ವಿಹಂಗಮ ನೋಟದ ಕೆರೆಯ ಸುತ್ತ ಜನರ ಚಿತ್ತ!

ಒಂದು ಕಡೆ ಮಕ್ಕಳ ಕಲರವ, ನೀರಿನಲ್ಲಿ ಅತ್ತಿತ್ತ ಈಜಾಡುತ್ತಾ ಸಂಭ್ರಮಿಸುವ ಪುಟಾಣಿಗಳು, ಮಳೆಯ ಬಿಡುವಿನ ಜೊತೆ ಶಾಲಾ ರಜೆ ಯ ಸಾಥ್.. ಸುಂದರ ವಿಹಂಗಮ ನೋಟದ ಕೆರೆಯ ಸುತ್ತ ಜನರ ಚಿತ್ತ…ಇದು ಪುಣ್ಯ ಪವಿತ್ರ ತೀರ್ಥ ಕೋಟಿತೀರ್ಥದಲ್ಲಿ ಪ್ರಸ್ತುತ ಕಂಡು ಬರುತ್ತಿರುವ ದೃಶ್ಯ….

Advertisement. Scroll to continue reading.

ಪೌರಾಣಿಕ ಹಿನ್ನೆಲೆಯುಳ್ಳ ಪವಿತ್ರ ಕೋಟಿತೀರ್ಥ ಮುಂಗಾರು ಪೂರ್ವದಲ್ಲಿ ಸುರಿದ ಮಳೆಯಿಂದ ನೀರು ತುಂಬಿದ್ದು ಸ್ವಚ್ಛಂದವಾಗಿ ಕಾಣುತ್ತಿದೆ.
ಇಲ್ಲಿ ಊರಿನ ಸುತ್ತಮುತ್ತಲಿನ ಮಕ್ಕಳು ಹಾಗೂ ಕೋಟಿತೀರ್ಥ ಕಟ್ಟೆಯ ಸುತ್ತಲಿನ ಪುಟ್ಟ ಮಕ್ಕಳು ಸಂಜೆ. ವೇಳೆ ಈಜಾಡಲು
ಬರುತ್ತಿದ್ದಾರೆ.

Advertisement. Scroll to continue reading.

ಹಲವರು ಈಜು ಕಲಿತವರು ಒಂದಷ್ಟು ಹೊತ್ತು ನೀರಿನಲ್ಲಿ ವಿಹರಿಸಲು ಬಂದರೆ ಉಳಿದ ಮಕ್ಕಳು ,ದೊಡ್ಡವರು ಸಹಿತ ಈಜಾಡುವುದನ್ನು ಕಲಿಯು ತ್ತಿದ್ದಾರೆ.

ಶನಿವಾರ ಮತ್ತು ರವಿವಾರ ರಜೆ ಇರುವ ಕಾರಣ ಈಜಾಡುವವರ ಹೆಚ್ಚಿನ ಸಂಖ್ಯೆಯಲ್ಲಿರುತ್ತಾರೆ,ಮಳೆಯ ಬಿಡುವು ಇರುವ ಕಾರಣ ಅನೂಕೂಲವಾಗಿದ್ದು, ಲೈಫ್ ಜಾಕೆಟ್ ಅಥವಾ ಮತ್ತಿತರ ಜೀವ ರಕ್ಷಕ ಪರಿಕರವನ್ನು ಅಳವಡಿಸಿಕೊಂಡು ಸುರಕ್ಷಿತವಾಗಿ ಈಜಾಡುತ್ತಿದ್ದು, ಮಕ್ಕಳ ಜೊತೆ ಪಾಲಕರು ಇದ್ದು ನಿಗಾ ವಹಿಸುತ್ತಿದ್ದಾರೆ .

ಕಳೆದ ಎರಡು ವರ್ಷದ ಹಿಂದೆ ಬೇಸಿಗೆಯಲ್ಲಿ ನೀರನ್ನು ಸಂಪೂರ್ಣ ಆರಿಸಿ ಸ್ವಚ್ಛಗೊಳಿಸಿದ ಬಳಿಕ ಸ್ಥಳೀಯ ಪಟ್ಟೆ ವಿನಾಯಕ ಗೆಳೆಯರ ಬಳಗದವರು ನಿರ್ವಹಿಸುತ್ತಿದ್ದು ಯಾವುದೇ ಕಸ ಕಡ್ಡಿಗಳಿಲ್ಲದೆ ಈಜಲು ಯೋಗ್ಯವಾಗಿದೆ.
ಒಟ್ಟಾರೆ ಮುಂಜಾನೆ ಧಾರ್ಮಿಕ ಕಾರ್ಯ ನಡೆಯುವ ಈ ಸ್ಥಳ ಸಂಜೆ ಈಜುಕೊಳದಂತೆ ಜನರ ಸಂಭ್ರಮ ಕಾಣುತ್ತಿದ್ದು, ಏಳು ಎಕರೆಗೂ ಹೆಚ್ಚು ವಿಸ್ತಾರವಿರುವ ಕೋಟಿ ತೀರ್ಥದಲ್ಲಿ ಜನರ ಜಲ ಸಾಹಸ ಎಲ್ಲರ ಗಮನ ಸೆಳೆಯುತ್ತಿದೆ .

Advertisement. Scroll to continue reading.