# Mobiletime.in

> Mobile Media Network LLP


## Posts

- [ಚಡ್ಡಿ ಧರಿಸಿ ಬಂದವ ಕತ್ತಿಗೆ ಕೈ ಹಾಕಿದ!](https://mobiletime.in/2025/10/the-one-who-came-wearing-shorts-put-his-hand-to-the-sword/): ಹೊನ್ನಾವರದಲ್ಲಿ ನಡೆದು ಹೋಗುತ್ತಿದ್ದ ವೃದ್ಧೆಯ ಮೇಲೆ ಕಣ್ಣು ಹಾಕಿದ ಕಳ್ಳನೊಬ್ಬ ಅವರ ಕತ್ತಿನಲ್ಲಿದ್ದ ಬಂಗಾರದ ಮಾಂಗಲ್ಯ ಸರ ಎಗರಸಿ ಪರಾರಿಯಗಿದ್ದು, ಆ ಅಪರಿಚಿತನಿಗಾಗಿ ಪೊಲೀಸರು ಶೋಧ ನಡೆಸಿದ್ದಾರೆ. ಅಕ್ಟೊಬರ್ 3ರ ಬೆಳಗ್ಗೆ ಹೊನ್ನಾವರ ಹೇರಂಗಡಿ ಗುಡ್ಡೆಕೇರಿಯ ಮಾದೇವಿ ರಾಮ ನಾಯ್ಕ (67) ಅವರು ತಮ್ಮ ಮನೆಯಾದ ಭಕ್ತಿನಹೊಂಡದ ಕಡೆ ನಡೆದು ಹೋಗುತ್ತಿದ್ದರು. ಬಿಳಿ ಬಣ್ಣದ ಅಂಗಿ-ಕಪ್ಪು ಬಣ್ಣದ ಚಡ್ಡಿ ಧರಿಸಿ ಬಂದ ಕಳ್ಳನೊಬ್ಬ ಅವರ ಕತ್ತಿನಲ್ಲಿದ್ದ 35 ಗ್ರಾಂ ಬಂಗಾರವನ್ನು ದೋಚಿದರು. 2.10 ಲಕ್ಷ ರೂ ಮೌಲ್ಯದ ಮಾಂಗಲ್ಯ ಕಳೆದುಕೊಂಡ ಅವರು ಬೊಬ್ಬೆ ಹಾಕಿದರೂ ಸಹ ಕಳ್ಳನನ್ನು ಹಿಡಿಯಲು ಆಗಲಿಲ್ಲ. ಕಳ್ಳನ ಚಹರೆ ವಿವರಿಸಿದ ಮಾದೇವಿ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ. ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸರಗಳ್ಳನ ಹುಡುಕಾಟ ನಡೆಸಿದ್ದಾರೆ. `ಬೆಲೆ ಬಾಳುವ ಆಭರಣಗಳನ್ನು ಕಳ್ಳರಿಗೆ ಕಾಣುವ ಹಾಗೇ ಪ್ರದರ್ಶಿಸಬೇಡಿ’ ಎಂದು ಮಾದೇವಿ ನಾಯ್ಕ ಅವರಿಗೆ ಪೊಲೀಸರು ತಿಳಿಸಿದರು.
- [ಪಾಲಕರ ನಿದ್ದೆಗೆಡಿಸಿದ ಭಯಾನಕ ಶಿಶು!](https://mobiletime.in/2025/10/a-terrifying-baby-that-woke-up-its-parents/): ಭಟ್ಕಳದಲ್ಲಿ ಜನಿಸಿದ ವಿಚಿತ್ರ ಮಗುವೊಂದು ಪಾಲಕರ ನಿದ್ದೆಗೆಡಿಸಿದೆ. ವೈದ್ಯರು ಸಹ ಮಗುವನ್ನು ನೋಡಿ ಅಚ್ಚರಿವ್ಯಕ್ತಪಡಿಸಿದ್ದಾರೆ. ಭಟ್ಕಳದ ಗರ್ಭಿಣಿಯೊಬ್ಬರು ಖಾಸಗಿ ನರ್ಸಿಂಗ್ ಹೋಂ’ಗೆ ನಿಯಮಿತ ಭೇಟಿ ನೀಡುತ್ತಿದ್ದರು. ಅಲ್ಲಿ ಅವರು ತಮ್ಮ ಆರೋಗ್ಯ ತಪಾಸಣೆ ನಡೆಸುತ್ತಿದ್ದು, ಮಗುವಿನ ಬೆಳವಣಿಗೆ ಸರಿಯಾಗಿಯೇ ಇತ್ತು. ಗರ್ಭಿಣಿಯ ಸ್ಕಾನಿಂಗ್ ಅಥವಾ ಇನ್ಯಾವುದೇ ಸಮಯದಲ್ಲಿ ಯಾವ ವಿಚಿತ್ರವೂ ಅರಿವಿಗೆ ಬರಲಿಲ್ಲ. ಅದೇ ಖಾಸಗಿ ನರ್ಸಿಂಗ್ ಹೋಂ’ನಲ್ಲಿ ಅವರು ಮೂರು ದಿನದ ಹಿಂದೆ ಮಗುವಿಗೆ ಜನ್ಮ ನೀಡಿದರು. ಆದರೆ, ಜನಿಸಿದ ಮಗು ಎಲ್ಲರಿಗಿಂತಲೂ ವಿಭಿನ್ನವಾಗಿತ್ತು. ಮಗುವಿನ ಸ್ವರ, ಅಳು ಸಾಮಾನ್ಯ ಶಿಶುಗಳ ಹಾಗೆಯೇ ಇದೆ. ಆದರೆ, ದೇಹದ ರೂಪ ಮಾತ್ರ ವಿಚಿತ್ರವಾಗಿದೆ. ಮೈಮೇಲಿನ ಚರ್ಮದ ಮೇಲೆ ಮತ್ತೊಂದು ರಕ್ಷಣಾ ಪರದೆ ಬೆಳೆದಿದ್ದು, ಆ ಹೆಣ್ಣು ಮಗುವನ್ನು ನೋಡಿದ ವೈದ್ಯರು ಸಹ ಅಚ್ಚರಿವ್ಯಕ್ತಪಡಿಸಿದ್ದಾರೆ. ಇನ್ನೂ ಆ ಮಗು ಇನ್ನಿತರ ಮಕ್ಕಳಿಗಿಂತಲೂ ದಷ್ಟಪುಷ್ಟವಾಗಿದೆ. ಆರೋಗ್ಯದಲ್ಲಿಯೂ ದೊಡ್ಡ ವ್ಯತ್ಯಾಸವಿಲ್ಲ. ಆ ಬಾಣಂತಿಯ ಮೂರನೇ ಮಗು ಇದಾಗಿದ್ದು, ಮೊದಲ ಎರಡು ಮಕ್ಕಳು ಸಹಜವಾಗಿದ್ದಾರೆ. ಸದ್ಯ ಆ ಮಗುವನ್ನು ಮಣಿಪಾಲ ಆಸ್ಪತ್ರೆಗೆ ಸಾಗಿಸಿ ಅಲ್ಲಿ ಆರೈಕೆ ಮಾಡಲಾಗುತ್ತಿದೆ.
- [ಸ್ಕೋಡ್‌ವೆಸ್ ಸಾರಥಿಗೆ ಹೊಸ ಜವಾಬ್ದಾರಿ](https://mobiletime.in/2025/10/new-responsibility-for-skodves-sarathi/): ಆರ್ಯಈಡಿಗ, ನಾಮಧಾರಿ, ಬಿಲ್ಲವ ಸಮುದಾಯದ ಗುರುಮಠವಾದ ಶ್ರೀರಾಮ ಕ್ಷೇತ್ರದ ಶಿರಸಿ ವಿಭಾಗಾಧ್ಯಕ್ಷರಾಗಿ ವೆಂಕಟೇಶ ಎಲ್ ನಾಯ್ಕ ಅವರು ನೇಮಕವಾಗಿದ್ದಾರೆ. ಸ್ಕೋಡ್‌ವೆಸ್ ಮೂಲಕ ಜನಸ್ನೇಹಿ ಕಾರ್ಯಕ್ರಮ ನಡೆಸುತ್ತಿರುವ ಅವರ ಸೇವೆ ಗಮನಿಸಿ ಬೃಹ್ಮಾನಂದ ಸರಸ್ವತೀ ಸ್ವಾಮೀಜಿ ಅವರು ವೆಂಕಟೇಶ ನಾಯ್ಕ ಅವರಿಗೆ ಈ ಜವಾಬ್ದಾರಿ ನೀಡಿದ್ದಾರೆ. ಶಿರಸಿಯ ಸುಪ್ರಿಯಾ ಇಂಟರ್‌ನ್ಯಾಷನಲ್ ಹೋಟೇಲಿನಲ್ಲಿ ಶನಿವಾರ ಬೃಹ್ಮಾನಂದ ಸರಸ್ವತೀ ಸ್ವಾಮೀಜಿಯವರ ಪಾದಪೂಜೆ ನಡೆಯಿತು. ವಿಶೇಷ ಅಭಿನಂದನಾ ಪಾದಪೂಜಾ ಸೇವಾ ಕಾರ್ಯಕ್ರಮದಲ್ಲಿ ವಿವಿಧ ತಾಲೂಕಿನ ಗಣ್ಯರು ಭಾಗವಹಿಸಿದ್ದರು. ಗುರು-ಹಿರಿಯರ ಸಮ್ಮುಖದಲ್ಲಿ ಸ್ವಾಮೀಜಿ ವೆಂಕಟೇಶ ನಾಯ್ಕ ಅವರಿಗೆ ಜವಾಬ್ದಾರಿ ನೀಡಿದರು. ಸಾಮಾಜಿಕ ಹಾಗೂ ಧಾರ್ಮಿಕ ಕ್ಷೇತ್ರಗಳಲ್ಲಿ ವೆಂಕಟೇಶ ನಾಯ್ಕ ಅವರು ಶ್ರಮಿಸುತ್ತಿದ್ದಾರೆ. ಅನೇಕ ಸಂಘ-ಸAಸ್ಥೆಗಳ ಅಭಿವೃದ್ಧಿಗಾರಿ ಅವರು ದುಡಿದಿದ್ದಾರೆ. ಇದೀಗ ಶಿರಸಿ, ಸಿದ್ದಾಪುರ, ಯಲ್ಲಾಪುರ, ಮುಂಡಗೋಡ, ಹಳಿಯಾಳ, ದಾಂಡೇಲಿ ವ್ಯಾಪ್ತಿಯಲ್ಲಿ ಸಮಾಜ ಮತ್ತು ಶ್ರೀ ರಾಮ ಕ್ಷೇತ್ರದ ಧಾರ್ಮಿಕ ಸಂಘಟನೆಯ ಹೊಣೆಯನ್ನು ಅವರು ಸಂತಸದಿAದ ಒಪ್ಪಿಕೊಂಡಿದ್ದಾರೆ. ಈ ವೇಳೆ ಶಿರಸಿ ತಾಲೂಕು ಆರ್ಯಈಡಿಗ, ನಾಮಧಾರಿ, ಬಿಲ್ಲವ ಅಭಿವೃದ್ಧಿ ಸಂಘದ ಅಧ್ಯಕ್ಷರಾಗಿ ಶಿರಸಿ-ಸಿದ್ದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ನೇಮಕವಾಗಿದ್ದಾರೆ. ಜೊತೆಗೆ ಸಿದ್ದಾಪುರದ ಕೆ ಜಿ. ನಾಯ್ಕ, ವಿ ಎನ್ ನಾಯ್ಕ, ಶಿರಸಿಯ ಗಣಪತಿ ನಾಯ್ಕ ದೇವಿಕೆರೆ, ಶ್ರೀನಿವಾಸ ನಾಯ್ಕ, ಆನಂದ ನಾಯ್ಕ, ನಾಗೇಶ ನಾಯ್ಕ, ಭಟ್ಕಳದ ಶ್ರೀಧರ ನಾಯ್ಕ, ಕೃಷ್ಣ ನಾಯ್ಕ, ಮೋಹನ್ ನಾಯ್ಕ, ಹೊನ್ನಾವರದ ಟಿ.ಟಿ. ನಾಯ್ಕ, ವಾಮನ ನಾಯ್ಕ, ಕುಮಟಾದ ಮಂಜುನಾಥ ನಾಯ್ಕ, ಹೆಚ್ ಆರ್ ನಾಯ್ಕ, ಅಂಕೋಲಾದ ನಾಗೇಶ ನಾಯ್ಕ, ಯಲ್ಲಾಪುರದ ನರಸಿಂಹ ನಾಯ್ಕ ಸೇರಿ ಅನೇಕರು ಶ್ರೀಗಳ ಆಶೀರ್ವಾದಪಡೆದರು.
- [ಎಲ್ಲರಿಗೂ ಗೊತ್ತಿರುವ ಕಳ್ಳ.. ಪೊಲೀಸರಿಗೆ ಮಾತ್ರ ಸಿಗುತ್ತಿಲ್ಲ!](https://mobiletime.in/2025/10/the-thief-everyone-knows-only-the-police-cant-find-him/): ಯಲ್ಲಾಪುರದ ಮಂಚಿಕೇರಿ ಹಾಗೂ ಸುತ್ತಲಿನ ಭಾಗದಲ್ಲಿ ಪದೇ ಪದೇ ಕಳ್ಳತನ ನಡೆಯುತ್ತಿದ್ದು, ಕಳ್ಳ ಯಾರು? ಎಂಬುದು ಎಲ್ಲರಿಗೂ ಗೊತ್ತಿದೆ. ಆದರೆ, ಪೊಲೀಸರ ಬಳಿ ಮಾತ್ರ ಆತನನ್ನು ಹಿಡಿಯಲು ಆಗುತ್ತಿಲ್ಲ! ಅನೇಕರು ತಮ್ಮಲ್ಲಿರುವ ಚಿನ್ನಾಭರಣಗಳನ್ನು ಸಾರ್ವಜನಿಕವಾಗಿ ಪ್ರದರ್ಶಿಸುತ್ತಿದ್ದಾರೆ. ಅಗತ್ಯವಿಲ್ಲದಿದ್ದರೂ ಅಂಥವುಗಳನ್ನು ಮೈಮೇಲೆ ಧರಿಸಿ ಎಲ್ಲಾ ಕಡೆ ಸುತ್ತಾಡುತ್ತಿದ್ದಾರೆ. `ಚಿನ್ನ ಹಾಗೂ ಬೆಲೆಬಾಳುವ ಆಭರಣಗಳನ್ನು ಬ್ಯಾಂಕ್ ಲಾಕರಿನಲ್ಲಿರಿಸಿ’ ಎಂದು ಪೊಲೀಸರು ಅರಿವು ಮೂಡಿಸಿದರೂ ಜನ ಜಾಗೃತರಾಗಿಲ್ಲ. ಹೀಗಾಗಿ ಒಂಟಿ ಮನೆ, ಚಿನ್ನಾಭರಣ ಧರಿಸುವ ಮಹಿಳೆಯರ ಮನೆಯನ್ನು ಗುರಿಯಾಗಿರಿಸಿಕೊಂಡ ವ್ಯಕ್ತಿಯೊಬ್ಬ ಪದೇ ಪದೇ ಕಳ್ಳತನ ಮಾಡಿ ಪರಾರಿಯಾಗುತ್ತಿದ್ದು, ಆತನನ್ನು ಬಂಧಿಸುವುದು ಮಾತ್ರ ಸವಾಲಾಗಿದೆ. ಏನೂ ಇಲ್ಲದ ಬಡವ ದಿಢೀರ್ ಶ್ರೀಮಂತನಾಗಿರುವುದು, ಐಷಾರಾಮಿ ಕಾರುಗಳಲ್ಲಿ ಓಡಾಡುವುದು ನೋಡಿದ ಜನ ಆತನೇ ಕಳ್ಳ ಎಂದು ಗುರುತಿಸಿದ್ದಾರೆ. ಸಿಸಿ ಕ್ಯಾಮರಾ ದಾಖಲೆಗಳಲ್ಲಿ ಸಹ ಆತ ಕಳ್ಳತನ ಮಾಡಿರುವುದು ಗೊತ್ತಾಗಿದೆ. ಆದರೆ, ಪೊಲೀಸರು ಬಂಧಿಸಲು ಹೋದಾಗ ಮಾತ್ರ ಆತ ಸಿಗುತ್ತಿಲ್ಲ. ಆಗಾಗ ಊರಿನಲ್ಲಿ ಕಾಣಿಸಿಕೊಳ್ಳುವ ಆ ಕಳ್ಳನ ಬಗ್ಗೆ ಜನ ಪೊಲೀಸರಿಗೆ ಮಾಹಿತಿ ನೀಡಿದರೂ ತಕ್ಷಣ ಕಾಡು ಸೇರುವ ಅವನ ಶೋಧ ಸಾಧ್ಯವಾಗುತ್ತಿಲ್ಲ. ಈ ಎಲ್ಲಾ ಹಿನ್ನಲೆ ಗ್ರಾಪಂ ಜನಪ್ರತಿನಿಧಿಗಳ ಒಕ್ಕೂಟದ ಜಿಲ್ಲಾಧ್ಯಕ್ಷ ಎಂ ಕೆ ಭಟ್ಟ ಯಡಳ್ಳಿ ಅವರು ಶನಿವಾರ ಪೊಲೀಸರ ಮೇಲೆ ತಮ್ಮ ಅಸಮಧಾನವ್ಯಕ್ತಪಡಿಸಿದರು. `ಯಲ್ಲಾಪುರ ಪೊಲೀಸರು ತುಂಬಾ ಒಳ್ಳೆಯವರಾದ ಕಾರಣದಿಂದಲೇ ಕಳ್ಳನನ್ನು ಹಿಡಿಯಲು ಆಗುತ್ತಿಲ್ಲ’ ಎಂಬ ಅರ್ಥದಲ್ಲಿ ಅವರು ಮಾತನಾಡಿದರು. ಕೊನೆಗೆ `ಯಲ್ಲಾಪುರದಲ್ಲಿ ಪೊಲೀಸ್ ಇಲಾಖೆ ನಿಷ್ಕ್ರಿಯವಾಗಿರುವಂತೆ ತೋರುತ್ತಿದೆ’ ಎಂಬ ಮಾತನ್ನು ಆಡಿದರು. ಕಳ್ಳರನ್ನು ಪತ್ತೆ ಹಚ್ಚದ ಕಾರಣ ಅನುಮಾನಗಳನ್ನುವ್ಯಕ್ತಪಡಿಸಿದರು. `ಯಲ್ಲಾಪುರ ಪಟ್ಟಣದಲ್ಲಿಯೂ ಕಳ್ಳತನವಾಗಿದೆ. ಇಡಗುಂದಿ, ಮಂಚಿಕೇರಿ, ಕುಂದರಗಿ ಭಾಗಗಳಲ್ಲಿ ಆಗಾಗ ಕಳ್ಳತನ ನಡೆಯುತ್ತಲೇ ಇದೆ. ಸಾರ್ವಜನಿಕರ ಸಹಕಾರ ಸಿಕ್ಕರೂ ಕಳ್ಳ ಮಾತ್ರ ಸಿಗುತ್ತಿಲ್ಲ. ಕಳೆದ ಮೂರು ತಿಂಗಳಿನಿAದ ಕಳ್ಳತನ ಪ್ರಕರಣ ಹೆಚ್ಚಾಗಿದ್ದು, ಕುಂದರಗಿಯಲ್ಲಿ ನಡೆದ ಸಭೆಯಲ್ಲಿ ಡಿ ವೈ ಎಸ್ ಪಿ ಗೀತಾ ಪಾಟೀಲ ಅವರು ೧೫ ದಿನಗಳ ಒಳಗೆ ಕಳ್ಳನನ್ನು ಹಿಡಿಯುವುದಾಗಿ ನೀಡಿದ ಭರವಸೆ ಸಹ ಈಡೇರಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಕಿರವತ್ತಿ, ಕುಂದುರ್ಗಿ ಯಲ್ಲಾಪುರದಲ್ಲಿ ಸಿಸಿ ಕ್ಯಾಮರಾಗಳಿವೆ. ಆದರೂ, ಕಳ್ಳನನ್ನು ಹಿಡಿಯಲು ಆಗಿಲ್ಲ. ಕಳ್ಳರ ಕಾಟ ಮಿತಿ ಮೀರಿದ್ದು, ಮುಂದಿನ ೧೦ ದಿನದಲ್ಲಿ ಆತನ ಬಂಧನ ಆಗದೇ ಇದ್ದರೆ ಪೊಲೀಸ್ ಠಾಣೆ ಎದುರು ಪ್ರತಿಭಟನೆ ಅನಿವಾರ್ಯ’ ಎಂದು ಎಚ್ಚರಿಸಿದರು. ಅಡ್ಡದಾರಿಗೆ ದೊಡ್ಡವರೇ ಮಾಲಕರು! `ಯಲ್ಲಾಪುರದಲ್ಲಿ ರಾಜಾರೋಷವಾಗಿ ಅಕ್ರಮ ಚಟುವಟಿಕೆಗಳು ನಡೆಯುತ್ತಿದೆ. ಅಕ್ರಮ ಸರಾಯಿ, ಗಾಂಜಾ ಮಾರಾಟದ ಬಗ್ಗೆ ಪೊಲೀಸರು ತಲೆಕೆಡಿಸಿಕೊಂಡಿಲ್ಲ. ಹಲವು ಕಡೆ ಗಣ್ಯರೇ ಅಕ್ರಮ ಚಟುವಟಿಕೆ ನಡೆಸುತ್ತಿದ್ದಾರೆ. ಪೊಲೀಸರ ದಕ್ಷತೆಗೆ ಪ್ರಭಾವಿಗಳು ಕಡಿವಾಣ ಹಾಕುತ್ತಿದ್ದಾರೆ’ ಎಂಬ ಅನುಮಾನವ್ಯಕ್ತಪಡಿಸಿದರು. ಈ ಒಕ್ಕೂಟದ ಪ್ರಮುಖರಾದ ಸತ್ಯನಾರಾಯಣ ಹೆಗಡೆ, ಕೆ ಟಿ ಹೆಗಡೆ, ಸದಾಶಿವ ಚಿಕ್ಕೋತ್ತಿ, ಸುಬ್ಬಣ್ಣ ಉದ್ದಾಬೈಲ್, ವಿಶ್ವೇಶ್ವರ ಏಕಾನ್, ಸುನಂದಾ ಮರಾಠಿ, ಪ್ರಕಾಶ ಶಾಪೂರಕರ್ ಇತರರು ಈ ಎಲ್ಲಾ ಮಾತಿಗೆ ಧ್ವನಿಗೂಡಿಸಿದರು.
- [ಎಮ್ಮೆ ಬದುಕಿತು.. ಸ್ಕೂಟಿ ಸವಾರ ಸಾವನಪ್ಪಿದ!](https://mobiletime.in/2025/10/the-buffalo-survived-the-scooty-rider-died/): ಶುಕ್ರವಾರ ಸಂಜೆ ದಾಂಡೇಲಿಯಲ್ಲಿ ಸ್ಕೂಟಿ ಸವಾರನೊಬ್ಬ ಎಮ್ಮೆಗೆ ಗುದ್ದಿದ್ದು, ಎಮ್ಮೆ ಪ್ರಾಣಾಪಾಯದಿಂದ ಪಾರಾಗಿದೆ. ಆದರೆ, ಆ ಅಪಘಾತದಲ್ಲಿ ಸ್ಕೂಟಿ ಸವಾರ ಬದುಕಲಿಲ್ಲ. ಭಾಷಾ ಸಾಬ್ ಸನದಿ (50) ಅವರು ಶುಕ್ರವಾರ ಸಂಜೆ ಸ್ಕೂಟಿ ಸವಾರಿ ನಡೆಸಿದ್ದರು. ದಾಂಡೇಲಿಯಿoದ ಹೊರಟ ಅವರು ಕುಳಗಿಗೆ ಹೋಗುವವರಿದ್ದರು. ಆದರೆ, ಕುಳಗಿ ತಲಪುವ ಮುನ್ನವೇ ಅವರ ಸ್ಕೂಟಿ ಅಪಘಾತಕ್ಕೀಡಾಯಿತು. ಈ ಮಾರ್ಗದ ರಸ್ತೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಜಾನುವಾರುಗಳ ಓಡಾಟವಿದ್ದರೂ, ಅದನ್ನು ಲೆಕ್ಕಿಸದೇ ಭಾಷಾ ಸಾಬ್ ಸನದಿ ಅವರು ಸ್ಕೂಟಿ ಓಡಿಸುತ್ತಿದ್ದರು. ಕುಳಗಿ ಸಮೀಪದಲ್ಲಿರುವಾಗಲೇ ಸ್ಕೂಟಿಯ ವೇಗವೂ ಜೋರಾಗಿದ್ದು ರಸ್ತೆಯಲ್ಲಿದ್ದ ಎಮ್ಮೆಗೆ ಆ ಸ್ಕೂಟಿ ಗುದ್ದಿತು. ಗುದ್ದಿದ ರಭಸಕ್ಕೆ ಸ್ಕೂಟಿ ಜೊತೆ ಭಾಷಾ ಸಾಬ್ ಸನದಿ ಅವರು ಬಿದ್ದು ಪೆಟ್ಟು ಮಾಡಿಕೊಂಡರು. ಅಲ್ಲಿಯೇ ಸಾವನಪ್ಪಿದರು. ಭಾಷಾ ಸಾಬ್ ಸನದಿ ಅವರು ಕುಳಗಿ ಗ್ರಾಮದವರಾಗಿದ್ದರು. ಸದ್ಯ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ. ದಾಂಡೇಲಿ ಗ್ರಾಮೀಣ ಠಾಣೆಯ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [2 ಲಕ್ಷ ರೂಪಾಯಿಗೆ ಇಲ್ಲ ವಾರಸುದಾರ!](https://mobiletime.in/2025/10/no-heir-for-2-lakh-rupees/): ಹಿಟ್ & ರನ್ ಪ್ರಕರಣದಲ್ಲಿ ಅಪರಿಚಿತ ವಾಹನ ಬಡಿದು ಸಾವನಪ್ಪಿದವರ ಸಂಬoಧಿಕರಿಗೆ ಸರ್ಕಾರ 2 ಲಕ್ಷ ರೂ ಪರಿಹಾರ ಕೊಡುತ್ತದೆ.  ಆದರೆ, ಯಲ್ಲಾಪುರದಲ್ಲಿ ನಡೆದ ಅಪರಿಚಿತ ವಾಹನ ಅಪಘಾತದಲ್ಲಿ ಅಪರಿಚಿತ ಭಿಕ್ಷುಕ ಸಾವನಪ್ಪಿದ್ದು, ಪರಿಹಾರಪಡೆಯಲು ಸಹ ಸಂಬoಧಿಕರು ಬಂದಿಲ್ಲ! ಕೆಲ ದಿನಗಳಿಂದ ಯಲ್ಲಾಪುರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ 70 ವರ್ಷದ ಭಿಕ್ಷುಕರೊಬ್ಬರು ಅಲೆದಾಡುತ್ತಿದ್ದರು. ಸೆಪ್ಟೆಂಬರ್ 15ರ ರಾತ್ರಿ 11 ಗಂಟೆಗೆ ಯಲ್ಲಾಪುರ ತೆಂಗಿನಗೇರಿ ಬಳಿ ವಾಹನವೊಂದು ಅವರಿಗೆ ಗುದ್ದಿತು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ಭಿಕ್ಷುಕನನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಯಿತು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಕಿಮ್ಸ್’ಗೆ ರವಾನಿಸಲಾಯಿತು. ಆದರೆ, ಅದರಿಂದ ಅಪರಿಚಿತ ಭಿಕ್ಷುಕನನ್ನು ಉಳಿಸಿಕೊಳ್ಳಲು ಆಗಲಿಲ್ಲ. ಅಪಘಾತಕ್ಕೆ ಕಾರಣವಾದ ವಾಹನವನ್ನು ಗುರುತಿಸಲು ಸಾಧ್ಯವಾಗಿಲ್ಲ. ಅಕ್ಟೊಬರ್ 2ರಂದು ಗಾಯಗೊಂಡಿದ್ದ ಭಿಕ್ಷುಕ ಸಾವನಪ್ಪಿದರು. ಭಿಕ್ಷುಕನ ಹೆಸರು-ವಿಳಾಸ ಹುಡುಕಲು ಪೊಲೀಸರು ಹರಸಾಹಸ ನಡೆಸಿದರು. ಭಿಕ್ಷುಕ ಸಾವನಪ್ಪಿದ ವಿಷಯ ಅವರ ಸಂಬAಧಿಕರಿಗೆ ಗೊತ್ತಾಗಲಿಲ್ಲ. ವಾರಸುದಾರರಿಗೂ ಆ ಬಗ್ಗೆ ಮಾಹಿತಿ ಸಿಗಲಿಲ್ಲ. ಹೀಗಾಗಿ ಭಿಕ್ಷುಕನಿಗೆ ಆದ ಅಪಘಾತ ಹಾಗೂ ಸಾವಿನ ಬಗ್ಗೆ ಯಾರೂಪೊಲೀಸ್ ದೂರು ನೀಡಿರಲಿಲ್ಲ. ಇದನ್ನು ಅರಿತ ತಟಗಾರ ಕ್ರಾಸಿನಲ್ಲಿರುವ ಕ್ರೇನ್ ಆಪರೇಟರ್ ಉಮ್ರಾನ್ ಸನದಿ ಅವರು ಭಿಕ್ಷುಕನಿಗೆ ಆದ ಅಪಘಾತ ಹಾಗೂ ಸಾವಿನ ಬಗ್ಗೆ ಪೊಲೀಸ್ ದೂರು ನೀಡಿದರು. ಸದ್ಯ ಯಲ್ಲಾಪುರ ಪೊಲೀಸರು ಭಿಕ್ಷುಕನ ವಾರಸುದಾರರ ಹುಡುಕಾಟ ನಡೆಸಿದ್ದಾರೆ. ಸಾವನಪ್ಪಿದ ಅಪರಿಚಿತ ಬಿಕ್ಷÄಕನ ಬಗ್ಗೆ ನಿಮಗೆನಾದರೂ ಗೊತ್ತಿದ್ದರೆ ಇಲ್ಲಿ ಫೋನ್ ಮಾಡಿ: 9480805257 ಅಥವಾ 9480805273
- [ಯಕ್ಷ ಕನ್ಯೆಗೆ ಸಂಕಟ-ಕ0ಟಕ!](https://mobiletime.in/2025/10/the-yaksha-maiden-is-in-trouble/): ಖ್ಯಾತ ಯಕ್ಷಗಾನ ತಾರೆ ಅಶ್ವಿನಿ ಕೊಂಡದಕುಳಿ ಅವರು ಇದೀಗ ವಿವಾದದ ಕೇಂದ್ರವಾಗಿದ್ದಾರೆ. ತಮ್ಮ ತಂದೆಯ ನಡೆಯನ್ನು ಸಮರ್ಥಿಸಿಕೊಳ್ಳುವ ಬರದಲ್ಲಿ ಅಶ್ವಿನಿ ಕೊಂಡದಕುಳಿ ಅವರು ಬೇರೆ ಕಲಾವಿದರ ಬಗ್ಗೆ ಹಗುರವಾಗಿ ಮಾತನಾಡಿದ್ದಾರೆ. ಅದರಲ್ಲಿಯೂ `ಯಕ್ಷಗಾನ ಚೌಕಿಯಲ್ಲಿ ಹೆಣ್ಣು ಮಕ್ಕಳನ್ನು ಕೆಟ್ಟದಾಗಿ ನೋಡುತ್ತಾರೆ’ ಎಂಬರ್ಥದಲ್ಲಿ ಅಶ್ವಿನಿ ಅವರು ಮಾತನಾಡಿದ್ದು, ಈ ಮಾತನ್ನು ಇನ್ನಿತರ ಪ್ರಸಿದ್ಧ ಕಲಾವಿದರು ಸಹಿಸಿಕೊಂಡಿಲ್ಲ. ಅಶ್ವಿನಿ ಕೊಂಡದಕುಳಿ ಅವರು ಪ್ರಸಿದ್ಧ ಯಕ್ಷ ನಟ ಕೊಂಡದಕುಳಿ ರಾಮಚಂದ್ರ ಹೆಗಡೆ ಅವರ ಪುತ್ರಿ. ಬಾಲ್ಯದಿಂದಲೂ ಯಕ್ಷಗಾನದ ಬಗ್ಗೆ ಅಪಾರ ಆಸಕ್ತಿಹೊಂದಿರುವ ಅಶ್ವಿನಿ ಅವರಿಗೆ ಈ ಕಲೆ ರಕ್ತಗತವಾಗಿ ಬಂದಿದೆ. ಹುಟ್ಟಿನಿಂದಲೇ ತಂದೆಯ ಪಾತ್ರ ನೋಡಿ ಬೆಳೆದ ಅವರು ಸಹಜವಾಗಿ ಯಕ್ಷಗಾನವನ್ನು ರೂಢಿಸಿಕೊಂಡರು. ಪುರುಷರೇ ಪ್ರಧಾನವಾಗಿದ್ದ ಯಕ್ಷಗಾನ ವೇದಿಕೆಯಲ್ಲಿ ತಮ್ಮ ಹೆಜ್ಜೆ ಮೂಡಿಸಿದರು. ತಮ್ಮ ಜೀವನ ಸಂಗಾತಿಯ ಆಯ್ಕೆಯಲ್ಲಿಯೂ ಅವರು ಕಲಾವಿದರಿಗೆ ಆದ್ಯತೆ ನೀಡಿದ್ದು, ಯಕ್ಷ ಕಲಾವಿದ ಕಡಬಾಳ ಉದಯ ಹೆಗಡೆ ಅವರನ್ನು ವರಿಸಿದರು. ಅವರು ಯಕ್ಷಗಾನದ ಜೊತೆ ಅವರು ವಿವಿಧ ಬಗೆಯ ಸಾಮಾಜಿಕ ಸೇವೆ, ಜನಪರ ಕಾಳಜಿಯನ್ನು ಹೊಂದಿದ್ದಾರೆ. ಬಡ ಕಲಾವಿದರಿಗೆ ನೆರವು ನೀಡಿದ ನೂರಾರು ಉದಾಹರಣೆಗಳಿವೆ. ಆದರೆ, ಈವರೆಗೂ ಅಶ್ವಿನಿ ಕೊಂಡದಕುಳಿ ಅವರ ವಿರುದ್ಧ ಅಂಥ ಆರೋಪ-ಅಪಸ್ವರಗಳು ಕೇಳಿಬಂದಿರಲಿಲ್ಲ. ಇದೇ ಮೊದಲ ಬಾರಿ ಅವರು ಆಡಿದ ಮಾತಿನ ವಿರುದ್ಧ ಕಲಾವಿದರೇ ಬೇಸರಿಸಿಕೊಂಡಿದ್ದು, ಕೆಲವರು `ಅಶ್ವಿನಿ ಅವರ ಜೊತೆಗೂಡಿ ಇನ್ಯಾವಾಗಲೂ ರಂಗ ಪ್ರವೇಶ ಮಾಡುವುದಿಲ್ಲ’ ಎಂದು ಶಪಥ ಮಾಡಿದ್ದಾರೆ. `ಅಶ್ವಿನಿ ಅವರು ಕ್ಷಮೆ ಕೇಳಿದರೂ ಸಹ ಅವರನ್ನು ಕ್ಷಮಿಸುವುದಿಲ್ಲ’ ಎಂದಿದ್ದಾರೆ. ಅಶ್ವಿನಿ ಕೊಂಡದಕುಳಿ ಅವರ ತಂದೆ ರಾಮಚಂದ್ರ ಹೆಗಡೆ ಅವರ `ಯಕ್ಷಚಂದ್ರ’ ಕೃತಿ ಬಿಡುಗಡೆ ಕಾರ್ಯಕ್ರಮ ಈ ವಿವಾದದ ಮೂಲವಾಗಿದೆ. ಯಕ್ಷಚಂದ್ರ ಕೃತಿಯಲ್ಲಿ ಸಹ ವಿವಿಧ ಕಲಾವಿದರ ಬಗ್ಗೆ ಹಗುರವಾಗಿ ಬಿಂಬಿಸಿದ ಆರೋಪಗಳಿವೆ. ಬೆಂಗಳೂರಿನಲ್ಲಿ ನಡೆದ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಅಶ್ವಿನಿ ಕೊಂಡದಕುಳಿ ಅವರು ಪುರುಷ ಕಲಾವಿದರ ನಡತೆಯ ಬಗ್ಗೆ ಭಾಷಣ ಮಾಡಿದ್ದು, `ನನ್ನ ತಂದೆ ಅಂಥವರಲ್ಲ’ ಎಂದಿದ್ದಾರೆ. ಇದಕ್ಕೆ ಪ್ರತಿಯಾಗಿ `ರಾಮಚಂದ್ರ ಹೆಗಡೆ ಸಹ ಸಂಭಾವಿತರಲ್ಲ’ ಎಂದು ಯಕ್ಷಗಾನ ಅಕಾಡೆಮಿ ಸದಸ್ಯ ವಿದ್ಯಾದರ ಜಲವಳ್ಳಿ ಅವರು ಪ್ರತಿಕ್ರಿಯಿಸಿದ್ದಾರೆ. `ಚೌಕಿಮನೆಯಲ್ಲಿ ಸ್ತ್ರೀ ಕಲಾವಿದರ ಬಗ್ಗೆ ಕೀಳಾಗಿ ಮಾತನಾಡುತ್ತಾರೆ’ ಎಂಬುದು ಅಶ್ವಿನಿ ಕೊಂಡದಕುಳಿ ಅವರ ಅನುಭವ. `ಚೌಕಿಮನೆಯಲ್ಲಿ ಯಾರೂ ಮಹಿಳಾ ಕಲಾವಿದರ ಬಗ್ಗೆ ಕಟ್ಟದಾಗಿ ಮಾತನಾಡುವುದಿಲ್ಲ. ಅಶ್ವಿನಿ ಕೊಂಡದಕುಳಿ ಅವರನ್ನು ಸಹ ಎಲ್ಲರೂ ತಂಗಿಯ ರೀತಿ ನೋಡಿದ್ದೇವೆ’ ಎಂಬುದು ನೀಲಕೋಡ ಶಂಕರ ಹೆಗಡೆ ಅವರ ಸಮರ್ಥನೆ. `ಯಕ್ಷಗಾನದ ಮೇರು ನಟರಾದ ಚಿಟ್ಟಾಣಿ ರಾಮಚಂದ್ರ ಹೆಗಡೆ, ಶಂಬು ಹೆಗಡೆ ಕೆರೆಮನೆ, ಚಿನ್ನಪ್ಪ ಶೆಟ್ಟಿ, ಯಲಗುಪ್ಪಾ ಸುಬ್ರಹ್ಮಣ್ಯ ಹೆಗಡೆ ಹಾಗೂ ವಿದ್ಯಾದರ ಜಲವಳ್ಳಿ ಅವರ ಬಗ್ಗೆ ಯಕ್ಷಚಂದ್ರ ಕೃತಿಯಲ್ಲಿ ತಪ್ಪಾಗಿ ಬಿಂಬಿಸಲಾಗಿದೆ. ಜಲವಳ್ಳಿ ವೆಂಕಟೇಶ ರಾವ್ ಅವರ ಬಗ್ಗೆ ಒಂದು ಕಡೆ ಹೊಗಳಿ, ಮತ್ತೊಂದು ಕಡೆ ಅವಹೇಳನ ಮಾಡಲಾಗಿದೆ. ಕೊಳಗಿಬೀಸ್ ಹಾಗೂ ಬೆಂಗಳೂರಿನ ರವೀಂದ್ರ ಕಲಾ ಕ್ಷೇತ್ರದಲ್ಲಿ ಕೊಂಡದಕುಳಿ ರಾಮಚಂದ್ರ ಹೆಗಡೆ ಅವರು ಮಾಡಿದ ತಪ್ಪಿನಿಂದ ಪ್ರೇಕ್ಷಕರು ಮುಜುಗರಕ್ಕೆ ಒಳಗಾಗಿದ್ದು, ಕೃತಿಯಲ್ಲಿ ಅದನ್ನು ತಿರುಚಲಾಗಿದೆ’ ಎಂಬುದು ವಿದ್ಯಾದರ ಜಲವಳ್ಳಿ ಅವರ ಮಾತು. `ಕೃತಿಗಳು ದಾಖಲೆ ರೂಪದಲ್ಲಿ ಶಾಶ್ವತವಾಗಿರುವುದರಿಂದ ಅದರಲ್ಲಿ ತಪ್ಪು ಸಂದೇಶ ಹೋಗಬಾರದು’ ಎಂದವರು ಹೇಳುತ್ತಾರೆ. ಹೀಗಾಗಿ `ಯಕ್ಷಚಂದ್ರ ಕೃತಿಯನ್ನು ಹಿಂಪಡೆಯಬೇಕು. ಇಲ್ಲವಾದಲ್ಲಿ ಕಾನೂನು ಮೊರೆ ಹೋಗುವುದು ಅನಿವಾರ್ಯ’ ಎಂದು ಎಚ್ಚರಿಸಿದ್ದಾರೆ.
- [2025 ಅಕ್ಟೋಬರ್ 04ರ ದಿನದ ಭವಿಷ್ಯ](https://mobiletime.in/2025/10/prediction-for-october-04-2025/): ಮೇಷ ರಾಶಿ: ನಿಮ್ಮ ಕೆಲಸ ಕಾರ್ಯಗಳನ್ನು ಶುರು ಮಾಡಲು ಅನುಕೂಲಕರವಾದ ದಿನ. ಆರೋಗ್ಯದಲ್ಲಿ ಕೊಂಚ ಏರುಪೇರಾಗುವ ಸಾಧ್ಯತೆಗಳಿವೆ. ಸಮತೋಲನದ ಆಹಾರ ಪದ್ಧತಿ ಅನುಸರಿಸಿ. ವೃಷಭ ರಾಶಿ: ಹೊಸ ಸ್ನೇಹಿತರ ಭೇಟಿ ಆಗಲಿದೆ. ವ್ಯಾಪಾರ-ವಹಿವಾಟುಗಳು ಸರಾಗವಾಗಿ ಸಾಗಲಿದೆ. ಆರೋಗ್ಯದ ವಿಷಯದಲ್ಲಿ ಕಾಳಜಿವಹಿಸುವುದು ಮುಖ್ಯ. ಮಿಥುನ ರಾಶಿ: ಸಾಮಾಜಿಕ ಕ್ಷೇತ್ರದಲ್ಲಿ ನಿಮಗೆ ಹೆಚ್ಚು ಗೌರವ ಸಿಗಲಿದೆ. ಆಯಾಸ ಆದಾಗ ಇನ್ನಷ್ಟು ದುಡಿಯುವ ಬದಲು ಕೆಲ ಕಾಲ ವಿಶ್ರಾಂತಿಪಡೆಯಿರಿ. ನಿಮ್ಮ ಯೋಜನೆಗಳು ಕಾರ್ಯರೂಪಕ್ಕೆ ಬರಲಿದೆ. ಕರ್ಕ ರಾಶಿ: ನಿಮ್ಮ ವೃತ್ತಿ ಬೆಳವಣಿಗೆಗೆ ಉತ್ತಮ ಅವಕಾಶ ಬರಲಿದ್ದು, ಅದನ್ನು ಸರಿಯಾಗಿ ಬಳಸಿಕೊಳ್ಳಿ. ಮೇಲಧಿಕಾರಿಗಳ ಮುಂದೆ ಚಂಚಲತೆಯಿAದ ವರ್ತಿಸಬೇಡಿ. ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದರಿಂದ ಶ್ರೇಯಸ್ಸು ಹೆಚ್ಚಲಿದೆ. ಸಿಂಹ ರಾಶಿ: ನಿಮ್ಮ ನಾಯಕತ್ವ ಗುಣದ ಬಗ್ಗೆ ಮೆಚ್ಚುಗೆವ್ಯಕ್ತವಾಗಲಿದೆ. ಹಣಕಾಸು ವಿಷಯ ನಿರ್ವಹಣೆಯಲ್ಲಿ ಶಿಸ್ತು ರೂಡಿಸಿಕೊಳ್ಳಿ. ನಿಮ್ಮೊಳಗಿನ ಪ್ರತಿಭೆಯನ್ನು ಸರಿಯಾಗಿ ಬಳಸಿಕೊಂಡರೆ ಯಶಸ್ಸು ಖಚಿತ. ಕನ್ಯಾ ರಾಶಿ: ನಿಮ್ಮ ಕೆಲಸದಲ್ಲಿ ಹೆಚ್ಚಿನ ಹೊಣೆಗಾರಿಕೆ ಬರಲಿದೆ. ಆತ್ಮ ವಿಶ್ವಾಸದಿಂದ ಮಾಡುವ ಕೆಲಸ ಯಶಸ್ಸಿಗೆ ಕಾರಣವಾಗಲಿದೆ. ಹೊಸ ಯೋಜನೆಗಳು ಕಾರ್ಯರೂಪಕ್ಕೆ ತರಲು ಸಕಾಲ. ತುಲಾ ರಾಶಿ: ಆಪ್ತರ ಜೊತೆ ಸಮಾಲೋಚನೆಯಿಂದ ಸ್ನೇಹ ಗಟ್ಟಿ ಆಗಲಿದೆ. ಹೊಸ ವಿಷಯಗಳು ನಿಮ್ಮನ್ನು ಆವರಿಸಲಿದೆ. ಜೀವನದಲ್ಲಿ ಸಾರ್ಥಕ ಮನೋಭಾವವನ್ನು ತಾಳಲಿದ್ದೀರಿ. ವೃಶ್ಚಿಕ ರಾಶಿ: ಸಂಕಟ ಹಾಗೂ ಸವಾಲುಗಳನ್ನು ನೀವು ಸಮರ್ಥವಾಗಿ ಎದುರಿಸುತ್ತೀರಿ. ನಿಮ್ಮ ಮನಸ್ಸಿನಲ್ಲಿ ದೃಢವಾದ ವಿಷಯ ಬೇರೂರಲಿದೆ. ಪ್ರೀತಿ-ಪ್ರೇಮದ ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ಧನು ರಾಶಿ; ಹೊಸ ಅವಕಾಶಗಳಿಗಾಗಿ ಪ್ರಯಾಣದ ಸಾಧ್ಯತೆಗಳಿವೆ. ನಿಮ್ಮ ಓದು-ಅಧ್ಯಯನ ಭವಿಷ್ಯದಲ್ಲಿ ಉಪಯೋಗಕ್ಕೆ ಬರಲಿದೆ. ಉತ್ತಮ ಸಂವಹನ ನಿಮಗೆ ಪ್ರಯೋಜನಕಾರಿ. ಮಕರ: ಕೆಲಸದ ವಿಷಯದಲ್ಲಿ ದೊಡ್ಡ ಸಾಧನೆ ಸಾಧ್ಯವಿದೆ. ಕುಟುಂಬದವರ ಜೊತೆ ಒಗ್ಗಟ್ಟಿನಿಂದ ಕೆಲಸ ಮಾಡಿದರೆ ಉತ್ತಮ. ಹೊಸ ತಂತ್ರಗಳನ್ನು ಅನುಸರಿಸುವುದು ಅನಿವಾರ್ಯವಾಗಲಿದೆ. ಕುಂಭ ರಾಶಿ: ನಿಮ್ಮ ಆರೋಗ್ಯದಲ್ಲಿ ಚೇತರಿಕೆ ಆಗಲಿದ್ದು, ಇಡೀ ದಿನ ಉತ್ಸಾಹದಿಂದ ಕೂಡಿರಲಿದೆ. ಆರ್ಥಿಕ ವಿಷಯಗಳು ಪ್ರಗತಿ ಕಾಣಲಿದೆ. ಕನಸಿನ ಯೋಜನೆಗಳು ಯಶಸ್ಸು ಕೊಡಲಿದೆ. ಮೀನ ರಾಶಿ: ಆರೋಗ್ಯದಲ್ಲಿ ವ್ಯತ್ಯಾಸವಾದರೆ ನೀವೇ ಚಿಕಿತ್ಸೆಪಡೆಯುವ ಬದಲು ವೈದ್ಯರನ್ನು ಭೇಟಿ ಮಾಡಿ. ಕುಟುಂಬದವರ ಜೊತೆ ಕೋಪ ಮಾಡಿಕೊಳ್ಳುವುದು ಒಳ್ಳೆಯದಲ್ಲ. ಜೂಜಾಟಗಳಿಂದ ದೂರವಿರುವುದು ಉತ್ತಮ.
- [ದಿನವೂ ದುಡಿದು ತಿನ್ನುವವರಿಗೆ ಜೂಜಾಟದ ಚಟ!](https://mobiletime.in/2025/10/gambling-addiction-for-those-who-work-hard-every-day/): ಶಿರಸಿಯ ರವೀಶ ನಾಯ್ಕ ಅವರ ಮನೆಗೆ ಹೋಗುವ ದಾರಿಯಲ್ಲಿ ಅಂದರ್ ಬಾಹರ್ ಆಡುತ್ತಿದ್ದವರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಈ ವೇಳೆ ಕೂಲಿ ಕಾರ್ಮಿಕ, ಹಣ್ಣಿನ ಅಂಗಡಿ ಮಾಲಕ, ಕಟ್ಟಡ ಕಾರ್ಮಿಕ, ಪೆಂಡಾಲ್ ಕೆಲಸಗಾರ ಸೇರಿ ಆರು ಜನ ಸಿಕ್ಕಿಬಿದ್ದಿದ್ದಾರೆ. ಸೆಪ್ಟೆಂಬರ್ 1ರ ರಾತ್ರಿ ಶಿರಸಿ ಮೇಲಿನ ಓಣಿಕೇರಿ ಮಂಗನಮಕ್ಕಿ ಬಳಿ ಕೆಲವರು ಅಂದರ್ ಬಾಹರ್ ಆಡುತ್ತಿದ್ದರು. ಈ ವಿಷಯ ಅರಿತ ಶಿರಸಿ ಗ್ರಾಮೀಣ ಪೊಲೀಸ್ ಠಾಣೆಯ ಪಿಎಸ್‌ಐ ಸಂತೋಷಕುಮಾರ ಎಂ ಅವರು ತಮ್ಮ ಸಿಬ್ಬಂದಿ ಜೊತೆ ಅಲ್ಲಿಗೆ ಹೋದರು. ಆಗ ಮಂಗನಮಕ್ಕಿ ಕಾನಮೂಲೆಯಲ್ಲಿ ಪೆಂಡಾಲ್ ಕೆಲಸ ಮಾಡುವ ರವೀಶ ಮಾಸ್ತಿ ನಾಯ್ಕ ಅವರು ಇಸ್ಪಿಟ್ ಆಡಿಸುತ್ತಿದ್ದರು. ಕಕ್ಕಳ್ಳಿ ಶಿರಗುಣಿಯ ಅಣ್ಣಪ್ಪ ಪುಟ್ಟ ಗೌಡ, ಇಂದಿರಾನಗರದ ಬಳಿಯ ಕನವಳ್ಳಿಯ ಹಣ್ಣಿನ ವ್ಯಾಪಾರಿ ನದೀಮ್ ನಹಿಮ್, ಕನವಳ್ಳಿಯ ಗೌಂಡಿ ಸರ್ಫರಾಜ ಹಸನಸಾಬ್ ಶೇಖ್ ವಾನಳ್ಳಿಯ ಕೂಲಿ ಕಾರ್ಮಿಕ ಮಂಜಾ ಸರವ್ ಗೌಡ ಹಾಗೂ ವಾನಳ್ಳಿಯ ಚಂದ್ರಶೇಖರ ರಾಮ ಶೇರುಗಾರ ಅವರು ಇಸ್ಪಿಟ್ ಎಲೆಗಳ ಜೊತೆ ದುಡ್ಡು ಹರಡಿ ಕೂತಿದ್ದರು. ಪಿಎಸ್‌ಐ ಸಂತೋಷಕುಮಾರ ಎಂ ಅವರು ಆ ಎಲ್ಲರ ಮೇಲೆ ದಾಳಿ ನಡೆಸಿದರು. ಈ ವೇಳೆ ಅಲ್ಲಿದ್ದ ಇಸ್ಪಿಟ್ ಎಲೆ, 6420ರೂ ಹಣ ಸಿಕ್ಕಿತು. ಜೊತೆಗೆ ಇಸ್ಪಿಟ್ ಆಟಕ್ಕೆ ಬಳಸಿದ್ದ ಸಾಮಗ್ರಿಗಳನ್ನು ಪೊಲೀಸರು ವಶಕ್ಕೆಪಡೆದರು. ಕಾನೂನುಬಾಹಿರ ಆಟ ಆಡಿದ ಕಾರಣ ಅವರೆಲ್ಲರ ವಿರುದ್ಧ ಪ್ರಕರಣ ದಾಖಲಿಸಿದರು.    
- [ಜನರಿಗೆ ದೂರವಾರ ಗ್ರಾ ಪಂ ಕಚೇರಿ: ಪ್ರತಿಭಟನೆ!](https://mobiletime.in/2025/10/gram-panchayat-office-closed-to-the-public-protest/): ಮಳೆಗಾಲದ ಅವಧಿಯಲ್ಲಿ ಹೊನ್ನಾವರದ ಕೋಡಾಣಿ ಗ್ರಾಮ ಪಂಚಾಯತ ಕಚೇರಿಯನ್ನು ತಾತ್ಕಾಲಿಕವಾಗಿ ಬೇರೆ ಕಡೆ ಸ್ಥಳಾಂತರ ಮಾಡಲಾಗಿದ್ದು, ನೀಡಿದ ಭರವಸೆಯಂತೆ ಈವರೆಗೂ ಗ್ರಾ ಪಂ ಕಚೇರಿ ಮೂಲ ಕಟ್ಟಡಕ್ಕೆ ಮರಳಿಲ್ಲ. ಈ ಹಿನ್ನಲೆ ಆ ಭಾಗದ ಜನ ಶುಕ್ರವಾರ ಪ್ರತಿಭಟನೆ ನಡೆಸಿದ್ದಾರೆ. ಕೊಡಾಣಿ ಗ್ರಾಪಂ ಕಾರ್ಯಾಲಯವನ್ನು ಸೆಪ್ಟೆಂಬರ್ 30ರ ಒಳಗೆ ಮೂಲ ಕಟ್ಟಡಕ್ಕೆ ಸ್ಥಳಾಂತರಿಸುವ ಬಗ್ಗೆ ಭರವಸೆ ನೀಡಲಾಗಿತ್ತು. ಜೂನ್ 18ರಂದು ನಡೆದ ಸಭೆಯಲ್ಲಿ ಹೊಸ ಕಚೇರಿ ತಾತ್ಕಾಲಿಕ ಎಂದು ಅಧಿಕಾರಿಗಳು ಹೇಳಿದ್ದು, ಅವರು ನುಡಿದಂತೆ ನಡೆಯಲಿಲ್ಲ. ಸೆಪ್ಟೆಂಬರ್ 30ರ ಅವಧಿ ಮುಗಿದರೂ ಕಚೇರಿ ಮೊದಲಿದ್ದ ಸ್ಥಳಕ್ಕೆ ಬಂದಿಲ್ಲ. ಈ ಹಿನ್ನಲೆ ಗ್ರಾಮದ ಜನ ಆಕ್ರೋಶವ್ಯಕ್ತಪಡಿಸಿದರು. ಪ್ರತಿಭಟನೆ ವೇಳೆ ತಾಪಂ ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ಗ್ರಾಪಂ ಪಿಡಿಓ ಕಚೇರಿ ಬಳಿ ಇಲ್ಲದ ಕಾರಣ ಘೋಷಣೆ ಕೂಗಿದರು. ಪಿಡಿಒ ಉದ್ದೇಶ ಪೂರ್ವಕವಾಗಿ ರಜೆ ಹಾಕಿದ್ದಾರೆ ಎಂದು ದೂರಿದರು. ಕೂಡಲೇ ಮೂಲ ಸ್ಥಳಕ್ಕೆ ಕಚೇರಿ ಸ್ಥಳಾಂತರ ಮಾಡದಿದ್ದರೆ ಗ್ರಾಮ ಪಂಚಾಯತ್ ಕಚೇರಿಯಲ್ಲಿಯೇ ಪ್ರತಿಭಟನೆ ಮುಂದುವರಿಸುವುದಾಗಿ ಗ್ರಾಪಂ ಸದಸ್ಯ ಜಯಂತ ನಾಯ್ಕ ಅವರು ಎಚ್ಚರಿಸಿದರು. ಸ್ಥಳಕ್ಕೆ ಆಗಮಿಸಿದ ತಾಪಂ ಆಡಳಿತಾಧಿಕಾರಿ ಎನ್ ಆರ್. ಹೆಗಡೆ ಅವರು, `ಮೂಲ ಕಟ್ಟಡದ ಸ್ಥಳ ಪರಿಶೀಲನೆ ಮಾಡಿ ವರದಿ ನೀಡುವಂತೆ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಗೆ ಪತ್ರ ಬರೆಯಲಾಗುತ್ತದೆ. ಸೋಮವಾರದೊಳಗೆ ನಿರ್ಣಯ ತೆಗೆದುಕೊಳ್ಳಲಾಗುವುದು’ ಎಂಬ ಭರವಸೆ ನೀಡಿದರು. ಹೀಗಾಗಿ ಪ್ರತಿಭಟನಾಕಾರರು ಸುಮ್ಮನಾದರು.
- [ಮುಂಡಗೋಡ: ನೋಂದಣಾಧಿಕಾರಿಗಳಿಗೆ ನಡುಕ ಹುಟ್ಟಿಸಿದ ಯೂಟೂಬರ್ ಮುಕೆಳೆಪ್ಪ!](https://mobiletime.in/2025/10/mundagoda-youtuber-mukelappa-has-left-the-registrars-in-awe/): ನಕಲಿ ವಿಳಾಸ ದಾಖಲೆ ನೀಡಿ ಮುಂಡಗೋಡದಲ್ಲಿ ಮದುವೆಯಾದ ಯೂಟೂಬರ್ ಮುಕಳೆಪ್ಪ ಮಾಡಿದ ಅವಾಂತರಕ್ಕೆ ಅಲ್ಲಿನ ನೋಂದಣಾಧಿಕಾರಿ-ಸಿಬ್ಬoದಿ ಬೆದರಿದ್ದಾರೆ. ಹೀಗಾಗಿ ನೋಂದಣಾಧಿಕಾರಿ ಕಚೇರಿಗೆ ಬೀಗ ಹಾಕಿ ಅಲ್ಲಿನವರು ಹೋಗಿದ್ದು, ಈ ದಿನ ಬೇರೆ ತಾಲೂಕಿನ ಅಧಿಕಾರಿಗಳು ಆಗಮಿಸಿ ಜನರ ಕೆಲಸ ಶುರು ಮಾಡಿದ್ದಾರೆ. ನಕಲಿ ದಾಖಲೆ ನೀಡಿ ವಿವಾಹ ನೋಂದಣಿ ಮಾಡಿದ ಕಾರಣ ಉಪನೋಂದಣಿ ಅಧಿಕಾರಿ ಮತ್ತು ಅಲ್ಲಿನ ಸಿಬ್ಬಂದಿ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಾಗಿತ್ತು. ಸೆಪ್ಟೆಂಬರ್ 22ರಂದು ಪ್ರಕರಣ ದಾಖಲಾಗಿದ್ದು, ಸೆಪ್ಟೆಂಬರ್ 24ರಂದು ಅಧಿಕಾರಿ-ಸಿಬ್ಬಂದಿ ನಾಪತ್ತೆ ಆಗಿದ್ದರು. ಹೀಗಾಗಿ ನೋಂದಣಾಧಿಕಾರಿ ಕಚೇರಿ ಬಾಗಿಲು ತೆರೆಯುವವರು ಸಹ ಇರಲಿಲ್ಲ. ಇದರಿಂದ ಸಾರ್ವಜನಿಕ ಕೆಲಸಗಳಿಗೆ ಸಮಸ್ಯೆ ಆಗುತ್ತಿದ್ದು, ಈ ದಿನ ಯಲ್ಲಾಪುರ ಮತ್ತು ಸಿದ್ದಾಪುರ ಉಪನೋಂದಣಿ ಕಚೇರಿಯ ಸಿಬ್ಬಂದಿ ಆಗಮಿಸಿ ಬಾಗಿಲು ತೆರೆದರು. ಏಕಾಏಕಿ ಅಧಿಕಾರಿ ಹಾಗೂ ಸಿಬ್ಬಂದಿ ರಜೆ ಮಾಡಿದ್ದರಿಂದ ಜನ ಸಮಸ್ಯೆ ಅನುಭವಿಸಿದ್ದರು. ಸರ್ಕಾರಿ ಸಿಬ್ಬಂದಿ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದರು. ಈ ಹಿನ್ನಲೆ ಸದ್ಯ ಯಲ್ಲಾಪುರ ಹಾಗೂ ಸಿದ್ದಾಪುರ ಉಪನೋಂದಣಿ ಕಚೇರಿಯ ಸಿಬ್ಬಂದಿಯನ್ನು ಮುಂಡಗೋಡಿಗೆ ನಿಯೋಜಿಸಲಾಗಿದೆ.
- [ಬಾವಿಯಲ್ಲಿ ಸಿಕ್ಕಿತು ವಿನಾಯಕನ ಶವ](https://mobiletime.in/2025/10/vinayaks-body-found-in-a-well/): 20 ವರ್ಷಗಳಿಂದ ಒಂಟಿಯಾಗಿ ಬದುಕುತ್ತಿದ್ದ ಕುಮಟಾ ಉಪ್ಪಾರಕೇರಿಯ ವಿನಾಯಕ ಅಡಕೊಳ್ಳಿ ಅವರು ಬಾವಿಗೆ ಬಿದ್ದು ಸಾವನಪ್ಪಿದ್ದಾರೆ. ಐದು ದಿನಗಳ ನಂತರ ಅವರು ಬಾವಿಗೆ ಬಿದ್ದ ವಿಷಯ ಹೊರ ಪ್ರಪಂಚಕ್ಕೆ ಗೊತ್ತಾಗಿದೆ. ಕುಮಟಾದ ಹೊಸ ಬಸ್ ನಿಲ್ದಾಣದ ಬಳಿ ವಿನಾಯಕ ಅಡಕೊಳ್ಳಿ ಅವರು ವಾಸವಾಗಿದ್ದರು. ಕಳೆದ 20 ವರ್ಷಗಳಿಂದ ಅವರು ಅಲ್ಲಿ ಒಂಟಿಯಾಗಿ ಜೀವನ ನಡೆಸುತ್ತಿದ್ದರು. ಮಾನಸಿಕವಾಗಿಯೂ ಅವರು ಕುಗ್ಗಿದ್ದರು. ತೀರಾ ಅಸ್ವಸ್ಥರಂತೆ ವರ್ತಿಸುತ್ತಿದ್ದರು. ಸೆಪ್ಟೆಂಬರ್ 27ರಂದು ಮಧ್ಯಾಹ್ನ 12 ಗಂಟೆ ಆಸುಪಾಸಿನಲ್ಲಿ ಜನ ಅವರನ್ನು ನೋಡಿದ್ದರು. ಅಕ್ಟೊಬರ್ 2ರಂದು ಅವರು ಉಪ್ಪಾರಕೇರಿಯ ಬಾವಿಯಲ್ಲಿ ತೇಲುತ್ತಿದ್ದರು. ಅವರನ್ನು ಮೇಲೆತ್ತಿದಾಗ ಜೀವ ಇರಲಿಲ್ಲ. ಮಾನಸಿಕ ಖಿನ್ನತೆಗೆ ಒಳಗಾಗಿ ಅವರು ಆತ್ಮಹತ್ಯೆ ಮಾಡಿಕೊಂಡ ಅನುಮಾನ ಕಾಡುತ್ತಿದೆ. ಈ ವಿಷಯವನ್ನು ವಿನಾಯಕ ಅಡಕೊಳ್ಳಿ ಅವರ ಬಾವ ವಿಷ್ಣು ಸಭಾಹಿತ ಅವರು ಪೊಲೀಸರಿಗೆ ತಿಳಿಸಿದರು. ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಸಂಘದ ಸಾಲದ ಜೊತೆ ಕೈಗಡ: ಸಾವು!](https://mobiletime.in/2025/10/hand-in-hand-with-the-sanghas-debt-death/): ಸಂಘದಲ್ಲಿ ಮಾಡಿದ ಸಾಲದ ತಲೆಬಿಸಿಯಲ್ಲಿದ್ದ ಸಿದ್ದಾಪುರದ ಸತೀಶ ನಾಯ್ಕ ಅವರು ಅದೇ ನೋವಿನಲ್ಲಿ ವಿಷ ಸೇವಿಸಿದ್ದಾರೆ. ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಿದರೂ ಅವರು ಬದುಕಲಿಲ್ಲ. ಸಿದ್ದಾಪುರದ ಹೊನ್ನೆಬಿಡಾರ ಕ್ಯಾದಗಿಯಲ್ಲಿ ಸತೀಶ ನಾಯ್ಕ ಅವರು ವಾಸವಾಗಿದ್ದರು. ಕೃಷಿಕರಾಗಿದ್ದ ಅವರು ಸರಾಯಿ ಸೇವನೆಯನ್ನು ರೂಡಿಸಿಕೊಂಡಿದ್ದರು. ನಿತ್ಯವು ಮದ್ಯ ಸೇವನೆ ಮಾಡಿ ಮನೆಗೆ ಬರುತ್ತಿದ್ದರು. ಸಂಘದ ಸಾಲ ಹಾಗೂ ಅವರಿವರ ಬಳಿ ಕೈಗಡಪಡೆದಿದನ್ನು ತೀರಿಸಲಾಗದ ನೋವಿನಲ್ಲಿ ಅವರು ಇನ್ನಷ್ಟು ಮದ್ಯ ಸೇವಿಸಲು ಶುರು ಮಾಡಿದ್ದರು. ತಮಗಿರುವ ನೋವು, ಸಾಲಗಾರರ ಕಾಟದ ಬಗ್ಗೆ ಸತೀಶ ನಾಯ್ಕ ಅವರು ಪತ್ನಿ ಶಶಿಕಲಾ ಅವರ ಬಳಿಯೂ ಹೇಳುತ್ತಿದ್ದರು. ಸಾಲ ತೀರಿಸಲಾಗದ ಕಾರಣ ಅಕ್ಟೊಬರ್ 1ರಂದು ಅವರು ವಿಷ ಸೇವಿಸಿದರು. ಅಸ್ವಸ್ಥರಾದ ಸತೀಶ ನಾಯ್ಕ ಅವರನ್ನು ಸ್ನೇಹಿತರು ಆಸ್ಪತ್ರೆಗೆ ದಾಖಲಿಸಿದರು. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ಸೇರಿಸಿದರು. ಆದರೆ, ಅಲ್ಲಿಯೂ ಅವರನ್ನು ಉಳಿಸಿಕೊಳ್ಳಲು ಆಗಲಿಲ್ಲ. ವೈದ್ಯರು ಸಾಕಷ್ಟು ಶ್ರಮಿಸಿದರೂ ಸತೀಶ ನಾಯ್ಕ ಅವರು ಅದಕ್ಕೆ ಸ್ಪಂದಿಸಲಿಲ್ಲ. ಪತಿ ಸಾವಿನ ಬಗ್ಗೆ ಶಶಿಕಲಾ ಅವರು ಸಿದ್ದಾಪುರ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.  
- [Sorry, our servers are currently busy.  our servers are currently busy](https://mobiletime.in/2025/10/the-policeman-who-gave/): 503 Error our servers are currently busy. our servers are currently busy
- [ಮನೆಯಲ್ಲಿದ್ದ ಮನುಷ್ಯ ದಿಢೀರ್ ನಾಪತ್ತೆ](https://mobiletime.in/2025/10/man-in-house-suddenly-disappears/): ಶಿರಸಿ ಹೊಸಗದ್ದೆಯ ಪದ್ಮನಾಭ ಹೆಗಡೆ ಅವರು ದಿಡೀರ್ ನಾಪತ್ತೆ ಆಗಿದ್ದಾರೆ. ನಾಲ್ಕು ದಿನ ಹುಡುಕಾಟ ನಡೆಸಿದರೂ ಅವರು ಸಿಕ್ಕಿಲ್ಲ. ಶಿರಸಿ ಹುಲೆಕಲ್ ಬಳಿಯ ಹೊಸಗದ್ದೆ ನಕ್ಷೆಯಲ್ಲಿ ಪದ್ಮನಾಭ ಹೆಗಡೆ ಅವರು ವಾಸವಾಗಿದ್ದರು. ಅವರು ಕೃಷಿ ಕೆಲಸ ಮಾಡಿಕೊಂಡಿದ್ದರು. ಸೆಪ್ಟೆಂಬರ್ 29ರಂದು ಸಂಜೆಯವರೆಗೂ ಮನೆಯಲ್ಲಿದ್ದ ಅವರು ನಂತರ ಯಾರಿಗೂ ಕಾಣಿಸಲಿಲ್ಲ. ಪದ್ಮನಾಭ ಹೆಗಡೆ ಅವರ ದಿಢೀರ್ ಕಣ್ಮರೆಯ ಬಗ್ಗೆ ಕುಟುಂಬದವರು ಆತಂಕಕ್ಕೆ ಒಳಗಾಗಿದ್ದಾರೆ. ಎಲ್ಲಾ ಕಡೆ ಅವರ ಹುಡುಕಾಟ ನಡೆಸಿದ್ದಾರೆ. ಆದರೆ, ಈವರೆಗೆ ಎಲ್ಲಿಯೂ ಅವರ ಸುಳಿವು ಸಿಕ್ಕಿಲ್ಲ. ಶಿರಸಿ ಗ್ರಾಮೀಣ ಠಾಣೆಯಲ್ಲಿಯೂ ದೂರು ನೀಡಿದ್ದಾರೆ. ಅವರ ಫೋಟೋ ಹಿಡಿದು ಎಲ್ಲಾ ಕಡೆ ಕಳುಹಿಸಿದ್ದು, ಪೊಲೀಸರು ಸಹ ಪದ್ಮನಾಭ ಹೆಗಡೆ ಅವರ ಹುಡುಕಾಟದಲ್ಲಿದ್ದಾರೆ. ಪದ್ಮನಾಭ ಹೆಗಡೆ ಅವರು ಮನೆಯಿಂದ ಹೊರ ಹೋಗುವ ಮೊದಲು ಯಾರಿಗೂ ಹೇಳಿಲ್ಲ. ಎಲ್ಲಿ ಹೋಗುವೆ? ಎಂದು ಸಹ ಅವರು ಮಾಹಿತಿ ನೀಡಿಲ್ಲ. ಹೀಗಾಗಿ ಅವರ ಹುಡುಕಾಟ ಸವಾಲಾಗಿದ್ದು, ಕೋಳಿಗಾರ ಬಳಿಯ ಸಿಂಗನಳ್ಳಿ ಹಲಸರಗಿಯ ಶ್ರೀಧರ ಹೆಗಡೆ ಅವರು ಅವರ ಬಗ್ಗೆ ಮಾಹಿತಿ ಸಿಕ್ಕರೆ ತಿಳಿಸುವಂತೆ ಪೋಸ್ಟರ್ ಸಿದ್ಧಪಡಿಸಿ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.
- [ಸೆಲ್ಪಿ ಹುಚ್ಚಿಗೆ ಜೀವ ಬಿಟ್ಟ ಪ್ರವಾಸಿಗ!](https://mobiletime.in/2025/10/a-tourist-lost-his-life-due-to-selfie-madness/): ಗೋಕರ್ಣದ ಓಂ ಕಡಲತೀರದಲ್ಲಿರುವ ಕಲ್ಪಂಡೆಗಳ ಮೇಲೆ ನಿಂತು ಸೆಲ್ಪಿ ತೆಗೆದುಕೊಳ್ಳುತ್ತಿದ್ದ ಪ್ರವಾಸಿಗರೊಬ್ಬರು ಅರಬ್ಬಿ ಅಲೆಗಳಿಗೆ ಕೊಚ್ಚಿ ಹೋಗಿದ್ದಾರೆ. ಸೆಲ್ಪಿ ಹುಚ್ಚಿಗೆ 45 ವರ್ಷದ ವ್ಯಕ್ತಿ ಸಾವನಪ್ಪಿದ್ದಾರೆ. ಶಿವಮೊಗ್ಗದಿಂದ ಒಟ್ಟು 10 ಜನ ಶುಕ್ರವಾರ ಗೋಕರ್ಣಕ್ಕೆ ಬಂದಿದ್ದರು. ತಮ್ಮ ಬಳಗದವರ ಜೊತೆ ಅವರೆಲ್ಲರೂ ಸಮುದ್ರ ಸ್ನಾನ ಮಾಡುತ್ತಿದ್ದರು. ಈ ವೇಳೆ ಆ ಗುಂಪಿನಲ್ಲಿದ್ದ ಅಸ್ಲಾಂ ಎಂಬಾತರಿಗೆ ಫೋಟೋ ಕ್ಲಿಕ್ಕಿಸಿಕೊಳ್ಳುವ ಮನಸ್ಸಾಯಿತು. ಹೀಗಾಗಿ ಕೈಯಲ್ಲಿ ಮೊಬೈಲ್ ಹಿಡಿದು ಜಾರುತ್ತಿರುವ ಕಲ್ಬಂಡೆಗಳ ಮೇಲೆ ಹತ್ತಿದರು. ಒಂದೆರಡು ಸೆಲ್ಪಿಯನ್ನು ಕ್ಲಿಕ್ಕಿಸಿದರು. ಆ ವೇಳೆಗೆ ಬಂದ ದೊಡ್ಡ ಅಲೆಯೊಂದು ಅವರಿಗೆ ಬಡಿದಿದ್ದು, ಮೊಬೈಲ್ ಜೊತೆ ಅವರು ನೀರಿಗೆ ಬಿದ್ದರು. ಅಸ್ಲಾಂ ಅವರಿಗೆ ಈಜು ಸರಿಯಾಗಿ ಬರುತ್ತಿರಲಿಲ್ಲ. ಹೀಗಾಗಿ ಅಲೆಗಳ ಅಬ್ಬರದಲ್ಲಿ ಅವರು ಕೊಚ್ಚಿ ಹೋಗಿದ್ದು, ಈಜಿ ದಡ ಸೇರುವ ಪ್ರಯತ್ನವೂ ಫಲ ಕೊಡಲಿಲ್ಲ. ನೀರಿಗೆ ಬಿದ್ದ ತಕ್ಷಣ ಅವರು ಒಮ್ಮೆಲೆ ಉಸಿರು ಒಳ ತೆಗೆದುಕೊಂಡಿದ್ದು, ಗಾಳಿ ಜೊತೆ ನೀರು ಮೂಗಿನೊಳಗೆ ಹೋಯಿತು. ಪರಿಣಾಮ ಅಸ್ಲಾಂ ಅವರು ಸಮುದ್ರದ ನೀರಿನಲ್ಲಿಯೇ ತಮ್ಮ ಪ್ರಾಣ ಬಿಟ್ಟರು. ಅಸ್ಲಾಂ ಅವರು ನೀರಿಗೆ ಬಿದ್ದಿರುವುದನ್ನು ನೋಡಿದ ಉಳಿದವರು ಅಲ್ಲಿದ್ದ ರಕ್ಷಣಾ ಸಿಬ್ಬಂದಿಗೆ ಮಾಹಿತಿ ನೀಡಿದರು. ರಕ್ಷಣಾ ಸಿಬ್ಬಂದಿ ಅಸ್ಲಾಂ ಅವರ ರಕ್ಷಣೆಗೆ ನೀರಿಗೆ ಹಾರಿದರು. ಅವರನ್ನು ದಡಕ್ಕೆ ಎಳೆದು ತಂದು ನೋಡಿದಾಗ ಸಾವನಪ್ಪಿರುವುದು ಅರಿವಿಗೆ ಬಂದಿತು. ಅಸ್ಲಾo ಅವರ ಶವವನ್ನು ಸದ್ಯ ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಸಮುದ್ರದ ಬಂಡೆ ಮೇಲೆ ನಿಲ್ಲದಂತೆ ನಾಮಫಲಕ ಅಳವಡಿಸಿದರೂ ಜನ ಸೆಲ್ಪಿ ಹುಚ್ಚಿಗೆ ಅಪಾಯಕಾರಿ ಸನ್ನಿವೇಶ ಎದುರಿಸುತ್ತಿದ್ದು, ಇದರಿಂದ ಸಾವು-ನೋವಿನ ಪ್ರಮಾಣ ಹೆಚ್ಚಾಗಿದೆ. ರಕ್ಷಣಾ ಸಿಬ್ಬಂದಿ ಜನರ ಹುಚ್ಚಾಟ ತಡೆಗೆ ಹರಸಾಹಸ ನಡೆಸುತ್ತಿದ್ದು, ಅದಾಗಿಯೂ ಇಲ್ಲಿ ಪ್ರವಾಸಿಗರು ಕೇಳುತ್ತಿಲ್ಲ.
- [ಬಾಲ ನಟಿಗೆ ಪ್ರಶಸ್ತಿಯ ಪುರಸ್ಕಾರ](https://mobiletime.in/2025/10/child-actress-receives-award/): ಶಿವಮೊಗ್ಗದ ಬಾಲ ನಟಿ ಋತು ಸ್ಪರ್ಶ ಅವರಿಗೆ ಬೆಂಗಳೂರು ಅಂತರಾಷ್ಟ್ರೀಯ ಮಕ್ಕಳ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ಬಾಲ ಕಲಾವಿದೆ ಎಂಬ ಪುರಸ್ಕಾರ ಸಿಕ್ಕಿದೆ. ಮಕ್ಕಳ ಚಲನಚಿತ್ರೋತ್ಸವದ ಎರಡನೇ ಆವೃತ್ತಿಯಲ್ಲಿ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಋತು ಸ್ಪರ್ಶ ಅವರು ಟೆಕ್ವಾಂಡೋ ಗರ್ಲ್ ಚಿತ್ರದಲ್ಲಿ ನಟಿಸಿದ್ದರು. ಅವರ ನಟನೆಗೆ ಅಂತರಾಷ್ಟ್ರೀಯ ಮಕ್ಕಳ ಚಲನಚಿತ್ರೋತ್ಸವ ವೇದಿಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಅನೇಕರು ಬಾಲ ಕಲಾವಿದೆಯ ಅಭಿನಯನವನ್ನು ಕೊಂಡಾಡಿದರು. ಉಲ್ಲಾಸ್ ಸ್ಕೂಲ್ ಆಫ್ ಸಿನಿಮಾಸ್ ಅವರು ಈ ಕಾರ್ಯಕ್ರಮ ಆಯೋಜಿಸಿದ್ದು, ಅಚ್ಚುಕಟ್ಟಾದ ಕಾರ್ಯಕ್ರಮ ಗಮನಸೆಳೆಯಿತು. ದಕ್ಷಿಣ ಕೊರಿಯಾದ ಸಮರ ಕಲೆಯಾದ ಟೆಕ್ವಾಂಡೋ ಅಭ್ಯಾಸ ಮಾಡಿರುವ ಅವರು ಈಜು, ಗಾಯನ ಹಾಗೂ ನಟನೆಯಲ್ಲಿ ಮುಂಚೂಣಿಯಲ್ಲಿದ್ದಾರೆ. ತಮ್ಮ ಮೂರನೇ ವಯಸ್ಸಿನಲ್ಲಿ ಟೆಕ್ವಾಂಡೋ ಅಭ್ಯಾಸ ಮಾಡಿದ ಅವರು ಹಲವು ಟೂರ್ನಮೆಂಟ್’ಗಳಲ್ಲಿ ಭಾಗವಹಿಸಿ ಪ್ರಶಸ್ತಿ ಪಡೆದಿದ್ದಾರೆ. ಶಿವಮೊಗ್ಗ ಜಿಲ್ಲೆಯ ಪ್ರವೀಣ್ ಭಾನು ಮತ್ತು ಡಾ ಸುನಿತಾ ಪ್ರವೀಣ್ ಅವರ ಏಕೈಕ ಪುತ್ರಿಯಾಗಿರುವ ಋತು ಸ್ಪರ್ಶ ಅವರು ಬಾಲ್ಯದಿಂದಲೇ ಅಭಿನಯನದ ಕಡೆ ಆಸಕ್ತಿವಹಿಸಿದ್ದಾರೆ. 12 ವರ್ಷದ ಅವರು ಸದ್ಯ ರಾಜಾಜಿನಗರದ ಶ್ರೀ ಸಾಯಿ ವಿದ್ಯಾಲಯದಲ್ಲಿ ಏಳನೇ ತರಗತಿಯಲ್ಲಿ ಓದುತ್ತಿದ್ದಾರೆ. 2024ರಲ್ಲಿ ಬಿಡುಗಡೆಯಾದ ಟೆಕ್ವಾಂಡೋ ಗರ್ಲ್ ಚಿತ್ರಕಾಗಿ ಹಲವಾರು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ವಿಯೆಟ್ನಾಂ ಅಂತರಾಷ್ಟ್ರೀಯ ಚಲನಚಿತ್ರದಲ್ಲಿ ಅತ್ಯುತ್ತಮ ಬಾಲ ನಟಿ, ಕರ್ನಾಟಕ ರಾಜ್ಯದ ಚಂದನವನ ಫಿಲಂ ಕ್ರಿಟಿಕ್ ಪ್ರಶಸ್ತಿ, ಏಶಿಯನ್ ನೆಟ್ ಅಂತರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಅತ್ಯುತ್ತಮ ಬಾಲ ನಟ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಚಿತ್ರಸಂತೆ ಪ್ರಶಸ್ತಿಯನ್ನು ಅವರು ಪಡೆದಿದ್ದಾರೆ.
- [2025 ಅಕ್ಟೊಬರ್ 3ರ ದಿನ ಭವಿಷ್ಯ](https://mobiletime.in/2025/10/prediction-for-october-3-2025/): ಮೇಷ ರಾಶಿ: ನಕಾರಾತ್ಮಕ ವಿಚಾರಗಳಿಂದ ದೂರವಿದ್ದರೆ ಈ ದಿನ ಗೆಲುವು ಸಾಧ್ಯ. ಹಣಕಾಸು ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ಅನಾರೋಗ್ಯ ಕಾಡುವ ಸಾಧ್ಯತೆಗಳಿದೆ. ವೃಷಭ ರಾಶಿ: ಆಪ್ತರ ಸಹಾಯ ಸಿಗಲಿದೆ. ಹಣಕಾಸಿನ ಲಾಭ ಆಗಲಿದೆ. ನಿಮ್ಮ ಕೆಲಸ ನಿಧಾನವಾಗಿ ಸಾಗಲಿದೆ. ಆತಂಕದ ಸಮಯ ಬರಬಹುದು. ಮಿಥುನ ರಾಶಿ: ನಿಮ್ಮ ಹೊಸ ಪ್ರಯತ್ನ ಯಶಸ್ಸು ಕೊಡಲಿದೆ. ಸರ್ಕಾರಿ ಕೆಲಸಗಳು ಬಗೆಹರಿಯುವ ಸಾಧ್ಯತೆಯಿದೆ. ಸಮಸ್ಯೆಗಳು ದೂರವಾಗಲಿದೆ. ಕರ್ಕ ರಾಶಿ: ಹಣಕಾಸು ವಿಷಯದಲ್ಲಿ ಮುನ್ನಚ್ಚರಿಕೆ ಅಗತ್ಯ. ಹಿರಿಯರ ಸಲಹೆಪಡೆದು ಮುನ್ನುಗ್ಗುವುದು ಒಳಿತು. ಕುಟುಂಬದವರ ಒಳಿತಿನ ಬಗ್ಗೆ ಚಿಂತಿಸಿ. ಸಿoಹ ರಾಶಿ: ಆರ್ಥಿಕ ವಿಷಯಗಳಲ್ಲಿ ಸುಧಾರಣೆ ಆಗಲಿದೆ. ಸ್ನೇಹಿತರ ಜೊತೆ ಚನ್ನಾಗಿರಿ. ಪೈಪೋಟಿ ನೀಡುವವರ ಬಗ್ಗೆ ತಲೆಕೆಡಿಸಿಕೊಳ್ಳುವುದು ಬೇಡ. ಕನ್ಯಾ ರಾಶಿ: ಹೊಸ ಮಾತುಕಥೆಗಳು ಸರಾಗವಾಗಿ ಸಾಗಲಿದೆ. ಒಪ್ಪಂದಗಳನ್ನು ಮಾಡಿಕೊಳ್ಳಲು ಒಳ್ಳೆಯ ದಿನ. ವ್ಯಾಪಾರಿಗಳಿಗೆ ಲಾಭ ಆಗಲಿದೆ. ತುಲಾ ರಾಶಿ: ಪ್ರಯೋಗಶೀಲ ಕೃಷಿಕರಿಗೆ ಈ ದಿನ ಒಳ್ಳೆಯದಾಗಲಿದೆ. ವೃತ್ತಿ ಜೀವನದಲ್ಲಿ ಹೊಸ ಅವಕಾಶಗಳು ಬರಲಿದೆ. ಹಿರಿಯರು ಹೇಳಿದ ದಾರಿಯಲ್ಲಿ ನಡೆಯುವುದು ಉತ್ತಮ. ವೃಶ್ಚಿಕ ರಾಶಿ: ವೈಯಕ್ತಿಕ ವಿಷಯಗಳ ಬಗ್ಗೆ ಗಮನಹರಿಸಿ. ಹಣಕಾಸು ವಿಷಯದಲ್ಲಿ ಬೇರೆಯವರ ಮಾತು ಕೇಳಬೇಡಿ. ನಿಮ್ಮ ಕೆಲಸದ ಬಗ್ಗೆ ಮೆಚ್ಚುಗೆವ್ಯಕ್ತವಾಗಲಿದೆ. ಧನು ರಾಶಿ: ಸಾಮಾಜಿಕ ಚಟುವಟಿಕೆಯಲ್ಲಿ ಭಾಗವಹಿಸಿದರೆ ನಿಮ್ಮನ್ನು ಜನ ಗುರುತಿಸಲಿದ್ದಾರೆ. ಹಣಕಾಸು ಲಾಭ ಆಗಲಿದೆ. ಸ್ನೇಹಿತರ ಸಹಾಯಪಡೆದು ಕೆಲಸ ಮಾಡುವುದು ಸೂಕ್ತ. ಮಕರ ರಾಶಿ: ಸಂಗೀತ ಹಾಗೂ ಕಲಾ ಚಟುವಟಿಕೆಯಲ್ಲಿ ಭಾಗವಹಿಸುವ ಅವಕಾಶವಿದೆ. ಹಳೆಯ ಸ್ನೇಹಿತರು ಭೇಟಿ ಆಗಲಿದ್ದಾರೆ. ಆರೋಗ್ಯ ಸುಧಾರಣೆ ಆಗಲಿದೆ. ಕುಂಭ ರಾಶಿ: ಕಚೇರಿ ಕೆಲಸಗಳು ಇನ್ನಷ್ಟು ತಡವಾಗಲಿದೆ. ಆರೋಗ್ಯ ಸುಧಾರಣೆ ಆಗಲಿದೆ. ತುರ್ತು ಸನ್ನಿವೇಶವನ್ನು ಉಪಾಯದಿಂದ ನಿಭಾಯಿಸಿ. ಮೀನ ರಾಶಿ: ಲಾಭದ ನಿರೀಕ್ಷೆ ನಿಮ್ಮನ್ನು ಹುಸಿ ಮಾಡುವುದಿಲ್ಲ. ಹೊಸ ಭರವಸೆಗಳು ಸಿಗಲಿವೆ. ಹಿರಿಯರ ಅನುಗ್ರಹದಿಂದ ಸಾಧನೆ ಸಾಧ್ಯವಿದೆ.
- [ದಾಂಡೇಲಿ: ಸಾವಿರ ಜನರ ಸಮ್ಮುಖದಲ್ಲಿ ದುಷ್ಟಶಕ್ತಿಗಳ ಸಾಮೂಹಿಕ ಸಂಹಾರ!](https://mobiletime.in/2025/10/dandeli-mass-extermination-of-evil-spirits-in-the-presence-of-thousands-of-people/): ದಾoಡೇಲಿ ವೆಸ್ಟಕೋಸ್ಟ್ ಪೆಪರ್‌ಮಿಲ್ಲಿನ ಡಿಲೇಕ್ಸ ಮೈದಾನದಲ್ಲಿ ಗುರುವಾರ ರಾತ್ರಿ ರಾವಣ, ಕುಂಭಕರ್ಣ ಮತ್ತು ಮೇಘನಾಥರ ಪ್ರತಿಕೃತಿಗಳಿಗೆ ಪಟಾಕಿ ಅಂಟಿಸಿ ಸಿಡಿಸಲಾಯಿತು. ಆ ಮೂಲಕ ಆ ಭಾಗದ ದುಷ್ಟಶಕ್ತಿಗಳನ್ನು ಸಂಹಾರ ಮಾಡಿದ ಬಗ್ಗೆ ಅಲ್ಲಿನವರು ಸಂಭ್ರಮಿಸಿದರು. ಸAಜೆ ರಾಮ ಮಂದಿರದಿoದ ಶ್ರೀ ರಾಮಚಂದ್ರನ ಪಲ್ಲಕಿ ಉತ್ಸವ ಡಿಲಕ್ಸ್ ಮೈದಾನಕ್ಕೆ ಆಗಮಿಸಿದ್ದು, ರಂಗು ರಂಗಿನ ಸಿಡಿಮದ್ದುಗಳು ಸ್ಪೋಟವಾದವು. ಆಕಾಶದ ಕಡೆ ಚಿಮ್ಮಿದ ಸಿಡಿಮದ್ದುಗಳು ಬಾನಂಗಳದಲ್ಲಿ ಬಣ್ಣ ಬಣ್ಣದ ಚಿತ್ತಾರ ಮೂಡಿಸಿದವು. ಆಗ ನೆರೆದಿದ್ದ ಜನ ಹರ್ಷೋದ್ಘಾರದಿಂದ ಕೂಗಿದರು. ಒಂದು ಗಂಟೆಗೂ ಅಧಿಕ ಕಾಲ ಸಿಡಿಮದ್ದಿನ ಪ್ರದರ್ಶನ ನಡೆಯಿತು. ಹಳಿಯಾಳ, ಜೊಯಿಡಾ, ಯಲ್ಲಾಪುರ, ಧಾರವಾಡ, ಹುಬ್ಬಳ್ಳಿ ಮತ್ತು ಇನ್ನಿತರ ಭಾಗದ ಜನ ರಾಮಲೀಲಾ ಉತ್ಸವ ವೀಕ್ಷಣೆಗೆ ಆಗಮಿಸಿದ್ದರು. 51 ಅಡಿ ಎತ್ತರದ ರಾವಣ ಮತ್ತು 48 ಅಡಿ ಎತ್ತರದ ಕುಂಭಕರ್ಣ ಮತ್ತು ಮೇಘನಾಥರ ಪ್ರತಿಕೃತಿಗಳನ್ನು ಸುಡಲಾಯಿತು. 10 ಸಾವಿರಕ್ಕೂ ಅಧಿಕ ಜನ ಇದಕ್ಕೆ ಸಾಕ್ಷಿಯಾದರು.
- [ಹಣಕಾಸು ವಿಷಯದಲ್ಲಿ ಕಲಹ: ನಡುಬೀದಿಯಲ್ಲಿ ಹೊಡೆದಾಟ!](https://mobiletime.in/2025/10/financial-dispute-fight-in-the-middle-of-the-street/): ಹಣಕಾಸು ವಿಷಯವಾಗಿ ಕಾರವಾರದಲ್ಲಿ ಹೊಡೆದಾಟ ನಡೆದಿದೆ. ಕಡವಾಡ ಸುಲ್ತಾನಪುರದ ಮಹಮದ್ ರಯಾನ್ ಹಾಗೂ ಕಡವಾಡದ ಮಹಾದೇವ ದೇವಸ್ಥಾನದ ಬಳಿಯ ಕಾರ್ತಿಕ ಕಡವಾಡಕರ್ ಪರಸ್ಪರ ಹೊಡೆದಾಡಿಕೊಂಡಿದ್ದಾರೆ. ಈ ವೇಳೆ ದೀಪಿಕಾ ಕಡವಾಡಕರ ಹಾಗೂ ಅಮೋಘ ಕಡವಾಡಕರ್ ಸಹ ಮಹಮದ್ ರಯಾನ್ ಅವರಿಗೆ ಬೆದರಿಕೆ ಒಡ್ಡಿದ್ದಾರೆ. ಮಹಮದ್ ರಯಾನ್ ಅವರು ವರ್ಷದ ಹಿಂದೆ ಪ್ಲಿಪ್ ಕಾರ್ಟ ಡಿಲೆವರಿ ಬಾಯ್ ಆಗಿ ಕೆಲಸ ಮಾಡಿಕೊಂಡಿದ್ದರು. ಆ ಅವಧಿಯಲ್ಲಿ ಕಾರ್ತಿಕ ಕಡವಾಡಕರ್ ಅವರು ಆನ್‌ಲೈನ್ ಮೂಲಕ 3 ಸಾವಿರ ರೂ ಬೆಲೆಯ ಶೂ ಆರ್ಡರ್ ಮಾಡಿದ್ದರು. ಮಹಮದ್ ರಯಾನ್ ಅವರು ಕಾರ್ತಿಕ ಕಡವಾಡಕರ್ ಅವರ ಮನೆಗೆ ಶೂ ಡಿಲೆವರಿ ಮಾಡಲು ಹೋಗಿದ್ದರು. ಆಗ, ಕಾರ್ತಿಕ ಕಡವಾಡಕರ್ ಅವರು `ತನ್ನ ಬಳಿ ದುಡ್ಡಿಲ್ಲ. ಈಗ ನೀನೇ ದುಡ್ಡು ಕೊಡು. ನಂತರ ನಾನು ಮರಳಿಸುವೆ’ ಎಂದಿದ್ದರು. ಆಗ, ಮಹಮದ್ ರಯಾನ್ ಅವರು 3 ಸಾವಿರ ರೂ ಹಣ ಪಾವತಿಸಿ ಆ ಬೂಟು ಬಿಡಿಸಿಕೊಟ್ಟಿದ್ದರು. ಅದಾಗಿ ಒಂದು ವರ್ಷ ಕಳೆದರೂ 3 ಸಾವಿರ ರೂಪಾಯಿಯನ್ನು ಕಾರ್ತಿಕ ಕಡವಾಡಕರ್ ಅವರು ಮರು ಪಾವತಿ ಮಾಡಿರಲಿಲ್ಲ. ಈ ಬಗ್ಗೆ ಮಹಮದ್ ರಯಾನ್ ಸಾಕಷ್ಟು ಬಾರಿ ಕೇಳಿದ್ದರು. ಆದರೆ, ಕಾರ್ತಿಕ ಕಡವಾಡಕರ್ ಆ ಹಣ ಮಾತ್ರ ಕೊಡುತ್ತಿರಲಿಲ್ಲ. ಮೂರು ವಾರದ ಹಿಂದೆ ಹಣದ ವಿಷಯವಾಗಿ ಕಡವಾಡ-ಸುಂಕೇರಿ ಸೇತುವೆ ಬಳಿ ಕಾರ್ತಿಕ ಕಡವಾಡಕರ ಹಾಗೂ ಮಹಮದ್ ರಯಾನ್ ನಡುವೆ ಜಗಳ ನಡೆಯಿತು. ಆಗ, `ನಿನ್ನ ಹಣ ಕೊಡುವುದೇ ಇಲ್ಲ’ ಎಂದು ಕಾರ್ತಿ ಕಡವಾಡಕರ್ ಜೋರಾಗಿ ಹೇಳಿದ್ದರು. ಹೀಗಿರುವಾಗ ಅಕ್ಟೊಬರ್ 1ರಂದು ದಾಂಡಿಯಾ ನೋಡಲು ಸುಲ್ತಾನಪುರ ರಸ್ತೆಯಲ್ಲಿ ಮಹಮದ್ ರಯಾನ್ ಅವರು ನಡೆದು ಹೋಗುತ್ತಿದ್ದರು. ಆಗ, ಕಾರ್ತಿಕ ಕಡವಾಡಕರ್ ಹಾಗೂ ದೀಪಿಕಾ ಕಡವಾಡಕರ್ ಅಲ್ಲಿ ಸ್ಕೂಟಿಯಲ್ಲಿ ಬಂದು ಮಹಮದ್ ರಯಾನ್ ಅವರನ್ನು ಅಡ್ಡಗಟ್ಟಿದರು. ಆಗಲೂ ಅವರಿಬ್ಬರು ಜಗಳ ಶುರು ಮಾಡಿದ್ದು, ಕಾರ್ತಿಕ ಕಡವಾಡಕರ್ ಅವರು ತಮ್ಮ ಕೈಯಲ್ಲಿರುವ ಕಬ್ಬಿಣದ ಬಳೆಯಿಂದ ಮಹಮದ್ ರಯಾನ್ ಅವರಿಗೆ ಹೊಡೆದರು. ಪರಿಣಾಮ ಮಹಮದ್ ರಯಾನ್ ಅವರು ಆಸ್ಪತ್ರೆ ಸೇರಿದರು. ಆ ವೇಳೆ ಅಮೋಘ ಕಡವಾಡಕರ್ ಫೋನ್ ಮಾಡಿ ಜೀವ ಬೆದರಿಕೆ ಒಡ್ಡಿದ ಬಗ್ಗೆ ಮಹಮದ್ ರಯಾನ್ ಅವರು ಪೊಲೀಸ್ ದೂರು ನೀಡಿದರು.
- [ಕಾರ್ ಮೆಕಾನಿಕ್‌'ನ ನಶೆ ಇಳಿಸಿದ PSI](https://mobiletime.in/2025/10/psi-found-the-car-mechanic-intoxicated/): ಯಲ್ಲಾಪುರದ ಯುವಕರಿಬ್ಬರು ಅಮಲಿನಲ್ಲಿರುವಾಗ ಪೊಲೀಸರು ಅವರನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಅಮಲಿನಲ್ಲಿದ್ದ ಅವರಿಬ್ಬರು ಸರಿಯಾಗಿ ಮಾತನಾಡದ ಕಾರಣ ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದ್ದು, ಆ ವೇಳೆ ಅವರು ಗಾಂಜಾ ನಶೆಯಲ್ಲಿರುವುದು ದೃಢವಾಗಿದೆ. ಯಲ್ಲಾಪುರದ ವಿನಾಯಕ ನಗರದಲ್ಲಿರುವ ಅಂಗನವಾಡಿ ಬಳಿ ಅದೇ ಭಾಗದ ಕಾರ್ ಮೆಕಾನಿಕ್ ರಾಜೇಶ ರತ್ನಾಕರ ಆಚಾರಿ ಅಲೆದಾಡುತ್ತಿದ್ದರು. ಅವರ ಜೊತೆ ವಿನಾಯಕ ನಗರದ ದರ್ಶನ್ ವೆಂಕಟೇಶ ಆಚಾರಿ ಸಹ ಇದ್ದರು. ಅಕ್ಟೊಬರ್ 2ರಂದು ಪಿಎಸ್‌ಐ ರಾಜಶೇಖರ ವಂದಲಿ ಅವರು ಇಬ್ಬರನ್ನು ಮಾತನಾಡಿಸಿದರು. ಆದರೆ, ಅವರಿಬ್ಬರು ಆ ಕ್ಷಣದಲ್ಲಿ ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಹೀಗಾಗಿ ಪೊಲೀಸರು ಅವರಿಬ್ಬರನ್ನು ಆಸ್ಪತ್ರೆಗೆ ಕರೆದೊಯ್ದರು. ನಶೆಯಲ್ಲಿದ್ದ ರಾಜೇಶ ರತ್ನಾಕರ ಆಚಾರಿ ಹಾಗೂ ದರ್ಶನ್ ವೆಂಕಟೇಶ ಆಚಾರಿ ಇಬ್ಬರನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದರು. ತಪಾಸಣಾ ವರದಿಯಲ್ಲಿ ಅವರಿಬ್ಬರು ಗಾಂಜಾ ಸೇವಿಸಿದ ಬಗ್ಗೆ ಪಾಸಿಟಿವ್ ವರದಿ ಬಂದಿತು. ಹೀಗಾಗಿ ಪೊಲೀಸರು ಕಾನೂನಿನ ಪ್ರಕಾರ ಪ್ರಕರಣ ದಾಖಲಿಸಿದರು. ಸದ್ಯ ಸಹಾಯಕ ಪೊಲೀಸ್ ಉಪನಿರೀಕ್ಷಕಿ ರೇಣುಕಾ ಬೆಳಗಟ್ಟಿ ಅವರು ಈ ಪ್ರಕರಣದ ತನಿಖೆ ಶುರು ಮಾಡಿದ್ದಾರೆ.
- [ಗೋಕರ್ಣ: ಲಾಡ್ಜ್-ರೆಸಾರ್ಟ ಕೆಲಸಗಾರರ ನಡುವೆ ಮಾರಾಮಾರಿ!](https://mobiletime.in/2025/10/gokarna-fight-between-lodge-resort-workers/): ಗೋಕರ್ಣಕ್ಕೆ ಬರುವ ಪ್ರವಾಸಿಗರಿಗೆ ರೂಮು ಕೊಡಿಸುವುವ ವಿಷಯದಲ್ಲಿ ಆ ಭಾಗದ ಲಾಡ್ಜು ಹಾಗೂ ಹೋಂ ಸ್ಟೇ ಕೆಲಸಗಾರರು ಹೊಡೆದಾಟ ಮಾಡಿಕೊಂಡಿದ್ದಾರೆ. ಪೊಲೀಸರು ಅವರೆಲ್ಲರ ವಿರುದ್ಧ ಸ್ವಯಂ ಪ್ರೇರಿತ ಪ್ರಕರಣ ದಾಖಲಿಸಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ. ಪೊಲೀಸ್ ಸಿಬ್ಬಂದಿ ಕಿರಣಕುಮಾರ್ ಅವರು ಅಕ್ಟೊಬರ್ 1ರಂದು ಓಂ ಬೀಚ್ ಕಡೆ ಹೋಗುತ್ತಿದ್ದರು. ಮೇಲಿನಕೇರಿ ರಸ್ತೆಯಲ್ಲಿ ಗಲಾಟೆ ನಡೆಯುತ್ತಿರುವುದು ಅವರಿಗೆ ಗೊತ್ತಾಯಿತು. ಹತ್ತಿರ ಹೋಗಿ ನೋಡಿದಾಗ ಅಲ್ಲಿ 9 ಜನ ಹೊಡೆದಾಡುತ್ತಿದ್ದರು. ಸಾರ್ವಜನಿಕರು ಹಾಗೂ ಪ್ರವಾಸಿಗರ ಮುಂದೆಯೇ ಅವರು ಕೆಟ್ಟದಾಗಿ ಬೈದುಕೊಳ್ಳುತ್ತಿದ್ದರು. ವಿಸ್ಮಯ ಲಾಡ್ಜಿನಲ್ಲಿ ಕೆಲಸ ಮಾಡುವ ಹನೆಹಳ್ಳಿ ಚರ್ಚಿನ ಬಳಿಯ ಮಹೇಶ ಮೋಹನ ನಾಯ್ಕ, ಸುಖಸಾಗರ ಲಾಡ್ಜಿನಲ್ಲಿ ಕೆಲಸ ಮಾಡುವ ಗಂಗೆಕೊಳ್ಳದ ಸತ್ಯನಾರಾಯಣ ಅರ್ಜುನ ಮೋರ್ಚೆ, ಸುಖಸಾಗರ ಲಾಡ್ಜಿನಲ್ಲಿ ಕೆಲಸ ಮಾಡುವ ಗೋಕರ್ಣ ಮೇಲಿನಕೇರಿಯ ಸಾಗರ ರಾಮಚಂದ್ರ ನಾಯ್ಕ ದೊಡ್ಡ ಗಲಾಟೆ ಮಾಡುತ್ತಿದ್ದರು. ಗೀಮ್ ಹೋಂ ಸ್ಟೇಯಲ್ಲಿ ಕೆಲಸ ಮಾಡುವ ಅಂಕೋಲಾ ಬೆಳಲೆಯ ವಿಜಯ ರಾಮಚಂದ್ರ ಹರಿಕಂತ್ರ, ಸಾಯಿಮಾತಾ ಲಾಡ್ಜಿನಲ್ಲಿ ಕೆಲಸ ಮಾಡುವ ಕುಮಟಾ ವಾಲಗಳ್ಳಿಯ ವಿರಾಜ ದೇವರಾಜ ನಾಯ್ಕ, ಕೃಷ್ಣ ಆಯುಷ್ ಹೋಂ ಸ್ಟೇಯಲ್ಲಿ ಕೆಲಸ ಮಾಡುವ ಕುಮಟಾ ಚಿನ್ನದಕೇರಿಯ ಪ್ರದೀಪ ನಾರಾಯಣ ಶೆಟ್ಟಿ ಸಹ ಕೈ ಕೈ ಮಿಲಾಯಿಸುತ್ತಿದ್ದರು. ನಿಶಾ ಹೋಂ ಸ್ಟೇಯಲ್ಲಿ ಕೆಲಸ ಮಾಡುವ ಗೋಕರ್ಣ ಮೇಲಿನಕೇರಿಯ ಸುರೇಶ ನಾಗೇಶ ಗೌಡ, ಸುಖಸಾಗರದಲ್ಲಿ ಕೆಲಸ ಮಾಡುವ ಮೇಲಿನಕೇರಿಯ ರಾಜು ಶಿವಾ ಹುಲಸ್ವಾರ ಹಾಗೂ ಶಾರದಾ ಲಾಡ್ಜಿನಲ್ಲಿ ಕೆಲಸ ಮಾಡುವ ಕುಮಟಾ ಚಿನ್ನದಕೇರಿಯ ಬಸವರಾಜ ಬಸಪ್ಪ ಶಿರೂರು ಸಹ ಅಲ್ಲಿ ಗೊಂದಲ ಎಬ್ಬಿಸಿದ್ದರು. ಗೋಕರ್ಣಕ್ಕೆ ಬರುವ ಪ್ರವಾಸಿಗರನ್ನು ತಮ್ಮ ಲಾಡ್ಜಿಗೆ ಕರೆದೊಯ್ಯುವ ವಿಷಯವಾಗಿ ಅವರೆಲ್ಲರ ನಡುವೆ ಅನಾರೋಗ್ಯಕರ ಸ್ಪರ್ಧೆ ನಡೆದಿತ್ತು. ಪರಿಣಾಮ ಅವರವರಲ್ಲಿಯೇ ಈ ಹೊಡೆದಾಟ ಶುರುವಾಗಿತ್ತು. ಪೊಲೀಸ್ ಸಿಬ್ಬಂದಿ ಕಿರಣಕುಮಾರ್ ಅವರು ಹೊಡೆದಾಟ ತಪ್ಪಿಸುವ ಪ್ರಯತ್ನ ಮಾಡಿದರು. ಆದರೆ, ಅವರು ಪೊಲೀಸರ ಮಾತು ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಪೊಲೀಸರ ಮುಂದೆಯೇ ಹೊಡೆದಾಟ ನಡೆಸಿ ಶಾಂತಿ ಭಂಗ ನಡೆಸಿದ ಕಾರಣ ಕಿರಣಕುಮಾರ ಅವರು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದರು. ಅಲ್ಲಿಂದ ಸೂಚನೆ ಬಂದಿದ್ದರಿAದ ಹೊಡೆದಾಡಿದವರ ವಿರುದ್ಧ ಪೊಲೀಸರು ಸ್ವಯಂ ಪ್ರೇರಿತ ಪ್ರಕರಣ ದಾಖಲಿಸಿದರು.  
- [ಮಾವನಿಗೆ ಮೋಸ ಮಾಡಿದ ಅಳಿಯ!](https://mobiletime.in/2025/10/the-son-in-law-who-cheated-on-his-father-in-law/): ಕಾರವಾರದ ಸಿವಿಲ್ ಗುತ್ತಿಗೆದಾರ ಪ್ರೀತಂ ಮಾಸೂರಕರ್ ಅವರಿಗೆ ಅವರ ಸೋದರಳಿಯ ಚಿರಾಗ ಮಾಸೂರಕರ್ ಅವರೇ ಮೋಸ ಮಾಡಿದ್ದಾರೆ. ಚಿರಾಗ ಮಾಸೂರಕರ್ ಅವರ ಜೊತೆ ಅಬ್ಬಾಸ್ ಬೇರಿ ಹಾಗೂ ಸಾಹಿಲ್ ಬೇರಿ ಸಹ ಅನ್ಯಾಯದ ಹಣದಲ್ಲಿ ಪಾಲುಪಡೆದಿದ್ದಾರೆ. ಕಾರವಾರದ ಕೈಕಿಣಿ ರಸ್ತೆಯ ರಾಯ್ಕರ್ ಮೆನರ್ ಬಳಿ ಪ್ರೀತಂ ಮಾಸೂರಕರ್ ಅವರು ವಾಸವಾಗಿದ್ದಾರೆ. ಅವರು ತಮಗೆ ಪೂರ್ವಜರಿಂದ ಬಂದ ಬೈತಖೋಲದ ಭೂಮಿಯಲ್ಲಿ ಶೆಡ್ ನಿರ್ಮಿಸಿದ್ದು, ಅದರಲ್ಲಿ ವಿವಿಧ ಸಾಮಗ್ರಿಗಳನ್ನು ದಾಸ್ತಾನು ಮಾಡಿದ್ದರು. ಅಲ್ಲಿ ವಿವಿಧ ಕಟ್ಟಡ ನಿರ್ಮಾಣ ಸಾಮಗ್ರಿ, ಬಗೆ ಬಗೆಯ ಯಂತ್ರೋಪಕರಣ, ವಿದ್ಯುತ್ ಫಿಟಿಂಗ್ ಸಾಮಗ್ರಿ, ಪೈಪು ಹಾಗೂ ಹಾರ್ಡವೇರ್ ಸಾಮಗ್ರಿಗಳನ್ನು ಅವರು ಇರಿಸಿದ್ದರು. ಪ್ರೀತಂ ಮಾಸೂರಕರ್ ಅವರ ಸೋದರಳಿಯರಾಗಿರುವ ಬೈತಖೋಲದ ಚಿರಾಗ ಮಾಸೂರಕರ್ ಅವರು ಆ ಕಟ್ಟಡದ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದರು. ಹೀಗಿರುವಾಗ ಚಿರಾಗ ಮಾಸೂರಕರ್ ಅವರಿಗೆ ಹಣಕಾಸಿನ ಅಗತ್ಯ ಎದುರಾಗಿದ್ದು, ಪ್ರೀತಂ ಮಾಸೂರಕರ್ ಅವರ ಕಟ್ಟಡದಲ್ಲಿದ್ದ 19 ಲಕ್ಷ ರೂ ಮೌಲ್ಯದ ಸಾಮಗ್ರಿಗಳನ್ನು ಮಾರಾಟ ಮಾಡುವ ವಿಚಾರಕ್ಕೆ ಬಿದ್ದರು. 19 ಲಕ್ಷ ರೂ ಮೌಲ್ಯದ ಸಾಮಗ್ರಿಗಳನ್ನು ಅವರು ಬರೇ 70 ಸಾವಿರ ರೂಪಾಯಿಗೆ ಮಾರಾಟ ಮಾಡಿದರು. ಕಡಿಮೆ ಬೆಲೆಗೆ ಬಹಳ ವಸ್ತು ಸಿಗುವುದಾಗಿ ಅರಿತ ಕಾರವಾರ ಕೆಇಬಿ ರಸ್ತೆಯ ಅಬ್ಬಾಸ್ ಬೇರಿ ಹಾಗೂ ಸಾಹಿಲ್ ಬೇರಿ ಸೇರಿ ಅಲ್ಲಿದ್ದ ಎಲ್ಲಾ ಸಾಮಗ್ರಿಗಳನ್ನು ಖರೀದಿಸಿದರು. ಸೆಪ್ಟೆಂಬರ್ 21ರಂದು ಪ್ರೀತಂ ಮಾಸೂರಕರ್ ಅವರು ತಮ್ಮ ತಂದೆಯ ಶ್ರಾದ್ಧ ಮಾಡಲು ಆ ಕಟ್ಟಡದ ಬಳಿ ಹೋದರು. ಆಗ, ಅಲ್ಲಿ ತಾವಿರಿಸಿದ್ದ ಲಕ್ಷಾಂತರ ರೂ ಮೌಲ್ಯದ ವಸ್ತುಗಳು ಕಾಣಲಿಲ್ಲ. ಚಿರಾಗ ಮಾಸೂರಕರ್ ಅವರನ್ನು ಕರೆದು ವಿಚಾರಿಸಿದಾಗ ಅಬ್ಬಾಸ್ ಬೇರಿ ಹಾಗೂ ಸಾಹಿಲ್ ಬೇರಿ ಅವರಿಗೆ ಎಲ್ಲಾ ವಸ್ತು ಮಾರಾಟ ಮಾಡಿದನ್ನು ಒಪ್ಪಿಕೊಂಡರು. ತಮಗೆ ಮಾಹಿತಿ ನೀಡದೇ ಎಲ್ಲಾ ವಸ್ತು ಮಾರಾಟ ಮಾಡಿದ ಚಿರಾಗ ಮಾಸೂರಕರ್ ಹಾಗೂ ಅದನ್ನು ಖರೀದಿಸಿದ ಅಬ್ಬಾಸ್ ಬೇರಿ ಹಾಗೂ ಸಾಹಿಲ್ ಬೇರಿ ವಿರುದ್ಧ ಪ್ರೀತಂ ಮಾಸೂರಕರ್ ಅವರು ಪೊಲೀಸ್ ದೂರು ನೀಡಿದರು. ಕಾರವಾರ ಶಹರ ಪೊಲೀಸ್ ಠಾಣೆಯವರು ಪ್ರಕರಣ ದಾಖಲಿಸಿದರು.
- [ದಾಂಡೇಲಪ್ಪ ಜಾತ್ರೆಗೆ ಜನವೋ ಜನ!](https://mobiletime.in/2025/10/crowds-at-the-dandelappa-fair/): ದಾಂಡೇಲಿಯ ಮಿರಾಶಿಗಲ್ಲಿಯಲ್ಲಿ ವಿಜಯ ದಶಮಿ ದಿನ ನಡೆಯುವ ದಾಂಡೇಲಪ್ಪ ಜಾತ್ರೆಗೆ ನಿರೀಕ್ಷೆಗೂ ಮೀರಿ ಜನ ಬಂದಿದ್ದಾರೆ. ಭಕ್ತರು ದೇವರ ದರ್ಶನ ಮಾಡಿ ತಮ್ಮ ಇಷ್ಟಾರ್ಥ ಸಿದ್ದಿಗಾಗಿ ಪ್ರಾರ್ಥಿಸಿದ್ದಾರೆ. ಜಾತ್ರೆ ಅಂಗವಾಗಿ ಗುರುವಾರ ಬೆಳಗ್ಗೆ ಪಲ್ಲಕ್ಕಿ ಮೆರವಣಿಗೆ ನಡೆಯಿತು. ಹಾಲಮಟ್ಟಿ ದೇವಸ್ಥಾನದಲ್ಲಿ ಸುಮಂಗಲಿಯರ ಪೂರ್ಣ ಕುಂಭದ ಜೊತೆ ಮೆರವಣಿಗೆ ಸಾಗಿತು. ನಂತರ ಪೂಜೆ ಸಲ್ಲಿಸಿ ಜಾತ್ರಾ ಮಹೋತ್ಸವಕ್ಕೆ ಚಾಲನೆ ನೀಡಲಾಯಿತು. ಹಳಿಯಾಳ ರಸ್ತೆಯ ಮೂರನೇ ನಂಬರ್ ಗೇಟಿನ ಹಾಲಮಡ್ಡಿ ರಸ್ತೆಯ ಇಕ್ಕಲಗಳಲ್ಲಿ ಬಗೆ ಬಗೆಯ ಆಟಕ್ಕೆ ಹಾಗೂ ದಿನಸಿ ಅಂಗಡಿಗಳು ಬಂದಿದ್ದವು. ಅಲ್ಲಿನ ಮಳಿಗೆಗಳು ಜಾತ್ರೆಯ ಸಂಭ್ರಮ ಹೆಚ್ಚಿಸಿದವು. ಆಗಮಿಸಿದ ಭಕ್ತರಿಗೆ ವಿವಿಧ ಸಂಘಟನೆಯವರು ಉಪಚರಿಸಿದರು. ದಿನವಿಡೀ ಭಕ್ತರಿಗೆ ತಿಂಡಿ ತಿನಿಸು ಪಾನೀಯ ಹಾಗೂ ಮಹಾಪ್ರಸಾದ ವಿತರಣೆ ನಡೆಯಿತು. ಜಾತ್ರೆ ಅಂಗವಾಗಿ ಬುಧವಾರ ಬೆಳಗ್ಗೆಯೇ ಭಕ್ತರು ಕ್ಷೇತ್ರಕ್ಕೆ ಬಂದಿದ್ದರು. ಸಾಲಿನಲ್ಲಿ ನಿಂತ ಜನ ದೇವರಿಗೆ ಹಣ್ಣು-ಹಂಪಲು ಅರ್ಪಿಸಿ ಬೇಡಿಕೊಂಡರು. ಹರಕೆ ಹೊತ್ತ ಭಕ್ತರು ತಮ್ಮ ಹರಕೆ ತೀರಿಸಿದರು. ಅದಾದ ನಂತರ ದೇವಸ್ಥಾನದ ಸುತ್ತಲೂ ದಿಂಡ ನಮಸ್ಕಾರ ಹಾಕಿ ತುಲಾಭಾರ ಸೇವೆ ಮಾಡಿದರು. ಬೇರೆ ಬೇರೆ ಧರ್ಮದವರು ಸಹ ಈ ಉತ್ಸವದಲ್ಲಿ ಭಾಗಿಯಾಗಿದ್ದು ವಿಶೇಷವಾಗಿತ್ತು. ಹೊರ ರಾಜ್ಯದ ಸಾವಿರಾರು ಭಕ್ತರು ಜಾತ್ರೆಯಲ್ಲಿ ಕಾಣಿಸಿಕೊಂಡರು.
- [ಆಕ್ಷೆಪಣೆ ಹಿನ್ನಲೆ ಈ ವರದಿ ಪ್ರಸಾರಕ್ಕೆ ತಾತ್ಕಾಲಿಕ ತಡೆ ನೀಡಲಾಗಿದೆ](https://mobiletime.in/2025/10/a-flirt-caught-on-camera-the-one-who-called-him-for-work-also-called-him-for-sx/): ಗೂಗಲ್ ಆಡ್‌ಸೆನ್ಸ್ ತಂಡದ ಆಕ್ಷೆಪಣೆ ಸಲ್ಲಿಕೆ ಹಿನ್ನಲೆ ಈ ವರದಿ ಪ್ರಸಾರಕ್ಕೆ ತಾತ್ಕಾಲಿಕ ತಡೆ ನೀಡಲಾಗಿದೆ
- [2025 ಅಕ್ಟೊಬರ್ 2ರ ದಿನ ಭವಿಷ್ಯ](https://mobiletime.in/2025/10/prediction-for-october-2-2025/): ಮೇಷ ರಾಶಿ: ನಿಮ್ಮ ಜೀವನವನ್ನು ಉತ್ತಮವಾಗಿ ರೂಪಿಸಿಕೊಳ್ಳುವ ಆಯ್ಕೆ ನಿಮ್ಮ ಮುಂದಿದೆ. ಬೇರೆಯವರ ಮಾತು ಕೇಳುವ ಬದಲು ಸರಿಯಾದ ನಿರ್ಣಯ ಮಾಡಿ. ವೃಷಭ ರಾಶಿ: ಹಳೆಯ ಸ್ನೇಹಿತರ ಭೇಟಿ ಆಗಲಿದೆ. ಸ್ನೇಹಿತರ ಮೂಲಕ ಹೊಸ ಅವಕಾಶಗಳು ಸಿಗಲಿದೆ. ನೀವು ಮಾಡಿದ ಸಣ್ಣ ಪ್ರಯತ್ನ ಸಹ ಉತ್ತಮ ಫಲ ಕೊಡಲಿದೆ. ಮಿಥುನ ರಾಶಿ: ಬೇರೆಯವರು ಹೇಳಿದ ಮಾತಿಗೆ ಬೇಸರಿಸಿ ಪ್ರಯೋಜನವಿಲ್ಲ. ನಿಮ್ಮ ಕುಟುಂಬದವರು ಸದಾ ನಿಮ್ಮ ಬೆಂಬಲಕ್ಕೆ ಇರುತ್ತಾರೆ. ಜೀವನದಲ್ಲಿ ಯಶಸ್ಸುಪಡೆಯಲು ಶ್ರಮ ಅಗತ್ಯ. ಕರ್ಕ ರಾಶಿ: ಜಗಳ, ಗಲಾಟೆ, ವಿವಾದಗಳು ನಿಮಗೆ ಒಳ್ಳೆಯದಲ್ಲ. ಒತ್ತಡದ ಬದುಕಿನಿಂದ ಹೊರಬರಲು ಪ್ರಯತ್ನಿಸಿ. ತಾಳ್ಮೆಯೇ ನಿಮ್ಮ ಸಾಧನೆಯ ಸೂತ್ರವಾಗಲಿದೆ. ಸಿಂಹ ರಾಶಿ: ಖರೀದಿ ಯೋಜನೆಗಳಿದ್ದರೆ ಅದನ್ನು ಮುಂದೂಡಿ. ಹೊಸ ನಿರ್ಧಾರಗಳನ್ನು ಕೈಗೊಳ್ಳುವ ಮುನ್ನ ಸಾಕಷ್ಟು ವಿಚಾರ ಮಾಡಿ. ಕುಟುಂಬದ ಜೊತೆ ಕಾಲ ಕಳೆಯಿರಿ. ಕನ್ಯಾ ರಾಶಿ: ನಿಮ್ಮ ಮನಸ್ಸು ಚಂಚಲ ಸ್ಥಿತಿಯಲ್ಲಿದ್ದು, ಶಾಂತ ಚಿತ್ತದಿಂದ ಯೋಚನೆ ಮಾಡುವುದು ಅಗತ್ಯ. ನೀವು ವಾಹನಗಳನ್ನು ಓಡಿಸುವುದು ಒಳಿತಲ್ಲ. ಅನಿವಾರ್ಯವಾಗಿದ್ದರೆ ನಿಧಾನವಾಗಿ ವಾಹನ ಓಡಿಸಿ. ತುಲಾ ರಾಶಿ: ನಿಮ್ಮ ಆದಾಯ ವೃದ್ಧಿ ಆಗಲಿದೆ. ಲಾಭದಾಯಿಕ ಅವಕಾಶಗಳು ನಿಮ್ಮನ್ನು ಅರೆಸಿ ಬರಲಿದೆ. ಒತ್ತಡ ಮುಕ್ತ ಜೀವನಕ್ಕಾಗಿ ಧ್ಯಾನ ಮಾಡಿ. ವೃಶ್ಚಿಕ ರಾಶಿ: ಮಿತ್ರರ ಸಹಕಾರದಿಂದ ಹೊಸ ರೀತಿಯ ಸಂಘಟನೆಗಳ ರಚನೆಗೆ ಅವಕಾಶವಿದೆ. ಹೊಸ ಆದಾಯ ಮೂಲಗಳು ಹುಟ್ಟಿಕೊಳ್ಳಲಿದೆ. ಆರೋಗ್ಯದಲ್ಲಿ ಕೊಂಚ ಬದಲಾವಣೆಯ ಲಕ್ಷಣಗಳಿವೆ. ಧನು ರಾಶಿ: ವೃತ್ತಿಯಲ್ಲಿ ಬೆಳವಣಿಗೆಗೆ ಗುರು-ಹಿರಿಯರ ಸಹಕಾರ ಸಿಗಲಿದೆ. ನಿಮ್ಮ ಮನಸ್ಸು ಪ್ರಸನ್ನತೆಯಿಂದ ಕೂಡಿರಲಿದ್ದು, ಉತ್ಸಾಹ ಹೆಚ್ಚಾಗಲಿದೆ. ಚಿನ್ನ, ಭೂಮಿ ಮೇಲಿನ ಹೂಡಿಕೆಗೆ ಸೂಕ್ತ ಸಮಯ. ಮಕರ ರಾಶಿ: ಪ್ರೀತಿ-ಪ್ರೇಮ ವಿಷಯಗಳನ್ನು ಇನ್ನಷ್ಟು ಗಾಡವಾಗಿ ನಿಮ್ಮನ್ನು ಕಾಡಲಿದೆ. ಧಾರ್ಮಿಕ ಕಾರ್ಯಗಳು ಸರಾಗವಾಗಿ ಸಾಗಲಿದೆ. ಮದುವೆ ಆಗದವರಿಗೆ ಸಂಗಾತಿಯ ಬಗ್ಗೆ ಸುಳಿವು ಸಿಗಲಿದೆ. ಕುಂಭ ರಾಶಿ: ನೀವು ಮಾಡುವ ಕೆಲಸದಲ್ಲಿ ಸಣ್ಣಪುಟ್ಟ ತಪ್ಪುಗಳಾಗುವ ಸಾಧ್ಯತೆಯಿದ್ದು, ತಪ್ಪುಗಳನ್ನು ತಿದ್ದಿ ಮುನ್ನಡೆಯುವುದು ಮುಖ್ಯ. ಕ್ರಿಯಾತ್ಮಕ ಚಟುವಟಿಕೆಗಳಲ್ಲಿ ತೊಡಗಲಿದ್ದೀರಿ. ಸಾಧನೆ ಮಾಡುವ ಕಡೆ ಗಮನಹರಿಸಿ. ಮೀನ ರಾಶಿ: ಹೊಸ ಯೋಜನೆಗಳು ನಿಮ್ಮ ಯಶಸ್ಸಿಗೆ ದಾರಿ ತೋರಲಿದೆ. ಪ್ರೀತಿ ವಿಷಯವಾಗಿ ತಮಾಷೆ ಮಾಡಬೇಡಿ. ಆಕಸ್ಮಿಕ ಖರ್ಚು ವೆಚ್ಚಗಳು ಬರುವ ಸಾಧ್ಯತೆಯಿರುವುದರಿಂದ ಆರೋಗ್ಯದಲ್ಲಿ ಎಚ್ಚರಿಕೆವಹಿಸಿ.
- [ಮಹಾತ್ಮ ನಡೆದ ದಾರಿ: ಕಾರವಾರದಲ್ಲಿ ಗಾಂಧೀಜಿ ಹೆಜ್ಜೆ ಗುರುತು](https://mobiletime.in/2025/10/the-path-walked-by-the-mahatma-gandhijis-footprints-in-karwar/): 90 ವರ್ಷದ ಹಿಂದೆ ಉತ್ತರ ಕನ್ನಡ ಜಿಲ್ಲೆಗೆ ಗಾಂಧೀಜಿ ಬಂದಿದ್ದರು. ಕುದುರೆ ಏರಿ ಬರುತ್ತಿದ್ದ ಗಾಂಧೀಜಿ ಅವರನ್ನು ನೋಡಲು ಆ ಕಾಲದಲ್ಲಿಯೇ 2 ಸಾವಿರ ಜನ ಸೇರಿದ್ದರು. ಅವರೆಲ್ಲರೂ ಗಾಂಧೀಜಿ ಅವರು ಮಾಡಿದ ಅಸ್ಪçಶ್ಯತೆ ವಿರುದ್ಧದ ಭಾಷಣ ಕೇಳಿ ಪುಳಕಿತರಾದರು. 1934 ಫೆ 27ರಂದು ಮಹಾತ್ಮಾ ಗಾಂಧೀಜಿ ಉಡುಪಿಯಿಂದ ಕಾರವಾರಕ್ಕೆ ಆಗಮಿಸಿದ್ದರು. ನಗರಕ್ಕೆ ಬಂದಿದ್ದ ಗಾಂಧೀಜಿ ಇಲ್ಲಿನ ವಾಮಾನಶ್ರಮ ರಸ್ತೆಯಲ್ಲಿರುವ ಹಳದಿಪುರ ಎಂಬಾತರ ಮನೆಯಲ್ಲಿ ತಂಗಿದ್ದರು. ಮರುದಿನ ಮುಂಜಾನೆ ಅಸ್ಪೃಶ್ಯತೆಯ ಕುರಿತು ಸಾವಿರಾರು ಜನರನ್ನು ಉದ್ದೇಶಿಸಿ ಮಾತನಾಡಿದ್ದರು. ಆ ವೇಳೆ ಕಾರವಾರ ನಗರಾಡಳಿತ ಅಧ್ಯಕ್ಷರಾಗಿದ್ದ ಪಿ.ಎಸ್.ಮುಜುಂದಾರ್, ಹಿಂದು ಮಹಾಸಭಾದ ಅಧ್ಯಕ್ಷ ಎಂ ಬಿ ಬರ‍್ಕರ್. ಉದ್ಯಮಿ ಕೆ ಆರ್.ಹಳದಿಪುರಕರ್ ಹಾಗೂ ಹೊರ ಜಿಲ್ಲೆಗಳ ಹಲವು ಗಣ್ಯರು ಗಾಂಧಿಜೀಯವರನ್ನು ಆತ್ಮೀಯವಾಗಿ ಬರಮಾಡಿಕೊಂಡು ಆತಿಥ್ಯ ನೀಡಿದ್ದರು. ಗಾಂಧೀಜಿ ನಡೆದ ಹೆಜ್ಜೆಗಳು ಹಳದಿಪುರ ಕುಟುಂಬದವರ ಮನದಲ್ಲಿ ಮೆಲಕು ಹಾಕುತ್ತಿವೆ. ಹಳದಿಪುರಕರ್ ಅವರ ಮನೆಯ ಆವರಣದಲ್ಲಿ ಸೆ 28ರ ಬೆಳಗ್ಗೆ ಗಾಂಧೀಜಿ ಪ್ರಾರ್ಥನೆ ನಡೆಸಿದ್ದರು. ಅದಾದ ನಂತರ ಸಾರ್ವಜನಿಕ ಸಭೆ ನಡೆಸಿದ್ದರು. ನಂತರ ಅವರಿಗೆ ಸ್ಥಳಿಯರು ಸಾಗವಾನಿ ಮರದಿಂದ ಮಾಡಿದ ಹಾಗೂ ನಗರಾಡಳಿತದಿಂದ ಬೆಳ್ಳಿಯಲ್ಲಿ ಸ್ಮರಣಿಕೆ ನೀಡಲಾಯಿತು. ಅದನ್ನು ಸ್ಥಳದಲ್ಲೇ ಗಾಂಧೀಜಿ ಹರಾಜು ಹಾಕಿದರು. ಹಳದಿಪುರಕರ್ ಕುಟುಂಬ ಎರಡನ್ನೂ 532ರೂಪಾಯಿ ನೀಡಿ ಖರೀದಿಸಿತ್ತು. ಗಾಂಧಿಜೀ ಅವರು ಕಾರವಾರಕ್ಕೆ ಬಂದಾಗಿನ ಚಿತ್ರಗಳು. ಅವರಿಗೆ ನೀಡಿದ ಸ್ಮರಣಿಕೆಗಳು ಇಂದಿಗೂ ಹಳದಿಪುರಕರ್ ಮನೆಯಲ್ಲಿ ಕಾಣಸಿಗುತ್ತವೆ. ಮಹಾತ್ಮಾ ಗಾಂಧೀಜಿ ಕಾರವಾರಕ್ಕೆ ಬಂದು 9 ದಶಕ ಕಳೆದಿವೆ. ಅವರ ಹೆಜ್ಜೆ ಗುರುತುಗಳನ್ನು ರಕ್ಷಿಸುವ ಕಾರ್ಯ ಕಾರವಾರದ ಹಳದಿಪುರಕರ್ ಕುಟುಂಬ ಕುಡಿ ಮಾಡುತ್ತಿದೆ. ಹಳದಿಪುರ ಅವರ ಮನೆಯಲ್ಲಿ ಇಂದಿಗೂ ಗಾಂಧೀಜಿ ಅವರು ಬಂದಿದ್ದ ಸಂದರ್ಭದ ಫೊಟೊಗಳು, ಸ್ಮರಣಿಕೆಗಳನ್ನು ಸಂರಕ್ಷಿಸಿಡಲಾಗಿದೆ.
- [ಕಾಂಗ್ರೆಸ್ ಕಟ್ಟಾಳುವಿಗೆ ಸಿಕ್ಕಿದ ಅಧ್ಯಕ್ಷ ಹುದ್ದೆ!](https://mobiletime.in/2025/10/congress-stalwart-gets-the-post-of-president/): ಕಳೆದ 20 ವರ್ಷಗಳಿಂದ ಕಾಂಗ್ರೆಸ್ ಕಾರ್ಯಕರ್ತರಾಗಿ ಶ್ರಮಿಸಿದ ಯಲ್ಲಾಪುರದ ಸತೀಶ್ ನಾಯ್ಕ ಅವರಿಗೆ ಕೆಪಿಸಿಸಿ ಯಲ್ಲಾಪುರ ಕಾಂಗ್ರೆಸ್ ನಗರ ಘಟಕದ ಅಧ್ಯಕ್ಷ ಸ್ಥಾನ ನೀಡಿದೆ. ಆ ಮೂಲಕ ಪಕ್ಷದ ಸಭೆ-ಸಮಾರಂಭಗಳಲ್ಲಿ ಬ್ಯಾನರ್ ಕಟ್ಟುವ ಕೆಲಸದಿಂದಹಿಡಿದು ವೇದಿಕೆ ನಿರ್ಮಾಣದವರೆಗೂ ದುಡಿದ ಕಾರ್ಯಕರ್ತನನ್ನು ಕಾಂಗ್ರೆಸ್ ಗುರುತಿಸಿದೆ. ಸತೀಶ ನಾಯ್ಕ ಅವರು ಶಾಸಕ ಶಿವರಾಮ ಹೆಬ್ಬಾರ್ ಅವರ ಗರಡಿಯಲ್ಲಿ ಪಳಗಿದವರು. ಎರಡು ದಶಕಗಳಿಂದ ಅವರು ಶಿವರಾಮ ಹೆಬ್ಬಾರ್ ಅವರ ಜೊತೆಯಿದ್ದಾರೆ. ಮಂಜುನಾಥ ನಗರದ ಮೂಲ ನಿವಾಸಿಯಾಗಿರುವ ಅವರು ಆ ಭಾಗದ ವಾರ್ಡ ಸದಸ್ಯರಾಗಿಯೂ ಅವರು ಕೆಲಸ ಮಾಡುತ್ತಿದ್ದಾರೆ. ತುರ್ತು ಸನ್ನಿವೇಶಗಳಲ್ಲಿ ಜನ ಫೋನ್ ಮಾಡಿದಾಗ ತಕ್ಷಣ ಸ್ಥಳಕ್ಕೆ ಹೊಗಿ ಅವರ ಸಮಸ್ಯೆ ಆಲಿಸುತ್ತಿದ್ದಾರೆ. ಕಲೆ, ಸಾಹಿತ್ಯದ ವಿಷಯದಲ್ಲಿಯೂ ಸತೀಶ ನಾಯ್ಕ ಅವರು ಮುಂಚೂಣಿಯಲ್ಲಿದ್ದಾರೆ. ಪಟ್ಟಣ ಪಂಚಾಯತ ಅಧ್ಯಕ್ಷ ಆಕಾಂಕ್ಷಿಯಾಗಿದ್ದ ಸತೀಶ್ ನಾಯ್ಕ ಅವರಿಗೆ ಕೊನೆಕ್ಷಣದಲ್ಲಿ ಆ ಹುದ್ದೆ ಕೈ ತಪ್ಪಿತ್ತು. ಪಟ್ಟಣ ಪಂಚಾಯತ ಅಧಿಕಾರ ಅವಧಿ ಮುಗಿಯುವ ಸಮಯದಲ್ಲಿ ಅವರಿಗೆ ಪಕ್ಷ ನಗರ ಘಟಕದ ಅಧ್ಯಕ್ಷ ಸ್ಥಾನ ನೀಡಿದೆ. ಶಾಸಕ ಶಿವರಾಮ ಹೆಬ್ಬಾರ್ ಅವರ ಜೊತೆ ಮಾಜಿ ಶಾಸಕ ವಿ ಎಸ್ ಪಾಟೀಲ್, ಕೆಪಿಸಿಸಿ ಸದಸ್ಯ ವಿವೇಕ್ ಹೆಬ್ಬಾರ್, ಪ್ರಮುಖರಾದ ವಿಜಯ್ ಮಿರಾಶಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ವಿ ಎಸ್ ಭಟ್ ಅವರ ಶಿಫಾರಸ್ಸಿನಿಂದ ಸತೀಶ್ ನಾಯ್ಕ ಅವರಿಗೆ ಈ ಹುದ್ದೆ ಸಿಕ್ಕಿದೆ. ಮುಂದಿನ ಚುನಾವಣೆಗೆ ಈ ಹುದ್ದೆ ಮಹತ್ವಪೂರ್ಣವಾಗಿದೆ.
- [ವಿಷ ಪ್ರಾಶನ: ಚಾಲಕನ ಸಾವಿನಲ್ಲಿ ಅನುಮಾನ!](https://mobiletime.in/2025/10/poisoning-suspicion-in-drivers-death/): ಶಿರಸಿಯ ಪ್ರವೀಣ ಭೋವಿ ಅವರ ಲಾರಿಗೆ ಚಾಲಕರಾಗಿ ಕೆಲಸ ಮಾಡುತ್ತಿದ್ದ ಆಕಾಶ ಮಾಳಿ ಅವರು ವಿಷ ಕುಡಿದಿದ್ದಾರೆ. ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಎರಡು ದಿನ ಆರೈಕೆ ಮಾಡಿದರೂ ಅವರು ಬದುಕಲಿಲ್ಲ. ಶಿರಸಿ ಕಸ್ತೂರಿಬಾ ನಗರದ ಸೂಫಾ ಸರ್ಕಲ್ ಬಳಿ ಆಕಾಶ ಮಾಳಿ (33) ಅವರು ವಾಸವಾಗಿದ್ದರು. ಚಾಲಕರಾಗಿ ಪರಿಣಿತಿಪಡೆದಿದ್ದ ಅವರು ಕೆಲಸ ಅರೆಸಿ ಗಣೇಶ ನಗರದ ಪ್ರವೀಣ ಭೋವಿ ಅವರ ಬಳಿ ಹೋಗಿದ್ದರು. ಪ್ರವೀಣ ಭೋವಿ ಅವರು ಆಕಾಶ ಮಾಳಿ ಅವರಿಗೆ ತಮ್ಮ ಲಾರಿ ಕೊಟ್ಟು ಜೀವನ ನಿರ್ವಹಣೆಗೆ ದಾರಿ ಮಾಡಿಕೊಟ್ಟಿದ್ದರು. ಹೀಗಾಗಿ ಆಕಾಶ ಮಾಳಿ ಅವರು ಕಳೆದ ಐದಾರು ತಿಂಗಳಿನಿoದ ಪ್ರವೀಣ ಬೋವಿ ಅವರ ಲಾರಿಗೆ ಚಾಲಕರಾಗಿ ಕೆಲಸ ಮಾಡಿಕೊಂಡಿದ್ದರು. ಈಚೆಗೆ ಆಕಾಶ ಮಾಳಿ ಅವರು ಮಾನಸಿಕವಾಗಿ ಕುಗ್ಗಿದ್ದರು. ಅವರ ಸಮಸ್ಯೆ ಏನು ಎಂದು ಯಾರಿಗೂ ಹೇಳಿರಲಿಲ್ಲ. ಸಾಕಷ್ಟು ಒತ್ತಡದಲ್ಲಿ ಅವರು ಕೆಲಸ ಮಾಡುತ್ತಿದ್ದರು. ಆಕಾಶ ಮಾಳಿ ಅವರು ಮನಸ್ಸಿಗೆ ಬೇಸರವಾಗಿದ್ದ ಕಾರಣ ಸೆಪ್ಟೆಂಬರ್ 29ರ ಮಧ್ಯಾಹ್ನ ಶಿರಸಿ ಬನವಾಸಿ ರಸ್ತೆಯ ಟಿಪ್ಪು ನಗರ ಕಾಲೇಜಿನ ಬಳಿ ಹೋಗಿದ್ದರು. ಅಲ್ಲಿಯೇ ಅವರು ಯಾವುದೋ ವಿಷ ಪದಾರ್ಥ ಸೇವಿಸಿದರು. ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾದ ಆಕಾಶ ಮಾಳಿ ಅವರನ್ನು ಶಿರಸಿಯ ಪಂಡಿತ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ ಹುಬ್ಬಳ್ಳಿಯ ಕಿಮ್ಸ್’ಗೆ ಕರೆದೊಯ್ಯಲಾಯಿತು. ಎರಡು ದಿನಗಳ ಕಾಲ ಅವರಿಗೆ ನಿರಂತರ ಆರೈಕೆ ನಡೆಯಿತು. ಕೊನೆಕ್ಷಣದವರೆಗೂ ಆಕಾಶ ಮಾಳಿ ಅವರನ್ನು ಬದುಕಿಸಿಕೊಳ್ಳುವ ಪ್ರಯತ್ನ ನಡೆಯಿತು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ಅಕ್ಟೊಬರ್ 1ರ ನಸುಕಿನಲ್ಲಿ ಆಕಾಶ ಮಾಳಿ ಅವರು ಸಾವನಪ್ಪಿದರು. ಅವರ ಜೊತೆ ಆ ಸಾವಿನ ಕಾರಣವೂ ಸಾವನಪ್ಪಿತು. ಹೀಗಾಗಿ ಆಕಾಶ ಮಾಳಿ ಅವರ ಸಾವಿನ ವಿಷಯದಲ್ಲಿ ಸಂಶಯ ಕಾಡಿತು. ಆಕಾಶ ಮೌಳಿ ಅವರ ತಂದೆ ಜಗದೀಶ ಮಾಳಿ ಅವರು ಸಾವಿನ ಬಗ್ಗೆ ಸಂಶಯವಿರುವುದಾಗಿ ಪೊಲೀಸರಿಗೆ ತಿಳಿಸಿದ್ದು, ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ತನಿಖೆ ನಡೆಸುವ ಉದ್ದೇಶದಿಂದ ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [ಒಂದೇ ದಿನ ಎರಡು ಅವಘಡ: ಜನರ ಜೀವ ಉಳಿಸಿದ ಚಾಲಕ!](https://mobiletime.in/2025/10/two-accidents-in-one-day-driver-saves-lives/): ಉತ್ತರ ಕನ್ನಡ ಜಿಲ್ಲೆಯ ಎರಡು ಕಡೆ ಬುಧವಾರ ಮಧ್ಯಾಹ್ನ ಬಸ್ ಅಪಘಾತ ನಡೆದಿದೆ. ಚಾಲಕರ ಸಮಯ ಪ್ರಜ್ಞೆಯಿಂದಾಗಿ ಎರಡೂ ಕಡೆ ದೊಡ್ಡ ಅವಘಡ ನಡೆದಿಲ್ಲ. ಶಿರಸಿಯ ಬನವಾಸಿ ಚಂದ್ರಗುತ್ತಿ ಮಾರ್ಗದ ಬಾಶಿ ಬಳಿ ಬಸ್ಸು ರಸ್ತೆ ಅಂಚಿಗೆ ಸರಿದಿದೆ. ದೊಡ್ಡ ಪ್ರಮಾಣದಲ್ಲಿ ಗಿಡ-ಗಂಟಿಗಳು ಬೆಳೆದಿದ್ದರಿಂದ ಬಸ್ಸು ಅದಕ್ಕೆ ಡಿಕ್ಕಿಯಾಗಿ ಅಲ್ಲಿಯೇ ನಿಂತಿದೆ. ಮುಂಡಗೋಡಿನ ಸನವಳ್ಳಿ ಬಳಿ ಸಹ ಬಸ್ಸಿನ ಸ್ಟೇರಿಂಗ್ ತುಂಡಾಗಿ ಬಸ್ಸು ರಸ್ತೆ ಬದಿಗೆ ವಾಲಿದೆ. ಕೊಂಚ ಆಯತಪ್ಪಿದರೂ ಬಸ್ಸಿನಲ್ಲಿದ್ದವರೆಲ್ಲರೂ ಪೆಟ್ಟು ಮಾಡಿಕೊಳ್ಳುವ ಅಪಾಯವಿದ್ದು, ಈ ಎರಡು ಕಡೆ ಚಾಲಕರ ಚಾಣಾಕ್ಷತನದಿಂದ ಪ್ರಯಾಣಿಕರು ಜೀವಾಪಾಯದಿಂದ ಪಾರಾಗಿದ್ದಾರೆ. ಬನವಾಸಿಯಿಂದ ಚಂದ್ರಗುತ್ತಿಗೆ ಸಾಗುವ ರಸ್ತೆ ಬದಿಯಲ್ಲಿ ದೊಡ್ಡ ಪ್ರಮಾಣದಲ್ಲಿ ಜಗ್ಗೆ ಬೆಳೆದಿದೆ. ಇದರಿಂದ ಆ ಮಾರ್ಗದಲ್ಲಿ ಎದುರಿನಿಂದ ಬರುವ ವಾಹನಗಳು ಚಾಲಕರಿಗೆ ಕಾಣುತ್ತಿಲ್ಲ. ಎದುರಿನಿಂದ ಏಕಾಏಕಿ ವಾಹನ ಬಂದ ಕಾರಣ ಬಾಶಿ ಬಳಿ ಸಂಚರಿಸುತ್ತಿದ್ದ ಬಸ್ಸಿನ ಚಾಲಕ ಬಸ್ಸನ್ನು ಎಡಕ್ಕೆ ತಿರುಗಿಸಿದ್ದು, ಈ ವೇಳೆ ಬಸ್ಸು ನಿಯಂತ್ರಣ ತಪ್ಪಿತು. ಬಸ್ಸು ಕಂದಕಕ್ಕೆ ಬೀಳುವ ಅಪಾಯ ಅರಿತ ಚಾಲಕ ತಕ್ಷಣ ಬಸ್ಸನ್ನು ನಿಯಂತ್ರಿಸಿ ಜನರ ಜೀವ ಉಳಿಸಿದರು. ಬಂಕಾಪುರದಿoದ ಮುಂಡಗೋಡಿಗೆ ಬರುತ್ತಿದ್ದ ಬಸ್ಸು ಸನವಳ್ಳಿಯಲ್ಲಿ ಸ್ಟೇರಿಂಗ್ ತುಂಡಾಯಿತು. ಆ ಸ್ಟೇರಿಂಗ್ ಚಾಲಕರ ಕೈಗೆ ಬಂದಿತು. ಈ ವೇಳೆ ಬಸ್ಸು ವಾಲಿದ್ದು, ಕಂದಕದ ಕಡೆ ತಿರುಗಿತು. ತಕ್ಷಣ ಚಾಲಕ ಬ್ರೆಕ್ ಅದುಮಿ ಬಸ್ಸನ್ನು ತಮ್ಮ ನಿಯಂತ್ರಣಕ್ಕೆ ತಂದರು. ಆ ಮೂಲಕ ಬಸ್ಸಿನ ಒಳಗಿದದ 40 ಜನರ ಜೀವ ಕಾಪಾಡಿದರು. ಡಕೋಟಾ ಎಕ್ಸಪ್ರೆಸ್ ಬಸ್ಸು ಓಡಿಸಿದ ಕಾರಣ ಈ ಅವಾಂತರ ನಡೆದ ಬಗ್ಗೆ ಪ್ರಯಾಣಿಕರು ದೂರಿದರು. `ಶಿರಸಿಯ ಬಾಶಿಯಲ್ಲಿ ರಸ್ತೆ ಪಕ್ಕ ಗಿಡ-ಗಂಟಿಗಳನ್ನು ಕಟಾವು ಮಾಡದ ಕಾರಣ ನಿತ್ಯವೂ ಈ ಭಾಗದಲ್ಲಿ ಅವಘಡ ನಡೆಯುತ್ತಿದೆ. ಶಾಲಾ ಮಕ್ಕಳು ಹೆಚ್ಚಿಗೆ ಓಡಾಟ ನಡೆಸುವ ಈ ರಸ್ತೆಯಲ್ಲಿ ಅಪಾಯ ಆಗುವ ಮೊದಲೇ ಎಚ್ಚೆತ್ತುಕೊಳ್ಳಬೇಕು’ ಎಂದು ಭಾಶಿ ಗ್ರಾಮ ಪಂಚಾಯತ ಸದ್ಯಸ ಗಜಾನನ ಎಂ ಗೌಡ ಅವರು ಆಕ್ರೋಶದಿಂದ ಮಾತನಾಡಿದರು. ತುರ್ತು ಕ್ರಮ ಆಗದೇ ಇದ್ದರೆ ಉಗ್ರ ಹೋರಾಟ ನಡೆಸುವುದಾಗಿಯೂ ಎಚ್ಚರಿಸಿದರು.
- [ಕೆಂಪು ಕಾರು-ಕಪ್ಪು ಮನುಷ್ಯ: ದಾರಿ ಕೇಳುವ ನೆಪದಲ್ಲಿ ದರೋಡೆ!](https://mobiletime.in/2025/10/red-car-black-man-robbery-under-the-pretext-of-asking-for-directions/): ದಾರಿ ಕೇಳುವ ನೆಪದಲ್ಲಿ ರಸ್ತೆಯಲ್ಲಿ ಹೋಗುವವರನ್ನು ನಿಲ್ಲಿಸಿ ಅವರ ಬಳಿಯಿದ್ದ ವಸ್ತುಗಳನ್ನು ದರೋಡೆ ಮಾಡುವ ತಂಡ ಎಲ್ಲಡೆ ತಿರುಗಾಡುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಇಬ್ಬರು ಈ ತಂಡದವರ ಬಳಿ ಸಿಕ್ಕಿಬಿದ್ದಿದ್ದು, ಡಕಾಯಿತರ ಹೆಡೆಮುರಿ ಕಟ್ಟುವುದಕ್ಕಾಗಿ ಪೊಲೀಸರು ಕಾದು ಕುಳಿತಿದ್ದಾರೆ. ಕೆಂಪು ಬಣ್ಣದ ಶಿಪ್ಟ್ ಕಾರಿನಲ್ಲಿ ಡಕಾಯಿತರು ತಿರುಗುತ್ತಿದ್ದಾರೆ. ನಿರ್ಜನ ಪ್ರದೇಶದಲ್ಲಿ ಸಂಚರಿಸುವವರನ್ನು ನಿಲ್ಲಿಸಿ ರಸ್ತೆ ಕೇಳುವ ನೆಪದಲ್ಲಿ ಅವರನ್ನು ದರೋಡೆ ಮಾಡುತ್ತಿದ್ದಾರೆ. ಕಾರಿನಲ್ಲಿ ಬರುವ ಡಕಾಯಿತರು ಕನ್ನಡದಲ್ಲಿಯೇ ಮಾತನಾಡುತ್ತಾರೆ. ಈಗಾಗಲೇ ಮೂರು ದರೋಡೆ ಪ್ರಕರಣಗಳು ನಡೆದಿದ್ದು, ಒಬ್ಬರ ಬಳಿಯಿದ್ದ 8 ಸಾವಿರ ರೂ ಹಣ ಡಕಾಯಿತರ ಪಾಲಾಗಿದೆ. ಮತ್ತೊಬ್ಬರ ಮೊಬೈಲ್ ಹಾಗೂ 5 ಸಾವಿರ ರೂ ದುಡ್ಡನ್ನು ಕಾರಿನಲ್ಲಿ ಬಂದವರು ದೋಚಿದ್ದಾರೆ. ಮುಂಡಗೋಡು ಗಡಿಭಾಗದ ತಡಸ್ ಬಳಿ ಶಿರಸಿ ಹಾಗೂ ಮುಂಡಗೋಡಿನ ವ್ಯಕ್ತಿಯೊಬ್ಬರನ್ನು ಅಡ್ಡಗಟ್ಟಿ ಕಾರಿನಲ್ಲಿದ್ದವರು ದರೋಡೆ ಮಾಡಿದ್ದಾರೆ. ಕಳೆದ ನಾಲ್ಕು ದಿನಗಳಿಂದ ಡಕಾಯಿತರ ಸಂಚಾರ ಜೋರಾಗಿದ್ದು, ಮುಂಡಗೋಡು ಭಾಗದಲ್ಲಿ ಪೊಲೀಸರು ರಾತ್ರಿಯಿಡೀ ಗಸ್ತು ತಿರುಗುತ್ತಿದ್ದಾರೆ. ಹೀಗಾಗಿ ಸದ್ಯ ಆ ಭಾಗದಲ್ಲಿ ಡಕಾಯಿತರ ಸುಳಿವು ಇಲ್ಲ. ತಡಸ್ ಪೊಲೀಸರು ಪ್ರಕರಣ ದಾಖಲಿಸಿ ಡಕಾಯಿತರ ಶೋಧ ನಡೆಸುತ್ತಿದ್ದಾರೆ. ಬೈಕು, ಕಾರಿನಲ್ಲಿ ಹೋಗುವವರನ್ನು ಈ ಡಕಾಯಿತರು ತಡೆದು ನಿಲ್ಲಿಸುತ್ತಿದ್ದಾರೆ. ವಿಳಾಸ ಕೇಳುವ ಅಥವಾ ಇನ್ಯಾವುದೇ ವಿಷಯವಾಗಿ ಮಾತನಾಡಿಸಿ ದಾಳಿ ಮಾಡುತ್ತಿದ್ದಾರೆ. ಮುಂಡಗೋಡು ವ್ಯಾಪ್ತಿಯಲ್ಲಿ ಕಟ್ಟೆಚ್ಚರವಹಿಸಲಾಗಿದೆ. ಉಳಿದ ಕಡೆಯೂ ಅನುಮಾನಾಸ್ಪದ ವ್ಯಕ್ತಿಗಳ ಮೇಲೆ ನಿಗಾವಹಿಸಲಾಗಿದೆ. ಅದಾಗಿಯೂ ಡಕಾಯಿತರು ಕಣ್ತಪ್ಪಿಸಿ ಬೇರೆ ಮಾರ್ಗಗಳಿಂದ ಜಿಲ್ಲೆ ಪ್ರವೇಶಿಸುವ ಸಾಧ್ಯತೆಗಳಿವೆ. ಅನುಮಾನಾಸ್ಪದ ಕಾರು ಅಥವಾ ವ್ಯಕ್ತಿಗಳು ಕಾಣಿಸಿದರೆ ಕೂಡಲೇ ಇಲ್ಲಿ ಫೋನ್ ಮಾಡಿ 9480805258, 8105727893 ಅಥವಾ 9591512294
- [ಸರಣಿ ಅಪಘಾತ: ಒಬ್ಬರ ಸಾವು.. ಹಲವರಿಗೆ ನೋವು](https://mobiletime.in/2025/10/serial-accident-one-dead-many-hurt/): ಬಸ್ಸು-ಲಾರಿ-ಬೈಕು ಹಾಗೂ ಟೆಂಪೋ ನಡುವೆ ಜೊಯಿಡಾದಲ್ಲಿ ಅಪಘಾತವಾಗಿದೆ. ಈ ಅಪಘಾತದಲ್ಲಿ ಒಬ್ಬರು ಸಾವನಪ್ಪಿದ್ದು, ಐವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಇನ್ನೂ ಅನೇಕರಿಗೆ ನೋವಾಗಿದೆ. ರಾಮನಗರ-ಆನಮೋಡ್-ಗೋವಾ ರಾಷ್ಟಿçÃಯ ಹೆದ್ದಾರಿಯಲ್ಲಿ ಈ ಅವಘಡ ನಡೆದಿದೆ. ಹೈದರಬಾದಿನಿಂದ ಗೋವಾಗೆ ತೆರಳುತ್ತಿದ್ದ ವಿ ಆರ್ ಎಲ್ ಬಸ್ಸು ಬುಧವಾರ ಬೆಳಗ್ಗೆ ಜೊಯಿಡಾದ ರಾಮನಗರ ಮಾರ್ಗವಾಗಿ ಸಂಚರಿಸುತ್ತಿತ್ತು. ಹೆದ್ದಾರಿಯಲ್ಲಿ ಎದುರಿಗಿದ್ದ ಲಾರಿಯನ್ನು ಬಸ್ಸು ಹಿಂದಿಕ್ಕಿತು. ಆಗ, ಮುಂದಿನಿAದ ಟೆಂಪೋ ಬಂದಿದ್ದು, ವೇಗದಲ್ಲಿದ್ದ ವಿ ಆರ್ ಎಲ್ ಬಸ್ಸು ಟೆಂಪೋಗೆ ಡಿಕ್ಕಿಯಾಯಿತು. ಈ ವೇಳೆ ಆ ಟೆಂಪೋಗೆ ಹಿಂದಿನಿAದ ಬರುತ್ತಿದ್ದ ಬೈಕು ಡಿಕ್ಕಿಯಾಯಿತು. ವಿ ಆರ್ ಎಲ್ ಬಸ್ಸು ಟೆಂಪೋಗೆ ಗುದ್ದಿದ ಪರಿಣಾಮ ಟೇಂಪೊದಲ್ಲಿದ್ದ ಚಾಲಕ ಅಲ್ಲಿಯೇ ಸಾವನಪ್ಪಿದರು. ಅದಾದ ನಂತರ ಬಸ್ಸು ಪಕ್ಕದಲ್ಲಿದ್ದ ಲಾರಿಗೂ ಡಿಕ್ಕಿಯಾಗಿದ್ದು, ಮ್ಯಾಂಗನಿಸ್ ಅದಿರು ತುಂಬಿದ್ದ ಲಾರಿ ಅಲ್ಲಿ ಪಲ್ಟಿಯಾಯಿತು. ಟೆಂಪೋ ಹಿಂದೆ ಬೈಕ್ ಓಡಿಸಿಕೊಂಡು ಬರುತ್ತಿದ್ದ ಕಿರಣ ಪಾಟೀಲ್ ಅವರು ಈ ಅಪಘಾತದಲ್ಲಿ ಗಾಯಗೊಂಡರು. ಬಸ್ಸಿನಲ್ಲಿದ್ದ ನಾಲ್ವರು ಪ್ರಯಾಣಿಕರು ಗಂಭೀರ ಪೆಟ್ಟು ಮಾಡಿಕೊಂಡರು. ಈ ಸರಣಿ ಅಪಘಾತದಲ್ಲಿ ನಾಲ್ಕು ವಾಹನಗಳು ಜಖಂ ಆಗಿವೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಕ್ರೇನ್ ಸಹಾಯದಿಂದ ಅಪಘಾತವಾದ ವಾಹನಗಳನ್ನು ರಸ್ತೆ ಬದಿಗೆ ಸರಿಸಲಾಗಿದ್ದು, ಉಳಿದ ವಾಹನ ಓಡಾಟಕ್ಕೆ ಸಮಸ್ಯೆ ಇಲ್ಲ. ಸಾವನಪ್ಪಿದವರು ಹಾಗೂ ಗಾಯಗೊಂಡವರ ಮಾಹಿತಿ ಬರಬೇಕಿದ್ದು, ಗಾಯಾಳುಗಳನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸಾಗಿಸಲಾಗಿದೆ.
- [ಸೆಕೆಂಡ್ ಹ್ಯಾಂಡ್ ಸೇಲ್: ಶವಕ್ಕೆ ಹೊದಸಿದ ಬಟ್ಟೆಗಳಿಗೂ ಬಾರೀ ಡಿಮ್ಯಾಂಡು!](https://mobiletime.in/2025/10/second-hand-sale-there-is-a-high-demand-for-even-clothes-used-to-wrap-a-corpse/): ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಇದೀಗ ಕೆಜಿ ಲೆಕ್ಕಾಚಾರದಲ್ಲಿ ಬಟ್ಟೆ ಮಾರಾಟ ಮಳಿಗೆಗಳು ಬಂದಿದೆ. ರಸ್ತೆ ಬದಿಗಳಲ್ಲಿಯೂ ಅಪರಿಚಿತ ವ್ಯಾಪಾರಿಗಳು ಬಟ್ಟೆ ಮಾರಾಟ ಮಾಡುತ್ತಿದ್ದಾರೆ. ಎಲ್ಲಾ ಬ್ರಾಂಡಿನ ಬಟ್ಟೆಗಳು ಒಂದೇ ಕಡೆ ಸಿಗುತ್ತಿವೆ. ಆದರೆ, ಈ ಮಾರಾಟದ ಬಗ್ಗೆ ಅನೇಕ ಅನುಮಾನಗಳುವ್ಯಕ್ತವಾಗುತ್ತಿವೆ. ಈ ಮೊದಲು ಇಂಥ ಬಟ್ಟೆ ಖರೀದಿಸಿದ ಜನ ತಮ್ಮ ಕೆಟ್ಟ ಅನುಭವಗಳ ಬಗ್ಗೆ ಹೇಳಿದ್ದಾರೆ. `ಶ್ರೀಮಂತರ ಮನೆಗಳಲ್ಲಿ ಬಳಸಿ ಬಿಸಾಡಿದ ಬಟ್ಟೆ, ಅಪಘಾತದಲ್ಲಿ ಸಾವನಪ್ಪಿದವರ ಬಟ್ಟೆಗಳನ್ನು ಇಲ್ಲಿ ತಂದು ಮಾರಾಟ ಮಾಡಲಾಗುತ್ತಿದೆ. ಅನಾಥ ಆಶ್ರಮದ ಹೆಸರಿನಲ್ಲಿ ಮನೆ ಮನೆಗೆ ಬಂದು ಬಟ್ಟೆ ಸಂಗ್ರಹಿಸುವ ಜನ ಆ ಬಟ್ಟೆಗಳನ್ನು ಮತ್ತೆ ನವೀಕರಿಸಿ ಊರೂರು ಅಲೆದಾಡಿ ಮಾರಾಟ ಮಾಡುವವರಿಗೆ ಕೊಡುತ್ತಾರೆ’ ಎಂದವರು ಹೇಳಿದ್ದಾರೆ. `ಮಹಾನಗರಗಳಲ್ಲಿ ನಡೆಯುವ ಅಪಘಾತಗಳಲ್ಲಿ ಸಾವನಪ್ಪಿದವರ ಮೈಮೇಲಿನ ಬಟ್ಟೆಗಳನ್ನು ಕೆಲವರುಪಡೆಯುತ್ತಾರೆ. ಅಂಥ ಬಟ್ಟೆಗಳನ್ನು ತೊಳೆದು ಇಸ್ತ್ರಿ ಮಾಡಿ ಬೇರೆ ಬೇರೆ ಬ್ರಾಂಡುಗಳ ಹೆಸರಿನಲ್ಲಿ ಮಾರಾಟ ಮಾಡಲಾಗುತ್ತದೆ’ ಎಂಬರ್ಥದಲ್ಲಿಯೂ ಕೆಲವರು ಜಾಲತಾಣದಲ್ಲಿ ಕಮೆಂಟ್ ಮಾಡಿದ್ದಾರೆ. `ನಂಬಿಕೆಗೆ ಅರ್ಹ ಖಾಯಂ ಮಳಿಗೆಗಳಲ್ಲಿ ಖರೀದಿ ಮಾಡಿದರೆ ಮರುದಿನ ಹೋಗಿ ಪ್ರಶ್ನಿಸಬಹುದು. ಆನ್‌ಲೈನ್ ಮೂಲಕ ಖರೀದಿಸಿದರೂ ಇಷ್ಟವಾಗದೇ ಇದ್ದರೆ ಅಂಥವುಗಳನ್ನು ಮರಳಿಸಬಹುದು. ಆದರೆ, ನಾಲ್ಕು ದಿನ ಸೇಲ್ ಸೇಲ್ ಎಂದು ಕೆಜಿ ಲೆಕ್ಕಾಚಾರದಲ್ಲಿ ಬಟ್ಟೆ ಮಾರಾಟ ಮಾಡಿ, ನಂತರ ಊರು ಬಿಟ್ಟು ಹೋಗುವವರನ್ನು ಹಿಡಿಯುವುದಾದರೂ ಹೇಗೆ?’ ಎಂದು ಜನ ಪ್ರಶ್ನಿಸುತ್ತಿದ್ದಾರೆ. `ಕೆಜಿಗೆ 700ರೂ ಕೊಟ್ಟು ಬಟ್ಟೆ ಖರೀದಿಸಿದಾಗ ತನಗೂ ಇಂಥ ಕೆಟ್ಟ ಅನುಭವ ಆಗಿದೆ’ ಎಂದು ವಿಡಿಯೋವೊಂದರ ಅಡಿಭಾಗ ಆದ್ಯಾ ಹೆಗಡೆ ಅವರು ಅನಿಸಿಕೆ ಹಂಚಿಕೊoಡಿದ್ದಾರೆ. `ಸೆಕೆಂಡ್ ಸೆಲ್?’ ಎಂದು ಗೌರಿ ಹೆಗಡೆ ಅವರು ಪ್ರಶ್ನಾರ್ಥಕ ರೂಪದಲ್ಲಿ ಬರೆದುಕೊಂಡಿದ್ದಾರೆ. `ಕೆಲವೊಮ್ಮೆ ಪ್ರಚಾರಕ್ಕಾಗಿ ಕೆಲ ಕಂಪನಿಯವರು ಕಡಿಮೆ ದರದಲ್ಲಿ ಬಟ್ಟೆ ಮಾರಾಟ ಮಾಡುತ್ತಾರೆ. ಬೆಂಗಳೂರು ಸೇರಿ ವಿವಿಧ ಕಡೆ ಇಂಥ ಕಂಪನಿಗಳಿವೆ. ಆದರೆ, ಅಲ್ಲಿ ಒಂದೇ ಬ್ರಾಂಡಿನ ಬಟ್ಟೆಗಳು ಕಡಿಮೆ ದರದಲ್ಲಿ ಸಿಗುತ್ತದೆ. ಸದ್ಯ ಎಲ್ಲಾ ಕಂಪನಿ ಬಟ್ಟೆಗಳು ಒಂದೇ ಕಡೆ ಬೊಗಸೆ ತುಂಬಿ ಕೊಡುವುದು ಅನುಮಾನಕ್ಕೆ ಕಾರಣ’ ಎನ್ನುವವರು ಇದ್ದಾರೆ. ಕೆಲವರು ಕೆಟ್ಟ ಅನುಭವ ಹಂಚಿಕೊoಡಿದ್ದು, ಕೆಲ ಸಮಯದ ನಂತರ ಆ ಬರಹಗಳು ಡಿಲಿಟ್ ಆಗುತ್ತಿದೆ. ಎಲ್ಲವೂ ಸರಿಯಾಗಿಯೇ ಇದ್ದರೆ ಡಿಲಿಟ್ ಮಾಡಿಸುವುದು ಏತಕೆ? ಎಂಬ ಅನುಮಾನವೂ ಕಾಡುತ್ತಿದೆ. ಮಾರಾಟಕ್ಕೆ ಬಂದ ಬಟ್ಟೆಗಳು ಸೆಕೆಂಡ್ ಸೇಲಾ? ಅಥವಾ ಶವಗಳಿಗೆ ಹೊದೆಸಿದ ಬಟ್ಟೆಗಳಾ? ಶ್ರೀಮಂತರು ಬಳಸಿ ಬಿಸಾಡಿದವನ್ನು ತಂದು ಮಾರಲಾಗುತ್ತಿದೆಯಾ? ಅಥವಾ ಅನಾಥಾಶ್ರಮದ ಹೆಸರಿನಲ್ಲಿ ಸಂಗ್ರಹಿಸಿದವಾ? ಎನ್ನುವುದರ ಬಗ್ಗೆ ಎಲ್ಲಿಯೂ ಖಚಿತತೆ ಇಲ್ಲ.
- [2025 ಅಕ್ಟೊಬರ್ 1ರ ದಿನ ಭವಿಷ್ಯ](https://mobiletime.in/2025/09/prediction-for-october-1-2025/): ಮೇಷ ರಾಶಿ: ನಿಮ್ಮೊಳಗಿನ ಬುದ್ದಿವಂತಿಕೆ ಹೂಡಿಕೆ ವಿಷಯದಲ್ಲಿ ಲಾಭ ಕೊಡಲಿದೆ. ವೃತ್ತಿಯಲ್ಲಿ ಗೌರವ ಹಾಗೂ ಸಾಮಾಜಿಕ ಮನ್ನಣೆ ಸಿಗಲಿದೆ. ಸಂಗಾತಿ ಜೊತೆ ಮುಕ್ತವಾಗಿ ನಿಮ್ಮ ಭಾವನೆಯನ್ನು ಹಂಚಿಕೊಳ್ಳಿ. ವೃಷಭ ರಾಶಿ: ಉದ್ಯೋಗ ಹಾಗೂ ವ್ಯವಹಾರ ಅವಕಾಶಗಳು ವೃದ್ಧಿ ಆಗಲಿದ್ದು, ಆರ್ಥಿಕ ಸ್ಥಿತಿ ಚನ್ನಾಗಿರಲಿದೆ. ಪರಿಶ್ರಮಕ್ಕೆ ತಕ್ಕ ಫಲ ಸಿಗಲಿದೆ. ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಯಶಸ್ಸು ಸಾಧ್ಯವಿದೆ. ಮಿಥುನ ರಾಶಿ: ಸಾಮಾಜಿಕ ಕೆಲಸಗಳನ್ನು ಉತ್ಸಾಹದಿಂದ ಮಾಡಿ. ಹಣ ಹೂಡಿಕೆ ವಿಷಯದಲ್ಲಿ ಎಚ್ಚರಿಕೆ ಬೇಕು. ಕೆಲಸದ ಒತ್ತಡ ಸಹಜವಾಗಿದ್ದು, ವಾದ-ವಿವಾದ ನಿಮಗೆ ಒಳ್ಳೆಯದಲ್ಲ. ಕರ್ಕ ರಾಶಿ: ಉದ್ಯೋಗದ ವಿಷಯದಲ್ಲಿ ಯಶಸ್ಸು ಸಿಗಲಿದೆ. ನಿಮ್ಮ ಗೌರವ ಹೆಚ್ಚಾಗಲಿದೆ. ಹೊಸ ಖರೀದಿ ಸಾಧ್ಯವಿದೆ. ನಿಮ್ಮ ಸಂತೋಷ ಹೆಚ್ಚಾಗಲಿದೆ. ಸಿಂಹ ರಾಶಿ: ನಿಮ್ಮ ಕೆಲಸಕ್ಕೆ ಕುಟುಂಬದವರ ಬೆಂಬಲ ಸಿಗುತ್ತದೆ. ಐಷಾರಾಮಿ ಜೀವನಕ್ಕೆ ಅಗತ್ಯ ವಸ್ತು ಸಿಗಲಿದೆ. ಉದ್ಯೋಗ ಸರಾಗವಾಗಿ ಸಾಗಲಿದೆ. ಪ್ರೀತಿ-ಪ್ರೇಮ ವಿಷಯದಲ್ಲಿ ಪ್ರಗತಿ ಆಗಲಿದೆ. ಕನ್ಯಾ ರಾಶಿ: ಪ್ರೇಮ ಜೀವನದಲ್ಲಿ ತೊಡಕು ಆಗುವ ಲಕ್ಷಣವಿದ್ದು, ಎಚ್ಚರಿಕೆ ಅಗತ್ಯ. ಪೂಜೆ ಹಾಗೂ ಧಾರ್ಮಿಕ ಕಾರ್ಯದಲ್ಲಿ ಭಾಗವಹಿಸುವುದು ಉತ್ತಮ. ಖರ್ಚು-ವೆಚ್ಚಗಳು ನಿಯಂತ್ರಣದಲ್ಲಿರಲಿ. ತುಲಾ ರಾಶಿ: ಆಪ್ತರ ಜೊತೆ ಸಮಯ ಕಳೆಯುವುದು ಮುಖ್ಯ. ಆರ್ಥಿಕ ವ್ಯವಸ್ಥೆ ಸರಿಯಾಗಿ ಸಾಗಲಿದ್ದು, ಹೂಡಿಕೆ ಬಗ್ಗೆ ಚಿಂತಿಸಿ. ಹಳೆಯ ಕೆಟ್ಟ ವಿಷಯಗಳನ್ನು ಮರೆಯುವುದು ಆರೋಗ್ಯಕ್ಕೆ ಹಿತ. ವೃಶ್ಚಿಕ ರಾಶಿ: ನಿಮ್ಮ ಸೃಜನಶೀಲ ಕೆಲಸಗಳಿಗೆ ವೇದಿಕೆ ಸಿಗಲಿದೆ. ಹಣ ಲಾಭ ಆಗಲಿದೆ. ಆಸ್ತಿ ಖರೀದಿ ವಿಷಯಕ್ಕೂ ಯೋಗ್ಯ ಸಮಯ. ನಾಯಕತ್ವ ಗುಣ ಬೆಳಸಿಕೊಳ್ಳಿ. ಧನು ರಾಶಿ: ಕೌಟುಂಬಿಕ ಜೀವನದಲ್ಲಿ ಶಾಂತಿ ನೆಲೆಸುವುದರಿಂದ ಮಾನಸಿಕ ನೆಮ್ಮದಿ ಸಿಗಲಿದೆ. ಸಾಮಾಜಿಕ ಜೀವನದಲ್ಲಿ ಮನ್ನಣೆ ಸಿಗಲಿದೆ. ಹೊಸ ಬಗೆಯ ಜವಾಬ್ದಾರಿಗಳು ದೊರೆಯಲಿದೆ. ಮಕರ ರಾಶಿ: ವಾಹನ ಖರೀದಿಗೆ ಸೂಕ್ತ ಸಮಯ ಬಂದಿದೆ. ಹೂಡಿಕೆಗೆ ಈ ದಿನ ಸೂಕ್ತವಲ್ಲ. ಶಾಲೆ ಹಾಗೂ ಶೈಕ್ಷಣಿಕ ಕೆಲಸದ ಬಗ್ಗೆ ಗಮನಹರಿಸಿ. ಕುಂಭ ರಾಶಿ: ನಿಮ್ಮ ಜೀವನದಲ್ಲಿ ದೊಡ್ಡ ಬದಲಾವಣೆಯ ಸಮಯ ಬಂದಿದ್ದು, ಅವಕಾಶಗಳನ್ನು ಅರೆಸಿ. ಕಾನೂನು ವಿಷಯದಲ್ಲಿ ನಿಮಗೆ ಗೆಲುವು ಸಿಗಲಿದೆ. ಪ್ರವಾಸ ಯೋಜನೆಗಳು ಯಶಸ್ವಿ ಆಗಲಿದೆ. ಮೀನ ರಾಶಿ: ನಿಮ್ಮ ಅನೇಕ ದಿನದ ಕನಸು ನೆರವೇರುವ ಸಮಯ ಬಂದಿದೆ. ನಿಂತ ಕೆಲಸಗಳು ನಿಧಾನವಾಗಿ ಸಾಗಲಿದೆ. ಹೊಸ ಆದಾಯದ ಮೂಲ ಸಿಗಲಿದೆ.
- [ಕಾರವಾರ | ಅರ್ಬನ್ ಬ್ಯಾಂಕಿಗೆ ಹೊಸ ಅಧಿಕಾರಿ: ಮುಳುಗುವ ದೋಣಿಗೆ ಮಹಿಳಾ ಸಾರಥಿ!](https://mobiletime.in/2025/09/karwar-new-officer-for-urban-bank-a-woman-is-the-helmsman-of-a-sinking-boat/): ಕಾರವಾರ ಅರ್ಬನ್ ಬ್ಯಾಂಕ್‌ಗೆ ಲಿಕ್ವಿಡೇಟರ್ ಆಗಿ ಮಮತಾ ನಾಯಕ ಅವರು ನೇಮಕವಾಗಿದ್ದಾರೆ. ಮಂಗಳವಾರ ಅವರು ತಮ್ಮ ಅಧಿಕಾರ ಸ್ವೀಕರಿಸಿದ್ದಾರೆ. `ಆರ್‌ಬಿಐ ನಿರ್ದೇಶನದಂತೆ ಇಷ್ಟು ದಿನ ಬಂದ್ ಆಗಿದ್ದ ಕಾರವಾರ ಅರ್ಬನ್ ಬ್ಯಾಂಕು ಇದೀಗ ಮತ್ತೆ ಕೆಲಸ ಶುರು ಮಾಡಲಿದೆ. ಎಲ್ಲಾ ಸಿಬ್ಬಂದಿ ಕರ್ತವ್ಯಕ್ಕೆ ಮರಳಲಿದ್ದಾರೆ. ಗ್ರಾಹಕರ ಠೇವಣಿ ಹಣದ ವಿಮಾ ಮೊತ್ತ ನೀಡಲು ಅಗತ್ಯ ಕ್ರಮ ಜರುಗಿಸಲಾಗುತ್ತದೆ’ ಎಂದು ಮಮತಾ ನಾಯಕ ಅವರು ಮಾಹಿತಿ ನೀಡಿದರು. `ಗ್ರಾಹಕರ 33.65 ಕೋಟಿ ರೂ ಹಣಕ್ಕೆ ವಿಮೆ ಸಿಗಲಿದೆ. ಇದರ ಕುರಿತಾದ ಷರತ್ತುಗಳ ಬಗ್ಗೆ ತಿಳಿದು ಮುಂದಿನ ಪ್ರಕ್ರಿಯೆ ನಡೆಸಲಾಗುತ್ತದೆ. 2 ಸಾವಿರಕ್ಕೂ ಅಧಿಕ ಜನರಿಗೆ ಪರಿಹಾರ ಬರಬೇಕಿದ್ದು, ಅದನ್ನು ಕೊಡಿಸುವುದೇ ನಮ್ಮ ಮೊದಲ ಕೆಲಸ’ ಎಂಬ ಭರವಸೆ ನೀಡಿದರು. `ಕ್ಲೇಮು ವಿತರಿಸಿದ ನಂತರ ಬ್ಯಾಂಕಿಗೆ ಬರಬೇಕಾದ ಸಾಲ ವಸೂಲಾತಿ ಗಮನಿಸಲಾಗುತ್ತದೆ. ಮೊದಲಿನ ಮಾದರಿಯಲ್ಲಿ ಬ್ಯಾಂಕು ಕೆಲಸ ಮಾಡಲಿದ್ದು, ಲಿಕ್ವಿಡೇಟರ್ ನೇತೃತ್ವದಲ್ಲಿ ಎಲ್ಲ ಸಿಬ್ಬಂದಿಗಳು ಕಾರ್ಯ ನಿರ್ವಹಿಸಲಿದ್ದಾರೆ. ಸಾಲ ವಸೂಲಾತಿಗೆ ಈ ಹಿಂದಿನ ಕ್ರಮಗಳನ್ನು ಅನುಸರಿಲಾಗುತ್ತದೆ’ ಎಂದು ತಿಳಿಸಿದರು.
- [ಬಿಜೆಪಿ ಬೆಂಬಲಿತರಿಗೆ ಕಾಂಗ್ರೆಸ್ ಶಾಸಕರ ಅಭಯ!](https://mobiletime.in/2025/09/congress-mlas-appeal-to-bjp-supporters/): ಬಿಜೆಪಿ ಬೆಂಬಲಿತ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಘಟಕದವರು ಶಿರಸಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಎದುರು ಪ್ರತಿಭಟಿಸಿದ್ದು, ಶಾಸಕ ಭೀಮಣ್ಣ ನಾಯ್ಕ ಅವರು ವಿದ್ಯಾರ್ಥಿಗಳ ಸಮಸ್ಯೆ ಆಲಿಸಿದ್ದಾರೆ. ವಿದ್ಯಾರ್ಥಿಗಳ ಪ್ರತಿಭಟನೆ ಬಗ್ಗೆ ಅರಿತ ಭೀಮಣ್ಣ ನಾಯ್ಕ ಅವರು ತಮ್ಮ ಕೆಲಸ ಕಾರ್ಯ ಮೊಟಕುಗೊಳಿಸಿ ಕಾಲೇಜಿನ ಬಳಿ ಆಗಮಿಸಿದರು. `ಕಾಲೇಜು ಪ್ರಾರಂಭವಾಗಿ ತಿಂಗಳು ಕಳೆದರೂ ಅತಿಥಿ ಉಪನ್ಯಾಸಕರ ನೇಮಕವಾಗಿಲ್ಲ. ಹೀಗಾಗಿ ತರಗತಿಗಳು ಸರಿಯಾಗಿ ನಡೆಯುತ್ತಿಲ್ಲ’ ಎಂದು ವಿದ್ಯಾರ್ಥಿಗಳು ಶಾಸಕರ ಗಮನಕ್ಕೆ ತಂದರು. ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ನ ವಿಭಾಗ ಸಂಚಾಲಕರಾದ ಸಂಜಯ್ ಗಾಂವಕಾರ ಅವರು ಸರ್ಕಾರದ ನಡೆಯನ್ನು ಖಂಡಿಸಿದರು. `ಸರ್ಕಾರಿ ಕಾಲೇಜುಗಳಲ್ಲಿ ಸರಿಯಾದ ಶಿಕ್ಷಣ ಸಿಗದ ಕಾರಣ ವಿದ್ಯಾರ್ಥಿಗಳಿಗೆ ಅನ್ಯಾಯವಾಗಿದೆ. ಗ್ಯಾರಂಟಿ ಸರ್ಕಾರ ಈಗ ಏನು ಮಾಡುತ್ತಿದೆ? ಎಂದವರು ಪ್ರಶ್ನಿಸಿದರು. ಈ ವೇಳೆ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರಿಗೂ ವಿದ್ಯಾರ್ಥಿಗಳು ಫೋನ್ ಮಾಡಿದರು. ಆದರೆ, ಮಂಕಾಳು ವೈದ್ಯ ಅವರು ಫೋನ್ ಕರೆ ಸ್ವೀಕರಿಸಲಿಲ್ಲ. ಹೀಗಾಗಿ ಪ್ರತಿಭಟನಾಕಾರರು ಇನ್ನಷ್ಟು ಆಕ್ರೋಶವ್ಯಕ್ತಪಡಿಸಿದರು. `ಬಡ ವಿದ್ಯಾರ್ಥಿಗಳ ಬಗ್ಗೆ ಜನಪ್ರತಿನಿಧಿಗಳಿಗೆ ಕಿಂಚಿತ್ತು ಕಾಳಜಿಯಿಲ್ಲ’ ಎಂದು ರಿತೇಶ ಶಾನಭೋಗ ಬೇಸರವ್ಯಕ್ತಪಡಿಸಿದರು. `ಸಮಸ್ಯೆ ಪರಿಹಾರ ಆಗದೇ ಇದ್ದರೆ ಶಾಸಕರ ಕಚೇರಿ ಎದುರು ಪ್ರತಿಭಟಿಸುತ್ತೇವೆ’ ಎಂದು ಶಶಾಂಕ್ ನಾಯ್ಕ ಎಚ್ಚರಿಸಿದರು. `ಈಗಾಗಲೇ 20,000 ಕ್ಕಿಂತ ಹೆಚ್ಚು ಅರ್ಹ ಅಭ್ಯರ್ಥಿಗಳು ಯುಜಿಸಿ ನಿಯಮಾವಳಿ ಅನ್ವಯ ಅರ್ಹತೆ ಪಡೆದು ಸರ್ಕಾರಿ ಉಪನ್ಯಾಸಕರಾಗಿ ಸೇವೆ ಸಲ್ಲಿಸಲು ತಯಾರಿದ್ದಾರೆ, ಆದ್ದರಿಂದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳಲ್ಲಿ ಖಾಲಿ ಇರುವ ಎಲ್ಲಾ ಉಪನ್ಯಾಸಕರ ನೇಮಕಾತಿ ಪ್ರಕ್ರಿಯೆಯನ್ನು ತ್ವರಿತವಾಗಿ ಪೂರ್ಣಗೊಳಿಸಲು ಕ್ರಮ ಕೈಗೊಳ್ಳಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. `ಪ್ರತಿ ವರ್ಷ ಅತಿಥಿ ಉಪನ್ಯಾಸಕರ ನೇಮಕಾತಿ ಸಂದರ್ಭದಲ್ಲಿ ಹಲವಾರು ಕಾರಣಗಳಿಗೆ ವಿಳಂಬ ಧೋರಣೆ ಅನುಸರಿಸುತ್ತಿರುವುದು ಗೊಂದಲಕ್ಕೆ ಕಾರಣವಾಗಿದೆ. ಈ ನಿಟ್ಟಿನಲ್ಲಿ ಸರ್ಕಾರ ಶಾಶ್ವತ ಪರಿಹಾರ ಕಂಡುಕೊಳ್ಳಬೇಕು. ಪದವಿ ಕಾಲೇಜುಗಳಲ್ಲಿ ಗುಣಮಟ್ಟದ ಶಿಕ್ಷಣ ನೀಡುವುದನ್ನು ಕಾತರಿಪಡಿಸಿಕೊಳ್ಳುವ ದೃಷ್ಟಿಯಿಂದ ಯುಜಿಸಿ ನಿಯಮಾವಳಿ ಅನ್ವಯ ಅರ್ಹತೆಪಡೆದ ಅತಿಥಿ ಉಪನ್ಯಾಸಕರನ್ನು ನೇಮಿಸಿಕೊಳ್ಳಲು ಸರ್ಕಾರ ಆಸಕ್ತಿ ವಹಿಸಬೇಕು’ ಎಂದು ಒತ್ತಾಯಿಸಿದರು. ಸಮಸ್ಯೆ ಆಲಿಸಿದ ಶಾಸಕ ಭೀಮಣ್ಣ ನಾಯ್ಕ ಪರಿಹಾರ ಕಲ್ಪಿಸುವ ಆಶ್ವಾಸನೆ ನೀಡಿ, ಅಲ್ಲಿಂದ ತೆರಳಿದರು.
- [ಭಾವಿಕೇರಿ ಗ್ರಾಮಸಭೆ: ಕೇಣಿ ಬಂದರು ವಿರುದ್ಧ ಜನಾಕ್ರೋಶ](https://mobiletime.in/2025/09/bhavikeri-gram-sabha-public-anger-against-keni-port/): ಅಂಕೋಲಾದ ಕೇಣಿಯಲ್ಲಿ ಖಾಸಗಿ ವಾಣಿಜ್ಯ ಬಂದರು ನಿರ್ಮಾಣದ ವಿರುದ್ಧ ಧ್ವನಿ ಜೋರಾಗಿದೆ. ಭಾವಿಕೇರಿ ಗ್ರಾಮ ಸಭೆಯಲ್ಲಿ ಮೀನುಗಾರರ ಜೊತೆ ಸಾರ್ವಜನಿಕರು ಕೈ ಜೋಡಿಸಿದ್ದು, ಬಂದರು ವಿರುದ್ಧ ಠರಾವು ಮಾಡಲು ಹಕ್ಕೊತ್ತಾಯ ಮಾಡಿದರು. `ಕೇಣಿಯಲ್ಲಿ ಬೃಹತ್ ವಾಣಿಜ್ಯ ಬಂದರು ಬೇಡ ಎಂದು ಗ್ರಾಪಂ ಆಡಳಿತ ಮಂಡಳಿ ಠರಾವು ಪಾಸು ಮಾಡಬೇಕು. ಈ ನಿರ್ಣಯವನ್ನು ಎಲ್ಲರ ಮುಂದೆ ಓದಬೇಕು’ ಎಂದು ಕೇಣಿ ಭಾಗದ ಮೀನುಗಾರ ಪ್ರಮುಖ ಸಂಜೀವ ಬಲೆಗಾರ ಅವರು ಗ್ರಾಮ ಸಭೆಯಲ್ಲಿ ಅಧ್ಯಕ್ಷರು ಮತ್ತು ಅಧಿಕಾರಿಗಳನ್ನು ಒತ್ತಾಯಿಸಿದರು. ಅನೇಕರು ಇದಕ್ಕೆ ಬೆಂಬಲವ್ಯಕ್ತಪಡಿಸಿದರು. ಮೀನುಗಾರರು ಹಾಗೂ ರೈತರು ಇದೇ ಗ್ರಾಮ ಸಭೆಯಲ್ಲಿ `ಠರಾವು ಪಾಸು ಮಾಡಬೇಕು’ ಎಂದು ಪಟ್ಟು ಹಿಡಿದರು. `ಭಾವಿಕೇರಿ ಗ್ರಾಪಂ ವ್ಯಾಪ್ತಿಯಲ್ಲಿ 400 ಮೀನುಗಾರ ಕುಟುಂಬಗಳ ಸಹಿತ 8000 ದಷ್ಟು ಜನಸಂಖ್ಯೆ ಇದ್ದರೂ ವರದಿಯ ಪ್ರಕಾರ ಸಿಆರಝೆಡ್ ವ್ಯಾಪ್ತಿಯಲ್ಲಿ ಜನವಸತಿ ಇಲ್ಲದ ಬಂಜರು ಭೂಮಿ ಎಂದು ಉಲ್ಲೇಖಿಸಲಾಗಿದೆ. ಹಾಗಾದರೆ ಗ್ರಾಮ ಪಂಚಾಯತ ಪ್ರಕಾರ ಇಲ್ಲಿ ಜನ ಬದುಕಿದ್ದಾರೋ? ಇಲ್ಲ ಸತ್ತಿದ್ದಾರೋ?’ ಎಂದು ಜನ ಪ್ರಶ್ನಿಸಿದರು. `JSW ಕಂಪನಿ ಸುಳ್ಳನ್ನೇ ಬಂಡವಾಳವಾಗಿಟ್ಟುಕೊAಡು ಬಂದರು ನಿರ್ಮಾಣಕ್ಕೆ ಮುಂದಾಗಿದೆ. ಯಾವುದೇ ಬಂದರು ಬರಲು ಬಿಡುವುದಿಲ್ಲ’ ಎಂದು ಜನ ಹೇಳಿದರು. ಮೀನುಗಾರಿಕಾ ಇಲಾಖೆಯ ತಾಲೂಕಾಮಟ್ಟದ ಅಧಿಕಾರಿಗಳು ಗ್ರಾಮ ಸಭೆಯಿಂದ ದೂರವುಳಿದ ಬಗ್ಗೆ ಆಕ್ರೋಶವ್ಯಕ್ತವಾಯಿತು. ಮೀನುಗಾರಿಕಾ ಇಲಾಖೆಯವರನ್ನು ಕರೆಯಿಸಿ ಪ್ರತ್ಯೇಕ ಸಭೆ ನಡೆಸುವಂತೆ ಜನ ಒತ್ತಾಯಿಸಿದರು. ಕೊನೆಗೆ ಗ್ರಾಪಂ ಅಧ್ಯಕ್ಷೆ ದೀಪಾ ನಾಯಕ ಮಾತನಾಡಿ `ಮೀನುಗಾರರಿಂದಹಿಡಿದು ಪ್ರತಿಯೊಬ್ಬರಿಗೂ ಸಮಸ್ಯೆಯಾಗುತ್ತದೆ. ನಿಮ್ಮ ಹೊರತಾಗಿ ನಾನು ಯಾವುದೇ ನಿರ್ಣಯವನ್ನು ತೆಗೆದುಕೊಳ್ಳಲು ಸಾಧ್ಯವಿಲ್ಲ. ನಿಮ್ಮ ನಿರ್ಣಯವೇ ನನ್ನ ನಿರ್ಣಯವಾಗಿರುತ್ತದೆ’ ಎಂದರು. `ನಮ್ಮ ಗ್ರಾಪಂ ವ್ಯಾಪ್ತಿಯಲ್ಲಿ ಈ ಬಂದರು ಬೇಡ’ ಎಂದು ಠರಾವು ಮಾಡಲು ಒಪ್ಪಿಗೆ ಸೂಚಿಸಿದರು. ನೋಡಲ್ ಅಧಿಕಾರಿ ವಿನಾಯಕ ನಾಯ್ಕ, ಗ್ರಾಪಂ ಅಭಿವೃದ್ಧಿ ಅಧಿಕಾರಿ ಮಹಾದೇವ ಗೌಡ, ಗ್ರಾಪಂ ಉಪಾಧ್ಯಕ್ಷೆ ಅನಿತಾ ನಾಯಕ, ಸದಸ್ಯರಾದ ಪಾಂಡು ಗೌಡ, ಸುಕ್ರು ಗೌಡ, ವೆಂಕಟೇಶ ಹರಿಕಂತ್ರ, ಜ್ಞಾನೇಶ್ವರ ಹರಿಕಂತ್ರ, ಕಮಲಾ ಆಗೇರ್ ಇತರರು ಬಂದರು ವಿರೋಧಿ ವಿಷಯವಾಗಿ ಮಾತನಾಡಿದರು.
- [5 ರೂಪಾಯಿ ಕೇಳಿದವ 10 ಲಕ್ಷ ರೂ ಯಾಮಾರಿಸಿದ!](https://mobiletime.in/2025/09/the-person-who-asked-for-5-rupees-ended-up-selling-10-lakh-rupees/): ಅಪರಿಚಿತ ಮೊಬೈಲ್ ಅಪ್ಲಿಕೇಶನ್ ಮೂಲಕ 5ರೂ ಪಾವತಿಸಲು ಹೋಗಿದ್ದ ಕೈಗಾ ಅಣು ವಿದ್ಯುತ್ ಘಟಕದ ನಿವೃತ್ತ ಉದ್ಯೋಗಿಯೊಬ್ಬರು 10 ಲಕ್ಷಕ್ಕೂ ಅಧಿಕ ಪ್ರಮಾಣದ ಹಣ ಕಳೆದುಕೊಂಡಿದ್ದಾರೆ. ಕಸ್ಟಮರ್ ಕೇರ್ ಸಿಬ್ಬಂದಿ ಎಂದು ಸಹಾಯ ಮಾಡುವ ನೆಪದಲ್ಲಿ ಮಾತನಾಡಿಸಿದ ವಂಚಕರು ಬಸವನಗೌಡ ನಾಗನೂರಿ ಅವರ ಬ್ಯಾಂಕ್ ಖಾತೆಯಲ್ಲಿದ್ದ ಹಣ ಲಪಟಾಯಿಸಿದ್ದಾರೆ. ಕಾರವಾರದ ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ಬಸವನಗೌಡ ನಾಗನೂರಿ ಅವರು ಉದ್ಯೋಗಿಯಾಗಿದ್ದರು. ಸದ್ಯ ಮಲ್ಲಾಪುರ ಟೌನ್‌ಶಿಪ್ಪಿನಲ್ಲಿ ವಾಸವಾಗಿರುವ ಅವರಿಗೆ 60 ವರ್ಷ ತುಂಬಿತ್ತು. ಹೀಗಾಗಿ ಅವರು ನಿವೃತ್ತಿಪಡೆದಿದ್ದು, ಮುಂದೆ ಹುಬ್ಬಳ್ಳಿಯಲ್ಲಿ ವಾಸ ಮಾಡಲು ಉದ್ದೇಶಿಸಿದ್ದರು. ಅದಕ್ಕಾಗಿ ನವನಗರದಲ್ಲಿ ಮನೆ ಕಟ್ಟುವ ಕೆಲಸ ಶುರು ಮಾಡಿದ್ದರು. ಮನೆ ಕೆಲಸ ಚುರುಕಾಗಿ ಸಾಗುತ್ತಿದ್ದು, ಅಡುಗೆ ಮನೆಗೆ ಅಗತ್ಯವಿರುವ ಚಿಮಣಿ ಖರೀದಿಗೆ ಅವರು ಗೂಗಲ್ ಮೊರೆ ಹೋದರು. ಸೆಪ್ಟೆಂಬರ್ 29ರಂದು ಬಸವನಗೌಡ ನಾಗನೂರಿ ಅವರು ಗೂಗಲ್ ಮೂಲಕ ಚಿಮಣಿ ಹುಡುಕಾಟ ನಡೆಸುತ್ತಿದ್ದರು. ಆಗ, ಅವರಿಗೆ ಗ್ಲೇನ್ ಕಂಪನಿಯ ಚಿಮಣಿ ಕಾಣಿಸಿತು. ಆದರೆ, ಅದನ್ನು ಖರೀದಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ಕಂಪನಿಯ ಕಸ್ಟಮರ್ ಕೇರ್ ಸಂಖ್ಯೆ ಹುಡುಕಿದರು. ಗೂಗಲ್ ಸರ್ಚ ಮಾಡಿದಾಗ ಸಿಕ್ಕಿದ ಕಸ್ಟಮರ್ ಕೇರ್ ಸಂಖ್ಯೆಗೆ ಫೋನ್ ಮಾಡಿದರು. ಆಗ, ಅಪರಿಚಿತನೊಬ್ಬ ಕರೆ ಸ್ವೀಕರಿಸಿದ್ದು, 5 ರೂ ಪಾವತಿಸಿ ಕಸ್ಟಮರ್ ಕೇರ್’ಗೆ ರಿಜಿಸ್ಟರ್ ಮಾಡಿಕೊಳ್ಳುವಂತೆ ಸೂಚಿಸಿದರು. 5 ರೂ ಹಣ ಪಾವತಿಗಾಗಿ ಮೊಬೈಲಿನಲ್ಲಿ ಹೆಲ್ಪ ಡೆಸ್ಕ್ ಹಾಸ್ಟ್ ಎಂಬ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿಸಿದರು. ಅದರ ಮೂಲಕ 5 ರೂ ಪಾವತಿಸಲು ತಿಳಿಸಿದರು. ಬಸವನಗೌಡ ನಾಗನೂರಿ ಅವರು ಕಸ್ಟಮರ್ ಕೇರ್ ಸಿಬ್ಬಂದಿ ಹೇಳಿದ ಮಾತಿನ ಪ್ರಕಾರ ಆ ಅಪ್ಲಿಕೇಶನ್ ಮೂಲಕ ತಮ್ಮ ಎಸ್‌ಬಿಐ ಬ್ಯಾಂಕ್ ಖಾತೆ ತೆರೆದರು. 5 ರೂ ಹಣವನ್ನು ಪಾವತಿ ಮಾಡಿದರು. ಅದಾಗಿ ನಿಮಿಷ ಕಳೆಯುವುದರೊಳಗೆ ಬಸವನಗೌಡ ನಾಗನೂರಿ ಅವರ ಬ್ಯಾಂಕ್ ಖಾತೆಯಲ್ಲಿದ್ದ 5 ಲಕ್ಷ ರೂ ಹಣ ಕಣ್ಮರೆಯಾಯಿತು. ಏನಾಯಿತು? ಎಂದು ತಿಳಿಯುವಷ್ಟರಲ್ಲಿ ಮತ್ತೆ 5 ಲಕ್ಷ ರೂ ಹಣ ಕಳೆದುಹೋಯಿತು. ಅದಾದ ನಂತರ ಉಳಿದ ಮತ್ತೆ 95 ಸಾವಿರ ರೂ ಸಹ ವಂಚಕರ ಪಾಲಾಯಿತು. 10.95 ಲಕ್ಷ ರೂ ಕಳೆದುಕೊಂಡ ಬಸವನಗೌಡ ನಾಗನೂರಿ ಅವರಿಗೆ ತಾವು ಮೋಸ ಹೋಗಿರುವುದು ಗೊತ್ತಾಯಿತು. ಮನೆ ನಿರ್ಮಾಣಕ್ಕಾಗಿ ಮಡಗಿದ್ದ ಕಾಸು ಕಳೆದುಕೊಂಡ ಅವರು ಸೈಬರ್ ಕ್ರೈಂ ಪೊಲೀಸ್ ಠಾಣೆಗೆ ಬಂದರು. ತಮಗಾದ ಕೆಟ್ಟ ಅನುಭವದ ಬಗ್ಗೆ ತಿಳಿಸಿದರು. ಕಾರವಾರದ ಸೈಬರ್ ಕ್ರೈಂ ಪೊಲೀಸರು ಅವರಿಗೆ ಸಮಾಧಾನ ಮಾಡಿದ್ದು, `ಅಪರಿಚಿತ ಅಪ್ಲಿಕೇಶನ್’ಗಳನ್ನು ಮೊಬೈಲಿನಿಂದ ಡಿಲಿಟ್ ಮಾಡಿ’ ಎಂದು ಅರಿವು ಮೂಡಿಸಿದರು. ವಂಚಕರ ವಿರುದ್ಧ ಪ್ರಕರಣವನ್ನು ದಾಖಲಿಸಿದರು. ನಿಮಗೆ ಏನೇ ಬೇಕಾದರೂ ಅಧಿಕೃತ ಡೀಲರ್’ನಿಂದ ಖರೀದಿಸಿ. ಅಮೇಜಾನ್ ಮೂಲಕ ಖರೀದಿಗೆ ಇಲ್ಲಿ ಕ್ಲಿಕ್ಕಿಸಿ: AMAZON
- [ಮಂಚಿಕೇರಿ ಯುವಕನ ಮರಣಕ್ಕೆ ಮಾನಸಿಕ ಚಿಂತೆ ಕಾರಣ](https://mobiletime.in/2025/09/mental-distress-is-the-reason-for-the-death-of-a-manchikeri-youth/): ಅಲ್ಲಿ-ಇಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದ ಯಲ್ಲಾಪುರದ ಮಹೇಶ ಪಟಗಾರ್ ಅವರು ಮಂಗಳವಾರ ನೇಣಿಗೆ ಶರಣಾಗಿದ್ದಾರೆ. ಮಾನಸಿಕ ಚಿಂತೆಯೇ ಅವರ ಅವರ ಆತ್ಮಹತ್ಯೆಗೆ ಕಾರಣ ಎಂದು ಅಂದಾಜಿಸಲಾಗಿದೆ. ಯಲ್ಲಾಪುರದ ಮಂಚಿಕೇರಿ ಬಳಿಯ ಮಾದನಸರದಲ್ಲಿ ಮಹೇಶ ಜಟ್ಟಿ ಪಟಗಾರ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡು ನೆಮ್ಮದಿಯಿಂದ ಇದ್ದ ಅವರು ತಮ್ಮ 29ನೇ ವಯಸ್ಸಿನಲ್ಲಿಯೇ ಸಾವನಪ್ಪಿದರು. ಸೆಪ್ಟೆಂಬರ್ 30ರ ಬೆಳಗ್ಗೆ 8.30ರವರೆಗೆ ಸರಿಯಾಗಿಯೇ ಇದ್ದ ಮಹೇಶ ಪಟಗಾರ ಅವರು 9.30ರ ಅವಧಿಯಲ್ಲಿ ಶವವಾಗಿದ್ದರು. ಯಾರಿಗೂ ಅರಿಯದ ಯಾವುದೋ ಒಂದು ವಿಷಯದ ಬಗ್ಗೆ ಮಹೇಶ ಪಟಗಾರ ಅವರು ಚಿಂತಿಸುತ್ತಿದ್ದರು. ಆ ಚಿಂತೆಯಲ್ಲಿಯೇ ಅವರು ಮನೆಯ ಕೋಣೆಯೊಳಗೆ ನೇಣಿಗೆ ಶರಣಾಗಿದ್ದಾರೆ. ಮಗನನ್ನು ಕಳೆದುಕೊಂಡ ಜಟ್ಟಿ ಪಟಗಾರ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಮಾದನಸರದ ಮಹೇಶ ಜಟ್ಟಿ ಪಟಗಾರ (29) ಮೃತ ಯುವಕ. ಕೂಲಿ ಕೆಲಸ ಮಾಡಿಕೊಂಡಿದ್ದ ಈತ, ಮನೆಯ ಕೊಠಡಿಯೊಳಗಿನ ಜಂತಿಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಸಾವಿಗೆ ನಿಖರವಾದ ಕಾರಣ ತಿಳಿದು ಬಂದಿಲ್ಲ. ಈ ಕುರಿತು ಅವರ ತಂದೆ ಜಟ್ಟಿ ಪಟಗಾರ ದೂರು ನೀಡಿದ್ದು, ಯಲ್ಲಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
- [ನೇಣಿಗೆ ಶರಣಾದ ವೆಲ್ಡಿಂಗ್ ಕೆಲಸಗಾರ](https://mobiletime.in/2025/09/welding-worker-hanged-himself/): ಮುಂಡಗೋಡದಲ್ಲಿ ವೆಲ್ಡಿಂಗ್ ಕೆಲಸ ಮಾಡಿಕೊಂಡಿದ್ದ ರವಿಚಂದ್ರ ಎಗೇನವರ್ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಅವರ ಈ ದಿಢೀರ್ ದುಡುಕು ನಿರ್ಧಾರಕ್ಕೆ ಕಾರಣ ಏನು ಎಂದು ಕುಟುಂಬದವರಿಗೂ ಗೊತ್ತಾಗಲಿಲ್ಲ. ಮುಂಡಗೋಡದ ಕೊಪ್ಪದಲ್ಲಿ ರವಿಚಂದ್ರ ಎಗೇನವರ್ (35) ಅವರು ವಾಸವಾಗಿದ್ದರು. ವೆಲ್ಡಿಂಗ್ ಕೆಲಸ ಮಾಡಿಕೊಂಡು ಅವರು ಜೀವನ ನಿರ್ವಹಣೆ ಮಾಡುತ್ತಿದ್ದರು. ದುಡಿದ ಹಣವನ್ನು ಅವರು ಸರಾಯಿ ಸೇವನೆಗೆ ಮೀಸಲಿಟ್ಟಿದ್ದು, ಈಚೆಗೆ ಅವರ ಕುಡಿತದ ಚಟ ವಿಪರೀತವಾಗಿತ್ತು. ಕಳೆದ ಕೆಲ ದಿನಗಳಿಂದ ರವಿಚಂದ್ರ ಎಗೇನವರ್ ಅವರು ಬೇಸರದಲ್ಲಿದ್ದರು. ಆದರೆ, ಬೇಸರದ ಬಗ್ಗೆ ಯಾರಲ್ಲಿಯೂ ಬಾಯ್ಬಿಟ್ಟು ಹೇಳಿರಲಿಲ್ಲ. ಹೀಗಿರುವಾಗ ಸೆಪ್ಟೆಂಬರ್ 29ರಂದು ಅವರು ಹೆಗಲ ಮೇಲೆ ಟವಲ್ ಹಾಕಿಕೊಂಡು ಅಡುಗೆ ಮನೆಗೆ ಹೋಗಿದ್ದು, ಅಲ್ಲಿರುವ ಕಬ್ಬಿಣದ ಜಂತಿಗೆ ಉರುಳು ಹಾಕಿಕೊಂಡರು. ಟವಲ್ ಬಳಸಿ ನೇಣಿಗೆ ಶರಣಾದ ಅವರನ್ನು ಸೆಪ್ಟೆಂಬರ್ 30ರಂದು ಮನೆಯವರು ನೋಡಿದರು. ಬೇಥಸ್ತಾ ಬ್ಯಾಂಕಿನಲ್ಲಿ ಕೆಲಸ ಮಾಡುವ ತಮ್ಮ ಉದಯಕುಮಾರ ಏಗೇನವರ್ ಅವರು ಅಣ್ಣನ ಸಾವಿನ ಬಗ್ಗೆ ಪೊಲೀಸರಿಗೆ ತಿಳಿಸಿದರು. ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದರು.
- [ಹೃದಯ ರೋಗ: ಮಗಳ ಸಾವಿನಲ್ಲಿ ತಾಯಿಗೆ ಸಂಶಯ](https://mobiletime.in/2025/09/heart-disease-mother-suspects-daughters-death/): ಯಲ್ಲಾಪುರದ ಸುಜಾತಾ ಸಿದ್ದಿ ಅವರ ಪುತ್ರಿ ಮಾಲಾ ಸಿದ್ದಿ ಅವರು ಹಳಿಯಾಳದಲ್ಲಿ ಸಾವನಪ್ಪಿದ್ದಾರೆ. ಈ ಸಾವಿನಲ್ಲಿ ಸಂಶಯವಿರುವುದಾಗಿ ಸುಜಾತಾ ಸಿದ್ದಿ ಅವರು ಹೇಳಿದ್ದಾರೆ. ಸುಜಾತಾ ಸಿದ್ದಿ ಅವರು ಯಲ್ಲಾಪುರದ ಇಡಗುಂದಿಯಲ್ಲಿ ವಾಸವಾಗಿದ್ದಾರೆ. 33 ವರ್ಷದ ಮಾಲಾ ಸಿದ್ದಿ ಅವರನ್ನು ಹಳಿಯಾಳದ ಅಪ್ಪಾರಾವ್ ಸಿದ್ದಿ ಅವರಿಗೆ ವಿವಾಹ ಮಾಡಿಕೊಡಲಾಗಿತ್ತು. ಹಳಿಯಾಳದ ಕುಂಬಾರಕೊಪ್ಪದಲ್ಲಿ ಮಾಲಾ ಸಿದ್ದಿ ಅವರು ವಾಸವಾಗಿದ್ದರು. ಎರಡು ವರ್ಷದ ಹಿಂದೆ ಮಾಲಾ ಸಿದ್ದಿ ಅವರಿಗೆ ಹೃದಯ ರೋಗ ಕಾಣಿಸಿತ್ತು. ಸಾಕಷ್ಟು ಬಾರಿ ಅವರು ಚಿಕಿತ್ಸೆಪಡೆದಿದ್ದರು. ಅದರಿಂದ ಅವರು ಕ್ರಮೇಣ ಚೇತರಿಸಿಕೊಳ್ಳುತ್ತಿದ್ದರು. ಹೀಗಿರುವಾಗ ಸೆಪ್ಟೆಂಬರ್ 28ರ ರಾತ್ರಿ ಅವರು ಉಸಿರಾಟ ನಿಲ್ಲಿಸಿದರು. ಸೆಪ್ಟೆಂಬರ್ 29ರ ನಸುಕಿನಲ್ಲಿ ಮಾಲಾ ಸಿದ್ದಿ ಅವರು ಸಾವನಪ್ಪಿರುವುದು ಗಮನಕ್ಕೆ ಬಂದಿತು. ಮಾಲಾ ಸಿದ್ದಿ ಅವರು ಹೇಗೆ ಸತ್ತರು? ಎಂದು ಸುಜಾತಾ ಸಿದ್ದಿ ಅವರಿಗೆ ಗೊತ್ತಾಗಲಿಲ್ಲ. ಮಗಳ ಸಾವಿನ ಸಮಗ್ರ ತನಿಖೆಗಾಗಿ ಅವರು ಪೊಲೀಸರ ಮೊರೆ ಹೋದರು. ಸಾವಿನಲ್ಲಿ ಸಂಶಯವಿರುವುದಾಗಿ ಹಳಿಯಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದರು. ಪೊಲೀಸರು ಈ ಬಗ್ಗೆ ವಿಚಾರಿಸುತ್ತಿದ್ದಾರೆ.
- [ಮನೆ ನಿರ್ಮಾಣ: ಕಳ್ಳರ ಕಾಟಕ್ಕೆ ಗುತ್ತಿಗೆದಾರ ಸುಸ್ತು!](https://mobiletime.in/2025/09/house-construction-contractors-are-tired-of-the-threat-of-thieves/): ಕುಮಟಾದ ಗುತ್ತಿಗೆದಾರ ವಿಶಾಲ ನಾಯಕ ಅವರು ಅಂಕೋಲಾದಲ್ಲಿ ಮನೆ ನಿರ್ಮಾಣ ಗುತ್ತಿಗೆಪಡೆದಿದ್ದು, ಮನೆ ಕಟ್ಟುವ ಸ್ಥಳದಲ್ಲಿ ಅವರು ತಂದಿರಿಸಿದ್ದ ಸಾಮಗ್ರಿಗಳನ್ನು ಕಳ್ಳರು ದೋಚಿದ್ದಾರೆ. ಕುಮಟಾ ಬರ್ಗಿ ಕುರಿಗದ್ದೆಯ ವಿಶಾಲ ನಾಯಕ ಅವರು ಗುತ್ತಿಗೆದಾರರಾಗಿ ಕೆಲಸ ಮಾಡುತ್ತಿದ್ದಾರೆ. ಅವರು ಅಂಕೋಲಾದ ಆಂದ್ಲೆಯಲ್ಲಿ ಮನೆ ನಿರ್ಮಾಣದ ಗುತ್ತಿಗೆ ಮಾಡಿಕೊಂಡಿದ್ದಾರೆ. ಈ ಹಿನ್ನಲೆ ಅಲ್ಲಿ ಕಟ್ಟಡ ಕೆಲಸ ಶುರು ಮಾಡಿದ್ದು, ಅಗತ್ಯವಿರುವ ಸಾಮಗ್ರಿಗಳನ್ನು ಕಟ್ಟಡದ ಬಳಿ ದಾಸ್ತಾನು ಮಾಡುತ್ತಿದ್ದಾರೆ. ಮನೆ ಕೆಲಸ ವೇಗವಾಗಿ ನಡೆಯುತ್ತಿದ್ದು, ಸದ್ಯ ಸ್ಲಾಪ್ ಹಾಕುವವರೆಗೆ ಬಂದಿದೆ. ಸ್ಲಾಪ್ ಹಾಕುವುದಕ್ಕಾಗಿ ವಿಶಾಲ ನಾಯಕ ಅವರು ಕಬ್ಬಿಣದ ಪ್ಲೇಟುಗಳನ್ನು ದಾಸ್ತಾನು ಮಾಡಿದ್ದರು. ಅಗಸ್ಟ 20ರಂದು ಅವರು ಅಲ್ಲಿ ಕಬ್ಬಿಣ ತಂದು ರಾಶಿ ಹಾಕಿದ್ದರು. ಸೆಪ್ಟೆಂಬರ್ 21ರಂದು ವಿಶಾಲ ನಾಯಕ ಅವರು ಕಟ್ಟಡದ ಬಳಿ ಹೋದಾಗ ಅಲ್ಲಿ ದಾಸ್ತಾನು ಮಾಡಿದ್ದ ಕಬ್ಬಿಣ ಕಾಣೆಯಾಗಿತ್ತು. ಸೆಂಟ್ರಿAಗ್ ಕೆಲಸಕ್ಕೆ ಅಗತ್ಯವಿದ್ದ 58 ಪ್ಲೇಟುಗಳನ್ನು ಕಳ್ಳರು ಎಗರಿಸಿದ್ದರು. ಜೊತೆಗೆ ಅಲ್ಲಿದ್ದ ಶೆಡ್ಡನ್ನು ಮುರಿದಿದ್ದರು. ಶೆಡ್ಡಿನ ಒಳಗಿದ್ದ ರಾಡ್ ಕಟಿಂಗ್ ಮಿಶನ್, ಸುತ್ತಿಗೆ, ಕಬ್ಬಿಣದ ಲಿವರ್’ನ್ನು ಅಪಹರಿಸಿದ್ದರು. ಇದರಿಂದ ಸುಮಾರು 30 ಸಾವಿರ ರೂ ನಷ್ಟ ಅನುಭವಿಸಿದ ವಿಶಾಲ ನಾಯಕ ಅವರು ಕಳ್ಳರ ಪತ್ತೆಗಾಗಿ ಪೊಲೀಸರ ಮೊರೆ ಹೋದರು. ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ.
- [ಜಾತಿ ಸಮೀಕ್ಷೆ: ಸರ್ಕಾರಿ ಸಿಬ್ಬಂದಿಗೆ ಸ್ವತ್ವ ಪರೀಕ್ಷೆ!](https://mobiletime.in/2025/09/caste-survey-asset-test-for-government-employees/): ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆ ಹೆಸರಿನಲ್ಲಿ ಸರ್ಕಾರ ಜಾತಿ ಬಗ್ಗೆ ಪ್ರಶ್ನಿಸುತ್ತಿದೆ. ಇದರೊಂದಿಗೆ ಕುಟುಂಬದ ಹಿನ್ನಲೆ, ಆಧಾರ್ ಕಾರ್ಡ ಜೊತೆ ಆಸ್ತಿ, ಆಭರಣಗಳ ಬಗ್ಗೆಯೂ ಮಾಹಿತಿ ಕಲೆ ಹಾಕುತ್ತಿದೆ. `ಈ ಎಲ್ಲಾ ಪ್ರಶ್ನೆಗಳಿಗೆ ಸರ್ಕಾರಿ ಸಿಬ್ಬಂದಿ ಸ್ವಯಂ ಪ್ರೇರಣೆಯಿಂದ ಉತ್ತರಿಸಬೇಕು. ಜೊತೆಗೆ ಗಣತಿದಾರರು ಮನೆಯವರೆಗೆ ಬರುವವರೆಗೆ ಕಾಯದೇ ಆನ್‌ಲೈನ್ ಮೂಲಕ ಭಾಗವಹಿಸಿ ಮಾಹಿತಿ ಒದಗಿಸಬೇಕು’ ಎಂದು ಜಿಲ್ಲಾಡಳಿತ ಹೇಳಿದೆ. ರಾಜ್ಯ ಹಿಂದುಳಿದ ವರ್ಗಗಳ ಆಯೋಗದಿಂದ ರಾಜ್ಯದ ಎಲ್ಲಾ ನಾಗರಿಕರ ಸಾಮಾಜಿಕ ಮತ್ತು ಶೈಕ್ಷಣಿಕ ಸ್ಥಿತಿಗತಿಗಳ ಕುರಿತು ನಿಖರ ಮಾಹಿತಿ ಸಂಗ್ರಹಿಸುವ ಕಾರ್ಯ ಜೋರಾಗಿದೆ. ಈಗಾಗಲೇ ರಾಜ್ಯಾದ್ಯಂತ ಸಮೀಕ್ಷೆ ಕಾರ್ಯ ಶುರುವಾಗಿದ್ದು, ಅನೇಕ ಶಿಕ್ಷಕರು ಮನೆ ಮನೆಗೆ ಭೇಟಿ ನೀಡುತ್ತಿದ್ದಾರೆ. `ಈ ಸಮೀಕ್ಷೆಗಾಗಿ ಮನೆಗಳಿಗೆ ಗಣತಿದಾರರು ಬರುವವರೆಗೆ ಕಾಯದೇ ಜಿಲ್ಲೆಯ ಎಲ್ಲಾ ಸರ್ಕಾರಿ ಅಧಿಕಾರಿಗಳು ಮತ್ತು ಸಿಬ್ಬಂದಿ ಸ್ವಯಂ ಘೋಷಣೆ ಮೂಲಕ ಆನ್‌ಲೈನ್‌ನಲ್ಲಿ ಸಮೀಕ್ಷೆಯಲ್ಲಿ ಭಾಗವಹಿಸಬೇಕು’ ಎಂದು ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಹೇಳಿದ್ದಾರೆ. ಅವರು ಮಂಗಳವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಆನ್‌ಲೈನ್ ಸಭೆ ನಡೆಸಿದ ಅವರು `ಈಗಾಗಲೇ ಗುರುತಿಸಲಾಗಿರುವ ಎಲ್ಲಾ ಮನೆಗಳಿಗೆ ಗಣತಿದಾರರು ಭೇಟಿ ನೀಡುತ್ತಿದ್ದಾರೆ. ಅವರು ಗಣತಿ ಕಾರ್ಯ ನಡೆಸುತ್ತಿದ್ದು, ಸರ್ಕಾರಿ ಅಧಿಕಾರಿಗಳು ಮತ್ತು ಸಿಬ್ಬಂದಿ ಗಣತಿದಾರರ ಆಗಮನಕ್ಕಾಗಿ ನಿರೀಕ್ಷಿಸಬಾರದು’ ಎಂದು ಸೂಚಿಸಿದ್ದಾರೆ. ಪ್ರತಿಯೊಬ್ಬ ಸರ್ಕಾರಿ ಸಿಬ್ಬಂದಿಯೂ `ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆ’ ವೆಬ್‌ಸೈಟ್ ಕ್ಲಿಕ್ ಮಾಡಿ, ಮಾಹಿತಿ ನೀಡಬೇಕು’ ಎಂದವರು ಹೇಳಿದ್ದಾರೆ. `ಹೆಚ್ಚು ಸಿಬ್ಬಂದಿ ಹೊಂದಿದ ಪೊಲೀಸ್, ಆರೋಗ್ಯ, ಶಿಕ್ಷಣ, ಜಿಲ್ಲಾ ಪಂಚಾಯತ್ ಮೊದಲಾದ ಇಲಾಖೆಯವರು ಈ ಬಗ್ಗೆ ಕೆಲಸ ಶುರು ಮಾಡಬೇಕು. ಹೊರಗುತ್ತಿಗೆ ಸಿಬ್ಬಂದಿ ಸಹ ಸ್ವಯಂ ಪ್ರೇರಣೆಯಿಂದ ಈ ಸಮೀಕ್ಷೆಯಲ್ಲಿ ಭಾಗವಹಿಸಬೇಕು’ ಎಂದವರು ಹೇಳಿದ್ದಾರೆ. `ಪಡಿತರ ಚೀಟಿ, ಮತದಾರರ ಚೀಟಿ ಮತ್ತು ಆಧಾರ್ ದಾಖಲೆಗಳನ್ನು ಸಿದ್ದವಾಗಿದ್ದಲ್ಲಿ 15 ನಿಮಿಷದ ಒಳಗೆ ಸಮೀಕ್ಷೆ ಮುಗಿಸಲು ಸಾಧ್ಯ. ಮುಂದಿನ 2 ದಿನಗಳು ರಜೆ ಇದ್ದು, ಬಿಡುವಿನ ಅವಧಿಯಲ್ಲಿ ಸರ್ಕಾರಿ ನೌಕರರು ಕುಟುಂಬದ ಸಮೀಕ್ಷೆ ಮುಗಿಸಬೇಕು. ಅಕ್ಟೊಬರ್ 3ರಂದು ಎಲ್ಲಾ ಇಲಾಖೆಯವರು ಈ ವಿಷಯದ ಪ್ರಗತಿ ವರದಿ ಸಲ್ಲಿಸಬೇಕು’ ಎಂದವರು ಸೂಚಿಸಿದ್ದಾರೆ. ಈ ಸಭೆಯಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ನೀರಜ್, ಜಿಲ್ಲಾ ವಾರ್ತಾಧಿಕಾರಿ ಬಿ ಶಿವಕುಮಾರ್, ನಗರಾಭಿವೃಧ್ದಿ ಕೋಶದ ಯೋಜನಾ ನಿರ್ದೇಶಕ ಜಹೀರ್ ಅಬ್ಬಾಸ್, ಹಿಂದುಳಿದ ವರ್ಗಗಳ ಕಲ್ಯಾಣಾಧಿಕಾರಿ ಶಿವಕ್ಕ ಮಾದರ, ಜಿಲ್ಲಾ ಸಮಾಜ ಕಲ್ಯಾಣಾಧಿಕಾರಿ ಉಮೇಶ್ ಇದ್ದರು. ಸಾಮಾಜಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆಯಲ್ಲಿ ಭಾಗವಹಿಸಲು ಇಲ್ಲಿ ಕ್ಲಿಕ್ ಮಾಡಿ: ಸಾಮಾಜಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆ
- [ಧರ್ಮಸ್ಥಳ: ಪಾದಯಾತ್ರೆ ನಡೆಸಿದ ಮುಂಬೈ ಭಕ್ತ!](https://mobiletime.in/2025/09/dharamsthala-a-mumbai-devotee-who-went-on-a-padayatra/): ಶ್ರೀಕ್ಷೇತ್ರ ಧರ್ಮಸ್ಥಳದ ಕುರಿತು ಅಪಪ್ರಚಾರ ನಡೆದಿರುವುದನ್ನು ಮುಂಬೈಯ ಜಯಪ್ರಕಾಶ್ ಶೆಟ್ಟಿ ಅವರು ಖಂಡಿಸಿದ್ದಾರೆ. ಕ್ಷೇತ್ರದ ಮಹಿಮೆ ಸಾರುವುದಕ್ಕಾಗಿ ಅವರು ಮುಂಬೈಯಿAದ ಧರ್ಮಸ್ಥಳಕ್ಕೆ ಪಾದಯಾತ್ರೆ ಮಾಡಿದ್ದಾರೆ. ದೆಹಲಿ, ಅಮೃತಸರ, ಶಬರಮತಿ ಸೇರಿ ದೇಶದ ನಾನಾ ಭಾಗ ಸಂಚರಿಸಿದ ಅವರು ಧರ್ಮಸ್ಥಳ ತಲುಪಿದರು. ಅದಾದ ನಂತರ ಉತ್ತರ ಕನ್ನಡ ಜಿಲ್ಲೆಯ ಮಾರ್ಗವಾಗಿ ಅವರು ಮುಂಬೈಗೆ ತೆರಳುತ್ತಿದ್ದು, ಮಂಗಳವಾರ ಕುಮಟಾಗೆ ಆಗಮಿಸಿದರು. ರಾಷ್ಟçಧ್ವಜ ಹಿಡಿದು ಸಂಚರಿಸುತ್ತಿರುವ ಜಯಪ್ರಕಾಶ ಶೆಟ್ಟಿ ಅವರು ಇಲ್ಲಿಯೂ ತಮ್ಮನ್ನು ಭೇಟಿ ಆದವರಿಗೆ ಧರ್ಮಸ್ಥಳದ ಮಹತ್ವದ ಬಗ್ಗೆ ಅವರು ತಿಳಿಸಿದ್ದಾರೆ. 50ವರ್ಷದ ಜಯಪ್ರಕಾಶ ಶೆಟ್ಟಿ ಅವರು ಈಗಾಗಲೇ ಧರ್ಮಸ್ಥಳ ಪರ ಪ್ರಚಾರ ನಡೆಸಲು 11 ಸಾವಿರ ಕಿಮೀ ಪಾದಯಾತ್ರೆ ಮಾಡಿದ್ದಾರೆ. ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಆಗ್ನೇಲ್ ರೋಡ್ರಿಗಸ್ ಹಾಗೂ ಸುಧಾಕರ ನಾಯ್ಕ ಅವರು ಜಯಪ್ರಕಾಶ ಶೆಟ್ಟಿ ಅವರನ್ನು ಮಾತನಾಡಿಸಿದರು. ಆಗ `ಹಸಿದ ಪ್ರತಿಯೊಬ್ಬರಿಗೂ ಧರ್ಮಸ್ಥಳದಲ್ಲಿ ಹೊಟ್ಟೆ ತುಂಬ ಊಟ ಕೊಡಲಾಗುತ್ತದೆ. 15 ರೂಪಾಯಿಗೆ ಇಲ್ಲಿ ವಸತಿ ವ್ಯವಸ್ಥೆ ಸಿಗುತ್ತದೆ. ಆದರೆ, ಕೆಲವರು ಅನಗತ್ಯವಾಗಿ ಧರ್ಮಸ್ಥಳಕ್ಕೆ ಕೆಟ್ಟ ಹೆಸರು ಬರುವ ಹಾಗೇ ಮಾಡಿದ್ದಾರೆ. ಅದನ್ನು ಹೋಗಲಾಡಿಸುವ ಪ್ರಯತ್ನವಾಗಿ ಪಾದಯಾತ್ರೆ ನಡೆಸಿದ್ದೇನೆ’ ಎಂದು ಜಯಪ್ರಕಾಶ ಶೆಟ್ಟಿ ಅವರು ಹೇಳಿದರು. `ಯಾವುದೇ ಧರ್ಮದ ವಿರುದ್ಧ ಇಲ್ಲಸಲ್ಲದ ಆರೋಪ ಮಾಡುವುದು ಸರಿಯಲ್ಲ. ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ಮಾಡಿರುವುದು ನೋವು ತಂದಿದೆ. ಶ್ರೀಕ್ಷೇತ್ರಕ್ಕೆ ಕೆಟ್ಟ ಹೆಸರು ತರಲು ಪ್ರಯತ್ನಿಸಿದವರ ಬಗ್ಗೆ ನಾನೇನು ಹೇಳುವುದಿಲ್ಲ. ಅವರನ್ನು ಆ ಮಂಜುನಾಥ ಸ್ವಾಮಿಯೇ ನೋಡಿಕೊಳ್ಳುತ್ತಾನೆ’ ಎಂದು ಜಯಪ್ರಕಾಶ ಶೆಟ್ಟಿ ಪ್ರತಿಕ್ರಿಯಿಸಿದರು
- [ಸರ್ಕಾರಿ ಆಸ್ಪತ್ರೆಗೆ ಸರ್ಜರಿ: ಕೋಟಿ ರೂ ಕಾಮಗಾರಿ ಕಳಪೆ!](https://mobiletime.in/2025/09/surgery-for-government-hospital-crores-of-poor-work/): ಬಹುಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ ಕಾರವಾರದ ಮೆಡಿಕಲ್ ಕಾಲೇಜು ಆವರಣದ ಸರ್ಕಾರಿ ಆಸ್ಪತ್ರೆ ಕಾಮಗಾರಿ ಕಳಪೆಯಾಗಿದೆ. ಉದ್ಘಾಟನೆಗೂ ಮುನ್ನವೇ ಕಟ್ಟಡದ ಕೆಲ ಭಾಗ ಕುಸಿತ ಕಂಡಿದೆ! ಕಾರವಾರದಲ್ಲಿ ಈ ದಿನ ಭೂಕಂಪನವೂ ಆಗಿಲ್ಲ. ದೊಡ್ಡ ಸದ್ದು-ಗದ್ದಲವೂ ಕೇಳಲ್ಪಟ್ಟಿಲ್ಲ. ಆದರೂ, ಕಾರವಾರ ವೈದ್ಯಕೀಯ ವಿಜ್ಞಾನ ಕೇಂದ್ರದ ಹೊಸ ಕಟ್ಟಡ ಅಲ್ಲಾಡಿತು. ಕಟ್ಟಡದ ಗೋಡೆಗಳು ಮೊದಲೇ ಬಿರುಕು ಮೂಡಿದ್ದು, ಮಳೆಗಾಲದಲ್ಲಿ ಕಟ್ಟಡದ ಒಳಗೆ ನೀರು ಸೋರುತ್ತಿತ್ತು. ಮಂಗಳವಾರ ಮೊದಲ ಮಹಡಿ ಹಾಗೂ ಎರಡನೇ ಮಹಡಿಯ ಮೇಲ್ಚಾವಣಿ ಕುಸಿದು ಬಿದ್ದಿತು. 1980ರ ಅವಧಿಯಲ್ಲಿ ಕಾರವಾರದಲ್ಲಿ ಸಿವಿಲ್ ಆಸ್ಪತ್ರೆ ಕಟ್ಟಡ ನಿರ್ಮಿಸಲಾಗಿದ್ದು, ಅದು ಶಿಥಿಲವಾಗಿತ್ತು. ಹೀಗಾಗಿ ಹೊಸ ಕಟ್ಟಡ ಕಟ್ಟುವ ಕಾರ್ಯ ನಡೆಯಿತು. ವೈದ್ಯಕೀಯ ವಿಜ್ಞಾನ ಕಾಲೇಜು ಅಧೀನದಲ್ಲಿ 450 ಹಾಸಿಗೆಯ ಆಸ್ಪತ್ರೆ ನಿರ್ಮಿಸುವ ಕೆಲಸವನ್ನು ಬಿಎಸ್‌ಆರ್ ಕನ್ಸಟ್ರಕ್ಷನ್ ಕಂಪನಿ ಗುತ್ತಿಗೆಪಡೆಯಿತು. ಕಟ್ಟಡ ಪೂರ್ಣಗೊಳ್ಳುವ ಮೊದಲೇ ಹಳೆಯ ಆಸ್ಪತ್ರೆಯಲ್ಲಿದ್ದ ರೋಗಿಗಳನ್ನು ಅಲ್ಲಿ ಸ್ಥಳಾಂತರಿಸಲಾಯಿತು. ರೋಗಿಗಳು ಆ ಕಟ್ಟಡದಲ್ಲಿರುವಾಗಲೇ ಕಟ್ಟಡದ ಇನ್ನಷ್ಟು ಕಾಮಗಾರಿ ನಡೆಯುತ್ತಿತ್ತು. ಎರಡನೇ ಮಹಡಿಯ ಕೆಲಸ ಮುಂದುವರೆದಿದ್ದು, ಅಲ್ಲಿನ ಗೋಡೆಗಳು ಬಿರುಕು ಮೂಡಿದ್ದವು. ಕಟ್ಟಡದ ಅಲ್ಲಲ್ಲಿ ನೀರು ಸೋರುತ್ತಿದ್ದು, ಗೋಡೆಗಳು ಒದ್ದೆಯಾಗಿದ್ದವು. ಮಂಗಳವಾರ ಆ ಮಹಡಿಯ ಮೇಲ್ಬಾಗ ಅಳವಡಿಸಿದ್ದ ಪಿಓಪಿ ಪರದೆ ಕುಸಿದಿದೆ. ಕಟ್ಟಡದಲ್ಲಿ ನಿರ್ಮಾಣವಾಗುತ್ತಿದ್ದ ಸರ್ಜರಿ ವಿಭಾಗ ಹಾಗೂ ಶಸ್ತç ಚಿಕಿತ್ಸೆ, ಉಪನ್ಯಾಸಕರ ಕೊಠಡಿ ಭಾಗದಲ್ಲಿ ಮೇಲ್ಚಾವಣಿ ಕುಸಿತ ಉಂಟಾಗಿದೆ. ಕುಸಿತದ ಅವಧಿಯಲ್ಲಿ ಸ್ಥಳದಲ್ಲಿ ಯಾರು ಇರಲಿಲ್ಲ. ಹೀಗಾಗಿ ಪಿಓಪಿ ತುಂಡುಗಳು ತಲೆ ಮೇಲೆ ಬಿದ್ದಿಲ್ಲ. ಜನಶಕ್ತಿಯಿಂದ ಸಾರ್ವಜನಿಕ ಹಿತಾಸಕ್ತಿ ಈ ಕಟ್ಟಡ ಇನ್ನೂ ಉದ್ಘಾಟನೆ ಆಗಿಲ್ಲ. ಅಧಿಕೃತವಾಗಿ ಹಸ್ತಾಂತರವೂ ಆಗಿಲ್ಲ. ಅದಕ್ಕೂ ಮೊದಲೇ ಕಳಪೆ ಕಾಮಗಾರಿಯ ಪ್ರದರ್ಶನವಾಗಿದೆ. ಈ ಬಗ್ಗೆ ಮಾಹಿತಿ ಅರಿತ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಸ್ಥಳ ಪರಿಶೀಲನೆ ಮಾಡಿದರು. ತಹಶೀಲ್ದಾರ್ ನಿಶ್ಚಲ್ ನರೋನಾ ಅವರನ್ನು ಕರೆಯಿಸಿ ಕಾಮಗಾರಿಯ ಕಳಪೆಯನ್ನು ವಿವರಿಸಿದರು. ಸುಮಾರು 200 ಕೋಟಿ ರೂ ವೆಚ್ಚದಲ್ಲಿ ಕಟ್ಟಡ ನಿರ್ಮಿಸುತ್ತಿದ್ದು, ಉದ್ಘಾಟನೆಗೂ ಮುನ್ನವೇ ಗೋಡೆಗಳಲ್ಲಿ ಬಿರುಕು ಬಂದ ಬಗ್ಗೆ ಅವರು ಆಕ್ಷೇಪಿಸಿದರು. ಇಡೀ ಕಟ್ಟಡದ ಗುಣಮಟ್ಟವನ್ನು ಮರುಪರಿಶೀಲನೆಗೆ ಒಳಪಡಿಸಬೇಕು ಎಂದು ಅವರು ಜಿಲ್ಲಾಡಳಿತಕ್ಕೆ ಪತ್ರ ನೀಡಿದರು.
- [ಅರಬೈಲ್ ಘಟ್ಟದಲ್ಲಿ ಅಪಘಾತ: ಡಸ್ಟರ್ ಕಾರು ಧಗ ಧಗ!](https://mobiletime.in/2025/09/accident-at-arabil-ghat-duster-car-catches-fire/): ಯಲ್ಲಾಪುರದಿಂದ ಕುಮಟಾಗೆ ಹೋಗುತ್ತಿದ್ದ ಡಸ್ಟರ್ ಕಾರು ಅರಬೈಲ್ ಘಟ್ಟದ ಬಳಿ ಬೆಂಕಿಗೆ ಆಹುತಿಯಾಗಿದೆ. ಸೋಮವಾರ ತಡರಾತ್ರಿ ಈ ಅನಾಹುತ ನಡೆದಿದೆ. ಯಲ್ಲಾಪುರದ ಉದ್ಯಮನಗರ ಬಳಿಯ ರೂಪೇಶ ನಾಯ್ಕ ಅವರು ಸೋಮವಾರ ರಾತ್ರಿ ಹುಬ್ಬಳ್ಳಿ-ಅಂಕೋಲಾ ಹೆದ್ದಾರಿಯಲ್ಲಿ ಕಾರು ಓಡಿಸುತ್ತಿದ್ದರು. ಅವರ ಜೊತೆ ಅಕ್ಷಯ ನಾಯ್ಕ ಎಂಬಾತರು ಇದ್ದರು. ಆರತಿಬೈಲ್ ಘಟ್ಟದಲ್ಲಿ ಎದುರಿನಿಂದ ದಿಡೀರ್ ಆಗಿ ಇನ್ನೊಂದು ವಾಹನ ಬಂದಿದ್ದು, ರೂಪೇಶ ನಾಯ್ಕ ಅವರು ಅಪಘಾತ ತಪ್ಪಿಸುವುದಕ್ಕಾಗಿ ಕಾರನ್ನು ಏಕಾಏಕಿ ತಿರುಗಿಸಿದರು. ಶೇಡಿಕೇರೆ ತಿರುವಿನ ಬಳಿ ಕಾರು ಮುಂದಿದ್ದ ತಡೆಗೋಡೆಯ ಕಟ್ಟೆಗೆ ಡಿಕ್ಕಿಯಾಯಿತು. ಡಿಕ್ಕಿ ರಭಸಕ್ಕೆ ಕಾರಿನಲ್ಲಿ ಬೆಂಕಿ ಕಾಣಿಸಿಕೊಂಡಿತು. ಹೊಗೆ ಬರುತ್ತಿರುವುದನ್ನು ನೋಡಿದ ರೂಪೇಶ ನಾಯ್ಕ ಹಾಗೂ ಅಕ್ಷಯ ನಾಯ್ಕ ಕಾರಿನಿಂದ ಇಳಿದರು. ಏನಾಗಿದೆ? ಎಂದು ನೋಡುವಷ್ಟರಲ್ಲಿ ಬೆಂಕಿ ಆವರಿಸಿತು. ಕಾರಿಗೆ ಹೊತ್ತಿದ ಬೆಂಕಿ ಆರಿಸುವ ಪ್ರಯತ್ನ ಮಾಡಿದರೂ ಅದು ಫಲ ಕೊಡಲಿಲ್ಲ. ಹೀಗಾಗಿ ಅವರು ಅಗ್ನಿಶಾಮಕದಳಕ್ಕೆ ಫೋನ್ ಮಾಡಲು ಪ್ರಯತ್ನಿಸಿದರು. ಆದರೆ, ಅಲ್ಲಿ ಸರಿಯಾಗಿ ಮೊಬೈಲ್ ನೆಟ್‌ವರ್ಕ ಸಿಗಲಲ್ಲ. ಅದಾಗಿಯೂ, ನೆಟ್‌ವರ್ಕ ಹುಡುಕಿ ಅಗ್ನಿಶಾಮಕ ಸಿಬ್ಬಂದಿಗೆ ಫೋನ್ ಮಾಡಿದರು. ಪೊಲೀಸರಿಗೂ ವಿಷಯ ಮುಟ್ಟಿಸಿದರು. ಪಿಎಸ್‌ಐ ಸಿದ್ದು ಗುಡಿ ಅವರು ಅಗ್ನಿಶಾಮಕ ಸಿಬ್ಬಂದಿ ಜೊತೆ ಸ್ಥಳಕ್ಕೆ ತೆರಳಿದರು. ಹೊತ್ತಿ ಉರಿಯುತ್ತಿದ್ದ ಕಾರಿಗೆ ಅಗ್ನಿಶಾಮಕ ಸಿಬ್ಬಂದಿ ನೀರು ಹಾಯಿಸಿದರು. ರಾತ್ರಿ ಆಗಿದ್ದರಿಂದ ವಾಹನ ಸಂಚಾರ ಹೆಚ್ಚಿರಲಿಲ್ಲ. ಆದರೂ, ಕಾರಿನ ಬೆಂಕಿ ಇನ್ನಿತರ ಕಡೆ ವ್ಯಾಪಿಸುವ ಅಪಾಯವಿದ್ದು ಅದನ್ನು ಅಗ್ನಿಶಾಮಕ ಸಿಬ್ಬಂದಿ ತಡೆದರು. ಕಾರಿನಲ್ಲಿದ್ದ ರೂಪೇಶ ನಾಯ್ಕ ಹಾಗೂ ಅಕ್ಷಯ ನಾಯ್ಕ ಮೊದಲೇ ಕೆಳಗಿಳಿದಿದ್ದರಿಂದ ಅಪಾಯದಿಂದ ಪಾರಾದರು. ಆದರೆ, ಅವರ ಕೆಲ ದಾಖಲೆಗಳು ಕಾರಿನ ಒಳಗೆ ಸಿಲುಕಿ ಸುಟ್ಟು ಹೋಗಿದ್ದವು. ಕಾರು ಗೋಡೆಗೆ ಗುದ್ದಿದಾಗ ರೇಡಿಯೇಟರ್ ಸಮಸ್ಯೆಯಿಂದ ಬೆಂಕಿ ಕಾಣಿಸಿದ ಅನುಮಾನವ್ಯಕ್ತವಾಗಿದೆ. ಕೆಲ ದಿನಗಳ ಹಿಂದೆಯೂ ಅರಬೈಲ್ ಘಟ್ಟದಲ್ಲಿ ಆಲ್ಟೋ ಕಾರು ಅಗ್ನಿಗೆ ಆಹುತಿಯಾಗಿತ್ತು. ಆ ಸ್ಥಳದಿಂದ ಅನತಿ ದೂರದಲ್ಲಿಯೇ ಇದೀಗ ಡಸ್ಟರ್ ಕಾರು ಕರಕಲಾಗಿದೆ.
- [ಸಾಮಾನ್ಯ ರೋಗಕ್ಕೆ ಸಾಮಾನ್ಯ ಚಿಕಿತ್ಸೆ: ನಿತ್ಯದ ಬದುಕಿಗೆ ಆಯುರ್ವೇದ](https://mobiletime.in/2025/09/common-treatment-for-common-diseases-ayurveda-for-everyday-life/): ಆಯುರ್ವೇದ ಚಿಕಿತ್ಸೆ ನೀಡುವ ವೈದ್ಯರಲ್ಲಿ ವಿಶೇಷ ತಜ್ಞರು ಹೆಚ್ಚಾಗಿದ್ದಾರೆ. ಆದರೆ, ದೈನಂದಿನ ಸಾಮಾನ್ಯ ಆರೋಗ್ಯ ಸಮಸ್ಯೆ ಪರಿಹಾರ ನೀಡುವ ಆಯುರ್ವೇದ ವೈದ್ಯರ ಸಂಖ್ಯೆ ವಿರಳವಾಗಿದೆ. ನಿತ್ಯದ ಬದುಕಿನಲ್ಲಿ ಆಯುರ್ವೇದ ಅಳವಡಿಕೆ ಇಂದಿನ ಅನಿವಾರ್ಯಗಳಲ್ಲಿ ಒಂದಾಗಿದೆ. ವೇಗದ ಜೀವನದಲ್ಲಿ ಜನರು ದೈನಂದಿನ ಆರೋಗ್ಯ ಸಮಸ್ಯೆಗಳಿಗೆ ತಕ್ಷಣ ಪರಿಣಾಮಕಾರಿ ಮತ್ತು ನೈಸರ್ಗಿಕ ಪರಿಹಾರಗಳನ್ನು ಹುಡುಕುತ್ತಿದ್ದಾರೆ. ಸಮಯ-ಪರೀಕ್ಷಿತ, ಸುರಕ್ಷಿತ ಔಷಧಗಳನ್ನು ಬಳಸಿ ದೈನಂದಿನ ಕಾಯಿಲೆಗಳಿಗೆ ತ್ವರಿತ ಪರಿಹಾರ ಬಯಸುತ್ತಿದ್ದಾರೆ. ದೀರ್ಘ ಚಿಕಿತ್ಸಾ ಪದ್ಧತಿಗಳಿಲ್ಲದೇ ಅವುಗಳನ್ನು ಕಾರ್ಯಗತಗೊಳಿಸಲು ಹೆಚ್ಚಿನವರು ಆಸಕ್ತರಾಗಿದ್ದಾರೆ. ದಿನನಿತ್ಯದ ಆರೋಗ್ಯ ಸಮಸ್ಯೆಗಳನ್ನು ಚಿಕಿತ್ಸೆ ಮಾಡುವ ಈ ವಿಧಾನವು ಆಧುನಿಕ ಆರೋಗ್ಯ ಸೇವೆಯಲ್ಲಿ ಆಯುರ್ವೇದ ಸಾಮಾನ್ಯ ಚಿಕಿತ್ಸೆ ಏಕೆ ಅತ್ಯಗತ್ಯವಾಗಿದೆ ಎಂಬುದರ ನಿಜವಾದ ಸಾರವನ್ನು ಪ್ರತಿನಿಧಿಸುತ್ತದೆ. ದೈನಂದಿನ ಆರೋಗ್ಯಕ್ಕಾಗಿ ಆಯುರ್ವೇದ ಸಾಮಾನ್ಯ ಚಿಕಿತ್ಸೆಯನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯ. ಸಾಮಾನ್ಯ ಕಾಯಿಲೆಗಳಿಗೆ ಆಯುರ್ವೇದ ಸಾಮಾನ್ಯ ಚಿಕಿತ್ಸೆಯು ಕೇಂದ್ರೀಕರಿಸುತ್ತದೆ. ನೈಸರ್ಗಿಕ ಔಷಧಗಳನ್ನು ಬಳಸಿ, ತತ್ಕ್ಷಣ ರೋಗಲಕ್ಷಣ ಪರಿಹಾರ ಸಾಧ್ಯವಿದೆ. ಮೂಲಭೂತ ಜೀವನಶೈಲಿ ಬದಲಾವಣೆಗಳ ಮೂಲಕ ರೋಗ ಮರುಕಳಿಸುವಿಕೆ ತಡೆಯುವ ಪ್ರಯತ್ನ ಮಾಡಬಹುದಾಗಿದೆ. ಯಾವುದೇ ಅಡ್ಡಪರಿಣಾಮಗಳಿಲ್ಲದೇ ಆಯುರ್ವೇದ ನಿತ್ಯದ ಬದುಕಿನಲ್ಲಿ ಕೆಲಸ ಮಾಡುತ್ತದೆ. ವಾರಗಳ ಸಿದ್ಧತೆ ಮತ್ತು ನಿರ್ವಹಣೆಯ ಅಗತ್ಯವಿರುವ ಸಂಕೀರ್ಣ ಆಯುರ್ವೇದ ಚಿಕಿತ್ಸೆಗಳಿಗಿಂತ ಭಿನ್ನವಾಗಿ ಸಾಮಾನ್ಯ ಚಿಕಿತ್ಸಾ ಪರಿಹಾರಗಳನ್ನು ಕಾಣಲು ಸಾಧ್ಯವಿದೆ. ಆಯುರ್ವೇದ ಔಷಧ ತಯಾರಿಸಲು ಮತ್ತು ನಿರ್ವಹಣೆ ಸುಲಭ. ವೆಚ್ಚ ಕಡಿಮೆ ಜೊತೆಗೆ ಪರಿಣಾಮಕಾರಿಯಾಗಿರಲಿದೆ. ಔಷಧ ಬಳಕೆ, ಅದನ್ನು ಅರ್ಥಮಾಡಿಕೊಳ್ಳಲು ಮತ್ತು ಅನುಸರಿಸಲು ಸುಲಭವಾಗಿದೆ. ತಕ್ಷಣಕ್ಕೆ ಅನುಷ್ಠಾನಕ್ಕೆ ಸೂಕ್ತ. ಜೊತೆಗೆ ತೀವ್ರ ಪರಿಸ್ಥಿತಿಗಳಿಗೆ ಪರಿಣಾಮಕಾರಿಯಾಗಿ ಕೆಲಸ ಮಾಡಲಿದೆ. ಜೀರ್ಣಕ್ರಿಯೆ ಸಮಸ್ಯೆ, ಮಲಬದ್ಧತೆ, ಉಸಿರಾಟದ ಸಮಸ್ಯೆ, ಸಾಮಾನ್ಯ ಶೀತ, ಕೆಮ್ಮು, ಗಂಟಲು ನೋವು, ತಲೆನೋವು ಮತ್ತು ಮೈ ಕೈ ನೋವು ನೋವುಗಳಿಗೆ ಇಲ್ಲಿ ಪರಿಹಾರವಿದೆ. ಸ್ನಾಯುವಿನ ನೋವು ಮತ್ತು ಗಟ್ಟಿತನ, ಚರ್ಮ ಮತ್ತು ಬಾಹ್ಯ ಸಮಸ್ಯೆಗಳು ಆಯುರ್ವೇದರಿಂದ ದೂರವಾಗುತ್ತದೆ. ಸಣ್ಣ ಗಾಯಗಳು, ಮಾನಸಿಕ ಮತ್ತು ಭಾವನಾತ್ಮಕ ಒತ್ತಡ, ಆತಂಕ ಮತ್ತು ಅಶಾಂತಿ, ನಿದ್ರಾಹೀನತೆ ಮತ್ತು ನಿದ್ರೆ ಸಮಸ್ಯೆಗಳಿಗೆ ಸೂಕ್ತ ಔಷಧಿಗಳಿವೆ. ದೈನಂದಿನ ಆರೋಗ್ಯ ಸಮಸ್ಯೆಗಳಿಗೆ ತಕ್ಷಣದ, ಸುರಕ್ಷಿತ ಮತ್ತು ಪರಿಣಾಮಕಾರಿ ಪರಿಹಾರಗಳನ್ನು ಒದಗಿಸುವ ಮೂಲಕ ಆಯುರ್ವೇದ ಆರೋಗ್ಯ ರಕ್ಷಣೆಯಲ್ಲಿನ ನಿರ್ಣಾಯಕ ಪಾತ್ರವಹಿಸಿದೆ. ಶೇ 80ರಷ್ಟು ಆರೋಗ್ಯ ಸಮಸ್ಯೆಗಳಿಗೆ ಆಯುರ್ವೇದ ಪರಿಣಾಮ ಬೀರುತ್ತದೆ. ಲೇಖಕರು: ಡಾ ರವಿಕಿರಣ ಪಟವರ್ಧನ ಶಿರಸಿ
- [ವರ್ಕ ಪ್ರಂ ಹೋಂ: ಗಂಡನಿಗೂ ಗೊತ್ತಿಲ್ಲದೇ ಲಕ್ಷ ರೂ ಖಾಲಿ ಮಾಡಿದ ಪತ್ನಿ!](https://mobiletime.in/2025/09/work-at-home-wife-spends-lakhs-of-rupees-without-her-husband-even-knowing/): ಉದ್ಯೋಗ ಹುಡುಕಾಟದಲ್ಲಿದ್ದ ಜೊಯಿಡಾದ ರಮಾದೇವಿ ಅವರು `ವರ್ಕ ಪ್ರಂ ಹೋಂ’ ನಂಬಿ ಲಕ್ಷ ರೂ ಕಳೆದುಕೊಂಡಿದ್ದಾರೆ. ಎರಡು ಬಾರಿ ಮೋಸ ಹೋದ ನಂತರ ಬೇರೆ ದಾರಿ ಇಲ್ಲದೇ ವಂಚನೆಯ ಬಗ್ಗೆ ತಮ್ಮ ಗಂಡನಲ್ಲಿ ಹೇಳಿದ್ದಾರೆ! ರಮಾದೇವಿ ಅವರು ಕ್ಯಾಸಲರಾಕ್ ಸರ್ಕಾರಿ ಆಸ್ಪತ್ರೆ ಹತ್ತಿರ ವಾಸವಾಗಿದ್ದಾರೆ. ಮಾಡಲು ಕೆಲಸವಿಲ್ಲದ ಕಾರಣ ಅವರು ಉದ್ಯೋಗ ಹುಡುಕಾಟದಲ್ಲಿದ್ದರು. ಹೀಗಿರುವಾಗ ಅವರಿಗೆ ಅಗಸ್ಟ 19ರಂದು ಇನಸ್ಟಾಗ್ರಾಮಿನ ಮೂಲಕ ಅನನ್ಯ ಪಟೇಲ್ ಎಂಬಾತರು ಸ್ನೇಹಿತರಾದರು. `ಸಣ್ಣ ಸಣ್ಣ ಟಾಸ್ಕ್ ಕೊಡುವೆ. ಅದನ್ನು ಮುಗಿಸಿದರೆ ಕಾಸು ಕೊಡುವೆ’ ಎಂದು ಅನನ್ಯ ಪಟೇಲ್ ಹೇಳಿದರು. ರಮಾದೇವಿ ಅವರು ಅದನ್ನು ಖುಷಿಯಿಂದ ಒಪ್ಪಿದರು. ಕೊಟ್ಟ ಮಾತಿನ ಪ್ರಕಾರ ಅನನ್ಯ ಪಟೇಲ್ ಅವರು ಮೊದಲು 120ರೂ ಹಾಗೂ ನಂತರ 200ರೂಪಾಯಿಗಳನ್ನು ರಮಾದೇವಿ ಅವರ ಖಾತೆಗೆ ಜಮಾ ಮಾಡಿದರು. ಏನೂ ಕೆಲಸ ಮಾಡದೇ 320ರೂ ಬ್ಯಾಂಕ್ ಖಾತೆಗೆ ಬಂದಿದ್ದಕ್ಕಾಗಿ ರಮಾದೇವಿ ಅವರು ಇಡೀ ದಿನ ಖುಷಿಯಾಗಿದ್ದರು. ಅಗಸ್ಟ 21ರಂದು ಅನನ್ಯ ಪಟೇಲ್ ಅವರು ಮತ್ತೊಂದು ಟಾಸ್ಕ್ ಕೊಡುವುದಾಗಿ ಹೇಳಿದರು. 500ರೂ ಹೂಡಿಕೆ ಮಾಡಿದರೆ 910ರೂ ಸಿಗುವ ಟಾಸ್ಕ್ ಅದಾಗಿದ್ದು, `ಇದಕ್ಕಾಗಿ ಬೀಟ್ ಕಾಯಿನ್ ಅಕೊಂಟ್ ತೆಗೆಯಬೇಕು’ ಎಂದರು. ಅನನ್ಯ ಪಟೇಲ್ ಅವರು ಈ ವೇಳೆ ಸಾಯಿಲ್ ಹುಸೈ ಎಂಬಾತರನ್ನು ಫೋನ್ ಮೂಲಕವೇ ಪರಿಚಯಿಸಿದರು. ಪೂಜಾ, ರಾವಿ, ಬಿರೇಂದ್ರ ಕುಮಾರ, ದೀಪಾಂಕರ ದೇ ಎಂಬಾತರ ಜೊತೆ ರಮಾದೇವಿಯವರನ್ನು ಸೇರಿಸಿ ಅವರೆಲ್ಲರೂ ಒಂದು ಟೆಲಿಗ್ರಾಂ ಗ್ರೂಪ್ ಮಾಡಿದರು. ಅಲ್ಲಿ ಎಲ್ಲರಿಗೂ 3 ಸಾವಿರ, 10 ಸಾವಿರ, 30 ಸಾವಿರ ರೂ ಹೂಡಿಕೆ ಮಾಡುವ ಟಾಸ್ಕ್ ಕೊಟ್ಟರು. ರಮಾದೇವಿ ಅವರನ್ನು ಹೊರತುಪಡಿಸಿ ಎಲ್ಲರೂ ಆ ಹಣ ಹೂಡಿಕೆ ಮಾಡಿದ ದಾಖಲೆ ನೀಡಿದರು. ಆ ದಾಖಲೆ ನೋಡಿ ಪ್ರಭಾವಕ್ಕೆ ಒಳಗಾಗಿ ರಮಾದೇವಿ ಅವರು ಹಣ ಹೂಡಿದರು. ಈ ವೇಳೆ ಅನನ್ಯ ಪಟೇಲ್ ಅವರು ಶ್ವೇತಾ ಎಂಬಾತರನ್ನು ಪರಿಚಯಿಸಿ ತೆರೆಯಿಂದ ಮರೆಯಾದರು. ಶ್ವೇತಾ ಅವರು ರಮಾದೇವಿ ಅವರ ಬಳಿ `ನೀವು ಹೂಡಿಕೆ ಮಾಡುವಾಗ ತಪ್ಪು ಮಾಡಿದ್ದೀರಿ. ಇದಕ್ಕಾಗಿ ಮತ್ತೆ 50 ಸಾವಿರ ರೂ ಹೂಡಿಕೆ ಮಾಡಿದರೆ ಮಾತ್ರ ನಿಮ್ಮ ಬೀಟ್ ಕಾಯಿನ್ ಅಕೊಂಟ್ ಸರಿಯಾಗುತ್ತದೆ’ ಎಂದರು. ಅದನ್ನು ನಂಬಿದ ರಮಾದೇವಿ ಅವರು 50 ಸಾವಿರ ರೂ ಕೊಟ್ಟರು. ಆಗ, `ಮತ್ತೆ 1 ಲಕ್ಷ ರೂ ಹೂಡಿಕೆ ಮಾಡಿದರೆ ಲಾಭ ಸಿಗುತ್ತದೆ’ ಎಂದು ನಂಬಿಸಿದರು. ಟೆಲಿಗ್ರಾಮ್ ಗ್ರೂಪಿನಲ್ಲಿರುವ ಎಲ್ಲರೂ ಹೂಡಿಕೆ ಮಾಡಿರುವುದನ್ನು ನೋಡಿ ರಮಾದೇವಿ ಅವರು 1 ಲಕ್ಷ ರೂ ನೀಡಿದರು. `ನೀವು ಮೊದಲು ತಪ್ಪಾಗಿ ಹಣ ಹೂಡಿದ ಕಾರಣ ಒಂದೇ ಸಲ ಹಣ ಮರಳಿಸಲು ಆಗುವುದಿಲ್ಲ’ ಎಂದ ಶ್ವೇತಾ ಅವರು 5 ಸಾವಿರ ರೂ ಹಿಂತಿರುಗಿಸಿ ಮತ್ತೆ ಹಣಕ್ಕೆ ಬೇಡಿಕೆ ಇಟ್ಟರು. ಈವರೆಗೆ 193700ರೂ ಹೂಡಿಕೆ ಮಾಡಿ, 6230ರೂ ಮಾತ್ರ ಹಿಂಪಡೆದಿದ್ದ ರಮಾದೇವಿ ಅವರು ಈ ಬಾರಿ ಶ್ವೇತಾ ಅವರು ಹೇಳಿದ ಕಡೆ ಹಣ ಹೂಡಲಿಲ್ಲ. ಆದರೆ, ಕಾವ್ಯಾ ಅಗರವಾಲ್ ಎಂಬಾತರನ್ನು ಪರಿಚಯಿಸಿಕೊಂಡ ರಮಾದೇವಿ ಅವರು ಅವರು ಹೇಳಿದ ಕಡೆ ಹಣ ಹೂಡಿದರು. `800ರೂ ಹೂಡಿಕೆ 14999ರೂ ಲಾಭ ಕೊಡುವೆ’ ಎಂದು ಇನಸ್ಟಾಗ್ರಾಮಿನ ಮೂಲಕ ಪರಿಚಯವಾದ ಕಾವ್ಯ ಅಗರವಾಲ್ ಅವರು ಹೇಳಿದನ್ನು ನಂಬಿ ಇನ್ನಷ್ಟು ಹಣ ಹೂಡಿದರು. `ಯುಎಸ್ ಡಾಲರ್ ವರ್ಗಾವಣೆ ಮಾಡಬೇಕು. ನೀವು ನಮ್ಮ ಕಂಪನಿ ಉದ್ಯೋಗಿಯಾಗಬೇಕು. ಹೆಚ್ಚಿನ ಲಾಭಬರಲು ಕಾಯಬೇಕು. ಜಿಎಸ್‌ಟಿ ಪ್ರತ್ಯೇಕವಾಗಿ ಪಾವತಿಸಬೇಕು’ ಎಂಬುದನ್ನು ಸೇರಿ ಅನೇಕ ಸುಳ್ಳು ಹೇಳಿದ ಕಾವ್ಯ ಅಗರವಾಲ್ ಅವರು 55549ರೂ ಹಣಪಡೆದು ವಂಚಿಸಿದರು. ವರ್ಕ ಪ್ರಂ ಹೋಂ ಹುಡುಕಾಟಕ್ಕೆ ಹೋಗಿ ಎರಡು ಬಾರಿ ಮೋಸ ಹೋದ ರಮಾದೇವಿ ಅವರು ತಮ್ಮ ಬ್ಯಾಂಕ್ ಖಾತೆಯಲ್ಲಿದ್ದ ಎಲ್ಲಾ ಹಣ ಕಳೆದುಕೊಂಡರು. ಬೇರೆ ದಾರಿ ತೋರದೇ ಪತಿ ಸುರೇಶ ಅವರಿಗೆ ಹೇಳಿದರು. ಅದಾದ ನಂತರ 1930ಗೆ ಫೋನ್ ಮಾಡಿದ್ದು, ರಾಮನಗರ ಪೊಲೀಸರಿಗೂ ಮಾಹಿತಿ ನೀಡಿದರು. ಸದ್ಯ `ವಂಚಕರನ್ನು ಹುಡುಕಿ, ನನ್ನ ಹಣ ಮರಳಿಸಿ’ ಎಂದವರು ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.
- [ದಾರಿಹೋಕರ ಮೇಲೆ ಜೇನು ಹುಳು ದಾಳಿ](https://mobiletime.in/2025/09/honeybee-attack-on-passersby/): ಗೋಕರ್ಣ ಬಳಿ ರಸ್ತೆ ಮೇಲೆ ನಡೆದು ಹೋಗುತ್ತಿದ್ದ ಮೂವರ ಮೇಲೆ ಹೆಜ್ಜೇನು ದಾಳಿ ನಡೆಸಿದೆ. ಜೇನು ಹುಳುವಿನ ದಾಳಿಗೆ ಬೆದರಿ ಆ ಮೂವರು ದಿಕ್ಕೆಟ್ಟು ಓಡಿದ್ದಾರೆ. ಸೋಮವಾರ ಬಂಕಿಕೊಡ್ಲದ ಅಡಿಗೋಣ ರಸ್ತೆ ಮಾರ್ಗವಾಗಿ ಸಂಚರಿಸುವವರಿಗೆ ಜೇನು ಹುಳುಗಳು ಕಚ್ಚಿವೆ. ಶೇಖರ ಆಗೇರ ಹಾಗೂ ಅವರ ಇಬ್ಬರು ಸ್ನೇಹಿತರು ಈ ಮಾರ್ಗವಾಗಿ ಸಂಚರಿಸಿದ್ದು, ಅವರು ದಾಳಿಗೆ ತುತ್ತಾಗಿ ಕಂಗಾಲಾಗಿದ್ದಾರೆ. ಜೇನು ದಾಳಿ ಪರಿಣಾಮ ಶೇಖರ ಆಗೇರ್ ಅವರು ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾಗಿದ್ದಾರೆ. ಶೇಖರ ಆಗೇರ್ ಅವರ ಜೊತೆ ಸಂಚರಿಸುತ್ತಿದ್ದ ಮತ್ತಿಬ್ಬರು ಜೇನು ಹುಳುಗಳಿಂದ ಕಚ್ಚಿಸಿಕೊಂಡಿದ್ದಾರೆ. ತಕ್ಷಣ ಶೇಖರ ಆಗೇರ್ ಹಾಗೂ ಮತ್ತೊಬ್ಬರು ಬಂಕಿಕೊಡ್ಲದ ಆರೋಗ್ಯ ಕೇಂದ್ರಕ್ಕೆ ಆಗಮಿಸಿ ಚಿಕಿತ್ಸೆ ಪಡೆದಿದ್ದಾರೆ. ಇನ್ನೊಬ್ಬರಿಗೆ ಜೇನು ಕಚ್ಚಿದ್ದರೂ ಅವರು ಮನೆಯಲ್ಲಿಯೇ ಆರೈಕೆಪಡೆಯುತ್ತಿದ್ದಾರೆ. ಅವರಿಗೆ ಕಚ್ಚಿದ ನೋವುಹೊರತುಪಡಿಸಿ ಬೇರೆ ಸಮಸ್ಯೆ ಆಗಿಲ್ಲ. ಶೇಖರ ಆಗೇರ್ ಅವರು ಪ್ರಾಥಮಿಕ ಚಿಕಿತ್ಸೆ ನಂತರವೂ ಚೇತರಿಸಿಕೊಂಡಿಲ್ಲ. ಹೀಗಾಗಿ ಅವರನ್ನು ಅಂಕೋಲಾ ತಾಲೂಕು ಆಸ್ಪತ್ರೆಗೆ ಕಳುಹಿಸಲಾಗಿದ್ದು, ಚಿಕಿತ್ಸೆ ನಡೆಯುತ್ತಿದೆ.
- [ಸರ್ಕಾರಿ ಸಾಲ: ಈ ಯೋಜನೆ ಬ್ರಾಹ್ಮಣರಿಗೆ ಮಾತ್ರ!](https://mobiletime.in/2025/09/government-loan-this-scheme-is-only-for-brahmins/): ಹೊಟೇಲು, ಹೈನುಗಾರಿಕೆ, ಗುಡಿ ಕೈಗಾರಿಕೆ, ಟಾಕ್ಸಿ ಖರೀದಿ ಸೇರಿ ವಿವಿಧ ವ್ಯಾಪಾರ ವಹಿವಾಟು ನಡೆಸುವ ಬ್ರಾಹ್ಮಣರಿಗೆ ಸರ್ಕಾರ ಸಾಲ ಕೊಡಲು ಆಸಕ್ತಿವಹಿಸಿದೆ. ಈ ಯೋಜನೆಗೆ ಆನ್‌ಲೈನ್ ಮೂಲಕವೇ ಅರ್ಜಿ ಸ್ವೀಕರಿಸಲಾಗುತ್ತದೆ. ಕರ್ನಾಟಕ ರಾಜ್ಯ ಬ್ರಾಹ್ಮಣ ಅಭಿವೃದ್ಧಿ ಮಂಡಳಿ ಈ ಯೋಜನೆಯನ್ನು ಜಾರಿಗೆ ತಂದಿದೆ. ಹಸು ಸಾಕುವವರು ಸಹ ಈ ಯೋಜನೆಗೆ ಅರ್ಜಿ ಸಲ್ಲಿಸಬಹುದಾಗಿದ್ದು, ಸರ್ಕಾರದಿಂದ ನೇರವಾಗಿ ಸಾಲ ಸೌಲಭ್ಯ ಒದಗಿಸಲಾಗುತ್ತದೆ. ಆರ್ಥಿಕವಾಗಿ ಹಿಂದುಳಿದ ಬ್ರಾಹ್ಮಣ ಸಮುದಾಯದವರನ್ನು ಮುಖ್ಯವಾಹಿನಿಗೆ ತರುವುದು ಈ ಯೋಜನೆಯ ಮುಖ್ಯ ಉದ್ದೇಶ. ಅಗತ್ಯವಿರುವವರು ಕನಿಷ್ಟ 1 ಲಕ್ಷ ರೂ ಸಾಲಪಡೆಯಬೇಕು. ಗರಿಷ್ಟ 2 ಲಕ್ಷ ರೂವರೆಗೆ ಸಾಲ ಕೊಡಲಾಗುತ್ತದೆ. ಇದಕ್ಕೆ ಶೇ 4ರ ವಾರ್ಷಿಕ ಬಡ್ಡಿ ವಿಧಿಸಲಾಗುತ್ತಿದ್ದು, ಘಟಕ ವೆಚ್ಚದ ಮೇಲೆ ಸರ್ಕಾರದ ಸಬ್ಸಿಡಿಯೂ ಸಿಗುತ್ತದೆ. ಅರ್ಜಿದಾರರ ಆಧಾರಿಗೆ ಮೊಬೈಲ್ ನಂ ಲಿಂಕ ಆಗಿದ್ದು, ಬ್ಯಾಂಕ್ ಖಾಎ ಸೀಡ್ ಆಗಿದ್ದರೆ ಅನುಕೂಲ. ಕನಿಷ್ಟ 18 ವರ್ಷ ಮೇಲ್ಪಟ್ಟ ಹಾಗೂ ಗರಿಷ್ಟ 64 ವರ್ಷದೊಳಗಿನವರು ಅರ್ಜಿ ಸಲ್ಲಿಸಲು ಯೋಗ್ಯರು. ಬ್ರಾಹ್ಮಣ ಸಮುದಾಯದ ಸಾಮಾನ್ಯ ವರ್ಗಕ್ಕೆ ಸೇರಿದ ಯಾರೂ ಬೇಕಾದರೂ ಈ ಯೋಜನೆಗೆ ಅರ್ಜಿ ಸಲ್ಲಿಸಲು ಅರ್ಹರು. ಆರ್ಥಿಕವಾಗಿ ಹಿಂದುಳಿದ ಬಗ್ಗೆ ಪ್ರಮಾಣ ಪತ್ರ ಸಲ್ಲಿಸುವುದು ಕಡ್ಡಾಯ. ಒಂದು ಕುಟುಂಬದಿoದ ಒಬ್ಬರಿಗೆ ಮಾತ್ರ ಅರ್ಜಿ ಸ್ವೀಕರಿಸಲು ಅವಕಾಶವಿದ್ದು, ಅದರಲ್ಲಿಯೂ ಮಹಿಳೆಯರಿಗೆ ಶೇ 33ರ ಮೀಸಲಾತಿ ಕೊಡಲಾಗಿದೆ. ದಿವ್ಯಾಂಗರಿಗೆ ಶೇ 5ರ ಮೀಸಲಾತಿ ಇದೆ. 1 ಲಕ್ಷರೂ ಮೌಲ್ಯದ ಘಟಕಕ್ಕೆ 20 ಸಾವಿರ ರೂ ಹಾಗೂ 2 ಲಕ್ಷ ರೂ ಮೌಲ್ಯದ ಘಟಕಕ್ಕೆ 40 ಸಾವಿರ ರೂ ಸಬ್ಸಿಡಿ ಸಿಗಲಿದೆ. ಸ್ವಯಂ ಉದ್ಯೋಗದಲ್ಲಿ ಆಸಕ್ತಿವಿರುವ ಅರ್ಹರು ಇದಕ್ಕೆ ಅರ್ಜಿ ಸಲ್ಲಿಸಬಹುದಾಗಿದ್ದು, ಅರ್ಜಿ ಸಲ್ಲಿಸಲು ಅಕ್ಟೊಬರ್ 31ಕ್ಕೆ ಕೊನೆ ದಿನ. ಇನ್ನೇನಾದರೂ ಮಾಹಿತಿ ಬೇಕಾದರೆ ಇಲ್ಲಿ ಫೋನ್ ಮಾಡಿ: 7975633671
- [ಟಾಟಾ ಬೈ ಬೈ: ಗುಹೆ ತೊರೆದು ತವರಿಗೆ ಹಾರಿದ ರಷ್ಯಾ ಮಹಿಳೆ!](https://mobiletime.in/2025/09/tata-bye-bye-russian-woman-leaves-cave-and-flies-home/): ಗೋಕರ್ಣ ಗುಹೆಯಲ್ಲಿ ವಾಸವಾಗಿದ್ದ ರಷ್ಯಾ ಮಹಿಳೆ ಹಾಗೂ ಮಕ್ಕಳಿಗೆ ತವರಿಗೆ ಮರಳಲು ನ್ಯಾಯಾಲಯದ ಅನುಮತಿ ಸಿಕ್ಕಿದೆ. ಈ ಹಿನ್ನಲೆ ಸೋಮವಾರ ರಷ್ಯಾದ ನೀನಾ ಕುಟೀನಾ ಹಾಗೂ ಆಕೆಯ ಇಬ್ಬರು ಮಕ್ಕಳು ಭಾರತ ತೊರೆದಿದ್ದಾರೆ. ಗೋಕರ್ಣದ ರಾಮತೀರ್ಥ ಬಳಿಯ ಗುಡ್ಡದ ಗವಿಯಲ್ಲಿ ನೀನಾ ಕುಟೀನಾ ವಾಸವಾಗಿದ್ದರು. ತಮ್ಮ ಮಕ್ಕಳಾದ ಪ್ರೆಯಾ (06) ಹಾಗೂ ಅಮಾ (4) ಅವರ ಜೊತೆ ನೀನಾ ಕುಟೀನಾ ಅವರು ಅಪಾಯಕಾರಿ ರೀತಿಯಲ್ಲಿ ಬದುಕುತ್ತಿದ್ದರು. 2025ರ ಜುಲೈ 10ರಂದು ಗೋಕರ್ಣ ಪೊಲೀಸರು ವಿದೇಶಿ ಮಹಿಳೆ ಹಾಗೂ ಮಕ್ಕಳು ಗುಹೆಯಲ್ಲಿರುವುದನ್ನು ಪತ್ತೆ ಮಾಡಿದ್ದರು. ಆ ಮೂವರ ಮನವೊಲೈಸಿ ಗುಹೆಯಿಂದ ಹೊರಗೆ ತಂದಿದ್ದರು. ನoತರದ ವಿಚಾರಣೆಯಲ್ಲಿ ನೀನಾ ಕುಟೀನಾ ಅವರ ವೀಸಾ ಅವಧಿ ಮುಗಿದಿರುವುದು ಅರಿವಿಗೆ ಬಂದಿತ್ತು. ಅನೇಕ ದಿನಗಳಿಂದ ಆ ಮೂವರು ಅಲ್ಲಿಯೇ ವಾಸವಾಗಿರುವುದು ಗೊತ್ತಾಗಿತ್ತು. ಅಪಾಯದ ಸ್ಥಿತಿಯಲ್ಲಿದ್ದ ಅವರನ್ನು ಪೊಲೀಸರು ರಕ್ಷಿಸಿ ತುಮಕೂರಿನಲ್ಲಿರುವ ವಿದೇಶಿಗರ ನಿಗಾ ಕೇಂದ್ರಕ್ಕೆ ಕಳುಹಿಸಿದ್ದರು. ಅದಾದ ನಂತರ ನೀನಾ ಕುಟೀನಾ ಅವರ ಪತಿ ಡೋರ್‌ಶ್ಲೋಮೋ ಗೋಲ್ಡ್ಸ್ಟೈನ್ ಭಾರತಕ್ಕೆ ಬಂದಿದ್ದು, ಪತ್ನಿಯನ್ನು ರಷ್ಯಾಗೆ ಕಳುಹಿಸುವಂತೆ ಹೈಕೋರ್ಟ ಮೊರೆ ಹೋಗಿದ್ದರು. ಅರ್ಜಿ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಬಿ ಎಂ ಶ್ಯಾಮಪ್ರಸಾದ್ ಅವರ ಪೀಠ ತನಿಖೆ ನಡೆಸಿ ರಷ್ಯಾಗೆ ಕಳುಹಿಸಲು ಸೂಚಿಸಿತ್ತು. ವಿಚಾರಣೆ ವೇಳೆ `ತಾಯಿ ಮಗು ಯಾವ ಉದ್ದೇಶಕ್ಕೆ ಗುಹೆಯಲ್ಲಿದ್ದರು?’ ಎಂದು ನ್ಯಾಯಾಲಯಕ್ಕೆ ಉತ್ತರಿಸಲಿಲ್ಲ. ಹೀಗಾಗಿ `ರಷ್ಯಾದ ಅನುಮತಿಯ ಮೇರೆಗೆ ಭಾರತಕ್ಕೆ ಬಂದಿರುವ ಮಹಿಳೆ ಮತ್ತು ಮಕ್ಕಳ ವೀಸಾ ಮುಗಿದರೂ ಭಾರತದಲ್ಲಿ ನೆಲೆಸಿದ್ದರು. ಮಹಿಳೆ ಹಾಗೂ ಮಕ್ಕಳು ವಿದೇಶಕ್ಕೆ ತೆರಳಲು ದಾಖಲೆ ಒದಗಿಸುವುದು ಕೇಂದ್ರ ಸರ್ಕಾರಕ್ಕೆ ಬಿಟ್ಟ ವಿಚಾರ’ ಎಂದು ನ್ಯಾಯಾಲಯ ಹೇಳಿತ್ತು. ಕೇಂದ್ರ ಸರ್ಕಾರವನ್ನು ಪ್ರತಿನಿಧಿಸಿದ್ದ ಹೆಚ್ಚುವರಿ ಸಾಲಿಸಿಟರ್ ಜನರಲ್ ಕೆ ಅರವಿಂದ್ ಕಾಮತ್ ಅವರು `ಮಗುವಿನ ವಂಶವಾಹಿ ದಾಖಲೆ ಆಧಾರದಲ್ಲಿ ರಷ್ಯಾ ಪ್ರಜೆಗೆ ಇಲ್ಲಿನ ಪರಿಸ್ಥಿತಿ ಬಗ್ಗೆ ಮಾಹಿತಿ ನೀಡಲಾಗಿದೆ. ರಷ್ಯಾ ಆಡಳಿತವೂ ತುರ್ತು ಪ್ರವಾಸದ ದಾಖಲೆ ಒದಗಿಸಿದೆ. ಸೆಪ್ಟೆಂಬರ್ 25ರಿಂದ ಅಕ್ಟೋಬರ್ 9ರವರೆಗೆ ತುರ್ತು ಪ್ರವಾಸಕ್ಕೆ ಅನುಮತಿಯಿದ್ದು, ತಾಯಿ ಮತ್ತು ಮಕ್ಕಳು ತಕ್ಷಣ ತೆರಳಲು ಅನುಮತಿ ಬೇಕು’ ಎಂದು ಕೋರಿದ್ದರು. ಈ ಹಿನ್ನಲೆ ರಷ್ಯಾ ಮಹಿಳೆಗೆ ತವರಿಗೆ ಮರಳಲು ನ್ಯಾಯಾಲಯ ಅನುಮತಿ ನೀಡಿತು. ಡಿಎನ್‌ಎ ಪರೀಕ್ಷೆ ನಡೆಸಿದಾಗ ಆ ಇಬ್ಬರು ಮಕ್ಕಳು ನೀನಾ ಕುಟೀನಾ ಅವರದ್ದೇ ಎಂದು ಅರಿವಾಯಿತು. ಗೋಕರ್ಣ ಪಿಎಸ್‌ಐ ಶಶಿಧರ ಕೆ ಎಚ್ ನೇತೃತ್ವದಲ್ಲಿ ಪೊಲೀಸ್ ಸಿಬ್ಬಂದಿ ಪರಮೇಶ್ವರ ಬಿ ಇನ್ನಿತರರು ಸೋಮವಾರ ಬೆಂಗಳೂರು ವಿಮಾನ ನಿಲ್ದಾಣದ ಮೂಲಕ ನೀನಾ ಕುಟೀನಾ ಹಾಗೂ ಮಕ್ಕಳನ್ನು ರಷ್ಯಾಗೆ ಕಳುಹಿಸಿದರು.
- [ಮಳೆ ಬಂದರೂ ನಿಲ್ಲಲ್ಲ ಈ ಹೋರಾಟ!](https://mobiletime.in/2025/09/this-fight-wont-stop-even-if-it-rains/): ಸುಪ್ರೀಂ ಕೋರ್ಟಿನ ನಿರ್ದೇಶನದಂತೆ ಅರಣ್ಯ ಹಕ್ಕು ಅರ್ಜಿ ಪುನರ್ ಪರಿಶೀಲನೆ ನಡೆಯದ ಕಾರಣ ಅಕ್ಟೊಬರ್ 4ರಂದು ಶಿರಸಿಯಲ್ಲಿ ದೊಡ್ಡ ಪ್ರಮಾಣದಲ್ಲಿ ಮೇಲ್ಮನವಿ ಅಭಿಯಾನ ನಡೆಸಲು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ನಿರ್ಧರಿಸಿದೆ. `ಗಾಳಿ-ಮಳೆ-ಚಳಿಯನ್ನು ಲೆಕ್ಕಿಸದೇ ಆ ದಿನ ಸಹಸ್ರ ಸಹಸ್ರ ಸಂಖ್ಯೆಯ ಜನ ಹೋರಾಟ ನಡೆಸಲು ನಿರ್ಧರಿಸಿದ್ದಾರೆ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಪ್ರಕಟಿಸಿದ್ದಾರೆ. ಸೋಮವಾರ ಪೂರ್ವಭಾವಿ ಸಭೆ ನಡೆಸಿದ ಅವರು `ಈ ಅಭಿಯಾನ ರಾಜ್ಯಮಟ್ಟದ ಐತಿಹಾಸಿಕ ಕಾರ್ಯಕ್ರಮ ಆಗಲಿದೆ. ಅರಣ್ಯವಾಸಿಗಳ ಮಹಾ ಸಂಗ್ರಾಮ ಸಾಕ್ಷಿಯಾಗಲಿದೆ’ ಎಂದಿದ್ದಾರೆ. `ರಾಜ್ಯ ಸರ್ಕಾರವು ಪುನರ್ ಪರಿಶೀಲನೆ ಜರುಗಿಸದೇ ತಿರಸ್ಕರಿಸಿದ ಅರ್ಜಿಯ ವರದಿ ಸುಪ್ರೀಂ ಕೊರ್ಟಗೆ ಸಲ್ಲಿಕೆಯಾದ ಹಿನ್ನಲೆ ಇದರ ಮುಂದಿನ ವಿಚಾರಣೆ ಅಕ್ಟೊಬರ್ 14ರಂದು ನಡೆಯಲಿದೆ’ ಎಂದು ರವೀಂದ್ರ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. `ಸರ್ಕಾರದ ನಿರ್ಧಾರದಿಂದ ಅರ್ಜಿ ಪುನರ್ ಪರಿಶೀಲಿಸದೇ ತಿರಸ್ಕರಿಸಲಾಗಿದೆ. ಈ ವರದಿಯಿಂದ ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಅರ್ಜಿ ಸಲ್ಲಿಸಿದ ಪ್ರತಿಯೊಬ್ಬರಿಗೂ ಅನ್ಯಾಯವಾಗಿದೆ. ಹೀಗಾಗಿ ಅವರೆಲ್ಲರೂ ಆಕ್ಷೇಪಣೆ ಸಲ್ಲಿಸುವುದು ಅನಿವಾರ್ಯ’ ಎಂದವರು ವಿವರಿಸಿದ್ದಾರೆ. `ಅಕ್ಟೊಬರ್ 4ರಂದು ರಾಜ್ಯ ಮಟ್ಟದ ಐತಿಹಾಸಿಕ ಕಾರ್ಯಕ್ರಮ ಸಂಘಟಿಸಲು ಅರಣ್ಯವಾಸಿಗಳು ನಿರ್ಧರಿಸಿದ್ದಾರೆ’ ಎಂದು ಸಂಘಟನೆ ಜಿಲ್ಲಾ ಸಂಚಾಲಕ ಇಬ್ರಾಹೀಂ ಗೌಡಳ್ಳಿ ಹೇಳಿದರು. ಪ್ರಮುಖರಾದ ನೆಹರು ನಾಯ್ಕ ಬಿಳೂರು, ಎಮ್ ಆರ್ ನಾಯ್ಕ ಕಂಡ್ರಾಜಿ, ಚಂದ್ರು ಶಾನಭಾಗ ಬಂಡಲ್, ಪರಮೇಶ್ವರ ಗೌಡ ಕುದರಗೋಡ, ರಾಜು ನರೇಬೈಲ್, ಅಬ್ದುಲ್ ರಫೀಕ್, ಶಂಭು ದೇವು ಮರಾಠಿ, ತಿಮ್ಮ ಗಣಪತಿ ಗೌಡ, ಗುಲಾಬ್ ಭಾಷಾ ಉಂಚಳ್ಳಿ ಇತರರು ಹೋರಾಟಕ್ಕೆ ಸಜ್ಜಾಗಿದ್ದಾರೆ.
- [ಬಡವರ ಭೂಮಿ ಅನ್ಯರ ಪಾಲು: ಅನಿವಾಸಿಗಳಿಂದ ಅಂಕೋಲಾಗೆ ಆತಂಕ!](https://mobiletime.in/2025/09/poor-peoples-land-is-being-taken-by-strongers-ankola-is-worried-about-non-residents/): ಉತ್ತರ ಕನ್ನಡ ಜಿಲ್ಲೆಯ ಕರಾವಳಿ ಭಾಗದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಅನಿವಾಸಿ ಭಾರತೀಯರು ಹಾಗೂ ಹೊರರಾಜ್ಯದವರು ಭೂಮಿ ಖರೀದಿಸುತ್ತಿರುವುದಕ್ಕೆ ಸಾಮಾಜಿಕ ಕಾರ್ಯಕರ್ತ ಲಿಂಗರಾಜ ಯಶವಂತ ನಾಯ್ಕ ಅವರು ಆತಂಕವ್ಯಕ್ತಪಡಿಸಿದ್ದಾರೆ. ಹೀಗೆ ಮುಂದುವರೆದರೆ ಸ್ಥಳೀಯರ ವಸತಿಗೂ ಭೂಮಿ ಸಿಗುವುದು ಕಷ್ಟವಾಗಿದ್ದು, ಇದಕ್ಕೆ ನಿಯಂತ್ರಣ ಅಗತ್ಯ ಎಂದು ಅವರು ಮುಖ್ಯಮಂತ್ರಿಗಳಿಗೆ ಪತ್ರ ಬರೆದಿದ್ದಾರೆ. ಹೊನ್ನಾವರದ ಲಿಂಗರಾಜ ಯಶವಂತ ನಾಯ್ಕ ಅವರು ಭೂಮಿ ಹಾಗೂ ಹೂಡಿಕೆ ವಿಷಯದಲ್ಲಿ ಜನ ಜಾಗೃತಿ ಕೆಲಸ ಮಾಡುತ್ತಿದ್ದಾರೆ. ಭಟ್ಕಳದಿಂದ ಕಾರವಾರದವರೆಗೆ ಸಮೀಕ್ಷೆ ನಡೆಸಿದ ಅವರಿಗೆ ಈಚೆಗೆ ಹೊರಭಾಗದ ಅನೇಕರು ಇಲ್ಲಿ ಭೂಮಿ ಖರೀದಿಸಿದ ವಿಷಯ ಗಮನಕ್ಕೆ ಬಂದಿದೆ. ಅದರಲ್ಲಿಯೂ ಅಂಕೋಲಾ ಬಳಿ ಸಾಕಷ್ಟು ಪ್ರಮಾಣದಲ್ಲಿ ಅನಿವಾಸಿ ಭಾರತೀಯರು ಹಾಗೂ ಹೊರ ರಾಜ್ಯದವರು ಜಾಗ ಖರೀದಿಸುತ್ತಿದ್ದು, ಭವಿಷ್ಯದ ಬದಲಾವಣೆಗಳ ಬಗ್ಗೆ ಅಅವರು ಮುಖ್ಯಮಂತ್ರಿಗಳ ಗಮನಸೆಳೆಯುವ ಪ್ರಯತ್ನ ಮಾಡಿದ್ದಾರೆ. `ಸಾಗರಮಾಲಾ ಯೋಜನೆ ಅಡಿ ತದಡಿ ಪ್ರದೇಶ ಅಭಿವೃದ್ಧಿ ಆಗಲಿದೆ. ಕೇಣಿಯಲ್ಲಿ ಖಾಸಗಿ ಬಂದರು ಬರುವ ಸಾಧ್ಯತೆಗಳಿವೆ. ಅಂಕೋಲಾದಲ್ಲಿ ವಿಮಾನ ನಿಲ್ದಾಣ ಸೇರಿ ಇನ್ನಿತರ ಅನೇಕ ಅಭಿವೃದ್ಧಿ ಆಗಲಿದೆ. ಇದರಿಂದ ಆ ಭಾಗದ ಪ್ರವಾಸೋದ್ಯಮ ಬೆಳವಣಿಗೆ ಹೆಚ್ಚಾಗಲಿದೆ. ಇದನ್ನು ಅರಿತು ಅನೇಕ ಅನಿವಾಸಿ ಭಾರತೀಯರು ಅಂಕೋಲಾದಲ್ಲಿ ಭೂಮಿ ಖರೀದಿಸುತ್ತಿದ್ದಾರೆ. ಹೊರ ರಾಜ್ಯದ ಜನ ಸಹ ಇಲ್ಲಿ ಭೂಮಿ ಮೇಲೆ ಹೂಡಿಕೆ ಮಾಡಿದ್ದಾರೆ. ಇದರಿಂದ ಭವಿಷ್ಯದಲ್ಲಿ ಸ್ಥಳೀಯರಿಗೆ ಸಮಸ್ಯೆಯಾಗುವ ಸಾಧ್ಯತೆಗಳು ಹೆಚ್ಚಿವೆ’ ಎಂದವರು ವಿವರಿಸಿದ್ದಾರೆ. `ಸದ್ಯ ಈ ಭಾಗದಲ್ಲಿ ಪ್ರತಿ ಗುಂಟೆಗೆ 5-10 ಲಕ್ಷ ರೂ ದರದಲ್ಲಿ ಭೂಮಿಯ ಬೆಲೆಯಿದೆ. ಅನೇಕ ಯೋಜನೆಗಳು ಜಾರಿಯಾದ ನಂತರ ಗುಂಟೆಗೆ 50 ಲಕ್ಷ ರೂ ಬೆಲೆ ಬಂದರೂ ಅಚ್ಚರಿಯಿಲ್ಲ. ಅಂಥ ಪರಿಸ್ಥಿತಿಯಲ್ಲಿ ಕನ್ನಡಿಗರು ತಿಂಗಳಿಗೆ 30 ಸಾವಿರ ರೂ ಬಾಡಿಗೆ ಕೊಟ್ಟು ನೆಲೆಸಬೇಕಾದ ಸ್ಥಿತಿ ನಿರ್ಮಾಣವಾಗಲಿದ್ದು, ಅಲ್ಪ ಹಣದ ಆಸೆಗೆ ಇದೀಗ ಅನ್ಯರಿಗೆ ಭೂಮಿ ಮಾರಾಟ ಮಾಡಿದವರು ಪಶ್ಚಾತಾಪಪಡೆಬೇಕಾದ ಪರಿಸ್ಥಿತಿ ಎದುರಾಗಬಹುದು’ ಎಂದವರು ಅಂದಾಜಿಸಿದ್ದಾರೆ. `ಸಿoಗಾಪುರದಲ್ಲಿ ಸಿಎನ್‌ಜಡ್ ಡೆವಲಪ್ ಆದಾಗ ಸಹ ಹೀಗೆ ಆಗಿತ್ತು. ಕೊನೆಗೆ ಅಲ್ಲಿಯ ಜನರ ವಸತಿಗೆ ಭೂಮಿ ಇಲ್ಲದ ಹಾಗಾಯಿತು. ಹೀಗಾಗಿ ಅನ್ಯರು ಇಲ್ಲಿ ಭೂಮಿ ಖರೀದಿಸದಂತೆ ತಡೆಯಬೇಕು. ಜನ ಸಹ ಭೂಮಿ ಮಾರಾಟ ಮಾಡುವಾಗ ಅನ್ಯರಿಗೆ ಕೊಡುವುದನ್ನು ತಪ್ಪಿಸಬೇಕು’ ಎಂದವರು ಮನವಿ ಮಾಡಿದ್ದಾರೆ. `ಗಿಡ-ಮರ ಬೆಳೆಸಲು ಯೋಗ್ಯವಿಲ್ಲದ ಭೂಮಿಯನ್ನು ಡಿಪಾರೆಸ್ಟ್ ಮಾಡಿ ಅದನ್ನು ಜನರಿಗೆ ಕೊಡಬೇಕು’ ಎಂದು ಸಹ ಲಿಂಗರಾಜ ಯಶವಂತ ನಾಯ್ಕ ಅವರು ಮುಖ್ಯಮಂತ್ರಿಗಳಿಗೆ ಬರೆದ ಪತ್ರದಲ್ಲಿ ವಿವರಿಸಿದ್ದಾರೆ.
- [ಶರಾವತಿ ಉಳಿಸುವಂತೆ ಸಹಿ ಅಭಿಯಾನ: ರಾಷ್ಟ್ರಪತಿಗೆ ಪತ್ರ](https://mobiletime.in/2025/09/signature-campaign-to-save-sharavati-letter-to-the-president/): ಹೊನ್ನಾವರದ ಗೇರುಸೊಪ್ಪದಲ್ಲಿ ನಿರ್ಮಿಸಲು ಉದ್ದೇಶಿಸಿದ ಶರಾವತಿ ಪಂಪ್ ಸ್ಟೋರೇಜ್ ಯೋಜನೆಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರ ವಿರೋಧವ್ಯಕ್ತಪಡಿಸಿದೆ. ಈ ಯೋಜನೆಯನ್ನು ತಡೆಯುವಂತೆ ಕುಮಟಾ ಸಹಾಯಕ ಆಯುಕ್ತರ ಮೂಲಕ ರಾಷ್ಟ್ರಪತಿಗಳಿಗೆ ಪತ್ರ ರವಾನಿಸಲಾಗಿದೆ. `ಉತ್ತರ ಕನ್ನಡ ಜಿಲ್ಲೆಯ ಗೇರುಸೊಪ್ಪ ಅತ್ಯಂತ ಅಪರೂಪದ ಕಾಡುಹೊಂದಿದೆ. ವಿನಾಶದ ಅಂಚಿನಲ್ಲಿರುವ ಶಿಂಗಳಿಕ ಇಲ್ಲಿ ವಾಸಿಸುತ್ತಿದೆ. ಈ ಯೋಜನೆ ಜಾರಿಯಾದರೆ ಕಾಡಿನ ಜೊತೆ ಊರಿನವರಿಗೆ ಸಹ ಸಮಸ್ಯೆ ಆಗಲಿದೆ’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಹೇಳಿದ್ದಾರೆ. `ಶರಾವತಿ ಪಂಪ್ ಸ್ಟೋರೇಜ್ ಅವೈಜ್ಞಾನಿಕ ಯೋಜನೆಯಾಗಿದೆ. ಕೇಂದ್ರ ಸರ್ಕಾರ ಸಹ ಇದಕ್ಕೆ ಒಪ್ಪಿಗೆ ಸೂಚಿಸಿದ ಬಗ್ಗೆ ಮಾಹಿತಿಯಿದ್ದು, ಕೂಡಲೇ ಇಂಥ ಯೋಜನೆಯನ್ನು ತಡೆಯಬೇಕು’ ಎಂದು ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರು ಒತ್ತಾಯಿಸಿದ್ದಾರೆ. `ಶರಾವತಿ ಪಂಪ್ ಸ್ಟೋರೆಜ್ ಯೋಜನೆಯಿಂದ ವಿದ್ಯುತ್ ಉತ್ಪಾದನೆಗಿಂತ ಹೆಚ್ಚಿನ ಪ್ರಮಾಣದಲ್ಲಿ ವಿದ್ಯುತ್ ನಷ್ಟ ಆಗಲಿದೆ. ಅನೇಕರು ಈ ಯೋಜನೆಯಿಂದ ಬೀದಿಗೆ ಬರಲಿದ್ದಾರೆ. ಅಪಾರ ಪ್ರಮಾಣದಲ್ಲಿ ಅರಣ್ಯ ನಾಶ, ವನ್ಯಜೀವಿ ಸಂತತಿ ಹಾನಿ ಮಾಡುವ ಈ ಯೋಜನೆ ಅನುಷ್ಠಾನ ಯೋಗ್ಯವಲ್ಲ’ ಎಂದವರು ವಿವರಿಸಿದ್ದಾರೆ. `ಈ ಪ್ರಮಾಣದಲ್ಲಿ ಜನ ವಿರೋಧ ಇದ್ದರೂ ಯೋಜನೆಗೆ ಆಸಕ್ತಿವಹಿಸುವುದು ಸರಿಯಲ್ಲ’ ಎಂದವರು ಹೇಳಿದ್ದಾರೆ. `ಈ ಯೋಜನೆ ಸ್ಥಗಿತಗೊಳಿಸುವಂತೆ ಸರ್ಕಾರಕ್ಕೆ ಸೂಚನೆ ನೀಡಬೇಕು’ ಎನ್ನುವ ಬಗ್ಗೆ ಜನ ಸಹಿ ಸಂಗ್ರಹಿಸಿದ ಅವರು ಸಹಾಯಕ ಆಯುಕ್ತ ಶ್ರವಣಕುಮಾರ ಅವರ ಮೂಲಕ ಪತ್ರ ರವಾನಿಸಿದ್ದಾರೆ. ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ, ಮುನ್ನಾ ಸಾಬ್, ತ್ಯಾಗರಾಜ್ ಮುಕ್ರಿ ಇತರರು ಯೋಜನೆಗೆ ವಿರೋಧವ್ಯಕ್ತಪಡಿಸಿದ್ದಾರೆ.
- [ಸಮೀಕ್ಷೆ: ನಿಮ್ಮ ಜಾತಿಯ ಬಗ್ಗೆ ನೀವೇ ಬರೆಯಿರಿ!](https://mobiletime.in/2025/09/survey-write-about-your-species-yourself/): ಗೊಂದಲದ ಗೂಡಾಗಿದ್ದ ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆಯಲ್ಲಿನ ಅನೇಕ ಸಮಸ್ಯೆಗಳು ಒಂದೊoದಾಗಿ ಬಗೆಹರಿಯುತ್ತಿವೆ. ಈ ನಡುವೆ ಸರ್ಕಾರ ನಮ್ಮ ಬಗ್ಗೆ ನಾವೇ ಬರೆದುಕೊಳ್ಳಲು ಅವಕಾಶ ಕೊಟ್ಟಿದೆ. ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆಯ ಅಂಗವಾಗಿ ಸರ್ಕಾರ ಮೊದಲು ಹೆಸ್ಕಾಂ ಸಿಬ್ಬಂದಿ ಬಳಸಿ ಪ್ರತಿ ಮನೆಗೂ ಸ್ಟಿಕ್ಕರ್ ಅಂಟಿಸುವ ಕೆಲಸ ಮಾಡಿತ್ತು. ಅದಾದ ನಂತರ ಶಿಕ್ಷಕರನ್ನು ಬಳಸಿಕೊಂಡು ಮನೆ ಮನೆ ಭೇಟಿ ಕಾರ್ಯಕ್ರಮ ಆಯೋಜಿಸಿತ್ತು. ಆದರೆ, ಈ ಅವಧಿಯಲ್ಲಿ ಶಿಕ್ಷಕರು ಸಾಕಷ್ಟು ಸಮಸ್ಯೆ ಅನುಭವಿಸಿದ್ದರು. ಗುಡ್ಡಗಾಡು ಜಿಲ್ಲೆಯಾದ ಉತ್ತರ ಕನ್ನಡದಲ್ಲಿ ಈ ಸಮೀಕ್ಷೆ ನಡೆಸುವುದು ಕಷ್ಟ ಎಂದು ಅನೇಕರು ಅಭಿಪ್ರಾಯವ್ಯಕ್ತಪಡಿಸಿದ್ದರು. ಮೊದಲ ಎರಡು ದಿನ ಶಿಕ್ಷಕರು ಅನೇಕ ಬಗೆಯ ತೊಂದರೆಗಳನ್ನು ಅನುಭವಿಸಿದ್ದರು. ಶಿಕ್ಷಕರ ಜೊತೆ ಕಂದಾಯ ಅಧಿಕಾರಿಗಳು ಸಹ ತಲೆಬಿಸಿ ಮಾಡಿಕೊಂಡಿದ್ದರು. ಕ್ರಮೇಣ ಆ ಸಮಸ್ಯೆಗಳನ್ನು ದೂರ ಮಾಡುವ ನಿಟ್ಟಿನಲ್ಲಿ ಸರ್ಕಾರ ಚಿಂತಿಸಿದ್ದು, ಪರ್ಯಾಯ ದಾರಿಗಳನ್ನು ಹುಡುಕಿತು. ಸಮೀಕ್ಷೆ ನಡೆಸಲು ಮೊಬೈಲ್ ನೆಟ್‌ವರ್ಕ ಅನಿವಾರ್ಯವಾಗಿದ್ದು, ಉತ್ತರ ಕನ್ನಡ ಜಿಲ್ಲೆಯಲ್ಲಿ ನೆಟ್‌ವರ್ಕ ಸಿಗದಿರುವುದೇ ದೊಡ್ಡ ಸಮಸ್ಯೆ ಆಗಿತ್ತು. ಸದ್ಯ ನೆಟ್‌ವರ್ಕ ಇಲ್ಲದ ಪ್ರದೇಶಗಳಲ್ಲಿ ವಿಶೇಷ ಶಿಬಿರಗಳನ್ನು ಆಯೋಜಿಸಿ ಸಮೀಕ್ಷೆ ನಡೆಸಲಾಗುತ್ತಿದೆ. ಸಮೀಕ್ಷಾ ಕಾರ್ಯಕ್ಕಾಗಿ ಜಿಲ್ಲೆಯಲ್ಲಿ 2916 ಬ್ಲಾಕುಗಳನ್ನು ರಚಿಸಲಾಗಿದೆ. 3056 ಗಣತಿದಾರರನ್ನು ನೇಮಿಸಲಾಗಿದೆ. 326860 ಮನೆಗಳನ್ನು ಸಮೀಕ್ಷೆ ಮಾಡುವ ಗುರಿ ಹೊಂದಲಾಗಿದೆ. ಇದರ ಮುಂದುವರೆದ ಭಾಗವಾಗಿ ರಾಜ್ಯ ಹಿಂದುಳಿದ ವರ್ಗಗಳ ಆಯೋಗವೂ ಸಾರ್ವಜನಿಕರು ಸಹ ಸ್ವಯಂ ಪ್ರೇರಣೆಯಿಂದ ಈ ಗಣತಿಯಲ್ಲಿ ಭಾಗವಹಿಸುವ ಅವಕಾಶ ಕೊಟ್ಟಿದೆ. ಅದರ ಪ್ರಕಾರ ಪ್ರತಿಯೊಬ್ಬರು ತಮ್ಮ ಮೊಬೈಲ್ ಮೂಲಕ ಅವರವರ ವಿವರ ದಾಖಲಿಸುವ ಆಯ್ಕೆಗಳಿವೆ. ಏನು ಮಾಡಬೇಕು? ನಮ್ಮ ಜಾತಿ, ಶೈಕ್ಷಣಿಕ ಹಾಗೂ ಸಾಮಾಜಿಕ ವಿವರದ ಬಗ್ಗೆ ಸರ್ಕಾರಕ್ಕೆ ಮಾಹಿತಿ ನೀಡಲು ಬಯಸುವವರು ಸರ್ಕಾರ ನೀಡಿದ `ಸಾಮಾಜಿಕ ಹಾಗೂ ಶೈಕ್ಷಣಿಕ ಗಣತಿ’ಯ https://kscbcselfdeclaration.karnataka.gov.in/ ಲಿಂಕ್ ಕ್ಲಿಕ್ ಮಾಡಬೇಕು. ಅಲ್ಲಿ ತೆರೆದುಕೊಳ್ಳುವ ಪುಟದಲ್ಲಿ `ನಾಗರಿಕ’ ಎಂದು ಆಯ್ಕೆ ಮಾಡಿಕೊಳ್ಳಬೇಕು. ಅದಾದ ನಂತರ ನಿಮ್ಮ ಮೊಬೈಲ್ ಸಂಖ್ಯೆ ನಮೂದಿಸಬೇಕು. ಆಗ, OTP ಬರಲಿದ್ದು, ಅದನ್ನು ದಾಖಲಿಸಬೇಕು. ನOತರ ತೆರೆಯುವ ಪುಟದಲ್ಲಿ ತಮ್ಮ ಸಮೀಕ್ಷೆಯ ಸ್ಥಿತಿ ಗತಿ ಕುರಿತಂತೆ ಮಾಹಿತಿ ಒದಗಿಸಲಾಗುತ್ತದೆ. ಸಮೀಕ್ಷೆ ಬಾಕಿ ಇದ್ದಲ್ಲಿ `ಇನ್ನೂ ಯಾವುದೇ ಕುಟುಂಬ ಸದಸ್ಯರನ್ನು ಸೇರಿಸಿಲ್ಲ’ ಎಂಬ ಅರ್ಜಿ ಭರ್ತಿ ಮಾಡಬೇಕು. ಅದಾದ ನಂತರ `ಆರಂಭಿಸಿ’ ಎಂಬ ಸಂದೇಶ ಕಾಣಲಿದ್ದು, `ಹೊಸ ಸಮೀಕ್ಷೆ ಆರಂಭಿಸಿ’ ಎಂಬುದನ್ನು ಕ್ಲಿಕ್ ಮಾಡಬೇಕು. ನಂತರದ ಪುಟದಲ್ಲಿ ಈಗಾಗಲೇ ತಮ್ಮ ಮನೆಗೆ ಅಂಟಿಸಲಾಗಿರುವ ಸ್ಟಿಕರ್ ನಲ್ಲಿರುವ UHID ಸಂಖ್ಯೆ ಯನ್ನು ದಾಖಲಿಸಿ ಅಗತ್ಯವಿರುವ ಮಾಹಿತಿಯನ್ನು ಬರೆಯಬೇಕು. ಈ ಸಮೀಕ್ಷೆಗೆ ದಾಖಲೆಗಳ ಮಾಹಿತಿ ನೀಡುವ ಅವಶ್ಯಕತೆ ಇರುವುದರಿಂದ ತಮ್ಮ ಕುಟುಂಬದ ಸದಸ್ಯರ ರೇಷನ್ ಕಾರ್ಡ್, ಆಧಾರ್ ಕಾರ್ಡ್ ಮತದಾರರ ಗುರುತಿನ ಚೀಟಿ, ವಿಕಲಚೇತರನರಾಗಿದ್ದರೆ ಅಂಗವಿಕಲ ಪ್ರಮಾಣ ಪತ್ರದ ದಾಖಲೆಗಳನ್ನು ಜೊತೆಗಿದ್ದರೆ ಸುಲಭವಾಗಿ ಸಮೀಕ್ಷೆಯಲ್ಲಿ ಭಾಗವಹಿಸಲು ಸಾಧ್ಯ. ಈ ಸಮೀಕ್ಷೆ ಯಶಸ್ವಿಯಾಗಿ ಮುಗಿದ ನಂತರ ಮೊಬೈಲಿಗೆ ಮೆಸೆಜ್ ಬರಲಿದೆ. ನಿಮ್ಮ ಮೊಬೈಲ್ ಮೂಲಕ ನೀವೇ ಗಣತಿಯಲ್ಲಿ ಭಾಗವಹಿಸಲು ಇಲ್ಲಿ ಕ್ಲಿಕ್ಕಿಸಿ: `ಸಾಮಾಜಿಕ ಹಾಗೂ ಶೈಕ್ಷಣಿಕ ಗಣತಿ’
- [2025 ಸೆಪ್ಟೆಂಬರ್ 30ರ ದಿನ ಭವಿಷ್ಯ](https://mobiletime.in/2025/09/prediction-for-september-30-2025/): ಮೇಷ ರಾಶಿ: ನೀವು ಅಂದುಕೊoಡಿರುವ ಕೆಲಸಗಳು ನಿಧಾನವಾಗಲಿದೆ. ಆತುರದ ನಿರ್ಧಾರಗಳನ್ನು ಮಾಡಬೇಡಿ. ಮನಸ್ಸು ಶಾಂತವಾಗಿರಿಸಿಕೊoಡಷ್ಟು ನಿಮಗೆ ಒಳ್ಳೆಯದು. ವೃಷಭ ರಾಶಿ: ನಿಮ್ಮ ಉದ್ಯೋಗದಲ್ಲಿ ಹೊಸ ಜವಾಬ್ದಾರಿಗಳು ಬರಲಿದೆ. ಬುದ್ದಿವಂತಿಕೆಯಿAದ ಕೆಲಸ ಮಾಡಿದರೆ ನಿಮ್ಮ ಬಾರ ಕಡಿಮೆ ಆಗಲಿದೆ. ನಿಮ್ಮ ಚಿಂತನೆಗಳನ್ನು ಕಾರ್ಯರೂಪಕ್ಕೆ ತರಲು ಸೂಕ್ತ ಸಮಯ. ಮಿಥುನ ರಾಶಿ: ನೀವು ಮಾಡುವ ಕೆಲಸದಲ್ಲಿ ತಾಳ್ಮೆ ಅಗತ್ಯ. ಭಾವನಾತ್ಮಕ ಬದಲಾವಣೆಗಳಿಗೆ ಸಿದ್ಧರಾಗಿರಿ. ಮನಸ್ಸಿನ ಶಾಂತಿಗಾಗಿ ದೇವರ ಧ್ಯಾನ ಮಾಡಿ. ಕರ್ಕ ರಾಶಿ: ನೀವು ಕೈಕೊಂಡಿರುವ ಹೊಸ ಯೋಜನೆಗಳು ಯಶಸ್ವಿಯಾಗಲಿದೆ. ಕುಟುಂಬದವರ ಜೊತೆ ಸರಿಯಾಗಿ ಮಾತನಾಡಿ, ಸಮಸ್ಯೆಗಳನ್ನು ಆಲಿಸಿ. ಆರ್ಥಿಕ ವಿಚಾರಗಳಲ್ಲಿ ಎಚ್ಚರಿಕೆ ಅಗತ್ಯ. ಸಿಂಹ ರಾಶಿ: ಹೊಸ ವಿಷಯ ಕಲಿಯಲು ಈ ದಿನ ಸೂಕ್ತ. ಜೀವನದಲ್ಲಿ ಸಂತೋಷವಾಗಿರಲು ಚಟುವಟಿಕೆಯಿಂದ ಬದುಕಿ. ನಿಮ್ಮ ಮಾತಿನ ಬಗ್ಗೆ ಗಮನವಿರಲಿ. ಕನ್ಯಾ ರಾಶಿ: ಅಗತ್ಯಕ್ಕಿಂತಲೂ ಹೆಚ್ಚಿನದಾಗಿ ಯಾವುದಕ್ಕೂ ಸ್ಪಂದಿಸಬೇಡಿ. ನಿಮ್ಮ ಮಾತು ನಿಮ್ಮ ನಿಗ್ರಹದಲ್ಲಿರದಿದ್ದರೆ ಸಮಸ್ಯೆ ಆಗಬಹುದು. ಹಣಕಾಸು ವ್ಯವಹಾರಗಳಲ್ಲಿ ಲಾಭ ಆಗಲಿದೆ. ತುಲಾ ರಾಶಿ: ಹೊಸ ಅವಕಾಶಗಳು ನಿಮ್ಮನ್ನು ಅರೆಸಿ ಬರಲಿದೆ. ಕೌಟುಂಬಿಕ ವಿಷಯದಲ್ಲಿ ಸಮತೋಲನ ಕಾಯ್ದುಕೊಳ್ಳಿ. ಖರ್ಚು-ವೆಚ್ಚಗಳ ಬಗ್ಗೆ ನಿಗಾವಹಿಸಿ. ಅನೇಕ ದಿನದ ಸಮಸ್ಯೆ ದೂರವಾಗಲಿದೆ. ವೃಶ್ಚಿಕ ರಾಶಿ: ಉದ್ಯೋಗ ಕ್ಷೇತ್ರದಲ್ಲಿ ಮಹತ್ವಪೂರ್ಣ ಸಾಧನೆ ಸಾಧ್ಯವಿದೆ. ಆರೋಗ್ಯದ ವಿಷಯದಲ್ಲಿ ಜಾಗೃತರಾಗಿರಿ. ಆಯಾಸವಾದರೆ ಕೂಡಲೇ ವಿಶ್ರಾಂತಿಪಡೆಯುವುದು ಸೂಕ್ತ. ಧನು ರಾಶಿ: ಹೂಡಿಕೆ ವಿಚಾರಗಳ ಕಡೆ ಗಮನಕೊಡಿ. ಶೇರು, ಸೈಟು, ಚಿನ್ನ ಖರೀದಿಗೆ ಈ ದಿನ ಸೂಕ್ತವಾಗಿದೆ. ಸ್ನೇಹಿತರ ಜೊತೆ ಜಗಳ ಒಳ್ಳೆಯದಲ್ಲ. ಮಕರ ರಾಶಿ: ಕುಟುಂಬದವರ ಸಹಕಾರದಿಂದ ಏಳಿಗೆ ಸಾಧ್ಯವಿದೆ. ಕೆಲಸದ ವಿಷಯದಲ್ಲಿ ಸೋಮಾರಿತನ ಬೇಡ. ಹಳೆಯ ಸ್ನೇಹಿತರನ್ನು ನೆಪಿಸಿಕೊಳ್ಳಿ. ಕುಂಭ ರಾಶಿ: ನಿಮ್ಮೊಳಗೆ ಹೊಸ ಹೊಸ ಚಿಂತನೆಗಳು ಬರಲಿದೆ. ಉತ್ತಮ ಚಿಂತನೆಗಳನ್ನು ಜಾರಿಗೊಳಿಸಲು ತಡ ಮಾಡಬೇಡಿ. ಕಾರ್ಯಕ್ಷೇತ್ರದಲ್ಲಿ ಉತ್ತಮ ಬೆಳವಣಿಗೆ ಆಗಲಿದೆ. ಮೀನ ರಾಶಿ: ನಿಮ್ಮ ಮನಸಿಗೆ ಹಿತವಾಗುವ ಕೆಲಸ ಮಾಡಿ. ಜೀವನದಲ್ಲಿ ಯಾವುದು ಮುಖ್ಯ ಎಂಬುದರ ಬಗ್ಗೆ ಚಿಂತಿಸಿ. ಮಾಡುವ ಕೆಲಸದಲ್ಲಿ ಉತ್ತಮ ಫಲ ಸಿಗಲಿದೆ.
- [ಬೈಕಿಗೆ ಗುದ್ದಿದ ಶ್ರೀಕುಮಾರ ಬಸ್ಸು!](https://mobiletime.in/2025/09/srikumar-bus-hits-bike/): ಬೆಂಗಳೂರಿನಿoದ ಕಾರವಾರಕ್ಕೆ ಬರುವ ಶ್ರೀಕುಮಾರ ಬಸ್ಸು ಬೈಕಿಗೆ ಗುದ್ದಿದೆ. ಪರಿಣಾಮ ಬೈಕ್ ಸವಾರ ಮಂಜುನಾಥ ಗಡಕರ್ ಅವರ ಕಾಲಿಗೆ ಪೆಟ್ಟಾಗಿದೆ. ಯಲ್ಲಾಪುರದ ನಾಯ್ಕನಕೆರೆ ಸುಧೀಂದ್ರ ಭಟ್ಟ ಅವರು ಭಾನುವಾರ ಶ್ರೀಕುಮಾರ ಬಸ್ಸು ಓಡಿಸುತ್ತಿದ್ದರು. ಸಿದ್ದಾಪುರದ ನೀಡಗೋಡಿನ ಮಂಜುನಾಥ ಗಡಕರ್ ಅವರು ಈ ವೇಳೆ ಬೈಕು ಓಡಿಸುತ್ತಿದ್ದರು. ಮಂಜುನಾಥ ಗಡಕರ್ ಅವರು ಎಲ್ & ಟಿ ಕಂಪನಿಯ ಸುಪ್ರವೈಸರ್ ಆಗಿದ್ದು, ಅವರು ಕಾರವಾರದಿಂದ ಅರ್ಗಾ ಕಡೆ ಹೊರಟಿರುವಾಗ ಅಂಕೋಲಾದಿAದ ಕಾರವಾರ ಕಡೆ ಬರುತ್ತಿದ್ದ ಬಸ್ಸು ಡಿಕ್ಕಿಯಾಯಿತು. ಕಾರವಾರದ ಸಂಕ್ರುಭಾಗ ಘಟ್ಟದಲ್ಲಿ ಬೈಕಿಗೆ ಬಸ್ಸಿನ ಹಿಂದಿನ ಭಾಗ ತಾಗಿತು. ಪರಿಣಾಮ ಮಂಜುನಾಥ ಗಡಕರ್ ಅವರು ಬೈಕಿನಿಂದ ಬಿದ್ದರು. ಕಾಲಿಗೆ ಪೆಟ್ಟು ಮಾಡಿಕೊಂಡರು. ಅದಾದ ನಂತರ ಮಂಜುನಾಥ ಗಡಕರ್ ಅವರು ಸುಧೀಂದ್ರ ಭಟ್ಟ ಅವರ ಅತಿಯಾದ ವೇಗದ ಚಾಲನೆ ಅಪಘಾತಕ್ಕೆ ಕಾರಣ ಎಂದು ಪೊಲೀಸ್ ದೂರು ನೀಡಿದರು.
- [ದರೋಡೆಗೆ ಬಂದವರು ಕಾರು ಬಿಟ್ಟು ಓಡಿದರು!](https://mobiletime.in/2025/09/the-robbers-abandoned-the-car-and-ran-away/): ದರೋಡೆ ಮಾಡಲು ಶಿರಸಿಗೆ ಬಂದಿದ್ದ ಡಕಾಯಿತರು ತಮ್ಮ ಕಾರನ್ನು ರಸ್ತೆ ಬದಿಯ ಕಾಲುವೆಗೆ ಹಾಯಿಸಿ ಪರಾರಿಯಾಗಿದ್ದಾರೆ. ಪೊಲೀಸರು ಆ ಡಕಾಯಿತರ ಹುಡುಕಾಟ ನಡೆಸಿದ್ದಾರೆ. ಭಾನುವಾರ ಶಿರಸಿಯ ಮಾರುತಿ ಹನುಮಂತ ಮರಾಠೆ ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಮಾರಿಕಾಂಬಾ ಕ್ರೀಡಾಂಗಣ ಎದುರಿನ ಕೆಇಬಿ ರಸ್ತೆಯ ನಿವಾಸಿಯಾದ ಮಾರುತಿ ಮರಾಠೆ ಅವರ ಮೇಲೆ ಕಾರಿನಲ್ಲಿ ಬಂದವರು ಹಲ್ಲೆಗೆ ಯತ್ನಿಸಿದರು. ಆ ಡಕಾಯಿತರಿಂದ ಮಾರುತಿ ಮರಾಠೆ ಅವರು ತಪ್ಪಿಸಿಕೊಳ್ಳಲು ಯತ್ನಿಸಿದರು. ಅದಾಗಿಯೂ ಅವರು ಮಾರುತಿ ಅವರನ್ನು ಅಡ್ಡಗಟ್ಟಿ ದರೋಡೆಗೆ ಪ್ರಯತ್ನಿಸಿದರು. ಕಾರಿನಲ್ಲಿದ್ದ ಡಕಾಯಿತರು ಮಾರುತಿ ಮರಾಠೆ ಅವರ ಬೈಕಿಗೆ ತಮ್ಮ ವಾಹನ ಡಿಕ್ಕಿ ಮಾಡಿದರು. ಅದಾದ ನಂತರ ಮಾರುತಿ ಮರಾಠೆ ಅವರ ಬಳಿಯಿದ್ದ ಚಿನ್ನ ಕಸಿಯುವ ಪ್ರಯತ್ನ ಮಾಡಿದರು. ಈ ವೇಳೆ ಕಾರು ಗಟಾರಕ್ಕೆ ಬಿದ್ದಿದ್ದು, ಮಾರುತಿ ಮರಾಠೆ ಅವರು ದಾಳಿಯಿಂದ ತಪ್ಪಿಸಿಕೊಂಡರು. ಕಾರು ಗಟಾರದಿಂದ ಮೇಲೆ ಬರಲಿಲ್ಲ. ಆಗ, ಕಂಗಾಲಾದ ಡಕಾಯಿತರು ಆ ಕಾರನ್ನು ಅಲ್ಲಿಯೇ ಬಿಟ್ಟು ಓಡಿದರು. ಆ ಕಾರಿನಲ್ಲಿ ನಾಲ್ವರು ಇದ್ದ ಬಗ್ಗೆ ಶಂಕಿಸಲಾಗಿದೆ. ಮಾರುತಿ ಮರಾಠಿ ಅವರು ಇದರಿಂದ ಆಘಾತಕ್ಕೆ ಒಳಗಾಗಿದ್ದಾರೆ. ಮಾರುತಿ ಮರಾಠಿ ಅವರು ಆಸ್ಪತ್ರೆಗೆ ತೆರಳಿ ಚಿಕಿತ್ಸೆಪಡೆಯುತ್ತಿದ್ದಾರೆ. ಡಿವೈಎಸ್ಪಿ ಗೀತಾ ಪಾಟೀಲ, ಸಿಪಿಐ ಶಶಿಕಾಂತ ವರ್ಮಾ, ಹೊಸ ಮಾರುಕಟ್ಟೆ ಠಾಣೆ ಪಿಎಸ್‌ಐ ಬಸವರಾಜ ಕನಶೆಟ್ಟಿ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಜೊತೆಗೆ ಮಾರುತಿ ಮರಾಠಿ ಅವರಿಂದ ಪೊಲೀಸರು ಮಾಹಿತಿಪಡೆದಿದ್ದಾರೆ.
- [ಇಲಿ ಪಾಷಣದ ಪರಿಣಾಮ: ಮೂರು ಆಸ್ಪತ್ರೆ ಸುತ್ತಿದರೂ ಬದುಕದ ಪರಶುರಾಮ!](https://mobiletime.in/2025/09/effects-of-rat-poison-parashurama-did-not-survive-despite-being-taken-to-three-hospitals/): ಹಳಿಯಾಳದ ಪರಶುರಾಮ ವಡ್ಡರ್ ಅವರು ಇಲಿ ಪಾಷಣ ಸೇವಿಸಿದ ಪರಿಣಾಮ ಸಾವನಪ್ಪಿದ್ದಾರೆ. ಅವರನ್ನು ಉಳಿಸಿಕೊಳ್ಳುವುದಕ್ಕಾಗಿ ಕುಟುಂಬದವರು ಮೂರು ಆಸ್ಪತ್ರೆಗೆ ಕರೆದೊಯ್ದರೂ ಬದುಕಿಸಲು ಸಾಧ್ಯವಾಗಲಿಲ್ಲ. ಹಳಿಯಾಳದ ಸಿದ್ದರಾಮೇಶ್ವರಗಲ್ಲಿಯಲ್ಲಿ ಪರಶುರಾಮ ವಡ್ಡರ್ (45) ಅವರು ವಾಸವಾಗಿದ್ದರು. ಸರಾಯಿ ಸೇವನೆ ವ್ಯಸನಕ್ಕೆ ಒಳಗಾಗಿದ್ದ ಅವರು ಸೆಪ್ಟೆಂಬರ್ 26ರ ರಾತ್ರಿ ಮನೆಯಲ್ಲಿದ್ದ ಇಲಿ ಪಾಷಣ ಸೇವಿಸಿದ್ದರು. ಸೆ 27ರ ಬೆಳಗ್ಗೆ ಅವರು ವಿಲವಿಲ ಒದ್ದಾಡುತ್ತಿದ್ದು, ಇದನ್ನು ನೋಡಿದ ಕುಟುಂಬದವರು ಆಸ್ಪತ್ರೆಗೆ ದಾಖಲಿಸಿದರು. ಮೊದಲು ಪರಶುರಾಮ ವಡ್ಡರ್ ಅವರನ್ನು ಹಳಿಯಾಳ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಲಾಯಿತು. ನಂತರ ಅವರನ್ನು ಧಾರವಾಡ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಅದಾದ ಮೇಲೆ ಹುಬ್ಬಳ್ಳಿಗೆ ಕರೆದೊಯ್ದು ಅಲ್ಲಿನ ಕಿಮ್ಸ್ ಆಸ್ಪತ್ರೆಗೆ ಸೇರಿಸುವ ಪ್ರಯತ್ನ ನಡೆಯಿತು. ಆದರೆ, ಇಲಿ ಪಾಷಣ ಸೇವಿಸಿ 10 ತಾಸು ಕಳೆದಿತ್ತು. ಹೀಗಾಗಿ ಅವರನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ. ಪರಶುರಾಮ ವಡ್ಡರ್ ಅವರ ಸಾವಿನ ಬಗ್ಗೆ ಕೃಷ್ಣ ವಡ್ಡರ್ ಅವರು ಪೊಲೀಸರಿಗೆ ತಿಳಿಸಿದರು. ಹಳಿಯಾಳ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗಾಂಧೀ ಜಯಂತಿಗೂ ಬಿಡುವು ನೀಡದ ಮಳೆ!](https://mobiletime.in/2025/09/rain-that-didnt-stop-even-on-gandhi-jayanti/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಮುಂದುವರೆದಿದೆ. ಅಕ್ಟೊಬರ್ 2ರವರೆಗೂ ಜಿಲ್ಲೆಯಲ್ಲಿ ಮಳೆಯಾಗುವ ಬಗ್ಗೆ ಉತ್ತರ ಕನ್ನಡ ಜಿಲ್ಲಾಡಳಿತ ಮಾಹಿತಿ ಪ್ರಕಟಿಸಿದೆ. ಭಾರತೀಯ ಹವಾಮಾನ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರದವರು ನೀಡಿದ ಸೂಚನೆ ಪ್ರಕಾರ ಜಿಲ್ಲಾಡಳಿತ ಮಳೆ ಮಾಹಿತಿ ರವಾನಿಸಿದೆ. ಅದರ ಪ್ರಕಾರ, ಕರಾವಳಿ ತಾಲೂಕುಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಮಳೆಯಾಗುವ ಮುನ್ಸೂಚನೆಯಿದೆ. ಮಲೆನಾಡು ಪ್ರದೇಶದಲ್ಲಿಯೂ ಮಳೆ ಮುಂದುವರೆಯಲಿದೆ. ಹೀಗಾಗಿ ಅಕ್ಟೊಬರ್ 2ರವರೆಗೂ ಯಲ್ಲೊ ಅಲರ್ಟ ಘೋಷಿಸಲಾಗಿದೆ. ಮಳೆ ಹಿನ್ನಲೆ ಅರಬ್ಬಿ ಸಮುದ್ರದ ವಾತಾವರಣ ಸಹ ಸರಿ ಇಲ್ಲದ ಕಾರಣ ಸಣ್ಣ ಹಾಗೂ ಮಧ್ಯಮ ಗಾತ್ರದ ದೋಣಿಗಳು ಮೀನುಗಾರಿಕೆ ತೆರಳದಂತೆ ಸೂಚಿಸಲಾಗಿದೆ. ಸಾರ್ವಜನಿಕರು ಸಹ ಸಮುದ್ರದ ಕಡೆ ಹೋಗಬಾರದು ಎಂದು ಎಚ್ಚರಿಕೆ ನೀಡಲಾಗಿದೆ. ನದಿ ಹಾಗೂ ನೀರಿರುವ ಪ್ರದೇಶಗಳಿಗೂ ತೆರಳದಂತೆ ಜಿಲ್ಲಾಡಳಿತ ಸೂಚನೆ ರವಾನಿಸಿದೆ. ಪಾಲಕರು ಮಕ್ಕಳ ಬಗ್ಗೆ ಗಮನಹರಿಸಬೇಕು. ಸಮುದ್ರತೀರಕ್ಕೆ ಮಕ್ಕಳು ಹೋಗದಂತೆ ಜಾಗೃತರಾಗಿರಬೇಕು. ಸಮುದ್ರ ತೀರದಲ್ಲಿ ಯಾವುದೇ ಮನರಂಜನಾ ಚಟುವಟಿಕೆಗಳನ್ನು ನಡೆಸಬಾರದು ಎಂದು ಸೂಚಿಸಲಾಗಿದೆ. ತುರ್ತು ಸೇವೆಗಾಗಿ 08382-229857 ಹಾಗೂ ವಾಟ್ಸಪ್ ಸಂಖ್ಯೆ 9483511015 ಸಂಪರ್ಕಿಸುವAತೆ ಜಿಲ್ಲಾಡಳಿತ ತಿಳಿಸಿದೆ.
- [ಗೋಕರ್ಣ: `ಅಡಿ'ಯಿಂದ `ಮುಡಿ'ಯವರೆಗೂ ಗಾಂಜಾ ಅಮಲು!](https://mobiletime.in/2025/09/gokarna-ganja-addiction-from-head-to-toe/): ಕುಮಟಾ ಹಾಗೂ ಗೋಕರ್ಣದಲ್ಲಿ ಗಾಂಜಾ ಸೇವಿಸುವವರ ಸಂಖ್ಯೆ ಹೆಚ್ಚಾಗಿದ್ದು, ಪೊಲೀಸರು ಗಾಂಜಾ ವ್ಯಸನಿಗಳ ಬೆನ್ನು ಬಿದ್ದಿದ್ದಾರೆ. ಅಮಲಿನಲ್ಲಿರುವವರನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸಿ ಗಾಂಜಾ ಸೇವನೆ ದೃಢವಾದ ತಕ್ಷಣ ಪ್ರಕರಣ ದಾಖಲಿಸುತ್ತಿದ್ದಾರೆ. ಗೋಕರ್ಣದ ಸಂತೋಷ ವಿಶ್ವೇಶ್ವರ ಅಡಿ ಅವರು ಗಾಂಜಾ ಸೇವಿಸಿ ಸಿಕ್ಕಿ ಬಿದ್ದಿದ್ದಾರೆ. ಕುಮಟಾದ ಪ್ರಸಾದ ನಾಗಪ್ಪ ಹೊಸಳ್ಳಿ ಅವರು ಗಾಂಜಾ ಅಮಲಿನಲ್ಲಿರುವಾಗ ಪೊಲೀಸರು ದಾಳಿ ಮಾಡಿದ್ದಾರೆ. ಅವರಿಬ್ಬರನ್ನು ವೈದ್ಯಕೀಯ ಪರೀಕ್ಷೆಗೆ ರವಾನಿಸಿದಾಗ `ಪಾಸಿಟಿವ್’ ವರದಿ ಬಂದಿದ್ದು ಇಬ್ಬರ ವಿರುದ್ಧವೂ ಕಾನೂನು ಕ್ರಮ ಜರುಗಿಸಿದ್ದಾರೆ. ಗೋಕರ್ಣ ಆಲದಕೇರಿಯ ಸಂತೋಷ ವಿಶ್ವೇಶ್ವರ ಅಡಿ ಅವರು ಸೆ 27ರಂದು ಕುಡ್ಲೇ ಹಿಲ್‌ಟಾಪ್ ರಸ್ತೆಯ ಮಹಾಬಲ ವ್ಯಾಲಿ ವಸತಿ ಗೃಹದ ಬಳಿ ಅಮಲು ಪದಾರ್ಥ ಸೇವನೆ ಮಾಡಿದ್ದರು. ಗೋಕರ್ಣ ಪಿಐ ಶ್ರೀಧರ ಎಸ್ ಆರ್ ಅವರು ದಾಳಿ ನಡೆಸಿ ಅವರನ್ನು ವಶಕ್ಕೆಪಡೆದರು. ಕುಮಟಾದ ಅಂಗಡಿಕೇರಿ ಹೊಟೇಲ್ ಕೆಲಸ ಮಾಡುವ ಪ್ರಸಾದ ನಾಗಪ್ಪ ಹೊಸಳ್ಳಿ ಅವರು ಮೂರುರು ಗುಡ್ಡದ ಮೇಲೆ ಹೊಗೆ ಎಳೆಯುತ್ತಿದ್ದರು. ಪೊಲೀಸ್ ಉಪನಿರೀಕ್ಷಕ ಮಯೂರ ಪಟ್ಟಣಶೆಟ್ಟಿ ಅವರು ಅಲ್ಲಿ ದಾಳಿ ಮಾಡಿದರು. ಈ ಇಬ್ಬರಿಗೂ ಪೊಲೀಸರು ಗಾಂಜಾ ಸೇವನೆಯ ದುಷ್ಪರಿಣಾಮದ ಬಗ್ಗೆ ಪಾಠ ಮಾಡಿದ್ದಾರೆ.
- [ಮಾಟ ಮಂತ್ರದ ಭಯ: ಪ್ರಾಣಬಿಟ್ಟ ಯುವಕ!](https://mobiletime.in/2025/09/fear-of-witchcraft-a-young-man-lost-his-life/): ಮಾಟ ಮಂತ್ರಕ್ಕೆ ಹೆದರಿದ ಮುಂಡಗೋಡದ ಮಿತಿಲೇಶ ಶಿಂಗೆ ಅವರು ಕ್ರಿಮಿನಾಶಕ ಸೇವಿಸಿ ಸಾವನಪ್ಪಿದ್ದಾರೆ. ತೀವೃ ಅಸ್ವಸ್ಥರಾದ ಅವರನ್ನು ಚಿಕಿತ್ಸೆಗೆ ದಾಖಲಿಸಿದರೂ ಜೀವ ಉಳಿಸಿಕೊಳ್ಳಲು ಆಗಲಿಲ್ಲ. ಮುಂಡಗೋಡಿನ ಅಂಬೇಡ್ಕರ ಓಣಿಯಲ್ಲಿ ಮಿತಿಲೇಶ ಶಿಂಗೆ (24) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಬದುಕುತ್ತಿದ್ದ ಅವರ ಜೀವನ ಚನ್ನಾಗಿಯೇ ಇತ್ತು. ಆದರೆ, ಅವರ ತಲೆಯೊಳಗೆ ಮಾಟ-ಮಂತ್ರದ ಕ್ರಿಮಿ ಕೂತಿತು. `ಯಾರೋ ತನಗೆ ಗಾಳಿ ಮಾಡಿಸಿದ್ದಾರೆ’ ಎಂದವರು ಎಲ್ಲಾ ಕಡೆ ಹೇಳಿಕೊಂಡಿದ್ದರು. ಅದೇ ವಿಷಯವಾಗಿ ಮಾನಸಿಕವಾಗಿ ಕುಗ್ಗಿದ್ದರು. ಕಳೆದ 2 ತಿಂಗಳಿನಿAದಲೂ ಮಿತಿಲೇಶ ಶಿಂಗೆ ಅಸ್ವಸ್ಥರಾಗಿದ್ದರು. ಮಾಟ-ಮಂತ್ರ-ಗಾಳಿ ಸುದ್ದಿ ವಿಷಯವಾಗಿ ಅವರು ಸಾಕಷ್ಟು ತಲೆ ಕೆಡಿಸಿಕೊಂಡಿದ್ದರು. ಅದೇ ನೋವಿನಲ್ಲಿ ಸೆಪ್ಟೆಂಬರ್ 25ರ ರಾತ್ರಿ ಅವರು ಮನೆಯಲ್ಲಿದ್ದ ಕ್ರಿಮಿನಾಶಕ ಕುಡಿದರು. ಆರೋಗ್ಯದಲ್ಲಿ ಏರುಪೇರಾದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕಿಮ್ಸ್’ಗೆ ಕರೆದೊಯ್ಯಲಾಯಿತು. ಅದಾಗಿಯೂ ಮಿತಿಲೇಶ ಶಿಂಗೆ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಈ ಬಗ್ಗೆ ಧಾರವಾಡದಲ್ಲಿರುವ ಮಿತಿಲೇಶ ಶಿಂಗೆ ಅವರ ತಂಗಿ ಪಲ್ಲವಿ ವಡ್ಡರ್ ಅವರು ಮುಂಡಗೋಡು ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗುಂಡಿನ ಜೊತೆ ಸಿಕ್ಕಿಬಿದ್ದ ಶಿಖಾರಿ ಶೂರ!](https://mobiletime.in/2025/09/shikhari-shura-caught-with-a-bullet/): ಮುಂಡಗೋಡಿನ ಹನುಮಂತ ಚರಾಟಕರ ಅವರು ಲೈಸನ್ಸಪಡೆಯದೇ ಬಂದೂಕುಹೊoದಿದ್ದು, ಅರಣ್ಯ ಸಿಬ್ಬಂದಿ ಅದನ್ನು ಪತ್ತೆ ಮಾಡಿದ್ದಾರೆ. ಅರಣ್ಯಾಧಿಕಾರಿಗಳು ನೀಡಿದ ದೂರಿ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಮುಂಡಗೋಡು ಮೈನಳ್ಳಿಯ ಹನುಮಂತ ಚರಾಟಕರ ಅವರು ಅಕ್ರಮವಾಗಿ ಬಂದೂಕು ಹೊಂದಿದ್ದರು. ವನ್ಯಪ್ರಾಣಿಗಳ ಬೇಟೆಗಾಗಿ ಅದನ್ನು ಬಳಸುತ್ತಿದ್ದರು. ಸಜೀವ ಗುಂಡುಗಳನ್ನು ಸಹ ಅವರು ಜೊತೆಗಿರಿಸಿಕೊಂಡಿದ್ದರು. ಆಗಾಗ ಅವರು ಶಿಖಾರಿಗೆ ಹೋಗುತ್ತಿದ್ದರು. ಹೀಗಾಗಿ ಅರಣ್ಯ ಇಲಾಖೆಯವರು ಸಹ ಹನುಮಂತ ಚರಾಟಕರ ಅವರ ಮೇಲೆ ಕಣ್ಣಿಟ್ಟಿದ್ದರು. ಸೆ 12ರಂದು ಗೋದನಾಳ ಹುಣಶೆಟ್ಟಿಕೊಪ್ಪದ ಬಳಿ ಹನುಮಂತ ಚರಾಟಕರ ಅವರು ಬಂದೂಕು ಹಿಡಿದು ಓಡಾಡುತ್ತಿದ್ದರು. ಅದನ್ನು ಅರಣ್ಯ ಸಿಬ್ಬಂದಿ ನೋಡಿದರು. ಅರಣ್ಯ ಸಿಬ್ಬಂದಿಯನ್ನು ನೋಡಿದ ಹನುಮಂತ ಚರಾಟಕರ ಅವರು ಕಾಡಿನ ಕಡೆ ಓಡಿದರು. ಅರಣ್ಯ ಸಿಬ್ಬಂದಿ ಸಹ ಅವರ ಬೆನ್ನತ್ತಿದರು. ಕಾಡಿನಲ್ಲಿ ಹನುಮಂತ ಚರಾಟಕರ ಅವರು ಬಂದೂಕಿನ ಜೊತೆಗೆ ಸಿಕ್ಕಿ ಬಿದ್ದರು. ಆ ಬಂದೂಕನ್ನು ಹುಣಶೆಟ್ಟಿಕೊಪ್ಪ ಶಾಖೆಯ ಉಪರಣ್ಯಾಧಿಕಾರಿ ಗುರಪ್ಪ ಗಮನಿಸಿದರು. ಜೊತೆಗಿದ್ದ 7 ಸಜೀವ ಗುಂಡುಗಳನ್ನು ವೀಕ್ಷಿಸಿದರು. `ಇದಕ್ಕೆ ಪರವಾನಿಗೆ ಇದೆಯಾ?’ ಎಂದು ಪ್ರಶ್ನಿಸಿದರು. ದಾಖಲೆ ತೋರಿಸುವಂತೆ ಕೇಳಿದಾಗ ಹನುಮಂತ ಚರಾಟಕರ ಮಾತನಾಡಲಿಲ್ಲ. ಹೀಗಾಗಿ ಗುರಪ್ಪ ಅವರು ಮೇಲಧಿಕಾರಿಗಳಿಗೆ ವರದಿ ಸಲ್ಲಿಸಿದರು. ಅದಾದ ನಂತರ ಮುಂಡಗೋಡು ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲಿಸಿದರು.
- [ಬಡಿತ ನಿಲ್ಲಿಸಿದ ಹೃದಯ: ವಾಕಿಂಗ್ ಮಾಡುತ್ತಿದ್ದ ಉಪನ್ಯಾಸಕನಿಗೆ ಆಘಾತ](https://mobiletime.in/2025/09/heart-stops-beating-lecturer-shocked-while-walking/): ಸಿದ್ದಾಪುರದಲ್ಲಿ ಉಪನ್ಯಾಸಕಾರಿದ್ದ ಕುಮಟಾದ ವಿನು ಭಟ್ಟ ಅವರು ಹೃದಯಘಾತದಿಂದ ಸಾವನಪ್ಪಿದ್ದಾರೆ. ದಿಢೀರ್ ಆಗಿ ಕುಸಿದು ಬಿದ್ದ ಅವರನ್ನು ಆಸ್ಪತ್ರೆಗೆ ಸಾಗಿಸಿದರೂ ಪ್ರಯೋಜನವಾಗಿಲ್ಲ. ಕುಮಟಾ ಕಾಗಲಮಾನೀರ ಮೂಲದ ವಿನು ವಿಶ್ವನಾಥ ಭಟ್ಟ (40) ಅವರು ಉಪನ್ಯಾಸಕರಾಗಿದ್ದರು. ಸಿದ್ದಾಪುರದಲ್ಲಿ ವಾಸವಾಗಿದ್ದ ಅವರು ನಿತ್ಯ ವಾಕಿಂಗ್ ಮಾಡುವ ಹವ್ಯಾಸ ಹೊಂದಿದ್ದರು. ಅವರು ಹೃದಯ ರೋಗದಿಂದ ಬಳಲುತ್ತಿದ್ದರೂ ತಮ್ಮ ನಿಯಮಿತ ವ್ಯಾಯಾಮವನ್ನು ಬಿಟ್ಟಿರಲಿಲ್ಲ. ಆರೋಗ್ಯದ ಬಗ್ಗೆ ಅಪಾರ ಕಾಳಜಿ ಇದ್ದ ಕಾರಣ ನಿತ್ಯವೂ ಅವರು ವಾಕಿಂಕ್ ಮಾಡುತ್ತಿದ್ದರು. ಸೆಪ್ಟೆಂಬರ್ 26ರಂದು ಅವರು ಸಂಜೆ 6.30ಕ್ಕೆ ವಾಕಿಂಗ್ ಹೊರಟಿದ್ದರು. ಅವರಕೊಪ್ಪ ಕಡಗೇರಿ ರಸ್ತೆಯಲ್ಲಿ ಹೊರಟ ಅವರು ಅವರಕೊಪ್ಪದ ಬಳಿ ದಿಢೀರ್ ಆಗಿ ಕುಸಿದು ಬಿದ್ದರು. ತಕ್ಷಣ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಆಸ್ಪತ್ರೆಗೆ ತರುವ ಮೊದಲೇ ವಿನು ಭಟ್ಟ ಅವರು ಸಾವನಪ್ಪಿದ ಬಗ್ಗೆ ವೈದ್ಯರು ಹೇಳಿದರು. ಈ ಎಲ್ಲಾ ವಿಷಯಗಳ ಬಗ್ಗೆ ವಿನು ಭಟ್ಟ ಅವರ ತಮ್ಮನ ಮಗ ಮೂರೂರಿನ ಮಹಾಂತೇಶ ಭಟ್ಟ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅತಿ ವೇಗ ತಂದ ಅನಾಹುತ: ಕಿರವತ್ತಿ ಕಟ್ಟಡ ಕಾರ್ಮಿಕ ಇನ್ನಿಲ್ಲ](https://mobiletime.in/2025/09/a-disaster-brought-on-by-extreme-speed-kiravatti-construction-worker-is-no-more/): ಯಲ್ಲಾಪುರದ ಕಿರವತ್ತಿ ಬಳಿ ಭಾನುವಾರ ಬೈಕು ಹಾಗೂ ಕಂಟೇನರ್ ನಡುವೆ ಅಪಘಾತವಾಗಿದೆ. ಕಂಟೇನರ್ ಗುದ್ದಿದ ರಭಸಕ್ಕೆ ಬೈಕ್ ಸವಾರ ಸ್ಥಳದಲ್ಲಿಯೇ ಸಾವನಪ್ಪಿದ್ದಾರೆ. ಬೈಕಿನಲ್ಲಿದ್ದ ಮತ್ತೊಬ್ಬರಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಯಲ್ಲಾಪುರದ ಕಿರವತ್ತಿಯ ಅಲ್ಕೇರಿ ತಿರುವಿನ ಬಳಿ ಈ ಅಪಘಾತ ನಡೆದಿದೆ. ಬೈಕ್ ಓಡಿಸುತ್ತಿದ್ದ ಬೈಲಂದೂರಿನ ಕಟ್ಟಡ ಕಾರ್ಮಿಕ ಚಾಯಪ್ಪ ಸೋಮಾಪುರಕರ್ (45) ಸ್ಥಳದಲ್ಲಿಯೇ ಸಾವನಪ್ಪಿದ್ದಾರೆ. ಬೈಕಿನಿಂದ ಹೆದ್ದಾರಿಗೆ ಬಿದ್ದ ಚಾಯಪ್ಪ ಸೋಮಾಪುರಕರ್ ಅವರ ಮೈಮೇಲೆ ಲಾರಿ ಹತ್ತಿದೆ. ಲಾರಿ ಚಕ್ರ ತಲೆಗೆ ತಾಗಿದ್ದರಿಂದ ಚಾಯಪ್ಪ ಸೋಮಾಪುರಕರ್ ಅವರು ಅಲ್ಲಿಯೇ ಕೊನೆ ಉಸಿರೆಳೆದಿದ್ದಾರೆ. ಆ ಬೈಕಿನಲ್ಲಿ ಸಹಸವಾರರಾಗಿದ್ದ ಪ್ರಭಾಕರ ಸೋಮಾಪುರಕರ್ ಅವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅವರಿಗೆ ಯಲ್ಲಾಪುರದ ಸರ್ಕಾರಿ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಲಾಯಿತು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಪ್ರಭಾಕರ ಸೋಮಾಪುರಕರ್ ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಜಯಂತಿ ನಗರದ ರುದ್ರಪ್ಪ ವಾಲ್ಮೀಕಿ ಅವರು ನೀಡಿದ ದೂರಿನ ಪ್ರಕಾರ, ಅತಿ ವೇಗ ಈ ಅಪಘಾತಕ್ಕೆ ಕಾರಣವಾಗಿದೆ. ಯಲ್ಲಾಪುರದಿಂದ ಹುಬ್ಬಳ್ಳಿ ಕಡೆ ಹೋಗುತ್ತಿದ್ದ ಲಾರಿಗೆ ಕಿರವತ್ತಿಯಿಂದ ಯಲ್ಲಾಪುರ ಕಡೆ ಬರುತ್ತಿದ್ದ ಬೈಕು ಡಿಕ್ಕಿಯಾಗಿದ್ದು, ಡಿಕ್ಕಿ ರಭಸಕ್ಕೆ ಬೈಕು ಲಾರಿಯ ಎಡಭಾಗದ ಚಕ್ರಕ್ಕೆ ಸಿಲುಕಿದೆ. ಮುಂದೆ ಹೋಗುತ್ತಿದ್ದ ವಾಹನ ಹಿಂದಿಕ್ಕುವುದಕ್ಕಾಗಿ ಚಾಯಪ್ಪ ಸೋಮಾಪುರಕರ್ ಅವರು ವೇಗವಾಗಿ ಬೈಕ್ ಓಡಿಸಿ ಲಾರಿಗೆ ಡಿಕ್ಕಿ ಹೊಡೆದಿದ್ದಾರೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ.
- [ಸಾಲ ಮಾಡಿ ಗೋವಾ ಸುತ್ತಾಡಿದವ ಕಾರವಾರದಲ್ಲಿ ಕಾಳಿ ನದಿಗೆ ಹಾರಿದ!](https://mobiletime.in/2025/09/a-man-who-had-taken-a-loan-and-wandered-around-goa-jumped-into-the-kali-river-in-karwar/): ಕಂಡ ಕಂಡವರ ಬಳಿ ಸಾಲ ಮಾಡಿ ಗೊವಾ ತಿರುಗಾಟ ಮಾಡಿದ ಸರ್ಕಾರಿ ಅಧಿಕಾರಿಯೊಬ್ಬರು ಕೊನೆಗೆ ಕಾಳಿ ನದಿಗೆ ಹಾರಿದ್ದಾರೆ. ನದಿ ಅಂಚಿನ ಗಿಡಗಂಟಿಗಳಲ್ಲಿ ಅವರ ಶವ ಸಿಕ್ಕಿದೆ. ಬೆಂಗಳೂರು ನೀರು ಸರಬರಾಜು ಒಳಚರಂಡಿ ಮಂಡಳಿಯಲ್ಲಿ ಎಂ ಕೆ ಚಂದ್ರಶೇಖರ್ (49) ಅವರು ವಾಟರ್ ಇನ್ಸಪೆಕ್ಟರ್ ಆಗಿದ್ದರು. ಕೈ ತುಂಬ ಸಂಬಳ ಸಿಕ್ಕರೂ ತಮ್ಮ ಐಷಾರಾಮಿ ಜೀವನಕ್ಕಾಗಿ ಅವರು ವಿವಿಧ ಬ್ಯಾಂಕುಗಳಲ್ಲಿ ಅವರು ಸಾಲ ಮಾಡಿದ್ದರು. ಜೊತೆಗೆ ಸಿಕ್ಕ ಸಿಕ್ಕವರ ಬಳಿ ಅವರು ಸಾಲಪಡೆದಿದ್ದರು. ಉನ್ನತ ಹುದ್ದೆ ಇದ್ದರೂ ಸರಿಯಾಗಿ ಕೆಲಸಕ್ಕೆ ಹೋಗುತ್ತಿರಲಿಲ್ಲ. ಜೊತೆಗೆ ಎಂ ಕೆ ಚಂದ್ರಶೇಖರ್ ಅವರು ದುಶ್ಚಟಗಳಿಗೆ ದಾಸರಾಗಿದ್ದರು. ತಮ್ಮಲ್ಲಿದ್ದ ಹಣ ಬಳಸಿ ಗೋವಾಗೆ ಹೋದ ಎಂ ಕೆ ಚಂದ್ರಶೇಖರ್ ಅವರು ಅಲ್ಲಿ ಎಲ್ಲಾ ಕಡೆ ತಿರುಗಾಡಿದ್ದರು. ನಾಲ್ಕು ದಿನಗಳ ಹಿಂದೆ ಅವರು ಕಾರವಾರಕ್ಕೆ ಬಂದಿದ್ದು, ಕಾಳಿ ನದಿಗೆ ಹಾರಿದರು. ಸೆ 26ರ ರಾತ್ರಿ ಜನ ಸದಾಶಿವಗಡ ಕಣಸಗೇರಿಯ ಬಂದರವಾಡದಲ್ಲಿ ಅವರ ಶವ ನೋಡಿದರು. ಗಿಡಗಂಟಿ ನಡುವೆ ಶವ ಸಿಕ್ಕಿಬಿದ್ದಿದ್ದು, ಅದನ್ನು ಎಂ ಕೆ ಚಂದ್ರಶೇಖರ್ ಅವರ ಮಾವ ಆರ್ ಆರ್ ನಾಗರಾಜ ಅವರು ಗುರುತಿಸಿದರು. ತಮ್ಮ ಅಳಿಯನ ಸಾವಿನ ಬಗ್ಗೆ ಅವರು ಚಿತ್ತಾಕುಲ ಪೊಲೀಸರಿಗೆ ವರದಿ ಒಪ್ಪಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದರು.
- [ಪ್ರಕೃತಿ ನಡುವೆ ಪಯಣ: ನೇಚರ್ ಸ್ಟೇ ಎಂಬ ಪ್ರವಾಸಿಗರ ಸ್ವರ್ಗ!](https://mobiletime.in/2025/09/a-journey-amidst-nature-a-tourist-paradise-called-nature-stay/): ದಟ್ಟವಾದ ಕಾಡು, ತಂಪಾಗಿ ಬೀಸುವ ಗಾಳಿ, ಜುಳು ಜುಳು ಹರಿಯುವ ಜಲ, ಅಡಿಕೆ ಮರದ ಸಾಲುಗಳನ್ನು ಆಹ್ವಾದಿಸುತ್ತ ಮಲೆನಾಡಿನ ಕುರುಕಲು ತಿಂಡಿ ತಿನ್ನುವ ಮೋಜು ಅನುಭವಿಸಿದವರಿಗೆ ಮಾತ್ರ ಗೊತ್ತು. ಹತ್ತಾರು ಜಲಪಾತ, ಬಗೆ ಬಗೆಯ ಚಾರಣ ಸ್ಥಳ, ಗುಡ್ಡಗಾಡು ಉತ್ಪನ್ನಗಳ ಖರೀದಿ, ಮನಸ್ಸು ಹಾಗೂ ದೇಹಕ್ಕೆ ಮದ ನೀಡುವ ಮಸಾಜ್, ಗುಣಮಟ್ಟದ ಊಟ-ಉಪಹಾರ ಸೇರಿ ಪ್ರವಾಸೋದ್ಯಮದ ಸಂಪೂರ್ಣ ಖುಷಿಪಡೆಯಬೇಕು ಎನ್ನುವವರು ಯಲ್ಲಾಪುರದ Uk Nature Stay‘ಗೆ ಬರಬೇಕು. ಉತ್ತರ ಕನ್ನಡ ಜಿಲ್ಲೆಯ ಪ್ರವಾಸೋದ್ಯಮ ನಕ್ಷೆಗೆ ಯಲ್ಲಾಪುರದ `Uk Nature Stay‘ ಕೊಡುಗೆ ಅಪಾರ. ಒಂದೇ ಸಂಸ್ಥೆಯ ಅಡಿ ಹಲವು ಬಗೆಯ ಪ್ರವಾಸೋದ್ಯಮ ಚಟುವಟಿಕೆಗಳ ಅನುಭೂತಿಪಡೆಯಲು `ಯುಕೆ ನೇಚರ್ ಸ್ಟೇ‘ಗಿಂತ ಉತ್ತಮ ಸ್ಥಳ ಬೇರೆ ಇಲ್ಲ. `ಕಾಡು ಅರಿಯಬೇಕು. ಇಲ್ಲಿನ ವಿಸ್ಮಯಗಳನ್ನು ಕಣ್ತುಂಬಿಕೊಳ್ಳಬೇಕು’ ಎಂದು ಬಯಸಿ ನಿರಂಜನ್ ಭಟ್ಟ ಅವರ ಒಡನಾಟಕ್ಕೆ ಬಂದವರಿಗೆ ಎಂದಿಗೂ ನಷ್ಟವಿಲ್ಲ. ಸ್ನೇಹಮಯ ವ್ಯಕ್ತಿತ್ವ, ಕುಟುಂಬದ ಪ್ರೀತಿ, ಮನೆ ಊಟದ ಸೊಬಗು, ಬಂಧು ಬಳಗದವರಿಂದಲೂ ಕೊಡಲಾಗದ ಆಥಿತ್ಯಕ್ಕೆ ಇಲ್ಲಿ ಎಂದಿಗೂ ಬರವಿಲ್ಲ. `ಪ್ರತಿ ದಿನವೂ ಹೊಸ ದಿನ’ ಎಂಬುದು ಯುಕೆ ನೇಚರ್ ಸ್ಟೇಯಲ್ಲಿನ ಆಯಾಮ. ಹೀಗಾಗಿ ಪ್ರತಿ ಬಾರಿಯೂ ಇಲ್ಲಿ ಹೊಸ ಹೊಸ ವಿಷಯ ಪರಿಚಯಿಸಲಾಗುತ್ತದೆ. ಹೊಸ ಹೊಸ ಯೋಜನೆಗಳನ್ನು ಅನುಷ್ಠಾನಕ್ಕೆ ತರಲಾಗುತ್ತದೆ. ಆಗಮಿಸುವ ಅತಿಥಿಗಳಿಗೆ ವಿಶೇಷವಾದ ನೀರಾ ಕೊಡುವ ಮೂಲಕ ಇಲ್ಲಿನ ಅತಿಥಿ ಸತ್ಕಾರ ಶುರುವಾಗಲಿದ್ದು, ಅವರವರ ಇಚ್ಚೆಗೆ ಅನುಸಾರವಾಗಿ ಊಟ-ಆಟ-ಪಾಠ ನಡೆಯುತ್ತದೆ. ಫೈರ್ ಕ್ಯಾಂಪ್, ಬಾಡಿ ಮಸಾಜ್, ಜಲ ಸಾಹಸ ಚಟುವಟಿಕೆ, ಈಜು-ಮೋಜು, ಇನ್ನಿತರ ಸಾಹಸಿ ಕ್ರೀಡೆಗಳು ಇಲ್ಲಿವೆ. ಸಂಜೆ ವೇಳೆಯ ಮನರಂಜನೆಗಾಗಿ ಯಕ್ಷಗಾನ, ಬುಡಕಟ್ಟು ನೃತ್ಯ ಸೇರಿ ಹಲವು ಸಾಂಪ್ರದಾಯಿಕ ಪದ್ಧತಿ ಜೀವಂತವಾಗಿರಿಸಿಕೊAಡಿದ್ದು ಇಲ್ಲಿನ ವಿಶೇಷ. ಆಯುರ್ವೇದಿಕ್ ಮಸಾಜ್-ಅತ್ಯದ್ಬುತ ಅನುಭವ ಹಳ್ಳಿ ಸೊಬಗಿನ ಉತ್ಪನ್ನ ಮಾರುಕಟ್ಟೆ ವ್ಯವಸ್ಥೆ, ಜೇನು ಕೃಷಿ, ಶಾಲಾ ಮಕ್ಕಳ ಪ್ರವಾಸ, ಅಪರೂಪದ ನೀರಾ ಮಾರಾಟ ಸೇರಿ ಈಗಾಗಲೇ ಹಲವು ಬಗೆಯ ಸೇವೆ ಒದಗಿಸುತ್ತಿರುವ ಯುಕೆ ನೇಚರ್ ಸ್ಟೇ ಸದ್ಯ `ಆಯುರ್ವೇದಿಕ್ ಮಸಾಜ್ ಸೆಂಟರ್’ ತೆರೆದಿದೆ. ಪ್ರತಿಯೊಬ್ಬರಿಗೂ ಕೈಗೆಟಕುವ ದರದಲ್ಲಿ ಅವರ ಆರೋಗ್ಯ ವೃದ್ಧಿಗೆ ಮಸಾಜ್ ಮಾಡಬೇಕು ಎಂಬುದು ನೇಚರ್ ಸ್ಟೇ ಕನಸು. 1200ರೂ ದರದಲ್ಲಿ ನುರಿತ ಸಿಬ್ಬಂದಿ ಮೂಲಕ ಕಾಡಿನ ಸೊಪ್ಪು-ಶಕ್ತಿಯುತ ಬೇರುಗಳ ಎಣ್ಣೆ ಬಳಸಿ ಇಲ್ಲಿ ಮಸಾಜ್ ಮಾಡುತ್ತಿದ್ದಾರೆ. ಪ್ರಾಚೀನ ಕಾಲದ ಪದ್ಧತಿ ಅನುಸರಿಸಿ ಅಪರೂಪದ ಗಿಡ ಮೂಲಿಕೆಗಳಿಂದ ತೆಗೆದ ಎಣ್ಣೆಯಿಂದ ಇಲ್ಲಿ ಮಸಾಜ್ ಮಾಡಲಾಗುತ್ತದೆ. ಸ್ನಾಯುವಿನ ಮೇಲಿನ ಒತ್ತಡ ನಿವಾರಣೆಗಾಗಿ ಪ್ರತಿಯೊಬ್ಬರು ಆಗಾಗ ಮಸಾಜ್ ಪ್ರಕ್ರಿಯೆಗೆ ಒಳಗಾಗುವುದು ಸೂಕ್ತ. ಅದರಲ್ಲಿಯೂ ಮಂಡಿ ನೋವು, ಕೈ-ಕಾಲು ನೋವು, ಬೆನ್ನು ನೋವು ಸಮಸ್ಯೆಯಿಂದ ಬಳಲುತ್ತಿರುವವರಿಗೆ ಈ ಆಯುರ್ವೇದಿಕ್ ಮಸಾಜ್ ಪರಿಣಾಮಕಾರಿ. ದೇಹದಲ್ಲಿರುವ ವಿಷ ಹೋಗಲಾಡಿಸಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವಲ್ಲಿಯೂ ಆಯುರ್ವೇದಿಕ್ ಗಿಡ ಮೂಲಿಕೆಗಳ ಎಣ್ಣೆ ಬಳಸಿ ಮಾಡುವ ಮಸಾಜ್ ಪ್ರಯೋಜನಕರ. ಇಲ್ಲಿ ಮಸಾಜ್ ಮಾಡಿಸಿಕೊಳ್ಳುವುದರಿಂದ ಎಲ್ಲಾ ಅಂಗಾoಗಗಳ ಬಳಿಯಲ್ಲಿನ ಮಾಂಸ-ಖoಡಗಳು ಬಲಗೊಳ್ಳುತ್ತವೆ. ಕೀಲು ನೋವು ಕಡಿಮೆ ಆಗುತ್ತದೆ. ದೇಹದ ಫ್ಲೆಕ್ಸಿಬಿಲಿಟಿ ಅಭಿವೃದ್ಧಿ ಆಗುತ್ತದೆ. ಚರ್ಮದಲ್ಲಿ ಪೌಷ್ಟಿಕಾಂಶಗಳು ಹೆಚ್ಚಾಗುತ್ತವೆ. ದೇಹದ ದುಗ್ಧರಸ ವ್ಯವಸ್ಥೆ ಉತ್ತೇಜಿತಗೊಳ್ಳುತ್ತದೆ. ದೇಹದಲ್ಲಿನ ವಿಷಕಾರಿ ಅಂಶಗಳು ದೂರವಾಗುತ್ತವೆ. ದೇಹದ ತೂಕ ಕಡಿಮೆ ಆಗುತ್ತದೆ. ಕಣ್ಣುಗಳ ನೋವು ಕಡಿಮೆ ಆಗಿ ದೃಷ್ಟಿ ದೋಷ ಸರಿ ಹೋಗುತ್ತದೆ. ರಜೆ ಹಾಗೂ ವಾರಾಂತ್ಯದ ಅವಧಿಯಲ್ಲಿ ಮಸಾಜ್ ಮಾಡಿಸಿಕೊಳ್ಳಲು ಬರುವವರ ಸಂಖ್ಯೆ ಹೆಚ್ಚಿರುವುದರಿಂದ ಮುಂಚಿತವಾಗಿ 9449567673ಗೆ ಫೋನ್ ಮಾಡಿ ಮಾತನಾಡುವುದು ಉತ್ತಮ. ಗ್ಲೋಬಲ್ ಅವಾರ್ಡ 9 ಎಕರೆ ವಿಶಾಲವಾದ ಯುಕೆ ನೇಚರ್ ಸ್ಟೇ ಆವರಣದಲ್ಲಿ ಪರಿಸರ ಸಮತೋಲನ ಕಾಪಾಡಲಾಗಿದೆ. ಹಲವು ಬಗೆಯ ಗಿಡಗಳಿವೆ. ಅದರಲ್ಲಿಯೂ ಮುಖ್ಯವಾಗಿ ಆಯುರ್ವೇದ ಸಸ್ಯಗಳ ಸಂರಕ್ಷಣೆಗೆ ಒತ್ತು ನೀಡಲಾಗಿದೆ. ಪಶ್ಚಿಮ ಘಟ್ಟದ ಮೂಲ ಸಂಸ್ಕೃತಿ ಉಳಿಸಿ ಬೆಳಸಲು ನೆರವಾಗುವ ರೋಸ್‌ವುಡ್, ಸ್ಯಾಂಡಲ್, ಸೀಸಮ್, ಮಾಟಿ, ಹೋಣೆ, ನಂದಿ, ಕೂಕಂ, ಸಂಪಿಗೆ ಮೊದಲ ಗಿಡಗಳನ್ನು ಹಾಗೇ ಉಳಿಸಿಕೊಂಡು ರೆಸಾರ್ಟ ನಿರ್ಮಿಸಲಾಗಿದೆ. ಬಗೆ ಬಗೆಯ ಹಣ್ಣು-ತರಕಾರಿಗಳನ್ನು ಇಲ್ಲಿ ಬೆಳೆಸಲಾಗಿದೆ. 50ರಷ್ಟು ಜೇನು ಗೂಡುಗಳಿದ್ದು, ಅತಿಥಿಗಳಿಗೆ ತಾಜಾ ಜೇನು ತುಪ್ಪದ ಜೊತೆ ಜೇನು ರಕ್ಷಣೆಯ ಪಾಠ ಮಾಡಲಾಗುತ್ತದೆ. ಇನ್ನೂ 150 ಜನ ಒಟ್ಟಿಗೆ ಬಂದರೂ ಇಲ್ಲಿ ಊಟ-ವಸತಿ ಸೌಲಭ್ಯವಿದೆ. ವಿಶ್ವದ ಗಮನಸೆಳೆದ ಸಾತೋಡ್ಡಿ ಜಲಪಾತ, ಮಾಗೋಡು ಜಲಪಾತ, ಯಾಣ ಗುಹೆ, ವಿಭೂತಿ ಜಲಪಾತ, ಶಿವಪುರ ತೂಗು ಸೇತುವೆ, ಸಹಸ್ರಲಿಂಗ ಸೇರಿ ಅನೇಕ ಸ್ಥಳಗಳು ಇಲ್ಲಿಂದ ಹತ್ತಿರ. ನೈಸರ್ಗಿಕ ತಾಣಗಳನ್ನು ಗುರಿಯಾಗಿರಿಸಿಕೊಂಡು ಪ್ರವಾಸಿಗರನ್ನು ಅಲ್ಲಿ ಕರೆದೊಯ್ಯಲಾಗುತ್ತದೆ. ಇಷ್ಟಾರ್ಥ ಸಿದ್ಧಿಗೆ ಪ್ರಸಿದ್ಧಿಪಡೆದ ಗಂಟೆ ಗಣಪತಿ ದೇವಾಲಯ ಸಹ ಇಲ್ಲಿಂದ 1ಕಿ.ಮೀ ದೂರದಲ್ಲಿದೆ. ಹಲವು ಸತ್ವಗಳನ್ನು ಒಳಗೊಂಡ ಸ್ಥಳೀಯ ಗಿಡಮೂಲಿಕೆ ಬಳಸಿ ಸಿದ್ಧಪಡಿಸಿದ ಕಷಾಯ ಸಹ ಯುಕೆ ನೇಚರ್ ಸ್ಟೇ ವಿಶೇಷಗಳಲ್ಲಿ ಒಂದು. ಯುಕೆ ನೇಚರ್ ಸ್ಟೇ ಸಾಧನೆ ಗಮನಿಸಿದ ವಿಶ್ವವಾಣಿ ಪತ್ರಿಕೆ ಈ ರೆಸಾರ್ಟಗೆ `ಗ್ಲೋಬಲ್ ಅಚ್ಯುಮೆಂಟ್ ಅವಾರ್ಡ’ ನೀಡಿ ಗೌರವಿಸಿದೆ. ಇದರೊಂದಿಗೆ ವಿಶ್ವವಾಣಿ ಹಾಗೂ ಲೋಕಧ್ವನಿ ಪತ್ರಿಕೆಯಲ್ಲಿ ನಿರಂಜನ್ ಭಟ್ಟ ಅವರ ಸಾಧನೆಯ ಬಗ್ಗೆ ವಿಶೇಷ ಲೇಖನ ಸಹ ಪ್ರಕಟವಾಗಿದೆ. ಆಯುರ್ವೇದ ಮಸಾಜ್ ಕುರಿತು ಜನ ಹೇಳುವುದೇನು? ವಿಡಿಯೋ ಇಲ್ಲಿ ನೋಡಿ.. #Sponsored
- [`ಸರ್ಕಾರಿ ಸಬ್ಸಿಡಿ ಜೊತೆ ಸುರಕ್ಷಿತ ಯಂತ್ರೋಪಕರಣ'](https://mobiletime.in/2025/09/safe-machinery-with-government-subsidy/): ಆಧುನಿಕ ಕೃಷಿ ಪದ್ಧತಿ ಬಗ್ಗೆ ಆಳವಾದ ಅಧ್ಯಯನ, ಯಂತ್ರ ಬಳಕೆ ಬಗ್ಗೆ ಉಚಿತ ಕಾರ್ಯಾಗಾರ, ಮನೆ ಮನೆಗೆ ತೆರಳಿ ವೈಜ್ಞಾನಿಕ ಮಾಹಿತಿ ಹಾಗೂ ಕೃಷಿ ಯಂತ್ರೋಪಕರಣಗಳ ಸುರಕ್ಷತ ಬಳಕೆ ಬಗ್ಗೆ ರೈತರಲ್ಲಿ ಅರಿವು ಮೂಡಿಸಲು `ಸುರಕ್ಷಾ ಅಗ್ರೋ ಟೆಕ್’ ಶ್ರಮಿಸುತ್ತಿದೆ. ಹುಬ್ಬಳ್ಳಿ ಹಾಗೂ ಬಾಗಲಕೋಟೆಯಲ್ಲಿ ಕೃಷಿ ಯಂತ್ರೋಪಕರಣ ಸೇವೆ ನೀಡುತ್ತಿರುವ ಸುರಕ್ಷಾ ಅಗ್ರೋ ಟೆಕ್ ಇದೀಗ ಯಲ್ಲಾಪುರದಲ್ಲಿಯೂ ತನ್ನ ಶಾಖೆ ತೆರೆದಿದೆ. `ಸುರಕ್ಷಾ ಅಗ್ರೋ ಟೆಕ್’ನಲ್ಲಿ ಖರೀದಿಸುವ ಕೃಷಿ ಯಂತ್ರೋಪಕರಣಗಳಿಗೆ ಸರ್ಕಾರದ ಸಬ್ಸಿಡಿ ಸಿಗುತ್ತದೆ. ಸುರಕ್ಷಾ ಅಗ್ರೋ ಟೆಕ್ ಸ್ವತಃ ಯಂತ್ರೋಪಕರಣಗಳನ್ನು ಉತ್ಪಾದಿಸುವ ಘಟಕವನ್ನು ಹೊಂದಿದ್ದು, ಗುಣಮಟ್ಟದ ವಿಷಯದಲ್ಲಿ ಎಂದಿಗೂ ಇಲ್ಲಿ ರಾಜಿ ಇಲ್ಲ. ಕೃಷಿ ಕಾಯಕಕ್ಕೆ ಅನುಕೂಲವಾಗುವ ಅನೇಕ ಯಂತ್ರೋಪಕರಣಗಳು ಇಲ್ಲಿ ಸಿಗುತ್ತದೆ. ಯಂತ್ರೋಪಕರಣಗಳ ಮಾರಾಟದ ಜೊತೆ ಅದರ ದುರಸ್ಥಿಗೂ ಸಹ ಇಲ್ಲಿ ನುರಿತ ಕೆಲಸಗಾರರಿದ್ದಾರೆ. ಸ್ವತಃ ಕೃಷಿ ಕುಟುಂಬದವರಾಗಿರುವ ಮಂಜುನಾಥ ಎನ್ ಎಚ್ ಅವರು 15 ವರ್ಷಗಳ ಹಿಂದೆ `ಸುರಕ್ಷಾ ಅಗ್ರೋ ಟೆಕ್’ ಎಂಬ ಕಂಪನಿ ಕಟ್ಟಿದರು. ರೈತರ ಹೊಲಗಳಿಗೆ ತೆರಳಿ ಯಂತ್ರೋಪಕರಣಗಳ ಬಗ್ಗೆ ಮಾಹಿತಿ ನೀಡುವುದನ್ನು ಅವರು ರೂಡಿಸಿಕೊಂಡರು. ಮನೆ ಬಾಗಿಲಿನಲ್ಲಿ ಯಂತ್ರಗಳನ್ನು ತೆಗೆದುಕೊಂಡು ಹೋಗಿ ಅದರ ಬಳಕೆಯ ವಿಧಾನಗಳ ಬಗ್ಗೆ ರೈತರಲ್ಲಿ ಅರಿವು ಮೂಡಿಸಿದರು. ಯಂತ್ರಗಳ ಸುರಕ್ಷಿತ ಬಳಕೆ, ಅವುಗಳ ನಿರ್ವಹಣೆ ಹಾಗೂ ಆಧುನಿಕ ಕೃಷಿ ಪದ್ಧತಿ ಮೂಲಕ ಕಡಿಮೆ ಬೆಲೆಯಲ್ಲಿ ಅತ್ಯಧಿಕ ಆದಾಯಪಡೆಯುವ ವಿಧಾನಗಳ ಬಗ್ಗೆ ರೈತರಿಗೆ ಮಾಹಿತಿ ನೀಡಿದರು. ಕೃಷಿ ಸೇವಾ ಮಳಿಗೆಯಲ್ಲಿ ಸ್ವತಃ ದುಡಿಯುವುದರ ಜೊತೆ ಇನ್ನಷ್ಟು ಜನರಿಗೆ ತಮ್ಮ ಕಂಪನಿ ಮೂಲಕ ಉದ್ಯೋಗವನ್ನು ನೀಡಿದರು. ಈ ಶ್ರಮದ ಫಲವಾಗಿ ರೈತರು `ಸುರಕ್ಷಾ ಅಗ್ರೋ ಟೆಕ್’ ಮೇಲೆ ಅಪಾರ ವಿಶ್ವಾಸವಿಟ್ಟರು. ಆ ವಿಶ್ವಾಸಕ್ಕೆ ಎಂದಿಗೂ ಧಕ್ಕೆ ಬಾರದಂತೆ ಕಂಪನಿ ನೌಕರರು ನಡೆದುಕೊಂಡರು. ಈ ನಡುವೆ ಯಂತ್ರೋಪಕರಣ ಖರೀದಿಸಿದ ಕೆಲವರು ಸರ್ಕಾರದಿಂದ ಜಮಾ ಆಗಬೇಕಾದ ಸಬ್ಸಿಡಿಗೆ ಅಲೆದಾಡುತಿರುವುದು ಅಲ್ಲಿನವರ ಗಮನಕ್ಕೆ ಬಂದಿತು. ಆಗ, ಸರ್ಕಾರದಿಂದ ರೈತರ ಬ್ಯಾಂಕ್ ಖಾತೆಗೆ ನೇರ ಸಬ್ಸಿಡಿ ಜಮಾ ಆಗುವ ಹೊಣೆಯನ್ನು ಸುರಕ್ಷಾ ಅಗ್ರೋ ಟೆಕ್ ಸಿಬ್ಬಂದಿವಹಿಸಿಕೊoಡರು. ರೈತರು ಕಚೇರಿಯಿಂದ ಕಚೇರಿಗೆ ಅಲೆಯುವುದನ್ನು ತಪ್ಪಿಸಲು ಯೋಜನೆ ರೂಪಿಸಿದರು. ರೈತರ ಮೂಲಕ ಅಗತ್ಯ ದಾಖಲೆಪಡೆದು ಬಾಂಕ್ ಖಾತೆಗೆ ಸಬ್ಸಿಡಿ ಹಣ ಜಮಾ ಆಗುವಂತೆ ಮಾಡಿದರು. ಇದರೊಂದಿಗೆ ರೈತರ ಮನೆಗೆ ಕೃಷಿ ಯಂತ್ರೋಪಕರಣಗಳನ್ನು ತಲುಪಿಸಿದರು. ರೈತರ ದಾಖಲೆಗಳನ್ನು ಕ್ರಮಬದ್ಧವಾಗಿ ಜೋಡಿಸುವುದರ ಜೊತೆ ಅವರಿಗೆ ಸಬ್ಸಿಡಿ ದೊರೆಯುವಂತೆ ಮಾಡುವ ಕೆಲಸದಲ್ಲಿ ಸುರಕ್ಷಾ ಅಗ್ರೋ ಟೆಕ್ ಸಿಬ್ಬಂದಿ ನೆರವಾಗಿರುವುದು ಸರ್ಕಾರಿ ಅಧಿಕಾರಿಗಳ ಒತ್ತಡವನ್ನು ಕಡಿಮೆ ಮಾಡಿತು. ಹೀಗಾಗಿ ಕೃಷಿ ವಲಯದಲ್ಲಿ ಸುರಕ್ಷಾ ಅಗ್ರೋ ಟೆಕ್ ಸಾಕಷ್ಟು ಜನಪ್ರಿಯತೆಯನ್ನುಪಡೆಯಿತು. ಸದ್ಯ ಆರು ಬಗೆಯ ಕೃಷಿ ಉಪಕಾರಿ ಯಂತ್ರಗಳು ಸುರಕ್ಷಾ ಅಗ್ರೋ ಟೆಕ್ ಕಂಪನಿಯಲ್ಲಿದೆ. ಕರ್ನಾಟಕದಲ್ಲಿಯೇ ಮೊದಲ ಬಾರಿ ಸುರಕ್ಷಾ ಅಗ್ರೋ ಟೆಕ್ ಸಿದ್ಧಪಡಿಸಿದ ಮೂರು ಚಕ್ರದ ಕಳೆ ತೆಗೆಯುವ ಯಂತ್ರ (ಮಿನಿ ಟಾಕ್ಟರ್) ಅತ್ಯಂತ ಪ್ರಸಿದ್ಧಿಪಡೆದಿದೆ. 1ಎಕರೆ ಕ್ಷೇತ್ರದಲ್ಲಿನ ಕಳೆ ತೆಗೆಯಲು 3 ಸಾವಿರ ರೂ ವೆಚ್ಚ ಮಾಡುತ್ತಿರುವ ಜನರ ನಡುವೆ ಈ ಯಂತ್ರ ಬರೇ 100ರೂ ವೆಚ್ಚದಲ್ಲಿ 1 ಎಕರೆಯ ಕಳೆ ತೆಗೆಯುತ್ತದೆ. ಇಲ್ಲಿ ಭೇಟಿ ನೀಡಿ ಸುರಕ್ಷಾ ಆಗ್ರೋ ಟೆಕ್ ಉದ್ಯಮ ನಗರ, ಯಲ್ಲಾಪುರ ಇಲ್ಲಿ ಫೋನ್ ಮಾಡಿ 9449275223 ಅಥವಾ 9108851760  
- [ಕೌಶಲ್ಯವೃದ್ಧಿಗೆ ಆನ್‌ಲೈನ್ ತರಬೇತಿ: ನವೋದಯ ಪ್ರವೇಶಕ್ಕೂ ಇದುವೇ ಸೂಕ್ತ ತರಗತಿ!](https://mobiletime.in/2025/09/online-classes-for-skill-development-decent-training-for-admission-to-prestigious-schools/): `ತಮ್ಮ ಮಕ್ಕಳಿಗೆ ಅತ್ಯುತ್ತಮ ಶಿಕ್ಷಣ ಕೊಡಿಸಬೇಕು. ಪ್ರತಿಷ್ಠಿತ ಶಾಲೆಗಳಲ್ಲಿ ಪ್ರವೇಶ ಪಡೆಯಬೇಕು’ ಎಂಬುದು ಪ್ರತಿಯೊಬ್ಬರ ಪಾಲಕರ ಕನಸು. ಸಾವಿರಾರು ಪಾಲಕರ ಈ ಕನಸು ಈಡೇರಿಸುವುದಕ್ಕಾಗಿ `ಜ್ಞಾನಶ್ರೀ ನವೋದಯ ತರಬೇತಿ ಕೇಂದ್ರ’ ಶ್ರಮಿಸುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಮುಂಡಗೋಡು ಹಾಗೂ ಶಿರಸಿಯಲ್ಲಿ ಶಾಖೆಹೊಂದಿರುವ ಜ್ಞಾನಶ್ರೀ ನವೋದಯ ತರಬೇತಿ ಕೇಂದ್ರವೂ ಆನ್‌ಲೈನ್ ಹಾಗೂ ಆಫ್‌ಲೈನ್ ಮೂಲಕ ಮಕ್ಕಳ ವಿದ್ಯಾರ್ಜನೆಗೆ ನೆರವು ನೀಡುತ್ತಿದೆ. ಶಾಲೆಗೆ ಹೋಗುವ ಪ್ರತಿಯೊಬ್ಬ ಮಗುವು ಬಿಡುವಿನ ವೇಳೆಯಲ್ಲಿ ತರಬೇತಿಪಡೆಯುವಂತೆ ಇಲ್ಲಿ ಸಮಯ ಹೊಂದಾಣಿಕೆ ಮಾಡಲಾಗಿದೆ. ಬೆಳಗ್ಗೆ 6ರಿಂದ 8ಗಂಟೆಯವರೆಗೆ ಹಾಗೂ ಸಂಜೆ 5ರಿಂದ 7ಗಂಟೆಯವರೆಗೆ ಜ್ಞಾನಶ್ರೀ ನವೋದಯ ತರಬೇತಿ ಕೇಂದ್ರದ ತರಬೇತಿ ನಡೆಯುತ್ತದೆ. 3ನೇ ತರಗತಿ ಮೇಲ್ಪಟ್ಟ ಎಲ್ಲಾ ಮಕ್ಕಳು ಇಲ್ಲಿನ ತರಬೇತಿಗೆ ಅರ್ಹರು. ಇಲ್ಲಿ ತರಬೇತಿಪಡೆದ 125ಕ್ಕೂ ಅಧಿಕ ಚಿಣ್ಣರು ಪ್ರತಿಷ್ಠಿತ ನವೋದಯಕ್ಕೆ ಆಯ್ಕೆಯಾಗಿದ್ದಾರೆ. 30ರಷ್ಟು ಮಕ್ಕಳು ಸೈನಿಕ ಶಾಲೆಗೆ ಅರ್ಹತೆಪಡೆದಿದ್ದಾರೆ. 450ಕ್ಕೂ ಅಧಿಕ ಮಕ್ಕಳು ಮುರಾರ್ಜಿ ಶಾಲೆಯ ಪ್ರವೇಶಪಡೆದು ವಿದ್ಯಾರ್ಜನೆಯಲ್ಲಿ ನಿರತರಾಗಿದ್ದಾರೆ. ಸಿಬಿಎಸ್‌ಸಿ ಶಾಲೆಯಲ್ಲಿ ಎಂಟು ವರ್ಷ ಹಾಗೂ ನವೋದಯ ಶಾಲೆಯಲ್ಲಿ ಐದು ವರ್ಷ ಕೆಲಸ ಮಾಡಿದ ಅನುಭವಹೊಂದಿದ ಯೋಗೇಂದ್ರ ರೇವಣಕರ್ ಅವರು ಜ್ಞಾನಶ್ರೀ ನವೋದಯ ತರಬೇತಿ ಕೇಂದ್ರದ ರೂವಾರಿ. ತಮ್ಮ ಅನುಭಗಳ ಆಧಾರದ ಮೇರೆಗೆ 10 ವರ್ಷಗಳ ಹಿಂದೆ ಅವರು ಈ ಸಂಸ್ಥೆ ಸ್ಥಾಪಿಸಿದರು. ಮುಂಡಗೋಡದ ಬಂಕಾಪುರ ರಸ್ತೆಯಲ್ಲಿ ತರಗತಿ ನಡೆಸಿದ ಅವರು ಸದ್ಯ ಹುಬ್ಬಳ್ಳಿ ರಸ್ತೆಯಲ್ಲಿ ಕಚೇರಿ ಹೊಂದಿದ್ದಾರೆ. ಬೇಡಿಕೆ ಹೆಚ್ಚಿದ ಪರಿಣಾಮ ಶಿರಸಿಯಲ್ಲಿ ಸಹ ಶಾಖೆಯೊಂದನ್ನು ಮುನ್ನಡೆಸುತ್ತಿದ್ದಾರೆ. ಪ್ರತಿ ತರಗತಿಗೆ 60 ಜನರಿಗೆ ಮಾತ್ರ ಪ್ರವೇಶ ಕಲ್ಪಿಸಿ, ಪ್ರತಿಯೊಬ್ಬ ವಿದ್ಯಾರ್ಥಿಗಳ ಬಗ್ಗೆ ವೈಯಕ್ತಿಕ ಗಮನವಿರಿಸಿ ಪಾಠ ಮಾಡುವುದು ಇಲ್ಲಿನ ವಿಶೇಷ. ಇನ್ನೂ 3ನೇ ತರಗತಿಗೆ ಪ್ರವೇಶಪಡೆದ ಮಗುವಿಗೆ ಇಲ್ಲಿ ಗಣಿತ ಹಾಗೂ ಇಂಗ್ಲಿಷ್ ಕುರಿತು ಕಲಿಸಲಾಗುತ್ತದೆ. ಅದರೊಂದಿಗೆ ಕಂಪ್ಯುಟರ್ ಸೇರಿ ಅನೇಕ ಬಗೆಯ ಕೌಶಲ್ಯಗಳ ಬಗ್ಗೆ ಪರಿಣಿತಿ ನೀಡಲಾಗುತ್ತದೆ. ಇದಕ್ಕಾಗಿಯೇ 15 ವರ್ಷಕ್ಕೂ ಅಧಿಕ ಅನುಭವವಿರುವ 7 ನುರಿತ ಶಿಕ್ಷಕರು ದುಡಿಯುತ್ತಿದ್ದಾರೆ. ಸ್ಮಾರ್ಟ ಕ್ಲಾಸ್ ಆಧಾರಿತ ಶಿಕ್ಷಣ ಪದ್ಧತಿ ಇಲ್ಲಿದ್ದು, ಮಕ್ಕಳ ಸರ್ವತೋಮುಖ ಅಭಿವೃದ್ಧಿಗೆ ಜ್ಞಾನಶ್ರೀ ನವೋದಯ ತರಬೇತಿ ಕೇಂದ್ರ ಉತ್ತಮ ಆಯ್ಕೆ. ನಿಮ್ಮ ಮಕ್ಕಳನ್ನು ಪ್ರತಿಷ್ಠಿತ ನವೋದಯ ಅಥವಾ ಸೈನಿಕ ಶಾಲೆಗೆ ಕಳುಹಿಸಲು ಇಚ್ಚಿಸುವಿರಾ? ಹಾಗಾದರೆ ಮಗುವಿನ ಕೌಶಲ್ಯ ಅಭಿವೃದ್ಧಿಗಾಗಿ ಜ್ಞಾನಶ್ರೀ ನವೋದಯ ತರಬೇತಿ ಕೇಂದ್ರಕ್ಕೆ ಸೇರಿಸಿ… ಇನ್ನೂ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಫೋನ್ ಮಾಡಿ: 9742235329 #Sponsored
- [ಕರೊನಾ ವೇಳೆ ಕಂಪನಿ ಕಟ್ಟಿದ ಕಥೆ: ಕನಸಿನ ಉದ್ಯೋಗಕ್ಕೆ ಯಶಸ್ಸಿನ ದಾರಿ!](https://mobiletime.in/2025/09/the-story-of-building-a-company-during-corona-the-path-to-success-for-a-dream-job/): ಕೊರೊನಾ ಕಾಲಘಟ್ಟದಲ್ಲಿ ಊರಿಗೆ ಮರಳಿದ ಮೂವರು ಉದ್ಯೋಗ ಕೊಡಿಸುವ ಸಂಸ್ಥೆ ಸ್ಥಾಪಿಸಿದ್ದು, ನಾಲ್ಕು ವರ್ಷದ ಅವಧಿಯಲ್ಲಿ `ಯುವಜಯ ಪೌಂಡೇಶನ್’ 700ಕ್ಕೂ ಅಧಿಕ ನಿರುದ್ಯೋಗಿಗಳಿಗೆ ಬದುಕುವ ದಾರಿ ತೋರಿಸಿದೆ. ಕೊರೊನಾದಂಥಹ ಸಂಕಷ್ಟದ ಅವಧಿಯಲ್ಲಿ ಊರಿಗೆ ಮರಳಿದ 11 ಜನರಿಗೆ ಈ ಸಂಸ್ಥೆಯೇ ಅರೆಕಾಲಿಕ ಉದ್ಯೋಗವನ್ನು ಒದಗಿಸಿದೆ. ಕೊರೊನಾ ಅವಧಿಯಲ್ಲಿ ಅನೇಕ ಕಂಪನಿಗಳು ನಷ್ಟಕ್ಕೆ ಒಳಗಾಗಿದ್ದವು. ಲಕ್ಷಾಂತರ ಜನ ಉದ್ಯೋಗ ಕಳೆದುಕೊಂಡಿದ್ದರು. ಅದಕ್ಕಿಂತ ಮುಖ್ಯವಾಗಿ ಆಗಷ್ಟೇ ಭವಿಷ್ಯದ ಕನಸು ಕಂಡಿದ್ದ ಗ್ರಾಮೀಣ ಪ್ರತಿಭೆಗಳು ಮನೆಯಲ್ಲಿಯೇ ಕಮರಿಹೋಗುವ ಆತಂಕ ಎದುರಿಸುತ್ತಿದ್ದರು. ಸಮಾಜದ ಮುಖ್ಯವಾಹಿನಿಗೆ ಬರಬೇಕಿದ್ದ ಗ್ರಾಮೀಣ ಪದವಿದರರ ಪ್ರತಿಭಾನ್ವೇಶಣೆ ಬಗ್ಗೆ ಚಿಂತಿಸಿದ ಗಿರೀಶ ನಾಗನೂರು ಹಾಗೂ ಕಾರ್ತಿಕ ಹೆಗಡೆ ಒಟ್ಟಾಗಿ ಆ ವೇಳೆ `ಯುವಜಯ ಪೌಂಡೇಶನ್’ ಸ್ಥಾಪಿಸಿದರು. ಗಿರೀಶ ನಾಗನೂರು ಅವರು ಐಟಿ ಕಂಪನಿಯಲ್ಲಿ ಉನ್ನತ ಹುದ್ದೆಯಲ್ಲಿದ್ದರು. ಕಾರ್ತಿಕ ಹೆಗಡೆ ಅವರು ಸ್ವಯಂ ಸೇವಾ ಸಂಸ್ಥೆಯೊoದರಲ್ಲಿ 16 ವರ್ಷದ ಅನುಭವಪಡೆದಿದ್ದರು. ಸ್ನೇಹಿತರೊಬ್ಬರು ಯುವಜಯ ಪೌಂಡೇಶನ್’ಗೆ ಆಧಾರ ಸ್ಥಂಬವಾಗಿದ್ದು, ಈ ಮೂವರು ಸೇರಿ 2021ರ ಮೇ ತಿಂಗಳಿನಿoದ ಗ್ರಾಮೀಣ ಪದವಿಧರರಿಗೆ ಉಚಿತ ತರಬೇತಿ ನೀಡಲು ಶುರು ಮಾಡಿದರು. ಕೊರೊನಾ ಕಾಲಘಟ್ಟದ ಅವಧಿಯಲ್ಲಿ ಆನ್‌ಲೈನ್ ಮೂಲಕ ತರಬೇತಿ ಕೊಟ್ಟ ಯುವಜನ ಪೌಂಡೇಶನ್ ಅದಾದ ಮೇಲೆ ಆಫ್‌ಲೈನ್ ಮೂಲಕವೂ ತರಬೇತಿ ನೀಡುವ ಕಾಯಕ ಮುಂದುವರೆಸಿತು. ಪರಿಣಾಮ ಗ್ರಾಮೀಣ ಭಾಗದ ಪ್ರತಿಭಾನ್ವಿತರು ಪ್ರತಿಷ್ಠಿತ ಕಂಪನಿ ಸೇರಿ ಕನಸಿನ ಉದ್ಯೋಗ ಆರಿಸಿಕೊಂಡರು. `ಗ್ರಾಮೀಣ ಭಾಗದ ಪದವಿದರರಿಗೆ ಉದ್ಯೋಗಕ್ಕಾಗಿ ಎಲ್ಲಿ ಹೋಗಬೇಕು? ಯಾರನ್ನು ಸಂಪರ್ಕಿಸಬೇಕು. ಬೆಂಗಳೂರಿಗೆ ಹೋದರೂ ಅಲ್ಲಿ ಯಾವ ಕಂಪನಿಯನ್ನು ಸಂದರ್ಶಿಸಬೇಕು? ಎಂಬ ಮಾಹಿತಿ ಇರಲಿಲ್ಲ. ಅಂಥವರಿಗೆ ಯೋಗ್ಯ ಮಾರ್ಗದರ್ಶನ ನೀಡುವುದರ ಜೊತೆ ಉದ್ಯೋಗ ನೇಮಕಾತಿಯ ಸಂಪೂರ್ಣ ಮಾಹಿತಿ ನೀಡುವುದಕ್ಕಾಗಿ ಯುವಜನ ಪೌಂಡೇಶನ್ ಶ್ರಮಿಸುತ್ತಿದೆ’ ಎಂದು ಕಾರ್ತಿಕ ಹೆಗಡೆ ವಿವರಿಸಿದರು. ಸದ್ಯ ಶಿರಸಿ, ಚಿತ್ರದುರ್ಗ, ಮುಂಡಗೋಡ ಮೂರು ಕಡೆ ಈ ಸಂಸ್ಥೆಯ ತರಬೇತಿ ನಡೆಯುತ್ತಿದೆ. ಉಡುಪಿಯಲ್ಲಿ ಸಹ ತರಬೇತಿ ಕೇಂದ್ರ ತೆರೆಯುವ ಸಿದ್ಧತೆ ನಡೆದಿದೆ. ಅಂಡಮಾನ್ ನಿಕೋಬಾರ್ ಹಾಗೂ ತಮಿಳುನಾಡಿನವರಿಗೆ ಆನ್‌ಲೈನ್ ಮೂಲಕ ತರಬೇತಿ ನೀಡಿ ಉದ್ಯೋಗವಕಾಶದ ಮಾಹಿತಿ ನೀಡಲಾಗಿದೆ. ಈಗಲೂ ಆನ್‌ಲೈನ್ ಮೂಲಕ ತರಬೇತಿಗೆ ಹಾಜರಾಗುವವರಿಗೆ ಅವಕಾಶ ನೀಡಲಾಗುತ್ತದೆ. ಯುವಜಯ ಪೌಂಡೇಶನ್’ನ ತರಬೇತಿಪಡೆದ ಅಭ್ಯರ್ಥಿಗಳು ಹೇಳುವುದೇನು? ವಿಡಿಯೋ ನೋಡಿ.. ಇನ್ನಷ್ಟು ಮಾಹಿತಿ ಮುಂದೆ ಓದಿ.. ಸದ್ಯ 5 ಸಾವಿರ ರೂಪಾಯಿಗೆ ಎರಡು ತಿಂಗಳ ಕಾಲ ಯುವಜಯ ಪೌಂಡೇಶನ್ ಉದ್ಯೋಗ ನೇಮಕಾತಿ ತರಬೇತಿ ನೀಡುತ್ತದೆ. ಯುವಜಯ ಪೌಂಡೇಶನ್’ನ ತರಬೇತಿಯ ಅವಧಿ ಬೆಳಗ್ಗೆ 10ರಿಂದ 12.30. ಮಧ್ಯಾಹ್ನ ಮಧ್ಯಾಹ್ನ 2ರಿಂದ 4.30. ಬೇರೆ ಬೇರೆ ಊರುಗಳಿಂದ ಆಗಮಿಸುವ ಪುರುಷ ಹಾಗೂ ಮಹಿಳಾ ಅಭ್ಯರ್ಥಿಗಳಿಗೆ ಪ್ರತ್ಯೇಕ ಪಿಜಿ ವ್ಯವಸ್ಥೆಯನ್ನು ಕಲ್ಪಿಸಲಾಗುತ್ತದೆ. ಪ್ರತಿಷ್ಠಿತ ಕಂಪನಿಗಳಲ್ಲಿ ಉದ್ಯೋಗಪಡೆಯಲು ಅಗತ್ಯವಿರುವ ಕೌಶಲ್ಯದ ಬಗ್ಗೆ ಇಲ್ಲಿ ಕಲಿಸಲಾಗುತ್ತದೆ. ಎರಡು ತಿಂಗಳ ತರಬೇತಿ ಮುಗಿಸಿದ ಅಭ್ಯರ್ಥಿಗಳನ್ನು ಬೆಂಗಳೂರಿಗೆ ಕರೆದೊಯ್ದು, ಅಲ್ಲಿ 10ಕ್ಕೂ ಅಧಿಕ ಕಂಪನಿಯ ಸಂದರ್ಶನ ಎದುರಿಸಲು ಯುವಜಯ ಪೌಂಡೇಶನ್ ಪ್ರೇರೇಪಿಸುತ್ತದೆ. ಅಭ್ಯರ್ಥಿಗೆ ಸೂಕ್ತವೆನಿಸುವ ಉದ್ಯೋಗ ಸಿಗುವವರೆಗೂ ಯುವಜಯ ಪೌಂಡೇಶನ್ ಬೆನ್ನೆಲುಬಾಗಿರುತ್ತದೆ. ಸದ್ಯ ಯುವಜಯ ಪೌಂಡೇಶನ್’ನ ತರಬೇತಿಪಡೆದವರು 52ಕ್ಕೂ ಅಧಿಕ ಕಂಪನಿಗಳಲ್ಲಿ ಉದ್ಯೋಗದಲ್ಲಿದ್ದಾರೆ. ಮೊದಲ ಬ್ಯಾಚಿನಲ್ಲಿ ತರಬೇತಿಪಡೆದವರು ಉನ್ನತ ಹುದ್ದೆಯಲ್ಲಿದ್ದಾರೆ. ಸಾಧನೆ ಮಾಡಬೇಕು. ಯೋಗ್ಯ ಉದ್ಯೋಗಪಡೆಯಬೇಕು ಎಂದರೆ ಮೊದಲ ಎರಡು ವರ್ಷ ಕಷ್ಟಪಡಲು ಸಿದ್ಧರರಿರಬೇಕು. ಮೊದಲ ಮೆಟ್ಟಿಲು ಹತ್ತಿದ ನಂತರ ಅವಕಾಶಗಳು ಹುಡುಕಿಬರಲಿದ್ದು, ಆ ನಂತರದ ದುಡಿಮೆ ಸುರಳಿತ’ ಎಂದು ಯುವಜಯ ಪೌಂಡೇಶನ್ ಮೂಲಕ ತರಬೇತಿಪಡೆದು ಉದ್ಯೋಗಪಡೆದ ಗಾಯತ್ರಿ ಅವರು ಅನಿಸಿಕೆ ಹಂಚಿಕೊ0ಡರು. ಸದ್ಯ ಯುವಜಯ ಪೌಂಡೇಶನ್’ನ ತರಬೇತಿಗಾಗಿ ಪ್ರವೇಶ ಶುರುವಾಗಿದೆ. ನಿಮ್ಮಲ್ಲಿರುವ ಕೌಶಲ್ಯ ಹೆಚ್ಚಿಸಿಕೊಂಡು ಕನಸಿನ ಉದ್ಯೋಗಪಡೆಯಲು ಇಲ್ಲಿ ವಾಟ್ಸಪ್ ಮಾಡಿ: 8088549193 #Sponsored    
- [ನಿರುದ್ಯೋಗಿಗಳಿಗೆ ಕೌಶಲ್ಯ ತರಬೇತಿ: ಇಲ್ಲಿ ಕಲಿತವರಿಗೆ ಖಚಿತ ಉದ್ಯೋಗ!](https://mobiletime.in/2025/09/skill-training-for-the-unemployed-guaranteed-employment-for-those-who-learn-here/): ಬಗೆ ಬಗೆಯ ಸಾಮಾಜಿಕ ಚಟುವಟಿಕೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿರುವ ಯಲ್ಲಾಪುರದ ರಂಗ ಸಹ್ಯಾದ್ರಿ ಟ್ರಸ್ಟ್ ನಿರುದ್ಯೋಗಿಗಳಿಗೆ ಕೌಶಲ್ಯ ಅಭಿವೃದ್ಧಿ ತರಬೇತಿಯನ್ನು ನೀಡುತ್ತಿದೆ. ತರಬೇತಿಪಡೆದವರಿಗೆ ಉದ್ಯೋಗ ಒದಗಿಸಿಕೊಡುವ ಜೊತೆ ಸ್ವ ಉದ್ಯೋಗ ಮಾಡುವವರಿಗೂ ಈ ಸಂಸ್ಥೆ ಬೆನ್ನೆಲುಬಾಗಿದೆ. ಯಲ್ಲಾಪುರ ಬಸ್ ನಿಲ್ದಾಣದ ಮೊದಲ ಮಹಡಿಯಲ್ಲಿ ರಂಗ ಸಹ್ಯಾದ್ರಿ ಟ್ರಸ್ಟಿನ ಅಂಗಸ0ಸ್ಥೆ `ಕೆನರಾ ರಿಫ್ರಿಜರೇಷನ್ ಎಸಿ ಟೆಕ್ನಿಶಿಯನ್ ಮತ್ತು ಎಲೆಕ್ಟ್ರಿಕಲ್ ತರಬೇತಿ ಸಂಸ್ಥೆ’ ಕಾರ್ಯನಿರ್ವಹಿಸುತ್ತಿದೆ. ಓದು-ಬರಹ ಬರದವರಿಗೆ ಸಹ ಇಲ್ಲಿ ಕೌಶಲ್ಯ ತರಬೇತಿ ನೀಡಿ, ಅವರವರ ಕುಟುಂಬ ನಡೆಸಲು ಅಗತ್ಯವಿರುವಷ್ಟು ಆದಾಯ ಕಲ್ಪಿಸುತ್ತದೆ. ಅರ್ದಕ್ಕೆ ಓದು ನಿಲ್ಲಿಸಿದವರಿಗೆ ಸಹ ಇಲ್ಲಿ ಕಲಿಕೆಗೆ ಸಾಕಷ್ಟು ಅವಕಾಶಗಳಿದೆ. ಕೆನರಾ ರಿಫ್ರಿಜರೇಷನ್ ಎಸಿ ಟೆಕ್ನಿಶಿಯನ್ ಮತ್ತು ಎಲೆಕ್ಟ್ರಿಕಲ್ ತರಬೇತಿ ಸಂಸ್ಥೆಯಲ್ಲಿ ಸದ್ಯ 6 ತಿಂಗಳ ತರಬೇತಿಯನ್ನು ಸಂಯೋಜಿಸಲಾಗಿದೆ. ಈ ಆರು ತಿಂಗಳ ತರಬೇತಿಯಲ್ಲಿ ಭಾಗವಹಿಸಿದ ಪ್ರತಿಯೊಬ್ಬರಿಗೂ ಸಂಸ್ಥೆಯೇ ಉದ್ಯೋಗ ಕೊಡಿಸುತ್ತದೆ. ವಿದ್ಯುತ್ ಉಪಕರಣಗಳ ಬಗ್ಗೆ ತರಬೇತಿ ನೀಡುವುದು ಈ ಸಂಸ್ಥೆಯ ಮುಖ್ಯ ಕೆಲಸ. ಅದರಲ್ಲಿಯೂ ಮುಖ್ಯವಾಗಿ ಇಲ್ಲಿ ಪ್ರಾಯೋಗಿಕ ತರಬೇತಿ ನೀಡಲಾಗುತ್ತದೆ. ಬೇರೆ ಬೇರೆ ಊರಿನಿಂದ ಬರುವವರಿಗೆ ಸಂಸ್ಥೆಯೇ ಹಾಸ್ಟೇಲ್ ವ್ಯವಸ್ಥೆಯನ್ನು ಮಾಡುತ್ತಿದೆ. 2016ರಲ್ಲಿ ಶುರುವಾದ ಈ ಸಂಸ್ಥೆ ಈವರೆಗೆ ನೂರಾರು ಜನರಿಗೆ ಉದ್ಯೋಗದ ದಾರಿ ತೋರಿದೆ. ಇಲ್ಲಿ ತರಬೇತಿ ಮುಗಿಸಿದವರಿಗೆ ಕನಿಷ್ಟ 24 ಸಾವಿರ ರೂ ವೇತನದ ಉದ್ಯೋಗವನ್ನು ದೊರಕಿಸಿಕೊಡಲಾಗುತ್ತದೆ. ಇನ್ನೂ ಬೇರೆ ಬೇರೆ ಊರುಗಳಿಗೆ ತೆರಳಿ ಉದ್ಯೋಗ ಮಾಡಲು ಮನಸ್ಸಿಲ್ಲದವರಿಗೆ ಸಂಸ್ಥೆಯ ಮೂಲಕವೇ ಸ್ವ ಉದ್ಯೋಗದ ಮಾರ್ಗದರ್ಶನ ನೀಡಲಾಗುತ್ತದೆ. ಊರಿನಲ್ಲಿಯೇ ಉಳಿದು ಟಿವಿ, ಫ್ಯಾನು, ಪ್ರಿಜ್, ಎಸಿ, ಮಿಕ್ಸರ್-ಗ್ರಾಂಡರ್ ದುರಸ್ತಿ ನಡೆಸುವವರಿಗೆ ಈ ಸಂಸ್ಥೆ ಪ್ರೋತ್ಸಾಹ ನೀಡುತ್ತಿದೆ. ಕೆನರಾ ರಿಫ್ರಿಜರೇಷನ್ ಎಸಿ ಟೆಕ್ನಿಶಿಯನ್ ಮತ್ತು ಎಲೆಕ್ಟ್ರಿಕಲ್ ತರಬೇತಿ ಸಂಸ್ಥೆಯಲ್ಲಿ ತರಬೇತಿಪಡೆದ ಅಭ್ಯರ್ಥಿಗಳು ಹೇಳುವುದೇನು? ವಿಡಿಯೋ ನೋಡಿ.. ಇನ್ನಷ್ಟು ವಿಷಯ ಮುಂದೆ ಓದಿ.. ಪ್ರತಿಯೊಬ್ಬರ ಮನೆಯಲ್ಲಿಯೂ ವಿದ್ಯುತ್ ಸಾಮಗ್ರಿಗಳ ಬಳಕೆಯಲ್ಲಿದ್ದು, ಅದರ ದುರಸ್ತಿ ಸೇವೆಯ ಮೂಲಕ ಬದುಕು ಕಟ್ಟಿಕೊಳ್ಳುವವರಿಗಾಗಿ ಕೆನರಾ ರಿಫ್ರಿಜರೇಷನ್ ಎಸಿ ಟೆಕ್ನಿಶಿಯನ್ ಮತ್ತು ಎಲೆಕ್ಟ್ರಿಕಲ್ ತರಬೇತಿ ಸಂಸ್ಥೆ ಶ್ರಮಿಸುತ್ತಿದೆ. ವಿದ್ಯುತ್ ಉಪಕರಣಗಳ ಸುರಕ್ಷಿತ ಬಳಕೆ ವಿಧಾನಗಳೊಂದಿಗೆ ಅವುಗಳ ದುರಸ್ತಿ ಮಾಡುವ ಬಗ್ಗೆ ಕೆನರಾ ರಿಫ್ರಿಜರೇಷನ್ ಎಸಿ ಟೆಕ್ನಿಶಿಯನ್ ಮತ್ತು ಎಲೆಕ್ಟ್ರಿಕಲ್ ತರಬೇತಿ ಸಂಸ್ಥೆ ಮಾಹಿತಿ ನೀಡಿದೆ. ಉದ್ಯೋಗವಿಲ್ಲದೇ ಸಮಸ್ಯೆಯಲ್ಲಿದ್ದ ನನಗೆ ಈ ತರಬೇತಿ ಪಡೆದಿದ್ದರಿಂದ ಯೋಗ್ಯ ಬದುಕು ನನ್ನದಾಗಿದೆ’ ಎಂದು ಕಿರವತ್ತಿಯ ಶಬ್ಬಿರ್ ವಂತಿ ಅನಿಸಿಕೆ ಹಂಚಿಕೊoಡಿದ್ದಾರೆ. ಸದ್ಯ ಕೆನರಾ ರಿಫ್ರಿಜರೇಷನ್ ಎಸಿ ಟೆಕ್ನಿಶಿಯನ್ ಮತ್ತು ಎಲೆಕ್ಟ್ರಿಕಲ್ ತರಬೇತಿ ಸಂಸ್ಥೆಯಲ್ಲಿ ತರಬೇತಿ ಪಡೆಯುವವರಿಗಾಗಿ ಪ್ರವೇಶಾತಿ ಶುರುವಾಗಿದೆ. ಪ್ರತಿ ದಿನ ಬೆಳಗ್ಗೆ 9.30ರಿಂದ ಮಧ್ಯಾಹ್ನ 2.30ರವರೆಗೆ ತರಬೇತಿ ನೀಡಲಾಗುತ್ತದೆ. ಪ್ರವೇಶಾತಿಗೆ ಜೂನ್ 5 ಕೊನೆಯ ದಿನವಾಗಿದ್ದು, ನಿಮ್ಮ ಪ್ರವೇಶ ಕಾಯ್ದಿರಿಸಲು ಇಲ್ಲಿ ಫೋನ್ ಮಾಡಿ: 7795762900 ಅಥವಾ 8088822907 #Sponsored
- [ಸಮಗ್ರ ಶಿಕ್ಷಣ-ಸಂಸ್ಕಾರಯುತ ಶಿಕ್ಷಣ: ಇದುವೇ ಆದಿ ಚುಂಚನಗಿರಿ ಮಠದ ಧ್ಯೇಯ!](https://mobiletime.in/2025/09/comprehensive-education-cultured-education-this-is-the-mission-of-adi-chunchanagiri-math/): ವಿಶ್ವದ ಎಲ್ಲಡೆ ಆಧ್ಯಾತ್ಮ ಚಿಂತನೆ ಪ್ರಸರಿಸುತ್ತಿರುವ ಆದಿ ಚುಂಚನಗಿರಿ ಮಠ ಶೈಕ್ಷಣಿಕ ಕ್ರಾಂತಿಯ ಮೂಲಕ ಜನ-ಜೀವನ ಅಭಿವೃದ್ಧಿಗೆ ಶ್ರಮಿಸುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಕುಮಟಾದ ಮಿರ್ಜಾನಿನಲ್ಲಿಯೂ ಆದಿ ಚುಂಚನಗಿರಿ ಆಡಳಿತಕ್ಕೆ ಒಳಪಟ್ಟ ವಿದ್ಯಾಲಯವಿದೆ. ಇಲ್ಲಿ ಒಂದೇ ಸೂರಿನ ಅಡಿ ಸಮಗ್ರ ಶಿಕ್ಷಣ ನೀಡುತ್ತಿದೆ. ನರ್ಸರಿಯಿಂದ ಪಿಯುಸಿವರೆಗಿನ ಶಿಕ್ಷಣಕ್ಕೆ ಈ ಸಂಸ್ಥೆ ಪ್ರಸಿದ್ಧಿಪಡೆದಿದೆ. ಸಂಸ್ಕಾರಯುತ ಶಿಕ್ಷಣ ನೀಡುವಲ್ಲಿ ಈ ಸಂಸ್ಥೆ ಮುಂಚೂಣಿಯಲ್ಲಿದ್ದು, ಮಕ್ಕಳ ಶ್ರೇಯೋಭಿವೃದ್ಧಿಗಾಗಿ ಆಡಳಿತ ಮಂಡಳಿ ನಿರಂತರವಾಗಿ ದುಡಿಯುತ್ತಿದೆ. ಪ್ರತಿಯೊಬ್ಬರ ಮಾತು ಆಲಿಸುವ ಆಡಳಿತ ವರ್ಗ, ಮೃದು ಮನಸ್ಸಿನ ಸಿಬ್ಬಂದಿ, ನುರಿತ ಶಿಕ್ಷಕರು ಇಲ್ಲಿನ ವಿಶೇಷ. ಸಂಪನ್ಮೂಲ ವ್ಯಕ್ತಿಗಳ ಸಂವಹನಕ್ಕೆ ಈ ಸಂಸ್ಥೆ ಅವಕಾಶ ಕಲ್ಪಿಸಿದ್ದು, ಮಕ್ಕಳ ಆಸಕ್ತಿಗೆ ಅನುಗುಣವಾಗಿ ಅವರನ್ನು ಪ್ರೋತ್ಸಾಹಿಸಲಾಗುತ್ತದೆ. ಇಲ್ಲಿನ ಕಾಲೇಜು ಸ್ಟೇಟ್ ಬೋರ್ಡ ಪಠ್ಯಕ್ರಮ ಅನುಸರಿಸುತ್ತದೆ. ಶಾಲೆಯೂ ಸಿಬಿಎಸ್‌ಸಿ ಆಧಾರಿತ ಶಿಕ್ಷಣ ಪದ್ಧತಿಯನ್ನು ಅಳವಡಿಸಿಕೊಂಡಿದೆ. ಆದಿ ಚುಂಚನಗಿರಿ ಮಠದ ಈ ವಿದ್ಯಾ ಸಂಸ್ಥೆ ಮಕ್ಕಳ ಸರ್ವತೋಮುಖ ಅಭಿವೃದ್ಧಿಗೆ ಶ್ರಮಿಸುತ್ತಿದೆ. ಬಾಲ್ಯದಲ್ಲಿಯೇ ವಿದ್ಯಾರ್ಥಿಗಳಿಗೆ ಸ್ಪರ್ಧಾತ್ಮಕ ಮನೋಭಾವನೆ ಬೆಳೆಸುವ ಪ್ರಯತ್ನವನ್ನು ಈ ಶಿಕ್ಷಣ ಸಂಸ್ಥೆ ಮಾಡುತ್ತದೆ. ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿ ನೀಡಲಾಗುತ್ತದೆ. ವಿದ್ಯಾರ್ಥಿಗಳಿಗೆ ವಸತಿ ಸೌಲಭ್ಯ, ಆರೋಗ್ಯಕರ ಜೀವನಕ್ಕೆ ಅನುಕೂಲಕರ ವ್ಯವಸ್ಥೆಗಳು ಇಲ್ಲಿವೆ. ಆದಿ ಚುಂಚನಗಿರಿ ಶಿಕ್ಷಣ ಸಂಸ್ಥೆಯ ವಿಶೇಷ ಏನು? ವಿಡಿಯೋ ಇಲ್ಲಿ ನೋಡಿ.. https://www.youtube.com/watch?si=SmtPsD6bkVYN7-MZ&v=g–J0spif0o&feature=youtu.be ಗುಣಮಟ್ಟದ ಶಿಕ್ಷಣಕ್ಕೆ ಇಲ್ಲಿ ಒತ್ತು ನೀಡಲಾಗುತ್ತದೆ. ಇಲ್ಲಿ ಕಲಿತ ವಿದ್ಯಾರ್ಥಿಗಳು ಉತ್ತಮ ಪ್ರಜೆಗಳಾಗಿ ರೂಪುಗೊಂಡಿದ್ದು, ದೇಶ-ವಿದೇಶಗಳಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಸದ್ಯ ಕುಮಟಾದ ಮಿರ್ಜಾನಿನಲ್ಲಿರುವ ಶಿಕ್ಷಣ ಸಂಸ್ಥೆಯಲ್ಲಿ ಪ್ರವೇಶಾತಿ ಪ್ರಕ್ರಿಯೆ ಶುರುವಾಗಿದೆ. ನಿಮ್ಮ ಮಕ್ಕಳಿಗೆ ಅತ್ಯುತ್ತಮ ಶಿಕ್ಷಣ ಕೊಡಿಸಲು ಇಲ್ಲಿ ಫೋನ್ ಮಾಡಿ: 990033912 / 8618651938 ಅಥವಾ 8310016454 / 7892602617 / 9901168720 #sponsored
- [ಗ್ರಾಮೀಣ ಮಕ್ಕಳಿಗೂ ಗುಣಮಟ್ಟದ ಶಿಕ್ಷಣ: ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ ಎಲ್ಲಕ್ಕಿಂತ ವಿಭಿನ್ನ!](https://mobiletime.in/2025/09/quality-education-for-rural-children-too-educare-english-medium-school-is-different-from-all-others/): ಗ್ರಾಮೀಣ ಭಾಗದ ಮಕ್ಕಳಿಗೂ ಗುಣಮಟ್ಟದ ಶಿಕ್ಷಣ ಸಿಗಬೇಕು ಎಂಬ ನಿಟ್ಟಿನಲ್ಲಿ ದಾವಣಗೆರೆಯ ಲಕ್ಷ್ಮೀರಂಗನಾಥ ಎಜ್ಯುಕೇಶನ್ ಟ್ರಸ್ಟಿನವರು ಕಾರವಾರದಲ್ಲಿ `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ’ ಸ್ಥಾಪಿಸಿದರು. 2006ರಲ್ಲಿ ಆರು ಮಕ್ಕಳಿಂದ ಶುರುವಾದ ಶಾಲೆಯಲ್ಲಿ ಇದೀಗ 250 ವಿದ್ಯಾರ್ಥಿಗಳು ಕಲಿಯುತ್ತಿದ್ದಾರೆ. ನಗರ ಪ್ರದೇಶದ ಮಕ್ಕಳು ಮಾತ್ರ ಇಂಗ್ಲಿಷ್ ಶಾಲೆಗೆ ಹೋಗುವುದನ್ನು ಕಂಡ ಲಕ್ಷ್ಮೀರಂಗನಾಥ ಎಜ್ಯುಕೇಶನ್ ಟ್ರಸ್ಟಿನ ಸಂಸ್ಥಾಪಕ ಅಧ್ಯಕ್ಷ ಬಿ ಶರಣಪ್ಪ ಅವರು `ಗ್ರಾಮೀಣ ಭಾಗದ ಮಕ್ಕಳನ್ನು ಮುಖ್ಯವಾಹಿನಿಗೆ ತರಬೇಕು’ ಎಂದು ಕನಸು ಕಂಡರು. ಈ ಕನಸು ಈಡೇರಿಕೆಗಾಗಿ ಅವರು ಗ್ರಾಮೀಣ ಮಕ್ಕಳ ಸರ್ವತೋಮುಖ ಅಭಿವೃದ್ಧಿಯ ಹೊಣೆಯನ್ನು ಅವರು `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ’ಯ ಪ್ರಾಚಾರ್ಯೆ ನಾಗರತ್ನ ಅವರಿಗೆವಹಿಸಿದರು. 2006ರಿಂದಲೂ ತಮ್ಮಲ್ಲಿ ಬಂದ ಮಕ್ಕಳಿಗೆ ಸಂಸ್ಕಾರಯುತ ಶಿಕ್ಷಣ ನೀಡಲು `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ’ಯ ಪ್ರಾಚಾರ್ಯೆ ನಾಗರತ್ನ ಅವರು ಶ್ರಮಿಸುತ್ತಿದ್ದಾರೆ. ಸಂಪನ್ಮೂಲ ವ್ಯಕ್ತಿಗಳ ಸಹಕಾರ, ಶಿಕ್ಷಕರ ನಿರಂತರ ಪ್ರಯತ್ನ, ಗುಣಾತ್ಮಕ ಶಿಕ್ಷಣದ ಪ್ರಭಾವದಿಂದ ಶಾಲೆ ಸ್ಥಾಪನೆಯಾದ ವರ್ಷದಿಂದ ಈವರೆಗೂ `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ ಶೇ 100ರ ಫಲಿತಾಂಶ ದಾಖಲಿಸುತ್ತಿದೆ. ಎಲ್ಲಾ ಕಡೆ ಎಸ್‌ಎಸ್‌ಎಲ್‌ಸಿ ನಂತರ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿ ನೀಡಲಾಗುತ್ತದೆ. ಆದರೆ, ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ 6ನೇ ತರಗತಿ ಪ್ರವೇಶಪಡೆದವರಿಗೆ JEE, NEET ಪರೀಕ್ಷೆ ಎದುರಿಸುವ ವಿಧಾನಗಳ ಬಗ್ಗೆ ಕಲಿಸಲಾಗುತ್ತದೆ. ಮಕ್ಕಳಲ್ಲಿ ಆತ್ಮಸ್ಥೈರ್ಯ ಹೆಚ್ಚಿಸಿ, ಅವರನ್ನು ಉತ್ತಮ ಪ್ರಜೆಗಳನ್ನಾಗಿಸಲು ಈ ಶಾಲೆ ನಿತ್ಯವೂ ಶ್ರಮಿಸುತ್ತಿದೆ. ಅದರ ಪರಿಣಾಮವಾಗಿ ಇಲ್ಲಿSSLC ಪರೀಕ್ಷೆ ಎದುರಿಸಿದ ಅನೇಕ ಮಕ್ಕಳು ಪ್ರತಿಷ್ಠಿತ ವಿದ್ಯಾಸಂಸ್ಥೆಗಳಲ್ಲಿ ಮುಂದಿನ ಶಿಕ್ಷಣಕ್ಕಾಗಿ ಆಯ್ಕೆಯಾಗಿದ್ದಾರೆ. ರಾಜ್ಯ-ರಾಷ್ಟ್ರಮಟ್ಟದ ಸ್ಪರ್ಧೆಗಳಲ್ಲಿಯೂ ಇಲ್ಲಿನ ಮಕ್ಕಳು ಸಾಧನೆ ಮಾಡಿದ್ದಾರೆ. ಪಠ್ಯದ ಜೊತೆ ಕರಾಟೆ, ಅಭ್ಯಾಕಾಸ್, ನೃತ್ಯ, ಗಾಯನ ಸೇರಿ ಅನೇಕ ತರಬೇತಿಗಳನ್ನು ಇಲ್ಲಿನ ಮಕ್ಕಳಿಗೆ ನೀಡಲಾಗುತ್ತದೆ. ಅವರವರ ಆಸಕ್ತಿ ಗುರುತಿಸಿ ಅದಕ್ಕೆ ಪ್ರೋತ್ಸಾಹಿಸುವ ನುರಿತ ಶಿಕ್ಷಕರು ಈ ಶಾಲೆಯಲ್ಲಿದ್ದಾರೆ. ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಪ್ರತಿ ಮಗುವಿಗೂ ಕಂಪ್ಯುಟರ್ ಶಿಕ್ಷಣ ಕೊಡಲಾಗುತ್ತದೆ. ಈ ಶಾಲೆಯಲ್ಲಿ ಪ್ರತಿ ಮಗುವಿಗೂ ಕಂಪ್ಯುಟರ್ ಕಲಿಸಲಾಗುತ್ತದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿಯೇ ಮೊದಲ ಸ್ಮಾರ್ಟ ಕ್ಲಾಸ್ ಅಳವಡಿಸಿಕೊಂಡ ಶಾಲೆ ಎಂಬ ಹೆಗ್ಗಳಿಗೆಗೂ ಪಾತ್ರವಾಗಿದೆ. ಈ ಶಾಲೆಯ ಸಾಧನೆ ನೋಡಿದ ಗ್ಲೋಬಲ್ ಎಜುಕ್ರಿವ್ ಸಂಸ್ಥೆಯೂ ಚನೈಯನಲ್ಲಿ ನಡೆದ ಕಾರ್ಯಕ್ರಮದಲ್ಲಿ `ಎಕ್ಸಲೆಂಟ್ ಸ್ಕೂಲ್’ ಎಂಬ ಅವಾರ್ಡ ನೀಡಿದೆ. ಮಕ್ಕಳ ಸುರಕ್ಷತೆಗೆ ಹೆಚ್ಚಿನ ಆದ್ಯತೆ: `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ’ಯ ಬಸ್ಸು ಪ್ರತಿ ದಿನ ಬೆಳಗ್ಗೆ ವಿವಿಧ ಹಳ್ಳಿಗಳಿಗೆ ಸಂಚರಿಸುತ್ತದೆ. ಸುರಕ್ಷಿತವಾಗಿ ಮಕ್ಕಳನ್ನು ಶಾಲಾ ಆವರಣಕ್ಕೆ ಕರೆತರುತ್ತದೆ. ಶಾಲೆ ಮುಗಿದ ನಂತರ ಮಕ್ಕಳನ್ನು ಮತ್ತೆ ಮನೆಗೆ ಬಿಡುವ ಹೊಣೆಯನ್ನು ಈ ಸಂಸ್ಥೆವಹಿಸಿಕೊ0ಡಿದೆ. ಶಾಲೆಯ ಆವರಣದೊಂದಿಗೆ ಸುತ್ತಲು ಸಿಸಿ ಕ್ಯಾಮರಾ ಅಳವಡಿಸಿ ಸುರಕ್ಷತೆಗೆ ಒತ್ತು ನೀಡಲಾಗಿದೆ. ಎಲ್ಲವೂ ಇಲ್ಲೆ! LKG ಪ್ರವೇಶಪಡೆದ ಮಗು SSLC ಮುಗಿಸುವವರೆಗೂ ಇಲ್ಲಿ ಶಿಕ್ಷಣಕ್ಕೆ ಅವಕಾಶವಿದೆ. ಇಲ್ಲಿ ಬೇರೆ ಬೇರೆ ಭಾಗದಿಂದ ಬರುವ ಸಂಪನ್ಮೂಲ ವ್ಯಕ್ತಿಗಳು ಮಕ್ಕಳಿಗೆ ವಿಶೇಷ ಪಾಠ ಮಾಡುತ್ತಾರೆ. ಪ್ರತಿ ವಿದ್ಯಾರ್ಥಿಗೂ ಇಂಗ್ಲೀಷ್ ವಿಷಯವಾಗಿ ಆನ್‌ಲೈನ್ ತರಗತಿಯನ್ನು ನಡೆಸಲಾಗುತ್ತದೆ. ಕೋವಿಡ್ ಸಮಯದಲ್ಲಿ ಸಹ ನಿತ್ಯವೂ ಆನ್‌ಲೈನ್ ಮೂಲಕ ಮಕ್ಕಳನ್ನು ಮಾತನಾಡಿಸಿ ಅವರ ವಿದ್ಯಾಬ್ಯಾಸ, ಆರೋಗ್ಯದ ಬಗ್ಗೆ ಶಿಕ್ಷಕರು ಕಾಳಜಿವಹಿಸಿದ್ದು, ಇಲ್ಲಿನ ಶಿಕ್ಷಕರು ಮಕ್ಕಳ ಜೊತೆ ಭಾವನಾತ್ಮಕವಾಗಿ ಬೆಸೆದುಕೊಂಡಿದ್ದಾರೆ. ಇಲ್ಲಿ ನಡೆಯುವ ರಜಾ ಅವಧಿಯಲ್ಲಿನ ಶಿಬಿರಗಳ ಕ್ರಿಯಾತ್ಮಕ ಚಟುವಟಿಕೆಗಳು ಬೇರೆ ಎಲ್ಲಿಯೂ ಸಿಗದು! ಆರೋಗ್ಯ ಶಿಕ್ಷಣಕ್ಕಾಗಿ ಬೆಬಿ ಅವಾರ್ಡ! ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಈ ವರ್ಷದಿಂದ `ಬೆಬಿ ಅವಾರ್ಡ’ ಎಂಬ ವಿನೂತನ ಯೋಜನೆಯನ್ನು ಜಾರಿಗೆ ತರಲಾಗಿದೆ. ನವಜಾತ ಶಿಶು, ಬಾಣಂತಿ ಹಾಗೂ ಎರಡು ವರ್ಷದೊಳಗಿನ ಮಕ್ಕಳಿಗೆ ಶುಚಿತ್ವ ಹಾಗೂ ಆರೋಗ್ಯದ ಬಗ್ಗೆ ಈ ಯೋಜನೆ ಕಾಳಜಿವಹಿಸುತ್ತದೆ. ಮಕ್ಕಳ ಜೊತೆ ಅವರ ತಾಯಿಗೂ ಆರೋಗ್ಯ ಶಿಕ್ಷಣ ನೀಡಿ, ಮನೆಯ ವಾತಾವರಣವನ್ನು ಶುಚಿತ್ವವಾಗಿರಿಸಿಕೊಳ್ಳುವ ಆಂದೋಲನ ಇದಾಗಿದೆ. ಮಕ್ಕಳ ಶುಚಿತ್ವ ಹಾಗೂ ಆರೋಗ್ಯ ಕಾಪಾಡುವಲ್ಲಿ ಕಾಳಜಿವಹಿಸಿದ 125 ಪಾಲಕರಿಗೆ `ಬೆಬಿ ಅವಾರ್ಡ’ ನೀಡಿ ಗೌರವಿಸಲಾಗುತ್ತದೆ. ಪ್ರವೇಶ ಪ್ರಕಟಣೆ: ಮೌಲ್ಯಾಧಾರಿತ ಶಿಕ್ಷಣದಿಂದ ಪ್ರಸಿದ್ಧಿಪಡೆದ `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ’ಯ ಪ್ರವೇಶಾತಿ ಪ್ರಕಟಣೆ ಹೊರಬಿದ್ದಿದೆ. ನಿಮ್ಮ ಮಕ್ಕಳ ಪ್ರವೇಶ ಪ್ರಕಟಣೆಗಾಗಿ ಇಲ್ಲಿ ಭೇಟಿ ನೀಡಿ.. ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ ಅಮದಳ್ಳಿ, ಕಾರವಾರ ಇಲ್ಲಿ ಫೋನ್ ಮಾಡಿ: 8431251118 ಅಥವಾ 9481914911 Sponsored  
- [ಇಂಗ್ಲೀಷ್ ಎಂದರೆ ಭಯ ಬೇಡ.. ಆಂಗ್ಲ ಕಲಿಗೆ ಇದೀಗ ಇನ್ನಷ್ಟು ಸರಳ!](https://mobiletime.in/2025/09/dont-be-afraid-of-english-learning-english-is-now-even-easier/): ಉದ್ಯೋಗಕ್ಕಾಗಿ ಕೌಶಲ್ಯ ಅಭಿವೃದ್ಧಿಪಡಿಸಿಕೊಳ್ಳುವಲ್ಲಿ ಇಂಗ್ಲೀಷ್ ಅನಿವಾರ್ಯ. ಆತ್ಮಸ್ಥೈರ್ಯ ಹೆಚ್ಚಳದ ಜೊತೆ ಸಂವಹನ ಕೌಶಲ್ಯ, ಬರವಣಿಗೆ, ವೇದಿಕೆಯಲ್ಲಿನ ಮಾತುಗಾರಿಕೆಯನ್ನು ಅಳವಡಿಸಿಕೊಳ್ಳಲು `ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ ಯೋಗ್ಯ ಆಯ್ಕೆ. ಕಾರವಾರದ ಮಾರುತಿ ದೇವಾಲಯದ ಎದುರು ಹೊಸದಾಗಿ ಇಂಗ್ಲಿಷ್ ಕಲಿಕೆಯ ತರಗತಿ ಶುರುವಾಗಿದೆ. ಈಗಾಗಲೇ ದೇಶ-ವಿದೇಶಗಳಲ್ಲಿ ತರಗತಿ ನಡೆಸುತ್ತಿರುವ `ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ ಕಾರವಾರದಲ್ಲಿಯೂ ಶಾಖೆ ತೆರೆದಿದೆ. ಸ್ಪರ್ಧಾತ್ಮಕ ಯುಗದಲ್ಲಿ ಇಂಗ್ಲಿಷ್ ಕಲಿಕೆ ಅನಿವಾರ್ಯವಾಗಿರುವುದನ್ನು ಮನಗಂಡು ಕಾರವಾರದಲ್ಲಿ ಏಪ್ರಿಲ್ 1ರಿಂದ `ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ನ ತರಗತಿ ನಡೆಸಲಾಗುತ್ತಿದೆ. ಆನ್‌ಲೈನ್ ಜೊತೆ ಇದೇ ಮೊದಲ ಬಾರಿ ಆಫ್‌ಲೈನ್ ಮೂಲಕವೂ ಇಲ್ಲಿ ಕಲಿಕೆಗೆ ಅವಕಾಶವಿದೆ. ಆಂಗ್ಲ ಭಾಷೆಯಲ್ಲಿ ಪ್ರಭುತ್ವ ಸಾಧಿಸಿರುವ ಪ್ಯಾಟ್ರಿಷಿಯ ಅಗಸ್ಥಿನ್ ಅವರು `ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ನ ರೂವಾರಿ. ಹುಬ್ಬಳ್ಳಿಯ ಸಿಬಿಎಸ್‌ಸಿ ಶಾಲೆ, ಕಾರವಾರದ ಕೇಂದ್ರೀಯ ವಿದ್ಯಾಲಯ ಹಾಗೂ ನೇವಿಯ ಕೇಂದ್ರಿಯ ವಿದ್ಯಾಲಯದಲ್ಲಿಯೂ ಪ್ಯಾಟ್ರಿಷಿಯ ಅಗಸ್ಥಿನ್ ಅವರು ಶಿಕ್ಷಕಿಯಾಗಿ ಸೇವೆ ಸಲ್ಲಿಸಿದ್ದಾರೆ. 10 ವರ್ಷದ ಅನುಭವದ ನಂತರ 2024ರ ಏಪ್ರಿಲ್’ನಲ್ಲಿ ಆನ್‌ಲೈನ್ ಇಂಗ್ಲಿಷ್ ತರಬೇತಿ ಶುರು ಮಾಡಿದ ಅವರು ಈವರೆಗೆ 400ಕ್ಕೂ ಅಧಿಕ ಜನರಿಗೆ ಇಂಗ್ಲಿಷ್ ಹೇಳಿಕೊಟ್ಟಿದ್ದಾರೆ. ದೇಶದ ನಾನಾ ಭಾಗಗಳಲ್ಲಿ `ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ ತರಗತಿ ನಡೆಸುತ್ತಿದೆ. ಜೊತೆಗೆ ಬಾಂಗ್ಲಾದೇಶ, ಅಮೇರಿಕಾ, ಅರಬ್ ದೇಶಗಳಲ್ಲಿಯೂ `ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ನ ಶಾಖೆಗಳಿವೆ. ಒಟ್ಟು 17 ಶಾಖೆಗಳಲ್ಲಿ ತರಗತಿ ನಡೆಯುತ್ತಿದೆ. ಪ್ರತಿಯೊಬ್ಬ ಅಭ್ಯರ್ಥಿಯ ಬಗ್ಗೆ ವೈಯಕ್ತಿಕ ಗಮನಹರಿಸಿ ಸಂವಹನ ನಡೆಸುವುದು ಈ ತರಗತಿಯ ವಿಶೇಷ. ಇಂಗ್ಲಿಷ್ ಬರವಣಿಗೆ, ಮಾತುಗಾರಿಕೆ ಜೊತೆ ಅನೇಕ ಕೌಶಲ್ಯಗಳ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗುತ್ತದೆ. ಇಷ್ಟು ದಿನಗಳ ಕಾಲ ಆನ್‌ಲೈನ್ ಮೂಲಕ ಮಾತ್ರ ತರಗತಿ ನಡೆಸುತ್ತಿದ್ದ `ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ ಇದೇ ಮೊದಲ ಬಾರಿಗೆ ಆಫ್‌ಲೈನ್ ತರಗತಿಗೆ ಸಿದ್ಧಗೊಂಡಿದೆ. ಖುದ್ದು ತರಗತಿಗೆ ಹಾಜರಾಗಲು ಸಾಧ್ಯವಾಗದವರಿಗೆ ಮೊದಲಿನಂತೆ ಆನ್‌ಲೈನ್ ತರಗತಿಗಳು ಸಹ ನಡೆಯಲಿದೆ. `ಕಲಿಕೆಗೆ ವಯಸ್ಸಿನ ಮಿತಿ ಇಲ್ಲ’ ಎಂಬುದನ್ನು ಒತ್ತಿ ಹೇಳುವ ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್’ನ ಶಿಕ್ಷಕರು ಮನೆಯಲ್ಲಿಯೇ ಕುಳಿತು ಮಹಿಳೆಯರು ಸಹ ಆನ್‌ಲೈನ್ ಮೂಲಕ ತರಗತಿಗೆ ಹಾಜರಾಗುವ ಅವಕಾಶ ಕಲ್ಪಿಸಿದ್ದಾರೆ. ಮಕ್ಕಳ ಪರಿಪೂರ್ಣ ವ್ಯಕ್ತಿತ್ವ ವಿಕಸನಕ್ಕೆ ಅನುಕೂಲವಾಗುವಂತೆ ಇಲ್ಲಿ ಭಾಷಾ ಕಲಿಕೆ ಸಾಧ್ಯವಿದೆ. ಪ್ರತಿ ಅಭ್ಯರ್ಥಿಗೂ ABCDಯಿಂದ ಹಿಡಿದು ವೇದಿಕೆಯಲ್ಲಿ ಭಾಷಣ ಮಾಡುವವರೆಗೆ ತರಬೇತಿ ನೀಡಲಾಗುತ್ತದೆ. ಸದ್ಯ ಎರಡು ತಿಂಗಳ ಕಾಲ ಆಫ್‌ಲೈನ್ ತರಗತಿಗೆ ಚಾಲನೆ ದೊರೆಯುತ್ತಿದೆ. ಪ್ರತಿಯೊಬ್ಬರಿಗೂ ಡಿಜಿಟಲ್ ಕೈಪಿಡಿ ನೀಡಿ ಮಾಹಿತಿ ಒದಗಿಸಲಾಗುತ್ತದೆ. ಇಂಗ್ಲಿಷ್ ಕಲಿಕೆಯ ಇನ್ನಷ್ಟು ಮಾಹಿತಿ ಹಾಗೂ ಪ್ರವೇಶಕ್ಕಾಗಿ ಇಲ್ಲಿ ಭೇಟಿ ಕೊಡಿ: ಪ್ಯಾಟ್ಸ್ ಇಂಗ್ಲಿಷ್ ಕ್ಲಾಸ್ ಮಾರುತಿ ದೇವಸ್ಥಾನ ಎದುರು ಕಾರವಾರ ಅಥವಾ ಇಲ್ಲಿ ಫೋನ್ ಮಾಡಿ: 9663628981 Sponsored
- [ಬೇಸಿಗೆ ಶಿಬಿರ: ಇಲ್ಲಿ ಬಂದರೆ ಅಜ್ಜಿ ಮನೆಗೆ ಬಂದ ಅನುಭವ!](https://mobiletime.in/2025/09/summer-camp-coming-here-feels-like-coming-home-to-grandma/): ಕಳೆದ 8 ವರ್ಷಗಳಿಂದ ಪ್ರೋಪಾತ್ ಅಕಾಡೆಮಿಯವರು ಯಲ್ಲಾಪುರ ಬಸ್ ನಿಲ್ದಾಣದ ಮೊದಲ ಮಳಿಗೆಯಲ್ಲಿ ಬೇಸಿಗೆ ಶಿಬಿರ ಆಯೋಜಿಸುತ್ತಿದ್ದಾರೆ. 2025ರ ಏಪ್ರಿಲ್ 1ರಿಂದ ಈ ವರ್ಷದ ಶಿಬಿರ ಶುರುವಾಗಲಿದ್ದು, ಈ ಶಿಬಿರ ಮಕ್ಕಳಿಗೆ ಅಜ್ಜಿ ಮನೆಯ ಅನುಭವ ನೀಡುತ್ತದೆ. 4 ವರ್ಷದಿಂದ 16 ವರ್ಷದ ಮಕ್ಕಳಿಗಾಗಿ ಪ್ರೋಪಾತ ಅಕಡೆಮಿಯವರು ಶಿಬಿರ ಆಯೋಜಿಸುತ್ತ ಬಂದಿದ್ದಾರೆ. ಯೋಗ, ನೀತಿ ಕಥೆ, ಶುಚಿತ್ವದ ಅರಿವು, ಇಂಗ್ಲಿಷ್ ಕಲಿಕೆ, ಅಬಾಕಸ್, ನೃತ್ಯ, ಚಿತ್ರಕಲೆ, ಚೆಸ್, ಕೇರಂ, ಹಾಡುಗಾರಿಕೆ, ಶ್ಲೋಕ ಪಠಣ, ರಂಗೋಲಿ ಕಲಿಕೆ ಸೇರಿ ಹಲವು ವಿಷಯಗಳನ್ನು ಮಕ್ಕಳಿಗೆ ಕಲಿಸಲಾಗುತ್ತದೆ. ಶಿಬಿರದ ಪ್ರವೇಶಕ್ಕೆ 1 ಸಾವಿರ ರೂ ಶುಲ್ಕವಿದ್ದು, ರಿಕ್ಷಾ-ಗೂಡ್ಸ-ಟಾಕ್ಸಿ ಚಾಲಕರ ಮಕ್ಕಳಿಗೆ ಶೇ 50ರಷ್ಟು ರಿಯಾಯತಿ ಘೋಷಿಸಲಾಗಿದೆ. ಇದರೊಂದಿಗೆ ಗ್ರಾಮೀಣ ಭಾಗದ ಮಕ್ಕಳು, ಒಂದೇ ಮನೆಯಿಂದ ಬರುವ ಎರಡು ಮಕ್ಕಳಿಗೂ ಪ್ರವೇಶ ಶುಲ್ಕದಲ್ಲಿ ವಿಶೇಷ ವಿನಾಯಿತಿ ನೀಡಲಾಗುತ್ತದೆ. ಪ್ರೋಪಾತ್ ಅಕಾಡೆಮಿಯವರು ಸ್ವರ್ಣ ಟ್ಯೂಶನ್ ಕ್ಲಾಸೆಸ್ ಯಲ್ಲಾಪುರ ಬಸ್ ನಿಲ್ದಾಣದ ಮೊದಲ ಮಹಡಿಯಲ್ಲಿ ವರ್ಷವೀಡಿ ವಿವಿಧ ಚಟುವಟಿಕೆ ಆಯೋಜಿಸುತ್ತಾರೆ. ಇಲ್ಲಿ ನಿರಂತರ ಅಬಾಕಾಸ್ ತರಬೇತಿ ನಡೆಯುತ್ತಿದ್ದು, ಬೇಸಿಗೆ ರಜೆಯ ಅವಧಿಯಲ್ಲಿ ವಿಶೇಷ ಶಿಬಿರ ನಡೆಸಲಾಗುತ್ತದೆ. ಬೆಂಕಿ ಇಲ್ಲದೇ ಅಡುಗೆ ಮಾಡುವುದನ್ನು ಸೇರಿ ತುರ್ತು ಸನ್ನಿವೇಶಗಳನ್ನು ಎದುರಿಸುವಿಕೆಯ ಬಗ್ಗೆ ಮಕ್ಕಳಿಗೆ ಇಲ್ಲಿ ಪ್ರಾಯೋಗಿಕ ಮಾಹಿತಿ ನೀಡಲಾಗುತ್ತದೆ. ಪ್ರತಿ ವರ್ಷ 100ಕ್ಕೂ ಅಧಿಕ ಮಕ್ಕಳು ಶಿಬಿರದಲ್ಲಿ ಭಾಗವಹಿಸುತ್ತಿದ್ದು, ಸಂಪನ್ಮೂಲ ವ್ಯಕ್ತಿಗಳು ಅವರಿಗೆ ವಿಶೇಷ ತರಬೇತಿ ನೀಡುತ್ತಿದ್ದಾರೆ. ಜ್ಯೋತಿ ಸಂತೋಷ ನಾಯ್ಕ ಹಾಗೂ ಸಂತೋಷ ನಾರಾಯಣ ನಾಯ್ಕ ಈ ಶಿಬಿರದ ರೂವಾರಿ. ಸಂಧ್ಯಾ ಭಟ್ಟ ಅವರು ಇಂಗ್ಲಿಷ್ ಕಲಿಕೆಯ ಹೊಣೆ ಹೊತ್ತಿದ್ದಾರೆ. ಸುಮಂಗಲಾ ಕಲ್ಮಠ ಅವರು ಯೋಗ ತರಬೇತಿ ನಡೆಸಿಕೊಡುತ್ತಾರೆ. ಅನಂತ ಗುನಗಾ ಅವರು ಚಿತ್ರಕಲೆಯ ಕುರಿತು ಮಕ್ಕಳಲ್ಲಿ ಆಸಕ್ತಿ ಹುಟ್ಟಿಸುತ್ತಾರೆ. ಹುಬ್ಬಳ್ಳಿಯ ಸಂಜನಾ ಆಚಾರ್ಯ ಹಾಗೂ ಅಮಯ್ ಖಾನಾಪುರಕುರ ಅವರು ನೃತ್ಯವನ್ನು ಕಲಿಸುತ್ತಾರೆ. ಬೆಂಕಿ ಇಲ್ಲದೇ ಅಡುಗೆ ಮಾಡುವ ವಿಧಾನದ ಬಗ್ಗೆ ರೂಪಾ ಪಾಠಣಕರ್ ಪ್ರಾಯೋಗಿಕ ತರಗತಿ ನಡೆಸುತ್ತಾರೆ. ಮಹೆಕ್ ಅವರು ಮೆಹಂದಿ ಹಾಗೂ ರಂಗೋಲಿ ತರಬೇತಿ ನೀಡುತ್ತಾರೆ. ಇನ್ನೂ ಪ್ರತಿ ವಾರ ಸಂಪನ್ಮೂಲ ವ್ಯಕ್ತಿಗಳು ಆಗಮಿಸಿ ವಿವಿಧ ತರಬೇತಿ ನೀಡುತ್ತಾರೆ. ಈ ಮೊದಲು ಡಾ ಸೌಮ್ಯ ಹಾಗೂ ಡಾ ಸುಚೇತಾ ಮದ್ಗುಣಿ ಅವರು ಆಗಮಿಸಿ ಮಕ್ಕಳಿಗೆ ಶುಚಿತ್ವ, ಆರೋಗ್ಯದ ಬಗ್ಗೆ ಅರಿವು ಮೂಡಿಸಿದ್ದರು. ಹಿರಿಯ ಪೊಲೀಸ್ ಅಧಿಕಾರಿಗಳು ಸಹ ಈ ಶಿಬಿರಕ್ಕೆ ಬಂದು ಕಾಯ್ದೆ-ಕಾನೂನುಗಳ ಬಗ್ಗೆ ಪಾಠ ಮಾಡುತ್ತಾರೆ. ಮಕ್ಕಳಿಗೆ ಒಂದು ದಿನದ ಪ್ರವಾಸ ಹಾಗೂ ಪಾಲಕರಿಗೆ ವಿವಿಧ ಆಟದ ಸ್ಪರ್ಧೆಯಿರುವುದು ಈ ಶಿಬಿರದ ಇನ್ನೊಂದು ವಿಶೇಷ. ಪ್ರತಿ ದಿನ ಬೆಳಗ್ಗೆ 10ಗಂಟೆಯಿoದ ಮಧ್ಯಾಹ್ನ 1.30ರವರೆಗೆ ಶಿಬಿರ ನಡೆಯಲಿದೆ. ಗುರುಹಿರಿಯರ ಬಗ್ಗೆ ಮಕ್ಕಳಲ್ಲಿ ಗೌರವ ಮೂಡಿಸುವ ಉದ್ದೇಶದಿಂದ ಮಾತೃ ವಂದನಾ ಕಾರ್ಯಕ್ರಮವನ್ನು ಆಯೋಜಿಸಲಾಗುತ್ತದೆ. ಈ ಶಿಬಿರಕ್ಕೆ ನಿಮ್ಮ ಮಕ್ಕಳನ್ನು ಸೇರಿಸಲು ಇಲ್ಲಿ ಫೋನ್ ಮಾಡಿ: 7619517880, 7892236019 ಅಥವಾ 7019900957 Sponsored
- [ಉತ್ತಮ ಭವಿಷ್ಯಕ್ಕಾಗಿ ಆರೋಗ್ಯಕರ ಶಿಕ್ಷಣ: ವೈದ್ಯರ ಕನಸು ನನಸು ಮಾಡಿದ ಕೆನರಾ ಎಕ್ಸಲೆನ್ಸ್ ಕಾಲೇಜು!](https://mobiletime.in/2025/09/healthy-education-for-a-better-future-canara-excellence-college-makes-a-doctors-dream-come-true/): ಆರೋಗ್ಯ ಕ್ಷೇತ್ರಕ್ಕೆ ದೊಡ್ಡ ಪ್ರಮಾಣದಲ್ಲಿ ಕೊಡುಗೆ ನೀಡಿರುವ ಡಾ ಜಿ ಜಿ ಹೆಗಡೆ ಅವರು `ಗುಣಮಟ್ಟದ ಶಿಕ್ಷಣದಿಂದ ಮಾತ್ರ ಬದಲಾವಣೆ ಸಾಧ್ಯ’ ಎಂದು ಪ್ರತಿಪಾದಿಸಿದವರು. ಈ ಹಿನ್ನಲೆ ಅವರು ಕುಮಟಾದ ಗೋರೆಯಲ್ಲಿ ಕೆನರಾ ಎಕ್ಸಲೆನ್ಸ್ ಕಾಲೇಜು ಶುರು ಮಾಡಿದರು. ನೂರಾರು ವಿದ್ಯಾರ್ಥಿಗಳ ಭವಿಷ್ಯ ರೂಪಿಸಿದ ಆ ಕಾಲೇಜು ಮೂರು ವರ್ಷದೊಳಗೆ ದೊಡ್ಡ ಹೆಮ್ಮರವಾಗಿ ಬೆಳೆದಿದೆ. ಮೌಲ್ಯಾಧಾರಿತ ಶಿಕ್ಷಣದ ಜೊತೆ ಸಂಸ್ಕಾರವನ್ನು ಕಲಿಸಿಕೊಡುವಲ್ಲಿ ಕೆನರಾ ಎಕ್ಸಲೆನ್ಸ್ ಕಾಲೇಜು ಮೊದಲ ಪಂಕ್ತಿಯಲ್ಲಿದೆ. ಪಠ್ಯದ ಜೊತೆ ಕ್ರೀಡೆ, ಸಾಂಸ್ಕೃತಿಕ ಚಟುವಟಿಕೆ ಸೇರಿ ನಾನಾ ವಿಭಾಗಗಳಲ್ಲಿ ಇಲ್ಲಿನ ಮಕ್ಕಳು ಸಾಕಷ್ಟು ಸಾಧನೆ ಮಾಡಿದ್ದಾರೆ. ಪ್ರತಿ ವಿಷಯದಲ್ಲಿಯೂ ಅತ್ಯಂತ ಪ್ರಬುದ್ಧತೆಯನ್ನು ಹೊಂದಿದ ಉಪನ್ಯಾಸಕರು, ಸೌಜನ್ಯದಿಂದ ವರ್ತಿಸುವ ಸಿಬ್ಬಂದಿ ಈ ಕಾಲೇಜಿನ ಯಶಸ್ಸಿಗೆ ಮೂಲ ಕಾರಣ. ಉತ್ತರ ಕನ್ನಡ ಜಿಲ್ಲೆಯೆಂದರೆ ನಿಸರ್ಗ ರಮಣೀಯ ತಾಣ. ಅದರಲ್ಲಿಯೂ ಕರಾವಳಿಯ ಸಮುದ್ರ ಹಾಗೂ ಮಲೆನಾಡಿನ ಬೆಟ್ಟ ಗುಡ್ಡಗಳನ್ನು ಹೊಂದಿದ ಕುಮಟಾ ಪ್ರಕೃತಿ ಆರಾಧಕರ ತವರೂರು. ಅಲ್ಲಿನ ಗೋರೆ ಗುಡ್ಡ ಶ್ರೀ ಗೋಪಾಲಕೃಷ್ಣ ದೇವರ ಆರಾಧ್ಯ ಕ್ಷೇತ್ರ. ಇಂಥ ಪರಿಸರದಲ್ಲಿ ಪಡೆದ ಶಿಕ್ಷಣ ವಿದ್ಯಾರ್ಥಿಗಳ ಪಾಲಿಗೆ ಎಂದಿಗೂ ಮರೆಲಾಗದ ಅನುಭೂತಿ ನೀಡುವುದು ಸಹಜ. ಹೀಗಾಗಿ ರಾಜ್ಯದ ನಾನಾ ಭಾಗಗಳಿಂದ ವಿದ್ಯಾರ್ಥಿಗಳು ಶಿಕ್ಷಣ ಅರೆಸಿ ಇಲ್ಲಿಗೆ ಬರುತ್ತಾರೆ. ಹೀಗೆ ಬರುವ ಪ್ರತಿ ವಿದ್ಯಾರ್ಥಿಯ ಬಗ್ಗೆಯೂ ವೈಯಕ್ತಿಕ ಕಾಳಜಿವಹಿಸಿ ಅವರಿಗೆ ಜ್ಞಾನಧಾರೆಯೆರೆಯುವುದರಲ್ಲಿ ಕೆನರಾ ಎಕ್ಸಲೆನ್ಸ್ ಕಾಲೇಜು ಆಡಳಿತ ಮಂಡಳಿ ಶ್ರಮಿಸುತ್ತಿದೆ. ಕೆನರಾ ಎಕ್ಸಲೆನ್ಸ್ ಪಿಯು ಕಾಲೇಜು ಸ್ಥಾಪನೆಯಾದ 2021ರ ಅಕ್ಟೋಬರ್ 1ರ ದಿನ ಶಿಕ್ಷಣ ಕ್ಷೇತ್ರಕ್ಕೆ ಹೊಸ ಮೈಲುಗಲ್ಲು. ವಿಜ್ಞಾನ ಹಾಗೂ ವಾಣಿಜ್ಯ ವಿಭಾಗದ ಜೊತೆ ಎರಡು ವರ್ಷ NEET, JEE, CET, CA, CS ಫೌಂಡೇಶನ್ ಮುಂತಾದ ಸ್ಪರ್ಧಾತ್ಮಕ ಪರೀಕ್ಷೆಗಳ ತರಬೇತಿ ಕೇಂದ್ರವನ್ನು ಸಹ ಈ ಕಾಲೇಜಿನಲ್ಲಿ ಸ್ಥಾಪಿಸಲಾಗಿದೆ. ವಿಶೇಷ ಪರಿಣತಿಪಡೆದಿರುವ ನುರಿತ ತಜ್ಞರು ಈ ಕಾಲೇಜಿಗೆ ಆಗಮಿಸಿ ವಿವಿಧ ಪರೀಕ್ಷೆಗಳನ್ನು ಎದುರಿಸಲು ವಿದ್ಯಾರ್ಥಿಗಳನ್ನು ಪ್ರೇರೇಪಿಸುತ್ತಾರೆ. ಅಗತ್ಯ ತರಬೇತಿಯನ್ನು ನೀಡಿ ಪ್ರೋತ್ಸಾಹಿಸುತ್ತಾರೆ. ವಿದ್ಯಾರ್ಥಿಗಳ ಸಂಪೂರ್ಣ ವ್ಯಕ್ತಿತ್ವ ವಿಕಸನಕ್ಕೆ ಅಗತ್ಯವಿರುವ ಯೋಗ, ಧ್ಯಾನ, ಪ್ರಾಣಾಯಾಮ, ಭಜನೆ, ಶ್ಲೋಕ, ಭಗವದ್ಗೀತಾ ಪಠಣಗಳಿಗೂ ಈ ಕಾಲೇಜು ಒತ್ತು ನೀಡಿದೆ. ಶ್ರೀ ಜಿ ಎನ್ ಹೆಗಡೆ ಟ್ರಸ್ಟ್ (ರಿ) ಅಡಿ ನಡೆಯುತ್ತಿರುವ ಈ ಕಾಲೇಜಿನಲ್ಲಿ ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ವಸತಿ ವ್ಯವಸ್ಥೆಯಿದೆ. ಶುದ್ಧ ಸಾತ್ವಿಕ ಆಹಾರವನ್ನು ಮಕ್ಕಳಿಗೆ ಉಣಬಡಿಸಲಾಗುತ್ತದೆ. ಸ್ವತಃ ವೈದ್ಯರಾಗಿರುವ ಕಾರಣ ಡಾ ಜಿ ಜಿ ಹೆಗಡೆ ಅವರು ಪ್ರತಿ ಮಕ್ಕಳ ಆರೋಗ್ಯದ ಬಗ್ಗೆ ಅಪಾರ ಕಾಳಜಿಹೊಂದಿದ್ದು, ಗುಣಮಟ್ಟದ ಶಿಕ್ಷಣದ ಜೊತೆ ವಿದ್ಯಾರ್ಥಿಗಳ ಆರೋಗ್ಯದ ವಿಷಯದಲ್ಲಿ ಇಲ್ಲಿ ಎಂದಿಗೂ ರಾಜಿ ಮಾಡಿಕೊಳ್ಳುವವರಿಲ್ಲ. `ಜ್ಞಾನವೆಂದರೆ ಶಾಸ್ತ್ರ ಮತ್ತು ಆಚಾರ್ಯೋಪದೇಶದಿಂದ ಉಂಟಾಗುವ ಆತ್ಮ ತತ್ವದ ತಿಳುವಳಿಕೆ. ಅಂಥ ಜ್ಞಾನ, ಶಿಕ್ಷಣ ಹಾಗೂ ಸಂಸ್ಕಾರದ ಜೊತೆ ದೊರೆತಾಗ ವಿದ್ಯಾರ್ಥಿಗಳ ವ್ಯಕ್ತಿತ್ವ ಅತ್ಯುತ್ತಮವಾಗಿ ರೂಪುಗೊಳ್ಳುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಈ ನಿಟ್ಟಿನಲ್ಲಿ ಕುಮಟಾದ ಗೋರೆಯ ಕೆನರಾ ಎಕ್ಸಲೆನ್ಸ್ ಕಾಲೇಜು ವಿದ್ಯಾರ್ಥಿಗಳ ಸರ್ವತೋಮುಖ ಅಭಿವೃದ್ಧಿಗೆ ಬದ್ಧವಾಗಿದೆ’ ಎಂದು ಡಾ ಜಿ ಜಿ ಹೆಗಡೆ ಹೆಮ್ಮೆಯಿಂದ ಮಾತನಾಡಿದರು. `SSLC ಮುಗಿದ ನಂತರ ಯಾವ ಕಾಲೇಜು ಸೂಕ್ತ ಎಂದು ಹುಡುಕಾಟ ನಡೆಸಿದಾಗ ಕೆನರಾ ಎಕ್ಸಲೆನ್ಸ್ ಕಾಲೇಜು ಕಾಣಿಸಿತು. ಅಲ್ಲಿ ಪ್ರವೇಶ ಪಡೆದಿರುವುದರಿಂದ ನನ್ನ ಜೀವನದ ದಿಕ್ಕು ಬದಲಾಯಿತು’ ಎಂದು ಈ ಕಾಲೇಜಿನ ಮಾಜಿ ವಿದ್ಯಾರ್ಥಿನಿ ವೈಶಾಲಿ ಭಟ್ಟ ಅನಿಸಿಕೆ ಹಂಚಿಕೊ0ಡರು. CA ಪೌಂಡೇಶನ್ ಪರೀಕ್ಷೆಯ ಮೊದಲ ಹಂತವನ್ನು ಪ್ರಥಮ ಪ್ರಯತ್ನದಲ್ಲಿಯೇ ಮುಗಿಸಿ ಸಾಧನೆ ಮಾಡಿದ ದಾಖಲೆ ವೈಶಾಲಿ ಭಟ್ಟ ಅವರದ್ದು. JEE ಮೇನ್ಸ್’ನಲ್ಲಿ ರಾಜ್ಯಕ್ಕೆ 9ನೇ ಸ್ಥಾನಪಡೆದಿರುವ ಕುಮಾರ ಭಟ್ಟ ಸಹ ಇದೇ ಕಾಲೇಜಿನ ವಿದ್ಯಾರ್ಥಿ. ಇದರೊಂದಿಗೆ ವಾಣಿಜ್ಯ, CS ಪೌಂಡೇಶನ್, ವೈದ್ಯಕೀಯ ವಿಭಾಗ, ವಿವಿಧ ಎಂಜಿನಿಯರಿ0ಗ್ ಕಾಲೇಜು ಹಾಗೂ ಕೆಸಿಇಟಿಗೆ ಸಹ ಈ ಕಾಲೇಜಿನ ಮೂಲಕ ಅನೇಕರು ಆಯ್ಕೆಯಾಗಿದ್ದಾರೆ. ಅಂದ ಹಾಗೇ, 4ನೇ ವರ್ಷದ ಕಾಲೇಜು ಪ್ರವೇಶ ಶುರುವಾಗಿದೆ. ಉತ್ತಮ ಭವಿಷ್ಯಕ್ಕಾಗಿ ಆರೋಗ್ಯಕರ ಶಿಕ್ಷಣ ಬಯಸುವವರಿಗೆ ಕೆನರಾ ಎಕ್ಸಲೆನ್ಸ್ ಕಾಲೇಜು ಸದಾ ಸ್ವಾಗತಿಸುತ್ತದೆ. ಇಲ್ಲಿ ಭೇಟಿ ಕೊಡಿ: ಕೆನರಾ ಎಕ್ಸಲೆನ್ಸ್ ಕಾಲೇಜು ಗೋರೆ, ಪೋಸ್ಟ: ಧಾರೇಶ್ವರ ಕುಮಟಾ ತಾಲೂಕು, ಉತ್ತರ ಕನ್ನಡ ಜಿಲ್ಲೆ ಇಲ್ಲಿ ಫೋನ್ ಮಾಡಿ: 9663119845 9986580703 9449477473 ಅಥವಾ 948206380 #Sponsored  
- [ಕೊಗ್ರೇ ನ್ಯಾಚುರಲ್ಸ್: ಬಾರ್ಡೋಲಿ ಸೀಮೆಯಲ್ಲಿ ಗಾಣದ ಎಣ್ಣೆ ಕಂಪು!](https://mobiletime.in/2025/09/kograi-naturals-bardoli-region-is-producing-gana-oil/): ದೇಶಿಯ ಗೋವುಗಳ ಬಗ್ಗೆ ಅಪಾರ ಪ್ರೀತಿ ಹೊಂದಿದ ಗುರು ನಾಯಕ ಹಾಗೂ ಅಕ್ಷಯಾ ನಾಯಕ ದಂಪತಿ ಗೋ ರಕ್ಷಣೆ ಜೊತೆ ಅವುಗಳನ್ನು ನಿತ್ಯವೂ ಆರಾಧಿಸುತ್ತಿದ್ದಾರೆ. ಯಾರಿಗೂ ಬೇಡವಾದ ಗಂಡು ಕರುಗಳನ್ನು ಸಹ ಅವರು ಅಕ್ಕರೆಯಿಂದ ಸಾಕಿ ಬೆಳಸಿದ್ದಾರೆ. ಅಷ್ಟೇ ಅಲ್ಲ, ದೇಶಿಯ ತಳಿಯ ಎತ್ತುಗಳನ್ನು ಬಳಸಿಕೊಂಡು ಅವರು ಸಾಂಪ್ರದಾಯಿಕ ಶೈಲಿಯ ಎಣ್ಣೆ ಗಾಣವನ್ನು ನಿರ್ಮಿಸಿದ್ದಾರೆ! ಬಾಲ್ಯದಿಂದಲೂ ಗುರು ನಾಯಕ ಅವರಿಗೆ ಗೋವುಗಳ ಮೇಲೆ ಎಲ್ಲಿಲ್ಲದ ಪ್ರೀತಿ. ಅವರನ್ನು ವರಿಸಿದ ಅಕ್ಷಯಾ ನಾಯಕ ಅವರಿಗೂ ಗೋವುಗಳನ್ನು ಕಂಡರೆ ಅಷ್ಟೇ ಅಕ್ಕರೆ. ಉತ್ತಮ ವೇತನದ ಉದ್ಯೋಗವಿದ್ದರೂ ಕೊರೊನಾ ಕಾಲಘಟ್ಟದಲ್ಲಿ ಆ ಉದ್ಯೋಗ ತೊರೆದು ತವರಿಗೆ ಬಂದ ಈ ದಂಪತಿಯನ್ನು ಸೆಳೆದಿದ್ದು ಸಾವಯವ ಕೃಷಿ. ಆರೋಗ್ಯ ಕಾಳಜಿ ಬಗ್ಗೆ ಕೊರೊನಾ ಕಲಿಸಿದ ಪಾಠದ ಪರಿಣಾಮ ಅವರು `ಕೊಗ್ರೇ ನ್ಯಾಚುರಲ್ಸ’ ಎಂಬ ಹೆಸರಿನ ಅಡಿ ಶುದ್ಧ ಎಣ್ಣೆ ಸಂಸ್ಕರಣಾ ಘಟಕ ಸ್ಥಾಪಿಸಿದರು. ನಾಲ್ಕು ಸಾವಿರ ವರ್ಷಗಳ ಹಿಂದಿನ ಶೈಲಿಯಲ್ಲಿ ಸಾಂಪ್ರದಾಯಿಕ ವಿಧಾನ ಅನುಸರಿಸಿ ಅವರು ಎತ್ತಿನಗಾಣದಿಂದ ತೆಗೆಯುವ ಎಣ್ಣೆಗೆ ಇದೀಗ ಎಲ್ಲಡೆ ಬೇಡಿಕೆ! ಬೆಟ್ಟ ಭೂಮಿಯಲ್ಲಿ ಸಮೃದ್ಧ ಕೃಷಿ! ಅಂಕೋಲಾದಿoದ 6ಕಿಮೀ ದೂರದ ಸಿಂಗನಮಕ್ಕಿಯಲ್ಲಿ ಗುರು ನಾಯಕ ಅವರಿಗೆ ಪಿತ್ರಾರ್ಜಿತವಾಗಿ ಎರಡುವರೆ ಎಕರೆ ಬೇಣವಿದೆ. `ಆ ಬೇಣದಲ್ಲಿ ಏನೂ ಮಾಡಲು ಸಾಧ್ಯವಿಲ್ಲ’ ಎಂದವರೇ ಹೆಚ್ಚು. ಆದರೆ, ಮೂರೇ ವರ್ಷದಲ್ಲಿ ಆಡಿಕೊಂಡವರೆಲ್ಲರೂ ಹುಬ್ಬೇರಿಸುವ ರೀತಿಯಲ್ಲಿ ಗುರು ನಾಯಕ ದಂಪತಿ ಮೂರು ವರ್ಷದಲ್ಲಿ ದುಡಿದು ತೋರಿಸಿದ್ದಾರೆ. ಗೇರು ಹಣ್ಣಿನ ಗಿಡಗಳಿಂದ ಕೂಡಿದ್ದ ಆ ಬೆಟ್ಟದಲ್ಲಿ ಬಗೆ ಬಗೆಯ ಹಣ್ಣಿನ ಗಿಡಗಳನ್ನು ಅವರು ಬೆಳೆದಿದ್ದಾರೆ. ಮನೆ ಬಳಕೆಗೆ ಅಗತ್ಯವಿರುವ ತರಕಾರಿಯನ್ನು ಅವರು ಅಲ್ಲಿ ಬೆಳೆಯುತ್ತಾರೆ. ಒಂದಷ್ಟು ಜಾಗವನ್ನು ಕಾಡು ಕೃಷಿಗೆ ಮೀಸಲಿಟ್ಟಿದ್ದಾರೆ. ಇದೆಲ್ಲದರ ನಡುವೆ ತಾವು ಪ್ರೀತಿಯಿಂದ ಸಾಕಿದ ದೇಶಿ ತಳಿಯ ಜಾನುವಾರುಗಳ ಬಳಕೆಗೆ ಹುಲ್ಲುಗಾವಲು ನಿರ್ಮಿಸಿದ್ದಾರೆ. ಉತ್ತಮ ಓದು, ಓದಿಗೆ ತಕ್ಕ ಉದ್ಯೋಗ, ಉದ್ಯೋಗಕ್ಕೆ ಅರ್ಹ ವೇತನ ಸಿಗುತ್ತಿದ್ದರೂ ಗ್ರಾಮೀಣ ಭಾಗದಲ್ಲಿ ಹಾಳು ಬಿದ್ದಿದ್ದ ಬೆಟ್ಟದ ಭೂಮಿಯಲ್ಲಿ ಮಾಡಿದ ಸಾಹಸ ಒಂದೆರಡಲ್ಲ. ಊರಿಗೆ ಮರಳಿದ ನಂತರ ಮೊದಲು ಕೊಟ್ಟಿಗೆ ನಿರ್ಮಿಸಿದ ಅವರು ಮಲೆನಾಡ ಗಿಡ್ಡ ಆಕಳನ್ನು ಸಾಕಿದರು. ಆ ಹಸುವಿಗೆ ಹುಟ್ಟಿದ ಎರಡು ಗಂಡು ಕರುಗಳನ್ನು ಮಕ್ಕಳ ಹಾಗೇ ಜೋಪಾನ ಮಾಡಿದರು. ನಂತರ ಗೀರ್ ಹಾಗೂ ಹಳ್ಳಿಕಾರ್ ಎತ್ತುಗಳನ್ನು ಖರೀದಿಸಿದರು. ಆ ಎತ್ತುಗಳನ್ನು ಬಳಸಿಕೊಂಡು ಎಣ್ಣೆ ಗಾಣದ ಘಟಕವನ್ನು ಶುರು ಮಾಡಿದರು. ಆ ಮೂಲಕ ಅನುಪಯುಕ್ತ ಜಾಗವನ್ನು ಸಹ ಅವರು ಸಮರ್ಥವಾಗಿ ಬಳಸಿಕೊಂಡರು. ಕೊಟ್ಟಿಗೆಯಲ್ಲಿ ಗಂಡು ಕರು ಹುಟ್ಟಿದರೆ ಅದನ್ನು ಖಸಾಯಿಖಾನೆಗೆ ಕಳುಹಿಸುವವರ ನಡುವೆ ಗುರು ನಾಯಕ ದಂಪತಿ ಆ ಗಂಡು ಕರುವನ್ನು ಫೋಷಿಸಿ ಅವುಗಳ ಗಂಜಲ-ಗೊಬ್ಬರದಿoದ ಸಾವಯವ ಕೃಷಿ ಮಾಡುತ್ತಿದ್ದಾರೆ. ಎತ್ತಿನ ಗಾಣದಿಂದ ಸಿದ್ಧಪಡಿಸಿದ ಎಣ್ಣೆ ಏಕೆ ಶ್ರೇಷ್ಠ? ವಿಡಿಯೋ ನೋಡಿ.. ಇನ್ನಷ್ಟು ವಿಷಯ ಮುಂದೆ ಓದಿ.. ಯoತ್ರೋಪಕರಣಗಳ ಭರಾಟೆ, ಎಲ್ಲೆಂದರಲ್ಲಿ ತಲೆಯೆತ್ತಿರುವ ಗಿರಣಿಗಳ ನಡುವೆ ಅಪ್ಪಟ ದೇಶಿಯ ಸಂಸ್ಕೃತಿಯಲ್ಲಿ ಎತ್ತುಗಳನ್ನು ಬಳಸಿ ಗಾಣದಿಂದ ಎಣ್ಣೆ ತೆಗೆಯುವ ಪದ್ಧತಿ ಕರಾವಳಿ ಭಾಗದ ಅಂಕೋಲಾ ಬಿಟ್ಟು ಬೇರೆ ಎಲ್ಲಿಯೂ ಇಲ್ಲ. ಪುರಾತನ ಶೈಲಿಯಲ್ಲಿ ಈಗಲೂ ತೆಂಗು ಹಾಗೂ ಶೆಂಗಾ ಎಣ್ಣೆಯನ್ನು ತಯಾರಿಸುತ್ತಾರೆ. ಎಣ್ಣೆ ತಯಾರಿಸಿದ ನಂತರ ದೊರೆಯುವ ಹಿಂಡಿಯನ್ನು ಜಾನುವಾರುಗಳ ಪೌಷ್ಠಿಕತೆಗೆ ಬಳಸುತ್ತಾರೆ. ಕೋಳಿಗಳಿಗೂ ಅದನ್ನು ಆಹಾರವಾಗಿ ನೀಡುತ್ತಾರೆ. ಇದರೊಂದಿಗೆ ಶೇಂಗಾ ಹಿಂಡಿ 50ರೂ ಹಾಗೂ ಕೊಬರಿ ಹಿಂಡಿಯನ್ನು 20ರೂ ಕೆಜಿ ದರದಲ್ಲಿ ಮಾರಾಟ ಮಾಡುತ್ತಾರೆ. ಉಳಿದವನ್ನು ತೋಟದ ಗೊಬ್ಬರವನ್ನಾಗಿ ಬಳಸುತ್ತಾರೆ. ಗ್ರಾಮಗಳ ಅಭಿವೃದ್ಧಿಗೆ ಒತ್ತು: ಇನ್ನೂ `ಗಿರಣಿ ಮೂಲಕ ಎಣ್ಣೆ ತೆಗೆಯುವುದರಿಂದ ಅಲ್ಲಿನ ಬಿಸಿಗೆ ಪೌಷ್ಠಿಕ ಅಂಶಗಳು ಸುಟ್ಟು ಹೋಗುತ್ತವೆ. ಎತ್ತಿನ ಗಾಣದ ಮೂಲಕ ಎಣ್ಣೆ ತೆಗೆಯುವುದರಿಂದ ಪೌಷ್ಠಿಕ ಅಂಶಗಳು ಎಣ್ಣೆಯಲ್ಲಿಯೇ ಉಳಿಯುತ್ತವೆ’ ಎಂದು ಗುರು ನಾಯಕ ಕಂಡುಕೊoಡಿದ್ದಾರೆ. ಗುರು ನಾಯಕ ಅವರು ರೈತರು ನೀಡಿದ ಕೊಬ್ಬರಿಯನ್ನು ಸಹ ಉತ್ತಮ ಬೆಲೆಗೆ ಖರೀದಿಸುತ್ತಾರೆ. ಯೋಗ್ಯ ಬೆಲೆಗೆ ಎಣ್ಣೆಯನ್ನು ಬ್ರಾಂಡಿoಗ್ ಮಾಡಿ ಮಾರಾಟ ಮಾಡುತ್ತಾರೆ. ಈ ಕೆಲಸಕ್ಕಾಗಿ ಅವರು ಇಬ್ಬರನ್ನು ನೇಮಿಸಿಕೊಂಡಿದ್ದು, ಕೆಲಸಗಾರರ ಕುಟುಂಬ ಸಹ ಈ ಎಣ್ಣೆ ತಯಾರಿಕಾ ಘಟಕದಿಂದ ಬದುಕು ಕಟ್ಟಿಕೊಂಡಿದೆ. ಇನ್ನೂ ಯಾವುದಾದರೂ ಬಿಸ್ಕತ್/ಚಾಕಲೇಟ್ ಕಂಪನಿಯವರು ಕೊಬರಿ ಹಿಂಡಿ ಖರೀದಿಸಲು ಆಸಕ್ತಿವಹಿಸಿದರೆ ಅದನ್ನು ಪೂರೈಸಲು ಗುರು ನಾಯಕ ದಂಪತಿ ಸಿದ್ಧವಾಗಿದ್ದಾರೆ. ಇನ್ನೂ ಅವರು ಬಳಸುತ್ತಿರುವ ಗಾಣ ಸಹ ಬೇರೆ ಕಡೆಯಿಂದ ಖರೀದಿ ಮಾಡಿದಲ್ಲ. ಸ್ವತಃ ಆಲೋಚನೆಯಿಂದ ಗಾಣ ಸಿದ್ದಪಡಿಸಿ ಗುರು ನಾಯಕ ಅವರು ಅದರಲ್ಲಿ ಯಶಸ್ವಿಯಾಗಿದ್ದಾರೆ. ಮೊದಲು ಮರದ ಗಾಣ ತಯಾರಿಸುವ ಯೋಜನೆಯಲ್ಲಿದ್ದ ಗುರು ನಾಯಕ ಅವರಿಗೆ ಕಲ್ಲಿನ ಗಾಣ ಸಿದ್ದಪಡಿಸಲು ನೆರವಾದವರು ಅವರ ಮಾವ ನಾರಾಯಣ ನಾಯಕರು. ಕುದ್ರಿಗೆಯ ಅಕ್ಷಯಾ ರೈಸ್ ಮಿಲ್ ಮಾಲಕರಾಗಿರುವ ಅವರು ಸಾಕಷ್ಟು ಮುತುವರ್ಜಿವಹಿಸಿ ಗಾಣ ತಯಾರಿಕೆಗೆ ನೆರವಾಗಿದ್ದಾರೆ. ಇನ್ನೂ ಈ ಘಟಕಕ್ಕೆ ಭೇಟಿ ನೀಡಿದ್ದ ನ್ಯಾಯವಾದಿ ನಾಗರಾಜ ನಾಯಕ ಅವರು `ಕೋಗ್ರೆ ನ್ಯಾಚುರಲ್ಸ್’ ಎಂಬ ಹೆಸರು ಸೂಚಿಸಿದ್ದು, ಅದೇ ಹೆಸರಿನಲ್ಲಿ ಶುದ್ಧ ಎಣ್ಣೆ ತಯಾರಿಕಾ ಘಟಕ ಮುನ್ನಡೆಯುತ್ತಿದೆ. ಸಾಂಪ್ರದಾಯಿಕ ಶೈಲಿಯ ಗಾಣದಿಂದ ಪಡೆದ ಎಣ್ಣೆ ಖರೀದಿಗೆ… ರೈತರ ಬಳಿಯಿರುವ ಕೊಬ್ಬರಿಯನ್ನು ಯೋಗ್ಯ ಬೆಲೆಯೊಂದಿಗೆ ಮಾರಾಟಕ್ಕೆ… ಹಾಗೂ ಕೊಬ್ಬರಿಯ ಹಿಂಡಿ ಅಗತ್ಯವಿದ್ದವರಿಗೆ ಈ ಲೇಖನ ಸಹಕಾರಿ… `ಕೊಗ್ರೇ ನ್ಯಾಚುರಲ್ಸ’ ಗುರು ನಾಯಕ ಅವರ ಸಂಪರ್ಕ ಸಂಖ್ಯೆ: 9945918672
- [ಬಳಸಿ ಬಿಸಾಡುವ ಬಟ್ಟೆಯಿಂದ ಚಂದದ ಅಲಂಕಾರ: ಸ್ವಾವಲಂಬಿ ಮಹಿಳೆಯರಿಗಾಗಿ ಮಾರ್ಚ 2ಕ್ಕೆ ಉಚಿತ ಕಾರ್ಯಾಗಾರ!](https://mobiletime.in/2025/09/beautiful-decoration-from-disposable-clothes-free-workshop-for-self-sufficient-women-on-march-2/): ಬಿಡುವಿನ ವೇಳೆ ಹವ್ಯಾಸಕ್ಕಾಗಿ ಬಟ್ಟೆಗಳಿಂದ ಹೂ ತಯಾರಿಸುವುದನ್ನು ಶುರು ಮಾಡಿದ ಶಿರಸಿಯ ಪ್ರಜ್ಞಾ ಹೆಗಡೆ ಇದೀಗ ಅದನ್ನು ತಮ್ಮ ಮುಖ್ಯ ವೃತ್ತಿಯನ್ನಾಗಿಸಿಕೊಂಡಿದ್ದಾರೆ. ಕೃತಕ ಹೂ ಮಾಲೆ ತಯಾರಿಕೆಯಿಂದಲೇ ಅವರು 30 ಮಹಿಳೆಯರಿಗೆ ಉದ್ಯೋಗವನ್ನು ನೀಡಿದ್ದಾರೆ. ಮಹಿಳೆಯರನ್ನು ಸ್ವಾವಲಂಬಿಯನ್ನಾಗಿಸುವ ಗುರಿಯೊಂದಿಗೆ ಮಾರ್ಚ 2ರಂದು ಶಿರಸಿಯಲ್ಲಿ ಕಾರ್ಯಾಗಾರವನ್ನು ಸಹ ಅವರು ಆಯೋಜಿಸಿದ್ದಾರೆ. ಮೊದಲು ನೈಸರ್ಗಿಕವಾಗಿ ದೊರೆಯುವ ಹೂವುಗಳಿಂದ ಪ್ರಜ್ಞಾ ಹೆಗಡೆ ಅಂದದ ಮಾಲೆ ತಯಾರಿಸುತ್ತಿದ್ದರು. ನಂತರ ಬಳಸಿ ಬಿಸಾಡುವ ಬಟ್ಟೆಗಳನ್ನು ಬಳಸಿ ಹೂವುಗಳನ್ನು ತಯಾರಿಸಿದ್ದು, ಅದರಿಂದ ಮಾಲೆಯೊಂದನ್ನು ರಚಿಸಿದರು. ಅವರು ಪ್ರಾಯೋಗಿಕವಾಗಿ ಸಿದ್ದಪಡಿಸಿದ ಬಟ್ಟೆಯ ಹೂಮಾಲೆ ವಿಭಿನ್ನವಾಗಿದ್ದು, ಎಲ್ಲರನ್ನು ಆಕರ್ಷಿಸಿತು. ನೈಜ ಹೂವಿನಂತೆಯೇ ಗೋಚರಿಸುವ ಬಟ್ಟೆಯ ಕೃತಕ ಹೂವಿನ ಮಾಲೆ ಬಹುಬೇಗ ಪ್ರಸಿದ್ಧಿ ಪಡೆಯಿತು. ಗ್ರಾಮೀಣ ಪ್ರದೇಶದ ಮಹಿಳೆಯರೊಂದಿಗೆ ನಗರವಾಸಿಗಳ ಮನ ಗೆಲ್ಲುವಲ್ಲಿ ಕೃತಕ ಹೂವಿನ ಮಾಲೆ ಯಶಸ್ವಿಯಾಯಿತು. ಪ್ಲಾಸ್ಟಿಕ್ ಹೂವಿನ ಮಾಲೆಗಳಿಗಿಂತ ಮೃದು, ಅಧಿಕ ಬಾಳಿಕೆ ಹಾಗೂ ಅತ್ಯುನ್ನತ ಗುಣಮಟ್ಟದ ಹೂವುಗಳು ಪ್ರಜ್ಞಾ ಹೆಗಡೆ ಅವರ ಕೈಯಲ್ಲಿ ಅರಳಿದವು. ಬಳಸಿ ಬಿಸಾಡುವ ಬಟ್ಟೆಗಳನ್ನು ಅವರು ಪ್ರಯೋಜನಕ್ಕೆ ತಂದರು. ಕ್ರಮೇಣ ಇನ್ನಷ್ಟು ಮಹಿಳೆಯರನ್ನು ತಮ್ಮೊಂದಿಗೆ ಸೇರಿಸಿಕೊಂಡರು. ಕೃತಕ ಹೂವಿನ ಮಾಲೆಗಳಿಗೆ ಉತ್ತಮ ಬೇಡಿಕೆ ಬಂದ ಕಾರಣ ಕರಕುಶಲ ವಿಧಾನಗಳ ಬಗ್ಗೆ ಇನ್ನಿತರರಿಗೂ ಕಲಿಸಿಕೊಟ್ಟರು. ಆ ಮೂಲಕ ತಾವು ಆರ್ಥಿಕ ಸ್ವಾವಲಂಬಿಯಾಗುವುದರೊಡನೆ ತಮ್ಮನ್ನು ನಂಬಿದವರನ್ನು ಬೆಳೆಸಿದರು. ಸಿದ್ದಾಪುರ ತಾಲೂಕಿನ ನಾಣಿಕಟ್ಟಾ ಪ್ರಜ್ಞಾ ಹೆಗಡೆ ಅವರ ತವರು. ಸದ್ಯ ನೀಲೇಕಣಿಯ ವಡಗೇರಿಯಲ್ಲಿ ಅವರ ವಾಸ. ಪಿಯುಸಿ ಓದಿರುವ ಅವರು ಶಿರಸಿ ಕೆಎಚ್‌ಬಿ ಕಾಲೋನಿಯಲ್ಲಿ ಪುಟ್ಟದೊಂದು ಯುನಿಟ್ ನಿರ್ಮಿಸಿಕೊಂಡಿದ್ದಾರೆ. ಮೊದಲ ಐದು ತಿಂಗಳು ವೈಫಲ್ಯ ಅನುಭವಿಸಿದರೂ ನಿರಂತರ ಪ್ರಯತ್ನದಿಂದ ಬಟ್ಟೆಯ ಹೂ ಮಾಲೆಗಳ ಲೋಕದಲ್ಲಿ ಪ್ರಜ್ಞಾ ಹೆಗಡೆ ಬದುಕು ಕಟ್ಟಿಕೊಂಡಿದ್ದಾರೆ. ಹೀಗಾಗಿ ಕಳೆದ ಆರು ವರ್ಷಗಳಿಂದ ಪ್ರಜ್ಞಾ ಹೆಗಡೆ ಅವರು ಹೂ ಮಾಲೆ ತಯಾರಿಸುತ್ತಿದ್ದಾರೆ. ಅವರು ತಯಾರಿಸಿದ ಬಟ್ಟೆಯ ಕೃತಕ ಹೂ ಮಾಲೆಗಳು ಪ್ರಪಂಚದ ಬೇರೆ ಬೇರೆ ಭಾಗಗಳಿಗೆ ರಪ್ತಾಗುತ್ತದೆ. ಆನ್‌ಲೈನ್ ಮಾರುಕಟ್ಟೆ ವ್ಯವಸ್ಥೆ ಅವರನ್ನು ಮುನ್ನಡೆಸುತ್ತಿದೆ. ಬಿಡುವಿನ ವೇಳೆ ಶ್ರದ್ಧೆ – ಸಹನೆಯಿಂದ ಈ ಕೆಲಸ ಮಾಡಿದರೆ ಪ್ರತಿಯೊಬ್ಬ ಮಹಿಳೆಯರು ಉತ್ತಮ ಆದಾಯದೊಂದಿಗೆ ಬದುಕಬಹುದು ಎಂದು ಪ್ರಜ್ಞಾ ಹೆಗಡೆ ತೋರಿಸಿಕೊಟ್ಟಿದ್ದಾರೆ. ಇನ್ನೂ ಅಚ್ಚರಿಯ ಸಂಗತಿ ಎಂದರೆ, ನೈಸರ್ಗಿಕ ಹೂಮಾಲೆಗಳಿಗಿಂತಲೂ ಬಟ್ಟೆಯಿಂದ ತಯಾರಿಸುವ ಹೂಮಾಲೆಗಳ ದರ ಅಗ್ಗ. ಒಮ್ಮೆ ಖರೀದಿಸಿದವರು 10 ವರ್ಷದವರೆಗೂ ನಿರಂತರವಾಗಿ ಬಳಸಿದರೂ ಅದರ ಅಂದ ಮಾಸಲ್ಲ. ಹೀಗಾಗಿ ಸಭೆ-ಸಮಾರಂಭಗಳ ಅಲಂಕಾರಗಳಿಗೆ ಈ ಬಗೆಯ ಹೂ ಮಾಲೆಗಳು ಹೆಚ್ಚಾಗಿ ಬಳಕೆಯಾಗುತ್ತವೆ. ಮದುವೆ-ಮುಂಜಿ ಸೇರಿ ಬಗೆ ಬಗೆಯ ಶುಭ ಕಾರ್ಯಕ್ರಮಗಳಲಂತೂ ಇದೀಗ ಬಟ್ಟೆಯ ಹೂ ಮಾಲೆಗಳದ್ದೇ ಅಬ್ಬರ ಇನ್ನಷ್ಟು ಹೆಚ್ಚಾಗಿದೆ. ಮಹಿಳೆಯರ ಆರ್ಥಿಕ ಸ್ವಾವಲಂಬನೆಗಾಗಿ ಶ್ರಮಿಸುತ್ತಿರುವ ಪ್ರಜ್ಞಾ ಹೆಗಡೆ ಇನ್ನಷ್ಟು ಮಹಿಳೆಯರನ್ನು ತಮ್ಮೊಂದಿಗೆ ಕರೆದೊಯ್ಯಲು ಸಿದ್ಧರಾಗಿದ್ದಾರೆ. ಇದಕ್ಕಾಗಿ ಮಾರ್ಚ 2ರಂದು ಅವರು ಶಿರಸಿಯಲ್ಲಿ ವಿಶೇಷ ಕಾರ್ಯಾಗಾರವನ್ನು ಆಯೋಜಿಸಿದ್ದಾರೆ. ಶಿಬಿರದಲ್ಲಿ ಭಾಗವಹಿಸಿದವರಿಗೆ ಹೂ ಮಾಲೆ ತಯಾರಿಕೆಯ ವಿಧಾನಗಳ ಬಗ್ಗೆ ಮಾಹಿತಿ ಕೊಡುತ್ತಾರೆ. ಬಿಡುವಿನ ವೇಳೆ ಮಹಿಳೆಯರು ಸಿದ್ಧಪಡಿಸುವ ಬಟ್ಟೆಯ ಹೂ ಮಾಲೆಗಳನ್ನು ಸಹ ಅವರೇ ಖರೀದಿಸುತ್ತಾರೆ. ತರಬೇತಿಗೆ ಬರುವಾಗ ಆಧಾರ್ ಕಾರ್ಡ ಜೊತೆ ಎರಡು ಫೋಟೋ ತರಲು ಮರೆಯದಿರಿ. ಪ್ರಜ್ಞಾ ಹೆಗಡೆ ಅವರೊಂದಿಗೆ ಮಾತನಾಡಲು ಇಲ್ಲಿ ಫೋನ್ ಮಾಡಿ: 8660605953 ಕಾರ್ಯಾಗಾರ ಉಚಿತ. ಮಹಿಳಾ ಸ್ವಾವಲಂಬನೆ ನಿಶ್ಚಿತ! #sponsored
- [ಸಹಕಾರಿ ಕ್ಷೇತ್ರಕ್ಕೆ ಮಾದರಿ ಈ ಸೊಸೈಟಿ: ಸೇಫ್ ಸ್ಟಾರ್ ಎಂಬ ಸೇಫ್ ಲಾಕರ್!](https://mobiletime.in/2025/09/this-organization-is-a-model-for-the-cooperative-sector-a-safe-locker-called-safe-star/): ಸ್ನೇಹಮಯ ಆಡಳಿತ ಮಂಡಳಿ, ಸೌಜನ್ಯದಿಂದ ವರ್ತಿಸುವ ಸಿಬ್ಬಂದಿ, ಸದಸ್ಯರ ಸಹಕಾರವೇ ಸೇಫ್ ಸ್ಟಾರ್ ಸ್ಟಾರ್ ಸೌಹಾರ್ದ ಸಹಕಾರಿ ನಿಯಮಿತದ ಯಶಸ್ಸಿಗೆ ಕಾರಣ. `ಒಟ್ಟಿಗೆ ಬೆಳೆಯೋಣ’ ಎಂಬ ತತ್ವದ ಅಡಿ ಕಾರ್ಯ ನಿರ್ವಹಿಸುತ್ತಿರುವ ಈ ಸೊಸೈಟಿ ಜನರ ಅಗತ್ಯಕ್ಕೆ ಅನುಗುಣವಾಗಿ ಆರ್ಥಿಕ ಬೆಂಬಲ ನೀಡುವುದರೊಂದಿಗೆ ವರ್ಷದಿಂದ ವರ್ಷಕ್ಕೆ ಇನ್ನಷ್ಟು ವಿಸ್ತಾರವಾಗಿ ಬೆಳೆಯುತ್ತಿದೆ. ಜನರ ಸಮಸ್ಯೆಗಳನ್ನು ಬಹುಬೇಗ ಅರ್ಥ ಮಾಡಿಕೊಂಡು ತ್ವರಿತ ರೀತಿಯಲ್ಲಿ ಸಾಲ ನೀಡುವ ವಿಷಯದಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ನಿಯಮಿತ ಮುಂಚೂಣಿಯಲ್ಲಿದೆ. ಉಳಿತಾಯದ ಹಣ ಹೂಡಿಕೆ ಮಾಡಿದ ಠೇವಣಿದಾರರಿಗೆ ಸಹ ಆಕರ್ಷಕ ಬಡ್ಡಿ ನೀಡಿ ಹಣಕಾಸಿನ ಭದ್ರತೆಯನ್ನು ಈ ಸೊಸೈಟಿ ನೀಡುತ್ತಿದೆ. ಸೌಜನ್ಯದಿಂದ ವರ್ತಿಸುವ ಸಿಬ್ಬಂದಿ, ಕಷ್ಟದ ವೇಳೆ ಮಾನವೀಯ ನೆಲೆಯಲ್ಲಿ ನೆರವಾಗುವ ಆಡಳಿತ ಮಂಡಳಿಯವರು ಪರಸ್ಪರ ಸಹಕಾರದ ಮನೋಭಾವನೆಯಿಂದ ಸೊಸೈಟಿಯನ್ನು ಮುನ್ನಡೆಸುತ್ತಿದ್ದಾರೆ. ಸದಸ್ಯರು ಸಹ ಆರ್ಥಿಕ ಶಿಸ್ತು ಕಾಪಾಡಿಕೊಂಡು `ನಮ್ಮ ಸೊಸೈಟಿ ನಮ್ಮ ಹೆಮ್ಮೆ’ ಎಂದು ಮಾತನಾಡುತ್ತಾರೆ. ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದಲ್ಲಿ 2011ರ ಅವಧಿಯಲ್ಲಿ ಸೇಫ್ ಸ್ಟಾರ್ ಸೌಹಾರ್ದ ನಿಯಮಿತ ಸ್ಥಾಪನೆಯಾಯಿತು. ಜಿಲ್ಲೆಯ ಆರ್ಥಿಕ ಪರಿಸ್ಥಿತಿ ಸುಧಾರಣೆ ಹಾಗೂ ಬಡ-ಮಧ್ಯಮ ವರ್ಗದ ಜನರ ಆರ್ಥಿಕ ಸುಧಾರಣೆಗೆ ಯೋಜಿಸಿದ ಜಿ ಜಿ ಶಂಕರ್ ಅವರು ಆರ್ಥಿಕ ಸಂಸ್ಥೆಗೆ ಅಡಿಪಾಯ ಹಾಕಿದರು. ಸಂಸ್ಥಾಪಕ ಅಧ್ಯಕ್ಷರೇ ಈಗಲೂ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸುತ್ತಿದ್ದು, ಅವರು ಸಹಕಾರಿ ತತ್ವದ ನಿಯಮಾವಳಿಗಳನ್ನು ಅಚ್ಚುಕಟ್ಟಾಗಿ ಪಾಲಿಸುವುದರ ಜೊತೆ ಜನರ ನೋವು-ನಲಿವಿಗೂ ಸ್ಪಂದಿಸುವ ಕೆಲಸ ಮಾಡುತ್ತಿದ್ದಾರೆ. ಅಡಿಕೆ, ತೆಂಗು ಬೆಳೆಯ ಜೊತೆ ಮೀನುಗಾರಿಕೆಯನ್ನು ನಡೆಸುವ ಹೊನ್ನಾವರದ ಜನ ಆರ್ಥಿಕ ಸಂಕಷ್ಟದಲ್ಲಿದ್ದರು. ಅಲ್ಲಿನ ಹಣಕಾಸಿನ ಪರಿಸ್ಥಿತಿಯನ್ನು ಅರಿತ ಜಿ ಜಿ ಶಂಕರ್ ಅವರು ಜನರ ಅಭಿಲಾಶೆಗಳಿಗೆ ಸ್ಪಂದಿಸುವುದಕ್ಕಾಗಿ ಸೊಸೈಟಿಯನ್ನು ತೆರೆದರು. ಸ್ವಾವಲಂಭಿ ಬದುಕು ಅರೆಸುತ್ತಿರುವವರಿಗೆ ಆರ್ಥಿಕ ನೆರವು ನೀಡಿ ಅವರನ್ನು ಮುಖ್ಯವಾಹಿನಿಗೆ ತರುವುದು ಸೊಸೈಟಿಯ ಮೂಲ ಉದ್ದೇಶವಾಗಿತ್ತು. ಕೆಲವೇ ವರ್ಷಗಳಲ್ಲಿ ಸೊಸೈಟಿ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ವಿಸ್ತರಿಸಿಕೊಂಡು ಅನೇಕರಿಗೆ ನೆರವಾಯಿತು. ಈಚೆಗೆ ಇಲ್ಲಿನವರ ಸೇವೆ ನೋಡಿದ ಹೊರ ಜಿಲ್ಲೆಯ ಜನರು ಸೇಫ್ ಸ್ಟಾರ್ ಸೊಸೈಟಿಯ ಅಗತ್ಯವಿರುವ ಬಗ್ಗೆ ಬೇಡಿಕೆ ಸಲ್ಲಿಸಿದರು. ಅದರ ಪ್ರಕಾರ ಉತ್ತರ ಕನ್ನಡ ಜಿಲ್ಲೆಗೆ ಮಾತ್ರ ಸೀಮಿತವಾಗಿದ್ದ ಈ ಸೊಸೈಟಿ ನೆರೆ ಜಿಲ್ಲೆಗಳಲ್ಲಿಯೂ ತನ್ನ ಕೈಗಳನ್ನು ವಿಸ್ತರಿಸಿತು. ಇದೀಗ ಶಿವಮೊಗ್ಗ, ಉಡುಪಿ ಜಿಲ್ಲೆ ಸೇರಿ 18 ಕಡೆ ಸೊಸೈಟಿಯ ಶಾಖೆಗಳಿವೆ. ಸಾಕಷ್ಟು ಬ್ಯಾಂಕು, ಸೇವಾ ಸಹಕಾರಿ ಸಂಘಗಳಿದ್ದರೂ ಜನರಿಗೆ ಸಮಯಕ್ಕೆ ಸರಿಯಾಗಿ ಸಾಲ ಸಿಗುತ್ತಿರಲಿಲ್ಲ. ಹಣ ಇದ್ದವರಿಗೆ ಸಹ ಹೂಡಿಕೆಗೆ ಉತ್ತಮ ಜಾಗ ಗೊತ್ತಿರಲಿಲ್ಲ. ಸೇಫ್ ಸ್ಟಾರ್ ಸೌಹಾರ್ದ ನಿಯಮಿತ ಈ ಎರಡು ಸಮಸ್ಯೆಗೆ ಪರಿಹಾರ ಹುಡುಕಿತು. ರಾಷ್ಟ್ರೀಯ ಬ್ಯಾಂಕುಗಳಲ್ಲಿ ಅನುಸರಿಸುವ ಆರ್ಥಿಕ ಶಿಸ್ತನ್ನು ಅಳವಡಿಸಿಕೊಂಡರೂ ಅಲ್ಲಿನ ದೊಡ್ಡ ದೊಡ್ಡ ನಿಯಮಗಳು ಇಲ್ಲಿಲ್ಲ. ಕಾಗದ ಪತ್ರಗಳಿಗಾಗಿ ಅನಗತ್ಯ ಅಲೆದಾಟಕ್ಕೂ ಸೊಸೈಟಿ ಅವಕಾಶ ಮಾಡಿಕೊಡಲಿಲ್ಲ. ಸದಸ್ಯರಿಗೆ ಅಪಘಾತ ಪರಿಹಾರ ಸೇರಿ ಅನೇಕ ದೂರದೃಷ್ಠಿಯ ಯೋಜನೆಗಳು ಸೇಫ್ ಸ್ಟಾರ್ ಸ್ಟಾರ್ ಸೌಹಾರ್ದ ಸಹಕಾರಿ ನಿಯಮಿತದಲ್ಲಿವೆ. `10 ವರ್ಷದವರಿಂದ ಹಿಡಿದು 70 ವರ್ಷದವರೆಗೂ ಈ ಸೊಸೈಟಿಯಲ್ಲಿ ವಿಮಾ ಸೌಲಭ್ಯವಿದೆ. ವಿಮಾ ಕಂತನ್ನು ಸೊಸೈಟಿಯಿಂದಲೇ ತುಂಬಿಕೊಳ್ಳುವ ಆಯ್ಕೆಗಳಿವೆ. ಏಳು ವರ್ಷದಲ್ಲಿ ಹೂಡಿಕೆ ಹಣ ದುಪ್ಪಟ್ಟು ಮಾಡುವ ಯೋಜನೆಯಿದೆ. ಮನೆ ಸಾಲ, ವಾಹನ ಖರೀದಿ ಸೇರಿ ಎಲ್ಲಾ ಬಗೆಯ ಸಾಲಗಳಿಗೂ ಸಂಸ್ಥೆಯವರು ಆರ್ಥಿಕ ನೆರವು ನೀಡುತ್ತಿದ್ದಾರೆ. ಈ ಕಾರಣದಿಂದಲೇ ರಾಜ್ಯ ಸೌಹಾರ್ದ ಸಹಕಾರಿ ನೀಡುವ ಶ್ರೇಷ್ಟ ಸಹಕಾರಿ ಪ್ರಶಸ್ತಿ ಸಹ ಸಿಕ್ಕಿದೆ’ ಎಂದು ಸೊಸೈಟಿಯ ಮುಖ್ಯ ವ್ಯವಸ್ಥಾಪಕ ಮಹೇಶ ಶೆಟ್ಟಿ ಹೆಮ್ಮೆಯಿಂದ ಹೇಳಿಕೊಂಡರು. ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿಯ ಆಡಳಿತ ಮಂಡಳಿ ಸಹ ಅಷ್ಟೇ ಚುರುಕು. ಸೊಸೈಟಿ ಅಧ್ಯಕ್ಷ ಜಿ ಜಿ ಶಂಕರ್ ಉದ್ದಿಮೆದಾರರು. ಉಪಾಧ್ಯಕ್ಷ ನಾಗರಾಜ ಇಂದ್ರ ಅವರು ವೈದಿಕರು. ನಿರ್ದೇಶಕರಾದ ಗೋಪಾಲಕೃಷ್ಣ ಹೆಗಡೆ ಕೃಷಿಕರು, ಮಾರುತಿ ಗೌಡ ಗುತ್ತಿಗೆದಾರರು, ಸಂಪನ್ಮೂಲ ವ್ಯಕ್ತಿಯಾದ ಗುಣಮಾಲ ಇಂದ್ರ ಅವರು ಸಹ ಈ ಸೊಸೈಟಿಯ ನಿರ್ದೇಶಕರಾಗಿದ್ದಾರೆ. ನಿವೃತ್ತ ಪಿಡಿಓ ಗೋಪಾಲಕೃಷ್ಣ ಭಟ್ಟ, ಹಣಕಾಸು ಸಲಹೆಗಾರ ಲಿಫರ್ಡ ರೋಡ್ರಿಗ್ಸ್, ಸಾರಿಗೆ ಉದ್ಯಮಿ ರಾಜೇಶ ದೇಸಾಯಿ, ನಿವೃತ್ತ ಅಧಿಕಾರಿಗಳಾದ ಲಕ್ಷö್ಮಣ ಪಟಗಾರ, ಸುಬ್ರಾಯ ಭಟ್ಟ, ನರಸಿಂಹ ಪಟಗಾರ ಅವರು ಬ್ಯಾಂಕಿನ ಆರ್ಥಿಕ ಶಿಸ್ತಿನ ಅಡಿಗಲ್ಲುಗಳಾಗಿದ್ದಾರೆ. ಗುತ್ತಿಗೆದಾರರಾದ ಪಾತೋನ್ ಫರ್ನಾಂಡಿಸ್, ಉದ್ದಿಮೆದಾರ ನಾಗೇಶ ದೇವಾಡಿಗ, ಸಮಾಜ ಸೇವಕ ವೆಂಕಟ್ರಮಣ ಕಿಮಾನಿಕರ್ ಸಹ ಸೊಸೈಟಿಯ ನಿರ್ದೇಶಕರಾಗಿ ಆಧಾರ ಸ್ಥಂಬದoತೆ ಕಾರ್ಯನಿರ್ವಹಿಸುತ್ತಿದ್ದಾರೆ. #Sponsored
- [ಬಂಜೆತನ ನಿವಾರಣೆಗೆ ಮದ್ದು: ಬಸಿರು ಎಂಬ ಭರವಸೆಯ ಕೂಸು ಇದೀಗ ನನಸು!](https://mobiletime.in/2025/09/a-cure-for-infertility-the-hoped-for-baby-boy-is-now-a-reality/): ಮದುವೆಯಾಗಿ ಒಂದೆರಡು ವರ್ಷವಾದರೂ ಮಕ್ಕಳಾಗದೇ ಇದ್ದ ದಂಪತಿಗೆ ಬಸಿರು ಎಂಬ ಪದವೇ ನಡುಗಿಸಿಬಿಡುತ್ತದೆ. ಬದಲಾದ ಜೀವನ ಶೈಲಿ, ಮಾನಸಿಕ ಒತ್ತಡ, ಆಹಾರ ವಿಧಾನದಲ್ಲಿನ ಲೋಪದಿಂದ ಅನೇಕರು ಸಂತಾನ ಭಾಗ್ಯ ದೊರೆಯದೇ ಹಿಂಸೆ ಅನುಭವಿಸುತ್ತಿದ್ದಾರೆ. ಅಂಥವರಿಗೆ ವೈಜ್ಞಾನಿಕ ಮಾರ್ಗದರ್ಶನ ನೀಡುವುದಕ್ಕಾಗಿ ಹುಬ್ಬಳ್ಳಿಯ ಬಂಜೆತನ ನಿವಾರಣಾ ತಜ್ಞೆ ಡಾ ವಿನುತಾ ಕುಲಕರ್ಣಿ ಯಲ್ಲಾಪುರಕ್ಕೆ ಬರುತ್ತಿದ್ದಾರೆ! `ಈಚೆಗೆ ಸಂತಾನಹೀನತೆ ಎಂಬುದು ತೀರಾ ಸಾಮಾನ್ಯ ಸಮಸ್ಯೆ. ಅದಕ್ಕಾಗಿ ಅನೇಕರು ಜೀವನವಿಡೀ ಕೊರಗುತ್ತಿದ್ದು, ಆ ಕೊರಗು ದೂರ ಮಾಡಲು ಸಾಧ್ಯ’ ಎಂಬುದು ಡಾ ವಿನುತಾ ಕುಲಕರ್ಣಿ ಅವರು ಮಾತು. `ಯಲ್ಲಾಪುರದ ದೀಪಾ ಭಟ್ಟ ಅವರಿಗೆ ಮದುವೆಯಾಗಿ ಮೂರು ವರ್ಷವಾದರೂ ಮಕ್ಕಳಾಗಿರಲಿಲ್ಲ. ಕಳೆದ ವರ್ಷ ಅವರು ಚಿಕಿತ್ಸೆಗೆ ಬಂದಿದ್ದು, ನುರಿತ ವೈದ್ಯರು ನೀಡಿದ ಸಲಹೆಯನ್ನು ಪಾಲಿಸಿದ್ದರು. ಅದರ ಫಲವಾಗಿ ಈ ವರ್ಷ ಅವರ ಮುದ್ದಿನ ಮಗು ಮಡಲಿನಲ್ಲಿದೆ’ ಎಂದು ಡಾ ವಿನುತಾ ಕುಲಕರ್ಣಿ ಅವರು ನೈಜ ನಿದರ್ಶನಗಳೊಂದಿಗೆ ವಿವರಿಸಿದರು. ಮಕ್ಕಳಾಗದಿರುವಿಕೆಗೆ ಮಹಿಳೆ ಮಾತ್ರ ಕಾರಣವಲ್ಲ. ಪುರುಷರಲ್ಲಿಯೂ ಶೇ 40 ರಷ್ಟು ಹಾಗೂ ಮಹಿಳೆಯರಲ್ಲಿಯೂ ಶೇ 40ರಷ್ಟು ನ್ಯೂನ್ಯತೆಗಳಿರುತ್ತವೆ. ಇನ್ನೂ ಶೇ 20ರಷ್ಟು ಕಾರಣ ನಿಗೂಢವಾಗಿದ್ದು, ಅದನ್ನು ಪತ್ತೆ ಮಾಡಿ ಸಂತಾನ ಫಲ ದೊರೆಯುವಂತೆ ಮಾಡುವುದು ನುರಿತ ವೈದ್ಯರ ಹೊಣೆ. ದಂಪತಿ ಜೊತೆ ಮುಕ್ತ ಮನಸ್ಸಿನಿಂದ ಮಾತನಾಡಲಿರುವ ಡಾ ವಿನುತಾ ಕುಲಕರ್ಣಿ ಅವರು ಅವರಿಗೆ ಅಗತ್ಯ ಚಿಕಿತ್ಸೆಯನ್ನು ನೀಡುತ್ತಾರೆ. ಪುರುಷ ಹಾಗೂ ಮಹಿಳೆಯನ್ನು ತಪಾಸಣೆಗೆ ಒಳಪಡಿಸಿ ಸಮಸ್ಯೆಯನ್ನು ಅವರಿಗೆ ಅರ್ಥ ಮಾಡಿಸಿ ಅಗತ್ಯ ಚಿಕಿತ್ಸೆ ನೀಡುವುದರಿಂದಲೇ ಡಾ ವಿನುತಾ ಕುಲಕರ್ಣಿ ಅವರು ಪ್ರಸಿದ್ಧಿ. ಸಂತಾನಹೀನತೆ ಬಗ್ಗೆ ಡಾ ವಿನುತಾ ಕುಲಕರ್ಣಿ ಹೇಳುವುದೇನು? ವಿಡಿಯೋ ನೋಡಿ.. ಸುದ್ದಿ ಮುಂದೆ ಓದಿ.. ಫೆ 17ರಂದು ಯಲ್ಲಾಪುರದ ದೇವಿ ದೇವಸ್ಥಾನ ರಸ್ತೆಯಲ್ಲಿನ ಎಪಿಎಂ & ಕ್ಲಿನಿಕ್’ಗೆ ಡಾ ವಿನುತಾ ಕುಲಕರ್ಣಿ ಅವರು ಅವರು ಆಗಮಿಸುತ್ತಿದ್ದಾರೆ. ಅಂದು ಮಧ್ಯಾಹ್ನ 2 ಗಂಟೆಯಿoದ ಸಂಜೆ 5 ಗಂಟೆಯವರೆಗೂ ಡಾ ವಿನುತಾ ಕುಲಕರ್ಣಿ ಅವರು ಮಾತಿಗೆ ಸಿಗುತ್ತಾರೆ. `ಮಕ್ಕಳಾಗಿಲ್ಲ ಎಂಬ ಕೊರಗು ಬೇಡ’ ಎಂದು ಅವರು ದಂಪತಿಗೆ ಧೈರ್ಯ ಹೇಳುತ್ತಿದ್ದು, ವಾರಸುದಾರರನ್ನು ಪಡೆಯಲು ಅನುಸರಿಸಬೇಕಾದ ವಿಧಾನಗಳ ಬಗ್ಗೆ ಆಗಮಿಸಿದವರಿಗೆ ಮಾಹಿತಿ ನೀಡಲಿದ್ದಾರೆ. ಆ ದಿನದ ಕಾರ್ಯಾಗಾರ ಸಂಪೂರ್ಣ ಉಚಿತವಾಗಿದೆ. ಚಿಕಿತ್ಸೆಗೆ ಬರುವವರಿಗೂ ಅವರು ವಿಶೇಷ ರಿಯಾಯಿತಿ ಘೋಷಿಸಿದ್ದಾರೆ. ಇಲ್ಲಿ ಫೋನ್ ಮಾಡಿ.. ಹೆಸರು ನೋಂದಾಯಿಸಿ: 8431812420 / 08419-262387 #Sponsored
- [ಶ್ರೀ ವೀರಾಂಜಿನೇಯ | ಬಾಸುಕಿ ಎಂಬುದು ಜಗತ್ತಿನ ಅತಿ ಚಿಕ್ಕ UPS!](https://mobiletime.in/2025/09/shree-veeranjineya-basuki-is-the-worlds-smallest-ups/): ಕಳೆದ 3 ವರ್ಷಗಳಿಂದ ಶಿರಸಿ ಹಾಗೂ ಸುತ್ತಮುತ್ತಲಿನ ಜನರಿಗೆ ಎಲೆಕ್ಟ್ರಿಕ್ ಉಪಕರಣ ಮಾರಾಟ ಹಾಗೂ ದುರಸ್ಥಿ ಸೇವೆ ಒದಗಿಸಿದ ಸಿಂಪಿಗಲ್ಲಿಯ ಶ್ರೀ ವೀರಾಂಜಿನೇಯ ಎಲೆಕ್ಟ್ರಿಕ್’ನವರು ಇದೀಗ ಹಲವು ವಿಶೇಷತೆಗಳನ್ನು ಒಳಗೊಂಡ ಬಾಸುಕಿ ಲೀಥಿಯಂ ಬ್ಯಾಟರಿಯನ್ನು ಪರಿಚಯಿಸಿದ್ದಾರೆ. ಆಕರ್ಷಕ ವಿನ್ಯಾಸ, ಸ್ಪರ್ಧಾತ್ಮಕ ಬೆಲೆ, ಅತ್ಯಂತ ಹಗುರ ಹಾಗೂ ಕಿಂಚಿತ್ತು ನಿರ್ವಹಣೆಯಿಲ್ಲದ ಲೀಥಿಯಂ ಬ್ಯಾಟರಿ ಮಾರುಕಟ್ಟೆಗೆ ಬಂದಿದೆ. ಶ್ರೀ ವೀರಾಂಜಿನೇಯ ಎಲೆಕ್ಟ್ರಿಕ್ ಮೂಲಕ ಅದು ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ತಾಲೂಕುಗಳಿಗೂ ಪೂರೈಕೆಯಾಗುತ್ತಿದೆ. ಐದು ಅಣೆಕಟ್ಟು ಹಾಗೂ ಕೈಗಾ ಅಣು ವಿದ್ಯುತ್ ಘಟಕದ ಮೂಲಕ ಉತ್ತರ ಕನ್ನಡ ಜಿಲ್ಲೆ ದೇಶಕ್ಕೆ ವಿದ್ಯುತ್ ಪೂರೈಕೆ ಮಾಡುತ್ತಿದೆ. ಆದರೆ, ಈ ಗುಡ್ಡಗಾಡು ಜಿಲ್ಲೆಯಲ್ಲಿ ನಿರಂತರ ವಿದ್ಯುತ್ ಪೂರೈಕೆ ಕಷ್ಟಕರ. ಮಳೆಗಾಲದಲ್ಲಿ ಪ್ರತಿ 10-15 ನಿಮಿಷಕ್ಕೆ ವಿದ್ಯುತ್ ಕಡಿತ ಸಾಮಾನ್ಯ. ಗುಡುಗು-ಸಿಡಿಲಿನಂಥ ಸನ್ನಿವೇಶದಲ್ಲಿ ಟಿವಿ, ಫ್ಯಾನ್ ಸೇರಿ ಹಲವು ವಿದ್ಯುತ್ ಉಪಕರಣಗಳು ಹಾಳಾಗುವುದು ಇಲ್ಲಿನವರಿಗೆ ಹೊಸತಲ್ಲ. ಆದರೆ, ಬಸುಕಿ ಲೀಥಿಯಂ ಯುಪಿಎಸ್ ಅಳವಡಿಸಿದರೆ ವಿದ್ಯುತ್ ಉಪಕರಣ ಹಾಳಾಗುವ ಚಿಂತೆಯಿಲ್ಲ. ವಿದ್ಯುತ್ ಕಡಿತ ಆಯಿತು ಎಂಬ ತಲೆಬಿಸಿಯಿಲ್ಲ! ಸಾಮಾನ್ಯವಾಗಿ ಎಲ್ಲಾ UPS ಕಂಪನಿಯೂ ಬ್ಯಾಟರಿ ಹಾಗೂ ಇನ್ವರ್ಟರನ್ನು ಬೇರೆ ಬೇರೆಯಾಗಿರಿಸುತ್ತದೆ. ಅವರೆಡು ಸೇರಿ ಕನಿಷ್ಟ 80 ಕೆಜಿ ತೂಕವಿರುತ್ತದೆ. ಬೇರೆ ಬೇರೆ UPS’ಗಳಿಗೆ ಡಿಸ್ಟಿರಿಯಲ್ ವಾಟರ್ ಕಡ್ಡಾಯ. ಜೊತೆಗೆ ಆಗಾಗ UPS ಕುರಿತು ನಿಗಾವಹಿಸಬೇಕಾಗುತ್ತದೆ. ಆದರೆ, ಬಾಸುಕಿ ಲೀಥಿಯಂ UPS’ನಲ್ಲಿ ಹಾಗಲ್ಲ. ಬ್ಯಾಟರಿ ಹಾಗೂ ಯುಪಿಎಸ್ ಒಟ್ಟಿಗೆ ಇದ್ದು, ಬರೇ 22 ಕೆಜಿ ತೂಕವಿರುತ್ತದೆ. ಇದಕ್ಕೆ ಡಿಸ್ಟಿರಿಯಲ್ ವಾಟರ್ ಅಗತ್ಯವಿಲ್ಲ. ಒಮ್ಮೆ ಒಂದು ಕಡೆ ಸ್ಥಾಪಿಸಿದರೆ ವರ್ಷಗಳ ಕಾಲ ಯುಪಿಎಸ್ ಕಡೆ ಗಮನಹರಿಸಬೇಕಾದ ಅವಷ್ಯಕತೆಯೂ ಬರುವುದಿಲ್ಲ! ಇನ್ನೂ ಬಾಸುಕಿ ಲೀಥಿಯಂ ಯುಪಿಎಸ್’ನ್ನು ಎಲ್ಲಿ ಬೇಕಾದರೂ ಸುಲಭವಾಗಿ ಕೊಂಡೊಯ್ಯಬಹುದು. ಮನೆ ಮೂಲೆಯ ಗೋಡೆಗೆ ಸುರಕ್ಷಿತವಾಗಿ ತೂಗಿ ಹಾಕಬಹುದು. ಅತಿ ಚಿಕ್ಕ UPS ಇದಾಗಿರುವ ಕಾರಣ ಅತ್ಯಂತ ಕಡಿಮೆ ಜಾಗ ಸಾಕು. ಬ್ಯಾಟರಿ ಚಾರ್ಜ ಮಾಡಿದ ನಂತರ ವಿದ್ಯುತ್ ಇಲ್ಲದ ಸ್ಥಳಗಳಿಗೂ ಒಯ್ದು ಬಳಸಬಹುದು. ವಿದ್ಯುತ್ ಇಲ್ಲದ ಸ್ಥಳಗಳಲ್ಲಿ ಸೋಲಾರ್ ಅಳವಡಿಸಿ ಚಾರ್ಜ ಮಾಡುವ ಅವಕಾಶವನ್ನು ಸಹ ಬಸುಕಿ ಯುಪಿಎಸ್ ಒದಗಿಸುತ್ತದೆ. ಇನ್ನೂ ಸಾಮಾನ್ಯ ಯುಪಿಎಸ್ ಪೂರ್ತಿಯಾಗಿ ಚಾರ್ಜ ಆಗಲು 2 ಯುನಿಟ್ ವಿದ್ಯುತ್ ಜೊತೆ 12 ತಾಸು ಸಮಯಬೇಕು. ಆದರೆ, ಲೀಥಿಯಂ ಯುಪಿಎಸ್ ಪೂರ್ತಿ ಚಾರ್ಜ ಆಗಲು 1 ಯನಿಟ್ ವಿದ್ಯುತ್ ಜೊತೆ 6 ತಾಸಿನ ಸಮಯ ಸಾಕು. ಬಾಸುಕಿ ಲೀಥಿಯಂ UPS’ನ ಪ್ರಯೋಜನಗಳೇನು? ವಿಡಿಯೋ ನೋಡಿ.. ಆ ನಂತರ ಮುಂದೆ ಓದಿ.. ಶ್ರೀ ವೀರಾಂಜಿನೇಯ ಎಲೆಕ್ಟ್ರಿಕ್’ನವರು ಒದಗಿಸುತ್ತಿರುವ ಬಾಸುಕಿ ಯುಪಿಎಸ್ ಕನ್ನಡಿಗರ ಸಂಸ್ಥೆ. ಇಲ್ಲಿ ಕೆಲಸ ಮಾಡುವ ಉದ್ಯೋಗಿಗಳಿಂದಹಿಡಿದು ಆಡಳಿತ ಮಂಡಳಿಯವರೆಗೆ ಎಲ್ಲರೂ ಕನ್ನಡಿಗರು. 5 ವರ್ಷಗಳ ಇನ್ವರ್ಟರ್ ವಾರಂಟಿ ಜೊತೆ 10 ವರ್ಷಗಳ ಕಾಲದ ಬ್ಯಾಟರಿ ಬಾಳಿಕೆಗೂ ಕಂಪನಿ ಭರವಸೆಯೇ ಗ್ಯಾರಂಟಿ. 1ಕೆವಿಯಿಂದ 10 ಕೆವಿವರೆಗಿನ ಯುಪಿಎಸ್’ಗಳು ಶ್ರೀ ವೀರಾಂಜಿನೇಯ ಎಲೆಕ್ಟ್ರಿಕ್’ನಲ್ಲಿ ಲಭ್ಯ. ಲೀಥಿಯಂ ಬ್ಯಾಟರಿ UPS’ನ್ನು ಕಣ್ಣಾರೆ ನೋಡಿ, ಪರೀಕ್ಷಿಸಬೇಕೆ? ಹಾಗಾದರೆ, ಇಲ್ಲಿ ಭೇಟಿ ಕೊಡಿ: ಶ್ರೀ ವೀರಾಂಜಿನೇಯ ಎಲೆಕ್ಟ್ರಿಕ್, ಸಿಂಪಿಗಲ್ಲಿ, ಶಿರಸಿ ಅಥವಾ ಇಲ್ಲಿ ಫೋನ್ ಮಾಡಿ: 9611708009 #Sponsored
- [ಅಂದದ ಮನೆಗೆ ಚಂದದ ಅಲಂಕಾರ: ಅಚ್ಚುಕಟ್ಟಾದ ವಿನ್ಯಾಸ.. ಅತ್ಯಂತ ಆಪ್ತ ಆ ನಿವಾಸ!](https://mobiletime.in/2025/09/beautiful-decoration-for-a-beautiful-house-neat-interior-design-the-most-intimate-residence/): ವಾಸದ ಮನೆ, ಕೆಲಸ ಮಾಡುವ ಕಚೇರಿ, ಊಟಕ್ಕೆ ಹೋಗುವ ಹೊಟೇಲು, ರೋಗಿಗಳ ಆರೈಕೆಗೆ ಮೀಸಲಿರುವ ಆಸ್ಪತ್ರೆ.. ಎಲ್ಲಾ ಕಡೆ ಕಟ್ಟಡದ ಹೊರ ಸೌಂದರ್ಯದ ಹಾಗೇ ಒಳ ವಿನ್ಯಾಸ ಸಹ ಗಮನ ಸೆಳೆಯುತ್ತದೆ. ದಿನ ನಿತ್ಯದ ಬಹುಪಾಲು ಸಮಯ ಕಳೆಯುವ ಕಟ್ಟಡಗಳಲ್ಲಿ ಮನಸ್ಸಿಗೆ ಮದ ನೀಡುವ ವಿನ್ಯಾಸಗಳಿರುವುದು ಅಷ್ಟೇ ಮುಖ್ಯ. ಹೀಗಾಗಿ ಎಲ್ಲಾ ಕಡೆ ಕಟ್ಟಡಗಳ ಒಳ ವಿನ್ಯಾಸದ ಕ್ಷೇತ್ರ ವೇಗವಾಗಿ ಬೆಳೆಯುತ್ತಿದ್ದು, `ABC ಅಲ್ಯುಮಿನಿಯಂ ಇಂಟೀರಿಯರ್’ ಸಹ ಈ ಕ್ಷೇತ್ರದಲ್ಲಿ ಅಪಾರವಾದ ಅನುಭವವನ್ನು ಹೊಂದಿದೆ. ಕೇರಳ ಮೂಲದ `ABC ಅಲ್ಯುಮಿನಿಯಂ ಇಂಟೀರಿಯರ್’ನವರು ಇದೀಗ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ತಾಲೂಕುಗಳಲ್ಲಿಯೂ ತಮ್ಮ ಕ್ಷೇತ್ರ ವಿಸ್ತರಿಸಿದ್ದಾರೆ. ಇಲ್ಲಿನ ಹಲವು ಮನೆ, ಕಚೇರಿ ಹಾಗೂ ಇನ್ನಿತರ ಕಟ್ಟಡಗಳಿಗೆ ಅವರು ಅಚ್ಚುಕಟ್ಟಾದ ಒಳ ವಿನ್ಯಾಸವನ್ನು ಮಾಡಿಕೊಟ್ಟಿದ್ದಾರೆ. ತುಕ್ಕು ಬಾರದ ಉಪಕರಣಗಳನ್ನು ಬಳಸಿ ಗುಣಮಟ್ಟದ ಕೆಲಸ ಮಾಡಿಕೊಡುವಲ್ಲಿ ಎಬಿಸಿ ಅಲ್ಯುಮಿನಿಯಂ ವರ್ಕ ಸಿಬ್ಬಂದಿ ಪರಿಣಿತಿ ಪಡೆದಿದ್ದಾರೆ. ಚಿಕ್ಕದಾದ ಮನೆಯನ್ನು ಸಹ ಚೊಕ್ಕದಾಗಿರಿಸಿಕೊಳ್ಳುವಲ್ಲಿ ಒಳ ವಿನ್ಯಾಸ ನೆರವಾಗುತ್ತದೆ. ಮನೆಯ ಸೌಂದರ್ಯ ಹೆಚ್ಚಿಸುವುದರ ಜೊತೆ ಅಲಂಕಾರಕ್ಕೆ ಇಲ್ಲಿ ಹೆಚ್ಚಿನ ಪ್ರಾಮುಖ್ಯತೆ. ಕಟ್ಟಡದ ಸಣ್ಣ ಸಣ್ಣ ಪ್ರದೇಶಗಳನ್ನು ಅಂದದ ರೀತಿಯಲ್ಲಿ ಬಳಕೆ ಮಾಡಿಕೊಳ್ಳುವವರಿಗೆ ಒಳ ವಿನ್ಯಾಸ ಅತಿ ಅಗತ್ಯ. ಇದೆಲ್ಲದರ ಜೊತೆ ಕಟ್ಟಡದ ಒಳ-ಹೊರ ವಾತಾವರಣ ಸುಂದರವಾಗಿದ್ದರೆ ಅಲ್ಲಿರುವವರ ಮನಸ್ಸು ನೆಮ್ಮದಿಯಿಂದಿರುತ್ತದೆ. ಕಟ್ಟಡಗಳಿಗೆ ಬಳಸುವ ಬಣ್ಣ, ಸಾಮಗ್ರಿ, ಪೀಠೋಪಕರಣ, ನೆಲಹಾಸು, ಲೈಟಿಂಗ್ ಒಳ ವಿನ್ಯಾಸದ ಪ್ರಮುಖ ವಿಷಯಗಳು. ಮೊದಲು ಒಳ ವಿನ್ಯಾಸದ ಬಗ್ಗೆ ನಗರದ ಜನ ವಿಶೇಷ ಆಸಕ್ತಿವಹಿಸುತ್ತಿದ್ದು, ಇದೀಗ ಗ್ರಾಮೀಣ ಭಾಗದಲ್ಲಿ ಸಹ ವ್ಯಾಪಕ ಪ್ರಮಾಣದಲ್ಲಿ ಮನೆ ಅಲಂಕಾರಗಳಿಗೆ ಒತ್ತು ನೀಡುತ್ತಿದ್ದಾರೆ. ಹೀಗಾಗಿ ಎಬಿಸಿ ಅಲ್ಯುಮಿನಿಯಂ ವರ್ಕಿನವರು ಗ್ರಾಮೀಣ ಭಾಗದ ಕಟ್ಟಡಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಿ ಸೇವೆ ಒದಗಿಸುತ್ತಿದ್ದಾರೆ. ಮಧ್ಯಮ ವರ್ಗದ ಜನರ ಮನೆಯನ್ನು ಸಹ ಐಷಾರಾಮಿ ಮನೆಯ ಅನುಭೂತಿ ನೀಡುವಲ್ಲಿ ಒಳಾಂಗಣ ವಿನ್ಯಾಸ ಮಹತ್ವದ ಪಾತ್ರವಹಿಸಿದೆ. ಅತ್ಯಂತ ಹಳೆಯ ಮನೆಗಳನ್ನು ಸಹ ಒಳ ವಿನ್ಯಾಸ ಪದ್ಧತಿ ಅನುಸರಿಸಿ ಆಧುನಿಕ ಮನೆಯನ್ನಾಗಿ ಮಾಡುವ ಶಕ್ತಿ ಎಬಿಸಿ ಅಲ್ಯುಮಿನಿಯಂ ವರ್ಕ’ನ ಸಿಬ್ಬಂದಿಗಿದೆ. ಕಡಿಮೆ ಹಣ ವೆಚ್ಚ ಮಾಡಿ ಐಷಾರಾಮಿ ಮನೆಯ ಅನುಭೂತಿ ಪಡೆಯಲು ಒಳ ವಿನ್ಯಾಸ ಅತ್ಯತ್ತಮ ಆಯ್ಕೆ. ಟಿವಿ ಯುನಿಟ್, ಅಡುಗೆಮನೆ, ಶೌಚಾಲಯ, ವಾಲ್‌ರೂಪ್, ಕೆಲವೇ ಕೆಲ ಕೊಠಡಿಗಳ ಒಳ ವಿನ್ಯಾಸ ಮಾಡಿಕೊಡಲು ಸಹ `ABC ಅಲ್ಯುಮಿನಿಯಂ ಇಂಟೀರಿಯರ್ ಸಿಬ್ಬಂದಿ ಸಿದ್ಧರಿದ್ದಾರೆ. ನಿಮ್ಮ ಮನೆ-ಕಚೇರಿಯನ್ನು ಸಹ ಇನ್ನಷ್ಟು ಸುಂದರವಾಗಿಸಲು ಇಲ್ಲಿ ಫೋನ್ ಮಾಡಿ: 9481314420 ಅಥವಾ ಇಲ್ಲಿ ವಾಟ್ಸಪ್ ಮಾಡಿ: 6282592690 #Sponsored 
- [ಮನೆ - ತೋಟ | ಪ್ರತಿಯೊಬ್ಬರ ಸುರಕ್ಷತೆ ಈ ಕ್ಯಾಮರಾ ಹೊಣೆ!](https://mobiletime.in/2025/09/house-garden-this-camera-is-responsible-for-everyones-safety/): ಶಾನವಳ್ಳಿಯ ನಾಗರಾಜ ಭಟ್ಟ ಅವರು ಮೂರು ವರ್ಷದ ಹಿಂದೆ ತಮ್ಮ ತೋಟಕ್ಕೆ ಸೋಲರ್ ಆಧಾರಿತ ಸಿಸಿ ಕ್ಯಾಮರಾ ಹಾಕಿಸಿದ್ದರು. ಈವರೆಗೆ ಒಮ್ಮೆಯೂ ಅದು ಕೈ ಕೊಟ್ಟಿಲ್ಲ! ಕುಂತ್ರೆಬೈಲ್’ನ ಗಜಾನನ ಹೆಗಡೆ ಅವರು ತಮ್ಮ ಮನೆ ಮಾಳಿಗೆ ಮೇಲೆ ಸೋಲಾರ್ ಆಧಾರಿತ ಸಿಸಿ ಕ್ಯಾಮರಾ ಅಳವಡಿಸಿದ್ದರು. ಈಗಲೂ ಮನೆಯ ನಾಲ್ಕು ದಿಕ್ಕುಗಳಲ್ಲಿನ ಆಗು-ಹೋಗುಗಳ ಬಗ್ಗೆ ಅವರು ಮೊಬೈಲ್’ನಲ್ಲಿಯೇ ನೋಡುತ್ತಾರೆ. ಸಿದ್ದಾಪುರದ ಅರುಣ ಶಾಂತರಾಜ್ ಅವರ ಹೊಲದಲ್ಲಿ ಕರೆಂಟ್ ಇಲ್ಲ. ವೈಫೈ ಸಿಗ್ನಲ್ ಸಹ ಸಿಗಲ್ಲ. ಕಾಡುಪ್ರಾಣಿ ಹಾವಳಿ ತಡೆಗಾಗಿ ಅವರು ಸೋಲಾರ್ ಸಿಸಿ ಕ್ಯಾಮರಾ ಹಾಕಿಸಿದ್ದು, ಪ್ರಾಣಿಗಳು ಹೊಲಕ್ಕೆ ಬಂದ ತಕ್ಷಣ ಕ್ಯಾಮರಾ ಸದ್ದು ಮಾಡುತ್ತಿದೆ! ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ತಾಲೂಕುಗಳಿಯೂ ಶಿರಸಿಯ ಅಂಬಿಕಾ ಎಲೆಕ್ಟಿಕಲ್ ಅವರು ಸೋಲಾರ್ ಆಧಾರಿತ ಸಿಸಿ ಕ್ಯಾಮರಾ ಅಳವಡಿಸುತ್ತಾರೆ. ಗ್ರಾಮೀಣ ಭಾಗದ ಮೂಲೆ ಮೂಲೆಗೂ ತೆರಳಿ ಸೇವೆ ಒದಗಿಸುತ್ತಾರೆ. ಸಣ್ಣ ಸಣ್ಣ ಅಂಗಡಿಗಳಿoದ ಹಿಡಿದು ದೊಡ್ಡ ದೊಡ್ಡ ಮಳಿಗೆಯವರು ಸಹ ಈ ಕ್ಯಾಮರಾ ಅಳವಡಿಸಿದ್ದು, ಒಂದು ವರ್ಷದ ಅವಧಿಯ ವಾರಂಟಿಯನ್ನು ಅವರು ನೀಡುತ್ತಾರೆ. ಕಳ್ಳರ ಕಾಟ, ವನ್ಯಜೀವಿ ಉಪಟಳ, ಅಪರಿಚಿತರ ಆಗಮನ, ಅಪರಾಧ ತಡೆ ಸೇರಿ ಎಲ್ಲಾ ಬಗೆಯ ಭೀತಿಯನ್ನು ಈ ಕ್ಯಾಮರಾ ದೂರ ಮಾಡುತ್ತಿದೆ. `ಇನ್ನೂ ಸೋಲಾರ್ ಆಧಾರಿತ ಸಿಸಿ ಕ್ಯಾಮರಾಗೆ ಪದೇ ಪದೇ ನಿರ್ವಹಣೆ ಬೇಕಾಗಿಲ್ಲ. ದುಬಾರಿ ಖರ್ಚು ಅದಕ್ಕಿಲ್ಲ. ನೆಟ್‌ವರ್ಕ ಪ್ರದೇಶದಲ್ಲಿ ಕ್ಯಾಮರಾವಿರಿಸಿ ಸಿಮ್ ಅಳವಡಿಸಿದರೆ ನಿಮ್ಮ ಕೆಲಸ ಮುಗೀತು. ನಂತರ ಎಲ್ಲಿ ಬೇಕಾದರೂ ಕುಳಿತು ಕ್ಯಾಮರಾ ಮುಂದಿನ ದೃಶ್ಯಾವಳಿ ನೋಡಲು ಸಾಧ್ಯ. ನೆಟ್‌ವರ್ಕ ಬಾರದ ಪ್ರದೇಶದಲ್ಲಿಯೂ ಕ್ಯಾಮರಾ ಕೆಲಸ ಮಾಡುತ್ತದೆ. ಹಗಲಿನಲ್ಲಿ ಮಾತ್ರವಲ್ಲದೇ ರಾತ್ರಿ ವೇಳೆಯಲ್ಲಿಯೂ ಈ ಕ್ಯಾಮರಾ ಸ್ಪಷ್ಟವಾಗಿ ಕೆಲಸ ಮಾಡುತ್ತದೆ’ ಎಂದು ಅಭಿಷೇಕ ನಾಯ್ಕ ತಿಳಿಸಿದರು. `ಕುಳಿತ ಸ್ಥಳದಿಂದಲೇ ಕ್ಯಾಮರಾವನ್ನು ಯಾವ ದಿಕ್ಕಿಗೆ ಬೇಕಾದರೂ ತಿರುಗಿಸಬಹುದು. ಕ್ಯಾಮರಾ ಮುಂದಿರುವ ವ್ಯಕ್ತಿ ಜೊತೆ ನೇರವಾಗಿ ಮಾತನಾಡಬಹುದು. ಅಗತ್ಯಬಿದ್ದಾಗ ಅಲರ್ಟ ಮೆಸೇಜ್ ರವಾನಿಸಹುದು. ಎಲ್ಲಕ್ಕಿಂತ ಮುಖ್ಯವಾಗಿ ನಿಮ್ಮ ಮನೆ-ತೋಟದ ಸುರಕ್ಷತೆಯನ್ನು ಸದಾ ಕಾಪಾಡಬಹುದು. ಒಂದೇ ಒಂದು ಕ್ಯಾಮರಾದಿಂದ ಹಲವು ಬಗೆಯ ಪ್ರಯೋಜನಗಳಿವೆ’ ಎಂದು ರಾಕೇಶ ನಾಯ್ಕ ವಿವರಿಸಿದರು. ಅಂಬಿಕಾ ಎಲೆಕ್ಟಿಕಲ್ ಮಳಿಗೆಯವರು ಕಟ್ಟಡಗಳ ವೈಯರಿಂಗ್, ಫ್ಯಾನ್-ಪಂಪ್ ರಿಪೇರಿ ಸೇರಿ ಎಲ್ಲಾ ಬಗೆಯ ಎಲೆಕ್ಟಿçಕಲ್ ಕೆಲಸವನ್ನು ಮಾಡುತ್ತಾರೆ. ಸಿಸಿ ಕ್ಯಾಮರಾ ಅಳವಡಿಕೆ ಸೇರಿ ಅವರ ಸೇವೆ ಅಗತ್ಯವಿದ್ದವರು ಇಲ್ಲಿ ಫೋನ್ ಮಾಡಿ: 6362189206 # Sponsored
- [ಸೇವೆಗೂ ಸಿದ್ಧ.. ಉದ್ಯೋಗ ನೀಡಲು ಬದ್ಧ: ವೃದ್ಧರ ಪಾಲಿನ ಆಶಾಕಿರಣ ಈ ಚೈತನ್ಯ!](https://mobiletime.in/2025/09/ready-to-serve-committed-to-providing-employment-this-spirit-is-a-ray-of-hope-for-the-elderly/): ವೃದ್ಧರ ನೋವು, ಅಂಗವಿಕಲರ ಅಂತರಾಳ, ಕೈಲಾಗದವರಿಗೆ ನೆರವು ನೀಡುವ ಜೊತೆ ಸೇವಾ ಮನೋಭಾವನೆಯಿಂದ ದುಡಿಯುವ ಕೈಗಳಿಗೆ ಕಾಸು ಕೊಡುವ ಸಂಸ್ಥೆ ಚೈತನ್ಯ ಪೌಂಡೇಶನ್. ಬೆಂಗಳೂರಿನಲ್ಲಿ ಪ್ರಧಾನ ಕಚೇರಿ ಹಾಗೂ ಶಿರಸಿಯಲ್ಲಿ ಶಾಖಾ ಕಚೇರಿ ಹೊಂದಿರುವ ಚೈತನ್ಯ ಪೌಂಡೇಶನ್ ಕಳೆದ 16 ವರ್ಷಗಳಿಂದ ನೂರಕ್ಕೂ ಅಧಿಕ ವೃದ್ಧರ ಪಾಲಿಗೆ ಆಶಾಕಿರಣವಾಗಿದೆ. ಅದೇ ಪ್ರಮಾಣದಲ್ಲಿ ಯುವಕ-ಯುವತಿಯರಿಗೆ ಉದ್ಯೋಗವಕಾಶವನ್ನು ನೀಡಿದೆ. ಮನೆ ಮನೆಯಲ್ಲಿಯೂ ವೃದ್ಧರು-ಅಶಕ್ತರು ಇರುವುದು ಸಾಮಾನ್ಯ. ರೋಗಿ ಹಾಗೂ ಆರೈಕೆದಾರರ ನಡುವೆ ಸಂಪರ್ಕ ಸೇತುವಾಗಿರುವ ಈ ಸಂಸ್ಥೆ ಅಶಕರ ಬೇಕು-ಬೇಡಗಳಿಗೆ ತ್ವರಿತವಾಗಿ ಸ್ಪಂದಿಸುತ್ತದೆ. ಸಮಯಕ್ಕೆ ಸರಿಯಾಗಿ ಔಷಧಿ ವಿತರಣೆ, ಅಶಕ್ತರ ಊಟ-ತಿಂಡಿ ವ್ಯವಸ್ಥೆ, ಆರೋಗ್ಯದ ಬಗ್ಗೆ ಕಾಳಜಿವಹಿಸುವುದರಲ್ಲಿ ಚೈತನ್ಯ ಪೌಂಡೇಶನ್ ಕೊಡುಗೆ ಅಪಾರ. ಬಿಡುವಿಲ್ಲದ ಕೆಲಸ, ಸಂಸಾರದ ಜಂಜಾಟದಿoದ ಅಶಕ್ತರ ಕುರಿತು ಗಮನಹರಿಸಲಾಗದವರಿಗೆ ಹೆಚ್ಚಿನ ಒತ್ತು ಕೊಟ್ಟು ಈ ಸಂಸ್ಥೆ ಸೇವೆ ಕೊಡುತ್ತದೆ. ಮುಖ್ಯವಾಗಿ ವೃದ್ಧರು, ಅಂಗವಿಕಲರು, ರೋಗಿಗಳ ಆರೈಕೆಗಾಗಿ ಚೈತನ್ಯ ಸಂಸ್ಥೆ ಜನರನ್ನು ನೇಮಿಸುತ್ತದೆ. ನೊಂದವರ ಜೊತೆ ಸೌಜನ್ಯದಿಂದ ವರ್ತಿಸಿ ಅವರ ಆಗು-ಹೋಗುಗಳ ಬಗ್ಗೆ ಕಾಳಜಿವಹಿಸುವವರಿಗೆ ಆದ್ಯತೆ ಕೊಡಲಾಗುತ್ತದೆ. ಇದಕ್ಕಾಗಿ ರಾಜ್ಯದ ಎಲ್ಲಾ ಭಾಗಗಳಿಂದಲೂ ಉದ್ಯೋಗ ನೇಮಕಾತಿ ನಡೆಸುತ್ತದೆ. ಅಗತ್ಯವಿದ್ದವರಿಗೆ ಯೋಗ್ಯ ಸಿಬ್ಬಂದಿ ಸೇವೆ ನೀಡುವಲ್ಲಿ ಚೈತನ್ಯ ಪೌಂಡೇಶನ್ ಮುಂಚೂಣಿಯಲ್ಲಿದೆ. ಅಶಕ್ತರ ಆರೈಕೆಗಾಗಿ ಸ್ವಂತ ವೃದ್ಧಾಶ್ರಮವನ್ನು ಸಹ ಚೈತನ್ಯ ಪೌಂಡೇಶನ್ ಹೊಂದಿದೆ. ಚೈತನ್ಯ ಪೌಂಡೇಶನ್ ಸೇವೆಗೆ ಜಾತಿ-ಧರ್ಮದ ಹಂಗಿಲ್ಲ. ಲಿಂಗ ತಾರತಮ್ಯದ ಬೇದವಿಲ್ಲ. ಕನಿಷ್ಠ ಶುಲ್ಕದೊಂದಿಗೆ ಗರಿಷ್ಠ ಸೇವೆ ನೀಡುವ ಕಾರಣ ನಿತ್ಯ ನೂರಾರು ಫೋನ್ ಚೈತನ್ಯ ಕಚೇರಿಗೆ ಬರುತ್ತದೆ. ವೈದ್ಯಕೀಯ ಕ್ಷೇತ್ರದಲ್ಲಿ ಉದ್ಯೋಗ ಬಯಸಿ ಬಂದ ಯಾರನ್ನು ಸಂಸ್ಥೆಯವರು ಮರಳಿ ಕಳುಹಿಸುವುದಿಲ್ಲ. ಗರ್ಭಿಣಿ, ಬಾಣಂತಿ, ವೃದ್ಧರು, ಅಂಗವಿಕಲರು, ಬುದ್ದಿಮಾಂದ್ಯರು ಸೇರಿ ಎಲ್ಲಾ ಬಗೆಯ ಅಶಕ್ತರ ಸೇವೆ ಹಾಗೂ ಉದ್ಯೋಗ ಅಗತ್ಯವಿದ್ದವರು ಇಲ್ಲಿ ಫೋನ್ ಮಾಡಿ: 9845577311 #Sponsored
- [SSLC ನಂತರ ಮುಂದೇನು? ಮಕ್ಕಳ ಭವಿಷ್ಯ ಬದಲಿಸುವ ಅರ್ಜುನ!](https://mobiletime.in/2025/09/what-next-after-sslc-arjuna-who-changes-the-future-of-children/): SSLC ನಂತರ ಮುಂದೇನು? ಎಂಬುದು ಪ್ರತಿಯೊಬ್ಬ ವಿದ್ಯಾರ್ಥಿಗಳಿಗೂ ಕಾಡುವ ಪ್ರಶ್ನೆ. ಪರೀಕ್ಷೆ ಫಲಿತಾಂಶದ ತರುವಾಯ ವಿದ್ಯಾಕಾಶಿ ಧಾರವಾಡಕ್ಕೆ ಶಿಕ್ಷಣ ಅರೆಸಿ ಹೋಗುವವರಿಗೆ ಎದುರಾಗುವುದು ನೂರಾರು ಕಾಲೇಜು. ಅದರಲ್ಲಿಯೂ, ಉತ್ತಮ ಆಡಳಿತ ಮಂಡಳಿ, ನುರಿತ ಸಿಬ್ಬಂದಿ, ಅತ್ಯುನ್ನತ ಉಪನ್ಯಾಸಕ ವರ್ಗ, ವಿಶಾಲವಾದ ಕಾಲೇಜು ಕ್ಯಾಂಪಸ್ಸಿನ ಸ್ನೇಹಮಯ ವಾತಾವರಣದಲ್ಲಿ ಕಲಿಕೆ ಬಯಸುವವರಿಗೆ ಅರ್ಜುನ ಪಿಯು ಕಾಲೇಜಿಗಿಂತಲೂ ಉತ್ತಮ ಆಯ್ಕೆ ಇಲ್ಲ! ಮಕ್ಕಳಲ್ಲಿ ವೈಜ್ಞಾನಿಕ ಮನೋಭಾವನೆ ಬೆಳಸಬೇಕು ಎಂಬುದು ಅರ್ಜುನ ಕಾಲೇಜಿನ ಮುಖ್ಯ ಉದ್ದೇಶ. ಹೀಗಾಗಿ SSLC ಪಾಸಾದ ವಿದ್ಯಾರ್ಥಿಗಳನ್ನು ಪಿಯುಸಿ ವಿಜ್ಞಾನ ವಿಭಾಗಕ್ಕಾಗಿ ಅರ್ಜುನ ಕಾಲೇಜು ಕರೆಯುತ್ತದೆ. ಇಲ್ಲಿ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳಿಗೆ ವೈಜ್ಞಾನಿಕ ದಾಖಲೆಗಳ ಆಧಾರದಲ್ಲಿ ಜ್ಞಾನಾರ್ಜನೆ ಮಾಡಿಸುತ್ತದೆ. ವಿದ್ಯಾರ್ಥಿಗಳು ಹಾಗೂ ವಿಜ್ಞಾನಿಗಳ ನಡುವೆ ಸಂವಾದ, ಚರ್ಚೆ, ಕ್ಷೇತ್ರ ಭೇಟಿ ಅಧ್ಯಯನಗಳಿಂದಲೂ ಅರ್ಜುನ ಕಾಲೇಜು ಪ್ರಸಿದ್ಧಿ ಪಡೆದಿದೆ. ದೇಶಕ್ಕೆ ಅತ್ಯುತ್ತಮ ವಿಜ್ಞಾನಿಗಳನ್ನು ಕೊಡುಗೆಯಾಗಿ ನೀಡುವ ಕಾಯಕದಲ್ಲಿ ಅರ್ಜುನ ಪಿಯು ಕಾಲೇಜು ಮುಂಚೂಣಿಯಲ್ಲಿದೆ. 2019ರಲ್ಲಿ 25 ವಿದ್ಯಾರ್ಥಿಗಳಿಂದ ಶುರುವಾದ ಈ ಕಾಲೇಜು ಐದು ವರ್ಷದಲ್ಲಿ ಶೈಕ್ಷಣಿಕ ವಿಷಯವಾಗಿ ಹೆಮ್ಮರವಾಗಿ ಬೆಳೆದಿದೆ. ಸುಸಜ್ಜಿತವಾದ ಕಟ್ಟಡ, ಆಟದ ಮೈದಾನ, ಅತ್ಯಾಧುನಿಕ ಪ್ರಯೋಗಾಲಯ, ಅಚ್ಚುಕಟ್ಟಾದ ವಿದ್ಯಾರ್ಥಿ ನಿಲಯ, ಕಲಿಕೆ ಜೊತೆ ವಿದ್ಯಾರ್ಥಿಗಳ ಆರೋಗ್ಯದ ಬಗ್ಗೆಯೂ ಕಾಳಜಿವಹಿಸುವುದು ಇಲ್ಲಿನ ವಿಶೇಷ. ಸ್ಪರ್ಧಾತ್ಮಕ ಪರೀಕ್ಷೆಗಳ ತರಬೇತಿ ಧಾರವಾಡದ ಸರಸ್ವತಿಪುರದಲ್ಲಿರುವ ಅರ್ಜುನ ಕಾಲೇಜು ವಿದ್ಯೆಗೆ ಮಾತ್ರ ಸೀಮಿತವಲ್ಲ. ವಿದ್ಯೆ ಕಲಿತವರಿಗೆ ಯೋಗ್ಯ ಉದ್ಯೋಗ ದೊರಕಿಸುವುದಕ್ಕೆ ಸಹ ಪ್ರಯತ್ನಿಸುತ್ತದೆ. ಈ ಹಿನ್ನಲೆ ಪ್ರತಿ ವಿದ್ಯಾರ್ಥಿಗಳಿಗೂ ಇಲ್ಲಿ ಸ್ಪರ್ಧಾತ್ಮಕ ಪರೀಕ್ಷೆಗಳ ಕುರಿತು ತರಬೇತಿ ನೀಡಲಾಗುತ್ತದೆ. ಈ ಕಾಲೇಜಿನಲ್ಲಿರುವ ಎಲ್ಲಾ ಉಪನ್ಯಾಸಕರು IIT/NIT/ M.Sc ಪದವಿಧೀರರು. ಸ್ಪರ್ಧಾತ್ಮಕ ಪರೀಕ್ಷೆಗಳಾದ JEE Mains/JEE, Advanced/NEET/KVPY/  KCET ತರಬೇತಿ ನೀಡುವಲ್ಲಿಯೂ ಅವರೆಲ್ಲರೂ ಪರಿಣಿತರು! ಮಕ್ಕಳ ಸಾಧನೆ ನಿರಂತರ! ಪ್ರತಿಷ್ಠಿತ ಎನ್‌ಡಿಎ ಪರೀಕ್ಷೆಯಲ್ಲಿ ಅರ್ಜುನ ಕಾಲೇಜಿನ ವಿದ್ಯಾರ್ಥಿಗಳು ನಿರಂತರ ಸಾಧನೆ ಮಾಡುತ್ತಿದ್ದಾರೆ. ಕಳೆದ ವರ್ಷ 9 ವಿದ್ಯಾರ್ಥಿಗಳು ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದು, ಈ ಬಾರಿ ಪರೀಕ್ಷೆ ಎದುರಿಸಿದ ಐವರು ಅತ್ಯುತ್ತಮ ಸಾಧನೆ ಮಾಡಿದ್ದಾರೆ. ನೀಟ್ ಪರೀಕ್ಷೆಯಲ್ಲಿ 625 ಅಂಕ ಪಡೆದಿರುವ ಗೌಥಮ ಪಟೇಲ್, 601 ಅಂಕಪಡೆದು ಸಾಧನೆ ಮಾಡಿರುವ ಪ್ರಜ್ಞಾ ಈಶ್ವರಪ್ಪಗೋಳ್ ಸೇರಿ ಅನೇಕರು ಅರ್ಜುನ ಕಾಲೇಜಿನ ಕೀರ್ತಿ ಹೆಚ್ಚಿಸಿದ್ದಾರೆ. ಹೈದರಾಬಾದಿನ ಐಟಿಐನಲ್ಲಿ ಓದುತ್ತಿರುವ ಸಿದ್ದಾಪುರದ ರಜತ್ ಹೆಗಡೆ, `ತಮ್ಮ ಸಾಧನೆಗೆ ಅರ್ಜುನ ಕಾಲೇಜು ಕಾರಣ’ ಎಂದು ನೆನೆಯುತ್ತಾರೆ. ಇಲ್ಲಿ ಕಲಿತ ಪ್ರಣವ ಕಾಮತ್ ವಾರಣಾಸಿಯಲ್ಲಿ ಐಟಿಐ ಪ್ರವೇಶ ಪಡೆದಿದ್ದಾರೆ. ಧಾರವಾಡ ಐಟಿಐ ಪ್ರವೇಶಿಸಿದ ಅಹ್ಮದ್ ನಬಿಲ್, ಕಲ್ಬುರ್ಗಿಯ ನೈಟಿ ಕಾಲಿಕಟ್ ಪ್ರವೇಶಿಸಿದ ಸಾತ್ವಿಕ್ ಬಲ್ಬುರ್ಗಿ, ಐಐಐಟಿ ಹೈದ್ರಾಬಾದಿನಲ್ಲಿರುವ ನಂದನ್ ಕಾಮತ್, ಧಾರವಾಡದ ಐಐಐಟಿಯಲ್ಲಿರುವ ತೇಜಸ್ವಿ ಮದ್ಗುಣಿ, ಹರ್ಷ ಕುಡ್ತರರ್ಕರ ಸಹ ಅರ್ಜುನ ಕಾಲೇಜಿನ ಹಿರಿಮೆಯ ಬಗ್ಗೆ ಮಾತನಾಡುತ್ತಾರೆ. ಅರ್ಜುನ ಕಾಲೇಜಿನ ಮೂವರು ವಿದ್ಯಾರ್ಥಿಗಳು ಈ ವರ್ಷ ಸರ್ಕಾರಿ ಮೆಡಿಕಲ್ ವಿಭಾಗದಲ್ಲಿ ಸ್ಥಾನ ಪಡೆದಿದ್ದಾರೆ. ಸಾಮಾನ್ಯ ವಿದ್ಯಾರ್ಥಿಯನ್ನು ಸಂಪನ್ಮೂಲ ವ್ಯಕ್ತಿಯನ್ನಾಗಿ ರೂಪಿಸುವಲ್ಲಿ ಧಾರವಾಡದ ಅರ್ಜುನ ಪಿಯು ವಿಜ್ಞಾನ ಕಾಲೇಜಿನ ಕೊಡುಗೆ ಅಪಾರ. ನಿಮ್ಮ ಮಗುವನ್ನು ಭವಿಷ್ಯದ ವಿಜ್ಞಾನಿಯನ್ನಾಗಿಸಲು ಅರ್ಜುನ ಕಾಲೇಜಿಗೆ ಬನ್ನಿ.. ಡಿಸೆಂಬರ್ 22 ಹಾಗೂ 29ರಂದು ಧಾರವಾಡದ ಅರ್ಜುನ ಕಾಲೇಜಿನಲ್ಲಿ ಪ್ರವೇಶಾತಿ ಪರೀಕ್ಷೆ ನಡೆಯಲಿದೆ. ಇದರೊಂದಿಗೆ ಡಿಸೆಂಬರ್ 25ರಂದು ಬೆಳಗ್ಗೆ 10 ಗಂಟೆಗೆ ಶಿರಸಿಯ ಮಹಾಲಿಂಗಪ್ಪಭೂಮ ಶಾಲೆಯಲ್ಲಿ ಪ್ರವೇಶ ಪರೀಕ್ಷೆಯನ್ನು ಆಯೋಜಿಸಲಾಗಿದೆ. ಅದೇ ದಿನ ಮಧ್ಯಾಹ್ನ 3 ಗಂಟೆಗೆ ಯಲ್ಲಾಪುರದ ಸರ್ಕಾರಿ ಪಿಯು ಕಾಲೇಜಿನಲ್ಲಿ ಪ್ರವೇಶಾತಿ ಪರೀಕ್ಷೆ ನಡೆಯಲಿದೆ. ಜನವರಿ 5ರಂದು ಕುಮಟಾದಲ್ಲಿ ಪರೀಕ್ಷೆಯನ್ನು ನಡೆಸಲಾಗುತ್ತಿದೆ. ಇಲ್ಲಿ ಭೇಟಿ ಕೊಡಿ: ಅರ್ಜುನ ಪದವಿಪೂರ್ವ ಕಾಲೇಜು ಶಾನಭಾಗ ಕಟ್ಟಡ, ಟೋಲ್ ನಾಕಾ ಸಮೀಪ ಪಿಬಿ ರಸ್ತೆ, ಸರಸ್ವತಿಪುರ, ಧಾರವಾಡ ವೆಬ್‌ಸೈಟ್ ವೀಕ್ಷಣೆಗೆ ಇಲ್ಲಿ ಕ್ಲಿಕ್ಕಿಸಿ:  https://www.arjunaedugroups.com/ ಇನ್ನಷ್ಟು ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 9845845796, 8073371598, 8073211871 #sponsored    
- [ಮನೆ ಮನೆಯಲ್ಲಿಯೂ ಮನೆ ಮಾತಾಗಿರುವ ಕೆ ಎಸ್ ಫುಡ್ ಪ್ರೊಡೆಕ್ಟ್](https://mobiletime.in/2025/09/ks-food-product-is-a-household-word-in-every-household/): ಕೆ ಎಸ್ ಫುಡ್ ಪ್ರೊಡೆಕ್ಟ್ ಇದೀಗ ರಾಜ್ಯದ ಎಲ್ಲಡೆ ವಿಸ್ತರಿಸಿಕೊಂಡಿದೆ. ಗುಣಮಟ್ಟದ ಉತ್ಪನ್ನವನ್ನು ಎಲ್ಲಡೆ ವಿತರಿಸುವ ಹೊಣೆ ಹೋರುವವರಿಗಾಗಿ ಹುಡುಕಾಟವೂ ನಡೆದಿದೆ. ಒಂದುವರೆ ವರ್ಷದ ಹಿಂದೆ ಯಲ್ಲಾಪುರದ ಕಾಳಮ್ಮನಗರದ ಕೃಷ್ಣ ಸುರೇಮಾನ್ ಕುಟುಂಬದವರು `ಕೆ ಎಸ್ ಫುಡ್ ಪ್ರೊಡೆಕ್ಟ್’ ಎಂಬ ಆಹಾರ ಪದಾರ್ಥಗಳ ತಯಾರಿಕೆಯನ್ನು ಶುರು ಮಾಡಿದರು. ಒಂದು ಕೆಜಿ ಶೆಂಗಾ ಪುಡಿಯಿಂದ ಶುರುವಾದ ಈ ಮಾರುಕಟ್ಟೆ ಇದೀಗ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ತಾಲೂಕುಗಳಲ್ಲಿಯೂ ಆವರಿಸಿಕೊಂಡಿದೆ. ವಿವಿಧ ತಾಲೂಕಿನ ಸುಪರ್ ಮಾರ್ಟ ಹಾಗೂ ಕಿರಾಣಿ ಅಂಗಡಿಗಳಲ್ಲಿ ಈ ಉತ್ಪನ್ನ ಸಿಗುತ್ತದೆ. ಅದಾಗಿಯೂ ಎಲ್ಲಾ ತಾಲೂಕಿನ ಎಲ್ಲಾ ಮಳಿಗೆಗಳಲ್ಲಿ ಈ ಉತ್ಪನ್ನ ಪೂರೈಸುವ ಕನಸಿದ್ದು, ಅದಕ್ಕಾಗಿ ಡೀಲರ್’ಗಳ ಹುಡುಕಾಟ ನಡೆದಿದೆ. ಎಫ್‌ಎಸ್‌ಎಸ್‌ಐ ಪರವಾನಿಗೆ ಪಡೆದಿರುವ ಕೆ ಎಸ್ ಪುಡ್ ಪ್ರೊಡೆಕ್ಟ ಪ್ರಸ್ತುತ ಆರು ಬಗೆಯ ಉತ್ಪನ್ನಗಳನ್ನು ಸಿದ್ಧಪಡಿಸುತ್ತಿದೆ. ಬ್ಯಾಡಗಿಖಾರದ ಪುಡಿಯಿಂದ ಸಿದ್ಧವಾಗುವ ಸಾಂಬಾರಪುಡಿ ಅತ್ಯಂತ ಪ್ರಸಿದ್ಧಿ. ಬಗೆ ಬಗೆಯ ಖಾದ್ಯಕ್ಕೂ ಇದು ಯೋಗ್ಯ. ಇದರೊಂದಿಗೆ ಮಸಾಲ ಖಾರದಪುಡಿ, ಶೆಂಗಾ ಚಟ್ನಿಪುಡಿ, ಪುಠಾಣಿ ಚಟ್ನಿಪುಡಿ, ಅಗಸೆ ಚಟ್ನಿಪುಡಿ ಹಾಗೂ ಗುರೆಳ್ಳು ಚಟ್ನಿಪುಡಿ ಬಾಯಲ್ಲಿ ನೀರು ತರಿಸುತ್ತದೆ. ನಿಮ್ಮ ಊರಿನಲ್ಲಿ ಕೆ ಎಸ್ ಪುಡ್ ಪ್ರಾಡೆಕ್ಟ್ ಮಳಿಗೆ ಸ್ಥಾಪನೆ ಹಾಗೂ ಪೂರೈಕೆಗಾಗಿ ಇಲ್ಲಿ ಫೋನ್ ಮಾಡಿ: 9741814274 #Sponsored
- [ಸೇವೆ ಜೊತೆ ಸಂಬಳ | ತರಬೇತಿಯೊಂದಿಗೆ ಉದ್ಯೋಗ: ಇಲ್ಲಿ ಕನಿಷ್ಟ ವೇತನವೇ 25 ಸಾವಿರ ರೂ!](https://mobiletime.in/2025/09/employment-with-service-25-thousand-rupees-salary-during-the-training-period-itself/): ವೈದ್ಯಕೀಯ ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿದವರಿಗೆ ದಾಸ್ ಸೇವಾ ಸಂಸ್ಥೆ ಉದ್ಯೋಗದ ದಾರಿ ತೋರುತ್ತಿದೆ. ಕಳೆದ 23 ವರ್ಷಗಳಿಂದ ರೋಗಿ ಹಾಗೂ ಆರೈಕೆದಾರರ ನಡುವೆ ಸಂಪರ್ಕ ಕೊಂಡಿಯಾಗಿ ಈ ಸಂಸ್ಥೆ ಕೆಲಸ ಮಾಡುತ್ತಿದೆ. ದಾಸ್ ಸೇವಾ ಸಂಸ್ಥೆಯ ಮುಖ್ಯ ಕಚೇರಿ ಮಂಗಳೂರು. ಅದಾಗಿಯೂ, ಬೆಂಗಳೂರು, ಹುಬ್ಬಳ್ಳಿ, ಬೆಳಗಾವಿ, ಶಿವಮೊಗ್ಗ, ಹಾಸನ, ದಾವಣಗೆರೆ, ಬಳ್ಳಾರಿ ಸೇರಿ ರಾಜ್ಯದ ನಾನಾ ಭಾಗಗಳಲ್ಲಿ ಈ ಸಂಸ್ಥೆ ಕಾರ್ಯ ನಿರ್ವಹಿಸುತ್ತದೆ. ಅಭ್ಯರ್ಥಿಗೆ ಯೋಗ್ಯ ತರಬೇತಿ ನೀಡುವ ದಾಸ್ ಸೇವಾ ಸಂಸ್ಥೆ ತರಬೇತಿಯ ಅವಧಿಯಲ್ಲಿಯೇ 25 ಸಾವಿರ ವೇತನ ನೀಡುವ ಭರವಸೆ ನೀಡಿದೆ. ರೋಗಿ ಹಾಗೂ ಆರೈಕೆದಾರರ ನಡುವೆ ಭಾವನಾತ್ಮಕ ಸಂಬoಧ ಬೆಸೆಯುವಲ್ಲಿ ಈ ಸಂಸ್ಥೆ ಸೇತುವೆಯಾಗಿದೆ. ದಾಸ್ ಸೇವಾ ಸಂಸ್ಥೆಗೆ ಅನಿಲ ದಾಸ್ ರೂವಾರಿ. ಹಲವು ನರ್ಸಿಂಗ್ ಹೋಂ ಜೊತೆ ಅವರು ನಿರಂತರ ಸಂಪರ್ಕದಲ್ಲಿದ್ದಾರೆ. ಪುರುಷ ಹಾಗೂ ಮಹಿಳಾ ಅಭ್ಯರ್ಥಿಗಳಿಗೆ ಅಗತ್ಯ ತರಬೇತಿ ನೀಡಿ ಅವರಿಗೆ ತಕ್ಕ ಉದ್ಯೋಗವನ್ನು ಒದಗಿಸುತ್ತಾರೆ. ಕನಿಷ್ಟ 7ನೇ ತರಗತಿ ಮುಗಿಸಿದ ಯಾರು ಬೇಕಾದರೂ ಇಲ್ಲಿ ತರಬೇತಿಗೆ ಬರಬಹುದು. ಉಚಿತ ಊಟ-ವಸತಿ ಜವಾಬ್ದಾರಿಯನ್ನು ಅವರೇ ನೋಡಿಕೊಳ್ಳುತ್ತಾರೆ. ತರಬೇತಿ ಅವಧಿ ಮುಗಿದ ನಂತರ ಆಸ್ಪತ್ರೆ, ವೃದ್ಧಾಶ್ರಮ ಸೇರಿ ವಿವಿಧ ಕಡೆ ಖಾಯಂ ಉದ್ಯೋಗವನ್ನು ಕಲ್ಪಿಸುತ್ತಾರೆ. ಈ ಸಂಸ್ಥೆಯ ಕಾಯಕ ಮೆಚ್ಚಿ ಗ್ಲೋಬಲ್ ಸ್ಕೋಲರ್ ಪೌಂಡೇಶನ್ `ಉದ್ಯೋಗ ರತ್ನ’ ಎಂಬ ಪ್ರಶಸ್ತಿ ನೀಡಿ ಗೌರವಿಸಿದೆ. ಗರ್ಭಿಣಿ, ಬಾಣಂತಿ, ವೃದ್ಧರು, ಅಶಕ್ತರ ಸೇವೆ ಮಾಡಲು ಆಸಕ್ತಿ ಇದ್ದವರಿಗೆ ದಾಸ್ ಸಂಸ್ಥೆ ಸಹಕಾರಿ. ಮಗು-ಬಾಣಂತಿ ಆರೈಕೆ, ವೃದ್ಧ-ಅಶಕ್ತರ ಸಲಹೆಗೆ ಜನ ಬೇಕಾದವರೂ ಈ ಸಂಸ್ಥೆಗೆ ಕರೆ ಮಾಡಬಹುದು. ದಾಸ್ ಸೇವಾ ಸಂಸ್ಥೆಯ ಸೇವೆ ನಿಮಗೆ ಅಗತ್ಯವಿದ್ದರೆ ಈಗಲೇ ಫೋನ್ ಮಾಡಿ: 9845495055 #Sponsored
- [ಕಾರವಾರ | ಕರಾವಳಿ ಮೀನು ಖಾದ್ಯಕ್ಕೆ ಮತ್ತೊಂದು ಹೊಟೇಲ್!](https://mobiletime.in/2025/09/karwar-another-hotel-for-coastal-fish-dishes/): ಕರಾವಳಿಯ ಮೀನು ಖಾದ್ಯಕ್ಕೆ ಸೋಲದ ನಾಲಿಗೆಯಿಲ್ಲ. ಅದರಲ್ಲಿಯೂ ಕಾರವಾರದಲ್ಲಿ ಬಹುತೇಕರು ಮೀನು ಇಲ್ಲದೇ ಜನ ಊಟ ಮಾಡುವುದಿಲ್ಲ! ಕಾರವಾರ ಬಸ್ ನಿಲ್ದಾಣದ ಹತ್ತಿರ ಹಳದಿಪುರ ಪೆಟ್ರೋಲ್ ಬಂಕ್ ಬಳಿ ಕರಾವಳಿ ಖಾದ್ಯಗಳನ್ನು ಒಳಗೊಂಡ `ಡ್ರೀಮ್ ಹೊಟೇಲ್’ನ್ನು ಭಾನುವಾರ ಉದ್ಘಾಟನೆಯಾಗಿದೆ. ಕುಮಟಾ ಮದ್ಗುಣಿಯ ಸಚಿನ್ ಎಂ ಪಟಗಾರ ಹಾಗೂ ರಾಘವೇಂದ್ರ ಪ್ರಕಾಶ ತೆಂಡುಲ್ಕರ್ ಜೊತೆಯಾಗಿ ಈ ಉದ್ಯಮಕ್ಕೆ ಪಾದಾರ್ಪಣೆ ಮಾಡಿದರು. ಮೊದಲು ಅಂಗಡಿ ವ್ಯಾಪಾರ ನಡೆಸುತ್ತಿದ್ದ ಅವರು ಹೊಟೇಲ್ ಮಾಡುವುದಾಗಿ ಹೇಳಿದಾಗ ಅವರು ಕುಟುಂಬದವರು ಸಹಕಾರ ನೀಡಿದ್ದಾರೆ. `ಸಚಿನ್ ಹಾಗೂ ರಾಘವೇಂದ್ರ ಅವರ ಅಮ್ಮನೇ ಅಲ್ಲಿ ಮುಖ್ಯ ಅಡುಗೆ ತಯಾರಿಕರಾಗಿದ್ದು, ಮೀನು ಖಾದ್ಯಗಳನ್ನು ಸಿದ್ಧಪಡಿಸುವಲ್ಲಿ ಅವರು ಎತ್ತಿದ ಕೈ. ಹೀಗಾಗಿ ಈ ಹೊಟೇಲ್’ಗೆ ಹೋದವರಿಗೆ ಅಮ್ಮನ ಕೈ ರುಚಿಯ ನೆನಪಾಗುತ್ತದೆ’ ಎಂದು ಅಕ್ತಾರ್ ಸಯ್ಯದ್ ಅನುಭವ ಹಂಚಿಕೊoಡರು. `ಭಾನುವಾರ ನಾನು ವೆಜ್ ಮೊಮ್ಮೋಸ್’ ಫಿಂಗರ್ ಚಿಪ್ಸ ಹಾಗೂ ದಂ ಬಿರಿಯಾನಿ ಅಸ್ವಾದಿಸಿದೆ. ಹೊಸ ಸಾಹಸಕ್ಕೆ ಇಳಿದ ತರುಣರು ಗುಣಮಟ್ಟದ ಆಹಾರ ನೀಡುವಲ್ಲಿ ಸಫಲರಾಗಿದ್ದಾರೆ’ ಎಂದವರು ಅಭಿಪ್ರಾಯ ವ್ಯಕ್ತಪಡಿಸಿದರು. ಭಾನುವಾರ ಸಂತೆ ಮಾರುಕಟ್ಟೆಗೆ ಬಂದ ಅನೇಕರು ಇಲ್ಲಿ ತೆರಳಿ ಊಟ ಸವಿದರು. ಸಂಜೆ ವೇಳೆ ಹಲವರು ಭೇಟಿ ನೀಡಿ ಸಂತಸ ವ್ಯಕ್ತಪಡಿಸಿದರು.
- [ಮನೆಲೇ ಮಾಡಿದ್ದು... ಅಮ್ಮನೇ ಮಾಡಿದ್ದು... ನೀವು ಬಳಸಿ.. ನಿಮ್ಮವರಿಗೂ ತಿಳಿಸಿ!](https://mobiletime.in/2025/09/homemade-beauty-enhancer/): 13 ಗಿಡ ಮೂಲಿಕೆಯಿಂದ ಸಿದ್ದಪಡಿಸಿದ ತಯಾರಿಸಿದ ಸೌಂದರ್ಯ ವರ್ಧಕ ಮಾರುಕಟ್ಟೆಯಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಸೌಂದರ್ಯ ವರ್ಧಕದ ಬಗ್ಗೆ ಕಾನೂನು ಸಲಹೆಗಾರರಾದ ಸಿರಿ ವಾನಳ್ಳಿ ಅವರು ಮಾಡಿದ ವಿಡಿಯೋ ಸಹ ಅಷ್ಟೇ ಪ್ರಮಾಣದಲ್ಲಿ ವೈರಲ್ ಆಗಿದೆ. ಕೆಮಿಕಲ್ ಉತ್ಪನ್ನಗಳ ಹಾವಳಿ ನಡುವೆ ಸಿರಿ ವಾನಳ್ಳಿ ಅವರ ತಾಯಿ ನೈಸರ್ಗಿಕ ಉತ್ಪನ್ನಗಳನ್ನು ಬಳಸಿ ಮಾಡಿದ `Sparkle’ ಎಂಬ ಬ್ರಾಂಡ್ ಅಡಿ ಸಿಗುವ ಉತ್ಪನ್ನ ಇದಾಗಿದೆ. ಸಂಪೂರ್ಣ ನೈಸರ್ಗಿಕ ವಿಧಾನದಲ್ಲಿ ತಯಾರಾದ ಇದನ್ನು ಬಳಸಿದರೆ ಮೊಡವೆ, ಪಿಗ್ಮೆಂಟೇಶನ್  ದೂರಮಾಡಬಹುದು. ಮುಖದ ಹೊಳಪು ಹಾಗೂ ತ್ವಚೆ ಕಾಪಾಡಲು ಸಹ ಈ ಉತ್ಪನ್ನ ಅತ್ಯಂತ ಸಹಕಾರಿ. 150ರೂ ಮಾತ್ರ. ಹೀಗಾಗಿ ಇತರೆ ಕೆಮಿಕಲ್ ಉತ್ಪನ್ನಗಳಷ್ಟು ಇದು ದುಬಾರಿಯೂ ಅಲ್ಲ! 7019240128ಗೆ ಕರೆ ಮಾಡಿ, ಉತ್ಪನ್ನ ಉಪಯೋಗಿಸಿ ನೋಡಿ.. ಈ ಮಾಹಿತಿ ಉಪಯುಕ್ತ ಅನಿಸಿದರೆ ನಿಮ್ಮ ಬಳಗದಲ್ಲಿ ಶೇರ್ ಮಾಡಿ.. ಉತ್ಪನ್ನದ ಉಪಯೋಗದ ಬಗ್ಗೆ ಸಿರಿ ವಾನಳ್ಳಿ ಅವರು ತಿಳಿಸಿದ ಚಂದದ ವಿಡಿಯೋ ಇಲ್ಲಿ ನೋಡಿ..    
- [ಸ್ವಂತ ಊರಿನಲ್ಲಿಯೇ ಸ್ವ ಉದ್ಯೋಗ: ಕೃಷಿ ಸೇವೆಗೆ `ಭರತ್ ಟೂಲ್ಸ್' ಹೆಸರುವಾಸಿ!](https://mobiletime.in/2025/09/self-employment-in-your-own-hometown-bharat-tools-is-famous-for-its-agricultural-services/): ಚಿಕ್ಕದೊಂದು ಬ್ರೆಶ್ ಕಟರ್ ರಿಪೇರಿಗೆ ಹುಬ್ಬಳ್ಳಿ-ಧಾರವಾಡ ಸುತ್ತಾಡಿಕೊಂಡು ಬಂದ ಯಲ್ಲಾಪುರದ ಪ್ರಶಾಂತ ನಾಯ್ಕ ಕೊನೆಗೆ ಶಿರಸಿಯ `ಭರತ್ ಟೂಲ್ಸ್’ ಮುಂದೆ ನಿಂತಿದ್ದರು. ಎಲ್ಲಿಯೂ ರಿಪೇರಿ ಆಗದ ಮೋಟಾರ್ ಅರ್ದ ದಿನದ ಒಳಗೆ ಅಂಕಿತ ಹೆಗಡೆ ದುರಸ್ತಿ ಮಾಡಿಕೊಟ್ಟಿದ್ದರು. ಇದಕ್ಕಾಗಿ ಅವರು ಪಡೆದ ಶುಲ್ಕ 350ರೂ! ಶಿರಸಿ ಸಾಲಕಣಿಯ ಗಣಪತಿ ಸಹ ಪೇಟೆ ಕಡೆ ಬಂದಾಗ `ಭರತ್ ಟೂಲ್ಸ್’ ಕಡೆ ಬಾರದೇ ಮನೆಗೆ ಮರಳುವುದಿಲ್ಲ. ಆ ದಿನ ಯಾವುದೇ ವ್ಯವಹಾರ ಇಲ್ಲದಿದ್ದರೂ ಒಮ್ಮೆ ಮಳಿಗೆಗೆ ಬಂದು ಅಂಕಿತ ಹೆಗಡೆಯರನ್ನು ಮಾತನಾಡಿಸುವುದು ಅವರ ರೂಢಿ. ಸಣ್ಣಪುಟ್ಟ ರಿಪೇರಿಗಳಿಂದ ಹಿಡಿದು ದೊಡ್ಡ ದೊಡ್ಡ ಸಾಮಗ್ರಿ ಖರೀದಿಯವರೆಗೂ ಗಣಪತಿಯವರು ಅನೇಕರನ್ನು ಇವರಲ್ಲಿ ಕಳುಹಿಸುತ್ತಾರೆ. ಹೀಗೆ ಉತ್ತಮ ಸೇವೆ ಗಮನಿಸಿ ಅಂಕಿತ್ ಹೆಗಡೆ ಅವರಿಗೆ ಬೆಂಬಲಿಸುತ್ತಿರುವವವರು ಹಲವರಿದ್ದಾರೆ. ಸಾಲ್ಕಣಿ ಬಳಿಯಿರುವ ಕಳಲೆಮಕ್ಕಿಯ ಅಂಕಿತ್ ಹೆಗಡೆ ಐಟಿಐ ಓದಿದ್ದಾರೆ. ಕಾಲೇಜು ಮುಗಿಸಿದ ನಂತರ ಪ್ರತಿಷ್ಟಿತ ಕಂಪನಿಗಳಲ್ಲಿ ದೊಡ್ಡ ಸಂಬಳದ ಉದ್ಯೋಗ ಸಿಕ್ಕರೂ ಆ ಅವಕಾಶವನ್ನು ನಿರಾಕರಿಸಿದ ಅಂಕಿತ್ ಹೆಗಡೆ ಯಲ್ಲಾಪುರ ರಸ್ತೆಯ ಶೆಟ್ಟಿ ಕಾಂಪ್ಲೇಕ್ಸಿನಲ್ಲಿ ಪುಟ್ಟದೊಂದು ಮಳಿಗೆ ನಡೆಸುತ್ತಿದ್ದಾರೆ. ಪವನ್ ಬಜಾಜ್ ಆಟೋ ಶೋ ರೂಂ ಎದುರು ಕಾಣುವ `ಭರತ್ ಟೂಲ್ಸ್’ನಲ್ಲಿ ಅವರು ಇಡೀ ದಿನ ಕಳೆಯುತ್ತಾರೆ. `ಭರತ್’ ಹೆಸರಿನಲ್ಲಿಯೇ ಮೋಟಾರು ತಯಾರಿಕೆಯ ಬ್ರಾಂಡ್ ಮಾಡುವ ವಿಚಾರವನ್ನೂ ಅವರು ಹೊಂದಿದ್ದಾರೆ. ಕಾಲೇಜು ನಂತರ ಮೆಕಾನಿಕ್ ಅಂಗಡಿಯೊoದರಲ್ಲಿ ತರಬೇತಿಪಡೆದ ಅಂಕಿತ್ ಹೆಗಡೆ ನಂತರ 10 ಲಕ್ಷ ರೂ ಹೂಡಿಕೆ ಮಾಡಿ ಸ್ವಂತ ಮಳಿಗೆ ಶುರು ಮಾಡಿದರು. ಗ್ರಾಮೀಣ ಭಾಗದಲ್ಲಿ ಕೃಷಿಕರು ಅನುಭವಿಸುತ್ತಿರುವ ಕಷ್ಟ ನೋಡಿದ ಅವರು ಕೃಷಿಗೆ ಅಗತ್ಯವಿರುವ ಸಲಕರಣೆಗಳ ಸೇವೆಗೆ ಮುಂದಾದರು. ಪ್ರಸ್ತುತ ಕೃಷಿ ಚಟುವಟಿಕೆಗಳಿಗೆ ಬೆನ್ನೆಲುಬಾಗಿರುವ ಅವರು ಕೃಷಿಗೆ ಸಂಬoಧಿಸಿದ ಎಲ್ಲಾ ಉಪಕರಣಗಳ ದುರಸ್ತಿ ಮಾಡುತ್ತಾರೆ. ಜೊತೆಗೆ ಅಗತ್ಯ ಸಾಮಗ್ರಿಗಳ ಮಾರಾಟದಲ್ಲಿಯೂ ಮುಂದಿದ್ದಾರೆ. ಜನರೇಟರ್ ಸೇರಿದಂತೆ ವಿವಿಧ ಪರಿಕ್ಕರಗಳು ಅವರಲ್ಲಿ ಬಾಡಿಗೆ ಆಧಾರದಲ್ಲಿಯೂ ಸಿಗುತ್ತದೆ. ಸಣ್ಣ ಮಿಕ್ಸರಿನಿಂದ ಹಿಡಿದು ದೊಡ್ಡ ದೊಡ್ಡ ಯಂತ್ರಗಳವರೆಗೆ ಎಲ್ಲವನ್ನು ದುರಸ್ತಿ ಮಾಡಿಕೊಡುವಲ್ಲಿ ಅಂಕಿತ್ ಹೆಗಡೆ ಮುಂದಿದ್ದಾರೆ. ಪ್ರಸ್ತುತ ಹಾಸನದ ಬಾಲಸುಬ್ರಹ್ಮಣ್ಯ ಅವರೊಂದಿಗೆ ಮಾತುಕತೆ ನಡೆಸಿರುವ ಅಂಕಿತ್ ಹೆಗಡೆ ಅಗತ್ಯವಿದ್ದವರಿಗೆ ಅತ್ಯಂತ ಸ್ಪರ್ಧಾತ್ಮಕ ದರದಲ್ಲಿ `ಹೈಟೆಕ್ ದೋಟಿ’ಯನ್ನು ವಿತರಿಸುತ್ತಿದ್ದಾರೆ. ಇತರೆ ಮಳಿಗೆಗಳಲ್ಲಿ 7 ಸಾವಿರ ರೂ ಬೆಲೆಗೆ ಸಿಗುವ ಕೆಲ ಯಂತ್ರೋಪಕರಣಗಳು `ಭರತ್ ಟೂಲ್ಸ್’ನವರಲ್ಲಿ 3500ರೂಪಾಯಿಗೆ ಸಿಗುತ್ತದೆ. ಇಲ್ಲಿನ ವಸ್ತುಗಳು ದರದಲ್ಲಿ ಕಡಿಮೆ ಇದೆಯೇ ವಿನ: ಗುಣಮಟ್ಟದಲ್ಲಿ ಕಡಿಮೆ ಇಲ್ಲ. `ಭರತ್ ಟೂಲ್ಸ್’ನ ವಿಳಾಸ: ಅಂಕಿತ್ ಹೆಗಡೆ ಶೆಟ್ಟಿ ಕಾಂಪ್ಲೇಕ್ಸ್, ಯಲ್ಲಾಪುರ ರಸ್ತೆ ಶಿರಸಿ – 581402 ಫೋನ್ ನಂ: 8310501788 ಅಥವಾ 9900244823 #Sponsored
- [ಡಿಜಿಟಲ್ ಟ್ರಿಕ್ ಬಳಸಿ `ಟ್ರೆಕ್' ಜೊತೆ ಕೈ ಜೋಡಿಸಿ!](https://mobiletime.in/2025/09/join-hands-with-trek-using-a-digital-trick/): `ಪ್ರವಾಸೋದ್ಯಮ ನಕ್ಷೆಯಲ್ಲಿ ಉತ್ತರ ಕನ್ನಡ ಜಿಲ್ಲೆ ಚಿನ್ನದ ಗುರುತು. ದೇಶ-ವಿದೇಶಗಳಿಂದ ಪ್ರವಾಸಿಗರನ್ನು ಸೆಳೆಯುವ ಶಕ್ತಿ ಈ ಜಿಲ್ಲೆಗಿದೆ. ಆದರೆ, ಇಲ್ಲಿಗೆ ಬರುವ ಪ್ರವಾಸಿಗರನ್ನು ಉಳಿಸಿಕೊಳ್ಳುವ ಆತಿಥ್ಯವನ್ನು ನೀಡುವ Resort, Homestay’ಗಳು ಸಾಕಷ್ಟು ಇದ್ದರೂ ಕೂಡ ಅವರು ಮತ್ತೆ ಮತ್ತೆ ಇಲ್ಲಿಗೆ ಬರುವಂತೆ ಮಾಡುವ ಶಕ್ತಿಯ ಕೊರತೆಯಿದ್ದು, ಅವರನ್ನು ಮತ್ತೆ ಮತ್ತೆ ಆಕರ್ಷಿಸುವ ಕೆಲಸ  ಪ್ರವಾಸೋದ್ಯಮ ಕ್ಷೇತ್ರದಲ್ಲಿರುವವರಿಗೆ ಆ ಬಗ್ಗೆ ತರಬೇತಿ ಹಾಗೂ ಮಾಹಿತಿ ನೀಡುವ ಸಂಸ್ಥೆ ನಮ್ಮದು’ ಎನ್ನುತ್ತ ಮಾತು ಶುರು ಮಾಡಿದರು ಶಿರಸಿಯ ಸುಹಾಸ್. ಕಳೆದ 20 ವರ್ಷಗಳಿಂದ ಪ್ರವಾಸೋದ್ಯಮದಲ್ಲಿ ನಾನಾ ಬಗೆಯ ಸಾಹಸಗಳನ್ನು ಮಾಡಿದ ಸುಹಾಸ್  20 ವರ್ಷಗಳಿಂದ `ಟ್ರೆಕ್’ ಎಂಬ ಸಂಸ್ಥೆಯನ್ನು ಮುನ್ನೆಡೆಸುತ್ತಿದ್ದಾರೆ. ಪ್ರವಾಸೋದ್ಯಮ ಚಟುವಟಿಕೆಯಲ್ಲಿರುವವರಿಗೆ ಸೂಕ್ತ ಮಾರ್ಗದರ್ಶನ, ಡಿಜಿಟಲ್ ಮಿಡಿಯಾ (Digital Media) ಬಳಕೆ, ರೆಸಾರ್ಟ ಹಾಗೂ ಹೋಂ ಸ್ಟೇ ಸಿಬ್ಬಂದಿಗೆ ಅತಿಥಿ ಸತ್ಕಾರ ಕುರಿತು ಸೂಕ್ತ ತರಬೇತಿ ನೀಡುವುದು ಸಂಸ್ಥೆಯ ಮುಖ್ಯ ಉದ್ದೇಶ. ಜೊತೆಗೆ ರೆಸಾರ್ಟಗಳಿಗೆ ಪ್ರವಾಸಿಗರನ್ನು ಆಕರ್ಷಿಸುವ ವಿಧಾನಗಳ ಬಗ್ಗೆಯೂ ಅವರು ಹೇಳಿಕೊಡುತ್ತಾರೆ. ಎಲ್ಲಾ ಬಗೆಯ ಸಾಮಾಜಿಕ ಜಾಲತಾಣ ವಿಷಯದಲ್ಲಿ `ಟ್ರೆಕ್’ ಸಂಸ್ಥೆ Resort ಗಳ ಬೆನ್ನೆಲುಬಾಗಿ ನಿಲ್ಲುತ್ತದೆ. ಪ್ರವಾಸೋದ್ಯಮ ದ ಡಿಜಿಟಲ್ ಮೀಡಿಯವನ್ನು ಸಂಪೂರ್ಣವಾಗಿ ಕೌಶ್ಯಲ್ಯತೆಯ ಮೂಲಕ ನಡೆಸುವ ಒಂದು ಕೌಶಲ್ಯಯುತ ತಂಡವೇ ಅವರ ಜೊತೆಯಲ್ಲಿ ಇದೆ. ಪ್ರವಾಸೋದ್ಯಮ ಚಟುವಟಿಕೆಗಳಲ್ಲಿ ತೊಡಗಿರುವವರಿಗೆ ಪ್ರವಾಸಿಗರನ್ನು ಆಕರ್ಷಿಸಲು ಅಗತ್ಯವಿರುವ ವಿಡಿಯೋ, ಲೇಖನಗಳನ್ನು ಈ ಸಂಸ್ಥೆ ಸಿದ್ಧಪಡಿಸಿಕೊಡುತ್ತದೆ. ಸ್ಥಳೀಯ ಆಹಾರ ಉತ್ಪನ್ನಗಳ ಬಗ್ಗೆ ಪರ ಊರಿನವರಿಗೆ ಪ್ರೀತಿ ಹುಟ್ಟಿಸಿ ಉತ್ತಮ ಮಾರುಕಟ್ಟೆಯನ್ನು ಒದಗಿಸುತ್ತದೆ. ಒಟ್ಟಾರೆಯಾಗಿ `ಡಿಜಿಟಲ್ ರೆಪ್ಯುಟೇಶನ್ ಮ್ಯಾನೇಜಮೆಂಟ್’ (Digital Reputation Management) ಕೆಲಸವನ್ನು ಕಳೆದ 7 ವರ್ಷಗಳಿಂದ `ಟ್ರೆಕ್’ ಸಂಸ್ಥೆ ಮಾಡುತ್ತಿದೆ. ಕರ್ನಾಟಕ ಹಾಗೂ ಮಹಾರಾಷ್ಟದ 70ಕ್ಕೂ ಅಧಿಕ Resortಗಳಿಗೆ ತೃಪ್ತಿ ಆಗುವ ರೀತಿ ಸೇವೆ ನೀಡುತ್ತಿರುವ ಹಿರಿಮೆ `ಟ್ರೆಕ್’ ಸಂಸ್ಥೆಯದ್ದಾಗಿದೆ. ಅನೇಕ Resortಗಳಿಗೆ ಸಾಮಾಜಿಕ ಜಾಲತಾಣಗಳ ಬಗ್ಗೆ ಹೆಚ್ಚಿನ ಅರಿವಿಲ್ಲ. ಕೆಲವರಿಗೆ ಅರಿವಿದ್ದರೂ ಅದರ ಮೂಲಕ ಪ್ರವಾಸಿಗರನ್ನು ಸೆಳೆಯಲು ಸಮಯವಿಲ್ಲ. ಅಂಥವರಿಗೆ `ಟ್ರೆಕ್’ ಸಂಸ್ಥೆ ನೆರವು ನೀಡುತ್ತದೆ. ಪ್ರವಾಸೋದ್ಯಮಿಗಳ ರೆಸಾರ್ಟ ಅಥವಾ ಹೋಂ ಸ್ಟೇ ಹೆಸರಿನಲ್ಲಿ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಖಾತೆ ತೆರೆದು ಅದರ ಮೂಲಕ ಆಸಕ್ತ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಬೇರೆ ಬೇರೆ ದೇಶಗಳಲ್ಲಿರುವ ಪ್ರವಾಸಿಗರ ಬಗ್ಗೆ ಅಧ್ಯಯನ ನಡೆಸಿ, ಅವರ ಆಗುಹೋಗುಗಳ ಬಗ್ಗೆ ಅರಿತು ಅವರನ್ನು ಇಲ್ಲಿನ ರೆಸಾರ್ಟಗಳಿಗೆ ಸಂಪರ್ಕ ಬೆಸೆಯುವ ಕೆಲಸವನ್ನು `ಟ್ರೆಕ್’ ಸಂಸ್ಥೆ ಮಾಡುತ್ತಿದೆ. ನಮ್ಮನೆಗೆ ಬನ್ನಿ! ಮಾಹಿತಿಪೂರ್ಣ ಚಾರಣ, ಪೃಕೃತಿ ಶಿಬಿರಗಳನ್ನು ಆಯೋಜಿಸಿ ಅನುಭವ ಇರುವ ಸುಹಾಸ್ ಹೆಗಡೆ ಜಿಲ್ಲೆಯ ಪ್ರವಾಸಿತಾಣಗಳ ಬಗ್ಗೆ ದಶಕಗಳ ಹಿಂದೆಯೇ ಪುಸ್ತಕವೊಂದನ್ನು ಪರಿಚಯಿಸಿದ್ದರು. `ನಮ್ಮನೆಗೆ ಬನ್ನಿ!’ ಎನ್ನುತ್ತ ಬೇರೆ ಬೇರೆ ಊರಿನ ಪ್ರವಾಸಿಗರನ್ನು ಇಲ್ಲಿ ಕರೆತಂದು ಆತಿಥ್ಯ ನೀಡುತ್ತಿದ್ದವರು. ಇದೀಗ ಇನ್ನೂ ಒಂದು ಹೆಜ್ಜೆ ಮುನ್ನಡೆದು ಯಾವ ದೇಶದ ಪ್ರವಾಸಿಗರು ಯಾವ ದೇಶಕ್ಕೆ ಬರಲು ಆಸಕ್ತರಾಗಿದ್ದಾರೆ? ಎಂಬುದನ್ನು ಅಭ್ಯಯಿಸಿ ಅವರನ್ನು ಇಲ್ಲಿನ ಸಂಸ್ಕೃತಿಯ ಜೊತೆ ಬೆಸೆಯುವ ಕೆಲಸ ಮಾಡುತ್ತಿದ್ದಾರೆ. ಕರಾವಳಿ ಹಾಗೂ ಮಲೆನಾಡಿನ ವಿಭಿನ್ನ ಆಚರಣೆಯನ್ನು ಪರಿಚಯಿಸಲು ಆಸಕ್ತರಿರುವ ಪ್ರವಾಸೋದ್ಯಮಿಗಳಿಗಾಗಿ `ಟೂರಿಸಮ್ ರಿಲೆಟೆಡ್ ಎಂಟ್ರಟೇನ್ಮೆAಟ್ ಕಂಪನಿ’ಯನ್ನು ಮುನ್ನಡೆಸುತ್ತಿದ್ದಾರೆ. ರೆಸಾರ್ಟ ಹಾಗೂ ಹೋಂಸ್ಟೆಗಳ ಡಿಜಿಟಲ್ ಹಾಗೂ ಸೋಶಿಯಲ್ ಮೀಡಿಯಾಗಳನ್ನು ಸಂಪೂರ್ಣವಾಗಿ, ಕೌಶಲ್ಯಭರಿತವಾಗಿ ಮುನ್ನಡೆಸಲು ಇವರನ್ನು ಸಂಪರ್ಕಿಸಬಹುದು `ಟ್ರೆಕ್’ ಸಂಸ್ಥೆಯ ವೆಬ್: www.travelcicada.com `ಟ್ರೆಕ್’ ಸಂಸ್ಥೆಯ ಮೋ: 9448331531 Sponsored
- [ಹೂಡಿಕೆಗೆ ಇಲ್ಲಿದೆ ಹಲವು ಅವಕಾಶ](https://mobiletime.in/2025/09/there-are-many-opportunities-for-investment-here/): ದುಡ್ಡು ಬೆಳೆಯಬೇಕು ಎಂದರೆ ಅದನ್ನು ಸರಿಯಾದ ಸಮಯಕ್ಕೆ ಸರಿಯಾದ ಮಾರ್ಗದಲ್ಲಿ ಹೂಡಿಕೆ ಮಾಡಬೇಕು. ಅಗತ್ಯಕ್ಕೆ ಅನುಗುಣವಾಗಿ ಸಾಲ ಬೇಕು ಎಂದರೂ ಯೋಗ್ಯ ಬ್ಯಾಂಕ್ ಹುಡುಕಬೇಕು. ಈ ಎರಡು ಕೆಲಸಗಳಿಗೆ ಜಿಲ್ಲೆಯ ಹಲವು ತಾಲೂಕುಗಳಲ್ಲಿ ಸೇವೆ ನೀಡುತ್ತಿರುವ ಯುಕೆ ಸೌಹಾರ್ದ ಕ್ರೆಡಿಟ್ ಕೋ ಆಪರೇಟಿವ್ ಬ್ಯಾಂಕ್  ಉತ್ತಮ ಆಯ್ಕೆ. ಸೇವಾ ಮನೋಭಾವನೆಯ ಸಿಬ್ಬಂದಿ, ನ್ಯಾಯಯುತ ಬೇಡಿಕೆಗಳಿಗೆ ಸ್ಪಂಧಿಸುವ ಆಡಳಿತ ವರ್ಗ, ಲಕ್ಷ ಸಂಖ್ಯೆಯಲ್ಲಿರುವ ಸಂತೃಪ್ತ ಗ್ರಾಹಕರು ಬ್ಯಾಂಕಿನ ಯಶಸ್ಸಿಗೆ ಕಾರಣ.2001ರಲ್ಲಿ ಸ್ಥಾಪನೆಯಾದ ಈ ಬ್ಯಾಂಕ್ ಪ್ರಸ್ತುತ 10 ಶಾಖೆಯನ್ನು ಹೊಂದಿದೆ. ಕುಮಟಾ, ಶಿರಸಿ, ಸಿದ್ದಾಪುರ, ದಾಂಡೇಲಿ, ಮುಂಡಗೋಡ, ಹೊನ್ನಾವರ ತಾಲೂಕುಗಳಲ್ಲಿ ಸೇವೆ ದೊರೆಯುತ್ತದೆ. ಎಲ್ಲಾ ರೀತಿಯ ವಿಮೆ, ಪ್ರಯಾಣದ ಟಿಕೆಟ್ ಕಾಯ್ದಿರಿಸುವಿಕೆ, ಇ-ಸ್ಟಾಂಪ್ ಜೊತೆ ವಿದೇಶಿ ಹಣ ವಿನಿಮಯದ ಕೆಲಸವನ್ನು ಇಲ್ಲಿನ ಸಿಬ್ಬಂದಿ ಮಾಡಿಕೊಡುತ್ತಾರೆ.ಇನ್ನೂ ಸಾಲದ ವಿಷಯಕ್ಕೆ ಬಂದರೆ ವಾಹನ ಸಾಲ, ವೈಯಕ್ತಿಕ ಸಾಲ, ಚಿನ್ನದ ಸಾಲ, ಭೂ ಖರೀದಿ ಸೇರಿದಂತೆ ಇನ್ನಿತರ ಸಾಲಗಳನ್ನು ಅತ್ಯಂತ ಸ್ಪರ್ಧಾತ್ಮಕ ಬಡ್ಡಿದರದಲ್ಲಿ ನೀಡುತ್ತಾರೆ. ಜಿಲ್ಲೆಯಲ್ಲಿಯೇ ಮೊದಲ ಬಾರಿ ಸಹಕರಿ ವಲಯಕ್ಕೆ ಕೋರ್ ಬ್ಯಾಂಕಿoಗ್ ಪದ್ಧತಿ ತಂದ ಹಿರಿಮೆ ಈ ಬ್ಯಾಂಕಿನದು. ಇದರಿಂದ ಈ ಬ್ಯಾಂಕಿನಲ್ಲಿ ಖಾತೆ ತೆರೆದ ವ್ಯಕ್ತಿ ಅದೇ ಬ್ಯಾಂಕಿನ ಯಾವುದೇ ತಾಲೂಕಿನ ಯಾವುದೇ ಶಾಖೆಯಲ್ಲಿ ವ್ಯವಹಾರ ಮಾಡಬಹುದಾದ ಅವಕಾಶ ನೀಡಲಾಗಿದೆ. ಮುಂದಿನ ವರ್ಷ ಬೆಳ್ಳಿ ಹಬ್ಬ ಆಚರಿಸಲಿರುವ ಯುಕೆ ಸೌಹಾರ್ದ ಕ್ರೆಡಿಟ್ ಕೋ ಆಪರೇಟಿವ್ ಬ್ಯಾಂಕ್ ತನ್ನ ಗ್ರಾಹಕರಿಗಾಗಿ ಆನ್ ಲೈನ್ ಬ್ಯಾಂಕ್ ಆಫ್’ನ್ನು ಅಭಿವೃದ್ಧಿಪಡಿಸುತ್ತಿದೆ. ಪ್ರಸ್ತುತ ಹೂಡಿಕೆದಾರರಿಗೂ ಇಲ್ಲಿ ಠೇವಣಿಗೂ ಆಕರ್ಷಕ ಬಡ್ಡಿ ನೀಡಲಾಗುತ್ತಿದ್ದು ಸೈನಿಕ, ವಿಧವೆ, ಅಂಗವಿಕಲ ಹಾಗೂ ಸಂಘ ಸಂಸ್ಥೆಯವರು ಠೇವಣಿ ಇರಿಸಿದಲ್ಲಿ ಅವರಿಗೆ ಹೆಚ್ಚುವರಿ ಬಡ್ಡಿ ಹಾಕಿ ನೀಡಲಾಗುತ್ತದೆ. ಎರಡು ಸಲ ಉತ್ತಮ ಸಹಕಾರಿ ಪ್ರಶಸ್ತಿಯೂ ಹೊಂದಿರುವ ಯುಕೆ ಸೌಹಾರ್ದ ಕ್ರೆಡಿಟ್ ಕೋ ಆಪರೇಟಿವ್ ಕಾಗದರಹಿತ ಆಡಳಿತ ನಡೆಸುವ ಪ್ರಯತ್ನದಲ್ಲಿದೆ. #Sponsored
- [ಆರೋಗ್ಯವಂತ ಮಗುವಿಗಾಗಿ ಸ್ವರ್ಣ ಸ್ಪರ್ಶ](https://mobiletime.in/2025/09/a-golden-touch-for-a-healthy-child/): ನಿಮ್ಮ ಮನೆಯಲ್ಲಿ ಐದು ವರ್ಷಕ್ಕಿಂತ ಚಿಕ್ಕ ವಯಸ್ಸಿನ ಮಕ್ಕಳಿದ್ದಾರಾ? ಹಾಗಿದ್ದರೆ, ಅವರನ್ನು ಒಮ್ಮೆ ಡಾ ಜಿಪಿ ಭಟ್ಟ ಮದ್ಗುಣಿ ಸ್ಮಾರಕ ಆಯುರ್ ಸೇವಾ ಭವನದ ವೈದ್ಯಾಧಿಕಾರಿ ಡಾ ಸುಚೇತಾ ಮದ್ಗುಣಿ ಅವರಲ್ಲಿ ಕರೆತನ್ನಿ! ಮಕ್ಕಳಲ್ಲಿನ ರೋಗ ನಿರೋಧಕ ಶಕ್ತಿ ಹೆಚ್ಚಳ, ಆಗಾಗ ಕಾಡುವ ರೋಗಗಳ ನಿವಾರಣೆಗೆ ಇಲ್ಲಿ ಗಿಡಮೂಲಿಕೆಗಳ ಔಷಧಿಯಿದೆ. ನೆನಪಿನ ಶಕ್ತಿ ವೃದ್ದಿ, ಮಕ್ಕಳಲ್ಲಿನ ಹಠ ಹಾಗೂ ಚಂಚಲ ಸ್ವಭಾವ, ಹಾಸಿಗೆಯಲ್ಲಿ ಮೂತ್ರ ಮಾಡುವಿಕೆ, ದೃಷ್ಠಿದೋಷ ಹಾಗೂ ಇನ್ನಿತರ ಅಲರ್ಜಿಗಳನ್ನು ಸಹ ಈ `ಸ್ವರ್ಣಬಿಂಧು ಪ್ರಾಶನ’ದಿಂದ ದೂರವಾಗುತ್ತದೆ.ಪುರಾತನ ವೈದ್ಯಕೀಯ ಪದ್ಧತಿಯಾದ ಆಯುರ್ವೇದದಲ್ಲಿ ಆಚಾರ್ಯ ಕಾಶ್ಯಪರು ಸ್ವರ್ಣಪ್ರಾಶನ ವಿಧಿಯ ಬಗ್ಗೆ ಕಾಶ್ಯಪ ಸಂಹಿತಾದಲ್ಲಿ ವಿವರಿಸಿದ್ದು, ಡಾ ಸುಚೇತಾ ಮದ್ಗುಣಿ ಅವರು ಇದನ್ನು ಅಧ್ಯಯನ ನಡೆಸಿದ್ದಾರೆ. ಬಂಗಾರದ ಭಸ್ಮವನ್ನು ತುಪ್ಪದಲ್ಲಿ ಮಿಶ್ರಣ ಮಾಡಿ ಪುಷ್ಯ ನಕ್ಷತ್ರದಂದು ಮಗುವಿಗೆ ಎರಡು ಹನಿ ಉಣಿಸುವ ಪ್ರಕ್ರಿಯೆಯೇ ಸ್ವರ್ಣಾಮೃತಬಿಂಧು ಪ್ರಾಶನ. ಮಗು ಹುಟ್ಟಿದ ಒಂದು ತಿಂಗಳಿನಿ0ದ ಹಿಡಿದು 16 ವರ್ಷದವರೆಗಿನ ಮಕ್ಕಳಿಗೆ ಈ ಚಿಕಿತ್ಸೆ ಸೂಕ್ತ. ಪ್ರತಿ ತಿಂಗಳ ಪುಷ್ಯ ನಕ್ಷತ್ರದಂದು ಮಾಡುವುದು ವೈಜ್ಞಾನಿಕವಾಗಿಯೂ ಶ್ರೇಷ್ಠ. ಡಾ ಮದ್ಗುಣಿಯವರು ಗಿಡಮೂಲಕೆಗಳಿಂದ ಸ್ವತಃ ಔಷಧಿಗಳನ್ನು ತಯಾರಿಸುತ್ತಾರೆ. ಗಿಡಗಳನ್ನು ಗ್ರಾಮೀಣ ಭಾಗದಲ್ಲಿ ವಾಸಿಸುವ ಗುಡ್ಡಗಾಡು ಜನರಿಂದ ಸಂಗ್ರಹಿಸುತ್ತಾರೆ.ಇನ್ನೂ, 1955ರಲ್ಲಿ ಸ್ಥಾಪನೆಯಾದ ಡಾ ಮದ್ಗುಣಿ ಆಸ್ಪತ್ರೆ ಇದೀಗ ಯಲ್ಲಾಪುರ ತಾಲೂಕಿನ ಶಿರಸಿ ರಸ್ತೆಯಲ್ಲಿರುವ ಕೆಇಬಿ ಎದುರು ಕಾರ್ಯ ನಿರ್ವಹಿಸುತ್ತಿದೆ. `ಆಯುರ್ ಸೇವಾ ಭವನ’ವೂ ಸ್ವರ್ಣಾಮೃತ ಬಿಂದು ಪ್ರಾಶನ ಹಾಗೂ ಶುದ್ಧ ಆಯುರ್ವೇದ ಚಿಕಿತ್ಸಾ ಪದ್ಧತಿ’ಯಿಂದ ಪ್ರಸಿದ್ಧಿ ಪಡೆದಿದೆ. ಮೂಲತಃ ಕುಮಟಾ ಮದ್ಗುಣಿಯವರಾದ ಆಯುರ್ವೇದ ತಜ್ಞ ಡಾ ಜಿ ಪಿ ಭಟ್ಟ ಮದ್ಗುಣಿ ಅವರು ದಾಂಡೇಲಿಯಲ್ಲಿ ಆಸ್ಪತ್ರೆ ಸ್ಥಾಪಿಸುವ ಚಿಂತನೆಯಲ್ಲಿದ್ದರು. ಆ ವೇಳೆ ಯಲ್ಲಾಪುರದಲ್ಲಿ ವೈದ್ಯಕೀಯ ಸೌಲಭ್ಯಗಳಿಲ್ಲದಿರುವುದನ್ನು ಅರಿತು ಇಲ್ಲಿನ ದೇವಿ ಮೈದಾನದ ಬಳಿ ಆಸ್ಪತ್ರೆ ಶುರು ಮಾಡಿದರು. 1960ರ ದಶಕದಲ್ಲಿ ಕಳಚೆಯಂಥ ಗುಡ್ಡಗಾಡು ಪ್ರದೇಶಗಳಿಗೂ ಸೈಕಲ್ ಮೇಲೆ ಸಂಚರಿಸಿ ಅವರು ಜನರಿಗೆ ಚಿಕಿತ್ಸೆ ನೀಡುತ್ತಿದ್ದರು.ಇದೀಗ ಅವರ ಸೊಸೆ ಡಾ ಸುಜೇತಾ ಮದ್ಗುಣಿ ಅವರು ಆಸ್ಪತ್ರೆಯನ್ನು ಮುನ್ನಡೆಸುತ್ತಿದ್ದಾರೆ. `ಡಾ ಜಿಪಿ ಭಟ್ಟ ಸ್ಮಾರಕ ಆಯುಷ್ ಸೇವಾ ಟ್ರಸ್ಟ್’ ಮೂಲಕ ಆಯುರ್ವೇದ ಸೇವೆ, ಆರೋಗ್ಯ ಶಿಕ್ಷಣ ಹಾಗೂ ಆಯುರ್ವೇದ ಶಿಬಿರ, ಆಯುರ್ವೇದ ಮಾಹಿತಿ, ದೇಶಿ ಸಂಸ್ಕೃತಿ ಮತ್ತು ಯೋಗದ ಬಗ್ಗೆ ಅರಿವು ಮೂಡಿಸುತ್ತಿದ್ದಾರೆ.ಸ್ಥಳೀಯ ಮಾತ್ರವಲ್ಲದೇ, ಹೊರ ಪ್ರದೇಶದವರು ಸಹ ವೆಬ್  https://www.drmadguniayurseva.com ಮೂಲಕ ಸಂಪರ್ಕಿಸಿ ಬರುತ್ತಾರೆ. ಚಿಕಿತ್ಸೆಗೆ ಬರುವವರು 8088008754ಗೆ ಕರೆ ಮಾಡಿ ಬರುವುದು ಉತ್ತಮ. ಅಂದ ಹಾಗೇ, ಐದು ವರ್ಷದ ಒಳಗಿನ ಮಕ್ಕಳ ಸ್ವರ್ಣಬಿಂಧು ಪ್ರಾಶನಕ್ಕೆ ಸೇವಾ ಶುಲ್ಕ 100ರೂ ಮಾತ್ರ. ಇಲ್ಲಿ `ಪಂಚಕರ್ಮ’ ಚಿಕಿತ್ಸೆ ಸಹ ಲಭ್ಯ. `ಸ್ವರ್ಣಾಮೃತಬಿಂಧು ಪ್ರಾಶನದಿಂದ ನನ್ನ ಮಗುವಿನ ಆರೋಗ್ಯ ಸಾಕಷ್ಟು ಸುಧಾರಣೆಯಾಗುವುದನ್ನು ಗಮನಿಸಿದ್ದೇನೆ’ ಎಂದು ಜಂಬೇಸಾಲಿನ ಶ್ರೀಲತಾ ರಾಜೀವ ಹೆಗಡೆ ಅನುಭವ ಹಂಚಿಕೊ0ಡರು. #Sponsored
- [ಸರ್ಕಾರವೇ ಹೇಳಿದ ಸತ್ಯ: ಮಕ್ಕಳ ಆರೋಗ್ಯ ಹದಗೆಡಲು ಈ ಸಿರಪ್ ಕಾರಣ!](https://mobiletime.in/2025/10/this-syrup-is-the-reason-for-the-deterioration-of-childrens-health/): ಕೆಮ್ಮಿನ ಸಿರಪ್ ದುರುಯೋಗದಿಂದ ಮಕ್ಕಳಲ್ಲಿ ಗಂಭೀರ ಪ್ರಮಾಣದ ಆರೋಗ್ಯ ಸಮಸ್ಯೆ ಕಾಡುತ್ತಿದೆ. ಅಂಥ ಸಿರಪ್ ಮಾರುಕಟ್ಟೆಗೆ ಬಂದು ಅನೇಕರು ಬಳಸಿದ ತರುವಾಯ ಈ ವಿಷಯ ಸರ್ಕಾರದ ಗಮನಕ್ಕೆ ಬಂದಿದೆ. ಮಕ್ಕಳ ಆರೋಗ್ಯ ಕಾಪಾಡುವುದಕ್ಕಾಗಿ ಸಿರಪ್ ಬಳಕೆಗೆ ಸರ್ಕಾರ ಮಾರ್ಗದರ್ಶನ ಹೊರಡಿಸಿದೆ. ಚಿಕ್ಕ ಮಕ್ಕಳಿಗೆ ಕೆಮ್ಮಿನ ಸಿರಪ್‌ಗಳನ್ನು ನೀಡಬೇಡಿ `2 ವರ್ಷಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಕೆಮ್ಮು ಅಥವಾ ಶೀತದ ಸಿರಪ್‌ಗಳನ್ನು ನೀಡಬೇಡಿ’ ಎಂದು ಸರ್ಕಾರ ಮನವಿ ಮಾಡಿದೆ. `2ರಿಂದ 5 ವರ್ಷಗಳ ವಯಸ್ಸಿನ ಮಕ್ಕಳಿಗೆ ಸರಿಯಾದ ವೈದ್ಯಕೀಯ ಪರೀಕ್ಷೆಯ ನಂತರ ತಜ್ಞ ವೈದ್ಯರ ನಿರ್ದಿಷ್ಟ ಸಲಹೆ ಮೇರೆಗೆ ಮಾತ್ರ ಔಷಧಿಗಳನ್ನು ನೀಡಬೇಕು’ ಎಂದು ಸೂಚಿಸಲಾಗಿದೆ. `ದೊಡ್ಡ ಮಕ್ಕಳಿಗೆ ಸಹ ಕೆಮ್ಮಿನ ಸಿರಪ್‌ಗಳನ್ನು ವೈದ್ಯರ ಸಲಹೆಯ ಮೇರೆಗೆ ಮಾತ್ರ ಬಳಸಬೇಕು. ಸಾಧ್ಯವಾದಷ್ಟು ಕಡಿಮೆ ಅವಧಿಗೆ ಕನಿಷ್ಠ ಅಗತ್ಯವಿರುವ ಡೋಸ್ ಮಾತ್ರ ಬಳಸಬೇಕು. ಬಹು ಔಷಧಿಗಳ ಸಂಯೋಜನೆ ಇರುವ ಸಿರಪ್‌ಗಳನ್ನು ಉಪಯೋಗಿಸಬಾರದು’ ಎಂದು ಸೂಚಿಸಲಾಗಿದೆ. ಸುರಕ್ಷಿತ ಮನೆಮದ್ದುಗಳು ಹೆಚ್ಚಿನ ಸಂದರ್ಭಗಳಲ್ಲಿ ಮಕ್ಕಳಲ್ಲಿ ಕೆಮ್ಮು ಮತ್ತು ಶೀತವು ಸೌಮ್ಯವಾಗಿರುತ್ತದೆ. ಸುರಕ್ಷಿತವಾದ ಕ್ರಮಗಳಿಂದ ನಿಧಾನವಾಗಿ ಉತ್ತಮಗೊಳ್ಳುತ್ತದೆ. ಪೋಷಕರು ಮಕ್ಕಳಿಗೆ ಸಾಕಷ್ಟು ದ್ರವ ಪದಾರ್ಧಗಳನ್ನು ನೀಡುವುದು. ಸಾಕಷ್ಟು ವಿಶ್ರಾಂತಿ ಮತ್ತು ನಿದ್ರೆ ಮಾಡಲು ಅವಕಾಶ ನೀಡುವುದು. ಪೌಷ್ಟಿಕ ಆಹಾರವನ್ನು ನೀಡಬೇಕು ಎಂದು ಸೂಚಿಸಲಾಗಿದೆ. ಸ್ವಯಂ ಔಷಧೋಪಚಾರ ಮಾಡಬೇಡಿ `ವೈದ್ಯರು ಪ್ರಿಸ್ಕಿçಪ್ಷನ್ ಇಲ್ಲದೇ ಕೆಮ್ಮಿನ ಸಿರಪ್‌ಗಳನ್ನು ಎಂದಿಗೂ ಖರೀದಿಸಬೇಡಿ. ಈ ಹಿಂದೆ ಬಳಸಿ ಉಳಿದ ಔಷಧಿಗಳನ್ನು ಅಥವಾ ಇತರರು ಶಿಫಾರಸು ಮಾಡಿದ ಔಷಧಿಗಳನ್ನು ಬಳಸುವುದನ್ನು ನಿಲ್ಲಿಸಿ. ಯಾವುದೇ ಅಸಹಜ ಪ್ರತಿಕ್ರಿಯೆ, ನಿದ್ರಾವಸ್ಥೆ, ವಾಂತಿ ಅಥವಾ ಉಸಿರಾಟದ ತೊಂದರೆಯನ್ನು ತಕ್ಷಣ ಹತ್ತಿರದ ತಜ್ಞ ವೈದ್ಯರಿಗೆ ವರದಿ ಮಾಡಿ. ಯಾವಾಗಲೂ ಔಷಧದ ಅವಧಿ ಮಗಿಯುವ ದಿನಾಂಕಗಳನ್ನು ಪರಿಶೀಲಿಸಿ ಮತ್ತು ಲೇಬಲ್‌ಗಳನ್ನು ಎಚ್ಚರಿಕೆಯಿಂದ ಓದಿ’ ಎಂದು ಸರ್ಕಾರ ಸೂಚನೆ ನೀಡಿದೆ. `ಮಕ್ಕಳಲ್ಲಿ ಉಸಿರಾಟದ ತೊಂದರೆ ಅಥವಾ ವೇಗವಾಗಿ ಉಸಿರಾಟ, ನಿರಂತರ ಅಥವಾ ಉಲ್ಪಣಗೊಳ್ಳುತ್ತಿರುವ ಕೆಮ್ಮು, ಅತಿಯಾದ ಜ್ವರ ಅಥವಾ ಆಹಾರ ತಿರಸ್ಕರಿಸುವುದು. ನಿದ್ರಾವಸ್ಥೆ ಅಥವಾ ಅಸಹಜ ಪ್ರತಿಕ್ರಿಯೆ ಲಕ್ಷಣಗಳು ಕಂಡು ಬಂದರೆ ತಕ್ಷಣ ಹತ್ತಿರದ ಆರೋಗ್ಯ ಕೇಂದ್ರಗಳನ್ನು ಸಂಪರ್ಕಿಸಬೇಕು. ಮಕ್ಕಳ ಆರೋಗ್ಯ ಮತ್ತು ಸುರಕ್ಷತೆಯ ಹಿತದೃಷ್ಠಿಯಿಂದ, ಔಷಧಿಗಳ ತರ್ಕಬದ್ದ ಬಳಕೆಯನ್ನು ಉತ್ತೇಜಿಸಲು ಮತ್ತು ಕೆಮ್ಮು ಸಿರಪ್‌ಗಳ ಅನುಚಿತ ಬಳಕೆಯಿಂದ ಉಂಟಾಗುವ ಹಾನಿಯನ್ನು ತಡೆಗಟ್ಟಲು ಈ ಎಲ್ಲಾ ಸಲಹೆಗಳನ್ನು ಪಾಲಿಸಬೇಕು’ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಪ್ರಕಟಿಸಿದೆ.
- [2025 ಅಕ್ಟೋಬರ್ 12ರ ದಿನ ಭವಿಷ್ಯ](https://mobiletime.in/2025/10/prediction-for-october-12-2025/): ಮೇಷ ರಾಶಿ: ನಿಮ್ಮ ಆದಾಯ ಏರಿಕೆಯಾಗಲಿದ್ದು, ಸಾಮಾಜಿಕ ಕಾರ್ಯಕ್ರಮಗಳಲ್ಲಿಯೂ ನೀವು ಗಮನಸೆಳೆಯುವಿರಿ. ಅಧ್ಯಯನದ ವಿಷಯಗಳು ನಿಮ್ಮ ವೃತ್ತಿ ಜೀವನವನ್ನು ಸುರಳಿತವಾಗಿಸುತ್ತದೆ. ಯಾತ್ರೆ-ಪ್ರವಾಸಕ್ಕೆ ಸರಿಯಾದ ಸಮಯ. ವೃಷಭ ರಾಶಿ: ಸಾಮಾಜಿಕ ಸಂಪರ್ಕ ಅಭಿವೃದ್ಧಿ ಆದಷ್ಟು ನಿಮ್ಮ ಬೆಳವಣಿಗೆ ಹೆಚ್ಚಾಗಲಿದೆ. ವ್ಯವಹಾರದಲ್ಲಿ ಯಶಸ್ಸು ಸಿಗಲಿದೆ. ಕಡಿಮೆ ಬೆಲೆಗೆ ಹೆಚ್ಚು ಖರೀದಿ ಎಂಬ ಮೋಸಕ್ಕೆ ಒಳಗಾಗಬೇಡಿ. ಮಿಥುನ ರಾಶಿ: ಕುಟುಂಬದವರ ಬೆಂಬಲದಿ0ದ ಎಲ್ಲಾ ಕೆಲಸಗಳು ಸರಾಗವಾಗಿ ಸಾಗಲಿದೆ. ಹೊಸ ವಿಷಯಗಳ ಕಲಿಕೆಗೆ ಯೋಗ್ಯ ಸಮಯ ಕೂಡಿಬರಲಿದೆ. ಹಣಕಾಸು ಪರಿಸ್ಥಿತಿ ಸರಿಯಾಗಿರಲಿದೆ. ಕರ್ಕ ರಾಶಿ: ಖರ್ಚು ವೆಚ್ಚಗಳ ಬಗ್ಗೆ ಗಮನಹರಿಸಿ. ಮೋಸ ಮಾಡುವವರ ಬಗ್ಗೆ ಎಚ್ಚರಿಕೆ ಇರಲಿ. ಉದ್ಯೋಗ ಶಾಂತ ರೀತಿಯಲ್ಲಿ ಸಾಗಲಿದೆ. ಸಿಂಹ ರಾಶಿ: ವೃತ್ತಿ ಜೀವನದಲ್ಲಿ ಬದಲಾವಣೆಯ ಸಮಯ ಬರಲಿದೆ. ಹಣಕಾಸಿನ ಹರಿವು ಚನ್ನಾಗಿ ಆಗಲಿದೆ. ಹೊಸ ವಸ್ತು ಖರೀದಿಗೆ ಯೋಗ್ಯ ದಿನ. ಕನ್ಯಾ ರಾಶಿ: ಕೆಲಸದ ಸ್ಥಳದಲ್ಲಿ ಪ್ರೀತಿಯ ವಾತಾವರಣ ಸಿಗಲಿದೆ. ಹಣಕಾಸು ಹೂಡಿಕೆ ಅಥವಾ ಹೊಸ ಯೋಜನೆಗಳಿಗೆ ಒಳ್ಳೆಯ ದಿನವಾಗಿದೆ. ಆರೋಗ್ಯದ ಬಗ್ಗೆ ಕಾಳಜಿವಹಿಸಿ. ತುಲಾ ರಾಶಿ: ನೀವು ಕೈಗೊಂಡ ಕಾರ್ಯ ಯಶಸ್ವಿಯಾಗಿ ನಡೆಯಲಿದೆ. ಕೆಲಸದಲ್ಲಿ ಸಾಧನೆ ಸಾಧ್ಯವಿದೆ. ದೂರ ಪ್ರಯಾಣ ಈ ದಿನ ಒಳ್ಳೆಯದಲ್ಲ. ವೃಶ್ಚಿಕ ರಾಶಿ: ಬಂಧು ಮಿತ್ರದಿಂದ ಒಳ್ಳೆಯ ಸುದ್ದಿಗಳು ಬರಲಿದೆ. ಆರೋಗ್ಯ ಸಮಸ್ಯೆ ಕಾಡಬಹುದು. ಉದ್ಯೋಗ ಹಾಗೂ ಹಣಕಾಸು ವಿಷಯದಲ್ಲಿ ಪ್ರಗತಿ ಆಗಲಿದೆ. ಧನು ರಾಶಿ: ಹಣಕಾಸು ವಿಭಜನೆಗಳು ಸರಿಯಾಗಿ ಆಗಲಿದೆ. ಕುಟುಂಬದ ಒಳತಿಗಾಗಿ ನಿಮ್ಮ ಶ್ರಮ ಅನಿವಾರ್ಯವಾಗಲಿದೆ. ಆರೋಗ್ಯ ಚೇತರಿಕೆ ಆಗಲಿದೆ. ಹೊಸ ಕಾರ್ಯಗಳು ಯಶಸ್ವಿ ಆಗುತ್ತದೆ. ಮಕರ ರಾಶಿ: ನಿಮ್ಮ ಕೆಲಸದಲ್ಲಿ ಹೊಸ ಜವಾಬ್ದಾರಿ ಬರಲಿದೆ. ಹಣಕಾಸು ವೆಚ್ಚದಲ್ಲಿ ನಿಯಂತ್ರಣ ಅಗತ್ಯ. ಆರೋಗ್ಯದ ಬಗ್ಗೆ ಕಾಳಜಿಯಿರಲಿ. ಸೌಂದರ್ಯ ಹಾಳಾಗದಂತೆ ಗಮನಿಸಿ. ಕುಂಭ ರಾಶಿ: ಉದ್ಯೋಗ ಸಮಸ್ಯೆಗಳಿಗೆ ಸ್ನೇಹಿತರಿಂದ ಪರಿಹಾರ ಸಿಗಲಿದೆ. ಪ್ರಯಾಣದ ಯೋಗ ಕೂಡಿ ಬರಲಿದೆ. ನಿಮ್ಮ ಗುರಿ ಸಾಧನೆ ಸಾಧ್ಯವಿದೆ. ಮೀನ ರಾಶಿ: ಮಾನಸಿಕ ನೆಮ್ಮದಿಗಾಗಿ ಧ್ಯಾನ ಮಾಡಿ. ಆರ್ಥಿಕ ವಿಷಯಗಳು ಪ್ರಗತಿ ಆಗಲಿದೆ. ಕುಟುಂಬದಲ್ಲಿ ಉತ್ತಮ ವಾತಾವರಣ ಸಿಗಲಿದೆ. ಶೈಕ್ಷಣಿಕ ಕೆಲಸಗಳು ಸರಾಗವಾಗಿ ಸಾಗಲಿದೆ. ಪ್ರಯಾಣದ ವೇಳೆ ಎಚ್ಚರಿಕೆ ಅಗತ್ಯ.
- [ಕಳ್ಳತನಕ್ಕೆ ಬಂದವನಿಗೆ ಕಪಾಳ ಮೋಕ್ಷ!](https://mobiletime.in/2025/10/a-slap-is-salvation-for-the-one-who-comes-for-theft/): ಕಾರವಾರದಲ್ಲಿ ಕಳ್ಳತನಕ್ಕೆ ಯತ್ನಿಸಿದ ಯುವಕನಿಗೆ ಜನ ಕೆನ್ನೆಗೆ ಬಾರಿಸಿದ್ದಾರೆ. ಅದಾದ ನಂತರ ಪೊಲೀಸರನ್ನು ಸ್ಥಳಕ್ಕೆ ಕರೆಯಿಸಿ ಕಳ್ಳನನ್ನು ಅವರಿಗೆ ಒಪ್ಪಿಸಿದ್ದಾರೆ. ಕಾರವಾರದ ಜಾಂಬಾ ಬಳಿಯ ಮನೆಗೆ ಕಳ್ಳನೊಬ್ಬ ನುಗ್ಗಲು ಯತ್ನಿಸಿದ್ದ. ಈ ವೇಳೆ ಮನೆಯಲ್ಲಿದ್ದ ನಾಯಿ ಜೋರಾಗಿ ಬೊಗಳಿದ್ದು, ಆಗ ಊರಿನವರು ಆತನನ್ನು ಹಿಡಿದಿದ್ದಾರೆ. ಒಟ್ಟು ಮೂವರು ಕಳ್ಳರು ಕದಿಯಲು ಬಂದಿದ್ದು, ಇಬ್ಬರು ಓಡಿ ಪರಾರಿಯಾಗಿದ್ದಾರೆ. ಒಬ್ಬ ಮಾತ್ರ ಜನರ ಕೈಗೆ ಸಿಕ್ಕಿ ಬಿದ್ದಿದ್ದರಿಂದ ಎಲ್ಲರೂ ಸೇರಿ ಆತನಿಗೆ ಥಳಿಸಿದ್ದಾರೆ. ಕಳ್ಳತನಕ್ಕೆ ಯತ್ನಿಸಿದವನನ್ನು ಊರಿನ ಜನ ಕಂಬಕ್ಕೆ ಕಟ್ಟಿ ಹಾಕಿದ್ದಾರೆ. ಅದಾದ ನಂತರ ಪೊಲೀಸರಿಗೆ ಫೋನ್ ಮಾಡಿದ್ದು, ಗ್ರಾಮೀಣ ಠಾಣೆ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಮಾಹಿತಿಗಳ ಪ್ರಕಾರ ಆ ಮೂವರು ಕಳ್ಳರು ಬೇರೆ ರಾಜ್ಯದವರಾಗಿದ್ದು, ಕಳ್ಳತನ ಮಾಡಿಯೇ ಜೀವನ ನಡೆಸುತ್ತಿರುವುದಾಗಿ ಹೇಳಲಾಗಿದೆ.
- [ವಿದೇಶದಲ್ಲಿ ಕೆಲಸ: ನಂಬಿದವರಿಗೆ ಮೋಸ!](https://mobiletime.in/2025/10/working-abroad-deception-to-those-who-trust/): ವಿದೇಶದಲ್ಲಿ ಉದ್ಯೋಗ ಕೊಡುವುದಾಗಿ ನಂಬಿಸಿ ಅನೇಕರಿಗೆ ಮೋಸ ಮಾಡುತ್ತಿದ್ದ ಹೊನ್ನಾವರದ ಕಚೇರಿಯೊಂದರ ಮೇಲೆ ಬೆಂಗಳೂರಿನ ವಲಸಿಗರ ರಕ್ಷಣಾ ಇಲಾಖೆಯರು ದಾಳಿ ಮಾಡಿದ್ದಾರೆ. ಟ್ರಾವೆಲ್ ಟಚ್ ಟೂರ್ಸ್ & ಟ್ರಾವೆಲ್ಸ್ ರ‍್ಯಾನ್ ಗ್ರೂಪ್) ಎಂಬ ಕಚೇರಿಯಲ್ಲಿನ ದಾಖಲೆಗಳನ್ನು ಅಧಿಕಾರಿಗಳು ಪರಿಶೀಲಿಸಿದ್ದಾರೆ. ಅನೇಕ ದಾಖಲೆಗಳನ್ನು ವಶಕ್ಕೆಪಡೆದು ವಿಚಾರಣೆ ನಡೆಸಿದ್ದಾರೆ. ಹೊನ್ನಾವರದ ಶರಾವತಿ ಸರ್ಕಲಿನಲ್ಲಿ ಈ ಕಂಪನಿ ಕಾರ್ಯ ನಿರ್ವಹಿಸುತ್ತಿದ್ದು ಭಟ್ಕಳ, ಹೊನ್ನಾವರವರನ್ನು ಗುರಿಯಾಗಿರಿಸಿಕೊಂಡು ಅನೇಕರನ್ನು ಯಾಮಾರಿಸಿತ್ತು. ಅನೇಕರು ಈ ಕಂಪನಿಗೆ ಕಾಸು ಕೊಟ್ಟು ಮೋಸ ಹೋಗಿದ್ದರು. ಮೋಸ ಹೋದವರ ಮಾಹಿತಿ ಆಧಾರದಲ್ಲಿ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ದಾಳಿಯಲ್ಲಿ ನೂರಾರು ಬಗೆಯ ಪಾಸ್‌ಪೋರ್ಟಗಳು ಸಿಕ್ಕಿವೆ. ವಲಸಿಗರ ರಕ್ಷಣಾ ಇಲಾಖೆಯ ಬೆಂಗಳೂರು ಕಚೇರಿಯ ಅಧಿಕಾರಿ ಅವನೀಶ್ ಶುಕ್ಲಾ ನೇತೃತ್ವದಲ್ಲಿ ಈ ದಾಳಿ ನಡೆದಿದೆ. ತನಿಖೆಗೆ ಸಂಬAಧಿಸಿದ ಪ್ರಮುಖ ದಾಖಲೆಗಳು, ರಿಜಿಸ್ಟರ್‌ಗಳು ಮತ್ತು ಇತರ ಸಾಮಗ್ರಿಗಳನ್ನು ಅಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಮಾಹಿತಿಗಳ ಪ್ರಕಾರ, ಇಸ್ರೇಲ್ ಮತ್ತು ಗಲ್ಫ್ ದೇಶಗಳಲ್ಲಿ ಸೂಪರ್ ಮಾರ್ಕೆಟ್ ಸಿಬ್ಬಂದಿ ಹುದ್ದೆಗಳನ್ನು ಭರವಸೆ ನೀಡಿ ಅಭ್ಯರ್ಥಿಗಳಿಂದ ಹಲವು ಲಕ್ಷ ರೂಪಾಯಿಗಳನ್ನು ಸಂಗ್ರಹಿಸಿತ್ತು. ಸೆಪ್ಟೆಂಬರ್ 9ರಂದು ವಲಸಿಗರ ರಕ್ಷಣಾ ಇಲಾಖೆ ನೀಡಿದ ನೋಟಿಸ್‌ಗೆ ಕಂಪನಿ ಕ್ಯಾರೇ ಎನ್ನದೇ ತನ್ನ ಅಕ್ರಮ ಚಟುವಟಿಕೆಗಳನ್ನು ಮುಂದುವರೆಸಿತ್ತು. ಇದಲ್ಲದೆ, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್‌ನಂತಹ ಸಾಮಾಜಿಕ ಮಾಧ್ಯಮಗಳ ಮೂಲಕ ಅನಧಿಕೃತ ನೇಮಕಾತಿ ಸೇವೆಗಳನ್ನು ಪ್ರಚಾರ ಮಾಡುತ್ತಿರುವುದು ಗಮನಕ್ಕೆ ಬಂದಿದೆ.
- [ಪತ್ನಿ ಶೀಲ ಶಂಕಿಸಿದ ಪತಿ: ಬೆಂಕಿಯಲ್ಲಿ ಬೆಂದಿತು ಬಡಜೀವ!](https://mobiletime.in/2025/10/husband-suspected-his-wife-of-cheating-poor-thing-burned-in-fire/): ಬೆಂಕಿಯ ಜ್ವಾಲೆಯಲ್ಲಿ ಬೆಂದ ಯಲ್ಲಾಪುರದ ಜನ್ನಿ ಅವರು ಏಳು ದಿನ ನರಳಾಡಿ ಸಾವನಪ್ಪಿದ್ದಾರೆ. ಪತ್ನಿ ಶೀಲ ಶಂಕಿಸಿ ಬಾಬು ಅವರೇ ಪತ್ನಿಗೆ ಬೆಂಕಿ ಹಚ್ಚಿ ಕೊಂದಿದ್ದಾರೆ! ಯಲ್ಲಾಪುರದ ಕಿರವತ್ತಿ ಬೊಂಬಡಿಕೊಪ್ಪದ ಜನ್ನಿ ಬಾಬು ಖಾತ್ರೋಟ ಅವರು ವಾಸವಾಗಿದ್ದರು. ಅದೇ ಊರಿನ ಬಾಬು ಎಕ್ಕು ಖಾತ್ರೋಡ ಅವರನ್ನು ಜನ್ನಿ ಅವರು ವರಿಸಿದ್ದರು. ಈ ದಂಪತಿ ಕೂಲಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದರು. ಆದರೆ, ಬಾಬು ಅವರಿಗೆ ಪತ್ನಿ ಮೇಲೆ ನಂಬಿಕೆಯಿರಲಿಲ್ಲ. ಹೀಗಾಗಿ ಮದುವೆ ಆದ ದಿನದಿಂದಲೂ ಬಾಬು ಅವರು ಜನ್ನಿ ಅವರನ್ನು ಪೀಡಿಸುತ್ತಿದ್ದರು. ಪತ್ನಿ ಶೀಲದ ಬಗ್ಗೆ ಅವರು ಪದೇ ಪದೇ ಅನುಮಾನವ್ಯಕ್ತಪಡಿಸಿ ಕಾಡಿಸುತ್ತಿದ್ದರು. ಅಕ್ಟೊಬರ್ 3ರಂದು ಬಾಬು ಖಾತ್ರೋಟ ಅವರು ಪತ್ನಿ ಬಳಿ ಜಗಳವಾಡಿದರು. ಆ ವೇಳೆ ಮತ್ತೆ ಪತ್ನಿಯ ಶೀಲದ ಬಗ್ಗೆ ಮಾತನಾಡಿದರು. ಕೆಟ್ಟದಾಗಿ ಬೈದು ನಿಂದಿಸಿದರು. `ನೀ ಮೊದಲಿನಿಂದ ಬೇರೆಯವರ ಜೊತೆಯಿದ್ದ ವಿಷಯ ಗೊತ್ತಿದೆ’ ಎಂದು ಕೂಗಾಡಿದರು. `ನನ್ನನ್ನು ಏಕೆ ಬೈಯುವೆ?’ ಎಂದು ಜನ್ನಿ ಖಾತ್ರೋಟ ಮರುಪ್ರಶ್ನೆ ಹಾಕಿದರು. ಇದರಿಂದ ಏಕಾಏಕಿ ಸಿಟ್ಟಾದ ಬಾಬು ಖಾತ್ರೋಟ ಅವರು ಬೈಕಿಗೆ ಹಾಕಲು ತಂದಿದ್ದ ಪೆಟ್ರೋಲ್ ಕ್ಯಾನ್ ಬಳಿ ತೆರಳಿದರು. ಜನ್ನಿ ಅವರ ಮೈಮೇಲೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದರು. ಮೈಗೆ ಬೆಂಕಿ ಅಂಟಿಸಿಕೊAಡ ಜನ್ನಿ ಅವರು ದೊಡ್ಡದಾಗಿ ಬೊಬ್ಬೆ ಹೊಡೆಯುತ್ತ ತಮ್ಮ ತವರು ಮನೆ ಕಡೆ ಓಡಿದರು. ತವರು ಮನೆಯವರು ಬೆಂಕಿಯನ್ನು ಆರಿಸಿ ಜನ್ನಿಯವರನ್ನು ರಕ್ಷಿಸುವ ಪ್ರಯತ್ನ ಮಾಡಿದರು. ಅದಾದ ನಂತರ ಜನ್ನಿ ಖಾತ್ರೋಟ ಅವರ ಸಹೋದರ ಗಂಗಾರಾಮ ಬಾಬು ಎಡಗೆ ಅವರು ಪೊಲೀಸರಿಗೆ ಫೋನ್ ಮಾಡಿದರು. ಪೊಲೀಸರು ಬಂದು ಜನ್ನಿ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಜನ್ನಿ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಲಾಯಿತು. ತನಗಾದ ಅನ್ಯಾಯದ ಬಗ್ಗೆ ಜನ್ನಿ ಅವರು ಆಸ್ಪತ್ರೆಯಲ್ಲಿರುವಾಗಲೇ ಪೊಲೀಸ್ ಹೇಳಿಕೆ ನೀಡಿದ್ದರು. ಎರಡು ದಿನಗಳ ಕಾಲ ಚಿಕಿತ್ಸೆಪಡೆದ ಜನ್ನಿ ಅವರು ಅಕ್ಟೊಬರ್ 5ರಂದು ತವರು ಮನೆಗೆ ಮರಳಿದರು. ಮತ್ತೆ ಐದು ದಿನಗಳ ಕಾಲ ಇಲ್ಲಿಯೇ ಆರೈಕೆಗೆ ಒಳಗಾದರು. ಆದರೆ, ಮೈ ಸುಟ್ಟ ಕಾರಣ ಅವರು ನಿತ್ಯವೂ ನರಳುತ್ತಿದ್ದು, ಅಕ್ಟೊಬರ್ 10ರಂದು ಪ್ರಾಣಬಿಟ್ಟರು. ಅಕ್ಕನ ಸಾವಿಗೆ ಕಾರಣನಾದ ಬಾಬು ಎಕ್ರು ಖಾತ್ರೋಟ ವಿರುದ್ಧ ಅವರ ಭಾವ ಗಂಗಾರಾಮ ಬಾಬು ಎಡಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಗಂಗಾರಾಮ ಬಾಬು ಎಡಗೆ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು. ಪಿಎಸ್‌ಐ ರಾಜಶೇಖರ ವಂದಲಿ ಈ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.  
- [ವಿದ್ಯುತ್ ಅವಘಡ: ಅಗ್ನಿಗೆ ಆಹುತಿಯಾದ ಕೃಷಿ ಗೋದಾಮು](https://mobiletime.in/2025/10/electrical-accident-agricultural-warehouse-gutted-in-fire/): ಯಲ್ಲಾಪುರದಲ್ಲಿ ಹಣ್ಣು-ಕಾಯಿ ಮಾರಾಟ ಮಾಡಿಕೊಂಡಿದ್ದ ದೊಡ್ಡಬೇಣದ ಶಿವಾನಂದ ಮರಾಠಿ ಅವರ ಮಳಿಗೆಗೆ ಬೆಂಕಿ ಬಿದ್ದಿದೆ. ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಆ ಬೆಂಕಿ ಆರಿಸಿದ್ದಾರೆ. ಯಲ್ಲಾಪುರದ ಐಬಿ ರಸ್ತೆಯ ಪಕ್ಕದಲ್ಲಿ ಶಿವಾನಂದ ಮರಾಠಿ ಅವರು ಕೃಷಿ ಗೋಡೌನ್ ಹೊಂದಿದ್ದರು. ಅವರು ರೈತರಿಂದ ಕಾಯಿ-ಪಲ್ಲೆ ಖರೀದಿಸಿ ಅದನ್ನು ಅಗತ್ಯವಿದ್ದವರಿಗೆ ಪೂರೈಸುತ್ತಿದ್ದರು. ತಮ್ಮ ಗೋದಾಮಿನಲ್ಲಿ ತೆಂಗಿನಕಾಯಿಗಳನ್ನು ಅವರು ದಾಸ್ತಾನು ಮಾಡಿದ್ದರು. ಜೇನುತುಪ್ಪ, ಅಡಿಕೆ ಹಾಳೆ ಪ್ಲೇಟುಗಳನ್ನು ಸಹ ಅವರು ಮಾರಾಟ ಮಾಡುತ್ತಿದ್ದರು. ಶನಿವಾರ ನಸುಕಿನಲ್ಲಿ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ಕಾರಣದಿಂದ ಅವರ ಗೋದಾಮಿಗೆ ಅಗ್ನಿ ಸ್ಪರ್ಶವಾಯಿತು. ಅಲ್ಲಿ ಬೆಂಕಿ ಉರಿದ ಪರಿಣಾಮ ಗೋದಾಮಿನಲ್ಲಿದ್ದ 10 ಸಾವಿರ ಅಡಕೆ ಹಾಳೆಯ ಪ್ಲೇಟುಗಳು, 80 ಲೀಟರ್ ಜೇನುತುಪ್ಪ, ಲೋಟ-ಚಮಚ, ಅಗರಬತ್ತಿಗಳು ನಾಶವಾದವು. ಇದರೊಂದಿಗೆ 6 ಕ್ವಿಂಟಲ್ ಬಾಳೆಕಾಯಿ, 1 ಟನ್ ಬರಡು ತೆಂಗಿನ ಕಾಯಿಗಳು ಅಗ್ನಿಗೆ ಆಹುತಿಯಾದವು. ಈ ವಿದ್ಯುತ್ ಅವಘಡದಿಂದ ಶಿವಾನಂದ ಮರಾಠಿ ಅವರಿಗೆ ಲಕ್ಷಾಂತರ ರೂ ನಷ್ಟವಾಗಿದೆ. ಅಗ್ನಿಶಾಮಕ ದಳದ ಎಫ್ ಎಸ್ ಒ ಶಂಕರಪ್ಪ ಅಂಗಡಿ, ಸಿಬ್ಬಂದಿ ಪ್ರಣಯ ಕೊಚ್ರೆಕರ್, ನಾಗರಾಜ ನಾಯಕ, ಅಮಿತ್ ಗುನಗಿ, ಸಲೀಂ ನದಾಫ, ಶಿವಾನಂದ ಕೋಡಿ ಬೆಂಕಿ ಆರಿಸಿದರು.
- [ಅಂಕೋಲಾ: ಮತ್ತೊಂದು ದೋಣಿ ದುರಂತ!](https://mobiletime.in/2025/10/ankola-another-boat-tragedy/): ಅoಕೋಲಾದ ಬೇಲೆಕೇರಿ ಬಂದರಿನಲ್ಲಿ ಲಂಗರು ಹಾಕಿದ್ದ ಮತ್ತೊಂದು ದೋಣಿ ದುರಂತಕ್ಕೀಡಾಗಿದೆ. ಮೊನ್ನೆಯಷ್ಟೇ ದೋಣಿಯೊಂದು ಮುಗುಚಿ ಬಿದ್ದಿದ್ದು, ಶುಕ್ರವಾರ ರಾತ್ರಿ ಮತ್ತೆ ಇಂಥಹುದೇ ಅವಘಡ ನಡೆದಿದೆ. ಮೂರು ದಿನದಲ್ಲಿ ಎರಡು ದೋಣಿ ಮುಳುಗಡೆಯಿಂದಾಗಿ ಮೀನುಗಾರರು ಆತಂಕಕ್ಕೀಡಾಗಿದ್ದಾರೆ. ಈ ಭಾಗದ ಮೀನುಗಾರರು ಮೊದಲೇ ಆರ್ಥಿಕ ಸಂಕಷ್ಟದಲ್ಲಿದ್ದಾರೆ. ಹೀಗಿರುವಾಗ ಅರಬ್ಬಿ ಸಮುದ್ರದ ಅಲೆಗಳು ಅಲ್ಲಿನವರನ್ನು ಇನ್ನಷ್ಟು ಬಡವರನ್ನಾಗಿಸುತ್ತಿದೆ. ಸಾಲ ಮಾಡಿ ದೋಣಿ ಖರೀದಿಸಿದ ಮೀನುಗಾರರು ನಿರಂತರ ಅವಘಡಗಳಿಂದ ಕೆಂಗಟ್ಟಿದ್ದಾರೆ. ಬಂದರಿನಲ್ಲಿ ಸೂಕ್ತ ಅಲೆ ತಡೆಗೋಡೆ ಇಲ್ಲದಿರುವುದೇ ಈ ಅವಾಂತರಗಳಿಗೆ ಕಾರಣವಾಗಿದೆ. ಶುಕ್ರವಾರ ರಾತ್ರಿ ಶ್ರೀಕಾಂತ ತಾಂಡೇಲ ಅವರಿಗೆ ಸೇರಿದ್ದ ಶ್ರೀ ದುರ್ಗಾಪ್ರಸಾದ ಪರ್ಶೀಯನ್ ಬೋಟು ಮುಳುಗಡೆಯಾಗಿದೆ. ಪರಿಣಾಮ ದೋಣಿ ಮಾಲಕರಿಗೆ ಲಕ್ಷಾಂತರ ರೂ ಹಾನಿಯಾಗಿದೆ. ಬೇಲೆಕೇರಿ ಬಂದರು ಪ್ರದೇಶದಲ್ಲಿ ಅನೇಕ ವರ್ಷಗಳಿಂದ ಹೂಳು ತೆಗೆದಿಲ್ಲ. ಬಂದರು ಪ್ರದೇಶದಲ್ಲಿ ಹೂಳು ಎತ್ತದಿರುವುದು ದೋಣಿಗಳ ಪಾಲಿಗೆ ಮಾರಕವಾಗಿದೆ. ಹೂಳು ತುಂಬಿದ ಬಂದರಿನಲ್ಲಿ ಆಳ ಕಡಿಮೆಯಿರುವುದರಿಂದ ದೋಣಿಗಳು ಅಲ್ಲಿ ಲಂಗರು ಹಾಕಲು ಸಮಸ್ಯೆ ಅನುಭವಿಸುತ್ತಿವೆ. ಮೀನುಗಾರಿಕಾ ಇಲಾಖೆಯ ವಿರುದ್ಧ ಆ ಭಾಗದ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಒಂದು ದೋಣಿಯನ್ನು ಅವಲಂಭಿಸಿ ಅನೇಕ ಕುಟುಂಬಗಳು ಬದುಕುತ್ತಿವೆ. ದೋಣಿ ದುರಂತದಿAದ ದೋಣಿ ಮಾಲಕರಿಗೆ ಮಾತ್ರವಲ್ಲದೇ, ಅದನ್ನು ನಂಬಿದ ಕುಟುಂಬಗಳು ಅತಂತ್ರಕ್ಕೆ ಒಳಗಾಗುತ್ತಿದ್ದಾರೆ. ಹೂಳು ತೆಗೆಯದಿರುವುದು ಹಾಗೂ ಅಲೆ ತಡೆಗೋಡೆ ನಿರ್ಮಿಸಿದ ಕಾರಣ ಒಂದಕೊAದು ದೋಣಿಗಳು ಡಿಕ್ಕಿಯಾಗಿಯೂ ಹಾನಿ ಸಂಭವಿಸುತ್ತಿದೆ. ಮುಳುಗಿದ ದೋಣಿ ಮೇಲೆತ್ತಲು ಕ್ರೋನ್, ಪಂಪ್, ಯಂತ್ರ ಬಳಸುವುದು ಸಹ ಬಡ ಮೀನುಗಾರರ ಪಾಲಿಗೆ ದೊಡ್ಡ ಹೊರೆಯಾಗಿದೆ.
- [ಪುರಸಭೆಯಲ್ಲಿ ಅಕ್ರಮ: ತನಿಖೆಗೆ ಆಗ್ರಹ](https://mobiletime.in/2025/10/illegality-in-the-municipality-demand-for-investigation/): `ಕುಮಟಾ ಪುರಸಭೆಯಲ್ಲಿ ನಡೆದ ಎಲ್ಲಾ ಅಕ್ರಮ-ಅವ್ಯವಹಾರಗಳ ಬಗ್ಗೆ ಸಮಗ್ರ ತನಿಖೆ ನಡೆಸಬೇಕು’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರ ಆಗ್ರಹಿಸಿದೆ. ಈ ಬಗ್ಗೆ ಸಂಘಟನೆಯವರು ರಾಜ್ಯಪಾಲರಿಗೂ ದೂರು ರವಾನಿಸಿದ್ದಾರೆ. `ಅಕ್ರಮ ಕಟ್ಟಡವನ್ನು ಸಕ್ರಮ ಮಾಡುವುದಕ್ಕಾಗಿ ಕೆಲ ರಾಜಕಾರಣಿಗಳು ಹಾಗೂ ಅಧಿಕಾರಿಗಳು ದುಡ್ಡಿನ ಹಿಂದೆ ಬಿದ್ದಿದ್ದಾರೆ. ಈ ಬಗ್ಗೆ ಕುಮಟಾ ಪುರಸಭೆ ಕಂದಾಯ ಅಧಿಕಾರಿ ವೆಂಕಟೇಶ್ ಹರಿಜನ ಅವರು ಬರೆದ ಪತ್ರ ಸಾಕ್ಷಿಯಾಗಿದ್ದು, ಈ ಆರೋಪವನ್ನು ಗಂಭೀರವಾಗಿ ಪರಿಗಣಿಸಿ ತನಿಖೆ ನಡೆಸಬೇಕು’ ಎಂದು ಕೇಂದ್ರದ ಅಧ್ಯಕ್ಷ ಆಗ್ನೆಲ್ ರೋಡ್ರಿಗಸ್ ಒತ್ತಾಯಿಸಿದ್ದಾರೆ. `ಕುಮಟಾ ಪುರಸಭೆಯಲ್ಲಿ ಮೊದಲಿನಿಂದಲೂ ವ್ಯಾಪಕ ಭ್ರಷ್ಟಾಚಾರ ನಡೆಯುತ್ತಿದೆ. ರಾಜಕೀಯ ಮುಖಂಡರೊಬ್ಬರು 4ಲಕ್ಷ ರೂಪಾಯಿ ಆಮೀಷ ಒಡ್ಡಿದ ಬಗ್ಗೆ ಪತ್ರದಲ್ಲಿ ಬರೆಯಲಾಗಿದೆ. ರಾಜಕೀಯ ಮುಖಂಡರಿoದ ನೌಕರರ ಮೇಲೆ ದಬ್ಬಾಳಿಕೆ ನಡೆಯುತ್ತಿದೆ. ಭ್ರಷ್ಟ ಅಧಿಕಾರಿಗಳು ಹಾಗೂ ದುಷ್ಟ ರಾಜಕಾರಣಿಗಳ ಒತ್ತಡದಿಂದ ಅಧೀನ ಅಧಿಕಾರಿ ಆತ್ಮಹತ್ಯೆಗೆ ಶರಣಾಗುವ ಸನ್ನಿವೇಶ ಎದುರಾಗಿದೆ’ ಎಂದವರು ವಿವರಿಸಿದರು. ನಿವೃತ್ತ ಅಧಿಕಾರಿ ನಾಗೇಶ್ ಹುಲಸ್ವಾರ, ಪ್ರಮುಖರಾದ ಸುಧಾಕರ ನಾಯ್ಕ್, ಕೃಷ್ಣ ಪಟಗಾರ, ಶ್ರೀದರ ಹರಿಕಾಂತ್, ಪಾಂಡು ಪಟಗಾರ, ಆನಂದ ಪಟಗಾರ, ಗಜಾನನ ಪಟಗಾರ, ಅಮೀನ್ ಸಯ್ಯದ್, ವಲಿ ಅಹಮದ್, ಮಹಾಬಲಿ, ಕೃಷ್ಣ ಪಟಗಾರ, ಮಂಜುನಾಥ್ ಅಂಬಿಗ, ಕೃಷ್ಣ ಪಟಗಾರ, ಪಾಂಡು ನಾಯ್ಕ್, ಈಶ್ವರ ನಾಯ್ಕ್, ಆನಂದು ಪಟಗಾರ, ದತ್ತ ಪಟಗಾರ ಇದ್ದರು.
- [ಮಾಸ್ ಅವತಾರದಲ್ಲಿ ಬಾಸು!](https://mobiletime.in/2025/10/basu-in-the-form-of-a-mass/): ಭವ್ಯ ಆ್ಯಕ್ಷನ್ ಥ್ರಿಲ್ಲರ್ ‘ಕಟ್ಟಾಳನ್’ ಚಿತ್ರದ ಬಹುನಿರೀಕ್ಷಿತ ಫಸ್ಟ್ ಲುಕ್ ಪೋಸ್ಟರ್ ಈಗ ಬಿಡುಗಡೆಯಾಗಿದೆ. ಕ್ಯೂಬ್ಸ್ ಎಂಟರ್‌ಟೈನ್‌ಮೆಂಟ್ಸ್ ಮತ್ತು ನಿರ್ಮಾಪಕ ಷರೀಫ್ ಮೊಹಮ್ಮದ್ ಅವರ ಈ ಬೃಹತ್ ಪ್ರಾಜೆಕ್ಟ್‌ನಲ್ಲಿ, ನಟ ಆ್ಯಂಟನಿ ವರ್ಗೀಸ್ ಪೆಪೆ ಅವರು ಸಂಪೂರ್ಣ ಮಾಸ್ ಮತ್ತು ರೌದ್ರಾವತಾರದಲ್ಲಿ ಅಬ್ಬರಿಸಿದ್ದಾರೆ. ಆ್ಯಂಟನಿ ಅವರ ಜ್ವಲಂತ ಕಣ್ಣುಗಳು, ಕೆಂಪಾಗಿರುವ ಗೊಂದಲಮಯ ಕೇಶವಿನ್ಯಾಸ, ತುಟಿಗಳ ನಡುವೆ ಉರಿಯುತ್ತಿರುವ ಸಿಗಾರ್ – ಈ ಎಲ್ಲಾ ಅಂಶಗಳು ಪೋಸ್ಟರ್‌ಗೆ ಒಂದು ವಿಶಿಷ್ಟವಾದ ಕಚ್ಚಾ (Rugged) ತೀವ್ರತೆಯನ್ನು ನೀಡಿವೆ. ರಕ್ತದಿಂದ ಮಲಿನವಾದ ಮುಖ ಮತ್ತು ಕೈಗಳು ಚಿತ್ರದ ಆ್ಯಕ್ಷನ್ ಧಮಕವನ್ನು ಎತ್ತಿ ತೋರಿಸುತ್ತಿದ್ದು, ಇದುವರೆಗೆ ಕಾಣದಷ್ಟು ಉಗ್ರ ಹೊಸ ಆ್ಯಂಟನಿಯನ್ನು ತೆರೆಗೆ ಪರಿಚಯಿಸಲಿದೆ. ಪ್ಯಾನ್-ಇಂಡಿಯನ್ ಹಿಟ್ ಮಾರ್ಕೊ ನಂತರ, ಇದು ಕ್ಯೂಬ್ಸ್ ಎಂಟರ್‌ಟೈನ್‌ಮೆಂಟ್ಸ್ನ ಮತ್ತೊಂದು ದೊಡ್ಡ ಸವಾಲಿನ ಪ್ರಯತ್ನ. ಚೊಚ್ಚಲ ನಿರ್ದೇಶಕ ಪಾಲ್ ಜಾರ್ಜ್ ಅವರ ಕಲ್ಪನೆಯಲ್ಲಿ ಮೂಡಿಬರುತ್ತಿರುವ ಈ ಚಿತ್ರ, ಮಲಯಾಳಂನ ಅತಿ ದೊಡ್ಡ ಪೂಜೆ ಸಮಾರಂಭದೊಂದಿಗೆ ಪ್ರಾರಂಭವಾಗಿತ್ತು. ಇದೊಂದು ಪ್ಯಾನ್-ಇಂಡಿಯನ್ ದೃಶ್ಯಕಾವ್ಯವಾಗಿ ಪ್ರೇಕ್ಷಕರನ್ನು ತಲುಪಲಿದೆ. ಸಂಗೀತದ ವಿಚಾರಕ್ಕೆ ಬಂದರೆ, ಕಂಟಾರಾ ಮತ್ತು ಮಹಾರಾಜ ಚಿತ್ರಗಳ ಮೂಲಕ ದಕ್ಷಿಣ ಭಾರತದಾದ್ಯಂತ ಖ್ಯಾತಿ ಗಳಿಸಿದ ನಮ್ಮ ಪ್ರತಿಭಾವಂತ ಸಂಗೀತ ನಿರ್ದೇಶಕ ಬಿ. ಅಜನೀಶ್ ಲೋಕನಾಥ್ ಅವರು ಕಟ್ಟಾಳನ್ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ. ಥೈಲ್ಯಾಂಡ್‌ನಲ್ಲಿ ಚಿತ್ರೀಕರಿಸಿದ ಅಪಾಯಕಾರಿ ಆ್ಯಕ್ಷನ್ ಸೀಕ್ವೆನ್ಸ್‌ಗಳಿಗೆ ಓಂಗ್-ಬಾಕ್ ಚಿತ್ರಗಳ ಖ್ಯಾತಿಯ ವಿಶ್ವ ವಿಖ್ಯಾತ ಸಾಹಸ ನಿರ್ದೇಶಕ ಕೇಚಾ ಕಾಂಫಕ್ಡೀ ಅವರ ತಂಡ ಸಂಯೋಜನೆ ಮಾಡಿದೆ. ಕುತೂಹಲಕಾರಿ ಸಂಗತಿ ಏನೆಂದರೆ, ಓಂಗ್-ಬಾಕ್ ಸಿನಿಮಾಗಳ ಮೂಲಕ ಹೆಸರು ಮಾಡಿದ ಆನೆ ಪಾಂಗ್ ಸಹ ಈ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದೆ. ಚಿತ್ರದಲ್ಲಿ ತೆಲುಗು ನಟ ಸುನೀಲ್ (ಪುಷ್ಪ, ಜೈಲರ್ ೨ ಖ್ಯಾತಿ), ಕಬೀರ್ ದುಹಾನ್ ಸಿಂಗ್, ರಾಜ ತಿರಂದಾಸು, ಬೇಬಿ ಜೀನ್, ಪಾರ್ಥ್ ತಿವಾರಿ, ಹಾಗೂ ಮಲಯಾಳಂನ ಹಿರಿಯ ಕಲಾವಿದರಾದ ಜಗದೀಶ್ ಮತ್ತು ಸಿದ್ದಿಕ್ ಸೇರಿದಂತೆ ಬಹು ದೊಡ್ಡ ತಾರಾಬಳಗವಿದೆ. ಮಲಯಾಳಂ, ತಮಿಳು, ತೆಲುಗು, ಕನ್ನಡ, ಮತ್ತು ಹಿಂದಿ ಭಾಷೆಗಳಲ್ಲಿ ಬಿಡುಗಡೆಯಾಗಲಿರುವ ಕಟ್ಟಾಳನ್ ಭಾರತೀಯ ಚಿತ್ರರಂಗದ ಗಮನ ಸೆಳೆಯುವುದರಲ್ಲಿ ಸಂಶಯವಿಲ್ಲ. ಈ ಹೊಸ ಮಾಸ್ ಲುಕ್ ಬಗ್ಗೆ ನಿಮ್ಮ ಅನಿಸಿಕೆ ಏನು?
- [ಕೈಗೆ ಸಿಕ್ಕ ಕಳ್ಳ ಕಪೌಂಡ್ ಹಾರಿ ಓಡಿದ!](https://mobiletime.in/2025/10/the-thief-ran-away-with-the-stolen-compound/): ಕುಮಟಾದ ಗಿಬ್ ಸರ್ಕಲ್ ಬಳಿಯ ಬ್ಯಾಟರಿ ಅಂಗಡಿಗೆ ನುಗ್ಗಿ ದರೋಡೆ ಮಾಡಿದ್ದ ಕಳ್ಳನನ್ನು ಪೊಲೀಸರು ಬಂಧಿಸಿದ್ದು, ವಿಚಾರಣೆ ವೇಳೆ ಆತ ಪರಾರಿಯಾಗಿದ್ದರಿಂದ ಪೊಲೀಸರು ತಲೆಕೆಡಿಸಿಕೊಂಡಿದ್ದಾರೆ. ಕುಮಟಾದ ಗಿಬ್ ಸರ್ಕಲ್ ಬಳಿಯ ಅಮರಾನ್ ಬ್ಯಾಟರಿ ಶಾಪ್‌ನಲ್ಲಿ 8 ಸಾವಿರ ರೂ ಮೌಲ್ಯದ 12 ಬ್ಯಾಟರಿ ಕಳ್ಳತನ ನಡೆದಿತ್ತು. ಈ ಬಗ್ಗೆ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಶುರು ಮಾಡಿದ್ದರು. ಅನುಮಾನದ ಮೇರೆಗೆ ಭಟ್ಕಳದ ಇಬ್ಬರನ್ನು ವಶಕ್ಕೆಪಡೆದಿದ್ದರು. ಅವರೇ ಕಳ್ಳತನದಲ್ಲಿ ಭಾಗಿಯಾಗಿದ್ದು ಮೇಲ್ನೋಟಕ್ಕೆ ಪೊಲೀಸರಿಗೆ ಅರಿವಾಯಿತು. ಅವರನ್ನು ವೈದ್ಯಕೀಯ ತಪಾಸಣೆಗೆ ಕರೆದೊಯ್ಯುವಾಗ ಪೌಜಾನ್ ಅಹ್ಮದ್ ಎಂಬ ಕಳ್ಳ ಪರಾರಿಯಾಗಿದ್ದು, ಪೊಲೀಸರು ಆತನನ್ನು ಹಿಡಿಯಲು ಶ್ರಮಿಸಿದರು. ಆದರೆ, ಆ ಕಳ್ಳ ಮಾತ್ರ ಸಿಗಲಿಲ್ಲ. ಆಸ್ಪತ್ರೆಯ ಕಂಪೌoಡ್ ಹಾರಿ ಕಳ್ಳ ಪರಾರಿಯಾಗಿದ್ದರಿಂದ ಪೊಲೀಸರು ಕಪೌಂಡ್ ಹಾರಿದರು. ಆದರೆ, ಈ ವೇಳೆ ಪೊಲೀಸರು ಗಾಯಗೊಂಡರು. ಆರೋಪಿ ಬಗ್ಗೋಣ ರಸ್ತೆಯ ಸಿಂಧೂರು ಬೇಕರಿ ಪಕ್ಕದ ಗೇಟ್ ಒಳಗಿಂದ ತಪ್ಪಿಸಿಕೊಂಡಿರುವುದನ್ನು ಜನ ನೋಡಿದ್ದಾರೆ. ಶುಕ್ರವಾರ ರಾತ್ರಿ ಆತ ಪರಾರಿಯಾಗಿದ್ದು, ಕತ್ತಲಿನಲ್ಲಿ ಹುಡುಕಾಟ ಸಾಧ್ಯವಾಗಲಿಲ್ಲ. ಹಳೇ ಹೆರವಟ್ಟಾ, ಬಗ್ಗೋಣ ಸೇರಿ ಎಲ್ಲಾ ಕಡೆ ಹುಡುಕಾಟ ನಡೆದಿದ್ದು, ಫೋಟೋದಲ್ಲಿರುವ ಕಳ್ಳನನ್ನು ಕಂಡರೆ ಪೊಲೀಸರಿಗೆ ಫೋನ್ ಮಾಡುವಂತೆ ಸೂಚಿಸಲಾಗಿದೆ.
- [ನಮ್ಮನೆ ಹಬ್ಬ: ಅವರೆಲ್ಲರೂ ಬರ್ತಿದ್ದಾರೆ.. ನೀವು ಬನ್ನಿ!](https://mobiletime.in/2025/10/our-festival-they-are-all-coming-you-come/): ಶಿರಸಿಯ ಬೆಟ್ಟಕೊಪ್ಪದಲ್ಲಿ ಪ್ರತಿ ವರ್ಷ ನಡೆಯುವ `ನಮ್ಮನೆ ಹಬ್ಬ’ಕ್ಕೆ ಈ ಬಾರಿ ಚಲನಚಿತ್ರ ಕ್ಷೇತ್ರದಲ್ಲಿ ಅನುಪಮ ಸಾಧನೆ ಮಾಡಿದ ಬಿ ಜಯಶ್ರೀ ಅವರು ಆಗಮಿಸಲಿದ್ದಾರೆ. ಅವರ ಜೊತೆ ಔಷಧೀಯ ಕ್ಷೇತ್ರದಲ್ಲಿ ಜಗತ್ತಿಗೆ ಉಪಕಾರಿಯಾಗುವ ಕಾರ್ಯ ಮಾಡುತ್ತಿರುವ ರಾಮನಂದನ ಹೆಗಡೆ ದೊಡ್ಮನೆ ಹಾಗೂ ಬಹುಮುಖ ಪ್ರತಿಭೆಯ ವಿದ್ಯಾರ್ಥಿ ತೇಜಸ್ವಿ ಗಾಂವಕರ ಅವರು ಬರುತ್ತಿದ್ದಾರೆ. ಡಿಸೆಂಬರ್ ಮೊದಲ ವಾರದಲ್ಲಿ `ನಮ್ಮನೆ ಹಬ್ಬ’ ನಡೆಯಲಿದ್ದು, ಈ ಹಬ್ಬದಲ್ಲಿ ಈ ಮೂವರು ಸಾಧಕರಿಗೆ `ನಮ್ಮನೆ ಸಾಧಕ’ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತದೆ. ಸಾಹಿತ್ಯ, ಸಾಂಸ್ಕೃತಿಕ, ಗ್ರಾಮಾಭ್ಯುದಯ ಕೆಲಸ ಮಾಡುತ್ತಿರುವ ವಿಶ್ವಶಾಂತಿ ಸೇವಾ ಟ್ರಸ್ಟ್ ವಾರ್ಷಿಕವಾಗಿ ನೀಡುವ ಪ್ರತಿಷ್ಠಿತ `ನಮ್ಮನೆ ಪ್ರಶಸ್ತಿ’ಯನ್ನು ಪ್ರಕಟಿಸಿದೆ. ರಂಗಭೂಮಿ ಮತ್ತು ಚಲನಚಿತ್ರ ಕ್ಷೇತ್ರದಲ್ಲಿ ಅನುಪಮ ಸಾಧನೆ ಮಾಡಿದ ಬಿ ಜಯಶ್ರೀ ಹಾಗೂ ಔಷಧ ಕ್ಷೇತ್ರದಲ್ಲಿ ಸಾಧನೆ ಮಾಡುತ್ತಿರುವ ಉತ್ತರ ಕನ್ನಡ ಮೂಲದ ರಾಮನಂದನ ಹೆಗಡೆ ದೊಡ್ಮನೆ ಅವರಿಗೆ ನಮ್ಮನೆ ಸಾಧಕ ಪ್ರಶಸ್ತಿ, ಕಿಶೋರ ಪುರಸ್ಕಾರವನ್ನು ಬಹುಮುಖ ಪ್ರತಿಭೆಯ ವಿದ್ಯಾರ್ಥಿ ತೇಜಸ್ವಿ ಗಾಂವಕರಗೆ ನೀಡಲಾಗುತ್ತಿದೆ. ರಂಗಭೂಮಿಗೊಬ್ಬರೇ ಜಯಶ್ರೀ! ಕನ್ನಡ ನಾಡಿನ ಅಗ್ರಮಾನ್ಯ ಕಲಾವಿದೆ ಬಿ ಜಯಶ್ರೀ ಅವರು ಭಾರತೀಯ ರಂಗಭೂಮಿಯ ಪ್ರಸಿದ್ಧ ನಟಿ, ನಿರ್ದೇಶಕಿ ಹಾಗೂ ಗಾಯಕಿ. ರಂಗಭೂಮಿ ಜೊತೆಗೆ ಚಲನಚಿತ್ರ, ಕಿರುತೆರೆಗಳಲ್ಲಿಯೂ ಅವರು ಅಭಿನಯಿಸಿದ್ದರೆ. ಡಬ್ಬಿಂಗ್ ಕಲಾವಿದೆಯಾಗಿ ಹಲವಾರು ಚಿತ್ರಗಳಿಗೆ ಹಿನ್ನೆಲೆ ಧ್ವನಿ ನೀಡಿದ್ದಾರೆ. ಅವರು ಹಾಡಿದ ಹಲವು ಹಾಡುಗಳೇ ಸಿನೆಮಾಗಳನ್ನು ಪ್ರಸಿದ್ಧಗೊಳಿಸಿದ್ದಿವೆ. ಗುಬ್ಬಿ ವೀರಣ್ಣ ಅವರ ಮೊಮ್ಮಗಳಾದ ಜಯಶ್ರೀ ಅವರು ಚಿಕ್ಕಂದಿನಿ0ದಲೇ ರಂಗಭೂಮಿಯ ನಂಟು ಬೆಳಸಿಕೊಂಡು ದೇಶದ ಗಮನ ಸೆಳೆದಿದ್ದಾರೆ. ಹವ್ಯಾಸಿ ನಾಟಕ ಸಂಸ್ಥೆಯಾಗಿರುವ ಸ್ಪಂದನ ಥಿಯೇಟರ್ ನ ಸೃಜನಶೀಲ ನಿರ್ದೇಶಕರಾಗಿ ಅನೇಕ ನಾಟಕಗಳನ್ನು ನಿರ್ದೇಶಿಸಿದ್ದಾರೆ. 2010 ರಿಂದ 2016 ರವರೆಗೆ ಅವರು ರಾಜ್ಯಸಭೆಯ ನಾಮನಿರ್ದೇಶಿತ ಸದಸ್ಯರಾಗಿ ಕಾರ್ಯನಿರ್ವಹಿಸಿದ್ದರು. 75ರ ವಯಸ್ಸಿನಲ್ಲೂ ರಂಗಭೂಮಿಯಲ್ಲಿ ಕ್ರಿಯಾಶೀಲರಾಗಿದ್ದು, ಯುವ ಸಮುದಾಯವನ್ನು ಕಲಾ ಮಂದಿರಕ್ಕೆ ಸೆಳೆಯುವ ಕಾಯಕ ಮಾಡುತ್ತಿದ್ದಾರೆ. ಜೀವದಾಯಿನಿ ಔಷಧ ಕೊಟ್ಟು ಜೀವ ಉಳಿಸಿದವರು ಮೂಲತಃ ಸಿದ್ದಾಪುರ ತಾಲ್ಲೂಕಿನ ದೊಡ್ಮನೆ ಮೂಲದ ರಾಮನಂದನ ಹೆಗಡೆ ಅವರು ಜಗತ್ತೇ ಕೋವಿಡ್ ಸಂಕಷ್ಟದಲ್ಲಿದ್ದಾಗ ಜೀವದ ಹಂಗು ತೊರೆದು ಲಸಿಕೆಗಳಿಗೆ ಅಗತ್ಯವಾದ ಮೂಲಭೂತ ವಸ್ತುಗಳನ್ನು ಪೂರೈಸಿದವರು. ಆ ಮೂಲಕ ಪ್ರಪಂಚದ ಸಂಕಷ್ಟವನ್ನು ದೂರಮಾಡಲು ಹೆಗಲುಕೊಟ್ಟಿದ್ದಾರೆ. ಆ ಕಾಲದಲ್ಲೇ ಕರ್ನಾಟಕ ವಿಶ್ವವಿದ್ಯಾಲಯ, ಧಾರವಾಡದಿಂದ ರಸಾಯನಶಾಸ್ತ್ರದಲ್ಲಿ ಪದವಿ ಹಾಗೂ ಸ್ನಾತಕೋತ್ತರ ಪದವಿ ಪಡೆದು, 1978ರಲ್ಲಿ ನಂದು ಕೆಮಿಕಲ್ ಇಂಡಸ್ಟ್ರೀಸ್ ಸ್ಥಾಪಿಸಿ ಅನೇಕರಿಗೆ ಉದ್ಯೋಗದಾತರೂ ಆಗಿದ್ದಾರೆ. ಔಷಧೋದ್ಯಮ ಕ್ಷೇತ್ರದ ಮೂಲಕ ಮಾನವನ ಕಲ್ಯಾಣಕ್ಕೆ ಜೀವ ರಕ್ಷಣಾ ಸಂಯೋಗಗಳನ್ನು ತಯಾರಿಸಿ, ಮನೆ ಹೊರಗೆ ಬರಲೂ ಹೆದರುವ ಕಾಲದಲ್ಲಿ ಜನರಿಗೆ ಲಸಿಕೆಯ ಅಭಯ ನೀಡುವಲ್ಲಿ ಇವರ ಹಾಗೂ ಇವರ ಸಂಸ್ಥೆಯ ಕೊಡುಗೆ ತೆರೆಯ ಹಿಂದೆಯೂ ಅಪಾರವಾಗಿದೆ. ಸಲಾಯನ್ (ಐವೀ) ದ್ರಾವಣಗಳು, ಡಯಾಲಿಸಿಸ್, ಲಸಿಕೆಗಳು, ಎಲೆಕ್ಟ್ರೋಲೈಟ್ಸ್, ಪೋಷಕಾಂಶ ಪೂರಕಗಳು ಹಾಗೂ ವೈಯಕ್ತಿಕ ಆರೈಕೆಗೆ ಬಳಸುವ ಅನೇಕ ಉತ್ಪನ್ನಗಳ ತಯಾರಿಕೆಯಲ್ಲಿ ತೊಡಗಿಕೊಂಡಿದ್ದಾರೆ. 45 ವರ್ಷಗಳ ಅನುಭವದೊಂದಿಗೆ ವಿಶ್ವಪ್ರಸಿದ್ಧ ಸಕ್ರೀಯ ಔಷಧ ಪದಾರ್ಥ ತಯಾರಿಕಾ ಸಂಸ್ಥೆಯಾಗಿ ಕಂಪನಿಯನ್ನು ಬೆಳೆಸಿದ್ದಾರೆ. ನಂದು ಕೆಮಿಕಲ್ಸ್ ಮೂಲಕ ವಿಶ್ವದ 20ಕ್ಕೂ ಹೆಚ್ಚು ದೇಶಗಳಿಗೆ ಔಷಧ ಮತ್ತು ಅದರ ಉತ್ಪನ್ನ, ಪರಿಕರಗಳನ್ನು ರಫ್ತು ಮಾಡುತ್ತಿದ್ದಾರೆ. ಭಾರತದಲ್ಲಿ ತಯಾರಾಗುವ 10 ಐವೀ ಬಾಟಲಿಗಳಲ್ಲಿ 8 ಬಾಟಲಿಗಳಲ್ಲಿ ನಂದು ಕಂಪನಿಯ ಉತ್ಪನ್ನಗಳೇ ಸೇರಿವೆ ಎಂಬುದು ವಿಶೇಷ. ಇನ್ನು ಇವರ ಸಾಧನೆಗೆ ಐದು ಬಾರಿ ರಫ್ತು ಪ್ರಶಸ್ತಿ, ಗ್ರಾಹಕರಿಂದ ಉತ್ತಮ ಪೂರೈಕೆದಾರ ಪ್ರಶಸ್ತಿ ಹಾಗೂ ಕೋವಿಶೀಲ್ಡ್ ಲಸಿಕೆಗೆ ಮುಖ್ಯ ಸಂಯೋಗ ಒದಗಿಸಿದಕ್ಕಾಗಿ ವಿಶೇಷ ಗೌರವ, ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಮಂಡಳಿಯಿAದ ವಾಣಿಜ್ಯ ರತ್ನ ಪ್ರಶಸ್ತಿ, 2024ರಲ್ಲಿ ವಿಶ್ವ ಹವ್ಯಕ ಸಮ್ಮೇಳನದಲ್ಲಿ ಹವ್ಯಕ ಸ್ಪೂರ್ತಿ ರತ್ನ ಪ್ರಶಸ್ತಿ ಪಡೆದಿದ್ದಾರೆ. ಅನೇಕ ಸಾಮಾಜಿಕ ಮತ್ತು ಸಾಂಸ್ಕೃತಿಕ ಸಂಘಟನೆಗಳ ಜೊತೆಗೆ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ. ಕಿಶೋರ ಪುರಸ್ಕಾರ ಚಿಕ್ಕಂದಿನಿoದಲೇ ಯಕ್ಷಗಾನ ಮತ್ತು ಸಾಹಿತ್ಯ ಕ್ಷೇತ್ರದಲ್ಲಿ ಅಪಾರ ಆಸಕ್ತಿ ಬೆಳೆಸಿಕೊಂಡಿರುವ ಬಹುಮುಖ ಪ್ರತಿಭೆಯುಳ್ಳ ಅಂಕೋಲಾ ತಾಲೂಕಿನ ತೇಜಸ್ವಿ ರಾಮಕೃಷ್ಣ ಗಾಂವಕರ ಹೆಗ್ಗಾರು ಅವರಿಗೆ ಇದೇ ವೇದಿಕೆಯಲ್ಲಿ ಕಿಶೋರ ಪುರಸ್ಕಾರ ನೀಡಲಾಗುತ್ತಿದೆ. ತೇಜಸ್ವಿ ಗಾಂವ್ಕರ ಅವರು ಎಳೆಯ ವಯಸ್ಸಿನಲ್ಲೇ `ಯಕ್ಷತೇಜ’ ಕವನ ಸಂಕಲನ ಮತ್ತು `ಹೃದಯದ ಮಾತು ಕೇಳು ನನ್ನ ಒಲವೇ’ ಕಾದಂಬರಿಯನ್ನು ಪ್ರಕಟಿಸಿದ್ದಾರೆ. ರಾಜ್ಯಮಟ್ಟದ ಅನೇಕ ಕವಿಗೋಷ್ಠಿಗಳು ಮತ್ತು ಸಾಹಿತ್ಯ ಸಮ್ಮೇಳನಗಳಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಭಾಗವಹಿಸಿದ್ದಾರೆ. ಕೀರ್ತನಾಚತುರನಾಗಿಯೂ ಅವರು ಗಮನ ಸೆಳೆದಿದ್ದಾರೆ. `ನೈಜ ಸಾಧಕರಿಗೇ ಪ್ರಶಸ್ತಿ ಸಿಗಬೇಕು ಹಾಗೂ ಬೆಳೆವ ಸಿರಿ ಬೆಂಬಲಿಸಬೇಕು ಎಂಬ ಕಾರಣಕ್ಕೆ ಯಾರಿಂದಲೂ ಯಾವುದೇ ಅರ್ಜಿ ಪಡೆಯದೇ ಆಯ್ಕೆ ಸಮಿತಿಯು ಪ್ರಶಸ್ತಿ ಪುರಸ್ಕೃತರನ್ನು ಆಯ್ಕೆ ಮಾಡಿದೆ’ ಎಂದು ವಿಶ್ವಶಾಂತಿ ಸೇವಾ ಟ್ರಸ್ಟ್’ನ ಕಾರ್ಯದರ್ಶಿ ಗಾಯತ್ರೀ ರಾಘವೇಂದ್ರ ಅವರು ಹೇಳಿದ್ದಾರೆ.
- [ಊಟ ಸರಿ ಇಲ್ಲ.. ನಿದ್ದೆ ಬರ್ತಿಲ್ಲ!](https://mobiletime.in/2025/10/im-not-eating-well-i-cant-sleep/): ಕಾರವಾರದ ಬಾಡ ಬಳಿಯ ಕಾಜುಭಾಗದಲ್ಲಿರುವ  ಬಾಲಕಿಯರ ವಸತಿ ನಿಲಯ ಅವ್ಯವಸ್ಥೆಯ ಆಗರವಾಗಿದೆ. ಸಾಕಷ್ಟು ಬಾರಿ ತಿಳಿಸಿದರೂ ಅಲ್ಲಿನ ಸಮಸ್ಯೆಯನ್ನು ಅಧಿಕಾರಿಗಳು ಪರಿಗಣಿಸಿಲ್ಲ. ಹೀಗಾಗಿ ಅಲ್ಲಿನ ವಿದ್ಯಾರ್ಥಿನಿಯರು ಶುಕ್ರವಾರ ರಾತ್ರಿ ದಿಢೀರ್ ಪ್ರತಿಭಟನೆ ನಡೆಸಿದ್ದಾರೆ. ಹಾಸ್ಟೇಲ್ ವಾರ್ಡನ್ ಊಟಕ್ಕೆ ಕರೆದರೂ ಮಕ್ಕಳು ಹೋಗಿಲ್ಲ. ಆರೋಗ್ಯ ಸಮಸ್ಯೆ, ಅಶುಚಿತ್ವ, ಅಸಮರ್ಪಕ ಆಹಾರ ವಿತರಣೆಯ ಬಗ್ಗೆ ವಿದ್ಯಾರ್ಥಿನಿಯರು ಆಕ್ರೋಶವ್ಯಕ್ತಪಡಿಸಿದರು. `ಕೊಳೆತ ತರಕಾರಿ ಹಾಕಿ ಅಡುಗೆ ಮಾಡಲಾಗುತ್ತಿದೆ. ಸೊಳ್ಳೆಗಳ ಕಾಟಕ್ಕೆ ನಿಯಂತ್ರಣವಿಲ್ಲ. ಶೌಚಾಲಯ ಸ್ವಚ್ಚತೆ ಸರಿಯಾಗಿಲ್ಲ’ ಎಂದು ವಿದ್ಯಾರ್ಥಿನಿಯರು ದೂರಿದರು. ವಾರ್ಡನ್ ಮಂಜುಳ ಅವರ ಬಗ್ಗೆಯೂ ಸಾಕಷ್ಟು ಆರೋಪ ಮಾಡಿ, ಕಿಡಿಕಾರಿದರು. ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸುತ್ತಿರುವ ವಿಷಯ ಕೇಳಿ ರಾತ್ರಿಯೇ ಅಧಿಕಾರಿಗಳು ಹಾಸ್ಟೇಲಿಗೆ ಭೇಟಿ ನೀಡಿ ಸಮಸ್ಯೆ ಆಲಿಸಿದರು. `ಮೊದಲು ಊಟ ಮಾಡಿ, ನಂತರ ಸಮಸ್ಯೆ ಆಲಿಸೋಣ’ ಎಂದು ಅಧಿಕಾರಿಗಳು ಹೇಳಿದರೂ ವಿದ್ಯಾರ್ಥಿನಿಯರು ಪಟ್ಟು ಬಿಡಲಿಲ್ಲ. ಅದಾದ ನಂತರ ಹಾಸ್ಟೆಲ್ ಒಳಗಿನ ಅವ್ಯವಸ್ಥೆಗಳನ್ನು ಅಧಿಕಾರಿಗಳು ಪರಿಶೀಲನೆ ಮಾಡಿದರು. ಕಾರವಾರದ ತಹಶೀಲ್ದಾರ್ ನಿಶ್ಚಲ್ ನೊರೊನ್ಹಾ ಹಾಗೂ ಹಿಂದುಳಿದ ವರ್ಗ ಕಲ್ಯಾಣ ಇಲಾಖೆಯ ಉಪನಿರ್ದೇಶಕಿ ಶಿವಕ್ಕ ಮಾದರ ಹಾಸ್ಟೇಲ್ ಒಳಗೆ ಗಮನಿಸಿ ವಾರ್ಡನ್ ಮಂಜುಳಾ ಅವರಿಗೆ ನೋಟಿಸ್ ಜಾರಿ ಮಾಡಿದರು. ಅದಾದ ನಂತರ ಉತ್ತಮ ಊಟ, ಸ್ವಚ್ಚತೆಗೆ ಆದ್ಯತೆ ಕೊಡುವ ಭರವಸೆ ನೀಡಿದರು. `ವಿದ್ಯಾರ್ಥಿನಿಯರ ಬಳಿಯೇ ಎಲ್ಲಾ ಕೆಲಸ ಮಾಡಿಸುತ್ತಾರೆ’ ಎಂದು ಪ್ರತಿಭಟನಾಕಾರರು ಅಳಲು ತೋಡಿಕೊಂಡರು.
- [2025 ಅಕ್ಟೋಬರ್ 11ರ ದಿನ ಭವಿಷ್ಯ](https://mobiletime.in/2025/10/prediction-for-october-11-2025/): ಮೇಷ ರಾಶಿ: ಹೊಸ ಆಲೋಚನೆಗಳ ಮೇಲೆ ಮಾಡುವ ಕೆಲಸಕ್ಕೆ ಫಲ ಸಿಗಲಿದೆ. ಆರ್ಥಿಕ ಪರಿಸ್ಥಿತಿ ಸಮತೋಲನದಲ್ಲಿದ್ದು, ದುಡಿದಷ್ಟು ಲಾಭ ಸಿಗಲಿದೆ. ವೃಷಭ ರಾಶಿ: ಕುಟುಂಬದವರ ಆಗು-ಹೋಗುಗಳಿಗೆ ಸರಿಯಾಗಿ ಸ್ಪಂದಿಸುವುದರ ಮೂಲಕ ಸಂತೋಷದ ಜೀವನ ನಡೆಸಿ. ಅವಕಾಶಗಳನ್ನು ಸರಿಯಾಗಿ ಬಳಸಿಕೊಳ್ಳಿ. ಮಿಥುನ ರಾಶಿ: ಧ್ಯಾನದ ಮೂಲಕ ಶಾಂತಿ ಅರೆಸಿ. ಧೈರ್ಯದಿಂದ ಸಮಸ್ಯೆಗಳನ್ನು ಎದುರಿಸಿ. ಹೊಸ ಜವಾಬ್ದಾರಿ ಸ್ವೀಕರಿಸಿ. ಕರ್ಕ ರಾಶಿ: ನಿಮ್ಮ ನಿರ್ಧಾರ ಭಾವನಾತ್ಮಕ ವಿಚಾರದಿಂದ ದೂರವಿರಲಿ. ತಾಳ್ಮೆ ಕಳೆದುಕೊಳ್ಳಬೇಡಿ. ಭರವಸೆ ಹೆಚ್ಚಾದಷ್ಟು ಕೆಲಸದಲ್ಲಿ ವೇಗ ಸಿಗಲಿದೆ. ಸಿಂಹ ರಾಶಿ: ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಕೋಪವನ್ನು ನಿಯಂತ್ರಿಸಿ. ಹೊಸ ಸಾಧ್ಯತೆಗಳು ಎದುರಾಗಲಿದೆ. ಕನ್ಯಾ ರಾಶಿ: ಕೆಲಸದ ಬಗ್ಗೆ ಹೆಚ್ಚಿನಗಮನಹರಿಸಿ. ಆರೋಗ್ಯದ ಬಗ್ಗೆ ಗಮನಹರಿಸಿ. ಧಾರ್ಮಿಕ ಕಾರ್ಯಕ್ರಮದಲ್ಲಿ ಆಸಕ್ತಿ ಮೂಡಲಿದೆ. ತುಲಾ ರಾಶಿ: ಹಣಕಾಸು ಸ್ಥಿತಿ ಸುಧಾರಣೆ ಆಗಲಿದೆ. ಉದ್ಯೋಗ ಹಾಗೂ ವ್ಯಾಪಾರದಲ್ಲಿ ಅವಕಾಶಗಳಿವೆ. ಪ್ರೀತಿ ಸಂಬAಧಗಳು ಗಾಡವಾಗಲಿದೆ. ವೃಶ್ಚಿಕ ರಾಶಿ: ರಾಜಕೀಯದಲ್ಲಿರುವವರಿಗೆ ಯಶಸ್ಸು ಸಿಗಲಿದೆ. ಕನಸುಗಳು ಈಡೇರುವ ಸಮಯ ಬಂದಿದೆ. ಕುಟುಂಬದ ಸಮಸ್ಯೆಗಳನ್ನು ಆಲಿಸಿ ಪರಿಹಾರ ಹುಡುಕುವುದು ಅನಿವಾರ್ಯ. ಧನು ರಾಶಿ: ಧ್ಯಾನ ಹಾಗೂ ಯೋಗದಲ್ಲಿ ಆಸಕ್ತಿ ಮೂಡಲಿದೆ. ಭವಿಷ್ಯದ ಯೋಜನೆಗಳ ಬಗ್ಗೆ ಚಿಂತಿಸುವಿರಿ. ಆರ್ಥಿಕ ಸ್ಥಿತಿ ಸುಧಾರಣೆ ಆಗಲಿದೆ. ಮಕರ ರಾಶಿ: ನಿಮ್ಮ ಶ್ರಮಕ್ಕೆ ತಕ್ಕ ಫಲ ಸಿಗಲಿದೆ. ಧರ್ಮದ ವಿಷಯದಲ್ಲಿ ಬೆಂಬಲ ದೊರೆಯಲಿದೆ. ಹೊಸ ಪರಿಚಯಗಳು ಅರೆಸಿ ಬರಲಿದೆ. ಕುಂಭ ರಾಶಿ: ಉದ್ಯೋಗದಲ್ಲಿ ಪ್ರಗತಿ ಆಗಲಿದೆ. ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಆಸಕ್ತಿ ಮೂಡಲಿದೆ. ಸಾಧನೆ ಸಾಧ್ಯವಿದೆ. ಮೀನ ರಾಶಿ: ವ್ಯವಹಾರದಲ್ಲಿ ಸುಧಾರಣೆ ಸಾಧ್ಯವಿದೆ. ಆರೋಗ್ಯದ ಮೇಲೆ ಕಾಳಜಿಯಿರಲಿ. ನಿಮ್ಮ ಉದ್ಯೋಗವೂ ಪ್ರಗತಿ ಆಗಲಿದೆ.
- [ವಾಟ್ಸಪ್ಪಿಗೆ ಬಂದಿತು ನೀಲಿಚಿತ್ರ: ಬೌದ್ಧ ಬಿಕ್ಕುವಿಗೆ ತಂದಿತು ದೊಡ್ಡ ಸಂಕಟ!](https://mobiletime.in/2025/10/a-blue-picture-was-posted-on-whatsapp-it-caused-great-suffering-to-a-buddhist-monk/): ಸಣ್ಣ ಸಣ್ಣ ಮಕ್ಕಳ ನೀಲಿ ಚಿತ್ರವನ್ನು ವಾಟ್ಸಪ್ ಮೂಲಕ ಅವರಿವರಿಗೆ ಕಳುಹಿಸಿದ ಮುಂಡಗೋಡಿನ ಬೌದ್ಧ ಬಿಕ್ಕುವಿಗೆ ಸಂಕಷ್ಟ ಎದುರಾಗಿದೆ. ಆ ಸನ್ಯಾಸಿಗೂ ವಿನಾಯತಿ ನೀಡದೇ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಾನೂನು ಪಾಠ ಶುರು ಮಾಡಿದ್ದಾರೆ. ಮುಂಡಗೋಡಿನ ತಟ್ಟಿಹಳ್ಳಿ ನಗ್ರೆಹೌಸ್ ಬಳಿಯ ಸೋನಮ್ ಚೋಮ್ಫೆಲ್ ಅವರು ಬೌದ್ಧ ಸನ್ಯಾಸಿಯಾಗಿದ್ದಾರೆ. ಲಾಮಾ ಕ್ಯಾಂಪ್ 2ರಲ್ಲಿ ಅವರು ವಾಸಿಸುತ್ತಿದ್ದಾರೆ. ಬಾಲ್ಯದಲ್ಲಿಯೇ ಅವರ ತಂದೆ ಟೆಂಬಾ ಟ್ಸೆರಿಂಗ್ ಅವರು ಮಗನನ್ನು ಆಶ್ರಮಕ್ಕೆ ಬಿಟ್ಟಿದ್ದು, ಧರ್ಮ ಅಧ್ಯಯನಕ್ಕೆ ಕೂರಿಸಿದ್ದರು. ಆದರೆ, ಧರ್ಮದ ದಾರಿಯಲ್ಲಿ ನಡೆಯಬೇಕಿದ್ದ ಸೋನಮ್ ಚೋಮ್ಫೆಲ್ ಪೊಲಿ ಸ್ನೇಹಿತರ ಸಹವಾಸ ಮಾಡಿದರು. ಅಡ್ಡದಾರಿ ಹಿಡಿದ ಅವರು ತಮ್ಮ ವಾಟ್ಸಪ್ ಮೂಲಕ ಅವರಿವರಿಗೆ ಕೆಟ್ಟ ಸಂದೇಶ ಕಳುಹಿಸುವುದನ್ನು ರೂಢಿಸಿಕೊಂಡರು. ಸುಪ್ರೀo ಕೋರ್ಟ ಆದೇಶದ ಅನ್ವಯ ಭಾರತ ಸರ್ಕಾರ 2019ರ ಏಪ್ರಿಲ್ 29ರಂದು ಕಾಣೆಯಾದ ಹಾಗೂ ಶೋಷಿತ ಮಕ್ಕಳ ವಿರುದ್ಧದ ಲೈಂಗಿಕ ದೌರ್ಜನ್ಯ ತಡೆಗೆ ಪ್ರತ್ಯೇಕ ಅಂತರ್ಜಾಲ ವ್ಯವಸ್ಥೆಯನ್ನು ತಂದಿತು. ಇದಕ್ಕಾಗಿ ಎನ್‌ಸಿಎಂಸಿಇ ಎಂಬ ವೆಬ್ ಪೋರ್ಟಲನ್ನು ಸರ್ಕಾರ ತೆರೆಯಿತು. ಆ ವೆಬ್ ಪೋರ್ಟಲಿನಲ್ಲಿ ಕರ್ನಾಟಕಕ್ಕೆ ಸಂಬAಧಿಸಿದ ಮಕ್ಕಳ ದೂರುಗಳು ದಾಖಲಾಗುತ್ತಿದ್ದು, ಅದನ್ನು ಬೆಂಗಳೂರಿನ ಸಿಐಡಿ ತಂಡ ಗಮನಿಸಿತು. 2025ರ ಜನವರಿ 28ರಂದು ಬೌದ್ಧ ಬಿಕ್ಕು ಸೋನಮ್ ಚೋಮ್ಫೆಲ್ ಅವರು ವಾಟ್ಸಪ್ ಮೂಲಕ ಮಕ್ಕಳ ಅಶ್ಲೀಲ ಚಿತ್ರ ಹರಡುತ್ತಿರುವುದು ಗೊತ್ತಾಯಿತು. ಈ ಪ್ರಕರಣ ಉತ್ತರ ಕನ್ನಡ ಜಿಲ್ಲೆಗೆ ಸಂಬoಧಿಸಿದ್ದoದ ವಿಷಯ ಕಾರವಾರದ ಸಿಇಎನ್ ಅಪರಾಧ ಪೊಲೀಸ್ ಠಾಣೆಯ ವ್ಯಾಪ್ತಿಗೆ ಒಳಪಟ್ಟಿತು. ಸಿಇಎನ್ ಪೊಲೀಸ್ ಠಾಣೆಯ ಉಪನಿರೀಕ್ಷಕ ಮಂಚೇಶ್ವರ ಚಂದಾವರ ಅವರು ಲಭ್ಯ ದಾಖಲೆ ಪರಿಶೀಲಿಸಿದರು. ಅಪ್ರಾಪ್ತರ ಅಶ್ಲೀಲ ವಿಡಿಯೋ ಅಪ್ಲೋಡ್ ಮಾಡಿದ್ದು ಮೇಲ್ನೋಟಕ್ಕೆ ಸಾಭೀತಾಗಿದ್ದರಿಂದ ಸೋನಮ್ ಚೋಮ್ಫೆಲ್ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಬೈಕಿನಲ್ಲಿ ಬರುವವನೇ ಸರಗಳ್ಳ!](https://mobiletime.in/2025/10/the-one-who-comes-on-a-bike-is-the-thief/): `ಅಲ್ಲಿ ಡಕಾಯಿತರಿದ್ದಾರೆ’ ಎಂದು ಬೆದರಿಸಿ ದಾಂಡೇಲಿ ಅಜ್ಜಿಯ ಆಭರಣ ಅಪಹರಿಸಿದ್ದ ನಿಜವಾದ ಡಕಾಯಿತರ ಚಿತ್ರ ಬಹಿರಂಗವಾಗಿದೆ. ಬೈಕಿನಲ್ಲಿ ಬಂದ ಆಗಂತುಕರು ಅಜ್ಜಿಯ ಒಡವೆ ಕದ್ದು ಪರಾರಿಯಾಗಿದ್ದು, ಸಿಸಿ ಕ್ಯಾಮರಾದಲ್ಲಿ ಅವರ ಚಲನ-ವಲನ ಸೆರೆಯಾಗಿದೆ. `ದಾಂಡೇಲಿ ಬಾಂಬುನಗರದ ಬಳಿ ಡಕಾಯಿತರು ಚಾಕು ಹಿಡಿದು ನಿಂತಿದ್ದಾರೆ’ ಎಂದು ಇಬ್ಬರು ದಾಂಡೇಲಿಯ ಬಂಗೂರುನಗರದ ಓಲ್ಡ್ ಡಿ ಆರ್ ಟಿ ಬಳಿ ಶಾಂತಾ ಯಲ್ಲಪ್ಪ ಪವಾರ್ ಅವರನ್ನು ಬೆದರಿಸಿದ್ದರು. ಶಾಂತಾ ಪವಾರ್ ಅವರ ಬಳಿಯಿದ್ದ ಒಡವೆಗಳನ್ನು ಜೋಪಾನ ಮಾಡಿ ಕೊಡುವೆ ಎಂದು ತಿಳಿಸಿದ ಆ ಆಗಂತುಕರು ಬೂದಿ ಬಣ್ಣದ ಬಟ್ಟೆಯಲ್ಲಿ ಹಾಕಿದ್ದರು. ಶಾಂತಾ ಪವಾರ್ ಅವರು ಮನೆಗೆ ಬಂದು ನೋಡಿದಾಗ ಆ ಬಟ್ಟೆಯಲ್ಲಿ ಎರಡು ಕಲ್ಲುಗಳು ಮಾತ್ರ ಇದ್ದವು. ಆ ಅಪರಿಚಿತರು ಶಾಂತಾ ಪವಾರ್ ಅವರ ಬಳಿಯಿದ್ದ ಚಿನ್ನದ ಸರ ಹಾಗೂ ಬಳೆ ಅಪಹರಿಸಿದ್ದರು. ಚಾಕು ಹಿಡಿದಿದ್ದ ಡಕಾಯಿತರಿಂದ ಚಿನ್ನ ರಕ್ಷಿಸಿಕೊಳ್ಳುವ ಆತುರಕ್ಕೆ ಬಿದ್ದ 85ರ ವೃದ್ಧೆ ಶಾಂತಾ ಪವಾರ್ ಅವರು ತಮ್ಮ ಮೈಮೇಲಿದ್ದ 2 ಲಕ್ಷ ರೂ ಬೆಲೆಯ ಆಭರಣವನ್ನು ಕಳ್ಳರ ಕೈಗೆ ಕೊಟ್ಟು ಮೋಸ ಹೋಗಿದ್ದರು. ಅಕ್ಟೊಬರ್ 8ರಂದು ಈ ಎಲ್ಲಾ ವಿದ್ಯಮಾನ ನಡೆದಿದ್ದು, ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಶುರು ಮಾಡಿದರು. ಆಗ ಡಕಾಯಿತರ ಹೆಸರಿನಲ್ಲಿ ಬೆದರಿಸಿ ವಂಚನೆ ಮಾಡುವ ಡಕಾಯಿತರ ಮುಖ ಸಿಸಿ ಕ್ಯಾಮರಾದಲ್ಲಿ ಸೆರೆ ಸಿಕ್ಕಿತು. ಅಜ್ಜಿಯ ಚಿನ್ನ ಕದ್ದು ಕಲ್ಲು ಕೊಟ್ಟ ಅವರ ಹುಡುಕಾಟ ಮುಂದುವರೆದಿದೆ.
- [ನಗರಸಭೆ ಹೆಸರಿನಲ್ಲಿ ಅಪರಿಚಿತರ ವಸೂಲಿ: ಸದ್ದು ಮಾಡದ ಫೋನ್ ನಂಬರ್ ನೀಡಿದ ಅಧಿಕಾರಿ!](https://mobiletime.in/2025/10/unidentified-people-extorting-money-in-the-name-of-the-municipal-council-an-officer-gave-an-unlisted-phone-number/): ಶಿರಸಿ ನಗರಸಭೆ ಹೆಸರಿನಲ್ಲಿ ಮನೆ ಮನೆಗೆ ತೆರಳಿ ಹಣ ವಸೂಲಿ ಮಾಡುತ್ತಿದ್ದ ಇಬ್ಬರ ಫೋಟೋ ಬಹಿರಂಗವಾಗಿದೆ. ಆದರೆ, `ಹಣ ವಸೂಲಿ ಮಾಡುವವರ ಬಗ್ಗೆ ಮಾಹಿತಿ ಕೊಡಿ’ ಎಂದು ಶಿರಸಿ ನಗರಸಭೆ ನೀಡಿದ ಸಂಖ್ಯೆಗೆ ಫೋನ್ ಸಂಪರ್ಕವೇ ಇಲ್ಲ! ಶಿರಸಿಯ ವಿವಿಧ ಗಲ್ಲಿ ಗಲ್ಲಿಗೆ ತೆರಳುವ ಇಬ್ಬರು ನಗರಸಭೆ ಹೆಸರಿನಲ್ಲಿ ಹಣ ಕೇಳಿದ್ದಾರೆ. ಹಣ ಕೊಟ್ಟವರಿಗೆ ಅಧಿಕೃತ ರಸೀದಿ ಕೊಟ್ಟಿಲ್ಲ. ಕೊಟ್ಟ ಹಣಕ್ಕೆ ತಕ್ಕ ಕೆಲಸವನ್ನು ಮಾಡಿಕೊಟ್ಟಿಲ್ಲ. ಹೀಗಾಗಿ ಹಣ ಕೊಟ್ಟವರು ನಗರಸಭೆಯನ್ನು ಪ್ರಶ್ನಿಸಿದ್ದು, ಆ ವೇಳೆ ನಗರಸಭೆಗೆ ಸಂಬoಧವೇ ಇಲ್ಲದವರು ಅಧಿಕಾರಿಗಳ ಹೆಸರಿನಲ್ಲಿ ಹಣ ವಸೂಲಿ ಮಾಡಿರುವುದು ಗೊತ್ತಾಗಿದೆ. ನಗರಸಭೆ ಹೆಸರು ಹಾಳಾಗುತ್ತಿರುವುದರಿಂದ ಆತಂಕಕ್ಕೆ ಒಳಗಾದ ಪೌರಾಯುಕ್ತರು ತುರ್ತು ಪ್ರಕಟಣೆ ಬಿಡುಗಡೆ ಮಾಡಿದ್ದಾರೆ. `ನಗರಸಭೆ ಹೆಸರನ್ನು ಹೇಳಿ ಹಣ ಕೇಳುವವರನ್ನು ನಂಬಬೇಡಿ’ ಎಂದು ಅಲ್ಲಿನ ಅಧಿಕಾರಿಗಳು ಹೇಳಿದ್ದಾರೆ. ಅಪರಿಚಿತರು ಹಣ ಕೇಳಿದರೆ ತಕ್ಷಣ 08384-226338ಗೆ ಫೋನ್ ಮಾಡುವಂತೆ ಮನವಿಯನ್ನು ಮಾಡಿದ್ದಾರೆ. ಆದರೆ, ಆ ಫೋನ್ ನಂ ಸರಿಯಾಗಿಲ್ಲ. ಫೋನ್ ಮಾಡಿದರೆ `ಔಟ್ ಆಫ್ ಆರ್ಡರ್’ ಎಂಬ ಧ್ವನಿ ಬರುತ್ತಿದ್ದು, ಆ ಸಂಖ್ಯೆಗೆ ಫೋನ್ ಸಂಪರ್ಕವೇ ಇಲ್ಲ! ಇನ್ನೂ, ನಗರಸಭೆ ನೀಡಿದ ಪ್ರಕಟಣೆಯಲ್ಲಿ `ಅಪರಿಚಿತರು ಹಣ ಕೇಳಿದರೆ ಪೊಲೀಸ್ ದೂರು ನೀಡಿ’ ಎಂದು ಕೋರಲಾಗಿದೆ. ಹೀಗಾಗಿ ನಗರಸಭೆ ಹೆಸರಿನಲ್ಲಿ ಯಾರೇ ಹಣ ಕೇಳಿದರೂ ಪೊಲೀಸರಿಗೆ ಫೋನ್ ಮಾಡುವುದು ಮಾತ್ರ ಜನರಿಗಿರುವ ದಾರಿಯಾಗಿದೆ.
- [ಅನಾರೋಗ್ಯ: ಅಧಿಕಾರದಲ್ಲಿರುವಾಗಲೇ ಅಸುನೀಗಿದ ಅಧ್ಯಕ್ಷೆ!](https://mobiletime.in/2025/10/illness-the-president-died-while-in-office/): ಹೊನ್ನಾವರದ ಹಳದಿಪುರ ಗ್ರಾಮ ಪಂಚಾಯತ ಅಧ್ಯಕ್ಷೆ ಪುಷ್ಪಾ ನಾಯ್ಕ ಅವರು ಅಧಿಕಾರದಲ್ಲಿರುವಾಗಲೇ ಅನಾರೋಗ್ಯ ಕಾರಣದಿಂದ ನಿಧನರಾಗಿದ್ದಾರೆ. ಅನಾರೋಗ್ಯ ಹಿನ್ನಲೆ ಅವರನ್ನು ಆಸ್ಪತ್ರೆಗೆ ಸೇರಿಸಿದರೂ ಪ್ರಯೋಜನವಾಗಲಿಲ್ಲ. ಪುಷ್ಪಾ ನಾಯ್ಕ ಅವರು ಕಾಂಗ್ರೆಸ್ ಕಾರ್ಯಕರ್ತರಾಗಿದ್ದರು. ಅವರ ಶ್ರಮಕ್ಕೆ ತಕ್ಕ ಹಾಗೇ ಹಳದಿಪುರ ಗ್ರಾಮ ಪಂಚಾಯತದಲ್ಲಿ ಅಧ್ಯಕ್ಷ ಸ್ಥಾನ ಸಿಕ್ಕಿತ್ತು. ತಮ್ಮ ಅಧಿಕಾರ ವ್ಯಾಪ್ತಿಯಲ್ಲಿ ಹಲವು ಜನಪರ ಕೆಲಸಗಳನ್ನು ಅವರು ಮಾಡಿದ್ದರು. ಪುಷ್ಪಾ ನಾಯ್ಕ ಅವರ ಪತಿ ಮಹೇಶ ನಾಯ್ಕ ಅವರು ಕಾಂಗ್ರೆಸ್ ಮುಖಂಡರಾಗಿ ಗುರುತಿಸಿಕೊಂಡಿದ್ದರು. ಮಹೇಶ ನಾಯ್ಕ ಅವರು ಸಹ ಹೊನ್ನಾವರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾಗಿ ಪಕ್ಷ ಸಂಘಟನೆ ಮಾಡಿದ್ದರು. ಅಲ್ಪ ಕಾಲದ ಅನಾರೋಗ್ಯಕ್ಕೆ ಒಳಗಾದ ಪುಷ್ಪಾ ನಾಯ್ಕ ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಅಲ್ಲಿನ ವೈದ್ಯರು ನಿರಂತರ ಚಿಕಿತ್ಸೆ ನೀಡಿದರು. ಆದರೆ, ಪುಷ್ಪಾ ನಾಯ್ಕ ಅವರ ಆರೋಗ್ಯದಲ್ಲಿ ಚೇತರಿಕೆ ಕಾಣಲಿಲ್ಲ. ಶುಕ್ರವಾರ ಬೆಳಗ್ಗೆ ಅವರು ಕೊನೆಯುಸಿರೆಳೆದರು. ಪುಷ್ಪಾ ನಾಯ್ಕ ಅವರ ದೇಹವನ್ನು ಹಳದಿಪುರ ಗ್ರಾಮ ಪಂಚಾಯತ ಬಳಿಯಿರಿಸಿದ್ದು, ಅನೇಕರು ಅಂತಿಮ ದರ್ಶನಪಡೆದರು.    
- [ಬುದ್ದಿ ಇಲ್ಲದವನ ಮಾತಿಗೆ ಬದ್ದ ಎನ್ನದ ಶಾಸಕ!](https://mobiletime.in/2025/10/the-mla-said-that-he-fell-for-the-words-of-a-mindless-person/): `ಬುದ್ದಿ ಇದ್ದವರಿಗೆ ಏನಾದರೂ ಹೇಳಬಹುದು. ಬುದ್ದಿಯೇ ಇಲ್ಲದಿದ್ದವರಿಗೆ ಏನು ಹೇಳಿಯೂ ಪ್ರಯೋಜನವಿಲ್ಲ’ ಎಂದು ಕುಮಟಾ ಶಾಸಕ ದಿನಕರ ಶೆಟ್ಟಿ ಹೇಳಿದ್ದಾರೆ. ಜೆಡಿಎಸ್ ಮುಖಂಡ ಸೂರಜ ನಾಯ್ಕ ವಿರುದ್ಧ ಕಿಡಿಕಾರಿದ ದಿನಕರ ಶೆಟ್ಟಿ, ಸೂರಜ ನಾಯ್ಕ ಸೋನಿ ಅವರ ಭ್ರಷ್ಟಾಚಾರದ ಬಗ್ಗೆಯೂ ಮಾತನಾಡಿದ್ದಾರೆ. `ಭ್ರಷ್ಟಾಚಾರ, ಭ್ರಷ್ಟಾಚಾರ ಎಂದು ಕೂಗುವ ಸೂರಜ ನಾಯ್ಕ ಸೋನಿ ಅವರು ತಮ್ಮ ಭ್ರಷ್ಟಾಚಾರದ ಬಗ್ಗೆ ಆತ್ಮಾವಲೋಕನ ಮಾಡಿಕೊಳ್ಳಬೇಕು. ಸೂರಜ ನಾಯ್ಕ ಸೋನಿ ಅವರ ಧರ್ಮಪತ್ನಿ ಜಿಲ್ಲಾ ಪಂಚಾಯತ ಸದಸ್ಯರಾಗಿದ್ದಾಗ ಅಭಿವೃದ್ಧಿ ಕೆಲಸದ ಕಮಿಷನ್ ಹಣಪಡೆದಿದನ್ನು ನೆನಪಿಸಿಕೊಳ್ಳಬೇಕು’ ಎಂದು ದಿನಕರ ಶೆಟ್ಟಿ ಹೇಳಿದ್ದಾರೆ. `ಸೂರಜ ನಾಯ್ಕ ಸೋನಿ ಅವರಿಗೆ ಸಾಕಷ್ಟು ಸಂಬoಧಿಕರಿದ್ದಾರೆ. ಅವರು ಹೇಳಿದನ್ನೆಲ್ಲ ವಾಟ್ಸಪ್ ಮೂಲಕ ಬಿಡುತ್ತಾರೆ. ನನಗೆ ಅಂಥ ಸಂಬoಧಿಕರಿಲ್ಲ. ಹೀಗಾಗಿ ನಾನು ಹೇಳಿದಲ್ಲ ವಾಟ್ಸಪ್ ಬರುವುದಿಲ್ಲ’ ಎಂದಿದ್ದಾರೆ. `ಪುರಸಭೆ ಕಂದಾಯ ನಿರೀಕ್ಷಕ ವೆಂಕಟೇಶ್ ನಾಪತ್ತೆ ಪ್ರಕರಣದಲ್ಲಿ ತನ್ನ ಕೈವಾಡ ಏನೂ ಇಲ್ಲ. ಆತ ಕೆಲಸಕ್ಕೆ ಸೇರಿದ ದಿನದಿಂದ ಈವರೆಗೂ ಆತನನ್ನು ನೋಡಿಲ್ಲ. ಫೋನ್ ಕೂಡ ಮಾಡಿಲ್ಲ. ವೆಂಕಟೇಶ ಬರೆದ ಪತ್ರದಲ್ಲಿಯೂ ನಾನು ಭ್ರಷ್ಟಾಚಾರದಲ್ಲಿ ತೊಡಗಿರುವ ವಿಷಯ ಇರಲಿಲ್ಲ. ಪುರಸಭೆ ಮುಖ್ಯಾಧಿಕಾರಿ 4 ಲಕ್ಷ ರೂ ಹಣಪಡೆಯುವ ಬಗ್ಗೆ ಪತ್ರದಲ್ಲಿದ್ದು, ನನ್ನ ವಿರುದ್ಧ ಸೂರಜ ನಾಯ್ಕ ಅವರು ಮಾಡಿದ ಆರೋಪದಲ್ಲಿ ಸತ್ಯವಿಲ್ಲ’ ಎಂದು ಸಮರ್ಥಿಸಿಕೊಂಡರು. `ವಿರೋಧಿಗಳು ಪತ್ರವನ್ನು ಓದಿ-ತಿಳಿದು ಆರೋಪ ಮಾಡಬೇಕು. ಈಚೆಗೆ ಅವರು ಹಾಕಿದ ಪ್ರಕರಣದಲ್ಲಿ ನನ್ನ ಪರವಾಗಿ ತೀರ್ಪು ಬಂದಿದ್ದರಿAದ ಹತಾಶರಾಗಿ ಭ್ರಷ್ಟಾಚಾರದ ಆರೋಪ ಮಾಡುತ್ತಿದ್ದಾರೆ’ ಎಂದು ದಿನಕರ ಶೆಟ್ಟಿ ದೂರಿದರು. `ಸತ್ಯಕ್ಕೆ ಸಾವಿಲ್ಲ. ಸುಳ್ಳಿಗೆ ಸುಖವಿಲ್ಲ ಎಂದು ನಾನು ನಂಬಿದ್ದೇನೆ. ನಾನು ಮಾಡಿದ ಒಳ್ಳೆಯ ಕೆಲಸಗಳು ನನಗೆ ಶ್ರೀರಕ್ಷೆಯಾಗಿದೆ. ಪುರಸಭೆ ಕಂದಾಯ ನಿರೀಕ್ಷಕ ವೆಂಕಟೇಶ್ ಅವರ ಜೀವ ಮುಖ್ಯವಾಗಿದ್ದು, ಅವರು ಮರಳಿ ಬಂದಿದ್ದಾರೆ. ನಾನು ಅಭಿವೃದ್ಧಿಪರವಾಗಿದ್ದು, ನನ್ನ ಮೇಲೆ ಬರುವ ಆರೋಪಗಳಿಗೆ ಇನ್ಮುಂದೆ ಪ್ರತಿಕ್ರಿಯಿಸಲ್ಲ’ ಎಂದು ದಿನಕರ ಶೆಟ್ಟಿ ಸ್ಪಷ್ಟಪಡಿಸಿದರು.
- [ಮನೆಗೆ ಬರ್ತಾರೆ.. ಔಷಧಿ ಕೊಡ್ತಾರೆ.. ಮೋಸ ಮಾಡ್ತಾರೆ!](https://mobiletime.in/2025/10/they-come-home-give-medicine-cheat/): ಆರೋಗ್ಯ ಸಿಬ್ಬಂದಿ ಹೆಸರಿನಲ್ಲಿ ಮನೆ ಮನೆಗೆ ಭೇಟಿ ನೀಡಿ ಮಹಿಳೆಯರನ್ನು ವಂಚಿಸುವ ಜಾಲವೊಂದು ಜಿಲ್ಲೆಗೆ ಕಾಲಿರಿಸಿದೆ. ಕಾರವಾರದ ಪ್ರಮೋದ ನಾಯ್ಕ ಅವರ ಕುಟುಂಬ ಇಂಥ ಮೋಸದ ಬಲೆಗೆ ಬಿದ್ದಿದೆ. ಉಚಿತ ಚಿಕಿತ್ಸೆ ಎಂಬ ನೆಪದಲ್ಲಿ ಜನರನ್ನು ಮಾತನಾಡಿಸುವ ಈ ಜನ ಅವರ ಮನೆಗೆ ತೆರಳಿ ಔಷಧಿ ಕೊಡುತ್ತಾರೆ. ಔಷಧಿಯ ಮೊತ್ತ ದುಬಾರಿ ಎಂದು ತಿಳಿಸಿ ಹಣಪಡೆಯುತ್ತಾರೆ. ನಂತರ ಆ ಹಣ ಮರಳಿ ಸಿಗುತ್ತದೆ ಎಂದು ಸಹ ನಂಬಿಸಿ ಅಲ್ಲಿಂದ ಪರಾರಿಯಾಗುತ್ತಾರೆ. ಕಾರವಾರದ ಪ್ರಮೋದ ನಾಯ್ಕ ಅವರು ಇಂಥ ಮೋಸಕ್ಕೆ ಬಲಿಯಾಗಿದ್ದು, ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಸದಾಶಿವಗಡದ ದೇಸಾಯಿವಾಡದಲ್ಲಿ ಪ್ರಮೋದ ವಿಶ್ರಾಮ ನಾಯ್ಕ ಅವರು ಕಿರಾಣಿ ಅಂಗಡಿ ನಡೆಸುತ್ತಿದ್ದಾರೆ. ಅಕ್ಟೊಬರ್ 9ರಂದು ಪ್ರಮೋದ ನಾಯ್ಕ ಅವರ ಅಂಗಡಿ ಬಳಿ ಬಂದ ಅಪರಿಚಿತರು ಉಚಿತ ಔಷಧಿಯ ಆಫರ್ ನೀಡಿದರು. ಪ್ರಮೋದ ನಾಯ್ಕ ಅವರ ಮನೆ ವಿಳಾಸಪಡೆದು ಬೈಕಿನಲ್ಲಿ ಅಲ್ಲಿಗೆ ತೆರಳಿದರು. 35-40 ವರ್ಷದ ಆ ಇಬ್ಬರು ಆಗಂತುಕರು `ಮಕ್ಕಳಾಗದವರಿಗೆ ಮೆಡಿಸಿನ್ ಕೊಡುತ್ತೇವೆ’ ಎಂದು ನಂಬಿಸಿದರು. ಪ್ರಮೋದ ನಾಯ್ಕ ಅವರ ಪತ್ನಿ ಅಕ್ಷತಾ ನಾಯ್ಕ ಅವರು ಇದನ್ನು ನಂಬಿದರು. `ಔಷಧ ವೆಚ್ಚ 40 ಸಾವಿರ ರೂಪಾಯಿ. ಅದು ನಿಮಗೆ ಮರಳಿ ಸಿಗುತ್ತದೆ’ ಎಂದು ತಿಳಿಸಿ ಹಣಪಡೆದರು. ಉಪಯೋಗಕ್ಕೆ ಬಾರದ ಔಷಧಿ-ದ್ರಾವಣ ನೀಡಿ ಅವರಿಬ್ಬರು ಅಲ್ಲಿಂದ ಪರಾರಿಯಾದರು. ಮನೆಗೆ ಬಂದ ಪ್ರಮೋದ ನಾಯ್ಕ ಅವರಿಗೆ ಈ ವಿಷಯ ಗೊತ್ತಾಯಿತು. ಅಪರಿಚಿತರ ವಿರುದ್ಧ ಅವರು ಪೊಲೀಸ್ ದೂರು ನೀಡಿದರು. ಸದ್ಯ ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಂಚಕರ ಹುಡುಕಾಟ ಶುರು ಮಾಡಿದ್ದಾರೆ.
- [ಕುಡಿತದ ಚಟ: ಬೀದಿಗೆ ಬಿದ್ದ ರೋಗಿ ಬದುಕು ನರಕ!](https://mobiletime.in/2025/10/alcohol-addiction-life-is-hell-for-a-patient-who-has-fallen-onto-the-streets/): ಪೀಡ್ಸ ರೋಗವಿದ್ದರೂ ಸರಾಯಿ ಕುಡಿಯುವ ಚಟ ಬಿಡದ ಮುಂಡಗೋಡು ಮೂಲದ ಮೌಲಲಿ ಚಪ್ಪರಬಂದ್ ಅವರು ಶಿರಸಿಯ ವಾನಳ್ಳಿ ಬಳಿ ರಸ್ತೆ ಬದಿಗೆ ಬಿದ್ದು ಸಾವನಪ್ಪಿದ್ದಾರೆ. ಜಟಕಮಕೊಡ್ಲುವಿನಲ್ಲಿ ಬಿದ್ದ ಅವರನ್ನು ಆಸ್ಪತ್ರೆಗೆ ತಂದರೂ ಪ್ರಯೋಜನವಾಗಲಿಲ್ಲ. ಮುಂಡಗೋಡು ಕಾತೂರು ನಂದಿಪುರದ ಮೌಲಲಿ ಚಪ್ಪರಬಂದ್ (42) ಅವರು ಕೆಲ ವರ್ಷಗಳಿಂದ ಶಿರಸಿಯಲ್ಲಿ ವಾಸವಾಗಿದ್ದರು. ಶಿರಸಿಯ ಬಾರಗದ್ದೆ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದರು. ಅವರಿಗೆ ಪಿಡ್ಸ ರೋಗ ಕಾಣಿಸಿದ್ದು, ಅದಾದ ನಂತರ ಕುಡಿತದ ಚಟ ಇನ್ನಷ್ಟು ಏರಿಕೆಯಾಗಿತ್ತು. ಮದ್ಯಪಾನ ಒಳ್ಳೆಯದಲ್ಲ ಎಂದರೂ ಅವರು ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಅಕ್ಟೊಬರ್ 8ರ ಸಂಜೆ ಮೌಲಲಿ ಚಪ್ಪರಬಂದ್ ಅವರು ವಾನಳ್ಳಿಯ ಜಟಕಕೊಡ್ಲುವಿನಲ್ಲಿ ಬಿದ್ದಿದ್ದರು. ಅದನ್ನು ನೋಡಿದ ಅವರ ಪತ್ನಿ ರಮೇಜಾ ಮೌಲಾಲಿ ಅವರು ಮೌಲಲಿ ಚಪ್ಪರಬಂದ್ ಅವರನ್ನು ಆಸ್ಪತ್ರೆಗೆ ಸೇರಿಸುವ ಕೆಲಸ ಮಾಡಿದರು. ಆದರೆ, ಆಸ್ಪತ್ರೆಗೆ ಸೇರಿಸಲು ರಾತ್ರಿ 8 ಗಂಟೆ ಆಗಿದ್ದು, ಅಷ್ಟರೊಳಗೆ ಮೌಲಲಿ ಚಪ್ಪರಬಂದ್ ಅವರು ಸಾವನಪ್ಪಿದ್ದರು. ರಮೇಜಾ ಮೌಲಾಲಿ ಅವರು ಈ ಬಗ್ಗೆ ಶಿರಸಿ ಗ್ರಾಮೀಣ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಅಂಕಿ-ಸoಖ್ಯೆಯೇ ಅಲ್ಲಿನವರ ಬದುಕು: ಅದೃಷ್ಠದ ಆಟಕ್ಕೆ ಅವರೇ ವಾರಸುದಾರರು!](https://mobiletime.in/2025/10/numbers-are-the-lifeblood-of-the-people-there-they-are-the-heirs-to-a-game-of-chance/): ಉತ್ತರ ಕನ್ನಡ ಜಿಲ್ಲೆಯ ಗಲ್ಲಿ ಗಲ್ಲಿಗಳಲ್ಲಿಯೂ ಮಟ್ಕಾ ಆಟ ಜೋರಾಗಿದೆ. ಗೂಡಂಗಡಿಕಾರರು, ಹೊಟೇಲ್ ಕಾರ್ಮಿಕರು, ಚಾಲಕರು ಸೇರಿ ಕೂಲಿ ಕಾರ್ಮಿಕರು ಸಹ ಕಾನೂನುಬಾಹಿರ ಮಟ್ಕಾ ಆಡಿಸಿ ಕಾಸು ಮಾಡಿಕೊಳ್ಳುತ್ತಿದ್ದಾರೆ. ಬಡ ವ್ಯಾಪಾರಿಗಳಿಗೆ ಕಮಿಷನ್ ಆಸೆ ತೋರಿಸಿ ಅವರನ್ನು ದುರುಪಯೋಗಪಡಿಸಿಕೊಳ್ಳುವ ಮಟ್ಕಾ ಬುಕ್ಕಿಗಳ ಸಂಖ್ಯೆಯೂ ಜಿಲ್ಲೆಯಲ್ಲಿ ಕಡಿಮೆ ಇಲ್ಲ. ಪ್ರತಿ ತಾಲೂಕಿನಲ್ಲಿಯೂ 2-3 ಜನ ಮಟ್ಕಾ ಬುಕ್ಕಿಗಳಿದ್ದು, ಅವರ ಅಡಿ ನೂರಾರು ಜನ ಈ ಆಟ ಆಡಿಸುತ್ತಿದ್ದಾರೆ. ಕಾರವಾರದಲ್ಲಿ ಸುಭಾಷ್ ಎಂಬಾತರು ಮಟ್ಕಾ ಆಟದ ರೂವಾರಿಯಾಗಿದ್ದಾರೆ. ಅವರ ವಿಳಾಸ ಈವರೆಗೂ ಸಿಗದ ಕಾರಣ ಪೊಲೀಸರು ಹುಡುಕಾಟದಲ್ಲಿದ್ದಾರೆ. ಅಂಕೋಲಾದ ರವಿ ನಾಯ್ಕ ಅವರು ಕಾರವಾರದ ಮಲ್ಲಾಪುರ ಭಾಗದಲ್ಲಿ ಹಿಡಿತಹೊಂದಿದ್ದು, ಅಲ್ಲಿ ಮಟ್ಕಾ ಬುಕ್ಕಿಯಾಗಿ ಅಂಗಡಿಕಾರರಿಗೆ ಆಮೀಷ ಒಡ್ಡುತ್ತಿದ್ದಾರೆ. ಕುಮಟಾದ ಹೆರವಟ್ಟಾದ ವಿನೋದ ಭಂಡಾರಿ ಮಟ್ಕಾ ಬುಕ್ಕಿಯಾಗಿದ್ದಾರೆ. ಶಿರಸಿ ಗಿಡಮಾವಿನಕಟ್ಟಾದ ವಿಜಯ ನಾರಾಯಣ ದೇವಾಡಿಗ, ರಾಘು ಶೆಟ್ಟಿ, ವಿವೇಕಾನಂದ ನಗರದ ರಾಹುಲ್ ಶಿವಕುಮಾರ ದೇವಗಿ ಮಟ್ಕಾ ಬುಕ್ಕಿಯಾಗಿ ಕಾಸು ಸಂಪಾದಿಸುತ್ತಿದ್ದಾರೆ. ಬನವಾಸಿಯಲ್ಲಿ ವಿಜಯ ನಾರಾಯಣ ದೇವಾಡಿಗ ಅವರ ಜೊತೆ ಶಿರಸಿಯ ಉದಯ ಶೆಟ್ಟಿ ಸಹ ಮಟ್ಕಾ ಸಂಖ್ಯೆ ಸಂಖ್ಯೆ ಮಾರಾಟ ದಂದೆಯಲ್ಲಿದ್ದಾರೆ. ಶಿರಸಿಯಲ್ಲಿ ಮೀನು ಮಾರುಕಟ್ಟೆ ಬಳಿಯ ಪಾವಲು ಅಂದ್ರು ವಾಜ್ ಸಹ ಮಟ್ಕಾ ಬುಕ್ಕಿಯಾಗಿದ್ದು, ಅಂಗಡಿಕಾರರು ಸಂಗ್ರಹಿಸಿದ ಹಣಪಡೆಯುತ್ತಿದ್ದಾರೆ. ದಾಂಡೇಲಿ ಪಟೇಲ್ ನಗರದ ನಿಜಾಮುದ್ದಿನ್ ಮಹಮದ್ ನದಾಫ್ ತಮ್ಮ ಗ್ಯಾರೇಜು ಕೆಲಸದ ಜೊತೆಯಲ್ಲಿಯೇ ಮಟ್ಕಾ ಬುಕ್ಕಿಯಾಗಿಯೂ ಪ್ರಸಿದ್ಧಿಪಡೆದಿದ್ದಾರೆ. ಹಳಿಯಾಳ ಸೆಂಟ್ ಜೋವರ್ ನಿವಾಸಿ ಸಂತಾನ್ ಅಂತೋನ್ ಡಿಸೋಜಾ ಅವರು ಮೀನು ಮಾರುಕಟ್ಟೆ ಬಳಿ ಪಾನ್ ಅಂಗಡಿ ನಡೆಸುತ್ತಿದ್ದು, ಅಲ್ಲಿಂದಲೇ ಇಡೀ ತಾಲೂಕಿನ ಮಟ್ಕಾ ವ್ಯವಹಾರ ನೋಡಿಕೊಳ್ಳುತ್ತಾರೆ. ಹಳಿಯಾಳದ ಭಜಂತ್ರಿ ಗಲ್ಲಿಯ ಮಂಜುನಾಥ ಹನುಮಂತ ಕೋಳಿಪುಚ್ಚ ಅವರು ಸಹ ಕಾನೂನುಬಾಹಿರ ಆಟದ ರೂವಾರಿಯಾಗಿದ್ದಾರೆ. ಭಟ್ಕಳದಲ್ಲಿ ಜಾಲಿ ಬಳಿಯ ತಲಗೇರಿಯ ರೂಪೇಶ ನಾಯ್ಕ ಹಾಗೂ ಹೆಬಳೆ ಗಾಂಧೀನಗರದ ಈಶ್ವರ ನಾರಾಯಣ ನಾಯ್ಕ ಅವರು ಮಟ್ಕಾ ಬುಕ್ಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಭಟ್ಕಳದಲ್ಲಿ ಹೆಬಳೆ ಹಡೀನದ ಶ್ರೀಧರ ದೇವಯ್ಯ ನಾಯ್ಕ ಅವರು ಬುಕ್ಕಿಯಾಗಿ ಓಡಾಡಿಕೊಂಡಿದ್ದಾರೆ. ಜೊತೆಗೆ ಭಟ್ಕಳದಲ್ಲಿ ಬೇಂಗ್ರೆ ಮೂಡಶಿರಾಲಿಯ ನಾಗರಾಜ ಭೈರಪ್ಪ ನಾಯ್ಕ, ಜಗದೀಶ ನಾಯ್ಕ ಎಂಬಾತರು ಮಟ್ಕಾ ಬುಕ್ಕಿಯಾಗಿ ದುಡ್ಡು ಮಾಡುತ್ತಿದ್ದಾರೆ. ಹೊನ್ನಾವರದ ದಿಬ್ಬಣಗಲ್ಲಿನ ಮಣಿಕಂಠ ಶಂಕರ್ ಗೌಡ ಅವರು ಸಹ ಕೂಲಿ ಕೆಲಸದ ಜೊತೆ ಮಟ್ಕಾ ಹಿಂದೆ ಬಿದ್ದಿದ್ದಾರೆ. ಅಮಾಯಕರನ್ನು ಬಳಸಿಕೊಂಡು ಅವರಿಗೆ ಕಮಿಷನ್ ಆಸೆ ಒಡ್ಡಿ ಕಾನೂನುಬಾಹಿರ ಮಟ್ಕಾ ಆಡಿಸುತ್ತಿದ್ದಾರೆ. ಹೊನ್ನಾವರದಲ್ಲಿ ಕಮಟೆಹಿತ್ಲದ ಮಾರುತಿ ಸುಬ್ರಾಯ ಭಂಡಾರಿ ಅವರು ಮಟ್ಕಾ ಬುಕ್ಕಿಯಾಗಿ ವಿವಿಧ ಅಂಗಡಿಕಾರರಿಗೆ ಕಮಿಷನ್ ಆಧಾರದಲ್ಲಿ ಕೆಲಸ ಕೊಟ್ಟಿದ್ದಾರೆ. ಮುಂಡಗೋಡು ಹಳ್ಳೂರಿ ಓಣಿಯ ವಿನಾಯಕ ಶೇಟ್ ಅವರು ಮಟ್ಕಾ ಬುಕ್ಕಿಯಾಗಿದ್ದು, ಯಲ್ಲಾಪುರ ತಾಲೂಕಿನಲ್ಲಿಯೂ ಅವರು ಹಿಡಿತ ಹೊಂದಿದ್ದಾರೆ. ಕಿರವತ್ತಿ ಭಾಗದಲ್ಲಿ ವಿನಾಯಕ ಶೇಟ್ ಅವರ ಅಧೀನದಲ್ಲಿ ಮಟ್ಕಾ ಆಟ ಆಡಿಸುವವರಿದ್ದಾರೆ. ಮುಂಡಗೋಡಿನ ಹೊಟೇಲ್ ಕೆಲಸ ಮಾಡುವ ಮಂಜುನಾಥ ಗಂಗಾಧರ ನೂಲನೂರು ಸಹ ಮಟ್ಕಾ ಬುಕ್ಕಿಯಾಗಿ ಕಾಸು ಮಾಡಿದ್ದಾರೆ. ಅಂಕೋಲಾದಲ್ಲಿ ರಾಜಾ ನಾಯ್ಕ ಹಾಗೂ ಲಕ್ಕಣ್ಣ ಗಾಂವ್ಕರ ಅವರು ಮಟ್ಕಾ ಬುಕ್ಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಹಳಿಯಾಳದಲ್ಲಿ ಪಾನ್ ಅಂಗಡಿ ನಡೆಸುವ ದುರ್ಗಾನಗರದ ಪರಶುರಾಮ ಬೇರು ಬೈಲಪ್ಪಗೋಳ್ ಹಾಗೂ ಸಿದ್ದಾಪುರದಲ್ಲಿ ರಾಜಮಾರ್ಗದ ರಾಜು ಪೈ ಮಟ್ಕಾ ಆಟದ ಒಡೆಯರಾಗಿದ್ದಾರೆ. ಈ ಎಲ್ಲರ ಹೆಸರು ಸರ್ಕಾರಿ ದಾಖಲೆಗಳಲ್ಲಿ ನಮೂದಾಗಿದ್ದು, ಅನೇಕ ಬಾರಿ ಅವರ ವಿರುದ್ಧ ಪ್ರಕರಣಗಳು ದಾಖಲಾಗಿವೆ. ಆದರೆ, ಅವರರೂ ತಮ್ಮ ಹಳೆ ಚಾಳಿ ಬಿಟ್ಟಿಲ್ಲ. ಪೊಲೀಸರು ಸಹ ತಮ್ಮ ದಾಳಿ ನಿಲ್ಲಿಸಿಲ್ಲ.
- [ಸೊಪ್ಪಿನ ಬೆಟ್ಟದಲ್ಲಿ ಅಡಗಿದ್ದ ಜವರಾಯ: ಮರದಿಂದ ಬಿದ್ದವ ಮೃತ್ಯು!](https://mobiletime.in/2025/10/javaraaya-who-was-hiding-in-the-green-hill-he-died-after-falling-from-the-tree/): ಅಡಿಕೆ ತೋಟಕ್ಕೆ ಸೊಪ್ಪು ಹೊದೆಸುವುದಕ್ಕಾಗಿ ಕಾಡಿಗೆ ಹೋಗಿದ್ದ ಯಲ್ಲಾಪುರದ ಗಣಪತಿ ಭಟ್ಟ ಅವರು ಅಕಾಲಿಕ ಮರಣಕ್ಕೀಡಾಗಿದ್ದಾರೆ. ಮರ ಹತ್ತಿ ಸೊಪ್ಪು ಕಡಿಯುವಾಗ ಕೆಳಗೆ ಬಿದ್ದ ಅವರು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಯಲ್ಲಾಪುರದ ಮಾಗೋಡು ಕಾಲೋನಿ ಬಳಿಯ ಮೇಲಿನ ತಾರಿಮನೆಯಲ್ಲಿ ಗಣಪತಿ ನಾರಾಯಣ ಭಟ್ಟ ಅವರು ವಾಸವಾಗಿದ್ದರು. ತಮ್ಮ 62ನೇ ವಯಸ್ಸಿನಲ್ಲಿಯೂ ಅವರು ಉತ್ಸಾಹದಿಂದ ಕೃಷಿ ಕೆಲಸ ಮಾಡಿಕೊಂಡಿದ್ದರು. ನಿತ್ಯವೂ ಬೆಟ್ಟ-ಗುಡ್ಡಗಳನ್ನು ಅಲೆದಾಡುವುದು, ತೋಟ ಸುತ್ತುವುದು ಅವರ ಕಾಯಕವಾಗಿತ್ತು. ಅಕ್ಟೊಬರ್ 9ರಂದು ಅವರು ತೋಟಕ್ಕೆ ಸೊಪ್ಪು ಹಾಕಲು ನಿರ್ಧರಿಸಿದ್ದರು. ಆ ದಿನ ಸಂಜೆಯವರೆಗೂ ಕೃಷಿ ಕಾಯಕ ನಡೆಸಿದ ಗಣಪತಿ ಭಟ್ಟರು ಸಂಜೆಯಾದರೂ ಕೆಲಸ ಮಾಡುತ್ತಿದ್ದರು. ಸಂಜೆ 5.30ರ ವೇಳೆಗೆ ಸೊಪ್ಪು ಕಡಿಯುವುದಕ್ಕಾಗಿ ಮರ ಏರಿದ್ದರು. ಕೊಂಚ ಎಡವಿದ ಅವರು ಕಾಡು ಜಾತಿಯ ಮರದಿಂದ ಅವರು ಜಾರಿ ಬಿದ್ದರು. ನೆಲಕ್ಕೆ ಬಿದ್ದು ಗಾಯಗೊಂಡಿದ್ದ ಗಣಪತಿ ಭಟ್ಟ ಅವರನ್ನು ಯಲ್ಲಾಪುರದ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಅದರಿಂದ ಪ್ರಯೋಜನವಾಗಲಿಲ್ಲ. ಸಂಜೆ 6.30ಕ್ಕೆ ವೈದ್ಯರು ಗಣಪತಿ ಭಟ್ಟರ ಸಾವಿನ ಘೋಷಣೆ ಮಾಡಿದರು. ತಂದೆಯ ಸಾವಿನ ಬಗ್ಗೆ ಅವರ ಮಗ ರಾಜೇಶ ಭಟ್ಟ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪ್ರಕರಣ ದಾಖಲಿಸಿದರು. `ಕೃಷಿ ಕೆಲಸ ಮಾಡುವಾಗ ಜಾಗೃತರಾಗಿರಿ’
- [ಹಳೆಯ ಅತಿಕ್ರಮಣದಾರರಿಗೆ ಇಲ್ಲ ಹೊಸ ಆತಂಕ!](https://mobiletime.in/2025/10/no-new-worries-for-old-invaders/): `2005ಕ್ಕೂ ಮೊದಲು ಅರಣ್ಯ ಭೂಮಿ ಅತಿಕ್ರಮಿಸಿ ಬದುಕು ಕಟ್ಟಿಕೊಂಡವರಿಗೆ ಯಾವುದೇ ತೊಂದರೆ ಮಾಡುವುದಿಲ್ಲ’ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಹೇಳಿದ್ದಾರೆ. `ಅರಣ್ಯ ಹಕ್ಕು ಕಾಯ್ದೆಯ ಪರಿಣಾಮಕಾರಿ ಅನುಷ್ಠಾನಕ್ಕೆ ಜಿಲ್ಲಾಡಳಿತಕ್ಕೆ ಸೂಚನೆ ನೀಡಲಾಗುತ್ತದೆ. ಅರ್ಹರು ಭೂಮಿ ಹಕ್ಕಿನಿಂದ ವಂಚಿತರಾಗದoತೆ ಎಚ್ಚರಿಕೆವಹಿಸಲಾಗುತ್ತದೆ’ ಎಂದು ಉತ್ತರ ಕನ್ನಡ ಜಿಲ್ಲಾ ಅರಣ್ಯ ಭೂಮಿ ಸಾಗುವಳಿದಾರರ ಹೋರಾಟ ಸಮಿತಿಯ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರಿಗೆ ಮುಖ್ಯಮಂತ್ರಿಗಳು ಭರವಸೆ ನೀಡಿದ್ದಾರೆ. ಚಂದ್ರಕಾ0ತ ಕೊಚರೇಕರ ಅವರು ಪ್ರಮುಖರಾದ ಜಿ ಎಂ ಶೆಟ್ಟಿ, ಪಿ ಟಿ ನಾಯ್ಕ, ಗಣೇಶ ನಾಯ್ಕ ಅವರ ಜೊತೆ ಬೆಂಗಳೂರಿಗೆ ಹೋಗಿದ್ದರು. ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯರ ಜೊತೆ ಮುಖ್ಯಮಂತ್ರಿಗಳನ್ನು ಅವರು ಭೇಟಿ ಮಾಡಿದರು. ಅರಣ್ಯ ಹಕ್ಕು ಅರ್ಜಿಗಳನ್ನು ಸಾರಾ ಸಗಟು ತಿರಸ್ಕರಿಸಿದ ಪರಿಣಾಮ ಎದುರಾದ ಸಮಸ್ಯೆಗಳ ಬಗ್ಗೆ ಸಿದ್ದರಾಮಯ್ಯ ಅವರಿಗೆ ಮನವರಿಕೆ ಮಾಡಿದರು. ಅರಣ್ಯ ಭೂಮಿಯಲ್ಲಿನ ಬಗರ ಹುಕುಂ ಸಾಗುವಳಿಗೆ ಸಂಬoಧಿಸಿ 1980ರ ಅರಣ್ಯ ಸಂರಕ್ಷಣಾ ಕಾಯ್ದೆಯಡಿ ಮರುಸಮೀಕ್ಷೆ ನಡೆಸುವದು ಸೇರಿ ಅರಣ್ಯ ಹಕ್ಕುಕಾಯ್ದೆಯ ಪರಿಣಾಮಕಾರಿ ಅನುಷ್ಠಾನಗೊಳಿಸಿ ಜನರಿಗೆ ಭೂಮಿಯ ಹಕ್ಕು ಕೊಡಿಸಬೇಕು ಎಂದು ಒತ್ತಾಯಿಸಿದರು. ಅರಣ್ಯ ಹಕ್ಕು ಕಾಯ್ದೆಯ ಪರಿಣಾಮಕಾರಿ ಅನುಷ್ಠಾನಕ್ಕೆ ಅಗತ್ಯ ಸಲಹೆಗಳನ್ನು ನೀಡಿದರು. ಈ ವೇಳೆ `ಸರಕಾರ ಅರಣ್ಯ ಭೂಮಿ ಸಾಗುವಳಿದಾರರ ಹಿತರಕ್ಷಣೆ ಮಾಡಲು ಬದ್ಧವಾಗಿದೆ. ವಸತಿ ಮತ್ತು ಜೀವನೋಪಾಯಕ್ಕೆ ಅರಣ್ಯ ಭೂಮಿಯನ್ನು ಅವಲಂಬಿಸಿರುವ ಬಡ ಜನರು ಆತಂಕಪಡುವ ಅಗತ್ಯವಿಲ್ಲ’ ಎಂದು ಮುಖ್ಯಮಂತ್ರಿಗಳು ತಿಳಿಸಿದರು. ಅರಣ್ಯ ಭೂಮಿಯಲ್ಲಿನ ಒತ್ತುವರಿಯ ನೈಜ ಸ್ಥಿತಿಯ ಕುರಿತು ಅರಣ್ಯ ಮತ್ತು ಕಂದಾಯ ಇಲಾಖೆಯ ಅಧಿಕಾರಿಗಳಿಂದ ಜಂಟಿ ಸ್ಥಳ ತನಿಖೆ ನಡೆಸಿ ಉಪವಿಭಾಗೀಯ ಸಮಿತಿಗೆ ವರದಿ ಸಲ್ಲಿಸುವಂತೆ ಸಿದ್ದರಾಮಯ್ಯ ಅವರು ಸರ್ಕಾರದ ಮುಖ್ಯ ಕಾರ್ಯದರ್ಶಿಗಳಿಗೆ ಸೂಚಿಸಿದರು. ಅದಾದ ನಂತರ ಈ ನಿಯೋಗದವರು ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆಯ ನಿರ್ದೇಶಕ ಟಿ ಯೋಗೇಶ ಅವರನ್ನು ಸಹ ಭೇಟಿ ಮಾಡಿದ್ದು, ಸುಪ್ರೀಂ ಕೋರ್ಟಿಗೆ ಅರಣ್ಯವಾಸಿಗಳ ಪರ ಸರ್ಕಾರದಿಂದ ಅಗತ್ಯ ದ್ರಡೀಕರಣ ಸಲ್ಲಿಸುವಂತೆ ಮನವಿ ಮಾಡಿತು.
- [ಒಂದೇ ಕೋರ್ಸಿನಲ್ಲಿ ಎರಡು ಪದವಿ: ಉತ್ತಮ ಶಿಕ್ಷಕರಾಗಲು PUC ಪಾಸಾಗಿದ್ದರೆ ಸಾಕು!](https://mobiletime.in/2025/10/two-degrees-in-one-course-passing-puc-is-enough-to-become-a-good-teacher/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಶಿಕ್ಷಣ ಸಂಸ್ಥೆಗಳಿಗೇನೂ ಕೊರತೆ ಇಲ್ಲ. ಆದರೆ, ಉತ್ತಮ ಶಿಕ್ಷಕರನ್ನು ರೂಪಿಸಿ ಒಂದೇ ಸೂರಿನ ಅಡಿ ಸಮಗ್ರ ಶಿಕ್ಷಣ ನೀಡುವ ಶಿಕ್ಷಣ ಸಂಸ್ಥೆಗಳು ಇಲ್ಲಿ ದೊಡ್ಡ ಪ್ರಮಾಣದಲ್ಲಿಲ್ಲ. ಈ ವಿಷಯ ಅರಿತ ಅಂಕೋಲಾದ ಗೋಖಲೆ ಸೆಂಟನರಿ ಕಾಲೇಜು ಇದೇ ಮೊದಲ ಬಾರಿಗೆ ನವದೆಹಲಿಯ ಎನ್.ಸಿ.ಟಿ.ಇ ಜಾರಿಗೊಳಿಸಿದ ನಾಲ್ಕು ವರ್ಷಗಳ ಸಂಯುಕ್ತ ಶಿಕ್ಷಕರ ಪದವಿ ಕೋರ್ಸನ್ನು ಜಿಲ್ಲೆಗೆ ಪರಿಚಯಿಸಿದೆ. B.A.B.Ed ಹಾಗೂ B.Sc. B.Ed (ITEP) ಪದವಿಯನ್ನು ಇಲ್ಲಿ ಶುರು ಮಾಡಲಾಗಿದೆ. ಅಂಕೋಲಾದ ಗೋಖಲೆ ಸೆಂಟನರಿ ಕಾಲೇಜು ಚುಟುಕು ಬ್ರಹ್ಮ ದಿನಕರ ದೇಸಾಯಿ ಅವರು ಹುಟ್ಟುಹಾಕಿದ ಕೆನರಾ ವೆಲ್ ಫೇರ್ ಟ್ರಸ್ಟಿನ ಅಂಗಸ0ಸ್ಥೆ. `ಗ್ರಾಮೀಣ ಭಾಗದ ಮಕ್ಕಳಿಗೆ ಗುಣಾತ್ಮಕ ಶಿಕ್ಷಣ ಸಿಗಬೇಕು’ ಎಂಬ ದಿನಕರ ದೇಸಾಯಿ ಅವರ ಕನಸಿಗೆ ಈ ಕಾಲೇಜು ಸದಾ ನೀರೆರೆಯುತ್ತಿದೆ. ಸದ್ಯ ಮೌಲ್ಯಾಧಾರಿತ ಶಿಕ್ಷಣ ನೀಡಲು ಅಗತ್ಯವಿರುವ ಶಿಕ್ಷಕರನ್ನು ಸಿದ್ಧಪಡಿಸುವ ಕೌಶಲ್ಯಾಭಿವೃದ್ಧಿ ಕೋರ್ಸನ್ನು ಅಭ್ಯರ್ಥಿಗಳ ಮುಂದಿರಿಸಿದೆ. ಮೌಲ್ಯಾಧಾರಿತ ಶಿಕ್ಷಣ ಒದಗಿಸುವಲ್ಲಿ ಮುಂಚೂಣಿಯಲ್ಲಿರುವ ಅಂಕೋಲಾದ ಗೋಖಲೆ ಸೆಂಟನರಿ ಕಾಲೇಜು ಇದೀಗ ಉತ್ತಮ ಶಿಕ್ಷಕರನ್ನು ರೂಪಿಸುವ ಕೆಲಸ ಮಾಡುತ್ತಿದೆ. ಇದಕ್ಕಾಗಿ ರಾಜ್ಯದಲ್ಲಿಯೇ ಮೊದಲ ಬಾರಿ ಅನುದಾನಿತ ಪದವಿ ಕಾಲೇಜುಗಳಲ್ಲಿ ಗೋಖಲೆ ಸೆಂಟಿನರಿ ಕಾಲೇಜು ವಿಶೇಷ ಕೋರ್ಸವೊಂದನ್ನು ಪರಿಚಯಿಸಿದೆ. ರಾಜ್ಯದಲ್ಲಿಯೇ ಮೊದಲ ಬಾರಿಗೆ B.A.B.Ed ಹಾಗೂ B.Sc. B.Ed (ITEP) ಕೋರ್ಸನ್ನು ಒಟ್ಟಿಗೆ ಕಲಿಸುವ ಕಾಯಕ ಇಲ್ಲಿ ಶುರುವಾಗಿದೆ. ಭವಿಷ್ಯದ ಭಾರತಕ್ಕೆ ಉತ್ತಮ ಪ್ರಜೆಗಳನ್ನು ರೂಪಿಸುವಲ್ಲಿ ಶಿಕ್ಷಕರ ಕೊಡುಗೆ ಅಪಾರ. ಶಿಸ್ತಿನ ಶಿಕ್ಷಕರನ್ನು ರೂಪಿಸುವಲ್ಲಿ ಅಂಕೋಲಾದ ಗೋಖಲೆ ಸೆಂಟನರಿ ಕಾಲೇಜಿನ ಅನುಭವಗಳು ಆಧಾರ. ಈ ಕಾಲೇಜಿನಲ್ಲಿ ಕಲಿತ ಅನೇಕ ಮಕ್ಕಳು ಸದ್ಯ ದೇಶ-ವಿದೇಶದಲ್ಲಿ ಉದ್ಯೋಗದಲ್ಲಿದ್ದಾರೆ. ಅದರಲ್ಲಿಯೂ ಮುಖ್ಯವಾಗಿ ಸಮಾಜಕ್ಕೆ ಉನ್ನತ ಕೊಡುಗೆ ನೀಡುತ್ತಿದ್ದಾರೆ. ಮಕ್ಕಳ ಭವಿಷ್ಯವನ್ನು ಉತ್ತಮವಾಗಿಸುವ ಉಪನ್ಯಾಸಕರು ಇಲ್ಲಿದ್ದು, ಅದರ ಮುಂದುವರೆದ ಭಾಗವಾಗಿ ಈ ಕಾಲೇಜು ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಿಗೆ ಅಗತ್ಯವಿರುವ ಶಿಕ್ಷಕರಿಗೆ ತರಬೇತಿ ನೀಡುವ ಕೆಲಸಕ್ಕೆ ಮುನ್ನಡಿಯಿಟ್ಟಿದೆ. ದಿನಕರ ದೇಸಾಯಿಯವರು ಕೆನರಾ ವೆಲ್ ಫೇರ್ ಟ್ರಸ್ಟಿನ ಮೂಲಕ ಸ್ಥಾಪಿಸಿದ ಜನತಾ ವಿದ್ಯಾಲಯಗಳೆಂಬ ಜ್ಞಾನ ದೇಗುಲಗಳು ಈಗಲೂ ಅಕ್ಷರ ಲೋಕವನ್ನು ಬೆಳಗುತ್ತಿವೆ. ಹಿಂದುಳಿದ ಸಮುದಾಯಗಳಲ್ಲಿ ಶಿಕ್ಷಣ ಪ್ರಸರಣ ಮಾಡಿ ಅನ್ನ ಮತ್ತು ಅರಿವಿನ ಮಾರ್ಗ ತೋರಿಸಿದ ಅವರ ನಡೆ-ನುಡಿಯನ್ನು ಗೋಖಲೆ ಸೆಂಟನರಿ ಕಾಲೇಜು ಅಕ್ಷರಶಃ ಪಾಲಿಸುತ್ತಿದೆ. ಶಿಕ್ಷಣ ಪ್ರಸರಣಕ್ಕಾಗಿ ಅಗತ್ಯವಿರುವ ಶಿಕ್ಷಕರನ್ನು ರೂಪಿಸುವ ಈ ಕಾಯಕಕ್ಕೆ ಕರ್ನಾಟಕ ವಿಶ್ವವಿದ್ಯಾಲಯವೂ ಅಧಿಕೃತ ಮುದ್ರೆ ಒತ್ತಿದೆ. ಹಳ್ಳಿಗಾಡಿನ ರೈತರು, ಕಾರ್ಮಿಕರ ಮಕ್ಕಳು ಸಹ ಉನ್ನತ ಶಿಕ್ಷಣಪಡೆದು ಶಿಕ್ಷಕರಾಗಬೇಕು ಎಂಬ ಕನಸಿಗೆ ಈ ಕೋರ್ಸು ಯೋಗ್ಯವಾಗಿದೆ. ಪ್ರಾಥಮಿಕ ಮತ್ತು ಪೌಢಶಿಕ್ಷಣ ಹಂತದಲ್ಲಿ ಬೋಧಿಸಲು ಅಗತ್ಯವಿರುವ ಶಿಕ್ಷಕರನ್ನು ರೂಪಿಸುವುದು ಈ ಕೋರ್ಸಿನ ಮುಖ್ಯ ಉದ್ದೇಶ. ಕಲಾ ಮತ್ತು ವಿಜ್ಞಾನ ವಿಭಾಗಗಳ ವಿವಿಧ ಐಚ್ಛಿಕ ವಿಷಯಗಳ ಜೊತೆಗೆ ವಿದ್ಯಾರ್ಥಿಗಳು ಪ್ರಾಯೋಗಿಕ ಪಾಠ ಪ್ರವಚನಗಳ ಅನುಭವ ಇಲ್ಲಿ ಸಿಗುತ್ತದೆ. ಬೋಧನಾ ಉಪಕರಣಗಳ ತಯಾರಿಕೆ, ಪ್ರಯೋಗಾಲಯ ಪ್ರಾತ್ಯಕ್ಷಿಕೆಗಳ ಬಗ್ಗೆಯೂ ಅರಿವು ಮೂಡಿಸಲಾಗುತ್ತದೆ. ವಿದ್ಯಾರ್ಥಿಗಳ ನೆಚ್ಚಿನ ಶಿಕ್ಷಕರಾಗುವುದು ಹೇಗೆ? ಎಂಬ ವಿಷಯವನ್ನು ಇಲ್ಲಿ ಕಲಿಸಲಾಗುತ್ತದೆ. ಮುಂದಿನ ದಿನದಲ್ಲಿ 2 ವರ್ಷಗಳ ಬಿ.ಎಡ್.ಕೋರ್ಸ್ ರೂಪಾಂತರಗೊಳ್ಳಲಿದ್ದು, 4 ವರ್ಷಗಳ ಸಂಯುಕ್ತ ಶಿಕ್ಷಕರ ಪದವಿ ಕೋರ್ಸ್ ಅನಿವಾರ್ಯವಾಗಲಿದೆ. ಸರ್ಕಾರಿ, ಖಾಸಗಿ ವಲಯದಲ್ಲಿನ ಉದ್ಯೋಗಕ್ಕೂ ಈ ಪದವಿ ಪೂರೈಸುವುದು ಕಡ್ಡಾಯವಾಗಲಿದೆ. ಈ ಕೋರ್ಸನ್ನು ಯಶಸ್ವಿಯಾಗಿ ಪೂರೈಸುವ ವಿದ್ಯಾರ್ಥಿಗಳು ಎರಡು ಪದವಿಗಳನ್ನು ಏಕಕಾಲಕ್ಕೆ ಪಡೆಯುತ್ತಾರೆ. ಅಂಥ ವಿದ್ಯಾರ್ಥಿಗಳಿಗೆ ಸ್ನಾತಕೋತ್ತರ ಪದವಿಯನ್ನು ಎರಡು ಪ್ರಧಾನ ವಿಷಯಗಳಲ್ಲಿ ವ್ಯಾಸಂಗ ಮಾಡಲು ಅವಕಾಶ ಸಿಗುತ್ತದೆ. ಈ ಕೋರ್ಸು ಆಯ್ಕೆ ಮಾಡಿಕೊಳ್ಳಲು ಪಿಯುಸಿ ಪರೀಕ್ಷೆಯಲ್ಲಿ ಶೇ 50ರ ಅಂಕದೊoದಿಗೆ ಪಾಸಾಗಿರಬೇಕು. ಜೊತೆಗೆ 2025ರ ಏಪ್ರಿಲ್ 29ರಂದು ಎನ್‌ಟಿಎ ನಡೆಸಿದ ಪ್ರವೇಶ ಪರೀಕ್ಷೆಗೆ ಹಾಜರಾಗಿರಬೇಕು. ನಾಲ್ಕು ವರ್ಷ ಅವಧಿಯ ಈ ಕೋರ್ಸ ಪದವಿಧರ ಶಿಕ್ಷಕ ಹುದ್ದೆಗೆ ಸೂಕ್ತ ವಿದ್ಯಾರ್ಹತೆ ಎಂದು ರಾಜ್ಯ ಸರ್ಕಾರ ಗೆಜೆಟ್ ಮೂಲಕ ಪ್ರಕಟಿಸಿದೆ. ಶಿಕ್ಷಕರ ಪ್ರಶಿಕ್ಷಣ ತರಬೇತಿಗೆ ಮಾನ್ಯತೆ ನೀಡುವ ರಾಷ್ಟ್ರೀಯ ಶಿಕ್ಷಣ ಮಂಡಳಿ ಈ ಕೋರ್ಸಿಗೆ ಮಾನ್ಯತೆ ಕೊಟ್ಟಿದೆ. ಮಾಹಿತಿ ಕೊರತೆ ಇದ್ದವರಿಗೆ ಕಾಲೇಜಿನವರು ಅರಿವು ಮೂಡಿಸಲು ಸದಾ ಸಿದ್ಧವಾಗಿದ್ದಾರೆ. ಹೀಗಾಗಿ ಶಿಕ್ಷಕರಾಗಲು ಕನಸು ಕಂಡವರಿಗೆ ಈ ಕೋರ್ಸ ಸೂಕ್ತ ಆಯ್ಕೆಯಾಗಿದ್ದು, ಕಾಲೇಜು ಪ್ರವೇಶಕ್ಕೆ ಯಾವುದೇ ಆತಂಕ ಬೇಡ. ಈ ಮಾಹಿತಿಯನ್ನು ಆಸಕ್ತರಿಗೆ ಶೇರ್ ಮಾಡಿ ಇನ್ನೆನ್ನಾದರೂ ಗೊಂದಲವಿದ್ದರೆ ಇಲ್ಲಿ ಫೋನ್ ಮಾಡಿ: 8971930563, 9964428710, 9448573190, 9901940588 #sponsored
- [2025 ಅಕ್ಟೋಬರ್ 10ರ ದಿನ ಭವಿಷ್ಯ](https://mobiletime.in/2025/10/prediction-for-october-10-2025-2/): ಮೇಷ ರಾಶಿ: ಉದ್ಯೋಗ, ವ್ಯವಹಾರದಲ್ಲಿ ಪ್ರಗತಿ ಸಾಧ್ಯವಿದ್ದು ಬದಲಾವಣೆಗೆ ಸಿದ್ಧವಾಗಿರಿ. ಆರೋಗ್ಯದ ಬಗ್ಗೆ ಚಿಂತಿಸುವುದರ ಜೊತೆ ಕೋಪವನ್ನು ತಪ್ಪಿಸಿ. ಕಲಾ ಆರಾಧನೆ ಒಳ್ಳೆಯದು. ವೃಷಭ ರಾಶಿ: ಐಷಾರಾಮಿ ಜೀವನಕ್ಕಾಗಿ ಸೌಕರ್ಯಗಳಲ್ಲಿ ಹೆಚ್ಚಳವಾಗಲಿದೆ. ಕುಟುಂಬದ ಸಮಸ್ಯೆ ಬಗೆಹರಿಯಲಿದೆ. ಆಪ್ತರು ಹಣ ಕೇಳುವ ಸಾಧ್ಯತೆಯಿದೆ. ಮಿಥುನ ರಾಶಿ: ಅನೇಕ ದಿನಗಳಿಂದ ಬಾಕಿಯಿರುವ ಹಣ ಮರಳಿ ಸಿಗಲಿದೆ. ಪರಿಶ್ರಮಕ್ಕೆ ಫಲ ಸಿಗಲಿದೆ. ಸ್ಪರ್ಧಾತ್ಮಕ ಪರೀಕ್ಷೆಗಳು ಯಶಸ್ವಿಯಾಗಿ ನಡೆಯಲಿದೆ. ಕರ್ಕ ರಾಶಿ: ಕಾನೂನು ವಿಚಾರಗಳಿಂದ ದೂರವಿರುವುದು ಉತ್ತಮ. ಕಳೆದ ವಸ್ತು ಮರಳಿ ಸಿಗುವ ಸಾಧ್ಯತೆಯಿದೆ. ನಿಮ್ಮ ಮಾತು ಹಿತವಾಗಿರಲಿ. ಸಿಂಹ ರಾಶಿ: ಬಹುದಿನದ ಕೆಲಸ ಈ ದಿನ ಮುಗಿಯಲಿದೆ. ಕುಟುಂಬದಲ್ಲಿ ವಿವಾದ ಸಾಧ್ಯತೆಯಿದ್ದು, ಜಾಣ್ಮೆಯಿಂದ ಅದನ್ನು ಬಗೆಹರಿಸಿ. ನಿಮ್ಮ ಭಾವನೆಗಳನ್ನು ನಿಯಂತ್ರಿಸಿ. ಕನ್ಯಾ ರಾಶಿ: ಆಪ್ತರ ಮದುವೆಯಲ್ಲಿ ಅಡೆತಡೆ ಆಗುವ ಸಾಧ್ಯತೆಯಿದೆ. ಸಮಸ್ಯೆಗಳ ಬಗ್ಗೆ ಸಂಗಾತಿ ಜೊತೆ ಚರ್ಚಿಸಿ. ಸೋಮಾರಿತನ ನಿಮಗೆ ಸೂಕ್ತವಲ್ಲ. ತುಲಾ ರಾಶಿ: ಹೊಸ ಅವಕಾಶಗಳು ಎದುರು ನೋಡುತ್ತಿದ್ದು, ಅದನ್ನು ಬಳಸಿಕೊಳ್ಳುವ ಅಗತ್ಯ ನಿಮಗಿದೆ. ಸಾಮಾಜಿಕ ಚಟುವಟಿಕೆಗಳಿಂದ ಯಶಸ್ಸು ಸಿಗಲಿದೆ. ಪೂಜಾ ಕಾರ್ಯಗಳು ಒಳಿತು ಮಾಡಲಿದೆ. ವೃಶ್ಚಿಕ ರಾಶಿ: ನಿಮ್ಮ ಕೆಲಸದ ವಿಷಯದಲ್ಲಿ ಪ್ರಗತಿ ಸಾಧ್ಯವಿದೆ. ಹಣಕಾಸಿನ ಲಾಭಗಳು ಆಗಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ಅಗತ್ಯ. ಧನು ರಾಶಿ: ಹೊಸ ಭರವಸೆಗಳು ಸಿಗಲಿದೆ. ಸ್ನೇಹಿತರ ಜೊತೆ ಉತ್ತಮ ಸಂವಾದ ನಡೆಯಲಿದೆ. ಹಣಕಾಸಿನಲ್ಲಿ ಸುಧಾರಣೆ ಆಗಲಿದೆ. ಮಕರ ರಾಶಿ: ಆರ್ಥಿಕ ವ್ಯವಹಾರ ಸರಾಗವಾಗಿ ಸಾಗಲಿದೆ. ಆಪ್ತರ ನಡುವೆ ಜಗಳವಾಗುವ ಲಕ್ಷಣವಿದೆ. ಹೊಸ ಕೆಲಸದ ಶುರುವಿಗೆ ಸಕಾಲ. ಕುಂಭ ರಾಶಿ: ನಿಮ್ಮ ನಿರೀಕ್ಷೆಗಳು ಈಡೇರಲಿದೆ. ಸ್ನೇಹಿತರ ಸಹಾಯ ಸಿಗಲಿದೆ. ಸಮಸ್ಯೆಗಳನ್ನು ದೂರ ಮಾಡಿಕೊಳ್ಳಲು ನಿಮ್ಮೊಳಗೆ ಆಲೋಚನೆ ಬೆಳೆಯಲಿದೆ. ಮೀನು ರಾಶಿ: ವೃತ್ತಿಯಲ್ಲಿ ಸಕಾರಾತ್ಮಕ ಬದಲಾವಣೆ ಆಗಲಿದೆ. ಬಂಧು-ಮಿತ್ರರ ಸಹಕಾರ ಸಿಗಲಿದೆ. ಸ್ವಚ್ಚತೆ ಬಗ್ಗೆ ಗಮನಕೊಡಿದ್ದರೆ ರೋಗಬಾಧೆಯ ಲಕ್ಷಣವಿದೆ.
- [ಸಾಮಾಜಿಕ ಸಮೀಕ್ಷೆಯ ಆತುರ: ಬಿದ್ದು ಪೆಟ್ಟುಮಾಡಿಕೊಂಡ ಗಣತಿದಾರ](https://mobiletime.in/2025/10/social-survey-rush-census-worker-falls-and-injures-himself/): ಸರ್ಕಾರ ಸೂಚಿಸಿದ ಪ್ರಕಾರ ತರಾತುರಿಯಲ್ಲಿ ಸಮೀಕ್ಷೆ ಮುಗಿಸುವುದಕ್ಕಾಗಿ ಜೋರಾಗಿ ಬೈಕ್ ಓಡಿಸಿದ ಶಿಕ್ಷಕ ಪ್ರಕಾಶ ಗಾವಡಿ ಅವರು ಬೈಕಿನಿಂದ ಬಿದ್ದು ಪೆಟ್ಟು ಮಾಡಿಕೊಂಡಿದ್ದಾರೆ. ಸದ್ಯ ಅವರು ಆಸ್ಪತ್ರೆಗೆ ತೆರಳಿ ಚಿಕಿತ್ಸೆಪಡೆದಿದ್ದಾರೆ. ಕುಮಟಾ ಕಗಾಲ ಮೂಲದ ಪ್ರಕಾಶ ಮೋಹನ ಗಾವಡಿ (44) ಅವರು ಕಾರವಾರ ಕೆಇಬಿ ರಸ್ತೆ ಬಳಿ ವಾಸವಾಗಿದ್ದರು. ಶಿಕ್ಷಕರಾಗಿರುವ ಅವರನ್ನು ಸರ್ಕಾರ ಸಾಮಾಜಿಕ ಹಾಗೂ ಶೈಕ್ಷಣಿಕ ಗಣತಿಗೆ ನಿಯೋಜಿಸಿತ್ತು. ತಮಗೆವಹಿಸಿದ್ದ ಕೆಲಸವನ್ನು ಬೇಗ ಮುಗಿಸಬೇಕು ಎಂಬ ಅವಸರದಲ್ಲಿ ಅವರು ವೇಗವಾಗಿ ಬೈಕ್ ಓಡಿಸುತ್ತಿದ್ದರು. ಅಕ್ಟೊಬರ್ 9ರಂದು ಶಿರವಾಡ ಕಡೆ ಅವರು ಜೋರಾಗಿ ಬೈಕ್ ಓಡಿಸುತ್ತಿದ್ದರು. ಮೋಹನ ಗಾವಡಿ ಅವರ ಬೈಕಿಗೆ ನಾಗರಕೇರಿ ಬಿಷಪ್ ಮನೆ ಬಳಿ ದನ ಅಡ್ಡ ಬಂದಿತು. ಆ ದನಕ್ಕೆ ಶಿಕ್ಷಕರ ಬೈಕ್ ಗುದ್ದಿತು. ಪರಿಣಾಮ ಮೋಹನ ಗಾವಡಿ ಅವರು ಬೈಕಿನಿಂದ ಬಿದ್ದು ಕೈಗೆ ನೋವು ಮಾಡಿಕೊಂಡರು. ಶೇಜವಾಡ ಶಿಕ್ಷಕ ವೀರೇಂದ್ರ ನಾಯ್ಕ ಅವರು ಅಪಘಾತದ ಬಗ್ಗೆ ಅರಿತು ಮೋಹನ ಗಾವಡಿ ಅವರ ಆರೋಗ್ಯ ವಿಚಾರಿಸಿದರು. ಅದಾದ ನಂತರ `ಮೋಹನ ಗಾವಡಿ ಅವರ ಅತಿ ವೇಗದ ಬೈಕ್ ಚಾಲನೆಯೇ ಈ ಅಪಘಾತಕ್ಕೆ ಕಾರಣ’ ಎಂದು ಅವರ ವಿರುದ್ಧವೇ ಪೊಲೀಸ್ ದೂರು ನೀಡಿದರು.
- [ದೋಣಿ ಮುಳುಗಿತು.. ಬದುಕು ನಡುಗಿತು!](https://mobiletime.in/2025/10/the-boat-sank-life-was-shaken/): ಲಕ್ಷಾಂತರ ರೂ ಸಾಲ ಮಾಡಿ ಅಂಕೋಲಾದ ಸರಸ್ವತಿ ಬಾನಾವಳಿಕರ್ ಅವರುಪಡೆದಿದ್ದ ದೋಣಿ ಸಮುದ್ರದಲ್ಲಿ ಮುಳುಗಿದೆ. ಅಲೆಗಳ ಅಬ್ಬರಕ್ಕೆ ದೋಣಿಯ ಯಂತ್ರೋಪಕರಣಗಳು ನೆನೆದು ಹಾಳಾಗಿವೆ. ಅಂಕೋಲಾದ ಬೇಲಿಕೇರಿ ಬಂದರಿನಲ್ಲಿ `ಶ್ರೀ ಶಾರದಾಂಬಾ’ ಹೆಸರಿನ ದೋಣಿ ಲಂಗರು ಹಾಕಿತ್ತು. ಗುರುವಾರ ಅಬ್ಬರಿಸಿದ ಅರಬ್ಬಿ ಸಮುದ್ರದ ಅಲೆಗಳು ಆ ದೋಣಿಯನ್ನು ಬುಡಮೇಲು ಮಾಡಿತು. ಪರಿಣಾಮ ದೋಣಿಯ ಒಳಗಿದ್ದ ಬಲೆ ಹಾಗೂ ಇನ್ನಿತರ ಸಾಮಗ್ರಿಗಳು ನೀರುಪಾಲಾದವು. ಬುಧವಾರ ರಾತ್ರಿಯಿಂದ ಅರಬ್ಬಿ ಸಮುದ್ರದಲ್ಲಿ ಅಲೆಗಳ ಅಬ್ಬರ ಜೋರಾಗಿದ್ದು, ಗುರುವಾರ ನಸುಕಿನಲ್ಲಿ ದೋಣಿ ಮುಗುಚಿ ಬಿದ್ದಿತು. ವಿಷಯ ಅರಿತು ಪೊಲೀಸ್, ಕರಾವಳಿ ಕಾವಲುಪಡೆ ಹಾಗೂ ಮೀನುಗಾರಿಕಾ ಸಿಬ್ಬಂದಿ ಕ್ರೇನ್ ಮೂಲಕ ದೋಣಿ ಮೇಲೆತ್ತುವ ಪ್ರಯತ್ನ ಮಾಡಿದರು. ಬೇಲಿಕೇರಿ ಬಂದರಿನಲ್ಲಿ ಸರಿಯಾಗಿ ತಡೆಗೋಡೆ ಇಲ್ಲದಿರುವುದು ಅಲೆಗಳ ಅಬ್ಬರಕ್ಕೆ ಕಾರಣ ಎಂದು ಜನ ಹೇಳಿದರು. ಶಾಸಕರು-ಸಚಿವರಿಗೆ ಹೇಳಿದರೂ ಅಲೆಗಳನ್ನು ತಡೆಯುವ ತಡೆಗೋಡೆ ನಿರ್ಮಿಸಿಲ್ಲ ಎಂದು ಆಕ್ರೋಶವ್ಯಕ್ತಪಡಿಸಿದರು. ತಡೆಗೋಡೆ ನಿರ್ಮಿಸದೇ ಇದ್ದರೆ ಪ್ರತಿಭಟಿಸುವುದಾಗಿಯೂ ಎಚ್ಚರಿಸಿದರು.
- [ಚಿನ್ನ ಕೊಟ್ಟ ಅಜ್ಜಿಗೆ ಕಲ್ಲು ಕೊಟ್ಟ ಡಕಾಯಿತರು!](https://mobiletime.in/2025/10/the-bandits-gave-stones-to-the-grandmother-who-gave-them-gold/): `ದಾಂಡೇಲಿ ಬಾಂಬುನಗರದ ಬಳಿ ಡಕಾಯಿತರು ಚಾಕು ಹಿಡಿದು ನಿಂತಿದ್ದಾರೆ’ ಎಂದು ಹೆದರಿಸಿದ ಅಪರಿಚಿತರು ಬಗೂರನಗರದ ಶಾಂತಾ ಪವಾರ್ ಅವರ ಬಳಿಯಿದ್ದ ಚಿನ್ನದ ಸರ ಹಾಗೂ ಬಳೆ ಅಪಹರಿಸಿದ್ದಾರೆ. ಚಾಕು ಹಿಡಿದಿದ್ದ ಡಕಾಯಿತರಿಂದ ಚಿನ್ನ ರಕ್ಷಿಸಿಕೊಳ್ಳುವ ಆತುರಕ್ಕೆ ಬಿದ್ದ 85ರ ವೃದ್ಧೆ ಶಾಂತಾ ಪವಾರ್ ಅವರು ತಮ್ಮ ಮೈಮೇಲಿದ್ದ 2 ಲಕ್ಷ ರೂ ಬೆಲೆಯ ಆಭರಣವನ್ನು ಕಳ್ಳರ ಕೈಗೆ ಕೊಟ್ಟಿದ್ದಾರೆ! ದಾಂಡೇಲಿಯ ಬಂಗೂರುನಗರದ ಓಲ್ಡ್ ಡಿ ಆರ್ ಟಿ ಬಳಿ ಶಾಂತಾ ಯಲ್ಲಪ್ಪ ಪವಾರ್ ಅವರು ವಾಸವಾಗಿದ್ದಾರೆ. ಅಕ್ಟೊಬರ್ 8ರಂದು ಅವರ ಮನೆಗೆ ಬಂದ ವ್ಯಕ್ತಿಯೊಬ್ಬರು `ಪೋಸ್ಟ್ ಆಫಿಸರ್ ನಿಮ್ಮನ್ನು ಕರೆಯುತ್ತಿದ್ದಾರೆ’ ಎಂದು ಹೇಳಿದರು. ಹೀಗಾಗಿ ಶಾಂತಾ ಪವಾರ್ ಅವರು ಅಪರಿಚಿತನ ಜೊತೆ ಹೊರಟರು. ಮಂಕಿ ಕ್ಯಾಪ್ ಹಾಕಿದ್ದ ಆತ ಕೆಲ ದೂರ ಕರೆದೊಯ್ಯುವಾಗ ಅಲ್ಲಿ ಇನ್ನೊಬ್ಬ ದಡೂತಿ ದೇಹದ ವ್ಯಕ್ತಿ ಎದುರಿಗೆ ಸಿಕ್ಕರು. `ಬಾಂಬು ಗೇಟ್ ಬಳಿ ಕೆಲವರು ಚಾಕು ಹಿಡಿದು ನಿಂತಿದ್ದಾರೆ’ ಎಂದು ಆ ದಡೂತಿ ದೇಹದ ವ್ಯಕ್ತಿ ಹೆದರಿಸಿದರು. `ನಿಮ್ಮ ಆಭರಣ ಕೊಡಿ. ಅದನ್ನು ಈ ಜೀಲದಲ್ಲಿ ಭದ್ರವಾಗಿರಿಸಿ ಕೊಡುವೆ’ ಎಂದು ನಂಬಿಸಿದರು. ಇದನ್ನು ನಂಬಿದ ಶಾಂತಾ ಪವಾರ್ ಅವರು ಕತ್ತಿನಲ್ಲಿದ್ದ ಸರ ಹಾಗೂ ಕೈಯಲಿದ್ದ ಬಳೆಗಳನ್ನು ಅವರ ಕೈಗೆ ಕೊಟ್ಟರು. `ಅಲ್ಲಿ ನೋಡಿ ಚಾಕು ಹಿಡಿದವರು’ ಎಂದು ಕೈ ತೋರಿಸಿದ ದಡೂತಿ ದೇಹದ ವ್ಯಕ್ತಿ ಬಂಗಾರವನ್ನು ಜೇಬಿಗಿಳಿಸಿದರು. ಬೂದಿ ಬಣ್ಣದ ಚೀಲದ ಒಳಗೆ ಎರಡು ಕಲ್ಲುಗಳನ್ನು ಹಾಕಿ ಅಜ್ಜಿಯ ಕೈಗೆ ಕೊಟ್ಟರು. ಅದಾದ ನಂತರ ಆ ಅಪರಿಚಿತರು ಅಲ್ಲಿಂದ ಕಣ್ಮರೆಯಾದರು. ತಮ್ಮ ಬಳಿಯಿದ್ದ ಕೈ ಚೀಲ ತೆರೆದು ನೋಡಿದ ಅಜ್ಜಿಗೆ ಅದರೊಳಗೆ ಕಲ್ಲುಗಳಿರುವುದು ಕಾಣಿಸಿತು. ತಮಗಾದ ಮೋಸದ ಬಗ್ಗೆ ಅವರು ದಾಂಡೇಲಿ ಪೊಲೀಸರಿಗೆ ದೂರು ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ನಿಜವಾದ ಡಕಾಯಿತರು ಶೋಧ ನಡೆಸಿದ್ದಾರೆ.
- [ಎಲ್ಲಾ ಬಿಟ್ಟು ಗಾಂಜಾ ನೆಟ್ಟ ಬಾಲಕೃಷ್ಣ ಭಟ್ಟ!](https://mobiletime.in/2025/10/balakrishna-bhatt-who-left-everything-behind-and-planted-marijuana/): ಸಿದ್ದಾಪುರದಲ್ಲಿ ಪುರೋಹಿತರಾಗಿರುವ ಬಾಲಕೃಷ್ಣ ಭಟ್ಟರು ತಮ್ಮ 32ನೇ ವಯಸ್ಸಿನಲ್ಲಿಯೇ ದುಶ್ಚಟಗಳಿಗೆ ದಾಸರಾಗಿದ್ದಾರೆ. ಮಾದಕ ವಸ್ತು ಸೇವಿಸಿ ಅಲೆದಾಡುತ್ತಿದ್ದ ಅವರನ್ನು ಪೊಲೀಸರು ಹಿಡಿದಿದ್ದಾರೆ. ಸಿದ್ದಾಪುರದ ಕ್ಯಾದಗಿ ಬಳಿಯ ಹೆಬ್ಬಕುಳಿಯಲ್ಲಿ ಬಾಲಕೃಷ್ಣ ಸುಬ್ರಾಯ ಭಟ್ಟ ಅವರು ವಾಸವಾಗಿದ್ದಾರೆ. ಪುರೋಹಿತ್ಯ ಕೆಲಸ ಮಾಡಿ ಕಾಸು ಸಂಪಾದಿಸುವ ಅವರು ಬಿಡುವಿನ ವೇಳೆ ದುಶ್ಚಟಗಳ ಮೊರೆ ಹೋಗುತ್ತಾರೆ. ಅಕ್ಟೊಬರ್ 8ರಂದು ಅವರು ಗಾಂಜಾ ಸೇವಿಸಿ ಅನುಚಿತವಾಗಿ ವರ್ತಿಸುತ್ತಿರುವಾಗ ಸಿದ್ದಾಪುರ ಪೊಲೀಸ್ ಉಪನಿರೀಕ್ಷಕಿ ಗೀತಾ ಸಿರ್ಸಿಕರ್ ಅವರ ಬಳಿ ಸಿಕ್ಕಿಬಿದ್ದಿದ್ದಾರೆ. ಸಿದ್ದಾಪುರ ಪಟ್ಟಣದ ಹೊಸೂರು-ಕುಮಟಾ ರಸ್ತೆಯಲ್ಲಿ ಗೀತಾ ಸಿರ್ಸಿಕರ್ ಅವರು ಸಂಚರಿಸುವಾಗ ಬಾಲಕೃಷ್ಣ ಭಟ್ಟರು ಅದೇ ರಸ್ತೆಯಲ್ಲಿ ಅಲೆದಾಡುತ್ತಿದ್ದರು. ಶಂಕರಮಠದ ಬಳಿ ಪೊಲೀಸರು ಅವರನ್ನು ಹಿಡಿದು ವಿಚಾರಣೆಗೆ ಒಳಪಡಿಸಿದರು. ಸಾರ್ವಜನಿಕ ರಸ್ತೆಯಲ್ಲಿ ಅಸಹಜ ವರ್ತನೆ ಗಮನಿಸಿ ಹಲವು ಪ್ರಶ್ನೆಗಳನ್ನು ಹಾಕಿದರು. ಮಾತನಾಡಲು ತೊದಲುತ್ತಿದ್ದ ಬಾಲಕೃಷ್ಣ ಭಟ್ಟರು ಕೊನೆಗೆ ಗಾಂಜಾ ಸೇವಿಸಿರುವುದನ್ನು ಒಪ್ಪಿಕೊಂಡರು. ನಶೆಯಲ್ಲಿ ಗಲಾಟೆ ಮಾಡುವ ಸಾಧ್ಯತೆ ಹಿನ್ನಲೆ ಪೊಲೀಸರು ಅವರನ್ನು ವಶಕ್ಕೆಪಡೆದರು. ಸಾರ್ವಜನಿಕರಿಗೆ ಉಪಟಳ ನೀಡದಂತೆ ತಡೆಯುವುದಕ್ಕಾಗಿ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ತಂದು ಕೂರಿಸಿದರು. ಅಲ್ಲಿನ ವೈದ್ಯರು ಬಾಲಕೃಷ್ಣ ಭಟ್ಟರನ್ನು ಪರೀಕ್ಷೆ ಮಾಡಿ, ಅವರು ಗಾಂಜಾ ಸೇವಿಸಿದನ್ನು ದೃಢಪಡಿಸಿದರು. ಹೀಗಾಗಿ ಪೊಲೀಸರು ಅವರ ವಿರುದ್ಧ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ರೀಲ್ಸ್ ಮಾಡಿ.. 50 ಸಾವಿರ ಗೆಲ್ಲಿ!](https://mobiletime.in/2025/10/make-reels-win-50-thousand/): ಗುಡ್ಡ, ಬೆಟ್ಟ, ನದಿ, ತೊರೆ, ಜಲಪಾತಗಳನ್ನು ಹೊಂದಿದ ಉತ್ತರ ಕನ್ನಡ ಜಿಲ್ಲೆ ಎಂದರೆ ಫೋಟೋಗ್ರಾಫರ್’ಗಳಿಗೆ ಹಬ್ಬ. ಅದರಲ್ಲಿಯೂ ಸಣ್ಣಪುಟ್ಟ ವಿಡಿಯೋ ಮಾಡಿ ಹರಿಬಿಡುವವರಿಗೆ ಇಲ್ಲಿನ ಪರಿಸರ ಸದಾ ಹಸಿರು. ಹೀಗಾಗಿ ರೀಲ್ಸ್ ಮಾಡುವವರಿಗೆ ಸಹ ಉತ್ತರ ಕನ್ನಡ ಎಂದರೆ ಅಚ್ಚುಮೆಚ್ಚು. ಅಂಥವರಿಗಾಗಿ ಇದೀಗ ಸರ್ಕಾರವೇ ಒಂದು ಅವಕಾಶ ನೀಡಿದ್ದು, ಪರಿಸರ ಸಂರಕ್ಷಣೆ ಕುರಿತು ರೀಲ್ಸ್ ಮಾಡಿದವರಿಗೆ ಬಹುಮಾನ ನೀಡುವುದಾಗಿ ಘೋಷಿಸಿದೆ. ಉತ್ತರ ಕನ್ನಡ ಜಿಲ್ಲೆಯ ಬಂದರು ಯೋಜನೆಗಳ ಜಾರಿಗೆ ಸಿದ್ಧತೆ ನಡೆದಿದೆ. ಹೆಚ್ಚುವರಿ ಅಣು ಘಟಕ ಸ್ಥಾಪನೆಯ ತಯಾರಿ ಜೋರಾಗಿದೆ. ಪಂಪ್ ಸ್ಟೋರೇಜ್ ಹೆಸರಿನಲ್ಲಿ ಭೂಗತ ಯೋಜನೆಯೊಂದರ ಶುರು ಮಾಡಲು ಸರ್ಕಾರ ಮನಸ್ಸು ಮಾಡಿದೆ. ಗಣಿಗಾರಿಕೆ, ಮರಳುಗಾರಿಗೆ ಸದ್ದಿಲ್ಲದೇ ನಡೆಯುತ್ತಿದೆ. ನದಿ ತಿರುವು ಯೋಜನೆಗಳ ಅನುಷ್ಠಾನಕ್ಕೂ ನಾನಾ ಕಸರತ್ತು ನಡೆಯುತ್ತಿದೆ. ಅಪರೂಪದ ವನ್ಯಜೀವಿಗಳ ಮೇಲೆ ಆಕ್ರಮಣ ಮುಂದುವರೆದಿದೆ. ಪರಿಸರ ಹೋರಾಟ ಹಾಗೂ ಪರಿಸರ ಸಂರಕ್ಷಣೆ ವಿಷಯದಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಕೊಡುಗೆ ಅಪಾರ. ವಿವಿಧ ಯೋಜನೆಗಳಿಂದ ಆಗುತ್ತಿರುವ ಪರಿಸರ ನಾಶದ ಬಗ್ಗೆ ಸರ್ಕಾರಕ್ಕೆ ಮನವರಿಕೆ ಮಾಡಲು ರೀಲ್ಸ್ ಸ್ಪರ್ಧೆ ಸಹಾಯಕಾರಿ. ಹವ್ಯಾಸಕ್ಕಾಗಿ ರೀಲ್ಸ ಮಾಡುವವರ ಜೊತೆ ಹೊಸಬರಿಗೆ ಸಹ ಇಲ್ಲಿ ಅವಕಾಶವಿದ್ದು, ನಿಮ್ಮೊಳಗಿನ ಸಾಮಾಜಿಕ ಸಂದೇಶವನ್ನು ಸರ್ಕಾರಕ್ಕೆ ತಲುಪಿಸಲು ಈ ಸ್ಪರ್ಧೆ ವೇದಿಕೆ ಆಗಲಿದೆ. ಈ ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನ 50 ಸಾವಿರ ರೂ, ಎರಡನೇ ಬಹುಮಾನ 25 ಸಾವಿರ ರೂ ಹಾಗೂ 3ನೇ ಬಹುಮಾನ 10 ಸಾವಿರ ರೂಪಾಯಿಗಳಿವೆ. ಕಾಫಿರೈಟ್ ಇಲ್ಲದ ಮ್ಯೂಸಿಕ್ ಬಳಸಿ ರೀಲ್ಸ್ ಮಾಡುವಂತೆ ಸೂಚಿಸಲಾಗಿದೆ. ಅಕ್ಟೊಬರ್ 10ರಿಂದ ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಸುವರ್ಣ ಮಹೋತ್ಸವ ಸಮಾರಂಭ ಆಯೋಜಿಸುತ್ತಿದ್ದು, ಅದರ ಅಂಗವಾಗಿ ರೀಲ್ಸ್ ಸ್ಪರ್ಧೆ ನಡೆಸುತ್ತಿದೆ. 60 ಸೆಕೆಂಡಿನ ರೀಲ್ಸ್ ಮಾಡಿ ಅದನ್ನು `ರೀಲ್ಸ ವಿಡಿಯೋ ಸ್ಪರ್ಧೆ’ ನ್ನು ಕ್ಲಿಕ್ ಮಾಡಿ ಅಪ್ಲೋಡ್ ಮಾಡಬೇಕು. ನೀವು ಮಾಡಿದ ರೀಲ್ಸಗಳನ್ನು ಇನಸ್ಟಾಗ್ರಾಮಿಗೆ ಹಾಕಿ #kspcb_official ಗೆ ಟ್ಯಾಗ್ ಮಾಡಿದರೆ ಇನ್ನಷ್ಟು ಅನುಕೂಲ. `ರೀಲ್ಸ್ ಮಾಡುವ ನಿಮ್ಮ ಬಳಗಕ್ಕೆ ಈ ಮಾಹಿತಿ ಶೇರ್ ಮಾಡಿ’
- [ಬೀದಿ ನಾಯಿ ಕಾಟಕ್ಕೆ ಇಲ್ಲ ಕಡಿವಾಣ: ಸಂತಾನ ಚಿಕಿತ್ಸೆಗೆ ಡೀಸಿ ಸೂಚನೆ](https://mobiletime.in/2025/10/no-end-to-the-stray-dog-menace-dci-issues-notice-for-sterilisation/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದೆ. ಚಿಕ್ಕ ಮಕ್ಕಳು, ವೃದ್ಧರನ್ನು ಗುರಿಯಾಗಿರಿಸಿಕೊಂಡು ಬೀದಿ ನಾಯಿಗಳ ಆಕ್ರಮಣ ನಡೆಯುತ್ತಿದೆ. ಈ ಸಮಸ್ಯೆ ಜಿಲ್ಲಾಡಳಿತದ ಗಮನಕ್ಕೆ ಬಂದಿದ್ದು, ಬೀದಿ ನಾಯಿಗಳ ನಿಯಂತ್ರಣಕ್ಕೆ ಕಟ್ಟುನಿಟ್ಟಿನ ಕ್ರಮ ಜರುಗಿಸುವಂತೆ ಡೀಸಿ ಕೆ ಲಕ್ಷ್ಮೀಪ್ರಿಯಾ ಸೂಚಿಸಿದ್ದಾರೆ. `ಬೀದಿನಾಯಿಗಳ ಹಾವಳಿಯನ್ನು ನಿಯಂತ್ರಿಸುವ ಉದ್ದೇಶದಿಂದ ಜಿಲ್ಲೆಯ ಎಲ್ಲಾ ನಗರ ಸ್ಥಳೀಯ ಸಂಸ್ಥೆಗಳು ಮತ್ತು ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿನ ಬೀದಿನಾಯಿಗಳಿಗೆ ಸಂತಾನಹರಣ ಚಿಕಿತ್ಸೆ ಮಾಡಲು ಅಗತ್ಯ ಕ್ರಮ ಜರುಗಿಸಬೇಕು’ ಎಂದವರು ಸೂಚಿಸಿದರು. `ಈಗಾಗಲೇ ಮಿಷನ್ ರೇಬಿಸ್ ಕಾರ್ಯಕ್ರಮದಡಿಯಲ್ಲಿ ನಗರ ಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ಬೀದಿ ನಾಯಿಗಳಿಗೆ ಸಂತಾನ ಹರಣ ಚಿಕಿತ್ಸೆಯನ್ನು ಕೈಗೊಂಡಿದ್ದು, ಶಿರಸಿಯಲ್ಲಿ 1580 ಬೀದಿನಾಯಿಗಳಿಗೆ ಸಂತಾನಹರಣ ಚಿಕಿತ್ಸೆ ಮಾಡಲಾಗಿದೆ. ಕಾರವಾರದಲ್ಲಿಯೂ ಈ ಕಾರ್ಯ ಪ್ರಗತಿಯಲ್ಲಿದೆ. ಇದೇ ರೀತಿಯಲ್ಲಿ ಜಿಲ್ಲೆಯ ಉಳಿದ ಎಲ್ಲಾ ನಗರ ಸ್ಥಳೀಯ ಸಂಸ್ಥೆಗಳು ತಮ್ಮ ವ್ಯಾಪ್ತಿಯಲ್ಲಿ ಈ ಕಾರ್ಯ ಮುಗಿಸಬೇಕು’ ಎಂದು ಸೂಚಿಸಿದರು. ಗ್ರಾಮ ಪಂಚಾಯತ್ ಮಟ್ಟದಲ್ಲಿಯೂ ಸಹ ಈ ಕಾರ್ಯಕ್ರಮವನ್ನು ಆಯೋಜಿಸುವಂತೆ ಜಿಲ್ಲಾ ಪಂಚಾಯತ್ ಅಧಿಕಾರಿಗಳಿಗೆ ತಿಳಿಸಿದರು. ಬೀದಿ ನಾಯಿಗಳ ಕಡಿತಕ್ಕೆ ಸೂಕ್ತ ಚಿಕಿತ್ಸೆ ನೀಡಲು ಔಷಧಗಳ ಕೊರತೆಯಾಗದಂತೆ ಅಗತ್ಯ ಮುನ್ನೆಚ್ಚರಿಕೆವಹಿಸುವಂತೆ ಆರೋಗ್ಯ ಇಲಾಖೆಯ ಅಧಿಕಾರಿಗಳಿಗೆ ಸೂಚಿಸಿದರು. `ಎಲ್ಲಾ ಆರೋಗ್ಯ ಕೇಂದ್ರಗಳಲ್ಲಿ ಅಗತ್ಯ ಪ್ರಮಾಣದ ಔಷಧ ದಾಸ್ತಾನು ಇರುವಂತೆ ನೋಡಿಕೊಳ್ಳಬೇಕು’ ಎಂದರು. `ಪಶು ಸಂಜೀವಿನಿ ಆಂಬುಲೈನ್ಸ್ ನ ಉಚಿತ ದೂರವಾಣಿ ಸಂಖ್ಯೆ 1962ಗೆ ರೈತರು ಮತ್ತು ಜಾನುವಾರು ಮಾಲೀಕರು ಕರೆ ಮಾಡಿದಾಗ ಕೆಲವೊಮ್ಮೆ ಕಾಲ್ ಡ್ರಾಪ್ ಆಗುತ್ತಿರುವ ಕುರಿತು ದೂರುತಿದ್ದು, ಕರೆ ಮಾಡುವ ಸಂದರ್ಭದಲ್ಲಿ ಯಾವುದೇ ರೀತಿಯ ತಾಂತ್ರಿಕ ಸಮಸ್ಯೆಗಳು ಕಂಡುಬಾರದAತೆ ನೋಡಿಕೊಳ್ಳಬೇಕು. ಕರೆಯಿಂದ ಸ್ವೀಕರಿಸುವ ಸಮಸ್ಯೆಗಳಿಗೆ ತಕ್ಷಣ ಸ್ಪಂದಿಸಿ, ಉತ್ತಮ ಗುಣಮಟ್ಟದ ಚಿಕಿತ್ಸೆ ನೀಡುವ ಬಗ್ಗೆ ಸೇವಾ ಪೂರೈಕೆದಾರರಿಗೆ ಕಟ್ಟುನಿಟ್ಟಿನ ಸೂಚನೆ ನೀಡಬೇಕು’ ಎಂದು ನಿರ್ದೇಶನ ನೀಡಿದರು. `ಈ ವರ್ಷ ಏಪ್ರಿಲಿನಿಂದ ಸೆಪ್ಟಂಬರಿನವರೆಗೆ ಪಶು ಸಂಜೀವಿನಿ ಆಂಬುಲೈನ್ಸ್ ಮೂಲಕ ಸ್ವೀಕರಿಸಿರುವ 7493 ಕರೆಗಳಿಗೆ ಸ್ಪಂದಿಸಿ ಪಶುಗಳಿಗೆ ಚಿಕಿತ್ಸೆ ನೀಡಲಾಗಿದೆ. ಆಂಬುಲೈನ್ಸ್ ಸೇವೆಯಲ್ಲಿ ಯಾವುದೇ ವ್ಯತ್ಯಯವಾಗದಂತೆ ಕ್ರಮ ಕೈಗೊಳ್ಳುವಂತೆ ಜಿಲ್ಲೆಯಲ್ಲಿ ಆಂಬುಲೈನ್ಸ್ ಸೇವೆ ನೀಡುತ್ತಿರುವ ಸಂಸ್ಥೆಯ ಸಂಯೋಜಕರಿಗೆ ಸೂಚನೆ ನೀಡಲಾಗುತ್ತದೆ’ ಎಂದು ಪಶುಪಾಲನಾ ಇಲಾಖೆ ಉಪ ನಿರ್ದೇಶಕ ಡಾ ಮೋಹನ್ ಕುಮಾರ್ ತಿಳಿಸಿದರು. ಕಾಲುಬಾಯಿ ಜ್ವರದ ವಿರುದ್ಧದ ಲಸಿಕಾ ಕಾರ್ಯಕ್ರಮವನ್ನು ಜಿಲ್ಲೆಯಾದ್ಯಂತ ಏಕಕಾಲದಲ್ಲಿ ಹಮ್ಮಿಕೊಳ್ಳುವಂತೆ ಮತ್ತು ಇದೇ ಅವಧಿಯಲ್ಲಿ ಚರ್ಮಗಂಟು ರೋಗದ ವಿರುದ್ಧ ಲಸಿಕೆಯನ್ನು ಕೂಡಾ ಒಟ್ಟಿಗೆ ನೀಡುವ ನಿಟ್ಟಿನಲ್ಲಿ ಅಗತ್ಯ ಕ್ರಮ ಕೈಗೊಳ್ಳುವಂತೆ ಸೂಚಿಸಲಾಯಿತು. ಈಗಾಗಲೇ ನಿರ್ಮಾಣವಾಗಿರುವ ಗೋಶಾಲೆಗಳ ನಿರ್ವಹಣೆ ಮತ್ತು ಬೀಡಾಡಿ ದನಗಳ ನಿಯಂತ್ರಣ ಕುರಿತಂತೆ ಸಭೆಯಲ್ಲಿ ಚರ್ಚೆ ನಡೆಯಿತು. ಈ ಸಭೆಯಲ್ಲಿ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಪ್ರಕಾಶ್ ಹಾಲಮ್ಮನವರ್, ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕ ಜಹೀರ್ ಅಬ್ಬಾಸ್, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾನೀರಜ್, ಪೌರಾಯುಕ್ತ ಜಗದೀಶ್ ಹುಲಗೆಜ್ಜಿ ಇದ್ದರು.
- [ಮುಕ್ತಿಕ್ಷೇತ್ರದಲ್ಲಿ ಸತ್ತರೂ ಸುಖ ಇಲ್ಲ!](https://mobiletime.in/2025/10/there-is-no-happiness-even-if-you-die-in-the-land-of-liberation/): ಮುಕ್ತಿ ಕ್ಷೇತ್ರ ಎಂದು ಭಾವಿಸಲಾದ ಗೋಕರ್ಣದಲ್ಲಿ ಅತಿ ಹೆಚ್ಚು ಸಾವು-ನೋವು ಸಂಭವಿಸುತ್ತಿದ್ದು, ಅಲ್ಲಿನ ಶವಾಗಾರದ ದುಸ್ಥಿತಿಯಿಂದಾಗಿ `ಸತ್ತರೂ ಸುಖವಿಲ್ಲ’ ಎನ್ನುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಗೋಕರ್ಣದಲ್ಲಿ ಈಚೆಗೆ ಅಪಘಾತ, ಸಮುದ್ರ ಅವಘಡ ಸಾಮಾನ್ಯವಾಗಿದೆ. ಗಾಯಗೊಂಡವರಿಗೆ ಇಲ್ಲಿನ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ತುರ್ತು ಚಿಕಿತ್ಸೆ ನೀಡಲಾಗುತ್ತದೆ. ಆದರೆ, ಸಾವನಪ್ಪಿದವರಿಗೆ ಮರಣೋತ್ತರ ಪರೀಕ್ಷೆಗೆ ಸಮಸ್ಯೆ ಆಗುತ್ತಿದೆ. ಪ್ರಸಿದ್ಧ ಪ್ರವಾಸಿ ಹಾಗೂ ಪುಣ್ಯಕ್ಷೇತ್ರವಾದ ಗೋಕರ್ಣದಲ್ಲಿ ಈಚೆಗೆ ಸಮುದ್ರ ಸ್ನಾನ, ಸೆಲ್ಪಿ ಹುಚ್ಚಿಗೆ ಸಾವನಪ್ಪುವವರ ಸಂಖ್ಯೆ ಹೆಚ್ಚಾಗಿದೆ. ವಾರ್ಷಿಕ ಸರಿ ಸುಮಾರು 40 ಶವ ಪರೀಕ್ಷೆ ಇಲ್ಲಿ ನಡೆಯುತ್ತಿದ್ದು, ಶವಪರೀಕ್ಷೆಗೆ ಸಾಹಸ ಮಾಡಬೇಕಾದ ಅನಿವಾರ್ಯ ಸೃಷ್ಠಿಯಾಗಿದೆ. ಶವಾಗಾರದ ಹಳೆಯ ಕಟ್ಟಡ ಸರಿಯಾಗಿಲ್ಲ. ಹೊಸ ಕಟ್ಟಡ ಪೂರ್ಣವಾಗಿಲ್ಲ ಎಂಬ ತೊಂದರೆ ಇಲ್ಲಿ ಕಾಡುತ್ತಿದೆ. ಮೂರು ವರ್ಷಗಳ ಹಿಂದೆ ಪ್ರಾಥಮಿಕ ಆರೋಗ್ಯ ಕೇಂದ್ರವನ್ನು ಸಮುದಾಯ ಆರೋಗ್ಯ ಕೇಂದ್ರವನ್ನಾಗಿ ಮೇಲ್ದರ್ಜೇಗೇರಿಸಲು ಸರ್ಕಾರದಿಂದ ಹಣ ಮಂಜೂರಾಗಿ ನೂತನ ಕಟ್ಟಡ ನಿರ್ಮಾಣಕ್ಕೆ ಅಡಿಗಲ್ಲು ಹಾಕಲಾಗಿತ್ತು, ಇದರ ಪರಿಣಾಮ ಹಳೆ ಕಟ್ಟಡ ಸಂಪೂರ್ಣ ನೆಲಸಮಗೊಳಿಸಲಾಯಿತು. ಈ ವೇಳೆ ಶವಾಗಾರದ ವಿದ್ಯುತ್ ಸಂಪರ್ಕ ಹಾಗೂ ನೀರಿನ ಪೂರೈಕೆ ಕಡಿತಗೊಂಡಿತ್ತು. ವೈದ್ಯಕೀಯ ಸೇವೆಯನ್ನು ದಾನಿಗಳ ನೆರವಿನಿಂದ ಕಟ್ಟಿದ ಹೊರರೋಗಿಗಳ ವಿಭಾಗದ ಕಟ್ಟಡದಲ್ಲಿ ಶುರು ಮಾಡಲಾಯಿತು. ಈ ವೇಳೆ ಮರಣೋತ್ತರ ಪರೀಕ್ಷಾ ಕೊಠಡಿಗೆ ವಿದ್ಯುತ್ ಸಂಪರ್ಕ ನೀಡಲಾಗಿದ್ದು, ನೀರಿನ ಪೈಪ್ ಲೈನ್ ಸಮಸ್ಯೆ ಹಾಗೇ ಇದೆ. ಇನ್ನೂ ಗುಡ್ಡದ ಮೇಲಿರುವ ಶವ ಪರೀಕ್ಷೆ ಕಟ್ಟಡಕ್ಕೆ ತೆರಳಲು ಸಾಹಸ ಅನಿವಾರ್ಯ. ಆಧುನಿಕ ಪದ್ದತಿಯಲ್ಲಿನ ಹಲವು ಸೌಕರ್ಯಗಳು ಇಲ್ಲಿಲ್ಲ. ನೂತನವಾಗಿ ಶವಾಗಾರದ ಕಟ್ಟಡವನ್ನ ಆರೋಗ್ಯ ಕೇಂದ್ರದಲ್ಲಿ ನಿರ್ಮಿಸಲಾಗಿದ್ದು, ಕೆಲಸ ನಿಧಾನಗತಿಯಲ್ಲಿ ಸಾಗುತ್ತಿದೆ. ಇದನ್ನ ಶೀಘ್ರವಾಗಿ ಪೂರ್ಣಗೊಳಿಸಿ ಬಳಕೆ ಮಾಡಬೇಕು ಎಂಬ ಆಗ್ರಹ ಕೇಳಿಬಂದಿದೆ. ಸದ್ಯ ಪ್ರವಾಸಿಗರು ಆಕಸ್ಮಿಕ ಸಾವನ್ನಪ್ಪಿದಾಗ ದೂರದ ಊರಿವ ಕುಟುಂಬದವರು ಇಲ್ಲಿ ಬರಲು ಒಂದೆರಡು ದಿನ ಬೇಕಾಗುತ್ತಿದ್ದು, ಅಲ್ಲಿಯವರೆಗೆ ಶವ ಕಾದಿಡಲು ಇಲ್ಲಿ ವ್ಯವಸ್ಥೆ ಇಲ್ಲ. ಜೊತೆಗೆ ಮರಣೋತ್ತರ ಪರೀಕ್ಷೆ ನಡೆಸುವಾಗ ಗ್ರಾಮ ಪಂಚಾಯತ ಸ್ವಚ್ಚತಾ ಸಿಬ್ಬಂದಿಯನ್ನು ಬಳಸಿಕೊಳ್ಳಲಾಗುತ್ತದೆ. ಅನುಭವಿ ಸಿಬ್ಬಂದಿ ಕೊರತೆ ಆಸ್ಪತ್ರೆಗೆ ಕಾಡುತ್ತಿದೆ. ತುರ್ತು ಸಂದರ್ಭದಲ್ಲಿ ಇಲ್ಲಿನ ಆಡಳಿತ ವೈದ್ಯಾಧಿಕಾರಿಗಳೇ ಎಲ್ಲವನ್ನು ಮಾಡಬೇಕಾದ ಪರಿಸ್ಥಿತಿಯಿದೆ.
- [ವಿದೇಶದಲ್ಲಿ ಒಟ್ಟಿಗಿದ್ದರು.. ಭಾರತಕ್ಕೆ ಬಂದು ಬೇರೆಯಾದರು!](https://mobiletime.in/2025/10/they-were-together-abroad-but-they-came-to-india-and-got-separated/): ವಿದೇಶದಲ್ಲಿ ವಿವಾಹವಾಗಿ ಒಟ್ಟಿಗೆ ಬದುಕು ಕಂಡುಕೊoಡಿದ್ದ ದಾಂಡೇಲಿಯ ಸನಾ ಅತ್ತಾರ್ ಹಾಗೂ ವಿನೋದಕುಮಾರ ಬಿಜ್ಜಂ ಭಾರತಕ್ಕೆ ಬಂದು ಬೇರೆಯಾಗಿದ್ದಾರೆ. ಸದ್ಯ ವಿನೋದಕುಮಾರ್ ಬಿಜ್ಜಂ ಅವರು ಕಾಣೆಯಾಗಿದ್ದು, `ಪತಿಯನ್ನು ಹುಡುಕಿಕೊಡಿ’ ಎಂದು ಸನಾ ಅತ್ತಾರ್ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಸನಾ ಅತ್ತಾರ್ ಅವರು ಲಂಡನ್’ನಲ್ಲಿ ಸ್ಟಾಫ ನರ್ಸ ಆಗಿದ್ದರು. ವಿನೋದಕುಮಾರ ಬಿಚ್ಚಂ ಅವರು ಸಹ ಅದೇ ದೇಶದಲ್ಲಿದ್ದರು. ಅವರಿಬ್ಬರು ವಿವಾಹವಾಗಿ ಏಳು ವರ್ಷ ಸಂಸಾರ ನಡೆಸಿದರು. ಅದಾದ ನಂತರ ಈ ದಂಪತಿ ಭಾರತಕ್ಕೆ ಮರಳಿದ್ದು, ಕೌಟುಂಬಿಕ ಕಲಹವೊಂದು ಅವರನ್ನು ಕಾಡಿತು. ಸೆಪ್ಟೆಂಬರ್ 29ರ ಮಧ್ಯಾಹ್ನ ಮನೆಯಲ್ಲಿ ನಡೆದ ಜಗಳದಿಂದ ವಿನೋದಕುಮಾರ ಬಿಜ್ಜಂ ಅವರು ಬೇಸರಿಸಿಕೊಂಡರು. ಭಿನ್ನಾಭಿಪ್ರಾಯದಿಂದ ನೊಂದ ಅವರು `ನನಗೆ ಏನೂ ಬೇಡ’ ಎನ್ನುತ್ತ ಮನೆಯಿಂದ ಹೊರಹೋದರು. ಎಷ್ಟು ಹೊತ್ತಾದರೂ ಅವರು ಮರಳದ ಕಾರಣ ಸನಾ ಅತ್ತಾರ್ ಅವರು ಆತಂಕಕ್ಕೆ ಒಳಗಾದರು. ವಾರ ಕಳೆದರೂ ಪತಿ ಮರಳದ ಕಾರಣ ಪೊಲೀಸರ ಮೊರೆ ಹೋದರು. ಪ್ರಕರಣ ದಾಖಲಿಸಿದ ಪೊಲೀಸರು ವಿನೋದಕುಮಾರ ಬಿಜ್ಜಂ ಅವರಿಗಾಗಿ ಹುಡುಕಾಟ ನಡೆಸಿದರು. ಲಭ್ಯ ಮಾಹಿತಿ ಪ್ರಕಾರ ಪೊಲೀಸರಿಗೆ ವಿನೋದಕುಮಾರ ಬಿಚ್ಚಂ ಅವರ ಕುರಿತು ಸಣ್ಣ ಸುಳಿವು ಸಿಕ್ಕಿದೆ. ಅವರ ಮನವೊಲೈಸಿ ಮನೆಗೆ ಕರೆತರುವ ಪ್ರಯತ್ನ ನಡೆದಿದೆ.
- [ಬ್ಯಾಟರಿ ಕದ್ದ ಕಳ್ಳರು!](https://mobiletime.in/2025/10/thieves-stole-the-battery/): ಕುಮಟಾದ ಗಿಬ್ ಸರ್ಕಲ್ ಬಳಿಯಿರುವ ಬಾಬಾ ಕಾಂಪ್ಲೆಕ್ಸಿನಲ್ಲಿ ಕಳ್ಳತನವಾಗಿದೆ. ಅಲ್ಲಿನ ಸ್ಯಾಮನ್ ಎಂಟರ್ ಪ್ರೈಸಸ್’ಗೆ ನುಗ್ಗಿದ ಕಳ್ಳರು ಬ್ಯಾಟರಿಗಳನ್ನು ಕದ್ದಿದ್ದಾರೆ. ಅಕ್ಟೊಬರ್ 7ರ ಸಂಜೆ ನ ಸ್ಯಾಮನ್ ಕುಮಟಾದ ಗಿಬ್ ಸರ್ಕಲ್ ಬಳಿಯಿರುವ ಬಾಬಾ ಕಾಂಪ್ಲೆಕ್ಸಿನಲ್ಲಿ ಕಳ್ಳತನವಾಗಿದೆ. ಅಲ್ಲಿನ ಸ್ಯಾಮನ್ ಎಂಟರ್ ಪ್ರೈಸಸ್’ಗೆ ನುಗ್ಗಿದ ಕಳ್ಳರು ಬ್ಯಾಟರಿಗಳನ್ನು ಕದ್ದಿದ್ದಾರೆ.’ ಒಳಗೆ 100ಎಎಚ್’ನ 12 ಬ್ಯಾಟರಿಗಳಿದ್ದವು. ಅಕ್ಟೊಬರ್ 8ರ ಬೆಳಗ್ಗೆ ಬಂದು ನೋಡಿದಾಗ ಅವು ನಾಪತ್ತೆಯಾಗಿದ್ದವು. ಮಳಿಗೆಯ ಶಟರ್ಸ ಒಡೆದ ಕಳ್ಳರು ಅಲ್ಲಿದ್ದ 12 ಬ್ಯಾಟರಿಗಳನ್ನು ಎಗರಿಸಿದ್ದಾರೆ. ಅದಕ್ಕೂ ಮುನ್ನ ಕಳ್ಳರು ಮಳಿಗೆಯ ಗ್ಲಾಸುಗಳನ್ನು ಒಡೆದು ಪುಡಿಪುಡಿ ಮಾಡಿದ್ದಾರೆ. ಹರವೆಟ್ಟಾ ಬಳಿಯ ಗುಡಾಳದ ಗಣೇಶ ಗೌಡ ಅವರು ಸ್ಯಾಮನ್ ಎಂಟರ್ ಪ್ರೈಸಸ್”ನ ಸೇಲ್ಸ & ಸರ್ವೀಸ್ ಮ್ಯಾನೇಜರ್ ಆಗಿದ್ದು, ಕಳ್ಳತನ ಅವರ ಗಮನಕ್ಕೆ ಬಂದಿದೆ. ಈ ಹಿನ್ನಲೆ ಗಣೇಶ ಗೌಡ ಅವರು ಕಳ್ಳರ ಹುಡುಕಾಟಕ್ಕಾಗಿ ಪೊಲೀಸ್ ದೂರು ನೀಡಿದ್ದಾರೆ. `8 ಸಾವಿರ ರೂ ಮೌಲ್ಯದ 12 ಬ್ಯಾಟರಿ ಕಳ್ಳತನದಿಂದ 96 ಸಾವಿರ ನಷ್ಟವಾಗಿದ್ದು, ಕಳ್ಳರನ್ನು ಹುಡುಕಿ ಬ್ಯಾಟರಿ ಮರಳಿಸಿ’ ಎಂದವರು ಮನವಿ ಮಾಡಿದ್ದಾರೆ. ಪ್ರಕರಣ ದಾಖಲಿಸಿದ ಪೊಲೀಸರು ಕಳ್ಳರ ಶೋಧ ಶುರು ಮಾಡಿದ್ದಾರೆ.
- [ಹುಬ್ಬಳ್ಳಿಯ ಈ ರೈಲು ತಾಳಗುಪ್ಪಕ್ಕೆ ತೆರಳಲಿದೆ.. ಶಿರಸಿಯಲ್ಲಿ ಸರ್ವೆ ಕಾರ್ಯ ಶುರುವಾಗಿದೆ!](https://mobiletime.in/2025/10/this-train-from-hubballi-will-go-to-talaguppa-survey-work-has-begun-in-sirsi/): ಭವಿಷ್ಯದಲ್ಲಿ ಹುಬ್ಬಳ್ಳಿಯಿಂದ ಹೊರಡುವ ರೈಲು ಶಿರಸಿ ಮಾರ್ಗವಾಗಿ ತಾಳಗುಪ್ಪಕ್ಕೆ ತೆರಳಲಿದ್ದು, ಈ ಮಾರ್ಗದ ರೈಲು ಹಳಿ ನಿರ್ಮಾಣ ಸಮೀಕ್ಷೆ ಜೋರಾಗಿದೆ. ಈ ಯೋಜನೆಗಾಗಿ ಕಳೆದ ವರ್ಷವೇ ಗಡಿ ಗುರುತು ಮಾಡಲಾಗಿದ್ದರೂ ಇದೀಗ ಎರಡನೇ ಹಂತರ ಸರ್ವೇ ಶುರುವಾಗಿದೆ. ಈ ಮಾರ್ಗದ ರೈಲ್ವೇ ಯೋಜನೆಗೆ ಕೇಂದ್ರ ಸರ್ಕಾರ ಸಮ್ಮತಿ ಸೂಚಿಸಿದೆ. ಸಿದ್ದಾಪುರ ರೈಲು ಹೋರಾಟ ಸಮಿತಿ ಸಹ ಈ ಯೋಜನೆಗಾಗಿ ಸಾಕಷ್ಟು ಹೋರಾಟ ನಡೆಸಿದೆ. ಸಾಧ್ಯವಾದಷ್ಟರ ಮಟ್ಟಿಗೆ ಅರಣ್ಯ ಭೂಮಿ ತಪ್ಪಿಸಿ ಕೃಷಿ ಹಾಗೂ ಪಾಳುಬಿದ್ದ ಭೂಮಿ ಬಳಸಿಕೊಂಡು ರೈಲ್ವೆ ಮಾರ್ಗ ಸಿದ್ಧಪಡಿಸಲಾಗುತ್ತಿದೆ. ಸದ್ಯ ಬೆಂಗಳೂರಿನ ಆರ್ ವಿ ಕಂಪನಿಯ ಎರಡು ತಂಡ ಸ್ಥಳಕ್ಕೆ ಭೇಟಿ ನೀಡಿ ಸಮೀಕ್ಷೆ ಮಾಡುತ್ತಿದೆ. ಬೆಟ್ಟ-ಗುಡ್ಡಗಳು ಹೆಚ್ಚಿರುವ ಮಲೆನಾಡು ಪ್ರದೇಶದಲ್ಲಿ ಬಯಲು ಹಾಗೂ ಗದ್ದೆ ಮಾರ್ಗಗಳಲ್ಲಿ ರೈಲು ಸಂಚಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಹೀಗಾಗಿ ಗುಡ್ಡ ಪ್ರದೇಶವಿರುವ ಹದಿನಾರನೇ ಮೈಲುಕಲ್ಲು, ನಾಣಿಕಟ್ಟಾ, ಕಾನಸೂರು, ಅಜ್ಜಿಬಳ-ಕಾನಗೋಡ ಭಾಗಗಳಲ್ಲಿ ರೈಲ್ವೆ ಮಾರ್ಗ ಬರುವ ಸಾಧ್ಯತೆಗಳಿಲ್ಲ. ಸಂರಕ್ಷಿತ ಅರಣ್ಯ ಪ್ರದೇಶದಿಂದಲೂ ರೈಲು ಮಾರ್ಗ ಅಂತರ ಕಾಯ್ದುಕೊಂಡಿದೆ. ಮಾಹಿತಿಗಳ ಪ್ರಕಾರ ಶಿರಸಿ ಅಂಡಗಿ ಮಾರ್ಗವಾಗಿ 3ಕಿಮೀ ಆಚೆಗೆ ಸರ್ವೇ ನಡೆದಿದ್ದು, ಎಲ್ಲವೂ ಸರಿಯಾಗಿ ನಡೆದರೆ 2 ವರ್ಷದೊಳಗೆ ಭೂ ಸ್ವಾಧೀನ ಪ್ರಕ್ರಿಯೆ ನಡೆಯಲಿದೆ. ಸಾಧ್ಯವಾದಷ್ಟರ ಮಟ್ಟಿಗೆ ಪರಿಸರ ಹಾನಿ ತಪ್ಪಿಸಿ ಹೊಸ ಮಾರ್ಗ ರಚಿಸಲಾಗಿದೆ ರೈಲ್ವೆ ಇಲಾಖೆಯ ಪ್ರಿಲಿಮಿನರಿ ಎಂಜಿನಿಯರಿoಗ್ & ಟ್ರಾಫಿಕ್ ಸರ್ವೆಯಲ್ಲಿ ಹೊಸ ಬ್ರಾಡ್‌ಗೇಜ್ ರೈಲ್ವೆ ಮಾರ್ಗ ಹಾಗೂ ರೈಲು ನಿಲ್ದಾಣಗಳ ಕುರಿತು ವಿವರ ಪ್ರಕಟಿಸಲಾಗಿದೆ. ಅದರ ಪ್ರಕಾರ ತಾಳಗುಪ್ಪಾದಿಂದ ಕಾವಂಚೂರು ಮಾರ್ಗವಾಗಿ ಸಿದ್ದಾಪುರಕ್ಕೆ ಆಗಮಿಸುವ ಈ ರೈಲು ಮಾರ್ಗ ನಂತರ ಕುಣಜಿ-ತೆಲಗುಂದ್ಲಿ- ಒಡ್ಡಿನಕೊಪ್ಪ ಮಾರ್ಗವಾಗಿ ಶಿರಸಿಗೆ ಬರಲಿದೆ. ನಂತರ ಮಳಲಗಾಂವ್-ಕಾತೂರು ಮಾರ್ಗವಾಗಿ ಮುಂಡಗೋಡಕ್ಕೆ ತೆರಳಲಿದೆ. ತದನಂತರದಲ್ಲಿ ತಡಸ ಮೂಲಕ ಹುಬ್ಬಳ್ಳಿ ರೈಲ್ವೆ ನಿಲ್ದಾಣ ತಲುಪಲಿದೆ. ಸಿದ್ದಾಪುರ ತಾಲೂಕಿನ ಕಾವಂಚೂರು, ಸಿದ್ದಾಪುರ ಹಾಗೂ ಕುಣಜಿಯಲ್ಲಿ ರೈಲ್ವೆ ನಿಲ್ದಾಣ ಸ್ಥಾಪನೆಗೆ ಉದ್ದೇಶಿಸಲಾಗಿದೆ. ಶಿವಮೊಗ್ಗ ಜಿಲ್ಲೆಯ ಸೊರಬ ತಾಲೂಕಿನಲ್ಲಿ ತೆಲಗುಂದ್ಲಿ, ಶಿರಸಿ ತಾಲೂಕಿನಲ್ಲಿ ಒಡ್ಡಿನಕೊಪ್ಪ, ಒಕ್ಕಲಕೊಪ್ಪ, ಗೌಡಳ್ಳಿ, ಮಳಲಗಾಂವ್ ಹಾಗೂ ಗೋಟಗಾಡಿ ಬಳಿ ನಿಲ್ದಾಣ ಸ್ಥಾಪನೆಗೆ ನಕ್ಷೆ ಸಿದ್ಧವಾಗಿದೆ. ಮುಂಡಗೋಡ ತಾಲೂಕಿನಲ್ಲಿ ಕಾತೂರು, ಮುಂಡಗೋಡ ಹಾಗೂ ಅಷ್ಟಕಟ್ಟಿಯಲ್ಲಿ ರೈಲು ನಿಲ್ದಾಣ ಸ್ಥಾಪಿಸುವ ಪ್ರಸ್ತಾವನೆ ನಕ್ಷೆಯಲ್ಲಿದೆ. ಹಾವೇರಿ ಜಿಲ್ಲೆಯಲ್ಲಿ ತಡಸ ಹಾಗೂ ಧಾರವಾಡ ಜಿಲ್ಲೆಯಲ್ಲಿ ಬೆಳಗಲಿ ಬಳಿ ರೈಲ್ವೆ ನಿಲ್ದಾಣ ಬರಲಿದೆ. ತಾಳಗುಪ್ಪಾ-ಹುಬ್ಬಳ್ಳಿ ಮಾರ್ಗದಲ್ಲಿ ಸಿದ್ದಾಪುರ-ಶಿರಸಿ-ಮುಂಡಗೋಡ ಹಾಗೂ ತಡಸಗಳು ಪ್ರಮುಖ ನಿಲ್ದಾಣಗಳಾಗಲಿದೆ. ಸಿದ್ದಾಪುರ ನಿಲ್ದಾಣವು ಸಿದ್ದಾಪುರ-ಕೊಂಡ್ಲಿ ನಡುವಿನ ಗದ್ದೆ ಬಯಲಿನಲ್ಲಿ ರೈಲ್ವೆ ಮಾರ್ಗದ 17 ಹಾಗೂ 18 ಕಿಲೋಮೀಟರ್ ನಡುವೆ ನಿರ್ಮಾಣವಾಗಲಿದೆ. ಶಿರಸಿ ನಿಲ್ದಾಣವು ಗೌಡಳ್ಳಿಯಿಂದ ಮುಂದೆ ಒಕ್ಕಲಕೊಪ್ಪ ಬಳಿ ರೈಲ್ವೆ ಮಾರ್ಗದ 66ನೇ ಕಿಲೋಮೀಟರ್‌ನಲ್ಲಿ ನಿರ್ಮಾಣವಾಗಲಿದೆ. ಮುಂಡಗೋಡ ರೈಲ್ವೆ ನಿಲ್ದಾಣವು ಮುಂಡಗೋಡ ಪಟ್ಟಣದಿಂದ 4 ಕಿಲೋಮೀಟರ್ ದೂರದಲ್ಲಿ ರೈಲ್ವೆ ಮಾರ್ಗದ 116 ಹಾಗೂ 117ನೇ ಕಿಲೋಮೀಟರ್ ನಡುವೆ ನಿರ್ಮಾಣವಾಗಲಿದೆ. ತಡಸ ನಿಲ್ದಾಣವು ತಡಸ ಪಟ್ಟಣದಿಂದ 2 ಕಿಲೋಮೀಟರ್ ದೂರದಲ್ಲಿ ರೈಲ್ವೆ ಮಾರ್ಗದ 142 ಹಾಗೂ 143ನೇ ಕಿಲೋಮೀಟರ್ ನಡುವೆ ನಿರ್ಮಾಣವಾಗಲಿದೆ. ಶಿರಸಿ-ಹಾವೇರಿ ರೈಲ್ವೆ ಮಾರ್ಗ ನಿರ್ಮಾಣದ ಯೋಜನೆಗೂ ಪೂರಕವಾಗುವಂತೆ ಈ ರೈಲ್ವೆ ಮಾರ್ಗ ಸಿದ್ಧಪಡಿಸಲಾಗಿದೆ. ಅದರ ಪ್ರಕಾರ ಶಿರಸಿ ತಾಲೂಕಿನ ಮಳಲಗಾಂವ್‌ನಲ್ಲಿ ಜಂಕ್ಷನ್ ಆಗುವ ಸಾಧ್ಯತೆ ಹೆಚ್ಚಿದೆ.
- [ಐದು ದಶಕದ ನಂತರ ಸಿಕ್ಕಿತು ಸರ್ಕಾರಿ ದಾಖಲೆ!](https://mobiletime.in/2025/10/government-document-found-after-five-decades/): 50 ವರ್ಷಗಳಿಂದ ಯಾವುದೇ ದಾಖಲೆ ಇಲ್ಲದೇ ಬದುಕುತ್ತಿದ್ದ ನೀಲಾ ಸಿದ್ದಿ ಅವರಿಗೆ ಇದೀಗ ಮತದಾನದ ಹಕ್ಕು ಸಿಕ್ಕಿದೆ. WHR ಆರ್ ಕೆ ಪೌಂಡೇಶನ್’ನ ವಿಶ್ವ ಮಾನವ ಹಕ್ಕು ಸಂಘಟನೆಯವರು ನೀಲಾ ಸಿದ್ದಿ ಅವರಿಗೆ ಈ ದಾಖಲೆ ಮಾಡಿಸಿಕೊಟ್ಟಿದ್ದಾರೆ. ಯಲ್ಲಾಪುರದ ಉಮ್ಮಚ್ಗಿ ಸುತ್ತಮುತ್ತಲ ಪ್ರದೇಶದಲ್ಲಿ ನೀಲಾ ನಾಗ್ಯಾ ಸಿದ್ದಿ ಅವರು ಅಲೆದಾಡುತ್ತಿದ್ದರು. ಒಂಟಿಯಾಗಿ ಬದುಕುತ್ತಿದ್ದ ಅವರ ಬಳಿ ಈವರೆಗೂ ಯಾವುದೇ ದಾಖಲೆಗಳಿರಲಿಲ್ಲ. ಅಲ್ಪ ಪ್ರಮಾಣದ ಬುದ್ದಿಮಾಂದ್ಯರಾಗಿರುವ ಅವರು ಅಲ್ಲಿ-ಇಲ್ಲಿ ಕೂಲಿ ಮಾಡಿ ಬದುಕುತ್ತಿದ್ದರು. ನೀಲಾ ಸಿದ್ದಿ ಅವರಿಗೆ ಸ್ವಂತ ಸೂರು ಸಹ ಇರಲಿಲ್ಲ. ಮೂರು ತಿಂಗಳ ಹಿಂದೆ ಡ್ಬುಎಚ್‌ಆರ್ ಆರ್ ಕೆ ಪೌಂಡೇಶನ್’ನ ವಿಶ್ವ ಮಾನವ ಹಕ್ಕು ಸಂಘಟನೆಯ ಜಿಲ್ಲಾ ಸಮಿತಿ ಸದಸ್ಯೆ ಗೀತಾ ಪುಟ್ಟ ಸಿದ್ದಿ ಅವರಿಗೆ ಈ ವಿಷಯ ಗೊತ್ತಾಯಿತು. ಗೀತಾ ಸಿದ್ದಿ ಅವರು ನೀಲಾ ಸಿದ್ದಿ ಅವರಿಗೆ ಯಲ್ಲಾಪುರದ ಉಮ್ಮಚ್ಗಿ ಬಳಿಯ ನಂದಿಭಾವಿಯಲ್ಲಿ ಚಿಕ್ಕ ಜೋಪಡಿ ನಿರ್ಮಿಸಿಕೊಟ್ಟರು. ತಮ್ಮ ಮನೆ ಸಮೀಪವೇ ಆ ಜೋಪಡಿಯಿದ್ದು, ನಿತ್ಯ ಊಟ-ತಿಂಡಿಯನ್ನು ಸಹ ಬಿಡಿಸಿದರು. ಮೂರು ತಿಂಗಳ ಅಲೆದಾಟ ನಡೆಸಿ ನೀಲಾ ಸಿದ್ದಿ ಅವರಿಗೆ ಚುನಾವಣಾ ಆಯೋಗದ ಗುರುತಿನ ಪತ್ರ ಮಾಡಿಸಿಕೊಟ್ಟರು. ಸದ್ಯ ನೀಲಾ ಸಿದ್ದಿ ಅವರಿಗೆ ಆಧಾರ್ ಕಾರ್ಡ, ರೇಶನ್ ಕಾರ್ಡಗಾಗಿ ಗೀತಾ ಸಿದ್ದಿ ಅವರು ಓಡಾಡುತ್ತಿದ್ದಾರೆ. ನೀಲಾ ಸಿದ್ದಿ ಅವರು ಅನಾರೋಗ್ಯಕ್ಕೆ ಒಳಗಾದಾಗ ಅವರ ಆಸ್ಪತ್ರೆ ತಿರುಗಾಟದ ಹೊಣೆಯನ್ನು ಗೀತಾ ಸಿದ್ದಿ ಅವರು ವಹಿಸಿಕೊಂಡಿದ್ದಾರೆ. `ನೀಲಾ ಸಿದ್ದಿ ಅವರ ಬಳಿ ಯಾವುದೇ ದಾಖಲೆಗಳಿಲ್ಲದ ಕಾರಣ ಯಾವ ಸರ್ಕಾರಿ ಸೌಲಭ್ಯವೂ ಸಿಗುತ್ತಿರಲಿಲ್ಲ. ಸದ್ಯ ಅವರಿಗೆ ಮತದಾನ ಹಕ್ಕು ಬಂದಿದ್ದು, ಉಳಿದ ಸೌಕರ್ಯ ಒದಗಿಸಲು ಶ್ರಮಿಸಲಾಗುತ್ತಿದೆ’ ಎಂದು ಗೀತಾ ಸಿದ್ದಿ ಅವರು ಹೇಳಿದ್ದಾರೆ. ಗುರುತು-ಪರಿಚಯ ಇಲ್ಲದ ಮಹಿಳೆಗೆ ನೆರವಾದ  WHR ಆರ್ ಕೆ ಪೌಂಡೇಶನ್ ವಿಶ್ವ ಮಾನವ ಹಕ್ಕು ಸಂಘಟನೆಯ ಕೆಲಸ ಜನ ಮೆಚ್ಚುಗೆಗೆ ಪಾತ್ರವಾಗಿದೆ.
- [ಶವ ಸಾಗರ.. ಅಂತ್ಯ ಸಂಸ್ಕಾರ](https://mobiletime.in/2025/10/the-ocean-of-corpses-the-funeral/): ಯಲ್ಲಾಪುರ ಅಂಕೋಲಾ ಗಡಿಭಾಗದ ಕೆಳಾಸೆ-ಕೈಗಡಿ ಹೊಳೆಯಲ್ಲಿ ಮುಳುಗಿದ್ದ ಸಾಗರ ದೇವಾಡಿಗ ಅವರು ಶವವಾಗಿ ಸಿಕ್ಕಿದ್ದಾರೆ. ಮೂರು ದಿನಗಳ ಹುಡುಕಾಟದ ನಂತರ ಗುರುವಾರ ನದಿ ಆಳದಲ್ಲಿ ಸಾಗರ ದೇವಾಡಿಗ ಅವರ ಶವ ದೊರೆತಿದೆ. ಯಲ್ಲಾಪುರದ ಸಬಗೇರಿಯ ಸಾಗರ್ ರಾಮಾ ದೇವಾಡಿಗ (23) ಅವರು ಮಂಗಳವಾರ ತಮ್ಮ ಸ್ನೇಹಿತರ ಜೊತೆ ಬೇಡ್ತಿ-ಗಂಗಾವಳಿ ನದಿ ಬಳಿ ಹೋಗಿದ್ದರು. ದಿನೇಶ, ಪುನಿತ್ ಹಾಗೂ ವಿನೋದ ಅವರ ಜೊತೆ ಸೇರಿ ಅವರು ಅಲ್ಲಿ ಪಾರ್ಟಿ ಮಾಡಿದ್ದರು. ಅದಾದ ನಂತರ ನದಿ ಅಂಚಿಗೆ ತೆರಳಿದ ಸಾಗರ ದೇವಾಡಿಗ ಕಾಲು ಜಾರಿ ನೀರಿಗೆ ಬಿದ್ದರು. ಆಪ್ತ ಸ್ನೇಹಿತನ ಹುಟ್ಟುಹಬ್ಬದ ದಿನವೇ ಸಾಗರ ದೇವಾಡಿಗ ಅವರು ನೀರು ಪಾಲಾದರು. ಅಕ್ಕನ ಮಗ ಸಾಗರ ದೇವಾಡಿಗ ಅವರು ನೀರು ಪಾಲಾದ ಬಗ್ಗೆ ಕಾಳಮ್ಮ ನಗರದ ರವಿ ದೇವಾಡಿಗ ಅವರು ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. ಹುಡುಕಾಟಕ್ಕೆ ಪೊಲೀಸರ ನೆರವು ಯಾಚಿಸಿದ್ದರು. ಮಂಗಳವಾರ ಸಂಜೆ 4.30ರ ಅವಧಿಗೆ ಈ ಅವಘಡ ನಡೆದಿದ್ದು, ಆ ದಿನ ರಾತ್ರಿಯವರೆಗೂ ಹುಡುಕಾಟ ನಡೆಯಿತು. ಮರುದಿನ ಬೆಳಗ್ಗೆಯೂ ಮತ್ತೆ ಶೋಧ ಶುರುವಾಯಿತು. ಆದರೆ, ಸಾಗರ ದೇವಾಡಿಗ ಅವರ ಬಗ್ಗೆ ಯಾವ ಸುಳಿವು ಸಿಕ್ಕಿರಲಿಲ್ಲ. ಗುರುವಾರ ಮತ್ತೆ ಹುಡುಕಾಟ ಮುಂದುವರೆದಿದ್ದು, ಮಧ್ಯಾಹ್ನದ ಅವಧಿಗೆ ನೀರಿನಾಳದಲ್ಲಿ ಶವ ಕಾಣಿಸಿತು. ಆ ಶವವನ್ನು ಮೇಲೆತ್ತಿದಾಗ ಅದು ಸಾಗರ ದೇವಾಡಿಗ ಅವರ ದೇಹ ಎಂಬುದು ಖಚಿತವಾಯಿತು. ಪೊಲೀಸರು, ಅಗ್ನಿಶಾಮಕ ಸಿಬ್ಬಂದಿ ಜೊತೆ ಸ್ಥಳೀಯ ಸಿದ್ದಿ ಸಮುದಾಯದವರು ಸಾಗರ ದೇವಾಡಿಗ ಅವರ ಹುಡುಕಾಟ ನಡೆಸಿದ್ದರು. ಗಣಪ ಸಿದ್ದಿ, ರಾಮಾ ಸಿದ್ದಿ, ವೆಂಕ ಸಿದ್ದಿ ಹಾಗೂ ನಾರಾಯಣ ಸಿದ್ದಿ ಅವರ ತಂಡ ಹಗಲು ರಾತ್ರಿ ಕಾಡು-ಮೇಡು ಅಲೆದಿದ್ದರು. ಸಾಗರ ದೇವಾಡಿಗ ಮುಳುಗಿದ 500ಮೀ ದೂರದಲ್ಲಿ ಸದ್ಯ ಶವ ಸಿಕ್ಕಿದೆ.
- [ಪತ್ರ ಬರೆದ ಪುತ್ರ ಸುರಕ್ಷಿತ!](https://mobiletime.in/2025/10/the-son-who-wrote-the-letter-is-safe/): ಅಕ್ರಮ ಕಟ್ಟಡವನ್ನು ಸಕ್ರಮಗೊಳಿಸುವ ಒತ್ತಡಕ್ಕೆ ಮಣಿಯದ ಕುಮಟಾ ಪುರಸಭೆ ಕಂದಾಯ ನಿರೀಕ್ಷಕ ವೆಂಕಟೇಶ ಆರ್ ಅವರು ಮೊನ್ನೆ ನಾಪತ್ತೆಯಾಗಿದ್ದು, ಸದ್ಯ ಅವರು ಬೆಳಗಾವಿಯಲ್ಲಿ ಸುರಕ್ಷಿತವಾಗಿದ್ದಾರೆ. ಕುಮಟಾ ಶಾಸಕ ದಿನಕರ ಶೆಟ್ಟಿ ಹಾಗೂ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರ ಹೆಸರು ಉಲ್ಲೇಖಿಸಿ ವೆಂಕಟೇಶ್ ಆರ್ ಅವರು ಪತ್ರ ಬರೆದಿದ್ದರು. ಕುಮಟಾ ರಾಷ್ಟಿಯ ಹೆದ್ದಾರಿ ಅಂಚಿನಲ್ಲಿರುವ ವಿನಾಯಕ ಹೊಟೇಲ್ ಅನಧಿಕೃತವಾಗಿದ್ದರೂ ಆ ಕಟ್ಟಡಕ್ಕೆ ಅಧಿಕೃತ ಮುದ್ರೆ ಒತ್ತುವಂತೆ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರು ಒತ್ತಡ ಹೇರಿದ ಬಗ್ಗೆ ವಿವರಿಸಿದ್ದರು. ಜೊತೆಗೆ ಮೇಲಧಿಕಾರಿಗಳ ಒತ್ತಡ, ಮಾನಸಿಕ ಹಿಂಸೆ ಹಾಗೂ ಜಾತಿ ನಿಂದನೆಯ ಬಗ್ಗೆ ಅವರು ಪತ್ರದಲ್ಲಿ ವಿವರವಾಗಿ ಬರೆದಿದ್ದರು. ಹಣಕಾಸು ವ್ಯವಹಾರದ ಬಗ್ಗೆಯೂ ಅವರು ಪತ್ರದಲ್ಲಿ ತಿಳಿಸಿದ್ದರು. ಅದಾದ ನಂತರ ವೆಂಕಟೇಶ್ ಆರ್ ಅವರು ಕಣ್ಮರೆಯಾಗಿದ್ದು, ಕುಟುಂಬದವರ ಜೊತೆ ಸಹದ್ಯೋಗಿಗಳಿಗೂ ಆತಂಕ ಶುರುವಾಗಿತ್ತು. ಈ ಎಲ್ಲಾ ಹಿನ್ನಲೆ ವೆಂಕಟೇಶ ಆರ್ ಅವರ ತಾಯಿ ಆಶಾ ಹರಿಜನ ಅವರು ಮಗ ನಾಪತ್ತೆಯಾದ ಬಗ್ಗೆ ಭಟ್ಕಳ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ಜೊತೆಗೆ ಕುಮಟಾ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರ ಅವರು ಎರಡು ತಿಂಗಳಿನಿAದ ಮಾನಸಿಕ ಹಿಂಸೆ ನೀಡಿದ ಬಗ್ಗೆ ಕುಮಟಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. ಈ ಬಗ್ಗೆ ಅರಿತ ವೆಂಕಟೇಶ್ ಆರ್ ಅವರು ತಾಯಿಗೆ ಫೋನ್ ಮಾಡಿದರು. `ತಾನು ಬೆಳಗಾವಿಗೆ ಬಂದಿದ್ದೇನೆ’ ಎಂದವರು ಮಾಹಿತಿ ನೀಡಿದರು. ಈ ಹಿನ್ನಲೆ ಪೊಲೀಸರು ಬೆಳಗಾವಿಗೆ ಹೋಗಿ ವೆಂಕಟೇಶ್ ಆರ್ ಅವರನ್ನು ಮನವೊಲೈಸಲು ಪ್ರಯತ್ನಿಸಿದರು. ತಮಗಾದ ಹಿಂಸೆ, ಅವಮಾನದ ಬಗ್ಗೆ ವೆಂಕಟೇಶ್ ಆರ್ ಅವರು ಪೊಲೀಸರ ಬಳಿ ಹೇಳಿದ್ದು, ಅವರನ್ನು ಜಿಲ್ಲೆಗೆ ಕರೆತರುವ ಪ್ರಯತ್ನ ನಡೆದಿದೆ. ವೆಂಕಟೇಶ್ ಆರ್ ಅವರು ಬರೆದ ಪತ್ರ ನೋಡಿದವರು ಅನಾಹುತ ನಡೆದ ಬಗ್ಗೆ ಅನುಮಾನವ್ಯಕ್ತಪಡಿಸಿದ್ದು, ಅವರೆಲ್ಲರೂ ಇದೀಗ ನಿರಾಳರಾಗಿದ್ದಾರೆ.
- [ಅಧೀನ ಅಧಿಕಾರಿಗೆ ಕಿರುಕುಳ: ಶಿಸ್ತು ಕ್ರಮಕ್ಕೆ ಆಗ್ರಹ](https://mobiletime.in/2025/10/harassment-of-subordinate-demand-for-disciplinary-action/): ಕುಮಟಾ ಪುರಸಭೆಯ ಕಂದಾಯ ನಿರೀಕ್ಷಕ ವೆಂಕಟೇಶ ಆರ್ ಅವರ ಮೇಲೆ ಒತ್ತಡ ತಂದ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರ ವಿರುದ್ಧ ಕಠಿಣ ಕ್ರಮಕ್ಕಾಗಿ ಕರ್ನಾಟಕ ರಣಧೀರ ವೇದಿಕೆ ಪಟ್ಟು ಹಿಡಿದಿದೆ. ಈ ಬಗ್ಗೆ ಜಿಲ್ಲೆಯ ಹಲವು ಕಡೆ ವೇದಿಕೆ ಪದಾಧಿಕಾರಿಗಳು ಸರ್ಕಾರವನ್ನು ಒತ್ತಾಯಿಸಿದ್ದಾರೆ. ಕರ್ನಾಟಕ ರಣಧೀರ ವೇದಿಕೆಯ ಜಿಲ್ಲಾ ಘಟಕದಿಂದ ಸಂಘಟನೆ ಜಿಲ್ಲಾಧ್ಯಕ್ಷ ಸೂರಜ್ ನಾಯ್ಕ ಅವರು ಅಂಕೋಲಾ ತಹಶೀಲ್ದಾರ್ ಕಚೇರಿ ಮೂಲಕ ಸರ್ಕಾರಕ್ಕೆ ಪತ್ರ ರವಾನಿಸಿದರು. `ಅನುಕಂಪದ ಆಧಾರದ ಮೇಲೆ ಸರ್ಕಾರಿ ಸೇವೆಗೆ ಸೇರಿದ್ದ ವೆಂಕಟೇಶ ಆರ್ ಅವರು ತಮ್ಮ ಮೇಲಾಧಿಕಾರಿಗಳ ಕಿರುಕುಳದಿಂದ ಬೇಸತ್ತಿದ್ದಾರೆ. ಜಾತಿ ನಿಂದನೆ, ಅಶ್ಲೀಲ ಪದ ಬಳಕೆಯಿಂದ ಅವರ ಬೇಸತ್ತಿರುವ ಬಗ್ಗೆ ಪತ್ರ ಬರೆದ್ದಾರೆ. ಕಿರಿಯ ಅಧಿಕಾರಿಗಳ ಮೇಲೆ ಮೇಲಧಿಕಾರಿಗಳ ಒತ್ತಡ ತಪ್ಪಿಸಬೇಕು’ ಎಂದು ಅವರು ಆಗ್ರಹಿಸಿದರು. `ಅಧೀನ ಅಧಿಕಾರಿ ತಪ್ಪು ಮಾಡಿದರೆ ಕಾನೂನಿನ ಪ್ರಕಾರ ನೋಟಿಸ್ ನೀಡಬೇಕು. ಅದಾದ ನಂತರ ಶಿಸ್ತು ಕ್ರಮ ಜರುಗಿಸಬೇಕು. ಆದರೆ, ಕೆಟ್ಟದಾಗಿ ನಿಂದಿಸುವುದು ಸರಿಯಲ್ಲ’ ಎಂದು ಪ್ರಮುಖರಾದ ಚೇತನ್ ನಾಯ್ಕ, ಕಿರಣ್ ಗಾಂವಕರ್, ಐಶ್ವರ್ಯ ನಾಯ್ಕ್, ವಿವೇಕ್ ಐಗಳ, ಮಹೇಶ್ ಗೌಡ, ಸುಭಾಷ ನಾಯ್ಕ, ರಘುನಾಥ ನಾಯ್ಕ, ಚರಣ ನಾಯ್ಕ ಹೇಳಿದರು. `ಅಂಕೋಲಾ ಪುರಸಭೆಯಲ್ಲಿ ಅಧಿಕಾರದಲ್ಲಿರುವಾಗ ಸಹ ಎಂ ಆರ್ ಸ್ವಾಮಿ ಅವರು ಅಧೀನ ಅಧಿಕಾರಿಗಳಿಗೆ ಪೀಡಿಸುತ್ತಿದ್ದರು’ ಎಂದು ಸಂಘಟನೆಯವರು ಸ್ಮರಿಸಿದರು. `ಎಂ ಆರ್ ಸ್ವಾಮಿ ಅವರನ್ನು ತಕ್ಷಣ ಅಮಾನತುಗೊಳಿಸಬೇಕು. ಸಿಸಿ ಕ್ಯಾಮರಾ ದಾಖಲೆ ಪರಿಶೀಲಿಸಿ ಅವರ ವಿರುದ್ಧ ಕ್ರಮ ಜರುಗಿಸಬೇಕು’ ಎಂದು ಆಗ್ರಹಿಸಿದರು. ವೇದಿಕೆಯ ಮಹಿಳಾ ವಿಭಾಗದ ಜಿಲ್ಲಾಧ್ಯಕ್ಷೆ ಸುಪ್ರಿಯಾ ನಾಯ್ಕ್ ಪತ್ರವನ್ನು ಓದಿದ್ದು, ಅದನ್ನು ಜಿಲ್ಲಾಡಳಿತಕ್ಕೆ ರವಾನಿಸಲಾಯಿತು. ಭಟ್ಕಳ, ಕುಮಟಾದಲ್ಲಿಯೂ ಸಂಘಟನೆಯವರು ಮನವಿ ಸಲ್ಲಿಸಿದರು. ಕುಮಟಾದಲ್ಲಿ ಸಂಘಟನೆ ತಾಲೂಕು ಘಟಕದ ಅಧ್ಯಕ್ಷ ಸಮೀರ್ ಎಮ್ ಮಿರ್ಜಾನಕರ್ ಹಾಗೂ ಸದಸ್ಯರುಗಳಾದ ಮಂಜುನಾಥ್ ಹಳ್ಳೆರ, ವೆಂಕಟೇಶ್ ನಾಯ್ಕ, ಹಾಗೂ ಇರ್ಫಾನ್ ಕಾಜಿ ಮನವಿ ಸಲ್ಲಿಸಿದರು. ಭಟ್ಕಳದಲ್ಲಿ ಭಟ್ಕಳ ತಾಲೂಕು ಘಟಕದ ಅಧ್ಯಕ್ಷ ಮಂಜುನಾಥ್ ಶನಿಯಾರ ನಾಯ್ಕ ಹಾಗೂ ಪದಾಧಿಕಾರಿಗಳಾದ ರಾಜೇಶ್ ಆಚಾರಿ, ರತ್ನಾಕರ್ ನಾಯ್ಕ್ ಜೊತೆ ಸದಸ್ಯರು ಮನವಿ ಸಲ್ಲಿಸಿದರು.  
- [2025 ಅಕ್ಟೊಬರ್ 09ರ ದಿನ ಭವಿಷ್ಯ](https://mobiletime.in/2025/10/prediction-for-october-9-2025/): ಮೇಷ ರಾಶಿ: ನಿಮ್ಮ ಶ್ರಮಕ್ಕೆ ತಕ್ಕ ಲಾಭ ಸಿಗಲಿದೆ. ಸಹದ್ಯೋಗಿಗಳ ಸಹಕಾರ ಸ್ಮರಿಸಿ. ವಿರೋಧಿಗಳು ನಿಮ್ಮನ್ನು ಕಾಡಿಸಲಿದ್ದು, ಧೈರ್ಯವೇ ನಿಮಗೆ ಸಾಧನ. ವೃಷಭ ರಾಶಿ: ಒತ್ತಡ ಹಾಗೂ ಹಣಕಾಸು ಸಮಸ್ಯೆ ಆವರಿಸಲಿದೆ. ಕುಟುಂಬದಲ್ಲಿ ಕಲಹ ಆಗುವ ಸಾಧ್ಯತೆಯಿದೆ. ಅನ್ಯಾಯಗಳನ್ನು ಸಹಿಸದಿರಿ. ಮಿಥುನ ರಾಶಿ: ವೃತ್ತಿಯಲ್ಲಿ ಸಾಧನೆಗೆ ಅವಕಾಶ ಸಿಗಲಿದ್ದು, ಅದನ್ನು ಸರಿಯಾಗಿ ಬಳಸಿಕೊಳ್ಳಿ. ಆರ್ಥಿಕವಾಗಿ ಸರಿಯಾಗಿ ನಿರ್ಧಾರ ಪ್ರಕಟಿಸಿ. ಪರಿಸರ ಪ್ರವಾಸ ನಿಮಗೆ ಆರಾಮದಾಯಕ. ಕರ್ಕ ರಾಶಿ: ವೃತ್ತಿ ಜೀವನದಲ್ಲಿ ಲಾಭ ಆಗಲಿದೆ. ದೈಹಿಕ ಶ್ರಮದ ಕೆಲಸ ಮಾಡುವಾಗ ಜಾಗರೂಕತೆ ಅಗತ್ಯ. ಪ್ರಯಾಣದ ಲಕ್ಷಣಗಳಿವೆ. ಸಿಂಹ ರಾಶಿ: ಜೀವನದಲ್ಲಿ ಏರಿಳಿತ ಸಾಮಾನ್ಯ. ಕುಟುಂಬದ ಸಮಸ್ಯೆಗಳನ್ನು ಬಗೆಹರಿಸುವ ಪ್ರಯತ್ನ ಮಾಡಿ. ಯೋಗ-ಧ್ಯಾನ ಮಾಡುವುದು ಉತ್ತಮ. ಕನ್ಯಾ ರಾಶಿ: ವಿವಾಹದ ವಿಷಯದಲ್ಲಿ ಗೊಂದಲ ಬಗೆಹರಿಯಲಿದೆ. ಮಿತ್ರರ ನೆರವಿನಿಂದ ಹಣಕಾಸು ಲಾಭ ಆಗಲಿದೆ. ಕ್ರಿಯಾತ್ಮಕ ಚಟುವಟಿಕೆಗಳಿಂದ ಯಶಸ್ಸು ಸಿಗಲಿದೆ. ತುಲಾ ರಾಶಿ: ನೀವು ಮಾಡುವ ಕೆಲಸ ಉನ್ನತಿಯ ಕಡೆ ಒಯ್ಯುತ್ತದೆ. ಆರೋಗ್ಯ ಸಮಸ್ಯೆಗಳಿಂದ ಎಚ್ಚರವಾಗಿರಿ. ಜಗಳದಿಂದ ದೂರವಿರಿ. ವೃಶ್ಚಿಕ ರಾಶಿ: ನಿಮ್ಮ ಪಾಡಿಗೆ ನೀವು ನಿಮ್ಮ ಕೆಲಸ ಮಾಡಿ. ಸಭೆಗಳಲ್ಲಿ ಅಭಿಪ್ರಾಯ ಹೇಳುವುದು ಬೇಡ. ವೈವಾಹಿಕ ಸಮಸ್ಯೆಗಳು ದೂರವಾಗಲಿದೆ. ಧನು ರಾಶಿ: ಒಳ್ಳೆಯ ಕೆಲಸ ಶುರು ಮಾಡಲು ಉತ್ತಮ ದಿನವಲ್ಲ. ವಾಹನ ಹಾಗೂ ವಸತಿ ವಿಷಯವಾಗಿ ಸಮಸ್ಯೆ ಕಾಡಲಿದೆ. ಸಾಲಗಾರರ ಕಾಟ ಹೆಚ್ಚಾಗಲಿದೆ. ಶಿವನ ಆರಾಧನೆ ಮನಸ್ಸಿಗೆ ಸಮಾಧಾನ ನೀಡಲಿದೆ. ಮಕರ ರಾಶಿ: ಕಡಿಮೆ ಶ್ರಮದಲ್ಲಿ ಹೆಚ್ಚು ಲಾಭ ತರುವ ದಿನ. ಸ್ನೇಹಿತರ ಸಹಕಾರದಿಂದ ಯಶಸ್ಸು ಸಿಗಲಿದೆ. ವಿರೋಧಿಗಳಿಗೆ ಹಿನ್ನಡೆ ಆಗಲಿದೆ. ಕುಂಭ ರಾಶಿ: ಹಣಕಾಸು ಪರಿಸ್ಥಿತಿ ಸಾಧಾರಣವಾಗಿರಲಿದೆ. ಅನಗತ್ಯ ವಾದ-ವಿವಾದ ಆಗಬಹುದು. ಹಳೆ ಸ್ನೇಹಿತರ ಭೇಟಿ ಸಮಾಧಾನ ಕೊಡಲಿದೆ. ಮೀನ ರಾಶಿ: ಆರ್ಥಿಕ ಪ್ರಗತಿ ಆಗಲಿದೆ. ಕಠಿಣ ಪರಿಸ್ಥಿತಿಗಳನ್ನು ಸಮರ್ಥವಾಗಿ ಎದುರಿಸುತ್ತೀರಿ. ಹಣಕಾಸು ಭಿನ್ನಾಭಿಪ್ರಾಯಗಳು ಬಗೆಹರಿಯಲಿದೆ.
- [ದೇವರಕಾಡಿನಲ್ಲಿ ಅಡಗಿದ್ದ ಹೊಗೆ ಮಾನವ!](https://mobiletime.in/2025/10/the-smoke-that-hid-in-the-forest-of-god-is-a-human/): ಯಲ್ಲಾಪುರದ ಲಕ್ಷ್ಮಣ ಮರಾಠಿ ಅವರು ದೇವರಕಾಡು ಅರಣ್ಯ ಪ್ರದೇಶದಲ್ಲಿ ಗಾಂಜಾ ಸೇವಿಸಿ ಸಿಕ್ಕಿಬಿದ್ದಿದ್ದಾರೆ. ಪೊಲೀಸ್ ಉಪನಿರೀಕ್ಷಕ ಶೇಡಜಿ ಚೌಹಾಣ ಅವರು ಲಕ್ಷ್ಮಣ ಮರಾಠಿ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಮುಂಡಗೋಡು ರಸ್ತೆಯ ರವೀಂದ್ರ ನಗರದಲ್ಲಿ ಲಕ್ಷ್ಮಣ ಮಹೇಶ ಮರಾಠಿ (21) ಕೂಲಿ ಕೆಲಸ ಮಾಡಿಕೊಂಡಿದ್ದರು. ಸಣ್ಣ ವಯಸ್ಸಿನಲ್ಲಿಯೇ ದುಶ್ಚಟಕ್ಕೆ ದಾಸರಾದ ಅವರು ಈಚೆಗೆ ಗಾಂಜಾ ಗುಂಗಿಗೆ ಬಿದ್ದಿದ್ದರು. ಕದ್ದು ಮುಚ್ಚಿ ಗಾಂಜಾ ಸೇವಿಸುವುದಕ್ಕಾಗಿ ಅವರು ದೇವರ ಕಾಡು ಪ್ರವೇಶಿಸಿದ್ದರು. ಅಕ್ಟೊಬರ್ 8ರಂದು ಮುಂಡಗೋಡು ರಸ್ತೆಯ ದೇವರಕಾಡಿನ ಬಳಿ ಅವರು ಗಾಂಜಾ ಸೇದಿ ಹೊಗೆ ಬಿಡುತ್ತಿದ್ದರು. ಅದೇ ಮಾರ್ಗವಾಗಿ ಸಂಚರಿಸುತ್ತಿದ್ದ ಯಲ್ಲಾಪುರ ಪಿಎಸ್‌ಐ ಶೇಡಜಿ ಚೌಹಾಣ ಅವರು ಹೊಗೆ ಮಾನವನನ್ನು ವಿಚಾರಣೆಗೆ ಒಳಪಡಿಸಿದರು. ವೈದ್ಯಕೀಯ ಪರೀಕ್ಷೆಯಲ್ಲಿ ಲಕ್ಷ್ಮಣ ಮರಾಠಿ ಗಾಂಜಾ ಸೇವಿಸಿದ್ದು ದೃಢವಾಯಿತು. ಪೊಲೀಸರು ಪ್ರಕರಣ ದಾಖಲಿಸಿ
- [ಹಕ್ಕಿಗಾಗಿ ಹೋರಾಟ: ಮುಖ್ಯಮಂತ್ರಿ ಭೇಟಿಯಾದ ವಕೀಲ](https://mobiletime.in/2025/10/fighting-for-rights-lawyer-meets-chief-minister/): ಬೆಂಗಳೂರಿಗೆ ಹೋಗಿರುವ ಶಿರಸಿಯ ವಕೀಲ ರವೀಂದ್ರ ನಾಯ್ಕ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಭೇಟಿ ಮಾಡಿದ್ದಾರೆ. ಅರಣ್ಯ ಅತಿಕ್ರಮಣದಾರರ ಸಮಸ್ಯೆಯ ಬಗ್ಗೆ ಅವರು ಗಮನಸೆಳೆದಿದ್ದಾರೆ. ವಿಧಾನಸೌಧ ಪ್ರವೇಶಿಸಿದ ರವೀಂದ್ರ ನಾಯ್ಕ ಅವರು ಅಲ್ಲಿ ಕಾನೂನು ಸಚಿವ ಎಚ್ ಕೆ ಪಾಟೀಲ ಅವರನ್ನು ಮಾತನಾಡಿಸಿದರು. ಅದಾದ ನಂತರ ಅವರ ಜೊತೆಗೆ ತೆರಳಿ ಮುಖ್ಯಮಂತ್ರಿಗಳನ್ನು ಭೇಟಿಯಾದರು. ಈ ವೇಳೆ `ಅರಣ್ಯವಾಸಿಗಳ ಭೂಮಿ ಹಕ್ಕಿನ ಸಮಸ್ಯೆಗೆ ಸರ್ಕಾರ ಗಂಭೀರವಾಗಿ ಚಿಂತಿಸುತ್ತಿದ್ದು, ಅರಣ್ಯ ಹಕ್ಕು ಕಾಯಿದೆ ಅನುಷ್ಠಾನದಲ್ಲಿ ಸರ್ಕಾರ ಸಕ್ರಿಯೆವಾಗಿದೆ’ ಎಂದು ಸಿದ್ದರಾಮಯ್ಯ ಹೇಳಿದ್ದಾರೆ. ಪುನರ್ ಪರೀಶೀಲನಾ ಪ್ರಕ್ರಿಯೆ ಜರುಗಿಸದೇ ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಅರ್ಜಿ ತಿರಸ್ಕರಿಸಿದ ವರದಿ ಕೇಂದ್ರ ಸರಕಾರಕ್ಕೆ ಸಲ್ಲಿಕೆಯಾದ ಬಗ್ಗೆ ರವೀಂದ್ರ ನಾಯ್ಕ ಆಕ್ಷೇಪಿಸಿದರು. ಸಚಿವ ಸತೀಶ್ ಜಾರಕಿಹೊಳೆ, ಹೆಚ್ ಸಿ ಮಹದೇವಪ್ಪ ಅವರು `ಅರಣ್ಯವಾಸಿಗಳ ಪರ ಸರಕಾರ ನಿರ್ಧಾರ ಇರುತ್ತದೆ’ ಎಂಬ ಭರವಸೆ ನೀಡಿದರು. ಸಚಿವ ಮಂಕಾಳ ವೈದ್ಯ ಮತ್ತು ಯೋಜನಾ ಆಯೋಗದ ಅಧ್ಯಕ್ಷ ಆರ್ ವಿ ದೇಶಪಾಂಡೆ ಸಹ ಇದೇ ಮಾತು ಹೇಳಿದ ಬಗ್ಗೆ ರವೀಂದ್ರ ನಾಯ್ಕ ಅವರು ವಿವರಿಸಿದರು.
- [ಕಬ್ಬು ಬೆಳೆಗಾರರಿಗೆ ಡೀಸಿ ಅಭಯ](https://mobiletime.in/2025/10/dci-protection-for-sugarcane-growers/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಬ್ಬು ಬೆಳೆಯುವ ರೈತರ ಎಲ್ಲಾ ಸಮಸ್ಯೆಗಳಿಗೆ ಜಿಲ್ಲಾಡಳಿತ ಸ್ಪಂದಿಸಲಿದೆ. ಬೆಳೆಗಾರರಿಗೆ ಎಲ್ಲಾ ರೀತಿಯ ಬೆಂಬಲ ನೀಡಲಾಗುತ್ತದೆ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಹೇಳಿದ್ದಾರೆ. ಹಳಿಯಾಳದಲ್ಲಿ ಸಭೆ ನಡೆಸಿದ ಅವರು `ಕಬ್ಬು ಬೆಳೆಗಾರರ ಬಹುಕಾಲದ ಬೇಡಿಕೆಯಾದ ಕಬ್ಬು ಕಾರ್ಖಾನೆಯ ಮುಂಭಾಗದಲ್ಲಿ ಕಬ್ಬು ತೂಕ ಅಳತೆ ಮಾಡುವ ಯಂತ್ರ ಅಳವಡಿಕೆ ಬೇಡಿಕೆ ಕುರಿತು ಸ್ಪಷ್ಠ ನಿರ್ಧಾರ ಪ್ರಕಟವಾಗಬೇಕು. ಈ ಬಾರಿಯ ಕಬ್ಬು ನುರಿಯುವ ಹಂಗಾಮು ಪ್ರಾರಂಭವಾಗುವ ಒಳಗೆ ಕಾರ್ಖಾನೆ ಮುಂಭಾಗ ತೂಕ ಮಾಡುವ ಯಂತ್ರ ಅಳವಡಿಸಬೇಕು’ ಎಂದು ಸೂಚಿಸಿದರು. `ಕಬ್ಬು ಕಟಾವಣೆ ಮಾಡಲಾದ 2023-24ನೇ ಸಾಲಿನಲ್ಲಿ ರೈತರಿಂದ ಹೆಚ್ಚುವರಿ ಆಕರಣೆ ಮಾಡಲಾದ ಹೆಚ್ ಅಂಡ್ ಟಿ ದರ ರೂ 256ನ್ನು ರೈತರಿಗೆ ಮರುಪಾವತಿ ಮಾಡುವಂತೆ ಕಬ್ಬು ಆಯುಕ್ತರು ಆದೇಶ ಮಾಡಿದ್ದಾರೆ. ಅದಾಗಿಯೂ ಆ ಹಣ ಪಾವತಿ ಆಗಿಲ್ಲ’ ಎಂದು ರೈತರು ದೂರಿದರು. `2023-24ರಲ್ಲಿನ ಹೆಚ್ಚುವರಿ ಮೊತ್ತ 256 ರೂಗಳಂತೆ ಒಟ್ಟು 26 ಕೋಟಿ ಮೊತ್ತವನ್ನು ಕಾರ್ಖಾನೆಯವರು ರೈತರಿಗೆ ನೀಡುವಂತೆ ಕಬ್ಬು ಆಯುಕ್ತರಿಂದ ನೀಡಿದ್ದ ಆದೇಶವನ್ನು ಪಾಲನೆ ಮಾಡದ ಬಗ್ಗೆ ನೋಟಿಸ್ ನೀಡಲಾಗಿದೆ. ಕಾರ್ಖಾನೆಯವರು ಇದರ ವಿರುದ್ಧ ಹೈಕೋರ್ಟ್ ಮೊರೆ ಹೋಗಿದ್ದಾರೆ. ಅಲ್ಲಿ ಕೂಡ ಎರಡು ವಾರಗಳ ತಡೆಯಜ್ಞೆ ನೀಡಲಾಗಿದೆ. ಅದನ್ನು ಧಾರವಾಡದ ನ್ಯಾಯಾಲಯಕ್ಕೆ ತರಲು ಪ್ರಯತ್ನಿಸಲಾಗುತ್ತಿದೆ’ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. `ಕಳೆದ ವರ್ಷದಂತೆ ಈ ವರ್ಷ ಕೂಡ ಕಬ್ಬು ಕಟಾವನೆ ಕುರಿತು ಆದ್ಯತಾ ಪಟ್ಟಿ ಪ್ರಕಟ ಮಾಡಬೇಕು. ಇಲ್ಲಿ ಮಳೆಗಾಲ ಸಮಯದಲ್ಲಿ ಹೆಚ್ಚಾಗಿ ರಸ್ತೆಗಳು ಹಾಳಗುವುದು ಸಾಮಾನ್ಯವಾಗಿದ್ದು, ಕಳೆದ ವರ್ಷ ಮಾಡಲಾದ ರಸ್ತೆಗಳು ಹಾಳಾಗಿರುವ ನಿರ್ದಿಷ್ಟ ರಸ್ತೆಗಳನ್ನು ಗುರುತಿಸಲಾಗಿದೆ. ಅದನ್ನು ಗುತ್ತಿಗೆದಾರರೆ ನಿರ್ವಹಣೆ ಮಾಡಬೇಕು. ಸರ್ಕಾರದಿಂದ ಯಾವುದೇ ಹೆಚ್ಚುವರಿ ಅನುದಾನ ನೀಡುವುದಿಲ್ಲ. ಒಂದು ವೇಳೆ ನಿರ್ವಹಣೆ ಮಾಡದೇ ಇದ್ದಲ್ಲಿ ಗುತ್ತಿಗೆದಾರರ ಮೇಲೆ ಸೂಕ್ತ ಕ್ರಮ ಜರುಗಿಸಬೇಕು; ಎಂದು ಡೀಸಿ ಸೂಚಿಸಿದರು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಉಪವಿಭಾಗಾಧಿಕಾರಿ ಶ್ರವಣಕುಮಾರ್, ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ, ಧಾರವಾಡದ ಉಪ ವಿಭಾಗಾಧಿಕಾರಿ ಸಲೀಂ ಹುಸೇನ್ ಇತರರಿದ್ದರು.
- [ಸಾಕು ನಾಯಿ ಸಹವಾಸದಿಂದ ಮಾಲಕನಿಗೆ ಸಂಕಷ್ಟ!](https://mobiletime.in/2025/10/owner-suffers-from-companionship-with-pet-dog/): ರಾತ್ರಿ ವೇಳೆ ನಾಯಿ ಹಿಡಿದು ರಸ್ತೆ ಬದಿ ಅಲೆದಾಡುತ್ತಿದ್ದ ಕುಮಟಾದ ಗಜಾನನ ಕೋಡಿಯಾ ಅವರು ಕಾಲು ಮುರಿದುಕೊಂಡಿದ್ದಾರೆ. ಗಾಯಗೊಂಡ ಅವರು ಸದ್ಯ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಕುಮಟಾ ಗೂಡೆಅಂಗಡಿಯ ಗಜಾನನ ಕೋಡಿಯಾ ಅವರು ಕೌರಿಕರಾಗಿದ್ದಾರೆ. ದಿನವಿಡೀ ದುಡಿಯುವ ಅವರು ರಾತ್ರಿ ತಾವು ಪ್ರೀತಿಯಿಂದ ಸಾಕಿದ ನಾಯಿ ಜೊತೆ ಸಮಯ ಕಳೆಯುತ್ತಾರೆ. ರಾತ್ರಿ 10 ಗಂಟೆ ನಂತರ ಅವರು ನಾಯಿ ಕತ್ತಿಗೆ ಸರಪಳಿ ಹಾಕಿ ವಾಕಿಂಕ್ ಹೊರಡುತ್ತಿದ್ದರು. ಆ ವೇಳೆ ನಾಯಿಯನ್ನು ಮೂತ್ರ ವಿಸರ್ಜನೆಗೆ ಕರೆದೊಯ್ಯುವ ಅಭ್ಯಾಸಹೊಂದಿದ್ದರು. ಅಕ್ಟೊಬರ್ 3ರ ರಾತ್ರಿ 10 ಗಂಟೆಗೆ ಅವರು ನಾಯಿ ಹಿಡಿದು ರಸ್ತೆ ಬದಿಗೆ ಬಂದರು. ಆದರೆ, ಆ ನಾಯಿಯೇ ಗಜಾನನ ಕೋಡಿಯಾ ಅವರನ್ನು ರಸ್ತೆ ನಡುವೆ ಕರೆದೊಯ್ಯಿತು. ಹೀಗಿರುವಾಗ ಗುಡೇಅಂಗಡಿಯ ಚರಣ ನಾಯ್ಕ ಅವರು ಹೊಲನಗದ್ದೆಯಿಂದ ಬಾಡ ಕಡೆ ಸ್ಕೂಟಿಯಲ್ಲಿ ಬರುತ್ತಿದ್ದು, ಆ ಸ್ಕೂಟಿಗೆ ನಾಯಿ ಅಡ್ಡ ಬಂದಿತು. ಗಡಿಬಿಡಿಯಲ್ಲಿ ಚರಣ ನಾಯ್ಕ ಅವರು ಸ್ಕೂಟಿಯನ್ನು ತಿರುಗಿಸಿದರು. ಆಗ, ಸ್ಕೂಟಿ ಗಜಾನನ ಕೋಡಿಯಾ ಅವರಿಗೆ ಗುದ್ದಿತು. ಪರಿಣಾಮ ಗಜಾನನ ಕೋಡಿಯಾ ಅವರು ನೆಲಕ್ಕೆ ಬಿದ್ದರು. ಅವರ ಎಡಕಾಲಿನ ತೊಡೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಯಿತು. ತಮ್ಮನಿಗೆ ಆದ ಅಪಘಾತದ ಬಗ್ಗೆ ಮಂಜುನಾಥ ಕೋಡಿಯಾ ಅವರು ಕುಮಟಾ ಠಾಣೆಗೆ ಮಾಹಿತಿ ನೀಡಿ, ಪೊಲೀಸ್ ಪ್ರಕರಣ ದಾಖಲಿಸಿದರು.
- [ಅಲ್ಲಿ-ಇಲ್ಲಿ ಅಲೆದಾಡುತ್ತಿದ್ದ ವ್ಯಸನಿಯ ದುಡುಕು ನಿರ್ಧಾರ](https://mobiletime.in/2025/10/the-rash-decision-of-a-wandering-addict/): ಯಲ್ಲಾಪುರದ ಲಕ್ಷ್ಮೀ ಸಿದ್ದಿ ಅವರ ಮನೆ ಬಳಿ ಸುಳಿದಾಡುತ್ತಿದ್ದ ಮಂಜುನಾಥ ಸಿದ್ದಿ ಅವರು ಲಕ್ಷ್ಮೀ ಸಿದ್ದಿ ಅಡಿಕೆ ತೋಟದ ಬಳಿಯೇ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಅವರ ಈ ದುಡುಕು ನಿರ್ಧಾರಕ್ಕೆ ಕಾರಣ ಗೊತ್ತಾಗಿಲ್ಲ. ಯಲ್ಲಾಪುರದ ಉಮ್ಮಚ್ಗಿ ಬಳಿಯ ಮಾವಿನಕಟ್ಟಾದ ಮಂಜುನಾಥ ಸುಬ್ರಹ್ಮಣ್ಯ ಸಿದ್ದಿ (30) ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದರು. ಸರಾಯಿ ಕುಡಿಯುವ ಚಟಕ್ಕೆ ಅವರು ಅಂಟಿಕೊAಡಿದ್ದರು. ಆಗಾಗ ಭರಣಿ ಗ್ರಾಮದ ಲಕ್ಷ್ಮೀ ಸಿದ್ದಿ ಅವರ ಮನೆಗೆ ಭೇಟಿ ನೀಡುತ್ತಿದ್ದರು. ಹೀಗಿರುವಾಗ ಅಕ್ಟೊಬರ್ 7ರಂದು ಸಹ ಅವರು ಲಕ್ಷ್ಮೀ ಸಿದ್ದಿ ಅವರ ಮನೆ ಬಳಿ ಸುಳಿದಾಡಿದ್ದರು. ಮಧ್ಯಾಹ್ನದ ಅವಧಿಯಲ್ಲಿ ಲಕ್ಷ್ಮೀ ಸಿದ್ದಿ ಅವರ ತೋಟಕ್ಕೆ ಹೋದ ಮಂಜುನಾಥ ಸಿದ್ದಿ ಅವರು ಅಲ್ಲಿಯೇ ಆತ್ಮಹತ್ಯೆಗೆ ಶರಣಾದರು. ಅಲ್ಲಿರುವ ಅಡಿಕೆ ತೋಟದ ಅಂಚಿನಲ್ಲಿದ್ದ ಕಾಡು ಮರಕ್ಕೆ ಮಂಜುನಾಥ ಸಿದ್ದಿ ಅವರು ನೇತಾಡುತ್ತಿದ್ದರು. ಸಂಜೆ ವೇಳೆ ಅವರ ಆತ್ಮಹತ್ಯೆಯ ವಿಷಯ ಗೊತ್ತಾಗಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ. ಮಂಜುನಾಥ ಸಿದ್ದಿ ಅವರ ತಂದೆ ಸುಬ್ರಹ್ಮಣ್ಯ ಸಿದ್ದಿ ಅವರು ಯಲ್ಲಾಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.  
- [ಕೋಟಿ ರೂ ಲೂಟಿ: ಜೊಯಿಡಾ ಜನರ ಕಿಡಿ!](https://mobiletime.in/2025/10/crores-of-rupees-looted-people-of-zoida-are-furious/): ಅರಣ್ಯ ಇಲಾಖೆಯಲ್ಲಿ ನಡೆದ ಅಕ್ರಮ, ಅವ್ಯವಹಾರದ ತನಿಖೆ ಜೊತೆ ಅರಣ್ಯಾಧಿಕಾರಿಗಳ ದಬ್ಬಾಳಿಕೆಗೂ ಕಡಿವಾಣ ಹಾಕುವಂತೆ ಜೊಯಿಡಾದ ಜನ ಆಗ್ರಹಿಸಿದ್ದಾರೆ. ಕುಂಬಾರವಾಡಾ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿ ಎದುರು ಜಮಾಯಿಸಿದ ಜನ ತಮ್ಮ ಬೇಡಿಕೆ ಈಡೇರದೇ ಇದ್ದರೆ ಉಗ್ರ ಹೋರಾಟ ನಡೆಸುವುದಾಗಿ ಎಚ್ಚರಿಸಿದ್ದಾರೆ. `ಅಕ್ಟೊಬರ್ 30ರ ಒಳಗೆ ತಹಶೀಲ್ದಾರ್ ಮಧ್ಯಸ್ಥಿಕೆಯಲ್ಲಿ ಅರಣ್ಯ ಅಧಿಕಾರಿಗಳು ಹಾಗೂ ಹೋರಾಟಗಾರರ ಸಭೆ ನಡೆಯಬೇಕು. ಇಲ್ಲವಾದಲ್ಲಿ ದಾಂಡೇಲಿ ಡಿಎಫ್‌ಓ ಕಚೇರಿ ಎದುರು ಉಗ್ರ ಹೊರಾಟ ನಡೆಸುತ್ತೇವೆ’ ಎಂದು ಅಲ್ಲಿನವರು ಹೇಳಿದ್ದು, ಸಭೆ ನಡೆಸುವ ಭರವಸೆ ಹಿನ್ನಲೆ ಬುಧವಾರದ ಹೋರಾಟವನ್ನು ಹಿಂಪಡೆದಿದ್ದಾರೆ. `ಅರಣ್ಯ ಇಲಾಖೆ ದೌರ್ಜನ್ಯ ಹಾಗೂ ಪ್ಯಾಕೇಜ್ ವಿಷಯದಲ್ಲಿ 152 ಕೋಟಿ ಹಗರಣ ನಡೆದಿದ್ದು, ಆ ಬಗ್ಗೆ ಸಮಗ್ರ ತನಿಖೆ ನಡೆಯಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. ಕುಣಬಿ ಸಮಾಜ ಜಿಲ್ಲಾ ಅಧ್ಯಕ್ಷ ಸುಭಾಷ ಗಾವಡಾ ಮಾತನಾಡಿ `ಈ ಕಾಡು, ಜಮೀನು ಜನರ ಹಕ್ಕು. ಇದನ್ನು ಮೊಟಕುಗೊಳಿಸುವ ಹುನ್ನಾರ ಸಹಿಸುವುದಿಲ್ಲ. ಪರಿಸರ ರಕ್ಷಣೆ ಸ್ಥಳೀಯರ ರಕ್ತದಲ್ಲಿದ್ದು, ಸರ್ಕಾರಿ ಹಣ ದುರುಪಯೋಗ ಸಹಿಸುವುದಿಲ್ಲ’ ಎಂದರು. `ಬಿಎಸ್‌ಎನ್‌ಎಲ್ ನೆಟವರ್ಕ ಸ್ಥಾಪನೆಗೆ ಸಹ ಅರಣ್ಯ ಇಲಾಖೆ ತೊಂದರೆ ಮಾಡುತ್ತಿದೆ’ ಎಂದು ದತ್ತಾರಾಮ ದೇಸಾಯಿ ದೂರಿದರು. ಕೃಷಿ ಸಮಾಜದ ಜಿಲ್ಲಾಧ್ಯಕ್ಷ ಗೋಪಾಲ ಭಟ್ ಮಾತನಾಡಿ `ಅರಣ್ಯ ಹಕ್ಕು ಕಾಯ್ದೆಯ ಸಾಮುದಾಯಿಕ ಹಕ್ಕು ಜಾರಿ ಮಾಡಿದರೆ ಇಲ್ಲಿ ಅರಣ್ಯ ಇಲಾಖೆಯೇ ಇರುವುದಿಲ್ಲ. ಜನರ ಪರವಾಗಿರುವ ಕಾನೂನಿನಲ್ಲಿ ಜನ ಹಕ್ಕು ಕೇಳಿಪಡೆಯಬೇಕಾಗಿದ್ದು, ಜನಪ್ರತಿನಿಧಿಗಳು ಜನಪರವಾಗಿರಬೇಕು’ ಎಂದರು. `ಅರಣ್ಯ ರಕ್ಷಕರು ಜನರ ಮನೆಗೆ ನುಗ್ಗಿ ದಬ್ಬಾಳಿಕೆ ಮಾಡುತ್ತಿದ್ದಾರೆ. ಅರಣ್ಯ ಇಲಾಖೆಯವರಿಂದಲೇ ಕಾಡು ನಾಶವಾಗುತ್ತಿದೆ’ ಎಂದು ಪ್ರತಿಭಟನಾಕಾರರು ಕೆಲ ನಿದರ್ಶನಗಳನ್ನು ನೀಡಿದರು. `ಕಾಳಿ ಹುಲಿ ಯೋಜನೆ ವ್ಯಾಪ್ತಿಯಲ್ಲಿ ವಾಸಿಸುವ ಮೂಲನಿವಾಸಿಗಳಿಗೆ ಅಧಿಕಾರಿಗಳು ಅನಗತ್ಯ ತೊಂದರೆ ಮಾಡುತ್ತಿದ್ದಾರೆ. ಬೇರೆ ಬೇರೆ ಭಾಗದ ಕರಡಿ, ಹುಲಿಗಳನ್ನು ಇಲ್ಲಿ ಬಿಟ್ಟು ಜನರಲ್ಲಿ ಭಯ ಹುಟ್ಟಿಸಲಾಗುತ್ತಿದೆ’ ಎಂದು ದೂರಿದರು.
- [ಬಸ್ಸಿಗಾಗಿ ಕಾಯುತ್ತಿದ್ದವನ ಮೇಲೆ ಹತ್ತಿದ ಬಸ್ಸು!](https://mobiletime.in/2025/10/a-bus-ran-over-a-man-waiting-for-a-bus/): ಬಸ್ಸಿಗಾಗಿ ಕಾಯುತ್ತಿದ್ದ ಶಿರಸಿಯ ಅಶೋಕ ಕುಲಕರ್ಣಿ ಅವರ ಮೇಲೆ ಕೆಎಸ್‌ಆರ್‌ಟಿಸಿ ಬಸ್ಸು ಹತ್ತಿದೆ. ಪರಿಣಾಮ ಅವರ ಕೈಗೆ ಭಾರೀ ಪ್ರಮಾಣದಲ್ಲಿ ಗಾಯವಾಗಿದ್ದು, ಚಿಕಿತ್ಸೆಗಾಗಿ ಅವರು ಧಾರವಾಡಕ್ಕೆ ಹೋಗಿದ್ದಾರೆ. ಅಕ್ಟೊಬರ್ 6ರಂದು ಯಲ್ಲಾಪುರ ನಾಕಾದ ಬಳಿ ಅಶೊಕ ಕುಲಕರ್ಣಿ ಅವರು ನಿಂತಿದ್ದರು. ಅವರು ತಮ್ಮ ಕೆಲಸದ ಸಲುವಾಗಿ ಹಳೆ ಬಸ್ ನಿಲ್ದಾಣಕ್ಕೆ ಹೋಗುವವರಿದ್ದು, ಬಸ್ಸಿಗಾಗಿ ಕಾಯುತ್ತಿದ್ದರು. ಆ ವೇಳೆ ಕೆಎಸ್‌ಆರ್‌ಟಿಸಿ ಬಸ್ಸನ್ನು ಚಾಲಕ ಗಣೇಶ ನಾಯ್ಕ ಅವರು ಓಡಿಸಿಕೊಂಡು ಬಂದರು. ಅಶೋಕ ಕುಲಕರ್ಣಿ ಅವರು ಬಸ್ಸಿಗೆ ಅಡ್ಡಲಾಗಿ ಕೈ ಮಾಡಿದ್ದರಿಂದ ಗಣೇಶ ನಾಯ್ಕ ಅವರು ಬಸ್ಸು ನಿಲ್ಲಿಸಿದರು. ಅಶೋಕ ಕುಲಕರ್ಣಿ ಅವರು ಬಸ್ಸಿನ ಮೆಟ್ಟಿಲು ಹತ್ತುತ್ತಿರುವಾಗಲೇ ನಿರ್ವಾಹಕಿ ಪದ್ಮಾವತಿ ಅವರು ಸೀಟಿ ಹೊಡೆದರು. ಗಣೇಶ ನಾಯ್ಕ ಅವರು ಏಕಾಏಕಿ ಬಸ್ಸು ಮುಂದೆ ಚಲಾಯಿಸಿದ್ದರಿಂದ ಅಶೋಕ ಕುಲಕರ್ಣಿ ಅವರು ಮೆಟ್ಟಿಲಿನಿಂದ ಕೆಳಗೆ ಬಿದ್ದರು. ಆಗ, ಅವರ ಎಡಗೈ ಮೇಲೆ ಬಸ್ಸಿನ ಹಿಂದಿನ ಚಕ್ರ ಹತ್ತಿತು. ಗಾಯಗೊಂಡ ಅವರನ್ನು ಅಲ್ಲಿದ್ದ ಜನ ಟಿಎಸ್‌ಎಸ್ ಆಸ್ಪತ್ರೆಗೆ ಸೇರಿಸಿದರು. ಭಾರೀ ಪ್ರಮಾಣದಲ್ಲಿ ರಕ್ತ ಬರುವುದನ್ನು ನೋಡಿದ ಟಿಎಸ್‌ಎಸ್ ವೈದ್ಯರು ಅಶೋಕ ಕುಲಕರ್ಣಿ ಅವರನ್ನು ಧಾರವಾಡಕ್ಕೆ ಕರೆದೊಯ್ಯುವಂತೆ ಸೂಚಿಸಿದರು. ಸದ್ಯ ಅಶೋಕ ಕುಲಕರ್ಣಿ ಅವರು ಧಾರವಾಡದ ಎಸ್‌ಡಿಎಂ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುತ್ತಿದ್ದಾರೆ. ಅಶೋಕ ಕುಲಕರ್ಣಿ ಅವರ ಸಂಬAಧಿಕರಾದ ರಾಮನಬೈಲಿನ ಮಹಾವೀರ ನಿಲಯದ ಅರ್ಚಕ ಮಹಾವೀರ ಆಲೂರು ಅವರು ಈ ಎಲ್ಲಾ ವಿಷಯಗಳ ಬಗ್ಗೆ ಮಾಹಿತಿಪಡೆದರು. ಅಶೋಕ ಕುಲಕರ್ಣಿ ಅವರು ನೀಡಿದ ಮಾಹಿತಿ ಆಧಾರದಲ್ಲಿ ಅವರು ಪೊಲೀಸ್ ಠಾಣೆಗೆ ಬಂದರು. ಬಸ್ ಚಾಲಕ ಹಾಗೂ ನಿರ್ವಾಹಕಿ ವಿರುದ್ಧ ಅವರು ಶಿರಸಿ ಸಂಚಾರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ದಾಂಡೇಲಿ: ದಾಂಡಿಯಾ ನೋಡುತ್ತಿದ್ದ ಡಿಲೆವರಿ ಬಾಯ್'ಗೆ ಥಳಿತ!](https://mobiletime.in/2025/10/dandeli-delivery-boy-who-was-watching-dandiya-beaten-up/): ದಾಂಡೇಲಿಯ ಡಿಲೆವರಿ ಬಾಯ್ ಅಬ್ಬಾಸ್‌ಅಲಿ ಹುಲಕೇರಿ ಅವರಿಗೆ ಮೂವರು ಥಳಿಸಿದ್ದಾರೆ. ಈ ಹೊಡೆದಾಟ ತಪ್ಪಿಸಲು ಬಂದ ಮಹಿಳೆಯರಿಬ್ಬರು ಪೆಟ್ಟು ತಿಂದಿದ್ದಾರೆ. ದಾoಡೇಲಿ ಗಾಂಧಿನಗರ ಬಳಿಯ ಮಾರುತಿನಗರದ ಆಶ್ರಯ ಕಾಲೋನಿಯಲ್ಲಿ ಅಬ್ಬಾಸ್‌ಅಲಿ ಹುಲಕೇರಿ ಅವರು ವಾಸವಾಗಿದ್ದಾರೆ. ಡಿಲೆವರಿ ಬಾಯ್ ಆಗಿ ಕೆಲಸ ಮಾಡಿಕೊಂಡಿದ್ದ ಅವರು ಅಕ್ಟೊಬರ್ 1ರಂದು ದಾಂಡಿಯಾ ನೋಡಲು ಹೋಗಿದ್ದರು. ಅಲ್ಲಿ ದಾಂಡೇಲಿಯ ಆಶಿಪ್ ನರಗುಂದ, ಗಾಂಧಿನಗರದ ಸಮೀರ ಕುಟ್ಟಿ ಹಾಗೂ ಜಮೀರ್ ಸಹ ಆಗಮಿಸಿದ್ದರು. ಅವರೆಲ್ಲರೂ ಕುಡಿದು ಗಲಾಟೆ ಮಾಡಿದ್ದರು. ಈ ವೇಳೆ ಅಬ್ಬಾಸ್‌ಅಲಿ ಹುಲಕೇರಿ ಹಾಗೂ ಆ ಮೂವರ ನಡುವೆ ಜಗಳ ಶುರುವಾಗಿತ್ತು. ದಾಂಡಿಯಾ ಅವಧಿಯಲ್ಲಿ ಜಗಳ ಮಾಡುವುದು ಬೇಡ ಎಂದು ಅಬ್ಬಾಸ್‌ಅಲಿ ಎಲ್ಲವನ್ನು ಸಹಿಸಿಕೊಂಡಿದ್ದರು. ಆದರೆ, ಆಶಿಪ್ ನರಗುಂದ, ಸಮೀರ ಕುಟ್ಟಿ ಹಾಗೂ ಜಮೀರ್ ಆ ದಿನ ಆದ ಅವಮಾನವನ್ನು ಮರೆತಿರಲಿಲ್ಲ. ಅಕ್ಟೊಬರ್ 5ರಂದು ರಾತ್ರಿ 12ಗಂಟೆ ಆಸುಪಾಸಿಗೆ ಅಬ್ಬಾಸ್‌ಅಲಿ ಹುಲಕೇರಿ ಅವರು ತಮ್ಮ ದೊಡ್ಡಮ್ಮನ ಮನೆಗೆ ಹೋಗಿದ್ದರು. ಅಲ್ಲಿಗೆ ಬಂದ ಆಶಿಪ್ ನರಗುಂದ, ಸಮೀರ ಕುಟ್ಟಿ ಹಾಗೂ ಜಮೀರ್ ಗಲಾಟೆ ಶುರು ಮಾಡಿದರು. ಅಬ್ಬಾಸ್‌ಅಲಿ ಹುಲಕೇರಿ ಅವರ ತಾಯಿಗೆ ಕೆಟ್ಟದಾಗಿ ಬೈದು ಅಬ್ಬಾಸ್‌ಅಲಿ ಹುಲಕೇರಿ ಅವರಿಗೆ ಕಟ್ಟಿಗೆಯಿಂದ ಹೊಡೆದರು. ಅಬ್ಬಾಸ್‌ಅಲಿ ಹುಲಕೇರಿ ಅವರ ದೊಡ್ಡಮ್ಮ ಪಾತಿಮಾ ಹಾಗೂ ಅಕ್ಕನ ಮಗಳು ಸಾನಿಯಾ ಕುಟ್ಟಿ ಈ ಹೊಡೆದಾಟ ತಪ್ಪಿಸುವ ಪ್ರಯತ್ನ ಮಾಡಿದರು. ಆಗ, ಜಲಾಲ ಕುಟ್ಟಿ ಅವರು ಪಾತಿಮಾ ಅವರ ಮೇಲೆಯೂ ಕೈ ಮಾಡಿದರು. ಸಾನಿಯಾ ಅವರ ಕಪಾಳಕ್ಕೆ ಬಾರಿಸಿದರು. ಆ ಮೂವರು ಸೇರಿ ಸಾನಿಯಾ ಅವರ ಬೆನ್ನು, ಹೊಟ್ಟೆಗೆ ತುಳಿದು ನೋವು ಮಾಡಿದರು. ಅದಾದ ನಂತರ ಅಬ್ಬಾಸ್‌ಅಲಿ ಅವರು ಆಸ್ಪತ್ರೆ ಸೇರಿದ್ದು, ಚಿಕಿತ್ಸೆಪಡೆದು ಪೊಲೀಸ್ ದೂರು ನೀಡಿದರು. ದಾಂಡೇಲಿ ನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.
- [ನದಿಯಲ್ಲಿ ಮುಳುಗಿದ ಸಾಗರ: ಇನ್ನೂ ಸಿಕ್ಕಿಲ್ಲ!](https://mobiletime.in/2025/10/ocean-drowned-in-the-river-not-found-yet/): ಯಲ್ಲಾಪುರ-ಅಂಕೋಲಾ ಗಡಿಭಾಗದ ಕೆಳಾಸೆ ಕಾಡಿನ ಅಂಚಿನಲ್ಲಿರುವ ಕೈಗಡಿ ಹೊಳೆಯಲ್ಲಿ ಮುಳುಗಿದ ಉದ್ಯಮನಗರದ ಸಾಗರ ದೇವಾಡಿಗ ಅವರು ಈವರೆಗೂ ಸಿಕ್ಕಿಲ್ಲ. ಮಂಗಳವಾರ ಸಂಜೆ ಸಾಗರ ದೇವಾಡಿಗ ಅವರು ಸ್ನೇಹಿತರ ಜೊತೆ ಕಾಡಿಗೆ ಹೋಗಿದ್ದರು. ಗಂಗಾವಳಿ ನದಿ ಅಂಚಿನಲ್ಲಿ ಅವರು ಬರ್ತಡೆ ಪಾರ್ಟಿ ಮಾಡಿದ್ದರು. ದಿನೇಶ, ಪುನಿತ್, ವಿನೋದ ಅವರ ಜೊತೆ ಸಾಗರ ಅವರು ಆನಂದದ ಕ್ಷಣ ಕಳೆದಿದ್ದರು. ಅದಾದ ನಂತರ ಸಾಗರ ದೇವಾಡಿಗ ಅವರು ನದಿ ಅಂಚಿಗೆ ಹೋಗಿದ್ದು, ಕಾಲು ಜಾರಿ ನೀರಿಗೆ ಬಿದ್ದರು. ಸಾಗರ ದೇವಾಡಿಗ ಅವರು ನೀರಿನಲ್ಲಿ ಮುಳುಗುತ್ತಿರುವುದನ್ನು ಅವರ ಸ್ನೇಹಿತರು ನೋಡಿದರು. ಆದರೆ, ಸಾಗರ್ ದೇವಾಡಿಗ ನೀರಿನಿಂದ ಮುಂದೆ ಸಾಗಿದ್ದು ಕಾಣಲಿಲ್ಲ. ಮೇಲೆ ಬಂದಿದ್ದು ಅರಿವಾಗಲಿಲ್ಲ. ಮಂಗಳವಾರ ರಾತ್ರಿಯಿಡೀ ಅಲ್ಲಿ ಕಾರ್ಯಾಚರಣೆ ನಡೆದಿದ್ದು, ಬುಧವಾರ ಸಹ ಹುಡುಕಾಟ ಮುಂದುವರೆಯಿತು. ಬುಧವಾರ ಸಂಜೆಯವರೆಗೆ ನದಿ ಆಳದಲ್ಲಿ ಶೋಧ ನಡೆದರೂ ಸಾಗರ ದೇವಾಡಿಗ ಅವರು ಸಿಗಲಿಲ್ಲ. ಸದ್ಯ ಸ್ಥಳೀಯರ ಜೊತೆ ಯಲ್ಲಾಪುರ-ಅಂಕೋಲಾ ಪೊಲೀಸರು ಸಾಗರ ದೇವಾಡಿಗ ಅವರ ಹುಡುಕಾಟ ನಡೆಸಿದ್ದಾರೆ. ಸ್ಥಳೀಯ ಸಿದ್ದಿ ಸಮುದಾಯದವರು ರಾತ್ರಿಯೂ ಅಲ್ಲಿಯೇ ಇದ್ದು ಶೋಧ ನಡೆಸುತ್ತಿದ್ದಾರೆ.
- [ಕಬ್ಬಡ್ಡಿ ಆಟದಲ್ಲಿ ಡಿಶುಂ ಡಿಶುಂ!](https://mobiletime.in/2025/10/dishum-dishum-in-the-kabaddi-game/): ಭಟ್ಕಳದಲ್ಲಿ ನಡೆದ ಕಬ್ಬಡ್ಡಿ ಪಂದ್ಯಾವಳಿಯಲ್ಲಿ ಎರಡು ಗುಂಪುಗಳ ನಡುವೆ ಮಾರಾಮಾರಿ ನಡೆದಿದೆ. ಈ ಹೊಡೆದಾಟದಲ್ಲಿ ಗಾಯಗೊಂಡವರು ಆಸ್ಪತ್ರೆ ಸೇರಿದ್ದಾರೆ. ಭಟ್ಕಳದ ಹೆಬಳೆಯಲ್ಲಿ ಅಕ್ಟೊಬರ್ 7ರಂದು ಕಬ್ಬಡ್ಡಿ ಪಂದ್ಯಾವಳಿ ನಡೆಯುತ್ತಿತ್ತು. ಬಾಲಕರಿಗಾಗಿ ಅವರು ಈ ಆಟ ಆಯೋಜಿಸಿದ್ದು, ವಿವಿಧ ತಂಡಗಳು ಉತ್ಸಾಹದಿಂದ ಭಾಗವಹಿಸಿದ್ದವು. ಆಟದಲ್ಲಿ ಗೆಲ್ಲುವ ವಿಷಯವಾಗಿ ಎರಡು ಗುಂಪಿನ ನಡುವೆ ಸ್ಪರ್ಧೆ ನಡೆದಿದ್ದು, ಮೊದಲು ಆರೋಗ್ಯಕರವಾಗಿ ನಡೆದ ಸ್ಪರ್ಧೆ ನಂತರ ಅನಾಹುತಕ್ಕೆ ಕಾರಣವಾಯಿತು. ಮಾವಿನಕುರ್ವಾದ ತಲಗೋಡಿನ ವ್ಯಾಪಾರಿ ಈಶ್ವರ ನಾಯ್ಕ ಅವರು ದೂರಿದ ಪ್ರಕಾರ, ಶಿರಾಲಿ ಮಾವಿನಕಟ್ಟೆಯ ಲಕ್ಷ್ಮೀಶ ದೇವಾಡಿಗ ಹಾಗೂ ರವಿ ದೇವಾಡಿಗ ಅವರು ಈ ಆಟವನ್ನು ಹಾಳು ಮಾಡಿದರು. ಈ ಪಂದ್ಯಾವಳಿ ವೀಕ್ಷಣೆಗೆ ಹೋಗಿದ್ದ ಈಶ್ವರ ನಾಯ್ಕ ಅವರಿಗೂ ಹೊಡೆದಾಟ ಬೇಸರ ಮೂಡಿಸಿದ್ದು, ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಕಬ್ಬಡ್ಡಿ ಪಂದ್ಯಾವಳಿಯಲ್ಲಿ ಮೋಹನ ನಾಯಕ ಅವರಿಗೆ ಲಕ್ಷ್ಮೀಶ ದೇವಾಡಿಗ ಹಾಗೂ ರವಿ ದೇವಾಡಿಗ ಅವರು ಕಬ್ಬಿಣದಿಂದ ಹೊಡೆದರು. ಪರಿಣಾಮ ಮೋಹನ ಅವರು ಗಾಯಗೊಂಡಿದ್ದು, ಸದ್ಯ ಅವರು ಕುಂದಾಪುರ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುತ್ತಿದ್ದಾರೆ. ಇದಕ್ಕೆ ಪ್ರತಿಯಾಗಿ ಲಕ್ಷ್ಮೀಶ ದೇವಾಡಿಗ ಸಹ ಪೊಲೀಸರಿಗೆ `ತಮ್ಮದೇನು ತಪ್ಪಿಲ್ಲ’ ಎಂದಿದ್ದಾರೆ. `ಹೆಬಳೆಯ ಗೊರಟಕೇರಿಯಲ್ಲಿ ಬಾಲಕರ ಕಬ್ಬಡಿ ಆಯೋಜಿಸಲಾಗಿತ್ತು. ತಾನು ಎರಡು ತಂಡ ತೆಗೆದುಕೊಂಡು ಹೋಗಿದ್ದು, ಆ ಎರಡು ತಂಡ ಉತ್ತಮವಾಗಿ ಆಡಿ ಸಮಿಫೈನಲ್ ತಲುಪಿತ್ತು. ಇದನ್ನು ಸಹಿಸದೇ ತಲಗೋಡಿನ ಸೃಜನ, ಚರಣ, ಹರ್ಷ ಹಾಗೂ ಇತರರು ಸೇರಿ ತಮ್ಮ ಮೇಲೆ ದಾಳಿ ನಡೆಸಿದ್ದಾರೆ. ಕಬ್ಬಿಣದ ಬಳೆಯಿಂದ ಹೊಡೆದು ಗಾಯ ಮಾಡಿದ್ದಾರೆ’ ಎಂದು ಲಕ್ಷ್ಮೀಶ ದೇವಾಡಿಗ ಅವರು ದೂರಿದ್ದಾರೆ. ರವಿ ದೇವಾಡಿಗ, ಲಕ್ಷ್ಮೀಶ ದೇವಾಡಿಗ ಜೊತೆ ನ ಸೃಜನ, ಚರಣ, ಹರ್ಷ ಹಾಗೂ ಇತರರ ವಿರುದ್ಧ ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಶಾಸಕರಿಗೆ ಸಂಕಟ-ಅಧಿಕಾರಿಗೆ ಕಂಟಕ: ಪತ್ರ ಬರೆದು ಪರಾರಿಯಾದ ಕಂದಾಯ ನಿರೀಕ್ಷಕ!](https://mobiletime.in/2025/10/mlas-in-distress-officials-in-trouble-revenue-inspector-flees-after-writing-a-letter/): ಅಕ್ರಮ ಕಟ್ಟಡವನ್ನು ಸಕ್ರಮ ಎಂದು ದಾಖಲೆ ಸೃಷ್ಠಿಸಲು ಸಾಧ್ಯವಾಗದ ಕಾರಣ ಕುಮಟಾ ಪುರಸಭೆಯಲ್ಲಿ ಕಂದಾಯ ನಿರೀಕ್ಷಕ ವೆಂಕಟೇಶ ಆರ್ ಅವರು ಕಣ್ಮರೆಯಾಗಿದ್ದಾರೆ. ಇದಕ್ಕೂ ಮುನ್ನ ಅವರು ಅಕ್ರಮ-ಅವ್ಯವಹಾರಗಳ ಬಗ್ಗೆ ಪತ್ರ ಬರೆದಿದ್ದು, ಅದರಲ್ಲಿ ಶಾಸಕ ದಿನಕರ ಶೆಟ್ಟಿ ಹಾಗೂ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರ ಹೆಸರು ಉಲ್ಲೇಖಿಸಿದ್ದಾರೆ. ಪ್ರಾಥಮಿಕ ಮಾಹಿತಿಗಳ ಪ್ರಕಾರ, ವೆಂಕಟೇಶ ಆರ್ ಅವರು ಭಟ್ಕಳ ಮೂಲದವರಾಗಿದ್ದಾರೆ. ಅವರ ತಂದೆ ನಂತರ ಅನುಕಂಪದ ಆಧಾರದಲ್ಲಿ ಈ ಹುದ್ದೆಗೆ ಬಂದಿದ್ದರು. ರಾಷ್ಟಿಯ ಹೆದ್ದಾರಿ ಅಂಚಿನಲ್ಲಿರುವ ವಿನಾಯಕ ಹೊಟೇಲ್ ಅನಧಿಕೃತವಾಗಿದ್ದರೂ ಆ ಕಟ್ಟಡಕ್ಕೆ ಅಧಿಕೃತ ಮುದ್ರೆ ಒತ್ತುವಂತೆ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರು ಒತ್ತಡ ತಂದಿದ್ದರು. ಆದರೆ, ಇದಕ್ಕೆ ವೆಂಕಟೇಶ ಆರ್ ಅವರು ಒಪ್ಪಿರಲಿಲ್ಲ. ಹೀಗಾಗಿ ಎಂ ಆರ್ ಸ್ವಾಮಿ ಅವರು ವೆಂಕಟೇಶ್ ಆರ್ ಅವರನ್ನು ಸಾರ್ವಜನಿಕವಾಗಿ ನಿಂದಿಸಿದ್ದರು. ವೆoಕಟೇಶ್ ಆರ್ ಅವರು ಬರೆದ ಪತ್ರದ ಪ್ರಕಾರ, ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರಿಗೆ ಆ ಕಟ್ಟಡವನ್ನು ಅಧಿಕೃತಗೊಳಿಸಲು ಶಾಸಕ ದಿನಕರ ಶೆಟ್ಟಿ ಅವರ ಒತ್ತಡವಿತ್ತು. ಜೊತೆಗೆ ಈ ಕೆಲಸ ಆದರೆ ಎಂ ಆರ್ ಸ್ವಾಮಿ ಅವರಿಗೆ 4 ಲಕ್ಷ ರೂ ಹಣ ಸಿಗುತ್ತಿತ್ತು. ಹೀಗಾಗಿ ಎಂ ಆರ್ ಸ್ವಾಮಿ ಅವರು ತಮ್ಮ ಅಧೀನ ಅಧಿಕಾರಿ ವೆಂಕಟೇಶ ಆರ್ ಅವರ ಮೂಲಕ ಆ ಕೆಲಸ ಮಾಡಿಸಲು ಮುಂದಾಗಿದ್ದರು. ಆದರೆ, ಇದಕ್ಕೆ ವೆಂಕಟೇಶ್ ಆರ್ ಅವರು ಒಪ್ಪದ ಕಾರಣ ಬೈಗುಳ ಸ್ವೀಕರಿಸುತ್ತಿದ್ದರು. ಕಳೆದ ಎರಡು ತಿಂಗಳಿನಿAದ ವೆಂಕಟೇಶ್ ಆರ್ ಅವರು ಇದೇ ವಿಷಯವಾಗಿ ಮಾನಸಿಕ ಒತ್ತಡಕ್ಕೆ ಸಿಲುಕಿದ್ದರು. ಪುರಸಭೆಗೆ ಮುಖ್ಯಾಧಿಕಾರಿಯಾಗಿ ಎಂ ಆರ್ ಸ್ವಾಮಿ ಬಂದ ದಿನದಿಂದಲೂ ವೆಂಕಟೇಶ್ ಆರ್ ಅವರನ್ನು ಹಿಯಾಳಿಸುತ್ತಿದ್ದರು. ಅಕ್ಟೊಬರ್ 7ರಂದು ಸಂಜೆ ಎಲ್ಲರ ಮುಂದೆ ಕಾನೂನುಬಾಹಿರ ಕೆಲಸ ಮಾಡುವಂತೆ ಸೂಚನೆ ನೀಡಿದ್ದು, ಆಗಲೂ ವೆಂಕಟೇಶ್ ಆರ್ ಅವರು ಒಪ್ಪಲಿಲ್ಲ. ಆಗ, `ನೀನು ಕೀಳು ಜಾತಿಯವ’ ಎಂದು ಎಂ ಆರ್ ಸ್ವಾಮಿ ಅವರು ನಿಂದಿಸಿದರು. ಜೊತೆಗೆ `ನಿನ್ನ ತಂದೆಯ ಹಾಗೇ ನಿನ್ನ ಬುದ್ದಿ’ ಎಂದು ಹಿಯಾಳಿಸಿದರು. ಈ ವೇಳೆ ಎಂ ಆರ್ ಸ್ವಾಮಿ ಅವರು ಮದ್ಯಪಾನ ಮಾಡಿದ ಆರೋಪವನ್ನು ಎದುರಿಸುತ್ತಿದ್ದು, `ಈ ಕೆಲಸ ಮಾಡದೇ ಇದ್ದರೆ ನೋಟಿಸ್ ಕೊಡುವೆ. ನಿನ್ನ ಕೆಲಸದಿಂದ ತೆಗೆಯುವೆ’ ಎಂದು ಬೆದರಿಸಿದ ಬಗ್ಗೆ ವೆಂಕಟೇಶ್ ಆರ್ ಅವರು ತಾವು ಬರೆದಿಟ್ಟ ಪತ್ರದಲ್ಲಿ ವಿಷಯ ಪ್ರಸ್ತಾಪಿಸಿದ್ದಾರೆ. `ತಂದೆ-ತಾಯಿ ಬಗ್ಗೆ ಕೆಟ್ಟದಾಗಿ ಬೈದಿರುವುದನ್ನು ಸಹಿಸಲಾಗುತ್ತಿಲ್ಲ. ತಮ್ಮನನ್ನು ಚನ್ನಾಗಿ ನೋಡಿಕೋ’ ಎಂದು ವೆಂಕಟೇಶ್ ಆರ್ ಅವರು ತಾಯಿಗೆ ಬರೆದ ಪತ್ರ ಹರಿದಾಡುತ್ತಿದೆ.
- [ಬಡವನ ರಕ್ತ ಹಿಂಡಿದ ಆಸ್ಪತ್ರೆಯ ಬಿಲ್!](https://mobiletime.in/2025/10/the-hospital-bill-that-drained-the-poor-mans-blood/): ಕಾನ್ಸರಿನಿಂದ ಬಳಲುತ್ತಿರುವ ಕುಮಟಾದ ಜನಾರ್ಧನ ಮುಕ್ರಿ (19) ಅವರು ಬೆಂಗಳೂರಿನ `ನಾರಾಯಣ ಹೆಲ್ತ್’ ದಾಖಲಾಗಿದ್ದಾರೆ. ಅದು-ಇದು ಚಿಕಿತ್ಸೆ ಎಂದು ಆಸ್ಪತ್ರೆಯವರು 3.30 ಲಕ್ಷ ರೂ ಬಿಲ್ ಮಾಡಿದ್ದು, ಆ ಹಣ ಪಾವತಿಸಲಾಗದೇ ಅವರು ಕೊರಗುತ್ತಿದ್ದಾರೆ. ಕುಮಟಾದ ಹಳಕಾರ ಗ್ರಾಮದ ಮಾರು ಮುಕ್ರಿ ಅವರು ಕೂಲಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದಾರೆ. ಅವರ ಮಗ ಜನಾರ್ಧನ ಮುಕ್ರಿ ಅವರು 7ನೆ ತರಗತಿಯಲ್ಲಿರುವಾಗ ಅನಾರೋಗ್ಯ ಕಾಡಿದ್ದು, ವೈದ್ಯರನ್ನು ಭೇಟಿ ಮಾಡಿದಾಗ ಕಾನ್ಸರ್ ಆವರಿಸಿರುವುದು ಗೊತ್ತಾಗಿದೆ. ವಿವಿಧ ಆಸ್ಪತ್ರೆಗಳಿಗೆ ಮಗನನ್ನು ಕರೆದೊಯ್ದ ಮಾರು ಮುಕ್ರಿ ಅವರು ಕೊನೆಗೆ ವಿಧಿ ಇಲ್ಲದೇ ನಾರಾಯಣ ಹೆಲ್ತಗೆ ಹೋಗಿದ್ದಾರೆ. ಅಲ್ಲಿನ ವೈದ್ಯರು ಜನಾರ್ಧನ ಮುಕ್ರಿ ಅವರಿಗೆ ವಿವಿಧ ಚಿಕಿತ್ಸೆ ನೀಡಿದರೂ ಅವರ ಆರೋಗ್ಯದಲ್ಲಿ ಮಾತ್ರ ಚೇತರಿಕೆ ಆಗಿಲ್ಲ. ಈ ನಡುವೆ ಮಾರು ಮುಕ್ರಿ ಅವರಿಗೆ ಆಸ್ಪತ್ರೆಯವರು ಬಿಲ್ ಪಾವತಿಸುವಂತೆ ಸೂಚಿಸಿದ್ದಾರೆ. ಈಗಾಗಲೇ 7 ಲಕ್ಷ ರೂ ಸಾಲ ಮಾಡಿಕೊಂಡಿರುವ ಮಾರು ಮುಕ್ರಿ ಅವರು ಇದೀಗ ಆಸ್ಪತ್ರೆಯವರು ನೀಡಿದ 3.30 ಲಕ್ಷ ರೂ ಮೌಲ್ಯದ ಬಿಲ್ ನೋಡಿ ತಲೆ ಮೇಲೆ ಕೈ ಹೊತ್ತು ಕುಳಿತಿದ್ದಾರೆ. 9 ದಿನದ ಆರೈಕೆಗೆ 3.30 ಲಕ್ಷ ರೂ ಪಾವತಿಸಬೇಕು ಎಂದು ಅರಿತು ಅವರು ಕಂಗಾಲಾಗಿದ್ದಾರೆ. `ತಮ್ಮಲ್ಲಿ ಅಷ್ಟೊಂದು ಹಣ ಇಲ್ಲ’ ಎಂದು ಮಾರು ಮುಕ್ರಿ ಅವರು ಆಸ್ಪತ್ರೆಯವರಲ್ಲಿ ಹೇಳಿದ್ದು, `ಬಿಲ್ ಪಾವತಿಸದೇ ರೋಗಿಯನ್ನು ಬಿಡುವುದಿಲ್ಲ’ ಎಂದು ಅಲ್ಲಿನವರು ಹೇಳಿದ್ದಾರೆ. ಮಗನನ್ನು ಆಸ್ಪತ್ರೆಯಿಂದ ಬಿಡಿಸಿಕೊಳ್ಳಲಾಗದೇ ಅವರು ಕುಮಟಾಗೆ ಮರಳಿದ್ದು, ನೆರವಿಗಾಗಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಬಾಗಿಲು ಬಡಿದಿದ್ದಾರೆ. ಈ ಹಿಂದೆ ಸಹ ಮಾರು ಮುಕ್ರಿ ಅವರು ಮಂಗಳೂರಿನ ಆಸ್ಪತ್ರೆಗೆ ಮಗನನ್ನು ದಾಖಲಿಸಿದ್ದರು. ಆ ವೇಳೆಯಲ್ಲಿಯೂ ಅವರು ನೆರವಿಗಾಗಿ ಮುಖ್ಯಮಂತ್ರಿ ಕಚೇರಿಯ ಮೊರೆ ಹೋಗಿದ್ದರು. ಆದರೆ, ಅಲ್ಲಿಂದ ಯಾವುದೇ ಸಹಾಯ ಸಿಕ್ಕಿರಲಿಲ್ಲ. ಸದ್ಯ ಆಸ್ಪತ್ರೆ ವಿವರ, ಬಿಲ್ ದಾಖಲೆ ಗಮನಿಸಿದ ಆಗ್ನೇಲ್ ರೋಡ್ರಿಗಸ್ ಅವರು ಬುಧವಾರ ಮುಖ್ಯಮಂತ್ರಿ ಕಚೇರಿಗೆ ಫೋನ್ ಮಾಡಿದರು. ಬಡ ಕುಟುಂಬದ ಪರಿಸ್ಥಿತಿ ವಿವರಿಸಿ ಮುಖ್ಯಮಂತ್ರಿ ಪರಿಹಾರ ನಿಧಿ ಅಡಿ ನೆರವು ನೀಡುವಂತೆ ಕೋರಿದರು. ಮುಖ್ಯಮಂತ್ರಿ ಪರಿಹಾರ ನಿಧಿ ವಿಭಾಗದಲ್ಲಿ ಕೆಲಸ ಮಾಡುವುದಾಗಿ ಪರಿಚಯಿಸಿಕೊಂಡ ಕರ್ಕಿಯ ವಿನೋದ ಅವರು ದಾಖಲೆಗಳನ್ನು ಪರಿಶೀಲಿಸಿ ಸಹಾಯ ಮಾಡುವ ಬಗ್ಗೆ ಮಾತನಾಡಿದರು. ಇದಕ್ಕಾಗಿ ರೋಗಿಯ ಆಧಾರ್, ಪಡಿತರ ಹಾಗೂ ಆಸ್ಪತ್ರೆಯ ದಾಖಲೆಗಳನ್ನು ತರಿಸಿಕೊಂಡರು.
- [ಅಡಕತ್ತರಿಯಲ್ಲಿ ಸಿಲುಕಿದ ಅಡಿಕೆ ಬೆಳೆಗಾರ!](https://mobiletime.in/2025/10/areca-nut-farmer-caught-in-the-crossfire/): ಕಳೆದ ಮೂರು ವರ್ಷಗಳಿಗೆ ಹೋಲಿಸಿದರೆ ಈ ಬಾರಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಡಿಕೆ ಫಸಲು ತೀರಾ ಕಡಿಮೆಯಿದೆ. ಹವಾಮಾನ ವೈಪರಿತ್ಯದ ಕಾರಣದಿಂದ ಅಡಿಕೆಗೆ ಬಗೆ ಬಗೆಯ ರೋಗಗಳು ಬಾದಿಸುತ್ತಿದೆ. ಬಿಸಿಲು-ಮಳೆ ವ್ಯತ್ಯಾಸದಿಂದಾಗಿ ಕೆಲವಡೆ ಮೂರು ಬಾರಿ ಮದ್ದು ಹೊಡೆದರು ಕೊಳೆ ರೋಗ ನಿಯಂತ್ರಣಕ್ಕೆ ಬಂದಿಲ್ಲ. ಕಳೆದ ವರ್ಷದ ಎಲೆಚುಕ್ಕಿ ರೋಗದಿಂದ ಅಡಿಕೆ ಮರಗಳು ಚೇತರಿಸಿಕೊಂಡಿಲ್ಲ. ಈ ನಡುವೆ ತೋಟದಲ್ಲಿ ಬೀಳುತ್ತಿರುವ ಹಣ್ಣಡಿಕೆ ಒಣಗಿಸಲು ಯೋಗ್ಯ ಬಿಸಿಲು ಬರುತ್ತಿಲ್ಲ. ಅತಿವೃಷ್ಠಿ ಕಾರಣಕ್ಕೆ ಬಹುತೇಕ ಅಡಿಕೆ ಸಿಂಗಾರ ಕೊಳೆತಿದ್ದು, ಈ ಬಾರಿ ಅಡಿಕೆಗೆ ಉತ್ತಮ ದರವಿದ್ದರೂ ರೈತರ ಬಳಿ ಬೇಡಿಕೆಗೆ ಅನುಗುಣವಾಗಿ ಅಡಿಕೆ ಪೂರೈಸಲು ಆಗುತ್ತಿಲ್ಲ. ಜಿಲ್ಲೆಯ ಹಲವು ಕಡೆ ಬೆಳಗ್ಗೆ ಬಿಸಿಲಿದ್ದರೆ ಮಧ್ಯಾಹ್ನದ ವೇಳೆ ಮಳೆಯಾಗುತ್ತಿದೆ. ಬಿಸಿಲು ಬಂದಿದೆ ಎಂದು ಅಡಿಕೆ ಒಣಗಿಸಲು ಮುಂದಾದ ಕೆಲವೇ ಕ್ಷಣದಲ್ಲಿ ಮೋಡ ಕಾಣಿಸುತ್ತಿದೆ. ಮೊದಲೇ ಅತಿವೃಷ್ಠಿ ಕಾರಣದಿಂದ ಅಡಿಕೆ ಹಾಳಾಗಿರುವ ಚಿಂತೆಯಲ್ಲಿರುವ ರೈತರಿಗೆ ಮಳೆ-ಮೋಡದ ವಾತಾವರಣ ತಲೆಬಿಸಿ ಮಾಡುತ್ತಿದೆ. ಅಳಿದುಳಿದ ಅಡಿಕೆಯನ್ನು ಉಳಿಸಿಕೊಳ್ಳಲು ಅಡಿಕೆ ಬೆಳೆಗಾರರು ನಾನಾ ಬಗೆಯ ಕಸರತ್ತು ಮಾಡುತ್ತಿದ್ದಾರೆ. ಅನೇಕ ಕಡೆ ತೋಟದಲ್ಲಿ ಬಿದ್ದ ಅಡಿಕೆ ಹೆಕ್ಕಲು ಸರಿಯಾದ ಕೂಲಿ ಆಳುಗಳು ಸಿಗುತ್ತಿಲ್ಲ. ಹೆಕ್ಕಿದ ಅಡಿಕೆಯನ್ನು ಹಾಗೇ ಮಾರುಕಟ್ಟೆಗೆ ಒಯ್ಯುವ ಅವಕಾಶವಿದ್ದರೂ ಅಲ್ಲಿ ಕೂಲಿ ಆಳಿಗೆ ಪಾವತಿಸಿದ ಮೊತ್ತವೂ ಸಿಗುತ್ತಿಲ್ಲ. ಶಿರಸಿ, ಸಿದ್ದಾಪುರ, ಯಲ್ಲಾಪುರ ಹಾಗೂ ಮುಂಡಗೋಡ ಭಾಗದಲ್ಲಿ ಅಕ್ಟೊಬರ್ 3ನೇ ವಾರದಿಂದ ಹಸಿ ಅಡಿಕೆ ಕೊಯ್ಲಿನ ಹಂಗಾಮು ಶುರುವಾಗಲಿದ್ದು, ಅದಕ್ಕೂ ಪೂರ್ವ ಹಣ್ಣಾದ ಅಡಿಕೆ ಪರಿಸ್ಥಿತಿ ಯಾರಿಗೂ ಬೇಡ. ಸದ್ಯ ಶೇ 25ರ ಪ್ರಮಾಣದಲ್ಲಿ ಅಡಿಕೆ ಹಣ್ಣಾಗಿದೆ. ಅವುಗಳಲ್ಲಿ ಕೆಲವು ನೆಲಕ್ಕೆ ಬೀಳುತ್ತಿದೆ. ಶಿರಸಿ ಭಾಗದಲ್ಲಿ ಪ್ರತಿ ವರ್ಷ ಅಕ್ಟೋಬರ್ ತಿಂಗಳಲ್ಲಿ ಹಲವು ರೈತರು ಮೊದಲ ಹಂತದ ಗೋಟಡಿಕೆ ಕೊಯ್ಲು ಆರಂಭಿಸುತ್ತಿದ್ದರು. ಆದರೆ ಈ ಬಾರಿ ಮಾತ್ರ ನಿರಂತರ ಮಳೆಯ ಕಾರಣಕ್ಕೆ ಅಡಿಕೆ ಈಗಾಗಲೇ ಹಣ್ಣಾಗಿ ನೆಲಕ್ಕೆ ಬೀಳುತ್ತಿದ್ದು, ಕೊಯ್ಲು ಮಾಡದೇ ಬಿಡುವ ಹಾಗಿಲ್ಲ. ಬಿಸಿಲು ಸರಿಯಾಗಿಲ್ಲದ ಕಾರಣ ಒಣ ಹಾಕಿದ ಅಡಿಕೆ ಗುಣಮಟ್ಟ ಕಾಯ್ದುಕೊಳ್ಳುತ್ತಿಲ್ಲ. ಕಪ್ಪು ಬಣ್ಣದ ಚಾಲಿ ಪ್ರಮಾಣ ಹೆಚ್ಚಾಗುತ್ತಿದೆ. ತೋಟದಲ್ಲಿ ಉದುರಿದ ಹಣ್ಣಡಿಕೆ ಕನಿಷ್ಟ 20 ದಿನವಾದರೂ ಒಳ್ಳೆಯ ಬಿಸಿಲಿಗೆ ಬೇಯಬೇಕಿದ್ದು, ಸದ್ಯ ನಿರಂತರವಾಗಿ 20 ದಿನದ ಬಿಸಿಲು ಯಾವ ಊರಿನಲ್ಲಿಯೂ ಬಿದ್ದಿಲ್ಲ. ಕೆಲವರಲ್ಲಿ ಮಾತ್ರ ಪಾಲಿಹೌಸ್ ಹಾಗೂ ಡ್ರಯರ್ ವ್ಯವಸ್ಥೆಯಿದ್ದು, ಅವರನ್ನು ಬಿಟ್ಟು ಉಳಿದವರು ಅಡಿಕೆ ಒಣಗಿಸಲಾಗದೇ ಕಂಗಾಲಾಗಿದ್ದಾರೆ.
- [ಗಿಡಮೂಲಿಕೆಗಳಲ್ಲಿ ಅಡಗಿದೆ ಸೌಂದರ್ಯದ ರಹಸ್ಯ: ಎಲ್ಲರ ಬಳಕೆಗೂ ಲಭ್ಯ ಈ ಸಾರಾ ಕುಂಕುಮಾದಿ ತೈಲ](https://mobiletime.in/2025/10/the-secret-of-beauty-lies-in-herbs-this-sara-kumkumadi-oil-is-available-for-everyone-to-use/): ನಿತ್ಯದ ಬಳಕೆಯಲ್ಲಿನ ನೈಸಗಿರ್ಕ ಪದಾರ್ಥಗಳು ಆರೋಗ್ಯದ ಜೊತೆ ಸೌಂದರ್ಯ ವೃದ್ಧಿಗೂ ಪೂರಕ. ಈ ರಹಸ್ಯ ಅರಿತ ಪೈನಾಯ್ಕ ಹರ್ಬಲ್ ಬ್ಯೂಟಿ LLP’ ಕಂಪನಿಯೂ ಭಾರತೀಯ ಪರಂಪರೆಯಲ್ಲಿ ಅನಾಧಿಕಾಲದಿಂದಲೂ ಬಳಸುತ್ತಿದ್ದ ಗಿಡ ಮೂಲಿಕೆ ಪದ್ಧತಿಗೆ ಮರುಸ್ಪರ್ಶ ನೀಡಿದೆ. 24 ಗಿಡಮೂಲಿಕೆಗಳ ಸತ್ವದ ಆಧಾರದಲ್ಲಿ ಸಿದ್ಧಪಡಿಸಿದ `ಸಾರಾ ಕುಂಕುಮಾದಿ ತೈಲ’ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿದೆ. ಪ್ರತಿಯೊಬ್ಬರಿಗೂ ಚರ್ಮ ಸುಕ್ಕಾಗುವುದು, ಮುಖದ ಕಾಂತಿ ಕುಗ್ಗುವುದು, ಸೌಂದರ್ಯ ಮಾಸುವುದು ಸಾಮಾನ್ಯ. ಇದನ್ನು ತಡೆಯಲು ಅನೇಕರು ಕೆಮಿಕಲ್ ಉತ್ಪನ್ನಗಳ ಮೊರೆ ಹೋಗುತ್ತಿದ್ದು, ರಾಸಾಯನಿಕಗಳಿಂದ ಅಡ್ಡ ಪರಿಣಾಮವೇ ಹೆಚ್ಚು. ರಾಸಾಯನಿಕ ಮುಕ್ತ ಜೀವನ ನಡೆಸಬೇಕು ಎನ್ನುವವವರಿಗಾಗಿ ಸಂಪೂರ್ಣ ಸಾವಯವ ಉತ್ಪನ್ನಗಳಿಂದ ಸಿದ್ಧಪಡಿಸಿದ ಸಾರಾ ಕುಂಕುಮಾದಿ ತೈಲ ಸಹಕಾರಿ. ಗುಡ್ಡಗಾಡಿನ ಗಿಡಮೂಲಿಕೆಗಳ ರಹಸ್ಯ ಅರಿತ ತಜ್ಞರು ಅದನ್ನು ಸಾರಾ ಕುಂಕುಮಾದಿ ತೈಲದಲ್ಲಿ ಅಳವಡಿಸಿದ್ದಾರೆ. ಅರಶಿನ, ಚಂದನ, ಕೇಸರಿ, ಬಾದಾಮಿ ಸೇರಿ ಹಲವು ಉತ್ಪನ್ನಗಳ ಸಮಗ್ರ ಮಿಶ್ರಣದ ಸತ್ವ ಸಾರಾ ಕುಂಕುಮಾದಿ ತೈಲದಲ್ಲಿ ಅಡಗಿದೆ. ರಾತ್ರಿ ಮಲಗುವ ಮುನ್ನ ಪ್ರತಿ ದಿನ ಎರಡು ಹನಿಯಂತೆ ಇದನ್ನು ಬಳಸಿದಲ್ಲಿ ಬೇರೆ ಸೌಂದರ್ಯ ವರ್ಧಕಗಳನ್ನು ಬಳಸುವ ಅಗತ್ಯವೇ ಇಲ್ಲ ಎಂಬುದು ಗ್ರಾಹಕರ ಮಾತು. ಐದು ವರ್ಷದ ಹಿಂದೆ ಶುರುವಾದ `ಪಾನಿಕ್ ಹರ್ಬಲ್ ಬ್ಯೂಟಿ’ ಕಂಪನಿ ಸದ್ಯ 60 ಜನರಿಗೆ ಉದ್ಯೋಗ ನೀಡಿದೆ. ವಿವಿಧ ಎಜನ್ಸಿಗಳ ಮೂಲಕ ಉತ್ಪನ್ನ ವಿತರಣೆ ಕಾರ್ಯ ನಡೆಯುತ್ತಿದೆ. 11 ಸಾವಿರ ಖಾಯಂ ಗ್ರಾಹಕರನ್ನು ಹೊಂದಿದೆ. ಈ ಉತ್ಪನ್ನಕ್ಕೆ ವಿದೇಶಗಳಿಂದ ಸಹ ಬೇಡಿಕೆ ಬರುತ್ತಿದ್ದು, ಖ್ಯಾತ ನಟ-ನಟಿಯರಿಗೆ ಸಾರಾ ಕುಂಕುಮಾದಿ ತೈಲ ಆಪ್ತ ಆಯ್ಕೆಯಾಗಿ ಗುರುತಿಸಿಕೊಂಡಿದೆ. ನಿರ0ತರವಾಗಿ ಈ ತೈಲ ಬಳಕೆಯಿಂದ ಎಲ್ಲಾ ಬಗೆಯ ಚರ್ಮ ಸಮಸ್ಯೆ ದುರವಾಗಲಿದೆ.ಮುಪ್ಪು ತಡೆಯುವ ವಿಧಾನದಲ್ಲಿಯೂ ಈ ತೈಲದ ಪಾತ್ರವಿದೆ. ಪುರುಷ ಹಾಗೂ ಮಹಿಳೆ ಎಂಬ ಬೇದವಿಲ್ಲದೇ ಎಲ್ಲರೂ ಇದನ್ನು ಬಳಸಬಹುದಾಗಿದ್ದು, ಒಮ್ಮೆ ಈ ತೈಲ ಬಳಸಿದವರು ಅದನ್ನು ಇನ್ನೊಬ್ಬರಿಗೆ ಶಿಫಾರಸ್ಸು ಮಾಡುತ್ತಿದ್ದಾರೆ. ಸಾರಾ ಕುಂಕುಮಾದಿ ತೈಲ ಆಪ್ತರಿಗೆ ಉಡುಗರೆ ನೀಡಲು ಉತ್ತಮ ಆಯ್ಕೆ. ಉತ್ಪನ್ನ ಖರೀದಿಗೆ ಇಲ್ಲಿ ವಾಟ್ಸಪ್ ಮಾಡಿ: 9632529959 ಅಥವಾ 9986152236 ಅಥವಾ ಈ ವೆಬ್‌ಸೈಟ್‌ಗೆ ಭೇಟಿ ನೀಡಿ: https://www.painaik.com/ #sponsored 
- [ಮೊದಲು ಭೂಮಿ ನೋಡಿ.. ನಂತರವೇ ಮಾತುಕಥೆಗೆ ಬನ್ನಿ!](https://mobiletime.in/2025/10/first-look-at-the-land-then-come-to-the-conversation/): `ಕಾಡಿನ ನಡುವೆ ಪುಟ್ಟ ಜೋಪಡಿ ನಿರ್ಮಿಸಿ ವಾಸಿಸಬೇಕು. ಅಲ್ಲಿ ಎಲ್ಲಾ ಬಗೆಯ ಮೂಲಭೂತ ಸೌಕರ್ಯವೂ ಜೊತೆಗಿರಬೇಕು’ ಎಂದು ಬಯಸುವವರು ಕುಮಟಾ-ಗೋಕರ್ಣ ನಡುವಿನ ಪ್ರದೇಶದಲ್ಲಿ ಭೂಮಿ ಖರೀದಿಸಬೇಕು. ಉತ್ತಮ ರಸ್ತೆ, ವರ್ಷಪೂರ್ತಿ ನೀರಿನ ಜೊತೆ ನಿವೃತ್ತಿಯ ನಂತರ ಸಮೃದ್ಧಿ ಬಯಸುವವರಿಗೂ ಈ ಪ್ರದೇಶ ಸೂಕ್ತ. ಉತ್ತರ ಕನ್ನಡ ಜಿಲ್ಲೆಯ ಹೃದಯಭಾಗವಾದ ಯಾಣ-ಗೋಕರ್ಣದ ನಡುವೆ 3.13 ಎಕರೆ ಜಾಗ ಮಾರಾಟಕ್ಕಿದೆ. ಅವರವರ ಅಗತ್ಯಕ್ಕೆ ಅನುಗುಣವಾಗಿ ಗುಂಟೆ ಲೆಕ್ಕದಲ್ಲಿಯೂ ಜಾಗ ಸಿಗುತ್ತದೆ. ಇಲ್ಲವೇ ಮೂರುಕಾಲು ಎಕರೆಯನ್ನು ಖರೀದಿಸುವವರಿಗೂ ಯೋಗ್ಯ ಬೆಲೆಗೆ ಜಾಗ ಕೊಡಲಾಗುತ್ತದೆ. ಯಾಣದಿಂದ 10ಕಿಮೀ ಹಾಗೂ ಗೋಕರ್ಣದಿಂದ 24ಕಿಮೀ ದೂರದಲ್ಲಿರುವ ಈ ಜಾಗ ಪ್ರವಾಸೋದ್ಯಮ ಚಟುವಟಿಕೆ ನಡೆಸುವರಿಗೆ ಸಹ ಹೇಳಿ ಮಾಡಿಸಿದ ಪ್ರದೇಶ. ಕಾರಣ ಪ್ರಸಿದ್ಧ ವಿಭೂತಿ ಜಲಪಾತ ಸಹ ಇಲ್ಲಿಂದ 8ಕಿಮೀ ಮಾತ್ರ. ಜೊತೆಗೆ ಮಿರ್ಜಾನ್ ಕೋಟೆ, ಕಡಲತೀರಗಳೆಲ್ಲವೂ ಇಲ್ಲಿಂದ ತೀರಾ ಹತ್ತಿರ. ಈ ಹಸಿರು ಕೃಷಿ ಭೂಮಿಗೆ ಯಾವುದೇ ತಂಟೆ ತಕರಾರಿಲ್ಲ. ಅಕ್ಕ-ಪಕ್ಕದವರ ಕಿರಿಕಿರಿಯಿಲ್ಲ. ಈಗಾಗಲೇ ವಿವಿಧ ಬ್ಯಾಂಕುಗಳು ಜಾಗದ ಮೇಲೆ ಸಾಲವನ್ನು ನೀಡಿದ್ದರಿಂದ ದಾಖಲೆಗಳ ಬಗ್ಗೆಯೂ ಅನುಮಾನಪಡಬೇಕಾಗಿಲ್ಲ. ಅದಾಗಿಯೂ, ದಾಖಲೆಗಳ ಪರಿಶೀಲನೆಗೆ ಸಾಕಷ್ಟು ಅವಕಾಶವಿದ್ದು, ಭೂ ಪರಿವರ್ತನೆಗೆ ಸಹ ಹೆಚ್ಚಿನ ಓಡಾಟ ಬೇಕಾಗಿಲ್ಲ. ರೆಸಾರ್ಟ, ಯೋಗ ಕೇಂದ್ರ, ಸಾವಯವ ಕೃಷಿ ಅಥವಾ ವಿಲ್ಲಾ ಬಗೆಯ ಮನೆ ನಿರ್ಮಿಸಲು ಈ ಜಾಗ ಅತ್ಯುತ್ತಮ. ಇದರೊಂದಿಗೆ ಆಯುರ್ವೇದ ಗಿಡಮೂಲಿಕೆ, ಸಂಶೋಧನೆಗಳಿಗೂ ಇಲ್ಲಿ ಸಾಕಷ್ಟು ಅವಕಾಶಗಳಿವೆ. ಸುತ್ತಲು ಹಸಿರಿನ ಕಾಡು, ವರ್ಷವಿಡೀ ಹರಿಯುವ ನೀರಿಗೆ ಇಲ್ಲಿ ಎಂದಿಗೂ ಬರಗಾಲವಿಲ್ಲ. ಈ ಜಾಗ ಫಾರ್ಮ ಹೌಸ್, ಹೋಂ ಸ್ಟೇ, ರೆಸಾರ್ಟ ಅಥವಾ ಆಯುರ್ವೇದ ಚಿಕಿತ್ಸಾ ಕೇಂದ್ರಕ್ಕೆ ಸೂಕ್ತ ಪ್ರದೇಶ. ಪ್ರವಾಸೋದ್ಯಮ ಚಟುವಟಿಕೆಗೆ ಸಾಕಷ್ಟು ಅವಕಾಶಗಳಿರುವುದರಿಂದ ಇದೀಗ ಹಣ ಹೂಡಿಕೆ ಮಾಡಿದರೂ 5-10 ವರ್ಷದಲ್ಲಿ ಶೇ 50ರಷ್ಟು ಬೆಲೆ ಏರಿಕೆ ಸಾಧ್ಯ. ಸದ್ಯ ಒಂದು ಎಕರೆಗೆ 35 ಲಕ್ಷ ರೂ ಹಾಗೂ 3 ಎಕರೆಗೆ 99 ಲಕ್ಷ ರೂಪಾಯಿ ದರದಲ್ಲಿ ಈ ಕ್ಷೇತ್ರ ಮಾರಾಟಕ್ಕಿದೆ. ಕರಾವಳಿ ಭಾಗದಲ್ಲಿ ಅತ್ಯಂತ ವೇಗವಾಗಿ ಪರಿಸರ ಪ್ರವಾಸೋದ್ಯಮ ಬೆಳವಣಿಗೆಯಾಗುತ್ತಿದ್ದು, ದಿನದಿಂದ ದಿನಕ್ಕೆ ಭೂಮಿಯ ಬೆಲೆಯೂ ಏರಿಕೆಯಾಗುತ್ತಿದೆ. ಅದಾಗಿಯೂ ಈ ಪ್ರದೇಶದಲ್ಲಿ 1ಗುಂಟೆಗೆ 1.10 ಲಕ್ಷ ರು ಆಸುಪಾಸಿನಲ್ಲಿ ಜಾಗ ಕೊಡಲಾಗುತ್ತಿದೆ. ಮೂರುಕಾಲು ಎಕರೆ ಭೂಮಿಯೂ ಬೇಕು ಎಂದವರು ಕೋಟಿ ರೂಪಾಯಿಗಿಂತಲೂ ಕಡಿಮೆ ಬೆಲೆಗೆ ಈ ಜಾಗ ಖರೀದಿಸಲು ಸಾಧ್ಯ. ಮೊದಲು ಭೂಮಿ ನೋಡಿ.. ನಂತರವೇ ಮಾತುಕಥೆಗೆ ಬನ್ನಿ! ಮತ್ತೆನಾದರೂ ಗೊಂದಲವಿದ್ದರೆ ಮರೆಯದೇ ಫೋನ್ ಮಾಡಿ: 9620942230 ಅಥವಾ 9611231166
- [ಗೃಹ ಕೈಗಾರಿಕೆ: ದರ ದುಬಾರಿಯಲ್ಲ.. ಗುಣಮಟ್ಟದಲ್ಲಿ ರಾಜಿ ಇಲ್ಲ!](https://mobiletime.in/2025/10/home-industry-the-price-is-not-expensive-there-is-no-compromise-on-quality/): ಆಲೋವೆರಾ, ತೆಂಗಿನ ಎಣ್ಣೆ ಮೊದಲಾದ ವಸ್ತುಗಳನ್ನು ಬಳಸಿ ಕಮಲಾ ಪೂಜಾರಿ ಅವರು ಸಾಬೂನು ಸಿದ್ದಪಡಿಸುತ್ತಾರೆ. ಊರಿನಿಂದ ಊರಿಗೆ ಅಲೆದಾಡಿ ಅವುಗಳನ್ನು ಅವರು ಮಾರಾಟ ಮಾಡುತ್ತಾರೆ. ಮನೆಯಲ್ಲಿಯೇ ತಯಾರಾಗುವ ಈ ಸಾಬೂನು ದರ ದುಬಾರಿ ಅಲ್ಲ. ಗುಣಮಟ್ಟದಲ್ಲಿಯೂ ಅವರು ರಾಜಿ ಮಾಡಿಕೊಂಡಿಲ್ಲ! ಯಲ್ಲಾಪುರ ತಾಲೂಕಿನ ಮಂಚಿಕೇರಿ ಬಳಿಯ ಬೈಚಗೋಡದಲ್ಲಿ ಕಮಲಾ ಪೂಜಾರಿ ಅವರು ವಾಸವಾಗಿದ್ದಾರೆ. ಮೊದಲು ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಕಳೆದ ನಾಲ್ಕು ವರ್ಷಗಳಿಂದ ಗೃಹ ಕೈಗಾರಿಕೆಯತ್ತ ಒಲವು ತೋರಿದ್ದು, ಸದ್ಯ ಮನೆಯಲ್ಲಿಯೇ ಉದಬತ್ತಿ, ಸಾಬೂನು, ಫಿನಾಯಲ್ ಸೇರಿ ವಿವಿಧ ವಸ್ತುಗಳನ್ನು ತಯಾರಿಸುತ್ತಾರೆ. ಧರ್ಮಸ್ಥಳ ಗ್ರಾಮೀಣಾಭಿವೃದ್ದಿ ಸಂಸ್ಥೆಯಲ್ಲಿ ಕಮಲಾ ಪೂಜಾರಿ ಅವರು ಒಂದು ದಿನದ ಕರಕುಶಲ ತಯಾರಿಕೆ ತರಬೇತಿಪಡೆದಿದ್ದರು. ಅದಾದ ನಂತರ ಒಂದು ಸಾವಿರ ರೂ ಹಣ ನೀಡಿ ಶಿರಸಿಯ ವಿವೇಕಾನಂದ ರಾಯ್ಕರ್ ಅವರ ಬಳಿ ತರಬೇತಿಪಡೆದರು. ಅದಾದ ಮೇಲೆ ಶಿರಸಿಯ ಪೂಜಾ ಅಸೋಶಿಯೇಟ್ಸ್ ಮೂಲಕ ಕಚ್ಚಾ ವಸ್ತುಗಳನ್ನು ತಂದು ಮನೆಯಲ್ಲಿ ಕೆಲಸ ಶುರು ಮಾಡಿದರು. ಮನೆ ಸುತ್ತಮುತ್ತಲಿನ ಕೆಲವರಿಗೆ ಮೊದಲು ಆ ಉತ್ಪನ್ನಗಳನ್ನು ಮಾರಾಟ ಮಾಡಿದರು. ಅದಾದ ನಂತರ ಮಂಚಿಕೇರಿ-ಉಮ್ಮಚ್ಗಿ ಮೊದಲಾದ ಕಡೆ ತೆರಳಿ ಮಾರಾಟ ಶುರು ಮಾಡಿದರು. ಬಿಡುವಿನ ವೇಳೆ ಉತ್ಪನ್ನ ತಯಾರಿಕೆ ಹಾಗೂ ಉಳಿದ ದಿನಗಳಲ್ಲಿ ಮನೆ ಮನೆ ತಿರುಗಿ ಉತ್ಪನ್ನ ಮಾರಾಟ ಮಾಡುವುದನ್ನು ಅವರು ಕಾಯಕವನ್ನಾಗಿಸಿಕೊಂಡರು. ಸಿದ್ದಪಡಿಸಿದ ಉತ್ಪನ್ನಗಳನ್ನು ಅವರು ದೊಡ್ಡ ಮಟ್ಟದಲ್ಲಿ ಪ್ರಚಾರ ಮಾಡಲಿಲ್ಲ. ಅದಾಗಿಯೂ ಗುಣಮಟ್ಟದ ವಸ್ತುಗಳನ್ನು ಖರೀದಿಸಿದ ಜನ ಮನೆಗೆ ಆಗಮಿಸಿ ಸಾಬೂನು-ಉದಬತ್ತಿ ಖರೀದಿಸಿದರು. ದಿನದಿಂದ ದಿನಕ್ಕೆ ಕಮಲಾ ಪೂಜಾರಿ ಅವರು ನಡೆಸುತ್ತಿರುವ ಮಾರುಕಟ್ಟೆ ವಿಸ್ತಾರವಾಗುತ್ತಿದ್ದು, ತಾವು ಸಿದ್ದಪಡಿಸಿದ ಉತ್ಪನ್ನಗಳನ್ನು ಅಂಚೆ ಮೂಲಕವೂ ಅವರು ವಿವಿಧ ಊರುಗಳಿಗೆ ರವಾನಿಸಲು ಸಿದ್ಧವಾಗಿದ್ದಾರೆ. ಕಮಲಾ ಪೂಜಾರಿ ಅವರ ಪತಿ ಶ್ರೀನಿವಾಸ ಪೂಜಾರಿ ಅವರು ಈ ಉದ್ದಿಮೆಯಲ್ಲಿ ಸಹಕಾರ ನೀಡುತ್ತಿದ್ದಾರೆ. ಮನೆಯಲ್ಲಿಯೇ ತಯಾರಿಸಿದ ನೈಸರ್ಗಿಕ ಉತ್ಪನ್ನಗಳು ನಿಮಗೂ ಅಗತ್ಯವಿದ್ದರೆ ಇಲ್ಲಿ ಫೋನ್ ಮಾಡಿ: 8431380590 #sponsored
- [2025 ಅಕ್ಟೊಬರ್ 08ರ ದಿನ ಭವಿಷ್ಯ](https://mobiletime.in/2025/10/prediction-for-october-8-2025/): ಮೇಷ ರಾಶಿ: ನೀವು ಮಾಡುವ ಕೆಲಸದಲ್ಲಿ ಧೈರ್ಯವಾಗಿರಿ. ಸಂವಹನ ಕೊರತೆ ಸಮಸ್ಯೆ ಆಗದಂತೆ ಎಚ್ಚರವಹಿಸಿ. ಮಾನಸಿಕ ಒತ್ತಡದ ಕೆಲಸಗಳನ್ನು ಮಾಡಬೇಡಿ. ವೃಷಭ ರಾಶಿ: ಹಣಕಾಸಿನ ವಿಷಯದಲ್ಲಿ ಸಣ್ಣ ಪ್ರಮಾಣದ ಲಾಭ ಸಿಗಲಿದೆ. ನಿಮ್ಮ ನಿರ್ಧಾರಗಳು ಸರಿಯಾದ ದಾರಿಯಲ್ಲಿರಲಿ. ಆರೋಗ್ಯದ ಕಡೆ ಗಮನಹರಿಸಿ. ಮಿಥುನ ರಾಶಿ: ನಿಮ್ಮ ಆಸಕ್ತಿ ಹೊಸ ವಿಷಯದ ಕಡೆ ಇರಲಿ. ಉದ್ಯೋಗದ ವಿಷಯದಲ್ಲಿ ಪ್ರಗತಿ ಆಗಲಿದೆ. ಯೋಗ ಹಾಗೂ ಧ್ಯಾನ ನಿಮಗೆ ಉತ್ತಮ ವಾತಾವರಣ ನೀಡಲಿದೆ. ಕರ್ಕ ರಾಶಿ: ಸನ್ನಿವೇಶಗಳನ್ನು ಸರಿಯಾಗಿ ನಿಭಾಯಿಸಿ. ಆತ್ಮಿಯರ ಒಡನಾಟ ತಪ್ಪಿಸಿಕೊಳ್ಳಬೇಡಿ. ವ್ಯಾಪಾರದಲ್ಲಿ ಲಾಭ ಆಗಲಿದೆ. ಸಿಂಹ ರಾಶಿ: ಸ್ನೇಹಿತರ ಜೊತೆ ಸಮಯ ಸಿಗಲಿದೆ. ಉದ್ಯೋಗ ವಿಷಯದಲ್ಲಿ ಬದಲಾವಣೆ ಆಗಲಿದೆ. ಕಷ್ಟದ ಸನ್ನಿವೇಶಗಳು ಎದುರಾಗಬಹುದು. ಕನ್ಯಾ ರಾಶಿ: ಉದ್ಯೋಗದ ವಿಷಯದಲ್ಲಿ ಉತ್ಸಾಹ ಕಡಿಮೆ ಆಗಲಿದೆ. ಜೀವನಕ್ಕೆ ಹೊಸ ಕ್ರಿಯಾಶೀಲತೆ ಅಗತ್ಯವಿದೆ. ಹಳೆ ಸಮಸ್ಯೆಗಳು ದೂರವಾಗಿ ಹೊಸ ಸಮಸ್ಯೆ ಬರುವ ಲಕ್ಷಣವಿದೆ. ತುಲಾ ರಾಶಿ: ನಿಮ್ಮ ಕ್ರಿಯಾತ್ಮಕ ಚಟುವಟಿಕೆಗಳಿಗೆ ಬೆಲೆ ಸಿಗಲಿದೆ. ಖರ್ಚು ವೆಚ್ಚಗಳು ಹೆಚ್ಚಾಗಲಿದೆ. ಆರೋಗ್ಯದ ಕಡೆ ಗಮನಹರಿಸುವುದು ಅಗತ್ಯ. ವೃಶ್ಚಿಕ ರಾಶಿ: ಹಳೆಯ ಜವಾಬ್ದಾರಿಗಳಿಂದ ಮುಕ್ತರಾಗುವಿರಿ. ಹೊಸ ಹೊಣೆಯನ್ನು ಹೋರುವಿರಿ. ಮಾನಸಿಕ ನೆಮ್ಮದಿಗೆ ಅಗತ್ಯವಿರುವ ಕೆಲಸ ಮಾಡಿ. ಧನು ರಾಶಿ: ಕಡಿಮೆ ಕೆಲಸವೂ ನಿಮಗೆ ಹೆಚ್ಚು ಫಲ ಕೊಡಲಿದೆ. ಯಶಸ್ಸು ನಿಮ್ಮ ಹತ್ತಿರದಲ್ಲಿದೆ. ಹಣಕಾಸಿನ ಸ್ಥಿರತೆ ಸಾಧಿಸುವುದು ಮುಖ್ಯ. ಮಕರ ರಾಶಿ: ದೂರದ ಊರಿನ ಪ್ರಯಾಣ ಈ ದಿನ ಬೇಡ. ಕೆಲಸದಲ್ಲಿ ಸಾಧನೆ ಆಗಬೇಕು ಎಂದರೆ ತಾಳ್ಮೆ ಅಗತ್ಯ. ಪುಸ್ತಕ ಓದು ನಿಮ್ಮ ಜ್ಞಾನ ಅಭಿವೃದ್ಧಿಗೆ ಸಹಾಯಕ. ಕುಂಭ ರಾಶಿ: ಉದ್ಯೋಗ-ವ್ಯಾಪಾರದಲ್ಲಿ ಸುಧಾರಣೆ ಸಾಧ್ಯವಿದೆ. ಕುಟುಂಬದವರ ಆಗು-ಹೋಗುಗಳಿಗೆ ಸ್ಪಂದಿಸಿ. ಧಾರ್ಮಿಕ ಚಟುವಟಿಕೆಯಲ್ಲಿ ಭಾಗವಹಿಸುವಿರಿ. ಚಿಕ್ಕ ಸಮಸ್ಯೆ ನಿಮ್ಮನ್ನು ಕಾಡಬಹುದು. ಮೀನ ರಾಶಿ: ಸಣ್ಣ ಸಣ್ಣ ಸವಾಲುಗಳು ಸಹ ನೀವು ಕಳೆಗುಂದುವAತೆ ಮಾಡಬಹುದು. ನೆಮ್ಮದಿಗಾಗಿ ಧ್ಯಾನ ಮಾಡಿ. ಹಣಕಾಸು ಲಾಭ ಆಗಲಿದೆ.
- [ಬದುಕಿಗೆ ಮಾರಕವಾದ ಬರ್ತಡೆ ಪಾರ್ಟಿ!](https://mobiletime.in/2025/10/a-life-threatening-birthday-party/): ಯಲ್ಲಾಪುರ-ಅಂಕೋಲಾ ಗಡಿಭಾಗದ ಕೆಳಾಸೆ ಹೊಳೆಯಲ್ಲಿ ಯುವಕನೊಬ್ಬ ಕೊಚ್ಚಿ ಹೋಗಿದ್ದು, ಶೋಧ ಕಾರ್ಯ ನಡೆಯುತ್ತಿದೆ. ಹೊಳೆಯಲ್ಲಿ ಯುವಕ ಮುಳುಗಿದ್ದು, ಆತ ಬದುಕಿದರೆ ಅದೇ ದೊಡ್ಡ ಪವಾಡ! ಮಂಗಳವಾರ ಸಂಜೆ ಯಲ್ಲಾಪುರದ ಸಬಗೇರಿಯ ಸಾಗರ್ ರಾಮಾ ದೇವಾಡಿಗ (23) ಅವರು ಅರಬೈಲ್ ಬಳಿ ಹೋಗಿದ್ದರು. ಕೆಳಾಸೆ ಹೊಳೆ ಬಳಿ ಅವರು ಬರ್ತಡೆ ಪಾರ್ಟಿ ಮಾಡುತ್ತಿದ್ದರು. ಸ್ನೇಹಿತರಾದ ದಿನೇಶ, ಪುನಿತ್, ವಿನೋದ ಸಹ ಇದ್ದರು. ಮೋಜು-ಮಸ್ತಿಯಲ್ಲಿರುವಾಗ ಸಾಗರ ದೇವಾಡಿಗ ಅವರು ನೀರಿನ ಕಡೆ ಹೋದರು. ಬರ್ತಡೆ ಅಂಗವಾಗಿ ಹೊಳೆ ಅಂಚಿನ ಕಾಡಿನಲ್ಲಿ ಬರ್ತಡೆ ಪಾರ್ಟಿ ಮಿತಿ ಮೀರಿತ್ತು. ಪರಿಣಾಮ ಆ ಹೊಳೆಯಲ್ಲಿ ಅವರು ಕೊಚ್ಚಿ ಹೋಗಿದ್ದು, ಇದರಿಂದ ಅವರ ಸ್ನೇಹಿತರು ಆತಂಕಕ್ಕೆ ಒಳಗಾದರು. ಸಾಹರ ಕೊಚ್ಚಿಹೋದ ಬಗ್ಗೆ ಅಕ್ಕಪಕ್ಕದವರಿಗೆ ವಿಷಯ ಮುಟ್ಟಿಸಿದರು. ಪೊಲೀಸರು ಸಹ ಸ್ಥಳಕ್ಕೆ ಬಂದು ಶೋಧ ನಡೆಸಿದರು. ಆದರೆ, ಸಾಗರ ಅವರ ಸುಳಿವು ಸಿಗಲಿಲ್ಲ. ರಾತ್ರಿಯವರೆಗೂ ಹುಡುಕಾಟ ಮುಂದುವರೆದಿದೆ.
- [ಮನೆಯಿಂದ ಹೊರಟ ಮೀನುಗಾರ: ಮರಳಿ ಬಂದಿದ್ದು ಆತನ ಶವ!](https://mobiletime.in/2025/10/a-fisherman-left-home-his-body-returned/): ಗೋಕರ್ಣದ ನಾಗೇಶ ಅಂಬಿಗ ಅವರು ಭಟ್ಕಳದ ಕಡೆ ಮೀನುಗಾರಿಕೆಗೆ ಹೋದಾಗ ಸಾವನಪ್ಪಿದ್ದಾರೆ. ಮುರುಡೇಶ್ವರದ ಜಲವಿಜಯ ಬೋಟಿನಲ್ಲಿ ಅವರು ಕುಸಿದು ಬಿದ್ದಿದ್ದು, ಅಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಗೋಕರ್ಣ ಬಳಿಯ ಬೇಲಿಹಿತ್ಲದ ನಾಗೇಶ ಮಹಾಬಲೇಶ್ವರ ಅಂಬಿಗ (48) ಅವರು ಮೀನುಗಾರಿಕೆಯಲ್ಲಿ ಪರಿಣಿತಿಪಡೆದಿದ್ದರು. ಅಕ್ಟೊಬರ್ 6ರಂದು ಅವರು ಮುರುಡೇಶ್ವರದ ನಿತ್ಯಾನಂದ ನಾರಾಯಣ ಖಾರ್ವಿ ಅವರ ಬೋಟಿನ ಕೆಲಸಕ್ಕೆ ಹೋಗಿದ್ದರು. ಜಲವಿಜಯ ಎಂಬ ಯಾಂತ್ರಿಕೃತ ಬೋಟಿನಲ್ಲಿ ಅವರು ಅರಬ್ಬಿ ಸಮುದ್ರಕ್ಕೆ ಇಳಿದಿದ್ದರು. ಆ ಬೋಟು ಎಂಟು ನಾಟಿಕಲ್ ಮೈಲು ದೂರ ಸಾಗಿದಾಗ ನಾಗೇಶ ಅಂಬಿಗ ಅವರು ಕುಸಿದು ಬಿದ್ದರು. ಬೋಟಿನಲ್ಲಿ ಬಿದ್ದ ಅವರನ್ನು ಇನ್ನಿತರ ಮೀನುಗಾರರು ಉಪಚರಿಸಿದ್ದು, ನಂತರ ಆಸ್ಪತ್ರೆಗೆ ಸಾಗಿಸಿದರು. ಆದರೆ, ನಾಗೇಶ ಅಂಬಿಗ ಅವರು ಬದುಕಲಿಲ್ಲ. ಈ ಬಗ್ಗೆ ಅವರ ಸಹೋದರ ಮಂಜುನಾಥ ಅಂಬಿಗ ಅವರು ಪೊಲೀಸರಿಗೆ ತಿಳಿಸಿದರು. ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಉದ್ಯೋಗ ಕೊಡಿಸುವುದೇ ಆತನ ಉದ್ಯೋಗ!](https://mobiletime.in/2025/10/his-job-is-to-provide-employment/): ಹೊನ್ನಾವರದ ಹೆರಅಂಗಡಿಯ ಜಾಫರ್ ಮುಕ್ತೇಸರ್ ಅವರು ವಿದೇಶದಲ್ಲಿ ನೌಕರಿ ಕೊಡಿಸುವುದಾಗಿ ನಂಬಿಸಿ ಹಣಪಡೆಯುತ್ತಾರೆ. ಆದರೆ, ಹಣ ಕೊಟ್ಟವರಿಗೆ ನೌಕರಿಯೂ ಸಿಕ್ಕಿಲ್ಲ. ಕೊಟ್ಟ ಹಣವೂ ಮರಳಿ ಬಂದಿಲ್ಲ! ಜಾಫರ್ ಮುಕ್ತೇಸರ್ ಅವರ ಜೊತೆ ಇನ್ನಿತರರು ಈ ಕೆಲಸದಲ್ಲಿ ಕೈ ಜೋಡಿಸಿದ್ದು, ಈಗಾಗಲೇ ಹಲವರಿಗೆ ಮೋಸ ಮಾಡಿದ್ದಾರೆ. ಹೀಗಾಗಿ `ಉದ್ಯೋಗ ಕೊಡಿಸುವುದಾಗಿ ಹಣಪಡೆದು ವಂಚಿಸುವ ಜಾಲದವರನ್ನು ಬಂಧಿಸಬೇಕು’ ಎಂದು ಮಂಗಳೂರಿನ ಕರ್ನಾಟಕ ಗಡಿನಾಡು ರಕ್ಷಣಾ ವೇದಿಕೆ ಮುಖಂಡ ಸಿದ್ದಿಕ್ ತಲಪಾಡಿ ಆಗ್ರಹಿಸಿದ್ದಾರೆ. `ಹೊನ್ನಾವರದ ಹೆರಂಗಡಿ ಮೂಲದ ಜಾಫರ್ ಹುಸೇನ್ ಮುಕ್ತೇಸರ್, ನೌಶಾದ್ @ ನೌಶಾ ಖ್ವಾಜಾ ದಾವೂದ್ ಹಾಗೂ ಹೈದರಾಬಾದ್ ಮೂಲದ ಸುಜಾತಾ ಜಮ್ಮಿ ಕುಂಟಾ ಸೇರಿ ಕುವೈತ್‌ನಲ್ಲಿ ಉದ್ಯೋಗ ಕೊಡಿಸುವುದಾಗಿ ಉತ್ತರ ಕನ್ನಡ ಸೇರಿದಂತೆ ರಾಜ್ಯ ಹಾಗೂ ಹೊರ ರಾಜ್ಯದ ಹಲವರಿಗೆ ವಂಚನೆ ಮಾಡಿದ್ದಾರೆ. ಈ ಬಗ್ಗೆ ಕೇರಳದ ವಯ್ಯಲಪರಕ್ಕೋಡದ ಬಿಜ್ಜು ದಾಮೋದರನ್ ಉದಯಂತಜಿAತಿಲ್ ಹೊನ್ನಾವರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ’ ಎಂದವರು ಮಾಹಿತಿ ನೀಡಿದರು. `33ಕ್ಕೂ ಹೆಚ್ಚು ಜನರಿಗೆ ವಂಚನೆ ಮಾಡಿರುವ ಆರೋಪ ಇದ್ದು ಈಗಾಗಲೇ ವಂಚನೆಗೊಳಗಾದವರು ಹೊನ್ನಾವರ ಪೊಲೀಸ್ ಠಾಣೆಗೆ ಹಾಜರಾಗಿ ಸಾಕ್ಷಿಯಾಗುತ್ತಿದ್ದಾರೆ. ಜಾಪರ್ ಮುಕ್ತೆಸರ್ ಕುವೇತ್‌ನಲ್ಲಿ ಡಿಫೆನ್ಸ್ಲ್ಲಿ 48 ಉದ್ಯೋಗಾವಕಾಶಗಳಿವೆ ಎಂದು ತನ್ನ ಪರಿಚಯಸ್ಥರು ಹಾಗೂ ಏಜೆಂಟರುಗಳ ಮೂಲಕ ಜನರನ್ನು ಒಟ್ಟೂಗೂಡಿಸಿ ಹಣ ಹಾಕಿಸಿಕೊಂಡಿದ್ದಾರೆ. ಇದನ್ನು ನಂಬಿದ ಬಿಜ್ಜು ದಾಮೋದರನ್ 33 ಜನರ ಪಾಸ್‌ಪೋರ್ಟ್ ಮತ್ತು ದಾಖಲೆಗಳನ್ನು ಒದಗಿಸಿದ್ದಾರೆ. ಬಳಿಕ ನಕಲಿ ಉದ್ಯೋಗ ಆಫರ್ ಲೆಟರ್‌ಗಳನ್ನು ಕಳುಹಿಸಿ, ಪ್ರತಿಯೊಬ್ಬ ಅಭ್ಯರ್ಥಿಯಿಂದ 3 ಲಕ್ಷ ರೂ ಪಡೆದು ಸುಮಾರು 52 ಲಕ್ಷ ರೂ ಮೋಸ ಮಾಡಿದ್ದಾರೆ’ ಎಂದು ವಿವರಿಸಿದರು. `ಜಾಫರ್ ಮುಕ್ತೇಸರ್ ಸದ್ಯ ಹೊನ್ನಾವರದಲ್ಲಿದ್ದು, ಕುವೈತ್ ಹಾಗೂ ಕೆನಡಾ ಪೋನ್ ನಂಬರ್ ಬಳಸಿ ವ್ಯವಹಾರ ಮಾಡುತ್ತಾರೆ. ಮತ್ತೆ ಅಮಾಯಕರಿಗೆ ಉದ್ಯೋಗ ಆಸೆ ಹುಟ್ಟಿಸಿ ವಂಚನೆ ಮಾಡುವ ಸಾಧ್ಯತೆ ಹೆಚ್ಚಿರುವುದರಿಂದ ಕೂಡಲೇ ಅವರನ್ನು ಬಂಧಿಸಬೇಕು’ ಎಂದು ಆಗ್ರಹಿಸಿದರು. `ದಾನ-ಧರ್ಮದ ಹೆಸರಿನಲ್ಲಿಯೂ ಜಾಫರ್ ಮುಕ್ತೇಸರ್ ಜನರನ್ನು ಯಾಮಾರಿಸುತ್ತಿದ್ದಾರೆ. ಅಮಾಯಕರಿಗೆ ವಂಚನೆ ಮಾಡಿ ನೀಡುವ ಹಣವನ್ನು ಸ್ಥಳೀಯರು ಧಾರ್ಮಿಕ ಕಾರ್ಯಗಳಿಗೂ ಬಳಸಬಾರದು’ ಎಂದು ಮನವಿ ಮಾಡಿದರು.
- [ಮರದಿಂದ ಬಿದ್ದ ಕುಶಲಕರ್ಮಿ: ಸಾವು!](https://mobiletime.in/2025/10/craftsman-falls-from-tree-death/): ಅಂಕು-ಡೊoಕಾದ ತೆಂಗಿನ ಮರವನ್ನು ಚೈನ್‌ಪುಲ್ಲಿ ಬಳಸಿ ನೇರ ಮಾಡುವ ಹೊನ್ನಾವರದ ಮಂಜುನಾಥ ಮುಕ್ರಿ ಅವರು ಆ ಕೆಲಸ ಮಾಡುವಾಗಲೇ ಮರದಿಂದ ಬಿದ್ದು ಸಾವನಪ್ಪಿದ್ದಾರೆ. 8 ಅಡಿ ಎತ್ತರದಿಂದ ನೆಲಕ್ಕೆ ಬಿದ್ದ ಅವರನ್ನು ಆಸ್ಪತ್ರೆಗೆ ಸಾಗಿಸಿದರೂ ಅದರಿಂದ ಪ್ರಯೋಜನ ಆಗಲಿಲ್ಲ. ಹೊನ್ನಾವರದ ಕಕ್ಕಾರ ಹೂಜಿಮುರಿಯ ಮಂಜುನಾಥ ಮುಕ್ರಿ (46) ಅವರು ಬಾಲ್ಯದಿಂದಲೂ ಶ್ರಮಜೀವಿ ಆಗಿದ್ದರು. ಅಂಕು-ಡೊ0ಕಾದ ಅಡಿಕೆ ಮರವನ್ನು ಸಹ ಅವರು ನೇರ ಮಾಡುವ ಚಾಣಾಕ್ಷತನಹೊಂದಿದ್ದರು. ಜೊತೆಗೆ ವಿದ್ಯುತ್ ರಿಪೇರಿಯಂಥ ಇಲೆಕ್ಟಿçಕಲ್ ಕೆಲಸವನ್ನು ಅವರು ಜವಾಬ್ದಾರಿಯಿಂದ ಮಾಡುತ್ತಿದ್ದರು. ಹೀಗಾಗಿ ಕಡತೋಕ ಹೆಬ್ಳೆಕೊಪ್ಪದ ಮಂಜುನಾಥ ರಾಮಕೃಷ್ಣ ಭಟ್ಟರ ಮನೆ ಕೆಲಸಕ್ಕೆ ಹೋಗಿದ್ದರು. ಅಲ್ಲಿರುವ ತೆಂಗಿನಮರಗಳನ್ನು ನೇರ ಮಾಡುವ ಬಗ್ಗೆ ಅವರು ಮಾತನಾಡಿದ್ದರು. ಮಂಗಳವಾರ ಈ ಕೆಲಸಕ್ಕಾಗಿ ಮಂಜುನಾಥ ಮುಕ್ರಿ ಅವರು ಕಡತೋಕ ಹೆಬ್ಳೆಕೊಪ್ಪದ ಗೋಪಾಲಕೃಷ್ಣ ಭಟ್ಟ, ಗಣೇಶ ಭಟ್ಟ, ನಾರಾಯಣ ಮುಕ್ರಿ ಅವರ ಜೊತೆ ಸೇರಿ ತೋಟದಲ್ಲಿದ್ದ ತೆಂಗಿನ ಮರಗಳನ್ನು ನೇರ ಮಾಡುವ ಕೆಲಸ ಶುರು ಮಾಡಿದ್ದರು. ಒಂದೋoದೇ ಮರ ಸರಿ ಮಾಡುತ್ತ ಅವರೆಲ್ಲರೂ ತೋಟ ಸುತ್ತಾಡಿದರು. ಮಧ್ಯಾಹ್ನ 12ಗಂಟೆಯವರೆಗೂ ಎಲ್ಲಾ ಕೆಲಸ ಸರಾಗವಾಗಿ ಸಾಗಿತು. ಅದಾದ ನಂತರ ಮಂಜುನಾಥ ಮುಕ್ರಿ ಅವರು ಇನ್ನೊಂದು ತೆಂಗಿನ ಮರಕ್ಕೆ ತಮ್ಮ ಬಳಿಯಿದ್ದ ಸ್ಟಾಂಡ್ ಹಾಕಿದರು. 8 ಅಡಿ ಎತ್ತರದಲ್ಲಿ ಮಣೆ ಕಟ್ಟಿ ಅದರ ಮೇಲೆ ಕುಳಿತು ಚೈನ್‌ಪುಲ್ಲಿ ಎಳೆಯಲು ಶುರು ಮಾಡಿದರು. ಈ ವೇಳೆ ಅವರು ಆಯತಪ್ಪಿ ನೆಲಕ್ಕೆ ಬಿದ್ದಿದ್ದು, ನಂತರ ಮಾತನಾಡಲಿಲ್ಲ. ಮಂಜುನಾಥ ಮುಕ್ರಿ ಅವರ ಭಾವ ರಾಜೇಶ ಮುಕ್ರಿ ಅವರಿಗೆ ಗೋಪಾಲಕೃಷ್ಣ ಭಟ್ಟರು ವಿಷಯ ಮುಟ್ಟಿಸಿದರು. ಅಲ್ಲಿನ ಪುರಂದರ ಮುಕ್ರಿ ಅವರ ಜೊತೆ ಕೇರಿಯ ಜನ ಬಂದು ಮಂಜುನಾಥ ಮುಕ್ರಿ ಅವರನ್ನು ರಿಕ್ಷಾ ಮೇಲೆ ಹಾಕಿದರು. ಕಡತೋಕದ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಹೋದಾಗ ಅಲ್ಲಿನ ವೈದ್ಯರು ಬೇರೆ ಕಡೆ ಹೋಗುವಂತೆ ತಿಳಿಸಿದರು. ಖಾಸಗಿ ಆಂಬುಲೆನ್ಸ ಮೂಲಕ ಮಂಜುನಾಥ ಮುಕ್ರಿ ಅವರನ್ನು ಹೊನ್ನಾವರ ಆಸ್ಪತ್ರೆಗೆ ತರಲಾಯಿತು. ಆದರೆ, ಈಗಾಗಲೇ ಮಂಜುನಾಥ ಮುಕ್ರಿ ಸಾವಪ್ಪಿದ ಬಗ್ಗೆ ವೈದ್ಯರು ಘೋಷಿಸಿದರು.
- [ನನಗೂ ಪ್ರೀ.. ನಿನಗೂ ಪ್ರೀ.. ಕಡಲಿಗೆ ಬಂದವರಿಗೆಲ್ಲ ಮೀನು ಪ್ರೀ!](https://mobiletime.in/2025/10/free-for-me-too-free-for-you-too-free-fish-for-everyone-who-comes-to-the-sea/): ಕಾರವಾರ-ಅಂಕೋಲಾ ಭಾಗದ ಕಡಲತೀರದಲ್ಲಿ ಬರಪೂರ ಮೀನು ಸಿಗುತ್ತಿದೆ. ರಾಶಿ ರಾಶಿ ಮೀನು ಕಡಲತೀರಕ್ಕೆ ಬಂದು ಬೀಳುತ್ತಿದ್ದು, ಅದನ್ನು ಆರಿಸಲು ನೂರಾರು ಜನ ಮುಗಿ ಬಿದ್ದಿದ್ದಾರೆ. ಸಾಮಾನ್ಯವಾಗಿ ಯುಗಾದಿಯಿಂದ ದೀಪಾವಳಿ ಹಬ್ಬದ ಅವಧಿಯಲ್ಲಿ ಸಮುದ್ರದಲ್ಲಿನ ವಾತಾವರಣ ಬದಲಾವಣೆ ಆಗುತ್ತದೆ. ಸಮುದ್ರ ಉಷ್ಣತೆಯಿಂದ ತಂಪು ವಾತಾವರಣಕ್ಕೆ ತಿರುಗುವ ಅವಧಿಯಲ್ಲಿ ಅಲ್ಲಿನ ಮೀನುಗಳು ಕಡಲತೀರಕ್ಕೆ ಅಪ್ಪಳಿಸುತ್ತವೆ. ಲಕ್ಷಾಂತರ ಸಂಖ್ಯೆಯಲ್ಲಿ ಒಟ್ಟಿಗೆ ವಾಸಿಸುವ ತರ‍್ಲೆ ಮೀನು ತೀರ ಪ್ರದೇಶದ ಮರಳಿಗೆ ಬರುತ್ತಿದ್ದು, ಅತ್ಯಂತ ಶುಚಿ-ರುಚಿಯಾದ ಈ ಮೀನು ಸವಿಯಲು ಜನ ಹಾತೊರೆಯುತ್ತಿದ್ದಾರೆ. ಮೂರು ದಿನದ ಹಿಂದೆ ಅಂಕೋಲಾದ ಹಾರವಾಡದಲ್ಲಿ ಭೂತಾಯಿ ಮೀನಿನ ಸುಗ್ಗಿ ನಡೆದಿತ್ತು. ಮಂಗಳವಾರ ಬೆಳಗ್ಗೆ ಕಾರವಾರದ ಮಾಜಾಳಿಯಿಂದ ದೇವಭಾಗದವರೆಗೆ ಮೀನುಗಳು ದಡಕ್ಕೆ ಬಂದಿದ್ದವು. ಉಚಿತವಾಗಿ ಮೀನು ಸಿಗುವ ಸುದ್ದಿ ಕೇಳಿ ನೂರಾರು ಜನ ಅಲ್ಲಿ ಹೋಗಿ ಮೀನು ಆರಿಸಿದರು. ಮನೆಯಿಂದ ತಂದ ಬುಟ್ಟಿಗಳಲ್ಲಿ ಮೀನು ತುಂಬಿಕೊAಡು ಹೋಗಿ ಬಗೆ ಬಗೆಯ ಖಾದ್ಯ ಮಾಡಿದರು. `ಮಳೆಗಾಲದ ಅವಧಿಯಲ್ಲಿ ಸಮುದ್ರ ವಾತಾವರಣ ತಂಪಾಗಿದ್ದು, ಬೇಸಿಗೆ ಶುರುವಾಗುವಾಗ ಅಲ್ಲಿ ಕಾವು ಶುರುವಾಗುತ್ತದೆ. ಈ ಅವಧಿಯಲ್ಲಿ ದಿಡೀರ್ ಹವಾಮಾನ ಬದಲಾವಣೆ ಆಗುವುದರಿಂದ ಮೀನುಗಳು ದಡಕ್ಕೆ ಬರುವುದು ಸಾಮಾನ್ಯ’ ಎಂದು ಪ್ರಮೋದ ಹರಿಕಂತ್ರ ವಿವರಿಸಿದರು. `ಮಂಗಳವಾರ ಮಾಜಾಳಿಯಿಂದ ದೇವಭಾಗದವರೆಗೆ 2ಕಿಮೀ ಪ್ರದೇಶದಲ್ಲಿ ಮೀನು ಸಿಕ್ಕಿದೆ. ಅತ್ಯಂತ ಆರೋಗ್ಯಕರವಾಗಿರುವ ಭೂತಾಯಿ ಮೀನು ಸೇವನೆಯಿಂದ ಮನುಷ್ಯರ ಆರೋಗ್ಯ ವೃದ್ಧಿಯೂ ಸಾಧ್ಯ’ ಎಂದವರು ವಿವರಿಸಿದರು. ದಡದ ಮೇಲೆ ರಾಶಿ-ರಾಶಿ ಮೀನು ಕಂಡು ಸ್ಥಳೀಯರಲ್ಲಿ ಸಂಭ್ರಮ ಕಾಣಿಸಿತು. ಸಮುದ್ರದ ಅಲೆಗಳ ಹೊಡೆತಕ್ಕೆ ದಡಕ್ಕೆ ಬಂದ ಮೀನು ಆರಿಸಲು ಪೈಪೋಟಿ ಕಾಣಿಸಿತು. ಬೆಳಗ್ಗೆ 8 ಗಂಟೆಯಿoದ 10 ಗಂಟೆ ಅವಧಿಯಲ್ಲಿ ಮೀನು ದಡಕ್ಕೆ ಬಂದಿದ್ದು, 30 ನಿಮಿಷದ ಅವಧಿಯಲ್ಲಿ ಬಹುತೇಕ ಮೀನು ಕಾರವಾರಿಗರ ಮನೆ ಸೇರಿತ್ತು. ಕಡಲತೀರಕ್ಕೆ ಬಂದ ಮೀನು-ಜನ ಮುಗಿಬಿದ್ದು ಆರಿಸಿದ ವಿಡಿಯೋ ಇಲ್ಲಿ ನೋಡಿ..
- [ಹಬ್ಬದ ಮಾತು ಕುಲಗೆಡಿಸಿದ ಅಣ್ಣ-ಅತ್ತಿಗೆ!](https://mobiletime.in/2025/10/brother-sister-in-law-who-spoiled-the-festive-occasion/): ಅಂಕೋಲಾದ ಸಂಗೀತಾ ಮಡಿವಾಳ ಹಾಗೂ ಅವರ ಅಣ್ಣ ರಾಜು ನಾಯ್ಕ ನಡುವೆ ಆಸ್ತಿ ವಿಷಯವಾಗಿ ಕಲಹ ಶುರುವಾಗಿದೆ. ರಾಜು ನಾಯ್ಕ ಅವರ ಪತ್ನಿ ರಾಜೇಶ್ವರಿ ನಾಯ್ಕ ಅವರು ಇದೇ ಕಾರಣದಿಂದ ಸಂಗೀತಾ ಮಡಿವಾಳ ಅವರ ಜೊತೆ ಮುನಿಸಿಕೊಂಡಿದ್ದಾರೆ. ಅoಕೋಲಾದ ಹಾರವಾಡದಲ್ಲಿ ಸಂಗೀತಾ ಪ್ರವೀಣ ಮಡಿವಾಳ ಅವರು ವಾಸವಾಗಿದ್ದಾರೆ. ಅವರ ಅಣ್ಣ ರಾಜು ನಾಯ್ಕ ಅವರು ತಮ್ಮ ಪತ್ನಿ ರಾಜೇಶ್ವರಿ ನಾಯ್ಕ ಅವರ ಜೊತೆ ಅದೇ ಊರಿನಲ್ಲಿ ವಾಸವಾಗಿದ್ದಾರೆ. ಈ ಎರಡು ಕುಟುಂಬದ ನಡುವೆ ಆಸ್ತಿ ವಿಷಯವಾಗಿ ವೈಮನಸ್ಸಿದ್ದು, ಅದು ಎರಡು ಕಡೆಯವರ ನೆಮ್ಮದಿ ಕೆಡಿಸಿದೆ. ಸೆಪ್ಟೆಂಬರ್ 14ರಂದು ಸಹ ಆಸ್ತಿ ವಿಷಯ ಈ ಎರಡು ಕುಟುಂಬದವರ ನಡುವಿನ ಜಟಾಪಟಿಗೆ ಕಾರಣವಾಗಿದೆ. ಆ ದಿನ ಸಂಜೆ 4.30ಕ್ಕೆ ಸಂಗೀತಾ ಮಡಿವಾಳ ಅವರು ಮಾಘ ಕಾರ್ಯಕ್ರಮದ ಬಗ್ಗೆ ಮಾತನಾಡುತ್ತಿದ್ದರು. ಹಬ್ಬದ ಸಂಭ್ರಮದ ಬಗ್ಗೆ ಅವರು ಹೇಳುತ್ತಿರುವಾಗ ರಾಜೇಶ್ವರಿ ನಾಯ್ಕ ಅವರು ಮದ್ಯೆ ಮಾತನಾಡಿದರು. ರಾಜು ನಾಯ್ಕ ಅವರು ಆ ಮಾತಿಗೆ ಧ್ವನಿಯಾದರು. ಈ ಮಾತುಕಥೆ ಜಗಳದ ಸ್ವರೂಪಪಡೆಯಿತು. ರಾಜು ನಾಯ್ಕ, ರಾಜೇಶ್ವರಿ ನಾಯ್ಕ ಹಾಗೂ ಸಂಗೀತಾ ಮಡಿವಾಳರ ನಡುವೆ ಕಲಹ ಶುರುವಾಯಿತು. ರಾಜು ನಾಯ್ಕ ಹಾಗೂ ರಾಜೇಶ್ವರಿ ನಾಯ್ಕ ಸೇರಿ ಸಂಗೀತಾ ಮಡಿವಾಳ ಅವರ ಮೈ ಮುಟ್ಟಿದರು. ಅವರನ್ನು ದೂಡಿ ನೆಲಕ್ಕೆ ಬೀಳಿಸಿದರು. ಆಸ್ತಿ ವಿಚಾರದ ಬಗ್ಗೆ ಅವರು ಜಗಳ ಮಾಡಿ ರಂಪಾಟ ಮಾಡಿದರು. ಹಬ್ಬದ ಮಾತುಕಥೆ ಅಲ್ಲಿಗೆ ಮುಕ್ತಾಯವಾದ ಬಗ್ಗೆ ಸಂಗೀತಾ ಮಡಿವಾಳ ಅವರು ಬೇಸರಿಸಿಕೊಂಡರು. ತಮ್ಮ ಮೈ ಮುಟ್ಟಿದ ಅಣ್ಣ-ಅತ್ತಿಗೆಯ ವಿರುದ್ಧ ಸಂಗೀತಾ ಮಡಿವಾಳ ಅವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದರು. ಅಂಕೋಲಾ ಪೊಲೀಸರು ಎರಡು ಕಡೆಯವರಿಗೆ ಸಮಾಧಾನ ಮಾಡಿ ಕಳುಹಿಸಿದರು. ಆದರೆ, ಇದಕ್ಕೆ ತೃಪ್ತರಾಗದ ಸಂಗೀತಾ ಮಡಿವಾಳ ಅವರು ಕೋರ್ಟಿನ ಮೊರೆ ಹೋದರು. ತಮ್ಮ ಮೈ ಮುಟ್ಟಿದವರಿಗೆ ಶಿಕ್ಷೆ ಆಗಬೇಕು ಎಂದು ನ್ಯಾಯಾಧೀಶರಲ್ಲಿ ಕೇಳಿಕೊಂಡರು. ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ತುತ್ತು ಕೊಟ್ಟ ತಾಯಿಗೆ ಬಡಿಗೆ ಬೀಸಿದ ಪುತ್ರ!](https://mobiletime.in/2025/10/son-hits-mother-who-slapped-him/): ಹೊನ್ನಾವರದ ಮಣಿಕಂಠ ನಾಯ್ಕ ಅವರು ನಿತ್ಯವೂ ತಮ್ಮ ತಾಯಿ ಮೀರಾ ನಾಯ್ಕ ಅವರಿಗೆ ಕೋಲಿನಿಂದ ಹೊಡೆಯುತ್ತಾರೆ. ತಂದೆ ಉದಯ ನಾಯ್ಕ ಅವರ ಮೇಲೆಯೂ ಮಣಿಕಂಠ ನಾಯ್ಕ ಅವರು ಕೈ ಮಾಡಿದ್ದಾರೆ. ಹೊನ್ನಾವರದ ಮಂಕಿ ಬಳಿಯ ಹೊಸಪಟ್ಟಣದ ರಾಮನಗರದಲ್ಲಿ ಉದಯ ನಾಯ್ಕ ಹಾಗೂ ಮೀರಾ ನಾಯ್ಕ ದಂಪತಿ ವಾಸವಾಗಿದ್ದಾರೆ. ಅವರ ಮಗ ಮಣಿಕಂಠ ನಾಯ್ಕ (29) ಅವರು ಕೂಲಿ ಕೆಲಸ ಮಾಡುತ್ತಿದ್ದು, ಆ ದುಡಿಮೆಯೇ ಈ ದಂಪತಿ ಜೀವನಕ್ಕೆ ಆಧಾರ. ಆದರೆ, ಮಣಿಕಂಠ ನಾಯ್ಕ ಅವರು ಈಚೆಗೆ ದುಶ್ಚಟಗಳ ದಾಸರಾಗಿದ್ದಾರೆ. `ಸರಾಯಿ ಸೇವನೆ ಒಳ್ಳೆಯದಲ್ಲ’ ಎಂದು ಹೇಳಿದ ಕಾರಣ ತಂದೆ-ತಾಯಿ ಮೇಲೆ ಕೈ ಮಾಡುವುದನ್ನು ಕಲಿತಿದ್ದಾರೆ. ಪ್ರತಿ ದಿನ ಕುಡಿದು ಮನೆಗೆ ಬರುವ ಮಣಿಕಂಠ ನಾಯ್ಕ ಅವರು ಕುಟುಂಬದವರಿಗೆ ನೆಮ್ಮದಿಯಿಂದ ನಿದ್ದೆ ಮಾಡಲು ಬಿಡುತ್ತಿಲ್ಲ. ಪಾಲಕರಿಂದಲೂ ಮಗನ ಕಾಟವನ್ನು ಸಹಿಸಲು ಆಗುತ್ತಿಲ್ಲ. ಅಕ್ಟೊಬರ್ 5ರಂದು ಮಧ್ಯಾಹ್ನ ಉದಯ ನಾಯ್ಕ ಅವರು ಊಟ ಮಾಡಿ ಮಲಗಿದ್ದಾಗ ಸರಾಯಿ ಸೇವಿಸಿ ಬಂದ ಮಣಿಕಂಠ ನಾಯ್ಕ ಅವರು ಏಕಾಏಕಿ ಬೈಗುಳ ಶುರು ಮಾಡಿದ್ದಾರೆ. ಈ ಬಗ್ಗೆ ಪ್ರಶ್ನಿಸಿದಾಗ ಬಡಿಗೆಯಿಂದ ಉದಯ ನಾಯ್ಕ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಜಗಳದ ಬಗ್ಗೆ ವಿಚಾರಿಸಲು ಬಂದ ಮೀರಾ ನಾಯ್ಕ ಅವರ ಮೇಲೆಯೂ ಮಣಿಕಂಠ ನಾಯ್ಕ ಅವರು ಕೈ ಮಾಡಿದ್ದಾರೆ. ಕೋಲಿನಿಂದ ಹೊಡೆದ ಪರಿಣಾಮ ಈ ದಂಪತಿಯ ಮುಖ, ತಲೆಗೆ ಪೆಟ್ಟಾಗಿದೆ. ಮಗನ ಕಾಟ ಸಹಿಸಲಾಗದೇ ಉದಯ ನಾಯ್ಕ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಮಂಕಿ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಶಾಲೆಗೆ ರಜೆ: ಶಿಕ್ಷಕರ ಸಂತಸ!](https://mobiletime.in/2025/10/school-holiday-teachers-are-happy/): ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆ ಪೂರ್ಣಗೊಳ್ಳದ ಹಿನ್ನಲೆ ಅಕ್ಟೋಬರ್ 8ರಿಂದ 11ರವರೆಗೆ ಶಾಲಾ ಸಮಯದಲ್ಲಿ ಬದಲಾವಣೆ ಮಾಡಿದಕ್ಕೆ ಕರ್ನಾಟಕ ರಾಜ್ಯ ಮಾಧ್ಯಮಿಕ ಶಾಲಾ ನೌಕರರ ಸಂಘ ಕಾರವಾರ ಘಟಕ ವಿರೋಧವ್ಯಕ್ತಪಡಿಸಿದ್ದು, ಅದಾದ ಕೆಲವೇ ಗಂಟೆಗಳಲ್ಲಿ ಸರ್ಕಾರ ಶಾಲೆಗಳಿಗೆ ರಜೆ ಘೋಷಿಸಿದೆ. ಈ ಹಿನ್ನಲೆ ಮಾಧ್ಯಮಿಕ ಶಾಲಾ ನೌಕರರ ಸಂಘದವರು ಸಂತಸವ್ಯಕ್ತಪಡಿಸಿದ್ದಾರೆ. ಸರ್ಕಾರ ಮೊದಲು ಶಾಲಾ ಸಮಯದಲ್ಲಿ ಬದಲಾವಣೆ ಮಾಡಲು ಮುಂದಾಗಿತ್ತು. ಅದರ ಪ್ರಕಾರ `ಬೆಳಗ್ಗೆ 8ರಿಂದ 1ಗಂಟೆಯವರೆಗೆ ಶಿಕ್ಷಕರು ಶಾಲಾ ಕೆಲಸ ಮುಗಿಸಬೇಕು. ಅದಾದ ನಂತರ ಸಮೀಕ್ಷೆಯಲ್ಲಿ ತೊಡಗಬೇಕು’ ಎಂದು ಸೂಚಿಸಲಾಗಿತ್ತು. ಕರ್ನಾಟಕ ರಾಜ್ಯ ಮಾಧ್ಯಮಿಕ ಶಾಲಾ ನೌಕರರ ಸಂಘದ ಕಾರವಾರ ಘಟಕ ಇದಕ್ಕೆ ವಿರೋಧವ್ಯಕ್ತಪಡಿಸಿತ್ತು. ಈ ಆದೇಶವನ್ನು ಹಿಂಪಡೆಯಬೇಕು ಎಂದು ಆಗ್ರಹಿಸಿತ್ತು. `ಶಿಕ್ಷಕರು ದಸರಾ ರಜೆಯನ್ನು ಅನುಭವಿಸದೇ ಸಮೀಕ್ಷಾ ಕಾರ್ಯದಲ್ಲಿ ತೊಡಗಿದ್ದಾರೆ. ಹೀಗಿರುವಾಗ ಮತ್ತೆ ಒತ್ತಡದ ಕೆಲಸ ಅಸಾಧ್ಯ’ ಎಂದು ಶಿಕ್ಷಕರು ಹೇಲಿದ್ದರು. ಮಕ್ಕಳ ಮಾನಸಿಕ ಸ್ಥಿತಿಯ ಒತ್ತಡದ ಬಗ್ಗೆಯೂ ಶಿಕ್ಷಕರು ವಿವರಿಸಿದ್ದರು. ಗುಡ್ಡಗಾಡು ಪ್ರದೇಶದಲ್ಲಿ ಮತ್ತು ಶಾಲಾ ವಾಹನದಲ್ಲಿ ಹೋಗುವ ವಿದ್ಯಾರ್ಥಿಗಳಿಗೆ ಸಮಯಕ್ಕೆ ಸರ್ಕಾರಿ ಬಸ್ಸುಗಳ ಸಮರ್ಪಕ ವ್ಯವಸ್ಥೆ ಇಲ್ಲದಿರುವುದನ್ನು ಗಮನಕ್ಕೆ ತಂದಿದ್ದರು.ಈ ಎಲ್ಲಾ ವಿಷಯ ಪರಿಗಣಿಸಿ ಸಕಾರ ಶಾಲೆಗೆ ನೀಡಿದ ರಜಾ ಅವಧಿಯನ್ನು ವಿಸ್ತರಿಸಿದೆ. ಇದಕ್ಕೆ ರಾಜ್ಯ ಮಾಧ್ಯಮಿಕ ಶಾಲಾ ನೌಕರರ ಸಂಘದ ಕಾರವಾರ ಅಧ್ಯಕ್ಷ ಜೈ ರಂಗನಾಥ ಬಿ ಎಸ್ ಸಂತಸವ್ಯಕ್ತಪಡಿಸಿದರು.
- [ನ್ಯಾಯಾಧೀಶರಿಗೆ ಅವಮಾನ: ರೈತ ಸಂಘದ ಖಂಡನೆ](https://mobiletime.in/2025/10/insult-to-judges-farmers-association-condemns/): ಸುಪ್ರೀo ಕೋರ್ಟಿನ ವಕೀಲ ರಾಕೇಶ ಕಿಶೋರ್ ಅವರು ಸೋಮವಾರ ನ್ಯಾಯಾಧೀಶ ಬಿ ಆರ್ ಗವಾಯಿ ಅವರ ಮೇಲೆ ಚಪ್ಪಲಿ ಎಸೆದಿದ್ದು, ಈ ಕ್ರಮವನ್ನು ಕರ್ನಾಟಕ ಪ್ರಾಂತ ರೈತ ಸಂಘ ಖಂಡಿಸಿದೆ. `ಸನಾತನ ಧರ್ಮ ರಕ್ಷಣೆ ಬಗ್ಗೆ ಮಾತನಾಡುವ ವಕೀಲರೊಬ್ಬರು ನ್ಯಾಯಾಧೀಶರ ಮೇಲೆ ಚಪ್ಪಲಿ ಎಸೆದಿರುವುದು ಸರಿಯಲ್ಲ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಅಧ್ಯಕ್ಷ ಶಾಂತಾರಾಮ ನಾಯಕ ಅವರು ಹೇಳಿದ್ದಾರೆ. `ಮುಖ್ಯ ನ್ಯಾಯಮೂರ್ತಿಗಳ ಮೇಲಿನ ದಾಳಿ ಆಘಾತಕಾರಿ, ಆಸಹನೆಯ ಪರಾಕಷ್ಠೆ ಪ್ರತೀಕ’ ಎಂದು ಅವರು ವಿವರಿಸಿದ್ದಾರೆ. `ದೇಶದ ಅತ್ಯುನ್ನತ ನ್ಯಾಯಾಂಗ ಸಂಸ್ಥೆಯಾಗಿರುವ ಸುಪ್ರೀಂ ಕೋರ್ಟಿನ ಮುಖ್ಯ ನ್ಯಾಯಮೂರ್ತಿ ಸ್ಥಾನದಲ್ಲಿ ಪರಿಶಿಷ್ಟ ಜಾತಿಯ ವ್ಯಕ್ತಿ ಒಬ್ಬರು ಕುಳಿತಿರುವುದನ್ನು ಸನಾತನ ಧರ್ಮ ರಕ್ಷಕನ ಅಸಹನೆಗೆ ಮೂಲ ಕಾರಣ. ನರೇಂದ್ರ ಮೋದಿ ಅವರ ಅಧಿಕಾರದ ಅವಧಿಯಲ್ಲಿ ದೇಶದ ಎಲ್ಲಡೆ ಪ್ರತಿ ದಿನ ಇಂಥ ಅಸಹನೆಗಳು ವ್ಯಕ್ತವಾಗುತ್ತಿದ್ದು, ಅದು ಇದೀಗ ಕೋರ್ಟ ಆವರಣವನ್ನು ತಲುಪಿದೆ. ಹಿರಿಯ ವಕೀಲರಾದ ರಾಕೇಶ ಕಿಶೋರ್ ಈ ರೀತಿ ವರ್ತಿಸಿದ್ದು ಸರಿಯಲ್ಲ’ ಎಂದವರು ಬೇಸರವ್ಯಕ್ತಪಡಿಸಿದ್ದಾರೆ. `ಬಿಜೆಪಿ ಮಖಂಡರು ಈಚೆಗೆ ಜಾತಿವಾದಿ, ಮನುವಾದಿ ಮತ್ತು ಸಮುದಾಯ ವಿರೋಧಿ ಹೇಳಿಕೆ ನೀಡುತ್ತಿದ್ದಾರೆ. ಹೀಗಾಗಿ ಇಂಥ ಕೃತ್ಯ ಮಾಡುವವರಿಗೆ ಧೈರ್ಯ ಹೆಚ್ಚಾಗಿದೆ’ ಎಂದು ರೈತ ಸಂಘದ ಕಾರ್ಯದರ್ಶಿ ಶ್ಯಾಮನಾಥ ನಾಯ್ಕ ಅವರು ಅಭಿಪ್ರಾಯಪಟ್ಟಿದ್ದಾರೆ. `ತಮ್ಮ ಮೇಲೆ ದಾಳಿನಡೆದರೂ ಸಂಯಮದಿAದ ವರ್ತಿಸಿರುವ ನ್ಯಾಯಮೂರ್ತಿಗಳ ನಡೆ ಅಭಿನಂದನಾರ್ಹ. ಪ್ರಜಾಪ್ರಭುತ್ವ ಹಾಗೂ ಸಂವಿಧಾನ ಪ್ರೇಮಿಗಳು ಈ ಮತೀಯ ಮನಸ್ಥಿತಿಯ ಹೀನ ಕೃತ್ಯವನ್ನು ಖಂಡಿಸಬೇಕು’ ಎಂದವರು ಹೇಳಿದ್ದಾರೆ.
- [ಅಜ್ಜಿಗೆ ಆದ ಅನ್ಯಾಯದ ವಿರುದ್ಧ ಉಗ್ರ ಹೋರಾಟ!](https://mobiletime.in/2025/10/fierce-fight-against-injustice-to-grandmother/): `ಕುಮಟಾದಲ್ಲಿ 72 ವರ್ಷದ ರಾಧಾ ಆಚಾರಿ ಅವರು ಅನುಭವಿಸುತ್ತಿರುವ ಕಷ್ಟಗಳ ಬಗ್ಗೆ ಅರಿಯದೇ ಅಧಿಕಾರಿಗಳು ಅವರಿಗೆ ಅನ್ಯಾಯ ಮಾಡಿದ್ದಾರೆ. ಹೀಗಾಗಿ ಈ ಅನ್ಯಾಯದ ವಿರುದ್ಧ ಹೋರಾಟ ಅನಿವಾರ್ಯ’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಆಗ್ನೇಲ್ ರೋಡ್ರಿಗಸ್ ಹೇಳಿದ್ದಾರೆ. `ಅಧಿಕಾರಿಗಳು ನೈಜ ಪರಿಸ್ಥಿತಿ ಗಮನಿಸದೇ ವೃದ್ಧೆಗೆ ಸಂದ್ಯಾ ಸುರಕ್ಷಾ ಯೋಜನೆ ಸಿಗದಂತೆ ಮಾಡಿದ್ದಾರೆ’ ಎಂದವರು ದೂರಿದ್ದಾರೆ. `ರಾಧಾ ಆಚಾರಿ ಅವರು ಸಂದ್ಯಾ ಸುರಕ್ಷಾ ಯೋಜನೆಗೆ ಅರ್ಜಿ ಸಲ್ಲಿಸುವುದಕ್ಕಾಗಿ ಆದಾಯ ಪ್ರಮಾಣ ಪತ್ರಕ್ಕೆ ಅರ್ಜಿ ಹಾಕಿದ್ದರು. ಆದರೆ, ಅಧಿಕಾರಿಗಳು ಅವರಿಗಿರುವ ಆದಾಯಕ್ಕಿಂತಲೂ ಹೆಚ್ಚಿನ ಮೊತ್ತ ನಮೂದಿಸಿ ಪ್ರಮಾಣ ಪತ್ರ ಕೊಟ್ಟಿದ್ದಾರೆ. ಸದ್ಯ ಗೃಹಲಕ್ಷ್ಮಿ ಹಣ ಬಿಟ್ಟು ಬೇರೆ ಯಾವ ಆದಾಯವೂ ಈ ಕುಟುಂಬಕ್ಕಿಲ್ಲ. ಅದಾಗಿಯೂ ಕಂದಾಯ ನಿರೀಕ್ಷಕರು ಈ ವೃದ್ಧ ಕುಟುಂಬ ಗುಡಿ ಕೈಗಾರಿಕೆ ಮಾಡುವ ಬಗ್ಗೆ ಹೇಳಿದ್ದು, ಅದಕ್ಕೆ ದಾಖಲೆಗಳಿಲ್ಲ’ ಎಂದು ವಿವರಿಸಿದ್ದಾರೆ. `ಕಂದಾಯ ನಿರೀಕ್ಷಕರು ನೀಡಿದ ವರದಿಗೆ ತಹಶೀಲ್ದಾರರು ಕಣ್ಮುಚ್ಚಿ ಸಹಿ ಮಾಡಿದ್ದಾರೆ. ಅರ್ಜಿದಾರರ ಪರಿಸ್ಥಿತಿ ನೋಡಿದರೆ ಕಂದಾಯ ನಿರೀಕ್ಷಕರ ವರದಿ ಸತ್ಯವಲ್ಲ ಎಂಬುದು ಅರಿವಾಗುತ್ತದೆ. ದಾಯಾದಿಗಳು ನೀಡಿದ ಹೇಳಿಕೆ ಆಧಾರದಲ್ಲಿ ಅಧಿಕಾರಿಗಳು ವೃದ್ಧೆಗೆ ಅನ್ಯಾಯ ಮಾಡಿದ್ದು, ಅನಾರೋಗ್ಯಕ್ಕೆ ಒಳಗಾಗಿರುವ ರಾಧಾ ಅವರು ಗುಡಿ ಕೈಗಾರಿಕೆ ಮಾಡಲು ಹೇಗೆ ಸಾಧ್ಯ?’ ಎಂದು ಪ್ರಶ್ನಿಸಿದ್ದಾರೆ. `ಬಿಪಿ, ಶುಗರ್ ಸೇರಿ ವಿವಿಧ ಸಮಸ್ಯೆಯಿಂದ ಅವರು ಬಳಲುತ್ತಿದ್ದಾರೆ. ಅಂಥವರಿಗೆ ಅಧಿಕ ಆದಾಯವಿರುವ ಬಗ್ಗೆ ಅಧಿಕಾರಿಗಳು ಬರೆದಿದ್ದು, ತಹಶೀಲ್ದಾರರು ವೃದ್ಧೆಯ ಮನೆಗೆ ಭೇಟಿ ನೀಡಿ ಸಮಸ್ಯೆ ಆಲಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಎಕರೆಗಟ್ಟಲೆ ಭೂಮಿ ಹೊಂದಿದವರಿಗೆ ಕಡಿಮೆ ಆದಾಯವಿರುವ ಪ್ರಮಾನ ಪತ್ರ ಕೊಡಲಾಗುತ್ತದೆ. ಏನೂ ಆದಾಯ ಇಲ್ಲದವರಿಗೆ ಅನ್ಯಾಯ ಮಾಡಲಾಗುತ್ತಿದೆ. ತಹಶೀಲ್ದಾರ್ ಕಚೇರಿಯಲ್ಲಿ ಭ್ರಷ್ಟಾಚಾರ ನಡೆಯುತ್ತಿದ್ದು, ಅದರ ಪರಿಣಾಮ ಬಡವರ ಅನ್ನ ಕಸಿಯಲಾಗುತ್ತಿದೆ. ಈ ಬಗ್ಗೆ ಲೋಕಾಯುಕ್ತ ಕಚೇರಿಗೆ ದೂರು ನೀಡಲಾಗುತ್ತದೆ’ ಎಂದವರು ಹೇಳಿದ್ದಾರೆ. ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ ಅವರು ಇದಕ್ಕೆ ಧ್ವನಿಗೂಡಿಸಿದ್ದಾರೆ.
- [ಜಾತಿ ಸಮೀಕ್ಷೆ | ಶಾಲೆಗೆ ರಜೆ: ಸಾವನಪ್ಪಿದವರ ಕುಟುಂಬಕ್ಕೆ ಪರಿಹಾರ!](https://mobiletime.in/2025/10/caste-survey-school-holiday-relief-for-the-families-of-those-who-died/): ರಾಜ್ಯದಲ್ಲಿ ನಡೆಯುತ್ತಿರುವ ಸಾಮಾಜಿಕ ಹಾಗೂ ಶೈಕ್ಷಣಿಕ ಗಣತಿಗೆ ಶಿಕ್ಷಕರನ್ನು ನಿಯೋಜಿಸಿದ ಕಾರಣ ಅಕ್ಟೊಬರ್ 18ರವರೆಗೂ ಶಾಲೆಗಳಿಗೆ ರಜೆ ಘೋಷಿಸಿ ಸರ್ಕಾರ ನಿರ್ಧಾರ ಪ್ರಕಟಿಸಿದೆ. ಸರ್ಕಾರಿ ಹಾಗೂ ಅನುದಾನಿತ ಶಾಲೆಗಳಿಗೆ ಈ ರಜೆ ಅನ್ವಯ ಆಗಲಿದೆ. ಹಿಂದುಳಿದ ವರ್ಗಗಳ ಆಯೋಗದಿಂದ ಸಾಮಾಜಿಕ, ಆರ್ಥಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆ ಅಕ್ಟೊಬರ್ 7ರಂದು ಮುಗಿಯಬೇಕಿತ್ತು. ಅಕ್ಟೊಬರ್ 8ರಿಂದ ಶಾಲೆಗಳು ಶುರುವಾಗಬೇಕಿತ್ತು. ಆದರೆ, ಈವರೆಗೂ ಸಮೀಕ್ಷೆ ಪೂರ್ಣವಾಗದ ಕಾರಣ ಶಾಲೆಗಳ ರಜಾ ಅವಧಿ ವಿಸ್ತರಿಸಲಾಗಿದೆ. ಸಂಪುಟ ಸಹೋದ್ಯೋಗಿಗಳ ಜೊತೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಚರ್ಚಿಸಿ ಶಾಲೆ ರಜೆಯ ಅವಧಿ ವಿಸ್ತರಿಸಿದ್ದಾರೆ. `ಕೆಲವು ಜಿಲ್ಲೆಯಲ್ಲಿ ಸಮೀಕ್ಷೆ ಕಾರ್ಯ ಮುಗಿದಿದೆ. ಇನ್ನೂ ಕೆಲವು ಕಡೆ ಮುಗಿದಿಲ್ಲ. ಶಿಕ್ಷಕರ ಮನವಿ ಮೇರೆಗೆ ರಜೆ ಘೋಷಿಸಲಾಗಿದೆ’ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿದ್ದಾರೆ. ಸಾವನಪ್ಪಿದವರ ಕುಟುಂಬಕ್ಕೆ ಪರಿಹಾರ `ರಾಜ್ಯದಲ್ಲಿ 1.20 ಲಕ್ಷ ಶಿಕ್ಷಕರು ಸಮೀಕ್ಷೆ ಕಾರ್ಯದಲ್ಲಿ ಭಾಗಿಯಾಗಿದ್ದಾರೆ. ದ್ವಿತೀಯ ಪಿಯುಸಿ ಪರೀಕ್ಷೆ ಸಹ ಇದೇ ಅವಧಿಯಲ್ಲಿ ನಡೆಯುತ್ತಿದ್ದು, ಪರೀಕ್ಷಾ ಕಾರ್ಯದಲ್ಲಿ ತೊಡಗಿದವರಿಗೆ ಸಮೀಕ್ಷೆಯಲ್ಲಿ ವಿನಾಯತಿ ನೀಡಲಾಗಿದೆ. ರಜೆ ವಿಸ್ತರಣೆ ಹಿನ್ನಲೆ 12 ದಿನ ಸಮೀಕ್ಷೆಗೆ ಅವಕಾಶ ಸಿಗಲಿದ್ದು, ಅಕ್ಟೋಬರ್ 18ರೊಳಗೆ ಪೂರ್ಣ ಪ್ರಮಾಣದಲ್ಲಿ ಸಮೀಕ್ಷೆ ಮುಗಿಸಬೇಕು’ ಎಂದು ಸಿದ್ದರಾಮಯ್ಯ ಹೇಳಿದ್ದಾರೆ. `ಸಮೀಕ್ಷೆ ಕಾರ್ಯಕ್ಕೆ ಹಿಂದೇಟು ಹಾಕಿದವರಿಗೆ ಶಿಕ್ಷೆ ವಿಧಿಸಲಾಗುತ್ತದೆ’ ಎಂದು ಅವರು ಎಚ್ಚರಿಸಿದ್ದಾರೆ. `ಸರ್ವೆ ಕಾರ್ಯದಲ್ಲಿ ಮೂವರು ಸಾವನಪ್ಪಿದ್ದು, ಅವರ ಕುಟುಂಬಕ್ಕೆ 20 ಲಕ್ಷ ರೂ ಪರಿಹಾರ ಕೊಡುತ್ತೇವೆ’ ಎಂದು ಸೀಎಂ ಸಿದ್ದರಾಮಯ್ಯ ಘೋಷಿಸಿದ್ದಾರೆ. ಉತ್ತರ ಕನ್ನಡದಲ್ಲಿ ಪ್ರಗತಿ ಸೋಮವಾರ ಸಂಜೆಯ ಮಾಹಿತಿ ಪ್ರಕಾರ ಉತ್ತರ ಕನ್ನಡ ಜಿಲ್ಲೆಯಲ್ಲಿ 282838 ಮನೆಗಳ ಸಮೀಕ್ಷೆ ಮುಗಿದಿದೆ. ಹೀಗಾಗಿ ಈ ಸಮೀಕ್ಷಾ ಕಾರ್ಯದಲ್ಲಿ ಶೇ 86.53ರಷ್ಟು ಪ್ರಗತಿ ಆಗಿದೆ.
- [ಅನುದಾನಿತ ಶಾಲೆ: ಇಲ್ಲಿ 35 ವರ್ಷ ದುಡಿದವರಿಗೂ ಪಿಂಚಣಿ ಇಲ್ಲ!](https://mobiletime.in/2025/10/aided-school-even-those-who-have-worked-here-for-35-years-have-no-pension/): 30-35 ವರ್ಷಗಳ ಕಾಲ ಅನುದಾನಿತ ಶಾಲಾ ಶಿಕ್ಷಕರನ್ನು ದುಡಿಸಿಕೊಳ್ಳುವ ಸರ್ಕಾರ ನಿವೃತ್ತಿ ನಂತರ ಪಿಂಚಣಿ ಕೊಡದೇ ಮನೆಗೆ ಕಳುಹಿಸುತ್ತಿದೆ. ಸುದೀರ್ಘ ಸೇವೆ ಸಲ್ಲಿಸಿದರೂ ನಿವೃತ್ತಿ ನಂತರ ಆ ಶಿಕ್ಷಕರಿಗೆ ಯಾವ ಸೌಲಭ್ಯವೂ ಸಿಗುತ್ತಿಲ್ಲ. ರಾಜ್ಯದಲ್ಲಿ 50 ಸಾವಿರಕ್ಕೂ ಅಧಿಕ ಶಿಕ್ಷಕರು ಅನುದಾನಿತ ಶಾಲೆಗಳಲ್ಲಿದ್ದಾರೆ. ಅವರೆಲ್ಲರೂ ಈಗ ಸಂಘಟಿತರಾಗುತ್ತಿದ್ದಾರೆ. ಅಖಿಲ ಕರ್ನಾಟಕ ಹಾಗೂ ಪಿಂಚಣಿ ವಂಚಿತ ಅನುದಾನಿತ ಶಾಲಾ ಕಾಲೇಜುಗಳ ನೌಕರರ ಸಂಘದ ಸಭೆ ಯಲ್ಲಾಪುರಲ್ಲಿ ನಡೆದಿದ್ದು, ಸಂಘದ ಬಲವರ್ಧನೆ ಬಗ್ಗೆ ಚರ್ಚಿಸಲಾಗಿದೆ. ಈ ಸಭೆಯಲ್ಲಿ ಸಂಘದ ರಾಜ್ಯಾಧ್ಯಕ್ಷ ಜಿ ಹನುಮಂತಪ್ಪ ಅವರು ಭಗವಹಿಸಿ `ಸಂಘಟನೆ ಒಂದೇ ನೌಕರರ ಸಮಸ್ಯೆಗೆ ಪರಿಹಾರ’ ಎಂದು ಘೋಷಿಸಿದ್ದಾರೆ. `ಸರ್ಕಾರ ಪ್ರಣಾಳಿಕೆಯಲ್ಲಿ ಪ್ರಕಟಿಸಿದ ಹಾಗೇ ಹಳೆ ಪಿಂಚಣಿ ಯೋಜನೆ ಜಾರಿಗೆ ತರಬೇಕು. ಇಲ್ಲವಾದರೆ ನಮ್ಮ ಪ್ರತಿಭಟನೆ ಎದುರಿಸಬೇಕು’ ಎಂದು ಅವರು ಎಚ್ಚರಿಸಿದ್ದಾರೆ. `ಸರ್ಕಾರ ಅನುದಾನಿತ ಶಾಲೆಯವರನ್ನು ಮಲತಾಯಿ ಮಕ್ಕಳ ರೀತಿ ನೋಡುತ್ತಿದೆ. ನಿವೃತ್ತಿ ನಂತರ ಅನುದಾನಿತ ಶಾಲೆ ಸಿಬ್ಬಂದಿ ಸಮಸ್ಯೆಗೆ ಸಿಲುಕುತ್ತಿದ್ದಾರೆ’ ಎಂದು ವಿವರಿಸಿದರು. `ಸರ್ಕಾರಿ ನೌಕರರಿಗೆ ನೀಡುತ್ತಿರುವ ಆರೋಗ್ಯ ಸಂಜೀವಿನಿ ಸಹ ಈ ಶಿಕ್ಷಕರಿಗೆ ಸಿಗುತ್ತಿಲ್ಲ. 23 ವರ್ಷಗಳಿಂದ ಅನುದಾನಿತ ಪ್ರಾಥಮಿಕ ಶಾಲೆಯಲ್ಲಿ ಖಾಲಿಯಿರುವ ಹುದ್ದೆಯನ್ನು ಭರ್ತಿ ಮಾಡಿಲ್ಲ’ ಎಂದು ದೂರಿದರು. `ಸರ್ಕಾರಿ ನೌಕರರು ಶಿಶು ಪಾಲನೆ ರಜೆಗೆ ಹೋದರೆ ಅವರ ವೇತನವನ್ನು ಸರ್ಕಾರ ನೀಡುತ್ತದೆ. ಆದರೆ, ಅನುದನಿತ ಶಾಲಾ ಸಿಬ್ಬಂದಿಗೆ ಈ ಸೌಕರ್ಯ ಇಲ್ಲ. ಸರ್ಕಾರಿ ನೌಕರರು ಕರ್ತವ್ಯದ ವೇಳೆ ಮರಣಹೊಂದಿದರೆ ಶವ ಸಂಸ್ಕಾರಕ್ಕೆ ಕಲ್ಯಾಣ ನಿಧಿ ಬಳಕೆ ಆಗುತ್ತದೆ. ಆದರೆ, ಆ ಕಲ್ಯಾಣ ನಿಧಿಗಳಿಗೆ ನಮ್ಮ ಅನುದಾನಿತ ಶಾಲಾ ಕಾಲೇಜುಗಳ ನೌಕರರ ಹಣಪಡೆದರೂ ಅದರ ಬಳಕೆಗೆ ಕೊಡುತ್ತಿಲ್ಲ’ ಎಂದು ವಿವರಿಸಿದರು. `ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ 143 ದಿನ ಹೋರಾಟ ನಡೆಯಿತು. ಆಗ ನೀಡಿದ ಭರವಸೆಗಳು ಈಡೇರಿಲ್ಲ’ ಎಂದು ಕಿಡಿಕಾರಿದರು. ಪ್ರಮುಖರಾದ ಬಸಪ್ಪ ತಳವಾರ್, ಡಿ ಆರ್ ಹೆಗಡೆ, ಶಿವಾನಂದ ಬಡಿಗೇರ್, ವಿನಾಯಕ ಶೇಟ, ಮುಕ್ತಾ ಶಂಕರ ಇತರರು ಭಾಗವಹಿಸಿದ್ದರು. ಎಂ ರಾಜಶೇಖರ, ವೆಂಕಟ್ರಮಣ ಭಟ್ಟ, ನೆಲ್ಸನ ಗೋನ್ಸಾಲ್ವಿಸ ಕಾರ್ಯಕ್ರಮ ನಿರ್ವಹಿಸಿದರು.
- [ದುಡ್ಡಿಗೆ ಲಕ್ಷ್ಮೀ.. ಸಹಕಾರಿ ಕ್ಷೇತ್ರಕ್ಕೆ ಸರಸ್ವತಿ!](https://mobiletime.in/2025/10/lakshmi-for-money-saraswati-for-the-cooperative-sector/): ರೈತರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಸಹಕಾರಿ ಸಂಸ್ಥೆಗಳು ಕೆಲಸ ಮಾಡಬೇಕು. ಸಹಕಾರಿ ಸಂಘದಲ್ಲಿ ಆ ನಿಟ್ಟಿನಲ್ಲಿ ಕೆಲಸ ಮಾಡಲು ಅವರಿಗೆ ಡಿಸಿಸಿ ಬ್ಯಾಂಕಿನ ಸಹಕಾರಬೇಕು. ಆ ಸಹಕಾರ ಸಿಗಲು ಡಿಸಿಸಿ ಬ್ಯಾಂಕಿನಲ್ಲಿ ಉತ್ತಮ ಆಡಳಿತವಿರಬೇಕು. ಉತ್ತಮ ಆಡಳಿತಕ್ಕಾಗಿ ಅಲ್ಲಿ ಒಳ್ಳೆಯ ನಿರ್ದೇಶಕರಿರಬೇಕು. ಆ ಒಳ್ಳೆಯ ನಿರ್ದೇಶಕರು ವಿದ್ಯಾವಂತರಾಗಿರಬೇಕು. ಅಷ್ಟೇ ಪ್ರಮಾಣದಲ್ಲಿ ಪ್ರಬುದ್ಧರೂ ಆಗಿರಬೇಕು. ಈ ಎಲ್ಲಾ ಅರ್ಹತೆಹೊಂದಿರುವ ಸರಸ್ವತಿ ಎನ್ ರವಿ ಅವರು ಡಿಸಿಸಿ ಬ್ಯಾಂಕಿಗೆ ನಿರ್ದೇಶಕರಾಗಿ ಆಯ್ಕೆಯಾಗಬೇಕು. ಸರಸ್ವತಿ ಎನ್ ರವಿ ಅವರು ಶಿರಸಿಯ ಸ್ಕೋಡ್‌ವೆಸ್ ಸಹಕಾರಿ ಸಂಸ್ಥೆಯ ಸಾರಥಿ. ಎಂಬಿಎ ಸ್ನಾತಕೋತರ ಪದವಿಧರೆಯಾಗಿರುವ ಅವರು ಹಣಕಾಸು ಮತ್ತು ಆಡಳಿತ ವಿಷಯದಲ್ಲಿ ಸಾಕಷ್ಟು ಅರಿವುಹೊಂದಿದ್ದಾರೆ. ಅವರ ಓದು, ನಿರಂತರ ಅಧ್ಯಯನ, ಪ್ರವಾಸದ ಅನುಭವದ ಆಧಾರದಲ್ಲಿ ಸರಸ್ವತಿ ಎನ್ ರವಿ ಅವರು ಸಹಕಾರಿ ಕ್ಷೇತ್ರದ ದಿಗ್ಗಜರಾಗಿ ಗುರುತಿಸಿಕೊಂಡಿದ್ದಾರೆ. ಕರ್ನಾಟಕ ರಾಜ್ಯ ಸೌಹಾರ್ದ ಸಂಯುಕ್ತ ಸಹಕಾರಿಯ ನಿರ್ದೇಶಕರಾಗಿದ್ದ ಅವರು ಸಹಕಾರಿ ವ್ಯವಸ್ಥೆಯ ಆಳ-ಅಗಲದ ಅರಿವು ಹೊಂದಿದ್ದಾರೆ. ಸಹಕಾರಿ ಸಂರಕ್ಷಣೆಯಲ್ಲಿನ 11 ವರ್ಷ ಅನುಭವ ಅವರನ್ನು ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕ ಮಂಡಳಿಯ ಅಂಗಳದವರೆಗೆ ಕರೆತಂದಿದೆ. ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕ ಸ್ಥಾನ ದೊರೆತ ನಂತರ ಬ್ಯಾಂಕ್ ಉನ್ನತಿಗೆ ಹೊಸ ದಿಕ್ಕು ಒದಗಿಸುವ ವಿಶ್ವಾಸದಲ್ಲಿ ಅವರು ಕೆಲಸ ಮಾಡುತ್ತಿದ್ದಾರೆ. `ಸಹಕಾರಿ ಸಂಸ್ಥೆಗಳು ರೈತರಿಗೆ ಅನುಕೂಲಕರವಾಗಿರಬೇಕು. ಸಮಯಕ್ಕೆ ಸರಿಯಾಗಿ ಸಾಲ ಸಿಗಬೇಕು. ರೈತರ ಕಷ್ಟಗಳ ಬಗ್ಗೆ ಧ್ವನಿಯಾಗಬೇಕು. ಹವಾಮಾನ ಅನಾನುಕೂಲ ಪರಿಸ್ಥಿತಿಯಲ್ಲಿ ಬೆಳೆಗಾರರು ಅನುಭವಿಸುವ ಸಮಸ್ಯೆ, ಸಕಾಲಕ್ಕೆ ಬಾರದ ಬೆಳೆ ವಿಮೆ, ತುರ್ತು ಸನ್ನಿವೇಶಗಳನ್ನು ಎದುರಿಸಬಹುದಾದ ನಾಯಕತ್ವ ಇದ್ದವರು ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕರಾಗಬೇಕು. ಆಗ ಮಾತ್ರ ಸಹಕಾರಿ ವ್ಯವಸ್ಥೆ ಸರಿದಾರಿಯಲ್ಲಿರುತ್ತದೆ’ ಎಂಬುದು ವಿಜಯಲಕ್ಷ್ಮೀ ಹೆಗಡೆ ಡೊಂಬೆಕಾಯಿ ಅವರ ಅನಿಸಿಕೆ. ಸರಸ್ವತಿ ಎನ್ ರವಿ ಅವರು ಯಾವುದೇ ಬಣದಲ್ಲಿ ಗುರುತಿಸಿಕೊಂಡವರಲ್ಲ. ಸ್ವತಂತ್ರö?? ಅಭ್ಯರ್ಥಿಯಾಗಿ ಸ್ಪರ್ಧಿಸಿದ ಅವರು ಎಲ್ಲರ ಜೊತೆ ಉತ್ತಮ ಸಂಬoಧಹೊoದಿದ್ದು, ಹಿರಿಯರ ಪ್ರೇರಣೆ-ಹಾರೈಕೆಯೇ ಅವರಿಗೆ ಶ್ರೀರಕ್ಷೆಯಾಗಿದೆ. ಕಡಿಮೆ ಬಡ್ಡಿದರದಲ್ಲಿ ಹೆಚ್ಚು ಮೊತ್ತದ ಸಾಲ, ತುರ್ತು ಹಣಕಾಸು ಪರಿಸ್ಥಿತಿ ನಿಭಾಯಿಸುವ ಜಾಣ್ಮೆ, ಸಮಸ್ಯೆಗಳಿಗೆ ತ್ವರಿತವಾಗಿ ಸ್ಪಂದಿಸುವ ನಾಯಕತ್ವ ಗುಣಹೊಂದಿದ ಮಹಿಳಾ ಸಹಕಾರಿ ಸರಸ್ವತಿ ಎನ್ ರವಿ ಅವರು ಡಿಸಿಸಿ ಬ್ಯಾಂಕ್ ನಿರ್ದೇಶಕರಾಗಲಿ ಎಂಬುದು ಕುಮಟಾದ ಸುನಂದಾ ಪೈ ಅವರ ಅಂಬೋಣ.
- [2025 ಅಕ್ಟೋಬರ್ 07ರ ದಿನ ಭವಿಷ್ಯ](https://mobiletime.in/2025/10/prediction-for-october-07-2025/): ಮೇಷ ರಾಶಿ: ಆತ್ಮವಿಶ್ವಾಸದಿಂದ ಕೆಲಸ ಮಾಡಿದರೆ ನಿಮ್ಮ ಹಣಕಾಸಿನ ಚಿಂತೆ ದೂರವಾಗಿದೆ. ಉದ್ಯೋಗ ಸ್ಥಳದಲ್ಲಿ ನೆಮ್ಮದಿಯ ವಾತಾವರಣ ಸಿಗಲಿದೆ. ದಾನ ಮಾಡಿದರೆ ಉತ್ತಮ ಫಲ ಸಿಗಲಿದೆ. ವೃಷಭ ರಾಶಿ: ನಿಮ್ಮ ಅದೃಷ್ಟ ಚನ್ನಾಗಿರುವುದರಿಂದ ಯಶಸ್ಸಿನ ದಾರಿ ಸುಲಭವಾಗಿರಲಿದೆ. ಉದ್ಯೋಗದಲ್ಲಿ ಉನ್ನತ ಹುದ್ದೆ ಸಿಗಲಿದೆ. ಒಳ್ಳೆಯ ಸುದ್ದಿಗಳು ಕೇಳಿ ಬರಲಿದೆ. ಮಿಥುನ ರಾಶಿ: ತಂದೆ-ತಾಯಿ ಆಶೀರ್ವಾದದಿಂದ ಆಸ್ತಿ ಖರೀದಿ ಸಾಧ್ಯವಿದೆ. ಖರ್ಚುಗಳನ್ನು ನಿಯಂತ್ರಿಸಿದರೆ ನಿಮ್ಮ ಸಂಪತ್ತು ವೃದ್ಧಿ ಆಗಲಿದೆ. ವಾಹನ ಪ್ರಯಾಣದಲ್ಲಿ ಎಚ್ಚರಿಕೆ ಅಗತ್ಯ. ಕರ್ಕ ರಾಶಿ: ದೊಡ್ಡ ಪ್ರಮಾಣದಲ್ಲಿ ಆದಾಯ ಹರಿದುಬರಲಿದೆ. ವ್ಯಾಪಾರ-ವಹಿವಾಟುಗಳು ಚನ್ನಾಗಿರಲಿವೆ. ನಿಮ್ಮ ಆತುರದ ನಿರ್ಧಾರಗಳು ದಿಢೀರ್ ಸಮಸ್ಯೆಗೆ ಕಾರಣವಾಗಲಿದೆ. ಸಿಂಹ ರಾಶಿ: ಸಾಮಾಜಕ ಹಾಗೂ ರಾಜಕೀಯ ಕ್ಷೇತ್ರದಲ್ಲಿದ್ದವರಿಗೆ ಯಶಸ್ಸು ಸಿಗಲಿದೆ. ನಿಮ್ಮ ಜವಾಬ್ದಾರಿಗಳು ಹೆಚ್ಚಾಗಲಿದೆ. ಶತ್ರುಗಳ ಕುತಂತ್ರದಿoದ ಬೇಸರವಾಗಲಿದೆ. ಕನ್ಯಾ ರಾಶಿ: ಶೃದ್ಧೆಯಿಂದ ಮಾಡಿದ ಕೆಲಸ ಮುಂದೆ ಫಲ ಕೊಡಲಿದೆ. ನಿಮ್ಮ ವಿರುದ್ಧದ ವಾತಾವರಣವನ್ನು ಶಾಂತಿಯಿAದ ನಿಭಾಯಿಸಿ. ಸರ್ಕಾರಿ ಕೆಲಸಗಳಿಗೆ ಅರ್ಜಿ ಹಾಕಲು ಉತ್ತಮ ದಿನ. ತುಲಾ ರಾಶಿ: ನಿಮ್ಮ ಹಣಕಾಸಿನ ಸಮಸ್ಯೆ ಸದ್ಯಕ್ಕೆ ದೂರವಾದರೂ ಎಚ್ಚರಿಕೆ ಅಗತ್ಯ. ಹೊಸ ಆದಾಯಕ್ಕಾಗಿ ಅನ್ವೇಷಿಸಿ. ಗೌರವ ಸಿಗಲಿದೆ. ವೃಶ್ಚಿಕ ರಾಶಿ: ನಿಮ್ಮ ಖ್ಯಾತಿ ಇನ್ನಷ್ಟು ವಿಸ್ತಾರವಾಗಲಿದೆ. ಆರ್ಥಿಕ ಪರಿಸ್ಥಿತಿ ಬಲವಾಗುತ್ತದೆ. ಮಿತ್ರರ ಜೊತೆ ಮಾತನಾಡಿದರೆ ಮನಸ್ಸು ಹಗುರವಾಗಲಿದೆ. ಧನು ರಾಶಿ: ಹಣಕಾಸಿನ ಸಮಸ್ಯೆ ದೂರವಾಗಲಿದೆ. ನಷ್ಟವಾದ ಉದ್ಯೋಗ ಮರಳಿ ಸಿಗಲಿದೆ. ಹನುಮಂತನ ಆರಾಧನೆ ನಿಮಗೆ ಒಳಿತು ಮಾಡುತ್ತದೆ. ಮಕರ ರಾಶಿ: ನಿಮ್ಮ ಕೆಲಸ ಕಾರ್ಯಗಳಲ್ಲಿ ಮೆಚ್ಚುಗೆಯ ಮಾತುಗಳು ಬರಲಿದೆ. ಧನ ಆಗಮನದ ನಿರೀಕ್ಷೆಯಿದೆ. ಪರೀಕ್ಷೆಗಳು ಸರಾಗವಾಗಿ ಸಾಗಲಿದೆ. ಈ ದಿನ ವಾಹನ ಬಳಕೆ ಬೇಡ. ಕುಂಭ ರಾಶಿ: ಹಳೆಯ ಬಾಕಿ ವಸೂಲಾತಿ ಆಗಲಿದೆ. ದೇಹಕ್ಕೆ ಸುಸ್ತಾಗಬಹುದು. ಆಸ್ತಿ ವ್ಯವಹಾರದಲ್ಲಿ ಜಾಗರೂಕತೆ ಅಗತ್ಯ. ಮೀನ ರಾಶಿ: ಆರೋಗ್ಯ ಮತ್ತು ದಾಂಪತ್ಯದಲ್ಲಿ ಸಾಮರಸ್ಯ ಮುಖ್ಯ. ಪ್ರೀತಿ-ಪ್ರೇಮ ವಿಷಯದಲ್ಲಿ ಉತ್ತಮ ಫಲ. ಸಾಮಾಜಿಕ ಮನ್ನಣೆ ಸಿಗಲಿದೆ. ಕೌಶಲ್ಯ ವೃದ್ಧಿಗೆ ಪ್ರಯತ್ನಿಸಿ.
- [ಚಿನ್ನ ತುಂಬಿದ ಬ್ಯಾಗು: ಮುಂಡಗೋಡದಲ್ಲಿ ಕಳಿತು.. ಯಲ್ಲಾಪುರದಲ್ಲಿ ಸಿಕ್ಕಿತು!](https://mobiletime.in/2025/10/a-bag-full-of-gold-it-was-stolen-in-mundagoda-found-in-yellapur/): ಮುಂಡಗೋಡದಲ್ಲಿ ಕಾಣೆಯಾಗಿದ್ದ ಬ್ಯಾಗು ಯಲ್ಲಾಪುರದಲ್ಲಿ ಸಿಕ್ಕಿದೆ. ಪೊಲೀಸರು ಅದನ್ನು ಜೋಪಾನವಾಗಿ ವಾರಸುದಾರರಿಗೆ ಕೊಟ್ಟಿದ್ದಾರೆ. ಮುಂಡಗೋಡಿನ ಕೆಂದಲಗೇರಿಯ ರೇಷ್ಮಾಬಾನು ಹುಸೇನ್ ಸಾಬ್ ಅವರು ಅಕ್ಟೊಬರ್ 4ರಂದು ತಮ್ಮ ಬ್ಯಾಗು ಕಳೆದುಕೊಂಡಿದ್ದರು. ಮುಂಡಗೋಡಿನ ಬಸ್ ನಿಲ್ದಾಣದ ಬಳಿ ಅವರ ಬ್ಯಾಗು ಕಾಣೆಯಾಗಿತ್ತು. ಬೆಲೆ ಬಾಳುವ ಬೆಳ್ಳಿ – ಬಂಗಾರದ ಆಭರಣಗಳು ಆ ಬ್ಯಾಗಿನಲ್ಲಿದ್ದವು. ಬ್ಯಾಗ್ ಕಾಣೆಯಾದ ಬಗ್ಗೆ ಅವರು ಆತಂಕಕ್ಕೆ ಒಳಗಾಗಿದ್ದರು. ಎಲ್ಲಾ ಕಡೆ ಹುಡುಕಿದರೂ ಬ್ಯಾಗ್ ಸಿಗದ ಕಾರಣ ಪೊಲೀಸರ ಮೊರೆ ಹೋಗಿದ್ದರು. ಮುಂಡಗೋಡು ಪೊಲೀಸರು ವಿವಿಧ ಆಯಾಮಗಳಲ್ಲಿ ಬ್ಯಾಗಿನ ಹುಡುಕಾಟ ನಡೆಸಿದರು. ಯಲ್ಲಾಪುರದ ತಾಲೂಕಿನಲ್ಲಿ ಆ ಬ್ಯಾಗ್ ಇರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿತು. ಇಡಗುಂದಿಯ ಬಳಿ ವ್ಯಕ್ತಿಯೊಬ್ಬರ ಬಳಿ ವಿಚಾರಿಸಿದಾಗ ರೇಷ್ಮಾಬಾನು ಅವರ ಬ್ಯಾಗ್ ಇದ್ದ ಜಾಗ ತೋರಿಸಿದರು. ಆ ಬ್ಯಾಗನ್ನು ವಶಕ್ಕೆಪಡೆದ ಪೊಲೀಸರು ಮುಂಡಗೋಡಿಗೆ ತೆರಳಿದರು. ರೇಷ್ಮಾಬಾನು ಅವರನ್ನು ಪೊಲೀಸ್ ಠಾಣೆಗೆ ಕರೆಯಿಸಿ, ಕಳೆದು ಹೋಗಿದ್ದ ಬ್ಯಾಗಿನಲ್ಲಿದ್ದ ವಸ್ತುಗಳ ವಿವರಪಡೆದರು. ನಿಜವಾಗಿಯೂ ರೇಷ್ಮಾಬಾನು ಅವರದ್ದೇ ಬ್ಯಾಗ್ ಎಂದು ಖಚಿತಪಡಿಸಿಕೊಂಡು ಅದನ್ನು ಅವರಿಗೆ ಹಸ್ತಾಂತರಿಸಿದರು. ಬೆಲೆ ಬಾಳುವ ಆಭರಣ ಮರಳಿ ಸಿಕ್ಕಿದ್ದಕ್ಕಾಗಿ ರೇಷ್ಮಾಬಾನು ಅವರು ಸಂತಸಗೊoಡರು.
- [ಕ್ಯಾಮರಾ ಕಣ್ಣಿನಲ್ಲಿ ಚಿರತೆ ಬಂಧನ](https://mobiletime.in/2025/10/leopard-caught-on-camera/): ದಾoಡೇಲಿ ಕಾಡಿನಲ್ಲಿ ಅಲೆದಾಡುವ ಚಿರತೆ ಸೋಮವಾರ ನಸುಕಿನಲ್ಲಿ ಕ್ಯಾಮರಾ ಕಣ್ಣಿಗೆ ಬಿದ್ದಿದೆ. ದಾಂಡೇಲಿ ಪ್ರವಾಸಕ್ಕೆ ಬಂದಿದ್ದ ವ್ಯಕ್ತಿಯೊಬ್ಬರು ಚಿರತೆಯ ಚಲನ-ವಲನ ಚಿತ್ರಿಸಿದ್ದಾರೆ. ಮುಂಜಾನೆ 2 ಗಂಟೆ ಅವಧಿಯಲ್ಲಿ ದಾಂಡೇಲಿಯಿAದ 10ಕಿಮೀ ದೂರದಲ್ಲಿ ಚಿರತೆ ಕಾಣಿಸಿದೆ. ರಸ್ತೆ ಮೇಲೆ ಚಿರತೆ ಓಡಾಡಿಕೊಂಡಿದ್ದು, ಗಣೇಶಗುಡಿ ಕಡೆ ಹೋಗುತ್ತಿದ್ದವರು ಅದನ್ನು ತಮ್ಮ ಮೊಬೈಲಿನಲ್ಲಿ ಸೆರೆ ಹಿಡಿದಿದ್ದಾರೆ. 10ನೇ ನಂಬರ್ ಸೇತುವೆ ಹತ್ತಿರ ಈ ಚಿರತೆ ಓಡಾಡಿದ ದೃಶ್ಯ ಸೆರೆ ಸಿಕ್ಕಿದೆ. ದಾಂಡೇಲಿ ವನ್ಯಜೀವಿ ಪ್ರದೇಶದಲ್ಲಿ ಚಿರತೆ ಓಡಾಟ ಸಾಮಾನ್ಯವಾಗಿದೆ. ಅನೇಕ ಪ್ರವಾಸಿಗರ ಕಣ್ಣಿಗೆ ಈ ಚಿರತೆ ಕಾಣಿಸಿಕೊಂಡಿದೆ. ರಸ್ತೆ ಮದ್ಯೆ ಚಿರತೆ ಓಡಾಟ ಈ ಭಾಗದಲ್ಲಿ ಸಹಜವಾಗಿದ್ದು, ಬೇರೆ ಬೇರೆ ಊರುಗಳಿಂದ ಬರುವವರಿಗೆ ವನ್ಯಜೀವಿ ದರ್ಶನ ಅಪರೂಪವೆನಿಸಿದೆ.
- [ಸರ್ಕಾರಿ ಭೂಮಿ ಕಂಡವರ ಪಾಲು!](https://mobiletime.in/2025/10/the-share-of-those-who-have-seen-government-land/): ಕುಮಟಾದ ನಾಡುಮಾಸ್ಕೇರಿ ಬಳಿ ಸರ್ಕಾರಿ ಜಾಗ ಅನಧಿಕೃತ ಮಾರಾಟದ ಆರೋಪ ಕೇಳಿ ಬಂದಿದೆ. ಅಲ್ಲಿನ ಗ್ರಾ ಪಂ ಅಧ್ಯಕ್ಷ ಈಶ್ವರ ಗೌಡ ಅವರೇ ಈ ಬಗ್ಗೆ ದೂರಿದ್ದು, ಜಿಲ್ಲಾಡಳಿತದ ವಿರುದ್ಧ ಅವರು ಕಿಡಿಕಾರಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಸರ್ಕಾರಿ ಜಾಗ ಅಕ್ರಮ ಮಾರಾಟದ ಬಗ್ಗೆ 5 ಬಾರಿ ಜಿಲ್ಲಾಡಳಿತಕ್ಕೆ ದೂರು ನೀಡಲಾಗಿದೆ. ಆದರೆ, ಈವರೆಗೂ ಜಿಲ್ಲಾಡಳಿತ ಕ್ರಮ ಜರುಗಿಸಿಲ್ಲ’ ಎಂದು ಆಕ್ಷೇಪಿಸಿದರು. `ಹೊರ ರಾಜ್ಯದ ಕೆಲವರು ಅಕ್ರಮವಾಗಿ ಇಲ್ಲಿ ಜಾಗಪಡೆದಿದ್ದಾರೆ. ಬೆಲೆ ಬಾಳುವ ಭೂಮಿ ರಕ್ಷಣೆಗೆ ಸರ್ಕಾರ ಆಸಕ್ತಿವಹಿಸಿಲ್ಲ’ ಎಂದವರು ಅಸಮಧಾನವ್ಯಕ್ತಪಡಿಸಿದರು. `ಸರ್ಕಾರಿ ಭೂಮಿ ಅನ್ಯರ ಪಾಲಾಗುವುದನ್ನು ತಪ್ಪಿಸುವಂತೆ ಸಾಕಷ್ಟು ಬಾರಿ ಒತ್ತಡ ಹೇರಲಾಗಿದೆ. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಿಲ್ಲ. ಕಾಟಾಚಾರಕ್ಕೆ ಸರ್ವೇ ಮಾಡಿ ಅಧಿಕಾರಿಗಳು ಪ್ರಕರಣ ಕೈ ಬಿಟ್ಟಿದ್ದಾರೆ’ ಎಂದು ದೂರಿದರು. `ಈ ಭಾಗದಲ್ಲಿ ಸುಪ್ರೀಂ ಕೋರ್ಟ್ ಆದೇಶದ ವಿರುದ್ಧವಾಗಿ ಕಟ್ಟಡ ನಿರ್ಮಾಣ ನಡೆದಿದೆ. ನ್ಯಾಯಾಲಯದ ಆದೇಶವಿದ್ದರೂ ಅನಧಿಕೃತ ಕಟ್ಟಡ ತೆರವಾಗಿಲ್ಲ. ಸಹಾಯಕ ಆಯುಕ್ತರು ಹಾಗೂ ತಹಶೀಲ್ದಾರರಿಗೆ ಮನವಿ ಸಲ್ಲಿಸಿದರೂ ಪ್ರಯೋಜನಕ್ಕೆ ಬಂದಿಲ್ಲ ಎಂದವರು ವಿವರಿಸಿದರು. `ಗೋಮಾಳದ ಜಾಗವನ್ನು ಕೆಲವರು ಅತಿಕ್ರಮಿಸಿದ್ದಾರೆ. ಪ್ರಶ್ನಿಸಿದವರ ವಿರುದ್ಧ ದಬ್ಬಾಳಿಕೆ ಮಾಡುತ್ತಿದ್ದಾರೆ. ಈ ಎಲ್ಲಾ ಕೃತ್ಯದ ಹಿಂದೆ ರಾಜಕೀಯದವರ ಕೈವಾಡವಿದೆ’ ಎಂದು ಅನುಮಾನವ್ಯಕ್ತಪಡಿಸಿದರು. `ಮುಂದಿನ ಮೂರು ತಿಂಗಳ ಒಳಗೆ ಕಾನೂನಿನ ಪ್ರಕಾರ ಕ್ರಮವಾಗಬೇಕು. ಇಲ್ಲವಾದಲ್ಲಿ ಹೈಕೋರ್ಟಿನಲ್ಲಿ ಪ್ರಕರಣ ದಾಖಲಿಸುವುದು ಅನಿವಾರ್ಯ’ ಎಂದು ಎಚ್ಚರಿಸಿದರು. ಗ್ರಾಪಂ ಉಪಾಧ್ಯಕ್ಷೆ ವಿಜಯಾ ಕೆ ನಾಯ್ಕ, ರವಿ, ನಾಗರಾಜ ತಾಂಡೇಲ, ರಾಜೇಶ ನಾಯ್ಕ, ಗಿರಿಜಾ ಗೌಡ, ಮಾದೇವಿ ಗೌಡ, ಮೀನಾಕ್ಣಿ ಆಗೇರ, ಚಂದ್ರಶೇಖರ ನಾಯ್ಕ, ದಯಾನಂದ ಮೆಹ್ತಾ, ಸವಿತಾ ನಾಯ್ಕ, ರಾಘವೇಂದ್ರ ಗೌಡ ಇತರರು ಇದಕ್ಕೆ ಧ್ವನಿಗೂಡಿಸಿದರು.
- [`ಹೆಲ್ಮೆಟ್ ಧರಿಸಿ.. ಬೈಕ್ ಓಡಿಸಿ'](https://mobiletime.in/2025/10/wear-a-helmet-ride-a-bike/): ಬೈಕ್ ಸವಾರರು ಹೆಲ್ಮೆಟ್ ಧರಿಸದೇ ವಾಹನ ಓಡಿಸುವುದನ್ನು ನೋಡಿದ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಈ ಬಗ್ಗೆ ಜನ ಜಾಗೃತಿಗೆ ಬೈಕ್ ರ‍್ಯಾಲಿ ನಡೆಸಿದ್ದಾರೆ. `ಹೆಲ್ಮೆಟ್ ಧರಿಸಿ.. ಬೈಕ್ ಓಡಿಸಿ’ ಎಂದು ಅವರು ಸಾರ್ವಜನಿಕರಿಗೆ ಕರೆ ನೀಡಿದ್ದಾರೆ. ಉತ್ತರಕನ್ನಡ ಜಿಲ್ಲೆಯಲ್ಲಿ 2024ರಲ್ಲಿ ಹೆಲ್ಮೆಟ್ ಧರಿಸದೇ ವಾಹನ ಚಲಾಯಿಸಿದ ಪರಿಣಾಮ 18 ಜನ ಸಾವನಪ್ಪಿದ್ದಾರೆ. 33 ಅಪಘಾತಗಳು ನಡೆದಿದ್ದು, ಅನೇಕರು ಗಾಯಗೊಂಡಿದ್ದಾರೆ. 2025 ರಲ್ಲಿ 64 ಅಪಘಾತ ನಡೆದಿದ್ದು, 35 ಜನ ಸಾವನಪ್ಪಿದ್ದಾರೆ. ಈ ಹಿನ್ನಲೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಜನರ ಜೀವ ಉಳಿಸುವ ಮಹತ್ವದ ಕಾರ್ಯಕ್ರಮಕ್ಕೆ ಮುಂದಾಗಿದ್ದಾರೆ. ಮದ್ಯಪಾನ ಮಾಡಿ ವಾಹನ ಓಡಿಸುವವರಿಗೂ ಅವರು ಅರಿವು ಮೂಡಿಸಿದ್ದಾರೆ. 2023ರಿಂದ ಈವರೆಗೆ 745 ಜನ ಮದ್ಯಪಾನ ಮಾಡಿ ವಾಹನ ಓಡಿಸುವ ಮೂಲಕ ಸಿಕ್ಕಿ ಬಿದ್ದಿದ್ದು, ಆ ಪೈಕಿ 467 ಜನರ ಚಲನಾ ಪರವಾನಿಗೆಯನ್ನು ರದ್ದು ಮಾಡಲಾಗಿದೆ. ಈ ಎಲ್ಲಾ ವಿಷಯಗಳ ಬಗ್ಗೆ ಜನರಿಗೆ ತಿಳಿಸಲು ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ಸೋಮವಾರ ಬೈಕ್ ಸವಾರರಿಗೆ ಜಾಗೃತಿ ಮೂಡಿಸುವ ಕೆಲಸ ನಡೆದಿದೆ. ಸಾವಿರಾರು ಸಂಖ್ಯೆಯಲ್ಲಿ ಪೊಲೀಸರು ಹೆಲ್ಮೆಟ್ ಧರಿಸಿ ಬೈಕ್ ಓಡಿಸುವ ಮೂಲಕ ಜನರಿಗೆ ಅರಿವು ಮೂಡಿಸಿದ್ದಾರೆ.
- [ಹೆಗಡೆರ ಮನೆ: ಕಂಬಳಿ ಕೊಂಡೊಯ್ದು ಚಳಿ ಬಿಡಿಸಿದ ಪೊಲೀಸರು!](https://mobiletime.in/2025/10/hegdes-house-police-took-away-blankets-to-cool-off-the-cold/): ಶಿರಸಿಯ ವಿನಾಯಕ ಹೆಗಡೆ ಅವರು ತಮ್ಮ ಮನೆ ಬಳಿ ನಡೆಸುತ್ತಿದ್ದ ಜೂಜಾಟಕ್ಕೆ ಪೊಲೀಸರು ತಡೆ ಒಡ್ಡಿದ್ದಾರೆ. ಹಣದ ಜೊತೆ ಇಸ್ಪಿಟ್ ಎಲೆ ಹರಡಿಕೊಂಡಿದ್ದ ಹೆಗಡೆರ ಮನೆಯ ಕಂಬಳಿಯನ್ನು ಸಹ ಬಿಡದೇ ಪೊಲೀಸರು ಜಪ್ತು ಮಾಡಿದ್ದಾರೆ. ಅಕ್ಟೊಬರ್ 4ರಂದು ಶಿರಸಿ ಜಾನ್ಮನೆ ಬಳಿಯ ಕೂರ್ಸೆಮನೆಯ ವಿನಾಯಕ ಹೆಗಡೆ ಅವರು ತಮ್ಮ ಬಳಗದವರನ್ನು ಜೂಜಾಡಲು ಆಮಂತ್ರಿಸಿದ್ದರು. ಆ ದಿನ ರಾತ್ರಿ 9.45 ಆದರೂ ವಿನಾಯಕ ಹೆಗಡೆ ಅವರ ಮನೆಗೆ ಹೋಗುವ ರಸ್ತೆ ಬದಿ ದೀಪ ಬೆಳಗುತ್ತಿತ್ತು. ಆ ದೀಪದ ಬೆಳಕಿನಲ್ಲಿ ಬಲವಳ್ಳಿ ನೆಬ್ಬೂರಿನ ಹರೀಶ ಭಟ್ಟ, ಜಾನ್ಮನೆ ನೆಬ್ಬೂರಿನ ವಿಶ್ವನಾಥ ಭಟ್ಟ, ನವಿಲಗಾರ ಹತ್ತರಗಿಯ ಗಜಾನನ ಹೆಗಡೆ ಹಾಗೂ ರೇವಣಕಟ್ಟಾದ ರಾಮಚಂದ್ರ ಭಟ್ಟ ಕವಳ ತೂಪಿ, ಹರಟೆ ಹೊಡೆಯುತ್ತಿದ್ದರು. ಜೊತೆಗೆ ಅಲ್ಲಿ ಹಾಸಿದ್ದ ಕಂಬಳಿ ಮೇಲೆ ಕುಳಿತು ಅವರೆಲ್ಲರೂ ಅಂದರ್ ಬಾಹರ್ ಆಟದಲ್ಲಿ ತೊಡಗಿದ್ದರು. ಸಾರ್ವಜನಿಕ ಸ್ಥಳದಲ್ಲಿ ರಾತ್ರಿಯಿಡೀ ಕಾನೂನುಬಾಹಿರ ಆಟ ನಡೆಯುವ ಬಗ್ಗೆ ಅರಿತ ಅಲ್ಲಿನವರೊಬ್ಬರು ಈ ಬಗ್ಗೆ ಪೊಲೀಸರಿಗೆ ಫೋನ್ ಮಾಡಿದರು. ತಮ್ಮ ವ್ಯಾಪ್ತಿಯಲ್ಲಿ ಅಕ್ರಮ ಆಟ ನಡೆಯುವುದನ್ನು ಸಹಿಸದ ಶಿರಸಿ ಗ್ರಾಮೀಣ ಠಾಣೆ ಪಿಎಸ್‌ಐ ಅಶೋಕ್ ರಾಥೋಡ್ ಅವರು ತನಿಖೆಗಾಗಿ ಅಲ್ಲಿಗೆ ಹೋದರು. ಕೂರ್ಸೆಮನೆ ರಸ್ತೆ ಬದಿ ಅಂದರ್ ಬಾಹರ್ ಆಡುತ್ತಿರುವುದನ್ನು ನೋಡಿ ಪೊಲೀಸ್ ತಂಡದ ಜೊತೆ ಅವರು ದಾಳಿ ಮಾಡಿದರು. ಆಗ, ಕಂಬಳಿ ಮೇಲೆ ಇಸ್ಪಿಟ್ ಎಲೆಗಳು ಹರಡಿ ಬಿದ್ದವು. ಜೊತೆಗೆ 13730ರೂ ಹಣವೂ ಅಲ್ಲಿ ಕಾಣಿಸಿತು. ಚಾರ್ಜಿಂಗ್ ಬ್ಯಾಟರಿ ಬೆಳಕಿನಲ್ಲಿ ಇಸ್ಪಿಟ್ ಆಡುತ್ತಿದ್ದ ಐದು ಜನರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದರು. ಇಸ್ಪಿಟ್ ಎಲೆ, ಕಂಬಳಿ, ಬ್ಯಾಟರಿಯನ್ನು ವಶಕ್ಕೆಪಡೆದು ಅವರೆಲ್ಲರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಪ್ರೀತಿಸಿ ಮದುವೆ ಆದವ ಪತ್ನಿಗೆ ಕತ್ತಿ ಬೀಸಿದ!](https://mobiletime.in/2025/10/a-man-who-married-for-love-stabbed-his-wife-with-a-sword/): ಭಟ್ಕಳದ ಸುಧಾ ನಾಯ್ಕ ಹಾಗೂ ಅಣ್ಣಪ್ಪ ನಾಯ್ಕ ದಾಂಪತ್ಯದಲ್ಲಿ ಬಿರುಕು ಮೂಡಿದೆ. ಸುಧಾ ನಾಯ್ಕ ಅವರಿಗೆ ಅಣ್ಣಪ್ಪ ನಾಯ್ಕ ಅವರು ನಿತ್ಯವೂ ಹಿಂಸೆ ನೀಡುತ್ತಿದ್ದು, ಇದನ್ನು ಪ್ರಶ್ನಿಸಿದ ಕಾರಣ ಕತ್ತಿ ಬೀಸಿದ್ದಾರೆ. ಭಟ್ಕಳದ ಹೊಳಗದ್ದೆ ಕಡೆಯವರಾದ ಸುಧಾ ನಾಯ್ಕ ಅವರು 14 ವರ್ಷಗಳ ಹಿಂದೆ ಬಳಕೆ ಬಳಿಯ ಕೊಚ್ರೆಯ ಅಣ್ಣಪ್ಪ ನಾಯ್ಕ ಅವರನ್ನು ಪ್ರೀತಿಸಿ ಮದುವೆ ಆಗಿದ್ದರು. ಮೊದಲ ಮೂರು ವರ್ಷ ಅವರಿಬ್ಬರು ಸುಂದರ ಸಂಸಾರ ನಡೆಸಿದ್ದರು. ಅದಾದ ನಂತರ ಅಣ್ಣಪ್ಪ ನಾಯ್ಕ ಅವರಿಗೆ ಪತ್ನಿ ಮೇಲೆ ಸಂಶಯ ಶುರುವಾಯಿತು. ಆ ಸಂಶಯ ಹೊಡೆದಾಟಕ್ಕೆ ಕಾರಣವಾಯಿತು. ಸುಧಾ ನಾಯ್ಕ ಅವರ ಮೇಲೆ ಹಲ್ಲೆ ಮಾಡುವುದು ಅಣ್ಣಪ್ಪ ನಾಯ್ಕ ಅವರಿಗೆ ಸಾಮಾನ್ಯ ವಿಷಯವಾಯಿತು. ಮಾನಸಿಕ ಹಿಂಸೆಗೆ ಕೊನೆಯೇ ಇರಲಿಲ್ಲ. ಅಕ್ಟೊಬರ್ 5ರ ಸಂಜೆ ಅಣ್ಣಪ್ಪ ನಾಯ್ಕ ಅವರು ಮಕ್ಕಳಿಗೆ ಹೊಡೆಯುತ್ತಿದ್ದರು. ಅದನ್ನು ಸುಧಾ ನಾಯ್ಕ ಅವರ ಬಳಿ ಸಹಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಮಕ್ಕಳಿಗೆ ಹೊಡೆಯುವುದನ್ನು ತಪ್ಪಿಸಲು ಸುಧಾ ನಾಯ್ಕ ಅವರು ಜೋರಾಗಿ ಬೊಬ್ಬೆ ಹಾಕಿದರು. `ನಿನ್ನದು ದಿನಾ ಹೀಗೆ ಆಯಿತು. ನಾವು ಮನೆ ಬಿಟ್ಟು ಹೋಗುತ್ತೇವೆ’ ಎಂದು ಸುಧಾ ನಾಯ್ಕ ಅವರು ಧೈರ್ಯದಿಂದ ಮಾತನಾಡಿದರು. ಇದೇ ವಿಷಯವಾಗಿ ಅವರು ದೊಡ್ಡದಾಗಿ ಅಬ್ಬರಿಸಿದರು. ಇದರಿಂದ ಅಣ್ಣಪ್ಪ ನಾಯ್ಕ ಅವರ ಸಿಟ್ಟು ನೆತ್ತಿಗೇರಿದ್ದು, ಮನೆಯಲ್ಲಿದ್ದ ಕತ್ತಿ ತೆಗೆದುಕೊಂಡು ಸುಧಾ ನಾಯ್ಕ ಅವರ ಕಡೆ ಬೀಸಿದರು. ಸುಧಾ ನಾಯ್ಕ ಅವರು ತಪ್ಪಿಸಿಕೊಳ್ಳಲು ಯತ್ನಿಸಿದರೂ ಅದು ಸಾಧ್ಯವಾಗಲಿಲ್ಲ. ಪರಿಣಾಮ ಅವರ ಬೆನ್ನಿಗೆ ಗಾಯವಾಯಿತು. ಅಣ್ಣಪ್ಪ ನಾಯ್ಕ ಅವರ ಉಗ್ರ ಅವತಾರ ನೋಡಿದ ಸುಧಾ ನಾಯ್ಕ ಅವರ ಅಣ್ಣನ ಮಗ ರಾಘವೇಂದ್ರ ನಾಯ್ಕ ಇನ್ನಷ್ಟು ಆಕ್ರಮಣ ತಪ್ಪಿಸುವ ಪ್ರಯತ್ನ ಮಾಡಿದರು. ಆದರೆ, ಅದು ಸಾಧ್ಯವಾಗಲಿಲ್ಲ. ಅಣ್ಣಪ್ಪ ನಾಯ್ಕ ಅವರು ಈ ವೇಳೆ ರಾಘವೇಂದ್ರ ನಾಯ್ಕ ಅವರಿಗೂ ಎರಡು ಏಟು ಹೊಡೆದರು. ಅವರ ಕೈ ಹಿಡಿದು ನೋವು ಮಾಡಿದರು. ಬೆರಳಿಗೂ ಗಾಯ ಮಾಡಿದರು. `ಈ ವಿಷಯದ ಬಗ್ಗೆ ಪೊಲೀಸರಿಗೆ ದೂರು ಕೊಟ್ಟರೆ ಕೊಲೆ ಮಾಡುವೆ’ ಎಂದು ಬೆದರಿಸಿದರು. ಅದಾಗಿಯೂ ಸುಧಾ ನಾಯ್ಕ ಅವರು ಹೆದರಲಿಲ್ಲ. ಪತಿ ಕಾಟದ ವಿರುದ್ಧ ಅವರು ಪೊಲೀಸರ ಬಳಿ ವಿವರಿಸಿದರು. ಭಟ್ಕಳ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದರು.
- [ಶಿರಸಿ | ಗಲ್ಲಿ ಗಲ್ಲಿಗೂ ಕಳ್ಳರು.. ಮನೆ ಮನೆಗೂ ಪೊಲೀಸರು!](https://mobiletime.in/2025/10/sirsi-thieves-in-every-street-police-in-every-house/): ರಾಜ್ಯದ ಎಲ್ಲಡೆ `ಮನೆ ಮನೆಗೂ ಪೊಲೀಸ್’ ಅಭಿಯಾನ ನಡೆಯುತ್ತಿದೆ. ಅದಕ್ಕೆ ವಿರುದ್ಧ ಎಂಬoತೆ ಶಿರಸಿಯಲ್ಲಿ ಗಲ್ಲಿ ಗಲ್ಲಿಯೂ ಕಳ್ಳರ ಕಾಟ ಜೋರಾಗಿದೆ. ಕಳ್ಳರ ಕಾಟದಿಂದ ತಪ್ಪಿಸಿಕೊಳ್ಳುವುದು ಒಂಟಿ ಮನೆ ಮಾಲಕರಿಗೆ ದೊಡ್ಡ ಸವಾಲಾಗಿದೆ. ಕಳೆದ ಕೆಲ ದಿನಗಳಿಂದ ಶಿರಸಿಯಲ್ಲಿ ಕಳ್ಳತನ ಪ್ರಕರಣಗಳು ಹೆಚ್ಚಾಗಿದೆ. ಮನೆಯ ಬೀಗ ಒಡೆದು ಒಳ ನುಗ್ಗುವ ಕಳ್ಳರು ಜೋಪಾನವಾಗಿರಿಸಿಕೊಂಡಿದ್ದ ಚಿನ್ನಾಭರಣ ದೋಚಿ ಪರಾರಿಯಾಗುತ್ತಿದ್ದಾರೆ. ಕಳೆದ ಎರಡು ದಿನದಲ್ಲಿ ಮೂರು ಕಡೆ ಕಳ್ಳರು ತಮ್ಮ ಕೈ ಚಳಕ ಪ್ರದರ್ಶಿಸಿದ್ದಾರೆ. ಮಾರಿಕಾಂಬಾ ನಗರದ ಹಾಲೊಂಡ ಬಳಿಯ ಉದ್ಯಮಿ ಉದಯ ನಾಯ್ಕ ಅವರ ಮನೆಗೆ ಕಳ್ಳರು ಕನ್ನ ಹಾಕಿದ್ದಾರೆ. ಮನೆ ಬಾಗಿಲು ಮುರಿದು ಹಣ ಬಂಗಾರ ಕದ್ದು ಪರಾರಿಯಾಗಿದ್ದಾರೆ. ಲಯನ್ಸ ನಗರದ ಗುತ್ತಿಗೆದಾರ ವೆಂಕಟೇಶ ಆನಂದ ಕಡಿಮನೆ ಅವರ ಮನೆಗೂ ಕಳ್ಳರು ಆಗಮಿಸಿದ್ದು, ಅಲ್ಲಿಯೂ ಬೆಲೆ ಬಾಳುವ ಬಂಗಾರದ ಒಡವೆಗಳನ್ನು ದೋಚಿದ್ದಾರೆ. ಮಾರಿಕಾಂಬಾ ನಗರದ ಶಿಕ್ಷಕಿ ರಮಾ ಗೋವಿಂದ ನಾಯ್ಕ ಅವರು ಸಹ ಕಳ್ಳರ ಕಾಟಕ್ಕೆ ಬೇಸತ್ತು ಪೊಲೀಸರ ನೆರವು ಯಾಚಿಸಿದ್ದಾರೆ. ಶಿಕ್ಷಕಿ ರಮಾ ನಾಯ್ಕ ಅವರು ಅಕ್ಟೊಬರ್ 2ರಂದು ಸಿದ್ದಾಪುರದ ಮನಮನೆಗೆ ಹೊಗಿದ್ದರು. ಅಲ್ಲಿ ಅವರ ರೆಸಾರ್ಟ ಇದ್ದು, ಅಲ್ಲಿ ಹೋಗಿ ಬರುವುದರೊಳಗೆ ಕಳ್ಳರು ಅವರ ಮನೆಗೆ ನುಗ್ಗಿ ಹೊರ ಬಿದ್ದಿದ್ದರು. ಅಕ್ಟೊಬರ್ 5ರಂದು ಅವರು ಮನೆಗೆ ಮರಳಿದಾಗ ಕಳ್ಳತನವಾಗಿರುವುದು ಅರಿವಿಗೆ ಬಂದಿತು. ಮನೆಯ ಬಾಗಿಲು ಭದ್ರಪಡಿಸಿದ್ದರೂ ಕಳ್ಳರು ಅದನ್ನು ಮುರಿದು ಒಳಗೆ ನುಗ್ಗಿದ್ದರು. ರಮಾ ನಾಯ್ಕ ಅವರ ಬೆಡ್ ರೂಮಿನಲ್ಲಿದ್ದ 48 ಸಾವಿರ ರೂ ಹಣ, 7 ಲಕ್ಷ ರೂ ಮೌಲ್ಯದ ಬಂಗಾರದ ಆಭರಣವನ್ನು ಕಳ್ಳರು ದೋಚಿದ್ದರು. ಜೊತೆಗೆ 50 ಸಾವಿರ ರೂ ಮೌಲ್ಯದ ಬೆಳ್ಳಿಯ ತಾಟುಗಳನ್ನು ಅವರು ಒಯ್ದಿದ್ದರು. ಲಯನ್ಸ ನಗರದ 4ನೇ ಕ್ರಾಸಿನಲ್ಲಿರುವ ಸಿವಿಲ್ ಗುತ್ತಿಗೆದಾರ ವೆಂಕಟೇಶ ಕಡೆಮನೆ ಅವರಿಗೂ ಕಳ್ಳರು ಸಾಕಷ್ಟು ಕಾಟ ಕೊಟ್ಟಿದ್ದು, ಅವರು ವೈಕುಂಠ ಸಮಾರಾಧನೆಗೆ ಹೋಗಿ ಬರುವಷ್ಟರಲ್ಲಿ ಇಡೀ ಮನೆ ದೋಚಿದ್ದರು. ಅಕ್ಟೊಬರ್ 4ರಂದು ವೆಂಕಟೇಶ ಕಡೆಮನೆ ಅವರು ಮನೆಗೆ ಬೀಗ ಹಾಕಿ ಕುಮಟಾಗೆ ಹೋಗಿದ್ದರು. ಅಲ್ಲಿನ ಬೋಗ್ರಿಬೈಲಿನಲ್ಲಿ ಪತ್ನಿ ತಂದೆಯ ವೈಕುಂಠ ಸಮಾರಾಧನೆಯಲ್ಲಿ ಭಾಗವಹಿಸಿದ್ದರು. ಅಕ್ಟೊಬರ್ 5ರಂದು ಮರಳಿ ಬಂದಾಗ ಮನೆ ಬಾಗಿಲು ಚೌಕಟ್ಟು ವಿಕಾರವಾಗಿತ್ತು. ಕಳ್ಳರು ಅವರ ಮನೆಯೊಳಗೆ ನುಗ್ಗಿ ಬೆಡ್ ರೂಮಿನಲ್ಲಿದ್ದ ಹಣ ಎಗರಿಸಿದ್ದರು. ಬಟ್ಟೆಗಳನ್ನು ಚಲ್ಲಾಪಿಲ್ಲಿಯಾಗಿಸಿದ್ದರು. 4 ಲಕ್ಷ ರೂ ಹಣ, 3 ಲಕ್ಷದ ಬಂಗಾರದ ಸರ, 2 ಲಕ್ಷದ ಮುತ್ತಿನ ಹಾರ, 1.5 ಲಕ್ಷ ರೂ ಮೌಲ್ಯದ ಉಂಗುರ, 3 ಲಕ್ಷ ರೂ ಮೌಲ್ಯದ ಕಿವಿಯೋಲೆಗಳನ್ನು ಕದ್ದಿದ್ದರು. ಈ ಎಲ್ಲಾ ಕಳ್ಳತನ ಪ್ರಕರಣದಲ್ಲಿಯೂ ಮನೆ ಮಾಲಕರು ಪೊಲೀಸರ ಮೊರೆ ಹೋಗಿದ್ದು, ಪೊಲೀಸರು ಸಹ ಕಳ್ಳರ ಹುಡುಕಾಟಕ್ಕೆ ನಾನಾ ಪ್ರಯತ್ನ ಮಾಡಿದ್ದಾರೆ.
- [ಆದಾಯ ದಾಖಲೆ ಹೆಚ್ಚಳ: ವೃದ್ಧೆಗೆ ಅನ್ಯಾಯ!](https://mobiletime.in/2025/10/record-increase-in-income-injustice-for-the-elderly/): ಕುಮಟಾದ ಉಪ್ಪಾರಕೇರಿಯಲ್ಲಿ ವಾಸವಾಗಿರುವ 72ವರ್ಷದ ರಾಧಾ ಆಚಾರಿ ಅವರು ಆದಾಯ ಪ್ರಮಾಣ ಪತ್ರಕ್ಕಾಗಿ ತಹಶೀಲ್ದಾರ್ ಕಚೇರಿಗೆ ಅರ್ಜಿ ಸಲ್ಲಿಸಿದ್ದಾರೆ. ಆದರೆ, ಅವರ ಆದಾಯ ಮಿತಿ ಹೆಚ್ಚಾಗಿರುವ ಕಾರಣ ಪ್ರಮಾಣ ಪತ್ರ ಸಿಕ್ಕಿಲ್ಲ. ಹೀಗಾಗಿ ವೃದ್ಧೆಗೆ ಅನ್ಯಾಯವಾಗಿದೆ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ದೂರಿದ್ದಾರೆ. `ರಾಧಾ ಆಚಾರಿ ಅವರ ಮಕ್ಕಳಿಗೆ ಮದುವೆಯಾಗಿದೆ. ಮಗ ಪ್ರತ್ಯೇಕವಾಗಿ ವಾಸವಾಗಿದ್ದು, 80 ವರ್ಷದ ಗಂಡನ ಆರೈಕೆಯಲ್ಲಿ ರಾಧಾ ಆಚಾರಿ ಅವರಿದ್ದಾರೆ. ಸರ್ಕಾರದಿಂದ ಸಿಗುವ ಪಡಿತರ ಅಕ್ಕಿ ಹಾಗೂ ಗೃಹಲಕ್ಷ್ಮಿ ಹಣವೇ ಈ ಕುಟುಂಬಕ್ಕೆ ಆಧಾರವಾಗಿದೆ. ವಯೋಸಹಜ ರೋಗದಿಂದ ಬಳಲುತ್ತಿರುವ ಅವರ ಕುಟುಂಬಕ್ಕೆ ಸಂದ್ಯಾ ಸುರಕ್ಷಾ ಯೋಜನೆ ಅಡಿ ಅರ್ಜಿ ಹಾಕಲು ಆದಾಯ ಪ್ರಮಾಣ ಪತ್ರ ಅಗತ್ಯವಿದ್ದು, ಅದು ಸಿಗುತ್ತಿಲ್ಲ’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರು ದೂರಿದ್ದಾರೆ. `ಸಂದ್ಯಾ ಸುರಕ್ಷಾ ಯೋಜನೆ ಅಡಿ ರಾಧಾ ಆಚಾರಿ ಅವರಿಗೆ 1200ರೂ ಸಿಕ್ಕರೆ ಅದು ಅವರ ಕುಟುಂಬಕ್ಕೆ ಆಧಾರವಾಗುತ್ತಿತ್ತು. ಆದರೆ, ಅಧಿಕಾರಿಗಳು ಲಂಚಕ್ಕಾಗಿ ಅವರಿಗೆ ಅನ್ಯಾಯ ಮಾಡಿದ್ದಾರೆ. ಹಿರಿಯ ನಾಗರಿಕರಿಗೆ ಟಾಸ್ಕ್ ಫೋರ್ಸ್ ಸಮಿತಿಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಅಧ್ಯಕ್ಷರಾಗಿದ್ದು, ಅಧಿಕಾರಿಗಳ ವಿರುದ್ಧ ಅವರಿಗೆ ದೂರು ನೀಡಲಾಗಿದೆ’ ಎಂದು ಆಗ್ನೇಲ್ ರೋಡ್ರಿಗಸ್ ವಿವರಿಸಿದ್ದಾರೆ. `ಈ ಮೊದಲು ಪಿಂಚಣಿ ವಂಚಿತರಾದವರ ಬಗ್ಗೆ ಸಹ ಜಿಲ್ಲಾಧಿಕಾರಿ ಹಾಗೂ ಮಾನವ ಹಕ್ಕು ಆಯೋಗಕ್ಕೆ ದೂರು ಸಲ್ಲಿಸಲಾಗಿತ್ತು. ಅದಾದ ನಂತರ ಅವರ ಸಮಸ್ಯೆ ಬಗೆಹರಿದಿತ್ತು’ ಎಂಬ ವಿಷಯದ ಬಗ್ಗೆ ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ ಅವರು ಗಮನಸೆಳೆದಿದ್ದಾರೆ.
- [ಮಹಿಳೆ ಮೈ ಮುಟ್ಟಿದ ಪ್ರಕರಣ: ಸೈಲ್'ಗೆ ಜೈಲ್!](https://mobiletime.in/2025/10/womans-touching-case-sail-goes-to-jail/): ಮಹಿಳೆಯೊಬ್ಬರ ಮೈ ಮುಟ್ಟಿದ ಕಾರವಾರದ ಮನೋಜ ಸೈಲ್’ಗೆ ನ್ಯಾಯಾಲಯ ಜೈಲು ಶಿಕ್ಷೆ ವಿಧಿಸಿದೆ. ಮಾಡಿದ ತಪ್ಪಿಗೆ 8 ಸಾವಿರ ರೂ ದಂಡವನ್ನು ಪಾವತಿಸಲು ಸೂಚಿಸಿದೆ. 2019ರ ಸೆಪ್ಟೆಂಬರ್ 1ರ ರಾತ್ರಿ ಕಾರವಾರದ ಮಾಜಾಳಿಯ ಬಜಾರಿನ ಮನೋಜ ಸೈಲ್ ಮಹಿಳೆಯೊಬ್ಬರ ಮೇಲೆ ಕಣ್ಣು ಹಾಕಿದ್ದರು. ಆ ರಾತ್ರಿ ಮಹಿಳೆ ವಾಸವಿದ್ದ ಮನೆ ಬಳಿ ಬಂದ ಮನೋಜ ಸೈಲ್ ಹಿಂದಿನ ಬಾಗಿಲು ಬಡಿದಿದ್ದರು. ಮಹಿಳೆ ಬಾಗಿಲು ತೆರೆದಾಗ ಅವರ ಕೈ ಹಿಡಿದು ಎಳೆದಿದ್ದರು. ಮಹಿಳೆ ಮೈಮೇಲಿದ್ದ ಬಟ್ಟೆಯನ್ನು ಹರಿದಿದ್ದರು. ಜೊತೆಗೆ ಮಹಿಳೆಗೆ ಗಾಯಪಡಿಸಿ ನೋವುಂಟು ಮಾಡಿದ್ದರು. ಈ ಹಿನ್ನಲೆ ಮಾನಭಂಗಕ್ಕೆ ಯತ್ನಿಸಿದ ಬಗ್ಗೆ ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. 2025ರ ಸೆ 29ರಂದು ಈ ಪ್ರಕರಣ ವಿಚಾರಣೆಗೆ ಬಂದಿತು. ನ್ಯಾಯವಾದಿ ವೆಂಕಟೇಶ ಗೌಡ ಅವರು ಮಹಿಳೆ ಪರ ವಾದ ಮಂಡಿಸಿದರು. ನ್ಯಾಯಾಧೀಶ ಧನರಾಜ ಎಸ್ ಎಂ ಅವರು ಆ ವಾದ ಆಲಿಸಿ ಸಾಕ್ಷಿಗಳ ವಿಚಾರಣೆ ನಡೆಸಿದರು. ಚಿತ್ತಾಕುಲ ಪಿಎಸ್‌ಐ ಪರಶುರಾಮ ಮಿರ್ಚಗಿ, ಪಿಎಸ್‌ಐ ನರಸಿಂಹಲು, ಸಂತೋಷ ನಾಯ್ಕ, ಪೊಲೀಸ್ ಸಿಬ್ಬಂದಿ ರಫಿಕ್ ಮುಲ್ಲಾ, ಶ್ರೀಕಾಂತ ನಾಯ್ಕ, ಆಂಜಿನೇಯ ಎಚ್ ಕೆ, ಗಣೇಶ ನಾಯ್ಕ ಇನ್ನಿತರರು ವಿವಿಧ ದಾಖಲೆಗಳನ್ನು ಹಾಜರುಪಡಿಸಿದರು. ವಿಚಾರಣೆ ನಡೆಸಿದ ನ್ಯಾಯಾಧೀಶ ಧನರಾಜ ಎಸ್ ಎಂ ಅವರು ಆರೋಪಿ ಮನೋಜ ಸೈಲ್’ಗೆ 1 ವರ್ಷ ಜೈಲು ಶಿಕ್ಷೆ ಜೊತೆ 8 ಸಾವಿರ ರೂ ದಂಡ ಪಾವತಿಗೆ ಆದೇಶಿಸಿದರು. ತಪ್ಪಿತಸ್ಥನಿಗೆ ಶಿಕ್ಷೆ ಕೊಡಿಸಲು ಶ್ರಮಿಸಿದ ಅಧೀನ ಅಧಿಕಾರಿ-ಸಿಬ್ಬಂದಿಗೆ ಪೊಲೀಸ್ ಅಧೀಕ್ಷಕ ದೀಪನ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಜಗದೀಶ ಎಂ, ಡಿವೈಎಸ್ಪಿ ಎಸ್ ವಿ ಗಿರೀಶ ಹಾಗೂ ಸಿಪಿಐ ಪ್ರಕಾಶ ದೇವಾಡಿಗ ಅವರು ಅಭಿನಂದಿಸಿದರು.
- [ಸರ್ಕಾರದ ಬಳಿ ಕಾಸಿಲ್ಲ: ಅಧಿಕಾರಿಗಳ ಕಾರಿಗೆ ಇನ್ಸುರೆನ್ಸ ಇಲ್ಲ!](https://mobiletime.in/2025/10/the-government-has-no-money-the-officials-cars-have-no-insurance/): ಖಾಸಗಿ ವಾಹನ ಸವಾರರ ದಾಖಲೆ ಪರಿಶೀಲಿಸುವ ಪೊಲೀಸರು ಸರ್ಕಾರಿ ವಾಹನದ ದಾಖಲೆಗಳ ಬಗ್ಗೆ ಪ್ರಶ್ನಿಸುತ್ತಿಲ್ಲ. ಹೀಗಾಗಿ ಸರ್ಕಾರಿ ವಾಹನಗಳ ದಾಖಲೆ ಸರಿ ಇಲ್ಲದಿದ್ದರೂ ಅದನ್ನು ಕೇಳುವವರಿಲ್ಲ! ಮೊನ್ನೆ ಕುಮಟಾದಲ್ಲಿ ಸಹಾಯಕ ಆಯುಕ್ತ ಶ್ರವಣಕುಮಾರ ಅವರು ಬಳಸುತ್ತಿದ್ದ ಕಾರು ಅಪಘಾತವಾಗಿದೆ. ಅಪಘಾತದ ವೇಳೆ ಆ ಕಾರಿನಲ್ಲಿ ಹಿರಿಯ ಅಧಿಕಾರಿಗಳಿರಲಿಲ್ಲ. ಕಾರಿನಲ್ಲಿದ್ದ ಸರ್ಕಾರಿ ಸಿಬ್ಬಂದಿ ಹಾಗೂ ಚಾಲಕರಿಗೆ ಅಪಘಾತದಿಂದ ದೊಟ್ಟ ಪೆಟ್ಟಾಗಲಿಲ್ಲ. ಆದರೆ, ಅಪಘಾತದ ಅವಧಿಯಲ್ಲಿ ಆ ಕಾರಿಗೆ ಇನ್ಸುರೆನ್ಸ ಸಹ ಇರಲಿಲ್ಲ! ಅಕ್ಟೊಬರ್ 4ರಂದು ಸಹಾಯಕ ಆಯುಕ್ತ ಶ್ರವಣಕುಮಾರ ಅವರ ಕಾರಿನ ಚಾಲಕ ರಜೆಯಲ್ಲಿದ್ದರು. ಹೀಗಾಗಿ ತಹಶೀಲ್ದಾರ್ ಕಚೇರಿಯ ಚಾಲಕರನ್ನು ಸಹಾಯಕ ಆಯುಕ್ತರು ತಮ್ಮ ಕಾರಿಗೆ ನೇಮಿಸಿದ್ದರು. ಆ ದಿನ ವೇಗವಾಗಿ ಬಂದ ಶ್ರೀಕುಮಾರ ಬಸ್ಸು ಸಹಾಯಕ ಆಯುಕ್ತರು ಬಳಸುವ ಕಾರಿಗೆ ಗುದ್ದಿತು. ಪರಿಣಾಮ ಕಾರಿನ ಜೊತೆ ಬಸ್ಸು ಜಖಂ ಆಯಿತು. ಕಾರಿನಲ್ಲಿದ್ದ ಸರ್ಕಾರಿ ಸಿಬ್ಬಂದಿಯೊಬ್ಬರ ಬೆನ್ನಿಗೆ ಸಣ್ಣ ಪ್ರಮಾಣದಲ್ಲಿ ನೋವಾಗಿದ್ದು ಬಿಟ್ಟರೆ ಬೇರೆ ಸಮಸ್ಯೆ ಆಗಲಿಲ್ಲ. ದುರಂತ ನಡೆದಿದ್ದರೂ ಕಾನೂನಾತ್ಮಕವಾಗಿ ಪರಿಹಾರಪಡೆಯಲು ಸರ್ಕಾರಿ ಕಾರಿಗೆ ವಿಮೆಯೂ ಇರಲಿಲ್ಲ! ಕುಮಟಾ ಸಹಾಯಕ ಆಯುಕ್ತರಿಗೆ ನೀಡಲಾದ ಆ ಕಾರು ಮೂಲತಃ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯದ್ದಾಗಿದೆ. ಹೀಗಾಗಿ ಈ ಕಾರಿನ ಎಲ್ಲಾ ಕಡತಗಳು ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಕಚೇರಿಯಲ್ಲಿಯೇ ಇವೆ. ಹೀಗಾಗಿ ವಿಮಾ ಅವಧಿ ಮುಗಿದ ಬಗ್ಗೆ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯಿಂದಲೇ ಕರ್ನಾಟಕ ಸರ್ಕಾರದ ವಿಮಾ ಇಲಾಖೆಗೆ ಪತ್ರ ರವಾನೆಯಾಗಬೇಕಿತ್ತು. ಮಾತೃ ಇಲಾಖೆಯಿಂದಲೇ ಕಾರಿನ ವಿಮಾ ಕಂತು ಪಾವತಿ ಆಗಬೇಕಿದ್ದು, ಕಾರನ್ನು ಉಪವಿಭಾಗಾಧಿಕಾರಿಗಳಿಗೆ ನೀಡಿದ ಆ ಇಲಾಖೆ ಅಧಿಕಾರಿಗಳು ವಿಮೆ ಬಗ್ಗೆ ಯೋಚಿಸಿಲ್ಲ. ಹೀಗಾಗಿ ಸಕಾಲದಲ್ಲಿ ಸರ್ಕಾರ ವಿಮಾ ಕಂತು ಪಾವತಿಸಿದ ಕಾರಣ ಅಪಘಾತದ ಅವಧಿಯಲ್ಲಿ ವಿಮೆ ಚಾಲನೆಯಲ್ಲಿರಲಿಲ್ಲ. ವಿಮಾ ಕಂತು ಪಾವತಿ ಸಮಸ್ಯೆ ಬಗ್ಗೆ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ ಅಧಿಕಾರಿ ಶಿವಕ್ಕ ಮಾದರ್ ಅವರಿಗೆ ಫೋನ್ ಮಾಡಿದರೂ ಅವರು ಕರೆ ಸ್ವೀಕರಿಸಿಲ್ಲ. ತಮ್ಮ ಇಲಾಖೆಯ ವಾಹನದ ಕಾರಿನ ವಿಮಾ ಅವಧಿ ಮುಗಿದಿರುವ ವಿಷಯ ಅವರಿಗೂ ಅರಿವಿರುವ ಹಾಗಿಲ್ಲ. ಅಪಘಾತಕ್ಕೆ ಕಾರಣವಾದ ಶ್ರೀಕುಮಾರ ಬಸ್ಸಿನ ದಾಖಲೆಗಳು ಸರಿಯಾಗಿದ್ದ ಕಾರಣ ಬಸ್ಸಿನ ವಿಮೆ ಆಧಾರದಲ್ಲಿ ಸರ್ಕಾರಿ ಕಾರಿನ ದುರಸ್ಥಿ ನಡೆಯಲಿದ್ದು, ಪೊಲೀಸ್ ವಶದಲ್ಲಿರುವ ವಾಹನ ಈ ದಿನ ಬಿಡುಗಡೆಯಾಗುವ ಸಾಧ್ಯತೆಯಿದೆ.
- [ಸಹಕಾರಿ ಸರಸ್ವತಿಗೆ ಸಿಗಬೇಕು ಡಿಸಿಸಿ ನಿರ್ದೇಶಕ ಸ್ಥಾನ](https://mobiletime.in/2025/10/saraswati-of-cooperatives-should-get-the-post-of-dcc-director/): ಕೆಡಿಸಿಸಿ ಬ್ಯಾಂಕಿನ 105 ವರ್ಷದ ಇತಿಹಾಸದಲ್ಲಿ ಈವರೆಗೆ ಒಬ್ಬರು ಮಹಿಳಾ ನಿರ್ದೇಶಕರಾಗಿಲ್ಲ. ಶತಮಾನದ ಅವಧಿಯಲ್ಲಿ ಈ ಬ್ಯಾಂಕು ಒಮ್ಮೆಯೂ ಮಹಿಳಾ ನಿರ್ದೇಶಕರನ್ನು ನೋಡಿಲ್ಲ! ಎಲ್ಲಡೆ ಮಹಿಳೆಯರಿಗೆ ಶೇ 33ರ ಮೀಸಲಾತಿ ಬಗ್ಗೆ ಚರ್ಚೆ ನಡೆಯುತ್ತಿದೆ. ಆದರೆ, ಬ್ಯಾಂಕಿoಗ್ ವಲಯದಲ್ಲಿ ಮಹಿಳಾ ಮೀಸಲಾತಿ ಎಂಬುದು ದೊಡ್ಡ ಪ್ರಮಾಣದಲ್ಲಿಲ್ಲ. ಹೀಗಾಗಿ ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕ ಮಂಡಳಿಯಲ್ಲಿ ಈವರೆಗೂ ಮಹಿಳೆಯರು ಮುಖ್ಯ ವಾಹಿನಿಗೆ ಬಂದಿಲ್ಲ. ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕ ಸ್ಥಾನಕ್ಕೆ ಸರಸ್ವತಿ ಎನ್ ರವಿ ಅವರು ಆಸಕ್ತಿಹೊಂದಿದ್ದಾರೆ. ಬ್ಯಾಂಕಿನ ಪ್ರತಿನಿಧಿಯಾಗುವುದಕ್ಕಾಗಿ ಅವರು ಹಿರಿಯ ಸಹಕಾರಿಗಳ ಆಶೀರ್ವಾದದೊಂದಿಗೆ ಓಡಾಟ ನಡೆಸಿದ್ದಾರೆ. ಸಹಕಾರಿ ಕ್ಷೇತ್ರದಲ್ಲಿನ ಅನುಭವವೇ ಸರಸ್ವತಿ ಎನ್ ರವಿ ಅವರಿಗೆ ಶ್ರೀರಕ್ಷೆ. ಅವರ ಸೌಮ್ಯ ಸ್ವಭಾವ, ಅನ್ಯಾಯದ ವಿರುದ್ಧ ಹೋರಾಡುವ ಹಠ, ಪಾರದರ್ಶಕ ಆಡಳಿತದ ಮನಸ್ಸು ಹಾಗೂ ಉನ್ನತ ವಿದ್ಯಾರ್ಹತೆ ಸಹಕಾರಿ ಕ್ಷೇತ್ರದ ಯಶಸ್ಸಿಗೆ ಸಹಕಾರಿ. ಇದೇ ಆಧಾರದಲ್ಲಿ ಸರಸ್ವತಿ ಎನ್ ರವಿ ಅವರು ಪ್ರಜ್ಞಾವಂತ ಮತದಾರರ ಮನವೊಲೈಸುವ ಕೆಲಸ ಮಾಡುತ್ತಿದ್ದಾರೆ. ಹಿರಿಯ ಸಹಕಾರಿಗಳ ಸಹಕಾರದಲ್ಲಿ ಅವರು ಮತ ಯಾಚನೆ ಶುರು ಮಾಡಿದ್ದು, ಪ್ರಚಾರದ ಅವಧಿಯಲ್ಲಿ ಉತ್ತಮ ಸ್ಪಂದನೆ ಸಿಗುತ್ತಿದೆ. ಈಗಾಗಲೇ ಜಿಲ್ಲೆಯ ಎಲ್ಲಾ ಕಡೆ ಓಡಾಡಿರುವ ಅವರು ಒಂದು ಸುತ್ತಿನ ಪ್ರಚಾರ ಮುಗಿಸಿದ್ದಾರೆ. `ಸಹಕಾರಿ ಕ್ಷೇತ್ರ ಶುದ್ಧವಾಗಿರಬೇಕು ಎಂದರೆ ಮತದಾರರ ಮನಸ್ಸು ವಿಶಾಲವಾಗಿರಬೇಕು’ ಎಂದು ಅವರು ಅನೇಕರಿಗೆ ಮನವರಿಕೆ ಮಾಡಿದ್ದಾರೆ. ಸಹಕಾರಿ ಕ್ಷೇತ್ರದ ಭವಿಷ್ಯ ಚಿಂತನೆಗಳನ್ನು ಅವರು ಮತದಾರರಿಗೆ ತಿಳಿಸಿ ಅವರ ಮನ ಗೆಲ್ಲುತ್ತಿದ್ದಾರೆ. 20 ವರ್ಷದ ಸಾಮಾಜಿಕ ಜೀವನದ ಜೊತೆ 11 ವರ್ಷದ ಸಹಕಾರಿ ರಂಗ ಸರಸ್ವತಿ ಎನ್ ರವಿ ಅವರ ಗೆಲುವು ಸುಲಭವಾಗಿಸುವ ಸಾಧ್ಯತೆಗಳಿವೆ. `ಸೊಸೈಟಿಗಳಲ್ಲಿ ಸಾಲಪಡೆಯುವುದರಿಂದಹಿಡಿದು ಅಲ್ಲಿ ಕೆಲಸ ಮಾಡುವ ಸಿಬ್ಬಂದಿಗಳವರೆಗೆ ಸಾವಿರಾರು ಸಮಸ್ಯೆಗಳಿವೆ. ಅಂಥ ಸಮಸ್ಯೆಗಳನ್ನು ಸಮರ್ಥವಾಗಿ ನಿಭಾಯಿಸಲು ಕೆಡಿಸಿಸಿ ಬ್ಯಾಂಕಿಗೆ ಉತ್ತಮ ನಿರ್ದೇಶಕ ಮಂಡಳಿ ಅಗತ್ಯವಿದೆ. ಸರ್ವರ ಸಹಕಾರ ಬಯಸಿ ನಾನು ಕೆಡಿಸಿಸಿ ಬ್ಯಾಂಕಿನ ಚುನಾವಣೆಗೆ ಸ್ಪರ್ಧಿಸುತ್ತಿದ್ದು, ಇಷ್ಟು ವರ್ಷಗಳ ಕಾಲ ನನ್ನನ್ನು ನೋಡಿದ ಮತದಾರರು ಈ ಚುನಾವಣೆ ಮೂಲಕ ಕೆಡಿಸಿಸಿ ಬ್ಯಾಂಕಿಗೆ ಮಹಿಳಾ ನಿರ್ದೇಶಕರನ್ನು ಆರಿಸುವ ವಿಶ್ವಾಸವಿದೆ’ ಎಂದು ಸರಸ್ವತಿ ಎನ್ ರವಿ ಅವರು ಪ್ರತಿಕ್ರಿಯಿಸಿದ್ದಾರೆ.
- [2025 ಅಕ್ಟೊಬರ್ 06ರ ದಿನ ಭವಿಷ್ಯ](https://mobiletime.in/2025/10/2025-october-06-day-prediction/): ಮೇಷ ರಾಶಿ: ಕೆಲಸದ ವಿಷಯದಲ್ಲಿ ತೊಡಕು ಆಗಲಿದೆ. ಹೆಚ್ಚಿನ ಶ್ರಮಪಡೆಬೇಡಿ. ಅಗತ್ಯವಿದ್ದಾಗ ವಿರಾಮಪಡೆಯಿರಿ. ಹಣಕಾಸು ವಿಷಯದಲ್ಲಿ ಎಚ್ಚರಿಕೆವಹಿಸಿ. ವೃಷಭ ರಾಶಿ: ಉದ್ಯೋಗ ಸ್ಪರ್ಧೆ ಏರ್ಪಡಲಿದೆ. ಕುಟುಂಬದಲ್ಲಿ ಸಂತೋಷ ವಾತಾವರಣ ಕಾಣಲಿದೆ. ಆರೋಗ್ಯದ ವಿಷಯದಲ್ಲಿ ಗಮನವಿರಲಿ. ಮಿಥುನ ರಾಶಿ: ಕೆಲಸ ಮಾಡಿದ ಶ್ರಮ ಫಲ ಕೊಡಲಿದೆ. ಜನರಿಂದ ಗೌರವ ಸಿಗಲಿದೆ. ಹೂಡಿಕೆ ವಿಷಯದಲ್ಲಿ ಲಾಭ ಸಿಗಲಿದೆ. ಕರ್ಕ ರಾಶಿ: ಆರೋಗ್ಯಕರ ಜೀವನಕ್ಕಾಗಿ ತರಕಾರಿ ಸೇವನೆ ಮಾಡಿ. ಹೊಸ ಸಂಪರ್ಕಗಳು ಪ್ರಗತಿಯ ಕಡೆ ಕರೆದೊಯ್ಯುತ್ತವೆ. ಸಿಂಹ ರಾಶಿ: ವ್ಯಾಪಾರ-ವ್ಯವಹಾರದಲ್ಲಿ ಏಳಿಗೆ ಆಗಲಿದೆ. ಕೆಲಸದಲ್ಲಿ ಶ್ರದ್ಧೆ ಅಗತ್ಯ. ಮನಶಾಂತಿಗೆ ಧ್ಯಾನ ಮಾಡಿ. ಕನ್ಯಾ ರಾಶಿ: ನಿಮಗೆ ಈ ದಿನ ಅದೃಷ್ಟ ಚನ್ನಾಗಿರಲಿದೆ. ಕೆಲಸದ ವಿಷಯದಲ್ಲಿ ತಾಳ್ಮೆ ಅಗತ್ಯ. ತುಲಾ ರಾಶಿ: ಶತ್ರುಗಳ ಬಗ್ಗೆ ಜಾಗೃತರಾಗಿರಿ. ಪ್ರಯಾಣಕ್ಕೆ ಒಳ್ಳೆಯ ದಿನವಲ್ಲ. ಸಂಜೆ ವೇಳೆ ಪರಿಸ್ಥಿತಿ ಬದಲಾಗಲಿದೆ. ವೃಶ್ಚಿಕ ರಾಶಿ: ನಿರುದ್ಯೋಗಗಳಿಗೆ ಶುಭ ಸುದ್ದಿ ಸಿಗಲಿದೆ. ಹಣದ ಆದಾಯ ವೃದ್ಧಿ ಆಗಲಿದೆ. ಶನಿ ದೇವರ ಅನುಗ್ರಹಕ್ಕೆ ಪ್ರಾರ್ಥಿಸಿ. ಧನು ರಾಶಿ: ಸಮಾಜಿಕ ಕಾರ್ಯಗಳಲ್ಲಿ ಯಶಸ್ಸು ಸಿಗಲಿದೆ. ನಿಮ್ಮ ಗೌರವ ಹೆಚ್ಚಾಗುತ್ತದೆ. ಆರೋಗ್ಯ ಉತ್ತಮವಾಗಿರಲಿದೆ. ಮಕರ ರಾಶಿ: ಈ ದಿನ ನಿಮಗೆ ಒಳ್ಳೆಯ ಅವಕಾಶಗಳು ಸಿಗಲಿದೆ. ಹೊಸ ಪರಿಚಯಗಳಿಂದ ಜೀವನದಲ್ಲಿ ಸಂತೋಷಕರ ವಾತಾವರಣ ಮೂಡಲಿದೆ. ಕುಂಭ ರಾಶಿ: ವಾದ-ವಿವಾದಗಳಿಂದ ದೂರವಿರಿ. ನಿಮ್ಮ ಪ್ರಯತ್ನಗಳು ಫಲ ಕೊಡಲಿದೆ. ವ್ಯವಹಾರ ಉತ್ತಮವಾಗಿರಲಿದೆ. ಮೀನ ರಾಶಿ: ಶತ್ರುಗಳ ಸಮಸ್ಯೆ ದೂರವಾಗಲಿದೆ. ಹೂಡಿಕೆಗೆ ಯೋಗ್ಯ ಸಮಯ. ಯಶಸ್ಸಿಗಾಗಿ ಶ್ರಮ ಅಗತ್ಯ.
- [ಸ್ಕೂಟಿಗೆ ಗುದ್ದಿದ ಬಸ್ಸು: ಸ್ಥಳದಲ್ಲಿಯೇ ಸವಾರ ಸಾವು!](https://mobiletime.in/2025/10/bus-hits-a-scooty-rider-dies-on-the-spot/): ಭಟ್ಕಳದಲ್ಲಿ ನಿಧಾನವಾಗಿ ಚಲಿಸುತ್ತಿದ್ದ ಸ್ಕೂಟಿಗೆ ವೇಗವಾಗಿ ಬಂದ ಬಸ್ಸು ಡಿಕ್ಕಿ ಹೊಡೆದಿದೆ. ಅದೇ ಬಸ್ಸಿನ ಚಕ್ರಕ್ಕೆ ಸಿಲುಕಿ ಸ್ಕೂಟಿ ಸವಾರ ಸುಂದರ ಆಚಾರಿ ಅವರು ಸಾವನಪ್ಪಿದ್ದಾರೆ. ಅಕ್ಟೊಬರ್ 5ರಂದು ಭಟ್ಕಳ ಕೆಬಿ ರಸ್ತೆಯ ಆನಂದ ಮಾಧವ ನಾಯ್ಕ ಅವರು ಕುಂದಾಪುರದಿoದ ಭಟ್ಕಳದ ಕಡೆ ಬಸ್ಸು ಓಡಿಸಿಕೊಂಡು ಬರುತ್ತಿದ್ದರು. ಮುಟ್ಟಳ್ಳಿ ಬೈಪಾಸ್ ಹತ್ತಿರ ಸುಂದರ ಆಚಾರಿ ಅವರು ಸ್ಕೂಟಿ ಓಡಿಸಿಕೊಂಡು ಹೋಗುತ್ತಿದ್ದರು. ವೇಗವಾಗಿ ಬಂದ ಬಸ್ಸು ಸ್ಕೂಟಿಗೆ ಡಿಕ್ಕಿ ಹೊಡೆಯಿತು. ಪರಿಣಾಮ ಸುಂದರ ಆಚಾರಿ ಅವರು ನೆಲಕ್ಕೆ ಬಿದ್ದರು. ಆಗ, ಬಸ್ಸಿನ ಹಿಂದಿನ ಚಕ್ರ ಸುಂದರ ಆಚಾರಿ ಅವರ ತಲೆಮೇಲೆ ಹತ್ತಿದ್ದು, ಹೆಲ್ಮೆಟ್ ಒಡೆಯಿತು. ತಲೆಯಿಂದ ರಕ್ತ ಚಿಮ್ಮಿ ಅವರು ಸಾವನಪ್ಪಿದರು. ಮುಂಡಳ್ಳಿಯ ಸಿವಿಲ್ ಗುತ್ತಿಗೆದಾರ ಗುರುರಾಜ ಆಚಾರಿ ಅವರು ಈ ಬಗ್ಗೆ ಭಟ್ಕಳ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಮತ್ತೊಂದು ಸರಗಳ್ಳತನ: ಹೊನ್ನಾವರದಲ್ಲಿ ಕಳ್ಳರ ಕಾಟ!](https://mobiletime.in/2025/10/another-chain-robbery-thieves-on-the-loose-in-honnavar/): ಹೊನ್ನಾವರದ ಮುತೂಡ ಫೈನಾನ್ಸಿನಿಂದ ಚಿನ್ನ ಬಿಡಿಸಿಕೊಂಡು ಮನೆಗೆ ಹೊರಟಿದ್ದ ಮಹಿಳೆಯ ಬ್ಯಾಗ್ ಕಳ್ಳತನವಾಗಿದೆ. ಚಿನ್ನಾಭರಣಗಳ ಜೊತೆ ಬ್ಯಾಗಿನಲ್ಲಿದ್ದ ಹಣವೂ ಕಳ್ಳರ ಪಾಲಾಗಿದೆ. ಹಳದಿಪುರದ ಬನ್ಸಾಪ್ ಶಾರಿಕ್ ಶೇಖ್ (28) ಅವರು ಅಕ್ಟೊಬರ್ 4ರ ಸಂಜೆ ಮುತೂಡ್ ಫೈನಾನ್ಸಿಗೆ ಹೋಗಿದ್ದರು. ಅಲ್ಲಿಂದ ಚಿನ್ನ ಬಿಡಿಸಿಕೊಂಡು ಮನೆ ಕಡೆ ಹೊರಟಿದ್ದರು. ಶರಾವತಿ ಸರ್ಕಲಿನಲ್ಲಿ ಬಸ್ಸಿಗಾಗಿ ಅವರು ಕಾಯುತ್ತಿದ್ದು, ಬಸ್ಸು ಬಂದ ನಂತರ ಅದನ್ನು ಏರಿದರು. ಬಸ್ಸಿನಲ್ಲಿ ಅವರು ತಮ್ಮ ಬ್ಯಾಗ್ ನೋಡಿದಾಗ ಅದರ ಜಿಪ್ ತೆರೆದಿತ್ತು. ಬ್ಯಾಗಿನ ಒಳಗೆ ಕೈ ಹಾಕಿ ನೋಡಿದಾಗ ಅದರಲ್ಲಿ ಪರ್ಸ ಇರಲಿಲ್ಲ. ಚಿನ್ನ ಸಹ ಕಾಣಲಿಲ್ಲ. ಬಸ್ಸಿನ ಒಳಗೆ ಪೂರ್ತಿಯಾಗಿ ಅವರು ಹುಡುಕಾಟ ನಡೆಸಿದ್ದು, ಚಿನ್ನ ಸಿಗಲಿಲ್ಲ. 80 ಸಾವಿರ ರೂ ಮೌಲ್ಯದ ಬಂಗಾರದ ಚೈನು, 8 ಸಾವಿರದ ಕಿವಿಯ ರಿಂಗು ಹಾಗೂ 8 ಸಾವಿರ ರೂ ನಗದು ಕಳ್ಳತನವಾಗಿರುವ ಬಗ್ಗೆ ಅವರು ಪೊಲೀಸ್ ದೂರು ನೀಡಿದರು. ನಿನ್ನೆ ಸಹ ಹೊನ್ನಾವರದಲ್ಲಿ ಸರಗಳ್ಳತನ ನಡೆದಿದ್ದು, ಆ ಬಗ್ಗೆಯೂ ಮಹಿಳೆಯೊಬ್ಬರು ಪೊಲೀಸರ ಮೊರೆ ಹೋಗಿದ್ದರು.
- [ಕಾರಿಗೆ ಗುದ್ದಿದ ಬೈಕು: ಸಹಸವಾರ ಸಾವು!](https://mobiletime.in/2025/10/bike-hits-car-rider-dies/): ದಾಂಡೇಲಿಯಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಹಳಿಯಾಳದ ಕಟ್ಟಡ ಕಾರ್ಮಿಕರೊಬ್ಬರು ಸಾವನಪ್ಪಿದ್ದಾರೆ. ತಿರುವಿನಿಂದ ಕೂಡಿದ ರಸ್ತೆಯಲ್ಲಿ ಬೈಕು ಹಾಗೂ ಕಾರಿನ ನಡುವೆ ಅಪಘಾತ ನಡೆದಿದೆ. ಹಳಿಯಾಳ ಖಾಮರೊಳ್ಳಿಯಲ್ಲಿ ಗೌಂಡಿ ಕೆಲಸ ಮಾಡುವ ಅಕ್ಷಯ ಪುಂಡಳಿಕ ಧಾರವಾಡಕರ (24) ಅವರು ಅದೇ ಊರಿನ ಗೌಂಡಿ ಸೋಮನಾಥ ಮಲ್ಲೇಶ ಡಿಗಿ (30) ಅವರ ಜೊತೆ ಬೈಕಿನಲ್ಲಿ ಸಂಚರಿಸುತ್ತಿದ್ದರು. ಅಕ್ಟೊಬರ್ 4ರಂದು ಹಳಿಯಾಳದಿಂದ ದಾಂಡೇಲಿ ಕಡೆ ಅಕ್ಷಯ ಧಾರವಾಡಕರ್ ಅವರು ಹೊರಟಿದ್ದರು. ಅವರ ಬೈಕಿನ ವೇಗ ಎಂದಿಗಿAತ ಜಾಸ್ತಿಯಾಗಿದ್ದು, ತಿರುವುಗಳಿಂದ ಕೂಡಿದ ರಸ್ತೆಯಲ್ಲಿ ಸಹ ಬೈಕಿನ ವೇಗ ತಗ್ಗಲಿಲ್ಲ. ಇದೇ ವೇಳೆ ದಾಂಡೇಲಿಯಿ0ದ ಹಳಿಯಾಳದ ಕಡೆ ಇಕೋ ಕಾರು ಸಂಚರಿಸುತ್ತಿದ್ದು, ರಸ್ತೆಯ ಬಲ ಬದಿಗೆ ಬಂದ ಬೈಕು ಆ ಕಾರಿಗೆ ಡಿಕ್ಕಿ ಹೊಡೆಯಿತು. ಪರಿಣಾಮ ಅಕ್ಷಯ ಧಾರವಾಡಕರ ಅವರ ಕೈ-ಕಾಲಿಗೆ ಪೆಟ್ಟಾಯಿತು. ತೊಡೆಯ ಬಳಿಯೂ ಅವರಿಗೆ ಗಾಯವಾಯಿತು. ಅವರ ಬೈಕಿನಲ್ಲಿ ಹಿಂದೆ ಕೂತಿದ್ದ ಸೋಮನಾಥ ಡಿಗಿ ಅವರ ತಲೆಗೆ ಪೆಟ್ಟಾಗಿತ್ತು. ಹತ್ತಿರ ಹೋಗಿ ನೋಡಿದಾಗ ಸೋಮನಾಥ ಡಿಗಿ ಅವರ ತೊಡೆಗೆ ಆದ ಪೆಟ್ಟಿನಿಂದ ಅವರು ಅಲ್ಲಿಯೇ ಸಾವನಪ್ಪಿದ್ದರು. ತುಮಕೂರಿನ ಕಾಂತರಾಜ ಅವರು ಈ ಅಪಘಾತ ನೋಡಿದ್ದು, ಅವರು ದಾಂಡೇಲಿ ಪೊಲೀಸರಿಗೆ ಮಾಹಿತಿ ನೀಡಿದರು. ವೇಗವಾಗಿ ಬೈಕ್ ಓಡಿಸಿದ ಅಕ್ಷಯ ಧಾರವಾಡಕರ್ ವಿರುದ್ಧ ದಾಂಡೇಲಿ ಪೊಲೀಸರು ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ವ್ಯಸನದ ವಿರುದ್ಧ ಹೋರಾಟ: ಕೈ ಮುಗಿದರೂ ಕೇಳಲಿಲ್ಲ.. ಕಾಲಿಗೆ ಬಿದ್ದರೂ ಕ್ಷಮಿಸಲಿಲ್ಲ!](https://mobiletime.in/2025/10/even-though-the-hand-was-exhausted-they-didnt-listen-even-though-they-fell-at-the-feet-they-didnt-forgive/)
- [ಮಾಲಕನ ಹಪಾಹಪಿತನಕ್ಕೆ ಕಾರ್ಮಿಕ ಸಾವು!](https://mobiletime.in/2025/10/worker-dies-due-to-employers-malice/): ಮುಂಡಗೋಡ ಬಸ್ ನಿಲ್ದಾಣ ಎದುರು ಅನ್ನದಾತ ಅಗ್ರೋ ಕೆಮಿಕಲ್ಸ್ ಅಂಗಡಿ ಮಾಲಕ ಮೀರಸಾಬ ಜಮಾದಾರ್ ಅವರ ಹಪಾಹಪಿತನಕ್ಕೆ ಹಮಾಲಿ ಕೆಲಸ ಮಾಡುವ ದಿವಾನಸಾಬ್ ಗನ್ನುಮಿಯಾ ಅವರು ಸಾವನಪ್ಪಿದ್ದಾರೆ. ಧಾರವಾಡ ಮೂಲದ ಮೀರಸಾಬ ಜಮಾದಾರ್ ಅವರು ಸದ್ಯ ಮುಂಡಗೋಡು ಕೆಎಚ್‌ಬಿ ಕಾಲೋನಿಯಲ್ಲಿ ವಾಸವಾಗಿದ್ದಾರೆ. ಅವರು ತಡರಾತ್ರಿಯವರೆಗೂ ಹಮಾಲಿಗಳನ್ನು ದುಡಿಸುತ್ತಾರೆ. ಹಮಾಲಿ ಕೆಲಸ ಮಾಡುವವರು ತಮಗೆ ಸುಸ್ತಾದ ಬಗ್ಗೆ ತಿಳಿಸಿದರೂ ಅದಕ್ಕೆ ಅವಕಾಶ ಕೊಡದೇ ದುಡಿಸಿಕೊಳ್ಳುತ್ತಾರೆ. ಸೆಪ್ಟೆಂಬರ್ 29ರ ರಾತ್ರಿ ಮುಂಡಗೋಡಿನ ದೇಶಪಾಂಡೆ ನಗರದ ರುಸ್ತುಮಾಶಾ ಬಾಬಾಸಾಬ್ ಹಾಗೂ ಕೊಪ್ಪದ ಓಣಿಯ ದಿವಾನಸಾಬ್ ಗನ್ನುಮಿಯಾ ಅವರನ್ನು ರಾತ್ರಿ 11.45ರವರೆಗೂ ಮೀರಸಾಬ ಜಮಾದಾರ್ ಅವರು ದುಡಿಸಿದ್ದಾರೆ. ಅದರ ಪರಿಣಾಮ ಕೆಲಸ ಮಾಡುತ್ತಲೇ ಆಯಾಸಗೊಂಡಿದ್ದ ದಿವಾನಸಾಬ್ ಗನ್ನುಮಿಯಾ ಅವರು ಕುಸಿದು ಬಿದ್ದು ಸಾವನಪ್ಪಿದ್ದಾರೆ. ಮೀರಸಾಬ ಜಮಾದಾರ್ ಅವರು ಗೊಬ್ಬರ ಅಂಗಡಿ ಮಾಲಕರಾಗಿದ್ದು, ಹಾವೇರಿಯ ಪ್ರಶಾಂತ ಅರಳೇಶ್ವರ ಅವರ ಟಾಕ್ಟರಿನ ಮೂಲಕ ಗೊಬ್ಬರ ತರಿಸಿದ್ದರು. ಅದನ್ನು ಕಾಲಿ ಮಾಡಲು ದಿವಾನಸಾಬ್ ಗನ್ನುಮಿಯಾ ಹಾಗೂ ರುಸ್ತುಮಾಶಾ ಬಾಬಾಸಾಬ್ ಅವರಿಗೆ ವಹಿಸಿದ್ದರು. ರಾತ್ರಿ 11.45 ಆಗಿದ್ದರಿಂದ `ನಾಳೆ ಎಲ್ಲಾ ಗೊಬ್ಬರ ಖಾಲಿ ಮಾಡುತ್ತೇವೆ’ ಎಂದರೂ ಮೀರಸಾಬ ಜಮಾದಾರ್ ಒಪ್ಪಿರಲಿಲ್ಲ. ಟಾಕ್ಟರ್ ಚಾಲಕ ಪ್ರಶಾಂತ ಅರಳೇಶ್ವರ ಸಹ `ನಾಳೆ ಟಾಕ್ಟರಿಗೆ ಬೇರೆ ಕೆಲಸವಿದೆ. ಈಗಲೇ ಖಾಲಿ ಮಾಡಿ’ ಎಂದು ಒತ್ತಾಯಿಸಿದ್ದರು. ದಿನವಿಡೀ ದುಡಿದು ದಣಿದಿದ್ದರೂ ಆ ಇಬ್ಬರು ರಾತ್ರಿಯೂ ಹಮಾಲಿ ಕೆಲಸ ಮಾಡುತ್ತಿದ್ದರು. ಆದರೆ, ಗೊಬ್ಬರ ಖಾಲಿ ಮಾಡಲು ಬೇಕಿರುವ ಕನಿಷ್ಟ ಉಪಕರಣಗಳನ್ನು ಸಹ ಮೀರಸಾಬ ಜಮಾದಾರ್ ಅವರು ಕೊಟ್ಟಿರಲಿಲ್ಲ. `ಟಾಕ್ಟರಿನಿಂದ ಗೊಬ್ಬರ ಹೊತ್ತು ಇಳಿಯುವುದಕ್ಕಾಗಿ ಹಲಿಗೆ ಬೇಕು’ ಎಂದರೂ ಅದನ್ನು ಪೂರೈಸಿರಲಿಲ್ಲ. ಜೊತೆಗೆ ಕೆಲ ಕಾಲ ವಿಶ್ರಾಂತಿಪಡೆಯಲು ಅವಕಾಶ ನೀಡಿರಲಿಲ್ಲ. ಅದಾಗಿಯೂ ಅವರಿಬ್ಬರು ಕಷ್ಟಪಟ್ಟು ಗೊಬ್ಬರ ಖಾಲಿ ಮಾಡುತ್ತಿದ್ದರು. ಈ ವೇಳೆ ಗೊಬ್ಬರ ಹೊತ್ತ ದಿವಾನಸಾಬ್ ಗನ್ನುಮಿಯಾ ಅವರು ಕಾಲು ಜಾರಿ ಮೆಟ್ಟಿಲ ಮೇಲೆ ಬಿದ್ದರು. ಅಲ್ಲಿಯೇ ಅವರು ಕೊನೆಯುಸಿರೆಳೆದರು. ಗೊಬ್ಬರ ಅಂಗಡಿ ಮಾಲಕ ಮೀರಸಾಬ ಜಮಾದಾರ್ ಹಾಗೂ ಟಾಕ್ಟರ್ ಚಾಲಕ ಪ್ರಶಾಂತ ಅರಳೇಶ್ವರ ಅವರ ಒತ್ತಡ ಈ ಅವಘಡಕ್ಕೆ ಕಾರಣ ಎಂದು ರುಸ್ತುಮಾಶಾ ಬಾಬಾಸಾಬ್ ಅವರು ಪೊಲೀಸರ ಮುಂದೆ ಬಾಯ್ಬಿಟ್ಟರು. ಪೊಲೀಸರು ಅವರಿಬ್ಬರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಅಂಗನವಾಡಿ ಅಕ್ಕೋರಿನ ಅನುಮಾನಾಸ್ಪದ ಸಾವು!](https://mobiletime.in/2025/10/suspicious-death-of-anganwadi-sister/): ಜೊಯಿಡಾದ ತಿನೈಘಾಟ್ ಸೇತುವೆ ಬಳಿ ಮಹಿಳೆಯೊಬ್ಬರ ಶವ ಸಿಕ್ಕಿದೆ. ಶವದ ಬಳಿ ಮೊಬೈಲ್ ಸಹ ದೊರೆತಿದ್ದು, ಅದರಲ್ಲಿ ಅಡಗಿದ್ದ ಮೆಸೆಜ್ ಕೊಲೆಯ ಅನುಮಾನ ಹುಟ್ಟು ಹಾಕಿದೆ. ಬೆಳಗಾವಿ – ಗೋವಾ ರಾಷ್ಟ್ರೀಯ ಹೆದ್ದಾರಿಯ ತಿನೈಘಾಟ್ ಸೇತುವೆ ಕೆಳಗಿನ ನೀರಿನಲ್ಲಿ ಶನಿವಾರ ರಾತ್ರಿ ಚಾಲಕರೊಬ್ಬರು ಈ ಶವ ನೋಡಿದ್ದಾರೆ. ನಂತರ ಅಲ್ಲಿನ ಜನ ಪೊಲೀಸರಿಗೆ ಮಾಹಿತಿ ನೀಡಿದರು. ನಂದಗಡದ ದುರ್ಗಾನಗರದ ಬಳಿ ವಾಸವಾಗಿದ್ದ ಅಶ್ವಿನಿ ಬಾಬುರಾವ ಪಾಟೀಲ (50) ಅವರು ಸಾವನಪ್ಪಿದನ್ನು ಅಲ್ಲಿದ್ದವರು ಖಚಿತಪಡಿಸಿದರು. ಅಶ್ವಿನಿ ಪಾಟೀಲ ಅವರು ಅಂಗನವಾಡಿ ಕಾರ್ಯಕರ್ತೆಯಾಗಿ ಕೆಲಸ ಮಾಡುತ್ತಿದ್ದರು. ಅವರ ಶವದ ಬಳಿಯಿದ್ದ ಮೊಬೈಲನ್ನು ಪೊಲೀಸರು ಗಮನಿಸಿದ್ದು, ಅದರಲ್ಲಿ ಎರಡು ವಿಭಿನ್ನ ಮೆಸೆಜ್ ಕಾಣಿಸಿತು. ಅಶ್ವಿನಿ ಪಾಟೀಲ ಅವರು ಅಕ್ಟೊಬರ್ 2ರಂದು ಕೇಕೇರಿ ಜಾತ್ರೆಗೆ ಹೋಗಿದ್ದರು. ಜಾತ್ರೆ ಮುಗಿಸಿದ ಅವರು ಮನೆ ಕಡೆ ಮರಳಿದ್ದು, ಕೊನೆಯದಾಗಿ ಬಿಡಿ ಬಳಿ ಜನ ಅವರನ್ನು ನೋಡಿದ್ದರು. ಆದರೆ, ಅವರು ಮನೆಗೆ ತಲುಪಿರಲಿಲ್ಲ. ಅಶ್ವಿನಿ ಪಾಟೀಲ ಅವರ ಪುತ್ರ ತಾಯಿಗಾಗಿ ಎಲ್ಲಾ ಕಡೆ ಹುಡುಕಾಟ ನಡೆಸಿ ಪೊಲೀಸರ ಮೊರೆ ಹೋಗಿದ್ದರು. ಶನಿವಾರ ಸಿಕ್ಕ ಶವದ ಪಕ್ಕದಲ್ಲಿದ್ದ ಮೊಬೈಲಿನಲ್ಲಿ `ತಾನು ಬೆಂಗಳೂರಿಗೆ ಹೋರಟಿರುವೆ’ ಎಂದು ಅಶ್ವಿನಿ ಪಾಟೀಲ ಅವರು ಮೆಸೆಜ್ ಮಾಡಿರುವುದು ಕಾಣಿಸಿತು. ಅದರೊಂದಿಗೆ `ತಾನು ಆತ್ಮಹತ್ಯೆ ಮಾಡಿಕೊಳ್ಳುವೆ’ ಎಂಬ ಸಂದೇಶ ಸಹ ಅದೇ ಮೊಬೈಲಿನಲ್ಲಿತ್ತು. ಶವದ ಮೇಲೆ ಗಾಯದ ಗುರುತುಗಳಿದ್ದರಿಂದ ಕೊಲೆಯ ಶಂಕೆವ್ಯಕ್ತವಾಯಿತು. ರಾಮನಗರ ಪೊಲೀಸರು ಪ್ರಕರಣದ ಮಾಹಿತಿ ಕಲೆಹಾಕಲಾಗುತ್ತಿದ್ದು, ತಲೆ ಹಾಗೂ ಮುಖದ ಮೇಲೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿರುವುದನ್ನು ಗಮನಿಸಿದರು. ಸದ್ಯ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಅದಾದ ನಂತರವೇ ಸಾವಿನ ಕಾರಣ ಗೊತ್ತಾಗಲಿದೆ. ಪೊಲೀಸರು ಎಲ್ಲಾ ಆಯಾಮಗಳಿಂದ ತನಿಖೆ ನಡೆಸುತ್ತಿದ್ದಾರೆ. ತಿನ್ನೆಘಾಟ್ ಹಾಗೂ ಖಾನಾಪುರ ಪ್ರದೇಶದಲ್ಲಿ ಸಾವಿನ ಬಗ್ಗೆ ಬಗೆ ಬಗೆಯ ಚರ್ಚೆ ನಡೆದಿದೆ. ಆತಂಕದ ವಾತಾವರಣವೂ ಕಾಣಿಸಿದೆ.
- [ಪೊಲೀಸರ ಮುಂದೆ ಮಾರಾಮಾರಿ!](https://mobiletime.in/2025/10/fight-in-front-of-the-police/): ಯಲ್ಲಾಪುರದ ಕಿರವತ್ತಿ ಜಯಂತಿನಗರದದಲ್ಲಿ ಪೊಲೀಸರ ಮುಂದೆಯೇ ಮಾರಾಮಾರಿ ನಡೆದಿದೆ. ಸಾರ್ವಜನಿಕ ಸ್ಥಳದಲ್ಲಿ ಶಾಂತಿ ಕದಡಿದ ಕಾರಣ ಎಂಟು ಜನರ ವಿರುದ್ಧ ಪೊಲೀಸರು ಸುಮೋಟೋ ಪ್ರಕರಣ ದಾಖಲಿಸಿದ್ದಾರೆ. ಅಕ್ಟೊಬರ್ 3ರ ನಸುಕಿನ 1 ಗಂಟೆಗೆ ಪೊಲೀಸ್ ಸಿಬ್ಬಂದಿ ರಾಘವೇಂದ್ರ ಮೂಳೆ ಅವರು ಗಸ್ತು ತಿರುಗುತ್ತಿದ್ದರು. ಜಯಂತಿ ನಗರದ ಕನ್ನಡ ಶಾಲೆಯ ಬಳಿ ಅವರಿಗೆ ದೊಡ್ಡ ಗಲಾಟೆ ಕೇಳಿಸಿತು. ಹತ್ತಿರ ಹೋಗಿ ನೋಡಿದಾಗ ಅಲ್ಲಿ ಒಂದಷ್ಟು ಜನ ಹೊಡೆದಾಟ ನಡೆಸಿದ್ದರು. ರಾಘವೇಂದ್ರ ಮೂಳೆ ಅವರು ಆ ಹೊಡೆದಾಟ ತಪ್ಪಿಸಲು ಪ್ರಯತ್ನಿಸಿದರು. ಅವರ ಜೊತೆಗಿದ್ದ ಪೊಲೀಸ್ ಸಿಬ್ಬಂದಿ ಅಕ್ಷಯ ಮರಾಠಿ, ಪರಮೇಶ ಎಸ್ ಕೆ ಅವರು `ಹೊಡೆದಾಟ ನಡೆಸಬೇಡಿ’ ಎಂದು ಎಂದು ಬುದ್ದಿ ಹೇಳಿದರು. ಆದರೆ, ಅಲ್ಲಿದ್ದವರು ಪೊಲೀಸರ ಮಾತು ಕೇಳಲಿಲ್ಲ. ಕೊನೆಗೆ ಪೊಲೀಸರು ಗದರಿಸಿದಾಗ ಆ ಎಂಟು ಜನ ಅಲ್ಲಿಂದ ಓಡಿ ಹೋದರು. ಅದನ್ನು ಸ್ಥಳೀಯ ಮುಖಂಡ ತೆಹಮತುಲ್ಲಾ ಅಬ್ಬಿಗೇರಿ ಅವರು ನೋಡಿದ್ದು, ಪೊಲೀಸರು ಅಬ್ಬಿಗೇರಿ ಅವರನ್ನು ಸಾಕ್ಷಿದಾರರನ್ನಾಗಿ ಮಾಡಿದರು. ಜೊತೆಗೆ ಕಿರವತ್ತಿಯ ಜಯಂತಿನಗರದ ಲಕ್ಷ್ಮಣ ಅಡಿವೆಪ್ಪ ಜಂಗಳಿ, ಅಡಿವೆಪ್ಪ ಲಕ್ಷ್ಮಣ ಜಂಗಳಿ, ಮಹೇಶ ಲಕ್ಷ್ಮಣ ಜಂಗಳಿ, ದ್ಯಾಮಣ್ಣ ಅಡಿವೆಪ್ಪ ಜಂಗಳಿ, ಮಂಜುನಾಥ ಸುರೇಶ ಸಿದ್ದಪ್ಪನವರ್, ಶಿವಾನಂದ ಬಸವಣ್ಣೆಪ್ಪ ರೊಟ್ಟಿಗೌಡರ್, ಅಭಿಷೇಕ ಮುದುಕಪ್ಪ ವರದಾನಿ, ನಿತೀನ ಕರಿಬಸಪ್ಪ ವರದಾನಿ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಅದು ದೊಡ್ಡ ಬೆಕ್ಕಲ್ಲ.. ಚಿಕ್ಕ ಚಿರತೆ!](https://mobiletime.in/2025/10/thats-not-a-big-cat-a-small-leopard/): ಕಾಡಿನಲ್ಲಿರುವ ತಾಯಿ ಬಿಟ್ಟು ಶಿರಸಿಗೆ ಬಂದ ಮರಿ ಚಿರತೆ ಜನಸ್ನೇಹಿಯಾಗಿದೆ. ಗೌಡಳ್ಳಿ ಬಳಿ ಚಿರತೆ ನೋಡಿದ ಜನ ಅದನ್ನು ಮುದ್ದಿಸಲು ಶುರು ಮಾಡಿದ್ದಾರೆ! ಭಾನುವಾರ ಶಿರಸಿ ತಾಲೂಕಿನ ಗೌಡಳ್ಳಿ ಹತ್ತಿರದ ಖಾನ ನಗರದ ರಸ್ತೆಯಲ್ಲಿ ಚಿರತೆಯೊಂದು ಕಾಣಿಸಿತು. ಮೊದಲು ಜನ ಅದನ್ನು ಬೆಕ್ಕು ಎಂದು ಭಾವಿಸಿದ್ದರು. ಆದರೆ, ಬೆಕ್ಕಿಗಿಂತಲೂ ಗಾತ್ರದಲ್ಲಿ ದೊಡ್ಡದಾಗಿರುವುದು ಹಾಗೂ ಮೈಮೇಲೆ ಚುಕ್ಕಿಗಳಿರುವ ಕಾರಣ ಅದು ಚಿರತೆ ಎಂದು ಸ್ಪಷ್ಠವಾಯಿತು. ಜನ ಹತ್ತಿರ ಹೋದರೂ ಚಿರತೆ ಹೆದರಲಿಲ್ಲ. ಜನರನ್ನು ನೋಡಿ ತನ್ನ ವ್ಯಾಘ್ರ ಸ್ವರೂಪವನ್ನು ಪ್ರದರ್ಶಿಸಲಿಲ್ಲ. ಈ ಮರಿ ಚಿರತೆಯನ್ನು ನೋಡಿದ ಜನರು ಪ್ರೀತಿಯಿಂದ ಮೈ ಮುಟ್ಟಿದ್ದಾರೆ. ಆ ವೇಳೆಯಲ್ಲಿಯೂ ಚಿರತೆ ವಿರೋಧವ್ಯಕ್ತಪಡಿಸಿಲ್ಲ. ಅದಾದ ನಂತರ ಕೆಲವರು ಚಿರತೆಯ ವಿಡಿಯೋ ಮಾಡಿದ್ದಾರೆ. ಮನುಷ್ಯ ಮುಟ್ಟಿದರೂ ಚಿರತೆ ಅಲ್ಲಿಂದ ಓಡದಿರುವುದು ಅಚ್ಚರಿ ತಂದಿದೆ. ಜೊತೆಗೆ ಅತ್ಯಂತ ಸೌಮ್ಯವಾಗಿ ವರ್ತಿಸಿರುವುದು ಸಹ ವಿಶೇಷವೆನಿಸಿದೆ. `ಗೌಡಳ್ಳಿ ಬಳಿ ಚಿರತೆ ಕಾಣಿಸಿಕೊಂಡಿದ್ದು ಸತ್ಯ. ತನ್ನ ಪಾಡಿಗೆ ತಾನು ಆ ಚಿರತೆ ಕಾಡು ಸೇರಿದೆ. ಕೆಲವರು ಚಿರತೆಯನ್ನು ಮುಟ್ಟಿದ ವಿಡಿಯೋ ಬಂದಿದ್ದು, ಆ ವಿಡಿಯೋ ಇಲ್ಲಿಯದೆಯಾ? ಎನ್ನುವುದರ ಬಗ್ಗೆ ಖಚಿತವಾಗಿಲ್ಲ’ ಎಂದು ಶಿರಸಿ ವಲಯ ಅರಣ್ಯಾಧಿಕಾರಿ ಗಿರೀಶ ಅವರು ಮಾಹಿತಿ ನೀಡಿದರು. ಅತ್ಯಂತ ನಿತ್ರಾಣಗೊಂಡಿದ್ದರಿAದ ಚಿರತೆ ಈ ರೀತಿ ವರ್ತಿಸಿರುವ ಬಗ್ಗೆ ಜನ ಮಾತನಾಡಿದರು. ಜನರ ಕೈಗೆ ಸಿಕ್ಕ ಚಿರತೆಯ ವಿಡಿಯೋ ಇಲ್ಲಿ ನೋಡಿ..
- [ಎಸಿ ಕಾರಿಗೆ ಅಪಘಾತದ ಬಿಸಿ!](https://mobiletime.in/2025/10/the-ac-car-was-hot-enough-to-cause-an-accident/): ಕುಮಟಾದ ಸಹಾಯಕ ಆಯುಕ್ತ ಶ್ರವಣಕುಮಾರ ಅವರ ಬಳಕೆಯಲ್ಲಿದ್ದ ಕಾರು ಅಪಘಾತಕ್ಕೀಡಾಗಿದೆ. ಶ್ರೀಕುಮಾರ ಬಸ್ಸು ಅವರ ಕಾರಿಗೆ ಹಿಂದಿನಿoದ ಗುದ್ದಿದೆ. ಅಕ್ಟೊಬರ್ 4ರಂದು ಕುಮಟಾಗೆ ಹಿರಿಯ ನ್ಯಾಯಾಧೀಶರೊಬ್ಬರು ಆಗಮಿಸಿದ್ದರು. ಶಿಷ್ಟಾಚಾರದ ಪ್ರಕಾರ ಸಹಾಯಕ ಆಯುಕ್ತ ಶ್ರವಣಕುಮಾರ ಅವರು ನ್ಯಾಯಾಧೀಶರ ಜೊತೆ ಇರಬೇಕಿತ್ತು. ಆದರೆ, ಶ್ರವಣಕುಮಾರ ಅವರ ಕಾರಿನ ಚಾಲಕ ಆ ದಿನ ರಜೆಯಲ್ಲಿದ್ದು, ತಹಶೀಲ್ದಾರ್ ಕಚೇರಿಯ ಚಾಲಕನನ್ನು ತಮ್ಮ ಕಾರಿನ ಕರ್ತವ್ಯಕ್ಕೆ ನಿಯೋಜಿಸಿಕೊಂಡಿದ್ದರು. ತಹಶೀಲ್ದಾರ್ ಕಚೇರಿಯ ಜೀಪ್ ಚಾಲಕ ಸಾರಂಗ ಮುಕ್ರಿ ಅವರು ಸಮಯಕ್ಕೆ ಸರಿಯಾಗಿ ಉಪವಿಭಾಗಾಧಿಕಾರಿ ಶ್ರವಣಕುಮಾರ ಅವರ ವಸತಿಗೃಹದ ಬಳಿ ಹೋಗಿದ್ದರು. ಗಿಬ್ ಸರ್ಕಲ್ ದಾಟಿ ಮುಂದಿನ ಸರ್ಕಲ್ ಬಳಿ ಸಾರಂಗ ಮುಕ್ರಿ ಅವರು ಕಾರಿಗೆ ಇಂಡಿಕೇಟರ್ ಹಾಕಿ ತಿರುಗಿಸುತ್ತಿದ್ದರು. ಈ ವೇಳೆ ಗುಣವಂತೆ ಬೆಳಗೋಡುವಿನ ಪ್ರಶಾಂತ ಮಂಜುನಾಥ ಗೌಡ ಅವರು ಶ್ರೀಕುಮಾರ ಬಸ್ಸು ಓಡಿಸುತ್ತಿದ್ದರು. ಸರ್ಕಾರಿ ಜೀಪು ಎದುರಿಗಿರುವುದನ್ನು ನೋಡಿಯೂ ಅವರು ಅಲ್ಲಿಂದ ಹಂಪನ್ನು ವೇಗವಾಗಿ ಹಾರಿಸಿದರು. ಅದಾದ ನಂತರ ಜೀಪಿಗೆ ಬಂದು ಬಸ್ಸು ಗುದ್ದಿದರು. ಹೆಗಡೆ ಹಳಗೇರಿಯ ಸಾರಂಗ ಮುಕ್ರಿ ಅವರು ನುರಿತ ಚಾಲಕರಾಗಿದ್ದು, ಇನ್ನೂ 24 ವರ್ಷದ ಪ್ರಶಾಂತ ಗೌಡ ಅವರಿಗೆ ಬುದ್ದಿ ಹೇಳಿದರು. ಶ್ರೀಕುಮಾರ ಬಸ್ಸನ್ನು ವೇಗವಾಗಿ ಓಡಿಸದಂತೆ ತಿಳಿಸಿದರು. ಆಗ, ಪ್ರಶಾಂತ ಗೌಡ ಅವರು ಆದ ತಪ್ಪಿಗೆ ಕ್ಷಮೆ ಕೋರಿದರು. ಆದರೆ, ಕುಮಟಾ ಕಡೆಯಿಂದ ಹೊನ್ನಾವರ ಕಡೆ ಹೋಗುವ ಬಸ್ಸು ಹಿಂದಿನಿAದ ಸರ್ಕಾರಿ ಜೀಪಿಗೆ ಗುದ್ದಿದ್ದರಿಂದ ಎರಡು ವಾಹನಗಳು ಜಖಂ ಆಗಿದ್ದವು. ಆ ವೇಳೆ ಶ್ರವಣಕುಮಾರ ಅವರು ಕಾರಿನಲ್ಲಿರಲಿಲ್ಲ. ಸರ್ಕಾರಿ ಕಾರಿನಲ್ಲಿ ಚಾಲಕನ ಜೊತೆ ಸಿಬ್ಬಂದಿ ಒಬ್ಬರಿದ್ದು, ಅವರು ಪ್ರಾಣಾಪಾಯದಿಂದ ಪಾರಾದರು. ಅಪಘಾತದಿಂದ ಸರ್ಕಾರಿ ಆಸ್ತಿಗೆ ನಷ್ಟವಾದ ಕಾರಣ ಸಾರಂಗ ಮುಕ್ರಿ ಅವರು ಪೊಲೀಸ್ ದೂರು ದಾಖಲಿಸಿದರು.
- [ಶಾಲಾ ಶಿಕ್ಷಕರಿಗೆ ಪಿಂಚಣಿ ಸಮಸ್ಯೆ: ಸೋಮವಾರ ಸಭೆ](https://mobiletime.in/2025/10/pension-issue-for-school-teachers-meeting-on-monday/): ಶಿರಸಿ ಶೈಕ್ಷಣಿಕ ಜಿಲ್ಲೆಯ ಅನುದಾನಿತ ಶಾಲಾ ಶಿಕ್ಷಕರು ಅನುಭವಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಚರ್ಚಿಸುವುದಕ್ಕಾಗಿ ಪಿಂಚಣಿ ವಂಚಿತ ಅನುದಾನಿತ ಶಾಲಾ ಕಾಲೇಜುಗಳ ನೌಕರರ ಸಂಘದ ಅಧ್ಯಕ್ಷ ಜಿ ಹನುಮಂತಪ್ಪ ಅವರು ಜಿಲ್ಲೆಗೆ ಬರುತ್ತಿದ್ದಾರೆ. ಅಕ್ಟೊಬರ್ 6ರ ಸೋಮವಾರ ಮಧ್ಯಾಹ್ನ 3 ಗಂಟೆಗೆ ಅವರು ಯಲ್ಲಾಪುರದಲ್ಲಿ ಶಿಕ್ಷಕರ ಸಭೆ ನಡೆಸಲಿದ್ದಾರೆ. ಯಲ್ಲಾಪುರದ ಹೋಲಿ ರೋಜರಿ ಪ್ರೌಢಶಾಲೆಯ ಸಭಾ ಭವನದಲ್ಲಿ ಅನುದಾನಿತ ನೌಕರರ ಹಕ್ಕುಗಳು ಹಾಗೂ ಸಂಘದ ಬಲವರ್ಧನೆಗಾಗಿ ಈ ಸಭೆ ಆಯೋಜಿಸಲಾಗಿದೆ. ಅನುದಾನಿತ ಶಾಲೆಗಳಲ್ಲಿ ದುಡಿಯುವ ಶಿಕ್ಷಕರು ವಿವಿಧ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ. ಅದರಲ್ಲಿಯೂ ಮುಖ್ಯವಾಗಿ ಪಿಂಚಣಿ ವಿಷಯವಾಗಿ ಅವರೆಲ್ಲರೂ ಒಗ್ಗಟ್ಟಿನಿಂದ ಹೋರಾಟ ನಡೆಸಿದ್ದು, ಈ ವಿಷಯವಾಗಿ ನ್ಯಾಯಾಲಯದಲ್ಲಿ ಸಹ ಪ್ರಕರಣ ನಡೆಯುತ್ತಿದೆ. ಅಕ್ಟೋಬರ್ 17ರಂದು ನ್ಯಾಯಾಲಯದ ಆದೇಶ ಹೊರಬರುವ ಸಾಧ್ಯತೆ ಹಿನ್ನಲೆ ಯಲ್ಲಾಪುರದಲ್ಲಿ ಸಭೆ ಕರೆಯಲಾಗಿದೆ. ಈ ಹಿಂದೆ ಬೆಂಗಳೂರಿನಲ್ಲಿ ನಡೆದ ಹೋರಾಟ, ನ್ಯಾಯಾಲಯದ ಆದೇಶದ ನಂತರ ಮಾಡಬೇಕಾದ ಕೆಲಸ, ಪಿಂಚಣಿ ವಿಷಯವಾಗಿ ಸರ್ಕಾರದ ಮಟ್ಟದಲ್ಲಿ ನಡೆದ ಬೆಳವಣಿಗೆ, ನಿವೃತ್ತಿ ಅಂಚಿನಲ್ಲಿರುವ ನೌಕರರ ಪರಿಸ್ಥಿತಿ ಹಾಗೂ ನಿವೃತ್ತಿ ಆಗಿರುವ ಶಿಕ್ಷಕರ ಆಗು-ಹೋಗುಗಳ ಮೇಲೆ ಈ ಸಭೆ ಬೆಳಕು ಚೆಲ್ಲಲಿದೆ. ಶಾಲೆಯಲ್ಲಿ ಮಕ್ಕಳ ದಾಖಲಾತಿ ಕೊರತೆ ಹಾಗೂ ಕಡಿಮೆ ಫಲಿತಾಂಶದ ನೆಪದಿಂದ ಶಿಕ್ಷಕರ ಸಂಬಳಕ್ಕೆ ಕತ್ತರಿ ಬಿದ್ದಿರುವ ವಿಷಯದ ಬಗ್ಗೆಯೂ ಚರ್ಚಿಸಲಾಗುತ್ತದೆ. ಇದರೊಂದಿಗೆ ಜ್ಯೋತಿ ಸಂಜೀವಿನಿ ಆರೋಗ್ಯ ಸೌಲಭ್ಯದ ಬಗ್ಗೆಯೂ ಸಭೆಯಲ್ಲಿ ಮಾಹಿತಿ ನೀಡಲಾಗುತ್ತದೆ. ಸಂಘಟನೆಯ ಕಾನೂನು ಹೋರಾಟ ಸಮಿತಿಯ ನಾಗರಾಜಪ್ಪ ಬುಕ್ಕಾಂಬುದಿ, ರಾಜ್ಯ ಸಂಚಾಲಕ ಜಾಲಮಂಗಲ ನಾಗರಾಜ್ ಸಹ ಈ ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ಶಿರಸಿಯ ಶೈಕ್ಷಣಿಕ ಜಿಲ್ಲೆಯ ಪ್ರಾಥಮಿಕ, ಪ್ರೌಢ, ಪದವಿ ಪೂರ್ವ, ಪದವಿ, ಡಿಪ್ಲೊಮೊ, ಐಟಿಐ, ಬಿಇಡಿ, ಇಂಜಿನಿಯರಿoಗ್ ಕಾಲೇಜುಗಳ ಸಿಬ್ಬಂದಿಗಾಗಿ ಈ ಸಭೆ ಆಯೋಜಿಸಲಾಗಿದೆ. ಭಾಗವಹಿಸುವವರಿಗೆ ಇನ್ನೂ ಏನಾದರೂ ಗೊಂದಲವಿದ್ದರೆ ಇಲ್ಲಿ ಫೋನ್ ಮಾಡಿ: 9980959108 ಅಥವಾ 9449787901
- [ಅತಿ ವೇಗ: ಪಾದಚಾರಿಯ ಜೀವ ತೆಗೆದ ಶಾಲಾ ಬಸ್ ಚಾಲಕ](https://mobiletime.in/2025/10/speeding-school-bus-driver-kills-pedestrian/): ಭಟ್ಕಳದ ಅಲಿ ಪಬ್ಲಿಕ್ ಸ್ಕೂಲ್’ನ ಬಸ್ಸು ಗುದ್ದಿದ ಪರಿಣಾಮ ಪಾದಚಾರಿಯೊಬ್ಬರು ಸಾವನಪ್ಪಿದ್ದಾರೆ. ಶಾಲಾ ಬಸ್ ಚಾಲಕ ಅಬ್ದುಲ್ ಕಾದರ ಶೇಖ್ ಅವರ ಅತಿವೇಗ ಹಾಗೂ ದುಡುಕುತನದ ಚಾಲನೆಯಿಂದ 15 ದಿನ ನರಳಾಡಿದ ವೃದ್ಧರು ಮಂಗಳೂರು ಆಸ್ಪತ್ರೆಯಲ್ಲಿ ಪ್ರಾಣ ಬಿಟ್ಟಿದ್ದಾರೆ. ಸೆಪ್ಟೆಂಬರ 18ರಂದು ಅಲಿ ಪಬ್ಲಿಕ್ ಸ್ಕೂಲ್ ಬಸ್ಸು ಭಟ್ಕಳದ ತೆಂಗಿನಗುoಡಿ ಕ್ರಾಸಿನಿಂದ ಎಸ್ ಭಟ್ಕಳ ಸರ್ಕಲ್ ಕಡೆ ಚಲಿಸುತ್ತಿತ್ತು. ಬೆಳಗ್ಗೆ 11.30ರ ವೇಳೆಗೆ ಅಂಥ ಗಡಿಬಿಡಿ ಇಲ್ಲದಿದ್ದರೂ ಅಬ್ದುಲ್ ಕಾದರ ಶೇಖ್ ಅವರು ಬಸ್ಸನ್ನು ವೇಗವಾಗಿ ಓಡಿಸುತ್ತಿದ್ದರು. ಕಾಮಾಕ್ಷಿ ಪೆಟ್ರೋಲ್ ಬಂಕಿನ ಬಳಿ ತಮಿಳುನಾಡಿನ ವೆಟ್ಟಪ್ಪ ಕೃಷ್ಣಗಿರಿ ಅವರು ರಸ್ತೆ ದಾಡುತ್ತಿದ್ದರು. ಅವರನ್ನು ನೋಡಿಯೂ ಅಬ್ದುಲ್ ಕಾದರ ಶೇಖ್ (68) ಅವರು ಬಸ್ಸಿನ ವೇಗ ತಗ್ಗಿಸಲಿಲ್ಲ. ಹೀಗಾಗಿ ಆ ಬಸ್ಸು ವೆಟ್ಟಪ್ಪ ಅವರಿಗೆ ಡಿಕ್ಕಿಯಾಯಿತು. ಈ ಅಪಘಾತದ ರಭಸಕ್ಕೆ ವೆಟ್ಟಪ್ಪ ಕೃಷ್ಣಗಿರಿ ಅವರು ಅಲ್ಲಿಯೇ ಬಿದ್ದರು. ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿತ್ತು. ಮೈ-ಕೈಗಳಿಗೆ ಸಹ ನೋವಾಗಿತ್ತು. ಪ್ರಜ್ಞೆಯೂ ತಪ್ಪಿತ್ತು. ವೆಟ್ಟಪ್ಪ ಅವರನ್ನು ಚಿಕಿತ್ಸೆಗಾಗಿ ಮಂಗಳೂರಿಗೆ ಕರೆದೊಯ್ಯಲಾಯಿತು. ಅಲ್ಲಿನ ವೆನ್ಲಾಕ್ ಆಸ್ಪತ್ರೆಯಲ್ಲಿ ಅವರಿಗೆ ಸಾಕಷ್ಟು ಆರೈಕೆ ಮಾಡಲಾಯಿತು. ಆದರೆ, ಇದರಿಂದ ಪ್ರಯೋಜನ ಆಗಲಿಲ್ಲ. 15 ದಿನಗಳ ಕಾಲ ನರಳಾಡಿದ ವೆಟ್ಟಪ್ಪ ಅವರು ಅಕ್ಟೊಬರ್ 4ರಂದು ತಮ್ಮ ಪ್ರಾಣ ಬಿಟ್ಟರು. ಅಪಘಾತದಲ್ಲಿ ಗಾಯಗೊಂಡಿದ್ದ ವೆಟ್ಟಪ್ಪ ಅವರನ್ನು ಉಳಿಸಿಕೊಳ್ಳಲಾಗದ ಬಗ್ಗೆ ಆಸ್ಪತ್ರೆಯವರು ಭಟ್ಕಳ ಪೊಲೀಸರಿಗೆ ಇ-ಮೇಲ್ ಮಾಡಿದರು. ಗಣೇಶ ಹಾರ್ಡವೇರ್ ಹತ್ತಿರ ಪ್ಲೆಕ್ಸ ಪ್ರಿಂಟರ್ ಕೆಲಸ ಮಾಡುವ ಮಹ್ಮದ್ ರಿಜ್ವಾನ್ ಅವರು ಅಲಿ ಪಬ್ಲಿಕ್ ಸ್ಕೂಲ್’ನ ಬಸ್ ಚಾಲಕ ಅಬ್ದುಲ್ ಕಾದರ ಶೇಖ್ ವಿರುದ್ಧ ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ನಿಧಾನವಾಗಿ ವಾಹನ ಓಡಿಸಿ.. ಸುರಕ್ಷತಾ ಕ್ರಮ ಅನುಸರಿಸಿ’
- [ಚೌಕಿಮನೆಯಲ್ಲಿ ಕೆಟ್ಟ ಅನುಭವ: ಆ ವಿಷಯ ಸಂಪೂರ್ಣ ಸತ್ಯವಲ್ಲ!](https://mobiletime.in/2025/10/bad-experience-at-chowkimane-thats-not-entirely-true/): `ಯಕ್ಷ ಕಲಾವಿದೆ ಅಶ್ವಿನಿ ಕೊಂಡದಕುಳಿ ಅವರು ಮಾಡಿದ ಭಾಷಣದಲ್ಲಿನ ವಿಷಯ ಎಲ್ಲವೂ ಸತ್ಯವಲ್ಲ. ಬಾಲ್ಯದಿಂದಲೂ ಯಕ್ಷಗಾನದಲ್ಲಿ ತೊಡಗಿರುವ ನನಗೆ ಎಲ್ಲಿಯೂ ಪುರುಷ ಕಲಾವಿದರಿಂದ ಸಮಸ್ಯೆ ಆಗಿಲ್ಲ’ ಎಂದು ಮತ್ತೊಬ್ಬ ಮಹಿಳಾ ಯಕ್ಷ ಕಲಾವಿದೆ ನಾಗಶ್ರೀ ಜಿ ಎಸ್ ಗೀಜಗಾರು ಅವರು ಹೇಳಿದ್ದಾರೆ. `ಎಲ್ಲಾ ಕ್ಷೇತ್ರದಲ್ಲೂ ಹೆಣ್ಣಿನ ಕುರಿತಾದ ದ್ವಂಧ್ವ ಭಾವಗಳು ಇದ್ದೇ ಇರುತ್ತದೆ. ಆದರೆ, ಅಶ್ವಿನಿ ಅವರು ಪುರುಷರ ಬಗ್ಗೆ ಆರೋಪಿಸುವ ಬದಲು ತಮಗಾದ ಕೆಟ್ಟ ಅನುಭವದ ವಿವರಣೆ ಕೊಡಬೇಕು’ ಎಂದವರು ಹೇಳಿದ್ದಾರೆ. ಅಶ್ವಿನಿ ಕೊಂಡದಕುಳಿ ಅವರ ತಂದೆ ರಾಮಚಂದ್ರ ಹೆಗಡೆ ಅವರ `ಯಕ್ಷಚಂದ್ರ’ ಕೃತಿ ಬಿಡುಗಡೆ ಕಾರ್ಯಕ್ರಮದ ವೇಳೆ ಅಶ್ವಿನಿ ಕೊಂಡದಕುಳಿ ಅವರು ಮಾಡಿದ ಭಾಷಣ ವಿವಾದಕ್ಕೆ ಕಾರಣವಾಗಿದೆ. ಯಕ್ಷಚಂದ್ರ ಕೃತಿಯಲ್ಲಿ ಸಹ ವಿವಿಧ ಕಲಾವಿದರ ಬಗ್ಗೆ ಹಗುರವಾಗಿ ಬಿಂಬಿಸಿದ ಆರೋಪಗಳಿದ್ದು, ಅಶ್ವನಿ ಅವರು ಭಾಷಣದಲ್ಲಿ ಪುರುಷ ಕಲಾವಿದರ ಬಗ್ಗೆ ಹಗುರವಾಗಿ ಮಾತನಾಡಿದ್ದಾರೆ. ತಮ್ಮ ತಂದೆಯನ್ನು ಸಮರ್ಥಿಸುವ ಬರದಲ್ಲಿ ಉಳಿದ ಕಲಾವಿದರ ನಡತೆಯ ಬಗ್ಗೆ ಅವರು ಬೇಸರದಲ್ಲಿ ಮಾತನಾಡಿದ್ದಾರೆ. `ಚೌಕಿಮನೆಯಲ್ಲಿ ಸ್ತ್ರೀ ಕಲಾವಿದರ ಬಗ್ಗೆ ಕೀಳಾಗಿ ಮಾತನಾಡುತ್ತಾರೆ’ ಎಂಬುದು ಅಶ್ವಿನಿ ಕೊಂಡದಕುಳಿ ಅವರ ಅನುಭವ ಹಂಚಿಕೊ0ಡಿದ್ದಾರೆ. ಆದರೆ, ಇದಕ್ಕೆ ಪ್ರತಿಯಾಗಿ `ಯಕ್ಷಗಾನದ ಚೌಕಿಮನೆಯಲ್ಲಿ ಮಹಿಳಾ ಕಲಾವಿದರ ಬಗ್ಗೆ ಹಗುರವಾಗಿ ಮಾತನಾಡಲಾಗುತ್ತದೆ ಎಂಬ ವಿಷಯ ಸತ್ಯವಲ್ಲ. ತಮಗೆ ಎಲ್ಲಿಯೂ ಈ ರೀತಿಯ ಅನುಭವ ಆಗಿಲ್ಲ’ ಎಂದು ನಾಗಶ್ರೀ ಜಿ ಎಸ್ ಗೀಜಗಾರು ಅವರು ಹೇಳಿದ್ದಾರೆ. `ಯಕ್ಷಗಾನ ಕುಟುಂಬದಲ್ಲಿ ಹುಟ್ಟಿ ಬೆಳೆದ ನನಗೆ ಅಪ್ಪ ಅಮ್ಮನ ಪ್ರೋತ್ಸಾಹದಿಂದ ಬಾಲ್ಯದಿಂದಲೂ ವೇಷ ಮಾಡುವ ಉತ್ಸಾಹ. ಸ್ವಲ್ಪ ಹೆಜ್ಜೆ ಕಲಿತು ಅನೇಕ ಮೇಳಗಳಲ್ಲಿ ಭಾಗವಹಿಸಿದ್ದೇನೆ. ತಂಡಗಳಲ್ಲಿ ಹಲವಾರು ದಿಗ್ಗಜ ಯಕ್ಷಗಾನ ಕಲಾವಿದರೊಂದಿಗೆ ಪಾತ್ರ ನಿರ್ವಹಿಸಿದ್ದೇನೆ. ಆದರೆ, ಅಶ್ವಿನಿ ಅವರು ಹೇಳಿದ ಹಾಗೇ ಎಲ್ಲಿಯೂ ಕೆಟ್ಟ ಅನುಭವ ಆಗಿಲ್ಲ’ ಎಂದು ನಾಗಶ್ರೀ ಜಿ ಎಸ್ ಗೀಜಗಾರು ಅವರು ಹೇಳಿದ್ದಾರೆ. ಸಹ ಕಲಾವಿದರು ನನ್ನೊಂದಿಗೆ ಚೌಕಿಯಲ್ಲಾಗಲೀ, ರಂಗದಲ್ಲಾಗಲೀ ತಮ್ಮೊಂದಿಗೆ ಗೌರವಯುತವಾಗಿ ನಡೆದುಕೊಂಡಿದ್ದಾರೆ’ ಎಂದು ಅವರು ವಿವರಿಸಿದ್ದಾರೆ. `ಹೆಣ್ಣು ಯಾವುದೇ ಕ್ಷೇತ್ರದಲ್ಲಿ ತೊಡಗಿಕೊಂಡಾಗ ತಿರುಗಿನೋಡುವವರ ಸಂಖ್ಯೆ ಜಾಸ್ತಿ. ಕೆಲವರಲ್ಲಿ ಅಬ್ಬಾ! ಎನ್ನುವ ಗೌರವ ಭಾವ.. ಕೆಲವರಲ್ಲಿ ಆ ಹೆಣ್ಣು ನಮಗೆ ಸರಿಸಮಾನರಾ? ಎಂಬ ಕ್ಷುಲ್ಲಕ ಭಾವ ಇದ್ದೇ ಇರುತ್ತದೆ. ಎಲ್ಲಾ ಕ್ಷೇತ್ರದಲ್ಲೂ ಹೆಣ್ಣಿನ ಕುರಿತಾದ ದ್ವಂಧ್ವ ಇರಲಿದ್ದು, ಇದಕ್ಕೆ ಯಕ್ಷಗಾನ ಸಹ ಹೊರತಾಗಿಲ್ಲ. ಆದರೆ, ಯಕ್ಷಗಾನದ ಚೌಕಿ ಹಾಗೂ ರಂಗದಲ್ಲಿ ಅಂಥ ಋಣಾತ್ಮಕ ಅನುಭವ ಈವರೆಗೂ ನನಗೆ ಆಗಿಲ್ಲ. ಅಶ್ವಿನಿ ಕೊಂಡಾಕುಳಿ ಹೇಳಿಕೆಗೆ ಅವರೇ ವಿವರಣೆ ಕೊಡಬೇಕು’ ಎಂದವರು ಹೇಳಿದ್ದಾರೆ. `ರಂಗದಲ್ಲಿ ನನ್ನ ಪಾತ್ರ ಮುಖ್ಯವಾಹಿನಿಗೆ ಬರಲು ಚಿಟ್ಟಾಣಿ ಅಜ್ಜ, ಧಾರೇಶ್ವರರು, ಜಲವಳ್ಳಿಯವರು, ಹೆರಂಜಾಲು ಗೋಪಾಲಣ್ಣ, ತೀರ್ಥಳ್ಳಿ ಗೋಪಾಲಣ್ಣ, ಜಲವಳ್ಳಿ ವಿದ್ಯಣ್ಣ, ಎಂ ಕೆಯವರು, ಯಲಗುಪ್ಪ ಸುಬ್ಬಣ್ಣ, ನೀಲ್ಕೋಡು ಶಂಕರಣ್ಣ, ಚಿಟ್ಟಾಣಿ ಮಾವ, ನಾಗೇಂದ್ರಣ್ಣ, ಕಾಸರಕೋಡು, ಉದಯಣ್ಣ, ಕಿರಾಡಿ ಎಲ್ಲರೂ ಕಾರಣರಾಗಿದ್ದಾರೆ. ನಾನು ರಂಗದಲ್ಲಿ ಕಂಡ ಪ್ರತಿಯೊಬ್ಬ ಕಲಾವಿದರೂ ತಮ್ಮ ಮನೆಯ ಹೆಣ್ಣುಮಕ್ಕಳಂತೆಯೇ ನೋಡುವ ವಿಶಾಲ ಹೃದಯಗಳಿಗೆ ಸದಾ ನಮಿಸುವೆ’ ಎಂದು ನಾಗಶ್ರೀ ಜಿ ಎಸ್ ಗೀಜಗಾರು ಹೇಳಿದ್ದಾರೆ. `ಯಕ್ಷಗಾನದಿಂದ ದೊರೆತ ಅನೇಕಾನೇಕ ಸೋದರರಿಗೆ ನಾನು ಎಷ್ಟು ಕೃತಜ್ಞತೆ ಹೇಳಿದರೂ ಕಡಿಮೆ’ ಎಂದವರು ತಿಳಿಸಿದ್ದಾರೆ.
- [ಶಿರಸಿ ಮತ್ತು ಸಂಘ ಪರಿವಾರ: RSS ಕಾರ್ಯಕರ್ತರಿಗೆ ಇಲ್ಲಿ ಚಿಕಿತ್ಸೆ ಉಚಿತ!](https://mobiletime.in/2025/10/sirsi-and-sangh-parivar-free-treatment-here-for-rss-workers/): `ಸೇವೆಯೇ ಧರ್ಮ, ನಿಷ್ಠೆಯೇ ಮಾರ್ಗ’ ಎಂಬ ತತ್ವದ ಅಡಿ ನಡೆಯುತ್ತಿರುವ ನಮ್ಮ ನಿಮ್ಮೆಲ್ಲರ ಸ್ವಯಂ ಸೇವಕರ ಸಂಘಕ್ಕೆ ಇದೀಗ ಶತಮಾನದ ಸಂಭ್ರಮ. 1925-2025ರವರೆಗೆ ಎಲ್ಲಿಯೂ ಎಡವದೇ ಮುನ್ನುಗ್ಗುತ್ತಿರುವ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಜೊತೆ ಶಿರಸಿಗೆ ಅಪರೂಪದ ಸಂಬ0ಧವಿದೆ. ಆ ಸಂಬoಧಕ್ಕೆ ಸಾಕ್ಷಿಯಾಗಿ ಶಿರಸಿಯಲ್ಲಿ ಈಗಲೂ RSS ಕಾರ್ಯಕರ್ತರಿಗೆ ವೈದ್ಯ ಕುಟುಂಬವೊoದು ಉಚಿತ ವೈದ್ಯಕೀಯ ಚಿಕಿತ್ಸೆ ನೀಡುತ್ತಿದೆ! ಸಂಘದ ದ್ವಿತೀಯ ಸರಸಂಘಚಾಲಕರಾದ ಮಾಧವ ಸದಾಶಿವ ಗೋಳವಲ್ಕರ್ ಗುರೂಜಿ ಅವರು (1906-1973) ತಮ್ಮ ಜೀವನದುದ್ದಕ್ಕೂ ಭಾರತದ ಅನೇಕ ಪ್ರಾಂತ್ಯಗಳಿಗೆ ಪ್ರವಾಸ ಮಾಡಿದರು. ಅವರ ಕಾರ್ಯಶೈಲಿಯಲ್ಲಿ ಒಂದು ವಿಶೇಷತೆ ಅಡಗಿತ್ತು. ಅವರು ಯಾವುದೇ ಊರಿನಲ್ಲಿ ಮೂರು ದಿನಕ್ಕಿಂತ ಹೆಚ್ಚು ಕಾಲ ವಾಸಿಸುತ್ತಿರಲಿಲ್ಲ. ಕೆಲವರ ಅಂಬೋಣದ0ತೆ, ನಿರಂತರ ಪ್ರವಾಸ ಅವರ ಜೀವನದ ಭಾಗವಾಗಿತ್ತು. ಆದರೆ ಶಿರಸಿ ಮಾತ್ರ ಅವರ ಜೀವನದಲ್ಲಿ ಹೊಸ ಅಧ್ಯಾಯ ತೆರೆಯಿತು. ಗುರೂಜಿಯವರು ಶಿರಸಿಗೆ ಎರಡು ಬಾರಿ ಭೇಟಿ ನೀಡಿದ್ದರು. ಆ ಎರಡು ಸಲವೂ ಅವರು ಎರಡು ತಿಂಗಳಿಗಿ0ತ ಹೆಚ್ಚು ದಿನ ಇಲ್ಲಿಯೇ ವಾಸವಾಗಿದ್ದರು. ಇದನ್ನು ಶಿರಸಿಗೆ ಸಿಕ್ಕ ಅಪರೂಪ ಹಾಗೂ ಅಸಾಧಾರಣ ಗೌರವ ಎಂದೇ ಭಾವಿಸಲಾಗುತ್ತದೆ. ಆಯುರ್ವೇದ ಚಿಕಿತ್ಸೆಗಾಗಿ ಭೇಟಿ ಗುರೂಜಿಯವರ ಶಿರಸಿ ಪ್ರವಾಸದ ಮುಖ್ಯ ಕಾರಣ ಆರೋಗ್ಯ ಚಿಕಿತ್ಸೆಯಾಗಿತ್ತು. ಶಿರಸಿಯ ಖ್ಯಾತ ಆಯುರ್ವೇದ ವೈದ್ಯರಾದ ವೈದ್ಯ ಗಣಪತರಾವ ಪಟವರ್ಧನ ಅವರ ಸಂಶೋಧನಾತ್ಮಕ ಚಿಕಿತ್ಸಾ ಪದ್ಧತಿಯ ಬಗ್ಗೆ ಗುರೂಜಿಯವರಿಗೆ ಮಾಹಿತಿ ಸಿಕ್ಕಿತ್ತು. ವೈದ್ಯ ಪಟವರ್ಧನರು ಕೇವಲ ಶಾಸ್ತ್ರೀಯ ಆಯುರ್ವೇದವನ್ನು ಅನುಸರಿಸುವವರಲ್ಲ ಎಂಬ ಸತ್ಯ ಅರಿವಾಗಿತ್ತು. ವೈದ್ಯ ಪಟವರ್ಧನರು ತಮ್ಮದೇ ಆದ ಸಂಶೋಧನೆಗಳ ಆಧಾರದ ಮೇಲೆ ವಿಶೇಷ ಚಿಕಿತ್ಸಾ ಪದ್ಧತಿಗಳನ್ನು ಅಭಿವೃದ್ಧಿಪಡಿಸಿದ್ದರು. ಅದೇ ಆಧಾರದಲ್ಲಿ ವೈದ್ಯರು ಸ್ವತಃ ಪ್ರತಿದಿನ ಗುರೂಜಿಯವರಿಗೆ ಚಿಕಿತ್ಸೆ ನೀಡುತ್ತಿದ್ದರು. ಈ ಚಿಕಿತ್ಸೆಯ ಫಲಪ್ರದತೆಯೇ ಗುರೂಜಿಯವರನ್ನು ಶಿರಸಿಯಲ್ಲಿ ದೀರ್ಘಕಾಲ ಉಳಿಯುವಂತೆ ಮಾಡಿತು. ಗುರೂಜಿಯವರ ರವಿದರ್ಶನ-ಪತ್ರ ವ್ಯವಹಾರ ಗುರೂಜಿಯವರು ಶಿರಸಿಯ ಹೋಸಪೇಟೆ ರಸ್ತೆಯಲ್ಲಿರುವ ಕಾಶಿನಾಥ ಮೂಡಿಯವರ `ರವಿದರ್ಶನ’ ನಿವಾಸದಲ್ಲಿ ವಾಸವಾಗಿದ್ದರು. ಶಿರಸಿಯ ಶುದ್ಧ ಪರಿಸರ ಮತ್ತು ಪ್ರಶಾಂತ ವಾತಾವರಣವೂ ಅವರ ಆರೋಗ್ಯ ಸುಧಾರಣೆಗೆ ಸಹಕಾರಿಯಾಗಿತ್ತು. ಈಗಲೂ ಸಾಕ್ಷಿಯಾಗಿರುವ ಗುರೂಜಿಯವರು ಮತ್ತು ವೈದ್ಯ ಪಟವರ್ಧನರ ನಡುವಿನ ಪತ್ರ ವ್ಯವಹಾರವು ಈ ಸಂಬ0ಧದ ಆತ್ಮೀಯತೆಯನ್ನು ತೋರಿಸುತ್ತದೆ. ಗುರೂಜಿಯವರ ಕಾರ್ಯದರ್ಶಿಯವರು ವೈದ್ಯರಿಗೆ ಬರೆದ ಮೊದಲ ಪತ್ರದಲ್ಲಿ ಗುರೂಜಿಯವರ ಆರೋಗ್ಯ ಸ್ಥಿತಿ ಮತ್ತು ಚಿಕಿತ್ಸೆಯ ಅಗತ್ಯದ ಬಗ್ಗೆ ಮಾಹಿತಿಗಳಿವೆ. ನಂತರ ಗುರೂಜಿಯವರೇ 8 ಬಾರಿ ವೈದ್ಯರಿಗೆ ಪತ್ರ ಬರೆದಿದ್ದಾರೆ. ಸಾಮಾನ್ಯವಾಗಿ ಗುರೂಜಿಯವರು ತಮ್ಮ ಕಾರ್ಯದರ್ಶಿಗಳ ಮೂಲಕವೇ ಪತ್ರ ಬರೆಸುತ್ತಿದ್ದರು. ಆದರೆ, ಶಿರಸಿಯ ವೈದ್ಯರಿಗೆ ಅವರು ಸ್ವತಃ ಪತ್ರ ಬರೆದಿದನ್ನು ಗಮನಿಸಿದರೆ ವೈಯಕ್ತಿಕ ಪತ್ರಗಳು ವೈದ್ಯರ ಮೇಲಿನ ಅವರ ವಿಶ್ವಾಸ ಮತ್ತು ಗೌರವಕ್ಕೆ ಸಾಕ್ಷಿಯಾಗಿದೆ. ಈ ಎಲ್ಲಾ ಪತ್ರಗಳು ಪಟವರ್ಧನ ಕುಟುಂಬದ ಸಂಗ್ರಹದಲ್ಲಿ ಸುರಕ್ಷಿತವಾಗಿವೆ. ಗುರೂಜಿಯವರು ಸ್ವತಃ ಬರೆದ ಈ ಪತ್ರಗಳು ಕರ್ನಾಟಕದಲ್ಲೇ ಶಿರಸಿಯಲ್ಲಿ ಮಾತ್ರ ಲಭ್ಯವಿರುವ ಅಪರೂಪದ ಐತಿಹಾಸಿಕ ದಾಖಲೆಗಳಾಗಿವೆ. ತಲೆಮಾರುಗಳ ಸೇವಾ ಸಂಪ್ರದಾಯ: ಪಟವರ್ಧನ ಕುಟುಂಬದ ಸೇವಾ ಸಂಪ್ರದಾಯ ಮೂರು ತಲೆಮಾರುಗಳವರೆಗೆ ನಿರಂತರವಾಗಿ ಮುಂದುವರೆದಿದೆ. ವೈದ್ಯ ಗಣಪತರಾವ ಪಟವರ್ಧನ ಅವರದ್ದು ಮೊದಲ ತಲೆಮಾರಾಗಿದ್ದು, ಅವರೇ ಗುರೂಜಿಯವರಿಗೆ ಆಯುರ್ವೇದ ಚಿಕಿತ್ಸೆ ನೀಡಿದ ವೈದ್ಯರು. ಅವರ ಸಂಶೋಧನಾತ್ಮಕ ಚಿಕಿತ್ಸಾ ಪದ್ಧತಿಯು ಗುರೂಜಿಯವರ ಪೂರ್ಣ ನಂಬಿಕೆಯನ್ನು ಗಟ್ಟಿಗೊಳಿಸಿತ್ತು. ನಂತರ ಅವರ ಪುತ್ರ ಡಾ ಅರವಿಂದ ಪಟವರ್ಧನ ತಂದೆಯ ಸೇವಾ ಸಂಪ್ರದಾಯವನ್ನು ಮುಂದುವರಿಸಿದರು. ಸಂಘದ ಕಾರ್ಯಕರ್ತರಿಗೆ ನಿರಂತರವಾಗಿ ಚಿಕಿತ್ಸೆ ನೀಡಿದರು. ಡಾ ರವಿಕಿರಣ ಪಟವರ್ಧನ ಅವರು ಪ್ರಸ್ತುತ ಶಿರಸಿಯಲ್ಲಿ ಆಯುರ್ವೇದ ವೈದ್ಯರಾಗಿ ಕಾರ್ಯನಿರತರಾಗಿದ್ದಾರೆ. ಅವರು ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪೂರ್ಣಾವಧಿ ಕಾರ್ಯಕರ್ತರಿಗೆ ನಿಸ್ವಾರ್ಥವಾಗಿ ಚಿಕಿತ್ಸೆ ನೀಡುತ್ತಲೇ ಇದ್ದಾರೆ. ತೃತೀಯ ತಲೆಮಾರಿನ ಅವಧಿಯಲ್ಲಿ ಅವರು ತಮ್ಮ ತಾತ-ಮುತ್ತಾತನವರು ಆರಂಭಿಸಿದ ಸೇವಾ ಸಂಪ್ರದಾಯವನ್ನು ಗೌರವಪೂರ್ವಕವಾಗಿ ಮುನ್ನಡೆಸಿದ್ದಾರೆ. ಗುರೂಜಿಯವರನ್ನು ಸೆಳೆದ ಶಿರಸಿ: ಶಿರಸಿ ವೈದ್ಯರ ಪರಿಣಾಮಕಾರಿ ಚಿಕಿತ್ಸೆ ಗುರೂಜಿಯವರ ಶಿರಸಿ ಸೆಳೆತಕ್ಕೆ ಮುಖ್ಯ ಕಾರಣ. ವೈದ್ಯ ಪಟವರ್ಧನರ ಸಂಶೋಧನಾತ್ಮಕ ಆಯುರ್ವೇದ ಚಿಕಿತ್ಸೆಯು ಗುರೂಜಿಯವರ ಆರೋಗ್ಯದಲ್ಲಿ ಗಣನೀಯ ಸುಧಾರಣೆ ತಂದಿತು. ಜೊತೆಗೆ ಶಿರಸಿಯ ಶುದ್ಧ ಪರಿಸರ, ಮಲೆನಾಡಿನ ಶಾಂತ, ಶುದ್ಧ ವಾತಾವರಣವು ಆರೋಗ್ಯ ಚೇತರಿಕೆಗೆ ಅನುಕೂಲಕರವಾಗಿತ್ತು. ವೈದ್ಯರು ಮತ್ತು ಗುರೂಜಿಯವರ ನಡುವೆ ವೈದ್ಯ-ರೋಗಿ ಸಂಬ0ಧಕ್ಕಿ0ತ ಮೀರಿ ಆತ್ಮೀಯ ಸ್ನೇಹ ಬೆಳೆದಿತ್ತು. ರವಿದರ್ಶನ ಮನೆಯ ಕುಟುಂಬದ ಪ್ರೀತಿಯ ಆತಿಥ್ಯ ಸಹ ಗುರೂಜಿಯವರನ್ನು ತಿಂಗಳುಗಳ ಕಾಲ ಇಲ್ಲಿಯೇ ಉಳಿಸಿಕೊಂಡಿತು. ಶಿರಸಿಯು ಕೇವಲ ಗುರೂಜಿಯವರಿಗೆ ಚಿಕಿತ್ಸೆ ನೀಡಿದ ನಗರವಲ್ಲ. ಸಂಘದ ಕಾರ್ಯಕರ್ತರಿಗೆ ತಲೆಮಾರುಗಳ ಕಾಲ ನಿಸ್ವಾರ್ಥ ಸೇವೆ ನೀಡಿದ ಹಾಗೂ ಈಗಲೂ ನೀಡುತ್ತಿರುವ ಊರು. ಹೀಗಾಗಿ 2025ರಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘವು ತನ್ನ 100ನೇ ವರ್ಷವನ್ನು ಆಚರಿಸುತ್ತಿದೆ. ಈ ಶತಮಾನೋತ್ಸವದಲ್ಲಿ ಶಿರಸಿಯ ಈ ಐತಿಹಾಸಿಕ ಕೊಡುಗೆಯ ಸ್ಮರಣೆ ಅತ್ಯಂತ ಮಹತ್ವದ್ದಾಗಿದೆ. ಮಾಹಿತಿ: ಡಾ ರವಿಕಿರಣ ಪಟವರ್ಧನ, ಆಯುರ್ವೇದ ವೈದ್ಯರು
- [2025 ಅಕ್ಟೋಬರ್ 05ರ ದಿನದ ಭವಿಷ್ಯ](https://mobiletime.in/2025/10/prediction-for-october-05-2025/): ಮೇಷ ರಾಶಿ: ಆರೋಗ್ಯದ ಬಗ್ಗೆ ಗಮನಹರಿಸಿ. ಹಣಕಾಸು ನಿರ್ವಹಣೆಯ ಬಗ್ಗೆ ಕಾಳಜಿ ಅಗತ್ಯ. ಕೆಲಸದಲ್ಲಿ ಒಗ್ಗಟ್ಟು ಅನಿವಾರ್ಯ. ವೃಷಭ ರಾಶಿ: ನಿಮ್ಮೊಳಗಿನ ಧೈರ್ಯ ಉತ್ಸಾಹ ಹೆಚ್ಚಿಸಲಿದೆ. ಕೆಲಸದಲ್ಲಿ ಹೊಸ ಯೋಜನೆಗಳನ್ನು ಕಾರ್ಯಗತಗೊಳಿಸಲು ಉತ್ತಮ ಸಮಯ. ಯೋಗ ಹಾಗೂ ಧ್ಯಾನ ಮಾಡಿ. ಮಿಥುನ ರಾಶಿ: ನಿಮ್ಮ ಮಾತು ಬೇರೆಯವರ ಮೇಲೆ ಹೆಚ್ಚಿನ ಪ್ರಭಾವ ಬೀರಲಿದೆ. ಸ್ನೇಹಿತರ ಸಹಾಯ ಸಿಗಲಿದೆ. ವ್ಯವಹಾರಗಳು ವೃದ್ಧಿ ಆಗಲಿದೆ. ಕರ್ಕ ರಾಶಿ: ದಾಂಪತ್ಯ ಜೀವನ ಉತ್ತಮವಾಗಿರಲಿದೆ. ವಿದ್ಯಾ ದೇವರ ಆರಾಧನೆ ಮಾಡಿದರೆ ಉತ್ತಮ. ಅನಗತ್ಯ ಜಗಳ ನಿಮಗೆ ಒಳ್ಳೆಯದಲ್ಲ. ಸಿಂಹ ರಾಶಿ: ನಿಮ್ಮ ಮನಸ್ಸನ್ನು ಉತ್ತಮ ವಿಚಾರದ ಕಡೆ ಸೆಳೆಯಿರಿ. ಕೆಲಸ ಅಧಿಕ ಆದಾಗ ವಿಶ್ರಾಂತಿ ಅಗತ್ಯ. ಶಾಂತಿ ಹಾಗೂ ಧೈರ್ಯದಿಂದ ಕೆಲಸ ಮಾಡಿ. ಕನ್ಯಾ ರಾಶಿ: ನಿಮ್ಮ ಕೆಲಸದ ವಿಷಯದಲ್ಲಿ ಕೌಶಲ್ಯ ಅಳವಡಿಸಿಕೊಳ್ಳಿ. ಅಪರಿಚಿತರ ಬಳಿ ಮಾತನಾಡುವಾಗ ಎಚ್ಚರಿಕೆವಹಿಸಿ. ನಿಮ್ಮ ಜೀವನಕ್ಕೆ ನೇರ ನಡವಳಿಕೆ ಉತ್ತಮ. ತುಲಾ ರಾಶಿ: ಆದಾಯದ ಮೂಲಗಳು ವೃದ್ಧಿ ಆಗಲಿದೆ. ಸಮಾಧಾನದಿಂದ ಮಾಡುವ ಕೆಲಸ ಫಲ ಕೊಡಲಿದೆ. ಹಣಕಾಸು ವಿಷಯದಲ್ಲಿ ಸ್ಥಿರತೆ ಕಾಣಲಿದೆ. ವೃಶ್ಚಿಕ ರಾಶಿ: ವೈಯಕ್ತಿಕ ಜೀವನದಲ್ಲಿ ಬೇರೆಯವರ ದಾಳಿ ಆಗುವ ಲಕ್ಷಣವಿದೆ. ಆಯಾಸ ತಪ್ಪಿಸಿ, ಚಟುವಟಿಕೆಯಿಂದ ಕೆಲಸ ಮಾಡಲು ಪ್ರಯತ್ನಿಸಿ. ನಿಮ್ಮ ಆರೋಗ್ಯದ ಕಡೆ ಗಮನಕೊಡಿ. ಧನು ರಾಶಿ: ನಿಮ್ಮ ಹಳೆಯ ಯೋಜನೆಗಳು ಫಲ ಕೊಡಲಿದೆ. ಹೊಸ ಉದ್ಯೋಗಗಳು ಅರೆಸಿ ಬರಲಿದೆ. ಕುಟುಂಬದವರ ಜೊತೆ ಕಾಲ ಕಳೆಯಿರಿ. ಮಕರ ರಾಶಿ: ಜೀವನದಲ್ಲಿ ಶಿಸ್ತು ಅಳವಡಿಸಿಕೊಳ್ಳಿ. ನಿವೃತ್ತಿ ಅಂಚಿನಲ್ಲಿದ್ದವರು ಭವಿಷ್ಯದ ಜೀವನದ ಬಗ್ಗೆ ಚಿಂತಿಸಿ. ಕೆಲಸದ ವಿಷಯದಲ್ಲಿ ರಾಜಿ ಬೇಡ. ಕುಂಭ ರಾಶಿ: ಪ್ರವಾಸದ ಅವಧಿಯಲ್ಲಿ ಆರೋಗ್ಯ ಹದಗೆಡುವ ಸಾಧ್ಯತೆಗಳಿವೆ. ಕುಟುಂಬದವರ ಜೊತೆ ಸಹನೆಯಿಂದ ವರ್ತಿಸಿ. ನಿಮ್ಮ ಮನಸ್ಸಿನಲ್ಲಿ ಉತ್ತಮ ಆಲೋಚನೆ ಮಾತ್ರ ಬರುವಂತೆ ನೋಡಿಕೊಳ್ಳಿ. ಮೀನ ರಾಶಿ: ನಿಮ್ಮ ಬುದ್ಧಿವಂತಿಕೆಯ ನಿರ್ಧಾರಗಳು ಫಲ ಕೊಡಲಿದೆ. ಉದ್ಯೋಗದ ವಿಷಯದಲ್ಲಿ ಜವಾಬ್ದಾರಿ ಹೆಚ್ಚಲಿದೆ. ಶ್ರಮಕ್ಕೆ ತಕ್ಕ ಫಲ ಸಿಗಲಿದೆ.
- [ಸರ್ಕಾರಿ ಹರಾಜು: ಯಲ್ಲಾಪುರ ಪೊಲೀಸರಿಂದ ಬೈಕು-ಕಾರು ಮಾರಾಟ!](https://mobiletime.in/2025/10/government-auction-yellapur-police-sell-bikes-and-cars/): ಅಕ್ಟೊಬರ್ 13ರಂದು ಯಲ್ಲಾಪುರ ಪೊಲೀಸರು ವಿವಿಧ ವಾಹನಗಳ ಹರಾಜು ನಡೆಸಲಿದ್ದಾರೆ. ಒಂದು ಕಾರು ಹಾಗೂ 13 ಬೈಕುಗಳನ್ನು ಆ ದಿನ ಹರಾಜು ನಡೆಸಲು ನಿರ್ಧರಿಸಲಾಗಿದೆ. ವಿವಿಧ ಅಪರಾಧ ಪ್ರಕರಣಗಳಲ್ಲಿ ಯಲ್ಲಾಪುರ ಪೊಲೀಸರು ಜಪ್ತು ಮಾಡಿದ ವಾಹನಗಳನ್ನು ಹರಾಜು ಮಾಡಲು ಸಕಾರ ಆಸಕ್ತಿವಹಿಸಿದೆ. ನ್ಯಾಯಾಲಯ ಸಹ ಇದಕ್ಕೆ ಸಮ್ಮತಿ ನೀಡಿದೆ. ಹೀಗಾಗಿ ಅಕ್ಟೋಬರ್ 13ರಂದು ಬೆಳಗ್ಗೆ 10 ಗಂಟೆಗೆ ಹರಾಜು ಪ್ರಕ್ರಿಯೆ ಶುರುವಾಗಲಿದೆ. ಹರಾಜಿನ ಪೈಕಿ ಕೆಲ ವಾಹನಗಳು ಸುಸ್ಥಿತಿಯಲ್ಲಿದೆ. ಉಳಿದವು ಗುಜುರಿಗೆ ಯೋಗ್ಯವಾಗಿದೆ. ಹೀಗಾಗಿ ಯಥಾ ಸ್ಥಿತಿಯಲ್ಲಿ ವಾಹನಗಳ ಹರಾಜು ನಡೆಯಲಿದ್ದು, ಅತಿ ಹೆಚ್ಚು ಮೊತ್ತ ಕೂಗಿದವರಿಗೆ ಆ ವಾಹನಗಳು ಸಿಗಲಿದೆ. ಯಲ್ಲಾಪುರದ ಪೊಲೀಸ್ ವಸತಿ ಗೃಹದ ಬಳಿ ಹರಾಜು ನಡೆಯಲಿದೆ. ಆಸಕ್ತ ಖರೀದಿದಾರರು ಆ ದಿನ ಆ ಸಮಯಕ್ಕೆ ಅಲ್ಲಿ ಹಾಜರಿದ್ದರೆ ಸಾಕು. ಇನ್ನೂ ಏನಾದರೂ ಮಾಹಿತಿ ಬೇಕಿದ್ದರೆ ಇಲ್ಲಿ ಫೋನ್ ಮಾಡಿ: 9480805273
- [ಅತಿಕ್ರಮಣ ಜಮೀನಿಗೆ ಅಕ್ರಮ ಪ್ರವೇಶ: ಹೊಡೆದಾಟ!](https://mobiletime.in/2025/10/illegal-entry-into-encroached-land-fight/): ಮೂರು ತಿಂಗಳ ಹಿಂದೆ ಮಾವಿನ ತೋಟಕ್ಕೆ ಎಮ್ಮೆ ಮೇಯಿಸಲು ಬಿಟ್ಟವರ ವಿರುದ್ಧ ಯಲ್ಲಾಪುರದ ಗೋಯಾ ಬಾಬು ಅಡೋಳಕರ್ ಅವರು ಕಾನೂನು ಸಮರ ಸಾರಿದ್ದಾರೆ. ತಮ್ಮ ತೋಟಕ್ಕೆ ನುಗ್ಗಿ ಮಾವಿನ ಹಣ್ಣು ಕದ್ದವರ ವಿರುದ್ಧ ಅವರು ಪೊಲೀಸ್ ದೂರು ನೀಡಿದ್ದಾರೆ. ಯಲ್ಲಾಪುರ ಹೊಸಳ್ಳಿಯ ದಾಂಡೇಲಿವಾಡದಲ್ಲಿ ಗೋಯಾ ಬಾಬು ಅಡೋಳಕರ್ ಅವರು ಅತಿಕ್ರಮಣ ಜಮೀನು ಮಾಡಿದ್ದಾರೆ. ಅವರ ತಂದೆಯವರ ಹೆಸರಿನಲ್ಲಿ ಜಮೀನಿನ ಜಿಪಿಎಸ್ ದಾಖಲೆಗಳಿವೆ. ಹೀಗಿರುವಾಗ ಬೈಲಂದೂರು ಗೌಳಿವಾಡದ ಬಕ್ಕು ದೋಂಡು ತೋರತ್, ಬಾಬು ದೋಂಡು ತೋರತ್, ಜಿಲ್ಲು ದೋಂಡು ತೋರತ್ ಹಾಗೂ ಜನ್ನು ಬಾಬು ತೋರತ್ ಅವರು ಪದೇ ಪದೇ ಆ ಜಮೀನಿನ ಒಳಗೆ ಪ್ರವೇಶಿಸುತ್ತಿದ್ದಾರೆ. ಇದನ್ನು ಗೋಯಾ ಬಾಬು ಅಡೋಳಕರ್ ಅವರು ಸಹಿಸುತ್ತಿಲ್ಲ. ಎದುರುದಾರರು ತಾವು ಸಾಕಿದ ಎಮ್ಮೆಯನ್ನು ಸಹ ಗೋಯಾ ಬಾಬು ಅಡೋಳಕರ್ ಅವರ ಜಮೀನಿನ ಒಳಗೆ ಮೇವಿಗೆ ಬಿಡುತ್ತಾರೆ. ಇದೇ ವಿಷಯವಾಗಿ ಎರಡು ಕುಟುಂಬದ ನಡುವೆ ಜಗಳ ನಡೆಯುತ್ತಿದ್ದು, ಮೂರು ತಿಂಗಳ ಹಿಂದೆ ಗೋಯಾ ಬಾಬು ಅಡೋಳಕರ್ ಅವರ ಜಮೀನಿನಲ್ಲಿದ್ದ ಮಾವಿನ ಹಣ್ಣುಗಳು ಸಹ ಕಳ್ಳತನವಾಗಿವೆ. ಅಕ್ರಮವಾಗಿ ಜಮೀನಿಗೆ ಪ್ರವೇಶಿಸಿ ಮಾವಿನಹಣ್ಣು ಕೊಯ್ದಿರುವುದು ಹಾಗೂ ಎಮ್ಮೆಯನ್ನೂ ಜಮೀನಿಗೆ ಮೇಯಲು ಬಿಟ್ಟು ಬೆಳೆ ಹಾಳು ಮಾಡಿದ ವಿಚಾರ ಹೊಡೆದಾಟದ ಸ್ವರೂಪ ಪಡೆದಿದೆ. ಸೆಪ್ಟೆಂಬರ್ 5ರಂದು ಗೋಯಾ ಬಾಬು ಅಡೋಳಕರ್ ಅವರ ಜಮೀನಿನಲ್ಲಿದ್ದ ಅವರ ತಾಯಿಯ ಮೇಲೆ ನಾಲ್ವರು ಹಲ್ಲೆ ಮಾಡಿದ್ದಾರೆ. ಈ ಬಗ್ಗೆ ನ್ಯಾಯಾಲಯದ ಮೊರೆ ಹೋದ ಗೋಯಾ ಬಾಬು ಅಡೋಳಕರ್ ಅವರು ಪೊಲೀಸರ ಮೇಲೆ ಒತ್ತಡ ತಂದು ಪ್ರಕರಣ ದಾಖಲಾಗುವಂತೆ ಮಾಡಿದ್ದಾರೆ. ಪೊಲೀಸರು ಸದ್ಯ ಈ ಪ್ರಕರಣದ ವಿಚಾರಣೆ ನಡೆಸುತ್ತಿದ್ದಾರೆ.
- [ಹಕ್ಕಿಗಾಗಿ ಹೋರಾಟ: ಆತಂಕದಿoದಲೇ ಅರ್ಜಿ ಹಿಡಿದು ಅಲೆದಾಡಿದ ಅತಿಕ್ರಮಣದಾರ](https://mobiletime.in/2025/10/fighting-for-rights-a-trespasser-wandered-around-without-any-fear-holding-a-petition/): ಅರಣ್ಯ ಅತಿಕ್ರಮಣದಾರರ ಮೇಲ್ಮನವಿ ವಿಷಯವಾಗಿ ಶನಿವಾರ ಶಿರಸಿಯಲ್ಲಿ 20 ಸಾವಿರಕ್ಕೂ ಅಧಿಕ ಅರ್ಜಿಗಳು ಅರಣ್ಯ ಇಲಾಖೆಯ ಕಡತ ಸೇರಿವೆ. ಉತ್ತರ ಕನ್ನಡ ಜಿಲ್ಲೆಯ ನಾನಾ ಭಾಗಗಳಿಂದ ಬಂದ ಅರಣ್ಯ ಅತಿಕ್ರಮಣದಾರರ ಆತಂಕದಿoದಲೇ ತಮ್ಮ ಮೇಲ್ಮನವಿ ಸಲ್ಲಿಸಿದ್ದಾರೆ. ಸರ್ಕಾರದ ಮುಖ್ಯ ಕಾರ್ಯದರ್ಶಿ ಮಾಡಿದ ಎಡವಟ್ಟಿನಿಂದಾಗಿ ಅರಣ್ಯ ಅತಿಕ್ರಮಣದಾರರು ಹಕ್ಕು ವಂಚಿತರಾಗುವ ಸಾಧ್ಯತೆಯಿದ್ದು, ಇದೇ ಇಂದಿನ ಮುಖ್ಯ ವಿಷಯವಾಗಿತ್ತು. ಅಲ್ಲಿ ಭಾಗವಹಿಸಿದ ಪ್ರತಿಯೊಬ್ಬರು ಅರಣ್ಯ ಭೂಮಿ ಹಕ್ಕಿನ ವಂಚಿತವಾಗುವ ಭಯದಲ್ಲಿದ್ದರು. ಬುಡಕಟ್ಟು ಜನಾಂಗದವರ ಜೊತೆ ಆದಿವಾಸಿಗಳು, ಕರಾವಳಿಯ ಭಾಗದ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಿಸಿದರು. `ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಗಳು ಸುಪ್ರೀಂ ಕೊರ್ಟನ ನಿರ್ದೇಶನ ಮತ್ತು ಕೇಂದ್ರ ಸರ್ಕಾರದ ಮಾರ್ಗದರ್ಶನದ ವ್ಯತಿರಿಕ್ತವಾಗಿ ಎರಡುವರೇ ಲಕ್ಷಕ್ಕೂ ಮಿಕ್ಕಿ ಅರ್ಜಿಗಳನ್ನ ತಿರಸ್ಕರಿಸಿ ವರದಿ ಸಲ್ಲಿಸಿದ್ದಾರೆ. ಈ ಹಿನ್ನಲೆಯಲ್ಲಿ ಮುಖ್ಯ ಕಾರ್ಯದರ್ಶೀಗಳ ವಿರುದ್ಧ ನ್ಯಾಯಾಂಗ ನಿಂದನೆ ಪ್ರಕರಣ ದಾಖಲಿಸಲಾಗುತ್ತದೆ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಈ ವೇಳೆ ಘೋಷಿಸಿದರು.
- [ಬಸ್ಸಿನೊಳಗೆ ಮುಗಿಯಿತು ಪ್ರಯಾಣಿಕನ ಬದುಕು](https://mobiletime.in/2025/10/passengers-life-ended-inside-the-bus/): ಮಂಗಳೂರಿನಿoದ ಬೈಲಹೊಂಗಲಕ್ಕೆ ಹೋಗುತ್ತಿದ್ದ ಬಸ್ಸಿನಲ್ಲಿದ್ದ ಪ್ರಯಾಣಿಕರೊಬ್ಬರು ಯಲ್ಲಾಪುರದಲ್ಲಿ ಸಾವನಪ್ಪಿದ್ದಾರೆ. ಚಲಿಸುವ ಬಸ್ಸಿನಲ್ಲಿಯೇ ಅವರು ಶವವಾಗಿದ್ದಾರೆ. ಅಕ್ಟೊಬರ್ 18ರಂದು ಬೆಳಗಾವಿ ಜಿಲ್ಲೆಯ ಬೈಲಹೊಂಗಲದ ವಸಂತ ಬಾಳಪ್ಪ ಬಂಡಿವಡ್ಡರ್ (63) ಅವರು ಮಂಗಳೂರಿನ ಬಸ್ಸು ಹತ್ತಿದ್ದರು. ಆ ಬಸ್ಸು ಯಲ್ಲಾಪುರ ಮಾರ್ಗವಾಗಿ ಬೈಲಹೊಂಗಲಕ್ಕೆ ಹೊರಟಿತ್ತು. ಅಕ್ಟೊಬರ್ 19ರಂದು ಅವರು ಬಸ್ಸಿನೊಳಗೆ ಶವವಾಗಿದ್ದರು. ವಸಂತ ಬಾಳಪ್ಪ ಬಂಡಿವಡ್ಡರ್ ಅವರು ಮದ್ಯಪಾನ ಮಾಡುತ್ತಿದ್ದು, ಪಿಡ್ಸ ರೋಗದಿಂದಲೂ ಬಳಲುತ್ತಿದ್ದರು. ಅದೇ ಅವರ ಸಾವಿಗೆ ಕಾರಣವಾಗಿರುವ ಅನುಮಾನಗಳಿವೆ. ಸದ್ಯ ಅವರ ಶವ ಯಲ್ಲಾಪುರದ ಶವಾಗಾರದಲ್ಲಿದ್ದು, ಅದನ್ನು ಬಿಟ್ಟುಕೊಡುವಂತೆ ಮೃತರ ಪುತ್ರ ಬಾಳಪ್ಪ ಬಂಡಿವಡ್ಡರ್ ಪೊಲೀಸರಿಗೆ ಮನವಿ ಮಾಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಪದೇ ಪದೇ ಪಲ್ಟಿ: ಲಾರಿ ಚಾಲಕರಿಗೆ ಸವಾಲಾದ ಯಲ್ಲಾಪುರ ಹೆದ್ದಾರಿ!](https://mobiletime.in/2025/10/frequent-overturns-yellapur-highway-a-challenge-for-lorry-drivers/): ಯಲ್ಲಾಪುರದಲ್ಲಿ ಹಾದುಹೋದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಅಪಘಾತಗಳ ಪ್ರಮಾಣ ಹೆಚ್ಚಾಗಿದೆ. ಒಂದೇ ದಿನ 2-3 ಅವಘಡಗಳು ಇಲ್ಲಿ ನಡೆಯುತ್ತಿದೆ. ಶನಿವಾರ ಆರತಿಬೈಲ್ ಘಟ್ಟದಲ್ಲಿ ಲಾರಿ ಪಲ್ಟಿಯಾಗಿತ್ತು. ಭಾನುವಾರ ಹಳಿಯಾಳ ತಿರುವಿನಲ್ಲಿ ಬಸ್ ಮರಕ್ಕೆ ಗುದ್ದಿತು. ಭಾನುವಾರ ಸಂಜೆ ಬಳಗಾರ ಕ್ರಾಸಿನ ಬಳಿ ಮತ್ತೊಂದು ಲಾರಿ ಉರುಳಿ ಬಿದ್ದಿದೆ. ಮಂಗಳೂರಿನಿAದ ಕೊಪ್ಪಳಕ್ಕೆ ಕಲ್ಲಿದ್ದಲು ಸಾಗಿಸುತ್ತಿದ್ದ ಲಾರಿ ಇಲ್ಲಿಚಾಲಕನ ನಿಯಂತ್ರಣ ತಪ್ಪಿತು. ಪರಿಣಾಮ ರಾಷ್ಟ್ರೀಯ ಹೆದ್ದಾರಿ ಮಧ್ಯದಲ್ಲಿಯೇ ಆ ವಾಹನ ಪಲ್ಟಿಯಾಯಿತು. ಲಾರಿಯಲ್ಲಿದ್ದ ಕಲ್ಲಿದ್ದಲು ಹೆದ್ದಾರಿಯಲ್ಲಿ ರಾಶಿಯಾಗಿ ಬಿದ್ದಿದ್ದು, ಆ ವೇಳೆಗೆ ಜೋರು ಮಳೆ ಸುರಿಯಿತು. ಲಾರಿ ಪಲ್ಟಿ ಆಗಿರುವ ಸುದ್ದಿ ಕೇಳಿ ಅಲ್ಲಿಗೆ ಪೊಲೀಸರು ಹೋದರು. ಹೆದ್ದಾರಿ ಮಧ್ಯದಲ್ಲಿಯೇ ಲಾರಿ ಪಲ್ಟಿಯಾದ ಕಾರಣ ವಾಹನಗಳ ಸಂಚಾರ ಸ್ಥಗಿತಗೊಂಡಿತ್ತು. ಎರಡೂ ಕಡೆಗಳಲ್ಲಿ 2ಕಿಮೀ ದೂರದಲ್ಲಿ ವಾಹನಗಳು ನಿಂತಿದ್ದು, ಪ್ರಯಾಣಿಕರು ತೊಂದರೆ ಅನುಭವಿಸಿದರು. ಪೊಲೀಸರು ಲಾರಿ ಹಾಗೂ ರಸ್ತೆಯ ಮೇಲೆ ಬಿದ್ದಿದ್ದ ಕಲ್ಲಿದ್ದಲು ತೆರವು ಮಾಡಿದರು. ಎರಡು ತಾಸಿನ ಬಳಿಕ ಹೆದ್ದಾರಿ ಸಂಚಾರ ಸುಗಮವಾಯಿತು. ಶನಿವಾರ ಸಹ ಹುಬ್ಬಳ್ಳಿ ಕಡೆಯಿಂದ ಅಂಕೋಲಾ ಕಡೆಗೆ ಹೊರಟಿದ್ದ ಲಾರಿ ಇಲ್ಲಿನ ಅನತಿ ದೂರದ ಆರತಿಬೈಲಿನಲ್ಲಿ ಪಲ್ಟಿಯಾಗಿತ್ತು. ಆಗಲೂ, ತಡೆಗೋಡೆಗೆ ಧಕ್ಕೆ ಉಂಟಾಗಿತ್ತು.
- [ಕೆಡಿಸಿಸಿ: ವೈದ್ಯರ ವಿರುದ್ಧ ಹೋರಾಡುವವರೇ ಇಲ್ಲ!](https://mobiletime.in/2025/10/kdcc-no-one-is-fighting-against-doctors/): ಕೆಡಿಸಿಸಿ ಬ್ಯಾಂಕಿನ ಆಡಳಿತ ಮಂಡಳಿ ನಿರ್ದೇಶಕ ಸ್ಥಾನಕ್ಕೆ ಚುನಾವಣಾ ಪ್ರಕ್ರಿಯೆ ಜಾರಿಯಲ್ಲಿದ್ದು, ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿ ಸಚಿವರೂ ಆಗಿರುವ ಮಂಕಾಳು ವೈದ್ಯ ವಿರುದ್ಧ ಈ ಚುನಾವಣೆಯಲ್ಲಿ ಎದುರಾಳಿಗಳಿಲ್ಲ. ಹೀಗಾಗಿ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಮಂಕಾಳು ವೈದ್ಯ ಅವರ ಜೊತೆ ಹೊನ್ನಾವರ ಮತ ಕ್ಷೇತ್ರದ ವಿ ಕೆ ವಿಶಾಲ ಹಾಗೂ ಅಂಕೋಲ ಮತ ಕ್ಷೇತ್ರದಿಂದ ಭೀರಣ್ಣ ಬೊಮ್ಮಯ್ಯ ನಾಯಕ ಅವರು ಸಹ ಅವಿರೋಧವಾಗಿ ಕೆಡಿಸಿಸಿ ಬ್ಯಾಂಕ್ ಪ್ರವೇಶಿಸಿದ್ದಾರೆ. ಕೆಡಿಸಿಸಿ ಬ್ಯಾಂಕಿನ ಆಡಳಿತ ಮಂಡಳಿ ಚುನಾವಣೆಗಾಗಿ ಸ್ವೀಕೃತಗೊಂಡಿದ್ದ 44 ನಾಮಪತ್ರಗಳಲ್ಲಿ 11 ಅಭ್ಯರ್ಥಿಗಳು ನಾಮಪತ್ರ ಹಿಂಪಡೆದಿದ್ದಾರೆ. ಸದ್ಯ 30 ಅಭ್ಯರ್ಥಿಗಳು ಚುನಾವಣಾ ಕಣದಲ್ಲಿದ್ದಾರೆ. ಶಿರಸಿ ಮತ ಕ್ಷೇತ್ರದಿಂದ ಎಸ್ ಎನ್ ಹೆಗಡೆ, ಯಲ್ಲಾಪುರ ಮತ ಕ್ಷೇತ್ರದಿಂದ ರಾಮಕೃಷ್ಣ ನಾರಾಯಣ ಹೆಗಡೆ ಹಾಗೂ ಕಾರವಾರ ಮತ ಕ್ಷೇತ್ರದಿಂದ ಸುರೇಶ ರಾಮಾ ಪೆಡ್ನೇಕರ್, ಶಿರಸಿ ಮತ ಕ್ಷೇತ್ರದಿಂದ ಗಣಪತಿ ವೆಂಕಟರಮಣ ಜೋಶಿ, ಜೋಯಿಡಾ ಮತ ಕ್ಷೇತ್ರದಿಂದ ಶ್ರೀಕಾಂತ ಬಾವುರಾವ್ ದೇಸಾಯಿ, ಹೊನ್ನಾವರ ಮತಕ್ಷೇತ್ರದಿಂದ ನಾರಾಯಣ ಮಹಾಭಲೇಶ್ವರ ಹೆಗಡೆ, ತಾಲೂಕು ಒಕ್ಕಲುತನ ಹುಟ್ಟುವಳಿ ಮಾರಾಟ ಸಂಘದಿAದ ರಾಮಚಂದ್ರ ಮಹಾಭಲೇಶ್ವರ ಹೆಗಡೆ, ಅಂಕೋಲ ಮತ ಕ್ಷೇತ್ರದಿಂದ ಗೋಪಾಲಕೃಷ್ಣ ರಾಮಚಂದ್ರ ನಾಯ್ಕ, ಶಿರಸಿ ಮತ ಕ್ಷೇತ್ರದಿಂದ ಬಾಲಚಂದ್ರ ಶಾಂತಾರಾಮ್ ಶಾಸ್ರ‍್ತಿ, ಸಹಕಾರಿ ಸಂಘ ಕ್ಷೇತ್ರದಿಂದ ವಿನಾಯಕ ರಾ ಹೆಗಡೆ ಹಾಗು ಹೊನ್ನಾವರ ಮತ ಕ್ಷೇತ್ರದಿಂದ ಶಿವಾನಂದ ರಾಮಚಂದ್ರ ಹೆಗಡೆ ನಾಮಪತ್ರ ಹಿಂಪಡೆದವರಾಗಿದ್ದಾರೆ. ಕೆಡಿಸಿಸಿ ಬ್ಯಾಂಕಿಗೆ ಭಟ್ಕಳ ಮತ ಕ್ಷೇತ್ರದಿಂದ ಅವಿರೋಧವಾಗಿ ಮಂಕಾಳು ವೈದ್ಯ ಆಯ್ಕೆಯಾಗಿದ್ದರಿಂದ ಅವರ ಅಭಿಮಾನಿಗಳು ಪಟಾಕಿ ಸಿಡಿಸಿದರು. ವಿ ಕೆ ವಿಶಾಲ ಇವರು ಚುನಾವಣಾಧಿಕಾರಿಗಳಿಂದ ಪ್ರಮಾಣ ಪತ್ರ ಪಡೆದು ಹೊರ ಬಂದು ಸಂಭ್ರಮ ಹಂಚಿಕೊAಡರು. ಅಂಕೋಲಾ ತಾಲೂಕಿನ ವಿವಿಧೋದ್ದೇಶಗಳ ಪ್ರಾಥಮಿಕ ಪತ್ತಿನ ಕೃಷಿ ಸಹಕಾರಿ ಸಂಘದ ಪ್ರತಿನಿಧಿ ಸ್ಥಾನಕ್ಕೆ ಅವಿರೋಧವಾಗಿ ಆಯ್ಕೆಯಾಗಿರುವ ಬೀರಣ್ಣ ಬೊಮ್ಮಯ್ಯ ನಾಯಕ ಅವರಿಗೆ ಶಾಸಕ ಶಿವರಾಮ ಹೆಬ್ಬಾರ್ ಸನ್ಮಾನಿಸಿದರು.
- [ಶಾಲಾ ಬಸ್ಸಿನೊಳಗೆ ಕಂಡೆಕ್ಟರ್ ಶವ!](https://mobiletime.in/2025/10/conductor-found-dead-inside-school-bus/): ಕುಮಟಾದ ಪ್ರಗತಿ ವಿದ್ಯಾಲಯದಲ್ಲಿ ಕೆಲಸ ಮಾಡುತ್ತಿದ್ದ ಹೊನ್ನಾವರದ ಮಹಾಬಲೇಶ್ವರ ಮುಕ್ರಿ ಅವರು ಶಾಲಾ ಆವರಣದಲ್ಲಿಯೇ ಸಾವನಪ್ಪಿದ್ದಾರೆ. ಈ ಬಗ್ಗೆ ಅವರ ತಮ್ಮ ರಾಮಾ ಮುಕ್ರಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಹೊನ್ನಾವರದ ಹೊನ್ನಾವರ ಕಡತೋಕಾ ಹೆಬಳೆಕೊಪ್ಪ ಮಹಾಬಲೇಶ್ವರ ನಾರಾಯಣ ಮುಕ್ರಿ (46) ಅವರು ಕುಮಟಾದ ಮೂರೂರಿನಲ್ಲಿರುವ ಪ್ರಗತಿ ವಿದ್ಯಾಲಯದಲ್ಲಿ ಕೆಲಸಕ್ಕಿದ್ದರು. ಅಲ್ಲಿ ಅವರು ಬಸ್ ಕಂಡೆಕ್ಟರ್ ಆಗಿ ಶ್ರಮಿಸುತ್ತಿದ್ದರು. ಶಾಲೆ ಆವರಣದಲ್ಲಿಯೇ ಬಸ್ ನಿಲ್ಲಿಸಲಾಗುತ್ತಿದ್ದು, ವಿರಾಮದ ವೇಳೆ ಮಹಾಬಲೇಶ್ವರ ಮುಕ್ರಿ ಅವರು ಬಸ್ಸಿನಲ್ಲಿಯೇ ವಿಹರಮಿಸುತ್ತಿದ್ದರು. ಅಕ್ಟೊಬರ್ 18ರಂದು ಸಹ ಮಹಾಬಲೇಶ್ವರ ಮುಕ್ರಿ ಅವರು ಕರ್ತವ್ಯಕ್ಕೆ ಹಾಜರಾಗಿದ್ದರು. ಶಾಲಾ ಆವರಣದಲ್ಲಿ ನಿಲ್ಲಿಸಿದ ಬಸ್ ಒಳಗೆ ಅವರು ಪ್ರವೇಶಿಸಿದ್ದರು. ಬೆಳಗ್ಗೆ 10.30ರ ಸುಮಾರಿಗೆ ಬಸ್ ಒಳಗೆ ಪ್ರವೇಶಿಸಿದ ಅವರು ಮಧ್ಯಾಹ್ನ 1.30 ಆದರೂ ಹೊರ ಬರಲಿಲ್ಲ. ಗಮನಿಸಿದಾಗ ಬಸ್ಸಿನ ಒಳಗೆ ಅವರು ಮಲಗಿದ್ದ ಸ್ಥಿತಿಯಲ್ಲಿದ್ದರು. ಹತ್ತಿರ ಹೋಗಿ ಪರಿಶೀಲಿಸಿದಾ ಮಹಾಬಲೇಶ್ವರ ಮುಕ್ರಿ ಅವರು ಅಲ್ಲಿಯೇ ಸಾವನಪ್ಪಿದ್ದರು. ಅವರ ಸಾವಿಗೆ ನಿಖರ ಕಾರಣ ಗೊತ್ತಾಗಲಿಲ್ಲ. ಅಣ್ಣನ ಸಾವಿನ ಬಗ್ಗೆ ಅರಿತ ರಾಮ ಮುಕ್ರಿ ಅವರು ಅಲ್ಲಿಗೆ ಹೋದರು. ಸಾವನಪ್ಪಿರುವುದನ್ನು ಖಚಿತಪಡಿಸಿಕೊಂಡು ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿಚಾರಣೆ ನಡೆಸಿದ್ದಾರೆ.
- [ಬೈಕ್ ಓಡಿಸಿದ ಪುತ್ರ: ದಂಡ ಕಟ್ಟಿದ ಅಪ್ಪ!](https://mobiletime.in/2025/10/the-son-who-drove-the-bike-the-father-who-paid-the-fine/): ಹೊನ್ನಾವರದಲ್ಲಿ ಶಾಲಾ ಬಾಲಕನೊಬ್ಬ ಬೈಕ್ ಓಡಿಸಿದ್ದು, ಇದನ್ನು ಸಹಿಸದ ನ್ಯಾಯಾಲಯ ಬಾಲಕನ ತಂದೆಗೆ 25 ಸಾವಿರ ರೂ ದಂಡ ವಿಧಿಸಿದೆ. ಜೊತೆಗೆ ಒಂದು ತಿಂಗಳ ಜೈಲು ಶಿಕ್ಷೆ ಅನುಭವಿಸುವಂತೆ ಆದೇಶಿಸಿದ್ದು, ದಂಡ ಪಾವತಿಸದೇ ಇದ್ದರೆ ಜೈಲು ಶಿಕ್ಷೆ ಪ್ರಮಾಣ ಏರಿಕೆ ಮಾಡುವ ಬಗ್ಗೆಯೂ ನ್ಯಾಯಾಲಯ ಎಚ್ಚರಿಸಿದೆ. 2022ರ ಸೆಪ್ಟಂಬರ್ 9ರಂದು ಹೊನ್ನಾವರ ಪಟ್ಟಣದ ಪ್ರಭಾತನಗರ ರಜತಗಿರಿ ಕ್ರಾಸಿನ ಬಳಿ ಶಾಲಾ ಬಾಲಕನೊಬ್ಬ ಬೈಕ್ ಓಡಿಸಿಕೊಂಡು ಬರುತ್ತಿದ್ದು, ಆತ ಫೋನಿನಲ್ಲಿ ಮಾತನಾಡುತ್ತಲೇ ವೇಗದ ವಾಹನ ಚಾಲನೆ ಮಾಡುತ್ತಿರುವುದನ್ನು ಪೊಲೀಸರು ಗಮನಿಸಿದ್ದರು. ಬೈಕಿಗೆ ಅಡ್ಡಲಾಗಿ ಪೊಲೀಸರು ಕೈ ಮಾಡಿದ್ದರು. ಬೈಕಿನ ದಾಖಲೆ ಹಾಗೂ ಚಾಲಕನ ದಾಖಲೆ ಪರಿಶೀಲಿಸಿದಾಗ ಬೈಕ್ ಸವಾರನ ಜೊತೆ ಸಹ ಸವಾರನ ಬಳಿಯೂ ಲೈಸೆನ್ಸ ಇರಲಿಲ್ಲ. ಅವರಿಬ್ಬರು ಹೆಲ್ಮೆಟ್ ಸಹ ನೀಡಿರಲಿಲ್ಲ. ಬೈಕಿನ ವಿಮಾ ಅವಧಿ ಸಹ ಮುಗಿದಿದ್ದು, ಈ ಎಲ್ಲಾ ಅಂಶಗಳನ್ನು ಸೇರಿಸಿ ಪೊಲೀಸರು ಪ್ರಕರಣ ದಾಖಲಿಸಿದರು. ಈ ಪ್ರಕರಣ ನ್ಯಾಯಾಲಯದಲ್ಲಿ ವಿಚಾರಣೆಗ ಬಂದಿತು. ಬೈಕ್ ಮಾಲಕನನ್ನು ಕೋರ್ಟಿನವರು ಕರೆಯಿಸಿದರು. ಮಹಮ್ಮದ್ ಹುಸೇನ ಹಾಜಿಕಾ ಎಂಬಾತರು ಬಾಲಕನಿಗೆ ಬೈಕ್ ನೀಡಿದನ್ನು ಒಪ್ಪಿಕೊಂಡರು.ಇಲ್ಲಿನ ಪ್ರಧಾನ ಸಿವಿಲ್ ಜಡ್ಜ್ ಮತ್ತು ಜೆಎಂಎಫ್‌ಸಿ ನ್ಯಾಯಾಲಯದ ನ್ಯಾಯಾಧೀಶ ಈರಣ್ಣ ಹುಣಶಿಕಟ್ಟೆ ಅವರು ಈ ಪ್ರಕರಣದ ವಿಚಾರಣೆ ನಡೆಸಿದರು. ಅಪ್ರಾಪ್ತರ ಬೈಕ್ ಚಾಲನೆ ಸಹಿಸದ ನ್ಯಾಯಾಧೀಶರು ತಮ್ಮ ಆದೇಶ ಪ್ರಕಟಿಸಿದರು. ಒಟ್ಟು 1 ತಿಂಗಳ ಜೈಲುವಾಸ ಹಾಗೂ 25 ಸಾವಿರ ರೂ ದಂಡ ಪಾವತಿಸುವಂತೆ ನ್ಯಾಯಾಧೀಶರು ಆದೇಶ ಹೊರಡಿಸಿದರು. ದಂಡ ತಪ್ಪಿಸಿದರೆ ಇನ್ನಷ್ಟು ದಿನ ಜೈಲು ಶಿಕ್ಷೆಯ ಬಗ್ಗೆಯೂ ಆದೇಶದಲ್ಲಿ ಉಲ್ಲೇಖಿಸಿದರು.
- [ಕೂಲಿ ಕೆಲಸಗಾರನ ಕಾನೂನುಬಾಹಿರ ಕೆಲಸ: ಕಠಿಣ ಕ್ರಮ!](https://mobiletime.in/2025/10/illegal-work-of-a-wage-worker-strict-action/): ಕೂಲಿ ಕೆಲಸ ಬಿಟ್ಟು ಕಾನೂನುಬಾಹಿರ ಆಟಕ್ಕೆ ತೆರಳಿದ್ದ ಶಿರಸಿ ವಿವೇಕಾನಂದ ನಗರದ ಗಣಪತಿ ನಾಯ್ಕ ಅವರ ವಿರುದ್ಧ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಯ ಉಪನಿರೀಕ್ಷಕ ಬಸವರಾಜ ಕನಶೆಟ್ಟಿ ಅವರು ಕ್ರಮ ಜರುಗಿಸಿದ್ದಾರೆ. `ಮತ್ತೊಮ್ಮೆ ಇಂಥ ಕೆಲಸ ಮಾಡಿದರೆ ಇನ್ನಷ್ಟು ಕಠಿಣ ಕ್ರಮ ಜರುಗಿಸುವೆ’ ಎಂದು ಪೊಲೀಸರು ಅವರಿಗೆ ಎಚ್ಚರಿಕೆ ನೀಡಿದ್ದಾರೆ. ಅಕ್ಟೊಬರ್ 17ರ ಮಧ್ಯಾಹ್ನ ಗಣಪತಿ ಶಾಂತರಾಮ ನಾಯ್ಕ ಅವರು ಯಲ್ಲಾಪುರ ನಾಕಾ ಬಳಿ ಸುತ್ತಾಡುತ್ತಿದ್ದರು. ಅಲ್ಲಿನ ಮೂರು ನಂಬರ್ ಶಾಲೆಯಿಂದ ವಿದ್ಯಾ ನಗರಕ್ಕೆ ಹೋಗುವ ರಸ್ತೆ ಬಳಿ ನಿಂತು ವಿವಿಧ ಬಗೆಯ ಕೈ ಸನ್ನೆ ಮಾಡುತ್ತಿದ್ದರು. ಕೈ ಸನ್ನೆ ಗಮನಿಸದವರನ್ನು ಕೂಗಿ ಕರೆದ ಅವರು `ಅದೃಷ್ಠದ ಆಟ ಆಡಿ ಹಣ ಗೆಲ್ಲಿ’ ಎಂಬ ಆಮೀಷ ಒಡ್ಡುತ್ತಿದ್ದರು. `1ರೂಪಾಯಿ ಕೊಟ್ಟರೆ 80ರೂಪಾಯಿ ಕೊಡುವೆ’ ಎಂದು ಅಲ್ಲಿ ಹೋಗಿ-ಬರುವ ಜನರನ್ನು ನಂಬಿಸಿ ಹಣ ಸಂಗ್ರಹಿಸುತ್ತಿದ್ದರು. ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಯ ಉಪನಿರೀಕ್ಷಕ ಬಸವರಾಜ ಕನಶೆಟ್ಟಿ ಅವರಿಗೆ ಗಣಪತಿ ನಾಯ್ಕ ಅವರ ವರ್ತನೆ ಸರಿ ಕಾಣಲಿಲ್ಲ. ಹತ್ತಿರ ಹೋಗಿ ನೋಡಿದಾಗ ಗಣಪತಿ ನಾಯ್ಕ ಅವರು ನಿಷೇಧಿತ ಮಟ್ಕಾ ಆಟದಲ್ಲಿ ತಲ್ಲೀನರಾಗಿರುವುದು ಗೊತ್ತಾಯಿತು. ಪಂಚರ ಜೊತೆ ಪೊಲೀಸ್ ಸಿಬ್ಬಂದಿಯನ್ನು ಕರೆಯಿಸಿ ದಾಳಿ ನಡೆಸಿದ ಬಸವರಾಜ ಕನಶೆಟ್ಟಿ ಅವರು ಗಣಪತಿ ನಾಯ್ಕ ಅವರ ಬಳಿಯಿದ್ದ 1060ರೂ ಹಣವನ್ನು ವಶಕ್ಕೆಪಡೆದರು. ಅಂಕಿ-ಸAಖ್ಯೆ ಬರೆದ ಚೀಟಿ ಜೊತೆ ಬರೆಯಲು ಬಳಸಿದ್ದ ಬಾಲ್‌ಪೆನ್ನನ್ನು ಜಪ್ತು ಮಾಡಿದರು. ಮಟ್ಕಾ ಆಡಿಸುತ್ತಿದ್ದ ಗಣಪತಿ ನಾಯ್ಕ ಅವರ ವಿರುದ್ಧ ನ್ಯಾಯಾಲಯಕ್ಕೆ ವರದಿ ಒಪ್ಪಿಸಿ, ಪ್ರಕರಣ ದಾಖಲಿಸಿದರು.
- [ಸಾಧಕ ಶಿಕ್ಷನಿಗೆ ದೊರೆತ ಸಂಪೂರ್ಣ ರತ್ನ!](https://mobiletime.in/2025/10/a-complete-gem-found-by-a-successful-student/): 27 ವರ್ಷಗಳಿಂದ ಶಿಕ್ಷಕರಾಗಿ ಮಕ್ಕಳ ವಿದ್ಯಾರ್ಜನೆಗೆ ಸಹಕರಿಸುತ್ತಿರುವ ಕಾರವಾರದ ಜೈರಂಗನಾಥ ಬಿ ಎಸ್ ಅವರಿಗೆ `ಸಂಪೂರ್ಣ ರತ್ನ’ ಪ್ರಶಸ್ತಿ ಸಿಕ್ಕಿದೆ. ಧಾರವಾಡದ ರಂಗಾಯಣ ವೇದಿಕೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸುರಶೆಟ್ಟಿಕೊಪ್ಪದ ಲಡ್ಡು ಮುತ್ಯ ಆಶ್ರಮ ಲಡ್ಡು ಮುತ್ಯ ಶ್ರೀಗಳು ಈ ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ. ಉದ್ಯಮಿ ಸಂತೋಷ್ ವರ್ಣೇಕರ್, ಸಮಾಜ ಸೇವಕ ಈಶ್ವರ್ ಗೌಡ ಪಾಟೀಲ್, ಪತ್ರಿಕೋದ್ಯಮಿ ಶಿವಾನಂದ್ ಬಿವಿ ಅವರು ಇದೇ ವೇದಿಕೆಯಲ್ಲಿ 20 ಸಾಧಕರಿಗೆ ಗೌರವಿಸಿದ್ದಾರೆ. ಜೈರಂಗನಾಥ ಬಿ ಎಸ್ ಅವರು ಕಾರವಾರ ತಾಲೂಕಾ ಮಾಧ್ಯಮಿಕ ಶಾಲಾ ನೌಕರರ ಸಂಘದ ಅಧ್ಯಕ್ಷರಾಗಿದ್ದಾರೆ. ವಿವಿಧ ಸಂಘಟನೆಗಳ ಮೂಲಕ ಅವರು ಸಮಾಜಮುಖಿ ಕೆಲಸ ಮಾಡುತ್ತಿದ್ದರೆ. ಗ್ರಾಮೀಣ ಭಾಗದ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ, ವೈಜ್ಞಾನಿಕ ಚಿಂತನೆ ಮೂಡಿಸುವಲ್ಲಿ ಅವರು ಶ್ರಮಿಸುತ್ತಿದ್ದಾರೆ. ಅವರ ಈ ಎಲ್ಲಾ ಸೇವೆ ಗಮನಿಸಿ ಬೆಂಗಳೂರಿನ ಕರುನಾಡು ಹೊಸ ಬೆಳಕು ಸಮಿತಿ ಹಾಗೂ ಸಂಪೂರ್ಣ ವಾರ್ತೆ ಸುದ್ದಿ ವಾಹಿನಿ ಈ ಪ್ರಶಸ್ತಿ ನೀಡಿ ಗೌರವಿಸಿದೆ.
- [ಮಲ್ಲಾಪುರ-ಕೆರವಡಿ: ಬಸ್ಸಿನೊಳಗೆ ಅಡಗಿದ್ದ ಯಮದೂತ!](https://mobiletime.in/2025/10/mallapur-keravadi-yamadoot-hiding-inside-the-bus/): ಕಾರವಾರದಿಂದ ಕೆರವಡಿ-ಮಲ್ಲಾಪುರ ಮಾರ್ಗವಾಗಿ ಸಂಚರಿಸುವ ಬಸ್ಸು ಬಾಂಡಿಶೆಟ್ಟಾದ ಬಳಿ ಸ್ಕೂಟರಿಗೆ ಗುದ್ದಿದೆ. ಪರಿಣಾಮ ಮಹಿಳೆಯೊಬ್ಬರು  ಅವಧಿಗೆ ಮುನ್ನವೇ ಪ್ರಾಣಬಿಟ್ಟಿದ್ದಾರೆ. ಭಾನುವಾರ ಮಧ್ಯಾಹ್ನ ಕಾರವಾರ ಬಸ್ ನಿಲ್ದಾಣದಿಂದ ಹೊರಟ ಬಸ್ಸು ಮುಂದಿನ 10 ನಿಮಿಷದ ಅವಧಿಯಲ್ಲಿ ಬಾಂಡಿಶೆಟ್ಟಾ ತಲುಪಿತು. ಅಲ್ಲಿ ಬಸ್ಸಿನ ವೇಗ ಹೆಚ್ಚಾಗಿದ್ದು, ಶಿರವಾಡದಿಂದ ಕಾರವಾರದ ಕಡೆ ಬರುತ್ತಿದ್ದ ಸ್ಕೂಟಿಗೆ ಬಸ್ಸು ಡಿಕ್ಕಿ ಹೊಡೆಯಿತು. ಈ ಅಪಘಾತದಲ್ಲಿ ಮೇತ್ರಿವಾಡದ ಸುಶೀಲಾ ನಾಯ್ಕ (65) ಅವರು ಅಲ್ಲಿಯೇ ಸಾವನಪ್ಪಿದರು. ಅವರ ಸಂಬoಧಿಯೊಬ್ಬರು ಸ್ಕೂಟಿ ಓಡಿಸುತ್ತದ್ದು, ಅವರು ಗಾಯಗೊಂಡರು. ಪತ್ನಿ ಸಾವನಪ್ಪಿದನ್ನು ನೋಡಿ ಕಮಲಾಕರ ನಾಯ್ಕ ಅವರು ರೋದಿಸುತ್ತಿದ್ದರು. ಅಪಘಾತದ ಸುದ್ದಿ ಕೇಳಿ ಆಂಬುಲೆನ್ಸಿನವರು ಸ್ಥಳಕ್ಕೆ ಆಗಮಿಸಿದರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
- [ಗೋವಾಗೆ ಬರುತ್ತಿದ್ದ ಬಸ್ ಅಪಘಾತ: 31 ಜನರಿಗೆ ಗಾಯ!](https://mobiletime.in/2025/10/bus-accident-on-its-way-to-goa-31-people-injured/): ಬೆಂಗಳೂರಿನಿoದ ಗೋವಾಗೆ ತೆರಳುತ್ತಿದ್ದ SRS ಬಸ್ಸು ಯಲ್ಲಾಪುರದ ಹಳಿಯಾಳದ ಬಳಿ ಅಪಘಾತಕ್ಕೀಡಾಗಿದೆ. ಈ ಅಪಘಾತದಲ್ಲಿ ಕಾರವಾರದ ಐವರು ಹಾಗೂ ಯಲ್ಲಾಪುರ ಹಾಗೂ ಭಟ್ಕಳದ ಒಬ್ಬರ ಜೊತೆ ಬೇರೆ ಬೇರೆ ಊರಿನ ಒಟ್ಟು 31 ಜನ ಗಾಯಗೊಂಡಿದ್ದಾರೆ. ಅಕ್ಟೊಬರ್ 19ರ ನಸುಕಿನಲ್ಲಿ ಈ ಅಪಘಾತ ನಡೆದಿದೆ. ಬಸ್ಸು ಚಾಲಕನ ಅತಿ ವೇಗವೇ ಅಪಘಾತಕ್ಕೆ ಕಾರಣವಾಗಿದೆ. ಸಿಂದಗಿಯ ಅಶೋಕ ಗೌಂಡಿ ಅವರು ಈ ಬಸ್ಸು ಓಡಿಸುತ್ತಿದ್ದರು. ಕಲಘಟಕಿಯಿಂದಲೂ ಜೋರಾಗಿ ಬಸ್ಸು ಓಡಿಸಿಕೊಂಡು ಬಂದ ಅವರು ಹಳಿಯಾಳ ತಿರುವಿನ ಬಳಿ ಲಾರಿಯೊಂದಕ್ಕೆ ವಾಹನ ಗುದ್ದಿದರು. ಅದಾದ ನಂತರ ರಸ್ತೆಯ ಬಲಬದಿಗೆ ತೆರಳಿ ಅಲ್ಲಿದ್ದ ಕಾಡು ಮರಕ್ಕೆ ಡಿಕ್ಕಿ ಹೊಡೆದರು. ಆ ಡಿಕ್ಕಿ ರಭಸಕ್ಕೆ ಬಸ್ಸಿನ ಒಳಗಿದ್ದ ಕಾರವಾರ ಸದಾಶಿವಗಡದ ಇಂಜಿನಿಯರ್ ಗೌರೀಶ ನಾಯ್ಕ ಅವರ ಕಾಲಿಗೆ ಗಂಭೀರವಾಗಿ ಗಾಯವಾಯಿತು. ಇದರೊಂದಿಗೆ ಕಾರವಾರದ ಕೋಡಿಭಾಗ ತಾಮಸೆವಾಡದ ಇಂಜಿನಿಯರ್ ಪೂಜಾ ಪೆಡ್ನೇಕರ್ ಅವರು ಪೆಟ್ಟು ಮಾಡಿಕೊಂಡರು. ಕಾರವಾರದ ಅಮೂಲ್ಯಾ ಗುಡವೆಕರ್, ಕಾರವಾರ ನಂದನಗದ್ದಾದ ಬ್ಯಾಂಕ್ ನೌಕರ ಲಕ್ಷಿಕಾಂತ ಕಾಪಡಸಕರ, ಕಾರವಾರದ ಮತ್ತೊಬ್ಬ ಗೌರೀಶ ನಾಯ್ಕ ಸಹ ಗಾಯಗೊಂಡರು. ಬಸ್ಸಿನ ಒಳಗಿದ್ದ ಯಲ್ಲಾಪುರ ಇಡಗುಂದಿಯ ರವೀಶ ಭಾಗ್ವತ್ ಹಾಗೂ ಭಟ್ಕಳ ಕರಿಕಲ್ಲಿನ ಅಮಿತಾ ಖಾರ್ವಿ ಅವರಿಗೂ ಈ ಅಪಘಾತದಲ್ಲಿ ನೋವಾಯಿತು. ಇದರೊಂದಿಗೆ ಬೆಂಗಳೂರಿನ ರಜನಿ ರೇವಣಕರ್, ಧಾರವಾಡದ ಸನಾರುಜ್ಜಿನ್ ಗೌಸ್, ಓಡಿಸ್ಸಾದ ಹರಿಶ್ಚಂದ್ರ ಸಾಹು, ಪ್ರಭುರಾಮ ಸಾಹು, ಬೆಂಗಳೂರಿನ ಪತ್ರಕರ್ತ ಸೆಲೆಸ್ಟಿಯಾ ಮಾರ್ಥಲಿನ್, ಬೆಂಗಳೂರಿನ ಶಿಕ್ಷಕಿ ಅಪೂರ್ವಾ ದೇಸಾಯಿ, ಪಣಜಿಯ ವ್ಯಾಪಾರಿ ಸುಮಿತ್ರಾ ಬಿಸ್ವಾಸ್, ಬೆಂಗಳೂರು ಜೆಪಿ ನಗರದ ನಾಜಿಮಾಭಾನು, ವಾಸ್ಕೋದ ವಿದ್ಯಾರ್ಥಿನಿ ಚಿಕಿತಾ ಲೆಮಾನ್ಸ್, ಕೇರಳದ ಇಂಜಿನಿಯರ್ ಸೋಹೇಬ್ ಉಮರ್ ಸಹ ಅಪಘಾತದಲ್ಲಿ ಗಾಯಗೊಂಡರು. ಗೋವಾದ ಇಂಜಿನಿಯರ್ ಅಭಿಜಿತ್ ನಾಯ್ಕ, ಕೇರಳದ ವ್ಯಾಪಾರಿ ಬಿಲಾಲ್ ಸಲಾಂ, ಬಿಜಾಪುರದ ಚಾಲಕ ಶಿವಕುಮಾರ, ಕಲಾಯಿಯ ವಿರಪ್ಪ ಹೊಸಮನಿ, ಕಾಣಕೋಣದ ಯಶ್ ನಾಯ್ಕ, ಓಡಿಸ್ಸಾದ ರಘುರಾಂ ಸಾಹು ಹಾಗೂ ಕಲಘಟಕಿಯ ಮಾಬೂಬ್ ಹಜರತ್ ಸಾಬ್ ಸಹ ಬಸ್ಸಿನಲ್ಲಿದ್ದು ಅಪಘಾತದಿಂದ ಗಾಯಗೊಂಡರು. ಇನ್ನೂ ಹೆಸರು-ವಿಳಾಸ ಗೊತ್ತಾಗದ ಐವರು ಆ ಬಸ್ಸಿನಲ್ಲಿದ್ದರು. ಅವರಿಗೆ ಸಹ ಸಾಕಷ್ಟು ಪ್ರಮಾಣದಲ್ಲಿ ಪೆಟ್ಟಾಗಿದ್ದು, ಗಂಭೀರ ಗಾಯಗೊಂಡವರನ್ನು ಸದ್ಯ ಹುಬ್ಬಳ್ಳಿಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಪಘಾತದ ನಂತರ ಕೆಲವರು ದೊಡ್ಡದಾಗಿ ಕಿರುಚಿದ್ದು, ಸ್ಥಳೀಯರು ಅವರನ್ನು ರಕ್ಷಿಸಿದರು. ಇನ್ನೂ ಕೆಲವರು ಕಿಟಕಿಗಳಿಂದ ದೇಹತೂರಿಸಿ ಹೊರ ಬಿದ್ದರು. ಅಪಘಾತದ ಪರಿಣಾಮ ಬಸ್ಸು ಸಂಪೂರ್ಣವಾಗಿ ಜಖಂ ಆಗಿದೆ. ಪಿಐ ರಮೇಶ ಹಾನಾಪುರ ಅವರ ಜೊತೆ ಪಿಐ ರಾಜಶೇಖರ ವಂದಲಿ ಸ್ಥಳ ಭೇಟಿ ಮಾಡಿದ್ದಾರೆ. ಪಿಎಸ್‌ಐ ಮಹಾವೀರ ಕಾಂಬಳೆ ತನಿಖೆ ನಡೆಸುತ್ತಿದ್ದಾರೆ.
- [ಚಿನ್ನವೂ ಸಿಗಲಿಲ್ಲ.. ಮದುಮಗನೂ ಬರಲಿಲ್ಲ!](https://mobiletime.in/2025/10/i-didnt-even-find-the-gold-and-the-groom-didnt-even-come/): ಮನೆಯಲ್ಲಿ ನಡೆಯುವ ಮದುವೆಗಾಗಿ ಚಿನ್ನ ಖರೀದಿಗೆ ಭಟ್ಕಳಕ್ಕೆ ಹೋಗಿದ್ದ ಕುಮಟಾದ ಜಾಕೀರ ಬೇಗ್ ಎಂಬಾತರು ನಿಗೂಢವಾಗಿ ಕಾಣೆಯಾಗಿದ್ದಾರೆ. ಅವರ ಕುಟುಂಬದವರು ಸಾಕಷ್ಟು ಹುಡುಕಾಟ ನಡೆಸಿದರೂ ಜಾಗೀರ ಬೇಗ್ ಸಿಕ್ಕಿಲ್ಲ. ಕುಮಟಾದ ಹಳ್ಳಾರ ಚಿತ್ರಗಿಯ ಮದ್ಗುಣಿಯ ಜಾಕೀರ ಬೇಗ್ (32) ಅವರು ವಿದೇಶದಲ್ಲಿ ಉದ್ಯೋಗದಲ್ಲಿದ್ದರು. ಅವರ ಮದುವೆ ನಿಶ್ಚಯವಾಗಿದ್ದರಿಂದ ಈಚೆಗೆ ಭಾರತಕ್ಕೆ ಮರಳಿದ್ದರು. ಎಲ್ಲರೂ ಮದುವೆ ಸಂಭ್ರಮದಲ್ಲಿರುವಾಗ ಜಾಕೀರ ಬೇಗ್ ಅವರು ಚಿನ್ನ ಖರೀದಿಯ ಯೋಚನೆ ಮಾಡಿದರು. ಭಟ್ಕಳದಲ್ಲಿ ಚಿನ್ನ ಖರೀದಿಸಲು ಉದ್ದೇಶಿಸಿದ ಅವರು ಕಳೆದ ಶುಕ್ರವಾರ ಅತ್ತಿಗೆ ಸಾಹಿನ್ ಹಾಗೂ ಅಣ್ಣನ ಮಗಳು ಮಹಿಕ್ ಜೊತೆ ಭಟ್ಕಳಕ್ಕೆ ಹೋದರು. ಭಟ್ಕಳಕ್ಕೆ ತೆರಳಿದ ನಂತರ ನುಹಾರಿಕ್ ಮಸೀದಿಗೆ ಹೋಗಿ ಶುಕ್ರವಾರದ ವಿಶೇಷ ನಮಾಜ್ ಮಾಡಿ ಬರುವುದಾಗಿ ಅವರು ಹೇಳಿದರು. ಮಧ್ಯಾಹ್ನ 1.15ಕ್ಕೆ ನಮಾಜ್ ಮುಗಿಸಿ ಅಲ್ಲಿಂದ ಹೊರಬಿದ್ದರು. ಆದರೆ, ಭಟ್ಕಳದ ಗುಳ್ಮೆಯಲ್ಲಿರುವ ಮಾವ ಹಸನ್ ಶಬ್ಬಿರ್ ಮನೆಗೆ ಅವರು ಬರಲಿಲ್ಲ. ಕಾದು ಕಾದು ಸುಸ್ತಾದ ಅತ್ತಿಗೆ ಸಾಹಿನ್ ಹಾಗೂ ಮಹಿಕ್ ಮನೆಗೆ ಮರಳಿದರೂ ಜಾಕೀರ್ ಅವರ ಸುಳಿವು ಸಿಗಲಿಲ್ಲ. ಈ ಎಲ್ಲಾ ಜಿನ್ನಲೆ ತಮ್ಮ ಜಾಕೀರ್ ಅವರು ಕಾಣೆಯಾದ ಬಗ್ಗೆ ಅವರ ಅಣ್ಣ ಗಫೂರ್ ಬೇಗ ಅವರು ಭಟ್ಕಳ ಶಹರ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ಜಾಕೀರ್ ಅವರಿಗಾಗಿ ಹುಡುಕಾಟ ಶುರು ಮಾಡಿದರು.
- [ನದಿ ಜೋಡಣೆಗೆ ವಿರೋಧ: ಸಂಘಟಿತ ಹೋರಾಟಕ್ಕೆ ಮೊದಲ ಹಂತದ ಜಯ!](https://mobiletime.in/2025/10/opposition-to-river-linking-first-stage-victory-for-organized-struggle/): ಪರಿಸರ ನಾಶ ಮಾಡುವ ಬೇಡ್ತಿ-ವರದಾ ನದಿ ಜೋಡಣೆ ವಿರೋಧಿಸಿ ಸೋಂದಾ ಸ್ವರ್ಣವಲ್ಲಿ ಶ್ರೀಗಳು ಗಿಡ-ಮರಗಳನ್ನು ಪೋಷಿಸುವ ಮೂಲಕ ಪರಿಸರ ಉಳಿಸುವ ಸಂದೇಶ ನೀಡಿದ್ದಾರೆ. ಅವೈಜ್ಞಾನಿಕವಾದ ಬೇಡ್ತಿ-ವರದಾ ನದಿ ಜೋಡಣೆ ವಿರುದ್ಧ ಮಲೆನಾಡಿನಲ್ಲಿ ಭಾರೀ ಪ್ರಮಾಣದ ಪ್ರತಿಭಟನೆ ನಡೆಯುತ್ತಿದೆ. ಭಾನುವಾರ ಸಹ ಬಿಡುವುಪಡೆಯದ ಜನ ಯಲ್ಲಾಪುರದ ತುಂಬೆಬೀಡಿನಲ್ಲಿ ಸಮಾವೇಶ ನಡೆಸಿದ್ದು, ಅವೈಜ್ಞಾನಿಕ ಯೋಜನೆಯನ್ನು ವಿರೋಧಿಸಿದ್ದಾರೆ. ಅದರ ಮುಂದುವರೆದ ಭಾಗವಾಗಿ ಯಲ್ಲಾಪುರದ ತುಂಬೆಬೀಡಿನಲ್ಲಿ ಜನ ಜಾಗೃತಿ ಸಮಾವೇಶ ನಡೆದಿದೆ. ಹತ್ತಾರು ಹಳ್ಳಿಯ ಜನ ಬೈಕ್ ರ‍್ಯಾಲಿ ನಡೆಸಿ ಯೋಜನೆ ವಿರುದ್ಧ ಘೋಷಣೆ ಕೂಗಿದ್ದಾರೆ. ಕಾಡು ಉಳಿಸುವ ನಿಟ್ಟಿನಲ್ಲಿ ಈಗಾಗಲೇ ಹಲವು ರೀತಿಯ ಅಭಿಯಾನ ನಡೆಸಿರುವ ಸೋಂದಾ ಸ್ವರ್ಣವಲ್ಲಿಯ ಗಂಗಾಧರೇoದ್ರ ಸರಸ್ವತಿ ಸ್ವಾಮೀಜಿ ಅವರು ನದಿ ಜೋಡಣೆ ವಿರುದ್ಧವೂ ಸರ್ಕಾರಕ್ಕೆ ಚಾಟಿ ಬೀಸಿದ್ದಾರೆ. ಮರ-ಗಿಡಗಳನ್ನು ನಾಶ ಮಾಡಿ ಅವೈಜ್ಞಾನಿಕ ಯೋಜನೆ ಜಾರಿಗೆ ತರುವುದನ್ನು ವಿರೋಧಿಸುವುದಕ್ಕಾಗಿ ಶ್ರೀಗಳು ವೃಕ್ಷಾರೋಪಣವನ್ನು ಮಾಡಿದ್ದಾರೆ. `ಅವೈಜ್ಞಾನಿಕ ಯೋಜನೆಗಳಿಂದ ವಿರುದ್ಧ ನಿರಂತರ ಹೋರಾಟ ಅಗತ್ಯ. ಯೋಜನೆಯಿಂದ ಆಗುವ ಪರಿಸರ ಹಾನಿಯ ಬಗ್ಗೆ ವೈಜ್ಞಾನಿಕ ದಾಖಲೆಗಳ ಜೊತೆ ಆಂದೋಲನ ನಡೆಯಬೇಕು’ ಎಂದು ಸ್ವರ್ಣವಲ್ಲಿ ಶ್ರೀಗಳು ಹೇಳಿದ್ದಾರೆ. `ಜನಪ್ರತಿನಿಧಿಗಳ ಮೂಲಕ ಒತ್ತಡ ಹೇರುವಿಕೆ, ಜನಾಂದೋಲನದ ಜೊತೆ ಎಲ್ಲರೂ ಸಂಘಟಿತರಾಗಿ ಈ ಹೋರಾಟ ಮುಂದುವರೆಸಬೇಕು. ಆಗ ಮಾತ್ರ ಯಶಸ್ಸು ಸಾಧ್ಯ’ ಎಂದು ನೆರೆದಿದ್ದ ಭಕ್ತರಿಗೆ ಅವರು ಕರೆ ನೀಡಿದ್ದಾರೆ. `ಸಾವಿರಾರು ಕೋಟಿ ವೆಚ್ಚದ ಎತ್ತಿನಹೊಳೆ ಯೋಜನೆ ವಿಫಲವಾಗಿದೆ. ಬೇಡ್ತಿ-ವರದಾ ಜೋಡಣೆ ಜಾರಿಗೆ ಬಂದರೂ ಅದೇ ಸ್ಥಿತಿ ನಿರ್ಮಾಣವಾಗಲಿದೆ. ಬೇಡ್ತಿ-ವರದಾ ಜೊತೆ ಅಘನಾಶಿನಿ-ವೇದಾವತಿ, ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಯನ್ನು ಜನ ವಿರೋಧಿಸಬೇಕು. ಜನಪ್ರತಿನಿಧಿಗಳು ತಮ್ಮ ಪಕ್ಷ ಮರೆತು ಈ ಹೋರಾಟಕ್ಕೆ ಬರಬೇಕು’ ಎಂದವರು ಕಿವಿಮಾತು ಹೇಳಿದ್ದಾರೆ. ಸಮಾವೇಶದ ವೇದಿಕೆಯಲ್ಲಿ ಹಾಜರಿದ್ದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಿಗೂ ಜನ ಯೋಜನೆ ವಿರೋಧಿಸಿ ಮನವಿ ಸಲ್ಲಿಸಿದ್ದಾರೆ. `ಯಾವುದೇ ಯೋಜನೆ ಜಾರಿಯಾಗುವ ಮುನ್ನ ಧಾರಣ ಸಾಮರ್ಥ್ಯ ಅಧ್ಯಯನ ನಡೆಯಬೇಕು. ಪರಿಸರಕ್ಕೆ ಮಾರಕವಾದ ಯೋಜನೆ ಜಿಲ್ಲೆಗೆ ಬೇಡವಾಗಿದ್ದು, ಅದನ್ನು ವಿರೋಧಿಸಲು ಎಲ್ಲರೂ ಒಟ್ಟಾಗಬೇಕು’ ಎಂದು ಈ ವೇಳೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. ಸ್ವರ್ಣವಲ್ಲೀ ಮಠದ ಅಧ್ಯಕ್ಷ ವಿ ಎನ್ ಹೆಗಡೆ, ವಿಧಾನ ಪರಿಷತ್ ಸದಸ್ಯ ಶಾಂತಾರಾಮ ಸಿದ್ದಿ, ಪರಿಸರ ತಜ್ಞ ಬಾಲಚಂದ್ರ ಸಾಯೀಮನೆ, ರಂಗಕರ್ಮಿ ರಾಮಕೃಷ್ಣ ಭಟ್ಟ ದುಂಡಿ, ಸಂಕಲ್ಪ ಸಂಸ್ಥೆ ಅಧ್ಯಕ್ಷ ಪ್ರಮೋದ ಹೆಗಡೆ, ಬೇಡ್ತಿ ಅಘನಾಶಿನಿ ಕೊಳ್ಳ ಸಂರಕ್ಷಣಾ ಸಮಿತಿ ಅಧ್ಯಕ್ಷ ಅನಂತ ಹೆಗಡೆ ಅಶೀಸರ, ವಿಶ್ವದರ್ಶನ ಶಿಕ್ಷಣ ಸಮೂಹದ ಅಧ್ಯಕ್ಷ ಹರಿಪ್ರಕಾಶ ಕೋಣೆಮನೆ ಈ ಯೋಜನೆ ವಿರೋಧಿಸಿದರು. ಸೀಮಾ ಪರಿಷತ್ ಅಧ್ಯಕ್ಷ ಶ್ರೀಪಾದ ಹೆಗಡೆ, ನರಸಿಂಹ ಸಾತೊಡ್ಡಿ, ಎಂ ಕೆ ಭಟ್ಟ ಯಡಳ್ಳಿ, ಪ್ರಕಾಶ ಭಟ್ಟ ತುಂಬೆಬೀಡು, ವಿಶ್ವನಾಥ ಹೆಗಡೆ ಬಾಮನಕೊಪ್ಪ ಕಾರ್ಯಕ್ರಮದ ಜವಾಬ್ದಾರಿವಹಿಸಿದ್ದರು.
- [ಅಧಿಕಾರಿಗಳ ಸೋಗಿನಲ್ಲಿ ವಂಚನೆ-ಬೆದರಿಕೆ-ವಸೂಲಿ!](https://mobiletime.in/2025/10/fraud-intimidation-and-extortion-under-the-guise-of-officials/): ಆರೋಗ್ಯ, ಪೊಲೀಸ್ ಹಾಗೂ ನಗರಸಭೆ ಅಧಿಕಾರಿಗಳ ಸೋಗಿನಲ್ಲಿ ಜನರನ್ನು ಬೆದರಿಸುವ ಹಾಗೂ ಹಣ ವಸೂಲಿ ಮಾಡುವ ಜಾಲ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಕ್ರಿಯವಾಗಿದೆ. ಅನಾಥ ಆಶ್ರಮ, ವೃದ್ಧಾಶ್ರಮದ ಹೆಸರಿನಲ್ಲಿ ಜನರನ್ನು ಯಾಮಾರಿಸುತ್ತಿದ್ದ ವಂಚಕರು ಇದೀಗ ಸರ್ಕಾರಿ ಸೋಗಿನಲ್ಲಿ ಆಗಮಿಸಿ ಮೋಸ ಮಾಡುತ್ತಿದ್ದಾರೆ. ಕಾರವಾರದ ಚಿತ್ತಾಕುಲದಲ್ಲಿ ಆರೋಗ್ಯ ಸಿಬ್ಬಂದಿ ಹೆಸರಿನಲ್ಲಿ ಮನೆ ಮನೆಗೆ ಭೇಟಿ ನೀಡಿ ಮಹಿಳೆಯರನ್ನು ವಂಚಿಸುವ ಜಾಲ ಕೆಲಸ ಮಾಡಿದೆ. ಅಲ್ಲಿನ ಪ್ರಮೋದ ನಾಯ್ಕ ಎಂಬಾತರ ಕುಟುಂಬಕ್ಕೆ ವಂಚಕರು 40 ಸಾವಿರ ರೂ ಮೋಸ ಮಾಡಿದ್ದಾರೆ. ಆರೋಗ್ಯ ಇಲಾಖೆ ಹೆಸರು ಹೇಳಿ ಉಚಿತ ಚಿಕಿತ್ಸೆ ಎಂದು ಪರಿಚಯಿಸಿಕೊಂಡ ವಂಚಕರು `ಮಕ್ಕಳಾಗದವರಿಗೆ ಔಷಧಿ ಕೊಡುತ್ತೇವೆ’ ಎಂದು ನಂಬಿಸಿ 40 ಸಾವಿರ ರೂ ಪಡೆದು ಪರಾರಿಯಾಗಿದ್ದಾರೆ. ಅಕ್ಟೊಬರ್ 9ರಂದು ಕಾರವಾರದಲ್ಲಿ ಮೋಸ ಮಾಡಿದ ಈ ಜಾಲದವರು ಅಕ್ಟೊಬರ್ 14ರಂದು ಭಟ್ಕಳ ಪ್ರವೇಶಿಸಿದ್ದಾರೆ. ಭಟ್ಕಳದಲ್ಲಿಯೂ ಆಸ್ಪತ್ರೆ ಹೆಸರಿನಲ್ಲಿ ನಕಲಿ ವೈದ್ಯರು ಮೋಸ ಮಾಡುವ ಸಂಗತಿ ಬೆಳಕಿಗೆ ಬಂದಿದೆ. ಇಲ್ಲಿನ ಹೆಬಳೆ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಅ 14ರಂದು ಬೆಳಿಗ್ಗೆ 8.45ಕ್ಕೆ ಬಿಳಿ ಮಾರುತಿ ಆಲ್ಟೋ ಕಾರಿನಲ್ಲಿ ಬಂದ ಅಪರಿಚಿತರು ಹಲವು ಮನೆಗಳಿಗೆ ತೆರಳಿ ಚಿಕಿತ್ಸೆ ನೀಡುವ ಬಗ್ಗೆ ಮಾತನಾಡಿದ್ದಾರೆ. ಪಾರ್ಶ್ವವಾಯು ಪೀಡಿತರು, ಮಕ್ಕಳಾಗದ ದಂಪತಿಗಳನ್ನು ಭೇಟಿ ಮಾಡಿ ಹಣ ಕೇಳಿದ್ದಾರೆ. ಕಾರನ್ನು ದೂರದಲ್ಲಿ ನಿಲ್ಲಿಸಿ ಒಂಟಿ ಮನೆಗಳಿಗೆ ವಂಚಕರು ಭೇಟಿ ನೀಡುತ್ತಿದ್ದಾರೆ. `ಬೆಂಗಳೂರಿನ ಸಾಯಿಬಾಬಾ ಆಸ್ಪತ್ರೆಯಿಂದ ಪ್ರಚಾರಕ್ಕೆ ಬಂದಿದ್ದೇವೆ. ಉಚಿತ ಔಷಧಿ ಕೊಡುತ್ತೇವೆ’ ಎಂದು ಹೇಳಿದ ವಂಚಕರು ನಂತರ 40 ಸಾವಿರ ರೂ ಬೇಡಿದ್ದಾರೆ. ಸಾಯಿಬಾಬಾ ಆಸ್ಪತ್ರೆ ಹೆಸರಿನಲ್ಲಿ ಒಂದು ಫೋನ್ ನಂ ಸಹ ನೀಡಿ ನಂಬಿಕೆ ಬರುವಂತೆ ಮಾಡಿದ್ದಾರೆ. `ಸಿಸಿ ಕ್ಯಾಮರಾ ಆಧಾರದಲ್ಲಿ ಕಾರಿನ ಬೆನ್ನು ಹತ್ತಿದರೆ ಆ ವಂಚಕರನ್ನು ಸೆರೆಹಿಡಿಯಲು ಸಾಧ್ಯ’ ಎಂಬುದು ಹೆಬಳೆ ಊರಿನವರ ಮಾತು. ಶಿರಸಿ ನಗರಸಭೆ ಹೆಸರು ಹೇಳಿಯೂ ಕೆಲವರು ವಂಚಿಸುತ್ತಿದ್ದಾರೆ. ನಗರಸಭೆ ಅಧಿಕಾರಿಗಳ ನೆಪದಲ್ಲಿ ಮನೆ ಮನೆಗೆ ಭೇಟಿ ನೀಡಿ ಹಣ ವಸೂಲಿ ಮಾಡುತ್ತಿದ್ದಾರೆ. ಈ ಬಗ್ಗೆ ನಗರಸಭೆಯವರೇ ಪ್ರಕಟಣೆ ನೀಡಿ ಜನರಿಗೆ ಮೋಸ ಹೋಗದಂತೆ ಮನವಿ ಮಾಡಿದ್ದಾರೆ. ಅನುಮಾನಾಸ್ಪದ ವ್ಯಕ್ತಿಗಳ ವಿರುದ್ಧ ದೂರು ದಾಖಲಿಸುವಂತೆಯೂ ನಗರಸಭೆ ಅಧಿಕಾರಿಗಳು ಕೋರಿದ್ದಾರೆ. ಇದರೊಂದಿಗೆ ಶಿರಸಿಯ ಪೊಲೀಸ್ ಇನ್ಸಪೆಕ್ಟರ್ ಹೆಸರಿನಲ್ಲಿಯೂ ನಕಲಿ ಫೋನ್ ಕರೆ ಬರುತ್ತಿದೆ. ಪೊಲೀಸ್ ಅಧಿಕಾರಿ ಎಂದು ಪರಿಚಯಿಸಿಕೊಳ್ಳುವ ಅಪರಿಚಿತರು ಎಫ್‌ಐಆರ್ ದಾಖಲಿಸುವುದಾಗಿ ಬೆದರಿಸುತ್ತಿದ್ದಾರೆ. ಪೊಲೀಸ್ ಅಧಿಕಾರಿಗಳ ಹೆಸರಿನಲ್ಲಿ ಫೋನ್ ಮಾಡುವವರ ಮೊಬೈಲ್ ಸಂಖ್ಯೆ ಜೊತೆ ಪೊಲೀಸರಿಗೆ ಮಾಹಿತಿ ನೀಡಿ ಎರಡು ವಾರ ಕಳೆದರೂ ಕ್ರಮವಾಗಿಲ್ಲ. ಒಟ್ಟಾರೆಯಾಗಿ ಆರೋಗ್ಯ ಇಲಾಖೆ, ನಗರಸಭೆ ಹೆಸರಿನಲ್ಲಿ ವಂಚಿಸುವವರು ಹಾಗೂ ಪೊಲೀಸ್ ಹೆಸರಿನಲ್ಲಿ ಬೆದರಿಕೆ ಒಡ್ಡುವವರ ಜಾಲದ ಹಿಂದೆ ದೊಡ್ಡ ದೊಡ್ಡ ವ್ಯಕ್ತಿಗಳು ಶಾಮೀಲಾಗಿರುವ ಶಂಕೆವ್ಯಕ್ತವಾಗಿದೆ.  ಕಾರವಾರದ ಚಿತ್ತಾಕುಲದಲ್ಲಿ 40 ಸಾವಿರ ರೂ ಕಾಣೆಯಾಗಿದ್ದು ಮಾತ್ರ ಪೊಲೀಸ್ ಪ್ರಕರಣವಾಗಿದ್ದು, ಶಿರಸಿ ನಗರಸಭೆ ಹೆಸರಿನಲ್ಲಿ ವಸೂಲಿ ಮಾಡಿದವರ ಫೋಟೋ-ಮಾಹಿತಿ ಇದ್ದರೂ ಕ್ರಮವಾಗಿಲ್ಲ. ಭಟ್ಕಳದಲ್ಲಿ ಆರೋಗ್ಯ ಇಲಾಖೆಯ ಹೆಸರಿನಲ್ಲಿ ವಂಚನೆ ಪ್ರಯತ್ನ ನಡೆದ ಬಗ್ಗೆ ಫೋನ್ ಸಂಖ್ಯೆ ನೀಡಿದರೂ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಶಿರಸಿ ಪೊಲೀಸ್ ಇನ್ಸಪೆಕ್ಟರ್ ಹೆಸರಿನಲ್ಲಿ ಬೆದರಿಕೆ ಕರೆಯ ಧ್ವನಿ ಮುದ್ರಣದ ಜೊತೆ ಲಿಖಿತವಾಗಿ ಗಮನಕ್ಕೆ ತಂದರೂ ವಿಚಾರಣೆ ನಡೆದಿಲ್ಲ. ಈ ಎಲ್ಲಾ ಹಿನ್ನಲೆ ಪ್ರಭಾವಿ ವ್ಯಕ್ತಿಗಳೇ ಅಮಾಯಕರನ್ನು ಯಾಮಾರಿಸುವ ಕೆಲಸ ಮಾಡುತ್ತಿರುವ ಅನುಮಾನವ್ಯಕ್ತವಾಗಿದೆ.
- [2025 ಅಕ್ಟೊಬರ್ 19ರ ದಿನ ಭವಿಷ್ಯ](https://mobiletime.in/2025/10/prediction-for-october-19-2025/): ಮೇಷ ರಾಶಿ: ದಿನ ನಿತ್ಯದ ಚಟುವಟಿಕೆಗಳಲ್ಲಿ ವಿಶ್ರಾಂತಿ ಅಗತ್ಯ. ಸಮಯ ನಿರ್ವಹಣೆಗೆ ಆದ್ಯತೆ ಕೊಡಿ. ಆತ್ಮಶಕ್ತಿ ಹೆಚ್ಚಿಸಿಕೊಳ್ಳುವದಕ್ಕಾಗಿ ಧ್ಯಾನ ಮಾಡಿ. ವೃಷಭ ರಾಶಿ: ಕುಟುಂಬ ಜೀವನದಲ್ಲಿ ಶಾಂತಿ ಸಿಗುತ್ತದೆ. ನಿಮ್ಮ ವ್ಯಕ್ತಿತ್ವ ಉನ್ನತ ಮಟ್ಟಕ್ಕೆ ಏರಲಿದೆ. ಹೊಸ ವಿಷಯಗಳು ನಿಮ್ಮನ್ನು ಆವರಿಸಲಿದೆ. ಸ್ವಂತ ಕಾರ್ಯದಲ್ಲಿ ಯಶಸ್ಸು ಸಾಧ್ಯವಿದೆ. ಮಿಥುನ ರಾಶಿ: ಶಿಕ್ಷಣ ಮತ್ತು ಕೌಶಲ್ಯಗಳಲ್ಲಿ ಯಶಸ್ಸು ಸಿಗುತ್ತದೆ. ಸ್ನೇಹಿತರ ಜೊತೆ ಹಳೆಯ ಸಂಬAಧಗಳು ಸುಧಾರಿಸುತ್ತದೆ. ಹಣಕಾಸಿನ ನಿರ್ಧಾರಗಳಲ್ಲಿ ಜಾಗ್ರತೆ ಅಗತ್ಯವಿದೆ. ಕರ್ಕ ರಾಶಿ: ವ್ಯಾಪಾರಿಗಳಿಗೆ ಲಾಭ ಸಿಗಲಿದೆ. ಶಾಂತಿ-ನೆಮ್ಮದಿಯ ವಾತಾವರಣ ಕಾಣಲಿದೆ. ಆರೋಗ್ಯದಲ್ಲಿ ಬದಲಾವಣೆ ಆದರೂ ಚಿಂತೆ ಅಗತ್ಯವಿಲ್ಲ. ಯೋಗ ಮಾಡುವುದು ಉತ್ತಮ. ಸಿಂಹ ರಾಶಿ: ವೃತ್ತಿಯಲ್ಲಿ ಮಹತ್ವಪೂರ್ಣ ನಿರ್ಧಾರ ಸಮಯ ಬರಲಿದೆ. ಹೂಡಕೆಯನ್ನು ಮುಂದುವರೆಸಿ. ವ್ಯಾಯಾಮ ಮಾಡುವುದು ಅಗತ್ಯ. ಕನ್ಯಾ ರಾಶಿ: ಹಣ ಖರ್ಚು ಮಾಡುವ ಬದಲು ಉಳಿಸಲು ಪ್ರಯತ್ನಿಸಿ. ಹಿರಿಯರ ಆದರ್ಶಗಳನ್ನು ಪಾಲನೆ ಮಾಡಿದರೆ ನಿಮಗೆ ಯಶಸ್ಸು ಸಿಗಲಿದೆ. ಆರೋಗ್ಯ ಸಮಸ್ಯೆಗಳು ದೂರವಾಗಲಿದೆ. ತುಲಾ ರಾಶಿ: ಹೊಸ ಯೋಜನೆಗಳಿಗೆ ಅನುಕೂಲಕರ ಸಮಯ. ಹಣಕಾಸಿನಲ್ಲಿ ಜಾಗ್ರತೆ ಅಗತ್ಯ. ಮನಸ್ಸು ಶಾಂತವಾಗಿರಲು ಯೋಗ ಮಾಡಿ. ವೃಶ್ಚಿಕ ರಾಶಿ: ಹಣಕಾಸಿನ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಿ. ಉದ್ಯೋಗದಲ್ಲಿ ಕೆಲವು ಕಠಿಣ ಪರಿಸ್ಥಿತಿ ಬರುವ ಲಕ್ಷಣವಿದೆ. ಗೆಳೆಯರ ಜೊತೆ ಸಮಯ ಕಳೆಯಿರಿ. ವ್ಯಾಯಾಮ ಮತ್ತು ಆರೋಗ್ಯದ ಕಡೆ ಗಮನ ನೀಡಿ. ಧನು ರಾಶಿ: ಆರೋಗ್ಯದಲ್ಲಿ ಚೇತರಿಕೆ ಆಗಲಿದೆ. ವಿದ್ಯಾಭ್ಯಾಸಕ್ಕೆ ಹೆಚ್ಚು ಗಮನ ಕೊಡಿ. ಗೆಳೆಯರೊಂದಿಗೆ ಹೊಸ ಅನುಭವಗಳು. ಕುಟುಂಬದವರ ಜೊತೆ ಸರಿಯಾಗಿ ಮಾತನಾಡುವುದು ಅಗತ್ಯ. ಮಕರ ರಾಶಿ: ಕಾರ್ಯಕ್ಷೇತ್ರದಲ್ಲಿ ಸಾಧನೆ ಸಾಧ್ಯವಿದೆ. ಸಮಸ್ಯೆಗಳು ಧೈರ್ಯ ಮತ್ತು ಶಕ್ತಿ ಸಹಾಯದಿಂದ ಬಗೆಹರಿಯಲಿದೆ. ಕೋಪ ಒಳ್ಳೆಯದಲ್ಲ. ಕುಂಭ ರಾಶಿ: ಹಣಕಾಸು ವಿಷಯದಲ್ಲಿ ತಪ್ಪು ನಿರ್ಧಾರ ಮಾಡಬೇಡಿ. ವ್ಯವಹಾರಗಳನ್ನು ವಿಶ್ವಾಸದಿಂದ ವಿಸ್ತರಿಸಿ. ತಪ್ಪು ನಿರ್ಧಾರಗಳನ್ನು ಮಾಡಬೇಡಿ. ಮೀನ ರಾಶಿ: ಕಲಾತ್ಮಕ ಚಟುವಟಿಕೆಗಳು ಯಶಸ್ಸು ಕಾಣಲಿದೆ. ನಿರಂತರ ಶ್ರಮಕ್ಕೆ ಫಲ ಸಿಗಲಿದೆ. ಮದ್ಯ ಸೇವನೆ ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ.
- [ಹದಗೆಟ್ಟ ರಸ್ತೆಗೆ ಇಲ್ಲ ದುರಸ್ಥಿ ಭಾಗ್ಯ: ಕಾರವಾರ ಜನರಿಂದ ಹೊಂಡದ ವಿರುದ್ಧ ಹೋರಾಟ!](https://mobiletime.in/2025/10/no-hope-for-repair-of-the-deteriorated-road-karwar-people-fight-against-potholes/): ಕಾರವಾರ ನಗರದಲ್ಲಿ ಹಾದುಹೋಗಿರುವ ರಸ್ತೆಗಳ ಅವ್ಯವಸ್ಥೆ ಖಂಡಿಸಿ ಜನ ಪ್ರತಿಭಟಿಸಿದ್ದಾರೆ. ನಗರಸಭೆ ಕಾರ್ಯವೈಖರಿಯ ವಿರುದ್ಧ ಸಿಡಿದೆದ್ದಿದ್ದಾರೆ. ಕಾರವಾರ ನಗರದ ಪ್ರಮುಖ ರಸ್ತೆಗಳಲ್ಲಿ ಒಂದಾದ ಹಬ್ಬುವಾಡ-ಕೈಗಾ ರಸ್ತೆ ವಾಹನ ಓಡಾಟಕ್ಕೆ ಯೋಗ್ಯವಾಗಿಲ್ಲ. ಪಾದಚಾರಿಗಳು ಸಹ ಇಲ್ಲಿ ಎಡವಿ ಬೀಳುವಷ್ಟರ ಮಟ್ಟಿಗೆ ಹೊಂಡಗಳು ತುಂಬಿದ್ದು, ಇದೇ ಜನರ ಆಕ್ರೋಶಕ್ಕೆ ಕಾರಣವಾಗಿದೆ. ಅದರಲ್ಲಿಯೂ ನಿತ್ಯ ನೂರಾರು ಬಾರಿ ಈ ರಸ್ತೆಯಲ್ಲಿ ಓಡಾಡುವ ರಿಕ್ಷಾ ಚಾಲಕರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ರಿಕ್ಷಾದ ಚಕ್ರಗಳು ಮುಳುಗುವಷ್ಟು ಆಳ-ಅಗಲದ ಗುಂಡಿಗಳು ಇಲ್ಲಿವೆ. `ಗುಂಡಿಗಳಿAದ ಕೂಡಿದ ರಸ್ತೆಯಿಂದ ಆಕ್ರೋಶಗೊಂಡ ಕಾರವಾರದ ಜನ ಪಾದಯಾತ್ರೆ ನಡೆಸಿದ್ದು, ನಗರಸಭೆಗೆ ಆಗಮಿಸಿ ಮುತ್ತಿಗೆ ಹಾಕಿದ್ದಾರೆ. ಕಾರವಾರ-ಹಬ್ಬುವಾಡ-ಕೈಗಾ ಅಣು ಘಟಕಕ್ಕೆ ತೆರಳುವ ಈ ರಸ್ತೆಯಲ್ಲಿ ರೈಲು ನಿಲ್ದಾಣ ಬರುತ್ತದೆ. ವಿವಿಧ ಕಡೆ ಸಂಪರ್ಕ ಕಲ್ಪಿಸುವ ಮುಖ್ಯ ರಸ್ತೆ ಹದಗೆಟ್ಟಿದ್ದರಿಂದ ಎಲ್ಲರೂ ತೊಂದರೆ ಅನುಭವಿಸುತ್ತಿದ್ದಾರೆ’ ಎಂದು ಪ್ರತಿಭಟನಾಕಾರರು ಆಕ್ರೋಶವ್ಯಕ್ತಪಡಿಸಿದರು. `ತಿಂಗಳ ಹಿಂದೆ ಪ್ರತಿಭಟನೆ ನಡೆಸಿದರೂ ಪ್ರಯೋಜನವಾಗಿಲ್ಲ. ಐದೇ ದಿನದಲ್ಲಿ ರಸ್ತೆ ಸರಿಪಡಿಸಿಕೊಡುವುದಾಗಿ ಹೇಳಿದ ಭರವಸೆಯೂ ಈಡೇರಿಲ್ಲ’ ಎಂದು ಕಿಡಿಕಾರಿದರು. `ಹದಗೆಟ್ಟ ರಸ್ತೆಯಿಂದ ವಿದ್ಯಾರ್ಥಿಗಳು ಸಮಸ್ಯೆ ಅನುಭವಿಸುತ್ತಿದ್ದಾರೆ. ವೃದ್ಧರು ಹಾಗೂ ಅಸಾಯಕರ ಪರಿಸ್ಥಿತಿ ಶೋಚನೀಯವಾಗಿದೆ. ಸುಂಕೇರಿ, ಕೋಡಿಭಾಗ್ ಭಾಗದ ರಿಕ್ಷಾ ಚಾಲಕರು ಈ ರಸ್ತೆಗೆ ಹೋಗಲು ಹೆದರುತ್ತಾರೆ’ ಎಂದು ಜನ ವಿವರಿಸಿದರು. ರಸ್ತೆ ಹಾಳಾಗಿದ್ದರಿಂದ ಪದೇ ಪದೇ ವಾಹನ ಹಾಳಾಗುತ್ತಿರುವ ಬಗ್ಗೆಯೂ ವಿವರಿಸಿದರು. `ಮೂರು ಬಾರಿ ಗುಂಡಿ ತುಂಬುವ ಕೆಲಸ ಮಾಡಿದರೂ ಮಳೆಯಿಂದ ಅದು ಹಾಳಾಗಿದೆ. ಸದ್ಯ 15 ಕೋಟಿ ಅನುದಾನದಲ್ಲಿ ಆಯ್ದ ಸ್ಥಳಗಳಲ್ಲಿ ನೂತನ ರಸ್ತೆ ನಿರ್ಮಿಸಲು ಟೆಂಡರ್ ನೀಡಲಾಗಿದೆ. ರಾಜ್ಯ ಹೆದ್ದಾರಿ ಅಭಿವೃದ್ಧಿ ಇಲಾಖೆಯಿಂದದ ಗುತ್ತಿಗೆ ನೀಡಲಾಗಿದ್ದು, ಜಿ ಕೆ ರಾಮ್ ಕನ್‌ಸ್ಟ್ರಕ್ಶನ್ ಕಂಪನಿ ಅಭಿವೃದ್ಧಿ ಕೆಲಸ ಮಾಡಲಿದೆ’ ಎಂದು ನಗರಸಭೆ ಅಧಿಕಾರಿಗಳು ಸಮಜಾಯಿಶೀ ನೀಡಿದರು.
- [ಕುಮಟಾ ಆಸ್ಪತ್ರೆಯಲ್ಲಿ ಜನವೋ ಜನ: ಶಿರಸಿಯಿಂದ ಹೊರಟ ಬಸ್ಸು ಕಂದಕ ಸೇರಿತು!](https://mobiletime.in/2025/10/crowds-at-kumta-hospital-bus-from-sirsi-falls-into-ditch/): ಶಿರಸಿ-ಕುಮಟಾ ಮಾರ್ಗವಾಗಿ ಸಂಚರಿಸುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್ಸು ವಡ್ಡಿಘಾಟ್ ತಿರುವಿನಲ್ಲಿ ಮೂರು ಬಾರಿ ಪಲ್ಟಿಯಾಗಿದೆ. ಬಸ್ಸು ಕಂದಕಕ್ಕೆ ಬಿದ್ದಿದ್ದರಿಂದ 49 ಪ್ರಯಾಣಿಕರಿಗೆ ಪೆಟ್ಟಾಗಿದೆ. ಶನಿವಾರ ಸಂಜೆ ಈ ಬಸ್ಸು ಬಳ್ಳಾರಿಯಿಂದ ಶಿರಸಿಗೆ ಆಗಮಿಸಿತ್ತು. ಅದಾದ ನಂತರ ಕುಮಟಾಗೆ ಹೋಗಬೇಕಿದ್ದ ಬಸ್ಸು ವಡ್ಡಿಘಾಟ್ ಮಾರ್ಗವಾಗಿ ತೆರಳಿತು. ಶಿರಸಿ-ಕುಮಟಾ ಹೆದ್ದಾರಿ ಕಾಮಗಾರಿ ನಡೆಯುತ್ತಿರುವ ಕಾರಣ ಬಸ್ಸನ್ನು ಕಾಡು ದಾರಿ ಮೂಲಕ ಸಾಗಿಸಲಾಯಿತು. ಬಸ್ಸಿನ ತುಂಬ ಪ್ರಯಾಣಿಕರಿದ್ದರು. ಅಪಾಯಕಾರಿ ತಿರುವುಗಳಿರುವ ಪ್ರದೇಶದಲ್ಲಿ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿತು. ದಟ್ಟ ಕಾಡಿನ ಪ್ರದೇಶದಲ್ಲಿ ಕತ್ತಲು ಆವರಿಸಿದ್ದು, ಬಸ್ಸು ರಸ್ತೆ ಬಿಟ್ಟು ಕಂದಕದ ಕಡೆ ವಾಲಿತು. ಬಸ್ಸಿನ ಜೊತೆ ಅದರ ಒಳಗಿದ್ದ ಪ್ರಯಾಣಿಕರು ಮೂರು ಬಾರಿ ಪಲ್ಟಿಯಾದರು. ಸಂಜೆ 7ಗಂಟೆ ಅವಧಿಗೆ ಬಸ್ಸು ಕಂದಕಕ್ಕೆ ಬೀಳುವಾಗ ಪ್ರಯಾಣಿಕರು ಜೋರಾಗಿ ಕೂಗಿದರು. ಬಸ್ಸಿನ ಚಾಲಕ ಸಹ ಪೆಟ್ಟು ಮಾಡಿಕೊಂಡಿದ್ದರಿoದ ಮತ್ತೆ ಬಸ್ಸನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳಲು ಸಾಧ್ಯವಾಗಲಿಲ್ಲ. ಬಸ್ಸು ಪಲ್ಟಿಯಾದರೂ ಸಹ ಪ್ರಯಾಣಿಕರು ತಮ್ಮ ಜೀವವನ್ನು ಗಟ್ಟಿಯಾಗಿ ಹಿಡಿದುಕೊಂಡರು. ಗಾಯಗೊಂಡ ಪ್ರಯಾಣಿಕರನ್ನು ಸ್ಥಳೀಯರು ಬಸ್ಸಿನಿಂದ ಹೊರತೆಗೆದರು. ಸದ್ಯ ವಿವಿಧ ವಾಹನಗಳ ಮೂಲಕ ಗಾಯಗೊಂಡವರನ್ನು ಅಂಕೋಲಾ ಮತ್ತು ಕುಮಟಾ ಆಸ್ಪತ್ರೆಗೆ ಸಾಗಿಸಲಾಗಿದೆ. ಪೊಲೀಸರ ಜೊತೆ ಸಾರಿಗೆ ಇಲಾಖೆಯವರು ಸ್ಥಳಕ್ಕೆ ತೆರಳಿದ್ದಾರೆ.
- [ಆಸ್ಪತ್ರೆಯಿಂದ ಓಡಿದ.. ಬಸ್ಸಿನಿಂದ ಹಾರಿದ: ನಡೆದು ಮನೆ ಸೇರುವ ಮುನ್ನ ರೈಲಿನಡಿಗೆ ಬಿದ್ದು ಸಾವನಪ್ಪಿದ!](https://mobiletime.in/2025/10/he-ran-away-from-the-hospital-jumped-off-the-bus-before-he-could-walk-home-he-fell-under-a-train-and-died/): ವಿಪರೀತ ಸರಾಯಿ ಸೇವನೆಯಿಂದ ಅನಾರೋಗ್ಯಕ್ಕೆ ಒಳಗಾಗಿದ್ದ ಅಂಕೋಲಾದ ಯುವಕನನ್ನು ಕುಟುಂಬದವರು ಕಾರವಾರದ ಆಸ್ಪತ್ರೆಗೆ ಸೇರಿಸಿದ್ದು, ಆಸ್ಪತ್ರೆಯಲ್ಲಿ ಗಲಾಟೆ ಮಾಡಿ ಹೊರಬಿದ್ದ ಅವರು ರೈಲಿಗೆ ಸಿಲುಕಿ ಸಾವನಪ್ಪಿದ್ದಾರೆ. ಅಂಕೋಲಾದ ಅಡಿಗೋಣ ಬಳಿಯ ಹೆಗ್ರೆಯ ನಾಗೇಶ ಪುಕ್ಕಾ ಗೌಡ (27) ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದರು. ಅವರು ತಮ್ಮ ದಿನದ ದುಡಿಮೆಯ ಬಹುಪಾಲು ಹಣವನ್ನು ಸರಾಯಿ ಅಂಗಡಿಗೆ ಸುರಿಯುತ್ತಿದ್ದರು. ಹೀಗಾಗಿ ನಾಗೇಶ ಗೌಡ ಅವರಿಗೆ ಅನಾರೋಗ್ಯ ಕಾಡಿತು. ಅಕ್ಟೊಬರ್ 17ರಂದು ಕುಟುಂಬದವರೆಲ್ಲ ಸೇರಿ ನಾಗೇಶ ಗೌಡ ಅವರನ್ನು ಕಾರವಾರದ ಜಿಲ್ಲಾಸ್ಪತ್ರೆಗೆ ದಾಖಲಿಸಿದರು. ಆದರೆ, ಆಸ್ಪತ್ರೆಯಲ್ಲಿ ಜಗಳ ಮಾಡಿದ ನಾಗೇಶ ಗೌಡ ಅವರು ಅಲ್ಲಿರಲು ಒಪ್ಪಲಿಲ್ಲ. ಚಿಕಿತ್ಸೆಗೆ ಸಹ ಸ್ಪಂದಿಸಲಿಲ್ಲ. ಆಸ್ಪತ್ರೆಯೊಳಗೆ ಗಲಾಟೆ ಮಾಡಿದರು. ನಾಗೇಶ ಗೌಡ ಅವರ ರಂಪಾಟವನ್ನು ಅಲ್ಲಿನ ವೈದ್ಯಕೀಯ ಸಿಬ್ಬಂದಿಗೂ ಸಹಿಸಿಕೊಳ್ಳಲು ಆಗಲಿಲ್ಲ. ನಾಗೇಶ ಗೌಡ ಅವರು ಅಲ್ಲಿದ್ದವರಿಗೆಲ್ಲ ಬೈದು ಆಸ್ಪತ್ರೆಯಿಂದ ಹೊರಬಿದ್ದರು. ಸರಾಯಿ ನಶೆ, ಅನಾರೋಗ್ಯದ ನಡುವೆಯೇ ಅವರು ಅಂಕೋಲಾ ಬಸ್ ಹತ್ತಿದರು. ಅಂಕೋಲಾದಿAದ ಗೋಕರ್ಣಕ್ಕೆ ಬರುವ ಬಸ್ಸಿನಲ್ಲಿದ್ದ ಅವರು ತಳ್ಳಿಗದ್ದೆ ಕ್ರಾಸಿನ ಬಳಿ ಬಸ್ಸಿನಿಂದ ಕೆಳಗೆ ಹಾರಿದರು. ಅಲ್ಲಿಂದ ಮುಂದೆ ರೈಲು ಹಳಿಗಳ ಮೇಲೆ ನಡೆಯಲು ಶುರು ಮಾಡಿದರು. ಸಂಜೆ ವೇಳೆ ಸಂಚರಿಸಿದ ರೈಲು ಅವರಿಗೆ ಗುದ್ದಿದ್ದು, ತಲೆಗೆ ಭಾರೀ ಪ್ರಮಾಣದ ಪೆಟ್ಟು ಮಾಡಿಕೊಂಡರು. ರಾತ್ರಿ ರೈಲು ಹಳಿ ಬಳಿ ಅವರ ಶವ ಕಾಣಿಸಿತು. ತಮ್ಮನ ಸಾವಿನ ಬಗ್ಗೆ ನಾಗಪ್ಪ ಗೌಡ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕೂಲಿ ಕಾರ್ಮಿಕನ ಜೊತೆ ಚಾಲಕನ ಹೊಡೆದಾಟ!](https://mobiletime.in/2025/10/driver-fights-with-laborer/): ಕುಮಟಾದ ಕೂಲಿ ಕಾರ್ಮಿಕ ರಾಘವೇಂದ್ರ ಗೌಡ ಹಾಗೂ ಚಾಲಕ ರವಿ ಪಟಗಾರ ಅವರ ನಡುವೆ ಹೊಡೆದಾಟ ನಡೆದಿದೆ. ಕಳೆದ ತಿಂಗಳು ನಡೆದ ಈ ಮಾರಾಮಾರಿ ಇದೀಗ ನ್ಯಾಯಾಲಯದ ಅಂಗಳಕ್ಕೆ ಬಂದು ನಿಂತಿದೆ. ಕುಮಟಾದ ಶೋಕನಮಕ್ಕಿಯಲ್ಲಿ ರಾಘವೇಂದ್ರ ಹೊಸಬು ಗೌಡ ಅವರು ಕೂಲಿ ಕಾರ್ಮಿಕರಾಗಿ ಕೆಲಸ ಮಾಡುತ್ತಿದ್ದಾರೆ. ಅದೇ ಊರಿನ ರವಿ ಪರಮೇಶ್ವರ ಪಟಗಾರ ಅವರು ಚಾಲಕರಾಗಿದ್ದಾರೆ. ಈ ಇಬ್ಬರ ನಡುವೆ ಮೊದಲಿನಿಂದಲೂ ದ್ವೇಷವಿದ್ದು, ಪರಸ್ಪರ ಒಬ್ಬರನ್ನು ಕಂಡರೆ ಮತ್ತೊಬ್ಬರಿಗೆ ಆಗುತ್ತಿರಲಿಲ್ಲ. ಹಳೆ ವೈಮನಸ್ಸಿನ ಕಾರಣ ಅವರಿಬ್ಬರು ಒಬ್ಬರ ಬಗ್ಗೆ ಇನ್ನೊಬ್ಬರು ಅಸೂಯೆಯನ್ನು ಹೊಂದಿದ್ದರು. 2025ರ ಸೆಪ್ಟೆಂಬರ್ 10ರಂದು ರಾಘವೇಂದ್ರ ಗೌಡ ಅವರು ಕುಮಟಾ ಪಟ್ಟಣದ ಬಸ್ ನಿಲ್ದಾಣದ ಬಳಿ ಕೆಲಸಕ್ಕೆ ಹೋಗಿದ್ದರು. ಕೆಲಸ ಮುಗಿಸಿ ರಾತ್ರಿ 8 ಗಂಟೆಗೆ ಅವರು ಮೀನು ತರಲು ಪೇಟೆಗೆ ಹೊರಟರು. ಅಲ್ಲಿ ಅವರಿಗೆ ರವಿ ಪಟಗಾರ ಅವರು ಎದುರಾದರು. ಒಬ್ಬರನ್ನು ಒಬ್ಬರು ದುರುಗುಟ್ಟಿ ನೋಡಿದರು. ಇದರಿಂದ ಸಿಟ್ಟಾದ ರವಿ ಪಟಗಾರ್ ಅವರು ರಾಘವೇಂದ್ರ ಗೌಡ ಅವರಿಗೆ ಬೈಯಲು ಶುರು ಮಾಡಿದರು. ರಾಘವೇಂದ್ರ ಗೌಡ ಅವರು ಸಹ ಸುಮ್ಮನಿರಲಿಲ್ಲ. ಪರಿಣಾಮ ಅವರಿಬ್ಬರ ನಡುವೆ ಕಾಳಗ ಶುರುವಾಯಿತು. ರವಿ ಪಟಗಾರ ಅವರು ರಾಘವೇಂದ್ರ ಗೌಡ ಅವರನ್ನು ಹಿಡಿದು ಥಳಿಸಿದರು. ನೆಲಕ್ಕೆ ದೂಡಿ ಪೆಟ್ಟು ಮಾಡಿದರು. `ಕೊಚ್ಚಿ ಹೊಳೆಗೆ ಹೂಳುವೆ’ ಎಂದು ಬೆದರಿಕೆ ಹಾಕಿದರು. ಸೆಪ್ಟೆಂಬರ್ 16ರಂದು ರಾಘವೇಂದ್ರ ಗೌಡ ಅವರು ಇದನ್ನು ಪೊಲೀಸರ ಬಳಿ ಹೇಳಿದರು. ಪೊಲೀಸರು ಅವರಿಬ್ಬರ ದ್ವೇಷ ಶಮನ ಮಾಡುವುದಕ್ಕಾಗಿ ರಾಜಿಗೆ ಮುಂದಾದರು. ಆದರೆ, ರಾಘವೇಂದ್ರ ಗೌಡ ಅದಕ್ಕೆ ಒಪ್ಪದೇ ನ್ಯಾಯಾಲಯದ ಮೊರೆ ಹೋಗಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಕುಮಟಾ ಪೊಲೀಸರು ಇದೀಗ ಪ್ರಕರಣ ದಾಖಲಿಸಿದ್ದಾರೆ.
- [ಶ್ರಮಜೀವಿಗೆ ಕೋಳಿ ಹಿಕ್ಕಿ ಕಳುಹಿಸಿದ ಸರ್ಕಾರ!](https://mobiletime.in/2025/10/the-government-sent-chicken-to-the-working-class/): ದುಡಿಯುವ ಕೈಗಳಿಗೆ ಕೆಲಸ ನೀಡುವುದಕ್ಕಾಗಿ ಕೇಂದ್ರ ಸರ್ಕಾರ ವಿವಿಧ ತರಬೇತಿ ನೀಡುತ್ತಿದ್ದು, ವಿಶ್ವಕರ್ಮ ಯೋಜನೆ ಅಡಿ ತರಬೇತಿಪಡೆದ ಮಹಿಳೆಯೊಬ್ಬರಿಗೆ ಸರ್ಕಾರದಿಂದ ಕೋಳಿ ಹಿಕ್ಕಿ ತುಂಬಿದ ಬ್ಯಾಗಿನ ಉಡುಗರೆ ಸಿಕ್ಕಿದೆ! ಅಂಕೋಲಾದ ಪೂಜಗೇರಿಯ ಅಶ್ವಿನಿ ಗಾಂವ್ಕರ್ ಅವರು ಆನ್‌ಲೈನ್ ಮೂಲಕ ವಿಶ್ವಕರ್ಮ ಯೋಜನೆಯ ತರಬೇತಿಗಾಗಿ ಅರ್ಜಿ ಹಾಕಿದ್ದರು. ಕಾರವಾರದಲ್ಲಿ ನಡೆದ ತರಬೇತಿಯಲ್ಲಿಯೂ ಅವರು ಭಾಗವಹಿಸಿದ್ದರು. ಆರು ದಿನಗಳ ಕಾಲ ತರಬೇತಿಪಡೆದ ಅವರು ಅಲಂಕಾರಿಕ ವಸ್ತು ಸಿದ್ದಪಡಿಸುವ ಬಗ್ಗೆ ಕೌಶಲ್ಯ ಅಳವಡಿಸಿಕೊಂಡರು. ಅದಾದ ನಂತರ ಅವರಿಗೆ ಸರ್ಕಾರದಿಂದಲೇ ವಿಶೇಷ ಕಿಟ್ ಒದಗಿಸುವ ಭರವಸೆ ಸಿಕ್ಕಿತು. ತರಬೇತಿ ಮುಗಿಸಿ ಮನೆಗೆ ಬಂದ ತರುವಾಯ ಅಶ್ವಿನಿ ಗಾಂವ್ಕರ್ ಅವರಿಗೆ ಅಂಚೆ ಕಚೇರಿಯಿಂದ ಫೋನ್ ಬಂದಿತು. `ತಮ್ಮ ಹೆಸರಿಗೆ ಪಾರ್ಸಲ್ ಬಂದಿದೆ’ ಎಂದು ಅಂಚೆ ಇಲಾಖೆಯವರು ತಿಳಿಸಿದರು. ಅದರಂತೆ ರಿಕ್ಷಾ ಮಾಡಿಕೊಂಡು ಅವರು ಅಂಚೆ ಕಚೇರಿಗೆ ಹೋದರು. ಅಲ್ಲಿದ್ದ ಪಾರ್ಸಲ್’ನ್ನು ಬಿಡಿಸಿಕೊಂಡರು. ಹರಿದ ಬ್ಯಾಗು ತೆರೆದು ನೋಡಿದಾಗ ಅದರಲ್ಲಿ ಬರಪೂರ ಕೋಳಿ ಹಿಕ್ಕಿಗಳಿದ್ದವು. ಅದರ ಜೊತೆಯಿದ್ದ ಬಣ್ಣದ ಕಾಗದ, ಸೂಚಿ, ಕತ್ತರಿ, ಮಣಿ ಹಾಗೂ ರಿಬ್ಬನ್ ಸಹ ತುಂಡು ತುಂಡಾಗಿದ್ದವು! ಸರ್ಕಾರದಿAದ ಬಂದ ಪುಕ್ಕಟ್ಟೆ ಬ್ಯಾಗ್ ತರಲು ಪೂಜಗೇರಿಯಿಂದ ಅಂಚೆ ಕಚೇರಿಯವರೆಗೆ ರಿಕ್ಷಾ ಮಾಡಿ ಹೋಗಿದ್ದು ಅದರಲ್ಲಿದ್ದ ವಸ್ತುಗಳಿಗಿಂತಲೂ ದುಬಾರಿಯಾಗಿದ್ದವು. ಹೀಗಾಗಿ ಪೆಚ್ಚು ಮೋರೆಯೊಂದಿಗೆ ಅಶ್ವಿನಿ ಗಾಂವ್ಕರ್ ಅವರು ಗ್ರಾಮ ಪಂಚಾಯತ ಕಚೇರಿಗೆ ಬಂದು ಆದ ಅವಾಂತರಗಳನ್ನು ವಿವರಿಸಿದರು. ಗ್ರಾಮ ಪಂಚಾಯತದವರೇ ಅಶ್ವಿನಿ ಅವರನ್ನು ಈ ಯೋಜನೆಗೆ ಶಿಫಾರಸ್ಸು ಮಾಡಿದ್ದು, ಅಲ್ಲಿನವರು ಸಹ ಕೋಳಿ ಹಿಕ್ಕಿ ನೋಡಿ ಬೇಸರವ್ಯಕ್ತಪಡಿಸಿದರು. ಸರ್ಕಾರದಿಂದ ಕೋಳಿ ಹಿಕ್ಕಿ ಸ್ವೀಕರಿಸಿದ ಅಶ್ವಿನಿ ಗಾಂವ್ಕರ್ ಹೇಳಿದ್ದೇನು? ಇಲ್ಲಿ ನೋಡಿ..
- [ಖಾಕಿ ಮೊರೆಹೋದ ಕರಿಕೋಟು!](https://mobiletime.in/2025/10/a-black-coat-that-turned-khaki/): ನೀತಿ-ನಿಯಮಗಳನ್ನು ಪಾಲಿಸದೇ ಅರಣ್ಯ ಅತಿಕ್ರಮಣದಾರರನ್ನು ಪದೇ ಪದೇ ಒಕ್ಕಲೆಬ್ಬಿಸಲಾಗುತ್ತಿರುವುದನ್ನು ವಿರೋಧಿಸಿದ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಈ ದಿನ ಪೊಲೀಸ್ ಅಧೀಕ್ಷಕ ದೀಪಕ ಎಂ ಎನ್ ಅವರನ್ನು ಭೇಟಿ ಮಾಡಿದರು. `ಅರಣ್ಯ ಸಿಬ್ಬಂದಿಗೆ ಬೆಂಬಲ ನೀಡುವ ಬದಲು ಅರಣ್ಯ ಅತಿಕ್ರಮಣದಾರರಿಗೆ ರಕ್ಷಣೆ ಕೊಡಿ’ ಎಂದು ಅವರು ಪೊಲೀಸ್ ಅಧೀಕ್ಷಕರಲ್ಲಿ ಮನವಿ ಮಾಡಿದರು. ವಿವಿಧ ಸಂಘಟನೆ ಮುಖ್ಯಸ್ಥರ ಜೊತೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಶಿರಸಿಯಲ್ಲಿ ಸಭೆ ನಡೆಸಿದ್ದು, ಈ ವೇಳೆ ರವೀಂದ್ರ ನಾಯ್ಕ ಅವರು ಅರಣ್ಯ ಅತಿಕ್ರಮಣದಾರರ ಪರವಾಗಿ ಮಾತನಾಡಿದರು `ಕಾನೂನು ವಿಧಿವಿಧಾನ ಅನುಸರಿಸದೇ ಅತಿಕ್ರಮಣದಾರರನ್ನು ಒಕ್ಕಿಲೆಬ್ಬಿಸಲಾಗುತ್ತಿದೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಇದನ್ನು ಖಂಡಿಸುತ್ತಿದ್ದು, ಪೊಲೀಸರು ತಮ್ಮ ನೆರವಿಗೆ ಬರಬೇಕು’ ಎಂದವರು ಒತ್ತಾಯಿಸಿದರು. `ಅರಣ್ಯವಾಸಿ ಹಾಗೂ ಅರಣ್ಯ ಸಿಬ್ಬಂದಿ ನಡುವೆ ಪದೇ ಪದೇ ಗಲಾಟೆ ನಡೆಯುತ್ತಿದೆ. ಅರಣ್ಯ ಸಿಬ್ಬಂದಿ ಅನಗತ್ಯವಾಗಿ ಅರಣ್ಯವಾಸಿಗಳ ಸಾಗುವಳಿ ಕ್ಷೇತ್ರಕ್ಕೆ ಆತಂಕ ಮಾಡುತ್ತಿದ್ದಾರೆ’ ಎಂದವರು ದೂರಿದರು. `ಮಾನವೀಯ ಮೌಲ್ಯದ ಆಧಾರದಲ್ಲಿ ಭೂಮಿ ಹಕ್ಕಿನ ಕಾನೂನು ಬದ್ಧ ಹೋರಾಟಕ್ಕೆ ಪೊಲೀಸರ ಸಹಕಾರ ಸಿಗುತ್ತದೆ’ ಎಂದು ಪೋಲಿಸ್ ವರಿಷ್ಠ ಅಧಿಕಾರಿ ದೀಪನ ಎಂ ಎನ್ ಅವರು ಪ್ರತಿಕ್ರಿಯಿಸಿದರು. ಹೆಚ್ಚುವರಿ ಜಿಲ್ಲಾ ಪೋಲಿಸ್ ಅಧೀಕ್ಷಕ ಜಗದೀಶ ನಾಯ್ಕ, ಡಿವೈಎಸ್ಪಿ ಗೀತಾ ಪಾಟೀಲ್ ಅವರ ಜೊತೆಗಿದ್ದರು.
- [ಸರ್ಕಾರದ ಶವಯಾತ್ರೆಯಲ್ಲಿ ಭಾಗವಹಿಸಿದ ಮಾರುತಿ ಗುರೂಜಿ!](https://mobiletime.in/2025/10/maruti-guruji-participated-in-the-governments-funeral-procession/): ಶರಾವತಿ ಪಂಪ್ ಸ್ಟೋರೆಜ್ ವಿಷಯವಾಗಿ ಉಗ್ರ ಹೋರಾಟಕ್ಕೆ ಕರೆ ನೀಡಿರುವ ಹೊನ್ನಾವರ ಬಂಗಾರಮಕ್ಕಿಯ ಮಾರುತಿ ಗುರೂಜಿ ಅವರು ನೆರೆಜಿಲ್ಲೆ ಸಾಗರ ಪ್ರವಾಸ ಮಾಡಿದ್ದಾರೆ. ಅಲ್ಲಿ 12 ದಿನಗಳಿಂದ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದಾರೆ. ಶರಾವತಿ ಪಂಪ್ ಸ್ಟೋರೇಜ್ ಯೋಜನೆ ವಿರೋಧಿಸಿ ರೈತ ಸಂಘದವರು ಪ್ರತಿಭಟನೆ ಮಾಡುತ್ತಿದ್ದು, ಅದಕ್ಕೆ ಮಾರುತಿ ಗುರೂಜಿ ಬೆಂಬಲ ನೀಡಿದ್ದಾರೆ. `ಪರಿಸರಕ್ಕೆ ಮಾರಕವಾದ ಈ ಯೋಜನೆ ಯಾವುದೇ ಕಾರಣಕ್ಕೂ ಅನುಷ್ಠಾನಕ್ಕೆ ಬಿಡಲ್ಲ’ ಎಂದು ಮಾರುತಿ ಗುರೂಜಿ ಗದರಿದ್ದಾರೆ. ಈ ವೇಳೆ ಪ್ರತಿಭಟನಾಕಾರರು ಅಣಕು ಶವಯಾತ್ರೆ ನಡೆಸಿದ್ದು, ಅದರಲ್ಲಿಯೂ ಮಾರುತಿ ಗುರೂಜಿ ಭಾಗವವಹಿಸಿದ್ದಾರೆ. ಆ ಮೂಲಕ ಸರ್ಕಾರದ ವಿರುದ್ಧ ತಮ್ಮ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಅಪರೂಪದ ವನ್ಯ ಸಂಪತ್ತುಹೊoದಿರುವ ಹೊನ್ನಾವರ ಭಾಗದಲ್ಲಿ ೧೬ ಸಾವಿರ ಮರಗಳನ್ನು ಕಡಿದು ಶರಾವತಿ ಪಂಪ್ ಸ್ಟೋರೇಜ್ ಯೋಜನೆ ನಿರ್ಮಿಸಲು ರಾಜ್ಯ ಸರ್ಕಾರ ಮುಂದಾಗಿದೆ. ಇದರಿಂದ ಆ ಭಾಗದ ಶಿಂಗಳಿಕ ಸೇರಿ ಹಲವು ಬಗೆಯ ವನ್ಯಜೀವಿಗಳ ಸಂತತಿ ನಾಶವಾಗುವ ಆತಂಕ ಎದುರಾಗಿದೆ. ಈ ಹಿನ್ನಲೆ ಎಲ್ಲಡೆ ಈ ಯೋಜನೆಗೆ ಭಾರೀ ಪ್ರಮಾಣದಲ್ಲಿ ವಿರೋಧವ್ಯಕ್ತವಾಗುತ್ತಿದೆ. ಹೊನ್ನಾವರದ ಮಾರುತಿ ಗುರೂಜಿ ಸಹ ಯೋಜನೆಯನ್ನು ಖಡಾಖಂಡಿತವಾಗಿ ತಿರಸ್ಕರಿಸಿದ್ದಾರೆ. ಆನಂದಪುರದ ಮುರುಗಾಮಠದ ಮಲ್ಲಿಕಾರ್ಜುನ ಸ್ವಾಮೀಜಿ ಸಹ ಈ ಯೋಜನೆಗೆ ವಿರೋಧವ್ಯಕ್ತಪಡಿಸಿದ್ದಾರೆ. ಅವರು ಸಹ ಸಾಗರದಲ್ಲಿ ನಡೆದ ಪ್ರತಿಭಟನೆಯಲ್ಲಿ ಭಾಗವಹಿಸಿ ಪ್ರತಿಭಟನಾಕಾರರ ಜೊತೆ ಹೆಜ್ಜೆ ಹಾಕಿದ್ದಾರೆ. `ಅವೈಜ್ಞಾನಿಕ ಯೋಜನೆಯನ್ನು ಸರ್ಕಾರ ಕೈ ಬಿಡಬೇಕು’ ಎಂದು ಆಗ್ರಹಿಸಿದರು. ಸರ್ಕಾರದ ಅಣಕು ಶವಯಾತ್ರೆ ಮುಗಿದ ನಂತರ ಅಲ್ಲಿನ ಜನ ಶವವನ್ನು ಸುಟ್ಟು ಆಕ್ರೋಶವ್ಯಕ್ತಪಡಿಸಿದರು.
- [ಚೆಕ್‌ಬೌನ್ಸ್: ಸುಳ್ಳು ಹೇಳಿದವ ಸಿಕ್ಕಿಬಿದ್ದ!](https://mobiletime.in/2025/10/checkbounce-the-liar-was-caught/): ಹಳಿಯಾಳದ ರಾಕೇಶ ವಾಲೇಕರ ಎಂಬಾತರು ರಾಹುಲ್ ಜೆ ವಾಣಿ ಅವರ ವಿರುದ್ಧ ದಾಖಲಿಸಿದ್ದ ಚೆಕ್ ಬೌನ್ಸ್ ಪ್ರಕರಣ ರಾಕೇಶ ವಾಲೇಕರ ಅವರಿಗೆ ಉಲ್ಟಾ ಹೊಡೆದಿದೆ. ಹಳಿಯಾಳದ ನ್ಯಾಯಾಲಯ ರಾಹುಲ್ ವಾಣಿ ಅವರನ್ನು ನಿರ್ದೋಷಿ ಎಂದು ಘೋಷಿಸಿದೆ. ಹಳಿಯಾಳದಲ್ಲಿ ಅಸ್ತಿತ್ವದಲ್ಲೇ ಇರದ ಹನುಮಾನ ಪೈನಾನ್ಸ ಮೂಲಕ ರಾಹುಲ್ ವಾಣಿ ಎಂಬುವವರು 4.60 ಲಕ್ಷ ರೂ ಹಣಪಡೆದು 6 ಲಕ್ಷ ರೂ ಮೌಲ್ಯದ ಚೆಕ್ ನೀಡಿದ್ದು, ಅದು ಅಮಾನ್ಯವಾದ ಬಗ್ಗೆ ರಾಕೇಶ ವಾಲೇಕರ ಅವರು ಪ್ರಕರಣ ದಾಖಲಿಸಿದ್ದರು. ತಾನು ಪೈನಾನ್ಸ್ ಶಾಖಾಧಿಕಾರಿಯಾಗಿರುವ ಬಗ್ಗೆ ಅವರು ಹೇಳಿಕೊಂಡಿದ್ದರು. 2025ರಲ್ಲಿ ದಾಖಲಾದ ಪ್ರಕರಣವನ್ನು ಹಳಿಯಾಳದ ಜೆಎಂಎಫ್‌ಸಿ ನ್ಯಾಯಾಲಯದ ಹಿರಿಯ ನ್ಯಾಯಾಧೀಶೆ ಸುಜಾತಾ ಪಾಟೀಲ್ ಅವರು ವಿಚಾರಣೆಗೊಳಪಡಿಸಿ ತೀರ್ಪು ಹೊರಡಿಸಿದರು. ಹನುಮಾನ್ ಫೈನಾನ್ಸ್ ಎಂಬ ಸಂಸ್ಥೆಯನ್ನು 2023ರಲ್ಲಿ ಬಂದ್ ಮಾಡಿರುವುದು ವಿಚಾರಣೆ ವೇಳೆ ಗಮನಕ್ಕೆ ಬಂದಿತು. ಅಲ್ಲಿ ರಾಕೇಶ ವಾಲೇಕರ ಕೆಲಸ ಮಾಡುತ್ತಿರಲಿಲ್ಲ ಎಂಬುದು ಅರಿವಾಯಿತು. ಸುಪ್ರೀಂ ಕೋರ್ಟಿನ ಆದೇಶಗಳನ್ನು ಉಲ್ಲೇಖಿಸಿ ನ್ಯಾಯವಾದಿ ಸಿದ್ದಮ್ಮ ಮಂಜುನಾಥ ಸಾಹುಕಾರ ಅವರು ವಾದ ಮಂಡಿಸಿದ್ದು, ಅದೇ ಆಧಾರದಲ್ಲಿ ರಾಹುಲ್ ವಾಣಿ ಅವರು ಪ್ರಕರಣದಿಂದ ಬಿಡುಗಡೆಯಾದರು.
- [ಜೀಪಿಗೆ ಗುದ್ದಿದ ಪೊಲೀಸ್ ಜೀಪ್: ಜೀವ ಉಳಿಸಿದ ಏರ್‌ಬ್ಯಾಗ್!](https://mobiletime.in/2025/10/police-jeep-hits-jeep-airbag-saves-life/): ಯಲ್ಲಾಪುರದ ಎಪಿಎಂಸಿ ತಿರುವಿನಲ್ಲಿ ಶನಿವಾರ ಪೊಲೀಸ್ ವಾಹನ ಅಪಘಾತಕ್ಕೀಡಾಗಿದೆ. ಅಪಘಾತದ ರಭಸಕ್ಕೆ ಅಪಘಾತಕ್ಕೀಡಾದ ಎರಡು ವಾಹನದಲ್ಲಿದ್ದ ಏರ್‌ಬ್ಯಾಗ್ ತೆರೆದಿದ್ದು, ವಾಹನದಲ್ಲಿದ್ದವರು ಅದರಿಂದಲೇ ಜೀವ ಉಳಿಸಿಕೊಂಡಿದ್ದಾರೆ. ಶಿರಸಿಯಿoದ ಯಲ್ಲಾಪುರ ಮಾರ್ಗವಾಗಿ ನ್ಯಾಯಾಧೀಶರೊಬ್ಬರು ಕಾರಿನಲ್ಲಿ ಸಂಚರಿಸುತ್ತಿದ್ದರು. ನ್ಯಾಯಾಧೀಶರ ಭದ್ರತೆಗಾಗಿ ಪೊಲೀಸ್ ಜೀಪು ಮುಂದೆ ಸಂಚರಿಸುತ್ತಿತ್ತು. ಯಲ್ಲಾಪುರ ಪಟ್ಟಣದಿಂದ ಶಿರಸಿ ಮಾರ್ಗವಾಗಿ ಬಂದ ಕಾರೊಂದು ಎಪಿಎಂಸಿ ಕಡೆ ತಿರುಗಿದ್ದು, ವೇಗವಾಗಿದ್ದ ಪೊಲೀಸರ ಜೀಪು ಆ ಕಾರಿಗೆ ಡಿಕ್ಕಿ ಹೊಡೆಯಿತು. ತಕ್ಷಣ ಆ ಕಾರು ಹಾಗೂ ಪೊಲೀಸ್ ಜೀಪಿನ ಏರ್‌ಬ್ಯಾಗ್ ತೆರೆದಿದ್ದರಿಂದ ಎರಡು ವಾಹನದಲ್ಲಿದ್ದವರು ಪ್ರಾಣಾಪಾಯದಿಂದ ಪಾರಾದರು. ಅದಾಗಿಯೂ ಆ ವಾಹನದಲ್ಲಿದ್ದವರು ಅಲ್ಲಲ್ಲಿ ಗಾಯವಾಯಿತು. ಎರಡು ವಾಹನ ಜಖಂ ಆಯಿತು. ಅದಾದ ನಂತರ ಗಾಯಗೊಂಡಿದ್ದ ಪೊಲೀಸರಿಗೆ ಸ್ಥಳೀಯರು ಉಪಚರಿಸಿದರು. ಅಲ್ಲಿದ್ದ ಜನರೇ 108 ಹಾಗೂ ಸ್ಥಳೀಯ ಪೊಲೀಸ್ ಠಾಣೆಗೆ ಫೋನ್ ಮಾಡಿದರು. ನ್ಯಾಯಾಧೀಶರು ಸಹ ಕೆಲಕಾಲ ಅಪಘಾತದ ಸ್ಥಳದಲ್ಲಿದ್ದು, ವಾತಾವರಣ ತಿಳಿಯಾದ ನಂತರ ಮುಂದಿನ ಕೆಲಸಕ್ಕೆ ಹೋದರು. ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು.
- [ಡಕಾಯಿತರಿಗೆ ದಕ್ಕಲಿಲ್ಲ ದೇವರ ದುಡ್ಡು!](https://mobiletime.in/2025/10/the-bandits-didnt-get-gods-money/): ಶಿರಸಿ ಹುಲೆಕಲ್ ಬಳಿಯ ಚೌಡೇಶ್ವರಿ ದೇವಿ ದೇವಾಲಯಕ್ಕೆ ನುಗ್ಗಿ ದೇವರ ಒಡವೆ ಹಾಗೂ ಕಾಣಿಕೆ ಹುಂಡಿಯಲ್ಲಿದ್ದ ಹಣ ಕದ್ದವರು ಸಿಕ್ಕಿಬಿದ್ದಿದ್ದಾರೆ. ಪರಶುರಾಮ ಶೆಟ್ಟಿ ಅವರ ದೂರಿನ ಮೇರೆಗೆ ಪಿಐ ಶಶಿಕಾಂತ ವರ್ಮ ಅವರ ತಂಡಕ್ಕೆ ತನಿಖೆ ನಡೆಸಿದ್ದು, ಕಳ್ಳತನವನ್ನೇ ಕಾಯಕವನ್ನಾಗಿಸಿಕೊಂಡಿದ್ದ ಆರೋಪಿಗಳಿಬ್ಬರು ಜೈಲು ಸೇರಿದ್ದಾರೆ. ಶಿವಮೊಗ್ಗದ ಭದ್ರಾವತಿ ಅಂತರಗoಗೆಯ ಬಾಲಕುಮಾರ ವಾಸು ಕೆ ಹಾಗೂ ಮಹಮ್ಮದ್ ಅಲಿಕಾಕಾ ಬಾಲ್ಯ ಸ್ನೇಹಿತರಾಗಿದ್ದರು. ದೊಡ್ಡವರಾದ ಮೇಲೆ ಬಾಲಕುಮಾರ ಅವರು ಬೆಂಗಳೂರು ಸೇರಿದ್ದರು. ಮಹಮದ್ ಅಲಿ ಅವರು ಶಿವಮೊಗ್ಗದಲ್ಲಿಯೇ ವಾಸವಾಗಿದ್ದರು. ಕೆಲ ವರ್ಷದ ನಂತರ ಅವರಿಬ್ಬರು ಒಟ್ಟಿಗೆ ಸೇರಿ ಕಳ್ಳತನದ ವೃತ್ತಿ ಶುರು ಮಾಡಿದರು. ರಾಜ್ಯದ ನಾನಾ ಭಾಗಗಳಿಗೆ ಸಂಚರಿಸಿ ಕಳ್ಳತನ ಮಾಡುವುದನ್ನು ಕಾಯಕವನ್ನಾಗಿಸಿಕೊಂಡರು. ಅದರoತೆ 2025ರ ಸೆಪ್ಟೆಂಬರ್ 10ರ ರಾತ್ರಿ ಅವರಿಬ್ಬರು ಶಿರಸಿಗೆ ಬಂದಿದ್ದರು. ಆ ದಿನ ರಾತ್ರಿ 1.15ರ ಆಸುಪಾಸಿನಲ್ಲಿ ಹುಲೇಕಲ್’ಗೆ ಹೋದ ಅವರು ಹಂಚರ್ತ ಬಳಿಯ ಚೌಡೇಶ್ವರಿ ದೇವಾಲಯದ ಬಾಗಿಲು ಬಡಿದಿದ್ದರು. ದೇವಾಲಯದ ಬಳಿ ಯಾರೂ ಇಲ್ಲದಿರುವುದನ್ನು ಗಮನಿಸಿ ಸ್ಟೀಲ್ ಬಾಗಿಲನ್ನು ಒಡೆದಿದ್ದರು. ದೇವರ ಮೂರ್ತಿ ಮೇಲಿದ್ದ ಬಂಗಾರ ಹಾಗೂ ಬೆಳ್ಳಿ ಆಭರಣಕ್ಕೆ ಅವರಿಬ್ಬರು ಕೈ ಹಾಕಿದ್ದರು. 2.31 ಲಕ್ಷ ರೂ ಮೌಲ್ಯದ ಆಭರಣದ ಜೊತೆ ಕಾಣಿಕೆ ಹುಂಡಿಯಲ್ಲಿದ್ದ 80 ಸಾವಿರ ರೂ ಹಣವನ್ನು ದೋಚಿದ್ದರು. ಕಳ್ಳತನದ ನಂತರ ಸಾಕ್ಷಿನಾಶಕ್ಕೂ ಪ್ರಯತ್ನಿಸಿದ್ದರು. ಶಿರಸಿ ಭೂತಪ್ಪನಕಟ್ಟೆ ಬಳಿಯ ವ್ಯಾಪಾರಿ ಪರಶುರಾಮ ಶೆಟ್ಟಿ ಅವರ ಕುಟುಂಬದವರು ಅನಾದಿಕಾಲದಿಂದಲೂ ಚೌಡೇಶ್ವರಿ ದೇವಿಯ ಆರಾಧಕರಾಗಿದ್ದು, ತಮ್ಮ ಕುಟುಂಬದ ದೇವಾಲಯದಲ್ಲಿ ಕಳ್ಳತನ ನಡೆದಿರುವುದನ್ನು ನೋಡಿ ಆಘಾತಕ್ಕೆ ಒಳಗಾದರು. ದೇವರ ದುಡ್ಡು-ಒಡವೆ ಕಳ್ಳತನವಾದ ಬಗ್ಗೆ ಅವರು ಶಿರಸಿ ಗ್ರಾಮೀಣ ಠಾಣೆ ಪೊಲೀಸರಿಗೆ ದೂರು ನೀಡಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಹಾಗೂ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಜಗದೀಶ್ ಎಂ ಅವರು ಪ್ರಕರಣದ ಬಗ್ಗೆ ಡಿವೈಎಸ್ಪಿ ಗೀತಾ ಪಾಟೀಲ ಅವರ ಬಳಿ ವರದಿ ಕೇಳಿದರು. ಕಳ್ಳರ ಪತ್ತೆಗೆ ಕಾರ್ಯತಂತ್ರ ರೂಪಿಸಿ ಬೆಂಗಳೂರು, ಶಿವಮೊಗ್ಗ, ಭದ್ರಾವತಿ ಸೇರಿ ರಾಜ್ಯದ ನಾನಾ ಕಡೆ ಹುಡುಕಾಟ ನಡೆಸಿದರು. ಶಿರಸಿ ಪಿಐ ಶಶಿಕಾಂತ ವರ್ಮ ಅವರ ತನಿಖಾ ತಂಡಕ್ಕೆ ಶಿರಸಿ ಗ್ರಾಮೀಣ ಪೊಲೀಸ್ ಠಾಣೆಯ ಪಿಎಸ್‌ಐ ಸಂತೋಷಕುಮಾರ ಎಮ್, ಅಶೋಕ ಆರ್ ರಾಠೋಡ ಅವರು ಸೇರಿದರು. ಪೊಲೀಸ್ ಸಿಬ್ಬಂದಿ ಪ್ರಕಾಶ ತಳವಾರ, ಮಹಾದೇವ ನಾಯ್ಕ, ವಿಘ್ನೇಶ್ವರ ಹೆಗಡೆ, ಮಹಾಂತೇಶ್, ಅರುಣಕುಮಾರ್, ದಾವುಲ್ಸಾಬ, ಲಕ್ಷ್ಮಣ, ಚೇತನ, ರವಿಕುಮಾರ್, ಗದಿಗೆಪ್ಪ ಅವರು ವಿವಿಧ ಆಯಾಮಗಳಲ್ಲಿ ಕಳ್ಳರ ಹುಡುಕಾಟ ನಡೆಸಿದರು. ತಾಂತ್ರಿಕ ವಿಭಾಗದ ಸಿಬ್ಬಂದಿ ಉದಯ ಗುನಗಾ ಹಾಗೂ ಬಬನ್ ಕದಂ ಅವರು ಡಕಾಯಿತರ ಸಂಚಲನದ ಬಗ್ಗೆ ತಮ್ಮ ಚಾಣಾಕ್ಷತನದಿಂದ ಮಾಹಿತಿ ಸಂಗ್ರಹಿಸಿದರು. ಈ ಎಲ್ಲಾ ಪೊಲೀಸ್ ಅಧಿಕಾರಿ-ಸಿಬ್ಬಂದಿ ಪ್ರಯತ್ನದಿಂದ ದೇವರ ದುಡ್ಡು ಕದ್ದಿದ್ದ ಬಾಲಕುಮಾರ ವಾಸು ಕೆ ಹಾಗೂ ಮಹಮ್ಮದ್ ಅಲಿಕಾಕಾ ಸಿಕ್ಕಿಬಿದ್ದರು. ಪೊಲೀಸರು ಅವರ ಬಳಿಯಿದ್ದ 1.50 ಲಕ್ಷ ರೂ ಮೌಲ್ಯದ ಬೆಳ್ಳಿ ಆಭರಣದ ಜೊತೆ 60 ಸಾವಿರ ರೂ ಹಣವನ್ನು ಜಪ್ತು ಮಾಡಿದರು. ಕಳ್ಳರಿಬ್ಬರನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ದೀಪಾವಳಿ | ಡಬಲ್ ಧಮಾಕಾ: ಒಂದು ಮೊಬೈಲ್ ಖರೀದಿಗೆ ಮತ್ತೊಂದು ಮೊಬೈಲ್ ಉಚಿತ!](https://mobiletime.in/2025/10/diwali-double-dhamaka-buy-one-mobile-and-get-another-free/): ಗಣೇಶ ಹಬ್ಬದ ಅವಧಿಯಲ್ಲಿ ಮೊಬೈಲ್ ಖರೀದಿಸಿದರೆ ಟಿವಿಯನ್ನು ಉಡುಗರೆಯಾಗಿ ನೀಡಿದ್ದ ಯಲ್ಲಾಪುರದ `AVM Galaxy Hub’  ದೀಪಾವಳಿ ಹಬ್ಬಕ್ಕೆ ಇನ್ನಷ್ಟು ಉಡುಗರೆಗಳನ್ನು ಹೊತ್ತು ತಂದಿದೆ. ದಿನದಿಂದ ದಿನಕ್ಕೆ ಚಿನ್ನದ ದರದ ಜೊತೆ ಬೆಳ್ಳಿ ದರವೂ ದುಬಾರಿಯಾಗುತ್ತಿದ್ದು, ಮೊಬೈಲ್ ಖರೀದಿಸಿದ ಪ್ರತಿಯೊಬ್ಬರಿಗೂ ದೀಪಾವಳಿ ಹಬ್ಬಕ್ಕೆ ಬೆಳ್ಳಿ ನಾಣ್ಯ ಕೊಡಲು `ಎವಿಎಂ ಗ್ಯಾಲಾಕ್ಸಿ ಹಬ್’ ನಿರ್ಧರಿಸಿದೆ. ಇದರ ಜೊತೆ ಎಂದಿನ0ತೆ ಐದು ವಿಶೇಷ ಉಡುಗರೆಗಳು ಸಿಗಲಿದೆ! ಗಣೇಶ ಹಬ್ಬದ ಅವಧಿಯಲ್ಲಿ ಸಾಕಷ್ಟು ಜನರಿಗೆ ಮೊಬೈಲ್ ಖರೀದಿಸಲು ಸಾಧ್ಯವಾಗಿರಲಿಲ್ಲ. ಮತ್ತೊಮ್ಮೆ ಆಫರ್ ನೀಡುವಂತೆ ಒತ್ತಾಯಿಸಿದ ಹಿನ್ನಲೆ ದೀಪಾವಳಿ ಹಬ್ಬಕ್ಕೆ ಹೊಸದೊಂದು ಆಫರ್ ಇಲ್ಲಿ ನೀಡಲಾಗಿದೆ. ಮೊದಲಿನಂತೆ ಈಗಲೂ ಆನ್‌ಲೈನ್’ಗಿಂತ ಕಡಿಮೆ ಬೆಲೆಗೆ ಬರಪೂರ ಉಡುಗರೆಗಳ ಜೊತೆ ಮೊಬೈಲ್ ಖರೀದಿಸಲು ಯಲ್ಲಾಪುರದ `ಎವಿಎಂ ಗ್ಯಾಲಾಕ್ಸಿ ಹಬ್’ ಸಿದ್ಧವಾಗಿದೆ. ಯಲ್ಲಾಪುರ ಬಸ್ ನಿಲ್ದಾಣದ ಕೂಗಳತೆ ದೂರದಲ್ಲಿ `ಎವಿಎಂ ಗ್ಯಾಲಾಕ್ಸಿ ಹಬ್’ ಮಳಿಗೆಯಿದೆ. ಶಾಸಕರ ಕಚೇರಿ ರಸ್ತೆಗೆ ಹೊಂದಿಕೊoಡು ಸುಸಜ್ಜಿತ ಮೊಬೈಲ್ ಮಳಿಗೆ ಜನರನ್ನು ಆಕರ್ಷಿಸುತ್ತಿದೆ. ಇದೇ ಮೊದಲ ದೀಪಾವಳಿ ಹಬ್ಬವನ್ನು ಆಚರಿಸುತ್ತಿರುವ ಈ ಮೊಬೈಲ್ ಮಳಿಗೆ ಅದೇ ಖುಷಿಯಲ್ಲಿ ಹಲವು ಬಗೆಯ ಗ್ರಾಹಕ ಸ್ನೇಹಿ ಯೋಜನೆಗಳನ್ನು ಜಾರಿಗೊಳಿಸಿದೆ. 100ಕ್ಕೂ ಅಧಿಕ ನಮೂನೆಯ ಮೊಬೈಲ್’ಗಳು ಈ ಮಳಿಗೆಯಲ್ಲಿದೆ. ಬೇರೆ ಎಲ್ಲಿಯೂ ಸಿಗದ ಬೆಲೆಯಲ್ಲಿ ಮೊಬೈಲ್ ನೀಡಲಾಗುತ್ತಿದೆ. ಈ ಹಿಂದೆ ತಿಳಿಸಿದಂತೆ ಹುಬ್ಬಳ್ಳಿ, ಶಿರಸಿ, ಕಾರವಾರ, ಭಟ್ಕಳ ಸೇರಿ ಎಲ್ಲಾ ಕಡೆ ಸುತ್ತಾಡಿ ಬಂದರೂ ಈ ಬೆಲೆಗೆ ಈ ಬಗೆಯ ಮೊಬೈಲ್ ಜೊತೆ ನಿಶ್ಚಿತ ಉಡುಗರೆಯನ್ನು ಬೇರೆ ಯಾರೂ ಕೊಡುತ್ತಿಲ್ಲ! ಈ ಬಾರಿ Oppo Reno 13 Pro ಅಥವಾ Oppo Reno 14 Pro ಮೊಬೈಲ್ ಖರೀದಿಸಿದರೆ ಇನ್ನೊಂದು ಸ್ಮಾರ್ಟಫೋನ್ ಉಚಿತವಾಗಿ ನೀಡಲಾಗುತ್ತಿದೆ. 20 ಸಾವಿರ ರೂ ಬೆಲೆಯ ಯಾವುದೇ ಮೊಬೈಲ್ ಖರೀದಿಸಿದರೂ 10 ಗ್ರಾಂ ಬೆಳ್ಳಿ ನಾಣ್ಯವನ್ನು ಕೊಡಲಾಗುತ್ತಿದೆ. ಮೊಬೈಲ್’ಗೆ ಅನುಕೂಲಕರವಾಗಿರುವ ಐದು ಹೆಚ್ಚುವರಿ ಉಡುಗರೆಗಳನ್ನು ಸಹ ಇಲ್ಲಿ ಉಚಿತವಾಗಿ ನೀಡಲಾಗುತ್ತಿದೆ. ಮೊಬೈಲ್ ಜೊತೆ ಟಿವಿ ಖರೀದಿಸಿದರೂ ಇಲ್ಲಿ ವಿಶೇಷ ಆಫರ್’ಗಳಿವೆ. ಮೊಬೈಲ್ ರಿಪೇರಿ ಸೇವೆಗಳ ಮೇಲೆಯೂ ಭರ್ಜರಿ ಡಿಸ್ಕೊಂಟ್ ನೀಡಲಾಗಿದೆ. ಹೀಗಾಗಿ ಮನೆಯಲ್ಲಿರುವ ಹಾಳಾದ ಮೊಬೈಲ್’ಗಳ ದುರಸ್ಥಿಗೂ ಇನ್ಮುಂದೆ ಅಲ್ಲಿ-ಇಲ್ಲಿ ಓಡಾಡಬೇಕಿಲ್ಲ. ಗ್ಲಾಸ್ ಒಡೆದ ಮೊಬೈಲುಗಳನ್ನು ಸಹ `ಗಾಲಾಕ್ಸಿ ಹಬ್’ ಮಳಿಗೆಯಲ್ಲಿ ಸರಿಪಡಿಸಲಾಗುತ್ತದೆ. ಮೊಬೈಲುಗಳಲ್ಲಿನ ಎಲ್ಲಾ ಸಮಸ್ಯೆಗಳಿಗೂ ಇಲ್ಲಿ ಪರಿಹಾರ ಒದಗಿಸಲಾಗುತ್ತದೆ. 30 ನಿಮಿಷದೊಳಗೆ ಒಡೆದ ಮೊಬೈಲ್ ಡಿಸಪ್ಲೆ ಬದಲಿಸಿಕೊಡುವ ನುರಿತ ಸಿಬ್ಬಂದಿ ಇಲ್ಲಿದ್ದಾರೆ. ಮೊಬೈಲ್ ಡಿಸಪ್ಲೆ ಸರಿಪಡಿಸಲು ಬಂದವರಿಗೆ ಸಹ ಉಡುಗರೆಗಳನ್ನು ಕೊಟ್ಟು ಕಳುಹಿಸಲಾಗುತ್ತದೆ. ಮೊಬೈಲ್ ಇರಲಿ.. ಟಿವಿಯೇ ಆಗಿರಲಿ.. ಹಬ್ಬದ ಖರೀದಿಗೆ ಇನ್ನೇಕೆ ತಡ? ಈಗಲೇ ಬನ್ನಿ… ಉಡುಗರೆಗಳ ಜೊತೆ ಖುಷಿ ಅನುಭವಿಸಿ!… ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 9448361519 #sponsored
- [2025 ಅಕ್ಟೊಬರ್ 18ರ ದಿನ ಭವಿಷ್ಯ](https://mobiletime.in/2025/10/prediction-for-october-18-2025/): ಮೇಷ ರಾಶಿ: ಈ ದಿನ ಕಾರ್ಯಕ್ಷಮತೆಯಿಂದ ಕೂಡಿರುತ್ತದೆ. ಸಾಮಾಜಿಕ ಚಟುವಟಿಕೆಗಳಲ್ಲಿ ಮುನ್ನಡೆ ಸಾಧ್ಯವಿದೆ. ಹಣಕಾಸು ವ್ಯವಹಾರದಲ್ಲಿ ಜಾಣತನ ಬೇಕು. ವೃಷಭ ರಾಶಿ: ಕಾರ್ಯ ಕ್ಷೇತ್ರದಲ್ಲಿ ಸಹೋದ್ಯೋಗಿಗಳ ಬೆಂಬಲ ಸಿಗಲಿದೆ. ಮನಸ್ಥಿತಿಯಲ್ಲಿ ಬದಲಾವಣೆ ಕಾಣಬಹುದು. ಕುಟುಂಬದಲ್ಲಿ ಸಣ್ಣ ಸಣ್ಣ ಸಂಭ್ರಮ ಸಾಧ್ಯತೆಗಳಿವೆ. ಮಿಥುನ ರಾಶಿ: ಆರ್ಥಿಕ ಪರಿಸ್ಥಿತಿ ಸರಿಯಾಗಿರುವುದಿಲ್ಲ. ಗೆಳೆಯರಿಂದ ಬರುವ ಮುಖ್ಯ ಮಾಹಿತಿಗಳನ್ನು ಗಮನಿಸಿ. ಹಿರಿಯರ ಆಶೀರ್ವಾದಪಡೆದು ಕೆಲಸ ಮಾಡಿ. ಕರ್ಕ ರಾಶಿ: ಕೆಲಸಗಳಲ್ಲಿ ನಿರಂತರ ಪ್ರಯತ್ನ ಅಗತ್ಯ. ಖರ್ಚು ನಿಯಂತ್ರಣ ಮಾಡಬೇಕು. ಆರೋಗ್ಯದ ವಿಷಯದಲ್ಲಿ ಜಾಗೃತರಾಗಿರಿ. ಸಿಂಹ ರಾಶಿ: ವೃತ್ತಿ ಜೀವನದಲ್ಲಿ ಪ್ರಗತಿ ಸಾಧ್ಯ. ಹಣಕಾಸು ವಿಷಯದಲ್ಲಿ ಸಮತೋಲನ ಅಗತ್ಯ. ಕಲಿಕೆಯಲ್ಲಿ ಯಶಸ್ಸು ಸಿಗಲಿದೆ. ಕನ್ಯಾ ರಾಶಿ: ಆರೋಗ್ಯದ ವಿಚಾರದಲ್ಲಿ ಉತ್ತಮ ಬೆಳವಣಿಗೆ ಆಗಲಿದೆ. ಕೆಲಸದ ವಿಷಯದಲ್ಲಿ ಸಾಧನೆ ಸಾಧ್ಯವಿದೆ. ತುಲಾ ರಾಶಿ: ಮನಸ್ಸಿನ ಯೋಜನೆ ಕಾರ್ಯರೂಪಕ್ಕೆ ಬರಲಿದೆ. ಕುಟುಂಬದಿAದ ಆನಂದ ಸಿಗಲಿದೆ. ಒಳ್ಳೆಯ ಹೆಸರು ಬರಲಿದೆ. ವೃಶ್ಚಿಕ ರಾಶಿ: ಕಾರ್ಯದಲ್ಲಿ ಯಶಸ್ಸು ಸಾಧ್ಯವಿದೆ. ಹಣಕಾಸು ಲಾಭ ಆಗಲಿದೆ. ಹೊಸ ಕಲಿಕೆಗೆ ಅವಕಾಶ ಸಿಗಲಿದೆ. ಧನು ರಾಶಿ: ಹೊಸ ಯೋಜನೆಗಳು ಶುರುವಾಗಲಿದೆ. ಸಂತೋಷದ ಕ್ಷಣಗಳನ್ನು ಅನುಭವಿಸುತ್ತೀರಿ. ಆರೋಗ್ಯದಲ್ಲಿ ಕಾಳಜಿ ಅಗತ್ಯ. ಮಕರ ರಾಶಿ: ಕೆಲಸದ ವಿಷಯದಲ್ಲಿ ಗಂಭೀರವಾಗಿರಿ. ಆರೋಗ್ಯ ಸುಧಾರಣೆ ಆಗಲಿದೆ. ಅನಗತ್ಯ ಚಿಂತೆ ಒಳ್ಳೆಯದಲ್ಲ. ಕುಂಭ ರಾಶಿ: ನಿಮ್ಮ ಕೆಲಸ ಕಾರ್ಯಗಳು ಸರಾಗವಾಗಿ ಸಾಗಲಿದೆ. ಕೌಟುಂಬಿಕ ವಿಷಯಗಳಿಗೆ ಒತ್ತು ಕೊಡಿ. ಸ್ನೇಹಿತರು ಹಾಗೂ ಸಂಬoಧಿಕರನ್ನು ಗೌರವಿಸಿ. ಮೀನ ರಾಶಿ: ನೂತನ ಯೋಜನೆಗಳಲ್ಲಿ ನಿಮ್ಮ ಜವಾಬ್ದಾರಿ ಹೆಚ್ಚಲಿದೆ. ಹಣಕಾಸು ಪ್ರಗತಿ ಆಗಲಿದೆ. ಕಲಿಕೆಗೆ ಉತ್ತಮ ದಿನವಾಗಿದೆ.
- [ಪಾರ್ಟಿಗೆ ಕರೆದು ಕೊಲೆ ಮಾಡಿದರು!](https://mobiletime.in/2025/10/they-invited-him-to-a-party-and-murdered-him/): ಯಲ್ಲಾಪುರ-ಅಂಕೋಲಾದ ಕೈಗಾಡಿ ಹೊಳೆಯಲ್ಲಿ ಶವವಾಗಿದ್ದ ಸಾಗರ ದೇವಾಡಿಗ ಅವರ ಪ್ರಕರಣ ಹೊಸ ತಿರುವುಪಡೆದಿದೆ. `ಸಾಗರ ದೇವಾಡಿಗ ಅವರನ್ನು ಸ್ನೇಹಿತರೆಲ್ಲರೂ ಸೇರಿ ಕೊಲೆ ಮಾಡಿದ್ದಾರೆ’ ಎಂದು ಸಾಗರ್ ದೇವಾಡಿಗ ಅವರ ತಂದೆ ರಾಮಾ ದೇವಾಡಿಗ ದೂರಿದ್ದಾರೆ. ಕೊಲೆ ಪ್ರಕರಣ ದಾಖಲಿಸದ ಅಂಕೋಲಾ ಪೊಲೀಸರ ವಿರುದ್ಧವೂ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಸ್ನೇಹಿತರ ಹುಟ್ಟುಹಬ್ಬ ಆಚರಣೆಗಾಗಿ ಯಲ್ಲಾಪುರ ಪಟ್ಟಣದ ಸಬಗೇರಿಯ ಸಾಗರ ದೇವಾಡಿಗ ಅವರು ಕೈಗಡಿ ಹೊಳೆ ಬಳಿ ಹೋದಾಗ ಕಾಲು ಜಾರಿ ಬಿದ್ದ ಅನುಮಾನವಿತ್ತು. 3 ದಿನದ ನಂತರ ಅವರ ಶವ ಸಿಕ್ಕಿತ್ತು. ಆದರೆ ಇದೀಗ ಸಾಗರ ದೇವಾಡಿಗ ಅವರ ತಂದೆ `ತನ್ನ ಮಗ ಸಹಜವಾಗಿ ಸತ್ತಿಲ್ಲ. ಬರ್ತಡೆ ಪಾರ್ಟಿ ನೆಪದಲ್ಲಿ ಸ್ನೇಹಿತರೇ ಕೊಲೆ ಮಾಡಿದ್ದಾರೆ’ ಎಂದು ಹೇಳಿದ್ದಾರೆ. ಈ ಬಗ್ಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಿಗೆ ಲಿಖಿತ ದೂರು ನೀಡಿದ್ದಾರೆ. `ಅಕ್ಟೋಬರ್ 7ರಂದು ಸಾಗರ ದೇವಾಡಿಗ ಅವರಿಗೆ ಪುನಿತ್ ಅಶೋಕ ಗೊಂದಳೆ ಅವರು ಕರೆ ಮಾಡಿ, `ನನ್ನ ಹುಟ್ಟುಹಬ್ಬ ಇದೆ. ಕವಡಿಕೆರೆ ಬಳಿ ಪಾರ್ಟಿ ಮಾಡೋಣ ಬಾ’ ಎಂದಿದ್ದರು. ಪಾರ್ಟಿಗೆ ಕವಡಿಕೆರೆಗೆ ಹೋಗಬೇಕಿದ್ದ ಸಾಗರ ದೇವಾಡಿಗ ಕೈಗಡಿಗೆ ಹೋಗಿದ್ದು ಹೇಗೆ?’ ಎಂದು ರಾಮಾ ದೇವಾಡಿಗ ಪ್ರಶ್ನಿಸಿದ್ದಾರೆ. `ಆ ದಿನ ಮಧ್ಯಾಹ್ನ 3ಗಂಟೆಗೆ ಮನೆಗೆ ಮರಳಬೇಕಿದ್ದ ಸಾಗರ ದೇವಾಡಿಗ ಸಂಜೆ ಆದರೂ ಬರಲಿಲ್ಲ. 6 ಗಂಟೆ ವೇಳೆಗೆ ರವಿ ದೇವಾಡಿಗ ಫೋನ್ ಮಾಡಿ ಸಾಗರ ದೇವಾಡಿಗ ಅವರು ನೀರಿನಲ್ಲಿ ಕಾಣೆಯಾದ ವಿಷಯ ತಿಳಿಸಿದರು. ಅದಾದ ನಂತರ ಪುನೀತ ಗೊಂದಳೆ ಜೊತೆ ದಿನೇಶ ಪ್ರಭಾಕರ ನಾಯ್ಕ, ವಿನೋದ ಗೊಂದಳೆ, ನಾಗರಾಜ ಭಟ್ಟ, ರಾಹುಲ್ ಜೊತೆ ಸಾಗರ ದೇವಾಡಿಗ ತೆರಳಿರುವುದು ಗೊತ್ತಾಯಿತು. ಅವರ ಜೊತೆ ಇನ್ನಷ್ಟು ಜನ ಹುಡುಕಾಟ ನಡೆಸಿದ್ದು, ಅನತಿ ದೂರದಲ್ಲಿ ಆಗ ಸಾಗರ ದೇವಾಡಿಗ ಅವರ ಪ್ಯಾಂಟ್, ಕನ್ನಡಕ, ಶೂ ಕಾಣಿಸಿದೆ. ಅದಾಗಿ ಮೂರು ದಿನದ ನಂತರ ಶವ ಸಿಕ್ಕಿದೆ. ಸ್ನೇಹಿತರು ಪೊಲೀಸ್ ಠಾಣೆಯಲ್ಲಿ ನೀಡಿದ ಹೇಳಿಕೆಯಲ್ಲಿ ಸಾಗರ ದೇವಾಡಿಗ ಈಜಲು ನದಿಗೆ ಇಳಿದ ಬಗ್ಗೆ ಮಾಹಿತಿಯಿದ್ದು, ಸಾಗರ ದೇವಾಡಿಗ ಅವರಿಗೆ ಈಜಲು ಬರುತ್ತಿರಲಿಲ್ಲ’ ಎಂದವರು ವಿವರಿಸಿದ್ದಾರೆ. `5.30ಕ್ಕೆ ಸಾಗರ ದೇವಾಡಿಗ ನೀರಿನಲ್ಲಿ ಕಾಣೆಯಾದ ಬಗ್ಗೆ ಹೇಳಲಾಗಿದೆ. ಆದರೆ, 6 ಗಂಟೆ ಅವಧಿಗೆ ಸ್ನೇಹಿತರು ಪೊಲೀಸ್ ಹೇಳಿಕೆ ನೀಡಿದ್ದಾರೆ. ನೀರಿಗೆ ಮುಳುಗಿದ ಸ್ನೇಹಿತನ ಹುಡುಕಾಟ ನಡೆಸದೇ ಅರ್ದ ಗಂಟೆ ಅವಧಿಯಲ್ಲಿ ಪೊಲೀಸ್ ಠಾಣೆಗೆ ಬಂದು ಹೇಳಿಕೆ ನೀಡಿರುವುದು ಅನುಮಾನಕ್ಕೆ ಕಾರಣ’ ಎಂದು ರಾಮಾ ದೇವಾಡಿಗ ಅವರು ಹೇಳಿದ್ದಾರೆ. `ಎಲ್ಲರೂ ಸೇರಿ ಸಾಗರ ದೇವಾಡಿಗ ಅವರನ್ನು ನೀರಿಗೆ ದೂಡಿ ಕೊಲೆ ಮಾಡಿದ್ದಾರೆ’ ಎಂದು ದೂರಿದ್ದಾರೆ. `ಈ ಬಗ್ಗೆ ಅಂಕೋಲಾ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದರೂ ಅಲ್ಲಿನ ಪೊಲೀಸರು ದೂರು ಸ್ವೀಕರಿಸಿಲ್ಲ ಎಂದು ರಾಮಾ ದೇವಾಡಿಗ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ.
- [ಕೊನೆಗೂ ಸಿಕ್ಕಿಬಿದ್ದ ಹಾಸಣಗಿಯ ಕಳ್ಳ!](https://mobiletime.in/2025/10/the-thief-from-hassan-is-finally-caught/): ಯಲ್ಲಾಪುರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ನಿರಂತರ ಕಳ್ಳತನ ಮಾಡುತ್ತಿದ್ದ ಈಶ್ವರ ಸಿದ್ದಿ ಕೊನೆಗೂ ಸಿಕ್ಕಿಬಿದ್ದಿದ್ದು, ಆತನ ಬಳಿಯಿದ್ದ ಲಕ್ಷಾಂತರ ರೂ ಮೌಲ್ಯದ ಒಡವೆಗಳನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಯಲ್ಲಾಪುರದ ಹಾಸಣಗಿಯ ಮಡಿವಾಳಕೇರಿಯ ಈಶ್ವರ ಮಂಜುನಾಥ ಸಿದ್ಧಿ ಅವರು ಅನೇಕ ಮನೆಗಳಿಗೆ ಕನ್ನ ಹಾಕಿದ್ದರು. ಊರಿನ ಎಲ್ಲರಿಗೂ ಕಳ್ಳತನ ಮಾಡಿದ ವ್ಯಕ್ತಿಯ ಬಗ್ಗೆ ಅರಿವಿದ್ದರೂ ಕಳ್ಳನನ್ನು ಮಾತ್ರ ಹಿಡಿಯಲು ಸಾಧ್ಯವಾಗಿರಲಿಲ್ಲ. ಪೊಲೀಸರು ಈಶ್ವರ ಸಿದ್ದಿ ಹಿಡಿಯುವ ಪ್ರಯತ್ನ ಮಾಡಿದರೂ ಅದು ಫಲ ಕೊಟ್ಟಿರಲಿಲ್ಲ. ಹೀಗಾಗಿ ಮಂಚಿಕೇರಿ ಹಾಗೂ ಸುತ್ತಲಿನ ಭಾಗದ ಜನ ಪೊಲೀಸರ ವಿರುದ್ಧ ತಿರುಗಿಬಿದ್ದಿದ್ದರು. ಕಳ್ಳನನ್ನು ಹಿಡಿಯದೇ ಇದ್ದರೆ ಪ್ರತಿಭಟನೆ ನಡೆಸುವುದಾಗಿಯೂ ಎಚ್ಚರಿಸಿದ್ದರು. ಪ್ರತಿ ಬಾರಿ ಪೊಲೀಸರು ಹಿಡಿಯಲು ಹೋದಾಗಲು ಈಶ್ವರ ಸಿದ್ದಿ ಕಾಡಿನ ಕಡೆ ಓಡುತ್ತಿದ್ದರು. ಇಲ್ಲವೇ ಊರು ಬಿಟ್ಟು ಹೊರಡುತ್ತಿದ್ದರು. ನಾನಾ ತಂತ್ರಗಳನ್ನು ಪ್ರಯೋಗಿಸಿದರೂ ಅದು ಪ್ರಯೋಜನಕ್ಕೆ ಬಂದಿರಲಿಲ್ಲ. ಈಶ್ವರ ಸಿದ್ದಿ ವಿರುದ್ಧ ನಾಲ್ಕು ಕಳ್ಳತನ ಪ್ರಕರಣಗಳಿದ್ದು, ಅವೆಲ್ಲವೂ ಹಗಲಿನಲ್ಲಿಯೇ ನಡೆದದ್ದಾಗಿದ್ದವು. ಪೊಲೀಸ್ ಠಾಣೆಯ ಸಮೀಪವೇ ನಡೆದ ಕಳ್ಳತನ ಪ್ರಕರಣದಲ್ಲಿಯೂ ಈಶ್ವರ ಸಿದ್ಧಿ ಅವರ ಬಂಧನ ಸಾಧ್ಯವಾಗಿರಲಿಲ್ಲ. ಈ ಎಲ್ಲಾ ವಿಷಯ ಪೊಲೀಸರನ್ನು ಮುಜುಗರಕ್ಕೆ ಸಿಲುಕಿಸಿತ್ತು. ಒಳ್ಳೆಯ ಅಧಿಕಾರಿಗಳು ಎಂದು ಗುರುತಿಸಿಕೊಂಡವರ ಒಳ್ಳೆಯತನಕ್ಕೆ ಈಶ್ವರ ಸಿದ್ದಿ ಪ್ರಕರಣ ಕಪ್ಪು ಚುಕ್ಕೆ ಆಗಿತ್ತು. ಈ ಎಲ್ಲಾ ಹಿನ್ನಲೆ ಪೊಲೀಸರು ಈಶ್ವರ ಸಿದ್ದಿ ಬಂಧನಕ್ಕೆ ವಿಶೇಷ ತಂಡ ರಚಿಸಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ತಮ್ಮ ತಂಡ ಸಿದ್ಧಪಡಿಸಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಜಗದೀಶ ಎಂ ಹಾಗೂ ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಈಶ್ವರ ಸಿದ್ದಿ ಬಂಧನಕ್ಕೆ ಕಾರ್ಯತಂತ್ರ ರಚಿಸಿದರು. ಅಕ್ಟೊಬರ್ 17ರಂದು ಈಶ್ವರ ಸಿದ್ದಿ ಅಂಕೋಲಾದ ಬಾಳೆಗುಳಿ ಕ್ರಾಸಿನ ಬಳಿ ಅಲೆದಾಡುತ್ತಿದ್ದರು. ಯಲ್ಲಾಪುರ ಪಿಐ ರಮೇಶ ಹಾನಾಪುರ, ಪಿಎಸ್‌ಐ ರಾಜಶೇಖರ ವಂದಲಿ, ಮಹಾವೀರ ಕಾಂಬಳೆ. ಸಿದ್ದಪ್ಪ ಗುಡಿ ಹಾಗೂ ಶೇಡಜಿ ಚೌಹಾಣ್ ಅವರ ಜೊತೆ ಪೊಲೀಸ್ ಸಿಬ್ಬಂದಿ ಬಸವರಾಜ ಹಗೇರಿ, ಮಹಮದ್ ಶಫಿ, ಶೋಭಾ ನಾಯ್ಕ, ಗಿರೀಶ ಲಮಾಣಿ, ಪರಮೇಶ್ವರ, ರೇಖಾ ಎಂ ಸೇರಿ ಈಶ್ವರ ಸಿದ್ದಿ ಮೇಲೆ ದಾಳಿ ಮಾಡಿದರು. ಅಲ್ಲಿಯೇ ಈಶ್ವರ ಸಿದ್ದಿ ಅವರನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದರು. ಈ ವೇಳೆ ಈಶ್ವರ ಸಿದ್ದಿ ಅವರ 18 ಲಕ್ಷ ರೂ ಮೌಲ್ಯದ 137 ಗ್ರಾಂ ಚಿನ್ನದ ಆಭರಣಗಳು ಸಿಕ್ಕಿದವು. ಅದರೊಂದಿಗೆ 80 ಸಾವಿರ ರೂ ಮೌಲ್ಯದ ಸ್ಕೂಟಿಯೊಂದನ್ನು ಪೊಲೀಸರು ವಶಕ್ಕೆಪಡೆದರು.
- [ಆರ್ಥಿಕ ಸಂಕಷ್ಟ: ಸರ್ಕಾರದಿಂದಲೇ ಸಮಾಪನೆಗೆ ಸಿದ್ಧವಾದ ಸಹಕಾರಿ ಸಂಘ!](https://mobiletime.in/2025/10/financial-distress-cooperative-society-ready-to-be-liquidated-by-the-government-itself/): ಆರ್ಥಿಕ ಸಂಕಷ್ಟ ಹಾಗೂ ಸರ್ಕಾರಿ ನಿಯಮ ಉಲ್ಲಂಘನೆ ಕಾರಣದಿಂದ ಅಂಕೋಲಾದ ಶ್ರೀ ವಿನಾಯಕ ಸೌಹಾರ್ದ ಪತ್ತಿನ ಸಹಕಾರಿ ನಿಯಮಿತದ ಬಾಗಿಲು ಮುಚ್ಚಿದೆ. ಈ ಸಂಘವನ್ನು ಸಂಪೂರ್ಣವಾಗಿ ಸಮಾಪನೆಗೊಳಿಸಲು ಸರ್ಕಾರ ಮುಂದಾಗಿದೆ. ಅoಕೋಲಾದ ಕಾಕರಮಠ ರಸ್ತೆಯಲ್ಲಿ ಶ್ರೀ ವಿನಾಯಕ ಸೌಹಾರ್ದ ಪತ್ತಿನ ಸಹಕಾರಿ ಸಂಘ ಕೆಲಸ ನಿರ್ವಹಿಸುತ್ತಿತ್ತು. ಕರ್ನಾಟಕ ರಾಜ್ಯ ಸೌಹರ್ದ ಸಹಕಾರಿ ಸಂಘಗಳ ಕಾಯ್ದೆ 1997 ರಡಿಯಲ್ಲಿ ಈ ಸಂಘ ನೋಂದಣಿಯೂ ಆಗಿತ್ತು. 2004ರ ಅವಧಿಯಲ್ಲಿ ನೋಂದಣಿ ಆದ ಸಂಘ ಆರ್ಥಿಕ ಶಿಸ್ತು ಕಾಪಾಡಿರಲಿಲ್ಲ. ಜೊತೆಗೆ ಸಂಘದ ಬೈಲಾಗಳನ್ನು ಸರಿಯಾಗಿ ನಿರ್ವಹಣೆ ಮಾಡಿರಲಿಲ್ಲ. ಈ ಸಹಕಾರಿಯು ಬೈಲಾ ರೀತಿಯಂತೆ ಕಾರ್ಯನಿರ್ವಹಿಸದಿರುವುದು ಸರ್ಕಾರದ ಗಮನಕ್ಕೂ ಬಂದಿತ್ತು. ಅದಾದ ನಂತರ ಸಂಘವೇ ತನ್ನ ಕಾರ್ಯಚಟುವಟಿಕೆಯನ್ನು ಸ್ಥಗಿತಗೊಳಿಸಿತ್ತು. ಈ ಹಿನ್ನಲೆ ಸರ್ಕಾರವೇ ಸದ್ಯ ಅಂಕೋಲಾದ ಶ್ರೀ ವಿನಾಯಕ ಸೌಹಾರ್ದ ಪತ್ತಿನ ಸಹಕಾರಿ ನಿಯಮಿತದ ಸಮಾಪನೆಗೆ ಮುಂದಾಗಿದೆ. ಈ ಬಗ್ಗೆ ಸಾರ್ವಜನಿಕರಿಗೆ ಹಾಗೂ ಸಂಘದ ಸದಸ್ಯರಿಗೆ ಮಾಹಿತಿಯನ್ನು ರವಾನಿಸಿದೆ. ಅಂಕೋಲಾದ ಶ್ರೀ ವಿನಾಯಕ ಸೌಹಾರ್ದ ಪತ್ತಿನ ಸಹಕಾರಿ ಸಂಘವೂ ಕುಮಟಾ ಉಪವಿಭಾಗದ ವ್ಯಾಪ್ತಿಯಲ್ಲಿ ಬರುತ್ತದೆ. ಹೀಗಾಗಿ ಅಲ್ಲಿನ ಸಹಕಾರ ಸಂಘಗಳ ಸಹಾಯಕ ನಿಬಂಧಕರು ಪ್ರಕಟಣೆ ನೀಡಿದ್ದು, ಅದರ ಮೂಲಕ ಸಂಘದ ಸಮಾಪನೆ ಬಗ್ಗೆ ಆಕ್ಷಪಣೆ ಇದ್ದರೆ ಸಲ್ಲಿಸಲು ಅವಕಾಶ ನೀಡಿದ್ದಾರೆ. ಆಕ್ಷೇಪಣೆ ಸಲ್ಲಿಸಲು ಸಹ ಅಕ್ಟೊಬರ್ 30 ಕೊನೆ ದಿನ. ಸಹಕಾರ ಸಂಘಗಳ ಸಹಾಯಕ ನಿಬಂಧಕರು, ಕುಮಟಾ ಉಪ ವಿಭಾಗ ಕಚೇರಿಗೆ ದಾಖಲೆಗಳೊಂದಿಗೆ ಆಕ್ಷೆಪಣೆ ಸಲ್ಲಿಸಲು ಕೊನೆಯ ಅವಕಾಶ ನೀಡಲಾಗಿದೆ.
- [ಅಕ್ರಮ ಆಟಕ್ಕೆ ಅನುಮತಿ ಕೋರಿದ ಅಧ್ಯಕ್ಷ!](https://mobiletime.in/2025/10/the-president-sought-permission-for-an-illegal-game/): ಅಂದರ್ ಬಾಹರ್, ಕುಟುಕುಟಿ ಮಂಡಳ ಸೇರಿ ವಿವಿಧ ಕಾನೂನುಬಾಹಿರ ಆಟಗಳಿಗೆ ಅವಕಾಶ ಕೊಡಬೇಕು ಎಂದು ಸಂಘಟನೆಯೊoದು ಪೊಲೀಸ್ ಅಧೀಕ್ಷಕರಿಗೆ ಪತ್ರ ರವಾನಿಸಿದೆ. `ಈ ಆಟಗಳಿಗೆ ಅವಕಾಶ ಕೊಡದೇ ಜಾತ್ರೆ-ಉತ್ಸವಗಳಿಗೆ ಸಹ ಅನುಮತಿ ಕೊಡಬಾರದು’ ಎಂದು ಆ ಸಂಘಟನೆ ಒತ್ತಾಯಿಸಿದೆ! ಕುಮಟಾದಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಉತ್ತರ ಕನ್ನಡ ಜಿಲ್ಲಾ ಶ್ರಮಜೀವಿ ಕಟ್ಟಡ ಮತ್ತು ಇತರೆ ನಿರ್ಮಾಣ ಹಾಗೂ ಅಸಂಘಟಿತ ಕಾರ್ಮಿಕರ ಸಂಘ ಪೊಲೀಸರ ಮುಂದೆ ಇಂಥಹದೊAದು ವಿಚಿತ್ರ ಬೇಡಿಕೆಯಿಟ್ಟಿದೆ. ಸಂಘದ ಜಿಲ್ಲಾಧ್ಯಕ್ಷ ಮಂಜು ಜೈನ್ ಅವರು ಕುಮಟಾ ಪೊಲೀಸ್ ವೃತ್ತ ನಿರೀಕ್ಷಕರ ಮೂಲಕ ಪೊಲೀಸ್ ಅಧೀಕ್ಷಕರಿಗೆ ಈ ಪತ್ರ ಕೊಡಲು ಮುಂದಾಗಿದ್ದಾರೆ. `ದೀಪಾವಳಿ ಹಬ್ಬದ ಅವಧಿಯಲ್ಲಾದರೂ ಈ ಆಟಗಳಿಗೆ ಮುಕ್ತ ಅವಕಾಶ ಕೊಡಬೇಕು. ಸಾಂಪ್ರದಾಯಿಕ ಆಟಗಳಾದ ಹೊಂಡೆ, ಕಲರ್ ಚಾಯ್ಸ, ಸೋಲಕಾಯಿಗಳಿಗೂ ತೊಂದರೆ ಕೊಡಬಾರದು’ ಎಂದು ಈ ಸಂಘಟನೆಯವರು ಕೇಳಿಕೊಂಡಿದ್ದಾರೆ. `ಅಕ್ಟೊಬರ್ 19ರಿಂದ 22ರವರೆಗೆ ದೀಪಾವಳಿ ಹಬ್ಬದ ಪ್ರಯುಕ್ತ ಈ ಎಲ್ಲಾ ಬಗೆಯ ಜೂಜಾಟಗಳಿಗೆ ಅವಕಾಶ ಕೊಡಿ’ ಎಂದು ಮನವಿ ಮಾಡಿದ್ದಾರೆ. `ಒಂದಾನು ವೇಳೆ ಇದಕ್ಕೆ ಅವಕಾಶ ಕೊಡದೇ ಇದ್ದರೆ ಕುಮಟಾ ಹಬ್ಬ, ಜಾತ್ರೆ ಉತ್ಸವಕ್ಕೂ ಅನುಮತಿ ಕೊಡಬೇಡಿ’ ಎಂದು ಹೇಳಿದ್ದಾರೆ. `ನಾವು ಸೂಚಿಸಿದ ಆಟಗಳಿಗೆ ಅನುಮತಿ ಕೊಡದೇ ಉತ್ಸವ-ಜಾತ್ರೆಗಳಿಗೆ ಮಾತ್ರ ಅನುಮತಿ ಕೊಟ್ಟರೆ ಉಗ್ರ ಹೋರಾಟ ನಡೆಸುವುದಾಗಿಯೂ ಸಂಘಟನೆಯ ಅಧ್ಯಕ್ಷ ಮಂಜು ಜೈನ್ ಜೊತೆ ಎಂ ಉಮೇಶ, ದಾಮೋದರ ಉಪ್ಪಾರ್ ಇನ್ನಿತರರು ಎಚ್ಚರಿಸಿದ್ದಾರೆ! ಅಕ್ರಮ ಆಟಕ್ಕೆ ಅನುಮತಿ ಕೋರಿದವರು ಹೇಳಿದ್ದೇನು? ವಿಡಿಯೋ ನೋಡಿ..
- [ಕೆಲಸ ಕೊಟ್ಟವರು ಸಂಬಳ ಕೊಡಲಿಲ್ಲ: ದೀಪಾವಳಿ ಹಬ್ಬಕ್ಕೂ ದುಡ್ಡಿಲ್ಲ!](https://mobiletime.in/2025/10/the-employer-did-not-pay-the-salary-no-money-even-for-diwali/): ಕಾರವಾರದ ಕಿಮ್ಸ್ ಒಳಗೆ ಡಿ ದರ್ಜೆಯ ನೌಕರರಾಗಿ ಅಂಕೋಲಾದ ಸ್ಕಾಯ್‌ಲೈನ್ ಎಂಟರ್ ಪ್ರೈಸಸ್ ಮೂಲಕ ನೇಮಕವಾದ ಅಸ್ನೋಟಿಯ ಕಿಶನ್ ವಾರಿಕ್ ಅವರಿಗೆ ಎಜನ್ಸಿಯವರು ಸಮಯಕ್ಕೆ ಸರಿಯಾಗಿ ಸಂಬಳ ಕೊಟ್ಟಿಲ್ಲ. ಪ್ರಶ್ನಿಸಿದರೆ 2 ಲಕ್ಷ ರೂ ಮೌಲ್ಯದ ಡಿಸೇಲ್ ಕದ್ದ ಅಪವಾದ ಹೋರಿಸುತ್ತಿದ್ದು, ಇದರಿಂದ ಮನನೊಂದ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದ್ದಾರೆ! ಡಿ ದರ್ಜೆಯ ನೌಕರರಿಗೆ ಡ್ರೈವಿಂಗ್ ಕೆಲಸ ಕೊಟ್ಟಿದ್ದು ಮೊದಲ ಅಪರಾಧ. ಅದಾಗಿಯೂ ಸಮಯಕ್ಕೆ ಸರಿಯಾಗಿ ಸಂಬಳ ಕೊಡದೇ ಕೆಲಸಗಾರನ ಮೇಲೆ ಕಳ್ಳತನದ ಆರೋಪ ಹೋರಿಸಿದ್ದು ಮತ್ತೊಂದು ವಿವಾದ. ಡಿ ದರ್ಜೆಯ ನೌಕರರಾದ ಕಿಶನ್ ವಾರಿಕ್ ಅವರನ್ನು 2020ರಿಂದ ಜಿಲ್ಲಾ ಸರ್ಜನ್ ಅವರ ವಾಹನ ಚಾಲಕರಾಗಿ ದುಡಿಸಿಕೊಳ್ಳಲಾಗುತ್ತಿದೆ. ಸಂಬಳದ ವಿಷಯದಲ್ಲಿ ಸಾಕಷ್ಟು ಸಮಸ್ಯೆ ಅನುಭವಿಸಿದರೂ ಕಿಶನ್ ವಾರಿಕ್ ಅವರು ಅದನ್ನು ಸಹಿಸಿಕೊಂಡು ಕೆಲಸ ಮಾಡುತ್ತಿದ್ದಾರೆ. ಅದಾಗಿಯೂ ಕಳೆದ ಮೂರು ತಿಂಗಳಿನಿoದ ಅವರಿಗೆ ಎಜನ್ಸಿಯವರು ವೇತನ ಕೊಡದೇ ಕಾಡಿಸುತ್ತಿದ್ದಾರೆ. ಸಂಬಳ ಆಗದ ಬಗ್ಗೆ ಕಿಶನ್ ವಾರಿಕ್ ಅವರು ಕಿಮ್ಸ ನಿರ್ದೇಶಕಿ ಡಾ ಪೂರ್ಣಿಮಾ ಅವರನ್ನು ಪ್ರಶ್ನಿಸಿದ್ದಾರೆ. ಆದರೆ, `ಎಜನ್ಸಿ ಮೂಲಕ ನೇಮಕವಾದವರಿಗೆ ವೇತನ ಪಾವತಿಸುವುದು ನಮಗೆ ಸಂಬoಧಿಸಿದಲ್ಲ’ ಎಂದು ಪೂರ್ಣಿಮಾ ಅವರು ಹೇಳುತ್ತಾರೆ. ಅಂಕೋಲಾದ ಸ್ಕಾಯ್‌ಲೈನ್ ಎಂಟರ್ ಪ್ರೈಸಸ್ ಎಜನ್ಸಿಯವರನ್ನು ಪ್ರಶ್ನಿಸಿದರೆ 2 ಲಕ್ಷ ರೂ ಮೌಲ್ಯದ ಡಿಸೇಲ್ ಕದ್ದಿದ್ದು, ಆ ಹಣ ಪಾವತಿಸಿದರೆ ಮೂರು ಕಾಸಿನ ಸಂಬಳ ಕೊಡುವುದಾಗಿ ಹೇಳುತ್ತಾರೆ. ಜಿಲ್ಲಾ ಸರ್ಜನ್ ವಾಹನಕ್ಕೆ 2 ಲಕ್ಷ ರೂ ಮೌಲ್ಯದ ಡಿಸೇಲ್ ಒಟ್ಟಿಗೆ ಹಾಕಲು ಸಾಧ್ಯವಿಲ್ಲ. ಸರ್ಕಾರಿ ವಾಹನದಲ್ಲಿನ ಡಿಸೇಲ್ ನಿಜವಾಗಿಯೂ ಕಳ್ಳತನ ನಡೆದಿದ್ದರೆ ಆ ಬಗ್ಗೆ ಪೊಲೀಸ್ ದೂರು ದಾಖಲಿಸಿದವರಿಲ್ಲ. ಕಿಶನ್ ವಾರಿಕ್ ಅವರಿಗೆ ಓದು-ಬರಹ ಬರಲ್ಲ. ಹೀಗಾಗಿ ಅವರು ಡಿ ದರ್ಜೆಯ ಕೆಲಸಕ್ಕೆ ಮಾತ್ರ ಯೋಗ್ಯರಾಗಿದ್ದು, ವಾಹನ ಓಡಿಸುವ ಕೌಶಲ್ಯ ಹೊಂದಿದ್ದಾರೆ. ಆದರೆ, ಸರ್ಕಾರಿ ವಾಹನದ ಲಾಗ್ ಬುಕ್ ಬರೆಯುವುದು-ಮೀಟರ್ ಓದುವುದು ಅವರಿಗೆ ಅರಿವಿಲ್ಲ. ಹೀಗಿರುವಾಗ ಅವರ ಮೇಲೆ ಬಂದ 2 ಲಕ್ಷ ರೂ ಮೌಲ್ಯದ ಅಪವಾದವೇ ದೊಡ್ಡ ಹೊರೆಯಾಗಿದೆ. ಸಂಬಳ ಸಿಗದ ಕಾರಣ ದೀಪಾವಳಿ ಆಚರಣೆಯೂ ಕತ್ತಲೆಯಿಂದ ಕೂಡಿದೆ. ಈ ನಡುವೆ ಕಿಶನ್ ವರಕ್ ಅವರನ್ನು ಏಕಾಏಕಿ ಕೆಲಸದಿಂದಲೇ ತೆಗೆಯಲಾಗಿದೆ. ಆತ್ಮಹತ್ಯೆಗೆ ನಿರ್ಧರಿಸಿದ್ದ ಕಿಶನ್ ವರಕ್ ಅವರು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರನ್ನು ಭೇಟಿ ಮಾಡಿದ್ದು, ಮಾಧವ ನಾಯಕ ಅವರು ಕಾರ್ಮಿಕ ನಿರೀಕ್ಷಕರಿಗೆ ಫೋನ್ ಮಾಡಿದ್ದಾರೆ. ಕಾರ್ಮಿಕ ನಿರೀಕ್ಷಕ ವೆಂಕಟೇಶ ಬಾಬು ಅವರು ಕಿಶನ್ ವರಕ್ ಅವರಿಗೆ ಸಮಾಧಾನ ಮಾಡಿ ಧೈರ್ಯ ಹೇಳಿದ್ದಾರೆ. ಹೀಗಾಗಿ ಕಿಶನ್ ವರಕ್ ಅವರು ಆತ್ಮಹತ್ಯೆ ನಿರ್ಧಾರದಿಂದ ಹಿಂದೆ ಸರಿದಿದ್ದು, ನ್ಯಾಯಕ್ಕಾಗಿ ಹೋರಾಟ ನಡೆಸುತ್ತಿದ್ದಾರೆ. ಕಿಶನ್ ವರಕ್ ಅವರು ಹೇಳಿದ್ದೇನು? ವಿಡಿಯೋ ಇಲ್ಲಿ ನೋಡಿ..
- [ಹಸಿರು ದೀಪಾವಳಿ: ಹ್ಯಾಪಿ ದೀಪಾವಳಿ!](https://mobiletime.in/2025/10/green-diwali-happy-diwali/): ಉತ್ತರ ಕನ್ನಡ ಜಿಲ್ಲೆಯ ಜನತೆಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ದೀಪಾವಳಿ ಶುಭಾಷಯ ಕೋರಿದ್ದಾರೆ. ಜೊತೆಗೆ `ಹಸಿರು ಪಟಾಕಿಗಳನ್ನು ಮಾತ್ರ ಬಳಸಿ’ ಎಂದು ಅವರು ಕರೆ ನೀಡಿದ್ದಾರೆ. ಅದರಲ್ಲಿಯೂ `ಸರ್ಕಾರ ಸೂಚಿಸಿದ ಸಮಯದಲ್ಲಿ ಮಾತ್ರ ಪಟಾಕಿ ಬಳಸಿ’ ಎಂದವರು ಮನವಿ ಮಾಡಿದ್ದಾರೆ. `ಪ್ರತಿ ವರ್ಷವು ದೀಪಾವಳಿ ಹಬ್ಬವನ್ನು ಸಂಪ್ರಾದಾಯಿಕವಾಗಿ ದೇಶದಾದ್ಯಂತ ಆಚರಿಸಲಾಗುತ್ತಿದೆ. ದೀಪಾವಳಿ ಹಬ್ಬವನ್ನು ದೀಪಗಳ ಸಾಲಿನ ಮೂಲಕ ಆಚರಿಸಿ ಮನಸ್ಸಿನ ಕತ್ತಲನ್ನು ಹೊರದೂಡಿ ಬೆಳಕಿನಡೆಗೆ ಸಾಗುವ ಸಂದೇಶವನ್ನು ಸಾರುವುದು ಸಾಮಾನ್ಯವಾಗಿತ್ತು. ಈ ಬಾರಿಯ ದೀಪಾವಳಿಯ ಹಬ್ಬವನ್ನು ಅದಷ್ಟು ದೀಪಗಳನ್ನು ಬೆಳಗಿಸಿ ಸಂಭ್ರಮಿಸೋಣ. ಮಾಲಿನ್ಯರಹಿತ ದೀಪಾವಳಿ ಹಬ್ಬ ಆಚರಿಸೋಣ’ ಎಂದವರು ಕರೆ ನೀಡಿದ್ದಾರೆ. `ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ನಿಷೇಧಿತ ಪಟಾಕಿಗಳನ್ನು ಸಿಡಿಸಬೇಡಿ. ಪಟಾಕಿ ಸಿಡಿಸಿದರೆ ಶಬ್ದ ಮಾಲಿನ್ಯ, ವಾಯು ಮಾಲಿನ್ಯ ಹಾಗೂ ಘನತ್ಯಾಜ್ಯ ಉತ್ಪಾದನೆಯಾಗಿ ಪರಿಸರ ಮಾಲಿನ್ಯ ಹೆಚ್ಚಾಗುತ್ತದೆ’ ಎಂಬುದನ್ನು ಜಿಲ್ಲಾಧಿಕಾರಿಗಳು ನೆನಪಿಸಿದ್ದಾರೆ. `ದೀಪಾವಳಿ ಹಬ್ಬದ ಆಚರಣೆಯ ಸಂದರ್ಭದಲ್ಲಿ ಕೇವಲ ಹಸಿರು ಪಟಾಕಿಗಳನ್ನು ಮಾತ್ರ ಬಳಸಬೇಕು. ಅದನ್ನು ಯಾವುದೇ ಪ್ರಾಣಿ, ಪಕ್ಷಿಗಳು, ಮಕ್ಕಳು ಹಾಗೂ ವೃದ್ಧರಿಗೆ ತೊಂದರೆಯಾಗದAತೆ ಮುನ್ನಚ್ಚರಿಕೆವಹಿಸಬೇಕು. ಆಸ್ಪತ್ರೆ, ಶಿಕ್ಷಣ ಸಂಸ್ಥೆ, ವೃದ್ಧ ಹಾಗೂ ಅನಾಥಾಶ್ರಮಗಳ ಸುತ್ತಮುತ್ತ ಪಟಾಕಿ ಸಿಡಿಸುವುದನ್ನು ನಿಷೇಧಿಸಿದೆ’ ಎಂದವರು ಅರಿವು ಮೂಡಿಸಿದ್ದಾರೆ. `ಪಟಾಕಿ ಸಿಡಿತದಿಂದ ಬರುವ ಹೊಗೆ ಅಸ್ತಮಾ ರೋಗಿಗಳು ಹೃದ್ರೋಗಿಗಳು, ವಯೋವೃದ್ಧರು, ಚಿಕ್ಕ ಮಕ್ಕಳ ಆರೋಗ್ಯದ ಮೇಲೆ ದುಷ್ಪರಿಣಾಮ ಉಂಟುಮಾಡುತ್ತದೆ. ಹೀಗಾಗಿ ಎಲ್ಲಾ ಪಟಾಕಿ ಮಾರಾಟ ಮಾಡುವ ಮಳಿಗೆಗಳಿಗೆ ಕೇವಲ ಹಸಿರು ಪಟಾಕಿಗಳನ್ನು ಮಾತ್ರ ಮಾರಾಟ ಮಾಡಬೇಕು. ಸಾರ್ವಜನಿಕರು ಖರೀದಿಸುವ ಮುನ್ನ ಪಟಾಕಿಯ ಮೇಲಿರುವ ಹಸಿರು ಚಿಹ್ನೆಗಳನ್ನು ಪರೀಕ್ಷಿಸಬೇಕು. ಪಟಾಕಿಯನ್ನು ಸಿಡಿಸುವ ಸಂದರ್ಭದಲ್ಲಿ ಚಿಕ್ಕ ಮಕ್ಕಳ ಜೊತೆ ಪೋಷಕರು ಇದ್ದು, ಅವಘಡಗಳು ನಡೆಯದಂತೆ ನೋಡಿಕೊಳ್ಳಬೇಕು’ ಎಂದವರು ಮನವಿ ಮಾಡಿದ್ದಾರೆ. ನೀವು ಖರೀದಿಸುವ ಪಟಾಕಿಯಲ್ಲಿ ಈ ಚಿಹ್ನೆ ಇದ್ದರೆ ಮಾತ್ರ ಅದು ಹಸಿರು ಪಟಾಕಿ
- [ಅರೆಬರೆಯಾಗಿ ನಡೆದ ಆಪರೇಶನ್ ಹಂದಿ ಕಾರ್ಯಾಚರಣೆ!](https://mobiletime.in/2025/10/operation-handi-was-a-half-baked-operation/): ಮುಂಡಗೋಡು ಪಟ್ಟಣದ ಎಲ್ಲಡೆ ಹಂದಿ ಹಾವಳಿ ಹೆಚ್ಚಾಗಿದೆ. ಬೇರೆ ಬೇರೆ ಊರಿನಿಂದ ಇಲ್ಲಿ ಹಂದಿ ತಂದು ಬಿಡಲಾಗುತ್ತಿದ್ದು, ಅಂಥ ಹಂದಿಗಳನ್ನು ಹಿಡಿದು ಬೇರೆಡೆ ಸಾಗಿಸುವ ಕೆಲಸ ಶುರುವಾಗಿದೆ. ಮುಂಡಗೋಡಿನ ಗಲ್ಲಿ ಗಲ್ಲಿಗಳಲ್ಲಿಯೂ ಹಂದಿಗಳಿವೆ. ಸ್ವಚ್ಚತೆಗೆ ಈ ಹಂದಿಗಳು ಮಾರಕವಾಗಿರುವ ಬಗ್ಗೆ ಜನ ದೂರುತ್ತಿದ್ದಾರೆ. ಜೊತೆಗೆ ವಿವಿಧ ವಾಹನಗಳಿಗೆ ಅಡ್ಡಬಂದು ಅವು ಅಪಘಾತಕ್ಕೂ ಕಾರಣವಾಗುತ್ತಿವೆ. ಈ ಎಲ್ಲಾ ಹಿನ್ನಲೆ ಪಟ್ಟಣ ಪಂಚಾಯತದವರು `ಆಪರೇಶನ್ ಹಂದಿ ಕಾರ್ಯಾಚರಣೆ’ ಶುರು ಮಾಡಿದ್ದಾರೆ. ಆದರೆ, ಇದಕ್ಕೆ ಹಂದಿ ಸಾಕಣಿಗೆ ಮಾಡುವವರು ವಿರೋಧವ್ಯಕ್ತಪಡಿಸಿದರು. ಅದಾಗಿಯೂ, ಪಟ್ಟಣ ಪಂಚಾಯತದವರು ಕೆಲ ಹಂದಿಗಳನ್ನು ಹಿಡಿದರು. ಅದನ್ನು ವಾಹನವೊಂದಕ್ಕೆ ತುಂಬಿಸಿ ಬೇರೆ ಕಡೆ ಕೊಂಡೊಯ್ದರು. `ಹಂದಿಗಳನ್ನು ಬೇರೆ ಕಡೆ ಸಾಗಿಸುವಂತೆ ಸೂಚನೆ ನೀಡಿದರೂ ಅದನ್ನು ಸಾಕುವವರು ಕೇಳಲಿಲ್ಲ. ಹೀಗಾಗಿ ಟೆಂಡರ್ ಕರೆದು ಅದರ ಸಾಗಾಟ ಕೆಲಸ ಮಾಡಿದ್ದೇವೆ’ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. `ಪಟ್ಟಣ ಪಂಚಾಯತದವರು ಹಂದಿ ಸಾಗಾಟಕ್ಕೆ ಸೂಕ್ತ ಸಮಯ ನೀಡಲಿಲ್ಲ. ಇನ್ನಷ್ಟು ದಿನ ಕಾಲಾವಕಾಶ ನೀಡಿದರೆ ನಾವೇ ಬೇರೆ ಕಡೆ ಸಾಗಿಸುತ್ತೇವೆ’ ಎಂದು ಸಾಕಾಣಿಕಾದಾರರು ಹೇಳಿದರು. `ಬೇರೆಯವರಿಗೆ ಹಂದಿ ಹಿಡಿಯಲು ಅವಕಾಶ ಕೊಡಬೇಡಿ’ ಎಂದು ಮನವಿ ಮಾಡಿದರು. `ಸಾರ್ವಜನಿಕರಿಗೆ ತೊಂದರೆ ನೀಡುವ ನಿಟ್ಟಿನಲ್ಲಿ ಸಾಕಷ್ಟು ಹಂದಿಗಳಿವೆ. ಹಂದಿಗಳ ಸಂಖ್ಯೆ ನಿಯಂತ್ರಣಕ್ಕೆ ಬರುವವರೆಗೂ ಕಾರ್ಯಾಚರಣೆ ನಡೆಯಲಿದೆ’ ಎಂದು ಪ ಪಂ ಮುಖ್ಯಾಧಿಕಾರಿ ಸಂತೋಷಕುಮಾರ ಎಚ್ ಹೇಳಿದ್ದಾರೆ.
- [ಇಂದಿರಾ ಕ್ಯಾಂಟೀನಿಗೆ ಅರೆಜೀವ!](https://mobiletime.in/2025/10/indira-canteen-is-half-dead/): ಅಂತೂ-ಇoತೂ ಎರಡು ತಿಂಗಳ ಹಿಂದೆ ಶಿರಸಿಯಲ್ಲಿ ಶುರುವಾದ ಇಂದಿರಾ ಕ್ಯಾಂಟಿನ್ ಮುಚ್ಚುವ ಹಂತ ತಲುಪಿದ್ದು, ಶುಕ್ರವಾರ ಬೆಳಗ್ಗೆ ಆರು ಗಂಟೆಗೆ ನಗರಸಭೆ ಅಧಿಕಾರಿಗಳು ಕ್ಯಾಂಟಿನ್ ಬಗಿಲು ತೆಗೆಸಿದ್ದಾರೆ. ಗುರುವಾರ ರಾತ್ರಿಯೇ ಖಾಲಿ ಆದ ಅಕ್ಕಿ-ಬೇಳೆ ಮೊದಲಾದ ಸಾಮಗ್ರಿಗಳನ್ನು ತರಿಸಿ ಸಮಸ್ಯೆಯನ್ನು ಸರಿಪಡಿಸಿದ್ದಾರೆ. ಅನೇಕ ವರ್ಷಗಳ ನಂತರ ಸರ್ಕಾರದ ಮಹತ್ವಾಕಾಂಕ್ಷೆ ಯೋಜನೆಗಳಲ್ಲಿ ಒಂದಾದ ಇಂದಿರಾ ಕ್ಯಾಂಟಿನ್ ಶಿರಸಿಯ ಐದು ಸರ್ಕಲ್ ಬಳಿ ಶುರುವಾಗಿದೆ. ಆದರೆ, ಶುರುವಾದ 60 ದಿನಗಳ ಒಳಗೆಯೇ ಕ್ಯಾಂಟಿನ್ ಸೊರಗಲು ಶುರುವಾಗಿದ್ದು, ಗುರುವಾರ ಸಂಜೆ ಇಲ್ಲಿ ದಿನಸಿ ಸಾಮಗ್ರಿಗಳ ಅಭಾವ ಕಾಣಿಸಿತು. ರಾತ್ರಿ ಊಟಕ್ಕೆ ಬಂದವರು ಅಕ್ಕಿ, ಬೆಳೆ, ತರಕಾರಿ, ಎಣ್ಣೆ ಖಾಲಿ ಆಗಿರುವುದನ್ನು ಗಮನಿಸಿದ್ದರು. ಬುಧವಾರವೇ ಅಕ್ಕಿ ಖಾಲಿ ಆಗದ ಕಾರಣ ಗುರುವಾರ ಬೆಳಗ್ಗೆ ಇಡ್ಲಿ ಸಹ ಸಿದ್ಧವಾಗಿರಲಿಲ್ಲ. ಶುಕ್ರವಾರ ಕ್ಯಾಂಟೀನ್ ಹೇಗೆ ಆರಂಭಿಸಬೇಕು? ಎನ್ನುವ ಚಿಂತೆಯಲ್ಲಿ ಅಲ್ಲಿನ ಕೆಲಸಗಾರರು ಮುಳುಗಿದ್ದರು. ಕ್ಯಾಂಟಿನಿನಲ್ಲಿ ಊಟ-ತಿಂಡಿ ಸಿಗದ ಕಾರಣ ಗ್ರಾಹಕರು ಬೇಸರದಲ್ಲಿದ್ದರು. ಕ್ಯಾಂಟಿನಿಗೆ ಸಾಮಗ್ರಿ ಪೂರೈಸುವ ಅಂಗಡಿಯವರಿಗೆ 25 ಸಾವಿರ ರೂ ಬಾಕಿಯಿರುವುದು ಗಮನಕ್ಕೆ ಬಂದಿತು. ಕಾಸು ಕೊಡದೇ ಸಾಮಗ್ರಿ ಪೂರೈಸುವುದಿಲ್ಲ ಎಂದು ಅಂಗಡಿಯವರು ಹೇಳಿದ್ದರಿಂದ ರಾತ್ರಿ ಊಟಕ್ಕೆ ಅನ್ನವಿರಲಿಲ್ಲ. ಗುರುವಾರ ಮಧ್ಯಾಹ್ನ ಮಾಡಿದ ಅನ್ನ ಮಾತ್ರ ಬಾಕಿಯಿದ್ದು, ರಾತ್ರಿ ಊಟಕ್ಕೆ ಅನ್ನವಿರಲಿಲ್ಲ. ಅಕ್ಕಿ, ಬೆಳೆ, ತರಕಾರಿ ಯವುದೇ ವಸ್ತು ಬಾರದೇ ಇದ್ದಿದ್ದರಿಂದ ಶುಕ್ರವಾರ ತಿಂಡಿ, ಅಡುಗೆಗೆ ಸಮಸ್ಯೆ ಕಾಡುತ್ತಿತ್ತು. ಜೊತೆಗೆ ಏಳು ಕೆಲಸಗಾರರ ಪೈಕಿ ಮೂವರು ಮಾತ್ರ ಕೆಲಸಕ್ಕಿದ್ದರು. ಪಾತ್ರೆ ತೊಳೆಯುವುದು, ಅಡುಗೆ ಮಾಡುವುದರಿಂದಹಿಡಿದು ಗುಡಿಸಿ ಒರೆಸುವವರೆಗೂ ಎಲ್ಲವನ್ನು ಅವರೇ ಮಾಡುತ್ತಿದ್ದರು. ಈ ಎಲ್ಲಾ ವಿಷಯಗಳ ಬಗ್ಗೆ ನಗರಸಭೆ ಅಧಿಕಾರಿಗಳ ಗಮನಕ್ಕೆ ಬಂದಿದ್ದು, ಕೂಡಲೇ ಅಧಿಕಾರಿಗಳು ಕ್ಯಾಂಟಿನ್’ಗೆ ಧಾವಿಸಿದರು. ರಾತ್ರಿಯೇ ಸಾಮಗ್ರಿಗಳನ್ನು ತರಿಸಿದ್ದು, ಯಾರಿಗೂ ಸಮಸ್ಯೆ ಆಗಬಾರದು ಎಂದು ಸೂಚಿಸಿದರು. ಜೊತೆಗೆ ಶುಕ್ರವಾರ ಬೆಳಗ್ಗೆ ಸಹ ಅಧಿಕಾರಿಗಳು ಆರು ಗಂಟೆಗೆ ಕ್ಯಾಂಟಿನ್ ಎದುರು ಹಾಜರಿದ್ದರು. ಅದಾಗಿಯೂ `ಮೊದಲಿದ್ದ ಗುಣಮಟ್ಟದ ಆಹಾರ ಈಗ ಸಿಗುತ್ತಿಲ್ಲ’ ಎಂದು ಖಾಯಂ ಗ್ರಾಹಕರು ಹೇಳಿದರು.
- [ಶಾಸಕರ ಕಾಲಿಗೆ ಬಿದ್ದ ಕಂದಾಯ ನಿರೀಕ್ಷಕ!](https://mobiletime.in/2025/10/revenue-inspector-falls-at-the-feet-of-mla/): ಶಾಸಕ ದಿನಕರ ಶೆಟ್ಟಿ ಹಾಗೂ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರ ಹೆಸರುಬರೆದು ಪರಾರಿಯಾಗಿದ್ದ ಕುಮಟಾ ಪುರಸಭೆ ಕಂದಾಯ ನಿರೀಕ್ಷಕ ವೆಂಕಟೇಶ ಆರ್ ಅವರು ಮರಳಿ ಬಂದಿದ್ದು, ಇದೀಗ ಅವರು ತಮ್ಮ ತಾಯಿ ಜೊತೆ ಶಾಸಕ ದಿನಕರ ಶೆಟ್ಟಿ ಅವರನ್ನು ಭೇಟಿ ಮಾಡಿದ್ದಾರೆ. `ನನ್ನನ್ನು ಕ್ಷಮಿಸಿಬಿಡಿ’ ಎಂದು ಶಾಸಕರಲ್ಲಿ ಮನವಿ ಮಾಡಿದ್ದಾರೆ. `ವೆಂಕಟೇಶ್ ಅವರ ಮುಖವನ್ನು ನೋಡಿಲ್ಲ. ಫೋನ್ ಸಹ ಮಾಡಿಲ್ಲ’ ಎಂದು ದಿನಕರ ಶೆಟ್ಟಿ ಮಾಧ್ಯಮದವರ ಮುಂದೆ ಹೇಳಿಕೆ ನೀಡಿದ ಬೆನ್ನಲ್ಲೆ ವೆಂಕಟೇಶ್ ಆರ್ ಅವರು ತಮ್ಮ ತಾಯಿ ಜೊತೆ ಶಾಸಕರನ್ನು ಭೇಟಿ ಮಾಡಿ ಮುಖ ಕಾಣಿಸಿದ್ದಾರೆ. ಭಟ್ಕಳದ ವೆಂಕಟೇಶ್ ಆರ್ ಅವರು ಕುಮಟಾ ಪುರಸಭೆಯಲ್ಲಿ ಕಂದಾಯ ನಿರೀಕ್ಷಕರಾಗಿದ್ದರು. ಅನುಕಂಪದ ಆಧಾರದಲ್ಲಿ ಅವರು ತಂದೆಯ ನೌಕರಿಪಡೆದಿದ್ದು, ಕಟ್ಟುನಿಟ್ಟಾಗಿ ಕೆಲಸ ಮಾಡಿಕೊಂಡಿದ್ದರು. ಅಕ್ರಮ ಕಟ್ಟಡವನ್ನು ಸಕ್ರಮಗೊಳಿಸುವ ಒತ್ತಡಕ್ಕೆ ಮಣಿಯದ ಅವರು ತಮ್ಮ ಮೇಲೆ ಒತ್ತಡ ತಂದ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರ ವಿರುದ್ಧ ಪತ್ರ ಬರೆದಿದ್ದರು. ಆ ಪತ್ರದಲ್ಲಿ ಶಾಸಕ ದಿನಕರ ಶೆಟ್ಟಿ ಅವರ ಹೆಸರನ್ನು ಸಹ ಉಲ್ಲೇಖಿಸಿದ್ದರು. ಅದಾದ ನಂತರ ವೆಂಕಟೇಶ್ ಆರ್ ಅವರು ಕಾಣೆಯಾಗಿದ್ದು, ಅನೇಕ ಗೊಂದಲಗಳಿಗೆ ಕಾರಣವಾಗಿತ್ತು. ವೆಂಕಟೇಶ ಆರ್ ಅವರ ತಾಯಿ ಆಶಾ ಹರಿಜನ ಅವರು ಮಗನ ಕಣ್ಮರೆ ಬಗ್ಗೆ ಹಾಗೂ ಮೇಲಧಿಕಾರಿಗಳು ನೀಡಿದ ಹಿಂಸೆ ಬಗ್ಗೆ ಎರಡು ಪೊಲೀಸ್ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ವೆಂಕಟೇಶ್ ಆರ್ ಅವರು ತಾಯಿಗೆ ಫೋನ್ ಮಾಡಿ ಸಮಾಧಾನ ಮಾಡಿದ್ದರು. ಫೋನ್ ಜಾಡು ಹಿಡಿದ ಪೊಲೀಸರು ವೆಂಕಟೇಶ್ ಅವರನ್ನು ಬೆಳಗಾವಿಯಲ್ಲಿ ಹುಡುಕಿ ಅವರನ್ನು ಕೇಂದ್ರಸ್ಥಾನಕ್ಕೆ ಕರೆತಂದಿದ್ದರು. ಈ ವಿಷಯ ಎಲ್ಲಡೆ ಚರ್ಚೆ ನಡೆದಿದ್ದು, ರಾಜಕೀಯ ಪಕ್ಷಗಳ ಟೀಕೆಗಳಿಗೂ ಕಾರಣವಾಗಿತ್ತು. ಕುಮಟಾ ಪುರಸಭೆಯಲ್ಲಿನ ಅಕ್ರಮ-ಅವ್ಯವಹಾರಗಳ ವಿಷಯದ ಬಗ್ಗೆ ಬರೆದ ಪತ್ರದಲ್ಲಿ ಕುಮಟಾ ರಾಷ್ಟಿಯ ಹೆದ್ದಾರಿ ಅಂಚಿನಲ್ಲಿರುವ ವಿನಾಯಕ ಹೊಟೇಲ್ ಅನಧಿಕೃತವಾಗಿದ್ದರೂ ಆ ಕಟ್ಟಡಕ್ಕೆ ಅಧಿಕೃತ ಮುದ್ರೆ ಒತ್ತುವಂತೆ ಪುರಸಭೆ ಮುಖ್ಯಾಧಿಕಾರಿ ಎಂ ಆರ್ ಸ್ವಾಮಿ ಅವರು ಒತ್ತಡ ಹೇರಿದ ಬಗ್ಗೆ ವಿವರಿಸಿದ್ದರು. ಅದರಲ್ಲಿ 4 ಲಕ್ಷ ರೂ ವ್ಯವಹಾರದ ಬಗ್ಗೆ ವೆಂಕಟೇಶ್ ಆರ್ ಅವರು ಬರೆದಿದ್ದು, ಪುರಸಭೆ ಮುಖ್ಯಾಧಿಕಾರಿಗಳಿಗೆ ಶಾಸಕ ದಿನಕರ ಶೆಟ್ಟಿ ಅವರ ಒತ್ತಡವಿರುವ ಬಗ್ಗೆ ನಮೂದಿಸಿದ್ದರು. ಆದರೆ, ಇದನ್ನು ದಿನಕರ ಶೆಟ್ಟಿ ಅವರು ಅಲ್ಲಗಳೆದಿದ್ದರು. `ಈವರೆಗೂ ವೆಂಕಟೇಶ್ ಅವರ ಮುಖವನ್ನು ನೋಡಿಲ್ಲ. ಫೋನು ಮಾಡಿಲ್ಲ’ ಎಂದು ದಿನಕರ ಶೆಟ್ಟಿ ಹೇಳಿದ್ದರು. ಈ ಎಲ್ಲಾ ಬೆಳವಣಿಗೆ ಬೆನ್ನಲ್ಲೆ ವೆಂಕಟೇಶ್ ಆರ್ ಅವರು ಶಾಸಕ ದಿನಕರ ಶೆಟ್ಟಿ ಅವರನ್ನು ಭೇಟಿ ಮಾಡಿದ್ದಾರೆ. ತಮಗಾದ ಸಮಸ್ಯೆಗಳ ಬಗ್ಗೆ ಅವರು ವಿವರಿಸಿದ್ದು, ಅನಗತ್ಯವಾಗಿ ಶಾಸಕರ ಹೆಸರು ಪ್ರಸ್ತಾಪಿಸಿದಕ್ಕೆ ಕ್ಷಮೆ ಕೋರಿದ್ದಾರೆ. `ವಿನಾಕಾರಣ ಆರೋಪ ಬಂದಿದ್ದರಿAದ ನನಗೂ ಬೇಸರವಾಗಿತ್ತು. ಸತ್ಕರ್ಮ ಹಾಗೂ ಧರ್ಮ ನಮ್ಮನ್ನು ಕಾಪಾಡುತ್ತದೆ ಎಂಬುದಕ್ಕೆ ಇದೇ ಸಾಕ್ಷಿ’ ಎಂದು ಶಾಸಕ ದಿನಕರ ಶೆಟ್ಟಿ ಹೇಳಿದ್ದು, ವೆಂಕಟೇಶ್ ಆರ್ ಅವರನ್ನು ಮನ್ನಿಸಿದ್ದಾರೆ.
- [ಆಸ್ಪತ್ರೆ ವಿಷಯದಲ್ಲಿ ಒಂದಾದ ಸೈಲ್-ಉಳ್ವೇಕರ್!](https://mobiletime.in/2025/10/sail-ulvekar-united-on-the-hospital-issue/): ತೋಳೆ ಮೀನು ಚುಚ್ಚಿ ಸಾವನಪ್ಪಿದ ಯುವ ಮೀನುಗಾರ ಅಕ್ಷಯ ಮಾಜಾಳಿಕರ ಅವರ ಪ್ರಕರಣವನ್ನು ಕಾರವಾರ ಶಾಸಕ ಸತೀಶ್ ಸೈಲ್ ಹಾಗೂ ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್ ಗಂಭೀರವಾಗಿ ಪರಿಗಣಿಸಿದ್ದಾರೆ. ವಿವಿಧ ಹಂತದ ಅಧಿಕಾರಿ ಹಾಗೂ ಮುಖಂಡರ ಸಭೆ ನಡೆಸಿದ ಈ ಜನಪ್ರತಿನಿಧಿಗಳು ತುರ್ತು ಸನ್ನಿವೇಶದ ಅವಧಿಯಲ್ಲಿ ಆಸ್ಪತ್ರೆ ಉಪಯೋಗಕ್ಕೆ ಬರುವ ನಿಟ್ಟಿನಲ್ಲಿ ಮೇಲ್ದರ್ಜೆಗೇರಿಸುವ ಬಗ್ಗೆ ಹಾಗೂ ಸುಸಜ್ಜಿತ ಆಸ್ಪತ್ರೆ ನಿರ್ಮಿಸುವ ಬಗ್ಗೆ ಮಾತನಾಡಿದ್ದಾರೆ. `ಸಾಕಷ್ಟು ಶ್ರಮವಹಿಸಿ ನಾವು ಮೆಡಿಕಲ್ ಕಾಲೇಜು ಮಾಡಿದ್ದೇವೆ. ಹಲವು ಹೋರಾಟದ ನಂತರ ಕಾರವಾರಕ್ಕೆ ಮೆಡಿಕಲ್ ಕಾಲೇಜು ಸಿಕ್ಕಿದೆ. ಆದರೆ, ಇಲ್ಲಿನ ಸೇವೆ ಸರಿಯಾಗಿ ಜನರಿಗೆ ಸಿಗುತ್ತಿಲ್ಲ. ಇಲ್ಲಿನ ಸಮಸ್ಯೆಗಳನ್ನು ಸರ್ಕಾರದ ಮಟ್ಟದಲ್ಲಿ ಚರ್ಚಿಸಿ ಅದನ್ನು ಬಗೆಹರಿಸುವುದು ನಮ್ಮ ಗುರಿ’ ಎಂದು ಶಾಸಕ ಸತೀಶ್ ಸೈಲ್ ಸಭೆಯಲ್ಲಿ ಹೇಳಿದ್ದಾರೆ. ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್ ಅವರು ಸಹ `ಜನರ ದೂರುಗಳನ್ನು ಗಂಭೀರವಾಗಿ ಪರಿಗಣಿಸಿ ಆಸ್ಪತ್ರೆಯಲ್ಲಿ ಅಗತ್ಯ ಸೌಕರ್ಯ ಒದಗಿಸಬೇಕಿದೆ. ಯಾರಿಗೆ ಏನೇ ಸಮಸ್ಯೆ ಇದ್ದರೂ ಅದನ್ನು ಜನಪ್ರತಿನಿಧಿಗಳ ಗಮನಕ್ಕೆ ತರಬೇಕು’ ಎಂದು ಮನವಿ ಮಾಡಿದ್ದಾರೆ. `ಅಕ್ಷಯ ಮಾಜಾಳಿಕರ್ ಅವರಂಥ ಯುವಕರ ಸಾವು ಎಲ್ಲರಿಗೂ ನೋವು ತಂದಿದೆ. ಇಂಥ ದುರ್ಘಟನೆಗಳು ಎಂದೆAದಿಗೂ ಮರುಕಳಿಸಬಾರದು. ವಿಷ ಜಂತು ಕಚ್ಚಿದ ತಕ್ಷಣ ಆಸ್ಪತ್ರೆಯಲ್ಲಿ ತುರ್ತು ಚಿಕಿತ್ಸೆ ಅಗತ್ಯವಿದ್ದು, ಅದಕ್ಕೆ ಬೇಕಾದ ಎಲ್ಲಾ ಸಿದ್ಧತೆಗಳು ಸಿದ್ಧವಾಗಿರಬೇಕು’ ಎಂದು ಈ ಎರಡೂ ಶಾಸಕರು ಕಿಮ್ಸ್ ವೈದ್ಯರಿಗೆ ಸೂಚಿಸಿದರು. `ಆಸ್ಪತ್ರೆಯಲ್ಲಿ ಸೇವೆಯಲ್ಲಿರುವ ವೈದ್ಯರ ಹೆಸರು ಹಾಗೂ ಹುದ್ದೆಯನ್ನು ಕಡ್ಡಾಯವಾಗಿ ನಾಮಫಲಕದಲ್ಲಿ ಬರೆಯಬೇಕು. ವೈದ್ಯರು ತಕ್ಷಣ ಸಿಗುವಂತೆ ನೋಡಿಕೊಳ್ಳಲು ಅವರ ಮೊಬೈಲ್ ಸಂಖ್ಯೆಯನ್ನು ನಮೂದಿಸಬೇಕು’ ಎಂದು ತಾಕೀತು ಮಾಡಿದರು. RTO ವಿರುದ್ಧ ಆಕ್ಷೇಪ! ಸರ್ಕಾರಿ ಆಸ್ಪತ್ರೆಯಲ್ಲಿರುವ ಆಂಬುಲೆನ್ಸಗೆ ಅಗತ್ಯ ಕಾಗದಪತ್ರ ಒದಗಿಸಲು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ಅಸಡ್ಡೆ ತೋರಿರುವ ಬಗ್ಗೆ ಈ ಸಭೆಯಲ್ಲಿ ಕಿಮ್ಸ್ ನಿರ್ದೇಶಕಿ ಪೂರ್ಣಿಮಾ ಅವರು ಅಸಮಧಾನವ್ಯಕ್ತಪಡಿಸಿದರು. ಶಾಸಕ ಸತೀಶ್ ಸೈಲ್ ಈ ಬಗ್ಗೆ ಅಧಿಕಾರಿಗಳನ್ನು ಪ್ರಶ್ನಿಸಿ ಗರಂ ಆದರು. ಸಾರಿಗೆ ಅಧಿಕಾರಿಗಳನ್ನು ಸಭೆಗೆ ಕರೆಯಿಸಿದ ಅವರು `ಸಾರ್ವಜನಿಕ ಸೇವೆಗೆ ಆಂಬುಲೆನ್ಸ ಸಿಗುವಂತೆ ಅಗತ್ಯ ದೃಢೀಕರಣ ಒದಗಿಸಿ’ ಎಂದು ಸೂಚಿಸಿದರು.
- [ಕರಾಳ ರಾತ್ರಿಯ ಕರುಳ ಬಳ್ಳಿಯ ಕಥೆ: ಮೂರು ಮರಿ ತಿಂದ ಕರಿ ಚಿರತೆ!](https://mobiletime.in/2025/10/a-dark-nights-tale-of-the-intestinal-cord-the-black-leopard-that-ate-three-cubs/): ಕಾರವಾರದ ಕದ್ರಾದಲ್ಲಿನ ಕೊಟ್ಟಿಗೆಗೆ ನುಗ್ಗುವ ಕರಿ ಚಿರತೆ ಅಲ್ಲಿರುವ ಮರಿಗಳನ್ನು ಮಾತ್ರ ಗುರಿಯಾಗಿರಿಸಿಕೊಂಡು ಕೊಲ್ಲುತ್ತಿದೆ. ಆಕಳು ಹಾಗೂ ಎಮ್ಮೆ ಮರಿಗಳ ಕರಳು ತಿಂದು ಕರಿ ಚಿರತೆ ಕಾಡು ಸೇರುತ್ತಿದೆ. ಕಾರವಾರದ ಕದ್ರಾ ವಲಯದ ಬೋರೆ ಗ್ರಾಮದಲ್ಲಿ ಕೊಟ್ಟಿಗೆಯಲ್ಲಿ ಕಟ್ಟಿದ್ದ ಜಾನುವಾರುಗಳ ಮೇಲೆ ಗುರುವಾರ ರಾತ್ರಿ ಚಿರತೆ ದಾಳಿ ಮಾಡಿದೆ. ಕೊಟ್ಟಿಗೆಯಲ್ಲಿದ್ದ ಮೂರು ಮರಿಗಳನ್ನು ಚಿರತೆ ಅರೆಬರೆಯಾಗಿ ಭಕ್ಷಿಸಿದೆ. ಶುಕ್ರವಾರ ಬೆಳಗ್ಗೆ ಮೂರು ಜಾನುವಾರುಗಳು ಸಾವನಪ್ಪಿದನ್ನು ನೋಡಿ ಕೊಟ್ಟಿಗೆ ಮಾಲಕರು ಕಂಗಾಲಾಗಿದ್ದಾರೆ. ಕೊಟ್ಟಿಗೆ ತುಂಬ ರಕ್ತಮಯವಾಗಿದ್ದು, ಅಲ್ಲಿ ಎರಡು ಎಮ್ಮೆ ಕರುಗಳು ರಕ್ತಸಿಕ್ತವಾಗಿ ಬಿದ್ದು ಸಾವನಪ್ಪಿದ್ದವು. ಇನ್ನೊಂದು ಕರುವಿನ ಹೊಟ್ಟೆಯೇ ಕಾಣೆಯಾಗಿದ್ದು, ಕರಳು ಅರ್ದ ಹೊರ ಬಂದಿತ್ತು. ಈ ಭಾಗದಲ್ಲಿ ಚಿರತೆ ಓಡಾಟ ಸಾಮಾನ್ಯವಾಗಿದ್ದರೂ ಕೊಟ್ಟಿಗೆಗೆ ನುಗ್ಗಿದ ನಿದರ್ಶನಗಳು ಕಡಿಮೆಯಿದ್ದವು. ಅದರಲ್ಲಿಯೂ ಒಂದೇ ದಿನ ಮೂರು ಮರಿಗಳ ಮೇಲೆ ಆಕ್ರಮಣ ನಡೆದಿದ್ದು ಅಪರೂಪದಲ್ಲಿಯೇ ಅಪರೂಪ. ಸದ್ಯ ಸ್ಥಳಕ್ಕೆ ಅರಣ್ಯ ಇಲಾಖೆಯ ಅಧಿಕಾರಿಗಳು ಆಗಮಿಸಿದ್ದಾರೆ. ಚಿರತೆ ಹೆಜ್ಜೆ ಗುರುತನ್ನು ಅವರು ಗಮನಿಸಿದ್ದಾರೆ. ಜನ ವಸತಿ ಪ್ರದೇಶದಲ್ಲಿ ಚಿರತೆ ಕಾಣಿಸಿದರೆ ಕೂಡಲೇ ಮಾಹಿತಿ ಕೊಡಿ ಎಂದು ಅರಣ್ಯ ಸಿಬ್ಬಂದಿ ಹೇಳಿದ್ದಾರೆ.
- [ಒಂದು ಸಾವು-ಹಲವರಿಗೆ ನೋವು: ಪ್ರವಾಸಕ್ಕೆ ಬಂದವರಿಗೆ ಪ್ರಯಾಸ!](https://mobiletime.in/2025/10/one-death-many-suffering-a-hardship-for-those-who-came-for-a-trip/): ಬೆಂಗಳೂರಿನಿoದ ಗೋವಾ ಪ್ರವಾಸಕ್ಕೆ ಬರುತ್ತಿದ್ದ ಟೂರ್ ಅಂಡ್ ಟ್ರಾವೆಲ್ಸ್ ವಾಹನವೊಂದು ಜೊಯಿಡಾದಲ್ಲಿ ಅಪಘಾತಕ್ಕೀಡಾಗಿದೆ. ಪರಿಣಾಮ ಪ್ರವಾಸಿಗರೊಬ್ಬರು ಸಾವನಪ್ಪಿದ್ದಾರೆ. ಶುಕ್ರವಾರ ಬೆಳಗ್ಗೆ ಜಳಕಟ್ಟಿ ಬಳಿ ಈ ಅಪಘಾತ ನಡೆದಿದೆ. ಕುಟುಂಬದ ಸದಸ್ಯರೆಲ್ಲರೂ ಸೇರಿ ಪ್ರವಾಸಕ್ಕೆ ಹೊರಟಿದ್ದು, ಅವರಿಗೆ ಪರಿಚಿತವಲ್ಲದ ಊರಿನಲ್ಲಿ ಅಪಘಾತವಾಗಿದ್ದರಿಂದ ಅವರೆಲ್ಲರೂ ಪರದಾಡಿದರು. ತುರ್ತು ಸಹಾಯಕ್ಕೆ ಅವರು ಸ್ಥಳೀಯರ ಮೊರೆ ಹೋಗಿದ್ದು, ರಾಮನಗರದ ಜನ ಗಾಯಾಳುಗಳ ನೆರವಿಗೆ ಬಂದರು. ಏಳು ಜನರಿದ್ದ ವಾಹನ ಪಲ್ಟಿಯಾಗಿದ್ದು, ಪರಿಣಾಮ ಒಬ್ಬರು ಸಾವಪ್ಪಿದರು. ವಾಹನ ಓಡಿಸುತ್ತಿದ್ದ ಚಾಲಕ ಪ್ರಜ್ವಲ್ (25) ಸಾವನಪ್ಪಿದವರಾಗಿದ್ದಾರೆ. ಅವರು ಸಹ ಬೆಂಗಳೂರಿನ ನಿವಾಸಿಯಾಗಿದ್ದು, ಗಾಯಗೊಂಡ ಉಳಿದವರನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಆಂಬುಲೆನ್ಸ ಮೂಲಕ ಗಾಯಾಳುಗಳು ರಾಮನಗರ ಆರೋಗ್ಯ ಕೇಂದ್ರದಲ್ಲಿ ಪ್ರಾಥಮಿಕ ಚಿಕಿತ್ಸೆಪಡೆದರು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗೆ ಬೇರೆ ಕಡೆ ಕರೆದೊಯ್ಯಲಾಗಿದೆ.
- [ಕಾರಿನ ಸದ್ದಿಗೆ ಗುರಾಯಿಸಿದ ಕಾಡಿನ ರಾಜ!](https://mobiletime.in/2025/10/tiger-roaming-in-kaiga-forest-the-king-of-the-jungle-growled-at-the-sound-of-a-car/): ಕಾರವಾರದ ಕೈಗಾ ಕಾಡಿನ ಬಳಿ ಅಂಕೋಲಾದ ಕರಿಕಲ್ ನಾರಾಯಣ ಹೆಗಡೆ ಅವರಿಗೆ ಪಟ್ಟೆ ಹುಲಿ ಕಾಣಿಸಿದೆ. ಹುಲಿ ಓಡಾಟದ ವಿಡಿಯೋ ಮಾಡಿದ ಅವರು ಅದನ್ನು ತಮ್ಮ ಬಳಗದಲ್ಲಿ ಹಂಚಿದ್ದಾರೆ. ಈ ಮಾರ್ಗದಲ್ಲಿ ಈಚೆಗೆ ಪದೇ ಪದೇ ಹುಲಿ ದರ್ಶನವಾಗುತ್ತಿದೆ. 2023ರ ಅವಧಿಯಲ್ಲಿ ಕೈಗಾ ಅಣು ವಿದ್ಯುತ್ ಘಟಕದ ಉದ್ಯೋಗಿಯೊಬ್ಬರಿಗೆ ಇಲ್ಲಿ ಹುಲಿ ಕಾಣಿಸಿಕೊಂಡಿತ್ತು. ಅದನ್ನು ಅವರು ಮೊಬೈಲ್ ಕ್ಯಾಮರಾದಲ್ಲಿ ಸೆರೆಹಿಡಿದಿದ್ದರು. ರಸ್ತೆ ಪಕ್ಕದಲ್ಲಿದ್ದ ಹುಲಿ ಕೈಗಾ ಉದ್ಯೋಗಿ ಚೇತನ ಅವರ ಕಾರಿನ ಬಳಿ ಬಂದಿರುವುದು ವಿಡಿಯೋದಲ್ಲಿ ಸೆರೆಯಾಗಿತ್ತು. 2024ರ ಜುಲೈ ತಿಂಗಳಿನಲ್ಲಿಯೂ ಇದೇ ಮಾರ್ಗವಾಗಿ ಸಂಚರಿಸುತ್ತಿದ್ದ ಸಾಯಿ ಬಿಜ್ಜೂರು ಎಂಬಾತರಿಗೆ ಹುಲಿ ದರ್ಶನವಾಗಿತ್ತು. ಅದನ್ನು ಸಹ ಅವರು ಕ್ಯಾಮರಾದಲ್ಲಿ ಸೆರೆ ಹಿಡಿದಿದ್ದರು. ಅದಾದ ನಂತರ 2025ರ ಸೆಪ್ಟೆಂಬರ್ ಅವಧಿಯಲ್ಲಿ ಹಗಲಿನಲ್ಲಿಯೇ ಇಲ್ಲಿ ಹುಲಿ ಓಡಾಟ ಜೋರಾಗಿತ್ತು. ಸೆಪ್ಟೆಂಬರ್ 12ರಂದು ಬಾರೆ ಘಟ್ಟದ ಪ್ರದೇಶದಲ್ಲಿ ಹುಲಿ ಓಡಾಡಿದನ್ನು ಜಿಕೆ ರಾಮ್ ಕಂಪನಿಯ ವಾಹನ ಚಾಲಕ ಸೈನಾಥ ನಾಯಕ್ ಅವರು ಕಂಡಿದ್ದರು. ಸುಮಾರು 20 ನಿಮಿಷಗಳ ಕಾಲ ಹುಲಿ ರಸ್ತೆಯಲ್ಲಿ ಓಡಾಡಿದ ದೃಶ್ಯವನ್ನು ಅವರು ಸೆರೆ ಹಿಡಿದಿದ್ದರು. ಸದ್ಯ ಅಂಕೋಲಾದ ಕರಿಕಲ್ ನಾರಾಯಣ ಹೆಗಡೆ ಅವರು ಕೈಗಾ-ಕಾರವಾರ ರಸ್ತೆಯಲ್ಲಿ ಸಂಚರಿಸುವಾಗ ಹುಲಿ ನೋಡಿದ್ದಾರೆ. ಕೃಷಿಕ ಸಮಾಜದ ಅಧ್ಯಕ್ಷರು ಆಗಿರುವ ನಾರಾಯಣ ಹೆಗಡೆ ಅವರು ಕೃಷಿ-ತೋಟಗಳಿಗೆ ನೀರಾವರಿ ಕಾಯಕದಲ್ಲಿ ತೊಡಗಿದ್ದಾರೆ. ಕೈಗಾ ಬಳಿ ರೈತರನ್ನು ಭೇಟಿ ಮಾಡಿ ಅವರ ಭೂಮಿಗೆ ನೀರು ಹಾಯಿಸುವ ಕೆಲಸಕ್ಕಾಗಿ ಅವರು ಆ ಮಾರ್ಗಕ್ಕೆ ತೆರಳಿದ್ದರು. ಅಕ್ಟೊಬರ್ 16ರಂದು ಅವರು ತಮ್ಮ ಪತ್ನಿ ಗೀತಾ ಹೆಗಡೆ ಅವರ ಜೊತೆ ಕೈಗಾದ ಕೃಷಿ ಕ್ಷೇತ್ರಕ್ಕೆ ತೆರಳಿ ಯಲ್ಲಾಪುರದ ಕಡೆ ಮರಳುತ್ತಿದ್ದರು. ಹರ್ಟುಗಾ ಬಳಿ ನಾರಾಯಣ ಹೆಗಡೆ ಅವರ ಕಾರನ್ನು ಹುಲಿ ಅಟ್ಟಗಟ್ಟಿತು. ಬೆಳಗ್ಗೆ 11.45ರಿಂದ 12.20ರವರೆಗೆ ಈ ಹುಲಿ ರಸ್ತೆ ಮೇಲೆ ಸಂಚರಿಸಿದ್ದು, ಕಾರು ಜೋರಾಗಿ ಚಲಿಸಲು ಅವಕಾಶವನ್ನು ಮಾಡಿಕೊಡಲಿಲ್ಲ. ಸುಮಾರು ಒಂದುವರೆ ಕಿಮೀ ದೂರ ಹುಲಿ ರಸ್ತೆ ಮೇಲೆ ಸಂಚರಿಸಿದ್ದು, ನಾರಾಯಣ ಹೆಗಡೆ ಅವರು ಅದರ ಹಿಂದೆ ನಿಧಾನವಾಗಿ ಕಾರು ಓಡಿಸಿದರು. ಒಂದರೆಡು ಬಾರಿ ದಾರಿ ಬಿಡುವಂತೆ ಕೋರಿ ಕಾರಿನ ಹಾರ್ನ ಅದುಮಿದರಾದರೂ ಹುಲಿ ದಾರಿ ಬಿಡಲಿಲ್ಲ. ಕಾರಿನ ಕಡೆ ತಿರುಗಿ ಹುಲಿ ಗುರ್ ಗುರ್ ಎಂದಾಗ ಅವರು ಪದೇ ಪದೇ ಹಾರ್ನ ಹೊಡೆಯುವುದನ್ನು ಬಿಟ್ಟರು. `ರಾತ್ರಿ ಸಂಚಾರದ ವೇಳೆ ಹುಲಿ ಅನೇಕ ಬಾರಿ ಕಾಣಿಸಿದೆ. ಆದರೆ, ಹಗಲಿನ ವೇಳೆ ರಸ್ತೆಯ ಮೇಲೆ ಹುಲಿ ಕಾಣಿಸಿದ್ದು ಇದೇ ಮೊದಲು’ ಎಂದು ನಾರಾಯಣ ಹೆಗಡೆ ಅವರು ಹೇಳಿದರು. ವಿಡಿಯೋ ಇಲ್ಲಿ ನೋಡಿ..
- [ರೋಟರಿಗೂ ಪ್ರಥಮ.. ಕೆಡಿಸಿಸಿಗೂ ಪ್ರಥಮ!](https://mobiletime.in/2025/10/a-first-for-rotary-a-first-for-kdcc/): 64 ವರ್ಷಗಳ ಐತಿಹ್ಯಹೊಂದಿರುವ ಶಿರಸಿ ರೋಟರಿ ಕ್ಲಬ್ಬಿನ ಪ್ರಥಮ ಮಹಿಳಾ ಕಾರ್ಯದರ್ಶಿಯಾಗಿ ಸರಸ್ವತಿ ಎನ್ ರವಿ ಅವರು ಸೇವೆ ಸಲ್ಲಿಸಿದ್ದಾರೆ. ಸದ್ಯ ಅವರು 105 ವರ್ಷಗಳ ಇತಿಹಾಸಹೊಂದಿದ ಕೆಡಿಸಿಸಿ ಬ್ಯಾಂಕಿನ ಮೊದಲ ಮಹಿಳಾ ನಿರ್ದೇಶಕರಾಗುವ ಉತ್ಸಾಹದಲ್ಲಿದ್ದಾರೆ. ಸಹಕಾರಿ ಸಂಸ್ಥೆ ಮಾತೃಸಂಸ್ಥೆಯಾದ ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕ ಸ್ಥಾನಬಯಸಿ ಸರಸ್ವತಿ ಎನ್ ರವಿ ಅವರು ನಾಮಪತ್ರ ಸಲ್ಲಿಸಿದ್ದಾರೆ. ಯಾವುದೇ ಆಮೀಷ-ಒತ್ತಡಗಳಿಗೆ ಒಳಗಾಗದೇ ಕಾರ್ಯ ನಿರ್ವಹಿಸುವುದಾಗಿ ಅವರು ಘೋಷಿಸಿದ್ದಾರೆ. ರೋಟರಿ ಕ್ಲಬ್, ಕೆಡಿಸಿಸಿ ಬ್ಯಾಂಕ್ ಮಾತ್ರವಲ್ಲದೇ ಸರಸ್ವತಿ ಎನ್ ರವಿ ಅವರು ಕರ್ನಾಟಕ ರಾಜ್ಯ ಸೌಹಾರ್ದ ಸಂಯುಕ್ತ ಸಹಕಾರಿಗೆ ಉತ್ತರ ಕನ್ನಡ ಜಿಲ್ಲೆ ಪ್ರತಿನಿಧಿಸಿದ ಪ್ರಥಮ ಮಹಿಳಾ ನಿರ್ದೇಶಕರಾಗಿದ್ದಾರೆ. ಬೆಳಗಾವಿ ವಿಭಾಗದಲ್ಲಿಯೇ ಪ್ರಥಮವಾಗಿ ರಚಿತವಾದ ಉತ್ತರ ಕನ್ನಡ ಜಿಲ್ಲಾ ಸೌಹಾರ್ದ ಸಹಕಾರಿಗಳ ಪ್ರಥಮ ಒಕ್ಕೂಟದ ಪ್ರಥಮ ಪ್ರವರ್ತಕ ನಿರ್ದೇಶಕರಾಗಿಯೂ ಅವರು ಗುರುತಿಸಿಕೊಂಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ರಾಜ್ಯಮಟ್ಟದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪ್ರಥಮ ಮಹಿಳಾ ಸೌಹಾರ್ದ ಸಹಕಾರಿಯ ಪ್ರಥಮ ಅಧ್ಯಕ್ಷರಾಗಿಯೂ ಅವರು ಕೆಲಸ ಮಾಡಿದ್ದಾರೆ. ಕರ್ನಾಟಕ ರಾಜ್ಯ ಸೌಹಾರ್ದ ಸಂಯುಕ್ತ ಸಹಕಾರಿಯ 2017-2022ರ ಅವಧಿಯ ಆಡಳಿತ ಮಂಡಳಿಯ ಏಕೈಕ ಚುನಾಯಿತ ಮಹಿಳಾ ನಿರ್ದೇಶಕಿಯೂ ಆಗಿದ್ದಾರೆ. ಇದೆಲ್ಲದರ ಜೊತೆ ಸ್ಕೊಡವೆಸ್ ಸಂಸ್ಥೆಯ ಪ್ರಥಮ ಮಹಿಳಾ ಕಾರ್ಯದರ್ಶಿಯಾಗಿಯೂ ಅವರು ಸೇವೆಯಲ್ಲಿದ್ದಾರೆ. ಹತ್ತು ಹಲವು ಸಂಘ-ಸOಸ್ಥೆಗಳಲ್ಲಿ ಪ್ರಥಮ ಮಹಿಳೆಯಾಗಿ ಗುರುತಿಸಿಕೊಂಡಿರುವ ಅವರು ಕೆಡಿಸಿಸಿ ಬ್ಯಾಂಕಿನ ಮೊದಲ ಮಹಿಳಾ ನಿರ್ದೇಶಕರಾಗುವ ಸಾಧ್ಯತೆಗಳು ಹೆಚ್ಚಾಗಿವೆ. ಈ ಬ್ಯಾಂಕಿನ 105 ವರ್ಷಗಳ ಇತಿಹಾಸದಲ್ಲಿ ಒಬ್ಬ ಮಹಿಳೆ ಸಹ ನಿರ್ದೇಶಕರಾಗಿಲ್ಲ ಎಂಬ ವಿಷಯ ಸಹಕಾರಿ ವಲಯದ ಹಿರಿಯರಿಗೆ ಮನವರಿಕೆಯಾಗಿದ್ದು, `ಈ ಬಾರಿಯಾದರೂ ಮಹಿಳೆಗೆ ಅವಕಾಶ ನೀಡೋಣ’ ಎಂಬ ಮಾತು ದಟ್ಟವಾಗಿದೆ. ಸದ್ಯ ಕೆಡಿಸಿಸಿ ಬ್ಯಾಂಕಿನ ಚುನಾವಣೆಯಲ್ಲಿ ಎರಡು ಬಣಗಳಿಂದ ಪ್ರಚಾರ ಕಾರ್ಯ ನಡೆಯುತ್ತಿದೆ. ಆದರೆ, ಸರಸ್ವತಿ ಎನ್ ರವಿ ಅವರು ಈ ಎರಡೂ ಬಣಗಳಲ್ಲಿಲ್ಲ. ಅವರು ಸಂಪೂರ್ಣ ಸ್ವತಂತ್ರ ಅಭ್ಯರ್ಥಿಯಾಗಿ ನಿರ್ದೇಶಕ ಸ್ಥಾನಕ್ಕೆ ಆಕಾಂಕ್ಷಿಯಾಗಿದ್ದು, ಬ್ಯಾಂಕಿನ ಆಡಳಿತಾತ್ಮಕ ದೃಷ್ಠಿಯಿಂದ ಎಲ್ಲರ ಜೊತೆಯೂ ಉತ್ತಮ ನಂಟು ಹೊಂದಿದ್ದಾರೆ. ಮಹಿಳಾ ಪ್ರಾತಿನಿಧ್ಯ, ಎಲ್ಲಾ ಸಹಕಾರಿ ಸಂಘಗಳಿಗೂ ಸಮಾನ ಅವಕಾಶಗಳು ಸಿಗಬೇಕು ಎಂಬ ಸಾಮಾಜಿಕ ನ್ಯಾಯಕ್ಕಾಗಿ ಅವರು ಚುನಾವಣೆಗೆ ಸ್ಪರ್ಧಿಸಿರುವ ಬಗ್ಗೆ ಪ್ರಚಾರದ ಅವಧಿಯಲ್ಲಿ ಹೇಳುತ್ತಿದ್ದಾರೆ. `ರಾಜ್ಯ ಮತ್ತು ರಾಷ್ಟಮಟ್ಟದ ಸಂಸ್ಥೆಗಳ ಸದಸ್ಯರಾಗಿ ಕಾರ್ಯನಿರ್ವಹಿಸಿದ ಅನುಭವದ ಹಿನ್ನೆಲೆಯಲ್ಲಿ ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕ ಮಂಡಳಿಗೆ ಸರಸ್ವತಿ ಎನ್ ರವಿ ಅವರ ಆಯ್ಕೆ ಯೋಗ್ಯ’ ಎಂಬುದು ಹೇಮಲತಾ ಚೌಗುಲೆ ಹಾಗೂ ಸ್ವಾತಿ ಶೆಟ್ಟಿ, ಲಲಿತಾ ಹೆಗಡೆ, ಭಾಗೀರತಿ ನಾಯ್ಕ ಅವರ ಮಾತು. `ಬ್ಯಾಂಕ್ ಆಡಳಿತ ವ್ಯವಸ್ಥೆಯಲ್ಲಿ ನಾರಿಶಕ್ತಿ ಪ್ರದರ್ಶನಕ್ಕೆ ಇದೊಂದು ಉತ್ತಮ ಅವಕಾಶ. ಸಹಕಾರಿ ದುರಿಣರು ಈ ಬಗ್ಗೆ ಚಿಂತಿಸಿ ಸರಸ್ವತಿ ಎನ್ ರವಿ ಅವರಿಗೆ ಅವಕಾಶ ಮಾಡಿಕೊಡಬೇಕು’ ಎಂಬುದು ಗೀತಾ ಹಣಬರ್, ವೀಣಾ ಮೊಗೇರ, ಸರೋಜಾ ಗಂಗೊಳ್ಳಿ ಅವರ ಮನವಿ.
- [2025 ಅಕ್ಟೊಬರ್ 17ರ ದಿನ ಭವಿಷ್ಯ](https://mobiletime.in/2025/10/prediction-for-october-17-2025/): ಮೇಷ ರಾಶಿ: ನಿಮ್ಮ ಧೈರ್ಯ ಹಾಗೂ ನಿರಂತರ ಪ್ರಯತ್ನಕ್ಕೆ ಜಯ ಸಿಗಲಿದೆ. ಸಂಬAಧಗಳಲ್ಲಿ ಸಮಾಧಾನವಿರುತ್ತದೆ. ಆರೋಗ್ಯದ ಮೇಲೆ ಗಮನಕೊಡಿ. ಮನಸ್ಸು ಶಾಂತವಾಗಿರಲಿ. ವೃಷಭ ರಾಶಿ: ನಿಮ್ಮ ಮನಸ್ಸು ಈ ದಿನ ಸ್ಥಿರವಾಗಿರಬೇಕು. ಕೆಲಸದಲ್ಲಿನ ಅಭಿಪ್ರಾಯಗಳು ನಿಮ್ಮ ಮೇಲೆ ಪ್ರಭಾವ ಬೀರಲಿದ್ದು, ಏನೇ ಬಂದರೂ ಎದುರಿಸಿ. ಆರೋಗ್ಯದಲ್ಲಿ ಸುಧಾರಣೆ ಕಂಡುಬರುತ್ತದೆ. ಮಿಥುನ ರಾಶಿ: ನಿಮ್ಮ ಸಂವಹನ ಕೌಶಲ್ಯದಿಂದ ಕೆಲಸ ಸರಾಗವಾಗಲಿದೆ. ಹೊಸ ಜ್ಞಾನ ಪಡೆಯಲು ಅವಕಾಶ ಸಿಗಲಿದೆ. ಪ್ರಯಾಣದ ಯೋಗವಿದೆ. ಕರ್ಕ ರಾಶಿ: ಗುರು-ಹಿರಿಯರ ಜೊತೆ ತಾಳ್ಮೆಯಿಂದ ನಡೆದುಕೊಳ್ಳಿ. ಒತ್ತಡ ಕಡಿಮೆ ಮಾಡಿಕೊಳ್ಳುವುದು ಅಗತ್ಯ. ಹಳೆಯ ಕೆಲಸಗಳನ್ನು ಬೇಗ ಮುಗಿಸಿ. ಸಿಂಹ ರಾಶಿ: ಕಾರ್ಯಕ್ಷೇತ್ರದಲ್ಲಿ ಯಶಸ್ಸು ಸಿಗಲಿದೆ. ಹಣಕಾಸು ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ಗೆಳೆಯರನ್ನು ಭೇಟಿ ಮಾಡುವಿರಿ. ಕನ್ಯಾ ರಾಶಿ: ಪುನರಾವರ್ತಿತ ಸಮಸ್ಯೆಗಳು ದೂರವಾಗುವ ಲಕ್ಷಣವಿದೆ. ಪರಸ್ಪರ ಸಹಕಾರದಿಂದ ಯಶಸ್ಸು ಸಾಧ್ಯ. ತುಲಾ ರಾಶಿ: ಆರೋಗ್ಯ ಹಾಗೂ ಆಹಾರದಲ್ಲಿ ಸಮತೋಲನ ಅಗತ್ಯವಿದೆ. ಕಠಿಣ ಪರಿಶ್ರಮದಿಂದ ಮಾತ್ರ ಯಶಸ್ಸು ಸಿಗಲಿದೆ. ವೃಶ್ಚಿಕ ರಾಶಿ: ಗುರಿ ಸಾಧನೆಗಾಗಿ ಶ್ರಮಿಸಿ. ಅನಗತ್ಯವಾದ ವಾದ-ಜಗಳದಿಂದ ದೂರವಿರಿ. ಉತ್ತಮ ಆರೋಗ್ಯಕ್ಕಾಗಿ ವ್ಯಾಯಾಮ ಮಾಡಿ. ಧನು ರಾಶಿ: ಪ್ರಯಾಣದ ಜೊತೆಯೇ ಕಲಿಕೆಗೆ ಅವಕಾಶವಿದೆ. ಆಧ್ಯಾತ್ಮಿಕ ಕ್ಷೇತ್ರದಲ್ಲಿ ಬೆಳವಣಿಗೆ ಸಾಧ್ಯವಿದೆ. ಹಣಕಾಸು ವಿಷಯ ಉತ್ತಮವಾಗಿರಲಿದೆ. ಮಕರ ರಾಶಿ: ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆಯಿದೆ. ಧೈರ್ಯದಿಂದ ನಡೆಯಿರಿ. ಆರ್ಥಿಕವಾಗಿ ಲಾಭ ಸಿಗಲಿದೆ. ಕುಂಭ ರಾಶಿ: ಸಾಮಾಜಿಕ ಕ್ಷೇತ್ರದಲ್ಲಿ ಗುರುತಿಸಿಕೊಳ್ಳುವಿರಿ. ಹಣಕಾಸು ಉತ್ತಮವಾಗಿರಲಿದೆ. ಹೊಸ ಆಲೋಚನೆಗಳು ಬರಲಿದೆ. ಮೀನ ರಾಶಿ: ನಿಮ್ಮ ಭಾವನೆಗಳು ಅತಿಯಾಗದಂತೆ ನಿಯಂತ್ರಿಸಿ. ಹೂಡಿಕೆಗೆ ಯೋಗ್ಯ ಸಮಯವಲ್ಲ. ಮನಸ್ಸು ಶಾಂತವಾಗಿರಲು ಧ್ಯಾನ ಮಾಡಿ.
- [ಅತಿಯಾದ ವ್ಯಸನ: ಆತ್ಮಹತ್ಯೆಗೆ ಮಾನಸಿಕ ಖಿನ್ನತೆ ಕಾರಣ!](https://mobiletime.in/2025/10/excessive-addiction-mental-depression-is-the-cause-of-suicide/): ಕುಮಟಾದಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದ ವಿನಾಯಕ ನಾಯ್ಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ವಿಪರೀತ ವ್ಯಸನಕ್ಕೆ ಒಳಗಾಗಿದ್ದ ಅವರು ಮಾನಸಿಕ ಖಿನ್ನತೆಯಿಂದ ನೇಣು ಹಾಕಿಕೊಂಡು ಸಾವನಪ್ಪಿದ್ದಾರೆ. ಕುಮಟಾದ ಮಿರ್ಜಾನಿನ ಜನತಾ ಪ್ಲಾಟಿನಲ್ಲಿ ವಿನಾಯಕ ನಾಯ್ಕ (30) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡುತ್ತಿದ್ದ ಅವರು ನಿತ್ಯವೂ ಸರಾಯಿ ಸೇವಿಸುತ್ತಿದ್ದರು. ಸರಾಯಿ ಸೇವನೆ ಹೆಚ್ಚಾದ ಪರಿಣಾಮ ಮಾನಸಿಕವಾಗಿ ಅವರು ಕುಗ್ಗಿದ್ದರು. ಸರಾಯಿ ಸೇವನೆ ಬಿಡುವಂತೆ ಅವರ ಪತ್ನಿ ಪ್ರೇಮಾ ನಾಯ್ಕ ಅವರು ತಿಳಿಸಿದರೂ ಅದನ್ನು ವಿನಾಯಕ ನಾಯ್ಕ ಅವರು ಗಂಭೀರವಾಗಿ ಪರಿಗಣಿಸಿರಲಿಲ್ಲ. ಹೀಗಿರುವಾಗ 16ರ ನಸುಕಿನಲ್ಲಿ ವಿನಾಯಕ ನಾಯ್ಕ ಅವರು ಮಿರ್ಜಾನ್ ದರ್ಗಾ ಕ್ರಾಸ್ ಬಳಿ ಅಂಗಡಿ ಬಳಿ ಹೋಗಿದ್ದರು. ಅಂಗಡಿಗೆ ಬಾಗಿಲು ಹಾಕಿರುವುದನ್ನು ನೋಡಿ ಅಲ್ಲಿರುವ ಜಂತಿಗೆ ಲುಂಗಿ ಬಿಚ್ಚಿ ಕಟ್ಟಿದರು. ನಂತರ ಅದೇ ಲುಂಗಿಯಿAದ ವಿನಾಯಕ ನಾಯ್ಕ ಅವರು ನೇಣು ಹಾಕಿಕೊಂಡರು. ಬೆಳಗ್ಗೆ ಶವ ನೋಡಿದ ಪ್ರೇಮಾ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. ಕುಮಟಾ ಪಿಎಸ್‌ಐ ಮಂಜುನಾಥ ಗೌಡರ್ ಅವರು ತನಿಖೆ ನಡೆಸುತ್ತಿದ್ದಾರೆ.
- [ಗೃಹಮಂಡಳಿಯ ಗ್ರಹಚಾರ: ದಂಡಪಿoಡ ಅಧಿಕಾರಿಗಳಿಗೆ ಧಿಕ್ಕಾರ!](https://mobiletime.in/2025/10/home-boards-arrest-defiant-to-the-penal-officers/): ಪ್ರಧಾನಮಂತ್ರಿ ಆವಾಸ್ ಯೋಜನೆ ಅಡಿ ದಾಂಡೇಲಿಯ ಅಂಬೇವಾಡಿಯಲ್ಲಿ ಎಂಟು ವರ್ಷಗಳಿಂದ ಮನೆ ನಿರ್ಮಾಣ ಕೆಲಸ ನಡೆಯುತ್ತಿದ್ದು, ಈವರೆಗೂ ಆ ಮನೆಗಳು ಫಲಾನುಭವಿಗಳಿಗೆ ಸಿಕ್ಕಿಲ್ಲ. ಹೀಗಾಗಿ ಅಲ್ಲಿನ ಅಕ್ರಮದ ವಿರುದ್ಧ ಅಕ್ರಂ ಖಾನ್ ಪ್ರತಿಭಟನೆ ಶುರು ಮಾಡಿದ್ದಾರೆ. ರಾಜ್ಯ ಗೃಹ ಮಂಡಳಿಯಿAದ ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಅಡಿ ಮನೆ ನಿರ್ಮಾಣ ಕಾರ್ಯ ನಡೆದಿದೆ. ಬೆಂಗಳೂರಿನ ಕಂಪನಿ ಇದರ ಗುತ್ತಿಗೆಪಡೆದಿದೆ. ಸಾವಿರ ಮನೆಗಳ ಪೈಕಿ 100 ಮನೆಗಳನ್ನು ಮಾತ್ರ ವಿತರಿಸಲಾಗಿದ್ದು, ಉಳಿದ ಮನೆ ಬಗ್ಗೆ ಪ್ರಶ್ನಿಸಿದವರಿಗೆ ಉತ್ತರ ಸಿಗುತ್ತಿಲ್ಲ. ಎಲ್ಲರಿಗೂ ನ್ಯಾಯ ಒದಗಿಸಬೇಕು ಎಂದು ಆಗ್ರಹಿಸಿ ದಾಂಡೇಲಿ ಸಮಗ್ರ ಅಭಿವ್ರದ್ಧಿ ಹೋರಾಟ ಸಮಿತಿಯ ಅಧ್ಯಕ್ಷ ಅಕ್ರಂ ಖಾನ ಅವರು ನಗರಸಭೆ ಕಚೇರಿ ಎದುರು ಧರಣಿ ಶುರು ಮಾಡಿದ್ದಾರೆ. `ಮಂಡಳಿಯೂ 1106 ಫಲಾನುಭವಿಗಳಿಗೆ ಮನೆ ವಿತರಿಸುವುದಾಗಿ ತಿಳಿಸಿ ಹಣಪಡೆದಿದೆ. ಪ್ರತಿಯೊಬ್ಬ ಫಲಾನುಭವಿ 50-70 ಸಾವಿರ ಹಣ ಪಾವತಿಸಿದ್ದಾರೆ. 12 ತಿಂಗಳ ನಂತರ ಮನೆ ಕೊಡುವ ಭರವಸೆ ಈಗಲೂ ಈಡೇರಿಲ್ಲ. 53 ಕೋಟಿ ರೂಪಾಯಿ ವೆಚ್ಚದ 1106 ಮನೆಗಳ ನಿರ್ಮಾಣ ಕಾಮಗಾರಿ ಮುಗಿಯುವ ಮುನ್ನ ಗುತ್ತಿಗೆ ಕಂಪನಿ 38 ಕೋಟಿ ರೂ ಹಣದ ಬಿಲ್ ಪಾವತಿಸಿಕೊಂಡಿದೆ’ ಎಂದು ಹಣಕಾಸು ಅಕ್ರಮದ ಮಾಹಿತಿಯನ್ನು ಹೋರಾಟಗಾರರು ಬಿಚ್ಚಿಟ್ಟರು. `ಮನೆಯ ಕನಸು ಕಂಡ ಸಾವಿರಾರು ಜನರಿಗೆ ಅನ್ಯಾಯವಾಗಿದೆ. ಅಧಿಕಾರಿಗಳ ಜೊತೆ ಜನಪ್ರತಿನಿಧಿಗಳು ಈ ಸಮಸ್ಯೆ ಆಲಿಸಿ ಪರಿಹಾರ ಒದಗಿಸಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು.
- [ಸ್ಕೂಟರಿಗೆ ಗುದ್ದಿದ ಲಾರಿ: PUC ವಿದ್ಯಾರ್ಥಿ ಸಾವು](https://mobiletime.in/2025/10/puc-student-dies-after-being-hit-by-lorry-on-scooter/): ಭಟ್ಕಳದ ಮೊಹಮ್ಮದ್ ಎಂಬಾತರಿಗೆ ಕೇರಳದ ಲಾರಿ ಗುದ್ದಿದ ಪರಿಣಾಮ ಅವರು ನಡುರಸ್ತೆಯಲ್ಲಿ ಹೆಣವಾಗಿದ್ದಾರೆ. ವೇಗವಾಗಿ ಲಾರಿ ಚಲಾಯಿಸಿದ ಅಭಿಲಾಶ್ ಕುಮಾರ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಫಿರ್ದೋಸ್ ನಗರದ ಮಹಮ್ಮದ್ @ ಮಹಮ್ಮದ್ ಅನಿಸ್ ಮೊತಶ್ಯಾಮ್ (18) ಅವರು ಅಲಿ ಪಬ್ಲಿಕ್ ಶಾಲೆಯಲ್ಲಿ ದ್ವಿತೀಯ ಪಿಯುಸಿ ವಿದ್ಯಾರ್ಥಿಯಾಗಿದ್ದರು. ಕುಂದಾಪುರ ಕಡೆಯಿಂದ ಹೊನ್ನಾವರ ಕಡೆಗೆ ಅತಿವೇಗವಾಗಿ ಬಂದ ಲಾರಿ ತೆಂಗಿನಗುAಡಿ ಕ್ರಾಸ್ ಬಳಿ ಮುಂದೆ ಸಾಗುತ್ತಿದ್ದ ಸ್ಕೂಟರಿಗೆ ಡಿಕ್ಕಿ ಹೊಡೆಯಿತು. ಆ ಸ್ಕೂಟಿಯಲ್ಲಿದ್ದ ಮಹಮದ್ ಅವರು ನೆಲಕ್ಕೆ ಬಿದ್ದಿದ್ದು, ಲಾರಿಯ ಹಿಂದಿನ ಚಕ್ರ ಅವರ ತಲೆ ಒಡೆಯಿತು. ಮಹಮದ್ ಅವರು ಅಲ್ಲಿಯೇ ತಮ್ಮ ಪ್ರಾಣಬಿಟ್ಟರು. ಬುಧವಾರ ರಾತ್ರಿ ಈ ಅಪಘಾತ ನಡೆದಿದ್ದು, ಅಪಘಾತದ ನಂತರ ಬೈಕಿಗೆ ಸಿಕ್ಕಿಬಿದ್ದು ಆ ಲಾರಿ ನಿಂತಿತು. ವೇಗವಾಗಿದ್ದ ಲಾರಿ ಅಡಿಗೆ ಬೈಕ್ ಸಿಕ್ಕಿ ಬೀಳದೇ ಇದ್ದಿದ್ದರೆ ಇನ್ನಷ್ಟು ಅವಘಡಗಳು ನಡೆಯುವ ಸಾಧ್ಯತೆಗಳಿತ್ತು. ರಕ್ತದ ಮಡುವಿನಲ್ಲಿ ಯುವಕನ ಶವ ಬಿದ್ದಿರುವುದನ್ನು ನೋಡಿ ಜನ ಜಮಾಯಿಸಿದರು. ಲಾರಿ ಚಾಲಕನ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದರು. ಲಾರಿ ಚಾಲಕನನ್ನು ಬಂಧಿಸಿದ ಪೊಲೀಸರು ಲಾರಿಯನ್ನು ವಶಕ್ಕೆಪಡೆದರು. ಮಹಮದ್ ಅವರ ಶವವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಿದರು.
- [ಅಮಾಯಕನಿಗೆ ಥಳಿತ: ಪ್ರಶ್ನಿಸಿದವನಿಗೆ ಹೊಡೆತ!](https://mobiletime.in/2025/10/an-innocent-person-is-beaten-the-one-who-questioned-him-is-beaten/): ಭಟ್ಕಳದಲ್ಲಿ ಅಮಾಯಕರಿಗೆ ಅನಗತ್ಯವಾಗಿ ಥಳಿಸುವ ಪ್ರಕರಣಗಳು ಹೆಚ್ಚಾಗುತ್ತಿದೆ. ಹೊಡೆದಾಟ ತಪ್ಪಿಸಲು ಹೋಗುವವರು ಸಹ ಪೆಟ್ಟು ತಿನ್ನುತ್ತಿದ್ದಾರೆ. ಇಂಥಹುದೇ ಒಂದು ಪ್ರಕರಣದಲ್ಲಿ ಮಹಮದ್ ರೋಹೇಬ್ ಸಹ ಹಲ್ಲೆಗೆ ಒಳಗಾಗಿದ್ದಾರೆ. 19 ವರ್ಷದ ಮಹಮದ್ ರೋಹೇಬ್ ಅವರು ಭಟ್ಕಳದ ಪುರವರ್ಗ ಮುಗಳಿಹೊಂಡದ 3ನೇ ಕ್ರಾಸಿನ ಭಾಷಾ ಹೌಸ್ ನಿವಾಸಿ. ಅಕ್ಟೊಬರ್ 11ರ ರಾತ್ರಿ 9.30ಕ್ಕೆ ಅವರು ನೆಹರು ರಸ್ತೆಯ ಕಡೆ ಹೋಗಿದ್ದರು. ಅಲ್ಲಿನ ರಂಜನ್ ಗ್ಯಾಸ್ ಎಜನ್ಸಿ ಎದುರು ಎಂಟು ಜನ ಸೇರಿ ಒಬ್ಬನಿಗೆ ಹೊಡೆಯುತ್ತಿದ್ದರು. ಇದನ್ನು ನೋಡಿದ ಮಹಮದ್ ರೋಹೇಬ್ ಅವರು ಆ ಹುಡುಗನ ಪರ ಧ್ವನಿ ಎತ್ತಿದರು. ಪರಿಣಾಮ ಅಲ್ಲಿದ್ದ ಜನ ಮಹಮದ್ ರೋಹೇಬ್ ಅವರನ್ನು ಹಿಡಿದು ಥಳಿಸಿದರು. ಬದ್ರಿಯಾ ಕಾಲೋನಿಯ ಹಮ್ದಾನ್ ಅವರು ಅಮಾಯಕನಿಗೆ ಹೊಡೆಯುತ್ತಿರುವುದನ್ನು ಮಹಮದ್ ರೋಹೇಬ್ ಅವರು ನೋಡಿದ್ದರು. ಹಮ್ದಾನ್ ಅವರನ್ನು ಉದ್ದೇಶಿಸಿ `ಆತನಿಗೆ ಏಕೆ ಹೊಡೆಯುತ್ತೀರಿ?’ ಎಂದು ಪ್ರಶ್ನಿಸಿದ್ದರು. `ಅಡ್ಡ ಬಂದರೆ ನಿನಗೂ ಹೊಡೆಯುವೆ’ ಎಂದು ಕೂಗಿದ ಹಮ್ದಾನ್ ಕೈಯಿಂದ ಒಂದು ಏಟು ಕೊಟ್ಟರು. ಇದನ್ನು ಮಹಮದ್ ರೋಹೇಬ್ ವಿರೋಧಿಸಿದಾಗ ಉಳಿದವರು ಸೇರಿ ಥಳಿಸಲು ಶುರು ಮಾಡಿದರು. ಮಹಮದ್ ರೋಹೇಬ್ ಅಲ್ಲಿಂದ ತಪ್ಪಿಸಿಕೊಂಡು ಓಡಿದರೂ ಸಹ ಅವರು ಬಿಡಲಿಲ್ಲ. ಹಿಂಬಾಲಿಸಿಕೊAಡು ಬಂದು ಇನ್ನಷ್ಟು ಪೆಟ್ಟು ಕೊಟ್ಟು ಪರಾರಿಯಾದರು. ಅದಾದ ನಂತರ ಅಕ್ಟೊಬರ 13ರ ರಾತ್ರಿ ಮಹಮದ್ ರೋಹೇಬ್ ಅವರ ಗೆಳೆಯ ಮಹಮ್ಮದ್ ನಿಹಾದ್ ಅವರು ಮನೆಗೆ ಹೊರಟಿದ್ದರು. ಆಗಲೂ, ಹೂವಿನಪೇಟೆಯ ಹಿಮಾಚಲ ಸ್ಟೋರ್ಸಿನ ಬಳಿ ಬೈಕಿನಲ್ಲಿ ಬಂದ ಕೆಲವರು ಅವರನ್ನು ಅಡ್ಡಗಟ್ಟಿದರು. ಆ ದಿನ ಹೊಡೆಪೆಟ್ಟಿನಲ್ಲಿ ಭಾಗಿಯಾಗಿದ್ದ ಬದ್ರಿಯಾ ಕಾಲೋನಿಯ ಹಮ್ದಾನ್ ಜೊತೆ ಕಾರಗದ್ದೆಯ ಸೆನಾನ್ ಮುಬಾರಕ್, ಫಾರುಕ್ ಸ್ಟಿಟಿನ ಮಾನ್ ಅಕ್ರಮಿ. ಶಾದ್ಲಿಸ್ಟಿಟಿನ ಮೊಹಮದ್ ಕಾಶೀಮ್, ಇಸ್ಸಾ ಹಾಗೂ ಬಿಲಾಲ್ ಸೇರಿ `ನೀನು ಮಹಮದ್ ರೋಬರಿಗೆ ಬೆಂಬಲ ಕೊಡುತ್ತೀಯಾ?’ ಎಂದು ಪ್ರಶ್ನಿಸಿದರು. ಮಹಮ್ಮದ್ ನಿಹಾದ್ ಅವರಿಗೂ ಅವರೆಲ್ಲರೂ ಜೀವ ಬೆದರಿಕೆ ಒಡ್ಡಿದರು. ಮೊದಲ ದಿನ ಸಹಿಸಿಕೊಂಡಿದ್ದ ಮಹಮದ್ ರೋಹೇಬ್ ಅವರು ಮರುದಿನ ಗೆಳೆಯನಿಗೂ ಬೆದರಿಸಿದನ್ನು ನೋಡಿ ಸುಮ್ಮನೆ ಕೂರಲಿಲ್ಲ. ಭಟ್ಕಳ ಶಹರ ಪೊಲೀಸ್ ಠಾಣೆಗೆ ತೆರಳಿ ಆ ಎಲ್ಲರ ವಿರುದ್ಧ ದೂರು ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದರು.
- [ಶಿರಸಿ: ಕಿರಾಣಿ ವ್ಯಾಪಾರಿಗೆ ಮಟ್ಕಾ ಕಲಿಸಿದ ಪ್ರಕಾಶ](https://mobiletime.in/2025/10/sirsi-prakash-teaches-matka-to-a-grocery-shopkeeper/): ಶಿರಸಿಯಲ್ಲಿ ಕಿರಾಣಿ ಅಂಗಡಿ ನಡೆಸುತ್ತಿದ್ದ ಅನಿಲ ಫರ್ನಾಂಡಿಸ್ ಅವರಿಗೆ ಪ್ರಕಾಶ ಹೆಗಡೆ ಅವರು ಕಮಿಷನ್ ಆಸೆ ತೋರಿಸಿ ಕಾನೂನುಬಾಹಿರ ಕೆಲಸ ಮಾಡಿಸುತ್ತಿದ್ದು, ಪೊಲೀಸರು ಇದನ್ನು ಪತ್ತೆ ಮಾಡಿದ್ದಾರೆ. ಪ್ರಕಾಶ ಹೆಗಡೆ ಅವರ ಮಾತು ಕೇಳಿ ಮಟ್ಕಾ ಆಡಿಸುತ್ತಿದ್ದ ಅನಿಲ ಫರ್ನಾಂಡಿಸ್ ಸಹ ಇದೀಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಶಿರಸಿ ಗಾಂಧೀನಗರ 8ನೇ ಕ್ರಾಸ್ ಅನಿಲ ರೋಜಾರ್ ಫರ್ನಾಂಡಿಸ್ ಅವರು ತಮ್ಮ ಪಾಡಿಗೆ ತಾವಿದ್ದರು. ತಮ್ಮ ಕಿರಾಣಿ ಅಂಗಡಿ ಮೂಲಕ ದಿನಸಿ ಮಾರಾಟ ಮಾಡಿ ಅವರು ಬದುಕು ನಡೆಸುತ್ತಿದ್ದರು. ಶಿರಸಿ ಸಂಪೆಕಟ್ಟುವಿನ ಪ್ರಕಾಶ ಶ್ರೀಪಾದ ಹೆಗಡೆ ಅವರು ಅನೀಲ ಹೆಗಡೆ ಅವರನ್ನು ಒಮ್ಮೆ ಭೇಟಿಯಾದರು. ಕಿರಾಣಿ ವ್ಯಾಪಾರದ ಜೊತೆ ಇನ್ನಷ್ಟು ದುಡಿಯುವ ಆಲೋಚನೆ ಬಗ್ಗೆ ವಿಷಯ ಪ್ರಸ್ತಾಪಿಸಿದರು. ಪ್ರಕಾಶ ಹೆಗಡೆ ಅವರು ಅನಿಲ ಫರ್ನಾಂಡಿಸ್ ಅವರಿಗೆ ಕುಳಿತಲ್ಲಿಯೇ ದುಡ್ಡು ಮಾಡುವ ಆಸೆ ತೋರಿಸಿದರು. ಅಂಕಿ-ಸAಖ್ಯೆಯ ಆಟ ಆಡಿ ಕಾಸು ಗೆಲ್ಲುವ ಯೋಜನೆ ವಿವರಿಸಿದರು. ಕಾನೂನುಬಾಹಿರವಾಗಿದ್ದರೂ ಮಟ್ಕಾ ಆಡಿಸುವಂತೆ ಅನಿಲ ಫರ್ನಾಂಡಿಸ್ ಅವರನ್ನು ಪ್ರೇರೇಪಿಸಿದರು. ಕಡಿಮೆ ಕೆಲಸದಿಂದ ಹೆಚ್ಚು ಹಣಗಳಿಸುವ ವಿಧಾನ ಅರಿತ ಅನಿಲ ಫರ್ನಾಂಡಿಸ್ ಅವರು ಸಹ ಪ್ರಕಾಶ ಹೆಗಡೆ ಅವರ ಜೊತೆ ಕೈ ಜೋಡಿಸಿದರು. ಅಕ್ಟೊಬರ್ 14ರಂದು ಅನಿಲ ಫರ್ನಾಂಡಿಸ್ ಅವರು ನಿಲೇಕಣಿ ಸುಬ್ರಹ್ಮಣ್ಯ ರಸ್ತೆ ಕಡೆ ಹೋಗುವ ರಸ್ತೆ ಮೇಲೆ ನಿಂತಿದ್ದರು. ಅಲ್ಲಿ ಬರುವ ಜನರನ್ನು ನಿಲ್ಲಿಸಿ `ಅದೃಷ್ಠದ ಆಟ ಆಡಿ’ ಎಂದು ಹಣಪಡೆಯುತ್ತಿದ್ದರು. ಶಿರಸಿ ನಗರ ಠಾಣೆ ಪಿಎಸ್‌ಐ ನಾಗಪ್ಪ ಅವರು ಇದನ್ನು ಗಮನಿಸಿದರು. ತಮ್ಮ ತಂಡದ ಜೊತೆ ನಾಗಪ್ಪ ಅವರು ಅನಿಲ ಫರ್ನಾಂಡಿಸ್ ಅವರ ಅಕ್ರಮ ಸಂಪಾದನೆಯನ್ನು ತಡೆದರು. ಆ ವೇಳೆ ಸಂಗ್ರಹಿಸಿದ್ದ 700ರೂ ಹಣವನ್ನು ಜಪ್ತು ಮಾಡಿದರು. ಆಗ, ಅನಿಲ ಫನಾಂಡಿಸ್ ಸತ್ಯ ಬಾಯ್ಬಿಟ್ಟಿದ್ದು `ಇದರಲ್ಲಿ ನನ್ನದೇನೂ ಇಲ್ಲ. ಪ್ರಕಾಶ ಹೆಗಡೆ ಅವರು ಹೇಳಿದಂತೆ ಮಾಡಿದ್ದೇನೆ’ ಎಂದರು. ಮಟ್ಕಾ ಬುಕ್ಕಿ ಪ್ರಕಾಶ ಹೆಗಡೆ ಅವರ ಹೆಸರು ಸೇರಿಸಿ ಅನಿಲ ಫರ್ನಾಂಡಿಸ್ ಅವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕುಮಟಾ: ಶಾಸಕರ ಸೂಚನೆಗೆ ಕವಡೆ ಕಾಸಿನ ಕಿಮ್ಮತ್ತಿಲ್ಲ!](https://mobiletime.in/2025/10/kumata-the-mlas-instructions-are-not-worth-a-penny/): ಕುಮಟಾದ ಗೋಕರ್ಣ ಕಡಲತೀರದಲ್ಲಿ ಕಳೆದ ವರ್ಷ ಗೋಕರ್ಣ ಉತ್ಸವ ನಡೆಸಲು ಅಲ್ಲಿದ್ದ ಗೋಪುರ ತೆರವುಗೊಳಿಸಲಾಗಿದ್ದು, ಗೋಪುರ ಮರು ನಿರ್ಮಾಣಕ್ಕೆ ಶಾಸಕರು ಸೂಚನೆ ನೀಡಿ ವರ್ಷ ಕಳೆದರೂ ಆ ಕೆಲಸ ನಡೆದಿಲ್ಲ. ಹೀಗಾಗಿ ಬೇರೆಯವರ ಜೀವ ಉಳಿಸಲು ತಮ್ಮ ಜೀವ ಪಣಕ್ಕಿಡುವ ಸಾಹಸಿ ಜೀವ ರಕ್ಷಕರಿಗೆ ಕಡಲ ತೀರದಲ್ಲಿ ಸರಿಯಾದ ಸೂರಿಲ್ಲ! ಏಳು ವರ್ಷಗಳ ಹಿಂದೆ ಗೋಕರ್ಣ ಕಡಲತೀರದಲ್ಲಿ ಖಾಸಗಿ ಕಂಪನಿಯವರು ವಾಚ್ ಟವರ್ ಮಾದರಿಯ ಗೋಪುರ ನಿರ್ಮಿಸಿ ಕೊಟ್ಟಿದ್ದರು. ಅಲೆಗಳ ಅಬ್ಬರಕ್ಕೆ ಆ ಗೋಪುರ ಕೊಚ್ಚಿ ಹೋಗುತ್ತಿದ್ದು, ಅದನ್ನೇ ಸರಿಪಡಿಸಿ ಬಳಸಲಾಗುತ್ತಿತ್ತು. ಕಳೆದ ವರ್ಷ ಶಿವರಾತ್ರಿ ಅವಧಿಯಲ್ಲಿ ಕಡಲಿನಲ್ಲಿ ಗೋಕರ್ಣ ಉತ್ಸವ ನಡೆಸಲು ನಿರ್ಧರಿಸಲಾಗಿದ್ದು, ಆ ವೇಳೆ ಅಲ್ಲಿದ್ದ ಗೋಪುರವನ್ನು ತೆರವು ಮಾಡಲು ಉದ್ದೇಶಿಸಲಾಯಿತು. ಆಗ, ಜೀವ ರಕ್ಷಕ ಸಿಬ್ಬಂದಿ ಆತಂಕವ್ಯಕ್ತಪಡಿಸಿದರು. ಗ್ರಾಮ ಪಂಚಾಯತದವರು 15 ದಿನದಲ್ಲಿ ಹೊಸ ಗೋಪುರ ನಿರ್ಮಿಸುವ ಭರವಸೆ ನೀಡಿ ಅದನ್ನು ತೆರವು ಮಾಡಿದರು. ಶಾಸಕ ದಿನಕರ ಶೆಟ್ಟಿ ಅವರು ಸಹ ಹೊಸ ಗೋಪುರ ನಿರ್ಮಿಸುವಂತೆ ಅಧಿಕಾರಿಗಳಿಗೆ ತಾಕೀತು ಮಾಡಿದರು. ಆದರೆ, ಅದಾಗಿ ವರ್ಷ ಕಳೆದರೂ ಗೋಪುರ ಮಾತ್ರ ನಿರ್ಮಾಣವಾಗಲಿಲ್ಲ. ಮೊದಲಿದ್ದ ಗೋಪುರ ಮುರಿದು ಬೀಳುವ ಸ್ಥಿತಿಯಲ್ಲಿತ್ತು. ಅದಾಗಿಯೂ ಜೀವರಕ್ಷಕ ಸಿಬ್ಬಂದಿ ಅದರ ಅಡಿ ತಮ್ಮ ರಕ್ಷಣಾ ಸಲಕರಣೆಗಳನ್ನಿರಿಸುತ್ತಿದ್ದರು. ಗೋಪುರದ ಮೇಲ್ಬಾಗ ಕುಳಿತು ಅವರು ಸಮುದ್ರ ಚಟುವಟಿಕೆ ವೀಕ್ಷಿಸುತ್ತಿದ್ದರು. ಅಪಾಯದಲ್ಲಿ ಸಿಲುಕಿದವರನ್ನು ತಕ್ಷಣ ರಕ್ಷಿಸಲು ಆ ಗೋಪುರ ಸಹಕಾರಿಯಾಗಿದ್ದು, ಇದೀಗ ಅದು ಇಲ್ಲವಾಗಿದೆ. ಸದ್ಯ ಜೀವರಕ್ಷ ಸಲಕರಣೆಯನ್ನ ಶುದ್ದ ಕುಡಿಯುವ ನೀರಿನ ಘಟಕದ ಇಕ್ಕಟ್ಟಾದ ಜಾಗದಲ್ಲಿರಿಸಲಾಗಿದೆ. ಜೋರು ಮಳೆ ಬಂದರೆ ಜೀವ ರಕ್ಷಕರು ಛತ್ರಿ ಹಿಡಿದು ಕಾರ್ಯಾಚರಣೆ ಮಾಡುವ ಸ್ಥಿತಿಯಿದೆ. ಬೇಸಿಗೆಯಲ್ಲಿ ಅವರ ನೆತ್ತಿಯ ಮೇಲೆ ಬಿಸಲು ಬೀಳುತ್ತಿದ್ದು, ದಿನವಿಡೀ ಕಡಲತೀರದಲ್ಲಿ ನಿಲ್ಲುವುದು ಅನಿವಾರ್ಯವಾಗಿದೆ. ಇದೆಲ್ಲದರ ನಡುವೆ ಕುಡ್ಲೆ ಕಡಲತೀರದಲ್ಲಿ ನಿರ್ಮಿಸಿದ ವೀಕ್ಷಣಾ ಗೋಪುರ ಸಹ ತುಕ್ಕು ಹಿಡಿದು ತುಂಡಾಗಿದೆ. ಓಂ ಕಡಲತೀರದಲ್ಲಿನ ಗೋಪುರ ಅರ್ಧ ಮರಳಿನಲ್ಲಿ ಹೂತು ಹೋಗಿದೆ. ನಿತ್ಯವೂ ಸಾವಿರಾರು ಪ್ರವಾಸಿಗರು ಬರುವ ಈ ಕ್ಷೇತ್ರದಲ್ಲಿ ಕೆಲಸ ಮಾಡುವ ಜೀವ ರಕ್ಷಕರ ಜೀವಕ್ಕೆ ಇಲ್ಲಿ ಬೆಲೆಯಿಲ್ಲ ಎಂಬ ಮಾತು ಕೇಳಿಬಂದಿದೆ.
- [ಅಶುಚಿತ್ವ: ಅಸುರಕ್ಷಿತವಾಗಿರುವ ಅಂಗನವಾಡಿ!](https://mobiletime.in/2025/10/uncleanness-anganwadi-that-is-unsafe/): ಹೊನ್ನಾವರದ ಕಾಸರಕೋಡಿನ ಬಳಿಯಿರುವ ಹಿರೇಮಠ್ ಅಂಗನವಾಡಿ ಅವ್ಯವಸ್ಥೆಯ ಆಗರವಾಗಿದೆ. ಇಲ್ಲಿನ ಕಟ್ಟಡ ಶಿಥಿಲಗೊಂಡಿದ್ದು, ಕಟ್ಟಡ ಸುತ್ತ ಗಿಡಗಂಟಿಗಳು ಹೇರಳವಾಗಿ ಬೆಳೆದಿದೆ. ಹೀಗಾಗಿ ಅಂಗನವಾಡಿಯಲ್ಲಿನ ಮಕ್ಕಳಿಗೆ ಅಸುರಕ್ಷತೆ ಕಾಡುತ್ತಿದೆ. ಈ ಅಂಗನವಾಡಿಯ ಮೇಲ್ಚಾವಣಿಗೆ ಅಂಟಿರುವ ರೀಪು-ಪಕಾಸಿಗೆ ವರಲೆ ಕಾಟ ಜೋರಾಗಿದೆ. ಮರದ ನಾಟಾಗಳು ತುಂಡಾಗುತ್ತಿದ್ದು, ಮಕ್ಕಳ ಮೇಲೆ ಬೀಳುವ ಅಪಾಯವಿದೆ. ಅಂಗನವಾಡಿ ಸುತ್ತಲಿನ ಪ್ರದೇಶ ಅಶುಚಿತ್ವದಿಂದ ಕೂಡಿದೆ. ಅಲ್ಲಿ ಬೆಳೆದ ಗಿಡಗಳ ಮೂಲಕ ಹಾವು-ಹುಳ ಹುಪಡಿಗಳು ಕಟ್ಟಡದ ಒಳಗೆ ನುಸುಳುತ್ತಿವೆ. ಇಷ್ಟೆಲ್ಲ ಸಮಸ್ಯೆಯಿದ್ದರೂ ಅಧಿಕಾರಿಗಳು ಮಾತ್ರ ಅಂಗನವಾಡಿ ಮಕ್ಕಳ ಸುರಕ್ಷತೆ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಈ ಅಂಗನವಾಡಿಗೆ ಸದ್ಯ ನೀರಿನ ಸಮಸ್ಯೆ ಸಹ ಕಾಡುತ್ತಿದೆ. ದೂರದಲ್ಲಿರುವ ಬೋರ್ ನೀರು ಅಂಗನವಾಡಿಗೆ ಬರುತ್ತಿಲ್ಲ. ಶಿಕ್ಷಕರು ಈ ಬಗ್ಗೆ ಮೇಲಧಿಕಾರಿಗಳಿಗೆ ತಿಳಿಸಿದರೂ ಸಮಸ್ಯೆ ಬಗೆಹರಿದಿಲ್ಲ. ಸಮೀಪದ ಸರ್ಕಾರಿ ಶಾಲೆ ಸಹ ಮುಚ್ಚಿ ಹೋಗಿದ್ದು, ಅಲ್ಲಿಯೂ ಲಕ್ಷಾಂತರ ರೂ ಮೌಲ್ಯದ ಪೀಠೋಪಕರಣಗಳು ಹಾಳಾಗುತ್ತಿದೆ. ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಹಾಗೂ ಸುಧಾಕರ ನಾಯ್ಕ ಗುರುವಾರ ಅಂಗನವಾಡಿಗೆ ಭೇಟಿ ನೀಡಿ ಅಲ್ಲಿನ ವ್ಯವಸ್ಥೆ ಪರಿಶೀಲಿಸಿದರು. `ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯವರು ಅಂಗನವಾಡಿಯ ಪರಿಸ್ಥಿತಿ ಗಮನಿಸಬೇಕು. ಜಿಲ್ಲಾಧಿಕಾರಿಗಳು ಈ ಬಗ್ಗೆ ಗಮನಹರಿಸಬೇಕು’ ಎಂದವರು ಆಗ್ರಹಿಸಿದರು.
- [KDCC ಚುನಾವಣೆ: ಅಬಲೆಯ ವಿರುದ್ಧ ಅಪಪ್ರಚಾರ!](https://mobiletime.in/2025/10/kdcc-elections-slander-against-abalaya/): ಕೆಡಿಸಿಸಿ ಚುನಾವಣೆಗೆ ದಿನಗಣನೆ ಶುರುವಾಗಿದ್ದು, ಪ್ರಚಾರದ ಪ್ರಮಾಣದಲ್ಲಿಯೇ ಅಪಪ್ರಚಾರವೂ ಜೋರಾಗಿದೆ. ಈ ಬ್ಯಾಂಕಿನ 105 ವರ್ಷಗಳ ಇತಿಹಾಸದಲ್ಲಿ ಒಬ್ಬ ಮಹಿಳೆ ಸಹ ನಿರ್ದೇಶಕರಾಗಿಲ್ಲ. ಹೀಗಾಗಿ ಮಹಿಳಾ ಪ್ರಾತಿನಿಧ್ಯತೆಯನ್ನು ಪ್ರತಿಪಾದಿಸುವ ಉದ್ದೇಶದಿಂದ ಪ್ರಥಮ ಬಾರಿಗೆ ಸರಸ್ವತಿ ಎನ್ ರವಿ ಅವರು ಚುನಾವಣೆಗೆ ಸ್ಪರ್ಧಿಸಿದ್ದು, ಅಪಪ್ರಚಾರ ಅವರನ್ನು ಬಿಟ್ಟಿಲ್ಲ! `ಯಾವುದೇ ವ್ಯಕ್ತಿ ಅಥವಾ ಬಣದ ಪ್ರತಿನಿಧಿಯಾಗಿ ನಾನು ಚುನಾವಣೆಗೆ ಸ್ಪರ್ಧಿಸಿಲ್ಲ. ನಾನು ನಾಮಪತ್ರ ಹಿಂಪಡೆಯುತ್ತೇನೆ ಎಂಬ ಅಪಪ್ರಚಾರದಲ್ಲಿಯೂ ಹುರುಳಿಲ್ಲ’ ಎಂದು ಬಾರಿಗೆ ಸರಸ್ವತಿ ಎನ್ ರವಿ ಅವರು ಶಿರಸಿಯಲ್ಲಿ ಸುದ್ದಿಗಾರರ ಬಳಿ ಹೇಳಿಕೊಂಡರು. `ಅನಾವಶ್ಯಕ ಅಪಪ್ರಚಾರ ಮಾಡುತ್ತಿರುವುದು ನನ್ನ ಸ್ಫರ್ಧೆಯನ್ನು ಹತ್ತಿಕ್ಕುವ ಪ್ರಯತ್ನವಾಗಿದೆ. ನಾನು ಮಹಿಳಾ ಪ್ರಾತಿನಿಧ್ಯ, ಎಲ್ಲಾ ಸಹಕಾರಿ ಸಂಘಗಳಿಗೂ ಸಮಾನ ಅವಕಾಶಗಳು ಸಿಗಬೇಕು ಎಂಬ ಸಾಮಾಜಿಕ ನ್ಯಾಯಕ್ಕಾಗಿ ಚುನಾವಣೆಗೆ ಸ್ಫರ್ಧಿಸಿದ್ದೇನೆ. ಇದನ್ನು ಹೊರತುಪಡಿಸಿ ಯಾರ ಒತ್ತಡ ಅಥವಾ ಆಮೀಷಕ್ಕೆ ಬಲಿಯಾಗಿಲ್ಲ’ ಎಂದವರು ಸ್ಪಷ್ಟಪಡಿಸಿದರು. `ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಅಧ್ಯಕ್ಷೆಯಾಗಿ, ಕರ್ನಾಟಕ ರಾಜ್ಯ ಸಂಯುಕ್ತ ಸೌಹಾರ್ದ ಸಹಕಾರಿಯ ನಿರ್ದೇಶಕಿಯಾಗಿ, ಉತ್ತರ ಕನ್ನಡ ಜಿಲ್ಲಾ ಸೌಹಾರ್ದ ಸಹಕಾರಿಗಳ ಒಕ್ಕೂಟದ ಸಂಸ್ಥಾಪಕ ನಿರ್ದೇಶಕಿಯಾಗಿ, ಶಿರಸಿಯ ರೋಟರಿ ಸಂಸ್ಥೆಯ ಪ್ರಥಮ ಮಹಿಳಾ ಕಾರ್ಯದರ್ಶಿಯಾಗಿ, ಸ್ಕೊಡ್‌ವೆಸ್ ಸಂಸ್ಥೆಯ ಮುಖ್ಯ ಹಣಕಾಸು ಹಾಗೂ ಆಡಳಿತಾಧಿಕಾರಿಯಾಗಿ, ಶಾಲ್ಮಲಾ ಅಗ್ರೋ ಫೇರ್ ಎಂಡ್ ಇಲೈಟ್ ಸರ್ವಿಸಸ್ ಪ್ರೆöÊವೇಟ್ ಲಿ ಕಂಪನಿಯ ನಿರ್ದೇಶಕಿಯಾಗಿ ಕೆಲಸ ಮಾಡಿದ್ದೇನೆ. ಹಲವಾರು ರಾಜ್ಯ ಮತ್ತು ರಾಷ್ಟಮಟ್ಟದ ಸಂಸ್ಥೆಗಳ ಸದಸ್ಯಳಾಗಿ ಕಾರ್ಯನಿರ್ವಹಿಸಿದ ಅನುಭವದ ಹಿನ್ನೆಲೆಯಲ್ಲಿ ಕೆಡಿಸಿಸಿ ಬ್ಯಾಂಕಿನ ಚುನಾವಣೆಗೆ ಸ್ಫರ್ಧಿಸುತ್ತಿದ್ದೇನೆ. ನನಗೆ ಯಾವುದೇ ಬಣದ ಸಹಕಾರವಿಲ್ಲದಿದ್ದರೂ ಅದರ ಭಯವಿಲ್ಲ. ಯಾವುದೇ ಬಣದ ವಿರುದ್ಧದ ಸ್ಫರ್ಧೆಯೂ ನನ್ನದಲ್ಲ’ ಎಂದವರು ಹೇಳಿದರು. `ಸಹಕಾರಿ ಕ್ಷೇತ್ರದಲ್ಲಿ ಪಾರದರ್ಶಕ ಚುನಾವಣೆಯಾಗಬೇಕು’ ಎಂಬ ಆಶಯವ್ಯಕ್ತಪಡಿಸಿದರು. `ಜಿಲ್ಲೆಯ ಸಹಕಾರಿಗಳಿಗೆ ರಾಜ್ಯದಲ್ಲಿಯೇ ವಿಶೇಷ ಗೌರವವಿದೆ. ಯಾವುದೇ ಸಂದರ್ಭದಲ್ಲೂ ಆಸೆ, ಆಮಿಷಗಳಿಗೆ ಮರುಳಾಗಿ ತಾವು ಪ್ರತಿನಿಧಿಸುವ ಸಂಸ್ಥೆಗಳಿಗೆ ದ್ರೋಹ ಬಗೆಯುವುದಿಲ್ಲ. ಸಹಕಾರಿ ಮತದಾರರು ಬುದ್ಧಿವಂತ ಸುಸಂಸ್ಕೃತರು. 105 ವರ್ಷಗಳಲ್ಲಿ ಪ್ರಥಮ ಬಾರಿಗೆ ಕೆಡಿಸಿಸಿ ಬ್ಯಾಂಕಿನ ಚುನಾವಣೆಗೆ ಸ್ಫರ್ಧಿಸುತ್ತಿರುವ ನನ್ನ ಅನುಭವ ಮತ್ತು ಸಾಮರ್ಥ್ಯವನ್ನು ನೋಡಿ ಮತದಾನ ಮಾಡುತ್ತಾರೆ ಎಂಬ ನಂಬಿಕೆ ನನಗಿದೆ. ಚುನಾವಣೆಯಲ್ಲಿ ಯಾವುದೇ ಫಲಿತಾಂಶ ಬಂದರೂ ಅದನ್ನು ಗೌರವಯುತವಾಗಿ ಸ್ವೀಕರಿಸುತ್ತೇನೆ. ದಯವಿಟ್ಟು ಸಹಕಾರಿ ಹಾಗೂ ಸಾಮಾಜಿಕ ಕ್ಷೇತ್ರದಲ್ಲಿ ಕಳೆದ 15-20 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿರುವ ನನ್ನ ಹೋರಾಟಕ್ಕೆ ಎಲ್ಲಾ ಸಹಕಾರಿಗಳು ಕೈ ಜೋಡಿಸಬೇಕು’ ಎಂದು ಮನವಿ ಮಾಡಿದರು. ಪ್ರಮುಖರಾದ ಹೇಮಲತಾ ಚೌಗುಲೆ, ಗೀತಾ ಹಣಬರ್, ವೀಣಾ ಮೊಗೇರ, ಸರೋಜಾ ಗಂಗೊಳ್ಳಿ, ಸ್ವಾತಿ ಶೆಟ್ಟಿ, ಲಲಿತಾ ಹೆಗಡೆ, ಭಾಗೀರತಿ ನಾಯ್ಕ, ರೇಖಾ ನಾಯ್ಕ ಹಾಗೂ ಮಾನಸ ಹೆಗಡೆ ಅವರು ಸರಸ್ವತಿ ಎನ್ ರವಿ ಅವರಿಗೆ ಬೆಂಬಲವಾಗಿದ್ದರು.
- [ಹೆದ್ದಾರಿ ಹೊಂಡಕ್ಕೆ ಹೆದರಿದ ಹೊರಟ್ಟಿ ಕಾರು!](https://mobiletime.in/2025/10/a-car-sped-away-from-a-pothole-on-the-highway/): ಅಂಕೋಲಾದಿoದ ಹುಬ್ಬಳ್ಳಿ ಕಡೆ ಹೊರಟಿದ್ದ ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ ಅವರ ಕಾರು ಯಲ್ಲಾಪುರದಲ್ಲಿ ಹೊಂಡ ಹಾರಿದೆ. ಜೊತೆಗೆ ಆ ಕಾರಿನ ಚಕ್ರ ಅಲ್ಲಿಯೇ ಸ್ಪೋಟಗೊಂಡಿದೆ. ಪರಿಣಾಮ ಬಸವರಾಜ ಹೊರಟ್ಟಿ ಅವರು ಸಮಯಕ್ಕೆ ಸರಿಯಾಗಿ ಹುಬ್ಬಳ್ಳಿಗೆ ತೆರಳಲಾರದೇ ಸಮಸ್ಯೆ ಅನುಭವಿಸಿದರು. ಬುಧವಾರ ರಾತ್ರಿ ಬಸವರಾಜ ಹೊರಟ್ಟಿ ಅವರು ಹೆದ್ದಾರಿ ಮೂಲಕ ಹುಬ್ಬಳ್ಳಿಗೆ ಹೋಗುತ್ತಿದ್ದರು. ಯಲ್ಲಾಪುರ ಕಡೆಯಿಂದ ಹುಬ್ಬಳ್ಳಿ ಕಡೆಗೆ ಹೊರಟಿದ್ದ ಹೊರಟ್ಟಿಯವರ ಕಾರು ಕೋಳಿಕೇರಿ ಹಾಗೂ ಮಾವಳ್ಳಿ ಕ್ರಾಸ್ ನಡುವಿನ ಪ್ರದೇಶದಲ್ಲಿ ಹಾಳಾಯಿತು. ಅಲ್ಲಿ ಮೊಬೈಲ್ ನೆಟ್‌ವರ್ಕ ಸಹ ಸರಿಯಾಗಿ ಇರಲಿಲ್ಲ. ಅವರಿವರಿಗೆ ಫೋನ್ ಮಾಡಿದ ಬಸವರಾಜ ಹೊರಟ್ಟಿ ಅವರು ಕೊನೆಗೆ ಸಂಕಲ್ಪ ಅಧ್ಯಕ್ಷ ಪ್ರಮೋದ ಹೆಗಡೆ ಅವರಿಗೆ ಫೋನ್ ಮಾಡಿದರು. ಪ್ರಮೋದ ಹೆಗಡೆ ಅವರು ಸ್ಥಳಕ್ಕೆ ಬಂದು ತಮ್ಮ ಕಾರನ್ನು ಬಸವರಾಜ ಹೊರಟ್ಟಿ ಅವರಿಗೆ ಕೊಟ್ಟರು. ಪೊಲೀಸರೂ ಸ್ಥಳಕ್ಕೆ ಬಂದು ಬಸವರಾಜ ಹೊರಟ್ಟಿ ಅವರ ಕಾರಿಗೆ ಬೇರೆ ಟೈರ್ ಅಳವಡಿಸಲು ವ್ಯವಸ್ಥೆ ಮಾಡಿದರು. ಬಸವರಾಜ ಹೊರಟ್ಟಿ ಅವರ ಕಾರು ವೇಗವಾಗಿ ಚಲಿಸಿದರೂ ಚಾಲಕನ ಸಮಯ ಪ್ರಜ್ಞೆಯಿಂದ ಇನ್ನಷ್ಟು ದೊಡ್ಡ ಸಮಸ್ಯೆ ಆಗಲಿಲ್ಲ. ರಾಜ್ಯದ ಎಲ್ಲಡೆ ರಸ್ತೆಗಳಲ್ಲಿ ಗುಂಡಿ ತುಂಬಿದ್ದು, ಇದಕ್ಕೆ ಯಲ್ಲಾಪುರ ಹೆದ್ದಾರಿ ಸಹ ಹೊರತಾಗಿಲ್ಲ. ನಿತ್ಯ ಇಲ್ಲಿ ಅನೇಕ ವಾಹನ ಹಾಳಾಗುತ್ತಿದ್ದು ಪ್ರಭಾವಿ ರಾಜಕಾರಣಿಯೂ ಆಗಿರುವ ಬಸವರಾಜ ಹೊರಟ್ಟಿ ಅವರೇ ಸಮಸ್ಯೆ ಅನುಭವಿಸಿದ್ದು ಸರ್ಕಾರವನ್ನು ಮುಜುಗರಕ್ಕೆ ಸಿಲುಕಿಸಿತು.
- [ಆ ಮೂರು ವಾರದೊಳಗೆ ಈ ಕೆಲಸ ಮಾಡಿಬಿಡಿ!](https://mobiletime.in/2025/10/get-this-done-within-those-three-weeks/): `ಹುಟ್ಟು-ಸಾವಿನ 21ದಿನದ ಒಳಗೆ ನೋಂದಣಿ ಮಾಡುವುದು ಕಡ್ಡಾಯವಾಗಿದ್ದು, ಯಾವುದೇ ಕಾರಣಕ್ಕೂ ವಿಳಂಭವಾಗದAತೆ ಎಚ್ಚರಿಕೆವಹಿಸಿ’ ಎಂದು ಜಿಲ್ಲಾಧಿಕರಿ ಕೆ ಲಕ್ಷ್ಮೀಪ್ರಿಯ ಸೂಚಿಸಿದ್ದಾರೆ. ಜನನ ಮರಣ ನೊಂದಣಿ ಸಮನ್ವಯ ಸಮಿತಿ ಸಭೆಯಲ್ಲಿ ಮಾತನಾಡಿದ ಅವರು `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಂಭವಿಸುವ ಜನನ ಮತ್ತು ಮರಣದ ನೋಂದಣಿ ಮಾಡುವ ಬಗ್ಗೆ ಅಧಿಕಾರಿಗಳು ಅರಿವು ಮೂಡಿಸಬೇಕು. ನೋಂದಣಿ ನಂತರ ಡಿಜಿಟಲ್ ಸಿಗ್ನೇಜರ್ ಹೊಂದಿರುವ ಪ್ರಮಾಣ ಪತ್ರವನ್ನು ವಿತರಿಸಬೇಕು’ ಎಂದು ನಿರ್ದೇಶನ ನೀಡಿದ್ದಾರೆ. `ಪ್ರತಿ ತಾಲೂಕುಗಳಲ್ಲಿಯೂ ತಹಶೀಲ್ದಾರ್ ಅಧ್ಯಕ್ಷತೆಯಲ್ಲಿ ಸಮನ್ವಯ ಸಮಿತಿ ಸಭೆ ನಡೆಸಬೇಕು. ಜನನ ಮರಣದ ನೋಂದಣಿ ಸಮಯದಲ್ಲಿ ದಿನಾಂಕ ತಪ್ಪಾಗಿ ನಮೂದಾಗದ ರೀತಿ ಎಚ್ಚರಿಕೆವಹಿಸಬೇಕು’ ಎಂದವರು ಸೂಚಿಸಿದರು. `ತಾಲೂಕು ಮಟ್ಟದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ ಸಂರಕ್ಷಣಾಧಿಕಾರಿಗಳು, ನೊಂದಣಾಧಿಕಾರಿಗಳು, ಉಪನೋಂದಣಾಧಿಕಾರಿಗಳು, ಖಾಸಗಿ ಆಸ್ಪತ್ರೆಯ ವೈದ್ಯಾಧಿಕಾರಿಗಳು ಹಾಗೂ ಆಪರೇಟರ್‌ಗಳಿಗೆ ತರಬೇತಿ ನೀಡಬೇಕು. ಮರಣ ಕಾರಣದ ಪ್ರಮಾಣಪತ್ರಗಳನ್ನು ಕಡ್ಡಾಯವಾಗಿ ನೀಡುವ ಕುರಿತಂತೆ ಆರೋಗ್ಯ ಇಲಾಖೆಯ ಮೂಲಕ ಜಿಲ್ಲೆಯಲ್ಲಿನ ಎಲ್ಲಾ ಆಸ್ಪತ್ರೆಗಳಿಗೆ ನಿರ್ದೇಶನ ನೀಡಬೇಕು’ ಎಂಬ ಸೂಚನೆ ನೀಡಿದ್ದಾರೆ. ಜನನ ಮರಣದ ನೊಂದಣಿಯ ದಾಖಲೆಗಳನ್ನು ಶಾಶ್ವತವಾಗಿ ಕಾಯ್ದಿರಿಸುವ ಕುರಿತಂತೆ ಅವುಗಳನ್ನು ಸ್ಕಾನಿಂಗ್ ಮತ್ತು ಡಿಜಿಟಲೈಶನ್ ಮಾಡುವ ಕುರಿತಂತೆ ಕ್ರಮ ಕೈಗೊಳ್ಳುವಂತೆ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗೆ ಅವರು ಸೂಚಿಸಿದ್ದಾರೆ. `ಜಿಲ್ಲೆಯಲ್ಲಿ ಪ್ರಸಕ್ತ ಕ್ಯಾಲೆಂಡರ್ ವರ್ಷದಲ್ಲಿ ಇದುವರೆಗೆ 6494 ಗಂಡು ಮತ್ತು 6049 ಹೆಣ್ಣು ಮಗುವಿನ ಜನನವಾಗಿದೆ. 4771 ಪುರುಷರು ಮತ್ತು 3681 ಮಹಿಳೆಯರು ವಿವಿಧ ಕಾರಣಗಳಿಂದ ಮರಣ ಹೊಂದಿದ್ದಾರೆ’ ಎಂದು ಈ ಸಭೆಯಲ್ಲಿ ಮಾಹಿತಿ ನೀಡಲಾಗಿದೆ. ಉಪ ವಿಭಾಗಾಧಿಕಾರಿ ಶ್ರವಣ ಕುಮಾರ್, ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿ ಸೋಮಶೇಖರ್ ಮೇಸ್ತಾ, ಕ್ರಿಮ್ಸ್ ಡೀನ್ ಡಾಪೂರ್ಣಿಮಾ, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ನೀರಜ್, ನಗರಾಭಿವೃಧ್ದಿ ಕೋಶದ ಯೋಜನಾ ನಿರ್ದೇಶಕ ಜಹೀರ್ ಅಬ್ಬಾಸ್, ಮಹಿಳಾ ಮತ್ತು ಮಕ್ಕಳ ಅಭಿವೃಧ್ದಿ ಇಲಾಖೆ ಉಪನಿರ್ದೇಶಕ ಕೃಷ್ಣಪ್ಪ ಸಭೆಯಲ್ಲಿದ್ದರು.
- [ಮನುಷ್ಯನನ್ನು ಕೊಂದ ಮೊನಚಾದ ಮೀನು!](https://mobiletime.in/2025/10/the-spiky-fish-that-killed-a-man/): ಮೀನುಗಾರಿಕೆಗೆ ತೆರಳಿದ್ದ ಕಾರವಾರದ ಮೀನುಗಾರ ಅಕ್ಷಯ ಮಾಜಾಳಿಕರ್ ಅವರ ಹೊಟ್ಟೆಗೆ ಮೊನಚಾದ ಮೀನು ಚುಚ್ಚಿದೆ. ವೈದ್ಯಕೀಯ ನೆರವುಪಡೆದರೂ ಅದು ಫಲಕಾರಿಯಾಗದೇ ಅಕ್ಷಯ ಮಾಜಾಳಿಕರ್ ಅವರು ಸಾವನಪ್ಪಿದ್ದಾರೆ. ಮಾಜಾಳಿ ದಾಂಡೇಭಾಗದಲ್ಲಿ ಅಕ್ಷಯ ಮಾಜಾಳಿಕರ್ (24) ಅವರು ವಾಸವಾಗಿದ್ದರು. ಉತ್ತಮ ಈಜುಗಾರರಾಗಿದ್ದ ಅವರು ಮೀನುಗಾರಿಕೆ ನಡೆಸಿ ಜೀವನ ನಡೆಸುತ್ತಿದ್ದರು. ಅಕ್ಟೊಬರ್ 14ರಂದು ಅಕ್ಷಯ ಮಾಜಾಳಿಕರ್ (24) ಅವರು ಮೀನುಗಾರಿಕೆಗೆ ಹೋಗಿದ್ದರು. ಆಳ ಸಮುದ್ರ ಪ್ರವೇಶಿಸಿದಾಗ ಅಲ್ಲಿದ್ದ ಕಾಂಡಿ ಮೀನು ದೋಣಿ ಮೇಲ್ಬಾಗದವರೆಗೆ ಹಾರಿತು. ಆ ಮೀನು ಅಕ್ಷಯ ಮಾಜಾಳಿಕರ್ ಅವರ ಹೊಟ್ಟೆಗೆ ಚುಚ್ಚಿತು. 10 ಇಂಚು ಉದ್ದದ ಮೀನು ಚುಚ್ಚಿದ ಪರಿಣಾಮ ಅಕ್ಷಯ ಅವರ ಹೊಟ್ಟೆ ತಳಭಾಗ ಸೀಳು ಬಿದ್ದಿತ್ತು. ಗಾಯಗೊಂಡ ಅಕ್ಷಯ ಮಾಜಾಳಿಕರ್ ಅವರು ಆಸ್ಪತ್ರೆಗೆ ದಾಖಲಾದರು. ಎರಡು ದಿನಗಳ ಕಾಲ ಅಕ್ಷಯ ಮಾಜಾಳಿಕರ್ ಅವರು ಚಿಕಿತ್ಸೆಪಡೆದಿದ್ದರು. ಕಾರವಾರ ವೈದ್ಯಕೀಯ ವಿಜ್ಞಾನ ಕಾಲೇಜಿನವರು ಅಕ್ಷಂiÀi ಮಾಜಾಳಿಕರ್ ಅವರಿಗೆ ಚಿಕಿತ್ಸೆ ನೀಡಿದ್ದರು. ಚುಚ್ಚಿದ ಗಾಯಕ್ಕೆ ಹೊಲಿಗೆ ಹಾಕಿ ಮನೆಗೆ ಕಳುಹಿಸಿದ್ದರು. . ಆದರೆ, ನೋವು ಕಡಿಮೆ ಆಗದ ಕಾರಣ ಅಕ್ಷಯ ಮಾಜಾಳಿಕರ್ ಅವರು ಮತ್ತೆ ಆಸ್ಪತ್ರೆಗೆ ಮರಳಿದ್ದು, ಗುರುವಾರ ಬೆಳಗ್ಗೆ ಸಾವನಪ್ಪಿದರು. ವೈದ್ಯರು ಸರಿಯಾಗಿ ಚಿಕಿತ್ಸೆಕೊಡದ ಪರಿಣಾಮ ಅಕ್ಷಯ ಮಾಜಾಳಿಕರ್ ಅವರು ಸಾವನಪ್ಪಿದ ಬಗ್ಗೆ ಮೀನುಗಾರರು ದೂರಿದರು. ವೈದ್ಯರ ವಿರುದ್ಧ ಪ್ರತಿಭಟನೆ ಮೊನಚಾದ ಮೀನಿನ ಮೂತಿ ಅಕ್ಷಯ ಅವರ ಹೊಟ್ಟೆಯೊಳಗೆ ಹೋಗಿದ್ದು, ಅದೇ ಸಾವಿಗೆ ಕಾರಣ ಎಂಬ ಶಂಕೆವ್ಯಕ್ತವಾಗಿದೆ. ಸೂಕ್ತ ಚಿಕಿತ್ಸೆ ನೀಡದ ಕಾರಣ ಅಕ್ಷಂiÀi ಮಾಜಾಳಿಕರ್ ಸಾವನಪ್ಪಿರುವ ಬಗ್ಗೆ ಮೀನುಗಾರರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಸಾವನಪ್ಪಿದ ಯುವಕನ ಸಂಬAಧಿಕರು ಆಸ್ಪತ್ರೆ ಬಳಿ ಜಮಾಯಿಸಿದ್ದಾರೆ. ಕಿಮ್ಸ್ ವೈದ್ಯರ ವಿರುದ್ಧ ನೂರಾರು ಜನ ಪ್ರತಿಭಟನೆ ನಡೆಸಿದ್ದಾರೆ. ಆಸ್ಪತ್ರೆ ಆವರಣದಲ್ಲಿ ಇದೀಗ `ಬೇಕೇ ಬೇಕು.. ನ್ಯಾಯ ಬೇಕು’ ಎಂಬ ಧ್ವನಿ ಮೊಳಗುತ್ತಿದೆ. `ಸರಿಯಾಗಿ ಚಿಕಿತ್ಸೆ ನೀಡದೇ ಯುವ ಮೀನುಗಾರನ ಸಾವಿಗೆ ಕಾರಣರಾದ ವೈದ್ಯರನ್ನು ಅಮಾನತು ಮಾಡಬೇಕು’ ಎಂದು ಅಲ್ಲಿದ್ದವರು ಆಗ್ರಹಿಸುತ್ತಿದ್ದಾರೆ. `ಇಲ್ಲಿ ಚಿಕಿತ್ಸೆ ಸಾಧ್ಯವಿಲ್ಲ ಎಂದಾದರೆ ಬೇರೆ ಕಡೆ ರವಾನಿಸಬೇಕು. ಸ್ಕಾನ್ ಸಹ ಮಾಡದೇ ಚಿಕಿತ್ಸೆ ನೀಡಲಾಗಿದೆ’ ಎಂದು ಅಕ್ಷಯ ಅವರ ಆಪ್ತರು ಅಸಮಧಾನವ್ಯಕ್ತಪಡಿಸಿದರು.
- [ವೃದ್ಧರ ಪಾಲಿನ ಆಶಾಕಿರಣ ಈಶ್ವರೀಯ ವಿಶ್ರಾಮಧಾಮ!](https://mobiletime.in/2025/10/a-ray-of-hope-for-the-elderly-a-divine-resting-place/): ಕಳೆದ ಎಂಟು ವರ್ಷಗಳಿಂದ ಅನಾಥ ಸ್ಥಿತಿಯಲ್ಲಿದ್ದ ಯಲ್ಲಾಪುರದ ಈಶ್ವರಿಯ ವಿಶ್ವವಿದ್ಯಾಲಯಕ್ಕೆ ಇದೀಗ ಮರು ಚೈತನ್ಯ ಸಿಕ್ಕಿದೆ. ವೃದ್ಧರ ಪಾಲಿಗೆ ಆಶಾಕಿರಣವಾಗಬಹುದಾದ `ವಿಶ್ರಾಮಧಾಮ’ ಇಲ್ಲಿ ಸ್ಥಾಪನೆಯಾಗಿದೆ. ಮುಂಡಗೋಡು ರಸ್ತೆಯಲ್ಲಿರುವ ಈಶ್ವರೀಯ ವಿಶ್ವವಿದ್ಯಾಲಯದ ಆಸ್ತಿ ಮಾರಾಟವಾಗಿದೆ’ ಎಂದು ಕೆಲ ವರ್ಷಗಳಿಂದ ಊಹಾಪೋಹಗಳು ಕೇಳಿ ಬಂದಿತ್ತು.  ಆದರೆ, ಆ ಎಲ್ಲಾ ಊಹಾಪೋಹಗಳಿಗೆ ಈಶ್ವರಿ ವಿಶ್ವವಿದ್ಯಾಲಯದ ಹುಬ್ಬಳ್ಳಿ ವಲಯದ ನಿರ್ದೇಶಕ ಬಸವರಾಜ ರಾಜಋಷಿ ಅವರು ತೆರೆ ಎಳೆದಿದ್ದಾರೆ. `ಯಾರೇ ಖರೀದಿಗೆ ಬಂದರೂ ಸಂಸ್ಥೆ ಮಾರಾಟವಾಗಲು ಬಿಡುವುದಿಲ್ಲ’ ಎಂದವರು ಹೇಳಿದ್ದಾರೆ. `ಸಾಕಷ್ಟು ಕಷ್ಟಪಟ್ಟು ಇಲ್ಲಿ ಸಂಸ್ಥೆ ಕಟ್ಟಲಾಗಿದೆ. ಸಾವಿರಾರು ಜನ ಸಹೋದರ-ಸಹೋದರಿಯರು ಇಲ್ಲಿ ಕಟ್ಟಡ ಕಟ್ಟಲು ಶ್ರಮಿಸಿದ್ದಾರೆ. ಸರ್ಕಾರದಿಂದ ಯಾವ ಅನುದಾನ ಪಡೆಯದೇ ಸ್ವಂತ ಶ್ರಮದಿಂದ ಈ ತಪೋವನ ಸಿದ್ಧಗೊಂಡಿದೆ. ಹುಬ್ಬಳ್ಳಿಯಲ್ಲಿ ಅಭಿವೃದ್ಧಿ ಕೆಲಸ ಶುರು ಮಾಡಿದ ಕಾರಣ ಯಲ್ಲಾಪುರದ ಈಶ್ವರಿ ವಿಶ್ವವಿದ್ಯಾಲಯದ ಕಡೆ ಗಮನಹರಿಸಲು ಸಾಧ್ಯವಾಗಿರಲಿಲ್ಲ. ಇದೀಗ ಮತ್ತೆ ತಪೋವನದ ಚಟುವಟಿಕೆಗಳು ಆರಂಭವಾಗಿದೆ’ ಎಂದವರು ವಿವರಿಸಿದರು. ಈಶ್ವರೀಯ ವಿಶ್ವವಿದ್ಯಾಲಯದಲ್ಲಿಯೇ ಜೀವನ ಸವೆಸಿ ವೃದ್ಧಾಪ್ಯದಲ್ಲಿರುವವರ ವಿಶ್ರಾಂತಿಗಾಗಿ ಈ ವಿಶ್ರಾಮಧಾಮ ಆರಂಭಿಸಿದ್ದೇವೆ. ಆಧ್ಯಾತ್ಮದ ಆಸಕ್ತರ ತಪಸ್ಸಿಗೆ ಆಸಕ್ತರಾದವರಿಗೆ ಇಲ್ಲಿ ಆಹ್ವಾನವಿದ್ದು, ಸರ್ವಧರ್ಮ ಸಮನ್ವಯವಾದ ಆಧ್ಯಾತ್ಮದ ಬೋಧನೆಯನ್ನು ತಪೋವನದಲ್ಲಿ ಮಾಡಲಾಗುತ್ತಿದೆ’ ಎಂದು ತಿಳಿಸಿದರು. `ಶಿಕ್ಷಕರು, ಅಂಗನವಾಡಿ ಕಾರ್ಯಕರ್ತರ ಮೂಲಕ ಮಕ್ಕಳಿಗೆ ಜೀವನ ಮೌಲ್ಯಗಳನ್ನು ಕಲಿಸುವ ಕಾರ್ಯವನ್ನು ಈ ಹಿಂದೆ ತಪೋವನದಲ್ಲಿ ಮಾಡಲಾಗುತ್ತಿತ್ತು. ಕರೊನಾ ಸಂದರ್ಭದಲ್ಲಿ ಅದನ್ನು ಮುಂದುವರೆಸಲು ಸಾಧ್ಯವಾಗಿರಲಿಲ್ಲ. ಸರ್ಕಾರದ ತರಬೇತಿ ಯೋಜನೆಗಳು ಶುರುವಾದರೆ ಗ್ರಾಮೀಣ ಭಾಗದ ಮಕ್ಕಳ ವ್ಯಕ್ತಿತ್ವ ಮೌಲ್ಯಯುತವಾಗಿ ಬೆಳೆಯಲು ಸಾಧ್ಯ’ ಎಂದವರು ಅನಿಸಿಕೆಹಂಚಿಕೊAಡರು. ಹುಬ್ಬಳ್ಳಿ ವಲಯ ಸಂಚಾಲಕಿ ನಿರ್ಮಲಾ, ಗುಂತಕಲ್ ಸಂಚಾಲಕಿ ಶಕುಂತಲಾ, ಹುಬ್ಬಳ್ಳಿಯ ವಿಜಯಾ, ಧಾರವಾಡದ ಸಂಚಾಲಕಿ ಜಯಂತಿ, ದಾವಣಗೆರೆ ತಪೋವನದ ಸಂಚಾಲಕಿ ಲೀಲಾ, ಶಿರಸಿಯ ಸಂಚಾಲಕಿ ವೀಣಾ ಅವರು ಭವಿಷ್ಯದ ಯೋಜನೆಗಳ ಬಗ್ಗೆ ವಿವರಿಸಿದರು.
- [2025 ಅಕ್ಟೊಬರ್ 16ರ ದಿನ ಭವಿಷ್ಯ](https://mobiletime.in/2025/10/2025-october-16-prediction/): ಮೇಷ ರಾಶಿ: ನಿಮ್ಮೊಳಗಿನ ಆಲೋಚನೆ-ಚಿಂತನೆಗಳಿಗೆ ಸ್ಪಷ್ಟ ದಾರಿ ಸಿಗಲಿದೆ. ದುಡಿಮೆಗೆ ತಕ್ಕ ಫಲ ಬರಲಿದೆ. ವಾದ ವಿವಾದಗಳಿಗೆ ದೂರ ಇದ್ದಷ್ಟು ಉತ್ತಮ. ವೃಷಭ ರಾಶಿ: ನಿಮ್ಮ ಆರ್ಥಿಕ ಸ್ಥಿತಿ ಬಲವಾಗಲಿದೆ. ಕುಟುಂಬದಲ್ಲಿ ಸಂತಸದ ವಾತಾವರಣ ಕಾಣಲಿದೆ. ಕೆಲಸದಲ್ಲಿ ಒತ್ತಡ ಜಾಸ್ತಿಯಾದರೂ ನಿಮ್ಮ ಧೈರ್ಯದ ನಿಧಾರ ನೆರವಾಗಲಿದೆ. ಮಿಥುನ ರಾಶಿ: ನಿಮ್ಮ ಮನಸಿನಲ್ಲಿರುವ ಯೋಜನೆಗಳು ಯಶಸ್ವಿಯಾಗುವ ಸಾಧ್ಯತೆಯಿದೆ. ಸ್ವಂತ ವ್ಯವಹಾರದಲ್ಲಿ ಲಾಭ ಸಿಗಲಿದೆ. ನಿಮ್ಮ ಪ್ರಯತ್ನ ವ್ಯರ್ಥ ಆಗುವುದಿಲ್ಲ. ಕರ್ಕ ರಾಶಿ: ಅನೇಕ ದಿನಗಳಿಂದ ಬಾಕಿಯಿರುವ ಕೆಲಸಗಳು ಪೂರ್ಣಗೊಳ್ಳುತ್ತವೆ. ಉತ್ತಮ ಆಹಾರ ಸೇವನೆ ಮಾಡಿ. ನಿರ್ಧಾರ ಪ್ರಕಟಿಸುವಾಗ ತಾಳ್ಮೆ ಅಗತ್ಯ. ಸಿಂಹ ರಾಶಿ: ನಿಮ್ಮ ಆಸೆ-ಆಕಾಂಕ್ಷೆಗಳು ಈಡೇರಲಿದೆ. ಆದಾಯದಲ್ಲಿ ವೃದ್ಧಿ ಆಗಲಿದ್ದು, ಸಂತೋಷ ಕಾಣುವಿರಿ. ಆತುರದ ನಿರ್ಣಯಗಳನ್ನು ಮಾಡಬೇಡಿ. ಕನ್ಯಾ ರಾಶಿ: ಹೊಸ ಅವಕಾಶಗಳ ನಿರೀಕ್ಷೆ ಉತ್ತಮ. ದುಡಿಮೆ ಫಲವಾಗಿ ಸಂತೋಷ ಸಿಗಲಿದೆ. ಆರ್ಥಿಕವಾಗಿ ಉನ್ನತಿ ಸಾಧ್ಯವಿದೆ. ತುಲಾ ರಾಶಿ: ವೃತ್ತಿಯಲ್ಲಿ ನಿರೀಕ್ಷಿತ ಬದಲಾವಣೆ ಆಗಲಿದೆ. ಹಳೆಯ ಸಮಸ್ಯೆಗಳು ದೂರವಾಗಲಿದೆ. ಕಳ್ಳಕಾಕರ ಬಗ್ಗೆ ಎಚ್ಚರಿಕೆವಹಿಸಿ. ವೃಶ್ಚಿಕ ರಾಶಿ: ಹಳೆ ಯೋಜನೆಗಳ ಪುನರಾವರ್ತನೆ ಬೇಡ. ಪತ್ನಿ ಬೆಂಬಲಪಡೆದು ಹೊಸ ಯೋಜನೆ ಬಗ್ಗೆ ಯೋಚಿಸಿ. ಆರೋಗ್ಯದ ಬಗ್ಗೆ ಜಾಗೃತಿ ಅಗತ್ಯ. ಧನು ರಾಶಿ: ಪ್ರವಾಸದ ಯೋಗವಿದ್ದು, ಇಷ್ಟದ ಸ್ಥಳಗಳಿಗೆ ಭೇಟಿ ನೀಡಿ. ಹಳೆಯ ಬಾಕಿ ವಸೂಲಿ ಆಗಲಿದೆ. ಕಚೇರಿ ಕೆಲಸಗಳು ಸರಿಯಾಗಿ ನಡೆಯುತ್ತವೆ. ಮಕರ ರಾಶಿ: ಉದ್ಯೋಗದ ವಿಷಯದಲ್ಲಿ ನಿಮ್ಮ ಧೈರ್ಯ ಹೆಚ್ಚಾಗಲಿದೆ. ಆರೋಗ್ಯ ಸರಿಯಾಗಿರಿಸಿಕೊಳ್ಳಿ. ಸ್ಪೂರ್ತಿಯಿಂದ ಕೆಲಸ ಮಾಡಿ. ಕುಂಭ ರಾಶಿ: ಕುಟುಂಬದ ಜವಾಬ್ದಾರಿಗಳನ್ನು ಸರಿಯಾಗಿ ನಿಭಾಯಿಸಿ. ದೈಹಿಕ ಶ್ರಮ ಹೆಚ್ಚಾದರೆ ಆಯಾಸ ಸಹಜವಾಗಲಿದ್ದು, ಅಗತ್ಯವಿದ್ದಾಗ ಆರಾಮ್ ಮಾಡಿ. ಸ್ನೇಹಿತರ ಜೊತೆ ಸರಿಯಾಗಿ ಮಾತನಾಡಿ. ಮೀನ ರಾಶಿ: ಆದಾಯದಲ್ಲಿ ಕುಂಠಿತವಾಗಲಿದ್ದು, ಕೆಲಸ ಸಹ ನಿಧಾನವಾಗಲಿದೆ. ಹಿರಿಯರ ಸಲಹೆ ನಿಮ್ಮ ನೆರವಿಗೆ ಬರಲಿದೆ. ಆರೋಗ್ಯ ವಿಷಯದಲ್ಲಿ ಕಾಳಜಿ ಅಗತ್ಯ.
- [ತಂದೆಗೆ ಕಾನ್ಸರ್.. ಬಾವನಿಗೆ ಅಪಘಾತ: ನಂದಿನಿಗೆ ನೋಯಿಸಿದ ಕಪ್ಪು ಕಾರಿನ ಕಳ್ಳ!](https://mobiletime.in/2025/10/father-has-cancer-brother-in-law-has-an-accident-black-car-thief-who-hurt-nandini/): ತಂದೆಗೆ ಆವರಿಸಿದ ಕಾನ್ಸರ್ ರೋಗದ ಬಗ್ಗೆ ಚಿಂತೆಯಲ್ಲಿದ್ದ ಶಿರಸಿಯ ನಂದಿನಿ ಅವರಿಗೆ ಮತ್ತೊಂದು ಆಘಾತವಾಗಿದೆ. ತಂದೆಯ ಆರೋಗ್ಯ ವಿಚಾರಿಸಿಕೊಂಡು ಬರುತ್ತಿರುವಾಗ ಕಪ್ಪು ಬಣ್ಣದ ಕಾರೊಂದು ನಂದಿನಿ ಅವರ ಬಾವ ರಾಜು ಪೂಜಾರಿ ಅವರಿಗೆ ಡಿಕ್ಕಿ ಹೊಡೆದಿದೆ. ಶಿರಸಿಯ ಸರಕುಳಿ ಬಳಿಯ ತಟ್ಟಿಕೈ ಊರಿನಲ್ಲಿ ನಂದಿನಿ ಅಂಬಿಗ ಅವರು ವಾಸವಾಗಿದ್ದಾರೆ. ನಂದಿನಿ ಅವರ ತಂದೆ ಚಂದ್ರು ಅಂಬಿಗ ಅವರಿಗೆ ಕಾನ್ಸರ್ ಕಾಣಿಸಿದ ಕಾರಣ ಅವರು ಬೆಂಗಳೂರಿಗೆ ಹೋಗಿದ್ದಾರೆ. ಅಲ್ಲಿನ ಕಿದ್ವಾಯಿ ಆಸ್ಪತ್ರೆಯಲ್ಲಿ ಚಂದ್ರು ಅಂಬಿಗ ಅವರ ಚಿಕಿತ್ಸೆ ನಡೆಯುತ್ತಿದೆ. ಹೀಗಿರುವಾಗ ನಂದಿನಿ ಅಂಬಿಗ ಅವರು ಒಣಿಕೇರಿ ಬೆಂಗಳೆಯ ಆಚಾರಿ ಕೆಲಸ ಮಾಡುವ ತಮ್ಮ ಬಾವ ರಾಜು ಪೂಜಾರಿ ಅವರ ಜೊತೆ ಬೆಂಗಳೂರಿಗೆ ಹೋಗಿದ್ದರು. ತಂದೆಯ ಆರೋಗ್ಯ ವಿಚಾರಿಸಿ ಅವರು ಅಕ್ಟೊಬರ್ 13ರಂದು ಶಿರಸಿಗೆ ಮರಳಲು ಬಸ್ ಹತ್ತಿದ್ದರು. ಆ ಬಸ್ಸು ಶಿರಸಿ ಕೇಂದ್ರ ಬಸ್ ನಿಲ್ದಾಣದ ಬಳಿ ನಿಂತಿದ್ದು, ಹೊಸ ಬಸ್ ನಿಲ್ದಾಣದ ಬಳಿ ಬೈಕ್ ಇತ್ತು. ಬೈಕಿನ ಬಳಿ ತೆರಳುವುದಕ್ಕಾಗಿ ನಂದಿನಿ ಅಂಬಿಗ ಹಾಗೂ ರಾಜು ಪೂಜಾರಿ ಅವರು ನಡೆದು ಹೋಗುತ್ತಿದ್ದರು. ಶಿರಸಿಯ ಸಿಪಿ ಬಜಾರ್, ಝೂ ಸರ್ಕಲ್ ದಾಟಿದ ಅವರಿಬ್ಬರು ಹುಲೆಕಲ್ ರಸ್ತೆ ಕಡೆ ತಿರುಗಿದ್ದರು. ರಾತ್ರಿ 11.15ಕ್ಕೆ ಅವರು ಹುಲೆಕಲ್ ರಸ್ತೆಯ ಪೊಲೀಸ್ ಕ್ವಾಟರ್ಸ ಬಳಿ ತಲುಪಿದ್ದು, ಆಗ ವೇಗವಾಗಿ ಕಾರೊಂದು ನುಗ್ಗಿ ಬಂದಿತು. ನಡೆದು ಹೋಗುತ್ತಿದ್ದ ರಾಜು ಪೂಜಾರಿ ಅವರಿಗೆ ಆ ಕಪ್ಪು ಬಣ್ಣದ ಕಾರು ಡಿಕ್ಕಿಯಾಯಿತು. ಪರಿಣಾಮ ರಾಜು ಪೂಜಾರಿ ಅವರ ಹಣೆ, ಕೈ, ಕಾಲಿಗೆ ಗಾಯವಾಯಿತು. ಡಿಕ್ಕಿ ಹೊಡದ ಕಾರು ಸ್ಥಳದಲ್ಲಿ ನಿಲ್ಲಲಿಲ್ಲ. ಗಾಯಾಳುವಿನ ಉಪಚಾರವನ್ನು ಮಾಡಲಿಲ್ಲ. ಹೀಗಾಗಿ ನಂದಿನಿ ಪೂಜಾರಿ ಅವರು ರಾಜು ಪೂಜಾರಿ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದರು. ಅದಾದ ನಂತರ ಅಪರಿಚಿತ ಕಪ್ಪು ಕಾರಿನ ವಿರುದ್ಧ ಕ್ರಮಕ್ಕಾಗಿ ಅವರು ಪೊಲೀಸರ ಮೊರೆ ಹೋದರು. ಶಿರಸಿ ಸಂಚಾರ ಪೊಲೀಸ್ ಠಾಣೆಯವರು ಈ ಪ್ರಕರಣ ದಾಖಲಿಸಿದ್ದು, ಕಪ್ಪು ಕಾರಿನ ಹುಡುಕಾಟ ನಡೆಸಿದ್ದಾರೆ.
- [ಬೈಕಿಗೆ ಗುದ್ದಿದ ಕಾರು: ಸವಾರ ಸಾವು!](https://mobiletime.in/2025/10/car-hits-bike-rider-dies/): ಮುಂಡಗೋಡು ಬಂಕಾಪುರ ರಸ್ತೆಯ ಸನವಳ್ಳಿ ಗ್ರಾಮದ ರಾಮಕೃಷ್ಣ ಹೆಗಡೆ ಅವರ ಜಮೀನಿನ ಬಳಿ ಕಾರೊಂದು ಎದುರಿಗಿದ್ದ ಬೈಕಿಗೆ ಡಿಕ್ಕಿಯಾಗಿದೆ. ಪರಿಣಾಮ ಬೈಕ್ ಸವಾರ ಸಾವನಪ್ಪಿದ್ದಾರೆ. ಅಕ್ಟೊಬರ್ 14ರ ಮದ್ಯಾಹ್ನ ಯಲ್ಲಾಪುರದ ಮೇಲಿನಭರಣಿಯ ಚಂದ್ರಶೇಖರ ನಾಯ್ಕ ಅವರು ಮುಂಡಗೋಡಿದAದ ಬಂಕಾಪುರ ಕಡೆ ಕಾರು ಓಡಿಸುತ್ತಿದ್ದರು. ಅದೇ ಮಾರ್ಗವಾಗಿ ಮುಂಡಗೋಡು ನಂದಿಪುರದ ಮೀನು ವ್ಯಾಪಾರಿ ಮಲ್ಲೇಶಿ ತಳವಾರ (45) ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಜೋರಾಗಿ ಬಂದ ಕಾರು ಹಿಂದಿನಿoದ ಬೈಕಿಗೆ ಡಿಕ್ಕಿ ಹೊಡೆಯಿತು. ಪರಿಣಾಮ ಮಲ್ಲೇಶಿ ತಳವಾರ ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ಗಾಯಗೊಂಡ ಅವರನ್ನು ಮುಂಡಗೋಡಿನ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆಗೆ ಹುಬ್ಬಳ್ಳಿಯ ಕಿಮ್ಸ್’ಗೆ ಸೇರಿಸಲಾಯಿತು. ಆದರೆ, ಮಲ್ಲೇಶಿ ತಳವಾರ್ ಅವರು ಬದುಕಲಿಲ್ಲ. ಅಪಘಾತದಿಂದ ಆದ ಸಾವಿನ ಬಗ್ಗೆ ನಂದಿಪುರದ ಸುನೀಲ ಕಟ್ಟಿಮನಿ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಮುಂಡಗೋಡು ಪೊಲೀಸರು ಚಂದ್ರಶೇಖರ ನಾಯ್ಕ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು.  
- [ಶಂಬು ಗೌಡನ ಕಾಟಕ್ಕೆ ನಲುಗಿದ ಶಾರದಾ!](https://mobiletime.in/2025/10/sharada-is-terrified-by-shambu-gowdas-threat/): ಹೊನ್ನಾವರದ ಶಂಬು ಗೌಡ ಅವರು ನಡುರಾತ್ರಿ ಶಾರದಾ ಅವರ ಮನೆಗೆ ನುಗ್ಗಿದ್ದಾರೆ. ಶಾರದಾ ಗೌಡ ಅವರು ದೊಡ್ಡದಾಗಿ ಬೊಬ್ಬೆ ಹಾಕಿದಾಗ ಕತ್ತಲ ದಾರಿಯಲ್ಲಿ ಶಂಬು ಗೌಡ ಅವರು ಓಡಿ ಪರಾರಿಯಾಗಿದ್ದಾರೆ. ಹೊನ್ನಾವರದ ಮುಗಳಿ ಗುಣವಂತೆಯಲ್ಲಿ ಶಾರದಾ ಗೌಡ ಅವರು ವಾಸವಾಗಿದ್ದಾರೆ. ಅದೇ ಊರಿನ ಶಂಬು ಗೌಡ ಅವರು ಶಾರದಾ ಗೌಡ ಅವರಿಗೆ ಕಾಟ ಕೊಡುತ್ತಿದ್ದು, ಅಕ್ಟೊಬರ್ 14ರ ನಸುಕಿನ 3 ಗಂಟೆಗೆ ಶಂಬು ಗೌಡರು ಶಾರದಾ ಗೌಡ ಅವರ ಮನೆಗೆ ನುಗ್ಗಿದರು. ಶಾರದಾ ಗೌಡ ಅವರು ಮಲಗಿರುವ ಕೋಣೆ ಪ್ರವೇಶಿಸಿ `ಶಾರದಾ.. ಶಾರದಾ’ ಎಂದು ಪಿಸುಮಾತಿನಲ್ಲಿ ಕರೆದರು. ನಿದ್ದೆ ಮಾಡುತ್ತಿದ್ದ ಶಾರದಾ ಗೌಡ ಅವರು ಒಮ್ಮೆಲೆ ಎಚ್ಚರಗೊಂಡಿದ್ದು, ಶಂಬು ಗೌಡರ ಅವತಾರ ನೋಡಿ ಬೆಚ್ಚು ಬಿದ್ದರು. `ಮನೆ ಒಳಗೆ ಏಕೆ ಬಂದೆ?’ ಎಂದು ಶಾರದಾ ಗೌಡ ಪ್ರಶ್ನಿಸಿದರು. `ದೊಡ್ಡದಾಗಿ ಕೂಗಬೇಡ’ ಎಂದು ಶಂಬು ಗೌಡ ಮನವಿ ಮಾಡಿದರು. ಆದರೂ ಶಾರದಾ ಗೌಡ ಅವರು ದೊಡ್ಡದಾಗಿ ಕೂಗಲು ಶುರು ಮಾಡಿದರು. `ಜೋರಾಗಿ ಕೂಗಿದರೆ ಕುತ್ತಿಗೆ ಅದುಮುವೆ’ ಎಂದು ಶಂಬು ಗೌಡ ಅವರು ಬೆದರಿಸಿದರು. ಅದಾಗಿಯೂ ಶಾರದಾ ಗೌಡ ಬೊಬ್ಬೆ ಹೊಡೆಯುವುದನ್ನು ನಿಲ್ಲಿಸಲಿಲ್ಲ. ಇದರಿಂದ ಬೆದರಿದ ಶಂಬು ಗೌಡ ಅವರು ಕತ್ತಲ ದಾರಿಯಲ್ಲಿ ಓಡಿ ಪರಾರಿಯಾದರು. ಅಕ್ಟೊಬರ್ 15ರಂದು ಬೆಳಗ್ಗೆ ಮತ್ತೆ ಶಾರದಾ ಗೌಡ ಅವರ ಮನೆ ಬಳಿ ಬಂದ ಶಂಬು ಗೌಡ ಅವರು `ನೀವು ಓಡಾಡುವ ದಾರಿ ಬಂದ್ ಮಾಡುವೆ’ ಎಂದು ಹೆದರಿಸಿದರು. ಈ ಎಲ್ಲಾ ವಿದ್ಯಮಾನಗಳ ಬಗ್ಗೆ ಶಾರದಾ ಗೌಡ ಅವರು ಮಂಕಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದರು.
- [ಊರೂರು ಸುತ್ತಾಡಿಸಿದ ವೈದ್ಯ ಮದುವೆ ಆಗಲು ನಿರಾಕರಿಸಿದ!](https://mobiletime.in/2025/10/the-doctor-who-wandered-around-the-village-refused-to-get-married/): ಭಟ್ಕಳದ ವೈದ್ಯರೊಬ್ಬರು ಮಹಿಳೆಯೊಬ್ಬರಿಗೆ ಮದುವೆಯಾಗುವುದಾಗಿ ನಂಬಿಸಿ ಮೋಸ ಮಾಡಿದ್ದಾರೆ. ಆ ವೈದ್ಯರ ಜೊತೆ ಮದುವೆ ಮಾಡಿಸುವಂತೆ ಕೋರಿ ಆ ಮಹಿಳೆ ಇದೀಗ ಪೊಲೀಸರ ಮೊರೆ ಹೋಗಿದ್ದಾರೆ. ಭಟ್ಕಳದ ಹೆಬಳೆ ಗಾಂಧೀನಗರದಲ್ಲಿ ವಾಸಿಸುವ 25 ವರ್ಷದ ಮಹಿಳೆಯನ್ನು ಆಜಾದ್ ನಗರದ ಆರನೇ ಕ್ರಾಸಿನ ಡಾ ನಾಸೀರ್ ಅಹ್ಮದ್ ಎಂ ಎಂ ಅಲಿ ಸಾಹೇಬ್ ಅವರು ಪುಸಲಾಯಿಸಿದ್ದರು. ಮದುವೆ ಆಗುವುದಾಗಿ ನಂಬಿಸಿ ಆ ಮಹಿಳೆಯನ್ನು ಭಟ್ಕಳ, ಹೊನ್ನಾವರ, ಚಿಕ್ಕಮಗಳೂರು ಹಾಗೂ ಬೆಂಗಳೂರಿಗೆ ಕರೆದೊಯ್ದು ಸುತ್ತಾಡಿಸಿದ್ದರು. ತಿರುಗಾಟದ ನಂತರ ಅವರು ಆ ಮಹಿಳೆಯನ್ನು ಲಾಡ್ಜಿಗೆ ಕರೆದೊಯ್ದು ದೈಹಿಕವಾಗಿಯೂ ಬಳಸಿಕೊಂಡಿದ್ದರು. 10 ದಿನಗಳ ಕಾಲ ಬೇರೆ ಬೇರೆ ಮಹಿಳೆ ಜೊತೆ ಸುತ್ತಾಟ ನಡೆಸಿದ ಡಾ ನಾಸೀರ್ ಅಹ್ಮದ್ ಆ ಅವಧಿಯಲ್ಲಿ ಮದುವೆ ಆಗುವ ಭರವಸೆ ನೀಡಿದ್ದರು. ಆದರೆ, ನಂತರ ತಮ್ಮ ಮಾತಿನ ವರಸೆ ಬದಲಿಸಿದರು. ಬಲವಂತವಾಗಿ ಬಲಾತ್ಕಾರ ನಡೆಸಿದಲ್ಲದೇ ಈ ವಿಷಯ ಯಾರಿಗಾದರೂ ಹೇಳಿದರೆ ಕೊಲೆ ಮಾಡುವ ಬೆದರಿಕೆ ಒಡ್ಡಿದರು. ಅದಾಗಿಯೂ ಆ ಮಹಿಳೆ ತಮಗಾದ ಮೋಸ, ವಂಚನೆ, ಅಪಹರಣ, ಅತ್ಯಾಚಾರ ಹಾಗೂ ಅನ್ಯಾಯದ ಬಗ್ಗೆ ಪೊಲೀಸ್ ದೂರು ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಕದ್ದ ಕಾರಿನ ಜೊತೆ ಸಿಕ್ಕಿಬಿದ್ದ ಬ್ಯಾಟರಿ ಕಳ್ಳ!](https://mobiletime.in/2025/10/battery-thief-caught-with-stolen-car/): ಬ್ಯಾಟರಿ ಕದ್ದ ಪ್ರಕರಣದಲ್ಲಿ ಪಂಚನಾಮೆ ವೇಳೆ ಕುಮಟಾ ಪೊಲೀಸರ ಬಳಿಯಿಂದ ತಪ್ಪಿಸಿಕೊಂಡು ಪರಾರಿಯಾಗಿದ್ದ ಭಟ್ಕಳದ ಆಟೋ ಚಾಲಕ ಪೌಜಾನ್ ಅಹ್ಮದ್ ಮತ್ತೆ ಸಿಕ್ಕಿಬಿದ್ದಿದ್ದು, ಪೊಲೀಸರು ಆತನನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ಭಟ್ಕಳದ ತಗ್ಗರಗೋಡಿನ ಜಾಲಿ ಬಳಿ ಪೌಜಾನ್ ಅಹ್ಮದ್ ವಾಸವಾಗಿದ್ದರು. ಆಟೋ ಚಾಲಕರಾಗಿ ಕೆಲಸ ಮಾಡಿಕೊಂಡಿದ್ದ ಅವರಿಗೆ ಕಳ್ಳತನದ ಖಯಾಲಿ ಜೋರಾಗಿತ್ತು. ವಿವಿಧ ಮನೆ, ಮಳಿಗೆಗಳಿಗೆ ಪೌಜಾನ್ ಅಹ್ಮದ್ ಕನ್ನ ಹಾಕಿದ್ದರು. ಅದರಂತೆ ಅಕ್ಟೊಬರ್ 8ರಂದು ತಮ್ಮ ಸಹಚರರ ಜೊತೆ ಸೇರಿ ಕುಮಟಾದ ಕುಮಟಾದ ಗಿಬ್ ಸರ್ಕಲ್ ಬಳಿಯ ಅಮರಾನ್ ಬ್ಯಾಟರಿ ಶಾಪ್‌ನಲ್ಲಿ 8 ಸಾವಿರ ರೂ ಮೌಲ್ಯದ 12 ಬ್ಯಾಟರಿ ಕಳ್ಳತನ ಮಾಡಿದ್ದರು. ಕಳ್ಳತನ ಪ್ರಕರಣ ದಾಖಲಿಸಿದ ಪೊಲೀಸರು ಪೌಜಾನ್ ಅಹ್ಮದ್ ಅವರನ್ನು ಬಂಧಿಸಿದ್ದರು. ಅದರೊಂದಿಗೆ ಭಟ್ಕಳ ಗುಳ್ಮೆಯ ಟೈಲ್ಸ ಕಾರ್ಮಿಕ ಮಹಮೊದ್ ಸುಫಿಯಾನ್ ಸಹ ಸಿಕ್ಕಿಬಿದ್ದಿದ್ದರು. ಪಂಚನಾಮೆ ವೇಳೆ ಪೌಜಾನ್ ಅಹ್ಮದ್ ಪೊಲೀಸರಿಂದ ತಪ್ಪಿಸಿಕೊಂಡು ಪರಾರಿಯಾಗಿದ್ದರು. ಮತ್ತೆ ಹುಡುಕಾಟ ನಡೆಸಿದ ಪೊಲೀಸರು ಮಂಡ್ಯದ ಬಳಿ ಪೌಜಾನ್ ಅಹ್ಮದ್ ಅವರನ್ನು ಬಂಧಿಸಿದರು. ಬAಧನದ ವೇಳೆ ಪೌಜಾನ್ ಅಹ್ಮದ್ ಬಳಿ ಕಾರೊಂದು ಸಿಕ್ಕಿದೆ. ಆ ಕಾರು ಸಹ ಕಳ್ಳತನ ಮಾಡಿದ ಬಗ್ಗೆ ಮಾಹಿತಿ ಲಭಿಸಿದೆ. ಈ ಇಬ್ಬರು ಆರೋಪಿತರ ವಿರುದ್ಧ ಬೈಂದೂರು, ಗಂಗೊಳ್ಳಿ, ಭಟ್ಕಳದಲ್ಲಿ ಸಹ ಕಳ್ಳತನ ಪ್ರಕರಣಗಳಿವೆ.
- [ಮದುವೆ ಮನೆಯಲ್ಲಿ ಮಾರಾಮಾರಿ!](https://mobiletime.in/2025/10/a-fight-breaks-out-at-the-wedding-house/): ಮದುವೆಗೆ ಬಂದಿದ್ದ ಸಂಬ0ಧಿಕರ ನಡುವೆ ಭಟ್ಕಳದಲ್ಲಿ ಹೊಡೆದಾಟ ನಡೆದಿದೆ. ಈ ಹೊಡೆದಾಟದಲ್ಲಿ ಒಟ್ಟು ಐವರು ಗಾಯಗೊಂಡಿದ್ದಾರೆ. ಭಟ್ಕಳ ತಾಲೂಕಿನ ಹೆಬಳೆ ಗ್ರಾಮಪಂಚಾಯಿತ್ ವ್ಯಾಪ್ತಿಯ ಹನೀಫಾಬಾದ್‌ನ ಮದುವೆ ಹಾಲ್ ಮುಂದೆ ಮೂರು ದಿನಗಳ ಹಿಂದೆ ಹೊಡೆದಾಟ ನಡೆದಿದೆ. ಹೊಡೆದಾಟದ ವಿಡಿಯೋ ವೈರಲ್ ಆಗಿದ್ದು, ಅದೇ ಆಧಾರದಲ್ಲಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಮಾಹಿತಿಗಳ ಪ್ರಕಾರ ಮದುವೆಗೆ ಬಂದಿದ್ದ ಯುವಕರ ನಡುವೆ ತಮ್ಮ ವಾಹನ ಪಾರ್ಕಿಂಗ್ ವಿಚಾರಕ್ಕಾಗಿ ಜಗಳ ಶುರುವಾಯಿತು. ಮಾತಿಗೆ ಮಾತು ಬೆಳೆದು ಜಗಳ ದೊಡ್ಡವಾಯಿತು. ಕೊನೆಗೆ ಅದು ಹೊಡೆದಾಟದ ಸ್ವರೂಪಪಡೆಯಿತು. ಅಲ್ಲಿದ್ದ ಕೆಲವರು ಇದನ್ನು ವಿಡಿಯೋ ಮಾಡಿದ್ದು, ಅದು ಇದೀಗ ವೈರಲ್ ಆಗಿದೆ. ಹೊಡೆದಾಟದ ವೇಳೆ ಎರಡು ಗುಂಪಿನವರು ಪರಸ್ಪರ ಬೈದುಕೊಂಡಿದ್ದಾರೆ. ಕೆಟ್ಟದ್ದಾಗಿ ನಿಂದಿಸಿಕೊAಡಿದ್ದಾರೆ. ಹೊಡೆದಾಟದ ಸುದ್ದಿ ಕೇಳಿ ಪೊಲೀಸರು ಸ್ಥಳಕ್ಕೆ ಧಾವಿಸಿ ಸಮಾಧಾನ ಮಾಡಿದರೂ ಪ್ರಯೋಜನವಾಗಿಲ್ಲ. ಭಟ್ಕಳ ಗ್ರಾಮೀಣ ಠಾಣೆಯ ಇನ್ಸ್ಪೆಕ್ಟರ್ ಮಂಜುನಾಥ ಲಿಂಗಾರೆಡ್ಡಿ ತಮ್ಮ ಸಿಬ್ಬಂದಿ ಜೊತೆ ತೆರಳಿ ಹೊಡೆದಾಟ ನಿಲ್ಲಿಸುವ ಕೆಲಸ ಮಾಡಿದರಾದರೂ ಅಲ್ಲಿದ್ದವರು ಶಾಂತಿ ಕಾಪಾಡಲಿಲ್ಲ. ಸ್ಥಳದಲ್ಲಿ ಗಂಭೀರ ಸ್ವರೂಪದ ವಾತಾವರಣ ನಿರ್ಮಾಣವಾಗಿ ಸಾರ್ವಜನಿಕ ಶಾಂತಿ ಭಂಗವಾಗುವ ಸಾಧ್ಯತೆ ಹಿನ್ನಲೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. ಹನೀಫಾಬಾದ್‌ನ ಉಜೇಫ್ ಸೈದ ಅಬ್ದುಲ್ ಖಾದರ, ಸೈಯ್ಯದ ಉಮೇರ ಸೈಯ್ಯದ ಅಬ್ದುಲ್ ಖಾದಿರ, ಉಮೇರ ರುಕ್ಕುದ್ದೀನ್ ಉಬೇದುಲ್ಲಾ, ಮುಗೇರ್ ಎಂ ಜೆ ಮಂಜೂರ ಎಂ ಎನ್, ಆಜಾದನಗರ 6ನೇ ಕ್ರಾಸ್‌ನ ಇಬಾದುಲ್ಲಾ ಸಾದೀಕಟಾನ, ದೇವಿನಗರ ಜಾಲಿಯ ಅಬ್ದುಲ್ ರಹೀಮ ಮಹಮ್ಮದ್ ಹುಸೇನ್, ಮೂಸಾನಗರದ ಮುಸ್ತಾಕ್ ಮಕ್ಖುಲ್ ಹಾಗೂ ದೇವಿನಗರದ ತಾಹೀರ ಮಹಮ್ಮದ್ ಹುಸೇನ್ ಹೊಡೆದಾಟದಲ್ಲಿ ಭಾಗಿಯಾಗಿರುವುದು ಗೊತ್ತಾಗಿದೆ. ಅವರ ವಿರುದ್ಧ ಭsÀಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
- [ಮಾದಕ ಮೋಹ: ಹೊನ್ನಾವರದಲ್ಲಿ ಸಿಕ್ಕಿಬಿದ್ದ ಶಿರಸಿಯ ಚಾಲಕ!](https://mobiletime.in/2025/10/drug-addiction-driver-from-sirsi-caught-in-honnavar/): ಶಿರಸಿ ಸಿಗಂದೂರೇಶ್ವರಿ ನಿಲಯದಲ್ಲಿ ವಾಸಿಸುವ ಮಣಿರಾಜ ತಲಗೇರಿ ಅವರು ಮಾದಕ ವ್ಯಸನ ಸೇವಿಸಿ ಹೊನ್ನಾವರ ಪಿಎಸ್‌ಐ ಮಂಜುನಾಥ ಅವರ ಬಳಿ ಸಿಕ್ಕಿಬಿದ್ದಿದ್ದಾರೆ. ಪೊಲೀಸ್ ಸಿಬ್ಬಂದಿ ಪೊಲೀಸ್ ಸಿಬ್ಬಂದಿ ಪ್ರಶಾಂತ ನಾಯ್ಕ ಹಾಗೂ ಮಂಜುನಾಥ ಕೊಂತಿಕಲ್ ಸೇರಿ ಮಣಿರಾಜ ತಲಗೇರಿ ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಕರೆದೊಯ್ದಿದ್ದು, ತಪಾಸಣೆಯಲ್ಲಿ ಗಾಂಜಾ ಸೇವನೆ ದೃಢವಾಗಿದೆ. ಶಿರಸಿ ಟಿಎಸ್‌ಎಸ್ ರಸ್ತೆಯ ಜನತಾ ಬಜಾರ್ ಬಳಿಯ ಸಿಗಂದೂರೇಶ್ವರಿ ನಿಲಯದಲ್ಲಿ ಟಿ ಎನ್ ಮಣಿರಾಜ ತಲಗೇರಿ ಅವರು ವಾಸವಾಗಿದ್ದಾರೆ. ಚಾಲಕರಾಗಿರುವ ಅವರು ಸದ್ಯ ಹೊನ್ನಾವರದ ಕೆಳಗಿನಪಾಳ್ಯದ ತ್ರಿಶೂಲ ನಿವಾಸ ಹಿಂದೆ ವಸತಿ ಕಂಡುಕೊAಡಿದ್ದಾರೆ. ಅಕ್ಟೊಬರ್ 14ರಂದು ಅವರು ಮಾದಕ ವ್ಯಸನ ಸೇವಿಸಿ ಎಲ್ಲೆಂದರಲ್ಲಿ ಅಲೆದಾಡುತ್ತಿದ್ದು, ಈ ವೇಳೆಯಲ್ಲಿಯೇ ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾರೆ. ಹೊನ್ನಾವರ ಪಿಎಸ್‌ಐ ಮಂಜುನಾಥ ಅವರು ಪೊಲೀಸ್ ಸಿಬ್ಬಂದಿ ಪ್ರಶಾಂತ ನಾಯ್ಕ, ಮಂಜುನಾಥ ಕೊಂತಿಕಲ್ ಜೀಪ್ ಚಾಲಕ ಸಂತೋಷ ನಾಯ್ಕ ಹಾಗೂ ಮತ್ತೊಬ್ಬ ಸಿಬ್ಬಂದಿ ಮಂಜುನಾಥ ಅವರ ಜೊತೆ ಸೇರಿ ಗಸ್ತು ತಿರುಗುತ್ತಿದ್ದರು. ಹೊನ್ನಾವರ ಹೆದ್ದಾರಿ ಮೂಲಕ ಅವರು ಆರೋಳ್ಳಿ ಕಡೆ ಪ್ರವೇಶಿಸಿದ್ದರು. ಹೆದ್ದಾರಿ ಇಳಿಜಾರಿನಲ್ಲಿ ಅನುಮಾನಾಸ್ಪದವಾಗಿ ತಿರುಗುತ್ತಿದ್ದ ಮಣಿರಾಜ ತಲಗೇರಿ ಅವರನ್ನು ಪೊಲೀಸರು ನೋಡಿದರು. ಹತ್ತಿರ ಹೋಗಿ ಮಾತನಾಡಿಸಿದಾಗ ಮಣಿರಾಜ ತೆಲಗೇರಿ ಅವರ ಬಾಯಿಂದ ಕೆಟ್ಟ ವಾಸನೆ ಬಂದಿತು. ಆ ಕ್ಷಣಕ್ಕೆ ಮಣಿರಾಜ ತೆಲಗೇರಿ ಅವರು ಗಾಂಜಾ ಸೇವಿಸಿರುವುದನ್ನು ಒಪ್ಪಿಕೊಂಡರು. ಅದಾಗಿಯೂ ಪೊಲೀಸರು ಅವರನ್ನು ಆಸ್ಪತ್ರೆಗೆ ಕರೆದೊಯ್ದು ತಪಾಸಣೆ ನಡೆಸಿದರು. ವೈದ್ಯರು ಸಹ ಗಾಂಜಾ ಸೇವನೆಯ ವರದಿ ನೀಡಿದರು. ಈ ಹಿನ್ನಲೆ ಮಣಿರಾಜ ತಲಗೇರಿ ಅವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅಬ್ಬುದಾದಾ MBBS: ವೆಲ್‌ಫೆರ್ ಆಸ್ಪತ್ರೆಯಲ್ಲಿ ಡುಪ್ಲಿಕೇಟ್ ಡಾಕ್ಟರ್!](https://mobiletime.in/2025/10/abudada-mbbs-duplicate-doctor-at-welfare-hospital/): ನಕಲಿ ವೈದ್ಯಕೀಯ ಪ್ರಮಾಣ ಪತ್ರದ ಜೊತೆ ಉಡುಪಿಯ ವ್ಯಕ್ತಿಯೊಬ್ಬರು ಉತ್ತರ ಕನ್ನಡದ ರೋಗಿಗಳ ಆರೈಕೆ ಮಾಡಿದ್ದು, ಅಧಿಕಾರಿಗಳ ತಪಾಸಣೆ ವೇಳೆ ನಕಲಿ ವೈದ್ಯರ ಅಸಲಿತನ ಬಹಿರಂಗವಾಗಿದೆ. ಉಡುಪಿಯ ಅಬುಮಹ್ಮದ್ ಎಂಬಾತರು ನಕಲಿ MBBS ಸರ್ಟಿಪಿಕೇಟ್ ಜೊತೆ ಭಟ್ಕಳಕ್ಕೆ ಆಗಮಿಸಿದ್ದು, ಇಲ್ಲಿನ ವೆಲಫೆರ್ ಆಸ್ಪತ್ರೆಯಲ್ಲಿ ಉದ್ಯೋಗವನ್ನು ಪಡೆದಿದ್ದಾರೆ! ಉಡುಪಿ ಜಿಲ್ಲೆಯ ಗಂಗೋಳ್ಳಿಯ ಅಬುಮಹ್ಮದ್ ಅವರಿಗೆ ಮಾಡಲು ಕೆಲಸವಿರಲಿಲ್ಲ. ಉದ್ಯೋಗಕ್ಕೆ ಬೇಕಾದ ವಿದ್ಯಾರ್ಹತೆ ಸಹ ಅವರಿಗೆ ಗೊತ್ತಿರಲಿಲ್ಲ. ಅದಾಗಿಯೂ ಅವರು ನಕಲಿ ವಿದ್ಯಾಬ್ಯಾಸದ ಪ್ರಮಾಣ ಪತ್ರಪಡೆದಿದ್ದರು. ಆ ಪ್ರಮಾಣ ಪತ್ರದ ಪ್ರಕಾರ ಅಬುಮಹ್ಮದ್ ಅವರು MBBS ಓದಿದ ವೈದ್ಯರಾಗಿದ್ದರು! ಅದೇ ನಕಲಿ ಸರ್ಟಿಫಿಕೇಟ್ ಆಧಾರದಲ್ಲಿ ಅವರು ಭಟ್ಕಳಕ್ಕೆ ಬಂದರು. ಇಲ್ಲಿನ ವೆಲ್‌ಫೆರ್ ಆಸ್ಪತ್ರೆಗೆ ಭೇಟಿ ನೀಡಿದರು. 2024ರ ಅಕ್ಟೊಬರ್ 7ರಂದು ಅಬುಮಹ್ಮದ್ ಅವರು ಸಂದರ್ಶನವನ್ನು ಎದುರಿಸಿದರು. ಎಲ್ಲಾ ಪ್ರಶ್ನೆಗಳಿಗೂ ಚುಟುಕಾಗಿ ಉತ್ತರಿಸಿದ ಅಬುಮಹ್ಮದ್ ಅವರ ರೀತಿ ಸಂದರ್ಶನಕಾರರಿಗೆ ಇಷ್ಟವಾಗಿದ್ದು, ಅವರನ್ನು ವೈದ್ಯಕೀಯ ಹುದ್ದೆಗೆ ಆಸ್ಪತ್ರೆಯವರು ನೇಮಿಸಿಕೊಂಡರು. ಆದರೆ, ಅಬುಮಹ್ಮದ್ ಅವರು ಕರ್ನಾಟಕ ಮೆಡಿಕಲ್ ಕೌನ್ಸಿಲ್’ನ ಪ್ರಮಾಣ ಪತ್ರವನ್ನೇ ನಕಲು ಮಾಡಿದ್ದು ಆ ವೇಳೆ ಆಸ್ಪತ್ರೆಯವರ ಗಮನಕ್ಕೂ ಬರಲಿಲ್ಲ. ಒಂದು ವರ್ಷಗಳ ಕಾಲ ವೆಲ್‌ಫೆರ್ ಆಸ್ಪತ್ರೆಯಲ್ಲಿ ಪಾರ್ಟ ಟೈಂ ಆಧಾರದಲ್ಲಿ ಅಬುಮಹ್ಮದ್ ಅವರು ವೈದ್ಯರಾಗಿದ್ದರು. ಅನೇಕ ರೋಗಿಗಳ ಆರೋಗ್ಯವನ್ನು ಅವರು ವಿಚಾರಿಸಿ ಔಷಧಿ ಕೊಟ್ಟಿದ್ದರು. ಇದಕ್ಕಾಗಿ ಆಸ್ಪತ್ರೆಯವರು ಸಹ ಅಬುಮಹ್ಮದ್ ಅವರಿಗೆ ಕೈ ತುಂಬ ಸಂಬಳ ಕೊಡುತ್ತಿದ್ದರು. ಆದರೆ, 2025ರ ಸೆಪ್ಟೆಂಬರ್ 2ರಂದು ಆಸ್ಪತ್ರೆಗೆ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯವರು ಭೇಟಿ ನೀಡಿದರು. ಅವರು ನಡೆಸಿದ ತಪಾಸಣೆಯಲ್ಲಿ ಅಬುಮಹ್ಮದ್ ಅವರ ನೈಜ ಬಣ್ಣ ಬಯಲಾಯಿತು. ಅಕ್ಟೊಬರ್ 10ರಂದು ಜಿಲ್ಲಾ ಆರೋಗ್ಯಾಧಿಕಾರಿಗಳಿಂದ ವೆಲ್‌ಫೆರ್ ಆಸ್ಪತ್ರೆಯವರಿಗೆ ಪತ್ರ ಬಂದಿದ್ದು, ನಕಲಿ ಡಾಕ್ಟರ್ ವಿರುದ್ಧ ಪ್ರಕರಣ ದಾಖಲಿಸುವಂತೆ ಸೂಚಿಸಲಾಯಿತು. ಎಂ ಬಿ ಬಿ ಎಸ್ ಡಾಕ್ಟರ್ ಎಂದು ನಂಬಿಸಿ ಆಸ್ಪತ್ರೆ ಜೊತೆ ರೋಗಿಗಳಿಗೂ ಮೋಸ ಮಾಡಿದ ನಕಲಿ ಪ್ರಮಾಣ ಪತ್ರ ಹೊಂದಿರುವ ಅಬುಮಹ್ಮದ್ ವಿರುದ್ಧ ವೆಲ್‌ಫೆರ್ ಆಸ್ಪತ್ರೆ ಆಡಳಿತಾಧಿಕಾರಿ ಸಯ್ಯದ್ ಅಬ್ದುಲ್ ಅವರು ದೂರು ನೀಡಿದರು. ಭಟ್ಕಳ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ.
- [ಎಲ್ಲೆಂದರಲ್ಲಿ ಸಂಚರಿಸುತ್ತಿದ್ದ ಲಾರಿ ಚಾಲಕ: ಸಂಚಾರಿ ಪೊಲೀಸರ ಸಾಹಸದಿಂದ ಸಿಕ್ಕಿಬಿದ್ದ!](https://mobiletime.in/2025/10/lorry-driver-who-was-roaming-everywhere-caught-by-traffic-polices-daring-move/): ಕಾರವಾರದ ಬಿಣಗಾ ಬಳಿ ಸೈಕಲ್ ಸವಾರನಿಗೆ ಲಾರಿ ಗುದ್ದಿ ಪರಾರಿಯಾಗಿದ್ದ ಎಸ್ ಖಾಸೀಮ್ ಎಂಬಾತ 21 ವರ್ಷಗಳ ನಂತರ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದು, ಆತನಿಗೆ ಪೊಲೀಸರು ಜೈಲೂಟ ಹಾಕಿಸಿದ್ದಾರೆ. 2004ರಲ್ಲಿ ಕಾರವಾರದ ಬಿಣಗಾದಲ್ಲಿ ಅಪಘಾತ ನಡೆದಿತ್ತು. ಸೈಕಲ್ ಸವಾರಿ ಮಾಡುತ್ತಿದ್ದ ವ್ಯಕ್ತಿಯೊಬ್ಬರಿಗೆ ಲಾರಿ ಗುದ್ದಿತ್ತು. ಪರಿಣಾಮ ಸೈಕಲ್ ಸವಾರ ಸ್ಥಳದಲ್ಲಿಯೇ ಸಾವನಪ್ಪಿದ್ದರು. ಆ ಕ್ಷಣಕ್ಕೆ ಲಾರಿ ಚಾಲಕನನ್ನು ಪೊಲೀಸರು ಬಂಧಿಸಿದ್ದರು. ಆದರೆ, ನ್ಯಾಯಾಲಯದಿಂದ ಜಾಮೀನುಪಡೆದಿದ್ದ ಬೆಂಗಳೂರಿನ ಸಿವಿ ರಾಮನ್ ನಗರದ ಲಾರಿ ಚಾಲಕ ಎಸ್ ಖಾಸೀಮ್ ನಂತರ ಈ ಕಡೆ ತಲೆಹಾಕಿರಲಿಲ್ಲ. ನ್ಯಾಯಾಲಯದ ನೋಟಿಸ್ ಜಾರಿಯಾದರೂ ನ್ಯಾಯಾಧೀಶರ ಮುಂದೆ ಮಾತ್ರ ಹಾಜರಾಗಿರಲಿಲ್ಲ. ಪೊಲೀಸರು ಆ ದಿನದಿಂದಲೂ ಆರೋಪಿ ಹುಡುಕಾಟ ನಡೆಸುತ್ತಿದ್ದರು. ಬೆಂಗಳೂರಿನ ವಿಳಾಸದಲ್ಲಿಯೂ ಖಾಸೀಮ್ ಸಿಗುತ್ತಿರಲಿಲ್ಲ. ಆತನ ಲಾರಿಗೆ ಜಿಪಿಎಸ್ ಇದ್ದರೂ ಪೊಲೀಸರ ಬಳಿ ಆತನನ್ನು ಹಿಡಿಯಲು ಸಾಧ್ಯವಾಗಿರಲಿಲ್ಲ. ಅದಾಗಿಯೂ ಸಾಕಷ್ಟು ಸಾಹಸ ನಡೆಸಿದ ಪೊಲೀಸರು ವಿವಿಧ ತಂತ್ರಜ್ಞಾನದ ಮೊರೆ ಹೋದರು. ಕಾರವಾರ ಸಂಚಾರ ಪೊಲೀಸ್ ಠಾಣೆಯ ಪಿಎಸ್‌ಐ ಶ್ರೀಕಾಂತ ರಾಠೋಡ ಅವರು ಆರೋಪಿ ಗುರುತಿಸುವಲ್ಲಿ ಶ್ರಮಿಸಿದರು. ಬಳ್ಳಾರಿಯಲ್ಲಿ ಆತ ಅಡಿಗಿರುವುದನ್ನು ಪೊಲೀಸರು ಹುಡುಕಿದರು. ಕೊನೆಗೆ ಈ ದಿನ ಅಲ್ಲಿಗೆ ತೆರಳಿ ಖಾಸಿಮ್’ನನ್ನು ಹಿಡಿದರು. ನಂತರ ಆರೋಪಿಯನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ಅನ್ನಭಾಗ್ಯಕ್ಕೆ ಕನ್ನ: ಅಕ್ಕಿ ಕದ್ದವರು ಅಂದರ್!](https://mobiletime.in/2025/10/the-one-who-stole-the-rice-is-andar/): ಅನ್ನಭಾಗ್ಯ ಯೋಜನೆ ಅಡಿ ಸರ್ಕಾರ ಬಡವರಿಗೆ ವಿತರಿಸಬೇಕಿದ್ದ ಅಕ್ಕಿಯನ್ನು ಕದ್ದು ಸಾಗಿಸುತ್ತಿದ್ದವರು ಭಟ್ಕಳದಲ್ಲಿ ಸಿಕ್ಕಿ ಬಿದ್ದಿದ್ದಾರೆ. ಅಕ್ಕಿ ಸಾಗಿಸುತ್ತಿದ್ದ ಲಾರಿಸಹಿತ ಚಾಲಕನನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಭಟ್ಕಳದ ನೂರ ಮಸೀದಿ ಹತ್ತಿರ ಅಕ್ಕಿ ತುಂಬಿದ ಲಾರಿ ಸಂಚರಿಸುತ್ತಿತ್ತು. ಅದರಲ್ಲಿ 3.23 ಲಕ್ಷ ರೂ ಮೌಲ್ಯದ 9,500 ಕೆಜಿ ಸಾಗಾಟವಾಗುತ್ತಿತ್ತು. ಆ ಅಕ್ಕಿಯನ್ನು ಕದ್ದು ಸಾಗಿಸುತ್ತಿರುವುದು ಆಹಾರ ನಿರೀಕ್ಷಕ ಉದಯ ದ್ಯಾಮಪ್ಪ ತಳವಾರ ಅವರ ಗಮನಕ್ಕೆ ಬಂದಿತು. ಡಿವೈಎಸ್ಪಿ ಮಹೇಶ್ ಕೆ ಎಂ ಅವರ ನೆರವುಪಡೆದು ಅಧಿಕಾರಿಗಳು ದಾಳಿ ನಡೆಸಿದರು. ಅಕ್ರಮ ಅಕ್ಕಿ ಸಾಗಾಟಗಾರ ಮೋಹಮ್ಮದ್ ಸಮೀರ್ ಭಟ್ಕಳ ಲಾರಿಯಲ್ಲಿ ಅಕ್ಕಿ ಸಾಗಿಸುತ್ತಿರುವ ಬಗ್ಗೆ ಅರಿವಾಗಿದ್ದು, ವಾಹನದ ಚಾಲಕ ಪ್ರವೀಣ್ ಎನ್ ಆರ್ ಅವರನನು ಪೊಲೀಸರು ವಶಕ್ಕೆಪಡೆದರು. ಆದರೆ, ಪ್ರಮುಖ ಆರೋಪಿ ಸಿಕ್ಕಿ ಬೀಳಲಿಲ್ಲ. ಪಿಎಸೈ ನವೀನ್ ನಾಯ್ಕ ಅವರು ಪ್ರಕರಣ ದಾಖಲಿಸಿದ್ದು, ಅಕ್ಕಿ ಜೊತೆ ಲಾರಿಯನ್ನು ಜಪ್ತು ಮಾಡಿದ್ದಾರೆ.
- [ಗೃಹಲಕ್ಷ್ಮೀ: ದೀಪಾವಳಿ ಒಳಗೆ ಬರಲಿದೆ ಗ್ಯಾರಂಟಿ ದುಡ್ಡು!](https://mobiletime.in/2025/10/grihalakshmi-guaranteed-money-will-come-by-diwali/): ಗೃಹಲಕ್ಷ್ಮೀ ಯೋಜನೆಯಡಿ ಈಗಾಗಲೇ ಬಿಡುಗಡೆಯಾಗಿರುವ ಜುಲೈ ತಿಂಗಳ ಮೊತ್ತವನ್ನು ಎರಡು ದಿನಗಳ ಒಳಗೆ ಫಲಾನುಭವಿಗಳ ಖಾತೆಗೆ ಜಮೆ ಮಾಡುವಂತೆ ಉತ್ತರ ಕನ್ನಡ ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರದ ಅಧ್ಯಕ್ಷ ಸತೀಶ್ ನಾಯ್ಕ ಅವರು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಅವರ ಮಾತಿನ ಪ್ರಕಾರ ಅಧಿಕಾರಿಗಳು ನಡೆದುಕೊಂಡರೆ ದೀಪಾವಳಿ ಹಬ್ಬದ ಒಳಗೆ ಗೃಹಲಕ್ಷ್ಮೀಯರ ಖಾತೆಗೆ ಹಣ ಜಮಾ ಆಗಲಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಗೃಹಲಕ್ಷ್ಮೀ ಯೋಜನೆಯಡಿ ಶೇ 99.96ರಷ್ಟು ಸಾಧನೆಯಾಗಿದೆ. ಬಾಕಿ ಉಳಿದಿರುವ ಮಹಿಳೆಯರನ್ನು ಯೋಜನೆಯ ವ್ಯಾಪ್ತಿಗೆ ಒಳಪಡಿಸಲು ಸತೀಶ ನಾಯ್ಕ ಅವರು ಪ್ರಯತ್ನಿಸುತ್ತಿದ್ದಾರೆ. ಯೋಜನೆಯ ನೋಂದಣಿಯಲ್ಲಿ ಕೆಲ ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡಿದೆ. ಅದನ್ನು ಬಗೆಹರಿಸಲು ತಾಲೂಕುವಾರು ಅದಾಲತ್ ನಡೆಸಲು ಅವರು ಸೂಚಿಸಿದ್ದಾರೆ. ಆ ಮೂಲಕ `ಯಾವುದೇ ಫಲಾನುಭವಿ ಯೋಜನೆಯಿಂದ ಹೊರಗುಳಿಯದಂತೆ ಎಚ್ಚರವಹಿಸಬೇಕು’ ಎಂದವರು ಸೂಚಿಸಿದ್ದಾರೆ. `ಕಾಂಗ್ರೆಸ್ ಸರ್ಕಾರ ಜಾರಿಗೆ ತಂದ ಗ್ಯಾರಂಟಿ ಯೋಜನೆಯ ಸಾಧನೆಯಲ್ಲಿ ಉತ್ತರ ಕನ್ನಡ ಜಿಲ್ಲೆ ಮುಂಚೂಣಿಯಲ್ಲಿದೆ. ಈ ಸಾಧನೆಗೆ ಗ್ಯಾರಂಟಿ ಪ್ರಾಧಿಕಾರದ ಎಲ್ಲಾ ತಾಲೂಕುಗಳು ಅಧ್ಯಕ್ಷರು, ಉಪಾಧ್ಯಕ್ಷರು, ಸದಸ್ಯರು ಹಾಗೂ ಇಲಾಖೆಯ ಅಧಿಕಾರಿಗಳ ಪರಸ್ಪರ ಸಮನ್ವಯತೆ ಕಾರಣ’ ಎಂದು ಸತೀಶ ನಾಯ್ಕ ಅವರು ಹೇಳಿದ್ದಾರೆ. `ಗ್ಯಾರಂಟಿ ಯೋಜನೆಗಳನ್ನು ಅನುಷ್ಠಾನಗೊಳಿಸುವಲ್ಲಿ ಯಾವುದೇ ಗಂಭೀರ ಸಮಸ್ಯೆ ಕಂಡು ಬಂದಿಲ್ಲ. ಯಾವುದೇ ಮಧ್ಯವರ್ತಿಗಳ ಹಾವಳಿ ಇಲ್ಲಿಲ್ಲ. ಭ್ರಷ್ಟಾಚಾರಕ್ಕೆ ಸಹ ಅವಕಾಶ ಇಲ್ಲ’ ಎಂದವರು ವಿವರಿಸಿದ್ದಾರೆ. `ಶಕ್ತಿ ಯೋಜನೆಯ ಮೂಲಕ ಸಾರಿಗೆ ಇಲಾಖೆಗೆ ಆರ್ಥಿಕವಾಗಿ ಚೈತನ್ಯ ನೀಡಿದ್ದರೂ ಕೂಡಾ ಬಸ್‌ಗಳು ಆಗಾಗ್ಗೆ ಮಾರ್ಗ ಮಧ್ಯೆ ಕೆಟ್ಟು ನಿಲ್ಲುತ್ತಿದೆ. ಸಾರಿಗೆ ಸಂಸ್ಥೆಯ ಅಧಿಕಾರಿಗಳಿಗೆ ವಾಹನಗಳಿಗೆ ದುರಸ್ತಿ ಸಂದರ್ಭದಲ್ಲಿ ಉತ್ತಮ ಗುಣಮಟ್ಟದ ಬಿಡಿಭಾಗಗಳನ್ನು ಅಳವಡಿಸುವ ಜೊತೆಗೆ ಗ್ರಾಮೀಣ ಭಾಗದ ಸಂಚಾರದಲ್ಲಿ ಯಾವುದೇ ತೊಂದರೆಯಾಗದAತೆ ಗಮನ ಹರಿಸಬೇಕು’ ಎಂದವರು ಸಲಹೆ ನೀಡಿದ್ದಾರೆ. `ಬಸ್ ನಿಲ್ದಾಣಗಳಲ್ಲಿ ಪ್ರಯಾಣಿಕರಿಗೆ ಉತ್ತಮ ಶೌಚಾಲಯಗಳ ವ್ಯವಸ್ಥೆ ಮತ್ತು ಬಸ್ ನಿಲ್ದಾಣದಲ್ಲಿ ಅಗತ್ಯ ದುರಸ್ತಿ ಕಾರ್ಯಗಳನ್ನು ಕೈಗೊಳ್ಳುವ ಮೂಲಕ ಸಾರ್ವಜನಿಕರಿಗೆ ಎಲ್ಲಾ ಅಗತ್ಯ ಮೂಲಭೂತ ಸೌಲಭ್ಯಗಳನ್ನು ಒದಗಿಸಬೇಕು’ ಎಂದು ಹೇಳಿದ್ದಾರೆ. `ಯುವನಿಧಿ ಯೋಜನೆಯ ಮೂಲಕ ಈಗಾಗಲೇ ನೆರವು ಪಡೆಯುತ್ತಿರುವವರಿಗೆ ಕಡ್ಡಾಯವಾಗಿ ಕೌಶಲ್ಯಾಭಿವೃದ್ದಿ ತರಬೇತಿ ನೀಡಬೇಕು. ಜೊತೆಗೆ ತರಬೇತಿಯ ನಂತರ ಅವರಿಗೆ ಉದ್ಯೋಗ ದೊರಕಿಸಲು ಅಧಿಕಾರಿಗಳು ಕ್ರಮ ವಹಿಸಬೇಕು’ ಎಂದು ಸೂಚಿಸಿದ್ದಾರೆ. `ಜಿಲ್ಲೆಯಲ್ಲಿ ಪಂಚ ಗ್ಯಾರಂಟಿ ಯೋಜನೆಗಳಡಿಯಲ್ಲಿ ಇದುವರೆಗೆ ಅನ್ನಭಾಗ್ಯ ಯೋಜನೆಯಡಿ 152.51 ಕೋಟಿ ರೂ, ಶಕ್ತಿ ಯೋಜನೆಯಡಿ 13.72 ಕೋಟಿ ಮಹಿಳೆಯರಿಗೆ 404.49 ಕೋಟಿ ರೂ, ಗೃಹಲಕ್ಷ್ಮೀ ಯೋಜನೆಯಡಿ 32,823 ಮಹಿಳೆಯರಿಗೆ 1299.20 ಕೋಟಿ ರೂ, ಯುವನಿಧಿ ಯೋಜನೆಯಡಿ 15.30 ಕೋಟಿ ರೂ, ಗೃಹ ಜ್ಯೋತಿ ಯೋಜನೆಯಡಿ 455.84 ಕೋಟಿ ರೂ ನೆರವು ಒದಗಿಸಲಾಗಿದೆ’ ಎಂದವರು ಮಾಹಿತಿ ನೀಡಿದ್ದಾರೆ. ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರದ ಉಪಾಧ್ಯಕ್ಷ ಜನಾರ್ಧನ ಕುಪ್ಪ ದೇವಾಡಿಗ, ನಾಗರಾಜ್ ಎಂ ಮುರ್ಡೇಶ್ವರ, ಸದಸ್ಯರಾದ ಪಾಂಡುರAಗ ಗೌಡ ಅಂಕೋಲಾ, ರಾಜೇಂದ್ರ ಎಚ್.ರಾಣೆ ಕಾರವಾರ, ದೇವಿದಾಸ ನಾಗೇಶ ಶಾನುಭಾಗ ಯಲ್ಲಾಪುರ, ಅಣ್ಣಪ್ಪ ಮಹಾಬಲೇಶ್ವರ ನಾಯ್ಕ ಮಂಕಿ, ರಾಜು ಮಂಜಪ್ಪ ನಾಯ್ಕ ಭಟ್ಕಳ, ಅಶೋಕ್ ಕೃಷ್ಣ ಗೌಡ ಕುಮಟಾ, ಜಿಲ್ಲಾ ಪಂಚಾಯತ್ ಮುಖ್ಯ ಲೆಕ್ಕಾಧಿಕಾರಿ ಆನಂದ್‌ಸಾ ಹಬೀಬ್, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಉಪನಿರ್ದೇಶಕ ಕೃಷ್ಣಪ್ಪ, ಆಹಾರ ಮತ್ತು ನಾಗರೀಕ ಸರಬರಾಜು ಇಲಾಖೆ ಉಪನಿರ್ದೇಶಕ ಮಂಜುನಾಥ ರೇವಣಕರ, ಜಿಲ್ಲಾ ಉದ್ಯೋಗಾಧಿಕಾರಿ ವಿನೋದ್ ನಾಯ್ಕ್, ಕೌಶಲ್ಯಾಭಿವೃದ್ಧಿ ಇಲಾಖೆಯ ಸಹಾಯಕ ನಿರ್ದೇಶಕ ರಜತ್ ಕುಮಾರ್ ಹಬ್ಬು ಇದ್ದರು.
- [ಅನ್ಯಾಯದ ವಿರುದ್ಧ ದೂರು ಕೊಡಿ!](https://mobiletime.in/2025/10/complain-against-injustice/): ಸರ್ಕಾರಿ ಕಚೇರಿಯಲ್ಲಿ ಕೆಲಸ ಮಾಡುವ ಅಧಿಕಾರಿಗಳು ಕಿರಿಯ ನೌಕರರಿಗೆ ಕಿರುಕುಳ ನೀಡಿದರೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರಕ್ಕೆ ಮಾಹಿತಿ ಕೊಡುವಂತೆ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಮನವಿ ಮಾಡಿದ್ದಾರೆ. `ಅನೇಕ ಬಾರಿ ಮೇಲಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ದಾಖಲೆ ತಿದ್ದುಪಡಿ, ನ್ಯಾಯದ ವಿರುದ್ಧ ಕೆಲಸ ಮಾಡುವಂತೆ ಒತ್ತಡ ತರುತ್ತಾರೆ. ಅಂಥ ಸನ್ನಿವೇಶದಲ್ಲಿ ಸಣ್ಣ ನೌಕರರಿಯಲ್ಲಿರುವವರು ಕಿರುಕುಳ ಅನುಭವಿಸುತ್ತಾರೆ. ಸರ್ಕಾರಕ್ಕೆ ಮೋಸ ಮಾಡುವಂತೆ ಒತ್ತಡ ಬಂದಾಗ ಅದನ್ನು ಸಹಿಸದೇ ಜೀವಹಾನಿ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚಿದ್ದು, ಅಂಥಹ ಕೆಲಸಗಳಿಗೆ ಮುಂದಾಗಬೇಡಿ’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಮನವಿ ಮಾಡಿದ್ದಾರೆ. `ಈಚೆಗೆ ರಾಜ್ಯದ ಎಲ್ಲಡೆ ಭ್ರಷ್ಟ ಅಧಿಕಾರಿ ಹಾಗೂ ರಾಜಕಾರಣಿಗಳು ಅಧಿಕಾರ ದುರುಪಯೋಗಪಡಿಸಿಕೊಳ್ಳುತ್ತಿದ್ದು, ಜನರಿಗೆ ಅನ್ಯಾಯ ಮಾಡುತ್ತಿದ್ದಾರೆ. ಪರಿಣಾಮ ಕೆಳಹಂತದ ಹೊರಗುತ್ತಿಗೆ ನೌಕರರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಅಂಥ ನೌಕರರು ಹೆದರದೇ 7892221590ಗೆ ಫೋನ್ ಮಾಡಬಹುದು’ ಎಂದು ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ ಅವರು ಹೇಳಿದ್ದಾರೆ.
- [ಸ್ವಾಮೀಜಿಗಳ ಸಾನಿಧ್ಯದಲ್ಲಿ ಸಂಕಲ್ಪ ಉತ್ಸವ.. ಐದು ದಿನವೂ ಸಂಸ್ಕೃತಿಯ ಸುಗ್ಗಿ!](https://mobiletime.in/2025/10/sankalpa-utsav-in-the-presence-of-swamiji-a-harvest-of-culture-for-five-days/): ತಾಳಮದ್ದಲೆ, ಯಕ್ಷಗಾನ, ಭರತನಾಟ್ಯ ಸೇರಿ ಬಗೆ ಬಗೆಯ ಮನರಂಜನಾ ಕಾರ್ಯಕ್ರಮಗಳ ಜೊತೆ ಈ ಬಾರಿಯ ಸಂಕಲ್ಪ ಉತ್ಸವ ಐದು ಸ್ವಾಮೀಜಿಯವರ ಸಾನಿಧ್ಯಕ್ಕೆ ಸಾಕ್ಷಿಯಾಗಲಿದೆ. ಸಂಕಲ್ಪ ಉತ್ಸವದ ಮೊದಲ ದಿನವಾದ ಅಕ್ಟೋಬರ್ 31ರಂದು ಸಂಜೆ 5.30ಕ್ಕೆ ಸ್ವರ್ಣವಲ್ಲೀ ಶ್ರೀಗಳು ಉತ್ಸವದ ವೇದಿಕೆಗೆ ಬರಲಿದ್ದಾರೆ. ಅವರ ಜೊತೆ ಎಡನೀರು ಶ್ರೀಗಳು ಸೇರಿ ಉತ್ಸವವನ್ನು ಉದ್ಘಾಟಿಸಲಿದ್ದಾರೆ. 5 ದಿನದ ಉತ್ಸವದಲ್ಲಿ ಶಿರಳಗಿ ಬ್ರಹ್ಮಾನಂದ ಭಾರತಿ ಶ್ರೀಗಳು, ಬಾರ್ಕೂರು ಶ್ರೀಗಳು, ನೆಲೆಮಾವು ಶ್ರೀಗಳು ಹಾಗೂ ರಾಘವೇಶ್ವರ ಭಾರತೀ ಸ್ವಾಮೀಜಿ ಭಾಗವಹಿಸಲಿದ್ದಾರೆ. ಯಲ್ಲಾಪುರದ ಸಂಕಲ್ಪ ಸೇವಾ ಸಂಸ್ಥೆ ಕಳೆದ 38 ವರ್ಷಗಳಿಂದ `ಸಂಕಲ್ಪ ಉತ್ಸವ’ ನಡೆಸುತ್ತಿದೆ. 39ನೇ ವರ್ಷದ ಉತ್ಸವ ಅಕ್ಟೊಬರ್ 31ರಿಂದ ನವೆಂಬರ್ 4ವರೆಗೆ ಪಟ್ಟಣದ ಗಾಂಧಿ ಕುಟೀರದಲ್ಲಿ ನಡೆಯಲಿದೆ. `ರಾಜ್ಯದಲ್ಲಿಯೇ ನಿರಂತರವಾಗಿ ಸಾಂಸ್ಕೃತಿಕ ತೇರನ್ನೆಳೆಯುತ್ತಿರುವ ಕೆಲವೇ ಸಂಸ್ಥೆಗಳಲ್ಲಿ ಸಂಕಲ್ಪವೂ ಒಂದಾಗಿದೆ. ಕನ್ನಡ ಜೀವನ ಹಬ್ಬ ಸಂಸ್ಕೃತಿಯ ಸುಗ್ಗಿ ಇದಾಗಿದ್ದು, ನಾಡಿನ ನೂರಾರು ಕಲಾವಿದರನ್ನು ಬೆಳೆಸಿದ ಹೆಗ್ಗಳಿಕೆ ಹೊಂದಿದೆ’ ಎಂದು ಸಂಕಲ್ಪ ಸಂಸ್ಥೆ ಅಧ್ಯಕ್ಷ ಪ್ರಮೋದ ಹೆಗಡೆ ಹೇಳಿದ್ದಾರೆ. `ಯಕ್ಷಗಾನ, ತಾಳಮದ್ದಲೆ, ಭರತನಾಟ್ಯ, ಕೀರ್ತನೆ, ಸಂಗೀತ, ನಾಟಕ, ಗಮಕ ವಾಚನ, ಭಜನೆ ನಡೆಯಲಿದೆ. ಪುಸ್ತಕ ಬಿಡುಗಡೆ, ರಾಷ್ಟ್ರಭಕ್ತಿ ಕಾರ್ಯಕ್ರಮ, ನಿವೃತ್ತ ಸೈನಿಕರಿಗೆ, ಸಾಧಕರಿಗೆ ಸನ್ಮಾನ, ಪುರಾಣ ಲಹರಿ ಕಾರ್ಯಕ್ರಮ ನಡೆಯಲಿದೆ. ಗೋ ಉತ್ಪನ್ನ ಮಳಿಗೆ, ಆಯುರ್ವೇದ ತಪಾಸಣಾ ಶಿಬಿರ ಆಯೋಜಿಸಲಾಗಿದೆ. ತಮ್ಮ ಪುತ್ರರಾದ ಪ್ರಶಾಂತ ಹೆಗಡೆ ಹಾಗೂ ಪ್ರಸಾದ ಹೆಗಡೆ ಸೇರಿ ಈ ಎಲ್ಲಾ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ’ ಎಂದು ವಿವರಿಸಿದರು. ಸಂಕಲ್ಪ ಸಂಸ್ಥೆಯ ಸಂಚಾಲಕ ಪ್ರಸಾದ ಹೆಗಡೆ ಮಾತನಾಡಿ `ಈ ಬಾರಿ ವಿವಿಧ ಕ್ಷೇತ್ರಗಳ ಸಾಧಕರಾದ ಬಿ ಎನ್ ವಾಸರೆ, ರಾಮನಾಥ ಭಟ್ಟ, ಯಮುನಾ ನಾಯ್ಕ, ಕಲ್ಲಪ್ಪ ನಾಯ್ಕ, ನರಸಿಂಹ ಸಾತೊಡ್ಡಿ, ಸುಬ್ರಾಯ ಬಿದ್ರೆಮನೆ, ಚಿದಾನಂದ ಹರಿಜನ, ಡಾ ನಾರಾಯಣ ಹುಳ್ಸೆ ಅವರಿಗೆ ಸಂಕಲ್ಪ ಪ್ರಶಸ್ತಿ ನೀಡಿ ಗೌರವಿಸಲಾಗತ್ತದೆ’ ಎಂದರು. ಸಂಸ್ಥೆಯ ಸದಸ್ಯ ಸಿ ಜಿ ಹೆಗಡೆ ಮಾತನಾಡಿ `ಪ್ರತಿ ದಿನ ಸುಬ್ರಹ್ಮಣ್ಯ ಚಿಟ್ಟಾಣಿ ಅವರ ನೇತೃತ್ವದಲ್ಲಿ ಪ್ರಸಿದ್ಧ ಕಲಾವಿದರಿಂದ ಬಬ್ರುವಾಹನ, ಗದಾಯುದ್ಧ, ಕಾಳಿದಾಸ, ದ್ರೌಪದಿ ಪ್ರತಾಪ, ಪಾಂಚಜನ್ಯ ಯಕ್ಷಗಾನ ಪ್ರದರ್ಶನ ನಡೆಯಲಿದೆ’ ಎಂಬ ಮಾಹಿತಿ ತಿಳಿಸಿದರು. ಸಂಸ್ಥೆಯ ಸದಸ್ಯ ಬಾಬು ಬಾಂದೇಕರ್ ಇದ್ದರು.
- [ಕಳಪೆ ಕಾಮಗಾರಿ ಬಗ್ಗೆ ಕಾಗೇರಿ ಬೇಸರ!](https://mobiletime.in/2025/10/kageri-is-upset-about-the-poor-workmanship/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹಾದು ಹೋಗಿರುವ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಗಳ ಬಗ್ಗೆ ಸಂಸದ ವಿಶ್ವೇಶ್ವರ ಹೆಗಡೆ ತೀವೃ ಪ್ರಮಾಣದಲ್ಲಿ ಅಸಮಧಾನವ್ಯಕ್ತಪಡಿಸಿದ್ದಾರೆ. `ಕಾಶ್ಮೀರದ ಚಿನಾಬ್‌ನಂಥ ದುರ್ಗಮ ಪ್ರದೇಶದಲ್ಲಿ ವಿಶ್ವದ ಅತ್ಯಂತ ಎತ್ತರದ ರೈಲ್ವೆ ಸೇತುವೆಯನ್ನು ನಿಗಧಿತ ಅವಧಿಯೊಳಗೆ ಮುಕ್ತಾಯಗೊಳಿಸಲಾಗುತ್ತಿದೆ. ಆದರೆ, ಉತ್ತರ ಕನ್ನಡ ಜಿಲ್ಲೆಯ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಗಳು ಕಾಲಮಿತಿ ಮೀರಿದರೂ ಮುಕ್ತಾಯವಾಗುತ್ತಿಲ್ಲ’ ಎಂದವರು ತಮ್ಮ ಬೇಸರವ್ಯಕ್ತಪಡಿಸಿದ್ದಾರೆ. ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಅಧಿಕಾರಿಗಳ ಸಭೆ ನಡೆಸಿದ ಅವರು ಅಸ್ತವ್ಯಸ್ಥ ಹೆದ್ದಾರಿಗಳ ಬಗ್ಗೆ ಸಮಗ್ರ ವರದಿ ವಾಚಿಸಿದರು. `ಬಹುತೇಕ ರಸ್ತೆಗಳು ಗುಂಡಿಮಯವಾಗಿದ್ದು, ವಾಹನಗಳ ಸುಗಮ ಸಂಚಾರಕ್ಕೆ ಅಡಚಣೆಯಾಗಿವೆ. ರಸ್ತೆ ಹದಗೆಟ್ಟಿರುವ ಬಗ್ಗೆ ಜನ ಸರ್ಕಾರವನ್ನು ಟೀಕಿಸುತ್ತಿದ್ದಾರೆ. ಜನರ ಅಭಿಪ್ರಾಯ ಆಡಳಿತ ವರ್ಗಕ್ಕೆ ಕಪ್ಪು ಚುಕ್ಕೆಯಾಗಿದೆ’ ಎಂದು ಕಾಗೇರಿ ಹೇಳಿದ್ದಾರೆ. `ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು ಜನರ ಜೀವದ ಜತೆ ಆಟವಾಡದೇ ರಸ್ತೆ ಗುಂಡಿಗಳನ್ನು ಮುಚ್ಚುವ ಕೆಲಸ ಮಾಡಬೇಕು. ರಸ್ತೆಯ ತಿರುವುಗಳಲ್ಲಿ ಸೂಚನಾ ಫಲಕ ಹಾಗೂ ರಿಪ್ಲೆಕ್ಟರ್ ಅಳವಡಿಸುವ ಮೂಲಕ ಜವಾಬ್ದಾರಿಯುತವಾಗಿ ಕಾರ್ಯನಿರ್ವಹಿಸಬೇಕು’ ಎಂದವರು ಸೂಚಿಸಿದ್ದಾರೆ. `ಯಲ್ಲಾಪುರದ ಅರಬೈಲ್ ಘಾಟ್‌ನ ತಿರುವಿನಲ್ಲಿ ಪದೇ ಪದೇ ಅಪಘಾತವಾಗುತ್ತಿದೆ. ಈ ಕುರಿತು ಗಮನ ಹರಿಸದ ರಾಷ್ಟ್ರೀಯ ಹೆದ್ದಾರಿ ಅಧಿಕಾರಿಗಳು ಅಪಘಾತ ವಲಯವನ್ನು ಬಿಟ್ಟು ಬೇರೆ ಕಡೆ ದುರಸ್ತಿ ಕಾರ್ಯ ಮಾಡಿ ಏನು ಪ್ರಯೋಜನ? ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಪ್ರಶ್ನಿಸಿದ್ದಾರೆ. `ಅಪಘಾತವಾಗುವ ಸ್ಥಳಗಳಲ್ಲಿನ ರಸ್ತೆ ತಿರುವನ್ನು ಅಗಲೀಕರಣ ಮಾಡಬೇಕು’ ಎಂದು ಅವರು ಸೂಚಿಸಿದ್ದಾರೆ. `ರಾಷ್ಟ್ರೀಯ ಹೆದ್ದಾರಿ, ಆರ್‌ಬಿಐ ಸಂಸ್ಥೆಯ ಅಧಿಕಾರಿಗಳು ಮತ್ತು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು ರಾಷ್ಟ್ರೀಯ ಹೆದ್ದಾರಿ 66ರ ಕಾಮಗಾರಿಯನ್ನು ಶೀಘ್ರವಾಗಿ ಪೂರ್ಣಗೊಳಿಸಬೇಕು. ಚಿಕ್ಕ ಪುಟ್ಟ ಸಮಸ್ಯೆಗಳಿದ್ದರೆ ಜಿಲ್ಲಾಧಿಕಾರಿಗಳ ಗಮನಕ್ಕೆ ತರಬೇಕು. ಯಾವುದೇ ಕಾರಣಕ್ಕೂ ನಿರ್ಲಕ್ಷö್ಯಸಹಿಸುವುದಿಲ್ಲ’ ಎಂದವರು ಎಚ್ಚರಿಸಿದ್ದಾರೆ. ಹೆಚ್ಚು ಅಪಘಾತ ಸಂಭವಿಸುವ ಸ್ಥಳಗಳನ್ನು ಗುರುತಿಸಿ ಅಪಘಾತಗಳಿಗೆ ಕಾರಣಗಳ ಕುರಿತ ವರದಿಯನ್ನು ಸಂಬoಧಪಟ್ಟ ಅಧಿಕಾರಿಗಳಿಗೆ ಸಲ್ಲಿಸುವಂತೆ ಸಂಸದರು ಪೊಲೀಸ್ ಇಲಾಖೆಗೆ ಸೂಚಿಸಿದರು. `ಪೊಲೀಸ್ ಇಲಾಖೆಯಿಂದ ಗುರುತಿಸಿರುವ ಸ್ಥಳಗಳಲ್ಲಿ ಸ್ಪಷ್ಟವಾಗಿ ಗೋಚರಿಸುವಂತೆ ಸೂಚನಾ ಫಲಕ ಮತ್ತು ರಿಪ್ಲೆಕ್ಟರ್‌ಗಳನ್ನು ಅಳವಡಿಸಬೇಕು’ ಎಂದು ನಿರ್ದೇಶಿಸಿದರು. `ಹೆದ್ದಾರಿಗಳಲ್ಲಿ ಬೀಡಾಡಿ ದನಗಳಿಂದ ಅಪಘಾತಗಳಾಗುವುದನ್ನು ತಡೆಯುವ ನಿಟ್ಟಿನಲ್ಲಿ ಮುಂಜಾಗ್ರತ್ತಾ ಕ್ರಮವಾಗಿ ವಾರಸುದಾರರು ಇಲ್ಲದಿರುವ ಬೀಡಾಡಿ ದನಗಳನ್ನು ನಿಯಂತ್ರಿಸಬೇಕು’ ಎಂದು ಪಶುಪಾಲನಾ ಇಲಾಖೆ ಹಾಗೂ ನಗರ ಸ್ಥಳೀಯ ಸ್ಥಳೀಯ ಸಂಸ್ಥೆಗಳಿಗೆ ತಿಳಿಸಿದರು. `ಪ್ರಸ್ತುತ ನಡೆಯುತ್ತಿರುವ ರಾಷ್ಟ್ರೀಯ ಹೆದ್ದಾರಿ, ಲೋಕೋಪಯೋಗಿ ಇಲಾಖೆ ಹಾಗೂ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಕಾಮಗಾರಿಗಳಲ್ಲಿ ಕಳಪೆ ಗುಣಮಟ್ಟ ಕಂಡುಬoದಲ್ಲಿ ಅದನ್ನು ಸಹಿಸುವುದಿಲ್ಲ. ಕಾಮಗಾರಿಯಲ್ಲಿ ನಿರ್ಲಕ್ಷತನ ತೋರುವ ಗುತ್ತಿಗೆದಾರರನ್ನು ಕಪ್ಪುಪಟ್ಟಿಗೆ ಸೇರಿಸಿ’ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಸೂಚಿಸಿದರು. `ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಗಳು ಜಿಲ್ಲೆಗೆ ಶಾಪವಾಗಿ ಪರಿಣಮಿಸಿವೆ. ಕಾಮಗಾರಿ ಆರಂಭಗೊoಡು ಇಷ್ಟು ವರ್ಷಗಳು ಕಳೆದರೂ ಇನ್ನೂ ಸಂಪೂರ್ಣವಾಗಿಲ್ಲ. ರಸ್ತೆ ಅಪಘಾತಗಳಿಂದ ಜನರು ಸಾವಿಗೀಡಾಗುತ್ತಿದ್ದಾರೆ. ಇದರಿಂದಾಗಿ ಜಿಲ್ಲೆಯ ಎಲ್ಲಾ ಜನಪ್ರತಿನಿಧಿಗಳು ಮತ್ತು ಅಧಿಕಾರಿಗಳು ಸಾರ್ವಜನಿಕರಿಂದ ನಿರಂತರ ಟೀಕೆಗಳನ್ನು ಎದುರಿಸುತ್ತಿದ್ದಾರೆ’ ಎಂದು ತೀವ್ರ ಅಸಮಧಾನ ವ್ಯಕ್ತಪಡಿಸಿದರು. ಸಭೆಯಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ.ದಿಲೀಷ್ ಶಶಿ, ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ.ಎನ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ,  ಹೆದ್ದಾರಿ ಪ್ರಾಧಿಕಾರದ ಯೋಜನಾ ನಿರ್ದೇಶಕ ಶಿವಕುಮಾರ್ ಹಾಗೂ ಹೆದ್ದಾರಿ, ಲೋಕೋಪಯೋಗಿ ಇಲಾಖೆಯ ಅಧಿಕಾರಿಗಳು ಮತ್ತಿತರರು ಇದ್ದರು.
- [ಟೇಬಲ್ ಟೆನ್ನಿಸ್: YTSS ವಿದ್ಯಾರ್ಥಿನಿಯರ ಸಾಧನೆ](https://mobiletime.in/2025/10/table-tennis-achievements-of-ytss-students/): ಮಕ್ಕಳ ಸರ್ವತೋಮುಖ ಬೆಳವಣಿಗೆಗೆ ಯಲ್ಲಾಪುರದ YTSS ಶಿಕ್ಷಣ ಸಂಸ್ಥೆ ಶ್ರಮಿಸುತ್ತಿದ್ದು, ಅಲ್ಲಿನ ಮಕ್ಕಳು ಸಹ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡುತ್ತಿದ್ದಾರೆ. ಸದ್ಯ ಶಿರಸಿಯಲ್ಲಿ ನಡೆದ ಜಿಲ್ಲಾ ಮಟ್ಟದ ಸ್ಪರ್ಧೆಯಲ್ಲಿಯೂ ಉತ್ತಮ ಸಾಧನೆ ಮಾಡಿದ ವೈಟಿಎಸ್‌ಎಸ್ ವಿದ್ಯಾರ್ಥಿನಿಯರು ನಿರ್ಣಾಯಕರ ಮನಗೆದ್ದಿದ್ದಾರೆ. 14 ವರ್ಷದ ಒಳಗಿನ ಮಕ್ಕಳಿಗಾಗಿ ಶಿರಸಿಯಲ್ಲಿ ಟೇಬಲ್ ಟೆನ್ನಿಸ್ ಸ್ಪರ್ಧೆ ನಡೆದಿದೆ. ಇದರಲ್ಲಿ ವೈಟಿಎಸ್‌ಎಸ್ ಆಂಗ್ಲ ಮಾಧ್ಯಮ ಶಾಲೆಯ ಐವರು ವಿದ್ಯಾರ್ಥಿನಿಯರು ಭಾಗವಹಿಸಿ ಬಹುಮಾನಪಡೆದಿದ್ದಾರೆ. ಇಲ್ಲಿನ ಶರಧಿ ಮೊಗೇರ್, ರೇಣುಕಾ ಶಿರೂರ್, ಅವನಿ ಜಾಧವ, ಅದಿತಿ ಜೋಗಿ, ಅನಿಷಾ ಭಟ್ ಅವರು ತಾಲೂಕಾ ಮಟ್ಟದ ಸ್ಪರ್ಧೆಯಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದರು. ಹೀಗಾಗಿ ಅವರನ್ನು ಜಿಲ್ಲಾಮಟ್ಟದ ಟೇಬಲ್ ಟೆನ್ನಿಸ್ ಸ್ಪರ್ಧೆಗೆ ಕಳುಹಿಸಲಾಗಿತ್ತು. ಅಲ್ಲಿಯೂ ಅವರು ಅತ್ಯುತ್ತಮ ಪ್ರದರ್ಶನ ನೀಡಿ ರಾಜ್ಯಮಟ್ಟದ ಸ್ಪರ್ಧೆಯಲ್ಲಿ ಭಾಗವಹಿಸುವ ಅರ್ಹತೆಪಡೆದಿದ್ದಾರೆ. ಜಿಲ್ಲಾಮಟ್ಟದ ಟೇಬಲ್ ಟೆನ್ನಿಸ್ ಸ್ಪರ್ಧೆ ಈ ಐವರ ತಂಡ ಮೊದಲ ಸ್ಥಾನಪಡೆದಿದೆ. ಈ ಎಲ್ಲಾ ಮಕ್ಕಳನ್ನು ಶಿಕ್ಷಕರು ಹಾಗೂ ಪಾಲಕರು ಅಭಿನಂದಿಸಿದ್ದಾರೆ. ಜೊತೆಗೆ `ರಾಜ್ಯಮಟ್ಟದ ಸ್ಪರ್ಧೆಯಲ್ಲಿಯೂ ವೈಟಿಎಸ್‌ಎಸ್ ಸಂಸ್ಥೆ ಮಕ್ಕಳು ಬಹುಮಾನ ಗೆದ್ದುಬರಲಿ’ ಎಂದು ಶಾಲಾ ಆಡಳಿತ ಮಂಡಳಿಯವರು ಹಾರೈಸಿದ್ದಾರೆ. `ಶಾಲೆಯಲ್ಲಿ ಮಕ್ಕಳ ಸಾಧನೆಗೆ ಪೂರಕವಾದ ಪ್ರೋತ್ಸಾಹ ದೊರೆಯುತ್ತಿದೆ. ಶೈಕ್ಷಣಿಕ ಚಟುವಟಿಕೆಗಳ ಜೊತೆ ಕ್ರೀಡಾ ಚಟುವಟಿಕೆಗಳಿಗೂ ಒತ್ತು ನೀಡಿದ ಪರಿಣಾಮ ಮಕ್ಕಳು ರಾಜ್ಯಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದಾರೆ’ ಎಂದು ವೈ ಟಿ ಎಸ್ ಎಸ್‌ನ ಮಾಜಿ ವಿದ್ಯಾರ್ಥಿನಿಯೂ ಆಗಿರುವ ನ್ಯಾಯವಾದಿ ಅಮೀನಾ ಶೇಖ್ ಅವರು ತಿಳಿಸಿದರು.
- [2025ರ ಅಕ್ಟೊಬರ್ 15ರ ದಿನ ಭವಿಷ್ಯ](https://mobiletime.in/2025/10/prediction-for-october-15-2025/): ಮೇಷ ರಾಶಿ: ನೀವು ಮಾಡುವ ಹೊಸ ಪ್ರಯತ್ನಗಳು ಯಶಸ್ಸು ಕಾಣಲಿದೆ. ಕುಟುಂಬದಲ್ಲಿ ಸಂತೋಷ ವಾತಾವರಣ ಮೂಡಿಬರಲಿದೆ. ಸ್ನೇಹಿತರ ಜೊತೆ ಸಂಭಾಷಣೆ ಮಾಡಿದರೆ ಸಹಾಯ ಆಗುತ್ತದೆ. ವೃಷಭ ರಾಶಿ: ಆರೋಗ್ಯದ ಕಡೆ ಗಮನಹರಿಸುವುದು ಮುಖ್ಯ. ಆರ್ಥಿಕ ವಿಷಯದಲ್ಲಿ ಯಶಸ್ಸು ಸಿಗಲಿದೆ. ಕೆಲಸದ ವಿಷಯದಲ್ಲಿ ಜಾಗೃತಿವಹಿಸಿ. ಮಿಥುನ ರಾಶಿ: ಹಳೆಯ ಸ್ನೇಹಿತರ ಸಂಪರ್ಕ ಸಾಧ್ಯವಿದೆ. ಬಾಕಿ ಕೆಲಸಗಳು ಪೂರ್ಣವಾಗಲಿದೆ. ವ್ಯವಹಾರದಲ್ಲಿ ಲಾಭ ಸಿಗಲಿದೆ. ಕರ್ಕ ರಾಶಿ: ಆರೋಗ್ಯದಲ್ಲಿ ಸುಧಾರಣೆ ಆಗಲಿದೆ. ಹೊಸ ಜವಾಬ್ದಾರಿಗಳು ನಿಮಗೆ ಸಿಗಲಿದೆ. ಹಣಕಾಸು ಒತ್ತಡ ಕಡಿಮೆ ಆಗಲಿದ್ದು, ಕುಟುಂಬದಲ್ಲಿಯೂ ಸಾಮರಸ್ಯ ಮೂಡಲಿದೆ. ಸಿಂಹ ರಾಶಿ: ಮಕ್ಕಳ ವಿಷಯವಾಗಿ ಸಂತೋಷ ಮೂಡಲಿದೆ. ಕೆಲಸದ ವಿಷಯದಲ್ಲಿ ತೃಪ್ತಿ ಸಿಗಲಿದೆ. ಸ್ನೇಹಿತರ ಸಹಾಯ ಸ್ಮರಿಸಿ. ಕನ್ಯಾ ರಾಶಿ: ಆರೋಗ್ಯದಲ್ಲಿ ಏರಿಳಿತ ಸಾಮಾನ್ಯ. ನಿಮ್ಮ ವ್ಯವಹಾರ ವೃದ್ಧಿಗಾಗಿ ಡಿಜಿಟಲ್ ವೇದಿಕೆಗಳನ್ನು ಬಳಸಿಕೊಳ್ಳಿ. ಕುಟುಂಬದ ಜೊತೆ ಮುಕ್ತವಾಗಿ ಮಾತನಾಡಿ. ತುಲಾ ರಾಶಿ: ವೃತ್ತಿಯಲ್ಲಿ ಬದಲಾವಣೆ ಸಾಧ್ಯವಿದ್ದು, ಹೊಸ ಸಂಪರ್ಕಗಳು ಲಾಭ ತರಲಿದೆ. ಪ್ರೀತಿ-ಪ್ರೇಮದ ವಿಷಯಗಳು ಸರಿಯಾಗಿ ಕೂಡಿ ಬರಲಿದೆ. ಆರ್ಥಿಕ ಪರಿಸ್ಥಿತಿ ಸುಧಾರಣೆ ಆಗಲಿದೆ. ವೃಶ್ಚಿಕ ರಾಶಿ: ಉದ್ಯೋಗದಲ್ಲಿ ಪ್ರಗತಿ ಕಾಣಲಿದೆ. ನಿಮ್ಮ ಯೋಜನೆಗಳು ಪೂರ್ಣವಾಗಲಿದೆ. ಆಹಾರ ಸೇವನೆ ವಿಷಯದಲ್ಲಿ ಮುನ್ನಚ್ಚರಿಕೆ ಅಗತ್ಯ. ಧನು ರಾಶಿ: ನಿಮ್ಮ ಕೆಲಸದ ವಿಷಯದಲ್ಲಿ ಶ್ರಮ ಅಗತ್ಯ. ವ್ಯಾಪಾರದಲ್ಲಿನ ಒಪ್ಪಂದಗಳು ಕೈಗೂಡಲಿದೆ. ಕುಟುಂಬದಲ್ಲಿನ ಒಡನಾಟ ಆಪ್ತವಾಗಿರಲಿದೆ. ಮಕರ ರಾಶಿ: ಈ ದಿನ ಜಗಳ ಮಾಡಿದರೆ ವಿಕೋಪಕ್ಕೆ ತೆರಳುವ ಸಾಧ್ಯತೆಗಳಿವೆ. ಹಣಕಾಸು ವಿಷಯದಲ್ಲಿ ಸುಧಾರಣೆ ಸಾಧ್ಯವಿದೆ. ಯಾವುದೇ ನಿರ್ಧಾರ ತೆಗೆದುಕೊಳ್ಳುವ ಮುನ್ನ ಯೋಚಿಸಿ. ಕುಂಭ ರಾಶಿ: ಉದ್ಯೋಗದಲ್ಲಿ ಬದಲಾವಣೆ ಲಕ್ಷಣಗಳಿವೆ. ಉದ್ಯೋಗ ಸ್ಥಳದಲ್ಲಿ ಒತ್ತಡಗಳು ಬರಲಿದೆ. ಮನೆಯಲ್ಲಿನ ಸಮಸ್ಯೆಗಳು ದೂರವಾಗಲಿದೆ. ಮೀನ ರಾಶಿ: ಕೆಲಸದಲ್ಲಿ ಒತ್ತಡ ಕಡಿಮೆ ಆಗಲಿದ್ದು, ನಿಮ್ಮ ಕೆಲಸ ಬೇರೆಯವರ ಗಮನಸೆಳೆಯುತ್ತದೆ. ಹಣಕಾಸು ವ್ಯವಹಾರದಲ್ಲಿ ಎಚ್ಚರಿಕೆವಹಿಸಿ. ಕುಟುಂಬದಲ್ಲಿ ಸಂತೋಷ ವಾತಾವರಣ ಸಿಗಲಿದೆ.
- [ವಿಚಾರಣೆಯಿಲ್ಲದೇ ಮುಂದೂಡಿಕೆ: ದೆಹಲಿಗೆ ದೌಡಾಯಿಸಿದ್ದ ವಕೀಲರಿಗೆ ನಿರಾಸೆ!](https://mobiletime.in/2025/10/adjournment-without-hearing-lawyers-who-rushed-to-the-court-are-disappointed/): ಅರಣ್ಯ ಹಕ್ಕು ಕಾಯಿದೆಯ ಮೌಲ್ಯತೆ ಮತ್ತು ತಿರಸ್ಕರಿಸಿದ ಅರ್ಜಿಯ ಒಕ್ಕಲೆಬ್ಬಿಸುವ ಪ್ರಕರಣದ ವಿಷಯವಾಗಿ ವಾದ ಮಂಡಿಸಲು ದೆಹಲಿಗೆ ಹೋಗಿದ್ದ ಶಿರಸಿಯ ನ್ಯಾಯವಾದಿ ರವೀಂದ್ರ ನಾಯ್ಕ ಅವರಿಗೆ ನಿರಾಸೆಯಾಗಿದೆ. ಅಕ್ಟೊಬರ್ 14ರಂದು ನಡೆಯಬೇಕಿದ್ದ ಪ್ರಕರಣದ ವಿಚಾರಣೆಯನ್ನು ತ್ರಿಸದಸ್ಯ ನ್ಯಾಯಮೂರ್ತಿಗಳ ಪೀಠ ಮುಂದೂಡಿದೆ. ಎಲ್ಲವೂ ಅಂದುಕೊoಡoತೆ ನಡೆದಿದ್ದರೆ, ಈ ದಿನ ಸರ್ವೋಚ್ಛ ನ್ಯಾಯಾಲಯದ ನ್ಯಾಯಮೂರ್ತಿಗಳಾದ ಸೂರ್ಯಕಾಂತ, ಜಾಯಿಮಲ್ಯ ಮತ್ತು ಬಜಾಶಿ ಒಳಗೊಂಡ ತ್ರಿ ಸದಸ್ಯತ್ವ ನ್ಯಾಯಪೀಠದಲ್ಲಿ ವಿಚಾರಣೆ ಆಗಬೇಕಿತ್ತು. ನ್ಯಾಯಪೀಠದಲ್ಲಿ ವಿಚಾರಣೆಯ ಕ್ರಮ ಸಂಖ್ಯೆ ಸಹ ನಿಗಧಿಯಾಗಿದ್ದು, ಸಂಖ್ಯೆ 41ಕ್ಕಾಗಿ ಎಲ್ಲರೂ ಕಾಯುತ್ತಿದ್ದರೂ ಸಮಯದ ಅಭಾವದ ಕಾರಣದಿಂದ ಈ ದಿನ ಆ ಪ್ರಕರಣ ವಿಚಾರಣೆಗೆ ಬರಲಿಲ್ಲ. ಅರಣ್ಯ ಹಕ್ಕು ಕಾಯಿದೆ ಮೌಲ್ಯತೆ ರದ್ದು ಪಡಿಸುವ ಉದ್ದೇಶದಿಂದ 2008ರಲ್ಲಿ ವೈಲ್ಡ ಲೈಪ್ ಪಸ್ಟ್ ಸೊಸೈಟಿ ಮತ್ತು ಇನ್ನಿತರ 8 ಪರಿಸರ ಸಂಘಟನೆಗಳು ಸುಪ್ರೀಂ ಕೋರ್ಟಗೆ ಅರ್ಜಿ ಸಲ್ಲಿಸಿದ್ದವು. ಕೇಂದ್ರ ಸರ್ಕಾರ ಮತ್ತು ದೇಶದ 31 ರಾಜ್ಯಗಳ ವಿರುದ್ಧ ಸಲ್ಲಿಕೆಯಾದ ಅರ್ಜಿಗೆ ಈ ದಿನ ಅಂತಿಮ ವಿಚಾರಣೆ ನಡೆಸಲು ದಿನಾಂಕ ನಿಗದಿಯಾಗಿತ್ತು. ಸದ್ಯ ವಿಚಾರಣೆಯ ಹೊಸ ದಿನಾಂಕ ಪ್ರಕಟವಾಗಬೇಕಿದೆ.
- [ಅಗ್ನಿ ಅವಘಡ: ಬಡವನ ಮನೆ ಸಾಮಗ್ರಿ ಭಸ್ಮ!](https://mobiletime.in/2025/10/fire-accident-poor-mans-house-burnt-to-ashes/): ಗೋಕರ್ಣದ ಗಂಗೆಕೊಳ್ಳದ ಮಾರುತಿ ತಾಂಡೇಲ ಅವರ ಮನೆಗೆ ಬೆಂಕಿ ಬಿದ್ದಿದೆ. ಪರಿಣಾಮ ಮನೆಯಲ್ಲಿದ್ದ ಹಣದ ಜೊತೆ ದಿನ ಬಳಕೆ ಉಪಕರಣಗಳು ಸುಟ್ಟು ಕರಕಲಾಗಿದೆ. ವಿವಿಧ ದಾಖಲೆಗಳು ಸಹ ಭಸ್ಮವಾಗಿದೆ. ಮಂಗಳವಾರ ಮುಂಜಾನೆ ಮಾರುತಿ ತಾಂಡೇಲ ಅವರು ಗಂಗಾಮಾತಾ ದೇವಾಲಯಕ್ಕೆ ಹೋಗಿದ್ದರು. ಅಲ್ಲಿ ನಡೆಯುವ ಶಿವ-ಗಂಗಾ ವಿವಾಹ ನಿಶ್ಚಿತಾರ್ಥ ಉತ್ಸವದ ಬಗ್ಗೆ ಅವರು ಮಾಹಿತಿಪಡೆಯುತ್ತಿದ್ದರು. ಆ ವೇಳೆ ಮನೆಗೆ ಬೆಂಕಿ ಬಿದ್ದ ಬಗ್ಗೆ ಅವರಿಗೆ ಫೋನ್ ಬಂದಿದ್ದು, ತಕ್ಷಣ ಅಲ್ಲಿಂದ ಓಡಿ ಬಂದರು. ಆದರೆ, ಅಷ್ಟರೊಳಗೆ ಮನೆಯೊಳಗಿದ್ದ ವಸ್ತುಗಳು ಕರಕಲಾಗಿದ್ದವು. ಮನೆಯ ಒಳಗಿದ್ದ ಎರಡು ಫ್ಯಾನ್, ಪ್ರಿಜ್, ರೇಷನ್ ಕಾರ್ಡ ಸೇರಿ ಅನೇಕ ಮುಖ್ಯ ವಸ್ತುಗಳು ಬೆಂಕಿಗೆ ಆಹುತಿಯಾದವು. ನಾಡುಮಾಸ್ಕೇರಿ ಗ್ರಾ ಪಂ ಅಧ್ಯಕ್ಷ ಈಶ್ವರ ಗೌಡ, ಉಪಾಧ್ಯಕ್ಷೆ ವಿಜಯಾ ನಾಯ್ಕ, ಸದಸ್ಯರಾದ ಚಂದ್ರಶೇಖರ ನಾಯ್ಕ, ನಾಗರಾಜ ತಾಂಡೇಲ ಇನ್ನಿತರರು ಮನೆಗೆ ಭೇಟಿ ನೀಡಿ, ನಷ್ಟ ಆದವರಿಗೆ ಸಮಾಧಾನ ಹೇಳಿದರು. ಅಗ್ನಿ ಅವಘಡಕ್ಕೆ ನಿಖರ ಕಾರಣ ಅರಿವಿಗೆ ಬರಲಿಲ್ಲ.
- [ಸೆಲ್ಪಿ ರಾಣಿಯ ಸೊಕ್ಕು ಕರಗಿಸಿದ ಪೌರಾಡಳಿತ!](https://mobiletime.in/2025/10/selpi-ranis-arrogance-dissolved-municipal-administration/): ಅಂಕೋಲಾ ಪುರಸಭೆಯೊಳಗೆ ನಡೆದ ಅಕ್ರಮ-ಅವ್ಯವಹಾರಿಗಳ ವಿಷಯವಾಗಿ ಅಲ್ಲಿನ ಇಬ್ಬರು ಮಹಿಳಾ ಅಧಿಕಾರಿಗಳಿಗೆ ಸರ್ಕಾರ ಅಮಾನತು ಶಿಕ್ಷೆವಿಧಿಸಿದೆ. ಪುರಸಭೆ ಮುಖ್ಯಾಧಿಕಾರಿ ಎಚ್ ಅಕ್ಷತಾ ಹಾಗೂ ಕಿರಿಯ ಅಭಿಯಂತರರಾಗಿದ್ದ ಶೈಲಜಾ ನಾಯಕ ಅವರು ತಮಗಿದ್ದ ಅಧಿಕಾರದಿಂದ ಅಮಾನತಾಗಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜಿಲ್ಲಾಧಿಕಾರಿಯಾಗಿಯೂ ಕೆಲಸ ಮಾಡಿರುವ ಪೌರಾಡಳಿತ ನಿರ್ದೇಶನಾಲಯದ ಶಿಸ್ತು ಪ್ರಾಧಿಕಾರಿ ಪ್ರಭುಲಿಂಗ್ ಕವಳಿಕಟ್ಟಿ ಆದೇಶ ಅವರಿಬ್ಬರ ಅಮಾನತು ಆದೇಶಕ್ಕೆ ಸಹಿ ಮಾಡಿದ್ದಾರೆ. ಅಂಕೋಲಾ ಪುರಸಭೆಯ ಮುಖ್ಯಾಧಿಕಾರಿ ಎಚ್ ಅಕ್ಷತಾ ಹಾಗೂ ಕಿರಿಯ ಅಭಿಯಂತರ ಶೈಲಜಾ ನಾಯಕ ಸೇರಿಕೊಂಡು ತಮ್ಮ ಅಧಿಕಾರ ದುರುಪಯೋಗಪಡಿಸಿಕೊಂಡಿರುವುದು ಸಾಭೀತಾದ ಹಿನ್ನಲೆ ಅವರು ಈ ಶಿಸ್ತು ಕ್ರಮ ಜರುಗಿಸಿದ್ದಾರೆ. ಪುರಸಭೆ ಅಧ್ಯಕ್ಷ ಸೂರಜ್ ನಾಯ್ಕ ಹಾಗೂ 19 ಸದಸ್ಯರು ಈ ಅಕ್ರಮದ ಬಗ್ಗೆ ಧ್ವನಿ ಎತ್ತಿ ಜಿಲ್ಲಾಧಿಕಾರಿ ಹಾಗೂ ಯೋಜನಾಧಿಕಾರಿಗಳಿಗೆ ದೂರು ಸಲ್ಲಿಸಿದ್ದರು. ದೂರಿನ ತನಿಖೆ ನಡೆಸಿದಾಗ ಅಕ್ರಮಗಳು ಕಾಣಿಸಿದ್ದವು. ತನಿಖೆ ವೇಳೆ ನೋಟಿಸ್ ನೀಡಿದರೂ ಮಹಿಳಾ ಅಧಿಕಾರಿಗಳಿಬ್ಬರೂ ಸರಿಯಾಗಿ ಸ್ಪಂದಿಸರಲಿಲ್ಲ. ಪ್ರಾಥಮಿಕ ತನಿಖೆಯಲ್ಲಿ ಲೋಪ ಎಸಗಿರುವ ಬಗ್ಗೆ ಸಾಭೀತಾದ ಹಿನ್ನೆಲೆ ಪೌರಾಡಳಿತ ನಿರ್ದೇಶನಾಯಲ ಕ್ರಮ ಜರುಗಿಸಿತು.
- [ಕುಮಟಾ: ರಾಜ್ಯದ ಎಲ್ಲಡೆ ಭ್ರಷ್ಟರ ಭೇಟೆ!](https://mobiletime.in/2025/10/kumta-a-hunt-for-the-corrupt-everywhere-in-the-state/): ರಾಜ್ಯದ ಎಲ್ಲಡೆ ಭ್ರಷ್ಟರನ್ನು ಹುಡುಕಿ ಅವರ ಆಸ್ತಿ-ಪಾಸ್ತಿ ಜಪ್ತು ಮಾಡಿರುವ ಲೋಕಾಯುಕ್ತರು ಭ್ರಷ್ಟರ ನೆಂಟರ ಮನೆ-ಮಳಿಗೆ ಮೇಲೆಯೂ ದಾಳಿ ನಡೆಸಿದ್ದಾರೆ. ಹೀಗಾಗಿ ಕುಮಟಾದ ವೈಭವ ಪ್ಯಾಲೇಸ್ ಮೇಲೆಯೂ ಮಂಗಳವಾರ ಲೋಕಾಯುಕ್ತರ ಕಾರ್ಯಾಚರಣೆ ನಡೆದಿದೆ. ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ಮೂಲದ ಎಲ್ ಪಿ ನಾಯ್ಕ ಅವರು ಉಡುಪಿಯಲ್ಲಿ ಪ್ರಾದೇಶಿಕ ಸಾರಿಗೆ ಅಧಿಕಾರಿಯಾಗಿದ್ದಾರೆ. ಆರ್ ಟಿ ಓ ಕಚೇರಿಯ ಎಲ್ಲಾ ವ್ಯವಹಾರ ನೋಡಿಕೊಳ್ಳುವ ಅವರು ತಮ್ಮ ಆದಾಯಕ್ಕೂ ಮೀರಿ ಆಸ್ತಿ ಮಾಡಿದ್ದಾರೆ. ಹೀಗಾಗಿ ಎಲ್ ಪಿ ನಾಯ್ಕ ಅವರ ಆಸ್ತಿ ಮೇಲೆ ಲೋಕಾಯುಕ್ತರು ಕಣ್ಣಾಡಿಸಿದ್ದಾರೆ. ಈ ವೇಳೆ ಸಾಕಷ್ಟು ಪ್ರಮಾಣದಲ್ಲಿ ಅಕ್ರಮ ಆಸ್ತಿ ಪತ್ತೆಯಾಗಿದೆ. ಇದರೊಂದಿಗೆ ಎಲ್ ಪಿ ನಾಯ್ಕ ಅವರು ಬೇನಾಮಿ ಹೆಸರಿನಲ್ಲಿಯೂ ದುಡ್ಡು ಮಾಡಿದ ಅನುಮಾನವಿದ್ದು, ಈ ಹಿನ್ನಲೆ ಅವರ ಆಪ್ತರ ಮನೆ-ಮಳಿಗೆ ಮೇಲೆಯೂ ದಾಳಿ ಮಾಡಿದ್ದಾರೆ. ಎಲ್ ಪಿ ನಾಯ್ಕ ಅವರ ಬಾವ ಶೈಲೇಶ ನಾಯ್ಕ ಅವರು ಕುಮಟಾದ ನೆಲ್ಲಿಕೇರಿಯಲ್ಲಿದ್ದಾರೆ. ಅವರು ವೈಭವ ಪ್ಯಾಲೇಸ್ ಎಂಬ ಮಳಿಗೆ ನಡೆಸುತ್ತಿದ್ದಾರೆ. ಲೋಕಾಯುಕ್ತ ಅಧಿಕಾರಿಗಳು ವೈಭವ ಪ್ಯಾಲೇಸ್ ಹಾಗೂ ಅದರ ಹಿಂದಿರುವ ನಿವಾಸದ ಮೇಲೆ ದಾಳಿ ಮಾಡಿ ವಿವಿಧ ದಾಖಲೆಗಳನ್ನು ಜಪ್ತು ಮಾಡಿದ್ದಾರೆ. ಸಮೀಪದ `ವರುಣ ಆರ್ಕೇಡಾ’ ಮೇಲೆಯೂ ಲೋಕಾಯುಕ್ತರು ದಾಳಿ ಮಾಡಿದ್ದು, ಅಲ್ಲಿಯೂ ಅನೇಕ ದಾಖಲೆಗಳನ್ನು ಪರಿಶೀಲಿಸಿದ್ದಾರೆ. ಅಕ್ರಮ ಸಂಪಾದನೆಯ ಸಂಪತ್ತುಗಳ ಹೂಡಿಕೆ ಪತ್ತೆಗಾಗಿ ಈ ದಾಳಿ ನಡೆದಿದೆ. ಮಂಗಳವಾರ ಸಂಜೆ ದಾಳಿ ಮುಕ್ತಾಯವಾಗಿದ್ದು, ಆ ವೇಳೆ ದೊಡ್ಡ ಬಾಕ್ಸಿನಲ್ಲಿ ಅಧಿಕಾರಿಗಳು ರಾಶಿ ರಾಶಿ ದಾಖಲೆಗಳನ್ನು ಒಯ್ದಿದ್ದಾರೆ. ದಾಳಿ ಅವಧಿಯಲ್ಲಿ ಸಿಕ್ಕಿದ ಅನುಮಾನಾಸ್ಪದ ವಸ್ತು-ವಿಷಯದ ರಹಸ್ಯ ಹೊರಬಿದ್ದಿಲ್ಲ.
- [ಗುಡುಗು: ತಹಶೀಲ್ದಾರ್ ಕಚೇರಿಗೆ ಬರಸಿಡಿಲು!](https://mobiletime.in/2025/10/thunderstorm-lightning-strikes-the-tahsildars-office/): ಉತ್ತರ ಕನ್ನಡ ಜಿಲ್ಲೆಯ ಕೆಲಭಾಗದಲ್ಲಿ ಗುಡುಗುಸಹಿತ ಮಳೆಯಾಗಿದ್ದು, ಕುಮಟಾ ತಹಶೀಲ್ದಾರ್ ಕಚೇರಿಗೆ ಸಿಡಿಲು ಬಡೆದಿದೆ. ಪರಿಣಾಮ ಆಡಳಿತ ಸೌಧದ ನಾಮಫಲಕದ ಎರಡು ಅಕ್ಷರ ಕಣ್ಮರೆಯಾಗಿದೆ. ಗುರುವಾರ ಮಧ್ಯಾಹ್ನ ಕುಮಟಾದಲ್ಲಿ ಗುಡುಗುಸಹಿತ ಮಳೆ ಸುರಿಯಿತು. ಈ ನಡುವೆ ಸಿಡಿಲು ಕಾಣಿಸಿಕೊಂಡಿತು. ತಾಸುಗಳ ಕಾಲ ಸುರಿದ ಮಳೆಯಿಂದ ಜನ ಹೈರಣಾದರು. ಮೂರೂರು ರಸ್ತೆಯಲ್ಲಿರುವ ತಾಲೂಕಾ ಆಡಳಿತ ಸೌಧದ ಕಟ್ಟಡಕ್ಕೆ ಸಿಡಿಲು ಬಡಿದಿದ್ದು, ಕಟ್ಟಡದ ಮುಂದಿನ ಭಾಗಕ್ಕೆ ಹಾನಿ ಸಂಭವಿಸಿತು. ಅಲ್ಲಿ `ತಾಲೂಕಾ ಆಡಳಿತ ಸೌಧ’ ಹಾಗೂ `ಕುಮಟಾ’ ಎಂದು ಲಗತ್ತಿಸಿದ್ದ ಅಕ್ಷರಗಳು ಸಿಡಿಲಿಗೆ ತುಂಡಾದವು. ತಳಭಾಗ ಬಂದು ನೋಡಿದರೂ ಆ ಅಕ್ಷರಗಳು ಕಾಣಲಿಲ್ಲ. ಹೀಗಾಗಿ ಸಿಡಿಲಿನ ಆರ್ಭಟಕ್ಕೆ ಆ ಅಕ್ಷರಗಳು ಸುಟ್ಟಿರುವ ಶಂಕೆವ್ಯಕ್ತವಾಯಿತು. ಸಿಡಿಲಿನ ಅಬ್ಬರಕ್ಕೆ ತಾಲೂಕಾ ಆಡಳಿತ ಸೌಧದ ವಿದ್ಯುತ್ ಸಂಪರ್ಕ ಕಡಿತಗೊಂಡಿತು. ಹೀಗಾಗಿ ಸರ್ಕಾರಿ ಕಚೇರಿ ಒಳಭಾಗ ಕತ್ತಲು ಆವರಿಸಿದ್ದು, ಕೆಲಸ ಕಾರ್ಯಗಳಿಗೆ ಸಮಸ್ಯೆ ಆಯಿತು. ಮಳೆ ಜೋರಾಗಿದ್ದ ಕಾರಣ ಆ ಕ್ಷಣಕ್ಕೆ ವಿದ್ಯುತ್ ಸಂಪರ್ಕ ಸರಿಪಡಿಸುವ ಕೆಲಸ ಮಾಡಲಿಲ್ಲ. ಸಿಡಿಲಿನಿಂದ ವಿದ್ಯುತ್ ಸಂಪರ್ಕ ಕಡಿತವಾಗಿದನ್ನು ತಹಶೀಲ್ದಾರ್ ಶ್ರೀಕೃಷ್ಣ ಕಾಮಕರ್ ಅವರು ದೃಢೀಕರಿಸಿದರು. ತಹಶೀಲ್ದಾರ್ ಕಚೇರಿ ಮಾತ್ರವಲ್ಲದೇ ಕುಮಟಾದ ಅನೇಕ ಕಡೆ ಸಿಡಿಲಿನ ಕಾರಣ ವಿದ್ಯುತ್ ವಾಹಕಗಳು ಸುಟ್ಟು ಹೋದವು. ಸಂಜೆ ವೇಳೆ ಮಳೆ ಕೊಂಚ ಕಡಿಮೆಯಾಗಿದ್ದು, ಹೆಸ್ಕಾಂ ಸಿಬ್ಬಂದಿ ಅದನ್ನು ಸರಿಪಡಿಸುವ ಕೆಲಸ ಶುರು ಮಾಡಿದರು.
- [ಅಪಘಾತ: ಮಹಿಳೆಯ ಹಲ್ಲು ಮುರಿತ!](https://mobiletime.in/2025/10/accident-womans-tooth-broken/): ಯಲ್ಲಾಪುರದ ಇಡಗುಂದಿ ಬಳಿ ಎರಡು ಕಾರುಗಳ ನಡುವೆ ಅಪಘಾತ ನಡೆದಿದೆ. ಈ ಅಪಘಾತದಲ್ಲಿ ಮೂವರಿಗೆ ಪೆಟ್ಟಾಗಿದ್ದು, ಕಾರಿನಲ್ಲಿದ್ದ ಮಹಿಳೆಯೊಬ್ಬರ ಎರಡು ಹಲ್ಲು ಮುರಿದಿದೆ. ಯಲ್ಲಾಪುರದ ಇಡಗುಂದಿಯಲ್ಲಿ ಪುರೋಹಿತರಾಗಿರುವ ಮಹೇಶ ಹರಿ ಭಟ್ಟ ಅವರು ಶಾಂತಿಕಾ ಗಂಗಾಧರ ಗಾಂವ್ಕರ ಅವರ ಜೊತೆ ಸೋಮವಾರ ಸಂಜೆ ಕಾರಿನಲ್ಲಿ ಸಂಚರಿಸುತ್ತಿದ್ದರು. ಯಲ್ಲಾಪುರದಿಂದ ಇಡಗುಂದಿಯ ಕಡೆ ಮಹೇಶ ಭಟ್ಟ ಅವರ ಕಾರು ವೇಗವಾಗಿ ಹೊರಟಿತ್ತು. ಅದೇ ಸಮಯದಲ್ಲಿ ಧಾರವಾಡದ ವಿಶ್ವನಾಥ ಶೆಟ್ಟಿ ಅವರು ಇನ್ನಷ್ಟು ವೇಗವಾಗಿ ಕಾರು ಓಡಿಸಿಕೊಂಡು ಬಂದಿದ್ದರು. ಅಂಕೋಲಾದಿAದ ಯಲ್ಲಾಪುರ ಕಡೆ ವೇಗವಾಗಿ ಬಂದ ವಿಶ್ವನಾಥ ಶೆಟ್ಟಿ ಅವರ ಕಾರು ಮಹೇಶ ಭಟ್ಟ ಅವರ ಕಾರಿಗೆ ಡಿಕ್ಕಿಯಾಯಿತು. ಬಳಗಾರ್ ಕ್ರಾಸಿನ ಬಳಿ ನಡೆದ ಈ ಅಪಘಾತದಲ್ಲಿ ಮಹೇಶ ಭಟ್ಟ ಅವರ ಕಾಲಿಗೆ ಪೆಟ್ಟಾಯಿತು. ಶಾಂತಿಕಾ ಗಾಂವ್ಕರ್ ಅವರಿಗೂ ಗಾಯವಾಗಿದ್ದು, ತಲೆ ಹಿಂಬಾಗಕ್ಕೆ ನೋವಾಯಿತು. ಜೊತೆಗೆ ಶಾಂತಿಕಾ ಗಾಂವ್ಕರ್ ಅವರ ಬಾಯೊಳಗಿದ್ದ ಎರಡು ಹಲ್ಲುಗಳು ಮುರಿದು ಬಿದ್ದವು. ವಿಶ್ವನಾಥ ಶೆಟ್ಟಿ ಅವರು ಸಹ ಅಪಘಾತದಲ್ಲಿ ಗಾಯಗೊಂಡರು. ಈ ಅಪಘಾತದಲ್ಲಿ ಎರಡೂ ವಾಹನಗಳು ಜಖಂಗೊoಡಿತು. ಗಾಯಗೊಂಡ ಮೂವರಿಗೂ ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಯಿತು. ಕಾರು ಚಾಲಕ ವಿಶ್ವನಾಥ ಅಮರ ಶೆಟ್ಟಿ ಅವರ ವಿರುದ್ಧ ಮಹೇಶ ಭಟ್ಟ ಅವರು ಪೊಲೀಸ್ ದೂರು ನೀಡಿದರು.
- [ಬಜೆಟ್ ಮೇಲೆ ನಿಂತಿದೆ ಸತೀಶ್ ಸೈಲ್'ರ ರಾಜಕೀಯ ಭವಿಷ್ಯ!](https://mobiletime.in/2025/10/satish-sails-political-future-rests-on-the-budget/): ರಾಜಕೀಯದಿಂದ ನಿವೃತ್ತಿಪಡೆಯುವುದಾಗಿ ಈ ಹಿಂದೆ ಸಾಕಷ್ಟು ಬಾರಿ ತಾಯಿ ಹಾಗೂ ಮಗಳ ಮೇಲೆಯೂ ಆಣೆ ಮಾಡಿದ್ದ ಶಾಸಕ ಸತೀಶ್ ಸೈಲ್ ಮಂಗಳವಾರ ಮತ್ತೆ ಅದೇ ಮಾತು ಪುನರುಚ್ಚರಿಸಿದ್ದಾರೆ. `ಸುಸಜ್ಜಿತ ಆಸ್ಪತ್ರೆ ಮಂಜೂರಿ ಮಾಡದೇ ಇದ್ದರೆ ರಾಜಕೀಯದಿಂದ ನಿವೃತ್ತಿ ಆಗುವೆ’ ಎಂದವರು ಈ ದಿನ ಹೇಳಿದ್ದಾರೆ. `ಮುಂದಿನ ಸಲ ಚುನಾವಣೆಗೆ ನಿಲ್ಲಲ್ಲ’ ಎಂದು ಸತೀಶ್ ಸೈಲ್ ಅನೇಕ ಭಾಷಣಗಳಲ್ಲಿ ಹೇಳಿದ್ದರು. `ನನಗೆ ರಾಜಕೀಯ ಅಗತ್ಯವಿಲ್ಲ’ ಎಂದು ಸಹ ಅವರು ಹೇಳಿಕೊಂಡಿದ್ದರು. ತಮ್ಮ ಭಾಷಣದಲ್ಲಿ ಸಹ ಅವರು ತಾಯಿ ಹಾಗೂ ಮಗಳ ಮೇಲೆ ಆಣೆ ಮಾಡಿ ರಾಜಕೀಯದಿಂದ ದೂರವಿರುವ ಬಗ್ಗೆ ಮಾತನಾಡಿದ್ದರು. ಮಂಗಳವಾರ ಸಹ ಅವರು ರಾಜಕೀಯ ನಿವೃತ್ತಿಯ ಬಗ್ಗೆ ಮಾತನಾಡಿದ್ದಾರೆ. `ಮುಂದಿನ ಬಜೆಟ್ ಒಳಗೆ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಮಂಜೂರು ಮಾಡಿಸದಿದ್ದರೆ ರಾಜಕೀಯ ನಿವೃತ್ತಿ ಖಚಿತ. ಬೇರೆ ಯಾವ ಪಕ್ಷವನ್ನು ಸೇರದೇ ಮನೆಗೆ ಮರಳುತ್ತೇನೆ’ ಎಂದವರು ಹೇಳಿದ್ದಾರೆ. `ಆಸ್ಪತ್ರೆ ನಿರ್ಮಾಣ ಸಾಧ್ಯವಿಲ್ಲ ಎಂದಾದರೆ ನಾನು ಜನ ಸೇವೆಗೆ ಯೋಗ್ಯನಲ್ಲ ಎಂದರ್ಥ. ಹೀಗಾಗಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಮಂಜೂರಿಗಾಗಿ ಮುಖ್ಯಮಂತ್ರಿಗಳ ಜೊತೆ ಮಾತನಾಡಿದ್ದೇನೆ. ನವೆಂಬರ್ ತಿಂಗಳಿನಲ್ಲಿ ಭೇಟಿ ಆಗಲು ಅವರು ಹೇಳಿದ್ದು, ಮಾರ್ಚ ಅವಧಿಯಲ್ಲಿ ನಡೆಯುವ ಬಜೆಟಿನಲ್ಲಿ ಆಸ್ಪತ್ರೆ ಮಂಜೂರಾಗುವ ಭರವಸೆಯಿದೆ. ಅದು ಆಗಿಲ್ಲ ಎಂದಾದರೆ ನಾನು ರಾಜಕೀಯದಿಂದ ನಿವೃತ್ತನಾಗುತ್ತೇನೆ’ ಎಂದವರು ಮಾಧ್ಯಮಗಳ ಮುಂದೆ ಹೇಳಿದ್ದಾರೆ. `ಬಜೆಟಿನಲ್ಲಿ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣ ಆಗದೇ ಇದ್ದರೆ ಬೇರೆ ಯಾವ ಪಕ್ಷಕ್ಕೂ ಹೋಗುವುದಿಲ್ಲ. ಯಾವ ಕೆಲಸವನ್ನು ಮಾಡುವುದಿಲ್ಲ. ಮನೆಗೆ ಮರಳುತ್ತೇನೆ’ ಎಂದಿದ್ದಾರೆ. `ಸರ್ಕಾರ ನೀಡಿದ 5 ಯೋಜನೆಗಳು ಉತ್ತಮವಾಗಿದೆ. ಸರ್ಕಾರದ ಮೇಲೆ ನನಗೆ ನಂಬಿಕೆಯಿದ್ದು, ಆಸ್ಪತ್ರೆ ಘೋಷಣೆ ಆಗಿಯೇ ಆಗುತ್ತದೆ’ ಎಂದವರು ವಿಶ್ವಾಸದ ಮಾತನಾಡಿದ್ದಾರೆ. `ಸರ್ಕಾರಕ್ಕೆ ನಾನು ಎಚ್ಚರಿಕೆ ನೀಡುತ್ತಿಲ್ಲ. ವಿನಂತಿ ಮಾಡಿದ್ದೇನೆ’ ಎಂದು ಸಹ ಹೇಳಿದ್ದಾರೆ.
- [ಅಭಿವೃದ್ಧಿಗಾಗಿ ದುಡಿದವರಿಗೆ ನಯಾಪೈಸೆ ಸಿಕ್ಕಿಲ್ಲ!](https://mobiletime.in/2025/10/those-who-worked-for-development-havent-received-a-single-penny/): ಸಾಕಷ್ಟು ಮನವಿ, ಹೋರಾಟದ ಎಚ್ಚರಿಕೆ ನೀಡಿದರೂ ಕಾರವಾರ ನಗರಸಭೆ ಗುತ್ತಿಗೆದಾರರು ಮಾಡಿದ ಕೆಲಸಕ್ಕೆ ಪ್ರತಿಯಾಗಿ ಹಣ ಬಿಡುಗಡೆ ಮಾಡಿಲ್ಲ. ಇದರಿಂದ ಅಸಮಧಾನಕ್ಕೆ ಒಳಗಾದ ಗುತ್ತಿಗೆದಾರರು ಮಂಗಳವಾರ ಮತ್ತೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರನ್ನು ಭೇಟಿಯಾಗಿ ಹೋರಾಟದ ಎಚ್ಚರಿಕೆ ನೀಡಿದರು. ಕಾರವಾರ ನಗರಸಭೆಯ ಬೇಜವಬ್ದಾರಿತನದ ಬಗ್ಗೆ ತಾಲೂಕಾ ನೋಂದಾಯಿತ ಗುತ್ತಿಗೆದಾರರ ಸಂಘದ ಅಧ್ಯಕ್ಷ ವಿಜಯ ಬಿಲಿಯ ಅವರು ಅಸಮಧಾನವ್ಯಕ್ತಪಡಿಸಿದರು. `ಸೆಪ್ಟೆಂಬರ್ 22ರಂದು ನಡೆದ ಸಭೆಯಲ್ಲಿ ಬಾಕಿ ಮೊತ್ತ ಪಾವತಿಸುವಂತೆ ಮನವಿ ಸಲ್ಲಿಸಲಾಗಿತ್ತು. ಈ ಬಗ್ಗೆ ನಗರಸಭೆ ಪೌರಾಯುಕ್ತರನ್ನು ಭೇಟಿ ಮಾಡಿ ಪ್ರಶ್ನಿಸಿದರೂ ಯಾವುದೇ ಮಾಹಿತಿ ಸಿಕ್ಕಿಲ್ಲ’ ಎಂದು ಸಂಘದ ಉಪಾಧ್ಯಕ್ಷ ಛತ್ರಪತಿ ಮಾಳ್ಸೆಕರ್, ಪ್ರಮುಖರಾದ ಸತೀಶ ವಿ ನಾಯ್ಕ, ರಾಮನಾಥ ನಾಯ್ಕ ಮೊದಲಾದವರು ಸಿಡಿಮಿಡಿಗೊಂಡರು. `ಗುತ್ತಿಗೆದಾರರು ಸಾಲ ಮಾಡಿ ಸರ್ಕಾರದ ಕೆಲಸ ಮಾಡಿಕೊಟ್ಟಿದ್ದಾರೆ. ಅಭಿವೃದ್ಧಿ ಕೆಲಸಕ್ಕೆ ಗುತ್ತಿಗೆದಾರರು ಆದ್ಯತೆ ಕೊಟ್ಟಿದ್ದಾರೆ. ಅಗತ್ಯವಿರುವಾಗ ಗುತ್ತಿಗೆದಾರರನ್ನು ಬಳಸಿಕೊಂಡ ನಗರಸಭೆ ನಂತರ ನಡುನೀರಿನಲ್ಲಿ ಕೈ ಬಿಟ್ಟಿದೆ. ಸಾಕಷ್ಟು ಬಾರಿ ತಿಳಿಸಿದರೂ ಪ್ರಾಮಾಣಿಕವಾಗಿ ದುಡಿದ ಹಣ ಪಾವತಿ ಮಾಡುತ್ತಿಲ್ಲ’ ಎಂದು ಗುತ್ತಿಗೆದಾರರಾದ ದೀಪಕ ಕುಡಾಳಕರ್, ಕೃಷ್ಣಾನಂದ ನಾಯ್ಕ, ಉದಯ ಕೋಠಾರಕರ್, ರಾಜೇಂದ್ರ ಅಂಚೆಕರ್, ಮನೋಜ ನಾಯಕ ಅವರು ಜಿಲ್ಲಾಧಿಕಾರಿಗಳಿಗೆ ವಿವರಿಸಿದರು. `2021-22ನೇ ಸಾಲಿನಿಂದಲೂ ಮಾಡಿದ ಕೆಲಸದ ಹಣ ಪಾವತಿ ಆಗಿಲ್ಲ. ಹಳೆಯ ಕಾಮಗಾರಿಯ ಮೊತ್ತವನ್ನು ಮೊದಲು ಪಾವತಿ ಮಾಡಬೇಕು. ಅದಾದ ನಂತರವೇ ಹೊಸ ಕಾಮಗಾರಿ ನಡೆಸಲು ನಿರ್ದೇಶನ ನೀಡಬೇಕು. ಈ ಬಗ್ಗೆ ನಗರಸಭೆ ಪೌರಾಯುಕ್ತರಿಗೆ ಸ್ಪಷ್ಠ ನಿರ್ದೇಶನ ನೀಡಬೇಕು’ ಎಂದು ಅವರೆಲ್ಲರೂ ಸೇರಿ ಒತ್ತಾಯಿಸಿದರು.
- [ಅಧ್ಯಕ್ಷನ ಮನೆಗೆ ಹೊದಿಕೆಯಾದ ಗ್ರಾ ಪಂ ಮೇಲ್ಚಾವಣಿ!](https://mobiletime.in/2025/10/the-roof-of-the-village-council-that-covered-the-presidents-house/): ಜೊಯಿಡಾದ ಪ್ರಧಾನಿಯಲ್ಲಿ ಗ್ರಾಮ ಪಂಚಾಯತ ಅಧೀನದಲ್ಲಿದ್ದ ಕಟ್ಟಡದ ಮೇಲ್ಚಾವಣಿ ತೆಗೆದ ಗ್ರಾ ಪಂ ಅಧ್ಯಕ್ಷ ಶಾಂತಾರಾಮ ಅವರು ಅದನ್ನು ತಮ್ಮ ಮನೆಗೆ ಹೊದಿಕೆ ಮಾಡಿಕೊಂಡಿದ್ದಾರೆ. ಮೇಲ್ಚಾವಣಿ ತೆಗೆಯುವ ಮುನ್ನ ಅವರು ಸಂಬoಧಿಸಿದ ಪ್ರಾಧಿಕಾರದ ಅನುಮತಿಯನ್ನು ಸಹ ಪಡೆದಿಲ್ಲ! ಪ್ರಧಾನಿ ಗ್ರಾಮ ಪಂಚಾಯತ ಸಮೀಪ ಕೆಲ ವಾಣಿಜ್ಯ ಮಳಿಗೆಗಳಿದ್ದವು. ಆ ಮಳಿಗೆಗಳನ್ನು ಗ್ರಾಮ ಪಂಚಾಯತವೇ ನಿರ್ವಹಣೆ ಮಾಡುತ್ತಿತ್ತು. ಆದರೆ, ಮಂಗಳವಾರ ಮಧ್ಯಾಹ್ನ ಆ ಕಟ್ಟಡದ ಮೇಲೆ ಗ್ರಾಮ ಪಂಚಾಯತ ಅಧ್ಯಕ್ಷರ ಕೆಟ್ಟ ದೃಷ್ಠಿ ಬಿದ್ದಿತು. ದಿಢೀರ್ ಆಗಿ ಕಟ್ಟಡದ ಛಾವಣಿಗಳನ್ನು ತೆರವು ಮಾಡಿದ ಅವರು ಅದನ್ನು ತಮ್ಮ ಮನೆಗೆ ಹೊದಸಿದರು. ಬೆಳಗ್ಗೆ ಸರಿಯಾಗಿದ್ದ ಕಟ್ಟಡ ಸಂಜೆ ವೇಳೆ ಬೋಳಾಗಿದ್ದು ನೋಡಿ ಜನ ಅಚ್ಚರಿಗೆ ಒಳಗಾದರು. ಕಳೆದ ಒಂದು ವರ್ಷದ ಹಿಂದೆ ಗ್ರಾಮ ಪಂಚಾಯತ ಮೂಲಕವೇ ಆ ಕಟ್ಟಡ ಕೆಡವಿ ಹೊಸ ಕಟ್ಟಡ ನಿರ್ಮಾಣದ ಮಾತುಕಥೆ ನಡೆದಿತ್ತು. ಈ ಬಗ್ಗೆ ಗ್ರಾಮ ಪಂಚಾಯತ ನಿರ್ಧಾರವನ್ನು ಪ್ರಕಟಿಸಿತ್ತು. ಆದರೆ, ಕಟ್ಟಡ ತೆರವಿಗೆ ಯಾರಿಗೂ ಜವಾಬ್ದಾರಿ ನೀಡಿರಲಿಲ್ಲ. ಕಾನೂನಾತ್ಮಕವಾಗಿ ಹರಾಜು ಪ್ರಕ್ರಿಯೆ ಸಹ ನಡೆದಿರಲಿಲ್ಲ. ಈ ನಡುವೆಯೇ ಗ್ರಾ ಪಂ ಅಧ್ಯಕ್ಷರು ತಮ್ಮ ಅಧಿಕಾರ ದುರುಪಯೋಗಪಡಿಸಿಕೊಂಡು ವಾಣಿಜ್ಯ ಮಳಿಗೆಗೆ ಕೈ ಹಾಕಿದ್ದಾರೆ. ಕಟ್ಟಡದ ಮೇಲ್ಚಾವಣಿ ತುಂಡರಿಸಿ ಅದನ್ನು ಮನೆಗೆ ಒಯ್ದಿದ್ದಾರೆ. ಕುಡಿಯುವ ನೀರು ಸೇರಿ ಇನ್ನಿತರ ವಿಷಯದಲ್ಲಿಯೂ ಗ್ರಾ ಪಂ ಅಧ್ಯಕ್ಷರ ಹಸ್ತಕ್ಷೇಪ ಜೋರಾಗಿದ್ದು, ಅವರ ನಡೆಗೆ ಅಲ್ಲಿನ ಜನ ಅಸಮಧಾನವ್ಯಕ್ತಪಡಿಸಿದ್ದಾರೆ.
- [RSS ಸಿದ್ದಾಂತ ಒಪ್ಪದ ಕಾಂಗ್ರೆಸ್ ಬ್ರಾಹ್ಮಣ!](https://mobiletime.in/2025/10/congress-brahmin-who-does-not-agree-with-rss-ideology/): `RSS ಆಕ್ರಮಣಕಾರಿ’ ಎಂಬ ನಿಟ್ಟಿನಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಗ್ರಾಮೀಣಾಭಿವೃದ್ಧಿ ಸಚಿವ ಪ್ರಿಯಾಂಕ್ ಖರ್ಗೆ ಅವರು ಬರೆದ ಪತ್ರವನ್ನು ಆರೋಗ್ಯ ಸಚಿವ ದಿನೇಶ ಗುಂಡುರಾವ್ ಅವರು ಸಮರ್ಥಿಸಿಕೊಂಡಿದ್ದಾರೆ. `ರಾಜಕೀಯದಲ್ಲಿ ಮುಳುಗಿರುವ ಆರ್ ಎಸ್ ಎಸ್ ಸರ್ಕಾರಿ ಸ್ಥಳಗಳನ್ನು ಬಳಕೆ ಮಾಡುವುದನ್ನು ಸಹಿಸಲ್ಲ’ ಎಂದವರು ಹೇಳಿದ್ದಾರೆ. ಮಂಗಳವಾರ ಯಲ್ಲಾಪುರದಲ್ಲಿ ಮಾತನಾಡಿದ ಅವರು `RSS ಒಂದು ಖಾಸಗಿ ಸಂಸ್ಥೆ. ಬಿಜೆಪಿ ಜೊತೆ ಸೇರಿ ಅದು ರಾಜಕೀಯ ಕೆಲಸ ಮಾಡುತ್ತಿದೆ. ರಾಜಕೀಯದಲ್ಲಿ ಮುಳುಗಿರುವ RSS ಸರ್ಕಾರಿ ಸ್ಥಳಗಳನ್ನು ಬಳಸಿಕೊಳ್ಳಲು ಅವಕಾಶ ಕೊಡಲ್ಲ. ಸರ್ಕಾರಿ ಶಾಲೆ, ಕಾಲೇಜು, ಆವರಣಗಳನ್ನು ಅವರು ಉಪಯೋಗಿಸುವುದು ಸರಿಯಲ್ಲ. ಅದಕ್ಕೆ ಅವಕಾಶವನ್ನು ಕೊಡುವುದಿಲ್ಲ’ ಎಂದಿದ್ದಾರೆ. `ರಾಜಕೀಯೇತರ ಉದ್ದೇಶದ ಸಂಸ್ಥೆ ಆಗಿದ್ದರೆ ಯಾವುದೇ ತೊಂದರೆ ಇರಲಿಲ್ಲ. ಆದರೆ, ಆರ್ ಎಸ್ ಎಸ್ ರಾಜಕೀಯ ಬಿಟ್ಟು ಬೇರೆನೂ ಮಾಡುತ್ತಿಲ್ಲ. ಆರ್ ಎಸ್ ಎಸ್ ನಿಷೇಧದ ಬಗ್ಗೆ ನಾನು ಮಾತನಾಡಲ್ಲ. ಅವರ ಕೆಲಸ ಅವರು ಮಾಡುವುದಕ್ಕೆ ಅಭ್ಯಂತರ ಇಲ್ಲ. ಆದರೆ, ಸರ್ಕಾರಿ ಸ್ಥಳದಲ್ಲಿ ಸಂಘದ ಚಟುವಟಿಕೆಗಳಿಗೆ ಅವಕಾಶ ಇಲ್ಲ’ ಎಂದು ಪುನರುಚ್ಚರಿಸಿದರು. `ಬಿಜೆಪಿ ಹಾಗೂ ಆರ್ ಎಸ್ ಎಸ್ ಎರಡೂ ಒಂದೇ’ ಎಂದವರು ಹೇಳಿದರು. ಇದಕ್ಕೂ ಮುನ್ನ ಕಿರವತ್ತಿಯಲ್ಲಿ ಆರೋಗ್ಯ ಕೇಂದ್ರ ಕಟ್ಟಡ ಉದ್ಘಾಟನೆ ಕಾರ್ಯಕ್ರಮದಲ್ಲಿ ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್, ಸವದತ್ತಿ ಶಾಸಕ ವಿಶ್ವಾಸ ವೈದ್ಯ ಹಾಗೂ ಆರೋಗ್ಯ ಸಚಿವ ದಿನೇಶ ಗುಂಡುರಾವ್ ಭಾಗವಹಿಸಿದ್ದರು. `ರಾಜ್ಯದಲ್ಲಿ ನಾಲ್ವರು ಬ್ರಾಹ್ಮಣ ಶಾಸಕರಿದ್ದು, ಅದರಲ್ಲಿ ಮೂವರು ಈ ವೇದಿಕೆಯಲ್ಲಿದ್ದಾರೆ. ಹಳಿಯಾಳ ಶಾಸಕ ಆರ್ ವಿ ದೇಶಪಾಂಡೆ ಅವರು ಮಾತ್ರ ಭಾಗವಹಿಸಿಲ್ಲ. ನಾವೆಲ್ಲರೂ ಸೇರಿ ರಾಜ್ಯದ ಅಭಿವೃದ್ಧಿಗೆ ಶ್ರಮಿಸುತ್ತಿದ್ದು, ಬಿಜೆಪಿಗರು ಅನಗತ್ಯ ಟೀಕೆ ಮಾಡುತ್ತಿದ್ದಾರೆ’ ಎಂದು ದೂರಿದರು. ವೇದಿಕೆಯಲ್ಲಿದ್ದ ವಿಧಾನ ಪರಿಷತ್ ಸದಸ್ಯ ಶಾಂತರಾಮ ಸಿದ್ದಿ ಅವರನ್ನು ಉದ್ದೇಶಿಸಿ `ನಮ್ಮ ಸರ್ಕಾರ ಸಾಧನೆ ಮಾಡಿದೆ’ ಎಂದರು. ತಕ್ಷಣ ಪ್ರತಿಕ್ರಿಯಿಸಿದ ಶಾಂತರಾಮ ಸಿದ್ದಿ `ಬಿಜೆಪಿಯ ನನ್ನ ಸ್ನೇಹಿತರು ಮಾತ್ರವಲ್ಲ, ನಾನು ಕಾಂಗ್ರೆಸ್ ಟೀಕಿಸುತ್ತೇನೆ’ ಎಂದರು. ತಮ್ಮ ಮಾತು ಮುಂದುವರೆಸಿದ ದಿನೇಶ ಗುಂಡುರಾವ್ ಅವರು `ರಾಜ್ಯದಲ್ಲಿ ಅನುದಾನಕ್ಕೆ ಕೊರತೆ ಇಲ್ಲ. ಆಶಕಿರಣ ಯೋಜನೆ ಅಡಿ ಉಚಿತ ಕನ್ನಡಕ, ಅನ್ನಭಾಗ್ಯ ಯೋಜನೆ ಅಡಿ ಅಕ್ಕಿ ಜೊತೆ ಇನ್ನಿತರ ಪೌಷ್ಠಿಕ ಆಹಾರ ಮನೆಗೆ ತಲುಪಿಸಲು ಸರ್ಕಾರ ಬದ್ಧವಾಗಿದೆ’ ಎಂದರು. `ಬಿಪಿ & ಶುಗರ್ ನಿಯಂತ್ರಣಕ್ಕೆ ಜೀವನಶೈಲಿ ಸರಿಪಡಿಸಿಕೊಳ್ಳಿ. ಆರೋಗ್ಯ ಚನ್ನಾಗಿದ್ದರೆ ಮಾತ್ರ ಎಲ್ಲವೂ ಸರಿಯಾಗಿರುತ್ತದೆ’ ಎಂದು ನೆರೆದಿದ್ದ ಸಭೀಕರಿಗೆ ಸಚಿವರು ಕಿವಿಮಾತು ಹೇಳಿದರು. ಸರ್ಕಾರಿ ಸಾಧನೆ ಹಾಗೂ ಆಸ್ಪತ್ರೆ ನಿರ್ಮಾಣಕ್ಕಾಗಿ ನಡೆದ ಶ್ರಮದ ಬಗ್ಗೆ ಶಾಸಕ ಶಿವರಾಮ ಹೆಬ್ಬಾರ್ ಇದೇ ವೇದಿಕೆಯಲ್ಲಿ ಮಾತನಾಡಿದರು.
- [ಮಾರಿಕಾಂಬಾ ಜಾತ್ರೆ: ಭವಿಷ್ಯ ನುಡಿದ ಭೂತೇಶ್ವರ!](https://mobiletime.in/2025/10/marikamba-fair-bhuteshwara-made-a-prediction/): ಶಿರಸಿ ಜಾತ್ರೆ ದಿನಾಂಕ ಘೋಷಿಸಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟರ್ ಹರಿದಾಡುತ್ತಿದ್ದು, ಇದರ ಮೂಲ ಹುಡುಕಾಟ ನಡೆಸಿದಾಗ ಆರ್ಥಿಕ ಸಂಸ್ಥೆಯೊoದರ ತರಾತುರಿಯ ನಿರ್ಧಾರ ಹೊರಬಿದ್ದಿದೆ. 2026ರ ಕ್ಯಾಲೆಂಡರ್ ಪ್ರಕಟಿಸಿದ ಭೂತೇಶ್ವರ ಪತ್ತಿನ ಸಹಕಾರಿ ಸಂಘ ನಿಯಮಿತ ಆ ದಿನದರ್ಶಿಕೆಯಲ್ಲಿ ಫೆ 24ರಿಂದ ಮರ್ಚ 4ರವರೆಗೆ ಶಿರಸಿ ಜಾತ್ರೆ ಎಂದು ನಮೂದಿಸಿದ್ದು, ಅದೇ ಆಧಾರದಲ್ಲಿ ಜಾಲತಾಣಗಳಲ್ಲಿ ಜಾತ್ರೆಯ ಚರ್ಚೆ ಹರಿದಾಡುತ್ತಿದೆ. ಆರ್ಥಿಕ ಶಿಸ್ತು, ಸ್ನೇಹಮಯ ಆಡಳಿತ ಮಂಡಳಿ ಹಾಗೂ ಉತ್ತಮ ಸಿಬ್ಬಂದಿಯನ್ನು ಹೊಂದಿರುವ ಭೂತೇಶ್ವರ ಪತ್ತಿನ ಸಹಕಾರಿ ಸಂಘವೂ ಈ ಬಾರಿ ರಜತ ಮಹೋತ್ಸವದ ಸಂಭ್ರಮದಲ್ಲಿದೆ. 25 ವರ್ಷಗಳ ಹಿಂದೆ ವಸಂತ ಶೆಟ್ಟಿ ಅವರು ನೆಟ್ಟ ಗಿಡ ಇದೀಗ ಹೆಮ್ಮರವಾಗಿ ಬೆಳೆದಿದ್ದು, ಭೂತೇಶ್ವರ ಪತ್ತಿನ ಸಹಕಾರಿ ಸಂಘ ಜನರ ವಿಶ್ವಾಸಗಳಿಸಿದೆ. ಮುದ್ದತಿ ಠೇವುಗಳ ಮೇಲೆ ಆಕರ್ಷಕ ಬಡ್ಡಿ, ಸಾಲ ನೀಡುವ ವಿಷಯದಲ್ಲಿಯೂ ಆರೋಗ್ಯಕರ ಪೈಪೋಟಿ ಜೊತೆ ಅತ್ಯಾಧುನಿಕ ತಂತ್ರಜ್ಞಾನ ಅಳವಡಿಸಿಕೊಂಡು ಈ ಸಹಕಾರಿ ಸಂಘ ಮುನ್ನಡೆಯುತ್ತಿದೆ. ಸಂಘ ಶುರುವಿನಿಂದ ಈವರೆಗೂ ಲಾಭದಲ್ಲಿಯೇ ಮುನ್ನಡೆದಿರುವುದರಿಂದ ಜನ ಸಂಘದ ನಡೆ-ನುಡಿಯ ಮೇಲೆ ನಂಬಿಕೆಯಿಟ್ಟಿದ್ದಾರೆ. ಪ್ರತಿ ವರ್ಷ ಕ್ಯಾಲೆಂಡರ್ ಮುದ್ರಿಸುವ ಈ ಸಂಘವೂ 2026ರ ಕ್ಯಾಲೆಂಡರ್’ನ್ನು ಸಹ ಎರಡು ತಿಂಗಳ ಮುಂಚಿತವಾಗಿ ಮುದ್ರಿಸಿದೆ. ಆ ಕ್ಯಾಲೆಂಡರಿನಲ್ಲಿ ಶಿರಸಿ ಜಾತ್ರೆಯ ದಿನಾಂಕ ಬರೆಯಲಾಗಿದ್ದು, ವಿಶ್ವಾಸಾರ್ಹ ಸಹಕಾರಿ ಸಂಘ ನೀಡಿದ ಮಾಹಿತಿಯೇ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಪ್ರಮಾಣದಲ್ಲಿ ಹರಿದಾಡಿದೆ. `ಯುಗಾದಿ ಹಬ್ಬದ ನಂತರದ ದಿನ ಲೆಕ್ಕಾಚಾರ, ಮುಹೂರ್ತಗಳ ಅಧ್ಯಯನ ಆಧಾರ ಹಾಗೂ ಉನ್ನತ ಮೂಲಗಳ ಮಾಹಿತಿ ಆಧರಿಸಿ ಕ್ಯಾಲೆಂಡರಿನಲ್ಲಿ ಶಿರಸಿ ಜಾತ್ರೆಯ ದಿನಾಂಕ ನಮೂದಿಸಲಾಗಿದೆ. ನಮ್ಮ ಊರಿನ ಹೆಮ್ಮೆಯ ಜಾತ್ರೆಯ ಬಗ್ಗೆ ಅಭಿಮಾನದಿಂದ ಜನರಿಗೆ ಅರಿವು ಮೂಡಿಸುವ ಹಾಗೂ ದೇವಿ ಭಕ್ತರಿಗೆ ಮುಂಚಿತ ಮಾಹಿತಿ ನೀಡುವ ಉದ್ದೇಶಕ್ಕಾಗಿ ಮಾತ್ರ ದಿನದರ್ಶಿಕೆಯಲ್ಲಿ ವಿವರ ಬರೆಯಲಾಗಿದೆ. ಅದನ್ನು ಹೊರತುಪಡಿಸಿ ತಪ್ಪು ತಿಳುವಳಿಕೆಯ ಅನ್ಯ ಉದ್ದೇಶಗಳಿಲ್ಲ’ ಎಂದು ಭೂತೇಶ್ವರ ಪತ್ತಿನ ಸಹಕಾರಿ ಸಂಘ ನಿಯಮಿತದ ವ್ಯವಸ್ಥಾಪಕ ವಿನಾಯಕ ಶೇಟ್ ಅವರು ಸ್ಪಷ್ಠಪಡಿಸಿದರು. `ಜಾತ್ರೆಯ ದಿನಾಂಕ ಅಧಿಕೃತವಾಗಿ ಘೋಷಣೆ ಆಗಿಲ್ಲ. ಪದ್ಧತಿಯ ಪ್ರಕಾರ ರಾಯಸ ಪತ್ರ ಸಿದ್ಧಪಡಿಸಿ ಆ ಮೂಲಕ ಸಾರ್ವಜನಿಕರಿಗೆ ಜಾತ್ರೆಯ ಬಗ್ಗೆ ಮಾಹಿತಿ ನೀಡಲಾಗುತ್ತದೆ. ಪೂಜೆ, ಕಾರ್ಯಕ್ರಮ, ವಿವಾಹ ಮಹೋತ್ಸವ, ರಥೋತ್ಸವ, ವಿಸರ್ಜನೆಯಿಂದ ಪುನರ್ ಪ್ರತಿಷ್ಠೆಯವರೆಗೆ ಪ್ರತಿಯೊಂದು ಮುಹೂರ್ತದ ಬಗ್ಗೆಯೂ ಅಧಿಕೃತವಾಗಿ ಆಗಲೇ ಗೊತ್ತಾಗಲಿದೆ. ಅಲ್ಲಿಯವರೆಗೂ ತಾಳ್ಮೆಯಿಂದ ಕಾಯುವುದು ಅಗತ್ಯ. ಈಗಲೇ ಏನನ್ನು ಹೇಳಲು ಅಸಾಧ್ಯ’ ಎಂದು ಮಾರಿಕಾಂಬಾ ದೇವಾಲಯ ಆಡಳಿತ ಮಂಡಳಿಯ ಉಪಾಧ್ಯಕ್ಷ ಸುಧೀರ ಹಂಡ್ರಾಲ್ ಅವರು ತಿಳಿಸಿದರು. ಶಿರಸಿ ಜಾತ್ರೆಯ ಅಧಿಕೃತ ದಿನಾಂಕ ದೇವಾಲಯದ ಆಡಳಿತ ಮಂಡಳಿಯಿoದ ಪ್ರಕಟವಾಗಿಲ್ಲ. ಆದರೆ, ಕ್ಯಾಲೇಂಡರ್ ಹಾಗೂ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಆ ದಿನಾಂಕದಲ್ಲಿ ಜಾತ್ರೆ ನಡೆಯಲ್ಲ ಎಂದು ಸಹ ಆಡಳಿತ ಮಂಡಳಿ ಹೇಳಿಲ್ಲ. ಹೀಗಾಗಿ `ಜಾತ್ರೆ ದಿನಾಂಕ ಘೋಷಣೆ ಆಗಿಲ್ಲ’ ಎಂದು ಆಡಳಿತ ಮಂಡಳಿ ಹೇಳಿದ್ದು ಸತ್ಯವಾಗಿದ್ದರೂ `ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ದಿನಾಂಕ ಸುಳ್ಳು’ ಎಂದು ದೇವಾಲಯದವರು ಹೇಳಿಲ್ಲ. ಆದ್ದರಿಂದ ಜಾತ್ರೆ ದಿನಾಂಕದ ಬಗ್ಗೆ ದೇವಾಲಯ ಆಡಳಿತ ಆಡಳಿತ ಮಂಡಳಿಯವರು ಪದ್ಧತಿ ಪ್ರಕಾರ ಘೋಷಣೆ ಮಾಡುವುದು ಮಾತ್ರ ಬಾಕಿಯಿದ್ದು, ಅದಕ್ಕೂ ಮುನ್ನ ಸಹಕಾರಿ ಸಂಘ ಕೊಂಚ ಆತುರ ಪ್ರದರ್ಶಿಸಿದ್ದು ಗೊಂದಲಕ್ಕೆ ಕಾರಣವಾಗಿದೆ.
- [2025 ಅಕ್ಟೋಬರ್ 14ರ ದಿನ ಭವಿಷ್ಯ](https://mobiletime.in/2025/10/prediction-for-october-14-2025/): ಮೇಷ ರಾಶಿ: ಹೊಸ ಕಾರ್ಯ-ಯೋಜನೆಗಳು ಯಶಸ್ವಿ ಆಗಿ ನಡೆಯಲಿದೆ. ಹಣ ವ್ಯವಹಾರಗಳು ಚೇತರಿಕೆ ಆಗಲಿದೆ. ಆರೋಗ್ಯದಲ್ಲಿ ಸುಧಾರಣೆ ಕಾಣಲಿದೆ. ವೃಷಭ ರಾಶಿ: ನಿಮ್ಮ ನಡೆ-ನುಡಿಯ ಬಗ್ಗೆ ಬಂಧು ಬಳಗವರ ಮೆಚ್ಚುಗೆ ಸಿಗಲಿದೆ. ಮನಸ್ಸಿಗೆ ನೆಮ್ಮದಿಯ ವಾತಾವರಣ ಕಾಣಲು ಸಾಧ್ಯವಿದೆ. ಯಾತ್ರೆಗಳು ಸರಾಗವಾಗಿ ಆಗುತ್ತದೆ. ಮಿಥುನ ರಾಶಿ: ಸ್ಪರ್ಧಾತ್ಮಕ ಪರೀಕ್ಷೆಗಳು ಸರಿಯಾಗಿ ಸಾಗಲಿದೆ. ಕುಟುಂಬದಲ್ಲಿ ಸಮಾದಾನಕರ ಸಂಗತಿಗಳು ನಡೆಯಲಿದೆ. ಸ್ನೇಹಿತರ ಜೊತೆ ಉತ್ತಮ ಸಾಂಗತ್ಯ ಸಿಗಲಿದೆ. ಕರ್ಕ ರಾಶಿ: ಮಹತ್ವದ ನಿರ್ಧಾರಗಳನ್ನು ಪಡೆಯಲು ಉತ್ತಮ ಸಮಯ. ವೈದ್ಯಕೀಯ ಸಮಸ್ಯೆಗೆ ಪರಿಹಾರ ಸಾಧ್ಯ. ಮಕ್ಕಳ ವಿಷಯದಲ್ಲಿ ಸಂತೋಷಕರ ವಾತಾವರಣವಿರಲಿದೆ. ಸಿಂಹ ರಾಶಿ: ಹೊಸ ಅವಕಾಶಗಳು ಬರಲಿದೆ. ಕುಟುಂಬದಲ್ಲಿ ಸಂತೋಷದ ಕ್ಷಣಗಳು ಬರಲಿದೆ. ಆರೋಗ್ಯದ ಬಗ್ಗೆ ಕಾಳಜಿವಹಿಸಿ. ಕನ್ಯಾ ರಾಶಿ: ವ್ಯಾಪಾರದಲ್ಲಿ ಲಾಭ ಸಿಗಲಿದೆ. ಮನೆಯಲ್ಲಿನ ಕಾರ್ಯಕ್ರಮಗಳು ಸರಾಗವಾಗಿ ನಡೆಯಲಿದೆ. ಒತ್ತಡ ಕಡಿಮೆ ಆಗಲಿದೆ. ತುಲಾ ರಾಶಿ: ಸಾಮಾಜಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಅವಕಾಶ ಸಿಗಲಿದೆ. ಗೆಳೆಯರ ಜೊತೆ ಸಂತೋಷದ ಕ್ಷಣಗಳನ್ನು ಅನುಭವಿಸುತ್ತೀರಿ. ಕೌಟುಂಬಿಕ ವಿಚಾರಗಳ ಬಗ್ಗೆ ಮಾತನಾಡುವ ಸಮಯ ವೃಶ್ಚಿಕ ರಾಶಿ: ದುಡಿಮೆಗೆ ತಕ್ಕ ಫಲ ಸಿಗಲಿದೆ. ಆರ್ಥಿಕ ರೀತಿ ವಿಭಿನ್ನವಾಗಿರಲಿದೆ. ಉದ್ಯೋಗದಲ್ಲಿ ಬದಲಾವಣೆ ಸಾಧ್ಯತೆಗಳಿವೆ. ಧನು ರಾಶಿ: ವಿದ್ಯೆ ವಿಷಯದಲ್ಲಿ ಒತ್ತಡ ಕಡಿಮೆ ಆಗಲಿದೆ. ಆರ್ಥಿಕ ಸುಧಾರಣೆ ಸಾಧ್ಯವಿದೆ. ಪ್ರಯಾಣ ಒಳ್ಳೆಯದಲ್ಲ. ಮಕರ ರಾಶಿ: ಉದ್ಯೋಗದ ವಿಷಯದಲ್ಲಿ ಪ್ರಗತಿ ಆಗಲಿದೆ. ಆರೋಗ್ಯದಲ್ಲಿ ಸುಧಾರಣೆ ಸಾಧ್ಯವಿದೆ. ಮಕ್ಕಳ ಜೊತೆ ಸಮಯ ಕಳೆಯುವುದು ಮುಖ್ಯ. ಕುಂಭ ರಾಶಿ: ಕೆಲಸದ ವಿಷಯದಲ್ಲಿ ಹೆಚ್ಚಿನ ಹೊಣೆಗಾರಿಕೆ ಬರಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ಅಗತ್ಯ. ಆರ್ಥಿಕ ಸುಧಾರಣೆ ಆಗಲಿದೆ. ಮೀನ ರಾಶಿ: ಹಣಕಾಸಿನ ವಿಷಯದಲ್ಲಿ ಜಾಗೃತಿ ಅಗತ್ಯ. ಆರೋಗ್ಯದಲ್ಲಿ ಏರುಪೇರಾದರೆ ಆಸ್ಪತ್ರೆಗೆ ಭೇಟಿ ನೀಡಿ. ಅಗತ್ಯವಿದ್ದರೆ ವಿಶ್ರಾಂತಿಪಡೆಯಿರಿ.
- [ಅರಣ್ಯ ಹಕ್ಕು: ಅಕ್ಟೊಬರ್ 14ಕ್ಕೆ ವಿಚಾರಣೆ](https://mobiletime.in/2025/10/forest-rights-hearing-on-october-14/): ಅರಣ್ಯ ಹಕ್ಕು ಕಾಯದೆಯ ಮೌಲ್ಯತೆ ಮತ್ತು ಅರಣ್ಯ ಹಕ್ಕು ಕಾಯಿದೆಯಲ್ಲಿ ತಿರಸ್ಕರಿಸಿದ ಅರ್ಜಿಯ ಒಕ್ಕಲೆಬ್ಬಿಸುವ ಪ್ರಕರಣಕ್ಕೆ ಸಂಬoಧಿಸಿ ಅಕ್ಟೊಬರ್ 14ರಂದು ತ್ರೀಸದಸ್ಯತ್ವ ನ್ಯಾಯಮೂರ್ತಿಗಳ ನ್ಯಾಯ ಪೀಠದಲ್ಲಿ ಅಂತಿಮ ವಿಚಾರಣೆ ಜರುಗಲಿದೆ. ಸರ್ವೋಚ್ಚ ನ್ಯಾಯಾಲಯದ ನ್ಯಾಯಮೂರ್ತಿಗಳಾದ ಸೂರ್ಯಕಾಂತ, ಜಾಯಿಮಲ್ಯ ಮತ್ತು ಬಜಾಶಿ ಒಳಗೊಂಡ ತ್ರೀ ಸದಸ್ಯತ್ವ ನ್ಯಾಯಪೀಠ ವಿಚಾರಣೆ 41ನೇ ಕ್ರಮ ಸಂಖ್ಯೆಯಲ್ಲಿ ವಿಚರಣೆಗೆ ಬರಲಿದೆ. ಅರಣ್ಯ ಹಕ್ಕು ಕಾಯಿದೆ ಮೌಲ್ಯತೆ ರದ್ದು ಪಡಿಸುವ ಉದ್ದೇಶದಿಂದ 2008ರಲ್ಲಿ ವೈಲ್ಡ್ ಲೈಪ್ ಪಸ್ಟ್ ಸೊಸೈಟಿ ಮತ್ತು ಇನ್ನಿತರ ಎಂಟು ಪರಿಸರ ಸಂಘಟನೆಗಳು ಸುಪ್ರೀಂ ಕೊರ್ಟಗೆ ಅರ್ಜಿ ಸಲ್ಲಿಸಿ ಕೇಂದ್ರ ಸರ್ಕಾರ ಮತ್ತು ದೇಶದ 31 ರಾಜ್ಯಗಳ ವಿರುದ್ದ ಅರ್ಜಿ ಸಲ್ಲಿಸಿದ ಪ್ರಕರಣ ಇದಾಗಿದೆ. ಅರಣ್ಯವಾಸಿಗಳ ಭೂಮಿ ಹಕ್ಕಿಗೆ ಸಂಬoಧಿಸಿ ನಿರಂತರ ಹೋರಾಟ ಮಾಡುತ್ತಿರುವ ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಪ್ರಕರಣದ ವಿಷಯವಾಗಿ ಸ್ವಪ್ರೇರಣೆಯಿಂದ ದೆಹಲಿಗೆ ಹೋಗಿದ್ದಾರೆ. ಸುಪ್ರೀಂ ಕೊರ್ಟನಲ್ಲಿ ನಿವೃತ್ತ ನ್ಯಾಯಮೂರ್ತಿ ಎಚ್ ಎನ್ ನಾಗಮೋಹನ್‌ದಾಸ ಅವರ ಮಾರ್ಗದರ್ಶನದಲ್ಲಿ ಉನ್ನತ ಮಟ್ಟದ ಕಾನೂನು ತಜ್ಞರ ತಂಡಗಳ ಮೂಲಕ ಅರಣ್ಯವಾಸಿಯ ಪರವಾದ ವಿಚಾರವನ್ನು ಮಂಡಿಸಲು ಅವರು ಸಿದ್ಧತೆ ನಡೆಸಿದ್ದಾರೆ.
- [ನೀರು ಕೊಟ್ಟರೂ ಕುಡಿದವ ಮಲಗಿದಲ್ಲಿಯೇ ಉಸಿರು ನಿಲ್ಲಿಸಿದ!](https://mobiletime.in/2025/10/even-though-they-gave-him-water-he-stopped-breathing-while-he-was-still-asleep/): ಭಟ್ಕಳದಲ್ಲಿ ಅಲೆದಾಡುತ್ತಿದ್ದ ಭಿಕ್ಷುಕನೊಬ್ಬ ನೀರು ಕೊಟ್ಟು ಉಪಚರಿಸಿದರೂ ಆ ನೀರು ಸೇವಿಸದೇ ಸಾವನಪ್ಪಿದ್ದು, ಆ ಅಪರಿಚಿತ ಭಿಕ್ಷುಕನ ವಾರಸುದಾರರ ಹುಡುಕಾಟ ನಡೆದಿದೆ. ಮುರುಡೇಶ್ವರ ಬಳಿಯ ಮಾವಳ್ಳಿ-1 ಸಮೀಪದ ನರೇಕುಳಿಯ ನಾಗರಾಜ ದೇವಾಡಿಗ ಅವರು ಶಿರಾಳಿಯಲ್ಲಿ ಶ್ರೀವಲ್ಲಿ ಸೂಪರ್ ಮಾರ್ಕೇಟ್ ನಡೆಸುತ್ತಿದ್ದಾರೆ. ಅಕ್ಟೊಬರ್ 12ರಂದು ಅಂದಾಜು 55 ವರ್ಷದ ಭಿಕ್ಷುಕ ಆಗಮಿಸಿದರು. ಸೂಪರ್ ಮಾರ್ಕೇಟ್ ಮುಂದೆ ಆಯಾಸಗೊಂಡು ಕುಳಿತಿದ್ದ ಭಿಕ್ಷುಕನಿಗೆ ನಾಗರಾಜ ದೇವಾಡಿಗ ಅವರು ನೀರು ಕೊಟ್ಟರು. ಆತನ ಆರೋಗ್ಯ ವಿಚಾರಿಸಿದರು. ಆದರೆ, ಆತ ಜಾಸ್ತಿ ಮಾತನಾಡಲಿಲ್ಲ. ಕೊಟ್ಟ ನೀರನ್ನು ಕುಡಿಯಲಿಲ್ಲ. ಆ ದಿನ ರಾತ್ರಿ 11 ಗಂಟೆಗೆ ಸೂಪರ್ ಮಾರ್ಕೇಟಿಗೆ ಬೀಗ ಹಾಕಿ ನಾಗರಾಜ ದೇವಾಡಿಗ ಅವರು ಮನೆಗೆ ಹೋದರು. ಅಕ್ಟೊಬರ್ 13ರ ಬೆಳಗ್ಗೆ 10ಗಂಟೆಗೆ ಅವರು ಸೂಪರ್ ಮಾರ್ಕೇಟ್ ತೆರೆಯಲು ಹೋದಾಗ ಆ ಭಿಕ್ಷುಕ ಅಲ್ಲಿಯೇ ಇದ್ದರು. ಆದರೆ, ಅವರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಅದಾದ ನಂತರ ಆ ಭಿಕ್ಷುಕ ಸಾವನಪ್ಪಿರುವುದು ಗೊತ್ತಾಯಿತು. ನಾಗರಾಜ ದೇವಾಡಿಗ ಅವರು ಈ ಬಗ್ಗೆ ಪೊಲೀಸರಿಗೆ ತಿಳಿಸಿದ್ದು, ಅಪರಿಚಿತ ಭಿಕ್ಷುಕ ಸಾವನಪ್ಪಿದ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಔಷಧಿ ಅರೆಸಿ ಬಂದವ ಡಾಕ್ಟರ್ ತಲೆಗೆ ಹೊಡೆದ!](https://mobiletime.in/2025/10/a-doctor-who-came-to-ask-for-medicine-was-hit-on-the-head/): ಸಮಯಕ್ಕೆ ಸರಿಯಾಗಿ ಸರ್ಕಾರದಿಂದ ಔಷಧ ಪೂರೈಕೆ ಆಗದ ಪರಿಣಾಮ ಪಶುವೈದ್ಯರೊಬ್ಬರು ಪೆಟ್ಟು ತಿಂದಿದ್ದಾರೆ. ಪೆಟ್ಟು ತಿಂದ ವೈದ್ಯರು ಇದೀಗ ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಜೊಯಿಡಾದ ರಾಮನಗರದಲ್ಲಿ ಎಚ್ ರಾಮಚಂದ್ರ ಯಾದವ್ ಅವರು ಪಶುವೈದ್ಯರಾಗಿದ್ದಾರೆ. ಸರ್ಕಾರಿ ಸೌಲಭ್ಯವನ್ನು ಹೈನುಗಾರರಿಗೆ ಕೊಡುವಲ್ಲಿ ಅವರು ಶ್ರಮಿಸುತ್ತಿದ್ದಾರೆ. ಹೀಗಿರುವಾಗ ರಾಮನಗರದ ದುರ್ಗಾದೇವಿಗಲ್ಲಿಯ ದಿನೇಶ ತುಕಾರಾಮ ಮಿರಾಶಿ ಪಶು ಆಸ್ಪತ್ರೆಗೆ ಬಂದರು. `ಮೇಕೆಗೆ ಉಣ್ಣೆ ಔಷಧಿ ಬೇಕು’ ಎಂದು ಅವರು ಕೇಳಿದರು. ಬಾಟಲಿ ಇಲ್ಲದೇ ಖಾಲಿ ಕೈಯಲ್ಲಿ ಬಂದ ದಿನೇಶ ಮಿರಾಶಿ ಅವರಿಗೆ ಬಾಟಲಿ ತೆಗೆದುಕೊಂಡು ಬರುವಂತೆ ರಾಮಚಂದ್ರ ಯಾದವ್ ಅವರು ಸೂಚಿಸಿದರು. ಅದಾದ ನಂತರ `ಮೇಕೆಗೆ ಲಿವರ್ ಟಾನಿಕ್ ಬೇಕು. ಅದನ್ನಾದರೂ ಕೊಡಿ’ ಎಂದು ದಿನೇಶ ಮಿರಾಶಿ ಕೇಳಿದರು. `ಆ ಔಷಧಿ ಸರ್ಕಾರದಿಂದ ಪೂರೈಕೆ ಆಗಿಲ್ಲ. ಈ ತಿಂಗಳ ಕೊನೆಗೆ ಬರಬಹುದು’ ಎಂದು ವೈದ್ಯರು ಹೇಳಿದರು. ಇದರಿಂದ ಸಿಟ್ಟಾದ ದಿನೇಶ ಮಿರಾಶಿ `ಟಾನಿಕ್ ಇಲ್ಲ ಎಂದಾದರೆ ಚಿಕಿತ್ಸಾಲಯ ಏಕೆ? ಡಾಕ್ಟರ್ ಏಕೆ?’ ಎಂದು ದಬಾಯಿಸಿದರು. ಅದಾದ ನಂತರ ಮರಾಠಿ ಭಾಷೆಯಲ್ಲಿ ಬೈದ ದಿನೇಶ ಮಿರಾಶಿ ಡಾಕ್ಟರ್ ತಲೆ ಮೇಲೆ ಕುಟ್ಟಿದರು. ತಲೆಯ ಹಿಂಬಾಗ ಎರಡು ಏಟು ಹೊಡೆದರು. ಇದರಿಂದ ನೋವು ಅನುಭವಿಸಿದ ವೈದ್ಯರು ಮೇಲಾಧಿಕಾರಿಗಳಿಗೆ ವರದಿ ಒಪ್ಪಿಸಿದರು. ಮೇಲಧಿಕಾರಿಗಳ ಸೂಚನೆ ಮೇರೆಗೆ ರಾಮನಗರ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದರು.
- [ಗಣೇಶ ಹಬ್ಬ: ಇಲ್ಲಿ ಮೊಬೈಲ್ ಖರೀದಿಸಿದರೆ ಟಿವಿ ಉಚಿತ!](https://mobiletime.in/2025/10/ganesh-festival-buy-a-mobile-here-and-get-a-free-tv/): ಗಣೇಶ ಹಬ್ಬದ ಅವಧಿಯಲ್ಲಿ ಮೊಬೈಲ್ ಖರೀದಿಗೆ ಹುಡುಕಾಟ ನಡೆಸಿದ್ದೀರಾ? ಹಾಗಾದರೆ, ಆನ್‌ಲೈನ್’ಗಿಂತ ಕಡಿಮೆ ಬೆಲೆಗೆ ಬರಪೂರ ಉಡುಗರೆ ಜೊತೆ ಮೊಬೈಲ್ ಖರೀದಿಸಲು ಯಲ್ಲಾಪುರಕ್ಕೆ ಬನ್ನಿ! ಯಲ್ಲಾಪುರ ಬಸ್ ನಿಲ್ದಾಣದ ಶಾಸಕರ ಕಚೇರಿ ರಸ್ತೆಗೆ ಹೊಂದಿಕೊoಡು `ಗ್ಯಾಲಾಕ್ಸಿ ಹಬ್’ ಹೊಸದಾಗಿ ಶುರುವಾಗಿದೆ. ಇದೇ ಮೊದಲ ಗಣೇಶ ಉತ್ಸವ ಆಚರಿಸುತ್ತಿರುವ ಈ ಮೊಬೈಲ್ ಮಳಿಗೆ ಅದೇ ಖುಷಿಯಲ್ಲಿ ಹಲವು ಬಗೆಯ ಗ್ರಾಹಕಸ್ನೇಹಿ ಯೋಜನೆಗಳನ್ನು ಜಾರಿಗೊಳಿಸಿದೆ. 100ಕ್ಕೂ ಅಧಿಕ ನಮೂನೆಯ ಮೊಬೈಲ್’ಗಳು ಈ ಮಳಿಗೆಯಲ್ಲಿದೆ. ಬೇರೆ ಎಲ್ಲಿಯೂ ಸಿಗದ ಬೆಲೆಯಲ್ಲಿ ಮೊಬೈಲ್ ನೀಡಲಾಗುತ್ತಿದೆ. ಹುಬ್ಬಳ್ಳಿ, ಶಿರಸಿ, ಕಾರವಾರ, ಭಟ್ಕಳ ಸೇರಿ ಎಲ್ಲಾ ಕಡೆ ಸುತ್ತಾಡಿ ಬಂದರೂ ಈ ಬೆಲೆಗೆ ಈ ಬಗೆಯ ಮೊಬೈಲ್ ಜೊತೆ ನಿಶ್ಚಿತ ಉಡುಗರೆಯನ್ನು ಬೇರೆ ಯಾರೂ ಕೊಡುತ್ತಿಲ್ಲ! ನಿನ್ನೆ ಮೊಬೈಲ್ ಖರೀದಿಸಲು ಬಂದ ಗ್ರಾಹಕರೊಬ್ಬರು ಮೊಬೈಲ್ ಜೊತೆ ಟಿವಿಯನ್ನು ಮನೆಗೆ ಒಯ್ದಿದ್ದಾರೆ. Vivo x200fe ಹಾಗೂ Oppo reno 14 pro ಮೊಬೈಲ್ ಖರೀದಿಸಿದವರಿಗೆ ಇಲ್ಲಿ 24 ಇಂಚಿನ ಟಿವಿಯನ್ನು ಉಡುಗರೆಯಾಗಿ ಕೊಡಲಾಗುತ್ತಿರುವುದೇ ಇದಕ್ಕೆ ಕಾರಣ. ಇದರೊಂದಿಗೆ ಮತ್ತೆ ಐದು ಉಡುಗರೆಗಳನ್ನು ಮಳಿಗೆಯವರು ಗ್ರಾಹಕರಿಗೆ ನೀಡಿದ್ದಾರೆ. ಮತ್ತೊಬ್ಬರು ಮೊಬೈಲ್ ಖರೀದಿ ಜೊತೆ ಡ್ರೋಣ್ ಕ್ಯಾಮರಾವನ್ನು ಮನೆಗೆ ಒಯ್ದಿದ್ದಾರೆ. Vivo v60 ಮೊಬೈಲ್ ಜೊತೆ ಇಲ್ಲಿ ಡ್ರೋಣ್ ಕ್ಯಾಮರಾವನ್ನು ಉಚಿತವಾಗಿ ಕೊಡಲಾಗುತ್ತಿದೆ. ಮೊಬೈಲ್ ಮಾತ್ರವಲ್ಲ, ಟಿವಿ ಖರೀದಿಸಿದರೂ ಇಲ್ಲಿ ಉಡುಗರೆಗಳು ಉಚಿತ! ಮನೆಯಲ್ಲಿರುವ ಹಾಳಾದ ಮೊಬೈಲ್’ಗಳ ದುರಸ್ಥಿಗೂ ಇನ್ಮುಂದೆ ಅಲ್ಲಿ-ಇಲ್ಲಿ ಓಡಾಡಬೇಕಿಲ್ಲ. ಗ್ಲಾಸ್ ಒಡೆದ ಮೊಬೈಲುಗಳನ್ನು ಸಹ `ಗಾಲಾಕ್ಸಿ ಹಬ್’ ಮಳಿಗೆಯಲ್ಲಿ ಸರಿಪಡಿಸಲಾಗುತ್ತದೆ. ಮೊಬೈಲುಗಳಲ್ಲಿನ ಎಲ್ಲಾ ಸಮಸ್ಯೆಗಳಿಗೂ ಇಲ್ಲಿ ಪರಿಹಾರ ಒದಗಿಸಲಾಗುತ್ತದೆ. 30 ನಿಮಿಷದೊಳಗೆ ಒಡೆದ ಮೊಬೈಲ್ ಡಿಸಪ್ಲೆ ಬದಲಿಸಿಕೊಡುವ ನುರಿತ ಸಿಬ್ಬಂದಿ ಇಲ್ಲಿದ್ದಾರೆ. ಮೊಬೈಲ್ ಡಿಸಪ್ಲೆ ಸರಿಪಡಿಸಲು ಬಂದವರಿಗೆ ಸಹ ಉಡುಗರೆಗಳನ್ನು ಕೊಟ್ಟು ಕಳುಹಿಸಲಾಗುತ್ತದೆ. ಮೊಬೈಲ್ ಇರಲಿ.. ಟಿವಿಯೇ ಆಗಿರಲಿ.. ಹಬ್ಬದ ಖರೀದಿಗೆ ಇನ್ನೇಕೆ ತಡ? ಈಗಲೇ ಬನ್ನಿ… ಉಡುಗರೆಗಳ ಜೊತೆ ಖುಷಿ ಅನುಭವಿಸಿ!… ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 9448361519 ಗಾಲಾಕ್ಸಿ ಹಬ್ ಉದ್ಘಾಟನೆ ಸಡಗರ ಹೇಗಿತ್ತು? ಆ ವಿಡಿಯೋ ನೋಡಿ.. #sponsored 
- [ಡಿವೈಡರ್ ಹಾರಿದ ಬೈಕ್ ಸವಾರ: ಪ್ರತ್ಯಕ್ಷದರ್ಶಿಯೇ ದೂರುದಾರ!](https://mobiletime.in/2025/10/biker-who-jumped-the-divider-eyewitness-is-the-complainant/): ಹೊನ್ನಾವರದಲ್ಲಿ ರಾಷ್ಟ್ರೀಯ ಹೆದ್ದಾರಿಯ ಡಿವೈಡರ್ ಮೂಲಕ ಬೈಕ್ ದಾಟಿಸುತ್ತಿದ್ದ ವಸಂತ ಗೌಡ ಅವರಿಗೆ ಕಾರು ಡಿಕ್ಕಿಯಾಗಿದೆ. ಪರಿಣಾಮ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಅಕ್ಟೊಬರ್ 12ರ ಸಂಜೆ ಮಾವಿನಕಟ್ಟಾ ಮೂಲದ ವಸಂತ ದೇವು ಗೌಡ ಅವರು ಬೈಕಿನಲ್ಲಿ ಹೊರಟಿದ್ದರು. ತರಾತುರಿಯಲ್ಲಿ ಮಂಕಿಗೆ ಹೋಗಬೇಕಿದ್ದ ಅವರು ಇಡಗುಂಜಿ ತಿರುವಿನ ಬಳಿಯಿರುವ ಡಿವೈಡರ್ ಸಂದಿಯಲ್ಲಿ ಅವರು ಬೈಕ್ ನುಗ್ಗಿಸಿದ್ದರು. ಈ ವೇಳೆ ಹೊನ್ನಾವರದಿಂದ ಉಡುಪಿ ಕಡೆ ಶೃಂಗೇರಿಯ ಸಂಕೇತ ಕೊಪ್ಪ ಅವರು ಕಾರು ಓಡಿಸುತ್ತಿದ್ದರು. ಆ ಕಾರು ವಸಂತ ಗೌಡ ಅವರ ಬೈಕಿಗೆ ಬಡಿಯಿತು. ಪರಿಣಾಮ ಬೈಕಿನ ಜೊತೆ ವಸಂತ ಗೌಡ ಅವರು ನೆಲಕ್ಕೆ ಬಿದ್ದರು. ಈ ಅಪಘಾತದಲ್ಲಿ ಬೈಕು ಜಖಂ ಆಯಿತು. ಕಾರಿನ ಮುಂಬಾಗವೂ ಒಡೆಯಿತು. ವಸಂತ ಗೌಡ ಅವರಿಗೆ ಪೆಟ್ಟಾಗಿದ್ದು, ಕಾಲಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ಅಲ್ಲಿದ್ದ ಜನ ವಸಂತ ಗೌಡ ಅವರನ್ನು ಹೊನ್ನಾವರ ಆಸ್ಪತ್ರೆಗೆ ದಾಖಲಿಸಿದರು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗೆ ಕಾರವಾರದ ಕಿಮ್ಸ್’ಗೆ ಕಳುಹಿಸಿದರು. ಈ ಅಪಘಾತವನ್ನು ಮಾವಿನಕಟ್ಟಾದ ಪ್ರಮೋದ ಈಶ್ವರ ನಾಯ್ಕ ಅವರು ನೋಡಿದರು. ಬೈಕ್ ಸವಾರನ ಜೊತೆ ಕಾರು ಚಾಲಕನದ್ದು ತಪ್ಪಿರುವ ಬಗ್ಗೆ ಅವರು ಪೊಲೀಸರಿಗೆ ತಿಳಿಸಿದರು. ಹೀಗಾಗಿ ಮಂಕಿ ಪೊಲೀಸರು ವಸಂತ ದೇವು ಗೌಡ ಜೊತೆ ಸಂಕೇತ ಕೊಪ್ಪ ಅವರ ವಿರುದ್ಧವೂ ಪ್ರಕರಣ ದಾಖಲಿಸಿದರು.
- [ಖರ್ಗೆ ನಿಲುವು ಖಂಡಿಸಿದ ಬಿಜೆಪಿಗ](https://mobiletime.in/2025/10/bjp-condemns-kharges-stance/): `ಸಚಿವ ಸಂಪುಟದಿAದ ಕೈಬಿಡುವ ಆತಂಕದಲ್ಲಿ ಪ್ರಚಾರಪಡೆಯುವ ಉದ್ದೇಶದಿಂದ ಪ್ರಿಯಾಂಕ್ ಖರ್ಗೆ ಆರ್ ಎಸ್ ಎಸ್ ವಿರುದ್ಧ ಪಿತೂರಿ ಮಾಡುತ್ತಿದ್ದಾರೆ’ ಎಂದು ಬಿಜೆಪಿ ಮುಖಂಡ ರಾಮು ನಾಯ್ಕ ಹೇಳಿದ್ದಾರೆ. `ಸಾರ್ವಜನಿಕ ಸ್ಥಳಗಳಲ್ಲಿ ಆರ್ ಎಸ್ ಎಸ್ ಚಟುವಟಿಕೆಗಳನ್ನು ನಿಷೇಧಿಸುವ ಪ್ರಿಯಾಂಕ್ ಖರ್ಗೆ ಅವರ ಹೇಳಿಕೆ ಹುಚ್ಚುತನದ ಪರಮಾವಧಿ’ ಎಂದು ಅವರು ಹೇಳಿದ್ದಾರೆ. `ಕಳೆದ ನೂರು ವರ್ಷಗಳಲ್ಲಿ ಮೂರು ತಲೆಮಾರು ಕಳೆದು ಹೋದರೂ ಸಂಘ-ಪರಿವಾರದವರನ್ನು ಬಡಿಯಲು ಕಾಂಗ್ರೆಸ್ಸಿನಿAದ ಆಗಲಿಲ್ಲ. ಆ ಪಕ್ಷದ ರಾಜಕೀಯ ನೇತಾರ ರಾಜೀವ ಗಾಂಧಿ, ಅವರಮ್ಮ ಇಂದಿರಾ ಗಾಂಧಿ, ಅವರಪ್ಪ ಜವಾಹರಲಾಲ ನೆಹರು ಯಾರಿಂದಲೂ ಸಂಘವನ್ನು ಬಗ್ಗಿಸಲು ಆಗಲಿಲ್ಲ. ಆರ್ ಎಸ್ ಎಸ್ ಇನ್ನೂ ಬೆಳೆಯುತ್ತಲೇ ಇದ್ದು, ಸಂಘ ರಾಷ್ಟ್ರವ್ಯಾಪಿ ಹೆಮ್ಮರವಾಗಿ ಬೆಳೆದಿದೆ’ ಎಂದವರು ವಿವರಿಸಿದ್ದಾರೆ. `ಆರ್ ಎಸ್ ಎಸ್ ನಿಷೇಧ ಅಸಾಧ್ಯ ಎಂಬುದು ಖರ್ಗೆ ಅವರಿಗೂ ಗೊತ್ತು. ಆದರೆ, ತಾನು ಸಂಘವನ್ನು ಇಷ್ಟು ಬಹಿರಂಗವಾಗಿ ಟೀಕಿಸಿದ ಕಾರಣಕ್ಕಾಗಿಯಾದರೂ ರಾಹುಲ್ ಗಾಂಧಿ ಪ್ರಸನ್ನರಾಗಿ, ತಮ್ಮ ಸಚಿವ ಸ್ಥಾನ ಅಬಾಧಿತವಾಗಿ ಉಳಿಯಸಬಹುದು ಎಂಬ ಲೆಕ್ಕಾಚಾರದಿಂದ ಅವರು ಹುಚ್ಚುತನ ಪ್ರದರ್ಶಿಸಿದ್ದಾರೆ’ ಎಂದು ರಾಮು ನಾಯ್ಕ ವಿಶ್ಲೇಷಿಸಿದ್ದಾರೆ.
- [RTI ಅಸ್ತ್ರ: 36 ರೂಪಾಯಿಗೆ ತಕರಾರು ಸಲ್ಲಿಸಿದ ಹೊರಾಟಗಾರ!](https://mobiletime.in/2025/10/rti-weapon-a-street-vendor-filed-a-complaint-for-36-rupees/): RTI ಅಡಿ ಸಲ್ಲಿಸಿದ ಅರ್ಜಿಗೆ ದಾಖಲೆ ಒದಗಿಸದೇ 36 ರೂ ಹಣ ಪಾವತಿಸುವಂತೆ ಸೂಚಿಸಿದ ಕಾರಣ ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಿಸ್ ತಕರಾರು ಸಲ್ಲಿಸಿದ್ದಾರೆ. ಬಡತನ ರೇಖೆಗಿಂತ ಕೆಳಗಿರುವ ಅರ್ಜಿದಾರರಿಗೆ 100 ಪುಟ ಉಚಿತವಾಗಿ ಕೊಡದೇ ಹಣ ಪಾವತಿಸಲು ಸೂಚಿಸಿದ ಕಾರಣ ಅವರು ಸಿಡಿಮಿಡಿಗೊಂಡಿದ್ದಾರೆ. ಕುಮಟಾ ಜನತಾ ಪ್ಲೋಟಿನ ಆಗ್ನೇಲ್ ರೋಡ್ರಿಗಿಸ್ ಅವರು ಕುಮಟಾ ತಹಶೀಲ್ದರ್ ಕಚೇರಿಗೆ ಮಾಹಿತಿ ಹಕ್ಕು ಕಾಯ್ದೆ ಅಡಿ ಅರ್ಜಿ ಸಲ್ಲಿಸಿದ್ದರು. ಸೆ 20ರಂದು ಅವರು ಸಲ್ಲಿಸಿದ ಅರ್ಜಿಯಲ್ಲಿ `ಇಂದಿರಾ ಗಾಂಧಿ ಪಿಂಚಣಿ ಯೋಜನೆಯಡಿ ಫಲಾನುಭವಿಗಳ ಕಡತ’ ನೀಡುವಂತೆ ಕೋರಿದ್ದರು. ಇದಕ್ಕೆ ಪ್ರತಿಯಾಗಿ ತಹಶೀಲ್ದಾರ್ ಶ್ರೀಕೃಷ್ಣ ಕಾಮ್ಕರ್ ಅವರು ಹಿಂಬರಹ ನೀಡಿದ್ದು, `18 ಪುಟಗಳ ಕಡತಕ್ಕೆ 36ರೂ ಹೆಚ್ಚುವರಿಯಾಗಿ ಪಾವತಿಸಬೇಕು’ ಎಂದು ಸೂಚಿಸಿದ್ದಾರೆ. `ಅರ್ಜಿ ಜೊತೆ 10ರೂ ಮೌಲ್ಯದ ಪೋಸ್ಟಲ್ ಆರ್ಡರ್ ಹಾಗೂ ಪಡಿತರ ಚೀಟಿ ಲಗತ್ತಿಸಿದರೂ ಹೆಚ್ಚುವರಿ ಹಣ ಕೇಳಲಾಗಿದೆ’ ಎಂಬುದು ಅರ್ಜಿದಾರ ಆಗ್ನೆಲ್ ರೋಡಿಗ್ರಸ್ ಅವರ ಆರೋಪ. ಮಾಹಿತಿ ನೀಡದ ಅಧಿಕಾರಿಗೆ ದಂಡ ವಿಧಿಸಲು ಕೋರಿ ಮೇಲ್ಮನವಿ ಸಲ್ಲಿಸುವುದಾಗಿ ಆಗ್ನೇಲ್ ರೋಡಿಗ್ರಸ್ ಹೇಳಿದ್ದಾರೆ.
- [ಬೆಳಗಾವಿಯಿಂದ ಭಟ್ಕಳಕ್ಕೆ ಅಕ್ರಮ ಸಾಗಾಟ: ಗೋ ಹಂತಕರಿಗೆ ಯಲ್ಲಾಪುರ ಪೊಲೀಸರ ಕಾಟ!](https://mobiletime.in/2025/10/illegal-transportation-from-belgaum-to-bhatkal-yellapur-polices-threat-to-cow-killers/): ವಧೆ ಮಾಡುವ ಉದ್ದೇಶದಿಂದ ಬೆಳಗಾವಿಯಿಂದ ಭಟ್ಕಳಕ್ಕೆ ಸಾಗಿಸುತ್ತಿದ್ದ ಗೋವುಗಳನ್ನು ಯಲ್ಲಾಪುರ ಪೊಲೀಸರು ಹಿಡಿದಿದ್ದಾರೆ. ಬೆಳಗಾವಿಯಿಂದ ಕಲಘಟಕಿವರೆಗಿನ ಎಲ್ಲಾ ಪೊಲೀಸ್ ಠಾಣೆಯವರು ಬಿಟ್ಟು ಕಳುಹಿಸಿದ ವಾಹನಕ್ಕೆ ಅಡ್ಡಲಾಗಿ ಯಲ್ಲಾಪುರ ಪೊಲೀಸರು ಕೈ ಮಾಡಿದ್ದು, ಪಿಎಸ್‌ಐ ಶೇಡಜಿ ಚೌಹಾಣ್ ಹಾಗೂ ರಾಜಶೇಖರ ವಂದಲಿ ಸೇರಿ ಆರು ಜಾನುವಾರುಗಳ ಪ್ರಾಣ ಕಾಪಾಡಿದರು. ಭಟ್ಕಳದ ಬೆಳಕಂಡ ಮುತ್ತಳ್ಳಿಯ ರಬ್ಬಾನಿ ಬಾಬಾಸಾಬ ಕಚವಿ ಎಂಬಾತರು ಅಕ್ರಮ ಜಾನುವಾರು ಸಾಗಾಟವನ್ನು ಕಸುಬು ಮಾಡಿಕೊಂಡಿದ್ದರು. ತಮ್ಮ ಬುಲೆರೊ ವಾಹನಕ್ಕೆ ಭಟ್ಕಳದ ಮಹಮ್ಮದ್ ಸಿದ್ದಿಕ್ ಅಬ್ದುಲ್ ಅಮೀರ್ ಮಜಾರ ಎಂಬಾತರನ್ನು ಚಾಲಕರನ್ನಾಗಿ ನೇಮಿಸಿಕೊಂಡಿದ್ದರು. ಭಟ್ಕಳದ ಅಲ್ತಾಪ ಎಂಬಾತರನ್ನು ಜೊತೆಗಿರಿಸಿಕೊಂಡು ಅವರು ಬೆಳಗಾವಿಯಿಂದ ಭಟ್ಕಳಕ್ಕೆ ಹಿಂಸಾತ್ಮಕ ರೂಪದಲ್ಲಿ ಗೋವುಗಳ ಸಾಗಾಟ ಮಾಡುತ್ತಿದ್ದರು. ಬೆಳಗಾವಿಯಿಂದ ಹೊರಟ ಆ ವಾಹನಕ್ಕೆ ಯಾವ ಪೊಲೀಸರು ಕೈ ಮಾಡಲಿಲ್ಲ. ಕೈ ಮಾಡಿದರೂ ಅಕ್ರಮ ಜಾನುವಾರು ಸಾಗಾಟಗಾರರನ್ನು ಪ್ರಶ್ನಿಸಲಿಲ್ಲ. ಹೀಗಾಗಿ ರಾಜಾರೋಷವಾಗಿ ಅವರು ರಾಷ್ಟ್ರೀಯ ಹೆದ್ದಾರಿ ಮೂಲಕ ಯಲ್ಲಾಪುರವನ್ನು ಪ್ರವೇಶಿಸಿದರು. ಆದರೆ, ಯಲ್ಲಾಪುರ ಪೊಲೀಸರು ಆ ವಾಹನವನ್ನು ತಡೆದರು. ಮಲಬಾರ್ ಹೊಟೇಲ್ ಬಳಿ ಪಿಕಪ್ ತಡೆದು ನಿಲ್ಲಿಸಿದಾಗ ಅದರಲ್ಲಿದ್ದ ರಬ್ಬಾನಿ ಬಾಬಾಸಾಬ ಕಚವಿ ಹಾಗೂ ಅಲ್ತಾಪ್ ಗಾಡಿಯಿಂದ ಹಾರಿ ಪರಾರಿಯಾದರು. ಮಹಮ್ಮದ್ ಸಿದ್ದಿಕ್ ಅಬ್ದುಲ್ ಅಮೀರ್ ಮಜಾರ ಸಿಕ್ಕಿಬಿದ್ದರು. ಪಿಕಪ್ ವಾಹನ ತಪಾಸಣೆ ನಡೆಸಿದಾಗ ಅದರಲ್ಲಿ ಆರು ಜಾನುವಾರುಗಳಿದ್ದವು. ಅತ್ಯಂತ ಹಿಂಸಾತ್ಮಕ ರೀತಿಯಲ್ಲಿ ಅವುಗಳನ್ನು ಕಟ್ಟಲಾಗಿತ್ತು. ಒಂದು ಆಕಳು, ಎರಡು ಹೋರಿ ಹಾಗೂ ಮೂರು ಸಣ್ಣ ದನಗಳನ್ನು ಪೊಲೀಸರು ಬಿಡುಗಡೆ ಮಾಡಿದರು. ಪಿಕಪ್ ವಾಹನ ಚಾಲಕ ಕೈ ಮುಗಿದು ಬೇಡಿಕೊಂಡರು ಅಕ್ರಮ ಜಾನುವಾರು ಸಾಗಾಟಗಾರರ ಜೊತೆ ಪೊಲೀಸರು ರಾಜಿ ಆಗಲಿಲ್ಲ. ಓಡಿ ಹೋದವರ ಹೆಸರನ್ನು ಸೇರಿಸಿ ಮೂವರ ವಿರುದ್ಧ ಪ್ರಕರಣ ದಾಖಲಿಸಿದರು. ಹಿಂಸಾತ್ಮಕವಾಗಿ ತುಂಬಿಕೊoಡು ಕಲಘಟಗಿ ಕಡೆಯಿಂದ ಅಂಕೋಲಾ ಕಡೆಗೆ ಸಾಗಿಸುತ್ತಿದ್ದರು. ಪಟ್ಟಣದ ಮಲಬಾರ್ ಹೋಟೆಲ್ ಬಳಿ ಪೊಲೀಸರು ದಾಳಿ ನಡೆಸಿ ಜಾನುವಾರುಗಳನ್ನು ರಕ್ಷಿಸಿದ್ದಾರೆ.
- [ಪತ್ನಿ ಬಿಟ್ಟು ಪರಾರಿಯಾದವ ಪೊಲೀಸರ ಅತಿಥಿ!](https://mobiletime.in/2025/10/the-guest-of-the-police-who-escaped-from-his-wife/): ಪತ್ನಿಗೆ ಥಳಿಸಿ ಆಕೆಯ ಒಡವೆ ಕದ್ದು ಪರದೇಶಕ್ಕೆ ಪರಾರಿಯಾಗಿದ್ದ ಮುಂಡಗೋಡಿನ ಅರ್ಫಾಜ ಅಹ್ಮದ ಹುಸೇನ ಮಿರ್ಜಾನಕರ ಅವರನ್ನು ಎರಡು ವರ್ಷದ ನಂತರ ಪೊಲೀಸರು ಬಂಧಿಸಿದ್ದಾರೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ಅವರು ಸಿಕ್ಕಿಬಿದ್ದಿದ್ದಾರೆ. ಮುಂಡಗೋಡದ ಕೆಎಚ್‌ಬಿ ಕಾಲೋನಿಯ ಇರಮಸಭಾ ಅವರು ಅರ್ಫಾಜ ಅಹ್ಮದ ಹುಸೇನ ಮಿರ್ಜಾನಕರ ಅವರನ್ನು ಮದುವೆ ಆಗಿದ್ದರು. ಮದುವೆ ಆದ ಶುರುವಿನಲ್ಲಿ ಅವರಿಬ್ಬರು ಚನ್ನಾಗಿಯೇ ಇದ್ದರು. ನಂತರ ಅರ್ಫಾಜ ಪತ್ನಿಯನ್ನು ಪೀಡಿಸಲು ಶುರು ಮಾಡಿದರು. ವರದಕ್ಷಿಣೆ ತಂದುಕೊಡುವoತೆ ಅವರು ಕಾಡಿಸುತ್ತಿದ್ದರು. ಅರ್ಫಾಜ ಅವರು ವರದಕ್ಷಿಣೆ ಕೊಡದ ಕಾರಣದಿಂದ ನಿತ್ಯ ಜಗಳ ಮಾಡುತ್ತಿದ್ದರು. ಇದೇ ವಿಷಯವಾಗಿ ಅರ್ಫಾಜ ಅವರು ಇರಮಸಭಾ ಅವರ ಮೇಲೆ ಕೈ ಮಾಡಿದ್ದರು. ಇರಮಸಭಾ ಅವರಿಗೆ ತವರುಮನೆಯವರು ಉಡುಗರೆಯಾಗಿ ಕೊಟ್ಟಿದ್ದ 12 ತೊಲೆ ಬಂಗಾರದ ಆಭರಣವನ್ನು ಕಿತ್ತುಕೊಂಡಿದ್ದ ಅರ್ಫಾಜ ಅವರು ಇರಮಸಭಾ ಅವರನ್ನು ಮನೆಯಿಂದ ಹೊರಹಾಕಿದ್ದರು. ಇನ್ನಷ್ಟು ವರದಕ್ಷಿಣೆ ಕೊಡದೇ ಇದ್ದರೆ ಸೀಮೆಎಣ್ಣೆ ಸುರಿದು ಸುಡುವುದಾಗಿ ಬೆದರಿಸಿದ್ದರು. 2022ರ ಡಿಸೆಂಬರ್ 17ರಂದು ಇರಮಸಭಾ ಅವರು ಗಂಡನಮನೆಗೆ ಹೋದಾಗ ಅಲ್ಲಿದ್ದ ಐವರು ಅವರನ್ನು ರಸ್ತೆಗೆ ದೂಡಿದ್ದರು. ಜೀವ ಬೆದರಿಕೆಯಿರುವ ಬಗ್ಗೆ ಇರಮಸಭಾ ಅವರು ಪೊಲೀಸ್ ದೂರು ನೀಡಿದ್ದರು. ಮುಖ್ಯ ಆರೋಪಿಯಾದ ಅರ್ಫಾಜ್ ಅಹಮ್ಮದ ಹುಸೇನ್ ಮಿರ್ಜಾನಕರ್ ಎರಡು ವರ್ಷಗಳಿಂದ ನ್ಯಾಯಾಲಯಕ್ಕೆ ಬಂದಿರಲಿಲ್ಲ. ಆತನ ಬಗ್ಗೆ ಕಿಂಚಿತ್ತು ಸುಳಿವು ಇರಲಿಲ್ಲ. ಅರ್ಫಾಜ ಅವರು ಹೊರದೇಶದಲ್ಲಿರುವ ಬಗ್ಗೆ ಮಾಹಿತಿಯಿದ್ದು, ಲುಕ್‌ಔಟ್ ನೋಟಿಸ್ ಹೊರಡಿಸಲಾಗಿತ್ತು. ಈ ನಡುವೆ ಭಾನುವಾರ ಅರ್ಫಾಜ ಮುಂಬೈಗೆ ಬಂದ ಮಾಹಿತಿ ಅರಿತು ಪೊಲೀಸರು ಅಲ್ಲಿಗೆ ಹೋದರು. ಅರ್ಫಾಜರನ್ನು ಅಲ್ಲಿಯೇ ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [50 ಅಡಿ ಆಳಕ್ಕೆ ಬಿದ್ದರೂ ಬದುಕಿದ ಎತ್ತು!](https://mobiletime.in/2025/10/an-ox-survived-after-falling-50-feet/): ಕಾರವಾರದಲ್ಲಿ 50 ಅಡಿ ಆಳಕ್ಕೆ ಬಿದ್ದ ಎತ್ತು ಅಪಾಯದಿಂದ ಪಾರಾಗಿದೆ. ಕಿಂಚಿತ್ತು ಗಾಯ ಮಾಡಿಕೊಳ್ಳದೇ ಆ ಎತ್ತು ಬಾವಿಯಿಂದ ಮೇಲೆದ್ದು ಬಂದಿದೆ. ಕಾರವಾರದ ಗಾಂವಕರವಾಡ ಮಲ್ಲಿಕಾರ್ಜುನ ದೇವಸ್ಥಾನ ಹತ್ತಿರದ ಬಾವಿಯೊಳಗೆ ಎತ್ತು ಬಿದ್ದಿತ್ತು. ಇದನ್ನು ನೋಡಿದ ಜನ ಅಗ್ನಿಶಾಮಕ ಸಿಬ್ಬಂದಿಗೆ ಫೋನ್ ಮಾಡಿದರು. ಶಾಂತರಾಮ ಗಾಂವಕರ ಅವರು ಅಗ್ನಿಶಾಮಕ ಸಿಬ್ಬಂದಿಗೆ ಬರುವಂತೆ ಮನವಿ ಮಾಡಿದರು. ತಮ್ಮ ವಾಹನದ ಜೊತೆ ಬಂದ ರಕ್ಷಣಾ ಸಿಬ್ಬಂದಿ ಎತ್ತಿನ ಪರಿಸ್ಥಿತಿ ಅವಲೋಕಿಸಿದರು. ಬಾವಿಯ ಆಳದಲ್ಲಿ ಎತ್ತು ಹೊರಳಾಡುತ್ತಿರುವುದನ್ನು ನೋಡಿದ ಅವರು ಉಪಾಯವಾಗಿ ಅದನ್ನು ಮೇಲೆತ್ತುವ ಕೆಲಸ ಶುರು ಮಾಡಿದರು. ಅಗ್ನಿಶಾಮಕ ಠಾಣಾಧಿಕಾರಿ ಮಹಾಬಲೇಶ್ವರ ಗೌಡ ಅವರ ನೇತೃತ್ವದಲ್ಲಿ ಕಾರ್ಯಾಚರಣೆ ಶುರುವಾಯಿತು. ಒಂದುವರೆ ತಾಸುಗಳ ಕಾಲ ಅಗ್ನಿಶಾಮಕ ಠಾಣೆ ಸಿಬ್ಬಂದಿ ರಾಜೇಶ್ ಎಂ ರಾಣೆ, ವಿನಾಯಕ ಎಂ ನಾಯ್ಕ, ಟೋನಿ ಅಲೆಕ್ಸ್ ಬಾರಾಭೋಜ, ಪ್ರವೀಣ ಕೆ ನಾಯ್ಕ, ಕುಮಾರ ಕೆ ಎಸ್ ಹಾಗೂ ಭರತ ಕುಮಾರ ಸಾಹಸ ನಡೆಸಿದರು. ಯಂತ್ರವನ್ನು ಬಾವಿಗಿಳಿಸಿದ ಅವರು ಹಗ್ಗದಿಂದ ಎತ್ತನ್ನು ಕಟ್ಟಿದರು. ನಿಧಾನವಗಿ ಹಗ್ಗ ಎಳೆದಂತೆ ಎತ್ತು ಮೇಲೆ ಬಂದಿತು. ಪಾತಾಳದಲ್ಲಿದ್ದ ಎತ್ತು ಭೂಮಿ ಕಂಡ ತಕ್ಷಣ ಲವಲವಿಕೆಯಿಂದ ಓಡಲು ಶುರು ಮಾಡಿತು.
- [ಜಿಂಕೆ ಕೊಂದವ ಮಾಂಸ ಬಿಟ್ಟು ಹೋದ!](https://mobiletime.in/2025/10/the-deer-killer-left-the-meat-behind/): ಯಲ್ಲಾಪುರ ಅರಣ್ಯ ವಿಭಾಗ ವ್ಯಾಪ್ತಿಯಲ್ಲಿ ಶಿಕಾರಿ ಶೂರರ ಸಂಖ್ಯೆ ಹೆಚ್ಚಾಗಿದೆ. ಕಳ್ಳ ಬಂದೂಕು ಹೊಂದಿರುವ ಕೆಲವರು ರಾತ್ರಿ ವೇಳೆ ಕಾಡು ತಿರುಗುತ್ತಿದ್ದಾರೆ. ಪರಿಣಾಮ ಮಂಚಿಕೇರಿ ಅರಣ್ಯ ವಲಯದಲ್ಲಿ ಚಿಂಕೆಯೊoದು ಗುಂಡಿನ ಏಟಿಗೆ ಬಲಿಯಾಗಿದೆ. ಮಂಚಿಕೇರಿ ಅರಣ್ಯ ವ್ಯಾಪ್ತಿಯಲ್ಲಿ ಅಪರೂಪದ ಜೀವ ಸಂಕುಲವಿದ್ದು, ವನ್ಯಜೀವಿ ಪ್ರಬೇದವೂ ಹೇರಳವಾಗಿದೆ. ಹೀಗಾಗಿ ಈ ಭಾಗದಲ್ಲಿ ರಾತ್ರಿ ವೇಳೆ ಕಾಡು ಸುತ್ತುವವರ ಸಂಖ್ಯೆಯೂ ಅಧಿಕ ಪ್ರಮಾಣದಲ್ಲಿದೆ. ಕೆಲ ತಿಂಗಳ ಹಿಂದೆ ಇದೇ ಭಾಗದಲ್ಲಿ ಬಂದೂಕು ಹಿಡಿದು ಓಡಾಡುತ್ತಿದ್ದ ವ್ಯಕ್ತಿಯನ್ನು ಪೊಲೀಸರು ಹಿಡಿದಿದ್ದರು. ಆ ವೇಳೆ ಬಂದೂಕಿಗೆ ಪರವಾನಿಗೆ ಇಲ್ಲದಿರುವುದು ಗಮನಕ್ಕೆ ಬಂದಿತ್ತು. ಅದಾದ ನಂತರ ಅರಣ್ಯ ಸಿಬ್ಬಂದಿ ಎಚ್ಚೆತ್ತುಕೊಳ್ಳಲಿಲ್ಲ. ಪರವಾನಿಗೆ ಇಲ್ಲದಿರುವ ಬಂದೂಕುದರಿಗಳನ್ನು ಗುರುತಿಸುವ ಕೆಲಸ ಮಾಡಲಿಲ್ಲ. ಅದರ ಪರಿಣಾಮವಾಗಿ ಯಾರಿಗೂ ತೊಂದರೆ ಮಾಡದ ಮುಗ್ದ ಜೀವಿಗಳು ಗುಂಡೇಟಿಗೆ ಬಲಿಯಾಗುತ್ತಿದೆ. ಕಳ್ಳ ಭೇಟೆಗಾರರು ರಾಜಾರೋಷವಾಗಿ ಬೆಟ್ಟ ತಿರುಗುತ್ತಿದ್ದಾರೆ. ಈಗಲೂ ಮಂಚಿಕೇರಿ ಅರಣ್ಯ ಪ್ರದೇಶದಲ್ಲಿ ತಡರಾತ್ರಿ ಚಿಂಕೆಯೊAದರ ಶಿಕಾರಿ ನಡೆದಿದೆ. ತುಡುಗುಣಿಯಲ್ಲಿ ಭೇಟೆಗಾರರು ಜಿಂಕೆ ಕೊಂದು ಪರಾರಿಯಾಗಿದ್ದಾರೆ. ಗುಂಡಿನ ಸದ್ದು ಕೇಳಿದ ಬಗ್ಗೆ ಜನ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದು, ಅಲ್ಲಿ ತೆರಳಿದಾಗ ಜಿಂಕೆ ಸಾವನಪ್ಪಿರುವುದು ಗೊತ್ತಾಗಿದೆ. ಅರಣ್ಯ ಸಿಬ್ಬಂದಿ ಬರುವುದನ್ನು ನೋಡಿದ ಶಿಕಾರಿ ಶೂರರು ಅಲ್ಲಿಂದ ಕಾಲ್ಕಿತ್ತಿದ್ದಾರೆ. ಬ್ಯಾಟರಿ ಬೆಳಕು ನೋಡಿಯೇ ಬಂದೂಕುದಾರಿಗಳು ಓಡಿಹೋಗಿರುವ ಅನುಮಾನವಿದೆ. `ಜಿಂಕೆ ಸಾವನಪ್ಪಿದ ಬಗ್ಗೆ ನ್ಯಾಯಾಲಯಕ್ಕೆ ಮಾಹಿತಿ ನೀಡಲಾಗಿದೆ. ಆರೋಪಿತರ ಹುಡುಕಾಟ ನಡೆದಿದೆ’ ಎಂದು ಮಂಚಿಕೇರಿ ವಲಯ ಅರಣ್ಯಾಧಿಕಾರಿ ಬಸವರಾಜ ಬೋಚಳ್ಳಿ ಮಾಹಿತಿ ನೀಡಿದರು.
- [ಮುಕಳೆಪ್ಪನ ಮದುವೆ: ಮೌನ ಮುರಿದ ಮುತಾಲಿಕ್!](https://mobiletime.in/2025/10/mukaleppas-marriage-muthalik-broke-the-silence/): ಮುಸ್ಲಿಂ ಸಮುದಾಯದ ಯೂಟೂಬರ್ ಮುಕಳೆಪ್ಪ ನಕಲಿ ವಿಳಾಸ ದಾಖಲೆ ನೀಡಿ ಹಿಂದು ಹುಡುಗಿಯನ್ನು ಮದುವೆಯಾಗಿ ಮೂರು ತಿಂಗಳು ಕಳೆದಿದ್ದು, ಇದೀಗ ಈ ವಿಷಯವಾಗಿ ಪ್ರಮೋದ ಮುತಾಲಿಕ್ ಹೋರಾಟ ಶುರು ಮಾಡಿದ್ದಾರೆ. ಮುಂಡಗೋಡದಲ್ಲಿ ನಡೆದ ಈ ಮದುವೆ ವಿರುದ್ಧ ಕಿಡಿಕಾರಿದ ಅವರು `ಗಲಬೆ-ಗಲಾಟೆ ಆಗುವುದಕ್ಕಿಂತ ಮುಂಚೆ ಸರ್ಕಾರ ಕ್ರಮ ಜರುಗಿಸಬೇಕು’ ಎಂದು ಆಗ್ರಹಿಸಿದ್ದಾರೆ. ಹುಬ್ಬಳ್ಳಿಯ ಮುಕಳೆಪ್ಪ ಧಾರವಾಡದ ಗಾಯತ್ರಿ ಅವರನ್ನು ವಿವಾಹವಾಗಿದ್ದರು. ಮುಕಳೆಪ್ಪ ಅವರು ಮುಂಡಗೋಡಿನ ನೋಂದಣಾಧಿಕಾರಿ ಕಚೇರಿ ಮೂಲಕ ಈ ವಿವಾಹವಾಗಿದ್ದು, ಮುಂಡಗೋಡು ನೋಂದಣಾಧಿಕಾರಿಗಳ ಕಚೇರಿ ಅಧಿಕಾರಿ-ಸಿಬ್ಬಂದಿ ವಿರುದ್ಧ ಗಾಯತ್ರಿ ಅವರ ತಾಯಿ ಶಿವಕ್ಕ ಅವರು ಪೊಲೀಸ್ ದೂರು ದಾಖಲಿಸಿದ್ದರು. ಬಂಧನದ ಭೀತಿ ಹಿನ್ನಲೆ ಆ ಕಚೇರಿ ಅಧಿಕಾರಿ-ಸಿಬ್ಬಂದಿ ಪರಾರಿಯಾಗಿದ್ದರು. ಅದಾದ ನಂತರ ಬೇರೆ ತಾಲೂಕಿನ ಅಧಿಕಾರಿಗಳು ಕಚೇರಿ ಬಾಗಿಲು ತೆರೆದು ಕೆಲಸ-ಕಾರ್ಯ ಶುರು ಮಾಡಿದ್ದರು. ಇದಕ್ಕೂ ಮುಂಚೆ ಮುಕಳೆಪ್ಪನ ವಿರುದ್ಧ ಸಾಕಷ್ಟು ಪ್ರತಿಭಟನೆಗಳು ನಡೆದಿದ್ದವು. ಹುಬ್ಬಳ್ಳಿ-ಧಾರವಾಡ ಭಾಗದಲ್ಲಿ ಸಹ ಜನ ಆಕ್ರೋಶವ್ಯಕ್ತಪಡಿಸಿದ್ದರು. ಪ್ರಮೋದ ಮುತಾಲಿಕ್ ಅವರು ಈ ವಿಷಯವಾಗಿ ಇಷ್ಟು ದಿನಗಳ ಕಾಲ ಮೌನವಾಗಿದ್ದು, ಎಷ್ಟೇ ಹೋರಾಟ ನಡೆದಿರೂ ಪ್ರಯೋಜನವಾಗದ ಹಿನ್ನಲೆ ಅವರು ಕಾರವಾರಕ್ಕೆ ಆಗಮಿಸಿ ಜಿಲ್ಲಾಡಳಿತದ ಅಧಿಕಾರಿಗಳನ್ನು ಭೇಟಿ ಮಾಡಿದರು. ಈ ವೇಳೆ ನಕಲಿ ವಿಳಾಸ ದಾಖಲೆ ನೀಡಿ ಹಿಂದು ಹುಡುಗಿಯನ್ನು ಮದುವೆ ಆದ ಯೂಟೂಬರ್ ಮುಕಳೆಪ್ಪ ವಿರುದ್ಧ ಹಿಂದು ಜಾಗರಣಾ ವೇದಿಕೆ ಮುಖ್ಯಸ್ಥ ಪ್ರಮೋದ ಮುತಾಲಿಕ್ ಕಿಡಿಕಾರಿದರು. `ಒಂದು ತಿಂಗಳಿನಿAದ ಪ್ರತಿಭಟನೆ ನಡೆಯುತ್ತಿದ್ದರೂ ಯಾವುದೇ ಕ್ರಮ ಆಗಿಲ್ಲ. ವಿವಾಹ ನೋಂದಣಿ ಮಾಡಿಸಿದ ಅಧಿಕಾರಿಗಳ ಅಮಾನತು ಆಗಬೇಕು’ ಎಂದು ಆಗ್ರಹಿಸಿದರು. `ಹಿಂದು ಹುಡುಗಿಯರನ್ನು ಪುಸಲಾಯಿಸಿ ಗೋಮಾಂಸ ತಿನ್ನಿಸಲಾಗಿಸುತ್ತಿದೆ. ನಂತರ ಅವರಿಗೆ ಬುರ್ಕಾ ಹಾಕಿಸುವ ಕೆಲಸ ನಡೆಯುತ್ತಿದೆ. ನಕಲಿ ದಾಖಲೆ ನೀಡಿ ಮದುವೆ ಮಾಡಿದರೂ ಕೇಳುವವರಿಲ್ಲ. ದೂರು ನೀಡಿದರೂ ಕ್ರಮ ಜರುಗಿಸಿಲ್ಲ ಎಂದಾದರೆ ಕಲ್ಲು ತೆಗೆದುಕೊಂಡು ಹೊಡೆಯಬೇಕಾ? ಅಥವಾ ಬೆಂಕಿ ಹಚ್ಚಿ ಪ್ರತಿಭಟಿಸಬೇಕಾ?’ ಎಂದು ಪ್ರಶ್ನಿಸಿದರು. `ತನಿಖೆಯೂ ಆಗಿಲ್ಲ.. ಬಂಧನವೂ ಆಗಿಲ್ಲ ಎಂದರೆ ನಾವು ಒದ್ದು ತರ್ತಿವಿ’ ಎಂದು ಎಚ್ಚರಿಸಿದರು. `ನಕಲಿ ದಾಖಲೆಪಡೆದು ಮದುವೆ ಮಾಡಿದವರು ಕೋಟಿ ವೆಚ್ಚದ ಮನೆ ಕಟ್ಟಿದ್ದಾರೆ. ಅವರ ಆದಾಯದ ಮೂಲಗಳ ಬಗ್ಗೆ ತನಿಖೆ ನಡೆಯಬೇಕು. ಇಲ್ಲವಾದಲ್ಲಿ ನಮ್ಮ ದಾರಿ ನಾವು ಹಿಡಿಯುತ್ತೇವೆ’ ಎಂದರು. `ರಾಜ್ಯದ ಎಲ್ಲಡೆ ಬೆಂಕಿ ಹತ್ತುವ ಮುನ್ನ ಕ್ರಮ ಆಗಬೇಕು. ಹೀಗಾಗಿ ಮತ್ತೊಮ್ಮೆ ಜಿಲ್ಲಾಡಳಿತಕ್ಕೆ ಮನವಿ ನೀಡುತ್ತಿದ್ದೇವೆ’ ಎಂದರು. ಈ ಪ್ರಕರಣದಲ್ಲಿ ಪೊಲೀಸರು ಶಾಮೀಲಾಗಿರುವ ಅನುಮಾನವ್ಯಕ್ತಪಡಿಸಿದರು.  
- [ಜನರೇ ಘೋಷಿಸಿದ ಶಿರಸಿ ಜಾತ್ರೆ!](https://mobiletime.in/2025/10/the-sirsi-fair-was-announced-by-the-people-themselves/): ಫೆಬ್ರವರಿ 24ರಿಂದ ಮಾರ್ಚ ಮಾರ್ಚ 4ರವರೆಗೆ ಶಿರಸಿ ಜಾತ್ರೆ ನಡೆಯುವ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಬಗೆ ಬಗೆಯ ಪೋಸ್ಟರ್ ಸಿದ್ದಪಡಿಸಿದ ಸೋಶಿಯಲ್ ಮಿಡಿಯಾ ಶೂರರು ಅದನ್ನು ಎಲ್ಲಾ ಕಡೆ ಹಬ್ಬಿಸುತ್ತಿದ್ದಾರೆ. ಹೀಗಾಗಿ `ಜಾತ್ರೆ ದಿನಾಂಕ ಇನ್ನೂ ಘೋಷಣೆ ಆಗಿಲ್ಲ’ ಎಂದು ಮಾರಿಕಾಂಬಾ ದೇವಾಲಯ ಆಡಳಿತ ಮಂಡಳಿಯವರೇ ಹೇಳಿದರೂ ಜನ ಅದನ್ನು ನಂಬುವ ಸ್ಥಿತಿಯಲ್ಲಿಲ್ಲ! ಶಿರಸಿ ಜಾತ್ರೆ ದಿನಾಂಕ ಘೋಷಣೆಗೆ ಅದರದ್ದೇ ಆದ ರೀತಿ-ನೀತಿಗಳಿವೆ. ಸಾವಿರಾರು ಜನರಿಗೆ ಸಾಕ್ಷಿಯಾಗಿ ಮಾರಿಕಾಂಬಾ ದೇವಿ ಸಮ್ಮುಖದಲ್ಲಿಯೇ ಜಾತ್ರೆ ದಿನಾಂಕ ಘೋಷಣೆಯಾಗುತ್ತದೆ. ಕನಿಷ್ಟ ಮೂರು ತಿಂಗಳ ಮುಂದೆ ಜಾತ್ರೆ ದಿನಾಂಕ ಘೋಷಣೆ ಆಗಲಿದ್ದು, ಅದರೊಂದಿಗೆ ಪೂಜೆ, ಕಾರ್ಯಕ್ರಮ, ವಿವಾಹ ಮಹೋತ್ಸವ, ರಥೋತ್ಸವ, ವಿಸರ್ಜನೆಯಿಂದ ಪುನರ್ ಪ್ರತಿಷ್ಠೆಯವರೆಗೆ ಪ್ರತಿಯೊಂದು ಮುಹೂರ್ತವನ್ನು ನಿಗದಿ ಮಾಡಲಾಗುತ್ತದೆ. ಈ ಎಲ್ಲಾ ಪ್ರಕ್ರಿಯೆ ನಡೆಯುವ ಮೊದಲು ಮೂಲ ದೇವಸ್ಥಾನದ ಅರ್ಚಕರು `ರಾಯಸ ಪತ್ರ’ ಸಿದ್ಧಪಡಿಸುತ್ತಾರೆ. ಆ ಪತ್ರವನ್ನು ದೇವಿ ಮುಂದಿರಿಸಿ ವಿಶೇಷ ಪೂಜೆ ಸಲ್ಲಿಸುತ್ತಾರೆ. ಜನಪ್ರತಿನಿಧಿಗಳು, ಅಧಿಕಾರಿಗಳು, ಭಕ್ತರು ಹಾಗೂ ಸಾರ್ವಜನಿಕರ ಮುಂದೆ ತುಂಬಿದ ಸಭೆಯಲ್ಲಿ ಆ ರಾಯಸ ಪತ್ರವನ್ನು ಓದಿದ ನಂತರ ಅಧಿಕೃತವಾಗಿ ಜಾತ್ರೆ ಕೆಲಸಗಳು ಶುರುವಾಗುತ್ತದೆ. ಆದರೆ, ಇದ್ಯಾವುದರ ಬಗ್ಗೆ ಮಾಹಿತಿಯೇ ಇಲ್ಲದ ಸೋಶಿಯಲ್ ಮೀಡಿಯಾ ಶೂರರು ಅವರೇ ಜಾತ್ರೆ ದಿನಾಂಕ ಘೋಷಿಸಿದ್ದಾರೆ. ದೇವಾಲಯದ ಆಡಳಿತ ಮಂಡಳಿಯನ್ನು ಹೊರಗಿಟ್ಟು ಸೋಶಿಯಲ್ ಮಿಡಿಯಾದಲ್ಲಿಯೇ ಜಾತ್ರೆ ನಡೆಸುವ ಸಿದ್ಧತೆಯಲ್ಲಿದ್ದಾರೆ! ವಿವಿಧ ಮಾಧ್ಯಮಗಳಲ್ಲಿಯೂ `ಜಾತ್ರೆ ದಿನಾಂಕ ಘೋಷಣೆ ಆಗಿಲ್ಲ’ ಎಂದು ಆಡಳಿತ ಮಂಡಳಿಯವರು ಸ್ಪಷ್ಠನೆ ನೀಡಿದ್ದಾರೆ. ಆದರೆ, ಅಧಿಕೃತ ಮಾಧ್ಯಮಗಳಲ್ಲಿ ಪ್ರಕಟವಾದ ಸತ್ಯ ಸಂದೇಶಕ್ಕಿAತಲೂ ಸಾಮಾಜಿಕ ಜಾಲತಾಣದಲ್ಲಿನ ಸುಳ್ಳು ಸುದ್ದಿ ವ್ಯಾಪಕ ಪ್ರಮಾಣದಲ್ಲಿ ಹರಿದಾಡುತ್ತಿದೆ. ಸೋಮವಾರ ಸಹ ಸತ್ಯಕ್ಕಿಂತಲೂ ಪ್ರಭಾವಶಾಲಿಯಾಗಿ ಜಾತ್ರೆಯ ಸುಳ್ಳು ಸುದ್ದಿ ಬರುತ್ತಿದೆ. ಫೇಸ್ಬುಕ್, ಇನಸ್ಟಾಗ್ರಾಮ್, ವಾಟ್ಸಪ್ ಸೇರಿ ಹಲವು ಕಡೆ ಇದೀಗ ಶಿರಸಿ ಜಾತ್ರೆಯ ವಿಷಯ ಹರಿದಾಡುತ್ತಿದೆ. ಸುಳ್ಳು ಸುದ್ದಿಯ ಬಗ್ಗೆ ಅರಿಯದ ಜನ ಅದನ್ನು ಇನ್ನಷ್ಟು ಹೆಚ್ಚಿನ ಪ್ರಮಾಣದಲ್ಲಿ ತಮ್ಮ ಬಳಗದ ಜೊತೆ ಹಂಚಿಕೊಳ್ಳುತ್ತಿದ್ದಾರೆ. ಕಳೆದ ನಾಲ್ಕು ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಶಿರಸಿ ಜಾತ್ರೆಯ ಪೋಸ್ಟರ್ ಹರಿದಾಡುತ್ತಿದೆ. ಅದರೊಂದಿಗೆ ಮಾರಿಕಾಂಬಾ ದೇವಿ ಭಕ್ತಿಗೀತೆಗಳನ್ನು ಪ್ರಸಾರ ಮಾಡಲಾಗುತ್ತಿದೆ. ಮೊದಲು ಒಂದೆರಡು ಪೇಜ್’ಗಳಲ್ಲಿ ಮಾತ್ರ ಕಾಣಿಸಿಕೊಂಡಿದ್ದ ಜಾತ್ರೆ ಪೋಸ್ಟರ್ ಇದೀಗ ಮತ್ತೆ ಹಲವು ಕಡೆ ಹರಿದಾಡುತ್ತಿದೆ. ಶಿರಸಿ ಮಾರಿಕಾಂಬಾ ಆಡಳಿತ ಮಂಡಳಿಯವರೇ ಅಧಿಕೃತವಾಗಿ `ಜಾತ್ರೆ ದಿನಾಂಕ ಘೋಷಣೆ ಆಗಿಲ್ಲ’ ಎಂದು ಹೇಳಿದ್ದಾರೆ. ಆದರೆ, ಸೋಶಿಯಲ್ ಮಿಡಿಯಾದಲ್ಲಿ ಹಂಚಿಕೆಯಾದ ಸುಳ್ಳು ಸುದ್ದಿ ಮಾತ್ರ ಡಿಲಿಟ್ ಆಗಿಲ್ಲ!
- [2025 ಅಕ್ಟೋಬರ್ 13ರ ದಿನ ಭವಿಷ್ಯ](https://mobiletime.in/2025/10/prediction-for-october-13-2025/): ಮೇಷ ರಾಶಿ: ಸ್ನೇಹಿತರ ಜೊತೆ ಸಮಯ ಕಳೆಯುವಿರಿ. ಆರ್ಥಿಕ ವಿಚಾರಗಳಲ್ಲಿ ಲಾಭ ಆಗಲಿದೆ. ನಿರ್ಧಾರ ಪ್ರಕಟಿಸುವಾಗ ಎಚ್ಚರಿಕೆ ಅಗತ್ಯ. ವೃಷಭ ರಾಶಿ: ಕುಟುಂಬ ಸದಸ್ಯರ ಸಹಕಾರದಿಂದ ವ್ಯಾಪಾರದಲ್ಲಿ ಯಶಸ್ಸು ಸಾಧ್ಯ. ಇಷ್ಟಪಡುವ ಕಾರ್ಯಗಳು ಸರಾಗವಾಗಿ ಸಾಗಲಿದೆ. ಸಂಜೆ ಸಮಯ ಸಂತೋಷಕರವಾಗಿರಲಿದೆ. ಮಿಥುನ ರಾಶಿ: ಸ್ನೇಹಿತರಿಂದ ಆಮಂತ್ರಣ ಸಿಗಲಿದೆ. ಹಿರಿಯರ ಸಲಹೆ ಪ್ರಯೋಜನಕ್ಕೆ ಬರಲಿದೆ. ಮನರಂಜನೆ ವಿಷಯದಲ್ಲಿ ಆಸಕ್ತಿ ಬರಲಿದೆ. ಕರ್ಕ ರಾಶಿ: ಹಳೆಯ ಯೋಜನೆಗಳು ಮುನ್ನಡೆ ಸಾಧಿಸಲಿದೆ. ವೃತ್ತಿಪರ ಬೆಳವಣಿಗೆ ಸಾಧ್ಯವಿದೆ. ಸಂಜೆ ಸಂತೋಷದ ಕ್ಷಣಗಳು ಸಿಗಲಿದೆ. ಸಿಂಹ ರಾಶಿ: ಮಹತ್ವದ ನಿರ್ಣಯಗಳಿಗೆ ಈ ದಿನ ಸೂಕ್ತ. ಹಣಕಾಸು ವಿಚಾರಕ್ಕೆ ಶಕ್ತಿ ಬರಲಿದೆ. ರಾಜಕೀಯ ಅಥವಾ ಸಾಮಾಜಿಕ ಸಭೆಗಳಲ್ಲಿ ಭಾಗವಹಿಸುವ ಅವಕಾಶ ಸಿಗಲಿದೆ. ಕನ್ಯಾ ರಾಶಿ: ಕಾರ್ಯಕ್ಷೇತ್ರದಲ್ಲಿ ಬದಲಾವಣೆ ಸಾಧ್ಯವಿದೆ. ಸಣ್ಣ ಸಣ್ಣ ತೊಂದರೆ ಸಾಮಾನ್ಯ. ಕುಟುಂಬದ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ತುಲಾ ರಾಶಿ: ಆರೋಗ್ಯದ ವಿಷಯಗಳಲ್ಲಿ ಜಾಗೃತಿ ಮುಖ್ಯ. ಹೊಸ ಹೊಣೆಗಾರಿಕೆ ನಿಮ್ಮನ್ನು ಆವರಿಸಲಿದೆ. ಚೈತನ್ಯದಿಂದ ದಿನ ಕಳೆಯುವಿರಿ. ವೃಶ್ಚಿಕ ರಾಶಿ: ಆರ್ಥಿಕ ವ್ಯವಹಾರದ ಬಗ್ಗೆ ಎಚ್ಚರಿಕೆ ಅಗತ್ಯ. ದುಡುಕು ನಿರ್ಧಾರಗಳು ಬೇಡ. ಆರೋಗ್ಯದ ಬಗ್ಗೆ ಆತಂಕ ಇಲ್ಲ. ಧನು ರಾಶಿ: ವೃತ್ತಿ ಕ್ಷೇತ್ರದಲ್ಲಿ ಒಳ್ಳೆಯ ಬದಲಾವಣೆಗಳು ಆಗಲಿದೆ. ಹೊಸ ಅವಕಾಶಗಳು ಅರೆಸಿಬರಲಿದೆ. ವಾಹನ ಚಾಲನೆ ಮಾಡುವಾಗ ಎಚ್ಚರಿಕೆ ಅಗತ್ಯ. ಮಕರ ರಾಶಿ: ಸ್ನೇಹಿತರ ಜೊತೆ ಮಾತುಕತೆ ಸರಾಗವಾಗಿ ಸಾಗಲಿದೆ. ದೈನಿಂದಿನ ಜೀವನದಲ್ಲಿ ಉತ್ತಮ ಫಲ ಸಿಗಲಿದೆ. ಹಿರಿಯರ ಮಾರ್ಗದರ್ಶನದಲ್ಲಿ ಮುನ್ನಡೆಯಿರಿ. ಕುಂಭ ರಾಶಿ: ನಿಮ್ಮ ಪ್ರಯತ್ನಕ್ಕೆ ತಕ್ಕ ಫಲ ಸಿಗಲಿದೆ. ಜೀವನದಲ್ಲಿನ ಉತ್ಸಾಹ ಚನ್ನಾಗಿರಲಿದೆ. ಆರ್ಥಿಕ ಲಾಭ ಸಾಧ್ಯವಿದೆ. ಹಿರಿಯರ ಉಪದೇಶವನ್ನು ಗಂಭೀರವಾಗಿಪರಿಗಣಿಸಿ. ಮೀನ ರಾಶಿ: ಸಂತೋಷದ ಸುದ್ದಿ ಕೇಳಿಬರಲಿದೆ. ಆರೋಗ್ಯ ಸಾಧಾರಣವಾಗಿರಲಿದೆ. ಕುಟುಂಬದ ಸದಸ್ಯರಿಂದ ಪ್ರೋತ್ಸಾಹ ದೊರೆಯಲಿದೆ. ಪ್ರಯಾಣದ ಲಕ್ಷಣಗಳಿವೆ.
- [ಮಂಗನಿಗೆ ಹೊಡೆದ ಪೆಟ್ಟು ತಾಗಿದ್ದು ಮಾಣಿಗೆ: ಬಾಲಕನ ಕುಂಡೆ ಸೀಳಿದ ಏರ್‌ಗನ್ ಗುಂಡು!](https://mobiletime.in/2025/10/waiter-gets-hit-by-monkey-airgun-bullet-splits-boys-buttocks/): ತಿoಗಳ ನಂತರ ಶಿರಸಿಯಲ್ಲಿ ಮತ್ತೆ ಏರಗನ್ ಗುಂಡು ಸದ್ದು ಮಾಡಿದ್ದು, ಈ ಬಾರಿ ಆ ಗುಂಡು ಬಾಲಕನ ಕುಂಡೆಯೊಳಗೆ ಸಿಕ್ಕಿ ಬಿದ್ದಿದೆ. TSS ಆಸ್ಪತ್ರೆಯ ವೈದ್ಯರು ಹರಸಾಹಸದಿಂದ ಗುಂಡು ಹೊರತೆಗೆದು ಬಾಲಕನ ಜೀವ ಕಾಪಾಡಿದ್ದಾರೆ. ಸೆಪ್ಟೆಂಬರ್ 5ರಂದು ಸಹ ಶಿರಸಿಯ ಸೋಮನಳ್ಳಿಯಲ್ಲಿ ಗುಂಡಿನ ಸದ್ದು ಕೇಳಿಸಿತ್ತು. ಮಂಗನ ಕಾಯಲು ಬಂದಿದ್ದ ನಿತೀಶ್ ಎಂಬಾತರು ಮಾಡಿದ ತಪ್ಪಿಗೆ 9 ವರ್ಷದ ಕರಿಯಪ್ಪ ಎಂಬಾತರು ಸಾವನಪ್ಪಿದ್ದರು. ಇದೀಗ ಮತ್ತೆ ಅಂಥಹುದೇ ವಿದ್ಯಮಾನ ಮರುಕಳಿಸಿದ್ದು, ಟಿಎಸ್‌ಎಸ್ ವೈದ್ಯರ ಸಾಹಸದಿಂದಾಗಿ ಬಾಲಕನಿಗೆ ಮರುಜನ್ಮ ಸಿಕ್ಕಿದೆ. ಆದರೂ ಆ ಬಾಲಕನಿಗೆ ನೋವು ಕಾಡುತ್ತಿದೆ. ಶಿರಸಿಯ ಬನವಾಸಿ ಬಳಿಯ ನರೂರಿನ ರಘುನಂದನ ದತ್ತು ಭಟ್ಟ ಅವರು ತಮ್ಮ ತೋಟದ ಕೆಲಸಕ್ಕೆ ಅದೇ ಊರಿನ ನಾಗರಾಜ ಮಂಜಯ್ಯ ಚನ್ನಪ್ಪ ಅವರನ್ನು ನೇಮಿಸಿಕೊಂಡಿದ್ದರು. ನಾಗರಾಜ ಚನ್ನಯ್ಯ ಅವರು ಭಟ್ಟರ ತೋಟ ಸುತ್ತಾಡಿ ಅಲ್ಲಿ ಬರುವ ಮಂಗನನ್ನು ಓಡಿಸುವ ಕೆಲಸ ಮಾಡುತ್ತಿದ್ದರು. ಬರಿಗೈಯಲ್ಲಿ ಹೋದರೆ ಮಂಗ ಓಡುವುದಿಲ್ಲ ಎಂದು ನಾಗರಾಜ ಚನ್ನಯ್ಯ ಅವರು ಏರಗನ್ ಹಿಡಿದು ಕಾಡು ಸುತ್ತುತ್ತಿದ್ದರು. ಅಕ್ಟೊಬರ್ 9ರ ಸಂಜೆ ನಾಗರಾಜ ಚನ್ನಯ್ಯ ಅವರು ಏರಗನ್ ಒಳಗೆ ಗುಂಡು ತುಂಬಿ ತೋಟಕ್ಕೆ ಹೋಗಿದ್ದರು. ಈ ವೇಳೆ ನರೂರ ಭಟ್ಟರಕೇರಿಯಲ್ಲಿ ಬದುಕು ಕಟ್ಟಿಕೊಂಡ ಅಣ್ಣಪ್ಪ ನಾಯ್ಕ ಅವರ ಮಕ್ಕಳು ಅಲ್ಲಿನ ಸಾತಕೇರೆ ಏರಿ ಮೇಲೆ ಆಡುತ್ತಿದ್ದರು. ಅಣ್ಣಪ್ಪ ನಾಯ್ಕ ಅವರ ಮಕ್ಕಳಾದ ಕೌಶಿಕ್ ನಾಯ್ಕ, ಕಿಶನ್ ನಾಯ್ಕ ಅವರು ತಮ್ಮ ಗೆಳೆಯ ಆದಿ, ದಿಶಾಂತ ಅವರ ಜೊತೆ ಆಟದಲ್ಲಿ ಮಗ್ನರಾಗಿದ್ದರು. ಈ ವೇಳೆ ತೋಟದಿಂದ ಬೆಟ್ಟದ ಕಡೆ ನಾಗರಾಜ ಚನ್ನಯ್ಯ ಅವರು ಮಂಗನ ಗುಂಪು ಓಡಿಸಿಕೊಂಡು ಬಂದರು. `ಹೂ ಹೋ’ ಎಂದು ಬೊಬ್ಬೆ ಹಾಕುತ್ತ ಬಂದ ನಾಗರಾಜ ಚೆನ್ನಯ್ಯ ಅವರು ಮಂಗಗಳಿಗೆ ಏರಗನ್ ತೋರಿಸಿದರು. ಆ ಮಂಗಗಳು ಸಾತಕೇರೆ ಏರಿ ಹತ್ತಿದ್ದು, ಕೈಯಲ್ಲಿದ್ದ ಏರಗನ್ ಟ್ರಿಗರ್ ಅದುಮಿದರು. ಆ ಗುಂಡು ನೇರವಾಗಿ ಕೌಶಿಕ್ ನಾಯ್ಕ ಅವರ ತೊಡೆಗೆ ತಾಗಿತು. ವ್ಯಾಪಕ ಪ್ರಮಾಣದಲ್ಲಿ ರಕ್ತ ಸುರಿದಿದ್ದು, ಇದನ್ನು ನೋಡಿದ ನಾಗರಾಜ ಚನ್ನಯ್ಯ ಅವರು ಅಲ್ಲಿಂದ ಓಡಿ ಪರಾರಿಯಾದರು. ಆ ಸಮಯದಲ್ಲಿ ಪೇಟೆಗೆ ಹೋಗಿದ್ದ ಅಣ್ಣಪ್ಪ ನಾಯ್ಕ ಅವರು ರಾತ್ರಿ ಮನೆಗೆ ಬಂದರು. ಆಗ, ಅಣ್ಣಪ್ಪ ನಾಯ್ಕ ಅವರ ಪತ್ನಿ ಆತಂಕದಲ್ಲಿದ್ದರು. ಕೌಶಿಕ್ ನಾಯ್ಕ ದೊಡ್ಡದಾಗಿ ಅಳುತ್ತಿದ್ದರು. `ಏನಾಯಿತು?’ ಎಂದು ಪ್ರಶ್ನಿಸಿದಾಗ ಕೌಶಿಕ್ ನಾಯ್ಕ ಕುಂಡೆ ಕಾಣಿಸಿದರು. ಅಲ್ಲಿ ಗುಂಡುಗಳಿರುವುದನ್ನು ಅಣ್ಣಪ್ಪ ನಾಯ್ಕ ಅವರು ನೋಡಿದರು. ಗಂಭೀರ ಪ್ರಮಾಣದಲ್ಲಿ ಗಾಯವಾಗಿರುವುದನ್ನು ಗಮನಿಸಿ ಮಗುವನ್ನು ಆಸ್ಪತ್ರೆಗೆ ದಾಖಲಿಸಿದರು. ಅದಾದ ನಂತರ ನಾಗರಾಜ ಚೆನ್ನಯ್ಯ ಅವರನ್ನು ವಿಚಾರಿಸಲು ಹೋದರು. `ಮಂಗ ಹೆದರಿಸಲು ಹಾರಿಸಿದ ಗುಂಡು ಆಕಸ್ಮಿಕವಾಗಿ ಟ್ರಿಗರ್ ಒತ್ತಿ ಬಾಲಕಿಗೆ ತಾಗಿತು. ಹೀಗಾಗಿ ಹೆದರಿ ಮನೆಗೆ ಬಂದಿದ್ದು, ನಿಮಗೆ ಹೇಳೋಣ ಅನ್ನುವಷ್ಟರಲ್ಲಿ ನೀವೇ ಮನೆಗೆ ಬಂದುಬಿಟ್ಟಿರಿ’ ಎಂದು ನಾಗರಾಜ ಚನ್ನಯ್ಯ ಅವರು ಸಬೂಬು ಹೇಳಿದರು. ಅಕ್ಟೊಬರ್ 11ರವರೆಗೆ ಮಗನಿಗೆ ಚಿಕಿತ್ಸೆ ನೀಡಿದ ಅಣ್ಣಪ್ಪ ನಾಯ್ಕ ಅವರು ಮಗ ಚೇತರಿಸಿಕೊಂಡ ಕಾರಣ ಮನೆಗೆ ಕರೆತಂದರು. ಅದಾದ ನಂತರ ಅಕ್ಟೊಬರ್ 12ರಂದು ಬನವಾಸಿ ಪೊಲೀಸ್ ಠಾಣೆಗೆ ತೆರಳಿ ಗುಂಡಿನ ಕಥೆ ವಿವರಿಸಿದರು. ಪೊಲೀಸರು ನಾಗರಾಜ ಚೆನ್ನಯ್ಯ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಶಿಕಾರಿ ಶೂರರಿಗೆ ದಕ್ಕಲಿಲ್ಲ ಕಾಡು ಮಾಂಸ!](https://mobiletime.in/2025/10/the-brave-hunters-did-not-get-any-wild-meat/): ಶಿರಸಿಯಲ್ಲಿ ಕಾಡು ಪ್ರಾಣಿ ಹತ್ಯೆ ಮಾಡಿದ ದುರುಳರಿಗೆ ಅದರ ಮಾಂಸ ಸೇವಿಸುವ ಭಾಗ್ಯ ಸಿಕ್ಕಿಲ್ಲ. ಕಾಡು ಮಾಂಸ ಬೇಯಿಸುವಾಗಲೇ ಅರಣ್ಯಾಧಿಕಾರಿಗಳು ದಾಳಿ ಮಾಡಿ ಮಾಂಸಪ್ರಿಯರ ಊಟಕ್ಕೆ ಕತ್ತರಿ ಹಾಕಿದ್ದಾರೆ! ಶಿರಸಿ-ಹುಬ್ಬಳ್ಳಿ ರಸ್ತೆಯ ಮುಡೇಬೈಲ್‌ನ ಗಂಗಾಧರ ಗೌಡ, ಶಂಕರ ಗೌಡ ಹಾಗೂ ಶಂಕರ ನಾಯ್ಕ ಸೇರಿ ಶಿಕಾರಿಗೆ ಹೋಗಿದ್ದರು. ರವಿ ಗೌಡ ಹಾಗೂ ಗಣಪತಿ ಗೌಡ ಸಹ ಅವರ ಬೆನ್ನಿಗೆ ಬಿದ್ದಿದ್ದರು. ಈ ಎಲ್ಲರೂ ಸೇರಿ ಕಾಡು ಹಂದಿಯನ್ನು ಭೇಟೆ ಆಡಿದ್ದರು. ಹಂದಿ ಮಾಂಸವನ್ನು ಸರಿಯಾಗಿ ಬೇಯಿಸಿ ಅದನ್ನು ಸಮಪಾಲು ಮಾಡುವ ಬಗ್ಗೆ ಎಲ್ಲರೂ ಮಾತನಾಡಿಕೊಂಡಿದ್ದರು. ಅದರ ಪ್ರಕಾರ ಕಾಡು ಹಂದಿ ಮಾಂಸವನ್ನು ಅವರು ಬೇಯಿಸುತ್ತಿದ್ದರು. ಗುಂಡಿನ ಸದ್ದು ಕೇಳಿದ ಆ ಊರಿನ ಜನ ಅರಣ್ಯಾಧಿಕಾರಿಗಳಿಗೆ ಫೋನ್ ಮಾಡಿದ್ದರು. ಅರಣ್ಯಾಧಿಕಾರಿಗಳು ವಿಚಾರಿಸಿದಾಗ ಐವರು ಕಾಡಿನ ಕಡೆ ಹೋಗಿದ್ದ ವಿಷಯ ಗೊತ್ತಾಯಿತು. ಅದೇ ಸುಳಿವಿನ ಆಧಾರದಲ್ಲಿ ಅರಣ್ಯಾಧಿಕಾರಿಗಳು ದಾಳಿ ನಡೆಸಿದ್ದು, ಮಾಂಸ ಬೇಯಿಸುತ್ತಿದ್ದವರು ಸಿಕ್ಕಿ ಬಿದ್ದರು. ಐವರಲ್ಲಿ ಮೂವರನ್ನು ಬನವಾಸಿ ಅರಣ್ಯ ವಿಭಾಗದ ಅಧಿಕಾರಿಗಳು ಬಂಧಿಸಿದರು. ಇಬ್ಬರು ಪರಾರಿಯಾದರು. ಗಂಗಾಧರ ಗೌಡ, ಶಂಕರ ಗೌಡ ಹಾಗೂ ಶಂಕರ ನಾಯ್ಕ ಸಿಕ್ಕಿಬಿದ್ದವರಾಗಿದ್ದಾರೆ. ರವಿ ಗೌಡ ಹಾಗೂ ಗಣಪತಿ ಗೌಡ ಕಾಡಿನ ಕಡೆ ಓಡಿದ್ದು, ಅವರ ಹುಡುಕಾಟ ಮುಂದುವರೆದಿದೆ.
- [ಭಟ್ಟರ ಮನೆಯಲ್ಲಿ ಬುಸುಗುಟ್ಟ ನಾಗಪ್ಪ](https://mobiletime.in/2025/10/nagappa-who-was-a-drunkard-at-bhatts-house/): ಯಲ್ಲಾಪುರದ ಆರ್ ಜಿ ಭಟ್ಟ ಅವರ ಮನೆಗೆ ನಾಗರ ಹಾವಿನ ಆಗಮನವಾಗಿದ್ದು, ಎನಿಮಲ್ ವೆಲ್‌ಫೆರ್ & ರಿಸರ್ಜ ಪೌಂಡೇಶನ್ ಕಾರ್ಯಕರ್ತರು ಆ ಹಾವನ್ನು ರಕ್ಷಿಸಿ ಕಾಡಿಗೆ ಬಿಟ್ಟಿದ್ದಾರೆ. ಯಲ್ಲಾಪುರದ ಆನಗೋಡಿನಲ್ಲಿ ಆರ್ ಜಿ ಭಟ್ಟ ಅವರು ಸ್ಲಾಪಿನ ಮನೆ ಹೊಂದಿದ್ದಾರೆ. ಆ ಮನೆಗೆ ತಾಗಿ ಗಿಡ ಬೆಳೆದಿದ್ದು, ಇಲಿ ಬೆನ್ನಟ್ಟಿದ ನಾಗರಹಾವು ಆ ಹೂವಿನ ಗಿಡದ ಮೂಲಕ ಮನೆ ಒಳಗೆ ಪ್ರವೇಶಿಸಿದೆ. ಆದರೆ, ಮನೆಯೊಗೆ ಟೈಲ್ಸ ಹಾಗೂ ಗ್ರಾನೆಟ್ ಅಳವಡಿಸಿದ ಕಾರಣ ಹಾವಿಗೆ ಮುಂದೆ ಚಲಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ಅಲ್ಲಿದ್ದ ಟಿಪಾಯಿ ಅಡಿ ಹಾವು ಆಶ್ರಯಪಡೆದಿದ್ದು, ಅದಾದ ನಂತರ ಸಮೀಪದ ಪುಸ್ತಕ ರಾಶಿಯಲ್ಲಿ ಅವಿತುಕೊಂಡಿದೆ. ಹಾವನ್ನು ನೋಡಿದ ಆರ್ ಜಿ ಭಟ್ಟ ಕುಟುಂಬದವರು ಹೌಹಾರಿದ್ದಾರೆ. ಅದಾದ ನಂತರ ಅರಣ್ಯ ಇಲಾಖೆಯವರಿಗೆ ಫೋನ್ ಮಾಡಿದ್ದು, ಅರಣ್ಯ ಇಲಾಖೆಯವರು ಉರಗ ತಜ್ಞ ಅಕ್ಬರ್ ಅವರ ಫೋನ್ ನಂ ಕೊಟ್ಟಿದ್ದಾರೆ. ಅಕ್ಬರ್ ಅವರು ಎನಿಮಲ್ ವೆಲ್‌ಫೆರ್ & ರಿಸರ್ಜ ಪೌಂಡೇಶನ್’ನ ದತ್ತಾತ್ರೇಯ ಮುರ್ಕುಟೆ ಅವರ ಜೊತೆ ಆನಗೋಡಿನ ಭಟ್ಟರ ಮನೆಗೆ ಭೇಟಿ ನೀಡಿದ್ದಾರೆ. ಆವರೆಗೂ ನಾಗರ ಹಾವು ಪುಸ್ತಕ ರಾಶಿಯ ಅಡಿಯೇ ಅವಿತಿದ್ದು, ಉರಗ ತಜ್ಞರು ಅದನ್ನು ಉಪಾಯವಾಗಿ ಹೊರತೆಗೆದರು. ಹಾವಿನ ಬಗ್ಗೆ ಅರಿವು ಮೂಡಿಸಿ ಅದನ್ನು ಅರಣ್ಯಕ್ಕೆ ಬಿಟ್ಟರು. ಹಾವು ಆಗಮನದಿಂದ ಆತಂಕಗೊoಡಿದ್ದ ಭಟ್ಟರ ಕುಟುಂಬದವರು ನಿರಾಳರಾದರು.
- [ಎಣ್ಣೆ ಏಟಿಗೆ ಎಣ್ಣೆ ಲಾರಿ ಪಲ್ಟಿ ಮಾಡಿದ ಚಾಲಕ!](https://mobiletime.in/2025/10/driver-who-overturned-oil-truck-due-to-oil-spill/): ಕಂಠಪೂರ್ತಿ ಮದ್ಯ ಸೇವಿಸಿ ಎಣ್ಣೆ ತುಂಬಿದ ಲಾರಿ ಚಾಲಯಿಸಿದ ಚಾಲಕನೊಬ್ಬ ಆ ಲಾರಿಯನ್ನು ಅಂಕೋಲಾದ ಹಾರವಾಡದಲ್ಲಿ ಪಲ್ಟಿ ಮಾಡಿದ್ದು, ರಸ್ತೆ ಪೂರ್ತಿ ಎಣ್ಣೆ ಬಿದ್ದಿದೆ. ರಸ್ತೆಪೂರ್ತಿ ಎಣ್ಣೆ ಚಲ್ಲಾಪಿಲ್ಲಿಯಾಗಿ ಬಿದ್ದಿದ್ದರಿಂದ ಇತರೆ ವಾಹನ ಸವಾರರು ತೊಂದರೆ ಅನುಭವಿಸಿದರು. ಶುಕ್ರವಾರ ರಾತ್ರಿ 11 ಗಂಟೆ ವೇಳೆಗೆ ಎಣ್ಣೆ ತುಂಬಿದ ಲಾರಿ ಪಲ್ಟಿಯಾಗಿದೆ. ಈ ಲಾರಿ ಮಂಗಳೂರಿನಿAದ ಗೋವಾ ಕಡೆ ಸಂಚರಿಸುತ್ತಿದ್ದು, ಅದರಲ್ಲಿ ಪ್ರಿಯಾ ಆಯಲ್ ಕಂಪನಿಯ ಅಡುಗೆ ಎಣ್ಣೆ ಸಾಗಾಟವಾಗುತ್ತಿತ್ತು. ಏಕಮುಖ ಮಾರ್ಗದಲ್ಲಿ ತಪ್ಪಾಗಿ ಸಂಚರಿಸಿದ ಲಾರಿ ಹಾರವಾಡದ ಬಳಿ ಪಲ್ಟಿಯಾಯಿತು. ಅಪಘಾತದ ವಿಷಯ ಕೇಳಿ ಆಂಬುಲೆನ್ಸಿನವರು ಅಲ್ಲಿಗೆ ಧಾವಿಸಿದರು. ಪೊಲೀಸರು ಸ್ಥಳಕ್ಕೆ ಬಂದಿದ್ದರು. ಲಾರಿಯಲ್ಲಿದ್ದ ಚಾಲಕ ಹಾಗೂ ನಿರ್ವಾಹಕ ಪ್ರಾಣಾಪಾಯದಿಂದ ಪಾರಾಗಿದನ್ನು ನೋಡಿ ಎಲ್ಲರೂ ನಿಟ್ಟುಸಿರು ಬಿಟ್ಟರು. ಅಪಘಾತದಿಂದ ಲಾರಿಯಲ್ಲಿದ್ದ ಎಣ್ಣೆ ರಸ್ತೆಗೆ ಹರಿದಿದ್ದು, ವಾಹನ ಸಂಚಾರ ಅಸ್ತವ್ಯಸ್ಥವಾಗಿತ್ತು. ಬೆಳಗ್ಗೆ ಅವಧಿಗೆ ಸಂಚಾರ ಸುಗಮವಾಯಿತು.
- [ಹೊಂಡದ ಗುಂಡಿಯೇ ಜೀವ ರಕ್ಷಕ!](https://mobiletime.in/2025/10/the-hole-in-the-hole-is-a-lifesaver/): ರಸ್ತೆಗೆ ಬಿದ್ದ ಗುಂಡಿ ಮುಚ್ಚಲು ಯೊಗ್ಯತೆ ಇಲ್ಲದ ಸರ್ಕಾರ `ರಸ್ತೆಗುಂಡಿಗಳಿoದ ಅಪಘಾತ ಪ್ರಮಾಣ ಕಡಿಮೆ ಆಗಿದೆ’ ಎಂದು ಬಿಂಬಿಸಿದೆ. ರಸ್ತೆ ಗುಂಡಿಗೆ ಜನ ಬಿದ್ದು ಸಾವನಪ್ಪಿದ ಉದಾಹರಣೆಗಳಿದ್ದರೂ ಅದನ್ನು ಮರೆಮಾಚಿ `ಗುಂಡಿ ಮುಚ್ಚದಿರುವುದೇ ದೊಡ್ಡ ಸಾಧನೆ’ ಎನ್ನುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಉದ್ದಗಲಕ್ಕೂ ರಸ್ತೆ ಸರಿಯಿಲ್ಲ. ರಾಷ್ಟ್ರೀಯ ಹೆದ್ದಾರಿಯಿಂದಹಿಡಿದು ಗ್ರಾಮೀಣ ರಸ್ತೆಯವರೆಗೆ ಎಲ್ಲಾ ಕಡೆ ರಸ್ತೆ ಹಾಳಾಗಿದೆ. ಅದಕ್ಕಿಂತ ಮುಖ್ಯವಾಗಿ ರಸ್ತೆಯಲ್ಲಿ ದೊಡ್ಡ ದೊಡ್ಡ ಗಾತ್ರದ ಗುಂಡಿಗಳು ಬಿದ್ದಿವೆ. ರಸ್ತೆ ರಿಪೇರಿಗೆ ಆಗ್ರಹಿಸಿ ಈಗಾಗಲೇ ಜನ ಸಿಡಿದೆದ್ದಿದ್ದಾರೆ. ಅನೇಕ ಕಡೆ ಹೋರಾಟಗಳು ನಡೆದಿವೆ. ಇನ್ನೂ ಅನೇಕ ಸಂಘಟನೆಯವರು ಹೋರಾಟದ ಎಚ್ಚರಿಕೆ ನೀಡಿದ್ದಾರೆ. ಸರ್ಕಾರದ ಕ್ರಮವನ್ನು ಹಲವು ಖಂಡಿಸಿದ್ದಾರೆ. ವಾಹನ ಸವಾರರ ಸಮಸ್ಯೆ ಬಗ್ಗೆ ಲಾರಿ ಮಾಲಕ ಸಂಘದವರು ಆಕ್ರೋಶವ್ಯಕ್ತಪಡಿಸುತ್ತಿದ್ದಾರೆ. ಇಷ್ಟೆಲ್ಲ ನಡೆದರೂ ಸರ್ಕಾರ ಮಾತ್ರ ರಸ್ತೆ ಗುಂಡಿ ಮುಚ್ಚುವ ಕೆಲಸ ಮಾಡುತ್ತಿಲ್ಲ. ಕಾರಣ ಸರ್ಕಾರದ ಪ್ರಕಾರ ರಸ್ತೆ ಗುಂಡಿಗಳಿರುವುದರಿoದಲೇ ಅಪಘಾತದ ಪ್ರಮಾಣ ಕಡಿಮೆಯಾಗಿದೆ. ಈ ಬಗ್ಗೆ ಕರ್ನಾಟಕ ಪೊಲೀಸ್ 2024ನೇ ಸಾಲಿನ ರಸ್ತೆ ಅಪಘಾತ ವರದಿಯಲ್ಲಿ ಲೆಕ್ಕಾಚಾರವನ್ನು ಸಹ ನಮೂದಿಸಲಾಗಿದೆ. ಡಾಂಬರು ರಸ್ತೆಗಳಲ್ಲಿ ಡಾಂಬರು ಕಾಣುತ್ತಿಲ್ಲ. ಕಡಿ ರಸ್ತೆಗಳಲ್ಲಿನ ಕಲ್ಲುಗಳು ಮೇಲೆದ್ದಿವೆ. ಹೆದ್ದಾರಿ ಹೊಂಡಗಳಿಗೆ ಹೊಣೆ ಯಾರು? ಎಂಬ ಪ್ರಶ್ನೆ ಜನರನ್ನು ಕಾಡುತ್ತಿದೆ. ಈ ಎಲ್ಲಾ ರಸ್ತೆಗಳಲ್ಲಿ ಬಿದ್ದಿರುವ ಗುಂಡಿಗಳಿAದ ಜನ ಹೈರಾಣಾಗಿದ್ದಾರೆ. ಗುಂಡಿಗಳಿoದ ಅಪಘಾತ, ಸಾವು-ನೋವು ಸಂಭವಿಸುತ್ತಿದೆ. ಆದರೆ, ಇದಕ್ಕೆ ತದ್ವಿರುದ್ಧವಾಗಿ ಪೊಲೀಸ್ ಇಲಾಖೆ ವರದಿ ಸಿದ್ಧಪಡಿಸಿದ್ದು, ರಸ್ತೆ ಗುಂಡಿಗಳಿAದ ಅಪಘಾತ, ಸಾವು, ನೋವು ಹಿಂದಿನ ವರ್ಷಕ್ಕಿಂತ ಕಡಿಮೆಯಾಗಿದೆ ಎಂದು ಉಲ್ಲೇಖಿಸಿದೆ. `ರಾಜ್ಯದಲ್ಲಿ ಕಳೆದ ವರ್ಷದಿಂದ ವಿಪರೀತ ಮಳೆಯಾಗಿ ರಸ್ತೆಗಳು ಹಾಳಾಗುತ್ತಿವೆ. ಈ ಎಲ್ಲದರ ನಡುವೆ ರಾಜ್ಯ ಪೊಲೀಸ್ ಇಲಾಖೆ ಇತ್ತೀಚೆಗೆ ಬಿಡುಗಡೆ ಮಾಡಿದ 2024ನೇ ಸಾಲಿನ ರಸ್ತೆ ಅಪಘಾತ ವರದಿಯಲ್ಲಿ `ರಸ್ತೆ ಗುಂಡಿಗಳಿoದ ಅಪಘಾತ ಮತ್ತು ಜೀವ ಹಾನಿ ಹಿಂದಿನ ವರ್ಷಕ್ಕಿಂತ ಕಡಿಮೆಯಾಗಿದೆ. 2023ನೇ ಸಾಲಿಗೆ ಹೋಲಿಸಿದರೆ ಶೇ.60 ರಷ್ಟು ಗುಂಡಿ ಅಪಘಾತ ಇಳಿದಿದೆ’ ಎಂದು ಬರೆಯಲಾಗಿದೆ. `ರಾಜ್ಯದಲ್ಲಿ 2023ರಲ್ಲಿ ಗುಂಡಿಗಳ ಸಮಸ್ಯೆ ಇದ್ದರೂ ಈಗಿರುವಷ್ಟು ಅತಿಯಾಗಿರಲಿಲ್ಲ. ಆ ವರ್ಷ ರಾಜ್ಯದಲ್ಲಿ ರಸ್ತೆ ಗುಂಡಿಗಳಿAದ 237 ಅಪಘಾತಗಳು ಆಗಿವೆ. ಅಂಥ ಸ್ಥಿತಿಯ 2024ರ ವರ್ಷದಲ್ಲಿ ಗುಂಡಿಗಳಿAದ 93 ಅಪಘಾತವಷ್ಟೇ ಆಗಿವೆ. ಅದರಿಂದ 24 ಜನ ಮೃತಪಟ್ಟಿದ್ದು, 118 ಪ್ರಯಾಣಿಕರು ಗಂಭೀರ ಗಾಯಗೊಂಡಿದ್ದಾರೆ’ ಎಂಬ ಲೆಕ್ಕಾಚಾರ ಸರ್ಕಾರದ ಮುಂದಿದೆ. ರಾಜ್ಯದಲ್ಲಿ 2024ನೇ ಸಾಲಿನಲ್ಲಿ ನಡೆದಿರುವ ಒಟ್ಟು 43,062 ಅಪಘಾತದಲ್ಲಿ 12,390 ಜನ ಮೃತಪಟ್ಟಿದ್ದಾರೆ. ಅದರಲ್ಲಿ 34,623 ಅಪಘಾತಗಳು ನೇರವಾದ ರಸ್ತೆಯಲ್ಲಿ ನಡೆದಿದ್ದು, ಅದರಲ್ಲಿಜ ಒಟ್ಟು 10,186 ಜನ ಮೃತಪಟ್ಟಿದ್ದಾರೆ’ ಎಂದು ವರದಿಯಲ್ಲಿದೆ.
- [ಹೆದ್ದಾರಿ ಹೊಂಡ ತುಂಬಿದ ಕಾಶ್ಮೀರಿ ಸೇಬು!](https://mobiletime.in/2025/10/kashmiri-apple-filled-with-highway-potholes/): ಕಾಶ್ಮೀರದಿಂದ ಮಂಗಳೂರಿಗೆ ಹೋಗುತ್ತಿದ್ದ ಕಾಶ್ಮೀರಿ ಸೇಬು ತುಂಬಿದ ಲಾರಿ ಅಂಕೋಲಾದ ಬಾಳೆಗುಳಿ ತಿರುವಿನಲ್ಲಿ ಪಲ್ಟಿಯಾಗಿದೆ. ಹೀಗಾಗಿ ಸೋಮವಾರ ಸಂಜೆ ರಸ್ತೆ‌ ತುಂಬ ಸೇಬು ಬಿದ್ದಿದ್ದು, ಮಂಗಳವಾರ ಬೆಳಗ್ಗೆ ಅದನ್ನು ತೆರವು ಮಾಡಲಾಗಿದೆ. ಈ ಭಾಗದ ರಾಷ್ಟ್ರೀಯ ಹೆದ್ದಾರಿ ತುಂಬ ಹೊಂಡಗಳು ತುಂಬಿವೆ. ಎಲ್ಲಾ ಕಡೆ ಹೊಂಡ ತಪ್ಪಿಸಿಕೊಂಡು ಬಂದ ಸೇಬು ಲಾರಿ ಚಾಲಕನಿಗೆ ಬಾಳೆಗುಳಿ ತಿರುವಿನಲ್ಲಿ ಅಪಘಾತ ತಪ್ಪಿಸಲು ಸಾಧ್ಯವಾಗಲಿಲ್ಲ. ಇಲ್ಲಿ ಲಾರಿ ಪಲ್ಟಿಯಾಗಿದ್ದರಿಂದ ಸೇಬು ಹಣ್ಣಿನ ಬಾಕ್ಸುಗಳು ರಸ್ತೆಯಲ್ಲಿ ಚೆಲ್ಲಾಪಿಲ್ಲಿಯಾದವು. ಹೆದ್ದಾರಿಯಲ್ಲಿದ್ದ ಹೊಂಡಗಳು ಸೇಬು ಹಣ್ಣಿನಿಂದ ತುಂಬಿದವು. ಕೆಲ ವಾಹನಗಳು ಸೇಬು ಹಣ್ಣಿನ ಮೇಲೆಯೇ ಹತ್ತಿ ಮುಂದೆ ಸಾಗಿದವು. ಇನ್ನೂ ಕೆಲ ವಾಹನದವರು ಸೇಬು ಹಣ್ಣಿನ ಗಾಡಿ ಪಲ್ಟಿಯಾಗಿದನ್ನು ನೋಡಿ ಮರುಕವ್ಯಕ್ತಪಡಿಸಿದರು. ಅನೇಕರು ಹೆದ್ದಾರಿ‌ ತುಂಬಿದ ಹಣ್ಣಿನ ಪೋಟೋ ಕ್ಲಿಕ್ಕಿಸಿದರು ಲಾರಿ ಪಲ್ಟಿಯಾದ ಪರಿಣಾಮ ರಸ್ತೆ ಸಂಚಾರ ಅಸ್ತವ್ಯಸ್ತವಾಗಿತ್ತು. ಪೊಲೀಸರು ಸ್ಥಳಕ್ಕೆ ಬಂದ್ದಿದ್ದು ಕ್ರೇನ್ ಸಹಾಯದಿಂದ ಲಾರಿ ಮೇಲೆತ್ತಿದರು.
- [ಕಾಲೇಜು ಕನ್ಯೆಗೆ ಕಾಮ ಪಾಠ ಮಾಡಿದ ಉಪನ್ಯಾಸಕ!](https://mobiletime.in/2025/10/a-lecturer-who-taught-lust-to-a-college-girl/): ಅಂಕೋಲಾ ಪೂಜಗೇರಿ ಕಾಲೇಜು ಉಪನ್ಯಾಸಕ ರಾಮಚಂದ್ರ ಅಂಕೋಲೆಕರ್ ಅವರು ವಿದ್ಯಾರ್ಥಿನಿಯೊಬ್ಬರಿಗೆ ಕಾಮ ಪಾಠ ಮಾಡಿದ್ದಾರೆ. ಇದನ್ನು ವಿರೋಧಿಸಿ ನೂರಾರು ಜನ ಕಾಲೇಜಿನ ಮುಂದೆ ಪ್ರತಿಭಟಿಸಿದ್ದಾರೆ. ರಾಮಚಂದ್ರ ಅಂಕೋಲೇಕರ ಅವರಿಗೆ ಮೊದಲಿನಿಂದಲೂ ವಿದ್ಯಾರ್ಥಿಗಳಿಗಿಂತಲೂ ವಿದ್ಯಾರ್ಥಿನಿಗಳೆಂದರೆ ಅಚ್ಚುಮೆಚ್ಚು. ಕಂಪ್ಯುಟರ್ ಸೈನ್ಸ್  ಪಾಠ ಮಾಡುವ ಅವಧಿಯಲ್ಲಿಯೂ ಅವರು ಕಾಲೇಜು ಕನ್ಯೆಯರ ಸುತ್ತಲೇ ಸುತ್ತುತ್ತಾರೆ ಎಂಬುದು ಅಲ್ಲಿನವರ ಆರೋಪ. ಇದಕ್ಕೆ ಪುಷ್ಟಿ ಎನ್ನುವಂತೆ ಇದೀಗ ಅದೇ ಕಾಲೇಜಿನ ವಿದ್ಯಾರ್ಥಿನಿಯೊಬ್ಬರು ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದಾರೆ. ಪದೇ ಪದೇ ಅಸಭ್ಯವಾಗಿ ವರ್ತಿಸುವ ಉಪನ್ಯಾಸಕನ ವಿರುದ್ಧ ಊರ‌ ಜನ ತಿರುಗಿ ಬಿದ್ದಿದ್ದು, ಮಂಗಳವಾರ ದಿಢೀರ್ ಪ್ರತಿಭಟನೆ ನಡೆಸಿದರು. ಉಪನ್ಯಾಸಕನ ಕೀಟಲೆಯ ಬಗ್ಗೆ ಮೊದಲೇ ವಿದ್ಯಾರ್ಥಿನಿಯರು ಈ ವಿಷಯವನ್ನು ಪೊಲೀಸರ ಗಮನಕ್ಕೆ ತಂದಿದ್ದರು. ಆದರೂ,‌ ಕ್ರಮವಾಗಿಲ್ಲ ಎಂದು ಪ್ರತಿಭಟನಾಕಾರರು ಆಕ್ರೋಶವ್ಯಕ್ತಪಡಿಸಿದರು. ಕಾಲೇಜು ಆವರಣದಲ್ಲಿ ವಿದ್ಯಾರ್ಥಿನಿಯರು ಪಾಲಕರ ಜೊತೆ ಆಗಮಿಸಿ ಪ್ರತಿಭಟಿಸಿದರು. ಆಡಳಿತ ಮಂಡಳಿಯವರು ಸ್ಥಳಕ್ಕೆ ಬರಬೇಕು ಎಂದು ಪ್ರತಿಭಟನಾಕಾರರು ಪಟ್ಟುಹಿಡಿದರು. ಪೊಲೀಸರು ಪ್ರತಿಭಟನಾಕಾರರನ್ನು ಸಮಾಧಾನ ಮಾಡಿದ್ದು, ತನಿಖೆಯ ಭರವಸೆ ನೀಡಿದರು. ಆರೋಪಿ ವಿರುದ್ಧ ಕಠಿಣ ಕ್ರಮಕ್ಕೆ ಒತ್ತಾಯಿಸಿದರು.
- [ಕೋಟಿ ರೂಪಾಯಿಗೆ ಇಲ್ಲ ವಾರಸುದಾರ!](https://mobiletime.in/2025/10/no-heir-for-crores-of-rupees/): ಗೋವಾದಿಂದ ಬೆಂಗಳೂರು ಹೊರಟಿದ್ದ ಬಸ್ಸು ಹಿಡಿದ ಕಾರವಾರ ಪೊಲೀಸರಿಗೆ ಕೋಟಿ ರೂಪಾಯಿ ಸಿಕ್ಕಿದೆ. ಕೋಟಿ ರೂಪಾಯಿಯ ಒಡೆಯರ ಬಗ್ಗೆ ಪೊಲೀಸರು ಹುಡುಕುತ್ತಿದ್ದಾರೆ. ಸೋಮವಾರ ರಾತ್ರಿ ಗೋವಾದಿಂದ ಖಾಸಗಿ ಬಸ್ಸು ಕಾರವಾರ ಕಡೆ ಹೊರಟಿತು. ಬೆಂಗಳೂರು ಹೋಗಬೇಕಿದ್ದ ಆ ಬಸ್ಸಿನಲ್ಲಿ ಕಲ್ಮೇಶ ಕುಮಾರ ಹಾಗೂ ಬೊಂಬ್ರು ರಾವ್ ಎಂಬಾತರು ಹತ್ತಿದ್ದರು. ಅವರ ಕೈಯಲ್ಲಿದ್ದ ಬ್ಯಾಗಿನಲ್ಲಿ ಒಂದು ಕೋಟಿ ರೂಪಾಯಿ ಹಣವಿದ್ದು, ಈ ವಿಷಯ ಕಾರವಾರ ಡಿವೈಎಸ್ಪಿ ಗಿರೀಶ ಅವರಿಗೆ ಈ ವಿಷಯ ಗೊತ್ತಾಯಿತು. ಮಾಜಾಳಿ ಗಡಿಗೆ ತಮ್ಮ ತಂಡ ಕಳುಹಿಸಿದ ಅವರು ಆ ಬಸ್ಸನ್ನು ಅಲ್ಲಿಯೇ‌ ನಿಲ್ಲಿಸಿದರು. ಬಸ್ಸಿನ ಒಳಗೆ ಹುಡುಕಿದಾಗ ಅಲ್ಲಿ ಕಂದು ಬಣ್ಣದ ಬ್ಯಾಗ್ ಒಂದು ಕಾಣಿಸಿತು. ಆ ಬ್ಯಾಗಿನ ಒಳಗೆ ಕೋಟಿ ರೂಪಾಯಿ ಕಾಣಿಸಿತು. ಆ ಬ್ಯಾಗು ತಪಾಸಣೆ ಮಾಡಿದಾಗ ನಿರೀಕ್ಷೆಯಂತೆ ಕೋಟಿ ರೂಪಾಯಿ ಕಾಣಿಸಿತು. ಕಲ್ಮೇಶ ಕುಮಾರ ಹಾಗೂ ಬೊಂಬ್ರು ರಾವ್ ಅವರ ಬಳಿ ಪ್ರಶ್ನಿಸಿದಾಗ ಆ ಹಣದ ಬಗ್ಗೆ ಬಾಯ್ಬಿಡಲಿಲ್ಲ. ಆದರೂ ಪೊಲೀಸರು ಆ ಹಣದ‌ ಮೂಲ ಶೋಧ ನಡೆಸಿದರು. mxon ಎಂಬ ಎಲೆಕ್ಟಿಕ್ ಕಂಪನಿಗೆ ಸೇರಿದ ಹಣ ಇದಾಗಿರುವ ಬಗ್ಗೆ ಶಂಕಿಸಲಾಯಿತು. ತೆರಿಗೆ ತಪ್ಪಿಸಲು ಈ ಹಣವನ್ನು ವಾಮಮಾರ್ಗದಲ್ಲಿ ಸಾಗಿಸುತ್ತಿರುವ ಬಗ್ಗೆ ಅಂದಾಜಿಸಲಾಯಿತು. ಸಿಕ್ಕ ಹಣವನ್ನು ಪೋಲೀಸರು ಆದಾಯ ತೆರಿಗೆ ಇಲಾಖೆಯವರ ಗಮನಕ್ಕೆ ತಂದರು. ಅಲ್ಲಿನ ಅಧಿಕಾರಿಗಳು ಇನ್ನಷ್ಟು ಆಳಕ್ಕೆ ಇಳಿದು ತನಿಖೆ ಶುರು ಮಾಡಿದರು.
- [2025 ಅಕ್ಟೊಬರ್ 28ರ ದಿನ ಭವಿಷ್ಯ](https://mobiletime.in/2025/10/prediction-for-october-28-2025/): ಮೇಷ ರಾಶಿ: ನಿಮ್ಮ ಕೆಲಸದಲ್ಲಿ ಉತ್ತಮ ಫಲಿತಾಂಶ ಸಿಗಲಿದೆ. ಆರೋಗ್ಯದಲ್ಲಿ ಎಚ್ಚರಿಕೆ ಅಗತ್ಯ. ಕುಟುಂಬದಲ್ಲಿ ಸೌಹಾರ್ದತೆ ಹಾಗೂ ಹಣಕಾಸಿನಲ್ಲಿ ಸ್ಥಿರತೆ ಕಾಣಲಿದೆ. ವೃಷಭ ರಾಶಿ: ಕೆಲಸದಲ್ಲಿ ಹೊಸ ಅವಕಾಶಗಳು ಬರುತ್ತವೆ. ಆರೋಗ್ಯದಲ್ಲಿ ಚೇತರಿಕೆ ಕಾಣಲಿದೆ. ಕುಟುಂಬದ ಸದಸ್ಯರೊಂದಿಗೆ ಒಳ್ಳೆಯ ಸಮಯ. ಹಣದ ವ್ಯಯ ಎಚ್ಚರಿಕೆಯಿಂದ ಮಾಡಿ. ಮಿಥುನ ರಾಶಿ: ಆತ್ಮವಿಶ್ವಾಸದಿಂದ ಕೆಲಸ ಮಾಡಿ. ಕೆಲಸದಲ್ಲಿ ಹೊಸ ಆಯ್ಕೆ ಸಿಕ್ಕರೆ ಒಪ್ಪಿಕೊಳ್ಳಿ. ಆರೋಗ್ಯದಲ್ಲಿ ಸಣ್ಣ ಸಮಸ್ಯೆ ಬರುವ ಲಕ್ಷಣವಿದೆ. ಕರ್ಕ ರಾಶಿ: ಕೆಲಸದಲ್ಲಿ ಯಶಸ್ಸು ಸಿಗಲಿದೆ. ನಿಮ್ಮ ಆರೋಗ್ಯ ಉತ್ತಮವಾಗಿರಲಿದೆ. ಸಂತೋಷದ ವಾತಾವರಣ ಕಾಣಲು ಸಾಧ್ಯ. ಸಿಂಹ ರಾಶಿ: ನಿಮ್ಮ ಮನೋಬಲ ಹೆಚ್ಚಲಿದೆ. ಉದ್ಯೋಗದ ಅವಕಾಶ ಸಿಗಲಿದೆ. ಆರೋಗ್ಯದಲ್ಲಿ ಬದಲಾವಣೆ ಆಗುವ ಸಾಧ್ಯತೆಯಿದೆ. ಕನ್ಯಾ ರಾಶಿ: ಕೆಲಸಗಳಲ್ಲಿ ಚುರುಕು ಮೂಡಲಿದೆ. ಆರೋಗ್ಯ ಸಮತೋಲನ ಕಾಯ್ದುಕೊಳ್ಳುವುದು ಮುಖ್ಯ. ಸ್ನೇಹಿತರೊಂದಿಗೆ ಹೊಸ ಯೋಜನೆಗೆ ಅವಕಾಶವಿದೆ. ಖರ್ಚು ಅಥವಾ ಹೂಡಿಕೆ ವಿಚಾರದಲ್ಲಿ ಚಿಂತನೆ ಅಗತ್ಯ. ತುಲಾ ರಾಶಿ: ಉದ್ಯೋಗದಲ್ಲಿ ಹೊಸ ಗುರಿ ಸಾಧನೆ ಸಾಧ್ಯವಿದೆ. ಆರೋಗ್ಯ ದೃಷ್ಠಿಯಲ್ಲಿ ಸುಧಾರಣೆ ಆಗಲಿದೆ. ಕುಟುಂಬದಲ್ಲಿ ಸಂಭ್ರಮ .ಹಾಗೂ ಸ್ನೇಹಿತರಿಂದ ಸಹಾಯ ನಿರೀಕ್ಷಿಸಬಹುದು. ವೃಶ್ಚಿಕ ರಾಶಿ: ಕೆಲಸದ ವಿಷಯದಲ್ಲಿ ಗಂಭೀರತೆ ಅಗತ್ಯ. ಆರೋಗ್ಯ ಉತ್ತಮವಾಗಿರಲಿದೆ. ಹಣದ ಲಾಭ ಸಾಧ್ಯವಿದೆ. ನಿರಂತರ ಪ್ರಯತ್ನಗಳಿಂದ ಯಶಸ್ಸು ಖಚಿತ. ಧನು ರಾಶಿ: ಹೊಸ ಚಿಂತನೆ ಆವರಿಸಲಿದೆ. ಆರೋಗ್ಯದ ಬಗ್ಗೆ ಎಚ್ಚರಿಕೆ ಬೇಕು. ಹಣಕಾಸಿನ ಪರಿಸ್ಥಿತಿಯಲ್ಲಿ ಸುಧಾರಣೆ ಆಗಲಿದೆ. ಮಕರ ರಾಶಿ: ಕೆಲಸದಲ್ಲಿ ಉತ್ತಮ ಫಲಿತಾಂಶ ಸಿಗಲಿದೆ. ಕುಟುಂಬದಲ್ಲಿ ನೆಮ್ಮದಿಯ ವಾತಾವರಣ ಮೂಡಿ ಬರಲಿದೆ. ಹೊಸ ಅವಕಾಶಗಳನ್ನು ಬಳಸಿಕೊಳ್ಳಿ. ಕುಂಭ ರಾಶಿ: ನಿಮ್ಮ ಯೋಜನೆಗಳು ಯಶಸ್ವಿಯಾಗಲಿದೆ. ಕುಟುಂಬದಲ್ಲಿ ಸರಿಯಾದ ಮಾತುಕಥೆ ನಡೆಯಲಿದೆ. ಸ್ನೇಹಿತರಿಂದ ಸಹಾಯ ಸಿಗಲಿದೆ. ಮೀನ ರಾಶಿ: ಕೆಲಸಗಳಲ್ಲಿ ಪ್ರಗತಿ ಸಾಧ್ಯವಿದೆ. ಆರೋಗ್ಯ ಸುಧಾರಣೆ ಸಾಧ್ಯವಿದೆ. ಒಳ್ಳೆಯ ಸಂಗತಿಗಳು ನಡೆಯುತ್ತವೆ.
- [ಚರ್ಚಿಗೆ ಬಂದವರಿಗೆ ಮಾತ್ರ ಸರ್ಕಾರಿ ಸೌಲತ್ತು!](https://mobiletime.in/2025/10/government-welfare-only-for-those-who-come-to-church/): ಪ್ರತಿ ಭಾನುವಾರ ಚರ್ಚಿಗೆ ಬಂದರೆ ಮಾತ್ರ ಗ್ರಾಮ ಪಂಚಾಯತದ ಸೌಲಭ್ಯ ಕೊಡಿಸುವುದಾಗಿ ಜನಪ್ರತಿನಿಧಿಯೊಬ್ಬರು ಶಿರಸಿಯ ಬನವಾಸಿ ಬಳಿಯ ಮಹಿಳೆಗೆ ಆಮೀಷ ಒಡ್ಡಿದ್ದಾರೆ. ಇದಕ್ಕೆ ಒಪ್ಪದೇ ಇದ್ದಾಗ ಗುಂಪಿನಲ್ಲಿ ಬಂದು ಮಹಿಳೆ ಕುಟುಂಬದವರ ಮೇಲೆ ಹಲ್ಲೆ ನಡೆಸಿದ್ದಾರೆ! ಶಿರಸಿ ತಾಲೂಕಿನ ವಡಗೇರಿಯಲ್ಲಿ ವಾಸವಾಗಿರುವ ಪರಿಶಿಷ್ಟ ಸಮುದಾಯದ ಸುಜಾತಾ ಲಮಾಣಿ ಅವರು ಕೃಶ್ಚಿಯನ್ ಸಮುದಾಯದ ರಾಜೇಶ್ ಲೂದ್ರಿಂಗ್ ಅವರನ್ನು ವರಿಸಿದ್ದರು. ಸುಜಾತಾ ಅವರ ಇಬ್ಬರು ಮಕ್ಕಳು ಹಾಗೂ ರಾಜೇಶ ಅವರ ಜೊತೆ ಅವರ ತಾಯಿ ರೋಜಿ ಒಟ್ಟಿಗೆ ವಾಸವಿದ್ದರು. ಬೇರೆ ಧರ್ಮದವರನ್ನು ಮದುವೆ ಆದರೂ ಸುಜಾತಾ ಲಮಾಣಿ ಅವರು ಆಚರಣೆ ಬಿಟ್ಟಿರಲಿಲ್ಲ. ಈ ಬಗ್ಗೆ ರಾಜೇಶ ಕುಟುಂಬದವರು ಸಹ ಆಕ್ಷೇಪಣೆ ಸಲ್ಲಿಸಿರಲಿಲ್ಲ. ಗಂಡ-ಹೆoಡತಿಯ ಧರ್ಮ ಬೇರೆ ಆದರೂ ಅವರ ಸಂಸಾರದಲ್ಲಿ ಯಾವ ಸಮಸ್ಯೆ ಬಂದಿರಲಿಲ್ಲ. ಹೀಗಿರುವಾಗ, ಎಕ್ಕಂಬಿ ಗ್ರಾಮದ ಗ್ರಾ ಪಂ ಸದಸ್ಯರೂ ಆಗಿರುವ ಪ್ರಾನ್ಸಿಸ್ ಫರ್ನಾಂಡಿಸ್ ಅವರು ಸುಜಾತಾ ಅವರ ಕುಟುಂಬಕ್ಕೆ ಕಾಡಲು ಶುರು ಮಾಡಿದರು. ಸುಜಾತಾ ಲಮಾಣಿ ಅವರಿಗೂ ಪದೇ ಪದೇ ಧರ್ಮ ಬದಲಿಸುವಂತೆ ಅವರು ಒತ್ತಡ ಹಾಕಿದರು. ಪ್ರತಿ ಭಾನುವಾರ ಚರ್ಚಿಗೆ ಬರುವಂತೆ ಒತ್ತಾಯಿಸಿದರು. ಆದರೆ, ಸುಜಾತಾ ಲಮಾಣಿ ಅವರು ಇದಕ್ಕೆ ಒಪ್ಪಲಿಲ್ಲ. ಹೀಗಾಗಿ ಪ್ರಾನ್ಸಿಸ್ ಫರ್ನಾಂಡಿಸ್ ರಾಜಕೀಯ ಪ್ರಭಾವ ಬೀರಿ ಅವರ ಕುಟುಂಬಕ್ಕೆ ತೊಂದರೆ ಕೊಡಲು ಶುರು ಮಾಡಿದರು. ಅಕ್ಟೊಬರ್ 18ರಂದು ವಡಗೇರಿಯ ನರ್ಮಲಾ ಕರಂಜಿ ಕ್ರಸ್ತಧರ್ಮದ ಪ್ರಾರ್ಥನೆ ನಡೆಯುತ್ತಿತ್ತು. ಸುಜಾತಾ ಲಮಾಣಿ ಅವರಿಗೂ ಪ್ರಾರ್ಥನೆಗೆ ಬರುವಂತೆ ಆಮಂತ್ರಣ ಬಂದಿತು. ಆದರೆ, ಅವರು ಅಲ್ಲಿಗೆ ಹೋಗಲಿಲ್ಲ. ಇದರಿಂದ ಸಿಟ್ಟಾದ ಪ್ರಾನ್ಸಿಸ್ ಫರ್ನಾಂಡಿಸ್ ಅವರು ಸುಜಾತಾ ಅವರ ಮನೆಗೆ ನುಗ್ಗಿದರು. ಅವರ ಜೊತೆಯಿದ್ದ ಇನಾಸ್ ಫರ್ನಾಂಡೀಸ್, ಪ್ರಾನ್ಸಿಸ್ ಲುದ್ರಿಂಗ್, ಆಗ್ನೆಲ್ ಡಿಸೋಜಾ, ಪ್ರೇಮಾ ಪ್ರಾನ್ಸಿಸ್ ಲುದ್ರಿಂಗ್ ಹಾಗೂ ನರ್ಮಲಾ ಕರಂಜಿ ಸೇರಿ ಸುಜಾತಾ ಅವರ ಕುಟುಂಬದವರ ಮೇಲೆ ದಬ್ಬಾಳಿಕೆ ನಡೆಸಿದರು. ಈ ವೇಳೆ ಅವರೆಲ್ಲರೂ ಸೇರಿ ಸುಜಾತಾ ಹಾಗೂ ಅವರ ಅತ್ತೆ ರೋಜಿ ಅವರ ಮೇಲೆ ಹಲ್ಲೆ ಮಾಡಿದರು. ಸುಜಾತಾ ಅವರ ಕೂದಲು ಹಿಡಿದು ಎಳೆದರು. ರೋಜಿ ಅವರನ್ನು ಗೋಡೆಗೆ ದೂಡಿ ನೋವು ಮಾಡಿದರು. ಉಳಿದವರು ವಿವಿಧ ವಸ್ತುಗಳಿಂದ ಹೊಡೆದರು. ಈ ವೇಳೆ ಪ್ರೇಮಾ ಅವರು ಸುಜಾತಾ ಅವರಿಗೆ ಚಪ್ಪಲಿಯಿಂದ ಥಳಿಸಿದರು. ನಿರ್ಮಲ ಕರಂಜಿ ಅವರು ರೋಜಿ ಅವರಿಗೆ ದೊಣ್ಣೆಯಿಂದ ಹೊಡೆದರು. ಕೊನೆಗೆ `ನಿಮಗೆ ಗ್ರಾಮ ಪಂಚಾಯತದ ಸೌಲಭ್ಯ ಬೇಕು ಎಂದರೆ ಚರ್ಚಿಗೆ ಬರಬೇಕು’ ಎಂದು ಗ್ರಾ ಪಂ ಸದಸ್ಯ ಪ್ರಾನ್ಸಿಸ್ ಫರ್ನಾಂಡಿಸ್ ಎಚ್ಚರಿಕೆ ನೀಡಿದರು. `ಚರ್ಚಿಗೆ ಬರದೇ ಇದ್ದರೆ ಮಣ್ಣಿನಲ್ಲಿ ಹೂತು ಹಾಕುವೆ’ ಎಂದು ಬೆದರಿಸಿದರು. ಈ ಎಲ್ಲಾ ಘಟನಾವಳಿಗಳ ಬಗ್ಗೆ ಸುಜಾತಾ ಲಮಾಣಿ ಅವರು ಬನವಾಸಿ ಪೊಲೀಸ್ ಠಾಣೆಗೆ ತೆರಳಿ ದೂರಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಕೆಡಿಸಿಸಿ ಕದನ ಕುತೂಹಲ: ಶಾಸಕರ ಗೆಲುವಿಗೆ ಎದುರಾಳಿಗಳ ಸಹಕಾರ!](https://mobiletime.in/2025/10/kdcc-battle-opponents-cooperation-for-mlas-victory/): ಯಲ್ಲಾಪುರ ಮತಕ್ಷೇತ್ರದಲ್ಲಿ ಬಿಜೆಪಿ ಬೆಂಬಲಿತ ಸಹಕಾರಿ ಭಾರತಿಯ ಸೊಸೈಟಿಗಳು ಹೆಚ್ಚಿದ್ದರೂ ಕೆಡಿಸಿಸಿ ಬ್ಯಾಂಕಿನ ಚುನಾವಣೆಯಲ್ಲಿ ಸಹಕಾರಿ ಭಾರತಿಯ ಅಧಿಕೃತ ಅಭ್ಯರ್ಥಿಗೆ 2ಕ್ಕಿಂತ ಹೆಚ್ಚು ಮತ ಬೀಳಲಿಲ್ಲ. ಸಹಕಾರಿ ಭಾರತಿ ಅಡಿ ಗೆಲುವು ಸಾಧಿಸಿದ್ದ ಸೊಸೈಟಿ ಪ್ರತಿನಿಧಿಗಳು ಬಿಜೆಪಿಯ ಎದುರಾಳಿ ಅಭ್ಯರ್ಥಿ ಜೊತೆ ಕೈ ಕುಲುಕಿದ ಕಾರಣ ಸಹಕಾರಿ ಭಾರತಿಯ ಗೋಪಾಲಕೃಷ್ಣ ಗಾಂವ್ಕರ್ ಸೋಲು ಅನುಭವಿಸಿದರು. ಸಹಕಾರಿ ಭಾರತಿಯವರ ಸಹಕಾರದಿಂದಲೇ ಕೆಡಿಸಿಸಿ ಬ್ಯಾಂಕಿನ ಅಧ್ಯಕ್ಷರೂ ಆಗಿದ್ದ ಶಿವರಾಮ ಹೆಬ್ಬಾರ್ ಅವರು ಸರಳವಾಗಿ ಗೆಲುವು ಸಾಧಿಸಿದರು! ಗೋಪಾಲಕೃಷ್ಣ ಗಾಂವ್ಕರ್ ಅವರು ಯಲ್ಲಾಪುರ ಮತಕ್ಷೇತ್ರದಿಂದ ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕ ಸ್ಥಾನಕ್ಕೆ ಆಯ್ಕೆ ಬಯಸಿದ್ದರು. ಕೆಡಿಸಿಸಿ ಬ್ಯಾಂಕಿನ ಅಧ್ಯಕ್ಷರು ಆಗಿ, ಕ್ಷೇತ್ರದ ಶಾಸಕರು ಆಗಿರುವ ಶಿವರಾಮ ಹೆಬ್ಬಾರ್ ಅವರ ವಿರುದ್ಧ ಅವರು ಸ್ಪರ್ಧೆ ಒಡ್ಡಿದ್ದರು. ಯಲ್ಲಾಪುರದ ಆನಗೋಡು ಸೊಸೈಟಿಯ ಮೂಲಕ ಗೋಪಾಲಕೃಷ್ಣ ಗಾಂವ್ಕರ್ ಅವರು ಪ್ರತಿನಿಧಿಸಿದ್ದರು. ಗೋಪಾಲಕೃಷ್ಣ ಗಾಂವ್ಕರ್ ಅವರಿಗೆ ಎದುರಾಳಿಯಾಗಿರುವ ಶಿವರಾಮ ಹೆಬ್ಬಾರ್ ಅವರು ಇಡಗುಂದಿ ಸೊಸೈಟಿ ಮೂಲಕ ಅಖಾಡಕ್ಕೆ ಇಳಿದಿದ್ದರು. `ಸಹಕಾರಿ ಭಾರತಿ ಅಡಿಯಲ್ಲಿ ಯಲ್ಲಾಪುರದ 9 ಸೊಸೈಟಿಗಳಿದ್ದು, ಆ ಎಲ್ಲಾ ಸೊಸೈಟಿವರು ತಮ್ಮನ್ನು ಬೆಂಬಲಿಸುತ್ತಾರೆ’ ಎಂದು ಗೋಪಾಲಕೃಷ್ಣ ಗಾಂವ್ಕರ್ ಅವರು ಭಾವಿಸಿದ್ದರು. ಆದರೆ, ಅನೇಕ ಘಟಾನುಘಟಿ ನಾಯಕರು ಸಹಕಾರಿ ಭಾರತಿಯಿಂದ ಸ್ಪರ್ಧಿಸಿದ್ದ ಗೋಪಾಲಕೃಷ್ಣ ನಾಯಕರಿಗೆ ಕೈ ಕೊಟ್ಟು ಎದುರಾಳಿ ಶಿವರಾಮ ಹೆಬ್ಬಾರ್ ಅವರ ಕೈ ಹಿಡಿದರು! ಸಹಕಾರಿ ಭಾರತಿ ಅಡಿಯಲ್ಲಿರುವ ಸೊಸೈಟಿಗಳು ಗೋಪಾಲಕೃಷ್ಣ ಗಾಂವ್ಕರ್ ಅವರಿಗೆ ಬೆಂಬಲ ನೀಡಿದ್ದರೆ ಕನಿಷ್ಟ ಅವರಿಗೆ 9 ಮತಗಳು ಬೀಳಬೇಕಿತ್ತು. ಆದರೆ, ಗೋಪಾಲಕೃಷ್ಣ ಗಾಂವ್ಕರ್ ಅವರಿಗೆ ಬರೇ ಎರಡು ಮತಗಳು ಮಾತ್ರ ಸಿಕ್ಕವು. ಅದರಲ್ಲಿ ಒಂದು ಮತ ಅವರದ್ದೇ ಆಗಿದ್ದು, ಮದನೂರು ಸೊಸೈಟಿಯವರು ಗೋಪಾಲಕೃಷ್ಣ ಗಾಂವ್ಕರ್ ಅವರನ್ನು ಬೆಂಬಲಿಸಿದರು. ಗೋಪಾಲಕೃಷ್ಣ ಗಾಂವ್ಕರ್ ಅವರಿಗೆ ಬೀಳಬಹುದಾದ ಇನ್ನೊಂದು ಮತ ನ್ಯಾಯಾಲಯದ ಆವರಣ ಪ್ರವೇಶಿಸಿತು. ಕಣ್ಣಿಗೇರಿ, ನಂದೂಳ್ಳಿ ಭಾಗದ ಮತಗಳು ಕೋರ್ಟು-ಕಚೇರಿ ಅಲೆದಾಟದ ಕಾರಣದಿಂದ ಚಲಾವಣೆ ಆಗಲಿಲ್ಲ. ಹೀಗಾಗಿ ಯಲ್ಲಾಪುರ ಮತಕ್ಷೇತ್ರದಲ್ಲಿ 16 ಸೊಸೈಟಿಯ ಮತಗಳಿದ್ದರೂ ಅದರಲ್ಲಿ 13 ಮಾತ್ರ ಚಲಾವಣೆ ನಡೆಯಿತು. ಕಳಚೆ, ದೆಹಳ್ಳಿ, ಮಲವಳ್ಳಿ ಮತಗಳ ನಿರೀಕ್ಷೆಯಲ್ಲಿದ್ದು, ಗೆಲುವು ಸುಲಭ ಎಂದುಕೊoಡಿದ್ದ ಸಹಕಾರಿ ಭಾರತಿಯ ಲೆಕ್ಕಾಚಾರ ತಲೆಕೆಳಗಾಯಿತು! ಸಹಕಾರಿ ಭಾರತಿಯವರ ಸಹಕಾರದಿಂದಲೇ ಶಿವರಾಮ ಹೆಬ್ಬಾರ್ ಅವರು ಮತ್ತೊಮ್ಮೆ ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕರಾದರು. ಮಂಕಾಳು ವೈದ್ಯ ಬಣದ ಮೂವರು ಮಾತ್ರ ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕರಾಗಿದ್ದು, ಶಿವರಾಮ ಹೆಬ್ಬಾರ್ ಬಣದವರೇ ಹೆಚ್ಚಿದ್ದ ಕಾರಣ ಈ ಬಾರಿಯೂ ಶಿವರಾಮ ಹೆಬ್ಬಾರ್ ಅವರೇ ಕೆಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾಗುವ ಸಾಧ್ಯತೆ ಹೆಚ್ಚಿದೆ.
- [`ಕೆಲಸ ಮಾಡದ ಅಧಿಕಾರಿ-ಸಿಬ್ಬಂದಿ ವರ್ಗಾವಣೆಗೆ ಆಗ್ರಹ'](https://mobiletime.in/2025/10/demand-for-transfer-of-officers-and-staff-who-have-worked/): `ಕುಮಟಾ ತಹಶೀಲ್ದಾರ್ ಕಚೇರಿಯಲ್ಲಿ ಅನೇಕ ವರ್ಷಗಳಿಂದ ಬೀಡುಬಿಟ್ಟುರುವ ಅಧಿಕಾರಿ-ಸಿಬ್ಬಂದಿಯನ್ನು ಬೇರೆ ಕಡೆ ವರ್ಗಾಯಿಸಬೇಕು’ ಎಂದು ಹೊಲನಗದ್ದೆಯ ಗಣಪತಿ ಪಟಗಾರ ಅವರ ಮುಂದಾಳತ್ವದಲ್ಲಿ ಆ ಭಾಗದ ಜನ ಸಹಿ ಸಂಗ್ರಹ ಮಾಡಿದ್ದಾರೆ. ಅದಾದ ನಂತರ ಆ ಪತ್ರವನ್ನು ಕಂದಾಯ ಸಚಿವರಿಗೆ ಹಾಗೂ ಜಿಲ್ಲಾಧಿಕಾರಿಗಳಿಗೆ ಕಳುಹಿಸಿದ್ದಾರೆ. ಕುಮಟಾದ ಹಣ್ಣೇಮಠದ ಗಣಪತಿ ಪಾಂಡು ಪಟಗಾರ ಅವರ ತಂದೆ ಹೆಸರಿನಲ್ಲಿ 3 ಗುಂಟೆ ಭೂಮಿಯಿದ್ದು, ಆ ಭೂಮಿಯ ಹಕ್ಕುದಾರರಿಗೆ ಹಂಚುವುದಕ್ಕಾಗಿ ಗಣಪತಿ ಪಟಗಾರ ಅವರು ಓಡಾಡುತ್ತಿದ್ದಾರೆ. ಇದಕ್ಕಾಗಿ ಅವರು ಗ್ರಾಮ ಲೆಕ್ಕಾಧಿಕಾರಿಗಳಿಗೆ ಅರ್ಜಿ ಕೊಟ್ಟಿದ್ದು, ಆ ಕಡತ ತಹಶೀಲ್ದಾರ್ ಕಚೇರಿ ಸೇರಿದೆ. ಆದರೆ, ಅಲ್ಲಿಂದ ಮುಂದಿನ ಕೆಲಸ ಆಗುತ್ತಿಲ್ಲ ಎಂಬುದು ಗಣಪತಿ ಪಟಗಾರ ಅವರ ಆರೋಪ. `ನಿಯಮಗಳ ಪ್ರಕಾರ 45 ದಿನದಲ್ಲಿ ಮುಗಿಯಬೇಕಾದ ಕೆಲಸ 5 ತಿಂಗಳು ಕಳೆದರೂ ಆಗುತ್ತಿಲ್ಲ. ತಹಶೀಲ್ದಾರರು ನಮ್ಮ ಅರ್ಜಿ ಮೂಲೆಗೆ ತಳ್ಳಿದ್ದು, ತಹಶೀಲ್ದಾರರನ್ನು ಸೇರಿ ಅನೇಕ ವರ್ಷಗಳಿಂದ ಅಲ್ಲಿ ಬೀಡುಬಿಟ್ಟಿರುವ ಅಧಿಕಾರಿ-ಸಿಬ್ಬಂದಿಯನ್ನು ವರ್ಗಾಯಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಕಾಗದಪತ್ರ ಸರಿಯಾಗಿ ಆಗದ ಕಾರಣ ಜಮೀನಿನ ಮೇಲೆ ಸಾಲ ತೆಗೆಯಲು ಆಗುತ್ತಿಲ್ಲ. ಇದರಿಂದ ಮಕ್ಕಳ ಮದುವೆ-ಉನ್ನತ ಶಿಕ್ಷಣಕ್ಕೆ ಅಡ್ಡಿಯಾಗಿದೆ’ ಎಂದವರು ವಿವರಿಸಿದ್ದಾರೆ. `ಕುಮಟಾ ಕಚೇರಿಯಲ್ಲಿ 22 ವರ್ಷಗಳಿಂದ ವರ್ಗಾವಣೆ ಆಗದ ನೌಕರರಿದ್ದಾರೆ. 3 ವರ್ಷ ಮೇಲ್ಪಟ್ಟ ಪ್ರತಿಯೊಬ್ಬರನ್ನು ಬೇರೆ ಕಡೆ ವರ್ಗಾಯಿಸಬೇಕು’ ಎಂದು ನಿವೃತ್ತ ಅಧಿಕಾರಿ ನಾಗೇಶ ಅವರು ಹೇಳಿದ್ದಾರೆ. ಆ ಭಾಗದ ತಿಮ್ಮಣ್ಣ, ಸುನಿಲ, ರಮೇಶ್, ವೆಂಕಟ ರಮಣ ಇತರರು ಪತ್ರಕ್ಕೆ ಸಹಿ ಹಾಕಿದ್ದಾರೆ.
- [ಕೆಡಿಸಿಸಿ ಕದನ ಕುತೂಹಲ: ತನ್ನ ಮತವನ್ನು ಬೇರೆಯವರಿಗೆ ಚಲಾಯಿಸಿದ ಶಾಸಕ!](https://mobiletime.in/2025/10/kdcc-mla-who-cast-his-vote-for-someone-else/): ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕ ಸ್ಥಾನಬಯಸಿ ಸ್ಪರ್ಧೆ ಒಡ್ಡಿದ್ದ ಕಾರವಾರ-ಅಂಕೋಲಾ ವಿಧಾನಸಭಾ ಕ್ಷೇತ್ರ ಶಾಸಕ ಸತೀಶ್ ಸೈಲ್ ಅವರು ತಮ್ಮ ಮತವನ್ನು ಬೇರೆಯವರಿಗೆ ಹಾಕಿದ್ದಾರೆ. (ಈ ವರದಿ ಜೊತೆ ಪ್ರಕಟವಾಗಿದ್ದು AI ತಂತ್ರಜ್ಞಾನ ರಚಿಸಿದ ಮತದಾನದ ಸಾಂದರ್ಭಿಕ ಚಿತ್ರ) ಹೀಗಾಗಿ ಚುನಾವಣಾ ಕಣದಲ್ಲಿದ್ದ ಸತೀಶ್ ಸೈಲ್ ಅವರಿಗೆ ಒಂದು ಮತ ಸಹ ಬಿದ್ದಿಲ್ಲ. ಐದು ವರ್ಷಗಳ ಹಿಂದೆಯೇ ಸತೀಶ್ ಸೈಲ್ ಅವರು ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕ ಸ್ಥಾನದ ಆಕಾಂಕ್ಷಿಯಾಗಿದ್ದರು. ಆದರೆ, ಆ ಅವಧಿಯಲ್ಲಿ ಸತೀಶ್ ಸೈಲ್ ಅವರಿಗೆ ಸೂಚಕರು ಸಹ ಇರಲಿಲ್ಲ. ಆ ಅವಧಿಯಲ್ಲಿ ಕಾರವಾರ ಮತಕ್ಷೇತ್ರದಿಂದ ಪ್ರಕಾಶ ಗುನಗಿ ಅವರು ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕರಾದರು. ಈ ಬಾರಿ ಪ್ರಕಾಶ ಗುನಗಿ ಅವರಿಗೆ ಸೆಡ್ಡುಹೊಡೆಯುವುದಕ್ಕಾಗಿ ಮತ್ತೆ ಸತೀಶ್ ಸೈಲ್ ಅವರು ಪ್ರಯತ್ನಿಸಿದರು. ಕಳೆದ ಚುನಾವಣೆಯಲ್ಲಿ ಪ್ರಕಾಶ ಗುನಗಿ ಅವರ ಪರವಾಗಿದ್ದವರನ್ನು ಈ ಬಾರಿ ತಮ್ಮಕಡೆ ಸೆಳೆಯುವಲ್ಲಿ ಯಶಸ್ವಿಯಾದರು. ಅವರೇ ಸತೀಶ್ ಸೈಲ್ ಅವರಿಗೆ ನಾಮಪತ್ರ ಸಲ್ಲಿಕೆ ವೇಳೆ ಸೂಚಕರಾದರು. ಆದರೆ, ಆ ದಿನ ಸೂಚಕರಾದವರು ಮೊನ್ನೆ ನಡೆದ ಮತದಾನದ ಅವಧಿಯಲ್ಲಿ ಸತೀಶ್ ಸೈಲ್ ಅವರಿಗೆ ಮತ ಕೊಡಲಿಲ್ಲ. ಸತೀಶ್ ಸೈಲ್ ಅವರು ತಮ್ಮ ಮತವನ್ನು ತಮಗೆ ಹಾಕಲಿಲ್ಲ. ಹೀಗಾಗಿ ಕೆಡಿಸಿಸಿ ನಿರ್ದೇಶಕ ಸ್ಥಾನದ ಸ್ಪರ್ಧಿಯಾಗಿದ್ದು, ಸ್ವರ್ತ ಮತದಾರರೂ ಆಗಿದ್ದ ಸತೀಶ್ ಸೈಲ್ ಅವರಿಗೆ ಒಂದೇ ಒಂದು ಮತವೂ ಬೀಳಲಿಲ್ಲ! ಈ ಬಾರಿಯ ಕೆಡಿಸಿಸಿ ಚುನಾವಣೆಯಲ್ಲಾದರೂ ಪ್ರಕಾಶ ಗುನಗಿ ಅವರನ್ನು ಮಣಿಸಬೇಕು ಎಂದು ಸತೀಶ್ ಸೈಲ್ ಅವರು ನಿರ್ಧರಿಸಿದ್ದರು. ಹೀಗಾಗಿ ತಮ್ಮ ನಾಮಪತ್ರ ಹಿಂಪಡೆದು ಬೇರೆ ಅಭ್ಯರ್ಥಿಗೆ ಬೆಂಬಲ ನೀಡಲು ಅವರು ಮನಸ್ಸು ಮಾಡಲಿಲ್ಲ. ಕೊನೆಕ್ಷಣದವರೆಗೂ ಕಾದುನೋಡುವ ತಂತ್ರ ಅನುಸರಿಸಿದ ಸತೀಶ್ ಸೈಲ್ ಅವರು ನಾಮಪತ್ರವನ್ನು ಹಿಂಪಡೆಯಲಿಲ್ಲ. ಪ್ರಕಾಶ ಗುನಗಿ ಅವರನ್ನು ಸೋಲಿಸುವುದಕ್ಕಾಗಿ ಪಟ್ಟುಹಿಡಿದ ಸತೀಶ್ ಸೈಲ್ ಅವರು ಕೊನೆಗೆ ತಮ್ಮ ಎದುರಾಳಿ ರೂಪಾಲಿ ನಾಯ್ಕ ಅವರ ಆಪ್ತರ ಮೊರೆಹೋದರು. ತಮ್ಮ ಮತವನ್ನು ಸಹ ಅವರು ನಂದಕಿಶೋರ್ ಅವರಿಗೆ ಹಾಕಿದರು. ರೂಪಾಲಿ ನಾಯ್ಕ ಅವರ ಆಪ್ತರಾಗಿರುವ ನಂದಕಿಶೋರ್ ಅವರು ವಿರೋಧಿ ಬಣದವರೂ ತಮಗೆ ಹಾಕಿದ ಮತವನ್ನು ತಿರಸ್ಕರಿಸಲಿಲ್ಲ. ರೂಪಾಲಿ ನಾಯ್ಕ ಅವರು ಸತೀಶ್ ಸೈಲ್ ತಮ್ಮ ಬೆಂಬಲಿಗರನ್ನು ಬೆಂಬಲಿಸಿದನ್ನು ವಿರೋಧಿಸಲಿಲ್ಲ. ಸದ್ಯದ ಮಾಹಿತಿ ಪ್ರಕಾರ ನಂದಕಿಶೋರ ಅವರಿಗೆ 3 ಹಾಗೂ ಪ್ರಕಾಶ ಗುನಗಿ ಅವರಿಗೆ 6 ಮತ ಬಿದ್ದಿದೆ. ಸತೀಶ್ ಸೈಲ್ ಅವರಿಗೆ ಒಂದೇ ಒಂದು ಮತವೂ ಬಿದ್ದಿಲ್ಲ. ಇನ್ನೂ ನಾಲ್ಕು ಮತ ನ್ಯಾಯಾಲಯದ ಮೆಟ್ಟಿಲೇರಿದೆ. ಆ ನಾಲ್ಕು ಮತಗಳ ಪೈಕಿ ಎರಡು ಮತಗಳು ಪ್ರಕಾಶ ಗುನಗಿ ಅವರಿಗೆ ಚಲಾವಣೆಯಾಗಿರುವ ಸಾಧ್ಯತೆ ಹೆಚ್ಚಿದ್ದು, ಈ ಬಾರಿಯೂ ಕಾರವಾರ ಮತಕ್ಷೇತ್ರದಿಂದ ಪ್ರಕಾಶ ಗುನಗಿ ಅವರೇ ಕೆಡಿಸಿಸಿ ನಿರ್ದೇಶಕರಾಗಿ ಮುಂದುವರೆಯುವ ಸಾಧ್ಯತೆಗಳು ಹೆಚ್ಚಿದೆ.
- [ಗಡಿ ಜಗಳ: ಪರಿಶೀಲನೆಗೆ ಹೋದವರ ಮೇಲೆ ಕಲ್ಲು ತೂರಾಟ!](https://mobiletime.in/2025/10/border-dispute-stones-thrown-at-those-who-went-to-inspect/): ಕಾರವಾರದ ಸದಾಶಿವಗಡದಲ್ಲಿ ಭೂಮಿ ಹಾಗೂ ರಸ್ತೆ ವಿಷಯವಾಗಿ ಗಡಿ ಜಗಳ ನಡೆಯುತ್ತಿದೆ. ಈ ಸಮಸ್ಯೆ ಪರಿಶೀಲನೆಗೆ ಜನಪ್ರತಿನಿಧಿ-ಅಧಿಕಾರಿಗಳು ತೆರಳಿದಾಗ ಕಲ್ಲು ತೂರಾಟ ನಡೆದಿದ್ದು, ಸಾರ್ವಜನಿಕೊರೊಬ್ಬರ ತಲೆಗೆ ಪೆಟ್ಟಾಗಿದೆ. ಸಾರ್ವಜನಿಕ ರಸ್ತೆಗೆ ಅಡ್ಡಲಾಗಿ ಕಲ್ಲುಗಳನ್ನಿರಿಸಿ ಸಮಸ್ಯೆ ಮಾಡಿದ ಕುಟುಂಬವೊoದರ ವಿರುದ್ಧ ಚಿತ್ತಾಕುಲ ಪಿಡಿಓ ರಾಮದಾಸ ನಾಯ್ಕ ಪೊಲೀಸ್ ದೂರು ನೀಡಿದ್ದಾರೆ. ಅದೇ ಕುಟುಂಬದವರ ವಿರುದ್ಧ ಕಲ್ಲು ತಾಗಿ ಗಾಯಗೊಂಡ ಸದಾಶಿವಗಡ ಬಿಡ್ತುಲಭಾಗದ ಗೂಡ್ಸ ಆಟೋ ಚಾಲಕ ವಸಂತ ಸಾಳಸ್ಕರ್ ಸಹ ದೂರು ನೀಡಿದ್ದಾರೆ. ಈ ಎರಡು ಪ್ರಕರಣ ದಾಖಲಿಸಿಕೊಂಡ ಚಿತ್ತಾಕುಲ ಪೊಲೀಸರು ಸದಾಶಿವಗಡ ದೇಸಾಯಿವಾಡದ ದೀಪಕಕುಮಾರ ನಾಯ್ಕ, ಅವರ ಪತ್ನಿ ರಾಜಶ್ರೀ ನಾಯ್ಕ, ಮಕ್ಕಳಾದ ವಿಶಾಲ ನಾಯ್ಕ ಹಾಗೂ ಪ್ರಾಚಿ ನಾಯ್ಕ ವಿರುದ್ಧ ತನಿಖೆ ಶುರು ಮಾಡಿದ್ದಾರೆ. ದೇಸಾಯಿವಾಡದಲ್ಲಿ ವಾಸವಾಗಿರುವ ಉರ್ಮಿಳಾ ವಿಶ್ವನಾಥ ನಾಯ್ಕ ಅವರು ತಾವು ಓಡಾಡುವ ರಸ್ತೆಗೆ ಅಡ್ಡಲಾಗಿ ದೀಪಕಕುಮಾರ ನಾಯ್ಕ ಕುಟುಂಬದವರು ಕಲ್ಲುಗಳನ್ನಿಡುವ ಬಗ್ಗೆ ಗ್ರಾಮ ಪಂಚಾಯತಗೆ ದೂರಿದ್ದರು. ಸಂಚಾರಕ್ಕೆ ತಡೆ ಒಡ್ಡುವ ಬಗ್ಗೆ ಅವರು ತಕರಾರು ಸಲ್ಲಿಸಿದ್ದರು. ಅದರ ಪ್ರಕಾರ ಅಕ್ಟೊಬರ್ 24ರಂದು ಗ್ರಾಮ ಪಂಚಾಯತ ಪಿಡಿಓ ಜೊತೆ ಅಧ್ಯಕ್ಷ-ಉಪಾಧ್ಯಕ್ಷರು ಸ್ಥಳ ಪರಿಶೀಲನೆಗೆ ಹೋಗಿದ್ದರು. ಈ ವೇಳೆ `ಆ ಮಣ್ಣಿನ ರಸ್ತೆ ನಮಗೆ ಸೇರಿದ್ದು’ ಎಂದು ದೀಪಕಕುಮಾರ ಕುಟುಂಬದವರು ಗಲಾಟೆ ಮಾಡಿದರು. ಉರ್ಮಿಳಾ ನಾಯ್ಕ ಅವರ ಜೊತೆ ಅವರ ಮಕ್ಕಳಾದ ಪ್ರಕಾಶ, ರಥಿ ಸೇರಿ ಕಲ್ಲು ತೆಗೆಯುವ ಪ್ರಯತ್ನ ಮಾಡಿದಾಗ ಕಲ್ಲು ತೂರಾಟ ನಡೆಸಿದರು. ಈ ಕಲ್ಲು ಉರ್ಮಿಳಾ ನಾಯ್ಕ ಅವರ ಅಣ್ಣ ವಸಂತ ಸಾಳಸ್ಕರ್ ಅವರಿಗೆ ತಾಗಿತು. ಗಾಯಗೊಂಡ ಅವರು ಆಸ್ಪತ್ರೆ ಸೇರಿ ಚಿಕಿತ್ಸೆಪಡೆದರು. ಪಿಡಿಓ ರಾಮದಾಸ ನಾಯ್ಕ ಹಾಗೂ ವಸಂತ ಸಾಳಸ್ಕರ್ ಅವರು ನೀಡಿದ ದೂರು ಸ್ವೀಕರಿಸಿದ ಪೊಲೀಸರು ದೀಪಕಕುಮಾರ ನಾಯ್ಕ ಅವರ ಕುಟುಂಬದ ಮೇಲೆ ಪ್ರಕರಣ ದಾಖಲಿಸಿದ್ದಾರೆ.
- [ದೇಶದಲ್ಲಿಯೇ ದುಬಾರಿ ಈ ಬ್ಯೂಟಿ ಪಾರ್ಲರ್: ಇಲ್ಲಿ ಮಾತನಾಡಿದರೂ ಲಕ್ಷ ಲಕ್ಷ ಪೀಕುತ್ತಾರೆ!](https://mobiletime.in/2025/10/this-is-the-most-expensive-beauty-parlor-in-the-country-even-talking-here-costs-millions/): ಮೇಕಪ್ ಮಾಡಿಕೊಳ್ಳುವುದಕ್ಕಾಗಿ ಶಿರಸಿಯ ಬ್ಯೂಟಿ ಪಾರ್ಲರ್’ಗೆ ಭೇಟಿ ನೀಡಿದ್ದ ಶಾಂತಲಾ ಹೆಗಡೆ ಅವರಿಗೆ ಲಕ್ಷ ಲಕ್ಷ ರೂ ಮೋಸವಾಗಿದೆ. ಮಾತಿನ ಮೋಡಿ ಮಾಡಿದ ಶ್ರೇಯಾ ವರ್ಣೇಕರ್ ಅವರು ಪಾತಿಮಾ ಎಂಬಾತರ ನೆರವಿನಿಂದ 3 ಲಕ್ಷ ರೂಪಡೆದು ಯಾಮಾರಿಸಿದ್ದಾರೆ! ಶಿರಸಿ ಕುಳವೆಯ ಶಾಂತಲಾ ಅನಿರುದ್ಧ ಹೆಗಡೆ ಅವರು ಸದ್ಯ ಬೆಂಗಳೂರು ನಿವಾಸಿ. 2023ರ ಸೆಪ್ಟೆಂಬರ್ ಮೊದಲ ವಾರ ಅವರು ಬಸ್ತಿಗಲ್ಲಿಯಲ್ಲಿರುವ ಬ್ಯೂಟಿ ಪಾರ್ಲರಿಗೆ ಭೇಟಿ ಕೊಟ್ಟಿದ್ದರು. ಶ್ರೇಯಾ ಬ್ಯೂಟಿ ಪಾರ್ಲರ್ ಮಾಲಕಿ ಶ್ರೇಯಾ ಸಂತೋಷ ವರ್ಣೇಕರ್ ಅವರು ಮಾತಿನ ನಡುವೆ ಸರ್ಕಾರಿ ಉದ್ಯೋಗದ ಬಗ್ಗೆ ಪ್ರಸ್ತಾಪಿಸಿದರು. `ನನಗೆ ಪರಿಚಯವಿರುವ ಧಾರವಾಡದ ಪಾತಿಮಾ ಜಾಸ್ಮಿನ್ ಶೇಖ್ ಅವರು ಹಣ ಕೊಟ್ಟರೆ ಸರ್ಕಾರಿ ಕೆಲಸ ಕೊಡಿಸುತ್ತಾರೆ’ ಎಂದು ಶ್ರೇಯಾ ವರ್ಣೇಕರ್ ಅವರು ನಂಬಿಸಿದರು. ಅದಾದ ನಂತರ `ಅರಣ್ಯ ಇಲಾಖೆಯಲ್ಲಿ ಕ್ಲರ್ಕ ಹುದ್ದೆ ಖಾಲಿಯಿದ್ದು, ಹಣ ಕೊಟ್ಟರೆ ಅದನ್ನು ಕೊಡಿಸುವೆ’ ಎಂದು ಶ್ರೇಯಾ ವರ್ಣೇಕರ್ ಅವರು ಭರವಸೆ ನೀಡಿದರು. ಧಾರವಾಡದ ಪಾತಿಮಾ ಜಾಸ್ಮಿನ್ ಶೇಖ್ ಅವರು ಅರಣ್ಯ ಇಲಾಖೆಯಲ್ಲಿ ಪಿಲ್ಡ್ ಆಫಿಸರ್ ಆಗಿದ್ದು, ಅವರೇ ಎಲ್ಲಾ ಕೆಲಸ ಮಾಡಿಕೊಡುತ್ತಾರೆ ಎಂದು ಪುಸಲಾಯಿಸಿದರು. ಸರ್ಕಾರಿ ಕೆಲಸದ ಆಸೆಗಾಗಿ 2023ರ ಮಾರ್ಚ 28ರಂದು ಶಾಂತಲಾ ಹೆಗಡೆ ಅವರು ಫೋನ್ ಪೇ ಮೂಲಕ 50 ಸಾವಿರ ರೂ ವರ್ಗಾಯಿಸಿದರು. ಪಾತಿಮಾ ಅವರ ಖಾತೆಗೆ ಈ ಹಣ ಜಮಾ ಆಗಿದ್ದು, 2023ರ ನವೆಂಬರ್ 29ರಂದು ಮತ್ತೆ 25 ಸಾವಿರ ರೂ ಕಳುಹಿಸಿದರು. ಕಾಸು ಕೊಟ್ಟರೆ ಸರ್ಕಾರಿ ಕೆಲಸ ಸಿಗುವ ಬಗ್ಗೆ ಶಾಂತಲಾ ಹೆಗಡೆ ಅವರ ತಂಗಿ ಶೀತಲ್ ಭಟ್ಟ ಅವರ ಮೂಲಕ ಅವರ ಸ್ನೇಹಿತೆ ಕೀರ್ತಿ ಅವರಿಗೆ ಗೊತ್ತಾಯಿತು. ಕೀರ್ತಿ ಅವರು ಸಹ ಸರ್ಕಾರಿ ಉದ್ಯೋಗಕ್ಕೆ ಪ್ರಯತ್ನಿಸಿದ್ದು, ಶೀತಲ್ ಭಟ್ಟ ಅವರ ಫೋನ್ ಪೇ ಮೂಲಕ ಕೀರ್ತಿ ಅವರ ಪರವಾಗಿ 50 ಸಾವಿರ ರೂಪಾಯಿ ವರ್ಗಾಯಿಸಿದರು. ಇದಾದ ಮೇಲೆ ಶಾಂತಲಾ ಹೆಗಡೆ ಅವರು ಸಹ 30 ನವೆಂಬರ್ 2023ರಂದು ಮತ್ತೆ 50 ಸಾವಿರ ರೂಪಾಯಿಗಳನ್ನು ಪಾತಿಮಾ ಅವರ ಖಾತೆಗೆ ಕಳುಹಿಸಿದ್ದು, ಆ ವೇಳೆ ಪಾತಿಮಾ ಅವರೇ 25 ಸಾವಿರ ರೂ ಹಣಮರಳಿಸಿ ಇನ್ನಷ್ಟು ನಂಬಿಕೆಗಿಟ್ಟಿಸಿಕೊoಡರು. ಕೀರ್ತಿ ಅವರು ಮತ್ತೆ ತಮ್ಮ ಪರವಾಗಿ ಶೀತಲ್ ಭಟ್ಟ ಅವರ ಫೋನಿನಿಂದ 50 ಸಾವಿರ ರೂ ಹಣವನ್ನು ಪಾತಿಮಾ ಅವರಿಗೆ ವರ್ಗಾಯಿಸಿದರು. 2023ರ ಡಿಸೆಂಬರ್ 3ರಂದು ಮತ್ತೆ ಶೀತಲ್ ಭಟ್ಟ ಅವರ ಪರವಾಗಿ ಶಾಂತಲಾ ಹೆಗಡೆ ಅವರು ಇನ್ನೊಮ್ಮೆ 1 ಲಕ್ಷ ರೂ ಹಣ ವರ್ಗಾಯಿಸಿದರು. ಆದರೆ, ಎರಡು ವರ್ಷ ಕಾದರೂ ಅವರಿಗೆ ಸರ್ಕಾರಿ ನೌಕರಿ ಸಿಗಲಿಲ್ಲ. ಅರಣ್ಯ ಇಲಾಖೆಯಿಂದ ಪತ್ರವೂ ಬರಲಿಲ್ಲ. ಕಾಸುಪಡೆದು ಮೋಸ ಮಾಡಿದ ಬಗ್ಗೆ ಶಾಂತಲಾ ಹೆಗಡೆ ಅವರು ವಿಚಾರಿಸಿದಾಗ ಅಲ್ಲಿನ ಯಶೋಧಾ ರಾಘವೇಂದ್ರ ರಾಯ್ಕರ್ ಅವರು 50 ಸಾವಿರ ರೂ ಹಣಕೊಟ್ಟು ಮೋಸ ಹೋದ ವಿಷಯ ಅರಿವಿಗೆ ಬಂದಿತು. ಬ್ಯೂಟಿ ಪಾರ್ಲರಿನ ಶ್ರೇಯಾ ವರ್ಣೇಕರ್ ಹಾಗೂ ಪಾತಿಮಾ ಜಾಸ್ಮಿನ್ ಶೇಖ್ ಸೇರಿ ಜನರನ್ನು ಮೋಸ ಮಾಡುತ್ತಿರುವ ಬಗ್ಗೆ ಶಾಂತಲಾ ಹೆಗಡೆ ಅವರು ಪೊಲೀಸರಿಗೆ ದೂರಿದರು. ತಮಗಾದ ಅನ್ಯಾಯದ ಬಗ್ಗೆ ವಿವರಿಸಿ ಅವರು ಶಿರಸಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದರು.
- [`ರೈತಪರ ಚಿಂತಕನಿಗೆ ಗೌರವ ಡಾಕ್ಟರೇಟ್'](https://mobiletime.in/2025/10/honorary-doctorate-for-pro-farmer-thinker/): ಯಲ್ಲಾಪುರ ಹಾಗೂ ಅಣ್ಣಿಗೇರಿಯಲ್ಲಿ ಕೃಷಿ ಉಪಕರಣಗಳ ವಿತರಣಾ ಕೇಂದ್ರ ಹೊಂದಿರುವ ಸುರಕ್ಷಾ ಅಗ್ರೊಟೆಕ್ ಮಾಲಕ ಮಂಜುನಾಥ್ ಹೊನ್ನಣ್ಣನವರ್ ಅವರಿಗೆ ಅಮೆರಿಕ ವಿಡವಮ್ ಪೀಸ್ ಯುನಿವರ್ಸಿಟಿಯು ಗೌರವ ಡಾಕ್ಟರೇಟ್ ಪ್ರಶಸ್ತಿ ಪ್ರದಾನ ಮಾಡಿದೆ. ಮಂಜುನಾಥ್ ಹೊನ್ನಣ್ಣನವರ್ ಅವರು 15 ವರ್ಷಗಳ ಹಿಂದೆ `ಸುರಕ್ಷಾ ಅಗ್ರೋ ಟೆಕ್’ ಎಂಬ ಕಂಪನಿ ಕಟ್ಟಿ ಕೃಷಿಕರು ಹಾಗೂ ಕಾರ್ಮಿಕರಿಗೆ ನೆರವಾಗಿದ್ದಾರೆ. ರಾಜ್ಯದ ಅನೇಕ ಕಡೆ ತಮ್ಮ ಕಂಪನಿಯ ಮೂಲಕ ಯುವಕರಿಗೆ ಉದ್ಯೋಗ ನೀಡಿದ್ದಾರೆ. ಸರ್ಕಾರದ ಸಬ್ಸಿಡಿ ಜೊತೆ ಟ್ರ‍್ಯಾಕ್ಟರ್, ಟೇಲರ್, ಕಳೆ ತೆಗೆಯುವ ಯಂತ್ರ, ಬಿತ್ತುವ ಕೂರ್ಗಿ ಜೊತೆ ಅಗತ್ಯವಿರುವ ಸಲಕರಣೆಗಳನ್ನು ಸುರಕ್ಷಾ ಅಗ್ರೋ ಟೆಕ್ ಮೂಲಕ ವಿತರಿಸುತ್ತಿದ್ದಾರೆ. ಯಂತ್ರಗಳ ಸುರಕ್ಷಿತ ಬಳಕೆ, ಅವುಗಳ ನಿರ್ವಹಣೆ ಹಾಗೂ ಆಧುನಿಕ ಕೃಷಿ ಪದ್ಧತಿ ಮೂಲಕ ಕಡಿಮೆ ಬೆಲೆಯಲ್ಲಿ ಅತ್ಯಧಿಕ ಆದಾಯಪಡೆಯುವ ವಿಧಾನಗಳ ಬಗ್ಗೆ ರೈತರಿಗೆ ಅವರು ಕಂಪನಿ ಮೂಲಕ ಮಾಹಿತಿ ನೀಡುತ್ತಿದ್ದಾರೆ. ಸುರಕ್ಷಾ ಅಗ್ರೋ ಟೆಕ್ ಸ್ವತಃ ಯಂತ್ರೋಪಕರಣಗಳನ್ನು ಉತ್ಪಾದಿಸುವ ಘಟಕವನ್ನು ಹೊಂದಿದ್ದು, ಯಂತ್ರೋಪಕರಣಗಳ ಮಾರಾಟದ ಜೊತೆ ಅದರ ದುರಸ್ಥಿ ಸೇವೆಯನ್ನು ಒದಗಿಸುತ್ತಿದೆ. ಪತ್ರಕರ್ತರಾಗಿಯೂ ಕೆಲಸ ಮಾಡುವ ಮಂಜುನಾಥ್ ಹೊನ್ನಣ್ಣನವರ್ ಅವರ ಈ ಎಲ್ಲಾ ಸಾಧನೆ ಗಮನಿಸಿ ತಮಿಳು ನಾಡಿನ ಹೊಸೂರ್ ಪಟ್ಟಣದಲ್ಲಿರುವ ಹೋಟೆಲ್ ಐಟಿಸಿ ಗ್ರೂಪ್‌ನಲ್ಲಿ ಮಾಜಿ ಶಾಸಕ ಎಸ್ ಪಿ ಜೆ. ಕಮಲ ಕಣ್ಣನ್ ಅವರು ಪ್ರಶಸ್ತಿ ಪ್ರದಾನ ಮಾಡಿದ್ದಾರೆ. ಹಿರಿಯ ವಿಜ್ಞಾನಿ ಕೆ ಎಸ್ ಸುಬ್ರಹ್ಮಣ್ಯಂ, ಉದ್ಯಮಿ ಎ ಶ್ರೀಧರ್, ಹಿರಿಯ ಪತ್ರಕರ್ತ ಗುಣ ಶೇಖರನ್, ಚನೈ ಪ್ರೆಸ್ ಮಿಡಿಯಾ ರಿಪೋರ್ಟ ಯೂನಿನಯ್ ಅಧ್ಯಕ್ಷ ಶಿವಥಮಿಲನ್ ಅವರು ಈ ಸನ್ನಿವೇಶಕ್ಕೆ ಸಾಕ್ಷಿಯಾದರು.
- [2025 ಅಕ್ಟೊಬರ್ 27ರ ದಿನ ಭವಿಷ್ಯ](https://mobiletime.in/2025/10/prediction-for-october-27-2025-2/): ಮೇಷ ರಾಶಿ: ಹೊಸ ಕೆಲಸ ಶುರು ಮಾಡಲು ಯೋಗ್ಯ ದಿನ. ಕುಟುಂಬದಲ್ಲಿ ಸಂತೋಷದ ವಾತಾವರಣ ಸಿಗಲಿದೆ. ಹಣಕಾಸಿನ ವಿಷಯದಲ್ಲಿಯೂ ನೆಮ್ಮದಿಯ ದಿನವಾಗಿರಲಿದೆ. ವೃಷಭ ರಾಶಿ: ನಿಮ್ಮ ಕೆಲಸಗಳಲ್ಲಿ ಸಾಧನೆ ಸಾಧ್ಯವಿದೆ. ಮನಸ್ಸಿಗೆ ಶಾಂತಿ ಸಿಗಲಿದೆ. ಆರೋಗ್ಯದ ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ಮಿಥುನ ರಾಶಿ: ಹಳೆಯ ಕೆಲಸಗಳು ಈ ದಿನ ಮುಗಿಯಲಿದೆ. ಭಾವನಾತ್ಮಕ ವಿಷಯವಾಗಿ ನಿಮಗೆ ತೊಂದರೆ ಕಾಡುವ ಸಾಧ್ಯತೆಗಳಿವೆ. ಕುಟುಂಬದಲ್ಲಿ ಸಂಭಾಷಣೆ ಅಗತ್ಯ. ಕರ್ಕ ರಾಶಿ: ಕೆಲಸದ ವಿಷಯದಲ್ಲಿ ಒತ್ತಡ ಕಡಿಮೆಯಾಗಲಿದೆ. ಆರೋಗ್ಯದಲ್ಲಿ ಸುಧಾರಣೆ ಸಾಧ್ಯವಿದೆ. ವಿವಾಧಗಳು ದೂರವಾಗಲಿದೆ. ಸಿಂಹ ರಾಶಿ: ನಿಮ್ಮ ಗುರಿ ಸಾಧನೆಗೆ ಉತ್ತಮ ಸಮಯ ಬಂದಿದೆ. ವ್ಯವಹಾರದಲ್ಲಿ ಲಾಭ ಆಗಲಿದೆ. ಶಿಕ್ಷಣ ಕ್ಷೇತ್ರದಲ್ಲಿ ಸಾಧನೆ ಸಾಧ್ಯವಿದೆ. ಕನ್ಯಾ ರಾಶಿ: ಹೊಸ ಅವಕಾಶಗಳು ಸಿಗಲಿದೆ. ಕುಟುಂಬದ ಒಳಿತಿಗೆ ದೃಢ ನಿರ್ಧಾರ ಮಾಡಲಿದ್ದೀರಿ. ವ್ಯಕ್ತಿತ್ವ ಬೆಳವಣಿಗೆ ಪೂರಕವಾಗಿ ಚಿಂತಿಸಿ. ತುಲಾ ರಾಶಿ: ಉದ್ಯೋಗದಲ್ಲಿ ಸುಧಾರಣೆ ಸಾಧ್ಯವಿದೆ. ಆರೋಗ್ಯ ಏರುಪೇರಾದರೆ ಆಸ್ಪತ್ರೆಗೆ ಭೇಟಿ ನೀಡುವುದು ಅಗತ್ಯ. ಸ್ನೇಹಿತರ ಜೊತೆ ಬೆರೆಯಿರಿ. ವೃಶ್ಚಿಕ ರಾಶಿ: ಧ್ಯಾನದಲ್ಲಿ ಆಸಕ್ತಿ ಬೆಳೆಯಲಿದೆ. ದೇವರ ಭಜನೆ ಮಾಡುವುದು ಅಷ್ಟೇ ಮುಖ್ಯ. ಕುಟುಂಬದಲ್ಲಿ ಹರ್ಷ ಮೂಡಲಿದೆ. ವಿದ್ಯಾರ್ಥಿಗಳಿಗೆ ಉತ್ತಮ ದಿನ. ಧನು ರಾಶಿ: ನಿಮ್ಮೊಳಗಿನ ಒತ್ತಡ ಕಡಿಮೆ ಆಗುತ್ತದೆ. ಹೊಸ ಕಾರ್ಯ ಮನ್ನಣೆ ಸಿಗಲಿದೆ. ಸಮಯ ಪಾಲನೆ ಮಾಡುವುದು ಮುಖ್ಯ. ಮಕರ ರಾಶಿ: ವ್ಯವಹಾರದಲ್ಲಿ ಲಾಭ ಸಿಗಲಿದೆ. ಸ್ನೇಹಿತರ ಸಹಕಾರ ಸಾಧ್ಯವಿದೆ. ಶಾಂತಿಯಿAದ ದಿನ ಕಳೆಯುವಿರಿ. ಕುಂಭ ರಾಶಿ: ಕುಟುಂಬದ ಜೊತೆ ಚನ್ನಾಗಿ ಬರೆಯುವಿರಿ. ವ್ಯಾಪಾರದಲ್ಲಿ ಬೆಳವಣಿಗೆ ಸಾಧ್ಯವಿದೆ. ವಿದ್ಯಾರ್ಥಿಗಳಿಗೆ ಉತ್ತಮ ಫಲಿತಾಂಶ ಸಿಗಲಿದೆ. ಯಾತ್ರೆಯ ಯೋಜನೆ ರೂಪಿಸಲು ಸಕಾಲ. ಮೀನ ರಾಶಿ: ಆರ್ಥಿಕ ಸ್ಥಿತಿ ಸಾಮಾನ್ಯವಾಗಿರಲಿದೆ. ಹೊಸ ಕಾರ್ಯ ಆರಂಭಕ್ಕೆ ಯೋಗ್ಯ ಸಮಯ. ಒಳ್ಳೆಯ ಕೆಲಸಗಲಿಗೆ ಉತ್ತಮ ದಿನ.
- [ರಸ್ತೆ ಮೇಲೆ ನಿಂತ ಕಾರು: ಬುದ್ದಿ ಹೇಳಿ ಪೆಟ್ಟು ತಿಂದ ಹಿರಿಯ ನಾಗರಿಕ!](https://mobiletime.in/2025/10/car-stopped-on-the-road-senior-citizen-gets-hit-by-a-car-after-being-told-off/): ಕಾರವಾರದ ನಿವೃತ್ತ ನೌಕರ ವಿಠ್ಠಲ ನಾಯ್ಕ ಅವರ ಮೇಲೆ ಹಲ್ಲೆ ನಡೆದಿದೆ. ರಸ್ತೆ ಮೇಲೆ ನಿಂತ ಕಾರನ್ನು ಬೇರೆಡೆ ನಿಲ್ಲಿಸುವಂತೆ ಸೂಚಿಸಿದ ಕಾರಣ ಅರುಣ ನಾಯ್ಕ ಅವರು ವಿಠ್ಠಲ ನಾಯ್ಕ ಅವರಿಗೆ ಹೊಡೆದಿದ್ದಾರೆ. ಕಾರವಾರದ ಸಂಕ್ರಿವಾಡ ವಿಠ್ಠಲ ಸೀತಾರಾಮ ನಾಯ್ಕ (64) ಅವರು ವಾಸವಾಗಿದ್ದಾರೆ. ಅಕ್ಟೊಬರ್ 24ರಂದು ರಾತ್ರಿ ಅವರು ಸಂಕ್ರಿವಾಡ ರಸ್ತೆ ಮೇಲೆ ಬರುತ್ತಿದ್ದಾಗ ರಸ್ತೆ ಮೇಲೆ ಕಾರು ನಿಂತಿರುವುದನ್ನು ನೋಡಿದರು. ಅಲ್ಲಿದ್ದ ಅರುಣ ಬಾಬುರಾಯ ನಾಯ್ಕ ಅವರಿಗೆ ಕಾರನ್ನು ಬೇರೆ ಕಡೆ ನಿಲ್ಲಿಸುವಂತೆ ಸೂಚಿಸಿದರು. ಆಗ, ಅರುಣ ನಾಯ್ಕ ಅವರು ಸುರೇಶ ಬಾಬುರಾಯ ನಾಯ್ಕ ಅವರ ಬಳಿ ಈ ವಿಷಯ ತಿಳಿಸುವಂತೆ ಹೇಳಿದರು. ವಿಠ್ಠಲ ನಾಯ್ಕ ಅವರು `ರಸ್ತೆ ಮೇಲಿರುವ ಕಾರು ತೆಗೆಯಿರಿ’ ಎಂದು ಸುರೇಶ ನಾಯ್ಕ ಅವರಿಗೆ ಹೇಳಿದರು. ಆಗ, ಸುರೇಶ ನಾಯ್ಕ ಅವರು `ನನಗೆ ಅದಕ್ಕೆ ಸಂಬAಧವಿಲ್ಲ’ ಎಂದು ಹೇಳಿದರು. ಇದರಿಂದ ಸಿಟ್ಟಾದ ವಿಠ್ಠಲ ನಾಯ್ಕ ಅವರು `ಇಲ್ಲಿ ಏನಾದರೂ ಆದರೆ ನೀವೇ ಹೊಣೆ’ ಎಂದು ಕೂಗಿದರು. ಆಗ, ಏಕಾಏಕಿ ಅರುಣ ನಾಯ್ಕ ಅವರು ರೊಚ್ಚಿಗೆದ್ದು ವಿಠ್ಠಲ ನಾಯ್ಕ ಅವರ ಮುಖಕ್ಕೆ ಗುದ್ದಿದರು. ಇದರಿಂದ ವಿಠ್ಠಲ ನಾಯ್ಕ ಅವರ ಕಣ್ಣಿಗೆ ಗಾಯವಾಯಿತು. ಅದಾಗಿಯೂ ಬಿಡದ ಅರುಣ ನಾಯ್ಕ ಅವರು ವಿಠ್ಠಲ ನಾಯ್ಕ ಅವರನ್ನು ನೆಲಕ್ಕೆ ದೂಡಿ ನೋವು ಮಾಡಿದರು. ಕಾರವಾರ ಆಸ್ಪತ್ರೆ ಸೇರಿದ ವಿಠ್ಠಲ ನಾಯ್ಕ ಅವರು ಅಲ್ಲಿ ಚಿಕಿತ್ಸೆಪಡೆದಿದ್ದು, ತಮಗಾದ ಅನ್ಯಾಯದ ವಿರುದ್ಧ ಪೊಲೀಸ್ ದೂರು ನೀಡಿದರು. ಕಾರವಾರ ಶಹರ ಠಾಣೆ ಪೊಲೀಸರು ಅರುಣ ನಾಯ್ಕ ಹಾಗೂ ವಿಠ್ಠಲ ನಾಯ್ಕ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಪತ್ನಿ ಸಿಗದ ಕೊರಗಿನಲ್ಲಿ ಬಾವಿಗೆ ಹಾರಿದ ಪತಿ!](https://mobiletime.in/2025/10/husband-jumps-into-well-in-despair-over-not-finding-wife/): ಕಾಣೆಯಾದ ಪತ್ನಿ ಸಿಗದ ಕೊರಗಿನಲ್ಲಿ ಶಿರಸಿಯ ಹನಮಂತಪ್ಪ ಬೋವಿವಡ್ಡರ್ ಅವರು ಬಾವಿಗೆ ಹಾರಿದ್ದಾರೆ. ನೀರಿನಲ್ಲಿ ಉಸಿರುಗಟ್ಟಿ ಅವರುಬಾವಿಯೊಳಗೆ ಶವವಾಗಿದ್ದಾರೆ. ಸೊರಬಾದ ಬಲರಾಮ ಹನಮಂತಪ್ಪ ಬೋವಿವಡ್ಡರ್ (47) ಅವರು ಶಿರಸಿಯ ಬೈರುಂಬೆ ಬಳಿ ವಾಸವಾಗಿದ್ದರು. ಬೆಳಲೆಯ ಬಳಿ ಅವರು ಕುಟುಂಬಸಹಿತ ಕೂಲಿ ಕೆಲಸ ಮಾಡುತ್ತಿದ್ದರು. ಅವರ ಪತ್ನಿ ಮಂಜುಳಾ ಅವರು ಕಾಣೆಯಾಗಿದ್ದು, ಎಲ್ಲಿ ಹುಡುಕಿದರೂ ಸಿಕ್ಕಿರಲಿಲ್ಲ. ಈಚೆಗೆ ಬಲರಾಮ ಬೋವಿವಡ್ಡರ್ ಅವರು ಅನಾರೋಗ್ಯ ಸಹ ಒಳಗಾಗಿದ್ದರು. ಅನಾರೋಗ್ಯದ ಅವಧಿಯಲ್ಲಿಯೂ ಪತ್ನಿ ಜೊತೆಗಿರದ ಕಾರಣ ಅವರು ಸಾಕಷ್ಟು ನೊಂದಿದ್ದರು. ಹೀಗಿರುವಾಗ ಅಕ್ಟೊಬರ್ 24ರಂದು ಹನಮಂತಪ್ಪ ಬೋವಿವಡ್ಡರ್ ಅವರು ಬೆಳಲೆಯ ಅಲ್ಪಿಡ್ ರೋಡಿಗ್ರಸ್ ಅವರ ಹಂದಿ ಸಾಕಾಣಿಕಾ ಕೇಂದ್ರದ ಬಳಿ ಹೋಗಿದ್ದರು. ಮಾನಸಿಕ ನೋವಿನಲ್ಲಿದ್ದ ಅವರು ಅಲ್ಲಿರುವ ನೆಲಬಾವಿಯಲ್ಲಿ ಅವರು ಹಾರಿ ಪ್ರಾಣ ಬಿಟ್ಟರು. ಅದೇ ಹಂದಿ ಸಾಕಾಣಿಕಾ ಕೇಂದ್ರದಲ್ಲಿ ಕೆಲಸ ಮಾಡುವ ಹನಮಂತಪ್ಪ ಬೋವಿವಡ್ಡರ್ ಅವರ ಮಗ ಗಣೇಶ ಬೋವಿವಡ್ಡರ್ ತಂದೆಯ ಸಾವಿನ ಬಗ್ಗೆ ಪೊಲೀಸರಿಗೆ ಹೇಳಿದರು. ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಬೈಕಿನಿಂದ ಬಿದ್ದ ಮಹಿಳೆ: ಮುಕ್ತಿಮಠದ ಮುಂದೆಯೇ ಸಿಕ್ಕಿತು ಮುಕ್ತಿ!](https://mobiletime.in/2025/10/woman-who-fell-off-bike-she-found-salvation-right-in-front-of-mukti-math/): ಶಿರಸಿ-ಮುಂಡಗೋಡು ರಸ್ತೆಯಲ್ಲಿ ಶಿರಸಿಯ ನಯನಕುಮಾರ ಅವರು ಜೋರಾಗಿ ಬೈಕ್ ಓಡಿಸಿದ್ದು, ಆ ಬೈಕಿನ ಹಿಂದೆ ಕೂತಿದ್ದ ಮುಂಡಗೋಡಿನ ಪದ್ಮಾ ತಳವಾರ ಅವರು ನೆಲಕ್ಕೆ ಬಿದ್ದು ಸಾವಪ್ಪಿದ್ದಾರೆ. ಅಕ್ಟೊಬರ್ 21ರ ಸಂಜೆ ಶಿರಸಿಯ ನಯನಕುಮಾರ ಮಾರುತಿ ಬಂಗೇರ ಅವರು ಮುಂಡಗೋಡಿನ ಕಡೆ ಹೊರಟಿದ್ದರು. ಅವರ ಬೈಕಿನಲ್ಲಿ ಮುಂಡಗೋಡು ಮಳಗಿಯ ಪದ್ಮಾ ವೆಂಕಟೇಶ ತಳವಾರ (52) ಅವರು ಕೂತಿದ್ದರು. ರಾಮಾಪುರದಿಂದ ಮಳಗಿ ಕಡೆ ಆ ಬೈಕು ಚಲಿಸುತ್ತಿದ್ದು, ಗೊಡಗೋಡಿಕೊಪ್ಪದ ಮುಕ್ತಿಮಠದ ಹತ್ತಿರ ಬೈಕಿನ ವೇಗ ಹೆಚ್ಚಿತು. ಪರಿಣಾಮ ಪದ್ಮಾ ತಳವಾರ ಅವರು ಆಯತಪ್ಪಿ ಬೈಕಿನಿಂದ ಕೆಳಗೆ ಬಿದ್ದರು. ಅವರ ತಲೆ ಹಿಂಬಾಗ ಭಾರೀ ಪ್ರಮಾಣದಲ್ಲಿ ನೋವಾಯಿತು. ಅಲ್ಲಿಯೇ ಅವರು ತಮ್ಮ ಪ್ರಾಣಬಿಟ್ಟರು. ಮಳಗಿಯ ರವಿ ಅಟ್ಟಣಗಿ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಮುಂಡಗೋಡು ಪೊಲೀಸರು ವೇಗವಾಗಿ ಬೈಕ್ ಓಡಿಸಿದ ನಯನಕುಮಾರ ಮಾರುತಿ ಬಂಗೇರ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ನಿದ್ರೆಯಲ್ಲಿದ್ದವನನ್ನು ಎಬ್ಬಿಸಿ ಕೆನ್ನೆಗೆ ಬಾರಿಸಿದ ಜನ!](https://mobiletime.in/2025/10/people-woke-up-a-sleeping-man-and-slapped-him-on-the-cheek/): ರಾತ್ರಿ 2.30ಕ್ಕೆ ಭಟ್ಕಳದ ಉದಯ ಕೋಟಾರಿ ಅವರ ಪತ್ನಿ ಮನೆಗೆ ನುಗ್ಗಿದ ಐದು ಜನ ಅಲ್ಲಿದ್ದ ಉದಯ ಕೋಟಾರಿ ಅವರನ್ನು ಎಬ್ಬಿಸಿ ಗಲಾಟೆ ಮಾಡಿದ್ದಾರೆ. ಈ ಗಲಾಟೆ ಅವಧಿಯಲ್ಲಿ ಭಾಸ್ಕರ ಮೊಗೇರ ಅವರು ಉದಯ ಕೋಟಾರಿ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಭಟ್ಕಳ ಬೆಳಕೆಯ ಕಟಗೇರಿ ಉದಯ ಕೋಟಾರಿ ಅವರು ವಾಸವಾಗಿದ್ದಾರೆ. ಅವರ ಮೇಲೆ ಇದೀಗ 2.50 ಲಕ್ಷ ರೂ ಹಣ ಎಗರಿಸಿದ ಆರೋಪ ಬಂದಿದೆ. ಇದೇ ವಿಷಯವಾಗಿ ಮಾತನಾಡುವುದಕ್ಕಾಗಿ ಕಟಗೇರಿಯ ರಾಘು ಮೊಗೇರ, ಸೋಡಿಗದ್ದೆಯ ಭಾಸ್ಕರ ಮೊಗೇರ, ಬೆಳಕೆಯ ಕೇಶವ ಮೊಗೇರ ಜೊತೆ ಮತ್ತಿಬ್ಬರು ಉದಯ ಕೋಟಾರಿ ಅವರಲ್ಲಿ ತೆರಳಿದ್ದು ಈ ವೇಳೆ ಆಕ್ರಮಣ ನಡೆಸಿದ್ದಾರೆ. ಅಕ್ಟೊಬರ್ 21ರ ಉದಯ ಕೋಟಾರಿ ಅವರು ತಮ್ಮ ಪತ್ನಿ ಮನೆಯಲ್ಲಿದ್ದರು. ಆ ದಿನ ರಾತ್ರಿ 2.30ಕ್ಕೆ ಈ ಐದು ಜನ ಅಲ್ಲಿಗೆ ಬಂದರು. ನಿದ್ರೆಯಲ್ಲಿದ್ದ ಉದಯ ಕೋಟಾರಿ ಅವರನ್ನು ಎಬ್ಬಿಸಿ ಗಲಾಟೆ ಶುರು ಮಾಡಿದರು. 2.50 ಲಕ್ಷ ರೂ ಹಣ ತೆಗೆದುಕೊಂಡ ಬಗ್ಗೆ ಪ್ರಶ್ನಿಸಿದರು. `ನಾನು ಹಣಪಡೆದಿಲ್ಲ’ ಎಂದರೂ ಅವರು ಕೇಳಲಿಲ್ಲ. ಆ ರಾತ್ರಿ ಜಗಳ ಮಾಡಿದ ಜನ ಬೈಯಲು ಶುರು ಮಾಡಿದರು. ಆ ಅವಧಿಯಲ್ಲಿ ಉದಯ ಕೋಟಾರ ಅವರ ಮೇಲೆ ಭಾಸ್ಕರ ಮೊಗೇರ್ ಅವರು ಕೈ ಮಾಡಿದರು. ಉದಯ ಕೋಟಾರ ಅವರ ಕೆನ್ನೆಗೆ ಬಾರಿಸಿದರು. ರಾತ್ರಿ ಮನೆ ಬಳಿ ಬಂದು ಗಲಾಟೆ ಮಾಡಿದವರ ವಿರುದ್ಧ ಉದಯ ಕೊಟಾರ್ ಅವರು ಪೊಲೀಸ್ ದೂರು ನೀಡಿದ್ದು, ಭಟ್ಕಳ ಗ್ರಾಮೀಣ ಠಾಣೆಯ ಎಎಸ್‌ಐ ಸುನೀಲ ಕುಡ್ತರಕರ ಸಮಾಧಾನ ಮಾಡಿ ಕಳುಹಿಸಿದ್ದರು. ಆದರೆ, ಉದಯ ಕೋಟಾರ ಅವರು ನ್ಯಾಯಾಲಯದ ಮೊರೆ ಹೋಗಿ ಆ ಐದು ಜನರ ವಿರುದ್ಧ ಪ್ರಕರಣ ದಾಖಲಿಸಿದರು.  
- [28 ವರ್ಷದ ನಂತರ ನೆನಪಾದ ಸಹೋದರ: ಅವ ಬರದಿದ್ದರೆ ಇವರಿಗೂ ಆಸ್ತಿ ಸಿಗಲ್ಲ!](https://mobiletime.in/2025/10/brother-remembered-after-28-years-if-he-doesnt-come-they-wont-get-the-property-either/): ಕುಮಟಾದ ಉದ್ದಂಡ ನಾಯಕ ಅವರು ಕಾಣೆಯಾಗಿ 28 ವರ್ಷ ಕಳೆದರೂ ತಲೆಕೆಡಿಸಿಕೊಳ್ಳದ ಅವರ ಅಣ್ಣ ನಿತ್ಯಾನಂದ ನಾಯಕ ಅವರು ಇದೀಗ ಪಿತ್ರಾರ್ಜಿತ ಆಸ್ತಿಯನ್ನು ವಾಟಣಿ ಮಾಡಿಸುವುದಕ್ಕಾಗಿ ತಮ್ಮನ ಹುಡುಕಾಟ ಶುರು ಮಾಡಿದ್ದಾರೆ. `ಆಸ್ತಿ ಭಾಗ ಮಾಡಲು ಹಕ್ಕುದಾರನಾದ ಆತನ ಅವಶ್ಯಕತೆಯಿದ್ದು, ಹೀಗಾಗಿ ತಮ್ಮನನ್ನು ಹುಡುಕಿಕೊಡಿ’ ಎಂದು ಅವರು ಎರಡುವರೆ ದಶಕದ ನಂತರ ಪೊಲೀಸರ ಮೊರೆ ಹೋಗಿದ್ದಾರೆ! ಕುಮಟಾ ಹಿರೆಗುತ್ತಿಯ ಉದ್ದಂಡ ಪರಮೇಶ್ವರ ನಾಯಕ (58) ಅವರು ಲಾರಿ ಕ್ಲೀನರ್ ಆಗಿದ್ದರು. 1997ರಲ್ಲಿ ಅವರು ಕೆಲಸಕ್ಕೆ ಹೊರಟವರು ಈವರೆಗೂ ಮನೆಗೆ ಮರಳಿ ಬರಲಿಲ್ಲ. ಆ ಅವಧಿಯಲ್ಲಿ ಅಲ್ಲಿ-ಇಲ್ಲಿ ಅವರನ್ನು ಕುಟುಂಬದವರು ಹುಡುಕಿದರು. ಅದಾದ ನಂತರ ಉದ್ದಂಡ ನಾಯಕ ಅವರ ಹುಡುಕಾಟವನ್ನು ಎಲ್ಲರೂ ಮರೆತರು. ಅದಾದ ನಂತರ ಉದ್ದಂಡ ನಾಯಕ ಅವರು ಮನೆಗೆ ಮರಳಲಿಲ್ಲ. ಯಾರೂ ಆ ಬಗ್ಗೆ ತಲೆಕೆಡಿಸಿಕೊಳ್ಳಲಿಲ್ಲ. ಸದ್ಯ ಉದ್ದಂಡ ನಾಯಕ ಹಾಗೂ ನಿತ್ಯಾನಂದ ನಾಯಕ ಅವರ ತಂದೆ ಪರಮೇಶ್ವರ ನಾಯಕ ಅವರ ಒಡೆತನದಲ್ಲಿರುವ ಭೂಮಿಯನ್ನು ಮಕ್ಕಳಿಗೆ ಹಂಚಿಕೆ ಮಾಡುವ ವಿಷಯ ಮುನ್ನಲೆಗೆ ಬಂದಿತು. ಪಿತ್ರಾರ್ಜಿತ ಆಸ್ತಿಯನ್ನು ವಾಟಣಿ ಮಾಡುವ ಸಮಯದಲ್ಲಿ ಉದ್ದಂಡ ನಾಯಕ ಅವರು ಇದಕ್ಕೆ ಸಮಾನ ಹಕ್ಕುದಾರರು ಎಂಬ ಸಂಗತಿ ಹೊರಬಿದ್ದಿತು. 28 ವರ್ಷಗಳ ಹಿಂದೆ ಕಾಣೆಯಾದ ವ್ಯಕ್ತಿಯ ಬಗ್ಗೆ ಗಂಭೀರ ಹುಡುಕಾಟ ನಡೆಸಿದ ಕಾರಣ ಇದೀಗ ಸಮಸ್ಯೆ ಶುರುವಾಯಿತು. ಹೀಗಾಗಿ ನಿತ್ಯಾನಂದ ನಾಯಕ ಅವರು ಪೊಲೀಸರ ಮೊರೆ ಹೋದರು. ಪಿತ್ರಾರ್ಜಿತ ಆಸ್ತಿಯಲ್ಲಿ ಸಾಮಾಯಿಕ ಹಕ್ಕುದಾರನಾಗಿರುವ ಉದ್ದಂಡ ನಾಯಕ ಅವರ ಅವಶ್ಯಕತೆಯ ಬಗ್ಗೆ ಪೊಲೀಸರಲ್ಲಿ ವಿವರಿಸಿದರು. 28 ವರ್ಷದ ಹಿಂದೆ ಕಾಣೆಯಾದ ವ್ಯಕ್ತಿಯನ್ನು ಹುಡುಕಿಕೊಡಿ ಎಂದು ದೂರು ದಾಖಲಿಸಿದರು. ನಿತ್ಯಾನಂದ ನಾಯಕ ಅವರ ಸಂಕಟ ಅರಿತ ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿ, ಅದರ ಪ್ರತಿಯನ್ನು ದೂರುದಾರರಿಗೆ ಒದಗಿಸಿದರು.
- [ಮನೆಯವರ ಮಾತು ಕೇಳಲಿಲ್ಲ.. ಡಾಕ್ಟರ್ ಸೂಚನೆ ಪಾಲಿಸಲಿಲ್ಲ!](https://mobiletime.in/2025/10/didnt-listen-to-the-family-didnt-follow-the-doctors-instructions/): ಚಿಕ್ಕ ವಯಸ್ಸಿನಲ್ಲಿಯೇ ದುಶ್ಚಟಕ್ಕೆ ದಾಸರಾಗಿದ್ದ ಶಿರಸಿಯ ರಾಘವೇಂದ್ರ ಬಸರಕೋಡ್ ಅವರು ವೈದ್ಯರು ನೀಡಿದ ಸೂಚನೆ ಪಾಲಿಸದ ಕಾರಣ ಸಾವನಪ್ಪಿದ್ದಾರೆ. ಚಂದದ ಹೆಂಡತಿ, ಸುಂದರ ಸಂಸಾರದ ಜೊತೆ ಬಂಧು-ಬಳಗವನ್ನು ಬಿಟ್ಟು ಅವರು ದೂರ ಹೋಗಿದ್ದಾರೆ. ಶಿರಸಿಯ ನ್ಯೂ ಕೆಎಚ್‌ಬಿ ಕಾಲೋನಿಯ ಚಂದನ ಬಾಲಮಂದಿರ ಬಳಿ ರಾಘವೇಂದ್ರ ಬಸರಕೋಡ್ (33) ಅವರು ವಾಸವಾಗಿದ್ದರು. ಮೆಕಾನಿಕ್ ಆಗಿದ್ದ ಅವರು ಮಧ್ಯಪಾನಕ್ಕೆ ಅಂಟಿಕೊAಡಿದ್ದರು. ಅವರ ಆ ದುಶ್ಚಟ ಮಿತಿಮೀರಿದ ಕಾರಣ ಲಿವರ್ ಹಾಳಾಗಿತ್ತು. ಪಿತ್ತಕೋಶದ ಸಮಸ್ಯೆ ಸಹ ಶುರುವಾಗಿತ್ತು. ಇದೇ ಕಾರಣದಿಂದ ಅವರು ಹೊಟ್ಟೆನೋವಿನಿಂದ ಬಳಲುತ್ತಿದ್ದರು. ರಾಘವೇಂದ್ರ ಬಸರಕೋಡ್ ಅವರು ಅನಾರೋಗ್ಯದ ಕಾರಣದಿಂದ ನೊಂದಿದ್ದರು. ಅವರನ್ನು ತಪಾಸಣೆಗೆ ಒಳಪಡಿಸಿದ ವೈದ್ಯರು ಮಧ್ಯಪಾನ ಬಿಡುವಂತೆ ಸಲಹೆ ನೀಡಿದ್ದರು. ಕುಟುಂಬದವರು ಸಹ ದುಶ್ಚಟದಿಂದ ದೂರವಿರುವಂತೆ ಮನವಿ ಮಾಡಿದ್ದರು. ಆದರೆ, ಮಧ್ಯಪಾನ ಮಾಡುವದನ್ನು ಬಿಟ್ಟು ಬೇರೆನೂ ಮಾಡಲು ಅವರಿಂದ ಸಾಧ್ಯವಾಗುತ್ತಿರಲಿಲ್ಲ. ಅನಾರೋಗ್ಯದ ಕಾರಣ ಮಾನಸಿಕವಾಗಿ ಕುಗ್ಗಿದ್ದ ರಾಘವೇಂದ್ರ ಬಸರಕೋಡ್ ಅವರು ಆತ್ಮಹತ್ಯೆಯ ಮಾಡಿಕೊಳ್ಳುವ ಬಗ್ಗೆ ಮಾತನಾಡಿದ್ದರು. `ಸಾಯುವುದೇ ಮೇಲು’ ಎಂದು ಅವರು ಹೇಳಿಕೊಳ್ಳುತ್ತಿದ್ದರು. ಆಗ, ಅವರ ಕುಟುಂಬದವರೆಲ್ಲ ಸೇರಿ ಅವರನ್ನು ಸಮಾಧಾನ ಮಾಡುತ್ತಿದ್ದರು. ಅಕ್ಟೊಬರ್ 23ರ ರಾತ್ರಿ ರಾಘವೇಂದ್ರ ಬಸರಕೋಡ್ ಅವರು ಮನೆಯಿಂದ ಹೊರ ಹೋದವರು ಮರಳಿ ಬರಲಿಲ್ಲ. ಹುಡುಕಾಟ ನಡೆಸಿದಾಗ ಮನೆ ಪಕ್ಕದ ಖಾಲಿ ಸೈಟಿನಲ್ಲಿ ಅವರು ಬಿದ್ದಿದ್ದರು. ಅರೆಪ್ರಜ್ಞಾವಸ್ಥೆಯಲ್ಲಿದ್ದ ರಾಘವೇಂದ್ರ ಬಸರಕೋಡ್ ಅವರನ್ನು ಶಿರಸಿ ಸರ್ಕಾರಿ ಆಸ್ಪತ್ರೆಗೆ ಕರೆತರಲಾಯಿತು. ಪರೀಕ್ಷಿಸಿದ ವೈದ್ಯರು ರಾಘವೇಂದ್ರ ಬಸರಕೋಡ್ ಅವರು ಇನ್ನಿಲ್ಲ ಎಂದರು. ಈ ಎಲ್ಲಾ ಘಟನಾವಳಿಗಳ ಬಗ್ಗೆ ರಾಘವೇಂದ್ರ ಬಸರಕೋಡ್ ಅವರ ಪತ್ನಿ ಕೃತಿಕಾ ಪೊಲೀಸರಲ್ಲಿ ವಿವರಿಸಿದರು. ಶಿರಸಿ ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಯವರು ಪ್ರಕರಣ ದಾಖಲಿಸಿ, ಶವ ಬಿಟ್ಟುಕೊಟ್ಟರು.  
- [ಪ್ರಪಂಚದಲ್ಲಿಯೇ ದೊಡ್ಡದು ಈ ಪಾತರಗಿತ್ತಿ!](https://mobiletime.in/2025/10/this-midwife-is-the-biggest-in-the-world/): ಪ್ರಪಂಚದಲ್ಲಿಯೇ ಅತಿ ದೊಡ್ಡದು ಎನಿಸಿದ ಪಾತರಗಿತ್ತಿ ಕಾರವಾರದಲ್ಲಿ ಕಾಣಿಸಿದೆ. ಹವ್ಯಾಸಿ ಛಾಯಾಗ್ರಾಹಕ ರವಿ ಗೌಡ ಅವರು ಗುಡ್ಡಳ್ಳಿಯಲ್ಲಿ ಚಿಟ್ಟೆಯ ಚಲನ-ವಲನ ಸೆರೆಹಿಡಿದಿದ್ದಾರೆ. `ಅಟ್ಲಾಸ್ ಮೋತ್’ ಎಂದು ಕರೆಯಲ್ಪಟುವ ಈ ಪತಂಗ 24 ಸೆಂಟಿಮೀಟರ್’ವರೆಗೂ ಬೆಳೆಯುತ್ತದೆ. ಕಾರವಾರದಲ್ಲಿ ಕಾಣಿಸಿದ ಈ ಚಿಟ್ಟೆಯೂ ಅದೇ ಪ್ರಮಾಣದಲ್ಲಿ ಬೆಳವಣಿಗೆ ಹೊಂದಿದ್ದು, ದೈತ್ಯ ಪತಂಗವಾಗಿ ಕಾಣಿಸಿದೆ. ಮಳೆಗಾಲದಲ್ಲಿ ಕರಾವಳಿ ವ್ಯಾಪ್ತಿಯ ಕಾಡುಗಳಲ್ಲಿ ಈ ಪತಂಗ ಕಾಣಿಸಿಕೊಳ್ಳುತ್ತದೆ. ಆದರೆ, ಈ ಕೀಟದ ಬಗ್ಗೆ ಆಸಕ್ತಿಯಿಂದ ಅಧ್ಯಯನ ಮಾಡಿದವರ ಸಂಖ್ಯೆ ವಿರಳ. ಈ ಪ್ರಬೇಧದ ಪಾತರಗಿತ್ತಿಯನ್ನು `ಪ್ರಪಂಚದಲ್ಲಿಯೇ ಬೃಹತ್ ಆಕಾರದ ಪತಂಗ’ ಎಂದು ಗುರುತಿಸಲಾಗಿದೆ. `ಈ ಪತಂಗದ ವೈಜ್ಞಾನಿಕ ಹೆಸರು ಂಣಣಚಿಛಿus ಚಿಣಟಚಿs ಎಂದಿದ್ದು, ಅವು ಮರಗಳ ಎಲೆಗಳ ಮೇಲೆ ಮೊಟ್ಟೆಯಿಟ್ಟು ಮರಿಗಳನ್ನು ಪೋಷಿಸುತ್ತದೆ. ಮೊಟ್ಟೆಯಿಂದ ಹೊರಬಂದ ಹುಳು (ಲಾರ್ವಾ) ಆ ಮರದ ಎಲೆಗಳನ್ನು ತಿಂದು ಶಕ್ತಿಯನ್ನು ಸಂಗ್ರಹಿಸಿ ಕೋಶವನ್ನು (ಕೋಕೂನ್) ರಚಿಸುತ್ತದೆ. ಈ ಪತಂಗಕ್ಕೆ ಬಾಯಿ ಅಥವಾ ಜೀರ್ಣಾಂಗ ವ್ಯವಸ್ಥೆ ಇರುವುದಿಲ್ಲ. ಹಾಗಾಗಿ, ಅದು ಕೋಶದಿಂದ ಹೊರಬಂದು ಪೂರ್ಣಾವಸ್ಥೆಯ ಪತಂಗವಾದ ನಂತರ ಯಾವುದೇ ಆಹಾರವನ್ನು ತಿನ್ನುವುದಿಲ್ಲ. ಹುಳು ಆಗಿರುವಾಗಲೇ ಸಾಕಷ್ಟು ಎಲೆಗಳನ್ನು ತಿಂದು ತನಗೆ ಬೇಕಾದ ಎಲ್ಲ ಶಕ್ತಿಯನ್ನು ಸಂಗ್ರಹಿಸಿಟ್ಟುಕೊAಡಿರುತ್ತದೆ. ಹೀಗಾಗಿ ಈ ಕೀಟದ ಜೀವಿತಾವಧಿ 2 ವಾರ ಮಾತ್ರ. ತನ್ನಲ್ಲಿ ಉಳಿದಿರುವ ಶಕ್ತಿಯನ್ನು ಉಳಿಸಿಕೊಳ್ಳಲು ಈ ಜೀವಿ ತುಂಬಾ ಕಡಿಮೆ ಹಾರಾಟ ಮಾಡುತ್ತದೆ. ಜೊತೆಗೆ ಹೆಚ್ಚಿನ ಸಮಯ ಎಲೆಗಳ ಮೇಲೆ ವಿಶ್ರಾಂತಿಯಲ್ಲಿರುತ್ತದೆ. ದಿನಗಳು ಕಳೆದಂತೆ ತುಂಬಾ ಬಲಹೀನವಾಗುವ ಈ ಪತಂಗವು ಹಕ್ಕಿಗಳು, ಓತಿ ಮತ್ತು ಇರುವೆಗಳಿಗೆ ಆಹಾರವಾಗುವ ಸಾಧ್ಯತೆಗಳೇ ಹೆಚ್ಚಿದೆ ಎಂದು ಕೀಟ ತಜ್ಞರು ಮಾಹಿತಿ ನೀಡಿದ್ದಾರೆ.
- [ಬಾವಿಗೆ ಬಿದ್ದ ಚಲುವೆ ಬದುಕಲೇ ಇಲ್ಲ!](https://mobiletime.in/2025/10/the-frog-that-fell-into-the-well-never-survived/): ಹೊನ್ನಾವರದ ಗಾಯತ್ರಿ ಗೌಡ ಅವರು ದಿಢೀರ್ ಆಗಿ ದುಡುಕು ನಿರ್ಧಾರ ಮಾಡಿದ್ದಾರೆ. 25ನೇ ವಯಸ್ಸಿನಲ್ಲಿಯೇ ಅವರು ತಮ್ಮ ಬದುಕನ್ನು ಕೊನೆಗಾಣಿಸಿದ್ದಾರೆ. ಹೊನ್ನಾವರದ ಗುಂಡಿಬೈಲ್ ಗ್ರಾಮದಲ್ಲಿ ಗಾಯತ್ರಿ ಕೇಶವ ಗೌಡ ಅವರು ವಾಸವಾಗಿದ್ದರು. ಮಂಕಿಯ ಖಾಸಗಿ ಆಸ್ಪತ್ರೆಯಲ್ಲಿ ಗಾಯತ್ರಿ ಗೌಡ ಅವರು ಕೆಲಸಕ್ಕೀದ್ದರು. ಕೆಲಸ ಮುಗಿಸಿ ಶನಿವಾರ ಮನೆಗೆ ಬಂದಿದ್ದ ಅವರು ಎಲ್ಲರ ಜೊತೆ ಚನ್ನಾಗಿಯೇ ಇದ್ದರು. ಚಂಚಲ ಮನಸ್ಸಿನ ಗಾಯತ್ರಿ ಗೌಡ ಅವರು ರಾತ್ರಿ 9ಗಂಟೆಗೆ ಪಕ್ಕದಲ್ಲಿಯೇ ಇರುವ ಸಂಬoಧಿಕರ ಮನೆಗೆ ಹೋಗಿ ಬರುವುದಾಗಿ ಹೊರಟಿದ್ದರು. ಆದರೆ, ತಾಸು ಕಳೆದರೂ ಗಾಯತ್ರಿ ಗೌಡ ಅವರು ಮನೆಗೆ ಮರಳಲಿಲ್ಲ. ಮನೆಯವರು ಹುಡುಕಾಡಿದಾಗ ತೋಟದ ಬಾವಿಯಲ್ಲಿ ಗಾಯತ್ರಿ ಗೌಡ ಅವರ ಶವ ಕಾಣಿಸಿದೆ. ಎಲ್ಲರ ಜೊತೆ ಚನ್ನಾಗಿಯೇ ಇದ್ದ ಗಾಯತ್ರಿ ಗೌಡ ಅವರು ಏಕಾಏಕಿ ಆತ್ಮಹತ್ಯೆಗೆ ಶರಣಾದರು. ಅವರ ದುಡುಕುತನಕ್ಕೆ ಕಾರಣ ಏನು? ಎಂಬುದು ಯಾರಿಗೂ ಗೊತ್ತಾಗಲಿಲ್ಲ. ಇನ್ನೊಂದು ಮಾಹಿತಿ ಪ್ರಕಾರ, ಶನಿವಾರ ರಾತ್ರಿ ಕೆಲಕಾಲ ಫೋನಿನಲ್ಲಿ ಮಾತನಾಡಿದ ಗಾಯತ್ರಿ ಗೌಡ ಅವರು ಕೆಲಕಾಲ ಮಂಕಾಗಿದ್ದರು. ಮನಸ್ಸಿನಲ್ಲಿರುವ ದುಗುಡದ ಬಗ್ಗೆ ಅವರು ಯಾರಲ್ಲಿಯೂ ಹೇಳಿಕೊಳ್ಳಲಿಲ್ಲ. ಅದಾದ ನಂತರ ಜೀವನದಲ್ಲಿಯೇ ಜಿಗುಪ್ಸೆಹೊಂದಿ ಅವರು ಬಾವಿಗೆ ಹಾರಿದರು. ಬಾವಿಯಿಂದ ಮೇಲೆ ಬರುವಷ್ಟರಲ್ಲಿ ಗಾಯತ್ರಿ ಗೌಡ ಅವರು ಶವವಾಗಿದ್ದರು. ಗಾಯತ್ರಿ ಗೌಡ ಅವರ ಸಾವಿಗೆ ಸ್ಪಷ್ಟ ಕಾರಣ ಗೊತ್ತಾಗಿಲ್ಲ. ಕೊನೆಯದಾಗಿ ಆಕೆಗೆ ಫೋನ್ ಮಾಡಿದವರು ಯಾರು? ಎಂಬುದು ಹೊರಬಿದ್ದಿಲ್ಲ. ಸದ್ಯ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ. ಗಾಯತ್ರಿ ಗೌಡ ಅವರ ಆಪ್ತರನ್ನು ಮಾತನಾಡಿಸಿದ್ದಾರೆ. ಗಾಯತ್ರಿ ಅವರ ತಾಯಿ ನೀಡಿದ ದೂರಿನ ಆಧಾರದಲ್ಲಿ ಪೊಲೀಸರು ಆತ್ಮಹತ್ಯೆಯ ಕಾರಣ ಹುಡುಕುವುದಕ್ಕಾಗಿ ತನಿಖೆಯನ್ನು ಶುರು ಮಾಡಿದ್ದಾರೆ.   `ಆತ್ಮಹತ್ಯೆ ಅಪರಾಧ’
- [ಮಳೆಯಲ್ಲಿ ನೆನೆದ ಚುಕ್ಕಿ ಚಿರತೆ!](https://mobiletime.in/2025/10/a-spotted-leopard-soaked-in-the-rain/): ಕಾಳಿ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಶನಿವಾರ ರಾತ್ರಿ ಜೋರು ಮಳೆ ಸುರಿದಿದ್ದು, ಮಳೆಯಲ್ಲಿ ನೆನೆದ ಚಿರತೆ ರಸ್ತೆ ದಾಟಿದ ವಿಡಿಯೋ ಕ್ಯಾಮರಾ ಕಣ್ಣಿನಲ್ಲಿ ಸೆರೆಯಾಗಿದೆ. ಜೊಯಿಡಾದ ಪೋಟೋಲಿ-ಗುಂದ-ಉಳುವಿ ರಸ್ತೆಯಲ್ಲಿ ಪತ್ರಕರ್ತ ತಿಲಕರಾಜ್ ಅವರು ಚಿರತೆ ನೋಡಿದ್ದಾರೆ. ಅದಾದ ನಂತರ ಅವರು ತಮ್ಮ ಮೊಬೈಲಿನಲ್ಲಿ ಚಿರತೆ ಓಡಾಟದ ದೃಶ್ಯವನ್ನು ಚಿತ್ರಿಕರಿಸಿದ್ದಾರೆ. ರಸ್ತೆ ಅಂಚಿನ ಪೊದೆ ಪ್ರದೇಶದಲ್ಲಿದ್ದ ಚಿರತೆ ಕಾರಿನ ದೀಪದ ಬೆಳಕಿನಲ್ಲಿ ರಸ್ತೆ ದಾಟಿದೆ. ಚಿರತೆ ಕಾಣುವ ಕೆಲ ಸಮಯದ ಮೊದಲು ಆ ಪ್ರದೇಶದಲ್ಲಿ ಜೋರು ಮಳೆಯಾಗಿದೆ. ಚಿರತೆ ರಸ್ತೆ ದಾಡುವ ಅವಧಿಯಲ್ಲಿ ಮೈ ತೊಯ್ದಿರುವುದು ಕಾಣುತ್ತಿದೆ. ಕಾರಿನಲ್ಲಿ ಕೂತಿದ್ದ ತಿಲಕರಾಜ್ ಅವರು ಮೋಡದ ವಾತಾವರಣವನ್ನು ಗಮನಿಸಿದ್ದಾರೆ. ಅಂದಾಜು 5 ವರ್ಷದ ಚಿರತೆ ಒಂಟಿಯಾಗಿ ಸಂಚರಿಸುತ್ತಿರುವುದನ್ನು ಅವರು ನೋಡಿದ್ದು, ಚಿರತೆ ರಸ್ತೆ ದಾಟಿದ ನಂತರ ನಿಧಾನವಾಗಿ ಮನೆ ಸೇರಿದ್ದಾರೆ. ಕ್ಯಾಮರಾ ಕಣ್ಣಿಗೆ ಸಿಕ್ಕ ಚಿರತೆಯ ವಿಡಿಯೋ ಇಲ್ಲಿ ನೋಡಿ..
- [ಬೇಲಿ ಹಾರಿದ ಮೊಸಳೆ!](https://mobiletime.in/2025/10/a-crocodile-jumped-the-fence/): ಕಾಳಿ ನದಿಯಲ್ಲಿನ ಮೊಸಳೆಯೊಂದು ದಾಂಡೇಲಿಯಲ್ಲಿ ಬೇಲಿ ಹಾರಿದೆ. ರಕ್ಷಣಾ ಬೇಲಿ ದಾಟಿ ದಟಕ್ಕೆ ಬಂದ ಮೊಸಳೆಗೆ ಮರಳಿ ನದಿಗೆ ಹೋಗಲು ಸಾಧ್ಯವಾಗಿಲ್ಲ. ಹಳೆ ದಾಂಡೇಲಿಯ ಕಾಳಿ ನದಿಗೆ ಅಡ್ಡಲಾಗಿ ರಕ್ಷಣಾ ಬೇಲಿ ನಿರ್ಮಿಸಲಾಗಿದೆ. ಮೊಸಳೆಗಳು ದಡಕ್ಕೆ ಬರುವುದನ್ನು ತಡೆಯಲು ಇಲ್ಲಿ ಬೇಲಿ ನಿರ್ಮಿಸಲಾಗಿದೆ. ಆದರೆ, ಅದನ್ನು ಮೀರಿ ಮೊಸಳೆಯೊಂದು ದಡಕ್ಕೆ ಬಂದಿದ್ದು, ನಂತರ ಆ ಮೊಸಳೆಗೆ ಮತ್ತೆ ನದಿ ಸೇರಲು ಸಾಧ್ಯವಾಗಿಲ್ಲ. ನದಿ ಸೇರಲು ಸಾಹಸ ನಡೆಸಿದ ಮೊಸಳೆಯನ್ನು ವ್ಯಕ್ತಿಯೊಬ್ಬರು ಮೊಬೈಲಿನಲ್ಲಿ ಸೆರೆಹಿಡಿದಿದ್ದಾರೆ. ಕಾಳಿ ನದಿ ತಟದಲ್ಲಿ ಜನ ಬಟ್ಟೆ ಒಗೆಯುವ ಪ್ರದೇಶಕ್ಕೆ ಮೊಸಳೆ ಬಂದಿದೆ. ಕೆಲ ಕಾಲ ಅಲ್ಲಿಯೇ ಅದು ವಿಶ್ರಾಂತಿಪಡೆದಿದೆ. ಅದಾದ ನಂತರ ಮರಳಿ ನದಿಗೆ ತೆರಳುವ ಪ್ರಯತ್ನ ಮಾಡಿದ್ದು, ಗಂಟೆಗಳ ಕಾಲ ಹರಸಾಹಸ ಮಾಡಿದರೂ ನದಿಗೆ ತೆರಳಲು ಆಗಲಿಲ್ಲ. ಈ ವೇಳೆ ಅಲ್ಲಿದ್ದ ವ್ಯಕ್ತಿಯೊಬ್ಬರು ಮೊಸಳೆಯ ವಿಡಿಯೋ ಮಾಡಿದ್ದಾರೆ. ಆ ವಿಡಿಯೋ ಇದೀಗ ವೈರಲ್ ಆಗಿದೆ. ಮಾನವ ಪ್ರವೇಶಿಸುವ ಸ್ಥಳದಲ್ಲಿ ಪದೇ ಪದೇ ಮೊಸಳೆಗಳು ಬರುತ್ತಿರುವುದರಿಂದ ಆ ಭಾಗದ ಜನರ ಆತಂಕ ಹೆಚ್ಚಿದೆ. ಅರಣ್ಯ ಇಲಾಖೆ ಮತ್ತು ನಗರಾಡಳಿತದವರು ನಿರ್ಮಿಸಿದ ಬೇಲಿಯನ್ನು ಮೊಸಳೆ ಹೇಗೆ ದಾಡಿತು? ಎಂಬ ಪ್ರಶ್ನೆಗೂ ಉತ್ತರ ಸಿಕ್ಕಿಲ್ಲ. ಈ ಬೇಲಿಯನ್ನು ಇನ್ನಷ್ಟು ಸುರಕ್ಷಿತವಾಗಿರಿಸಬೇಕು ಎಂದು ಅಲ್ಲಿನವರು ಆಗ್ರಹಿಸಿದ್ದಾರೆ. ಎರಡು ತಾಸಿನ ನಂತರ ವಿಡಿಯೋ ಮಾಡಿದ ವ್ಯಕ್ತಿ ಮತ್ತೆ ಅಲ್ಲಿ ಬಂದು ನೋಡಿದಾಗ ಮೊಸಳೆ ಕಾಣಲಿಲ್ಲ. ಇನ್ಯಾವುದೋ ದ್ವಾರದ ಮೂಲಕ ಅದು ನದಿ ಸೇರಿದ ಬಗ್ಗೆ ಊಹಿಸಲಾಗಿದೆ. ಬೇಲಿ ದಾಟಿ ದಡಕ್ಕೆ ಬಂದ ಮೊಸಳೆಯ ವಿಡಿಯೋ ಇಲ್ಲಿ ನೋಡಿ..
- [ಇಲಿ ಕಾಟಕ್ಕೆ ಬೆದರಿದ ಯಲ್ಲಾಪುರ!](https://mobiletime.in/2025/10/yellapur-threatened-by-rat-menace/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಒಮ್ಮೆ ನಿಯಂತ್ರಣಕ್ಕೆ ಬಂದಿದ್ದ `ಇಲಿ ಜ್ವರ’ ಇದೀಗ ಮತ್ತೆ ಜನರನ್ನು ಕಾಡಿಸುತ್ತಿದೆ. ಯಲ್ಲಾಪುರದ ಕಿರವತ್ತಿ ಬಳಿಯ ಜೋಗಿಕೊಪ್ಪದಲ್ಲಿ ವ್ಯಕ್ತಿಯೊಬ್ಬರಿಗೆ ಈ ಜ್ವರ ಕಾಣಿಸಿದೆ. ಈ ವರ್ಷವೇ ಯಲ್ಲಾಪುರದಲ್ಲಿ ಒಟ್ಟು ಏಳು ಇಲಿ ಜ್ವರ ಪ್ರಕರಣಗಳು ವರದಿಯಾಗಿದೆ. ಇಲಿಯ ಮೂತ್ರದಿಂದ ಈ ಜ್ವರ ಹರಡುತ್ತದೆ. ಈ ರೋಗಕ್ಕೆ ಒಳಗಾದವರು ಜ್ವರ, ತಲೆ ನೋವು, ಆಯಾಸ, ಮೈ-ಕೈ ನೋವಿನಿಂದ ಬಳಲುತ್ತಾರೆ. `ಸಕಾಲದಲ್ಲಿ ರೊಗಕ್ಕೆ ಚಿಕಿತ್ಸೆಪಡೆದರೆ ಯಾವುದೇ ಸಮಸ್ಯೆ ಇಲ್ಲ. ರೋಗ ಉಲ್ಬಣಿಸಿದರೆ ಅಪಾಯ ಖಚಿತ’ ಎನ್ನುತ್ತಾರೆ ವೈದ್ಯಾಧಿಕಾರಿ ಡಾ ನರೇಂದ್ರ ಪವಾರ್. `ಇಲಿ ಜ್ವರ ಮನುಷ್ಯರ ಜೊತೆ ಜಾನುವಾರುಗಳಿಗೆ ಸಹ ಬಾಧಿಸುತ್ತದೆ. `ಲೆಪ್ಟೊಸ್ಪೈರಾ ಎಂಬ ಬ್ಯಾಕ್ಟೀರಿಯಾ ರೋಹ ಹರಡುವಿಕೆಗೆ ಮುಖ್ಯ ಕಾರಣ. ರೋಗ ಲಕ್ಷಣ ಕಾಣಿಸಿದ ತಕ್ಷಣ ವೈದ್ಯರನ್ನು ಭೇಟಿ ಮಾಡುವುದು ಎಲ್ಲಾ ರೀತಿಯಲ್ಲಿಯೂ ಉತ್ತಮ ವಿಧಾನ’ ಎಂದು ಆರೋಗ್ಯ ಇಲಾಖೆಯ ಡಾ ಗಿರೀಶಗೌಡರ ತಿಮ್ಮನಗೌಡರ ಅರಿವು ಮೂಡಿಸಿದ್ದಾರೆ. `ಕಲುಷಿತ ನೀರಿನ ಮೂಲಕವು ಈ ರೋಗ ಬರುತ್ತದೆ. ಪ್ರವಾಹ ಪೀಡಿತ ಪ್ರದೇಶಗಳಲ್ಲಿ ರೋಗ ಹರಡುವ ಸಾಧ್ಯತೆ ಹೆಚ್ಚಿದೆ. ನೀರು ನಿಲ್ಲುವ ಸ್ಥಳಗಳ ಬಗ್ಗೆಯೂ ಎಚ್ಚರಿಕೆವಹಿಸುವುದು ಅಗತ್ಯ. ಕಲುಷಿತ ನೀರು ಹಾಗೂ ಮಣ್ಣಿನೊಂದಿಗೆ ಕೆಲಸ ಮಾಡುವಾಗ ಕೈಗವಸು ಹಾಗೂ ಕಾಲಿಗೆ ಬೂಟು ಧರಿಸುವುದು ಉತ್ತಮ ಬೆಳವಣಿಗೆ’ ಎಂದು ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ ಜೊಸೆಫ್ ಯು ವಿವರಿಸಿದ್ದಾರೆ. `ಮನೆಯಿಂದ ಹೊರಹೋಗಿ ಬಂದ ನಂತರ ಕೈ-ಕಾಲುಗಳನ್ನು ತೊಳೆಯುವುದು ಒಳ್ಳೆಯ ಪದ್ಧತಿ. ಕುಡಿಯುವ ನೀರು ಹಾಗೂ ಆಹಾರ ಸೇವನೆ ವಿಷಯದಲ್ಲಿ ಶುದ್ಧತೆ ಅತೀ ಅಗತ್ಯ. ಇಲಿ ಬಾರದ ರೀತಿ ಮನೆಯನ್ನು ಸ್ವಚ್ಚವಾಗಿರಿಸಿಕೊಂಡರೆ ರೋಗದಿಂದ ದೂರವಿರಲು ಸಾಧ್ಯ. ಸಾಕು ಪ್ರಾಣಿಗಳು ವಾಸಿಸುವ ಪ್ರದೇಶಗಳು ಸ್ವಚ್ಛವಾಗಿರಬೇಕು’ ಎಂದು ಆರೋಗ್ಯ ಇಲಾಖೆಯ ಮಹೇಶ ತಾಳಿಕೋಟಿ ಮಾಹಿತಿ ನೀಡಿದರು. ರೋಗ ಲಕ್ಷಣಗಳಿರುವ ಕಡೆ ಸಮುದಾಯ ಆರೋಗ್ಯ ಅಧಿಕಾರಿ ಶಿವನಗೌಡ ಪಾಟೀಲ ಹಾಗೂ ಆಶಾ ಮತು ಅಂಗನವಾಡಿ ಕಾರ್ಯಕರ್ತರು ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ. `ಇಲಿ ಜ್ವರ ತಡೆಗೆ ಸಾರ್ವಜನಿಕರು ಸಹಕರಿಸಬೇಕು’ ಎಂದು ಆರೋಗ್ಯಾಧಿಕಾರಿ ಡಾ ನರೇಂದ್ರ ಪವಾರ ಅವರು ಮನವಿ ಮಾಡಿದರು.
- [ಊಟ ವಸತಿ ಉಚಿತ-ಕೌಶಲ್ಯವೃದ್ಧಿ ಖಚಿತ:  ದುಡ್ಡು ಕೊಡ್ತಾರೆ.. ಕೆಲಸವನ್ನು ಕಲಿಸುತ್ತಾರೆ!](https://mobiletime.in/2025/10/they-give-money-they-teach-you-the-job/): ಉತ್ತರ ಕನ್ನಡ ಜಿಲ್ಲೆಯ ಪ್ರವಾಸೋದ್ಯಮ ಬೆಳವಣಿಗೆಗೆ ಶ್ರಮಿಸುತ್ತಿರುವ ಯಲ್ಲಾಪುರದ ಯುಕೆ ನೇಚರ್ ಸ್ಟೇ ಪ್ರವಾಸೋದ್ಯಮದ ಮೂಲಕವೇ ಉದ್ಯೋಗ ಸೃಷ್ಠಿಗೆ ಮುಂದಾಗಿದೆ. ದುಡಿಯುವ ಕೈಗಳಿಗೆ ಕಾಸು ಕೊಟ್ಟು ತರಬೇತಿಯನ್ನು ನೀಡುವ ಯೋಜನೆಯೊಂದನ್ನು ಯುಕೆ ನೇಚರ್ ಸ್ಟೇ ಪರಿಚಯಿಸಿದೆ. ನಿಸರ್ಗದೊಳಗೇ ಬದುಕಿ, ಹೊಸದನ್ನು ಕಲಿಯುವ ಒಂದು ಜೀವನ ಶೈಲಿ ರೂಡಿಸಿಕೊಳ್ಳುವವರಿಗೆ ಈ ರೆಸಾರ್ಟ ಕರೆಯುತ್ತಿದೆ! ಸುತ್ತಲು ನೈಸರ್ಗಿಕ ಕಾಡು-ಮೇಡು, ತಣ್ಣಗೆ ಹರಿಯುವ ಹೊಳೆ, ನಸುಕಿನ ಮಂಜಿನಲ್ಲಿ ಎಚ್ಚರವಾದಾಗ ಇಂಪಾಗಿ ಕೇಳುವ ಹಕ್ಕಿಗಳ ಕೂಗು. ಆ ರೆಸಾರ್ಟಿನಲ್ಲಿ ಚಿಲಿಪಿಲಿ ನಾದದ ಜೊತೆ ಆರಂಭವಾಗುವ ದಿನ. ಇದೆಲ್ಲವನ್ನು ಆಹ್ವಾದಿಸಿ ಒಂದು ವರ್ಷ ಕಳೆಯುವುದೇ ಒಂದು ಸೊಬಗು. ಅದರಲ್ಲಿಯೂ ಗ್ರಾಮೀಣ ಭಾಗದ ನಿರುದ್ಯೋಗಿಗಳನ್ನು ಗುರಿಯಾಗಿರಿಸಿಕೊಂಡು ಯುಕೆ ನೇಚರ್ ಸ್ಟೇ ರೂಪಿಸಿದ `ನೇಚರ್ ಸ್ಟೇ ಮ್ಯಾನೇಜ್ಮೆಂಟ್ ತರಬೇತಿ’ ಮುಗಿಸಿದರೆ ಹೊಸ ಜೀವನ ಶೈಲಿ ಜೊತೆ ಭವಿಷ್ಯ ನಿರ್ಮಾಣದ ಮಾರ್ಗ ಸಿಗುವುದು ಖಚಿತ. ಆಟವಾಡುತ್ತಲೇ ಪಾಠ ಕಲಿಯಿರಿ! ಯುಕೆ ನೇಚರ್ ಸ್ಟೇ’ಯಲ್ಲಿ ಗುರುಕುಲ ಪದ್ಧತಿಯ ಆಧಾರದಲ್ಲಿ ಅತಿಥಿ ಸತ್ಕಾರ ಮಾಡುವ ವಿಧಾನಗಳ ಬಗ್ಗೆ ಇಲ್ಲಿ ಅಭ್ಯರ್ಥಿಗಳಿಗೆ ಒಂದು ವರ್ಷದ ತರಬೇತಿ ನೀಡಲಾಗುತ್ತದೆ. ತರಬೇತಿ ಅವಧಿಯಲ್ಲಿ ಪ್ರತಿಯೊಬ್ಬರಿಗೂ ಉಚಿತ ಊಟ, ವಸತಿ, ವೈಫೈ ಹಾಗೂ ಬಟ್ಟೆಗಳ ಜೊತೆ ಮಾಸಿಕ 3 ಸಾವಿರ ರೂ ಗೌರವಧನ ನೀಡಲಾಗುತ್ತದೆ. ವರ್ಷದ ಕಲಿಕೆ ನಂತರ ವಿವಿಧ ಹೊಟೇಲ್, ರೆಸಾರ್ಟ, ಹೋಂ ಸ್ಟೇಗಳಲ್ಲಿ ಉದ್ಯೋಗ ಅವಕಾಶ ಒದಗಿಸಲಾಗುತ್ತದೆ. ಪ್ರವಾಸೋದ್ಯಮ ವಿಷಯವಾಗಿ ಸ್ವಂತ ಉದ್ಯೋಗ ಬಯಸುವವರಿಗೂ ಯುಕೆ ನೇಚರ್ ಸ್ಟೇ ಬೆಂಬಲ ನೀಡುತ್ತದೆ. ಹೋಂ ಸ್ಟೇ, ರೆಸಾರ್ಟ ನಿರ್ಮಾಣದ ಕನಸು ಹೊಂದಿದವರಿಗೆ ಪ್ರಾಯೋಗಿಕ ತರಬೇತಿಗಳ ಮೂಲಕ ಅವರ ಕೌಶಲ್ಯ ವೃದ್ಧಿಸುವ ಕಾರ್ಯ ನವೆಂಬರ್ 1ರಿಂದ ಶುರುವಾಗುತ್ತಿದೆ. ಶಾಲೆಯ ತರಗತಿಗಳಲ್ಲಿ ಅಥವಾ ಪುಸ್ತಕದ ಪುಟಗಳಲ್ಲಿ ಕಲಿಯುವ ವಿಷಯಗಳು ಹೆಚ್ಚಿನ ಸಂದರ್ಭಗಳಲ್ಲಿ ಬದುಕಿನ ನೈಜ ಅನುಭವ ನೀಡಲು ಸೋತುಬಿಡುತ್ತವೆ. ಒಬ್ಬ ವಿದ್ಯಾರ್ಥಿ ಹೋಟೆಲ್ ಮ್ಯಾನೇಜ್ಮೆಂಟ್ ಪುಸ್ತಕ ಓದಿದರೂ, ಅವರಿಗೆ ಆ ಅನುಭವ ಕೇವಲ ಪುಸ್ತಕದಿಂದಷ್ಟೇ ಸಿಕ್ಕುವುದಿಲ್ಲ. ಇದನ್ನು ಅರಿತ ಯುಕೆ ನೇಚರ್ ಸ್ಟೇಯ ನಿರಂಜನ ಭಟ್ಟ ಹಾಗೂ ಸೌಮ್ಯಾ ಭಟ್ಟ ದಂಪತಿ ಪ್ರಕೃತಿಯ ನಡುವೆ ಪ್ರಾಯೋಗಿಕ ಪಾಠ ಮಾಡುವ ವಿಧಾನಕ್ಕೆ ಮುಂದಾಗಿದ್ದಾರೆ. ಕಾಡಿನ ಜ್ಞಾನ ಬಿತ್ತರಿಸುವ ನುರಿತ ತಜ್ಞರು ಇಲ್ಲಿ ಮಾತಿಗೆ ಸಿಗುತ್ತಾರೆ. ಔಷಧಗಳ ಸತ್ವವಿರುವ ಗಿಡ ಮೂಲಿಕೆಗಳ ಪರಿಚಯ, ಪ್ರಾಣಿ-ಪಕ್ಷಿಗಳ ಬದುಕಿನ ಆಳ ಅಧ್ಯಯನ ಸೇರಿ ಅನೇಕ ವಿಷಯಗಳ ಬಗ್ಗೆ ಇಲ್ಲಿ ಅರಿವು ಮೂಡಿಸಲಾಗುತ್ತದೆ. ಪೃಕೃತಿ ಜೊತೆ ಬೆರೆತು ಪರಿಸರ ಆಹ್ವಾದಿಸಿ! ಯುಕೆ ನೇಚರ್ ಸ್ಟೇ `ಅತಿಥಿ ದೇವೋ ಭವ’ ಎಂಬ ಭಾರತೀಯ ಪರಂಪರೆಯ ಮೌಲ್ಯವನ್ನು ಆಧುನಿಕ ರೀತಿಯಲ್ಲಿ ಜೀವಂತಗೊಳಿಸಿದೆ. ಇಲ್ಲಿನ ೯ ಎಕರೆ ಪ್ರದೇಶದಲ್ಲಿ 5 ಸಾವಿರಕ್ಕೂ ಹೆಚ್ಚು ಸಸ್ಯಗಳು, ಅರಣ್ಯ, ಔಷಧಿ, ಹಣ್ಣು ಮತ್ತು ಹೂವಿನ ಗಿಡಗಳಿವೆ. ಅರಣ್ಯದ ವಾತಾವರಣದ ಜೊತೆ ಮಾನವನ ವಾಸ ಹಾಗೂ ವಿಶ್ರಾಂತಿಗೆ ಯೋಗ್ಯ ಪರಿಸರ ಇಲ್ಲಿದೆ. ಇಂತಹ ನೆಮ್ಮದಿ ಎಲ್ಲರಿಗೂ ಸಿಗಬೇಕು ಎಂಬ ನಿಟ್ಟಿನಲ್ಲಿ ನಿರಂಜನ್ ಮತ್ತು ಸೌಮ್ಯ ಅವರು ಶ್ರಮಿಸುತ್ತಿದ್ದಾರೆ. ಸದ್ಯ ಆಯೋಜಿಸಿರುವ ಒಂದು ವರ್ಷದ ಕೋರ್ಸಿನಲ್ಲಿ ಗುಡ್ಡ-ಬೆಟ್ಟಗಳ ತಿರುಗಾಟ ನಡೆಸಿ ಅರಣ್ಯ ಜ್ಞಾನ ವೃದ್ಧಿಸುವ ಗುರುಗಳು ಜೊತೆಗಿರುತ್ತಾರೆ. ಅತಿಥಿಯನ್ನು ಹಸನ್ಮುಖಿಯಾಗಿ ಸ್ವಾಗತಿಸುವದರಿಂದಹಿಡಿದು ಅವರ ಆಗುಹೋಗುಗಳಿಗೆ ಸ್ಪಂದಿಸುವ ಪ್ರತಿಯೊಂದನ್ನು ಇಲ್ಲಿ ಕಲಿಸುತ್ತಾರೆ. ಗ್ರಾಹಕರೊಂದಿಗೆ ಹೇಗೆ ಸಂಯಮದಿoದ ರ‍್ತಿಸಬೇಕೆಂಬ ಸಾಮಾನ್ಯಪ್ರಜ್ಞೆ ಜೊತೆ ಅವರ ಮನಗೆಲ್ಲುವ ವಿಧಾನವನ್ನು ತಿಳಿಸುತ್ತಾರೆ. ಕರ‍್ಸ ಮುಗಿಸಿದ ನಂತರ ಅಗತ್ಯವಿದ್ದವರಿಗೆ ಉದ್ಯೋಗ.. ಸ್ವ ಉದ್ಯೋಗ ಮಾಡುವವರಿಗೆ ಬೆಂಬಲ ಕೊಡುತ್ತಾರೆ. ಇಲ್ಲಿ ನೀವೇನು ಕಲಿಯುತ್ತೀರಿ? * ನಿಸರ್ಗ ಗುರುಕುಲ ಜೀವನ: ಯೋಗ, ಧ್ಯಾನ, ತೋಟಗಾರಿಕೆ, ಶಾಶ್ವತ ಜೀವನ ಪಾಠಗಳು. * ಹಾಸ್ಪಿಟಾಲಿಟಿ ನಿರ್ವಹಣೆ: ಫ್ರಂಟ್ ಆಫೀಸ್, ಅಡುಗೆ, ಹೌಸ್ಕೀಪಿಂಗ್, ಅತಿಥಿ ಸಂವಹನ. * ಇಕೋ ಟೂರಿಸಂ: ಟ್ರೆಕ್, ಕ್ಯಾಂಪಿAಗ್, ಸಾಹಸ ನಿರ್ವಹಣೆ. * ಮಾರ್ಕೆಟಿಂಗ್: ಸೋಷಿಯಲ್ ಮೀಡಿಯಾ, ಬ್ರೋಶರ್, ಶಾರ್ಟ್ ವಿಡಿಯೋ ಸಿದ್ಧತೆ. * ಮ್ಯಾನೇಜ್ಮೆಂಟ್: ಸ್ವಂತ ಹೋಮ್ಸ್ಟೇ ಸ್ಥಾಪನೆ, ಬಜೆಟಿಂಗ್, ಮಾನವ ಸಂಪನ್ಮೂಲ ಮತ್ತು ವೆಂಡರ್ ನಿರ್ವಹಣೆ * ಇಂಟರ್ನ್ಶಿಪ್: ನೈಜ ಅತಿಥಿ ಅನುಭವದ ಆಧಾರದ ಮೇಲೆ ಪ್ರಾಜೆಕ್ಟ್. * ಪ್ರಮಾಣಪತ್ರ ಹಾಗೂ ಉದ್ಯೋಗ ಮಾರ್ಗದರ್ಶನ. ತರಬೇತಿ ನಂತರದ ಫಲಿತಾಂಶ * ಹಾಸ್ಪಿಟಾಲಿಟಿ ಕ್ಷೇತ್ರದಲ್ಲಿ ತಕ್ಷಣ ಉದ್ಯೋಗ. *ಸ್ವಂತ ಹೋಮ್ಸ್ಟೇ ಅಥವಾ ರೆಸಾರ್ಟ್ ಆರಂಭಿಸಲು ಮಾರ್ಗದರ್ಶನ. * ಯುಕೆ ನೇಚರ್ ಸ್ಟೇ ಪ್ರಮಾಣಪತ್ರ ಹಾಗೂ ಪ್ಲೇಸ್ಮೆಂಟ್ ನೆರವು. * ನೈಜ ಅನುಭವದ ಮೂಲಕ ನಿರ್ವಹಣಾ ಕೌಶಲ್ಯ. ಇಲ್ಲಿ ನಿಮಗೇನು ಸಿಗುತ್ತದೆ? *ನೈಸರ್ಗಿಕ ವಾತಾವರಣದ ವಸತಿ. *ಸಸ್ಯಾಹಾರ ಮತ್ತು ಹೈಜೀನಿಕ್ ಆಹಾರ. *ವೈ-ಫೈ, ಯೂನಿಫಾರ್ಮ್ ಹಾಗೂ ಬಟ್ಟೆ. ಮಾಸಿಕ 3 ಸಾವಿರ ರೂ ಆರ್ಥಿಕ ನೆರವು. *ಸಾಂಸ್ಕೃತಿಕ ಮತ್ತು ವ್ಯಕ್ತಿತ್ವ ವಿಕಸನ ಚಟುವಟಿಕೆಗಳು *ಸಂವಹನ ಕೌಶಲ್ಯ, ಅರ್ಜಿ ಮಾಹಿತಿ, ಅತಿಥಿ ಸತ್ಕಾರದ ಸಂಪೂರ್ಣ ತರಬೇತಿ*ಉದ್ಯೋಗ ಅಥವಾ ಪ್ರವಾಸೋದ್ಯಮದಲ್ಲಿನ ಸ್ವ ಉದ್ಯೋಗಕ್ಕೆ ಬೆಂಬಲ ಎಲ್ಲಿ ಬರುವುದು? ಯಾರನ್ನು ಸಂಪರ್ಕಿಸುವುದು? ಈ ತರಬೇತಿ ಯಲ್ಲಾಪುರದ ಸುಂಗನಮಕ್ಕಿಯ ಯುಕೆ ನೇಚರ್ ಸ್ಟೇ ರೆಸಾರ್ಟಿನಲ್ಲಿ ನಡೆಯಲಿದೆ. ಸದ್ಯ 25 ಅಭ್ಯರ್ಥಿಗಳಿಗೆ ಮಾತ್ರ ತರಬೇತಿ ಕೊಡಲಾಗುತ್ತದೆ. ಅಕ್ಟೊಬರ್ 31ರ ಒಳಗೆ 9449567673ಗೆ ವಾಟ್ಸಪ್ ಮೂಲಕ ಸಂಪರ್ಕಿಸಿದರೆ ಇನ್ನಷ್ಟು ವಿವರ ಸಿಗಲಿದೆ. #Sponsored  
- [2025 ಅಕ್ಟೊಬರ್ 26ರ ದಿನ ಭವಿಷ್ಯ](https://mobiletime.in/2025/10/prediction-for-october-26-2025/): ಮೇಷ ರಾಶಿ: ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗಿಗಲಿದ್ದು, ಹೊಸ ಅವಕಾಶಗಳು ಅರೆಸಿಬರಲಿದೆ. ಎಲ್ಲ ಕಾರ್ಯಗಳಲ್ಲೂ ಶಾಂತ ಮನಸ್ಸಿನಿಂದ ಮುಂಚೂಣಿಯನ್ನು ಸಾಧಿಸುವಿರಿ. ಹಣಕಾಸು ವಿಷಯದಲ್ಲಿ ಎಚ್ಚರಿಕೆವಹಿಸಿ. ವೃಷಭ ರಾಶಿ: ನಿಮ್ಮ ಶ್ರಮದ ಫಲ ಈ ದಿನ ಸಿಗಲಿದೆ. ಕೆಲಸಗಳಲ್ಲಿನ ಶ್ರದ್ಧೆ ನಿಮ್ಮ ಬೆಳವಣಿಗೆಗೆ ಸಹಕಾರಿಯಾಗಲಿದೆ. ಹಳೆ ವ್ಯವಹಾರಗಳನ್ನು ನವೀಕರಿಸುವ ಅವಕಾಶ ಸಿಗಲಿದೆ. ಮಾನಸಿಕ ಶಾಂತಿ ದೊರೆಯುತ್ತದೆ. ಮಿಥುನ ರಾಶಿ: ಹೊಸ ಕಲಿಕೆ ಮತ್ತು ಸಂಚಾರಕ್ಕೆ ಸೂಕ್ತ ದಿನ. ಸಂಬoಧಗಳಲ್ಲಿ ಸ್ಪಷ್ಟತೆ ಸಿಗಲಿದೆ. ನಿಮ್ಮ ಮಾತು ತುಂಬಾ ಭಾವಪೂರ್ಣವಾಗಲಿದೆ. ದುಡುಕಿನ ನಿರ್ಧಾರಗಳು ಬೇಡ. ಕರ್ಕ ರಾಶಿ: ಕುಟುಂಬದಲ್ಲಿ ಸಂವಾದ ಹಾಗೂ ಸಹಕಾರ ಹೆಚ್ಚಲಿದೆ. ಕೆಲಸದ ಜಾಗದಲ್ಲಿ ಪ್ರಗತಿ ಸಾಧ್ಯವಿದೆ. ಅನೇಕ ಯೋಜನೆಗಳ ನಿರ್ವಹಣೆ ಯಶಸ್ವಿಯಾಗಲಿದೆ. ಸಿಂಹ ರಾಶಿ: ಸೃಜನಾತ್ಮಕ ಕೆಲಗಳಿಂದ ನಿಮ್ಮ ಶಕ್ತಿ ಹೆಚ್ಚಲಿದೆ. ಹಣಕಾಸಿನದಲ್ಲಿ ಲಾಭ ಆಗಲಿದೆ. ಹೋರಾಟದಲ್ಲಿಯೂ ಯಶಸ್ಸು ಸಿಗಲಿದೆ. ಕನ್ಯಾ ರಾಶಿ: ಕಾರ್ಮಿಕರ ಹಾಗೂ ವ್ಯವಹಾರದ ಕ್ಷೇತ್ರದಲ್ಲಿ ಲಾಭ ಸಿಗಲಿದೆ. ಶ್ರದ್ಧೆಯೊಂದಿಗೆ ಮಾಡಿದ ಕೆಲಸದಲ್ಲಿ ಜಯ ಖಚಿತ. ಪ್ರೀತಿ- ಪ್ರೇಮ ವಿಷಯಗಳು ಸರಾಗವಾಗಲಿದೆ. ತುಲಾ ರಾಶಿ: ನಿಮ್ಮೊಳಗಿನ ಧೈರ್ಯ ಮತ್ತು ಆತ್ಮವಿಶ್ವಾಸ ಹೆಚ್ಚಳವಾಗಲಿದೆ. ಉದ್ಯೋಗ ಹಾಗೂ ವ್ಯವಹಾರದಲ್ಲಿ ಅವಕಾಶ ಸಿಗಲಿದೆ. ಪ್ರಯಾಣದ ಸಾಧ್ಯತೆಗಳಿವೆ. ವೃಶ್ಚಿಕ ರಾಶಿ: ಜೀವನದಲ್ಲಿ ಬದಲಾವಣೆಗಳನ್ನು ಸ್ವೀಕರಿಸಿ. ಉದ್ದೇಶಗಳು ದಢವಾಗಿರಲಿ. ಜೀವನದ ಹೊಸ ದಿಕ್ಕು ಕಾಣಲಿದೆ. ಧನು ರಾಶಿ: ಉತ್ಸಾಹದಿಂದ ಮಾಡದ ಕೆಲಸಗಳಲ್ಲಿ ಯಶಸ್ಸು ಸಾಧ್ಯವಿದೆ. ಹಣಕಾಸಿನಲ್ಲಿ ಲಾಭ ಆಗಲಿದೆ. ಬೌಧ್ಧಿಕ ಚಟುವಟಿಕೆಗಳಿಗೆ ಸಮಯ ಮೀಸಲಿಡುವುದು ಅನಿವಾರ್ಯ. ಮಕರ ರಾಶಿ: ಕಾರ್ಯಕ್ಷೇತ್ರದಲ್ಲಿ ಶ್ರೇಷ್ಠ ಗಳಿಕೆ ಸಾಧ್ಯವಿದೆ. ಹಣಕಾಸು ಯೋಜನೆಗಳಲ್ಲಿ ಯಶಸ್ಸು ಸಿಗಲಿದೆ. ಧೈರ್ಯದಿಂದ ಕೆಲಸ ಮಾಡುವುದು ಮುಖ್ಯ. ಕುಂಭ ರಾಶಿ: ಹೊಸ ಆದಾಯದ ಮೂಲ ಕಾಣಲಿದೆ. ವ್ಯಾಪಾರದಲ್ಲಿ ಸುಧಾರಣೆ ಸಾಧ್ಯವಿದೆ. ಸಾಮಾಜಿಕ ಬಲ ಮತ್ತು ಸಹಕಾರದ ಜೊತೆ ಆತ್ಮವಿಶ್ವಾಸ ಹೆಚ್ಚಳವಾಗಲಿದೆ. ಮೀನ ರಾಶಿ: ಸಂವಹನ ಕೌಶಲ್ಯದಿಂದ ನಿಮ್ಮ ಸೃಜನಶೀಲ ಚಟುವಟಿಕೆ ಹೆಚ್ಚಲಿದೆ. ಕಾರ್ಯಕ್ಷೇತ್ರಗಳಲ್ಲಿ ಉತ್ತಮ ದಾರಿ ಸಿಗಲಿದೆ. ಆರೋಗ್ಯ ಉತ್ತಮವಾಗಿರಲಿದೆ.
- [ಕಬ್ಬು ಬೆಳೆಗಾರರ ಆಕ್ರೋಶ: ಕಾರ್ಖಾನೆಯವರ ಹಗ್ಗ ಜಗ್ಗಾಟ!](https://mobiletime.in/2025/10/sugarcane-growers-outrage-factory-workers-tug-of-war/): ಕಬ್ಬು ಬೆಳೆಗಾರರು ವಿವಿಧ ಸಮಸ್ಯೆಗಳ ಬಗೆಹರಿಸುವಂತೆ ಆಗ್ರಹಿಸಿ ಮೂರು ದಿನಗಳಿಂದ ಹಳಿಯಾಳದಲ್ಲಿ ಪ್ರತಿಭಟಿಸುತ್ತಿದ್ದರೂ, ಕಾರ್ಖಾನೆಯವರು ಪ್ರತಿಭಟನಾಕಾರರ ಬೇಡಿಕೆಗೆ ಸ್ಪಂದಿಸಿಲ್ಲ. ಹೀಗಾಗಿ ಮೂರನೇ ದಿನದ ರಾತ್ರಿಯೂ ಪ್ರತಿಭಟನೆ ಮುಂದುವರೆದಿದೆ. `ಮಾತುಕತೆ ಅಂತಿಮವಾಗದೇ ಇರುವುದರಿಂದ ರೈತರ ನಡುವೆ ಯಾವುದೇ ದ್ವಿ ಪಕ್ಷೀಯ ಒಪ್ಪಂದವಾಗಿಲ್ಲ. ಸಮಸ್ಯೆ ಬಗೆಹರಿಯದ ಹೊರತು ಕಬ್ಬು ಕಟಾವು ಮಾಡಲು ಯಾವುದೇ ಒತ್ತಡ ಹಾಕುವಂತಿಲ್ಲ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರೂ ಸ್ಥಳ ಭೇಟಿ ಮಾಡುವ ಕಾರ್ಖಾನೆ ಪ್ರತಿನಿಧಿಗಳು ರೈತರನ್ನು ಪುಸಲಾಯಿಸುತ್ತಿದ್ದಾರೆ. ತಪ್ಪು ಮಾಹಿತಿ ನೀಡಿ ಕಬ್ಬು ಕಟಾವು ಮಾಡಿಸಿದಲ್ಲದೇ ರೈತರ ಮದ್ಯೆ ಒಡಕು ಮೂಡಿಸುವ ಪ್ರಯತ್ನ ಮಾಡಿದ್ದಾರೆ’ ಎಂದು ಪ್ರತಿಭಟನಾಕಾರರು ದೂರಿದರು. ಕಬ್ಬು ಬೆಳೆಗಾರರ ಹಿತಸಂರಕ್ಷಣ ಸಮಿತಿಯ ಅಧ್ಯಕ್ಷ ನಾಗೇಂದ್ರ ಜಿವೋಜಿ, ಕಬ್ಬು ಬೆಳೆಗಾರರ ಸಂಘದ ಜಿಲ್ಲಾಧ್ಯಕ್ಷ ಸಂದೀಪಕುಮಾರ ಬೊಬಾಟಿ, ತಾಲೂಕಾಧ್ಯಕ್ಷ ಶಂಕರ ಕಾಜಗಾರ, ಕಾರ್ಯದರ್ಶಿ ಅಶೋಕ ಮೇಟಿ, ಹಿರಿಯ ರೈತ ಮುಖಂಡ ಪ್ರಕಾಶ ಪಾಕರಿ, ಸಾತೋರಿ ಗೋಡಿಮನಿ, ರಾಮದಾಸ ಬೆಳಗಾಂವಕರ, ಬಳಿರಾಮ ಮೋರೆ ಇತರರು ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದರು. ರೈತರ ಧರಣಿ ಅಹೋರಾತ್ರಿ ಮುಂದುವರೆಯುವ ಬಗ್ಗೆ ಘೋಷಿಸಿದರು.
- [ಆತ್ಮಹತ್ಯೆ ಬೆದರಿಕೆ ಒಡ್ಡಿದವನ ಅನುಮಾನಾಸ್ಪದ ಸಾವು!](https://mobiletime.in/2025/10/suspicious-death-of-a-man-who-threatened-suicide/): ಕಳೆದ ವರ್ಷ ಹಿರಿಯ ಅಧಿಕಾರಿಗಳ ಕಿರುಕುಳ ಹಿನ್ನಲೆ ಆತ್ಮಹತ್ಯೆ ಬೆದರಿಕೆ ಒಡ್ಡಿದ್ದ ಶಿರಸಿ ಅಬಕಾರಿ ಇಲಾಖೆಯ ವಾಹನ ಚಾಲಕ ದುರ್ಗಪ್ಪ ಗಾಯಕವಾಡ ಅವರು ಅನುಮಾನಾಸ್ಪದ ರೀತಿ ಸಾವನಪ್ಪಿದ್ದಾರೆ. ಅವರ ಸಾವಿನ ತನಿಖೆಗಾಗಿ ಕುಟುಂಬದವರು ದೂರು ನೀಡಿದ್ದಾರೆ. ಶಿರಸಿಯ ಅಬಕಾರಿ ಇಲಾಖೆಯಲ್ಲಿ ದುರ್ಗಪ್ಪ ಗಾಯಕವಾಡ ಅವರು ವಾಹನ ಚಾಲಕರಾಗಿ ಕೆಲಸ ಮಾಡಿಕೊಂಡಿದ್ದರು. ಮರಾಠಿಕೊಪ್ಪದಲ್ಲಿ ವಾಸವಾಗಿರುವ ಅವರು ಮದ್ಯ ಸೇವಿಸಿ ಕಚೇರಿಗೆ ಬರುತ್ತಿದ್ದ ಕಾರಣ ಮೇಲಧಿಕಾರಿಗಳು ಅವರಿಗೆ ಬುದ್ದಿ ಹೇಳಿದ್ದರು. ಆ ಅವಧಿಯಲ್ಲಿ ಅಬಕಾರಿ ಉಪಅಧೀಕ್ಷಕ ಶಿವಪ್ಪ ಎಚ್ ಎಸ್ ಅವರು ದುರ್ಗಪ್ಪ ಗಾಯಕವಾಡರ ವರ್ತನೆಯ ಬಗ್ಗೆ ಮೇಲಧಿಕಾರಿಗಳಿಗೆ ಸಹ ದೂರು ನೀಡಿದ್ದರು. ದುರ್ಗಪ್ಪ ಗಾಯಕವಾಡ ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿ ಆ ವರದಿಯನ್ನು ಸಹ ಮೇಲಧಿಕಾರಿಗಳಿಗೆ ರವಾನಿಸಿದ್ದರು. ಈ ಹಿನ್ನಲೆ ಚಾಲಕನ ಮೇಲೆ ಶಿಸ್ತು ಕ್ರಮ ಜರುಗಿಸುವಂತೆ ಪ್ರಾಧಿಕಾರದಿಂದ ಅಬಕಾರಿ ಉಪನಿರೀಕ್ಷಕರಿಗೆ ಸೂಚನೆ ಬಂದಿತ್ತು. 2024ರ ಸೆ 19ರಂದು ಚಾಲಕ ದುರ್ಗಪ್ಪ ಎಂ ಗಾಯಕವಾಡ ಅವರಿಗೆ ಅಬಕಾರಿ ಉಪನಿರೀಕ್ಷಕ ಶಿವಪ್ಪ ಎಚ್ ಎಸ್ ಅವರು ನೋಟಿಸ್ ನೀಡಿದ್ದರು. ನೋಟಿಸ್ ನೋಡಿ ಸಿಟ್ಟಾದ ಚಾಲಕ `ನಾನು ಸಾವಿಗೆ ಶರಣಾಗುವೆ’ ಎಂದು ಕಾರವಾರ ವಿಳಾಸದೊಂದಿಗೆ ಅಬಕಾರಿ ಆಯುಕ್ತರಿಗೆ ಪತ್ರ ರವಾನಿಸಿದ್ದರು. `ಹಿರಿಯ ಅಧಿಕಾರಿಗಳ ಕಿರುಕುಳದಿಂದ ನಾನು ಸಾವನಪ್ಪುತ್ತೇನೆ. ನನ್ನ ಸಾವಿಗೆ ಹಿರಿಯ ಅಧಿಕಾರಿಗಳೇ ಕಾರಣ’ ಎಂದು ಪತ್ರದ ಮೂಲಕ ಬೆದರಿಕೆ ಒಡ್ಡಿದ್ದರು. ಇದನ್ನು ಅರಿತ ಶಿವಪ್ಪ ಅವರು ಅದೇ ದಿನ ರಾತ್ರಿ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದರು. 2025ರ ಅಕ್ಟೊಬರ್ 23ರಂದು ಮರಾಠಿಕೊಪ್ಪದ ಬಾಡಿಗೆ ಮನೆಯಲ್ಲಿ ದುರ್ಗಪ್ಪ ಗಾಯಕವಾಡ ಅವರು ಸಾವನಪ್ಪಿದ್ದಾರೆ. `ದುರ್ಗಪ್ಪ ಗಾಯಕವಾಡ ಅವರು ವಿಪರೀತ ಸರಾಯಿ ಕುಡಿಯುತ್ತಿದ್ದರು’ ಎಂದು ಅವರ ಧಾರವಾಡದಲ್ಲಿರುವ ಅವರ ಮಗ ಕಾರ್ತಿಕ ಗಾಯಕವಾಡ ಅವರು ಒಪ್ಪಿದ್ದಾರೆ. ಅದರೊಂದಿಗೆ ಅವರ ಸಾವಿನಲ್ಲಿ ಸಂಶಯವನ್ನು ವ್ಯಕ್ತಪಡಿಸಿದ್ದು, ಶಿರಸಿ ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
- [ಉಸಿರಾಟ ಸಮಸ್ಯೆ: ದುಡಿಯುವ ಕಾರ್ಮಿಕನ ಕೊನೆಯುಸಿರು!](https://mobiletime.in/2025/10/respiratory-problem-the-last-breath-of-a-working-worker/): ಅತಿಯಾದ ವಾಂತಿಯಿoದ ಅಸ್ವಸ್ಥರಾದ ಕುಮಟಾದ ಲೋಕೇಶ ಗೌಡ ಅವರನ್ನು ಕುಟುಂಬದವರು ಎರಡು ಆಸ್ಪತ್ರೆಗೆ ಕರೆದೊಯ್ದರೂ ಪ್ರಯೋಜನಕ್ಕೆ ಬರಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಸಾವನಪ್ಪಿದ್ದಾರೆ. ಕುಮಟಾದ ಗೋಕರ್ಣ ಬಳಿಯ ಚೌಡಗೇರಿಯಲ್ಲಿ ಲೋಕೇಶ ಸಣ್ಣು ಗೌಡ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಉಸಿರಾಟ ಸಮಸ್ಯೆಯಿಂದ ಬಳಲುತ್ತಿದ್ದ ಅವರು ಅದಕ್ಕೆ ಚಿಕಿತ್ಸೆಪಡೆದಿದ್ದರು. ಅಕ್ಟೊಬರ್ 24ರಂದು ಚೌಡಗೇರಿಯ ಮನೆಯಲ್ಲಿ ಅವರು ವಾಂತಿ ಮಾಡಿಕೊಂಡರು. ತೀವೃ ಅಸ್ವಸ್ಥರಾದ ಲೋಕೇಶ ಗೌಡ ಅವರನ್ನು ಅಂಕೋಲಾ ಆಸ್ಪತ್ರೆಗೆ ಕರೆತರಲಾಯಿತು. ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗೆ ಕಾರವಾರ ಜಿಲ್ಲಾಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಬರಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಕೊನೆಯುಸಿರೆಳೆದರು. ಅವರ ಅಣ್ಣ ನಾಗು ಗೌಡ ಅವರು ಈ ಬಗ್ಗೆ ಗೋಕರ್ಣ ಪೊಲೀಸರಿಗೆ ತಿಳಿಸಿ, ಪ್ರಕರಣ ದಾಖಲಿಸಿದರು.
- [ಕೆಡಿಸಿಸಿ: ಈ ಕ್ಷಣದ ಮಾಹಿತಿ!](https://mobiletime.in/2025/10/kdcc-information-of-the-moment/): ಕೆಡಿಸಿಸಿ ಬ್ಯಾಂಕ್ ಚುನಾವಣೆ ಮತ ಎಣಿಕೆ ಪ್ರಕ್ರಿಯೆ ಮುಕ್ತಾಯವಾಗಿದೆ. 16 ನಿರ್ದೇಶಕ ಸ್ಥಾನಕ್ಕೆ ನಡೆದ ಆಯ್ಕೆ ಪ್ರಕ್ರಿಯೆ ಪೈಕಿ 7 ಕ್ಷೇತ್ರದ ಫಲಿತಾಂಶ ಹೊರಬಿದ್ದಿದೆ. ಉಳಿದ ಕ್ಷೇತ್ರಗಳ ಮತ ಎಣಿಕೆ ವಿಚಾರ ನ್ಯಾಯಾಲಯದ ಮೆಟ್ಟಿಲೇರಿದ್ದು, ಅದರ ಭವಿಷ್ಯ ಹೊರಬರಬೇಕಿದೆ. ಮುಂದಿನ ಐದು ವರ್ಷಗಳ ಆಡಳಿತ ಮಂಡಳಿ ಚುನಾವಣೆಗೆ ಶನಿವಾರ ಮತದಾನ ನಡೆದಿದ್ದು, ಅದೇ ದಿನ ಸಂಜೆ ಉಪವಿಭಾಗಾಧಿಕಾರಿ ಕಾವ್ಯರಾಣಿ ಫಲಿತಾಂಶ ಪ್ರಕಟಿಸಿದ್ದಾರೆ. ಚುನಾವಣಾ ಪ್ರಕ್ರಿಯೆಯಲ್ಲಿ ಶಾಸಕ ಶಿವರಾಮ್ ಹೆಬ್ಬಾರ್ ಮತ್ತು ಉಸ್ತುವಾರಿ ಸಚಿವ ಮಂಕಾಳ ವೈದ್ಯ ಬಣಗಳ ನಡುವೆ ಸ್ಪರ್ಧೆ ನಡೆದಿದ್ದು, ಈವರೆಗಿನ ಫಲಿತಾಂಶದಲ್ಲಿ ಶಿವರಾಮ ಹೆಬ್ಬಾರ್ ಬಣದವರು ಮುನ್ನಡೆ ಸಾಧಿಸಿದ್ದಾರೆ. ಚುನಾವಣೆಗೂ ಮೊದಲು ಮಂಕಾಳು ವೈದ್ಯ ಬಣದಿಂದ ಇಬ್ಬರು ಹಾಗೂ ಹೆಬ್ಬಾರ್ ಬಣದಿಂದ ಒಬ್ಬರು ಅವಿರೋಧವಾಗಿ ಆಯ್ಕೆಯಾಗಿದ್ದು, ಉಳಿದವರ ನಡುವೆ ನಡೆದ ಪೈಪೋಟಿಗೆ ಈ ದಿನ ತೆರೆಬಿದ್ದಿದೆ. ಶಿವರಾಮ ಹೆಬ್ಬಾರ್ ಬಣದಿಂದ ಕುಮಟಾದಲ್ಲಿ ಬಣದ ರಾಜಗೋಪಾಲ ಅಡಿ 9 ಮತಗಳನ್ನು ಪಡೆದು ಗೆಲುವು ಸಾಧಿಸಿದ್ದಾರೆ. ಅವರ ವಿರುದ್ಧ ನಿಂತಿದ್ದ ಗಜಾನನ ಪೈ ಅವರಿಗೆ ಒಂದು ಮತ ಸಹ ಬಿದ್ದಿಲ್ಲ. ಶ್ರೀಧರ ಭಾಗ್ವತ್ 6 ಮತ ಸಿಕ್ಕಿದೆ. ಹಳಿಯಾಳದಲ್ಲಿ ಎಸ್ ಎಲ್ ಘೋಟ್ನೇಕರ್ 9 ಮತಪಡೆದು ಗೆದ್ದಿದ್ದಾರೆ. ಪ್ರತಿಸ್ಪರ್ಧಿ ಸುಭಾಸ್ ಕೊರ್ವೇಕರ್ 4 ಮತ ಮಾತ್ರ ಪಡೆದಿದ್ದಾರೆ. ಜೋಯಿಡಾದಿಂದ ಕೃಷ್ಣ ದೇಸಾಯಿ 5 ಮತಪಡೆದು ಗೆದ್ದಿದ್ದಾರೆ. ಅಲ್ಲಿ ಪುರುಷೋತ್ತಮ ಕಾಮತ್ 4 ಮತಪಡೆದು ಸೋಲು ಅನುಭವಿಸಿದ್ದಾರೆ. ಮುಂಡಗೋಡದಿAದ ಎಷ್ ಎಮ್ ನಾಯ್ಕ 8 ಮತ ಪಡೆದು ಗೆದ್ದಿದ್ದು, ಎಲ್ ಟಿ ಪಾಟೀಲ್ 5 ಮತಪಡೆದು ಸೋಲು ಕಂಡಿದ್ದಾರೆ.
- [ಕೆಡಿಸಿಸಿ: ಸಚಿವರ ಆಪ್ತರನ್ನು ಸೋಲಿಸಿದ ಶಾಸಕ!](https://mobiletime.in/2025/10/kdcc-mla-who-defeated-ministers-close-aides/): ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕ ಸ್ಥಾನಕ್ಕಾಗಿ ಶಾಸಕ ಶಿವರಾಮ ಹೆಬ್ಬಾರ್ ಹಾಗೂ ಸಚಿವ ಮಂಕಾಳು ವೈದ್ಯ ಬಣದ ನಡುವೆ ನಡೆದ ಹಣಾಹಣಿಯಲ್ಲಿ ಶಾಸಕ ಶಿವರಾಮ ಹೆಬ್ಬಾರ್ ಬಣದವರು ಮುನ್ನಡೆ ಸಾಧಿಸಿದ್ದಾರೆ. ಶಿವರಾಮ ಹೆಬ್ಬಾರ್ ಸಹ 6ನೇ ಬಾರಿ ಈ ಚುನಾವಣೆಯಲ್ಲಿ ಗೆದ್ದಿದ್ದಾರೆ. `ಯಾವುದೇ ಆಮಿಷ, ಅಹಂಕಾರ, ದರ್ಪಕ್ಕೆ ಮತದಾರರು ಮಣಿಯಲಿಲ್ಲ. ಹೀಗಾಗಿ ತಾನು ಈ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ್ದೇನೆ’ ಎಂದು ಶಿವರಾಮ ಹೆಬ್ಬಾರ್ ಗೆಲುವಿನ ನಂತರ ಮಾಧ್ಯಮಕ್ಕೆ ಮೊದಲ ಪ್ರತಿಕ್ರಿಯೆ ನೀಡಿದ್ದಾರೆ. `ಜಿಲ್ಲೆಯ ರೈತರ ಹಾಗೂ ಸಹಕಾರಿ ಸಂಘಗಳ ಹಿತ ಕಾಯುವುದೇ ನನ್ನ ಆದ್ಯತೆ’ ಎಂದವರು ಘೋಷಿಸಿದ್ದಾರೆ. ಶಿವರಾಮ ಹೆಬ್ಬಾರ್ ಅವರ ವಿರುದ್ಧ ಸ್ಪರ್ಧಿಸಿದ್ದ ಗೋಪಾಲಕೃಷ್ಣ ಗಾಂವ್ಕರ್ ಅವರು ಸೋಲು ಅನುಭವಿಸಿದ್ದು, ಶಿವರಾಮ ಹೆಬ್ಬಾರ್ ಅವರು ತಮ್ಮ ಬಣದಿಂದ ಸ್ಪರ್ಧಿಸಿದ್ದ ಮುಂಡಗೋಡಿನ ಎಚ್ ಎಂ ನಾಯ್ಕ ಅವರನ್ನು ಗೆಲ್ಲಿಸಿದ್ದಾರೆ. ಆ ಮೂಲಕ ಮಂಕಾಳು ವೈದ್ಯ ಬಣದ ಎಲ್ ಟಿ ಪಾಟೀಲ್ ಅವರಿಗೆ ಸೋಲಿನ ರುಚಿ ತೋರಿಸಿದ್ದಾರೆ. ಎಲ್.ಟಿ.ಪಾಟೀಲ ಅವರು ಐದು ಮತಪಡೆದಿದ್ದು, ಎಂ ಎಚ್ ನಾಯ್ಕ ಅವರು 8 ಮತಗಳನ್ನು ಪಡೆದು ಗೆಲುವಿನ ನಗೆ ಬೀರಿದ್ದಾರೆ. ಈವರೆಗಿನ ಲೆಕ್ಕಾಚಾರದ ಪ್ರಕಾರ ಶಿವರಾಮ್ ಹೆಬ್ಬಾರ್ ಬಣದ 6 ಜನ ಅಭ್ಯರ್ಥಿಗಳು ಗೆದ್ದಿದ್ದಾರೆ. ಮಂಕಾಳು ವೈದ್ಯ ಬಣದ ಇಬ್ಬರು ಮಾತ್ರ ಗೆದ್ದಿದ್ದಾರೆ. ಅರ್ಬನ್ ಬ್ಯಾಂಕ್ ಹಾಗೂ ಕೃಷಿಯೇತರ ಸಹಕಾರ ಸಂಘಗಳ ಕ್ಷೇತ್ರದ ಪೈಕಿ ಮೋಹನ ನಾಯಕ ಗೋಕರ್ಣ ಅವರು 92 ಮತಪಡೆದಿದ್ದು, ಮೋಹನ ನಾಯಕ ಅವರು 90 ಮತಪಡೆದಿದ್ದಾರೆ. ಮಹಿಳಾ ಅಭ್ಯರ್ಥಿಯಾಗಿ ಕಣಕ್ಕಿಳಿದ ಸರಸ್ವತಿ ಎನ್ ರವಿ ಅವರಿಗೆ 4 ಮತಗಳು ಬಿದ್ದಿವೆ. ವಸಂತ ನಾಯಕ ಅವರು 21 ಮತಗಳನ್ನುಪಡೆದಿದ್ದಾರೆ. ಹಳಿಯಾಳ ಕ್ಷೇತ್ರದಿಂದ ಮಾಜಿ ಎಂಎಲ್‌ಸಿ ಎಸ್ ಎಲ್ ಘೋಟ್ನೆಕರ್ ಗೆಲುವಿನ ನಗೆ ಬೀರಿದ್ದಾರೆ. ಮಂಕಾಳು ವೈದ್ಯ ಬಣದಿಂದ ಸ್ಪರ್ಧಿಸಿದ್ದ ಸುಭಾಶ್ ಕೊರ್ವೆಕರ್ ಸೋತಿದ್ದಾರೆ. ಅಂಕೋಲಾ, ಕುಮಟಾ, ತಾಲ್ಲೂಕು ಒಕ್ಕಲುತನ ಹುಟ್ಟುವಳಿ ಮಾರಾಟ ಸಂಘಗಳ ಕ್ಷೇತ್ರದಲ್ಲಿ ಹೆಬ್ಬಾರ್ ಬಣದವರು ಮುನ್ನಡೆ ಸಾಧಿಸಿದ್ದು ಯಲ್ಲಾಪುರ ಹಾಗೂ ಹಳಿಯಾಳ ಕ್ಷೇತ್ರಗಳು ಶಿವರಾಮ ಹೆಬ್ಬಾರ್ ಅವರ ತಕ್ಕೆಗೆ ಸಿಕ್ಕಿವೆ. ಗೋಕರ್ಣದ ರಾಜಗೋಪಾಲ ಅಡಿ ಗೆದ್ದಿದ್ದಾರೆ. ಜೊಯಿಡಾದ ಕೃಷ್ಣ ದೇಸಾಯಿ ಅವರು ಗೆದ್ದಿದ್ದಾರೆ.  ಮಂಕಾಳು ವೈದ್ಯ ಬಣದಿಂದ ಭಟ್ಕಳ ಹಾಗೂ ಹೊನ್ನಾವರ ಕ್ಷೇತ್ರಗಳಲ್ಲಿ ಮಾತ್ರ ಅವಿರೋಧ ಆಯ್ಕೆ ನಡೆದಿದೆ. 46 ಮತಗಳ ಎಣಿಕೆಗೆ ನ್ಯಾಯಾಲಯ ತಡೆಯಾಜ್ಞೆಯಿದ್ದು, ಇನ್ನೂಳಿದ ಮಾಹಿತಿಯನ್ನೊಳಗೊಂಡ ಪ್ರತ್ಯೇಕ ವರದಿ ಶೀಘ್ರದಲ್ಲಿಯೇ ಪ್ರಸಾರವಾಗಲಿದೆ.  
- [ಗಾಂಜಾ ಗುಂಗಿನಲ್ಲಿದ್ದ ಆಟೋ ಚಾಲಕ!](https://mobiletime.in/2025/10/auto-driver-under-the-influence-of-marijuana/): ಶಿರಸಿಯ ಗಲ್ಲಿ ಗಲ್ಲಿಗಳಲ್ಲಿಯೂ ಗಾಂಜಾ ವ್ಯಸನಿಗಳ ಸಂಖ್ಯೆ ಜೋರಾಗಿದ್ದು, ಆಟೋ ಚಾಲಕ ವೆಂಕಟೇಶ ಪಾವಸ್ಕರ್ ಸಹ ಈ ದುಶ್ಚಟದ ದಾಸರಾಗಿದ್ದಾರೆ. ಟಿಎಸ್‌ಎಸ್ ರಸ್ತೆಯ ಗದ್ದೆವಾಮನ ಅಂಗಡಿ ಬಳಿ ಆಟೋ ಚಾಲಕರಾಗಿರುವ ವೆಂಕಟೇಶ ಶಿವಪ್ಪ ಪಾವಸ್ಕರ್ ಅವರು ಗಾಂಜಾ ಸೇವಿಸಿ ಸಿಕ್ಕಿಬಿದ್ದಿದ್ದಾರೆ. ಕಾನೂನುಬಾಹಿರ ಕೆಲಸ ಮಾಡಿದ ಕಾರಣ ಪೊಲೀಸರು ಅವರ ವಿರುದ್ಧ ಕಠಿಣ ಕ್ರಮ ಜರುಗಿಸಿದ್ದಾರೆ. ಅಕ್ಟೊಬರ್ 23ರಂದು ಆನೆಹೊಂಡ ಕಚ್ಚಾ ರಸ್ತೆಯಲ್ಲಿ ವೆಂಕಟೇಶ ಪಾವಸ್ಕರ್ ಅವರು ಓಡಾಡುತ್ತಿದ್ದರು. ಶಿರಸಿ ನಗರ ಪೊಲೀಸ್ ಠಾಣೆಯ ಪಿಎಸ್‌ಐ ನಾಗಪ್ಪ ಅವರು ತಮ್ಮ ತಂಡದ ಜೊತೆ ಆ ಭಾಗಕ್ಕೆ ಹೋಗಿದ್ದು, ವೆಂಕಟೇಶ ಪಾವಸ್ಕರ್ ಅವರನ್ನು ನೋಡಿದರು. ವೆಂಕಟೇಶ್ ಪಾವಸ್ಕರ್ ಅವರು ಆ ಅವಧಿಯಲ್ಲಿ ಎಂದಿನAತೆ ಇರಲಿಲ್ಲ. ಹೀಗಾಗಿ ಪೊಲೀಸರು ಅವರನ್ನು ಮಾತನಾಡಿಸಿದರು. ನಂತರ ವೆಂಕಟೇಶ್ ಪಾವಸ್ಕರ್ ಅವರನ್ನು ಆಸ್ಪತ್ರೆಗೆ ಕರೆತಂದು ವೈದ್ಯಕೀಯ ವಿಚಾರಣೆಗೆ ಒಳಪಡಿಸಿದರು. ಆಗ ವೈದ್ಯಾಧಿಕಾರಿಗಳು ಗಾಂಜಾ ಸೇವನೆಯನ್ನು ದೃಢಪಡಿಸಿದರು. ಈ ಹಿನ್ನಲೆ ಆಟೋ ಚಾಲಕ ವೆಂಕಟೇಶ್ ಪಾವಸ್ಕರ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು. `ಮಾದಕ ವ್ಯಸನ ಆರೋಗ್ಯಕ್ಕೆ ಹಾನಿಕರ’
- [ಗೋಡೆಗೆ ಗುದ್ದಿದ ಗೂಡ್ಸ್: ಒಂದು ಸಾವು.. ಒಬ್ಬರಿಗೆ ನೋವು!](https://mobiletime.in/2025/10/goods-hit-the-wall-one-death-one-pain/): ಶಿರಸಿ ಕುಮಟಾ ರಸ್ತೆಯ ಹಾರುಗಾರದಲ್ಲಿ ಮಹೇಂದ್ರಾ ಸುಪ್ರೋ ಗೂಡ್ಸ ರಸ್ತೆ ಬದಿಯ ಮೋರಿಗೆ ಗುದ್ದಿದೆ. ಪರಿಣಾಮ ಆ ವಾಹನದಲ್ಲಿದ್ದ ಮಹಾಬಲೇಶ್ವರ ಗೌಡ ಅವರು ಸಾವನಪ್ಪಿದ್ದಾರೆ. ಅಕ್ಟೊಬರ್ 23ರ ಸಂಜೆ ಸಿದ್ದಾಪುರ ನಡಗಾರಮನೆಯ ಮಹಾಬಲೇಶ್ವರ ತಿಮ್ಮಾ ಗೌಡ (48) ಅವರು ಗೂಡ್ಸ ಓಡಿಸಿಕೊಂಡು ಹೊರಟಿದ್ದರು. ಆ ವಾಹನದಲ್ಲಿ ಕಮಲಾಕರ ತಿಮ್ಮಾ ಗೌಡ ಅವರು ಜೊತೆಯಿದ್ದರು. ಶಿರಸಿ-ಕುಮಟಾ ಮಾರ್ಗವಾಗಿ ಸಂಚರಿಸುತ್ತಿದ್ದ ಗೂಡ್ಸ್ ಹಾರುಗಾರದ ಬಳಿ ರಸ್ತೆ ಅಂಚಿನ ಗೋಡೆಗೆ ಗುದ್ದಿತು. ಗೂಡ್ಸ್ ಗೋಡೆಗೆ ಡಿಕ್ಕಿಹೊಡೆದ ರಭಸಕ್ಕೆ ಮಹಾಬಲೇಶ್ವರ ಗೌಡ ಅವರು ಅಲ್ಲಿಯೇ ಸಾವನಪ್ಪಿದರು. ಅವರ ಜೊತೆಯಿದ್ದ ಕಮಲಾಕರ ತಿಮ್ಮಾ ಗೌಡ ಅವರು ಕಾಲು ಹಾಗೂ ಮುಖಕ್ಕೆ ಪೆಟ್ಟು ಮಾಡಿಕೊಂಡರು. ಈ ಅಪಘಾತದ ಬಗ್ಗೆ ಕಿಬ್ಬಳ್ಳಿಯ ಭಾಸ್ಕರ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಶಿರಸಿ ಸಂಚಾರ ಪೊಲೀಸ್ ಠಾಣೆಯವರು ಪ್ರಕರಣ ದಾಖಲಿಸಿದರು. `ನಿಧಾನವಾಗಿ ಚಲಿಸಿ.. ವಾಹನ ಓಡಿಸುವಾಗ ಜಾಗೃತೆವಹಿಸಿ’
- [ಪಟಾಕಿ ಸಿಡಿಸಿ ಬೈಕ್ ಓಡಿಸಿದರು.. ಜೈಲು ಸೇರಿ ಮುದ್ದೆ ಮುರಿದರು!](https://mobiletime.in/2025/10/they-burst-firecrackers-and-rode-their-bikes-they-ended-up-in-jail-and-broke-the-law/): ಅಡ್ಡಾದಿಡ್ಡಿ ಬೈಕ್ ಓಡಿಸುತ್ತ ಪಟಾಕಿ ಸಿಡಿಸಿ ಮೋಜು-ಮಸ್ತಿ ಮಾಡಿದ ಯುವಕರಿಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಅವರ ವಿರುದ್ಧ ಪ್ರಕರಣ ದಾಖಲಿಸಿ ಕಾನೂನು ಕ್ರಮವನ್ನು ಜರುಗಿಸಿದ್ದಾರೆ. ಕಾರವಾರದ ನಂದನಗದ್ದಾದ ಸಮಾದೇವಿ ದೇವಸ್ತಾನದ ಆದಿತ್ಯ ಸಂದೀಪ ಹುಲ್ಗೇಕರ್ ಹಾಗೂ ವಿದೀಶ ಸಂದೀಪ ಜೋಗಳೇಕರ್ ಅಡ್ಡಾದಿಡ್ಡಿ ಬೈಕ್ ಓಡಿಸಿ ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾರೆ. ಹೆಲ್ಮೆಟ್ ಧರಿಸಿದೇ ಬೈಕ್ ಓಡಿಸಿದ ಅವರಿಬ್ಬರು ಬೈಕು ಚಲಿಸುವಾಗಲೇ ಪಟಾಕಿ ಸಿಡಿಸಿ ರಾಕೇಟ್ ಹಾರಿಸಿದ ವಿಡಿಯೋ ವೈರಲ್ ಆಗಿದೆ. ಇದೇ ವಿಡಿಯೋ ಆಧಾರದಲ್ಲಿ ಪೊಲೀಸರು ಅವರಿಬ್ಬರನ್ನು ವಶಕ್ಕೆಪಡೆದಿದ್ದಾರೆ. ದೀಪಾವಳಿ ಅಂಗವಾಗಿ ಪಟಾಕಿ ಖರೀದಿಸಿದ್ದ ಅವರಿಬ್ಬರು ಅದನ್ನು ಅಸುರಕ್ಷತಾ ವಿಧಾನದಲ್ಲಿ ಸಿಡಿಸಿದ್ದರು. ಕಾರವಾರದ ಟೋಲನಾಕಾ ಬಾಂಡಿಶೆಟ್ಟಾ ಕಡೆ ಹೋಗುವ ರಸ್ತೆಯಲ್ಲಿ ಬೈಕ್ ಓಡಿಸುತ್ತಲೇ ಪಟಾಕಿ ಸಿಡಿಸುತ್ತಿದ್ದರು. ಆದಿತ್ಯ ಸಂದೀಪ ಹುಲ್ಗೇಕರ್ ಅವರು ಜೋರಾಗಿ ಬೈಕ್ ಓಡಿಸುತ್ತಿದ್ದು, ಹಿಂಬದಿ ಸವಾರ ವಿದೀಶ ಸಂದೀಪ ಜೋಗಳೇಕರ್ ಪಟಾಕಿ ಹಚ್ಚಿದ್ದರು. ವೇಗವಾಗಿ ಚಲಿಸುವ ಬೈಕಿನಲ್ಲಿ ಅವರಿಬ್ಬರೂ ಜೋರಾಗಿ ಕೇಕೇ ಹಾಕುತ್ತ ಹೊರಟಿದ್ದರು. ಇದನ್ನು ಇನ್ನೊಂದು ಬೈಕಿನಲ್ಲಿದ್ದವರು ವಿಡಿಯೋ ಮಾಡಿದ್ದರು. ಆ ವಿಡಿಯೋವನ್ನು ಯುವಕರಿಬ್ಬರು ಎಲ್ಲಡೆ ಹಂಚಿಕೊAಡು ತಾವು ಮಾಡಿದ ಸಾಹಸದ ಬಗ್ಗೆ ಬಣ್ಣಿಸುತ್ತಿದ್ದರು. ಅಕ್ಟೊಬರ್ 22ರಂದು ಈ ವಿಡಿಯೋ ಕಾರವಾರದ ಸಂಚಾರಿ ಪೊಲೀಸ್ ಠಾಣೆ ಪಿಎಸ್‌ಐ ಶ್ರೀಕಾಂತ ರಾತೋಡ್ ಅವರಿಗೆ ಕಾಣಿಸಿತು. ಶ್ರೀಕಾಂತ ರಾತೋಡ್ ಅವರು ಆ ಬೈಕಿನ ಜೊತೆ ಬೈಕ್ ಸವಾರರನ್ನು ಕರೆಯಿಸಿ ಮಾತನಾಡಿದರು. ಕಾನೂನಿನಪ್ರಕಾರ ತಪ್ಪು ಮಾಡಿದ ಕಾರಣ ಅವರಿಬ್ಬರನ್ನು ವಶಕ್ಕೆಪಡೆದರು. ಬೈಕನ್ನು ಜಪ್ತು ಮಾಡಿದರು. `ಸಂಚಾರಿ ನಿಯಮ ಪಾಲಿಸಿ.. ಕಾನೂನು ಗೌರವಿಸಿ’ ಬೈಕಿನಲ್ಲಿ ಪಟಾಕಿ ಸಿಡಿಸಿದ ಹಾಗೂ ಪೊಲೀಸ್ ಕ್ರಮದ ವಿಡಿಯೋ ಇಲ್ಲಿ ನೋಡಿ..
- [ಜೀವ ರಕ್ಷಕರ ಜೀವಕ್ಕೆ ಇಲ್ಲ ರಕ್ಷಣೆ!](https://mobiletime.in/2025/10/there-is-no-protection-for-the-lives-of-lifeguards/): ತಮ್ಮ ಜೀವದ ಹಂಗು ತೊರೆದು ಬೇರೆಯವರ ಜೀವ ರಕ್ಷಿಸುವ ಜೀವ ರಕ್ಷಕ ಸಿಬ್ಬಂದಿಗೆ ಸರ್ಕಾರ ಸಕಾಲದಲ್ಲಿ ಸಂಬಳ ಕೊಡುತ್ತಿಲ್ಲ. ಗಾಳಿ, ಮಳೆ, ಚಳಿ ಲೆಕ್ಕಿಸದೇ ಬಿಸಿಲಿನಲ್ಲಿಯೂ ಶ್ರಮಿಸುವ ಜೀವ ರಕ್ಷಕ ಸಿಬ್ಬಂದಿ ಸಾವಿರಾರು ಸಮಸ್ಯೆ ಅನುಭವಿಸುತ್ತಿದ್ದು, ಅವರ ಅಳಲು ಯಾರಿಗೂ ಕೇಳುತ್ತಿಲ್ಲ. ಉತ್ತರ ಕನ್ನಡ ಜಿಲ್ಲೆಯ ಕರಾವಳಿ ಭಾಗದಲ್ಲಿ ಪದೇ ಪದೇ ಅವಘಡಗಳು ನಡೆಯುತ್ತಿದೆ. ಇಲ್ಲಿ ಅಳವಡಿಸಲಾದ ಸೂಚನಾ ಫಲಕಗಳನ್ನು ಮೀರಿ ಪ್ರವಾಸಿಗರು ಆಪತ್ತಿಗೆ ಸಿಲುಕುತ್ತಿದ್ದಾರೆ. ಅಪಾಯದಲ್ಲಿರುವವರನ್ನು ರಕ್ಷಿಸುವುದಕ್ಕಾಗಿಯೇ ಸರ್ಕಾರ ಕಡಲತೀರದಲ್ಲಿ ಜೀವ ರಕ್ಷಕ ಸಿಬ್ಬಂದಿ ನೇಮಿಸಿದೆ. ಆದರೆ, ಜೀವ ರಕ್ಷಕ ಸಿಬ್ಬಂದಿಯ ಜೀವಕ್ಕೆ ಇಲ್ಲಿ ರಕ್ಷಣೆ ಇಲ್ಲ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ದುಡಿಯುತ್ತಿರುವ ಜೀವ ರಕ್ಷಕ ಸಿಬ್ಬಂದಿಯ ನೌಕರಿ ಖಾಯಂ ಅಲ್ಲ. ಅವರಿಗೆ ಕನಿಷ್ಟ ಪ್ರಮಾಣದ ಸೇವಾ ಭದ್ರತೆಯನ್ನು ಸರ್ಕಾರ ಒದಗಿಸಿಲ್ಲ. ರಕ್ಷಣಾ ಕಾರ್ಯಾಚರಣೆಗೆ ಅಗತ್ಯವಿರುವ ಸಲಕರಣೆಗಳನ್ನು ಸಹ ಪೂರೈಸುತ್ತಿಲ್ಲ. ಅಗತ್ಯಕ್ಕೆ ಅನುಗುಣವಾಗಿ ಸಿಬ್ಬಂದಿ ನೇಮಕಾತಿ ನಡೆಯುತ್ತಿಲ್ಲ. ಕಡಲತೀರದಲ್ಲಿ ಕೂರಲು ವಿಶ್ರಾಂತಿ ಕೊಠಡಿಗಳು ಸಹ ಸರಿಯಾಗಿಲ್ಲ. ಈ ಸಮಸ್ಯೆಗಳಿಂದ ಬೇಸತ್ತು ಜೀವ ರಕ್ಷಕ ಸಿಬ್ಬಂದಿ ಕೆಲಸ ಬಿಟ್ಟರೆ ಆ ಸ್ಥಳಕ್ಕೆ ಹೊಸ ಸಿಬ್ಬಂದಿ ನೇಮಿಸಲಾಗುತ್ತದೆ. ಆದರೆ, ಹೊಸ ಸಿಬ್ಬಂದಿಗೆ ತರಬೇತಿ ನೀಡುವ ಕೆಲಸ ನಡೆಯುತ್ತಿಲ್ಲ. ತರಬೇತಿ ಇಲ್ಲದವರನ್ನು ಕಡಲತೀರಕ್ಕೆ ನೇಮಿಸಿದರೆ ಅವರಿಂದ ರಕ್ಷಣೆ ಹೇಗೆ ಸಾಧ್ಯ? ಎಂಬ ಪ್ರಶ್ನೆಗೆ ಉತ್ತರವಿಲ್ಲ. ಜೀವ ರಕ್ಷಕ ಸಿಬ್ಬಂದಿಗೆ ಕಳೆದ 8 ವರ್ಷಗಳಿಂದ ಒಮ್ಮೆಯೂ ಸಂಬಳ ಏರಿಕೆ ಆಗಿಲ್ಲ. ತಿಂಗಳಿಗೆ ಸರಿಯಾಗಿ ಸಂಬಳವೂ ಆಗಲ್ಲ. ತುಕ್ಕು ಹಿಡಿದ ಸಲಕರಣೆಗಳನ್ನು ಬದಲಿಸುವಂತೆ ಕೋರಿದರೂ ಅದನ್ನು ಬದಲಿಸುತ್ತಿಲ್ಲ. ಅನೇಕ ಕಡಲತೀರದಲ್ಲಿ ವಾಚ್ ಟವರ್ ಅಗತ್ಯವಿದ್ದು, ಅದನ್ನು ಸರ್ಕಾರ ನಿರ್ಮಿಸಿಲ್ಲ. ಕಡಲತೀರಗಳಲ್ಲಿ ಕೆಲವಡೆ ಅಗತ್ಯ ಸಿಬ್ಬಂದಿ ನೇಮಿಸಲಾಗಿದ್ದು, ಅದನ್ನುಹೊರತುಪಡಿಸಿ ಸಿದ್ದಾಪುರದ ಬುರುಡೆ ಜಲಪಾತ ಹಾಗೂ ಅಂಕೋಲಾದ ವಿಭೂತಿ ಜಲಪಾತದಲ್ಲಿ ಸಿಬ್ಬಂದಿ ನೇಮಕಾತಿ ನಡೆದಿದೆ. ಉಳಿದ ಜಲಪಾತಗಳಲ್ಲಿ ಜೀವ ರಕ್ಷಕ ಸಿಬ್ಬಂದಿ ನೇಮಕಾತಿಯೂ ನಡೆದಿಲ್ಲ. `ಕಡಲತೀರದಲ್ಲಿ ನಿತ್ಯ ಒಂದಿಲ್ಲೊoದು ಅವಘಡ ನಡೆಯುತ್ತಿದ್ದು, ಜೀವ ರಕ್ಷಕ ಸಿಬ್ಬಂದಿಯಿAದ ಅನೇಕರ ಜೀವ ಉಳಿದಿದೆ. ಅಂಥ ಜೀವ ರಕ್ಷಕ ಸಿಬ್ಬಂದಿಯ ಸಮಸ್ಯೆಗಳನ್ನು ಸರ್ಕಾರ ಅರಿತು ಪರಿಹಾರ ಒದಗಿಸಬೇಕು. ಇಲ್ಲವಾದಲ್ಲಿ ಈ ಬಗ್ಗೆ ಹೋರಾಟ ಅನಿವಾರ್ಯ’ ಎಂದು ಮೀನುಗಾರ ಮುಖಂಡ ಉಮಾಕಾಂತ ಹೊಸಕಟ್ಟ ಎಚ್ಚರಿಸಿದ್ದಾರೆ.
- [ಮೂರು ಕಾಸಿನ ಸಂಬಳಕ್ಕಿದ್ದವ ಮೂರು ಕೋಟಿ ಕೊಳ್ಳೆಹೊಡೆದ!](https://mobiletime.in/2025/10/a-man-who-earned-three-paise-a-month-looted-three-crores/): ಕರ್ನಾಟಕ ಬ್ಯಾಂಕ್ ಉದ್ಯೋಗಿಯಾಗಿದ್ದ ಮಂಜುನಾಥ ಭಟ್ಟ ಅವರು ಅದೇ ಬ್ಯಾಂಕಿಗೆ ಮೋಸ ಮಾಡಿದ್ದಾರೆ. ಜೊತೆಗೆ ಗ್ರಾಹಕರು ಠೇವಣಿಯಿರಿಸಿದ್ದ ಕೋಟ್ಯಾಂತರ ರೂಪಾಯಿಯನ್ನು ಅವರು ಕೊಳ್ಳೆಹೊಡೆದಿದ್ದಾರೆ! ಸಿದ್ದಾಪುರ ತಾಲೂಕಿನ ಹೆಗ್ಗರಣಿಯ ಮಂಜುನಾಥ ಶ್ರೀಧರ ಭಟ್ಟ ಅವರು 2013ರ ಅಗಸ್ಟ 5ರಂದು ಕರ್ನಾಟಕ ಬ್ಯಾಂಕ್ ಸೇರಿದರು. ಪ್ರೊಬಶನರಿ ಕ್ಲರ್ಕ ಆಗಿ ಕೆಲಸಕ್ಕೆ ಸೇರಿದ ಅವರು 2014ರ ಡಿಸೆಂಬರ್ 24ರಂದು ಪದೋನ್ನತಿಪಡೆದು ಚನ್ನಗಿರಿ ಶಾಖೆಗೆ ವರ್ಗವಾದರು. ಅದಾದ ನಂತರ 2023ರ ಜನವರಿ 20ರಂದು ಸಿದ್ದಾಪುರ ಶಾಖೆಗೆ ವರ್ಗವಾಗಿ ಬಂದರು. ಹಲಗೇರಿಯ ಅರಮನೆಯಲ್ಲಿ ವಾಸವಾಗಿರುವ ಅವರು ಕರ್ನಾಟಕ ಬ್ಯಾಂಕ್ ಗ್ರಾಹಕ ಸೇವಾ ಕೇಂದ್ರದ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದರು. ಗ್ರಾಹಕ ಸೇವಾ ಸಹಾಯಕನಾಗಿ ಕೆಲಸ ಮಾಡುತ್ತಿದ್ದ ಮಂಜುನಾಥ ಭಟ್ಟ ಅವರು ಬ್ಯಾಂಕ್ ಖಾತೆ ಹೊಂದಿದ ಗ್ರಾಹಕರಿಗೆ ವಿವಿಧ ಸೇವೆ ಒದಗಿಸುವ ಮಹತ್ವದ ಹೊಣೆಗಾರಿಕೆಯನ್ನುವಹಿಸಿಕೊಂಡಿದ್ದರು. ಹೀಗಾಗಿ ಗ್ರಾಹಕರ ಖಾತೆಗಳನ್ನು ಆಪರೇಟ್ ಮಾಡುವ ಅಧಿಕಾರ ಮಂಜುನಾಥ ಭಟ್ಟ ಅವರಿಗಿತ್ತು. ಅದನ್ನು ದುರುಪಯೋಗಪಡಿಸಿಕೊಂಡು ಅವರು ಸರಿಸುಮಾರು 3.51ಕೋಟಿ ರೂ ಲೂಟಿ ಮಾಡಿದ್ದಾರೆ. ಮುಖ್ಯವಾಗಿ ಹಿರಿಯ ನಾಗರಿಕರು ಹಾಗೂ ಅಪರಿಚಿತ ಗ್ರಾಹಕರ ಖಾತೆಯಲ್ಲಿದ್ದ ಹಣವನ್ನು ತಮ್ಮ ಬ್ಯಾಂಕ್ ಖಾತೆಗೆ ವರ್ಗಾಯಿಸಿಕೊಂಡು ಮೋಸ ಮಾಡಿದ್ದಾರೆ. 2025ರ ಸೆಪ್ಟೆಂಬರ್ 29ರಂದು ಈ ಪ್ರಕರಣ ಬೆಳಕಿಗೆ ಬಂದಿದೆ. ಆ ದಿನ ಬ್ಯಾಂಕ್ ಗ್ರಾಹಕ ಮಹಾಬಲೇಶ್ವರ ಆರ್ ಹೆಗಡೆ ಅವರು ಸಿದ್ದಾಪುರ ಶಾಖೆಗೆ ಬಂದು ತಮ್ಮ ಠೇವಣಿ ನವೀಕರಣಕ್ಕೆ ಅರ್ಜಿ ಸಲ್ಲಿಸಿದ್ದರು. ಆದರೆ, ಒಂದು ವರ್ಷ ಮೊದಲೇ ಅವರ 440500ರೂ ಮೌಲ್ಯದ ಠೇವಣಿ ಮುಕ್ತಾಯವಾದ ಬಗ್ಗೆ ಬ್ಯಾಂಕಿನ ಕಂಪ್ಯುಟರ್ ಮಾಹಿತಿ ಕಾಣಿಸಿತು. ಮಹಾಬಲೇಶ್ವರ ಹೆಗಡೆ ಅವರ ಕೈಯಲ್ಲಿದ್ದ ಠೇವಣಿ ಪತ್ರ ನೋಡಿದಾಗ ಅದು ನಕಲಿ ಎಂದು ಅರಿವಾಯಿತು. ಕರ್ನಾಟಕ ಬ್ಯಾಂಕ್ ಹೆಸರಿನಲ್ಲಿಯೇ ನಕಲಿ ರಸೀದಿ ಹಾಗೂ ಪ್ರಮಾಣ ಪತ್ರ ನೀಡಿದವರ ಹುಡುಕಾಟ ನಡೆಸಿದಾಗ ಮಂಜುನಾಥ ಭಟ್ಟ ಅವರ ಮುಖವಾಡ ಕಳಚಿ ಬಿದ್ದಿತು. ಅದಾದ ನಂತರ ಬ್ಯಾಂಕಿನವರು ಆಂತರಿಕ ತನಿಖೆ ನಡೆಸಿದರು. ಆಗ, ಮಂಜುನಾಥ ಭಟ್ಟರು ಮಹಾಬಲೇಶ್ವರ ಆರ್ ಹೆಗಡೆ ಅವರ ಠೇವಣಿಯನ್ನು ಮುರಿದು, ಆ ಹಣವನ್ನು ತಮ್ಮ ಐಸಿಐಸಿಐ ಬ್ಯಾಂಕ್ ಖಾತೆಗೆ ವರ್ಗಾಯಿಸಿಕೊಂಡಿರುವುದು ಗೊತ್ತಾಯಿತು. ಗ್ರಾಹಕರಿಗೆ ಈ ವಿಷಯ ಅರಿವಾಗದ ಹಾಗೇ ಮಾಡಲು ಎಸ್ ಎಂ ಎಸ್ ಸೇವೆ ಸ್ಥಗಿತಗೊಳಿಸಿದ್ದು ಸಹ ಈ ವೇಳೆ ಗಮನಕ್ಕೆಬಂದಿತು. ಆಂತರಿಕ ತನಿಖೆ ಮುಂದುವರೆದಾಗ ಮಹಾಬಲೇಶ್ವರ ಹೆಗಡೆ ಅವರಂತೆ ಅನೇಕರಿಗೆ ಮಂಜುನಾಥ ಭಟ್ಟ ಅವರು ವಂಚಿಸಿರುವುದು ಗೊತ್ತಾಯಿತು. ಬ್ಯಾಂಕ್ ಗ್ರಾಹಕರ ಠೇವಣಿ ಮುಚ್ಚಿ, ಎಸ್‌ಎಂಎಸ್ ಅಲರ್ಟ ಸೇವೆ ರದ್ದುಗೊಳಿಸಿ ಗ್ರಾಹಕರಿಗೆ ಠೇವಣಿ ಮುಂದುವರೆದ ಬಗ್ಗೆ ನಕಲಿ ಪ್ರಮಾಣ ಪತ್ರ ನೀಡಿದ ಅನೇಕ ನಿರ್ದಶನಗಳು ಸಿಕ್ಕವು. ಕರ್ನಾಟಕ ಬ್ಯಾಂಕಿನವರು ಇನ್ನಷ್ಟು ಆಳಕ್ಕೆ ತನಿಖೆ ನಡೆಸಿದಾಗ ಒಟ್ಟು 3,51,84.349ರೂ ಹಣಕಾಸಿನ ಅವ್ಯವಹಾರ ಕಾಣಿಸಿತು. ಈ ಎಲ್ಲಾ ಹಣವೂ ಕರ್ನಾಟಕ ಬ್ಯಾಂಕಿನ ಉದ್ಯೋಗಿ ಮಂಜುನಾಥ ಭಟ್ಟರೇ ಕಬಳಿಸಿರುವುದು ನೋಡಿ ಬ್ಯಾಂಕಿನ ಶಾಖಾ ಪ್ರಬಂಧಕ ಶಂಬುಲಿoಗ ಭಟ್ಟ ಅವರು ಆಘಾತಕ್ಕೆ ಒಳಗಾದರು. ಈ ಎಲ್ಲಾ ವಿಷಯಗಳ ಬಗ್ಗೆ ಮೇಲಧಿಕಾರಿಗಳಿಗೆ ಅವರು ಮಾಹಿತಿ ನೀಡಿದ್ದು, ಕೊನೆಗೆ ಮೂರುವರೆ ಕೋಟಿ ರೂ ವಂಚಿಸಿ ಬ್ಯಾಂಕಿಗೆ ಮೂರು ನಾಮ ಹಾಕಿದ ಮಂಜುನಾಥ ಭಟ್ಟರ ವಿರುದ್ಧ ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದರು. `ಮಂಜುನಾಥ ಭಟ್ಟ ಒಬ್ಬರೇ ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಹಣ ಲೂಟಿ ಹೊಡೆಯುವ ಧೈರ್ಯ ಮಾಡಿರಲಿಕ್ಕಿಲ್ಲ. ಅವರ ಜೊತೆ ಇನ್ನಿತರರು ಶಾಮೀಲಾಗಿದ್ದಾರೆ’ ಎಂಬ ಶಂಕೆಯಿದೆ. ನಿಮ್ಮ ಮೊಬೈಲಿಗೆ ಬ್ಯಾಂಕ್ ಎಸ್‌ಎಎಸ್ ಬರುತ್ತಿದೆಯಾ? ನಿಮ್ಮ ಬಳಿಯಿರುವ ಠೇವಣಿ ಅಸಲಿಯಾ? ನಕಲಿಯಾ? ಈಗಲೇ ಪರಿಕ್ಷಿಸಿಕೊಳ್ಳಿ!
- [ಮುಂದುವರೆದ ಮಳೆ: ಶಾಲೆಗೆ ರಜೆ!](https://mobiletime.in/2025/10/continued-rain-school-holiday/): ಕರಾವಳಿ ಭಾಗದಲ್ಲಿ ಭಾರೀ ಪ್ರಮಾಣದ ಗಾಳಿ-ಮಳೆ ಹಿನ್ನಲೆ ಕಾರವಾರದ ಶಾಲೆಗಳಿಗೆ ರಜೆ ಘೋಷಿಸಲಾಗಿದೆ. ಪ್ರಾಥಮಿಕ, ಪ್ರೌಢಶಾಲೆಗಳಿಗೆ ಈ ರಜೆ ನಿಯಮ ಅನ್ವಯ ಆಗಲಿದೆ. ಕಾರವಾರ ಕ್ಷೇತ್ರ ಶಿಕ್ಷಣಾಧಿಕಾರಿಗಳು ಈ ರಜೆ ಘೋಷಿಸಿದ್ದಾರೆ. ತಹಶೀಲ್ದಾರರ ಸೂಚನೆ ಮೇರೆಗೆ ರಜೆ ನಿರ್ಣಯ ಮಾಡಿದ್ದಾರೆ. ವಿದ್ಯಾರ್ಥಿಗಳ ಸುರಕ್ಷತೆ ಮತ್ತು ಅನಾಹುತ ತಪ್ಪಿಸಲು ಮುನ್ನೆಚ್ಚರಿಕೆಯ ಕ್ರಮವಾಗಿ ಶನಿವಾರಕ್ಕೆ ಮಾತ್ರ ಸಿಮಿತಗೊಳಿಸಿ ರಜೆ ನೀಡಲಾಗಿದೆ. ಎಂದಿನಂತೆ, ಈ ರಜಾ ಅವಧಿಯ ಪಾಠವನ್ನು ಬೇರೆ‌ ದಿನ ಹೊಂದಾಣಿಕೆ ಮಾಡಿಕೊಳ್ಳಲಾಗುತ್ತದೆ. ಮಕ್ಕಳ ಸುರಕ್ಷತೆ ಬಗ್ಗೆ ಪಾಲಕರು ಗಮನಹರಿಸುವಂತೆ ಸೂಚಿಸಲಾಗಿದೆ.
- [2025 ಅಕ್ಟೊಬರ್ 25ರ ದಿನ ಭವಿಷ್ಯ](https://mobiletime.in/2025/10/prediction-for-october-25-2025/): ಮೇಷ ರಾಶಿ: ಧೈರ್ಯದಿಂದ ಮಾತನಾಡಿದರೆ ಮಾತ್ರ ನಿಮ್ಮ ಕೆಲಸ ಆಗುತ್ತದೆ. ಹಣಕಾಸು ವಿಷಯದಲ್ಲಿ ಸ್ನೇಹಿತರ ಸಹಾಯ ಸಿಗಲಿದೆ. ವೃಷಭ ರಾಶಿ: ಕುಟುಂಬದಲ್ಲಿ ಸಮಾಧಾನ ಕಾಣಲಿದೆ. ಕಾರ್ಯದಲ್ಲಿ ಪ್ರತಿಫಲ ಸಿಗಲಿದೆ. ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಮಿಥುನ ರಾಶಿ: ನಿಮ್ಮ ಹೊಸ ಯೋಜನೆಗಳಿಗೆ ಪ್ರೋತ್ಸಾಹ ಸಿಗಲಿದೆ. ಸಹೋದ್ಯೋಗಿಗಳ ಬೆಂಬಲ ಸಾಧ್ಯವಿದೆ. ಹಣಕಾಸು ಸ್ಥಿರತೆ ಕಾಪಾಡುವುದು ಮುಖ್ಯ. ಕರ್ಕ ರಾಶಿ: ಕಾರ್ಯದಲ್ಲಿ ಸುಧಾರಣೆ ಆಗಲಿದೆ. ಬಂಧುಗಳೊAದಿಗೆ ಸಮಯ ಕಳೆಯಿರಿ. ಹಣಕಾಸಿನ ನಿರ್ವಹಣೆ ಹಾಗೂ ಆರೋಗ್ಯ ಸ್ಥಿರವಾಗಿರಲಿ. ಸಿಂಹ ರಾಶಿ: ಹೊಸ ಯೋಜನೆ ಆರಂಭಕ್ಕೆ ಸೂಕ್ತ ದಿನ. ಕೆಲಸದ ವಿಷಯದಲ್ಲಿ ಸೋಮಾರಿತನ ಬೇಡ. ಆರೋಗ್ಯದಲ್ಲಿ ಚೇತರಿಕೆ ಸಾಧ್ಯವಿದೆ. ಕನ್ಯಾ ರಾಶಿ: ಕೆಲಸದಲ್ಲಿ ನಿಷ್ಠೆ ಅಗತ್ಯ. ಹಣಕಾಸಿನಲ್ಲಿ ಲಾಭ ಆಗಲಿದೆ. ಸಹೋದ್ಯೋಗಿಗಳ ಸಹಾಯ ಸಿಗಲಿದೆ. ತುಲಾ ರಾಶಿ: ನಿಮ್ಮ ಗುರಿ ಈಡೇರಿಕೆಗೆ ಪ್ರಯತ್ನಿಸಿ. ಕೆಲಸ-ಕಾರ್ಯದಲ್ಲಿ ಯಶಸ್ಸು ಖಚಿತ. ಜನ ಸಂಪರ್ಕದಿAದ ಲಾಭ ಆಗಲಿದೆ. ವೃಶ್ಚಿಕ ರಾಶಿ: ಕಠಿಣ ಕೆಲಸಕ್ಕೆ ಫಲ ದೊರೆಯಲಿದೆ. ಹಣ ಲಾಭ ಸಾಧ್ಯವಿದೆ. ಆರೋಗ್ಯದ ಬಗ್ಗೆ ಕಾಳಜಿವಹಿಸಿ ಧನು ರಾಶಿ: ಕುಟುಂಬದಲ್ಲಿ ಸಮಾಧಾನ ಸಿಗಲಿದೆ. ಹಣಕಾಸು ಹೂಡಿಕೆ ಸರಳವಾಗಿರಲಿದೆ. ಸಂತೋಷದ ಕ್ಷಣಗಳನ್ನು ಅನುಭವಿಸುತ್ತೀರಿ. ಮಕರ ರಾಶಿ: ಆರೋಗ್ಯವನ್ನು ಕಾಪಾಡಲು ವ್ಯಾಯಾವ ಅಗತ್ಯ. ಕಾಯಕದಲ್ಲಿ ಶೃದ್ಧೆಯಿರಲಿ. ಸಾಧನೆ ಮಾಡಲು ಇನ್ನಷ್ಟು ಪ್ರಯತ್ನ ಬೇಕು. ಕುಂಭ ರಾಶಿ: ಸಂತೋಷದಿoದ ದಿನ ಕಳೆಯುವಿರಿ. ಸಂಕಟಗಳು ದೂರವಾಗಲಿದೆ. ಆರೋಗ್ಯದಲ್ಲಿ ಬದಲಾವಣೆ ಆಗಲಿದೆ. ಮೀನ ರಾಶಿ: ಅಲಂಕಾರಿಕ ವಿಷಯಗಳ ಬಗ್ಗೆ ಆಸಕ್ತಿ ಮೂಡಲಿದೆ. ಮನಸ್ಸಿನ ಶಾಂತಿಗಾಗಿ ಧ್ಯಾನ ಮಾಡಿ. ವ್ಯಾಯಾಮವೂ ನಿಮಗೆ ಅನುಕೂಲಕರ.
- [ಮುರಿದು ಬಿದ್ದ ಮಾವಿನ ಮರ: ಗಾಳಿ ಮಳೆಗೆ ಸಿಲುಕಿದ ಬೈಕ್ ತತ್ತರ!](https://mobiletime.in/2025/10/a-broken-mango-tree-a-bike-caught-in-the-wind-and-rain-is-left-reeling/): ಕರಾವಳಿ ಭಾಗದಲ್ಲಿ ಭಾರೀ ಪ್ರಮಾಣದ ಗಾಳಿ-ಮಳೆಯಾಗುತ್ತಿದ್ದು, ಕಾರವಾರದಲ್ಲಿ ಮಾವಿನ ಮರವೊಂದು ಬಿದ್ದು 15ಕ್ಕೂ ಅಧಿಕ ಬೈಕ್ ಜಖಂ ಆಗಿದೆ. ಈ ಅವಧಿಯಲ್ಲಿ ಮರದ ಅಡಿ ನಿಂತಿದ್ದ ಹಸು ಸಾವನಪ್ಪಿದೆ. ಶುಕ್ರವಾರ ಮಧ್ಯಾಹ್ನ ಸುರಿದ ಮಳೆಗೆ ಕಾರವಾರದ ಬಿಣಗಾ ಹಾಗೂ ಸುತ್ತಲಿನ ಪ್ರದೇಶದ ಜನ ಸಂಕಷ್ಟ ಅನುಭವಿಸಿದರು. ಲಿಟಲ್ ಬಿಣಗಾ ತೆರಳುವ ಮಾರ್ಗದಲ್ಲಿ ಮರವೊಂದು ಮುರಿದು ಬಿದ್ದಿತು. ನೇವಿ ಗೇಟಿನ ಬಳಿ ನಿಲ್ಲಿಸಿದ್ದ 15ಕ್ಕೂ ಅಧಿಕ ಬೈಕುಗಳು ಮರದ ಅಡಿ ಸಿಲುಕಿದವು. ಆ ಬೈಕುಗಳೆಲ್ಲವೂ ಜಖಂ ಆಗಿದೆ. ಮರ ಬಿದ್ದಾಗ ಅಲ್ಲಿದ್ದ ಹಸುವೊಂದು ಮೋರಿಗೆ ಬಿದ್ದು ಸಾವನಪ್ಪಿದೆ. ಇನ್ನೊಂದು ಹಸುವಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದೆ. ಜಖಂ ಆದ ಬೈಕುಗಳು ನೌಕಾನೆಲೆಗೆ ಕೆಲಸಕ್ಕೆ ತೆರಳುವ ಸಿಬ್ಬಂದಿಯದ್ದಾಗಿದೆ. ಅಗ್ನಿಶಾಮಕ ಸಿಬ್ಬಂದಿ, ಪೊಲೀಸರು, ನೌಕಾ ಸಿಬ್ಬಂದಿ ಜೊತೆ ಐಆರ್‌ಬಿ ಕಂಪನಿ ಕೆಲಸಗಾರರು ಸೇರಿ ಮರ ತೆರವು ಕಾರ್ಯಾಚರಣೆ ನಡೆಸಿದ್ದಾರೆ.
- [ಕಾಳಸಂತೆಯಲ್ಲಿ ಸಿಗುವ ಸರ್ಕಾರಿ ಅಕ್ಕಿಗೆ ಕಡಿವಾಣ!](https://mobiletime.in/2025/10/government-rice-available-in-kalasante-is-being-restricted/): ಸರ್ಕಾರ ಬಡವರಿಗೆ ವಿತರಿಸುವ ಅಕ್ಕಿಯನ್ನು ಕದ್ದು ಸಾಗಿಸುತ್ತಿದ್ದ ಏಳು ಜನ ಭಟ್ಕಳ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ. ಪಡಿತರ ಯೋಜನೆಯ ಅಕ್ಕಿಯನ್ನು ಅಕ್ರಮವಾಗಿ ಸಂಗ್ರಹಿಸಿ ಸಾಗಿಸುತ್ತಿರುವವರ ಮೇಲೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಸಿಪಿಐ ಮಂಜುನಾಥ ಲಿಂಗಾರೆಡ್ಡಿ ಅವರ ನೇತೃತ್ವದಲ್ಲಿ ಈ ಕಾರ್ಯಾಚರಣೆ ನಡೆದಿದ್ದು, ಆಹಾರ ನಿರೀಕ್ಷಕ ಉದಯ ತಳವಾರ ಅವರು ಕಳ್ಳರನ್ನು ಹುಡುಕಿಕೊಟ್ಟಿದ್ದಾರೆ. ಭಟ್ಕಳ ಗಣೇಶ ನಗರದ ಸಮೀರ ಮುಗಳಿಹೊಂಡ, ಮಾಗಡಿ ರಾಮನಗರದ ಮಲ್ಲಿಕಾರ್ಜುನ ಆರ್, ತುಮಕೂರಿನ ನಿತೀನ ಹೆಚ್ ಎನ್ ಹಾಗೂ ಭಟ್ಕಳ ಗಣೇಶ ನಗರದ ಸಬೂಲ್ ಮುಗಳಿಹೊಂಡ ಅಕ್ರಮ ಅಕ್ಕಿ ಸಾಗಾಟದ ವೇಳೆ ಸಿಕ್ಕಿಬಿದ್ದಿದ್ದಾರೆ. ಈ ದಾಳಿಯಲ್ಲಿ 228 ಚೀಲಗಳಲ್ಲಿ ಒಟ್ಟು 11,400 ಕ್ವಿಂಟಲ್ ಅಕ್ಕಿ ಅಕ್ರಮ ಸಾಗಾಟವಾಗುತ್ತಿರುವುದನ್ನು ತಡೆಯಲಾಗಿದೆ. ಈ ಅಕ್ಕಿಯ ಮೌಲ್ಯ ಸುಮಾರು 3,87,600 ರೂಪಾಯಿಗಳಾಗಿದೆ. ಅಕ್ರಮವಾಗಿ ಅಕ್ಕಿ ಸಾಗಾಟಕ್ಕೆ ಬಳಸಿದ್ದ ಅಶೋಕ ಲೈಲೆಂಡ್ ಲಾರಿ, ಮಾರುತಿ ಓಮ್ಮಿ ಮತ್ತು ಅಶೋಕ ಲೈಲೆಂಡ್ ದೋಸ್ತ್ ವಾಹನಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಈ ಕುರಿತು ಆಹಾರ ನಿರೀಕ್ಷಕ ಉದಯ ತಳವಾರ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ತನಿಖೆ ನಡೆಯುತ್ತಿದೆ.
- [ವಾಟ್ಸಪ್ ಸಂದೇಶ ತಂದಿತು ಸಂಕಷ್ಟ!](https://mobiletime.in/2025/10/a-whatsapp-message-brought-trouble/): ಯಲ್ಲಾಪುರ ಪಟ್ಟಣ ಪಂಚಾಯತ ಸದಸ್ಯ ಸೋಮೇಶ್ವರ ನಾಯ್ಕ ಅವರು ಮಹಿಳೆಯೊಬ್ಬರಿಗೆ ಮೆಸೆಜ್ ಮಾಡಿದ್ದಾರೆ. ಇದನ್ನು ಸಹಿಸದ ಮಹಿಳೆ ಮೆಸೆಜ್ ಮಾಡಿದ ಬಗ್ಗೆ ಆಕ್ಷೇಪಿಸಿ ಪೊಲೀಸ್ ದೂರು ನೀಡಿದ್ದಾರೆ. ಸೋಮೇಶ್ವರ ನಾಯ್ಕ ಅವರು ಯಲ್ಲಾಪುರದ ರವೀಂದ್ರ ನಗರವನ್ನು ಪ್ರತಿನಿಧಿಸಿ ಪಟ್ಟಣ ಪಂಚಾಯತ ಸದಸ್ಯರಾಗಿದ್ದಾರೆ. ಅವರ ವಿರುದ್ಧ ಇದೀಗ ಮಹಿಳೆಯೊಬ್ಬರಿಗೆ ಅಶ್ಲೀಲ ಮೆಸೆಜ್ ಮಾಡಿದ ಆರೋಪ ಎದುರಾಗಿದೆ. ವಾಟ್ಸಪ್ ಮೂಲಕ ಕೆಟ್ಟದಾಗಿ ಮೆಸೆಜ್ ಮಾಡಿದ ಬಗ್ಗೆ ಸಂತ್ರಸ್ತೆ ದೂರಿದ್ದಾರೆ. `ಯಲ್ಲಾಪುರದ ರವೀಂದ್ರನಗರದ ಪಟ್ಟಣ ಪಂಚಾಯಿತಿ ಸದಸ್ಯ ಸೋಮೇಶ್ವರ ನಾಯ್ಕ (ಸೋಮು ನಾಯ್ಕ) ತನಗೆ ವಾಟ್ಸಪ್ ನಲ್ಲಿ ಅಶ್ಲೀಲ ಮೆಸೆಜ್ ಕಳುಹಿಸಿದ್ದಾರೆ. ಆ ಮೂಲಕ ಲೈಂಗಿಕ ಕಿರುಕುಳ ನೀಡಿದ್ದಾರೆ’ ಎಂದು ಮಹಿಳೆ ಯಲ್ಲಾಪುರ ಪೊಲೀಸರಲ್ಲಿ ಅಳಲು ತೋಡಿಕೊಂಡಿದ್ದಾರೆ. ಈ ಹಿನ್ನಲೆ ಪೊಲೀಸರು ಸೋಮೇಶ್ವರ ನಾಯ್ಕ ಅವರ ವಿರುದ್ಧ ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಬಾಲಕಿಯನ್ನು ಬೆತ್ತಲೆಗೊಳಿಸಿದ ಫೇಸ್ಬುಕ್ ಪ್ರೀತಿ!](https://mobiletime.in/2025/10/facebook-love-that-made-a-girl-naked/): ಫೇಸ್ಬುಕ್ ಹಾಗೂ ಇನಸ್ಟಾಗ್ರಾಂ ಮೂಲಕ ಪರಿಚಿತರಾದ ಮೂವರು ಹೊನ್ನಾವರದ ಬಾಲಕಿಯನ್ನು ಫುಸಲಾಯಿಸಿ ಆಕೆಯನ್ನು ಅಮಾನವೀಯ ರೀತಿಯಲ್ಲಿ ಬಳಸಿಕೊಂಡಿದ್ದಾರೆ. ದೈಹಿಕ ಸಂಪರ್ಕಕ್ಕೆ ಒಳಗಾದ ಬಾಲಕಿ ಗರ್ಭಿಣಿಯಾಗಿದ್ದು, ಆ ಮೂವರನ್ನು ಪೊಲೀಸರು ವಶಕ್ಕೆಪಡೆದು ವಿಚಾರಣೆ ನಡೆಸಿದ್ದಾರೆ. ಬಾಲಕಿಯೊಬ್ಬರಿಗೆ ಸಾಮಾಜಿಕ ಜಾಲತಾಣದ ಮೂಲಕ ಹೊನ್ನಾವರದ ಮಾವಿನಕೂರ್ವಾದ ಅಭಿ ಗೌಡ (22) ಕವಲಕ್ಕಿಯ ಹೇಮಂತ ನಾಯ್ಕ (21) ಹಾಗೂ ಗೇರುಸೊಪ್ಪ ಮೂಲದ ಸದ್ಯ ಇಡಗುಂಜಿಯಲ್ಲಿ ವಾಸವಿರುವ ದೇವೇಂದ್ರ ನಾಯ್ಕ (26) ಪರಿಚಯವಾಗಿದೆ. ಎರಡು ತಿಂಗಳ ಹಿಂದೆ ಪರಿಚಿತರಾದ ಸ್ನೇಹಿತರ ಜೊತೆ ಬಾಲಕಿ ಅಲ್ಲಿ-ಇಲ್ಲಿ ಸುತ್ತಾಟ ಮಾಡಿದ್ದು, ಅಭಿ ಗೌಡ ಅವರು ಬಾಲಕಿಯನ್ನು ತಮ್ಮ ಕಾರಿನಲ್ಲಿ ಕರೆದೊಯ್ದಿದ್ದಾರೆ. ಅಭಿ ಗೌಡ ಅವರು ಬಾಲಕಿಯನ್ನು ಮೊದಲು ದೈಹಿಕವಾಗಿ ಬಳಸಿಕೊಂಡಿದ್ದಾರೆ. ನoತರ ಹೇಮಂತ ನಾಯ್ಕ ಅವರು ಬಾಲಕಿಯನ್ನು ಮುರ್ಡೇಶ್ವರದ ಲಾಡ್ಜ್’ಗೆ ಕರೆದೊಯ್ದು ಅನಾಚಾರ ಮಾಡಿದ್ದು, ಇದೇ ವೇಳೆ ದೇವೇಂದ್ರ ನಾಯ್ಕ ಸಹ ಬಾಲಕಿಯ ಜೊತೆ ಸರಸವಾಡಿದ ಬಗ್ಗೆ ದೂರಲಾಗಿದೆ. ಅದಾದ ನಂತ ಇಕೋ ಬೀಚ್‌ನಲ್ಲಿ ಅಪ್ರಾಪ್ತೆ ಜೊತೆ ಆರೋಪಿತರು ದೈಹಿಕ ಸಂಪರ್ಕ ನಡೆಸಿದ ಬಗ್ಗೆ ವಿಚಾರಣೆ ನಡೆಯುತ್ತಿದೆ. ಕೆಲವು ದಿನಗಳ ಹಿಂದೆ ಅಪ್ರಾಪ್ತೆಯ ಆರೋಗ್ಯದಲ್ಲಿ ವ್ಯತ್ಯಾಸವಾಗಿದೆ. ಆ ವೇಳೆ ಬಾಲಕಿ ತಾಯಿ ಜೊತೆ ವೈದ್ಯಕೀಯ ಪರೀಕ್ಷೆಗೆ ಹೋದಾಗ ಗರ್ಭಧಾರಣೆಯಾಗಿರುವುದು ದೃಢಪಟ್ಟಿದೆ. ವಿಚಾರಣೆ ವೇಳೆ ಅಪ್ರಾಪ್ತೆಯು ಮೂವರು ನಡೆಸಿದ ಕಾಮದಾಟದ ಬಗ್ಗೆ ಹೇಳಿಕೆ ನೀಡಿದ್ದು, ಅದೇ ಆಧಾರದಲ್ಲಿ ಪೊಲೀಸರು ಪೊಕ್ಸೋ ಕಾಯ್ದೆ ಅಡಿ ಪ್ರಕರಣ ದಾಖಲಿಸಿದ್ದಾರೆ.
- [ಸ್ಕೂಟರ್ ಡಿಕ್ಕಿಯಲ್ಲಿ ಲಕ್ಷ ರೂ ಕಾಸು!](https://mobiletime.in/2025/10/one-lakh-rupees-lost-in-scooter-collision/): ವಿದೇಶಿ ನೋಟುಗಳನ್ನು ಅಕ್ರಮವಾಗಿ ವಿನಿಮಯ ಮಾಡುತ್ತಿದ್ದ ಜಾಲವನ್ನು ಭಟ್ಕಳ ಪೊಲೀಸರು ಹಿಡಿದಿದ್ದಾರೆ. ಗೋವಾದಿಂದ ಭಟ್ಕಳಕ್ಕೆ ಸ್ಕೂಟರಿನಲ್ಲಿ ಸಾಗಾಟವಾಗುತ್ತಿದ್ದ 8 ಲಕ್ಷ ರೂ ಮೌಲ್ಯದ 156 ವಿದೇಶಿ ಕರೆನ್ಸಿಯ ನೋಟುಗಳು ಪೊಲೀಸರಿಗೆ ಸಿಕ್ಕಿದೆ. ಭಟ್ಕಳದ ಚಿನ್ನದಪಳ್ಳಿ ಬಳಿಯ ಹೌಸ್ ಮುಸ್ಟಾ ಸ್ಟಿಟ್ ರುಕ್ಮುದ್ದಿನ್ ಸುಲ್ತಾನ್ ಭಾಷಾ ಅವರು THE UNITED STATES OF AMERICA ಎಂದು ಬರೆದ ನೋಟುಗಳನ್ನು ಸಾಗಿಸುತ್ತಿದ್ದರು. ಅಕ್ಟೊಬರ್ 22ರ ರಾತ್ರಿ ಭಟ್ಕಳದ ಪೊಲೀಸ್ ನಿರೀಕ್ಷಕ ದಿವಾಕರ ಪಿ ಎಂ ಅವರು ರುಕ್ಮುದ್ದಿನ್ ಸುಲ್ತಾನ್ ಭಾಷಾ ಅವರ ಸ್ಕೂಟರ್ ತಪಾಸಣೆ ನಡೆಸಿದರು. ಆಗ ಅಕ್ರಮವಾಗಿ ವಿದೇಶಿ ಕರೆನ್ಸಿ ಸಾಗಾಟ ಪ್ರಕರಣ ಬೆಳಕಿಗೆ ಬಂದಿತು. ಈ ನೋಟುಗಳ ಸಾಗಾಣಿಕೆಗೆ ಪರವಾನಿಗೆ ಒದಗಿಸುವಂತೆ ಪೊಲೀಸರು ಕೋರಿದರು. ಆದರೆ, ರುಕ್ಮುದ್ದಿನ್ ಸುಲ್ತಾನ್ ಭಾಷಾ ಅವರ ಬಳಿ ಯಾವುದೇ ಅನುಮತಿ ಪತ್ರಗಳಿರಲಿಲ್ಲ. ಪೊಲೀಸರು ತೀವೃವಾಗಿ ವಿಚಾರಣೆ ನಡೆಸಿದಾಗ ಈ ನೋಟುಗಳನ್ನು ಭಟ್ಕಳದ ಕಪ್ಪಾ ಮಜೀದ್ ಅವರಿಗೆ ಕೊಡಲು ತಂದಿರುವುದಾಗಿ ಅವರು ಬಾಯ್ಬಿಟ್ಟರು. ರುಕ್ಮುದ್ದಿನ್ ಸುಲ್ತಾನ್ ಭಾಷಾ ಹಾಗೂ ಕಪ್ಪಾ ಮಜೀದ್ ಯಾವ ಉದ್ದೇಶಕ್ಕಾಗಿ ವಿದೇಶಿ ನೋಟುಗಳ ಹಿಂದೆ ಬಿದ್ದಿದ್ದಾರೆ? ಎನ್ನುವುದರ ಬಗ್ಗೆ ವಿಚಾರಣೆ ನಡೆಯುತ್ತಿದೆ. ಪೊಲೀಸರು ಅವರಿಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ.
- [ಬೆನ್ನುನೋವು ಸಹಿಸದೇ ಸಾವನಪ್ಪಿದ ಕೃಷಿಕ!](https://mobiletime.in/2025/10/a-farmer-died-from-back-pain/): ಆರು ತಿಂಗಳ ಬೆನ್ನು ನೋವು ಹಾಗೂ ಮೂರು ತಿಂಗಳ ಜಾಂಡಿಸ್ ಸಹಿಸಿಕೊಳ್ಳಲಾಗದ ಸಿದ್ದಾಪುರದ ಕೃಷಿಕ ಕಿರಣಕುಮಾರ ಆಲಳ್ಳಿಮಠ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕಳೆನಾಶಕ ಸೇವಿಸಿ ಒದ್ದಾಡುತ್ತಿದ್ದ ಅವರನ್ನು ಎರಡು ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಲಿಲ್ಲ. ಸಿದ್ದಾಪುರದ ಇಟಗಿಯ ಕಿರಣಕುಮಾರ ಆಲಳ್ಳಿಮಠ ಅವರು ಉತ್ತಮ ಕೃಷಿಕರಾಗಿದ್ದರು. ಆದರೆ, ಆರು ತಿಂಗಳ ಹಿಂದೆ ಅವರಿಗೆ ಬೆನ್ನು ನೋವು ಕಾಣಿಸಿಕೊಂಡಿತು. ಸಿದ್ದಾಪುರ, ಶಿವಮೊಗ್ಗ, ಮಂಗಳೂರು ಸೇರಿ ವಿವಿಧ ಕಡೆ ಅವರು ಚಿಕಿತ್ಸೆಪಡೆದರು. ಆದರೆ, ಅದರಿಂದ ಪ್ರಯೋಜನವಾಗಲಿಲ್ಲ. ಮೂರು ತಿಂಗಳ ಹಿಂದೆ ಕಿರಣಕುಮಾರ ಆಲಳ್ಳಿಮಠ ಅವರಿಗೆ ಬಿಳಿ ಜಾಂಡಿಸ್ ಕಾಡಿತು. ಆಗಲೂ ಅವರು ಸಿದ್ದಾಪುರ, ಸಾಗರ ಮಂಗಳೂರು ಆಸ್ಪತ್ರೆ ಅಲೆದಾಟ ಮಾಡಿದರು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗದ ಕಾರಣ ಅಕ್ಟೊಬರ್ 19ರಂದು ತೋಟಕ್ಕೆ ಹೋಗಿ ಕಳೆನಾಶಕ ಸೇವಿಸಿದರು. ಅಸ್ವಸ್ಥಗೊಂಡ ಅವರನ್ನು ಸಾಗರದ ಸಮುಖ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಅಕ್ಟೊಬರ್ 20ರಂದು ಮಂಗಳೂರಿನ ಎಜೆ ಆಸ್ಪತ್ರೆ ಸಾಗಿಸಲಾಯಿತು. ಆದರೆ, ಈ ಎರಡೂ ಆಸ್ಪತ್ರೆಯ ಚಿಕಿತ್ಸೆಗೆ ಕಿರಣಕುಮಾರ ಅವರು ಸ್ಪಂದಿಸಲಿಲ್ಲ. ಅಕ್ಟೊಬರ್ 23ರಂದು ಅವರು ಸಾವನಪ್ಪಿದರು. ಕಿರಣಕುಮಾರ ಅವರ ತಂದೆ ಮಲ್ಲಿಕಾರ್ಜುನ ಆಲಳ್ಳಿಮಠ ಅವರು ಈ ಬಗ್ಗೆ ಸಿದ್ದಾಪುರ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಭೂ ವ್ಯಾಜ್ಯ: ಕೋರ್ಟಿಗೆ ಹೋದ ಆಟೋ ಚಾಲಕನಿಗೆ ಹಿಗ್ಗಾಮುಗ್ಗ ಥಳಿತ!](https://mobiletime.in/2025/10/land-dispute-auto-driver-brutally-beaten-up-for-going-to-court/): ಶಿರಸಿಯ ಆಟೋ ಚಾಲಕ ಶರತ್ ಪಾವಸ್ಕರ್ ಅವರನ್ನು ಅವರ ಅಕ್ಕನ ಮಕ್ಕಳಾದ ಆದಿತ್ಯ ಅಲಗೇರಿಕರ್ ಹಾಗೂ ಆದರ್ಶ ಅಲಗೇರಿಕರ್ ಸೇರಿ ಥಳಿಸಿದ್ದಾರೆ. ಈಗಾಗಲೇ ಭೂ ವ್ಯಾಜ್ಯದ ವಿಷಯವಾಗಿ ಕೋರ್ಟು-ಕಚೇರಿ ಅಲೆದಾಡುತ್ತಿರುವ ಶರತ್ ಪಾವಸ್ಕರ್ ಅವರು ಇದೀಗ ಮತ್ತೊಮ್ಮೆ ನ್ಯಾಯಾಲಯದ ಮೊರೆ ಹೋಗಿದ್ದು, ಆದಿತ್ಯ ಅಲಗೇರಿಕರ್ ಹಾಗೂ ಆದರ್ಶ ಅಲಗೇರಿಕರ್ ವಿರುದ್ಧ ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಶಿರಸಿಯ ಆಟೋ ಚಾಲಕ ಶರತ್ ಪಾವಸ್ಕರ್ ಅವರು ನರಬೈಲಿನ ಸರ್ವೇ ನಂ 6ರಲ್ಲಿ ಭೂಮಿ ಹೊಂದಿದ್ದಾರೆ. ಅಲ್ಲಿಯೇ ಅವರು ಮನೆ ನಿರ್ಮಿಸಿಕೊಂಡು ವಾಸವಾಗಿದ್ದಾರೆ. ಆದರೆ `ಆ ಮನೆ ತಮಗೆ ಸೇರದ್ದು’ ಎಂದು ಅದೇ ಊರಿನಲ್ಲಿರುವ ಅವರ ಅಕ್ಕ ನಂದಾ ಅವರು ಕಿರಿಕಿರಿ ಮಾಡುತ್ತಿದ್ದಾರೆ. ಅಕ್ಕನ ಮಕ್ಕಳಾದ ಆದಿತ್ಯ ಅಲಗೇರಿಕರ್ ಹಾಗೂ ಆದರ್ಶ ಅಲಗೇರಿಕರ್ ಸಹ ಆಸ್ತಿಗಾಗಿ ಜಗಳಕ್ಕೆ ಬರುತ್ತಿದ್ದು, ತಂಟೆ-ತಕರಾರಿನಿAದಾಗಿ ಶರತ್ ಪಾವಸ್ಕರ್ ಅವರು ಸಮಸ್ಯೆಗೆ ಸಿಲುಕಿದ್ದಾರೆ. ಇದೇ ಭೂ ವ್ಯಾಜ್ಯದ ವಿಷಯವಾಗಿ ಶರತ್ ಪಾವಸ್ಕರ್ ಅವರು ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದು, ಅದರ ವಿಚಾರಣೆ ನಡೆಯುತ್ತಿದೆ. ನ್ಯಾಯಾಲಯದ ಮೊರೆ ಹೋದ ಶರತ್ ಪಾವಸ್ಕರ್ ಅವರ ವಿರುದ್ದ ಆದಿತ್ಯ ಅಲಗೇರಿಕರ್ ಹಾಗೂ ಆದರ್ಶ ಅಲಗೇರಿಕರ್ ಅವರ ಸಿಟ್ಟು ಹೆಚ್ಚಾಗಿದೆ. ಅದೇ ಸಿಟ್ಟಿನಲ್ಲಿ ಆದರ್ಶ ಅಲಗೇರಿಕರ್ ಅವರು ಅಕ್ಟೊಬರ್ 14ರಂದು ಶರತ್ ಪಾವಸ್ಕರ್ ಅವರ ಮನೆ ಬಳಿ ಬಂದು ಗಲಾಟೆ ಮಾಡಿದ್ದಾರೆ. ಮನೆ ಮುಂದಿನ ಬೇಲಿ ಮುರಿದು ರಂಪಾಟ ನಡೆಸಿದ್ದಾರೆ. ಅದರೊಂದಿಗೆ ಶರತ್ ಪಾವಸ್ಕರ್ ಅವರ ಆಟೋ ಸಂಚಾರಕ್ಕೆ ತೊಂದರೆ ಆಗುವಂತೆ ಅಲ್ಲಿ ಬೇಲಿ ಗೂಟ ನೆಟ್ಟಿದ್ದಾರೆ. ಆ ಗೂಟ ತೆಗೆಯಲು ಹೋದಾಗ ಆದಿತ್ಯ ಅವರು ಮಾವನ ಕಪಾಳಕ್ಕೆ ಬಾರಿಸಿದ್ದಾರೆ. ಆದರ್ಶ ಅವರು ಈ ವೇಳೆ ಕೈಯಿಂದ ಗುದ್ದಿ ನೋವು ಮಾಡಿದ್ದಾರೆ. ಅವರಿಬ್ಬರು ಸೇರಿ ಶರತ್ ಪಾವಸ್ಕರ್ ಅವರನ್ನು ನೆಲಕ್ಕೆ ಬೀಳಿಸಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಶರತ್ ಪಾವಸ್ಕರ್ ಅವರು ಪೊಲೀಸರಿಗೆ ದೂರಿದ್ದು, ಅದಾದ ನಂತರ ನ್ಯಾಯಾಲಯದ ಮೊರೆ ಹೋಗಿ ಅಕ್ಕನ ಮಕ್ಕಳ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. `ಸಣ್ಣ-ಪುಟ್ಟ ವ್ಯಾಜ್ಯಗಳನ್ನು ರಾಜಿಮೂಲಕ ಬಗೆಹರಿಸಿ. ರಾಜಿ ಸಂದಾನಕ್ಕಾಗಿ ಲೋಕ ಅದಾಲತಿನಲ್ಲಿ ಭಾಗವಹಿಸಿ
- [ಮಗಳ ಮೇಲೆ ಕೈ ಮಾಡಿದ ಕೊರಗು: ವಿಷ ಕುಡಿದ ಚಾಲಕ!](https://mobiletime.in/2025/10/a-driver-who-was-drunk-and-abused-his-daughter/): ಅಂಕೋಲಾದಲ್ಲಿ ಚಾಲಕರಾಗಿದ್ದ ಮಹಾಂತೇಶ ಮಕಮನಿ ಅವರು ಮಗಳ ಮೇಲೆ ಕೈ ಮಾಡಿದ್ದಾರೆ. ಮಗಳಿಗೆ ಹೊಡೆದ ನೋವು ತಾಳಲಾರದೇ ಅವರು ವಿಷ ಸೇವಿಸಿ ಸಾವನಪ್ಪಿದ್ದಾರೆ. ಅಂಕೋಲಾದ ಬಾಳೆಗುಳಿಯಲ್ಲಿ ಮಹಾಂತೇಶ ಮಕಮನಿ (40) ಅವರು ವಾಸವಾಗಿದ್ದರು. ಚಾಲಕರಾಗಿ ಅವರು ಕೆಲಸ ಮಾಡಿಕೊಂಡಿದ್ದರು. ಮಹಾಂತೇಶ ಮಕಮನಿ ಅವರ ವಿರುದ್ಧ ನ್ಯಾಯಾಲಯದಲ್ಲಿ ಪ್ರಕರಣವೊಂದು ಬಾಕಿಯಿದ್ದು, ಸದಾ ಅದೇ ಗುಂಗಿನಲ್ಲಿರುತ್ತಿದ್ದರು. ಅಕ್ಟೊಬರ್ 3ರಂದು ಬೆಳಗ್ಗೆ ಅವರು ತಮ್ಮ ಜೊತೆಯಿದ್ದ ಮಗಳ ಮೇಲೆ ಕೈ ಮಾಡಿದರು. ಸಿಟ್ಟಿನಲ್ಲಿ ಮಗಳ ಮೇಲೆ ಕೈ ಮಾಡಿ ಗಲಾಟೆ ಮಾಡಿದರು. ಅದಾದ ನಂತರ ಮಗಳಿಗೆ ಹೊಡೆದ ಕೊರಗು ಮಹಾಂತೇಶ ಮಕಮನಿ ಅವರನ್ನು ಕಾಡಿಸಲು ಶುರುವಾಯಿತು. ತಮ್ಮನ್ನು ತಾವು ಸಮಾಧಾನ ಮಾಡಿಕೊಳ್ಳಲು ಸಾಧ್ಯವಾಗದ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಬಾಳೆಗುಳಿಯ ಮನೆಯಲ್ಲಿ ತಂದಿರಿಸಿದ್ದ ಕ್ರಿಮಿನಾಶಕ ಸೇವಿಸಿದರು. ಇದನ್ನು ನೋಡಿದ ಕುಟುಂಬದವರು ತಕ್ಷಣ ಅವರನ್ನು ಅಂಕೋಲಾದ ಆಸ್ಪತ್ರೆಗೆ ಸಾಗಿಸಿದರು. ಮಹಾಂತೇಶ ಮಕಮನಿ ಅವರ ಪರಿಸ್ಥಿತಿ ಗಂಭೀರವಾಗಿದ್ದ ಕಾರಣ ಅವರನ್ನು ಅಂಕೋಲಾದಿoದ ಕಾರವಾರ ಜಿಲ್ಲಾಸ್ಪತ್ರೆಗೆ ಕಳುಹಿಸಲಾಯಿತು. ಅಲ್ಲಿ ಚಿಕಿತ್ಸೆ ನೀಡಿದ ವೈದ್ಯರು ಹುಬ್ಬಳ್ಳಿಯ ಕಿಮ್ಸ್’ಗೆ ಶಿಫಾರಸ್ಸು ಮಾಡಿದರು. ಕಿಮ್ಸ ಆಸ್ಪತ್ರೆಯಲ್ಲಿ ಮಹಾಂತೇಶ ಮಕಮನಿ ಅವರಿಗೆ ಚಿಕಿತ್ಸೆ ಮುಂದುವರೆದಿತ್ತು. ಆದರೆ, 14 ದಿನಗಳ ನಿರಂತರ ಚಿಕಿತ್ಸೆಯಿಂದ ಅವರು ಚೇತರಿಸಿಕೊಳ್ಳಲಿಲ್ಲ. ಅಕ್ಟೊಬರ್ 22ರಂದು ಹುಬ್ಬಳ್ಳಿ ಆಸ್ಪತ್ರೆಯಲ್ಲಿಯೇ ಮಹಾಂತೇಶ ಮಕಮನಿ ಅವರು ಕೊನೆಯುಸಿರೆಳೆದರು. ಬಾಗಲಕೋಟೆಯ ಗುಳೆದಗಟ್ಟದಲ್ಲಿರುವ ಮಹಾಂತೇಶ ಮಕಮನಿ ಅವರ ತಂದೆ ನಾರಾಯಣ ಮಕಮನಿ ಅವರು ಮಗನ ಸಾವಿನ ಬಗ್ಗೆ ವಿಚಾರಿಸಿದರು. ಕೋರ್ಟ ಪ್ರಕರಣದ ಬೇಸರದಲ್ಲಿ ಅವರು ಮಗಳ ಮೇಲೆ ಕೈ ಮಾಡಿರುವ ವಿಚಾರ ತಿಳಿಯಿತು. ವಿಷ ಪ್ರಾಷನದಿಂದ ಮಗ ಸಾವನಪ್ಪಿರುವುದನ್ನು ಅರಿತ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕೆಸರು ಗದ್ದೆಯಲ್ಲಿ ಸಿಕ್ಕಿತು ಸೈನಿಕನ ಶವ!](https://mobiletime.in/2025/10/soldiers-body-found-in-a-muddy-field/): ಕಾರವಾರದ ಕೆಸರು ಗದ್ದೆಯಲ್ಲಿ ಮಾಜಿ ಸೈನಿಕರೊಬ್ಬರ ಶವ ಸಿಕ್ಕಿದೆ. ಅಮದಳ್ಳಿಯ ಬಳಿ ಶವ ನೋಡಿದ ಜನ ಸ್ಥಳಕ್ಕೆ ಪೊಲೀಸರನ್ನು ಕರೆಯಿಸಿದ್ದಾರೆ. ಶುಕ್ರವಾರ ಮಧ್ಯಾಹ್ನ ಅಮದಳ್ಳಿ ಗ್ರಾಮದಲ್ಲಿ ಅದೇ ಊರಿನ ಮಾಜಿ ಸೈನಿಕ ರವಿ ಗಾಂವಕರ (44) ಅವರು ಸಾವನಪ್ಪಿದ್ದಾರೆ. ಕಾರವಾರ ಗ್ರಾಮೀಣ ಪೊಲೀಸ್ ಠಾಣೆಯ ಸಿಬ್ಬಂದಿ ಶವ ಸಿಕ್ಕ ಜಾಗ ಪರಿಶೀಲನೆ ನಡೆಸಿದ್ದಾರೆ. ಸ್ಥಳದಲ್ಲಿ ಜನರು ಜಮಾಯಿಸುತ್ತಿದ್ದು, ಮಾಜಿ ಸೈನಿಕನ ಸಾವಿನ ಬಗ್ಗೆ ಚರ್ಚೆ ನಡೆದಿದೆ. ಕೆಸರು ಗದ್ದೆಯ ರಾಡಿಯಲ್ಲಿ ರವಿ ಗಾಂವಕರ ಅವರ ಶವ ಸಿಕ್ಕಿದ್ದು, ಸದ್ಯ ಅದನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಕಾರವಾರ ಜಿಲ್ಲಾಸ್ಪತ್ರೆಯಲ್ಲಿ ಶವ ಪರೀಕ್ಷೆಯ ವಿಧಿ-ವಿಧಾನಗಳು ನಡೆಯುತ್ತಿದೆ. ಎರಡು ದಿನದ ಹಿಂದೆಯೇ ರವಿ ಗಾಂವಕರ ಅವರು ಸಾವನಪ್ಪಿದ ಅನುಮಾನಗಳಿವೆ. ರವಿ ಗಾಂವಕರ ಅವರ ಸಾವಿಗೆ ಸ್ಪಷ್ಟ ಕಾರಣ ಗೊತ್ತಾಗಿಲ್ಲ. ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ಶುರು ಮಾಡಿದ್ದಾರೆ.
- [ಜನಪರ ಜಿಲ್ಲಾಧಿಕಾರಿ ವಿರುದ್ಧ ಜನಸಾಮಾನ್ಯರ ದೂರು!](https://mobiletime.in/2025/10/complaints-from-common-people-against-the-pro-people-district-magistrate/): ಜನಪರ ಜಿಲ್ಲಾಧಿಕಾರಿ ಎಂದು ಗುರುತಿಸಿಕೊಂಡಿರುವ ಕೆ ಲಕ್ಷ್ಮೀಪ್ರಿಯಾ ಅವರು ಜನ ಸಾಮಾನ್ಯರ ಬಗ್ಗೆ ಕಾಳಜಿವಹಿಸಿಲ್ಲ ಎಂದು ದೂರಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ದೂರಿದ್ದಾರೆ. ವಿವಿಧ ದಾಖಲೆಗಳ ಜೊತೆ ಅವರು ಮಾನವ ಹಕ್ಕು ಆಯೋಗಕ್ಕೆ ಪತ್ರ ಬರೆದಿದ್ದಾರೆ. ಕುಮಟಾದ ಗುಜರಗಲ್ಲಿಯಲ್ಲಿ ವಾಸವಾಗಿರುವ 64 ವರ್ಷದ ವಿಮಲಾ ಶಿರಾಲಿ ಅವರು ಪೆಟ್ಟು ಮಾಡಿಕೊಂಡು ಆಸ್ಪತ್ರೆ ಸೇರಿದಾಗ ಲಕ್ಷಾಂತರ ರೂ ಬಿಲ್ ಆಗಿತ್ತು. ಈ ವಿಷಯ ಅರಿತ ಅವರ ಸಂಬoಧಿಕರು ಅವರ ಬ್ಯಾಂಕ್ ಖಾತೆಗೆ ಹಣ ಹಾಕಿ ಸಹಾಯ ಮಾಡಿದ್ದರು. ಅವರ ಬ್ಯಾಂಕ್ ಖಾತೆಯಲ್ಲಿ ಹೆಚ್ಚಿನ ಮೊತ್ತ ಜಮಾ ಆದ ಆಧಾರದಲ್ಲಿ ಅಧಿಕಾರಿಗಳು ವಿಮಲಾ ಅವರ ಆದಾಯ ಹೆಚ್ಚಿರುವ ಬಗ್ಗೆ ವರದಿ ಸಲ್ಲಿಸಿದ ಕಾರಣ ಅವರಿಗೆ ಪಿಂಚಣಿ ಯೋಜನೆಯಿಂದ ದೂರ ಮಾಡಿದ್ದರು. ಇಂದಿರಾಗಾoಧಿ ವೃದ್ದಾಪ್ಯ ವೇತನ ಬಾರದ ಕಾರಣ ವಿಮಲಾ ಶಿರಾಳಿ ಅವರು ಅಲೆದಾಡುತ್ತಿದ್ದಾರೆ. ಸರ್ಕಾರದಿಂದ ಪಿಂಚಣಿ ಸಿಗದ ಬಗ್ಗೆ ಅವರು ಮಾನವ ಹಕ್ಕು ಆಯೋಗಕ್ಕೆ ಪತ್ರ ಬರೆದಿದ್ದು, 4 ತಿಂಗಳ ಒಳಗೆ ಈ ಪ್ರಕರಣ ಬಗೆಹರಿಸುವಂತೆ ಮಾನವ ಹಕ್ಕು ಆಯೋಗ ಜಿಲ್ಲಾಡಳಿತಕ್ಕೆ ನಿರ್ದೇಶನ ನೀಡಿದೆ. ಆದರೆ, ಆ ಅವಧಿ ಮುಗಿದರೂ ವಿಮಲಾ ಶಿರಾಲಿ ಅವರಿಗೆ ಸರ್ಕಾರದ ಪಿಂಚಣಿ ಸಿಕ್ಕಿಲ್ಲ. ಮೇ 5ರ ಒಳಗೆ ಬಗೆಹರಿಯಬೇಕಿದ್ದ ಪ್ರಕರಣ ಈವರೆಗೂ ಬಗೆಹರಿದಿಲ್ಲ. ಈ ಹಿನ್ನಲೆ ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಡೀಸಿ ಲಕ್ಷ್ಮೀಪ್ರಿಯಾ ಅವರ ವಿರುದ್ಧ ಮಾನವ ಹಕ್ಕು ಆಯೋಗಕ್ಕೆ ಪತ್ರ ಬರೆದಿದ್ದಾರೆ. ವಿಮಲಾ ಅವರಿಗೆ ನ್ಯಾಯ ಕೊಡಿಸಬೇಕು ಎಂದು ಆಗ್ನೇಲ್ ರೋಡ್ರಿಗಸ್ ಹಾಗೂ ಸುಧಾಕರ ನಾಯ್ಕ ಅವರು ಆಯೋಗದ ಬಳಿ ಮನವಿ ಮಾಡಿದ್ದಾರೆ.
- [ಶಾಲೆ ಬಳಿ ಸಿಕ್ಕಿತು ಶವ!](https://mobiletime.in/2025/10/a-body-was-found-near-the-school/): ಜೊಯಿಡಾದ ರಾಮನಗರದ ಶಾಲಾ ಮೈದಾನದಲ್ಲಿ ಶುಕ್ರವಾರ ಶವವೊಂದು ಸಿಕ್ಕಿದೆ. ಬೆಳಗ್ಗೆ ಶವ ನೋಡಿದ ಜನ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಜೋಯಿಡಾ ತಾಲೂಕಿನ ಕುಂಭಾರವಾಡದ ಉಮೇಶ್ ನಾಯಕ (42) ಅವರು ಇಲ್ಲಿ ಸಾವನಪ್ಪಿದ್ದಾರೆ. ಉಮೇಶ ನಾಯಕ ಅವರು ಹಲವು ವರ್ಷಗಳಿಂದ ಚಾಲಕರಾಗಿ ಕೆಲಸ ಮಾಡುತ್ತಿದ್ದರು. ರಾಮನಗರದ ಕಲ್ಲು ಖಾನೆಯಲ್ಲಿನ ವಾಹನಕ್ಕೆ ಅವರು ನೇಮಕವಾಗಿದ್ದರು. ಉಮೇಶ್ ನಾಯಕ್ ಅವರು ಎರಡು ದಿನದಿಂದ ಆಹಾರ ಸೇವಿಸರಲಿಲ್ಲ. ವಿಪರೀತ ಮದ್ಯಪಾನ ಮಾಡಿದ್ದು, ಅದೇ ಸಾವಿಗೆ ಕಾರಣ ಎಂಬ ಮಾಹಿತಿಯಿದೆ. ವಾಕಿಂಗ್ ಹೊರಟ ಸ್ಥಳೀಯರಿಗೆ ಮೊದಲು ಉಮೇಶ ನಾಯಕ ಅವರ ಶವ ಕಾಣಿಸಿದೆ. ಶಾಲೆ ಪಕ್ಕ ಶವ ನೋಡಿದ ಜನ ಪೊಲೀಸರನ್ನು ಕರೆಯಿಸಿದ್ದು, ರಾಮನಗರ ಪೊಲೀಸರು ಸ್ಥಳ ಪರಿಶೀಲನೆ ಮಾಡಿದ್ದಾರೆ.
- [ಹಣಕ್ಕಾಗಿ ಹೊಡೆದಾಟ: ಸ್ನೇಹಿತರ ನಡುವೆ ಕಚ್ಚಾಟ!](https://mobiletime.in/2025/10/fight-over-money-quarrel-between-friends/): ಹಣಕಾಸು ವಿಷಯವಾಗಿ ಶಿರಸಿಯ ವರುಣ ಭಟ್ಟ ಹಾಗೂ ಮುಂಡಗೋಡಿನ ರಾಘವೇಂದ್ರ ನಾಯ್ಕ ನಡುವೆ ವೈಮನಸ್ಸು ಮೂಡಿದೆ. ಆಪ್ತ ಸ್ನೇಹಿತರಾಗಿದ್ದ ಅವರಿಬ್ಬರು ಇದೀಗ ಬೇರೆ ಬೇರೆಯಾಗಿದ್ದು, ಪರಸ್ಪರ ದ್ವೇಷ ಸಾಧಿಸುತ್ತಿದ್ದಾರೆ. ಇದೇ ವಿಷಯವಾಗಿ ವರುಣ ಭಟ್ಟ ಅವರು ಮುಂಡಗೋಡಿನಲ್ಲಿರುವ ರಾಘವೇಂದ್ರ ನಾಯ್ಕ ಅವರ ಮನೆಗೆ ನುಗ್ಗಿ ಗಲಾಟೆ ಮಾಡಿದ್ದಾರೆ. ಇದನ್ನು ಸಹಿಸದ ರಾಘವೇಂದ್ರ ನಾಯ್ಕ ಅವರ ತಾಯಿ ಭಾಗೀರಥಿ ನಾಯ್ಕ ಅವರು ವರುಣ ಭಟ್ಟ ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಶಿರಸಿ ಬನವಾಸಿ ರಸ್ತೆಯ ಬಳಿ ವರುಣ ಮಧುಕೇಶ್ವರ ಭಟ್ಟ ಅವರು ವಾಸವಾಗಿದ್ದಾರೆ. ಮುಂಡಗೋಡು ನೆಹರು ನಗರದ ತಾಲೂಕು ಕ್ರೀಡಾಂಗಣದ ಬಳಿ ವಾಸವಾಗಿರುವ ರಾಘವೇಂದ್ರ ನಾಯ್ಕ ಅವರು ವರುಣ ಭಟ್ಟ ಅವರ ಬಾಲ್ಯ ಸ್ನೇಹಿತರಾಗಿದ್ದು, ಹಣಕಾಸಿನ ವಿಷಯವೊಂದು ಅವರಿಬ್ಬರ ಸ್ನೇಹವನ್ನು ಹಾಳು ಮಾಡಿದೆ. ಇದೇ ವಿಷಯವಾಗಿ ವರುಣ ಭಟ್ಟ ಅವರು ರಾಘವೇಂದ್ರ ನಾಯ್ಕ ಅವರ ಬಳಿ ಗಲಾಟೆ ಮಾಡಿದ್ದಾರೆ. ಅದರ ಮುಂದುವರೆದ ಭಾಗವಾಗಿ ವರುಣ ಭಟ್ಟ ಅವರು ರಾಘವೇಂದ್ರ ನಾಯ್ಕ ಅವರ ಮನೆಗೆ ನುಗ್ಗಿ ಅವರ ತಾಯಿ ಭಾಗೀರಥಿ ನಾಯ್ಕ ಅವರನ್ನು ನಿಂದಿಸಿದ್ದಾರೆ. ಜೊತೆಗೆ ಅವರನ್ನು ದೂಡಿ ನೆಲಕ್ಕೆ ಬೀಳಿಸಿದ್ದಾರೆ. ಅಕ್ಟೊಬರ್ 21ರ ಮಧ್ಯಾಹ್ನ ವರುಣ ಭಟ್ಟ ಅವರು ಸಿಲ್ವರ್ ಬಣ್ಣದ ಕಾರಿನಲ್ಲಿ ಮುಂಡಗೋಡಿಗೆ ಹೋಗಿದ್ದಾರೆ. ಭಾಗೀರಥಿ ನಾಯ್ಕ ಅವರ ಮನೆಗೆ ನುಗ್ಗಿ `ರಾಘು ಎಲ್ಲಿ?’ ಎಂದು ಪ್ರಶ್ನಿಸಿದ್ದಾರೆ. `ನನಗೆ ಹಣ ಬೇಕು’ ಎಂದು ಬೊಬ್ಬೆ ಹೊಡೆದಿದ್ದಾರೆ. ಆಗ, ಭಾಗೀರಥಿ ನಾಯ್ಕ ಅವರು `ಮಗ ದೀಪಾವಳಿ ಪೂಜೆಗೆ ಹೋಗಿದ್ದಾನೆ’ ಎಂದು ಹೇಳಿದ್ದಾರೆ. ಇದರಿಂದ ಸಿಟ್ಟಾದ ವರುಣ ಭಟ್ಟ ಅವರು `ನೀನಾದರೂ ದುಡ್ಡು ಕೊಡು’ ಎಂದು ಬೇಡಿದ್ದಾರೆ. `ನನ್ನ ಬಳಿ ಹಣ ಇಲ್ಲ’ ಎಂದು ಭಾಗೀರಥಿ ಭಟ್ಟ ಅವರು ಹೇಳಿದಾಗ ಅವರಿಗೆ ಕೆಟ್ಟ ಶಬ್ದಗಳಿಂದ ಬೈದಿದ್ದಾರೆ. `ಹಣ ಕೊಡದೇ ಇದ್ದರೆ ಯಾರನ್ನು ಜೀವಂತವಾಗಿ ಬಿಡುವುದಿಲ್ಲ’ ಎಂದು ವರುಣ ಭಟ್ಟ ಅವರು ಈ ವೇಳೆ ಬೆದರಿಸಿದ್ದಾರೆ. ಭಾಗೀರಥಿ ನಾಯ್ಕ ಅವರನ್ನು ನೆಲಕ್ಕೆ ದೂಡಿ ಅಲ್ಲಿಂದ ಹೊರಟಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಭಾಗೀರಥಿ ನಾಯ್ಕ ಅವರು ಮುಂಡಗೋಡು ಪೊಲೀಸ್ ಠಾಣೆಗೆ ತೆರಳಿ ವಿವರಿಸಿದ್ದು, ಮಹಿಳೆಯ ಮನೆಗೆ ನುಗ್ಗಿ ರಂಪಾಟ ನಡೆಸಿದ ವರುಣ ಭಟ್ಟ ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.    
- [ಬೈಕಿನಿಂದ ಬಿದ್ದವನ ವಿರುದ್ಧ ಕಾರು ಚಾಲಕನ ದೂರು!](https://mobiletime.in/2025/10/car-driver-files-complaint-against-man-who-fell-off-bike/): ಕುಮಟಾದ ಮಹೇಶ ಭಟ್ಟ ಹಾಗೂ ನರೇಂದ್ರ ಆಚಾರಿ ಅವರು ಸಂಚರಿಸುತ್ತಿದ್ದ ಕಾರಿಗೆ ಹೊನ್ನಾವರದ ಗಣೇಶ ಪಟಗಾರ ಅವರು ತಮ್ಮ ಬೈಕ್ ಗುದ್ದಿದ್ದಾರೆ. ಬೈಕಿನಿಂದ ಬಿದ್ದ ಗಣೇಶ ಅವರಿಗೆ ಪೆಟ್ಟಾಗಿದ್ದು, ಅತಿ ವೇಗವಾಗಿ ಬೈಕ್ ಚಲಾಯಿಸಿದ ಕಾರಣ ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ಅವರ ವಿರುದ್ಧವೇ ಪ್ರಕರಣ ದಾಖಲಾಗಿದೆ. ಕುಮಟಾದ ವಾಲ್ಗಳ್ಳಿಯ ಗಣಪತಿ ದೇವಾಲಯದ ಹತ್ತಿರದ ಮಹೇಶ ಭಟ್ಟ ವೈದಿಕರಾಗಿದ್ದಾರೆ. ಅದೇ ಊರಿನಲ್ಲಿ ಕಾರ್ಪರೇಂಟರ್ ಆಗಿರುವ ನರೇಂದ್ರ ಆಚಾರಿ ಅವರು ಮಹೇಶ ಭಟ್ಟ ಅವರ ಗೆಳೆಯರಾಗಿದ್ದು, ಈ ಇಬ್ಬರು ಒಟ್ಟಿಗೆ ಇರುತ್ತಾರೆ. ಹೀಗಿರುವಾಗ ಅಕ್ಟೊಬರ್ 22ರಂದು ಮಧ್ಯಾಹ್ನ ನರೇಂದ್ರ ಆಚಾರಿ ಅವರು ತಮ್ಮ ದೊಡ್ಡಪ್ಪನ ಜೊತೆ ಕಾರಿನಲ್ಲಿ ಹೋಗುತ್ತಿದ್ದರು. ಶ್ರೀಪಾದ ಆಚಾರಿ, ಜಾನಕಿ ಆಚಾರಿ, ಆಶಾ ಆಚಾರಿ ಹಾಗೂ ಆಶಾ ಅವರ ಮಗಳು ಗಾನವಿ ಆಚಾರಿ ಅವರ ಜೊತೆ ಮಹೇಶ ಭಟ್ಟ ಅವರು ಕಾರಿನಲ್ಲಿದ್ದರು. ನರೇಂದ್ರ ಆಚಾರಿ ಅವರು ಆ ಕಾರು ಓಡಿಸುತ್ತಿದ್ದರು. ಕಾರಿನಲ್ಲಿದ್ದವರನ್ನು ಹೊನ್ನಾವರಕ್ಕೆ ಬಿಟ್ಟು ನರೇಂದ್ರ ಆಚಾರಿ ಹಾಗೂ ಮಹೇಶ ಭಟ್ಟ ಅವರು ಊರಿಗೆ ಮರಳುವವರಾಗಿದ್ದರು. ಆದರೆ, ಹೊನ್ನಾವರದ ರಾಮತೀರ್ಥ ಕ್ರಾಸಿನ ಬಳಿ ವೇಗವಾಗಿ ಬೈಕ್ ಒಂದು ಬಂದು ಅವರ ಕಾರಿಗೆ ಗುದ್ದಿತು. ಹೊನ್ನಾವರ ನವಿಲುಗೋಣ ಕಲ್ಕಟಕೇರಿಯ ಗಣೇಶ ಪಟಗಾರ ಅವರು ಆ ಬೈಕು ಓಡಿಸುತ್ತಿದ್ದು, ಅದೇ ಬೈಕಿನಲ್ಲಿ ಹೊನ್ನಾವರ ಮುಗ್ವಾದ ಹಳಕೇರಿಯ ವಿಶ್ವನಾಥ ಗೌಡ ಅವರು ಇದ್ದರು. ಮುಂದಿನಿAದ ಕಾರಿಗೆ ಬೈಕ್ ಗುದ್ದಿದ ಪರಿಣಾಮ ಬೈಕಿನಲ್ಲಿದ್ದವರು ನೆಲಕ್ಕೆ ಬಿದ್ದು ಗಾಯಗೊಂಡರು. ಆಗ, ಕಾರಿನಲ್ಲಿದ್ದವರೇ ಅವರನ್ನು ಉಪಚರಿಸಿದರು. ಈ ಅಪಘಾತದಲ್ಲಿ ಕಾರು ಕೊಂಚ ಹಾಳಾಗಿದ್ದು, ಬೈಕ್ ಜಖಂ ಆಯಿತು. ಅತಿವೇಗವಾಗಿ ಬೈಕ್ ಓಡಿಸಿ ಅಪಘಾತ ಮಾಡಿದ ಕಾರಣ ಮಹೇಶ ಭಟ್ಟ ಅವರು ಪೊಲೀಸ್ ದೂರು ನೀಡಿದರು. ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕದಿಯಲು ಬಂದವರೂ ಖಾಲಿ ಕೈಯಲ್ಲಿ ಹೋದರು!](https://mobiletime.in/2025/10/even-those-who-came-to-steal-left-empty-handed/): ಕಾರವಾರದ ಮನೆಯೊಂದರ ಬೀಗ ಮುರಿದು ಒಳ ನುಗ್ಗಿದ ಕಳ್ಳರು ಅಲ್ಲಿ ಏನೂ ಕದಿಯದೇ ಮರಳಿದ್ದಾರೆ. ಕಳ್ಳರು ಮನೆಗೆ ನುಗ್ಗಿದ ಕಾರಣ ಅರಿವಾಗದಿದ್ದರೂ ದುಷ್ಕೃತ್ಯ ನಡೆಸಿದವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಕಾರವಾರದ ಸದಾಶಿವಗಡದ ನಾಗಫೋಂಡಾ ಸದಿಚ್ಚಾ ಹಾಲ್ ಬಳಿಯ ಹೆದ್ದಾರಿ ಪಕ್ಕದ `ಮುಕ್ತಾಯಿ’ ಎಂಬ ಮನೆಗೆ ಕಳ್ಳರು ಪ್ರವೇಶಿಸಿದ್ದಾರೆ. ಸುಭಾಶ್ ರಾಣೆ ಅವರ ಮಾಲಕತ್ವದ ಮನೆಗೆ ಅಕ್ಟೊಬರ್ 19ರಿಂದ ಅಕ್ಟೊಬರ್ 22ರವರೆಗಿನ ಅವಧಿಯಲ್ಲಿ ಕಳ್ಳರು ಬಂದಿದ್ದಾರೆ. ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಮುಂದಿನ ಬಾಗಿಲಿನ ಬೀಗ ಒಡೆದಿದ್ದಾರೆ. ಇಂಟರ್‌ಲಾಕ್ ಸಹ ಮುರಿದು ಒಳಗೆ ನುಗ್ಗಿದ್ದಾರೆ. ಅದಾದ ನಂತರ ಎಲ್ಲಾ ಬೆಡ್ ರೂಮುಗಳನ್ನು ಶೋಧಿಸಿದ್ದಾರೆ. ಮನೆ ನೆಲಮಹಡಿ ಪ್ರವೇಶಿಸಿ ಅಲ್ಲಿದ್ದ ಕಬ್ಬಿಣದ ಕಪಾಟಿನ ಲಾಕರ್ ಒಡೆದಿದ್ದಾರೆ. ಉಳಿದ ಮೂರು ಕಪಾಟಿನ ಒಳಗಿದ್ದ ಸಾಮಗ್ರಿಗಳನ್ನು ನೋಡಿ ಚಲ್ಲಾಪಿಲ್ಲಿ ಮಾಡಿದ್ದಾರೆ. ಇಷ್ಟೊಂದು ಸಾಹಸ ಮಾಡಿದ ಕಳ್ಳರು ಮನೆಯಿಂದ ಏನನ್ನು ಕದ್ದಿಲ್ಲ. ಅದಾಗಿಯೂ ಭಾವನ ಮನೆಯಲ್ಲಿ ಕಳ್ಳತನ ಪ್ರಯತ್ನ ನಡೆದಿರುವುದನ್ನು ಸಹಿಸದ ಸೂರಜ ಗಾಂವ್ಕರ್ ಅವರು ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
- [ಎಲೆಮಾನವರ ವಿರುದ್ಧ ಸಮರ: ಮೂರು ದಿನದಲ್ಲಿ ನೂರು ಬಾಣ!](https://mobiletime.in/2025/10/war-against-the-leafmen-one-hundred-arrows-in-three-days/): ದೀಪಾವಳಿ ಹಬ್ಬದ ಅಂಗವಾಗಿ ನಡೆಯುವ ಇಸ್ಪಿಟ್ ಅಡ್ಡೆಗಳ ಮೇಲೆ ಪೊಲೀಸರು ದಾಳಿ ನಡೆಸಿದ್ದು ಮೂರು ದಿನದಲ್ಲಿ ನೂರಕ್ಕೂ ಅಧಿಕ ಜನರ ಮೇಲೆ ಪ್ರಕರಣ ದಾಖಲಿಸಿದ್ದಾರೆ. ಶಿರಸಿ, ಯಲ್ಲಾಪುರ, ಹಳಿಯಾಳ, ದಾಂಡೇಲಿ, ಹೊನ್ನಾವರದಲ್ಲಿ ನಿರಂತರ ದಾಳಿ ನಡೆಯುತ್ತಿದೆ. ಅನೇಕ ಕಡೆ ಆರೋಪಿತರು ಸಿಕ್ಕಿಬಿದ್ದಿದ್ದು, ಇನ್ನಿತರ ಕಡೆ ಜೂಜುಕೋರರು ಓಡಿ ಹೋಗಿ ತಪ್ಪಿಸಿಕೊಂಡಿದ್ದಾರೆ. ಓಡಿ ಹೋದವರ ಹೆಸರು ಸೇರಿಸಿ ಪೊಲೀಸರು ಪ್ರಕರಣ ದಾಖಲಿಸುತ್ತಿದ್ದಾರೆ. ಅಕ್ಟೊಬರ್ 23ರಂದು ಹೊನ್ನಾವರದ ಒಂದು ಪ್ರಕರಣದಲ್ಲಿ ಪೊಲೀಸ್ ನಿರೀಕ್ಷಕ ಸಿದ್ದರಾಮೇಶ್ವರ ಎಸ್ ದಾಳಿ ನಡೆಸಿ 10 ಜನರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಹಣ, ಮೊಬೈಲ್ ಜೊತೆ ಹಲವು ವಸ್ತುಗಳನ್ನು ಜಪ್ತು ಮಾಡಿದ್ದಾರೆ. ಹಾಡಗೇರಿಯ ಲಕ್ಷಣ ನಾಯ್ಕ, ಈಶ್ವರ ನಾಯ್ಕ, ಅಣ್ಣಪ್ಪ ನಾಯ್ಕ, ಗಣಪತಿ ನಾಯ್ಕ, ರಾಜು ನಾಯ್ಕ, ಶ್ರೀಧರ ನಾಯ್ಕ, ಚಂದ್ರಹಾಸ ನಾಯ್ಕ, ಕೆರೆಮನೆ ಕೆಚ್ಚರೇಕೆಯ ನಾಗರಾಜ ನಾಯ್ಕ, ಕೊಂಡಾಕುಳಿಯ ಗಣಪತಿ ಗೌಡ, ಹುಡಗೋಡದ ರಾಜು ನಾಯ್ಕ ವಿರುದ್ಧ ಪ್ರಕರಣ ದಾಖಲಾಗಿದೆ. ಈಶ್ವರ ನಾಯ್ಕ ಅವರ ಮನೆಯಲ್ಲಿ ಇಸ್ಪಿಟ್ ಆಡುವಾಗ ಅವರೆಲ್ಲರೂ ಸಿಕ್ಕಿಬಿದ್ದಿದ್ದಾರೆ. ಹೊನ್ನಾವರದ ಹೊದ್ಕೆಶಿರೂರು ಹುಲಿಕಲ್ ಹಸ್ಕಿಯ ಅಕೆಶಿಯಾ ಪ್ಲಾಂಟೇಶನ್ ಒಳಗೆ ಅಡಗಿ ಅಂದರ್ ಬಾಹರ್ ಆಡುತ್ತಿದ್ದ ಅದೇ ಊರಿನ ದಿನೇಶ ನಾಯ್ಕ ಹಾಗೂ ಯೋಗೇಶ ಪಟಗಾರ ಅವರ ಮೇಲೆಯೂ ಪಿಎಸ್‌ಐ ಮಂಜುನಾಥ ಅವರು ದಾಳಿ ಮಾಡಿದ್ದಾರೆ. ಸಿದ್ದಾಪುರದ ಕಟ್ಟೆಕೈ ಗ್ರಾಮದ ಸೇತುವೆ ಬಳಿ ಜೂಜಾಡುತ್ತಿದ್ದವರ ಮೇಲೆ ಅಕ್ಟೊಬರ್ 23ರಂದು ಪೊಲೀಸ್ ನಿರೀಕ್ಷಕ ಜೆ ಬಿ ಸೀತಾರಾಮ ಅವರು ದಾಳಿ ಮಾಡಿದ್ದಾರೆ. ಈ ವೇಳೆ ಅಲ್ಲಿಯೂ ಬಿಳಗಿಯ ಅಣ್ಣಪ್ಪ ಗೌಡ, ಹನುಮಂತ ಗೌಡ, ಮರಿಯಾ ಗೌಡ, ಚಂದ್ರಶೇಖರ ಗೌಡ, ಈಶ್ವರ ಗೌಡ ಸಿಕ್ಕಿಬಿದ್ದಿದ್ದಾರೆ. ಹಳಿಯಾಳದ ಹಲವು ಕಡೆ ದೀಪಾವಳಿ ಹಬ್ಬದ ಸಂಭ್ರಮದ ನಡುವೆ ಇಸ್ಪೀಟ್ ಜೂಜಾಟದಲ್ಲಿ ತೊಡಗಿದ್ದವರಿಗೆ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ. ಒಟ್ಟೂ ಮೂರು ಕಡೆ ದಾಳಿ ನಡೆಸಿ 92,650 ರೂ ಹಣವಶಕ್ಕೆಪಡೆದು 50 ಜನರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಹಳಿಯಾಳ ಪಟ್ಟಣದ ಕಾರ್ಮೆಲ್ ಸ್ಕೂಲ್ ಬಳಿ ಸಾರ್ವಜನಿಕ ಸ್ಥಳದಲ್ಲಿ ಇಸ್ಪೀಟ್ ಜೂಜಾಟದಲ್ಲಿ ತೊಡಗಿದ್ದ ಬಸವರಾಜ, ಧರ್ಮರಾಜ, ವಿನಾಯಕ, ಗಣೇಶ ಮತ್ತು ಅಯೂಬ್ ಬೇಪಾರಿ ಈ ಐವರು ಆರೋಪಿಗಳನ್ನು ಪಿಎಸ್‌ಐ ಬಸವರಾಜ ಎನ್. ಮಬನೂರ ನೇತೃತ್ವದ ತಂಡವು ವಶಕ್ಕೆ ಪಡೆದು ಅವರಿಂದ 28,250 ರೂ ಹಣವಶಕ್ಕೆಪಡೆದಿದೆ. ಹಳಿಯಾಳ ಪಟ್ಟಣದ ಗೋರಿಖಾನ್ ಪೆಟ್ರೋಲ್ ಬಂಕ್ ಸಮೀಪದ ಸಾರ್ವಜನಿಕ ಸ್ಥಳದಲ್ಲಿ ಇಸ್ಪೀಟ್ ಜೂಜಾಟದಲ್ಲಿ ತೊಡಗಿದ್ದ ಶಿವಾನಂದ, ಶ್ಯಾಮ, ದೇವೇಂದ್ರ, ಅರ್ಜುನ, ಮಾನ್ವೆಲ್, ನಾಸೀರ್‌ಸಾಬ್, ತಬರೇಜ್ ಮತ್ತು ಶ್ರೀಕಾಂತ ಈ ಎಂಟು ಮಂದಿ ಆರೋಪಿಗಳನ್ನು ಪಿಎಸ್‌ಐ ಕೃಷ್ಣಗೌಡ ಅರಕೇರಿ ನೇತೃತ್ವದಲ್ಲಿ ಹಳಿಯಾಳ ಪೊಲೀಸರು ವಶಕ್ಕೆ ಪಡೆದು ಅವರಿಂದ 11,030 ರೂ ಹಣ ಜಪ್ತು ಮಾಡಿದ್ದಾರೆ. ಹಳಿಯಾಳ ತಾಲೂಕಿನ ಶಿವಪುರ ಗ್ರಾಮದ ಕ್ರಾಸ್ ಬಳಿ ಸಾರ್ವಜನಿಕ ಸ್ಥಳದಲ್ಲಿ ಹಣ ಪಂಥ ಕಟ್ಟಿ ಅಕ್ರಮವಾಗಿ ಜೂಜಾಟದಲ್ಲಿ ತೊಡಗಿದ್ದ ಬೃಹತ್ ಗುಂಪಿನ ಮೇಲೆ ಪಿಎಸ್‌ಐ ಬಸವರಾಜ ಎನ್ ಮಬನೂರ ನೇತೃತ್ವದಲ್ಲಿ ಪೊಲೀಸರು ದಾಳಿ ನಡೆಸಿದ್ದಾರೆ. ಈ ವೇಳೆ ಹಳಿಯಾಳ ತಾಲೂಕಿನ ಮುರ್ಕವಾಡ ಗ್ರಾಮದವರಾದ ನಾಗರಾಜ, ಶ್ರೀಕಾಂತ, ಭುಜಂಗ, ವಿನಾಯಕ, ಬಸಪ್ಪ, ಸುರೇಶ, ಬಸವರಾಜ, ಶ್ರೀಕಾಂತ, ಪರಶುರಾಮ, ಸಚಿನ, ರಾಘವೇಂದ್ರ, ಬಾಲಕೃಷ್ಣ, ಶಿವಾನಂದ, ಲೋಕಪ್ಪ, ಶ್ರೀನಾಥ, ಶ್ರೀನಿವಾಸ, ಸುಂದರ, ಸತೀಶ, ಅಭೀಶೇಕ, ಸಂದೀಪ, ದೇವೆಚಿದ್ರ, ಪುಂಡ್ಲಿಕ, ದೀಪಕ, ಜ್ಞಾನೇಶ್ವರ, ಶ್ರೀಕಾಂತ ಹಾಗೂ ಶ್ರೀಕಾಂತ ಸೇರಿ ಒಟ್ಟು 27 ಮಂದಿ ಆರೋಪಿಗಳನ್ನು ವಶಕ್ಕೆ ಪಡೆದು ಅವರಿಂದ 53,370 ರೂ. ನಗದು ಜಪ್ತಿ ಮಾಡಿಕೊಂಡು ಪ್ರಕರಣ ದಾಖಲಿಸಿದ್ದಾರೆ. ದಾಂಡೇಲಿ ನಗರದ ಬಸ್ ನಿಲ್ದಾಣದ ಎದುರುಗಿನ ಸಾಹೇಲಿ ಲಾಡ್ಜನ ಹಿಂಬದಿಯ ಖಾಲಿ ಸ್ಥಳದಲ್ಲಿ ಅಂದರ-ಬಾಹರ ಜುಜಾಟದಲ್ಲಿ ತೊಡಗಿಸಿಕೊಂಡಿದ್ದವರ ಮೇಲೆಯೂ ಪೊಲೀಸರು ದಾಳಿ ಮಾಡಿದ್ದಾರೆ. ಜೂಜಾಟಕ್ಕೆ ಬಳಸಿದ್ದ ಇಸ್ಪೀಟ್ ಎಲೆಗಳು ಮತ್ತು 3600 ರೂ. ನಗದು ಹಣವನ್ನು ನಗರ ಠಾಣೆಯ ಪೊಲೀಸರು ವಶಕ್ಕೆಪಡೆದಿದ್ದಾರೆ. ಸುಭಾಷನಗರದ ಅಸ್ಲಾಂ ಕಾಸೀಂಸಾಬ ನಿರಲಗಿ, ಸುಭಾಷನಗರದ ದಾವಲಸಾಬ ಕಾಸಿಂಸಾಬ ನಿರಲಗಿ, ಗಾಂಧಿನಗರದ ಮಂಜುನಾಥ ವೀರಭದ್ರ ಹರಿಜನ, ಗಾಂದಿನಗರದ ರಿಜ್ವಾನ ಅಬ್ದುಲ್ ನದಾಫ, ಬಾಲರಾಜ ನಾಗೇಶ ಗಿರಿಯಾಳ, ಮಹ್ಮದ ರಜಾಕ ಸತ್ತಾರ ತಹಶೀಲ್ದಾರ ಸೇರಿ ಹಲವರು ವಿರುದ್ಧ ದಾಂಡೇಲಿ ನಗರ ಪೊಲೀಸ ಠಾಣೆಯ ಪಿಎಸ್‌ಐ ಅಮೀನ್ ಅತ್ತಾರ ಪ್ರಕರಣ ದಾಖಲಿಸಿದ್ದಾರೆ. ಶಿರಸಿಯ ಬನವಾಸಿ ಬಳಿಯ ದನಗನಹಳ್ಳಿ ನವಗ್ರಾಮದ ಸುರೇಶ ರಾಮಾಪುರ ಅವರ ಮನೆಯಲ್ಲಿ ಅಂದರ್ ಬಾಹರ್ ಆಡುತ್ತಿದ್ದ ಕಾರಣ ಅಲ್ಲಿಯೂ ಪಿಎಸ್‌ಐ ಮಹಾತೇಂಶಪ್ಪ ಕುಂಬಾರ್ ಅವರು ದಾಳಿ ಮಾಡಿದ್ದಾರೆ. ಈ ವೇಳೆ ದಾಸನಕೊಪ್ಪ ದನಗನಹಳ್ಳಿಯ ಬಸವರಾಜ ಕಚವೆ, ರಾಜು ರಾಮಾಪುರ, ಸುರೇಶ ಗೋಯಕರ, ನಾಗರಾಜ ಪಾಟೀಲ. ಮಾಂತೇಶ ಗೋಯಕರ, ಹಜರತ್ ಅಲಿ, ಸಂದೀಪ ರಾಮಾಪುರ, ಸುರೇಶ ರಾಮಾಪುರ ಅವರು ಸಿಕ್ಕಿಬಿದ್ದಿದ್ದಾರೆ. ಯಲ್ಲಾಪುರ ಹೊಸಳ್ಳಿ ಹಾಗೂ ರವೀಂದ್ರನಗರದಲ್ಲಿ ಇಸ್ಪೀಟ್ ಅಡ್ಡೆ ಮೇಲೆ ಪೊಲೀಸರು ದಾಳಿ ನಡೆಸಿ 15 ಜನರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಕಿರವತ್ತಿ ಸಮೀಪದ ಹೊಸಳ್ಳಿ ಜನತಾ ಕಾಲೋನಿ ರಸ್ತೆಯ ಪಕ್ಕ ವಿನೋದ ಚೌಹಾಣ, ಶಿವಾಜಿ ಕಾಂಬಳೆ, ಯಲ್ಲಪ್ಪ ಕಾಂಬಳೆ, ಮೌಲಾಲಿ ಮಹಮ್ಮದ್ ಸಾಬ ಸೈಯ್ಯದ್, ಶಿವರಾಜ ಕಿಲಾರಿ, ಬೀರು ಪಟಕಾರೆ ಜೂಜಾಟ ಆಡುತ್ತಿದ್ದರು. ಈ ವೇಳೆ ಪೊಲೀಸರು ದಾಳಿ ನಡೆಸಿದ್ದು, ಇವರಿಂದ 3360 ರೂ ನಗದು ಹಾಗೂ ಜೂಜಾಟದ ಸಲಕರಣೆಗಳನ್ನು ವಶಕ್ಕೆಪಡೆದಿದ್ದಾರೆ. ಯಲ್ಲಾಪುರ ಪಟ್ಟಣದ ರವೀಂದ್ರನಗರದ ಚೌಡೇಶ್ವರಿ ದೇವಸ್ಥಾನದ ಬಳಿ, ಸಂತೋಷ ಬೋವಿವಡ್ಡರ್, ಗಿರೀಶ ಬೋವಿವಡ್ಡರ್, ಲಕ್ಷ್ಮಣ ಮರಾಠಿ, ಗುರುರಾಜ ಬೋವಿವಡ್ಡರ್, ಪರಶುರಾಮ ಬೋವಿವಡ್ಡರ್, ಶಿವಪ್ಪ ಬೋವಿವಡ್ಡರ್, ಸಿದ್ದು ಗೌಳಿ, ಸಾಗರ ನಾಯ್ಕ, ಮುಟಿಗೆಪ್ಪ ಬೋವಿವಡ್ಡರ್ ಜೂಜಾಡುತ್ತಿದ್ದ ವೇಳೆ ಪೊಲೀಸರು ದಾಳಿ ನಡೆಸಿದ್ದಾರೆ. ಇವರಿಂದ 3220 ರೂ ಹಾಗೂ ಜೂಜಾಟದ ಸಲಕರಣೆಗಳನ್ನು ವಶಕ್ಕೆ ಪಡೆದಿದ್ದಾರೆ.
- [ನಾಟಿ ವಿದ್ಯೆಯ ವೀರ: ಔಷಧಿಯಿಲ್ಲದೇ ನೋವು ದೂರ!](https://mobiletime.in/2025/10/hero-of-naughty-nanny-get-rid-of-joint-pain-without-medicine/): ಗಂಟು ನೋವು, ಮಂಡಿ ನೋವು, ಬೆನ್ನು ನೋವು, ಕಾಲು ನೋವು ಸೇರಿ ಎಲುಬು ಹಾಗೂ ನರಗಳಿಗೆ ಸಂಬoಧಿಸಿದ ಸಮಸ್ಯೆಗಳಿಗೆ ಶಿರಸಿಯ ಗಣಪಯ್ಯ ಚೆನ್ನಯ್ಯ ಅವರು ಪರಿಹಾರ ಒದಗಿಸುತ್ತಾರೆ. ಯಾವುದೇ ಔಷಧಿ-ಗಿಡಮೂಲಿಕೆಗಳ ಪ್ರಯೋಗವಿಲ್ಲದೇ ಬರೇ ಮಸಾಜ್ ಮೂಲಕ ಅವರು ನೋವುಗಳನ್ನು ದೂರ ಮಾಡುತ್ತಾರೆ. ಶಿರಸಿ-ಹುಬ್ಬಳ್ಳಿ ರಸ್ತೆ ಮಾರ್ಗವಾಗಿ 12ಕಿಮೀ ಸಂಚರಿಸಿದರೆ ಸಿಗುವ ಇಸಳೂರಿನ ಬಳಿ ಮಾವಿನಕೊಪ್ಪ ಎಂಬ ಊರಿದೆ. ಅಲ್ಲಿಂದ 2ಕಿಮೀ ಮಣ್ಣಿನ ರಸ್ತೆಯಲ್ಲಿ ಸಿಕ್ಕರೆ ಗಣಪಯ್ಯ ಚೆನ್ನಯ್ಯ ಅವರ ಮನೆ ಕಾಣುತ್ತದೆ. ಮನೆ ಅಂಗಳದಲ್ಲಿಯೇ ಅವರು ತಮ್ಮ ನಾಟಿ ವಿದ್ಯೆ ಪ್ರಯೋಗಿಸುತ್ತಾರೆ. ಏಕಕಾಲಕ್ಕೆ ಆರು ಜನ ಬಂದರೂ ಅವರು ಅಲ್ಲಿ ಚಿಕಿತ್ಸೆ ನೀಡುತ್ತಾರೆ. ಮಾನವನ ದೇಹ ಹಾಗೂ ನರಗಳ ಬಗ್ಗೆ ಅಧ್ಯಯನ ನಡೆಸಿರುವ ಗಣಪತಿ ಚೆನ್ನಯ್ಯ ಅವರು ದೇಹದಲ್ಲಿ ನೋವಿರುವ ಭಾಗದ ರಕ್ತ ಸಂಚಲನದ ಬಗ್ಗೆ ಅಭ್ಯಯಿಸುತ್ತಾರೆ. ಅದರ ಆಧಾರದಲ್ಲಿ ನರಗಳು ಉಬ್ಬಿರುವ ಭಾಗ ಗುರುತಿಸಿ ಅದನ್ನು ಸರಿ ಮಾಡುತ್ತಾರೆ. ಕಾಲು, ಕೈ ಸೇರಿ ಅಗತ್ಯವಿರುವ ಅಂಗಾoಗಗಳಿಗೆ ಮರದ ಬೆಣೆಗಳನ್ನು ಕಟ್ಟಿ ರಕ್ತ ಸಂಚಲನ ಸರಾಗವಾಗಿ ಸಾಗುವ ರೀತಿ ಮಾಡುತ್ತಾರೆ. ನಂತರ ಇಡೀ ದೇಹವನ್ನು ತಮ್ಮ ಕೈಯಿಂದಪದೇ ಪದೇ ತಿಕ್ಕಿ ನಿಧಾನವಾಗಿ ವ್ಯಾಯಾಮ ಮಾಡಿಸುತ್ತಾರೆ. ಈ ಎಲ್ಲಾ ವಿದ್ಯೆಯನ್ನು ಕೇರಳದಲ್ಲಿ ಕಲಿತಿರುವ ಅವರು 40 ವರ್ಷಗಳಿಂದ ಈ ಕಾಯಕ ಮಾಡುತ್ತ ಬಂದಿದ್ದಾರೆ. ಸುಮಾರು ಒಂದುವರೆ ತಾಸುಗಳ ಕಾಲದ ಈ ಚಿಕಿತ್ಸೆಯಿಂದ ಅನೇಕರು ನೋವಿನಿಂದ ಮುಕ್ತರಾಗಿದ್ದಾರೆ. ಸಾಮಾನ್ಯವಾಗಿ ವಾರಕ್ಕೆ ಒಮ್ಮೆಯಂತೆ ಮೂರು ವಾರಗಳ ಭೇಟಿಯ ಅವಧಿಯಲ್ಲಿ ನೋವು ದೂರವಾಗುತ್ತದೆ. ಚಿಕಿತ್ಸೆಗೆ ಒಳಗಾಗುವವರು ಪ್ರತಿ ಭೇಟಿಯಲ್ಲಿಯೂ 500ರೂ ಹಣದ ಜೊತೆ ಒಂದು ತೆಂಗಿನಕಾಯಿ ಕೊಡಬೇಕಾಗುತ್ತದೆ. ವಾರದ ಏಳೂ ದಿನವೂ ಗಣಪತಿ ಚೆನ್ನಯ್ಯ ಅವರು ಚಿಕಿತ್ಸೆ ನೀಡುತ್ತಾರೆ. ಅದಾಗಿಯೂ ಫೋನ್ ಮಾಡಿ ತೆರಳುವುದು ಉತ್ತಮ. ಗಣಪತಿ ಚೆನ್ನಯ್ಯ ಅವರ ಮೊಬೈಲ್ ನಂ: 9480553112
- [2025 ಅಕ್ಟೊಬರ್ 24ರ ದಿನ ಭವಿಷ್ಯ](https://mobiletime.in/2025/10/prediction-for-october-24-2025/): ಮೇಷ ರಾಶಿ: ಈ ದಿನ ಪೂರ್ತಿ ಉತ್ಸಾಹವಾಗಿರುತ್ತೀರಿ. ಹೊಸ ಕೆಲಸಗಳು ಯಶಸ್ವಿಯಾಗಲಿದೆ. ಆರ್ಥಿಕ ಬೆಳವಣಿಗೆ ಸಂತಸ ಕೊಡಲಿದೆ. ವೃಷಭ ರಾಶಿ: ಮಾನಸಿಕ ಶಾಂತಿ, ಹಣಕಾಸು ಓಡಾಟ, ಕುಟುಂಬದಲ್ಲಿ ಸಂತೋಷ ಒಟ್ಟಿಗೆ ಕಾಣಲಿದೆ. ಪ್ರಯಾಣದ ಲಕ್ಷಣಗಳಿದೆ. ವ್ಯಾಯಾಮ ಆರಾಮದಾಯಕ. ಮಿಥುನ ರಾಶಿ: ಉದ್ಯೋಗದಲ್ಲಿನ ನಿಮ್ಮ ಸಾಧನೆ ಮೆಚ್ಚುಗೆಗೆ ಕಾರಣವಾಗಲಿದೆ. ಹಣಕಾಸು ವಿಚಾರಗಳಲ್ಲಿ ಬುದ್ಧಿವಂತಿಕೆ ಅಗತ್ಯ. ಸಂಜೆ ಸಂತೋಷದ ಕ್ಷಣ ಸಿಗಲಿದೆ. ಕರ್ಕ ರಾಶಿ: ನಿಮ್ಮ ಆತ್ಮವಿಶ್ವಾಸವು ಹೆಚ್ಚಾಗಲಿದೆ. ಹಳೆಯ ಕೆಲಸಗಳು ಪೂರ್ಣಗೊಳ್ಳಲಿದೆ. ಉದ್ಯಮ ಅಥವಾ ವ್ಯವಹಾರದಲ್ಲಿ ಲಾಭದ ಯೋಗವಿದೆ. ಸಿಂಹ ರಾಶಿ: ಅನಿರೀಕ್ಷಿತ ಲಾಭ ಸಿಗಲಿದೆ. ಆರ್ಥಿಕ ನಿರ್ಧಾರಗಳಲ್ಲಿ ಧೈರ್ಯ ಬೇಕು. ಆತುರದ ನಿರ್ಧಾರ ಮಾಡಬೇಡಿ. ಕನ್ಯಾ ರಾಶಿ: ದೀರ್ಘಕಾಲದಿಂದ ಬಾಕಿಯಿರುವ ಕೆಲಸ ಈ ದಿನ ಮುಗಿಯಲಿದೆ. ಕಲೆ ಅಥವಾ ಸಾಹಿತ್ಯ ಕ್ಷೇತ್ರದವರಿಗಿದು ಉತ್ತಮ ದಿನ. ತುಲಾ ರಾಶಿ: ಆಪ್ತರ ಜೊತೆ ಸ್ನೇಹ ಹೆಚ್ಚಾಗಲಿದ್ದು, ಪರಸ್ಪರ ನಂಬಿಕೆ ಮೂಡಲಿದೆ. ಕೆಲಸದ ಒತ್ತಡ ಕಡಿಮೆಯಾಗಲಿದೆ. ಆರೋಗ್ಯದ ಕಡೆ ಗಮನಹರಿಸಿ. ವೃಶ್ಚಿಕ ರಾಶಿ: ನಿಮ್ಮ ಮನಸ್ಸಿನ ಯೋಜನೆಗಳು ಯಶಸ್ವಿಯಾಗಲಿದೆ. ಕೆಲಸದಲ್ಲಿ ಹೊಸ ಚಿಂತನೆ ಅಳವಡಿಸಲು ಸೂಕ್ತ ದಿನ. ಧ್ಯಾನ ಅಥವಾ ಪ್ರಾರ್ಥನೆಗೆ ಸಮಯ ಮೀಸಲಿಡಿ. ಧನು ರಾಶಿ: ಆತ್ಮವಿಶ್ವಾಸದಲ್ಲಿ ಗಣನೀಯ ಏರಿಕೆ ಆಗಲಿದೆ. ಪ್ರಯತ್ನಗಳು ಫಲ ನೀಡುತ್ತವೆ. ಹೂಡಿಕೆ ವಿಚಾರಗಳಲ್ಲಿ ಜಾಗರೂಕರಾಗಿರಿ. ಮಕರ ರಾಶಿ: ಕುಟುಂಬ ಮತ್ತು ವೃತ್ತಿ ನಡುವೆ ಸಮತೋಲನ ಕಾಪಾಡಿ. ಕೆಲಸದಲ್ಲಿ ಯಶಸ್ಸು ಸಿಗಲಿದೆ. ಆರೋಗ್ಯದಲ್ಲಿ ಏರುಪೇರಾಗುವ ಲಕ್ಷಣವಿದೆ. ಕುಂಭ ರಾಶಿ: ಸಹೋದ್ಯೋಗಿಗಳ ಸಹಕಾರದಿಂದ ಕೆಲಸ ಸುಲಭವಾಗಲಿದೆ. ಹೊಸ ಯೋಜನೆಗೆ ಮೊದಲ ಹೆಜ್ಜೆ ಮೂಡಲಿದೆ. ಕುಟುಂಬದಲ್ಲಿ ಸಂತೋಷ ಕಾಣಲಿದೆ. ಮೀನ ರಾಶಿ: ಹಳೆಯ ಸಮಸ್ಯೆಗಳಿಗೆ ಪರಿಹಾರ ಸಿಗುವುದರಿಂದ ಮನಸ್ಸು ಶಾಂತವಾಗಿರುತ್ತದೆ. ಉದ್ಯೋಗ ಅಥವಾ ವ್ಯಾಪಾರದಲ್ಲಿ ಹೊಸ ಅವಕಾಶಳು ಸಿಗಲಿದೆ. ಆಧ್ಯಾತ್ಮಿಕ ಚಿಂತನೆಗೆ ಸೂಕ್ತವಾದ ದಿನ.
- [ದನಗಳ ಜಗಳ: ತಪ್ಪಿಸಲು ಹೋದವರ ನಡುವೆ ಹೊಡೆದಾಟ!](https://mobiletime.in/2025/10/cattle-fight-fight-breaks-out-between-those-who-tried-to-avoid-it/): ಕಾರವಾರದ ಅಂಬೀಷ್ ವಾಸವನ್ ಹಾಗೂ ರಾಮಕೃಷ್ಣ ನಾರಾಯಣಪ್ಪ ಅವರ ನಡುವೆ ಹೊಡೆದಾಟ ನಡೆದಿದೆ. ಕಾರವಾರದ ಕದ್ರಾದ ಕೆಪಿಸಿ ಲೇಬರ್ ಕಾಲೋನಿಯಲ್ಲಿ ಅಂಬೀಷ್ ಅವರು ಜರಾಕ್ಸ ಅಂಗಡಿ ನಡೆಸುತ್ತಾರೆ. ಅಲ್ಲಿಯೇ ರಾಮಕೃಷ್ಣ ಅವರು ಕೆಪಿಸಿ ವಾಹನದ ಚಾಲಕರಾಗಿ ದುಡಿಯುತ್ತಿದ್ದಾರೆ. ರಸ್ತೆಯಲ್ಲಿದ್ದ ದನಗಳನ್ನು ಓಡಿಸುವ ವಿಷಯವಾಗಿ ಅವರಿಬ್ಬರ ನಡುವೆ ಜಗಳ ನಡೆದಿದ್ದು, ಅದೇ ತಾರಕಕ್ಕೇರಿದೆ. ಪರಿಣಾಮ ಅವರಿಬ್ಬರು ಮದ್ಯರಾತ್ರಿ ನಡು ರಸ್ತೆಯಲ್ಲಿ ಹೊಡೆದಾಡಿಕೊಂಡಿದ್ದಾರೆ. ಅಕ್ಟೊಬರ್ 22ರ ರಾತ್ರಿ 12ಗಂಟೆಗೆ ಕೆಪಿಸಿ ಕಾಲೋನಿಯ ಶಾಫಿಂಗ್ ಕಾಂಪ್ಲೆಕ್ಸ ಬಳಿ ದನಗಳಿದ್ದವು. ಆ ದನಗಳ ನಡುವೆ ಜಗಳ ನಡೆಯುತ್ತಿರುವುದನ್ನು ಅಂಬೀಷ ಅವರು ನೋಡಿದರು. ಆ ಜಾನುವಾರುಗಳು ತಮ್ಮ ಅಂಗಡಿ ಒಳಗೆ ಪ್ರವೇಶಿಸುವುದನ್ನು ತಡೆಯುವುದಕ್ಕಾಗಿ ಅವರು ಬೆದರಿಸಿದರು. ದನಗಳನ್ನು ಅವರು ಅಲ್ಲಿಂದ ಓಡಿಸಿದ್ದು, ಇದನ್ನು ರಾಮಕೃಷ್ಣ ಅವರು ಸಹಿಸಲಿಲ್ಲ. ಅಂಬೀಷ ಅವರನ್ನು ಅಡ್ಡಗಟ್ಟಿದ ರಾಮಕೃಷ್ಣ ಅವರು ಮುಂದೆ ಹೆಜ್ಜೆಯಿಡಲು ಬಿಡಲಿಲ್ಲ. ಅಂಬೀಷ ಅವರ ಎದೆ ಮೇಲೆ ಕೈಯಿಟ್ಟು ರಾಮಕೃಷ್ಣ ಅವರು ಹೊಡೆದರು. ಅಂಬೀಷ ಅವರನ್ನು ನೆಲಕ್ಕೆ ಬೀಳಿಸಿ ದಬಾಯಿಸಿದರು. ಅದಾದ ನಂತರ `ಕೆಪಿಸಿ ವಾಹನದಿಂದ ನಿನಗೆ ಗುದ್ದುವೆ. ನಿನ್ನ ಕೊಲ್ಲುವೆ’ ಎಂದು ಹೆದರಿಸಿದರು. ಆತಂಕಕ್ಕೆ ಒಳಗಾದ ಅಂಬೀಷ ಅವರು ಕದ್ರಾ ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲಿಸಿದರು.
- [ಮನುಷ್ಯ ಅಸಲಿ-ಪೇಸ್ಬುಕ್ ನಕಲಿ: ನಕಲಿ ಖಾತೆಯವನ ಅಸಲಿ ಮುಖವಾಡ!](https://mobiletime.in/2025/10/the-man-is-real-facebook-is-fake-the-real-mask-of-the-fake-account-holder/): ಫೇಸ್ಬುಕ್ ಸೇರಿ ವಿವಿಧ ಸಾಮಾಜಿಕ ಜಲತಾಣದಲ್ಲಿ ನಕಲಿ ಖಾತೆ ಹೊಂದಿದ್ದ ಮುರ್ಡೇಶ್ವರದ ಪುರಂಧರ ನಾಯ್ಕ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ನಕಲಿ ಖಾತೆಗಳ ಮೂಲಕ ಸಚಿವ ಮಂಕಾಳು ವೈದ್ಯರ ತೇಜೋವಧೆ ಮಾಡಿದ ಆರೋಪದ ಅಡಿ ಮಂಜುನಾಥ ನಾಯ್ಕ ಅವರು ಜೈಲು ಸೇರಿದ್ದಾರೆ. ಭಟ್ಕಳದ ಬೈಲೂರು ದೊಡ್ಡಬಲ್ಸೆಯ ಪುರಂದರ ಮಂಜುನಾಥ ನಾಯ್ಕ (37) ಅವರು ತಮ್ಮ ಹೆಸರಿನ ಜೊತೆ ಬೇರೆ ಬೇರೆ ಹೆಸರಿನಲ್ಲಿ ಫೇಸ್ಬುಕ್ ಖಾತೆ ಹೊಂದಿದ್ದರು. ಆ ಖಾತೆಗಳ ಮೂಲಕ ಅವರು ಅನೇಕರ ತೇಜೋವಧೆ ಮಾಡುತ್ತಿದ್ದರು. ಸಚಿವ ಮಂಕಾಳು ವೈದ್ಯ ಅವರ ಬೆನ್ನುಬಿದ್ದಿದ್ದ ಮಂಜುನಾಥ ನಾಯ್ಕ ಅವರು ಸಚಿವರ ಬಗ್ಗೆ ಅವಹೇಳನವಾಗಿ ಬರೆದಿದ್ದರು. ಜೊತೆಗೆ ವಿಡಿಯೋಗಳನ್ನು ಹರಿಬಿಟ್ಟಿದ್ದರು. 2025ರ ಮೇ 29ರಂದು ಮುರ್ಡೇಶ್ವರ ಠಾಣೆಯಲ್ಲಿ ನಕಲಿ ಫೇಸ್ಬುಕ್ ಖಾತೆ ಕುರಿತಾಗಿ ಪ್ರಕರಣ ದಾಖಲಾಗಿದ್ದು, `ತೇಜು ನಾಯ್ಕ ಹೊನ್ನಾವರ’ ಎಂಬ ಖಾತೆಯಿಂದ ಅಸಬ್ಯ ಬರಹ ಹಾಗೂ ವಿಡಿಯೋ ಪ್ರಸಾರವಾಗಿದನ್ನು ಉಲ್ಲೇಖಿಸಲಾಗಿತ್ತು. ಮುರ್ಡೇಶ್ವರ ಪೊಲೀಸರು ತನಿಖೆ ಶುರು ಮಾಡಿದ್ದರು. 2025ರ ಜೂನ್ 6ರಂದು ನಾಗಪ್ಪ ನಾಯ್ಕ ಅವರು ಮುರ್ಡೇಶ್ವರ ಠಾಣೆಯಲ್ಲಿ ಇನ್ನೊಂದು ದೂರನ್ನು ನಿಡಿ `ತೇಜು ನಾಯ್ಕ ಹೊನ್ನಾವರ’ ಮತ್ತು `ವಂದನಾ ಪೂಜಾರಿ’ ಎಂಬ ಖಾತೆ ಮೂಲಕ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ ವೈದ್ಯರ ವಿರುದ್ಧ 1.29 ನಿಮಿಷಗಳ ಸುಳ್ಳು ಹಾಗೂ ಅವಹೇಳನಕಾರಿ ವಿಡಿಯೋ ಹಂಚಿದ ಬಗ್ಗೆ ದೂರು ನೀಡಿದ್ದರು. ಸಚಿವರಿಗೆ ಮುಜುಗರ ಉಂಟಾದ ಬಗ್ಗೆ ದೂರಿನಲ್ಲಿ ಉಲ್ಲೇಖಿಸಿದ್ದು, ಆ ಪ್ರಕರಣವನ್ನು ಪೊಲೀಸರು ತನಿಖೆ ಮಾಡಿದರು. ಕೊನೆಗೆ ಈ ದಿನ ನಕಲಿ ಖಾತೆಯ ರುವಾರಿ ಪುರಂಧರ ನಾಯ್ಕ ಸಿಕ್ಕಿ ಬಿದ್ದಿದ್ದಾರೆ. ಕೃತ್ಯಕ್ಕೆ ಬಳಸಲಾದ ಮೊಬೈಲನ್ನು ಪೊಲೀಸರು ಜಪ್ತು ಮಾಡಿದ್ದಾರೆ.
- [ಕಬ್ಬು ಕೊಡುವವರ ಬಾಯಿಗೆ ಕಹಿ: ಪ್ರತಿಭಟನೆ!](https://mobiletime.in/2025/10/bitterness-in-the-mouths-of-those-who-give-sugarcane-protest/): ಹಳಿಯಾಳದಲ್ಲಿ ಸಕ್ಕರೆ ಕಾರ್ಖಾನೆ ಅಧಿಕಾರಿಗಳು ಹಾಗೂ ರೈತರ ನಡುವೆ ವೈಮನಸ್ಸು ಮೂಡಿದ್ದು, ಇದೇ ವಿಷಯವಾಗಿ ರೈತರು ಗುರುವಾರ ಪ್ರತಿಭಟನೆ ಮಾಡಿದ್ದಾರೆ. ರೈತರ ಜೊತೆ ಸಭೆ ನಡೆಸದೇ ಕಾರ್ಖಾನೆ ಶುರು ಮಾಡುವ ನಿರ್ಧಾರ, ದರ ನಿಗದಿ ಬಗ್ಗೆ ಚರ್ಚೆ ನಡೆಯದಿರುವುದು ಆಕ್ರೋಶಕ್ಕೆ ಕಾರಣವಾಗಿದೆ. ಕಬ್ಬು ಸಾಗಾಣಿಕಾ ದರವನ್ನು ಹೆಚ್ಚಿಸಿ ಕಬ್ಬಿನ ದರ ಪ್ರತಿ ಟನ್’ಗೆ 3050ರೂ ಘೋಷಿಸಿರುವುದಕ್ಕೆ ರೈತರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಗುರುವಾರದಿಂದ ಹಳಿಯಾಳ ಆಡಳಿತ ಸೌಧದ ಎದುರು ಕಬ್ಬು ಬೆಳೆಗಾರರು ಧರಣಿ ನಡೆಸಿದರು. ಕಳೆದ ಸಾಲಿನ 256 ರೂ ಹೆಚ್ಚುವರಿ ಕಡಿತ ಮೊತ್ತವನ್ನು ತಕ್ಷಣ ರೈತರ ಖಾತೆಗಳಿಗೆ ಜಮಾ ಮಾಡಬೇಕು ಎಂದು ಆಗ್ರಹಿಸಿದರು. ರೈತರ ಮೇಲೆ ದೌರ್ಜನ್ಯ ನಡೆಯುತ್ತಿದೆ ಎಂದು ಪ್ರತಿಭಟನಾಕಾರರು ಬೇಸರಿಸಿದರು. ಸಂಜೆಯವರೆಗೂ ಪ್ರತಿಭಟನೆ ನಡೆದಿದ್ದು, ತಹಶೀಲ್ದಾರರ ಮಧ್ಯಸ್ಥಿಕೆಯಲ್ಲಿ ಕಾರ್ಖಾನೆಯವರು ಮಾತುಕಥೆಗೆ ಬಂದರೂ ರೈತರು ಅದಕ್ಕೆ ಒಪ್ಪಲಿಲ್ಲ. ಜಿಲ್ಲಾಧಿಕಾರಿಗಳು ಜಾಗಕ್ಕೆ ಬಂದು ಸಮಸ್ಯೆ ಬಗೆಹರಿಸಬೇಕು ಎಂದು ಪ್ರತಿಭಟನಾಕಾರರು ಒತ್ತಾಯಿಸಿದರು.
- [ಹಳ್ಳ ಹಾರಿದ ಬೈಕು: ಅಲ್ಲಿಗೆ ಮುಗಿಯಿತು ಬದುಕು!](https://mobiletime.in/2025/10/bike-that-jumped-into-a-ditch-life-ended-there/): ರಾತ್ರಿ ವೇಳೆ ಸಂಚರಿಸುತ್ತಿದ್ದ ಬೈಕು ಹಳ್ಳಕ್ಕೆ ಹಾರಿದ್ದು, ಆ ಬೈಕಿನಲ್ಲಿದ್ದ ಭಟ್ಕಳದ ಲೋಕೇಶ ದೇವಾಡಿಗ ಅವರು ಸಾವನಪ್ಪಿದ್ದಾರೆ. ಬೆಳಗಿನ ಅವಧಿಯಲ್ಲಿ ಹಳ್ಳದಲ್ಲಿ ಬೈಕಿನ ಜೊತೆ ಲೋಕೇಶ್ ದೇವಾಡಿಗ ಅವರ ಶವ ಸಿಕ್ಕಿದೆ. ಭಟ್ಕಳದ ಶಿರಾಲಿ ಕೇಸುಮನೆಯ ಲೋಕೇಶ ದೇವಾಡಿಗ (31) ಅವರು ಶಿಲ್ಪಿಯಾಗಿದ್ದರು. ತಮ್ಮ ಕೆಲಸದ ಅಂಗವಾಗಿ ಅವರು ಬೇರೆ ಬೇರೆ ಊರುಗಳಿಗೆ ಸಂಚರಿಸುತ್ತಿದ್ದರು. ಅಕ್ಟೊಬರ್ 21ರ ರಾತ್ರಿ ಅವರು ಕೆಲಸ ಮುಗಿಸಿ ಮನೆಗೆ ಮರಳುತ್ತಿದ್ದರು. ಶಿರಾಲಿ ಕಡೆಯಿಂದ ಅಳ್ವೇಕೊಡಿಗೆ ಹೋಗುವ ರಸ್ತೆ ಮಾರ್ಗವಾಗಿ ಅವರು ಆ ರಾತ್ರಿ ಸಂಚರಿಸಿದ್ದರು. ಅಳ್ವೇಕೊಡಿ ಕ್ರಾಸಿನಿಂದ ಮುಂದೆ ಕೇಸುಮನೆಗೆ ಹೋಗುವಾಗ ಅಲ್ಲಿನ ಸೇತುವೆ ಬಳಿ ಲೋಕೇಶ ದೇವಾಡಿಗ ಅವರ ಬೈಕಿನ ವೇಗ ಹೆಚ್ಚಿತು. ಆ ಬೈಕು ಸೇತುವೆ ಎಡಭಾಗ ಸಂಚರಿಸಿ ಹಳ್ಳಕ್ಕೆ ಬಿದ್ದಿತು. ಬೈಕಿನಿಂದ ಬಿದ್ದ ರಭಸಕ್ಕೆ ಲೋಕೇಶ ದೇವಾಡಿಗ ಅವರ ಉಸಿರು ನಿಂತಿತು. ಅಕ್ಟೊಬರ್ 22ರಂದು ಹಳ್ಳದಲ್ಲಿ ಲೋಕೇಶ ದೇವಾಡಿಗ ಅವರ ಶವ ನೋಡಿದ ಜನ ಕುಟುಂಬಕ್ಕೆ ಮಾಹಿತಿ ನೀಡಿದರು. ಲೋಕೇಶ ಅವರ ತಂದೆ ಮಾದೇವ ದೇವಾಡಿಗ ಅವರು ಭಟ್ಕಳ ಗ್ರಾಮೀಣ ಠಾಣೆಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಆಡಳಿತಾಧಿಕಾರಿ V/S ಆಡಳಿತ ಮಂಡಳಿ: ಗೊಂದಲದ ಗೂಡಾದ ಯಲ್ಲಾಪುರ TMS](https://mobiletime.in/2025/10/administrator-v-s-administration-council-yallapur-tms-a-hotbed-of-confusion/): ಯಲ್ಲಾಪುರದ ಟಿಎಂಎಸ್ ವಿಷಯವಾಗಿ ಎರಡು ಬಣದ ನಡುವೆ ಹಗ್ಗ ಜಗ್ಗಾಟ ಮುಂದುವರೆದಿದ್ದು, ಇಲ್ಲಿನ ವಿಷಯಗಳು ಗೊಂದಲದ ಗೂಡಾಗಿದೆ. ಟಿ ಎಂ ಎಸ್ ಚುನಾವಣೆಯಲ್ಲಿ ಮತದಾನ ಮಾಡಿದ ಸದಸ್ಯರು ಫಲಿತಾಂಶದ ಬಗ್ಗೆ ಕಾಯುತ್ತಿದ್ದು, ಅಂತಿಮ ನಿರ್ಣಯ ಮಾತ್ರ ಈವರೆಗೂ ಹೊರಬಿದ್ದಿಲ್ಲ. ಟಿ ಎಂ ಎಸ್ ಸಂಸ್ಥೆಗೆ ಆಡಳಿತಾಧಿಕಾರಿ ನೇಮಿಸಿ ಸರ್ಕಾರ ಆದೇಶಿಸಿತ್ತು. ಅದಾದ ನಂತರ ಆ ಆದೇಶಕ್ಕೆ ತಡೆಯಾಜ್ಞೆ ಬಂದ ಸುದ್ದಿ ಬಂದಿತ್ತು. ಈ ನಡುವೆ ಮತ್ತೆ ಆಡಳಿತಾಧಿಕಾರಿ ವಿಷಯ ಮುನ್ನೆಲೆಗೆ ಬಂದಿದೆ. ಒಟ್ಟಿನಲ್ಲಿ ಟಿಎಂಎಸ್ ಆಡಳಿತ ಮಂಡಳಿಯ ವಿಷಯ ಮುಂದೆನಾಗುತ್ತದೆ? ಎನ್ನುವುದರ ಬಗ್ಗೆ ಅಲ್ಲಿನ ಸದಸ್ಯರ ಜೊತೆ ಸಾರ್ವಜನಿಕರಲ್ಲಿಯೂ ಕುತೂಹಲ ಮೂಡಿಸಿದೆ. ಎನ್ ಕೆ ಭಟ್ಟ ಅಗ್ಗಾಶಿಕುಂಬ್ರಿ ನೇತೃತ್ವದ ಆಡಳಿತ ಮಂಡಳಿ ಇಲ್ಲಿ ಅಧಿಕಾರದಲ್ಲಿತ್ತು. ಅವರ ಅಧಿಕಾರ ಅವಧಿ ಮುಕ್ತಾಯದ ಹಂತದಲ್ಲಿರುವುದರಿAದ ಸೆಪ್ಟೆಂಬರ್ 28ರಂದು ಟಿಎಂಎಸ್ ಆಡಳಿತ ಮಂಡಳಿಯ ಆಯ್ಕೆಗಾಗಿ ಚುನಾವಣೆ ನಡೆದಿತ್ತು. ಆದರೆ, ಚುನಾವಣೆಯ ವಿಚಾರವಾಗಿ ಉಚ್ಛ ನ್ಯಾಯಾಲಯದಲ್ಲಿ ಪ್ರಕರಣದ ವಿಚಾರಣೆ ಬಾಕಿ ಹಿನ್ನಲೆ ಮತ ಎಣಿಕೆ ನಡೆದಿರಲಿಲ್ಲ. ಹಾಗಾಗಿ ನೂತನ ಆಡಳಿತ ಮಂಡಳಿ ಸಹ ಅಸ್ತಿತ್ವಕ್ಕೆ ಬಂದಿರಲಿಲ್ಲ. ಈ ನಡುವೆ ಅಕ್ಟೋಬರ್ 13ರಂದು ಎನ್ ಕೆ ಭಟ್ಟ ಅಗ್ಗಾಶಿಕುಂಬ್ರಿ ಅವರ ಅವಧಿ ಮುಕ್ತಾಯವಾಗಿದ್ದು, ಅಕ್ಟೊಬರ್ 15ರಂದು ಸಂಸ್ಥೆಗೆ ಆಡಳಿತಾಧಿಕಾರಿ ನೇಮಕ ನಡೆದಿತ್ತು. ಸಂಘದ ಆಡಳಿತಾತ್ಮಕ ದೃಷ್ಟಿಯಿಂದ ಜಿಲ್ಲೆಯ ಸಹಕಾರ ಸಂಘಗಳ ಉಪನಿಬಂಧಕ ಅಜ್ಮತ್ ಉಲ್ಲಾ ಖಾನ್ ಅವರು ಟಿಎಂಎಸ್ ಗೆ ಆಡಳಿತಾಧಿಕಾರಿ ನೇಮಕ ಮಾಡಿ ಆದೇಶ ಹೊರಡಿಸಿದ್ದರು. ಶಿರಸಿ ಉಪವಿಭಾಗದ ಸಹಕಾರ ಸಂಘಗಳ ಸಹಾಯಕ ನಿಬಂಧಕ ಅಜಿತ್ ಶಿರಹಟ್ಟಿ ಅವರು ಅಗಸ್ಟ್ 15ರಂದು ಆಡಳಿತಾಧಿಕಾರಿಯಾಗಿ ಅಧಿಕಾರವನ್ನು ಸ್ವೀಕರಿಸಿದ್ದರು. ಅದಾದ ಮರುದಿನವೇ ಆಡಳಿತಾಧಿಕಾರಿ ನೇಮಿಸಿ ಸಹಕಾರಿ ಇಲಾಖೆ ಹೊರಡಿಸಿದ್ದ ಆದೇಶವನ್ನು ಹೈಕೋರ್ಟ್ ರದ್ದುಗೊಳಿಸಿದ ಮಾಹಿತಿ ಬಂದಿತು. ಅವಧಿ ಮುಗಿಯುವ ಮುನ್ನ ಆಡಳಿತಾಧಿಕಾರಿ ನೇಮಕ ವಿಚಾರವಾಗಿ ಎನ್ ಕೆ ಭಟ್ಟ ಅವರ ತಂಡ ಧಾರವಾಡ ಉಚ್ಛ ನ್ಯಾಯಾಲಯದ ಮೋರೆ ಹೋಗಿದ್ದು, ಆಡಳಿತಾಧಿಕಾರಿ ಅಧಿಕಾರ ಸ್ವೀಕರಿಸದೇ ಇದ್ದರೆ ಆಡಳಿತ ಮಂಡಳಿ ಮುಂದುವರೆಯುವ ಬಗ್ಗೆ ನ್ಯಾಯಾಲಯ ಹೇಳಿತ್ತು. ಹೀಗಾಗಿ ಹಳೆಯ ಆಡಳಿತ ಮಂಡಳಿಗೆ ಜಯ ಸಿಕ್ಕ ಬಗ್ಗೆ ಸುದ್ದಿಯಾಗಿತ್ತು. ಆದರೆ, ನ್ಯಾಯಾಲಯದ ಆದೇಶ ಬರುವ ಮುಂಚಿನ ದಿನಾಂಕದ ಜೊತೆ ತಮ್ಮ ಟಿಎಂಎಸ್ ದಾಖಲೆಗಳಲ್ಲಿ ಆಡಳಿತಾಧಿಕಾರಿಗಳ ಸಹಿ ಬಿದ್ದಿದೆ. ಸದ್ಯ ಲಭ್ಯವಿರುವ ದಾಖಲೆಗಳ ಆಧಾರದಲ್ಲಿ ಟಿಎಂಎಸ್ ಸಂಸ್ಥೆಗೆ ಆಡಳಿತ ಮಂಡಳಿ ಬದಲು ಆಡಳಿತಾಧಿಕಾರಿಗಳ ಪ್ರಭಾವವೇ ಅಧಿಕವಾಗಿದೆ. ಆಡಳಿತ ಮಂಡಳಿ ಹಾಗೂ ಆಡಳಿತ ಅಧಿಕಾರಿಗಳ ಅಧಿಕಾರದ ಬಗ್ಗೆ ಎಪಿಎಂಸಿ ಸುತ್ತಲೂ ಚರ್ಚೆ ನಡೆಯುತ್ತಿದ್ದು, ಮುಂದಿನ ನಡೆಯ ಬಗ್ಗೆ ಕುತೂಹಲ ಹೆಚ್ಚಾಗಿದೆ.
- [ತಪಾಸಣಾ ಕೇಂದ್ರಕ್ಕೆ ಗುದ್ದಿದ ಲಾರಿ: ಪ್ರಾಣಾಪಾಯದಿಂದ ಪಾರಾದ ಪೊಲೀಸ್!](https://mobiletime.in/2025/10/a-lorry-hit-the-checkpoint-the-policeman-escaped-with-his-life/): ಕುಮಟಾದ ಹಿರೇಗುತ್ತಿಯಲ್ಲಿನ ಪೊಲೀಸ್ ತಪಾಸಣಾ ಕೇಂದ್ರಕ್ಕೆ ಲಾರಿ ಗುದ್ದಿದ್ದು, ಈ ಅವಧಿಯಲ್ಲಿ ತಪಾಸಣಾ ಕೇಂದ್ರದಲ್ಲಿದ್ದ ಸಿಬ್ಬಂದಿ ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾರೆ. ಗುರುವಾರ ಅತ್ಯಂತ ವೇಗವಾಗಿ ಬಂದ ಲಾರಿ ಏಕಾಏಕಿ ಚೆಕ್‌ಪೋಸ್ಟ ಒಳಗೆ ನುಗ್ಗಿದೆ. ಅದಾದ ನಂತರ ಲಾರಿ ಹೆದ್ದಾರಿ ಮೇಲೆಯೇ ತಿರುಗಿ ಬಿದ್ದಿದೆ. ಲಾರಿ ಪಲ್ಟಿಯಾದ ಪರಿಣಾಮ ಅಲ್ಲಿ ಸಂಚಾರ ದಟ್ಟಣೆಯಾಗಿದ್ದು, ಕರ್ತವ್ಯದಲ್ಲಿದ್ದ ಪೊಲೀಸ್ ಸಿಬ್ಬಂದಿ ಸುಧಾರಿಸಿಕೊಂಡು ಪರಿಸ್ಥಿತಿ ನಿಭಾಯಿಸಿದರು. ಈ ಮೊದಲು ಹಿರೆಗುತ್ತಿಯಲ್ಲಿ ಉತ್ತಮ ಸಂಚಾರಿ ಪೊಲೀಸ್ ಠಾಣೆ ಕಾರ್ಯನಿರ್ವಹಿಸುತ್ತಿತ್ತು. ಹೆದ್ದಾರಿ ಅಗಲೀಕರಣ ಕಾರಣದಿಂದ ಆ ಠಾಣೆಯನ್ನು ತೆರವು ಮಾಡಲಾಗಿದ್ದು, ತಾತ್ಕಾಲಿಕ ಶೆಡ್ಡಿನಲ್ಲಿ ಪೊಲೀಸರು ಆಶ್ರಯಪಡೆದಿದ್ದರು. ಚತುಷ್ಪದ ರಸ್ತೆ ಮಧ್ಯಭಾಗದಲ್ಲಿ ಆ ಶೆಡ್ ತಂದಿರಿಸಲಾಗಿತ್ತು. ಆ ಶೆಡ್ಡಿನೊಳಗೆ ಕುಳಿತು ಪೊಲೀಸರು ವಾಹನ ತಪಾಸಣೆ ನಡೆಸುತ್ತಿದ್ದು, ಅದೇ ಶೆಡ್ಡಿಗೆ ಲಾರಿ ಗುದ್ದಿದೆ. ಅಂಕೋಲಾದಿAದ ಕುಮಟಾ ಕಡೆ ಸಂಚರಿಸುತ್ತಿದ್ದ ಲಾರಿ ನಸುಕಿನ 1.30ಕ್ಕೆ ಪೊಲೀಸ್ ಕೇಂದ್ರಕ್ಕೆ ಡಿಕ್ಕಿ ಹೊಡೆದಿದೆ. ಡಿಕ್ಕಿ ಸದ್ದಿಗೆ ಪೊಲೀಸರು ಅಲ್ಲಿಂದ ಪರಾರಿಯಾಗಿ ಜೀವ ಉಳಿಸಿಕೊಂಡಿದ್ದಾರೆ. ಅದಾಗಿಯೂ ಕೆಲವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಗೋಕರ್ಣ ಪಿಐ ಶ್ರೀಧರ್ ಎಸ್ ಆರ್ ಸ್ಥಳದಲ್ಲಿದ್ದಾರೆ. ಹೆದ್ದಾರಿ ಅಗಲೀಕರಣ ಮಾಡುತ್ತಿರುವ ಐ ಆರ್ ಬಿ ಕಂಪನಿಯ ಬೇಜವಬ್ದಾರಿಯಿಂದ ಈ ಅವಘಡ ನಡೆದ ಬಗ್ಗೆ ಜನ ದೂರಿದ್ದಾರೆ. ಅವಘಡ ತಡೆಗೆ ಸಾಕಷ್ಟು ಮನವಿ ನೀಡಿದರೂ ಪ್ರಯೋಜನವಾಗಿಲ್ಲ ಎಂದು ಜನ ಆಕ್ಷೇಪಿಸಿದ್ದಾರೆ. ಇಲ್ಲಿ ಶಾಶ್ವತ ಪೊಲೀಸ್ ಠಾಣೆ ನಿರ್ಮಿಸದೇ ಇದ್ದರೆ ಪ್ರತಿಭಟನೆ ನಡೆಸುವುದಾಗಿಯೂ ಎಚ್ಚರಿಸಿದ್ದಾರೆ.
- [ಮೊಬೈಲ್ ಮಳಿಗೆಗೆ ಬೆಂಕಿ!](https://mobiletime.in/2025/10/fire-at-a-mobile-shop/): ಶಿರಸಿಯ ಮೊಬೈಲ್ ಮಳಿಗೆಗೆ ಗುರುವಾರ ಬೆಂಕಿ ಬಿದ್ದಿದೆ. ಪರಿಣಾಮ ಅಂಗಡಿಯೊಳಗಿದ್ದ ಸಾಮಗ್ರಿಗಳೆಲ್ಲವೂ ಭಸ್ಮವಾಗಿದೆ. ಶಿರಸಿಯ ನಟರಾಜ ರಸ್ತೆಯಲ್ಲಿ ಹಾನಗಲ್’ನ ರಶೀದ್ ಖಾನ್ ಮುಲ್ಲಾ ಅವರು ಮೊಬೈಲ್ ಅಂಗಡಿ ನಡೆಸುತ್ತಿದ್ದಾರೆ. ಪುಟ್ಟ ಅಂಗಡಿಯೇ ಅವರ ಬದುಕಿಗೆ ಆಧಾರವಾಗಿದ್ದು, ಅದೇ ಅಂಗಡಿ ಅಗ್ನಿಯ ಜ್ವಾಲೆಗೆ ಹೊತ್ತಿ ಉರಿದಿದೆ. ಗುರುವಾರ ಬೆಳಗ್ಗೆ ಹೊಗೆ ಆಡುವುದನ್ನು ನೋಡಿದ ಕೆಲವರು ಅಂಗಡಿ ಮಾಲಕರಿಗೆ ಫೋನ್ ಮಾಡಿದ್ದಾರೆ. ಅವರು ಬಂದು ನೋಡುವಷ್ಟರಲ್ಲಿ ಅಂಗಡಿ ಹೊತಿ ಉರಿದಿದೆ. ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ಆರಿಸಿದ್ದು, ಮತ್ತೊಂದು ಮಳಿಗೆಗೆ ಜ್ವಾಲೆ ಹರಡುವುದನ್ನು ತಪ್ಪಿಸಿದ್ದಾರೆ. ಅಂಗಡಿಯ ಪೀಠೋಪಕರಣಗಳು ಬೆಂಕಿಗೆ ಆಹುತಿಯಾಗಿದ್ದರಿಂದ ಲಕ್ಷಾಂತರ ರೂ ನಷ್ಟವಾಗಿದೆ. ಅಂಗಡಿಯ ಶಟರ್ಸ ಸಹ ಸುಟ್ಟಿದೆ. ವಿದ್ಯುತ್ ಶಾರ್ಟ ಸರ್ಕೀಟ್ ಅವಘಡಕ್ಕೆ ಕಾರಣ ಎಂಬ ಮಾಹಿತಿಯಿದೆ.
- [KDCC: ಅಭ್ಯರ್ಥಿ ಪರ ಅಧಿಕಾರಿಯ ಪ್ರಚಾರ!](https://mobiletime.in/2025/10/kdcc-an-officers-campaign-for-a-candidate/): KDCC ಬ್ಯಾಂಕ್ ಚುನಾವಣೆಗೆ ಎರಡು ದಿನ ಬಾಕಿಯಿದ್ದು, ಕೊನೆ ಕ್ಷಣದಲ್ಲಿ ಅಧಿಕಾರಿಯೊಬ್ಬರು ಅಭ್ಯರ್ಥಿ‌ ಪರ‌ ಪ್ರಚಾರಕ್ಕಿಳಿದ್ದಿದ್ದಾರೆ. ‘ತಾವು ಸೂಚಿಸಿದ ಅಭ್ಯರ್ಥಿಗೆ ಮತ ಹಾಕದೇ ಇದ್ದರೆ ನಿಮ್ಮ ಸಹಕಾರಿ ಸಂಘದ ವಿರುದ್ಧ ತನಿಖೆ ನಡೆಸಿ ಸೊಸೈಟಿ ಬಾಗಿಲು ಮುಚ್ಚಿಸುವೆ‘ ಎಂದು ಆ ಅಧಿಕಾರಿ ಬೆದರಿಕೆ ಒಡ್ಡುತ್ತಿದ್ದಾರೆ. ‘ಗುಡಿಯಲ್ಲಿರುವ ರಾಘವೇಂದ್ರ’ ಸ್ವಾಮಿಯ ಹೆಸರಿನಲ್ಲಿ ಈ ಅಧಿಕಾರಿ‌ ಮತದಾರರಿಗೆ ಬೆದರಿಸುತ್ತಿದ್ದಾರೆ. ಈ ವೇಳೆ ಉಸ್ತುವಾರಿ ಸಚಿವರ ಹೆಸರನ್ನು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ಅಡ್ಡದಾರಿಹಿಡಿದಾದರೂ ಕೆಡಿಸಿಸಿ ನಿರ್ದೇಶಕರಾಗಬೇಕು ಎಂದು ಬಯಸಿದವರಿಗೆ ಅಧಿಕಾರಿಯ ಮತಯಾಚನೆ ಮುಳುವಾಗುವ ಸಾಧ್ಯತೆಗಳಿವೆ. ‘ಅಭ್ಯರ್ಥಿಗಳ ಪರ ಮೊದಲು ಮತ ಯಾಚನೆ ನಡೆಯಿತು. ಅದಾದ ನಂತರ ಆಮೀಷ ಒಡ್ಡಲಾಯಿತು. ಇದೀಗ ಅಧಿಕಾರಿಗಳ ಮೂಲಕ ಬೆದರಿಸುವ ಕೆಲಸ ನಡೆಯುತ್ತಿದೆ’ ಎಂದು ಮತದಾರರೊಬ್ಬರು ಬೇಸರವ್ಯಕ್ತಪಡಿಸಿದರು. ‘ಈ ಹಿಂದೆ ನಡೆದ ಸೊಸೈಟಿ ಚುನಾವಣೆಯಲ್ಲಿಯೂ ಆ ಅಧಿಕಾರಿ ಅನಗತ್ಯವಾಗಿ ಕೈ ಆಡಿಸಿದ್ದರು. ಮತದಾರರಿಗೆ ಬೆದರಿಕೆ ಒಡ್ಡುವುದಕ್ಕಾಗಿ ಆ ಅಧಿಕಾರಿ ಪೋನ್ ಪೇ ಮೂಲಕ ಲಂಚ ಸ್ವೀಕರಿಸಿದ್ದಾರೆ’ ಎಂದು‌ ಮತ್ತೊಬ್ಬರು ವಿವರಿಸಿದರು. ಆ ಅಧಿಕಾರಿ ಆದಾಯಕ್ಕೂ ಮೀರಿ ಆಸ್ತಿ ಮಾಡಿದ್ದು, ಚುನಾವಣೆ ಮುಗಿದ ನಂತರ ಆ ಬಗ್ಗೆ ಲೋಕಾಯುಕ್ತರ ಗಮನಕ್ಕೆ ತರಲು ಕೆಲವರು ನಿರ್ಧರಿಸಿದ್ದಾರೆ. ಆ ಅವಧಿಯಲ್ಲಿ ಪೋನ್ ಪೇ ಮೂಲಕ ಅಕ್ರಮ ಹಣ ವರ್ಗಾವಣೆ ನಡೆದಿರುವುದನ್ನು ಸಾಕ್ಷಿಯಾಗಿ ನೀಡಲು ಸಿದ್ಧತೆ ನಡೆಸಿದ್ದಾರೆ. ಸಿದ್ದಾಪುರ-ಕುಮಟಾ ಗಡಿ ಅಂಚಿನ ಸೊಸೈಟಿಯವರ ಋಣ ತೀರಿಸುವುದಕ್ಕಾಗಿ ಆ ಸಣ್ಣ ಅಧಿಕಾರಿ ಈ ಪ್ರಚಾರ ಕೆಲಸ ಮಾಡುತ್ತಿರುವ ಬಗ್ಗೆ ಅನುಮಾನಗಳಿವೆ. ಆ ಸೊಸೈಟಿ ಅಧ್ಯಕ್ಷರು ಹಾಗೂ ಈ ಅಧಿಕಾರಿ‌ ನಡುವಿನ ವ್ಯವಹಾರಿಕ ಸಂಬಂಧವೂ‌ ಚರ್ಚೆಯ ಮುನ್ನಲೆಗೆ ಬಂದಿದೆ.
- [ದೀಪಾವಳಿ ಹಬ್ಬಕ್ಕೆ ಬಿಡುಗಡೆಯಾದ ಹೊಸ ವರ್ಷದ ಕ್ಯಾಲೆಂಡರ್!](https://mobiletime.in/2025/10/new-years-calendar-released-for-diwali-festival/): ಹೊಸ ವರ್ಷಕ್ಕೆ ಎರಡು ತಿಂಗಳು ಬಾಕಿಯಿರುವಾಗಲೇ ಶಿರಸಿಯ ಪ್ರತಿಷ್ಠಿತ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘ 2026ರ ಕ್ಯಾಲೆಂಡರ್ ಹಾಗೂ ಡೈರಿ ಬಿಡುಗಡೆ ಮಾಡಿದೆ. ಜಿಲ್ಲಾ ಮಧ್ಯವರ್ತಿ ಬ್ಯಾಂಕಿನಿoದ `ಉತ್ತಮ ಸಹಕಾರಿ ಸಂಘ’ ಎಂಬ ಪ್ರಶಸ್ತಿಪಡೆದಿರುವ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘವೂ ಎಲ್ಲರಿಗಿಂತ ಮೊದಲು ಹೊಸ ವರ್ಷದ ಕ್ಯಾಲೆಂಡರ್ ಬಿಡುಗಡೆ ಮಾಡಿದೆ. ವಿವಿಧ ಜಾತ್ರೆ, ಹಬ್ಬ ಹರಿದಿನ, ಸರ್ಕಾರಿ ರಜೆ ಸೇರಿ ಹಲವು ಮಹತ್ವದ ವಿಷಯಗಳ ಬಗ್ಗೆ ಕ್ಯಾಲೆಂಡರಿನಲ್ಲಿ ನಮೂದಿಸಲಾಗಿದೆ. ಪ್ರತಿ ಪುಟದಲ್ಲಿಯೂ ಮಾರಿಕಾಂಬಾ ದೇವಿಯ ಆಕರ್ಷಕ ಚಿತ್ರವನ್ನು ಬಿಂಬಿಸಲಾಗಿದೆ. ಜೊತೆಗೆ ವಿವಾಹ ಮುಹೂರ್ತ, ಗೃಹ ಪ್ರವೇಶದ ಮುಹೂರ್ತಗಳ ಬಗ್ಗೆ ಕ್ಯಾಲೆಂಡರ್ ಮಾಹಿತಿ ಒದಗಿಸುತ್ತಿದೆ. ಸಿಪಿ ಬಝಾರಿನಲ್ಲಿರುವ ಸಂಘದ ಕಚೇರಿಯಲ್ಲಿ ಕ್ಯಾಲೆಂಡರ್ ಹಾಗೂ ಡೈರಿ ಬಿಡುಗಡೆ ನಡೆದಿದ್ದು, ಜೀವಜಲ ಕಾರ್ಯಪಡೆ ಅಧ್ಯಕ್ಷ ಶ್ರೀನಿವಾಸ ಹೆಬ್ಬಾರ್ ಅವರು ಕ್ಯಾಲೆಂಡರ್ ನೋಡಿ ಮೆಚ್ಚುಗೆವ್ಯಕ್ತಪಡಿಸಿದರು. ಸಾಮಾಜಿಕ ಧುರೀಣ ಉಪೇಂದ್ರ ಪೈ, ಹೈಕೋರ್ಟ ನ್ಯಾಯವಾದಿ ಅರುಣಾಚಲ ಹೆಗಡೆ, ಶಿರಸಿ ಕಾರ್ಯನಿಯರ ಪತ್ರಕರ್ತರ ಸಂಘದ ಅಧ್ಯಕ್ಷ ಸಂದೇಶ ಭಟ್ ಬೆಳಖಂಡ, ಸಂಘದ ಆಂತರಿಕ ಸಲಹೆಗಾರ ಪಿ ಡಿ.ಮುದ್ಗುಣಿ ಹಾಗೂ ಸಂಘದ ಅಧ್ಯಕ್ಷ ಶ್ರೀಧರ ಮೊಗೇರ್ ಅವರು ಸಂಘದ ಕೆಲಸಗಳನ್ನು ಗಮನಿಸಿ ಮೆಚ್ಚುಗೆಯ ಮಾತನಾಡಿದರು. `ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದಿoದ ಹೊಸ ವರ್ಷಕ್ಕೆ ಎರಡು ತಿಂಗಳ ಮೊದಲೇ ಕ್ಯಾಲೆಂಡರ್ ಬಿಡುಗಡೆ ಮಾಡಿರುವುದರಿಂದ ಅನೇಕರಿಗೆ ಅನುಕೂಲವಾಗಲಿದೆ. ಎಲ್ಲಾ ಮಾಹಿತಿಗಳನ್ನು ಒಳಗೊಂಡ ಕ್ಯಾಲೆಂಡರ್ ಹಾಗೂ ಡೈರಿ ನಿತ್ಯದ ಕೆಲಸ-ಕಾರ್ಯಗಳಿಗೆ ಪೂರಕವಾಗಿದೆ’ ಎಂದು ಗಣ್ಯರು ಬಣ್ಣಿಸಿದರು. `ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘವೂ 25 ವರ್ಷದ ಹೊಸ್ತಿಲಿನಲ್ಲಿದ್ದು, ಈ ಬಾರಿ ರಜತ ಮಹೋತ್ಸವ ಆಚರಣೆ ನಡೆಸುವ ಬಗ್ಗೆ ಸಂಘದ ಉಪಾಧ್ಯಕ್ಷ ಭಾಸ್ಕರ ಶೆಟ್ಟಿ ಅವರು ಆಗಮಿಸಿದವರಿಗೆ ಮಾಹಿತಿ ನೀಡಿದರು. `ಗ್ರಾಹಕರ ಸಹಕಾರವೇ ಸಂಘದ ಯಶಸ್ಸಿಗೆ ಕಾರಣ’ ಎಂದು ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ವಿವರಿಸಿದರು. `ಗಣ್ಯರಿಗೆ ಹಾಗೂ ಗ್ರಾಹಕರಿಗೆ ಸಂಘದಿoದಲೇ ಕ್ಯಾಲೆಂಡರ್ ಹಾಗೂ ಡೈರಿ ತಲುಪಿಸಲಾಗುತ್ತದೆ’ ಎಂದು ಅವರು ತಿಳಿಸಿದರು.
- [KDCC: ನನ್ನ ಮತ ಮಾರಾಟಕ್ಕಿಲ್ಲ!](https://mobiletime.in/2025/10/kdcc-my-vote-is-not-for-sale/): ಕೆಡಿಸಿಸಿ ಚುನಾವಣೆಯ ಪ್ರಚಾರದ ಪ್ರಕ್ರಿಯೆಗಳು ತುರುಸಿನಿಂದ ಕೂಡಿದ್ದು, ಮತದಾರರಿಗೆ ಆಮೀಷ ಒಡ್ಡುವ ಪ್ರಕ್ರಿಯೆ ಜೋರಾಗಿದೆ. ಪ್ರತಿ ಮತ 50 ಸಾವಿರ ರೂಪಾಯಿಯಿಂದ 1 ಲಕ್ಷ ರೂಪಾಯಿವರೆಗೆ ಅವರವರ ಯೋಗ್ಯತೆಗೆ ಅನುಸಾರವಾಗಿ ಮತ ಖರೀದಿ ಪ್ರಕ್ರಿಯೆ ನಡೆಯುತ್ತಿದೆ. ಈ ಹಣ ತಲುಪಿಸುವುದಕ್ಕಾಗಿ ಬಹುತೇಕ ತಾಲೂಕುಗಳಲ್ಲಿ ಮಧ್ಯವರ್ತಿಗಳು ಅಭ್ಯರ್ಥಿಗಳ ಬೆನ್ನು ಬಿದ್ದಿದ್ದಾರೆ. ಅಭ್ಯರ್ಥಿಯೂ ಮತದಾರರಿಗಾಗಿ ಬಿಡುಗಡೆ ಮಾಡಿದ ಹಣ ಮಧ್ಯವರ್ತಿಯ ಜೇಬು ಸೇರುತ್ತಿದೆ. ಈ ನಡುವೆ ಮತದಾರರ ಮನವೊಲೈಕೆಗೆ ಮಧ್ಯವರ್ತಿ ಮನೆಗೆ ಬಂದಾಗ ಅನೇಕರು `ನನ್ನ ಮತ ಮಾರಾಟಕ್ಕಿಲ್ಲ’ ಎಂದಿದ್ದು, ಮಾತುಕಥೆಗೆ ಬಂದವರನ್ನು ಬೈದು-ಉಗಿದು ಹೊರದಬ್ಬುತ್ತಿದ್ದಾರೆ. ಅಕ್ಟೊಬರ್ 25ರ ಶನಿವಾರ ಕೆಡಿಸಿಸಿ ಬ್ಯಾಂಕಿನ ಮತದಾನ ಪ್ರಕ್ರಿಯೆ ನಡೆಯುತ್ತಿದೆ. 30 ಅಭ್ಯರ್ಥಿಗಳು ಕಣದಲ್ಲಿದ್ದು, ಅದರಲ್ಲಿ ಬಹುತೇಕರು ಈ ಚುನಾವಣೆಯನ್ನು ಪ್ರತಿಷ್ಠೆಯ ಕಣವನ್ನಾಗಿಸಿಕೊಂಡಿದ್ದಾರೆ. ಚುನಾವಣೆ ಗೆಲ್ಲುವುದಕ್ಕಾಗಿಯೇ ಕೋಟಿ ಕೋಟಿ ಲೆಕ್ಕಾಚಾರದಲ್ಲಿ ದುಡ್ಡು ಖರ್ಚು ಮಾಡುತ್ತಿದ್ದಾರೆ. `ಇಷ್ಟೊಂದು ಹಣ ಖರ್ಚು ಮಾಡಿ ಬ್ಯಾಂಕ್ ನಿರ್ದೇಶಕರಾದವರಿಗೆ ಏನು ಲಾಭ?’ ಎನ್ನುವ ಚರ್ಚೆಯೂ ಜೋರಾಗಿದೆ. ಜೊತೆಗೆ ಕೆಡಿಸಿಸಿ ಬ್ಯಾಂಕ್ ಮೂಲಕ ಈ ಮೊದಲು ನಡೆದಿದ್ದ ಹಗರಣಗಳು ಮುನ್ನಲೆಗೆ ಬಂದಿದೆ. ಹಿರಿಯ ಸಹಕಾರಿಗಳ ಜೊತೆ ಸಾರ್ವಜನಿಕರು ಸಹ ಖರೀದಿಯೇ ಆಗದ ಕಾರಿಗೆ ಸಾಲ ನೀಡಿದ ಹಗರಣದ ಬಗ್ಗೆ ಬೀದಿ ಬೀದಿಯಲ್ಲಿ ಮಾತನಾಡುತ್ತಿದ್ದಾರೆ. ನಕಲಿ ಬಂಗಾರದ ಮೇಲಿನ ಸಾಲ, ಸಾಲ ಕೊಡುವಾಗ ಸಿಗುವ ಕಮಿಷನ್, ಸಾಲ ಮರುಪಾವತಿ ಆಗದಿರುವಾಗ ನಡೆಯುವ `ಒನ್ ಟೈಂ ಸೆಟ್ಲಮೆಂಟ್’ ವ್ಯವಹಾರದಲ್ಲಿನ ಸೆಟ್ಲಮೆಂಟ್, ಉದ್ಯೋಗ ನೇಮಕಾತಿಯಲ್ಲಿನ ಹಣಕಾಸು ವ್ಯವಹಾರ, ಉದ್ಯೋಗಿಗಳ ವರ್ಗಾವಣೆ ದಂಧೆ ಸೇರಿ ಹಲವು ಭ್ರಷ್ಟಾಚಾರ ಪ್ರಕರಣಗಳ ಬಗ್ಗೆ ಮಾತು ಕೇಳಿ ಬರುತ್ತಿದೆ. `ಕೆಡಿಸಿಸಿ ಸಭೆಯಲ್ಲಿ ಸಿಗುವ ಚಹಾ-ಮತ್ತು ಬಿಸ್ಕೇಟ್ ಆಸೆಗಾಗಿ ಯಾವ ಅಭ್ಯರ್ಥಿಗಳು ಈ ಪ್ರಮಾಣದಲ್ಲಿ ಹಣ ವೆಚ್ಚ ಮಾಡಲು ಸಾಧ್ಯವಿಲ್ಲ’ ಎಂದು ಅರಿತ ಮತದಾರರು ನೇರವಾಗಿಯೇ `ನನ್ನ ಮತ ಮಾರಾಟಕ್ಕಿಲ್ಲ’ ಎಂದಿದ್ದಾರೆ. `ಇಷ್ಟೊಂದು ಹಣ ಹೂಡಿಕೆ ಮಾಡಿ ಕೆಡಿಸಿಸಿ ಬ್ಯಾಂಕಿನ ನಿರ್ದೇಶಕರಾದವರು ಹೂಡಿಕೆ ಮಾಡಿದ ಹಣ ಬಡ್ಡಿ ಜೊತೆ ಹಿಂಪಡೆಯುವುದು ಸಹಜ. ಈ ರೀತಿ ಉದ್ಯಮದ ಮನಸ್ಥಿತಿಯವರಿಗೆ ಮತ ಹಾಕಿದರೆ ಸಹಕಾರಿ ತತ್ವಗಳು ಹಳ್ಳಹಿಡಿಯುವುದು ಖಚಿತ’ ಎಂಬುದು ಹಿರಿಯ ಸಹಕಾರಿಗಳ ಆತಂಕ. ತಮ್ಮ ಸ್ವಾರ್ಥ ಹೊರತುಪಡಿಸಿ ಸಹಕಾರಿ ಸಂಘಗಳಿಗೆ ಸ್ಪಂದಿಸುವವರೇ? ಎಂಬ ಚರ್ಚೆ ನಡೆದಿದೆ. ಹೀಗಾಗಿಯೇ ಅವರು ಸಹ `ಮತ ಮಾರಾಟ ಮಾಡಬೇಡಿ’ ಎಂದು ಮನವಿ ಮಾಡುತ್ತಿದ್ದಾರೆ. `ಸಂಘಟನೆ ಹಾಗೂ ಸಂಸ್ಥೆ ಬೆಳವಣಿಗೆ ದೃಷ್ಠಿಯಂದ ಮತ ಮಾರಾಟ ಯೋಗ್ಯ ಬೆಳವಣಿಗೆಯಲ್ಲ’ ಎಂದು ಹಿರಿಯ ಸಹಕಾರಿಗಳು ಮತದಾರರಿಗೆ ಮನವರಿಕೆ ಮಾಡುತ್ತಿದ್ದಾರೆ. ಇನ್ನೂ ಅಭ್ಯರ್ಥಿಗಳಿಂದ ಹಣಪಡೆದ ಮಧ್ಯವರ್ತಿಗಳು ಎಲ್ಲಾ ಮತದಾರರಿಗೂ ಸರಿಸಮಾನವಾಗಿ ಹಣ ಹಂಚುತ್ತಿಲ್ಲ ಎಂಬ ವಿಷಯ ಅಭ್ಯರ್ಥಿ ಹಾಗೂ ಮತದಾರರ ನಡುವೆ ಆಂತರಿಕ ಕಲಹಕ್ಕೆ ಕಾರಣವಾಗಿದೆ. ತಮ್ಮ ಬೇಳೆ ಬೇಯಿಸಿಕೊಳ್ಳುವುದಕ್ಕಾಗಿ ಮಧ್ಯವರ್ತಿಗಳು ಅಭ್ಯರ್ಥಿ ಹಾಗೂ ಮತದಾರರ ಭೇಟಿಗೆ ಅವಕಾಶ ಮಾಡಿಕೊಡುತ್ತಿಲ್ಲ. ಅವರಿಬ್ಬರು ಒಟ್ಟಿಗೆ ಕೂತು ಮಾತನಾಡಲು ಬಿಡುತ್ತಿಲ್ಲ. ಅದಾಗಿಯೂ ಕೆಲ ಅಭ್ಯರ್ಥಿಗಳು ಪ್ರಚಾರದ ವೇಲೆ ಮತದಾರರಿಗೆ ಸೀರೆ-ಪಂಜೆ, ಮೂರ್ತಿಯ ಉಡುಗರೆ ಕೊಡುತ್ತಿದ್ದಾರೆ. ವಿದೇಶಿ ಪ್ರವಾಸ, ಸಾಲ ಕೊಡಿಸುವ ಭರವಸೆ ಜೊತೆ ಲೇಔಟಿನಲ್ಲಿ ಸೈಟ್ ಒದಗಿಸುವ ಆಮೀಷಗಳು ಮತದಾರರಿಗೆ ಸಿಕ್ಕಿದೆ. ಕೆಲ ಕಡೆ ತಮ್ಮ ಪ್ರಭಾವ-ಆತ್ಮೀಯ ಮಾತುಗಳಿಂದ ಮತಪಡೆಯುವ ಕಸರತ್ತು ನಡೆಸಿದ್ದು ಮಧ್ಯವರ್ತಿಗಳು ಅಲ್ಲಿಯೂ ಅಭ್ಯರ್ಥಿಗಳಿಂದಪಡೆದ ಹಣವನ್ನು ತಮ್ಮ ಜೇಬಿಗಿಳಿಸಿದ್ದಾರೆ. ಈ ಎಲ್ಲದರ ನಡುವೆ ಕಣದಲ್ಲಿರುವ ಬೆರಳಣಿಕೆ ಅಭ್ಯರ್ಥಿಗಳು ಮಾತ್ರ ಕಾಸು ಬಿಚ್ಚದೇ ಚುನಾವಣೆ ಎದುರಿಸುವ ತಯಾರಿಯಲ್ಲಿದ್ದಾರೆ. ಕೆಲವೇ ಕೆಲವು ಅಭ್ಯರ್ಥಿಗಳು `ಸಹಕಾರಿ ತತ್ವವೇ ನನ್ನ ನಿಲುವು’ ಎಂದು ಸಾರಿದ್ದು ಮತ ಬಿಕ್ಷೆ ಬೇಡುತ್ತಿದ್ದಾರೆ. `ನ್ಯಾಯಕ್ಕೆ ಮಾತ್ರ ನಮ್ಮ ಮತ’ ಎಂದು ಸಾರಿರುವ ಮತದಾರರು ಸಹ ಭ್ರಷ್ಟಾಚಾರ ನಡೆಸಿದೇ, ಪ್ರಾಮಾಣಿಕವಾಗಿರುವ ಅಭ್ಯರ್ಥಿಗನ್ನು ಬೆಂಬಲಿಸುವ ಮಾತನಾಡಿದ್ದಾರೆ. ಈ ಎಲ್ಲಾ ಘಟನಾವಳಿಗಳಿಂದ ಈ ಬಾರಿ ಕೆಡಿಸಿಸಿ ಚುನಾವಣೆ ರಂಗೇರಿದ್ದು, ಸಹಕಾರಿ ರಂಗ ಭ್ರಷ್ಟಗೊಳ್ಳುವ ಈ ಸನ್ನಿವೇಶದಲ್ಲಿ ಮತದಾರರ ತೀರ್ಮಾನ ಕಾಯ್ದು ನೋಡುವುದೊಂದೇ ದಾರಿಯಾಗಿದೆ.
- [ಹಬ್ಬದ ಆಟ: ಶಿರಸಿ-ಯಲ್ಲಾಪುರದಲ್ಲಿಯೂ ಪೊಲೀಸರ ಕಾಟ!](https://mobiletime.in/2025/10/festive-game-police-menace-in-sirsi-yellapur-too/): ಶಿರಸಿ ಹಾಗೂ ಯಲ್ಲಾಪುರದಲ್ಲಿ ದೀಪಾವಳಿ ಅಂಗವಾಗಿ ಜೂಜಾಟ ನಡೆಸಿದವರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಈ ದಾಳಿಯ ವೇಳೆ ಕೆಲವರು ಸಿಕ್ಕಿಬಿದ್ದಿದ್ದು, ಇನ್ನೂ ಕೆಲವರು ಓಡಿ ಪರಾರಿಯಾಗಿದ್ದಾರೆ. ಅಕ್ಟೊಬರ್ 22ರ ಬೆಳಗ್ಗೆ ಯಲ್ಲಾಪುರದ ಹೊಸಳ್ಳಿ ಜನತಾ ಕಾಲೋನಿಯ ರಸ್ತೆ ಅಂಚಿನಲ್ಲಿ ಜನತಾ ಕಾಲೋನಿಯ ವಿನೋದ ಮಾರುತಿ ಚೌಹಾಣ, ಶಿವಾಜಿ ಸೋಮಣ್ಣ ಕಾಂಬಳೆ, ಮೌಲಾಲಿ ಮಹಮದಸಾಬ್ ಸಯ್ಯದ್, ಶಿವರಾಯ ಬಸಪ್ಪ ಕಿಲಾರಿ ಅವರ ಜೊತೆ ಗೌಳಿವಾಡದ ಬೀರು ಸಾವು ಪಟಗಾರೆ ಅವರು ಜೂಜಾಟದಲ್ಲಿ ತೊಡಗಿದ್ದರು. ಪಿಎಸ್‌ಐ ರಾಜಶೇಖರ ವಂದಲಿ ದಾಳಿ ತಮ್ಮ ತಂಡದೊoದಿಗೆ ಅಲ್ಲಿ ದಾಳಿ ಮಾಡಿದ್ದು, ಆಗ 4 ಜನ ಸಿಕ್ಕಿ ಬಿದ್ದರು. ಸಿಕ್ಕಿಬಿದ್ದವರ ಬಳಿಯಿದ್ದ 3630ರೂ ಹಣ, ಇಸ್ಪಿಟ್ ಎಲೆಗಳನ್ನು ಪೊಲೀಸರು ವಶಕ್ಕೆಪಡೆದರು. ಶಿವರಾಯ ಬಸಪ್ಪ ಕಿಲಾರಿ ಹಾಗೂ ಗೌಳಿವಾಡದ ಬೀರು ಸಾವು ಪಟಗಾರೆ ಓಡಿಹೋದರೂ ಅವರ ಹೆಸರು ಸೇರಿಸಿ ಕಾನೂನು ಕ್ರಮ ಜರುಗಿಸಿದರು. ಯಲ್ಲಾಪುರ ಪಟ್ಟಣದ ರವೀಂದ್ರ ನಗರ ಬಳಿಯ ಚೌಡೇಶ್ವರಿ ದೇವಾಲಯದ ಹತ್ತಿರ ಅಕ್ಟೊಬರ್ 22ರ ನಸುಕಿನಲ್ಲಿ ಜೂಜಾಟ ನಡೆಯುತ್ತಿತ್ತು. ರವೀಂದ್ರ ನಗರದ ಚಾಲಕ ಸಂತೋಷ ಸತ್ಯಪ್ಪ ಬೋವಿವಡ್ಡರ್, ಗೌಂಡಿ ಕೆಲಸ ಮಾಡುವ ಗಿರೀಶ ದುರ್ಗಪ್ಪ ಬೋವಿವಡ್ಡರ್, ಕಾರ್ಪರೆಂಟರ್ ಲಕ್ಷ್ಮಣ ಮಹೇಶ ಮರಾಠಿ, ಗುರುರಾಜ ಹನುಮಂತಪ್ಪ ಬೋವಿವಡ್ಡರ್, ಪರಶುರಾಮ ಶಿವಪ್ಪ ಬೋವಿವಡ್ಡರ್, ಶಿವಪ್ಪ ಬೋವಿವಡ್ಡರ್, ಸಿದ್ದು ಯಮಕರ ಗೌಳಿ, ಸಾಗರ ಮಹೇಶ ನಾಯ್ಕ ಹಾಗೂ ಮುಟಿಗಪ್ಪ ಬೋವಿವಡ್ಡರ್ ಅಲ್ಲಿ ಅಂದರ್ ಬಾಹರ್ ಆಟದಲ್ಲಿ ತಲ್ಲೀನರಾಗಿದ್ದರು. ಪಿಎಸ್‌ಐ ಸಿದ್ದಪ್ಪ ಗುಡಿ ಅವರು ತಮ್ಮ ತಂಡದ ಜೊತೆ ಅಲ್ಲಿ ದಾಳಿ ಮಾಡಿದರು. ಆಗ, ಗುರುರಾಜ ಹನುಮಂತಪ್ಪ ಬೋವಿವಡ್ಡರ್, ಪರಶುರಾಮ ಶಿವಪ್ಪ ಬೋವಿವಡ್ಡರ್, ಶಿವಪ್ಪ ಬೋವಿವಡ್ಡರ್, ಸಿದ್ದು ಯಮಕರ ಗೌಳಿ, ಸಾಗರ ಮಹೇಶ ನಾಯ್ಕ ಹಾಗೂ ಮುಟಿಗಪ್ಪ ಬೋವಿವಡ್ಡರ್ ಓಡಿ ಪರಾರಿಯಾದರು. ಸಂತೋಷ ಸತ್ಯಪ್ಪ ಬೋವಿವಡ್ಡರ್, ಗಿರೀಶ ದುರ್ಗಪ್ಪ ಬೋವಿವಡ್ಡರ್, ಲಕ್ಷö್ಮಣ ಮಹೇಶ ಮರಾಠಿ ಮಾತ್ರ ಸಿಕ್ಕಿಬಿದ್ದರು. ಅವರ ಬಳಿಯಿದ್ದ 1220ರೂ ಹಣದ ಜೊತೆ ಇಸ್ಪಿಟ್ ಎಲೆ ಜೊತೆಯಿದ್ದ 3220ರೂ ಹಣವನ್ನು ಪೊಲೀಸರು ಜಪ್ತು ಮಾಡಿದರು. ಓಡಿ ಹೋದವರ ಹೆಸರನ್ನು ನಮೂದಿಸಿ ಪ್ರಕರಣ ದಾಖಲಿಸಿದರು. ಶಿರಸಿಯ ಮಾರಿಕಾಂಬಾ ಕ್ರೀಡಾಂಗಣ ಎದುರು ಅಕ್ಟೊಬರ್ 21ರ ರಾತ್ರಿ ಅಂದರ್ ಬಾಹರ್ ಆಟ ಜೋರಾಗಿತ್ತು. ಪಿಎಸ್‌ಐ ಬಸವರಾಜ ಕನಶೆಟ್ಟಿ ಅಲ್ಲಿ ತಮ್ಮ ತಂಡದ ಜೊತೆ ಹೋಗಿ ನಾಲ್ವರನ್ನು ವಶಕ್ಕೆಪಡೆದರು. ಕಾನೂನುಬಾಹಿರ ಚಟುವಟಿಕೆಯಲ್ಲಿ ತೊಡಗಿದ್ದ ಇಂದಿರಾನಗರದ ಮಹಮದ್ ಅನ್ವರ್ ಅಬ್ದುಲ್ ಗಫರ್ ಮುನಿಯಾರ್, ಮಹಾಲಕ್ಷಿ ಲೇಔಟಿನ ನೂರಸಾಬ್ ರಾಜಸಾಬ್ ಬೆಲೇರಿ, ವಿವೇಕಾನಂದ ನಗರದ ರಾಮು ಶಿವಪ್ಪ ಮಾನೆನ್ನವರ್ ಜೊತೆ ಶಾಂತಿ ನಗರದ ದಿನೇಶ ಈರಪ್ಪ ಗೌಳಿ ಸಿಕ್ಕಿಬಿದ್ದರು. ಅವರ ಬಳಿಯಿದ್ದ 3600ರೂ ಹಣದ ಜೊತೆ ಇಸ್ಪಿಟ್ ಎಲೆಗಳನ್ನು ಪೊಲೀಸರು ವಶಕ್ಕೆಪಡೆದು ಪ್ರಕರಣ ದಾಖಲಿಸಿದರು. `ಜೂಜಾಟದಿಂದ ಜೀವನ ಹಾಳು’  
- [2025 ಅಕ್ಟೊಬರ್ 23ರ ದಿನ ಭವಿಷ್ಯ](https://mobiletime.in/2025/10/prediction-for-october-23-2025/): ಮೇಷ ರಾಶಿ: ಇಡೀ ದಿನ ತಾಳ್ಮೆಯಿಂದ ವ್ಯವಹರಿಸುವುದು ಅಗತ್ಯ. ಆರೋಗ್ಯದ ವಿಷಯದಲ್ಲಿ ನಿಷ್ಕಾಳಜಿ ಮಾಡಬೇಡಿ. ಹೊಸ ಬಗೆಯ ಚಟುವಟಿಕೆಗಳಿಗೆ ಅವಕಾಶ ಕೊಡಿ. ವೃಷಭ ರಾಶಿ: ಶ್ರಮಕ್ಕೆ ತಕ್ಕ ಫಲ ಸಿಗುತ್ತದೆ. ಆರ್ಥಿಕ ವಿಷಯವಾಗಿ ಜಾಗೃತಿ ಅಗತ್ಯ. ವೃತ್ತಿ ಕ್ಷೇತ್ರದಲ್ಲಿ ನವೀನ ಅವಕಾಶ ಸಿಗಲಿದೆ. ಮಿಥುನ ರಾಶಿ: ನಿಮ್ಮ ರಹಸ್ಯಗಳನ್ನು ಬೇರೆಯವರ ಬಳಿ ಹೇಳಬೇಡಿ. ಮಾತನಾಡುವಾಗ ಎಚ್ಚರಿಕೆ ಅಗತ್ಯ. ವಿಜ್ಞಾನ ಚಟುವಟಿಕೆಗಳಲ್ಲಿ ಆಸಕ್ತಿ ಮೂಡಲಿದೆ. ಕರ್ಕ ರಾಶಿ: ಮನಸ್ಸಿನ ಆಳದಲ್ಲಿರುವ ಗೊಂದಲ ಬಗೆಹರಿಸಿಕೊಳ್ಳಲು ಪ್ರಯತ್ನಿಸಿ. ಆಪ್ತರ ಸಹಾಯ ಸಿಗಲಿದೆ. ಜೀವನದಲ್ಲಿನ ಸಣ್ಣ ಬದಲಾವಣೆ ಮನಸ್ಸಿಗೆ ಹಿತ ನೀಡಲಿದೆ. ಸಿಂಹ ರಾಶಿ: ನಿಮ್ಮ ನಾಯಕತ್ವದಲ್ಲಿ ನಡೆಯುವ ಕೆಲಸಗಳು ಸರಾಗವಾಗಿ ಸಾಗಲಿದೆ. ಉದ್ಯೋಗದಲ್ಲಿ ಹೊಸ ವರಮಾನದ ಲಕ್ಷಣಗಳಿವೆ. ಸಮಸ್ಯೆ ಎದುರಾದರೂ ಅವುಗಳನ್ನು ಸಹಜವಾಗಿ ಎದುರಿಸುತ್ತೀರಿ. ಕನ್ಯಾ ರಾಶಿ: ಕಠಿಣ ಪರಿಶ್ರಮಕ್ಕೆ ಯೋಗ್ಯ ಫಲ ಸಿಗುತ್ತದೆ. ಧೈರ್ಯದಿಂದ ಮಾಡಿದ ಕೆಲಸಗಳಲ್ಲಿ ಯಶಸ್ಸು ಸಾಧ್ಯವಿದೆ. ಆರೋಗ್ಯದ ಕಡೆ ಗಮನಹರಿಸಿ. ತುಲಾ ರಾಶಿ: ಕಲಹಗಳು ಬಗೆಹರಿಯುವ ಸಾಧ್ಯತೆಗಳಿವೆ. ಮಿತ್ರದ ಜೊತೆ ಕಾಲ ಕಳೆಯುವಿರಿ. ವ್ಯವಹಾರದಲ್ಲಿ ಜಾಗೃತಿ ಅಗತ್ಯ. ವೃಶ್ಚಿಕ ರಾಶಿ: ವೃತ್ತಿಯಲ್ಲಿ ಹೆಚ್ಚುವರಿ ಜವಾಬ್ದಾರಿಗಳು ಬರಲಿದೆ. ಹಣಕಾಸಿನ ನಿರ್ವಹಣೆಯಲ್ಲಿ ಏರುಪೇರಾಗಲಿದೆ. ಹೊಸ ವ್ಯಕ್ತಿಗಳ ಭೇಟಿ ಭವಿಷ್ಯದಲ್ಲಿ ನೆರವಾಗಲಿದೆ. ಧನು ರಾಶಿ: ನಿಮ್ಮ ಸಮಸ್ಯೆಗಳಿಗೆ ಸ್ಪಷ್ಟ ಪರಿಹಾರ ಸಿಗಲಿದೆ. ಪ್ರವಾಸದ ಲಕ್ಷಣಗಳಿವೆ. ಧಾರ್ಮಿಕ ಹಾಗೂ ವೈಚಾರಿಕ ಕ್ಷೇತ್ರದಲ್ಲಿ ಶ್ರದ್ಧೆ ಅಗತ್ಯ. ಮಕರ ರಾಶಿ: ಹಣಕಾಸು ಲಾಭ ಆಗಲಿದೆ. ಸಾಮಾಜಿಕ ಕ್ಷೇತ್ರದಲ್ಲಿ ಮನ್ನಣೆ ಸಿಗಲಿದೆ. ಸರಿಯಾದ ಯೋಜನೆ ರೂಪಿಸಿದರೆ ಮಾತ್ರ ಜೀವನ ಉತ್ತಮವಾಗಲಿದೆ. ಕುಂಭ ರಾಶಿ: ಪ್ರೇರಣಾದಾಯಕ ಸನ್ನಿವೇಶಗಳು ನಿಮ್ಮ ಉತ್ಸಾಹ ಹೆಚ್ಚಿಸಲಿದೆ. ವೈಚಾರಿಕ ಚಿಂತನೆಗಳು ಕಾರ್ಯಕ್ಷೇತ್ರಕ್ಕೆ ಬೆಂಬಲ ನೀಡಲಿದೆ. ಆರೋಗ್ಯದ ಬಗ್ಗೆ ಗಮನಹರಿಸಿ. ಮೀನ ರಾಶಿ: ನಿಮ್ಮ ಕಲಾತ್ಮಕ ಚಟುವಟಿಕೆಗಳ ಬಗ್ಗೆ ಬೇರೆಯವರ ಮೆಚ್ಚುಗೆ ಸಿಗಲಿದೆ. ಸಾಮಾಜಿಕ ಸಂಪರ್ಕ ಜಾಲ ವಿಸ್ತರಣೆ ಆಗಲಿದೆ. ಸಂತೋಷದ ಸುದ್ದಿ ಬರಲಿದೆ.
- [ವಿದ್ಯುತ್ ಆಘಾತ: ಶಿವನ ಪಾದ ಸೇರಿದ ಶಿವಾಜಿ!](https://mobiletime.in/2025/10/electric-shock-shivaji-touched-the-feet-of-shiva/): ಲೈಟ್ ಅಳವಡಿಸುವ ವೇಳೆ ವಿದ್ಯುತ್ ಸ್ಪರ್ಶದಿಂದ ಆಘಾತಕ್ಕೆ ಒಳಗಾಗಿದ್ದ ಹಳಿಯಾಳದ ಶಿವಾಜಿ ಮಿರಾಶಿ ಅವರನ್ನು ಆಸ್ಪತ್ರೆಗೆ ದಾಖಲಾದರೂ ಪ್ರಯೋಜನವಾಗಿಲ್ಲ. 13 ದಿನಗಳ ಚಿಕಿತ್ಸೆಯ ನಂತರವೂ ಅವರು ಚೇತರಿಸಿಕೊಳ್ಳದೇ ಸಾವನಪ್ಪಿದ್ದಾರೆ. ಹಳಿಯಾಳದ ಮುಂಡವಾಡದಲ್ಲಿ ಶಿವಾಜಿ ಮಿರಾಶಿ (50) ಅವರು ವಾಸವಾಗಿದ್ದರು. ರೈತರಾಗಿ ದುಡಿಯತ್ತಿದ್ದ ಅವರು ಸಣ್ಣಪುಟ್ಟ ಮನೆ ಕೆಲಸಗಳನ್ನು ತಾವೇ ನಿಭಾಯಿಸುತ್ತಿದ್ದರು. ಅಕ್ಟೊಬರ್ 8ರಂದು ಅವರು ತಮ್ಮ ಮನೆ ಮೀಟರ್ ಬಳಿ ಲೈಟ್ ಅಳವಡಿಸುವಾಗ ಅವಘಡ ನಡೆಯಿತು. ಕೇಬಲಿನಿಂದ ಬಂದ ವಿದ್ಯುತ್ ಶಿವಾಜಿ ಮಿರಾಶಿ ಅವರ ಕೈಗೆ ತಾಗಿದ್ದು, ಅವರು ಅಲ್ಲಿಯೇ ಕುಸಿದು ಬಿದ್ದರು. ವಿದ್ಯುತ್ ಆಘಾತಕ್ಕೆ ಒಳಗಾಗಿದ್ದ ಶಿವಾಜಿ ಮಿರಾಶಿ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಅವರನ್ನು ಬದುಕಿಸಿಕೊಳ್ಳುವ ಪ್ರಯತ್ನದ ಭಾಗವಾಗಿ ಹುಬ್ಬಳ್ಳಿಗೆ ಕರೆದೊಯ್ಯಲಾಯಿತು. ಅಲ್ಲಿನ ಕಿಮ್ಸ್ ಆಸ್ಪತ್ರೆಯಲ್ಲಿ ಶಿವಾಜಿ ಮಿರಾಶಿ ಅವರಿಗೆ ಚಿಕಿತ್ಸೆ ಮುಂದುವರೆಯಿತು. ಆದರೆ, 13 ದಿನದ ಪ್ರಯತ್ನಿಸಿದರೂ ಅವರು ಚೇತರಿಸಿಕೊಳ್ಳಲಿಲ್ಲ. ಅಕ್ಟೊಬರ್ 20ರ ರಾತ್ರಿ ಹುಬ್ಬಳ್ಳಿ ಕಿಮ್ಸ ಆಸ್ಪತ್ರೆಯಲ್ಲಿಯೇ ಶಿವಾಜಿ ಮಿರಾಶಿ ಅವರು ಸಾವನಪ್ಪಿದರು. ಅವರ ಮಗ ಮಂಜುನಾಥ ಮಿರಾಶಿ ಅವರು ಹಳಿಯಾಳ ಪೊಲೀಸ್ ಠಾಣೆಗೆ ಈ ಮಾಹಿತಿ ನೀಡಿ ಪ್ರಕರಣ ದಾಖಲಿಸಿ, ಶವಪಡೆದರು.
- [ತಾಯಿ-ಮಗಳಿಗೆ ನೋವು ಮಾಡಿದ ಬೈಕ್ ಸವಾರ!](https://mobiletime.in/2025/10/biker-who-hurt-mother-and-daughter/): ಶಿರಸಿ-ಹುಬ್ಬಳ್ಳಿ ರಸ್ತೆ ಮಾರ್ಗವಾಗಿ ತಾಯಿ-ಮಗಳು ಸಂಚರಿಸುತ್ತಿದ್ದ ಸ್ಕೂಟಿಗೆ ಬೈಕ್ ಡಿಕ್ಕಿಯಾಗಿದೆ. ಪರಿಣಾಮ 28 ವರ್ಷದ ಮಹಿಳೆ ಜೊತೆ ಅವರ ಐದು ವರ್ಷದ ಮಗುವಿಗೆ ಗಾಯವಾಗಿದೆ. ಅಕ್ಟೊಬರ್ 21ರಂದು ಶಿರಸಿ ಮರಾಠಿಕೊಪ್ಪದ ಸುಮನಾ ಗಂಗೋಳ್ಳಿ (28) ಅವರು ತಮ್ಮ ಮಗಳಾದ ಸಮನ್ವಿ ಗಂಗೊಳ್ಳಿ (5) ಅವರ ಜೊತೆ ಸ್ಕೂಟಿಯಲ್ಲಿ ಹೋಗುತ್ತಿದ್ದರು. ಶಿವಳ್ಳಿಯ ನಾಗರಾಜ ದೇವಾಡಿಗ ಅವರು ಅದೇ ಮಾರ್ಗವಾಗಿ ತಮ್ಮ ಬೈಕು ಓಡಿಸುತ್ತಿದ್ದರು. ಸುಮನಾ ಗಂಗೋಳ್ಳಿ ಅವರು ಚಲಾಯಿಸುತ್ತಿದ್ದ ವಾಹನಕ್ಕೆ ನಾಗರಾಜ ದೇವಾಡಿಗ ಅವರು ಹಿಂದಿನಿAದ ಗುದ್ದಿದರು. ಪರಿಣಾಮ ಮಗುವಿನ ಜೊತೆಯಿದ್ದ ಸುಮನಾ ಗಂಗೊಳ್ಳಿ ಅವರು ನೆಲಕ್ಕೆ ಬಿದ್ದರು. ಸುಮನಾ ಗಂಗೊಳ್ಳಿ ಅವರ ಬಲಭಾಗದ ಕಾಲು, ಪಾದ, ಕೈಗಳಿಗೆ ಗಾಯವಾಯಿತು. ಅವರ ಕೈ-ಕಾಲಿನಿಂದ ರಕ್ತ ಸುರಿಯಿತು. ಅವರ ಮಗಳು ಸಮನ್ವಿ ಗಂಗೊಳ್ಳಿ ಅವರಿಗೂ ಈ ಅಪಘಾತದಿಂದ ಪೆಟ್ಟಾಯಿತು. ಸಮನ್ವಿ ಗಂಗೊಳ್ಳಿ ಅವರ ಹಣೆಗೆ ಪೆಟ್ಟಾಗಿ ರಕ್ತ ಬಂದಿತು. ಅವರು ಓಡಿಸುತ್ತಿದ್ದ ವಾಹನವೂ ಜಖಂ ಆಯಿತು. ಅಪಘಾತದ ವಿಷಯ ತಿಳಿದ ನೆಟ್‌ವರ್ಕ ಇಂಜಿನಿಯರ್ ಆಗಿರುವ ಸುಮನಾ ಗಂಗೊಳ್ಳಿ ಅವರ ಪತಿ ಸಂದೇಶ ಗೊಂಗೊಳ್ಳಿ ಅವರು ಅಲ್ಲಿಗೆ ದೌಡಾಯಿಸಿದರು. ಗಾಯಗೊಂಡ ಪತ್ನಿ ಹಾಗೂ ಮಗಳ ಆರೈಕೆ ಮಾಡಿದರು. ಅದಾದ ನಂತರ ಶಿರಸಿ ಸಂಚಾರ ಪೊಲೀಸ್ ಠಾಣೆಗೆ ತೆರಳಿ ಅಪಘಾತಕ್ಕೆ ಕಾರಣರಾದ ನಾಗರಾಜ ದೇವಾಡಿಗ ವಿರುದ್ಧ ದೂರು ನೀಡಿದರು.
- [ನಿವೃತ್ತ ಶಿಕ್ಷಕಿಗೆ ಅನ್ಯಾಯ: ಹಣದ ಜೊತೆ ಆಭರಣವೂ ಮಾಯ!](https://mobiletime.in/2025/10/injustice-to-retired-teacher-jewelry-also-disappeared-along-with-money/): ಬೆಳಗಾವಿಯಿಂದ ಭಟ್ಕಳಕ್ಕೆ ಬಂದಿದ್ದ ನಿವೃತ್ತ ಶಿಕ್ಷಕಿಯೊಬ್ಬರು 1.84 ಲಕ್ಷ ರೂ ಮೌಲ್ಯದ ಚಿನ್ನಾಭರಣ ಕಳೆದುಕೊಂಡಿದ್ದಾರೆ. ಮರಳಿ ಊರಿಗೆ ಹೋದ ನಂತರ ಚಿನ್ನದ ಜೊತೆ ಹಣವೂ ಕಾಣೆಯಾಗಿದ್ದು ಅವರ ಗಮನಕ್ಕೆ ಬಂದಿದೆ. ಬೆಳಗಾವಿಯ ಆಂಜಿನೇಯ ನಗರದ ಆಸ್ಮಾನಾಭಾನು ಶೇಖ್ ಅವರು ಶಿಕ್ಷಕಿಯಾಗಿದ್ದರು. ಕಳೆದ ವರ್ಷ ನಿವೃತ್ತಿ ಆಗಿದ್ದ ಅವರು ತಮ್ಮ ಉಳಿತಾಯದ ಹಣದಲ್ಲಿ ವಿವಿಧ ಚಿನ್ನಾಭರಣ ಮಾಡಿಸಿಕೊಂಡಿದ್ದರು. ಆ ಆಭರಣಧರಿಸಿ ಅವರು ಭಟ್ಕಳಕ್ಕೆ ಬಂದಿದ್ದು, ಅಕ್ಟೊಬರ್ 6ರಂದು ಸಂಜೆ ಇಲ್ಲಿಂದ ಹೊರಟಿದ್ದರು. ಆ ದಿನ ಸಂಜೆ 4.51ಕ್ಕೆ ಭಟ್ಕಳ ಬಸ್ ನಿಲ್ದಾಣದಲ್ಲಿ ಬಸ್ ಹತ್ತಿದ ಅವರು ರಾತ್ರಿ 11.30ಕ್ಕೆ ಬೆಳಗಾವಿ ತಲುಪಿದರು. ಆ ವೇಳೆ ಅವರ ಕೈಯಲ್ಲಿದ್ದ ಆಭರಣಗಳು ಕಾಣಿಸಲಿಲ್ಲ. ಬ್ಯಾಗ್ ನೋಡಿದಾಗ ಅದಲ್ಲಿದ್ದ ಪರ್ಸ ಹಾಗೂ 3500ರೂ ಹಣವೂ ಕಾಣಿಸಲಿಲ್ಲ. ಆ ಆಭರಣ ಹಾಗೂ ಹಣ ಹುಡುಕಿ ಅವರು ಭಟ್ಕಳಕ್ಕೆ ಮರಳಿದರು. ಆದರೂ, ಅವು ಸಿಗಲಿಲ್ಲ. ಹೀಗಾಗಿ ಭಟ್ಕಳ ಶಹರ ಪೊಲೀಸ್ ಠಾಣೆಗೆ ತೆರಳಿದ ಆಸ್ಮಾನಾಭಾನು ಶೇಖ್ ಅವರು ಕಳ್ಳತನ ನಡೆದ ಬಗ್ಗೆ ದೂರು ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿವಿಧ ಆಯಾಮಗಳ ಆಧಾರದಲ್ಲಿ ಕಳ್ಳನ ಹುಡುಕಾಟ ಶುರು ಮಾಡಿದರು.
- [ಅಲೆಗಳ ಅಬ್ಬರಕ್ಕೆ ಕಾರ್ಮಿಕ ಬಲಿ](https://mobiletime.in/2025/10/worker-killed-in-crash-of-waves/): ನಿತ್ಯದ ದುಡಿಮೆಗಾಗಿ ಚಿಪ್ಪಿಕಲ್ಲು ಆರಿಸಲು ಸಮುದ್ರಕ್ಕೆ ಹೋಗಿದ್ದ ಅಂಕೋಲಾದ ಆನಂದು ನಾಯ್ಕ ಅವರು ಅಲೆಗಳ ಅಬ್ಬರಕ್ಕೆ ಸಿಲುಕಿದ್ದಾರೆ. ಅಲ್ಲಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗದೇ ಅವರು ಶವವಾಗಿದ್ದಾರೆ. ಅಂಕೋಲಾ ಬಾವಿಕೇರಿ ಕಾನಬೀರವಾಡದಲ್ಲಿ ಆನಂದು ಚೆನ್ನಾ ನಾಯ್ಕ (51) ಅವರು ವಾಸವಾಗಿದ್ದರು. ಅಕ್ಟೊಬರ್ 20ರ ಮಧ್ಯಾಹ್ನ 3 ಗಂಟೆಗೆ ಅವರು ಸಮುದ್ರಕ್ಕೆ ಹೋಗಿದ್ದರು. ಕೈಚೀಲ ಹಾಗೂ ಹಲಗತ್ತಿಹಿಡಿದಿದ್ದ ಅವರು ಬೇಲೇಕೆರೆ ಸಮುದ್ರದ ಬಳಿ ಚಿಪ್ಪೆಕಲ್ಲು ಆರಿಸಿಕೊಂಡು ಬರುವುದಾಗಿ ಮನೆಯಲ್ಲಿ ಹೇಳಿದ್ದರು. ಆದರೆ, ಸಂಜೆಯಾದರೂ ಅವರು ಮನೆಗೆ ಮರಳಲಿಲ್ಲ. ಮರುದಿನವೂ ಅವರ ಸುಳಿವು ಸಿಗಲಿಲ್ಲ. ಹೀಗಾಗಿ ಆನಂದು ನಾಯ್ಕ ಅವರ ಮಗ ವಿನಯ ನಾಯ್ಕ ಅವರು ಅಂಕೋಲಾ ಪೊಲೀಸರ ಮೊರೆ ಹೋದರು. ತಂದೆ ಕಾಣೆಯಾದ ಬಗ್ಗೆ ಅವರು ಪ್ರಕರಣ ದಾಖಲಿಸಿದ್ದು, ಪೊಲೀಸರು ಹುಡುಕಾಟ ಶುರು ಮಾಡಿದರು. ಅಕ್ಟೊಬರ್ 21ರ ಸಂಜೆ ಸಮುದ್ರದಲ್ಲಿ ಶವವೊಂದು ಸಿಕ್ಕಿದ್ದು, ಅದನ್ನು ಸರಿಯಾಗಿ ಗಮನಿಸಿದಾಗ ಅದು ಆನಂದ ನಾಯ್ಕ ಅವರ ದೇಹ ಎಂದು ಗೊತ್ತಾಯಿತು. ಉದಯ ಚನ್ನಾ ನಾಯ್ಕ ಅವರು ಸಹೋದರನ ಶವ ಗುರುತಿಸಿದರು. ಕಾನೂನು ಪ್ರಕ್ರಿಯೆ ನಡೆಸಿ ಕುಟುಂಬದವರು ಶವಪಡೆದರು.
- [ಬೈಕ್ ಸವಾರರ ಬೆನ್ನಟ್ಟಿದ ಮರಿ ಚಿರತೆ!](https://mobiletime.in/2025/10/a-baby-leopard-chases-bikers/): ಯಲ್ಲಾಪುರದ ಮಾಗೋಡು ಭಾಗದಲ್ಲಿ ಚಿರತೆ ಓಡಾಟ ಜೋರಾಗಿದೆ. ಮರಿಗಳ ಜೊತೆಯಿರುವ ಚಿರತೆ ಬೈಕ್ ಸವಾರರ ಬೆನ್ನಟ್ಟಿದ್ದು, ಇಬ್ಬರಿಗೆ ಗಾಯಗೊಳಿಸಿದೆ. ಮಾಗೋಡಿನ ಬಕ್ಕಳತಗ್ಗಿನ ಗಣೇಶ ಸಿದ್ದಿ ಹಾಗೂ ದೇಸಾಯಿಮನೆಯ ಧನಂಜಯ ಸಿದ್ದಿ ಎಂಬಾತರು ಮಂಗಳವಾರ ರಾತ್ರಿ ಚಂದ್ಗುಳಿಗೆ ಹೋಗಿದ್ದರು. ಅಲ್ಲಿಂದ ಮರಳುವಾಗ ಮರಿಗಳ ಜೊತೆಯಿರುವ ಚಿರತೆ ಅವರ ಮೇಲೆ ಆಕ್ರಮಣ ನಡೆಸಿತು. ಬೈಕಿನಲ್ಲಿ ಹಿಂದೆ ಕೂತಿದ್ದ ಧನಂಜಯ ಸಿದ್ದಿ ಅವರ ಕಾಲಿಗೆ ಚಿರತೆಯ ಉಗುರಿನ ಸ್ಪರ್ಶವಾಗಿದ್ದು, ಅವರಿಗೆ ಸಣ್ಣ ಪ್ರಮಾಣದಲ್ಲಿ ಗಾಯವಾಗಿದೆ. ಈ ವೇಳೆ ಬೈಕಿನ ವೇಗ ಹೆಚ್ಚಿಸಿದ್ದು ಬೈಕ್ ಉರುಳಿಬಿದ್ದಿದ್ದರಿಂದಲೂ ಅವರಿಬ್ಬರಿಗೆ ಪೆಟ್ಟಾಗಿದೆ. ಬೈಕ್ ಬಿದ್ದ ಸದ್ದಿಗೆ ಚಿರತೆ ಕಾಡು ಸೇರಿದೆ. ದೊಡ್ಡ ಚಿರತೆ ಜೊತೆ ಎರಡು ಮರಿಗಳಿರುವುದನ್ನು ಗಣೇಶ ಸಿದ್ದಿ ಹಾಗೂ ಧನಂಜಯ ಸಿದ್ದಿ ನೋಡಿದ್ದಾರೆ. ಕೆಲ ವರ್ಷಗಳಿಂದ ಇಲ್ಲಿ ಚಿರತೆ ಓಡಾಟದ ಬಗ್ಗೆ ಜನ ಹೇಳುತ್ತಿದ್ದು, ಇದೀಗ ಮಾನವನವ ಮೇಲೆಯೂ ವನ್ಯಜೀವಿ ದಾಳಿ ನಡೆದಿದೆ. ಇದರಿಂದ ಜನ ಇನ್ನಷ್ಟು ಆತಂಕಕ್ಕೆ ಒಳಗಾಗಿದ್ದಾರೆ.
- [ಶೋರೂಮಿಗೆ ನುಗ್ಗಿದವರು.. ಸ್ಕೂಟಿ ಕದ್ದರು!](https://mobiletime.in/2025/10/those-who-broke-into-the-showroom-stole-a-scooty/): ಬಸ್ ನಿಲ್ದಾಣ, ದೇವಾಲಯ ಮುಂಭಾಗ, ರಸ್ತೆ ಬದಿ ಸೇರಿ ಸಾರ್ವಜನಿಕ ಸ್ಥಳಗಳಲ್ಲಿ ನಿಲ್ಲಿಸಿದ ಬೈಕ್ ಕದಿಯುತ್ತಿದ್ದ ಕಳ್ಳರು ಇದೀಗ ಶೋರೂಮಿಗೆ ನುಗ್ಗಿ ಅಲ್ಲಿದ್ದ ವಾಹನ ಅಪಹರಿಸಲು ಶುರು ಮಾಡಿದ್ದಾರೆ. ಜೊಯಿಡಾದ ಬೈಕ್ ಶೋರೂಮಿನ ಬಾಗಿಲು ಒಡೆದ ಕಳ್ಳರು ಅಲ್ಲಿದ್ದ ಎರಡು ಸ್ಕೂಟಿ ಕದ್ದಿದ್ದಾರೆ! ಜೊಯಿಡಾದ ರಾಮನಗರದ ಬೆಳಗಾವಿ ರಸ್ತೆಯಲ್ಲಿ ಅಮೀತ ಭಾಸ್ಕರ ದೇಸಾಯಿ ಅವರು ಹೊಂಡಾ ಶೋರೂಮ್ ನಡೆಸುತ್ತಿದ್ದಾರೆ. ಅಲ್ಲಿನ ರಾಜ್ ಪ್ಯಾಲೇಸ್ ಎದುರಿಗಿರುವ ಸಾಯಿ ಸಮರ್ಥ ಹೊಂಡಾ ಶೋರೂಮಿಗೆ ಅವರು ಮಾಲಕರಾಗಿದ್ದಾರೆ. ಸದ್ಯ ಅವರ ಶೋರೂಮಿನಲ್ಲಿದ್ದ ಎರಡು ಸ್ಕೂಟಿ ಕಾಣೆಯಾಗಿದೆ. ಎಲ್ಲಿ ಹುಡುಕಿದರೂ ಆ ಎರಡು ಸ್ಕೂಟಿ ಕಾಣಲಿಲ್ಲ. ಲಕ್ಷಾಂತರ ರೂ ಹೂಡಿಕೆ ಮಾಡಿ ತಂದಿರಿಸಿದ್ದ ಸ್ಕೂಟಿ ಕಾಣೆಯಾಗಿದ್ದರಿಂದ ಶೋರೂಮಿನ ಮಾಲಕ ಅಮಿತ ದೇಸಾಯಿ ಅವರು ಕಂಗಾಲಾಗಿದ್ದಾರೆ. ಅಕ್ಟೊಬರ್ 19ರ ರಾತ್ರಿ ಕಳ್ಳರು ಹೊಂಡಾ ಶೋರೂಮಿಗೆ ನುಗ್ಗಿದ್ದಾರೆ. ಅಲ್ಲಿದ್ದ 77 ಸಾವಿರದ ಹೊಂಡಾ ಆಕ್ಟಿವಾ 110 ಜೊತೆ 87 ಸಾವಿರದ ಹೊಂಡಾ ಆಕ್ಟಿವಾ ಸ್ಪೇಶಲ್ ಎಡಿಶನ್ ಸ್ಕೂಟಿಯನ್ನು ಅವರು ಕದ್ದಿದ್ದಾರೆ. ಅಕ್ಟೊಬರ್ 20ರಂದು ಮಳಿಗೆಯ ಬಾಗಿಲು ತೆರೆದಾಗ ಸ್ಕೂಟಿ ಅಪಹರಣವಾಗಿರುವುದು ಗೊತ್ತಾಗಿದೆ. ಶೋರೂಮಿಗೆ ಹಾಕಿದ ಬೀಗ ಮುರಿದು ಕಳ್ಳರು ಸ್ಕೂಟಿ ಕದ್ದಿದ್ದು, 1.64 ಲಕ್ಷ ರೂ ಮೌಲ್ಯದ ವಾಹನ ಕಾಣೆಯಾದ ಬಗ್ಗೆ ಅಮೀತ ದೇಸಾಯಿ ಅವರು ತಲೆಕೆಡಿಸಿಕೊಂಡಿದ್ದಾರೆ. ಸ್ಕೂಟಿ ಕಳ್ಳರ ಪತ್ತೆಗಾಗಿ ಅಮೀತ ದೇಸಾಯಿ ಅವರು ಸದ್ಯ ಪೊಲೀಸರ ಮೊರೆ ಹೋಗಿದ್ದಾರೆ. ರಾಮನಗರ ಪೊಲೀಸ್ ಠಾಣೆಯಲ್ಲಿ ಅವರು ಕಳ್ಳತನದ ಪ್ರಕರಣ ದಾಖಲಿಸಿದ್ದು, `ಸ್ಕೂಟಿ ಕಳ್ಳರನ್ನು ಹುಡುಕಿ ತಮ್ಮ ವಾಹನ ಮರಳಿಸಿ’ ಎಂದು ಕೇಳಿಕೊಂಡಿದ್ದಾರೆ. ಪೊಲೀಸರು ಸಹ ಸ್ಥಳಕ್ಕೆ ಭೇಟಿ ನೀಡಿದ್ದು, ವಿವಿಧ ಆಯಾಮಗಳ ಆಧಾರದಲ್ಲಿ ಕಳ್ಳರ ಹುಡುಕಾಟ ನಡೆಸಿದ್ದಾರೆ. ಕಳ್ಳತನ ತಪ್ಪಿಸಲು ಗುಣಮಟ್ಟದ ಕ್ಯಾಮರಾ ಅಳವಡಿಸಿ: ನಿಮ್ಮ ಅಗತ್ಯಕ್ಕೆ ಅನುಗುಣವಾದ ಕ್ಯಾಮರಾ ಖರೀದಿಗೆ ಇಲ್ಲಿ ಕ್ಲಿಕ್ಕಿಸಿ: AMAZON
- [ಜನರಿಗೆ ನೀರು ಕುಡಿಸಲು 2 ಕೋಟಿ ರೂ ಮೀಸಲು](https://mobiletime.in/2025/10/rs-2-crore-reserved-for-providing-drinking-water-to-people/): ಬರುವ ಬೇಸಿಗೆಯಲ್ಲಿ ಜನರಿಗೆ ನೀರು ಕುಡಿಸುವುದಕ್ಕಾಗಿ ಉತ್ತರ ಕನ್ನಡ ಜಿಲ್ಲಾ ಪಂಚಾಯತವೂ 2 ಕೋಟಿ ರೂ ಹಣ ಮಂಜೂರಿ ಮಾಡಿದೆ. ಈ ಹಣ ಬಳಸಿಕೊಂಡು 118 ಕಾಮಗಾರಿಗಳ ಮೂಲಕ ಜನರ ದಾಹ ತಣಿಸಲು ಯೋಜನೆ ರೂಪಿಸಲಾಗಿದೆ. ಈ ಎಲ್ಲಾ ಕಾಮಗಾರಿಗಳ ಕ್ರಿಯಾ ಯೋಜನೆಯನ್ನು ಮತ್ತೊಮ್ಮೆ ಪರಿಶೀಲಿಸಿ, ಯೋಜನೆಯ ಅಗತ್ಯ ದಾಖಲೆ ಹಾಗೂ ನಿಯಮಾವಳಿಗಳ ಬಗ್ಗೆ ಗಮನಿಸಿ ಕಡತ ಸಲ್ಲಿಸುವಂತೆ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ಅಧೀನ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. ಹೀಗಾಗಿ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ ಇಂಜಿನಿಯರುಗಳು ಅದೇ ಕೆಲಸದಲ್ಲಿ ತೊಡಗಿದ್ದಾರೆ. ಸದ್ಯ ಕುಡಿಯುವ ನೀರು ಯೋಜನೆಯ ಕ್ರಿಯಾ ಯೋಜನೆಗಳ ದಾಖಲೆ ಪರಿಶೀಲನೆ ನಡೆಯುತ್ತಿದ್ದು, ಮುಂದಿನ ಶನಿವಾರದ ಒಳಗೆ ಆ ಕಡತ ದಿಲೀಷ್ ಶಶಿ ಅವರ ಟೇಟಲ್ ಮೇಲೆ ಬರುವ ಸಾಧ್ಯತೆಗಳಿವೆ. ಜಿಲ್ಲೆಯಲ್ಲಿ ಜಲ ಜೀವನ್ ಮಿಷನ್ ಕಾಮಗಾರಿಗಳನ್ನು 4 ಹಂತದಲ್ಲಿ ಕೈಗೊಳ್ಳಲಾಗಿದೆ. 965 ಕಾಮಗಾರಿಗಳ ಪೈಕಿ 956 ಕಾಮಗಾರಿಯ ಕೆಲಸ ಮುಗಿದಿದ್ದು, ಗ್ರಾಮ ಪಂಚಯತಗಳಿಗೆ ಹಸ್ತಾಂತರ ನಡೆದಿದೆ. ಜಲ ಜೀವನ್ ಮಿಷನ್ ಕಾಮಗಾರಿಗಳಲ್ಲಿ ಜಲಮೂಲದ ಸ್ಥಳ ಬದಲಾವಣೆ, ಹೆಚ್ಚಿನ ಮನೆಗಳಿಗೆ ಸಂಪರ್ಕ ನೀಡಬೇಕಾದ ಸಂದರ್ಭದಲ್ಲಿ ಕಾಮಗಾರಿಗಳ ಪರಿಮಾಣಗಳಲ್ಲಿ ಉಂಟಾಗುವ ವ್ಯತ್ಯಾಸಗಳ ಕುರಿತ ವರದಿಯೂ ಸರ್ಕಾರಕ್ಕೆ ಸಲ್ಲಿಕೆಯಾಗಲಿದೆ.
- [ಉತ್ತರ ಕನ್ನಡ: ಮುಂದಿನ ಮೂರು ತಾಸಿನಲ್ಲಿ ಮಳೆ ಸಾಧ್ಯತೆ!](https://mobiletime.in/2025/10/uttara-kannada-rain-likely-in-the-next-three-hours/): ಉತ್ತರ ಕನ್ನಡವನ್ನು ಸೇರಿ ರಾಜ್ಯದ 10 ಜಿಲ್ಲೆಗಳಲ್ಲಿ ಮುಂದಿನ ಮೂರು ತಾಸಿನ ಒಳಗೆ ಮಳೆಯಾಗುವ ಸಾಧ್ಯತೆಯಿದೆ. ಈ ಅವಧಿಯಲ್ಲಿ ವಿದ್ಯುತ್ ವ್ಯತ್ಯಯ, ಸಂಚಾರ ದಟ್ಟಣೆ ಹಾಗೂ ಅಲ್ಲಲ್ಲಿ ಮರದ ಕೊಂಬೆ ಬೀಳುವ ಅಪಾಯಗಳಿರುವ ಬಗ್ಗೆ ಭಾರತ ಸರ್ಕಾರದ ಭೂ ವಿಜ್ಞಾನ ಸಚಿವಾಲಯ ಎಚ್ಚರಿಸಿದೆ. ಭಾರತ ಹವಾಮಾನ ಇಲಾಖೆ ಬೆಂಗಳೂರು ಹವಾಮಾನ ಕೇಂದ್ರ ನೀಡಿದ ಮಾಹಿತಿಗಳ ಪ್ರಕಾರ ಒಂದೆರಡು ಸ್ಥಳಗಳಲ್ಲಿ ಗುಡುಗು, ಮಿಂಚಿನ ಜೊತೆ ಹಗುರ ಮಳೆಯಾಗಲಿದೆ. ಜೊತೆಗೆ 30-40ಕಿಮೀ ವೇಗದಲ್ಲಿ ಗಾಳಿ ಬೀಸಲಿದೆ. `ಮಳೆ ಅವಧಿಯಲ್ಲಿ ಮನೆಯಿಂದ ಹೊರಹೋಗುವುದು ಸುರಕ್ಷಿತವಲ್ಲ. ಮನೆಯ ಕಿಟಕಿ ಬಾಗಿಲುಗಳನ್ನು ಭದ್ರವಾಗಿ ಮುಚ್ಚಿಡುವುದು ಒಳಿತು. ಸಾಧ್ಯವಾದಷ್ಟು ಪ್ರಯಾಣವನ್ನು ತಪ್ಪಿಸಿ. ಸುರಕ್ಷಿತ ಸ್ಥಳದಲ್ಲಿ ಆಶ್ರಯಪಡೆಯಿರಿ’ ಎಂದು ಸರ್ಕಾರ ಸೂಚಿಸಿದೆ. `ವಿದ್ಯುತ್ ಉಪಕರಣಗಳನ್ನು ಬಂದ್ ಮಾಡಿ. ಜಲಮೂಲ ಪ್ರದೇಶಗಳ ಹತ್ತಿರವಿರಬೇಡಿ. ವಿದ್ಯುತ್ ಶಕ್ತಿ ಬಳಕೆಯಿಂದ ನಡೆಯುವ ಎಲ್ಲಾ ಉಪಕರಣಗಳಿಂದ ದೂರವಿರಿ. ಪ್ರಯಾಣದಲ್ಲಿರುವವರು ಅತ್ಯಂತ ಎಚ್ಚರಿಕೆಯಿಂದ ಪ್ರಯಾಣ ಮಾಡಿ’ ಎಂದು ಸೂಚಿಸಲಾಗಿದೆ. ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಉಡುಪಿ, ಬಾಗಲಕೋಟೆ, ಬೆಳಗಾವಿ, ಧಾರವಾಡ, ಗದಗ, ರಾಯಚೂರು, ವಿಜಯಪುರ, ಬಳ್ಳಾರಿ ಹಾಗೂ ದಾವಣಗೆರೆ ಭಾಗದಲ್ಲಿ ಮಳೆ ಲಕ್ಷಣಗಳಿವೆ. ಅಕ್ಟೊಬರ್ 21ರಿಂದ 29ರವರೆಗೂ ರಾಜ್ಯದಲ್ಲಿ ಮಳೆ ಲಕ್ಷಣಗಳಿವೆ. ಮಧ್ಯಮ ಪ್ರಮಾಣದ ಮಳೆ ಬೀಳಲಿದ್ದು, ಅಕ್ಟೊಬರ್ 23 ಹಾಗೂ 24ರಂದು ಕರಾವಳಿ ಹಾಗೂ ಉತ್ತರ ಒಳನಾಡು ಪ್ರದೇಶದಲ್ಲಿ ಹೆಚ್ಚಿನ ಮಳೆಯಾಗುವ ಸಾಧ್ಯತೆಗಳಿವೆ.  
- [2025 ಅಕ್ಟೊಬರ್ 22ರ ದಿನ ಭವಿಷ್ಯ](https://mobiletime.in/2025/10/2025-october-22-prediction/): ಮೇಷ ರಾಶಿ: ಉದ್ಯೋಗ ಮತ್ತು ವ್ಯವಹಾರದಲ್ಲಿ ಉತ್ತಮ ಪ್ರಗತಿ ಸಾಧ್ಯವಿದೆ. ಆಪ್ತರ ಜೊತೆ ಒಡೆನಾಟ ಹೆಚ್ಚಲಿದೆ. ಖರ್ಚು-ವೆಚ್ಚಗಳು ಅಧಿಕವಾಗಲಿದೆ. ವೃಷಭ ರಾಶಿ: ಕುಟುಂಬದಲ್ಲಿ ಸಮಾಧಾನ ಹಾಗೂ ನೆಮ್ಮದಿಯ ವಾತಾವರಣ ಕಾಣಲಿದೆ. ಆರೋಗ್ಯದ ಬಗ್ಗೆ ಎಚ್ಚರಿಕೆ ಅಗತ್ಯ. ನಾಟಿ ಔಷಧಿ ನಿಮಗೆ ಪರಿಣಾಮಕಾರಿ. ಮಿಥುನ ರಾಶಿ: ವೃತ್ತಿಜೀವನದಲ್ಲಿ ಯಶಸ್ಸು ಸಿಗಲಿದೆ. ಹೊಸ ಒಪ್ಪಂದಗಳು ಲಾಭದಾಯಕವಾಗಿರಲಿದೆ. ಸಂವಹನ ಕೌಶಲ್ಯ ನಿಮ್ಮನ್ನು ಬೆಳಸುತ್ತದೆ. ಕರ್ಕ ರಾಶಿ: ಎಲ್ಲಾ ಕೆಸಲಗಳನ್ನು ತಾಳ್ಮೆಯಿಂದ ನಿರ್ವಹಿಸಿದರೆ ಉತ್ತಮ. ಹಿರಿಯರ ಸಲಹೆ ಪಡೆದು ಹೊಸ ಕೆಲಸ ಶುರು ಮಾಡಿ. ಹಳೆಯ ಹೂಡಿಕೆಗಳು ಈ ದಿನ ನಿಮಗೆ ಲಾಭ ಕೊಡಲಿದೆ. ಸಿಂಹ ರಾಶಿ: ನಿಮ್ಮ ನಾಯಕತ್ವ ಗುಣ ಉತ್ತಮವಾಗಲಿದೆ. ಸ್ನೇಹತರ ಬೆಂಬಲ ಸಿಗಲಿದೆ. ಶತ್ರುಗಳ ಕಾಟ ಜೋರಾಗಿದ್ದು, ಎಚ್ಚರಿಕೆ ಅಗತ್ಯ. ಕನ್ಯಾ ರಾಶಿ: ಆರೋಗ್ಯ ಮತ್ತು ಹಣಕಾಸಿನ ವಿಷಯವಾಗಿ ಹೆಚ್ಚಿನ ಗಮನಹರಿಸಿ. ಕಾರ್ಯಕ್ಷೇತ್ರದಲ್ಲಿ ಯಶಸ್ಸು ಸಿಗಲಿದೆ. ದೂರ ಪ್ರಯಾಣ ಉತ್ತಮವಲ್ಲ. ತುಲಾ ರಾಶಿ: ಸಾಮಾಜಿಕ ಹಾಗೂ ವ್ಯವಹಾರಿಕ ಸ್ಥಾನಮಾನ ಸುಧಾರಣೆ ಆಗಲಿದೆ. ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಯೋಗ-ಧ್ಯಾನ ನಿಮ್ಮ ಆರೋಗ್ಯಕ್ಕೆ ಸಹಕಾರಿ. ವೃಶ್ಚಿಕ ರಾಶಿ: ಬಹುದಿನದ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಕುಟುಂಬದಲ್ಲಿ ಸಂತೋಷ ಹೆಚ್ಚಾಗಲಿದೆ. ಹೊಸ ಅವಕಾಶಗಳು ಅರೆಸಿಬರಲಿದೆ. ಧನು ರಾಶಿ: ವ್ಯವಹಾರದಲ್ಲಿ ಒಳ್ಳೆಯ ಪ್ರಗತಿ ಸಾಧ್ಯವಿದೆ. ಹಣಕಾಸು ನಿರ್ವಹಣೆಯಲ್ಲಿ ಜಾಗರೂಕತೆ ಅಗತ್ಯ. ಅನಗತ್ಯ ವೆಚ್ಚಗಳಿಂದ ದೂರವಿರಿ. ಮಕರ ರಾಶಿ: ಕಾರ್ಯಕ್ಷೇತ್ರದಲ್ಲಿ ಆತ್ಮ ವಿಶ್ವಾಸದಿಂದ ಬದುಕಿ. ಆರ್ಥಿಕ ಲಾಭಗಳು ಆಗಲಿದೆ. ಆಪ್ತರ ಭೇಟಿ ಮನಸ್ಸಿಗೆ ಮದ ನೀಡಲಿದೆ. ಕುಂಭ ರಾಶಿ: ಹಿರಿಯರ ಸಹಾಯದಿಂದ ನಿಮ್ಮ ಸಂಕಷ್ಟ ನಿವಾರಣೆ ಆಗಲಿದೆ. ಮಾಡುವ ಕೆಲಸದಲ್ಲಿ ಯಶಸ್ಸು ಸಿಗಲಿದೆ. ಭಯ ಬೇಡ. ಮೀನ ರಾಶಿ: ನಿಮ್ಮ ಕೆಲಸದಲ್ಲಿ ಸವಾಲುಗಳು ಎದುರಾಗಲಿದೆ. ಸವಾಲುಗಳನ್ನು ಸರಿಯಾಗಿ ನಿಭಾಯಿಸಿದರೆ ಹೊಸ ಆದಾಯದ ಮೂಲಗಳು ಸೃಷ್ಠಿ ಆಗಲಿದೆ. ಆರೋಗ್ಯದ ಬಗ್ಗೆ ಗಮನ ಅಗತ್ಯ.
- [ಸ್ನೇಹಿತನ ಕಾಲು ಮುರಿದವ ಕಾರು ಬಿಟ್ಟು ಓಡಿದ!](https://mobiletime.in/2025/10/the-man-who-broke-his-friends-leg-abandoned-the-car-and-ran-away/): ನಡುರಾತ್ರಿ ನಡೆದ ಕಾರು ಅಪಘಾತದಲ್ಲಿ ಸಿದ್ದಾಪುರದ ಜಾನ್ ಡಯಾಸ್ ಅವರ ಕಾಲು ಮುರಿದಿದ್ದು, ಆ ಕಾರು ಓಡಿಸುತ್ತಿದ್ದ ಹಣಜಿಬೈಲಿನ ಗಣೇಶ ಮಡಿವಾಳ ಅವರು ಅಪಘಾತದ ನಂತರ ಜಾನ್ ಡಯಾಸ್ ಅವರನ್ನು ಕಾರಿನಲ್ಲಿಯೆ ಕೂರಿಸಿ ಪರಾರಿಯಾಗಿದ್ದಾರೆ. ಕಾಲು ಮುರಿದ ವ್ಯಕ್ತಿಯನ್ನು ಮದ್ಯರಾತ್ರಿ ಕಾರಿನಲ್ಲಿ ಕೂರಿಸಿ ಓಡಿಹೋದ ಗಣೇಶ ಮಡಿವಾಳ ಅವರ ವಿರುದ್ಧ ಜಾನ್ ಡಯಾಸ್ ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಸಿದ್ದಾಪುರದ ಹಣಜಿಬೈಲಿನ ಗಣೇಶ ವೆಂಕಟೇಶ ಮಡಿವಾಳ ಅವರ ಅಣ್ಣ ಸುರೇಶ ಮಡಿವಾಳ ಅವರು ಅಕ್ಟೊಬರ್ 19ರಂದು ಊರಿಗೆ ಬರುವವರಿದ್ದರು. ಹೀಗಾಗಿ ಅವರನ್ನು ತಾಳಗುಪ್ಪಾ ರೈಲು ನಿಲ್ದಾಣದಿಂದ ಕರೆತರಲು ಗಣೇಶ ಮಡಿವಾಳ ಅವರು ಹೋಗುವವರಿದ್ದರು. ಗಣೇಶ ಮಡಿವಾಳ ಅವರು ಆ ದಿನ ಸಂಜೆ 7ಗಂಟೆಗೆ ತಮ್ಮ ಆಲ್ಟೋ ಕಾರು ಹೊರ ತೆಗೆದಾಗ ಕನಕದಾಸಗಲ್ಲಿಯ ಜಾನ್ ಸಾವರ್ ಡಯಾಸ್ ಅವರು ಎದುರಾದರು. ಜಾನ್ ಡಯಾಸ್ ಅವರು ಆ ಕಾರು ಹತ್ತಿ ಕುಳಿತರು. ಗಣೇಶ ಮಡಿವಾಳ ಅವರ ಜೊತೆ ಜಾನ್ ಡಯಾಸ್ ಅವರು ತಾಳಗುಪ್ಪಕ್ಕೆ ತೆರಳಿದರು. ಅಲ್ಲಿದ್ದ ಸುರೇಶ ಮಡಿವಾಳ ಅವರನ್ನು ಕಾರಿನೊಳಗೆ ಕೂರಿಸಿಕೊಂಡು ಎಲ್ಲರೂ ಮರಳಿ ಮನೆ ಕಡೆ ಹೊರಟಿದ್ದರು. ಆ ಕಾರು ವೇಗವಾಗಿ ಚಲಿಸುತ್ತಿತ್ತು. ಗಣೇಶ ಮಡಿವಾಳ ಅವರೇ ಕಾರು ಚಲಾಯಿಸುತ್ತಿದ್ದರು. ಗೊಳಗೋಡ ಬಸ್ ನಿಲ್ದಾಣದ ಬಳಿ ರಾತ್ರಿ 10.30ಕ್ಕೆ ಕಾರು ತಲುಪಿದ್ದು, ಗಣೇಶ ಮಡಿವಾಳ ಅವರ ನಿಯಂತ್ರಣ ತಪ್ಪಿದ ಕಾರು ಅಲ್ಲಿದ್ದ ಮರಕ್ಕೆ ಡಿಕ್ಕಿ ಹೊಡೆಯಿತು. ಗಣೇಶ ಮಡಿವಾಳ ಹಾಗೂ ಸುರೇಶ ಮಡಿವಾಳ ಈ ಅಪಘಾತದಲ್ಲಿ ಅಲ್ಪ ಪ್ರಮಾಣದಲ್ಲಿ ಗಾಯಗೊಂಡರು. ಆದರೆ, ಜಾನ್ ಡಯಾಸ್ ಅವರ ಎಡಗಾಲಿನ ತೊಡೆಯ ಬಳಿ ಮೂಳೆ ಮುರಿದಿತ್ತು. ಜಾನ್ ಡಯಾಸ್ ಅವರಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದ್ದರಿಂದ ನಡೆಯಲು ಸಾಧ್ಯವಿರಲಿಲ್ಲ. ಈ ವೇಳೆ ಜನ್ ಡಯಾಸ್ ಅವರನ್ನು ಆಸ್ಪತ್ರೆಗೆ ಸೇರಿಸಬೇಕಿದ್ದ ಗಣೇಶ ಮಡಿವಾಳ ಅವರು ಆ ಕೆಲಸ ಮಾಡಲಿಲ್ಲ. ಕಾರನ್ನು ಅಲ್ಲಿಯೇ ಬಿಟ್ಟು ಗಣೇಶ ಮಡಿವಾಳ ಹಾಗೂ ಸುರೇಶ ಮಡಿವಾಳ ಊರು ಸೇರಿದರು. ಅದಾದ ನಂತರ ಅವರಿವರ ಸಹಾಯಪಡೆದು ಜಾನ್ ಡಯಾಸ್ ಅವರು ಆಸ್ಪತ್ರೆ ಸೇರಿದರು. ಆಸ್ಪತ್ರೆಗೆ ಬಂದ ಪೊಲೀಸರು ಅಪಘಾತದ ವಿವರಪಡೆದಿದ್ದು, ಗಣೇಶ ಮಡಿವಾಳ ಅವರು ಮಾಡಿದ ಕೆಲಸದ ಬಗ್ಗೆ ಜಾನ್ ಡಯಾಸ್ ಅವರು ಆಕ್ರೋಶದಿಂದ ಹೇಳಿದರು. ಕಾಲಿನ ಮೂಳೆ ಮುರಿದರೂ ಆಸ್ಪತ್ರೆಗೆ ಸೇರಿಸಿದೇ ಕಾರಿನೊಳಗೆ ಬಿಟ್ಟು ಪರಾರಿಯಾದದನ್ನು ವಿವರಿಸಿದರು. ಜಾನ್ ಡಯಾಸ್ ಅವರ ನೋವು ಅರ್ಥಮಾಡಿಕೊಂಡ ಸಿದ್ದಾಪುರ ಪೊಲೀಸರು ಅಪಘಾತಕ್ಕೆ ಕಾರಣರಾದ ಗಣೇಶ ಮಡಿವಾಳ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಹಬ್ಬಕ್ಕೆ ಬಾರದ ಹೆಂಡತಿ: ಪರಲೋಕ ಪ್ರವೇಶಿಸಿದ ಪತಿ!](https://mobiletime.in/2025/10/the-wife-who-didnt-come-to-the-festival-the-husband-who-entered-heaven/): ದೀಪಾವಳಿ ಹಬ್ಬಕ್ಕೂ ಪತ್ನಿ ಮನೆಗೆ ಬಾರದ ಕೊರಗಿನಲ್ಲಿ ಅಂಕೋಲಾದ ಶಿವಾನಂದ ಆಗೇರ್ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಪತ್ನಿಯ ಮುನಿಸಿಗೆ ಕಾರಣ ಹುಡುಕಿ ಸಮಾಧಾನ ಮಾಡಲು ಸಾಧ್ಯವಾಗದ ನೋವಿನಲ್ಲಿಯೇ ಅವರು ನೇಣಿಗೆ ಶರಣಾಗಿದ್ದಾರೆ. ಅಂಕೋಲಾ ಭಾವಿಕೇರಿಯಲ್ಲಿ ಶಿವಾನಂದ ಶಂಕರ್ ಆಗೇರ್ (34) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಜೀವನ ನಿರ್ವಹಣೆಗೆ ಅಲ್ಲಲ್ಲಿ ಸಾಲವನ್ನು ಮಾಡಿದ್ದರು. ಈಚೆಗೆ ದಂಪತಿ ನಡುವೆ ಸಣ್ಣ ವೈಮನಸ್ಸು ಬಂದಿದ್ದು, ಶಿವಾನಂದ ಆಗೇರ್ ಅವರ ಪತ್ನಿ ಮುನಿಸಿಕೊಂಡಿದ್ದರು. ಆದರೆ, ದೀಪಾವಳಿ ಹಬ್ಬಕ್ಕೆ ಪತ್ನಿ ಮನೆಗೆ ಬರುವ ಬಗ್ಗೆ ಅವರು ಭರವಸೆ ಹೊಂದಿದ್ದರು. ಆದರೆ, ಶಿವಾನಂದ ಆಗೇರ್ ಅವರ ನಿರೀಕ್ಷೆಯ ಪ್ರಕಾರ ಅವರ ಪತ್ನಿ ಮನೆಗೆ ಬರಲಿಲ್ಲ. ಕಾದು ಕಾದು ಸುಸ್ತಾದ ಅವರು ಬೇಸರಗೊಂಡರು. ಅಕ್ಟೊಬರ್ 21ರಂದು ಬೆಳಗ್ಗೆ 1.45ರ ಆಸುಪಾಸಿಗೆ ಮನೆಯೊಳಗೆ ಪ್ರವೇಶಿಸಿದ ಶಿವಾನಂದ ಆಗೇರ್ ಅವರು ಒಳಗಿನಿಂದ ಚಿಲಕ ಹಾಕಿದರು. ಮನೆಯ ಪಕಾಶಿಗೆ ವೇಲಿನಿಂದ ನೇಣುಬಿಗಿದುಕೊಂಡರು. ತಮ್ಮನ ಶವ ನೋಡಿದ ಅಕ್ಕ ಅಕ್ಕ ಭಾರತಿ ಮಂಜು ಆಗೇರ್ ಅವರು ಬಿಕ್ಕಳಿಸಿ ಅತ್ತರು. ಅದಾದ ನಂತರ ಅಂಕೋಲಾ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿ, ಶವವನ್ನು ಶವಾಗಾರಕ್ಕೆ ಕಳುಹಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [ಈಜು ಬಾರದವ ನೀರಿಗೆ ಇಳಿದ: ನೀರು ಕುಡಿದು ಸಾವನಪ್ಪಿದ!](https://mobiletime.in/2025/10/a-man-who-couldnt-swim-went-into-the-water-he-drank-the-water-and-died/): ದಾಂಡೇಲಿಯ ಇರ್ಷಾದ್ ಅವರು ಈಜಲು ಬಾರದಿದ್ದರೂ ನದಿಗೆ ಹಾರಿ ಪ್ರಾಣ ಕಳೆದುಕೊಂಡಿದ್ದಾರೆ. ಜೊಯಿಡಾದ ಪಾಂಡ್ರಿ ನದಿಯಲ್ಲಿ ಅವರ ಶವ ತೇಲಾಡಿದ್ದು, ರಕ್ಷಣಾ ತಂಡದವರು ಶವವನ್ನು ದಡಕ್ಕೆ ತಂದಿದ್ದಾರೆ. ದಾoಡೇಲಿಯ ಗಣೇಶನಗರದ ಇರ್ಷಾದ್ ಅಹ್ಮದ್ ಮುಗುಟಸಾಬ್ ಹುಕ್ಕೇರಿ (33) ಮಂಗಳವಾರ ಇರ್ಷಾದ್ ಅವರು ತಮ್ಮ ಸ್ನೇಹಿತರ ಜೊತೆ ಜೊಯಿಡಾಗೆ ಹೋಗಿದ್ದರು. ಅವರ ಜೊತೆ ಒಟ್ಟು ಎಂಟು ಜನರಿದ್ದರು. ಈ ಎಲ್ಲರೂ ಮಧ್ಯಾಹ್ನ ಊಟದ ನಂತರ ಜೋಯಿಡಾದ ಚಾಂದೇವಾಡಿಗೆ ಹೋಗಿದ್ದರು. ಅಲ್ಲಿರುವ ಪಾಂಡ್ರಿ ನದಿ ನೋಡಲು ಹೋದ ಸ್ನೇಹಿತರು ಈಜುವುದಕ್ಕಾಗಿ ನೀರಿಗೆ ಹಾರಿದರು. ಆದರೆ, ಈಜು ಬಾರದ ಇರ್ಷಾದ್ ಅವರು ನೀರಿಗಿಳಿದಿದ್ದು, ಅಲ್ಲಿನ ರಭಸಕ್ಕೆ ಕೊಚ್ಚಿ ಹೋದರು. ಅದೇ ನೀರಿನಲ್ಲಿ ಮುಳುಗಿದ ಅವರು ಮತ್ತೆ ಜೀವಂತವಾಗಿ ಮೇಲೆ ಬರಲಿಲ್ಲ. ಶವವಾಗಿ ತೇಲುತ್ತಿದ್ದ ಇರ್ಷಾದ್ ಅವರನ್ನು ನಂತರ ದಡಕ್ಕೆ ತರಲಾಗಿದ್ದು, ಪೊಲೀಸರು ಸದ್ಯ ಸ್ಥಳ ಭೇಟಿ ಮಾಡಿದ್ದಾರೆ.
- [ಹಬ್ಬದ ಆಟಕ್ಕೂ ಪೊಲೀಸರ ಕಾಟ!](https://mobiletime.in/2025/10/police-threaten-festival-games-too/): ಭಟ್ಕಳದ ಜಾಲಿ ತೆಲಗೇರಿಯ ಕ್ರಿಕೆಟ್ ಮೈದಾನ ಪಕ್ಕ ಕಾನೂನುಬಾಹಿರವಾಗಿ ಹಣಕಟ್ಟಿ ಅಂದರ್ ಬಾಹರ್ ಆಡುತ್ತಿದ್ದವರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಶೇಡಕುಳಿಯಲ್ಲಿ ಮೀನುಗಾರಿಕೆ ಮಾಡಿಕೊಂಡಿದ್ದ ನಾರಾಯಣ ಗೊಂಡ ಅವರು ಸಿಕ್ಕಿಬಿದ್ದಿದ್ದು, ಅವರ ಜೊತೆಯಿದ್ದ ಏಳು ಜನ ಪರಾರಿಯಾಗಿದ್ದಾರೆ. ಭಟ್ಕಳದ ಜಾಲಿ ತೆಲಗೇರಿಯ ಕ್ರಿಕೆಟ್ ಮೈದಾನ ಪಕ್ಕದಲ್ಲಿ ದೊಡ್ಡ ಪ್ರಮಾಣದಲ್ಲಿ ಗಿಡ-ಗಂಟಿಗಳು ಬೆಳೆದಿದ್ದು, ಅಕ್ಟೊಬರ್ 19ರಂದು ಸಂಜೆ ಅಲ್ಲಿ ಮೊಂಬತ್ತಿಯ ಬೆಳಕು ಕಾಣುತ್ತಿತ್ತು. ಆ ಬೆಳಕು ಬಂದ ಕಡೆ ಭಟ್ಕಳ ಶಹರ ಪೊಲೀಸ್ ಉಪನಿರೀಕ್ಷಕ ನವೀನ್ ನಾಯ್ಕ ಅವರು ಹೋಗಿದ್ದರು. ಆ ಬೆಳಕಿನ ಅಡಿ ರದ್ದಿ ಪೇಪರ್ ಹಾಸಿಕೊಂಡು ಏಳು ಜನ ಕುಳಿತಿದ್ದರು. ಅವರೆಲ್ಲರೂ ಇಸ್ಪಿಟ್ ಎಲೆಗಳ ಜೊತೆ ಹಣಹರಡಿಕೊಂಡಿದ್ದರು. ಪೊಲೀಸರು ಬಂದದನ್ನು ನೋಡಿ ತೆಲಗೇರಿಯಲ್ಲಿ ಸೆಂಟ್ರಿoಗ್ ಕೆಲಸ ಮಾಡುವ ಮಾದೇವ ಗೊಂಡ, ಹನುಮಾನ ನಗರದ ಶಂಕರ ನಾಯ್ಕ ಓಡಿ ಪರಾರಿಯಾದರು. ಅವರ ಜೊತೆ ಮತ್ತೆ ಮೂವರು ಓಡಿದ್ದು, ಪೊಲೀಸರ ಬಳಿ ಆ ಮೂವರನ್ನು ಗುರುತಿಸಲು ಸಾಧ್ಯವಾಗಲಿಲ್ಲ. ಆದರೆ, ನಾರಾಯಣ ಗೊಂಡ ಅವರು ಮಾತ್ರ ಪೊಲೀಸರ ಬಳಿ ಸಿಕ್ಕಿಬಿದ್ದರು. `ಹಬ್ಬದ ಆಟ’ ಎಂದರೂ ಪೊಲೀಸರು ಅವರ ಮಾತು ಕೇಳಲಿಲ್ಲ. ಕಾನೂನುಬಾಹಿರ ಕೆಲಸ ಮಾಡಿದಕ್ಕಾಗಿ ಓಡಿದವರ ಜೊತೆ ಸಿಕ್ಕಬಿದ್ದವರ ಹೆಸರನ್ನು ದಾಖಲಿಸಿ ಪ್ರಕರಣ ದಾಖಲಿಸಿದರು. ಅಲ್ಲಿ ಬಿದ್ದಿದ್ದ ಇಸ್ಪಿಟ್ ಎಲೆ, ಮೇಣದ ಬತ್ತಿ ಜೊತೆ 1700ರೂ ಹಣವನ್ನು ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಸದ್ಯ ಓಡಿಹೋದವರ ಹುಡುಕಾಟ ಮುಂದುವರೆದಿದೆ. ಜೊತೆಗೆ ಹೆಸರು-ವಿಳಾಸ ಗೊತ್ತಿಲ್ಲದ ಮೂವರ ಶೋಧವೂ ನಡೆದಿದೆ.
- [ಕೃಷ್ಣನ ಒಡವೆಯೂ ಕಳ್ಳರ ಪಾಲು!](https://mobiletime.in/2025/10/even-krishnas-jewels-are-the-share-of-thieves/): ಕಾರವಾರ ನಗರದಲ್ಲಿರುವ ರಾಧಾಕೃಷ್ಣ ದೇವಸ್ಥಾನದಲ್ಲಿ ಕಳ್ಳತನ ನಡೆದಿದೆ. ಮಂಗಳವಾರ ದೇವಾಲಯಕ್ಕೆ ನುಗ್ಗಿದ ಕಳ್ಳರು ಅಲ್ಲಿದ್ದ ಆಭರಣಗಳನ್ನು ದೋಚಿದ್ದಾರೆ. ದೇವಸ್ಥಾನದ ಮೇಲ್ಚಾವಣಿಯನ್ನು ತೆಗೆದು ಕಳ್ಳರು ಒಳಗೆ ನುಗ್ಗಿದ್ದಾರೆ. ದೇವರ ಅಲಂಕಾರಕ್ಕೆ ಬಳಸುತ್ತಿದ್ದ ಬೆಳ್ಳಿ ಆಭರಣಗಳನ್ನು ಅವರು ತಮ್ಮದಾಗಿಸಿಕೊಂಡಿದ್ದಾರೆ. ಪೂಜೆಗಾಗಿ ದೇವಸ್ಥಾನ ಬಾಗಿಲು ತೆರೆದಾಗ ಮೇಲ್ಚಾವಣಿ ಒಡೆದಿರುವುದು ಕಾಣಿಸಿದೆ. ನಂತರ ಕಳ್ಳತನವೂ ಗಮನಕ್ಕೆ ಬಂದಿದೆ. ದೇವಾಲಯದ ಒಳಭಾಗದಲ್ಲಿನ ವಸ್ತುಗಳು ಚದುರಿ ಬಿದ್ದಿದ್ದು, ಭಕ್ತರು ಹಾಗೂ ದೇವಾಲಯ ಆಡಳಿತ ಮಂಡಳಿಯವರು ಅದರಿಂದ ಆತಂಕಕ್ಕೆ ಒಳಗದರು. ಕಾರವಾರ ನಗರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ. ಸಮೀಪದ ಸಿಸಿ ಟಿವಿ ಕ್ಯಾಮರಾ ಆಧಾರದಲ್ಲಿ ಕಳ್ಳರನ್ನು ಪತ್ತೆ ಮಾಡುವ ಕೆಲಸವೂ ನಡೆಯುತ್ತಿದೆ.
- [ಕಡಲಿನಲ್ಲಿ ಕೊಚ್ಚಿದ ಪ್ರವಾಸಿಗರಿಗೆ ಮರುಜೀವ](https://mobiletime.in/2025/10/life-restored-for-tourists-stranded-at-sea/): ಬೆಂಗಳೂರಿನಿoದ ಗೋಕರ್ಣ ಪ್ರವಾಸಕ್ಕೆ ಬಂದಿದ್ದ ಇಬ್ಬರು ಅಲ್ಲಿನ ಅರಬ್ಬಿ ಸಮುದ್ರದಲ್ಲಿ ಕೊಚ್ಚಿ ಹೋಗಿದ್ದು, ಜೀವರಕ್ಷಕ ಸಿಬ್ಬಂದಿ ತಮ್ಮ ಜೀವದ ಹಂಗು ಮರೆತು ಅವರಿಬ್ಬರನ್ನು ರಕ್ಷಿಸಿದ್ದಾರೆ. ಬೆಂಗಳೂರಿನ ನೌಕರರ ಸೊಸೈಟಿಯ 9 ಜನ ಮಂಗಳವಾರ ಗೋಕರ್ಣಕ್ಕೆ ಬಂದಿದ್ದರು. ಎಲ್ಲಾ ಕಡೆ ಸುತ್ತಾಡಿ ಸಂಜೆ ಸಮುದ್ರಕ್ಕೆ ಇಳಿದಿದ್ದರು. ಆಗ, ನಾಗೇಶ ಸುಬ್ರಹ್ಮಣ್ಯ (31) ಹಾಗೂ ಗಣೇಶ ಕೃಷ್ಣಪ್ಪ (32) ಎಂಬಾತರು ನೀರಿನಲ್ಲಿ ಕೊಚ್ಚಿ ಹೋದರು. ಅಲ್ಲಿಯೇ ಇದ್ದ ನಾಗೇಂದ್ರ ಕುರ್ಲೆ ಹಾಗೂ ಮಂಜುನಾಥ ಹರಿಕಾಂತ ಸೇರಿ ಅವರನ್ನು ದಡಕ್ಕೆ ತಂದರು. ಪ್ರವಾಸಿ ಮಿತ್ರ ಶೇಖರ ಹರಿಕಾಂತ ಜೊತೆ ಗೋಕರ್ಣ ಮೈ ಸ್ಟಿಕ್ ಅಡ್ವೆಂರ‍್ಸ ಸಿಬ್ಬಂದಿ ಸಹ ಈ ಕಾರ್ಯಾಚರಣೆಗೆ ಕೈ ಜೋಡಿಸಿದರು. ಸಾಕಷ್ಟು ಪ್ರಮಾಣದಲ್ಲಿ ನೀರು ಕುಡಿದಿದ್ದ ಪ್ರವಾಸಿಗರಿಬ್ಬರೂ ತಮ್ಮ ಜೀವ ಕಾಪಾಡಿದವರಿಗೆ ಕೃತಜ್ಞತೆ ಸಲ್ಲಿಸಿದರು. ಕಡಲತೀರದಲ್ಲಿದ್ದ ಜನರು ಈ ಕಾರ್ಯಾಚರಣೆಗೆ ಸಾಕ್ಷಿಯಾದರು.
- [ವ್ಯಾಪಾರಿ ಬಳಿ ಸ್ಕೂಟರ್ ಇಲ್ಲ.. ವಕೀಲರ ಸ್ಕೂಟಿಗೆ ನಂಬರ್ ಪ್ಲೇಟ್ ಇಲ್ಲ!](https://mobiletime.in/2025/10/the-merchant-doesnt-have-a-scooter-the-lawyers-scooter-doesnt-have-a-number-plate/): ಹೊನ್ನಾವರ ಹಾಗೂ ಭಟ್ಕಳ ಭಾಗದದಲ್ಲಿ ಸ್ಕೂಟಿ ಕಳ್ಳರ ಕಾಟ ಹೆಚ್ಚಾಗಿದೆ. ಹೊನ್ನಾವರದ ವ್ಯಾಪಾರಿಯೊಬ್ಬರ ಸ್ಕೂಟಿ ಕಳ್ಳರ ಪಾಲಾಗಿದ್ದು, ಭಟ್ಕಳದ ವಕೀಲರ ಸ್ಕೂಟಿ ಕದಿಯುವ ಪ್ರಯತ್ನ ಮಾಡಿ ವಿಫಲರಾಗಿದ್ದಾರೆ. ಹೊನ್ನಾವರದ ಮಡಿವಾಳ ಹಳ್ಳದ ವ್ಯಾಪಾರಿ ಪ್ರಕಾಶ ನಾಯ್ಕ ಅವರ ಸ್ಕೂಟಿಯನ್ನು ಕಳ್ಳರು ಕದ್ದಿದ್ದಾರೆ. ಅಕ್ಟೊಬರ್ 17ರಂದು ಮನೆ ಮುಂದೆ ನಿಲ್ಲಿಸಿದ 90 ಸಾವಿರದ ಸ್ಕೂಟಿ ಕಾಣೆಯಾಗಿದೆ. ಸುಜಕಿ ಎಕ್ಸಸ್ ಸ್ಕೂಟಿ ಎಲ್ಲಿ ಹುಡುಕಿದರೂ ಸಿಗದ ಕಾರಣ ಪ್ರಕಾಶ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ. ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸ್ಕೂಟಿ ಹುಡುಕಾಟ ನಡೆಸಿದ್ದಾರೆ. ಭಟ್ಕಳ ವಕೀಲ ಮನೋಜ ನಾಯ್ಕ ಅವರ ಬಜಾಜ್ ಚೇತಕ್ ಸ್ಕೂಟರ್ ಕಳ್ಳತನಕ್ಕೆ ಕಳ್ಳರು ಪ್ರಯತ್ನಿಸಿದ್ದಾರೆ. ಸ್ಕೂಟರ್ ಕಳ್ಳತನ ಸಾಧ್ಯವಾಗದೇ ಇದ್ದಾಗ ಅದರ ನಂಬರ್ ಪ್ಲೇಟ್ ಕದ್ದೊಯ್ದಿದ್ದಾರೆ. ಈ ವಕೀಲರು ನಾಗಪ್ಪ ನಾಯ್ಕ ರಸ್ತೆಯ 1ನೇ ಕ್ರಾಸಿನಲ್ಲಿ ಮನೆ ಮಾಡಿಕೊಂಡಿದ್ದು, ಅಕ್ಟೊಬರ್ 19ರ ಸಂಜೆ 7 ಗಂಟೆಗೆ ಸ್ಕೂಟರ್ ಸರಿಯಾಗಿಯೇ ಇತ್ತು. 10.22ಕ್ಕೆ ನೋಡಿದಾಗ ಸ್ಕೂಟರ್ ಕಳ್ಳತನದ ವಿಫಲ ಪ್ರಯತ್ನ ವಕೀಲರ ಗಮನಕ್ಕೆ ಬಂದಿತು. ಸ್ಕೂಟರ್ ಕದಿಯಲು ಸಾಧ್ಯವಾಗದ ಸಿಟ್ಟಿನಲ್ಲಿ ಅದರ ನಂಬರ್ ಪ್ಲೇಟ್’ನ್ನು ಕಿಲಾಡಿ ಕಳ್ಳರು ಕಿತ್ತಿದ್ದಾರೆ. ಕಳ್ಳರ ಕಾಟಕ್ಕೆ ಬೇಸತ್ತ ವಕೀಲ ಮನೋಜ ನಾಯ್ಕ ಅವರು ಭಟ್ಕಳ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿದ ಪೊಲೀಸರು ಆ ಕಳ್ಳರ ಹುಡುಕಾಟ ಶುರು ಮಾಡಿದ್ದಾರೆ.
- [ಭದ್ರತಾ ಸಿಬ್ಬಂದಿಯನ್ನು ಬೆದರಿಸಿದ ಕಜ್ಜಿ ನಾಯಿ!](https://mobiletime.in/2025/10/itchy-dog-threatens-security-guard/): ಕಾರವಾರದ ಸಿವಿಲ್ ಆಸ್ಪತ್ರೆಯ ಒಳಗೆ ನಾಯಿ ಓಡಾಡುತ್ತಿದೆ. ಆ ನಾಯಿ ಎಲ್ಲೆಂದರಲ್ಲಿ ಗಲೀಜು ಮಾಡುತ್ತಿದ್ದು, ಇಲ್ಲಿನ ಭದ್ರತಾ ಸಿಬ್ಬಂದಿಯನ್ನು ಸಹ ಬೆದರಿಸುತ್ತಿದೆ! ಜಿಲ್ಲಾಕೇಂದ್ರ ಕಾರವಾರದಲ್ಲಿ ಬೀದಿ ನಾಯಿಗಳ ಕಾಟ ಜೋರಾಗಿದೆ. ಅಶಕ್ತರರ ಮೇಲೆ ನಾಯಿಗಳು ದಾಳಿ ನಡೆಸುತ್ತಿದ್ದು, ದಾಳಿಗೆ ಒಳಗಾದ ಜನ ಅನಗತ್ಯವಾಗಿ ಆಸ್ಪತ್ರೆ ಓಡಾಡುತ್ತಿದ್ದಾರೆ. ಸದ್ಯ ಆಸ್ಪತ್ರೆ ಒಳಗೂ ನಾಯಿಗಳ ಕಾಟ ಹೆಚ್ಚಿದೆ. ರಾತ್ರಿ ಅವಧಿಯಲ್ಲಿ ಹಲವು ನಾಯಿಗಳು ಆಸ್ಪತ್ರೆ ಪ್ರವೇಶಿಸುತ್ತಿದ್ದು ಅಲ್ಲಿನ ಕಟ್ಟಡಗಳಲ್ಲಿ ಆಶ್ರಯಪಡೆಯುತ್ತಿವೆ. ಜಿಲ್ಲಾ ಆಸ್ಪತ್ರೆಯಲ್ಲಿ ರಾತ್ರಿ ಕರ್ತವ್ಯಕ್ಕಿರಬೇಕಾದ ಸಿಬ್ಬಂದಿ ನಿದ್ದೆ ಮಾಡುತ್ತಿದ್ದು, ಅದೇ ಸಮಯದಲ್ಲಿ ಆಸ್ಪತ್ರೆಯ ಒಳಗೆ ನಾಯಿ ನುಗ್ಗುತ್ತಿದೆ. ರೋಗಿಗಳು ಆಶ್ರಯಪಡೆದ ಕೋಣೆಗಳಿಗೂ ತೆರಳಿ ಗಲೀಜು ಮಾಡುತ್ತಿದೆ. ಆಸ್ಪತ್ರೆ ಸ್ವಚ್ಛತೆ ಬಗ್ಗೆ ಅಧಿಕಾರಿಗಳು ಗಮನಹರಿಸದ ಬಗ್ಗೆ ಆಕ್ರೋಶವ್ಯಕ್ತವಾಗಿದೆ. ಮೊನ್ನೆ ರಾತ್ರಿ 3 ಗಂಟೆ ಅವಧಿಗೆ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ದಿಡೀರ್ ಆಗಿ ಆಸ್ಪತ್ರೆಗೆ ಹೋಗಿದ್ದು, ಅಲ್ಲಿನ ಅವ್ಯವಸ್ಥೆಗಳ ವಿಡಿಯೋ ಮಾಡಿದ್ದಾರೆ. ಆಸ್ಪತ್ರೆ ಆವರಣದೊಳಗೆ ನಾಯಿ ಬಂದಿರುವುದನ್ನು ಪ್ರಶ್ನಿಸಿದ ನಂತರ ಬೇರೆ ವಿಭಾಗದ ಭದ್ರತಾ ಸಿಬ್ಬಂದಿ ಆ ನಾಯಿ ಓಡಿಸುವ ಕೆಲಸ ಮಾಡಿದ್ದಾರೆ. ಜಿಲ್ಲಾಧಿಕಾರಿ ಹಾಗೂ ಶಾಸಕರಿಗೆ ಆ ವಿಡಿಯೋ ಕಳುಹಿಸಿ ಆಸ್ಪತ್ರೆಗೆ ತಾವು ಹಠಾತ್ ಭೇಟಿ ಮಾಡಿ ಎಂದು ಮನವಿ ಮಾಡಿದ್ದಾರೆ. `ಆಸ್ಪತ್ರೆಯ ಅವ್ಯವಸ್ಥೆಗಳನ್ನು ಸರಿಪಡಿಸಲು ಅಧಿಕಾರದಲ್ಲಿರುವವರು ಆಗಾಗ ಅಲ್ಲಿ ಭೇಟಿ ಕೊಡಬೇಕು. ಅಲ್ಲಿನ ಸಮಸ್ಯೆಗಳನ್ನು ಸರಿಪಡಿಸಬೇಕು’ ಎಂದು ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ.
- [27 ವರ್ಷದ ನಂತರ ಬಂದ ನೋಟಿಸ್ಸು!](https://mobiletime.in/2025/10/a-notice-after-27-years/): 1998ರಲ್ಲಿ ಅರಣ್ಯ ಅತಿಕ್ರಮಿಸಿ ಮನೆ ನಿರ್ಮಿಸಿಕೊಂಡವರಿಗೆ 27 ವರ್ಷದ ನಂತರ ಅರಣ್ಯ ಇಲಾಖೆ ನೋಟಿಸ್ ನೀಡುತ್ತಿದೆ. ಆ ವೇಳೆ ಅರಣ್ಯ ಅಧಿಕಾರಿಗಳು ದಾಖಲಿಸಿದ ಪ್ರಕರಣ ವಿಷಯವಾಗಿ ವಿಚಾರಣೆಗೆ ಬರುವಂತೆ ಅರಣ್ಯ ಅತಿಕ್ರಮಣದಾರರಿಗೆ ಪತ್ರ ಬಂದಿದೆ. ಮುoಡಗೋಡಿನ ಕಾತೂರು ವಲಯದ ಅನೇಕರಿಗೆ ಅಕ್ಟೊಬರ್ 29ರಂದು ವಿಚಾರಣೆಗೆ ಬರುವಂತೆ ಸೂಚಿಸಲಾಗಿದೆ. ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿಗಳು ಸಹಿ ಮಾಡಿ ಈ ಸೂಚನಾ ಪತ್ರ ರವಾನಿಸಿದ್ದಾರೆ. `ವಿಚಾರಣೆಗೆ ಹಾಜರಾಗದೇ ಇದ್ದರೆ ನಿಮ್ಮ ಹೇಳಿಕೆ ಏನೂ ಇಲ್ಲ’ ಎಂದು ಪರಿಗಣಿಸುವ ಬಗ್ಗೆಯೂ ನೋಟಿಸ್ ಮೂಲಕ ಎಚ್ಚರಿಕೆ ನೀಡಲಾಗಿದೆ. ಅರಣ್ಯ ಕಾಯ್ದೆ ಉಲ್ಲಂಘನೆ ಮಾಡಿದ ಬಗ್ಗೆ ಲಿಖಿತ ಹೇಳಿಕೆ ಸಲ್ಲಿಸುವಂತೆ ಅಧಿಕಾರಿಗಳು ನೋಟಿಸ್ ಮೂಲಕ ತಿಳಿಸಿದ್ದಾರೆ. ಅದರೊಂದಿಗೆ ಭೂ ಮಂಜೂರಾತಿ ಕೋರಿ ಸಲ್ಲಿಸಿದ ಅರ್ಜಿ, ಮಂಜೂರಾತಿ ಆದೇಶ, ಮೂಲ ಅರ್ಜಿದಾರರಿಂದಹಿಡಿದು ಸದ್ಯ ಹಿಡುವಳಿಹೊಂದಿರುವವರೆಗಿನ ಎಲ್ಲಾ ಕಾಗದಪತ್ರಗಳನ್ನು ಹಾಜರುಪಡಿಸುವಂತೆ ಸೂಚಿಸಿದ್ದಾರೆ. ಈ ಎಲ್ಲ ವಿಷಯಗಳ ಬಗ್ಗೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಮಾಹಿತಿ ನೀಡಿದರು. ವಿಚಾರಣೆಗೆ ಹಾಜರಾಗಲು ಬಂದಿರುವAತಹ ಅರಣ್ಯವಾಸಿಗಳೊಂದಿಗೆ ಅವರು ಸಮಾಲೋನೆ ನಡೆಸಿದ್ದು, ಅವರಿಗೆ ವಿವಿಧ ಸಲಹೆ ನೀಡಿದರು. ಸಂಘಟನೆ ಸಂಚಾಲಕರಾದ ಗಣಪತಿ ಟಿ ನಾಯ್ಕ ಬಾಳೆಕೊಪ್ಪ, ಗಣಪ ಯಂಕ ಗೌಡ ಮುಳಗುಂದ, ಜಯಪ್ಪ ನಾಯ್ಕ ಬೆಕ್ಕೋಡ, ಗಿರಿಯ ಟಿ ನಾಯ್ಕ ಬಟಕ್ಕೋಡ, ಶಿವಾಜಿ ನಾಯ್ಕ ಬೆಡಸಗಾಂವ್, ನೆಹರು ನಾಯ್ಕ, ಗಣಪತಿ ಹೆಗಡೆ ಕೂರ್ಲಿ ಜೊತೆಗಿದ್ದು ವಿವರ ಕೇಳಿದರು.
- [ಆಧಾರ್ ಕಾರ್ಡ ಕೊಟ್ಟು ಮೊಬೈಲ್ ಕದ್ದ ಕಳ್ಳ!](https://mobiletime.in/2025/10/thief-who-gave-aadhaar-card-and-stole-mobile-phone/): ಕಾರವಾರ ಬಸ್ ನಿಲ್ದಾಣದ ಬಳಿಯಿರುವ ಬಾಲಾಜಿ ಸ್ಟೋರ್ಸಿನಲ್ಲಿ ಕಳ್ಳತನ ನಡೆದಿದಿದೆ. ಕ್ಷಣಮಾತ್ರದಲ್ಲಿ ಅಂಗಡಿಯವರ ಗಮನ ಬೇರೆಡೆ ಸೆಳೆದ ಕಳ್ಳ ಮೊಬೈಲ್ ಕದ್ದು ಪರಾರಿಯಾದ ದೃಶ್ಯಾವಳಿ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮಹಾರಾಷ್ಟದ ಕಂದಾರ್ ನಂದೂರಿನ ಆಕಾಶ ಸರೋಡೆ ಎಂಬಾತರು ಕಾರವಾರಕ್ಕೆ ಬಂದಿದ್ದರು. ಬಸ್ ನಿಲ್ದಾಣ ಬಳಿಯಿರುವ ಮೊಬೈಲ್ ಅಂಗಡಿಗೆ ಹೋದ ಅವರು ಅಲ್ಲಿ ತಮ್ಮ ಆಧಾರ್ ಕಾರ್ಡ ನೀಡಿ ಫೋಟೋ ತೆಗೆಸಿಕೊಂಡಿದ್ದರು. ಅದಾದ ನಂತರ ಅಕ್ಟೊಬರ್ 20ರ ಸಂಜೆ ಬಸ್ ನಿಲ್ದಾಣ ಬಳಿಯ ಬಾಲಾಜಿ ಸ್ಟೋರ್ಸಿಗೆ ಹೋಗಿದ್ದ ಆಕಾಶ ಸರೋಡೆ ಆ ಮಳಿಗೆಯಲ್ಲಿದ್ದ ಮೊಬೈಲ್ ಕದ್ದು ಜೇಬಿಗೆ ಇಳಿಸಿದ್ದರು. ತಕ್ಷಣ ಆಕಾಶ ಸರೋಡೆ ಅಲ್ಲಿಂದ ಪರಾರಿಯಾಗಿದ್ದು, ಮೊಬೈಲ್ ಕದ್ದ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಯಿತು. ಜೊತೆಗೆ ಅದು ಭಾರೀ ಪ್ರಮಾಣದಲ್ಲಿ ವೈರಲ್ ಆಯಿತು. ವೈರಲ್ ಆದ ವಿಡಿಯೋ ನೋಡಿದ ಬಸ್ ನಿಲ್ದಾಣದ ಬಳಿಯಿರುವ ಮತ್ತೊಂದು ಅಂಗಡಿಯವರು ಅದೇ ವ್ಯಕ್ತಿ ತಮ್ಮ ಅಂಗಡಿಗೆ ಬಂದಿದ್ದನ್ನು ನೆನಪಿಸಿಕೊಂಡರು. ಆತನ ಮುಖ ಹಾಗೂ ಧರಿಸಿದ ಬಟ್ಟೆ ಗಮನಿಸಿ ತಮ್ಮ ಅಂಗಡಿಗೂ ಕಳ್ಳಬಂದಿದನ್ನು ಖಚಿತಪಡಿಸಿಕೊಂಡರು. ಆತ ನೀಡಿದ ದಾಖಲೆಗಳನ್ನು ನೋಡಿ ಅದರಲ್ಲಿದ್ದ ವಿಳಾಸ ನೋಡಿದರು. ತಮ್ಮ ಬಳಿಯಿದ್ದ ಕಳ್ಳನ ಆಧಾರ್ ಕಾರ್ಡ ಹಾಗೂ ಸ್ಪಷ್ಟ ಫೋಟೋವನ್ನು ವೈರಲ್ ಮಾಡಿದರು. ಹೀಗಾಗಿ ಗ್ರಾಹಕರ ಸೋಗಿನಲ್ಲಿ ಅಂಗಡಿಗೆ ಬಂದು ಮೊಬೈಲ್ ಕದ್ದವನ ಹೆಸರು-ವಿಳಾಸ ಗೊತ್ತಾಗಿದೆ. ಮೊಬೈಲ್ ಕಳೆದುಕೊಂಡವರು ಕಳ್ಳನ ಹುಡುಕಾಟಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದು, ಲಭ್ಯ ದಾಖಲೆಗಳ ಆಧಾರದಲ್ಲಿ ಆತನ ಶೋಧ ಶುರುವಾಗಿದೆ. ಮೊಬೈಲ್ ಕಳ್ಳತನದ ವಿಡಿಯೋ ಇಲ್ಲಿ ನೋಡಿ..
- [2025 ಅಕ್ಟೊಬರ್ 21ರ ದಿನ ಭವಿಷ್ಯ](https://mobiletime.in/2025/10/prediction-for-october-21-2025/): ಮೇಷ ರಾಶಿ: ನಿಮ್ಮ ಕಾರ್ಯಕ್ಷೇತ್ರದಲ್ಲಿ ನೂತನ ಪ್ರಯತ್ನಗಳು ಯಶಸ್ವಿಯಾಗಲಿದೆ. ಮನೆಯ ವಾತಾವರಣದಲ್ಲಿ ಗೊಂದಲ ಮಾಡಿಕೊಳ್ಳಬೇಡಿ. ವೃಷಭ ರಾಶಿ: ಈ ದಿನ ನಿಮ್ಮ ನಿರ್ಧಾರಗಳು ಫಲ ನೀಡುತ್ತವೆ. ಕೆಲಸದಲ್ಲಿ ನೂತನ ಅವಕಾಶಗಳು ಅರೆಸಿ ಬರಲಿದೆ. ಕುಟುಂಬದಲ್ಲಿ ಸಂತೃಪ್ತಿಯ ವಾತಾವರಣ ಕಾಣಲಿದೆ. ಆರೋಗ್ಯದಲ್ಲಿ ಸಣ್ಣ ಅಡೆತಡೆಗಳು ಬಂದರೂ ಅದನ್ನು ಗಂಭೀರವಾಗಿ ಪರಿಗಣಿಸಿ. ಮಿಥುನ ರಾಶಿ: ಬದುಕಿನ ಬಗ್ಗೆ ಜೊಸ ಚಿಂತೆಗಳು ಕಾಡಲಿದೆ. ವೃತ್ತಿ ಬದುಕಿನಲ್ಲಿ ಒತ್ತಡದಷ್ಟೇ ಪ್ರಮಾಣದಲ್ಲಿ ಅವಕಾಶಗಳು ಇವೆ. ಹಣಕಾಸು ಪರಿಸ್ಥಿತಿಯನ್ನು ಸರಿಯಾಗಿ ನಿಭಾಯಿಸಿದರೆ ಜಯ ಖಚಿತ. ಕರ್ಕ ರಾಶಿ: ಉದ್ಯೋಗದಲ್ಲಿ ಸ್ಥಿತಿಗತಿಗಳಲ್ಲಿ ಸುಧಾರಣೆ ಆಗಲಿದೆ. ಹಣಕಾಸು ನಿರ್ವಹಣೆಯಲ್ಲಿ ಜಾಗೃತಿ ಅಗತ್ಯ. ಸ್ನೇಹಿತರಿಂದ ಸಹಾಯ ಸಿಗಲಿದ್ದು, ಪ್ರೀತಿ-ಪ್ರೇಮ ವಿಚಾರದಲ್ಲಿ ಪ್ರಗತಿ ಕಾಣಲಿದೆ. ಸಿಂಹ ರಾಶಿ: ಅಧ್ಯಯನ ಅಥವಾ ಕೆಲಸದಲ್ಲಿ ಸ್ನೇಹಿತರಿಂದ ಸಹಕಾರ ಸಿಗುತ್ತದೆ. ಹಿತಕರ ಬದಲಾವಣೆಯಿಂದ ಮನಸ್ಸು ಆರಾಮದಾಯಕವಾಗಿರಲಿದೆ. ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ಇರಲಿ. ಕನ್ಯಾ ರಾಶಿ: ಆತಂಕದ ಸ್ವಭಾವ ಸಹಜವಾಗಿದ್ದು, ಅದರಿಂದ ಹೊರಬನ್ನಿ. ಕೆಲಸದಲ್ಲಿ ಒತ್ತಡಗಳನ್ನು ಸಹಿಸಿಕೊಳ್ಳಿ. ಆರೋಗ್ಯ ಸಂಬAಧಿ ಸಮಸ್ಯೆಗಳಿಗೆ ಔಷಧಿ ಅಗತ್ಯ. ತುಲಾ ರಾಶಿ: ಹೊಸ ಯೋಜನೆಗಳು ಯಶಸ್ಸು ಕಾಣಲಿದೆ. ವೃತ್ತಿ ಜೀವನದಲ್ಲಿ ಪ್ರಗತಿ ಸಾಧ್ಯವಿದೆ. ಶತ್ರುಗಳ ಬಗ್ಗೆ ಎಚ್ಚರಿಕೆ ಅಗತ್ಯ. ವೃಶ್ಚಿಕ ರಾಶಿ: ಕಷ್ಟಗಳನ್ನು ಎದುರಿಸುವ ಶಕ್ತಿ ಹೆಚ್ಚಳವಾಗಲಿದೆ. ಕೆಲಸದಲ್ಲಿ ಬದಲಾವಣೆ ಸಾಧ್ಯವಿದೆ. ಹಣಕಾಸು ಲಾಭ ಬರಲಿದೆ. ಆರೋಗ್ಯದಲ್ಲಿ ಜಾಗೃತಿ ಅಗತ್ಯ. ಧನು ರಾಶಿ: ಹೊಸ ಯೋಜನೆಗಳನ್ನು ಅನುಸರಿಸಲು ಉತ್ತಮ ಒಳ್ಳೆಯ ದಿನ. ಉದ್ಯೋಗದಲ್ಲಿ ಸಹಾಯ ದೊರೆಯುತ್ತದೆ. ಹಣಕಾಸು ಬೆಳವಣಿಗೆಗೆ ಅವಕಾಶಗಳಿವೆ. ಮಕರ ರಾಶಿ: ಕುಟುಂಬದ ವಿಷಯದಲ್ಲಿ ಅನಾನುಕೂಲತೆ ಕಾಡಲಿದೆ. ಆರೋಗ್ಯ ಉತ್ತಮವಾಗಿರಲಿದೆ. ಹೊಸ ಅಧಿಕಾರ ಸಿಗುವ ಸಾಧ್ಯತೆಗಳಿವೆ. ಕುಂಭ ರಾಶಿ: ವಿರೋಧಿಗಳನ್ನು ಸೋಲಿಸುವ ಸಮಯ ಬಂದಿದೆ. ಪ್ರತಿಸ್ಪರ್ಧೆಯಲ್ಲಿ ನಿಮಗೆ ಜಯ ಸಿಗಲಿದೆ. ಉತ್ತಮ ಆರೋಗ್ಯಕ್ಕಾಗಿ ವ್ಯಾಯಾಮ ಮಾಡುವುದನ್ನು ಮರೆಯಬೇಡಿ. ಮೀನು ರಾಶಿ: ಮಾನಸಿಕ ಒತ್ತಡವಿಲ್ಲದೆ ಕೆಲಸ ಮಾಡಲು ಸಾಧ್ಯವಿದೆ. ಹಣಕಾಸಿನಲ್ಲಿ ಏರಿಳಿತ ಸಹಜವಾಗಿರುತ್ತದೆ. ಹೊಸ ಅವಕಾಶಗಳು ಅರೆಸಿ ಬರಲಿದೆ.
- [INS ವಿಕ್ರಾಂತನ ಗುಣಗಾನ: ಆಳ ಸಮುದ್ರದಲ್ಲಿ ಮೋಡಿ ಮಾಡಿದ ಮೋದಿ!](https://mobiletime.in/2025/10/praise-for-ins-vikrant-modi-cast-a-spell-in-the-deep-sea/): ಕಾರವಾರ-ಗೋವಾ ಗಡಿಯ ಆಳ ಸಮುದ್ರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭಾರತೀಯ ಸೈನಿಕರ ಜೊತೆ ದೀಪಾವಳಿ ಹಬ್ಬ ಆಚರಿಸಿದ್ದಾರೆ. ಕಳೆದ ಕೆಲ ವರ್ಷಗಳಿಂದ ದೀಪಾವಳಿ ಹಬ್ಬಂದು ಸೈನಿಕರ ಜೊತೆ ಕಾಲ ಕಳೆಯುವ ನರೇಂದ್ರ ಮೋದಿ ಅವರು ಸೋಮವಾರ INS ವಿಕ್ರಾಂತದ ಮೇಲೆ ಸಂಚಾರ ನಡೆಸಿದ್ದಾರೆ. ನರೇಂದ್ರ ಮೋದಿ ಅವರು 2014ರಿಂದ ಸೈನಿಕರ ಜೊತೆ ದೀಪಾವಳಿ ಹಬ್ಬ ಆಚರಿಸುತ್ತಿದ್ದಾರೆ. ಈ ಬಾರಿ ಅವರು ಹೆಲಿಕಾಪ್ಟರ್ ಮೂಲಕ ಅರಬ್ಬಿ ಸಮುದ್ರಕ್ಕೆ ಆಗಮಿಸಿದ್ದು, ಆಳ ಸಮುದ್ರದಲ್ಲಿದ್ದ INS ವಿಕ್ರಾಂತದ ಮೇಲೆ ಕಾಲಿಟ್ಟರು. ನೌಕಾಪಡೆ ಸಿಬ್ಬಂದಿಗೆ ಸಿಹಿ ತಿನಿಸುವ ಮೂಲಕ ಹಬ್ಬದ ಶುಭಾಶಯ ಕೋರಿದರು. ಐಎನ್‌ಎಸ್ ವಿಕ್ರಾಂತ್ ಹಾಗೂ ಬ್ರಹ್ಮೋಸ್ ಕ್ಷಿಪಣಿಯ ಕಾರ್ಯಾಚರಣೆಯನ್ನು ಅವರು ಗಮನಿಸಿದರು. `ಐಎನ್‌ಎಸ್ ವಿಕ್ರಾಂತ್ ಕೇವಲ ಯುದ್ಧನೌಕೆಯಲ್ಲ, ಭಾರತದ ಪ್ರತಿಭೆಗೆ ಸಾಕ್ಷಿ’ ಎಂದು ಬಣ್ಣಿಸಿದರು. `ವಿಕ್ರಾಂತ ಕೇವಲ ಯುದ್ಧನೌಕೆಯಲ್ಲ. ಇದು 21 ನೇ ಶತಮಾನದಲ್ಲಿ ಭಾರತದ ಕಠಿಣ ಪರಿಶ್ರಮ, ಪ್ರತಿಭೆ, ಪ್ರಭಾವ ಮತ್ತು ಬದ್ಧತೆಗೆ ಸಾಕ್ಷಿಯಾಗಿದೆ. ಇದು ಭಾರತದ ಸಶಸ್ತ್ರ ಪಡೆಗಳ ಸಾಮರ್ಥ್ಯವನ್ನು ಪ್ರತಿಬಿಂಬಿಸುತ್ತದೆ. ವಿಕ್ರಾಂತ್ ವಿಶಾಲ, ಅಗಾಧ ಮತ್ತು ಭವ್ಯವಾದದ್ದು’ ಎಂದು ಶ್ಲಾಘಿಸಿದರು. `ಸಾಗರ ನೀರಿನ ಮೇಲೆ ಹೊಳೆಯುವ ಸೂರ್ಯನ ಕಿರಣಗಳು ವೀರ ಸೈನಿಕರು ಬೆಳಗಿದ ದೀಪಾವಳಿ ದೀಪಗಳ ಹಾಗೇ’ ಎಂದು ಪ್ರಧಾನಿ ನರೇಂದ್ರ ಮೋದಿ ಈ ವೇಳೆ ಹೇಳಿದರು. `ನೌಕಾಪಡೆಯ ಎಲ್ಲಾ ವೀರ ಸೈನಿಕರೊಂದಿಗೆ ಪವಿತ್ರ ಹಬ್ಬ ದೀಪಾವಳಿ ಆಚರಿಸುತ್ತಿರುವುದು ನನ್ನ ಅದೃಷ್ಟ’ ಎನ್ನುತ್ತ ಭಾವುಕರಾದರು. `ಭಾರತೀಯ ಸೇನೆಯ ಮೂರು ಪಡೆಗಳ ಅಸಾಧಾರಣ ಸಮನ್ವಯವೇ ಆಪರೇಷನ್ ಸಿಂಧೂರ’ ಎಂದವರು ಹೇಳಿದ್ದು, ಪಾಕಿಸ್ತಾನದ ವಿರುದ್ಧ ಭಾರತವು ಸಂಪೂರ್ಣ ಗೆಲುವಿಗೆ ಕಾರಣರಾದವರನ್ನು ಸ್ಮರಿಸಿದರು. ಕಾರವಾರ-ಗೋವಾ ಗಡಿಯ ಸಮುದ್ರದಲ್ಲಿದ್ದ ಸ್ವದೇಶಿ ನಿರ್ಮಿತ ಐಎನ್‌ಎಸ್ ವಿಕ್ರಾಂತ್ ಯುದ್ಧ ನೌಕೆಯಲ್ಲಿ ಅವರು ಸಂಚಾರ ನಡೆಸಿದರು. `ಕೆಲವೇ ತಿಂಗಳುಗಳ ಹಿಂದೆ, ಐಎನ್‌ಎಸ್ ವಿಕ್ರಾಂತ್ ಪಾಕಿಸ್ತಾನವನ್ನು ನಿದ್ದೆಗೆಡಿಸುವಂತೆ ಮಾಡಿತು ಎಂದು ನಾವೆಲ್ಲ ನೋಡಿದ್ದೇವೆ. ನೌಕಾಪಡೆಯು ಹುಟ್ಟುಹಾಕಿದ ಭಯ, ವಾಯುಪಡೆಯು ಪ್ರದರ್ಶಿಸಿದ ಅಸಾಧಾರಣ ಕೌಶಲ್ಯ ಮತ್ತು ಸೇನೆಯ ಶೌರ್ಯದ ಜೊತೆಗೆ, ಮೂರೂ ಸೇವೆಗಳ ನಡುವಿನ ಅಸಾಧಾರಣ ಸಮನ್ವಯವು ಆಪರೇಷನ್ ಸಿಂಧೂರ್ ಸಮಯದಲ್ಲಿ ಪಾಕಿಸ್ತಾನವನ್ನು ಕೆಲವೇ ದಿನಗಳಲ್ಲಿ ಮಂಡಿಯೂರುವ0ತೆ ಮಾಡಿತು’ ಎಂದವರು ಯುದ್ಧನೌಕೆಯ ಕೆಲಸವನ್ನು ಶ್ಲಾಘಿಸಿದರು. `ಆಪರೇಷನ್ ಸಿಂಧೂರ ಸಮಯದಲ್ಲಿ ಬ್ರಹ್ಮೋಸ್ ಮತ್ತು ಆಕಾಶ್‌ನಂತಹ ಕ್ಷಿಪಣಿಗಳು ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿವೆ. ಈ ಕ್ಷಿಪಣಿಗಳನ್ನು ಖರೀದಿಸಲು ಈಗ ಜಗತ್ತಿನಾದ್ಯಂತ ಹಲವು ದೇಶಗಳು ಆಸಕ್ತಿ ತೋರಿಸುತ್ತಿವೆ’ ಎಂದರು. `ನಮ್ಮ ಸರ್ಕಾರವು ಭಾರತವನ್ನು ಜಗತ್ತಿನ ಅತಿದೊಡ್ಡ ಆಯುಧ ರಫ್ತು ದೇಶವನ್ನಾಗಿಸುವ ಗುರಿಯನ್ನು ಹೊಂದಿದೆ. 2014ರಿಂದ ಇಲ್ಲಿಯವರೆಗೆ 40ಕ್ಕೂ ಹೆಚ್ಚು ಯುದ್ಧ ನೌಕೆಗಳು ಹಾಗೂ ಜಲಾಂತರ್ಗಾಮಿ ನೌಕೆಗಳನ್ನು ದೇಶೀಯವಾಗಿ ನಿರ್ಮಿಸಲಾಗಿದೆ’ ಎಂದು ವಿವರಿಸಿದರು. `ಈ ದೊಡ್ಡ ಹಡಗುಗಳು, ವಿಮಾನಗಳು, ಜಲಾಂತರ್ಗಾಮಿ ನೌಕೆಗಳು ಪ್ರಭಾವಶಾಲಿಯಾಗಿವೆ. ಆದರೆ ಅವುಗಳನ್ನು ನಿಜವಾಗಿಯೂ ಪ್ರಭಾವಶಾಲಿಯಾನ್ನಾಗಿಸಿರುವುದು ಯೋಧರ ಧೈರ್ಯ’ ಎಂದರು. ಸೈನಿಕರ ಜೊತೆ ಮೋದಿ ದೀಪಾವಳಿ ಆಚರಿಸಿದ ವಿಡಿಯೋ ಇಲ್ಲಿ ನೋಡಿ..
- [ಎರಡು ತಿಂಗಳ ನರಳಾಟ: ಕೊನೆಗೂ ಬದುಕದ ಲಕ್ಷ್ಮಕ್ಕ!](https://mobiletime.in/2025/10/two-months-of-suffering-lakshmaka-finally-survives/): ಎರಡು ತಿಂಗಳ ಹಿಂದೆ ಸ್ಕೂಟಿಯಿಂದ ಬಿದ್ದು ಗಂಭೀರ ಗಾಯಗೊಂಡಿದ್ದ ಭಟ್ಕಳದ ಲಕ್ಷ್ಮೀನಾಯ್ಕ ಅವರು ಸೋಮವಾರ ಮಂಗಳೂರಿನ ಆಸ್ಪತ್ರೆಯಲ್ಲಿ ಸಾವನಪ್ಪಿದ್ದಾರೆ. ಭಟ್ಕಳ ಪುರವರ್ಗದ ದಾಸಿಮನೆಯಲ್ಲಿ ಲಕ್ಷ್ಮೀ ನಾಯ್ಕ (67) ಅವರು ವಾಸವಾಗಿದ್ದರು. ಗ್ರಾಮ ಪಂಚಾಯತದಲ್ಲಿ ಕೆಲಸ ಮಾಡುವ ಮಗ ಉಮೇಶ ವೆಂಕಟಯ್ಯ ನಾಯ್ಕ (33) ಅವರ ಜೊತೆ 2025ರ ಅಗಸ್ಟ 8ರಂದು ತ್ರಿಚಕ್ರದ ಸ್ಕೂಟರಿನಲ್ಲಿ ಅವರು ಹೋಗುತ್ತಿದ್ದರು. ಬೆಣ್ಣಂದೂರು ಗ್ರಾಮದ ಬೆಣಂದೂರು ರಸ್ತೆ-ಮಾಸ್ತಿಮನೆ ಎದುರು ಸ್ಕೂಟಿರಿನ ವೇಗ ಜಾಸ್ತಿಯಾಗಿದ್ದು, ಸ್ಕೂಟರ್ ಪಲ್ಟಿಯಾಯಿತು. ಪರಿಣಾಮ ನೆಲಕ್ಕೆ ಬಿದ್ದ ಲಕ್ಷ್ಮೀ ನಾಯ್ಕ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದರು. ಅವರನ್ನು ಮಂಗಳೂರಿನ ವೆನ್ಲಾಕ್ ಆಸ್ಪತ್ರೆಗೆ ದಾಖಲು ಮಾಡಿ ಚಿಕಿತ್ಸೆ ಕೊಡಿಸಲಾಯಿತು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ಅಕ್ಟೊಬರ್ 20ರಂದು ಅವರು ಸಾವನಪ್ಪಿದರು. ಯಲ್ವಡಕವೂರಿನ ಸರ್ಪಕಟ್ಟಾ ಬಳಿಯ ಕ್ಯಾಂಟಿನ್ ಕೆಲಸಗಾರ ಗೋಪಾಲ ನಾರಾಯಣ ನಾಯ್ಕ ಅವರು ಈ ವಿಷಯದ ಬಗ್ಗೆ ಭಟ್ಕಳ ಪೊಲೀಸರಿಗೆ ತಿಳಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಸ್ಕೂಟಿಗೆ ಗುದ್ದಿದ ಟಿಪ್ಪರ್: ಸ್ಥಳದಲ್ಲಿಯೇ ಸಾವನಪ್ಪಿದ ಮಹಿಳೆ!](https://mobiletime.in/2025/10/tipper-hits-a-scooty-woman-dies-on-the-spot/): ಸೋಮವಾರ ಸಂಜೆ ಹಳಿಯಾಳದಲ್ಲಿ ಟಿಪ್ಪರ್ ಹಾಗೂ ಸ್ಕೂಟಿ ನಡುವೆ ಡಿಕ್ಕಿಯಾಗಿದ್ದು, ಮಹಿಳೆಯೊಬ್ಬರು ಸಾವನಪ್ಪಿದ್ದಾರೆ. ಹಳಿಯಾಳದ ಮಲವಡಿ ಗ್ರಾಮದಲ್ಲಿ ಈ ಅವಘಡ ನಡೆದಿದೆ. ದಾಂಡೇಲಿಯ ನವಗ್ರಾಮದ ನಾಗರಾಜ ಶಾಬಣ್ಣ ಕಾಂಬಳೆ ಅವರು ಟಿಪ್ಪರಿನಲ್ಲಿ ಬೂದಿ ಸಾಗಿಸುತ್ತಿದ್ದರು. ಮಲವಡಿಯ ಸುವರ್ಣ ಅಂತ್ರೋಳಕರ (30) ಅವರ ಜೊತೆ ಶೋಭಾ ಮಾರುತಿ ಕಶೀಲಕರ (38) ಮತ್ತು ಅವರಿಬ್ಬರ ಮಕ್ಕಳಾದ ಆರುಶ (5) ಹಾಗೂ ಗೋಕುಳ (3) ಸ್ಕೂಟಿಯಲ್ಲಿ ಸಂಚರಿಸುತ್ತಿದ್ದರು. ಆ ವೇಳೆ ಟಿಪ್ಪರ್ ಸ್ಕೂಟಿಗೆ ಗುದ್ದಿದ್ದು, ಡಿಕ್ಕಿಯ ರಭಸಕ್ಕೆ ಸುವರ್ಣ ಅಂತ್ರೋಳಕರ ತಲೆಗೆ ಹೋಳಾಯಿತು. ಕೈಗೆ ಸಹ ಗಂಭೀರವಾಗಿ ಗಾಯವಾಯಿತು. ಕಣ್ಣು ಮಿಟುಕಿಸುವಷ್ಟರಲ್ಲಿ ಸುವರ್ಣ ಅಂತ್ರೋಳಕರ್ ಅವರು ಅಲ್ಲಿಯೇ ಸಾವನ್ನಪ್ಪಿದರು. ಅಪಘಾತದ ಪರಿಣಾಮ ಶೋಭಾ ಮತ್ತು ಆರುಶ ಸಹ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಅಪಘಾತದ ಸ್ಥಳಕ್ಕೆ ಪೊಲೀಸರ ಆಗಮನವಾಗಿದ್ದು, ಗಾಯಗೊಂಡವರನ್ನು ಸದ್ಯ ಹುಬ್ಬಳ್ಳಿಯ ಆಸ್ಪತ್ರೆಗೆ ಸಾಗಿಸಲಾಗಿದೆ.
- [ಎರಡೂ ಕಾಲಿನ ಮೇಲೆ ಹತ್ತಿದ ಲಾರಿ ಚಕ್ರ: ಹೆದ್ದಾರಿ ಪೂರ್ತಿ ರಕ್ತ.. ರಕ್ತ!](https://mobiletime.in/2025/10/a-lorry-wheel-that-has-been-mounted-on-both-legs/): ಕಳೆದ ಒಂದು ದಶಕದಿಂದ ಅಂಕೋಲಾದ ಅವರ್ಸಾ ಹಾಗೂ ಸುತ್ತಲಿನ ಭಾಗದಲ್ಲಿ ಓಡಾಡಿಕೊಂಡಿದ್ದ ಪ್ರೇಮಾ ಅವರ ಕಾಲಿನ ಮೇಲೆ ಸೋಮವಾರ ಟ್ಯಾಂಕರ್ ಹತ್ತಿದೆ. ಪರಿಣಾಮ ಅವರ ಎರಡು ಕಾಲು ತುಂಡಾಗಿದೆ. ಪ್ರೇಮಾ ಅವರು ಮಾನಸಿಕ ಅಸ್ವಸ್ಥರಾಗಿದ್ದು, ಅನೇಕ ವರ್ಷಗಳಿಂದ ಅವರ್ಸಾದಲ್ಲಿ ಓಡಾಡಿಕೊಂಡಿದ್ದರು. ಸೋಮವಾರ ಮಧ್ಯಾಹ್ನ ಅವರು ಹೆದ್ದಾರಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದರು. ಕೆನರಾ ಬ್ಯಾಂಕಿನ ಎದುರಿನ ಪಾದಚಾರಿಗಳು ರಸ್ತೆ ದಾಡುವ ಜಾಗದಲ್ಲಿ ಟ್ಯಾಂಕರ್ ಅವರಿಗೆ ಗುದ್ದಿತು. ಪರಿಣಾಮ ಪ್ರೇಮಾ ಅವರು ನೆಲಕ್ಕೆ ಬಿದ್ದರು. ಅದಾಗಿಯೂ, ಅವರ ಕಾಲುಗಳ ಮೇಲೆ ಟ್ಯಾಂಕರ್ ಚಕ್ರ ಹತ್ತಿತು. ಅಲ್ಲಿದ್ದ ಆಂಬುಲೆನ್ಸ ಮೂಲಕ ಪ್ರೇಮಾ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ತಾಲೂಕಾ ಆಸ್ಪತ್ರೆಯಿಂದ ಅವರನ್ನು ಜಿಲ್ಲಾಸ್ಪತ್ರೆಗೆ ಕಳುಹಿಸಲಾಗಿದ್ದು, ಶಿವಾ ನಾಯ್ಕ, ನಾಗರಾಜ ಐಗಳ ಇನ್ನಿತರರು ಪ್ರೇಮಾ ಅವರನ್ನು ಆಸ್ಪತ್ರೆಗೆ ಸಾಗಿಸಲು ಸಹಕರಿಸಿದರು. ಅವೈಜ್ಞಾನಿಕ ಕಾಮಗಾರಿ ಪರಿಣಾಮ ಪದೇ ಪದೇ ಇಲ್ಲಿ ಅಪಘಾತ ನಡೆಯುತ್ತಿದೆ ಎಂದು ಜನ ದೂರಿದರು.
- [ಅತಿ ವೇಗ ತಂದ ಅನಾಹುತ: ಕಾರಿಗೆ ಗುದ್ದಿದ ಬೈಕು](https://mobiletime.in/2025/10/speeding-accident-bike-hits-car/): ಯಲ್ಲಾಪುರದ ಗೌತಮ ಕೋಟೆಮನೆ ಅವರ ಕಾರಿಗೆ ಅಂಕೋಲಾ ಹಳವಳ್ಳಿಯ ದೇವೇಂದ್ರ ಸಿದ್ದಿ ಅವರ ಬೈಕ್ ಡಿಕ್ಕಿಯಾಗಿದೆ. ಪರಿಣಾಮ ದೇವೇಂದ್ರ ಸಿದ್ದಿ ಅವರಿಗೆ ಪೆಟ್ಟಾಗಿದ್ದು, ಅವರ ವಿರುದ್ಧವೇ ಪೊಲೀಸ್ ಪ್ರಕರಣವೂ ದಾಖಲಾಗಿದೆ. ಯಲ್ಲಾಪುರದ ದೆಹಳ್ಳಿ ಬಳಿಯ ಕಟ್ಟಿಗೆಯವರಾದ ಗೌತಮ ಚಂದ್ರಶೇಖರ ಕೋಟೆಮನೆ ಅವರು ಬೆಂಗಳೂರಿನಲ್ಲಿರುವ ಆದರ್ಶ ಡೆವಲಪರ್ಸ ಕಂಪನಿಯಲ್ಲಿ ಕೆಲಸ ಮಾಡುತ್ತಾರೆ. ಹಬ್ಬದ ಅವಧಿಯಲ್ಲಿ ಅವರು ಊರಿಗೆ ಬಂದಿದ್ದು, ಭಾನುವಾರ ರಾತ್ರಿ ಅವರು ಅಂಕೋಲಾದಿAದ ಯಲ್ಲಾಪುರ ಕಡೆ ಕಾರು ಓಡಿಸುತ್ತಿದ್ದರು. ಬಳಗಾರ್ ಕ್ರಾಸಿನಿಂದ 2ಕಿಮೀ ಮುಂದೆ ಬಂದಾಗ ಇನ್ನೂ ನೋಂದಣಿ ಇಲ್ಲದ ಹೊಂಡಾ ಶೈನ್ ಬೈಕ್ ಅವರ ಕಾರಿಗೆ ಗುದ್ದಿತು. ರಸ್ತೆ ಎಡಬದಿಯಲ್ಲಿ ಚಲಿಸುತ್ತಿದ್ದ ಹಳ್ಳವಳ್ಳಿಯ ದೇವೇಂದ್ರ ನಾಗೇಶ ಸಿದ್ದಿ ಅವರು ತೀರಾ ಬಲಬದಿಗೆ ಬಂದು ತಮ್ಮ ಬೈಕನ್ನು ಕಾರಿಗೆ ಡಿಕ್ಕಿ ಹೊಡೆದರು. ಈ ಅಪಘಾತದಲ್ಲಿ ದೇವೇಂದ್ರ ಸಿದ್ದಿ ಅವರ ಹಣೆಗೆ ಪೆಟ್ಟಾಯಿತು. ಬೈಕಿನ ಜೊತೆ ಕಾರು ಅಲ್ಲಲ್ಲಿ ಜಖಂ ಆಯಿತು. ಈ ಅಪಘಾತದ ಬಗ್ಗೆ ಗೌತಮ ಕೋಟೆಮನೆ ಅವರು ತಮ್ಮ ತಂದೆ-ತಾಯಿ ಅವರಲ್ಲಿ ಹೇಳಿದ್ದು, ಅವರ ಸಲಹೆ ಪ್ರಕಾರ ಯಲ್ಲಾಪುರ ಪೊಲೀಸ್ ಠಾಣೆಗೆ ಬಂದರು. ನಡೆದ ಘಟನಾವಳಿಗಳ ಬಗ್ಗೆ ವಿವರಿಸಿ ಪ್ರಕರಣ ದಾಖಲಿಸಿದರು. ದೇವೇಂದ್ರ ಸಿದ್ದಿ ಅವರಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರೆದಿದೆ. ಪೊಲೀಸರು ದೇವೇಂದ್ರ ಸಿದ್ದಿ ಅವರನ್ನು ಮಾತನಾಡಿಸಿದ್ದಾರೆ.
- [ಚಲಿಸುವ ಬಸ್ಸಿನ ಚಾಲಕನಿಗೆ ಹೃದಯಘಾತ!](https://mobiletime.in/2025/10/the-driver-of-a-moving-bus-has-a-heart-attack/): ಪ್ರಯಾಣಿಕರನ್ನು ಕರೆದೊಯ್ಯುವ ಭಟ್ಕಳದ APM ಬಸ್ಸಿನ ಚಾಲಕ ಚಂದ್ರಶೇಖರ ಪೂಜಾರಿ ಅವರಿಗೆ ಹೃದಯಘಾತವಾಗಿದ್ದು, ತಕ್ಷಣ ಬಸ್ಸನ್ನು ಬದಿಗೆ ನಿಲ್ಲಿಸಿ ಅವರು ಪ್ರಾಣಬಿಟ್ಟಿದ್ದಾರೆ. ಭಟ್ಕಳದ ಮಣ್ಕುಳಿಯಲ್ಲಿ ವಾಸವಾಗಿರುವ ಚಂದ್ರಶೇಖರ ಸುಬ್ಬಣ್ಣ ಪೂಜಾರಿ ಅವರು ಕಳೆದ ವರ್ಷ ಹೃದಯ ಚಿಕಿತ್ಸೆಗೆ ಒಳಗಾಗಿದ್ದರು. ವಯಸ್ಸು 64 ಆದರೂ ಅವರು ತಮ್ಮ ಚಾಲಕ ಕೆಲಸದಿಂದ ನಿವೃತ್ತಿಪಡೆದಿರಲಿಲ್ಲ. ಹೃದಯ ಚಿಕಿತ್ಸೆ ನಂತರವೂ ಅವರು ಬಸ್ಸು ಚಾಲನೆ ಮಾಡುತ್ತಿದ್ದರು. ಸೋಮವಾರ ಸಹ ಮನೆಯಿಂದ ಹೊರಟ ಅವರು ಎಪಿಎಂ ಎಜನ್ಸಿಯ ಬಸ್ಸನ್ನು ಭಟ್ಕಳದ ಬಸ್ ನಿಲ್ದಾಣದವರೆಗೆ ಓಡಿಸಿಕೊಂಡು ಬಂದರು. ಆರೋಗ್ಯದಲ್ಲಿ ವ್ಯತ್ಯಾಸ ಕಾಣಿಸಿದ್ದರಿಂದ ಅವರು ಸರ್ಕಾರಿ ಬಸ್ ನಿಲ್ದಾಣದ ಎದುರಿನ ಖಾಸಗಿ ಬಸ್ ನಿಲ್ದಾಣದ ಬಳಿ ಬಸ್ ನಿಲ್ಲಿಸಿದರು. ಬಸ್ಸಿನ ಒಳಗೆ ಪ್ರಯಾಣಿಕರನ್ನು ಹತ್ತಿಸಿಕೊಳ್ಳುವಾಗದೇ ತೀವ್ರವಾದ ಹೃದಯಘಾತಕ್ಕೆ ಒಳಗಾದರು. ಅಲ್ಲಿಯೇ ಕುಸಿದು ಬಿದ್ದು ಸಾವನಪ್ಪಿದರು. ಬಸ್ಸಿನೊಳಗೆ ಪ್ರಯಾಣಕರು ತುಂಬಿದ ನಂತರ ಬಸ್ಸು ಚಲನೆಯಲ್ಲಿರುವಾಗ ಚಾಲಕನಿಗೆ ಹೃದಯಘಾತ ಆಗಿದ್ದರೆ ದೊಡ್ಡ ಅನಾಹುತ ನಡೆಯುತ್ತಿದ್ದು, ಚಂದ್ರಶೇಖರ ಪೂಜಾರಿ ಅವರ ಆರೋಗ್ಯದಲ್ಲಿನ ಏರುಪೇರಿನ ಮುನ್ಸೂಚನೆ ಅವಘಡವನ್ನು ತಪ್ಪಿಸಿತು. ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುವ ಯತೀಶ ಪೂಜಾರಿ ಅವರು ತಂದೆ ಸಾವಿನ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಭಟ್ಕಳ ಶಹರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮೂರು ತಿಂಗಳಿoದ ಕೆಲಸ ಮಾಡದ ಅಧಿಕಾರಿ: ಹೆಸ್ಕಾಂ ನಿರ್ಲಕ್ಷ್ಯಕ್ಕೆ ಎರಡು ಜೀವ ಬಲಿ!](https://mobiletime.in/2025/10/officer-who-hasnt-worked-for-three-months-two-lives-lost-due-to-hescom-negligence/): ಹೊನ್ನಾವರದ ಸಂತೋಷ ಗೌಡ ಅವರ ಮನೆ ಅಂಗಳದಲ್ಲಿ ಅಪಾಯಕಾರಿ ರೀತಿ ವಿದ್ಯುತ್ ತಂತಿ ಹಾದುಹೋದ ಬಗ್ಗೆ ಮೂರು ತಿಂಗಳ ಹಿಂದೆಯೇ ಅರಿವಿದ್ದರೂ ಹೆಸ್ಕಾಂ ಅಧಿಕಾರಿ ರಾಮಕೃಷ್ಣ ಭಟ್ಟ ಅವರು ಬೇಜವಬ್ದಾರಿಯಿಂದ ವರ್ತಿಸಿದ್ದು, ಪರಿಣಾಮ ಭಾನುವಾರ ರಾತ್ರಿ ಎರಡು ಜೀವ ಬಲಿಯಾಗಿದೆ. ಅಪಾಯ ಆಗುವ ಮುನ್ಸೂಚನೆ ಇದ್ದ ಬಗ್ಗೆ ಹೇಳಿದರೂ ಬಾರದ ಕಾಸರಕೋಡಿನ ಲೈನ್‌ಮೆನ್ ಅಶೋಕ ಹಾಗೂ ಸೆಕ್ಷನ್ ಆಫಿಸರ್ ಪ್ರಸಾದ ಸಹ ಇದೀಗ ಮರುಕವ್ಯಕ್ತಪಡಿಸುತ್ತಿದ್ದಾರೆ. ಸಣ್ಣ-ಪುಟ್ಟ ಕೆಲಸ ಮಾಡಿಕೊಡಲು ಸಾಧ್ಯವಾಗದ ದೊಡ್ಡ ದೊಡ್ಡ ನಾಯಕರು ಸಾವಿನ ನಂತರ ಸ್ಥಳಕ್ಕೆ ಬಂದು ಅನುಕಂಪಗಿಟ್ಟಿಸಿಕೊಳ್ಳುವ ನಿಟ್ಟಿನಲ್ಲಿ ರಾಜಕೀಯ ಮಾಡುತ್ತಿದ್ದಾರೆ! ಹೊನ್ನಾವರ ಕಾಸರಕೋಡ ಬಟ್ಟೆ ವಿನಾಯಕ ಕೇರಿಯಲ್ಲಿ ಸಂತೋಷ ಗೌಡ ಹಾಗೂ ಸೀತು ಗೌಡ ದಂಪತಿ ತಮ್ಮ ಇಬ್ಬರು ಮಕ್ಕಳ ಜೊತೆ ವಾಸವಾಗಿದ್ದರು. ಅವರ ಮನೆ ಮುಂದೆ ಹಾದುಹೋದ ವಿದ್ಯುತ್ ತಂತಿ ಅಪಾಯಕಾರಿ ಸ್ಥಿತಿಯಲ್ಲಿದ್ದ ಬಗ್ಗೆ ಅವರು ಮೂರು ತಿಂಗಳ ಹಿಂದೆ ಮಾಹಿತಿ ನೀಡಿದ್ದರು.ಈ ಬಗ್ಗೆ ಗ್ರಾ ಪಂ ಸದಸ್ಯ ಚಂದ್ರಹಾಸ ಗೌಡ ಅವರಿಗೆ ವಿಷಯ ಮುಟ್ಟಿಸಿದ್ದು, ಚಂದ್ರಹಾಸ ಗೌಡ ಅವರು ಸಮಸ್ಯೆ ಬಗ್ಗೆ ಹೆಸ್ಕಾಂ ಅಭಿಯಂತರ ರಾಮಕೃಷ್ಣ ಭಟ್ಟ ಅವರಿಗೆ ಫೋನ್ ಮಾಡಿದ್ದರು. ಜೊತೆಗೆ ವಿದ್ಯುತ್ ತಂತಿಯ ಅಪಾಯ ತಪ್ಪಿಸುವಂತೆ ಕಾಸರಕೋಡಿನ ಲೈನ್‌ಮೆನ್ ಅಶೋಕ ಹಾಗೂ ಸೆಕ್ಷನ್ ಆಫಿಸರ್ ಪ್ರಸಾದ ಅವರಿಗೂ ಚಂದ್ರಹಾಸ ಗೌಡ ಅವರು ಮನವಿ ಮಾಡಿದ್ದರು. ಆದರೆ, ಸರ್ಕಾರಿ ಸಂಬಳಪಡೆಯುವ ಈ ಸಿಬ್ಬಂದಿ – ಅಧಿಕಾರಿ ಅದರ ಜೊತೆ ಬೇರೆ ನಿರೀಕ್ಷೆಯಲ್ಲಿದ್ದ ಕಾರಣ ಸುರಕ್ಷತಾ ಕ್ರಮ ಅನುಸರಿಸಿರಲಿಲ್ಲ. ಅಪಾಯದ ಬಗ್ಗೆ ಅರಿವಿದ್ದರೂ ಜನರ ಜೀವ ಉಳಿಸುವ ಕೆಸ ಮಾಡಿರಲಿಲ್ಲ. `ಅವರಿಗೆ ಅಷ್ಟು ಅರ್ಜಂಟ್ ಇದ್ದರೆ ಏನಾದರೂ ಕೊಟ್ಟು ಕೆಲಸ ಮಾಡಿಸಿಕೊಳ್ಳುತ್ತಾರೆ’ ಎಂದು ಎಂಜಲು ಕಾಸಿಗೆ ಆಸೆಪಡುತ್ತಿದ್ದರು. ಹೀಗಾಗಿಯೇ ಮೂರು ತಿಂಗಳು ಕಳೆದರೂ ಅಪಾಯಕಾರಿ ಸ್ಥಿತಿಯಲ್ಲಿದ್ದ ತಂತಿ ಬದಲಿಸುವ ಕೆಲಸಕ್ಕೆ ಯಾರೂ ಹೋಗಿರಲಿಲ್ಲ. ತುರ್ತು ದುರಸ್ಥಿಯನ್ನು ಮಾಡಿರಲಿಲ್ಲ. ಸ್ಥಳೀಯ ಜನಪ್ರತಿನಿಧಿಯಾಗಿರುವ ಚಂದ್ರಹಾಸ ಗೌಡ ಅವರು ಸಹ ಪದೇ ಪದೇ ಫೋನ್ ಮಾಡಿ ಒತ್ತಾಯಿಸುವುದನ್ನು ಬಿಟ್ಟಿರಲಿಲ್ಲ. ಆದರೆ, ಅವರ ಮಾತಿಗೆ ಹೆಸ್ಕಾಂ ಅಧಿಕಾರಿಗಳು ಮಾತ್ರ ಬೆಲೆ ಕೊಡಲಿಲ್ಲ. ಭಾನುವಾರ ರಾತ್ರಿ ದಿಢೀರ್ ಆಗಿ ಅಪಾಯಕಾರಿ ರೀತಿಯಲ್ಲಿದ್ದ ವಿದ್ಯುತ್ ತಂತಿ ತುಂಡಾಗಿ ಬಿದ್ದಿತು. ಅದನ್ನು ಗಮನಿಸದೇ ತಂತಿ ಸ್ಪರ್ಶಿಸಿದ ಸಂತೋಷ ಗೌಡ ಹಾಗೂ ಸೀತು ಗೌಡ ಅಲ್ಲಿಯೇ ತಮ್ಮ ಪ್ರಾಣಬಿಟ್ಟರು. ಅವರ ಮಗ ನಾಗರಾಜ ಗೌಡ ಸಹ ವಿದ್ಯುತ್ ಆಘಾತದಿಂದ ಆಸ್ಪತ್ರೆ ಸೇರಿದರು. ಈ ವೇಳೆ ವಿದ್ಯುತ್ ಸರಬರಾಜು ಸ್ಥಗಿತಗೊಳಿಸುವಂತೆ ಅಲ್ಲಿದ್ದ ಗಣಪತಿ ಗೌಡ ಅವರು ಹೆಸ್ಕಾಂ ಗ್ರಿಡ್’ಗೆ ಫೋನ್ ಮಾಡಿದರು. ಆದರೆ, ಅಲ್ಲಿಯೂ ಫೋನ್ ಸ್ವೀಕರಿಸುವವರು ಸಹ ಗತಿಯಿರಲಿಲ್ಲ. ಹೀಗಾಗಿ ಸಂತೋಷ ಗೌಡ ಹಾಗೂ ಸೀತು ಗೌಡ ಸಾವಿನ ನಂತರವೂ ವಿದ್ಯುತ್ ಆಘಾತ ಅನುಭವಿಸಿದರು. ಸಣ್ಣಪುಟ್ಟ ಕೆಲಸಗಳನ್ನು ಮಾಡಿಕೊಡಲು ಸಾಧ್ಯವಾಗದ ದೊಡ್ಡ ದೊಡ್ಡ ನಾಯಕರು ಸೋಮವಾರ ಆಸ್ಪತ್ರೆಗೆ ದೌಡಾಯಿಸಿದರು. ಆಡಳಿತ ಪಕ್ಷದಲ್ಲಿರುವವರು ನೊಂದವರಿಗೆ ಸಾಂತ್ವಾನ ಹೇಳಿದರು. ವಿರೋಧ ಪಕ್ಷದಲ್ಲಿರುವವರು ಸರ್ಕಾರದ ನಡೆಯನ್ನು ಖಂಡಿಸಿದರು. ಆದರೆ, ಎರಡು ಜೀವ ಹೋದರೂ ಅದಕ್ಕೆ ಕಾರಣರಾದವರ ವಿರುದ್ಧ ಕ್ರಮ ಕೈಗೊಳ್ಳುವ ಜವಾಬ್ದಾರಿ ತೆಗೆದುಕೊಳ್ಳುವವರು ಯಾರೂ ಕಾಣಲಿಲ್ಲ. ಅಕ್ಕ-ಬಾವನ ಶವದ ಮುಂದೆ ಮಲ್ಲಾಮಸ್ತಿಕೇರಿಯ ಆಟೋ ಚಾಲಕ ಸುಬ್ರಾಯ ಗೌಡ ಕಣ್ಣೀರು ಸುರಿಸುತ್ತಿದ್ದರು.
- [ಶಾಲ್ಮಲಾ ಉಳಿಸಿ | ಶ್ರೀಗಳ ಆಶೀರ್ವಾದ: ದೇವರ ಅನುಗ್ರಹ!](https://mobiletime.in/2025/10/save-shalmala-blessings-of-the-lord-gods-grace/): ಸರ್ಕಾರದ ಅವೈಜ್ಞಾನಿಕ ಯೋಜನೆಗಳಲ್ಲಿ ಒಂದಾದ ಬೇಡ್ತಿ-ವರದಿ ಜೋಡಣೆ ವಿಷಯದ ಹೋರಾಟದ ಕಾವು ಜೋರಾಗಿದೆ. ಭಾನುವಾರದ ಸಮಾವೇಶ ಯಶಸ್ವಿಯಾದ ಬೆನ್ನಲ್ಲೆ ಸೋಮವಾರ ಮತ್ತೆರಡು ಬೆಳವಣಿಗೆ ನಡೆದಿದೆ. `ನದಿ ಹರಿವು ಅರಿವು’ ಎಂಬ ವಿಷಯವಾಗಿ ಜನರಲ್ಲಿ ಜಾಗೃತಿ ಮೂಡಿಸುವುದಕ್ಕಾಗಿ ಸಮಾನ ಮನಸ್ಕರು ಅಕ್ಟೊಬರ್ 25ರಿಂದ ಮೂರು ದಿನದ ಪಾದಯಾತ್ರೆ ಆಯೋಜಿಸಿದ್ದು, ಈ ದಿನ ಸ್ವರ್ಣವಲ್ಲಿ ಶ್ರೀಗಳ ಬಳಿ ಈ ವಿಷಯವಾಗಿ ಚರ್ಚಿಸಿದ್ದಾರೆ. ಅದರೊಂದಿಗೆ ಯಲ್ಲಾಪುರದ ಬೇಡ್ತಿ ನದಿ ಅಂಚಿನಲ್ಲಿರುವ ಹುಲಿಯಪ್ಪನ ಕಟ್ಟೆಯಲ್ಲಿ `ಈ ಹೋರಾಟ ಯಶಸ್ವಿಯಾಗಲಿ’ ಎಂದು ಪ್ರಾರ್ಥಿಸಿ ಸಾವಿರಕ್ಕೂ ಅಧಿಕ ಜನ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಶ್ರೀಗಳ ಆಶೀರ್ವಾದ ಹಾಗೂ ದೇವರ ಅನುಗ್ರಹದಲ್ಲಿ ಈ ಹೋರಾಟ ಮುಂದುವರೆದಿದೆ. ಈ ದಿನ ಬೇಡ್ತಿ ಸೇತುವೆಯ ಬಳಿ ಇರುವ ಹೊಳೆ ಹುಲಿಯಪ್ಪ ದೇವರಿಗೆ ಸುತ್ತಮುತ್ತಲಿನ ಸಾವಿರಾರು ಜನರು ಭಕ್ತರು ಆಗಮಿಸಿ ಹಣ್ಣುಕಾಯಿ ಸೇವೆ ಸಲ್ಲಿಸಿದ್ದಾರೆ. ದೀಪಾವಳಿ ಹಬ್ಬದ ಅಂಗವಾಗಿ ಹೊಳೆ ಹುಲಿಯಪ್ಪ ದೇವರಿಗೆ ನೈವೇದ್ಯಕ್ಕೆಂದು ಸಾಲು ಸಾಲು ತೆಂಗಿನ ಕಾಯಿಗಳನ್ನು ಒಡೆದು ದನ-ಕರು ರಕ್ಷಣೆಗಾಗಿ ಪ್ರಾರ್ಥಿಸಿದ್ದಾರೆ. `ಪ್ರಸ್ತಾಪಿತ ಬೇಡ್ತಿ-ವರದಾ ನದಿ ಜೋಡಣೆ ಯೋಜನೆ ಅನುಷ್ಠಾನ ಆಗದ ರೀತಿಯಲ್ಲಿ ಅನುಗ್ರಹ ಮಾಡು’ ಎಂದು ಆ ಭಗವಂತನಲ್ಲಿ ಅರ್ಚಕ ಶಿವರಾಮ ಭಾಗ್ವತ ಮಣ್ಕುಳಿ ಅವರು ಕೇಳಿಕೊಂಡಿದ್ದಾರೆ. ಜೊತೆಗೆ `ಪರಿಸರ ನಾಶವಾಗುವ ಯೋಜನೆಯ ಅನುಷ್ಠಾನ ಬೇಡ. ಅಧಿಕಾರದಲ್ಲಿರುವವರಿಗೆ ಇಂತಹ ಯೋಜನೆ ರದ್ಧು ಮಾಡುವ ಬುದ್ದಿ ಬರಲಿ’ ಎಂದು ನೆರೆದವರು ಬೇಡಿಕೊಂಡರು. ಅದೇ ವೇಳೆ ಹುಲಿಯಪ್ಪ ದೇವರಿಂದ ಪ್ರಸಾದ ಅನುಗ್ರಹವಾಗಿದ್ದು, ಭಕ್ತರು ಹರ್ಷವ್ಯಕ್ತಪಡಿಸಿದರು. ಯೋಜನೆ ಅನುಷ್ಠಾನಗೊಂಡರೆ ಆಗುವ ದುಷ್ಪರಿಣಾಮಗಳು, ಜನರಿಗೆ, ಪ್ರಕೃತಿಗೆ ಆಗುವ ತೊಂದರೆಗಳನ್ನು ಅಲ್ಲಿದ್ದ ಪರಿಸರ ತಜ್ಞರು ಜನರಿಗೆ ವಿವರಿಸಿದರು.
- [ಅಂತ್ಯಕ್ರಿಯೆ ಮಾಡುವವನ ಬದುಕು ಅಂತ್ಯ!](https://mobiletime.in/2025/10/the-life-of-the-funeral-director-is-over/): ಶಿರಸಿಯಲ್ಲಿ ಸಾವನಪ್ಪಿದವರ ಶವ ಸ್ಮಶಾನಕ್ಕೆ ಬಂದಾಗ ಅವರ ಅಂತ್ಯಕ್ರಿಯೆಗೆ ಸಹಕರಿಸುತ್ತಿದ್ದ ಗಣಪತಿ ಮಡಿವಾಳ ಅವರ ಬದುಕು ಅಂತ್ಯವಾಗಿದೆ. ಅಲ್ಪಕಾಲದ ಅನಾರೋಗ್ಯದ ಪರಿಣಾಮ 42ನೇ ವಯಸ್ಸಿನಲ್ಲಿಯೇ ಅವರು ಭೂ ಲೋಕದ ಯಾತ್ರೆ ಮುಗಿಸಿದ್ದಾರೆ. ಶಿರಸಿಯ ಮುಖ್ಯ ಪ್ರದೇಶದಲ್ಲಿರುವ ಸ್ಮಶಾನ ಹಾಳು ಬಿದ್ದಿತ್ತು. ಅದನ್ನು ಸಮಾನ ಮನಸ್ಕರ ಸಂಘಟನೆಯವರು ಮತ್ತೆ ಸಿದ್ಧಪಡಿಸಿದ್ದರು. ಅಲ್ಲಿಯೇ `ನೆಮ್ಮದಿ ಕುಟೀರ’ ಎಂಬ ಸಾಹಿತ್ಯ-ಸಂಘಟನೆಯ ದಾಮವನ್ನು ಸ್ಥಾಪಿಸಿದ್ದರು. ಅಲ್ಲಿನ ಸ್ಮಶಾನ ಭೂಮಿಯಲ್ಲಿ ಗಣಪತಿ ಮಡಿವಾಳ ಅವರು ಕಳೆದ 9 ವರ್ಷಗಳಿಂದ ಶ್ರಮಿಸುತ್ತಿದ್ದರು. ಆಪ್ತರು ಸಾವನಪ್ಪಿದ ದುಖಃದಲ್ಲಿರುವವರಿಗೆ ಗಣಪತಿ ಮಡಿವಾಳ ಅವರು ಸಮಾಧಾನ ಮಾಡುತ್ತಿದ್ದರು. ಅವರ ಮನಸ್ಸಿಗೆ ನೋವಾಗದ ರೀತಿಯಲ್ಲಿ ಅಂತ್ಯಕ್ರಿಯೆಗೆ ಸಕಲ ವ್ಯವಸ್ಥೆ ಮಾಡಿಕೊಡುತ್ತಿದ್ದರು. ಗಣಪತಿ ಮಡಿವಾಳ ಅವರು ತಮಗೆ ಒಪ್ಪಿಸಿದ ಕೆಲಸವನ್ನು ಅತ್ಯಂತ ನಿಷ್ಟೆ ಹಾಗೂ ಅಚ್ಚುಕಟ್ಟಾಗಿ ಮಾಡಿ ಮುಗಿಸುತ್ತಿದ್ದರು. ನೆಮ್ಮದಿ ಕುಟೀರ ರಾಜ್ಯಕ್ಕೆ ಮಾದರಿಯಾಗಿ ಗುರುತಿಸಿಕೊಳ್ಳುವಲ್ಲಿ ಗಣಪತಿ ಮಡಿವಾಳ ಅವರ ಶ್ರಮವೂ ಅಪಾರವಾಗಿತ್ತು. ಈ ನಡುವೆ ಗಣಪತಿ ಮಡಿವಾಳ ಅವರು ಅನಾರೋಗ್ಯಕ್ಕೆ ಒಳಗಾದರು. ಕಲಗೋಡ ಊರಿನವರಾಗಿದ್ದ ಅವರು ಮಳಲಗಾಂವಿನಲ್ಲಿರುವ ತಮ್ಮ ಸಹೋದರಿ ಮನೆಯಲ್ಲಿ ಆರೈಕೆಯಲ್ಲಿದ್ದರು. ಸೋಮವಾರ ಅವರು ಅಲ್ಲಿಯೇ ತಮ್ಮ ಕೊನೆಯ ಉಸಿರೆಳೆದರು. ನೆಮ್ಮದಿ ರುದಭೂಮಿಯ ಉಸ್ತುವಾರಿ ವಿ ಪಿ ಹೆಗಡೆ ಮತ್ತು ಜೀವಜಲ ಕಾರ್ಯಪಡೆಯ ಅಧ್ಯಕ್ಷ ಶ್ರೀನಿವಾಸ ಹೆಬ್ಬಾರ್ ಅವರು ಗಣಪತಿ ಮಡಿವಾಳ ಅವರ ಸೇವೆ ಸ್ಮರಿಸಿದರು.
- [ತಿರುವಿನಲ್ಲಿ ತಿರುಗಿಬಿದ್ದ ಬಸ್ಸು!](https://mobiletime.in/2025/10/the-bus-overturned-on-a-bend/): ಪ್ರವಾಸಿಗರು ತುಂಬಿದ್ದ ಬಸ್ಸು ಸಿದ್ದಾಪುರದಲ್ಲಿ ಪಲ್ಟಿಯಾಗಿದೆ. ಪರಿಣಾಮ ಬಸ್ಸಿನಲ್ಲಿದ್ದ 21 ಪ್ರಯಾಣಿಕರು ಪೆಟ್ಟು ಮಾಡಿಕೊಂಡಿದ್ದಾರೆ. ಅಕ್ಟೊಬರ್ 19ರಂದು ತುಮಕೂರಿನ ಮನುಪ್ರಸಾದ ಅವರು ಖಾಸಗಿ ಬಸ್ಸು ಓಡಿಸುತ್ತಿದ್ದರು. ಈ ಬಸ್ಸಿನಲ್ಲಿ ಚಿಕ್ಕಬಳ್ಳಾಪುರದ ಜನರಿದ್ದು, ಅವರೆಲ್ಲರೂ ಸಿಗಂದೂರು ಪ್ರವಾಸ ಮಾಡಿದ್ದರು. ದೇವಿ ದರ್ಶನದ ನಂತರ ಅವರೆಲ್ಲರೂ ಜೋಗ ಜಲಪಾತ ವೀಕ್ಷಣೆ ಮಾಡುವವರಿದ್ದರು. ಅದಾದ ನಂತರ ವಡನಬೈಲಿನ ಬಳೆಪದ್ಮಾವತಿ ಅಮ್ಮನವರ ದೇವಾಲಯಕ್ಕೆ ತೆರಳಲು ಉದ್ದೇಶಿಸಿದ್ದರು. ಆದರೆ, ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರ ತಾಲೂಕಿನ ತಾಳಗುಪ್ಪ-ಹೊನ್ನಾವರ ರಸ್ತೆಯಲ್ಲಿ ತೆರಳುವಾಗ ಬಸ್ಸಿನ ಬ್ರೆಕ್ ಕೈ ಕೊಟ್ಟಿತು. ತಿರುವುಗಳಿಂದ ಕೂಡಿದ ದಾರಿಯಲ್ಲಿ ಬಸ್ಸು ತಿರುಗಿ ಬಿದ್ದಿತು. ಸಿದ್ದಾಪುರ ತಾಲೂಕಿನ ಜೋಗಿನಮಠ ಬಳಿ ತಿರುವಿನಲ್ಲಿ ಎಡಮಗ್ಗುಲಾಗಿ ಬಸ್ಸು ಪಲ್ಟಿ ಹೊಡೆಯಿತು. ಬಸ್ಸು ಓಡಿಸುತ್ತಿದ್ದ ಮನುಪ್ರಸಾದ ಅವರು ಪೆಟ್ಟು ಮಾಡಿಕೊಂಡರು. ಇದರೊಂದಿಗೆ ಬಸ್ಸಿನ ಒಳಗಿದ್ದ 20 ಪ್ರಯಾಣಿಕರು ಗಾಯಗೊಂಡರು. ಬಸ್ಸು ಚಾಲಕನ ಅತಿವೇಗ ಅಪಘಾತಕ್ಕೆ ಕಾರಣ ಎಂದು ಚಿಕ್ಕಬಳ್ಳಾಪುರದ ಪ್ರಯಾಣಿಕರ ಅಶ್ವತಪ್ಪ ಮನೆಗಾರ ಅವರು ದೂರಿದರು. ಈ ಬಗ್ಗೆ ಅವರು ಸಿದ್ದಾಪುರ ಪೊಲೀಸ್ ಠಾಣೆಗೆ ತೆರಳಿ ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಕಿಮ್ಸ್ ನಿರ್ದೇಶಕರಿಗೆ ಅನುಭವ ಕೊರತೆ: ಜನಶಕ್ತಿ ವೇದಿಕೆ ತರಾಟೆ!](https://mobiletime.in/2025/10/kims-director-lacks-experience-janshakti-forum-slams/): ಸಾಕಷ್ಟು ಹೋರಾಟದ ನಂತರ ಕಾರವಾರಕ್ಕೆ ವೈದ್ಯಕೀಯ ವಿಜ್ಞಾನ ಕಾಲೇಜು ಬಂದಿದ್ದು, ಸದ್ಯ ಅಲ್ಲಿ ನಿರ್ದೇಶಕರಾಗಿರುವ ಡಾ ಪೂರ್ಣಿಮಾ ಅವರಿಗೆ ಅನುಭವ ಕೊರತೆ ಕಾಡುತ್ತಿದೆ. ಸಿಬ್ಬಂದಿ ಮೇಲಿನ ನಿಯಂತ್ರಣ ಇಲ್ಲದ ಕಾರಣ ಸಂಸ್ಥೆಯ ಆಡಳಿತ ಅಸ್ತವ್ಯಸ್ತವಾಗಿದೆ ಕಾರವಾರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ಪ್ರಭಾರ ನಿರ್ದೇಶಕಿ ಡಾ ಪೂರ್ಣಿಮಾ ಅವರಿಗೆ ಸಂಸ್ಥೆ ಹಾಗೂ ಸಂಸ್ಥೆಯ ಸಿಬ್ಬಂದಿಗಳ ಮೇಲೆ ಹಿಡಿತ ಇಲ್ಲದ ಬಗ್ಗೆ ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಬೇಸರವ್ಯಕ್ತಪಡಿಸಿದ್ದಾರೆ. `ಕರಾವಳಿಯಲ್ಲಿರುವ ಏಕೈಕ ಸರ್ಕಾರಿ ಮೆಡಿಕಲ್ ಕಾಲೇಜು ಉಳಿಸಿಕೊಳ್ಳಲು ಮತ್ತೆ ಹೋರಾಟ ಅನಿವಾರ್ಯ’ ಎಂಬ ಅರ್ಥದಲ್ಲಿ ಮಾಧವ ನಾಯಕ ಅವರು ಮಾತನಾಡಿದ್ದಾರೆ. `ಕಿಮ್ಸ್’ಗೆ ಬರುವ ವಿದ್ಯಾರ್ಥಿಗಳ ಸಂಖ್ಯೆ ಕಡಿಮೆಯಾಗಿದೆ. ವರ್ಷದಿಂದ ವರ್ಷಕ್ಕೆ ಇಲ್ಲಿ ದಾಖಲಾತಿ ಪ್ರಮಾಣ ಇಳಿಕೆಯಾಗುತ್ತಿದೆ’ ಎಂದು ಮಾಧವ ನಾಯಕ ಆತಂಕವ್ಯಕ್ತಪಡಿಸಿದ್ದಾರೆ. `ಇಲ್ಲಿನ ಕೆಲ ತಜ್ಞ ವೈದ್ಯರು ರಾಜೀನಾಮೆ ಕೊಟ್ಟು ಹೋಗಿದ್ದಾರೆ. ಇತ್ತೀಚೆಗೆ ಮೀನಿನ ಮುಳ್ಳು ಹೊಟ್ಟೆಗೆ ತಗುಲಿ ಮೀನುಗಾರ ಯುವಕನೊಬ್ಬ ಸಾವನಪ್ಪಿದ್ದು, ಅದಕ್ಕೆ ಸಹ ಕಿಮ್ಸ್ ಸಿಬ್ಬಂದಿ ಲೋಪ ಕಾರಣ’ ಎಂದವರು ವಿಶ್ಲೇಷಿಸಿದ್ದಾರೆ. `ನಿರ್ದೇಶಕರು ಗೃಹ ವೈದ್ಯರುಗಳ (ಇಂಟರ್ನ್ಸ್ ವೈದ್ಯರು) ಮೇಲೆ ಅವಲಂಬಿತರಾಗಿ ಸಂಸ್ಥೆಯ ಆಸ್ಪತ್ರೆಯನ್ನು ನಡೆಸುತ್ತಿರುವಂತೆ ಭಾಸವಾಗುತ್ತಿದೆ. ಅದೇ ಗೃಹ ವೈದ್ಯರುಗಳಿಗೆ ಪ್ರತಿ ತಿಂಗಳು ಬರುತ್ತಿದ್ದ 30 ಸಾವಿರ ರೂ ಸ್ಟೈಫಂಡ್ ಕಳೆದ ಎರಡೂವರೆ ತಿಂಗಳಿoದ ಬಂದಿಲ್ಲ. ಹೀಗಾಗಿ ಅವರಿಗೆ ದೀಪಾವಳಿ ಹಬ್ಬದ ಸಡಗರವೂ ಇಲ್ಲ’ ಎಂದು ಮಾಧವ ನಾಯಕ ಅವರು ಮಾಹಿತಿ ನೀಡಿದ್ದಾರೆ. `ಈ ಬಗ್ಗೆ ಕೇಳಿದರೆ ಸರ್ಕಾರ ಹಣ ಬಿಡುಗಡೆ ಮಾಡಿಲ್ಲ. ನಮ್ಮ ಕೈನಲ್ಲಿ ಏನು ಇಲ್ಲ ಎನ್ನುತ್ತಾರೆ. ಈ ಬಗ್ಗೆ ವೈದ್ಯಕೀಯ ಶಿಕ್ಷಣ ಸಚಿವರಿಗೂ ತಿಳಿಸಿದ್ದಾಗಿ ಹೇಳಿದಾಗ ಮಾತು ಬದಲಿಸಿ, ‘ಬೇರೆ ಕಡೆಯಿಂದ ನಿಂದ ಪಾವತಿ ಮಾಡುತ್ತೇವೆ ಅಂತ ಸಬೂಬು ಹೇಳುತ್ತಾರೆ. ಇಷ್ಟೇ ಅಲ್ಲದೇ, ಗೃಹ ವೈದ್ಯರುಗಳಿಗೆ ಮೊದಲು ತಿಂಗಳಿಗೆ ಇದ್ದ ಒಂದು ಸಾವಿರ ರೂ. ಹಾಸ್ಟೆಲ್ ಫೀಸ್, ನಿರ್ದೇಶಕರು ಬದಲಾದ ಬಳಿಕ ಎರಡು ಸಾವಿರಕ್ಕೆ ಏರಿದೆ. ಇದನ್ನು ಕೇಳಿದರೂ ಹಾವೇರಿಯಲ್ಲಿ ಹೇಗೆ ಮಾಡಿದ್ದರೋ ಆ ರೀತಿ ಮಾಡಲು ಸರ್ಕಾರ ಹೇಳಿದೆ ಅದರಂತೆ ಮಾಡುತ್ತಿದ್ದೇವೆ ಎನ್ನುತ್ತಾರೆ. ಆದರೆ, ಹಾವೇರಿಯ ಕಾಲೇಜಿನ ನಿರ್ದೇಶಕರಾದ ಡಾ ಪ್ರದೀಪ್ ಅವರನ್ನು ಈ ಬಗ್ಗೆ ಫೋನಾಯಿಸಿ ಕೇಳಿದರೆ, ಅಲ್ಲಿ ಹಾಸ್ಟೆಲ್ ಫೀಸ್ ಪ್ರತಿ ತಿಂಗಳು 1200 ಇದೆ’ ಎಂಬ ಮಾಹಿತಿಯನ್ನು ಮಾಧವ ನಾಯಕ ಅವರು ರಿಯಾಲಿಟ್ ಚೆಕ್ ಮೂಲಕ ಕಂಡುಕೊoಡಿದ್ದಾರೆ. ಹುಬ್ಬಳ್ಳಿ ಕಾಲೇಜಿನ ಡಾ.ಈಶ್ವರ್ ಹೊಸ್ಮನಿ, ಬೆಳಗಾವಿ ಕಾಲೇಜಿನ ಡಾ ಅಶೋಕಕುಮಾರ್ ಶೆಟ್ಟಿ ಅವರಿಗೂ ಮಾಧವ ನಾಯಕ ಅವರು ಫೋನ್ ಮಾಡಿದ್ದು, ಅಲ್ಲಿಯೂ 1,200 ರೂಪಾಯಿಗಳಿಗಿಂತ ಕಡಿಮೆಯಿರುವುದು ಗೊತ್ತಾಗಿದೆ.
- [ಸಂಬಳದಲ್ಲಿ ಏರಿಕೆ-ಖರೀದಿಯಲ್ಲಿ ಡಿಸ್ಕೋಂಟ್: ಈ ಸೌಲಭ್ಯ ಸರ್ಕಾರಿ ನೌಕರರಿಗೆ ಮಾತ್ರ!](https://mobiletime.in/2025/10/salary-hike-discount-on-purchases-this-facility-is-only-for-government-employees/): ಸರ್ಕಾರಿ ನೌಕರರ ಕ್ಷೇಮಾಭಿವೃದ್ಧಿಗಾಗಿ ಶ್ರಮಿಸುತ್ತಿರುವ ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘ ರಾಜ್ಯದ ನೌಕರರಿಗೂ ಕೇಂದ್ರ ಸರ್ಕಾರದ ವೇತನ ಶ್ರೇಣಿ ಜಾರಿಗೆ ತರಲು ಶ್ರಮಿಸುತ್ತಿದೆ. `2026-27ರ ಅಂತ್ಯದೊಳಗೆ ಆ ಉದ್ದೇಶ ಈಡೇರಲಿದೆ’ ಎಂದು ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಸಿ ಎಸ್ ಷಡಾಕ್ಷರಿ ಹೇಳಿದ್ದಾರೆ. ಕಾರವಾರಕ್ಕೆ ಭೇಟಿ ನೀಡಿದ್ದ ಅವರು `ಸರ್ಕಾರಿ ನೌಕರರಿಗಾಗಿ ಮಿಲಿಟರಿ ಕ್ಯಾಂಟಿನ್ ಮಾದರಿಯ ಮಳಿಗೆ ನಿರ್ಮಿಸುತ್ತಿದ್ದು, ಅಲ್ಲಿ ಗೃಹಪಯೋಗಿ ವಸ್ತುಗಳು ಸೇರಿದಂತೆ ವಿವಿಧ ವಸ್ತುಗಳ ಖರೀದಿಗೆ ಶೇ 25ರಷ್ಟು ರಿಯಾಯತಿ ನೀಡಲಾಗುತ್ತದೆ. ಎಂಎಸ್‌ಐಎಲ್ ಮುಖಾಂತರ ಕ್ಯಾಂಟಿನ್ ಯೋಜನೆ ರೂಪಿಸಲಾಗುತ್ತಿದ್ದು, ಮೊದಲ ಹಂತದಲ್ಲಿ ಬೆಂಗಳೂರಿನಲ್ಲಿ ಅದು ಜಾರಿಗೆ ಬರಲಿದೆ. ನಂತರ ಎಲ್ಲಾ ಜಿಲ್ಲೆಗಳಲ್ಲಿಯೂ ಕ್ಯಾಂಟಿನ್ ಯೋಜನೆ ವಿಸ್ತರಣೆ ಮಾಡುತ್ತೇವೆ’ ಎಂದು ಘೋಷಿಸಿದ್ದಾರೆ. `ಸರ್ಕಾರಿ ನೌಕರರಿಗೆ ಹಬ್ಬದ ಮುಂಗಡವನ್ನು 25ಸಾವಿರದಿಂದ 50 ಸಾವಿರದವರೆಗೆ ಹೆಚ್ಚಳ, ಎನ್‌ಪಿಎಸ್ ಬದಲಾಗಿ ಒಪಿಎಸ್ ಜಾರಿಗೆ ತರುವ ಬಗ್ಗೆ ಸಂಘ ಸತತವಾಗಿ ಪ್ರಯತ್ನಿಸುತ್ತಿದೆ’ ಎಂದವರು ಹೇಳಿದ್ದಾರೆ. ಜೊತೆಗೆ `ರಾಜ್ಯದ ನೌಕರರು ನೆಮ್ಮದಿಯಂದ ಇರುವಂತೆ ಮಾಡುವುದು ಸಂಘದ ಕರ್ತವ್ಯವಾಗಿದೆ’ ಎಂದು ಪುನರುಚ್ಚರಿಸಿದ್ದಾರೆ. `ಸರ್ಕಾರಿ ನೌಕರರು ಕರ್ತವ್ಯದಲ್ಲಿರುವಾಗ ಮರಣ ಹೊಂದಿದರೆ 1 ಕೋಟಿ ರೂ ವಿಮೆ ದೊರೆಯುವ ಸ್ಯಾಲರಿ ಪ್ಯಾಕೇಜ್ ಜಾರಿಗೆ ತರಲಾಗಿದೆ. ಆರೋಗ್ಯ ಸಂಜೀವಿನಿ ಯೋಜನೆ ಅಕ್ಟೋಬರ್ 1ರಿಂದ ಜಾರಿಗೆ ತರಲಾಗಿದ್ದು, ಮೊದಲ ಹಂತದಲ್ಲಿ ಒಳರೋಗಿಗಳಾಗಿ ಹಾಗೂ ಮುಂದಿನ ದಿನಗಳಲ್ಲಿ ಹೊರ ರೋಗಿ ಸೌಲಭ್ಯ ಪಡೆಯಲು ಕ್ರಮವಹಿಸಲಾಗಿದೆ. ಮಹಿಳಾ ನೌಕರರು ತಮ್ಮ ತಂದೆ ತಾಯಿಗಳನ್ನು ಈ ಯೋಜನೆಗೆ ಸೇರಿಸಲು ಅವಕಾಶ ನೀಡಲಾಗಿದೆ’ ಎಂದವರು ಹೇಳಿದ್ದಾರೆ. `ಮಹಿಳೆಯರಿಗೆ ಋತುಚಕ್ರದ ಸಂದರ್ಭದಲ್ಲಿ ಪ್ರತಿ ತಿಂಗಳು 1 ರಂತೆ ವರ್ಷಕ್ಕೆ 12 ವಿಶೇಷ ಸಾಂದರ್ಭಿಕ ರಜೆಯನ್ನು ನೀಡುವಂತೆ ಕೋರಿದ ಸಂಘದ ಮನವಿಗೆ ಸ್ಪಂದಿಸಿದ ಸರ್ಕಾರವು ಸಚಿವ ಸಂಪುಟದಲ್ಲಿ ಇದಕ್ಕೆ ಅನುಮೋದನೆ ನೀಡಿದೆ. ಇನ್ನು ಕೆಲವೇ ದಿನಗಳಲ್ಲಿ ಅಧಿಕೃತ ಆದೇಶ ಸರ್ಕಾರ ಹೊರಡಿಸಲಿದ್ದು, ಇದರಿಂದ ರಾಜ್ಯದಲ್ಲಿ 2 ಲಕ್ಷ 25 ಸಾವಿರ ಮಹಿಳಾ ನೌಕರರಿಗೆ ಅನುಕೂಲವಾಗಲಿದೆ’ ಎಂದವರು ವಿವರಿಸಿದ್ದಾರೆ.
- [ಸಂಭ್ರಮದ ಮನೆಯಲ್ಲಿ ಸೂತಕ: ವಿದ್ಯುತ್ ತಂತಿ ಉರುಳಿ ದಂಪತಿ ಸಾವು!](https://mobiletime.in/2025/10/a-housewarming-party-couple-dies-after-falling-on-electric-wire/): ಹೊನ್ನಾವರದಲ್ಲಿ ಭಾನುವಾರ ರಾತ್ರಿ ವಿದ್ಯುತ್ ತಂತಿ ಹರಿದುಬಿದ್ದು ದಂಪತಿ ಸಾವನಪ್ಪಿದ್ದಾರೆ. ದೀಪಾವಳಿ ಹಬ್ಬದ ಸಡಗರದಲ್ಲಿದ್ದ‌ ಮನೆಯಲ್ಲಿ ಸೂತಕ ಆವರಿಸಿದೆ. ಭಾನುವಾರ ರಾತ್ರಿ ಹೊನ್ನಾವರ ತಾಲೂಕಿನ ಕಾಸರಕೋಡ ಬಟ್ಟೆ ವಿನಾಯಕ ಕೇರಿಯಲ್ಲಿ‌ ಈ ಅವಘಡ ನಡೆದಿದೆ. ಅಲ್ಲಿ‌ ಸಂತೋಷ ಗೌಡ ಹಾಗೂ ಅವರ ಪತ್ನಿ ಸೀತಾ ಗೌಡ ಸ್ಥಳದಲ್ಲಿಯೇ ಕೊನೆ ಉಸಿರೆಳೆದಿದ್ದಾರೆ. ಸದ್ಯ ಅವರ ಶವ ಆಸ್ಪತ್ರೆಯ ಶವಾಗಾರದಲ್ಲಿದೆ. ಈ ಗಂಡ ಹೆಂಡತಿ ಮರಣಕ್ಕೆ ಹೆಸ್ಕಾಂ ನಿರ್ಲಕ್ಷ ಕಾರಣ ಎಂದು ಸ್ಥಳೀಯರು ಆರೋಪಿಸಿದ್ದಾರೆ. ನ್ಯಾಯ ಸಿಗುವವರೆಗೂ ಮೃತದೇಹ ಪಡೆಯುದಿಲ್ಲ ಎಂದು ಕುಟುಂಬದವರು ಪ್ರತಿಭಟನೆ ನಡೆಸುತ್ತಿದ್ದಾರೆ. ಸಾರ್ವಜನಿಕರು ಸಹ ಆಕ್ರೋಶವ್ಯಕ್ತಪಡಿಸಿದ್ದು, ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದಾರೆ. ಆಸ್ಪತ್ರೆ ಬಳಿ ನೂರಾರು ಜನ ಜಮಾಯಿಸಿದ್ದು,‌ ಇನ್ನಷ್ಟು ಜನ ಬರುತ್ತಿದ್ದಾರೆ. ಸಂತೋಷ ಗೌಡ ಹಾಗೂ ಸೀತಾ ಗೌಡ ದಂಪತಿಗೆ ಇಬ್ಬರು ಗಂಡು ಮಕ್ಕಳಿದ್ದಾರೆ. ಪಾಲಕರ‌ ನಿಧನದಿಂದ ಅವರು ತಬ್ಬಲಿಯಾಗಿದ್ದಾರೆ. ಮೃತರ ಬಂಧು-ಮಿತ್ರರು ಆಸ್ಪತ್ರೆ ಬಳಿ‌ ಜಮಾಯಿಸಿದ್ದು,‌ ಪ್ರತಿಭಟನೆ ಇನ್ನಷ್ಟು ತೀವೃತೆಪಡೆದಿದೆ.
- [2025 ಅಕ್ಟೊಬರ್ 20ರ ದಿನ ಭವಿಷ್ಯ](https://mobiletime.in/2025/10/prediction-for-october-20-2025/): ಮೇಷ ರಾಶಿ: ಕಚೇರಿ ಕೆಲಸದಲ್ಲಿ ನೆಮ್ಮದಿಯ ವಾತಾವರಣ ಸಿಗಲಿದೆ. ನಿಮ್ಮ ಶ್ರಮಕ್ಕೆ ಮೆಚ್ಚುಗೆಯ ಮಾತು ಕೇಳಿಬರಲಿದೆ. ಸಾಲಗಳು ದೂರವಾಗಲಿದೆ. ವೃಷಭ ರಾಶಿ: ಕಲಾತ್ಮಕ ಕ್ಷೇತ್ರದಲ್ಲಿರುವವರಿಗೆ ಯಶಸ್ಸು ಸಿಗಲಿದೆ. ಸ್ವಂತ ಉದ್ಯೋಗ ಶುರು ಮಾಡುವವರಿಗೆ ಲಾಭ ಸಾಧ್ಯವಿದೆ. ಅನಿರೀಕ್ಷಿತ ಲಾಭ ಹಾಗೂ ವಾಹನ-ಮನೆ ಖರಿದಿ ಯೋಗವಿದೆ. ಮಿಥುನ ರಾಶಿ: ನಿಮ್ಮೊಳಗಿನ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಸವಾಲುಗಳನ್ನು ಧೈರ್ಯವಾಗಿ ಎದುರುಸುತ್ತೀರಿ. ಉದ್ಯೋಗದಲ್ಲಿ ಲಾಭ ಆಗಲಿದ್ದು, ಹೂಡಿಕೆಯಲ್ಲಿಯೂ ಯಶಸ್ಸು ಸಾಧ್ಯವಿದೆ. ಕರ್ಕ ರಾಶಿ: ನಿಮ್ಮ ಮನಸ್ಸು ಶಾಂತಿ ಬಯಸುತ್ತಿದ್ದು, ಧ್ಯಾನ ಮಾಡಿ. ಹೊಸ ಯೋಜನೆಗಳನ್ನು ಜಾರಿಗೆ ತರಲು ಪ್ರಯತ್ನಿಸಿ. ಕುಟುಂಬದವರ ಜೊತೆ ಕಾಲ ಕಳೆಯುವುದು ಮುಖ್ಯ. ಸಿಂಹ ರಾಶಿ: ವೃತ್ತಿ ಜೀವನದಲ್ಲಿ ಪ್ರಗತಿ ಆಗಲಿದೆ. ಹಣಕಾಸು ವಿಷಯದಲ್ಲಿ ಉನ್ನತಿ ಸಾಧ್ಯವಿದೆ. ಪ್ರೀತಿ-ಪ್ರೇಮ ವಿಚಾರವಾಗಿ ಮಾತನಾಡಲು ಸೂಕ್ತ ಸಮಯ. ಕನ್ಯಾ ರಾಶಿ: ಗಂಭೀರ ವಿಷಯಗಳ ಬಗ್ಗೆ ಈ ದಿನ ಚಿಂತಿಸಬೇಡಿ. ಹಾಸ್ಯದಿಂದ ಜೀವನ ನಡೆಸಿ. ಒಳ್ಳೆಯ ಮಾತುಗಳು ನಿಮಗೆ ಪ್ರೇರಣೆ ನೀಡಲಿದೆ. ತುಲಾ ರಾಶಿ: ಹಣಕಾಸು ವ್ಯವಹಾರ ಸರಾಗವಾಗಿರಲಿದೆ. ಕೆಲಸದ ವಿಷಯದಲ್ಲಿ ಜಾಗೃತಿ ಅಗತ್ಯ. ಕೋಪ ಮಾಡಿಕೊಂಡರೆ ನಿಮಗೆ ಹಾನಿ. ವೃಶ್ಚಿಕ: ಹೊಸ ಬಗೆಯ ಯೋಜನೆಗಳಿಗೆ ಇದು ಸಕಾಲ. ಆಂತರಿಕ ಬೆಳವಣಿಗೆಗೆ ಓದು ಸಹಕಾರಿ. ಸಂವಹನದ ವಿಷಯದಲ್ಲಿ ಎಚ್ಚರಿಕೆವಹಿಸಿ. ಧನು ರಾಶಿ: ಈ ದಿನ ನಿಮಗೆ ಸಾಹಸಮಯ ಚಟುವಟಿಕೆಗಳಿಗೆ ಸಹಕಾರಿಯಾಗಿದೆ. ಧೈರ್ಯದಿಂದ ಕೆಲಸ ಮಾಡಿ. ಸ್ನೇಹಿತರ ಜೊತೆ ಕಾಲ ಕಳೆಯಿರಿ. ಮಕರ ರಾಶಿ: ಕಠಿಣ ಶ್ರಮದಿಂದ ಮಾತ್ರ ಉನ್ನತಿ ಸಾಧ್ಯವಿದೆ. ಆದಾಯಕ್ಕೆ ಹೊಸ ಮಾರ್ಗ ಸಿಗಲಿದ್ದರೂ ಆರೋಗ್ಯದ ಬಗ್ಗೆ ಯೋಚಿಸುವುದು ಅಗತ್ಯ. ಹಳೆಯ ಕೆಲಸಗಳನ್ನು ಮೊದಲು ಮುಗಿಸುವುದು ಉತ್ತಮ. ಕುಂಭ ರಾಶಿ: ನಿಮ್ಮ ಬುದ್ಧಿವಂತಿಕೆಯ ಬಗ್ಗೆ ಜನರಲ್ಲಿ ಮೆಚ್ಚುಗೆ ಸಿಗಲಿದೆ. ಹೊಸ ಸ್ನೇಹಿತರ ಪರಿಚಯ ಆಗಲಿದೆ. ಕಲಾ ಚಟುವಟಿಕೆಗಳಲ್ಲಿ ಭಾಗವಹಿಸುತ್ತೀರಿ. ಮೀನ ರಾಶಿ: ನಿಮ್ಮೊಳಗಿನ ಕ್ರಿಯಾತ್ಮಕ ಚಟುವಟಿಕೆಗಳು ಹೊರ ಬರಲಿದೆ. ಕಷ್ಟ ದೂರವಾಗಿ ನೆಮ್ಮದಿ ಸಿಗಲಿದೆ. ಪ್ರೇಮ ವಿಚಾರಗಳಲ್ಲಿ ಯಶಸ್ಸು ಸಾಧ್ಯವಿದೆ.
- [ಹಳೆ ದ್ವೇಷ: ಹೊಸ ಹೊಡೆದಾಟ!](https://mobiletime.in/2025/11/old-hatred-new-fight/): ಗೋಕರ್ಣದ ಈಶ್ವರ ಜಾದವ್ ಅವರ ಮೇಲೆ ಸಂತೋಷ ಜೋಡನಕರ್ ಹಾಗೂ ರಾಜು ಜೋಡನಕರ್ ಎಂಬ ಸಹೋದರರು ದಾಳಿ ಮಾಡಿದ್ದಾರೆ. ಅವರಿಬ್ಬರ ದಾಳಿಗೆ ಈಶ್ವರ ಜಾದವ್ ಅವರು ತತ್ತರಿಸಿದ್ದಾರೆ. ನವೆಂಬರ್ 3ರ ರಾತ್ರಿ ಈಶ್ವರ ವಿಠೋಬಾ ಚಾದವ್ ಅವರು ತಮ್ಮ ಮನೆ ಮುಂದೆ ನಿಂತಿದ್ದರು. ಸಂಬAಧಿ ಸಂತೋಷ ತುಕಾರಾಮ ಜೋಡನಕರ್ ಅವರ ಜೊತೆ ಅವರು ಮಾತನಾಡುತ್ತಿದ್ದರು. ಆಗ ಅಲ್ಲಿ ಸಂತೋಷ ತುಕಾರಾಮ ಜೋಡನಕರ್ ಹಾಗೂ ರಾಜು ತುಕಾರಾಮ ಜೋಡನಕರ್ ದೊಣ್ಣೆ ಹಿಡಿದು ಬಂದರು. ವಿಶ್ವನಾಥ ಜೋಡನಕರ್ ಅವರ ಬಳಿ ಮಾತನಾಡುತ್ತಿರುವಾಗಲೇ ಅವರಿಬ್ಬರು ಈಶ್ವರ ಜಾದವ್ ಅವರ ಮೇಲೆ ಆಕ್ರಮಣ ನಡೆಸಿದರು. ಕಟ್ಟಿಗೆ ಹಿಡಿದು ಬಡಿದ ಪರಿಣಾಮ ಈಶ್ವರ ಜಾದವ್ ಅವರ ಕೈ, ಕಾಲು, ಮಂಡಿ ಹಾಗೂ ತಲೆಗೆ ಪೆಟ್ಟಾಯಿತು. ಈ ಹೊಡೆದಾಟಕ್ಕೆ ಕಾರಣ ಗೊತ್ತಾಗಲಿಲ್ಲ. ನೋವು ತಿಂದ ಈಶ್ವರ ಜಾದವ್ ಅವರು ಗೋಕರ್ಣ ಪೊಲೀಸರ ಬಳಿ ತಮ್ಮ ಸಮಸ್ಯೆ ಹೇಳಿದರು. ದಾಳಿ ನಡೆಸಿದ ಸಹೋದರರ ವಿರುದ್ಧ ದೂರು ನೀಡಿ, ಪ್ರಕರಣ ದಾಖಲಿಸಿದರು.
- [ಅಪಘಾತದ ನೋವಿಗೆ ನೇಣಿಗೆ ಶರಣಾದ!](https://mobiletime.in/2025/11/he-committed-suicide-due-to-the-pain-of-the-accident/): ಮೂರು ವರ್ಷದ ಹಿಂದೆ ನಡೆದ ರಸ್ತೆ ಅಪಘಾತದಿಂದ ನೋವು ಅನುಭವಿಸುತ್ತಿದ್ದ ಕುಮಟಾದ ಮಂಜುನಾಥ ಗೌಡ ಅವರು ಮಾನಸಿಕವಾಗಿ ಕುಗ್ಗಿದ್ದು, ಅದೇ ನೋವಿನಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕುಮಟಾ ಹೊಳೆಗದ್ದೆ ಅಂಬ್ಲಿಕೇರಿಯಲ್ಲಿ ಮಂಜುನಾಥ ಬೀರಾ ಗೌಡ (44) ಅವರು ವಾಸವಾಗಿದ್ದರು. 3 ವರ್ಷದ ಹಿಂದೆ ಅವರಿಗೆ ಅಪಘಾತವಾಗಿದ್ದು, ಅದಾದ ನಂತರ ಚೇತರಿಸಿಕೊಂಡಿದ್ದರು. ಆದರೆ, ಅಪಘಾತದ ತರುವಾಯ ಅವರು ಮಾನಸಿಕ ಅಸ್ವಸ್ಥರಂತೆ ವರ್ತಿಸಲು ಶುರು ಮಾಡಿದ್ದರು. ಸೆಂಟ್ ಇಗ್ನೇಶಿಯನ್ಸ್ ಆಸ್ಪತ್ರೆಯಲ್ಲಿ ಮಂಜುನಾಥ ಗೌಡ ಅವರಿಗೆ ಚಿಕಿತ್ಸೆ ನಡೆಯುತ್ತಿತ್ತು. ಹೀಗಿರುವಾಗ ನವೆಂಬರ್ 3ರಂದು ಮನೆ ಹಿಂದಿನ ಕಾಡಿಗೆ ಹೋದ ಅವರು ಅಲ್ಲಿದ್ದ ಕಾಡು ಜಾತಿಯ ಗಿಡಕ್ಕೆ ಸೀರೆ ಬಿಗಿದರು. ಅದಕ್ಕೆ ನೇಣು ಹಾಕಿಕೊಂಡು ಸಾವನಪ್ಪಿದರು. ಪತಿ ಸಾವಿನ ಬಗ್ಗೆ ಕುಟ್ನಿ ಗೌಡ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕುಮಟಾ ಪೊಲೀಸರು ಸ್ಥಳ ಪರಿಶೀಲನೆ ಮಾಡಿದ್ದು, ಪ್ರಕರಣ ದಾಖಲಿಸಿದ್ದಾರೆ.
- [ವೃದ್ಧನ ಜೀವ ತೆಗೆದ ಸ್ಕೂಟಿ](https://mobiletime.in/2025/11/scooty-that-took-the-life-of-an-elderly-man/): ಮುಂಡಗೋಡ ಕರಗಿಕೊಪ್ಪದ ಪ್ರವೀಣ ಲಮಾಣಿ ಅವರು ಅಡ್ಡಾದಿಡ್ಡಿ ಸ್ಕೂಟಿ ಓಡಿಸಿದ್ದು, ಅವರ ಬೈಕ್ ಗುದ್ದಿದ ಪರಿಣಾಮ ನೆಹರು ನಗರದ ವಿಠ್ಠಲರಾವ್ ರಾಂಪುರೆ ಅವರು ಸಾವನಪ್ಪಿದ್ದಾರೆ. ಗಂಭೀರ ಗಾಯಗೊಂಡಿದ್ದ ವಿಠ್ಠಲರಾವ್ ರಾಂಪುರೆ ಅವರನ್ನು ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಿದರೂ ಅವರು ಬದುಕಲಿಲ್ಲ. ಅಕ್ಟೊಬರ್ 23ರಂದು ರಾತ್ರಿ ಮುಂಡಗೋಡಿನ ಬಂಡಿಗೇರಿ ಪೆಟ್ರೋಲ್ ಬಂಕಿನ ಬಳಿ ಮುಂಡಗೋಡು ಬಸ್ ನಿಲ್ದಾಣದ ಕಡೆ ವಿಠ್ಠಲರಾವ್ ರಾಂಪುರೆ (79) ಅವರು ನಡೆದು ಹೋಗುತ್ತಿದ್ದರು. ಪ್ರವೀಣ ಲಮಾಣಿ ಅವರು ವೇಗವಾಗಿ ಸ್ಕೂಟಿ ಓಡಿಸಿಕೊಂಡು ಬಂದವರು ವಿಠ್ಠಲರಾವ್ ಅವರಿಗೆ ಡಿಕ್ಕಿ ಹೊಡೆದರು. ಪರಿಣಾಮ ವಿಠ್ಠಲರಾವ್ ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ವಿಠ್ಠಲರಾವ್ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಯಿತು. ಕೈ-ಕಾಲುಗಳಿಗೆ ಸಹ ನೋವಾಯಿತು. ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಯಿತು. ಮಾವನಿಗೆ ಸ್ಕೂಟಿ ಗುದ್ದಿದ ಬಗ್ಗೆ ನೆಹರು ನಗರದ ನರ್ಸ ಪೂಜಾ ರಾಂಪುರೆ ಅವರು ಪೊಲೀಸ್ ದೂರು ನೀಡಿದ್ದರು. ಕಿಮ್ಸ್ ಆಸ್ಪತ್ರೆಯಲ್ಲಿ ಉಪಚಾರದಲ್ಲಿದ್ದ ವಿಠ್ಠಲರಾವ್ ಅವರು ನವೆಂಬರ್ 4ರಂದು ಕೊನೆಯುಸಿರೆಳೆದರು. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’  
- [ಹೊಂಡ ಹಾರಿದ ಟಿಪ್ಪರಿನ ಟಯರ್ ಬ್ಲಾಸ್ಟ್!](https://mobiletime.in/2025/11/tippers-tire-explodes-after-hitting-a-pothole/): ಶಿರಸಿ ರಸ್ತೆಯಲ್ಲಿನ ಹೊಂಡಕ್ಕೆ ಸಿಲುಕಿ ಲಾರಿಯ ಟೈಯರ್ ಬ್ಲಾಸ್ಟ್ ಆಗಿದೆ. ಪರಿಣಾಮ ಹೊಂಡದಲ್ಲಿದ್ದ ಕಲ್ಲುಗಳು ರಿಕ್ಷಾವೊಂದರ ಗಾಜು ಒಡೆದಿದ್ದು,  ವ್ಯಕ್ತಿಯೊಬ್ಬರಿಗೆ ಗಾಯವಾಗಿದೆ ಶಿರಸಿಯ ಎಲ್ಲೆಂದರಲ್ಲಿ ರಸ್ತೆ ಮೇಲೆ ಹೊಂಡ ಬಿದ್ದಿದೆ. ಕೋಟೆಕರೆ ರಸ್ತೆಯಲ್ಲಿಯೂ ಭಾರೀ ಪ್ರಮಾಣದ ಹೊಂಡ ಬಿದ್ದಿದೆ. ಬುಧವಾರ ಟಿಪ್ಪರ್ ವಾಹನವೊಂದು ಆ ರಸ್ತೆ ಮಾರ್ಗವಾಗಿ ಸಂಚರಿಸಿದ್ದು, ಮಾರಿಗುಡಿ ಸರ್ಕಲ್ ಹೋಗುವ ಬದಿಯಲ್ಲಿ ಆ ಟಿಪ್ಪರಿನ ಹೊಂಡಕ್ಕೆ ಬಿದ್ದು ಪಂಚರ್ ಆಗಿದೆ. ಪಂಚರ್ ಆದ ರಭಸಕ್ಕೆ ಹೊಂಡದಲ್ಲಿದ್ದ ಕಲ್ಲುಗಳು ಚಲ್ಲಾಪಿಲ್ಲಿಯಾಗಿ ಹಾರಿವೆ. ಆ ಕಲ್ಲುಗಳು ಸಮೀಪದ ರಿಕ್ಷಾವೊಂದಕ್ಕೆ ತಾಗಿದ್ದು, ರಿಕ್ಷಾದ ಮುಂದಿನ ಎರಡು ಲೈಟುಗಳು ಒಡೆದಿವೆ. ಇನ್ನೊಂದು ಕಲ್ಲು ವ್ಯಕ್ತಿಯೊಬ್ಬರ ಬೆನ್ನಿಗೆ ತಾಗಿ ಅವರಿಗೆ ಗಾಯವಾಗಿದೆ. ಟೈಯರ್ ಸ್ಪೋಟದ ಗಾಳಿಗೆ ರಸ್ತೆ ಮೇಲಿದ್ದ ಜಲ್ಲಿ ಕಲ್ಲುಗಳು ಸಹ ಎಲ್ಲೆಂದರಲ್ಲಿ ಹಾರಿದ್ದು, ಆ ವೇಳೆ ಜನ ಸಂಚಾರ ಇದ್ದರೂ ದೊಡ್ಡ ಅಪಾಯ ಸಂಭವಿಸಿಲ್ಲ. ರಸ್ತೆ ಅವ್ಯವಸ್ಥೆ ಖಂಡಿಸಿ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಅಧಿಕಾರಿಗಳನ್ನು ಸಹ ತರಾಟೆಗೆ ತೆಗೆದುಕೊಂಡಿದ್ದಾರೆ.
- [ವಂದೇ ಮಾತರಂ: ಇದೇ ನಮ್ಮ ನಿಜವಾದ ರಾಷ್ಟ್ರಗೀತೆ](https://mobiletime.in/2025/11/vande-mataram-this-is-our-true-national-anthem/): `ವಂದೇ ಮಾತರಂ ಗೀತೆಯೇ ನಮ್ಮ ರಾಷ್ಟ್ರಗೀತೆ’ ಎಂದು ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. `ಜನಗಣಮನ ಎಂಬುದು ಬ್ರಿಟಿಷರನ್ನು ಸ್ವಾಗತಿಸಲು ರಚಿಸಿದ ಗೀತೆ’ ಎಂದವರು ಹೇಳಿದ್ದಾರೆ. ಹೊನ್ನಾವರದಲ್ಲಿ ನಡೆದ ರಾಷ್ಟ್ರೀಯ ಏಕತಾ ನಡಿಗೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಮಾತನಾಡಿದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು `ನಾವು ಹಾಡುವ ಜನಗಣಮನ ಮೂಲದಲ್ಲಿ ಬ್ರಿಟಿಷರ ಸ್ವಾಗತ ಗೀತೆಯಾಗಿ ಬರೆಯಲ್ಪಟ್ಟಿತ್ತು. ಈ ವಿಷಯ ಅನೇಕರಿಗೆ ಅರಿವಿದೆ’ ಎಂದಿದ್ದಾರೆ. `ವಂದೇ ಮಾತರಂ ಗೀತೆ ದೇಶದ ಸ್ವಾತಂತ್ರ‍್ಯ ಹೋರಾಟದಲ್ಲಿ ಪ್ರಮುಖ ಪಾತ್ರ ವಹಿಸಿದೆ. `R S S ಶತಮಾನೋತ್ಸವದ ಪ್ರಯುಕ್ತ ವಂದೇ ಭಾರತ ಭಾವನೆ ಮತ್ತೆ ಎಲ್ಲೆಡೆ ಪಸರಿಸಬೇಕು’ ಎಂದವರು ಕರೆ ನೀಡಿದರು. `ಈ ಹಿಂದೆ ಜನಗಣಮನ ಹಾಗೂ ವಂದೇ ಮಾತರಂ ಎರಡೂ ರಾಷ್ಟ್ರಗೀತೆಯಿರಲಿ ಹಿರಿಯರು ಹೇಳಿದರು. ಹೀಗಾಗಿ ಎರಡೂ ಚಾಲ್ತಿಯಲ್ಲಿದೆ. ಈಗ ಮತ್ತೆ ಇತಿಹಾಸ ಕೆದಕುವ ಉದ್ದೇಶವಿಲ್ಲ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ಈ ಮಾತು ಸದ್ಯ ರಾಜಕೀಯ ವಲಯದ ಚರ್ಚೆಗೆ ಕಾರಣವಾಗಿದೆ. ಅವರ ವಿಡಿಯೋ ಎಲ್ಲಡೆ ಹರಿದಾಡುತ್ತಿದ್ದು, ಪರ-ವಿರೋಧವಾಗಿ ಜನ ಮಾತು ಶುರು ಮಾಡಿದ್ದಾರೆ.
- [ಡಿಸ್ಕೌಂಟ್ ಸೇಲ್: ಕಾಸು ಕೊಟ್ಟವರಿಗೆ ಮಕ್ಮಲ್ ಟೋಪಿ!](https://mobiletime.in/2025/11/discoteque-sale-a-fancy-hat-for-those-who-pay/): ಗೃಹ ಉಪಯೋಗಿ ವಸ್ತುಗಳನ್ನು ಅರ್ದ ಬೆಲೆಯಲ್ಲಿ ನೀಡುವುದಾಗಿ ಘೋಷಿಸಿದ್ದ ಭಟ್ಕಳದ `ಗ್ಲೋಬಲ್ ಇಂಟರ್ನ್ಯಾಷನಲ್’ ಮಳಿಗೆ ಬಾಗಿಲು ಮುಚ್ಚಿದೆ. ವಿಶೇಷ ಆಫರ್ ಎಂದು ಜನರನ್ನು ನಂಬಿಸಿ ಮುಂಗಡ ಹಣಪಡೆದವ ಪರಾರಿಯಾಗಿದ್ದು, ಕಾಸು ಕೊಟ್ಟವರು ಅಂಗಡಿ ಮುಂದೆ ಜಮಾಯಿಸಿದ್ದಾರೆ. ಭಟ್ಕಳ ಪಟ್ಟಣದ ರಥಬೀದಿಯ ಯೂನಿಯನ್ ಬ್ಯಾಂಕ್ ಎದುರಿನ ಕಾಂಪ್ಲೆಕ್ಸಿನಲ್ಲಿ ಈಚೆಗೆ ‘ಗ್ಲೋಬಲ್ ಇಂಟರ್ನ್ಯಾಷನಲ್’ ಎಂಬ ಮಳಿಗೆ ಶುರುವಾಗಿತ್ತು. ತಮಿಳುನಾಡು ಮೂಲದ ಉದಯಕುಮಾರ್ ರೇಂಗರಾಜು ಎಂಬಾತರು ಇಲ್ಲಿ ಮಳಿಗೆ ತೆರೆದಿದ್ದು, ಆರು ಜನರನ್ನು ಕೆಲಸಕ್ಕೆ ನೇಮಿಸಿಕೊಂಡಿದ್ದರು. ಗೃಹ ಉಪಯೋಗಿ ವಸ್ತು ಪೂರೈಕೆಗಾಗಿ ಅನೇಕರಿಂದ ಮುಂಗಡ ಹಣ ಸ್ವೀಕರಿಸಿದ್ದರು. 25 ದಿನಗಳ ಅವಧಿಯಲ್ಲಿ ಅವರು ಲಕ್ಷಾಂತರ ರೂ ರಸೀದಿ ಹರಿದಿದ್ದರು. ಮಾರುಕಟ್ಟೆ ದರಕ್ಕಿಂತ ಕಡಿಮೆ ಬೆಲೆಗೆ ವಿವಿಧ ವಸ್ತು ಕೊಡುವುದಾಗಿ ಅವರು ನಂಬಿಸಿದ್ದರು. ಸಾಕಷ್ಟು ಜನ ಇಲ್ಲಿ ಆಗಮಿಸಿ ಮುಂಗಡ ಹಣ ನೀಡಿದ್ದರು. ಮೊದಲ ವಾರ ಟಿವಿ, ಪ್ರಿಜ್, ಎಸಿ ಸೇರಿ ಅನೇಕ ವಸ್ತುಗಳನ್ನು ಮಳಿಗೆಯವರು ಕಾಸು ಕೊಟ್ಟವರ ಮನೆಗೆ ತಲುಪಿಸಿದ್ದರು. ಇದರಿಂದ ಇನ್ನಷ್ಟು ಗ್ರಾಹಕರು ಬಂದು ಹಣ ಪಾವತಿ ಮಾಡಿದ್ದರು. ತಮಗೆ ಇಷ್ಟವಾದ ಸಾಮಗ್ರಿ ಬುಕ್ ಮಾಡಿ ಹೋಗಿದ್ದರು. ಕೆಲವರು 1 ಲಕ್ಷ ರೂಪಾಯಿಗೂ ಅಧಿಕ ಮೊತ್ತದ ಹಣ ಪಾವತಿಸಿದ್ದರು. ಈ ಎಲ್ಲಾ ಹಣ ಸಂಗ್ರಹಿಸಿದ ಉದಯಕುಮಾರ್ ರೇಂಗರಾಜು ಊರು ಬಿಟ್ಟು ಪರಾರಿಯಾದರು. ಬುಧವಾರ ಬೆಳಿಗ್ಗೆ ಅಂಗಡಿ ಬಾಗಿಲು ಮುಚ್ಚಿರುವುದನ್ನು ಕಂಡು ಗ್ರಾಹಕರು ಬೆಚ್ಚಿ ಬಿದ್ದರು. ತಾವು ಕೊಟ್ಟ ಹಣ ಮರಳಿಸಬೇಕು ಎಂದು ಪಟ್ಟುಹಿಡಿದರು. ಜನರೇ ಮಳಿಗೆಯ ಒಳಗೆ ನುಗ್ಗಿ ಬಾಗಿಲು ಒಡೆಯಲು ಪ್ರಯತ್ನಿಸಿದ್ದು, ಪೊಲೀಸರು ಇದನ್ನು ತಡೆದರು. ಹಣ ಕಳೆದುಕೊಂಡವರು ದೂರು ನೀಡಿದರೆ ಕ್ರಮ ಜರುಗಿಸುವುದಾಗಿ ಪೊಲೀಸರು ಹೇಳಿದರು.
- [ನಿಧಿ ಆಸೆಗೆ ಕೋಟೆ ಕೊರೆದರು!](https://mobiletime.in/2025/11/they-dug-a-fort-for-the-sake-of-treasure/): ನಿಧಿ ಆಸೆಗಾಗಿ ದುರುಳರು ಶಿರಸಿಯ ಐತಿಹಾಸಿಕ ಸೋಂದಾ ಕೋಟೆ ಕೊರೆದಿದ್ದಾರೆ. ಕೋಟೆಯ ಆಳಕ್ಕೆ 5 ಅಡಿ ಕೊರೆಯಲಾಗಿದ್ದು, ನಿಧಿ ಸಿಗದೇ ದುಷ್ಟರು ಮರಳಿದ್ದಾರೆ! ಶಿರಸಿಯಿಂದ 17ಕಿಮೀ ದೂರದಲ್ಲಿ ಸೋಂದಾ ಕೋಟೆಯಿದೆ. ಪುರಾತತ್ವ ಇಲಾಖೆ ಅಧೀನದಲ್ಲಿ ಈ ಕೋಟೆ ಬರುತ್ತದೆ. 24 ಎಕರೆ ಪ್ರದೇಶದಲ್ಲಿರುವ ಈ ಕೋಟೆಯನ್ನು 1542ರಲ್ಲಿ ನಿರ್ಮಿಸಿದ ಬಗ್ಗೆ ದಾಖಲೆಗಳಿವೆ. ನಿರ್ವಹಣೆ ಕೊರತೆಯಿಂದ ಕೋಟೆ ಅಸ್ತವಸ್ಥವಾಗಿದ್ದು, ಇಲ್ಲಿ ನಿಧಿ ಇದೆ ಎಂಬ ವದಂತಿ ಮೊದಲಿನಿಂದಲೂ ಕೇಳಿ ಬರುತ್ತಿದೆ. 2023ರಲ್ಲಿ ಸಹ ಒಮ್ಮೆ ದುರುಳರು ನಿಧಿ ಆಸೆಗಾಗಿ ಕೋಟೆಗೆ ಭಗ್ನ ತಂದಿದ್ದರು. ಕೋಟೆಯ ಅನೇಕ ಕಡೆ ಅಗೆದು ಶೋಧ ನಡೆಸಿದ್ದರು. ಅದಾದ ನಂತರ ಪುರಾತತ್ವ ಇಲಾಖೆ ಕೋಟೆ ಕಾವಲಿಗೆ ಅಧಿಕಾರಿ ನೇಮಿಸಿದ್ದು, ಅದರ ನಡುವೆಯೂ ಸದ್ಯ ಕಳ್ಳರು ಮತ್ತೊಮ್ಮೆ ಕೊಟೆಯ ಬುಡಕ್ಕೆ ಕೈ ಹಾಕಿದ್ದಾರೆ. ವಾರದ ಹಿಂದೆ ಕೋಟೆ ಅಗೆದ ಅನುಮಾನಗಳಿವೆ. ಕೋಟೆಯಲ್ಲಿರುವ ಕಲ್ಲಿನ ಮಂಚದ ಅಡಿ ಅಗೆಯಲಾಗಿದ್ದು, ಅಲ್ಲಿಯೇ ಮಣ್ಣಿನ ರಾಶಿ ಬಿದ್ದಿದೆ. ಪುರಾತತ್ವ ಇಲಾಖೆಯವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಉತ್ತರ ಕನ್ನಡ: ಎಂಟು ಕಡೆ ಲೋಕಾಯುಕ್ತ ದಾಳಿ!](https://mobiletime.in/2025/11/uttara-kannada-lokayukta-attacks-from-eight-directions/): ಉತ್ತರ ಕನ್ನಡ ಜಿಲ್ಲೆಯ ಎಂಟು ನೋಂದಣಾಧಿಕಾರಿ ಕಚೇರಿ ಮೇಲೆ ಬುಧವಾರ ಲೋಕಾಯುಕ್ತ ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ಈ ಎಲ್ಲಾ ಕಚೇರಿಗಳ ಮೇಲೆ ಏಕಕಾಲಕ್ಕೆ ದಾಳಿ ನಡೆದಿದ್ದು, ದಾಖಲೆಗಳ ಶೋಧ ನಡೆಸಿದ್ದಾರೆ. ಧಾರವಾಡದ ಯೂಟೂಬರ್ ಮುಕಳೆಪ್ಪ ಅವರು ನಕಲಿ ದಾಖಲೆ ನೀಡಿ ಮುಂಡಗೋಡಿನ ನೋಂದಣಾಧಿಕಾರಿ ಕಚೇರಿಯಲ್ಲಿ ವಿವಾಹ ನೋಂದಣಿ ಆಗಿದ್ದರು. ಹಿಂದು ಯುವತಿ ಗಾಯತ್ರಿ ಅವರನ್ನು ಫುಸಲಾಯಿಸಿ ಮದುವೆ ಆದ ಕಾರಣ ಗಾಯತ್ರಿ ಅವರ ತಾಯಿ ಶಿವಕ್ಕ ಅವರು ಕಿಡಿಕಾರಿದ್ದರು. ಇದೇ ವಿಷಯವಾಗಿ ವಿವಿಧ ಕಡೆ ಪ್ರತಿಭಟನೆಗಳು ನಡೆದಿದ್ದು, ನಕಲಿ ದಾಖಲೆ ಕೊಟ್ಟರೂ ವಿವಾಹ ಮಾಡಿಸಿದ ಅಧಿಕಾರಿಗಳ ವಿರುದ್ಧ ಆಕ್ರೋಶವ್ಯಕ್ತವಾಗಿತ್ತು. ಮುಂಡಗೋಡು ನೋಂದಣಾಧಿಕಾರಿ ಕಚೇರಿ ಅಧಿಕಾರಿ-ಸಿಬ್ಬಂದಿ ವಿರುದ್ಧ ಪೊಲೀಸ್ ಪ್ರಕರಣ ಸಹ ದಾಖಲಾಗಿತ್ತು. ಅದರ ಮುಂದುವರೆದ ಭಾಗವಾಗಿ ನೋಂದಣಾಧಿಕಾರಿ ಕಚೇರಿಯಲ್ಲಿ ನಕಲಿ ದಾಖಲೆ ನೀಡಿ ವಿವಾಹವಾದ ಅನೇಕ ಪ್ರಕರಣಗಳಿರುವ ಬಗ್ಗೆ ಜನ ದೂರಿದ್ದರು. ಈ ಹಿನ್ನಲೆ ಲೋಕಾಯುಕ್ತ ಪೊಲೀಸರು ಬುಧವಾರ ಮುಂಡಗೋಡು ಸೇರಿ ಜಿಲ್ಲೆಯ ವಿವಿಧ ನೋಂದಣಾಧಿಕಾರಿ ಕಚೇರಿ ಮೇಲೆ ದಾಳಿ ನಡೆಸಿದರು. ಕಾರವಾರ, ಕುಮಟಾ, ಶಿರಸಿ, ಸಿದ್ದಾಪುರ, ಹಳಿಯಾಳ, ಜೋಯಿಡಾ, ಯಲ್ಲಾಪುರದಲ್ಲಿಯೂ ಲೋಕಾಯುಕ್ತ ಅಧಿಕಾರಿಗಳು ದಾಖಲೆಗಳ ಶೋಧ ನಡೆಸಿದ್ದಾರೆ.
- [ನಾಯಿಯ ಆಕಾರ-ಬೆಕ್ಕಿನ ಸ್ವಭಾವ: ದಾಂಡೇಲಿಯಲ್ಲಿ ಕಾಣಿಸಿತು ವಿಚಿತ್ರ ಪ್ರಾಣಿ!](https://mobiletime.in/2025/11/dogs-shape-cats-nature-a-strange-animal-was-spotted-in-dandeli/): ಅಪಾರ ಪ್ರಮಾಣದಲ್ಲಿ ವನ್ಯ ಸಂಪತ್ತು ಹೊಂದಿದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಷ್ಟೇ ಪ್ರಮಾಣದ ಜೀವ ಪ್ರಪಂಚವಿದೆ. ಸದ್ಯ ದಾಂಡೇಲಿ ಗಣೇಶಗುಡಿಯ ಬಳಿ ವಿಚಿತ್ರ ಪ್ರಾಣಿಯೊಂದು ಕಾಣಿಸಿದೆ. ಬೆಕ್ಕಿನ ಸ್ವಭಾವ, ನಾಯಿಗಳ ಹೋಲಿಕೆಯಿರುವ ಅಪರೂಪದ `ಹೈನಾ’ ಎಂಬ ಪ್ರಾಣಿ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಕಾಣಿಸಿದೆ. ಗಣೇಶಗುಡಿಯಲ್ಲಿ ಮಂಗಳವಾರ ರಾತ್ರಿ ಅಪರೂಪದ ಹೈನಾ ಓಡಾಡುತ್ತಿರುವುದನ್ನು ಜನ ನೋಡಿದ್ದಾರೆ. ಗಣೇಶಗುಡಿ ಸೇತುವೆ ಬಳಿ ಸಂಚರಿಸುವವರು ಆ ಪ್ರಾಣಿಯನ್ನು ಮೊಬೈಲ್ ಕ್ಯಾಮರಾ ಮೂಲಕ ಚಿತ್ರಿಕರಿಸಿದ್ದಾರೆ. ಹೈನಾ ಬಗೆಯ ಪ್ರಾಣಿಗಳು ಈ ಪ್ರದೇಶದಲ್ಲಿ ಕಾಣುವುದು ತೀರಾ ಅಪರೂಪ. ಮಾಂಸಹಾರಿ ಸ್ಥನಿ ಪ್ರಾಣಿಯಾದ ಹೈನಾ ಆಫ್ರಿಕಾ ಹಾಗೂ ಏಷ್ಯಾದ ಮಹಾ ದ್ವೀಪ ಪ್ರದೇಶದಲ್ಲಿ ಸಾಕಷ್ಟು ಪ್ರಮಾಣದಲ್ಲಿವೆ. ನಾಲ್ಕು ಪ್ರಬೇದದ ಹೈನಾಗಳನ್ನು ಈವರೆಗೆ ಗುರುತಿಸಲಾಗಿದೆ. ಹೈನಾಗಳ ಶರೀರ ನಾಯಿಗಳಿಗೆ ಹೋಲುವ ರೀತಿಯಿದ್ದರೂ ಅವುಗಳ ನಡವಳಿಕೆ ಬೆಕ್ಕಿಗೆ ಹತ್ತಿರವಾಗಿರುತ್ತದೆ. ವಿಶಿಷ್ಟ ಪ್ರಮಾಣದ ನಗುವಿನಿಂದ ಹೈನಾ ಗುರುತಿಸಿಕೊಂಡಿದೆ. ಗುಂಪಿನಲ್ಲಿ ವಾಸಿಸುವ ಈ ಜೀವಿ ಸದ್ಯ ದಾಂಡೇಲಿಯಲ್ಲಿ ಒಂಟಿಯಾಗಿ ಕಾಣಿಸಿಕೊಂಡಿದೆ. ಭಾರತದ ಹಲವು ಕಡೆ ಹೈನಾ ಜೀವಿಸುತ್ತಿದ್ದು, ದಾಂಡೇಲಿ ಭಾಗದಲ್ಲಿ ಕಾಣಿಸಿಕೊಂಡಿದ್ದು ಅಪರೂಪ. ಅದರಲ್ಲಿಯೂ ಸ್ಥಳೀಯರ ಕ್ಯಾಮರಾ ಕಣ್ಣಿಗೆ ಸೆರೆಯಾಗಿದ್ದು ಇದೇ ಮೊದಲು. ಆಹಾರ ಅರೆಸಿ ಬಂದ ಹೈನಾ ಪ್ರಾಣಿಯೂ ರಸ್ತೆಯ ಮೇಲೆ ಓಡಾಡಿದ್ದು, ಅದರ ವಿಡಿಯೋ ಹರಿದಾಡುತ್ತಿದೆ. ಹೈನಾ ಸಂಚರಿಸಿದ ವಿಡಿಯೋ ಇಲ್ಲಿ ನೋಡಿ..
- [ಮರಾಠಿ ಪ್ರೇಮ: ಕನ್ನಡಕ್ಕೆ ಅವಮಾನ!](https://mobiletime.in/2025/11/marathi-love-an-insult-to-kannada/)
- [VRL ಬಸ್ಸು: ಲಕ್ಷ ಲಕ್ಷ ಕಾಸು!](https://mobiletime.in/2025/11/vrl-bus-lakhs-and-lakhs-of-rupees/): ಮುಂಬೈಯಿOದ ಭಟ್ಕಳಕ್ಕೆ ಬಂದ VRL ಬಸ್ಸಿನಲ್ಲಿ ಲಕ್ಷಾಂತರ ರೂ ಹಣ ಹಾಗೂ ಚಿನ್ನದ ಒಡವೆ ಸಿಕ್ಕಿದೆ. ಈ ಹಣ ಹಾಗೂ ಒಡವೆಗೆ ಸೂಕ್ತ ದಾಖಲೆ ಇಲ್ಲದ ಕಾರಣ ಪೊಲೀಸರು ಅದನ್ನು ಜಪ್ತು ಮಾಡಿದ್ದಾರೆ. ಬಸ್ಸಿನಲ್ಲಿ ಇರ್ಪಾನ್ ಎಂಬ ಹೆಸರಿನಲ್ಲಿ ಪಾರ್ಸಲ್ ಇತ್ತು. ಆ ನೀಲಿ ಬಣ್ಣದ ಬ್ಯಾಗಿನಲ್ಲಿ 50 ಲಕ್ಷ ರೂ ಹಣ ಕಾಣಿಸಿತು. ಜೊತೆಗೆ 401 ಗ್ರಾಂ ಚಿನ್ನದ ಬಳೆಗಳು ಅದರಲ್ಲಿದ್ದವು. ಆದರೆ, ಅದಕ್ಕೆ ಸಂಬAಧಿಸಿ ಯಾವ ದಾಖಲೆಗಳು ಸಹ ಇರಲಿಲ್ಲ. ಈ ಹಿನ್ನಲೆ ಪೊಲೀಸರು ಆ 50 ಲಕ್ಷ ರೂ ಹಣ ಹಾಗೂ ಚಿನ್ನವನ್ನು ವಶಕ್ಕೆಪಡೆದರು. ಪಿಐ ದಿವಾಕರ ಹಾಗೂ ಪಿಎಸ್‌ಐ ನವೀನ್ ಈ ಕಾರ್ಯಾಚರಣೆ ನಡೆಸಿದರು. ವಾರಸುದಾರರು ದಾಖಲೆ ಒದಗಿಸಿ ಹಣ ಹಾಗೂ ಚಿನ್ನಪಡೆಯಲು ಈಗಲೂ ಅವಕಾಶವಿದೆ. ಹೀಗಾಗಿ ಪೊಲೀಸರು ವಾರಸುದಾರರ ಹುಡುಕಾಟ ನಡೆಸಿದ್ದಾರೆ.  
- [2025 ನವೆಂಬರ್ 5ರ ದಿನ ಭವಿಷ್ಯ](https://mobiletime.in/2025/11/prediction-for-november-5-2025/): ಮೇಷ ರಾಶಿ: ನಿಮ್ಮ ಉತ್ಸಾಹ ಹೆಚ್ಚಾಗಲಿದೆ. ಕಾರ್ಯಕ್ಷೇತ್ರದಲ್ಲಿ ಪಾಲ್ಗೊಳ್ಳುವ ಅವಕಾಶಗಳು ಸಿಗುತ್ತವೆ. ಹಣಕಾಸಿನಲ್ಲಿ ಅನಿವಾರ್ಯ ವೆಚ್ಚಗಳು ಮುಂದೆ ಬರುತ್ತವೆ. ವೃಷಭ ರಾಶಿ: ನಿಮ್ಮ ಯೋಜನೆಗಳು ಯಶಸ್ಸು ತರುವ ಸಾಧ್ಯತೆ ಇದೆ. ಅನಿರೀಕ್ಷಿತ ವೆಚ್ಚಗಳು ಎದುರಾಗಬಹುದು. ಕುಟುಂಬ ಸದಸ್ಯರೊಂದಿಗೆ ಹಣಕಾಸು ಬಗ್ಗೆ ಚರ್ಚಿಸಿ. ಉದ್ಯೋಗದಲ್ಲಿ ಒಳ್ಳೆಯ ಹೆಸರು ಸಿಗಲಿದೆ. ಪ್ರಯಾಣದ ಸಾಧ್ಯತೆ ಇದೆ. ಮಿಥುನ ರಾಶಿ: ನಿಮಗೆ ಸಿಕ್ಕ ಅವಕಾಶ ಬಳಸಿಕೊಳ್ಳಿ. ಚಂಚಲ ಮನಸ್ಸಿನಿಂದ ಹಾನಿಯೇ ಹೆಚ್ಚಲಿದೆ. ಹಣಕಾಸಿನಲ್ಲಿ ಜಾಗರೂಕತೆ ಅಗತ್ಯ. ಸ್ನೇಹಿತರ ಸಲಹೆಗಳನ್ನು ಗೌರವಿಸಿ. ಕರ್ಕ ರಾಶಿ: ಉದ್ಯೋಗದಲ್ಲಿ ದೊಡ್ಡ ಬದಲಾವಣೆಗಳಿರುವುದಿಲ್ಲ. ಕ್ರಮಬದ್ಧ ಕಾರ್ಯಗಳಿಗೆ ಬೆಲೆ ಸಿಗಲಿದೆ. ಹಣಕಾಸಿನಲ್ಲಿ ಸ್ಥಿರತೆ ಸಾಧ್ಯವಿದೆ. ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆಗಳಿವೆ. ಸಿಂಹ ರಾಶಿ: ಮಹತ್ವದ ನಿರ್ಧಾರ ತೆಗೆದುಕೊಳ್ಳುವ ದಿನ ಇದಾಗಿದೆ. ಮನಸ್ಸು ಖುಷಿಯಾಗಿರುತ್ತದೆ. ಕೆಲಸಗಾರರಿಗೆ ತೊಂದರೆ ಇಲ್ಲ. ಹಣ ಲಾಭ ಆಗಲಿದೆ. ಕನ್ಯಾ ರಾಶಿ: ನಿಮ್ಮ ಕೆಲಸದ ನಿರ್ಧಾರದ ಮೇಲೆ ಯಶಸ್ಸು ನಿಂತಿದೆ. ಪರಿಶ್ರಮದಿಂದ ಮಾಡಿದ ಕೆಲಸ ಸರಿಯಾಗಿ ಸಾಗಲಿದೆ. ಹಿರಿಯರ ಸಲಹೆಯಿಂದ ದಾರಿ ಸುಗಮವಾಗಲಿದೆ. ತುಲಾ ರಾಶಿ: ಉದ್ಯೋಗದಲ್ಲಿ ಹೊಸ ಹೊಣೆಗಾರಿಕೆ ಲಭ್ಯ. ಹಣಕಾಸಿನಲ್ಲಿ ಏರಳಿತ ಆಗಲಿದೆ. ಮಕ್ಕಳಿಗೆ ಕೆಲ ಸಮಸ್ಯೆ ಎದುರಾಗಬಹುದು. ಸ್ನೇಹಿತರ ಪ್ರೋತ್ಸಾಹ ಸಿಗಲಿದೆ. ವೃಶ್ಚಿಕ ರಾಶಿ: ಈ ದಿನ ಉದ್ಯೋಗದಲ್ಲಿ ಯಶಸ್ಸು ಸಿಗಲಿದೆ. ಕುಟುಂಬದ ಸದಸ್ಯರಿಂದ ಬೆಂಬಲ ಸಾಧ್ಯವಿದೆ. ಆರೋಗ್ಯದಲ್ಲಿ ಜಾಗರೂಕತೆ ಅಗತ್ಯ. ಪ್ರಯಾಣದ ಸಾಧ್ಯತೆ ಇದೆ. ಧನು ರಾಶಿ: ಉದ್ಯೋಗಸ್ಥರಿಗೆ ಅಲ್ಪ ಒತ್ತಡ ಸಹಜ. ಹಣಕಾಸಿನಲ್ಲಿ ಸಮತೋಲನ ಅಗತ್ಯ. ಕೆಲಸದಲ್ಲಿ ಪ್ರತಿಫಲ ಸಿಗಬಹುದು. ಕುಟುಂಬದಲ್ಲಿ ಸಂತೋಷ ಮನೆಮಾಡುತ್ತದೆ. ಮಕರ ರಾಶಿ: ಉದ್ಯೋಗದಲ್ಲಿ ಉತ್ತಮ ಸ್ಥಾನಮಾನ ಸಿಗಲಿದೆ. ಹಣಕಾಸಿನಲ್ಲಿ ನಿರೀಕ್ಷಿತ ಲಾಭ ಆಗಲಿದೆ. ಪ್ರಯಾಣ ಹೆಚ್ಚಾಗಲಿದೆ. ವ್ಯವಹಾರದಲ್ಲಿ ಮುನ್ನಡೆ ಸಾಧ್ಯವಿದೆ. ಕುಂಭ ರಾಶಿ: ನಿಮ್ಮ ಯೋಜನೆಗಳು ಯಶಸ್ವಿಯಾಗಲಿದೆ. ಹಣಕಾಸಿನಲ್ಲಿ ಮುನ್ನಡೆ ಸಾಧ್ಯವಿದೆ. ಕುಟುಂಬದಲ್ಲಿ ಸೌಹಾರ್ದತೆ ಬೆಳೆಸಿಕೊಳ್ಳಿ. ಮೀನ ರಾಶಿ: ಉತ್ಸಾಹದಿಂದ ಕೆಲಸ ಪ್ರಾರಂಭಿಸಿ. ಹಣಕಾಸಿಗೆ ಪೂರಕ ದಿನವಾಗಿರಲಿದೆ. ಹೊಸ ಸಂಪರ್ಕಗಳು ಸಮಸ್ಯೆ ದೂರ ಮಾಡಲಿದೆ. ಪ್ರಯಾಣದ ಲಕ್ಷಣವಿದೆ.
- [3 ಜನರಿಂದ 600 ಲೀಟರ್ ಸರಾಯಿ ವಶ!](https://mobiletime.in/2025/11/600-liters-of-liquor-seized-from-3-people/): ಕಾಡು ಮಾರ್ಗವಾಗಿ ಊರಿಗೆ ಬರುತ್ತಿದ್ದ 600 ಲೀಟರ್ ಸರಾಯಿ ಕಾರವಾರ ಪೊಲೀಸರಿಗೆ ಸಿಕ್ಕಿದೆ. ಅದನ್ನು ವಶಕ್ಕೆಪಡೆದ ಪೊಲೀಸರು ಮೂರು ಜನರನ್ನು ಬಂಧಿಸಿದ್ದಾರೆ. ನೆರೆ ರಾಜ್ಯ ಗೋವಾದಿಂದ ಕಾರವಾರಕ್ಕೆ ಮೈಂಗಿಣಿ ಕಾಡಿನ ಮೂಲಕ ಸರಾಯಿ ಸಾಗಾಟ ನಡೆದಿತ್ತು. ಮಂಗಳವಾರ ಚಿತ್ತಾಕುಲ ಪೊಲೀಸರು ಅದನ್ನು ಹಿಡಿದರು. ತಲೆ ಮೇಲೆ ಮೂಟೆ ಮೂಟೆ ಹೊತ್ತು ಬರುತ್ತಿದ್ದ ಗೋಟೆಗಾಳಿ ಮೂಲದ ರಾಜನ್, ದಿಲೀಪ ಹಾಗೂ ಗಣಪತಿ ಎಂಬಾತರು ಸಿಕ್ಕಿ ಬಿದ್ದರು. ಆ ಮೂಟೆಗಳನ್ನು ಪೊಲೀಸರೇ ಕೆಳಗಿಳಿಸಿ ಆರೋಪಿತರನ್ನು ಬಂಧಿಸಿದರು. ಮೂಟೆಗಳನ್ನು ಒಡೆದು ನೋಡಿದಾಗ ಅಲ್ಲಿ ಬಗೆ ಬಗೆಯ ಮದ್ಯಗಳಿದ್ದವು. ಅಲ್ಲಿದ್ದ ಫೆನ್ನಿ ಹಾಗೂ ವಿಸ್ಕಿಯನ್ನು ಲೆಕ್ಕ ಹಾಕಿದರು. 1.34 ಲಕ್ಷ ರೂ ಮೌಲ್ಯದ ಸರಾಯಿ ಅಲ್ಲಿದ್ದು ಅದನ್ನು ಪೊಲೀಸರು ಸರ್ಕಾರಕ್ಕೆ ಒಪ್ಪಿಸಿದರು. ಕರ್ನಾಟಕ ತೆರಿಗೆ ತಪ್ಪಿಸಿ ಸರ್ಕಾರದ ಬೊಕ್ಕಸಕ್ಕೆ ವಂಚಿಸುತ್ತಿದ್ದವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.  
- [ಜೊಯಿಡಾ ಅಭಿವೃದ್ಧಿಗಾಗಿ ಪಾದಯಾತ್ರೆ](https://mobiletime.in/2025/11/walk-for-the-development-of-zoidha/): ಜೊಯಿಡಾದ ಸಮಗ್ರ ಅಭಿವೃದ್ಧಿಗೆ ಆಗ್ರಹಿಸಿ ಕರ್ನಾಟಕ ಪ್ರಾಂತ ರೈತ ಸಂಘ ಹೋರಾಟಕ್ಕೆ ನಿರ್ಧರಿಸಿದೆ. ನವೆಂಬರ್ 10ರಂದು ಕಿರವತ್ತಿಯಿಂದ ಜೊಯಿಡಾದವರೆಗೆ ಪಾದಯಾತ್ರೆ ನಡೆಸಿ ಹಗಲು-ರಾತ್ರಿ ಧರಣಿ ನಡೆಸಲು ಉದ್ದೇಶಿಸಲಾಗಿದೆ. `ರಾಜ್ಯದಲ್ಲಿ ಅತಿ ಹಿಂದುಳಿದ ತಾಲೂಕು ಎಂದು ಜೊಯಿಡಾ ಗುರುತಿಸಿಕೊಂಡಿದೆ. ತಾಲೂಕು ಅಭಿವೃದ್ಧಿಗೆ 25 ವರ್ಷದಿಂದ ಹೋರಾಡಿದರೂ ಪ್ರಯೋಜನವಾಗಿಲ್ಲ. ಹೀಗಾಗಿ ನಿರಂತರ ಸತ್ಯಾಗ್ರಹ ಅನಿವಾರ್ಯ’ ಎಂದು ಸಂಘಟಕರು ಹೇಳಿದ್ದಾರೆ. `ಕಿರವತ್ತಿ, ಕಾರಬೋಳಿ, ಡಿಗ್ಗಿ ಗೋವಾ ಗಡಿ ರಾಜ್ಯ ಹೆದ್ದಾರಿ ರಸ್ತೆ ಮತ್ತು ಸೇತುವೆ ಸುಧಾರಣೆ, ಡಿಗ್ಗಿ ಮುಖ್ಯ ರಸ್ತೆಯಿಂದ ವಾಗೇಲಿ ರಸ್ತೆ ಮರು ಡಾಂಬರೀಕರಣ, ಕಿರವತ್ತಿ, ತೆರಾಳಿ, ಶಿಸೈ, ದುಧಮಳಾ ರಸ್ತೆ ಡಾಂಬರಿಕರಣ ಮತ್ತು ಸೇತುವೆ ನಿರ್ಮಾಣ, ಡಿಗ್ಗಿ ಮುಖ್ಯ ರಸ್ತೆ ಯಿಂದ ಕಸಂಬಾ ರಸ್ತೆ ನಿರ್ಮಾಣ, ಜೊಯಿಡಾ ಕಾರಟೋಳಿ ವಸತಿ ಬಸ್, ಜೊಯಿಡಾ ಕುಂಡಲ ವಸತಿ ಬಸ್, ಕಾರಟೋಳಿ ಹೊಸ ನ್ಯಾಯ ಬೇಲೆ ಅಂಗಡಿ, ಗಾಂಗೋಡಾ ರಸ್ತೆ ಡಾಂಬರೀಕರಣ ಸೇರಿ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಹೋರಾಟಗಾರರು ಆಗ್ರಹಿಸಿದ್ದಾರೆ. `ವನ್ಯಜೀವಿ ವಿಭಾಗದಿಂದ ಅಭಿವೃದ್ಧಿ ಕೆಲಸಕ್ಕೆ ತೊಂದರೆ ನೀಡಬಾರದು. ಜೊಯಿಡಾ ಸಮಗ್ರ ಅಭಿವೃದ್ಧಿಗಾಗಿ ವಿಶೇಷ ಪ್ಯಾಕೇಜ್ ಕೊಡಬೇಕು. ವಿದ್ಯುತ್ ಇಲ್ಲದ ಮನೆಗಳಿಗೆ ವಿದ್ಯುತ್ ನೀಡಬೇಕು. ಕುಣಬಿ ಜನಾಂಗ ಪರಿಶಿಷ್ಟ ಪಂಗಡಕ್ಕೆ ಸೇರಿಸಬೇಕು’ ಎಂದು ಅಲ್ಲಿನ ಪ್ರೇಮಾನಂದ ವೇಳಿಪ ಹಾಗೂ ರಾಜೇಶ್ ಗಾವಡಾ ಆಗ್ರಹಿಸಿ ತಹಶೀಲ್ದಾರ್ ಕಚೇರಿಗೆ ಪತ್ರ ನೀಡಿದ್ದಾರೆ.
- [ಪ್ರಾಕೃತಿಕ ವಿಕೋಪ: ಉತ್ತರ ಕನ್ನಡಕ್ಕೆ 2ನೇ ಸ್ಥಾನ!](https://mobiletime.in/2025/11/natural-disaster-2nd-place-for-uttara-kannada/): ಪ್ರಾಕೃತಿಕ ವಿಕೋಪಗಳಿಗೆ ಒಳಗಾಗುವ ಪ್ರದೇಶಗಳ ಪಟ್ಟಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯು 2ನೇ ಪಟ್ಟಿಯಲ್ಲಿದೆ. `ಇಲ್ಲಿ ಕೈಗಾ ಅಣು ಸ್ಥಾವರ, ರಾಸಾಯನಿಕ ಕಾರ್ಖಾನೆ, ಅಣೆಕಟ್ಟುಗಳು, ನೌಕಾನೆಲೆಯಂತಹ ಪ್ರದೇಶಗಳಿರುವುದರಿಂದ ವಿಪತ್ತುಗಳು ಸಂಭವಿಸಿದ ತಕ್ಷಣ ರಕ್ಷಣಾ ಕಾರ್ಯಚರಣೆ ಕೈಗೊಳ್ಳಲು ಎಲ್ಲಾ ಮುನ್ನೆಚ್ಚರಿಕೆ ಸಿದ್ದತೆಗಳನ್ನು ಕೈಗೊಳ್ಳಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಹೇಳಿದ್ದಾರೆ. `ವಿವಿಧ ಬಗೆಯ ವಿಪತ್ತು ಸಂಭವಿಸಿದ ತುರ್ತು ಸನ್ನಿವೇಶಗಳಲ್ಲಿ ಸಮಯ ಪಾಲನೆ ಹಾಗೂ ಸಮಯ ಪ್ರಜ್ಞೆಯಿಂದ ಅನೇಕರ ಜೀವ ಉಳಿಸಲು ಸಾಧ್ಯ. ಜನರ ಜೀವ ಉಳಿಸಲು ಅಗತ್ಯವಿರುವ ವಾಹನ, ವೈದ್ಯಕೀಯ ವ್ಯವಸ್ಥೆಗೆ ಒತ್ತು ನೀಡಬೇಕು’ ಎಂದವರು ನಿರ್ದೇಶನ ನೀಡಿದ್ದಾರೆ. ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ಮಂಗಳವಾರ ವಿಪತ್ತು ನಿರ್ವಹಣೆ- ವೈದ್ಯಕೀಯ ಸಿದ್ಧತೆ -ಸಿಬಿಅರ್‌ಎನ್ – ಲಾಜಿಸ್ಟಿಕ್- ಇಂಟರ್ ಗ್ರೇಷನ್ ಆಯೋಜನೆಯ `ಸಮಯ್ ರೇಖಾ 2025’ರ ಸಮ್ಮೇಳನದಲ್ಲಿ ಅವರು ಮಾತನಾಡಿದ್ದಾರೆ. `ಪ್ರಾಕೃತಿಕ ವಿಪತ್ತು, ರಾಸಾಯನಿಕ ವಿಪತ್ತು, ಅಪಘಾತ ಸೇರಿದಂತೆ ಯಾವುದೇ ರೀತಿಯ ಅವಘಡ ನಡೆದಾಗ ತಕ್ಷಣ ಸ್ಪಂದಿಸಿದಾಗ ಜೀವ ಹಾನಿ ತಪ್ಪಿಸಲು ಸಾಧ್ಯ. ಇದಕ್ಕಾಗಿ ಎಲ್ಲಾ ಬಗೆಯ ಅಗತ್ಯ ಸಿದ್ಧತೆಗಳಿರಬೇಕು’ ಎಂದವರು ಹೇಳಿದ್ದಾರೆ. `ಜಿಲ್ಲೆಯಲ್ಲಿ ವಿಪತ್ತುಗಳನ್ನು ಎದುರಿಸುವ ಕುರಿತಂತೆ ಎಲ್ಲಾ ರೀತಿಯ ಅಣಕು ಕಾರ್ಯಚಾರಣೆಗಳನ್ನು ಆಗಾಗ ಕೈಗೊಳ್ಳುತ್ತಿದ್ದು, ಅಣುಕು ಕಾರ್ಯಚರಣೆ ಸಂದರ್ಭದಲ್ಲಿ ಕಂಡು ಬರುವ ನ್ಯೂನತೆಗಳ ಕುರಿತು ಅಗತ್ಯ ಪರಿಹಾರ ಕ್ರಮಗಳನ್ನು ಕೈಗೊಳ್ಳಬೇಕು. ಆಗ ಅದು ನೈಜ ಸಂದರ್ಭದಲ್ಲಿ ಸಮರ್ಪಕವಾಗಿ ಮತ್ತು ತ್ವರಿತವಾಗಿ ಕಾರ್ಯನಿರ್ವಹಿಸಲು ನೆರವಾಗಲಿದೆ’ ಎಂದವರು ಹೇಳಿದರು. `ವಿಪತ್ತು ಸಂದರ್ಭದಲ್ಲಿ ತ್ವರಿತವಾಗಿ ಸ್ಪಂದಿಸಲು ಅಗತ್ಯವಿರುವ ಉಪಕರಣಗಳು, ವೈದ್ಯಕೀಯ ಸಾಮಗ್ರಿಗಳು, ವಾಹನಗಳು, ಮಾನವ ಸಂಪನ್ಮೂಲದ ಕುರಿತು ಸಮಗ್ರ ವಿವರಗಳನ್ನು ಪಟ್ಟಿ ಮಾಡಬೇಕು’ ಎಂದವರು ಸೂಚಿಸಿದರು. ಕ್ರಿಸ್ತು ಜಯಂತಿ ಡೀಮ್ಡ್ ವಿಶ್ವವಿದ್ಯಾಲಯದ ಉಪಕುಲಪತಿ ಲಿಜೋ ಪಿ ಥಾಮಸ್ ಮಾತನಾಡಿ `ವಿಪತ್ತು ನಿರ್ವಹಣೆ ಕುರಿತಂತೆ ಮಕ್ಕಳಿಗೆ ಬಾಲ್ಯದಿಂದಲೇ ತರಬೇತಿ ನೀಡುವ ಕಾರ್ಯ ನಡೆಯಬೇಕು. ಶಾಲೆಗಳಿಲ್ಲಿ ವಿದ್ಯಾರ್ಥಿಗಳ ಮೂಲಕ ಅಣಕು ಕಾರ್ಯಚರಣೆ ನಡೆಸಬೇಕು’ ಎಂದರು. ಪೋಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಮಾತನಾಡಿ `ಪ್ರತಿ ಇಲಾಖೆಗಳಲ್ಲಿ ತಮ್ಮ ದೈನಂದಿನ ಕರ್ತವ್ಯಗಳ ಜೊತೆಗೆ ವಿಪತ್ತು ಸಂದರ್ಭದಲ್ಲಿ ಯಾವ ರೀತಿ ಕಾರ್ಯನಿರ್ವಹಿಸಬೇಕು’ ಎಂದು ತಿಳಿಸಿದರು. ವಿವಿಧ ಹಿರಿಯ ಅಧಿಕಾರಿಗಳು ಹಾಜರಿದ್ದರು.
- [ಭ್ರಷ್ಟರ ವಿರುದ್ಧ ಗುಡುಗಿದ ಕೈಗಾ ಅಧಿಕಾರಿ](https://mobiletime.in/2025/11/kaiga-officer-thunders-against-corrupt-people/): `ದೇಶದ ಅನೇಕ ಅಧಿಕಾರಿಗಳು ಹಾಗೂ ರಾಜಕಾರಣಿಗಳು ಭ್ರಷ್ಟಾಚಾರದಲ್ಲಿ ತೊಡಗಿದ್ದು, ಅದನ್ನು ನಿಲ್ಲಿಸಲು ಪ್ರತಿಯೊಬ್ಬರು ಪಣತೊಡಬೇಕು’ ಎಂದು ಕೈಗಾ ಅಣು ವಿದ್ಯುತ್ ಘಟಕದ ಅಧಿಕಾರಿ ವೇಣುಗೋಪಾಲ ಅವರು ಕರೆ ನೀಡಿದ್ದಾರೆ. ನಿತ್ಯದ ಬದುಕಿನಲ್ಲಿ ಕಾಣುವ ಲಂಚಾವತಾರ ತಡೆಯ ನಿಯಂತ್ರಣದ ಬಗ್ಗೆ ಅವರು ಅಸ್ನೋಟಿ ಮಕ್ಕಳಿಗೆ ಪಾಠ ಮಾಡಿದ್ದಾರೆ. ಕಾರವಾರದ ಕೈಗಾ ಅಣು ವಿದ್ಯುತ್ ಉತ್ಪಾದನಾ ಕೇಂದ್ರದಿAದ ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರದಲ್ಲಿ ವಿಚಕ್ಷಣ ಜಾಗೃತಿ ಸಪ್ತಾಹ ನಡೆದಿದ್ದು, ವೇಣುಗೋಪಾಲ ಅವರು ದೇಶದಲ್ಲಿನ ಭ್ರಷ್ಟಾಚಾರದ ವಿರುದ್ಧ ಮಾತನಾಡಿದರು. ಅಧಿಕಾರಿಗಳು ಹಾಗೂ ರಾಜಕಾರಣಿಗಳು ಯಾವ ಯಾವ ಹಂತದಲ್ಲಿ ಭ್ರಷ್ಟಾಚಾರ ನಡೆಸುತ್ತಿದ್ದಾರೆ? ಅದನ್ನು ತಡೆಗಟ್ಟುವ ವಿಧಾನಗಳು ಯಾವವು? ಎನ್ನುವುದರ ಬಗ್ಗೆ ಮಕ್ಕಳಿಗೆ ಮಾಹಿತಿ ನೀಡಿದರು. ಭ್ರಷ್ಟಾಚಾರ ವಿರೋಧಿ ಕಾನೂನಿನ ಬಗ್ಗೆ ಅರಿವು ಮೂಡಿಸಿದ ಅವರು ಭ್ರಷ್ಟಾಚಾರ ನಿಗ್ರಹ ಪ್ರತಿಜ್ಞೆ ಮಾಡಿಸಿದರು. ಕೈಗಾದ ಮತ್ತೊಬ್ಬ ಅಧಿಕಾರಿ ಲೊಲಿಟಾ ಅವರು ಮಕ್ಕಳ ಜೊತೆ ಬೆರೆತರು. ಶಾಲಾ ಮುಖ್ಯಾಧ್ಯಾಪಕ ಗಣೇಶ ಬೀಷ್ಟಣ್ಣನವರ್ ಅವರು ವಿಚಕ್ಷಣ ಜಾಗೃತಿ ಸಪ್ತಾಹದ ಮೂಲಕ ಮಕ್ಕಳಲ್ಲಿ ಅರಿವು ಮೂಡಿಸಿದ ಕಾರ್ಯವನ್ನು ಶ್ಲಾಘಿಸಿದರು. ಶಿಕ್ಷಕರಾದ ವಿಜಯಕುಮಾರ್ ನಾಯ್ಕ, ಸಂತೋಷ ಕಾಂಬ್ಲೆ, ರೂಪಾಲಿ ಸಾವಂತ, ವಿಜಯ ಸುಧೀರ್, ಜೆ ಬಿ ತಿಪ್ಪೇಸ್ವಾಮಿ ವೇದಿಕೆಯಲ್ಲಿದ್ದರು.
- [ದೇವಸ್ಥಾನದ ಬಾವಿಯಲ್ಲಿ ಸಿಕ್ಕಿತು ಗೌಡರ ಶವ!](https://mobiletime.in/2025/11/gowdas-body-found-in-a-temple-well/): ರಾತ್ರಿ ಸಂಚಾರಕ್ಕೆ ಮನೆಯಿಂದ ಹೊರ ಹೋಗಿದ್ದ ಕುಮಟಾದ ಗಿರೀಶ ಗೌಡ ಅವರು ಬಾವಿಗೆ ಬಿದ್ದು ಪ್ರಾಣ ಬಿಟ್ಟಿದ್ದಾರೆ. ತಮ್ಮನ ಶವ ನೋಡಿದ ಲೋಕೇಶ ಗೌಡ ಅವರು ಗೋಕರ್ಣ ಪೊಲೀಸರಿಗೆ ಮಾಹಿತಿ ಮುಟ್ಟಿಸಿದ್ದಾರೆ. ಕುಮಟಾದ ದೇವಣ ತೊರ್ಕೆಯ ಬಳಿ ಗಿರೀಶ ಗೌಡ (29) ಅವರು ವಾಸವಾಗಿದ್ದರು. ನವೆಂಬರ್ 3ರ ರಾತ್ರಿ ಅವರು ಊರಿನ ಅಂಗಡಿ ಬಳಿ ಹೋಗುವುದಾಗಿ ಹೊರಟಿದ್ದರು. ಅಂಗಡಿ ಬಳಿ ತಿರುಗಾಟ ನಡೆಸಿ ಮನೆಗೆ ಮರಳುವಾಗ ದೇವಣ ಗ್ರಾಮದ ಬೀಟೆ ಬೀರಾ ದೇವಸ್ಥಾನ ಹತ್ತಿರದ ಬಾವಿಗೆ ಬಿದ್ದರು. ಕಾಲು ಚಾರಿ ಬಾವಿಗೆ ಬಿದ್ದ ಗಿರೀಶ ಗೌಡ ಅವರಿಗೆ ಮೇಲೆ ಏಳಲು ಸಾಧ್ಯವಾಗಲಿಲ್ಲ. ಬಾವಿಯ ನೀರು ಕುಡಿದು ಅವರು ಅಲ್ಲಿಯೇ ಮುಳುಗಿದರು. ಕೊನೆಗೆ ನೀರಿನೊಳಗೆ ಉಸಿರುಗಟ್ಟಿ ಸಾವನಪ್ಪಿದರು. ಗೋಕರ್ಣ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಪ್ರಕರಣ ದಾಖಲಿಸಿದರು. `ರಾತ್ರಿ ಸಂಚಾರದ ವೇಳೆ ಎಚ್ಚರ’
- [ಪತ್ನಿ ಜೊತೆ ಮುನಿಸು: ಇಲ್ಲಿಗೆ ಮುಗಿಯಿತು ಬದುಕು!](https://mobiletime.in/2025/11/sigh-with-wife-life-ends-here/): ಯಲ್ಲಾಪುರದ ಕಾಮಾಕ್ಷಿ ಪೆಟ್ರೋಲ್ ಪಂಪಿನಲ್ಲಿ ಕೆಲಸ ಮಾಡುತ್ತಿದ್ದ ಹೇಮಂತ ಕಾಪ್ಸೆ ಅವರು ಸಾವಿಗೆ ಶರಣಾಗಿದ್ದಾರೆ. ಕೌಟುಂಬಿಕ ಕಲಹ-ಮನಸ್ತಾಪ ಅವರ ಸಾವಿಗೆ ಮುಖ್ಯ ಕಾರಣವಾಗಿದೆ. ಹೇಮಂತ ಕಾಪ್ಸೆ ಹಾಗೂ ಅವರ ಪತ್ನಿ ಸವಿತಾ ಕಾಪ್ಸೆ ಅವರು ಪುತ್ರ ಕಿಶನ್ ಕಾಪ್ಸೆ ಅವರ ಜೊತೆ ಯಲ್ಲಾಪುರದ ಮಂಜುನಾಥ ನಗರದಲ್ಲಿ ವಾಸವಾಗಿದ್ದರು. ಕಾಮಾಕ್ಷಿ ಪೆಟ್ರೋಲ್ ಪಂಪಿನಲ್ಲಿ ಕೂಲಿ ಕೆಲಸ ಮಾಡಿ ಹೇಮಂತ ಕಾಪ್ಸೆ ಅವರು ಕುಟುಂಬ ನಡೆಸುತ್ತಿದ್ದರು. ಎರಡು ವರ್ಷದ ಹಿಂದೆ ಹೇಮಂತ ಕಾಪ್ಸೆ ಹಾಗೂ ಸವಿತಾ ಕಾಪ್ಸೆ ಅವರ ನಡುವೆ ವೈಮನಸ್ಸು ಮೂಡಿತು. ಈ ಮನಸ್ತಾಪ ದೊಡ್ಡದಾಗಿದ್ದರಿಂದ ಸವಿತಾ ಕಾಪ್ಸೆ ಅವರು ಮನೆ ಬಿಟ್ಟು ಹೋದರು. ಎರಡು ವರ್ಷ ಕಳೆದರೂ ಸವಿತಾ ಕಾಪ್ಸೆ ಅವರು ಮನೆಗೆ ಮರಳಲಿಲ್ಲ. ಹೇಮಂತ ಕಾಪ್ಸೆ ಅವರು ಇದೇ ನೋವಿನಲ್ಲಿ ಸೊರಗಿದ್ದರು. ಪತ್ನಿ ಮನೆಬಿಟ್ಟು ಹೋದ ಆಘಾತದಿಂದ ಅವರು ಕೊರಗುತ್ತಿದ್ದರು. ನವೆಂಬರ್ 4ರಂದು ಹೇಮಂತ ಕಾಪ್ಸೆ ಅವರು ದುಡುಕು ನಿರ್ಧಾರ ಮಾಡಿದರು. ತಮ್ಮ ಮನೆಯೊಳಗೆ ಅವರು ನೇಣಿಗೆ ಶರಣಾದರು. ಮಧ್ಯಾಹ್ನ 1.30ರ ಅವಧಿಗೆ ಮನೆಗೆ ಬಂದ ಕಿಶನ್ ಕಾಪ್ಸೆ ಅವರು ತಂದೆಯ ಸಾವು ನೋಡಿ ಅಕ್ಕ-ಪಕ್ಕದವರಿಗೆ ವಿಷಯ ತಿಳಿಸಿದರು. ಪೊಲೀಸರು ಸ್ಥಳಕ್ಕೆ ಬಂದು ಪರಿಶೀಲಿಸಿದರು. ಕಿಶನ್ ಕಾಪ್ಸೆ ಅವರು ನೀಡಿದ ಮಾಹಿತಿ ಪ್ರಕಾರ ಪೊಲೀಸರು ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [ಕೈಗೆ ಸಿಗದ ಫಸಲು: ಬೆಳೆ ಸಾಲ ತೀರಿಸಲಾಗದೇ ಸಾವನಪ್ಪಿದ ಕೃಷಿಕ!](https://mobiletime.in/2025/11/unsuccessful-harvest-farmer-dies-after-failing-to-repay-crop-loan/): 3 ಲಕ್ಷ ರೂ ಬೆಳೆ ಸಾಲ ಮಾಡಿದ್ದ ಮುಂಡಗೋಡಿನ ಶಂಕ್ರಪ್ಪ ಗುಡಗೇರಿ ಅವರು ಫಸಲು ಕೈಕೊಟ್ಟ ಕಾರಣ ಆತ್ಮಹತ್ಯೆಯ ನಿರ್ಧಾರ ಮಾಡಿದ್ದಾರೆ. ನೇಣು ಹಾಕಿಕೊಂಡಿದ್ದ ಅವರನ್ನು ಬಿಡಿಸಿ ಆಸ್ಪತ್ರೆಗೆ ಕರೆದೊಯ್ದರೂ ಅವರ ಪ್ರಾಣ ಉಳಿಯಲಿಲ್ಲ. ಮುಂಡಗೋಡದ ಬಾಚಣಕಿ ಗ್ರಾಮದ ಶಂಕ್ರಪ್ಪ ಶಿವಪ್ಪ ಗುಡಗೇರಿ (50) ಅವರು ಮುಂಡಗೋಡ ಪ್ರಾಥಮಿಕ ಸಹಕಾರಿ ಸಂಘದಲ್ಲಿ 299900ರೂ ಬೆಳೆ ಸಾಲಪಡೆದಿದ್ದರು. ಆ ಸಾಲವನ್ನು ವಿನಿಯೋಗಿಸಿ ಫಸಲು ಬೆಳೆದಿದ್ದರು. ಆದರೆ, ವಿಪರೀತ ಮಳೆ ಕಾರಣದಿಂದ ಫಸಲು ಕೈಗೆ ಬಂದಿರಲಿಲ್ಲ. ಬೆಳೆ ಸಾಲ ತುಂಬಲು ಸಾಧ್ಯವಾಗುವುದಿಲ್ಲ ಎಂಬ ಆತಂಕದಿoದಲೇ ಅವರು ಆತ್ಮಹತ್ಯೆಯ ಹಾದಿ ತುಳಿದರು. ಮಂಗಳವಾರ ಮನೆ ಅಂಚಿನ ದನದ ಕೊಟ್ಟಿಗೆಗೆ ಹೋಗಿದ್ದ ಶಂಕ್ರಪ್ಪ ಅವರು ಅಲ್ಲಿಯೇ ಆತ್ಮಹತ್ಯೆಯ ನಿಧಾರ ಮಾಡಿದರು. ಅಲ್ಲಿಂದ ಹಗ್ಗದಿಂದ ಅವರು ನೇಣು ಹಾಕಿಕೊಂಡಿದ್ದನ್ನು ನೋಡಿ ಕುಟುಂಬದವರು ಬಿಡಿಸಿದರು. ಇನ್ನೂ ಜೀವವಿರಬಹುದು ಎಂದು ಅಂದಾಜಿಸಿ ಕೈ-ಕಾಲು ತಿಕ್ಕಿದರು. ಆದರೆ, ಅಷ್ಟರೊಳಗೆ ಶಂಕ್ರಪ್ಪ ಅವರು ಉಸಿರಾಟ ನಿಲ್ಲಿಸಿದ್ದರು. ಶಂಕ್ರಪ್ಪ ಅವರ ಸಿದ್ಧರೂಡಾ ಗುಡಗೇರಿ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಕಾಯ್ದೆ ಮಾತನಾಡಿ ಪೆಟ್ಟು ತಿಂದ ಜೆಸಿಬಿ ಮಾಲಕ!](https://mobiletime.in/2025/11/jcb-owner-gets-hit-for-talking-about-the-law/): ಜೆಸಿಬಿ ಖರೀದಿಗೆ ಸಾಲ ಮಾಡಿದ್ದ ಭಟ್ಕಳದ ಸಿದ್ದಪ್ಪ ಸೇಗುವಾಸಿ ಅವರು ಸಾಲದ ಕಂತು ಸರಿಯಾಗಿ ಪಾವತಿಸದ ಕಾರಣ ಪೆಟ್ಟು ತಿಂದಿದ್ದಾರೆ. ಜೆಸಿಬಿ ಜಪ್ತು ಮಾಡಲು ಬಂದಿದ್ದ ಫೈನಾನ್ಸ ಕಂಪನಿಯವರ ಜೊತೆ ಕಾಯ್ದೆ-ಕಾನೂನು ಮಾತನಾಡಿದ ಕಾರಣ ನಾಲ್ವರು ಸೇರಿ ಅವರಿಗೆ ಥಳಿಸಿದ್ದಾರೆ. ಭಟ್ಕಳದ ಸಾಗರ ರಸ್ತೆ ಬಳಿಯಿರುವ ಡಿಪಿ ಕಾಲೋನಿಯಲ್ಲಿ ಸಿದ್ದಪ್ಪ ಸೇಗುವಾಸಿ ಅವರು ವಾಸವಾಗಿದ್ದರು. ಅವರು ಚೋಳ ಇನ್ವೆಸ್ಟಮೆಂಟ್ ಫೈನಾನ್ಸಿನ ಮೂಲಕ ಸಾಲ ಮಾಡಿ ಜೆಸಿಬಿ ಯಂತ್ರ ಖರೀದಿಸಿದ್ದರು. ಆದರೆ, ಸಮಯಕ್ಕೆ ಸರಿಯಾಗಿ ಸಾಲ ಮರು ಪಾವತಿ ಸಾಧ್ಯವಾಗಿರಲಿಲ್ಲ. ಹೀಗಾಗಿ ಫೈನಾನ್ಸ ಕಂಪನಿಯ ಮ್ಯಾನೇಜರ್ ಜಮಖಂಡಿಯ ಪ್ರಭಾಕರ ವಠಾರ್ ಹಾಗೂ ಬಾಗಲಕೋಟೆಯ ರಮೇಶ ವಾಲಿಕರ್ ಅವರು ಭಟ್ಕಳಕ್ಕೆ ಬಂದಿದ್ದರು. ಮಾರ್ಚ 29ರಂದು ತೆಂಗಿನಗುAಡಿ ಕ್ರಾಸಿನ ಬಳಿ ನಿಲ್ಲಿಸಿದ್ದ ಜೆಸಿಬಿ ನೋಡಿದ ಪ್ರಭಾಕರ ವಠಾರ್ ಹಾಗೂ ರಮೇಶ್ ವಾಲಿಕರ್ ಇನ್ನಿಬ್ಬರ ಜೊತೆ ಸೇರಿ ಜೆಸಿಬಿ ಚಾಲು ಮಾಡಿದ್ದರು. ಜೆಸಿಬಿ ಯಂತ್ರವನ್ನು ಜಪ್ತು ಮಾಡಿ ಕೊಂಡೊಯ್ಯುತ್ತಿದ್ದರು. ಆಗ, ಸಿದ್ದಪ್ಪ ಸೇಗುವಾಸಿ ಅವರು ಅದಕ್ಕೆ ತಕರಾರು ಮಾಡಿದರು. `ನೋಟಿಸ್ ನೀಡದೇ ಜಪ್ತು ಮಾಡುವ ಹಾಗಿಲ್ಲ’ ಎಂದು ಕಾಯ್ದೆ ಮಾತನಾಡಿದರು. ಕೆಟ್ಟದಾಗಿ ನಿಂದಿಸಿದ ಆ ನಾಲ್ವರು ಸಿದ್ದಪ್ಪ ಸೇಗುವಾಸಿ ಅವರಿಗೆ ಎರಡು ಏಟು ಬಿಟ್ಟರು. ಸದ್ಯ ಜೆಸಿಬಿ ಕಳ್ಳತನವಾಗಿದೆ ಎಂದು ಸಿದ್ದಪ್ಪ ಸೇಗುವಾಸಿ ಪೊಲೀಸ್ ದೂರು ನೀಡಿದ್ದಾರೆ. ತಮ್ಮ ಮೇಲೆ ದಾಳಿ ಮಾಡಿದ ನಾಲ್ವರ ವಿರುದ್ಧವೂ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಭಟ್ಕಳ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಸರಾಯಿ ಅಂಗಡಿಗೆ ಬಂದವ ವಿಷ ಕುಡಿದ!](https://mobiletime.in/2025/11/the-person-who-came-to-the-tavern-drank-poison/): ಸರಾಯಿ ಅಂಗಡಿಗೆ ಬಂದಿದ್ದ ಬನವಾಸಿಯ ಪರಶುರಾಮ ವಡ್ಡರ್ ಅಲ್ಲಿಯೇ ವಿಷ ಕುಡಿದಿದ್ದಾರೆ. ಅದಾದ ನಂತರ ಅವರಿಗೆ ಬದುಕುವ ಆಸೆಯಾಗಿದ್ದು, ಅವರಿವರ ಸಹಾಯಪಡೆದು ಆಸ್ಪತ್ರೆಗೆ ಹೋಗಿದ್ದಾರೆ. ಆದರೆ, ಮೂರು ಆಸ್ಪತ್ರೆ ತಿರುಗಾಡಿದರೂ ಅವರ ಬದುಕುವ ಆಸೆ ಈಡೇರಲಿಲ್ಲ. ಶಿರಸಿ ಬನವಾಸಿಯ ಸೊರಬಾ ರಸ್ತೆಯ ಯುನಿವರ್ಸಲ್ ಶಾಲೆ ಬಳಿಯ ಪರಶುರಾಮ ವಡ್ಡರ್ ವಾಸವಾಗಿದ್ದರು. ಕೂಲಿ ಕೆಲಸ ಮಾಡುವ ಅವರು ನಿತ್ಯ ಸರಾಯಿ ಸೇವನೆ ಮಾಡುತ್ತಿದ್ದರು. ಅಕ್ಟೊಬರ್ 28ರಂದು ಅವರು ಬನವಾಸಿಯಲ್ಲಿರುವ ರಾಘವೇಂದ್ರ ವೈನ್‌ಶಾಫ್’ಗೆ ಹೋಗಿದ್ದರು. ಸರಾಯಿ ಅಂಗಡಿ ಹಿಂದೆ ಹೋಗಿ ಅವರು ವಿಷ ಕುಡಿದರು. ವಿಷ ಕುಡಿದ ನಂತರ ಪರಶುರಾಮ ವಡ್ಡರ್ ಅವರಿಗೆ ಬದುಕುವ ಆಸೆಯಾಯಿತು. ಹೀಗಾಗಿ ತಾನು ವಿಷ ಕುಡಿದ ಬಗ್ಗೆ ಅಲ್ಲಿದ್ದ ಜನರಿಗೆ ಹೇಳಿದರು. ತನ್ನನ್ನು ಆಸ್ಪತ್ರೆಗೆ ಕರೆದೊಯ್ಯುವಂತೆ ಅಂಗಲಾಚಿದರು. ಪರಶುರಾಮ ವಡ್ಡರ್ ಅವರ ತಮ್ಮ ದೇವರಾಜ ವಡ್ಡರ್ ಅವರು ಆಗಮಿಸಿ ಅಣ್ಣನನ್ನು ಮೊದಲು ಬನವಾಸಿ ಆಸ್ಪತ್ರೆಗೆ ದಾಖಲು ಮಾಡಿದರು. ಅದಾದ ನಂತರ ಶಿರಸಿ ಆಸ್ಪತ್ರೆಗೆ ಕರೆತಂದರು. ವಿಷ ವ್ಯಾಪಕ ಪ್ರಮಾಣದಲ್ಲಿ ಹೊಟ್ಟೆ ಸೇರಿದ್ದರಿಂದ ಹುಬ್ಬಳ್ಳಿ ಕಿಮ್ಸ’ಗೆ ಕರೆದೊಯ್ಯಲಾಯಿತು. ಅಲ್ಲಿ ಆರು ದಿನ ಚಿಕಿತ್ಸೆ ನೀಡಿದರೂ ಪ್ರಯೋಜನವಾಗಲಿಲ್ಲ. ನವೆಂಬರ್ 3ರಂದು ಪರಶುರಾಮ ವಡ್ಡರ್ ಅವರು ಸಾವನಪ್ಪಿದರು. ವಿಷಯ ತಿಳಿದು ಬನವಾಸಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಶುಗರ್ ಹೆಚ್ಚಳವೂ ಸಾವಿಗೆ ಕಾರಣ!](https://mobiletime.in/2025/11/increased-sugar-levels-are-also-a-cause-of-death/): ಶುಗರ್ ಹೆಚ್ಚಳದಿಂದ ಸಮಸ್ಯೆ ಅನುಭವಿಸುತ್ತಿದ್ದ ಕುಮಟಾದ ಕಮಲಾ ಗೌಡ ಅವರು ಉಸಿರಾಟ ಸಮಸ್ಯೆಯಿಂದ ಸಾವನಪ್ಪಿದ್ದಾರೆ. ಆರೋಗ್ಯದಲ್ಲಿ ದಿಢೀರ್ ಏರುಪೇರಾದ ಹಿನ್ನಲೆ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆದರೂ ಪ್ರಯೋಜನವಾಗಲಿಲ್ಲ. ಕುಮಟಾ ತೊರ್ಕೆ ಮೂಲೆಕೇರಿಯಲ್ಲಿ ಕಮಲಾ ಗೌಡ (56) ಅವರು ವಾಸವಾಗಿದ್ದರು. ಕೆಲ ವರ್ಷಗಳಿಂದ ಅವರಿಗೆ ಶುಗರ್ ಕಾಡುತ್ತಿದ್ದು, ಅದನ್ನು ನಿಯಂತ್ರಿಸುವ ಪ್ರಯತ್ನ ಸರಿಯಾಗಿ ಆಗಿರಲಿಲ್ಲ. ಹೀಗಿರುವಾಗ ನವೆಂಬರ್ 3ರಂದು ಅವರ ಆರೋಗ್ಯದಲ್ಲಿ ದಿಢೀರ್ ಏರುಪೇರಾಯಿತು. ತಾಯಿ ಆರೋಗ್ಯದಲ್ಲಿ ವ್ಯತ್ಯಾಸವಾಗಿರುವುದನ್ನು ಗಮನಿಸಿದ ನಾಗರಾಜ ಗೌಡ ಅವರು ತಮ್ಮ ಮೊಬೈಲ್ ಮಳಿಗೆಗೆ ರಜೆ ಮಾಡಿ, ಆಸ್ಪತ್ರೆಗೆ ಹೋಗುವ ಕೆಲಸ ಮಾಡಿದರು. ಕಮಲಾ ಗೌಡ ಅವರನ್ನು ಕುಮಟಾ ಆಸ್ಪತ್ರೆಗೆ ದಾಖಲಿಸುವ ಪ್ರಯತ್ನ ನಡೆಸಿದರು. ಆದರೆ, ಆರ್ಮುಡೆ ಸಮೀಪ ತೆರಳುವಾಗ ಅವರ ಉಸಿರಾಟದಲ್ಲಿ ಇನ್ನಷ್ಟು ಸಮಸ್ಯೆಯಾಯಿತು. ಆಸ್ಪತ್ರೆಗೆ ತೆರಳುವ ಮುನ್ನವೇ ಅವರು ಸಾವನಪ್ಪಿದರು. ತಾಯಿ ಕಳೆದುಕೊಂಡ ದುಖ:ದ ಬಗ್ಗೆ ನಾಗರಾಜ ಗೌಡ ಅವರು ಗೋಕರ್ಣ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ಆರೋಗ್ಯದ ಕಡೆ ಗಮನಹರಿಸಿ. ಬಿಪಿ, ಶುಗರ್ ನಿಯಂತ್ರಿಸಿ’
- [ಕೋಳಿ ಪಾರಂ ಕಾಣಿಸಿತು ಕೊಳೆತ ಶವ!](https://mobiletime.in/2025/11/a-rotting-corpse-was-found-in-the-chicken-coop/): ಕಾರವಾರದ ಸಿದ್ಧರದಲ್ಲಿರುವ ಕೋಳಿ ಪಾರಂ’ನಲ್ಲಿ ಕೆಲಸ ಮಾಡುತ್ತಿದ್ದ ಕಿನ್ನರದ ನರಸಿಂಹ ನಾಯ್ಕ ಅವರು ಕೋಳಿ ಪಾರಂ ಕೋಣೆಯೊಳಗೆ ಶವವಾಗಿದ್ದಾರೆ. ಗಬ್ಬು ವಾಸನೆ ಬರುವುದನ್ನು ನೋಡಿ ಅಲ್ಲಿಗೆ ಹೋದ ಚಂದ್ರಕಾAತ ನಾಯ್ಕ ಅವರಿಗೆ ಅಣ್ಣ ಸಾವನಪ್ಪಿರುವುದು ಗೊತ್ತಾಗಿದೆ. ಕಾರವಾರದ ಸಿದ್ದರದ ಮುದುಗಾದಲ್ಲಿ ಉಲ್ಲಾಸ ನಾಯ್ಕ ಅವರು ಕೋಳಿ ಪಾರಂ ನಿರ್ಮಿಸಿದ್ದಾರೆ. ಅಲ್ಲಿ ಕಿನ್ನರ ದಿಗಾಳಿಯ ನರಸಿಂಹ ನಾಯ್ಕ ಅವರು ಕೆಲಸ ಮಾಡಿಕೊಂಡಿದ್ದು, ಕೋಳಿ ಪಾರಂ’ನಲ್ಲಿರುವ ಸಣ್ಣ ಕೋಣೆಯಲ್ಲಿ ವಸತಿ ಇದ್ದರು. ಆಗಾಗ ಮನೆಗೆ ಹೋಗಿ ಬರುವುದನ್ನು ಅವರು ರೂಢಿಸಿಕೊಂಡಿದ್ದರು. ನಿತ್ಯ ಸರಾಯಿ ಸೇವನೆ ಮಾಡಿ ಅವರು ಕೋಳಿ ಪಾರಂ ಕೆಲಸ ಮಾಡುತ್ತಿದ್ದರು. ಅಕ್ಟೊಬರ್ 29ರಂದು ಕೋಳಿ ಪಾರಂ ಮಾಲಕ ಉಲ್ಲಾಸ ನಾಯ್ಕ ಅವರನ್ನು ಕೊನೆಯದಾಗಿ ಭೇಟಿ ಆಗಿದ್ದರು. ಅದೇ ದಿನ ಸಂಜೆ ಮತ್ತೆ ಕೋಳಿ ಪಾರಂ ಕರ್ತವ್ಯಕ್ಕೆ ಹೋಗಿದ್ದರು. ನವೆಂಬರ್ 2ರಂದು ಕೋಳಿ ಪಾರಂ ಒಳಗೆ ಕೆಟ್ಟ ವಾಸನೆ ಬಂದಿದ್ದು, ಚಂದ್ರಕಾoತ ನಾಯ್ಕ ಅವರು ವಾಸನೆ ಬಂದ ಕಡೆ ಹೊರಟರು. ಆಗ, ಅಲ್ಲಿದ್ದ ಚಿಕ್ಕ ಕೋಣೆಯೊಳಗೆ ನರಸಿಂಹ ನಾಯ್ಕ ಅವರು ಸಾವನಪ್ಪಿರುವುದನ್ನು ನೋಡಿದರು. ತಮ್ಮನ ಸಾವಿನ ಬಗ್ಗೆ ಚಂದ್ರಕಾoತ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದರು.
- [ಹೆಬ್ಬಾರರಿಗೆ ಸನ್ಮಾನಿಸುವುದು ತಪ್ಪಲ್ಲ!](https://mobiletime.in/2025/11/it-is-not-wrong-to-honor-the-hebbars/): ಯಲ್ಲಾಪುರ ವಿಧಾನಸಭಾ ಕ್ಷೇತ್ರ ಶಾಸಕ ಶಿವರಾಮ ಹೆಬ್ಬಾರ್ ಅವರಿಗೆ ಸನ್ಮಾನಿಸಿದ ಕಾರಣ 10 ವರ್ಷ ಕೋರ್ಟು-ಕೇಸು ಎಂದು ಅಲೆದಾಡಿದ್ದ ರಾಘು ನಾಯ್ಕ ಅವರು ಇದೀಗ ನಿರಾಳರಾಗಿದ್ದಾರೆ. `ಶಿವರಾಮ ಹೆಬ್ಬಾರ್ ಅವರನ್ನು ಸನ್ಮಾನಿಸಿದ್ದು ಅಪರಾಧ ಅಲ್ಲ’ ಎಂದು ನ್ಯಾಯಾಲಯ ಹೇಳಿದೆ! ಶಿವರಾಮ ಹೆಬ್ಬಾರ್ ಅವರ ಅಭಿಮಾನಿಯಾಗಿರುವ ಗುಡ್ನಾಪುರ ಗ್ರಾಮದ ರಾಘು ನಾಯ್ಕ ಅವರು ಬನವಾಸಿ ಭಾಗದ ಗ್ರಾಮ ಪಂಚಾಯತ ಸದಸ್ಯರಾಗಿದ್ದರು. 2015ರ ಫೆಬ್ರವರಿ 8ರಂದು ಬನವಾಸಿಯಲ್ಲಿ ನಡೆದ ಕದಂಬ ಉತ್ಸವದಲ್ಲಿ ಶಿವರಾಮ ಹೆಬ್ಬಾರ್ ಅವರನ್ನು ಸನ್ಮಾನಿಸಿದ್ದರು. ವಿವಿಧ ಅಧಿಕಾರಿ ಹಾಗೂ ಜನಪ್ರತಿನಿಧಿಗಳಿದ್ದ ವೇದಿಕೆಯಲ್ಲಿ ತಹಶೀಲ್ದಾರರೇ ಗಣ್ಯರನ್ನು ಸನ್ಮಾನಿಸಲು ಉದ್ದೇಶಿಸಿದ್ದು, ಆ ಅವಕಾಶ ತಪ್ಪಿದ ಹಿನ್ನಲೆ ರಾಘು ನಾಯ್ಕ ವಿರುದ್ಧ ತಹಶೀಲ್ದಾರ್ ಬಸಪ್ಪ ಪೂಜಾರಿ ಅವರು ಗರಂ ಆಗಿದ್ದರು. ಕದಂಬ ಉತ್ಸವ ಕಾರ್ಯಕ್ರಮ ಮುಗಿದ ನಂತರ ಅನುಮತಿ ಇಲ್ಲದೇ ಸರ್ಕಾರಿ ಕಾರ್ಯಕ್ರಮದ ವೇದಿಕೆ ಪ್ರವೇಶಿಸಿ ಶಿವರಾಮ ಹೆಬ್ಬಾರ್ ಅವರನ್ನು ಸನ್ಮಾನಿಸಿದ ನೆಪವಿರಿಸಿ ರಾಘು ನಾಯ್ಕ ಅವರ ವಿರುದ್ಧ ತಹಶೀಲ್ದಾರ್ ಬಸಪ್ಪ ಪೂಜಾರಿ ಪ್ರಕರಣ ದಾಖಲಿಸಿದ್ದರು. ಸರ್ಕಾರಿ ಕಾರ್ಯಕ್ರಮದಲ್ಲಿ ರಾಜಕೀಯ ಭಾಷಣ ಮಾಡಿದ ಬಗ್ಗೆ ಪೊಲೀಸ್ ಪ್ರಕರಣದಲ್ಲಿ ತಹಶೀಲ್ದಾರ್ ಬಸಪ್ಪ ಪೂಜಾರಿ ಅವರು ದೂರಿದ್ದರು. 10 ವರ್ಷಗಳ ಕಾಲ ಈ ಪ್ರಕರಣ ನ್ಯಾಯಾಲಯದಲ್ಲಿ ವಿಚಾರಣೆ ನಡೆದಿದ್ದು, ಶಿವರಾಮ ಹೆಬ್ಬಾರ್ ಅವರನ್ನು ಸನ್ಮಾನಿಸಿದ ಕಾರಣ ರಾಘು ನಾಯ್ಕ ಅವರು ಕೋರ್ಟು-ಕಚೇರಿ ಅಲೆದಾಟ ಮಾಡಿದರು. ರಾಘು ನಾಯ್ಕ ಅವರು ವೇದಿಕೆಯಲ್ಲಿ ಭಾಷಣ ಮಾಡಿದ ವಿಡಿಯೋ, ಸನ್ಮಾನಿಸಿದ ತುಣುಕುಗಳನ್ನು ಅಧಿಕಾರಿಗಳು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ಆದರೆ, ಅವರು ತಪ್ಪು ಮಾಡಿದ್ದಾರೆ ಎಂದು ಸಾಭೀತುಪಡಿಸುವಲ್ಲಿ ಅವರು ವಿಫಲರಾದರು. ಈ ಹಿನ್ನಲೆ ಶಿರಸಿ 1ನೇ ಹೆಚ್ಚುವರಿ ನ್ಯಾಯಾಲಯದ ನ್ಯಾಯಾಧೀಶರಾದ ಅಲ್ತಾಫ್ ಹುಸೇನ್ ಸಾಬ ಅವರು ಮಂಗಳವಾರ ರಾಘು ನಾಯ್ಕ ಅವರನ್ನು ನಿರ್ದೋಶಿ ಎಂದು ಘೋಷಿಸಿದರು. ರಾಘು ನಾಯ್ಕ ಅವರ ಪರವಾಗಿ ಹಿರಿಯ ವಕೀಲ ರವೀಂದ್ರ ನಾಯ್ಕ ಮತ್ತು ಉದಯ ನಾಯ್ಕ ವಾದಿಸಿದ್ದರು. ಸುರೇಖಾ ನಾಯ್ಕ, ಹಾಗೂ ದಿವ್ಯಾ ನಾಯ್ಕ ಅವರು ವಿವಿಧ ಸಾಕ್ಷಿ ಸಂಗ್ರಹಿಸಿ ಸಹಕರಿಸಿದ್ದರು.
- [ಅಪಘಾತ: ಕಾಂಗ್ರೆಸ್ ಅಧ್ಯಕ್ಷರಿಗೆ ಆಘಾತ!](https://mobiletime.in/2025/11/accident-congress-president-shocked/): ದಾಂಡೇಲಿಯಲ್ಲಿ ನಡೆದ ಅಪಘಾತದಲ್ಲಿ ಅಲ್ಲಿನ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮೋಹನ ಹಲವಾಯಿ ಅವರು ಗಾಯಗೊಂಡಿದ್ದು, ಸದ್ಯ ಅವರು ಆಸ್ಪತ್ರೆ ಸೇರಿದ್ದಾರೆ. ಸ್ಕೂಟಿಯಲ್ಲಿ ತೆರಳುತ್ತಿದ್ದ ಮೋಹನ ಹಲವಾಯಿ ಅವರಿಗೆ ಟಾಕ್ಟರ್ ಡಿಕ್ಕಿಯಾಗಿದೆ. ದಾಂಡೇಲಿ ನಗರದ ಬರ್ಚಿ ರಸ್ತೆಯಲ್ಲಿ ಮಂಗಳವಾರ ಮುಂಜಾನೆ ಮೋಹನ ಹಲವಾಯಿ ಅವರು ಸಂಚರಿಸುತ್ತಿದ್ದರು. ಸ್ಕೂಟಿಯಲ್ಲಿ ಹೋಗುತ್ತಿದ್ದ ಅವರಿಗೆ ವೇಗವಾಗಿ ಬಂದ ಟಾಕ್ಟರ್ ಗುದ್ದಿತು. ಅದಾದ ನಂತರ ಆ ಟಾಕ್ಟರ್ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆಯಿತು. ಸ್ಕೂಟಿಯಲ್ಲಿದ್ದ ಮೋಹನ ಹಲವಾಯಿ ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ಮೋಹನ ಹಲವಾಯಿ ಅವರು ದಾಂಡೇಲಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾಗಿದ್ದು, ನಗರಸಭೆ ಸದಸ್ಯರಾಗಿಯೂ ಕೆಲಸ ಮಾಡುತ್ತಿದ್ದಾರೆ. ಅಪಘಾತದಲ್ಲಿ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಅಪಘಾತ ನೋಡಿದ ಜನ ಗಾಯಾಳುವನ್ನು ತಕ್ಷಣ ಆಸ್ಪತ್ರೆಗೆ ಸಾಗಿಸಿದ್ದಾರೆ. ಅವರಿಗೆ ಸದ್ಯ ಚಿಕಿತ್ಸೆ ಮುಂದುವರೆದಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.
- [ಪ್ರೀ.. ಪ್ರೀ ಎಂದು ಪೀಡಿಸಿದವರಿಗೆ ಜೈಲು!](https://mobiletime.in/2025/11/prison-for-those-who-tortured-you-with-pree-pree/): ಮುರುಡೇಶ್ವರದ ಆರ್ ಎನ್ ಎಸ್ ಡಿಪ್ಲೋಮಾ ಕಾಲೇಜಿನ ಉದ್ಯೋಗಿ ಅರುಣಕುಮಾರ ಅವರಿಗೆ ಮುತ್ತಿಡಲು ಬಂದು ಅವರ ಕತ್ತಿನಲ್ಲಿದ್ದ ಚಿನ್ನದ ಸರ ಎಗರಿಸಿದ್ದ ಮಂಗಳಮುಖಿಯರನ್ನು ಪೊಲೀಸರು ಬಂಧಿಸಿದ್ದಾರೆ. ಸಿಸಿ ಕ್ಯಾಮರಾ ದೃಶ್ಯಾವಳಿ ಸಹಾಯದಿಂದ ಮಂಗಳಮುಖಿಯರು ಸಿಕ್ಕಿಬಿದ್ದಿದ್ದಾರೆ. ನವೆಂಬರ್ 2ರ ರಾತ್ರಿ ಬೈಕಿನಲ್ಲಿ ಹೋಗುತ್ತಿದ್ದ ಮಾವಳ್ಳಿ-2ರ ಗುಮ್ಮನಕ್ಕಲ್ ಜಡೆಯನಮನೆಯ ಅರುಣಕುಮಾರ ಭಾಸ್ಕರ ನಾಯ್ಕ (32) ಅವರನ್ನು ಮಂಗಳಮುಖಿಯರು ಅಡ್ಡ ಹಾಕಿದ್ದರು. ಮಂಡ್ಯದ ಅದ್ನಾನ್ ಮಹದಿ, ಮೈಸೂರಿನ ಅಜರ್ ಖಾನ್, ಮಹ್ಮದ್ ಉಸ್ನಾನ, ತಮಿಳುನಾಡಿನ ಮದನ ಪಳನಿ ಸೇರಿ ಅವರನ್ನು ಸರಸಕ್ಕೆ ಕರೆದಿದ್ದರು. `ಹಣ ಇಲ್ಲ’ ಎಂದಾಗ `ನಿನಗೆ ಪ್ರೀ’ ಎಂಬ ಆಫರ್ ನೀಡಿದ್ದರು. ಅದಾದ ನಂತರ ಮೈ ಮುಟ್ಟುತ್ತ ಕತ್ತಿನಲ್ಲಿದ್ದ ಚಿನ್ನದ ಸರ ಅಪಹರಿಸಿ ಪರಾರಿಯಾಗಿದ್ದರು. ಆ ನಾಲ್ಕು ಜನ ಮಂಗಳಮುಖಿಯರ ವಿರುದ್ಧ ಅರುಣಕುಮಾರ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದರು. ಜನ ನೀಡಿದ ಮಾಹಿತಿ ಹಾಗೂ ಸಿಸಿ ಕ್ಯಾಮರಾ ದೃಶ್ಯಾವಳಿ ಗಮನಿಸಿ ಪೊಲೀಸರು ಮಂಗಳಮುಖಿಯರನ್ನು ಹುಡುಕಿದರು. ಅಂದಾಜು 15 ಗ್ರಾಂ ತೂಕದ 1 ಲಕ್ಷ ರೂ ಮೌಲ್ಯದ ಚೈನ್ ಕಳ್ಳತನ ಮಾಡಿದವರನ್ನು ಮುರುಡೇಶ್ವರ ಪೊಲೀಸರು ಜೈಲಿಗೆ ಕಳುಹಿಸಿದರು.
- [ಅರಣ್ಯ ಕಾಯ್ದೆಗೆ ತಾಂತ್ರಿಕ ದೋಷ!](https://mobiletime.in/2025/11/technical-error-in-the-forest-act/): `ಅರಣ್ಯ ಹಕ್ಕು ಕಾಯ್ದೆ ಜಾರಿಗೆ ಬಂದು 17 ವರ್ಷ ಕಳೆದರೂ ಆ ಕಾಯ್ದೆ ಪ್ರಗತಿ ಕಂಡಿಲ್ಲ. ತಾಂತ್ರಿಕ ದೋಷವೇ ಇದಕ್ಕೆ ಕಾರಣ’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. ಹೊನ್ನಾವರದಲ್ಲಿ ಅರಣ್ಯ ಹಕ್ಕು ಕಾರ್ಯಕರ್ತರ ಸಭೆ ನಡೆಸಿದ ಅವರು `ಕಳೆದ ಆರು ವರ್ಷಗಳಿಂದ ಕಾಯ್ದೆಗೆ ತಾಂತ್ರಿಕ ತೊಡಕು ಕಾಡುತ್ತಿದೆ’ ಎಂದು ವಿವರಿಸಿದರು. `ಸಾಮಾಜಿಕ ನ್ಯಾಯ ಮತ್ತು ಆಹಾರ ಧಾನ್ಯ ಉತ್ಪತ್ತಿ ಉದ್ದೇಶದಿಂದ ಕಾನೂನು ಮತ್ತು ನಿಯಮಾವಳಿ ಜಾರಿಗೆ ಬಂದಿತು. ಕಾನೂನಾತ್ಮಕ ಸಮಸ್ಯೆ ಜಾರಿಯಲ್ಲಿ ಪರಿಪೂರ್ಣ ಕಾನೂನು ಕೊರತೆ ಮೂರು ತಲೆಮಾರಿನ ದಾಖಲೆಗಳಿಗೆ ಆಗ್ರಹ ಕಳೆದ ಆರು ವರ್ಷದಿಂದ ಉಪ ವಿಭಾಗ ಮತ್ತು ಜಿಲ್ಲಾ ಅರಣ್ಯ ಹಕ್ಕು ಸಮಿತಿಗಳಿಗೆ ತಾಲೂಕಾ ಪಂಚಾಯತ್ ಮತ್ತು ಜಿಲ್ಲಾ ಪಂಚಾಯತ್ ಸದಸ್ಯರ ಕೊರತೆಯಿಂದ ಕಾಯಿದೆ ಅನುಷ್ಠಾನಕ್ಕೆ ಹಿನ್ನಡೆಯಾಗಿದೆ’ ಎಂದವರು ವಿವರಿಸಿದರು. `ಉತ್ತರಕನ್ನಡ ಜಿಲ್ಲೆಯಲ್ಲಿ ಶೇ 3ರಷ್ಟು ಅರಣ್ಯವಾಸಿಗಳ ಅರ್ಜಿಗಳಿಗೆ ಸಾಗುವಳಿ ಹಕ್ಕು ದೊರತಿದ್ದು, ಶೇ 88ರಷ್ಟು ಅರ್ಜಿಗಳು ಕಾನೂನಾತ್ಮಕ ತಾಂತ್ರಿಕ ದೋಷದಿಂದ ಅರ್ಜಿಗಳು ತಿರಸ್ಕಾರವಾಗಿದೆ. ಸುಪ್ರೀಂ ಕೊರ್ಟನಲ್ಲಿ ಅರಣ್ಯವಾಸಿಗಳು ಒಕ್ಕಲೆಬ್ಬಿಸುವ ಭೀತಿಯನ್ನು ಎದುರಿಸುತ್ತಿದ್ದಾರೆ’ ಎಂದು ಮಾಹಿತಿ ನೀಡಿದರು. ಸಂಘಟನೆ ಸಂಚಾಲಕ ಮಹೇಶ ನಾಯ್ಕ ಕಾನಕ್ಕಿ, ನಗರಾಧ್ಯಕ್ಷ ಸುರೇಶ ನಾಯ್ಕ, ಪ್ರಮುಖರಾದ ರಾಮ ಮರಾಠಿ, ಸುರೇಶ ನಾಯ್ಕ ನಗರಬಸ್ತೀಕೇರಿ, ಶಾಂತಿ ಗೌಡ ಕಡ್ಲೇ, ಜನಾರ್ದನ್ ಚಂದಾವರ, ಜೋನ್ ಓಡ್ತಾ, ಹರೀಶ್ಚಂದ್ರ ಅನಂತವಾಡಿ, ಥೋಮಸ್ ಮಾಗೋಡ್, ರಜಾಕ್, ದಾವೂದ್ ಸಾಬ, ಚಂದ್ರಹಾಸ ನಾಯ್ಕ, ವಿನೋದ ಯಲಕೊಟಗಿ, ಮಾದೇವ ಮರಾಠಿ, ಅನಿತಾ ಲೋಫೀಸ್, ಗಣೇಶ ನಾಯ್ಕ ಹೊದಕೆ ಶಿರೂರು, ಸಂತಾನ್ ಪಿಂಠೋ ಇದ್ದರು.
- [5 ಸಾವಿರಕ್ಕೂ ಹೆಚ್ಚು ಫಲ ಹೊತ್ತ ಕಲ್ಪವೃಕ್ಷ!](https://mobiletime.in/2025/11/a-kalpa-tree-bearing-more-than-5000-fruits/): ಅಂಕೋಲಾದ ಸಮೃದ್ಧ ಮಣ್ಣಿನಲ್ಲಿ ಹುಟ್ಟಿದ ತೆಂಗಿನ ಮರವೊಂದರಲ್ಲಿ ಈ ಬಾರಿ 5 ಸಾವಿರಕ್ಕೂ ಅಧಿಕ ಕಾಯಿ ಬಿಟ್ಟಿದೆ. ಈ ಮರ ನೋಡಿದ ಜನ ಅಚ್ಚರಿಗೆ ಒಳಗಾಗಿದ್ದು, ತಳಿ ಸಂಶೋಧನೆ-ಅಭಿವೃದ್ಧಿಗಾಗಿ ಸಸ್ಯ ತಜ್ಞರು ಆಸಕ್ತಿವಹಿಸಿದ್ದಾರೆ. ಬೊಬ್ರುವಾಡ ಬಳಿಯ ಬೇಳಾಬಂದರಿನಲ್ಲಿನ ಅನಿಲ ನಾಯ್ಕ ಅವರ ಒಡೆತನದಲ್ಲಿ ಈ ಕಲ್ಪವೃಕ್ಷವಿದೆ. 27 ವರ್ಷಗಳ ಹಿಂದೆ ಅನಿಲ ನಾಯ್ಕ ಅವರ ತಂದೆ ರಾಮಾ ನಾಯ್ಕ ಅವರು ನೆಟ್ಟ ಗಿಡ ಇದೀಗ ದೊಡ್ಡದಾಗಿದ್ದು, ಬರಪೂರ ಫಸಲು ನೀಡುತ್ತಿದೆ. ಗಿಡ ನೆಟ್ಟ ಐದು ವರ್ಷಕ್ಕೆ ಫಸಲು ಶುರುವಾಗಿದ್ದು, ಮೊದಲ ಬಾರಿ 60 ತೆಂಗಿನ ಕಾಯಿ ಕಾಣಿಸಿಕೊಂಡಿತ್ತು. ಅದಾದ ನಂತರ ವರ್ಷದಿಂದ ವರ್ಷಕ್ಕೆ ಫಸಲಿನ ಪ್ರಮಾಣ ಹೆಚ್ಚಾಗುತ್ತಿದ್ದು, ಈ ವರ್ಷ 5 ಸಾವಿರಕ್ಕೂ ಅಧಿಕ ತೆಂಗಿನ ಕಾಯಿಗಳು ಮೂಡಿ ಬಂದಿದೆ. ಈ ತೆಂಗಿನ ಮರಕ್ಕೆ ಮೊದಲ ಕೆಲ ವರ್ಷ ನೀರು ಎರೆದಿದ್ದು ಬಿಟ್ಟರೆ ಬೇರೆ ಯಾವುದೇ ಆರೈಕೆ ಮಾಡಿಲ್ಲ. ಈವರೆಗೂ ಯಾವುದೇ ಸಾವಯವ ಅಥವಾ ಗೊಬ್ಬರ ನೀಡಿಲ್ಲ. ಪೌಷ್ಠಕಾಂಶಗಳನ್ನು ನೀಡದಿದ್ದರೂ ಸಹ ಪುಟ್ಟ ಗಿಡ ಇದೀಗ ಹೆಮ್ಮರವಾಗಿ ಬೆಳೆದಿದೆ. ಈ ಅಪರೂಪದ ತೆಂಗಿನ ಮರದಲ್ಲಿ ದೊಡ್ಡ ಪ್ರಮಾಣದ 12 ಗೊಂಚಲುಗಳಿವೆ. ಪ್ರತಿಯೊಂದು ಗೊಂಚಲಲ್ಲಿ 600ಕ್ಕೂ ಹೆಚ್ಚು ಕಾಯಿಗಳು ತುಂಬಿಕೊoಡಿದೆ. ಕಾಯಿಯ ಗಾತ್ರ ಚಿಕ್ಕದಾಗಿದ್ದರೂ ಏಳನೀರು ಅತ್ಯಂತ ರುಚಿಯಾಗಿದೆ. ಈ ಮರದ ತೆಂಗಿನ ಕಾಯಿ ಬಳಸಿ ಮಾಡಿದ ಅಡುಗೆ ಸಹ ಅತ್ಯಂತ ಸ್ವಾದದಿಂದ ಕೂಡಿದೆ. ಡಿಸೆಂಬರ್-ಜನವರಿ ಅವಧಿಯಲ್ಲಿ ಈ ಮರದ ಕಾಯಿಗಳ ಕೊಯ್ಲು ನಡೆಯುತ್ತದೆ. ಅಯ್ಯಪ್ಪ ವೃತದಾರಿಗಳು ಹೆಚ್ಚಿನ ಪ್ರಮಾಣದಲ್ಲಿ ಈ ಕಾಯಿ ಖರೀದಿಸಿ ಇರುಮುಡಿ ಕಟ್ಟಲು ಬಳಸುತ್ತಾರೆ. 10 ಮರ ಕೊಡುವ ಆದಾಯವನ್ನು ಇದು ಒಂದೇ ಮರ ಮಾಲಕರಿಗೆ ನೀಡುತ್ತಿದೆ. ಈ ತೆಂಗಿನ ಮರದ ಬಗ್ಗೆ ಜನದನಿ ಸಸ್ಯ ಸಂಶೋಧನಾ ಕೇಂದ್ರದವರು ಅಧ್ಯಯನಕ್ಕೆ ಮುಂದಾಗಿದ್ದಾರೆ. ಜೊತೆಗೆ ಅದರ ತಳಿ ಅಭಿವೃದ್ಧಿಗೂ ಆಸಕ್ತಿವಹಿಸಿದ್ದಾರೆ. ಈ ತಳಿಗೆ `ಎ ಆರ್ ಗಂಜ್ನಿ ತೆಂಗು’ ಎಂದು ನಾಮಕರಣ ಮಾಡಿದ್ದು, ವಿಶಿಷ್ಠ ತಳಿಯ ತೆಂಗಿನ ಬಗ್ಗೆ ಸಂಶೋಧನೆ ನಡೆಯುತ್ತಿದೆ.
- [2025 ನವೆಂಬರ್ 4ರ ದಿನ ಭವಿಷ್ಯ](https://mobiletime.in/2025/11/prediction-for-november-4-2025/): ಮೇಷ ರಾಶಿ: ಮನೆಯಲ್ಲಿ ಕೆಲ ಬದಲಾವಣೆಗಳಾಗಲಿದೆ. ದಾಂಪತ್ಯ ಜೀವನದ ಬಗ್ಗೆ ಗಮನವಿರಲಿ. ಆರೋಗ್ಯ ಚೆನ್ನಾಗಿರುತ್ತದೆ. ಕೆಲಸದಲ್ಲಿ ಯಶಸ್ಸು ಸಿಗಲಿದೆ. ವೃಷಭ ರಾಶಿ: ವಾಹನ, ಭೂಮಿಯ ಖರೀದಿ ಯೋಗವಿದೆ. ಹಣಕಾಸು ಸ್ಥಿತಿ ಉತ್ತಮವಾಗಿರಲಿದೆ. ಹೊಸ ಸಾಲ ಮಾಡಬೇಡಿ. ಕೆಲವು ಕಹಿ ಸುದ್ದಿ ಬರಬಹುದು. ಮಿಥುನ ರಾಶಿ: ಆದಾಯ ಹೆಚ್ಚಳದ ಸಮಯ ಬರಲಿದೆ. ಕೆಲಸದಲ್ಲಿ ಹೆಚ್ಚಿನ ಪ್ರಯತ್ನ ಅಗತ್ಯವಿದೆ. ಶ್ರಮದ ಫಲ ನೀಡುವ ದಿನ ಇದಾಗಿದೆ. ಕರ್ಕ ರಾಶಿ: ವೃತ್ತಿ ಮತ್ತು ವ್ಯವಹಾರದಲ್ಲ ಹೊಸ ಯೋಜನೆಗಳು ಫಲಿಸಲಿದೆ. ಕುಟುಂಬದಲ್ಲಿ ಶಾಂತಿ ಕಾಪಾಡುವುದು ಮುಖ್ಯ. ನಿರುದ್ಯೋಗಿಗಳಿಗೆ ಕೆಲಸ ಸಿಗುವ ಲಕ್ಷಣವಿದೆ. ಸಿಂಹ ರಾಶಿ: ಆರೋಗ್ಯ ಸುಧಾರಣೆ ಆಗಲಿದೆ. ಆರ್ಥಿಕ ಕ್ಷೇತ್ರದಲ್ಲಿ ಸದುಪಯೋಗ ದೊರೆಯಲಿದೆ. ಹೊಸ ಅವಕಾಶಗಳು ಎದುರಾಗುತ್ತವೆ. ಕನ್ಯಾ ರಾಶಿ: ಶ್ರದ್ಧೆ ಮತ್ತು ಪರಿಶ್ರಮದಿಂದ ಮಾಡಿದ ಕೆಲಸ ಫಲಿಸುತ್ತದೆ. ಹಣಕಾಸು ಸ್ಥಿರವಾಗಲಿದೆ. ಕೆಲಸದಲ್ಲಿ ಹೊಸ ಸಮಸ್ಯೆಗಳು ಬಂದರೂ ಅದನ್ನು ಎದುರಿಸುವಿರಿ. ತುಲಾ ರಾಶಿ: ಹೊಸ ಪರಿಚಯಗಳು ನಿಮ್ಮ ಜೀವನಕ್ಕೆ ಸಂತೋಷ ತರಲಿದೆ. ಆರ್ಥಿಕವಾಗಿ ಸಂಕಷ್ಟ ತಪ್ಪಲಿದೆ. ಕುಟುಂಬದಲ್ಲಿ ಸಹಕಾರ ದೊರಕುತ್ತದೆ. ವೃಶ್ಚಿಕ ರಾಶಿ: ಸಂಬoಧಗಳಲ್ಲಿ ಆತ್ಮವಿಶ್ವಾಸ ಅಗತ್ಯ. ಹಣಕಾಸು ನಿರ್ವಹಣೆಗೆ ಗಮನ ಕೊಡಿ. ಕಾರ್ಯಕ್ಷೇತ್ರದಲ್ಲಿ ಸಾಧನೆ ಸಂಭವಿಸುತ್ತದೆ. ಸ್ನೇಹಿತರಿಂದ ಸಹಾಯ ಸಿಗಲಿದೆ. ಧನು ರಾಶಿ: ಧೈರ್ಯ ಮತ್ತು ಶಕ್ತಿಯಿಂದ ನಿಮ್ಮ ಕೆಲಸ ನಡೆಸಿ. ಹೊಸ ಯೋಜನೆಗಳನ್ನು ಸರಿಯಾಗಿ ಪಾಲಿಸಿ. ಕುಟುಂಬದಲ್ಲಿ ಸಂತೋಷ ಕಾಣಲಿದೆ. ಮಕರ ರಾಶಿ: ಲಾಭದಾಯಕ ಕಾರ್ಯಗಳು ಜರುಗಲಿದೆ. ಕುಟುಂಬದವರೊAದಿಗೆ ಮಾತುಕತೆ ಉತ್ತಮವಾಗಿದ್ದರೆ ಚಂದ. ಆರೋಗ್ಯದ ಕಡೆ ಗಮನ ಬೇಕು. ಕುಂಭ ರಾಶಿ: ಹೊಸ ಒಪ್ಪಂದಗಳು ಸಾಧ್ಯವಿದೆ. ಹಣಕಾಸು ಚಟುವಟಿಕೆಗಳಲ್ಲಿ ಎಚ್ಚರಿಕೆ ಅಗತ್ಯ. ಸ್ನೇಹಿತರು ನಿಮ್ಮನ್ನು ಬೆಂಬಲಿಸಲಿದ್ದು, ಕಾರ್ಯಕ್ಷೇತ್ರದಲ್ಲಿ ಸಾಧನೆ ಸಿಗಲಿದೆ. ಮೀನ ರಾಶಿ: ನಿರ್ಧಾರಗಳಲ್ಲಿ ಸ್ಪಷ್ಟತೆ ಮತ್ತು ಧೈರ್ಯದಿಂದ ಕಾರ್ಯನಿರ್ವಹಿಸಿ. ಖರ್ಚುಗಳನ್ನು ನಿಯಂತ್ರಿಸಿ. ಹೊಸ ಆದಾಯದ ದಾರಿ ಹುಡುಕುವುದು ಅನಿವಾರ್ಯ.
- [ಅವನೇ ಗಾಂಜಾ ಮಾರಾಟಗಾರ!](https://mobiletime.in/2025/11/he-is-a-marijuana-seller/): ಹೊನ್ನಾವರದ ವಿಶಾಲ ಮೇಸ್ತಾ ಅವರು ಗೋಕರ್ಣದ ಮಂಜುನಾಥ ಗೌಡ ಅವರಿಗೆ 2 ಸಾವಿರ ರೂ ಮೌಲ್ಯದ ಗಾಂಜಾ ಸರಬರಾಜು ಮಾಡಿದ್ದಾರೆ. ಆ 60 ಗ್ರಾಂ ಗಾಂಜಾ ಮಾರಾಟ ಮಾಡಿ ಕಾಸು ಸಂಪಾದಿಸುವ ದಾರಿ ಹೇಳಿಕೊಟ್ಟಿದ್ದಾರೆ. ಆದರೆ, ಗಾಂಜಾ ಮಾರಾಟ ಮಾಡುವ ವೇಳೆ ಮಂಜುನಾಥ ಗೌಡ ಅವರು ಪಿಐ ಶ್ರೀಧರ್ ಎಸ್ ಆರ್ ಅವರಿಗೆ ಸಿಕ್ಕಿಬಿದ್ದಿದ್ದಾರೆ! ಗೋಕರ್ಣದ ಶಶಿಹಿತ್ತಲ ಮಂಜುನಾಥ ವೆಂಕಟ ಗೌಡ ಅವರು ಗೌಂಡಿ ಕೆಲಸ ಮಾಡಿಕೊಂಡಿದ್ದರು. ಅವರಿಗೆ ಬಹುಬೇಗ ದುಡ್ಡು ಮಾಡಬೇಕು ಎಂಬ ಯೋಚನೆ ಬಂದಿತು. ಹೀಗಾಗಿ ಅವರು ಅಡ್ಡದಾರಿ ಹಿಡಿಯಲು ನಿರ್ಧರಿಸಿದರು. ಆಗ, ಹೊನ್ನಾವರದ ಕಾಸರಕೋಡಿನ ವಿಶಾಲ ಮೇಸ್ತಾ ಅವರು ಗಾಂಜಾ ವ್ಯಾಪಾರದ ಗುಟ್ಟು ಹೇಳಿದರು. ವಿಶಾಲ ಮೇಸ್ತಾ ಅವರೇ 2 ಸಾವಿರ ರೂ ಹಣಪಡೆದು ಗಾಂಜಾ ತಂದುಕೊಟ್ಟರು. ಗೌoಡಿ ಕೆಲಸ ಮಾಡಿಕೊಂಡಿದ್ದ ಮಂಜುನಾಥ ಗೌಡ ಅವರಿಗೆ ವ್ಯಾಪಾರಿತನದ ಚಾಣಾಕ್ಷತನ ಇರಲಿಲ್ಲ. ಅದಾಗಿಯೂ ಅವರು ನವೆಂಬರ್ 3ರಂದು ಗೋಕರ್ಣ ಬೇಲೆಹಿತ್ಲೆಯಲ್ಲಿರುವ ಹೊಸ ಮೀನು ಮಾರುಕಟ್ಟೆ ಬಳಿ ಗಾಂಜಾ ಮಾರಾಟಕ್ಕೆ ನಿಂತಿದ್ದರು. ಮೀನು ಖರೀದಿಸಲು ಬಂದವರಿಗೆಲ್ಲ ಗಾಂಜಾ ಸೊಪ್ಪಿನ ಮಹತ್ವ ಹೇಳುತ್ತಿದ್ದರು. ಮಾದಕ ವಸ್ತು ಮಾರಾಟ ಕಾನೂನುಬಾಹಿರ ಎಂಬ ಅರಿವಿದ್ದರೂ ದುಡ್ಡಿನ ಆಸೆಗಾಗಿ ಅವರು ಆ ದಾರಿ ಆಯ್ದುಕೊಂಡಿದ್ದರು. ಗೋಕರ್ಣ ಪಿಐ ಶ್ರೀಧರ್ ಎಸ್ ಆರ್ ಅವರು ಬೇಲೆಹಿತ್ತಲಿನ ಕಡಲಿನ ಬಳಿ ಹೋಗಿದ್ದರು. ಆ ವೇಳೆ ಗಾಂಜಾ ಹಿಡಿದು ನಿಂತಿದ್ದ ಮಂಜುನಾಥ ಗೌಡ ಅವರು ಕಾಣಿಸಿದರು. ಅವರನ್ನು ಮಾತನಾಡಿಸಿದಾಗ ಗಾಂಜಾ ವ್ಯಾಪಾರ ದೃಢವಾಯಿತು. ಗಾಂಜಾ ಪೂರೈಸಿದ ವ್ಯಕ್ತಿಯ ಹೆಸರು ಬಹಿರಂಗವಾಯಿತು. ಈ ಹಿನ್ನಲೆ ಹೊನ್ನಾವರದ ವಿಶಾಲ ಮೇಸ್ತಾ ಅವರು ಗೋಕರ್ಣದ ಮಂಜುನಾಥ ಗೌಡ ಅವರಿಬ್ಬರ ಹೆಸರನ್ನು ದಾಖಲಿಸಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ರೌಡಿ ಕಿರಣನಿಗೆ ಗಡಿಪಾರು ಶಿಕ್ಷೆ!](https://mobiletime.in/2025/11/rowdy-kiran-sentenced-to-exile/): ವಿವಿಧ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಮುಂಡಗೋಡಿನ ಕಿರಣ ಸೊಳಂಕಿ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದೆ. ಐದು ಕ್ರಿಮಿನಲ್ ಪ್ರಕರಣದಲ್ಲಿ ಭಾಗಿಯಾಗಿರುವ ಕಿರಣ ಸೊಳಂಕಿ ಅವರಿಗೆ ಶಿರಸಿ ಸಹಾಯಕ ಆಯುಕ್ತೆ ಕಾವ್ಯರಾಣಿ ಅವರು ಗಡಿಬಿಟ್ಟು ಹೋಗುವಂತೆ ಸೂಚಿಸಿದ್ದಾರೆ. ಕಿರಣ ಸೊಳಂಕಿ ಅವರು ಮುಂಡಗೋಡಿನ ಆನಂದನಗರದಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದರು. 26ನೇ ವಯಸ್ಸಿನಲ್ಲಿಯೇ ಅವರು ಕೊಲೆ, ಸುಲಿಗೆ, ಬೆದರಿಕೆ ಸೇರಿ ಅನೇಕ ಪ್ರಕರಣಗಳಲ್ಲಿ ಭಾಗಿಯಾಗಿದ್ದರು. ಕಿರಣ ಸೋಳಂಕಿ ಅವರ ಗಡಿಪಾರಿಗೆ ಪೊಲೀಸರು ಶಿಫಾರಸ್ಸು ಮಾಡಿದ್ದು, ಆ ಕಡತ ಜಿಲ್ಲಾಧಿಕಾರಿ ಕಚೇರಿ ಸೇರಿತ್ತು. ಉಪವಿಭಾಗಾಧಿಕಾರಿ ಕಾವ್ಯರಾಣಿ ಅವರು ಅದನ್ನು ವಿಚಾರಣೆಗೆ ಒಳಪಡಿಸಿದರು. ಕಿರಣ ಸೋಳಂಕಿ ಅವರಿಗೆ ತಮ್ಮ ಅಹವಾಲು ಹೇಳಿಕೆಗೆ ಕಾವ್ಯರಾಣಿ ಅವರು ಸಾಕಷ್ಟು ಸಮಯ ಕೊಟ್ಟರು. ಕಿರಣ ಸೋಳಂಕಿ ಅವರಿಗೆ ಪ್ರಕರಣವೊಂದರಲ್ಲಿ 10 ವರ್ಷ ಜೈಲು ಶಿಕ್ಷೆ ಆಗಿರುವುದನ್ನು ಕಾವ್ಯರಾಣಿ ಅವರು ಗಮನಿಸಿದರು. ನ್ಯಾಯಾಲದಿಂದ ಜಾಮೀನುಪಡೆದು ಊರಿಗೆ ಮರಳಿದ ಕಿರಣ ಸೋಳಂಕಿ ಅದಾದ ನಂತರವೂ ಹಲವು ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿದ್ದು, ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲು ನಿರ್ಧರಿಸಿದರು. ಸದ್ಯ 3 ತಿಂಗಳ ಅವಧಿಗೆ ಕಿರಣ ಸೋಳಂಕಿ ಅವರನ್ನು ಗಡಿಪಾರು ಮಾಡಲಾಗಿದೆ. ಪೊಲೀಸರು ಕಿರಣ ಸೋಳಂಕಿ ಅವರನ್ನು ಯಾದಗಿರಿಗೆ ಕರೆದೊಯ್ದು ಬಿಟ್ಟಿದ್ದಾರೆ.
- [ಗ್ರಾಸೀಂ ಇಂಡಸ್ಟ್ರಿ: ಇಲ್ಲಿನ ನೌಕರರಿಗೆ ನಿವೃತ್ತಿ ನಂತರವೇ ಸಮಸ್ಯೆ ಶುರು!](https://mobiletime.in/2025/11/grasim-industries-the-problems-for-employees-here-started-only-after-retirement/): ಕಾರವಾರದ ಬಿಣಗಾದಲ್ಲಿರುವ ಗ್ರಾಸೀಂ ಇಂಡಸ್ಟ್ರಿ’ನಲ್ಲಿ ದುಡಿದು ನಿವೃತ್ತರಾದ ನೌಕರರಿಗೆ ನಿಯಮಾನುಸಾರ ಸೌಲಭ್ಯ ಒದಗಿಸುತ್ತಿಲ್ಲ. ಹೀಗಾಗಿ ಅನ್ಯಾಯಕ್ಕೆ ಒಳಗಾದ ನಿವೃತ್ತ ನೌಕರರು ಮಾಧ್ಯಮದ ಮುಂದೆ ಅಳಲು ತೋಡಿಕೊಂಡಿದ್ದಾರೆ. `ಕoಪನಿಯೂ ಎರಡು ವರ್ಷಗಳಿಂದ ಹಿಂಬಾಕಿ ವೇತನ ನೀಡಿಲ್ಲ. ನ್ಯಾಯಾಲಯದ ಆದೇಶವಿದ್ದರೂ ಅದನ್ನು ಪಾಲಿಸುತ್ತಿಲ್ಲ’ ಎಂದು ಗ್ರಾಸೀಂ ನಿವೃತ್ತ ನೌಕರ ಯುಗಂಧರ ಆಲೂರು ದೂರಿದರು. `ನ್ಯಾಯಾಲಯವು ನೌಕರರ ನಿವೃತ್ತಿ ವಯಸ್ಸನ್ನು 58ರಿಂದ 60ಕ್ಕೆ ಏರಿಸಿ ಆದೇಶ ನೀಡಿತ್ತು. ಅದರ ಪ್ರಕಾರ 2018ರಿಂದ 2023 ರ ಅವಧಿಯಲ್ಲಿ ನಿವೃತ್ತರಾದ ನೌಕರರಿಗೆ ಕಂಪನಿಯು ಎರಡು ವರ್ಷಗಳ ಹಿಂಬಾಕಿ ವೇತನವನ್ನು ನೀಡಬೇಕು ಎಂದು ನ್ಯಾಯಾಲಯ ಆದೇಶಿಸಿತ್ತು’ ಎಂದವರು ವಿವರಿಸಿದರು. `ಆದರೆ, ಕಂಪನಿಯ ಅಧಿಕಾರಿಗಳು ನ್ಯಾಯಾಲಯದ ಆದೇಶವನ್ನು ಗಾಳಿಗೆ ತೂರಿದ್ದಾರೆ. ಬಾಕಿ ವೇತನ ಪಾವತಿಗೆ ನಿರಾಕರಿಸುತ್ತಿದ್ದಾರೆ. ಹಿಂಬಾಕಿ ನೀಡಲು ಕಂಪನಿ ಕಾನೂನುಬಾಹಿರ ಷರತ್ತು ವಿಧಿಸುತ್ತಿದೆ’ ಎಂದು ದೂರಿದರು. `ಫೈನಲ್ ಸೆಟಲ್ಮೆಂಟ್ ಎಂದು ಬಾಂಡ್ ಮೇಲೆ ಸಹಿ ಮಾಡಿದ ನಂತರ ವೇತನ ನೀಡುವುದಾಗಿ ಕಂಪನಿ ಹೇಳಿದೆ. ಆದರೆ ಈ ಷರತ್ತು ಸಂಪೂರ್ಣವಾಗಿ ಕಾನೂನುಬಾಹಿರವಾಗಿದೆ’ ಎಂದರು. `ಅ 30ರಂದು ಕಂಪನಿಯ ಮಾನವ ಸಂಪನ್ಮೂಲ ವಿಭಾಗಕ್ಕೆ ಮನವಿ ನೀಡಲು ತೆರಳಿದಾಗ ಅದನ್ನು ಸ್ವೀಕರಿಸಿಲ್ಲ. ಜೊತೆಗೆ ಘಟಕದ ಮುಖ್ಯಸ್ಥರನ್ನು ಭೇಟಿ ಮಾಡಲೂ ಅವಕಾಶ ನೀಡಲಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಕಾರ್ಮಿಕ ಇಲಾಖೆ ಹಾಗೂ ಉಪ ಕಾರ್ಮಿಕ ಆಯುಕ್ತರು ಕೂಡಲೇ ಮಧ್ಯಸ್ಥಿಕೆ ವಹಿಸಬೇಕು. ಕಂಪನಿಯು ನ್ಯಾಯಾಲಯದ ತೀರ್ಪನ್ನು ಗೌರವಿಸಿ, ಯಾವುದೇ ಷರತ್ತುಗಳಿಲ್ಲದೆ ಹಿಂಬಾಕಿ ವೇತನವನ್ನು ತಕ್ಷಣ ಬಿಡುಗಡೆ ಮಾಡಬೇಕು’ ಎಂದು ವನದೇವ ಹರಿಕಂತ್ರ, ಗೋಪಾಲಕೃಷ್ಣ ನಾಯ್ಕ, ಲಕ್ಷೀಕಾಂತ ದುರ್ಗೇಕರ, ಕಿರಣ ಗಾಂವ್ಕರ ಆಗ್ರಹಿಸಿದರು.
- [ಲಾರಿ ಕದ್ದವ ಸ್ಕೂಟರ್ ಕೊಟ್ಟು ಹೋದ!](https://mobiletime.in/2025/11/lorry-gave-away-a-stolen-scooter/): ಶಿರಸಿ-ಹುಬ್ಬಳ್ಳಿ ರಸ್ತೆ ಅಂಚಿನಲ್ಲಿದ್ದ ಲಾರಿಯೊಂದು ಕಳ್ಳತನವಾಗಿದೆ. ಲಾರಿ ಕದ್ದ ಕಳ್ಳ ಅದೇ ಜಾಗದಲ್ಲಿ ಸ್ಕೂಟರ್ ಬಿಟ್ಟು ಹೋಗಿದ್ದಾರೆ! ಶಿರಸಿಯ ಚಿಪಗಿ ಮಹಾಲಕ್ಷ್ಮಿ ಸಾಮಿಲ್ ಬಳಿಯ ಕಾರ್ತಿಕ ಗುಡೇದ ಅವರು ಲಾರಿಯೊಂದನ್ನು ಖರೀದಿಸಿದ್ದರು. ಆ ಲಾರಿಗೆ ಅವರೇ ಮಾಲಕರಾಗಿದ್ದು, ಚಾಲಕರಾಗಿಯೂ ಕೆಲಸ ಮಾಡುತ್ತಿದ್ದರು. ನವೆಂಬರ್ 2ರಂದು ಅವರು ಶಿರಸಿ-ಹುಬ್ಬಳ್ಳಿ ರಸ್ತೆ ಅಂಚಿನಲ್ಲಿ ತಮ್ಮ ಲಾರಿ ನಿಲ್ಲಿಸಿದ್ದರು. ಅಲ್ಲಿರುವ ಮನೆಯೊಳಗೆ ಅವರು ಮಲಗಿದ್ದರು. ನವೆಂಬರ್ 3ರ ಬೆಳಗ್ಗೆ ಎದ್ದು ನೋಡಿದಾಗ ಅಲ್ಲಿ ಅವರ ಲಾರಿ ಕಾಣಲಿಲ್ಲ. ಅಶೋಕ ಲೈಲಾಂಡ್ ದೋಸ್ತ್ ಮಾದರಿ ಲಾರಿಯನ್ನು ಅವರು ಎಲ್ಲಾ ಕಡೆ ಹುಡುಕಿದರು. ಆದರೂ, ಆ ಲಾರಿ ಸಿಗಲಿಲ್ಲ. ಲಾರಿ ನಿಲ್ಲಿಸಿದ ಜಾಗದಲ್ಲಿ ನೋಂದಣಿ ಸಂಖ್ಯೆಯೇ ಇಲ್ಲದ ಸ್ಕೂಟರ್ ನಿಂತಿರುವುದು ಅವರಿಗೆ ಕಾಣಿಸಿತು. ಲಾರಿ ಕದ್ದ ಕಳ್ಳನೇ ಈ ಸ್ಕೂಟರ್ ನಿಲ್ಲಿಸಿರುವ ಬಗ್ಗೆ ಅವರಿಗೆ ದೃಢವಾಯಿತು. ಈ ಎಲ್ಲಾ ಹಿನ್ನಲೆ ಅವರು ಶಿರಸಿ ಗ್ರಾಮೀಣ ಠಾಣೆ ಪೊಲೀಸರನ್ನು ಭೇಟಿ ಮಾಡಿದರು. ಲಾರಿ ಕಳ್ಳತನ ಹಾಗೂ ಸ್ಕೂಟರ್ ಕಥೆ ಹೇಳಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಎಲ್ಲಾ ಕಡೆ ಕಳ್ಳರ ಕಾಟ!](https://mobiletime.in/2025/11/thieves-are-everywhere/): ಯಲ್ಲಾಪುರದ ಕಣ್ಣಿಗೇರಿ ಹಾಗೂ ಕಾಳಮ್ಮನಗರದಲ್ಲಿ ಕಳ್ಳತನ ನಡೆದಿದೆ. ಕಾಳಮ್ಮ ನಗರದಲ್ಲಿ ಕಳ್ಳರು ಸ್ಕೂಟಿ ಕದ್ದಿದ್ದಾರೆ. ಕಣ್ಣಿಗೇರಿಯಲ್ಲಿ ಮನೆಯೊಳಗೆ ನುಗ್ಗಿ ಆಭರಣ ದೋಚಿದ್ದಾರೆ. ಯಲ್ಲಾಪುರದ ಕಾಳಮ್ಮ ನಗರದ ಅಡಿಕೆ ವ್ಯಾಪಾರಿ ರಾಘವೇಂದ್ರ ಭಟ್ಟ ಅವರು ತಮ್ಮ ಸ್ಕೂಟರ್ ಕಳೆದುಕೊಂಡಿದ್ದಾರೆ. ಅಕ್ಟೊಬರ್ 15ರಂದು ಅವರ ಮನೆ ಮುಂದೆ ನಿಲ್ಲಿಸಿದ ಸ್ಕೂಟರ್ ಕಳ್ಳತನವಾಗಿದ್ದು, ಎಲ್ಲಾ ಕಡೆ ಹುಡುಕಿದರೂ ಸಿಗದ ಕಾರಣ ಈ ದಿನ ಅವರು ಪೊಲೀಸ್ ದೂರು ನೀಡಿದ್ದಾರೆ. `ಟಿವಿಎಸ್ ಜುಪಿಟರ್ ಮಾದರಿಯ ಸ್ಕೂಟರ್ ಹುಡುಕಿ ಕೊಡಿ’ ಎಂದವರು ಮನವಿ ಮಾಡಿದ್ದಾರೆ. ಕಣ್ಣಿಗೇರಿಯ ಸಾರಬೈಲಿನ ಮಿಲಾಗ್ರಿ ವಾಜ್ ಅವರ ಮನೆಯಲ್ಲಿ ನವೆಂಬರ್ 1ರಂದು ಕಳ್ಳತನ ನಡೆದಿದೆ. ನವೆಂಬರ್ 2ರ ಮಧ್ಯಾಹ್ನ ಮನೆಯೊಳಗೆ ಪ್ರವೇಶಿಸಿದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಮನೆಯ ಹಂಚು ತೆಗೆದ ಕಳ್ಳರು ಕಪಾಟಿನ ಪಕ್ಕದಲ್ಲಿದ್ದ ಚಾವಿ ಬಳಸಿ ಕಪಾಡು ತೆರೆದಿದ್ದಾರೆ. ಅದಾದ ನಂತರ ಅಲ್ಲಿದ್ದ ಕಿವಿಯೊಲೆ, ಕರಿಮಣಿ ಸರ, ಕಾಲ್ಗೆಜ್ಜೆ ಸೇರಿ 1.13 ಲಕ್ಷ ರೂ ಮೌಲ್ಯದ ಆಭರಣ ಅಪಹರಿಸಿದ್ದಾರೆ. ಅವರು ಸಹ ಯಲ್ಲಾಪುರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ಕಳ್ಳರ ಪತ್ತೆಗೆ ಒತ್ತಾಯಿಸಿದ್ದಾರೆ.
- [ಗಾಯತ್ರಿ ಸಾವಿಗೆ ಆ ವಿಡಿಯೋ ಕಾರಣ!](https://mobiletime.in/2025/11/that-video-is-the-reason-for-gayatris-death/): ಹೊನ್ನಾವರದ ಗುಂಡಿಬೈಲಿನ ಗಾಯತ್ರಿ ಗೌಡ ಅವರ ಸಾವಿನ ಕಾರಣ ಗೊತ್ತಾಗಿದೆ. ಪ್ರಿಯಕರ ರಮೇಶ ಗೌಡ ಬ್ಲಾಕ್‌ಮೇಲ್ ಮಾಡಿದ್ದರಿಂದ ಗಾಯತ್ರಿ ಗೌಡ ಅವರು ಆತ್ಮಹತ್ಯೆ ನಿರ್ಧಾರ ಮಾಡಿದ್ದಾರೆ. ಗಾಯತ್ರಿ ಗೌಡ ಅವರು ಏಳು ವರ್ಷಗಳಿಂದ ರಮೇಶ ಗೌಡ ಅವರನ್ನು ಪ್ರೀತಿಸುತ್ತಿದ್ದರು. ಆದರೆ, ರಮೇಶ ಗೌಡ ಅವರು ಗಾಯತ್ರಿ ಗೌಡರ ಜೊತೆಗೆ ಮತ್ತೊಬ್ಬ ಯುವತಿಯನ್ನು ದೈಹಿಕವಾಗಿ ಬಳಸಿಕೊಂಡಿದ್ದರು. ಮತ್ತೊಬ್ಬ ಯುವತಿ ಜೊತೆ ರಮೇಶ ಗೌಡ ರೂಮಿನಲ್ಲಿದ್ದ ಖಾಸಗಿ ವಿಡಿಯೋವನ್ನು ಗಾಯತ್ರಿ ಗೌಡ ಅವರು ನೋಡಿದ್ದರು. ಇದನ್ನು ಪ್ರಶ್ನಿಸಿದಾಗ ರಮೇಶ ಗೌಡ ಅವರು ಗಾಯತ್ರಿ ಗೌಡ ಅವರ ವಿಡಿಯೋ ಕಾಣಿಸಿ ಬ್ಲಾಕ್‌ಮೇಲ್ ಮಾಡಿದ್ದರು. ಇದರಿಂದ ಮಾನಸಿಕವಾಗಿ ಕುಗ್ಗಿದ ಗಾಯತ್ರಿ ಗೌಡ ಅವರು ಬಾವಿಗೆ ಹಾರಿ ಪ್ರಾಣ ಬಿಟ್ಟರು. ತನಿಖೆ ನಡೆಸಿದಾಗ ಈ ಎಲ್ಲಾ ವಿಷಯ ಹೊರಬಂದಿದ್ದು, ಗಾಯತ್ರಿ ಗೌಡ ಅವರ ತಾಯಿ ಗಿರಿಜಾ ಗೌಡ ಅವರು ನೀಡಿದ ದೂರಿನ ಮೇರೆಗೆ ಕಾಸರಕೋಡ ಮಲ್ಲಮಾಸ್ತಿಕೇರಿಯ ರಮೇಶ ಗಣಪಯ್ಯ ಗೌಡ ಅವರ ಬಂಧನವಾಗಿದೆ. ರಮೇಶ ಗೌಡ ಅವರು ಗಾಯತ್ರಿ ಗೌಡ ಅವರಿಗಿಂತ 12 ವರ್ಷ ದೊಡ್ಡವರಾಗಿದ್ದರು. ಆದರೂ, ರಮೇಶ ಗೌಡ ಅವರನ್ನು ಮದುವೆ ಆಗುವುದಾಗಿ ಗಾಯತ್ರಿ ಗೌಡ ಮನೆಯಲ್ಲಿ ಹೇಳಿದ್ದರು. ಅವರ ಪ್ರೀತಿಗೆ ಕುಟುಂಬದವರು ಸಹ ಒಪ್ಪಿದ್ದರು. ಅದಾಗಿಯೂ ರಮೇಶ ಗೌಡ ಅವರು ಪ್ರೀತಿ ಹೆಸರಿನಲ್ಲಿ ನಾಟಕವಾಡಿದ್ದು, ಮತ್ತೊಮ್ಮ ಮಹಿಳೆ ಜೊತೆ ಸಂಬoಧ ಹೊಂದಿದ್ದರು. ಇದನ್ನು ಪ್ರಶ್ನಿಸಿದ ಒಂದೇ ಒಂದು ಕಾರಣದಿಂದ ಗಾಯತ್ರಿ ಗೌಡ ಅವರ ಖಾಸಗಿ ವಿಡಿಯೋ ಮಾಡಿ ಬೆದರಿಕೆ ಒಡ್ಡುತ್ತಿದ್ದರು. ಈ ಎಲ್ಲಾ ವಿಷಯವನ್ನು ಗಾಯತ್ರಿ ಗೌಡ ಅವರು ಬರೆದಿಟ್ಟಿದ್ದಾರೆ. ಪ್ರೀತಿ ವಿಷಯದಲ್ಲಿ ತಮಗೆ ಆದ ಮೋಸ, ವಂಚನೆಯ ಬಗ್ಗೆ ಅವರು ವಿಸ್ತಾರವಾಗಿ ವಿವರಿಸಿದ್ದಾರೆ. `ಬೇರೆ ಹುಡುಗಿ ಜೊತೆ ದೇಹ ಹಂಚಿಕೊAಡ ಆತನನ್ನು ನಾನು ಮದುವೆ ಆಗುವುದಿಲ್ಲ’ ಎಂದು ಸಹ ಗಾಯತ್ರಿ ಗೌಡ ಅವರು ಬರೆದಿದ್ದು, ಪ್ರೀತಿ ನಿರಾಕರಿಸಿದಾಗ ಜಗಳವಾಡಿದನ್ನು ಬಹಿರಂಗಪಡಿಸಿದ್ದಾರೆ. ತನಗೆ ಗೊತ್ತಿಲ್ಲದೇ ತನ್ನ ಖಾಸಗಿ ವಿಡಿಯೋ ಮಾಡಿರುವುದನ್ನು ಸಹ ಅವರು ವಿವರಿಸಿದ್ದು, ಹುಟ್ಟಿದ ದಿನವೇ ಸಾವನಪ್ಪಲು ನಿರ್ಧರಿಸಿ ಆತ್ಮಹತ್ಯೆ ನಿರ್ಧಾರ ಮಾಡಿದ ಬಗ್ಗೆ ಬರಹದ ಮೂಲಕ ಹೇಳಿದ್ದಾರೆ.
- [ಗೋಕರ್ಣ: ಗಗನಕ್ಕೆ ಹಾರಿದ ಕೂರ್ಸೆಮನೆಯ ಕೂಸು!](https://mobiletime.in/2025/11/gokarna-the-baby-of-the-kursemane-family-flew-into-the-sky/): ಗೋಕರ್ಣದ ಕೂರ್ಸೆ ಮನೆತನದ ಕಾವ್ಯಶ್ರೀ ಕೂರ್ಸೆ ಅವರು 21ನೇ ವಯಸ್ಸಿನಲ್ಲಿಯೇ ವಿಮಾನದ ಪೈಲೆಟ್ ಆಗಿದ್ದಾರೆ. ನಿತ್ಯವೂ ಬಾನಂಗಳದಲ್ಲಿ ಹಾರಾಡುವ ಬಗ್ಗೆ ಬಾಲ್ಯದಲ್ಲಿಯೇ ಕಂಡಿದ್ದ ಕನಸನ್ನು ಅವರು ಈಡೇರಿಸಿಕೊಂಡಿದ್ದಾರೆ. ಕಾವ್ಯಶ್ರೀ ಕೂರ್ಸೆ ಅವರ ತಂದೆ ಲಕ್ಸ್ಮಿನಾರಾಯಣ ಕೂರ್ಸೆ ಅವರು ಗೋವಾದಲ್ಲಿ ವೈದಿಕರಾಗಿದ್ದಾರೆ. ತಾಯಿ ಶ್ಯಾಮಲಾ ಕೂರ್ಸೆ ಅವರ ನಿರಂತರ ಪ್ರೋತ್ಸಾಹದಿಂದಾಗಿ ಕಾವ್ಯಶ್ರೀ ಕೂರ್ಸೆ ಅವರು ಈಗಾಗಲೇ 200 ತಾಸಿನ ವಿಮಾನ ಹಾರಾಟ ನಡೆಸಿದ್ದಾರೆ. ಆ ಮೂಲಕ ಕಮರ್ಷಿಯಲ್ ಪೈಲೆಟ್ ಲೈಸನ್ಸ್ ಸ್ವೀಕರಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಮೊದಲ ಮಹಿಳಾ ಪೈಲೆಟ್ ಆಗಿ ಕಾವ್ಯಶ್ರೀ ಕೂರ್ಸೆ ಹೆಸರು ಮಾಡಿದ್ದಾರೆ. ಗೋವಾದಲ್ಲಿಯೇ ಬಾಲ್ಯ ಕಳೆದ ಕಾವ್ಯಶ್ರೀ ಕೂರ್ಸೆ ಅವರು ತಮ್ಮ ಮನೆ ಮೇಲೆ ನಿತ್ಯ ವಿಮಾನ ಹಾರಾಟ ನೋಡುತ್ತಿದ್ದರು. `ತಾನೂ ಇಂಥ ವಿಮಾನ ಹಾರಿಸಬೇಕು’ ಎಂದವರು ಕನಸು ಕಂಡಿದ್ದರು. ಗೋವಾದಲ್ಲಿಯೇ ಶಿಕ್ಷಣ ಮುಗಿಸಿದ ಅವರು ಮಹಾರಾಷ್ಟದ ಬಾರಾಮತಿ ವಿಮಾನ ತರಬೇತಿ ಕೇಂದ್ರದಲ್ಲಿ ಅಭ್ಯಾಸ ಮಾಡಿದರು. ನಿರಂತರ ಪ್ರಯತ್ನದ ಫಲವಾಗಿ ಅವರು ವಿಮಾನ ಹಾರಾಟದ ಪರವಾನಿಗೆಪಡೆದರು.
- [ಹೋರಾಟಗಾರನ ಮೇಲೆ ಹೆಜ್ಜೇನು ದಾಳಿ!](https://mobiletime.in/2025/11/a-bee-attack-on-a-fighter/): ಕುಮಟಾ ಆಡಳಿತ ಸೌಧದ ಅವ್ಯವಸ್ಥೆಗಳ ವಿರುದ್ಧ ಹೋರಾಡುತ್ತಿರುವ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಆಗ್ನೇಲ್ ರೋಡ್ರಿಗಸ್ ಅವರ ಮೇಲೆ ಹೆಜ್ಜೇನು ದಾಳಿ ನಡೆಸಿದೆ. ಆಡಳಿತ ಸೌಧದ ಕಟ್ಟಡಕ್ಕಿರುವ ಹುಳುಗಳು ಅವರನ್ನು ಓಡಿಸಿಕೊಂಡು ಬಂದಿದ್ದು, ನೋವು ತಿಂದ ಅವರು ಹೆಜ್ಜೇನು ಸ್ಥಳಾಂತರಕ್ಕೆ ಆಗ್ರಹಿಸಿದ್ದಾರೆ. ಕುಮಟಾ ಆಡಳಿತದ ಬಗ್ಗೆ ಆಗ್ನೇಲ್ ರೋಡ್ರಿಗಸ್ ಅವರು ಮೊದಲಿನಿಂದಲೂ ಅಸಮಧಾನವ್ಯಕ್ತಪಡಿಸುತ್ತಿದ್ದಾರೆ. ವಿವಿಧ ವಿಷಯಗಳಿಗೆ ಅವರು ಆಡಳಿತ ಸೌಧದ ಕಚೇರಿಯಲ್ಲಿ ಅರ್ಜಿ ನೀಡುತ್ತಿದ್ದಾರೆ. ನವೆಂಬರ್ 3ರಂದು ಅರ್ಜಿ ನೀಡುವುದಕ್ಕಾಗಿ ಅವರು ಆಡಳಿತ ಸೌಧದ ಕಚೇರಿಗೆ ಹೋದಾಗ ಅಲ್ಲಿ ಗೂಡು ಕಟ್ಟಿದ್ದ ಹೆಜ್ಜೇನು ದಾಳಿ ಮಾಡಿದೆ. `ಶಾಸಕರ ಕಚೇರಿ, ತಹಶೀಲ್ದಾರ್ ಕಚೇರಿ ಜೊತೆ ಅನೇಕ ಇಲಾಖೆ ಕಚೇರಿಗಳು ಈ ಕಟ್ಟಡದಲ್ಲಿವೆ. ಹೀಗಾಗಿ ಇಲ್ಲಿ ನಿತ್ಯ ನೂರಾರು ಜನ ಭೇಟಿ ನೀಡುತ್ತಾರೆ. ವೃದ್ಧರು-ಮಹಿಳೆಯರ ಜೊತೆ ಮಕ್ಕಳು ಸಹ ಬರುತ್ತಿದ್ದು, ಅವರ ಮೇಲೆ ಹೆಜ್ಜೇನು ದಾಳಿ ನಡೆಸಿದರೆ ಅಪಾಯ ಖಚಿತ. ಆಡಳಿತ ಸೌಧದ ಕಟ್ಟಡದ ಮೇಲೆ ನಾಲ್ಕು ಜೇನು ಗೂಡುಗಳಿದ್ದು, ಅನಾಹುತ ಆಗುವ ಮುನ್ನ ಅವುಗಳನ್ನು ಸ್ಥಳಾಂತರಿಸಬೇಕು’ ಎಂದು ಆಗ್ನೇಲ್ ರೋಡ್ರಿಗಸ್ ಆಗ್ರಹಿಸಿದ್ದಾರೆ.
- [ಅಪ್ಪ ಸರಾಯಿ ಮಾರಿದ: ಮಗ ಶಿಕ್ಷೆ ಅನುಭವಿಸಿದ!](https://mobiletime.in/2025/11/father-sold-the-tavern-son-served-his-sentence/): ಕುಮಟಾ ಬರ್ಗಿಯ ಗೋಪಾಲ ನಾಯ್ಕ ಅವರು ತಮ್ಮ ಅಂಗಡಿಯಲ್ಲಿ ಅಕ್ರಮವಾಗಿ ಸರಾಯಿ ಮಾರಾಟ ಮಾಡುತ್ತಿದ್ದು, ಅಪ್ಪ ಮಾಡಿದ ತಪ್ಪಿಗೆ ಅವರ ಮಗ ಸಚಿನ್ ನಾಯ್ಕ ಶಿಕ್ಷೆ ಅನುಭವಿಸುವ ಹಾಗಾಗಿದೆ! ಕುಮಟಾದ ಬರ್ಗಿಯಲ್ಲಿ ಗೋಪಾಲ ನಾಯ್ಕ ಅವರು ಮೊದಲಿನಿಂದಲು ಮಳಿಗೆಯೊಂದನ್ನು ಹೊಂದಿದ್ದಾರೆ. ಅಲ್ಲಿ ವಿವಿಧ ಬಗೆಯ ತರಕಾರಿ, ಕಿರಾಣಿ ಹಾಗೂ ಅಕ್ರಮ ಸರಾಯಿ ಮಾರಾಟ ಮಾಡುತ್ತಿದ್ದರು. ಇದನ್ನು ಖರೀದಿಸಲು ಅವರಿಗೆ ಅವರದ್ದೇ ಆದ ಗಿರಾಕಿಗಳಿದ್ದು, `ಸರಾಯಿ ಮಾರಾಟ ಮಾಡಬೇಡಿ’ ಎಂದು ಹೇಳಿದರೂ ಗೋಪಾಲ ನಾಯ್ಕ ಅವರು ಅದನ್ನು ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಅತ್ಯಂತ ದುಬಾರಿ ಬೆಲೆಯ ಸರಾಯಿಗಳನ್ನು ಸಹ ಗೋಪಾಲ ನಾಯ್ಕ ಅವರು ತಮ್ಮ ಮಳಿಗೆಯಲ್ಲಿ ದಾಸ್ತಾನು ಮಾಡುತ್ತಿದ್ದರು. ಮಾರುಕಟ್ಟೆ ದರಕ್ಕಿಂತಲೂ 10ರೂ ಕಡಿಮೆ ಬೆಲೆಯಲ್ಲಿಯೂ ಅವರು ಮಾರುತ್ತಿದ್ದು, ಅದರ ರಹಸ್ಯ ಯಾರಿಗೂ ಗೊತ್ತಾಗುತ್ತಿರಲಿಲ್ಲ. ಆದರೆ, ಸರಾಯಿ ಮಾರಾಟಕ್ಕೆ ಯಾವುದೇ ಅನುಮತಿ ಗೋಪಾಲ ನಾಯ್ಕ ಅವರ ಬಳಿಯಿರಲಿಲ್ಲ. ಸರ್ಕಾರದ ನಿಯಮಗಳನ್ನು ಅವರು ಪಾಲನೆ ಮಾಡುತ್ತಿರಲಿಲ್ಲ. ತಮ್ಮ ಬಳಿಯಿರುವ ಸರಾಯಿ ಬಾಟಲಿಗಳನ್ನು ಗೋಪಾಲ ನಾಯ್ಕ ಅವರು ಬರ್ಗಿ ಗ್ರಾಮದ ಬಸ್ ನಿಲ್ದಾಣದ ಬಳಿಯಿರುವ ಪಾಳು ಬಿದ್ದ ಮನೆಯಲ್ಲಿ ದಾಸ್ತಾನು ಮಾಡುತ್ತಿದ್ದರು. ಅಲ್ಲಿಯೇ ಮಾರಾಟ ವ್ಯವಸ್ಥೆಯನ್ನು ಅವರು ಹೊಂದಿದ್ದರು. ಆ ಮನೆಗೆ ಆಗಮಿಸಿದವರಿಗೆ ಅತಿಥಿ ಸತ್ಕಾರ ನಡೆಸಿ ಸರಾಯಿ ಸೇವನೆಗೆ ಅವಕಾಶ ಮಾಡಿಕೊಡುತ್ತಿದ್ದರು. ಹೀಗಿರುವಾಗ ನವೆಂಬರ್ 2ರ ರಾತ್ರಿ ಗೋಕರ್ಣ ಪಿಎಸ್‌ಐ ಖಾದರ್ ಭಾಷಾ ಅವರು ಆ ಮನೆ ಪ್ರವೇಶಿಸಿದರು. ಗಾಜಿನ ಬಾಟಲಿಯಲ್ಲಿ ತುಂಬಿದ್ದ ರಾಯಲ್ ಚಾಲೆಂಜ್, ಯುಬಿ ಎಕ್ಸಪೋರ್ಟ ಸ್ಟಾçಂಗ್ ಮೊದಲಾದ ಬಾಟಲಿಗಳನ್ನು ಅವರು ನೋಡಿದರು. ಈ ವೇಳೆ ಗೋಪಾಲ ನಾಯ್ಕ ಅವರು ಮೂತ್ರ ವಿಸರ್ಜನೆಗೆ ಹೊರಗೆ ಹೋಗಿದ್ದು, ಅವರ ಮಗ ಸಚಿನ್ ನಾಯ್ಕ ಪೊಲೀಸರ ಬಳಿ ಸಿಕ್ಕಿಬಿದ್ದರು. ಪೊಲೀಸರು ಸಚಿನ್ ನಾಯ್ಕ ಅವರನ್ನು ವಿಚಾರಣೆಗೆ ಒಳಪಡಿಸಿ, ಅಕ್ರಮ ಸರಾಯಿ ಮಾರಾಟದ ವೇಳೆ ಸಿಕ್ಕಿಬಿದ್ದ ಕಾರಣ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಮುತ್ತಿಡಲು ಬಂದವಳು ಚಿನ್ನ ಕದ್ದಳು!](https://mobiletime.in/2025/11/the-one-who-came-to-kiss-stole-the-gold/): ಮುರುಡೇಶ್ವರದ ಆರ್ ಎನ್ ಎಸ್ ಡಿಪ್ಲೋಮಾ ಕಾಲೇಜಿನ ಉದ್ಯೋಗಿ ಅರುಣಕುಮಾರ ಅವರು ಮಂಗಳಮುಖಿಯರ ಸಹವಾಸಕ್ಕೆ ಬಿದ್ದು ಚಿನ್ನದ ಸರ ಕಳೆದುಕೊಂಡಿದ್ದಾರೆ. ದುಡ್ಡಿಲ್ಲದೇ ಸೇವೆಪಡೆದ ಕಾರಣ ಮಂಗಳಮುಖಿಯೊಬ್ಬರು ಅವರ ಕತ್ತಿನಲ್ಲಿದ್ದ ಚಿನ್ನದ ಸರ ಎಗರಿಸಿದ್ದಾರೆ! ಮಾವಳ್ಳಿ-2ರ ಗುಮ್ಮನಕ್ಕಲ್ ಜಡೆಯನಮನೆಯ ಅರುಣಕುಮಾರ ಭಾಸ್ಕರ ನಾಯ್ಕ (32) ಅವರು ಆರ್ ಎನ್ ಎಸ್ ಡಿಪ್ಲೋಮಾ ಕಾಲೇಜಿನಲ್ಲಿ ಲ್ಯಾಬ್ ಇನ್ ಚಾರ್ಜ ಆಗಿ ಕೆಲಸ ಮಾಡುತ್ತಾರೆ. ನವೆಂಬರ್ 2ರ ರಾತ್ರಿ 10.30ಕ್ಕೆ ಅವರು ಸ್ಕೂಟಿಯಲ್ಲಿ ಅಡ್ಡಾಡುತ್ತಿದ್ದರು. ಸ್ಕೂಟಿ ಪೆಟ್ರೋಲ್ ಹಾಕಿಸಿ ಮುರುಡೇಶ್ವರ ರೈಲು ನಿಲ್ದಾಣದ ಸರ್ವೀಸ್ ರಸ್ತೆ ಮೇಲೆ ಅಡ್ಡಾಡುತ್ತಿದ್ದ ಅವರ ಸ್ಕೂಟಿಗೆ ಮಂಗಳಮುಖಿಯರಿಬ್ಬರು ಕೈ ಮಾಡಿದರು. ಅವರು ಮಂಗಳಮುಖಿಯರು ಎಂಬ ಅರಿವಿದ್ದರೂ ಅರುಣಕುಮಾರ ನಾಯ್ಕ ಅವರು ಸ್ಕೂಟಿ ನಿಲ್ಲಿಸಿ ಸರಸ-ಸಲ್ಲಾಪದ ಮಾತು ಆಲಿಸಿದರು. ಅಲ್ಲಿದ್ದ ಮಂಗಳಮುಖಿಯೊಬ್ಬರು ಅರುಣಕುಮಾರ ಅವರ ಬಳಿ `ಬರುತ್ತಿಯಾ?’ ಎಂದು ಪ್ರಶ್ನೆ ಮಾಡಿದರು. ಆಗ, ಇನ್ನಿಬ್ಬರು ಮಂಗಳಮುಖಿಯರು ರೈಲು ನಿಲ್ದಾಣದ ಕಡೆಯಿಂದ ಅಲ್ಲಿಗೆ ಬಂದರು. ಅವರೆಲ್ಲರೂ ಸೇರಿ ಅರುಣಕುಮಾರ ಅವರಿಗೆ ಮುತ್ತಿಕ್ಕಿದರು. ಮೈಮೇಲೆ ಕೈ ಹಾಕಿ ಅಂಗಾಗ ಸ್ಪರ್ಶಿಸಿದರು. ಈ ವೇಳೆ ಮಂಗಳಮುಖಿಯೊಬ್ಬರು `ನಿನ್ನಲ್ಲಿ ಎಷ್ಟು ದುಡ್ಡಿದೆ?’ ಎಂದು ಪ್ರಶ್ನಿಸಿದರು. ಆಗ, ಅರುಣಕುಮಾರ ಅವರು `ನನ್ನಲ್ಲಿ ದುಡ್ಡಿಲ್ಲ’ ಎಂದರು. `ಈ ರೀತಿ ಮಾಡಬೇಡಿ’ ಎಂದು ಅರುಣಕುಮಾರ ಅವರು ಮನವಿ ಮಾಡಿದರು. ಆದರೆ, `ನಿನಗೆ ಪ್ರೀ’ ಎಂದು ಮಂಗಳಮುಖಿಯರೆಲ್ಲರೂ ಸೇರಿ ಆಫರ್ ನೀಡಿದರು. ನಾಲ್ಕು ಜನ ಕೈ ಕೈ ಹಿಡಿದು `ಬಾ ಬಾ’ ಎನ್ನುತ್ತ ಕರೆಯುತ್ತ ಮೈ ಮುಟ್ಟಲು ಶುರು ಮಾಡಿದರು. ಆಗ, ಒಬ್ಬ ಮಂಗಳಮುಖಿ ಅರುಣಕುಮಾರ ಅವರ ಕತ್ತಿನ ಕಡೆ ಕೈ ಹಾಕಿದರು. ಅಲ್ಲಿಂದ ಬಂಗಾರದ ಸರ ತುಂಡರಿಸಿದರು. ಆ ಮಂಗಳಮುಖಿ ಮಂಕಿಕಡೆ ಹೊರಟಿದ್ದು, ಸುಮಾರು ಅರ್ದ ತಾಸಿನ ನಂತರ ಅರುಣಕುಮಾರ ಅವರಿಗೆ ಕತ್ತಿನಲ್ಲಿದ್ದ ಸರ ಕಾಣೆಯಾದ ವಿಷಯ ಅರಿವಿಗೆ ಬಂದಿತು. ಆಗ, ಅರುಣಕುಮಾರ ಅವರು ದೊಡ್ಡದಾಗಿ ಬೊಬ್ಬೆ ಹೊಡೆದರು. ಅಲ್ಲಿದ್ದ ಜನ `ಏನಾಯಿತು?’ ಎಂದು ಪ್ರಶ್ನಿಸಿದರು. ಆಗ, ಅವರು ಮಂಗಳಮುಖಿಯರು ಸೇರಿ ಬಂಗಾರ ಕದ್ದ ವಿಷಯ ಹೇಳಿದರು. ಅಂದಾಜು 15 ಗ್ರಾಂ ತೂಕದ 1 ಲಕ್ಷ ರೂ ಮೌಲ್ಯದ ಚೈನ್ ಕಳ್ಳತನದ ಬಗ್ಗೆ ಅವರು ಮುರುಡೇಶ್ವರ ಪೊಲೀಸರಿಗೆ ದೂರು ನೀಡಿದರು. ನಾಲ್ವರು ಮಂಗಳಮುಖಿಯರು ಸೇರಿ ಚೈನ್ ಕದ್ದ ಬಗ್ಗೆ ಅವರು ವಿವರಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕೈಗಾದಿಂದ ಹೊರಟ ಟೆಂಪೋ ಪಲ್ಟಿ: 16 ಜನರಿಗೆ ಗಾಯ](https://mobiletime.in/2025/11/tempo-overturns-in-kaiga-16-people-injured/): ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ಕೆಲಸ ಮಾಡುವ ಕಾರ್ಮಿಕರು ಸಂಚಸಿರುತ್ತಿದ್ದ ಟೆಂಪೋ ಸೋಮವಾರ ಪಲ್ಟಿಯಾಗಿದೆ. ಪರಿಣಾಮ ಟೆಂಪೊದಲ್ಲಿದ್ದ 16 ಕಾರ್ಮಿಕರು ಗಾಯಗೊಂಡಿದ್ದಾರೆ. ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ಹೊರಗುತ್ತಿಗೆ ಆಧಾರದಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕರು ಭಾನುವಾರ ರಾತ್ರಿ ಪಾಳಿಯಲ್ಲಿದ್ದರು. ಸೋಮವಾರ ಬೆಳಗ್ಗೆ ಅವರನ್ನು ಮಲ್ಲಾಪುರ ಟೌನ್‌ಶಿಪ್ ಕಡೆ ಕರೆದೊಯ್ಯುವ ಕಾರ್ಯ ನಡೆಯಿತು. ಈ ಅವಧಿಯಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಟೆಂಪೋ ಪಲ್ಟಿಯಾಯಿತು. ಗಾಯಗೊಂಡವರನ್ನು ಸದ್ಯ ಕಾರವಾರದ ಕಿಮ್ಸ್’ಗೆ ದಾಖಲಿಸಲಾಗಿದೆ. ಯಾರಿಗೂ ದೊಡ್ಡ ಪ್ರಮಾಣದ ಗಾಯವಾಗಿಲ್ಲ ಎಂದು ವೈದ್ಯರು ಹೇಳಿದ್ದಾರೆ. ಮಲ್ಲಾಪುರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಕ್ರೇನ್ ಸಹಾಯದಿಂದ ಟೆಂಪೋ ಮೇಲೆತ್ತಲಾಗಿದೆ.
- [ಕೂಡಿಬಾರದ ಕಂಕಣ ಭಾಗ್ಯ: ಆತ್ಮಹತ್ಯೆಗೆ ಯತ್ನಿಸಿದವ ಆಸ್ಪತ್ರೆಗೆ!](https://mobiletime.in/2025/11/unbreakable-bracelet-man-hospitalized-after-attempting-suicide/): 45 ವರ್ಷ ಕಳೆದರೂ ಮದುವೆ ಆಗದ ನೋವಿನಲ್ಲಿದ್ದ ಕಾರವಾರದ ಪ್ರಜ್ಞೇಶ ಶೇಟ ಅವರು ಅದೇ ನೋವಿನಲ್ಲಿ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದಾರೆ. ಚಾಕು ಚುಚ್ಚಿಕೊಂಡು ನರಳಾಡುತ್ತಿದ್ದ ಅವರನ್ನು ನೋಡಿದ ಜನ ಆಸ್ಪತ್ರೆಗೆ ಸೇರಿಸಿದ್ದಾರೆ. ಕಾರವಾರ ನಗರದ ಮಾರುತಿ ಗಲ್ಲಿಯಲ್ಲಿ ಪ್ರಜ್ಞೇಶ್ ಪ್ರಕಾಶ ಶೇಟ ಅವರು ವಾಸವಾಗಿದ್ದರು. ಎಲ್ಲಿ ಹುಡುಕಿದರೂ ಅವರಿಗೆ ಯೋಗ್ಯ ಕನ್ಯೆ ಸಿಕ್ಕಿರಲಿಲ್ಲ. ಹೀಗಾಗಿ ಕಂಕಣ ಭಾಗ್ಯ ಕೂಡಿ ಬಂದಿರಲಿಲ್ಲ. ಇನ್ನೂ ಮದುವೆ ಆಗದ ಕಾರಣ ಅನೇಕರು ಪ್ರಜ್ಞೇಶ್ ಶೇಟ್ ಅವರನ್ನು ಹಿಯಾಳಿಸುತ್ತಿದ್ದರು. ಇದರಿಂದ ಅವರು ಮಾನಸಿಕ ಖಿನ್ನತೆಗೆ ಒಳಗಾಗಿದ್ದರು. ಮದುವೆ ಆಗದ ಬಗ್ಗೆ ಅವರು ಅನೇಕರಲ್ಲಿ ಹೇಳಿಕೊಂಡಿದ್ದರು. ತಮ್ಮ ಮನದಾಳದ ಸಮಸ್ಯೆಯನ್ನು ಬಿಚ್ಚಿಟ್ಟಿದ್ದರು. ಅದೇ ಕೊರಗಿನಲ್ಲಿಯೇ ಪ್ರಜ್ಞೇಶ್ ಶೇಟ್ ಅವರು ಚಾಕುವಿನಿಂದ ಕೊಯ್ದುಕೊಂಡರು. ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಅವರನ್ನು ತಕ್ಷಣ ಕಾರವಾರ ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿಲಾಯಿತು. ಸದ್ಯ ಅವರು ಪ್ರಾಣಾಪಾಯದಿಂದ ಪಾರಾದ ಬಗ್ಗೆ ಮಾಹಿತಿ ಸಿಕ್ಕಿದೆ.
- [ನೆಮ್ಮದಿ ಕಳೆದುಕೊಂಡ ರವಿದರ್ಶನ: ಹಿರಿಯ ಹೋರಾಟಗಾರನ ಬದುಕು ಅಂತ್ಯ](https://mobiletime.in/2025/11/ravidarshan-who-lost-his-peace-of-mind-the-life-of-a-veteran-fighter-is-over/): ಜನಲೋಕಪಾಲ ಮಸೂದೆಗೆ ಆಗ್ರಹಿಸಿ ಹೋರಾಟ ನಡೆಸಿದ್ದ ಶಿರಸಿಯ ಕಾಶಿನಾಥ್ ಮೂಡಿ ಅವರು ಸೋಮವಾರ ಭೂ ಲೋಕದ ಯಾತ್ರೆ ಮುಗಿಸಿದ್ದಾರೆ. ಕಾಶಿನಾಥ ಮೂಡಿ ಅವರು ಶಿರಸಿಯ ವಿದ್ಯಾನಗರ ರುದ್ರಭೂಮಿಯ ಅಧ್ಯಕ್ಷರಾಗಿದ್ದರು. ನೆಮ್ಮದಿ ಕುಟೀರದ ಟ್ರಸ್ಟಿಯಾಗಿದ್ದರು. ಸ್ಮಶಾನ ಭೂಮಿಯಲ್ಲಿಯೂ ನಿಸ್ವಾರ್ಥ ಸಮಾಜ ಸೇವೆ ಮಾಡಿ ಅವರು ಮಾದರಿ ರುದ್ರಭೂಮಿ ನಿರ್ಮಿಸಿದ್ದರು. ವಿದ್ಯಾನಗರದದ ರುದ್ರಭೂಮಿಯನ್ನು ಶಿಸ್ತು, ಸ್ವಚ್ಛತೆ ಮತ್ತು ಮಾನವೀಯ ಸೇವೆಯ ಕೇಂದ್ರವಾಗಿ ಬದಲಾಯಿಸಿದ್ದರು. ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಗುರೂಜಿ ಗೊಳವಲ್ಕರ್‌ರವರು ಶಿರಸಿಗೆ ಚಿಕಿತ್ಸೆಗಾಗಿ ಆಗಮಿಸಿದಾಗ ಮೂಡಿಯವರ ಹೊಸಪೇಟೆ ರಸ್ತೆಯ `ರವಿದರ್ಶನ’ ಮನೆಯಲ್ಲಿ ವಾಸ್ತವ್ಯ ಹೂಡಿದ್ದರು. ಕಾಶಿನಾಥ್ ಮೂಡಿ ಅವರ ದೂರದೃಷ್ಠಿಯ ಪರಿಣಾಮವಾಗಿ ಅವರು ನಿರ್ಮಿಸಿದ ಸಂಸ್ಥೆಗಳು ಅನೇಕರಿಗೆ ಮಾರ್ಗದರ್ಶನ ನೀಡುತ್ತಿವೆ. ಅವರ ಜೀವನ ಪ್ರಯಾಣವು ನಿಸ್ವಾರ್ಥ ಸೇವೆ, ಸಮರ್ಪಣೆ ಮತ್ತು ಸಾಮಾಜಿಕ ಜವಾಬ್ದಾರಿಗೆ ಮಾದರಿ ಎನ್ನುವ ಹಾಗಿದೆ.
- [ಯಲ್ಲಾಪುರಕ್ಕೆ ಬರಲಿದೆ ಶ್ರೀರಾಮನ ರಥ!](https://mobiletime.in/2025/11/lord-ramas-chariot-is-coming-to-yellapur/): ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠ ಸ್ಥಾಪನೆಯಾಗಿ 550 ವರ್ಷ ಪೂರೈಸಿದ ಹಿನ್ನಲೆ ಪರ್ತಗಾಳಿಯಲ್ಲಿ 77 ಅಡಿ ಎತ್ತರದ ಶ್ರೀರಾಮನ ಕಂಚಿನ ಪ್ರತಿಮೆ ಅನಾವರಣಗೊಳ್ಳುತ್ತಿದೆ. ಈ ಹಿನ್ನಲೆ ನಾಡಿನ ಅನೇಕ ಕಡೆ ಕ್ಷೇತ್ರದ ರಥ ಸಂಚಾರ ನಡೆದಿದೆ. ಅಕ್ಟೊಬರ್ 19ರಂದು ಬದ್ರಿಕಾಶ್ರಮದಿಂದ ಹೊರಟ ಈ ರಥ ಈಗಾಗಲೇ ಹಲವು ರಾಜ್ಯಗಳನ್ನು ಸಂಚರಿಸಿದೆ. ಜಗದ್ಗುರು ಶ್ರೀ ವಿದ್ಯಾಧೀಶತೀರ್ಥ ಸ್ವಾಮೀಜಿ ಅವರು ಈ ರಥಯಾತ್ರೆಗೆ ಚಾಲನೆ ನೀಡಿದ್ದು, ಆರು ರಾಜ್ಯಗಳನ್ನು ಸುತ್ತಿ ಕರ್ನಾಟಕಕ್ಕೆ ಪ್ರವೇಶಿಸುತ್ತಿದೆ. ಈ ರಥವೂ ನವೆಂಬರ್ 4ರಂದು ದಾಂಡೇಲಿ ಪ್ರವೇಶಿಸಲಿದ್ದು, ಅಲ್ಲಿಂದ ಮುಂದೆ ಯಲ್ಲಾಪುರಕ್ಕೆ ಬರಲಿದೆ. ಸಂಜೆ 4.30ಕ್ಕೆ ಇಲ್ಲಿನ ಗಣ್ಯರು ರಥವನ್ನು ಅದ್ಧೂರಿಯಾಗಿ ಸ್ವಾಗತಿಸಲಿದ್ದಾರೆ. ಅದಾದ ನಂತರ ರಥವೂ ದೇವಿ ದೇವಸ್ಥಾನ ತಲುಪಲಿದ್ದು, ಅಲ್ಲಿಂದ ವೆಂಕಟರಮಣ ಮಠದವರೆಗೆ ರಾಮ, ಲಕ್ಷ್ಮಣ, ಸೀತೆ, ಹನುಮಂತ ದೇವರ ಭವ್ಯ ಮೆರವಣಿಗೆ ನಡೆಯಲಿದೆ. ಸಂಜೆ 5ರಿಂದ 6ಗಂಟೆಯವರೆಗೆ ಮೆರವಣಿಗೆ ಮೂಲಕ ಧಾರ್ಮಿಕ ಪ್ರಚಾರ ಕಾರ್ಯ ನಡೆಯಲಿದೆ. ನವೆಂಬರ್ 4ರ ರಾತ್ರಿ ವೆಂಕಟ್ರಮಣ ಮಠದ ಆವರದಲ್ಲಿಯೇ ರಥ ತಂಗಲಿದೆ. ಮರುದಿನ ಮುಂಜಾನೆ ರಥವೂ ಮುಂಡಗೋಡು ಭಾಗದಲ್ಲಿ ಸಂಚರಿಸಲಿದೆ. ನವೆಂಬರ್ 26ರಂದು ಈ ರಥ ಪರ್ತಗಾಳಿ ತಲುಪಲಿದೆ. ರಥ ಸಂಚರಿಸುವ ಕಡೆ ಎಲ್ಲವೂ ದೀಪೋತ್ಸವ, ಚಂಡೆ-ಗಾಯನ, ಪುಠಾಣಿಗಳಿಂದ ರಾಮನ ವೇಷ ಗಮನಸೆಳೆಯುತ್ತಿದೆ. ಭಕ್ತರಿಗೆ ಹೊರಕಾಣಿಕೆ ಸಲ್ಲಿಸಲು ಅವಕಾಶವಿದೆ. ಈ ಬಗ್ಗೆ ಲಕ್ಷ್ಮೀನರಸಿಂಹ ವೆಂಕಟ್ರಮಣ ಮಠದ ಅಧ್ಯಕ್ಷ ವಿನಾಯಕ ನೀಲಕಂಠ ಪೈ ಅವರು ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ.
- [2025ರ ನವೆಂಬರ್ 03ರ ದಿನ ಭವಿಷ್ಯ](https://mobiletime.in/2025/11/prediction-for-november-3-2025/): ಮೇಷ ರಾಶಿ: ಈ ದಿನ ನಡೆಯುವ ಕೆಲ ಸಂಗತಿಗಳು ಕಲಹಕ್ಕೆ ಕಾರಣವಾಗಲಿದೆ. ಸಹನೆಯಿಂದ ಕೆಲಸ ಮಾಡುವುದು ಮುಖ್ಯ. ಆರ್ಥಿಕ ಸಮಸ್ಯೆ ಪರಿಹಾರಕ್ಕೆ ಯೋಜನೆ ರೂಪಿಸುವುದು ಅಗತ್ಯ. ವೃಷಭ ರಾಶಿ: ಸಾಲದ ಬಿಕ್ಕಟ್ಟು ದೂರವಾಗಲಿದೆ. ಆರೋಗ್ಯದಲ್ಲಿ ಲಘು ಸಮಸ್ಯೆಗಳು ಕಾಣಲಿದೆ. ಬಿಸಿಲು ಪ್ರದೇಶದಲ್ಲಿ ತಿರುಗಾಟಕ್ಕೆ ಹೋಗಬೇಡಿ. ಮಿಥುನ ರಾಶಿ: ಹಣಕಾಸು ವ್ಯವಹಾರಗಳು ಈ ದಿನ ಬೇಡ. ಕೆಲಸ ಕಾರ್ಯಗಳು ಸರಾಗವಾಗಿ ಸಾಗಲಿದೆ. ವ್ಯಕ್ತಿಕತ ವಿಷಯಗಳ ಕಡೆ ಗಮನಹರಿಸಿ. ಕರ್ಕ ರಾಶಿ: ಕೆಲಸದಲ್ಲಿ ಅಧಿಕ ಒತ್ತಡ ಎದುರಾಗಲಿದೆ. ಆ ಒತ್ತಡ ಸರಿಯಾಗಿ ಎದುರಿಸಿದರೆ ಸಮಸ್ಯೆಗಳಿಲ್ಲ. ಆರ್ಥಿಕವಾಗಿ ಯಶಸ್ಸು ಸಿಗಲಿದೆ. ಸಿಂಹ ರಾಶಿ: ಜೀವನದಲ್ಲಿ ಮುನ್ನಡೆ ಸಾಧಿಸಲು ತಾಳ್ಮೆ ಅಗತ್ಯ. ನಿಯಮಿತ ವ್ಯಾಯಾಮದಿಂದ ಆರೋಗ್ಯ ಕಾಪಾಡಿಕೊಳ್ಳಲು ಸಾಧ್ಯ. ನಿಮ್ಮ ವ್ಯಕ್ತಿತ್ವವನ್ನು ಅನಾವರಣಗೊಳಿಸಲು ಸಕಾಲ. ಕನ್ಯಾ ರಾಶಿ: ನಿಮ್ಮ ಶ್ರಮಕ್ಕೆ ಸಾರ್ಥಕತೆ ದೊರೆಯಲಿದೆ. ಯಾವುದೇ ಹಣಕಾಸಿನ ನಿರ್ಧಾರದಲ್ಲಿ ಜಾಗ್ರತೆ ಅಗತ್ಯ. ಕುಟುಂಬ ಸಂಬAಧಗಳಲ್ಲಿ ಸೌಹಾರ್ಧ ಹೆಚ್ಚಿಸಲು ಪ್ರಯತ್ನಿಸಿ. ತುಲಾ ರಾಶಿ: ಹಣಕಾಸು ವಿಷಯದಲ್ಲಿ ಧೈರ್ಯದ ಜೊತೆ ತಾಳ್ಮೆಯೂ ಬೇಕು. ಆರೋಗ್ಯದ ಕಡೆ ಗಮನಹರಿಸಿ. ಅನಗತ್ಯ ಮಾತು ಬೇಡ. ವೃಶ್ಚಿಕ ರಾಶಿ: ವೃತ್ತಿ ಜೀವನದಲ್ಲಿ ಉನ್ನತಿ ಸಾಧ್ಯವಿದೆ. ವ್ಯವಹಾರದಲ್ಲಿ ನೂತನ ಅವಕಾಶಗಳು ಸಿಗುತ್ತದೆ. ಆರೋಗ್ಯದಲ್ಲಿ ವ್ಯತ್ಯಾಸವಾದರೆ ವೈದ್ಯರನ್ನು ಭೇಟಿ ಮಾಡಿ. ಧನು ರಾಶಿ: ಉದ್ಯೋಗ ಹುಡುಕಾಟದಲ್ಲಿರುವುವರಿಗೆ ಶುಭ ಸುದ್ದಿಯ ಸಾಧ್ಯತೆಗಳಿವೆ. ಹೊಸ ಉದ್ಯೋಗದ ನಿರೀಕ್ಷೆಯಲ್ಲಿರಿ. ಮನಸ್ಸಿಗೆ ಶಾಂತಿ ಸಿಗಲಿದೆ. ಮಕರ ರಾಶಿ: ನಿಮ್ಮ ಶ್ರಮಕ್ಕೆ ತಕ್ಕ ಪ್ರತಿ ಫಲ ಸಿಗಲಿದೆ. ಹೊಸ ಯೋಜನೆಗಳ ಅನುಷ್ಠಾನ ಆಗಲಿದೆ. ಹಣಕಾಸು ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ಕುಂಭ ರಾಶಿ: ಮಾತುಗಾರಿಕೆಯಿಂದ ಯಶಸ್ಸು ಸಾಧ್ಯವಿದೆ. ಸ್ನೇಹಿತರ ನೆರವು ಧೈರ್ಯ ಕೊಡಲಿದೆ. ಶ್ರದ್ಧೆಯಿಂದ ಮಾಡಿದ ಕೆಲಸ ಸರಿಯಾಗಿ ಸಾಗಲಿದೆ. ಮೀನ ರಾಶಿ: ಆರೋಗ್ಯವನ್ನು ಸರಿಯಾಗಿರಿಸಿಕೊಂಡರೆ ಆನಂದದಿAದ ಜೀವನ ನಡೆಸಲು ಸಾಧ್ಯ. ಸೋಮಾರಿತನದಿಂದ ದೂರವಿದ್ದು, ಲವಲವಿಕೆಯಿಂದ ಇರಲು ಪ್ರಯತ್ನಿಸಿ.
- [ಆಹಾರ ಅರೆಸಿ ಊರಿಗೆ ಬಂದ ಆನೆಗೆ ವಿದ್ಯುತ್ ಆಘಾತ!](https://mobiletime.in/2025/11/an-elephant-that-came-to-town-looking-for-food-was-electrocuted/): ಜೊಯಿಡಾದ ರಾಮನಗರ ಹಾಗೂ ಬೆಳಗಾವಿಯ ಖಾನಾಪುರದ ನಡುವಿನ ಪ್ರದೇಶದಲ್ಲಿ ಎರಡು ಆನೆ ಸಾವನಪ್ಪಿದೆ. ವಿದ್ಯುತ್ ಸ್ಪರ್ಶದಿಂದ ಆನೆ ಸಾವನಪ್ಪಿರುವ ಬಗ್ಗೆ ಅಂದಾಜಿಸಲಾಗಿದೆ. ಭಾನುವಾರ ಬೆಳಗ್ಗೆ ಇಲ್ಲಿನ ಭತ್ತದ ಗದ್ದೆಯಲ್ಲಿ ಎರಡು ಆನೆ ಸಾವನಪ್ಪಿರುವುದು ಗೊತ್ತಾಗಿದೆ. ಸುಲೇಗಾಳಿ ಗ್ರಾಮದ ರೈತ ಗಣಪತಿ ಗುರವ ಅವರ ಹೊಲದಲ್ಲಿ ಆನೆ ಶವ ಕಾಣಿಸಿದೆ. ಕಾಡು ಪ್ರಾಣಿಗಳ ಹಾವಳಿ ನಿಯಂತ್ರಣಕ್ಕೆ ಹಾಕಿದ್ದ ಬೇಲಿಯಲ್ಲಿ ವಿದ್ಯುತ್ ಪ್ರವಹಿಸಿ ಆನೆ ಸಾವನಪ್ಪಿರುವ ಬಗ್ಗೆ ಹೇಳಲಾಗಿದೆ. ಆಹಾರ ಅರೆಸಿ ಊರಿಗೆ ಬಂದ ಆನೆಗಳೆರಡು ವಿದ್ಯುತ್ ತಂತಿ ಸ್ಪರ್ಶಿಸಿ ಅಲ್ಲಿ ಕುಸಿದು ಬಿದ್ದಿವೆ ಎಂದು ಸ್ಥಳೀಯರು ಹೇಳಿದ್ದಾರೆ. ಆನೆ ಸತ್ತ ಸುದ್ದಿ ಕೇಳಿ ನೂರಾರು ಜನ ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಸದ್ಯ ಖಾನಾಪುರದ ಅರಣ್ಯಾಧಿಕಾರಿಗಳು ಸ್ಥಳ ಪರಿಶೀಲನೆ ಮಾಡಿದ್ದಾರೆ. `ವಿದ್ಯುತ್ ತಂತಿ ಮುರಿದು ಬೇಲಿ ಮೇಲೆ ಬಿದ್ದಿದ್ದರಿಂದ ಆನೆ ಸಾವನಪ್ಪಿಲ್ಲ’ ಎಂದು ಹೆಸ್ಕಾಂ ಅಧಿಕಾರಿಗಳು ಹೇಳುತ್ತಿದ್ದಾರೆ. ರೈತನ ಗುಡಿಸಿಲಿನಿಂದ ವಿದ್ಯುತ್ ಹೋಗಿರುವ ಸಾಧ್ಯತೆಯಿರುವ ಬಗ್ಗೆ ಅವರು ಅಂದಾಜಿಸಿದ್ದಾರೆ.
- [ಕಾಲು ಕಟ್: ನೆಮ್ಮದಿ ಕೇಂದ್ರದ ಸಿಬ್ಬಂದಿಗೆ ನೆಮ್ಮದಿ ಇಲ್ಲ!](https://mobiletime.in/2025/11/leg-cut-the-staff-at-the-welfare-center-are-not-happy/): ಮುಂಡಗೋಡು ತಹಶೀಲ್ದಾರ್ ಕಚೇರಿಯ ನೆಮ್ಮದಿ ಕೇಂದ್ರದಲ್ಲಿ ಕೆಲಸ ಮಾಡುವ ತುಕಾರಾಮ ಪಾಟೀಲ ಅವರ ಕಾಲು ತುಂಡಾಗಿದೆ. ಭಾನುವಾರ ರಜಾ ಇದ್ದ ಕಾರಣ ಅವರು ಟಾಕ್ಟರ್ ಹಿಡಿದು ಉಳುಮೆಗೆ ಹೋಗಿದ್ದು, ಆ ವೇಳೆ ನಡೆದ ಅವಾಂತರದಿAದ ಅವರು ಕಾಲು ಕಳೆದುಕೊಂಡಿದ್ದಾರೆ. ತುಕಾರಾಮ ಪಾಟೀಲ (38) ಹುನಗುಂದ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಅತ್ತಿವೇರಿ ಗ್ರಾಮದಲ್ಲಿರುವ ತಮ್ಮ ಹೊಲಕ್ಕೆ ಹೋಗಿದ್ದರು. ಅಲ್ಲಿ ಟಾಕ್ಟರ್ ಹಿಡಿದು ರೂಟರ್ ಹೊಡೆಯುತ್ತಿದ್ದರು. ಆ ವೇಳೆ ಅವರ ಕಾಲು ಯಂತ್ರದ ನಡುವಿನ ಬ್ಲೇಡುಗಳಿಗೆ ಸಿಲುಕಿತು. ತಪ್ಪಿಸಿಕೊಳ್ಳುವ ಪ್ರಯತ್ನ ನಡೆಸಿದರೂ ಪ್ರಯೋಜನವಾಗಲಿಲ್ಲ. ಕಾಲು ಸಂಪೂರ್ಣ ನುಜ್ಜು ನೂರಾಗಿದ್ದು, ಬಲಭಾಗ ತುಂಡಾಯಿತು. ಇದನ್ನು ನೋಡಿದ ಜನ ತುಕಾರಾಮ ಪಾಟೀಲ ಅವರನ್ನು ತಾಲೂಕು ಆಸ್ಪತ್ರೆಗೆ ಸಾಗಿಸಿದರು. ಅಲ್ಲಿನ ವೈದ್ಯರು ರಕ್ತ ಸೋರುವುದನ್ನು ತಡೆಯುವ ಪ್ರಯತ್ನ ಮಾಡಿದರು. ಪ್ರಥಮ ಚಿಕಿತ್ಸೆ ನೀಡಿದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ತುಕಾರಾಮ ಪಾಟೀಲ್ ಅವರನ್ನು ಕಳುಹಿಸಿಕೊಟ್ಟರು. ಸದ್ಯ ಅವರಿಗೆ ಚಿಕಿತ್ಸೆ ಮುಂದುವರೆದಿದೆ. ಅವರ ಆರೋಗ್ಯ ಸುಧಾರಿಸಿಕೊಳ್ಳಲು ಕನಿಷ್ಟ ವರ್ಷಗಳ ಕಾಲ ಸಮಯ ಬೇಕಾಗಬಹುದು ಎಂದು ವೈದ್ಯರು ಅಂದಾಜಿಸಿದ್ದಾರೆ. `ಕೃಷಿ ಕೆಲಸ ಮಾಡುವಾಗ ಜೋಪಾನ’
- [ಸರ್ಕಾರಿ ಕೆಲಸ ಮಾರಾಟಕ್ಕಿಲ್ಲ!](https://mobiletime.in/2025/11/government-jobs-are-not-for-sale/): ಅರ್ಹತೆ ಆಧಾರದ ಮೇಲೆ ಕೆಲಸಪಡೆಯಬೇಕಿದ್ದ ಯಲ್ಲಾಪುರದ ಏಳು ಜನ ಲಂಚ ಕೊಟ್ಟು ಕೆಲಸ ಗಿಟ್ಟಿಸಿಕೊಳ್ಳುವ ಪ್ರಯತ್ನ ಮಾಡಿದ್ದು, ಅವರಿಗೆ ಇದೀಗ ಅನ್ಯಾಯವಾಗಿದೆ. ಸರ್ಕಾರಿ ಕೆಲಸಪಡೆಯುವ ತರಾತುರಿಯಲ್ಲಿ ಲಕ್ಷಾಂತರ ರೂ ಖರ್ಚು ಮಾಡಿದವರಿಗೆ ಕೆಲಸವೂ ಸಿಕ್ಕಿಲ್ಲ. ಕಾಸು ಮರಳಿ ಬಂದಿಲ್ಲ! ಮೋಸ ಹೋದ ಎಲ್ಲರೂ 30 ವರ್ಷ ಒಳಗಿನವರಾಗಿದ್ದಾರೆ. ಆರು ಜನ ನಿರುದ್ಯೋಗಿ ಯುವಕರ ಜೊತೆ ಈಗಾಗಲೇ ಒಳ್ಳೆಯ ಉದ್ಯೋಗದಲ್ಲಿದ್ದ ಯುವತಿಯೊಬ್ಬರು ಈ ಮೋಸದ ಜಾಲಕ್ಕೆ ಸಿಲುಕಿದ್ದಾರೆ. ಸಾಕಷ್ಟು ಓದಿಕೊಂಡಿದ್ದ ವಿದ್ಯಾವಂತರೇ ಮೋಸ ಹೋಗಿರುವುದನ್ನು ನೋಡಿ ಜನರು ಪಶ್ಚಾತಾಪಪಡುತ್ತಿದ್ದಾರೆ. ಯಲ್ಲಾಪುರದ ಕಳಚೆಯ ಶ್ರೀನಾಥ ಶ್ರೀಕಾಂತ ಕಳಸ ಅವರು ಮೋಸದ ಬಲೆಗೆ ಬಿದ್ದಿದ್ದಾರೆ. ಅವರ ಜೊತೆ ಮಾವಿನಮನೆ ಗೋಗದ್ದೆಯ ಗೌರೀಶ ಮೋಹನ ಮರಾಠಾ, ಕಳಚೆಯ ರವಿ ತಮ್ಮಣ್ಣ ಗೌಡ, ಅರಬೈಲ್ ಹೆಗ್ಗಾರಗದ್ದೆಯ ಗಜಾನನ ಈಶ್ವರ ಪಟಗಾರ, ಕಳಚೆಯ ಪ್ರಭಾಕರ ವಿಶ್ವೇಶ್ವರ ಗೌಡ, ವಜ್ರಳ್ಳಿಯ ರಾಮಚಂದ್ರ ರಾಧಾಕೃಷ್ಣ ಕೋಡಕಣಿಕರ್ ಸಹ ಸರ್ಕಾರಿ ಕೆಲಸಕ್ಕಾಗಿ ಕಾಸು ಕೊಟ್ಟು ಕೆಟ್ಟಿದ್ದಾರೆ. ಈಗಾಗಲೇ ಖಾಸಗಿ ಉದ್ಯೋಗಿಯಾಗಿರುವ ಕಳಚೆ ಬಳಿಯ ತಳಕೆಬೈಲಿನ ಶ್ವೇತಾ ಸುಭಾಶ ಮರಾಠಿ ಅವರು ಸಹ ಸರ್ಕಾರಿ ಕೆಲಸದ ಆಸೆಗೆ ಬಿದ್ದು ವಂಚನೆಗೆ ಒಳಗಾಗಿದ್ದಾರೆ. ರಾಯಚೂರಿನ ಕೆಂಚಪ್ಪ ಹಂಚಿನಾಳ ಎಂಬಾತರು ಜಲ ಸಂಪನ್ಮೂಲ ಇಲಾಖೆಯಲ್ಲಿ ನೌಕರಿ ಕೊಡಿಸುವುದಾಗಿ ಹೇಳಿ ಈ ಎಲ್ಲರನ್ನು ಯಾಮಾರಿಸಿದ್ದಾರೆ. 2024ರ ಮಾರ್ಚ ತಿಂಗಳಿನಿoದ 2025ರ ಮಾರ್ಚ 28ರವರೆಗೆ ಈ ಎಲ್ಲರಿಂದಲೂ ಹಣಪಡೆದ ಕೆಂಚಪ್ಪ ಹಂಚಿನಾಳ ಇದೀಗ ಕೆಲಸ ಕೊಡಿಸದೇ ಕೈ ಎತ್ತಿದ್ದಾರೆ. ಕೆಂಚಪ್ಪ ಹಂಚಿನಾಳ ಅವರು ಪ್ರಕರಣದ ಸಾಕ್ಷಿದಾರ ಗೌರೀಶ ಅವರಿಂದ 3.85 ಲಕ್ಷ ರೂ ಹಾಗೂ ಉಳಿದವರಿಂದ 4.85 ಲಕ್ಷ ರೂ ಹಣಪಡೆದು ಮೋಸ ಮಾಡಿದ್ದಾರೆ. ಮೋಸ ಹೋದವರೆಲ್ಲರೂ ಸೇರಿ ಅವರ ಪಾಲಕರ ಬಳಿ ವಿಷಯದ ಬಗ್ಗೆ ಚರ್ಚಿಸಿದ್ದಾರೆ. ಕೊನೆಗೆ ಬೇರೆ ದಾರಿ ಇಲ್ಲದೇ ಪೊಲೀಸರ ಮೊರೆ ಹೋಗಿದ್ದಾರೆ. ಯಲ್ಲಾಪುರ ಪೊಲೀಸರು ವಿವರ ಕೇಳಿದ್ದು, `ಸರ್ಕಾರಿ ಕೆಲಸ ಮಾರಾಟಕ್ಕೆ ಇಲ್ಲ’ ಎಂದು ಅವರಿಗೆಲ್ಲರಿಗೂ ಮನವರಿಕೆ ಮಾಡಿದ್ದಾರೆ. ಅದಾದ ನಂತರ ರಾಯಚೂರಿನ ಕೆಂಚಪ್ಪ ಹಂಚಿನಾಳ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಸದ್ಯ ಎಎಸ್‌ಐ ರೇಣುಕಾ ಬೆಳಗಟ್ಟಿ ಅವರು ಈ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.
- [ಅಪಘಾತ: ಎರಡು ಬೈಕಿನವರಿಗೆ ಗಾಯ!](https://mobiletime.in/2025/11/accident-two-bikers-injured/): ದಾಂಡೇಲಿಯ ಜಿ ಎನ್ ರಸ್ತೆ ಸಮೀಪದ ಮೋರ್ ಬಳಿ ನಡೆದ ಅಪಘಾತದಲ್ಲಿ ಬೈಕ್ ಸವಾರನ ಮೂಳೆ ಮುರಿದಿದೆ. ಗಾಯಗೊಂಡ ವ್ಯಕ್ತಿಯನ್ನು ಅಲ್ಲಿನ ಜನ ಆಸ್ಪತ್ರೆಗೆ ಸೇರಿಸಿದ್ದಾರೆ. ಸೋಮಾನಿ ವೃತ್ತದ ಮಾರ್ಗವಾಗಿ ಬರುತ್ತಿದ್ದ ಬೈಕಿಗೆ ಎದುರಿನಿಂದ ಬಂದ ಬೈಕು ಡಿಕ್ಕಿ ಹೊಡೆದಿದೆ. ಎದುರಿನಿಂದ ಬರುತ್ತಿದ್ದ ವ್ಯಕ್ತಿ ಬೈಕಿಗೆ ಗುದ್ದಿ ಅಲ್ಲಿಂದ ಮುಂದೆ ಹೋಗಿದ್ದಾರೆ. ಪರಿಣಾಮ ವಿದ್ಯುತ್ ಚಾಲಿತ ವಾಹನ ಜಖಂ ಆಗಿದ್ದು, ಅದರಲ್ಲಿದ್ದ ಸವಾರರಿಗೆ ಪೆಟ್ಟಾಗಿದೆ. ಅದಾದ ನಂತರ ಮುಂದೆ ಹೋಗಿದ್ದ ಬೈಕ್ ಸವಾರರು ಮಾರುತಿ ದೇವಸ್ಥಾನದ ಹತ್ತಿರ ತಮ್ಮ ವಾಹನ ನಿಲ್ಲಿಸಿದ್ದಾರೆ. ನಂತರ ಅಪಘಾತ ಸ್ಥಳಕ್ಕೆ ಬಂದಿದ್ದು ಆ ವೇಳೆ ಅವರ ಕಾಲಿನ ಮೂಳೆ ಮುರಿದಿರುವುದು ಗೊತ್ತಾಗಿದೆ. ಹೀಗಾಗಿ ಅವರು ಸಹ ಅಲ್ಲಿಯೇ ಕುಸಿದು ಬಿದ್ದಿದ್ದಾರೆ. ಸ್ಥಳೀಯರು ಆಂಬುಲೆನ್ಸಿಗೆ ಫೋನ್ ಮಾಡಿ, ಗಾಯಗೊಂಡವರನ್ನು ಆಸ್ಪತ್ರೆಗೆ ಕಳುಹಿಸಿದ್ದಾರೆ. ದಾಂಡೇಲಿಯಲ್ಲಿ ಪ್ರಥಮ ಚಿಕಿತ್ಸೆ ನೀಡಿದ ನಂತರ ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಧಾರವಾಡಕ್ಕೆ ರವಾನಿಸಲಾಗಿದೆ.
- [ಸಾಧಕರಿಗೆ ಸನ್ಮಾನಿಸಿದ ಕಾನಸೂರು ಬಳಗ](https://mobiletime.in/2025/11/kansur-group-felicitates-achievers/): ವಿವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡಿದವರಿಗೆ ಸಿದ್ದಾಪುರದ ಕಾನಸೂರಿನ ಗೆಳೆಯರ ಬಳಗದವರು ಸನ್ಮಾನಿಸಿದ್ದಾರೆ. ಸಾವಿರಾರು ಜನರಿಗೆ ನ್ಯಾಯ ಕೊಡಿಸಿದ ಸರ್ಕಾರಿ ಅಭಿಯೋಜಕ ರಾಜೇಶ ಮಳಗೀಕರ, ಸಹಕಾರಿ ಕ್ಷೇತ್ರದ ಮೂಲಕ ಜನರಿಗೆ ಆರ್ಥಿಕ ಸಹಕಾರ ನೀಡುತ್ತಿರುವ ವಿನಾಯಕ ಶೆಟ್ಟಿ ಹಾಗೂ ಧಾರವಾಡ ಹಾಲು ಒಕ್ಕೂಟದ ಪ್ರಭಾರಿ ಅಧ್ಯಕ್ಷ ಸುರೇಶ್ಚಂದ್ರ ಹೆಗಡೆ ಕೆಶಿನ್ಮನೆ ಪ್ರೀತಿಯಿಂದ ಈ ಸನ್ಮಾನ ಸ್ವೀಕರಿಸಿದ್ದಾರೆ. ಕಾನಸೂರಿನ ಸರ್ಕಾರಿ ಶಾಲೆಯಲ್ಲಿ ನಡೆದ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಸಾಧಕರಿಗೆ ಸನ್ಮಾನಿಸಲಾಗಿದೆ. ಉದ್ಯಮಿ ಆರ್ ಜಿ ಶೇಟ್ ಅವರು ಸನ್ಮಾನಿಸಿ ಸಾಧಕರನ್ನು ಅಭಿನಂದಿಸಿದ್ದಾರೆ. ಅನಂತಮೂರ್ತಿ ಹೆಗಡೆ ಚ್ಯಾರಿಟೇಬಲ್ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದು, ಸಂಘಟಕರ ಬಗ್ಗೆ ಅವರು ಮೆಚ್ಚುಗೆಯ ಮಾತನಾಡಿದರು. `ನ್ಯಾಯವಾಗಿದ್ದವರೆ ಕಾನೂನು ಸದಾ ಬೆಂಬಲಿಸುತ್ತದೆ. ನ್ಯಾಯಪರವಾಗಿದ್ದವರಿಗೆ ಅನ್ಯಾಯವಾಗದಂತೆ ಸರ್ಕಾರಿ ಅಭಿಯೋಜಕ ರಾಜೇಶ ಮಳಗೀಕರ ಅವರು ನಿರಂತರವಾಗಿ ಶ್ರಮಿಸುತ್ತಿದ್ದಾರೆ’ ಎಂದು ಗಣ್ಯರು ಹೇಳಿದರು. `ಕೆಡಿಸಿಸಿ ಬ್ಯಾಂಕಿನ ಅಧಿಕಾರಿಯಾಗಿದ್ದ ವಸಂತ ಶೆಟ್ಟಿ ಅವರು ಬಡ ಜನರ ಆರ್ಥಿಕ ಸಮಸ್ಯೆಗೆ ಪರಿಹಾರ ಒದಗಿಸಲು ಸಾಕಷ್ಟು ಶ್ರಮಿಸಿದ್ದರು. ಅವರ ಪ್ರಯತ್ನದ ಫಲವಾಗಿ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘ ಮುನ್ನಡೆಯುತ್ತಿದೆ’ ಎಂದ ಗಣ್ಯರು ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೇಟ್ ಅವರ ಕೆಲಸವನ್ನು ಶ್ಲಾಘಿಸಿದರು. `ನಾವು ನಂಬಿದ ಗೋ ಮಾತೆ ಎಂದಿಗೂ ನಮ್ಮನ್ನು ಕೈ ಬಿಡುವುದಿಲ್ಲ. ಕೆಲಸದಲ್ಲಿನ ಶೃದ್ಧೆಯ ಪರಿಣಾಮ ಸುರೇಶ್ಚಂದ್ರ ಹೆಗಡೆ ಕೆಶಿನ್ಮನೆ ಅವರು ಧಾರವಾಡ ಹಾಲು ಒಕ್ಕೂಟ ಪ್ರವೇಶಿಸಿದ್ದು, ಎಲ್ಲರಿಗೂ ಹೆಮ್ಮೆಯ ವಿಚಾರ’ ಎಂದು ಅಲ್ಲಿ ಭಾಗವಹಿಸಿದವರು ಹೇಳಿದರು. ಕಾನಸೂರು ಗ್ರಾಪಂ ಅಧ್ಯಕ್ಷೆ ಅನಿತಾ ನಾಯ್ಕ, ಉಪಾಧ್ಯಕ್ಷೆ ಸವಿತಾ ಕಾನಡೆ, ಸದಸ್ಯರಾದ ಶಶಿಕಾಂತ ನಾಮಧಾರಿ, ಮನೋಜ ಶಾನಭಾಗ, ಶಶಿಪ್ರಭಾ ಹೆಗಡೆ, ಎಸ್‌ಡಿಎಂಸಿ ಅಧ್ಯಕ್ಷೆ ಭಾರತಿ ನಾಯ್ಕ, ಸಂಘಟಕ ರಾಜು ಕಾನಸೂರು, ಶಿಕ್ಷಕ ಗುರುರಾಜ ನಾಯ್ಕ, ದಯಾನಂದ ಇತರರು ವಿವಿಧ ಜವಾಬ್ದಾರಿ ನಿಭಾಯಿಸಿದರು. ಸಭಾ ಕಾರ್ಯಕ್ರಮದ ಬಳಿಕ ಶಿರಸಿ ಆರ್ಕೆಸ್ಟ್ರಾದ ದಿವ್ಯಾ ಹೆಗಡೆ ತಂಡವದವರಿAದ ನಡೆದ ರಸಮಂಜರಿ ಹಾಗೂ ವಿದ್ಯಾರ್ಥಿಗಳು ನಡೆಸಿದ ಕಾರ್ಯಕ್ರಮ ಗಮನಸೆಳೆಯಿತು.
- [ಮಹಿಳಾ ಕಾರ್ಯಕರ್ತರ ದಿಢೀರ್ ಮರಣ: ಕಾಂಗ್ರೆಸ್ಸಿಗೆ ಆಘಾತ-ಬಿಜೆಪಿಗೆ ಮರ್ಮಘಾತ!](https://mobiletime.in/2025/11/sudden-death-of-women-activists-shock-for-congress-heartbreak-for-bjp/): ಜನಪ್ರತಿನಿಧಿಗಳಾಗಿ ಜನಮನ್ನಣೆಗಳಿದ್ದ ಮಹಿಳೆಯರಿಬ್ಬರು ಭಾನುವಾರ ದಿಢೀರ್ ಆಗಿ ಸಾವನಪ್ಪಿದ್ದಾರೆ. ಶಿರಸಿಯ ಗೀತಾ ಬೋವಿ ಹಾಗೂ ಅಂಕೋಲಾದ ಸುಮಿತ್ರಾ ಬಂಟ್ ಅವರು ಈ ದಿನ ಹೃದಯಘಾತಕ್ಕೆ ಒಳಗಾಗಿದ್ದಾರೆ. ಗೀತಾ ಬೋವಿ ಅವರು ಶಿರಸಿಯ ಇಟಗುಳಿ ಗ್ರಾಮ ಪಂಚಾಯತದ ಮಾಜಿ ಅಧ್ಯಕ್ಷರಾಗಿದ್ದರು. ಸದ್ಯ ಅವರು ಅದೇ ಪಂಚಾಯತ ವ್ಯಾಪ್ತಿಯಲ್ಲಿ ಸದಸ್ಯರಾಗಿ ಸೇವೆ ಸಲ್ಲಿಸಿದ್ದರು. ಜನಪರ ಕೆಲಸಗಳಿಂದ ಗುರುತಿಸಿಕೊಂಡಿದ್ದ ಅವರು ಕಾಂಗ್ರೆಸ್ ಕಾರ್ಯಕರ್ತರಾಗಿಯೂ ಸಕ್ರೀಯವಾಗಿದ್ದರು. ತಮ್ಮ ಜೀವಿತಾವಧಿಯ ಕೊನೆಕ್ಷಣದವರೆಗೂ ಅವರು ಲವಲವಿಕೆಯಿಂದಲೇ ಇದ್ದರು. ಭಾನುವಾರ ಬೆಳಗ್ಗೆ ಏಕಾಏಕಿ ಅವರು ಕುಸಿದು ಬಿದ್ದು ಸಾವನಪ್ಪಿದರು. ಕಾಂಗ್ರೆಸ್ ಪಕ್ಷಕ್ಕಾಗಿ ಹಗಲಿರುಳು ದುಡಿದು ಸಂಘಟಿಸಿದ ಗೀತಾ ಬೋವಿ ಅವರ ಅವರ ನಿಧನದಿಂದ ಶಾಸಕ ಭೀಮಣ್ಣ ನಾಯ್ಕ ಅವರು ಆಘಾತಕ್ಕೆ ಒಳಗಾಗಿದ್ದಾರೆ. ಹೀಗಾಗಿ ಅವರು ಈ ದಿನದ ತಮ್ಮ ಎಲ್ಲಾ ಪೂರ್ವನಿಗದಿತ ಕಾರ್ಯಕ್ರಮವನ್ನು ರದ್ದುಪಡಿಸಿದ್ದಾರೆ. ಸುಮಿತ್ರಾ ಬಂಟ್ ಅವರು ಅಂಕೋಲಾದ ಬಾವಿಕೇರಿ ಗ್ರಾಮ ಪಂಚಾಯತ ಸದಸ್ಯರಾಗಿದ್ದರು. ಪಕ್ಷೇತರವಾಗಿ ಆಯ್ಕೆಯಾದ ಅವರು ಕೇಣಿ ಭಾಗವನ್ನು ಪ್ರತಿನಿಧಿಸಿದ್ದರು. ಅದಾದ ನಂತರ ಬಿಜೆಪಿಗೆ ಅವರು ತಮ್ಮ ಬೆಂಬಲ ಸೂಚಿಸಿದ್ದರು. ತಮ್ಮ 70ನೇ ವಯಸ್ಸಿನಲ್ಲಿಯೂ ಅವರು ಉತ್ಸಾಹದಿಂದ ಇರುತ್ತಿದ್ದರು. ಎಲ್ಲರಿಗಿಂತ ಹಿರಿಯ ಸದಸ್ಯರಾಗಿದ್ದ ಅವರು ಜನಪರ ಕೆಲಸದ ಮೂಲಕ ಮೆಚ್ಚುಗೆಗಳಿಸಿದ್ದರು. ಕಾರ್ಯಕ್ರಮಗಳ ಸಂಘಟನೆಗಳಲ್ಲಿ ಸದಾ ಮುಂಚೂಣಿಯಲ್ಲಿರುತ್ತಿದ್ದರು. ಅವರ ಬಳಿ ಸ್ವಂತ ವಾಹನ ಇಲ್ಲದಿದ್ದರೂ ಸರ್ಕಾರಿ ಕಾರ್ಯಕ್ರಮಗಳಿಗೆ ಎಲ್ಲರಿಗಿಂತ ಮೊದಲು ಬರುತ್ತಿದ್ದರು. `ಇನ್ನು ಎರಡು ತಿಂಗಳಿನಲ್ಲಿ ಅಧಿಕಾರದ ಅವಧಿ ಮುಗಿಯಲಿದ್ದು, ಎಲ್ಲಾ ಸದಸ್ಯರು ಪ್ರವಾಸಕ್ಕೆ ಹೋಗೋಣ’ ಎಂದು ಅವರು ಹುರಿದುಂಬಿಸಿದ್ದರು. ಆದರೆ, ಅಷ್ಟರೊಳಗೆ ಅವರು ಈ ಲೋಕದ ಯಾತ್ರೆ ಮುಗಿಸಿದರು.
- [ಭಾನುವಾರ ವಸೂಲಿಗೆ ಬಂದ ಶಿರಸಿ RTO!](https://mobiletime.in/2025/11/sirsi-rto-came-for-collection-on-sunday/): ಶಿರಸಿ-ಕುಮಟಾ ಹೆದ್ದಾರಿ ಬಂದ್ ಆದ ಪರಿಣಾಮ ಭಾರೀ ಗಾತ್ರದ ಟಿಪ್ಪರ್ ಹಾಗೂ ಲಾರಿಗಳು ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಸಂಚರಿಸುತ್ತಿದೆ. ಹೀಗಾಗಿ ವಾರದ ಏಳು ದಿನ ಶಿರಸಿ RTO ಮಲ್ಲಿಕಾರ್ಜುನ ಕೊಪ್ಪದ ಅವರು ಯಲ್ಲಾಪುರಕ್ಕೆ ಬಂದಿದ್ದು, ಹೆದ್ದಾರಿಯಲ್ಲಿ ದೊಡ್ಡ ದೊಡ್ಡ ವಾಹನ ನಿಲ್ಲಿಸಿ ವಸೂಲಿ ನಡೆಸುತ್ತಿದ್ದಾರೆ. ಎಲ್ಲಾ ದಾಖಲೆ ಸರಿಯಿದ್ದರೂ ಹಣ ವಸೂಲಿ ಮಾಡಿದ ಕಾರಣ ಲಾರಿ ಚಾಲಕ ಹಾಗೂ ಮಾಲಕರು ಗಲಾಟೆ ಮಾಡಿದ್ದಾರೆ! ಕಳೆದ ಎರಡು ತಿಂಗಳಿನಿOದ ಶಿರಸಿ RTO  ಮಲ್ಲಿಕಾರ್ಜುನ ಕೊಪ್ಪದ ಅವರು ತಮ್ಮ ಮೂವರು ಸಿಬ್ಬಂದಿ ಜೊತೆ ಯಲ್ಲಾಪುರಕ್ಕೆ ಬರುತ್ತಿದ್ದಾರೆ. ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಚರಿಸುವ ಲಾರಿಗಳಿಗೆ ಅಡ್ಡಲಾಗಿ ಕೈ ಮಾಡುವ ಅವರು ತಪಾಸಣೆ ನೆಪದಲ್ಲಿ ಅವರನ್ನು ಕಾಡಿಸುತ್ತಿದ್ದಾರೆ. ನಿಲ್ಲಿಸಿದ ಎಲ್ಲಾ ಗಾಡಿಯವರಿಂದಲೂ ಕಡ್ಡಾಯವಾಗಿ 500 ರೂ ವಸೂಲಿ ಮಾಡುತ್ತಿದ್ದಾರೆ. ಹಣ ಕೊಡದಿದ್ದರೆ ಅನಗತ್ಯ ಕೇಸು ದಾಖಲಿಸಿ ಕೋರ್ಟು-ಕಚೇರಿ ಅಲೆದಾಡಿಸುತ್ತಿದ್ದಾರೆ. ಈ ವಿಷಯದ ಬಗ್ಗೆ ಉತ್ತರ ಕನ್ನಡ ಲಾರಿ ಮಾಲಕರ ಸಂಘದವರು ದೂರಿದ್ದು, ಭಾನುವಾರ RTO ನಡೆ ವಿರೋಧಿಸಿ ಮಲ್ಲಿಕಾರ್ಜುನ ಕೊಪ್ಪದ ಅವರಿಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಿದ್ದಾರೆ. ಯಲ್ಲಾಪುರದ ಮಾಗೋಡು ಕ್ರಾಸಿನ ಬಳಿ ಭಾನುವಾರ 2ಕಿಮೀ ಉದ್ದಕ್ಕೆ ವಾಹನಗಳು ನಿಂತಿದ್ದವು. ಪೊಲೀಸರು ವಾಹನ ಸಂಚಾರ ಸರಿಪಡಿಸಲು ಹರಸಾಹಸ ಮಾಡಿದರು. ಆದರೆ, ಅಲ್ಲಿದ್ದ RTO ಅಧಿಕಾರಿಗಳು ವಾಹನ ಸಂಚಾರವನ್ನು ಇನ್ನಷ್ಟು ನಿಧಾನಗೊಳಿಸುತ್ತಿದ್ದರು. ಅತಿ ಬಾರ ಇಲ್ಲದ ಲಾರಿಗಳನ್ನು ಹಿಡಿದು ಅದಕ್ಕೆ ದಂಡ ವಸೂಲಿ ಮಾಡುವ ಬಗ್ಗೆ ಹೆದರಿಸುತ್ತಿದ್ದರು. ತೆರಿಗೆ ಪಾವತಿ ಸರಿಯಾಗಿದ್ದ ಲಾರಿ ಚಾಲಕರೊಬ್ಬರು ದಾಖಲೆ ನೀಡಿದರೂ ತೆರಿಗೆ ಪಾವತಿ ಆಗಿಲ್ಲ ಎಂಬ ಕಾರಣ ನೀಡಿ ದಂಡ ವಸೂಲಿ ಮಾಡಿದ್ದರು. RTO ಅಧಿಕಾರಿಗಳ ಉಪಟಳ ಸಹಿಸದ ಉತ್ತರ ಕನ್ನಡ ಲಾರಿ ಮಾಲಕರ ಸಂಘದವರು ಅವರ ಮಲ್ಲಿಕಾರ್ಜುನ ಕೊಪ್ಪದ ಅವರ ವಾಹನಕ್ಕೆ ಮುತ್ತಿಗೆ ಹಾಕಿದರು. ಸರ್ಕಾರಿ ಅಧಿಕಾರಿ ಬಳಿ ಕಾನೂನಾತ್ಮಕ ರೀತಿ ಪ್ರಶ್ನೆ ಕೇಳಿದರು. `ಸರ್ಕಾರಿ ಅಧಿಕಾರಿಗಳು ಕಚೇರಿಯಿಂದ ಹೊರಗಡೆ ಕರ್ತವ್ಯಕ್ಕೆ ಹೋಗುವ ಮುನ್ನ ರಿಜಿಸ್ಟರ್ ಪುಸ್ತಕದಲ್ಲಿ ಮಾಹಿತಿ ನಮೂದಿಸಬೇಕಿದ್ದು, ಕಚೇರಿಯೇ ತೆರೆಯದ ಭಾನುವಾರ ಇಲ್ಲಿ ಹೇಗೆ ಬಂದಿರಿ?’ ಎಂದು ಕೇಳಿದರು. ಈ ಪ್ರಶ್ನೆಗೆ ಉತ್ತರಿಸಲಾಗದೇ ಅಧಿಕಾರಿಗಳು ದಬ್ಬಿಬ್ಬಾದರು. ಆರ್ ಟಿ ಓ ಕಚೇರಿ ವಾಹನ ಚಾಲಕ ಈ ಎಲ್ಲಾ ವಿದ್ಯಮಾನಗಳ ವಿಡಿಯೋ ಮಾಡಿದ್ದು, ಲಾರಿ ಮಾಲಕ ಸಂಘದವರು ಸಹ ಘಟನಾವಳಿಗಳ ವಿಡಿಯೋ ಮಾಡಿದರು. ಅನಗತ್ಯವಾಗಿ ಆರ್ ಟಿ ಓ ಕಾಡಿಸಿದ ಬಗ್ಗೆ ಹೊರ ಜಿಲ್ಲೆಯ ಲಾರಿ ಚಾಲಕರು ದೂರಿದರು. ಲಾರಿ ಮಾಲಕರ ಸಂಘದ ರಾಜ್ಯ ಉಪಾಧ್ಯಕ್ಷ ಗಿರೀಶ ಮಲ್ನಾಡ್ ಅವರಿಗೆ ಉತ್ತರ ಕನ್ನಡ ಜಿಲ್ಲೆಯ ಲಾರಿ ಮಾಲಕರ ಸಂಘದ ಉಪಾಧ್ಯಕ್ಷ ಸುಜಯ ಮರಾಠಿ ಫೋನ್ ಮಾಡಿದರು. ಆರ್ ಟಿ ಓ ದಬ್ಬಾಳಿಕೆ ವಿರುದ್ಧ ಕಾನೂನು ಹೋರಾಟ ನಡೆಸುವ ಬಗ್ಗೆ ಲಾರಿ ಮಾಲಕರ ಸಂಘದವರು ಘೋಷಿಸಿದರು. ಹೊನ್ನಾವರದ ಲಾರಿ ಮಾಲೀಕರ ಸಂಘದ ಅಧ್ಯಕ್ಷ ಸಿದ್ದಾರ್ಥ ಕಾಮತ್, ಸಂಘಟನೆ ಸದಸ್ಯರಾದ ಮಹೇಶ್ ನಾಯ್ಕ, ಖಾಜಾ ಅತ್ತಾರ, ಮುರಳಿ ರಾವಲ್, ವರುಣ್ ನಾಯಕ, ಮುಜೀಮ್ ತೊಲಗಿ, ಆದಮ ಶೇಖ ಹಜಿಮ್ ಇತರರು ಆರ್ ಟಿ ಓ ನಡೆ ಖಂಡಿಸಿದರು. ವಸೂಲಿಗೆ ಬಂದ ಆರ್ ಟಿ ಓಗೆ ಛೀಮಾರಿ ಹಾಕಿದ ವಿಡಿಯೋ ಇಲ್ಲಿ ನೋಡಿ..
- [ಆಂಬುಲೆನ್ಸ ಪಲ್ಟಿ: ಭಟ್ಕಳದ ದಂಪತಿ ಕೊನೆಯುಸಿರು!](https://mobiletime.in/2025/11/ambulance-overturns-bhatkal-couple-dies/): ಬೆಂಗಳೂರಿನ ಟ್ರಾಫಿಕ್ ಸಿಗ್ನಲ್ ಬಳಿ ನಿಂತಿದ್ದ ಭಟ್ಕಳದ ದಂಪತಿಗೆ ಆಂಬುಲೆನ್ಸ ಗುದ್ದಿದ್ದು, ಆ ದಂಪತಿ ಅಲ್ಲಿಯೇ ಸಾವನಪ್ಪಿದ್ದಾರೆ. ಅಪಘಾತದ ರಭಸಕ್ಕೆ ಆಂಬುಲೆನ್ಸ ಪಲ್ಟಿಯಾಗಿದೆ. ಶನಿವಾರ ರಾತ್ರಿ 11 ಗಂಟೆ ವೇಳೆಗೆ ಈ ಅವಘಡ ನಡೆದಿದೆ. ಶಾಂತಿನಗರ ಬಸ್ ನಿಲ್ದಾಣದ ಬಳಿ ಆಂಬುಲೆನ್ಸ ಚಾಲಕನ ನಿಯಂತ್ರಣ ತಪ್ಪಿದೆ. ಅಲ್ಲಿದ್ದ ಬೈಕುಗಳಿಗೆ ಆಂಬುಲೆನ್ಸ ಗುದ್ದಿ ಅದಾದ ನಂತರ ಪಲ್ಟಿಯಾಗಿದೆ. ಈ ವೇಳೆ ಸಿಗ್ನಲ್ ಬಳಿ ಇದ್ದ ಭಟ್ಕಳದ ದಂಪತಿ ಸಾವನಪ್ಪಿದ್ದಾರೆ. ಭಟ್ಕಳದ ಬಂದರ್ ರೋಡಿನ ದಂಪತಿ ಅಪಘಾತದಲ್ಲಿ ಸಾವನಪ್ಪಿದವರಾಗಿದ್ದಾರೆ. ಈ ಅಪಘಾತದಲ್ಲಿ ಹಲವು ಬೈಕುಗಳಿಗೆ ಆಂಬುಲೆನ್ಸ ಡಿಕ್ಕಿ ಹೊಡೆದಿದೆ. ಅದಾದ ಬಳಿಕ ಪೊಲೀಸ್ ತಪಾಸಣಾ ಕೇಂದ್ರಕ್ಕೆ ಗುದ್ದಿ, ಅಲ್ಲಿ ತಿರುಗಿ ಬಿದ್ದಿದೆ. ಅಪಘಾತದ ನಂತರ ಆಂಬುಲೆನ್ಸ ಚಾಲಕ ಅಶೋಕರ್ ಪರಾರಿಯಾಗಿದ್ದು, ಭಾನುವಾರ ಬೆಳಗ್ಗೆ ಪೊಲೀಸರು ಚಾಲಕನನ್ನು ಪತ್ತೆ ಮಾಡಿದ್ದಾರೆ. ಅಪಘಾತ ಸ್ಥಳಕ್ಕೆ ವಿಲ್ಸನ್ ಗಾರ್ಡನ್ ಟ್ರಾಫಿಕ್ ಪೊಲೀಸರು ಭೇಟಿ ನೀಡಿದ್ದಾರೆ. ಪೊಲೀಸರು ಕಾನೂನು ಪ್ರಕ್ರಿಯೆ ಮುಂದುವರೆಸಿದ್ದಾರೆ.
- [ಲಾರಿ ಬಿಟ್ಟು ನೆಲಕ್ಕೆ ಹಾರಿದ ಚಾಲಕ: ಸಾವು!](https://mobiletime.in/2025/11/driver-dies-after-jumping-off-lorry-and-falling-to-the-ground/): ಯಲ್ಲಾಪುರದ ಶಿರಲೆ ಕ್ರಾಸಿನ ಬಳಿ ಲಾರಿಯೊಂದು ಪಲ್ಟಿಯಾಗಿದ್ದು, ಲಾರಿಯಿಂದ ಹಾರಿದ ಚಾಲಕನ ಪ್ರಾಣ ಹಾರಿಹೋಗಿದೆ. ಬಿಹಾರದ ಮುಖೇಶಕುಮಾರ ತಿಕೇದ ನಾರಾಯಣ ದೇವ (27) ಅವರು ಲಾರಿ ಓಡಿಸಿಕೊಂಡು ಬಂದಿದ್ದು, ಯಲ್ಲಾಪುರ ಕಡೆಯಿಂದ ಅಂಕೋಲಾ ಕಡೆಗೆ ಹೋಗುವಾಗ ಲಾರಿ ಗಟಾರಕ್ಕೀಳಿದಿದೆ. ಶಿರಲೆ ಕ್ರಾಸಿನಿಂದ 500ಮೀ ಮುಂದೆ ಈ ಅವಘಡ ನಡೆದಿದೆ. ಲಾರಿ ಪಲ್ಟಿಯಾಗುವ ಪೂರ್ವದಲ್ಲಿ ಚಾಲಕ ಜೀವ ಉಳಿಸಿಕೊಳ್ಳುವುದಕ್ಕಾಗಿ ಲಾರಿಯಿಂದ ಹಾರಿದ್ದಾರೆ. ಆದರೆ, ಲಾರಿಯಿಂದ ಬಿದ್ದ ಪರಿಣಾಮ ಚಾಲಕನ ಚಾಲಕ ತಲೆ ಹಾಗೂ ಕೈಗೆ ಗಂಭೀರ ಗಾಯಗಳಾಗಿದೆ. ಆ ನೋವಿನಲ್ಲಿಯೇ ಮುಖೇಶಕುಮಾರ ಕೊನೆಯುಸಿರೆಳೆದಿದ್ದಾರೆ. ಲಾರಿಯೂ ಜಖಂ ಆಗಿದೆ. ಈ ಅಪಘಾತ ನೋಡಿದ ಯಲ್ಲಾಪುರದ ರವೀಂದ್ರ ನಗರದ ಸುಜಯ ಮರಾಠಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪಿಐ ರಮೇಶ ಹಾನಾಪುರ ಹಾಗೂ ಪಿಎಸ್‌ಐ ಸಿದ್ದಪ್ಪ ಗುಡಿ ಸ್ಥಳಕ್ಕೆ ಭೇಟಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಅಡಿಕೆ ಸಿಪ್ಪೆಯಿಂದ ಅಂದದ ಅಲಂಕಾರ!](https://mobiletime.in/2025/11/beautiful-decoration-made-from-walnut-shells/): ಶಿರಸಿ TSS ಸಂಸ್ಥೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದ ವಿನಾಯಕ ಹೆಗಡೆ ಅವರು ಆ ಸಂಸ್ಥೆ ತೊರೆದ ನಂತರ ಧಾರವಾಡದಲ್ಲಿ ವಿಶೇಷ ತರಬೇತಿಪಡೆದಿದ್ದು, ಇದೀಗ ಊರಿನಲ್ಲಿಯೇ ಸ್ವ ಉದ್ಯೋಗ ಮಾಡುತ್ತಿದ್ದಾರೆ. ಅಡಿಕೆ ಸಿಪ್ಪೆ, ಅಡಿಕೆ ದಬ್ಬೆ, ಅಡಿಕೆ ಹಾಳೆಗಳನ್ನು ಪುಡಿ ಮಾಡಿ ಅವರು ಅಲಂಕಾರಿಕ ವಸ್ತುಗಳನ್ನು ಸಿದ್ಧಪಡಿಸುತ್ತಿದ್ದಾರೆ. ಅಡಿಕೆ ಮೌಲ್ಯ ವರ್ಧನೆಯ ಬಗ್ಗೆ ಬಹುತೇಕರು ಮಾತನಾಡುತ್ತಾರೆ. ಕಚ್ಚಾ ವಸ್ತುಗಳಿಂದ ಸಿದ್ಧ ವಸ್ತುಗಳನ್ನು ಸಿದ್ಧಪಡಿಸುವ ಬಗ್ಗೆ ನೂರಾರು ಯೋಜನೆಗಳನ್ನು ಹೇಳುತ್ತಾರೆ. ಅಂಥವರಿಗೆ ಧಾರವಾಡ ಕೃಷಿ ವಿಶ್ವ ವಿದ್ಯಾಲಯದಲ್ಲಿ ನವ ಉದ್ಯಮಗಳಿಗೆ ಪ್ರೋತ್ಸಾಹಿಸುವ ಕೃಷಿಕ್  ವಿಭಾಗ ಆಹ್ವಾನ ನೀಡುತ್ತಿದ್ದು, ಹೆಗಡೆಕಟ್ಟಾದ ವಿನಾಯಕ ಹೆಗಡೆ ಅವರು ಅಲ್ಲಿಗೆ ಹೋಗಿ ತಮ್ಮ ಆಸಕ್ತಿಯನ್ನು ಪ್ರಸ್ತುತಪಡಿಸಿದ್ದಾರೆ. ಅದರ ಪರಿಣಾಮವಾಗಿ ಕೃಷಿ ನಿರುಪಯೋಗಿ ವಸ್ತುಗಳಿಂದ ಉಪಯುಕ್ತ ವಸ್ತುಗಳನ್ನು ಸಿದ್ಧಪಡಿಸುವ ಘಟಕ ತಯಾರಿಸಿದ್ದಾರೆ. ವಿನಾಯಕ ಹೆಗಡೆ ಅವರ ಈ ಸಾಹಸಕ್ಕೆ ಅವರ ಪತ್ನಿ ಜಯಶ್ರೀ ಹೆಗಡೆ ಅವರು ಕೈ ಜೋಡಿಸಿದ್ದಾರೆ. ಈ ದಂಪತಿಯ ನಿರಂತರ ಪ್ರಯತ್ನದಿಂದ ನೂರಾರು ಬಗೆಯ ಕಲಾಕೃತಿಗಳು ಜನ್ಮ ತಾಳಿದ್ದು, ಅವು ಜನರ ಮನ ಗೆದ್ದಿವೆ. ಬರೇ ನಾಲ್ಕು ತಿಂಗಳಿನಲ್ಲಿ ಇಲ್ಲಿನ ಕಲಾಕೃತಿಗಳು ಜಿಲ್ಲೆ ದಾಟಿ ಸಾಗರ ಸೇರಿವೆ. ವಿನಾಯಕ ಹೆಗಡೆ ಅವರಿಗೆ 4 ಎಕರೆ ಅಡಿಕೆ ತೋಟವಿದೆ. ತೋಟದಲ್ಲಿ ಸಾವನಪ್ಪಿದ ಅಡಿಕೆ ಮರ, ಅಡಿಕೆ ಸಿಪ್ಪೆ, ಅಡಿಕೆ ಒಡಕುಗಳನ್ನು ಅವರು ಆರಿಸುತ್ತಾರೆ. ಕಡಿಮೆ ಬಿದ್ದರೆ ಬೇರೆ ಬೇರೆ ಭಾಗದಿಂದ ಕಚ್ಚಾ ವಸ್ತುಗಳನ್ನು ತರಿಸಿ ಅದಕ್ಕೆ ಅಂದದ ರೂಪ ಕೊಡುತ್ತಾರೆ. ಅಡಿಕೆ ಮರದ ಉತ್ಪನ್ನಗಳನ್ನು ಪುಡಿ ಮಾಡಿ ಅದಕ್ಕೆ ಅಗತ್ಯವಿರುವ ಇನ್ನಷ್ಟು ವಸ್ತುಗಳನ್ನು ಸೇರಿಸಿ ಅಲಂಕಾರಿಕ ವಸ್ತುಗಳನ್ನು ತಯಾರಿಸುತ್ತಾರೆ. ಮದುವೆ-ಮುಂಜಿಗಳಿಗೆ ಉಡುಗರೆ ನೀಡುವುದರ ಜೊತೆ ಮನೆ ಅಲಂಕಾರಕ್ಕೆ ಈ ವಸ್ತುಗಳು ಶೋಭೆ ತಂದು ಕೊಡುತ್ತಿವೆ. ಸದ್ಯ ಅವರ ಬಳಿ ಎಂಟು ಜನ ನುರಿತ ಕೆಲಸಗಾರರಿದ್ದು, ಯಾರಿಗೆ ಯಾವುದೇ ರೀತಿಯಾದ ಕಲಾಕೃತಿ ಬೇಕಾದರೂ ವಿನಾಯಕ ಹೆಗಡೆ ದಂಪತಿ ಸಿದ್ಧಪಡಿಸಿಕೊಡುತ್ತಾರೆ. ಆನ್‌ಲೈನ್ ಮಾರುಕಟ್ಟೆಯಲ್ಲಿ ಸಹ ಈ ದಂಪತಿ ರಚಿಸಿದ ಕಲಾಕೃತಿಗಳು ಸಿಗುತ್ತದೆ. 14*10ರ ಇಂಚ್ ಗಾತ್ರದ ಕಲಾಕೃತಿಗಳಿಗೆ 480ರೂ ಹಾಗೂ 8 ಇಂಚಿನ ವೃತ್ತಾಕಾರದ ಕಲಾಕೃತಿಗೆ 160ರೂ ದರದಲ್ಲಿ ಅವರು ಮಾರಾಟ ಮಾಡುತ್ತಾರೆ. ಸರಿಸುಮಾರು 1 ಕೆಜಿ ತೂಕವಿರುವ ಇವು ಮರದಿಂದ ಮಾಡಿದ ಕಲಾಕೃತಿಯ ಅನುಭವ ನೀಡುತ್ತದೆ. ಭವಿಷ್ಯದಲ್ಲಿ ವಿವಿಧ ಹೋಟೆಲ್-ಹೋಂ ಸ್ಟೇ ಬರುವ ಪ್ರವಾಸಿಗರಿಗೂ ಈ ಕಲಾಕೃತಿಗಳನ್ನು ತಲುಪಿಸುವ ಯೋಜನೆ ಅವರಿಗಿದೆ. ವಿನಾಯಕ ಹೆಗಡೆ ಅವರ ಜೊತೆ ಮಾತನಾಡಲು ಇಲ್ಲಿ ಫೋನ್ ಮಾಡಿ: 9986285763
- [2025 ನವೆಂಬರ್ 2ರ ದಿನ ಭವಿಷ್ಯ](https://mobiletime.in/2025/11/prediction-for-november-2-2025/): ಮೇಷ ರಾಶಿ: ನಿಮ್ಮ ಆಂತರಿಕ ಶಕ್ತಿ ಹೆಚ್ಚಳವಾಗಲಿದೆ. ಸ್ನೇಹಿತರ ಸಹಾಯ ಸಿಗಲಿದೆ. ಆರ್ಥಿಕ ಸ್ಥಿತಿ ಉತ್ತಮವಾಗಿರಲಿದೆ. ವೃಷಭ ರಾಶಿ: ಕುಟುಂಬದ ಸಂತೋಷ ಹೆಚ್ಚಾಗಲಿದೆ. ಹೊಸ ಯೋಜನೆಗಳ ವಿಚಾರಕ್ಕೆ ಸೂಕ್ತ ಸಮಯ. ಆಸ್ತಿ ವಿಷಯವಾಗಿ ಚಿಂತೆ ಮಾಡಬೇಡಿ. ಮಿಥುನ ರಾಶಿ: ಕಷ್ಟದಲ್ಲಿ ನೆರವಾಗುವವರೇ ನಿಜವಾದ ಸ್ನೇಹಿತರು ಎಂಬುದು ನೆನಪಿಡಿ. ಸವಾಲುಗಳನ್ನು ಧೈರ್ಯದಿಂದ ಎದುರಿಸಿ. ಆರೋಗ್ಯದ ಕಡೆ ಗಮನಹರಿಸಿ. ಕರ್ಕ ರಾಶಿ: ಕುಟುಂಬದಲ್ಲಿ ಸಂತೋಷ ಕಾಣಲಿದೆ. ಸಮಸ್ಯೆಗಳನ್ನು ವಿಶ್ಲೇಷಿಸಿದರೆ ಪರಿಹಾರ ಸಿಗುತ್ತದೆ. ಹೊಸ ಪರಿಚಯಗಳು ಲಾಭವಾಗಲಿದೆ. ಸಿಂಹ ರಾಶಿ: ಧೈರ್ಯದಿಂದ ನಡೆದುಕೊಮಡರೆ ಸಮಸ್ಯೆಗಳು ದೂರವಾಗಲಿದೆ. ಉದ್ದಿಮೆಯಲ್ಲಿ ಯಶಸ್ಸು ಸಿಗಲಿದೆ. ಆರೋಗ್ಯದ ಕಡೆ ಗಮನಹರಿಸಿ. ಕನ್ಯಾ ರಾಶಿ: ಈ ದಿನ ಕೆಲಸದಲ್ಲಿ ನಿಷ್ಠೆ ತುಂಬಾ ಮುಖ್ಯ. ಹೊಸ ಗುರಿಗಳನ್ನು ಸಾಧಿಸುವಿರಿ. ಕುಟುಂಬದೊoದಿಗೆ ಸಮಯ ಕಳೆಯಿರಿ. ತುಲಾ ರಾಶಿ: ಸೌಹಾರ್ದತೆಯ ಜೀವನ ಮುಖ್ಯ. ಹೊಸ ಬಗೆಯ ಬೇರೆಯ ದಾರಿಗಳನ್ನು ಅನ್ವೇಷಿಸಿ. ಹಣಕಾಸಿನ ದೃಷ್ಟಿಯಿಂದ ಧೈರ್ಯ ಅಗತ್ಯ. ವೃಶ್ಚಿಕ ರಾಶಿ: ಹೊಸ ಅವಕಾಶಗಳು ಎದುರಾಗುತ್ತವೆ. ಧೈರ್ಯದಿಂದ ಮುಂದುವರಿಯಿರಿ. ಸ್ನೇಹಿತರಿಂದ ಸಹಾಯ ದೊರೆಯುತ್ತದೆ. ಆರ್ಥಿಕ ಸ್ಥಿತಿ ಸುಧಾರಣೆ ಆಗಲಿದೆ. ಧನು ರಾಶಿ: ಹೊಸ ಬಗೆಯ ಯೋಜನೆ ಅನುಷ್ಠಾನಕ್ಕೆ ಸೂಕ್ತ ಸಮಯ. ಧನ ಲಾಭ ಆಗಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ಅಗತ್ಯ. ಮಕರ ರಾಶಿ: ನಿರಂತರ ಪ್ರಯತ್ನದಿಂದ ಫಲ ಸಿಗಲಿದೆ. ಕುಟುಂಬದಲ್ಲಿ ಸಂತೋಷ ಸಿಗಲಿದೆ. ದೂರ ಪ್ರಯಾಣ ಈ ದಿನ ಬೇಡ. ಕುಂಭ ರಾಶಿ: ನಿಮಗೆ ಹೊಸ ಅವಕಾಶಗಳು ಎದುರಾಗುತ್ತವೆ. ಶ್ರದ್ಧೆ ಮತ್ತು ಧೈರ್ಯದಿಂದ ಕೆಲಸ ಮಾಡಿ. ಸ್ನೇಹಿತರ ಸಹಕಾರ ಸಿಗಲಿದೆ. ಮೀನ ರಾಶಿ: ಆರ್ಥಿಕ ದೃಷ್ಟಿಯಿಂದ ಸಾಧನೆ ಸಾಧ್ಯವಿದೆ. ಕಾರ್ಯಕ್ಷೇತ್ರದಲ್ಲಿ ನಿರಂತರ ಪ್ರಗತಿ ಆಗಲಿದೆ. ಹೊಸ ಅನುಭವಗಳು ಸಿಗಲಿದೆ.  
- [ಕಾರು ಡಿಕ್ಕಿ: ಕಂದಕಕ್ಕೆ ಉರುಳಿದ ಬಸ್ಸು!](https://mobiletime.in/2025/11/car-collision-bus-falls-into-ditch/): 30ಕ್ಕೂ ಅಧಿಕ ಜನರನ್ನು ಕರೆದೊಯ್ಯುತ್ತಿದ್ದ ಸರ್ಕಾರಿ ಬಸ್ಸು ಹೊನ್ನಾವರದ ಬಳಿ ಅಪಘಾತಕ್ಕೀಡಾಗಿದೆ. ಗೇರುಸೊಪ್ಪ ಸೂಳೆಮೂರ್ಕಿ ಕ್ರಾಸ್ ಬಳಿ ಬಸ್ಸು ಹಾಗೂ ಕಾರಿನ ನಡುವೆ ಡಿಕ್ಕಿ ನಡೆದಿದ್ದು, ಬಸ್ಸು ಕಂದಕಕ್ಕೆ ಬಿದ್ದಿದೆ. ಈ ಅಪಘಾತದಲ್ಲಿ ಬಸ್ಸಿನಲ್ಲಿದ್ದ 10ಕ್ಕೂ ಅಧಿಕ ಜನ ಗಾಯಗೊಂಡಿದ್ದಾರೆ. ಕಾರಿನಲ್ಲಿದ್ದವರಿಗೆ ಸಹ ಪೆಟ್ಟಾಗಿದೆ. ಈ ಬಸ್ಸು ಬೆಂಗಳೂರಿನಿAದ ಭಟ್ಕಳಕ್ಕೆ ಬರುತ್ತಿರುವಾಗ ಅವಘಡ ನಡೆದಿದೆ. 5ಕ್ಕೂ ಅಧಿಕ ಆಂಬುಲೆನ್ಸ ಮೂಲಕ ಗಾಯಾಳುಗಳನ್ನು ಆಸ್ಪತ್ರೆಗೆ ತರುವ ಕೆಲಸ ನಡೆಯುತ್ತಿದೆ. ಗಂಭೀರವಾಗಿ ಪೆಟ್ಟಾದವರಿಗೆ ಮುತುವರ್ಜಿವಹಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಬಸ್ ಪಲ್ಟಿಯಾಗಿದ್ದರಿಂದ ಆ ಭಾಗದ ಸಂಚಾರ ಅಸ್ತವ್ಯಸ್ಥವಾಗಿದ್ದು, ಅದನ್ನು ಸರಿಪಡಿಸುವ ಕೆಲಸ ನಡೆದಿದೆ. ಬಸ್ಸಿನಲ್ಲಿ ಸಿಲುಕಿರುವ ಪ್ರಯಾಣಿಕರನ್ನು ಹೊರತೆಗೆಯಲು ಅಗ್ನಿಶಾಮಕ ಸಿಬ್ಬಂದಿ ಸಾಹಸ ಮಾಡುತ್ತಿದ್ದಾರೆ. ಅಪಘಾತ ಸ್ಥಳದಲ್ಲಿ ಮೊಬೈಲ್ ನೆಟ್‌ವರ್ಕ ಸಹ ಸಿಗದ ಕಾರಣ ತುರ್ತು ಮಾಹಿತಿ ರವಾನೆಯಾಗುತ್ತಿಲ್ಲ.
- [ಸಾಲ ತೀರಿಸಲಾಗದೇ ಸಾವನಪ್ಪಿದ ಬಟ್ಟೆ ವ್ಯಾಪಾರಿ!](https://mobiletime.in/2025/11/a-cloth-merchant-died-because-he-could-not-repay-his-debt/): ಮುಂಡಗೋಡದಲ್ಲಿ ಬಟ್ಟೆ ವ್ಯಾಪಾರ ಮಾಡಿಕೊಂಡಿದ್ದ ಹನುಮಂತ ಬಂಗಾಳೆ ಅವರು ವ್ಯಾಪಾರದಲ್ಲಿನ ನಷ್ಟ ಸಹಿಸಲಾಗದೇ ವಿಷ ಕುಡಿದಿದ್ದಾರೆ. ಅವರನ್ನು ಬದುಕಿಸುವುದಕ್ಕಾಗಿ ಕುಟುಂಬದವರು ಮತ್ತೆ ಸಾಲ ಮಾಡಿ ಆಸ್ಪತ್ರೆ ಓಡಾಟ ನಡೆಸಿದರೂ ಪ್ರಯೋಜನವಾಗಿಲ್ಲ. ಮುಂಡಗೋಡಿನ ಇಂದೂರಿನ ಹನುಮಂತ ಬಂಗಾಳೆ ಅವರು ತಮ್ಮ ವ್ಯಾಪಾರ ವೃದ್ಧಿಗಾಗಿ ಸಾಲ ಮಾಡಿದ್ದರು. ಬೇರೆ ಬೇರೆ ಊರುಗಳಿಂದ ಅವರು ಬಗೆ ಬಗೆಯ ಬಟ್ಟೆಗಳನ್ನು ತರಿಸಿದ್ದರು. ಸ್ಪರ್ಧಾತ್ಮಕ ಬೆಲೆಯಲ್ಲಿ ಅವರು ಬಟ್ಟೆ ವ್ಯಾಪಾರ ನಡೆಸುತ್ತಿದ್ದರು. ಆದರೆ, ಪ್ರಚಾರ ಕೊರತೆಯಿಂದಾಗಿ ಅವರ ಮಳಿಗೆಗೆ ಗ್ರಾಹಕರು ಮಾತ್ರ ಬರುತ್ತಿರಲಿಲ್ಲ. ಇದರಿಂದ ಅವರ ಸಾಲ ಇನ್ನಷ್ಟು ಹೆಚ್ಚಾಯಿತು. ಆರ್ಥಿಕ ಸಂಕಷ್ಟದಿoದ ಅವರಿಗೆ ಬದುಕು ಬೇಸರವಾಯಿತು. ಅಕ್ಟೊಬರ್ 30ರಂದು ಟೇಲರ್ ಕೆಲಸ ಮಾಡುವ ಅವರ ತಮ್ಮ ಖಂಡೋಬಾ ಬೊಂಗಾಳೆ ಅವರು ಹಿತ್ತಲಿಗೆ ಹೊಡೆಯಲು ಕ್ರಿಮಿನಾಶಕ ತಂದಿದ್ದರು. ಜೀವನದಲ್ಲಿ ಬೇಸರಗೊಂಡಿದ್ದ ಹನುಮಂತ ಬಂಗಾಳೆ ಅವರು ಆ ಕ್ರಿಮಿನಾಶಕ ಕುಡಿದು ಒದ್ದಾಡಲು ಶುರು ಮಾಡಿದರು. ತಕ್ಷಣ ಕುಟುಂಬದವರು ಅವರನ್ನು ಮುಂಡಗೋಡು ಆಸ್ಪತ್ರೆಗೆ ದಾಖಲು ಮಾಡಿದರು. ಅದಾದ ನಂತರ ಹುಬ್ಬಳ್ಳಿ ಕಿಮ್ಸ್’ಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದರು. ಎರಡು ದಿನಗಳ ಕಾಲ ನಿರಂತರ ಚಿಕಿತ್ಸೆ ಕೊಟ್ಟರೂ ಹನುಮಂತ ಬಂಗಾಳೆ ಅವರು ಬದುಕಲಿಲ್ಲ. ನವೆಂಬರ್ 1ರಂದು ಸಾವನಪ್ಪಿದರು. ಖಂಡೋಬಾ ಬೊಂಗಾಳೆ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಶವಪಡೆದರು.
- [ಹಣ ಕೊಡದ ಕಾರಣ ಚಾಕು ಚುಚ್ಚಿದ ಡಕಾಯಿತ!](https://mobiletime.in/2025/11/a-bandit-stabbed-me-with-a-knife-because-i-didnt-pay/): ಭಟ್ಕಳ ಸಂಶುದ್ದೀನ್ ಸರ್ಕಲಿನಲ್ಲಿ ಮಾದಕ ವಸ್ತು ಸೇವಿಸಿದ ವ್ಯಕ್ತಿಯೊಬ್ಬ ಮತ್ತೊಬ್ಬ ವ್ಯಕ್ತಿ ಮೇಲೆ ಚಾಕುವಿನ ದಾಳಿ ನಡೆಸಿದ್ದು, ವೆಲ್ಡಿಂಗ್ ಕೆಲಸ ಮಾಡುವ ಮಂಜುನಾಥ ನಾಯ್ಕ ಎಂಬಾತರು ಗಾಯಗೊಂಡಿದ್ದಾರೆ. ಡಿ ಪಿ ಕಾಲೋನಿಯ ನಗೀನಕುಮಾರ ಶೆಟ್ಟಿ ದಾಳಿ ನಡೆಸಿದವರಾಗಿದ್ದು, ಪೊಲೀಸ್ ತನಿಖೆ ನಡೆಯುತ್ತಿದೆ. ಭಟ್ಕಳ ಪೊಲೀಸ್ ಕ್ವಾಟರ್ಸ ಹತ್ತಿರದ ಡಿ ಪಿ ಕಾಲೋನಿಯ ನಗೀನಕುಮಾರ ಶೆಟ್ಟಿ ಹಾಗೂ ಮಂಜುನಾಥ ಮಾಸ್ತಪ್ಪ ನಾಯ್ಕ ನಡುವಿನ ಹಳೆಯ ದ್ವೇಷ ಈ ದುರಂತಕ್ಕೆ ಕಾರಣ ಎನ್ನುವ ಮಾಹಿತಿಯಿದೆ. ಅಕ್ಟೊಬರ್ 31ರ ಮಧ್ಯಾಹ್ನ ತಲಗೇರಿಯ ವ್ಯಾಪಾರಿ ಗಣೇಶ ನಾಯ್ಕ ಹಾಗೂ ಪುರವರ್ಗದ ಮಂಜುನಾಥ ನಾಯ್ಕ ಅವರು ಛಾಯಾ ಲಾಡ್ಜ ಹೊಟೇಲ್ ಹತ್ತಿರ ಊಟಕ್ಕೆ ಹೋಗಿದ್ದರು. ಅಲ್ಲಿಂದ ಮರಳುವಾಗ ಅವರಿಬ್ಬರಿಗೂ ನಗೀನಕುಮಾರ ಶೆಟ್ಟಿ ಅವರು ಎದುರಾದರು. ನಶೆಯಲ್ಲಿದ್ದ ನಗೀನಕುಮಾರ ಶೆಟ್ಟಿ ಅವರು `ನಿನ್ನೆ ಹಣ ಕೇಳಿದ್ರೆ ಬೈಯ್ದು ಕಳಿಸಿದ್ದಿಯಾ. ಇವತ್ತು ನಿನ್ನನ್ನ ಬಿಡೋದಿಲ್ಲ’ ಎಂದು ಅಬ್ಬರಿಸಿದರು. ಅದಾದ ನಂತರ ಮಂಜುನಾಥ ನಾಯ್ಕ ಅವರ ಮೇಲೆ ಚಾಕು ಚುಚ್ಚಿದರು. ಮಂಜುನಾಥ ನಾಯ್ಕ ಅವರ ಕಂಕಳ, ಕುತ್ತಿಗೆ, ಹೊಟ್ಟೆ, ಕಿವಿಯ ಹತ್ತಿರ ಹಾಗೂ ತಲೆಯ ಭಾಗಕ್ಕೆ ಚಾಕು ಇರಿದಿದ್ದರಿಂದ ಅವರು ಗಾಯಗೊಂಡಿದ್ದಾರೆ. ಘಟನೆಯ ಮಾಹಿತಿ ತಿಳಿದ ಕೂಡಲೇ ಪಿಐ ದಿವಾಕರ ಪಿ ಎಂ ಮತ್ತು ಪಿಎಸ್‌ಐ ನವೀನ್ ನಾಯ್ಕ ನೇತೃತ್ವದ ಪೊಲೀಸರು ಸ್ಥಳಕ್ಕೆ ಧಾವಿಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಗಾಯಗೊಂಡ ಮಂಜುನಾಥನನ್ನು ಮೊದಲು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ, ನಂತರ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿಗೆ ಸ್ಥಳಾಂತರಿಸಲಾಗಿದೆ.
- [ಜಯ ಕರ್ನಾಟಕ | ಜನಪರ ವೇದಿಕೆಯಿಂದ ರಾಜ್ಯೋತ್ಸವ](https://mobiletime.in/2025/11/jaya-karnataka-rajyotsava-from-janapara-vedike/): ಕಾರವಾರದ ಜಯ ಕರ್ನಾಟಕ ಜನಪರ ವೇದಿಕೆ ರಚನೆಯಾಗಿ ಐದು ವರ್ಷವಾಗಿದ್ದು, ಈ ಹಿನ್ನಲೆ ನಗರದಲ್ಲಿ ಅದ್ಧೂರಿ ಕನ್ನಡ ರಾಜ್ಯೋತ್ಸವ ಆಚರಿಸಿದೆ. 70ನೇ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮ ಬಸ್ ನಿಲ್ದಾಣದ ಎದುರುಗಡೆ ನಡೆಯಿತು. ಕಾರವಾರ ಬಿಜೆಪಿ ಗ್ರಾಮೀಣ ಮಂಡಲದ ಅಧ್ಯಕ್ಷ ಸುಭಾಷ್ ಗುನಗಿ ಧ್ವಜಹೊರಣ ನೆರವೇರಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಅವರು `ಜಯ ಕರ್ನಾಟಕ ಜನಪರ ವೇದಿಕೆ ಜಿಲ್ಲೆಯ ಸಮಸ್ಯೆಗಳ ಧ್ವನಿಯಾಗಿದೆ. ಈ ಹಿಂದಿನಿAದ ಜಿಲ್ಲೆಯಲ್ಲಿ ಕನ್ನಡ ಉಳಿವಿಗಾಗಿ, ಜಿಲ್ಲೆಯ ಜನರ ಸಮಸ್ಯೆಗಳ ಪರ ಧ್ವನಿ ಎತ್ತುತ್ತಿದೆ’ ಎಂದರು. ಸAಘಟನೆಯ ಜಿಲ್ಲಾಧ್ಯಕ್ಷ ದಿಲೀಪ್ ಅರ್ಗೇಕರ್ ಮಾತನಾಡಿ `ಸಂಘಟನೆಯ ಸಂಸ್ಥಾಪಕ ಅಧ್ಯಕ್ಷರಾದ ಗುಣರಂಜನ್ ಶೆಟ್ಟಿ ಅವರ ಮುಖ್ಯ ಉದ್ದೇಶ ನಾಡು, ನುಡಿ, ನೆಲ ಹಾಗೂ ಜಲ. ಇದರೊಟ್ಟಿಗೆ ಪರಿಸರ ಸಂರಕ್ಷಣೆ, ಗಿಡ ಬೆಳೆಸುವುದಾಗಿದೆ. ಈ ಹಿನ್ನಲೆ ಸಂಘಟನೆ ಕನ್ನಡ ಶಾಲೆಗಳ ಉಳಿವಿಗಾಗಿ ಹೋರಾಟ ಮಾಡುತ್ತಾ ಬಂದಿದೆ’ ಎಂದು ವಿವರಿಸಿದರು. ಈ ವೇಳೆ ಸಂಘಟನೆ ಜಿಲ್ಲಾ ಕಾರ್ಯಧ್ಯಕ್ಷ ರೋಷನ್ ಹರಿಕಂತ್ರ, ಜಿಲ್ಲಾ ಯುವ ಘಟಕದ ಅಧ್ಯಕ್ಷ ಸುದೇಶ್ ನಾಯ್ಕ್. ಜಿಲ್ಲಾ ಯುವ ಘಟಕದ ಕಾರ್ಯಧ್ಯಕ್ಷ ರಾಹುಲ್ ತಾಂಡೇಲ್, ಜಿಲ್ಲಾ ಉಪಾಧ್ಯಕ್ಷ ಸುನಿಲ್ ತಾಂಡೇಲ್, ಜಿಲ್ಲಾ ಕಾರ್ಯದರ್ಶಿ ರಾಜು ತಾಂಡೇಲ್, ಕಾರವಾರ ತಾಲೂಕ ಅಧ್ಯಕ್ಷ ಮೋಹನ್ ಉಳ್ಳೇಕರ್, ದಿಲೀಪ್ ನಾಗೇಕರ್. ಸಂದೇಶ ಆಚಾರಿ, ವಿನಾಯಕ್ ಹರಿಕಂತ್ರ, ದೀಪಕ್ ತಾಂಡೇಲ್, ವಿನಯ್ ನಾಯ್ಕ್, ದಿಲೀಪ್ ಉಳೇಕರ್, ಸಂಘಟನೆ ಪ್ರಮುಖರು ಹಾಗೂ ಬಸ್ ಚಾಲಕರು ಉಪಸ್ಥಿತರಿದ್ದರು.
- [ಪ್ರಜಾಪತಿ ಮಾಡಿದ ಕಿತಾಪತಿ: ವೆಂಕಟೇಶನಿಗೆ ಮೂರು ನಾಮ!](https://mobiletime.in/2025/11/prajapatis-book-three-names-for-venkateswara/): 80 ಲಕ್ಷ ರೂ ಮೌಲ್ಯದ ಚಿನ್ನ 50 ಲಕ್ಷ ರೂಪಾಯಿಗೆ ಖರೀದಿಸುವ ಆಸೆಗೆ ಬಿದ್ದ ಹೊನ್ನಾವರದ ವೆಂಕಟೇಶ ಮಹಾಲೆ ಅವರಿಗೆ ಮೂರು ನಾಮ ಬಿದ್ದಿದೆ. ಪ್ರಜಾಪತಿ ಎಂಬಾತ ಮಾಡಿದ ಕಿತಾಪತಿಗೆ ಕಿರಾಣಿ ವ್ಯಾಪಾರಿ ಹೊಂಡಕ್ಕೆ ಬಿದ್ದಿದ್ದಾರೆ. ಹೊನ್ನಾವರ ಗುಣವಂತೆಯ ಹಡುಕನಕೇರಿಯಲ್ಲಿ ವೆಂಕಟೇಶ ಗಣಪಯ್ಯ ಮಹಾಲೆ ಅವರು ವಾಸವಾಗಿದ್ದಾರೆ. ಗುಣವಂತೆಯಲ್ಲಿ ಅವರು ತಮ್ಮದೇ ಆದ ಶ್ರೀ ಮಹಾಲಸಾ ನಾರಾಯಣಿ ಪ್ರಾವಿಜನ್ ಸ್ಟೋರ್ಸ ಎಂಬ ಕಿರಾಣಿ ಅಂಗಡಿ ನಡೆಸುತ್ತಾರೆ. ವ್ಯವಹಾರಸ್ಥರಾಗಿರುವ ವೆಂಕಟೇಶ ಮಹಾಲೆ ಅವರು ಕಡಿಮೆ ಬೆಲೆಗೆ ಏನು ಸಿಕ್ಕರೂ ಬಿಡುವವರಲ್ಲ. ಇಂಥಹುದೇ ದುರಾಸೆಯಿಂದ ಅವರು ಇದೀಗ ಮೋಸ ಹೋಗಿದ್ದಾರೆ. 2025ರ ಮೇ ಮಾಸದಲ್ಲಿ ರಾಜಸ್ಥಾನದ ರಾಜು ಪ್ರಜಾಪತಿ ಎಂಬಾತರು ವೆಂಕಟೇಶ ಮಹಾಲೆ ಅವರ ಅಂಗಡಿಗೆ ಬಂದಿದ್ದರು. ಅನೇಕ ವಸ್ತುಗಳನ್ನು ಖರೀದಿಸಿ ಪ್ರಾಮಾಣಿಕ ವ್ಯವಹಾರ ನಡೆಸಿದ್ದರು. ಅದಾದ ನಂತರ ನಿತ್ಯವೂ ಆಗಮಿಸಿ ವಿವಿಧ ವಸ್ತು ಖರೀದಿಸುತ್ತಿದ್ದರು. ರಾಜು ಪ್ರಜಾಪತಿ ಅವರನ್ನು ಕಂಡರೆ ವೆಂಕಟೇಶ ಮಹಾಲೆ ಅವರಿಗೆ ಎಲ್ಲಿಲ್ಲದ ವಿಶ್ವಾಸಬೆಳೆಯಿತು. ಅವರು ಹೇಳಿದನ್ನೆಲ್ಲ ಕೇಳಲು ಶುರು ಮಾಡಿದರು. ಹೀಗಿರುವಾಗ 20 ದಿನದ ಹಿಂದೆ ಕಿರಾಣಿ ಅಂಗಡಿಗೆ ಬಂದಿದ್ದ ರಾಜು ಪ್ರಜಾಪತಿ ಅವರು ವೆಂಕಟೇಶ ಮಹಾಲೆ ಅವರ ಕಿವಿಯಲ್ಲಿ ಸಣ್ಣದಾಗಿ ಊದಿದ್ದರು. `ತನ್ನ ಬಳಿ 750 ಗ್ರಾಂ ಬಂಗಾರ ಇದೆ. ತುಂಬಾ ಹಳೆಯ ಬಂಗಾರ ಅದಾಗಿದ್ದು, 80 ಲಕ್ಷ ರೂಪಾಯಿವರೆಗೆ ಬೆಲೆಯಿದೆ’ ಎಂದು ಪ್ರಜಾಪತಿ ಹೇಳಿದರು. ದಿನದಿಂದ ದಿನಕ್ಕೆ ಬಂಗಾರದ ಬೆಲೆ ಏರಿಕೆ ಆಗುತ್ತಿರುವುದನ್ನು ವೆಂಕಟೇಶ ಮಹಾಲೆ ಅವರು ಗಮನಿಸಿದ್ದರು. ಆ ಎಲ್ಲಾ ಬಂಗಾರವನ್ನು ತಾವೇ ಖರೀದಿಸುವ ಯೋಜನೆಗೆ ಬಿದ್ದರು. ರಾಜು ಪ್ರಜಾಪತಿ ಹಾಗೂ ವೆಂಕಟೇಶ ಮಹಾಲೆ ಅವರ ನಡುವಿನ ಮಾತುಕಥೆಯಲ್ಲಿ 50 ಲಕ್ಷ ರೂಪಾಯಿಗೆ ಹೊಂದಾಣಿಕೆಯಾಯಿತು. ಅಲ್ಲಿ-ಇಲ್ಲಿ ಕೂಡಿಟ್ಟ ಎಲ್ಲಾ ಹಣವನ್ನು ವೆಂಕಟೇಶ ಮಹಾಲೆ ಅವರು ಒಟ್ಟಾಗಿ ಸೇರಿಸಿದರು. ಅಕ್ಟೊಬರ್ 30ರಂದು ಹಣಕ್ಕೆ ಸಿದ್ಧತೆ ಮಾಡಿಕೊಂಡು ಪ್ರಜಾಪತಿ ಅವರಿಗೆ ಫೋನ್ ಮಾಡಿದರು. ಅಕ್ಟೊಬರ್ 31ರಂದು ಬಂಗಾರ ತರುವಂತೆ ಸೂಚನೆ ಕೊಟ್ಟರು. ಅದರ ಪ್ರಕಾರ, ರಾಜು ಪ್ರಜಾಪತಿ ಅವರು ನಿಗದಿತ ಸಮಯಕ್ಕೆ ಮತ್ತೊಬ್ಬ ವ್ಯಕ್ತಿ ಜೊತೆ ಬಂದರು. ಹಳೆಯ ಬಂಗಾರ ಕೊಟ್ಟು 50 ಲಕ್ಷ ರೂ ಹಣಪಡೆದರು. ಅದಾದ ನಂತರ ವೆಂಕಟೇಶ ಮಹಾಲೆ ಅವರು ಖುಷಿಯಾಗಿ ಅಕ್ಕಸಾಲಿಗನ ಬಳಿ ಓಡಿದರು. ಬಂಗಾರ ತಪಾಸಣೆ ನಡೆಸಿದಾಗ ಅದು ನಕಲಿ ಎಂದು ಗೊತ್ತಾಯಿತು. ತಕ್ಷಣ ರಾಜು ಪ್ರಜಾಪತಿ ಅವರಿಗೆ ಫೋನ್ ಮಾಡಿದರು. ಆದರೆ, ಪ್ರಜಾಪತಿ ಫೋನ್ ಸ್ವಿಚ್ ಆಫ್ ಬರುತ್ತಿತ್ತು! ತಮಗಾದ ಮೋಸ, ಅನ್ಯಾಯದ ಬಗ್ಗೆ ವೆಂಕಟೇಶ ಮಹಾಲೆ ಅವರು ಮಂಕಿ ಪೊಲೀಸ್ ಠಾಣೆಗೆ ಹೋಗಿ ವಿವರಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ಮೋಸ ಮಾಡಿದವರಿಗಾಗಿ ಹುಡುಕಾಟ ನಡೆಸಿದ್ದಾರೆ. `ಅತಿ ಆಸೆ ಗತಿಗೇಡು’
- [ಸುಧಾ-ಸರೋಜರ ನಡುವೆ ಜಡೆ ಜಗಳ!](https://mobiletime.in/2025/11/a-heated-argument-between-sudha-and-saroj/): ಸೊಪ್ಪಿನ ಬೆಟ್ಟದ ವಿಷಯಕ್ಕಾಗಿ ಸಿದ್ದಾಪುರದ ಸೋವಿನಕೊಪ್ಪದ ಸುಧಾ ಹೆಗಡೆ ಹಾಗೂ ಸರೋಜಾ ಹೆಗಡೆ ಹೊಡೆದಾಡಿಕೊಂಡಿದ್ದಾರೆ. ಈ ಹೊಡೆದಾಟಕ್ಕೆ ನಾರಾಯಣ ಹೆಗಡೆ ಅವರು ಕೈ ಜೋಡಿಸಿದ್ದಾರೆ. ಸಿದ್ದಾಪುರದ ಸೋವಿನಕೊಪ್ಪದ ಸುಧಾ ವಿಶ್ವನಾಥ ಹೆಗಡೆ ಅವರಿಗೆ ಅದೇ ಊರಿನ ಸರೋಜಾ ನಾರಾಯಣ ಹೆಗಡೆ ಅವರು ಸಣ್ಣದಾದ ಕೋಲಿನಿಂದ ಹೊಡೆದಿದ್ದಾರೆ. ಕೋಲಿನಿಂದ ಹೊಡೆದ ಉರಿ ತಡೆಯಲಾರದೇ ಸುಧಾ ಹೆಗಡೆ ಅವರು ನ್ಯಾಯಾಲಯದ ಮೊರೆ ಹೋಗಿದ್ದು, ನಾರಾಯಣ ಹೆಗಡೆ ಹಾಗೂ ಸರೋಜಾ ಹೆಗಡೆ ವಿರುದ್ಧ ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಅಕ್ಟೊಬರ್ 31ರಂದು ರಾತ್ರಿ 8ಗಂಟೆಗೆ ಸುಧಾ ಹೆಗಡೆ ಹಾಗೂ ಸರೋಜಾ ಹೆಗಡೆ ಅವರ ನಡುವೆ ಈ ಗಲಾಟೆ ನಡೆದಿದೆ. ಸೋವಿನಕೊಪ್ಪ ಸರ್ವೇ ನಂ 6ರಲ್ಲಿನ ಭೂಮಿ ವಿಷಯದಲ್ಲಿನ ತಕರಾರು ಈ ಹೊಡೆದಾಟಕ್ಕೆ ಮೂಲ ಕಾರಣ. ಹೊಡೆದಾಟ ನಡೆಸಿದವರೆಲ್ಲರೂ ದಾಯಾದಿಗಳೇ ಆಗಿದ್ದು, ಕುಟುಂಬದ ವಿಷಯ ನ್ಯಾಯಾಲಯದ ಮೆಟ್ಟಿಲೇರಿದೆ. ಶುಕ್ರವಾರ ವಿವಾದಿತ ಭೂಮಿಯಲ್ಲಿ ಸರೋಜಾ ಹೆಗಡೆ ಅವರು ದನಕರ ಮೇಯಿಸುತ್ತಿದ್ದರು. ಇದನ್ನು ಸುಧಾ ಹೆಗಡೆ ಅವರು ಸಹಿಸಲಿಲ್ಲ. ದನಕರು ಬಿಟ್ಟಿರುವ ಬಗ್ಗೆ ಪ್ರಶ್ನಿಸಿದ ಕಾರಣ ಸರೋಜಾ ಹೆಗಡೆ ಅವರು ಸುಧಾ ಹೆಗಡೆ ಅವರಿಗೆ ಸಣ್ಣ ಕೋಲಿನಿಂದ ಹೊಡೆದರು. ನಾರಾಯಣ ಹೆಗಡೆ ಅವರು ಈ ವೇಳೆ ಸುಧಾ ಹೆಗಡೆ ಅವರಿಗೆ ಬೈದರು. `ಈ ಜಾಗ ನಮ್ಮದು’ ಎಂದು ನಾರಾಯಣ ಹೆಗಡೆ ಅಬ್ಬರಿಸಿದರು. ಹೀಗಾಗಿ ಸುಧಾ ಹೆಗಡೆ ಅವರು ಪೊಲೀಸ್ ದೂರು ನೀಡಿದರು.
- [ಕಾಂತಾರ ಸಿನಿಮಾ.. ಬಾಲ್ಕನಿ ಟಿಕೆಟು: ಆ ಎಂಟು ಜನರಿಗಾಗಿ ಶೋಧ!](https://mobiletime.in/2025/11/kantara-cinema-balcony-ticket-the-search-for-those-eight-people/): ಕಾಂತಾರಾ ಸಿನಿಮಾ ನೋಡಲು ಹೊನ್ನಾವರಕ್ಕೆ ಬಂದಿದ್ದ ಎಂಟು ಜನ ಟಾಕೀಸಿನ ಶೌಚಾಲಯದ ಬಳಿ ಗುಪ್ತ ಸಭೆ ನಡೆಸಿದ್ದು, ಇದನ್ನು ಪ್ರಶ್ನಿಸಿದ ಕಾರಣ ಅಲ್ಲಿನ ಕ್ಯಾಂಟಿನ್ ಸಿಬ್ಬಂದಿ ಪೆಟ್ಟು ತಿಂದಿದ್ದಾರೆ. ಆ ಎಂಟು ಜನ ಸೇರಿ ರಾಜು ಸಾವಂತ ಅವರ ಮೇಲೆ ಕೈ ಮಾಡಿದ್ದರಿಂದ ಪೊಲೀಸರು ಇದೀಗ ಆ ಅಪರಿಚಿತರ ಶೋಧ ಶುರು ಮಾಡಿದ್ದಾರೆ. ಗೋಕರ್ಣ ಬಂಕಿಕೊಡ್ಲದ ರಾಜು ಉಲ್ಲಾಸ ಸಾವಂತ (40) ಅವರು ಹೊನ್ನಾವರದ ಪದ್ಮಾಂಜಲಿ ಟಾಕೀಸಿನಲ್ಲಿ ವಾಸವಿರುತ್ತಾರೆ. ಅವರು ಅಲ್ಲಿ ಕ್ಯಾಂಟಿನ್ ಕೆಲಸ ನಿರ್ವಹಿಸುತ್ತಿದ್ದಾರೆ. ಅಕ್ಟೊಬರ್ ಅವಧಿಯಲ್ಲಿ ಪದ್ಮಾಂಜಲಿ ಟಾಕೀಸಿನಲ್ಲಿ ಕಾಂತಾರಾ ಸಿನಿಮಾ ಪ್ರದರ್ಶನ ನಡೆಯುತ್ತಿದ್ದು, ಆ ತಿಂಗಳ 21ರ ರಾತ್ರಿ ಶೋ ನೋಡಲು 8 ಜನ ಬಂದಿದ್ದರು. ಅವರೆಲ್ಲರೂ ಬಾಲ್ಕನಿ ಟಿಕೆಟ್‌ಪಡೆದು ಟಾಕೀಸಿನ ಒಳ ಹೊಕ್ಕಿದ್ದರು. ಆದರೆ, ಟಾಕೀಸಿನಲ್ಲಿ ಸಿನಿಮಾ ನೋಡುವ ಬದಲು ಅವರೆಲ್ಲರೂ ಶೌಚಾಲಯ ಸೇರಿದ್ದರು. ಶೌಚಾಲಯದ ಬಾಗಿಲು ಹಾಕಿಕೊಂಡು ಅವರೆಲ್ಲರೂ ಏನೋ ಮಾಡುತ್ತಿದ್ದರು. ರಾತ್ರಿ 10.30ರ ಅವಧಿಗೆ ಸಿನಿಮಾಗೆ ಮಧ್ಯಂತರ ವಿರಾಮ ನೀಡಲಾಯಿತು. ಆಗ, ರಾಜು ಸಾವಂತ ಅವರು ಜನರ ಅನುಕೂಲಕ್ಕಾಗಿ ಶೌಚಾಲಯದ ಬಾಗಿಲು ತೆರೆಯಲು ಪ್ರಯತ್ನಿಸಿದರು. ಆದರೆ, ಅಲ್ಲಿದ್ದ 8 ಜನ ಇದಕ್ಕೆ ಅವಕಾಶ ಕೊಡಲಿಲ್ಲ. `ಯಾಕೆ ಬಾಗಿಲು ತೆರೆಯುವೆ?’ ಎಂದು ಅಲ್ಲಿದ್ದವರು ಪ್ರಶ್ನಿಸಿದರು. ರಾಜು ಸಾವಂತ ಅವರು ಸಮಜಾಯಿಶಿ ನೋಡುವುದರೊಳಗೆ ಅಲ್ಲಿದ್ದ ಜನ ದಾಳಿ ಮಾಡಿದರು. ಶೌಚಾಲಯದ ಗಾಜು ಒಡೆದು ಹಾನಿ ಮಾಡಿದರು. ಅವರೆಲ್ಲರೂ ನಶೆಯಲ್ಲಿದ್ದ ಅನುಮಾನವಿದ್ದು, ಪೆಟ್ಟು ತಿಂದ ರಾಜು ಸಾವಂತ ಅವರು ಪೊಲೀಸ್ ಠಾಣೆಗೆ ತೆರಳಿ ಎಲ್ಲಾ ವಿದ್ಯಮಾನ ವಿವರಿಸಿದರು. ಅದಾದ ನಂತರ ನ್ಯಾಯಾಲಕ್ಕೆ ಹೋಗಿ ನ್ಯಾಯಾಧೀಶರಿಗೂ ವಿಷಯ ಮನದಟ್ಟು ಮಾಡಿದರು. ನ್ಯಾಯಾಧೀಶರ ಸೂಚನೆ ಮೇರಗೆ ಪೊಲೀಸರು ಪ್ರಕರಣ ದಾಖಲಿಸಿದರು. ಆ ಎಂಟು ಜನರ ಬಗ್ಗೆ ಈವರೆಗೂ ಸುಳಿವು ಸಿಕ್ಕಿಲ್ಲ. ಆದರೆ, `ಅವರನ್ನು ಮತ್ತೆ ನೋಡಿದರೆ ಖಂಡಿತ ಗುರುತಿಸುವೆ’ ಎಂದು ರಾಜು ಸಾವಂತ ಅವರು ಪೊಲೀಸರಿಗೆ ಹೇಳಿಕೆ ನೀಡಿದ್ದಾರೆ. ಈ ಹಿನ್ನಲೆ ಆ ದಿನ ಸಿನಿಮಾ ನೋಡಲು ಹೋದವರ ಬಗ್ಗೆ ಪೊಲೀಸರು ಮಾಹಿತಿ ಕಲೆಹಾಕುತ್ತಿದ್ದಾರೆ.
- [ಕನ್ನಡ ಪದ್ಯಕ್ಕೆ ಭೀಮಣ್ಣ ತಕಾ ಥೈ!](https://mobiletime.in/2025/11/bheemanna-taka-thai-for-kannada-verse/): ಶಿರಸಿಯಲ್ಲಿ ನಡೆದ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ರಾಜಕುಮಾರ ಅಭಿನಯದ `ಹುಟ್ಟಿದರೆ ಕನ್ನಡ ನಾಡಿನಲ್ಲಿ ಹುಟ್ಟಬೇಕು’ ಎಂಬ ಹಾಡು ಮೊಳಗಿದ್ದು, ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ಹಾಡಿನ ಜೊತೆ ಕುಣಿದು ಕುಪ್ಪಳಿಸಿದರು. ಶಿರಸಿಯ ಮಾರಿಕಾಂಬಾ ಶಾಲೆಯಲ್ಲಿ ರಾಜ್ಯೋತ್ಸವ ಸಂಭ್ರಮ ಮನೆ ಮಾಡಿದ್ದು, ಸಾವಿರಾರು ವಿದ್ಯಾರ್ಥಿಗಳು ಕನ್ನಡ ಕಲರವ ಮೊಳಗಿಸಿದರು. `ಕನ್ನಡದಲ್ಲಿಯೇ ಮಾತನಾಡಿ.. ಕನ್ನಡದಲ್ಲಿಯೇ ವ್ಯವಹರಿಸಿ’ ಎಂದು ಶಾಸಕ ಭೀಮಣ್ಣ ನಾಯ್ಕ ಕರೆ ನೀಡಿದರು. ಸಭಾ ಕಾರ್ಯಕ್ರಮಕ್ಕೂ ಮುನ್ನ `ಹುಟ್ಟಿದರೆ ಕನ್ನಡ ನಾಡಿನಲ್ಲಿ ಹುಟ್ಟಬೇಕು’ ಎಂಬ ಹಾಡಿಗೆ ಅವರು ಹೆಜ್ಜೆ ಹಾಕಿ ಸಂಭ್ರಮಿಸಿದರು. `ರಾಜ್ಯ ಸರ್ಕಾರ ಕನ್ನಡಕ್ಕೆ ಹೆಚ್ಚು ಪ್ರೋತ್ಸಾಹ ನೀಡುತ್ತಿದೆ. ಎಲ್ಲರಿಗೂ ಉಚಿತ ಶಿಕ್ಷಣ ನೀಡುತ್ತಿದೆ. ಕನ್ನಡ ಭಾಷೆ ಎಂದೆoದಿಗೂ ಅಮರವಾಗಿರಬೇಕು’ ಎಂದು ಭೀಮಣ್ಣ ನಾಯ್ಕ ಅವರು ಹೇಳಿದರು. ಧ್ವಜಾರೋಹಣ ನೆರವೇರಿಸಿದ ಸಹಾಯಕ ಆಯುಕ್ತೆ ಕೆವಿ ಕಾವ್ಯಾರಾಣಿ ಅವರು `ಕದಂಬರ ನಾಡಿನಲ್ಲಿ ಉಪವಿಭಾಗಾಧಿಕಾರಿಯಾಗಿ ಧ್ವಜಾರೋಹಣ ಮಾಡುತ್ತಿರುವುದು ಅತ್ಯಂತ ಹೆಮ್ಮೆ ತಂದಿದೆ’ ಎಂದರು. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಗೈದ ಗಣಪತಿ ಭಟ್ಟ, ಜಿ ಎಂ.ಬೊಮ್ನಳ್ಳಿ, ಕದಂಬ ರತ್ನಾಕರ, ಅನುರಾಧಾ ಹೆಗಡೆ, ಮಧುಕೇಶ್ವರ ನಾಯ್ಕ ಅವರನ್ನು ಗೌರವಿಸಲಾಯಿತು.
- [ಮರಳು ದೊರೆಗೆ ಮಣ್ಣು ಮುಕ್ಕಿಸಿದ PSI](https://mobiletime.in/2025/11/psi-throws-mud-at-sand-king/): ಹೊನ್ನಾವರದ ನಾಗರಾಜ ನಾಯ್ಕ ಅವರು ಅಕ್ರಮ ಮರಳು ದಂಧೆಯಲ್ಲಿ ತೊಡಗಿದನ್ನು ಭಟ್ಕಳ ಪೊಲೀಸರು ಪತ್ತೆ ಮಾಡಿದ್ದಾರೆ. ಪರಿಸರಕ್ಕೆ ಹಾನಿ ಆಗುವ ರೀತಿ ಮರಳು ತೆಗೆದು ಕದ್ದು ಸಾಗಿಸುತ್ತಿದ್ದ ಅವರನ್ನು ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯ ಪೊಲೀಸ್ ಉಪನಿರೀಕ್ಷಕ ಭರಮಪ್ಪ ಬೆಳಗಲಿ ಅವರು ಹಿಡಿದಿದ್ದಾರೆ. ಹೊನ್ನಾವರ ಮಂಕಿಯ ಕಾಜಿಮನೆಯ ನಾಗರಾಜ ನಾಯ್ಕ ಅವರು ಲಾರಿ ಚಾಲಕರಾಗಿದ್ದಾರೆ. ಅವರು ತಮ್ಮ ಟಿಪ್ಪರಿನಲ್ಲಿ ನಿರಂತರವಾಗಿ ಮರಳು ಸಾಗಾಟ ಮಾಡುತ್ತಿದ್ದು, ಸರ್ಕಾರಿ ಬೊಕ್ಕಸಕ್ಕೆ ಹಾನಿ ಮಾಡುತ್ತಿದ್ದಾರೆ. ಜೊತೆಗೆ ಮರಳು ತೆಗೆಯಲು ಹಾಗೂ ಸಾಗಾಟಕ್ಕೆ ಅವರು ಪರವಾನಿಗೆ ಸಹ ಪಡೆದಿಲ್ಲ. ತಮ್ಮ ಲಾಭಕ್ಕಾಗಿ ಅವರು ಪರಿಸರಕ್ಕೆ ಹಾನಿ ಮಾಡಿ ಮರಳುಗಾರಿಕೆ ನಡೆಸುತ್ತಿದ್ದಾರೆ. ಹೀಗಿರುವಾಗ ಅಕ್ಟೊಬರ್ 31ರಂದು ಹಗಲಿನಲ್ಲಿಯೇ ಅವರು ಮರಳು ಸಾಗಾಟ ಮಾಡುತ್ತಿದ್ದರು. ಶಿರಾಲಿ ಜಂಕ್ಷನ್ ಬಳಿ ಪಿಎಸ್‌ಐ ಭರಮಪ್ಪ ಬೆಳಗಲಿ ಅವರು ಟಿಪ್ಪರಿಗೆ ಅಡ್ಡಲಾಗಿ ಕೈ ಮಾಡಿದರು. ಅಕ್ರಮ ಮರಳು ಸಾಗಾಟ ನೋಡಿದ ಪೊಲೀಸರು ಲಾರಿಯಲ್ಲಿದ್ದ ಮರಳನ್ನು ವಶಕ್ಕೆಪಡೆದರು. ದಾಖಲೆ ಇಲ್ಲದ ಕಾರಣ ಪ್ರಕರಣ ದಾಖಲಿಸಿದರು.
- [ಕಾಸಿನ ಕೊರತೆ: ಕಾರವಾರ ಕೇಂದ್ರ ಕಚೇರಿಯ ಕರೆಂಟ್ ಕಟ್!](https://mobiletime.in/2025/11/shortage-of-money-karwar-central-office-power-cut/): ವಿದ್ಯುತ್ ಬಿಲ್ ಬಾಕಿ ಹಿನ್ನಲೆ ಕಾರವಾರದ ಹಲವು ಸರ್ಕಾರಿ ಕಚೇರಿಯ ವಿದ್ಯುತ್ ಸಂಪರ್ಕ ಕಡಿತವಾಗಿದೆ. ಬಿಲ್ ಪಾವತಿ ಮಾಡುವವರೆಗೂ ವಿದ್ಯುತ್ ಸಂಪರ್ಕ ಮರುಜೋಡಣೆ ಮಾಡದಿರಲು ಹೆಸ್ಕಾಂ ನಿರ್ಧರಿಸಿದೆ. ಸಾಕಷ್ಟು ಬಾರಿ ತಿಳುವಳಿಕೆ ನೀಡಿದರೂ ಸರ್ಕಾರಿ ಕಚೇರಿಗಳು ವಿದ್ಯುತ್ ಬಿಲ್ ಪಾವತಿ ಮಾಡುತ್ತಿಲ್ಲ. ಈ ಹಿನ್ನಲೆ ಹೆಸ್ಕಾಂ ಅಧಿಕಾರಿಗಳು ಕಠಿಣ ಕ್ರಮಕ್ಕೆ ಮುಂದಾಗಿದ್ದಾರೆ. ವಿದ್ಯುತ್ ಬಿಲ್ ಕಟ್ಟದ ಕಾರವಾರದ ಸರ್ಕಾರಿ ಕಚೇರಿಗಳ 15 ಕ್ಕೂ ಹೆಚ್ಚು ಮೀಟರ್‌ಗಳ ವಿದ್ಯುತ್ ಸಂಪರ್ಕ ಕಡಿತವಾಗಿದೆ. ಇದರಿಂದ ಸರ್ಕಾರಿ ಕಚೇರಿಯಲ್ಲಿ ಬೆಳಕಿನ ವ್ಯವಸ್ಥೆ ಇಲ್ಲದೇ ಜನ ಸಮಸ್ಯೆ ಅನುಭವಿಸಿದ್ದಾರೆ. ವಿದ್ಯುತ್ ಇಲ್ಲದ ಕಾರಣ ಸರ್ಕಾರಿ ಕೆಲಸಕ್ಕೆ ಸಹ ಅಡಚಣೆಯಾಗಿದೆ. ಕಾರವಾರ ಉಪವಿಭಾಗಾಧಿಕಾರಿ ಕಚೇರಿ, ತಹಶೀಲ್ದಾರ್ ಕಚೇರಿ, ಶಾಸಕರ ಕಚೇರಿ ಹಾಗೂ ಜಿಲ್ಲಾ ನೋಂದಾಣಾಕಾರಿ ಕಚೇರಿಯ 6 ಲಕ್ಷಕ್ಕೂ ಹೆಚ್ಚು ಮೌಲ್ಯದ ಬಿಲ್ ಬಾಕಿಯಿದೆ. 9 ತಿಂಗಳಿನಿAದ ಸರ್ಕಾರಿ ಕಚೇರಿಯವರು ಬಿಲ್ ಪಾವತಿ ಮಾಡದ ಕಾರಣ ಹೆಸ್ಕಾಂ ಕಾನೂನು ಕ್ರಮ ಜರುಗಿಸಿದೆ. ಕೆಲ ಕಚೇರಿಯಲ್ಲಿ ಬ್ಯಾಟರಿ ಇದ್ದು, ಕೆಲ ಕಾಲ ಆ ಆಧಾರದಲ್ಲಿ ಕೆಲಸ ನಡೆದಿದೆ. ಅದಾದ ನಂತರ ಕಚೇರಿ ಕೆಲಸಗಳು ಸ್ಥಬ್ದವಾಗಿದೆ. ಸರ್ಕಾರಿ ಕೆಲಸಕ್ಕೆ ಬಂದ ಜನ ಅವ್ಯವಸ್ಥೆ ವಿರುದ್ಧ ಕಿಡಿಕಾರಿದ್ದಾರೆ.
- [ಸರ್ಕಾರದಿಂದಲೇ ಸಿದ್ಧವಾಗಲಿದೆ ಸುಸಜ್ಜಿತ ಆಸ್ಪತ್ರೆ!](https://mobiletime.in/2025/11/a-well-equipped-hospital-will-be-ready-by-the-government-itself/): ಹೆಸರನಲ್ಲಿಯೇ `ಕನ್ನಡ’ ಪದಹೊಂದಿದ `ಉತ್ತರ ಕನ್ನಡ’ ಜಿಲ್ಲೆಯಲ್ಲಿ ಕನ್ನಡ ರಾಜ್ಯೋತ್ಸವ ಅದ್ಧೂರಿಯಾಗಿ ನಡೆದಿದೆ. ಕಲೆ, ಸಂಸ್ಕೃತಿಯ ಪ್ರತಿರೂಪ ಆಹ್ವಾದಿಸಿದ ಜನಪ್ರತಿನಿಧಿಗಳು ಭವಿಷ್ಯದ ಅಭಿವೃದ್ಧಿಯ ಕನಸುಗಳನ್ನು ಬಿಚ್ಚಿಟ್ಟಿದ್ದಾರೆ. `ಕನ್ನಡ ಭಾಷೆಗೆ ಶಾಸ್ತಿಯ ಭಾಷಾ ಸ್ಥಾನಮಾನ ಸಿಕ್ಕಿರುವುದು ಹೆಮ್ಮೆಯ ವಿಷಯ’ ಎಂದು ಸಚಿವ ಮಂಕಾಳು ವೈದ್ಯ ಅವರು ಕಾರವಾರದಲ್ಲಿ ಸಂತಸವ್ಯಕ್ತಪಡಿಸಿದ್ದಾರೆ. `ಕನ್ನಡ ಭಾಷೆಯು 2000 ವರ್ಷಗಳ ಇತಿಹಾಸ ಹೊಂದಿದ್ದು, ಅಂದಿನಿoದಲೂ ಉಳಿದು ಅತ್ಯಂತ ಎತ್ತರಕ್ಕೆ ಬೆಳೆದಿದೆ. ಕನ್ನಡ ಭಾಷೆಗೆ ಇದುವರೆಗೆ 8 ಬಾರಿ ಜ್ಞಾನಪೀಠ ಪ್ರಶಸ್ತಿ ಲಭಿಸಿದ್ದು, ಕನ್ನಡ ಭಾಷೆಯು ನಿರಂತರವಾಗಿ ಬೆಳೆಯಲಿದೆ’ ಎಂದವರು ಹೇಳಿದರು. `ಕಾರವಾರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯಲ್ಲಿ 450 ಹಾಸಿಗೆ ಹೊಸ ಆಸ್ಪತ್ರೆಯ ಕಟ್ಟಡ ಕಾಮಗಾರಿ ಮುಕ್ತಾಯಗೊಂಡಿದ್ದು, ಜಿಲ್ಲೆಯ ಜನರ ಬೇಡಿಕೆಯಂತೆ ಮುಂಬರುವ ಬಜೆಟ್‌ನಲ್ಲಿ ಮಲ್ಟಿ ಸ್ಪೆಷಲಿಟಿ ಆಸ್ಪತ್ರೆಯು ಘೋಷಣೆಯಾಗುತ್ತದೆ. ಜಿಲ್ಲೆಯಲ್ಲಿ ಮಲ್ಪಿ ಸ್ಪೆಷಾಲಿಟಿ ಆಸ್ಪತ್ರೆ ಆರಂಭವಾಗಲಿದೆ’ ಎಂದು ಸಚಿವ ಮಂಕಾಳು ವೈದ್ಯ ಸ್ಪಷ್ಟಪಡಿಸಿದರು. `ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ವತಿಯಿಂದ ಶಿರಸಿ ಮತ್ತು ಭಟ್ಕಳದಲ್ಲಿ ಹಾಸ್ಟೇಲ್ ನಿರ್ಮಿಸಲಾಗುತ್ತಿದೆ. ಕಾರ್ಮಿಕ ಇಲಾಖೆಯಿಂದ ವಿಶೇಷವಾಗಿ ಕಾರ್ಮಿಕ ಮಕ್ಕಳಿಗೆ ವಿದ್ಯಾಭ್ಯಾಸಕ್ಕೆ ಅನುಕೂಲವಾಗುವ ನಿಟ್ಟಿನಲ್ಲಿ 55 ಕೋಟಿ ರೂ ವೆಚ್ಚದಲ್ಲಿ ವಸತಿ ಶಾಲೆಯನ್ನು ಭಟ್ಕಳದಲ್ಲಿ ನಿರ್ಮಿಸಲಾಗುತ್ತಿದೆ. ರಾಜ್ಯದ ಕರಾವಳಿ ಪ್ರದೇಶವನ್ನು ಅಭಿವೃದ್ಧಿಪಡಿಸಲು ನೀಲನಕ್ಷೆಯನ್ನು ತಯಾರಿಸಿ, 23 ಸಾವಿರ ಕೋಟಿ ವೆಚ್ಚದಲ್ಲಿ 126 ಪ್ರಾಜೇಕ್ಟ್ಗಳು ಕೈಗೆತ್ತಿಕೊಳ್ಳಲಾಗಿದೆ. ಈ ಯೋಜನೆಗÀಳಿಂದ ಪ್ರವಾಸೋದ್ಯಮ, ವಾಣಿಜ್ಯ ಬಂದರು, ಮೀನುಗಾರಿಕೆ ಬಂದರು ಮತ್ತು ಮೀನುಗಾರಿಕೆಗೆ ಅಭಿವೃದ್ಧಿಯ ಜೊತೆಯಲ್ಲಿ ನಿರುದ್ಯೋಗ ಸಮಸ್ಯೆ, ಕಡಲ ಕೊರೆತ ಸಮಸ್ಯೆಗಳನ್ನು ನಿವಾರಿಸಲು ಸಹಕಾರಿಯಾಗಲಿದೆ’ ಎಂದರು. ಜಿಲ್ಲಾಧಿಕಾರಿ ಕಚೇರಿಯ ಆವರಣದಲ್ಲಿ ಭುವನೇಶ್ವರಿ ದೇವಿಯ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿದ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಸ್ತಬ್ಧ ಚಿತ್ರ ಮೆರವಣಿಗೆಗೆ ಚಾಲನೆ ನೀಡಿದರು. ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್, ನಗರಸಭೆ ಅಧ್ಯಕ್ಷ ರವಿರಾಜ ಅಂಕೋಲೆಕರ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ದಿಲೀಷ್ ಶಸಿ, ಅಪರ ಜಿಲ್ಲಾ ಅಧಿಕಾರಿ ಸಾಜಿದ್ ಮುಲ್ಲಾ, ತರಬೇತಿ ನಿರತ ಐಎಎಸ್ ಅಧಿಕಾರಿ ಝೂಪೀಶನ್ ಹಕ್ ಮತ್ತಿತರರು ಉಪಸ್ಥಿತರಿದ್ದರು. ಸಾಧಕರಿಗೆ ಸನ್ಮಾನ, ಅಗತ್ಯವಿದ್ದವರಿಗೆ ಪೌಷ್ಠಿಕ ಆಹಾರ ನೀಡಲಾಯಿತು. ಪೊಲೀಸ್, ಅರಣ್ಯ, ಗೃಹ ರಕ್ಷಕ ದಳ, ಎನ್.ಸಿ.ಸಿ, ಸ್ಕೌಟ್ಸ್ ಅಂಡ್ ಗೈಡ್ಸ್, ಸೇವಾದಳ ತಂಡಗಳಿoದ ಆಕರ್ಷಕ ಪಥ ಸಂಚಲನ ನಡೆಯಿತು. ಹಾಗೂ ಶಾಲಾ ವಿದ್ಯಾರ್ಥಿಗಳಿಂದ ನಾಡಿನ ಕಲೆ ಸಾಹಿತ್ಯ ಸಂಸ್ಕೃತಿ ಬಿಂಬಿಸುವ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.
- [ಮಾತಿನಲ್ಲಿಯೇ ಮರಳು ಮಾಡಿದ ಮೀನಾಕ್ಷಿ: 2 ಕೋಟಿ ರೂ ಸಂಪತ್ತು ನಾಶ!](https://mobiletime.in/2025/11/meenakshi-who-made-sand-in-her-words-rs-2-crore-worth-of-wealth-destroyed/): ಶಿರಸಿಯ ಸಂಪತಕುಮಾರ ರಾವ್ ಅವರಿಗೆ ಫೇಸ್ಬುಕ್ ಮೂಲಕ ಪರಿಚಯವಾದ ಮೀನಾಕ್ಷಿ ಎಂಬಾತರು ಮಾತಿನಲ್ಲಿಯೇ ಮರಳು ಮಾಡಿ ಕೋಟ್ಯಂತರ ರೂ ಯಾಮಾರಿಸಿದ್ದಾರೆ. ಅವರ ಮಾತಿನ ಮೋಡಿಗೆ ಒಳಗಾದ ಸಂಪತಕುಮಾರ ಅವರು ತಮ್ಮ ಸಂಪತ್ತು ಕಳೆದುಕೊಂಡಿದ್ದಾರೆ! ಶಿರಸಿಯ ನಿಲೇಕಣಿ ಬಳಿಯ ಸ್ಕಂದ ಶಿರಸಿಕರ್ ಎಕ್ಸಟೆಂಶನ್ ಬಳಿ ಸಂಪತಕುಮಾರ ಮುಕುಂದ ರಾವ್ (54) ಅವರು ವಾಸವಾಗಿದ್ದಾರೆ. 2025ರ ಸೆಪ್ಟೆಂಬರ್ 29ರಂದು ಅವರು ಫೇಸ್ಬುಕ್ ನೋಡುವಾಗ ಅಲ್ಲಿ ನಕಲಿ ಜಾಹೀರಾತೊದು ಅವರ ಗಮನಸೆಳೆದಿದೆ. `ವೆಲ್ತ ಗ್ರೌಥ್’ ಎಂಬ ಜಾಹೀರಾತು ನೋಡಿದ ಅವರು `ಟ್ರೇಡಿಂಗ್ ಮೂಲಕ ಹೆಚ್ಚಿನ ಹಣಗಳಿಸಲು ಸಾಧ್ಯ’ ಎಂದು ನಂಬಿದ್ದಾರೆ. ಆ ಜಾಹೀರಾತು ನಂಬಿ ಅವರು ವಾಟ್ಸಪ್ ಗುಂಪಿಗೆ ಪ್ರವೇಶಪಡೆದಿದ್ದು, ಅಲ್ಲಿ ಅವರಿಗೆ ಮೀನಾಕ್ಷಿ ಅವರ ಪರಿಚಯವಾಗಿದೆ. ವಾಟ್ಸಪ್ ಕಾಲ್ ಮಾಡುವ ಮೀನಾಕ್ಷಿ ಅವರು ಸಂಪತಕುಮಾರ ಅವರನ್ನು ಬುಟ್ಟಿಗೆ ಹಾಕಿಕೊಂಡಿದ್ದಾರೆ. ತೀರಾ ಆಪ್ತರಂತೆ ಮಾತನಾಡಿ ಟ್ರೇಡಿಂಗ್ ಕುರಿತು ಮಾಹಿತಿ ನೀಡಿದ್ದಾರೆ. ಅದಾದ ನಂತರ ಸಂಪತಕುಮಾರ ಅವರಿಗೆ ಮೊಬೈಲ್ ಅಪ್ಲಿಕೇಶನ್ ಒಂದನ್ನು ತೆರೆಯಲು ಸೂಚನೆ ನೀಡಿದ್ದಾರೆ. ಆ ಅಪ್ಲಿಕೇಶನ್ ಮೂಲಕವೇ ಹೂಡಿಕೆ ಮಾಡುವಂತೆ ಮನವೊಲೈಸಿದ್ದಾರೆ. ಮೀನಾಕ್ಷಿ ಅವರ ಮಾತು ನಂಬಿದ ಸಂಪತಕುಮಾರ ಅವರು ವಿವಿಧ ಬ್ಯಾಂಕ್ ಖಾತೆಗೆ ಹಣ ವರ್ಗಾಯಿಸಿದ್ದಾರೆ. ಮೀನಾಕ್ಷಿ ಅವರು ಹೇಳಿದ ಕಡೆ ಹೂಡಿಕೆ ಮಾಡಿದ್ದಾರೆ. ಸೆಪ್ಟೆಂಬರ್ 29ರಿಂದ ಅಕ್ಟೊಬರ್ 30ರವರೆಗೆ ಒಟ್ಟು 22905376ರೂ ಹಣ ಹೂಡಿಕೆ ಮಾಡಿದ್ದು, ಇದಕ್ಕೆ 107180310ರೂ ಲಾಭ ಬಂದಿರುವುದಾಗಿ ಮೀನಾಕ್ಷಿ ಅವರು ನಂಬಿಸಿದ್ದಾರೆ. ಆ ಲಾಭವನ್ನು ಹಿಂಪಡೆಯಲು ಪ್ರಯತ್ನಿಸಿದಾಗ ಮಾತ್ರ ಅದು ಸಾಧ್ಯವಾಗಿಲ್ಲ! ಮತ್ತೆ ಫೋನ್ ಮಾಡಿ ವಿಚಾರಿಸಿದಾಗ ಇನ್ನಷ್ಟು ಹಣ ಹೂಡಿಕೆ ಮಾಡುವಂತೆ ಮೀನಾಕ್ಷಿ ಅವರು ಸಂಪತಕುಮಾರ ಅವರಿಗೆ ಸೂಚನೆ ನೀಡಿದ್ದಾರೆ. ಆಗ, ಸಂಪತಕುಮಾರ ಅವರಿಗೆ ಅನುಮಾನ ಶುರುವಾಗಿದೆ. ಅದಾದ ನಂತರ ಇನ್ನಷ್ಟು ಆಳಕ್ಕೆ ವಿಚಾರ ಮಾಡಿದಾಗ ತಾವು ಮೋಸ ಹೋಗಿರುವುದು ಗೊತ್ತಾಗಿದೆ. ಹೀಗಾಗಿ ಕಾರವಾರಕ್ಕೆ ಓಡಿದ ಅವರು ಅಲ್ಲಿನ ಸೈಬರ್ ಠಾಣೆ ಪೊಲೀಸರನ್ನು ಭೇಟಿ ಮಾಡಿದ್ದಾರೆ. ತಮಗಾದ ಕೆಟ್ಟ ಅನುಭವದ ಬಗ್ಗೆ ಅವರು ದೂರು ನೀಡಿದ್ದು, ಮೋಸ ಮಾಡಿ ದುಡ್ಡು ಹೊಡೆದವರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.  
- [2025 ನವೆಂಬರ್ 1ರ ದಿನ ಭವಿಷ್ಯ](https://mobiletime.in/2025/10/prediction-for-november-1-2025/): ಮೇಷ ರಾಶಿ: ಪಾಲುದಾರಿಕೆ ಉದ್ದಿಮೆಗಳಲ್ಲಿ ಯಶಸ್ಸು ಸಿಗುತ್ತದೆ. ಆರೋಗ್ಯ ಚೆನ್ನಾಗಿರುತ್ತದೆ. ಹಣ ಕೇಂದ್ರೀಕೃತ ವಿಷಯವಾಗುತ್ತದೆ. ಸಂಬoಧಗಳಲ್ಲಿ ಸಂತೋಷ ಸಿಗಲಿದೆ. ವೃಷಭ ರಾಶಿ: ಉದ್ಯೋಗದಲ್ಲಿ ಒಳ್ಳೆಯ ಅವಕಾಶ ಎದುರಾಗಲಿದೆ. ಹಳೆಯ ಸ್ನೇಹಿತರಿಂದ ಸಹಾಯ ಸಿಗಲಿದೆ. ಆರ್ಥಿಕ ಸ್ಥಿತಿ ಸುಧಾರಿಸುತ್ತದೆ. ಕುಟುಂಬದಲ್ಲಿ ಸಂಭ್ರಮ ಕಾಣಲಿದೆ. ಮಿಥುನ ರಾಶಿ: ಕೆಲಸದಲ್ಲಿ ಹುಮ್ಮಸ್ಸು ಬರಲಿದೆ. ಹೊಸ ಸಂಪರ್ಕಗಳು ಸಿಗಲಿದೆ. ನಿರ್ಧಾರ ಪ್ರಕಟಿಸುವಾಗ ಜಾಗರೂಕರಾಗಿರಿ. ಕರ್ಕ ರಾಶಿ: ಒತ್ತಡ ಕಡಿಮೆ ಆಗಲಿದೆ. ಕುಟುಂಬದಲ್ಲಿ ನೆಮ್ಮದಿ ಸಾಧ್ಯವಿದೆ. ಹಣಕಾಸಿನಲ್ಲಿ ಸುಧಾರಣೆಯ ಸೂಚನೆ ಸಿಗಲಿದೆ. ನಿರಾಳತೆ ಇರಲಿ. ಸಿಂಹ ರಾಶಿ: ಸಭೆ-ಸಮಾರಂಭಗಳಲ್ಲಿ ಭಾಗವಹಿಸುತ್ತೀರಿ. ಮಾತು ಸರಿಯಾದ ದಿಕ್ಕಿನಲ್ಲಿ ಸಾಗಲಿ. ಗೊಂದಲಗಳು ದೂರವಾಗಲಿದೆ. ಕನ್ಯಾ ರಾಶಿ: ಹೊಸ ಯೋಜನೆಗಳು ಒತ್ತಡದಿಂದ ಕೂಡಿರುತ್ತದೆ. ಆರ್ಥಿಕ ಸ್ಥಿತಿ ಚೆನ್ನಾಗಿರುತ್ತದೆ. ನಿಮ್ಮ ಶ್ರಮ ಫಲಿಸುತ್ತದೆ. ತುಲಾ ರಾಶಿ: ಕುಟುಂಬದವರ ಜೊತೆ ಸಾಮರಸ್ಯದಿಂದ ದಿನ ಕಳೆಯಿರಿ. ಹಣಕಾಸು ವ್ಯವಹಾರ ಸರಾಗವಾಗಿ ಸಾಗಲಿದೆ. ಆರೋಗ್ಯದಲ್ಲಿ ಸುಧಾರಣೆ ಆಗಲಿದೆ. ವೃಶ್ಚಿಕ ರಾಶಿ: ವೃತ್ತಿ ಬದುಕು ಸರಾಗವಾಗಿ ಸಾಗಲಿದೆ. ನಿಮ್ಮ ಮನಸ್ಸು ಆಹ್ಲಾದಕರವಾಗಿರುತ್ತದೆ. ಪ್ರಯಾಣ ಸುಖಕರವಾಗಿರಲಿದೆ. ನಿರ್ಧಾರ ಪ್ರಕಟಿಸುವಾಗ ಎಚ್ಚರಿಕೆವಹಿಸಿ. ಧನು ರಾಶಿ: ಧಾರ್ಮಿಕ ಕಾರ್ಯಗಳಲ್ಲಿ ಭಾಗವಹಿಸುತ್ತೀರಿ. ಆರೋಗ್ಯದ ಕಡೆ ಗಮನಹರಿಸಿ. ಧೈರ್ಯದಿಂದ ನಿಮ್ಮ ಕೆಲಸ ಯಶಸ್ವಿಯಾಗಲಿದೆ. ಮಕರ ರಾಶಿ: ಖರೀದಿ ವಿಷಯಗಳಿಗೆ ಈ ದಿನ ಉತ್ತಮವಾಗಿದೆ. ಹೂಡಿಕೆಯ ಹಣ ಫಲ ಕೊಡಲಿದೆ. ಪ್ರಗತಿಯಿಂದ ಸಂತೋಷ ಸಾಧ್ಯವಿದೆ. ಕುಂಭ ರಾಶಿ: ಹಣಕಾಸಿನಲ್ಲಿ ಲಾಭ ಸಿಗಲಿದೆ. ಉದ್ಯೋಗದಲ್ಲಿ ಉತ್ತಮ ವಾತಾವರಣವಿರಲಿದೆ. ಮಾತುಗಾರಿಕೆಯ ಕಲೆ ಬೆಳೆಯಲಿದೆ. ಮೀನ ರಾಶಿ: ವೃತ್ತಿ ಜೀವನದಲ್ಲಿ ಮುನ್ನಡೆ ಸಾಧ್ಯವಿದೆ. ಹಣಕಾಸು ವಿಷಯದಲ್ಲಿ ಸ್ಥಿರತೆ ಬರಲಿದೆ. ಒಳ್ಳೆಯ ವಿಷಯಗಳ ಬಗ್ಗೆ ಆಸಕ್ತಿವಹಿಸಿ.
- [ಶ್ರೀಗಳ ಸಾರಥ್ಯದಲ್ಲಿ ಸಂಕಲ್ಪ ಉತ್ಸವ](https://mobiletime.in/2025/10/sankalpa-utsav-under-the-leadership-of-the-sri/): ಯಲ್ಲಾಪುರದಲ್ಲಿ 39ನೇ ವರ್ಷದ ಸಂಕಲ್ಪ ಉತ್ಸವಕ್ಕೆ ಚಾಲನೆ ಸಿಕ್ಕಿದ್ದು, ಸಾಂಸ್ಕೃತಿಕ ಸುಗ್ಗಿ ಶುರುವಾಗಿದೆ. ಸೋಂದಾ ಸ್ವರ್ಣವಲ್ಲಿಯ ಗಂಗಾಧರೇAದ್ರ ಸರಸ್ವತಿ ಸ್ವಾಮೀಜಿ ಹಾಗೂ ಎಡನೀರು ಮಠದ ಸಚ್ಚಿದಾನಂದ ಭಾರತೀ ಶ್ರೀಗಳು ಮೊದಲ ದಿನದ ಉತ್ಸವದಲ್ಲಿ ಭಾಗವಹಿಸಿದ್ದಾರೆ. ಪಟ್ಟಣದ ಗಾಂಧಿ ಕುಟೀರದಲ್ಲಿ ಶುಕ್ರವಾರ ಸಂಕಲ್ಪ ಉತ್ಸವ ಉದ್ಘಾಟಿಸಿದ ಸ್ವರ್ಣವಲ್ಲಿ ಶ್ರೀಗಳು `ಉತ್ತರ ಕನ್ನಡ ಜಿಲ್ಲೆಯ ರೈತರ ಭೂಮಿಗಳು ವಿದೇಶಿ ವ್ಯಕ್ತಿಗಳ ಪಾಲಾಗುತ್ತಿದೆ. ಹೀಗೆ ಮುಂದುವರೆದರೆ ಅಪಾಯ ಖಚಿತ’ ಎಂದು ಆತಂಕವ್ಯಕ್ತಪಡಿಸಿದರು. `ನಮ್ಮ ಸಂಸ್ಕೃತಿ ಮತ್ತು ಶ್ರೇಷ್ಠ ಪರಂಪರೆಯನ್ನು ಮಕ್ಕಳಿಗೆ ಹಸ್ತಾಂತರಿಸುವಲ್ಲಿ ಪಾಲಕರು ಹಿಂದೆ ಬೀಳುತ್ತಿದ್ದಾರೆ. ಇದು ವೈವಾಹಿಕ ಮತ್ತು ಕೃಷಿಯಲ್ಲಿ ತೊಂದರೆ ಉಂಟಾಗಲು ಕಾರಣವಾಗಿದೆ’ ಎಂದವರು ಹೇಳಿದರು. `ಸ್ವರ್ಣವಲ್ಲೀ ಮಠ ಯಕ್ಷಗಾನದ ಉತ್ತರಧ್ರುವ. ಎಡನೀರು ಮಠ ದಕ್ಷಿಣಧ್ರುವ ಈ ಎರಡೂ ಮಠಗಳು ಕೂಡಿದರೆ ಯಕ್ಷಗಾನಕ್ಕೆ ದೊಡ್ಡ ಶಕ್ತಿ ಲಭಿಸಲಿದೆ’ ಎಂದು ಬಣ್ಣಿಸಿದರು. ಎಡನೀರು ಮಠಾಧೀಶ ಸಚ್ಚಿದಾನಂದ ಭಾರತೀ ಶ್ರೀಗಳು ಆಶೀವ9ಚನ ನೀಡಿ `ಯಕ್ಷಗಾನ, ವೇದಗಳು ನಮಗೆ ಸಂಸ್ಕೃತಿಯನ್ನು ಪರಿಚಯಿಸಿವೆ. ಕಲೆಗಳಿದ್ದಲ್ಲಿ ಸ್ವಾಸ್ತವಾದ ಜೀವನ ಸಾಧ್ಯ’ ಎಂದರು. `ನಮ್ಮ ಧರ್ಮ, ಸಂಸ್ಕೃತಿಯ ಕುರಿತಾದ ವಿಷಯ ಪುಸ್ತಕದಲ್ಲಿ ಇಲ್ಲ. ಭಗವದ್ಗೀತೆಯ ಸಂದೇಶಗಳನ್ನು ಪಠ್ಯದಲ್ಲಿ ಸೇರಿಸಲು ಅನೇಕರು ವಿರೋಧಿಸುತ್ತಿದ್ದು, ಅದು ಸರಿಯಲ್ಲ’ ಎಂದರು. ಉದ್ಯಮಿ ರಾಮನಾಥ ಭಟ್ ಅವರನ್ನು ಸನ್ಮಾನಿಸಲಾಯಿತು. ಪ್ರಮುಖರಾದ ವನರಾಗ ಶರ್ಮಾ, ಎಂ ಆರ್ ಹೆಗಡೆ, ಬೀರಣ್ಣ ನಾಯಕ ಮೊಗಟಾ, ವೆಂಕಟೇಶ ಹೆಗಡೆ ಹೊಸಬಾಳೆ, ಮುರಳಿ ಹೆಗಡೆ, ಶಂಕರ ಭಟ್ ಇದ್ದರು. ಪದ್ಮಾ ಪ್ರಮೋದ ಹೆಗಡೆ, ಪ್ರಸಾದ ಹೆಗಡೆ, ಸಿ ಜಿ ಹೆಗಡೆ, ಚಂದ್ರಕಲಾ ಭಟ್ಟ ವಿವಿಧ ಜವಾಬ್ದಾರಿ ನಿಭಾಯಿಸಿದರು.
- [ಉತ್ತರ ಕನ್ನಡ ಉಳಿಸಿ: ಕಚ್ಚಾಟ ಬಿಟ್ಟು ಒಗ್ಗಟ್ಟು ಪ್ರದರ್ಶಿಸಿದ ನಾಯಕರು!](https://mobiletime.in/2025/10/save-uttara-kannada-leaders-who-showed-unity-by-abandoning-squabbles/): ರಾಜಕೀಯ ಕಾರಣದಿಂದ ಕಚ್ಚಾಟದಲ್ಲಿ ತೊಡಗಿರುವ ನಾಯಕರು ಈ ದಿನ `ಉತ್ತರ ಕನ್ನಡ ಉಳಿಸಿ’ ಅಭಿಯಾನದ ಅಂಗವಾಗಿ ಒಂದಾಗಿದ್ದಾರೆ. ಜಿಲ್ಲೆಯ ಮಾರಕ ಯೋಜನೆಗಳ ವಿರುದ್ಧ ಶಾಸಕ-ಸಂಸದರು ಸೇರಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಭೇಟಿ ಮಾಡಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಪರಿಸರಕ್ಕೆ ಮಾರಕವಾದ ಯೋಜನೆಗಳನ್ನು ಜಾರಿಗೆ ತರಬಾರದು’ ಎಂದು ಅವರೆಲ್ಲರೂ ಮನವಿ ಮಾಡಿದ್ದಾರೆ. ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರ ಜೊತೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಕೈ ಜೋಡಿಸಿದ್ದು, ಶಾಸಕರಾದ ಶಿವರಾಮ್ ಹೆಬ್ಬಾರ್, ಶಾಂತರಾಮ್ ಸಿದ್ಧಿ ಸಹ ವಿವಿಧ ಯೋಜನೆಗಳಿಗೆ ವಿರೋಧವ್ಯಕ್ತಪಡಿಸಿದರು. ಅಘನಾಶಿನಿ ಕೊಳ್ಳ ಸಮಿತಿಯ ಅಧ್ಯಕ್ಷ ಅನಂತ ಹೆಗಡೆ ಅಶಿಸರ, ಸ್ವರ್ಣವಲ್ಲಿ ಮಠದ ಅಧ್ಯಕ್ಷ ವಿ ಎನ್ ಹೆಗಡೆ ಅವರು ವಿವಿಧ ಯೋಜನೆಗಳಿಂದ ಆಗುವ ಹಾನಿ ವಿವರಿಸಿದರು. ಈ ಎಲ್ಲರೂ ಸೇರಿ ಪರಿಸರ ಮತ್ತು ಜನಜೀವನಕ್ಕೆ ತೀವ್ರ ಆತಂಕವನ್ನು ಸೃಷ್ಟಿಸಿರುವ ಬೇಡ್ತಿ-ವರದಾ, ಅಘನಾಶಿನಿ-ವೇದಾವತಿ ನದಿ ತಿರುವು ಯೋಜನೆ ವಿರೋಧಿಸಿದರು. ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆ ನಿಲ್ಲಿಸುವಂತೆ ಒತ್ತಾಯಿಸಿದರು. `ಈ ಯೋಜನೆಗಳ ಕುರಿತು ವಿಜ್ಞಾನಿಗಳ ಸಭೆ ನಡೆಸಬೇಕು. ಜಿಲ್ಲೆಯ ಧಾರಣಾ ಸಾಮರ್ಥ್ಯದ ಅಧ್ಯಯನವನ್ನು ನಡೆಸಬೇಕು’ ಎಂದು ಆಗ್ರಹಿಸಿದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅತಿವೃಷ್ಟಿ ಮತ್ತು ಪ್ರವಾಹದಿಂದಾಗಿ ರೈತರು ಬೆಳೆದ ಬೆಳೆಗಳು ಸಂಪೂರ್ಣವಾಗಿ ನಾಶವಾಗಿವೆ. ಇದರಿಂದ ರೈತ ಸಮುದಾಯ ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದು, ಅವರ ನೆರವಿಗಾಗಿ ಬೆಳೆ ನಷ್ಟ ಪರಿಹಾರದ ಹಣವನ್ನು ತಕ್ಷಣವೇ ಬಿಡುಗಡೆಗೊಳಿಸಬೇಕು’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಒತ್ತಾಯಿಸಿದರು. `ಹವಾಮಾನ ಆಧಾರಿತ ಬೆಳೆ ವಿಮೆಯು ಸಕಾಲದಲ್ಲಿ ದೊರಕುವಂತೆ ಕ್ರಮ ಕೈಗೊಳ್ಳಬೇಕು. ಹವಾಮಾನ ಮಾಪನ ಯಂತ್ರಗಳನ್ನು ತುರ್ತಾಗಿ ದುರಸ್ತಿಗೊಳಿಸಿ, ವಿಮಾ ಪರಿಹಾರ ಸಕಾಲದಲ್ಲಿ ದೊರಕಲು ಅಗತ್ಯ ಕ್ರಮ ಜರುಗಿಸಬೇಕು’ ಎಂದು ಆಗ್ರಹಿಸಿದರು. `ಜಿಲ್ಲೆಯಲ್ಲಿ ರಸ್ತೆಗಳ ಪರಿಸ್ಥಿತಿ ತೀರಾ ಹದಗೆಟ್ಟಿದ್ದು, ಸಾರ್ವಜನಿಕ ಸಂಚಾರಕ್ಕೆ ತೀವ್ರ ತೊಂದರೆಯಾಗಿದೆ. ಜನರ ಹಿತದೃಷ್ಟಿಯಿಂದ, ಈ ಹಾನಿಗೊಳಗಾದ ರಸ್ತೆಗಳ ದುರಸ್ತಿಗಾಗಿ ತಕ್ಷಣವೇ ಅಗತ್ಯ ಹಣವನ್ನು ಬಿಡುಗಡೆಗೊಳಿಸಿ’ ಎಂದು ಒತ್ತಾಯಿಸಿದರು.
- [ಜನಪರ ಅಧಿಕಾರಿಯ ವರ್ಗಾವಣೆ-ಬೀಳ್ಕೊಡುಗೆ](https://mobiletime.in/2025/10/transfer-resignation-of-a-public-official/): ಕಳೆದ 10 ವರ್ಷಗಳಿಂದ ಶಿರಸಿಯಲ್ಲಿ ಕೃಷಿ ಇಲಾಖೆ ಉಪನಿರ್ದೇಶಕರಾಗಿದ್ದ ನಟರಾಜ ಅವರು ಇಲ್ಲಿಂದ ವರ್ಗವಾಗಿದ್ದಾರೆ. ಈ ಹಿನ್ನಲೆ ಸ್ಕೊಡ್‌ವೆಸ್ ಸಂಸ್ಥೆಯವರು ಆ ಅಧಿಕಾರಿಯನ್ನು ಗೌರವಿಸಿ ಬೀಳ್ಕೊಟ್ಟರು. ನಟರಾಜ ಅವರು ಜನಪರ ಕೆಲಸ ಮಾಡಿದ್ದರು. ಕೃಷಿ ಕಾಯಕದ ಬಗ್ಗೆ ಅವರು ಅಪಾರ ಆಸಕ್ತಿಹೊಂದಿದ್ದರು. ರೈತರಿಗೆ ವಿವಿಧ ಯೋಜನೆಗಳ ಬಗ್ಗೆ ವಿಸ್ತಾರವಾಗಿ ಮಾಹಿತಿ ಕೊಡುತ್ತಿದ್ದರು. ಫಲಾನುಭವಿಗಳಿಗೆ ಸಮಯಕ್ಕೆ ಸರಿಯಾಗಿ ಯೋಜನೆಗಳನ್ನು ವಿತರಿಸುತ್ತಿದ್ದರು. ಸ್ಕೋಡ್‌ವೆಸ್ ಸಂಸ್ಥೆ ಸಿಬ್ಬಂದಿ ಜೊತೆಯೂ ಅವರು ಆತ್ಮೀಯ ಸಂಬoಧ ಹೊಂದಿದ್ದು, ಎಲ್ಲರನ್ನು ಸರಿದೂಗಿಸಿಕೊಂಡು ಹೋಗುತ್ತಿದ್ದರು. ಈ ಎಲ್ಲಾ ಹಿನ್ನಲೆ ನಟರಾಜ್ ರವರನ್ನು ಸ್ಕೊಡ್‌ವೆಸ್ ಸಂಸ್ಥೆಯವರು ಸನ್ಮಾನಿಸಿದರು. ಸ್ಕೋಡ್‌ವೆಸ್ ಸಂಸ್ಥೆಯ ಕಾರ್ಯದ ಬಗ್ಗೆಯೂ ನಟರಾಜ ಅವರು ಮೆಚ್ಚುಗೆಯ ಮಾತನಾಡಿದರು. ಸಂಸ್ಥೆಯ ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ಹಾಗೂ ಸಿಬ್ಬಂದಿ ಈ ವೇಳೆ ಹಾಜರಿದ್ದರು.
- [ಊಟ ಸ್ವೀಕರಿಸಿದ ಕಾರಣ ಬೆದರಿಕೆ!](https://mobiletime.in/2025/10/threatened-for-accepting-food/): ಊಟ ಸ್ವೀಕರಿಸಿದ ಕಾರಣ ಬೆದರಿಕೆ ಒಡ್ಡಿದ ವಿಚಿತ್ರ ಪ್ರಕರಣ ಶಿರಸಿಯಲ್ಲಿ ನಡೆದಿದೆ. ಕಸ್ತೂರಿಬಾನಗರದಲ್ಲಿ ಮದರಸಾ ನಡೆಸುವ ನೂರ್ ಅಹ್ಮದ್ ಮಕ್ಬೂಲ್ ಅಹ್ಮದ್ ಕನಕನಳ್ಳಿ ಅವರು ಬೆದರಿಕೆ ಎದುರಿಸುತ್ತಿದ್ದು, ನ್ಯಾಯಕ್ಕಾಗಿ ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ನೂರ್ ಅಹ್ಮದ್ ಮಕ್ಬೂಲ್ ಅಹ್ಮದ್ ಕನಕನಳ್ಳಿ ಅವರು ವ್ಯಾಪಾರಿಯಾಗಿದ್ದು, ದುರಾಲ ಉದಮ ಮದಿನ್ ತುನಬ್ಬಿ ಚಾರಿಟೇಬಲ್ ಟ್ರಸ್ಟ್ ಅಡಿ ಮದರಸಾವೊಂದನ್ನು ನಡೆಸುತ್ತಿದ್ದಾರೆ. ಅಕ್ಟೊಬರ್ 23ರಂದು ರಾತ್ರಿ ಶಿರಸಿ ಕಸ್ತೂರಿಬಾನಗರದಲ್ಲಿ ವಾಸವಾಗಿರುವ ಅನೀಶ ತಹಶೀಲ್ದಾರ್, ಇಮ್ರಾನ್ ಮೆಹಬುಲಿ, ರಿಯಾಜ ಹಿರೆಹಳ್ಳಿ ಹಾಗೂ ಮಹಮದ್ ಜಾಪರ್ ಅವರ ಮದರಸಾ ಬಳಿ ಬಂದಿದ್ದರು. ಅವರು ಡಬ್ಬಿಯೊಂದರಲ್ಲಿ ಊಟ ತಂದಿದ್ದು, ಅದನ್ನು ಮದರಸಾ ಬಾಗಿಲ ಬಳಿಯಿರಿಸಿದರು. ಆದರೆ, ಅಹ್ಮದ್ ಮಕ್ಬೂಲ್ ಅಹ್ಮದ್ ಕನಕನಳ್ಳಿ ಅವರು ಅದನ್ನು ಸ್ವೀಕರಿಸಲಿಲ್ಲ. ಊಟ ಸ್ವೀಕರಿಸಿದ ಕಾರಣ ಅವರೆಲ್ಲರೂ ಬೆದರಿಕೆ ಒಡ್ಡಿದರು. ಊಟ ಸ್ವೀಕರಿಸದೇ ಇದ್ದರೆ ಮದರಸಾವನ್ನು ಬಂದ್ ಮಾಡುವುದಾಗಿ ಎಚ್ಚರಿಸಿದರು. ಹೀಗಾಗಿ ಅಹ್ಮದ್ ಮಕ್ಬೂಲ್ ಅಹ್ಮದ್ ಕನಕನಳ್ಳಿ ಅವರು ನ್ಯಾಯಾಲಯದ ಮೊರೆ ಹೋಗಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ಬೆದರಿಕೆ ಒಡ್ಡಿದವರ ವಿರುದ್ಧ ಪ್ರರಕಣ ದಾಖಲಿಸಿದ್ದಾರೆ.
- [ನಕಲಿ ದಾಖಲೆ ನೋಡಿ 21 ಲಕ್ಷ ನೀಡಿದ ವ್ಯಾಪಾರಿ!](https://mobiletime.in/2025/10/a-businessman-who-gave-rs-21-lakh-after-seeing-a-fake-document/): ಭಟ್ಕಳದ ವ್ಯಾಪಾರಿ ಮಹಮದ್ ಶಬೀ ಅವರಿಗೆ ಅದೇ ಊರಿನ ಆಸಿಪ್ ಇಕ್ಬಾಲ್ ಅವರು ಮೋಸ ಮಾಡಿದ್ದಾರೆ. ನಕಲಿ ದಾಖಲಾತಿ ತೋರಿಸಿ 21 ಲಕ್ಷ ರೂ ಯಾಮಾರಿಸಿದ್ದಾರೆ. ಭಟ್ಕಳದ ಸುಲ್ತಾನ್ ಸ್ಟೀಟಿನಲ್ಲಿ ಮಹಮದ್ ಶಬೀ ಅವರು ವಾಸವಾಗಿದ್ದರು. ವ್ಯಾಪಾರ-ವ್ಯವಹಾರದಲ್ಲಿ ತೊಡಗಿರುವ ಅವರಿಗೆ ಬಂದರು ರಸ್ತೆ ಆಸಿಪ್ ಇಕ್ಬಾಲ್ ಅವರು ಪರಿಚಯರಾದರು. ಮೆಟ್ರೋ ಇನ್ಪೋಟೆಕ್ ಪ್ರೆöÊ ಲಿ ಕಂಪನಿಯ ಟೆಂಡರ್ ತಮ್ಮ ಹೆಸರಿಗೆ ಆದ ಬಗ್ಗೆ ಅವರು ತಿಳಿಸಿದರು. ಇದಕ್ಕಾಗಿ ಕೆಲ ದಾಖಲೆಗಳನ್ನು ತೋರಿಸಿದರು. `ಕೆಲ ದಿನದಲ್ಲಿ ಪ್ರೊಜೆಕ್ಟ ಶುರು ಆಗುತ್ತದೆ. ಆ ವೇಳೆ ಮೂರು ಪಟ್ಟು ಹೆಚ್ಚಿನ ಲಾಭ ಸಿಗುತ್ತದೆ’ ಎಂದು ಮಹಮದ್ ಶಬೀ ಅವರನ್ನು ಆಸಿಪ್ ಇಕ್ಬಾಲ್ ಅವರು ನಂಬಿಸಿದರು. ತುರ್ತಾಗಿ 25 ಲಕ್ಷ ರೂಪಡೆಯಬೇಕು ಎಂದು ನಂಬಿಸಿ ಆ ಅವಧಿಯಲ್ಲಿ 5 ಲಕ್ಷ ರೂ ಹಣಪಡೆದರು. ಅದಾದ ನಂತರ ಮತ್ತೆ ರೈಲು ನಿಲ್ದಾಣಕ್ಕೆ ಬರುವಂತೆ ಕೋರಿ ಅಲ್ಲಿ 13 ಲಕ್ಷ ರೂ ಹಣಪಡೆದರು. ಅದಾದ ನಂತರ ಮೊಬೈಲ್ ಮೂಲಕ ಇನ್ನಷ್ಟು ಹಣ ವರ್ಗಾಯಿಸಿಕೊಂಡರು. ಕೊನೆಗೆ ಆ ಹಣವನ್ನು ಹಿಂತಿರುಗಿಸದೇ ಮೋಸ ಮಾಡಿದರು. ಇದರಿಂದ ಸಿಟ್ಟಾದ ಮಹಮದ್ ಶಬೀ ಅವರು ಇದೀಗ ಪೊಲೀಸ್ ದೂರು ನೀಡಿದ್ದಾರೆ. ಭಟ್ಕಳ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.  
- [ಕಾರವಾರ: ನವೆಂಬರ್ 5ರಿಂದ ಉತ್ಸವ](https://mobiletime.in/2025/10/karwar-festival-from-november-5th/): 18 ಗ್ರಾಮದ ಅಧಿದೇವರಾಗಿರುವ ಕಾರವಾರ ಬಾಡದ ಶ್ರೀ ಮಹಾದೇವ ವಿನಾಯಕ ದೇವಸ್ಥಾನದಲ್ಲಿ ನವಂಬರ್ 5 ಹಾಗೂ 6 ರಂದು ದೇವರ ಜಾತ್ರಾ ಮಹೋತ್ಸವ ನಡೆಯಲಿದೆ. ಇದರ ಅಂಗವಾಗಿ ಎರಡು ದಿನ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ನವಂಬರ್ 5 ರಂದು ಬೆಳಗ್ಗೆ ಅರ್ಚಕರಿಂದ ಅಭಿಷೇಕ, ಅದಾದ ನಂತರ ತುಲಾಭಾರ, 12.30ಕ್ಕೆ ಪೂಜೆ ನಡೆಯಲಿದೆ. ಮಧ್ಯಾಹ್ನ 1ಗಂಟೆಗೆ ದೇವರ ಪಲ್ಲಕ್ಕಿಯೂ ಹಬ್ಬುವಾಡ ಗಣಪತಿ ದೇವಸ್ಥಾನದ ವನಭೋಜನಕ್ಕೆ ತೆರಳಲಿದೆ. ದೇವರ ಸಾನಿಧ್ಯದಲ್ಲಿ ಪೂಜಾ ಕಾರ್ಯ ಮುಗಿದ ನಂತರ ಸಂಜೆ 6 ಕ್ಕೆ ವನಭೋಜನ ಶುರುವಾಗಲಿದೆ. ಅದಾದ ಪರಂಪರೆಯAತೆ ಶ್ರೀ ದೇವರ ಪಲ್ಲಕ್ಕಿಯು ಐದು ದೇವರ ಕಟ್ಟೆ ತಿರುಗುವುದು. ಆ ನಂತರ ಮಹಾಪೂಜೆ ನಡೆಯಲಿದೆ. ಆ ದಿನ ರಾತ್ರಿ 9 ಗಂಟೆಗೆ ಗಣಪತಿ ದೇವಸ್ಥಾನದಿಂದ ಕಾರವಾರ ಮಾರ್ಗವಾಗಿ ಭಕ್ತರ ಆರತಿ ಸ್ವೀಕರಿಸುತ್ತ ಮಹಾದೇವಸ್ಥಾನಕ್ಕೆ ಮೆರವಣಿಗೆ ಬರಲಿದ್ದು, ಅಲ್ಲಿ ದೇವರ ಪಾರಂಪರಿಕ ಪೂಜಾ ವಿಧಾನ ದೇವರು ತೊಟ್ಟಿಲಿನಲ್ಲಿ ವಿರಾಜಿಸುವ ಕಾರ್ಯಕ್ರಮ ಜರುಗಲಿದೆ. ನವೆಂಬರ್ 6 ರ ಗುರುವಾರ ಮಧ್ಯಾಹ್ನ 3 ಗಂಟೆಯಿAದ ಕೋಡಿಭಾಗದ ಭಕ್ತವೃಂದದಿAದ ಕೋಲಾಟ, ದೆವಳಿ ಸಮುದಾಯದವರಿಂದ ನರ್ತನವನ್ನು ಆಯೋಜಿಸಲಾಗಿದೆ. ಅದಾದ ನಂತರ ದಹಿಕಾಲ ಉತ್ಸವ ನಡೆಯಲಿದೆ. ದೇವರು ಅವಬೃತಸ್ನಾನಕ್ಕೆ ಕೋಡಿಭಾಗದ ಕಾಳಿ ನದಿ ಸನ್ನಿಧಿಗೆ ತೆರಳಿ ನಂತರ ರಾತ್ರಿ ದೇವಾಲಯಕ್ಕೆ ಹಿಂತಿರುಗಿ ಅಷ್ಟಾವಧಾನ ಪೂಜಾ ವಿಧಾನ ನೆರವೇರಿಸಲು ಉದ್ದೇಶಿಸಲಾಗಿದೆ. ಅದಾದ ನಂತರ ಸವಾಲು, ಸವಾಲು ಮುಗಿದ ಮೇಲೆ ಬಾಡದ ಮಹಾದೇವ ನಾಟ್ಯ ಮಂಡಳಿಯವತಿಯುAದ ರಾತ್ರಿ 10.30 ಗಂಟೆಗೆ `ಮಗ ತಂದ ಮಾಂಗಲ್ಯ’ ಎಂಬ ನಾಟಕ ನಡೆಯಲಿದೆ. ಈ ಎಲ್ಲಾ ಕಾರ್ಯಕ್ರಮಗಳಲ್ಲಿ ಭಕ್ತರು ಭಾಗವಹಿಸಬೇಕು ಎಂದು ಅಧ್ಯಕ್ಷರು ಅರವಿಂದ ಗುನಗಿ ಶ್ರೀ ಮಹಾದೇವ ವಿನಾಯಕ ವ್ಯವಸ್ಥಾಪನಾ ಸಮಿತಿ ಬಾಡ ಕಾರವಾರ ಇವರು ಪ್ರಕಟಣೆಯ ಮೂಲಕ ತಿಳಿಸಿದ್ದಾರೆ.
- [`ಸರ್ಕಾರಿ ಶಾಲೆ ಉಳಿಸಿ'](https://mobiletime.in/2025/10/save-government-schools/): ಕುಮಟಾದ ಹೊಲನಗದ್ದೆ ಗ್ರಾಮ ಪಂಚಾಯತ ವ್ಯಾಪ್ತಿಯ ಮದ್ಗುಣಿ ಸರ್ಕಾರಿ ಅಂಗನವಾಡಿಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಕಲಿಕಾ ಸಾಮಗ್ರಿ ವಿತರಿಸಿದ್ದಾರೆ. ರಾಷ್ಟ್ರೀಯ ಏಕತಾ ದಿನದ ಅಂಗವಾಗಿ ಜನ ಸಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಅಂಗನವಾಡಿಗೆ ಭೇಟಿ ನೀಡಿದರು. ಈ ವೇಳೆ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಹಾಗೂ ಸುಧಾಕರ್ ನಾಯ್ಕ ಮಕ್ಕಳಿಗೆ ಅಗತ್ಯ ಸಾಮಗ್ರಿ ವಿತರಿಸಿದರು. `ಈಚೆಗೆ ಮಕ್ಕಳು ಆಂಗ್ಲ ಮಾಧ್ಯಮ ಶಾಲೆಗೆ ಮಕ್ಕಳನ್ನು ಕಳುಹಿಸುತ್ತಿದ್ದಾರೆ. ಮುಂದಿನ ವರ್ಷದಿಂದ ಸರ್ಕಾರವೇ ಎಲ್‌ಕೆಜಿ ಹಾಗೂ ಯುಕೆಜಿ ಹಂತದಲ್ಲಿ ಆಂಗ್ಲ ಶಿಕ್ಷಣ ನೀಡುತ್ತಿದ್ದು, ಪಾಲಕರು ತಮ್ಮ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಕಳುಹಿಸಬೇಕು’ ಎಂದು ಮನವಿ ಮಾಡಿದರು. `ಸರಕಾರದ ಸರಕಾರಿ ಶಾಲೆಗಳು ಮಕ್ಕಳ ಸಂಖ್ಯೆ ಕಡಿಮೆ ಆಗುತ್ತಿದ್ದು, ಅದನ್ನು ಉಳಿಸಿ ಬೆಳೆಸುವ ಹೊಣೆ ನಮ್ಮೆಲ್ಲರ ಮೇಲಿದೆ’ ಎಂದರು. ಈ ಸಂದರ್ಭದಲ್ಲಿ ಶಿಕ್ಷಕಿ ಶಶಿಕಲಾ ಪಟಗಾರ ಹಾಗೂ ಸಹಾಯಕಿ ತೇಜಾ ಪಟಗಾರ ಇದ್ದರು.
- [ರೆಡ್ ಅಲರ್ಟ | ಧಾರಾಕಾರ ಮಳೆಯಲ್ಲಿಯೂ ಕೂಲಿ ಕಾಸು ಲೂಟಿ!](https://mobiletime.in/2025/10/red-alert-pdo-caught-red-handed-making-money-in-the-name-of-workers/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೂನ್ ಮೊದಲ ವಾರ ಶುರುವಾದ ಮಳೆ ಇನ್ನೂ ನಿಂತಿಲ್ಲ. ಹೀಗಿರುವಾಗ ಈ ಮಳೆಗಾಲದ ರೆಡ್ ಅಲರ್ಟ ಅವಧಿಯಲ್ಲಿ ಯಲ್ಲಾಪುರದಲ್ಲಿ ಕೆರೆ ನಿರ್ಮಾಣ, ಕಾಲುವೆ ಸುಧಾರಣೆ, ಕೃಷಿ ಹೊಂಡ ಅಭಿವೃದ್ಧಿ ನಡೆದ ಬಗ್ಗೆ ಅಧಿಕೃತ ದಾಖಲೆ ಸೃಷ್ಠಿ ನಡೆದಿದೆ. ಈ ಎಲ್ಲಾ ಕೆಲಸಗಳಿಗಾಗಿ ಲಕ್ಷಾಂತರ ರೂ ಹಣ ವೆಚ್ಚ ಮಾಡಲಾಗಿದ್ದು, ಧಾರಾಕಾರ ಮಳೆಯಲ್ಲಿಯೂ ಕೆರೆ ಹೂಳೆತ್ತುವ ಕಾಮಗಾರಿ ನಡೆದ ದಾಖಲೆ ನೋಡಿದವರಿಗೆ ತಲೆಬಿಸಿ ಶುರುವಾಗಿದೆ! ಸಾಮಾನ್ಯವಾಗಿ ಮಳೆಗಾಲದ ಅವಧಿಯಲ್ಲಿ ಉದ್ಯೋಗ ಖಾತ್ರಿ ಯೋಜನೆಗಳು ನಡೆಯುವುದಿಲ್ಲ. ಆ ಅವಧಿಯಲ್ಲಿ ನರೆಗಾ ಕೆಲಸ ಮಾಡದಂತೆ ಸರ್ಕಾರವೇ ಸುತ್ತೋಲೆ ಹೊರಡಿಸಿದ ಉದಾಹರಣೆಗಳಿವೆ. ಆ ಅವಧಿಯಲ್ಲಿ ಕೂಲಿ ಕಾರ್ಮಿಕರು ಸಹ ಬೇಡಿಕೆ ಸಲ್ಲಿಸುವುದಿಲ್ಲ. ಆದರೆ, ದಾಖಲೆಗಳ ಪ್ರಕಾರ ಯಲ್ಲಾಪುರದ ಕಣ್ಣಿಗೇರಿ, ಹಾಸಣಗಿ, ಕುಂದರಗಿ, ಮಂಚಿಕೇರಿ (ಕಂಪ್ಲಿ) ಭಾಗದಲ್ಲಿ ಮಳೆಗಾಲದ ಅವಧಿಯಲ್ಲಿಯೇ ಅತಿ ಹೆಚ್ಚು ಕೆಲಸ ನಡೆದಿದೆ. ಕೆರೆ ನಿರ್ಮಾಣ, ಕಾಲುವೆ ನಿರ್ಮಾಣ, ಕೃಷಿ ಹೊಂಡ ನಿರ್ಮಾಣವನ್ನು ವೈಯಕ್ತಿಕ ಕಾಮಗಾರಿ ಪಟ್ಟಿಗೆ ಸೇರಿಸಿ ಲಕ್ಷಾಂತರ ರೂ ಬಿಲ್ ಮಾಡಲಾಗಿದೆ. ಮಳೆಗಾಲದ ಅವಧಿಯಲ್ಲಿ ಯಲ್ಲಾಪುರದ ಕಣ್ಣಿಗೇರಿ ಗ್ರಾಮ ಪಂಚಾಯತದಲ್ಲಿನ ಹುಲಿಪಾಲ ನಾರಾಯಣ ಭಟ್ಟ ತೋಟದ ಕೆರೆ ನಿರ್ಮಾಣ 317460ರೂ ಖರ್ಚು ಮಾಡಲಾಗಿದೆ. ಲಾಲಗುಳಿ ಗಣಪತಿ ಹೆಗಡೆ ತೋಟ ಹತ್ತಿರ ಕೆರೆ ಹೂಳೆತ್ತಲು 133200 ರೂ ಖರ್ಚಾಗಿದೆ. ಗೋಪಿಗಾಳಿಯಲ್ಲಿ ಕೃಷಿ ಹೊಂಡಕ್ಕೆ 59570 ರೂ, ವೀಣಾ ಭಂಡಾರಿ ಹೊಲದ ಹತ್ತಿರ ಕಾಲುವೆ ನಿರ್ಮಾಣಕ್ಕೆ 51800ರೂ ಖರ್ಚಾದ ಬಗ್ಗೆ ದಾಖಲೆ ಹೇಳುತ್ತದೆ. ಹಾಸಣಗಿ ಗ್ರಾ ಪಂ ಬೊಮ್ಮನಳ್ಳಿ ನಾಗೇಂದ್ರ ಮರಾಠಿ ಜಮೀನ ಪಕ್ಕ ಕಾಲುವೆ ನಿರ್ಮಾಣಕ್ಕೆ 1.32 ಲಕ್ಷ ರೂ, ಹೊಟಗೇರಿ ಚಂದ್ರ ಶೇರುಗಾರ ಜಮೀನ ಪಕ್ಕ ಕಾಲುವೆಗೆ 99 ಸಾವಿರ ರೂ, ಕುಂದರಗಿ ಗ್ರಾಪಂ ನ ಭರತನಳ್ಳಿ ಕಾಲುವೆಗೆ 1.42 ಲಕ್ಷ ರೂ, ಕುಂದರಗಿ ಸನಂ 88ರಲ್ಲಿ ಕಾಲುವೆಗೆ 1.48 ಲಕ್ಷ ರೂ ಖರ್ಚಾಗಿದೆ. ಮಂಚಿಕೇರಿ (ಕಂಪ್ಲಿ) ಗ್ರಾಮ ಪಂಚಾಯತದ ಸೋಮನಳ್ಳಿ ವನಿತಾ ಕುಣಬಿ ಜಮೀನ ಹತ್ತಿರ ಕೆರೆ ಹೂಳೆತ್ತಲು 1.31 ಲಕ್ಷ ರೂ, ಬಾಮಣಕೊಪ್ಪ ವಿಶ್ವನಾಥ ಹೆಗಡೆ ತೋಟದ ಮೇಲೆ ಕೆರೆ ನಿರ್ಮಾಣಕ್ಕೆ 77330ರೂ, ಬಾಮಣಕೊಪ್ಪ ಮಜಿರೆಯಲ್ಲಿ ಕೆರೆ ಹೂಳೆತ್ತಲು 85100 ರೂ, ಕಂಪ್ಲಿ ಸೂರಮನೆಯಲ್ಲಿ ಕೆರೆ ನಿರ್ಮಾಣ ಸೇರಿ ಎಲ್ಲಾ ಕಾಮಗಾರಿಗಳನ್ನು ಜೂನ್ ಎರಡನೇ ವಾರದಿಂದ ಅಗಸ್ಟ್ ಅವಧಿಯಲ್ಲಿ ಮಾಡಿದ ಬಗ್ಗೆ ದಾಖಲೆಗಳಿವೆ. ಇದಲ್ಲದೇ ಇನ್ನಿತರ ಅನೇಕ ಕಡೆ ಸುರಿಯುತ್ತಿರುವ ಮಳೆಯನ್ನು ಲೆಕ್ಕಿಸದೇ ಜನ ಕೆಲಸ ಮಾಡಿದ ಬಗ್ಗೆ ದಾಖಲೆಗಳಿವೆ! ಸುರಿಯುತ್ತಿರುವ ಧಾರಾಕಾರ ಮಳೆಯಲ್ಲಿ ಕೆರೆ ಹೂಳು ತೆಗೆಯಲು ಸಾಧ್ಯವಿಲ್ಲ ಎಂಬುದು ಎಲ್ಲಿರಗೂ ಗೊತ್ತಿರುವ ವಿಷಯ. ಕೃಷಿ ಹೊಂಡಗಳ ನಿರ್ಮಾಣ ಸಹ ಈ ಅವಧಿಯಲ್ಲಿ ಅಸಾಧ್ಯ. ಇನ್ನೂ ರಭಸವಾಗಿ ನೀರು ಹರಿಯುವಾಗ ಕಾಲುವೆ ಹೇಗೆ ನಿರ್ಮಿಸಿದರು? ಎಂಬುದು ಯಾರಿಗೂ ಗೊತ್ತಿಲ್ಲ. ಅದಾಗಿಯೂ ಈ ಎಲ್ಲಾ ಕೆಲಸಗಳಿಗೆ ಹಣ ಪಾವತಿ ಆಗಿದೆ. ಹವಾಮಾನ ಇಲಾಖೆ ಅಂಕಿ ಸಂಖ್ಯೆಗಳ ಪ್ರಕಾರ ಜೂನ್ ತಿಂಗಳಿoದ ಸಪ್ಟೆಂಬರ ಅವಧಿಯಲ್ಲಿ ಯಲ್ಲಾಪುರದಲ್ಲಿ ಸುಮಾರು 1723 ಮಿಮೀ ಮಳೆಯಾಗಿದೆ. ಈ ಅವಧಿಯಲ್ಲಿ ಕಷ್ಟಪಟ್ಟು ಕೆಲಸ ಮಾಡಿದ ಅಧಿಕಾರಿಗಳಿಗೆ ಸರ್ಕಾರದಿಂದ ಪ್ರಶಸ್ತಿಬರುವ ಸಾಧ್ಯತೆಗಳು ಹೆಚ್ಚಿವೆ!
- [2025ರ ಅಕ್ಟೊಬರ್ 31ರ ದಿನ ಭವಿಷ್ಯ](https://mobiletime.in/2025/10/prediction-for-october-31-2025/): ಮೇಷ ರಾಶಿ: ಯೋಜನೆಗಳಿಗೆ ಹೆಚ್ಚಿನ ಪರಿಶ್ರಮ ಅಗತ್ಯ. ಉದ್ಯೋಗದಲ್ಲಿ ಏರುಪೇರಾಗಲಿದೆ. ಹೊಸ ಬಗೆಯ ಅವಕಾಶ ಬಂದರೆ ಒಪ್ಪಿಕೊಳ್ಳಿ. ವೃಷಭ ರಾಶಿ: ಸಂತೋಷಕರ ಸಮಯ ಸಿಗಲಿದೆ. ದುಡಿಮೆಗೆ ತಕ್ಕ ಗೌರವ ದೊರೆಯಲಿದೆ. ಹಣಕಾಸು ವ್ಯವಹಾರಗಳು ಲಾಭ ಕೊಡಲಿದೆ. ಮಿಥುನ ರಾಶಿ: ಯೋಜಿತ ಕಾರ್ಯಗಳು ಯಶಸ್ವಿಯಾಗಲಿದೆ. ಹೊಸ ಕಲಿಕೆಯ ಅವಕಾಶ ಸಿಗಲಿದೆ. ತೊಡಕುಗಳು ದೂರವಾಗಲಿದೆ. ಕರ್ಕ ರಾಶಿ: ಮನಸ್ಸಿನಲ್ಲಿರುವ ಆತಂಕ ದೂರವಾಗಲಿದೆ. ಕೆಲಸದಲ್ಲಿನ ಗೊಂದಲ ಬಗೆಹರಿಸಿಕೊಳ್ಳಿ. ಆರೋಗ್ಯದಲ್ಲಿ ತೊಂದರೆಯಾಗುವ ಲಕ್ಷಣವಿದೆ. ಸಿಂಹ ರಾಶಿ: ಹಣದ ಅಭಿವೃದ್ಧಿ ಆಗಲಿದೆ. ಸ್ನೇಹಿತರ ಜೊತೆ ಶಾಂತಿಯಿoದ ವರ್ತಿಸಿ. ಯಶಸ್ಸು ಸಿಗಲಿದೆ. ಕನ್ಯಾ ರಾಶಿ: ಕೃಷಿಯಲ್ಲಿ ಸಕಾರಾತ್ಮಕ ಫಲಿತಾಂಶ ಸಿಗಲಿದೆ. ನಿಮ್ಮ ಅದೃಷ್ಟ ಬದಲಾವಣೆಯ ಸಮಯ ಇದಾಗಿದೆ. ಹೊಸ ಜನರ ಪರಿಚಯ ಆಗಲಿದೆ. ತುಲಾ ರಾಶಿ: ವೃತ್ತಿಯಲ್ಲಿನ ಸವಾಲುಗಳನ್ನು ಎದುರಿಸಿ. ನಿರ್ಧಾರಗಳು ಸರಿಯಾದ ದಿಕ್ಕಿನಲ್ಲಿ ಸಾಗಲಿದೆ. ನಿಮ್ಮ ಪ್ರಯತ್ನಗಳು ಫಲ ಕೊಡಲಿದೆ. ವೃಶ್ಚಿಕ ರಾಶಿ: ತೊಡಕುಗಳ ನಿವಾರಣೆ ಆಗಲಿದೆ. ಆರೋಗ್ಯದಲ್ಲಿ ಸಮಸ್ಯೆ ಎದುರಾಗಲಿದೆ. ಹಣಕಾಸು ಲಾಭ ಆಗಲಿದೆ. ವಿವಾದಗಳಿಂದ ದೂರವಿರಿ. ಧನು ರಾಶಿ: ಕುತೂಹಲದಿಂದ ದಿನ ಕಳೆಯಲಿದೆ. ಹೊಸ ಕಲಿಕೆ ಹಾಗೂ ಯೋಜನೆಗೆ ಯಶಸ್ಸು ಸಿಗಲಿದೆ. ಸಾಧನೆಗೆ ಅವಕಾಶ ಸಿಗಲಿದೆ. ಮಕರ ರಾಶಿ: ನಿಮ್ಮೊಳಗಿನ ನಿರ್ಧಾರ ಸರಿಯಾದ ದಿಕ್ಕಿನಲ್ಲಿ ಸಾಗಲಿದೆ. ಉತ್ಸಾಹ ಹೆಚ್ಚಾಗಲಿದೆ. ಸವಾಲುಗಳು ಎದುರಾಗಲಿದ್ದು, ಅದನ್ನು ಎದುರಿಸುವಿರಿ. ಕುಂಭ ರಾಶಿ: ಹೊಸ ವಿಚಾರ ಹಾಗೂ ಸಂವಾದಗಳಿಗೆ ಅವಕಾಶವಿದೆ. ಉದ್ಯೋಗದಲ್ಲಿ ಮುನ್ನಡೆ ಸಾಧ್ಯವಿದೆ. ಸಂಘಟನಾ ಕೆಲಸಗಳಲ್ಲಿ ಸಹಕಾರ ಸಿಗಲಿದೆ. ಮೀನ ರಾಶಿ: ಆದ್ಯಾತ್ಮಿಕ ಚಿಂತನೆಗಳು ನಡೆಯಲಿದೆ. ಹಣ ಬಳಕೆಯಲ್ಲಿ ನಿಯಂತ್ರಣ ಅಗತ್ಯ. ಆರೋಗ್ಯದಲ್ಲಿ ಸುಧಾರಣೆ ಆಗಲಿದೆ.
- [ಯಕ್ಷಶ್ರೀ: ಪ್ರಾಚಾರ್ಯರಿಗೆ ಸಿಕ್ಕಿತು ರಾಜ್ಯೋತ್ಸವದ ಗರಿ!](https://mobiletime.in/2025/10/yakshashri-the-principal-got-the-rajyotsava-feather/): ಯಕ್ಷ ರಂಗಕ್ಕೆ ನೂರಾರು ಶಿಷ್ಯರನ್ನು ಕೊಡುಗೆಯಾಗಿ ನೀಡಿದ ಕೆ ಪಿ ಹೆಗಡೆ ಅವರಿಗೆ ರಾಜ್ಯ ಸರ್ಕಾರ ರಾಜ್ಯೋತ್ಸವ ಪ್ರಶಸ್ತಿ ಘೋಷಿಸಿದೆ. ಐದು ದಶಕಗಳಿಂದ ಯಕ್ಷಗಾನ ಕ್ಷೇತ್ರದಲ್ಲಿರುವ ಕೃಷ್ಣ ಪರಮೇಶ್ವರ ಹೆಗಡೆ ಅವರ ಸೇವೆಯನ್ನು ಕರ್ನಾಟಕ ಸರ್ಕಾರ ಗುರುತಿಸಿದೆ. `ಕೆಪಿ ಹೆಗಡೆ ಅವರು ಅತ್ಯಂತ ಮುಗ್ದರು. ಅಷ್ಟೇ ನಾಚಿಕೆ ಸ್ವಭಾವದವರು. ಯಾರನ್ನು ದ್ವೇಷಿಸದ ಯಾರನ್ನೂ ಹೆಚ್ಚಾಗಿ ಹಚ್ಚಿಕೊಳ್ಳದ ಅವರು ಯಾರೇ ಮಾತಿಗೆ ಸಿಕ್ಕರೂ `ಆರಾಮು’ ಎಂದಷ್ಟೇ ಹೇಳಿ ಸುಮ್ಮನಾಗುತ್ತಿದ್ದರು. ಯಾರನ್ನು ಅವರು ತಾವಾಗಿಯೇ ಮುಂದೆ ಬಂದು ಮಾತನಾಡಿಸುವುದಿಲ್ಲ. ಯಾರಾದರೂ ಕರೆದು ಮಾತನಾಡಿಸಿದರೂ ನಗು ಬಿಟ್ಟು ಬೇರೆ ಕೇಳುವುದಿಲ್ಲ. ಈಗಲೂ ಅವರು ಹಾಗೇ ಇದ್ದಾರೆ! 1959ರಲ್ಲಿ ಸಿದ್ದಾಪುರ ತಾಲೂಕಿನ ಗೊಳಗೋಡಿನಲ್ಲಿ ಜನಿಸಿದ ಕೆಪಿ ಹೆಗಡೆ ಅವರು ಶಾಲೆಗೆ ಹೋಗುವಾಗಲೇ ಮನೆಯಿಂದ ಮೂರು ಮೈಲಿ ದೂರದಲ್ಲಿ ಹೊಸ್ತೋಟ ಮಂಜುನಾಥ ಭಟ್ಟರು ನಡೆಸುವ ತರಬೇತಿಯಲ್ಲಿ ಅವರು ಕಲಿಯುತ್ತಿದ್ದರು. ತಮ್ಮ 17ನೇ ವಯಸ್ಸಿನಲ್ಲಿ ಹಂಗಾರಕಟ್ಟೆ ಯಕ್ಷಗಾನ ಕಲಿಕಾ ಕೇಂದ್ರಕ್ಕೆ ಸೇರಿದರು. ಚಿಟ್ಟಾಣಿ ರಾಮಚಂದ್ರ ಹೆಗಡೆ ಅವರಿಂದ ಬೈಸಿಕೊಂಡು ನಂತರ ಚೇತರಿಸಿಕೊಂಡ ಅವರು ನಾಡಿನ ಹೆಮ್ಮೆಯ ಕಲಾವಿದರಾಗಿ ಗುರುತಿಸಿಕೊಂಡರು. ಯಕ್ಷಗಾನದ ವಿಷಯದಲ್ಲಿ ಮಾತ್ರ ಹೆಗಡೆ ಅವರು ಪರಿಪೂರ್ಣ ವ್ಯಕ್ತಿ. ಯಾವ ಸಮಯದಲ್ಲಿ ಯಾವ ಆಖ್ಯಾನವನ್ನು ಮುಗಿಸಬೇಕು ಎನ್ನುವ ಸಮಯ ಪ್ರಜ್ಞೆಯಿಂದಲೇ ಅವರು ಪ್ರಸಿದ್ಧಿಪಡೆದವರು. ಈ ಕಾರಣದಿಂದಲೇ ಐದು ದಶಕಗಳ ಕಾಲ ಯಾವ ಕಪ್ಪು ಚುಕ್ಕೆ ಇಲ್ಲದೆ ರಂಗವನ್ನು ಆಳಿದ್ದು, ಆ ಸೇವೆಯನ್ನು ಸರ್ಕಾರ ಗುರುತಿಸಿದೆ.
- [ಕಾಮುಕನ ಹುಡುಕುತ್ತ ಕಾಲೇಜಿಗೆ ಬಂದ ನಿರ್ದೇಶಕ!](https://mobiletime.in/2025/10/the-director-came-to-college-looking-for-a-lover/): ಅಂಕೋಲಾದ ಪೂಜಗೇರಿ ಕಾಲೇಜಿನ ಉಪನ್ಯಾಸಕ ರಾಮಚಂದ್ರ ಅಂಕೋಲೆಕರ ಅವರ ಕಾಮ ಪುರಾಣದ ಕಥೆ ಕೇಳುವುದಕ್ಕಾಗಿ ಕಾಲೇಜು ಶಿಕ್ಷಣ ಇಲಾಖೆ ಆಸಕ್ತಿವಹಿಸಿದೆ. ಉಪನ್ಯಾಸಕನ ಕಿತಾಪತಿಯ ಬಗ್ಗೆ ಅಧ್ಯಯನ ನಡೆಸಲು ಕಾಲೇಜು ಶಿಕ್ಷಣ ಇಲಾಖೆಯ ಜಂಟಿ ನಿರ್ದೇಶಕಿ ಕರಿಮುನ್ನಿಸಾ ಸೈಯದ ಮತ್ತು ನಿರ್ದೇಶಕ ಲಕ್ಷ್ಮೀಪತಿ ಅವರು ಗುರುವಾರ ಕಾಲೇಜಿಗೆ ಭೇಟಿ ನೀಡಿದ್ದಾರೆ. ಈ ವೇಳೆ ಅವರಿಬ್ಬರು ಆಡಳಿತ ಮಂಡಳಿ, ದೂರುದಾರ ವಿದ್ಯಾರ್ಥಿನಿ, ಪಾಲಕರು, ಪತ್ರಕರ್ತರು, ಉಪನ್ಯಾಸಕರು, ವಿದ್ಯಾರ್ಥಿಗಳ ಹೇಳಿಕೆಪಡೆದರು. ಸಾರ್ವಜನಿಕರ ಜೊತೆ ಚರ್ಚಿಸಿ ಘಟನಾವಳಿಗಳ ಬಗ್ಗೆ ಅವಲೋಕಿಸಿದರು. `ದೂರಿನ ಆಧಾರದಲ್ಲಿ ಭೇಟಿ ನೀಡಿದ್ದು, ಇಂತ ತಪ್ಪು ಸಹಿಸುವುದಿಲ್ಲ. ನಿಯಮಾನುಸಾರ ಸೂಕ್ತ ಕ್ರಮ ಖಚಿತ’ ಎಂದವರು ಭರವಸೆ ನೀಡಿದರು. `ತಹಶೀಲ್ದಾರರಿಂದ ಕರ್ನಾಟಕ ವಿಶ್ವವಿದ್ಯಾಲಯದ ಉಪಕುಲಪತಿಗಳವರೆಗೆ ಪ್ರತಿಯೊಬ್ಬರಿಂದಲೂ ಈ ಬಗ್ಗೆ ಮಾಹಿತಿ ಸಿಕ್ಕಿದೆ. ಪ್ರಥಮ ಮಾಹಿತಿಯನ್ನು ಕಲೆಹಾಕಿ ಅದರ ವರದಿಯನ್ನು ಮೇಲಧಿಕಾರಿಗಳಿಗೆ ಕಳುಹಿಸಲಾಗುತ್ತದೆ’ ಎಂದು ಜಂಟಿ ನಿರ್ದೇಶಕರಾದ ಕರಿಮುನ್ನಿಸಾ ಸೈಯದ ವಿವರಿಸಿದರು. `ಶಾಸಕ ಸತೀಶ್ ಸೈಲ್ ಅವರ ನಿರ್ದೇಶನದಂತೆ ತಪ್ಪಿತಸ್ಥರಿಗೆ ಶಿಕ್ಷೆ ಆಗಬೇಕು ಎಂದು ಆಗ್ರಹಿಸಲಾಗಿದೆ. ಇಲ್ಲಿ ವಿದ್ಯಾರ್ಥಿಗಳ ಭವಿಷ್ಯ ಮತ್ತು ಶಿಕ್ಷಣ ಮುಖ್ಯವಾಗಿದ್ದು, ಸಾರ್ವಜನಿಕರ ವಿನಂತಿಯAತೆ ಉಪನ್ಯಾಸಕರನ್ನು ಅಮಾನತ್ತು ಮಾಡಬೇಕು. ಪ್ರಾಚಾರ್ಯರನ್ನು ವÀರ್ಗಾಯಿಸಬೇಕು’ ಎಂದು ಕಾಲೇಜು ಅಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷ ಮಂಜೇಶ್ವರ ನಾಯಕ ಆಗ್ರಹಿಸಿದರು. ಕಾಲೇಜು ಅಭಿವೃದ್ಧಿ ಸಮಿತಿಯ ಸದಸ್ಯರಾದ ಮಹಾಬಲೇಶ್ವರ ನಾಯ್ಕ, ಮದುಕೇಶ್ವರ ದೇವರಬಾವಿ, ಪ್ರಮುಖರಾದ ವಿಠಲ ಶೆಟ್ಟಿ, ಪ್ರಮೋದ ಬಾನಾವಳಿಕರ, ಜಗದೀಶ ಖಾರ್ವಿ, ಸುಂದರ ಖಾರ್ವಿ, ಸಚಿನ ಅನ್ನೋಟಿಕರ, ಗುರುದಾಸ ಬಾನಾವಳಿಕರ, ದ್ರುವ, ಸೂರಜ, ಜೈರಾಮ ಇದ್ದರು.
- [ಮುತಾಲಿಕ್ ನೀಡಿದ ಮಾಹಿತಿ: ಯೂಟೂಬರ್ ಮುಕಳೆಪ್ಪನ ಬೆಂಬಲಕ್ಕೆ ಸಚಿವ ಜಮೀರ್ ಅಹ್ಮದ್!](https://mobiletime.in/2025/10/information-provided-by-muthalik-minister-zameer-ahmed-supports-youtuber-mukaleppa/): `ನಕಲಿ ದಾಖಲೆ ನೀಡಿ ಹಿಂದು ಯುವತಿ ವಿವಾಹವಾದ ಯೂಟೂಬರ್ ಮುಕಳೆಪ್ಪ ಅವರಿಗೆ ಸಚಿವ ಜಮೀರ್ ಅಹ್ಮದ್ ಬೆನ್ನೆಲುಬಾಗಿದ್ದಾರೆ’ ಎಂದು ಶ್ರೀರಾಮ ಸೇನೆ ಮುಖ್ಯಸ್ಥ ಪ್ರಮೋದ್ ಮುತಾಲಿಕ್ ಹೇಳಿದ್ದಾರೆ. `ತಾಯಿ ದೂರು ನೀಡಿದರೂ ಕ್ರಮವಾಗದ ಹಿಂದೆ ಪೊಲೀಸರಿಗೆ ಬಂದ ಒತ್ತಡವೇ ಕಾರಣ’ ಎಂದವರು ವಿವರಿಸಿದ್ದಾರೆ. ಶಿರಸಿಯಲ್ಲಿ ಮಾತನಾಡಿದ ಅವರು `ಮುಕಳೆಪ್ಪಾ ಅವರಿಗೆ ಸಚಿವ ಜಮೀರ್ ಅಹ್ಮದ್ ರಕ್ಷಣೆಯಿದೆ. ಹೀಗಾಗಿಯೇ ಹಿಂದು ಸಮುದಾಯದವರ ಪ್ರತಿಭಟನೆಗೆ ಯಾರೂ ಬೆಲೆ ಕೊಡುತ್ತಿಲ್ಲ. `ಯೂಟೂಬರ್ ಕ್ವಾಜಾ ಎನ್ನುವ ವ್ಯಕ್ತಿ ಸುಳ್ಳು ಅಪಡಾವಿಟ್ ಸಲ್ಲಿಸಿದ್ದಾರೆ. ದಾಖಲೆಗಳು ನಕಲಿಯಾಗಿದೆ’ ಎಂದವರು ವಿವರಿಸಿದ್ದಾರೆ. `ಕ್ವಾಜಾ ಕಲ್ಯಾಣ ಮಂಟಪದಲ್ಲಿ ಮದುವೆ ಆಗಿರುವುದಾಗಿಯೂ ದಾಖಲೆ ನೀಡಿದ್ದು, ಅಲ್ಲಿ ಹೋಗಿ ವಿಚಾರಿಸಿದಾಗ `ಆ ದಿನಾಂಕದAದು ಯಾವುದೇ ಮದುವೆ ನಡೆದಿಲ್ಲ’ ಎಂದು ಮಂಟಪದವರು ಪತ್ರ ಕೊಟ್ಟಿದ್ದಾರೆ. `ಆತ ನೀಡಿದ ವಿಳಾಸ ಸರಕಾರಿ ಕೊಳಗೇರಿ ಮನೆ ಆಗಿದ್ದು, ಅದನ್ನು ಬಾಡಿಗೆ ನೀಡಲು ಬರುವುದಿಲ್ಲ. ಅದನ್ನು ಮಾರಾಟ ಮಾಡುವ ಹಾಗಿಲ್ಲ. ಹೀಗಾಗಿ ನಕಲಿ ದಾಖಲೆಗಳು ಸ್ಪಷ್ಠವಾಗಿದೆ’ ಎಂದವರು ತಿಳಿಸಿದರು. `ಆತನ ನಕಲಿ ದಾಖಲೆ ಬಗ್ಗೆ ಸಾಕಷ್ಟು ಪುರಾವೆ ಇದ್ದರೂ ಪೊಲೀಸ್ ಇಲಾಖೆ ಏನೂ ಮಾಡಿಲ್ಲ. ಮುಂಡಗೋಡ ನೊಂದಣಿ ಕಚೇರಿಯಲ್ಲಿ ಭ್ರಷ್ಟರೇ ತುಂಬಿದ್ದಾರೆ’ ಎಂದು ದೂರಿದರು. `ಮುಂಡಗೋಡದಲ್ಲಿ ಅಧಿಕಾರಿಯೊಬ್ಬ 3 ಕೋಟಿ ರೂ ಮನೆ ಕಟ್ಟಿದ್ದು, ಆ ಹಣದ ಬಗ್ಗೆ ತನಿಖೆ ನಡೆಯಬೇಕು. ಆ ಅಧಿಕಾರಿ ಒಬ್ಬ ವ್ಯಕ್ತಿ ಮೃತನಾಗಿದ್ದಾಗ ಆ ಶವವನ್ನು ಸ್ಮಶಾನಕ್ಕೆ ಕರೆದುಕೊಂಡು ಹೋದ ಸಂದರ್ಭದಲ್ಲಿ ಮೃತನ ಹೆಬ್ಬೆರಳಿನ ಸಹಿ ಪಡೆದು ಅವನ ದಾಖಲೆಗಳನ್ನು ನಿರ್ಮಾಣ ಮಾಡಿದ ಉದಾಹರಣೆಗಳಿವೆ’ ಎಂದು ವಿವರಿಸಿದರು.
- [ಅಡಿಕೆಗೆ ಬಂದ ಆತಂಕ: ಕಾನೂನು ಸಮರಕ್ಕೆ ನಿರ್ಧಾರ](https://mobiletime.in/2025/10/concerns-over-areca-palm-oil-decision-to-start-legal-battle/): ಅಡಿಕೆ ಬೆಳೆಯನ್ನು ಮಾದಕ ಉತ್ಪನ್ನ ಪಟ್ಟಿಗೆ ಸೇರಿಸಿರುವ ವಿಚಾರವಾಗಿ ಅಂಕೋಲಾದ ಅಗಸೂರಿನಲ್ಲಿ ಅಡಿಕೆ ಬೆಳೆಗಾರರ ಸಭೆ ನಡೆದಿದ್ದು, ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ ಅವರು ಈ ಬಗ್ಗೆ ಕಾನೂನು ಸಮರ ನಡೆಸಲು ಒತ್ತಾಯಿಸಿದರು. ಕಾನೂನು ಸಮರಕ್ಕೆ ಕೇಂದ್ರ ಸರ್ಕಾರದ ಮೇಲೆ ಒತ್ತಡ ತರುವ ಬಗ್ಗೆ ಸಭೆಯಲ್ಲಿ ನಿರ್ಣಯಿಸಲಾಯಿತು. `ವಿಶ್ವ ಆರೋಗ್ಯ ಸಂಸ್ಥೆಯೂ ಅಡಿಕೆಯನ್ನು ತಂಬಾಕು, ನಿಕೋಟಿನ್ ಉತ್ಪನ್ನ ಪಟ್ಟಿಗೆ ಸೇರಿಸಿದೆ. ಶ್ರೀಲಂಕಾದಲ್ಲಿ ನಡೆದ ದಕ್ಷಿಣ ಏಷ್ಯಾ ದೇಶಗಳ ವಿಶ್ವ ಆರೋಗ್ಯ ಸಂಸ್ಥೆಯ ಸಭೆಯಲ್ಲಿಯೂ ಅಡಿಕೆ ಹಾನಿಕಾರಕ ಎಂದು ಬಿಂಬಿಸಲಾಗಿದೆ. ಅಡಿಕೆ ಉತ್ಪಾದನೆ, ಮಾರಾಟ, ಜಾಹಿರಾತು, ಪ್ರಚಾರ ಮತ್ತು ಪ್ರಾಯೋಜಕತ್ವದ ಸಂಪೂರ್ಣವಾಗಿ ನಿಷೇಧಿಸಿರುವುದು ಅಡಿಕೆ ಬೆಳೆಗಾರರ ಭವಿಷ್ಯಕ್ಕೆ ಮಾರಕವಾಗಿದೆ’ ಎಂದು ಈ ಸಭೆ ಅಭಿಪ್ರಾಯಪಟ್ಟಿತು. `ಕೇಂದ್ರ ಸರಕಾರವು 16 ಸಂಶೋಧನಾ ಸಂಸ್ಥೆಗಳಿಗೆ ಅನುದಾನ ನೀಡಿ ಅಡಿಕೆಯು ಹಾನಿಕಾರಕವಲ್ಲ ಎಂದು ಸಾಭೀತುಪಡಿಸಲು ಮುಂದಾಗಿದೆ. ಈ ಸಂಸ್ಥೆಗಳಿAದ ಅಂತಿಮ ಸಂಶೋಧನಾ ವರದಿತರಿಸಿ ಸೂಕ್ತ ಕಾನೂನು ಹೋರಾಟ ನಡೆಸಬೇಕು’ ಎಂದು ರೈತರು ಒತ್ತಾಯಿಸಿದರು. `ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಕೂಡಲೇ ಕೇಂದ್ರ ಸರಕಾರದ ಮೇಲೆ ಒತ್ತಡ ತಂದು ಬೆಳೆಗಾರರ ಪರವಾಗಿ ನ್ಯಾಯ ಸಿಗುವಂತೆ ನೋಡಿಕೊಳ್ಳಬೇಕು’ ಎಂದು ಈ ವೇಳೆ ಶಾಂತರಾಮ ನಾಯಕ ಅವರು ಹೇಳಿದರು. ಎಲ್ಲರೂ ಇದಕ್ಕೆ ಒಮ್ಮತ ಸೂಚಿಸಿದರು. ಪ್ರಮುಖರಾದ ಗೌರೀಶ ನಾಯಕ, ರಾಮಚಂದ್ರ ನಾಯ್ಕ, ಶೋಭಾ ಗೌಡ, ಚಂದ್ರು ನಾಯ್ಕ ಕೊಡ್ಲಗದ್ದೆ, ಸಂತೋಷ ನಾಯ್ಕ, ನಾರಾಯಣ ನಾಯಕ, ರಮಾನಂದ ನಾಯಕ ಅಚವೆ, ಮಾದೇವ ನಾಯಕ ಮಾಬಗಿ, ಕೇಶವ ನಾಯಕ ಶಿರಗುಂಜಿ, ಅನಂತ ಗೌಡ ಅಗಸೂರು, ಚಂದ್ರು ಗೌಡ ಶಿರಗುಂಜಿ, ಶಿವರಾಮ ಪಟಗಾರ ಬ್ರಹ್ಮೂರ, ಮಾಣಿ ಭಟ್, ವೆಂಕಟರಮಣ ಹೆಗಡೆ ಸುಂಕಸಾಳ, ರಾಮದಾಸ ನಾಯಕ, ರಮೇಶ್ ನಾಯಕ, ಗೋವಿಂದ ಸುಬ್ರಾಯ ಮುಕ್ರಿ, ಸವಿತಾ ನಾಯಕ, ಬೆಳ್ಳಾ ರಮಣಿ ಕುಣಬಿ, ಮಾದೇವ ಕುಸ್ಲು ಗೌಡ ಇತರರು ಸಭೆಯಲ್ಲಿದ್ದರು.
- [70 ಸಾವಿರ ಇಲ್ಲದವ 23 ವರ್ಷ ಅಡಗಿದ!](https://mobiletime.in/2025/10/the-man-who-didnt-have-70-thousand-hid-for-23-years/): ಸಾಲಗಾರರೊಬ್ಬರಿಗೆ 70 ಸಾವಿರದ ಚೆಕ್ ನೀಡಿ ಓಡಿ ಓಡಿ ಹೋಗಿದ್ದ ಶಿರಸಿಯ ರವೀಂದ್ರ ಹೆಗಡೆ ಗುರುವಾರ ಸಿಕ್ಕಿಬಿದ್ದಿದ್ದಾರೆ. ಚೆಕ್ ಬೌನ್ಸ ಕೇಸ್ ಆಗಿದ್ದರೂ ಕೋರ್ಟಿಗೆ ಹಾಜರಾಗದ ಅವರನ್ನು ಪೊಲೀಸರು ಹಿಡಿದಿದ್ದಾರೆ. ಶಿರಸಿಯ ರವೀಂದ್ರ ಗಣಪತಿ ಹೆಗಡೆ ಅವರು ಊರತುಂಬ ಸಾಲ ಮಾಡಿಕೊಂಡಿದ್ದರು. 2002ರಲ್ಲಿ ಸಾಲಗಾರರು ಕಾಡಿಸಿದಾಗ ವ್ಯಕ್ತಿಯೊಬ್ಬರಿಗೆ 70 ಸಾವಿರದ ಚೆಕ್ ನೀಡಿದ್ದರು. ಅದಾದ ನಂತರ ರವೀಂದ್ರ ಹೆಗಡೆ ಅವರು ಶಿರಸಿ ಬಿಟ್ಟು ಪರಾರಿಯಾಗಿದ್ದರು. ಮಂಗಳೂರಿಗೆ ಹೋಗಿದ್ದ ಅವರು ಅಲ್ಲಿ ಬೇರೆ ಬೇರೆ ಹೆಸರಿನಲ್ಲಿ ಬದುಕು ಕಟ್ಟಿಕೊಂಡಿದ್ದರು. ಚೆಕ್‌ಪಡೆದ ವ್ಯಕ್ತಿ ಅದನ್ನು ಬ್ಯಾಂಕಿಗೆ ಹಾಕಿದಾಗ ಬ್ಯಾಂಕ್ ಖಾತೆಯಲ್ಲಿ ಹಣವಿಲ್ಲದಿರುವುದು ಗೊತ್ತಾಯಿತು. ಆದರೆ, ಚೆಕ್ ಕೊಟ್ಟಿದ್ದ ರವೀಂದ್ರ ಹೆಗಡೆ ಸಂಪರ್ಕಕ್ಕೆ ಸಿಗಲಿಲ್ಲ. ಸ್ಥಳೀಯವಾಗಿಯೂ ಅವರು ಯಾರ ಕಣ್ಣಿಗೂ ಕಾಣಿಸಿಕೊಳ್ಳಲಿಲ್ಲ. ಅದಾಗಿಯೂ ಚೆಕ್ ಅಮಾನ್ಯವಾದ ಬಗ್ಗೆ ಹಣ ಕಳೆದುಕೊಂಡವರು ನ್ಯಾಯಾಲಯದ ಮೊರೆ ಹೋಗಿದ್ದರು. ನ್ಯಾಯಾಲಯದಿಂದ ವಾರೆಂಟ್ ಆದರೂ ರವೀಂದ್ರ ಹೆಗಡೆ ಅವರು ಕೋರ್ಟಿಗೆ ಹಾಜರಾಗಿರಲಿಲ್ಲ. ಊರು ಬಿಟ್ಟು ಹೋಗಿದ್ದ ರವೀಂದ್ರ ಹೆಗಡೆ ಅವರು ಶಿರಸಿ ಕಡೆ ತಲೆ ಹಾಕುತ್ತಿರಲಿಲ್ಲ. ಅವರು ಎಲ್ಲಿದ್ದರು? ಎಂಬುದು ಬಹುತೇಕರಿಗೆ ಅರಿವಿರಲಿಲ್ಲ. ಹೀಗಿರುವಾಗ ಪೊಲೀಸರು ಉಪಾಯವಾಗಿ ಅವರ ಹುಡುಕಾಟ ನಡೆಸಿದರು. ರವೀಂದ್ರ ಹೆಗಡೆ ಅವರೇ ಶಿರಸಿಗೆ ಬರುವ ಹಾಗೇ ಮಾಡಿದರು. ಶಿರಸಿ ಪ್ರವೇಶಿಸಿದ ಕೂಡಲೇ ರವೀಂದ್ರ ಹೆಗಡೆ ಅವರನ್ನು ಹಿಡಿದು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಹಾಗು ಸಿಪಿಐ ಶಶಿಕಾಂತ್ ವರ್ಮಾ ಜೊತೆ ಮಾರುಕಟ್ಟೆ ಠಾಣೆಯ ಪಿಎಸ್‌ಐ ಬಸವರಾಜ್ ಕನಶೆಟ್ಟಿ ಕಾರ್ಯಾಚರಣೆ ನಡೆಸಿದರು. ಪೊಲೀಸ್ ಸಿಬ್ಬಂದಿ ವಿಶ್ವನಾಥ್ ಭಂಡಾರಿ, ಪ್ರದೀಪ್ ನಾಯಕ್, ಅಶೋಕ್ ಹರಿಕಂತ್ರ, ರಮೇಶ್ ಮುಚ್ಚಂಡಿ ಸೇರಿ ಆರೋಪಿಯನ್ನು ಹಿಡಿದರು.
- [ರಸ್ತೆ ಬದಿ ಜಾನುವಾರು ಸಾವು: ಹಲವು ಅನುಮಾನ!](https://mobiletime.in/2025/10/cattle-death-on-the-roadside-many-doubts/): ಹೊನ್ನಾವರ – ಚಂದಾವರ ರಸ್ತೆಯಲ್ಲಿ ಎರಡು ಜಾನುವಾರುಗಳು ಅನುಮಾನಾಸ್ಪದ ರೀತಿಯಲ್ಲಿ ಸಾವನಪ್ಪಿದೆ. ಸಾವನಪ್ಪಿದ ಜಾನುವಾರುಗಳ ಬಾಯಿಂದ ನೊರೆ, ಹಿಂಬದಿ ರಕ್ತ ಹಾಗೂ ಹೊಟ್ಟೆ ಉಬ್ಬಿರುವುದನ್ನು ಸ್ಥಳೀಯರು ನೋಡಿದ್ದಾರೆ. ಅಕ್ಟೊಬರ್ 30ರಂದು ಕೆಕ್ಕಾರ ಕ್ರಾಸಿನ ಬಳಿ ಜಾನುವಾರುಗಳು ಸಾವನಪ್ಪಿದ ಸ್ಥಿತಿಯಲ್ಲಿದ್ದವು. ಮೊದಲು ಅಕ್ರಮ ಜಾನುವಾರು ಸಾಗಾಟಗಾರರು ಹಿಂಸಾತ್ಮಕ ರೀತಿ ಈ ಪ್ರಾಣಿಗಳನ್ನು ಸಾಗಿಸುವಾಗ ಅವು ಸಾವನಪ್ಪಿರುವ ಶಂಕೆವ್ಯಕ್ತವಾಯಿತು. ಅದಾದ ನಂತರ ಜಾನುವಾರುಗಳು ಅಪರಿಚಿತ ವಾಹನಕ್ಕೆ ಡಿಕ್ಕಿಯಾಗಿ ಸಾವನಪ್ಪಿರುವ ಬಗ್ಗೆ ಅಂದಾಜಿಸಲಾಗಿತ್ತು. ಆದರೆ, ಜಾನುವಾರುಗಳ ಬಾಯಿಂದ ನೊರೆ ಬಂದಿರುವುದು ಹಾಗೂ ಹೊಟ್ಟೆ ಉಬ್ಬಿರುವುದನ್ನು ನೋಡಿ ವಿಷ ಪ್ರಾಶನದ ಅನುಮಾನಗಳು ಹುಟ್ಟಿದವು. ಆದರೆ, ಇದ್ಯಾವುದು ಖಚಿತವಾಗಲಿಲ್ಲ. ಎತ್ತು ಹಾಗೂ ಎಮ್ಮೆ ಕರು ಸಾವನಪ್ಪಿದ ವಿಷಯ ಕೇಳಿ ಕಡತೋಕಾದ ಗಿರೀಶ ಸುಬ್ರಾಯ ಹೆಗಡೆ, ಕೆಕ್ಕಾರಿನ ಕೃಷ್ಣ ನಾರಾಯಣ ಗೌಡ ಅವರು ಅಲ್ಲಿಗೆ ಬಂದರು. ಹೊದ್ಕೆಶೀರೂರಿನ ಅರಣ್ಯ ಇಲಾಖೆ ಸಿಬ್ಬಂದಿ ವಾಮನ ನಾಯ್ಕ ಅವರು ಸ್ಥಳಕ್ಕೆ ಆಗಮಿಸಿದರು. ಎಲ್ಲರೂ ಸೇರಿ ಚರ್ಚಿಸಿದರೂ ಸಹ ಸಾವನಪ್ಪಿದ ಎರಡು ಜಾನುವಾರುಗಳ ಮಾಲಕ ಯಾರು? ಎಂಬುದು ಗೊತ್ತಾಗಲಿಲ್ಲ. ಕಿಡಿಗೇಡಿಗಳ ಕೃತ್ಯದಿಂದಲೇ ಜಾನುವಾರು ಸಾವನಪ್ಪಿರುವುದು ಮೇಲ್ನೋಟಕ್ಕೆ ಕಾಣುವ ಹಾಗಿತ್ತು. ಈ ಎಲ್ಲಾ ಹಿನ್ನಲೆ ಅರಣ್ಯ ಸಿಬ್ಬಂದಿ ವಾಮನ ನಾಯ್ಕ ಅವರು ಪೊಲೀಸ್ ದೂರು ನೀಡಿದರು. ಜಾನುವಾರು ಹತ್ಯೆಗೆ ಕಾರಣರಾದವರನ್ನು ಹುಡುಕಿ ಕಠಿಣ ಕ್ರಮಕ್ಕಾಗಿ ಅವರು ಪ್ರಕರಣ ದಾಖಲಿಸಿದರು.
- [ದುಡಿದ ಹಣ ಕೊಡದ ನಗರಸಭೆ: ಕೋಟಿ ಲೆಕ್ಕಾಚಾರದ ಕಾಸು ಬಾಕಿ!](https://mobiletime.in/2025/10/municipal-council-that-did-not-pay-the-money-it-earned-crores-of-money-are-owed/): ಕಾರವಾರ ನಗರಸಭೆಯ ಕೆಲಸ ಮಾಡಿಯೂ ಹಣ ಪಾವತಿ ಆಗದ ಹಿನ್ನಲೆ ಗುತ್ತಿಗೆದಾರರು ಸಂಕಷ್ಟ ಅನುಭವಿಸುತ್ತಿದ್ದು, ಗುರುವಾರವೂ ಗುತ್ತಿಗೆದಾರರು ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕರನ್ನು ಭೇಟಿ ಮಾಡಿ ತಮ್ಮ ಸಮಸ್ಯೆ ಹೇಳಿದ್ದಾರೆ. 2021-22ನೇ ಸಾಲಿನಿಂದ ಈವರೆಗೂ ಕೆಲಸ ಮಾಡಿದ ಹಣ ಪಾವತಿ ಆಗದ ಬಗ್ಗೆ ವಿವರಿಸಿದ್ದಾರೆ. `ಅನೇಕ ಗುತ್ತಿಗೆದಾರರು ಸಾಲ ಮಾಡಿ ಸರ್ಕಾರಿ ಕೆಲಸ ನಿರ್ವಹಿಸಿದ್ದಾರೆ. ನಗರಸಭೆಯಿಂದ ಬಿಲ್ ಪಾವತಿ ಆಗದ ಕಾರಣ ಗುತ್ತಿಗೆದಾರರು ಆರ್ಥಿಕವಾಗಿ ಕುಗ್ಗಿದ್ದಾರೆ. ಸಾಲ ನೀಡಿದ ಬ್ಯಾಂಕುಗಳು ಬಡ್ಡಿ ಪಾವತಿಸುವಂತೆ ಒತ್ತಾಯಿಸುತ್ತಿದ್ದು, ಗುತ್ತಿಗೆದಾರರ ಬಳಿ ಬಡ್ಡಿ ಪಾವತಿಗೂ ಹಣವಿಲ್ಲದ ಪರಿಸ್ಥಿತಿ ನಿರ್ಮಾಣವಾಗಿದೆ’ ಎಂದು ಕಾರವಾರ ತಾಲೂಕಾ ಗುತ್ತಿಗೆದಾರರ ಸಂಘದ ಅಧ್ಯಕ್ಷ ವಿಜಯ ಬಿಲಿಯೇ ವಿವರಿಸಿದರು. `ಈ ಸಮಸ್ಯೆ ಬಗ್ಗೆ ಶಾಸಕ, ಜಿಲ್ಲಾಧಿಕಾರಿ, ನಗರಸಭೆ ಆಯುಕ್ತರ ಜೊತೆ ಸಭೆ ನಡೆಸಲಾಗಿದೆ. ಸಮಸ್ಯೆ ಬಗ್ಗೆ ವಿವರವಾಗಿ ಚರ್ಚಿಸಲಾಗಿದೆ. ಹಳೆ ಬಾಕಿ ಪಾವತಿ ನಂತರವೇ ಹೊಸ ಕಾಮಗಾರಿ ನೀಡಬೇಕು ಎಂದು ಒತ್ತಾಯಿಸಲಾಗಿದೆ. ಅದಾದ ನಂತರ ನಗರಸಭೆ ತುರ್ತು ಕಾಮಗಾರಿ ನಡೆಸಿದರೂ ಗುತ್ತಿಗೆದಾರರು ಆಕ್ಷೇಪವ್ಯಕ್ತಪಡಿಸಿಲ್ಲ. ಅದಾಗಿಯೂ ಗುತ್ತಿಗೆದಾರರಿಗೆ ಬಿಲ್ ಮೊತ್ತ ಪಾವತಿಸದೇ ಇರುವುದು ಸರಿಯಲ್ಲ’ ಎಂದು ಅವರು ಹೇಳಿದರು. `ಸದ್ಯ ನಗರಸಭೆಯಿಂದ ಮತ್ತೆ ಕೋಟ್ಯಂತರ ರೂಪಾಯಿಯ ಕಾಮಗಾರಿ ನಡೆಸಲಾಗುತ್ತಿದೆ. ಈ ಬಗ್ಗೆ ಟೆಂಡರ್ ಕರೆಯಲಾಗಿದ್ದು, ಹಳೆಯ ಬಾಕಿ ಪಾವತಿ ನಂತರವೇ ಹೊಸ ಕಾಮಗಾರಿ ಶುರು ಮಾಡಬೇಕು’ ಎಂದು ಆಗ್ರಹಿಸಿದರು. ತಕ್ಷಣ ತಮ್ಮ ಫೋನ್ ತೆಗೆದುಕೊಂಡ ನಗರಸಭೆ ಯೋಜನಾ ನಿರ್ದೇಶಕ ಜಾಹಿರ ಅಬ್ಬಾಸ್ ಅವರು ನಗರಸಭೆ ಲೆಕ್ಕಾಧಿಕಾರಿಗಳ ಜೊತೆ ಮಾತನಾಡಿದರು. ಬಿಲ್ ಬಾಕಿಯ ಎಲ್ಲಾ ಕಡತಗಳನ್ನು ಹಿಡಿದು ನವೆಂಬರ್ 3ರಂದು ಕಚೇರಿಗೆ ಬರುವಂತೆ ಸೂಚಿಸಿದರು. `ಸಂಘಟನೆ ಪ್ರಮುಖರಾದ ಛತ್ರಪತಿ ಮಾಳಸೇಕರ್, ಸತೀಶ ವಿ ನಾಯ್ಕ, ಡಿ ಕೆ ನಾಯ್ಕ, ಸಿದ್ಧಾರ್ಥ ನಾಯ್ಕ, ಮನೋಜಕುಮಾರ ನಾಯ್ಕ, ರೋಹಿದಾಸ ಕೋಠಾರಕg, ರವೀಂದ್ರ ತಳ್ಳೇಕರ್ ಇತರರು ತಮ್ಮ ಸಮಸ್ಯೆ ವಿವರಿಸಿದರು. ನವೆಂಬರ್ 3ರಂದು ಸಭೆ ನಡೆಸಿ ಆ ನಂತರ ಸಮಸ್ಯೆಗೆ ಸ್ಪಂದಿಸುವೆ’ ಎಂದು ನಗರಸಭೆ ಯೋಜನಾ ನಿರ್ದೇಶಕ ಜಾಹಿರ ಅಬ್ಬಾಸ್ ಅವರು ಪ್ರತಿಕ್ರಿಯಿಸಿದರು.
- [ಸ್ಟೇರಿಂಗ್ ತುಂಡಾಗಿ ಗಟಾರಕ್ಕೆ ಇಳಿದ ಬಸ್ಸು!](https://mobiletime.in/2025/10/the-steering-wheel-broke-off-and-the-bus-fell-into-the-gutter/): ಶಿರಸಿಯಿಂದ ಹುಬ್ಬಳ್ಳಿಗೆ ತೆರಳುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್ಸು ಮುಂಡಗೋಡದಲ್ಲಿ ದಾರಿ ತಪ್ಪಿದೆ. ಬಸ್ಸಿನ ಸ್ಟೇರಿಂಗ್ ತುಂಡಾದ ಪರಿಣಾಮ ಮಳಗಿ ಬಳಿ ಬಸ್ಸು ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಅದಾದ ನಂತರ ಬಸ್ಸು ಗಟಾರಕ್ಕೆ ಬಿದ್ದಿದೆ. ಈ ಬಸ್ಸಿನಲ್ಲಿ ಸುಮಾರು 70 ಪ್ರಯಾಣಿಕರಿದ್ದರು. ಬಸ್ಸು ನಿಧಾನವಾಗಿ ಸಂಚರಿಸುತ್ತಿದ್ದ ಕಾರಣ ಅವರೆಲ್ಲರೂ ಪ್ರಾಣಾಪಾಯದಿಂದ ಪಾರಾದರು. ಬಸ್ ಗಟಾರದಲ್ಲಿ ನಿಂತ ತಕ್ಷಣ ಪ್ರಯಾಣಿಕರೆಲ್ಲರೂ ಬಸ್ಸಿನಿಂದ ಕೆಳಗೆ ಹಾರಿದರು. ಅಪಘಾತದಿಂದ ಪಾರಾಗಿ ಜೀವ ಉಳಿಸಿಕೊಂಡಿದ್ದರಿAದ ಎಲ್ಲರೂ ನೆಮ್ಮದಿಯ ನಿಟ್ಟುಸಿರು ಬಿಟ್ಟರು. ಈ ಅಪಘಾತದಲ್ಲಿ ಕೆಲವರಿಗೆ ಮಾತ್ರ ಅಲ್ಲಲ್ಲಿ ಪೆಟ್ಟಾಗಿದೆ. ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲಾಗಿದೆ. ಸ್ಥಳೀಯರು ಹಾಗೂ ಪೊಲೀಸರು ತಕ್ಷಣ ಸ್ಥಳಕ್ಕಾಗಮಿಸಿ ರಕ್ಷಣಾ ಕಾರ್ಯಾಚರಣೆ ಶುರು ಮಾಡಿದರು.  
- [ಧಾರಾಕಾರ ಮಳೆಯಲ್ಲಿಯೂ ಕೂಲಿ ಕಾಸು ಲೂಟಿ!](https://mobiletime.in/2025/10/laborers-loot-money-even-in-torrential-rain/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೂನ್ ಮೊದಲ ವಾರ ಶುರುವಾದ ಮಳೆ ಇನ್ನೂ ನಿಂತಿಲ್ಲ. ಹೀಗಿರುವಾಗ ಈ ಮಳೆಗಾಲದ ಅವಧಿಯಲ್ಲಿ ಯಲ್ಲಾಪುರದಲ್ಲಿ ಕೆರೆ ನಿರ್ಮಾಣ, ಕಾಲುವೆ ಸುಧಾರಣೆ, ಕೃಷಿ ಹೊಂಡ ಅಭಿವೃದ್ಧಿ ನಡೆದ ಬಗ್ಗೆ ಅಧಿಕೃತ ದಾಖಲೆ ಸೃಷ್ಠಿ ನಡೆದಿದೆ. ಈ ಎಲ್ಲಾ ಕೆಲಸಗಳಿಗಾಗಿ ಲಕ್ಷಾಂತರ ರೂ ಹಣ ವೆಚ್ಚ ಮಾಡಲಾಗಿದ್ದು, ಧಾರಾಕಾರ ಮಳೆಯಲ್ಲಿಯೂ ಕೆರೆ ಹೂಳೆತ್ತುವ ಕಾಮಗಾರಿ ನಡೆದ ದಾಖಲೆ ನೋಡಿದವರಿಗೆ ತಲೆಬಿಸಿ ಶುರುವಾಗಿದೆ! ಸಾಮಾನ್ಯವಾಗಿ ಮಳೆಗಾಲದ ಅವಧಿಯಲ್ಲಿ ಉದ್ಯೋಗ ಖಾತ್ರಿ ಯೋಜನೆಗಳು ನಡೆಯುವುದಿಲ್ಲ. ಆ ಅವಧಿಯಲ್ಲಿ ನರೆಗಾ ಕೆಲಸ ಮಾಡದಂತೆ ಸರ್ಕಾರವೇ ಸುತ್ತೋಲೆ ಹೊರಡಿಸಿದ ಉದಾಹರಣೆಗಳಿವೆ. ಆ ಅವಧಿಯಲ್ಲಿ ಕೂಲಿ ಕಾರ್ಮಿಕರು ಸಹ ಬೇಡಿಕೆ ಸಲ್ಲಿಸುವುದಿಲ್ಲ. ಆದರೆ, ದಾಖಲೆಗಳ ಪ್ರಕಾರ ಯಲ್ಲಾಪುರದ ಕಣ್ಣಿಗೇರಿ, ಹಾಸಣಗಿ, ಕುಂದರಗಿ, ಮಂಚಿಕೇರಿ (ಕಂಪ್ಲಿ) ಭಾಗದಲ್ಲಿ ಮಳೆಗಾಲದ ಅವಧಿಯಲ್ಲಿಯೇ ಅತಿ ಹೆಚ್ಚು ಕೆಲಸ ನಡೆದಿದೆ. ಕೆರೆ ನಿರ್ಮಾಣ, ಕಾಲುವೆ ನಿರ್ಮಾಣ, ಕೃಷಿ ಹೊಂಡ ನಿರ್ಮಾಣವನ್ನು ವೈಯಕ್ತಿಕ ಕಾಮಗಾರಿ ಪಟ್ಟಿಗೆ ಸೇರಿಸಿ ಲಕ್ಷಾಂತರ ರೂ ಬಿಲ್ ಮಾಡಲಾಗಿದೆ. ಮಳೆಗಾಲದ ಅವಧಿಯಲ್ಲಿ ಯಲ್ಲಾಪುರದ ಕಣ್ಣಿಗೇರಿ ಗ್ರಾಮ ಪಂಚಾಯತದಲ್ಲಿನ ಹುಲಿಪಾಲ ನಾರಾಯಣ ಭಟ್ಟ ತೋಟದ ಕೆರೆ ನಿರ್ಮಾಣ 317460ರೂ ಖರ್ಚು ಮಾಡಲಾಗಿದೆ. ಲಾಲಗುಳಿ ಗಣಪತಿ ಹೆಗಡೆ ತೋಟ ಹತ್ತಿರ ಕೆರೆ ಹೂಳೆತ್ತಲು 133200 ರೂ ಖರ್ಚಾಗಿದೆ. ಗೋಪಿಗಾಳಿಯಲ್ಲಿ ಕೃಷಿ ಹೊಂಡಕ್ಕೆ 59570 ರೂ, ವೀಣಾ ಭಂಡಾರಿ ಹೊಲದ ಹತ್ತಿರ ಕಾಲುವೆ ನಿರ್ಮಾಣಕ್ಕೆ 51800ರೂ ಖರ್ಚಾದ ಬಗ್ಗೆ ದಾಖಲೆ ಹೇಳುತ್ತದೆ. ಹಾಸಣಗಿ ಗ್ರಾ ಪಂ ಬೊಮ್ಮನಳ್ಳಿ ನಾಗೇಂದ್ರ ಮರಾಠಿ ಜಮೀನ ಪಕ್ಕ ಕಾಲುವೆ ನಿರ್ಮಾಣಕ್ಕೆ 1.32 ಲಕ್ಷ ರೂ, ಹೊಟಗೇರಿ ಚಂದ್ರ ಶೇರುಗಾರ ಜಮೀನ ಪಕ್ಕ ಕಾಲುವೆಗೆ 99 ಸಾವಿರ ರೂ, ಕುಂದರಗಿ ಗ್ರಾಪಂ ನ ಭರತನಳ್ಳಿ ಕಾಲುವೆಗೆ 1.42 ಲಕ್ಷ ರೂ, ಕುಂದರಗಿ ಸನಂ 88ರಲ್ಲಿ ಕಾಲುವೆಗೆ 1.48 ಲಕ್ಷ ರೂ ಖರ್ಚಾಗಿದೆ. ಮಂಚಿಕೇರಿ (ಕಂಪ್ಲಿ) ಗ್ರಾಮ ಪಂಚಾಯತದ ಸೋಮನಳ್ಳಿ ವನಿತಾ ಕುಣಬಿ ಜಮೀನ ಹತ್ತಿರ ಕೆರೆ ಹೂಳೆತ್ತಲು 1.31 ಲಕ್ಷ ರೂ, ಬಾಮಣಕೊಪ್ಪ ವಿಶ್ವನಾಥ ಹೆಗಡೆ ತೋಟದ ಮೇಲೆ ಕೆರೆ ನಿರ್ಮಾಣಕ್ಕೆ 77330ರೂ, ಬಾಮಣಕೊಪ್ಪ ಮಜಿರೆಯಲ್ಲಿ ಕೆರೆ ಹೂಳೆತ್ತಲು 85100 ರೂ, ಕಂಪ್ಲಿ ಸೂರಮನೆಯಲ್ಲಿ ಕೆರೆ ನಿರ್ಮಾಣ ಸೇರಿ ಎಲ್ಲಾ ಕಾಮಗಾರಿಗಳನ್ನು ಜೂನ್ ಎರಡನೇ ವಾರದಿಂದ ಅಗಸ್ಟ್ ಅವಧಿಯಲ್ಲಿ ಮಾಡಿದ ಬಗ್ಗೆ ದಾಖಲೆಗಳಿವೆ. ಇದಲ್ಲದೇ ಇನ್ನಿತರ ಅನೇಕ ಕಡೆ ಸುರಿಯುತ್ತಿರುವ ಮಳೆಯನ್ನು ಲೆಕ್ಕಿಸದೇ ಜನ ಕೆಲಸ ಮಾಡಿದ ಬಗ್ಗೆ ದಾಖಲೆಗಳಿವೆ! ಸುರಿಯುತ್ತಿರುವ ಧಾರಾಕಾರ ಮಳೆಯಲ್ಲಿ ಕೆರೆ ಹೂಳು ತೆಗೆಯಲು ಸಾಧ್ಯವಿಲ್ಲ ಎಂಬುದು ಎಲ್ಲಿರಗೂ ಗೊತ್ತಿರುವ ವಿಷಯ. ಕೃಷಿ ಹೊಂಡಗಳ ನಿರ್ಮಾಣ ಸಹ ಈ ಅವಧಿಯಲ್ಲಿ ಅಸಾಧ್ಯ. ಇನ್ನೂ ರಭಸವಾಗಿ ನೀರು ಹರಿಯುವಾಗ ಕಾಲುವೆ ಹೇಗೆ ನಿರ್ಮಿಸಿದರು? ಎಂಬುದು ಯಾರಿಗೂ ಗೊತ್ತಿಲ್ಲ. ಅದಾಗಿಯೂ ಈ ಎಲ್ಲಾ ಕೆಲಸಗಳಿಗೆ ಹಣ ಪಾವತಿ ಆಗಿದೆ. ಹವಾಮಾನ ಇಲಾಖೆ ಅಂಕಿ ಸಂಖ್ಯೆಗಳ ಪ್ರಕಾರ ಜೂನ್ ತಿಂಗಳಿoದ ಸಪ್ಟೆಂಬರ ಅವಧಿಯಲ್ಲಿ ಯಲ್ಲಾಪುರದಲ್ಲಿ ಸುಮಾರು 1723 ಮಿಮೀ ಮಳೆಯಾಗಿದೆ. ಈ ಅವಧಿಯಲ್ಲಿ ಕಷ್ಟಪಟ್ಟು ಕೆಲಸ ಮಾಡಿದ ಅಧಿಕಾರಿಗಳಿಗೆ ಸರ್ಕಾರದಿಂದ ಪ್ರಶಸ್ತಿಬರುವ ಸಾಧ್ಯತೆಗಳು ಹೆಚ್ಚಿವೆ!
- [2025 ಅಕ್ಟೊಬರ್ 30ರ ದಿನ ಭವಿಷ್ಯ](https://mobiletime.in/2025/10/prediction-for-october-30-2025/): ಮೇಷ ರಾಶಿ: ಮಿತವಾಗಿ ಮಾತನಾಡುವುದು ಉತ್ತಮ. ಖರ್ಚು-ವೆಚ್ಚಗಳು ನಿಯಂತ್ರಣದಲ್ಲಿರಲಿ. ಗುರು-ಹಿರಿಯರ ಬೋಧನೆ ಪಾಲಿಸಿದರೆ ಒಳ್ಳೆಯದಾಗಲಿದೆ. ವೃಷಭ ರಾಶಿ: ಆರೋಗ್ಯದಲ್ಲಿ ಹೊಸ ಬದಲಾವಣೆ ಸಾಧ್ಯವಿದೆ. ನಿಮ್ಮ ಕನಸಿನ ಯೋಜನೆಗಳ ಜಾರಿಗೆ ಸಕಾಲ. ದೈನಂದಿನ ಕಾರ್ಯಗಳಲ್ಲಿ ತೊಡಗಬೇಕಾಗುತ್ತದೆ. ಹಣದ ನಿರ್ವಹಣೆ ಅಗತ್ಯ. ಮಿಥುನ ರಾಶಿ: ಸ್ಪರ್ಧಾತ್ಮಕ ವಾತಾವರಣಗಳಲ್ಲಿ ಯಶಸ್ಸು ಸಿಗುವ ಲಕ್ಷಣವಿದೆ. ಆಶಾದಾಯಕ ಬೆಳವಣಿಗೆಗಳು ನಡೆಯಲಿದೆ. ಸಮಸ್ಯೆಗಳು ದೂರವಾಗಲಿದೆ. ಸಿಂಹ ರಾಶಿ: ಕೆಲಸ ಕಾರ್ಯಗಳು ನಿಧಾನವಾಗಲಿದೆ. ನಿರೀಕ್ಷಿತ ವಿಷಯ ಸರಿಯಾಗಿ ಸಾಗಲಿದೆ. ಸ್ನೇಹಿತರ ಸಹಾಯಪಡೆದು ಕೆಲಸ ಮಾಡಿ. ಕನ್ಯಾ ರಾಶಿ: ನಿಮ್ಮ ಮಾತು ನಿಮಗೆ ಸಮಸ್ಯೆ ತರುವ ಲಕ್ಷಣವಿದೆ. ಚಟುವಟಿಕೆಗಳಿಂದ ದಿನ ಕಳೆಯಿರಿ. ಪರೀಕ್ಷೆಯ ಫಲಿತಾಂಶಗಳು ಸರಿಯಾಗಿರಲಿದೆ. ತುಲಾ ರಾಶಿ: ಸಾಧನೆಗೆ ಸೂಕ್ತ ಸಮಯ. ಹೊಸ ಪರಿಚಯಗಳಿಂದ ಆದಾಯ ವೃದ್ಧಿ ಆಗಲಿದೆ. ಕುಟುಂಬದಲ್ಲಿ ಭಿನ್ನಾಭಿಪ್ರಾಯ ಬರುವ ಸಾಧ್ಯತೆಗಳಿವೆ. ವೃಶ್ಚಿಕ ರಾಶಿ: ಆರೋಗ್ಯದ ಕಡೆಗಮನಹರಿಸಿ. ಅವಕಾಶಗಳನ್ನು ಸರಿಯಾಗಿ ಬಳಸಿ. ಸಾಮಾಜಿಕ ಕಾರ್ಯಗಳಲ್ಲಿ ಕೈ ಜೋಡಿಸಿ. ಧನು ರಾಶಿ: ನಿಮ್ಮ ಕೆಲಸದ ವರದಿ ಪ್ರಭಾವ ಬೀರುತ್ತದೆ. ಮುಂದಿರುವ ಗುರಿ ತಲುಪಲು ಸಹಾಯ ಸಿಗುತ್ತದೆ. ಚಿಂತೆ ದೂರವಾಗುತ್ತದೆ. ಮಕರ ರಾಶಿ: ನಿಮ್ಮ ಕ್ಷೇತ್ರದಲ್ಲಿ ಸ್ಪರ್ಧೆ ಹೆಚ್ಚಲಿದೆ. ಮೇಲಧಿಕಾರಿಗಳಿಂದ ಶುಭ ಸುದ್ದಿ ಬರಲಿದೆ. ಖರ್ಚು-ವೆಚ್ಚಗಳನ್ನು ತಗ್ಗಿಸುವುದು ಅಗತ್ಯ. ಕುಂಭ ರಾಶಿ: ಬೇರೆಯವರ ಬಗ್ಗೆ ಹಗುರವಾಗಿ ಮಾತನಾಡಬೇಡಿ. ಸಾಹಿತ್ಯ-ಕಲೆಗಳಲ್ಲಿ ಆಸಕ್ತಿವಹಿಸಿ. ಮಿತ್ರರ ಜೊತೆ ಕಾಲ ಕಳೆಯಿರಿ. ಮೀನ ರಾಶಿ: ಮನಸ್ಸಿಗೆ ನೆಮ್ಮದಿ ಸಿಗಲಿದೆ. ಸೃಜನಶೀಲ ಕೆಲಸಗಳು ಸರಾಗವಾಗಿ ಸಾಗಲಿದೆ. ಧ್ಯಾನ ಮಾಡುವುದನ್ನು ಮರೆಯಬೇಡಿ.
- [ಕಾಲೇಜು ಕನ್ಯೆಗೆ ಕಾಟ ಕೊಟ್ಟವ ಊರು ಬಿಟ್ಟು ಓಡಿದ!](https://mobiletime.in/2025/10/the-man-who-attacked-the-college-girl-ran-away/): ಅಂಕೋಲಾ ಪೂಜಗೇರಿಯ ಕಾಲೇಜು ಕನ್ಯೆಗೆ ಕಾಟ ಕೊಟ್ಟ ಉಪನ್ಯಾಸಕ ರಾಮಚಂದ್ರ ಅಂಕೋಲೇಕರ್ ಅವರು ಊರು ತೊರೆದಿದ್ದಾರೆ. ಅವರನ್ನು ಹುಡುಕಿ ಪೊಲೀಸರು ಮನೆಯವರೆಗೂ ತೆರಳಿದ್ದು, ಅಲ್ಲಿ ರಾಮಚಂದ್ರ ಅಂಕೋಲೇಕರ್ ಸಿಗಲಿಲ್ಲ. ಹೀಗಾಗಿ ಪೊಲೀಸರು ಆರೋಪಿಗೆ ಆಶ್ರಯ ನೀಡಿದ ಇಬ್ಬರನ್ನು ವಶಕ್ಕೆಪಡೆದಿದ್ದಾರೆ. ಅಂಕೋಲಾ ಪೂಜಗೇರಿ ಕಾಲೇಜು ಉಪನ್ಯಾಸಕ ರಾಮಚಂದ್ರ ಅಂಕೋಲೆಕರ್ ಅವರು ವಿದ್ಯಾರ್ಥಿನಿಯೊಬ್ಬರಿಗೆ ಕಾಮ ಪಾಠ ಮಾಡಿದ ಹಿನ್ನಲೆ ಪಾಲಕರು ಆಕ್ರೋಶವ್ಯಕ್ತಪಡಿಸಿದ್ದರು. ವಿದ್ಯಾರ್ಥಿನಿ ಸಹ ಪೊಲೀಸ್ ದೂರು ದಾಖಲಿಸಿದ್ದು, ಮಂಗಳವಾರ ನೂರಾರು ಜನ ಪ್ರತಿಭಟಿಸಿದ ಹಿನ್ನಲೆ ಪೊಲೀಸರ ಮೇಲೆ ಒತ್ತಡ ಬಂದಿತು. ಪೊಲೀಸರು ಬಂಧಿಸುವ ಸಾಧ್ಯತೆ ಅರಿತ ರಾಮಚಂದ್ರ ಅಂಕೋಲೇಕರ್ ಊರು ಬಿಟ್ಟರು. ಅವರು ಸದ್ಯ ಗೋವಾ ಕಡೆ ಪ್ರವಾಸದಲ್ಲಿರುವ ಬಗ್ಗೆ ಮಾಹಿತಿಯಿದ್ದು, ಅಲ್ಲಿಯೂ ಶೋಧ ನಡೆಯುತ್ತಿದೆ. ಉಪನ್ಯಾಸಕ ರಾಮಚಂದ್ರ ಅಂಕೋಲೇಕರ್ ಅವರಿಗೆ ಆಶ್ರಯನೀಡಿದ್ದ ಗೋಕರ್ಣ ಬಳಿಯ ನಾಗರಾಜ್ ಗೌಡ ಮತ್ತು ವಾಸು ಎಂಬಾತರನ್ನು ಸದ್ಯ ಪೊಲೀಸರು ವಶಕ್ಕೆಪಡೆದಿದ್ದಾರೆ. ಉಪನ್ಯಾಸಕರನ್ನು ಗೋವಾ ಗಡಿಯವರೆಗೂ ಬಿಟ್ಟು ಬಂದ ಆರೋಪ ಅವರ ಮೇಲಿದೆ. ಈ ಬಗ್ಗೆ ವಿಚಾರಣೆ ನಡೆಯುತ್ತಿದೆ.
- [ಲಾಪ್‌ಟಾಪ್ ವ್ಯಾಪಾರ: ದುಡ್ಡು ಕೊಟ್ಟವನಿಗೆ ದೊಡ್ಡ ಮೋಸ!](https://mobiletime.in/2025/10/laptop-business-congress-office-is-a-center-of-fraud-2/): ಅoಕೋಲಾದ ಬೆಳಂಬಾರದ ಜಗದೀಶ ಖಾರ್ವಿ ಅವರಿಗೆ ಮೋಸವಾಗಿದೆ. ಜಗದೀಶ ಖಾರ್ವಿ ಅವರ ಬ್ಯಾಂಕ್ ಖಾತೆಯಲ್ಲಿದ್ದ 3.75 ಲಕ್ಷ ರೂ ಹಣವನ್ನು ಅಲ್ಲಿದ್ದ ಸುಹಾಸ ಬಿ ಎಸ್ ಎಂಬಾತರು ತಮ್ಮ ಖಾತೆಗೆ ವರ್ಗಾಯಿಸಿಕೊಂಡು ವಂಚಿಸಿದ್ದಾರೆ! ಅoಕೋಲಾ ಬೆಳಂಬಾರದ ಮಧ್ಯಖಾರ್ವಿವಾಡದಲ್ಲಿ ಜಗದೀಶ ಯಶ್ವಂತ ಖಾರ್ವಿ ಅವರು ವಾಸವಾಗಿದ್ದಾರೆ. ವ್ಯವಹಾರಸ್ಥರಾಗಿರುವ ಅವರು ಅಕ್ಟೊಬರ್ 10ರಂದು ತಮ್ಮ ಕೆಲಸವೊಂದಕ್ಕಾಗಿ ಕಚೇರಿಯೊಂದಕ್ಕೆ ಹೋಗಿದ್ದರು. ಅಲ್ಲಿಗೆ ಬಂದ ಅಪರಿಚಿತ ವ್ಯಕ್ತಿಯೊಬ್ಬರು ತಮ್ಮನ್ನು ಸುಹಾಸ್ ಬಿ ಎಸ್ ಎಂದು ಪರಿಚಯಿಸಿಕೊಂಡರು. `ತಾನು ಬೆಂಗಳೂರಿನಲ್ಲಿ ಎನ್ ಜಿ ಓ ನಡೆಸುತ್ತಿದ್ದು, ಅದರ ಮೂಲಕ ಕಡಿಮೆ ಬೆಲೆಗೆ ಒಳ್ಳೆಯ ಲಾಪ್‌ಟಾಪ್ ಕೊಡುವೆ’ ಎಂದು ವಿವರಿಸಿದರು. ಕಡಿಮೆ ಬೆಲೆಗೆ ಒಳ್ಳೆಯ ಲಾಪ್‌ಟಾಪ್ ಸಿಗುವ ಬಗ್ಗೆ ಅರಿತ ಜಗದೀಶ ಖಾರ್ವಿ ಅವರು `ತಮಗೂ 15 ಲಾಪ್‌ಟಾಪ್ ಬೇಕು’ ಎಂದು ತಿಳಿಸಿದರು. ಸ್ವಂತ ಕೆಲಸಕ್ಕಾಗಿ ಎಚ್ ಪಿ ಕಂಪನಿಯ ಲ್ಯಾಪಟಾಪ್ ಪೂರೈಸುವಂತೆ ಕೋರಿದರು. ಇದಕ್ಕಾಗಿ ಮುಂಗಡ ಹಣ ಎಂದು 3.75 ಲಕ್ಷ ರೂ ಪಾವತಿಸಿದರು. ಆದರೆ, ಆ ದಿನ ಸುಹಾಸ ಬಿ ಎಸ್ ಎಂದು ಪರಿಚಯಿಸಿಕೊಂಡಿದ್ದ ವ್ಯಕ್ತಿ ಮತ್ತೆ ಭೇಟಿ ಆಗಲಿಲ್ಲ. ಸಂಪರ್ಕಕ್ಕೂ ಸಿಗಲಿಲ್ಲ. ಕಡಿಮೆ ಬೆಲೆಗೆ ಲಾಪ್‌ಟಾಪ್ ಸಿಗುತ್ತದೆ ಎಂದು ನಂಬ ಕಾಸು ಕೊಟ್ಟಿದ್ದ ಜಗದೀಶ ಖಾರ್ವಿ ಅವರು ಮೋಸವಾಗಿರುವುದನ್ನು ಅರಿತರು. ಮೋಸ ಮಾಡಿದ ವ್ಯಕ್ತಿ ವಿರುದ್ಧ ಪೊಲೀಸ್ ದೂರು ನೀಡಿದರು. ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಆರೋಪಿಯ ಶೋಧ ಶುರು ಮಾಡಿದ್ದಾರೆ.
- [ಅಂದರ್ ಬಾಹರ್ ಆಟಕ್ಕೆ ಅಡಿಕೆ ದುಡ್ಡು!](https://mobiletime.in/2025/10/ander-bahar-is-a-nut-for-the-game/): ಅಡಿಕೆ ವ್ಯಾಪಾರದ ದುಡ್ಡನ್ನು ಅಂದರ್ ಬಾಹರ್ ಆಟಕ್ಕೆ ವಿನಿಯೋಗಿಸಿದ್ದ ಶಿರಸಿಯ ನಾಲ್ವರು ಅಡಿಕೆ ವ್ಯಾಪಾರಿಗಳು ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಘಟಾನುಘಟಿ ಅಡಿಕೆ ವ್ಯಾಪಾರಿಗಳು ಜೂಜಾಟಕ್ಕೆ ಬಳಸಿದ್ದ 13 ಸಾವಿರ ರೂ ಹಣವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಶಿರಸಿ ಹುಲೆಕಲ್ಲಿನ ಅಡಿಕೆ ವ್ಯಾಪಾರಿ ದಾವುದ್‌ಖಾನ್ ಅಮೀದಖಾನ್ ಅವರು ತಮ್ಮ ಸಹಚರ ಅಡಿಕೆ ವ್ಯಾಪಾರಿಗಳನ್ನು ಜೂಜಾಟಕ್ಕೆ ಆಮಂತ್ರಿಸಿದ್ದರು. ಅದರ ಪ್ರಕಾರ ಹುಲೆಕಲ್’ನ ಮುಕ್ತಮಖಾನ್ ಹಮೀದಖಾನ್, ಹುಸೇನಸಾಬ್ ಹಮೀದಖಾನ್, ಜಾಕೀರ ಅಬ್ಬಾಸಮುಲ್ಲಾ ಅವರು ಈ ಆಮಂತ್ರಣ ಒಪ್ಪಿ ಇಸ್ಪಿಟ್ ಆಡಲು ಆಗಮಿಸಿದ್ದರು. ಅಕ್ಟೊಬರ್ 26ರಂದು ಶಿರಸಿಯ ಅಗಸಾಲ ಬಳಿಯ ದೇವರಹೊಳೆ ಬಳಿ ಅವರೆಲ್ಲರೂ ಸೇರಿದ್ದರು. ಸಂಜೆ 6.45ಕ್ಕೆ ಶಿರಸಿ ಗ್ರಾಮೀಣ ಪೊಲೀಸ್ ಠಾಣೆಯ ಪಿಎಸ್‌ಐ ಸಂತೋಷಕುಮಾರ ಎಂ ಅವರು ಈ ವಿಷಯ ಅರಿತು ಅಲ್ಲಿಗೆ ಹೋದರು. 52 ಇಸ್ಪಿಟ್ ಎಲೆ, 13100ರೂ ಹಣ, ಚಾರ್ಜಿಂಗ್ ಬ್ಯಾಟರಿ ಜೊತೆ ಅಲ್ಲಿದ್ದ ಚೀಲವನ್ನು ಪೊಲೀಸರು ವಶಕ್ಕೆಪಡೆದರು. ಆ ನಾಲ್ವರ ವಿರುದ್ಧವೂ ಪೊಲೀಸ್ ಪ್ರಕರಣ ದಾಖಲಿಸಿ, ನ್ಯಾಯಾಲಯಕ್ಕೆ ವರದಿ ಸಲ್ಲಿಸಿದರು. `ಜೂಜಾಟದಿಂದ ಜೀವನ ಹಾಳು’
- [ಬಿಸಿ ನೀರಿಗೆ ಬಿದ್ದ ಮೂರು ವರ್ಷದ ಮಗು: ಚಿಕಿತ್ಸೆ ನೀಡಿದ ಆಸ್ಪತ್ರೆ ವಿರುದ್ಧ ಅಪಪ್ರಚಾರ!](https://mobiletime.in/2025/10/three-year-old-child-falls-into-hot-water-slander-against-the-hospital-that-treated-him/): ಭಟ್ಕಳದಲ್ಲಿ ಮೂರು ವರ್ಷದ ಮಗು ಬಿಸಿ ನೀರಿನ ಬಕೇಟಿಗೆ ಬಿದ್ದಿದೆ. ಆ ಮಗುವನ್ನು ಲೈಫ್‌ಕೇರ್ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಲ್ಲಿ ಸರಿಯಾದ ಚಿಕಿತ್ಸೆ ಸಿಕ್ಕಿಲ್ಲ ಎಂದು ಪಾಲಕರು ದೂರಿದ್ದಾರೆ. ಈ ಆರೋಪ ಮಾಡಿದ ಪಾಲಕರ ವಿರುದ್ಧ ಆಸ್ಪತ್ರೆಯವರು ಪೊಲೀಸ್ ದೂರು ನೀಡಿದ್ದಾರೆ! ಅಕ್ಟೊಬರ್ 20ರಂದು ಜಾಲಿ ರಸ್ತೆಯಲ್ಲಿರುವ ಲೈಫ್ ಕೇರ್ ಆಸ್ಪತ್ರೆಯ ತುರ್ತು ಘಟಕಕ್ಕೆ ಕೆಲವರು ಮಗುವೊಂದನ್ನು ಕರೆತಂದಿದ್ದರು. ಹನಿಪಾಬಾದಿನ ಆರ್ಸಿಲಿನ್ ಆಸಿಪ್ ಶೇಖ್ ಎಂಬ ಮಗು ಬಿಸಿ ನೀರಿನ ಬಕೇಟಿಗೆ ಬಿದ್ದು ಗಾಯಗೊಂಡಿತ್ತು. ಸುಟ್ಟ ಗಾಯ ನೋಡಿದ ಆಸ್ಪತ್ರೆಯವರು ತಕ್ಷಣ ಆ ಮಗುವನ್ನು ದಾಖಲು ಮಾಡಿಕೊಂಡು ಚಿಕಿತ್ಸೆ ನೀಡಿದ್ದರು. ಎರಡು ದಿನಗಳ ಕಾಲ ಮಗುವಿನ ಆರೈಕೆ ಮಾಡಿದ್ದರು. ಆದರೆ, ಆಸ್ಪತ್ರೆಯವರು ಆರೈಕೆ ಮಾಡಿದ ವಿಧಾನ ಮಗುವಿನ ಪೋಷಕರಿಗೆ ಹಿಡಿಸಲಿಲ್ಲ. ಹೀಗಾಗಿ ಆ ಮಗುವಿನ ಅಜ್ಜ ಭಟ್ಕಳದ ಭಾಷಾ ಶೇಖ್ ಅವರು ಆಸ್ಪತ್ರೆ ವೈದ್ಯರ ವಿರುದ್ಧ ಕೂಗಾಡಿದರು. ಅಲ್ಲಿನ ಸಿಬ್ಬಂದಿ ಹಾಗೂ ವೈದ್ಯರನ್ನು ನಿಂದಿಸಿ ಬೆದರಿಕೆ ಒಡ್ಡಿದ್ದರು. ಅದಾದ ನಂತರ ಅಕ್ಟೊಬರ್ 26ರಂದು ಭಟ್ಕಳಿಗರ ಕ್ರಿಕೆಟ್ ಗ್ರೂಪ್ ಎಂಬ ವಾಟ್ಸಪ್ ಗುಂಪಿನಲ್ಲಿ ಆಸ್ಪತ್ರೆಯ ಬಗ್ಗೆ ಕೆಟ್ಟ ವಿಡಿಯೋ ಹರಿದಾಡಿದವು. ಆ ವಿಡಿಯೋದಲ್ಲಿLife care Hospital is the wrost in our Bhatkal Town ಎಂಬ ಬರಹಗಳಿದ್ದವು. ಆ ವಿಡಿಯೋ ನೋಡಿದ ಲೈಫ್‌ಕೇರ್ ಆಸ್ಪತ್ರೆಯ ಮ್ಯಾನೇಜಿಂಗ್ ಡೈರೆಕ್ಟರ್ ಸಲ್ಮಾನ್ ಅಹ್ಮದ್ ಅವರು ಕಾನೂನು ಕ್ರಮಕ್ಕೆ ಮುಂದಾದರು. ಆಸ್ಪತ್ರೆ ಹೆಸರು ಕೆಡಿಸಿದ ಭಾಷಾ ಶೇಖ್ ಅವರ ವಿರುದ್ಧ ಪೊಲೀಸ್ ದೂರು ನೀಡಿದರು. ಪೊಲೀಸರು ಪ್ರಕರಣ ವಿಚಾರಣೆ ನಡೆಸಿ ಹಿಂಬರಹ ನೀಡಿದ್ದು, ಅದಕ್ಕೆ ಸಮಾಧಾನವಾಗದ ಸಲ್ಮಾನ್ ಅಹ್ಮದ್ ಅವರು ನ್ಯಾಯಾಲಯದ ಮೆಟ್ಟಿಲೇರಿದರು. ಭಾಷಾ ಶೇಖ್ ಅವರ ವಿರುದ್ಧ ಭಟ್ಕಳ ನಗರ ಠಾಣೆಯಲ್ಲಿ ಪೊಲೀಸ್ ಪ್ರಕರಣವನ್ನು ದಾಖಲಿಸಿದರು.  
- [ನಾರಿಮಣಿಯರ ಏಟಿಗೆ ಆಸ್ಪತ್ರೆ ಸೇರಿದ ಅತಿಕ್ರಮಣದಾರ!](https://mobiletime.in/2025/10/a-trespasser-was-hospitalized-after-being-beaten-up-by-narimani/): ಮಹಿಳೆಯರಿಬ್ಬರು ಸೇರಿ ಹೊಡೆದ ಪರಿಣಾಮ ಸಿದ್ದಾಪುರದ ಗಣಪತಿ ನಾಯ್ಕ ಅವರು ಆಸ್ಪತ್ರೆ ಸೇರಿದ್ದಾರೆ. ಅರಣ್ಯ ಅತಿಕ್ರಮಣ ಪ್ರದೇಶಕ್ಕೆ ಪ್ರವೇಶಿಸಿದನ್ನು ಸಹಿಸದ ಆಶಾ ಹಾಗೂ ಕಲ್ಪನಾ ಎಂಬಾತರು ಗಣಪತಿ ನಾಯ್ಕ ಅವರಿಗೆ ಥಳಿಸಿದ್ದು, ರಾಘವೇಂದ್ರ ಭಂಡಾರಿ ಅವರು ಈ ಹೊಡೆದಾಟಕ್ಕೆ ಸಹಕಾರ ನೀಡಿದ್ದಾರೆ! ಸಿದ್ದಾಪುರದ ಕಾನೂಸರು ಮಾರುತಿ ನಗರದ ಗಣಪತಿ ಬಂಗಾರ್ಯ ನಾಯ್ಕ ಅವರ ಕುಟುಂಬದವರು ಅನಾಧಿಕಾಲದಿಂದಲೂ ಅರಣ್ಯ ಅತಿಕ್ರಮಿಸಿಕೊಂಡಿದ್ದರು. ಪೂರ್ವಜರು ಮಾಡಿಟ್ಟ ಅತಿಕ್ರಮಣ ಪ್ರದೇಶವಾದ ಕಾನಸೂರಿನ ಸರ್ವೇ ನಂ 16/3ರಲ್ಲಿ ಗಣಪತಿ ನಾಯ್ಕ ಅವರು ಕೆಲಸ ಮಾಡುತ್ತಿದ್ದರು. ಆ ಪ್ರದೇಶದ ಪಕ್ಕದಲ್ಲಿ ರಾಘವೇಂದ್ರ ಗೋಪಾಲ ಭಂಡಾರಿ ಅವರ ಮನೆಯೂ ಇತ್ತು. ಹೀಗಾಗಿ ಗಣಪತಿ ನಾಯ್ಕ ಅವರು ಅತಿಕ್ರಮಣ ಪ್ರದೇಶದಲ್ಲಿ ಅಭಿವೃದ್ಧಿ ಕೆಲಸ ಮಾಡುವುದನ್ನು ರಾಘವೇಂದ್ರ ಭಂಡಾರಿ ಅವರು ಸಹಿಸುತ್ತಿರಲಿಲ್ಲ. `ಈ ಭೂಮಿ ನಿನಗೆ ಸೇರಿದಲ್ಲ. ಇಲ್ಲಿ ಬರಬೇಡ’ ಎಂದು ಸಾಕಷ್ಟು ಬಾರಿ ರಾಘವೇಂದ್ರ ಭಂಡಾರಿ ಅವರು ಸೂಚಿಸಿದ್ದರು. ಅದಾಗಿಯೂ ಗಣಪತಿ ನಾಯ್ಕ ಅವರು ಆ ಭೂಮಿಯಲ್ಲಿ ಅಭಿವೃದ್ಧಿ ಕೆಲಸ ಮುಂದುವರೆಸಿದ್ದರು. ಇದೇ ಕಾರಣದಿಂದ ಗಣಪತಿ ನಾಯ್ಕ ಹಾಗೂ ರಾಘವೇಂದ್ರ ಭಂಡಾರಿ ಅವರ ನಡುವೆ ದ್ವೇಷ ಮೂಡಿತ್ತು. ಹೀಗಾಗಿ ಗಣಪತಿ ನಾಯ್ಕ ಅವರು ಅಲ್ಲಿ ಕೆಲಸ ಮಾಡುವಾಗ ರಾಘವೇಂದ್ರ ಭಂಡಾರಿ ಅವರು ತಕರಾರು ಮಾಡುವುದು ಸಾಮಾನ್ಯವಾಗಿತ್ತು. ಅಕ್ಟೊಬರ್ 28ರಂದು ಗಣಪತಿ ನಾಯ್ಕ ಅವರು ಆ ಅತಿಕ್ರಮಣ ಭೂಮಿಗೆ ತೆರಳಿ ಕೆಲಸ ಮಾಡುತ್ತಿದ್ದರು. ಅಲ್ಲಿಗೆ ಬಡಿಗೆಹಿಡಿದು ಬಂದ ರಾಘವೇಂದ್ರ ಭಂಡಾರಿ ಅವರು ಗಣಪತಿ ನಾಯ್ಕ ಅವರಿಗೆ ಬಾರಿಸಿದರು. ಇದಕ್ಕೆ ಕಾಯುತ್ತಿದ್ದ ಆಶಾ ಹಾಗೂ ಕಲ್ಪನಾ ಅವರು ಗಣಪತಿ ನಾಯ್ಕ ಅವರನ್ನು ಹಿಡಿದು ಥಳಿಸಿದರು. ಈ ಮೂವರು ಸೇರಿ ಗಣಪತಿ ನಾಯ್ಕ ಅವರನ್ನು ನೆಲಕ್ಕೆ ಬೀಳಿಸಿ ಕಾಲಿನಿಂದ ಒದ್ದು ನೋವು ಮಾಡಿದರು. ಗಣಪತಿ ನಾಯ್ಕ ಅವರು ಸಿದ್ದಾಪುರ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದಿದ್ದು, ಈ ಎಲ್ಲಾ ವಿದ್ಯಮಾನಗಳ ಬಗ್ಗೆ ಪೊಲೀಸರಿಗೆ ದೂರಿದರು.
- [ಇಲ್ಲಿ ಸುಸಜ್ಜಿತ ಆಸ್ಪತ್ರೆಯಿಲ್ಲ.. ಅಲ್ಲಿ ಆಸ್ಪತ್ರೆಯಿದ್ದರೂ ಚಿಕಿತ್ಸೆ ಕೊಡಲಿಲ್ಲ!](https://mobiletime.in/2025/10/there-is-no-well-equipped-hospital-here-even-though-there-was-a-hospital-there-they-did-not-provide-treatment/): ಅಪಘಾತದಲ್ಲಿ ಪೆಟ್ಟು ಮಾಡಿಕೊಂಡಿದ್ದ ವ್ಯಕ್ತಿಯನ್ನು ಮಂಗಳೂರಿನ ಆಸ್ಪತ್ರೆಗೆ ಸಾಗಿಸಿದರೆ ಆ ಆಸ್ಪತ್ರೆಯವರು ಅಲ್ಲಿ ದಾಖಲು ಮಾಡಿಕೊಂಡಿಲ್ಲ. ಅದರ ಪರಿಣಾಮ ಗಾಯಾಳು ಸರಿಯಾದ ಚಿಕಿತ್ಸೆ ಸಿಗದೇ ಸಾವನಪ್ಪಿದ್ದಾರೆ! ವೈದ್ಯಕೀಯ ಸೇವೆಯಲ್ಲಿರುವ ಕಾವ್ಯ ಆಗೇರ್ ಅವರಿಗೆ ಮೂರು ಆಸ್ಪತ್ರೆಗೆ ಕರೆದೊಯ್ದರೂ ಸಮಯಕ್ಕೆ ಸರಿಯಾಗಿ ಸರಿಯಾದ ಚಿಕಿತ್ಸೆ ದೊರೆಯದ ಕಾರಣ ತಮ್ಮ ತಂದೆಯನ್ನು ಉಳಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಹೀಗಿರುವಾಗ ಅಪಘಾತದಲ್ಲಿ ಗಾಯಗೊಂಡ ಜನಸಾಮಾನ್ಯರ ಸ್ಥಿತಿ ಏನು? ಎಂಬ ಪ್ರಶ್ನೆ ಉದ್ಬವಿಸಿದ್ದು ಅದಕ್ಕೂ ಉತ್ತರವಿಲ್ಲ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸುಸಜ್ಜಿತ ಆಸ್ಪತ್ರೆ ಇಲ್ಲ. ಸುಸಜ್ಜಿತ ಆಸ್ಪತ್ರೆಗಳಿರುವ ಮಂಗಳೂರಿಗೆ ಕರೆದೊಯ್ದರೂ ಅಲ್ಲಿನ ಆಸ್ಪತ್ರೆಯವರು ಹಾಸಿಗೆ ಇಲ್ಲದ ಕಾರಣ ಗಾಯಾಳುವನ್ನು ದಾಖಲಿಸಿಕೊಳ್ಳಲಿಲ್ಲ! ಅಂಕೋಲಾ ಬೋಳೆಯ ಚಂದ್ರಹಾಸ ಆಗೇರ್ (50) ಅವರು ಅಕ್ಟೊಬರ್ 27ರ ಮಧ್ಯಾಹ್ನ ಶೆಟಗೇರಿ ಕ್ರಾಸಿನ ಶೆಟ್ಟಿ ಲಂಚ್ ಹೋಮ್ ಬಳಿ ನಡೆದು ಹೋಗುತ್ತಿದ್ದರು. ಕುಮಟಾದಿಂದ ಅಂಕೋಲಾ ಕಡೆಯಿಂದ ವೇಗವಾಗಿ ಬಂದ ಕೆಂಪು ಕಾರು ಹೊಟೇಲ್ ಎದುರು ಹಿಮ್ಮುಖವಾಗಿ ಚಲಿಸಿತು. ನಡೆದು ಬರುತ್ತಿದ್ದ ಚಂದ್ರಹಾಸ ಆಗೇರ್ ಅವರಿಗೆ ಆ ಕಾರು ಡಿಕ್ಕಿ ಹೊಡೆಯಿತು. ಪರಿಣಾಮ ಚಂದ್ರಹಾಸ ಆಗೇರ್ ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ಕೆಂಪು ಕಾರಿನವರು ತಕ್ಷಣ ಅಲ್ಲಿಂದ ಕಾರುಸಹಿತ ಪರಾರಿಯಾದರು. ಅಪಘಾತದಿಂದಾಗಿ ತಲೆ ಹಾಗೂ ಕಾಲಿಗೆ ಪೆಟ್ಟಾಗಿದ್ದ ಅವರನ್ನು ಮೊದಲು ಅಂಕೋಲಾ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆಗೆ ಕಾರವಾರ ಜಿಲ್ಲಾಸ್ಪತ್ರೆಗೆ ತರಲಾಯಿತು. ಅದಾದ ನಂತರ ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿಗೆ ಕರೆದೊಯ್ಯಲಾಯಿತು. ಕಾರವಾರದಿಂದ ಮಂಗಳೂರಿಗೆ ರೋಗಿ ಕರೆದೊಯ್ದರೂ ಮಂಗಳೂರಿನ ವೆನ್‌ಲಾಕ್ ಆಸ್ಪತ್ರೆಯವರು ಚಂದ್ರಹಾಸ ಆಗೇರ್ ಅವರನ್ನು ದಾಖಲಿಸಿಕೊಳ್ಳಲಿಲ್ಲ. `ಆಸ್ಪತ್ರೆಯಲ್ಲಿ ಎಲ್ಲಾ ಹಾಸಿಗೆ ಭರ್ತಿಯಾಗಿದ್ದು, ಚಿಕಿತ್ಸೆ ನೀಡಲು ಸ್ಥಳಾವಕಾಶವಿಲ್ಲ’ ಎಂಬ ಕಾರಣ ನೀಡಿ ಚಂದ್ರಹಾಸ ಆಗೇರ್ ಅವರನ್ನು ಕಾರವಾರಕ್ಕೆ ಮರಳಿ ಕಳುಹಿಸಿದರು. ಆದರೆ, ಈಗಾಗಲೇ ಮೂರು ಆಸ್ಪತ್ರೆ ಸುತ್ತಿದ್ದ ಚಂದ್ರಹಾಸ ಆಗೇರ್ ಅವರನ್ನು ನರ್ಸ ಆಗಿರುವ ಅವರ ಪುತ್ರಿ ಕಾವ್ಯ ಆಗೇರ್ ಅವರು ಮರಳಿ ಕಾರವಾರಕ್ಕೆ ಕರೆತರುವ ಪ್ರಯತ್ನ ಮಾಡಿದರು. ಆದರೆ, ಚಂದ್ರಹಾಸ ಆಗೇರ್ ಅವರನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ. ಕಾರವಾರ ಜಿಲ್ಲಾಸ್ಪತ್ರೆಯ ಶವಾಗಾರದಲ್ಲಿ ಚಂದ್ರಹಾಸ ಆಗೇರ್ ಅವರ ಶವವಿರಿಸಲಾಗಿದ್ದು, ಅಪರಿಚಿತ ಕಾರು ಹಾಗೂ ಚಾಲಕನ ವಿರುದ್ಧ ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ಕಾವ್ಯ ಆಗೇರ್ ಅವರು ಪ್ರಕರಣ ದಾಖಲಿಸಿದರು. ಅದಾದ ನಂತರ ಶವಪಡೆದು ಅಂತ್ಯ ಸಂಸ್ಕಾರದ ಕಾರ್ಯ ನಡೆಸಿದರು.
- [ಧರ್ಮಸ್ಥಳ: ಧರ್ಮದ್ರೋಹಿಗಳ ವಿರುದ್ಧ ರಾಷ್ಟ್ರಪತಿಗೆ ಪತ್ರ](https://mobiletime.in/2025/10/dharmasthala-letter-to-the-president-against-heretics/): ಧರ್ಮಸ್ಥಳದ ವಿರುದ್ಧ ಸಂಚು ರೂಪಿಸಿದವರನ್ನು ಯಲ್ಲಾಪುರದ ಸಮಾನ ಮನಸ್ಕರ ತಂಡ ಧರ್ಮ ವಿರೋಧಿ ಎಂದು ಕರೆದಿದೆ. ಆ ಧರ್ಮ ವಿರೋಧಿಗಳ ವಿರುದ್ಧ ಕಠಿಣ ಕ್ರಮಕ್ಕಾಗಿ 501 ಜನ ಸಹಿ ಹಾಕಿ ರಾಷ್ಟçಪತಿಗಳಿಗೆ ಪತ್ರ ಬರೆದಿದ್ದಾರೆ. `ಕರ್ನಾಟಕ ರಾಜ್ಯ ಸರ್ಕಾರ ಧರ್ಮದ್ರೋಹಿಗಳ ಮಾತು ಕೇಳಿ ಧರ್ಮಸ್ಥಳದ ವಿರುದ್ಧ ತನಿಖೆ ನಡೆಸಿತು. ಆದರೆ, ಆ ತನಿಖೆಯಲ್ಲಿ ಏನೂ ಸಿಗಲಿಲ್ಲ. ಹೀಗಾಗಿ ಇದು ಧರ್ಮಸ್ಥಳದ ವಿರುದ್ಧ ನಡೆದ ಷಂಡ್ಯAತ್ರ ಎಂಬುದು ಬಯಲಾಯಿತು. ಆದರೆ, ಈ ತನಿಖೆ ಇಲ್ಲಿಗೆ ಮುಗಿಸದೇ ದೂರು ಕೊಟ್ಟವರ ವಿರುದ್ಧವೂ ತನಿಖೆ ನಡೆಯಬೇಕು’ ಎಂದು ಸಮಾನ ಮನಸ್ಕರು ಆಗ್ರಹಿಸಿದ್ದಾರೆ. `ನೂರಾರು ಶವ ಹೂತಿರುವುದಾಗಿ ಸುಳ್ಳು ಹೇಳಿದ್ದ ಚನ್ನಯ್ಯ, ತಮ್ಮ ಮಗಳ ಸಾವಿನ ಕಥೆ ಕಟ್ಟಿದ್ದ ಸುಜಾತಾ ಭಟ್ಟ, ಅವರ ಬೆನ್ನೆಲುಬಾಗಿರುವ ಮಹೇಶ ತಿಮ್ಮರೋಡಿ, ಜಂತ ಟಿ, ಗಿರೀಶ ಮಟ್ಟಣ್ಣ ಮಹಮದ್ ಸಮೀರ್ ಹಾಗೂ ದೆಹಲಿಯಿಂದ ಆಟವಾಡಿಸುವ ಹಿಂದು ವಿರೋಧಿ ತಂಡದ ವಿರುದ್ಧ ಕ್ರಮ ಜರುಗಿಸಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಎನ್ ಐ ಎ ವತಿಯಿಂದಲೇ ಈ ಎಲ್ಲಾ ತನಿಖೆ ನಡೆಯಬೇಕು ಎಂದು ತಹಶೀಲ್ದಾರರ ಮೂಲಕ ಜನ ಮನವಿ ಸಲ್ಲಿಸಿದ್ದಾರೆ.
- [MBBS ವಿದ್ಯಾರ್ಥಿ ಸಾವಿಗೆ ಎಮ್ಮೆ ಕಾರಣ!](https://mobiletime.in/2025/10/buffalo-responsible-for-mbbs-students-death/): ಕಾರವಾರ ವೈದ್ಯಕೀಯ ವಿಜ್ಞಾನ ಕಾಲೇಜಿನ ವಿದ್ಯಾರ್ಥಿ ಆದರ್ಶ ಪೂಜಾರಿ ಅವರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಕಾರವಾರದಿಂದ ಗೋವಾ ಹೋಗಿದ್ದ ಅವರು ಅಲ್ಲಿಂದ ಮರಳುವಾಗ ಬೈಕಿನಿಂದ ಬಿದ್ದು ಪ್ರಾಣ ಬಿಟ್ಟಿದ್ದಾರೆ. ಕಿಮ್ಸ್ ವಿದ್ಯಾರ್ಥಿಯಾಗಿದ್ದ ಆದರ್ಶ ಪೂಜಾರಿ ಅವರು ಎಂಬಿಬಿಎಸ್ ಮೂರನೇ ವರ್ಷದಲ್ಲಿ ಓದುತ್ತಿದ್ದರು. ಮಂಗಳವಾರ ರಾತ್ರಿ ಆದರ್ಶ ಪೂಜಾರಿ ಅವರು ತಮ್ಮ ಸ್ನೇಹಿತ ರೌನಕ್ ಚಾವ್ಲಾ ಅವರ ಜೊತೆ ಗೋವಾಗೆ ಹೋಗಿದ್ದರು. ಅಲ್ಲಿ ಊಟ ಮುಗಿಸಿದ ಅವರು ಕಾರವಾರಕ್ಕೆ ಮರಳುತ್ತಿದ್ದರು. ಆಗ, ಗೋವಾದ ಮಾಷೆಂ ಬಳಿ ಅವರ ಬೈಕಿಗೆ ಅಡ್ಡಲಾಗಿ ಎಮ್ಮೆ ಬಂದಿದ್ದು, ಬೈಕು ಆ ಎಮ್ಮೆಗೆ ಗುದ್ದಿತು. ಪರಿಣಾಮ ಆ ಎಮ್ಮೆ ಅಲ್ಲಿಯೇ ಸಾವನಪ್ಪಿತು. ಅದರೊಂದಿಗೆ ಬೈಕು ನಿಯಂತ್ರಣ ತಪ್ಪಿತು. ಬೈಕಿನಲ್ಲಿದ್ದ ಇಬ್ಬರು ನೆಲಕ್ಕೆ ಅಪ್ಪಳಿಸಿದರು. ಗಾಯಗೊಂಡ ಅವರಿಬ್ಬರನ್ನು ಅಲ್ಲಿನ ಜನ ಆಸ್ಪತ್ರೆಗೆ ಸಾಗಿಸಿದರು. ಕಾಣಕೋಣ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಅವರಿಗೆ ಚಿಕಿತ್ಸೆ ಕೊಡುವ ಪ್ರಯತ್ನ ನಡೆಯಿತು. ಆದರೆ, ಅಷ್ಟರೊಳಗೆ ಆದರ್ಶ ಪೂಜಾರಿ ಸಾವನಪ್ಪಿದ್ದರು. ಗಂಭೀರ ಗಾಯಗೊಂಡ ರೌನಕ್ ಚಾವ್ಲಾ ಅವರನ್ನು ಕಾರವಾರ ಕ್ರಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. `ನಿಧಾನವಾಗಿ ವಾಹನ ಓಡಿಸಿ’
- [ತೀರ್ಥ ಸೇವಕರ ಅಡ್ಡೆಯಾದ ರಾಮತೀರ್ಥ!](https://mobiletime.in/2025/10/rama-tirtha-the-place-of-pilgrimage-for-devotees/): ಹೊನ್ನಾವರದ ಪುಣ್ಯ ಹಾಗೂ ಪ್ರವಾಸಿ ತಾಣವಾಗಿರುವ ರಾಮತೀರ್ಥ ಗೆಬ್ಬೆದ್ದಿದೆ. ಕನಿಷ್ಟ ಮೂಲಭೂತ ಸೌಕರ್ಯವೂ ಇಲ್ಲದೇ ಈ ತಾಣ ಹಾಳು ಬಿದ್ದಿದೆ. ಪುರಾಣ ಪ್ರಸಿದ್ಧ ರಾಮತೀರ್ಥ ಸದ್ಯ `ತೀರ್ಥ ಸೇವಕ’ರ ಪ್ರದೇಶವಾಗಿ ಬದಲಾಗಿದೆ. ರಾಮತೀರ್ಥ ಕ್ಷೇತ್ರದಲ್ಲಿ ಪ್ರವಾಸಿಗರಿಗಾಗಿ ಶೌಚಾಲಯ ನಿರ್ಮಿಸಲಾಗಿದೆ. ಆದರೆ, ಆ ಶೌಚಾಲಯಕ್ಕೆ ನೀರು ಸರಬರಾಜು ವ್ಯವಸ್ಥೆ ಇಲ್ಲ. ಅಲ್ಲಿರುವ ಬೇಸಿನ್ ಒಡೆದಿದೆ. ಸ್ನಾನಗೃಹಕ್ಕೆ ಕಿಟಕಿ-ಬಾಗಿಲುಗಳಿಲ್ಲ. ಕಟ್ಟಡವೂ ಸಂಪೂರ್ಣ ಶಿಥಿಲಾವ್ಯವಸ್ಥೆ ತಲುಪಿದೆ. ಕಟ್ಟಡದ ಸುತ್ತ ಕಾಡು ಬೆಳೆದಿದ್ದು, ಅಲ್ಲಿಂದ ಹಾವು-ಚೇಳುಗಳು ಒಳಗೆ ನುಗ್ಗುತ್ತಿದೆ. ಅಲ್ಲೆಲ್ಲವೂ ಪ್ಲಾಸ್ಟಿಕ್ ಬಾಟಲಿಗಳು ಬಿದ್ದಿದೆ. ಎಲ್ಲಾ ಕಡೆ ತ್ಯಾಜ್ಯ ಕಾಣುತ್ತಿದೆ. ಮಾದಕ ವ್ಯಸನಿಗಳು ಈ ಭಾಗ ಪ್ರವೇಶಿಸಿ ಗಲೀಜು ಮಾಡುತ್ತಿದ್ದಾರೆ. ಇಲ್ಲಿನ ಕಟ್ಟಡದ ಮೇಲೆ ಕಿಡಿಗೇಡಿಗಳು ಅಸಹ್ಯ ಬರಹಗಳನ್ನು ಬರೆದಿದ್ದಾರೆ. ಅಲ್ಲಿನ ಪರಿಸರವೂ ಹಾಳಾಗಿದ್ದು, ಜನ ಮೂಗು ಮುಚ್ಚಿಕೊಂಡು ಓಡಾಡುವ ಪರಿಸ್ಥಿತಿಯಿದೆ. ರಾಮನ ಕುರುಹುಗಳಿಂದ ಪ್ರಸಿದ್ಧವಾಗಿರುವ ರಾಮತೀರ್ಥದ ಅಭಿವೃದ್ಧಿಗೆ ಯಾರೂ ಮನಸ್ಸು ಮಾಡಿಲ್ಲ. ತಮಗೆ ಇದು ಸಂಬoಧವೇ ಇಲ್ಲ ಎಂಬAತೆ ಸ್ಥಳೀಯ ಆಡಳಿತ ವರ್ತಿಸುತ್ತಿದೆ. ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಆಗ್ನೇಲ್ ರೋಡ್ರಿಗಸ್ ಅವರು ಈ ದಿನ ರಾಮತೀರ್ಥಕ್ಕೆ ಭೇಟಿ ನೀಡಿದ್ದು, ಅಲ್ಲಿನ ಅವ್ಯವಸ್ಥೆಗಳನ್ನು ಮಾಧ್ಯಮದ ಮೂಲಕ ಗಮನಕ್ಕೆ ತಂದಿದ್ದಾರೆ. ಅವ್ಯವಸ್ಥೆ ನೋಡಿದ ಪ್ರವಾಸಿಗರು ದೂರದಿಂದಲೇ ಹಿಂತಿರುಗುತ್ತಿದ್ದು, ಪ್ರವಾಸೋದ್ಯಮ ಬೆಳವಣಿಗೆ ಇದು ಮಾರಕವಾಗಿರುವ ಬಗ್ಗೆ ಅವರು ಪ್ರತಿಕ್ರಿಯಿಸಿದ್ದಾರೆ. ಈ ಬಗ್ಗೆ ಪ್ರವಾಸೋದ್ಯಮ ಸಚಿವರಿಗೆ ಸಹ ಪತ್ರ ಬರೆಯುವುದಾಗಿ ಅವರು ಹೇಳಿದ್ದಾರೆ. ಅಲ್ಲಿನ ಅವ್ಯವಸ್ಥೆಯ ಬಗ್ಗೆ ಸ್ಥಳೀಯರಾದ ಪ್ರಭಾಕರ ಅವರು ಅಸಮಧಾನವ್ಯಕ್ತಪಡಿಸಿದರು.
- [ಅರಣ್ಯ ರೋಧನ: ನಿತ್ಯವೂ ಕಾಡಿಸುವ ಬದಲು ಒಮ್ಮೆಗೆ ಸಾಯಿಸಿಬಿಡಿ!](https://mobiletime.in/2025/10/forest-cry-instead-of-harassing-them-all-the-time-kill-them-once/): ಎರಡುವರೆ ದಶಕದ ಹಿಂದಿನ ಅರಣ್ಯ ಅಪರಾಧ ಪ್ರಕರಣಗಳನ್ನು ಅರಣ್ಯ ಅಧಿಕಾರಿಗಳು ಇದೀಗ ವಿಚಾರಣೆ ನಡೆಸುತ್ತಿದ್ದು, ವಿಚಾರಣೆ ನೆಪದಲ್ಲಿ ಅರಣ್ಯ ಅತಿಕ್ರಮಣದಾರರ ಮೇಲೆ ದಬ್ಬಾಳಿಕೆ ನಡೆಸುತ್ತಿದ್ದಾರೆ. ಈ ನಡೆಯನ್ನು ವಿರೋಧಿಸಿ ಮುಂಡಗೋಡಿನ ಮಂದಿ ಸಿಡಿದೆದ್ದಿದ್ದಾರೆ. 1998ರಲ್ಲಿ ಜೀವನಾಧಾರಕ್ಕಾಗಿ ಅನೇಕರು ಅರಣ್ಯ ಅತಿಕ್ರಮಣ ನಡೆಸಿದ್ದು, ಅವರು ಆ ದಿನದಿಂದ ಅಲ್ಲಿಯೇ ವಾಸವಾಗಿದ್ದಾರೆ. ಆ ಅವಧಿಯಲ್ಲಿ ಅತಿಕ್ರಮಣದಾರರ ಮೇಲೆ ಕ್ರಿಮಿನಲ್ ಮೊಕದ್ದಮೆ ದಾಖಲಿಸಿದರೂ ಅದನ್ನು ಅವರು ಎದುರಿಸುತ್ತಿದ್ದಾರೆ. ಈ ನಡುವೆ ಅರಣ್ಯ ಹಕ್ಕು ಕಾಯಿದೆ ಅಡಿ ಅವರೆಲ್ಲರೂ ಅರ್ಜಿ ಸಲ್ಲಿಸಿದ್ದರೂ ಅರಣ್ಯ ಅಧಿಕಾರಿ-ಸಿಬ್ಬಂದಿ ಅವರ ಮೇಲೆ ದಬ್ಬಾಳಿಕೆ ನಡೆಸುತ್ತಿದ್ದಾರೆ. ಅರಣ್ಯ ಅತಿಕ್ರಮಣದಾರರನ್ನು ನಿಯಮಬಾಹಿರವಾಗಿ ಒಕ್ಕಲೆಬ್ಬಿಸುವ ಪ್ರಕ್ರಿಯೆ ನಡೆದಿದನ್ನು ಮುಂಡಗೋಡಿನ ಜನ ವಿರೋಧಿಸಿದ್ದಾರೆ. ಅರಣ್ಯ ಅಧಿಕಾರಿಗಳ ಕಾನೂನು ವಿರೋಧಿ ಕೃತ್ಯ ವಿರೋಧಿಸಿ ಬುಧವಾರ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿಗೆ ಮುತ್ತಿಗೆ ಹಾಕಿದರು. ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಅರಣ್ಯ ಅಧಿಕಾರಿಗಳ ನಡೆಯನ್ನು ತೀವ್ರ ಖಂಡಿಸಿದರು. ಅರಣ್ಯ ಅಧಿಕಾರಿ ಹಾಗೂ ಪ್ರತಿಭಟನಾಕಾರರ ನಡುವೆ ಮಾತಿಗೆ ಮಾತು ಬೆಳೆದಿದ್ದು, ಅನೇಕ ಬಗೆಯ ಗೊಂದಲಗಳು ಹುಟ್ಟಿದವು. ಸಾವಿರಾರು ಸಂಖ್ಯೆಯ ಜನ ಒಮ್ಮೆಗೆ ಬಂದಿದ್ದನ್ನು ನೋಡಿ ಇಲಾಖೆಯವರು ತಬ್ಬಿಬ್ಬಾದರು. ಅದಾದ ನಂತರ ಅರಣ್ಯಾಧಿಕಾರಿ ರವಿ ಹುಳಕೊಟಿ ಅವರು ಅತಿಕ್ರಮಣದಾರರೊಂದಿಗೆ ಸಮಾಲೋಚನಾ ಸಭೆ ನಡೆಸಿದರು. `27 ವರ್ಷಗಳ ಹಿಂದೆ ನಡೆದ ಅಪರಾಧ ಪ್ರಕರಣಕ್ಕೆ ಇದೀಗ ಹಿಂಸೆ ನೀಡುವುದು ಸರಿಯಲ್ಲ. ಒಂದು ದಿನ ಬೇಲಿ ಕೀಳುವುದು, ಮತ್ತೊಮ್ಮೆ ಸಾಗುವಳಿಗೆ ಆತಂಕ ಮಾಡುವುದು, ಇನ್ನೊಮ್ಮೆ ನೋಟಿಸ್ ನೀಡುವುದು ಸೇರಿ ಪದೇ ಪದೇ ಕಿರುಕುಳ ನೀಡುವ ಬದಲು ಒಂದೇ ಸಲ ಎಲ್ಲರನ್ನು ಸಾಯಿಸಿಬಿಡಿ’ ಎಂದು ಪ್ರತಿಭಟನಾಕಾರರು ಆಕ್ರೋಶದಿಂದ ಹೇಳಿದರು. ಈ ವೇಳೆ ವಲಯ ಅರಣ್ಯಾಧಿಕಾರಿ ಅಪ್ಪಾರಾವ್ ಕಲಶೆಟ್ಟಿ ಹಾಗೂ ವೀರೇಶ ಪ್ರತಿಭಟನಾಕಾರರನ್ನು ಸಮಾಧಾನ ಮಾಡುವ ಪ್ರಯತ್ನ ನಡೆಸಿದರು. ಪಿಎಸ್‌ಐ ಯಲ್ಲಲಿಂಗ ಕನ್ನೂರ್ ಅವರು ಅವಘಡ ನಡೆಯದಂತೆ ಮುನ್ನಚ್ಚರಿಕೆವಹಿಸಿದರು. ಸಂಘಟನೆ ಪ್ರಮುಖರಾದ ಶಿವಾನಂದ ಜೋಗಿ, ಗಣಪತಿ ನಾಯ್ಕ ಬೆಡಸಗಾಂವ್, ಮಂಜುನಾಥ ನಾಯ್ಕ, ಸ್ವಾಮಿ ಹಿರೇಮಠ, ನೀಲಕಂಠ ಜಿಲ್ನೂರು, ಮಲ್ಲಿಕಾರ್ಜುನ್ ಓಣಿಕೇರಿ, ಮುನೇಶ್ವರ ಹನುಮಾಪುರ, ಶಂಬು ಕಾತೂರು, ವೀರಭದ್ರ, ನಾಗಪ್ಪ ಬಾಚಣಿಕೆ, ಜಗದೀಶ್ ಕೊಡಂಬಿ, ಶೇಖಯ್ಯ ಹಿರೇಮಠ ಗುಂಜಾವತಿ, ನಾನಾಸಾಬ, ಪ್ರಶಾಂತ್ ಜೈನ್ ಬೆಡಸಗಾಂವ್, ಶಿವಾಜಿ, ದೇವೇಂದ್ರ, ಪರಮೇಶ್ವರ ಗೌಡ ಸಾನವಳ್ಳಿ, ಚಿದಬಂರ ನಾಯ್ಕ ಮೊದಲಾದವರು ಅರಣ್ಯ ಅಧಿಕಾರಿಗಳ ದಬ್ಬಾಳಿಕೆ ವಿರುದ್ಧ ಕಿಡಿಕಾರಿದರು.
- [ಹೋರಾಟದಿಂದ ಹೊರಗುಳಿದ ಸಾಮಾಜಿಕ ಹೋರಾಟಗಾರ!](https://mobiletime.in/2025/10/a-social-activist-who-has-dropped-out-of-the-fight/): ಜನರ ಬೇಡಿಕೆಯಂತೆ ಜಿಲ್ಲೆಯಲ್ಲಿ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣವಾಗಿಲ್ಲ. ಶಿರಸಿ ಹೈಟೆಕ್ ಆಸ್ಪತ್ರೆ ಉದ್ಘಾಟನೆ ನಡೆದಿಲ್ಲ. ಡಕೋಟಾ ಬಸ್ಸುಗಳ ಓಡಾಟ ನಿಂತಿಲ್ಲ. ರಸ್ತೆ ಗುಂಡಿ ಮುಚ್ಚುವ ಕೆಲಸ ನಡೆದಿಲ್ಲ. ಜಿಲ್ಲೆ ವಿಭಜನೆ ವಿಷಯ ಮುನ್ನಲೆಗೆ ಬಂದಿಲ್ಲ. ಭ್ರಷ್ಟಾಚಾರ ಕಡಿಮೆ ಆಗಿಲ್ಲ. ಪ್ರವಾಹಪೀಡಿತ ಪ್ರದೇಶದವರ ಸಮಸ್ಯೆ ಬಗೆಹರಿದಿಲ್ಲ. ಕಳಪೆ ಕಾಮಗಾರಿಗಳು ನಿಂತಿಲ್ಲ. ಊರು ಅಭಿವೃದ್ಧಿ ಆಗಿಲ್ಲ. ಅದಾಗಿಯೂ, ಈ ಎಲ್ಲಾ ವಿಷಯಗಳ ಬಗ್ಗೆ ಧ್ವನಿಯಾಗುತ್ತಿದ್ದ ಸಾಮಾಜಿಕ ಹೋರಾಟಗಾರ ಅನಂತಮೂರ್ತಿ ಹೆಗಡೆ ಎರಡು ತಿಂಗಳಿನಿoದ ಹೋರಾಟವನ್ನೇ ನಡೆಸಿಲ್ಲ! ಸುಸಜ್ಜಿತ ಆಸ್ಪತ್ರೆ ಬೇಡಿಕೆ ಮುಂದಿಟ್ಟು ಅನಂತಮೂರ್ತಿ ಹೆಗಡೆ ಅವರು ಪಾದಯಾತ್ರೆ ನಡೆಸಿದ್ದರು. ಪ್ರತ್ಯೇಕ ಜಿಲ್ಲೆ ಬೇಡಿಕೆಗಾಗಿ ಪ್ರತಿ ತಾಲೂಕಿನಲ್ಲಿ ಸಭೆ ಮಾಡಿದ್ದರು. ಡಕೋಟಾ ಬಸ್ಸುಗಳ ಓಡಾಟದ ಬಗ್ಗೆ ದಾಖಲೆಗಳ ಜೊತೆ ಪ್ರಶ್ನಿಸಿದ್ದರು. ಶಿರಸಿ ಹೈಟೆಕ್ ಆಸ್ಪತ್ರೆಯ ಲೋಪಗಳನ್ನು ಜನರ ಮುಂದೆ ತೆರೆದಿಟ್ಟಿದ್ದರು. ರಸ್ತೆಯಲ್ಲಿ ಗುಂಡಿ ಬಿದ್ದ ವಿಷಯವಾಗಿ ನಿರ್ವಹಣೆ ನಡೆಸುವ ಕಂಪನಿಯನ್ನು ತರಾಠೆಗೆ ತೆಗೆದುಕೊಂಡಿದ್ದರು. ಪ್ರವಾಹ ಪೀಡಿತ ಊರಿನ ಜನರಿಗಾಗಿ ಜಿಲ್ಲಾಡಳಿತಕ್ಕೆ ಮೊರೆ ಹೋಗಿದ್ದರು. ಕಳಪೆ ಕಾಮಗಾರಿ, ಭ್ರಷ್ಟಾಚಾರ ವಿಷಯವಾಗಿಯೂ ಅನಂತಮೂರ್ತಿ ಹೆಗಡೆ ಅವರು ಕಿಡಿಕಾರಿದ್ದರು. ಸದಾ ಒಂದಿಲ್ಲೊಂದು ಹೋರಾಟಗಳ ಮೂಲಕ ಅನಂತಮೂರ್ತಿ ಹೆಗಡೆ ಅವರು ಜನರ ಸಮಸ್ಯೆಯನ್ನು ಸರ್ಕಾರಕ್ಕೆ ಮುಟ್ಟಿಸುತ್ತಿದ್ದರು. ಆದರೆ, ಕಳೆದ ಎರಡು ತಿಂಗಳಿನಿಂದ ಅನಂತಮೂರ್ತಿ ಹೆಗಡೆ ಹೋರಾಟಗಳಿಂದ ದೂರ ಉಳಿದ್ದಿದ್ದಾರೆ! ಬಿಜೆಪಿ ಪಕ್ಷದ ಪ್ರಮುಖ ಹುದ್ದೆಯಲ್ಲಿರುವ ಅನಂತಮೂರ್ತಿ ಹೆಗಡೆ ಅವರು ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರ ವಿರುದ್ಧ ಸಾಕಷ್ಟು ಬಾರಿ ಮಾತನಾಡಿದ್ದರು. ಹಳಿಯಾಳದ ಹಿರಿಯ ಶಾಸಕ ಆರ್ ವಿ ದೇಶಪಾಂಡೆ ಅವರ ವಿರುದ್ಧವೂ ಕಿಡಿಕಾರಿದ್ದರು. ಯಲ್ಲಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಅವರ ವಿರುದ್ಧವೂ ಒಮ್ಮೆ ಪ್ರತಿಭಟಿಸಿದ್ದರು. ಜಿಲ್ಲಾ ವಿಭಜನೆ ವಿಷಯವಾಗಿ ಅವರು ಆಡಿದ ಮಾತು ಕನ್ನಡ ಸಂಘಟನೆಯ ಭಾಸ್ಕರ ಪಟಗಾರ ಅವರನ್ನು ಕೆರಳಿಸಿದ್ದು, `ರಕ್ತಕ್ರಾಂತಿ’ಯ ವಿಷಯ ಪೊಲೀಸ್ ಠಾಣೆಯ ಮೆಟ್ಟಿಲೇರಿತ್ತು. ಅದಾದ ನಂತರ ಶಿರಸಿ-ಸಿದ್ದಾಪುರ ಕ್ಷೇತ್ರಕ್ಕೆ ಮಾತ್ರ ಸೀಮಿತವಾಗಿ ಅವರು ಕೆಲ ಹೋರಾಟ ಶುರು ಮಾಡಿದ್ದರು. ಮುಖ್ಯವಾಗಿ ಶಿರಸಿ ಕ್ಷೇತ್ರ ಶಾಸಕ ಭೀಮಣ್ಣ ನಾಯ್ಕ ಅವರ ಲೋಪಗಳನ್ನು ಜನರ ಮುಂದೆ ತೆರೆದಿಡುವ ಕೆಲಸ ಮಾಡುತ್ತಿದ್ದರು. ಆರ್‌ಟಿಐ ಮೂಲಕ ವಿವಿಧ ದಾಖಲೆಗಳನ್ನುಪಡೆದು ಕಾನೂನುಮಾನ್ಯತೆಯಿರುವ ಅಂಶವನ್ನು ಜನರ ಮುಂದೆ ಬಿಚ್ಚಿಡುತ್ತಿದ್ದರು. ಆದರೆ, ಸಾಮಾಜಿಕ ಹೋರಾಟಗಾರರಾಗಿರುವ ಅನಂತಮೂರ್ತಿ ಹೆಗಡೆ ಅವರು ಸದ್ಯ ತಮ್ಮ ಸಾಮಾಜಿಕ ಜೀವನದಿಂದ ದೂರ ಉಳಿದಿದ್ದಾರೆ! ಯಾವುದೇ ಹೋರಾಟ ನಡೆಸುವ ಮುನ್ನ ಅನಂತಮೂರ್ತಿ ಹೆಗಡೆ ಅವರು ಸುದ್ದಿಗೋಷ್ಠಿಗಳ ಮೂಲಕ ಎಚ್ಚರಿಕೆ ನೀಡುತ್ತಿದ್ದರು. ಸಂಬoಧಿಸಿದ ಇಲಾಖೆ ಅಧಿಕಾರಿಗಳ ಜೊತೆ ಸೌಮ್ಯವಾಗಿಯೇ ಮಾತನಾಡುತ್ತಿದ್ದರು. ತಮ್ಮ ಬೇಡಿಕೆ ಈಡೇರಿಕೆಗೆ ನಿಗದಿತ ಗಡುವು ನೀಡುತ್ತಿದ್ದರು. ನೀಡಿದ ಸಮಯ ಮುಗಿದ ಮರುದಿನವೇ ಹೋರಾಟ ಶುರು ಮಾಡುತ್ತಿದ್ದರು. ತಮ್ಮ ಹೋರಾಟವನ್ನು ಸಹ ಅವರು ಅಚ್ಚುಕಟ್ಟಾಗಿ ಸಂಘಟಿಸುವುದರ ಜೊತೆ ಜನ ಬೆಂಬಲಪಡೆದು ಮುನ್ನುಗ್ಗುತ್ತಿದ್ದರು. ತಮ್ಮ ಪ್ರತಿ ಹೋರಾಟದಲ್ಲಿಯೂ ಅನಂತಮೂರ್ತಿ ಹೆಗಡೆ ಅವರು `ಬೇಡಿಕೆ ಈಡೇರುವವರೆಗೂ ಹೋರಾಟ ನಿಲ್ಲಿಸುವುದಿಲ್ಲ’ ಎಂಬ ಭರವಸೆ ನೀಡುತ್ತಿದ್ದರು. ಆದರೆ, ಶಿರಸಿ ಹೈಟೆಕ್ ಆಸ್ಪತ್ರೆ ವಿಚಾರವಾಗಿ ಸೆಪ್ಟೆಂಬರ್ 22ರಂದು ಅವರು ಹೋರಾಟದ ಎಚ್ಚರಿಕೆ ನೀಡಿದ್ದು ಬಿಟ್ಟರೆ ಅದಾಗಿ ಒಂದು ತಿಂಗಳ ನಂತರ ಹೋರಾಟ ಶುರು ಮಾಡಲಿಲ್ಲ. ಶಿರಸಿಯಲ್ಲಿ ಸಾಮಾಜಿಕ ಜೀವನಕ್ಕೆ ಕಾಲಿರಿಸಿದ ಮೂರು ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಅನಂತಮೂರ್ತಿ ಹೆಗಡೆ ಅವರು ಹೋರಾಟದಿಂದ ಹಿಂದುಳಿದು ಸುದೀರ್ಘ ವಿರಾಮಪಡೆದಿದ್ದಾರೆ! ಅನಂತಮೂರ್ತಿ ಹೆಗಡೆ ಅವರು ತಮ್ಮದೇ ವಿಶ್ವಂಭರ ಎಂಬ ವಾರ ಪತ್ರಿಕೆ ನಡೆಸುತ್ತಾರೆ. ರಿಯಲ್ ಎಸ್ಟೇಟ್ ಉದ್ದಿಮೆಯಲ್ಲಿದ್ದಾರೆ. ದೇವಸಸ್ಯ ಎಂಬ ಸಿನಿಮಾ ನಿರ್ಮಾಣಕ್ಕೂ ಅವರು ಕೈ ಹಾಕಿದ್ದಾರೆ. ಈ ಎಲ್ಲಾ ಕ್ಷೇತ್ರದಿಂದ ಬಂದ ಆದಾಯದಲ್ಲಿ ಅಲ್ಪಭಾಗವನ್ನು ಅವರು ಸಮಾಜ ಸೇವೆಗೆ ಮೀಸಲಿರಿಸಿದ್ದು, ನೊಂದವರಿಗೆ ನೆರವಾಗುತ್ತಿದ್ದಾರೆ. ನಿರಂತರ ಹೋರಾಟ, ಸಮಸ್ಯೆಗೆ ಸಿಲುಕಿದವರಿಗೆ ಸಹಾಯ, ಸಂಪರ್ಕಿಸಿದ ಪ್ರತಿಯೊಬ್ಬರಿಗೂ ಸ್ಪಂದನೆ ನೀಡುವ ಮೂಲಕ ಅನಂತಮೂರ್ತಿ ಹೆಗಡೆ ಅವರು ಹಂತ ಹಂತವಾಗಿ ಜನರಿಗೆ ಹತ್ತಿರವಾಗುತ್ತಿದ್ದರು. ಆದರೆ, ಸದ್ಯ ಅವರು ಪ್ರಚಲಿತ ವಿದ್ಯಮಾನಗಳಿಂದ ದೂರವಿರುವುವ ಬಗ್ಗೆ ಅನೇಕರು ಅನುಮಾನವ್ಯಕ್ತಪಡಿಸಿದ್ದಾರೆ. `ತಮ್ಮ ಉದ್ದಿಮೆ, ಸಿನಿಮಾ ಹಾಗೂ ಪತ್ರಿಕೆಯ ಕೆಲಸಗಳಿಂದ ಹೋರಾಟಕ್ಕೆ ಪುರಸೋತ್ತಾಗಿಲ್ಲ. ಶೀಘ್ರದಲ್ಲಿಯೇ ಎಲ್ಲಾ ಸಮಸ್ಯೆಗಳ ವಿರುದ್ಧ ಮತ್ತೆ ಹೋರಾಟ ಶುರು ಮಾಡುವೆ’ ಎಂದವರು ಮೊಬೈಲ್ ಮಿಡಿಯಾ ನೆಟ್‌ವರ್ಕ’ಗೆ ಪ್ರತಿಕ್ರಿಯಿಸಿದ್ದಾರೆ.
- [2025 ಅಕ್ಟೊಬರ್ 29ರ ದಿನ ಭವಿಷ್ಯ](https://mobiletime.in/2025/10/prediction-for-october-29-2025/): ಮೇಷ ರಾಶಿ: ಜೀವನದಲ್ಲಿ ಹೊಸ ಅವಕಾಶಗಳು ಸಿಕ್ಕರೆ ಅದನ್ನು ಬಳಸಿಕೊಳ್ಳಿ. ಹಣಕಾಸಿನಲ್ಲಿ ಬೆಳವಣಿಗೆ ಸಾಧ್ಯವಿದೆ. ಪ್ರಯಾಣದ ಲಕ್ಷಣಗಳಿವೆ. ವೃಷಭ ರಾಶಿ: ಹಣಕಾಸು ವಿಷಯಗಳಲ್ಲಿ ಸಮಾಧಾನ ಅಗತ್ಯ. ಆರೋಗ್ಯದ ಕಡೆ ಕಾಳಜಿವಹಿಸಿ. ಕೆಲಸದ ಸ್ಥಳದಲ್ಲಿ ದುಡುಕಿನ ನಿರ್ಧಾರ ಬೇಡ. ಮಿಥುನ ರಾಶಿ: ರಾಜಕೀಯ ಹಾಗೂ ಸಾಮಾಜಿಕ ಕ್ಷೇತ್ರದಲ್ಲಿ ಮುನ್ನಡೆ ಸಾಧ್ಯವಿದೆ. ಕಾರ್ಮಿಕರಿಗೆ ಈ ದಿನ ಲಾಭ ಆಗಲಿದೆ. ವೈಯಕ್ತಿಕ ಜಗಳದಿಂದ ಊರವಿರುದುವು ಉತ್ತಮ. ಕರ್ಕ ರಾಶಿ: ನಿಮ್ಮ ಆಯಾಸ ದೂರವಾಗಲಿದೆ. ಹಣಕಾಸು ನಷ್ಟ ಸಾಧ್ಯತೆ ಹೆಚ್ಚಿದೆ. ಕೆಲಸದಲ್ಲಿ ಒತ್ತಡ ಬರಲಿದೆ. ಸಿಂಹ ರಾಶಿ: ಸ್ನೇಹಿತರ ಜೊತೆ ಸಮಯ ಕಳೆಯಲು ಸಾಧ್ಯ. ಹಣಕಾಸಿನ ಸುಧಾರಣೆ ಆಗಲಿದೆ. ಧೈರ್ಯದಿಂದ ಈ ದಿನ ಕಳೆಯಿರಿ. ಕನ್ಯಾ ರಾಶಿ: ನಿಮ್ಮೊಳಗಿನ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಕುಟುಂಬದಲ್ಲಿ ಶಾಂತಿ-ನೆಮ್ಮದಿ ಸಾಧ್ಯವಿದೆ. ಹಣಕಾಸು ಸಹಾಯ ಸಿಗಲಿದೆ. ತುಲಾ ರಾಶಿ: ಹೊಸ ಪರಿಚಯಗಳು ಸಹಾಯವಾಗಲಿದೆ. ಕೆಲಸದಲ್ಲಿ ಗುಣಾತ್ಮಕ ಅಭಿವೃದ್ಧಿ ಗಲಿದೆ. ತಾಳ್ಮೆಯಿಂದ ವ್ಯವಹರಿಸಿ. ವೃಶ್ಚಿಕ ರಾಶಿ: ಹೊಸ ಬಗೆಯ ವಿಚಾರಗಳು ಮೂಡಿಬರಲಿದೆ. ಹೊಸ ಬಗೆಯ ಕೆಲಸಕ್ಕೆ ಧೈರ್ಯ ಮಾಡಿದರೆ ಯಶಸ್ಸು ಸಿಗಲಿದೆ. ಗುಪ್ತ ಸಮಸ್ಯೆಗಳು ಬಗೆಹರಿಯಲಿದೆ. ಧನು ರಾಶಿ: ಹಣಕಾಸು ವಿಷಯದಲ್ಲಿ ಬೆಳವಣಿಗೆ ಸಾಧ್ಯವಿದೆ. ಆರೋಗ್ಯ ಪರಿಸ್ಥಿತಿ ಸುಧಾರಿಸಲಿದೆ. ಮನಸ್ಸಿಗೆ ತೃಪ್ತಿ ಸಿಗಲಿದೆ. ಮಕರ ರಾಶಿ: ಆತ್ಮ ವಿಶ್ವಾಸದಿಂದ ಕೆಲಸ ಮಾಡಿ. ಉದ್ಯೋಗದಲ್ಲಿ ಪ್ರಗತಿ ಕಾಣಲಿದೆ. ಆರೋಗ್ಯದ ಕಡೆ ಗಮನಹರಿಸುವುದು ಮುಖ್ಯ. ಕುಂಭ ರಾಶಿ: ಉದ್ಯೋಗದಲ್ಲಿ ಉತ್ತಮ ಬೆಳವಣಿಗೆ ಆಗಲಿದೆ. ಹಣಕಾಸಿನಲ್ಲಿ ಲಾಭ ಸಿಗಲಿದೆ. ಆರೋಗ್ಯ ಸುಧಾರಣೆಗೆ ಕ್ರಮ ತೆಗೆದುಕೊಳ್ಳಿ. ಕುಟುಂಬ ಬೆಂಬಲ ದೊರೆಯಲಿದೆ. ಮೀನ ರಾಶಿ: ನಿಮ್ಮ ಪರಿಶ್ರಮಕ್ಕೆ ಬೆಲೆ ಸಿಗಲಿದೆ. ಹೊಸ ಕಲಿಕೆಗೆ ಅವಕಾಶವಿದೆ. ಉದ್ಯೋಗದಲ್ಲಿ ಉತ್ತಮ ಅವಕಾಶಗಳಿವೆ.
- [ಶಿರಸಿ: ಸಹಸ್ರ ಹೊಂಡ ಸರಿಪಡಿಸಲು ಸಾವಿರ ಸಮಸ್ಯೆ!](https://mobiletime.in/2025/10/sirsi-a-thousand-problems-to-fix-a-thousand-potholes/): ಅಭಿವೃದ್ಧಿ ವಿಷಯದಲ್ಲಿ ಶಿರಸಿ ಕ್ಷೇತ್ರ ದೊಡ್ಡ ಪ್ರಮಾಣದಲ್ಲಿ ಬೆಳೆಯುತ್ತಿದೆ. ಆದರೆ, ಇಲ್ಲಿನ ರಸ್ತೆಯಲ್ಲಿರುವ ಸಹಸ್ರ ಹೊಂಡಕ್ಕೆ ಮಾತ್ರ ಈವರೆಗೂ ಮುಕ್ತಿ ಸಿಕ್ಕಿಲ್ಲ! ಶಿರಸಿಯ ಯಾವ ದಿಕ್ಕಿಗೆ ಸಂಚರಿಸಿದರೂ ವಾಹನಗಳು ರಸ್ತೆ ಗುಂಡಿಗೆ ಬೀಳುತ್ತಿವೆ. ಇದರೊಂದಿಗೆ ಅಪಾರ ಪ್ರಮಾಣದ ಧೂಳು ಸಹ ಜನರ ಆರೋಗ್ಯವನ್ನು ಹಾಳು ಮಾಡುತ್ತಿದೆ. ಅಕ್ಟೊಬರ್ ಅಂತ್ಯದ ಅವಧಿಯಲ್ಲಿಯೂ ಶಿರಸಿಯಲ್ಲಿ ಮಳೆಯಗುತ್ತಿದ್ದು, ರಸ್ತೆ ಗುಂಡಿಗಳಲ್ಲಿ ನೀರು ತುಂಬಿದೆ. ಪರಿಣಾಮ ಗುಂಡಿAiÀ ಆಳ-ಅಗಲ ಗೊತ್ತಾಗದೇ ವಾಹನಗಳು ಹೊಂಡಕ್ಕೆ ಹಾರುತ್ತಿವೆ. ಯಾವ ಜನಪ್ರತಿನಿಧಿಗಳು ಶಿರಸಿ ರಸ್ತೆಯ ಹೊಂಡ ಮುಚ್ಚುವ ಸಾಹಸಕ್ಕೆ ಕೈ ಹಾಕಿಲ್ಲ. ಶಿರಸಿಯ ನಿಲೇಕಣಿ ಭಾಗದ ರಸ್ತೆ ಅಭಿವೃದ್ಧಿ ಗುತ್ತಿಗೆಪಡೆದ ಆರ್‌ಎನ್‌ಎಸ್ ಕಂಪನಿಯವರು ಸಹ ಗುಂಡಿ ಬಿದ್ದ ರಸ್ತೆ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಹೀಗಾಗಿ ನಾಯಕರು ಜನರಿಂದ ಬೈಸಿಕೊಳ್ಳುವ ಕೆಲಸ ಕೊನೆಯಾಗಿಲ್ಲ. ಶಿರಸಿ ಕುಮಟಾ ರಸ್ತೆಯ ನೀಲೇಕಣಿ ಬಳಿ ಸಹಸ್ರ ಹೊಂಡಗಳಿದ್ದು, ಅವರು ಇದೀಗ ಸಾವಿರ ಕೆರೆಗಳಂತೆ ಭಾಸವಾಗುತ್ತಿದೆ. ಒಮ್ಮೆ ಹೊಂಡ ಮುಚ್ಚುವ ಕೆಲಸ ನಡೆದಿದ್ದರು, ಆಗ ತೇಪೆ ಹಚ್ಚಲು ಹಾಕಿದ ಸಿಮೆಂಟು ಮತ್ತೆ ಕೊಚ್ಚಿ ಹೋಗಿದೆ. ರಸ್ತೆ ಒಂದು ಭಾಗದಲ್ಲಿ ಸಿಮೆಂಟ್ ತುಂಬಿದ್ದರೂ ಆ ಭಾಗದಲ್ಲಿ ಜನರ ಓಡಾಟಕ್ಕೆ ಅವಕಾಶವಿಲ್ಲ. ಇನ್ನೊಂದು ಭಾಗ ಇಕ್ಕಟ್ಟಾಗಿದ್ದು, ಅಲ್ಲಿನ ಗುಂಡಿ ತಪ್ಪಿಸಿ ಸಾಗಲು ವಾಹನ ಸವಾರರಿಂದ ಸಾಧ್ಯವಾಗುತ್ತಿಲ್ಲ. ದೊಡ್ಡ ದೊಡ್ಡ ವಾಹನಗಳ ಜೊತೆ ಬೈಕ್ ಸವಾರರು ಸಹ ಈ ಮಾರ್ಗದಲ್ಲಿ ಓಡಾಡಲು ಹೆದರುತ್ತಿದ್ದಾರೆ.  
- [ಶಾಸಕ ಭೀಮಣ್ಣರಿಗೆ ಸೋಲು!](https://mobiletime.in/2025/11/defeat-for-mla-bhimanna/): ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಹಾಗೂ ಶಿರಸಿ ಸಹಾಯಕ ಆಯುಕ್ತೆ ಕಾವ್ಯರಾಣಿ ಅವರು ಶನಿವಾರ ಚೆಸ್ ಆಡಿದ್ದಾರೆ. ಈ ಆಟದಲ್ಲಿ ಭೀಮಣ್ಣ ನಾಯ್ಕ ಅವರು ತಾತ್ವಿಕ ಸೋಲು ಕಂಡಿದ್ದಾರೆ. ಶಾಸಕರು ಸೋಲುವುದನ್ನು ಸಹಿಸದ ಸಹಾಯಕ ಆಯುಕ್ತರು ಚೆಸ್ ಆಟವನ್ನು ಅರ್ದಕ್ಕೆ ಮೊಟಕುಗೊಳಿಸಿದ್ದಾರೆ! ಶಿರಸಿಯ ಇಳಸೂರಿನ ಸರ್ಕಾರಿ ಪ್ರೌಢಶಾಲೆ ಆವರಣದಲ್ಲಿ ಶನಿವಾರ ಚೆಸ್ ಪಾರ್ಕ ಉದ್ಘಾಟನೆ ನಡೆಯಿತು. ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ಈ ಉದ್ಯಾನವನ್ನು ಉದ್ಘಾಟಿಸಿದರು. ಕಾರ್ಯಕ್ರಮದಲ್ಲಿದ್ದ ಕಾವ್ಯರಾಣಿ ಅವರು ಚೆಸ್ ಆಡಲು ಶುರು ಮಾಡಿದ್ದು, ಶಾಸಕ ಭೀಮಣ್ಣ ನಾಯ್ಕ ಅವರು ಕಾವ್ಯರಾಣಿ ಅವರಿಗೆ ಪ್ರತಿಸ್ಪರ್ಧಿ ಆಗಿದ್ದರು. ಅವರಿಬ್ಬರ ತುರುಸಿನ ಸ್ಪರ್ಧೆ ನೋಡಲು ಹಲವರು ಜಮಾಯಿಸಿದ್ದು, ಕೊನೆಗೆ ಇಬ್ಬರು ಅರ್ದಕ್ಕೆ ಆಟ ನಿಲ್ಲಿಸಿದ್ದರಿಂದ ಅಲ್ಲಿದ್ದವರು ನಿರಾಶೆಗೆ ಒಳಗಾದರು. ಕಾವ್ಯರಾಣಿ ಅವರು ಹಂತ ಹಂತವಾಗಿ ಕಾಯಿ ಚಲಿಸಲು ಶುರು ಮಾಡಿದರು. ಎದುರಿಗಿದ್ದ ಭೀಮಣ್ಣ ನಾಯ್ಕ ಅವರು ಕಾಯಿ ಚಲಿಸಿದರು. ಅವರಿಬ್ಬರು ಆಟದಲ್ಲಿ ಎಡವುತ್ತಿರುವುದನ್ನು ನೋಡಿ ಅಲ್ಲಿದ್ದವರು `ಹೀಗಲ್ಲ.. ಹಾಗೇ’ ಎಂದು ಹೇಳಿಕೊಟ್ಟರು. ಕಾವ್ಯರಾಣಿ ಅವರು ಮೊದಲ ಹಂತದಲ್ಲಿ ಉತ್ತಮವಾಗಿ ಕಾಯಿ ಚಲಾಯಿಸಿದರು. ಭೀಮಣ್ಣ ನಾಯ್ಕ ಅವರಿಗೆ ಅಲ್ಲಿದ್ದವರು ತಿಳಿಸಿದರೂ ಒಮ್ಮೆ ತಪ್ಪಾಗಿ ಕಾಯಿ ಮುಂದೆ ಚಲಿಸಿದರು. ಕೊನೆಗೆ ಶಾಸಕರು ಆಟವನ್ನು ಅಲ್ಲಿಗೆ ಮೊಟಕುಗೊಳಿಸಿದರು. ಸಹಾಯಕ ಆಯುಕ್ತರು ಆಟದಿಂದ ಹಿಂದೆ ಸರಿದರು. ಅದಾಗಿಯೂ ಚೆಸ್ ಪಾರ್ಕ ಉದ್ಘಾಟನೆ ಆಗಿರುವುದಕ್ಕೆ ಅಲ್ಲಿದ್ದ ಜನ ಚಪ್ಪಾಳೆ ತಟ್ಟಿದರು. ಅದಾದ ನಂತರ ಮಕ್ಕಳು ಸಹ ಚೆಸ್ ಆಡಿ ಖುಷಿ ಹಂಚಿಕೊoಡರು. ಉದ್ಘಾಟನೆ ಅಂಗವಾಗಿ ಸ್ಪರ್ಧಾಗಳನ್ನು ಉತ್ತೇಜಿಸಲು ಅಧಿಕಾರಿ-ಜನಪ್ರತಿನಿಧಿ ನಡುವೆ ಈ ಚೆಸ್ ಸ್ಪರ್ಧೆ ನಡೆದಿದ್ದು, `ಸ್ಪರ್ಧೆಯಲ್ಲಿ ಸೋಲು ಗೆಲುವಿಗಿಂತಲೂ ಭಾಗವಹಿಸುವುದು ಮುಖ್ಯ’ ಎಂದು ಅಲ್ಲಿದ್ದವರು ಹೇಳಿದರು.
- [ಸೊಸೈಟಿ ಅಕ್ರಮದಲ್ಲಿ ಅಧಿಕಾರಿಗಳು ಭಾಗಿ!](https://mobiletime.in/2025/11/officials-involved-in-societys-illegal-activities/): ಸೊಸೈಟಿಯಲ್ಲಿ ನಡೆದ ಅಕ್ರಮಗಳನ್ನು ಪತ್ತೆ ಹಚ್ಚಲು ವಿಫಲರಾದ ಕಾರಣ ಸರ್ಕಾರಿ ಅಧಿಕಾರಿಯೊಬ್ಬರ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಾಗಿದೆ. ಕಾರವಾರದ ಚಿತ್ತಾಕುಲದಲ್ಲಿರುವ ಆಶ್ರಯ ಕೋ-ಆಪರೇಟಿವ್ ಕ್ರೆಡಿಟ್ ಸೊಸೈಟಿಯ ಹಣಕಾಸು ಅವ್ಯವಹಾರ ವಿಷಯವಾಗಿ ಮುಂಬೈ ನಿವಾಸಿ ತನುಶ್ರೀ ಗಾಂವಕರ್ ಅವರು ಕಾರವಾರದ ಸಹಕಾರಿ ನಿಬಂಧಕರ ವಿರುದ್ಧ ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ತನುಶ್ರೀ ಗಾಂವಕರ್ ಅವರ ತಂದೆ ಪುರುಷೋತ್ತಮ ಗಾಂವಕಾರ್ ಹಾಗೂ ತಾಯಿ ಉಮಾ ಗಾಂವಕಾರ ಅವರು ಸದಾಶಿವಗಡದಲ್ಲಿರುವ ಆಶ್ರಯ ಕೋ-ಆಪರೇಟಿವ್ ಕ್ರೆಡಿಟ್ ಸೊಸೈಟಿಯಲ್ಲಿ ಹೂಡಿಕೆ ಮಾಡಿದ್ದರು. 2023ರ ಜನವರಿಯಲ್ಲಿ 1 ವರ್ಷದ ಠೇವಣಿಯನ್ನಿರಿಸಿದ್ದರು. 2024ರಲ್ಲಿ ಅವರ ಠೇವಣಿ ಹಣವನ್ನು ಸೊಸೈಟಿಯವರು ಮರಳಿಸಿರಲಿಲ್ಲ. ಒಟ್ಟು 1,20,71,987 ರೂ ಮರಳಿಸಲು ವಿಫಲರಾದ ಆಡಳಿತ ಮಂಡಳಿ ವಿರುದ್ಧ ಕುಟುಂಬದವರು ಕಿಡಿಕಾರಿದ್ದಾರೆ. `ಆಶ್ರಯ ಕೋ-ಆಪರೇಟಿವ್ ಕ್ರೆಡಿಟ್ ಸೊಸೈಟಿಯ ಮಾಜಿ ವ್ಯವಸ್ಥಾಪಕ ನೀಲೇಶ ನಾಯ್ಕ ಅವರು ಆಡಳಿತ ಮಂಡಳಿಯ ಅನುಮತಿಯಿಲ್ಲದೇ 30 ಕೋಟಿ ರೂ ಅಕ್ರಮ ಸಾಲ ನೀಡಿದ್ದಾರೆ. ಹೀಗಾಗಿಯೇ ಸೊಸೈಟಿ ನಷ್ಟ ಅನುಭವಿಸಿದೆ’ ಎಂದು ತನುಶ್ರೀ ಗಾಂವಕರ್ ಅವರು ದೂರಿದ್ದಾರೆ. `ಇಂಥ ಅಕ್ರಮ ಅವ್ಯವಹಾರ ನಡೆದರೂ ಅಧಿಕಾರಿಗಳು ಕಾಲಕ್ಕೆ ಸರಿಯಾಗಿ ಲೆಕ್ಕ ಪರಿಶೋಧನೆ ನಡೆಸದೇ ಕರ್ತವ್ಯ ಲೋಪ ಎಸಗಿದ್ದಾರೆ’ ಎಂದವರು ಅಸಮಧಾನವ್ಯಕ್ತಪಡಿಸಿದ್ದು, ಸಹಕಾರಿ ಸಂಘಗಳ ಉಪನಿಬಂಧಕರ ವಿರುದ್ಧವೂ ತನಿಖೆಗೆ ಆಗ್ರಹಿಸಿದ್ದಾರೆ. `ತಮಗೆ ಆದ ಅನ್ಯಾಯಕ್ಕೆ ಆಶ್ರಯ ಕೋ-ಆಪರೇಟಿವ್ ಕ್ರೆಡಿಟ್ ಸೊಸೈಟಿಯ ಅಧ್ಯಕ್ಷ ಬಾಬುರಾವ ರಾಣೆ, ಮಾಜಿ ವ್ಯವಸ್ಥಾಪಕ ನೀಲೇಶ ನಾಯ್ಕ, ಉಪಾಧ್ಯಕ್ಷ ಆನಂದು ಗಾಂವಕಾರ, ನಿರ್ದೇಶಕರಾದ ದೇವಿದಾಸ ದೇಸಾಯಿ, ಗೋಪಿನಾಥ ನಾಯ್ಕ, ಕೃಷ್ಣ ನಾಯ್ಕ, ಮಂಜುನಾಥ ನಾಯ್ಕ, ರಾಮಕೇಶ ಶೇಡಗುಲ್ಕರ್, ರತ್ನಾಕರ ನಾಯ್ಕ, ರೂಪಾಲಿ ದೇಸಾಯಿ, ರೇಷ್ಮಾ ನಾಯ್ಕ, ಹಾಗೂ ಸೊಸೈಟಿ ಪ್ರತಿನಿಧಿ ಸಂಧ್ಯಾ ಗಾಂವಕರ ಕಾರಣ’ ಎಂದು ಅವರು ದೂರಿದ್ದಾರೆ. ಎಲ್ಲಾ ಆರೋಪಿತರ ವಿರುದ್ಧ ಸಮಗ್ರ ತನಿಖೆಗೆ ಒತ್ತಾಯಿಸಿದ್ದಾರೆ.
- [ಅಗ್ನಿ ಅನಾಹುತ: ಸುಟ್ಟು ಕರಕಲಾದ ಅಜ್ಜಿಯ ದಹನ!](https://mobiletime.in/2025/11/fire-disaster-grandmothers-cremation/): ಮುಂಡಗೋಡದ ಹನಮಾಪುರದಲ್ಲಿನ ಮನೆಯೊಂದಕ್ಕೆ ಬೆಂಕಿ ಬಿದ್ದಿದೆ. ಪರಿಣಾಮ ಮನೆಯೊಳಗೆ ವಾಸವಾಗಿದ್ದ ಪಕೀರವ್ವ ಆಲೂರು ಅವರು ಸುಟ್ಟು ಕರಕಲಾಗಿದ್ದಾರೆ. ಶುಕ್ರವಾರ ರಾತ್ರಿ ದಿಢೀರ್ ಆಗಿ ಮನೆಗೆ ಬೆಂಕಿ ತಗುಲಿದೆ. ಮನೆಯೊಳಗಿದ್ದ 70 ವರ್ಷದ ವೃದ್ಧೆ ಪಕೀರವ್ವ ಆಲೂರು ಹೊರಬರುವುದರೊಳಗೆ ಬೆಂಕಿ ಇಡೀ ಮನೆಗೆ ವ್ಯಾಪಿಸಿದೆ. ಬೆಂಕಿಯ ಜ್ವಾಲೆಯಲ್ಲಿ ಬೆಂದು ಪಕೀರವ್ವ ಅವರು ಕೊನೆಯುಸಿರೆಳೆದಿದ್ದಾರೆ. ಪಕೀರವ್ವ ಆಲೂರು ಅವರು ಒಂಟಿ ಮನೆಯಲ್ಲಿ ಏಕಾಂಗಿಯಾಗಿ ವಾಸವಾಗಿದ್ದರು. ಅವರ ಮನೆಗೆ ಹೇಗೆ ಬಂಕಿ ತಗುಲಿತು? ಎಂದು ಗೊತ್ತಾಗಿಲ್ಲ. ಸುಟ್ಟ ಗಾಯದ ನೋವಿನಿಂದ ನರಳುತ್ತಿದ್ದ ಅವರನ್ನು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ನಡೆಯಿತು. 108 ಆಂಬುಲೆನ್ಸ ಸಿಬ್ಬಂದಿ ಮೊದಲು ಅವರನ್ನು ಮುಂಡಗೋಡು ಆಸ್ಪತ್ರೆಗೆ ಸಾಗಿಸಿದರು. ನಂತರ ಹುಬ್ಬಳ್ಳಿಗೆ ಕರೆದೊಯ್ಯುವ ಪ್ರಯತ್ನ ನಡೆದರೂ ಅದು ಫಲ ಕೊಡಲಿಲ್ಲ. ಮನೆಗೆ ಬಿದ್ದ ಬೆಂಕಿ ನಂದಿಸಲು ಅಗ್ನಿಶಾಮಕ ಸಿಬ್ಬಂದಿ ಹರಸಾಹಸ ನಡೆಸಿದರು. ಆದರೆ, ಅಷ್ಟರೊಳಗೆ ಮನೆ ಆಹುತಿಯಾಗಿತ್ತು. ಸದ್ಯ ಅವಘಡಕ್ಕೆ ಕಾರಣ ಏನು? ಎನ್ನುವುದರ ಬಗ್ಗೆ ಚರ್ಚೆ ನಡೆದಿದೆ.
- [ದಾಂಡೇಲಿ: ನಗರ ನಿವಾಸಿಗಳಿಗೆ ಬೌ ಬೌ ಕಾಟ!](https://mobiletime.in/2025/11/dandeli-a-real-threat-to-city-residents/): ದಾಂಡೇಲಿಯ ಸೈಂಟ್ ಮೈಕಲ್ ಶಾಲೆಯ ಹತ್ತಿರ ಬೀದಿ ನಾಯಿಗಳ ಅಟ್ಟಹಾಸ ಜೋರಾಗಿದೆ. ಇಲ್ಲಿ ಸಂಚರಿಸುತ್ತಿದ್ದ ಐವರ ಮೇಲೆ ನಾಯಿಗಳ ಗುಂಪು ದಾಳಿ ನಡೆಸಿದೆ. ಶುಕ್ರವಾರ ಸಂಜೆ ವೈಷ್ಣವಿ ಮಾಲ್ವಿ ಅವರ ಮೇಲೆ ಏಕಾಏಕಿ ನಾಯಿಯೊಂದು ದಾಳಿ ಮಾಡಿತು. ನಾಯಿ ಕಚ್ಚಿದ ಪರಿಣಾಮ ವೈಷ್ಣವಿ ಅವರ ಕೈಯಿಂದ ರಕ್ತ ಸುರಿಯಲು ಶುರುವಾಯಿತು. ಅದರ ಬೆನ್ನಲ್ಲೆ ಸುಭಾಷ್ ನಗರದ ಐದು ವರ್ಷದ ಪುಟ್ಟ ಮಗುವಿನ ಮೇಲೆ ನಾಯಿಯ ಆಕ್ರಮಣ ನಡೆಯಿತು. ನಿರ್ಮಲ್ ನಗರದ ವೃದ್ಧೆ ರೋಜಿ ಡಯಾಸ್ ಅವರನ್ನು ನಾಯಿಯೊಂದು ಬೆನ್ನಟ್ಟಿ ಬಂದು ಕಚ್ಚಿತು. ಮತ್ತಿಬ್ಬರಿಗೂ ನಗರದಲ್ಲಿ ನಾಯಿ ದಾಳಿ ನಡೆದಿದ್ದು, ಎಲ್ಲರೂ ಚಿಕಿತ್ಸೆಗೆ ಒಳಗಾಗಿದ್ದಾರೆ. ಕಳೆದ ಒಂದು ವರ್ಷದಿಂದ ದಾಂಡೇಲಿ ನಗರದಲ್ಲಿ ಬೀದಿ ನಾಯಿಗಳ ಸಂಖ್ಯೆ ಹೆಚ್ಚಾಗಿದೆ. ಪದೇ ಪದೇ ಬೀಡಾಡಿ ನಾಯಿಗಳ ಆಕ್ರಮಣ ಸುದ್ದಿಯಾಗುತ್ತಿದೆ. ಆದರೂ, ನಗರಸಭೆ ಇದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಈ ಹಿನ್ನಲೆ ಜನ ಆಕ್ರೋಶವ್ಯಕ್ತಪಡಿಸಿದ್ದು, ಸ್ಥಳೀಯ ಆಡಳಿತವನ್ನು ಟೀಕಿಸಿದ್ದಾರೆ. ಸಂತಾನಹರಣ ಚಿಕಿತ್ಸೆ ನೆಪದಲ್ಲಿ ಹಣ ವೆಚ್ಚವಾದರೂ ನಾಯಿಗಳ ನಿಯಂತ್ರಣ ಆಗದ ಬಗ್ಗೆ ಪ್ರಶ್ನಿಸಿದ್ದಾರೆ. ಆಸ್ಪತ್ರೆ ಮುಂದೆ ಜಮಾಯಿಸಿದ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ.
- [ಪಹರೆಗೆ ಪ್ರಶಸ್ತಿ: ಜನಶಕ್ತಿ ವೇದಿಕೆ ಪ್ರಶಂಸೆ](https://mobiletime.in/2025/11/award-for-the-guard-janshakti-forum-praises/): ಸ್ವಚ್ಚತೆಯ ಬಗ್ಗೆ ಜನರಲ್ಲಿ ನಿರಂತರ ಅರಿವು ಮೂಡಿಸುತ್ತಿರುವ ಕಾರವಾರದ `ಪಹರೆ ವೇದಿಕೆ’ಗೆ ಇಂದಿರಾ ಪ್ರಿಯದರ್ಶಿನಿ ಪ್ರಶಸ್ತಿ ಸಿಕ್ಕಿದೆ. ಈ ಹಿನ್ನಲೆ ಪಹರೆ ಕಾರ್ಯಕರ್ತರನ್ನು ಜನಶಕ್ತಿ ವೇದಿಕೆ ಅಭಿನಂದಿಸಿದೆ. ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯಿoದ ಪುರಸ್ಕಾರಪಡೆದ ಕಾರಣ ಪಹರೆ ವೇದಿಕೆ ಅಧ್ಯಕ್ಷ ನಾಗರಾಜ ನಾಯಕ ಹಾಗೂ ಗೌರವ ಅಧ್ಯಕ್ಷ ಜಾರ್ಜ್ ಫರ್ನಾಂಡಿಸ್ ಅವರಿಗೆ ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಅವರು ಸನ್ಮಾನಿಸಿದ್ದಾರೆ. ಕಳೆದ 10 ವರ್ಷಗಳಿಂದ ಪಹರೆ ವೇದಿಕೆಯು ನಿರಂತರವಾಗಿ ಸ್ವಚ್ಛತಾ ಕಾರ್ಯ ಮಾಡಿಕೊಂಡು ಬಂದಿದ್ದು, ಜನರಲ್ಲಿ ಸ್ವಚ್ಛತೆಯ ಜಾಗೃತಿ ಮೂಡಿಸುತ್ತಿದೆ. ಈ ಕಾರಣದಿಂದ ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಸುವರ್ಣ ಮಹೋತ್ಸವದ ಹಿನ್ನಲೆ ಪಹರೆ ವೇದಿಕೆಗೆ ಇಂದಿರಾ ಪ್ರಿಯದರ್ಶಿನಿ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ. ಪಹರೆ ವೇದಿಕೆಗೆ ಪ್ರಶಸ್ತಿ ಸಿಕ್ಕಿರುವುದು ನಮ್ಮೆಲ್ಲರಿಗೂ ಹೆಮ್ಮೆ’ ಎಂದು ಜನಶಕ್ತಿ ವೇದಿಕೆಯವರು ಹೇಳಿದ್ದಾರೆ. `ಪಹರೆ ವೇದಿಕೆ 2003 ರಲ್ಲೇ ಪ್ರಾರಂಭಗೊoಡಿತ್ತು. ಆ ಸಂದರ್ಭದಲ್ಲಿ ನಾಗರಾಜ ನಾಯಕ ಅವರ ಜೊತೆ ಸಮಾನ ಮನಸ್ಕರು ಸೇರಿ ಭ್ರಷ್ಟಾಚಾರ ಮುಕ್ತ, ಅನ್ಯಾಯದ ವಿರುದ್ಧ ಹಳ್ಳಿ ಹಳ್ಳಿಗಳಲ್ಲಿ ಜಾಗೃತಿ ಮೂಡಿಸುವ ಕಾರ್ಯ ಮಾಡಿದ್ದೆವು’ ಎಂದು ಈ ವೇಳೆ ಮಾಧವ ನಾಯಕ ಅವರು ಸ್ಮರಿಸಿದರು. `2013ರಲ್ಲಿ ಅಂದಿನ ಜಿಲ್ಲಾಧಿಕಾರಿ ಉಜ್ವಲ್ ಕುಮಾರ್ ಘೋಷ್ ಅವರಿಂದ ಸ್ವಚ್ಚತಾ ಆಂದೋಲನ ಶುರು ಮಾಡಿದ ಪಹರೆ ವೇದಿಕೆ ನಿರಂತರವಾಗಿ ಸ್ವಚ್ಛತಾ ಕಾರ್ಯ ಮಾಡಿಕೊಂಡು ಬರುತ್ತಿದೆ. ಜನರನ್ನೆಲ್ಲ ಒಗ್ಗೂಡಿಸಿ ಸಾಮಾಜಿಕ ಕಾರ್ಯ ಮಾಡುವುದೆಂದರೆ ಸುಲಭದ ಕೆಲಸವಲ್ಲ. ನಾಗರಾಜ ನಾಯಕ ಅವರು ವಕೀಲರಾಗಿಯೂ ಕಾರ್ಯದ ಒತ್ತಡಗಳ ನಡುವೆಯೂ ಪಹರೆ ವೇದಿಕೆಯನ್ನು ಇಷ್ಟು ದೊಡ್ಡ ಹೆಮ್ಮರವಾಗಿ ಕಟ್ಟಿ ಬೆಳೆಸಿದ್ದು ಶ್ಲಾಘನೀಯ’ ಎಂದು ಮಾಧವ ನಾಯಕ ಅವರು ಹೇಳಿದರು. ಪಹರೆ ವೇದಿಕೆ ಗೌರವ ಅಧ್ಯಕ್ಷರಾದ ಜಾರ್ಜ್ ಫರ್ನಾಂಡಿಸ್ ಅವರಿಗೆ `ಯಶಸ್ವಿ ಉದ್ಯಮಿ’ ಪ್ರಶಸ್ತಿಯೂ ಲಭಿಸಿದ್ದಕ್ಕೆ ಈ ವೇಳೆ ಅವರು ಶುಭಕೋರಿದರು. ಕರಾವಳಿ ಮುಂಜಾವು ಪ್ರಧಾನ ಸಂಪಾದಕರಾದ ಗಂಗಾಧರ ಹಿರೇಗುತ್ತಿ, ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷರಾದ ಟಿ ಬಿ ಹರಿಕಾಂತ, ಪ್ರಮುಖರಾದ ರಾಮ ನಾಯ್ಕ, ಬಾಬು ಶೇಖ್, ಸೂರಜ್ ಕುರೂಮಕರ್, ಸುರೇಶ್ ನಾಯ್ಕ, ಶಿವಾನಂದ ನಾಯ್ಕ, ಖೈರನುಸಾ ಶೇಖ್, ಕಾಶೀನಾಥ್ ನಾಯ್ಕ ಇತರರು ಸಾಧಕರಿಗೆ ಶುಭಕೋರಿದರು.
- [ಅರಬೈಲ್ ಘಟ್ಟ: ದೇಗುಲದ ಎದುರು ಸ್ಪಿರಿಟ್ ಹವನ!](https://mobiletime.in/2025/11/arabail-ghat-spirit-havan-in-front-of-the-temple/): ಯಲ್ಲಾಪುರದ ಅರಬೈಲ್ ಘಟ್ಟ ಪ್ರದೇಶದಲ್ಲಿ ಶನಿವಾರ ಸಂಚರಿಸುತ್ತಿದ್ದ ಟ್ಯಾಂಕರೊoದು ಹೊತ್ತಿ ಉರಿದಿದೆ. ಬೆಂಕಿ ಕಂಡ ತಕ್ಷಣ ಚಾಲಕ ಟ್ಯಾಂಕರಿನಿoದ ಹಾರಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಆoದ್ರಪ್ರದೇಶದ ಕರನೂಲಿನ ಶ್ರೀನಿವಾಸ ರೆಡ್ಡಿ ಅವರು ಸ್ಪಿರಿಟ್ ತುಂಬಿದ ಟ್ಯಾಂಕರ್ ಓಡಿಸುತ್ತಿದ್ದರು. ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಅವರು ಟ್ಯಾಂಕರ್ ಓಡಿಸಿಕೊಂಡು ಬಂದಿದ್ದರು. ಯಲ್ಲಾಪುರ ಪಟ್ಟಣದಲ್ಲಿ ನಿಧಾನವಾಗಿ ಚಲಿಸಿದ ಟ್ಯಾಂಕರ್ ಅರಬೈಲು ಪ್ರವೇಶಿಸುತ್ತಲೇ ವೇಗಪಡೆಯಿತು. ಪರಿಣಾಮ ಅರಬೈಲ್ ಇಳಿಜಾರಿನ ಮಾರುತಿ ದೇವಸ್ಥಾನದ ಎದುರು ಆ ಟ್ಯಾಂಕರ್ ಚಾಲಕನ ನಿಯಂತ್ರಣ ತಪ್ಪಿತು. ಟ್ಯಾಂಕರ್ ನೇರವಾಗಿ ಹೆದ್ದಾರಿ ಅಂಚಿನ ಮರಕ್ಕೆ ಡಿಕ್ಕಿ ಹೊಡೆಯಿತು. ಆ ವೇಳೆ ನಡೆದ ಘರ್ಷಣೆಗೆ ಸಣ್ಣ ಬೆಂಕಿ ಕಿಡಿಯೊಂದು ಉದ್ಬವಿಸಿದ್ದು, ಅದೇ ಕಿಡಿ ದೊಡ್ಡ ಜ್ವಾಲೆಯಾಯಿತು. ಕ್ಷಣಮಾತ್ರದಲ್ಲಿ ಇಡೀ ಟ್ಯಾಂಕರ್ ಹೊತ್ತಿ ಉರಿಯಿತು. ಟ್ಯಾಂಕರ್ ಒಳಗಿದ್ದ ಸ್ಪಿರಿಟ್ ಸಹ ಜ್ವಾಲೆಯ ಪ್ರಮಾಣವನ್ನು ಹೆಚ್ಚಿಸಿದ್ದು, ಬೆಂಕಿ ಕಂಡ ತಕ್ಷಣ ಚಾಲಕ ಶ್ರೀನಿವಾಸ ರೆಡ್ಡಿ ಟ್ಯಾಂಕರಿನಿoದ ಕೆಳಗೆ ಹಾರಿದರು. ಟ್ಯಾಂಕರಿಗೆ ಬೆಂಕಿ ಬಿದ್ದ ವಿಷಯ ಅರಿತು ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ದೌಡಾಯಿಸಿದರು. ಯಲ್ಲಾಪುರ ಪೊಲೀಸರು ವೇಗವಾಗಿ ಅಲ್ಲಿಗೆ ತೆರಳಿದರು. ಬೆಂಕಿ ಆರಿಸುವ ಪ್ರಯತ್ನ ಮಾಡಿದರೂ ಸ್ಪಿರಿಟ್ ಇದ್ದ ಕಾರಣ ಲಾರಿ ಹೊತ್ತಿ ಉರಿಯಿತು. ಸ್ಪಿರಿಟ್ ಸಂಪೂರ್ಣವಾಗಿ ನಾಶವಾದ ನಂತರ ಬೆಂಕಿ ನಿಯಂತ್ರಣಕ್ಕೆ ಬಂದಿತು.
- [2025ರ ನವೆಂಬರ್ 15ರ ದಿನ ಭವಿಷ್ಯ](https://mobiletime.in/2025/11/prediction-for-november-15-2025/): ಮೇಷ ರಾಶಿ: ಹಳೆ ಕೆಲಸಗಳು ಪೂರ್ಣವಾಗಲಿದೆ. ಸ್ನೇಹಿತರಿಂದ ಸಹಾಯ ಸಿಗಲಿದೆ. ಆರ್ಥಿಕ ವಿಷಯದಲಿ ಅಭಿವೃದ್ಧಿ ಸಾಧ್ಯವಿದೆ. ಆರೋಗ್ಯದಲ್ಲಿ ಸುಧಾರಣೆ ಆಗಲಿದೆ. ವೃಷಭ ರಾಶಿ: ಬುದ್ದಿವಂತರ ಬಳಿ ಮಾತನಾಡಿದರೆ ವಿಚಾರ ಬೆಳೆದೀತು. ಸಾವಧಾನದಿಂದ ಕೆಲಸ ಮಾಡುವುದು ಮುಖ್ಯ. ಬೇರೆಯವರ ಸಲಹೆಪಡೆದರೂ ಸಹ ನಿಮ್ಮ ಬದುಕಿನ ನಿರ್ಧಾರ ನೀವೇ ತೆಗೆದುಕೊಳ್ಳಿ. ಮಿಥುನ ರಾಶಿ: ಶ್ರಮದಿಂದ ಕೆಲಸ ಮಾಡುವುದು ಅಗತ್ಯ. ಮನೆಯಲ್ಲಿ ನೆಮ್ಮದಿ, ಆರ್ಥಿಕ ಸುಧಾರಣೆ ಕಾಣಲಿದೆ. ಮೇಲಧಿಕಾರಿಗಳ ಜೊತೆ ಜಗಳ ಬೇಡ. ಹಿರಿಯರ ಮಾತು ಗೌರವಿಸಿ. ಕರ್ಕ ರಾಶಿ: ಪರೀಕ್ಷೆಯಲ್ಲಿ ಗೆಲುವು ಸಾಧ್ಯವಿದೆ. ಸ್ನೇಹಿತರಿಂದ ಸಿಹಿ ಸುದ್ದಿ ಬರಲಿದೆ. ಹಿತಕರ ವಾತಾವರಣದಲ್ಲಿ ಜೀವಿಸುವಿರಿ. ಆರೋಗ್ಯ ಸುಧಾರಣೆಯಾಗುತ್ತದೆ. ಸಿಂಹ ರಾಶಿ: ನಿಮ್ಮೊಳಗಿನ ಆತ್ಮವಿಶ್ವಾಸ ಹೆಚ್ಚಿಸುತ್ತದೆ. ಹೊಸ ಪರಿಚಯಗಳು ಸಿಗಲಿದೆ. ಒಳ್ಳೆಯ ಸುದ್ದಿ ಸಿಗಲಿದೆ. ನೌಕರಿಯಲ್ಲಿ ಸುಧಾರಣೆ ಆಗಲಿದೆ. ಕನ್ಯಾ ರಾಶಿ: ಹಳೆ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಹೊಂದಾಣಿಕೆಯಿAದ ಸಾಧನೆ ಸಾಧ್ಯವಿದೆ. ಆರ್ಥಿಕವಾಗಿ ಲಾಭ ಸಿಗಲಿದೆ. ಯೋಜನೆಗಳು ಯಶಸ್ವಿಯಾಗಲಿದೆ. ತುಲಾ ರಾಶಿ: ಹಳೆಯ ಪ್ರಸ್ತಾಪಗಳು ಮುನ್ನೆಲೆಗೆ ಬರಲಿದೆ. ಮೈತ್ರಿ ಸಂಬAಧಗಳು ಗಟ್ಟಿಗೊಳ್ಳುತ್ತವೆ. ಸಮಾಧಾನ ಅಗತ್ಯವಿದೆ. ಕುಟುಂಬದ ಕನಸು ಈಡೇರಲಿದೆ. ವೃಶ್ಚಿಕ ರಾಶಿ: ಆರ್ಥಿಕ ಲಾಭ ಸಾಧ್ಯವಿದೆ. ಹೊಸ ಸ್ನೇಹಿತರ ಪರಿಚಯವಾಗಲಿದೆ. ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದೀರಿ. ಮಾನಸಿಕ ನೆಮ್ಮದಿ ಸಿಗುತ್ತದೆ. ಧನು ರಾಶಿ: ಹೊಸ ಅವಕಾಶ ಬರಲಿದೆ. ಮಹತ್ವದ ನಿರ್ಧಾರಗಳನ್ನು ಮಾಡಬೇಡಿ. ಗುರಿ ತಲುಪಲು ಪ್ರಯತ್ನ ಮಾಡಿ. ವ್ಯಾಪಾರದಲ್ಲಿ ತೃಪ್ತಿ ಆಗಲಿದೆ. ಮಕರ ರಾಶಿ: ಕುಟುಂಬದಲ್ಲಿ ಒಗ್ಗಟ್ಟಿನ ಬಲ ಸಿಗಲಿದೆ. ಪರೀಕ್ಷೆಯಲ್ಲಿ ಒಳ್ಳೆಯದಾಗಲಿದೆ. ಹೊಸ ಯೋಜನೆ ಯಶಸ್ವಿಯಾಗಲಿದೆ. ದೂರ ಪ್ರಯಾಣ ಸಾಧ್ಯವಿದೆ. ಕುಂಭ ರಾಶಿ: ವ್ಯವಹಾರದಲ್ಲಿ ಮುನ್ನಡೆ ಆಗಲಿದೆ. ಪ್ರೀತಿಯ ಮಾತುಗಳು ಕಿವಿಗೆ ಬರುತ್ತದೆ. ಆರೋಗ್ಯದ ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ಪ್ರಯತ್ನಗಳು ಫಲ ನೀಡಲಿದೆ. ಮೀನ ರಾಶಿ: ಅನಾರೋಗ್ಯದಿಂದ ದೂರವಾಗಲಿದೆ. ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಚಿಂತೆ ಕಡಿಮೆ ಆಗಲಿದೆ.
- [ಉದ್ಯೋಗ ಮಾಹಿತಿ: ವಿಕಲಚೇತನರಿಗೆ ವಿಶೇಷ ಆದ್ಯತೆ!](https://mobiletime.in/2025/11/job-information-special-preference-for-the-disabled/): ಉತ್ತರ ಕನ್ನಡ ಜಿಲ್ಲೆಯ ವಿಕಲಚೇತನರ ಹಾಗೂ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆ ಅಡಿ ಕಾರ್ಯ ನಿರ್ವಹಿಸಲು ಯೋಗ್ಯ ಅಭ್ಯರ್ಥಿಗಳ ಹುಡುಕಾಟ ನಡೆದಿದೆ. ಗ್ರಾಮೀಣ ಹಾಗೂ ನಗರ ಪುನರ್ವಸತಿ ಕಾರ್ಯಕರ್ತರ ಖಾಲಿ ಹುದ್ದೆ ಭರ್ತಿ ಮಾಡುವುದಕ್ಕಾಗಿ ಸದ್ಯ ಅರ್ಜಿ ಆಹ್ವಾನಿಸಲಾಗಿದೆ. ಕಾರವಾರ ತಾಲೂಕಿನ ಕೆರವಡಿ, ಕಾರವಾರ ನಗರಸಭೆ, ಹೊನ್ನಾವರ ತಾಲೂಕಿನ ಹೊಸಕುಳಿ, ಭಟ್ಕಳ ತಾಲೂಕಿನ ಬೆಳಕೆ, ಶಿರಸಿ ತಾಲೂಕಿನ ಇಟಗುಳಿ ಮತ್ತು ಹುತ್ಗಾರದಲ್ಲಿ ಉದ್ಯೋಗ ಅವಕಾಶಗಳಿವೆ. ಸಿದ್ದಾಪುರ ತಾಲೂಕಿನ ಬಿಳಗಿ ಮತ್ತು ಹೆಗ್ಗರಣೆ, ಹಳಿಯಾಳ ಪುರಸಭೆ, ಜೋಯಿಡಾ ತಾಲೂಕಿನ ಅಖೇತಿ ಹಾಗೂ ಆವೇಡಾ ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತರ ಹುದ್ದೆಗೆ ಹುಡುಕಾಟ ನಡೆದಿದೆ. ಶೇ 40ರಷ್ಟು ವಿಕಲಚೇತನರಾಗಿರುವವರಿಗೆ ಈ ಉದ್ಯೋಗದಲ್ಲಿ ಮೊದಲ ಆದ್ಯತೆ ಕೊಡಲಾಗುತ್ತದೆ. ಭಾಗಶಃ ಅಂಧರು ಹಾಗೂ ಶ್ರವಣದೋಷ ಇದ್ದವರ ಜೊತೆ ದೈಹಿಕ ಅಂಗವಿಕಲರಿಗೆ ಸಹ ಉದ್ಯೋಗದಲ್ಲಿ ಮೀಸಲಾಯಿ ಇದೆ. ಅರ್ಜಿ ಸಲ್ಲಿಸುವವರು ಸ್ಥಳೀಯರಾದರೆ ಇನ್ನಷ್ಟು ಅನುಕೂಲ. 18-45 ವರ್ಷದ ವಯೋಮಿತಿ ಹೊಂದಿರುವ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಪಾಸಾಗಿರುವವರು ಅರ್ಜಿ ಸಲ್ಲಿಸಲು ಅರ್ಹರು. ಎಲ್ಲಾ ತಾಲೂಕಿನಲ್ಲಿರುವ ಶಿಶು ಅಭಿವೃದ್ಧಿ ಯೋಜೆ ಕಚೇರಿಯಲ್ಲಿನ ಹಾಗೂ ತಾಲೂಕು ಪಂಚಾಯತದ ವಿವಿದ್ದೊದ್ದೇಶ ಪುನರ್ವಸತಿ ಕಾರ್ಯಕರ್ತರು ಈ ಉದ್ಯೋಗದ ಅರ್ಜಿ ತುಂಬಲು ನೆರವಾಗುತ್ತಾರೆ. ಆಸಕ್ತರು ಅರ್ಹತೆಯ ಅನುಗುಣವಾಗಿ ಅರ್ಜಿಗಳನ್ನು ಭರ್ತಿ ಮಾಡಿ ಡಿಸೆಂಬರ್ 1ರ ಒಳಗೆ ಕಾರವಾರದ ವಿಕಲಚೇತನರ ಕಚೇರಿಗೆ ಕಳುಹಿಸಬೇಕಿದೆ. ಅರ್ಜಿ ಕಳುಹಿಸಬೇಕಾದ ವಿಳಾಸ: ರಾಘವೇಂದ್ರ ಜಿ ಭಟ್ಟ, ಹಿರಿಯ ನಾಗರಿಕರ ಸಬಲೀಕರಣಾಧಿಕಾರಿ ಜಿಲ್ಲಾ ವಿಕಲಚೇತನರ ಹಾಗೂ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆ, ಕಾರವಾರ (ಉ.ಕ)
- [ಸಾವಿರ ಜನ ಸೇರಿದರೂ ಶಾಂತಿಯುತ ಹೋರಾಟ](https://mobiletime.in/2025/11/peaceful-protest-even-with-thousands-of-people-present/): `ಸಂಘಟಿತ ಹೋರಾಟದ ಫಲವಾಗಿ ಶಿರಸಿಯಲ್ಲಿ ಅರಣ್ಯ ಅತಿಕ್ರಮಣದಾರರು ಶಾಂತಿಯುತ ಪ್ರತಿಭಟನೆ ನಡೆಸಿದ್ದು, ಅರಣ್ಯವಾಸಿಗಳಿಗೆ ನ್ಯಾಯ ಸಿಗಲು ಇನ್ನಷ್ಟು ಗಟ್ಟಿ ಹೋರಾಟ ಅಗತ್ಯ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. ಶಿರಸಿಯಲ್ಲಿ ಕಾರ್ಯಕರ್ತರ ಸಭೆ ನಡೆಸಿದ ಅವರು ಭೂಮಿ ಹಕ್ಕಿಗಾಗಿ ಕಳೆದ 34 ವರ್ಷದಿಂದ ನಡೆದ ಹೋರಾಟದ ಹಾದಿಯನ್ನು ಸ್ಮರಿಸಿದ್ದಾರೆ. `ಅರಣ್ಯ ಜಿಲ್ಲೆಯಾಗಿರುವ ಉತ್ತರ ಕನ್ನಡದಲ್ಲಿ ಅರಣ್ಯವಾಸಿಗಳು ಜಿಲ್ಲೆಯ ಅವಿಭಾಜ್ಯ ಅಂಗ. ಅರಣ್ಯಾವಾಸಿಗಳ ಬದುಕು ಇಲ್ಲದೇ ಅರಣ್ಯವಿಲ್ಲ. ಅರಣ್ಯವಿಲ್ಲದೇ, ಅರಣ್ಯವಾಸಿಗಳು ಬದುಕಲು ಸಾದ್ಯವಿಲ್ಲ’ ಎಂದವರು ಹೇಳಿದ್ದಾರೆ. `ಅರಣ್ಯ ಅತಿಕ್ರಮಣದಾರರ ಹೋರಾಟವು ಉದ್ವೇಗ, ಗಲಾಟೆ, ದೊಂಬಿ, ಹಿಂಸಾಚಾರ, ಕಾನೂನುಬಾಹಿರ ಪ್ರತಿಭಟನೆರಹಿತವಾಗಿದೆ. ಸಾವಿರಾರು ಜನ ಸೇರಿದರೂ ಸಂಘರ್ಷಕ್ಕೆ ಅವಕಾಶವಿಲ್ಲದೇ ಹೋರಾಟ ನಡೆಯುತ್ತಿದೆ. ಕಾರ್ಯಕರ್ತರಿಗೆ ನೀಡಿದ ಕಾನೂನು ಜ್ಞಾನ ತರಬೇತಿ ಹೋರಾಟದ ಪ್ರಬುದ್ದತೆ ಹೆಚ್ಚಿಸಲು ಕಾರಣವಾಗಿದೆ’ ಎಂದವರು ಅನಿಸಿಕೆವ್ಯಕ್ತಪಡಿಸಿದ್ದಾರೆ. `ಕಾನೂನುಬಾಹಿರವಾಗಿ ಅರಣ್ಯ ಭೂಮಿಯಲ್ಲಿ ಪರವಾನಿಗೆ ಇಲ್ಲದೇ ವಾಸ್ತವ್ಯ ಮತ್ತು ಸಾಗುವಳಿಗೆ ಇತ್ತೀಚಿನ ಕಾನೂನುನಲ್ಲಿ ಅವಕಾಶವಿಲ್ಲ. ಇರುವಂತ ಕಾನೂನಿನಲ್ಲಿ ಭೂಮಿ ಹಕ್ಕಿಗೆ ಪರಿಹಾರ ದೊರಕಿಲ್ಲ. ಶಾಶ್ವತ ಅರಣ್ಯ ಭೂಮಿ ಹಕ್ಕು ಪಡೆಯಲು ಅರಣ್ಯವಾಸಿಗಳಿಗೆ ಕಾನೂನು ಮರಿಚಿಕೆಯಾಗಿದೆ. ಅರಣ್ಯ ಭೂಮಿಯ ಮಂಜೂರಿಗೆ ರಾಜಕೀಯ ಇಚ್ಚಾಶಕ್ತಿಯ ಕೊರತೆ ಕಾಣುತ್ತಿದೆ’ ಎಂದವರು ಹೇಳಿದ್ದಾರೆ.
- [ಸೈಕಲ್ ಸವಾರನಿಗೂ ಹೆಲ್ಮೆಟ್ ಕಡ್ಡಾಯ!](https://mobiletime.in/2025/11/helmets-are-mandatory-for-cyclists-too/): ಬೈಕ್ ಸವಾರರಿಗೆ ಹೆಲ್ಮೆಟ್ ಕಡ್ಡಾಯದ ಬಗ್ಗೆ ಪೊಲೀಸರು ಜಾಗೃತಿ ಮೂಡಿಸಿದ್ದು, ಅದರಿಂದ ಪ್ರೇರೇಪಿತರಾದ ಗೋಕರ್ಣದ ಶ್ರೀಧರ ಶೆಟ್ಟಿ ಅವರು ಸೈಕಲ್ ಸವಾರಿ ನಡೆಸುವಾಗಲೂ ಹೆಲ್ಮೆಟ್ ಧರಿಸುತ್ತಿದ್ದಾರೆ! ಗೋಕರ್ಣದ ಗಂಜಿಗದ್ದೆ ಬಳಿಯ ಚಕ್ರಮನೆ ಓಣಿಯ ಶ್ರೀಧರ ಶೆಟ್ಟಿ ಅವರು ರಥಬೀದಿಯಲ್ಲಿ ಸದ್ಗುರು ಹೊಟೇಲ್ ನಡೆಸುತ್ತಾರೆ. ಮೊದಲಿನಿಂದಲೂ ಸೈಕಲ್ ಸವಾರಿ ಎಂದರೆ ಅವರಿಗೆ ಅಚ್ಚುಮೆಚ್ಚು. ತುರ್ತು ಕಾರ್ಯದ ಓಡಾಟಕ್ಕೆ ಮಾತ್ರ ಬೈಕ್ ಬಳಸುವ ಅವರು ನಿತ್ಯದ ಓಡಾಟಕ್ಕೆ ಸೈಕಲ್ ಓಡಿಸುವುದೇ ಹೆಚ್ಚು. ಬೈಕ್ ಓಡಿಸುವಾಗ ಬೇಕು ಎಂದು ಖರೀದಿಸಿದ ಹೆಲ್ಮೆಟ್’ನ್ನು ಅವರು ಇದೀಗ ಸೈಕಲ್ ಓಡಿಸುವಾಗಲೂ ಬಳಸುತ್ತಿದ್ದಾರೆ. ಸೈಕಲ್ ಓಡಿಸುವಾಗ ಹೆಲ್ಮೆಟ್ ಧರಿಸಿದ ವ್ಯಕ್ತಿಯನ್ನು ಗೋಕರ್ಣಕ್ಕೆ ಬರುವ ಜನ ಅಚ್ಚರಿಯಿಂದ ನೋಡುತ್ತಿದ್ದಾರೆ! ಪರಿಸರ ಸ್ನೇಹಿ ಸೈಕಲ್ ಬಳಸುವಂತೆ ಜನರಲ್ಲಿ ಅರಿವು ಮೂಡಿಸುವುದರ ಜೊತೆ `ಜೀವ ರಕ್ಷಣೆಗೆ ಹೆಲ್ಮೆಟ್ ಅಗತ್ಯ’ ಎಂಬುದನ್ನು ಸಾರುವುದಕ್ಕಾಗಿ ಶ್ರೀಧರ ಶೇಟ್ ಅವರು ಈ ಕೆಲಸ ಮಾಡುತ್ತಿದ್ದಾರೆ. ಶ್ರೀಧರ ಶೇಟ್ ಅವರು ಹೆಲ್ಮೆಟ್ ಬಳಸಿ ಸೈಕಲ್ ಓಡಿಸುವ ವಿಡಿಯೋ ವಾಟ್ಸಪ್ ಗುಂಪುಗಳಲ್ಲಿಯೂ ಪ್ರಸಿದ್ಧಿಪಡೆದಿದೆ.`ಹೊಂಡ ಬಿದ್ದ ರಸ್ತೆಯಲ್ಲಿ ಸಂಚರಿಸುವಾಗ ರಕ್ಷಣೆಗಾಗಿ ಸೈಕಲ್ ಸವಾರರು ಹೆಲ್ಮೆಟ್ ಧರಿಸುವುದು ಅನಿವಾರ್ಯ’ ಎಂದು ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಒಟ್ಟಿನಲ್ಲಿ ಸೈಕಲ್ ಶೆಟ್ಟಿ ಅವರ ಈ ಸಾಹಸ ಜನರ ಚಚೆಯ ವಿಷಯವಾಗಿದೆ.
- [ಇದು ಸುಳ್ಳು ಸುದ್ದಿ!](https://mobiletime.in/2025/11/this-is-fake-news/): ಸಾಲು ಮರದ ತಿಮ್ಮಕ್ಕ ಅವರ ನಿಧನದ ಹಿನ್ನಲೆ ರಾಜ್ಯದ ಎಲ್ಲಾ ಶಾಲಾ ಕಾಲೇಜುಗಳಿಗೆ ರಜೆ ಘೋಷಿಸಿದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸರ್ಕಾರದ ಆದೇಶ ಹರಿದಾಡುತ್ತಿದೆ. ಆದರೆ, ಇದು ಸರ್ಕಾರದ ಅಧಿಸೂಚನೆಯೇ ಅಲ್ಲ! ನವೆಂಬರ್ 14ರಂದು ಪದ್ಮಶ್ರೀ ಪುರಸ್ಕೃತ ಸಾಲು ಮರದ ತಿಮ್ಮಕ್ಕ ಅವರು ನಿಧನರಾಗಿದ್ದಾರೆ. 114 ವರ್ಷಗಳ ಕಾಲ ಜೀವಿಸಿದ ಅವರು ಸಾವಿರಾರು ಮರಗಳನ್ನು ನೆಟ್ಟು ಪೋಷಿಸಿದ್ದು, ಅವರ ಸೇವೆಯ ಸ್ಮರಣಾರ್ಥ ಸರ್ಕಾರ ಸಂತಾಪ ವ್ಯಕ್ತಪಡಿಸಿದೆ. ಜೊತೆಗೆ ಈ ಬಗ್ಗೆ ಸರ್ಕಾರದ ಅಧೀನ ಕಾರ್ಯದರ್ಶಿ ಬಾಣದರಂಗಯ್ಯ ಎನ್ ಆರ್ ಅವರು ಅಧಿಸೂಚನೆ ಹೊರಡಿಸಿದ್ದು, ಸಕಲ ಸರ್ಕಾರಿ ಗೌರವದೊಂದಿಗೆ ಅಂತ್ಯಕ್ರಿಯೆ ನೆರವೇರಿಸಲು ಆದೇಶಿಸಿದ್ದಾರೆ. ಆದರೆ, ಈ ನಡುವೆ ಸರ್ಕಾರದ ಉಪಕಾರ್ಯದರ್ಶಿ ಹೆಸರಿನಲ್ಲಿ ಇನ್ನೊಂದು ಅಧಿಸೂಚನೆ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಆ ಅಧಿಸೂಚನೆಯಲ್ಲಿ ರಾಜ್ಯದ ಎಲ್ಲಡೆ ಸರ್ಕಾರಿ ಕಚೇರಿ ಹಾಗೂ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಿಸಿದ ಬಗ್ಗೆ ನಮೂದಿಸಲಾಗಿದೆ. ಆದರೆ, `ಈ ಅಧಿಸೂಚನೆಯನ್ನು ಸರ್ಕಾರ ಹೊರಡಿಸಿಲ್ಲ’ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ರಜೆ ಘೋಷಿಸಿ ಕಿಡಿಗೇಡಿಗಳು ಹೊರಡಿಸಿದ ಅಧಿಸೂಚನೆ ಹರಿದಾಡುತ್ತಿದ್ದು, ಶನಿವಾರ ಶಾಲಾ-ಕಾಲೇಜಿಗೆ ರಜೆ ಇಲ್ಲ. ಈ ಬಗ್ಗೆ ಕಾರವಾರ ಶೈಕ್ಷಣಿಕ ಜಿಲ್ಲೆಯ ಉಪನಿರ್ದೇಶಕಿ ಲತಾ ನಾಯಕ ಅವರು ಸಹ ಸ್ಪಷ್ಟಪಡಿಸಿದ್ದಾರೆ. `ಶಾಲಾ ಕಾಲೇಜಿಗೆ ರಜೆ ಎನ್ನವ ಬಗ್ಗೆ ಸರ್ಕಾರದ ಹೆಸರಿನಲ್ಲಿ ಪತ್ರ ಹರಿದಾಡುತ್ತಿದ್ದು, ಅದರಲ್ಲಿ ಸತ್ಯಾಂಶವಿಲ್ಲ. ಶನಿವಾರ ಶಾಲಾ-ಕಾಲೇಜುಗಳು ಎಂದಿನoತೆ ನಡೆಯಲಿದೆ’ ಎಂದು ಲತಾ ನಾಯಕ ಅವರು ಹೇಳಿದ್ದಾರೆ. ನಕಲಿ ಅಧೀಸೂಚನೆಯಲ್ಲಿ ಬಳಸಲಾದ ಅಕ್ಷರಗಳ ಪಾಂಟ್ ಅಧಿಕೃತ ಅಧಿಸೂಚನೆಗಿಂತ ಬಿನ್ನವಾಗಿದೆ. ಜೊತೆಗೆ ಅಧಿಸೂಚನೆಯಲ್ಲಿ ಹಾಕಿದ ಪ್ರತಿಗಳು ಸಹ ಸಂಬoಧವಿಲ್ಲದವರಿಗೆ ರವಾನಿಸಿದ ರೀತಿಯಿದ್ದು, ಸರ್ಕಾರಿ ಅಧಿಸೂಚನೆಯನ್ನು ಕಿಡಿಗೇಟಿಗಳು ಎಡಿಟ್ ಮಾಡಿ ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದಾರೆ. `ಸುಳ್ಳು ಸುದ್ದಿ ಡಿಲಿಟ್ ಮಾಡಿ. ಸತ್ಯವನ್ನು ಶೇರ್ ಮಾಡಿ’    
- [ಅಣು ವಿದ್ಯುತ್ ಘಟಕದಿಂದ ಅಣಕು ಕಾರ್ಯಾಚರಣೆ](https://mobiletime.in/2025/11/mock-operation-from-nuclear-power-plant/): `ಡಿಸೆಂಬರ್ 11ರಂದು ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ತುರ್ತು ಸನ್ನಿವೇಶದ ಅಣಕು ಕಾರ್ಯಾಚರಣೆ ನಡೆಯಲಿದ್ದು, ಎಲ್ಲಾ ಇಲಾಖೆಯವರು ಪರಸ್ಪರ ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕು’ ಎಂದು ಡೀಸಿ ಕೆ ಲಕ್ಷ್ಮೀಪ್ರಿಯಾ ಸೂಚಿಸಿದ್ದಾರೆ. ಶುಕ್ರವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಸಭೆ ನಡೆಸಿದ ಅವರು `ದೈನಂದಿನ ಸಾರ್ವಜನಿಕ ವ್ಯವಸ್ಥೆಗೆ ಯಾವುದೇ ಅಡಚಣೆಯಾಗದಂತೆ ಅಣಕು ಕಾರ್ಯಾಚರಣೆ ನಡೆಸಬೇಕು’ ಎಂದು ಹೇಳಿದ್ದಾರೆ. `ಆರೋಗ್ಯ ಇಲಾಖೆ ,ಕಂದಾಯ ಇಲಾಖೆ, ಅಗ್ನಿಶಾಮಕ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಅಧಿಕಾರಿಗಳು ತಮಗೆವಹಿಸಲಾದ ಜವಾಬ್ದಾರಿಗಳನ್ನು ಸರಿಯಾಗಿ ನಿಭಾಯಿಸಬೇಕು. ಕಾರ್ಯಚರಣೆಗೆ ಅಗತ್ಯವಿರುವ ವಾಹನಗಳ ವ್ಯವಸ್ಥೆಯನ್ನು ಸಾರಿಗೆ ಇಲಾಖೆಯವರು ಮಾಡಬೇಕು. ಪೊಲೀಸ್ ಇಲಾಖೆವತಿಯಿಂದ ಕಾಯಾಚರಣೆ ನಡೆಯುವ ವ್ಯಾಪ್ತಿಯ ಪ್ರದೇಶಗಳಲ್ಲಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕು. ಅಣಕು ಕಾರ್ಯಚರಣೆಯಾದರೂ ಅಂತಿಮದಲ್ಲಿ ಕಾರ್ಯಚರಣೆಯ ಎಲ್ಲಾ ಹಂತದ ಕುರಿತು ಪರಾಮರ್ಶೆ ನಡೆಯಲಿದ್ದು, ಯಾವುದೇ ಹಂತದಲ್ಲಿ ಲೋಪಗಳು ಸಂಭವಿಸದAತೆ ಎಚ್ಚರವಹಿಸಬೇಕು’ ಎಂದು ಸೂಚಿಸಿದರು. `ವಿಪತ್ತು ಸಂಭವಿಸಿದಾಗ ನೈಜ ಸಂದರ್ಭದಲ್ಲಿ ಕಾರ್ಯನಿರ್ವಹಿಸುವ ರೀತಿಯಲ್ಲಿ ಎಲ್ಲಾ ಇಲಾಖೆಗಳ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು ತ್ವರಿತವಾಗಿ ನಿಗಧಿತ ಸಮಯದಲ್ಲಿ ತಮ್ಮ ಜವಾಬ್ದಾರಿಗಳನ್ನು ನಿರ್ವಹಿಸಬೇಕು’ ಎಂದು ನಿರ್ದೇಶನ ನೀಡಿದರು. ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ದಿಲೀಷ್ ಶಶಿ, ಉಪವಿಭಾಗಾಧಿಕಾರಿ ಶ್ರವಣ ಕುಮಾರ್, ಡಿಎಫ್‌ಓ. ರವಿಶಂಕರ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಕೃಷ್ಣಮೂರ್ತಿ, ಕೈಗಾದ ಹಿರಿಯ ಅಧಿಕಾರಿಗಳಾದ ಅಮೋಲ್ ಶುಕ್ಲಾ, ಚಿತ್ತರಂಜನ್ ಇತರರಿದ್ದರು.
- [ಸರ್ಕಾರಿ ಬಸ್ಸು: ಪ್ರಯಾಣಿಕನ ತಲೆ ಒಡೆದ ಕೊನೆಯ ಸೀಟು!](https://mobiletime.in/2025/11/government-bus-passengers-head-smashed-in-last-seat/): ಹುಬ್ಬಳ್ಳಿ – ಅಂಕೋಲಾ ಮಾರ್ಗವಾಗಿ ಸಂಚರಿಸುವ ಸರ್ಕಾರಿ ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ ಅಂಕೋಲಾ ಕಮ್ಮಾಣಿಯ ನಾಗಪ್ಪ ಸಿದ್ದಿ ಅವರು ಬಸ್ಸಿನ ವೇಗಕ್ಕೆ ತಲೆಗೆ ಪೆಟ್ಟು ಮಾಡಿಕೊಂಡಿದ್ದಾರೆ. ಕೊಡ್ಲಗದ್ದೆ ತಿರುವಿನಲ್ಲಿ ಅವರ ತಲೆ ಬಸ್ಸಿನ ತಲೆಭಾಗಕ್ಕೆ ಬಡಿದಿದೆ. ಶುಕ್ರವಾರ ಮಧ್ಯಾಹ್ನ 1.30ರ ವೇಳೆಗೆ ಗದಗ ಘಟಕದ ಗದಗ-ಹುಬ್ಬಳ್ಳಿ-ಕಾರವಾರ ಬಸ್ಸು ಯಲ್ಲಾಪುರ ಬಸ್ ನಿಲ್ದಾಣ ಪ್ರವೇಶಿಸಿತು. ಮನೆಗೆ ಹೋಗುವ ಆತುರದಲ್ಲಿದ್ದ ನಾಗಪ್ಪ ಸಿದ್ದಿ ಅವರು ಆ ಬಸ್ಸು ಹತ್ತಿದರು. ಯಲ್ಲಾಪುರದಿಂದ ರಾಮನಗುಳಿಗೆ ತೆರಳಲು ಅವರು ಟಿಕೆಟ್‌ಪಡೆದರು. ಆ ಬಸ್ಸಿನ ತುಂಬ ಪ್ರಯಾಣಿಕರಿದ್ದರು. ಬಸ್ಸಿನ ಕೊನೆಯ ಆಸನಗಳು ಖಾಲಿಯಿದ್ದು ಅಲ್ಲಿ ನಾಗಪ್ಪ ಸಿದ್ದಿ ಅವರು ಅವರು ಆರಾಮಾಗಿ ಕುಳಿತಿದ್ದರು. ಪಟ್ಟಣದಲ್ಲಿ ನಿಧಾನವಾಗಿಯೇ ಚಲಿಸಿದ ಬಸ್ಸು ಮಾಗೋಡು ಕ್ರಾಸ್ ಮುಕ್ತಾಯದ ನಂತರ ವೇಗ ಹೆಚ್ಚಾಯಿತು. ಅರಬೈಲಿನ ಇಳಿಜಾರು ಪ್ರದೇಶದಲ್ಲಿಯೂ ಬಸ್ಸಿನ ವೇಗ ಕಡಿಮೆ ಆಗಲಿಲ್ಲ. ಅದೇ ವೇಗದಲ್ಲಿ ಮುಂದೆ ಸಾಗಿದ ಎಕ್ಸಪ್ರೆಸ್ ಬಸ್ಸು ಕೊಡ್ಲಗದ್ದೆ ಬಳಿಯ ಹಂಪು ಹಾರಿತು. ಕೊನೆಯ ಸಾಲಿನಲ್ಲಿ ಕೂತಿದ್ದ ನಾಗಪ್ಪ ಸಿದ್ದಿ ಅವರು ಬಸ್ಸಿನೊಳಗೆ ಹಾರಿ ಬಿದ್ದರು. ನಾಗಪ್ಪ ಸಿದ್ದಿ ಅವರ ತಲೆ ಬಸ್ಸಿನ ಮೇಲ್ಬಾಗಕ್ಕೆ ಬಡಿದು ಅವರು ಕೆಳಗೆ ಬಿದ್ದರು. ತಲೆಯಿಂದ ರಕ್ತ ಸುರಿಯಲು ಶುರುವಾಯಿತು. ಕೆಳಗೆ ಬಿದ್ದ ರಭಸಕ್ಕೆ ಮೂಗಿಗೂ ಪೆಟ್ಟಾಗಿತ್ತು. ಅವಘಡದ ಬಗ್ಗೆ ಅರಿತ ಬಸ್ ಚಾಲಕ-ನಿರ್ವಾಹಕರು ಆಂಬುಲೆನ್ಸಿಗೆ ಫೋನ್ ಮಾಡಿದರು. ಕಮ್ಮಾಣಿಗೆ ಹೋಗಬೇಕಿದ್ದ ನಾಗಪ್ಪ ಸಿದ್ದಿ ಅವರು ಆಂಬುಲೆನ್ಸ ಹತ್ತಿದರು. ಅವರಿಗೆ ರಾಮನಗಳಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಲಾಯಿತು. ರಕ್ತದ ಮಡುವಿನಲ್ಲಿದ್ದ ಅವರನ್ನು ಆಂಬುಲೆನ್ಸ ಮೂಲಕ ಅಂಕೋಲಾಗೆ ಸಾಗಿಸಲಾಗಿದ್ದು, ಅಲ್ಲಿ ಸೂಕ್ತ ಚಿಕಿತ್ಸೆ ದೊರೆಯಿತು. ಮಧ್ಯಾಹ್ನ ನೇರವಾಗಿ ಮನೆಗೆ ಮರಳಬೇಕಿದ್ದ ನಾಗಪ್ಪ ಸಿದ್ದಿ ಅವರು ಸಾಕಷ್ಟು ಪ್ರಮಾಣದಲ್ಲಿ ನೋವುಂಡರು. ವೇಗದ ಬಸ್ಸು ಚಾಲನೆ ಪರಿಣಾಮ ನೇರವಾಗಿ ಮನೆಗೆ ಹೋಗುವ ಬದಲು ಅವರು ಅಂಕೋಲಾ ಸುತ್ತಾಟ ನಡೆಸಿ, ಇದೀಗ ಅಂಕೋಲಾದಿAದ ರಾಮನಗುಳಿಗೆ ಮತ್ತೆ ಸರ್ಕಾರಿ ಬಸ್ಸು ಹತ್ತಿ ಟಿಕೆಟ್ ತೆಗೆದರು. `ಬಸ್ಸಿನಲ್ಲಿ ಮನೆಗೆ ಹೋಗುತ್ತಿದ್ದೇನೆ. ಸಂಜೆ ಆಗೋಯ್ತು. ಬಸ್ಸು ಜಂಪು ಹಾರಿದ ಕಾರಣ ಬಾನಗೇಡಿ ಆಗೋಯ್ತು’ ಎಂದು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ನಾಗಪ್ಪ ಸಿದ್ದಿ ಅವರು ಫೋನ್ ಮೂಲಕ ಪ್ರತಿಕ್ರಿಯಿಸಿದರು. `ಅತಿವೇಗ ಅಪಘಾತಕ್ಕೆ ಕಾರಣ’
- [ಹೆಲ್ಮೇಟ್ ಇಲ್ಲದವರಿಗೆ ಪೆಟ್ರೋಲ್ ಇಲ್ಲ!](https://mobiletime.in/2025/11/no-petrol-for-those-without-helmets/): ರಸ್ತೆ ಅಪಘಾತದಲ್ಲಿನ ಸಾವು-ನೋವು ಪ್ರಮಾಣ ಕಡಿಮೆ ಮಾಡುವ ನಿಟ್ಟಿನಲ್ಲಿ ಕುಮಟಾ ಸಹಾಯಕ ಆಯುಕ್ತ ಪಿ ಶ್ರವಣಕುಮಾರ ಅವರು ಹಲವು ದಿಟ್ಟ ಕ್ರಮಗಳನ್ನು ಅನುಸರಿಸಿದ್ದು, `ಹೆಲ್ಮೇಟ್ ಧರಿಸದೇ ಓಡಾಡುವವರಿಗೆ ಪೆಟ್ರೋಲ್ ಕೊಡಬೇಡಿ’ ಎಂದು ಪೆಟ್ರೋಲ್ ಬಂಕ್ ಮಾಲಕರಿಗೆ ಸೂಚಿಸಿದ್ದಾರೆ. ಹೆಲ್ಮೇಟ್ ಧರಿಸದೇ ಬೈಕ್ ಓಡಿಸುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವಂತೆ ಪೊಲೀಸರಿಗೂ ನಿರ್ದೇಶನ ನೀಡಿದ್ದಾರೆ. `ಈಚೆಗೆ ಕುಮಟಾ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಸಾಕಷ್ಟು ಅಪಘಾತಗಳು ನಡೆಯುತ್ತಿದೆ. ಸಂಚಾರಿ ನಿಯಮ ಪಾಲನೆಯಲ್ಲಿನ ಲೋಪವೇ ಅಪಘಾತಕ್ಕೆ ಪ್ರಮುಖ ಕಾರಣ’ ಎಂದು ಶ್ರವಣಕುಮಾರ ಅವರು ವಿಶ್ಲೇಷಿಸಿದರು. `ಸಂಚಾರಿ ನಿಯಮ ಪಾಲನೆ ಸರಿಯಾಗಿ ಆಗದೇ ಇದ್ದರೆ ಅಮಾಯಕರ ಜೀವ ಹೋಗುವುದು ಹೆಚ್ಚಾಗಲಿದೆ. ಹೀಗಾಗಿ ಅದನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು’ ಎಂದವರು ಹೇಳಿದರು. `ಬೈಕಿನಲ್ಲಿ ಸಂಚರಿಸುವವರು ಕಡ್ಡಾಯವಾಗಿ ಹೆಲ್ಮೇಟ್ ಧರಿಸಬೇಕು. 4 ವರ್ಷ ಮೇಲ್ಪಟ್ಟ ಹಿಂಬದಿ ಸವಾರರಿಗೂ ಹೆಲ್ಮೇಟ್ ಕಡ್ಡಾಯವಾಗಿದ್ದು, ಕುಮಟಾ ತಾಲೂಕಿನ ಎಲ್ಲಡೆ ಈ ಆದೇಶ ಪಾಲನೆಯಾಗಬೇಕು. ಈ ನಿಯಮ ಉಲ್ಲಂಘಿಸುವವರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು’ ಎಂದು ಪೊಲೀಸರಿಗೆ ಸೂಚಿಸಿದರು. `ಈಗಾಗಲೇ ಕಡ್ಡಾಯವಾಗಿ ಹೆಲ್ಮೇಟ್ ಧರಿಸುವ ಬಗ್ಗೆ ಜನರಲ್ಲಿ ಅರಿವು ಮೂಡಿಸಲಾಗಿದೆ. ನಿಯಮ ಉಲ್ಲಂಘಿಸುವವರಿಗೆ ದಂಡ ವಿಧಿಸುವ ಬಗ್ಗೆ ಸಿದ್ಧತೆ ನಡೆದಿದೆ’ ಎಂದು ಪೊಲೀಸ್ ಅಧಿಕಾರಿಗಳು ಸಭೆಗೆ ತಿಳಿಸಿದರು. `ಅಪಘಾತವಾದಾಗ ತಲೆಗೆ ಬೀಳುವ ಏಟಿನಿಂದ ಹೆಚ್ಚಿನವರು ಪ್ರಾಣ ಕಳೆದುಕೊಂಡಿದ್ದಾರೆ. ಹೀಗಾಗಿ ಕುಮಟಾ ವ್ಯಾಪ್ತಿಯ ಪೆಟ್ರೋಲ್ ಬಂಕಿನಲ್ಲಿ ಹೆಲ್ಮೇಟ್ ಧರಿಸದೇ ಬರುವ ಬೈಕ್ ಸವಾರರಿಗೆ ಪೆಟ್ರೋಲ್ ಕೊಡಬಾರದು’ ಎಂದು ಸಹಾಯಕ ಆಯುಕ್ತರು ಪೆಟ್ರೋಲ್ ಬಂಕ್ ಮಾಲಕರಿಗೆ ಸೂಚಿಸಿದರು. `ಪೆಟ್ರೋಲ್ ನೀಡಲು ನಿರಾಕರಿಸಿದರೆ ಬಂಕಿನ ಸಿಬ್ಬಂದಿ ಜೊತೆ ಸಾರ್ವಜನಿಕರ ಸಂಘರ್ಷವಾಗುವ ಸಾಧ್ಯತೆಯಿದೆ. ಈ ಹಿನ್ನಲೆ ನೌಕರರಿಗೆ ಸೂಕ್ತ ರಕ್ಷಣೆ ಒದಗಿಸಬೇಕು’ ಎಂದು ಪೆಟ್ರೋಲ್ ಬಂಕ್ ಮಾಲಕರು ಈ ವೇಳೆ ಮನವಿ ಮಾಡಿದರು. `ಅಗತ್ಯ ಭದ್ರತೆ ನೀಡಲು ಬದ್ಧ’ ಎಂದು ಪೊಲೀಸರು ತಿಳಿಸಿದರು. `ಎಲ್ಲಾ ಪೆಟ್ರೋಲ್ ಬಂಕ್ ಮಾಲೀಕರು ತಮ್ಮ ಬಂಕುಗಳಲ್ಲಿ ಈ ಬಗ್ಗೆ ಬ್ಯಾನರ್ ಅಳವಡಿಸಬೇಕು. ಹೆಲ್ಮೇಟ್ ಧರಿಸದೇ ಬರುವವರಿಗೆ ಪೆಟ್ರೋಲ್ ಸಿಗುವುದಿಲ್ಲ. ಎಂಬ ಬರಹವನ್ನು ಸ್ಪಷ್ಠವಾಗಿ ಬರೆಯಬೇಕು. ಜೊತೆಗೆ `ಕಾರಿನಲ್ಲಿ ಬರುವವರು ಸಹ ಸೀಟ್ ಬೆಲ್ಟ ಧರಿಸುವುದು ಕಡ್ಡಾಯ’ ಎಂದು ಪ್ರಚಾರ ಮಾಡಬೇಕು ಶ್ರವಣಕುಮಾರ ಅವರು ಬಂಕ್ ಮಾಲಕರಿಗೆ ಸೂಚಿಸಿದರು. ಪೊಲೀಸ್ ಇಲಾಖೆ ಜೊತೆ ಆಹಾರ ನಿರೀಕ್ಷಕರು ಈ ಬಗ್ಗೆ ಪೆಟ್ರೊಲ್ ಬಂಕ್’ಗೆ ತೆರಳಿ ತಪಾಸಣೆ ನಡೆಸಬೇಕು ಎಂದು ನಿರ್ದೇಶಿಸಿದರು. ಕಾಲೇಜು ಯುವಕ-ಯುವತಿಯರು ಲೈಸನ್ಸಪಡೆಯದೇ ಬೈಕು-ಕಾರು ಓಡಿಸುವುದರ ಬಗ್ಗೆ ಶ್ರವಣಕುಮಾರ ಅವರು ಗಮನಸೆಳೆದರು. 18 ವರ್ಷದೊಳಗಿನ ಮಕ್ಕಳ ವಾಹನ ಚಾಲನೆ ಬಗ್ಗೆ ಅವರು ಕಳವಳವ್ಯಕ್ತಪಡಿಸಿದರು. ಒಂದೇ ಬೈಕಿನಲ್ಲಿ ಮೂವರು ಚಲಿಸುವುದು ಹಾಗೂ ಅತಿಯಾದ ವೇಗದಲ್ಲಿ ಓಡಾಡುವುದರ ಬಗ್ಗೆ ಗಮನಿಸಲು ಸೂಚಿಸಿದರು. `ಪರವಾನಿಗೆ ಪಡೆಯದೇ ಬೈಕ್ ಓಡಿಸುವ ಮಕ್ಕಳನ್ನು ಗುರುತಿಸಿ ಅವರ ಪಾಲಕರನ್ನು ಕಾಲೇಜಿಗೆ ಕರೆಯಿಸಬೇಕು. ಅಂಥ ವಾಹನ ಮಾಲಕರ ವಿರುದ್ಧ ಕ್ರಮಕ್ಕೆ ಪೊಲೀಸರಿಗೆ ಮಾಹಿತಿ ನೀಡಬೇಕು’ ಎಂದು ವಿವಿಧ ಶಾಲಾ-ಕಾಲೇಜಿನವರಿಗೆ ಸಹಾಯಕ ಆಯುಕ್ತ ಶ್ರವಣಕುಮಾರ ಅವರು ಸೂಚನೆ ನೀಡಿದರು. ಕೆಲವಡೆ ಸರ್ಕಾರಿ ನೌಕರರು ಸಹ ಸಂಚಾರಿ ನಿಯಮ ಪಾಲಿಸದಿರುವುದು ಗಮನಕ್ಕೆ ಬಂದಿದ್ದು, ಅಂಥವರ ವಿರುದ್ಧವೂ ಕ್ರಮ ಜರುಗಿಸುವುದಾಗಿ ಎಚ್ಚರಿಸಿದರು.
- [ಅಂಗವಿಕಲನ ಅಂತರಾಳ: ಫೋನ್ ಕರೆಗೆ ಸ್ಪಂದಿಸಿದ ಆರೋಗ್ಯ ಅಧಿಕಾರಿ!](https://mobiletime.in/2025/11/disabled-persons-inner-voice-health-officer-responds-to-phone-call/): ಪಾರ್ಶವಾಯು ಪೀಡಿತ ವ್ಯಕ್ತಿಯೊಬ್ಬರ ಬಗ್ಗೆ ಅರಿತ ಜಿಲ್ಲಾ ಆರೋಗ್ಯಾಧಿಕಾರಿ ಡಾ ನೀರಜ್ ಅವರು ರೋಗಿ ಮನೆಗೆ ಸರ್ಕಾರಿ ಸಿಬ್ಬಂದಿ ಕಳುಹಿಸಿ ಪ್ರಮಾಣ ಪತ್ರ ದೊರಕಿಸುವ ಪ್ರಯತ್ನ ಮಾಡಿದ್ದಾರೆ. ಕುಮಟಾದ ಚಿತ್ರಿಗಿಯಲ್ಲಿ ರಮೇಶ ನಾಯ್ಕ ಅವರು ವಾಸವಾಗಿದ್ದು, ಅವರು ಎರಡು ವರ್ಷದ ಹಿಂದೆ ಪಾರ್ಶವಾಯುವಿಗೆ ತುತ್ತಾಗಿದ್ದರು. ಪರಿಣಾಮ ರಮೇಶ ನಾಯ್ಕ ಅವರಿಗೆ ದೇಹದ ಒಂದು ಭಾಗ ಚಲನೆಯಲ್ಲಿರಲಿಲ್ಲ. ಅಂಗವೈಕಲ್ಯದಿAದ ಬಳಲುತ್ತಿದ್ದರೂ ರಮೇಶ ನಾಯ್ಕ ಅವರಿಗೆ ಅಂಗವಿಕಲ ಪ್ರಮಾಣ ಪತ್ರ ಸಿಕ್ಕಿರಲಿಲ್ಲ. ರಮೇಶ ನಾಯ್ಕ ಅವರ ಪತ್ನಿ ನೂತನ ನಾಯ್ಕ ಅವರು ಈ ಬಗ್ಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರಕ್ಕೆ ಮಾಹಿತಿ ನೀಡಿದ್ದು, ಆಗ್ನೇಲ್ ರೋಡ್ರಿಗಸ್ ಅವರು ಜಿಲ್ಲಾ ಆರೋಗ್ಯಾಧಿಕಾರಿ ಡಾ ನೀರಜ್ ಅವರಿಗೆ ಫೋನ್ ಮಾಡಿದರು. ಸಮಸ್ಯೆ ಅರಿತ ಡಾ ನೀರಜ್ ಅವರು ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಕಚೇರಿಯ ಅಂಗವಿಕಲರ ಅಧಿಕಾರಿ ರಕ್ಷತ್ ಅವರನ್ನು ಸ್ಥಳಕ್ಕೆ ಕಳುಹಿಸಿದರು. ಸ್ಥಳ ಪರಿಶೀಲನೆ ನಡೆಸಿದ ರಕ್ಷಿತ್ ಅವರು ವಿವಿಧ ದಾಖಲೆ ಸಂಗ್ರಹಿಸಿ ಸಂತ್ರಸ್ತರಿಗೆ ಅಂಗವಿಕಲ ಪ್ರಮಾಣ ಪತ್ರ ಕೊಡುವ ಬಗ್ಗೆ ಶಿಫಾರಸ್ಸು ಮಾಡಿದ್ದಾರೆ. `ರಮೇಶ ನಾಯ್ಕ ಅವರು ಎರಡು ವರ್ಷದಿಂದ ಅಂಗವಿಕಲರಾಗಿ ಸಮಸ್ಯೆ ಅನುಭವಿಸುತ್ತಿದ್ದರೂ ಯಾರೂ ಗಮನಿಸಿರಲಿಲ್ಲ. ಆರೋಗ್ಯ ಅಧಿಕಾರಿಗಳು ಆಸ್ಪತ್ರೆಗೆ ಬರಲು ತ್ರಾಣವಿಲ್ಲದ ವ್ಯಕ್ತಿಯ ಮನೆಗೆ ಸರ್ಕಾರಿ ಸಿಬ್ಬಂದಿ ಕಳುಹಿಸಿ ಅವರ ಸಮಸ್ಯೆ ಆಲಿಸಿದ್ದಾರೆ. ಶೀಘ್ರದಲ್ಲಿಯೇ ಅಂಗವಿಕಲ ಪ್ರಮಾಣ ಪತ್ರ ಸಿಗಲಿದ್ದು, ಅವರಿಗೆ ಅದು ನೆರವಾಗಲಿದೆ’ ಎಂದು ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ ಹಾಗೂ ರಾಜೇಶ ನಾಯ್ಕ ಅವರು ಪ್ರತಿಕ್ರಿಯಿಸಿದರು.
- [ಮರಳು ದಂಧೆ: ಅಡ್ಡಗಟ್ಟಿದವರನ್ನು ಅಲೆದಾಡಿಸಿದ ಮಹಿಳಾ ಅಧಿಕಾರಿ!](https://mobiletime.in/2025/11/sand-scam-female-officer-waves-away-those-who-blocked-the-road/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ರಾಜಾರೋಷವಾಗಿ ಅಕ್ರಮ ಮರಳುಗಾರಿಕೆ ನಡೆಯುತ್ತಿದ್ದು, ಕುಮಟಾ-ಹೊನ್ನಾವರ ಭಾಗದ ಮರಳು ರಾತ್ರಿ ವೇಳೆ ಶಿರಸಿ-ಸಿದ್ದಾಪುರಕ್ಕೆ ಸಾಗಾಟವಾಗುತ್ತಿದೆ. ಅಕ್ರಮ ಮರಳುಗಾರಿಕೆ ತಡೆಯಲು ರಾತ್ರಿ ಕಾರ್ಯಾಚರಣೆಗಿಳಿದ ಭೂ ವಿಜ್ಞಾನಿ ಆಶಾ ಎಂ ಎಸ್ ಅವರೊಂದಿಗೆ ದಂಧೆಕೋರರು ಅನುಚಿತವಾಗಿ ವರ್ತಿಸಿದ್ದಾರೆ. ತಮ್ಮನ್ನು ಅಡ್ಡಗಟ್ಟಿದವರನ್ನು ಸಮರ್ಥವಾಗಿ ಎದುರುಸಿದ ಆಶಾ ಅವರು ಆರೋಪಿತರೆಲ್ಲರೂ ಕೋರ್ಟು-ಕಚೇರಿ ಅಲೆದಾಡುವ ಹಾಗೇ ಮಾಡಿದ್ದಾರೆ! ಆಶಾ ಎಂ ಎಸ್ ಅವರು ಕಳೆದ 3 ವರ್ಷದಿಂದ ಕಾರವಾರದ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯಲ್ಲಿ ಹಿರಿಯ ಭೂ ವಿಜ್ಞಾನಿಯಾಗಿದ್ದಾರೆ. ಖಡಕ್ ಅಧಿಕಾರಿಯಾಗಿ ಹೆಸರು ಮಾಡಿದ ಅವರು ಅಕ್ರಮ ದಂಧೆಕೋರರ ವಾಹನಗಳನ್ನು ವಶಕ್ಕೆಪಡೆದು ದಂಡ ವಿಧಿಸುತ್ತಿದ್ದಾರೆ. ಅಕ್ರಮ ಮರಳುಗಾರಿಕೆ ದೂರಿನ ಹಿನ್ನಲೆ ಆಶಾ ಅವರು ತಮ್ಮ ಸಿಬ್ಬಂದಿ ಜೊತೆ ವಿವಿಧ ಕಡೆ ದಿಢೀರ್ ದಾಳಿ ಮಾಡುತ್ತಿದ್ದಾರೆ. ಸರ್ಕಾರಕ್ಕೆ ವಂಚಿಸಿ, ಪರಿಸರಕ್ಕೂ ಹಾನಿ ಮಾಡುವವರ ಹೆಡೆಮುಡಿ ಕಟ್ಟುವ ಕೆಲಸದಲ್ಲಿ ಅವರು ನಿರತರಾಗಿದ್ದಾರೆ. ಹೀಗಾಗಿ ಮರಳುಗಾರಿಕೆ ನಡೆಸುವವರು ಈ ಮಹಿಳಾ ಅಧಿಕಾರಿಗೆ ಹೆದರುತ್ತಿದ್ದು, ಅವರ ಕಣ್ತಪ್ಪಿಸಿ ದಂಧೆ ನಡೆಸಲು ಹರಸಾಹಸ ಮಾಡುತ್ತಿದ್ದಾರೆ. ನವೆಂಬರ್ 12ರಂದು ಅಕ್ರಮ ಮರಳುಗಾರಿಕೆ ನಡೆಸುವವರನ್ನು ಪತ್ತೆ ಮಾಡುವುದಕ್ಕಾಗಿ ಆಶಾ ಅವರು ರಾತ್ರಿ ಕಾರ್ಯಾಚರಣೆಗಿಳಿದಿದ್ದರು. ಆ ದಿನ ರಾತ್ರಿ 8 ಗಂಟೆಗೆ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಭೂ ವಿಜ್ಞಾನಿ ಹರೀಶ ಕೆ, ಮಂಜುನಾಥ ದೇವಾಡಿಗ, ಕಚೇರಿ ಸಿಬ್ಬಂದಿ ಸಂತೋಷ ನಾಯ್ಕ, ವಾಹನ ಚಾಲಕ ಸಂಜಯ ನಾಯ್ಕ ಅವರ ಜೊತೆ ಅಂಕೋಲಾ-ಕುಮಟಾ ಮಾರ್ಗವಾಗಿ ಸರ್ಕಾರಿ ಜೀಪಿನಲ್ಲಿ ಹೊರಟಿದ್ದರು. ನಾಲ್ಕು ಲಾರಿಗಳಲ್ಲಿ ಅಕ್ರಮವಾಗಿ ಮರಳು ಸಾಗಾಟ ನಡೆಯುತ್ತಿದ್ದ ಮಾಹಿತಿ ಆಧರಿಸಿ ಅವರು ಆ ಲಾರಿಗಳ ಬೆನ್ನತ್ತಿದ್ದರು. ಭೂ ವಿಜ್ಞಾನಿ ಹಾಗೂ ಅಧಿಕಾರಿಗಳ ತಂಡದವರು ಹೊನ್ನಾವರ ತಾಲೂಕಿನ ಚಂದಾವರದ ಬಳಿ ನ 13ರ ನಸುಕಿನ 3 ಗಂಟೆಗೆ ಲಾರಿಗೆ ಅಡ್ಡಲಾಗಿ ಕೈ ಮಾಡುವ ಪ್ರಯತ್ನದಲ್ಲಿದ್ದು, ಆ ವೇಳೆ ಮೂರು ಕಾರಿನಲ್ಲಿ ಬಂದ ಐದು ಜನ ಸರ್ಕಾರಿ ವಾಹನವನ್ನು ಬಂದು ಅಡ್ಡಗಟ್ಟಿದರು. ಆ ಕಾರಿನಲ್ಲಿದ್ದ ಜನ ಗಣಿ ಇಲಾಖೆಯ ಸರ್ಕಾರಿ ಜೀಪನ್ನು ಹಿಂಬಾಲಿಸುವುದು, ಅಧಿಕಾರಿಗಳು ಹೋಗುವ ಮಾರ್ಗದ ಬಗ್ಗೆ ಅಕ್ರಮ ಮರಳು ಸಾಗಾಟಗಾರರಿಗೆ ಮಾಹಿತಿ ಕೊಡುವುದು ಹಾಗೂ ಮರಳು ಸಾಗಾಣಿಕಾ ವಾಹನ ಬೇರೆ ಮಾರ್ಗದ ಮೂಲಕ ಸಂಚರಿಸುವ ಸೂಚನೆ ನೀಡುವ ಕೆಲಸ ಮಾಡುತ್ತಿದ್ದರು. ಸರ್ಕಾರಿ ಜೀಪಿನಲ್ಲಿದ್ದ ಅಧಿಕಾರಿ ಮಹಿಳೆ ಎಂಬುದನ್ನು ಸಹ ಗಮನಿಸದೇ ದಂಧೆಕೋರರು ಅನುಚಿತವಾಗಿ ವರ್ತಿಸಲು ಶುರು ಮಾಡಿದ್ದರು. ಇದರಿಂದ ಸಿಟ್ಟಾದ ಹಿರಿಯ ಭೂ ವಿಜ್ಞಾನಿ ಆಶಾ ಅವರು ತಮ್ಮ ವಾಹನದಿಂದ ಇಳಿದು ವ್ಯಕ್ತಿಯೊಬ್ಬರನ್ನು ತರಾಟೆಗೆ ತೆಗೆದುಕೊಂಡರು. ಆ ವೇಳೆ ಕಾರಿನಲ್ಲಿ ಹಿಂಬಾಲಿಸುತ್ತಿದ್ದವ ಕೈ ಮುಗಿದು ಕ್ಷಮೆ ಕೇಳಿದರಾದರೂ ಹಿಂಬಾಲಿಸುವುದನ್ನು ಮಾತ್ರ ಬಿಡಲಿಲ್ಲ. ಆ ಮೂರು ಕಾರಿನಲ್ಲಿದ್ದವರು ಚಂದಾವರದಿoದ ಸಾಂತಗಲ್, ಬಡಾಳ, ಸಂತೆಗುಳಿ, ಕುಮಟಾ, ಅಂಕೋಲಾದವರೆಗೂ ಸರ್ಕಾರಿ ವಾಹನ ಹಿಂಬಾಲಿಸಿ ಸರ್ಕಾರಿ ಅಧಿಕಾರಿಗಳಿಗೆ ಸಮಸ್ಯೆ ಮಾಡಿದರು. ಅಕ್ರಮ ಮರಳು ಸಾಗಾಟಗಾರರು ಅಲ್ಲಿಂದ ತಪ್ಪಿಸಿಕೊಳ್ಳುವ ಹಾಗೇ ಸಹಾಯ ಮಾಡಿದರು. ಬೆಳಗ್ಗೆ 8 ಗಂಟೆಯವರೆಗೂ ಮಹಿಳಾ ಅಧಿಕಾರಿ ಹಾಗೂ ಅವರ ವಾಹನವನ್ನು ದಂಧೆಕೋರರು ಸುತ್ತುವರೆದು ಹಿಂಬಾಲಿಸುತ್ತಲೇ ಇದ್ದರು. ಸರ್ಕಾರಿ ವಾಹನ ಅಂಕೋಲಾಗೆ ಬರುವ ವೇಳೆಗೆ ಅವರೆಲ್ಲರೂ ನಾಪತ್ತೆಯಾದರು. ಈ ಎಲ್ಲಾ ವಿದ್ಯಮಾನಗಳ ಬಗ್ಗೆ ಹಿರಿಯ ಭೂ ವಿಜ್ಞಾನಿ ಆಶಾ ಅವರು ವಿಡಿಯೋ ಮಾಡಿಕೊಂಡಿದ್ದು, ಅದೇ ಆಧಾರದ ಮೇಲೆ ಪೊಲೀಸರ ಮೊರೆ ಹೋದರು. ಸರ್ಕಾರಿ ಕರ್ತವ್ಯ ನಿರ್ವಹಣೆಯಲ್ಲಿ ತಮಗಾದ ಸಮಸ್ಯೆ ಬಗ್ಗೆ ಪೊಲೀಸರಲ್ಲಿ ವಿವರಿಸಿದರು. ಸಮಸ್ಯೆ ಮಾಡಿದ ಐವರ ಕಾರಿನ ವಿವರ ಹಾಗೂ ಪರಿಚಯವಿದ್ದ ಅಕ್ರಮ ದಂಧೆಕೋರ ವಿನಾಯಕ ಮಾಣಿ ಎಂಬಾತರ ಹೆಸರನ್ನು ನಮೂದಿಸಿ ದೂರು ನೀಡಿದರು. ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ತುರ್ತು ಸನ್ನಿವೇಶದಲ್ಲಿ ರಕ್ಷಣೆಗಾಗಿ ಪೊಲೀಸರ ಸಹಾಯಪಡೆಯುವ ಅವಕಾಶವಿದ್ದರೂ ಗಣಿ ಇಲಾಖೆಯವರು ಆ ಕೆಲಸ ಮಾಡಿಲ್ಲ. 112ಗೆ ಫೋನ್ ಮಾಡಿದ ಕ್ಷಣಮಾತ್ರದಲ್ಲಿ ಪೊಲೀಸರು ಸ್ಥಳಕ್ಕೆ ಬರುವ ವ್ಯವಸ್ಥೆ ಇದ್ದರೂ ಅದನ್ನು ಬಳಸಿಕೊಂಡಿಲ್ಲ. `ತುರ್ತು ಸನ್ನಿವೇಶಗಳನ್ನು ಸಮರ್ಥವಾಗಿ ಎದುರಿಸಲು 112ಗೆ ಫೋನ್ ಮಾಡಿ’  
- [2025 ನವೆಂಬರ್ 14ರ ದಿನ ಭವಿಷ್ಯ](https://mobiletime.in/2025/11/prediction-for-november-14-2025/): ಮೇಷ ರಾಶಿ: ಹೊಸ ಕೆಲಸಗಳ ಶುರು ಮಾಡಲು ಸೂಕ್ತ ದಿನ. ಕೆಲಸದ ಒತ್ತಡ ಕಡಿಮೆಯಾಗಲಿದ್ದು, ಗಮನವಿಟ್ಟು ಯೋಜನೆ ರೂಪಿಸಿ. ಕುಟುಂಬದಲ್ಲಿ ಸ್ನೇಹಮಯ ವಾತಾವರಣ ಕಾಣಲಿದೆ. ವೃಷಭ ರಾಶಿ: ಮನಸ್ಸು ಶಾಂತವಾಗಿರಲು ಯೋಗಾಭ್ಯಾಸ ಮಾಡಿ. ವ್ಯವಹಾರದಲ್ಲಿ ಏರಿಳಿತ ಸಹಜವಾಗಿರಲಿದೆ. ಹಣಕಾಸು ವಿಷಯದಲ್ಲಿ ನಿಗಾವಹಿಸುವುದು ಉತ್ತಮ. ಮಿಥುನ ರಾಶಿ: ನಿರೀಕ್ಷಿತ ಫಲ ಸಿಗಲಿದೆ. ಸಮಯ ಹಾಳು ಮಾಡಬೇಡಿ. ಹೊಸ ಯೋಜನೆಗಳು ಯಶಸ್ಸು ಕೊಡಲಿದೆ. ಕರ್ಕ ರಾಶಿ: ಆರೋಗ್ಯ ಹಾಗೂ ಮನೋಬಲ ಹೆಚ್ಚಿಸಲು ಗಮನಹರಿಸಿ. ಉದ್ಯಮಗಳಲ್ಲಿ ಬೆಳವಣಿಗೆ ಆತ್ಮವೃದ್ದಿ ಅಗತ್ಯ. ಧೈರ್ಯದಿಂದ ಸಮಸ್ಯೆಗಳನ್ನು ಎದುರಿಸಿ. ಸಿಂಹ ರಾಶಿ: ನಿತ್ಯದ ಕಾರ್ಯಗಳಲ್ಲಿ ಯಶಸ್ಸು ಸಿಗಲಿದೆ. ವ್ಯವಹಾರದಲ್ಲಿ ನೂತನ ಅವಕಾಶಗಳು ಬರಲಿದೆ. ಶರೀರದಲ್ಲಿ ಏರುಪೇರಾಗುವ ಸಾಧ್ಯತೆಯಿದ್ದು, ಜಾಗೃತಿ ಇರಲಿ. ಕನ್ಯಾ ರಾಶಿ: ಕೆಲಸದಲ್ಲಿ ಹೆಚ್ಚು ಶ್ರಮ ಅಗತ್ಯವಿದೆ. ಹೊಸ ಗುರಿಗಳ ಕಡೆ ಗಮನ ಕೊಡಿ. ಜೀವನದಲ್ಲಿ ಶ್ರದ್ಧೆ ಅನಿವಾರ್ಯ. ಶುಭ ಕಾರ್ಯಗಳು ನಡೆಯಲಿದೆ. ತುಲಾ ರಾಶಿ: ನಿರಂತರ ಪ್ರಯತ್ನ ಫಲಕಾರಿಯಾಗಲಿದೆ. ಹಣಕಾಸು ವೆಚ್ಚ ಹೆಚ್ಚಲಿದೆ. ಮನಸ್ಸಿಗೆ ನೆಮ್ಮದಿ ಸಿಗುವ ಕೆಲಸ ಮಾಡಿ. ಕುಟುಂಬದ ಜೊತೆಗೆ ಸಮಯ ಮೀಸಲಿಡಿ. ವೃಶ್ಚಿಕ ರಾಶಿ: ನಿರ್ಧಾರಗಳಲ್ಲಿ ಸ್ಪಷ್ಟತೆ ಮುಖ್ಯ. ಹಣಕಾಸು ವಿಚಾರದ ಬಗ್ಗೆ ಚಿಂತಿಸಿ. ಉದ್ಯೋಗದಲ್ಲಿ ಮುನ್ನಡೆ ಸಾಧಿಸಲಿದೆ. ಆಧ್ಯಾತ್ಮಿಕ ಚಿಂತನಕ್ಕೆ ಸೂಕ್ತ ದಿನ. ಧನು ರಾಶಿ: ಕೆಲಸದ ವಿಷಯದಲ್ಲಿ ಚುರುಕುತನ ಬೇಕು. ಸಾಲ ಮಾಡಲು ಹೋಗಬೇಡಿ. ಸ್ನೇಹಿತರಿಂದ ದೊರೆತ ನೆರವು ಸ್ವೀಕರಿಸಿ. ಹೊಸ ವಿಷಯವನ್ನು ಒಪ್ಪಿಕೊಳ್ಳಿ. ಮಕರ ರಾಶಿ: ವೃತ್ತಿ ಜೀವನದಲ್ಲಿ ಶಾಂತಿ ಮುಖ್ಯ. ಯೋಜನೆಗಳನ್ನು ಕಾರ್ಯರೂಪಕ್ಕೆ ತನ್ನಿ. ಹಣಕಾಸು ವಿಚಾರದಲ್ಲಿ ಎಚ್ಚರಿಕೆ ಅಗತ್ಯ. ಕೆಲಸದ ವಿಷಯದಲ್ಲಿ ಒಗ್ಗಟ್ಟು ಪ್ರದರ್ಶಿಸಿದರೆ ಜಯ ಸಿಗಲಿದೆ. ಕುಂಭ ರಾಶಿ: ಹೊಸ ಸೃಜನಾತ್ಮಕ ಕಾರ್ಯಗಳು ಯಶಸ್ವಿಯಾಗಲಿದೆ. ಉದ್ಯೋಗದಲ್ಲಿ ಪ್ರಸಿದ್ಧಿ ಹೆಚ್ಚಲಿದೆ. ಆಯಾಸದ ಕೆಲಸಗಳನ್ನು ಮಾಡಬೇಡಿ. ಆರೋಗ್ಯದ ವಿಷಯವಾಗಿ ಕಾಳಜಿವಹಿಸಿ. ಮೀನ ರಾಶಿ: ಔಷಧ ಸೇವನೆಯಿಂದ ಅಡ್ಡಪರಿಣಾಮ ಎದುರಾಗದಂತೆ ನೋಡಿಕೊಳ್ಳಿ. ನಿಮ್ಮ ಮನೋಬಲ ಹೆಚ್ಚಳಕ್ಕೆ ಯೋಗ ಸಹಾಯಕಾರಿ. ಅವಕಾಶಗಳನ್ನು ಸಮರ್ಥವಾಗಿ ಬಳಸಿಕೊಳ್ಳಿ.
- [ಕಾರವಾರದಲ್ಲಿ ಅಪಘಾತ: ಯಲ್ಲಾಪುರದ ಯುವಕ ಸಾವು!](https://mobiletime.in/2025/11/accident-in-karwar-a-young-man-from-yellapur-dies/): ಕಾರವಾರದ ಆರ್ ಟಿ ಓ ಕಚೇರಿ ಬಳಿ ಗುರುವಾರ ರಾತ್ರಿ ನಡೆದ ಅಪಘಾತದಲ್ಲಿ ಯಲ್ಲಾಪುರದ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಸ್ಕೂಟಿ ಹಾಗೂ ಬೈಕ್ ನಡುವೆ ಈ ಅಪಘಾತ ನಡೆದಿದೆ. ಮಾಹಿತಿಗಳ ಪ್ರಕಾರ, ಯಲ್ಲಾಪುರದ ಇಡಗುಂದಿಯ ಚಿರಂಜೀವ್ ಬೃಹ್ಮಾನಂದ ಕುಂಜಿ ಹಾಗೂ ಅವರ ತಾಯಿ ಮಾಜಾಳಿಯ ಬಾಡಿಗೆ ಮನೆಯಲ್ಲಿ ವಾಸವಿದ್ದರು. ಅಲ್ಲಿಂದ ಅವರು ಕಾರವಾರಕ್ಕೆ ಬರುವಾಗ ಅವಘಡ ನಡೆದಿದೆ. ಚಿರಂಜೀವ್ ಬೃಹ್ಮಾನಂದ ಕುಂಜಿ (15) ಅವರು ತಮ್ಮ ತಾಯಿ ಜೊತೆ ಸ್ಕೂಟಿಯಲ್ಲಿ ಸಂಚರಿಸುತ್ತಿದ್ದರು. ಮಾಜಾಳಿಯಿಂದ ಕಾರವಾರದ ಕಡೆ ಬರುವಾಗ ಆರ್‌ಟಿಓ ಕಚೇರಿ ಬಳಿ ಅವರ ಸ್ಕೂಟಿಗೆ ಬೈಕ್ ಡಿಕ್ಕಿಯಾಗಿತು. ಮೆಡಿಕಲ್ ಕಾಲೇಜು ವಿದ್ಯಾರ್ಥಿಯೊಬ್ಬರ ಬುಲೆಟ್ ಬೈಕ್ ಗುದ್ದಿದ ರಭಸಕ್ಕೆ ಚಿರಂಜೀವ್ ಅವರು ಸ್ಥಳದಲ್ಲಿಯೇ ಕೊನೆಯುಸಿರೆಳೆದರು. ಈ ಅಪಘಾತ ನೋಡಿದ ಜನ ಪೊಲೀಸರಿಗೆ ಮಾಹಿತಿ ನೀಡಿದರು. ಅಪಘಾತದಲ್ಲಿ ಚಿರಂಜೀವ್ ಅವರ ತಾಯಿ ಗಾಯಗೊಂಡಿದ್ದು, ಆಂಬುಲೆನ್ಸ ಮೂಲಕ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಶವವನ್ನು ಶವಾಗಾರಕ್ಕೆ ಕಳುಹಿಸಲಾಯಿತು. ಮೆಡಿಕಲ್ ಕಾಲೇಜು ವಿದ್ಯಾರ್ಥಿಗೂ ಅಪಘಾತದಲ್ಲಿ ಪೆಟ್ಟಾಗಿದೆ. ಅವರನ್ನು ಗೋವಾದ ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. `ಸುರಕ್ಷಿತವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’
- [ದೊಡ್ಡಣ್ಣ: ಶಿರಸಿಗೆ ಬರ್ತಾರೆ.. ಯಕ್ಷಗಾನ ನೋಡ್ತಾರೆ.. ಸೆಲ್ಪಿಗೆ ಸಿಕ್ತಾರೆ!](https://mobiletime.in/2025/11/they-come-to-sirsi-they-watch-yakshagana-they-get-to-take-selfies/): ಶಿರಸಿಯ ಬೆಟ್ಟಕೊಪ್ಪದಲ್ಲಿ ನಡೆಯುವ `ನಮ್ಮನೆ ಹಬ್ಬ’ಕ್ಕೆ ಈ ಬಾರಿ ಚಿತ್ರನಟ ದೊಡ್ಡಣ್ಣ ಬರಲಿದ್ದಾರೆ. ಡಿಸೆಂಬರ್ 6ರಂದು ಅವರು ಅಲ್ಲಿ ಯಕ್ಷಗಾನ ನೋಡಲಿದ್ದಾರೆ. ಅಭಿಮಾನಿಗಳ ಸೆಲ್ಪಿಗೂ ಸಿಗಲಿದ್ದಾರೆ! ರಾಜ್ಯದಲ್ಲೇ ಗಮನ ಸೆಳೆದ ಅತಿ ವಿಶಿಷ್ಟ ಕಲ್ಪನೆಯ `ನಮ್ಮನೆ ಹಬ್ಬ’ ಈ ಬಾರಿ ಡಿಸೆಂಬರ್ 6ರ ಶನಿವಾರ ಸಂಜೆ 5ಗಂಟೆಗೆ ನಿಗದಿಯಾಗಿದೆ. ವಿಶ್ವಶಾಂತಿ ಸೇವಾ ಟ್ರಸ್ಟ್ ಆಯೋಜಿತ ಹಬ್ಬದಲ್ಲಿ ಪ್ರಸಿದ್ದ ಕಲಾವಿದರಿಂದ ಭಜನಾಮೃತ, ಯಕ್ಷ ರೂಪಕ, ಪ್ರಶಸ್ತಿ ಪ್ರದಾನ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ ಚಾಲನೆ ನೀಡಲು ಪ್ರಸಿದ್ಧ ಚಿತ್ರ ನಟ ದೊಡ್ಡಣ್ಣ ಅವರು ಆಗಮಿಸಲಿದ್ದಾರೆ. ಆ ದಿನ ಸಂಜೆ 5ಕ್ಕೆ ಶ್ರೀಧರರ ಭಜನಾಮೃತ ಗಾಯನ ನಡೆಯಲಿದ್ದು ಪ್ರಸಿದ್ಧ ಗಾಯಕ ವಿಶ್ವೇಶ್ವರ ಖರ್ವಾ ಹಾಡಲಿದ್ದಾರೆ. ಗುರುರಾಜ ಆಡುಕಳ ತಬಲಾ ಹಾಗೂ ಅಜಯ್ ವರ್ಗಾಸರ ಹಾರ್ಮೋನಿಯಂ ಗಾಯನಕ್ಕೆ ಸಹಕಾರ ನೀಡಲಿದೆ. ನೂತನ ರೂಪಕ ಲೋಕಾರ್ಪಣೆ: ಸಂಜೆ 6.05ಕ್ಕೆ ಗೋವಿನ ಮಹತ್ವ ಸಾರುವ ವಿಶಿಷ್ಟ ಕಥಾಭಾಗ ಒಳಗೊಂಡ ವಿಶ್ವ ಶಾಂತಿ ಸರಣಿಯ 11ನೇ ನೂತನ ಯಕ್ಷ ನೃತ್ಯ ರೂಪಕ `ವಂದೇ ಗೋವಿಂದಮ್’ ಪ್ರಥಮ ಪ್ರದರ್ಶನದ ಮೂಲಕ ಲೋಕಾರ್ಪಣೆ ಆಗಲಿದೆ. ಪಾರ್ತಿಸುಬ್ಬ ಪ್ರಶಸ್ತಿ ಪುರಸ್ಕೃತ ಕಬ್ಬಿನಾಲೆ ವಸಂತ ಭಾರಧ್ವಾಜ ಅವರು ರಚಿಸಿದ ಈ ರೂಪಕವನ್ನು ಹಲವು ದಾಖಲೆಗೈದ ಯಕ್ಷಗಾನ ಯುವ ಕಲಾವಿದೆ ತುಳಸಿ ಹೆಗಡೆ ಅವರು ಪ್ರಸ್ತುತಗೊಳಿಸಲಿದ್ದಾರೆ. ಚಿಂತಕ ರಮೇಶ ಹೆಗಡೆ ಹಳೆಕಾನಗೋಡರ ಮೂಲ ಕಲ್ಪನೆಯ ರೂಪಕಕ್ಕೆ ನೃತ್ಯ ನಿರ್ದೇಶನವನ್ನು ಹಿರಿಯ ಕಲಾವಿದ ವಿನಾಯಕ ಹೆಗಡೆ ಕಲಗದ್ದೆ ನೀಡಿದ್ದಾರೆ. ಗದ್ಯ ಸಾಹಿತ್ಯವನ್ನು ವಿದ್ಯಾವಾಚಸ್ಪತಿ ಉಮಾಕಾಂತ ಭಟ್ಟ ಕೆರೇಕೈ ಒದಗಿಸಿದ್ದಾರೆ. ಹಿನ್ನೆಲೆ ಧ್ವನಿಯನ್ನು ಶ್ರೀಪಾದ ಭಟ್ ನೀಡಿದ್ದಾರೆ. ತಾಳಾಭ್ಯಾಸ ನೆರವು ಜಿ ಎಸ್ ಭಟ್, ಧ್ವನಿ ಗ್ರಹಣವನ್ನು ಉದಯ ಪೂಜಾರಿ ನೀಡಿದ್ದಾರೆ. ರಂಗದಲ್ಲಿ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಲೃತ ಕೊಳಗಿ ಕೇಶವ ಹೆಗಡೆ ಭಾಗವತರಾಗಿ ಧ್ವನಿಯಾಗಲಿದ್ದಾರೆ. ಮದ್ದಲೆಯಲ್ಲಿ ಶಂಕರ ಭಾಗವತ ಯಲ್ಲಾಪುರ, ಚಂಡೆಯಲ್ಲಿ ವಿಘ್ನೇಶ್ವರ ಗೌಡ ಕೆಸರಕೊಪ್ಪ, ಪ್ರಸಾಧನದಲ್ಲಿ ವೆಂಕಟೇಶ ಬೊಗ್ರಿಮಕ್ಕಿ ಸಹಕಾರ ನೀಡಲಿದ್ದಾರೆ. ಪ್ರಶಸ್ತಿ ಪ್ರದಾನ: ಸಂಜೆ 7.25 ನಮ್ಮನೆ ಹಬ್ಬದ ಉದ್ಘಾಟನೆ, ಪ್ರಶಸ್ತಿ ಪ್ರದಾನ, ದಿನದರ್ಶಿಕೆ ಬಿಡುಗಡೆ ನಡೆಯಲಿದೆ. ರಂಗಭೂಮಿಯ ಹಿರಿಯ ಕಲಾವಿದೆ ಬಿ ಜಯಶ್ರೀ, ವೈದ್ಯಕೀಯ ರಾಸಾಯನಿಕ ಕ್ಷೇತ್ರದಲ್ಲಿ ಅನುಪಮ ಕೊಡುಗೆ ನೀಡಿದ ರಾಮನಂದನ ಹೆಗಡೆ ಅವರಿಗೆ `ನಮ್ಮನೆ ಪ್ರಶಸ್ತಿ’ ಪ್ರದಾನ ಮಾಡಲಾಗುತ್ತಿದೆ. ನಮ್ಮನೆ ಕಿಶೋರ ಪುರಸ್ಕಾರಕ್ಕೆ ತೇಜಸ್ವಿ ಗಾಂವಕರ ಅವರು ಭಾಜನರಾಗಲಿದ್ದಾರೆ. ಈ ಎಲ್ಲಾ ಕಾರ್ಯಕ್ರಮಗಳಲ್ಲಿ ಪ್ರಜಾವಾಣಿ ಕಾರ್ಯನಿರ್ವಾಹಕ ಸಂಪಾದಕ ರವೀಂದ್ರ ಭಟ್ಟ ಅವರು ಭಾಗಿಯಾಗಲಿದ್ದಾರೆ ಎಂದು ಟ್ರಸ್ಟಿನ ಕಾರ್ಯದರ್ಶಿ ಗಾಯತ್ರೀ ರಾಘವೇಂದ್ರ ಅವರು ತಿಳಿಸಿದರು.
- [KSRTC: ಸಣ್ಣ ಕೆಲಸಕ್ಕೂ ಸಚಿವರೇ ಬೇಕಾಯ್ತು!](https://mobiletime.in/2025/11/ksrtc-a-minister-was-needed-even-for-a-small-task/): ಹೊನ್ನಾವರದ ಗುಂಡುಬಾಳದಲ್ಲಿ ಸರ್ಕಾರಿ ಬಸ್ಸು ಮೂರು ದಿನದಿಂದ ರಸ್ತೆ ನಡುವೆ ಕೆಟ್ಟು ನಿಂತಿದ್ದು, ಸಾರಿಗೆ ಸಚಿವ ರಾಮಲಿಂಗ ರೆಡ್ಡಿ ಅವರು ಕುಮಟಾ ಡಿಪೋ ಮ್ಯಾನೇಜರ್’ಗೆ ಫೋನ್ ಮಾಡಿದ್ದಾರೆ. ಅದಾದ ನಂತರ ಬಸ್ಸು ಅಲ್ಲಿಂದ ಡಿಪೋಗೆ ಚಲಿಸಿದೆ! ಕುಮಟಾ ಬಸ್ ಡಿಪೋದ ಬಸ್ಸು ಹೊನ್ನಾವರ ಭಾಗದಲ್ಲಿ ಸಂಚರಿಸುತ್ತದೆ. ಹೊನ್ನಾವರದಲ್ಲಿ ವಸತಿಹೂಡಿ ಮರುದಿನ ಗುಂಡುಬಾಳ-ಹಿರೇಬೈಲ್ ಮಾರ್ಗದ ಮೂಲಕ ಕುಮಟಾಗೆ ಬರುತ್ತದೆ. ಹೀಗೆ ಶನಿವಾರ ಹೊನ್ನಾವರದಿಂದ ಮರಳಬೇಕಿದ್ದ ಬಸ್ಸು ರಸ್ತೆ ನಡುವೆ ಹಾಳಾಗಿದ್ದು, ಅದರ ಬಗ್ಗೆ ಯಾವ ಅಧಿಕಾರಿಯೂ ಕಾಳಜಿವಹಿಸಲಿಲ್ಲ. ಹೀಗಾಗಿ ಆ ಬಸ್ಸು ಮೂರು ದಿನ ಕಳೆದರೂ ಡಿಪೋ ಕಡೆ ಹೋಗಲಿಲ್ಲ. ಸಾರ್ವಜನಿಕರು ಓಡಾಡುವ ರಸ್ತೆ ಮೇಲೆ ಬಸ್ಸು ರಸ್ತೆ ಮೇಲೆ ನಿಂತ ಪರಿಣಾಮ ಇತರೆ ವಾಹನಗಳ ಓಡಾಟ ಸಾಧ್ಯವಾಗುತ್ತಿರಲಿಲ್ಲ. ಇದರಿಂದ ಜನ ಸಮಸ್ಯೆ ಅನುಭವಿಸಿದರು. ಕಾಲೇಜು ವಿದ್ಯಾರ್ಥಿಗಳ ಬೈಕ್ ಓಡಾಟಕ್ಕೂ ಬಸ್ಸು ಅಡ್ಡಿಯಾಯಿತು. ರಿಕ್ಷಾ-ಕಾರು ಸಂಚಾರ ಅಸ್ತವ್ಯಸ್ಥವಾಯಿತು. ಮೂರು ದಿನ ಕಳೆದರೂ ಬಸ್ಸು ಅಲ್ಲಿಯೇ ನಿಂತ ಬಗ್ಗೆ ಸ್ಥಳೀಯರು ಕುಮಟಾ ಡಿಪೋ ಮ್ಯಾನೇಜರ್ ವಿನಾಯಕ ಅವರಿಗೆ ಫೋನ್ ಮಾಡಿದರು. ಮೊದಲು ಕರೆ ಸ್ವೀಕರಿಸಿದ ಡಿಪೋ ಮ್ಯಾನೇಜರ್ ನಂತರ `ಮಿಟಿಂಗ್‌ಲಿದ್ದೇನೆ’ ಎಂದು ಹೇಳಿದರು. ಡಿಪೋ ಮ್ಯಾನೇಜರ್ ಉತ್ತರಕ್ಕೆ ತೃಪ್ತರಾಗದ ಜನ ನೇರವಾಗಿ ಸಾರಿಗೆ ಸಚಿವ ರಾಮಲಿಂಗ ರೆಡ್ಡಿ ಅವರಿಗೆ ಫೋನ್ ಮಾಡಿದರು. `ಕೂಡಲೇ ಕ್ರಮ ಜರುಗಿಸುವೆ’ ಎಂದು ಸಚಿವರು ಉತ್ತರಿಸಿದರು. `ಕ್ರಮ ಜರುಗಿಸುವ ಮೊದಲು ಬಸ್ಸನ್ನು ಅಲ್ಲಿಂದ ಕದಲಿಸಿ’ ಎಂದು ಫೋನ್ ಮಾಡಿದವರು ಮನವಿ ಮಾಡಿದರು. ಅದಾದ ನಂತರ ಡಿಪೋ ಮ್ಯಾನೇಜರಿಂದಲೇ ಫೋನ್ ಬಂದಿದ್ದು, `ಕ್ರೇನ್ ಇಲ್ಲದ ಕಾರಣ ಬಸ್ಸು ಅಲ್ಲಿಯೇ ಇದೆ’ ಎಂಬ ಉತ್ತರ ಬಂದಿತು. ಸಚಿವರಿಂದ ಫೋನ್ ಬಂದ ಕೆಲ ಗಂಟೆಗಳಲ್ಲಿ ಕ್ರೇನ್ ಬಂದು ಆ ಬಸ್ಸನ್ನು ಕುಮಟಾ ಡಿಪೋದ ಒಳಗಿರುವ ಗ್ಯಾರೇಜಿಗೆ ಕರೆದೊಯ್ಯತು. `ನಿನ್ನೆ ಸಂಜೆಯೇ ಬಸ್ಸನ್ನು ಡಿಪೋಗೆ ತರಲಾಗಿದೆ. ಬಸ್ಸಿನ ಸಮಸ್ಯೆ ಬಗೆಹರಿದಿದೆ’ ಎಂದು ಕುಮಟಾ ಡಿಪೋ ಮ್ಯಾನೇಜರ್ ವಿನಾಯಕ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಪ್ರತಿಕ್ರಿಯಿಸಿದರು.
- [ಶರಾವತಿ ಉಳಿವಿಗಾಗಿ ರಕ್ತ ಪತ್ರ!](https://mobiletime.in/2025/11/blood-donation-for-the-survival-of-sharavati/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಗತ್ಯವಿಲ್ಲದ ಯೋಜನೆಗಳನ್ನು ಅನುಷ್ಠಾನಕ್ಕೆ ಕಿಡಿಕಾರಿರುವ ಸಮಾನ ಮನಸ್ಕರು `ಜನರ ಬೇಡಿಕೆಯಂತೆ ಸುಸಜ್ಜಿತ ಆಸ್ಪತ್ರೆ ನಿರ್ಮಿಸಿ’ ಎಂದು ರಕ್ತದ ಮೂಲಕ ಮುಖ್ಯಮಂತ್ರಿಗೆ ಪತ್ರ ಬರೆದಿದ್ದಾರೆ. `ಮುಂದಿನ ಬಜೆಟ್‌ನಲ್ಲಿ ಸುಸಜ್ಜಿತ ಆಸ್ಪತ್ರೆ ಘೋಷಣೆ ನಡೆಯಬೇಕು. ಕೂಡಲೇ ಶರಾವತಿ ಪಂಪ್ ಸ್ಟೋರೇಜ್ ಯೋಜನೆ ಕೈಬಿಡಬೇಕು’ ಎಂದು ಹೊನ್ನಾವರದ ಯುವಕರು ಪತ್ರ ಚಳುವಳಿ ಮಾಡಿದ್ದಾರೆ. ಬೇರೆ ಬೇರೆ ತಾಲೂಕಿನವರು ಸಹ ಈ ಅಭಿಯಾನಕ್ಕೆ ಕೈ ಜೋಡಿಸಿದ್ದಾರೆ. ಹೊನ್ನಾವರದಲ್ಲಿ ನಿರ್ಮಿಸಲು ಉದ್ದೇಶಿಸಲಾದ ಶರಾವತಿ ಪಂಪ್ ಸ್ಟೋರೇಜ್ ಅನಾಹುತಗಳ ಬಗ್ಗೆ ಅವರು ಮುಖ್ಯಮಂತ್ರಿಗಳಿಗೆ ವಿವರಿಸಿದ್ದಾರೆ. ತಮ್ಮ ಮನವಿಗೆ ಸರ್ಕಾರ ಸ್ಪಂದಿಸದೇ ಇದ್ದರೆ ದಯಾ ಮರಣ ಕೋರಿ ಪತ್ರ ಬರೆಯುವುದಾಗಿಯೂ ಎಚ್ಚರಿಸಿದ್ದಾರೆ. 7 ಲಕ್ಷ ಪತ್ರಗಳು ಅಂಚೆ ಇಲಾಖೆ ಮೂಲಕ ಮುಖ್ಯಮಂತ್ರಿ ಕಚೇರಿಗೆ ತೆರಳಲು ಸಿದ್ದವಾಗಿದೆ. ರಾಜಕಾರಣಿಗಳು ನೀಡಿದ ಭರವಸೆಗಳು ಈಡೇರಿಲ್ಲ ಎಂಬ ಅಂಶವನ್ನು ಈ ಪತ್ರಗಳ ಮೂಲಕ ವಿವರಿಸಲಾಗಿದೆ. `ಶರಾವತಿ ಪಂಪ್ ಸ್ಟೋರೇಜ್ ಯೋಜನೆಗೆ ಕೃಷಿ ಭೂಮಿ ಹೋಗಲ್ಲ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಆದರೆ, ಈಗಾಗಲೇ ರೈತರಿಗೆ ನೋಟಿಸ್ ನೀಡಲಾಗಿದೆ’ ಎಂದು ಪತ್ರದಲ್ಲಿ ಬರೆಯಲಾಗಿದೆ. ಸ್ಪೋಟಕ ಬಳಕೆ ವಿಷಯದಲ್ಲಿಯೂ ತಪ್ಪು ಮಾಹಿತಿ ನೀಡಿದ ಬಗ್ಗೆ ದೂರಲಾಗಿದೆ.
- [ಆಧಾರ್ ಕಾರ್ಡ ಮಾಡಿಸಲು ಅಲೆದಾಟ: ದೂರು](https://mobiletime.in/2025/11/complaint-about-wandering-around-to-get-an-aadhaar-card/): ಆಧಾರ್ ಕಾರ್ಡ ಮಾಡಿಸಿಕೊಳ್ಳುವುದಕ್ಕಾಗಿ ಅಗತ್ಯ ದಾಖಲೆಗಾಗಿ ಅರ್ಜಿ ಸಲ್ಲಿಸಿದರೂ ಅದನ್ನು ಪೂರೈಸದ ಕಾರಣ ಕುಮಟಾದ ಹೊಲನಗದ್ದೆ ಗ್ರಾ ಪಂ ಅಭಿವೃದ್ಧಿ ಅಧಿಕಾರಿ ಪ್ರಜ್ಞಾ ನಾಯ್ಕ ಅವರ ವಿರುದ್ಧ ಅಸಮಧಾನವ್ಯಕ್ತವಾಗಿದೆ. ಪಿಡಿಓ ವಿರುದ್ಧ ಜಿಲ್ಲಾ ಪಂಚಾಯತಗೆ ದೂರು ನೀಡಿರುವುದಾಗಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರವರು ಹೇಳಿದ್ದಾರೆ. ಕುಮಟಾದ ಸೈದಾನಿ ಮಾಲನ್ ಬಿ ಅವರು ತಮ್ಮ ಪತಿ ಜೊತೆ ಗೋವಾದಲ್ಲಿ ವಾಸವಾಗಿದ್ದರು. ಪತಿ ನಿಧನದ ನಂತರ ಅವರು ತವರು ಮನೆಗೆ ಮರಳಿದ್ದು, ಅವರ ಬಳಿ ಯಾವುದೇ ಸರ್ಕಾರಿ ದಾಖಲೆಗಳಿರಲಿಲ್ಲ. ಹೀಗಾಗಿ ಅವರಿಗೆ ಆಧಾರ್ ಕಾರ್ಡ ಮಾಡಿಸಿಕೊಳ್ಳಲು ವಾಸವ್ಯ ದೃಢೀಕರಣ ನೀಡುವಂತೆ ಅವರು ಹೊಲನಗದ್ದೆ ಗ್ರಾಮ ಪಂಚಾಯತಗೆ ಅರ್ಜಿ ಸಲ್ಲಿಸಿದ್ದರು. ಆದರೆ, ಗ್ರಾ ಪಂ ಅಧಿಕಾರಿಗಳು ಕಂದಾಯ ಇಲಾಖೆಯವರನ್ನು ಭೇಟಿ ಮಾಡುವಂತೆ ಹಿಂಬರಹ ನೀಡಿದ ಬಗ್ಗೆ ಅವರು ಆಕ್ಷೇಪಿಸಿದ್ದಾರೆ. `ಶಾಲಾ ದಾಖಲಾತಿ, ಸಂತ್ರಸ್ತೆಯ ತಾಯಿ ಮರಣ ಪ್ರಮಾಣ ಪತ್ರ, ಪತಿಯ ಮರಣ ಪತ್ರ, ಮನೆ ಕರ ರಸೀದಿ ನೀಡಿದರೂ ಪಿಡಿಓ ಸರಿಯಾಗಿ ಸ್ಪಂದಿಸಿಲ್ಲ. ಕಂದಾಯ ಇಲಾಖೆ ಸಂಪರ್ಕಿಸುವAತೆ ಹಿಂಬರಹ ನೀಡಿ ಸತಾಯಿಸಲಾಗುತ್ತಿದೆ. ಈ ಹಿಂದೆಯೂ ಇಂಥಹುದೇ ಪ್ರಕರಣ ನಡೆದಿದ್ದು, ಇದು ಸರ್ಕಾರದ ನಿಯಮಾವಳಿಗಳಿಗೆ ವಿರುದ್ಧ’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರ ಅಧ್ಯಕ್ಷ ಆಗ್ನೆಲ್ ರೋಡಿಗ್ರಸ್ ಹೇಳಿದ್ದಾರೆ.
- [ಕಳ್ಳ.. ಮಳ್ಳ.. ಸುಳ್ಳ: ಕೋಟಿ ರೂ ಕೊಳ್ಳೆಹೊಡೆದವರು ಕಂಬಿ ಎಣಿಸಿದರು!](https://mobiletime.in/2025/11/thief-liar-liar-those-who-looted-crores-of-rupees-counted-the-coins/): ಅರ್ದ ಬೆಲೆಗೆ ಗೃಹ ಉಪಯೋಗಿ ವಸ್ತು ನೀಡುವುದಾಗಿ ಜನರಿಂದ ಹಣಪಡೆದು ಪರಾರಿಯಾಗಿದ್ದ ಮೂವರನ್ನು ಭಟ್ಕಳ ಪೊಲೀಸರು ಬಂಧಿಸಿದ್ದಾರೆ. `ಗ್ಲೋಬಲ್ ಎಂಟರ್‌ಪ್ರೈಸಸ್’ ಹೆಸರಿನಲ್ಲಿ ಕೋಟ್ಯಂತರ ರೂ ಮೋಸ ಮಾಡಿದವರು ಜೈಲಿನ ಕಂಬಿ ಎಣಿಸುತ್ತಿದ್ದಾರೆ. ಭಟ್ಕಳದಲ್ಲಿ ಗ್ಲೋಬಲ್ ಎಂಟರ್‌ಪ್ರೈಸಸ್ ಎಂಬ ಮಳಿಗೆಯೊಂದು ಈಚೆಗೆ ಶುರುವಾಗಿತ್ತು. ಶೇ 40ರಷ್ಟು ರಿಯಾಯತಿ ದರದಲ್ಲಿ ವಸ್ತುಗಳನ್ನು ನೀಡುವುದಾಗಿ ಈ ಕಂಪನಿ ನಂಬಿಸಿತ್ತು. ಅದರ ಪ್ರಕಾರ ಸಾವಿರಾರು ಜನರಿಂದ ಮುಂಗಡ ಹಣಪಡೆದು ಕೆಲವರಿಗೆ ವಸ್ತುಗಳನ್ನು ಸಹ ಪೂರೈಸಿತ್ತು. ಅದಾದ ನಂತರ ಇನ್ನಷ್ಟು ಜನರಿಂದ ಹಣಪಡೆದ ವಂಚಕರು ಊರು ಬಿಟ್ಟು ಓಡಿ ಹೋಗಿದ್ದರು. ದಿಢೀರ್ ಆಗಿ ಮಳಿಗೆಗೆ ಬಾಗಿಲು ಹಾಕಿರುವುದನ್ನು ನೋಡಿ ಜನ ಕಂಗಾಲಾಗಿದ್ದರು. ಅಂಗಡಿಯ ಮುಂದೆ ಪ್ರತಿಭಟನೆಯನ್ನು ಸಹ ನಡೆಸಿದ್ದರು. ಈ ಪ್ರಕರಣದ ಬೆನ್ನುಬಿದ್ದ ಪೊಲೀಸರು ಕೇರಳ ಮತ್ತು ತಮಿಳುನಾಡು ಮೂಲದ ಎಂ ಗಣೇಶನ್, ತ್ಯಾಗರಾಜನ್, ಮತ್ತು ಮೈಯನಾದನ್ ಎಂಬಾತರನ್ನು ಬಂಧಿಸಿದ್ದಾರೆ. ಅಂಗಡಿ ಬಾಗಿಲು ಮುಚ್ಚಿ ಪರಾರಿಯಾಗಿದ್ದ ಮೂವರು ವಂಚಕರು ಇದೀಗ ಸಿಕ್ಕಿ ಬಿದ್ದಿದ್ದಾರೆ.
- [ಕೇಣಿ: ಬಂದರು ವಿರುದ್ಧ ಉಗ್ರ ಹೋರಾಟ!](https://mobiletime.in/2025/11/keni-fierce-fight-against-the-port/): ಜನ ವಿರೋಧದ ನಡುವೆಯೂ ಅಂಕೋಲಾದ ಕೇಣಿಯಲ್ಲಿ ವಾಣಿಜ್ಯ ಬಂದರು ನಿರ್ಮಾಣದ ಸಿದ್ಧತೆ ನಡೆದಿದ್ದು, ಇದನ್ನು ವಿರೋಧಿಸಿ ಸಾವಿರಾರು ಜನ ಧರಣಿ ಶುರು ಮಾಡಿದ್ದಾರೆ. `ಯೋಜನೆ ರದ್ಧಾಗುವವರೆಗೂ ಧರಣಿ ಹಿಂಪಡೆಯುವುದಿಲ್ಲ’ ಎಂದು ಪ್ರತಿಭಟನಾಕಾರರು ಘೋಷಿಸಿದ್ದಾರೆ. ಬುಧವಾರ ನಡೆದ ಧರಣಿಯಲ್ಲಿ `ಉತ್ತರ ಕನ್ನಡ ಉಳಿಸಿ’ ಎಂಬ ಘೋಷಣೆಗಳು ಮೊಳಗಿದವು. ಅಂಕೋಲಾ ತಹಶೀಲ್ದಾರ್ ಕಚೇರಿಯ ಎದುರು ಜನ ಜಮಾಯಿಸಿ ತಮ್ಮ ಆಕ್ರೋಶವ್ಯಕ್ತಪಡಿಸಿದರು. ಅದರಲ್ಲಿಯೂ ಮುಖ್ಯವಾಗಿ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಪ್ರತಿಭಟನೆಯಲ್ಲಿ ಕಾಣಿಸಿಕೊಂಡರು. `ಕೇಣಿ ವಾಣಿಜ್ಯ ಬಂದರು ಯೋಜನೆ ಸಂಪೂರ್ಣವಾಗಿ ಕೈಬಿಡಬೇಕು’ ಎಂದು ಜನ ತಮ್ಮ ಅಹವಾಲು ಸಲ್ಲಿಸಿದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈಗಾಗಲೇ ಅನೇಕ ಯೋಜನೆಗಳು ಬಂದಿವೆ. ಅದರಿಂದ ಯಾವ ಅಭಿವೃದ್ಧಿಯೂ ನಡೆದಿಲ್ಲ. ಜನ ಪದೇ ಪದೇ ನಿರಾಶ್ರಿತರಾಗಿದ್ದು, ಬದುಕಿಗೆ ಮಾರಕವಾಗ ಕೇಣಿ ಬಂದರು ಯೋಜನೆಯೂ ನಮಗೆ ಬೇಡ’ ಎಂದು ಪ್ರತಿಭಟನಾಕಾರರು ವಿವರಿಸಿದರು. `ಕೇಣಿ ಬಂದರು ಯೋಜನೆಯಿಂದ ಪರಿಸರ ನಾಶವಾಗಲಿದೆ’ ಎಂದು ಒತ್ತಿ ಹೇಳಿದರು. `ಬಡ ಮೀನುಗಾರರ ಬದುಕು ನಾಶ ಮಾಡುವ ಅಭಿವೃದ್ಧಿ ಯಾರಿಗೂ ಬೇಡ. ಸಾರ್ವಜನಿಕ ಆಲಿಕೆ ಸಭೆಯಲ್ಲಿಯೂ ಬಂದರು ವಿರುದ್ಧ ಅಹವಾಲು ಸಲ್ಲಿಕೆಯಾಗಿದೆ. ಆದರೂ, ಸರ್ಕಾರ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ’ ಎಂದು ಆಕ್ಷೇಪಿಸಿದರು. `ತಮ್ಮ ಈ ಹೋರಾಟಕ್ಕೆ ನ್ಯಾಯ ಸಿಗದೇ ಇದ್ದರೆ ಇನ್ನಷ್ಟು ಉಗ್ರ ಹೋರಾಟ ನಡೆಸುತ್ತೇವೆ’ ಎಂದು ಎಚ್ಚರಿಸಿದರು. ಮುಖ್ಯಮಂತ್ರಿ, ಉಸ್ತುವಾರಿ ಸಚಿವ, ಸರ್ಕಾರದ ಮುಖ್ಯ ಕಾರ್ಯದರ್ಶಿ ಸೇರಿ ಅನೇಕರಿಗೆ ಪ್ರತಿಭಟನಾಕಾರರು ತಮ್ಮ ಮನವಿ ರವಾನಿಸಿದರು.
- [2025ರ ನವೆಂಬರ್ 13ರ ದಿನ ಭವಿಷ್ಯ](https://mobiletime.in/2025/11/prediction-for-november-13-2025/): ಮೇಷ ರಾಶಿ: ಈ ದಿನ ನಿಮಗೆ ಮಂಗಳಕರ. ಹಣದ ಸಂಚಾರ ಆಗಲಿದೆ. ಉದ್ಯೋಗದಲ್ಲಿ ಅನುಕೂಲಗಳು ಹೆಚ್ಚಾಗುತ್ತವೆ. ಧೈರ್ಯದಿಂದ ಮುಂದೆ ಸಾಗಿರಿ. ವೃಷಭ ರಾಶಿ: ಹಣದ ಸಮಸ್ಯೆ ಉದ್ಬವಿಸುವ ಲಕ್ಷಣವಿದೆ. ಸಾಲ ಪಾವತಿ ಕಷ್ಟವಾಗಲಿದೆ. ಕುಟುಂಬದಲ್ಲಿ ಜಗಳ ಸಾಧ್ಯತೆಯಿದೆ. ಶಾಂತ ಮನಸ್ಸು ನಿಮಗೆ ಸಹಾಯ ಮಾಡುತ್ತದೆ. ಮಿಥುನ ರಾಶಿ: ವೃತ್ತಿಯಲ್ಲಿ ಯಶಸ್ಸಿಗೆ ಅವಕಾಶ ಇದೆ. ಮನೆಯ ಕೆಲಸಗಳಲ್ಲಿ ಒತ್ತಡವಾಗಬಹುದು. ಸ್ನೇಹಿತರಿಂದ ಸಹಕಾರ ಸಿಗಲಿದ್ದು, ಆರ್ಥಿಕ ಲಾಭ ಆಗಲಿದೆ. ಕರ್ಕ ರಾಶಿ: ಆರ್ಥಿಕ ದೃಷ್ಟಿಯಿಂದ ಬೆಳವಣಿಗೆ ಸಾಧ್ಯವಿದೆ. ಹೊಸ ಬಂಡವಾಳಕ್ಕಾಗಿ ಸಮಯ ಕೂಡಿ ಬಂದಿದೆ. ಆರೋಗ್ಯದ ಬಗ್ಗೆ ಎಚ್ಚರಿಕೆ ಅಗತ್ಯ. ಯೋಗ ಮತ್ತು ಧ್ಯಾನ ಮಾಡಿ. ಸಿಂಹ ರಾಶಿ: ಕೆಲಸದ ಒತ್ತಡ ಹೆಚ್ಚಾಗಲಿದೆ. ಹಣಕಾಸಿನಲ್ಲಿ ಜಾಗೃತಿ ಅಗತ್ಯ. ಪ್ರೀತಿ-ಸಂಬAಧಗಳಲ್ಲಿ ಸಾರ್ಥಕತೆ ಮುಖ್ಯ. ಕನ್ಯಾ ರಾಶಿ: ವೃತ್ತಿಯಲ್ಲಿ ನವೀನತೆಗಳು ಬರಲಿದೆ. ಹಣಕಾಸಿನ ಸಮತೋಲನ ಕಾಪಾಡಿ. ನಿಮ್ಮ ಯೋಜನೆ ಸ್ಪಷ್ಠವಾಗಿರಲಿ. ಧಾರ್ಮಿಕ ಅಂಗೀಕಾರದಿAದ ನೆಮ್ಮದಿ ಸಿಗಲಿದೆ. ತುಲಾ ರಾಶಿ: ವ್ಯವಹಾರದಲ್ಲಿ ಉತ್ತಮ ಬೆಳವಣಿಗೆ ಆಗಲಿದೆ. ಸಹೋದ್ಯೋಗಿಗಳಿಂದ ಸಹಕಾರ ಸಿಗಲಿದೆ. ಹಣಕಾಸಿನಲ್ಲಿ ಲಾಭ ಆಗಲಿದ್ದು, ಮನೆಯಲ್ಲಿ ಸಂತೋಷ ಸಾಧ್ಯ. ವೃಶ್ಚಿಕ ರಾಶಿ: ನಿಮ್ಮ ಆತ್ಮ ಬಲ ಹೆಚ್ಚಾಗುತ್ತದೆ. ಅನಿರೀಕ್ಷಿತ ಆದಾಯ ಬರಲಿದೆ. ಆರೋಗ್ಯದಲ್ಲಿ ಎಚ್ಚರಿಕೆ ಅಗತ್ಯ. ವ್ಯವಹಾರದ ಯಶಸ್ಸು ಸಿಗಲಿದೆ. ಯೋಗದಿಂದ ನೆಮ್ಮದಿ ಕಾಣುವಿರಿ. ಧನು ರಾಶಿ: ಹಣಕಾಸಿನ ಅಡೆತಡೆಗಳು ನಿವಾರಣೆ ಆಗಲಿದೆ. ಶತ್ರುಗಳ ದಾಳಿಯಿಂದ ಎಚ್ಚರಿಕೆ ಅಗತ್ಯ. ಆರ್ಥಿಕ ನಿರ್ವಹಣೆ ಜಾಗೃತಿ ಬೇಕು. ಹೊಸ ಹೂಡಿಕೆಗೆ ಸೂಕತ ಸಮಯವಲ್ಲ. ಮಕರ ರಾಶಿ: ಕೆಲಸದಲ್ಲಿ ಒತ್ತಡ ಹೆಚ್ಚಾಗಲಿದೆ. ಹಣಕಾಸು ನಿರ್ವಹಣೆ ಬಗ್ಗೆ ಗಮನಿಸಿ. ಸಹಕಾರದಿಂದ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಕುಂಭ ರಾಶಿ: ಹೊಸ ಸ್ನೇಹಿತರು ಸಿಗಲಿದ್ದಾರೆ. ಹೊಸ ಅವಕಾಶವೂ ತೆರೆಯಲಿದೆ. ಹಣಕಾಸು ಸುಧಾರಣೆ ಸಾಧ್ಯವಿದೆ. ಧಾರ್ಮಿಕ ಕಾರ್ಯದಲ್ಲಿ ತೊಡಗುವಿಕೆ ಮುಖ್ಯ. ಮೀನ ರಾಶಿ: ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಹಣಕಾಸಿನಲ್ಲಿ ಸಾಧನೆ ಸಾಧ್ಯವಿದೆ. ಮನೆಯಲ್ಲಿ ಸಂತೋಷ ಕಾಣುವಿರಿ. ಹೊಸ ಯೋಜನೆ ಪ್ರಾರಂಭಿಸಲು ಸೂಕ್ತ ದಿನ.
- [ಮಕ್ಕಳ ಮಹಾಸಭೆ: ಪಾಲಕರ ಹಾಜರಿ ಕಡ್ಡಾಯ!](https://mobiletime.in/2025/11/childrens-general-assembly-parental-attendance-is-mandatory/): ಮಕ್ಕಳ ದಿನಾಚರಣೆ ಅಂಗವಾಗಿ ನವೆಂಬರ್ 14ರಂದು ಎಲ್ಲಾ ಶಾಲೆ-ಕಾಲೇಜುಗಳಲ್ಲಿಯೂ ಉತ್ತರ ಕನ್ನಡ ಜಿಲ್ಲಾ ಪಂಚಾಯತ ಮಕ್ಕಳ ಮಹಾಸಭೆ ಆಯೋಜಿಸಿದೆ. ಜಿಲ್ಲೆಯಲ್ಲಿ 1,04,222 ವಿದ್ಯಾರ್ಥಿಗಳು ಈ ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ಸರ್ಕಾರಿ ಪ್ರಾಥಮಿಕ, ಪ್ರೌಢ ಹಾಗೂ ಪದವಿ ಪೂರ್ವ ಕಾಲೇಜುಗಳಲ್ಲಿ ಏಕಕಾಲಕ್ಕೆ ಈ ಸಭೆ ನಡೆಸಲಾಗುತ್ತದೆ. ಶಿಕ್ಷಕರ ಜೊತೆ ಪೋಷಕರು ಈ ಸಭೆಯಲ್ಲಿ ಭಾಗವಹಿಸಬೇಕಿದ್ದು, ಎಲ್ಲರಿಗೂ ಮನವರಿಕೆ ಮಾಡಿ ಸಭೆಗೆ ಆಮಂತ್ರಿಸುವAತೆ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ದಿಲೀಷ್ ಶಶಿ ನಿರ್ದೇಶನ ನೀಡಿದ್ದಾರೆ. ವಿದ್ಯಾರ್ಥಿಗಳ ಗುಣಮಟ್ಟದ ಶಿಕ್ಷಣಕ್ಕೆ ಪೂರಕವಾಗಿ ಸರ್ಕಾರದಿಂದ ಅನುಷ್ಠ್ಠಾನಿಸಲಾಗಿರುವ ಉಪಕ್ರಮಗಳ ಬಗ್ಗೆ ಸಭೆಯಲ್ಲಿ ಚರ್ಚಿಸಲಾಗುತ್ತದೆ. ಸಭೆಯಲ್ಲಿ ಎಲ್ಲಾ ಸರ್ಕಾರಿ ಪ್ರಾಥಮಿಕ, ಪ್ರೌಢ ಹಾಗೂ ಪದವಿ ಪೂರ್ವ ಕಾಲೇಜುಗಳಲ್ಲಿ ಸಂವಿಧಾನ ಪೀಠಿಕೆಯ ಓದು ಹಾಗೂ ಸಭೆಯ ಉದ್ದೇಶಗಳ ಮಂಡನೆ, ಮಕ್ಕಳ ಕಲಿಕಾ ಪ್ರಗತಿ, ಹಾಜರಾತಿ ಮಾಹಿತಿ ಹಂಚಿಕೆ, ಪ್ರಗತಿ ಪತ್ರ ವಿತರಣೆ, ಶಾಲೆ ಅಭಿವೃದ್ಧಿಯಲ್ಲಿ ಪೋಷಕರ ಪಾತ್ರದ ಬಗ್ಗೆ ಅರಿವು ಮೂಡಿಸಲಾಗುತ್ತದೆ. ಸಾಧಕ ವಿದ್ಯಾರ್ಥಿಗಳಿಗೆ ಅಂಭಿನAದನೆ, ಬಾಲ್ಯ ವಿವಾಹ ಹಾಗೂ ಬಾಲ ಕಾರ್ಮಿಕ ನಿಷೇಧ ಜಾಗೃತಿ ಮೂಡಿಸಲಾಗುತ್ತದೆ. ಈ ಮಹಾಸಭೆಯಲ್ಲಿ ಶಿರಸಿ ಶೈಕ್ಷಣಿಕ ಜಿಲ್ಲೆಯ 1089 ಪ್ರಾಥಮಿಕ ಶಾಲಾ ವಿಭಾಗದ 41,224 ಮತ್ತು 76 ಪ್ರೌಢಶಾಲೆಗಳ 7259 ವಿದ್ಯಾರ್ಥಿಗಳು ಮತ್ತು ಕಾರವಾರ ಶೈಕ್ಷಣಿಕ ಜಿಲ್ಲೆಯ 913 ಪ್ರಾಥಮಿಕ ಶಾಲಾ ವಿಭಾಗದ 36,689 ಮತ್ತು 49 ಪ್ರೌಢಶಾಲೆಗಳ 6562 ವಿದ್ಯಾರ್ಥಿಗಳು ಹಾಗೂ ಜಿಲ್ಲೆಯ ಪದವಿ ಪೂರ್ವ ವಿಭಾಗದ 37 ಕಾಲೇಜುಗಳ 12,488 ವಿದ್ಯಾರ್ಥಿಗಳು ಭಾಗವಹಿಸುವ ನಿರೀಕ್ಷೆಯಿದೆ.
- [ಪವರ್‌ಮ್ಯಾನ್ ಸಾವು: ಹೆಸ್ಕಾಂ ಸಿಬ್ಬಂದಿ ಕುಟುಂಬಕ್ಕೆ ಕತ್ತಲು!](https://mobiletime.in/2025/11/powermans-death-darkness-falls-on-the-family-of-hescom-staff/): ದಿಢೀರ್ ಆಗಿ ಕಣ್ಮರೆಯಾಗಿದ್ದ ಜೊಯಿಡಾದ ಹೆಸ್ಕಾಂ ಪವರ್‌ಮ್ಯಾನ್ ಭುಜಂಗ ಗುಂಜಿಕರ್ ಅವರು ಎರಡು ದಿನದ ನಂತರ ಆತ್ಮಹತ್ಯೆಗೆ ಶರಣಾದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಎಲ್ಲರ ಜೊತೆ ಚನ್ನಾಗಿಯೇ ಇದ್ದ ಅವರ ಈ ದುಡುಕು ನಿರ್ಧಾರಕ್ಕೆ ಕಾರಣ ಗೊತ್ತಾಗಿಲ್ಲ. ಜೊಯಿಡಾದ ಕ್ಯಾಸಲರಾಕ್ ಬಳಿಯ ಲಕ್ಷಿö್ಮÃವಾಡದಲ್ಲಿ ಭುಜಂಗ ಗುಂಜಿಕರ್ (46) ಅವರು ಕುಟುಂಬದ ಜೊತೆ ವಾಸವಾಗಿದ್ದರು. ಹೆಸ್ಕಾಂ ಪವರ್ ಮ್ಯಾನ್ ಆಗಿದ್ದ ಅವರು ಆನಮೋಡದಲ್ಲಿ ಕರ್ತವ್ಯ ನಿಭಾಯಿಸುತ್ತಿದ್ದರು. ನವೆಂಬರ್ 10ರಂದು ಕ್ಯಾಸಲರಾಕಿನಿಂದ ಆನಮೋಡಿಗೆ ಹೋಗುವಾಗ ಪತ್ನಿ ಮಂಗಲ ಗುಂಜಿಕರ್ ಅವರನ್ನು ಕರೆದೊಯ್ದಿದ್ದರು. ಮಂಗಲ ಗುಂಜಿಕರ್ ಅವರನ್ನು ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದ್ದರು. ಮಧ್ಯಾಹ್ನ ಅವರಿಬ್ಬರು ಮನೆಗೆ ಮರಳಿದ್ದರು. ಈ ವೇಳೆ ರಾಮನಗರದಿಂದ ಭುಜಂಗ ಗುಂಜಿಕರ್ ಅವರ ತಾಯಿ ಬಸ್ಸಿಗೆ ಕ್ಯಾಸಲರಾಕ್’ಗೆ ಬಂದಿಳಿದಿದ್ದು ತಾಯಿಯನ್ನು ಮನೆಗೆ ತಂದು ಬಿಟ್ಟಿದ್ದರು. ಎಲ್ಲರೂ ಸೇರಿ ಒಟ್ಟಿಗೆ ಊಟವನ್ನು ಮಾಡಿದ್ದರು. ಅದಾದ ಮೇಲೆ `ರಾಮನಗರದಲ್ಲಿರುವ ತಂಗಿಯನ್ನು ಭೇಟಿಯಾಗಿ ಬರೋಣ’ ಎಂದು ಮನೆಯಲ್ಲಿ ಹೇಳಿದ್ದರು. `ಇಲ್ಲೆ ಹೋಗಿ ಬರುವೆ’ ಎಂದು ಹೊರಟ ಭುಜಂಗ ಗುಂಜಿಕರ್ ಸಂಜೆಯಾದರೂ ಮನೆಗೆ ಮರಳಿರಲಿಲ್ಲ. ಮಂಗಲಾ ಗುಂಜಿಕರ್ ಅವರು ಸಾಕಷ್ಟು ಬಾರಿ ಭುಜಂಗ ಗುಂಜಿಕರ್ ಅವರಿಗೆ ಫೋನ್ ಮಾಡಿದ್ದರು. ಆದರೆ, ಫೋನ್ ರಿಂಗ್ ಆದರೂ ಅವರು ಅದನ್ನು ಸ್ವೀಕರಿಸಿರಲಿಲ್ಲ. ಹುಡುಕಾಟ ನಡೆಸಿದರೂ ಸಿಗದ ಕಾರಣ ಮಂಗಲಾ ಗುಂಜಿಕರ್ ಅವರು ರಾಮನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ಪೊಲೀಸರು ಶೋಧ ನಡೆಸಿದಾಗ ಭುಜಂಗ ಗುಂಜಿಕರ್ ಅವರು ಈ ದಿನ ಶವವಾಗಿರುವುದು ಗೊತ್ತಾಗಿದೆ. ಕಾಳಿ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶದ ಕುಣಗಿನ ಕ್ಯಾಸಲರಾಕ್ ಬಳಿಯ ಕಾಡಿನಲ್ಲಿ ಮರಕ್ಕೆ ನೇಣು ಹಾಕಿಕೊಂಡ ಸ್ಥಿತಿಯಲ್ಲಿ ಭುಜಂಗ ಗುಂಜಿಕರ್ ಪತ್ತೆಯಾಗಿದ್ದಾರೆ.
- [ಕಬ್ಬಿಣದ ರಾಡಿಗೆ ಕೆಲಸ ಕೊಟ್ಟ ಕಾಸಿನ ಜಗಳ!](https://mobiletime.in/2025/11/a-fight-over-a-penny-that-gave-work-to-an-iron-rod/): ಹಣಕಾಸು ವಿಷಯವಾಗಿ ಕಾರವಾರದ ಗಿರಿಧರ ತಾಂಡೇಲ್ ಹಾಗೂ ಸುರೇಶ್ ದುರ್ಗೇಕರ್ ಅವರ ನಡುವೆ ವೈಮನಸ್ಸು ಮೂಡಿದ್ದು, ಸುರೇಶ ದುರ್ಗೇಕರ್ ಅವರು ಕಬ್ಬಿಣದ ರಾಡಿನಿಂದ ಗಿರಿಧರ ತಾಂಡೇಲ್ ಅವರ ತಲೆಗೆ ಹೊಡೆದದ್ದಾರೆ. ಸದ್ಯ ಗಿರಿಧರ ತಾಂಡೇಲ್ ಅವರು ಆಸ್ಪತ್ರೆ ಸೇರಿ ಚಿಕಿತ್ಸೆಪಡೆಯುತ್ತಿದ್ದಾರೆ. ಕಾರವಾರದ ಗಿರಿಧರ ಈರಾ ತಾಂಡೇಲ್ ಅವರು ಮೀನುಗಾರಿಕೆ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಮುದುಗಾ ಸೀಬರ್ಡ ಕಾಲೋನಿಯಲ್ಲಿ ವಾಸಿಸುವ ಸುರೇಶ ದೇವು ದುರ್ಗೇಕರ್ ಅವರು ಗಿರಿಧರ ತಾಂಡೇಲ್ ಅವರ ಸ್ನೇಹಿತರಾಗಿದ್ದರು. ಹೀಗಿರುವಾಗ ತುರ್ತಾಗಿ ಗಿರಿಧರ ತಾಂಡೇಲ್ ಅವರಿಗೆ 50 ಸಾವಿರ ರೂ ಅಗತ್ಯವಿದ್ದು, ಸ್ನೇಹಿತನ ಬಳಿ ಅವರು ನೆರವು ಯಾಚಿಸಿದ್ದರು. ಆಗ, ಸುರೇಶ ದುರ್ಗೇಕರ್ ಅವರು 50 ಸಾವಿರ ರೂ ಸಹಾಯ ಮಾಡಿದ್ದರು. ಆದರೆ, ಗಿರಿಧರ ತಾಂಡೇಲ್ ಅವರು ಆ ಹಣವನ್ನು ಸಕಾಲಕ್ಕೆ ಮರಳಿಸಿರಲಿಲ್ಲ. ಸುರೇಶ ದುರ್ಗೇಕರ್ ಅವರು ಸಾಕಷ್ಟು ಬಾರಿ ಕೇಳಿದರೂ ಗಿರಿಧರ್ ತಾಂಡೇಲ್ ಅವರು ಹಣ ಕೊಟ್ಟಿರಲಿಲ್ಲ. ಹಣ ಮರಳಿಸಬೇಕು ಎಂಬ ಮನಸ್ಸಿದ್ದರು ಗಿರಿಧರ ತಾಂಡೇಲ್ ಅವರ ಬಳಿ ಕಾಸು ನಿಲ್ಲುತ್ತಿರಲಿಲ್ಲ. ಮೀನುಗಾರಿಕೆ ಮಾಡಿಕೊಂಡು ಜೀವಿಸುತ್ತಿದ್ದ ಗಿರಿಧರ ತಾಂಡೇಲ್ ಅವರು `ನಿಧಾನವಾಗಿ ಕಾಸು ಕೊಡುವೆ ಎಂದರೂ ಅದಕ್ಕೆ ಸುರೇಶ್ ದುರ್ಗೇಕರ್ ಅವರು ಒಪ್ಪಿರಲಿಲ್ಲ. ಹೀಗಿರುವಾಗ ನವೆಂಬರ್ 11ರಂದು ಗಿರಿಧರ ತಾಂಡೇಲ್ ಅವರು ಮುದುಗಾ ಬಂದರಿನಿoದ ಪರ್ಶಿಯನ್ ಬೋಟ್ ಮೇಲೆ ಮೀನುಗಾರಿಕೆಗೆ ತೆರಳಿ ಮರಳಿದ್ದರು. ಅಲ್ಲಿಂದ ಮುಂದೆ ಅವರು ಸ್ಕೂಟಿ ಮೇಲೆ ಮನೆ ಕಡೆ ಹೋಗುವಾಗ ಅಲ್ಲಿಗೆ ಬಂದ ಸುರೇಶ ದುರ್ಗೇಕರ್ ಸ್ಕೂಟಿ ಅಡ್ಡಗಟ್ಟಿ ಜಗಳ ಶುರು ಮಾಡಿದರು. ಕಾಸು ಕೊಡದ ಕಾರಣ ಸುರೇಶ ದುರ್ಗೇಕರ್ ಅವರು ತಮ್ಮ ಕೈಯಲ್ಲಿದ್ದ ಕಬ್ಬಿಣದ ರಾಡಿನಿಂದ ಗಿರಿಧರ ತಾಂಡೇಲ್ ಅವರ ತಲೆಗೆ ಬಾರಿಸಿದರು. ಗಾಯಗೊಂಡ ಗಿರಿಧರ ತಾಂಡೇಲ್ ಅವರು ಆಸ್ಪತ್ರೆ ಸೇರಿದರು. ಈ ಎಲ್ಲಾ ವಿಷಯಗಳ ಬಗ್ಗೆ ಗಿರಿಧರ ತಾಂಡೇಲ್ ಅವರು ಕಾರವಾರ ಗ್ರಾಮೀಣ ಠಾಣೆ ಪೊಲೀಸರಿಗೆ ತಿಳಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ಸಾಲ ಕೊಟ್ಟು ಸ್ನೇಹ ಕಳೆದುಕೊಳ್ಳಬೇಡಿ’
- [ರಾಜಕೀಯ ಕಚ್ಚಾಟಕ್ಕೆ ರಾಷ್ಟ್ರಗೀತೆ ನೆಪ!](https://mobiletime.in/2025/11/national-anthem-is-a-pretext-for-political-squabbles/): ಶಾಸಕ-ಸಂಸದರ ರಾಜಕೀಯ ಹೇಳಿಕೆಯೊಂದು ಇದೀಗ ಅವರ ವೈಯಕ್ತಿಕ ವರ್ಚಸ್ಸು ಕುಂದಿಸುವುದರ ಮಟ್ಟಿಗೆ ಚರ್ಚೆಯಾಗುತ್ತಿದೆ. ಶಾಸಕ-ಸಂಸದರು ಮೌನವಾಗಿದ್ದರೂ ಸಹ ಅವರ ಬೆಂಬಲಿಗರು ವಿಷಯವನ್ನು ಇನ್ನಷ್ಟು ಎತ್ತರಕ್ಕೆ ಬೆಳೆಸುತ್ತಿದ್ದಾರೆ. ಯಲ್ಲಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಹಾಗೂ ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ತಮ್ಮ ವೈಯಕ್ತಿಕ ಜೀವನದಲ್ಲಿ ಚನ್ನಾಗಿಯೇ ಇದ್ದಾರೆ. ಸದ್ಯ ರಾಜಕೀಯವಾಗಿ ಅವರು ಬೇರೆ ಬೇರೆ ನಿಲುವು ಹೊಂದಿದ್ದರಿoದ ಆ ವಿಷಯವಾಗಿ ಕ್ರಿಯೆ-ಪ್ರತಿಕ್ರಿಯೆ ನೀಡಿ ಸುಮ್ಮನಾಗಿದ್ದಾರೆ. ಆದರೆ, ಅವರ ಹಿಂಬಾಲಕರು ಇದೇ ವಿಷಯವನ್ನು ತಿರುಚಿ-ಮುರುಚಿ ಮತ್ತೆ ಮತ್ತೆ ಹೇಳುತ್ತಿದ್ದು, ಆ ಹೇಳಿಕೆಗಳು ಶಾಸಕ-ಸಂಸದರ ವೈಯಕ್ತಿಕ ಜೀವನಕ್ಕೆ ಘಾಸಿಗೊಳಿಸುತ್ತಿವೆ. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ರಾಷ್ಟ್ರಗೀತೆ ವಿಷಯವಾಗಿ ಹೊನ್ನಾವರದಲ್ಲಿ ಮಾತನಾಡಿದ್ದರು. `ಜನಗಣಮನ ಎಂಬುದು ಬ್ರೀಟೀಷರನ್ನು ಸ್ವಾಗತಿಸಿದ ಗೀತೆ’ ಎಂದು ಹೇಳಿಕೆ ನೀಡಿದ್ದರು. ಈ ಹೇಳಿಕೆಯನ್ನು ಯಲ್ಲಾಪುರ ವಿಧಾನಸಭಾ ಕ್ಷೇತ್ರ ಶಾಸಕ ಶಿವರಾಮ ಹೆಬ್ಬಾರ್ ಅವರು ವಿರೋಧಿಸಿದ್ದರು. ಶಿವರಾಮ ಹೆಬ್ಬಾರ್ ಅವರ ಜೊತೆ ಅನೇಕ ಕಾಂಗ್ರೆಸ್ ನಾಯಕರು ಈ ಹೇಳಿಕೆ ವಿರೋಧಿಸಿದ್ದರು. ಶಿವರಾಮ ಹೆಬ್ಬಾರ್ ಅವರ ಹೇಳಿಕೆಯನ್ನು ಬಿಜೆಪಿ ಜಿಲ್ಲಾಧ್ಯಕ್ಷ ಎನ್ ಎಸ್ ಹೆಗಡೆ ವಿರೋಧಿಸಿದ್ದರು. ಈ ವೇಳೆ ಎನ್ ಎಸ್ ಹೆಗಡೆ ಅವರು `ಶಿವರಾಮ ಹೆಬ್ಬಾರ್ ಅವರು ಬಣ್ಣ ಬದಲಿಸುವ ವ್ಯಕ್ತಿ’ ಎಂದಿದ್ದು, ಹೆಬ್ಬಾರ್ ಅಭಿಮಾನಿಗಳಿಂದ ಸಹಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಎನ್ ಎಸ್ ಹೆಗಡೆ ಅವರ ಹೇಳಿಕೆಗೆ ಸಂಬoಧಿಸಿ ಈ ದಿನ ಉತ್ತರ ಕನ್ನಡ ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರವಿ ಭಟ್ಟ ಬರಗದ್ದೆ ತಿರುಗೇಟು ನೀಡಿದ್ದಾರೆ. `ಶಿವರಾಮ ಹೆಬ್ಬಾರ್ ಅವರು 2018ರಲ್ಲಿ ತಮ್ಮ ನಿಲುವು ಬದಲಿಸದೇ ಇದ್ದಿದ್ದರೆ ಬಿಜೆಪಿ ಅಧಿಕಾರಕ್ಕೆ ಬರುತ್ತಿರಲಿಲ್ಲ. ಕಾಗೇರಿ ಅವರು ಸ್ಪೀಕರ್ ಆಗುತ್ತಿರಲಿಲ್ಲ’ ಎಂದು ರವಿ ಭಟ್ಟ ಬರಗದ್ದೆ ಹೇಳಿದ್ದಾರೆ.
- [ಶಿರಸಿ: ಚಿರತೆಯ ಚಿಂತೆ ದೂರಮಾಡಿದ ಶಾಸಕರ ಮನೆ ಶ್ವಾನ](https://mobiletime.in/2025/11/sirsi-mlas-pet-dog-takes-away-leopard-worries/): ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರು ಸಾಕಿದ್ದ ಶ್ವಾನ ವ್ಯಾಘ್ರನ ಪಾಲಾಗಿದೆ. ಶಾಸಕರ ಮನೆಗೆ ನುಗ್ಗಿದ ಚಿರತೆ ನಾಯಿಯನ್ನು ಕೊಂದಿದೆ. ಭೀಮಣ್ಣ ನಾಯ್ಕ ಅವರು ಮಳಲಗಾವಿನಲ್ಲಿ ತೋಟ ಹೊಂದಿದ್ದಾರೆ. ಅಲ್ಲಿ ಅವರು ತೋಟದ ರಕ್ಷಣೆಗಾಗಿ ನಾಯಿಗಳನ್ನು ಸಾಕಿದ್ದಾರೆ. ಮಂಗಳವಾರ ನಸುಕಿನಲ್ಲಿ ತೋಟದ ಮನೆಗೆ ಚಿರತೆ ನುಗ್ಗಿದ್ದು, ಅಲ್ಲಿದ್ದ ನಾಯಿಗಳಿಗೆ ಹೊಂಚು ಹಾಕಿದೆ. ಐದು ನಾಯಿಗಳನ್ನು ಚಿರತೆ ಬೆನ್ನತ್ತಿ ಬಂದಿರುವ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಹೊಂಚು ಹಾಕಿ ಕುಳಿತಿದ್ದ ಚಿರತೆ ಕೊನೆಗೆ ಮರಿ ನಾಯಿಯ ಕತ್ತು ಹಿಡಿದು ಕೊಂದಿದೆ. ಅದೇ ನಾಯಿಯನ್ನು ಹಿಡಿದು ಕಾಡಿನ ಕಡೆ ಚಲಿಸಿದೆ. ಮನೆ ಹೊರಭಾಗದಲ್ಲಿ ಆಟವಾಡುತ್ತಿದ್ದ ನಾಯಿ ಚಿರತೆ ಪಾಲಾಗಿರುವುದನ್ನು ಇನ್ನಿತರ ನಾಯಿಗಳು ಗಮನಿಸಿದ್ದು, ಇನ್ನಿತರ ನಾಯಿಗಳು ಬೊಗಳಿ ಅಲ್ಲಿಂದ ಓಡಿವೆ. ಬೆಳಗ್ಗೆ ತೋಟದ ಮನೆ ಸಿಬ್ಬಂದಿ ಸಿಸಿ ಕ್ಯಾಮರಾ ಪರಿಶೀಲನೆ ನಡೆಸಿದಾಗ ಚಿರತೆ ಆಗಮನದ ಬಗ್ಗೆ ಅರಿವಾಗಿದೆ. ಚಿರತೆ ನಾಯಿ ಹಿಡಿದು ಕಾಡಿಗೆ ಹೋಗಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ. ಅರಣ್ಯ ಇಲಾಖೆಯವರು ಸುದ್ದಿ ಕೇಳಿ ಶಾಸಕರ ಮನೆಗೆ ಭೇಟಿ ನೀಡಿದ್ದಾರೆ. ಚಿರತೆ ಆಗಮನ ಕುರುಹುಗಳನ್ನು ಅಧಿಕಾರಿಗಳು ಸಂಗ್ರಹಿಸಿದ್ದಾರೆ.
- [ಬ್ಯಾಂಕಿಗೆ ಬೆಂಕಿ ಹಚ್ಚಿದ ದುರುಳರು!](https://mobiletime.in/2025/11/the-miscreants-set-fire-to-the-bank/): ಯಲ್ಲಾಪುರದ ಉಮ್ಮಚ್ಗಿಯಲ್ಲಿ ದುರುಳರು ಬ್ಯಾಂಕಿಗೆ ಬೆಂಕಿ ಹಚ್ಚಿದ್ದಾರೆ. ಬ್ಯಾಂಕ್ ಒಳಗಿದ್ದ ಕಂಪ್ಯುಟರ್ ಹಾಗೂ ವಿವಿಧ ದಾಖಲೆಗಳು ಸುಟ್ಟು ಕರಕಲಾಗಿದೆ. ಇಲ್ಲಿನ ಕರ್ನಾಟಕ ಗ್ರಾಮೀಣ ವಿಕಾಸ್ ಬ್ಯಾಂಕಿನ ಒಳಭಾಗದಲ್ಲಿ ಬೆಂಕಿ ಉರಿದಿದ್ದು, ವಿಷಯ ತಿಳಿದ ಸ್ಥಳೀಯರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಬುಧವಾರ ನಸುಕಿನಲ್ಲಿ ದರೋಡೆಕೋರರು ಬ್ಯಾಂಕ್ ಆವರಣ ಪ್ರವೇಶಿಸಿದ್ದಾರೆ. ಕಿಟಕಿ ಮುರಿದು ಬ್ಯಾಂಕ್ ಒಳಗೆ ನುಗ್ಗಿದ್ದಾರೆ. ಸೇಫ್ ಲಾಕರ್ ಒಡೆಯುವ ಪ್ರಯತ್ನ ನಡೆಸಿದಾಗ ಬ್ಯಾಂಕಿನ ಸೈರನ್ ಸದ್ದು ಮಾಡಿದೆ. ಆಗ, ದುಷ್ಕರ್ಮಿಗಳು ಬ್ಯಾಂಕಿಗೆ ಬೆಂಕಿ ಹಚ್ಚಿ ಪರಾರಿಯಾಗಿದ್ದಾರೆ. ಬ್ಯಾಂಕ್ ಕಟ್ಟಡದಿಂದ ಹೊಗೆಯಾಡುವುದನ್ನು ನೋಡಿದ ಜನ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿ ಜೊತೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಬೆಂಕಿ ಆರಿಸುವ ಕೆಲಸ ಮಾಡಿದ್ದಾರೆ. ಈ ವೇಳೆ ಕಿಟಕಿ ತುಂಡಾಗಿರುವುದು ಗೊತ್ತಾಗಿದ್ದು, ಅಲ್ಲಿಂದ ಕಳ್ಳರು ಬ್ಯಾಂಕ್ ಒಳಗೆ ಪ್ರವೇಶಿಸಿ ದುಷ್ಕೃತ್ಯ ನಡೆಸಿದ್ದು ಬಹಿರಂಗವಾಗಿದೆ. ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಸ್ಥಳದಲ್ಲಿ ಮೊಕ್ಕಾಂ ಹೂಡಿದ್ದಾರೆ. ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ತಂಡ ಕಟ್ಟಿಕೊಂಡು ದುಷ್ಟರ ಶೋಧ ಶುರು ಮಾಡಿದ್ದಾರೆ. ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಯುತ್ತಿದ್ದು, ಬೆಂಕಿ ಹಚ್ಚಿದವರು ಸಿಕ್ಕಿಬೀಳುವ ಸಾಧ್ಯತೆ ಹೆಚ್ಚಿದೆ.
- [2025 ನವೆಂಬರ್ 12ರ ದಿನ ಭವಿಷ್ಯ](https://mobiletime.in/2025/11/prediction-for-november-12-2025/): ಮೇಷ ರಾಶಿ: ಹೊಸ ಕಾರ್ಯಗಳಲ್ಲಿ ಉತ್ಸಾಹ ಹೆಚ್ಚಿರುತ್ತದೆ. ಕುಟುಂಬದಲ್ಲಿ ಸಂತೋಷದ ವಾತಾವರಣವಿರಲಿದೆ. ವೃತ್ತಿಯಲ್ಲಿ ಬೆಳವಣಿಗೆ ಸಾಧ್ಯವಿದೆ. ಆರೋಗ್ಯ ಸುಧಾರಣೆ ಆಗಲಿದೆ. ವೃಷಭ ರಾಶಿ: ಆರ್ಥಿಕ ಸ್ಥಿತಿಯಲ್ಲಿ ಸುಧಾರಣೆ ಸಾಧ್ಯವಿದೆ. ಮನಸ್ಸು ಶಾಂತವಾಗಿರುತ್ತದೆ. ಶುಭ ಸುದ್ದಿಗಳು ಬರಲಿದೆ. ದೂರದ ಹಿತೈಶಿಗಳಿಂದ ಸಹಾಯ ಸಿಗಲಿದೆ. ಮಿಥುನ ರಾಶಿ: ಬದಲಾಗುತ್ತಿರುವ ಪರಿಸ್ಥಿತಿಗೆ ಒಗ್ಗುವುದು ಅನಿವಾರ್ಯ. ಉದ್ಯೋಗದಲ್ಲಿ ಹೊಸ ಅವಕಾಶ ಸಿಗಲಿದೆ. ಹಣದ ಖರ್ಚು ಹೆಚ್ಚಳವಾಗುವ ಸಾಧ್ಯತೆಯಿದೆ. ಆರೋಗ್ಯದ ಕಡೆ ಗಮನ ಅಗತ್ಯ. ಕರ್ಕ ರಾಶಿ: ಮಂದಗತಿಯ ಕಾರ್ಯಪ್ರವೃತ್ತಿ ಮುಂದುವರೆಯಲಿದೆ. ಹಿರಿಯರಿಂದ ಸಲಹೆ ಪಡೆಯಿರಿ. ಖರ್ಚು ಹೆಚ್ಚಳವಾಗಲಿದೆ. ಆಧ್ಯಾತ್ಮಿಕ ಭಾವನೆ ಬೆಳೆಯಲಿದೆ. ಸಿಂಹ ರಾಶಿ: ಸ್ನೇಹಿತರ ಜೊತೆ ಸಮಾವೇಶದಲ್ಲಿ ಭಾಗವಹಿಸುವ ಅವಕಾಶವಿದೆ. ಕೆಲಸದಲ್ಲಿ ಅಭಿವೃದ್ಧಿ ಸಾಧ್ಯವಿದೆ. ನಾಯಕತ್ವದ ಗುಣ ಫಲ ನೀಡಲಿದೆ. ಕನ್ಯಾ ರಾಶಿ: ವ್ಯಾಪಾರದಲ್ಲಿ ಲಾಭ ಆಗಲಿದೆ. ಸ್ನೇಹಿತರಿಂದ ಉತ್ತಮ ಸ್ಪಂದನೆ ಸಿಗಲಿದೆ. ಆರೋಗ್ಯದಲ್ಲಿ ಸುಧಾರಣೆ ಸಾಧ್ಯವಿದೆ. ಚಿಂತೆ ಕಡಿಮೆ ಮಾಡಿ. ತುಲಾ ರಾಶಿ: ದೂರದ ಪ್ರಯಾಣ ಸಾಧ್ಯವಿದೆ. ಆಧ್ಯಾತ್ಮದಲ್ಲಿ ಆಸಕ್ತಿ ಬೆಳೆಯಲಿದೆ. ಉತ್ತಮ ಸುದ್ದಿ ಬರಬಹುದು. ಹಣದ ಗುಣಾತ್ಮಕ ಸುಧಾರಣೆ ಸಾಧ್ಯವಿದೆ. ವೃಶ್ಚಿಕ ರಾಶಿ: ಕುಟುಂಬದಲ್ಲಿ ವಿವಾದ ಆಗದಂತೆ ಎಚ್ಚರಿಕೆವಹಿಸಿ. ಹಣಲಾಭದ ಅವಕಾಶಗಳಿವೆ. ಆರೋಗ್ಯದ ಮೇಲೆ ಹೆಚ್ಚಿನ ಗಮನಕೊಡಿ. ಸಂದೇಹಗಳು ದೂರವಾಗಲಿದೆ. ಧನು ರಾಶಿ: ಹೊಸ ವ್ಯವಹಾರ ಶುರು ಮಾಡಲು ಉತ್ತಮ ಸಮಯ. ಆದಾಯ ಸಿಗುವ ಸಾಧ್ಯತೆ ಹೆಚ್ಚಿದೆ. ಆರೋಗ್ಯ ಉತ್ತಮವಾಗಿರಲಿದೆ. ಮಕರ ರಾಶಿ: ಪದವಿ ಜೀವನದಲ್ಲಿ ಯಶಸ್ಸು ಸಿಗಲಿದೆ. ಹಣಕಾಸು ಲಾಭ ಆಗಲಿದೆ. ಬಂಧುಗಳೊAದಿಗೆ ಸಂತಸದ ಕ್ಷಣ ಬರಲಿದೆ. ಆರೋಗ್ಯ ಪ್ರಶ್ನೆಗಳಿಗೆ ಪರಿಹಾರ ದೊರೆಯಲಿದೆ. ಕುಂಭ ರಾಶಿ: ಕೌಟುಂಬಿಕ ವಿಷಯದಲ್ಲಿ ಸ್ಪಷ್ಟತೆ ಸಿಗಲಿದೆ. ವ್ಯವಹಾರದಲ್ಲಿ ಸಾಧನೆ ಸಾಧ್ಯವಿದೆ. ಚಿಕಿತ್ಸೆ ಪರಿಣಾಮಕಾರಿ ಆಗಲಿದೆ. ಧೈರ್ಯದಿಂದ ಜೀವಿಸುವುದು ಮುಖ್ಯ. ಮೀನ ರಾಶಿ: ಚಿಂತೆ ದೂರವಾಗಲಿದೆ. ಆರೋಗ್ಯ ಸುಧಾರಣೆ ಸಾಧ್ಯವಿದೆ. ವೃತ್ತಿಯಲ್ಲಿ ಬದಲಾವಣೆಯ ಲಕ್ಷಣವಿದೆ.
- [ರಸ್ತೆ ಹಾಳಾಗಲು ಗ್ಯಾರಂಟಿ ಕಾರಣ!](https://mobiletime.in/2025/11/guaranteed-cause-of-road-damage/): `ಗ್ಯಾರಂಟಿ ಯೋಜನೆಯ ಪರಿಣಾಮ ರಾಜ್ಯ ಸರ್ಕಾರದಿಂದ ರಸ್ತೆ ಗುಂಡಿ ಮುಚ್ಚಲು ಸಾಧ್ಯವಾಗುತ್ತಿಲ್ಲ’ ಎಂದು ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದ್ದಾರೆ. ರಾಜ್ಯದ ಎಲ್ಲಡೆ ರಸ್ತೆಗಳಲ್ಲಿ ಗುಂಡಿ ಬಿದ್ದಿದ್ದು, ಅಭಿವೃದ್ದಿಗೆ ಸಹ ಸರ್ಕಾರದ ಬಳಿ ಹಣ ಇಲ್ಲ’ ಎಂದವರು ಟೀಕಿಸಿದ್ದಾರೆ. ಮುಂಡಗೋಡದಲ್ಲಿ ಪತ್ರಕರ್ತರ ಜೊತೆ ಮಾತನಾಡಿದ ಅವರು `ರಾಜ್ಯದಲ್ಲಿ ಆಡಳಿತವೇ ಇಲ್ಲದ ಸರ್ಕಾರ ಅಧಿಕಾರದಲ್ಲಿದೆ. ಸರ್ಕಾರದ ಬಳಿ ಅಭಿವೃದ್ದಿಗೆ ಹಣವಿಲ್ಲ. ಅದಾಗಿಯೂ, ಅಲ್ಪಸಂಖ್ಯಾತರ ಒಲೈಕೆ ತಪ್ಪಿಲ್ಲ’ ಎಂದು ಕಿಡಿಕಾರಿದರು. `ರಾಜ್ಯದಲ್ಲಿರುವ ಜೈಲುಗಳು ರೆಸಾರ್ಟ್ ಆಗಿ ಪರಿವರ್ತನೆಯಾಗಿದೆ. ಸಮಾಜದ್ರೋಹಿ ಚಟುವಟಿಕೆ ನಡೆಸುವವರಿಗೆ ಜೈಲಿನಲ್ಲಿ ಮೊಬೈಲ್ ಸಿಗುತ್ತಿದೆ. ಅಧಿಕಾರದ ಹಂಚಿಕೆ ಕಚ್ಚಾಟದಲ್ಲಿ ರಾಜ್ಯವೇ ತಲೆ ತಗ್ಗಿಸುವ ಪರಿಸ್ಥಿತಿಯಿದೆ’ ಎಂದು ಕಿಡಿಕಾರಿದರು. `ಈ ಎಲ್ಲಾ ವಿಷಯಗಳ ಬಗ್ಗೆ ಬಿಜೆಪಿ ಹೋರಾಟ ನಡೆಸಲಿದೆ’ ಎಂದರು.  
- [ಸುಗಮ ಬಸ್ಸಿನಲ್ಲಿ ಚಿನ್ನ ಕಳ್ಳತನ!](https://mobiletime.in/2025/11/gold-theft-on-a-sugama-bus/): ಬೆಂಗಳೂರಿನಿoದ ಹೊನ್ನಾವರಕ್ಕೆ ಬರುವ ಸುಗಮ ಬಸ್ಸಿನಲ್ಲಿ ಕಳ್ಳರ ಕಾಟ ಜೋರಾಗಿದೆ. ಈ ಬಸ್ಸಿನಲ್ಲಿ ಸಂಚರಿಸುತ್ತಿದ್ದ ಚಿನ್ನದ ವ್ಯಾಪಾರಿ ನಾಗರಾಜ ಪಾಲೇಕರ್ ಅವರು 6.40 ಲಕ್ಷ ರೂ ಮೌಲ್ಯದ ಆಭರಣ ಕಳೆದುಕೊಂಡಿದ್ದಾರೆ. ಹೊನ್ನಾವರದ ಕಾಸರಕೋಡು ಟೊಂಕಾದ ನಾಗರಾಜ ಶಿವಾನಂದ ಪಾಲೇಕರ್ ಅವರು ಸದ್ಯ ಬೆಂಗಳೂರು ನಿವಾಸಿ. ಬಂಗಾರದ ಅಂಗಡಿಯಲ್ಲಿ ಕೆಲಸ ಮಾಡುವ ಅವರು ನವೆಂಬರ್ 8ರಂದು ಹೊನ್ನಾವರಕ್ಕೆ ಬರಲು ನಿರ್ಧರಿಸಿದ್ದರು. ಇದಕ್ಕಾಗಿ ಸುಗಮ ಬಸ್ಸಿನಲ್ಲಿ ಅವರು ಸಂಚಾರ ಶುರು ಮಾಡಿದ್ದರು. ಆ ದಿನ ರಾತ್ರಿ ಅವರ ಬಳಿಯಿದ್ದ ಚಿನ್ನದ ಆಭರಣಗಳನ್ನು ಬಸ್ಸಿನಲ್ಲಿಯೇ ಕಳ್ಳರು ಅಪಹರಿಸಿದರು. ನಾಗರಾಜ ಪಾಲೇಕರ್ ಅವರು ತಮ್ಮ ಪ್ರಯಾಣದ ಜೊತೆ ಚಿಕ್ಕ ಪರ್ಸ ಇರಿಸಿಕೊಂಡಿದ್ದರು. ಅದರಲ್ಲಿ ಹಳೆಯ ಬಂಗಾರದ ಆಭರಣಗಳಿದ್ದವು. ಕರಿಮಣಿ ಸರ ಹಾರ, ಬಳೆ, ಕಿವಿಯೋಲೆ, ಉಂಗುರಗಳನ್ನು ನೋಡಿದ್ದ ಕಳ್ಳರು ಆ ಪರ್ಸನ್ನು ಎಗರಿಸಿದರು. ಇದರಿಂದ ನಾಗರಾಜ ಪಾಲೇಕರ್ ಅವರು 6.40 ಲಕ್ಷ ರೂ ನಷ್ಟ ಅನುಭವಿಸಿದರು. ಕಳ್ಳತನದ ಬಗ್ಗೆ ಅವರು ಹೊನ್ನಾವರ ಪೊಲೀಸರಿಗೆ ದೂರಿದ್ದು, ಅವರು ತನಿಖೆ ಶುರು ಮಾಡಿದ್ದಾರೆ.
- [ಕಾಡು ಗ್ರಾಮದಲ್ಲಿ ಪೊಲೀಸ್ ಗ್ರಾಮ ವಾಸ್ತವ್ಯ](https://mobiletime.in/2025/11/police-village-stay-in-a-forest-village/): ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ತಮ್ಮ ಸಂಗಡಿಗರ ಜೊತೆ ಕುಂದರಗಿಯಲ್ಲಿ ಗ್ರಾಮ ವಾಸ್ತವ್ಯ ಮಾಡಿದ್ದಾರೆ. ಪಿಎಸ್‌ಐ ರಾಜಶೇಖರ ವಂದಲಿ ಅವರು ತಮ್ಮ ಸಹಚರರ ಜೊತೆ ಬೈಲಂದೂರಿನಲ್ಲಿ ರಾತ್ರಿ ಕಳೆದಿದ್ದಾರೆ. ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ಘಟಕ `ಮನೆ ಮನೆಗೂ ಪೊಲೀಸ್’ ಎಂಬ ಅಭಿಯಾನ ನಡೆಸುತ್ತಿದೆ. ಅದರ ಮುಂದುವರೆದ ಭಾಗವಾಗಿ ಪೊಲೀಸರು ಇದೀಗ ಕುಗ್ರಾಮಗಳಲ್ಲಿ ರಾತ್ರಿ ಕಳೆಯುತ್ತಿದ್ದಾರೆ. ಆ ಮೂಲಕ ಜನರ ವಿಶ್ವಾಸಗಳಿಸಿ ಅವರಿಂದ ವಿವಿಧ ಬಗೆಯ ಮಾಹಿತಿ ಸಂಗ್ರಹಿಸುವ ಕಾರ್ಯ ಶುರು ಮಾಡಿದ್ದಾರೆ. ಜಿಲ್ಲೆಯಲ್ಲಿಯೇ ಮೊದಲ ಬಾರಿಗೆ ಸೋಮವಾರ ಯಲ್ಲಾಪುರ ಪೊಲೀಸರು ಗ್ರಾಮ ವಾಸ್ತವ್ಯ ಮಾಡಿದ್ದಾರೆ. ಮಂಗಳವಾರ ಬೆಳಗ್ಗೆಯವರೆಗೂ ಕಾಡಿನ ಪ್ರದೇಶದ ಕೊಠಡಿಯಲ್ಲಿ ಉಳಿದು ಜನರ ಸಮಸ್ಯೆ ಆಲಿಸಿದ್ದಾರೆ. ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ಸೋಮವಾರ ಸಂಜೆ ಕುಂದರಗಿಯ ಪ್ರಗತಿ ವಿದ್ಯಾಲಯಕ್ಕೆ ಹೋಗಿದ್ದರು. ಅಲ್ಲಿನ ಜನರನ್ನು ಮಾತನಾಡಿಸಿ ಅವರ ಸಮಸ್ಯೆ ಬಗ್ಗೆ ಚರ್ಚಿಸಿದರು. `ಯಾವುದೇ ಸಮಸ್ಯೆ ಆದರೂ ಪೊಲೀಸರ ನೆರವುಪಡೆಯಿರಿ’ ಎಂದು ಧೈರ್ಯ ಹೇಳಿದರು. ಅಪಘಾತ ನಿಯಂತ್ರಣದ ಮುನ್ನಚ್ಚರಿಕೆ, ಸೈಬರ್ ಅಪರಾಧ ಕುರಿತು ಅಲ್ಲಿನವರಿಗೆ ಅರಿವು ಮೂಡಿಸಿದರು. ಆ ಭಾಗದ ಬೀಟ್ ಪೊಲೀಸ್ ಸುರೇಶ ಕಾಂಟ್ರೆಕ್ಟ್ ಹಾಗೂ ಪೊಲೀಸ್ ಜೀಪ್ ಚಾಲಕ ಕೃಷ್ಣ ಮಾತೋಜಿ ಅವರು ಇಡೀ ರಾತ್ರಿ ಜನರ ಜೊತೆಗಿದ್ದು ಅಲ್ಲಿನವರ ಆಗು-ಹೋಗುಗಳಿಗೆ ಸ್ಪಂದಿಸಿದರು. ತುರ್ತು ಸನ್ನಿವೇಶದಲ್ಲಿ 112ಗೆ ಫೋನ್ ಮಾಡುವಂತೆ ಮನವಿ ಮಾಡಿದರು. ಇನ್ನೂ ಬೈಲಂದೂರಿನಲ್ಲಿ ಪಿಎಸ್‌ಐ ರಾಜಶೇಖರ ವಂದಲಿ ಅವರು ಸೋಮವಾರ ರಾತ್ರಿ ಕಳೆದರು. ಪೊಲೀಸ್ ಸಿಬ್ಬಂದಿ ಮಾರುತಿ ಎಚ್ ಅವರ ಜೊತೆ ಸೇರಿ ಅಕ್ರಮ ಚಟುವಟಿಕೆಗಳ ಬಗ್ಗೆ ಅವರು ಮಾಹಿತಿಪಡೆದರು. ಅಕ್ರಮ ಚಟುವಟಿಕೆ ನಡೆಸಿದವರಿಗೆ ಕಾನೂನು ಪ್ರಕಾರ ಕ್ರಮ ಜರುಗಿಸುವುದಾಗಿ ಎಚ್ಚರಿಸಿದರು. `ಕುಂದರಗಿ ಭಾಗದಲ್ಲಿ ಸ್ವಾಮೀಜಿ ಅವರ ವೇಷ ಧರಿಸಿ ಬರುವ ಅಪರಿಚಿತರ ಸಂಖ್ಯೆ ಹೆಚ್ಚಾಗಿದೆ. ಗುರುತು-ಪರಿಚಯ ಇಲ್ಲದವರು ಧಾರ್ಮಿಕ ನಾಯಕರ ವೇಷಧರಿಸಿ ಬಂದು ಹಣ ಕೇಳುತ್ತಾರೆ’ ಎಂದು ಜನ ದೂರಿದರು. `ಕೆಲವರು ರಾತ್ರಿ ವೇಳೆ ಕುಡಿದು ಗಲಾಟೆ ಮಾಡುತ್ತಾರೆ. ಅವರಿಂದ ಊರಿನ ವಾತಾವರಣ ಹಾಳಾಗುತ್ತಿದೆ’ ಎಂದು ವಿವರಿಸಿದರು. `ರಸ್ತೆ ಕೆಲಸ ನಡೆಯುತ್ತಿರುವುದರಿಂದ ಅಪಘಾತ ಪ್ರಮಾಣ ಹೆಚ್ಚಾಗಿದ್ದು, ಅದನ್ನು ನಿಯಂತ್ರಿಸಿ’ ಎಂದು ಊರಿನವರು ಕೇಳಿಕೊಂಡರು. ಈ ಎಲ್ಲಾ ಸಮಸ್ಯೆಗೆ ತ್ವರಿತ ಪರಿಹಾರ ಒದಗಿಸುವುದಾಗಿ ಪೊಲೀಸರು ಭರವಸೆ ನೀಡಿದರು. `ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರ ಮುಂದಾಳತ್ವದಲ್ಲಿ ಮನೆ ಮನೆ ಪೊಲೀಸ್ ಕಾರ್ಯಕ್ರಮ ನಡೆಯುತ್ತಿದೆ. ಅದರ ಭಾಗವಾಗಿ ಪೊಲೀಸರು ಗ್ರಾಮ ವಾಸ್ತವ್ಯ ಮಾಡುತ್ತಿದ್ದು, ಅಲ್ಲಿನ ಸಮಸ್ಯೆಗಳಿಗೆ ಸ್ಪಂದಿಸುವ ಕೆಲಸ ಮಾಡುತ್ತಿದ್ದಾರೆ. ರಾತ್ರಿ ವೇಳೆ ಊರಿನವರು ಸಿಗುವುದರಿಂದ ಮುಕ್ತ ಮಾತುಕಥೆ ಸಾಧ್ಯವಿದೆ. ಜನರನ್ನು ವಿಶ್ವಾಸಕ್ಕೆಪಡೆದು ಕಾನೂನು ಸುವ್ಯವಸ್ಥೆ ಕಾಪಾಡುವ ಕೆಲಸ ನಡೆದಿದೆ’ ಎಂದು ಪಿಐ ರಮೇಶ ಹಾನಾಪುರ ಅವರು ಪ್ರತಿಕ್ರಿಯಿಸಿದರು.
- [ಕಾಸು ಕೊಡದೇ ಚಲಿಸದ ಕಿಮ್ಸ್ ಆಂಬುಲೆನ್ಸ!](https://mobiletime.in/2025/11/kims-ambulance-wont-run-without-payment/): ತುರ್ತು ಸನ್ನಿವೇಶದಲ್ಲಿ ಜನರ ನೆರವಿಗೆ ಬರಬೇಕಿದ್ದ ಕಾರವಾರದ ಕಿಮ್ಸ್ ಆಂಬುಲೆನ್ಸ್ ಕಾಸು ಕೊಡದೇ ಚಲಿಸುವುದಿಲ್ಲ. ನಿನ್ನೆಯೂ 4 ಸಾವಿರ ರೂ ಕರೆನ್ಸಿ ಕಂಡ ನಂತರವೇ ಆ ಆಂಬುಲೆನ್ಸ್ ಚಲಿಸಿದ್ದು, ಕಾಸು ಕೊಡುವವರೆಗೂ ಅಪಘಾತಕ್ಕೀಡಾದ ಗಾಯಾಳು ಸಾವು-ಬದುಕಿನ ನಡುವೆ ಹೋರಾಟ ನಡೆಸಿದ್ದಾರೆ! ಸೋಮವಾರ ಕಾರವಾರದ ಕದ್ರಾ ಬಳಿ ಬಸ್ಸೊಂದು ಬೈಕಿಗೆ ಡಿಕ್ಕಿಯಾಯಿತು. ಅಣು ವಿದ್ಯುತ್ ಘಟಕದ ಸಿಬ್ಬಂದಿ ಸಾಗಿಸುವ ಬಸ್ಸು ಗುದ್ದಿದ ಪರಿಣಾಮ ರಮೇಶ ಸುಬ್ರಾಯ ಬಾಂದೇಕರ ಅವರು ಗಾಯಗೊಂಡರು. ತಕ್ಷಣ ಗಾಯಾಳುವನ್ನು ಕಾರವಾರದ ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ಕಿಮ್ಸ್ ಆವರಣದಲ್ಲಿದ್ದ ಆಂಬುಲೆನ್ಸ ಕಾಸು ಕೊಡದೇ ಮುಂದೆ ಚಲಿಸಲಿಲ್ಲ. ರೋಗಿ ಸಂಬAಧಿಕರ ಬಳಿ ತುರ್ತಾಗಿ ಕೊಡಲು ಕಾಸು ಇರಲಿಲ್ಲ. ಹೀಗಾಗಿ ಗಾಯಾಳು ಸಮಸ್ಯೆ ಅನುಭವಿಸಿದರು. ಕೊನೆಗೆ ಸಮಸ್ಯೆ ಅರಿತ ವ್ಯಕ್ತಿಯೊಬ್ಬರು ಖಾಸಗಿ ಖಾತೆಗೆ 4 ಸಾವಿರ ರೂ ಹಣ ಜಮಾ ಮಾಡಿದರು. ಅದಾದ ನಂತರ ಆ ಆಂಬುಲೆನ್ಸ ಮುಂದೆ ಸಾಗಿತು. ಮಲ್ಲಾಪುರದ ಸಾಮಾಜಿಕ ಕಾರ್ಯಕರ್ತ ವಿಕೇಶ ಬಾಂದೇಕರ ಈ ವಿಷಯವಾಗಿ ತೀವ್ರ ಅಸಮಾಧಾನವ್ಯಕ್ತಪಡಿಸಿದರು. `ಹಣ ಇದ್ದ ಕಾರಣ ಅದನ್ನು ಪಾವತಿಸಲಾಯಿತು. ಹಣ ಇಲ್ಲದವರು ಅಪಘಾತಕ್ಕೀಡಾದರೆ ಗತಿ ಏನು?’ ಎಂದವರು ಪ್ರಶ್ನಿಸಿದರು.
- [ರಾಮತೀರ್ಥ: ಪುಣ್ಯ ಸ್ನಾನದ ವೇಳೆಯೇ ಶಿವನ ಪಾದ ಸೇರಿದ ಭಕ್ತ!](https://mobiletime.in/2025/11/ramatirtha-a-devotee-who-touched-the-feet-of-lord-shiva-during-a-holy-bath/): ಗೋಕರ್ಣದ ರಾಮತೀರ್ಥದ ಬಳಿ ಪುಣ್ಯ ಸ್ನಾನ ಮಾಡುತ್ತಿದ್ದ ಬೊಮ್ಮಯ್ಯ ಆಗೇರ್ ಅವರು ಅಲ್ಲಿಯೇ ಕುಸಿದು ಬಿದ್ದು ಕೊನೆಯುಸಿರೆಳೆದಿದ್ದಾರೆ. ಗೋಕರ್ಣ ಬಳಿಯ ಬಂಕಿಕೊಡ್ಲ ಸಮೀಪದ ಬಂಗ್ಲೆಗುಡ್ಡದವರಾಗಿದ್ದ ಬೊಮ್ಮಯ್ಯ ಸೋಮು ಆಗೇರ (47) ಅವರು ಸದಾ ಕಡಲು-ಕಿನಾರೆ ಬಳಿ ಸುತ್ತಾಡುತ್ತಿದ್ದರು. ಜನ ಹೇಳಿದ ಎಲ್ಲಾ ಕೆಲಸವನ್ನು ಅವರು ಮಾಡುತ್ತಿದ್ದರು. ಒಮ್ಮೊಮ್ಮೆ ಕುಣಿಯುವುದು, ದಿಡೀರ್ ಆಗಿ ಕೆಲಸ ಮಾಡುವುದು, ಏಕಾಏಕಿ ನಗುವುದು ಹಾಗೂ ಮನಸ್ಸು ಬಂದಾಗಲೆಲ್ಲ ಅಳುವ ಮನಸ್ಥಿತಿಯನ್ನು ಅವರು ಹೊಂದಿದ್ದರು. ಅನೇಕರು ಅನೇಕ ರೀತಿಯ ಕೆಲಸಗಳಿಗೆ ಬೊಮ್ಮಯ್ಯ ಆಗೇರ್ ಅವರನ್ನು ಬಳಸಿಕೊಳ್ಳುತ್ತಿದ್ದರು. ಯಾರೂ ಏನೇ ಕೆಲಸ ಹೇಳಿದರೂ ಬೊಮ್ಮಯ್ಯ ಆಗೇರ್ ಅವರು ಅದನ್ನು ಮಾಡುತ್ತಿದ್ದರು. ಕಡಲಿನಲ್ಲಿ ಅಲೆದಾಡುವ ಅವರು ರಾಮ ಮಂದಿರ ಬಳಿಯ ರಾಮತೀರ್ಥದಲ್ಲಿ ಸ್ನಾನ ಮಾಡುವ ಪರಿಪಾಠ ಹೊಂದಿದ್ದರು. ಸ್ನಾನದ ನಂತರ ದೇಗುಲ ಪ್ರದಕ್ಷಿಣೆ ಹಾಕಿ ತಮ್ಮ ಭಕ್ತಿಯಿಂದ ಅವರು ನಮಿಸುತ್ತಿದ್ದರು. ಮಂಗಳವಾರ ರಾಮತೀರ್ಥದ ಝರಿ ನೀರು ಬೀಳುವ ಸ್ಥಳಕ್ಕೆ ತೆರಳಿದ ಅವರು ಅಲ್ಲಿ ಪುಣ್ಯ ಸ್ನಾನದಲ್ಲಿ ನಿರತರಾಗಿದ್ದರು. ದಿಢೀರ್ ಆಗಿ ಅವರು ಅಲ್ಲಿಯೇ ಕುಸಿದು ಬಿದ್ದರು. ಬೊಮ್ಯಯ್ಯ ಆಗೇರ್ ಅವರನ್ನು ಅಲ್ಲಿನವರು ಆಸ್ಪತ್ರೆಗೆ ಕರೆತಂದರು. ಆ ವೇಳೆಗೆ ಅವರು ಸಾವನಪ್ಪಿರುವ ಸಂಗತಿ ಗೊತ್ತಾಯಿತು.
- [ಹೊಟೇಲ್ ಮಾಣಿಗೆ ಆಮೀಷ: 59 ಲಕ್ಷ ರೂ ಮೋಸ](https://mobiletime.in/2025/11/hotel-waiter-lured-rs-59-lakhs-cheated/): ಆನ್‌ಲೈನ್ ಟ್ರೇಡಿಂಗ್ ಮೂಲಕ ಹೆಚ್ಚು ಹಣಗಳಿಸಲು ಸಾಧ್ಯ ಎಂಬ ಸಂದೇಶ ನಂಬಿದ ಕಾರವಾರದ ಪಂಕಜ್ ನಾಯ್ಕ ಅವರು 59 ಲಕ್ಷ ರೂ ಹಣ ಕಳೆದುಕೊಂಡಿದ್ದಾರೆ. `ಅಪರಿಚಿತರನ್ನು ನಂಬಬೇಡಿ. ಆನ್‌ಲೈನ್ ವಂಚನೆಗೆ ಬಲಿಯಾಗಬೇಡಿ’ ಎಂದು ಪೊಲೀಸರು ಸಾವಿರ ಸಲ ಹೇಳಿದರೂ ಮೋಸ ಹೋಗುವವರ ಸಂಖ್ಯೆ ಕಡಿಮೆ ಆಗಿಲ್ಲ! ಕಾರವಾರದ ಸದಾಶಿವಗಡದಲ್ಲಿ ಪಂಕಜ್ ರೋಹಿದಾಸ ನಾಯ್ಕ ಅವರು ಹೊಟೇಲ್ ಕೆಲಸ ಮಾಡಿಕೊಂಡಿದ್ದರು. ಸೆಪ್ಟೆಂಬರ್ 21ರಂದು ಅವರು ಇನಸ್ಟಾಗ್ರಾಮಿನಲ್ಲಿ ಟ್ರೆಡಿಂಗ್ ಕಂಪನಿಯ ಸಂದೇಶ ನೋಡಿದರು. ಅದರ ಮೂಲಕ ವಾಟ್ಸಪ್ ಗುಂಪು ಸೇರಿದರು. ಗ್ರೂಪ್ ಅಡ್ಮಿನ್ ಆರೋಹಿ ನಂಬೋದರಿ ಅವರು ಹೇಳಿದ ಮಾತು ಆಲಿಸಿದರು. ಅವರು ಹೇಳಿದಂತೆ ಮತ್ತೊಂದು ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿಕೊಂಡು ಅಲ್ಲಿ ಹಣ ಹೂಡಿಕೆ ಶುರು ಮಾಡಿದರು. ಸೆಪ್ಟೆಂಬರ್ 26ರಿಂದ ಡಿಸೆಂಬರ್ 6ರವರೆಗೂ ಹಂತಹoತವಾಗಿ 59.50 ಲಕ್ಷ ರೂ ಹೂಡಿಕೆ ಮಾಡಿದರು. ಇದಕ್ಕೆ ಪ್ರತಿಯಾಗಿ 3 ಕೋಟಿ ರೂ ಲಾಭಗಳಿಸಿರುವುದಾಗಿ ಪಂಕಜ ನಾಯ್ಕ ಅವರಿಗೆ ಮಾಹಿತಿ ಬಂದಿತು. ಆದರೆ, ಆ ಲಾಭದ ಹಣ ಹಿಂಪಡೆಯಲು ಮಾತ್ರ ಸಾಧ್ಯವಾಗಲಿಲ್ಲ. ಆಗ, ಆ ಮಹಿಳೆಗೆ ಪಂಕಜ ನಾಯ್ಕ ಅವರು ಫೋನ್ ಮಾಡಿದರು. ಇನ್ನಷ್ಟು `ಹಣ ಹೂಡಿಕೆ ಮಾಡಿದರೆ ಮಾತ್ರ ಲಾಭದ ಹಣ ಸಿಗಲಿದೆ’ ಎಂದು ಮಹಿಳೆ ಹೇಳಿದ್ದು, ಮೋಸ ಹೋಗಿರುವುದನ್ನು ಅರಿತ ಪಂಕಜ ನಾಯ್ಕ ಅವರು ಪೊಲೀಸ್ ದೂರು ನೀಡಿದರು. ಸೈಬರ್ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
- [ಹಾಲು ವ್ಯಾಪಾರಿಗೆ ನಷ್ಟ ಮಾಡಿದ ಮೀನು ಸಾಗಾಟದ ಲಾರಿ!](https://mobiletime.in/2025/11/a-fish-transport-truck-caused-losses-to-a-milk-merchant/): ಹೆದ್ದಾರಿ ಅಂಚಿನಲ್ಲಿ ಮೇಯುತ್ತಿದ್ದ ಎಮ್ಮೆಗಳಿಗೆ ಮೀನಿನ ಲಾರಿ ಡಿಕ್ಕಿ ಹೊಡೆದಿದೆ. ಹೀಗಾಗಿ ಅಂಕೋಲಾದ ಎರಡು ದಷ್ಟಪುಷ್ಟ ಎಮ್ಮೆಗಳು ಸಾವನಪ್ಪಿದೆ. ಅಂಕೋಲಾದ ಅವರ್ಸಾ ಗ್ರಾಮದ ವಿಕಾಸ ತಳೇಕರ ಅವರು ಜಾನುವಾರುಗಳನ್ನು ಅಪಾರವಾಗಿ ಪ್ರೀತಿಸುತ್ತಿದ್ದರು. ಜೊತೆಗೆ ಅವರು ಹೈನುಗಾರಿಕೆ ಮಾಡಿ ಜೀವನ ನಡೆಸುತ್ತಿದ್ದರು. ದಷ್ಟಪುಷ್ಟವಾದ ಎಮ್ಮೆಗಳನ್ನು ಸಾಕಿದ್ದ ವಿಕಾಸ ತಳೇಕರ್ ಅವರು ನಿತ್ಯ ಅವುಗಳ ಹಾಲು ಮಾರಾಟ ಮಾಡಿ ಬದುಕು ಕಟ್ಟಿಕೊಂಡಿದ್ದರು. ಹೀಗಿರುವಾಗ ಸೋಮವಾರ ಅವರು ತಮ್ಮ ಎಮ್ಮೆಗಳನ್ನು ಮೇವಿಗೆ ಬಿಟ್ಟಿದ್ದರು. ಆ ಎಮ್ಮೆಗಳು ಹೆದ್ದಾರಿ ಅಂಚಿನಲ್ಲಿ ಬೆಳೆದ ಹುಲ್ಲುಗಳನ್ನು ತಿಂದು ಹೊಟ್ಟೆ ತುಂಬಿಸಿಕೊಳ್ಳುತ್ತಿದ್ದವು. ಆಗ, ಕಾರವಾರದಿಂದ ಅಂಕೋಲಾ ಕಡೆ ವೇಗವಾಗಿ ಬಂದ ಮೀನಿನ ಲಾರಿಯೊಂದು ಆ ಎಮ್ಮೆಗಳಿಗೆ ಡಿಕ್ಕಿ ಹೊಡೆಯಿತು. ಉಡುಪಿಯ ಅಬ್ದುಲ್ ರೇಹಮಾನ್ ಅವರು ಕಾರವಾರ ಕಡೆಯಿಂದ ಅಂಕೋಲಾ ಕಡೆಗೆ ಮೀನು ಲಾರಿ ಓಡಿಸುತ್ತಿದ್ದು ಅವರ ಅತಿಯಾದ ವೇಗ ಎಮ್ಮೆಗಳ ಸಾವಿಗೆ ಕಾರಣವಾಯಿತು. ಈ ಅವಘಡದಲ್ಲಿ ಕೋಣಕ್ಕೂ ಗಾಯವಾಗಿದ್ದು, ಈ ಎಲ್ಲಾ ಜಾನುವಾರುಗಳ ಮಾಲಕ ವಿಕಾಸ ತಳೇಕರ ನಷ್ಟ ಅನುಭವಿಸಿದರು. ಮೀನು ಲಾರಿಯೂ ಅಪಘಾತದಲ್ಲಿ ಜಖಂ ಆಯಿತು. ಹೀಗಾಗಿ ಎಮ್ಮೆ ಸಾವನಪ್ಪಿದ ನಷ್ಟ ಭರಿಸಲು ಲಾರಿ ಚಾಲಕ ಅಬ್ದುಲ್ ರೇಹಮಾನ್ ಒಪ್ಪಲಿಲ್ಲ. ಪ್ರೀತಿಯಿಂದ ಸಾಕಿದ್ದ ಎಮ್ಮೆಗಳ ಸಾವು ಹಾಗೂ ಗಾಯಗೊಂಡ ಕೋಣದ ಆರೈಕೆ ಬಗ್ಗೆ ತಲೆಕೆಡಿಸಿಕೊಂಡ ವಿಕಾಸ ತಳ್ಳೇಕರ್ ಅವರು ಈ ಬಗ್ಗೆ ಪೊಲೀಸ್ ಠಾಣೆಯ ಮೆಟ್ಟಿಲೇರಿದರು. ವೇಗವಾಗಿ ಲಾರಿ ಓಡಿಸಿದಲ್ಲದೇ, ಎಮ್ಮೆಗಳನ್ನು ಕೊಂದ ಅಬ್ದುಲ್ ರೇಹಮಾನ್ ವಿರುದ್ಧ ದೂರು ನೀಡಿದರು. ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ.
- [ಮಹಿಳೆ ಮೈ ಮುಟ್ಟಿದವನಿಗೆ ಛೀಮಾರಿ: ದಂಡದ ಬಿಸಿ!](https://mobiletime.in/2025/11/man-who-touched-womans-body-reprimanded-fines-looming/): ತೋಟದ ಮನೆಗೆ ತೆರಳಿದ್ದ ಮಹಿಳೆಯ ಮೈ ಮುಟ್ಟಿದ ರಾಮಾ ದೇಸಾಯಿ ಅವರಿಗೆ ನ್ಯಾಯಾಲಯ ಶಿಕ್ಷೆ ವಿಧಿಸಿದೆ. ಸಂತ್ರಸ್ತ ಮಹಿಳೆಗೂ ಪರಿಹಾರ ಒದಗಿಸುವಂತೆ ಆದೇಶಿಸಿದೆ. 2013ರ ಅಕ್ಟೊಬರ್ 13ರಂದು ಜೊಯಿಡಾದ ಪಟೋಳಿ ಗ್ರಾಮದ ಸಾಂಗವೆ ಬಳಿ ಗಾಯತ್ರಿ (ಹೆಸರು ಬದಲಿಸಿದೆ) ಅವರು ತೋಟದ ಮನೆಗೆ ಹೋಗಿದ್ದರು. ಅಲ್ಲಿ ಅವರು ಪಂಪ್ ಸೆಟ್ ಚಾಲು ಮಾಡುವಾಗ ರಾಮಾ ಗೋಪಾಲ ದೇಸಾಯಿ ಪಂಪಿನ ಮನೆಯೊಳಗೆ ನುಗ್ಗಿದ್ದರು. ರಾಮಾ ದೇಸಾಯಿ ಅವರು ಗಾಯತ್ರಿ ಅವರನ್ನು ಈ ವೇಳೆ ಗಟ್ಟಿಯಾಗಿ ಹಿಡಿದುಕೊಂಡಿದ್ದು, ಇದಕ್ಕೆ ಗಾಯತ್ರಿ ಅವರು ವಿರೋಧವ್ಯಕ್ತಪಡಿಸಿದರು. ಅದಾಗಿಯೂ ರಾಮಾ ದೇಸಾಯಿ ಅವರು ಗಾಯತ್ರಿ ಅವರನ್ನು ಬಿಡಲಿಲ್ಲ. ರಾಮಾ ದೇಸಾಯಿ ಅವರು ಅಸಭ್ಯವಾಗಿ ವರ್ತಿಸಿದಾಗ ಗಾಯತ್ರಿ ಅವರು ಜೋರಾಗಿ ಬೊಬ್ಬೆ ಹೊಡೆದರು. ಆಗ, ರಾಮಾ ದೇಸಾಯಿ ಅವರು ಗಾಯತ್ರಿ ಅವರ ಎರಡು ಕಾಲುಗನ್ನು ಗಟ್ಟಿಯಾಗಿ ಹಿಡಿದು ನೆಲಕ್ಕೆ ಬೀಳಿಸಿದರು. ಮಹಿಳೆಯ ಕೈ, ಕುತ್ತಿಗೆ ಹಾಗೂ ಬಾಯಿಗೆ ಗಾಯಪಡಿಸಿದರು. ಅದಾದ ನಂತರ `ಈ ವಿಷಯ ಯಾರಿಗಾದರೂ ಹೇಳಿದರೆ ಕೊಲೆ ಮಾಡುವೆ’ ಎಂದು ಬೆದರಿಸಿ ಅಲ್ಲಿಂದ ಪರಾರಿಯಾದರು. ಅದಾಗಿಯೂ ಗಾಯತ್ರಿ ಅವರು ತಮಗಾದ ಅನ್ಯಾಯದ ವಿರುದ್ಧ ನ್ಯಾಯಾಲಯದ ಮೆಟ್ಟಿಲೇರಿದ್ದರು. ಆದರೆ, ಸಾಕ್ಷಿ ಆಧಾರದ ಕೊರತೆಯಿಂದ 2024ರ ಅಗಸ್ಟ 30ರಂದು ದಾಂಡೇಲಿ ನ್ಯಾಯಾಲಯದಲ್ಲಿ ಆ ಪ್ರಕರಣ ಬಿದ್ದು ಹೋಯಿತು. ಆದರೆ, ಅನ್ಯಾಯ ಅನುಭವಿಸಿದ್ದ ಗಾಯತ್ರಿ ಅವರು ಸುಮ್ಮನಿರಲಿಲ್ಲ. ಸರ್ಕಾರಿ ವಕೀಲರ ನೆರವಿನಿಂದಲೇ ಮೇಲ್ಮನವಿ ಸಲ್ಲಿಸಿದರು. ಶಿರಸಿ ನ್ಯಾಯಾಲಯದ ಸರ್ಕಾರಿ ನ್ಯಾಯವಾದಿ ರಾಜೇಶ ಎಂ ಮಳಗಿಕರ್ ಅವರು ಮಹಿಳೆಗೆ ಆದ ಅನ್ಯಾಯದ ಬಗ್ಗೆ ಸಂಪೂರ್ಣ ಮಾಹಿತಿಪಡೆದರು. ವಿವಿಧ ದಾಖಲೆ ಹಾಗೂ ಸಾಕ್ಷಿಗಳನ್ನು ಅವರು ಗಮನಿಸಿದರು. `ಅನ್ಯಾಯಕ್ಕೆ ಒಳಗಾದವರಿಗೆ ನ್ಯಾಯ ಕೊಡಿಸಲೇ ಬೇಕು’ ಎಂದು ಅವರು ಸಂತ್ರಸ್ತೆ ಪರವಾಗಿ ಹೋರಾಟ ನಡೆಸಿದರು. ಶಿರಸಿ ನಗರದ 1ನೇ ಅಧಿಕ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದಲ್ಲಿ ಈ ಪ್ರಕರಣದ ವಿಚಾರಣೆ ಶುರುವಾಯಿತು. ಕಾರವಾರ ನ್ಯಾಯಾಲಯದ ಪೀಠಾಸೀನ ಕಿರಣ ಕಿಣಿ ಅವರು ಶಿರಸಿ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಸುವಾಗ ನ್ಯಾಯವಾದಿ ರಾಜೇಶ ಎಂ ಮಳಗಿಕರ್ ಅವರು ಮಹಿಳೆ ಅನುಭವಿಸಿದ ಸಮಸ್ಯೆಗಳ ಬಗ್ಗೆ ವಿವರಿಸಿದರು. ಕೆಳ ನ್ಯಾಯಾಲಯದಲ್ಲಿ ಆದ ಆದೇಶದಲ್ಲಿನ ಲೋಪಗಳ ಬಗ್ಗೆ ಅವರು ವಿವರವಾದ ಮಾಹಿತಿ ನೀಡಿದರು. ಮಹಿಳೆಯರ ಮೈಮುಟ್ಟುವವರಿಗೆ ಶಿಕ್ಷೆ ವಿಧಿಸಬೇಕು ಎಂದು ಮನವಿ ಮಾಡಿದರು. ಈ ಎಲ್ಲಾ ವಾದ ಆಲಿಸಿದ ನ್ಯಾಯಾಧೀಶ ಕಿರಣ ಕಿಣಿ ಅವರು ದಾಂಡೇಲಿ ನ್ಯಾಯಾಲಯ ನೀಡಿದ ಆದೇಶವನ್ನು ತಿರಸ್ಕರಿಸಿದರು. ಆರೋಪಿಯನ್ನು ಬಿಡುಗಡೆಗೊಳಿಸಿ ಕೆಳ ನ್ಯಾಯಾಲಯ ನೀಡಿದ ತೀರ್ಫನ್ನು ಬದಿಗೊತ್ತಿ ರಾಮಾ ಗೋಪಾಲ ದೇಸಾಯಿ ಅವರು ತಪ್ಪಿತಸ್ಥ ಎಂದು ಘೋಷಿಸಿದರು. ರಾಮಾ ಗೋಪಾಲ ದೇಸಾಯಿ ಅವರಿಗೆ 8 ಸಾವಿರ ರೂ ದಂಡ ವಿಧಿಸಿದ ನ್ಯಾಯಾಧೀಶರು ಸಂತ್ರಸ್ತ ಮಹಿಳೆಗೆ 2 ಸಾವಿರ ರೂ ಪರಿಹಾರ ನೀಡುವಂತೆ ಆದೇಶಿಸಿದರು.
- [ಬೃಹತ್ ಸಮಾವೇಶ: ಅರಣ್ಯಾಧಿಕಾರಿಗಳ ವಿರುದ್ಧ ಆಕ್ರೋಶ!](https://mobiletime.in/2025/11/massive-rally-outrage-against-forest-officials/): ಅರಣ್ಯ ಅತಿಕ್ರಮಣದಾರರ ಮೇಲೆ ಪದೇ ಪದೇ ದಬ್ಬಾಳಿಕೆ ನಡೆಯುವುದನ್ನ ಖಂಡಿಸಿ ಅರಣ್ಯವಾಸಿಗಳು ಶಿರಸಿಯಲ್ಲಿ ಮಂಗಳವಾರ ಭಾರೀ ಪ್ರಮಾಣದ ಪ್ರತಿಭಟನೆ ನಡೆಸಿದ್ದಾರೆ. ಬಿಗಿ ಪೊಲೀಸ್ ಬಂದೋಬಸ್ತಿನಲ್ಲಿ ಪ್ರತಿಭಟನಾಕಾರರ ಮೆರವಣಿಗೆ ನಡೆದಿದ್ದು, ಈ ಪ್ರತಿಭಟನೆಯಲ್ಲಿ ಸಾವಿರಾರು ಜನ `ನಮ್ಮ ಭೂಮಿ ನಮ್ಮ ಹಕ್ಕು’ ಎಂಬ ಘೋಷಣೆ ಕೂಗಿದ್ದಾರೆ. `ಅರಣ್ಯವಾಸಿಗಳ ಒಕ್ಕಲೆಬ್ಬಿಸುವ ಪ್ರಕ್ರಿಯೆ ಸ್ಥಗಿತಗೊಳಿಸಿ’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. ಮೂರು ತಾಸುಗಳ ಕಾಲ ಧರಣಿ ನಡೆಸಿ ಕೊನೆಗೆ ಜಯಘೋಷದ ಜೊತೆ ಪ್ರತಿಭಟನೆ ಹಿಂಪಡೆದರು. ಅರಣ್ಯ ಭೂಮಿ ಹಕ್ಕು ಹೊರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಪ್ರತಿಭಟನೆ ಮುಂದಾಳತ್ವವಹಿಸಿದ್ದು, ಸಿಸಿಎಫ್ ಕಾರ್ಯಾಲಯದ ಬಳಿ ಜನ ಜಮಾಯಿಸಿದರು. ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಶಿರಸಿ ಉಪವಿಭಾಗ ಅಧಿಕಾರಿ ಕಾವ್ಯಾರಾಣಿ, ಉಪಅರಣ್ಯ ಸಂರಕ್ಷಣಾಧಿಕಾರಿ ಸಂದೀಪ್ ಸೂರ್ಯವಂಶಿ ಅವರು ಜನರ ಅಹವಾಲು ಆಲಿಸಿದರು. ಆದರೆ, ಇದರಿಂದ ಪ್ರತಿಭಟನಾಕಾರರು ಮಣಿಯಲಿಲ್ಲ. ಅರಣ್ಯ ಇಲಾಖೆ ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಬರಬೇಕು ಎಂದು ಪಟ್ಟುಹಿಡಿದರು. `ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಅರ್ಜಿ ಸಲ್ಲಿಸಿದ ಅರಣ್ಯ ಅತಿಕ್ರಮಣದಾರರ ಒಕ್ಕಲೆಬ್ಬಿಸುವ ಪ್ರಕ್ರಿಯೆ ಕೂಡಲೇ ಸ್ಥಗಿತಗೊಳಿಸಬೇಕು’ ಎಂದು ಜನ ಒತ್ತಾಯಿಸಿದರು. `ಅರಣ್ಯವಾಸಿಗಳ ಒಕ್ಕಲೆಬ್ಬಿಸುವ ಪ್ರಕ್ರಿಯೆ ತುರ್ತು ಸ್ಥಗಿತಗೊಳಿಸಿ, ಒಕ್ಕಲೆಬ್ಬಿಸುವ ಸಮಸ್ಯೆಗಳ ಕುರಿತು ಸರ್ಕಾರದ ಗಮನಕ್ಕೆ ತರಲಾಗುತ್ತದೆ’ ಎಂದು ಸಿಸಿಎಫ್ ಟಿ ಹೀರಾಲಾಲ್ ಅವರು ಸಮಾಲೋಚನಾ ಸಭೆಯಲ್ಲಿ ಹೇಳಿದರು. `ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಅರ್ಜಿ ಸಲ್ಲಿಸಿದ ಅರಣ್ಯವಾಸಿಗಳ ಮೇಲೆ ದೌಜನ್ಯ ಜರುಗಿಸದಂತೆ ಸೂಚನೆ ನೀಡುವೆ’ ಎಂದವರು ಭರವಸೆ ನೀಡಿದರು. `ಜೊಯಿಡಾದಲ್ಲಿ ಅತಿಕ್ರಮಣದಾರರ ಮೇಲೆ ಜರುಗುತ್ತಿರುವ ದೌಜನ್ಯದ ಕುರಿತು ಮುಂದಿನ 15 ದಿನಗಳ ಒಳಗೆ ಜೋಯಿಡಾದಲ್ಲಿ ವಿಶೇಷವಾದ ಸಭೆ ಸಂಘಟಿಸಲಾಗುತ್ತದೆ’ ಎಂದು ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಟಿ ಹೀರಾಲಾಲ ಅವರು ಪ್ರತಿಭಟನಾಕಾರರಲ್ಲಿ ಹೇಳಿದರು. ಈ ಮಾತಿನಿಂದ ಸಂತಸಗೊAಡ ಅರಣ್ಯ ಅತಿಕ್ರಮಣದಾರರು ಹೋರಾಟಗಾರ ರವೀಂದ್ರ ನಾಯ್ಕ ಅವರನ್ನು ಹೆಗಲ ಮೇಲೆ ಹೊತ್ತು ಮೆರವಣಿಗೆ ಮಾಡಿಸಿದರು. ಹೋರಾಟಗಾರರ ಪ್ರಮುಖರಾದ ಇಬ್ರಾಹೀಂ ಗೌಡಳ್ಳಿ, ರಾಜು ನರೇಬೈಲ್, ಮಂಜುನಾಥ ಮರಾಠಿ, ಶಿವನಾಂದ ಜೋಗಿ, ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ, ರಾಮ ಮರಾಠಿ ಯಲಕೊಟಗಿ, ಸುರೇಶ ಮೇಸ್ತ ಹೊನ್ನಾವರ, ರಾಜೇಶ್ ಮಿತ್ರ ನಾಯ್ಕ ಅಂಕೋಲ, ಅಣ್ಣಪ್ಪ ನಾಯ್ಕ ಅಣ್ಣೀಗೇರಿ, ಚಂದ್ರ ಪೂಜಾರಿ ಮಂಚಿಕೇರಿ, ಗಣಪತಿ ನಾಯ್ಕ ಬೆಡಸಗಾಂವ, ಹರಿಹರ ನಾಯ್ಕ, ದೇವರಾಜ ಗೊಂಡ ಭಟ್ಕಳ, ಮಹೇಶ್ ಸಾಲ್ಕೋಡ, ನೆಹರು ನಾಯ್ಕ, ಎಮ್ ಆರ್ ನಾಯ್ಕ, ರಾಘು ಕವಂಚೂರು, ರಫೀಕ್, ಸುಭಾಷ್ ಗಾವಡಾ, ಅನಿತಾ ಲೋಫಿಸ್, ಮಲ್ಲೇಶಿ, ಸ್ವಾತಿ ಜೈನ್ ಮುಂತಾದವರು ಉಪಸ್ಥಿತರಿದ್ದರು.
- [ಕಾನ್ಸರ್ ಎಂದರೆ ಭಯ ಬೇಡ!](https://mobiletime.in/2025/11/cancer-means-no-fear/): ಆರೋಗ್ಯ ರಕ್ಷಣೆಯ ಬಗ್ಗೆ ನಿರಂತರ ಅರಿವು ಮೂಡಿಸುತ್ತಿರುವ ಶಿರಸಿಯ ಅಸ್ಮಿತೆ ಪೌಂಡೇಶನ್ ಉಂಚಳ್ಳಿಯಲ್ಲಿ ಕಾನ್ಸರ್ ಭಯ ಹೋಗಲಾಡಿಸುವ ನಿಟ್ಟಿನಲ್ಲಿ ಜನ ಜಾಗೃತಿ ಕಾರ್ಯಕ್ರಮ ನಡೆಸಿದೆ. ಬೆಂಗಳೂರಿನ ಇಂಡಿಯನ್ ಕ್ಯಾನ್ಸರ್ ಸೊಸೈಟಿ ಸಹಯೋಗದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ವಿವಿಧ ವೈದ್ಯಾಧಿಕಾರಿಗಳು ಭಾಗವಹಿಸಿ ಕಾನ್ಸರ್ ಆಗು-ಹೋಗು ವಿಚಾರವಾಗಿ ಅರಿವು ಮೂಡಿಸಿದ್ದಾರೆ. ಶಿರಸಿಯ ಅಸ್ಮಿತೆ ಫೌಂಡೇಶನ್ ಆರೋಗ್ಯ ರಕ್ಷಣೆ ವಿಚಾರವಾಗಿ ಕಳೆದ ಒಂದು ವರ್ಷದಿಂದ ಶ್ರಮಿಸುತ್ತಿದೆ. ಅದರಲ್ಲಿಯೂ ಮುಖ್ಯವಾಗಿ ಮಾಹಾಮಾರಿ ಕಾನ್ಸರ್ ವಿರುದ್ಧ ಈ ಸಂಸ್ಥೆ ಹೋರಾಡುತ್ತಿದೆ. ಗ್ರಾಮೀಣ ಭಾಗದ ಜನರಿಗೆ ಕಾನ್ಸರ್ ಕುರಿತು ಅರಿವು ಮೂಡಿಸುವುದಕ್ಕಾಗಿ ನಾನಾ ಬಗೆಯ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದೆ. ಅದರ ಭಾಗವಾಗಿ ಸದ್ಯ ಆರೋಗ್ಯ ಇಲಾಖೆ ಸಹಯೋಗದಲ್ಲಿ ಉಂಚಳ್ಳಿ ಗ್ರಾಮ ಪಂಚಾಯತದಲ್ಲಿ ಉಚಿತ ಆರೋಗ್ಯ ತಪಾಸಣೆ ಹಾಗೂ ಜಾಗೃತಿ ಶಿಬಿರ ನಡೆಸಿದೆ. `ಜನರಲ್ಲಿ ಕಾನ್ಸರ್ ಕುರಿತು ಅನೇಕ ತಪ್ಪು ತಿಳುವಳಿಕೆಗಳಿವೆ. ರೋಗದ ಬಗ್ಗೆ ಭಯಪಡುವ ಬದಲು ಸೂಕ್ತ ತಪಾಸಣೆ ನಡೆಸಿದರೆ ಆರೋಗ್ಯವಂತ ಜೀವನ ನಡೆಸಲು ಸಾಧ್ಯ’ ಎಂದು ಈ ಶಿಬಿರದಲ್ಲಿ ಭಾಗವಹಿಸಿದ ಅಸ್ಮಿತೆ ಫೌಂಡೇಶನ್ ಕಾರ್ಯನಿರ್ವಾಹಕ ನಿರ್ದೇಶಕ ಡಾ ರಿಯಾಜ್ ಸಾಗರ್ ಅವರು ಹೇಳಿದ್ದಾರೆ. `ಅಗತ್ಯ ತಪಾಸಣೆ, ನಿರಂತರ ಚಿಕಿತ್ಸೆ ಹಾಗೂ ಔಷಧೋಪಚಾರಗಳಿಂದ ರೋಗದ ವಿರುದ್ಧ ಹೋರಾಟ ಸಾಧ್ಯ’ ಎಂದವರು ಧೈರ್ಯ ತುಂಬಿದ್ದಾರೆ. ಈ ದಿನ ನಡೆದ ಉಚಿತ ಆರೋಗ್ಯ ತಪಾಸಣೆ ಶಿಬಿರದಲ್ಲಿ ನುರಿತ ವೈದ್ಯರು ಬಾಯಿ ಆರೋಗ್ಯ, ಸ್ತನ ಕ್ಯಾನ್ಸರ್ ತಪಾಸಣೆ ಹಾಗೂ ಗರ್ಭಕಂಠ ಕ್ಯಾನ್ಸರ್ ಕುರಿತು ರೋಗಿಗಳಿಗೆ ಮಾಹಿತಿ ನೀಡಿದರು. ಗ್ರಾ ಪಂ ಅಭಿವೃದ್ಧಿ ಅಧಿಕಾರಿ ಹರ್ಷ ರಾಥೋಡ್, ಕಾರ್ಯದರ್ಶಿ ಅಶೋಕ್ ನಾಯ್ಕ, ವೈದ್ಯರಾದ ಡಾ ಮಮತಾ ಹೆಗಡೆ, ಡಾ ಸೌಭಾಗ್ಯ, ಡಾ ಅರವಿಂದ ಇನ್ನಿತರರು ರೋಗಿಗಳ ಆರೈಕೆ ಮಾಡಿದರು.
- [ದೇಗುಲದ ಮೇಲೆ ಕಳ್ಳರ ಕಣ್ಣು: ಪಂಚಲೋಹದ ಮೂರ್ತಿ ಕಾಣೆ!](https://mobiletime.in/2025/11/thieves-eyes-on-the-temple-panchaloha-idol-is-missing/): ಮುರುಡೇಶ್ವರ ಬಳಿ ಎರಡು ದೇವಾಲಯದಲ್ಲಿ ಕಳ್ಳತನ ನಡೆದಿದೆ. ಬೈಲೂರು ಗ್ರಾಮದ ತೆಂಗಾರ ಊರಿನಲ್ಲಿರುವ ಲಕ್ಷ್ಮೀನಾರಾಯಣ ದೇವಾಲಯ ಹಾಗೂ ಸಮೀಪದಲ್ಲಿರುವ ಉಡುಪಿ ಗೋಪಾಲಕೃಷ್ಣ ದೇಗುಲಕ್ಕೆ ಕಳ್ಳರು ನುಗ್ಗಿದ್ದಾರೆ. ನವೆಂಬರ್ 9ರ ರಾತ್ರಿ ಈ ಕಳ್ಳತನ ನಡೆದಿದ್ದು, ಮರುದಿನ ಬೆಳಗ್ಗೆ ಗೊತ್ತಾಗಿದೆ. ದೇವಾಲಯದಲ್ಲಿದ್ದ ಒಡವೆ, ಪಾತ್ರೆ, ಕಾಣಿಕೆ ಡಬ್ಬಿಯ ಹಣವನ್ನು ಕಳ್ಳರು ದೋಚಿದ್ದಾರೆ. ದೇವಾಲಯದ ಗೋಡೆ ಹಾರಿ ಆವಾರ ಪ್ರವೇಶಿಸಿದ ಕಳ್ಳರು ಬಾಗಿಲು ಮುರಿದು ಒಳಗೆ ಪ್ರವೇಶಿಸಿದ್ದಾರೆ. ಲಕ್ಷ್ಮೀನಾರಾಯಣ ದೇವಾಲಯದ ಪಂಚಲೋಹ ಮೂರ್ತಿಯನ್ನು ಅಪಹರಿಸಿದ್ದಾರೆ. ಅದಾದ ನಂತರ ಅಲ್ಲಿದ್ದ ಬೆಳ್ಳಿ-ಬಂಗಾರ ದೋಚಿದ ಕಳ್ಳರು ಕಾಣಿಕೆ ಡಬ್ಬಿ ಒಡೆದಿದ್ದಾರೆ. ಡಬ್ಬಿಯಲ್ಲಿದ್ದ ಅಂದಾಜು 27 ಸಾವಿರ ರೂ ಹಣವನ್ನು ಎಗರಿಸಿದ್ದಾರೆ. ಅದಾದ ನಂತರ ಸಮೀಪದ ಉಡುಪಿ ಗೋಪಾಲಕೃಷ್ಣ ದೇಗುಲವನ್ನು ಪ್ರವೇಶಿಸಿ ಅಲ್ಲಿನ ದೇವರಿಗೆ ಇದ್ದ ಬೆಳ್ಳಿಯ ಕಣ್ಣುಗಳು ತೆಗೆದಿದ್ದಾರೆ. ಅಲ್ಲಿಯೂ ಪೂಜಾ ಸಾಮಗ್ರಿ ಹಾಗೂ ಬಂಗಾರದ ಆಭರಣವನ್ನು ಅಪಹರಿಸಿದ್ದಾರೆ. ಅದಾದ ನಂತರ ಅಲ್ಲಿನ ಕಾಣಿಕೆ ಡಬ್ಬಿಯ ಹಣವನ್ನು ಬಿಡದೇ ಒಯ್ದಿದ್ದಾರೆ. ಕಳ್ಳತನದ ದೂರು ದಾಖಲಿಸಿಕೊಂಡ ಮುರುಡೇಶ್ವರ ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ಶುರು ಮಾಡಿದ್ದಾರೆ.
- [ಜೊಯಿಡಾ: ಸಮಗ್ರ ಅಭಿವೃದ್ಧಿಗಾಗಿ ರೈತ ಸಂಘದ ಹೋರಾಟ](https://mobiletime.in/2025/11/zoida-farmers-associations-struggle-for-comprehensive-development/): ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಕರ್ನಾಟಕ ಪ್ರಾಂತ ರೈತ ಸಂಘದವರು ಜೊಯಿಡಾದಲ್ಲಿ ಪ್ರತಿಭಟನೆ ನಡೆಸುತ್ತಿದ್ದಾರೆ. 11ಕಿಮೀ ಪಾದೆಯಾತ್ರೆ ನಡೆಸಿದ ಪ್ರತಿಭಟನಾಕಾರರು ತಮ್ಮ ಬೇಡಿಕೆಗಳ ಪಟ್ಟಿಯನ್ನು ಸರ್ಕಾರಕ್ಕೆ ಸಲ್ಲಿಸಿದ್ದಾರೆ. ಜೋಯಿಡಾ ತಾಲೂಕಿಗೆ ಮೂಲಭೂತ ಸೌಕರ್ಯ ಒದಗಿಸಬೇಕು ಎಂದು ಪ್ರತಿಭಟನಾಕಾರರು ಪಟ್ಟು ಹಿಡಿದರು. ಈ ಹಿಂದೆ ಹೋರಾಟ ನಡೆಸಿದಾಗ ಸರ್ಕಾರ ನೀಡಿದ ಭರವಸೆ ಈಡೇರಿಲ್ಲ ಎಂದು ಆಕ್ಷೇಪವ್ಯಕ್ತಪಡಿಸಿದರು. `ಜೊಯಿಡಾ ಹಿಂದುಳಿದ ತಾಲೂಕು ಎಂದು ಸರ್ಕಾರವೇ ನಿರ್ಧರಿಸಿದೆ. ಆದರೆ, ಮೂಲಭೂತ ಸೌಕರ್ಯ ಒದಗಿಸುತ್ತಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. ರಸ್ತೆ, ವಿದ್ಯುತ್, ಬಸ್ ಸಂಪರ್ಕ ಸೇರಿ ಅನೇಕ ಬಗೆಯ ಸೌಕರ್ಯ ಸಿಗದ ಬಗ್ಗೆ ಆಕ್ರೋಶವ್ಯಕ್ತಪಡಿಸಿದರು. `ಕಿರವತ್ತಿ, ಕಾರಟೋಳಿ, ಡಿಗ್ಗಿ, ಗೋವಾ ಗಡಿ ರಾಜ್ಯ ಹೆದ್ದಾರಿ ರಸ್ತೆ ಸುಧಾರಣೆಯಾಗಬೇಕು. ಡಿಗ್ಗಿ ಮುಖ್ಯ ರಸ್ತೆಯಿಂದ ವಾಗೇಲಿ ರಸ್ತೆ ಮರು ಡಾಂಬರೀಕರಣವಾಗಬೇಕು. ಕಿರವತ್ತಿ, ತೆರಾಳಿ, ಸಿಸೈ, ದೂಧಮಳಾ ರಸ್ತೆ ಡಾಂಬರಿಕರಣ ಮತ್ತು ಸೇತುವೆ ನಿರ್ಮಾಣವಾಗಬೇಕು. ಡಿಗ್ಗಿ ಮುಖ್ಯ ರಸ್ತೆ ಯಿಂದ ಕಸಂಬಾ, ಅಂತರೆ, ತಳೆ, ನಮ್ಶಿ, ಬುಳಬುಳೆ, ಧಾಮಣಕುಣಂಗ, ಮಾರ್ಲಿ, ಫಾತರಶೇತ ಮತ್ತು ಗೋಟ್ಕಾರ ರಸ್ತೆ ಸುಧಾರಣೆಯಾಗಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. `ಜೋಯಿಡಾದಿಂದ ಕಾರ್ಟೋಳಿ ವಸತಿ ಬಸ್ ಪ್ರಾರಂಭವಾಗಬೇಕು. ಜೋಯಿಡಾದಿಂದ ಕುಂಡಲ ವಸತಿ ಬಸ್ ಶುರುವಾಗಬೇಕು. ಕಾರವಾರದಿಂದ ಕದ್ರಾ ಮಾರ್ಗವಾಗಿ ಸುಳಗೇರಿಗೆ ರಾತ್ರಿ ಬಸ್ ಪುನಃ ಪ್ರಾರಂಭಿಸಬೇಕು. ಗ್ರಾಮಿಣ ಭಾಗದಲ್ಲಿ ಮೊಬೈಲ್ ಟವರ್ ನಿರ್ಮಾಣಕ್ಕೆ ಅನುಮತಿ ನೀಡಬೇಕು. ಕಾರ್ಟೋಳಿಯಲ್ಲಿ ನ್ಯಾಯಬೆಲೆ ಅಂಗಡಿ ಪ್ರಾರಂಭವಾಗಬೇಕು. ವನ್ಯಜೀವಿ ವಿಭಾಗದಿಂದ ಅಭಿವೃದ್ಧಿ ಕಾಮಗಾರಿಗೆ ತೊಂದರೆ ನೀಡುವುದಕ್ಕೆ ಕಿಡಿಕಾರಿದರು. ಜೊಯಿಡಾ ತಾಲೂಕಿನ ಸಮಗ್ರ ಅಭಿವೃದ್ಧಿಗಾಗಿ ವಿಶೇಷ ಪ್ಯಾಕೆಜ್ ಘೋಷಣೆ ಮಾಡಬೇಕು ಎಂದು ಮನವಿ ಸಲ್ಲಿಸಿದರು. ಕುಣಬಿ ಜನಾಂಗವನ್ನು ಪರಿಶಿಷ್ಟ ಪಂಗಡಕ್ಕೆ ಸೇರಿಸಬೇಕು ಎಂದು ಈ ವೇಳೆ ಆಗ್ರಹಿಸಿದರು.
- [ಭುವನೇಶ್ವರಿ ದೇವಿಯ ಆಸ್ಥಾನ: ಕನ್ನಡಗಲ್ ಗ್ರಾಮದಲ್ಲಿ ಸಿಕ್ಕಿತು ಕನ್ನಡ ಶಾಸನ](https://mobiletime.in/2025/11/the-court-of-goddess-bhuvaneshwari-kannada-inscription-found-in-kannadagala-village/): ಯಲ್ಲಾಪುರದ ಕನ್ನಡಗಲ್ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಹಳೆಗನ್ನಡ ಭಾಷೆಯ ಶಾಸನಗಳು ಸಿಕ್ಕಿವೆ. ಕನ್ನಡಗಲ್, ಚಿಕ್ಕಮಾವಳ್ಳಿ ಹಾಗೂ ಮಾವಳ್ಳಿ ಪ್ರದೇಶದಲ್ಲಿನ ಶಾಸನಗಳ ಅಧ್ಯಯನಕ್ಕೆ ತಜ್ಞರು ಆಸಕ್ತಿವಹಿಸಿದ್ದಾರೆ. `ತ್ರಿಭುವನ ಮಲ್ಲ’ ಎಂಬ ಬಿರುದು ಹೊಂದಿದ್ದ 5ನೇ ವಿಕ್ರಮಾದಿತ್ಯನ ಕಾಲದ ಯುದ್ಧದ ಸನ್ನಿವೇಶದ ವೀರಗಲ್ಲುಗಳು, ಶಾಸನ ಇಲ್ಲಿರುವುದು ದೃಢವಾಗಿದೆ. ಬೊಮ್ಮಣ್ಣ ನಾಯ್ಕ, ಬಲ್ಲಾಳದೇವ, ತಮ್ಮಣ್ಣ ನಾಯ್ಕ, ಮದ್ವಿಜ ನಾಯಕ ಎಂಬ ಹೆಸರಿನವರ ಹೋರಾಟದ ಕಥೆಗಳನ್ನು ಈ ಶಾಸನ ಹೇಳುತ್ತಿದೆ. ಪುರಾತನ ಕಾಲದ ಶಿಲ್ಪಕಲೆ, ಶಾಸನಗಳು, ದೇವಾಲಯದ ಕುರುಹುಗಳು ಇಲ್ಲಿದ್ದು, ಮೋಡಿ ಲಿಪಿ ತಜ್ಞ ಸಂಗಮೇಶ ಕಲ್ಯಾಣಿ ಅವರ ನೇತೃತ್ವದಲ್ಲಿ ಸಂಶೋಧನೆ ಶುರುವಾಗಿದೆ. `ಗೆದ್ದರೆ ಜಯ, ಸೋತರೆ ವೀರಮರಣ’ ಎಂಬ ಧ್ಯೇಯ ವ್ಯಾಕ್ಯ ಬರೆದ ವೀರಗಲ್ಲುಗಳು ಇಲ್ಲಿ ಕಾಣಿಸುತ್ತಿವೆ. ಆ ವೀರಗಲ್ಲುಗಳಲ್ಲಿ ಯುದ್ಧದಲ್ಲಿ ಮಡಿದವರ ವಿವರಗಳಿವೆ. ವೀರ ಮರಣಕ್ಕೀಡಾದವರನ್ನು ವಾದ್ಯ, ಹಾಡು, ನರ್ತನದ ಮೂಲಕ ಮೆರವಣಿಗೆಯಲ್ಲಿ ಸ್ವರ್ಗಕ್ಕೆ ಕಳುಹಿಸುತ್ತಿರುವ ಬಗೆಯ ಚಿತ್ರಣಗಳು ಕಾಣಿಸುತ್ತಿವೆ. ಇದರೊಂದಿಗೆ ನಂದಿ, ಈಶ್ವರ ಲಿಂಗಗಳ ಕೆತ್ತನೆ ನಡೆದಿದ್ದು, ಅವುಗಳಿಗೆ ಪೂಜೆ ಸಲ್ಲಿಸುವುದು ಹಾಗೂ ತಪಸ್ಸಿಗೆ ಕುಳಿತ ಜೈನಮುನಿಗಳ ಚಿತ್ರಗಳ ಕೆತ್ತನೆ ಗಮನಸೆಳೆಯುತ್ತಿದೆ. ಅನತಿ ದೂರದಲ್ಲಿ ಭುವನೇಶ್ವರಿ ದೇವಸ್ಥಾನದ ಕುರುಹು, ಕರ್ಣಮುಚ್ಚುಗೆ, ಕಲ್ಯಾಣಿ, ನಂದಿ ವಿಗ್ರಹಗಳು ವಿರೂಪವಾಗಿ ಗೋಚರಿಸಿದೆ. ಅಗಸ್ತ್ಯ ಮುನಿ ಹಾಗೂ ಅವರ ಶಿಷ್ಯ ವಾಲಖಿಲ್ಯ ಮುನಿಗಳಿಂದ ಈ ಭಾಗದಲ್ಲಿ ಭುವನೇಶ್ವರಿಯ ದೇವಸ್ಥಾನ ಸ್ಥಾಪನೆ, ಆರಾಧನೆ ನಡೆದಿರುವ ಬಗ್ಗೆ ಅಂದಾಜಿಸಲಾಗಿದೆ. ಈ ಎಲ್ಲಾ ಹಿನ್ನಲೆ ಪಾಳುಬಿದ್ದಿರುವ ಕನ್ನಡಗಲ್ಲಿನ ಕನ್ನಡದ ಶಾಸನಗಳ ಉತ್ಖನನ, ಸಂಶೋಧನೆ ಹಾಗೂ ಅಧ್ಯಯನಕ್ಕೆ ಒತ್ತು ನೀಡಬೇಕು ಎಂದು ಅಲ್ಲಿನವರು ಆಗ್ರಹಿಸಿದ್ದಾರೆ. `ಕಳೆದ ಕೆಲವು ತಿಂಗಳಿನಿoದ ಈ ಭಾಗದ ಶಾಸನಗಳ ಬಗ್ಗೆ ಅಧ್ಯಯನ ನಡೆಸುತ್ತಿಸ್ದು, ಜೈನ, ಶೈವ ಶಾಸನಗಳು ಹೇರಳವಾಗಿವೆ. ತ್ರಿಭುವನ ಮಲ್ಲ ಬಿರುದಾಂಕಿಯ ವಿಕ್ರಮಾದಿತ್ಯನ ಶಾಸನಗಳಾಗಿದ್ದು, ಅರಣ್ಯ ಪ್ರದೇಶದಲ್ಲಿ ಅನಾಥವಾಗಿ ಬಿದ್ದಿವೆ. ಇವುಗಳ ಅಧ್ಯಯನ, ಸಂರಕ್ಷಣೆಗೆ ಸರ್ಕಾರ ಮುಂದಾಗಬೇಕು. ಈ ಭಾಗದಲ್ಲಿ ಭುವನೇಶ್ವರಿಯ ಕ್ಷೇತ್ರ ಪ್ರತೀತಿ ಹೊಂದುವ ರೀತಿಯಲ್ಲಿ ಪುನರ್ ಸ್ಥಾಪನೆ ಆಗಬೇಕು’ ಎಂದು ಸಂಶೋಧನೆ ನಡೆಸಿದ ಸಂಗಮೇಶ ಕಲ್ಯಾಣಿ ಅವರು ಆಗ್ರಹಿಸಿದ್ದಾರೆ. `ಅಕಾಲಿಕ ಮರಣ, ಅಂಗವಿಕಲರ ಜನನ ಮೊದಲಾದ ಅಶುಭ ಸಂಕೇತದ ಹಿನ್ನಲೆ ತಜ್ಞರಲ್ಲಿ ವಿಚಾರಿಸಿದಾಗ ಶಾಸನ ಹಾಗೂ ದೇವಾಲಯ ಕುರುಹುಗಳ ಬಗ್ಗೆ ಮಾಹಿತಿ ಸಿಕ್ಕಿತು. ಈಗಾಗಲೇ ತಾತ್ಕಾಲಿಕವಾಗಿ ಭುವನೇಶ್ವರಿ ದೇವಿಯ ಪ್ರತಿಷ್ಠೆಯನ್ನು ಮಾವಳ್ಳಿ ಗ್ರಾಮದೇವಿ ದೇವಸ್ಥಾನದ ಆವಾರದಲ್ಲಿ ಮಾಡಲಾಗಿದ್ದು, ಪ್ರತ್ಯೇಕ ದೇವಸ್ಥಾನ ನಿರ್ಮಿಸುವ ಆಲೋಚನೆಯಿದೆ’ ಎಂದು ಮಾವಳ್ಳಿ ಗ್ರಾಮದೇವಿ ದೇವಸ್ಥಾನದ ಟ್ರಸ್ಟಿ ಗುರುಪಾದಯ್ಯ ನಂದೊಳ್ಳಿಮಠ ಅವರು ತಿಳಿಸಿದರು. ಮೈಸೂರಿನ ಪಿರ್ಯಾಪಟ್ಟಣದ ಆಶಾ ಅಮ್ಮ ಅವರು ಕ್ಷೇತ್ರಕ್ಕೆ ಭೇಟಿ ನೀಡಿ ಪ್ರಶ್ನೆ ನೋಡಿದ್ದರು. ಅದರ ಆಧಾರದಲ್ಲಿ ಸಂಶೋಧನೆ ಶುರುವಾಗಿದ್ದು, ಅಧ್ಯಯನಕಾರರು ತಮ್ಮ ಕಾರ್ಯ ಶುರು ಮಾಡಿದ್ದಾರೆ. ಭಿಕ್ಕು ಗುಡಿಗಾರ ಕಲಾ ಕೇಂದ್ರದ ಸಂತೋಷ ಗುಡಿಗಾರ, ಸ್ಥಳೀಯರಾದ ಶೇಷಗಿರಿ ಹೆಗಡೆ, ನಾಗರಾಜ ಹೆಗಡೆ, ಎಂ.ಎಸ್ ಹೆಗಡೆ, ಗಣಪತಿ ಹೆಗಡೆ, ಸಿದ್ದಾರ್ಥ ನಂದೊಳ್ಳಿಮಠ, ಗಣಪತಿ ಮರಾಠಿ, ದೀಪಕ ನಾಯ್ಕ, ಅಕ್ಷಯ ಮರಾಠಿ, ನಾಗರಾಜ ನಾಯ್ಕ, ಸಂತೋಷ ಗುಡಿಗಾರ, ನಂದೀಶ ಮರಾಠಿ, ವಿಘ್ನೇಶ್ವರ ಹೆಗಡೆ ಇತರರು ಸಂಶೋಧನೆ ವೇಳೆ ಜೊತೆಗಿದ್ದರು.
- [2025 ನವೆಂಬರ್ 11ರ ದಿನ ಭವಿಷ್ಯ](https://mobiletime.in/2025/11/prediction-for-november-11-2025/): ಮೇಷ ರಾಶಿ: ನಿಮ್ಮ ಕಾರ್ಯಗಳು ನಿಧಾನವಾಗಲಿದೆ. ಧೈರ್ಯದಿಂದ ಪ್ರಯತ್ನಿಸಿದರೆ ಸಮಸ್ಯೆ ದೂರವಾಗಲಿದೆ. ಕುಟುಂಬದ ಜೊತೆ ಕಾಲ ಕಳೆಯುವಿರಿ. ಆರ್ಥಿ ಅಭಿವೃದ್ಧಿ ಆಗಲಿದೆ. ವೃಷಭ ರಾಶಿ: ವೃತ್ತಿಯಲ್ಲಿ ಪ್ರಗತಿ ಸಾಧ್ಯವಿದೆ. ಯೋಜನೆಗಳ ಶುರು ಮಾಡಲು ಯೋಗ್ಯ ಸಮಯ. ಹಣಕಾಸು ವಿಷಯದಲ್ಲಿ ಬದಲಾವಣೆ ಆಗಲಿದೆ. ಆರೋಗ್ಯ ವಿಷಯದಲ್ಲಿ ಜಾಗೃತಿ ಬೇಕು. ಮಿಥುನ ರಾಶಿ: ಸಂದರ್ಶನ ಅಥವಾ ಹೊಸ ಕೆಲಸದ ಅವಕಾಶಗಳು ಎದುರಾಗಲಿದೆ. ಹಣಕಾಸು ವಹಿವಾಟುಗಳು ಚನ್ನಾಗಿರಲಿದೆ. ಆಧ್ಯಾತ್ಮಿಕ ಚಟುವಟಿಕೆಗಳು ಮನಸ್ಸಿಗೆ ನೆಮ್ಮದಿ ನೀಡುತ್ತವೆ. ಕರ್ಕ ರಾಶಿ: ತಾಳ್ಮೆಯಿಂದ ಜೀವಿಸುವುದು ಮುಖ್ಯ. ಕುಟುಂಬದಿAದ ಒಳ್ಳೆಯ ಬೆಂಬಲ ದೊರೆಯುತ್ತದೆ. ಹಣಕಾಸಿನಲ್ಲಿ ನಿಧಾನವಾಗಲಿದೆ. ಸ್ನೇಹಿತರಿಂದ ಸಹಾಯ ಸಿಗಲಿದೆ. ಸಿಂಹ ರಾಶಿ: ಆದಾಯದ ಹೊಸ ಮೂಲ ಸೃಷ್ಠಿಯಾಗಲಿದೆ. ಆರ್ಥಿಕ ಹೂಡಿಕೆ ಬಗ್ಗೆ ಜಾಗೃತಿ ಆಗಿರಿ. ಆರೋಗ್ಯ ವಿಷಯವಾಗಿ ನೋವು ಕಾಡಬಹುದು. ಕನ್ಯಾ ರಾಶಿ: ಹಣಕಾಸು ವಿಷಯ ಏರಿಳಿತ ಆಗಲಿದೆ. ಕೆಲಸದಲ್ಲಿ ಸಾಧನೆ ಸಾಧ್ಯವಿದೆ. ನಿರಂತರ ಪ್ರಯತ್ನ ಫಲ ಕೊಡಲಿದೆ. ಆರೋಗ್ಯದಲ್ಲಿ ಎಚ್ಚರಿಕೆ ಅಗತ್ಯ. ತುಲಾ ರಾಶಿ: ವ್ಯವಹಾರ ಅಥವಾ ಕೆಲಸದಲ್ಲಿ ನಿರಂತರ ಪ್ರಯತ್ನ ಅಗತ್ಯ. ಪ್ರಶಸ್ತಿಗಳು ಅರೆಸಿ ಬರಲಿದೆ. ನಿಮ್ಮ ಕೆಲಸಕ್ಕೆ ಮಾನ್ಯತೆ ಸಿಗಲಿದೆ. ವೃಶ್ಚಿಕ ರಾಶಿ: ವಿವಿಧ ಬಗೆಯ ಸವಾಲುಗಳು ಎದುರಾಗಲಿದೆ. ಆತ್ಮವಿಶ್ವಾಸದಿಂದ ಉತ್ತಮ ನಿರ್ಧಾರ ಕೈಗೊಳ್ಳಿ. ಕುಟುಂಬದಲ್ಲಿ ಒಗ್ಗಟ್ಟು ಮುಖ್ಯ. ಮನಸ್ಸಿಗೆ ಶಾಂತಿ ದೊರಕುತ್ತದೆ. ಧನು ರಾಶಿ: ಗುರುಗಳ ಆಶೀರ್ವಾದದಿಂದ ಮಾಡುವ ಕೆಲಸದಲ್ಲಿ ಒಳಿತಾಗಲಿದೆ. ಹಣಕಾಸು ಲಾಭ ಆಗಲಿದೆ. ಪ್ರಯಾಣದ ಲಕ್ಷಣಗಳವೆ. ಚೈತನ್ಯದಿಂದ ದಿನ ಕಳೆಯಿರಿ. ಮಕರ ರಾಶಿ: ಹಣಕಾಸಿನ ವ್ಯವಹಾರಗಳು ಪ್ರಗತಿಯಾಗಲಿದೆ. ಹೊಸ ಸಂಕಲ್ಪಗಳು ಫಲಕಾರಿ ಆಗಲಿದೆ. ಕುಟುಂಬ ಸೌಹಾರ್ದ ಹೆಚ್ಚಲಿದೆ. ಕುಂಭ ರಾಶಿ: ಚಿಂತನೆಗಳಿoದ ಒತ್ತಡ ಹೆಚ್ಚಾಗಲಿದೆ. ಕಾರ್ಯದಕ್ಷತೆ ಹೆಚ್ಚಿಸಿ ಕೆಲಸ ಮಾಡುವುದು ಅನಿವಾರ್ಯ. ಸಾಮಾಜಿಕ ಸಂಪರ್ಕಗಳು ಮುಂದುವರೆಯುತ್ತದೆ. ಧೂಳಿನಿಂದ ಆರೋಗ್ಯ ಸಮಸ್ಯೆ ಬರಬಹುದು. ಮೀನ ರಾಶಿ: ಉದ್ಯೋಗದಲ್ಲಿ ಹೊಸ ಅವಕಾಶಗಳು ಸಿಗುತ್ತದೆ. ಆರೋಗ್ಯ ವಿಷಯವಾಗಿ ಕಾಳಜಿ ಅಗತ್ಯ. ದೇವರ ಧ್ಯಾನ ಮಾಡುವುದು ಸೂಕ್ತ. ಹಣ ನಷ್ಟ ಆಗದಂತೆ ಎಚ್ಚರಿಕೆವಹಿಸಿ.
- [ಸೇನಾ ರಹಸ್ಯ ಸೋರಿಕೆ: ಜೈಲು ಶಿಕ್ಷೆ](https://mobiletime.in/2025/11/leaking-military-secrets-prison-sentence/): ಕಾರವಾರ ನೌಕಾನೆಲೆಯ ರಹಸ್ಯ ಸಂಗತಿಗಳನ್ನು ಪಾಕಿಸ್ತಾನಕ್ಕೆ ರವಾನಿಸಿದವರಿಗೆ ನ್ಯಾಯಾಲಯ ಜೈಲು ಶಿಕ್ಷೆ ವಿಧಿಸಿದೆ. ಕಾರವಾರ ನೌಕಾನೆಲೆಯ ರಹಸ್ಯ ಸೋರಿಕೆ ಪ್ರಕರಣದಲ್ಲಿ ಈವರೆಗೆ ಒಟ್ಟು 6 ಆರೋಪಿಗಳನ್ನು ತಪ್ಪಿತಸ್ಥರೆಂದು ಘೋಷಿಸಿ ಶಿಕ್ಷೆ ವಿಧಿಸಲಾಗಿದೆ. ಕಾರವಾರದ ಆಯಕಟ್ಟಿನ ನೌಕಾನೆಲೆ ಸೇರಿದಂತೆ ಭಾರತೀಯ ನೌಕಾಪಡೆಗಳಲ್ಲಿ ವಿದೇಶಿ ಗೂಢಚಾರರು ದೇಶದ ಏಕತೆ, ಸಮಗ್ರತೆ, ಭದ್ರತೆ ಮತ್ತು ಸಾರ್ವಭೌಮತ್ವಕ್ಕೆ ಧಕ್ಕೆ ತರುವ ಉದ್ದೇಶದಿಂದ ಬೇಹುಗಾರಿಕೆ ನಡೆಸಿದ್ದ ತನಿಖೆಯಲ್ಲಿ ಈ ಆರೋಪ ಸಾಭೀತಾಗಿದೆ. ಸದ್ಯ ಆಂದ್ರ ಪ್ರದೇಶದ ವಿಶಾಖ ಪಟ್ಟಣಂನಲ್ಲಿರುವ ಎನ್‌ಐಎ ವಿಶೇಷ ನ್ಯಾಯಾಲಯವು ವಿಶಾಖಪಟ್ಟಣಂ ಜಿಲ್ಲೆಯ ಕಲವಲಪಲ್ಲಿಯ ಕೊಂಡ ಬಾಬು ಮತ್ತು ಹಿಮಾಚಲ ಪ್ರದೇಶದ ಕಾಂಗ್ರಾ ಜಿಲ್ಲೆಯ ಅವಿಯಾನ್ಸ್ ಸೋಮಲ್ ಅವರಿಗೆ 5 ವರ್ಷ ಜೈಲು ಶಿಕ್ಷೆ ಹಾಗೂ 5 ಸಾವಿರ ರೂ ದಂಡ ವಿಧಿಸಿದೆ. ದಂಡ ಪಾವತಿ ಮಾಡದಿದ್ದರೆ ಹೆಚ್ಚುವರಿ 1 ವರ್ಷ ಜೈಲು ಶಿಕ್ಷೆಯನ್ನು ಘೋಷಿಸಿದೆ. ಈಗ ಶಿಕ್ಷೆಗೊಳಗಾದ ಇಬ್ಬರು ಆರೋಪಿಗಳನ್ನು 2019ರ ಡಿಸೆಂಬರ್‌ನಲ್ಲಿ ಮುಂಬೈ ಹಾಗೂ ಕಾರವಾರದಲ್ಲಿ ಬಂಧಿಸಲಾಗಿತ್ತು. ಬಂಧಿತರು ವಾಟ್ಸಪ್ ಮೂಲಕ ವಿದೇಶಿ ಗುಪ್ತಚರ ಸಂಸ್ಥೆಗಳೊAದಿಗೆ ಸಂಪರ್ಕದಲ್ಲಿರುವುದು ಸಾಭೀತಾಗಿತ್ತು.
- [ಕರಾವಳಿ ಭಾಗದಲ್ಲಿ ಈ ದಿನ ಕರೆಂಟ್ ಇರಲ್ಲ!](https://mobiletime.in/2025/11/there-will-be-no-current-on-the-coast-today/): ಉತ್ತರ ಕನ್ನಡ ಜಿಲ್ಲೆಯ ಕರಾವಳಿ ಭಾಗದ ಹಲವು ಕಡೆ ನವೆಂಬರ್ 12ರಂದು ವಿದ್ಯುತ್ ಸರಬರಾಜು ಸ್ಥಗಿತವಾಗಲಿದೆ. ಕಾರವಾರ, ಕುಮಟಾ, ಹೊನ್ನಾವರ ಹಾಗೂ ಭಟ್ಕಳದಲ್ಲಿ ದುರಸ್ಥಿ ಕಾರಣ ಈ ದಿನ ವಿದ್ಯುತ್ ಕಡಿತ ಅನಿವಾರ್ಯವಾಗಿದೆ. ಕಾರವಾರ ಉಪವಿಭಾಗದ ವ್ಯಾಪ್ತಿಯಲ್ಲಿ ವಾಹಕ ಬದಲಾವಣೆ ಕಾಮಗಾರಿ ಹಿನ್ನಲೆ ಬೈತಕೋಲ್ ಫೀಡರಿನ ವಿವಿಧ ಪ್ರದೇಶಗಳಲ್ಲಿ ನ 12ರಂದು ಬೆಳಗ್ಗೆ 9.30ಕ್ಕೆ ವಿದ್ಯುತ್ ಸರಬರಾಜು ಸ್ಥಗಿತ ಮಾಡಲಾಗುತ್ತದೆ. ಆ ದಿನ ಸಂಜೆ 6 ಗಂಟೆಯವರೆಗೂ ವಿದ್ಯುತ್ ಪೂರೈಕೆ ಇರುವುದಿಲ್ಲ. ಹೊನ್ನಾವರ ಉಪವಿಭಾಗದ ವ್ಯಾಪ್ತಿಯಲ್ಲಿನ ಕುಮಟಾ, ಹೊನ್ನಾವರ ಮತ್ತು ಮುರ್ಡೆಶ್ವರ ಉಪಕೇಂದ್ರಲ್ಲಿ 110 ಕೆವಿ ಬಸ್‌ಬಾರ್ ನಿರ್ವಹಣಾ ಕೆಲಸವಿರುವುದರಿಂದ ನ 12ರಿಂದು ಬೆಳಗ್ಗೆ 10 ಗಂಟೆಗೆ ವಿದ್ಯುತ್ ಕಡಿತವಾಗಲಿದೆ. ಸಂಜೆ 4 ಗಂಟೆಗೆ ವಿದ್ಯುತ್ ಸಂಪರ್ಕ ಮರುಜೋಡಣೆ ಕಾರ್ಯ ನಡೆಯಲಿದೆ. ಹೀಗಾಗಿ ಕುಮಟಾ, ಹೊನ್ನಾವರ ಹಾಗೂ ಭಟ್ಕಳ ತಾಲೂಕು ವ್ಯಾಪ್ತಿಯಲ್ಲಿ ವಿದ್ಯುತ್ ಗ್ರಾಹಕರು ಸಮಸ್ಯೆ ಅನುಭವಿಸುವ ಸಾಧ್ಯತೆಗಳಿದೆ. ಇದರೊಂದಿಗೆ ಕುಮಟಾ ಕೆಪಿಟಿಸಿಎಲ್ 110 ಕೆವಿ ಉಪಕೇಂದ್ರದಲ್ಲಿ 110 ಕೆವಿ ಬಸ್‌ಬಾರ್ ನಿರ್ವಹಣಾ ಕಾಮಗಾರಿ ಹಿನ್ನಲೆ ಕುಮಟಾದ ಮೂರುರ 11ಕೆವಿ ಮಾರ್ಗದ ಕೇಬಲ್ ಬಿಚ್ಚಿ ಮತ್ತೆ ಅಳವಡಿಸಲಾಗುತ್ತಿದೆ. ಹೀಗಾಗಿ ಕುಮಟಾ ನಗರ ಶಾಖೆಯ 11ಕೆವಿ ಇಂಡಸ್ಟಿçÃಯಲ್ ಮತ್ತು 11ಕೆವಿ ವಾಲ್ಗಳ್ಳಿ ಮಾರ್ಗದಲ್ಲಿ ಹಾಗೂ 11ಕೆವಿ ಹೊಸ ಮಾರ್ಗದ ರಚನೆಯ ಕಾಮಗಾರಿ ಹಿನ್ನಲೆ ಮಿರ್ಜಾನ್ ಮಾರ್ಗ ಮತ್ತು ಕತಗಾಲ ಮಾರ್ಗದಲ್ಲಿಯೂ ಆ ದಿನ ವಿದ್ಯುತ್ ಕಡಿತವಾಗಲಿದೆ. ಬೆಳಗ್ಗೆ 10 ಗಂಟೆಯಿAದ ಸಂಜೆ 5 ಗಂಟೆಯವರೆಗೆ ಜನ ಸಹಕಾರ ನೀಡಬೇಕು ಎಂದು ಹೆಸ್ಕಾಂ ಅಧಿಕಾರಿಗಳು ಮನವಿ ಮಾಡಿದ್ದಾರೆ.
- [NCC ಅಭ್ಯರ್ಥಿಗಳಿಗೆ ಅಕ್ಕ ಪಡೆಯ ಕರೆಯೋಲೆ!](https://mobiletime.in/2025/11/a-call-to-action-for-ncc-candidates/): ಅಪಾಯ ಹಾಗೂ ಸಂಕಷ್ಟದಲ್ಲಿರುವ ಮಹಿಳೆ ಮತ್ತು ಮಕ್ಕಳ ರಕ್ಷಣೆಗಾಗಿ ಸರ್ಕಾರ `ಅಕ್ಕ ಪಡೆ’ ಸ್ಥಾಪಿಸಿದ್ದು, ವಿದ್ಯಾರ್ಥಿ ಜೀವನದಲ್ಲಿ NCC ಆಯ್ಕೆ ಮಾಡಿಕೊಂಡ ಧೈರ್ಯಶಾಲಿ ಮಹಿಳೆಯರಿಗೆ ಈ ಪಡೆಯ ಸದಸ್ಯರಾಗುವ ಅವಕಾಶ ಸಿಕ್ಕಿದೆ. ದುರ್ಬಲ ಮಹಿಳೆ ಮತ್ತು ಮಕ್ಕಳಿಗೆ ರಕ್ಷಣೆ ನೀಡುವ ಉದ್ದೇಶದಿಂದ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಅಕ್ಕಪಡೆ ಕಾರ್ಯನಿರ್ವಹಿಸಲಿದೆ. ಎನ್‌ಸಿಸಿ ಪ್ರಮಾಣ ಪತ್ರಹೊಂದಿರುವ ಮಹಿಳಾ ಅಭ್ಯರ್ಥಿಗಳು ಈ ತಂಡ ಸೇರಲು ಅರ್ಜಿ ಆಹ್ವಾನಿಸಲಾಗಿದೆ. ಈ ತಂಡಕ್ಕೆ ಎನ್‌ಸಿಸಿ `C’ ಪ್ರಮಾಣ ಪತ್ರ ಹೊಂದಿರುವ 5 ಮಹಿಳಾ ಅಭ್ಯರ್ಥಿಗಳನ್ನು ಸೇವಾ ಗುತ್ತಿಗೆ ಆಧಾರದ ಮೇಲೆ ಆಯ್ಕೆ ಮಾಡಲಾಗುತ್ತದೆ. 21ರಿಂದ 35 ವರ್ಷದೊಳಗಿನ ಅಭ್ಯರ್ಥಿಗಳು ಇದಕ್ಕೆ ಅರ್ಜಿ ಸಲ್ಲಿಸಲು ಅರ್ಹರು. ಉತ್ತರ ಕನ್ನಡ ಜಿಲ್ಲೆಯ ಅಕ್ಕಪಡೆಗೆ ಇಲ್ಲಿನವರು ಮಾತ್ರ ಅರ್ಜಿ ಸಲ್ಲಿಸಬಹುದಾಗಿದ್ದು, ದೈಹಿಕವಾಗಿ ಸದೃಢರಾಗಿರಬೇಕು ಎಂಬ ನಿಯಮವಿದೆ. ಉತ್ತಮ ನಡವಳಿಕೆ, ಸಂವಹನ ಕಲೆ, ಕಾರ್ಯದಕ್ಷತೆ ಹೊಂದಿರುವವರಿಗೆ ಮೊದಲ ಆದ್ಯತೆ ನೀಡಲಾಗುತ್ತದೆ. ಅಕ್ಕಪಡೆಯ ರಕ್ಷಣಾ ತಂಡಕ್ಕೆ ಆಯ್ಕೆ ಆದವರಿಗೆ ಬೆಳಗ್ಗೆ 7ರಿಂದ ಮಧ್ಯಾಹ್ನ 2ಗಂಟೆಯವರೆಗೆ ಹಾಗೂ ಮಧ್ಯಾಹ್ನ 2 ಗಂಟೆಯಿAದ ರಾತ್ರಿ 8 ಗಂಟೆಯವರೆಗೆ ಎರಡು ಶಿಪ್ಟ್ ಕೆಲಸವಿರುತ್ತದೆ. ಅಭ್ಯರ್ಥಿಗಳು ಈ ಎರಡರಲ್ಲಿ ಯಾವುದೇ ಶಿಪ್ಟ್ ಸಿಕ್ಕರೂ ಕೆಲಸ ನಿರ್ವಹಿಸಲು ಸಿದ್ಧವಿರಬೇಕು. ಅರ್ಜಿ ಸಲ್ಲಿಕೆಗೆ ನವೆಂಬರ್ 15 ಕೊನೆ ದಿನ. ಅರ್ಜಿ ಸಲ್ಲಿಸಬೇಕಾದ ವಿಳಾಸ ಉಪನಿರ್ದೇಶಕರ ಕಚೇರಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ BSNL ಕಚೇರಿ ಎದುರುಗಡೆ, ಕಾರವಾರ ಇನ್ನಷ್ಟು ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 7090275875
- [RSS ವಿರೋಧಿಗೆ ಜೈಲು!](https://mobiletime.in/2025/11/jail-for-rss-opponent/): RSS ವಿರುದ್ಧ ವಾಟ್ಸಪ್ ಸ್ಟೇಟಸ್ ಹಾಕಿದ್ದ ಮಜಾಫರ್ ಕಾಸಿಂ ರಾಜೆಹುಲಿ ಅವರನ್ನು ಬನವಾಸಿ ಪೊಲೀಸರು ಬಂಧಿಸಿದ್ದಾರೆ. ದ್ವೇಷ ಭಾವನೆ ಹರಡುತ್ತಿದ್ದ ಕಾರಣ ಮುನ್ನಚ್ಚರಿಕಾ ಕ್ರಮವಾಗಿ ಆರೋಪಿ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಬನವಾಸಿಯ ಹೆಬ್ಬುತ್ತಿಯ ಮಜಾಫರ್ ಕಾಸಿಂ ರಾಜೆಹುಲಿ ಅವರು ಜನರಲ್ಲಿ ದ್ವೇಷ ಭಾವನೆ ಮೂಡಿಸುವ ಕೆಲಸ ಮಾಡುತ್ತಿದ್ದರು. ಧರ್ಮ ಧರ್ಮಗಳ ನಡುವೆ ಅಶಾಂತಿ ಸೃಷ್ಠಿಸುವುದಕ್ಕಾಗಿ ಅವರು ವಾಟ್ಸಪ್ ದುರುಪಯೋಗಪಡಿಸಿಕೊಂಡಿದ್ದರು. ಹಿಂದು ಧರ್ಮ ಹಾಗೂ ಆರ್ ಎಸ್ ಎಸ್ ವಿರುದ್ಧ ಅವರು ವಾಟ್ಸಪ್ ಸ್ಟೇಟಸ್ ಹಾಕಿದ್ದರು. ಜನರನ್ನು ಭಾವನಾತ್ಮಕವಾಗಿ ಕೆರಳಿಸುವ ಹಾಗೂ ಸಂಘದ ಬಗ್ಗೆ ಕೆಟ್ಟದಾಗಿ ನಿಂದಿಸುವ ಬರಹ ನೋಡಿದವರು ಪೊಲೀಸರ ಗಮನಕ್ಕೆ ತಂದರು. ಕಾನೂನಿನ ಪ್ರಕಾರ ಕಠಿಣ ಕ್ರಮಕ್ಕೆ ಮುಂದಾದ ಬನವಾಸಿ ಪೊಲೀಸರು ಮಜಾಫರ್ ಕಾಸಿಂ ರಾಜೆಹುಲಿ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು. ನಂತರ ಅವರನ್ನು ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಸದ್ಯದ ಪರಿಸ್ಥಿತಿಯಲ್ಲಿ ಮಜಾಫರ್ ಕಾಸಿಂ ರಾಜೆಹುಲಿ ಅವರು ವಾಟ್ಸಪ್ ಸ್ಟೇಟಸ್ ಹಾಕಿದ ವಿಷಯವನ್ನು ನ್ಯಾಯಾಲಯ ಗಂಭೀರವಾಗಿ ಪರಿಗಣಿಸಿತು. ಜನರ ನಡುವೆ ವೈಮನಸ್ಸು ಮೂಡಿಸುವ ಪ್ರಯತ್ನ ಮಾಡಿದ ಕಾರಣ ಮಜಾಫರ್ ಕಾಸಿಂ ರಾಜೆಹುಲಿ ಅವರನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿತು. `ಸತ್ಯವನ್ನು ಮಾತ್ರ ಶೇರ್ ಮಾಡಿ. ನಿಂದನಾರ್ಹ ಸಂದೇಶದ ಬಗ್ಗೆ ದೂರು ಕೊಡಿ’
- [ಮುತೈದೆಗೆ ಮರಳಿದ ಮಾಂಗಲ್ಯ!](https://mobiletime.in/2025/11/mangalya-returns-to-muthaide/): ಮಹಾರಾಷ್ಟ್ರದ ಮಹಿಳೆಯೊಬ್ಬರು ಕಳೆದುಕೊಂಡಿದ್ದ ಮಾಂಗಲ್ಯದ ಸರವನ್ನು ಗೋಕರ್ಣ ಪೊಲೀಸರು ಅವರಿಗೆ ಮರಳಿಸಿದ್ದಾರೆ. ಮಾಂಗಲ್ಯಪಡೆದ ಮಹಿಳೆ ಪೊಲೀಸರ ಪ್ರಾಮಾಣಿಕ ನಡತೆಯನ್ನು ಶ್ಲಾಘಿಸಿದ್ದಾರೆ ಮಹಾರಾಷ್ಟ್ರ ಕೊಲ್ಲಾಪುರದ ಸ್ವರ ಶುಭಂ ಕಾಪಸೆ ಅವರು ಕುಟುಂಬದ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಮುಖ್ಯ ಕಡಲ ತೀರಕ್ಕೆ ತೆರಳುವಾಗ ಅವರ ಮಾಂಗಲ್ಯದ ಸರ ಕಾಣೆಯಾಯಿತು. ದಾರಿಯಲ್ಲಿ ಬಿದ್ದಿದ್ದ ಮಾಂಗಲ್ಯ ಸರವನ್ನು ಅವರು ಸಾಕಷ್ಟು ಹುಡುಕಿದರು. ಆದರೆ, ಅದು ಪತ್ತೆ ಆಗಿರಲಿಲ್ಲ. ಮಾಹಾಬಲೇಶ್ವರ ಮಂದಿರದ ಅಮೃತಾನ್ನ ಪ್ರಸಾದ ಭೋಜನದ ಬಳಿ ಬಿಜ್ಜೂರಿನ ಜಟ್ಟು ಗೌಡ ಅವರಿಗೆ ಈ ಸರ ಸಿಕ್ಕಿತು. ಅದನ್ನು ನೋಡಿದ ಅವರು ಪೊಲೀಸ್ ಹೊರಠಾಣೆಗೆ ಒಪ್ಪಿಸಿದರು. ಪೊಲೀಸರು ಸರ ಕಳೆದುಕೊಂಡವರ ಹುಡುಕಾಟ ನಡೆಸಿದಾಗ ಸ್ವರ ಶುಭಂ ಕಾಪಸೆ ಅವರು ಎದುರಾದರು. ಅವರದ್ದೇ ಸರ ಎಂದು ಖಚಿತಪಡಿಸಿಕೊಂಡು ಪೊಲೀಸರು ಅದನ್ನು ಹಸ್ತಾಂತರಿಸಿದರು. `14 ಗ್ರಾಂ ಚಿನ್ನದ ಸರ ಕಾಣೆಯಾದಗ ಆತಂಕ ಎದುರಾಯಿತು. ಪ್ರಾಮಾಣಿಕ ಜನ ಹಾಗೂ ದಕ್ಷ ಪೊಲೀಸ್ ನೆರವಿನಿಂದ ಆ ಸರ ಮರಳಿ ಸಿಕ್ಕಿದೆ’ ಎಂದು ಸ್ವರ ಶುಭಂ ಕಾಪಸೆ ಅವರು ಹೇಳಿದರು. `ಪ್ರತಿಯೊಬ್ಬರು ಅವರ ಬೆಲೆಬಾಳುವ ವಸ್ತುಗಳನ್ನು ಜೋಪಾನವಾಗಿರಿಸಿಕೊಳ್ಳಬೇಕು’ ಎಂದು ಪಿಎಸ್‌ಐ ಶಶಿಧರ ಹಾಗೂ ಪೊಲೀಸ್ ಸಿಬ್ಬಂದಿ ಜಟ್ಟಪ್ಪ ನಾಯ್ಕ, ರವಿ ಅವರು ಈ ವೇಳೆ ಅರಿವು ಮೂಡಿಸಿದರು.
- [ಕ್ರೀಮ್ ಬಿಸ್ಕತ್ ತಿನ್ನುವ ಮುನ್ನ...](https://mobiletime.in/2025/11/before-eating-cream-biscuits/): ಯುಕೆಜಿ ವಿದ್ಯಾರ್ಥಿಯೊಬ್ಬರು ತಿನ್ನುತ್ತಿದ್ದ ಕ್ರೀಂ ಬಿಸ್ಕೆತ್ ಒಳಗೆ ಉದ್ದನೆಯ ಹುಳ ಕಾಣಿಸಿದೆ. ಓರಿಯೋ ಕಂಪನಿಯ ಕ್ರೀಂ ಬಿಸ್ಕತ್ ಅದಾಗಿದ್ದು, ದಾಂಡೇಲಿ ಶಿಕ್ಷಕರ ಸಮಯ ಪ್ರಜ್ಞೆಯಿಂದ ಮಗು ಆ ಆಹಾರ ಸೇವಿಸದೇ ಬಚಾವಾಗಿದೆ. ದಾಂಡೇಲಿಯ ಖಾಸಗಿ ಶಾಲೆಯೊಂದರಲ್ಲಿ ಎರಡು ತರಗತಿ ಮುಗಿದ ನಂತರ ಮಕ್ಕಳಿಗೆ ಎಂದಿನoತೆ ಬಿಡುವು ನೀಡಲಾಗಿತ್ತು. ಈ ವೇಳೆ ಮಗುವೊಂದು ತನ್ನ ಡಬ್ಬಿ ಒಡೆದಿದ್ದು, ಅದರಲ್ಲಿದ್ದ ಬಿಸ್ಕತ್’ನ್ನು ಹಂಚಿ ತಿನ್ನಲು ಮುರಿಯಿತು. ಆದರೆ, ಕ್ರೀಂ ಬಿಸ್ಕತ್ ಒಳಗೆ ಹುಳಗಳಿರುವುದನ್ನು ಅಲ್ಲಿನ ಶಿಕ್ಷಕರು ಗಮನಿಸಿದರು. ತಕ್ಷಣ, ಶಿಕ್ಷಕರು ಆ ಬಿಸ್ಕತನ್ನು ಕಸಿದಿದ್ದು, ಪಾಲಕರಿಗೆ ಫೋನ್ ಮಾಡಿದರು. ಮನೆಯಲ್ಲಿ ಆಹಾರ ಸಿದ್ಧಪಡಿಸಿ ನೀಡಲು ಸಮಯವಿಲ್ಲದ ಕಾರಣ ಮಗುವಿಗೆ ಪಾಲಕರು ಲಘು ಆಹಾರಕ್ಕಾಗಿ ಕ್ರೀಂ ಬಿಸ್ಕತ್ ಕೊಟ್ಟು ಕಳುಹಿಸಿದ್ದರು. ಆ ಮಗು ನಿತ್ಯ ತನ್ನ ಆಹಾರವನ್ನು ಬೇರೆ ಮಕ್ಕಳ ಜೊತೆ ಹಂಚಿ ತಿನ್ನುವ ಸಂಪ್ರದಾಯ ರೂಢಿಸಿಕೊಂಡಿದ್ದು, ಬಿಸ್ಕತ್ ತೆರೆದಾಗ ಅದರೊಳಗೆ ಹುಳ ಓಡಾಡುತ್ತಿರುವುದನ್ನು ನೋಡಿ ಇನ್ನಿತರ ಮಕ್ಕಳು ಗಾಬರಿಗೊಂಡರು. ಅಶುಚಿತ್ವ ಆಹಾರ ಸೇವಿಸದಂತೆ ಆ ವೇಳೆ ಶಿಕ್ಷಕರು ಮಕ್ಕಳಿಗೆ ವಿಶೇಷ ಪಾಠ ಮಾಡಿದರು. `ಮಕ್ಕಳಿಗೆ ಆಹಾರ ಕೊಟ್ಟು ಕಳುಹಿಸುವ ಪಾಲಕರು ಮನೆಯಲ್ಲಿಯೇ ಸಿದ್ಧಪಡಿಸಿದ ಆಹಾರ ಕೊಡಿ. ಹೊರಗಿನಿ ತಿಂಡಿ ಪದಾರ್ಥಗಳನ್ನು ಕಡಿಮೆ ಮಾಡಿ’ ಎಂದು ಶಿಕ್ಷಕರು ಪಾಲಕರಿಗೂ ಮನವಿ ಮಾಡಿದರು. `ಬೇಳೆ-ಕಾಳುಗಳ ಆಹಾರ ನೀಡಿದರೆ ಉತ್ತಮ ಪೌಷ್ಠಿಕಾಂಶವೂ ಸಿಗುತ್ತದೆ. ಇದರಿಂದ ಮಗುವಿನ ಆರೋಗ್ಯಕರ ಬೆಳವಣಿಗೆಯೂ ಸಾಧ್ಯ’ ಎಂದು ಅವರು ವಿವರಿಸಿದರು. ಬಿಸ್ಕತ್ ಒಳಗೆ ಸಂಚರಿಸಿದ ಹುಳದ ವಿಡಿಯೋ ಇಲ್ಲಿ ನೋಡಿ..
- [ಆಸ್ತಿ ಆಸೆಗೆ ಅಪ್ಪನನ್ನು ಕೊಂದವ ಅರೆಸ್ಟ್!](https://mobiletime.in/2025/11/arrested-for-killing-father-over-property/): ಆಸ್ತಿ ಆಸೆಗಾಗಿ ಅಪ್ಪನನ್ನು ಕೊಂದು ಅರಣ್ಯದ ಕಡೆ ಓಡಿದ್ದ ಯಲ್ಲಾಪುರದ ಹರೀಶ ಮರಾಠಿ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಅರಣ್ಯದಲ್ಲಿ ಅವಿತಿದ್ದ ಹರೀಶ ಮರಾಠಿ ಅವರನ್ನು ಒಂದು ತಂಡದವರು ಬೆನ್ನತ್ತಿದ್ದು, ಮತ್ತೊಂದು ತಂಡದವರು ಅಡ್ಡಗಟ್ಟಿ ಹಿಡಿದಿದ್ದಾರೆ. ಭಾನುವಾರ ಯಲ್ಲಾಪುರದ ಬೆಳ್ಳುಂಬಿ ಬಳಿಯ ಮಾವಿನಕಟ್ಟಾದಲ್ಲಿ ವಾಸಿಸುತ್ತಿದ್ದ ನಾರಾಯಣ ಪರಶು ಮರಾಠಿ (51) ಅವರನ್ನು ಅವರ ಮಗ ಹರೀಶ ಮರಾಠಿ (29) ಕೊಡಲಿಯಿಂದ ಕೊಚ್ಚಿ ಕೊಲೆ ಮಾಡಿದ್ದರು. ಜೊತೆಗೆ ಹರೀಶ ಮರಾಠಿ ಅವರು ತಮ್ಮ ಸಹೋದರಿ ತಾರಾ ಮರಾಠಿ ಅವರ ಮೇಲೆಯೂ ಕೈ ಮಾಡಿದ್ದರು. ಕುಟುಂಬದಲ್ಲಿನ ಕಲಹ ಹಾಗೂ ಆಸ್ತಿ ಮೇಲಿನ ಆಸೆ ಈ ಕೊಲೆ ಹಾಗೂ ಹಲ್ಲೆಗೆ ಪ್ರಮುಖ ಕಾರಣಗಳಾಗಿದ್ದವು. ತಂದೆಗೆ ಕೊಡಲಿಯಿಂದ ಹೊಡೆದು ಹರೀಶ ಮರಾಠಿ ಅವರು ಪರಾರಿಯಾಗಿದ್ದರು. ರಕ್ತದ ಮೊಡವಿನಲ್ಲಿ ಬಿದ್ದಿದ್ದ ತಂದೆಯನ್ನು ತಾರಾ ಮರಾಠಿ ಅವರು ಆಸ್ಪತ್ರೆಗೆ ಸೇರಿಸಿದಾಗ ಅವರು ಸಾವನಪ್ಪಿರುವ ವಿಷಯ ಗೊತ್ತಾಯಿತು. ಸಹೋದರನ ಕ್ರೌರ್ಯದ ಬಗ್ಗೆ ತಾರಾ ಮರಾಠಿ ಅವರು ಪೊಲೀಸ್ ದೂರು ನೀಡಿದ್ದರು. ತಕ್ಷಣ ಕಾರ್ಯಾಚರಣೆ ನಡೆಸಿದ ಪೊಲೀಸರು ಹರೀಶ ಮರಾಠಿ ಅವರಿಗಾಗಿ ಹುಡುಕಾಟ ನಡೆಸಿದರು. ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರ ಸೂಚನೆ ಮೇರೆಗೆ ಪಿಎಸ್‌ಐ ರಾಜಶೇಖರ ವಂದಲಿ, ಸಿದ್ದಪ್ಪ ಗುಡಿ ಹಾಗೂ ಪೊಲೀಸ್ ಸಿಬ್ಬಂದಿ ಬಸವರಾಜ ಹಗೇರಿ, ಸುರೇಶ್ ಕಾಂಟ್ರೆಕ್ಟ್ ಹಾಗೂ ಗಿರೀಶ ಲಮಾಣಿ ಕಾಡಿನಲ್ಲಿ ಶೋಧ ನಡೆಸಿದರು. ಹೆಮ್ಮಾಡಿ ಬಸ್ ನಿಲ್ದಾಣ ಬಳಿಯ ಅರಣ್ಯ ಪ್ರದೇಶದಲ್ಲಿ ಹರೀಶ ಮರಾಠಿ ಅಡಗಿರುವುದು ಅರಿವಿಗೆ ಬಂದಿತು. ಈ ಎಲ್ಲಾ ಪೊಲೀಸರು ಆರೋಪಿಯನ್ನು ಅಡ್ಡಗಟ್ಟಿ ಅಲ್ಲಿಯೇ ವಶಕ್ಕೆಪಡೆದರು. ಅದಾದ ನಂತರ ಪೊಲೀಸರು ಕಾನೂನಾತ್ಮಕ ಪ್ರಕ್ರಿಯೆಗಳನ್ನು ಮುಗಿಸಿ ಹರೀಶ ಮರಾಠಿ ಅವರನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಕೊಲೆಗೆ ಬಳಸಿದ ಆಯುಧವನ್ನು ವಶಕ್ಕೆಪಡೆದರು.
- [2025ರ ನವೆಂಬರ್ 10ರ ದಿನ ಭವಿಷ್ಯ](https://mobiletime.in/2025/11/prediction-for-november-10-2025/): ಮೇಷ ರಾಶಿ: ಈ ದಿನ ಕೆಲಸಗಳಲ್ಲಿ ಅಭಿವೃದ್ಧಿ ಸಾಧ್ಯವಿದೆ. ಆರ್ಥಿಕ ಲಾಭ ದೊರೆಯುವ ಲಕ್ಷಣವಿದೆ. ಜೀವನದಲ್ಲಿ ಹೊಸ ಅವಕಾಶಗಳು ಎದುರಾಗುತ್ತದೆ. ಮನಸ್ಸು ಶಾಂತವಾಗಿರಿಸಿಕೊಳ್ಳಿ. ವೃಷಭ ರಾಶಿ: ಹಣಕಾಸು ನಿರ್ವಹಣೆ ಉತ್ತಮವಾಗಲಿದೆ. ಕುಟುಂಬದಲ್ಲಿ ಸಮಾಧಾನ ಸಿಗುತ್ತದೆ. ಉದ್ಯೋಗದಲ್ಲಿ ಯಶಸ್ಸು ಸಾಧ್ಯವಿದೆ. ಸುದೀರ್ಘ ಪ್ರಯಾಣಕ್ಕೆ ಮುನ್ನುಡಿ ಉಂಟಾಗಬಹುದು. ಮಿಥುನ ರಾಶಿ: ಕಾಲಮಾನಕ್ಕೆ ತಕ್ಕ ಹಾಗೇ ನಿಮ್ಮ ಆರ್ಥಿಕ ಅಭಿವೃದ್ಧಿ ಅಗತ್ಯವಿದ್ದು, ಅದಕ್ಕಾಗಿ ಪ್ರಯತ್ನ ಬೇಕು. ಆರೋಗ್ಯ ವಿಚಾರದಲ್ಲಿಯೂ ಎಚ್ಚರಿಕೆಯಿಂದಿರಿ. ವಿದ್ಯಾರ್ಥಿಗಳು ಉತ್ತಮ ಅನುಭವಪಡೆಯಲಿದ್ದಾರೆ. ಕರ್ಕ ರಾಶಿ: ಆರ್ಥಿಕವಾಗಿ ಸಂತೃಪ್ತಿ ಸಾಧ್ಯವಿದೆ. ದಾಂಪತ್ಯ ಸಂಬoಧಗಳಲ್ಲಿ ಸಮಾಧಾನ ಸಿಗಲಿದೆ. ಉದ್ಯೋಗದಲ್ಲಿ ಪ್ರಗತಿಗಾಗಿ ಶ್ರಮಿಸುವುದು ಅನಿವಾರ್ಯ. ಮನಸಿನಲ್ಲಿ ಚಿಂತೆ ಬಾರದಂತೆ ತಡೆಯಿರಿ. ಸಿಂಹ ರಾಶಿ: ಕೆಲಸದಲ್ಲಿ ಸೃಜನಾತ್ಮಕ ಸುಧಾರಣೆ ಆಗಲಿದೆ. ಹಣಕಾಸಿನಲ್ಲಿ ಸುಧಾರಣೆ ಕಾಣಬಹುದು. ಸ್ನೇಹಿತರ ಒತ್ತಡಕ್ಕೆ ಸಿಲುಕಿ ದುಶ್ಚಟ ಮಾಡಬೇಡಿ. ಆರೋಗ್ಯ ಸ್ಥಿತಿಗೆ ಜಾಗರೂಕರಾಗಿರಿ. ಕನ್ಯಾ ರಾಶಿ: ಉದ್ಯೋಗದಲ್ಲಿ ಹೆಚ್ಚುವರಿ ಹೊಣೆಗಾರಿಕೆ ಸಿಗಲಿದೆ. ಒಳ್ಳೆಯ ಬದಲಾವಣೆಗಳು ಸಾಧ್ಯವಿದೆ. ಕುಟುಂಬದಲ್ಲಿ ಸಾಂತ್ವಾನ ಸಿಗಲಿದೆ. ದೈಹಿಕ ಶಕ್ತಿ ವೃದ್ಧಿಗೆ ನೀರು ಸೇವನೆ ಅನಿವಾರ್ಯ. ತುಲಾ ರಾಶಿ: ಹಣಕಾಸಿನ ಸಾಲ ಮುಗಿಯುವ ಸಾಧ್ಯತೆ ಹೆಚ್ಚಿದೆ, ಕುಟುಂಬದಲ್ಲಿ ಉತ್ತಮ ಮಾತುಕಥೆ ನಡೆಯಲಿದೆ. ಆರೋಗ್ಯ ವೃದ್ಧಿಗೆ ಧ್ಯಾನ ಸಹಾಯಕ. ಕಾರ್ಯಕ್ಷೇತ್ರದಲ್ಲಿ ಯಶಸ್ಸು ಸಿಗುತ್ತದೆ. ವೃಶ್ಚಿಕ ರಾಶಿ: ಆರ್ಥಿಕವಾಗಿ ಲಾಭ ಸಿಗಲಿದೆ. ಮನಸ್ಸು ಶಾಂತಿಯುತವಾಗಿರಲಿದೆ.. ಉದ್ಯೋಗದಲ್ಲಿ ನೂತನ ಯೋಜನೆ ಶುರುವಾಗಲಿದೆ. ಧನು ರಾಶಿ: ಹೊಸ ಉದ್ಯಮ ಆರಂಭಕ್ಕೆ ಸೂಕ್ತ ಸಮಯ. ಆರ್ಥಿಕ ಲಾಭ ಆಗಲಿದೆ, ಕುಟುಂಬದಲ್ಲಿ ಸಂತೋಷ-ನೆಮ್ಮದಿ ಕಾಣಲಿದೆ. ಹೊಸ ಕಾರ್ಯಗಳಲ್ಲಿ ಯಶಸ್ಸು ಸಿಗಲಿದೆ. ಮಕರ ರಾಶಿ: ಆರ್ಥಿಕವಾಗಿ ಸ್ಥಿರತೆ ಕಾಪಾಡುವುದು ಅನಿವಾರ್ಯ. ಉದ್ಯೋಗದಲ್ಲಿ ಪೈಪೋಟಿ ಹೆಚ್ಚಲಿದೆ. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧವಾಗುತ್ತಿರುವರಿಗೆ ಯಶಸ್ಸು ಸಿಗಲಿದೆ. ಕುಂಬ ರಾಶಿ: ಉದ್ಯಮ ಅಥವಾ ವ್ಯವಹಾರದಲ್ಲಿ ಸುಧಾರಣೆ ಆಗಲಿದೆ. ಅಂದುಕೊAಡ ಪ್ರಯಾಣಕ್ಕೆ ಅವಕಾಶ ಸಿಗಲಿದೆ. ಬುದ್ಧಿವಂತಿಕೆ ಬಳಸಿ ಕಾರ್ಯ ನಿರ್ವಹಿಸಿ. ಆರೋಗ್ಯದ ಬಗ್ಗೆ ಜಾಗೃತಿಯಿರಲಿ. ಮೀನ ರಾಶಿ: ಹೊಸ ಭಾವನೆಗಳ ಬೆಳವಣಿಗೆ ಆಗಲಿದೆ. ವ್ಯವಹಾರದ ಲಾಭ ಸಿಗಲಿದೆ. ಕುಟುಂಬ ಮತ್ತು ಸ್ನೇಹಿತರಿಂದ ಬೆಂಬಲ ಸಿಗಲಿದೆ. ಹೊಸ ಅವಕಾಶಗಳ ಆರಂಭ ಸಾಧ್ಯವಿದೆ.
- [ಕೈಗಾದಲ್ಲಿ ಕಬ್ಬಿಣ ಕುಸಿತ: ಕರ್ತವ್ಯದಲ್ಲಿದ್ದ ಭದ್ರತಾ ಯೋಧನ ಮರಣ](https://mobiletime.in/2025/11/iron-collapse-in-kaiga-security-guard-on-duty-dies/): ಕಾರವಾರದ ಕೈಗಾ ಅಣು ವಿದ್ಯುತ್ ಸ್ಥಾವರದ ಒಳ ಆವರಣದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಕೇಂದ್ರ ಕೈಗಾರಿಕೆ ಭದ್ರತಾ ಪಡೆಯ ಯೋಧರೊಬ್ಬರ ಮೇಲೆ ಕಬ್ಬಿಣದ ಗೇಟ್ ತುಂಡಾಗಿ ಬಿದ್ದಿದೆ. ಪರಿಣಾಮ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ ಮಹಾರಾಷ್ಟ್ರದ ಮಹಿಮಾನಗಡ್ ಮೂಲದ ಶೇಖರ ಭೀಮರಾವ್ ಜಗದಾಲೆ (48) ಮೃತಪಟ್ಟ ಸಿಐಎಸ್‌ಎಫ್ ಸಿಬ್ಬಂದಿ. ಶನಿವಾರ ರಾತ್ರಿ ಅವರು ಅಣು ತ್ಯಾಜ್ಯ ವಿಲೇವಾರಿ ಘಟಕದ ಬಳಿ ಕಾವಲು ಕಾಯುತ್ತಿದ್ದರು. ಆ ವೇಳೆ ಭಾರವಾದ ಗೇಟ್ ಆಕಸ್ಮಿಕವಾಗಿ ಕುಸಿದು ಬಿದ್ದಿತು. ಅದು ಶೇಖರ ಅವರ ತಲೆಗೆ ಬಲವಾಗಿ ಬಡಿದ ಪರಿಣಾಮ ಅವರು ಅಲ್ಲಿಯೇ ಕುಸಿದು ಬಿದ್ದರು. ಶೇಖರ ಅವರನ್ನು ಸಹೋದ್ಯೋಗಿಗಳು ತಕ್ಷಣ ಸ್ಥಳೀಯ ಪ್ರಾಥಮಿಕ ಚಿಕಿತ್ಸಾ ಕೇಂದ್ರಕ್ಕೆ ಕರೆದೊಯ್ದರು. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕೈಗಾದ ಕೆಜಿಎಸ್ ಆಸ್ಪತ್ರೆಗೆ‌ ದಾಖಲಿಸಿದರು. ಆದರೆ, ಅಷ್ಟರೊಳಗೆ ಅವರು ಸಾವನಪ್ಪಿದರು. ಕಬ್ಬಿಣದ ಗೇಟ್ ಕುಸಿತದ ನಿಖರ ಕಾರಣ ಗೊತ್ತಾಗಿಲ್ಲ. ಈ ಬಗ್ಗೆ ತನಿಖೆ ನಡೆಯುತ್ತಿದೆ.
- [ಆಸ್ತಿಗಾಗಿ ಅಪ್ಪನನ್ನೇ ಕೊಂದ ಪುತ್ರ!](https://mobiletime.in/2025/11/son-kills-father-for-property/): ಆಸ್ತಿಯಲ್ಲಿ ಭಾಗ ಕೊಡದ ಕಾರಣ ಯಲ್ಲಾಪುರದ ಹರೀಶ ಮರಾಠಿ ಅವರು ತಮ್ಮ ತಂದೆಯನ್ನು ಕೊಡಲಿಯಿಂದ ಕೊಚ್ಚಿ ಸಾಯಿಸಿದ್ದಾರೆ. ಮಗನ ಆಕ್ರೋಶ ಹಾಗೂ ಹಣದ ಹಪಾಹಪಿತನಕ್ಕೆ ನಾರಾಯ ಮರಾಠಿ ಅವರು ಶವವಾಗಿದ್ದಾರೆ. ಯಲ್ಲಾಪುರದ ಬೆಳ್ಳುಂಬಿ ಬಳಿಯ ಮಾವಿನಕಟ್ಟಾದಲ್ಲಿ ನಾರಾಯಣ ಪರಶು ಮರಾಠಿ (51) ಅವರು ವಾಸವಾಗಿದ್ದರು. ಅವರಿಗೆ ಹರೀಶ ಮರಾಠಿ (29) ಹಾಗೂ ತಾರಾ ಮರಾಠಿ (26) ಎಂಬ ಮಕ್ಕಳಿದ್ದರು. ಹರೀಶ ಮರಾಠಿ ತೋಟದ ಕೆಲಸ ನೋಡಿಕೊಂಡಿದ್ದು, ತಾರಾ ಮರಾಠಿ ಅವರು ಅಂಗನವಾಡಿ ಕಾರ್ಯಕರ್ತೆಯಾಗಿ ಕೆಲಸ ಮಾಡುತ್ತಿದ್ದರು. ಹರೀಶ ಮರಾಠಿ ಅವರಿಗೆ ವಿವಾಹವಾಗಿದ್ದು, ಅವರ ಜೊತೆ ಸವೀತಾ ಹಾಗೂ ಮಗಳು ಸುರಕ್ಷಾ ಒಂದೇ ಮನೆಯಲ್ಲಿ ಪ್ರತ್ಯೇಕವಾಗಿ ವಾಸವಾಗಿದ್ದರು. ಹೀಗಿರುವಾಗ ಸವಿತಾ ಮರಾಠಿ ಹಾಗೂ ತಾರಾ ಮರಾಠಿ ಅವರ ನಡುವೆ ವೈಮನಸ್ಸು ಮೂಡಿತ್ತು. ಒಬ್ಬರನ್ನು ಕಂಡರೆ ಮತ್ತೊಬ್ಬರಿಗೆ ಆಗುತ್ತಿರಲಿಲ್ಲ. ಪತ್ನಿ ಮಾತಿಗೆ ಮರಳಾಗುತ್ತಿದ್ದ ಹರೀಶ ಮರಾಠಿ ಅವರು ಆಗಾಗ ತಾರಾ ಮರಾಠಿ ಅವರಿಗೆ ಹೊಡೆಯುತ್ತಿದ್ದರು. ಹೊಡೆದಾಟ ವಿಕೋಪಕ್ಕೆ ತೆರಳಿದಾಗ ತಾರಾ ಅವರೇ ಸುಮ್ಮನಾಗುತ್ತಿದ್ದರು. ನವೆಂಬರ್ 8ರಂದು ಸಹ ಆ‌ ಮನೆಯಲ್ಲಿ ಗಲಾಟೆ ನಡೆಯಿತು. ಆ ದಿನದ ಗಲಾಟೆ ಅಲ್ಲಿಯೇ‌ ಮುಗಿಯಿತು. ಆದರೆ, ನವೆಂಬರ್ 9ರಂದು ಹಿಂದಿನ ದಿನದ ಗಲಾಟೆ ಮರುಕಳಿಸಿತು. ಸವಿತಾ ಮರಾಠಿ ಅವರು ಮನೆ ಸ್ವಚ್ಚ ಮಾಡಿವಾಗ ತಾರಾ ಅವರು ಅಲ್ಲಿಗೆ ಬಂದಿದ್ದು ಗಲಾಟೆಗೆ ಕಾರಣವಾಯಿತು. ಈ ವಿಷಯವಾಗಿ ಸವಿತಾ ಮರಾಠಿ ಅವರು ತಮ್ಮ‌ ಪತಿ ಹರೀಶ ಮರಾಠಿ ಅವರ ಕಿವಿ ಚುಚ್ಚಿದರು. ಪತ್ನಿ ಜೊತೆ ಜಗಳ ಮಾಡಿದ ತಂಗಿ ವಿರುದ್ಧ ಸಿಟ್ಟಾದ ಹರೀಶ ಮರಾಠಿ ಅವರು ದೊಡ್ಡದಾಗಿ ಕೂಗಿ ತಾರಾ ಮರಾಠಿ ಅವರನ್ನು ಥಳಿಸಿದರು. ಹರೀಶ ಮರಾಠಿ ಅವರು ತಾರಾ ಮರಾಠಿ ಅವರ ಕೆನ್ನೆಗೆ ಬಾರಿಸಿದ ಪರಿಣಾಮ ತಾರಾ ಮರಾಠಿ ಅವರ ಮೂಗಿನಿಂದ‌ ರಕ್ತ ಸುರಿಯಿತು. ತಾರಾ ಮರಾಠಿ ಅವರ ತಂದೆ ನಾರಾಯಣ ಮರಾಠಿ ಮಧ್ಯಾಹ್ನ ತೋಟದಿಂದ ಮನೆಗೆ ಬಂದರು. ಆಗ, ತಾರಾ ಮರಾಠಿ ಅವರು ಅಣ್ಣನಿಂದ ಆದ ಅನ್ಯಾಯದ ಬಗ್ಗೆ ವರದಿ ಒಪ್ಪಿಸಿದರು. ಮಗಳ ಮೇಲೆ ಕೈ ಮಾಡಿದ ಕಾರಣ ನಾರಾಯಣ ಮರಾಠಿ ಅವರು ಹರೀಶ ಮರಾಠಿ ಅವರಿಗೆ ಬೈದರು.‌ ‘ನಿನ್ನ ವಿರುದ್ಧ ಕಂಪ್ಲೇಟ್ ಕೊಟ್ಟು ಬರುವೆ’ ಎಂದು ನಾರಾಯಣ ಮರಾಠಿ ಅವರು ಗದರಿಸಿದರು. ಇದರಿಂದ ಸಿಟ್ಟಾದ ಹರೀಶ ಮರಾಠಿ ‘ಈಗಲೇ ಈ ಮನೆ ಬಿಟ್ಟು ಹೋಗು’ ಎಂದು ತಂದೆಗೆ ಗದರಿಸಿದರು. ಅದಾಗಿಯೂ ಅಲ್ಲಿಯೇ‌ ನಿಂತಿದ್ದ ತಂದೆ ನಾರಾಯಣ ಮರಾಠಿ ಅವರ ತಲೆಗೆ ಕೊಡಲಿ ಬೀಸಿದರು. ‘ಮನೆ ಸಾಲ ನಾನೇ ತೀರಿಸಿದ್ದು. ಮದುವೆ ಸಾಲವನ್ನು ನಾನೇ ತೀರಿಸಿದ್ದು. ಆದರೂ ನನಗೆ ಆಸ್ತಿ ಕೊಡಲಿಲ್ಲ’ ಎಂದು ಅಬ್ಬರಿಸಿದ ಹರೀಶ ಮರಾಠಿ ಅವರು ನಾರಾಯಣ ಮರಾಠಿ ಅವರ ಕಡೆ ಮತ್ತೊಮ್ಮೆ ಕೊಡಲಿ ಬೀಸಿದರು. ಎಡ ಕಿವಿಯ ಬಳಿ‌ ಕೊಡಲಿ ತಾಗಿದ ಪರಿಣಾಮ ನಾರಾಯಣ ಮರಾಠಿ ಅವರು ಅಲ್ಲಿಯೇ‌ ಕುಸಿದು ಬಿದ್ದರು. ಅವರ ಮೈಮೇಲಿದ್ದ ಬಟ್ಟೆ ನೆಲಕ್ಕೆ ಬಿದ್ದು ರಕ್ತ ಚೆಲ್ಲಿತು. ಇದನ್ನು ನೋಡಿದ ಹರೀಶ ಮರಾಠಿ ಕೊಡಲಿಸಹಿತ ಓಡಿ ಪರಾರಿಯಾದರು. ತಾರಾ ಮರಾಠಿ ಅವರು ನಾರಾಯಣ ಮರಾಠಿ ಅವರನ್ನು ಯಲ್ಲಾಪುರ ಆಸ್ಪತ್ರೆಗೆ ಕರೆತಂದರು. ಆದರೆ,‌ ಅಷ್ಟರೊಳಗೆ ನಾರಾಯಣ ಮರಾಠಿ ಅವರು ಸಾವನಪ್ಪಿದ್ದರು. ಪಿಎಸ್ಐ ರಾಜಶೇಖರ ವಂದಲಿ ಅವರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ. ಹರೀಶ ಮರಾಠಿ ಅವರ ಶೋಧ ಕಾರ್ಯಾಚರಣೆಯೂ ನಡೆದಿದೆ.  
- [ಪ್ರೀತಿ-ಪ್ರೇಮ-ಪ್ರಣಯ: ಅಪ್ರಾಪ್ತರೇ ಅಪರಾಧಿಗಳು!](https://mobiletime.in/2025/11/love-love-romance-minors-are-the-criminals/): ಅಪ್ರಾಪ್ತರ ಅಪರಾಧ ಪ್ರಕರಣಗಳು ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹೆಚ್ಚಾಗಿದೆ. ಪ್ರೀತಿ-ಪ್ರೇಮ-ಪ್ರಣಯ ಎಂದು ಸುತ್ತಾಡುವ ಹೆಣ್ಣು ಮಕ್ಕಳು ಗರ್ಭಧರಿಸುತ್ತಿದ್ದು, ಅದಕ್ಕೆ ಕಾರಣರಾದವರು ಜೈಲು ಸೇರುತ್ತಿದ್ದಾರೆ. ಅಂಕಿ-ಅoಶಗಳ ಪ್ರಕಾರ ಕಳೆದ ವರ್ಷ 18 ವರ್ಷದೊಳಗಿಗೆ 58 ಬಾಲಕರು ಶಿಕ್ಷೆ ಅನುಭವಿಸಿದ್ದಾರೆ! ಉತ್ತರ ಕನ್ನಡ ಜಿಲ್ಲೆಯಲ್ಲಿ ದಾಖಲಾದ ಪೋಕ್ಸೋ ಕಾಯ್ದೆಯ ಅಂಕಿ-ಅoಶಗಳಲ್ಲಿ 18 ವರ್ಷದೊಳಗಿನ ಆರೋಪಿಗಳು ಶೇ 40ರಷ್ಟಿದ್ದಾರೆ. 25 ವರ್ಷದೊಳಗಿನ ಯುವಕರು ಶೇ 49ರ ಪ್ರಮಾಣದಲ್ಲಿದ್ದಾರೆ. 2023ರಲ್ಲಿ 68 ಪ್ರಕರಣ, 2024ರಲ್ಲಿ 81 ಪ್ರಕರಣಗಳು, 2025ರಲ್ಲಿ ಈವರೆಗೆ 63 ಪೋಕ್ಸೋ ಪ್ರಕರಣಗಳು ದಾಖಲಾಗಿದೆ. ಮಕ್ಕಳ ಸ್ನೇಹಿ ವಿಶೇಷ ನ್ಯಾಯಾಲಯದಲ್ಲಿ 150ಕ್ಕೂ ಹೆಚ್ಚು ಇಂಥ ಪ್ರಕರಣಗಳ ವಿಚಾರಣೆ ನಡೆಯುತ್ತಿದೆ. ಕಾರವಾರದ ಕಾರಾಗೃಹದಲ್ಲಿ 58 ಜನ ಪೋಕ್ಸೋ ಕಾಯ್ದೆಯಡಿ ಸಿಲುಕಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದಾರೆ. ವಿವಿಧ ಪಾರ್ಕು-ಪಬ್ಬುಗಳಲ್ಲಿ ವಿದ್ಯಾರ್ಥಿಗಳೇ ಹೆಚ್ಚಿಗೆ ಕಾಣಿಸುತ್ತಿದ್ದಾರೆ. ಕಾಲೇಜು ವಿದ್ಯಾರ್ಥಿಗಳ ಜೊತೆ ಹೈಸ್ಕೂಲ್ ಹುಡುಗಿಯರು ಜೋಡಿ ಹಕ್ಕಿಗಳಾಗಿ ಕಾಲ ಕಳೆಯುತ್ತಿದ್ದಾರೆ. ಶಿಕ್ಷಣ ಕಲಿಯಬೇಕಾದ ಈ ವಯಸ್ಸಿನಲ್ಲಿ ಅಲ್ಲಿ-ಇಲ್ಲಿ ಸುತ್ತಾಡುವವರ ಸಂಖ್ಯೆ ಹೆಚ್ಚಾಗಿದ್ದು, ಮಕ್ಕಳ ಮೇಲೆ ನಿಗಾವಹಿಸುವಲ್ಲಿ ಪಾಲಕರು ಎಡವುತ್ತಿದ್ದಾರೆ. ಅದರ ಪರಿಣಾಮವಾಗಿ ಮಕ್ಕಳ ಪ್ರೀತಿ-ಪ್ರೇಮ-ಪ್ರಣಯದ ಪ್ರಕರಣಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ. ಹಳಿಯಾಳ, ಜೋಯಿಡಾ, ದಾಂಡೇಲಿ, ಶಿರಸಿ ಭಾಗದಲ್ಲಿ ಹೆಚ್ಚಿನ ಪೋಕ್ಸೋ ಪ್ರಕರಣಗಳು ದಾಖಲಾಗುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಗ್ರಾಮೀಣ ಭಾಗದಲ್ಲೇ ಹೆಚ್ಚು ಅಪರಾಧ ಪ್ರಕರಣಗಳು ನಡೆಯುತ್ತಿವೆ. ಹದಿಹರೆಯದವರ ಹುಚ್ಚಾಟದಿಂದ ಸಣ್ಣ ಮಕ್ಕಳ ಜೀವನ ನರಕವಾಗುತ್ತಿದೆ. ಅದರಲ್ಲಿಯೂ ಅತ್ಯಾಚಾರ ಪ್ರಕರಣಗಳಲ್ಲಿ ಬಾಲಕ-ಬಾಲಕಿಯರು ಹೆಚ್ಚಿನ ಪ್ರಮಾಣದಲ್ಲಿ ಬಲಿಯಾಗುತ್ತಿದ್ದಾರೆ. ಪೋಕ್ಸೋ ಪ್ರಕರಣಗಳಲ್ಲಿಯೂ ಅಪ್ರಾಪ್ತರ ಸಂಖ್ಯೆ ಹೆಚ್ಚಾಗಿದೆ. ಪೊಲೀಸ್ ದಾಖಲೆಗಳಲ್ಲಿನ ಈ ಅಂಕಿ-ಅoಶಗಳು ಜನರ ಆತಂಕಕ್ಕೆ ಕಾರಣವಾಗಿದೆ. ಮಕ್ಕಳ ಮೇಲಿನ ದೌರ್ಜನ್ಯ ಕಂಡರೆ ಇಲ್ಲಿ ಫೋನ್ ಮಾಡಿ: 1908
- [2025 ನವೆಂಬರ್ 9ರ ದಿನ ಭವಿಷ್ಯ](https://mobiletime.in/2025/11/prediction-for-november-9-2025/): ಮೇಷ ರಾಶಿ: ನಿಮಗೆ ಸಿಗುವ ಅವಕಾಶಗಳನ್ನು ಸರಿಯಾಗಿ ಬಳಸಿಕೊಂಡು ಧೈರ್ಯದಿಂದ ಕೆಲಸ ಮಾಡಿ. ಆರೋಗ್ಯದ ವಿಷಯದಲ್ಲಿ ಕಾಳಜಿ ಅಗತ್ಯ. ವೇಗವಾಗಿ ವಾಹನ ಓಡಿಸಬೇಡಿ. ವೃಷಭ ರಾಶಿ: ಹಣಕಾಸು ವಿಷಯದಲ್ಲಿ ಬೆಳವಣಿಗೆ ಆಗಲಿದೆ. ಕುಟುಂಬದ ಬೆಂಬಲ ನಿಮಗೆ ಶಕ್ತಿ ಕೊಡುತ್ತದೆ. ಆರೋಗ್ಯ ವಿಚಾರದಲ್ಲಿ ಜಾಗರೂಕತೆ ಬೇಕು. ಮಿಥುನ ರಾಶಿ: ಸಂಪರ್ಕ ಹಾಗೂ ಸಂವಹನದಲ್ಲಿ ಯಶಸ್ಸು ಸಾಧ್ಯವಿದೆ. ಹೊಸ ಸ್ನೇಹಿತರ ಭೇಟಿ ಆಗಲಿದೆ. ವ್ಯವಹಾರ ಬೆಳವಣಿಗೆ ಸಾಧ್ಯವಿದೆ. ಕರ್ಕ ರಾಶಿ: ಪರಿಶ್ರಮ ಹೆಚ್ಚಾಗಲಿದ್ದು ಅದರ ಫಲ ಮಿಶ್ರವಾಗಿರಲಿದೆ. ಆತ್ಮವಿಶ್ವಾಸ ಹೆಚ್ಚಿಸುವ ಕೆಲಸ ಮಾಡುವುದು ಮುಖ್ಯ. ಕುಟುಂಬದ ವಿಷಯದಲ್ಲಿ ಶಾಂತಿ ಕಾಪಾಡಿ. ಸಿಂಹ: ನಾಯಕತ್ವ ಗುಣ ಬೆಳವಣಿಗೆ ಆಗಲಿದೆ. ಭಾವನಾತ್ಮಕ ಸ್ಥಿರತೆ ಕಳೆದುಕೊಳ್ಳಬೇಡಿ. ವಿವಿಧ ವೇದಿಕೆಗಳಲ್ಲಿ ಅವಕಾಶ ಸಿಗಲಿದೆ. ಕನ್ಯಾ ರಾಶಿ: ಮನಸ್ಸಿನ ಗೊಂದಲ ನಿವಾರಣೆಗೆ ಧ್ಯಾನ ಮಾಡುವುದು ಅತಿ ಮುಖ್ಯ. ದೂರದ ತಿರುಗಾಟಗಳು ಬೇಡ. ಸ್ಪಷ್ಠ ನಿಲುವುಗಳ ಜೊತೆ ಕಾರ್ಯ ಸಾಧಿಸಿ. ತುಲಾ ರಾಶಿ: ನಿಮ್ಮ ನಿರ್ಧಾರಗಳು ಬೇರೆಯವರಿಗೆ ಹೊರೆ ಆಗದಿರಲಿ. ಹೂಡಿಕೆಗೆ ಯೋಗ್ಯ ಸಮಯ ಬರಲಿದೆ. ಮನೆಯಲ್ಲಿ ಸಂತೋಷದ ವಾತಾವರಣ ಕಾಣಲಿದೆ. ವೃಶ್ಚಿಕ ರಾಶಿ: ನೀವು ಮಾಡಿದ ಕೆಲಸಗಳನ್ನು ವಿಶ್ಲೇಷಣೆ ಮಾಡಿ. ಹೊಸ ದಾರಿಗಳನ್ನು ಹುಡುಕಿ. ಪ್ರೀತಿ ಪಾತ್ರರ ಜೊತೆ ಮುಕ್ತವಾಗಿ ಮಾತನಾಡಿ. ಧನು ರಾಶಿ: ಪ್ರಯಾಣದಿಂದ ಆಯಾಸವಾಗಲಿದೆ. ಶಿಕ್ಷಣದ ವಿಷಯದಲ್ಲಿ ಮುನ್ನಡೆ ಸಿಗಲಿದೆ. ಹಣಕಾಸು ಸುರಕ್ಷತೆ ಕಡೆ ಗಮನಹರಿಸಿ. ಮಕರ ರಾಶಿ: ನೀವು ಮಾಡುವ ವೃತ್ತಿಯಲ್ಲಿ ಸ್ಥಿತಿಜ್ಞತೆ ಮುಖ್ಯ. ಭೂಮಿ ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ನಿಮ್ಮೊಳಗಿನ ನೈಜ ಶಕ್ತಿಯನ್ನು ಬಳಸಿ ಕೆಲಸ ಮಾಡಿ. ಕುಂಭ ರಾಶಿ: ಸಾಮಾಜಿಕ ಸಂಪರ್ಕ ವಿಷಯದಲ್ಲಿ ಮುನ್ನಡೆ ಆಗಲಿದೆ. ಸಹಾಯಕರ ಜೊತೆ ನಡೆಯುವ ಒಪ್ಪಂದಗಳು ಸುರಳಿತವಾಗಿರಲಿದೆ. ವ್ಯಾಯಾಮ ಮಾಡುವುದನ್ನು ಬಿಡಬೇಡಿ. ಮೀನ ರಾಶಿ: ನಿಮ್ಮ ಸೃಜನಶೀಲತೆ ಹೆಚ್ಚುತ್ತದೆ. ಹೊಸ ಯೋಜನೆಗಳನ್ನು ಆರಂಭಿಸಲು ಉತ್ತಮ ದಿನ. ಆತ್ಮವಿಶ್ವಾಸದಿಂದ ಕೆಲಸ ಮಾಡಿ.
- [ಶಿರಸಿ: ರಸ್ತೆ ಅಭಿವೃದ್ದಿಗಾಗಿ ಕೋರ್ಟು-ಕೇಸು!](https://mobiletime.in/2025/11/sirsi-court-case-for-road-development/): ಶಿರಸಿಯ ಸಾಮಾಜಿಕ ಸಮಸ್ಯೆಗಳ ಬಗ್ಗೆ ಧ್ವನಿ ಎತ್ತುವ ನ್ಯಾಯವಾದಿ ಶ್ರೀನಿವಾಸ ನಾಯ್ಕ ಅವರು ಹದಗೆಟ್ಟ ರಸ್ತೆಗಳ ವಿರುದ್ಧ ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ನ್ಯಾಯವಾದಿ ಚೇತನ ಬೋವಿ ಅವರ ಜೊತೆ ಸೇರಿ ಸರ್ಕಾರದ ವಿರುದ್ಧವೇ ಅವರು ಕೇಸು ಹಾಕಿದ್ದಾರೆ! ಶ್ರೀನಿವಾಸ ನಾಯ್ಕ ಅವರು ಶಿರಸಿಯ ವಿದ್ಯಾನಗರದಲ್ಲಿ `ಸೀತಾ ಲಾ ಕನ್ಸಟೆನ್ಸಿ’ ನಡೆಸುತ್ತಾರೆ. ಸಾರ್ವಜನಿಕ ಸಮಸ್ಯೆಗಳ ಬಗ್ಗೆ ಅವರು ವಿವಿಧ ಪ್ರಕರಣಗಳನ್ನು ನಡೆಸಿದ್ದಾರೆ. ಈ ಹಿಂದೆ ನಗರಸಭೆಯ ಅಶುಚಿತ್ವದ ಬಗ್ಗೆ ಅವರು ಕಿಡಿಕಾರಿದ್ದು, ಡೆಂಗ್ಯು ಜ್ವರ ಹೆಚ್ಚಳಕ್ಕೆ ನಗರಸಭೆಯ ನಿರ್ಲಕ್ಷ್ಯ ಕಾರಣವಾದ ಬಗ್ಗೆ ನ್ಯಾಯಾಲಯಕ್ಕೆ ಮನವರಿಕೆ ಮಾಡಿದ್ದರು. ಜನರ ಜೀವಿಸುವ ಹಕ್ಕಿಗೆ ತೊಂದರೆ ಆಗದಂತೆ ತಡೆಯುವುದಕ್ಕಾಗಿ ಅವರು ಕಾನೂನಾತ್ಮಕ ಹೋರಾಟ ನಡೆಸಿದ್ದರು. ಅದರ ಬೆನ್ನಲ್ಲೆ ಇದೀಗ ಶಿರಸಿಯ ರಸ್ತೆಗಳಲ್ಲಿನ ಗುಂಡಿ ಹಾಗೂ ಧೂಳಿನಿಂದ ಆಗುವ ಆರೋಗ್ಯ ಸಮಸ್ಯೆಗಳ ಬಗ್ಗೆ ಕಾನೂನಾತ್ಮಕ ರೀತಿಯಲ್ಲಿ ಧ್ವನಿ ಎತ್ತಿದ್ದಾರೆ. ಶ್ರೀನಿವಾಸ ನಾಯ್ಕ ಅವರು ನಿತ್ಯ ಓಡಾಡುವ ರಸ್ತೆಯಲ್ಲಿ ಭಾರೀ ಪ್ರಮಾಣದ ಗುಂಡಿಗಳಿದ್ದು, ಅಲ್ಲಿನ ಧೂಳು ಜನರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತಿತ್ತು. ಸಾಕಷ್ಟು ಜನ ನಗರಸಭೆಗೆ ಮನವಿ ಮಾಡಿದರೂ ಅದರಿಂದ ಯಾವ ಪ್ರಯೋಜನವೂ ಆಗಿರಲಿಲ್ಲ. ಪ್ರತಿಭಟನೆ-ಎಚ್ಚರಿಕೆ ನೀಡಿದರೂ ನಗರಸಭೆ ಅಧಿಕಾರಿಗಳು ತಲೆಕೆಡಿಸಿಕೊಂಡಿರಲಿಲ್ಲ. ವಿದ್ಯಾನಗರ ಮಾತ್ರವಲ್ಲದೇ ಶಿರಸಿ ತುಂಬೆಲ್ಲ ಇದೇ ಸಮಸ್ಯೆ ಆಗಿರುವುದನ್ನು ಶ್ರೀನಿವಾಸ ನಾಯ್ಕ ಅವರು ಮನಗೊಂಡರು. ತಮ್ಮ ಸಹಾಯಕ ವಕೀಲರಾದ ಚೇತನ ಬೋವಿ ಅವರ ಜೊತೆ ಚರ್ಚಿಸಿ ವಿವಿಧ ಕಾಗದಪತ್ರಗಳನ್ನು ಸಿದ್ಧಪಡಿಸಿದರು. ಜನರಿಗೆ ಆದ ಸಮಸ್ಯೆಗಳ ಬಗ್ಗೆ ಸಮಗ್ರವಾಗಿ ಅಭ್ಯಯಿಸಿ ಕಾನೂನಿನ ಮೊರೆ ಹೋದರು. ಸದ್ಯ ಜನರ ಜೀವಿಸುವ ಹಕ್ಕಿಗೆ ತೊಂದರೆಯಾಗುತ್ತಿರುವ ಶಿರಸಿಯಲ್ಲಿನ ರಸ್ತೆ ಗುಂಡಿ ಹಾಗೂ ಧೂಳಿನ ಸಮಸ್ಯೆಯ ಬಗ್ಗೆ ನೀಡಿದ ದೂರನ್ನು ನ್ಯಾಯಾಲಯ ಪರಿಗಣಿಸಿದೆ. ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ, ಉತ್ತರ ಕನ್ನಡ ಜಿಲ್ಲಾಧಿಕಾರಿ, ಶಿರಸಿ ಉಪವಿಭಾಗಾಧಿಕಾರಿ ಹಾಗೂ ಶಿರಸಿ ನಗರಸಭೆ ಪೌರಾಯುಕ್ತರ ವಿರುದ್ಧ ನೀಡಿದ ದೂರನ್ನು ನ್ಯಾಯಾಲಯವೂ ಗಂಭೀರವಾಗಿ ಪರಿಗಣಿಸಿದೆ. ನವೆಂಬರ್ 24ರಂದು ಪ್ರಕರಣದ ವಿಚಾರಣೆ ನಿಗದಿಪಡಿಸಿದ್ದು, ಆ ದಿನ ರಸ್ತೆ ಗುಂಡಿ ಹಾಗೂ ಧೂಳಿನ ಸಮಸ್ಯೆ ಅನುಭವಿಸಿದ ಪ್ರತಿಯೊಬ್ಬರು ನ್ಯಾಯಾಧೀಶರ ಮುಂದೆ ತಮ್ಮ ಅಳಲು ಹೇಳಿಕೊಳ್ಳಲು ಸಮಯ ನೀಡಲಾಗಿದೆ. `ರಸ್ತೆಯಲ್ಲಿನ ಗುಂಡಿ ಹಾಗೂ ಧೂಳಿನಿಂದ ಸಣ್ಣ ಸಣ್ಣ ಮಕ್ಕಳು ಅನಾರೋಗ್ಯಕ್ಕೆ ಒಳಗಾಗುತ್ತಿದ್ದಾರೆ. ಮನೆಗೆ ಬರುವ ಮಕ್ಕಳು ಸಂಜೆ ವೇಳೆ ಕೆಮ್ಮಿನಿಂದ ನರಳುತ್ತಿದ್ದು, ಜನರ ಮೂಲಭೂತ ಹಕ್ಕಿಗೆ ಸಮಸ್ಯೆಯಾಗಿದೆ. ನಾವು ಕಟ್ಟುವ ತೆರಿಗೆ ಹಣವನ್ನು ಸರಿಯಾಗಿ ಬಳಸಿ ರಸ್ತೆ ನಿರ್ಮಿಸುವುದು ಸರ್ಕಾರದ ಜವಾಬ್ದಾರಿಯಾಗಿದ್ದು, ಅದನ್ನು ನಿರ್ವಹಿಸದ ಕಾರಣ ನ್ಯಾಯಾಲಯದ ಮೊರೆ ಹೋಗುವುದು ಅನಿವಾರ್ಯವಾಯಿತು’ ಎಂದು ನ್ಯಾಯವಾದಿ ಶ್ರೀನಿವಾಸ ನಾಯ್ಕ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಪ್ರತಿಕ್ರಿಯಿಸಿದರು. `ಹಿಂದೊಮ್ಮೆ ಗಟಾರ ಸಮಸ್ಯೆಯ ಬಗ್ಗೆ ಪ್ರಧಾನಿ ಕಚೇರಿಗೆ ಪತ್ರ ಬರೆದಾಗ ಅಧಿಕಾರಿಗಳಿಗೆ ಬಿಸಿ ಮುಟ್ಟಿತು. ಆ ಅವಧಿಯಲ್ಲಿ ನಗರಸಭೆಯವರು ಸಮಸ್ಯೆಯನ್ನು ಬಗೆಹರಿಸಿದ್ದರು’ ಎಂಬುದನ್ನು ಅವರು ಸ್ಮರಿಸಿದರು. `ಯಾವುದೇ ಹೋರಾಟವಾದರೂ ಕಾನೂನಾತ್ಮಕ ರೀತಿ ನಡೆದರೆ ಅದಕ್ಕೆ ಜಯ ನಿಶ್ವಿತ’ ಎಂದು ಅನಿಸಿಕೆಹಂಚಿಕೊAಡರು. ಇನ್ನೂ, ಶಿರಸಿ ರಸ್ತೆಯಲ್ಲಿ ಗುಂಡಿ ಹಾಗೂ ಧೂಳಿನ ಸಮಸ್ಯೆಯಿಂದ ತೊಂದರೆ ಅನುಭವಿಸಿದ ಪ್ರತಿಯೊಬ್ಬರು ನ್ಯಾಯಾಧೀಶರ ಮುಂದೆ ತಮ್ಮ ಅಭಿಪ್ರಾಯ ಮಂಡಿಸಲು ಈ ಪ್ರಕರಣದಲ್ಲಿ ಅವಕಾಶವಿದೆ. ಅದಕ್ಕೆ ಎಲ್ಲಾ ಬಗೆಯ ಸಿದ್ಧತೆ-ಕಾಗದ ಪತ್ರಗಳ ತಯಾರಿಯನ್ನು ಶ್ರೀನಿವಾಸ ನಾಯ್ಕ ಹಾಗೂ ಚೇತನ ಬೋವಿ ಅವರು ತಮ್ಮದೇ ಖರ್ಚಿನಲ್ಲಿ ಮಾಡಿಕೊಡುತ್ತಾರೆ. ರಸ್ತೆ ಹಾಳಾಗಿದ್ದರಿಂದ ನಿಮಗಾದ ತೊಂದರೆಗಳ ಬಗ್ಗೆ ನ್ಯಾಯಾಧೀಶರ ಬಳಿ ಮಾತನಾಡಿ. ಈ ಹೋರಾಟಕ್ಕೆ ಕೈ ಜೋಡಿಸಲು ಇಲ್ಲಿ ಫೋನ್ ಮಾಡಿ: 9480210956  
- [ಶಿರಸಿ: ಸ್ಕೋಡ್‌ವೆಸ್ ಸಂಸ್ಥೆಗೆ ಪರಿಸರ ಪ್ರಶಸ್ತಿ!](https://mobiletime.in/2025/11/sirsi-environmental-award-for-skodves/): ಭೂಸಾರ ಸಂರಕ್ಷಣೆ, ಕೃಷಿ ಅರಣ್ಯ ರಕ್ಷಣೆ, ದೇವರ ಕಡು ಅಧ್ಯಯನ ಹಾಗೂ ಔಷಧಿ ಸಸ್ಯಗಳ ಕುರಿತಾದ ಜ್ಞಾನಕ್ಕಾಗಿ ಶಿರಸಿಯ ಸ್ಕೊಡ್‌ವೆಸ್ ಸಂಸ್ಥೆಗೆ ಪರಿಸರ ಪ್ರಶಸ್ತಿ ಸಿಕ್ಕಿದೆ. ಪರಿಸರ ಮತ್ತು ಜೀವವೈವಿದ್ಯ ಕ್ಷೇತ್ರದ ಸಾಧಕ ಸಂಸ್ಥೆಗಳಿಗೆ ನೀಡುವ `ಚೇಂಜ್ ಮೇಕರ್’ ಪ್ರಶಸ್ತಿಗೆ ಶಿರಸಿಯ ಸ್ಕೊಡ್‌ವೆಸ್ ಸಂಸ್ಥೆ ಪಾತ್ರವಾಗಿದೆ. ಹೈದರಾಬಾದಿನನ ಸಿಎಸ್‌ಆರ್‌ನೌ ವೇದಿಕೆಯೂ ಈ ಪ್ರಶಸ್ತಿ ಘೋಷಿಸಿದೆ. ಜಲಾನಯನ, ಭೂಸಾರ ಸಂರಕ್ಷಣೆ, ಕೃಷಿ ಅರಣ್ಯ, ದೇವರ ಕಾಡು, ಔಷಧಿ ಸಸ್ಯಗಳ ಸಂರಕ್ಷಣೆ, ಪರಿಸರ ಸಂರಕ್ಷಣೆಯಲ್ಲಿ ಸ್ಕೋಡ್‌ವೆಸ್ ಸಂಸ್ಥೆ ಮಾಡಿದ ಸಾಧನೆ ಗಮನಿಸಿ ಈ ಪ್ರಶಸ್ತಿ ನೀಡಲಾಗುತ್ತಿದೆ. ನವೆಂಬರ್ 10ರಂದು ಹೈದರಾಬಾದಿನ ಶಿಲ್ಪ ಕಲಾ ವೇದಿಕೆಯಲ್ಲಿ ಪ್ರಶಸ್ತಿ ವಿತರಣೆ ನಡೆಯಲಿದೆ. ದಕ್ಷಿಣ ಭಾರತದ ಅತಿ ದೊಡ್ಡ ಸಿಎಸ್‌ಆರ್ ಶೃಂಗ ಸಭೆಯಲ್ಲಿ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಭಾಗವಹಿಸಲಿದ್ದು, ಅದೇ ವೇದಿಕೆಯಲ್ಲಿ ಪ್ರಶಸ್ತಿ ಸ್ವೀಕರಿಸಲಿದ್ದಾರೆ. ಈ ವಿಷಯದ ಬಗ್ಗೆ ಇದೀಗ ಸಂಸ್ಥೆಯ ಕಾರ್ಯಕ್ರಮ ಅಧಿಕಾರಿ ನಾರಾಯಣ ಹೆಗಡೆ ಅವರು ಮಾಹಿತಿ ನೀಡಿದರು.
- [ಕಾರವಾರ: ಕೈಗಾ ರಸ್ತೆ ತುಂಬ ಹೊಂಡ ಹೊಂಡ!](https://mobiletime.in/2025/11/karwar-kaiga-road-full-of-potholes/): ಕಾರವಾರ-ಕಡವಾಡ ರಸ್ತೆ ಬಳಿ ಹೊಂಡ ತುಂಬಿದ್ದು, ವಾಹನ ಸವಾರರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಇಲ್ಲಿನ ರಸ್ತೆ ಅಕ್ಕ-ಪಕ್ಕ ಗಿಡಗಂಟಿಗಳು ಬೆಳೆದಿರುವುದರಿಂದ ಸಮಸ್ಯೆ ಇನ್ನಷ್ಟು ಹೆಚ್ಚಾಗಿದೆ. ಕಡವಾಡದ ಮೂಡದೇವ ದೇವಸ್ಥಾನದಿಂದ ವೈಲವಾಡದವರೆಗೂ ರಸ್ತೆ ಸಂಪೂರ್ಣವಾಗಿ ಹದಗೆಟ್ಟಿದೆ. ಈ ಮಾರ್ಗವಾಗಿ ಭಾರೀ ಗಾತ್ರದ ಸರಕು ಸಾಗಾಟ ವಾಹನ ಸಂಚರಿಸುತ್ತಿದ್ದು, ಎದುರಿನಿಂದ ಬರುವ ಸಣ್ಣ-ಪುಟ್ಟ ವಾಹನಗಳ ಓಡಾಟಕ್ಕೆ ಸ್ಥಳಾವಕಾಶವೇ ಸಿಗುತ್ತಿಲ್ಲ. ಅದರಲ್ಲಿಯೂ ರಸ್ತೆಯುದ್ದಕ್ಕೂ ಬಿದ್ದಿರುವ ಹೊಂಡಗಳು ಜನರ ಜೀವಕ್ಕೆ ಮಾರಕವಾಗಿದೆ. ಕೈಗಾ ಅಣು ವಿದ್ಯುತ್ ಘಟಕಕ್ಕೆ ತೆರಳುವ ವಾಹನಗಳು ಇದೇ ಮಾರ್ಗವಾಗಿ ಸಂಚರಿಸುತ್ತದೆ. ಅದರ ತೂಕ ಹೆಚ್ಚಿರುವ ಪರಿಣಾಮ ಸಣ್ಣ-ಪುಟ್ಟ ಸೇತುವೆಗಳ ಮೇಲೆಯೂ ಗುಂಡಿ ಬಿದ್ದಿದೆ. ಇದರಿಂದ ಶಾಲೆ-ಕಾಲೇಜು ವಿದ್ಯಾರ್ಥಿಗಳು ತೊಂದರೆಗೆ ಸಿಲುಕಿದ್ದಾರೆ. ನಿತ್ಯ ಓಡಾಡುವ ಮಹಿಳೆಯರು ತಮ್ಮ ನೋವು ತೋಡಿಕೊಂಡಿದ್ದಾರೆ. ಈ ಎಲ್ಲಾ ಸಮಸ್ಯೆ ಅರಿತ ತಾಲೂಕು ಪಂಚಾಯತ ಮಾಜಿ ಸದಸ್ಯ ಪ್ರಶಾಂತ ಗೋವೇಕರ್ ಅವರು ರಸ್ತೆ ದುರಸ್ಥಿಗಾಗಿ ಧ್ವನಿ ಎತ್ತಿದ್ದಾರೆ. `ಜಿಲ್ಲಾಡಳಿತ ಈ ರಸ್ತೆ ಅವ್ಯವಸ್ಥೆ ಬಗ್ಗೆ ಗಮನಹರಿಸಬೇಕು. ರಸ್ತೆ ಸರಿಪಡಿಸಲು ಲೋಕೋಪಯೋಗಿ ಇಲಾಖೆಗೆ ಸೂಚನೆ ನೀಡಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ.
- [ಅಮಾಯಕನ ಅಂಗಿ ಹರಿದವನಿಗೆ 2 ಸಾವಿರ ರೂ ದಂಡ!](https://mobiletime.in/2025/11/rs-2000-fine-for-tearing-an-innocent-mans-shirt/): ಯಲ್ಲಾಪುರದ ಕಿರವತ್ತಿ ಬಳಿ ರಸ್ತೆ ಪಕ್ಕ ನಿಂತಿದ್ದ ಬಾಬು ಶಿಂಧೆ ಅವರ ಮೇಲೆ ಅನಗತ್ಯವಾಗಿ ಕೈ ಮಾಡಿದ ದೊಂಡು ಪಟಗಾರೆ ಅವರಿಗೆ ನ್ಯಾಯಾಲಯ 2 ಸಾವಿರ ರೂ ದಂಡ ವಿಧಿಸಿದೆ. 2020ರ ಮಾರ್ಚ 10ರಂದು ಈ ಗಲಾಟೆ ನಡೆದಿತ್ತು. ಯಲ್ಲಾಪುರ ಕಿರವತ್ತಿ ಬಳಿಯ ಡೌಗಿನಾಳ ಕಿರವತ್ತಿ ರಸ್ತೆ ಬಂಡಿಕೊಪ್ಪದ ಬಳಿ ಆ ದಿನ ಬಾಬು ಶಿಂದೆ ಅವರು ನಿಂತಿದ್ದರು. ಸಂಜೆ ಅವರು ಬೈಕ್ ಪರಿಶೀಲನೆ ಮಾಡುತ್ತಿದ್ದಾಗ ಅಲ್ಲಿಗೆ ಆಗಮಿಸಿದ ದೊಂಡು ಬಾಬು ಪಟಗಾರೆ ಅವರು ಕೆಟ್ಟದಾಗಿ ನಿಂದಿಸಿದ್ದರು. ಈ ನಡುವೆ ಮಾತಿಗೆ ಮಾತು ಬೆಳೆದು ಹೊಡೆದಾಟ ಶುರುವಾಗಿತ್ತು. ದೊಂಡು ಪಟಗಾರೆ ಅವರು ಬಾಬು ಶಿಂಧೆ ಅವರಿಗೆ ಗುದ್ದಿದ್ದರು. ಬಾಬು ಶಿಂಧೆ ಅವರ ಅಂಗಿ ಹರಿದು ಅವಮಾನ ಮಾಡಿದ್ದರು. ತಮ್ಮ ಬೆಲ್ಟಿನಿಂದ ಬಾಬು ಶಿಂಧೆ ಅವರಿಗೆ ಬಾರಿಸಿದ್ದರು. ಈ ಎಲ್ಲಾ ವಿಷಯಗಳ ಬಗ್ಗೆ ಬಾಬು ಶಿಂಧೆ ಅವರು ಪೊಲೀಸರಿಗೆ ದೂರಿದ್ದರು. ಆ ವೇಳೆ ಪೊಲೀಸ್ ಉಪನಿರೀಕ್ಷಕರಾಗಿದ್ದ ಮಂಜುನಾಥ ಎಸ್ ಗೌಡರ್ ಅವರು ಪ್ರಕರಣದ ತನಿಖೆ ನಡೆಸಿದ್ದರು. ನ್ಯಾಯಾಲಯ ಈ ಪ್ರಕರಣದ ವಿಚಾರಣೆ ನಡೆಸಿದ್ದು, ಜಿಲ್ಲಾ ನ್ಯಾಯಾಧೀಶ ಕಿರಣ ಕಿಣಿ ಅವರು ಎಲ್ಲಾ ಸಾಕ್ಷಿಗಳನ್ನು ಗಮನಿಸಿದರು. ಸರ್ಕಾರಿ ಅಭಿಯೋಜಕ ರಾಜೇಶ ಎಂ ಮಳಗಿಕರ್ ಅವರು ಆರೋಪಿ ದೊಂಡು ಪಟಗಾರೆ ಅವರ ಹೊಡೆದಾಟದ ಸ್ವರೂಪವನ್ನು ನ್ಯಾಯಾಲಯಕ್ಕೆ ವಿವರಿಸಿದರು. ದಾಖಲೆಗಳ ಆಧಾರದಲ್ಲಿ ದೊಂಡು ಪಟಗಾರೆ ಅವರನ್ನು ನ್ಯಾಯಾಲಯ ತಪ್ಪಿತಸ್ಥ ಎಂದು ಘೋಷಿಸಿದ್ದು, 2 ಸಾವಿರ ರೂ ದಂಡ ಪಾವತಿಸಲು ಆದೇಶಿಸಿತು.
- [ಅಡಿಕೆ ಕಳ್ಳರ ಮೇಲೆ ದೇಗುಲ ದರೋಡೆಯ ಅನುಮಾನ!](https://mobiletime.in/2025/11/areca-nut-thieves-suspected-of-temple-robbery/): ಯಲ್ಲಾಪುರದ ವಿಶ್ವೇಶ್ವರ ಹೆಬ್ಬಾರ್ ಅವರ ತೋಟಕ್ಕೆ ನುಗ್ಗಿ ಅಡಿಕೆ ಕಳ್ಳತನ ಮಾಡಿದ್ದ ಶಿರಸಿಯ ಭಾಸ್ಕರ ಬೋವಿವಡ್ಡರ್ ಹಾಗೂ ಯಲ್ಲಾಪುರದ ಹರುಷ ಬೋವಿವಡ್ಡರ್ ಅವರು ದೇವಾಲಯವನ್ನು ದರೋಡೆ ಮಾಡಿದ ಆರೋಪ ಎದುರಿಸುತ್ತಿದ್ದಾರೆ. ಅವರಿಬ್ಬರು ಸೇರಿ ಹಾಸಣಗಿ ಬಳಿಯ ಬೆಂಡಿಗೇರಿ ಗ್ರಾಮದ ದ್ಯಾಮವ್ವ ದೇವಾಲಯ ಕಾಣಿಕೆ ಹುಂಡಿ ಒಡೆದ ಅನುಮಾನವ್ಯಕ್ತವಾಗಿದೆ. ಯಲ್ಲಾಪುರ ಮಂಚಿಕೇರಿ ಬಳಿಯ ಬೆಂಡಿಗೇರಿ ಹರುಷ ಈರಪ್ಪ ಬೋವಿವಡ್ಡರ್ (24) ಹಾಗೂ ಶಿರಸಿ ಗೌಡಳ್ಳಿ ಬಳಿಯ ಕೋಗುಲಕೋಳಿಯ ಭಾಸ್ಕರ ಕೃಷ್ಣ ಭೋವಿವಡ್ಡರ್ (19) ಸೇರಿ ನವೆಂಬರ್ 5ರಂದು ಯಲ್ಲಾಪುರದ ಇಡಗುಂದಿ ಬಳಿಯ ದೋಣಗಾರದಲ್ಲಿ ವಾಸವಾಗಿರುವ ವಿಶ್ವೇಶ್ವರ ವೆಂಕಟ್ರಮಣ ಹೆಬ್ಬಾರ್ ಅವರ ಅಡಿಕೆ ತೋಟಕ್ಕೆ ನುಗ್ಗಿದ್ದರು. ಅವರ ಅಡಿಕೆ ತೋಟದಲ್ಲಿ ಕಳ್ಳತನ ಮಾಡಿ ಅವರು ಪರಾರಿಯಾಗಿದ್ದು, ವಿಶ್ವೇಶ್ವರ ಹೆಬ್ಬಾರ್ ಅವರು ನೀಡಿದ ದೂರಿನ ಮೇರೆಗೆ ಪೊಲೀಸರು ತನಿಖೆ ನಡೆಸಿದಾಗ ಕಳ್ಳರಿಬ್ಬರು ಸಿಕ್ಕಿಬಿದ್ದಿದ್ದರು. ಪೊಲೀಸರನ್ನು ಕಂಡ ಕೂಡಲೇ ಅವರಿಬ್ಬರು ತಮ್ಮ ತಪ್ಪು ಒಪ್ಪಿಕೊಂಡಿದ್ದರು. ಪೊಲೀಸರು ಆ ಕಳ್ಳರಿಂದ 50 ಸಾವಿರ ಮೌಲ್ಯದ 4.54 ಕ್ವಿಂಟಲ್ ಅಡಿಕೆಯನ್ನು ವಶಕ್ಕೆಪಡೆದಿದ್ದರು. ಈ ನಡುವೆ ಹಾಸಣಗಿಯ ಶಿರನಾಳ ಬಳಿಯಿರುವ ಬೆಂಡಿಗೇರಿಯ ದ್ಯಾಮವ್ವ ದೇವಸ್ಥಾನದಲ್ಲಿ ಕಳ್ಳತನ ನಡೆದಿರುವುದು ಗಮನಕ್ಕೆ ಬಂದಿತು. ದೇವಾಲಯದ ಬಾಗಿಲು ಒಡೆದ ಕಳ್ಳರು ಕಾಣಿಕೆ ಹುಂಡಿಯಲ್ಲಿದ್ದ 14 ಸಾವಿರ ರೂ ಹಣ ಎಗರಿಸಿದ್ದರು. ಅಕ್ಟೊಬರ್ 31ರಿಂದ ನವೆಂಬರ್ 1ರ ಅವಧಿಯಲ್ಲಿ ಈ ಕಳ್ಳತನ ನಡೆದಿದ್ದು, ಅದೇ ಊರಿನ ವಿನೋದ ಸುರೇಶ ತಳ್ಳೇಕರ್ ಅವರು ಹರುಷ ಈರಪ್ಪ ಬೋವಿವಡ್ಡರ್ (24) ಹಾಗೂ ಭಾಸ್ಕರ ಕೃಷ್ಣ ಭೋವಿವಡ್ಡರ್ ಅವರ ಮೇಲೆ ಅನುಮಾನವ್ಯಕ್ತಪಡಿಸಿದ್ದರು. ಸದ್ಯ ಅಡಿಕೆ ಕಳ್ಳತನ ಪ್ರಕರಣದಲ್ಲಿ ಪೊಲೀಸರು ಅವರಿಬ್ಬರನ್ನು ಬಂಧಿಸಿದ ವಿಷಯ ಅರಿತ ವಿನೋದ ಸುರೇಶ ತಳ್ಳೇಕರ್ ಅವರು ದೇವಾಲಯ ಕಳ್ಳತನದ ಬಗ್ಗೆಯೂ ಪೊಲೀಸ್ ದೂರು ನೀಡಿದರು. ಹರುಷ ಈರಪ್ಪ ಬೋವಿವಡ್ಡರ್ (24) ಹಾಗೂ ಭಾಸ್ಕರ ಕೃಷ್ಣ ಭೋವಿವಡ್ಡರ್ ಮೇಲೆ ಅನುಮಾನವಿದ್ದು, ಅವರನ್ನು ಈ ವಿಷಯವಾಗಿಯೂ ವಿಚಾರಣೆಗೆ ಒಳಪಡಿಸಬೇಕು ಎಂದು ಅವರು ಆಗ್ರಹಿಸಿದರು. ಈ ಹಿನ್ನಲೆ ಪೊಲೀಸರು ಮತ್ತೊಂದು ಪ್ರಕರಣ ದಾಕಲಿಸಿ ವಿಚಾರಣೆ ನಡೆಸುತ್ತಿದ್ದಾರೆ.
- [`ಅರಣ್ಯಾಧಿಕಾರಿ ತಪ್ಪಿನಿಂದ ಅರಣ್ಯವಾಸಿಗೆ ಅನ್ಯಾಯ'](https://mobiletime.in/2025/11/forest-dwellers-suffer-injustice-due-to-forest-officers-mistake/): ಅರಣ್ಯಾಧಿಕಾರಿಗಳ ತಪ್ಪು ನೀತಿಯಿಂದ ಅರಣ್ಯವಾಸಿಗಳಿಗೆ ಅನ್ಯಾಯವಾಗುತ್ತಿದ್ದು, ಇದನ್ನು ವಿರೋಧಿಸಿ ಶಿರಸಿಯಲ್ಲಿ ನವೆಂಬರ್ 11ರಂದು ಸಮಾಲೋಚನೆ ಸಭೆ ನಡೆಸುವ ಬಗ್ಗೆ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ತಿಳಿಸಿದ್ದಾರೆ. ಕಾರವಾರದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಕಾನೂನು ಮತ್ತು ಸರ್ಕಾರದ ಆದೇಶ ಉಲ್ಲಂಘಿಸಿ ರಾಜ್ಯದಲ್ಲಿ ಅರಣ್ಯವಾಸಿಗಳನ್ನು ಒಕ್ಕಲೆಬ್ಬಿಸುವ ಪ್ರಕ್ರಿಯೆ ನಡೆದಿದೆ. ಅರಣ್ಯಾಧಿಕಾರಿಗಳ ತಪ್ಪು ನೀತಿಯಿಂದ ಅತಿಕ್ರಮಣದಾರರು ಹಿಂಸೆಗೆ ಒಳಗಾಗುತ್ತಿದ್ದಾರೆ. ಈ ಹಿನ್ನಲೆಯಲ್ಲಿ ಶಿರಸಿಯಲ್ಲಿ ನವೆಂಬರ್ 11 ರಂದು ಸಮಾಲೋಚನೆ ಸಭೆ ಜರುಗಿಸಲಾಗಿದೆ’ ಎಂದು ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷರೂ ಆಗಿರುವ ರವಿಂದ್ರ ನಾಯ್ಕ ಅವರು ಘೋಷಿಸಿದರು. `ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಅರ್ಜಿ ಸಲ್ಲಿಸಿದಂತ ಅರಣ್ಯವಾಸಿಗಳಿಗೆ ಒಕ್ಕಲೆಬ್ಬಿಸುವ ಕಾನೂನು ಪ್ರಕ್ರಿಯೆ ಚಟುವಟಿಕೆ ಮತ್ತು ಸಾಗುವಳಿಗೆ ಆತಂಕಗೊಳಿಸಬಾರದು ಎಂಬ ನಿರ್ದೇಶನವಿದೆ. ಅರ್ಜಿ ಪರಿಶೀಲನಾ ಪ್ರಕ್ರಿಯೆ ಪೂರ್ಣ ಆಗುವವರೆಗೆ ಅದೀಬೋಗದಲ್ಲಿರುವ ಅರಣ್ಯ ಜಮೀನಿನಿಂದ ಒಕ್ಕಲೆಬ್ಬಿಸತಕ್ಕದ್ದಲ್ಲ ಎಂಬ ಸೂಚನೆಯಿದೆ. ಅದಾಗಿಯೂ ಅರಣ್ಯಾಧಿಕಾರಿಗಳು ರಾಜ್ಯಾದ್ಯಂತ ಸರ್ಕಾರದ ಆದೇಶ ಉಲ್ಲಂಘಿಸುತ್ತಿದ್ದಾರೆ’ ಎಂದು ದೂರಿದರು. ಸಂಘಟನೆ ಜಿಲ್ಲಾ ಸಂಚಾಲಯಕ ಇಬ್ರಾಹೀಂ ಗೌಡಳ್ಳೀ, ಕುಮಟಾ ಅಧ್ಯಕ್ಷ ಮಂಜುನಾಥ ಮರಾಠಿ ನಾಗನೂರು, ರಾಜೇಶ್ ಮಿತ್ರ ನಾಯ್ಕ ಸಂಚಾಲಕ, ಅಮೋಜ್, ಕಾಂಚನ ದೇಸಾಯಿ, ಕೆಂಚಲಯ್ಯ, ಮಾಬ್ಲೇಶ್ವÀವರ ಹೊನ್ನಳಕರ್ ಉಳವಿ, ಪ್ರಕಾಶ್ ಕೃಷ್ಣ ಆಚಾರಿ ಮತ್ತು ಪುಷ್ಪಾ ಆಚಾರಿ ಹಾಜರಿದ್ದರು.
- [ಶಿಕ್ಷಕಿಗೆ ಶಿಕ್ಷೆ ವಿಧಿಸಿದ ನ್ಯಾಯಾಲಯ!](https://mobiletime.in/2025/11/the-court-sentenced-the-teacher/): ಸಾಲ ಮರುಪಾವತಿಗೆ ನೀಡಿದ ಚೆಕ್ ಅಮಾನ್ಯವಾದ ಕಾರಣ ಅಂಕೋಲಾದ ನಿವೃತ್ತ ಶಿಕ್ಷಕಿಯೊಬ್ಬರಿಗೆ ನ್ಯಾಯಾಲಯ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ. ಅಂಕೋಲಾದ ಆದರ್ಶ ವಿವಿದ್ದೋದ್ದೇಶ ಸಹಕಾರಿ ನಿಯಮಿತದಿಂದ 2020ರಲ್ಲಿ ಶಿಕ್ಷಕಿ ನಾಗಮ್ಮ ಟಿ ಆಗೇರ ಅವರು ಸಾಲ ಪಡೆದಿದ್ದರು. ಈ ಸಾಲಕ್ಕೆ ಅನುರಾಧಾ ಗೊಂಡಕರ ಅವರು ಜಾಮೀನು ನೀಡಿದ್ದರು. ನಾಗಮ್ಮ ಅವರು ಸಮಯಕ್ಕೆ ಸರಿಯಾಗಿ ಸಾಲ ಮರು ಪಾವತಿಸದ ಕಾರಣ ಅನುರಾಧಾ ಜಗನ್ನಾಥ ಗೊಂಡಕರ ಅವರು ಸಾಲ ಮರುಪಾವತಿಗೆ ಚೆಕ್ ನೀಡಿದ್ದರು. ಆ ಬ್ಯಾಂಕ್ ಖಾತೆಯಲ್ಲಿ ಹಣವಿಲ್ಲದೇ ಚೆಕ್ ಅಮಾನ್ಯವಾಗಿತ್ತು. ಸಾಲದ ಮರು ಪಾವತಿಗಾಗಿ ಅನುರಾಧಾ ಅವರು ಸಹಕಾರಿಗೆ ನೀಡಿದ ಚೆಕ್ ಅಮಾನ್ಯವಾದ ಪ್ರಕರಣ ನ್ಯಾಯಾಲಯದ ಮೆಟ್ಟಿಲೇರಿತ್ತು. ನ್ಯಾಯಾಧೀಶೆ ಅರ್ಪಿತಾ ಬೆಲ್ಲದ ಅವರು ಪ್ರಕರಣದ ವಿಚಾರಣೆ ನಡೆಸಿದರು. ಖಾತೆಯಲ್ಲಿ ಹಣ ಇಲ್ಲದಿದ್ದರೂ ಚೆಕ್ ನೀಡಿದ ಕಾರಣ ಅನುರಾಧಾ ಗೊಂಡಕರ ಅವರಿಗೆ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿದರು. ಸಹಕಾರಿ ಸಂಸ್ಥೆಗೆ ಅನ್ಯಾಯವಾದ ಬಗ್ಗೆ ನ್ಯಾಯವಾದಿ ದೀಕ್ಷಿತ್ ನಾಯಕ ವಾದ ಮಂಡಿಸಿದ್ದರು.
- [ಆರು ವರ್ಷ ನಂತರದ ಭೇಟಿ: ಮುಂಡಗೋಡಿಗೆ ಬರುತ್ತಿದ್ದಾರೆ ಟಿಬೇಟಿಯನ್ ಧರ್ಮ ಗುರು](https://mobiletime.in/2025/11/visit-after-six-years-tibetan-religious-leader-coming-to-mundagodi/): ಧಾರ್ಮಿಕ ನಾಯಕ, ಟಿಬೇಟಿಯನ್ ಧರ್ಮ ಗುರುಗಳಾದ 14ನೇ ದಲೈಲಾಮಾ ಅವರು ಆರು ವರ್ಷದ ನಂತರ ಮುಂಡಗೋಡಿಗೆ ಬರುತ್ತಿದ್ದಾರೆ. ಡಿಸೆಂಬರ್ 12ರಂದು ಅವರ ಆಗಮನದ ಸಾಧ್ಯತೆಗಳಿವೆ. 2019ರ ಡಿಸೆಂಬರ್ 12ರಂದು ಮುಂಡಗೋಡಿನ ಟಿಬೆಟಿಯನ್ ಕಾಲೋನಿಗೆ ದಲೈಲಾಮಾ ಅವರು ಆಗಮಿಸಿದ್ದರು. ಆಗ, ಇಲ್ಲಿ 12 ದಿನಗಳ ಕಾಲ ವಿವಿಧ ಕಾರ್ಯಕ್ರಮಗಳನ್ನು ನಡೆಸಿದ್ದರು. ಬೌದ್ಧ ಮಂದಿರಗಳಲ್ಲಿ ನಡೆದಿದ್ದ ಕಾರ್ಯಕ್ರಮಗಳಲ್ಲಿ ಬಿಕ್ಕುಗಳಿಗೆ ಪದವಿ ಪ್ರದಾನ, ಡಿಬೇಟ್ ಮೊದಲಾದ ವಿದ್ಯಮಾನಗಳಲ್ಲಿ ಅವರು ಭಾಗವಹಿಸಿದ್ದರು. ಟಿಬೆಟಿಯನ್ ಕಾಲೋನಿಯ ಲಾಮಾ ಕ್ಯಾಂಪ್ ನಂ 2ರ ಡ್ರೆಪುಂಗ್ ಗೋಮಾಂಗ್ ಬೌದ್ಧ ಮಂದಿರದಲ್ಲಿ ದಲೈಲಾಮಾ ಅವರು ಈ ಸಲ ವಾಸವಿರಲಿದ್ದಾರೆ. ಕಾಲಚಕ್ರ ಪೂಜೆ ಅವಧಿಯಲ್ಲಿ 20 ದಿನಗಳ ಕಾಲ ಅವರು ಇಲ್ಲಿ ವಾಸವಾಗಿದ್ದು, ಇದೇ ಮೊದಲ ಬಾರಿಗೆ ಸುದೀರ್ಘ 45 ದಿನಗಳ ಕಾಲ ಅವರು ಮುಂಡಗೋಡದಲ್ಲಿ ಕಾಲ ಕಳೆಯಲಿದ್ದಾರೆ. ಮುಂಡಗೋಡಿನ ಬೌದ್ಧ ಮಂದಿರಗಳಲ್ಲಿ ದಲೈಲಾಮಾ ಸ್ವಾಗತಕ್ಕೆ ಈಗಿಂದಲೇ ಸಿದ್ಧತಾ ಕಾರ್ಯಗಳು ನಡೆದಿದೆ. ಅವರನ್ನು ಅದ್ಧೂರಿಯಾಗಿ ಸ್ವಾಗತಿಸುವ ಸಿದ್ಧತೆ ನಡೆದಿದೆ ಎಂದು ಟಿಬೆಟಿಯನ್ ಬೌದ್ಧ ಮುಖಂಡ ಜಂಪಾ ಲೊಬ್ಸಾಂಗ್ ಹೇಳಿದ್ದಾರೆ.
- [`ಕನಕದಾಸರ ಆದರ್ಶ ಅನುಕರಣೀಯ'](https://mobiletime.in/2025/11/kanakadasas-ideal-is-exemplary/): `ಕನಕದಾಸರು ಸಾರಿದ ಸಮಾನತೆಯ ಬದುಕು ಎಲ್ಲಾ ಧರ್ಮಗಳಿಗೂ ಅನ್ವಯ’ ಎಂದು ಕಾರವಾರ ಧರ್ಮ ಪ್ರಾಂತೀಯ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಬಿಶೆಪ್ ಡುಮ್ಮಿಂಗ ಡಯಾಸ ಅವರು ಹೇಳಿದ್ದಾರೆ. `ಕನಕದಾಸರ ಆದರ್ಶ ಹಾಗೂ ಭಕ್ತಿ ಮಾರ್ಗ ನಮಗೆಲ್ಲರಿಗೂ ಪ್ರೇರಣೆ’ ಎಂದವರು ವಿದ್ಯಾರ್ಥಿಗಳಿಗೆ ಕರೆ ನೀಡಿದ್ದಾರೆ. ಶನಿವಾರ ಯಲ್ಲಾಪುರದ ಹೋಲಿ ರೋಜರಿ ಪ್ರೌಢಶಾಲೆಯಲ್ಲಿ ಕನಕದಾಸರ ಜಯಂತಿ ಕಾರ್ಯಕ್ರಮ ಉದ್ಘಾಟಿಸಿದ ಅವರು `ದಾಸ ಶ್ರೇಷ್ಠರಾದ ಕನಕದಾಸರ ಜಯಂತಿಯನ್ನು ನಾಡಿನ ಎಲ್ಲಡೆ ಶ್ರದ್ಧೆಯಿಂದ ಆಚರಿಸಲಾಗುತ್ತದೆ. ದಾಸ ಶ್ರೇಷ್ಠರು ನೀಡಿದ ಸಮಾನತೆಯ ಬದುಕು ಎಲ್ಲಾ ಧರ್ಮಗಳಲ್ಲಿಯೂ ಒಳಿತು ಮಾಡುವ ಸಾರಾಂಶಹೊAದಿದೆ. ಅದನ್ನು ನಾವೆಲ್ಲರೂ ಪಾಲಿಸಬೇಕು’ ಎಂದವರು ಕರೆ ನೀಡಿದರು. `ಪ್ರತಿಯೊಬ್ಬರಲ್ಲಿಯೂ ಒಳ್ಳೆಯದನ್ನು ಕಾಣುವ ಮನಸ್ಸು ಹಾಗೂ ಭಕ್ತಿಯನ್ನು ನಾವು ಕನಕದಾಸರ ಚಿಂತನೆಯಲ್ಲಿ ನೋಡುತ್ತೇವೆ. ಅವರ ಆದರ್ಶಗಳು ನಮಗೆ ಹಾಗೂ ನಮ್ಮ ಸಮಾಜಕ್ಕೆ ಸದಾ ಅನನುಕರಣೀಯ’ ಎಂದವರು ಸ್ಮರಿಸಿದರು. ಕನಕದಾಸರ ಕುರಿತಾದ ಚಿಂತನೆ ಹಾಗೂ ಕೀರ್ತನೆಗಳನ್ನು ಅವರು ಈ ವೇಳೆ ಪ್ರಸ್ತಾಪಿಸಿದರು. ಕನಕದಾಸರ ಕೀರ್ತನೆ ಹಾಗೂ ಜೀವನ ಚರಿತ್ರೆ ಪ್ರಸ್ತುತಪಡಿಸುವ ಮಕ್ಕಳ ಭಾಷಣ ಗಮನ ಸೆಳೆದವು. ಸಂಸ್ಥೆಯ ಮುಖ್ಯಾಧ್ಯಾಪಕ ರೇಮಂಡ್ ಫರ್ನಾಂಡಿಸ್ ಅಧ್ಯಕ್ಷತೆವಹಿಸಿದ್ದರು. ಸಂಸ್ಥೆಯ ಪ್ರಾಥಮಿಕ ಶಾಲೆಯ ಮುಖ್ಯೋಧ್ಯಾಪಕ ಆಗ್ನೇಲ್ ಫರ್ನಾಂಡಿಸ್, ಸಹ ಶಿಕ್ಷಕರ ಸಂಘದ ತಾಲೂಕಾಧ್ಯಕ್ಷ ಚಂದ್ರಶೇಖರ್, ಶಿಕ್ಷಕ ವೆಂಕಟ್ರಮಣ ಭಟ್ಟ ಹಾಗೂ ಎ0 ರಾಜಶೇಖರ್ ಅವರು ವಿವಿಧ ಜವಾಬ್ದಾರಿ ನಿಭಾಯಿಸಿದರು.
- [10ನೇ ತರಗತಿ: ಕೆರೆ ಕಡೆ ಹೋದವನ ಬದುಕು ಕೊನೆ!](https://mobiletime.in/2025/11/class-10-the-life-of-the-one-who-went-to-the-lake-is-over/): ಕೆರೆಯಲ್ಲಿದ್ದ ಮೀನು ಹಿಡಿಯಲು ಹೋಗಿದ್ದ ಭಟ್ಕಳದ ಶಶಿಧರ್ ಮೊಗೇರ್ ಅದೇ ಕೆರೆಯಲ್ಲಿ ಮುಳುಗಿ ಕೊನೆಯುಸಿರೆಳೆದಿದ್ದಾರೆ. ಭಟ್ಕಳ ವೆಂಕಟಾಪುರ ಹೆಬ್ಬಳೆಯ ಶಶಿಧರ್ ಯೋಗೇಶ್ ಮೊಗೇರ್ (15) ಅವರು ಭಟ್ಕಳದ ನ್ಯೂ ಇಂಗ್ಲೀಷ್ ಸ್ಕೂಲ್‌ನ ವಿದ್ಯಾರ್ಥಿಯಾಗಿದ್ದರು. ಶನಿವಾರ ಅವರು ಆರಸಿಕೆರೆಯ ಪ್ರಜ್ವಲ ನಾರಾಯಣ ನಾಯ್ಕ, ಕಡಸಲಗದ್ದೆಯ ತೇಜು ದೇವೇಂದ್ರ ದೇವಾಡಿಗ, ಮುಂಡಳ್ಳಿಯ ಪ್ರೀತಮ ಭಾಸ್ಕರ ಮೊಗೇರ್, ಡಿಪಿ ಕಾಲೋನಿಯ ಕರ್ಣ ಸತೀಶ ಮಡಿವಾಳ ಹಾಗೂ ಮೊಗೇರ ಕೇರಿಯ ಶ್ರೀಮಾನ್ ದತ್ತಾ ಮೊಗೇರ ಅವರ ಜೊತೆ ಕೆರೆ ಕಡೆ ಹೋಗಿದ್ದರು. ಮಧ್ಯಾಹ್ನ ಊಟ ಮುಗಿಸಿ ಅವರೆಲ್ಲರೂ ಮೀನು ಹಿಡಿಯುತ್ತಿದ್ದು, ಆಗ ಶಶಿಧರ ಮೊಗೇರ್ ಅವರು ಕಾಲು ಜಾರಿ ನೀರಿಗೆ ಬಿದ್ದರು. ಶಶಿಧರ ಮೊಗೇರ್ ಅವರಿಗೆ ಸರಿಯಾಗಿ ಈಜು ಬರುತ್ತಿರಲಿಲ್ಲ. ನೀರಿನ ಆಳಕ್ಕೆ ಹೋದ ಅವರಿಗೆ ಕೈ-ಕಾಲು ಬೀಸಿದರೂ ಮೇಲೆ ಬರಲು ಸಾಧ್ಯವಾಗಲಿಲ್ಲ. ನೀರಿನಲ್ಲಿ ಮುಳುಗುತ್ತಿದ್ದ ಅವರನ್ನು ಸ್ನೇಹಿತರು ಮೇಲೆತ್ತಲು ಪ್ರಯತ್ನಿಸಿದರು. ಆದರೆ, ಅದು ಸಾಧ್ಯವಾಗಲಿಲ್ಲ. ಸ್ಥಳೀಯರು ಬಂದು ಶಶಿಧರ ಮೊಗೇರ್ ಅವರನ್ನು ಬದುಕಿಸುವ ಪ್ರಯತ್ನ ಮಾಡಿದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ನೀರಿನ ಆಳದಲ್ಲಿಯೇ ಶಶಿಧರ ಮೊಗೇರ್ ಅವರು ತಮ್ಮ ಜೀವ ಬಿಟ್ಟರು. ಭಟ್ಕಳ ಡಿವೈಎಸ್ಪಿ ಮಹೇಶ್ ಕೆ ಅವರು ಸದ್ಯ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಭಟ್ಕಳ ಪೊಲೀಸರು ಪರಿಶೀಲನೆ ನಡೆಸಿದ್ದು, ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.
- [ಹೆದ್ದಾರಿ ಮೇಲೆ ಹೊತ್ತಿ ಉರಿದ ಹಾಲಿನ ವಾಹನ!](https://mobiletime.in/2025/11/a-milk-truck-caught-fire-on-the-highway/): ಕಾರವಾರ ನಗರದ ಫ್ಲೈಓವರ್ ಅಡಿ ನಿಲ್ಲಿಸಿದ್ದ ಹಾಲಿನ ವಾಹನ ಏಕಾಏಕಿ ಅಗ್ನಿಗೆ ಆಹುತಿಯಾಗಿದೆ. ಅಗ್ನಿಶಾಮಕ ಸಿಬ್ಬಂದಿ ಸಮಯ ಪ್ರಜ್ಞೆಯಿಂದ ದೊಡ್ಡ ಅನಾಹುತ ತಪ್ಪಿದೆ. ಕಾರವಾರ ತಾಮ್ಸೇವಾಡದ ಸಂತೋಶಿ ಸತೀಶ್ ಚೀಪ್ಕರ್ ಅವರು ಶನಿವಾರ ಬೆಳಗ್ಗೆ ಹೆದ್ದಾರಿ ಮೇಲ್ಸೆತುವೆ ಅಡಿ ಭಾಗದ ಟಾಟಾ 407 ವಾಹನ ನಿಲ್ಲಿಸಿದ್ದರು. ಆ ವಾಹನದ ಇಂಜಿನ್ ದೋಷ ಕಾಣಿಸಿಕೊಂಡಿದ್ದು, ಚಿಕ್ಕದಾಗಿ ಬೆಂಕಿ ಬಂದಿತು. ಅದೇ ಜ್ವಾಲೆ ಕ್ರಮೇಣ ದೊಡ್ಡದಾಗಿದ್ದು, ಕ್ಷಣಮಾತ್ರದಲ್ಲಿ ಇಡೀ ವಾಹನವನ್ನು ಆವರಿಸಿತು. ಹೆದ್ದಾರಿ ಅಂಚಿನಲ್ಲಿ ಹಾಲಿನ ವಾಹನ ಹೊತ್ತಿ ಉರಿಯುತ್ತಿರುವ ಸುದ್ದಿ ಕೇಳಿ ಅಗ್ನಿಶಾಮಕ ಸಿಬ್ಬಂದಿ ಅಲ್ಲಿಗೆ ಧಾವಿಸಿದರು. ತಮ್ಮ ರಕ್ಷಣಾ ತಂತ್ರಗಳ ಮೂಲಕ ವಾಹನದ ಬೆಂಕಿ ಆರಿಸಿದರು. ಈ ವೇಳೆ ಆ ವಾಹನದಲ್ಲಿ ಯಾರೂ ಇಲ್ಲದ ಕಾರಣ ಜೀವ ಹಾನಿ ಸಂಭವಿಸಲಿಲ್ಲ. ಟ್ರಾಫಿಕ್ ಪೊಲೀಸ್ ಠಾಣೆಯ ಪಿಎಸ್‌ಐ ಶ್ರೀಕಾಂತ ರಾಥೋಡ್ ಅವರು ಸ್ಥಳಕ್ಕೆ ದೌಡಾಯಿಸಿ ಬಂದರು. ಸಂಚಾರ ದಟ್ಟಣೆ ಹೆಚ್ಚಾಗುತ್ತಿರುವುದನ್ನು ನೋಡಿ ಅದನ್ನು ಪೊಲೀಸರು ನಿಯಂತ್ರಿಸಿದರು.
- [ನೇಪಾಳದಲ್ಲಿ ನಡೆದ ಸ್ಪರ್ಧೆ: ಧನಗರ ಗೌಳಿ ಮಕ್ಕಳ ಸಾಧನೆ](https://mobiletime.in/2025/11/competition-held-in-nepal-achievements-of-dhangarh-gowli-children/): ನೇಪಾಳದ ಪೊಖರಾ ನಗರದಲ್ಲಿ ನಡೆದ `ಇಂಡೋ-ನೇಪಾಳ್ ಇಂಟರನ್ಯಾಶನಲ್ ಸರಣಿ-2025’ರಲ್ಲಿ ಧನಗರ ಗೌಳಿ ಸಮುದಾಯದ ಮೋತಿರಾಮ್ ಗಂಗಾರಾಮ ಗುರ್ಖೆ ಹಾಗೂ ಕೃಷ್ಣ ಗಂಗಾರಾಮ ಗುರ್ಖೆ ಅವರು ಗಮನಾರ್ಹ ಸಾಧನೆ ಮಾಡಿದ್ದಾರೆ. ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿದ ಅವರು ಪ್ರತಿಷ್ಠಿತ ಪ್ರಮಾಣ ಪತ್ರವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಮೋತಿರಾಮ್ ಗಂಗಾರಾಮ ಗುರ್ಖೆ ಹಾಗೂ ಕೃಷ್ಣ ಗಂಗಾರಾಮ ಗುರ್ಖೆ ಅವರು ಬೆಳಗಾವಿ ಜಿಲ್ಲೆಯ ಖಾನಾಪುರದ ಬಾಳಗುಂದ ಗ್ರಾಮದವರಾಗಿದ್ದಾರೆ. ಹಿಂದುಳಿದ ವರ್ಗದವರಾಗಿದ್ದರೂ ಉನ್ನತ ಮಟ್ಟದ ಸಾಧನೆ ಮಾಡಿದಕ್ಕಾಗಿ ಯಲ್ಲಾಪುರದ ಮದನೂರು ಗ್ರಾಮ ಪಂಚಾಯತ ಸದಸ್ಯ ಲಕ್ಷ್ಮಣ ಥೋರತ್ ಅವರು ಆ ಸಾಧಕರನ್ನು ಅಭಿನಂದಿಸಿದ್ದಾರೆ. `ಅತ್ಯಂತ ಹಿಂದುಳಿದ ಪ್ರದೇಶದವರಾದ ಅವರಿಬ್ಬರು ವನವಾಸಿಗಳಾಗಿದ್ದು, ತಮ್ಮ ಪ್ರತಿಭೆ ಮೂಲಕ ಅಂತರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಂಡಿದ್ದಾರೆ’ ಎಂದು ಅವರು ಸಂತಸವ್ಯಕ್ತಪಡಿಸಿದ್ದಾರೆ.. `ಇಂಥ ಪ್ರತಿಭೆಗಳು ಇನ್ನಷ್ಟು ಹೆಚ್ಚಿನ ಪ್ರಮಾಣದಲ್ಲಿ ಹೊರಹೊಮ್ಮಬೇಕು’ ಎಂದು ಅವರು ಆಶಿಸಿದ್ದಾರೆ. ಮೋತಿರಾಮ್ ಗಂಗಾರಾಮ ಗುರ್ಖೆ ಮತ್ತು ಕೃಷ್ಣ ಗಂಗಾರಾಮ ಗುರ್ಖೆ ಅವರು ಈ ಹಿಂದೆ ಹರಿಯಾಣದಲ್ಲಿ ನಡೆದ 3ನೇ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಿ ಚಿನ್ನದ ಪದಕ ಗೆದ್ದಿದ್ದರು. ಅದೇ ಆಧಾರದಲ್ಲಿ ಅವರು ನೇಪಾಳದಲ್ಲಿ ನಡೆದ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದು, ಅಲ್ಲಿಯೂ ಗಮನಾರ್ಹ ಸಾಧನೆ ಮಾಡಿದ್ದಾರೆ.
- [ಉದ್ಯೋಗ ಅವಕಾಶ: ಮೂರು ಹುದ್ದೆಗಳ ನೇಮಕಾತಿ ಪ್ರಕಟಣೆ](https://mobiletime.in/2025/11/job-opportunity-recruitment-announcement-for-four-posts/): ಕಟ್ಟಡ ನಿರ್ಮಾಣ, ವಿನ್ಯಾಸ ಹಾಗೂ ನೀಲ ನಕ್ಷೆ ರಚನೆ ವಿಷಯದಲ್ಲಿ ಶ್ರಮಿಸುತ್ತಿರುವ ಯಲ್ಲಾಪುರದ NMP Construction and Interior ಹಲವು ಉದ್ಯೋಗ ಅವಕಾಶಗಳಿಗೆ ಅರ್ಜಿ ಕರೆದಿದೆ. 2010ರಲ್ಲಿ ಶುರುವಾದ ಈ ಕಂಪನಿ ಈವರೆಗೆ ನೂರಾರು ಕಟ್ಟಡಗಳ ನಿರ್ಮಾಣದಲ್ಲಿ ಪ್ರಮುಖ ಪಾತ್ರವಹಿಸಿದ್ದು, ಈ ಕಂಪನಿ ಜೊತೆ ಕೈ ಜೋಡಿಸಿ ದುಡಿಯುವವ ಅರ್ಹ ಅಭ್ಯರ್ಥಿಗಳಿಗಾಗಿ ಹುಡುಕಾಟ ನಡೆದಿದೆ. ಸದ್ಯ ಇಲ್ಲಿ ಪ್ರಮುಖ ಮೂರು ಹುದ್ದೆಗಳಿಗೆ ಅಭ್ಯರ್ಥಿಗಳು ಬೇಕಾಗಿದ್ದಾರೆ. ಬಿಇ/ಡಿಪ್ಲೊಮಾ ಪೂರೈಸಿದ ಪುರುಷ ಅಭ್ಯರ್ಥಿಯನ್ನು ಇಲ್ಲಿ ಸಿವಿಲ್ ಸೈಟ್ ಎಂಜಿನಿಯರ್ ಆಗಿ ನೇಮಿಸಿಕೊಳ್ಳಲಾಗುತ್ತದೆ. ಕ್ಷೇತ್ರ ಭೇಟಿ, ಅಧ್ಯಯನ ವಿಷಯವಾಗಿ ಆಸಕ್ತಿಯಿದ್ದವರು ಈ ಹುದ್ದೆಗೆ ಅರ್ಹರು. ಬಿಇ/ಡಿಪ್ಲೊಮಾ ಪೂರೈಸಿದ ಮಹಿಳಾ ಅಭ್ಯರ್ಥಿಯನ್ನು ಸಿವಿಲ್ ಪ್ಲ್ಯಾನಿಂಗ್ ಎಂಜಿನಿಯರ್ ಹುದ್ದೆಗೆ ನೇಮಿಸಿಕೊಳ್ಳಲಾಗುತ್ತದೆ. ಸಿವಿಲ್ ಪ್ಲ್ಯಾನಿಂಗ್ ಎಂಜಿನಿಯರ್ ಹುದ್ದೆಗೆ ಆಯ್ಕೆಯಾದವರಿಗೆ ಕಚೇರಿಯಲ್ಲಿಯೇ ಕೆಲಸವಿರುತ್ತದೆ. ಸಿವಿಲ್ ಪ್ಲ್ಯಾನಿಂಗ್ ಎಂಜಿನಿಯರ್ ಹುದ್ದೆ ಬಯಸುವವರಿಗೆ CAD ಮತ್ತು ಎಕ್ಸೆಲ್‌ ಅನುಭವ ಕಡ್ಡಾಯ. CAD, SketchUp / 3ds Max (3D ಡಿಸೈನಿಂಗ್)  ಅನುಭವವಿರುವ ಪುರುಷ ಅಥವಾ ಮಹಿಳಾ ಅಭ್ಯರ್ಥಿಗೆ ಕಚೇರಿ ಕೆಲಸದ ಸಿವಿಲ್ ಪ್ಲ್ಯಾನಿಂಗ್ ಎಂಜಿನಿಯರ್ ಹುದ್ದೆಗಾಗಿ ನೇಮಕಾತಿ ಮಾಡಿಕೊಳ್ಳಲಾಗುತ್ತದೆ. ಇನ್ನಷ್ಟು ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 8762072547  ಅಥವಾ  9113651977   ಅಥವಾ ಇಲ್ಲಿ ಭೇಟಿ ಕೊಡಿ: ಹಂಸ ಕಾಂಪ್ಲೆಕ್ಸ್, ಕೆಇಬಿ ರಸ್ತೆ ಯಲ್ಲಾಪುರ, ಉತ್ತರ ಕನ್ನಡ   #Sponsored
- [ಜನಗಣತಿ: ಪ್ರಾಯೋಗಿಕ ಪರೀಕ್ಷೆಗೆ ಜೊಯಿಡಾ ಆಯ್ಕೆ](https://mobiletime.in/2025/11/census-zoida-selection-for-practical-test/): ಕರ್ನಾಟಕದ ಮೂರು ತಾಲೂಕುಗಳನ್ನು ಪ್ರಾಯೋಗಿಕ ಜನ ಗಣತಿಗೆ ಆಯ್ಕೆ ಮಾಡಲಾಗಿದ್ದು, ಅದರಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಜೊಯಿಡಾವೂ ಸೇರಿದೆ. 2027ರ ಜನಗಣತಿ ಪ್ರಾಯೋಗಿಕ ಪೂರ್ವ ಪರೀಕ್ಷೆ ಅಂಗವಾಗಿ ನ 10ರಿಂದ 30ರವರೆಗೆ ಪೂರ್ವ ಪರೀಕ್ಷೆ ಮನೆ ಪಟ್ಟಿ ಕಾರ್ಯ ನಡೆಸಲಾಗುತ್ತಿದೆ. ಜೊಯಿಡಾದ 46 ಗ್ರಾಮಗಳ 68 ಬ್ಲಾಕ್‌ಗಳಲ್ಲಿ ಈ ಕೆಲಸ ನಡೆಯಲಿದೆ. ಇದಕ್ಕಾಗಿ ಒಟ್ಟು 71 ಗಣತಿದಾರರು, 13 ಮೇಲ್ವಿಚಾರಕರಿಗೆ ತರಬೇತಿ ನೀಡಲಾಗಿದೆ. ಈ ಪ್ರಯೋಗ ಭಾರತದಲ್ಲಿ ಮೊದಲ ಡಿಜಿಟಲ್ ಜನಗಣತಿ ನಡೆಸುವಲ್ಲಿ ಮಹತ್ವದ ಹೆಜ್ಜೆ ಎಂದು ಪರಿಗಣಿಸಲಾಗಿದೆ. ಮೊಬೈಲ್ ಆ್ಯಪ್ ಮೂಲಕ ಮಾಹಿತಿ ಸಂಗ್ರಹಿಸುವ ವ್ಯವಸ್ಥೆ ಇದಾಗಿದ್ದು, ಸೀಮಿತ ನೆಟ್ವರ್ಕ್ ಇರುವ ಸ್ಥಳಗಳಲ್ಲಿ ಡಿಜಿಟಲ್ ಆ್ಯಪ್ ಕಾರ್ಯ ನಿರ್ವಹಣೆ, ದಕ್ಷತೆ ಅರಿಯುವುದು ಈ ಪ್ರಾಯೋಗಿಕ ಪರೀಕ್ಷೆಯ ಉದ್ದೇಶವಾಗಿದೆ. `ಈ ಪೂರ್ವ ಪರೀಕ್ಷೆ ವೇಳೆ ಸಂಗ್ರಹಿಸಲಾದ ಮಾಹಿತಿಯು ಸಂಪೂರ್ಣ ವ್ಯವಸ್ಥೆಯ ಮೌಲ್ಯಮಾಪನ ಉದ್ದೇಶಕ್ಕಷ್ಟೇ ಇರುತ್ತದೆ. ಅಧಿಕೃತ ಜನಗಣತಿ ಮಾಹಿತಿ ಸಂಗ್ರಹ ಭಾಗವಾಗಿರುವುದಿಲ್ಲ. ಸಾರ್ವಜನಿಕ ಭಾಗವಹಿಸುವಿಕೆ ಉತ್ತೇಜಿಸಲು ಈ ಕ್ರಮ ಆಗಲಿದೆ’ ಎಂದು ಜೊಯಿಡಾ ಮಂಜುನಾಥ್ ಮುನ್ನೊಳ್ಳಿ ಅವರು ಹೇಳಿದ್ದಾರೆ.
- [2025 ನವೆಂಬರ್ 8ರ ದಿನ ಭವಿಷ್ಯ](https://mobiletime.in/2025/11/prediction-for-november-8-2025/): ಮೇಷ ರಾಶಿ: ಹೊಸ ಅವಕಾಶಗಳು ನಿಮ್ಮನ್ನು ಅರೆಸಿ ಬರಲಿದೆ. ಧೈರ್ಯದಿಂದ ಕಾರ್ಯ ನಿರ್ವಹಿಸಿದರೆ ಸಕಾರಾತ್ಮಕ ಫಲ ಸಿಗಲಿದೆ. ಆರೋಗ್ಯ ಮತ್ತು ಹಣಕಾಸು ಸುಧಾರಣೆ ಆಗಲಿದೆ. ವೃಷಭ ರಾಶಿ: ಜೀವನದಲ್ಲಿ ಒಳ್ಳೆಯ ಬೆಳವಣಿಗೆ ಸಾಧ್ಯವಿದೆ. ಸ್ನೇಹಿತರ ಸಹಕಾರ ನಿಮ್ಮನ್ನು ಮುನ್ನಡೆಸುತ್ತದೆ. ವ್ಯಾಪಾರದಲ್ಲಿ ಲಾಭ ಸಿಗಲಿದೆ. ಮಿಥುನ ರಾಶಿ: ಹೊಸ ವಿಚಾರಗಳಲ್ಲಿ ವಿಜಯ ಸಿಗಲಿದೆ. ದೊಡ್ಡ ನಿರ್ಧಾರಗಳು ಈಡೇರಲಿದೆ. ನಿಮ್ಮ ಅನುಭವ ಕಠಿಣ ಕೆಲಸದಲ್ಲಿ ಯಶಸ್ಸಿಗೆ ಕಾರಣವಾಗಲಿದೆ. ಕರ್ಕ ರಾಶಿ: ದೈಹಿಕ ಚಟುವಟಿಕೆಗಳಲ್ಲಿ ತೊಡಗುವಿರಿ. ಕುಟುಂಬ ಸಮಸ್ಯೆಗಳು ಬಗೆಹರಿಯುತ್ತದೆ. ಆರೋಗ್ಯ ಉತ್ತಮವಾಗಿರುತ್ತದೆ. ಸಿಂಹ ರಾಶಿ: ತಾಳ್ಮೆ ಹಾಗೂ ಧೈರ್ಯದಿಂದ ಮುನ್ನಡೆಯಿರಿ. ಕುಟುಂಬದವರ ಜೊತೆ ಸಮಯ ಕಳೆಯಿರಿ. ನೀವು ಮಾಡುವ ಕೆಲಸದಿಂದ ಪ್ರಸಿದ್ಧಿಗೆ ಬರುವಿರಿ. ಕನ್ಯಾ ರಾಶಿ: ನಿಮ್ಮ ಶ್ರಮಕ್ಕೆ ಫಲ ಸಿಗುತ್ತದೆ. ಮನಸ್ಸಿಗೆ ಶಾಂತಿ ಮತ್ತು ಆನಂದ ದೊರೆಯಲಿದೆ. ಸಂವಹನ ವಿಷಯದಲ್ಲಿ ಸ್ಪಷ್ಟತೆ ಮುಖ್ಯ. ತುಲಾ: ಸ್ನೇಹ ಮತ್ತು ಸಂಬoಧಗಳಲ್ಲಿ ಸುಧಾರಣೆ ಆಗಲಿದೆ. ಕಾರ್ಯಕ್ಷೇತ್ರದಲ್ಲಿ ಹೊಸ ಅವಕಾಶ ಸಿಗಲಿದೆ. ಧನ ಸಂಪಾದನೆ ಸಾಧ್ಯವಿದೆ. ಕುಟುಂಬದಲ್ಲಿ ಸಂತೋಷ ಕಾಣಲು ಸಾಧ್ಯ. ವೃಶ್ಚಿಕ ರಾಶಿ: ಶಕ್ತಿ ಮತ್ತು ಆತ್ಮವಿಶ್ವಾಸ ಹೆಚ್ಚಳವಾಗಲಿದೆ. ಉದ್ಯೋಗದಲ್ಲಿ ಉತ್ತೇಜನ ಸಿಗಲಿದೆ. ಆರೋಗ್ಯದ ಬಗ್ಗೆ ಜಾಗೃತಿಯಿರಲಿ. ಹೊಸ ಗೆಳೆಯರನ್ನು ಭೇಟಿ ಮಾಡುವ ಸಾಧ್ಯತೆಯಿದೆ. ಧನು ರಾಶಿ: ವ್ಯಾಪಾರದಲ್ಲಿ ಲಾಭ ಸಿಗಲಿದೆ. ನಿಮ್ಮ ಯೋಜನೆಗಳು ಯಶಸ್ವಿಯಾಗುತ್ತವೆ. ಮನಸ್ಸಿನ ಒತ್ತಡ ಕಡಿಮೆ ಮಾಡುವುದು ಮುಖ್ಯ. ಶಿಕ್ಷಣ ಕ್ಷೇತ್ರದಲ್ಲಿ ಯಶಸ್ಸು ಸಿಗಲಿದೆ. ಮಕರ ರಾಶಿ: ಕಾರ್ಯ ಮಟ್ಟದಲ್ಲಿ ಯಶಸ್ಸು ಸಾಧ್ಯವಿದೆ. ಹಣಕಾಸಿನ ಲಾಭ ಆಗಲಿದೆ. ನಿಮ್ಮ ಮನಸ್ಸು ನೆಮ್ಮದಿಯನ್ನು ಅರೆಸಲಿದೆ. ಕುಂಭ ರಾಶಿ: ಸೃಜನಶೀಲತೆ ಹಾಗೂ ಹೊಸ ಆಲೋಚನೆಗಳಿಗೆ ಅವಕಾಶ ಕೂಡಿಬರಲಿದೆ. ಆರೋಗ್ಯದ ಬಗ್ಗೆ ಎಚ್ಚರಿಕೆ ಅಗತ್ಯ. ಮನಸ್ಸಿಗೆ ನೆಮ್ಮದಿ ಸಿಗುವ ಕೆಲಸ ಮಾಡಿ. ಮೀನ ರಾಶಿ: ಭಾವನಾತ್ಮಕವಾಗಿ ಗಟ್ಟಿ ನಿರ್ಧಾರ ಮಾಡಿ. ಮಾನಸಿಕ ಒತ್ತಡಗಳನ್ನು ದೂರ ಮಾಡಲು ಪ್ರಯತ್ನಿಸಿ. ಸ್ನೇಹಿತರಿಂದ ಸಹಾಯ ಸಿಗಲಿದೆ. ಹೊಸ ಚಟುವಟಿಕೆಗಳು ತೆರೆದುಕೊಳ್ಳಲಿದೆ.
- [ಕುಳಿತ ಸ್ಥಳದಲ್ಲಿಯೇ ಕೊನೆಯುಸಿರೆಳೆದ ಲಾರಿ ಚಾಲಕ](https://mobiletime.in/2025/11/lorry-driver-dies-while-sitting-on-the-road/): ದಾಂಡೇಲಿಯ ಕೆಸಿ ವೃತ್ತದ ಬಳಿ ಶುಕ್ರವಾರ ಮಧ್ಯಾಹ್ನ ತಮಿಳುನಾಡಿನ ಲಾರಿ ಚಾಲಕ ಮುರ್ಗನ್ ಪಚ್ಚಪ್ಪನ್ ಅವರು ಸಾವನಪ್ಪಿದ್ದಾರೆ. ಮುರ್ಗನ್ ಪಚ್ಚಪ್ಪನ್ ಅವರು ತಮಿಳುನಾಡಿನ ಕೃಷ್ಣಗಿರಿ ಜಿಲ್ಲೆಯವರಾಗಿದ್ದರು. ಅವರು ಲಾರಿಯಲ್ಲಿ ಕಾಗದ ಕಾರ್ಖಾನೆಗೆ ಕಚ್ಚಾ ವಸ್ತುಗಳನ್ನು ಹೊತ್ತು ತಂದಿದ್ದರು. ಮಧ್ಯಾಹ್ನ ಅಂಗಡಿ ಮಳಿಗೆಯ ಮೆಟ್ಟಿಲಿನ ಮೇಲೆ ಕುಳಿತುಕೊಂಡಿದ್ದರು. ಕುಳಿತ ಸ್ಥಳದಲ್ಲಿಯೇ ಅವರು ಹೃದಯಘಾತವಾಗಿ ಸಾವನಪ್ಪಿದ್ದಾರೆ. ಇದನ್ನು ನೋಡಿದ ಜನ ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಸೈಲ್'ಗೆ ಶುರುವಾದ ಸಂಕಷ್ಟ!](https://mobiletime.in/2025/11/sails-troubles-have-begun/): ಕಾರವಾರ ವಿಧಾನಸಭಾ ಕ್ಷೇತ್ರದ ಶಾಸಕ ಸತೀಶ್ ಸೈಲ್ ಅವರಿಗೆ ಜನಪ್ರತಿನಿಧಿಗಳ ನ್ಯಾಯಾಲಯ ನೀಡಿದ್ದ ಜಾಮೀನು ರದ್ಧಾಗಿದೆ. ಹೀಗಾಗಿ ಸತೀಶ್ ಸೈಲ್ ಮತ್ತೆ ಸಂಕಷ್ಟದ ಸುಳಿಗೆ ಸಿಲುಕಿದ್ದಾರೆ. ಬೆಲೇಕೇರಿ ಅದಿರು ನಾಪತ್ತೆ ಪ್ರಕರಣದ ಅಂಗವಾಗಿ ಸತೀಶ್ ಸೈಲ್ ಜೈಲು ವಾಸ ಅನುಭವಿಸಿದ್ದರು. ಸದ್ಯ ಅವರು ಮಧ್ಯಂತರ ಜಾಮೀನುಪಡೆದು ಹೊರ ಬಂದಿದ್ದರು. ಈ ನಡುವೆ ಸತೀಶ್ ಸೈಲ್ ಅವರ ಮನೆ ಮೇಲೆ ವಿವಿಧ ತನಿಖಾ ತಂಡದವರು ದಾಳಿ ನಡೆಸಿದ್ದರು. ಆಗ, ಲಕ್ಷಾಂತರ ರೂ ಮೌಲ್ಯದ ಚಿನ್ನಾಭರಣ ಮತ್ತು ನಗದು ಪತ್ತೆಯಾಗಿತ್ತು. ಆರೋಗ್ಯ ಸಮಸ್ಯೆ ಕಾರಣದಿಂದ ಸತೀಶ್ ಸೈಲ್ ಜಾಮೀನುಪಡೆದಿದ್ದರು. ಅಕ್ಟೋಬರ್ 25ರವರೆಗೆ ಅವರಿಗೆ ಮಧ್ಯಂತರ ಜಾಮೀನು ಸಿಕ್ಕಿದ್ದು, ನಂತರ, ಜಾಮೀನು ಅವಧಿ ವಿಸ್ತರಣೆಗಾಗಿ ಸಲ್ಲಿಸಿದ ಮನವಿಯನ್ನು ಜನಪ್ರತಿನಿಧಿಗಳ ನ್ಯಾಯಾಲಯ ನವೆಂಬರ್ 7ರವರೆಗೆ ಮಾನ್ಯ ಮಾಡಿತ್ತು. ಇದೀಗ ಆ ಮಧ್ಯಂತರ ಜಾಮೀನು ರದ್ದಾಗಿದೆ.
- [ಮೂವರನ್ನು ಕೊಂದ ಮಂಗನ ಕಾಯಿಲೆ!](https://mobiletime.in/2025/11/monkey-disease-kills-three-people/): ಪ್ರತಿ ವರ್ಷದಂತೆ ಈ ವರ್ಷವೂ ಉತ್ತರ ಕನ್ನಡ ಜಿಲ್ಲೆಗೆ ಮಂಗನ ಕಾಯಿಲೆ ವಕ್ಕರಿಸಿದೆ.  ಈವರೆಗೆ 9 ಮಂಗನ ಕಾಯಿಲೆ ಪ್ರಕರಣಗಳು ವರದಿಯಾಗಿದೆ. ಆ ಪೈಕಿ ಮೂವರು ಈ ರೋಗದಿಂದ ಸಾವನಪ್ಪಿದ್ದಾರೆ. `ಮಂಗನ ಕಾಯಿಲೆ ನಿಯಂತ್ರಣಕ್ಕೆ ಎಲ್ಲಾ ರೀತಿಯಲ್ಲಿಯೂ ಕ್ರಮ ಜರುಗಿಸಬೇಕು’ ಎಂದು ಡೀಸಿ ಕೆ ಲಕ್ಷ್ಮೀಪ್ರಿಯಾ ಅವರು ಆರೋಗ್ಯ ಇಲಾಖೆಗೆ ಸೂಚನೆ ನೀಡಿದ್ದಾರೆ. `ಕಾಯಿಲೆಯಿಂದ ರಕ್ಷಿಸಿಕೊಳ್ಳುವ ವಿಧಾನದ ಬಗ್ಗೆ ಜನರಲ್ಲಿ ಅರಿವು ಮೂಡಿಸಬೇಕು. ಅಗತ್ಯವಿರುವುಷ್ಟು ಪ್ರಮಾಣದಲ್ಲಿ ಡೇಪಾ ತೈಲ ದಾಸ್ತಾನು ಮಾಡಿಕೊಳ್ಳಬೇಕು’ ಎಂದವರು ನಿರ್ದೇಶನ ನೀಡಿದ್ದಾರೆ. ಶುಕ್ರವಾರ ಆರೋಗ್ಯ ಇಲಾಖೆಯ ವಿವಿಧ ಸಮಿತಿಗಳ ಸಭೆ ನಡೆಸಿದ ಅವರು ಗರ್ಭಿಣಿಯರ ಆರೈಕೆಯ ಬಗ್ಗೆ ವಿಚಾರಿಸಿದರು. `ಪ್ರಸವ ಪೂರ್ವದಲ್ಲಿ ಗರ್ಭಿಣಿಯರ ಆರೈಕೆ ಕುರಿತಂತೆ ಆಶಾ ಕಾರ್ಯಕರ್ತೆಯರ ಮೂಲಕ ಹೆಚ್ಚಿನ ಅರಿವು ಮೂಡಿಸಬೇಕು. ತಾಯಿ ಕಾರ್ಡಿನ ಪ್ರಯೋಜನ ಮತ್ತು ಆರೋಗ್ಯ ಇಲಾಖೆಯಿಂದ ದೊರೆಯುವ ಸೌಲಭ್ಯಗಳ ಬಗ್ಗೆ ಗರ್ಭಿಣಿಯರಿಗೆ ವಿವರಿಸಬೇಕು. ನವಜಾತು ಶಿಶು ಮರಣ ತಪ್ಪಿಸಲು ಪ್ರಸವದ ನಂತರ ಶಿಶುವಿನ ಆರೈಕೆ ವಿಧಾನಗಳ ಕುರಿತು ಅರಿವು ಮೂಡಿಸಬೇಕು’ ಎಂದು ಸೂಚಿಸಿದರು. `ನವೆಂಬರ್ 11ರಿಂದ ಡಿಸೆಂಬರ್ 9ರವರೆಗೆ ಕುಷ್ಠರೋಗ ಪ್ರಕರಣ ಪತ್ತೆ ಹಚ್ಚುವ ಅಭಿಯಾನದ ಸರ್ವೆ ಕಾರ್ಯವನ್ನು ನಡೆಸಬೇಕು’ ಎಂದು ಸೂಚಿಸಿದರು.
- [ತಂಬಾಕು ತ್ಯಜಿಸಿ.. ವಿದ್ಯಾರ್ಥಿಗಳನ್ನು ರಕ್ಷಿಸಿ](https://mobiletime.in/2025/11/search-for-students-who-use-tobacco/): `ತಂಬಾಕು ಸೇವಿಸುವ ವಿದ್ಯಾರ್ಥಿಗಳನ್ನು ಕಂಡು ಬಂದಲ್ಲಿ ಅವರು ದುಶ್ಚಟದಿಂದ ಹೊರಬರುವ ಹಾಗೇ ಮಾಡಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಅಧೀನ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಆರೋಗ್ಯ, ಶಿಕ್ಷಣ, ಸ್ಥಳೀಯ ಸಂಸ್ಥೆ ಹಾಗೂ ಪೊಲೀಸರು ಜಂಟಿಯಾಗಿ ಶಾಲೆ ಹಾಗೂ ಕಾಲೇಜು ಸಮೀಪ ತಂಬಾಕು ಉತ್ಪನ್ನಗಳ ಮಾರಾಟ ಮಾಡುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವಂತೆ ಅವರು ನಿರ್ದೇಶನ ನೀಡಿದ್ದಾರೆ. ಸರ್ಕಾರಿ ಕಚೇರಿಯಲ್ಲಿಯೂ ತಂಬಾಕು ಸೇವನೆ ವಿಷಯವಾಗಿ ಮಾತನಾಡಿದ ಅವರು `ಕಚೇರಿಯ ಮುಖ್ಯಸ್ಥರು ತಂಬಾಕು ನಿಯಂತ್ರಿಸುವ ಬಗ್ಗೆ ಕ್ರಮ ಜರುಗಿಸಬೇಕು’ ಎಂದು ಸೂಚಿಸಿದ್ದಾರೆ. `ಶಾಲಾ ಕಾಲೇಜು ವ್ಯಾಪ್ತಿಯಲ್ಲಿ ತಂಬಾಕು ಪದಾರ್ಥಗಳ ಮಾರಾಟವನ್ನು ಕಟ್ಟುನಿಟ್ಟಾಗಿ ನಿಯಂತ್ರಿಸಬೇಕು. ನಿರಂತರವಾಗಿ ಪರಿಶೀಲನೆ ನಡೆಸುವ ಮೂಲಕ ವಿದ್ಯಾರ್ಥಿಗಳು ಈ ದುಶ್ಟಟಕ್ಕೆ ಬಲಿಯಾಗದಂತೆ ಎಚ್ಚರವಹಿಸಬೇಕು. ತಂಬಾಕು ಉತ್ಪನ್ನಗಳ ಬಳಕೆಯ ದುಷ್ಪರಿಣಾಮಗಳ ಕುರಿತಂತೆ ಶಾಲಾ ಕಾಲೇಜು ವಿದ್ಯಾರ್ಥಿಗಳಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಅರಿವು ಮೂಡಿಸಬೇಕು’ ಎಂದವರು ಸೂಚಿಸಿದರು. `ಪ್ರಸಕ್ತ ಸಾಲಿನ ಅಕ್ಟೋಬರ್ ಜಿಲ್ಲೆಯಲ್ಲಿ ಕೋಟ್ಪಾ ಅಡಿಯಲ್ಲಿ 675 ಪ್ರಕರಣ ದಾಖಲಿಸಿ ರೂ 88,900 ದಂಡ ಸಂಗ್ರಹಿಸಲಾಗಿದೆ’ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. `ಎಲ್ಲಾ ತಾಲೂಕುಗಳಲ್ಲಿ ತಂಬಾಕು ಉತ್ಪನ್ನಗಳ ಮಾರಾಟಕ್ಕೆ ಕಡ್ಡಾಯವಾಗಿ ಪ್ರತ್ಯೇಕ ವ್ಯಾಪಾರ ಪರವಾನಗೆಪಡೆಯುವುದು ಅಗತ್ಯ. ಷರತ್ತುಗಳನ್ನು ಪಾಲಿಸಿರುವ ಕುರಿತು ಕಟ್ಟುನಿಟ್ಟಿನ ಪರಿಶೀಲನೆ ನಡೆಸಿ, ಉಲ್ಲಂಘನೆ ಕಂಡು ಬಂದಲ್ಲಿ ಪರವಾನಿಗೆ ರದ್ದುಪಡಿಸಬೇಕು’ ಎಂದು ಡೀಸಿ ಸೂಚಿಸಿದರು.
- [ಸ್ಥಳೀಯ ಸಂಸ್ಥೆ: ಜನಪ್ರತಿನಿಧಿಗಳ ಅಧಿಕಾರಕ್ಕೆ ಸರ್ಕಾರದ ತಡೆ!](https://mobiletime.in/2025/11/local-body-governments-obstruction-of-the-power-of-peoples-representatives/): ಉತ್ತರ ಕನ್ನಡ ಜಿಲ್ಲೆಯ ಆರು ಸ್ಥಳೀಯ ಸಂಸ್ಥೆಗಳಿಗೆ ಆಡಳಿತಾಧಿಕಾರಿ ನೇಮಿಸಿ ಸರ್ಕಾರ ರಾಜ್ಯಪತ್ರ ಪ್ರಕಟಿಸಿದೆ. ಶಿರಸಿ ಹಾಗೂ ಕಾರವಾರ ನಗರಸಭೆಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಆಡಳಿತಾಧಿಕಾರಿಯಾಗಿ ನೇಮಕವಾಗಿದ್ದಾರೆ. ಇದರೊಂದಿಗೆ ಅಂಕೋಲಾ ಪುರಸಭೆಗೆ ಕುಮಟಾ ಉಪವಿಭಾಗಾಧಿಕಾರಿಗಳನ್ನು ಆಡಳಿತಾಧಿಕಾರಿಯಾಗಿ ಸರ್ಕಾರ ನೇಮಿಸಿದೆ. ಕುಮಟಾ ಪುರಸಭೆಗೆ ಸಹ ಕುಮಟಾದ ಉಪವಿಭಾಗಾಧಿಕಾರಿಗಳು ಆಡಳಿತಾಧಿಕಾರಿಗಳಾಗಿರಲಿದ್ದಾರೆ. ಭಟ್ಕಳ ಪುರಸಭೆಗೆ ಭಟ್ಕಳ ಉಪವಿಭಾಗಾಧಿಕಾರಿ ಹಾಗೂ ಹಳಿಯಾಳ ಪುರಸಭೆಗೆ ಕಾರವಾರ ಉಪವಿಭಾಗಾಧಿಕಾರಿಗಳನ್ನು ಆಡಳಿತಾಧಿಕಾರಿಯನ್ನಾಗಿ ನೇಮಕ ಮಾಡಲಾಗಿದೆ. ಈ ಸ್ಥಳೀಯ ಸಂಸ್ಥೆಗಳಲ್ಲಿದ್ದ ಜನಪ್ರತಿನಿಧಿಗಳ ಅಧಿಕಾರ ಅವಧಿ ಮುಕ್ತಾಯದ ಹಿನ್ನಲೆ ಸಕಾರ ವಿಶೇಷ ರಾಜ್ಯ ಪತ್ರ ಪ್ರಕಟಿಸಿದೆ. ಅದರಲ್ಲಿ ಆಡಳಿತ ಹಿತದೃಷ್ಠಿ ಹಾಗೂ ಕಚೇರಿಯ ದಿನನಿತ್ಯದ ಕಾರ್ಯ ನಿರ್ವಹಣೆಗಾಗಿ ಆಡಳಿತಾಧಿಕಾರಿಗಳನ್ನು ನೇಮಕ ಮಾಡಿರುವ ಬಗ್ಗೆ ಉಲ್ಲೇಖಿಸಿದೆ.
- [ಯಾತ್ರಿ ನಿವಾಸದ ಲಿಪ್ಟ್ ಕುಸಿತ: ಇಬ್ಬರ ದುರ್ಮರಣ!](https://mobiletime.in/2025/11/two-killed-in-lift-collapse-at-yatri-residence/): ಮುರುಡೇಶ್ವರ ಕಾಮತ್ ಯಾತ್ರಿ ನಿವಾಸದ ಮಾಲಕ ವೆಂಕಟದಾಸ್ ಕಾಮತ್ ಅವರ ಮಾಲಕತ್ವದ ಕಟ್ಟಡದಲ್ಲಿ ಲಿಪ್ಟ್ ಹಾಳಾದ ಪರಿಣಾಮ ಅದರ ಅಡಿ ಸಿಲುಕಿ ಇಬ್ಬರು ಸಾವನಪ್ಪಿದ್ದಾರೆ. ಲಿಪ್ಟ್ ದುರಸ್ಥಿಗೆ ಬಂದಿದ್ದ ಪ್ರಭಾಕರ ಶೆಟ್ಟಿ ಹಾಗೂ ಅವರ ಸಹಾಯಕ ಬಾಬು ಪೂಜಾರಿ ಅದೇ ಲಿಪ್ಟಿನ ಅಡಿಗೆ ಬಿದ್ದು ಕೊನೆಯುಸಿರೆಳೆದಿದ್ದಾರೆ. ಮುರುಡೇಶ್ವರ ಕಾಮತ್ ಯಾತ್ರಿ ನಿವಾಸದ ಮಾಲಕ ವೆಂಕಟದಾಸ್ ಕಾಮತ್ ಅವರು ತಮ್ಮ ಒಡೆತನದಲ್ಲಿರುವ ಭೂಮಿಯಲ್ಲಿ ಇನ್ನೊಂದು ಕಟ್ಟಡ ನಿರ್ಮಿಸುತ್ತಿದ್ದರು. ಆ ಕಟ್ಟಡದ ಲಿಪ್ಟ್ ಮೋಟಾರ್ ಹಾಳಾಗಿದ್ದ ಕಾರಣ ಅದನ್ನು ಸರಿಪಡಿಸಲು ಎಲೆಕ್ಟಿಶಿಯನ್ ಕರೆದಿದ್ದರು. ಅದರ ಪ್ರಕಾರ ಅಕ್ಟೊಬರ್ 6ರಂದು ಭಟ್ಕಳ ಕಾಯ್ಕಿಣಿಯ ಬೆಕ್ಕಿನಕೆರೆ ದೇವಿಕಾನ್ ಬಳಿಯ ಪ್ರಭಾಕರ ಮುತ್ತಯ್ಯ ಶೆಟ್ಟಿ ಅವರು ಅಲ್ಲಿಗೆ ಹೋಗಿದ್ದರು. ದುರಸ್ಥಿ ಕೆಲಸದ ಸಹಾಯಕ್ಕಾಗಿ ಅವರು ಕುಂದಾಪುರದ ಬಾಬು ಮಡೂರ ಪೂಜಾರಿ ಅವರನ್ನು ಕರೆದೊಯ್ದಿದ್ದರು. ಪ್ರಭಾಕರ ಶೆಟ್ಟಿ ಹಾಗೂ ಬಾಬು ಪೂಜಾರಿ ಸೇರಿ Construction Mini Lift ಮೋಟಾರ್ ಸರಿಪಡಿಸಿದರು. ಆದರೆ, ಆ ಲಿಪ್ಟಿನ ಸೇಪ್ಟಿ ಲಾಕರ್ ಸಹ ಹಾಳಾಗಿದ್ದು, ಆ ವಿಷಯವನ್ನು ಕಟ್ಟಡ ಮಾಲಕ ವೆಂಕಟದಾಸ್ ಕಾಮತ್ ಅವರು ಯಾರಲ್ಲಿಯೂ ಹೇಳಿರಲಿಲ್ಲ. ಹೀಗಾಗಿ ಲಿಪ್ಟ್ ಮೋಟಾರ್ ಸರಿಪಡಿಸಿದ ಪ್ರಭಾಕರ ಶೆಟ್ಟಿ ಅವರು ಬಾಬು ಪೂಜಾರಿ ಅವರ ಜೊತೆ ಅದೇ ಲಿಪ್ಟಿನಲ್ಲಿ ಮೇಲ್ಮಹಡಿಯಿಂದ ಕೆಳಮಹಡಿಗೆ ಬರುತ್ತಿದ್ದರು. ಆಗ, ಆ ಲಿಪ್ಟ್ ತಿರುಚಿ ಬಿದ್ದಿದ್ದು ಆ ರಭಸಕ್ಕೆ ಅವರಿಬ್ಬರು ನೆಲಕ್ಕೆ ಅಪ್ಪಳಿಸಿದರು. ಲಿಪ್ಟ್ ಸಹ ಕಳಚಿ ಬಿದ್ದಿತು. ಈ ಅವಘಡದಲ್ಲಿ ಪ್ರಭಾಕರ ಶೆಟ್ಟಿ ಹಾಗೂ ಬಾಬು ಪೂಜಾರಿ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಅವರನ್ನು ಮಣಿಪಾಲ ಕಸ್ತೂರಿಬಾ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಅದರಿಂದ ಯಾವುದೇ ಪ್ರಯೋಜನ ಆಗಲಿಲ್ಲ. Construction Mini Lift ಕಂಪನಿಯ ದೋಷಯುಕ್ತ ಲಿಪ್ಟ್ ಹಾಗೂ ವೆಂಕಟದಾಸ್ ಕಾಮತ್ ಅವರು ಸುರಕ್ಷಿತ ಉಪಕರಣ ಒದಗಿಸಿದೇ ಕೆಲಸ ಮಾಡಿಸಿದ ಪರಿಣಾಮ ಅವರಿಬ್ಬರ ಜೀವ ಹೋಯಿತು. ಈ ಎಲ್ಲಾ ವಿಷಯಗಳ ಬಗ್ಗೆ ಪ್ರಭಾಕರ ಶೆಟ್ಟಿ ಅವರ ಪುತ್ರ ಶ್ರವಣ ಶೆಟ್ಟಿ ಅವರು ಮುರುಡೇಶ್ವರ ಪೊಲೀಸ್ ಠಾಣೆಯಲ್ಲಿ ವಿವರಿಸಿದರು. ಪೊಲೀಸರು Construction Mini Lift ಕಂಪನಿ ಹಾಗೂ ವೆಂಕಟದಾಸ್ ಕಾಮತ್ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು. `ಅವಘಡ ತಪ್ಪಿಸಲು ಸುರಕ್ಷತೆಗೆ ಒತ್ತು ಕೊಡಿ’
- [ಕ್ಷಮೆ ಕೇಳದಿದ್ದರೆ ಹೋರಾಟ!](https://mobiletime.in/2025/11/if-you-dont-apologize-fight/): ಯಲ್ಲಾಪುರದ ಮಹಿಳೆಯೊಬ್ಬರು ಕನ್ನಡ ಬಾವುಟ ಅಳವಡಿಸಲು ತಕರಾರು ಸಲ್ಲಿಸಿದ ವಿಡಿಯೋ ನೋಡಿದ ಕರ್ನಾಟಕ ರಕ್ಷಣ ವೇದಿಕೆ (ಘಜಸೇನೆ) ಜಿಲ್ಲಾ ಅಧ್ಯಕ್ಷ ರಾಜೇಶ ನಾಯ್ಕ ಅವರು ಕಾರವಾರದಿಂದ ಯಲ್ಲಾಪುರಕ್ಕೆ ಆಗಮಿಸಿ ತಮ್ಮ ವಿರೋಧವ್ಯಕ್ತಪಡಿಸಿದ್ದಾರೆ. `ಆ ಮಹಿಳೆ ಕ್ಷಮೆ ಕೋರದಿದ್ದರೆ ಉಗ್ರ ಹೋರಾಟ ನಡೆಸುವುದು ಅನಿವಾರ್ಯ’ ಎಂದವರು ಎಚ್ಚರಿಸಿದ್ದಾರೆ. ಈ ವೇಳೆ ಕನ್ನಡ ಹೋರಾಟಗಾರರಿಗೆ `ಅದು ಒಂದು ವರ್ಷದ ಹಳೆಯ ವಿಡಿಯೋ’ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. `ಹಳೆಯ ವಿಡಿಯೋ ಆಗಿದ್ದರೂ ಕನ್ನಡ ಧ್ವಜಕ್ಕೆ ಅವಮಾನ ಮಾಡಿದ್ದು ಸರಿಯಲ್ಲ. ಅಂಥವರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು’ ಎಂದು ಕನ್ನಡ ಹೋರಾಟಗಾರರು ಆಗ್ರಹಿಸಿದ್ದಾರೆ. `ಕನ್ನಡ ಕಾರ್ಯಕರ್ತರಿಗೆ ಸಹ ಈ ವಿದ್ಯಮಾನದಿಂದ ಅವಮಾನವಾಗಿದೆ. ಸಾರ್ವಜನಿಕವಾಗಿ ಮಹಿಳೆ ಕ್ಷಮೆ ಕೋರದೇ ಇದ್ದರೆ ಪೊಲೀಸ್ ದೂರು ದಾಖಲಿಸಲಾಗುತ್ತದೆ’ ಎಂದು ರಾಜೇಶ ನಾಯ್ಕ ಅವರು ಎಚ್ಚರಿಸಿದ್ದಾರೆ. ವೇದಿಕೆ ಉಪಾಧ್ಯಕ್ಷ ಸಂತೋಷ್ ನಾಟೆಕರ್ ಮತ್ತು ತಾಲೂಕು ಅಧ್ಯಕ್ಷ ಶಮಶುದ್ದಿನ್ ಮಾರ್ಕರ್ ಈ ವೇಳೆ ಇದ್ದರು.
- [ವರ್ಗಾವಣೆಯಾದ ಶಿಕ್ಷಕಿಗೆ ಸನ್ಮಾನ-ಬೀಳ್ಗೊಡುಗೆ](https://mobiletime.in/2025/11/honorary-visit-to-transferred-teacher/): ಯಲ್ಲಾಪುರದ ಮಾದೇವಕೊಪ್ಪ ಶಾಲೆಯಲ್ಲಿ ಶಿಕ್ಷಕರಾಗಿದ್ದ ರೇಖಾ ಮಾಂಚ್ರೆಕರ್ ಅವರು ಅಲ್ಲಿಂದ ವರ್ಗವಾಗಿದ್ದಾರೆ. ಈ ಹಿನ್ನಲೆ ಊರಿನ ಜನ ಅವರನ್ನು ಸನ್ಮಾನಿಸಿ ಬೀಳ್ಕೊಟ್ಟಿದ್ದಾರೆ. 23 ವರ್ಷ ಶಿಕ್ಷಕ ಅನುಭವವಿರುವ ರೇಖಾ ಮಾಂಚ್ರೆಕರ್ ಅವರು ಕಳೆದ 18 ವರ್ಷಗಳಿಂದ ಮಾದೇವಕೊಪ್ಪ ಶಾಲೆಯ ಸೇವೆಯಲ್ಲಿದ್ದರು. ನೂರಾರು ವಿದ್ಯಾರ್ಥಿಗಳನ್ನು ತಿದ್ದಿ ಅವರ ಜೀವನ ರೂಪಿಸಿದ್ದರು. 2008ರಲ್ಲಿ ಮಾದೇವಕೊಪ್ಪ ಶಾಲೆಗೆ ಬಂದ ಅವರು ಮಕ್ಕಳಿಗೆ ಅಕ್ಷರ ಜ್ಞಾನ ಕಲಿಸುವುದರ ಜೊತೆ ಊರಿನ ಅಭಿವೃದ್ಧಿಗೂ ಶ್ರಮಿಸಿದ್ದರು. ಈ ಎಲ್ಲಾ ಹಿನ್ನಲೆ ಎಸ್‌ಡಿಎಂಸಿ ಅಧ್ಯಕ್ಷ ಸಾವು ಪಾಂಡ್ರಮಿಸೆ, ಗ್ರಾ ಪಂ ಸದಸ್ಯ ಲಕ್ಕು ದೋರತ್, ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಬಮ್ಮು ಬಿಚುಕ್ಲೆ, ಶಾಲಾ ಮುಖ್ಯಾಧ್ಯಾಪಕಿ ಮಮತಾ ನಾಯಕ ಹಾಗೂ ಊರ ನಾಗರಿಕರು ಸೇರಿ ಅವರನ್ನು ಗೌರವಿಸಿದರು. ಊರಿನರು ಹಾಗೂ ಶಾಲೆಯ ಮಾಜಿ ವಿದ್ಯಾರ್ಥಿಗಳು ಅನಿಸಿಕೆ ಹಂಚಿಕೊoಡರು.
- [ಅಡಿಕೆ ಕದ್ದ ಕಳ್ಳ ಎರಡೇ ದಿನದಲ್ಲಿ ಸಿಕ್ಕಿಬಿದ್ದ!](https://mobiletime.in/2025/11/the-thief-who-stole-the-nut-was-caught/): ಶಿರಸಿಯ ಭಾಸ್ಕರ ಬೋವಿವಡ್ಡರ್ ಹಾಗೂ ಯಲ್ಲಾಪುರದ ಹರುಷ ಬೋವಿವಡ್ಡರ್ ಸೇರಿ ಯಲ್ಲಾಪುರದ ವಿಶ್ವೇಶ್ವರ ಹೆಬ್ಬಾರ್ ಅವರ ತೋಟಕ್ಕೆ ನುಗ್ಗಿದ್ದು, ಅಲ್ಲಿದ್ದ ಅಡಿಕೆ ಕದ್ದಿದ್ದಾರೆ. ವಿಶ್ವೇಶ್ವರ ಹೆಬ್ಬಾರ್ ಅವರ ದೂರಿಗೆ ಸ್ಪಂದಿಸಿದ ಪೊಲೀಸರು ಆ ಇಬ್ಬರು ಕಳ್ಳರನ್ನು ಹಿಡಿದು ಜೈಲಿಗೆ ಹಾಕಿದ್ದಾರೆ. ನವೆಂಬರ್ 5ರಂದು ಯಲ್ಲಾಪುರದ ಇಡಗುಂದಿ ಬಳಿಯ ದೋಣಗಾರದಲ್ಲಿ ವಿಶ್ವೇಶ್ವರ ವೆಂಕಟ್ರಮಣ ಹೆಬ್ಬಾರ್ ಅವರ ಅಡಿಕೆ ತೋಟಕ್ಕೆ ಕಳ್ಳರು ನುಗ್ಗಿದ್ದರು. ಅಡಿಕೆ ಮರ ಏರಿದ ದುಷ್ಟರು ಅಲ್ಲಿದ್ದ 10 ಕ್ವಿಂಟಾಲ್ ಹಸಿ ಅಡಿಕೆ ದೋಚಿ ಪರಾರಿ ಆಗಿದ್ದರು. ಅಡಿಕೆ ಕಳ್ಳತನದಿಂದ ತಲೆಬಿಸಿಗೆ ಒಳಗಾದ ವಿಶ್ವೇಶ್ವರ ಹೆಬ್ಬಾರ್ ಅವರು ಪೊಲೀಸ್ ದೂರು ನೀಡಿದ್ದರು. `ಸುಮಾರು 40 ಮರ ಬೋಳಿಸಿದ ಕಳ್ಳರನ್ನು ಹುಡುಕಿ ತಮ್ಮ ಅಡಿಕೆ ತಮಗೆ ಮರಳಿಸಿ’ ಎಂದವರು ಪಿಐ ರಮೇಶ ಹಾನಾಪುರ ಅವರ ಬಳಿ ಮನವಿ ಮಾಡಿದ್ದರು. ವಿಶ್ವೇಶ್ವರ ಹೆಬ್ಬಾರ್ ಅವರಿಂದ ಎಲ್ಲಾ ಮಾಹಿತಿಪಡೆದ ಪಿಎಸ್‌ಐ ರಾಜಶೇಖರ ವಂದಲಿ, ಸಿದ್ದಪ್ಪ ಗುಡಿ ಹಾಗೂ ಮಹಾವೀರ ಕಾಂಬಳೆ ಜಂಟಿಯಾಗಿ ತನಿಖೆ ಶುರು ಮಾಡಿದರು. ಪೊಲೀಸ್ ಸಿಬ್ಬಂದಿ ಬಸವರಾಜ ಹಗರಿ, ಉಮೇಶ ತುಂಬರಗಿ, ಸುರೇಶ ವಡ್ಡರ, ದೀಪಕ ನಾಯ್ಕ ಹಾಗೂ ಪರಮೇಶ ಕೆ ಅವರು ವಿವಿಧ ಆಯಾಮಗಳಲ್ಲಿ ಹುಡುಕಾಟ ನಡೆಸಿದರು. ಆಗ, ಯಲ್ಲಾಪುರ ಮಂಚಿಕೇರಿ ಬಳಿಯ ಬೆಂಡಿಗೇರಿ ಹರುಷ ಈರಪ್ಪ ಬೋವಿವಡ್ಡರ್ (24) ಅವರ ಮೇಲೆ ಪೊಲೀಸರಿಗೆ ಅನುಮಾನ ಮೂಡಿತು. ಹರುಷ ಬೋವಿವಡ್ಡರ್ ಅವರನ್ನು ವಿಚಾರಣೆಗೆ ಒಳಪಡಿಸಿದಾಗ ಶಿರಸಿ ಗೌಡಳ್ಳಿ ಬಳಿಯ ಕೋಗುಲಕೋಳಿಯ ಭಾಸ್ಕರ ಕೃಷ್ಣ ಭೋವಿವಡ್ಡರ್ (19) ಅವರ ಜೊತೆ ಸೇರಿ ಅಡಿಕೆ ಕಳ್ಳತನ ಮಾಡಿರುವುದು ಬಹಿರಂಗವಾಯಿತು. ಪೊಲೀಸರನ್ನು ಕಂಡ ಕೂಡಲೇ ಅವರಿಬ್ಬರು ತಮ್ಮ ತಪ್ಪು ಒಪ್ಪಿಕೊಂಡರು. 1 ಲಕ್ಷ ರೂ ಮೌಲ್ಯದ 10 ಕ್ವಿಂಟಾಲ್ ಅಡಿಕೆ ಕಳ್ಳತನ ನಡೆದಿದ್ದರೂ ಅವರ ಬಳಿ 50 ಸಾವಿರ ಮೌಲ್ಯದ 4.54 ಕ್ವಿಂಟಲ್ ಅಡಿಕೆ ಮಾತ್ರ ಸಿಕ್ಕಿತು. ಅಡಿಕೆ ಕಳ್ಳ ಸಿಕ್ಕಿಬಿದ್ದಿರುವ ವಿಷಯವನ್ನು ಪಿಐ ರಮೇಶ ಹಾನಾಪುರ ಅವರು ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಜಗದೀಶ ಎಂ ಹಾಗೂ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರಿಗೆ ತಿಳಿಸಿದರು. ಪ್ರಕರಣ ದಾಖಲಾದ ಒಂದೇ ದಿನದಲ್ಲಿ ಕಳ್ಳರನ್ನು ಹುಡುಕಿದ ಪೊಲೀಸರ ಕಾರ್ಯಕ್ಕೆ ಮೇಲಧಿಕಾರಿಗಳು ಮೆಚ್ಚುಗೆ ಸೂಚಿಸಿದರು.
- [ಮನರಂಜಿಸಿದ ನಾಟಕ: ಜನಮನ ಗೆದ್ದ ಸನ್ಮಾನ!](https://mobiletime.in/2025/11/entertaining-drama-the-honor-of-winning-peoples-attention/): ಶಿರಸಿಯ ಮರಾಠಿಕೊಪ್ಪದ ಪುಟ್ಟನಮನೆ ಬಳಿ ನಾಗಾಶ್ವತ್ಥ ಕಟ್ಟೆ ಸೇವಾ ಸಮಿತಿಯವರು ಅದ್ಧೂರಿಯಾಗಿ ಕಾರ್ತಿಕೋತ್ಸವ ಆಚರಿಸಿದ್ದಾರೆ. ಸಮಿತಿಯವರು ನಡೆಸುತ್ತಿರುವ 39ನೇ ವರ್ಷದ ಕಾರ್ತಿಕ ಉತ್ಸವ ಇದಾಗಿದ್ದು, ಉತ್ಸವದ ಅಂಗವಾಗಿ ವಿವಿಧ ಕಾರ್ಯಕ್ರಮಗಳು ನಡೆದಿವೆ. ಕಾರ್ತಿಕ ಉತ್ಸವದ ಭಾಗವಾಗಿ ನವಗ್ರಹಪೂರ್ವಕ ನಾಗಮೂಲ ಮಂತ್ರ ಹವನ ನಡೆದಿದ್ದು, ಅನೇಕ ಭಕ್ತರು ಈ ಕಾರ್ಯದಲ್ಲಿ ಭಾಗಿಯಾದರು. ಪುರುಷ ಸೂಕ್ತ ಹವನ, ಮಂಗಳಾರತಿ, ತೀರ್ಥ ಪ್ರಸಾದ ವಿತರಣೆ ಹಾಗೂ ಮಹಾ ಅನ್ನಸಂತರ್ಪಣೆ ಅಚ್ಚುಕಟ್ಟಾಗಿ ನೆರವೇರಿತು. ಸಂಜೆ ಅವಧಿಯಲ್ಲಿ ನಡೆದ ದುರ್ಗಾದೀಪ ನಮಸ್ಕಾರ ಹಾಗೂ ಕಾರ್ತಿಕ ದೀಪೋತ್ಸವ ನೆರೆದಿದ್ದವರನ್ನು ನ್ನು ಆಕರ್ಷಿಸಿತು. ಕಾರ್ತಿಕೋತ್ಸವದ ಪ್ರಯುಕ್ತ `ಮೂರು ಮುತ್ತು’ ನಾಟಕ ಪ್ರದರ್ಶನ ನಡೆದಿದ್ದು. ಇದೇ ವೇದಿಕೆಯಲ್ಲಿ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರನ್ನು ಸಂಘಟಕರು ಸನ್ಮಾನಿಸಿದರು. ಕಟ್ಟೆ ಸೇವಾ ಸಮಿತಿಯ ಅಧ್ಯಕ್ಷ ಸಂತೋಷ ಮೊಗೇರ, ಉಪಾಧ್ಯಕ್ಷ ಸೂರಜ್ ಕೆವಿ, ಕಾರ್ಯದರ್ಶಿ ನಾಗೇಂದ್ರ ಶೆಟ್ಟಿಗಾರ, ಖಜಾಂಚಿ ಕಿರಣ್ ಹೊನ್ನಿ ಅವರು ಈ ಸನ್ಮಾನ ಕಾರ್ಯಕ್ರಮ ನಡೆಸಿಕೊಟ್ಟರು. ಸ್ಥಳೀಯ ಯುವಕ ಮಂಡಳಿಯ ಅಧ್ಯಕ್ಷ ಉಪೇಂದ್ರ ಮೇಸ್ತ, ಗೌರವಾಧ್ಯಕ್ಷ ನಾಗರಾಜ ಶೆಟ್ಟಿ, ಮಹಿಳಾ ಮಂಡಳಿ ಅಧ್ಯಕ್ಷ ಅಧ್ಯಕ್ಷ ಕಲ್ಪನಾ ಶೆಟ್ಟಿ, ಚಂದ್ರಶೇಖರ ಮಾದನಗೇರಿ ಇತರರು ಕಾರ್ಯಕ್ರಮ ಸಂಘಟನೆಗೆ ಸಹಕರಿಸಿದರು.
- [ಯಲ್ಲಾಪುರ: ಅಂಬೇಡ್ಕರ ನಗರದಲ್ಲಿ ಶುರುವಾದ ಭುವನೇಶ್ವರಿ ದೇಗುಲ ಕಾರ್ಯ](https://mobiletime.in/2025/11/yellapur-bhuvaneshwari-temple-work-begins-at-ambedkar-bhavan/): ಯಲ್ಲಾಪುರದ ಅಂಬೇಡ್ಕರ್ ನಗರದಲ್ಲಿ 30 ಲಕ್ಷ ರೂ ವೆಚ್ಚದಲ್ಲಿ ಭುವನೇಶ್ವರಿ ದೇವಾಲಯ ನಿರ್ಮಿಸಲು ಉದ್ದೇಶಿಸಲಾಗಿದೆ. ದೇವಾಲಯಗಳ ಜೀರ್ಣೋದ್ಧಾರಕ್ಕಾಗಿ ಶ್ರಮಿಸುತ್ತಿರುವ ಮೈಸೂರಿನ ಮಾತಶ್ರೀ ಆಶಾ ಅಮ್ಮನವರು ಭೂಮಿ ಪೂಜೆ ನೆರವೇರಿಸಿದ್ದಾರೆ. ಅಂಬೇಡ್ಕರ ನಗರದ ಕೋಟೆಕರಿಯಮ್ಮ ದೇವಾಲಯ ಸನ್ನಿಧಿಯಲ್ಲಿ ಭುವನೇಶ್ವರಿ ದೇವಿಯ ದೇಗುಲ ನಿರ್ಮಾಣಕ್ಕಾಗಿ ಅಂಬೇಡ್ಕರ ನಗರದ ಜನ ಎಲ್ಲಾ ಬಗೆಯ ಸಿದ್ಧತೆ ಮಾಡಿಕೊಂಡಿದ್ದಾರೆ. ದಾನಿಗಳ ನೆರವಿನಿಂದ ಉತ್ತಮ ದೇಗುಲ ನಿರ್ಮಾಣ ಕೆಲಸ ಶುರುವಾಗಿದೆ. `ಯಲ್ಲಾಪುರದ ಜನರಿಗೆ ತಾಯಿ ಭುವನೇಶ್ವರಿ ದೇವಿಯ ಸೇವೆ ಮಾಡುವ ಅವಕಾಶ ಸಿಕ್ಕಿದ್ದು, ಸಮಸ್ತ ಜನ ಈ ಪುಣ್ಯ ಕಾರ್ಯದಲ್ಲಿ ಭಾಗಿಯಾಗಬೇಕು’ ಎಂದು ಆಶಾ ಅಮ್ಮನವರು ಈ ವೇಳೆ ಕರೆ ನೀಡಿದ್ದಾರೆ. ಕಟ್ಟಡ ನಿರ್ಮಾಣಕ್ಕೆ ನೆರವು ನೀಡಲು ಸರ್ವರಿಗೂ ಸಮಾನ ಅವಕಾಶವಿದ್ದು, ಭುವನೇಶ್ವರಿ ದೇವಸ್ಥಾನ ನಿರ್ಮಾಣ ಕಾಣಿಕೆ 5001ರೂಪಾಯಿಗಳಾಗಿದೆ. ಕರ್ಣ ಮುಚ್ಚಿಗೆ ಹಾಗೂ ತಾಮ್ರ ಗೋಪುರ ದೇಣಿಗೆ 10001ರೂ, 0.5 ಚದರ ಅಡಿ ಕಟ್ಟಡ ನಿರ್ಮಾಣಕ್ಕೆ 12500ರೂ ಹಾಗೂ 1 ಚದರ ಅಡಿ ನಿರ್ಮಾಣಕ್ಕೆ 25 ಸಾವಿರ ರೂ ದೇಣಿಗೆಯನ್ನು ಆಡಳಿತ ಮಂಡಳಿ ನಿಗದಿ ಮಾಡಿದೆ. ಭಕ್ತರು ತನು-ಮನ-ಧನ ಸಹಾಯ ಮಾಡಿ ಭುವನೇಶ್ವರಿ ದೇವಿಯ ಸೇವೆ ಮಾಡಲು ಬರಬೇಕು ಎಂದು ಶ್ರೀ ಭುವನೇಶ್ವರಿ ದೇವಿ ದೇವಸ್ಥಾನ ಆಡಳಿತ ಮಂಡಳಿಯವರು ಮನವಿ ಮಾಡಿದ್ದಾರೆ.
- [2025ರ ನವೆಂಬರ್ 7ರ ದಿನ ಭವಿಷ್ಯ](https://mobiletime.in/2025/11/prediction-for-november-7-2025/): ಮೇಷ ರಾಶಿ: ನಿಮ್ಮ ಕನಸಿನ ಯೋಜನೆಗಳು ಪೂರ್ಣಗೊಳ್ಳುತ್ತವೆ. ಯಶಸ್ಸು ನಿಮ್ಮ ಸಮೀಪದಲ್ಲಿದೆ. ಶ್ರಮ ಫಲ ಕೊಡಲಿದೆ. ವೃಷಭ ರಾಶಿ: ನಿಮ್ಮೊಳಗಿನ ಆತ್ಮವಿಶ್ವಾಸ ಹೆಚ್ಚಿಸಿಕೊಂಡರೆ ಕೆಲಸ ಸುರಳಿತವಾಗಲಿದೆ. ಕುಟುಂಬದಲ್ಲಿ ಸುಖ-ಶಾಂತಿ ನೆಲೆಸಲಿದೆ. ಹಣಕಾಸಿನ ಸ್ಥಿತಿಯಲ್ಲಿ ಅನುಕೂಲ ಆಗಲಿದೆ. ಮಿಥುನ ರಾಶಿ: ಒತ್ತಡ ಪೂರ್ಣ ದಿನವಾಗಿರಲಿದೆ. ಲಾಭದ ಅವಕಾಶಗಳು ಹೆಚ್ಚಿವೆ. ಹೊಸ ಸ್ನೇಹಿತರ ಪರಿಚಯ ಆಗಲಿದೆ. ಆರೋಗ್ಯದ ಕಡೆ ಜೋಪಾನ. ಕರ್ಕ ರಾಶಿ: ಹಣಕಾಸಿನ ಒತ್ತಡ ಕಡಿಮೆಯಾಗಲಿದೆ. ಆರ್ಥಿಕ ವಿಚಾರದಲ್ಲಿ ಜಾಗೃತರಾಗಿರಿ. ಆರೋಗ್ಯದ ಬಗ್ಗೆ ಕಾಳಜಿ ಅಗತ್ಯ. ಕೈಗೊಂಡ ಕೆಲಸ ಪೂರ್ಣವಾಗಲಿದೆ. ಸಿಂಹ ರಾಶಿ: ಕೆಲಸದಲ್ಲಿ ಚಿಕ್ಕ ಚಿಕ್ಕ ಬದಲಾವಣೆ ಆಗಲಿದೆ. ಹಣಕಾಸು ವಿಷಯದಲ್ಲಿ ಸಮತೋಲನ ಅಗತ್ಯ. ಕುಟುಂಬದವರ ಜೊತೆ ಕಾಲ ಕಳೆಯುವಿರಿ. ಕನ್ಯಾ ರಾಶಿ: ಆರೋಗ್ಯದಲ್ಲಿ ಚೇತರಿಕೆ ಆಗಲಿದೆ. ಕೆಲಸದಲ್ಲಿ ಉತ್ತಮ ಅವಕಾಶ ಸಿಗಲಿದೆ. ಪಾಠ-ಪ್ರವಚನದಲ್ಲಿ ಯಶಸ್ಸು ಸಾಧ್ಯವಿದೆ. ತುಲಾ ರಾಶಿ: ಉದ್ಯೋಗದ ಒತ್ತಡ ಕಡಿಮೆ ಆಗಲಿದೆ. ಆರೋಗ್ಯ ಉತ್ತಮವಾಗಿರಲಿದೆ. ಕುಟುಂಬಕ್ಕಾಗಿ ಸಮಯ ಮೀಸಲಿಡಿ. ವೃಶ್ಚಿಕ ರಾಶಿ: ನಿಮಗೆ ಸಿಗುವ ಅವಕಾಶಗಳನ್ನು ಸರಿಯಾಗಿ ಬಳಸಿಕೊಳ್ಳಿ. ಧೈರ್ಯದಿಂದ ಕೆಲಸ ನಿರ್ವಹಿಸಿ. ಕುಟುಂಬದಲ್ಲಿ ಸಾಮರಸ್ಯ ಕಾಪಾಡಲು ಪ್ರಯತ್ನಿಸಿ. ಹಣಕಾಸು ವೃದ್ಧಿ ಆಗಲಿದೆ. ಧನು ರಾಶಿ: ನಿಮ್ಮ ಪ್ರಯತ್ನಕ್ಕೆ ತಕ್ಕ ಲಾಭ ಸಿಗಲಿದೆ. ಆರೋಗ್ಯ ಸಹಜವಾಗಿರಲಿದೆ. ಹಣಕಾಸು ವಿಷಯದಲ್ಲಿ ಏರಿಕೆ ಸಾಧ್ಯವಿದೆ. ಯಾತ್ರೆಗಳು ಸಫಲವಾಗಲಿದೆ. ಮಕರ ರಾಶಿ: ಹೊಸ ಬಗೆಯ ಬದಲಾವಣೆ ಸಾಧ್ಯವಿದೆ. ಆರೋಗ್ಯ ಸುಧಾರಣೆ ಆಗಲಿದೆ. ಉದ್ಯೋಗದಲ್ಲಿ ವೃದ್ಧಿ ಆಗಲಿದೆ. ಕುಂಭ ರಾಶಿ: ಆರೋಗ್ಯದಲ್ಲಿ ವ್ಯತ್ಯಾಸ ಆಗಲಿದೆ. ಸ್ನೇಹಿತರ ಜೊತೆ ಸಮಯ ಕಳೆಯುವಿರಿ. ಆತುರದ ನಿರ್ಧಾರ ಮಾಡಬೇಡಿ. ಆಸೆಗಳು ಈಡೇರಲಿದೆ. ಮೀನ ರಾಶಿ: ಸ್ನೇಹಿತರ ಸಹಾಯ ಸಿಗಲಿದೆ. ಆರ್ಥಿಕ ಸುಧಾರಣೆ ಸಾಧ್ಯವಿದೆ. ಕುಟುಂಬದಲ್ಲಿ ಒಳ್ಳೆಯ ಸುದ್ದಿ ಬರಲಿದೆ.
- [ಬಿಸಿಯೂಟ: ಅನ್ನ ಬಡಿಸುವ ಮುನ್ನ ಜೀವ ತ್ಯಜಿಸಿದ ತಾಯಿ!](https://mobiletime.in/2025/11/mother-dies-before-serving-food/): ದಾಂಡೇಲಿ ನಗರದ ಜನತಾ ವಿದ್ಯಾಲಯದಲ್ಲಿ ಬಿಸಿಯೂಟ ಸಿದ್ಧಪಡಿಸುತ್ತಿದ್ದ ಮಹಾದೇವಿ ಅವರು ಏಕಾಏಕಿ ಕುಸಿದು ಬಿದ್ದು ಸಾವಪ್ಪಿದ್ದಾರೆ. ದಾಂಡೇಲಿಯ ಬಾಂಬೆಚಾಳದಮಹಾದೇವಿ ಶಿವಾಜಿ ನೆರವಡೆ (50) ಅವರು ಜನತಾ ವಿದ್ಯಾಲಯದ ಪ್ರೌಢಶಾಲೆಯಲ್ಲಿ ಬಿಸಿಯೂಟ ಸಿದ್ದಪಡಿಸುವ ಕಾಯಕದಲ್ಲಿದ್ದರು. ಗುರುವಾರ ಕರ್ತವ್ಯಕ್ಕೆ ಹಾಜರಾಗಿದ್ದ ಅವರು ಮಕ್ಕಳಿಗಾಗಿ ಅಡುಗೆ ಮಾಡುತ್ತಿದ್ದರು. ಕರ್ತವ್ಯ ನಿರ್ವಹಿಸುತ್ತಿದ್ದ ಸಮಯದಲ್ಲಿಯೇ ಅವರು ಕುಸಿದುಬಿದ್ದರು. ತಕ್ಷಣವೇ ಶಾಲೆಯ ಶಿಕ್ಷಕರು ನಗರದ ಸಾರ್ವಜನಿಕ ಆಸ್ಪತ್ರೆಗೆ ಕರೆದೊಯ್ದರು. ಆದರೆ, ಅಷ್ಟರೊಳಗೆ ಅವರು ಕೊನೆಯುಸಿರೆಳೆದಿದ್ದರು. ಕಳೆದ 20 ವರ್ಷಗಳಿಂದ ಅವರು ಅಲ್ಲಿ ಬಿಸಿಯೂಟ ಸಿಬ್ಬಂದಿ ಆಗಿದ್ದರು. ಐದು ವರ್ಷಗಳಿಂದ ಪ್ರೌಢಶಾಲಾ ವಿಭಾಗಕ್ಕೂ ಅಡುಗೆ ಕೆಲಸ ಮಾಡುತ್ತಿದ್ದರು. ಕಳೆದ ವರ್ಷ ಅವರ ಪತಿ ಸಾವನಪ್ಪಿದ್ದರು. ಅದಾದ ನಂತರ ಅವರ ಮಗ ಸಹ ಅಕಾಲಿಕ ಮರಣಕ್ಕೆ ಒಳಗಾಗಿದ್ದರು.
- [ಕಾಸು ಕೊಡದ ಗಂಡ ಕಲ್ಲಿನಿಂದ ಹೊಡೆದ!](https://mobiletime.in/2025/11/husband-hit-with-a-stone-for-not-giving-money/): ಭಟ್ಕಳದ ಶಕಿಲಾ ಶಾಯಿನ್ ಹಾಗೂ ಸಯ್ಯದ್ ಜಮಾಲುದ್ಧಿನ್ ದಾಂಪತ್ಯದಲ್ಲಿ ಬಿರುಕು ಮೂಡಿದೆ. ಹೀಗಾಗಿ `ತಾನು ನೀಡಿದ ಹಣ ಕೊಡು’ ಎಂದು ಶಕಿಲಾ ಶಾಯಿನ್ ಅವರು ಪತಿಗೆ ಕೇಳಿಕೊಂಡಿದ್ದು, ಹಣ ಮರಳಿಸಬೇಕಾದ ಸಯ್ಯದ್ ಜಮಾಲುದ್ಧಿನ್ ಪತ್ನಿ ಮೇಲೆ ಕೈ ಮಾಡಿದ್ದಾರೆ. ಭಟ್ಕಳದ ಶಕಿಲಾ ಶಾಯಿನ್ ಹಾಗೂ ಅದೇ ಊರಿನ ಸಯ್ಯದ್ ಜಮಾಲುದ್ಧಿನ್ 2022ರಲ್ಲಿ ಪರಿಚಿತರಾದರು. ಅದಾದ ನಂತರ ಅವರಿಬ್ಬರು ಪರಸ್ಪರ ಒಪ್ಪಿ ವಿವಾಹವಾದರು. ಸಂಪ್ರದಾಯದ ಪ್ರಕಾರ ಅದ್ಧೂರಿಯಾಗಿ ಅವರ ಮದುವೆ ನಡೆಯಿತು. ಆದರೆ, ಕಾಲಕ್ರಮೇಣ ಅವರಿಬ್ಬರ ನಡುವೆ ಬಿನ್ನಾಭಿಪ್ರಾಯ ಮೂಡಿತು. ಹೀಗಾಗಿ ಅವರ ಸಂಬoಧ ಮುರಿದು ಬಿದ್ದಿತು. ಸದ್ಯ ಅವರಿಬ್ಬರ ನಡುವೆ ವಿಚ್ಚೇಧನದ ಮಾತುಕಥೆ ನಡೆಯುತ್ತಿದೆ. ಬಿನ್ನಾಭಿಪ್ರಾಯದ ನಂತರ ಶಕಿಲಾ ಶಾಯಿನ್ ಅವರು ತಮ್ಮ ತವರು ಮನೆಯಲ್ಲಿ ಉಳಿದಿದ್ದರು. ಮದುವೆ ಆದ ಹೊಸತಿನಲ್ಲಿ ಶಕಿಲಾ ಶಾಯಿನ್ ಅವರು ಪತಿ ಸಯ್ಯದ್ ಜಮಾಲುದ್ಧಿನ್ ಅವರಿಗೆ 1.10 ಲಕ್ಷ ರೂ ಹಣ ಕೊಟ್ಟಿದ್ದರು. ಮದುವೆ ಮುರಿದ ಕಾರಣ ಆ ಹಣ ಮರಳಿಸುವಂತೆ ಶಕಿಲಾ ಶಾಯಿನ್ ಪತಿಗೆ ಗಂಟು ಬಿದ್ದಿದ್ದರು. ಆದರೆ, ಸಯ್ಯದ್ ಜಮಾಲುದ್ಧಿನ್ ಮಾತ್ರ ಆ ಹಣ ಕೊಡಲು ಒಪ್ಪಿರಲಿಲ್ಲ. ಶಕಿಲಾ ಶಾಯಿನ್ ಅವರು ಹಣ ಕೇಳುವುದನ್ನು ಬಿಟ್ಟಿರಲಿಲ್ಲ. ನವೆಂಬರ್ 5ರಂದು ಶಕಿಲಾ ಶಾಯಿನ್ ಅವರು ಪತಿ ಸಯ್ಯದ್ ಜಮಾಲುದ್ಧಿನ್ ಅವರ ಮನೆಗೆ ಹೋಗಿ ಗಲಾಟೆ ಮಾಡಿದರು. `ನನ್ನ ಹಣ ನನಗೆ ಮರಳಿಸು’ ಎಂದು ದೊಡ್ಡದಾಗಿ ಕೂಗಿದರು. ಇದರಿಂದ ಸಿಟ್ಟಾದ ಸಯ್ಯದ್ ಜಮಾಲುದ್ಧಿನ್ ಶಕಿಲಾ ಶಾಯಿನ್ ಅವರಿಗೆ ಮೊದಲು ಕೈಯಿಂದ ಹೊಡೆದರು. ನಂತರ ಅವರನ್ನು ನೆಲಕ್ಕೆ ಬೀಳಿಸಿ ಕಾಲಿನಿಂದ ಒದ್ದರು. ಅಲ್ಲಿ ಬಿದ್ದಿದ್ದ ಕಲ್ಲಿನಿಂದ ಶಕಿಲಾ ಶಾಯಿನ್ ಅವರ ತಲೆಗೆ ಹೊಡೆದು ಗಾಯಗೊಳಿಸಿದರು.
- [ತೋಟಕ್ಕೆ ಬಂದ ಕಳ್ಳರು.. ಅಡಿಕೆ ಕದ್ದರು!](https://mobiletime.in/2025/11/thieves-came-to-the-garden-and-stole-the-nuts/): ಯಲ್ಲಾಪುರದ ವಿಶ್ವೇಶ್ವರ ಹೆಬ್ಬಾರ್ ಅವರ ತೋಟಕ್ಕೆ ನುಗ್ಗಿದ ಕಳ್ಳರು ಅಲ್ಲಿದ್ದ ಅಡಿಕೆ ಕದ್ದು ಪರಾರಿಯಾಗಿದ್ದಾರೆ. ವಿಶ್ವೇಶ್ವರ ಹೆಬ್ಬಾರ್ ಅವರು ಆ ಕಳ್ಳರ ಹುಡುಕಾಟ ನಡೆಸಿದ್ದಾರೆ. ಯಲ್ಲಾಪುರದ ಇಡಗುಂದಿ ಬಳಿಯ ದೋಣಗಾರದಲ್ಲಿ ವಿಶ್ವೇಶ್ವರ ವೆಂಕಟ್ರಮಣ ಹೆಬ್ಬಾರ್ ಅವರು ವಾಸವಾಗಿದ್ದಾರೆ. ತಮ್ಮ ಭೂಮಿಯಲ್ಲಿ ಅವರು ಅಡಿಕೆ ಬೆಳೆದಿದ್ದಾರೆ. ಮೊದಲಿಗೆ ಹೋಲಿಸಿದರೆ ಈ ಬಾರಿ ಕಡಿಮೆ ಫಸಲಿರುವ ಕಾರಣ ಅವರು ತಲೆಬಿಸಿಯಲ್ಲಿದ್ದು, ಸದ್ಯ ಕಳ್ಳರ ಕಾಟದಿಂದ ಅವರು ಸುಸ್ತಾಗಿದ್ದಾರೆ. ನವೆಂಬರ್ 5ರಂದು ಅವರ ತೋಟಕ್ಕೆ ಕಳ್ಳರು ನುಗ್ಗಿದ್ದಾರೆ. ಅಡಿಕೆ ಮರ ಹತ್ತಿ ಫಸಲು ಕೊಯ್ದಿದ್ದಾರೆ. ಬೆಳಗ್ಗೆ 9ಗಂಟೆಯಿAದ ಸಂಜೆ 6 ಗಂಟೆ ಅವಧಿಯಲ್ಲಿ ತೋಟದ ಫಸಲು ಕೊಯ್ದರೂ ವಿಶ್ವೇಶ್ವರ ಹೆಬ್ಬಾರ್ ಅವರಿಗೆ ಕಳ್ಳರ ಆಗಮನದ ಸುಳಿವು ಸಿಕ್ಕಿಲ್ಲ. ಸುಮಾರು 40 ಮರಗಳನ್ನು ಬೋಳಿಸಿದ ಕಳ್ಳರು ಅಂದಾಜು 10 ಕ್ವಿಂಟಲ್ ಹಸಿ ಅಡಿಕೆ ಅಪಹರಿಸಿದ್ದಾರೆ. ಕಳ್ಳರು ಎಲ್ಲಾ ಅಡಿಕೆಯನ್ನು ಅಲ್ಲಿಂದ ಸಾಗಿಸಿದ ನಂತರ ವಿಶ್ವೇಶ್ವರ ಹೆಬ್ಬಾರ್ ಅವರಿಗೆ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಆದರೆ, ಆ ಕಳ್ಳರು ಯಾರು ಎಂದು ಅವರಿಗೆ ತಿಳಿಯಲಿಲ್ಲ. ಹೀಗಾಗಿ ಅವರು ಇದೀಗ ಪೊಲೀಸರ ಸಹಾಯಪಡೆದು ಕಳ್ಳರ ಹುಡುಕಾಟ ನಡೆಸಿದ್ದಾರೆ. `ಕಳ್ಳರ ಕಾಟದಿಂದ 1 ಲಕ್ಷ ರೂ ನಷ್ಟವಾಗಿದ್ದು, ಅವರನ್ನು ಪತ್ತೆ ಮಾಡಿಕೊಡಿ’ ಎಂದು ಪ್ರಕರಣ ದಾಖಲಿಸಿದ್ದಾರೆ.
- [ಸಿದ್ದಾಪುರ: ಮೊಬೈಲ್ ಚಾರ್ಜ ಆಗದ ಕಾರಣ ಕಂಡೇಕ್ಟರ್ ಮೇಲೆ ಹಲ್ಲೆ!](https://mobiletime.in/2025/11/siddapur-conductor-attacked-because-his-mobile-phone-was-not-charged/): ಸರ್ಕಾರಿ ಬಸ್ಸಿನಲ್ಲಿ ಮೊಬೈಲ್ ಚಾರ್ಜ ಹಾಕಿದ್ದ ಪ್ರಯಾಣಿಕರೊಬ್ಬರು ಮೊಬೈಲ್ ಚಾರ್ಜ ಆಗದ ಕಾರಣ ಬಸ್ ಕಂಡೆಕ್ಟರ್’ರನ್ನು ಥಳಿಸಿದ್ದಾರೆ. ಜೊತೆಗೆ ಬಸ್ಸಿನಲ್ಲಿದ್ದ ಚಾರ್ಜಿಂಗ್ ಬೋರ್ಡ ಕಿತ್ತು ಬಿಸಾಕಿದ್ದಾರೆ! ಯಲ್ಲಾಪುರ ಬಸ್ ಡಿಪೋದ ವೀರಭದ್ರಯ್ಯ ಮಠದ್ ಅವರು ಯಲ್ಲಾಪುರ-ಹುಬ್ಬಳ್ಳಿ-ಮಂಗಳೂರು ಬಸ್ ಚಾಲಕರಾಗಿದ್ದರು. ಆ ಬಸ್ಸಿನ ನಿರ್ವಾಹಕರು ಅವರೇ ಆಗಿದ್ದರು. ಕುಂದಾಪುರದಲ್ಲಿ ಸವದತ್ತಿಯ ಚಂದ್ರಶೇಖರ ಕಿತ್ತಲಿ ಅವರು ಆ ಬಸ್ಸು ಹತ್ತಿದರು. ಹುಬ್ಬಳ್ಳಿಗೆ ಹೋಗಲು ಅವರು ಟಿಕೆಟ್‌ಪಡೆದರು. ಈ ವೇಳೆ ಚಂದ್ರಶೇಖರ ಕಿತ್ತಲಿ ಅವರ ಮೊಬೈಲ್ ಚಾರ್ಜ ಖಾಲಿಯಾಗಿತ್ತು. ಹೀಗಾಗಿ ಅವರು ಟಿಕೆಟ್ ತೆಗೆಯುವ ಇಟಿಎಂ ಮಿಶನ್ ಚಾರ್ಜ ಮಾಡುವ ಬಾಕ್ಸಿನೊಳಗೆ ಮೊಬೈಲ್ ಮಡಗಿ ಬಟನ್ ಒತ್ತಿದ್ದರು. ತಾಸು ಕಳೆದರೂ ಚಂದ್ರಶೇಖರ ಕಿತ್ತಲಿ ಅವರ ಮೊಬೈಲ್ ಚಾರ್ಜ ಆಗಿರಲಿಲ್ಲ. ಹೀಗಾಗಿ ಬಸ್ಸಿನ ಅವ್ಯವಸ್ಥೆಯ ಬಗ್ಗೆ ಅವರು ಜೋರಾದರು. ಕಂಡೆಕ್ಟರ್ ಜೊತೆ ಜಗಳವಾಡಿದರು. ಆ ಬಸ್ಸು ಸಿದ್ದಾಪುರಕ್ಕೆ ಬಂದಾಗ ವೀರಭದ್ರಯ್ಯ ಮಠದ್ ಅವರ ಬಳಿಯಿದ್ದ ಇಟಿಎಂ ಮಿಶನ್ ಚಾರ್ಜ ಆಗುವುದನ್ನು ಚಂದ್ರಶೇಖರ ಕಿತ್ತಲಿ ಅವರು ನೋಡಿದರು. `ನನ್ನ ಮೊಬೈಲ್ ಚಾರ್ಜ ಆಗಿಲ್ಲ. ನಿಮ್ಮ ಮಿಶನ್ ಹೇಗೆ ಚಾರ್ಜ ಆಗುತ್ತಿದೆ?’ ಎಂದು ಪ್ರಶ್ನಿಸಿ ದಬಾಯಿಸಿದರು. ಬಸ್ಸು ಸಿದ್ದಾಪುರದ ಭಗತ್ ಸಿಂಗ್ ಸರ್ಕಲ್ ಬಳಿ ತಲುಪಿದಾಗ ವೀರಭದ್ರಯ್ಯ ಮಠದ್ ಅವರ ಮೇಲೆ ಚಂದ್ರಶೇಖರ ಕಿತ್ತಲಿ ಅವರು ಹಲ್ಲೆ ಮಾಡಿದರು. ಬಸ್ಸಿನಲ್ಲಿದ್ದ ಚಾರ್ಜಿಂಗ್ ಬೋರ್ಡ ಕಿತ್ತು ಬಿಸಾಡಿದರು. ಈ ಎಲ್ಲಾ ವಿದ್ಯಮಾನದ ಬಗ್ಗೆ ವೀರಭದ್ರಯ್ಯ ಮಠದ್ ಅವರು ಸಿದ್ದಾಪುರದಲ್ಲಿ ಪೊಲೀಸ್ ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. ಪೊಲೀಸ್ ಸಿಬ್ಬಂದಿ ಸುರೇಶ ಕೋರವರ್ ಅವರು ತನಿಖೆ ಶುರು ಮಾಡಿದ್ದಾರೆ.
- [ಮನೆಗೆ ಬರ್ತಾರೆ.. ಗುಳುಗೆ ಕೊಡ್ತಾರೆ.. ಮೋಸ ಮಾಡ್ತಾರೆ!](https://mobiletime.in/2025/11/they-come-home-they-cheat-they-cheat/): ಮಕ್ಕಳಾಗದವರ ಮನೆಗೆ ಬಂದು ಔಷಧಿ ಕೊಡುವ ನೆಪದಲ್ಲಿ ಹಣ ದೋಚಿ ಪರಾರಿಯಾಗುವ ಜಾಲ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಕ್ರಿಯವಾಗಿದೆ. ಅವರು ಕೊಟ್ಟ ಗುಳುಗೆ ತಿಂದವರು ದರೋಡೆಗೆ ಒಳಗಾಗುತ್ತಿದ್ದಾರೆ. ಕಾರವಾರದ ಚಿತ್ತಾಕುಲದಲ್ಲಿ ತಿಂಗಳ ಹಿಂದೆ ಆರೋಗ್ಯ ಸಿಬ್ಬಂದಿ ಹೆಸರಿನಲ್ಲಿ ಮನೆ ಮನೆಗೆ ಭೇಟಿ ನೀಡಿದ ಅಪರಿಚಿತರು ಮಕ್ಕಳಾಗದ ಮಹಿಳೆಯೊಬ್ಬರಿಗೆ ಗುಳುಗೆ ಕೊಟ್ಟು 40 ಸಾವಿರ ರೂ ಎಗರಿಸಿದ್ದಾರೆ. ಭಟ್ಕಳದ ವಿವಿಧ ಗ್ರಾಮಗಳಲ್ಲಿಯೂ ಅಂಥವರು ಸಂಚರಿಸಿದ್ದಾರೆ. ಸದ್ಯ ಅಂಕೋಲಾದ ಹಳ್ಳಿ ಹಳ್ಳಿಗಳಿಗೂ ಅಪರಿಚಿತ ಔಷಧ ತಂಡದವರು ತಿರುಗಾಡುತ್ತಿದ್ದು, ಅವರು ಕೊಟ್ಟ ಗುಳುಗೆ ತಿಂದವರು ಮೂರ್ಚೆ ಹೋಗುತ್ತಿದ್ದಾರೆ. ಕಾರವಾರದ ಪ್ರಮೋದ ನಾಯ್ಕ ಎಂಬಾತರ ಕುಟುಂಬಕ್ಕೆ ಈ ತಂಡದಿAದ ಮೋಸವಾದ ಬಗ್ಗೆ ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆರೋಗ್ಯ ಇಲಾಖೆ ಹೆಸರು ಹೇಳಿ ಉಚಿತ ಚಿಕಿತ್ಸೆ ಎಂದು ಪರಿಚಯಿಸಿಕೊಂಡ ವಂಚಕರು `ಮಕ್ಕಳಾಗದವರಿಗೆ ಔಷಧಿ ಕೊಡುತ್ತೇವೆ’ ಎಂದು ನಂಬಿಸಿ 40 ಸಾವಿರ ರೂ ವಂಚಿಸಿದ ಬಗ್ಗೆ ಪ್ರಮೋದ ನಾಯ್ಕ ಅವರೇ ದೂರಿದ್ದಾರೆ. ಅಕ್ಟೊಬರ್ 9ರಂದು ಕಾರವಾರದಲ್ಲಿ ಮೋಸ ಮಾಡಿದ ಈ ಜಾಲದವರು ಅಕ್ಟೊಬರ್ 14ರಂದು ಭಟ್ಕಳ ಪ್ರವೇಶಿಸಿದ್ದಾರೆ. ನವೆಂಬರ್ 5ರಂದು ಅಂಕೋಲಾದ ವಿವಿಧ ಹಳ್ಳಿಗಳಿಗೆ ಸುತ್ತಾಟ ಮಾಡಿದ್ದಾರೆ. ಬಿಳಿ ಬಣ್ಣದ ಕಾರಿನಲ್ಲಿ ಬಂದಿದ್ದ ವಂಚಕರು ಚಿಕಿತ್ಸೆ ನೀಡುವ ಬಗ್ಗೆ ಹೇಳಿಕೊಳ್ಳುತ್ತಾರೆ. ಪಾರ್ಶ್ವವಾಯು ಪೀಡಿತರು, ಮಕ್ಕಳಾಗದ ದಂಪತಿಗಳು ಸೇರಿ ಅನೇಕರಿಗೆ ಒಂದೇ ಬಗೆಯ ಗುಳುಗೆ ಕೊಡುತ್ತಾರೆ. ಕೆಲವಡೆ `ಬೆಂಗಳೂರಿನ ಸಾಯಿಬಾಬಾ ಆಸ್ಪತ್ರೆಯಿಂದ ಪ್ರಚಾರಕ್ಕೆ ಬಂದಿದ್ದೇವೆ. ಉಚಿತ ಔಷಧಿ ಕೊಡುತ್ತೇವೆ’ ಎಂದು ಸಹ ಹೇಳಿಕೊಳ್ಳುತ್ತಿದ್ದು, ಕ್ಷಣಮಾತ್ರದಲ್ಲಿಯೇ ಮೋಸ ಮಾಡಿ ಪರಾರಿಯಾಗುತ್ತಿದ್ದಾರೆ.
- [RTI ಅಸ್ತ್ರ ಬಳಸಿದ ಅಪ್ಪ-ಮಗ ಅರೆಸ್ಟ್!](https://mobiletime.in/2025/11/father-son-arrested-for-using-rti-weapon/): RTI ಅಸ್ತ್ರ ಬಳಸಿ ವಸೂಲಿಗೆ ತೆರಳಿದ್ದ ಮುಂಡಗೋಡಿನ ಮಹದೇಶ್ವರ ಲಿಂಗದಾಳ ಹಾಗೂ ಅವರ ಮಗ ವೀರೇಶ್‌ಕುಮಾರ ಲಿಂಗದಾಳ ಜೊತೆ ಮತ್ತೆ ಮೂವರನ್ನು ಹುಬ್ಬಳ್ಳಿ ಪೊಲೀಸರು ಬಂಧಿಸಿದ್ದಾರೆ. ಬ್ಯಾಂಕ್ ಅಧಿಕಾರಿಯೊಬ್ಬರ ಬಳಿ 1 ಕೋಟಿ ರೂ ಬೇಡಿದ ಪರಿಣಾಮ ನಾಲ್ವರು ಜೈಲು ಸೇರಿದ್ದಾರೆ. ಮುಂಡಗೋಡದ ಕರಗಿನಕೊಪ್ಪದ ಮಹದೇಶ್ವರ ಲಿಂಗದಾಳ ಅವರು ಮೊದಲಿನಿಂದಲೂ ಇಂಥ ವಂಚನೆ ಜಾಲದಲ್ಲಿದ್ದರು. ಸಮೃದ್ಧ ಜೀವನ, ಆರ್‌ಎಂಪಿ ಹೇಳಿ ಬಗೆ ಬಗೆಯ ಸರಪಳಿ ಯೋಜನೆ ತಂದು ಜನರಿಗೆ ವಂಚಿಸಿದ್ದರು. ಸದ್ಯ ಮಹದೇಶ್ವರ ಲಿಂಗದಾಳ ಅವರ ಜೊತೆ ಅವರ ಮಗವೀರೇಶ್‌ಕುಮಾರ ಲಿಂಗದಾಳ ಸಹ ಸೇರಿಕೊಂಡು ವಸೂಲಿ ದಂಧೆ ಶುರು ಮಾಡಿದ್ದರು. ಈ ಅಪ್ಪ ಮಕ್ಕಳ ಜೊತೆ ಗದಗ ಮೂಲದ ಮಂಜುನಾಥ ಹದ್ದಣ್ಣನವರ, ಮಹಾಬಲೇಶ್ವರ ಶಿರೂರ, ಶಿವಪ್ಪ ಬೊಮ್ಮನಳ್ಳಿ ಸೇರಿ ಸರ್ಕಾರಿ ಅಧಿಕಾರಿಗಳನ್ನು ಬೆದರಿಸುವುದನ್ನೇ ಕಾಯಕವನ್ನಾಗಿಸಿಕೊಂಡಿದ್ದರು. ಸದ್ಯ ಬ್ಯಾಂಕ್ ಅಧಿಕಾರಿಯೊಬ್ಬರಿಗೆ ಮಹಿಳೆ ಜೊತೆ ಸಂಬAಧದ ಕಥೆ ಕಟ್ಟಿ ವಸೂಲಿಗೆ ಪ್ರಯತ್ನಿಸಿದ್ದರು. 1.5 ಕೋಟಿ ರೂ ಹಣ ನೀಡುವಂತೆ ಈ ಐವರು ಬ್ಯಾಂಕ್ ಅಧಿಕಾರಿಗೆ ಬೆದರಿಸುತ್ತಿದ್ದರು. ಗೋಕುಲ ರೋಡ್‌ನಲ್ಲಿರುವ ಸಮೃದ್ಧಿ ಕ್ರೆಡಿಟ್ ಕೋ ಆಪ್ ಸೊಸೈಟಿ ಅಧಿಕಾರಿಗೆ ಆರೋಪಿತರು ಬೆದರಿಕೆ ಒಡ್ಡಿರುವುದನ್ನು ತಿಳಿದು ಪೊಲೀಸರು ಕಾರ್ಯಾಚರಣೆಗಿಳಿದರು. ಆ ಎಲ್ಲಾ ಆರೋಪಿತರನ್ನು ಬಂಧಿಸಿ ಅವರ ಬಳಿಯಿದ್ದ 1.70 ಲಕ್ಷ ರೂ ಹಣವನ್ನು ಜಪ್ತು ಮಾಡಿದರು.
- [ಭಯ ಬೇಡ.. ಎಚ್ಚರವಿರಲಿ!](https://mobiletime.in/2025/11/dont-be-afraid-be-alert/): ಗಣೇಶ ಗುಡಿ ಭಾಗದಲ್ಲಿ ಅಪರೂಪದ ಪ್ರಾಣಿಯ ಬಗ್ಗೆ ಅರಣ್ಯಾಧಿಕಾರಿಗಳು ಮಾತನಾಡಿದ್ದಾರೆ. ಗಣೇಶಗುಡಿಯ ಬಳಿ ಹೈನಾ (ಕತ್ತೆ ಕಿರುಬ) ಓಡಾಡಿರುವುದನ್ನು ಅರಣ್ಯಾಧಿಕಾರಿಗಳು ದೃಢಪಡಿಸಿದ್ದು `ವನ್ಯಜೀವಿ ಆಕ್ರಮಣದ ಆತಂಕ ಬೇಡ’ ಎಂದು ಧೈರ್ಯ ಹೇಳಿದ್ದಾರೆ. `ಕುಳಗಿ ಹಾಗೂ ಗಣೇಶಗುಡಿ ಭಾಗದಲ್ಲಿ ಅಪರೂಪದ ಪ್ರಾಣಿಯಾದ ಕತ್ತೆಕಿರುಬ ಕಾಣಿಸಿಕೊಂಡಿದೆ. ವನ್ಯಜೀವಿ ಇಲಾಖೆ ಈ ಪ್ರಾಣಿಯನ್ನು ತಂದು ಬಿಟ್ಟಿರುವುದಲ್ಲ’ ಎಂದು ಕಾಳಿ ಹುಲಿ ಸಂರಕ್ಷಿತ ಪ್ರದೇಶದ ನಿರ್ದೇಶಕ ನಿಲೇಶ ಶಿಂದೆ ಅವರು ಹೇಳಿದ್ದಾರೆ. `ದಾಂಡೇಲಿ ತಾಲೂಕಿನ ಕುಳಗಿ ಮತ್ತು ಜೋಯಿಡಾ ತಾಲೂಕಿನ ಗಣೇಶಗುಡಿ ಪ್ರದೇಶದಲ್ಲಿ ಇತ್ತೀಚಿನ ದಿನಗಳಲ್ಲಿ ಕತ್ತೆ ಕಿರುಬ ಪ್ರಾಣಿ ಕಾಣಿಸಿಕೊಳ್ಳುತ್ತಿದೆ. ಈ ಜೀವಿಯನ್ನು ವನ್ಯಜೀವಿ ಇಲಾಖೆಯವರೇ ತಂದು ಬಿಟ್ಟಿದ್ದಾರೆ ಎಂಬ ಮಾತು ಸಾರ್ವಜನಿಕ ವಲಯದಲ್ಲಿ ಚರ್ಚೆಯಲ್ಲಿದೆ. ಆದರೆ, ಅದು ಸತ್ಯವಲ್ಲ’ ಎಂದವರು ಸ್ಪಷ್ಟಪಡಿಸಿದರು. `ಈ ಪ್ರಾಣಿ ಮಾನವನ ಮೇಲೆ ದಾಳಿ ಮಾಡುವುದಿಲ್ಲ. ಪರಿಸರ ಸಮತೋಲನವನ್ನು ಕಾಪಾಡುವಲ್ಲಿ ಕತ್ತೆ ಕಿರುಬದ ಪಾತ್ರ ದೊಡ್ಡದಾಗಿದ್ದು, ನೆರೆ ಜಿಲ್ಲೆಯ ಕಾಡಿನಿಂದ ಇಲ್ಲಿಗೆ ಬಂದಿರುವುದು ದೃಢವಾಗಿದೆ. ಆ ಜೀವಿಯ ಬಗ್ಗೆ ನಿಗಾವಹಿಸಲಾಗಿದೆ. ಮತ್ತೆ ಎಲ್ಲಾದರೂ ಈ ಜೀವಿ ಕಾಣಿಸಿದರೆ ಅರಣ್ಯ ಇಲಾಖೆಗೆ ಮಾಹಿತಿ ಕೊಡಿ’ ಎಂದವರು ಮನವಿ ಮಾಡಿದ್ದಾರೆ. `ಈ ಪ್ರಾಣಿಯ ಜೀವಕ್ಕೆ ಯಾರೂ ಕೂಡ ತೊಂದರೆ ಕೊಡಬೇಡಿ. ವನ್ಯಜೀವಿ ರಕ್ಷಣೆಗೆ ಕೈ ಜೋಡಿಸಿ’ ಎಂದವರು ಕರೆ ನೀಡಿದ್ದಾರೆ.
- [ಮರಕ್ಕೆ ಬೈಕ್ ಗುದ್ದಿದವನ ಮರಣ](https://mobiletime.in/2025/11/the-death-of-a-person-who-punched-a-bike-into-a-tree/): ಹೊಟೇಲ್ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದ ಪೆದ್ರು ಸಿದ್ದಿ ಅವರು ತಮ್ಮ 24ನೇ ವಯಸ್ಸಿನಲ್ಲಿಯೇ ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಮುಂಡಗೋಡಿನ ಪೆದ್ರು ಸಿದ್ದಿ ಅವರು ಯಲ್ಲಾಪುರದಲ್ಲಿ ನಡೆದ ಅವಘಡದಲ್ಲಿ ಪ್ರಾಣ ಬಿಟ್ಟಿದ್ದಾರೆ. ಮುಂಡಗೋಡಿನ ಉಗ್ಗಿನಕೇರಿಯಲ್ಲಿ ಪೆದ್ರು ಸೆಬೆಸ್ಟಾನ್ ಕಾಮೇಲ್ ಸಿದ್ದಿ ಅವರು ವಾಸವಾಗಿದ್ದರು. ಹೊಟೇಲ್ ಕಾರ್ಮಿಕರಾಗಿ ಅವರು ಕುಟುಂಬ ನಡೆಸುತ್ತಿದ್ದರು. ನವೆಂಬರ್ 5ರ ಸಂಜೆ ಅವರು ಯಲ್ಲಾಪುರದ ಕಿರವತ್ತಿ-ಹುಲಗೋಡು ರಸ್ತೆಯಲ್ಲಿ ವೇಗವಾಗಿ ಬೈಕ್ ಓಡಿಸಿಕೊಂಡು ಹೊರಟಿದ್ದರು. ಹುಲಗೋಡಿನ ಬಳಿ ಅವರ ಬೈಕು ನಿಯಂತ್ರಣ ತಪ್ಪಿ ಮರಕ್ಕೆ ಗುದ್ದಿತು. ಈ ಅಪಘಾತದಲ್ಲಿ ಪೆದ್ರು ಸಿದ್ದಿ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದರು. ರಾತ್ರಿ ಅವಧಿಯಲ್ಲಿ ಅವರು ಆಸ್ಪತ್ರೆಗೆ ತೆರಳಲಾಗದೇ ಮರದ ಅಡಿಯಲ್ಲಿಯೇ ಸಾವನಪ್ಪಿದರು. ನವೆಂಬರ್ 5ರ ಸಂಜೆ 7.30ರಿಂದ 11.45ಕ್ಕೆ ಅವರು ಸಾವನಪ್ಪಿದ್ದು, ಬಸ್ತಾಂವ್ಯ ಬೆಂಜಿತ್ ಸಿದ್ದಿ ಅವರು ಈ ಬಗ್ಗೆ ಪೊಲೀಸರಿಗೆ ವಿಷಯ ಮುಟ್ಟಿಸಿದರು. ನವೆಂಬರ್ 6ರ ನಸುಕಿನಲ್ಲಿ ಯಲ್ಲಾಪುರ ಪಿಐ ಪಿಐ ರಮೇಶ ಹಾನಾಪುರ ಹಾಗೂ ಪಿಎಸ್‌ಐ ಸಿದ್ದಪ್ಪ ಗುಡಿ ಸ್ಥಳ ಭೇಟಿ ಮಾಡಿದರು. ಬಸ್ತಾಂವ್ಯ ಬೆಂಜಿತ್ ಸಿದ್ದಿ ಅವರು ನೀಡಿದ ಮಾಹಿತಿ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿದರು. `ಹೆಲ್ಮೇಟ್ ಬಳಸಿ-ನಿಧಾನವಾಗಿ ಚಲಿಸಿ’
- [ಕಾಗೇರಿ V/S ಕ್ವಾಂಟ್ರವರ್ಸಿ!](https://mobiletime.in/2025/11/kageri-v-s-quantraversi/): ಸರಳ, ಸಜ್ಜನ, ಶುದ್ಧಹಸ್ತದ ರಾಜಕಾರಣಿ ಎಂದು ಬಿಂಬಿತವಾಗಿದ್ದ ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಇದೀಗ ವಿವಾದದ ಕೇಂದ್ರವಾಗಿದ್ದಾರೆ. ರಾಷ್ಟ್ರಗೀತೆ ಹಾಗೂ ಭ್ರಷ್ಟಾಚಾರ ವಿಷಯವಾಗಿ ಅವರ ಹೆಸರು ಮುನ್ನೆಲೆಗೆ ಬಂದಿದೆ. ಇದೇ ಮೊದಲ ಬಾರಿಗೆ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ವಿರುದ್ಧ ಭ್ರಷ್ಟಾಚಾರದ ಆರೋಪ ಕೇಳಿ ಬಂದಿದೆ. ಅದರೊಂದಿಗೆ `ವಂದೇ ಮಾತರಂ’ ಕುರಿತು ಕಾಗೇರಿ ಅವರು ಮಾಡಿದ ಭಾಷಣವೊಂದು ವೈರಲ್ ಆಗಿದ್ದು, ಅದನ್ನು ವಿವಾದ ಎಂದು ಬಿಂಬಿಸಲಾಗಿದೆ. ಈ ಎರಡೂ ಕಾರಣದಿಂದ ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಚರ್ಚೆಯ ವಿಷಯವಾಗಿದ್ದಾರೆ. ಕಾಗೇರಿ ವಿರೋಧಿಸುವವರಿಗೆ ಈ ವಿವಾದಿತ ವಿಷಯ ಆಹಾರವಾಗಿದೆ. ವಿಧಾನಸಭೆಯ ಸಭಾಧ್ಯಕ್ಷರ ಕಚೇರಿಯಲ್ಲಿ ಆಡಳಿತಾತ್ಮಕ ಸುಧಾರಣೆಯ ಹೆಸರಿನಲ್ಲಿ ಕೋಟ್ಯಂತರ ರೂ ದುಂದುವೆಚ್ಚ ನಡೆದ ಬಗ್ಗೆ `ದ ಫೈಲ್’ ತನಿಖಾ ವರದಿ ಪ್ರಕಟಿಸಿತ್ತು. ಆ ವರದಿ ಉಲ್ಲೇಖಿಸಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ತನಿಖೆಗೆ ಆಗ್ರಹಿಸಿದ್ದರು. ಅದರೊಂದಿಗೆ `ಯುಟಿ ಖಾದರ್ ಅವರು ಈ ಹಗರಣದಿಂದ ಹೊರಬರಲಿ. ಪಾರದರ್ಶಕವಾಗಿ ಸತ್ಯ ಹೊರಬರಲು ಹಾಲಿ ನ್ಯಾಯಾಧೀಶರ ನೇತ್ರತ್ವದಲ್ಲಿ ತನಿಖೆಯಾಗಲಿ’ ಎಂದು ಈ ಮೊದಲು ವಿಧಾನಸಭೆ ಸಭಾಧ್ಯಕ್ಷರೂ ಆಗಿದ್ದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಒತ್ತಾಯಿಸಿದ್ದರು. ವಿಧಾನಸೌಧಕ್ಕೆ ವಿದ್ಯುತ್ ಅಲಂಕಾರ, ಶಾಸಕರ ಭವನಕ್ಕೆ ಹಾಸಿಗೆ-ದಿಂಬುಗಳ ಖರೀದಿ, ದುಂದುವೆಚ್ಚದ ವಿದೇಶ ಅಧ್ಯಯನ ಪ್ರವಾಸ, ಮತ್ತು ವಿಧಾನಸೌಧದ ಮೊಗಸಾಲೆಯಲ್ಲಿ ಮಸಾಜ್ ಪಾರ್ಲರ್ ಮಾಡಿದ ಅಪಕೀರ್ತಿ ಹಾಗೂ ಉಚಿತ ಊಟ ತಿಂಡಿ ಸರಬರಾಜು ನೆಪದಲ್ಲಿ ಅಕ್ರಮ ನಡೆಸಿದ ಅನುಮಾನದ ಬಗ್ಗೆ ಕಾಗೇರಿ ಅವರು ಮಾತನಾಡಿದ್ದರು. ಕೋಟಿ ವೆಚ್ಚದಲ್ಲಿ ಬಾಗಿಲು ನಿರ್ಮಾಣ, ಅನಗತ್ಯ ನೆಲಹಾಸು, ಪುಸ್ತಕ ಮೇಳ ಹೆಸರಿನಲ್ಲಿ ದುಂದುವೆಚ್ಚ, ಎಐ ಕ್ಯಾಮರಾ ಹಾಗೂ ಟಿವಿ ಅಳವಡಿಕೆಯಲ್ಲಿ ಪಾರದರ್ಶಕತೆ ಇಲ್ಲದಿರುವುದನ್ನು ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಪ್ರಸ್ತಾಪಿಸಿದ್ದರು. ಶಾಸಕರ ಭವನಕ್ಕೆ ಸ್ಮಾರ್ಟ್ ಡೋರ್ ಲಾಕ್, ಸ್ಮಾರ್ಟ್ ಸೇಫ್ ಲಾಕರ್ಸ್, ಸ್ಮಾರ್ಟ್ ಎನರ್ಜಿ ಸಲ್ಯೂಷನ್ಸ್, ಸ್ಟೇನ್‌ಲೆಸ್ ಸ್ಟೀಲ್ ವಾಟರ್ ಪ್ಯೂರಿಫೈಯರ್‌ಗಳ ಖರೀದಿಯಲ್ಲಿನ ದರಪಟ್ಟಿ ಲೋಪಗಳ ಬಗ್ಗೆ ವಿವರಿಸಿದ್ದರು. ಹಣಕಾಸು ಇಲಾಖೆ ಅನುಮತಿ ಇಲ್ಲದೇ ಈ ಎಲ್ಲಾ ಕೆಲಸ ನಿರ್ವಹಿಸಿದ ಬಗ್ಗೆ ಆಕ್ಷೇಪಿಸಿದ್ದು, ರಾಜ್ಯ ಸರ್ಕಾರಕ್ಕೆ ತಲೆನೋವಿನ ವಿಷಯವಾಯಿತು. ಹೀಗಾಗಿ ಕಾಗೇರಿ ಅವರು ವಿಧಾನಸಭಾ ಅಧ್ಯಕ್ಷರಾಗಿದ್ದ ಅವಧಿಯಲ್ಲಿ ನಡೆದ ಹಗರಣಗಳನ್ನು ರಾಜ್ಯ ಸರ್ಕಾರವೇ ಹೊರತೆಗೆಯುವ ಪ್ರಯತ್ನ ನಡೆಸಿತು. ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ವಿಧಾನಸಭೆ ಅಧ್ಯಕ್ಷರಾಗಿರುವಾಗ ಸಾಕಷ್ಟು ಅವ್ಯವಹಾರ ನಡೆದಿದೆ ಎಂದು ರಾಜ್ಯ ಸರ್ಕಾರದ ರಾಜಕಾರಣಿಗಳು ದೂರಿದರು. ಇಷ್ಟು ದಿನ ಮೌನವಾಗಿದ್ದವರು ಇದೀಗ ಗುಡುಗುತ್ತಿರುವುದೇತಕೆ? ಎಂಬ ಪ್ರಶ್ನೆ ಉದ್ಬವಿಸಿದಾಗ ಆ ಗುಡುಗು ಕಡಿಮೆಯಾಯಿತು. ಅದಾಗಿಯೂ, ಕೆಲಸ ಆಗುವ ಮುನ್ನವೇ ಖಾಸಗಿ ಕಂಪನಿಗೆ 5 ಕೋಟಿ ರೂ ವೆಚ್ಚದಲ್ಲಿ ವೈಫೈ ನೆಟ್‌ವರ್ಕ ಅಳವಡಿಸಲು ಹಣ ಪಾವತಿ, ಶಾಸಕರ ಓಟಾಟಕ್ಕೆ ಕಾರು ಖರೀದಿಗೂ ಬಿಜೆಪಿ ಪ್ರಭಾವಿಗಳ ಒಡೆತನದ ಶೋರೂಮಿಗೆ ಟೆಂಡರ್ ನೀಡಿರುವುದು ಹಾಗೂ ಅಧಿವೇಶನಗಳ ನೇರ ಪ್ರಸಾರಕ್ಕೆ ಉಚಿತ ಅವಕಾಶವಿದ್ದರೂ 3 ಕೋಟಿ ರೂ ವೆಚ್ಚದಲ್ಲಿ ಟೆಂಡರ್ ನೀಡಿರುವ ಆರೋಪಗಳು ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರನ್ನು ಸುತ್ತುವರೆದಿದೆ. `ವಿಧಾನಸೌಧದಲ್ಲಿ ಈಗಲೂ ಸರಿಯಾಗಿ ವೈಫೈ ಸಿಗುತ್ತಿಲ್ಲ. ಟಯೋಟಾ ಕಂಪನಿಗೆ ಕೊಡುತ್ತಿದ್ದ ಕಾರಿನ ಟೆಂಡರ್ ಶೋರೂಂ ಪಾಲಾಗಿದ್ದು, ಅದರಲ್ಲಿ ಅಕ್ರಮ ನಡೆದಿದೆ. ಜೊತೆಗೆ ಉಚಿತ ಪ್ರಸಾರಕ್ಕೂ ಅನಗತ್ಯ ಹಣ ವೆಚ್ಚ ಮಾಡಲಾಗಿದೆ’ ಎಂದು ಸದ್ಯದ ಸಭಾಧ್ಯಕ್ಷ ಯುಟಿ ಖಾದರ್ ಅವರು ಕಾಗೇರಿ ಅವರ ಆರೋಪಕ್ಕೆ ಪ್ರತಿಯಾಗಿ ತಮ್ಮ ಆರೋಪ ಮಾಡಿದ್ದಾರೆ. ಇದರೊಂದಿಗೆ ರಾಷ್ಟ್ರಗೀತೆ  ವಿಷಯವಾಗಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಆಡಿದ ಮಾತು ಅನೇಕರನ್ನು ಕೆರಳಿಸಿದೆ. ಇದಕ್ಕೆ ಪ್ರತಿಯಾಗಿ ಅನೇಕ ರಾಜಕಾರಣಿಗಳು ಕಾಗೇರಿ ಅವರ ಮಾತನ್ನು ಖಂಡಿಸುತ್ತಿದ್ದಾರೆ. `ಜನಗಣಮನ ಎಂಬುದು ಬ್ರಿಟಿಷರನ್ನು ಸ್ವಾಗತಿಸಲು ರಚಿಸಿದ ಗೀತೆ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದನ್ನು ಅನೇಕರು ಖಂಡಿಸಿದ್ದಾರೆ. ಜೊತೆಗೆ ಅನೇಕರು `ವಂದೇ ಮಾತರಂ ಗೀತೆ ದೇಶದ ರಾಷ್ಟçಗೀತೆ ಆಗಬೇಕಿತ್ತು’ ಎಂದು ಕಾಗೇರಿ ಹೇಳಿದನ್ನು ಸ್ವಾಗತಿಸಿದ್ದಾರೆ. ಎರಡು ವಿಷಯದ ಚರ್ಚೆಯನ್ನು ಮೌನವಾಗಿ ಆಲಿಸಯತ್ತಿರುವ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಸದ್ಯದ ಸ್ಥಿತಿಯಲ್ಲಿ `ತಾನೇನೂ ತಪ್ಪು ಮಾತನಾಡಿಲ್ಲ’ ಎಂದು ಸುಮ್ಮನಿದ್ದಾರೆ.
- [2025 ನವೆಂಬರ್ 6ರ ದಿನ ಭವಿಷ್ಯ](https://mobiletime.in/2025/11/prediction-for-november-6-2025/): ಮೇಷ ರಾಶಿ: ನಿಮ್ಮ ಉತ್ಸಾಹ ಮತ್ತು ಶಕ್ತಿಯು ಹೊಸ ಅವಕಾಶಗಳನ್ನು ತರುತ್ತದೆ. ಹಣಕಾಸು ಸತತವಾಗಿ ಸುಧಾರಣೆಯಾಗುತ್ತದೆ. ಕುಟುಂಬದಲ್ಲಿ ಶಾಂತಿ ಮೂಡಲಿದೆ. ವೃಷಭ ರಾಶಿ: ಕೆಲಸದಲ್ಲಿ ಶಾಶ್ವತ ಸಾಧನೆಗಳಿಗೆ ಅವಕಾಶ ಸಿಗಲಿದೆ. ಹಳೆಯ ಸಮಸ್ಯೆಗಳು ದೂರವಾಗಲಿದೆ. ಹಣಕಾಸಿನ ಲಾಭ ಸಾಧ್ಯವಿದೆ. ಪ್ರೀತಿಯಲ್ಲಿ ನಿಷ್ಠೆ ಮತ್ತು ಸಮಾಧಾನದ ಮಾತು ಸಿಗಲಿದೆ. ಮಿಥುನ ರಾಶಿ: ನಿಮ್ಮ ಸಂವಹನ ಶಕ್ತಿ ಪ್ರಯೋಜನಕ್ಕೆ ಬರಲಿದೆ. ಪ್ರಮುಖ ನಿರ್ಣಯಗಳನ್ನು ಗಮನಕೊಟ್ಟು ಆಲಿಸಿ. ಉದ್ಯೋಗದಲ್ಲಿ ಯಶಸ್ಸು ಸಿಗಲಿದೆ. ಆತ್ಮವಿಶ್ವಾಸದಿಂದ ಕೆಲಸ ಮಾಡಿ. ಕರ್ಕ ರಾಶಿ: ಕುಟುಂಬ ಜೀವನದಲ್ಲಿ ಸಮ್ಮಿಲನ ಸಾಧ್ಯವಿದೆ. ಸಮಸ್ಯೆಗಳು ದೂರವಾಗಲಿದೆ. ಭವಿಷ್ಯದ ಯೋಜನೆಗಳಿಗೆ ಆಧ್ಯತೆ ಕೊಡಿ. ಸಿಂಹ ರಾಶಿ: ದೊಡ್ಡ ದೊಡ್ಡ ಅವಕಾಶಗಳು ಎದುರಾಗಲಿದೆ. ಸ್ನೇಹಿತರ ಸಹಾಯ ಸಿಗಲಿದೆ. ಸಂಘರ್ಷಗಳ ವಿರುದ್ಧ ಹೋರಾಟಕ್ಕೆ ಸಿದ್ಧವಾಗುವುದು ಮುಖ್ಯ. ಕನ್ಯಾ ರಾಶಿ: ಆರ್ಥಿಕ ಲಾಭ ಸಿಗಲಿದೆ. ನಿಮ್ಮ ಗುರಿಗಳನ್ನು ಸರಿಯಾಗಿ ನಿಭಾಯಿಸುತ್ತೀರಿ. ಪ್ರೀತಿಯಲ್ಲಿ ನಿಷ್ಠೆ ಹಾಗೂ ಪ್ರಾಮಾಣಿಕತೆ ಅಗತ್ಯ. ಕುಟುಂಬದ ಸಹಾಯ ಸಿಗಲಿದೆ. ತುಲಾ ರಾಶಿ: ಪ್ರೀತಿ-ಪ್ರೇಮ ವಿಷಯಗಳು ಆಳವಾಗಲಿದೆ. ಧೈರ್ಯ ಮತ್ತು ಶ್ರಮದಿಂದ ಕಾರ್ಯ ನಿರ್ವಹಿಸಿ. ಉತ್ತಮ ಆರೋಗ್ಯಕ್ಕಾಗಿ ವ್ಯಾಯಾಮ ಅಗತ್ಯ. ವೃಶ್ಚಿಕ ರಾಶಿ: ಧ್ಯಾನ-ಭಜನೆ ನಿಮಗೆ ಉತ್ಸಾಹ ನೀಡಲಿದೆ. ಹಣಕಾಸು ವಿಷಯ ಚೇತರಿಕೆ ಆಗಲಿದೆ. ಉದ್ಯೋಗದಲ್ಲಿನ ಸವಾಲುಗಳು ದೂರವಾಗಲಿದೆ. ಧನು ರಾಶಿ: ನೂತನ ಯೋಜನೆಗಳಿಗೆ ಅವಕಾಶ ಹೆಚ್ಚಲಿದೆ. ಉದ್ಯೋಗದಲ್ಲಿ ಪ್ರಗತಿ ಆಗಲಿದೆ. ಕುಟುಂಬದಲ್ಲಿ ಕನಿಕರ ಸಿಗಲಿದೆ. ಮಕರ ರಾಶಿ: ಹಣಕಾಸು ಸುಧಾರಣೆ ಆಗಲಿದ್ದು, ವೃತ್ತಿಯಲ್ಲಿ ಹೊಸ ಅವಕಾಶಗಳು ಬರಲಿದೆ. ಉದ್ಯೋಗದಲ್ಲಿ ಹೆಚ್ಚಿನ ಸಮಯ ಕೊಡುವುದು ಮುಖ್ಯ. ಪ್ರೀತಿಯಲ್ಲಿ ಸಹನುಭೂತಿ ಸಿಗಲಿದೆ. ಕುಂಭ ರಾಶಿ: ಹೊಸ ಕಲಿಕೆ ಮತ್ತು ಜ್ಞಾನದ ಲಾಭ ಸಿಗಲಿದೆ. ಆರೋಗ್ಯ ಸಮಸ್ಯೆಗಳು ದೂರವಾಗಲಿದೆ. ಪ್ರೀತಿಸಿದವರನ್ನು ಕಳೆದುಕೊಳ್ಳಬೇಡಿ. ಮೀನ ರಾಶಿ: ಆಧ್ಯಾತ್ಮಿಕ ಬೆಳವಣಿಗೆ ಆಗಲಿದೆ. ಹಣಕಾಸು ಸ್ಥಿತಿಗೆ ಬಲ ಬರಲಿದೆ. ಉದ್ಯೋಗದಲ್ಲಿ ಸೃಜನಶೀಲತೆ ಹೆಚ್ಚಲಿದೆ. ಕುಟುಂಬದಲ್ಲಿ ಸಹಕಾರ ಮೂಡಲಿದ್ದು, ಪ್ರೀತಿಯಲ್ಲಿ ವಿಶ್ವಾಸದ ವೃದ್ಧಿ ಸಾಧ್ಯವಿದೆ.
- [ಬಾವಿಗೆ ಬಿದ್ದ ಮಹಿಳೆ: ಇನ್ನಿಲ್ಲ!](https://mobiletime.in/2025/11/woman-who-fell-into-a-well-no-more/): ಸಿದ್ದಾಪುರದ ದುರ್ಗಿ ನಾಯ್ಕ ಅವರು ಬಾವಿಗೆ ಬಿದ್ದು ಸಾವನಪ್ಪಿದ್ದಾರೆ. ನೀರು ತರಲು ಹೋದಾಗ ಈ ಅವಘಡ ನಡೆದಿದೆ. ಸಿದ್ದಾಪುರದ ದೇವಿಸರ ಬಳಿಯ ಗವಿನಸರದಲ್ಲಿ ದುರ್ಗಿ ನಾಯ್ಕ ಅವರು ವಾಸವಾಗಿದ್ದರು. ಅವರು ಆಗಾಗ ಮೂರ್ಚೆ ಹೋಗುತ್ತಿದ್ದರು. ಇದಕ್ಕಾಗಿ ಅವರ ಮಗ ರಮೇಶ ನಾಯ್ಕ ಅವರು ಸಿದ್ದಾಪುರ ಆಸ್ಪತ್ರೆಗೆ ತೋರಿಸಿದ್ದರು. ಆ ವೇಳೆ ದುರ್ಗಿ ನಾಯ್ಕ ಅವರಿಗೆ ಪಿಡ್ಸ ರೋಗವಿರುವುದು ಗೊತ್ತಾಗಿತ್ತು. ಕಳೆದ ಮೂರು ತಿಂಗಳ ಅವಧಿಯಲ್ಲಿ ದುರ್ಗಿ ನಾಯ್ಕ ಅವರು ಸಾಕಷ್ಟು ಬಾರಿ ಮೂರ್ಚೆ ಹೋಗಿದ್ದರು. ಅದಾಗಿಯೂ ಅವರು ವಿಶ್ರಾಂತಿಪಡೆಯುತ್ತಿರಲಿಲ್ಲ. ನವೆಂಬರ್ 4ರ ಸಂಜೆ ಮನೆ ಬಳಿಯ ಬಾವಿ ಹತ್ತಿರ ಹೋಗಿದ್ದರು. ಅಲ್ಲಿಂದ ನೀರು ತರಲು ಹೋದ ಅವರು ಎಷ್ಟು ಹೊತ್ತಾದರೂ ಬರಲಿಲ್ಲ. ಹುಡುಕಾಟ ನಡೆಸಿದಾಗ ಅವರು ಬಾವಿಯಲ್ಲಿ ಶವವಾಗಿದ್ದರು. ನೀರು ತರಲು ಹೋದಾಗ ಮೂರ್ಚೆ ಬಂದು ಅವರು ಬಾವಿಗೆ ಬಿದ್ದು ಸಾವನಪ್ಪಿರುವ ಬಗ್ಗೆ ರಮೇಶ ನಾಯ್ಕ ಅವರು ಪೊಲೀಸರಿಗೆ ತಿಳಿಸಿದರು. ಪೊಲೀಸರು ಅದೇ ರೀತಿ ಪ್ರಕರಣ ದಾಖಲಿಸಿದರು.
- [ಮೀನು ಹಿಡಿಯಲು ಹೋದವ ನೀರುಪಾಲು](https://mobiletime.in/2025/11/the-one-who-went-fishing-is-a-water-buffalo/): ಹೊನ್ನಾವರದ ಶರಾವತಿ ನದಿಯಲ್ಲಿ ಮೀನು ಹಿಡಿಯುತ್ತಿದ್ದ ಗಜಾನನ ಅಂಬಿಗ ಅವರು ನೀರುಪಾಲಾಗಿದ್ದಾರೆ. ಸಾಕಷ್ಟು ಹುಡುಕಾಟದ ನಂತರ ಅವರ ಶವ ಸಿಕ್ಕಿದೆ. ಹೊನ್ನಾವರದ ಮಂಕಿ ಬಳಿಯ ಅನಿಲಗೋಡ ಮಕ್ಕಿಗದ್ದೆಯಲ್ಲಿ ಗಜಾನನ ರಾಮಾ ಅಂಬಿಗ (58) ಅವರು ವಾಸವಾಗಿದ್ದರು. ಮೀನುಗಾರಿಕೆ ನಡೆಸಿ ಅವರು ಜೀವನ ನಡೆಸುತ್ತಿದ್ದರು. ನವೆಂಬರ್ 4ರಂದು ಅನಿಲಗೋಡದಿಂದ ಹಾದುಹೋದ ಶರಾವತಿ ನದಿಯಲ್ಲಿ ಅವರು ದೋಣಿ ಸಂಚಾರ ಮಾಡಿದ್ದರು. ಮೀನು ಹಿಡಿಯುವ ವೇಳೆ ಅವರು ನೀರಿನಲ್ಲಿ ಬಿದ್ದು ಮುಳುಗಡೆಯಾಗಿದ್ದು, ಸಾಕಷ್ಟು ಹುಡುಕಾಟ ನಡೆಯಿತು. ಆದರೆ, ಆ ದಿನ ಅವರು ಸಿಗಲಿಲ್ಲ. ನವೆಂಬರ್ 5ರಂದು ಅಗ್ನಿಶಾಮಕ ಸಿಬ್ಬಂದಿ ಹುಡುಕಾಟ ನಡೆಸಿದರು. ಆಗ ಗಜಾನನ ಅಂಬಿಗ ಅವರು ಶವವಾಗಿ ಸಿಕ್ಕಿದರು. ಗಜಾನನ ಅಂಬಿಗ ಅವರ ಮಗ ಸುಬ್ರಹ್ಮಣ್ಯ ಅಂಬಿಗ ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಮಂಕಿ ಠಾಣೆಯ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಲಾರಿಗಳ ನಡುವೆ ಘರ್ಷಣೆ: ಚಾಲಕ ಸಾವು!](https://mobiletime.in/2025/11/collision-between-trucks-driver-dies/): ಹಳಿಯಾಳದಲ್ಲಿ ನಿಂತಿದ್ದ ಲಾರಿಗೆ ಮತ್ತೊಂದು ಲಾರಿ ಹಿಮ್ಮುಖವಾಗಿ ಚಲಿಸಿ ಡಿಕ್ಕಿ ಹೊಡೆದಿದ್ದು, ಆ ಡಿಕ್ಕಿಯ ರಭಸಕ್ಕೆ ಮಂಜುನಾಥ ಮೆಣಸಿನಕಾಯಿ ಎಂಬಾತರು ಸಾವನಪ್ಪಿದ್ದಾರೆ. ಹಳಿಯಾಳದ ಈಐಡಿ ಸಕ್ಕರೆ ಕಾರ್ಖಾನೆ ಎದುರಿನ ಸೇತುವೆ ಬಳಿ ಬುಧವಾರ ಈ ಅವಘಡ ನಡೆದಿದೆ. ಕಲಘಟಕಿ ದಾಸ್ತಿಕೊಪ್ಪದ ಮಂಜುನಾಥ ಮೆಣಸಿನಕಾಯಿ (24) ಅವರು ಬುಧವಾರ ತಮ್ಮ ಲಾರಿ ಮುಂದೆ ನಿಂತು ಬಂಪರ್ ಒರೆಸುತ್ತಿದ್ದರು. ಆ ಲಾರಿಯ ಮುಂದೆ ಇನ್ನೊಂದು ಲಾರಿ ನಿಂತಿದ್ದು, ಇನ್ನೊಂದು ಲಾರಿಯ ಚಾಲಕ ಶಿವಲಿಂಗಪ್ಪ ಎಮ್ಮಟ್ಟಿ ಅವರು ತಮ್ಮ ಲಾರಿಯನ್ನು ಹಿಮ್ಮುಖವಾಗಿ ಓಡಿಸಿದರು. ಆಗ, ಹಿಮ್ಮುಖವಾಗಿ ಚಲಿಸಿದ ಲಾರಿ ಮಂಜುನಾಥ ಮೆಣಸಿನಕಾಯಿ ಅವರಿಗೆ ಡಿಕ್ಕಿಯಾಯಿತು. ಪರಿಣಾಮ ಮಂಜುನಾಥ ಮೆಣಸಿನಕಾಯಿ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಅವರನ್ನು ಚಿಕಿತ್ಸೆಗಾಗಿ ಹಳಿಯಾಳ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆಗ ವೈದ್ಯರು ಮಂಜುನಾಥ ಮೆಣಸಿನಕಾಯಿ ಅವರು ಸಾವನಪ್ಪಿದ ವಿಷಯ ತಿಳಿಸಿದರು. ಯಡೋಗಾದ ವಿಠ್ಠಲ ತೇರಗಾಂವ್ಕರ್ ಅವರು ಈ ಎಲ್ಲಾ ವಿಷಯದ ಬಗ್ಗೆ ಪೊಲೀಸರಿಗೆ ತಿಳಿಸಿದ್ದು, ಹಿರೆಹೊನ್ನಾಳಿಯ ಶಿವಲಿಂಗಪ್ಪ ಎಮ್ಮೆಟ್ಟಿ ವಿರುದ್ಧ ಹಳಿಯಾಳ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಹೊಗೆ ಮಾನವರಿಗೆ ಪೊಲೀಸ್ ಆತಿಥ್ಯ!](https://mobiletime.in/2025/11/police-hospitality-for-smoke-filled-humans/): ಗಾಂಜಾ ವ್ಯಸನಿಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವ ಶಿರಸಿ ಪೊಲೀಸರು ಬುಧವಾರ ಒಂದೇ ದಿನ ನಾಲ್ವರನ್ನು ಬಂಧಿಸಿದ್ದಾರೆ. ನಿಷೇಧಿತ ಗಾಂಜಾ ಸೇವಿಸಿದ ಕಾರಣ ಅವರ ವಿರುದ್ಧ ಪ್ರಕರಣ ದಾಖಲಿಸಿ ಕಠಿಣ ಕ್ರಮ ಜರುಗಿಸಿದ್ದಾರೆ. ಶಿರಸಿಯ ಕೋರ್ಟ ರಸ್ತೆಯ ಕಿಶನ್ ನಾರಾಯಣ ಹರಿಜನ (23) ಹಾಗೂ ಶಿರಸಿ ಬಾಪೂಜಿನಗರದ ಮುತ್ತಣ್ಣ ಭೀಮಪ್ಪ ಭೋವಿ (27) ಅವರು ಶಹರದ ಕ್ಯಾಪ್ಟನ್ ಕ್ಯಾಂಪಸ್ ರಸ್ತೆಯಲ್ಲಿ ಹೊಗೆ ಬಿಡುವಾಗ ಪೊಲೀಸರು ಹಿಡಿದಿದ್ದಾರೆ. ಶಿರಸಿ ನೆಹರುನಗರದ ಮನೋಜ್ ರಾಮಾ ಮೇತ್ರಿ (22) ಹಾಗೂ ಶಿರಸಿ ಐದು ರಸ್ತೆ ಬಳಿಯ ಸಮೀರ್ ಅಮೀನುದ್ದಿನ ಫಿರ್ಜದೆ (19) ಅವರು ಆನೆಹೊಂಡದ ಹತ್ತಿರ ಅಮಲಿನಲ್ಲಿರುವಾಗ ಸಿಕ್ಕಿ ಬಿದ್ದಿದ್ದಾರೆ. ಅವರೆಲ್ಲರನ್ನು ವಶಕ್ಕೆಪಡೆದ ಪೊಲೀಸರು ಪಂಡಿತ ಸಾರ್ವಜನಿಕ ಆಸ್ಪತ್ರೆಯಲ್ಲಿ ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದರು. ಆಗ, ಗಾಂಜಾ ಸೇವನೆ ದೃಢವಾಗಿದ್ದರಿಂದ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಡಿವೈಎಸ್ಪಿ ಗೀತಾ ಪಾಟೀಲ್, ಪಿಐ ಶಶಿಕಾಂತ ವರ್ಮಾ ಅವರ ಜೊತೆ ಪಿಎಸ್‌ಐ ನಾಗಪ್ಪ ಬಿ ಅವರ ಗಾಂಜಾದಿAದ ದೂರವಿರುವಂತೆ ಜನರಿಗೆ ಕರೆ ನೀಡಿದ್ದಾರೆ. ಪಿಎಸ್‌ಐ ನಾರಾಯಣ ರಾಠೋಡ್ ಅವರ ನೇತೃತ್ವದಲ್ಲಿ ಎಎಸ್‌ಐ ನೆಲ್ಸನ್ ಮೆಂಥರೋ, ಪೊಲೀಸ್ ಸಿಬ್ಬಂದಿ ಹನುಮಂತ್ ಮಾಕಾಪುರ, ರಾಮಯ್ಯ ಪೂಜಾರಿ, ಸದ್ದಾಂ ಹುಸೇನ್, ಚನ್ನಬಸಪ್ಪ ಕ್ಯಾರಕಟ್ಟಿ, ರಾಜಶೇಖರ್ ಅಂಗಡಿ, ಸುನಿಲ್ ಅವರು ಈ ದಿನದ ಕಾರ್ಯಾಚರಣೆಯಲ್ಲಿದ್ದರು.
- [ಫೋನಿಗೆ ಸಿಗದ ಪೊಲೀಸರಿಗೆ ಪತ್ರ ಬರೆದ ಜನಸಾಮಾನ್ಯ!](https://mobiletime.in/2025/11/an-ordinary-person-wrote-a-letter-to-the-police-who-couldnt-reach-them-by-phone/): ಪೊಲೀಸ್ ಅಧಿಕಾರಿಗಳಿಗೆ ಫೋನ್ ಮಾಡಿದಾಗ ಅವರು ಮಾತಿಗೆ ಸಿಗದ ಕಾರಣ ಸಮಸ್ಯೆ ವಿವರಿಸಿ ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಪತ್ರ ಬರೆದಿದ್ದಾರೆ. ಜೊತೆಗೆ `ಫೋನಿನಲ್ಲಿ ಮಾತನಾಡಲು ಸಮಯ ನಿಗದಿಪಡಿಸಿ’ ಎಂದು ಸಹ ಅವರು ಮನವಿ ಮಾಡಿದ್ದಾರೆ. ಕೆಲವು ಸಲ 112 ಸಹಾಯವಾಣಿಗೆ ಫೋನ್ ಮಾಡಿದಾಗ ಸ್ಪಂದನೆ ಸಿಗದ ಬಗ್ಗೆ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಿಸ್ ವಿವರಿಸಿದ್ದಾರೆ. ಇದರೊಂದಿಗೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲು ತೆರಳಿದಾಗ ದೂರು ಸ್ವೀಕರಿಸಿದ ಬಗ್ಗೆ ಅವರು ದೂರಿದ್ದಾರೆ. `ಇಂಥ ವಿಷಯಗಳ ಬಗ್ಗೆ ಮೇಲಧಿಕಾರಿಗಳಿಗೆ ತಿಳಿಸಲು ಸರ್ಕಾರಿ ಸಂಖ್ಯೆಗೆ ಫೋನ್ ಮಾಡಿದರೂ ಕರೆ ಸ್ವೀಕರಿಸುತ್ತಿಲ್ಲ’ ಎಂದವರು ಹೇಳಿದ್ದಾರೆ. ಜಿಲ್ಲಾ ಪೊಲೀಸ್ ವರಿಷ್ಠಧಿಕಾರಿಯವರಿಗೆ ಪತ್ರ ಬರೆದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು `ಸಾರ್ವಜನಿಕರು ಯಾವ ಸಮಯದಲ್ಲಿ ಫೋನ್ ಮಾಡಬೇಕು?’ ಎಂದು ಪ್ರಕಟಣೆ ನೀಡುವ ಬಗ್ಗೆ ಮನವಿ ಮಾಡಿದ್ದಾರೆ. `ಯಾವಾಗ ಫೋನ್ ಮಾಡಿದರೂ ಅಧಿಕಾರಿಗಳು ಸಭೆಯಲ್ಲಿರುವುದಾಗಿ ಹೇಳುತ್ತಾರೆ. ಹೀಗಾಗಿ ಸಾರ್ವಜನಿಕರ ಜೊತೆ ಫೋನಿನಲ್ಲಿ ಮಾತನಾಡಲು ಸಮಯ ಕೊಡಬೇಕು’ ಎಂದವರು ಅರ್ಜಿಯಲ್ಲಿ ಬರೆದಿದ್ದಾರೆ. ಕುಮಟಾ ಪೊಲೀಸ್ ಠಾಣೆಗೆ ತೆರಳಿ ಈ ಪತ್ರ ನೀಡಿದ್ದಾರೆ.
- [ದಂತ ವೈದ್ಯನಿಗೆ ಮಾನಸಿಕ ಖಿನ್ನತೆ: ಆತ್ಮಹತ್ಯೆ!](https://mobiletime.in/2025/11/mental-depression-for-dentist-suicide/): ದಂತವೈದ್ಯರಾಗಿ ಅನೇಕರ ಹಲ್ಲಿನ ಸಮಸ್ಯೆ ದೂರ ಮಾಡಿದ್ದ ರವಿ ಉಪಾಧ್ಯ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕುಮಟಾದ ಹೊಸಹೆರವಟ್ಟಾದ ವರದ ವಿಠ್ಠಲ ದೇವಸ್ಥಾನದ ಬಳಿ ರವಿ ವಿಜಯ ಉಪಾಧ್ಯ (46) ಅವರು ವಾಸವಾಗಿದ್ದರು. ಎಲ್ಲರ ಜೊತೆ ಚನ್ನಾಗಿಯೇ ಇದ್ದ ಅವರು ಕಳೆದ 10 ತಿಂಗಳಿನಿoದ ಮಂಕಾಗಿದ್ದರು. ಮಾನಸಿಕ ಖಿನ್ನತೆಗೆ ಒಳಗಾಗಿ ಶಿವಮೊಗ್ಗದ ಶ್ರೀಧರ ನರ್ಸಿಂಗ್ ಹೋಮಿನಲ್ಲಿ ಚಿಕಿತ್ಸೆಯನ್ನುಪಡೆದಿದ್ದರು. ಹಂತ ಹಂತವಾಗಿ ಚೇತರಿಸಿಕೊಳ್ಳುತ್ತಿದ್ದ ಅವರು ನವೆಂಬರ್ 23ರಂದು ದಿಢೀರ್ ಆಗಿ ದುಡುಕು ನಿರ್ಧಾರ ಮಾಡಿದರು. ಹೊಸಹೆರವಟ್ಟಾದ ವರದ ವಿಠ್ಠಲ ದೇವಾಲಯ ಬಳಿಯಿರುವ ತಮ್ಮ ಮನೆಯಲ್ಲಿ ಅವರು ಇಸ್ತ್ರಿ ಪೆಟ್ಟಿಗೆಯ ವೈಯರನ್ನು ಕುತ್ತಿಗೆಗೆ ಸುತ್ತಿಕೊಂಡು ನೇಣಿಗೆ ಶರಣಾದರು. ಮಲಗುವ ಕೋಣೆಯಲ್ಲಿ ಶವ ನೋಡಿದ ಕುಟುಂಬದವರು ಆಘಾತಕ್ಕೆ ಒಳಗಾದರು. ಎ ವಿ ಬಾಳಿಗಾ ಕಾಲೇಜಿನಲ್ಲಿ ಉಪನ್ಯಾಸಕಾರಿಗಿರುವ ಪ್ರಕಾಶ ರಾಮಕೃಷ್ಣ ಪಂಡಿತ ಅವರು ಭಾವನ ನಿಧನದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಪಿಸೈ ಮಂಜುನಾಥ ಗೌಡರ್ ಅವರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದರು.
- [ಮಹಿಳೆ ಮನೆಗೆ ಕನ್ನ!](https://mobiletime.in/2025/11/woman-steals-house/): ಪದ್ಮಾ ನಾಯ್ಕ ಅವರ ಮನೆ ಬೀಗ ಒಡೆದ ಕಳ್ಳರು ಅಲ್ಲಿದ್ದ ಬಂಗಾರದ ಒಡವೆ ಕದ್ದಿದ್ದಾರೆ. ಮನೆಯಲ್ಲಿದ್ದ ಹಣವನ್ನು ಅಪಹರಿಸಿದ್ದಾರೆ. ಭಟ್ಕಳದ ಜಾಲಿಯ ದೇವಿ ನಗರದಲ್ಲಿಣ ಸೀತಾರಾಮನ ಮನೆಯಲ್ಲಿ ಪದ್ಮಾ ಮಾದೇವ ನಾಯ್ಕ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಒಂದಷ್ಟು ಕಾಸು ಕೂಡಿಟ್ಟು ಅದರಲ್ಲಿ ಚಿನ್ನಾಭರಣ ಮಾಡಿಸಿಕೊಂಡಿದ್ದರು. ನವೆಂಬರ್ 22ರಂದು ಅವರು ಮನೆಯಲ್ಲಿರಲಿಲ್ಲ. ಮನೆಗೆ ಬೀಗ ಹಾಕಿದನ್ನು ನೋಡಿದ ಕಳ್ಳರು ಆ ಬೀಗ ಒಡೆದರು. ಮನೆಯ ಕಪಾಟು ಶೋಧಿಸಿದ ಕಳ್ಳರು ಅಲ್ಲಿದ್ದ ವಸ್ತುಗಗಳನ್ನು ಚಲ್ಲಾಪಿಲ್ಲಿ ಮಾಡಿದರು. ಅದಾದ ನಂತರ ಕಪಾಟಿನ ಒಳಗೆ ಕೈ ಹಾಕಿ 86 ಗ್ರಾಂ ಆಭರಣ, 14 ಗ್ರಾಂ ಬೆಳ್ಳಿ ಹಾಗೂ 10 ಸಾವಿರ ರೂ ಹಣ ಎಗರಿಸಿದರು. ಸರಿಸುಮಾರು 8.80 ಲಕ್ಷ ರೂ ನಷ್ಟ ಅನುಭವಿಸಿದ ಪದ್ಮಾ ನಾಯ್ಕ ಅವರು ಈ ಬಗ್ಗೆ ಪೊಲೀಸ್ ದೂರು ನೀಡಿದರು. ಪೊಲೀಸರು ಕಳ್ಳರ ಹುಡುಕಾಟ ಶುರು ಮಾಡಿದ್ದಾರೆ. ಶ್ವಾನದಳ ಹಾಗೂ ಬೆರಳಚ್ಚು ತಜ್ಞರು ಸ್ಥಳ ಭೇಟಿ ಮಾಡಿದ್ದಾರೆ.
- [ಸರಾಯಿ ಮಾರಾಟಕ್ಕೂ ತಡೆವೊಡ್ಡಿದ ಕೇಣಿ ಬಂದರು!](https://mobiletime.in/2025/11/keni-port-also-blocked-the-sale-of-sarai/): ಜನ ವಿರೋಧದ ನಡುವೆಯೂ ಅಂಕೋಲಾದ ಕೇಣಿಯಲ್ಲಿ ವಾಣಿಜ್ಯ ಬಂದರು ನಿರ್ಮಾಣಕ್ಕೆ ಸಿದ್ಧತೆ ನಡೆಯುವುದನ್ನು ವಿರೋಧಿಸಿ ಹೋರಾಟಗಾರರು ನವೆಂಬರ್ 25ಕ್ಕೆ `ಅಂಕೋಲಾ ಬಂದ್’ ಕರೆ ನೀಡಿದ್ದಾರೆ. ಆ ದಿನ ವಿವಿಧ ವಾಣಿಜ್ಯ ಮಳಿಗೆಯವರು ಸ್ವಯಂ ಪ್ರೇರಿತವಾಗಿ ತಮ್ಮ ಮಳಿಗೆ ಬಂದ್ ಮಾಡುವ ಬಗ್ಗೆ ನಿರ್ಧರಿಸಿದ್ದು, ಸರಾಯಿ ಅಂಗಡಿಯನ್ನು ಮುಚ್ಚುವಂತೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಆದೇಶ ಹೊರಡಿಸಿದ್ದಾರೆ. ಕೇಣಿಯಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ವಾಣಿಜ್ಯ ಬಂದರು ವಿರುದ್ಧ ಎಲ್ಲಡೆ ವ್ಯಾಪಕ ಆಕ್ರೋಶವ್ಯಕ್ತವಾಗುತ್ತಿದೆ. ಸಾಕಷ್ಟು ಶಾಂತಿಯುತ ಪ್ರತಿಭಟನೆಗಳು ಇಲ್ಲಿ ನಡೆದಿದೆ. ಅದರೊಂದಿಗೆ ಅಲ್ಲಿನ ಜನ ಕಳೆದ 10 ದಿನಗಳಿಂದ ಧರಣಿ ನಡೆಸುತ್ತಿದ್ದಾರೆ. ಅದರ ಮುಂದುವರೆದ ಭಾಗವಾಗಿ ನವೆಂಬರ್ 25ರಂದು `ಅಂಕೋಲಾ ಬಂದ್’ಗೆ ಕರೆ ನೀಡಲಾಗಿದೆ. ಈ ವೇಳೆ ಶಾಂತಿ-ಸುವ್ಯವಸ್ಥೆ ಕಾಪಾಡುವುದಕ್ಕಾಗಿ ಸರಾಯಿ ಅಂಗಡಿಗಳನ್ನು ಮುಚ್ಚುವಂತೆ ಜಿಲ್ಲಾಡಳಿತ ಆದೇಶ ಹೊರಡಿಸಿದೆ. ಕೇಣಿ ವಾಣಿಜ್ಯ ಬಂದರುವಿನಿAದ ಆಗುವ ಅನಾಹುತಗಳ ಬಗ್ಗೆ ಜನ ಸಿಡಿದೆದ್ದಿದ್ದಾರೆ. ಅಹವಾಲು ಸಭೆಯಲ್ಲಿ ಸಹ ಅನೇಕರು ಬಂದರು ವಿರೋಧಿಸಿದ್ದಾರೆ. ಅದಾಗಿಯೂ ಬಂದರು ನಿರ್ಮಾಣಕ್ಕೆ ಈವರೆಗೆ ತಡೆ ಬಿದ್ದಿಲ್ಲ. `ಯೋಜನೆ ರದ್ಧಾಗುವವರೆಗೂ ಹೋರಾಟ ನಿಲ್ಲಿಸುವುದಿಲ್ಲ’ ಎಂದು ಪ್ರತಿಭಟನಾಕಾರರು ಹೇಳುತ್ತಿದ್ದಾರೆ. `ಉತ್ತರ ಕನ್ನಡ ಉಳಿಸಿ’ ಎಂಬ ನಿಟ್ಟಿನಲ್ಲಿ ಆಂದೋಲನ ನಡೆಯುತ್ತಿದೆ. ಕೇಣಿ ಬಂದರು ವಿಷಯವಾಗಿ ಮೀನುಗಾರರು ನಿರಂತರ ಧರಣಿ ನಡೆಸುತ್ತಿದ್ದು, ಮುಖ್ಯವಾಗಿ ಮಹಿಳೆಯರು ತಮ್ಮ ಎಲ್ಲಾ ಕೆಲಸ ಬದಿಗೊತ್ತಿ ಈ ಯೋಜನೆಯನ್ನು ಪ್ರತಿಭಟಿಸುತ್ತಿದ್ದಾರೆ. ಕೇಣಿ ಬಂದರು ಯೋಜನೆಯಿಂದ ಆಗುವ ಪರಿಸರ ದುಷ್ಪರಿಣಾಮ, ಜೀವ ಸಂಕುಲ ನಾಶದ ಬಗ್ಗೆ ತಜ್ಞರು ಅರಿವು ಮೂಡಿಸಿದರೂ ಹೂಡಿಕೆ ಕಂಪನಿ ಆ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಜನರಿಗೆ ಆಸೆ-ಆಮೀಷವೊಡ್ಡುವವರ ಸಂಖ್ಯೆ ಕಡಿಮೆ ಆಗಿಲ್ಲ. ಅದಾಗಿಯೂ ಅಂಕೋಲಾದ ಹೋರಾಟಗಾರರು ಇದಕ್ಕೆ ಬಗ್ಗಿಲ್ಲ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈಗಾಗಲೇ ಅನೇಕ ಯೋಜನೆಗಳು ಬಂದಿವೆ. ಅದರಿಂದ ಯಾವ ಅಭಿವೃದ್ಧಿಯೂ ನಡೆದಿಲ್ಲ. ಜನ ಪದೇ ಪದೇ ನಿರಾಶ್ರಿತರಾಗಿದ್ದು, ಬದುಕಿಗೆ ಮಾರಕವಾಗ ಕೇಣಿ ಬಂದರು ಯೋಜನೆಯೂ ನಮಗೆ ಬೇಡ’ ಎಂದು ಪ್ರತಿಭಟನಾಕಾರರು ಪಟ್ಟು ಹಿಡಿದಿದ್ದಾರೆ. ಇಷ್ಟು ದಿನ ಶಾಂತಿಯುತವಾಗಿ ನಡೆಯುತ್ತಿದ್ದ ಹೋರಾಟ ಇದೀಗ `ಬಂದ್ ಕರೆ’ಗೆ ಬಂದು ನಿಂತಿದೆ. `ತಮ್ಮ ಜೀವ ಹೋದರೂ ಬಂದರು ನಿರ್ಮಾಣಕ್ಕೆ ಬಿಡುವುದಿಲ್ಲ’ ಎನ್ನುವ ಮೀನುಗಾರರ ಸಂಖ್ಯೆಯೂ ಹೆಚ್ಚಾಗಿದೆ. ಹೀಗಾಗಿ ನವೆಂಬರ್ 25ರಂದು ಅಂಕೋಲಾದ ವಿವಿಧ ವಾಣಿಜ್ಯ ಮಳಿಗೆಯವರು ಸ್ವಯಂ ಪ್ರೇರಿತ ಬಂದ್ ಮಾಡಲು ನಿರ್ಧರಿಸಿದ್ದು, ಮದ್ಯದ ಅಂಗಡಿಗಳನ್ನು ಸರ್ಕಾರವೇ ಬಾಗಿಲು ಮುಚ್ಚಿಸುತ್ತಿದೆ. ಈ ದಿನ ಬೆಳಗ್ಗೆ 6 ಗಂಟೆಯಿAದ ಸಂಜೆ 4ಗಂಟೆಯವರೆಗೆ ಅಂಕೋಲಾ ಪಟ್ಟಣದಲ್ಲಿ ಮದ್ಯ ಮಾರಾಟ ಹಾಗೂ ಸಾಗಾಟಕ್ಕೆ ಜಿಲ್ಲಾಡಳಿತ ತಡೆ ಒಡ್ಡಿದೆ.
- [ಮಾನವನಿಗೆ ನೋವು ಕೊಟ್ಟ ಮಾವಿನ ಮರ!](https://mobiletime.in/2025/11/the-mango-tree-that-caused-pain-to-humans/): ಸರ್ಕಾರಿ ಕಚೇರಿ ಬಳಿಯಿದ್ದ ಮಾವಿನ ಮರ ಕಟಾವು ವೇಳೆ ಸುರಕ್ಷತೆ ಬಗ್ಗೆ ಗಮನಹರಿಸಿದ ಶ್ರೀಧರ ಪಾಲೇಕರ್ ಅವರು ಗಂಭೀರ ಪ್ರಮಾಣದಲ್ಲಿ ಪೆಟ್ಟು ಮಾಡಿಕೊಂಡಿದ್ದಾರೆ. ಅವರ ಜೊತೆಯಿದ್ದ ಗಣಪತಿ ಸಿದ್ದಿ ಅವರಿಗೂ ಗಾಯವಾಗಿದೆ. ಯಲ್ಲಾಪುರ ಪಟ್ಟಣ ಪಂಚಾಯತ ಬಳಿ ಭಾರೀ ಗಾತ್ರದ ಮಾವಿನ ಮರವಿತ್ತು. ಆ ಮರವನ್ನು ಕಟಾವು ಮಾಡಲು ಅಲ್ಲಿನ ಅರಣ್ಯ ಇಲಾಖೆ ಸಿಬ್ಬಂದಿ ಯಲ್ಲಪ್ಪಾ ರಾಮಾ ಶಾಪುರಕರ್ ಅವರು ರವೀಂದ್ರ ನಗರದ ಶ್ರೀಧರ ಪ್ರಭಾಕರ ಪಾಲೇಕರ್ ಅವರಲ್ಲಿ ಹೇಳಿದ್ದರು. ಸದ್ಯ ಅಂಬೇಡ್ಕರ ನಗರದಲ್ಲಿ ವಾಸವಾಗಿರುವ ಶ್ರೀಧರ ಪಾಲೇಕರ್ ಅವರು ನವೆಂಬರ್ 23ರಂದು ಬಚನಳ್ಳಿಯ ಅಭಿಷೇಕ ಗಣಪತಿ ಸಿದ್ದಿ ಅವರ ಜೊತೆ ಸ್ಥಳಕ್ಕೆ ಹೋಗಿದ್ದರು. ಮರ ಕಟಾವು ಮಾಡಲು ಅವರಲ್ಲಿ ಸುರಕ್ಷತಾ ಸಾಮಗ್ರಿಗಳಿರಲಿಲ್ಲ. ಸರ್ಕಾರಿ ಸಿಬ್ಬಂದಿಯೂ ಅದನ್ನು ಪೂರೈಸಲಿಲ್ಲ. ಹೀಗಾಗಿ ಇದ್ದ ಸಾಮಗ್ರಿಗಳನ್ನು ಬಳಸಿಯೇ ಅವರಿಬ್ಬರು ಕೆಲಸ ಶುರು ಮಾಡಿದರು. ಮರ ಕಟಾವು ವೇಳೆ ಅವಘಡವೊಂದು ನಡೆದಿದ್ದು, ಅದರಲ್ಲಿ ಶ್ರೀಧರ ಪಾಲೇಕರ್ ಅವರ ಕಾಲಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಯಿತು. ಗಣಪತಿ ಸಿದ್ದಿ ಅವರ ಕಾಲಿಗೂ ಗಾಯವಾಯಿತು. ಶ್ರೀಧರ ಪಾಲೇಕರ್ ಅವರ ಪುತ್ರ ಕೃಷ್ಣ ಪಾಲೇಕರ್ ಅವರು ತಂದೆಯನ್ನು ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದರು. ಗಾಯ ನೋಡಿದ ವೈದ್ಯರು ಕಾರವಾರ ಜಿಲ್ಲಾಸ್ಪತ್ರೆಗೆ ಶಿಫಾರಸ್ಸು ಮಾಡಿದರು. ಅಲ್ಲಿಯೂ ನೋವು ಕಡಿಮೆ ಆಗದ ಕಾರಣ ಕುಟುಂಬದವರು ಶ್ರೀಧರ ಪಾಲೇಕರ್ ಅವರನ್ನು ಶಿರಸಿಯ ಶಿವಂ ಆಸ್ಪತ್ರೆಗೆ ದಾಖಲಿಸದರು. ಗಾಯಕ್ಕೆ ಚಿಕಿತ್ಸೆ ಕೊಡಿಸಲು ಕೃಷ್ಣ ಪಾಲೇಕರ್ ಅವರ ಬಳಿ ಹಣವಿರಲಿಲ್ಲ. ಕೆಲಸಕ್ಕೆ ನೇಮಿಸಿದವರು ಸಹ ದೊಡ್ಡ ಸಹಾಯ ಮಾಡಲಿಲ್ಲ. ಅದಾಗಿಯೂ, ಕೃಷ್ಣ ಪಾಲೇಕರ್ ಅವರು ತಂದೆಯನ್ನು ಆಸ್ಪತ್ರೆಗೆ ಸಾಗಿಸಿದ್ದು, ಚಿಕಿತ್ಸೆ ಕೊಡಿಸುತ್ತಿದ್ದಾರೆ.
- [ಬೆದರಿಸಲು ವಿಷ ಕುಡಿದ: ಕೊನೆಯುಸಿರೆಳೆದ!](https://mobiletime.in/2025/11/the-subject-was-drunk-to-intimidate-he-died/): ಸರಾಯಿ ಕುಡಿಯಲು ಹಣ ಕೊಡದ ಕುಟುಂಬದವರನ್ನು ಹೆದರಿಸುವುದಕ್ಕಾಗಿ ಸತೀಶ ನಾಯ್ಕ ಅವರು ವಿಷ ಕುಡಿದಿದ್ದಾರೆ. ಹೆಂಡತಿ-ಮಕ್ಕಳನ್ನು ಬೆದರಿಸಲು ಕುಡಿದ ಕ್ರಿಮಿನಾಶಕ ಅವರ ಜೀವ ತೆಗೆದಿದೆ. ಸಿದ್ದಾಪುರದ ಸತೀಶ ರಾಮಾ ನಾಯ್ಕ ಅವರು ಕಳೆದ 15 ವರ್ಷಗಳಿಂದ ಸರಾಯಿ ಕುಡಿಯುತ್ತಿದ್ದರು. ಮೊದಲು ದುಡಿಮೆಗೆ ಹೋಗುತ್ತಿದ್ದ ಅವರು ದುಡಿತದ ಹಣವನ್ನು ಮದ್ಯ ವ್ಯಸನಕ್ಕೆ ಮೀಸಲಿಟ್ಟಿದ್ದರು. ಕೆಲಸ ಮಾಡಿದಾಗ ಸಿಕ್ಕಿದ ಹಣವನ್ನು ಅವರು ಮನೆಯವರಿಗೆ ಕೊಡುತ್ತಿರಲಿಲ್ಲ. ಅದಾದ ನಂತರ ತಮ್ಮ ವ್ಯಸನಕ್ಕಾಗಿ ಕುಟುಂಬದವರಲ್ಲಿಯೂ ಹಣ ಬೇಡಲು ಶುರು ಮಾಡಿದ್ದರು. ಮನೆಯಲ್ಲಿ ಕಾಸು ಕೊಡದೇ ಇದ್ದಾಗ ವಿಷ ಕುಡಿಯುವುದಾಗಿ ಸತೀಶ ನಾಯ್ಕ ಅವರು ಬೆದರಿಸುತ್ತಿದ್ದರು. ನವೆಂಬರ್ 22ರಂದು ಸತೀಶ್ ನಾಯ್ಕ ಅವರು ಸರಾಯಿ ಕುಡಿದು ಸಿಟ್ಟಿನಲ್ಲಿದ್ದರು. ಅದಾಗಿಯೂ ಹಣ ಕೊಡುವಂತೆ ಮನೆಯಲ್ಲಿ ಕೇಳಿದ್ದರು. ಹಣ ಕೊಡದ ಕಾರಣ ಅವರು ಗದ್ದೆಗೆ ಬರುವ ಹುಳಕ್ಕೆ ಹೊಡೆಯುವ ಔಷಧಿ ಸೇವಿಸಿದರು. ಅದಾದ ನಂತರ ಪತ್ನಿಯನ್ನು ಹೆದರಿಸಲು ಗಂಗೆ ನಾಯ್ಕ ಅವರ ಕಡೆ ಆ ವಿಷದ ಬಾಟಲಿಯನ್ನು ಅವರ ಕಡೆ ಎಸೆದರು. ತಂದೆ ವಿಷ ಕುಡಿದಿರುವುದನ್ನು ಅರಿತ ಅಶೋಕ ನಾಯ್ಕ ಅವರು ಆಂಬುಲೆನ್ಸ ಮೂಲಕ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ನವೆಂಬರ್ 23ರಂದು ಅವರು ಸಾವನಪ್ಪಿದರು.
- [ಬೈಕುಗಳ ನಡುವೆ ಡಿಕ್ಕಿ: ಸವಾರ ಸಾವು](https://mobiletime.in/2025/11/collision-between-bikes-rider-dies/): ಎರಡು ಬೈಕುಗಳ ನಡುವೆ ನಡೆದ ಮುಖಾಮುಖಿ ಡಿಕ್ಕಿಯಲ್ಲಿ ವಿನಾಯಕ ಗೌಡ ಎಂಬಾತರು ಸಾವನಪ್ಪಿದ್ದಾರೆ. ಮತ್ತೆ ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸಿದ್ದಾಪುರ ಮುಖ್ಯರಸ್ತೆಯ ಚೌಡಿಆಣೆ ಕ್ರಾಸ್ ಬಳಿ ಸೋಮವಾರ ಈ ಅಪಘಾತ ನಡೆದಿದೆ. ಅಪಘಾತಕ್ಕೆ ಒಳಗಾದ ಎರಡು ಬೈಕ್‌ಗಳು ಜಖಂ ಆಗಿದೆ. ಗಾಯಗೊಂಡ ಬೈಕ್ ಸವಾರರನ್ನು ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. ಕೊಡಿಗದ್ದೆಯ ವಿನಾಯಕ ಗೌಡ ಅವರು ಮತ್ತೊಬ್ಬರ ಜೊತೆ ಬೈಕಿನಲ್ಲಿ ಸಂಚರಿಸುತ್ತಿದ್ದರು. ಆಗ ಎದುರಿನಿಂದ ಬಂದ ಬೈಕು ಡಿಕ್ಕಿ ಹೊಡೆದಿದೆ. ಆ ಅಪಘಾತದ ರಭಸಕ್ಕೆ ವಿನಾಯಕ ಗೌಡ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಸುದ್ದಿ ತಿಳಿದು ಸಿದ್ದಾಪುರ ಪೊಲೀಸ್ ಠಾಣೆಯ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ತನಿಖೆ ಮುಂದುವರೆದಿದೆ.
- [ಜಲ ಜೀವನ: ಫಲಾನುಭವಿಗಳಿಂದ ವಸೂಲಿ ಆರೋಪ](https://mobiletime.in/2025/11/water-life-accusations-of-extortion-from-beneficiaries/): ಜಲ ಜೀವನ ಯೋಜನೆ ಫಲಾನುಭವಿಗಳಿಂದ ಅಪರಿಚಿತರು ಶುಲ್ಕ ವಸೂಲಿ ಮಾಡುತ್ತಿರುವ ಆರೋಪ ಕೇಳಿ ಬಂದಿದೆ. ಇದರೊಂದಿಗೆ ಅಪರಿಚಿತರು ಆಧಾರ್ ಕಾರ್ಡನ್ನು ಸಹ ಒಟ್ಟುಗೂಡಿಸುತ್ತಿದ್ದಾರೆ. ಈ ಬಗ್ಗೆ ಜಿಲ್ಲಾ ಪಂಚಾಯತಗೆ ದೂರು ನೀಡುವುದಾಗಿ ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರವರು ಹೇಳಿದ್ದಾರೆ. `ಜಲ ಜೀವನ ಯೋಜನೆ ಪಲಾನುಭವಿಗಳನ್ನು ಭೇಟಿ ಮಾಡಿದ ಕೆಲವರು ಅವರ ಆಧಾರ್ ಕಾರ್ಡಪಡೆಯುತ್ತಿದ್ದಾರೆ. ಜೊತೆಗೆ ಹಣಕ್ಕೆ ಬೇಡಿಕೆಯಿಡುತ್ತಿದ್ದಾರೆ’ ಎಂದು ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಸ್ ದೂರಿದ್ದಾರೆ. `ಆಂದ್ರ ಪ್ರದೇಶದ ಕಾರ್ಮಿಕರು ಜಲ ಜೀವನ ಕೆಲಸದಲ್ಲಿ ತೊಡಗಿದ್ದು, ಅವರೇ ಆಧಾರ್ ಕಾರ್ಡ ಕೇಳುತ್ತಿದ್ದಾರೆ. ಜೊತೆಗೆ ಪ್ರತಿ ಫಲಾನುಭವಿಗಳಿಂದ ಹಣಕ್ಕೆ ಬೇಡಿಕೆಯಿಡುತ್ತಿದ್ದಾರೆ. ಈ ಬಗ್ಗೆ ಸಾಕಷ್ಟು ದೂರು ಬಂದಿದೆ’ ಎಂದವರು ವಿವರಿಸಿದರು. `ಆಧಾರ್ ಕಾರ್ಡಪಡೆಯುವುದು ನಿಯಮಬಾಹಿರ. ಆ ಆಧಾರ್ ಕಾರ್ಡ ದುರುಪಯೋಗವಾಗುವ ಸಾಧ್ಯತೆಗಳು ಹೆಚ್ಚಿವೆ’ ಎಂದು ಹೇಳಿದರು. `ಅಧಿಕಾರಿಗಳನ್ನು ಪ್ರಶ್ನಿಸಿದರೆ ಹಣವೂ ಕೊಡಬೇಕಾಗಿಲ್ಲ. ಆಧಾರ್ ಕಾರ್ಡ ಸಹ ನೀಡುವ ಹಾಗಿಲ್ಲ ಎನ್ನುತ್ತಾರೆ. ಹೀಗಿದ್ದರೂ ಆಧಾರ್ ಕಾರ್ಡಪಡೆಯುವುದ ಏಕೆ? ಎಂದವರು ಪ್ರಶ್ನಿಸಿದರು. `ಈ ಬಗ್ಗೆ ವಿವರವಾದ ತನಿಖೆ ನಡೆಯಬೇಕು’ ಎಂದು ಸಾಮಾಜಿಕ ಕಾರ್ಯಕರ್ತ ಸುಧಾಕರ್ ನಾಯ್ಕ, ತ್ಯಾಗರಾಜ್ ಮುಕ್ರಿ, ಮುನ್ನ ಸಾಬ್ ಆಗ್ರಹಿಸಿದರು.
- [2025ರ ನವೆಂಬರ್ 24ರ ದಿನ ಭವಿಷ್ಯ](https://mobiletime.in/2025/11/prediction-for-november-24-2025/): ಮೇಷ ರಾಶಿ: ಬೆಳಗಿನ ವೇಳೆಯಲ್ಲಿ ನಿಮ್ಮ ಉತ್ಸಾಹ ಹಾಗೂ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಹೊಸ ಕೆಲಸಗಳಿಗೆ ಶಕ್ತಿ ಸಿಗುವ ಸೂಚನೆ ಸಿಗಲಿದೆ. ಕಚೇರಿ ಅಥವಾ ವ್ಯವಹಾರದಲ್ಲಿ ನಾಯಕತ್ವ ತೋರಿಸುವಿರಿ. ಹಣಕಾಸಿನಲ್ಲಿ ಚಿಕ್ಕ ನಿರ್ಧಾರವೂ ಮುಂದಿನ ದಿನಗಳಲ್ಲಿ ಪ್ರಭಾವ ಬೀರುವುದರಿಂದ ಜಾಗ್ರತೆ ಅಗತ್ಯ.ಆತುರದಲ್ಲಿ ತೆಗೆದುಕೊಂಡ ಮಾತು ಕಲಹಕ್ಕೆ ಕಾರಣವಾಗುವ ಸಾಧ್ಯತೆಯಿದೆ. ತಲೆ ಹಾಗೂ ಕಣ್ಣಿಗೆ ವಿಶ್ರಾಂತಿ ಕೊಡುವುದು ಮುಖ್ಯ. ವೃಷಭ ರಾಶಿ: ನಿಮ್ಮ ಕೆಲಸ ನಿಧಾನವಾದರೂ ಸ್ಥಿರ ಪ್ರಗತಿ ಕಾಣುವ ದಿನ. ತಾಳ್ಮೆ ನಿಮ್ಮ ಬಲವಾಗಲಿದೆ. ಆಸ್ತಿ, ಮನೆಯಲ್ಲಿ ಬದಲಾವಣೆ ಸಾಧ್ಯತೆಯಿದೆ. ರಿಪೇರಿ ವಿಷಯಗಳಲ್ಲಿ ಉಪಯುಕ್ತ ಮಾಹಿತಿ ಸಿಗುವ ಸಾಧ್ಯತೆ. ವ್ಯವಹಾರದಲ್ಲಿ ಹಳೆಯ ಗ್ರಾಹಕರಿಂದಲೇ ಹೊಸ ಅವಕಾಶಗಳು ಬರುತ್ತವೆ. ಖರ್ಚು ಮಾಡುವಾಗ ಆಕಸ್ಮಿಕ ಖರೀದಿ ತಪ್ಪಿಸುವ ಪ್ರಯತ್ನ ಮಾಡಿದರೆ ಮುಂದಿನ ಒತ್ತಡ ಕಡಿಮೆಯಾಗುತ್ತದೆ. ಸಾಂತ್ವನ ಕೊಡುವ ಸಂಗೀತ, ಧ್ಯಾನದಿಂದ ಮನಸ್ಸಿಗೆ ನೆಮ್ಮದಿ ಸಿಗಲಿದೆ. ಮಿಥುನ ರಾಶಿ: ಸಂವಹನ ನಿಮ್ಮ ಶಕ್ತಿಯಿಂದ ದ್ವಿಗುಣ ಲಾಭ ಸಿಗಲಿದೆ. ಓದು, ಪರೀಕ್ಷಾ ತಯಾರಿ, ಕೌಶಲಾಭಿವೃದ್ಧಿಗೆ ಈ ದಿನ ಮಾಡಿದ ಅಭ್ಯಾಸ ಮುಂದಿನ ತಿಂಗಳು ಫಲ ತರುತ್ತದೆ. ಒಮ್ಮೆ ಒಪ್ಪಿಕೊಂಡ ಕೆಲಸವನ್ನು ಮಧ್ಯದಲ್ಲಿ ಬಿಟ್ಟು ಬೇಸರಿಸದೇ ಪೂರ್ಣಗೊಳಿಸಲು ಯತ್ನಿಸಬೇಕು. ಚುಟುಕು ಪ್ರಯಾಣ ಅಥವಾ ಮನೆ ಬಳಿಯ ನಡಿಗೆ ದೇಹ-ಮನಸ್ಸಿಗೆ ತಾಜಾತನ ನೀಡಲಿದೆ. ಕರ್ಕ ರಾಶಿ: ಕುಟುಂಬಕ್ಕೆ ಸಂಬoಧಿಸಿದ ಕೆಲಸಗಳಲ್ಲಿ ನಿಮ್ಮ ಕೌಶಲ್ಯ ಹೆಚ್ಚಾಗಲಿದೆ. ವಿದ್ಯುತ್ ಬಿಲ್, ಆಹಾರ ಸಾಮಗ್ರಿ ಖರೀದಿ ಇವುಗಳಲ್ಲಿ ಸಮತೋಲನ ಕಾಪಾಡುವುದು ಮುಖ್ಯ. ಕಛೇರಿಯಲ್ಲಿ ಭಾವನಾತ್ಮಕ ನಿರ್ಧಾರ ತಗೊಳ್ಳದೆ. ಹಳೆಯ ಸ್ನೇಹಿತರಿಂದ ಅನಿರೀಕ್ಷಿತ ಸಂದೇಶ ಅಥವಾ ಕರೆ ಬಂದು ಮನಸ್ಸು ಹಗುರವಾಗಲಿದೆ. ಆರೋಗ್ಯದ ದೃಷ್ಟಿಯಿಂದ ಜೀರ್ಣಕ್ರಿಯೆಗೆ ಹಿತವಾದ ಆಹಾರ ಆಯ್ಕೆ ಮಾಡಿ. ಸಿಂಹ ರಾಶಿ: ಆತ್ಮವಿಶ್ವಾಸ ಮತ್ತು ವೇದಿಕೆ ಭಯ ಇಲ್ಲದ ಗುಣದಿಂದ ನೀವು ನಾಯಕರಾಗುವಿರಿ. ಸಭೆ-ಸಮಾರಂಭದಲ್ಲಿ ನಿಮ್ಮ ವ್ಯಕ್ತಿತ್ವ ಗಮನಸೆಳೆಯಲಿದೆ. ಹಣಕಾಸಿನಲ್ಲಿ ಸ್ವಲ್ಪ ಸಾಹಸ ಮಾಡ್ಬೇಕೆನ್ನುವ ಮನೋಭಾವ ಬರುತ್ತದೆ. ಆದರೆ ನಿಯಂತ್ರಣ ಅಗತ್ಯ. ಅಹಂಕಾರ ತೋರಿಸುವ ಮಾತು ತಪ್ಪಿಸಿದರೆ ಸಹೋದ್ಯೋಗಿಗಳ ಸಹಕಾ ಸಿಗುತ್ತದೆ. ಶರೀರಕ್ಕೆ ತಾಪಮಾನ ಹೆಚ್ಚಾಗದಂತೆ ನೀರಿನ ಸೇವನೆ ಮತ್ತು ವಿಶ್ರಾಂತಿ ಕಾಪಾಡಿ. ಕನ್ಯಾ ರಾಶಿ: ಈ ದಿನ ನಿಮ್ಮ ಯೋಜನೆ, ಲೆಕ್ಕಾಚಾರಗಳಿಗೆ ಅನುಕೂಲಕರ ದಿನವಾಗಿದೆ. ವಿಳಂಬವಾಗಿದ್ದ ಕಾನೂನು ಕೆಲಸಗಳು ವೇಗ ಪಡೆಯಲಿದೆ. ಕಠಿಣ ಪರಿಶ್ರಮಕ್ಕೆ ತಕ್ಷಣ ಪ್ರಶಂಸೆ ಸಿಗದಿದ್ದರೂ, ಮುಂದೆಯಾದರೂ ಗುರುತಿನ ರೂಪದಲ್ಲಿ ಬರುತ್ತದೆ. ಆರೋಗ್ಯದ ವಿಷಯದಲ್ಲಿ ಹೊಟ್ಟೆ, ಚರ್ಮದ ಸಮಸ್ಯೆಗಳಿಗೆ ವೈದ್ಯರನ್ನು ಭೇಟಿ ಮಾಡಿಕೂಡ ನಿರ್ಲಕ್ಷ್ಯ ಬೇಡ. ತುಲಾ ರಾಶಿ: ಆರೋಗ್ಯ ಸಮತೋಲನ ಕಾಯ್ದುಕೊಳ್ಳುವುದಕ್ಕೆ ಪ್ರಯತ್ನಿಸಬೇಕು. ವ್ಯವಹಾರ ಪಾಲುದಾರ, ಕೈಜೋಡಿಸಿದ ವ್ಯಕ್ತಿಯ ಜೊತೆ ನೇರವಾಗಿ ಮಾತನಾಡಿ ಅನುಮಾನ ದೂರ ಮಾಡಿಕೊಳ್ಳಿ. ಹೊಸ ಹೂಡಿಕೆಗೆ ಮುಂಚೆ ಸಲಹೆಪಡೆಯುವುದು ಸೂಕ್ತ. ಕಾನೂನು, ಒಪ್ಪಂದ, ವ್ಯವಹಾರಿಕ ದಾಖಲೆಗಳನ್ನು ಸರಿಯಾಗಿ ಗಮನಿಸಬೇಕು. ಯೋಗ, ಲಘು ವ್ಯಾಯಾಮ, ಹಸಿರು ಪರಿಸರದಲ್ಲಿ ಸ್ವಲ್ಪ ಸಮಯ ಕಳೆಯುವುದು ಆರಾಮದಾಯಕ. ವೃಶ್ಚಿಕ ರಾಶಿ: ಈ ದಿನ ನಿಮ್ಮ ಅಭಿಪ್ರಾಯಗಳು ಬಲವಾಗಿರುತ್ತದೆ. ರಹಸ್ಯ ಯೋಜನೆಗಳು, ಹೊಸ ಪ್ರಾಜೆಕ್ಟ್ಗಳ ಬಗ್ಗೆ ಎಲ್ಲರಲ್ಲಿಯೂ ಹೇಳಬೇಡಿ. ಹಣಕ್ಕೆ ಸಂಬoಧಿಸಿದ ಒಬ್ಬರ ಮೇಲೆ ಸಂಪೂರ್ಣ ಅವಲಂಬನೆ ಕಡಿಮೆ ಮಾಡಿ. ಕೋಪ, ಅಸಹ್ಯ ಭಾವ ಬಂದಾಗ ತಕ್ಷಣ ಪ್ರತಿಕ್ರಿಯೆ ಕೊಡುವುದಕ್ಕಿಂತ ಸಮಯ ತೆಗೆದುಕೊಳ್ಳಿ. ಆರೋಗ್ಯದ ದೃಷ್ಟಿಯಿಂದ ನೀರಿನ ಸೇವನೆ, ಸೌಮ್ಯ ಆಹಾರ, ನಿದ್ರೆಗೆ ಆದ್ಯತೆ ಕೊಡಿ. ಪುಸ್ತಕ ಓದುವುದು ಪ್ರಯೋಜನಕಾರಿ. ಧನು ರಾಶಿ: ದೂರದ ಯೋಜನೆಗಳ ಬಗ್ಗೆ ಸ್ಪಷ್ಟ ಚಿತ್ರಣ ಸಿಗಲಿದೆ. ವಿದೇಶ, ಉನ್ನತ ಶಿಕ್ಷಣ, ಆನ್‌ಲೈನ್ ಕೋರ್ಸ್ ಮೊದಲಾದ ವಿಚಾರದಲ್ಲಿ ಒಳ್ಳೆಯ ಸುದ್ದಿ ಕೇಳುವಿರಿ. ನಿಮ್ಮ ಉದ್ಯೋಗದಲ್ಲಿನ ಸಾಧನೆ ಗಮನಸೆಳೆಯಲಿದೆ. ಜ್ಞಾನ ಹಂಚಿಕೊಳ್ಳುವ ಸಂಭಾಷಣೆ ಉತ್ಸಾಹ ತುಂಬುತ್ತದೆ. ಮಕರ ರಾಶಿ: ನಿಮ್ಮ ಜವಾಬ್ದಾರಿ ಹೆಚ್ಚಾಗಲಿದೆ. ಕೆಲಸದಲ್ಲೂ ನಿಮ್ಮ ಮೇಲೆ ಭರವಸೆ ಮೂಡಲಿದೆ. ಆಸ್ತಿ, ಕರಾರು, ಬ್ಯಾಂಕ್, ಸಾಲ ಕೆಲಸದಲ್ಲಿ ಸ್ಪಷ್ಟತೆ ಸಿಗಲಿದೆ. ಮೇಲಧಿಕಾರಿಗಳಿಗೆ ಕೆಲಸದ ಪ್ರಗತಿ ವರದಿ ಕೊಟ್ಟು ವಿಶ್ವಾಸಗಳಿಸುವಿರಿ. ಹವ್ಯಾಸದಿಂದ ನಿಮ್ಮ ಒತ್ತಡ ದೂರವಾಗಲಿದೆ. ಕುಂಭ ರಾಶಿ: ಹೊಸ ಆಲೋಚನೆ, ತಂತ್ರಜ್ಞಾನ, ಆನ್‌ಲೈನ್ ಕೆಲಸಗಳ ಬಗ್ಗೆ ಉತ್ಸಾಹ ಹೆಚ್ಚಾಗಲಿದೆ. ಡಿಜಿಟಲ್ ಪ್ಲಾಟ್‌ಫಾರ್ಮ್, ಸೋಷಿಯಲ್ ಮೀಡಿಯಾ, ವೆಬ್‌ಸೈಟ್ ಕೆಲಸದಲ್ಲಿ ನಿಮ್ಮ ಐಡಿಯಾ ಕೆಲಸಕ್ಕೆ ಬರಲಿದೆ. ಹೊಸ ಪರಿಚಯಗಳು ನೆರವಿಗೆ ಕಾರಣವಾಗಲಿದೆ. ನಿಮ್ಮ ಭಾವನೆ ಸ್ಪಷ್ಟವಾಗಿ ಹೇಳದಿದ್ದರೆ ತಪ್ಪು ಅರ್ಥ ಬರುವ ಅವಕಾಶಗಳಿದ್ದು, ಸರಳ ಮಾತು ಬಳಸುವುದು ಒಳಿತು. ಮೀನ ರಾಶಿ: ನಿದ್ರಾ ಕ್ರಮ, ಆಹಾರ ಪದ್ಧತಿ ಸರಿಯಾಗಿರಲಿ. ಕಲಾತ್ಮಕ ಕೆಲಸಕ್ಕೆ ಇದು ಒಳ್ಳೆಯ ಪ್ರೇರಣೆ ಸಿಗಲಿದೆ. ಕಚೇರಿಯಲ್ಲಿನ ನಿಮ್ಮ ಕೆಲಸಕ್ಕೆ ಪರೋಕ್ಷ ಮೆಚ್ಚುಗೆ ಸಿಗಲಿದೆ. ಪ್ರೀತಿಯ ವಿಷಯದಲ್ಲಿ ಜಗಳ ತಪ್ಪಿಸುವುದು ಒಳಿತು. ಧ್ಯಾನ, ಪ್ರಾರ್ಥನೆ, ಮೌನದಲ್ಲಿ ದಿನ ಕಳೆಯುವುದು ಸೂಕ್ತ.
- [ರಜಾ ದಿನವೇ ಬ್ಯಾಂಕ್ ಖಾತೆ ದರೋಡೆ!](https://mobiletime.in/2025/11/bank-account-robbery-on-a-holiday/): ಬ್ಯಾಂಕ್ ಆಫ್ ಬರೋಡಾದಲ್ಲಿ ಉಳಿತಾಯ ಖಾತೆ ಹೊಂದಿದ್ದ ಪರಶುರಾಮ ನಾಯ್ಕ ಅವರ 1 ಲಕ್ಷ ರೂ ಕಾಣೆಯಾಗಿದೆ. ಬ್ಯಾಂಕ್ ಖಾತೆಯನ್ನು ಹ್ಯಾಕ್ ಮಾಡಿದ ವಂಚಕರು ಅಲ್ಲಿದ್ದ ಹಣ ಲಪಟಾಯಿಸಿದ್ದಾರೆ. ಸಿದ್ದಾಪುರದ ನೀಡಗೋಡಿನ ಪರಶುರಾಮ ಈರಾ ನಾಯ್ಕ ಅವರು ಪಾಸ್ಟ ಪುಡ್ ಅಂಗಡಿ ನಡೆಸುತ್ತಾರೆ. ತಮ್ಮ ಉಳಿತಾಯದ ಹಣವನ್ನು ಅವರು ಸಿದ್ದಾಪುರದ ಜೋಗ ರಸ್ತೆಯ ಹೊಸೂರಿನಲ್ಲಿರುವ ಕೊಡಚಾದ್ರಿ ಚೀಟ್ ಫಂಡ್ ನಲ್ಲಿ ಹೂಡಿಕೆ ಮಾಡಿದ್ದಾರೆ. ಹೀಗಿರುವಾಗ ಚೀಟ್ ಫಂಡ್ ಕಂಪನಿಯವರು ಅವರ ಹೂಡಿಕೆ ಮೊತ್ತವನ್ನು ಹಿಂತಿರುಗಿಸಿದ್ದು, ಅವರ ಬ್ಯಾಂಕ್ ಆಫರ್ ಬರೋಡಾದಲ್ಲಿ ಉಳಿತಾಯ ಖಾತೆಯಲ್ಲಿ 2.80 ಲಕ್ಷ ರೂ ಜಮಾ ಆಗಿತ್ತು. ಆ ಪೈಕಿ ಅಲ್ಪ ಪ್ರಮಾಣದ ಹಣವನ್ನು ಪರಶುರಾಮ ನಾಯ್ಕ ಅವರು ಬಳಸಿಕೊಂಡಿದ್ದರು. ಉಳಿದ 2.37 ಲಕ್ಷ ರೂ ಖಾತೆಯಲ್ಲಿ ಹಾಗೇ ಇತ್ತು. ನವೆಂಬರ್ 8ರಂದು ಸಂಜೆ ಪರಶುರಾಮ ನಾಯ್ಕ ಅವರು ಅಂಗಡಿಯಲ್ಲಿದ್ದಾಗ ಅವರ ಖಾತೆಯಿಂದ 50 ಸಾವಿರ ರೂ ಕಡಿತವಾದ ಬಗ್ಗೆ ಮೆಸೆಜ್ ಬಂದಿತು. ಅದಾದ ಒಂದು ತಾಸಿನ ನಂತರ ಮತ್ತೆ 50 ಸಾವಿರ ರೂ ಕಡಿತವಾದ ಮೆಸೆಜ್ ಬಂದಿತು. ಇದರಿಂದ ಗಾಬರಿಗೆ ಒಳಗಾದ ಪರಶುರಾಮ ನಾಯ್ಕ ಅವರು ಸ್ನೇಹಿತರಿಗೆ ಫೋನ್ ಮಾಡಿದರು. ಸ್ನೇಹಿತರು ಬ್ಯಾಂಕ್ ಖಾತೆ ಹ್ಯಾಕ್ ಆಗಿರುವ ವಿಷಯ ತಿಳಿಸಿದರು. ಬ್ಯಾಂಕಿಗೆ ಹೋಗಿ ಹೇಳೋಣ ಎಂದರೆ ಆ ದಿನ ಶನಿವಾರವಾಗಿದ್ದು, ಆಗಲೇ ಸಂಜೆ ಆಗಿತ್ತು. ಮರುದಿನ ಭಾನುವಾರ ಆಗಿದ್ದರಿಂದ ಬ್ಯಾಂಕಿಗೂ ರಜೆ ಇತ್ತು. ಹೀಗಾಗಿ ಪರಶುರಾಮ ನಾಯ್ಕ ಅವರು 1 ಲಕ್ಷ ರೂ ವಂಚನೆಯಾದ ಬಗ್ಗೆ 1930ಗೆ ಫೋನ್ ಮಾಡಿ ದೂರಿದರು. ಸೋಮವಾರ ಬ್ಯಾಂಕಿಗೆ ಹೋಗಿ ತಮ್ಮ ಸಮಸ್ಯೆ ವಿವರಿಸಿದರು. ಬ್ಯಾಂಕಿನವರು ನೀಡಿದ ಮಾಹಿತಿ ಮೇರೆಗೆ ಸಿದ್ದಾಪುರ ಪೊಲೀಸ್ ಠಾಣೆಗೆ ದೂರು ನೀಡಿದರು. `ಮಾಹಿತಿ ತಂತ್ರಜ್ಞಾನ ದುರುಪಯೋಗ ನಡೆದಿದ್ದು, ತಮ್ಮ ಹಣ ತಮಗೆ ಮರಳಿಸಿ’ ಎಂದವರು ಮನವಿ ಮಾಡಿದರು.
- [ರೈಲ್ವೆ ನೇಮಕಾತಿ: ನಕಲಿ ಹುದ್ದೆಯೂ ಆರುವರೆ ಲಕ್ಷಕ್ಕೆ ಮಾರಾಟ!](https://mobiletime.in/2025/11/railway-recruitment-fake-posts-are-also-being-sold-for-six-and-a-half-lakhs/): ಕೊಂಕಣ ರೈಲ್ವೆಯಲ್ಲಿ ಉದ್ಯೋಗ ಕೊಡಿಸುವುದಾಗಿ ನಂಬಿಸಿದ ಅಮಯ ಆಮ್ರೇ ಅವರು ಸಂತೋಷ ಶೇಟ್ ಅವರಿಂದ ಆರುವರೆ ಲಕ್ಷ ರೂ ಹಣಪಡೆದಿದ್ದಾರೆ. ಆದರೆ, ಉದ್ಯೋಗವನ್ನು ಮಾತ್ರ ಕೊಡಿಸಿಲ್ಲ. ಕುಮಟಾದ ಬಗ್ಗೋಣದಲ್ಲಿ ಸಂತೋಷ ಪ್ರಭಾಕರ ಶೇಟ್ ಅವರು ವಾಸವಾಗಿದ್ದಾರೆ. 32 ವರ್ಷದ ಅವರು ಇಂಜಿನಿಯರ್ ಆಗಿದ್ದು, ಇನ್ನಷ್ಟು ಒಳ್ಳೆಯ ಉದ್ಯೋಗಕ್ಕಾಗಿ ಹುಡುಕಾಡುತ್ತಿದ್ದಾರೆ. ಹೀಗಿರುವಾಗ ಮುಂಬೈಯ ಅಮಯ ಆಮ್ರೇ ಅವರು ಸಂತೋಷ ಶೇಟ್ ಅವರಿಗೆ ಪರಿಚಯವಾದರು. ತಮ್ಮನ್ನು ಅವರು `ಕೊಂಕಣ ರೈಲ್ವೆಯ ಟ್ರಾಕ್ ಇನ್ಸಪೆಕ್ಟರ್’ ಎಂದು ಹೇಳಿಕೊಂಡರು. `ತಾನು ಕೊಂಕಣ ರೈಲ್ವೆ ಯುನಿಯನ್ ಸದಸ್ಯನಾಗಿದ್ದು, ಯಾರಿಗೆ ಬೇಕಾದರೂ ಉದ್ಯೋಗ ಕೊಡಿಸಬಲ್ಲೆ’ ಎಂದು ನಂಬಿಸಿದರು. ಇದನ್ನು ನಂಬಿದ ಸಂತೋಷ ಶೇಟ್ ಅವರು ಅಮಯ ಆಮ್ರೇ ಅವರ ಕೈಗೆ 6.5 ಲಕ್ಷ ರೂ ಕೊಟ್ಟರು. ಜ್ಯೂನಿಯರ್ ಮೆಕಾನಿನಕಲ್ ಇಂಜಿನಿಯರ್ ಜಾಬ್ ಕೊಡಿಸುವುದಾಗಿ ಹೇಳಿದ್ದ ಅಮಯ ಆಮ್ರೇ ಕಾಸುಪಡೆದ ನಂತರ ಕೊಂಕಣ ರೈಲ್ವೆಯ ನೇಮಕಾತಿ ಪ್ರಕಟಣೆ ಪತ್ರ ರವಾನಿಸಿದರು. ಪರೀಕ್ಷಾ ಪತ್ರವನ್ನು ಕಳುಹಿಸಿದರು. ನೇಮಕಾತಿ ಆದೇಶ ಮಾದರಿಯ ಪತ್ರವನ್ನು ನೀಡಿದರು. ಆದರೆ, ಅದೆಲ್ಲವೂ ನಕಲಿ ಎಂದು ಸಂತೋಷ ಶೇಟ್ ಅವರಿಗೆ ನಂತರ ಗೊತ್ತಾಯಿತು. ಹೀಗಾಗಿ ಕುಮಟಾ ಪೊಲೀಸ್ ಠಾಣೆಯಲ್ಲಿ ವಂಚಕ ಅಮಯ ಆಮ್ರೇ ವಿರುದ್ಧ ಅವರು ದೂರು ನೀಡಿದರು.
- [ಕಾಣದಂತೆ ಮಾಯವಾದನು.. ಕಾಡಿನಲ್ಲಿ ಶವವಾದನು!](https://mobiletime.in/2025/11/he-disappeared-from-sight-he-died-in-the-forest/): ಕಳೆದ 30 ವರ್ಷಗಳಿಂದ ಮದ್ಯ ವ್ಯಸನಕ್ಕೆ ಒಳಗಾಗಿದ್ದ 48 ವರ್ಷದ ಮಾರುತಿ ಮಿರಾಶಿ ಅವರು ನಿಗೂಡವಾಗಿ ಕಾಣೆಯಾಗಿದ್ದು, ಅವರ ಶವ ಕಾಡಿನಲ್ಲಿ ಸಿಕ್ಕಿದೆ. ಯಲ್ಲಾಪುರದ ಬೈಲಂದೂರಿನಲ್ಲಿ ಮಾರುತಿ ದೇಮಣ್ಣ ಮಿರಾಶಿ ಅವರು ವಾಸವಾಗಿದ್ದರು. ಯುವಕನಾಗಿರುವಾಗಲೇ ಅವರು ದುಶ್ಚಟಕ್ಕೆ ದಾಸರಾಗಿದ್ದರು. ರೈತರಾಗಿದ್ದ ಅವರು ತಮ್ಮ ಆದಾಯದ ಬಹುಪಾಲು ಹಣವನ್ನು ಮದ್ಯದ ಅಂಗಡಿಗೆ ಕೊಡುತ್ತಿದ್ದರು. ಕುಡಿತದ ಪ್ರಭಾವದಿಂದಾಗಿ ಅವರು ಮಾನಸಿಕವಾಗಿಯೂ ಕುಗ್ಗಿದ್ದರು. ನವೆಂಬರ್ 19ರಂದು ಮಾರುತಿ ಮಿರಾಶಿ ಅವರು ಜಮೀನಿಗೆ ಹೋಗುವುದಾಗಿ ಹೇಳಿ ಮನೆಯಿಂದ ಹೊರಟಿದ್ದರು. ಆದರೆ, ಎರಡು ದಿನ ಕಳೆದರೂ ಅವರು ಮನೆಗೆ ಬಂದಿರಲಿಲ್ಲ. ಹೀಗಾಗಿ ನವೆಂಬರ್ 21ರಂದು ಅವರ ತಮ್ಮ ವಿಠ್ಠಲ ಮಿರಾಶಿ ಅವರು ತಂದೆಯ ಹುಡುಕಾಟಕ್ಕೆ ಪೊಲೀಸರ ನೆರವು ಯಾಚಿಸಿದ್ದರು. ನವೆಂಬರ್ 22ರಂದು ಬೈಲಂದೂರು ಗ್ರಾಮದ ಅರಣ್ಯ ಪ್ರದೇಶದಲ್ಲಿ ಮಾರುತಿ ಮಿರಾಶಿ ಅವರ ಶವ ಸಿಕ್ಕಿತು. ಆತ್ಮಹತ್ಯೆ ಮಾಡಿಕೊಂಡ ಸ್ಥಿತಿಯಲ್ಲಿ ಅವರ ದೇಹ ಮರಕ್ಕೆ ನೇತಾಡುತ್ತಿತ್ತು. ಶವದ ಸುತ್ತಲು ದುರ್ವಾಸನೆ ಬರುತ್ತಿದ್ದು, ಕೆಲ ದಿನಗಳ ಹಿಂದೆಯೇ ಮಾರುತಿ ಮಿರಾಶಿ ಅವರು ಸಾವನಪ್ಪಿರುವ ಶಂಕೆವ್ಯಕ್ತವಾಯಿತು.
- [ಸರ್ಕಾರಿ ನೌಕರಿ ಮಾರಾಟಗಾರರ ಸೆರೆ!](https://mobiletime.in/2025/11/government-job-sellers-arrested/): ಸರ್ಕಾರಿ ನೌಕರಿ ಕೊಡಿಸುವುದಾಗಿ ನಂಬಿಸಿ 15 ಲಕ್ಷ ರೂಪಡೆದು ಯಾಮಾರಿಸಿದ್ದ ವಂಚಕರಿಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಹೊನ್ನಾವರ ಕಾಸರಕೋಡಿನ ಪ್ರತೋಷ ಹೊಸಪಟ್ಟಣ ಅವರು ಅಕ್ಕನ ಮಗನಿಗೆ ಸರ್ಕಾರಿ ನೌಕರಿ ಕೊಡಿಸುವುದಕ್ಕಾಗಿ 15 ಲಕ್ಷ ರೂ ವೆಚ್ಚ ಮಾಡಿದ್ದರು. ಅವರು 2019ರಲ್ಲಿ ಬೆಂಗಳೂರಿಗೆ ಹೋದಾಗ ಪರಿಚಯವಾದ ಕಾರ್ಕಳದ ವಿಜಯಕುಮಾರ ಮಡಿವಾಳ ಅವರಿಗೆ ಹಣ ನೀಡಿದ್ದರು. `ತನಗೆ ಸರ್ಕಾರಿ ಅಧಿಕಾರಿಗಳ ಪರಿಚಯವಿದ್ದು, ಸರ್ಕಾರಿ ಕೆಲಸ ಕೊಡಿಸುವೆ’ ಎಂದು ನಂಬಿಸಿ ವಿಜಯಕುಮಾರ ಮಡಿವಾಳ ಅವರು ಹಂತ ಹಂತವಾಗಿ ಈ ಹಣಪಡೆದಿದ್ದರು. ಆದರೆ, ಸರ್ಕಾರಿ ನೌಕರಿ ಕೊಡಿಸದೇ ಮೋಸ ಮಾಡಿದ ಬಗ್ಗೆ ಹಾಗೂ ಹಣ ಮರಳಿಸುವಂತೆ ಕೇಳಿದಾಗ ಬೆದರಿಕೆ ಒಡ್ಡಿದ ಬಗ್ಗೆ ಪ್ರತೋಷ ಹೊಸಪಟ್ಟಣ ಅವರು ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ತನಿಖೆ ನಡೆಸಿದ ಪೊಲೀಸರು ಕ್ಯಾಂಟಿನ್ ನಡೆಸುವ ವಿಜಯಕುಮಾರ ಮಡಿವಾಳ ಹಾಗೂ ಪುಡ್ ಡಿಲೆವರಿ ಕೆಲಸ ಮಾಡುವ ಬೆಂಗಳೂರಿನ ವಿಜಯ ಚಲುವರಂಗಯ್ಯ ಅವರನ್ನು ಬಂಧಿಸಿದ್ದಾರೆ. ಬಂಧಿತರು ತಾವು ಮಾಡಿದ ತಪ್ಪನ್ನು ಒಪ್ಪಿಕೊಂಡಿದ್ದು, ಪೊಲೀಸರು ಅವರನ್ನು ಜೈಲಿಗೆ ಕಳುಹಿಸಿದ್ದಾರೆ.
- [ಉತ್ತರ ಕನ್ನಡ ಅಳಿವು-ಉಳಿವು: ಕರೆದರೂ ಕಾರ್ಯಕ್ರಮಕ್ಕೆ ಬಾರದ ಶಾಸಕ-ಸಂಸದರು!](https://mobiletime.in/2025/11/uttara-kannada-extinction-survival-mlas-and-mps-who-dont-come-to-the-program-even-when-invited/): ಉತ್ತರ ಕನ್ನಡ ಜಿಲ್ಲೆಯ ಅಳಿವು-ಉಳಿವಿನ ಬಗ್ಗೆ ಶಿರಸಿಯ TSS ಭವನದಲ್ಲಿ ಭಾನುವಾರ ವಿಚಾರಘೋಷ್ಠಿ ನಡೆದಿದ್ದು, ಯೋಜನೆಯ ಆಳ-ಅಗಲ ಅರಿಯಬೇಕಾಗಿದ್ದ ಜನಪ್ರತಿನಿಧಿಗಳೊಬ್ಬರೂ ಸಭೆಯಲ್ಲಿ ಕಾಣಲಿಲ್ಲ. ವಿವಿಧ ಯೋಜನೆಯಿಂದ ಆಗುವ ದುಷ್ಪರಿಣಾಮದ ಬಗ್ಗೆ ಅರಿವು ಮೂಡಿಸುವ ನಿಟ್ಟಿನಲ್ಲಿ ನಡೆದ ಕಾರ್ಯಕ್ರಮದ ಆಮಂತ್ರಣ ಪತ್ರಿಕೆಯಲ್ಲಿ ಹೆಸರು ನಮೂದಿಸಿ ಅಧಿಕೃತ ಆಮಂತ್ರಣ ನೀಡಿದರೂ ಜನಪ್ರತಿನಿಧಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಲಿಲ್ಲ. ಸಂಸದ ವಿಶ್ವೇಶ್ವರ ಹೆಗಡೆ, ಶಿರಸಿ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ, ಯಲ್ಲಾಪುರ ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್, ವಿಧಾನ ಪರಿಷತ್ ಸದಸ್ಯ ಶಾಂತರಾಮ ಸಿದ್ದಿ ಅವರ ಹೆಸರು ಆಮಂತ್ರಣ ಪತ್ರಿಕೆಯಲ್ಲಿತ್ತು. ಕಾರ್ಯಕ್ರಮಕ್ಕೆ ಆಗಮಿಸುವಂತೆ ಕೋರಿ ಅವರಿಗೆಲ್ಲರಿಗೂ ಆಮಂತ್ರಣ ನೀಡಲಾಗಿತ್ತು. ಆದರೆ, ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ದೆಹಲಿಯಲ್ಲಿರುವುದಾಗಿ ಹೇಳಿದರು. ಶಿವರಾಮ ಹೆಬ್ಬಾರ್ ಅವರು ಶುಭ ಸಂದೇಶ ಕಳುಹಿಸಿ ಸುಮ್ಮನಾದರು. ಶಾಂತರಾಮ ಸಿದ್ದಿ ಅವರು ಧಾರವಾಡಕ್ಕೆ ಹೋಗಿದ್ದು, ಇಲ್ಲಿನ ಕಾರ್ಯಕ್ರಮದಿಂದ ದೂರವುಳಿದರು. ಭೀಮಣ್ಣ ನಾಯ್ಕ ಅವರು ಎಪಿಎಂಸಿ ಆವರಣದಲ್ಲಿರುವ TMS ಸಭಾ ಭವನಕ್ಕೆ ಆಗಮಿಸಿದಾದರೂ TSS ಭವನಕ್ಕೆ ಕಾಲಿಡಲಿಲ್ಲ. ಸೋಂದಾದ ಬೇಡ್ತಿ-ಅಘನಾಶಿನಿ ಕೊಳ್ಳ ಸಂರಕ್ಷಣಾ ಸಮಿತಿಯವರು ಪಶ್ಚಿಮಘಟ್ಟ ‘ನದಿ ಕಣಿವೆ ಸಂರಕ್ಷಣೆ ಹಾಗೂ ಬೃಹತ್ ಯೋಜನೆ ದುಷ್ಪರಿಣಾಮ’ ಎಂಬ  ವಿಷಯದ ಕುರಿತು ವಿಚಾರಘೋಷ್ಠಿ ಆಯೋಜಿಸಿದ್ದರು. ಉತ್ತರ‌ ಕನ್ನಡ ಜಿಲ್ಲೆಯಲ್ಲಿ ಧಾರಣಾ ಸಾಮರ್ಥ್ಯವನ್ನು ಮೀರಿ ವಿವಿಧ ಯೋಜನೆ ಅನುಷ್ಠಾನದಿಂದ ಆಗುವ ಅನಾಹುತಗಳ ಬಗ್ಗೆ ತಜ್ಞರು ಮಾತನಾಡಿದರು. ಬೇಡ್ತಿ-ವರದಾ ನದಿ ಜೋಡಣೆ,‌ ಕೇಣಿ ವಾಣಿಜ್ಯ ಬಂದರು ನಿರ್ಮಾಣ, ಶರಾವತಿ ಭೂಗತ ವಿದ್ಯುತ್ ಯೋಜನೆ, ಅಘನಾಶಿನಿ-ವೇದಾವತಿ ನದಿ ತಿರುವು ಸೇರಿ ಹಲವು ಯೋಜನೆಗಳ ಬಗ್ಗೆ ತಜ್ಞರು ವಿವರಿಸಿದರು. ಆಮಂತ್ರಣ ಪತ್ರಿಕೆಯಲ್ಲಿ ಹೆಸರಿಸಲಾದ ಜನಪ್ರತಿನಿಧಿಗಳನ್ನುಹೊರತುಪಡಿಸಿ ಉಳಿದವರೆಲ್ಲರೂ ಸಭೆಯಲ್ಲಿದ್ದರು. ಯೋಜನೆ ನಿಲ್ಲಿಸುವಲ್ಲಿ ಪ್ರಮುಖ ಪಾತ್ರ ನಿಭಾಯಿಸಬೇಕಿದ್ದ ಶಾಸಕ-ಸಂಸದರು ಕಾರ್ಯಕ್ರಮದ ಶುಭ ಹಾರೈಕೆಯ ಪತ್ರ ಬರೆಯಲು‌ ಮಾತ್ರ ಸೀಮಿತರಾದರು! ಪರಿಸರ ತಜ್ಞರಾದ ಶಿವಾನಂದ ಕಳವೆ, ಪ್ರಕಾಶ ಮೇಸ್ತ, ವಿ ಎನ್ ನಾಯಕ, ಬಾಲಚಂದ್ರ ಸಾಯಿಮನೆ, ನರಸಿಂಹ ಹೆಗಡೆ ವಾನಳ್ಳಿ, ವಿಕಾಸ ತಾಂಡೇಲ ಅವರ ಜೊತೆ ದೂರ ದೂರದ ಊರಿನಿಂದ ಬಂದಿದ್ದ ಕಿಶೋರ ಕುಮಾರ ಹೊಂಗಡಹೊಳ್ಳ, ಗಿರಿಧರ‌ ಕುಲಕರ್ಣಿ, ಡಾ ಅಮಿತ ಹೆಗಡೆ, ಗಿರೀಶ ಜನ್ನೆ, ಟಿಬಿ ರಾಮಚಂದ್ರ ಮೊದಲಾದವರು ತಮ್ಮ ಅಭಿಪ್ರಾಯ ಮಂಡಿಸಲು ಆಸಕ್ತರಾಗಿದ್ದರು. ಆದರೆ, ಆ ಅಭಿಪ್ರಾಯಗಳನ್ನು ಆಲಿಸಿ-ಸಂಗ್ರಹಿಸಿ ಸರ್ಕಾರದ ಮೇಲೆ ಒತ್ತಡ ತರಬೇಕಾದ ಶಾಸಕ-ಸಂಸದರು‌ ಈ ಬಗ್ಗೆ ತಲೆ ಕೆಡಿಸಿಕೊಳ್ಳಲಿಲ್ಲ. ‘ನದಿಗಳು ಭೂಮಿಯ ನರನಾಡಿಗಳಾಗಿದ್ದು, ನದಿ ಹರಿವು ಬದಲಾದರೆ ಅಪಾಯ ನಿಶ್ಚಿತ. ನದಿ ಸಹಜವಾಗಿದ್ದರೆ ಪರಿಸರ‌ ಸಮತೋಲನ ಸಾಧ್ಯ’ ಎಂದು ಈ ಸಭೆಗೆ ಚಾಲನೆ ನೀಡಿದ ಸೋಂದಾ ಸ್ವರ್ಣವಲ್ಲಿ ಮಠದ ಗಂಗಾಧರೇಂದ್ರ ಸರಸ್ವತಿ ಸ್ವಾಮೀಜಿ ಹೇಳಿದರು. ‘ಸರ್ಕಾರ ಐದು ವರ್ಷ ಬಂದು ಹೋಗುತ್ತವೆ. ಆ ಐದು ವರ್ಷದಲ್ಲಿ 50 ವರ್ಷದ ಸಂಪಾದನೆ ಮಾಡುತ್ತವೆ. ಆದರೆ, ನಾವು ಇಲ್ಲಿಯೇ‌ ಬದುಕಬೇಕು. ಅದಕ್ಕಾಗಿ ಪರಿಸರ‌ ಉಳಿವಿಗಾಗಿ ಹೋರಾಟ ಮಾಡಬೇಕು’ ಎಂದು ಕರೆ ನೀಡಿದ ಶ್ರೀಗಳು ಸರ್ಕಾರ ಹಾಗೂ ರಾಜಕಾರಣಿಗಳ ಮನಸ್ಥಿತಿಯ ಬಗ್ಗೆ ತೀಕ್ಷ್ಣವಾಗಿ ತಿಳಿಸಿದರು. ನದಿ ತಿರುವು ಯೋಜನೆಗಳ ಅಪಾಯ ವಿವರಿಸಿದ ಅವರು ಎತ್ತಿನಹೊಳೆ ಯೋಜನೆ ವಿಫಲವಾದ ಉದಾಹರಣೆಯನ್ನು ವಿವರಿಸಿದರು. ‘ಗುತ್ತಿಗೆದಾರರ ಒತ್ತಡದಿಂದ ಸರ್ಕಾರ ಇಂಥ ಅವೈಜ್ಞಾನಿಕ ಯೋಜನೆ ರೂಪಿಸಲು ಮುಂದಾಗಿದೆ. ಯಾವ ಸರ್ಕಾರ ಬಂದರೂ ಇಂಥ ಯೋಜನೆ ನಿಲ್ಲಿಸುತ್ತಿಲ್ಲ. 25 ಸಾವಿರ ಕೋಟಿ ರೂಪಾಯಿಯ ಯೋಜನೆಗಳು ಲಕ್ಷ ಕೋಟಿ ರೂ ದಾಡುತ್ತಿವೆ. ಇಂಥ ಯೋಜನೆಗಳ ಹಿಂದಿರುವ ಕಾಣದ ಕೈ ಗುತ್ತಿಗೆ ಮಾಫಿಯಾ’ ಎಂದು ವಾಲ್ಮಿ ನೀರಾವರಿ ಸಂಸ್ಥೆಯ ನಿವೃತ್ತ‌ ನಿರ್ದೇಶಕ ರಾಜೇಂದ್ರ ಪೊದ್ದಾರ್ ಅವರು ವಿವರಿಸಿದರು. ಭೂಗರ್ಭ ಶಾಸ್ತ್ರಜ್ಞ ಶ್ರೀನಿವಾಸ ರೆಡ್ಡಿ ಅವರು ‘ಮುಂದಿನ ದಿನದಲ್ಲಿ ಇಲ್ಲಿಯೇ‌ ನೀರು ಕಡಿಮೆ ಆಗುವ ಸಾಧ್ಯತೆಗಳಿವೆ. ಹೀಗಿರುವಾಗ ಇಲ್ಲಿನ ನೀರನ್ನು ಬೇರೆ ಕಡೆ ಒಯ್ಯುವ ಯೋಜನೆ ಸರಿಯಲ್ಲ’ ಎಂದು ವಿವರಿಸಿದರು. ಪಶ್ಚಿಮಘಟ್ಟ ಪ್ರದೇಶದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಭೂ‌ ಕಂಪನ, ಭೂ ಕುಸಿತ ಹಾಗೂ ಸಿಡಿಲಿನ ಪ್ರಭಾವದ ಬಗ್ಗೆ ಅವರು ವೈಜ್ಞಾನಿಕ ಕಾರಣ ತೆರೆದಿಟ್ಟರು.
- [70 ಅಡಿ ಆಳಕ್ಕೆ ಬಿದ್ದ ಬೈಕು: ಅಲ್ಲಿಯೇ ಅಂತ್ಯವಾದ ಸವಾರನ‌ ಬದುಕು](https://mobiletime.in/2025/11/bike-falls-70-feet-deep-riders-life-ends-there/): ಧರೆ ಕುಸಿತ ಪ್ರದೇಶದಲ್ಲಿ ಬೈಕ್ ಓಡಿಸಿದ ವ್ಯಕ್ತಿಯೊಬ್ಬರು ಕಂದಕಕ್ಕೆ ಬಿದ್ದು ಸಾವನಪ್ಪಿದ್ದಾರೆ. ಸಿದ್ದಾಪುರದ ಕಾನಸೂರು ಬಾಳೇಸರ ರಸ್ತೆಯ ಕೋಡ್ಸರ ಸಮೀಪ ಧರೆ ಕುಸಿತ ಪ್ರದೇಶದಲ್ಲಿ ಶವ ಸಿಕ್ಕಿದೆ. 70ಅಡಿ ಆಳಕ್ಕೆ ಬಿದ್ದ‌ ಸ್ಥಿತಿಯಲ್ಲಿ ಬೈಕ್ ಜೊತೆ ಸವಾರನ ಶವ ಕಾಣಿಸಿದೆ. ಶುಕ್ರವಾರ ರಾತ್ರಿ ಅಥವಾ ಶನಿವಾರ ಬೆಳಗ್ಗೆ ಈ ಅವಘಡ ನಡೆದ ಬಗ್ಗೆ ಅಂದಾಜಿಸಲಾಗಿದೆ. ಸ್ಥಳೀಯರೊಬ್ಬರ ಮನೆಯ ಕೆಲಸದ ಕಾರ್ಮಖರು ಶನಿವಾರ ಸಂಜೆ ಸುಮಾರು 5 ಗಂಟೆ ಹೊತ್ತಿಗೆ ತೋಟದಲ್ಲಿ ಅಡಿಕೆ ಆರಿಸುತ್ತಿರುವಾಗ‌ ಗಿಡಗಳ ನಡುವೆ ಬೈಕ್ ನೋಡಿದ್ದಾರೆ. ಸಮೀಪ ಹೋದಾಗ ಅಲ್ಲಿ ಶವವೂ ಕಾಣಿಸಿದೆ. ಪೊಲೀಸರು ಘಟನಾ ಸ್ಥಳಕ್ಕೆ ಆಗಮಿಸಿದ್ದಾರೆ. ಪೂರ್ಣ ಮಾಹಿತಿ ಕಲೆ ಹಾಕುತ್ತಿದ್ದು, ಇನ್ನಷ್ಟು ವಿವರಕ್ಕಾಗಿ ನಿರೀಕ್ಷಿಸಲಾಗಿದೆ.
- [ಅನೇಕರಿಗೆ ಗೊತ್ತಿಲ್ಲ ಈ ವಿಷಯ: ನಾಯಿ ಕಚ್ಚಿದರೂ ಸಿಗುತ್ತೆ ಪರಿಹಾರ!](https://mobiletime.in/2025/11/many-people-dont-know-this-even-if-you-get-bitten-by-a-dog-you-can-get-relief/): ಬೀದಿ ನಾಯಿ ದಾಳಿಯಿಂದ ಸಂತ್ರಸ್ತರಾದವರಿಗೆ ಸರ್ಕಾರ 5 ಸಾವಿರ ರೂಪಾಯಿಯಿಂದ 5 ಲಕ್ಷ ರೂಪಾಯಿವರೆಗೆ ಪರಿಹಾರ ವಿತರಿಸುತ್ತದೆ. ಆದರೆ, ಮಾಹಿತಿ ಕೊರತೆಯಿಂದಾಗಿ ಇದಕ್ಕೆ ಅರ್ಜಿ ಹಾಕುವವರೇ ಇಲ್ಲ! ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಸ್ಥಳೀಯ ಸಂಸ್ಥೆಗಳಲ್ಲಿಯೂ ಬೀದಿ ನಾಯಿ ಹಾವಳಿ ಹೆಚ್ಚಾಗಿದೆ. ಬೀದಿ ನಾಯಿ ನಿಯಂತ್ರಣಕ್ಕೆ ಸಂತಾನ ಹರಣ ಚಿಕಿತ್ಸೆ ನೆಪದಲ್ಲಿ ಆಡಳಿತದಲ್ಲಿರುವವರು ಲಕ್ಷಾಂತರ ರೂ ವೆಚ್ಚ ಮಾಡುತ್ತಿದ್ದಾರೆ. ಅದಾಗಿಯೂ ವರ್ಷದಿಂದ ವರ್ಷಕ್ಕೆ ಬೀಡಾಡಿ ನಾಯಿಗಳ ಸಂಖ್ಯೆ ಹೆಚ್ಚಾಗುತ್ತಿದೆಯೇ ವಿನ: ಸಮಸ್ಯೆ ಮಾತ್ರ ತಪ್ಪುತ್ತಿಲ್ಲ. ಅದರಲ್ಲಿಯೂ ಅನೇಕ ಬಗೆಯ ಆಕ್ರಮಣಕಾರಿ ಬೀದಿ ನಾಯಿಗಳು ಜಿಲ್ಲೆಯಲ್ಲಿವೆ. ಚಿಕ್ಕ ಮಕ್ಕಳನ್ನು ಗುರಿಯಾಗಿರಿಸಿಕೊಂಡು ದಾಳಿ ನಡೆಸುವ ನಾಯಿಗಳ ವಿರುದ್ಧ ಜನಸಾಮಾನ್ಯರು ಪ್ರತಿಭಟಿಸಿದರೂ ಅವುಗಳ ವಿರುದ್ಧ ಕಠಿಣ ಕ್ರಮವಾಗಿಲ್ಲ. ಈ ಎಲ್ಲದರ ನಡುವೆ ಬೀದಿ ನಾಯಿ ಆಕ್ರಮಣಕ್ಕೆ ಒಳಗಾದವರಿಗೆ ಸರ್ಕಾರ ಸೂಕ್ತ ಪರಿಹಾರ ಒದಗಿಸುವಂತೆ ಸ್ಥಳೀಯ ಆಡಳಿತಕ್ಕೆ ಸೂಚನೆ ನೀಡಿದೆ. ಆದರೆ, ಆ ಆದೇಶ ಪಾಲನೆಯೂ ಆಗುತ್ತಿಲ್ಲ. ಆಕ್ರಮಕ್ಕೆ ಒಳಗಾದವರು ಪರಿಹಾರಕ್ಕಾಗಿ ಅರ್ಜಿಯನ್ನು ಸಲ್ಲಿಸುತ್ತಿಲ್ಲ. ಭಾರತ ಸರ್ಕಾರದ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೂನುಗಾರಿಕೆ ಮಂತ್ರಾಲಯವೂ 2023ರಲ್ಲಿ ಪ್ರಾಣಿ ಸಂತಾನ ನಿಯಂತ್ರಣ ನಿಯಮವನ್ನು ಜಾರಿಗೆ ತಂದಿದೆ. ರಾಜ್ಯಮಟ್ಟದಲ್ಲಿಯೂ ಪ್ರಾಣಿ ಸಂತಾನ ನಿಯಂತ್ರಣ ಮೇಲ್ವಿಚಾರಣೆ ಹಾಗೂ ಅನುಷ್ಠಾನ ಸಮಿತಿ ಕಾರ್ಯ ನಿರ್ವಹಿಸುತ್ತಿದೆ. ಧಾರವಾಡ ಉಚ್ಛ ನ್ಯಾಯಾಲಯದಲ್ಲಿ ಸಲ್ಲಿಕೆಯಾದ ರಿಟ್ ಪಿಟಿಶನ್ ಅನ್ವಯ ಬೀದಿ ನಾಯಿಗಳ ಹಾವಳಿಯಿಂದ ಸಂತ್ರಸ್ತರಾದವರಿಗೆ ಸರ್ಕಾರ ಪರಿಹಾರ ವಿತರಿಸಲು ಆಸಕ್ತಿವಹಿಸಿದೆ. ಅದರ ಪ್ರಕಾರ ನಾಯಿ ದಾಳಿಗೆ ಒಳಗಾದವರ ಚಿಕಿತ್ಸಾ ವೆಚ್ಚ ಭರಿಸುವುದು ಸ್ಥಳೀಯ ಆಡಳಿತದ ಹೊಣೆಯಾಗಿದೆ. ಆದರೆ, ಜನ ಜಾಗೃತಿ ಕೊರತೆಯಿಂದ ಬೀದಿ ನಾಯಿ ಆಕ್ರಮಣಕ್ಕೆ ಒಳಗಾದವರು ಸ್ಥಳೀಯ ಆಡಳಿತಕ್ಕೆ ಮಾಹಿತಿ ನೀಡುತ್ತಿಲ್ಲ. ನಾಯಿ ದಾಳಿಗೆ ಒಳಗಾಗಿ ಸರ್ಕಾರಿ ಆಸ್ಪತ್ರೆಗೆ ದಾಖಲಾದವರ ಮಾಹಿತಿಯೂ ಸಮನ್ವಯ ಕೊರತೆಯಿಂದ ನಗರ ಸಂಸ್ಥೆಗಳಿಗೆ ತಲುಪುತ್ತಿಲ್ಲ. ನಾಯಿ ಆಕ್ರಮಣಕ್ಕೆ ಒಳಗಾಗಿ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆಪಡೆಯುವವರ ವಿವರ ಸರ್ಕಾರಕ್ಕೆ ಸಿಗುತ್ತಿಲ್ಲ. ಈ ಎಲ್ಲಾ ಹಿನ್ನಲೆ ಸಂತ್ರಸ್ತರಿಗೆ ಬೀದಿ ನಾಯಿಗಳ ಆಕ್ರಮಣಕ್ಕೆ ಒಳಗಾದವರಿದ್ದರೂ ಅವರಿಗೆ ಸಿಗಬೇಕಾದ ಸೌಲಭ್ಯ ಸಿಗುತ್ತಿಲ್ಲ. ಬೀದಿ ನಾಯಿ ಕಚ್ಚಿ ಗಾಯಗೊಂಡ ಪ್ರತಿಯೊಬ್ಬರಿಗೂ 5 ಸಾವಿರ ರೂ ಕನಿಷ್ಟ ನೆರವು ನೀಡುವಂತೆ ಸರ್ಕಾರ ಸೂಚಿಸಿದೆ. ನಾಯಿ ಆಕ್ರಮಣದಿಂದ ಸಾವನಪ್ಪಿದವರ ಕುಟುಂಬಕ್ಕೆ 5 ಲಕ್ಷ ರೂ ಪರಿಹಾರ ಒದಗಿಸಲು ನಿರ್ದೇಶನವಿದೆ. ಇದಕ್ಕಾಗಿ ಸ್ಥಳೀಯ ಸಂಸ್ಥೆ ಮುಖ್ಯಸ್ಥರು, ತಾಲೂಕು ಆರೋಗ್ಯ ಅಧಿಕಾರಿಗಳು, ಪಶು ಸಂಗೋಪನಾ ಇಲಾಖೆಯ ಸಹಾಯಕ ನಿರ್ದೇಶಕರು ಹಾಗೂ ಸ್ಥಳೀಯ ಸಂಸ್ಥೆ ಆರೋಗ್ಯ ಅಧಿಕಾರಿ ಮಟ್ಟದಲ್ಲಿ ಸಮಿತಿಯನ್ನು ರಚಿಸಲಾಗಿದೆ. ಬೀದಿ ನಾಯಿ ದಾಳಿ ನಡೆದ ನಂತರ ದೂರು ಬರೆದೇ ಇದ್ದರೂ ಆಸ್ಪತ್ರೆಯಲ್ಲಿ ದಾಖಲಾಗುವ ರೋಗಿ ಆಧಾರದ ಮೇಲೆ ವಿವರಪಡೆದು ಮುಂದಿನ ಕ್ರಮ ಜರುಗಿಸಲು ಸರ್ಕಾರದ ನಿರ್ದೇಶನವಿದೆ. ದಾಳಿಗೆ ಒಳಗಾದವರಿಗೆ ಯೋಗ್ಯ ಚಿಕಿತ್ಸೆ ಒದಗಿಸುವುದು, ಮಹಜರು ನಡೆಸುವುದು, ಪರಿಹಾರ ವಿತರಣೆವರೆಗಿನ ಎಲ್ಲಾ ಜವಾಬ್ದಾರಿಗಳನ್ನು ಸಮಿತಿಗೆವಹಿಸಲಾಗಿದೆ. ಆದರೆ, ಇಲಾಖೆಗಳ ನಡುವಿನ ಸಮನ್ವಯ ಕೊರತೆ ಹಾಗೂ ಜನ ಜಾಗೃತಿ ಸಮಸ್ಯೆಯಿಂದ ಬೀದಿ ನಾಯಿ ದಾಳಿಗೆ ಒಳಗಾದವರಿಗೆ ಪರಿಹಾರ ಸಿಗುತ್ತಿಲ್ಲ.
- [2025 ನವೆಂಬರ್ 23ರ ದಿನ ಭವಿಷ್ಯ](https://mobiletime.in/2025/11/prediction-for-november-23-2025/): ಮೇಷ ರಾಶಿ: ಈ ದಿನ ನೀವು ಮಾಡಿದ ಕಾರ್ಯಗಳು ಲಾಭವನ್ನು ನೀಡುತ್ತವೆ. ಕುಟುಂಬದೊoದಿಗೆ ಕಾಲ ಕಳೆಯುವಿರಿ. ಪ್ರವಾಸದ ಲಕ್ಷಣಗಳಿವೆ. ಮಾರ್ಕೆಂಟಿoಗ್, ಬ್ಯಾಂಕಿoಗ್ ವಿಭಾಗದಲ್ಲಿರುವವರಿಗೆ ಉತ್ತಮ ದಿನ. ವೃಷಭ ರಾಶಿ: ದುಪ್ಪಟ್ಟು ಲಾಭ ಸಿಗುವ ದಿನವಾಗಿದ್ದು, ಆರ್ಥಿಕ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ. ಉದ್ಯೋಗದ ಅವಕಾಶಗಳು ಬರಲಿದೆ. ಮದುವೆ ಮಾತುಕಥೆಗಳಿಗೆ ಸಕಾಲ. ರಾಜಕೀಯ, ಸಮಾಜ ಸೇವೆಯಲ್ಲಿರುವವರಿಗೆ ಯಶಸ್ಸು ಸಿಗಲಿದೆ. ಮಿಥುನ ರಾಶಿ: ಧೈರ್ಯ ಹಾಗೂ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಹೂಡಿಕೆಯಿಂದ ಲಾಭ ಸಿಗಲಿದೆ. ರೈತರಿಗೆ ಉತ್ತಮ ಸಮಯ. ಉದ್ಯೋಗ ಹುಡುಕಾಟದಲ್ಲಿರುವವರಿಗೆ ಶುಭಗಳಿಗೆ. ಹಣಕಾಸಿನ ಸಮಸ್ಯೆಗಳು ದೂರವಾಗುತ್ತದೆ. ಕರ್ಕ ರಾಶಿ: ಉದ್ಯೋಗ, ವ್ಯಾಪಾರದಲ್ಲಿ ಸಹಕಾರದಿಂದ ಯಶಸ್ಸು ಸಿಗಲಿದೆ. ಪರಶಿವನ ಅನುಗ್ರಹದಿಂದ ಉನ್ನತ ಸ್ಥಾನ ದೊರೆಯಲಿದೆ. ನಿಮ್ಮ ಪರಿಶ್ರಮ ಫಲಕಾರಿಯಾಗುತ್ತದೆ. ಸಿಂಹ: ನಿಮ್ಮ ಪ್ರಯತ್ನಗಳು ಸರಿಯಾದ ಮಾರ್ಗದಲ್ಲಿದ್ದರೆ ಜಯ ಸಿಗುತ್ತದೆ. ವೈಯಕ್ತಿಕ ವಿಷಯಗಳಲ್ಲಿ ಸಂವಹನ ಮುಖ್ಯವಾಗಿದೆ. ಧೈರ್ಯದಿಂದ ಕೆಲಸ ಮಾಡಿ. ಕನ್ಯಾ ರಾಶಿ: ಕೆಲಸದಲ್ಲಿ ಎಚ್ಚರಿಕೆ ಅಗತ್ಯ. ವಿವಾದದಿಂದ ದೂರವಿದ್ದಷ್ಟು ಒಳಿತು. ವ್ಯಾಪಾರದಲ್ಲಿ ಲಾಭ ಸಾಧ್ಯ. ಸೂರ್ಯನ ಅನುಗ್ರಹದಿಂದ ಯಶಸ್ಸು ಸಿಗಲಿದೆ. ತುಲಾ ರಾಶಿ: ವ್ಯಾಪಾರದಲ್ಲಿ ಲಾಭ ಸಿಗಲಿದೆ. ಮನಸ್ಸಿನ ಬಯಕೆಗಳು ಈಡೇರಲಿದೆ. ದೂರ ಪ್ರಯಾಣಕ್ಕೆ ಈ ದಿನ ಸೂಕ್ತವಲ್ಲ. ವೃಶ್ಚಿಕ: ಹೊಸ ಯೋಜನೆಗಳು ಲಾಭದಾಯಕವಾಗಿರಲಿದೆ. ಕುಟುಂಬ ಶಾಂತಿ-ನೆಮ್ಮದಿ ಸಿಗಲಿದೆ. ದೀರ್ಘಕಾಲದ ಹಣಕಾಸಿನ ಸಮಸ್ಯೆಗಳು ದೂರವಾಗಲಿದೆ. ಉದ್ಯೋಗ ಅವಕಾಶಗಳು ಅರೆಸಿ ಬರಲಿದೆ. ಧನು ರಾಶಿ: ಪ್ರಯಾಣ ಮತ್ತು ಶಿಕ್ಷಣಕ್ಕೆ ಉತ್ತಮ ಸಮಯ. ನೀವು ಎದುರಿಸುವ ಸಮಸ್ಯೆಗಳು ದೂರವಾಗಲಿದೆ. ಪರಿಸ್ಥಿತಿಗೆ ಹೊಂದಿಕೊAಡು ಹೋಗುವುದು ಜಾಣತನ ಮಕರ ರಾಶಿ: ಮನೆಯ ಬಗ್ಗೆ ಕಾಳಜಿವಹಿಸಿ. ಕುಟುಂಬದವರ ಆಗು-ಹೋಗುಗಳಿಗೆ ಸ್ಪಂದಿಸಿ. ಶ್ರಮಕ್ಕೆ ತಕ್ಕ ಫಲ ಸಿಗಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ಅಗತ್ಯ. ಕುಂಭ ರಾಶಿ: ಹಣಕಾಸು ಯೋಗ ಕೂಡಿ ಬರಲಿದೆ. ಹೂಡಿಕೆಯಲ್ಲಿ ಲಾಭ ಸಿಗಲಿದೆ. ಮಾಡುವ ಕೆಲಸದಲ್ಲಿ ಶ್ರದ್ದೆ ಅಗತ್ಯ. ಸಂಪತ್ತು ಅಧಿಕವಾಗಲಿದೆ. ಮೀನ ರಾಶಿ: ಕೆಲಸದಲ್ಲಿ ಬುದ್ಧಿವಂತಿಕೆ ಬೇಕು. ಜೀವನದಲ್ಲಿ ಯಶಸ್ಸು ಸಾಧಿಸಲು ಶ್ರಮ ಅಗತ್ಯ. ವ್ಯಾಪಾರ-ವಹಿವಾಟು ತಕ್ಕಮಟ್ಟಿಗೆ ಆಗಲಿದೆ. ಒತ್ತಡ ನಿವಾರಣೆ ಆಗಲಿದ್ದು, ಕುಟುಂಬದಲ್ಲಿ ನೆಮ್ಮದಿ ಕಾಣುವಿರಿ.
- [ಪತ್ನಿಯಿಂದಲೇ ಹನಿಟ್ರಾಪ್: ಮದುವೆಯಾಗಿ ಮೋಸ ಹೋದ ಡಾಕ್ಟರು!](https://mobiletime.in/2025/11/honeytrapped-by-his-wife-doctors-cheated-on-by-marriage/): ಮದುವೆ ಆದ ಗಂಡನ ವಿರುದ್ಧವೇ ಅತ್ಯಾಚಾರ ಆರೋಪ ಮಾಡಿದ ಮಹಿಳೆಯೊಬ್ಬರು 15 ಲಕ್ಷ ರೂ ಬೇಡಿಕೆಯಿಟ್ಟ ವಿಚಿತ್ರ ವಿದ್ಯಮಾನ ಭಟ್ಕಳದಲ್ಲಿ ಬೆಳಕಿಗೆ ಬಂದಿದೆ. ಹಣಕೊಡದ ಕಾರಣ ಮಹಿಳೆ ಅತ್ಯಾಚಾರದ ದೂರು ನೀಡಿದ್ದು, ನಿಸಾರ್ ಸಾಹೇಬ್ ಅವರು 28 ದಿನದ ಜೈಲು ವಾಸ ಮುಗಿಸಿ ಮನೆಗೆ ಮರಳಿದ್ದಾರೆ! ಭಟ್ಕಳದ ಆಜಾದ್ ನಗರದಲ್ಲಿ ನಿಸಾರ್ ಸಾಹೇಬ್ ಅವರು ವಂಶಪಾರoಪರಿಕವಾಗಿ ಹೋಮಿಯೋಪತಿ ಔಷಧಿ ನೀಡುತ್ತ ಬಂದಿದ್ದಾರೆ. ಕುರಾನ್ ಶಿಕ್ಷಕರಾಗಿಯೂ ಅವರು ಕೆಲಸ ಮಾಡುತ್ತಿದ್ದಾರೆ. ಅಕ್ಟೊಬರ್ 29ರಂದು ಅವರು ಮುಸ್ಲಿಂ ಸಮುದಾಯದ ಸಂಪ್ರದಾಯದ ಪ್ರಕಾರ ಹೆಬಳೆ ಗಾಂಧೀನಗರದ ಪ್ರಥಿಮಾ (ಹೆಸರು ಬದಲಿಸಿದೆ) ಎಂಬಾತರನ್ನು ಎರಡನೇ ಪತ್ನಿಯನ್ನಾಗಿ ಸ್ವೀಕರಿಸಿದ್ದಾರೆ. ಅದಾದ ನಂತರ ಪ್ರಥಿಮಾ ಅವರನ್ನು ಬೆಂಗಳೂರಿಗೆ ಕರೆದೊಯ್ದಿದ್ದಾರೆ. ಆದರೆ, ಪ್ರಥಿಮಾ ಅವರು ಬೆಂಗಳೂರಿಗೆ ಹೋದ ತಕ್ಷಣ `ಸಂಬoಧಿಕರಿಗೆ ಅನಾರೋಗ್ಯ’ ಎಂದು ಹೇಳಿ ಭಟ್ಕಳ ಬಸ್ಸು ಹತ್ತಿದ್ದಾರೆ. ಭಟ್ಕಳಕ್ಕೆ ಬಂದ ಪ್ರಥಿಮಾ ಅವರು ಹೆಬಳೆಯಲ್ಲಿರುವ ನಿಸಾರ್ ಸಾಹೇಬ್ ಅಕ್ಕನ ಮನೆಯಲ್ಲಿ ವಾಸವಾಗಿದ್ದು, ಅಕ್ಟೊಬರ್ 11ರಂದು ನಿಸಾರ್ ಸಾಹೇಬ್ ಅವರು ಪತ್ನಿ ನೋಡಲು ಊರಿಗೆ ಮರಳಿದರು. ಆ ದಿನ ರಾತ್ರಿ ಪತ್ನಿ ಕರೆದುಕೊಂಡು ಅವರು ಆಲ್ ಮುನಾಲ್ ಲಾಡ್ಜಿಗೆ ಹೋದರು. ಆಗ ಅಲ್ಲಿ ಅನೇಕ ಜನ ಜಮಾಯಿಸಿದ್ದು, `ನಿನ್ನ ಜೊತೆ ಇದ್ದವರು ಯಾರು?’ ಎಂದು ನಿಸಾರ್ ಸಾಹೇಬ್ ಅವರನ್ನು ಪ್ರಶ್ನಿಸಿದರು. ಆಗ, ನಿಸಾರ್ ಸಾಹೇಬ್ ಅವರು `ಆಕೆ ನನ್ನ ಪತ್ನಿ’ ಎಂದರು. ಆದರೆ, ಪ್ರಥಿಮಾ ಅವರು `ನನ್ನನ್ನು ಬಲವಂತವಾಗಿ ಇಲ್ಲಿ ಕರೆದುಕೊಂಡು ಬಂದಿದ್ದಾರೆ. ಈ ಮೊದಲು ಬೇರೆ ಬೇರೆ ಕರೆದೊಯ್ದು ರೇಪ್ ಮಾಡಿದ್ದಾರೆ’ ಎಂದು ಕೂಗಾಡಿದರು! ತಕ್ಷಣ ಪ್ರಥಿಮಾ ಅವರು ನಿಸಾರ್ ಸಾಹೇಬ್ ಅವರ ಮೊಬೈಲ್ ಕಸಿದರು. `15 ಲಕ್ಷ ರೂ ಕೊಟ್ಟು ಸೆಟ್ಲಮೆಂಟ್ ಮಾಡಿಕೋ. ಇಲ್ಲವಾದರೆ ನಿನ್ನ ವಿರುದ್ಧ ರೇಪ್ ಕೇಸ್ ಹಾಕುವೆ’ ಎಂದು ಬೆದರಿಸಿದರು. ಇದಕ್ಕಾಗಿ 15 ದಿನ ಕಾಲಾವಕಾಶ ಕೊಟ್ಟಿದ್ದು, ಸೆಪ್ಟಂಬರ್ 14ರಂದು ಭಟ್ಕಳ ಗ್ರಾಮೀಣ ಠಾಣೆಗೆ ಹೋಗಿ ನಿಸಾರ್ ಸಾಬ್ ವಿರುದ್ಧ ಪ್ರಥಿಮಾ ಅವರು ಅತ್ಯಾಚಾರದ ದೂರು ದಾಖಲಿಸಿದರು. ಪರಿಣಾಮ ನಿಸಾರ್ ಸಾಹೇಬ್ ಅವರು 28 ದಿನಗಳ ಕಾಲ ಜೈಲು ಅನುಭವಿಸಿದರು. ಜಾಮೀನಿನ ಮೇಲೆ ಹೊರಬಂದ ನಿಸಾರ್ ಸಾಹೇಬ್ ಅವರು ತಮಗಾದ ಹನಿಟ್ರಾಪ್ ಅನುಭವವನ್ನು ಬಿಚ್ಚಿಟ್ಟರು. ಅನ್ಯಾಯದ ಬಗ್ಗೆ ಪೊಲೀಸ್ ದೂರು ದಾಖಲಿಸಿ, ವಿಷಯ ವಿವರಿಸಿದರು
- [ಮೊಬೈಲ್ ಬಳಸಿ.. ಕೀಟ ಓಡಿಸಿ!](https://mobiletime.in/2025/11/use-the-mobile-app-drive-away-insects/): ಕೇಂದ್ರ ಸರ್ಕಾರ ರೈತರ ಕಲ್ಯಾಣಕ್ಕಾಗಿ ರಾಷ್ಟ್ರೀಯ ಕೀಟ ಕಣ್ಗಾವಲು ವ್ಯವಸ್ಥೆ ಜಾರಿಗೆ ತಂದಿದ್ದು, ಕೀಟಗಳ ಬಗ್ಗೆ ಮಾಹಿತಿ ಹಾಗೂ ಅವುಗಳಿಂದ ಬರುವ ರೋಗ ನಿಯಂತ್ರಣಕ್ಕಾಗಿ ಮೊಬೈಲ್ ಅಪ್ಲಿಕೇಶನ್ ಹೊರ ತಂದಿದೆ. National Pest Surveillance System- NPSS ಎಂಬ ಅಪ್ಲಿನೇಶನ್’ನ್ನು ಮೊಬೈಲಿಗೆ ಅಳವಡಿಸಿದ ರೈತರು ಉಚಿತವಾಗಿ ಕೀಟಿ ನಿಯಂತ್ರಣ ಮಾಹಿತಿಪಡೆಯಲು ಅವಕಾಶ ನೀಡಲಾಗಿದೆ. ಪ್ಲೇ ಸ್ಟೋರಿನಲ್ಲಿ ಈ ಅಪ್ಲಿಕೇಶನ್ ಲಭ್ಯವಿದ್ದು, ವಿವಿಧ ಬೆಳೆಗಳಲ್ಲಿ ಕಾಣಬರುವ ಕೀಟ ಹಾಗೂ ರೋಗಗಳ ನಿಯಂತ್ರಣದ ಬಗ್ಗೆ ಅಲ್ಲಿ ಮಾಹಿತಿ ನೀಡಲಾಗುತ್ತದೆ. ಕನ್ನಡ ಸೇರಿ ಅನೇಕ ಭಾಷೆಗಳಲ್ಲಿ ಮಾಹಿತಿ ಲಭ್ಯವಿದೆ. ಬಳಕೆದಾರ ಮಾಹಿತಿ ಪಡೆಯುವ ಮುನ್ನ ಬೆಳೆ, ಕೀಟ, ಊರಿನ ಮಾಹಿತಿಯನ್ನು ಆಯ್ಕೆ ಮಾಡಬೇಕಿದ್ದು, ಕನ್ನಡ ಅಕ್ಷರಗಳು ಅಲ್ಲಿ ಸರಿಯಾಗಿ ಪ್ರದರ್ಶನವಾಗುತ್ತಿಲ್ಲ. ಜೊತೆಗೆ ಮುಖ್ಯವಾಗಿ ಆಹಾರ ಬೆಳೆಗಳ ಕೀಟಬಾಧೆಗೆ ಮಾತ್ರ ಅಲ್ಲಿ ಪರಿಹಾರ ಒದಗಿಸುವ ಮಾಹಿತಿ ಸಿಗುತ್ತಿದೆ. ಅಕ್ಷರದ ಜೊತೆ ಧ್ವನಿ ಮುದ್ರಣದ ರೂಪದಲ್ಲಿಯೂ ಕೀಟನಾಶಕ ಬಳಕೆ ಬಗ್ಗೆ ಅಪ್ಲಿಕೇಶನ್ ಮೂಲಕ ಮಾಹಿತಿ ನೀಡಲಾಗುತ್ತಿದೆ. ಅದಾಗಿಯೂ, ರೈತರು ಈ ಮೊಬೈಲ್ ಅಪ್ಲಿಕೇಶನ್ ಬಳಸಿ ಕೀಟ ನಿಯಂತ್ರಣದ ಬಗ್ಗೆ ಮಾಹಿತಿಪಡೆಯಲು ತೋಟಗಾರಿಕಾ ಇಲಾಖೆಯ ಜಂಟಿ ನಿರ್ದೇಶಕರು ಕೋರಿದ್ದಾರೆ.
- [ಸಂಚಾರಿ ರಥಕ್ಕೆ ಸ್ಕೋಡ್‌ವೆಸ್ ಚಾಲಕ: ದೃಷ್ಠಿದೋಷ ದೂರಕ್ಕೆ ಈ ಆಸ್ಪತ್ರೆ ಸಹಾಯಕ](https://mobiletime.in/2025/11/scodves-driver-for-a-mobile-chariot-this-hospital-helps-in-curing-visual-impairment/): ಗುಡ್ಡಗಾಡು ಜನರಿಗೆ ಆರೋಗ್ಯ ಸೇವೆ ನೀಡಿ ಅನುಭವವಿರುವ ಸ್ಕೋಡ್‌ವೆಸ್ ಸಂಸ್ಥೆ ಸದ್ಯ ಗ್ರಾಮೀಣ ಭಾಗದ ಜನ ಅನುಭವಿಸುವ ಕಣ್ಣಿನ ಸಮಸ್ಯೆ ಬಗೆಹರಿಸುವುದಕ್ಕಾಗಿ `ನೇತ್ರರಥ’ ಎಂಬ ಸಂಚಾರಿ ಕಣ್ಣಿನ ಆಸ್ಪತ್ರೆಯನ್ನು ರೂಪಿಸಿದೆ. ಆ ಮೂಲಕ ಉತ್ತರ ಕನ್ನಡ ಜಿಲ್ಲೆಯ ಹಳ್ಳಿ ಹಳ್ಳಿಗೂ ಈ ವಾಹನದ ಮೂಲಕ ನುರಿತ ವೈದ್ಯರನ್ನು ಕಳುಹಿಸಿ ಜನರ ದೃಷ್ಠಿದೋಷ ದೂರ ಮಾಡುವ ಪ್ರಯತ್ನಕ್ಕೆ ಸ್ಕೋಡ್‌ವೆಸ್ ಮುಂದಾಗಿದೆ. ಗುಜರಾತ್‌ನ ದೇಸಾಯಿ ಫೌಂಡೇಶನ್, ಕೇರಳದ ಆಧ್ಯನ್ ಫೌಂಡೇಶನ್ ಹಾಗೂ ಜಿಲ್ಲಾ ಅಂಧತ್ವ ನಿವಾರಣಾ ಸಂಸ್ಥೆಯ ಸಹಯೋಗದಲ್ಲಿ ಈ ರಥ ಸಂಚರಿಸಲಿದ್ದು, ನವೆಂಬರ್ 24ರ ಬೆಳಗ್ಗೆ 11.30ಕ್ಕೆ ಶಿರಸಿಯ ಹುಲೇಕಲ್ ಪಂಚಾಯಿತಿಯ ಆವಾರದಲ್ಲಿ ಲೋಕಸಭಾ ಸದಸ್ಯ ವಿಶ್ವೇಶ್ವರ ಹೆಗಡೆ ಕಾಗೇರಿ ಇದನ್ನು ಉದ್ಘಾಟನೆ ಮಾಡಲಿದ್ದಾರೆ. ಅದಾದ ನಂತರ ಕಣ್ಣಿನ ಆರೋಗ್ಯ ರಕ್ಷಣೆಗಾಗಿ ಸಿದ್ಧವಾದ ಸ್ಕೊಡ್‌ವೆಸ್ ಸಂಸ್ಥೆಯ ನೇತ್ರರಥ ವಾಹನ ಎಲ್ಲಡೆ ಸಂಚರಿಸಿ ದೃಷ್ಠಿದೋಷ ನಿವಾರಣೆಗೆ ಶ್ರಮಿಸಲಿದೆ. ಸದ್ಯದ ವೇಳಾಪಟ್ಟಿಯಂತೆ ಜಿಲ್ಲೆಯ ಎಲ್ಲಾ ಗ್ರಾಮ ಪಂಚಾಯತ ಮಟ್ಟದಲ್ಲಿ ನೇತ್ರರಥದ ಸಂಚಾರ ನಡೆಯಲಿದೆ. ಈ ರಥದಲ್ಲಿ ವಿನೂತನ ಯಂತ್ರೋಪಕರಣಗಳನ್ನು ಸಜ್ಜುಗೊಳಿಸಲಾಗಿದೆ. ನವೆಂಬರ್ 24ರ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಶಿರಸಿ-ಸಿದ್ದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಯೋಜನೆಗೆ ಚಾಲನೆ ನೀಡಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ವಿಧಾನಪರಿಷತ್ ಸದಸ್ಯ ಶಾಂತಾರಾಮ ಸಿದ್ದಿ, ಶಿರಸಿ ನಗರದ ಸಹಾಯಕ ಆಯುಕ್ತೆ ಕಾವ್ಯಾರಾಣಿ, ಶಿರಸಿ ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷರಾದ ಜಗದೀಶ ಗೌಡ ಭಗವಹಿಸಲಿದ್ದಾರೆ. ವಿಶೇಷ ಆಹ್ವಾನಿತರಗಾಗಿ ಗುಜರಾತ್‌ನ ದೇಸಾಯಿ ಫೌಂಡೇಶನ್‌ನ ಅಭಿವೃದ್ಧಿ ವಿಭಾಗದ ನಿರ್ದೇಶಕ ಮನೋಜ ಪಾಂಡಾ, ಕೇರಳದ ಆಧ್ಯನ್ ಫೌಂಡೇಶನ್‌ನ ಮುಖ್ಯಸ್ಥರಾದ ಅಂಜನಾ ಕಾವೂರು, ಬೆಂಗಳೂರಿನ ನಯನ ಜ್ಯೋತಿ ಟ್ರಸ್ಟ್ನ ಸಂಸ್ಥಾಪಕ ಟ್ರಸ್ಟಿ ಜಯರಾಮನ್, ಸ್ಕೊಡ್‌ವೆಸ್ ಸಂಸ್ಥೆಯ ಆಡಳಿತ ಮಂಡಳಿಯ ಉಪಾಧ್ಯಕ್ಷರಾದ ಕುಮಾರ ವಿ ಕೂರ್ಸೆ, ಕಾರ್ಯದರ್ಶಿ ಮತ್ತು ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿ, ಸಹ-ಕಾರ್ಯದರ್ಶಿ ಕೆ ಎನ್ ಹೊಸಮನಿ, ಕಾರ್ಯಕಾರಿ ಸದಸ್ಯರಾದ ದಯಾನಂದ ಅಗಾಸೆ, ಪ್ರತಿಭಾ ಭಟ್ ಹಾಗೂ ಹುಲೇಕಲ್ ಗ್ರಾಮ ಪಂಚಾಯಿತಿಯ ಜನಪ್ರತಿನಿಧಿಗಳು ಜೊತೆಗಿರಲಿದ್ದಾರೆ. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಹುಲೇಕಲ್ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಖಾಸೀಂ ಸಾಬ್‌ವಹಿಸಲಿದ್ದು, ಆ ದಿನ ಯೋಜನೆಯ ಉಪಯೋಗವನ್ನು ಹುಲೇಕಲ್ ಗ್ರಾಮ ಪಂಚಾಯತ್‌ನ ವ್ಯಾಪ್ತಿಯ ಸಾರ್ವಜನಿಕರು ಬಳಸಿಕೊಳ್ಳುವಂತೆ ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಮನವಿ ಮಾಡಿದ್ದಾರೆ.
- [ಸಿನಿಮಾ ಪ್ರಪಂಚ: ನಿರೀಕ್ಷೆ ಹೆಚ್ಚಿಸಿದ ರುದ್ರ ಅವತಾರ!](https://mobiletime.in/2025/11/rudra-is-the-incarnation-of-a-simple-man/): ದಾಂಡೇಲಿಯ ಸಮಾಜ ಸೇವಕರು, ಉದ್ಯಮಿಗಳು, ಪ್ರೇಮ್ ವುಡ್ ಡೆಕೋರ್ಸ್ ಮಾಲಕರು ಹಾಗೂ ಪ್ರೇಮ್ ಜಿ ಪ್ರೊಡಕ್ಷನ್ ಮುಖ್ಯಸ್ಥರು ಆಗಿರುವ ಪ್ರೇಮಾನಂದ ಗವಸ ಅವರ ನಿರ್ಮಾಣದ ‘ರುದ್ರ ಅವತಾರ’ ಚಲನಚಿತ್ರದ ಮೋಷನ್ ಪೋಸ್ಟರ್ ಬಿಡುಗಡೆ ಸಮಾರಂಭವು ಬೆಂಗಳೂರಿನ ಜಿಟಿ ಮಾಲ್ ಇಲ್ಲಿಯ ಉತ್ಸವ್ ಲೆಗಸಿ ಸಭಾ ಭವನದಲ್ಲಿ ವರ್ಣರಂಜಿತವಾಗಿ ಜರುಗಿತು. ಮೋಷನ್ ಪೋಸ್ಟರನ್ನು ಕನ್ನಡ ಚಿತ್ರರಂಗದ ಸುಪ್ರೀಂ ಹೀರೋ ಹಾಗೂ ‘ರುದ್ರ ಅವತಾರ’ ಚಲನಚಿತ್ರದ ಮುಖ್ಯ ಪಾತ್ರದಲ್ಲಿರುವ ಶಶಿಕುಮಾರ್ ಅವರು ಬಿಡುಗಡೆಗೊಳಿಸಿದರು. ನಂತರ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ನಿರ್ಮಾಪಕ ಪ್ರೇಮಾನಂದ ಗವಸ ಅವರು ನಾನೊಬ್ಬ ಬ್ಯುಸಿನೆಸ್ ಮ್ಯಾನ್. ಸಮಾಜ ಸೇವೆ ನನ್ನ ಆಸಕ್ತಿ. ಸೇವೆಯಲ್ಲಿ ಸಂತೃಪ್ತಿ ಇದೆ. ಆದರೆ ಚಲನಚಿತ್ರದಲ್ಲಿ ನಟನೆ ಮಾಡಬೇಕೆಂದು ಕನಸು ಕಂಡಿದ್ದೆ. ಆದರೆ ಭಗವಂತ ನನ್ನಿಂದಲೆ ಚಲನಚಿತ್ರ ನಿರ್ಮಾಣ ಮಾಡುವುದರ ಜೊತೆಗೆ ನಟನೆ ಮಾಡಲು ಸಹ ಅನುಗ್ರಹಿಸಿದ್ದಾನೆ. ಇದರಿಂದ ಅಪಾರವಾದ ಸಂತಸವಾಗಿದೆ. ಕೋಟ್ಯಂತರ ಜನರ ಮನಸ್ಸು ಗೆದ್ದ ನಟರಾದ ಶಶಿಕುಮಾರ್ ಮತ್ತು ತಾರಾ ಅವರ ಜೊತೆ ವೇದಿಕೆ ಹಂಚಿಕೊಳ್ಳುವಂತಹ ಅಪರೂಪದ ಅಪೂರ್ವ ಅವಕಾಶ ನನಗೆ ಒದಗಿ ಬಂದಿರುವುದು ನನ್ನ ಪೂರ್ವ ಜನ್ಮದ ಪುಣ್ಯದ ಫಲ ಎಂದರು. ನಾನು ಹಣ ಮಾಡುವ ಉದ್ದೇಶದಿಂದ ಈ ಚಲನಚಿತ್ರ ನಿರ್ಮಾಣಕ್ಕೆ ಇಳಿದಿಲ್ಲ. ಸಮಾಜಕ್ಕೆ ಒಂದು ಉಪಯುಕ್ತ ಸಂದೇಶವನ್ನು ನೀಡಬೇಕು. ಆ ಮೂಲಕವಾಗಿ ಸಮಾಜ ನಿರ್ಮಾಣದ ಆಶಯವನ್ನು ಹೊಂದಿ ಚಲನಚಿತ್ರ ನಿರ್ಮಾಣಕ್ಕೆ ಮುಂದಡಿಯಿಟ್ಟಿದ್ದೇನೆ. ಇದು ಆರಂಭ ಮಾತ್ರ. ಕರುನಾಡಿನ ಜನತೆ ಪ್ರೀತಿಸಿ ಬೆಳೆಸಿ ಪ್ರೋತ್ಸಾಹಿಸಿ, ಆಶೀರ್ವದಿಸಿದ್ದಲ್ಲಿ ಮತ್ತಷ್ಟು ಚಲನಚಿತ್ರ ನಿರ್ಮಾಣ ಮಾಡುವ ಗುರಿಯನ್ನು ಹೊಂದಿದ್ದೇನೆ ಎಂದ ಅವರು ನಿರ್ದೇಶಕ ಸವಾದ್ ಮಂಗಳೂರು ಅವರು ನನ್ನನ್ನು ಭೇಟಿಯಾಗಿ ಕಥೆಯನ್ನು ವಿವರಿಸುತ್ತಾ ಹೋದಾಗ, ಇದೊಂದು ಸಮಾಜಕ್ಕೆ ಉಪಯುಕ್ತವಾದ ಸಂದೇಶವನ್ನು ಸಾರುವ ಕಥೆಯ ಹಂದರವನ್ನು ಹೊಂದಿದೆ ಎನ್ನುವುದನ್ನು ಅರಿತು, ‘ರುದ್ರ ಅವತಾರ’ ಚಲನಚಿತ್ರ ನಿರ್ಮಾಣಕ್ಕೆ ಇಳಿದಿದ್ದೇನೆ. ಈ ಚಲನಚಿತ್ರದಲ್ಲಿ ನನಗೂ ನನ್ನ ಇಷ್ಟದಂತೆ ಹಾಗೂ ಆಸಕ್ತಿಯಂತೆ ಅತ್ಯುತ್ತಮವಾದ ಪಾತ್ರವನ್ನು ನೀಡಲಾಗಿದ್ದು, ಆ ಪಾತ್ರವನ್ನು ಸಮರ್ಪಕವಾಗಿ ನಿಭಾಯಿಸುವ ವಿಶ್ವಾಸ ನನಗಿದೆ ಎಂದರು. ದೂರದ ದಾಂಡೇಲಿಯವನಾದ ನನ್ನ ನಿರ್ಮಾಣದ ಈ ಚಲನಚಿತ್ರವನ್ನು ಈ ನಾಡಿನ ಜನ ಮೆಚ್ಚಿ ಆಶೀರ್ವದಿಸಬೇಕೆಂದು ವಿನಂತಿಸಿದರು. ನಿರ್ದೇಶಕ ಸವಾದ್ ಮಂಗಳೂರು ಮಾತನಾಡುತ್ತ, ‘ರುದ್ರ ಅವತಾರ ಶಿವನ ಮತ್ತೊಂದು ರೂಪ. ಮಧ್ಯಮ ವರ್ಗದ ಜನತೆ ತಮ್ಮ ಮಕ್ಕಳ ರಕ್ಷಣೆಗೋಸ್ಕರ ಯಾವ ರೀತಿ ಹೋರಾಡುತ್ತಾರೆ, ಹೇಗೆ ರುದ್ರ ಅವತಾರ ತಾಳುತ್ತಾರೆ ಎಂಬುದನ್ನು ಈ ಚಿತ್ರ ಸಾದರಪಡಿಸುತ್ತದೆ. ಮಕ್ಕಳ ಕನಸುಗಳನ್ನು ಈಡೇರಿಸುವ ಸಲುವಾಗಿ, ಪೋಷಕರು ತಮ್ಮ ಕನಸು, ಆಸೆಗಳನ್ನು ಕಟ್ಟಿಟ್ಟು ಜೀವನ ನಡೆಸುತ್ತಾರೆ, ಅದೇ ತಮ್ಮ ಮಕ್ಕಳಿಗೆ ತೊಂದರೆ ಎದುರಾದಾಗ, ತಮ್ಮ ಪ್ರಾಣವನ್ನೂ ಲೆಕ್ಕಿಸದೆ ಯಾವ ರೀತಿ ಹೋರಾಡುತ್ತಾರೆ. ಹೇಗೆ ರುದ್ರ ಅವತಾರ ತಾಳುತ್ತಾರೆ ಎನ್ನುವುದೇ ಈ ಚಿತ್ರದ ಕಥಾಹಂದರ. ಈ ಕಥೆಗೆ ಮೂಲ ಪ್ರೇರಣೆಯೇ ದಾಂಡೇಲಿಯ ಡ್ಯಾನ್ಸ್ ಮಾಸ್ಟರ್ ಅಭಿಷೇಕ್ ಪಾಟೀಲ್.10,000ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ನೃತ್ಯ ತರಬೇತಿಯನ್ನು ನೀಡುವ ಮೂಲಕ ಗಮನ ಸೆಳೆದಿರುವ ಅಭಿಷೇಕ್ ಪಾಟೀಲ್ ಅವರಿಂದಲೇ ನಿರ್ಮಾಪಕರ ಪರಿಚಯವಾಗಿ ನನ್ನ ಕನಸು ನನಸಾಗುವ ರೀತಿಯಲ್ಲಿ ಸಾಗುತ್ತಿದೆ ಎಂದರು. ಪ್ರಮುಖವಾಗಿ ಈ ಕಥೆಯಲ್ಲಿ ಮೂರು ಪಾತ್ರಗಳನ್ನು ಶಿವನ ರುದ್ರ ಅವತಾರದಲ್ಲಿ ನೋಡಬಹುದು, ಅವರಲ್ಲಿ ಮುಖ್ಯವಾಗಿ ಬರುವವರೇ ಶಶಿಕುಮಾರ್. ನವೆಂಬರ್ 24ರಿಂದ ಚಿತ್ರೀಕರಣ ಆರಂಭವಾಗಲಿದೆ ಎಂದರು. ಸವಾದ್ ಮಂಗಳೂರು ಅವರು ಅಭಿಷೇಕ್ ಪಾಟೀಲ್ ಅವರ ಹೆಸರನ್ನು ಹೇಳುತ್ತಿದ್ದಂತೆಯೇ ನಟ ಶಶಿಕುಮಾರ್ ಅವರು ಅಭಿಷೇಕ್ ಪಾಟೀಲ್ ಅವರನ್ನು ವೇದಿಕೆಗೆ ಕರೆಯುವಂತೆ ಸೂಚಿಸಿದರು. ಆನಂತರ ಅಭಿಷೇಕ್ ಪಾಟೀಲ್ ಅವರನ್ನು ವೇದಿಕೆಗೆ ಗೌರವದಿಂದ ಬರಮಾಡಿಕೊಳ್ಳಲಾಯಿತು. ಸುಪ್ರೀಂ ಹಿರೋ ಶಶಿಕುಮಾ‌ರ್ ಮಾತನಾಡುತ್ತ, ‘ಇದೊಂದು ಅತ್ಯುತ್ತಮವಾದ ಚಿತ್ರವಾಗಿದೆ. ಹೀರೋ, ಹೀರೋಯಿನ್ ಕಥೆಯಲ್ಲ, ಇಲ್ಲಿ ಕಂಟೆಂಟೇ ಹೀರೋ. ಈ ಚಿತ್ರದಲ್ಲಿ ನಾನೊಬ್ಬ ಆಟೋ ಡ್ರೈವರ್, ಹೆಣ್ಣುಮಗಳ ತಂದೆಯಾಗಿ ನಟಿಸುತ್ತಿದ್ದೇನೆ, ಸಂಗೀತಾ ನನ್ನ ಪತ್ನಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ, ಮಗಳಿಗಾಗಿ ಹೋರಾಡೋ ತಂದೆಯ ಪಾತ್ರ ನನ್ನದು. ಚಿತ್ರದಲ್ಲಿ ಹಾರ್ಟ್ ಟಚಿಂಗ್ ಸೀಕ್ವೆನ್ಸ್ ತುಂಬಾನೇ ಇದೆ, ಈ ಚಿತ್ರದ ಪ್ರಥಮಾರ್ಧ ಕಥೆ ಕೇಳಿದಾಗಲೇ ನನಗೆ ರೋಮಾಂಚನವಾಯಿತು’ ಎಂದು ಹೇಳಿದರು. ಹಿರಿಯನಟಿ ತಾರಾ ಅನುರಾಧ ಅವರು ಮಾತನಾಡುತ್ತ, ‘ಈ ಚಿತ್ರದ ಯಾವುದೇ ಪಾತ್ರವಾಗಲೀ ಸುಮ್ಮನೆ ಬಂದು ಹೋಗುವುದಲ್ಲ. ಎಲ್ಲ ಕ್ಯಾರೆಕ್ಟರ್ ಕಥೆಯ ಭಾಗವಾಗಿವೆ. ತುಂಬಾ ವರ್ಷಗಳ ನಂತರ ಶಶಿಕುಮಾ‌ರ್, ಸಂಗೀತಾ ಜತೆ ಕೆಲಸ ಮಾಡುತ್ತಿದ್ದೇನೆ’ ಎಂದು ಹೇಳಿದರು. ಇದೇ ಸಂದರ್ಭದಲ್ಲಿ ಸಂಗೀತಾ, ಯಶ್ ಶೆಟ್ಟಿ, ವರ್ಧನ್ ತೀರ್ಥಳ್ಳಿ, ಅಂಕಿತಾ ಜಯರಾಮ್, ಸಾಧನಾ ಇವರೆಲ್ಲಾ ಈ ಚಿತ್ರದ ಕಥೆಯ ಬಗ್ಗೆ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದರು. ಶಶಿಕುಮಾ‌ರ್ ಪುತ್ರ ಆದಿತ್ಯ ಕೂಡ ಹಾಜರಿದ್ದು ಶುಭ ಹಾರೈಸಿದರು. ಅಲನ್ ಭರತ್ ಅವರ ಛಾಯಾಗ್ರಹಣ, ಪಾಲ್ ಅಲೆಕ್ಸ್ ಅವರ ಸಂಗೀತ ಸಂಯೋಜನೆ, ಶ್ರೀಕಾಂತ್ ಅವರ ಸಂಕಲನ, ಸತೀಶ್ ಬ್ರಹ್ಮಾವ‌ರ್ ಅವರ ನಿರ್ಮಾಣ ನಿರ್ವಹಣೆ, ಸಂಕಲನಕಾರರಾಗಿ ಶ್ರೀಕಾಂತ್, ನೃತ್ಯ ನಿರ್ದೇಶಕರಾಗಿ ಬಾಲು ಮಾಸ್ಟರ್, ಅರ್ಜುನ್ ರಾಜ್ ಅವರ ಸಾಹಸ ನಿರ್ದೇಶನ, ಬಿ.ಆರ್.ನವೀನ್ ಕುಮಾರ್ ಅವರಿಂದ ಶಬ್ದ ವಿನ್ಯಾಸ, ಗುರುಪ್ರಸಾದ್ ಬೆಳ್ತಂಗಡಿ ಈ ಎಫ್ ಎಕ್ಷ್, ಕಲಾ ನಿರ್ದೇಶಕರಾಗಿ ಗಣೇಶ್ ಎಸ್, ವಸ್ತ್ರ ವಿನ್ಯಾಸ ವಿನೋದ್, ಮೇಕಪ್ ಪಸಪುಲೆಟಿ ನಾಗರಾಜ್, ಮಾರ್ಕೆಟಿಂಗ್ ಲಿಖಿತ್ ರೈ, ರೋಡ್ ಸೈಡ್ ವಿಲೇಜ್ ಪ್ರವೀಣ್, ವಿವಾನ್ ವಶಿಷ್ಠ ಇನ್ಫೀಗೋ ಪ್ರೊಡಕ್ಷನ್ ಮತ್ತು ಪಿ ಆರ್ ಓ ಆಗಿ ನಾಗೇಂದ್ರ ಅವರು ಕಾರ್ಯನಿರ್ವಹಿಸಲಿದ್ದಾರೆ. ಈ ಚಲನಚಿತ್ರದಲ್ಲಿ ಸುಪ್ರೀಂ ಹೀರೋ ಶಶಿಕುಮಾರ್, ಡಾ. ತಾರಾ ಅನುರಾಧ, ಶೋಭಾರಾಜ್, ಪ್ರೇಮಾನಂದ ಗವಸ ಅಭಿ ದಾಸ್, ಸಂಗೀತ ಅನಿಲ್, ಯಸ್ ಶೆಟ್ಟಿ, ರಘು ಪಾಂಡೇಶ್ವರ್, ವರ್ಧನ್, ಬಾಲ ರಾಜವಾಡಿ, ರೇಣು ಶಿಕಾರಿ, ಕುಮಾರಿ ಸಾಧನ, ಕುಮಾರಿ ಪ್ರಜ್ಞಾ ಅವರು ನಟಿಸಲಿದ್ದಾರೆ. ದಾಂಡೇಲಿಯ ಸಂದೇಶ್ ಎಸ್.ಜೈನ್, ಅಭಿಷೇಕ ಪಾಟೀಲ್, ಜಾನ್ಸನ್ ರೋಡ್ರಿಗಸ್, ರೇಷ್ಮಾ ಪ್ರದೀಪ ಶೆಟ್ಟಿ, ರುಕ್ಸನಾ ಕಲೇಗಾರ, ಪ್ರಗತಿ ಗವಸ, ದಾತ್ರಿ ಮೊದಲಾದವರು ಮೊಟ್ಟ ಮೊದಲ ಬಾರಿಗೆ ಚಲನಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಒಟ್ಟಿನಲ್ಲಿ ಬಹುನಿರೀಕ್ಷಿತ ಈ ಚಲನಚಿತ್ರದ ಶೂಟಿಂಗ್ ಇದೇ ನವಂಬರ್ 24ರಂದು ಆರಂಭವಾಗಲಿದೆ. ಬಹುತೇಕ ಮೇ ಅಂತ್ಯದೊಳಗೆ ಇಲ್ಲವೇ ಜೂನ್ ಮೊದಲ ವಾರದಲ್ಲಿ ಈ ಚಲನಚಿತ್ರ ಬಿಡುಗಡೆಯಾಗುವ ಸಾಧ್ಯತೆಯಿದೆ.
- [ಆಕೆಯ ಗರ್ಭದಲ್ಲಿತ್ತು 5 ಕೆಜಿಯ ಗಡ್ಡೆ!](https://mobiletime.in/2025/11/there-was-a-5-kg-tumor-in-her-uterus/): ಗರ್ಭಕೋಶದ ಒಳಗೆ ಬೆಳೆದಿದ್ದ ದೊಡ್ಡ ಗಾತ್ರದ ಗಡ್ಡೆಯನ್ನು ಶಿರಸಿ ಸರ್ಕಾರಿ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ ನೇತ್ರಾವತಿ ಶಿರಸಿಕರ್ ಅವರು ಹೊರತೆಗೆದಿದ್ದಾರೆ. ಡಾ ಮಹೇಶ ಹೆಗಡೆ, ಡಾ ಪದ್ಮಿನಿ ಪೈ, ಡಾ ವಿನಾಯಕ ತಂಬದಮನೆ ಸೇರಿ ಕೆಜಿ ಗಾತ್ರದ ಗಡ್ಡೆಯನ್ನು ಗರ್ಭದೊಳಗಿರಿಸಿಕೊಂಡು ನಿತ್ಯವೂ ನರಳುತ್ತಿದ್ದ ಬಡ ಮಹಿಳೆಯ ಪ್ರಾಣ ಕಾಪಾಡಿದ್ದಾರೆ. ಶಿರಸಿಯ ಗ್ರಾಮೀಣ ಭಾಗದ ಮಹಿಳೆಯೊಬ್ಬರಿಗೆ ಹೊಟ್ಟೆ ನೋವು ಕಾಣಿಸುತ್ತಿತ್ತು. ತಪಾಸಣೆ ನಡೆಸಿದಾಗ ಗರ್ಭದಲ್ಲಿ ಗಡ್ಡೆ ಬೆಳೆದಿರುವುದು ಗೊತ್ತಾಗಿತ್ತು. ಆರ್ಥಿಕ ಪರಿಸ್ಥಿತಿ ಸರಿಯಿಲ್ಲದ ಕಾರಣ ಆ ಮಹಿಳೆ ದೊಡ್ಡ ಆಸ್ಪತ್ರೆಯ ಕಡೆ ಹೋಗಿರಲಿಲ್ಲ. ಗಡ್ಡೆ ಬೆಳವಣಿಗೆ ಆದಂತೆ ಮಹಿಳೆಯ ಸಮಸ್ಯೆಯೂ ದೊಡ್ಡದಾಯಿತು. ಹೀಗಾಗಿ ಅವರು ಅನಿವಾರ್ಯವಾಗಿ ಶಿರಸಿಯ ಸರ್ಕಾರಿ ಆಸ್ಪತ್ರೆಗೆ ಬಂದರು. ದೊಡ್ಡ ಗಡ್ಡೆ ನೋಡಿದ ವೈದ್ಯರು ದೊಡ್ಡ ಆಸ್ಪತ್ರೆಗೆ ಹೋಗುವಂತೆ ಸೂಚಿಸಿದರು. ಆಗ, ಆ ಮಹಿಳೆ ತಮ್ಮ ಸಮಸ್ಯೆಯನ್ನು ಹೇಳಿದರು. ಜೊತೆಗೆ ಕೈಯಲ್ಲಿ ಕಾಸಿಲ್ಲದ ವಿಷಯವನ್ನು ಪ್ರಸ್ತಾಪಿಸಿದರು. ಮಹಿಳೆಯ ಸಂಕಷ್ಟ ಅರಿತ ಸರ್ಕಾರಿ ಆಸ್ಪತ್ರೆಯ ವೈದ್ಯಕೀಯ ಸಿಬ್ಬಂದಿ ಸಾಹಸಕ್ಕೆ ಮುಂದಾದರು. ಆ ಮಹಿಳೆಯ ಮೇಲೆ ಡಾ ಪದ್ಮಿನಿ ಪೈ ಅವರು ಅನಸ್ತೇಶಿಯಾ ಪ್ರಯೋಗ ಮಾಡಿದರು. ಡಾ ನೇತ್ರಾವತಿ ಶಿರಸಿಕರ್ ಅವರು ಒಂದು ತಾಸುಗಳ ಕಾಲ ನಿರಂತರ ಶಸ್ತç ಚಿಕಿತ್ಸೆ ನಡೆಸಿದರು. ಡಾ ಮಹೇಶ ಹೆಗಡೆ, ಡಾ ವಿನಾಯಕ ತಂಬದಮನೆ ಜೊತೆ ಅಲ್ಲಿನ ಸಿಬ್ಬಂದಿಯೂ ಚಿಕಿತ್ಸೆಗೆ ಸಹಕರಿಸಿದ್ದು, ಎಲ್ಲರೂ ಸೇರಿ ಗರ್ಭದೊಳಗೆ ಅಡಗಿದ್ದ ಗಡ್ಡೆಯನ್ನು ಹೊರತೆಗೆದರು. ಆ ಗಡ್ಡೆ 5.6 ಕೆಜಿಯಷ್ಟು ದೊಡ್ಡದಾಗಿತ್ತು. ಶಿರಸಿ ಸರ್ಕಾರಿ ಆಸ್ಪತ್ರೆಯಲ್ಲಿಯೇ ಮೊದಲ ಬಾರಿಗೆ ಇಷ್ಟು ದೊಡ್ಡದ ಗಡ್ಡೆ ಗರ್ಭದಿಂದ ಹೊರ ಬಂದಿತ್ತು. ಸದ್ಯ ಆ ಮಹಿಳೆ ಚೇತರಿಸಿಕೊಳ್ಳುತ್ತಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ. ತಮ್ಮ ಹೊಟ್ಟೆಯೊಳಗಿನ ನೋವು ದೂರ ಮಾಡಿದ ವೈದ್ಯರಿಗೆ ಮಹಿಳೆ ಕೃತಜ್ಞತೆ ಹೇಳಿದ್ದಾರೆ.
- [ಈ ಸಹಾಯವಾಣಿ ಸ್ತ್ರೀಯರಿಗೆ ಮಾತ್ರ!](https://mobiletime.in/2025/11/this-helpline-is-for-women-only/): ಮಹಿಳೆಯರ ಮೇಲಿನ ದೌರ್ಜನ್ಯ ತಡೆಗೆ ಸರ್ಕಾರ ತುರ್ತು ಸಹಾಯವಾಣಿ ಕಲ್ಪಿಸಿದೆ. ತಮಗಾಗುವ ಅನ್ಯಾಯ, ದೌರ್ಜನ್ಯ ಸೇರಿ ಯಾವುದೇ ಬಗೆಯ ಸಹಾಯಕ್ಕಾಗಿ ಮಹಿಳೆಯರು 181ಗೆ ಫೋನ್ ಮಾಡಿ ಸಮಸ್ಯೆ ಹೇಳಬಹುದಾಗಿದ್ದು, ತುರ್ತು ಸನ್ನಿವೇಶದಲ್ಲಿ ಅಧಿಕಾರಿಗಳ ತಂಡ ನೆರವಿಗೆ ಬರಲಿದೆ. `ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಮಹಿಳೆಯರು ತಮ್ಮ ಸಮಸ್ಯೆಗಳ ಬಗ್ಗೆ ಸಹಾಯವಾಣಿಗೆ ಫೋನ್ ಮಾಡಬಹುದಾಗಿದ್ದು, ಈ ಕರೆ ಸಂಪೂರ್ಣ ಉಚಿತ’ ಎಂದು ಡೀಸಿ ಕೆ ಲಕ್ಷ್ಮೀಪ್ರಿಯ ಅವರು ಅರಿವು ಮೂಡಿಸಿದ್ದಾರೆ. `ಮಹಿಳೆಯರು ತಮ್ಮ ಮೇಲೆ ನಡೆಯುವ ಕೌಟುಂಬಿಕ ದೌರ್ಜನ್ಯ, ಲೈಂಗಿಕ ಹಿಂಸೆ ಸೇರಿದಂತೆ ಯಾವುದೇ ರೀತಿಯ ಸಮಸ್ಯೆಗಳಿಗೆ ಇಲ್ಲಿ ಫೋನ್ ಮಾಡಬಹುದಾಗಿದೆ. ನೊಂದ ಮಹಿಳೆಯರಿಗೆ ಕಾನೂನು ನೆರವು, ವೈದ್ಯಕೀಯ ನೆರವು, ಪೊಲೀಸ್ ನೆರವು ಹಾಗೂ ಸಮಾಲೋಚನೆಗೆ ಸರ್ಕಾರ ಬದ್ಧವಿದೆ’ ಎಂದವರು ಹೇಳಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಖಿ ಒನ್ ಸ್ಟಾಪ್ ಸೆಂಟರ್ ಮೂಲಕ ಪ್ರಸಕ್ತ ಸಾಲಿನಲ್ಲಿ ಸೆಪ್ಟಂಬರಿನವರೆಗೆ 74 ಪ್ರಕರಣಗಳು ದಾಖಲಾಗಿದೆ. ಸಾಂತ್ವನ ಯೋಜನೆಯ ಮೂಲಕ ನೊಂದ ಮಹಿಳೆಯರಿಗೆ ಸ್ವಯಂ ಸೇವಾ ಸಂಸ್ಥೆಗಳ ಮೂಲಕ ಅಗತ್ಯ ನೆರವು ನೀಡಲಾಗುತ್ತಿದೆ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಮಾಹಿತಿ ನೀಡಿದ್ದಾರೆ. `ಸಹಾಯವಾಣಿ ಹಾಗೂ ಸಾಂತ್ವಾನ ಕೇಂದ್ರದ 24*7 ಮಹಿಳೆಯರಿಗೆ ನೆರವಿಗೆ ಸ್ಪಂದಿಸಬೇಕು’ ಎಂದು ಅವರು ಸೂಚಿಸಿದ್ದಾರೆ. `ಪ್ರಸಕ್ತ ಸಾಲಿನಲ್ಲಿ ಈ ಕೇಂದ್ರಗಳ ಮೂಲಕ 395 ದೂರುಗಳನ್ನು ಸ್ವೀಕರಿಸಿ, ಎಲ್ಲಾ ದೂರುಗಳನ್ನು ಇತ್ಯರ್ಥಪಡಿಸಲಾಗಿದೆ. ಸಾಂತ್ವನ ಕೇಂದ್ರದ ಸಿಬ್ಬಂದಿಗಳು ಮಹಿಳೆಯರು ನೀಡುವ ದೂರುಗಳ ಕುರಿತು ಇನ್ನಷ್ಟು ಪರಿಣಾಮಕಾರಿಯಾಗಿ ಸ್ಪಂದಿಸುವ ಮೂಲಕ ತಪ್ಪು ಮಾಡಿದವರ ವಿರುದ್ಧ ಸೂಕ್ತ ಕಾನೂನು ಕ್ರಮ ಆಗುವಂತೆ ನೋಡಿಕೊಳ್ಳಬೇಕು’ ಎಂದವರು ಹೇಳಿದ್ದಾರೆ. `ಮಹಿಳೆಯರು ಮತ್ತು ಮಕ್ಕಳ ಅನೈತಿಕ ಸಾಗಾಣಿಕೆ ತಡೆ ಕುರಿತಂತೆ ರಚಿಸಲಾಗಿರುವ ಗ್ರಾಮ ಮಟ್ಟದಿಂದ ರಚಿಸಲಾಗಿರುವ ಎಲ್ಲಾ ಸಮಿತಿಗಳು ತಮ್ಮ ಜವಾಬ್ದಾರಿ ಅರಿತು ಕಾರ್ಯನಿರ್ವಹಿಸಬೇಕು, ಜಿಲ್ಲೆಯಲ್ಲಿ ಬಾಲ್ಯ ವಿವಾಹ ಮತ್ತು ಪೋಕ್ಸೋ ಪ್ರಕರಣಗಳು ನಡೆಯದಂತೆ ಈ ಬಗ್ಗೆ ಸಾರ್ವಜನಿಕವಾಗಿ ಹೆಚ್ಚಿನ ಜಾಗೃತಿ ಕಾರ್ಯಕ್ರಮಗಳನ್ನು ನಗರ ಮತ್ತು ಗ್ರಾಮೀಣ ಮಟ್ಟದಲ್ಲಿ ಆಯೋಜಿಸಬೇಕು. ಗ್ರಾಮ ಸಭೆಗಳಲ್ಲಿ ಈ ಬಗ್ಗೆ ಅರಿವು ಮೂಡಿಸಬೇಕು. ಪ್ರಸಕ್ತ ಸಾಲಿನಲ್ಲಿ 17 ಪೋಕ್ಸೋ ಪ್ರಕರಣಗಳು ವರದಿಯಾಗಿದ್ದು, ಶಿಶು ಅಭಿವೃಧ್ದಿ ಯೋಜನಾಧಿಕಾರಿಗಳು ತಮ್ಮ ವ್ಯಾಪ್ತಿಯಲ್ಲಿ ಹೆಚ್ಚಿನ ಅರಿವು ಕಾರ್ಯಕ್ರಮಗಳನ್ನು ಆಯೋಜಿಸಬೇಕು’ ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಿದರು. `ಅಂಗನವಾಡಿ ಮತ್ತು ಶಾಲಾ ಮಕ್ಕಳ ಆರೋಗ್ಯ ತಪಾಸಣೆಯಲ್ಲಿ ಶೇ 100ರಷ್ಟು ಸಾಧನೆ ಆಗಬೇಕು. ತೀವ್ರ ಅಪೌಷ್ಠಿಕತೆಯಿಂದ ಬಳಸುತ್ತಿರುವ ಮಕ್ಕಳ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಿ, ಅವರಿಗೆ ಸೂಕ್ತ ಚಿಕಿತ್ಸೆ ಒದಗಿಸಬೇಕು. ಅಂಗನವಾಡಿಯಲ್ಲಿ ಮಕ್ಕಳಿಗೆ ನಿಗಧಿಯಂತೆ ಪೌಷ್ಠಿಕ ಆಹಾರ ನೀಡುವುದರ ಜೊತೆಗೆ ಮಕ್ಕಳನ್ನು ಪಠ್ಯ ಮತ್ತು ಪಠ್ಯೇತರ ಚಟುವಟಿಕೆಗಳಲ್ಲಿ ತೊಡಗಿಸಿ ಅವರ ಸರ್ವತೋಮುಖ ಬೆಳವಣಿಗೆಗೆ ಎಲ್ಲಾ ರೀತಿಯ ಕ್ರಮಗಳನ್ನು ಕೈಗೊಳ್ಳಬೇಕು. ಈ ಬಗ್ಗೆ ಮಹಿಳಾ ಮತ್ತು ಮಕ್ಕಳ ಅಭಿವೃದ್ದಿ ಇಲಾಖೆಯ ಅಧಿಕಾರಿಗಳು ಅಂಗನವಾಡಿಗಳಿಗೆ ದಿಡೀರ್ ಭೇಟಿ ನೀಡಿ ಪರಿಶೀಲನೆ ನಡೆಸಬೇಕು’ ಎಂದು ಸೂಚಿಸಿದರು.
- [ಕಟ್ಟಡ ಕಾರ್ಮಿಕನಿಗೆ ಕದಿಯುವ ಚಟ!](https://mobiletime.in/2025/11/construction-worker-has-a-habit-of-stealing/): ಅನಾರೋಗ್ಯಕ್ಕೆ ಒಳಗಾದ ಆಪ್ತರನ್ನು ಮಾತನಾಡಿಸುವುದಕ್ಕಾಗಿ ಆಸ್ಪತ್ರೆಗೆ ಬಂದಿದ್ದ ರವಿಕಲಾ ಗುರವ್ ಅವರ ಸ್ಕೂಟಿಯಲ್ಲಿದ್ದ ಚಿನ್ನಾಭರಣ ದೋಚಿದ ರಫೀಕ್ ಖಾನ್ ಸಿಕ್ಕಿಬಿದ್ದಿದ್ದಾರೆ. ಜೊತೆಗೆ ಅವರು ದೋಚಿದ್ದ ಚಿನ್ನಾಭರಣವೂ ಸಿಕ್ಕಿದೆ. ಅಂಕೋಲಾ ವಂದಿಗೆಯ ರವಿಕಲಾ ಹರಿಶ್ಚಂದ್ರ ಗುರವ್ ಅವರು ನವೆಂಬರ್ 18ರಂದು ಕಾರವಾರದ ಕೆರವಡಿಯಲ್ಲಿರುವ ದುರ್ಗಾಮಾತೆಯ ಜಾತ್ರೆಗೆ ಹೋಗಿದ್ದರು. ಜಾತ್ರೆ ಅಂಗವಾಗಿ ಅವರು ಮೈಮೇಲೆ ಚಿನ್ನಾಭರಣ ಧರಿಸಿದ್ದು, ಜಾತ್ರೆ ಮುಗಿದ ನಂತರ ಅದನ್ನು ಡಬ್ಬಿಯಲ್ಲಿ ತುಂಬಿ ಬಟ್ಟೆಯಲ್ಲಿ ಸುತ್ತಿದ್ದರು. ನವೆಂಬರ್ 20ರಂದು ಅವರು ಮಾವನ ಜೊತೆ ಕಾರವಾರದ ಜಿಲ್ಲಾ ಆಸ್ಪತ್ರೆಗೆ ಹೋಗಿದ್ದರು. ಆಸ್ಪತ್ರೆ ಆವರಣದಲ್ಲಿ ಸ್ಕೂಟಿ ನಿಲ್ಲಿಸಿದ್ದು, ಸ್ಕೂಟಿ ಮೇಲೆ ಬ್ಯಾಗ್ ಇರಿಸಿದ್ದರು. ಆಸ್ಪತ್ರೆಯಿಂದ ಹೊರಬರುವಷ್ಟರಲ್ಲಿ ಅವರ ಆ ಬ್ಯಾಗಿನಲ್ಲಿದ್ದ ಆಭರಣಗಳು ಕಾಣೆಯಾಗಿದ್ದವು. 4.80 ಲಕ್ಷ ರೂ ಮೌಲ್ಯದ ಚಿನ್ನಾಭರಣ ಹಾಗೂ 5 ಸಾವಿರ ರೂ ಹಣವನ್ನು ಕಳ್ಳರು ಅಪಹರಿಸಿದ್ದರು. ಮಧ್ಯಾಹ್ನ 3ರಿಂದ 3.30ರ ಅವಧಿಯಲ್ಲಿ ಕಳ್ಳತನ ನಡೆದಿರುವ ಬಗ್ಗೆ ರವಿಕಲಾ ಗುರವ್ ಪೊಲೀಸರಲ್ಲಿ ಹೇಳಿದ್ದರು. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದರು. ಉತ್ತರಕನ್ನಡ ಜಿಲ್ಲಾ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಹಾಗೂ ಜಗದೀಶ ಎಂ ಹಾಗೂ ಕಾರವಾರ ಉಪವಿಭಾಗದ ಡಿಎಸ್ಪಿ ಎಸ್ ವಿ ಗಿರೀಶ ಸೇರಿ ತನಿಖಾ ತಂಡ ರಚಿಸಿದ್ದು, ದೂರು ಬಂದ 24 ತಾಸಿನೊಳಗೆ ಪೊಲೀಸರು ತಮ್ಮ ಚಾಣಾಕ್ಷತನ ಉಪಯೋಗಿಸಿ ಕಳ್ಳನನ್ನು ಹುಡುಕಿದರು. ಕಾರವಾರ ನಗರ ಪೊಲೀಸ್ ಠಾಣೆಯ ಪಿಐ ಜಯಶ್ರೀ ಎಸ್ ಎಂ ಜೊತೆ ಪಿಎಸ್‌ಐ ಬಾಬು ಆಗೇರ, ಹಾಗೂ ಸುಧಾ ಅಘನಾಶಿನಿ ಅವರು ಮೊದಲು ಸಿಸಿ ಕ್ಯಾಮರಾ ದಾಖಲೆ ಪರಿಶೀಲಿಸಿದರು. ಚಿತ್ತಾಕುಲದಲ್ಲಿ ಗೌಂಡಿ ಕೆಲಸ ಮಾಡಿಕೊಂಡಿದ್ದ ರಫೀಕ್ ಖಾನ್ (62) ಕಳ್ಳತನ ನಡೆಸಿರುವುದು ಗೊತ್ತಾಯಿತು. ಪೊಲೀಸ್ ಸಿಬ್ಬಂದಿ ಸುಧಾ ನಾಯ್ಕ, ರುದ್ರೇಶ ಮೈತ್ರಾಣಿ, ಶಿವರಾಮ ದೇಸಾಯಿ, ಮಹಮ್ಮದ್ ಇಸ್ಮಾಯಿಲ್ ಕೋಣನಕೇರಿ, ಸಚಿನ್ ನಾಯ್ಕ, ಅರ್ಜುನ ದೇಸಾಯಿ, ಪ್ರತಾಪಕುಮಾರ್ ಎಂ, ನಾಗೇಂದ್ರ ನಾಯ್ಕ, ಗಣೇಶ್ ನಾಯ್ಕ, ಮಾದೇವ ಸಂಗಾಪೂರ, ಪ್ರಕಾಶ ದಂಡಪ್ಪನವರ್ ಸೇರಿ ಆರೋಪಿಯನ್ನು ಬಂಧಿಸಿದರು. ಚಿನ್ನಾಭರಣದ ಜೊತೆ ಆರೋಪಿಯ ಬಳಿಯಿದ್ದ ಸ್ಕೂಟಿಯನ್ನು ಜಪ್ತು ಮಾಡಿದರು.
- [ಈ ಊರಲ್ಲಿ ದೋಸೆ ತಿನ್ನುವುದೇ ಒಂದು ಹಬ್ಬ!](https://mobiletime.in/2025/11/eating-dosa-in-this-town-is-a-festival/): ದಕ್ಷಿಣ ಭಾರತದಲ್ಲಿನ ಪ್ರಸಿದ್ಧ ತಿನಿಸುವಗಳಲ್ಲಿ ದೋಸೆಗೆ ಮುಖ್ಯ ಸ್ಥಾನ. ಅದರಲ್ಲಿಯೂ ಉತ್ತರ ಕನ್ನಡ ಜಿಲ್ಲೆಯ ಅನೇಕ ಹವ್ಯಕರ ಮನೆಗಳಲ್ಲಿ ನಸುಕಿನ ವೇಳೆಯಲ್ಲಿಯೇ ದೋಸೆಯ ಕಂಪು ಬಾರದಿದ್ದರೆ ಅನೇಕರಿಗೆ ಬೆಳಗಾಗುವುದೇ ಇಲ್ಲ! ಅಂಥಹುದರಲ್ಲಿ ಗೋಕರ್ಣದಲ್ಲಿ ದೋಸೆ ತಿನ್ನುವುದಕ್ಕಾಗಿಯೇ ಒಂದು ಹಬ್ಬ ನಡೆಯುತ್ತದೆ. ಅನೇಕ ವರ್ಷಗಳಿಂದ ಇಲ್ಲಿ `ದೋಸೆ ಕಂಬಳ’ವನ್ನು ಅತ್ಯಂತ ಶ್ರದ್ಧಾ-ಭಕ್ತಿಯಿಂದ ನಡೆಸಿಕೊಂಡು ಬರಲಾಗುತ್ತಿದೆ. ಹಬ್ಬಕ್ಕೆ ಬಂದ ಎಲ್ಲಾ ಭಕ್ತರಿಗೂ ಅಲ್ಲಿನ ಬ್ರಾಹ್ಮಣ ಕುಟುಂಬದವರು ಅಷ್ಟೇ ಭಕ್ತಿಯಿಂದ ದೋಸೆ ಉಣಬಡಿಸುತ್ತಾರೆ. ಭಕ್ತರು ಎಷ್ಟೇ ದೋಸೆ ತಿಂದರೂ ಅದಕ್ಕೆ ದುಡ್ಡು ಕೊಡಬೇಕಾಗಿಲ್ಲ! ಬಿಸಿ, ಬಿಸಿ ದೋಸೆ ಜೊತೆ ಚಟ್ನಿ ,ಬಾಜಿ, ಬೆಲ್ಲ ಸವಿ ಸವಿಯಲು ನೂರಾರು ಜನ ಭಟ್ಟರ ಮನೆಗೆ ಬರುತ್ತಾರೆ. ಬಂಧು-ಮಿತ್ರರೆಲ್ಲರೂ ಸೇರಿ ಖುಷಿಯಿಂದ ಹಬ್ಬ ಆಚರಿಸುತ್ತಾರೆ. ರಥಬೀದಿಯಲ್ಲಿರುವ ಬಾಲಕೃಷ್ಣ ಜಂಬೆ ಅವರ ಮನೆಯಲ್ಲಿ ಮೊನ್ನೆ ರಾತ್ರಿ ನಡೆದ ದೋಸೆ ಹಬ್ಬ ಅನೇಕರ ಸಮ್ಮಿಲನಕ್ಕೆ ಸಾಕ್ಷಿಯಾಗಿದ್ದು, ಹೊಟ್ಟೆ ತುಂಬ ದೋಸೆ ತಿಂದ ಜನ ಹಬ್ಬಕ್ಕೆ ಕಾರಣಿಕರ್ತರಾದ ಕುಟುಂಬದವರನ್ನು ಮನಸಾರೆ ಹಾರೈಸಿದರು. ಪ್ರತಿ ವರ್ಷವೂ ಗೋಕರ್ಣದಲ್ಲಿ ದೋಸೆ ಕಂಬಳ ನಡೆಯುತ್ತದೆ. ಪ್ರತಿ ವರ್ಷ ಕಾರ್ತಿಕ ಮಾಸದ ಅಮಾವಾಸ್ಯೆಯಂದು ಮಹಾಬಲೇಶ್ವರ ಮಂದಿರದ ನಂದಿ ಮಂಟಪದಲ್ಲಿ ಕಾರ್ಯನಿರ್ವಹಿಸುವ ಉಪಾಧಿವಂತ ವೈದಿಕರ ಮನೆಯಲ್ಲಿ ಈ ಹಬ್ಬ ಆಚರಿಸಲಾಗುತ್ತದೆ. ದೇವಾಲಯದಲ್ಲಿ ರಂಗಪೂಜೆ – ಎಡೆ ನೇವೇದ್ಯ ಬಳಿಕ ಆತ್ಮಲಿಂಗಕ್ಕೆ ಸಮರ್ಪಿಸಿದ ನವಧಾನ್ಯಗಳನ್ನ ಸಂಗ್ರಹಿಸಿ ಅದನ್ನು ಅಕ್ಕಿಯ ಜೊತೆ ಬೆರೆಸಿ ದೋಸೆ ಸಿದ್ಧಪಡಿಸಲಾಗುತ್ತದೆ. ಆ ಭಾಗದ ಎಲ್ಲಾ ಸಮಾಜದ ಜನರ ಜೊತೆ ಬೇರೆ ಬೇರೆ ಪ್ರದೇಶದ ಜನರು ಪ್ರಸಾದ ರೂಪದಲ್ಲಿ ಸಿಗುವ ದೋಸೆ ಸ್ವೀಕರಿಸುತ್ತಾರೆ. ದೋಸೆ ಕಂಬಳದ ಬಗ್ಗೆ ಅರಿತ ಅನೇಕರು ಇದಕ್ಕಾಗಿಯೇ ಬಿಡುವು ಮಾಡಿಕೊಂಡು ಬೇರೆ ಬೇರೆ ಊರುಗಳಿಂದ ಬರುತ್ತಾರೆ. ಊರಿನ ಜನರ ಜೊತೆ ಬೆರೆತು ಕುಶಲೋಪರಿ ವಿಚಾರಿಸುವ ಈ ಹಬ್ಬ ಬಾಂದವ್ಯ ವೃದ್ಧಿಗೂ ಸಹಕಾರ ನೀಡುತ್ತಿದೆ.
- [2025ರ ನವೆಂಬರ್ 22ರ ದಿನ ಭವಿಷ್ಯ](https://mobiletime.in/2025/11/prediction-for-november-22-2025/): ಮೇಷ ರಾಶಿ: ಹೊಸ ಕೆಲಸ ಶುರು ಮಾಡಲು ಪ್ರೇರಣೆ ಸಿಗಲಿದೆ. ಆರ್ಥಿಕ ಸ್ಥಿತಿ ಸುಧಾರಣೆ ಕಾಣಲಿದೆ. ನಿರ್ಣಯಗಳನ್ನು ಮಾಡುವಾಗ ದುಡುಕುತನ ಬೇಡ. ಆರೋಗ್ಯ ಚನ್ನಾಗಿರಲಿದೆ. ವೃಷಭ ರಾಶಿ: ಉದ್ಯೋಗ ಕ್ಷೇತ್ರದಲ್ಲಿ ಹೊಸ ಅವಕಾಶ ದೊರಯಲಿದ್ದು, ನಿಮ್ಮ ಸಂಪರ್ಕವೇ ದೊಡ್ಡ ಸಾಧನ ಆಗಲಿದೆ. ದಿನದ ಶುರುವಿನಲ್ಲಿ ಸಮಸ್ಯೆ ಕಾಣಿಸಿದರೂ ನಂತರ ಬಗೆಹರೆಯಲಿದೆ. ಆರ್ಥಿಕ ಖರ್ಚುಗಳಲ್ಲಿ ನಿಯಂತ್ರಣ ಬೇಕು. ದುಶ್ಚಟಗಳು ನಿಮಗೆ ಒಳ್ಳೆಯದಲ್ಲ. ಮಿಥುನ ರಾಶಿ: ಸ್ನೇಹಿತರ ಸಹಾಯ ಅನಿವಾರ್ಯ ಸೃಷ್ಠಿಸಲಿದೆ. ಸಂಜೆ ವೇಳೆ ಶುಭ ಸುದ್ದಿ ಸಿಗಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ಬೇಕು. ಮಾನಸಿಕ ಶಾಂತಿಗೆ ಧ್ಯಾನ ಮಾಡಿ. ಕುಂಭ ರಾಶಿ: ಕೆಲಸ ಸ್ಥಳದಲ್ಲಿ ನಿಮ್ಮ ಪ್ರತಿಭೆ ಹೊರಹೊಮ್ಮಲು ಅವಕಾಶ ಬರುವುದು. ಪರಿವಾರದವರ ಸಲಹೆ ಪ್ರಾರಂಭಿಕವಾಗಿ ಸಹಾಯಕ ಆಗಲಿದೆ. ಅವಸರದ ನಿರ್ಧಾರ ತಪ್ಪಿಸುವುದು ಉತ್ತಮ. ಆರೋಗ್ಯ ಉತ್ತಮ ಸ್ಥಿತಿಯಲ್ಲಿ ಇರುತ್ತದೆ. ಕರ್ಕ ರಾಶಿ: ಅಲ್ಲಲ್ಲಿ ನೂತನ ಅವಕಾಶ ಪಡೆಯುವ ಸಾಧ್ಯತೆಗಳಿವೆ. ಕುಟುಂಬದಲ್ಲಿ ಹಾಸ್ಯ ಹೆಚ್ಚಾಗುವುದು ಬೇಡ. ಉನ್ನತ ಶಿಕ್ಷಣ ನಿಮಗೆ ನೆರವು ನೀಡಲಿದೆ. ಶ್ರಮ ಅಗತ್ಯ. ಸಿಂಹ ರಾಶಿ: ಹೊಸ ನಿರ್ಧಾರಗಳು ಶುಭ ಕೊಡಲಿದೆ. ಆರ್ಥಿಕವಾಗಿ ಸ್ವಲ್ಪ ಒತ್ತಡ ಸಂಭವಿಸಬಹುದು. ದುಡಿಮೆಯ ಫಲ ಸ್ವಲ್ಪ ವಿಳಂಬ ಆಗಲಿದೆ. ಆರೋಗ್ಯದಲ್ಲಿ ಸುಧಾರಣೆ ಆಗಲಿದೆ. ಕನ್ಯಾ ರಾಶಿ: ಉದ್ಯೋಗದಲ್ಲಿ ಕೆಲಸದ ಒತ್ತಡ ಹೆಚ್ಚಾಗಲಿದ್ದು, ಪರಿಣಾಮಕಾರಿ ನಿರ್ಧಾರಾನ್ನು ತೆಗೆದುಕೊಳ್ಳಿ. ಕುಟುಂಬದಲ್ಲಿ ಶಾಂತಿ-ನೆಮ್ಮದಿ ಸಿಗಲಿದೆ. ಸ್ನೇಹಿತರಿಂದ ಬೆಂಬಲ ದೊರೆಯಲಿದೆ. ನಿಮ್ಮ ಕೆಲಸದ ಬಗ್ಗೆ ನೀವೇ ವಿಶ್ಲೇಷಣೆ ಮಾಡುವುದು ಉತ್ತಮ. ತುಲಾ ರಾಶಿ: ವ್ಯಾಪಾರದ ಒತ್ತಡ ಕಡಿಮೆ ಆಗಲಿದೆ. ಹೊಸ ಕಲ್ಪನೆಗಳು ಹುಟ್ಟುತ್ತವೆ. ಆರ್ಥಿಕವಾಗಿ ಲಾಭ ಆಗಲಿದೆ. ಆರೋಗ್ಯವೂ ಚನ್ನಾಗಿರಲಿದೆ. ಚಿಕ್ಕ ಚಿಕ್ಕ ಕೆಲಸಗಳು ನೆಮ್ಮದಿ ಕೊಡುತ್ತವೆ. ವೃಶ್ಚಿಕ ರಾಶಿ: ಈ ದಿನ ಅಲ್ಪ ಪ್ರಮಾಣದಲ್ಲಾದರೂ ವಿರಾಮ ಅಗತ್ಯ. ಉದ್ಯೋಗದಲ್ಲಿ ಸಾಧನೆ ಸಾಧ್ಯವಿದೆ. ಹೃದಯಕ್ಕೆ ಒತ್ತಡ ಬೀಳದಂತೆ ಎಚ್ಚರಿಕೆವಹಿಸಿ. ನಿತ್ಯದ ಚಟುವಟಿಕೆಗಳು ತುರುಸುಗೊಳ್ಳಲಿದೆ. ಧನು ರಾಶಿ: ಯಾತ್ರೆಗಳು ಸರಿಯಾಗಿ ಸಾಗಲಿದೆ. ಸಮಯವನ್ನು ಸರಿಯಾಗಿ ಬಳಸಿಕೊಳ್ಳಬೇಕು. ದೇಹಕ್ಕೆ ಆಯಾಸವಾದರೂ ಆರೋಗ್ಯ ಚನ್ನಾಗಿರಲಿದೆ. ಮಕರ ರಾಶಿ: ಈ ದಿನ ಕೆಲ ಬದಲಾವಣೆ ಆಗಲಿದೆ. ಹೃದಯದ ವಿಷಯದಲ್ಲಿ ಎಚ್ಚರಿಕೆ ಅಗತ್ಯ. ಸ್ನೇಹಿತರ ಜೊತೆ ಸಮಯ ಕಳೆಯಿರಿ. ಆರೋಗ್ಯದಲ್ಲಿ ಏರುಪೇರಾದರೆ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ. ಮೀನ ರಾಶಿ: ಜೀವನದಲ್ಲಿನ ಲವಲವಿಕೆಗಾಗಿ ಪುಸ್ತಕ ಪರಿಣಾಮಕಾರಿ. ಕೆಲಸದಲ್ಲಿ ಪ್ರಗತಿ ಸಾಧ್ಯವಿದೆ. ಆರೋಗ್ಯದ ಬಗ್ಗೆ ಅತಿಯಾದ ನಿರ್ಧಾರ ಬೇಡ. ಸ್ನೇಹಿತರ ಮಾತು ಆಲಿಸಿ, ಮನಸ್ಸಿನ ಆತಂಕ ದೂರಮಾಡಿಕೊಳ್ಳಿ.
- [ಕೃಷಿಕನ ಮೇಲೆ ಕರಡಿ ದಾಳಿ](https://mobiletime.in/2025/11/bear-attack-on-farmer/): ಹಳಿಯಾಳದ ಗುಳೇದಕೊಪ್ಪ ಗಸ್ತಿ ಬಳಿ ಕುಮಾರ ವಡ್ಡರ್ ಅವರ ಮೇಲೆ ಕರಡಿ ದಾಳಿ ನಡೆದಿದೆ. ಸದ್ಯ ಅವರು ಆಸ್ಪತ್ರೆಯವರ ಆರೈಕೆಯಲ್ಲಿದ್ದಾರೆ. ಕುಮಾರ ನಾಗಪ್ಪ ವಡ್ಡರ್ (31) ಅವರು ಕೃಷಿ ಜೊತೆ ಹೈನುಗಾರಿಕೆ ಮಾಡಿಕೊಂಡಿದ್ದರು. ಜಾನುವಾರು ಮೇಯಿಸುತ್ತಿರುವಾಗ ಅವರ ಮೇಲೆ ಕರಡಿ ಆಕ್ರಮಣ ನಡೆದಿದ್ದು, ಮೈ-ಕೈ ಪರಚಿದೆ. ಕರಡಿಯು ತನ್ನ ಉಗುರುಗಳಿಂದ ಕುಮಾರ ನಾಗಪ್ಪ ವಡ್ಡರ ಅವರ ಕಾಲುಗಳಿಗೆ ಗಾಯ ಮಾಡಿದೆ. ಕೆನ್ನೆಗೆ ಸಹ ಕಚ್ಚಿದೆ. ದಾಳಿಯಿಂದ ಗಾಯಗೊಂಡ ಅವರು ಪ್ರಸ್ತುತ ಹಳಿಯಾಳ ತಾಲೂಕು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಘಟನೆ ಕುರಿತು ಮಾಹಿತಿ ನೀಡಿದ ಅರಣ್ಯ ಇಲಾಖೆಯ ಹಳಿಯಾಳ ವಲಯ ಅರಣ್ಯಾಧಿಕಾರಿ ಬಸವರಾಜ್ ಅವರು ಮಾಹಿತಿ ನೀಡಿದ್ದು, `ದಾಳಿಯಿಂದ ತೀವ್ರತರವಾದ ಗಾಯಗಳಾಗಿಲ್ಲ. ಗಾಯಾಳು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ’ ಎಂದು ಹೇಳಿದ್ದಾರೆ.
- [ಯಲ್ಲಾಪುರ: ಎಲ್ಲಡೆ ಕಳ್ಳರ ಕಾಟ!](https://mobiletime.in/2025/11/yellapur-thieves-are-everywhere/): ಯಲ್ಲಾಪುರ ಪಟ್ಟಣದಲ್ಲಿ ಹೊಸದಾಗಿ ಶುರುವಾದ ಔಷಧಿ ಅಂಗಡಿಯಲ್ಲಿ ಕಳ್ಳತನ ನಡೆದಿದೆ. ಜೊತೆಗೆ ಸಿಹಿ ತಿನಿಸು ಮಾರಾಟ ಮಳಿಗೆಯಲ್ಲಿಯೂ ಕಳ್ಳರು ಕಾಸು ದೋಚಿದ್ದಾರೆ. ಯಲ್ಲಾಪುರ ತಾಲೂಕಾ ಪಂಚಾಯತ ಸಮೀಪದ ಅಂಗಡಿಗಳಲ್ಲಿ ಗುರುವಾರ ರಾತ್ರಿ ಕಳ್ಳತನ ನಡೆದಿದೆ. ಸೀತಾಲಕ್ಷ್ಮೀ ಮೆಡಿಕಲ್ಸ್ ಹಾಗೂ ಅದರ ಎದುರಿಗಿರುವ ಶಂಕರ್ ಸ್ವೀಟ್ಸ್ ಮಳಿಗೆಯಲ್ಲಿ ಕಳ್ಳರು ತಮ್ಮ ಕೈ ಚಳಕ ಪ್ರದರ್ಶಿಸಿದ್ದಾರೆ. ಈ ಎರಡು ಕಡೆ ಕಳ್ಳರು ಬೀಗ ಮುರಿದು ಒಳನುಗ್ಗಿದ್ದಾರೆ. ಔಷಧಿ ಅಂಗಡಿಯಲ್ಲಿ ಒಳ್ಳೆಯ ವ್ಯಾಪಾರ ನಡೆಯುತ್ತಿರುವುದನ್ನು ಅರಿತು ಅಲ್ಲಿದ್ದ 40 ಸಾವಿರ ರೂ ಹಣ ಎಗರಿಸಿದ್ದಾರೆ. ಬೇಕರಿಯಲ್ಲಿ ದೊಡ್ಡ ಪ್ರಮಾಣದಲ್ಲಿ ಕಾಸು ಸಿಗದ ಕಾರಣ ಕೆಲ ಸಾಮಗ್ರಿ ಅಪಹರಿಸಿದ್ದಾರೆ. ಶುಕ್ರವಾರ ಬೆಳಗ್ಗೆ ಅಂಗಡಿ ಬಳಿ ಬಂದ ಗ್ರಾಹಕರು ಮಾಲಕರಿಗೆ ಫೋನ್ ಮಾಡಿದ್ದಾರೆ. ಮಾಲಕರು ಬಂದು ಬಾಗಿಲು ತೆರೆಯುವ ಪ್ರಯತ್ನ ಮಾಡಿದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ.
- [ಸರ್ಕಾರಿ ಬಸ್ಸಿಗೆ ಹೊಗೆ!](https://mobiletime.in/2025/11/smoke-in-a-government-bus/): ಸಿದ್ದಾಪುರ-ಕುಮಟಾ ಮಾರ್ಗವಾಗಿ ಸಂಚರಿಸುತ್ತಿದ್ದ ಸರ್ಕಾರಿ ಬಸ್ಸಿನಲ್ಲಿ ಶುಕ್ರವಾರ ಏಕಾಏಕಿ ಹೊಗೆ ಕಾಣಿಸಿಕೊಂಡಿದೆ. ಬಸ್ಸಿನಲ್ಲಿದ್ದ ಪ್ರಯಾಣಿಕರು ಆತಂಕದಿoದ ಹೌಹಾರಿದ್ದಾರೆ. ಈ ವೇಳೆ ಬಸ್ಸಿನಲ್ಲಿದ್ದ ಅಗ್ನಿಶಮನ ಸಾಮಗ್ರಿಯೂ ಹಾಳಾಗಿದ್ದು, ಜನರ ಅರಿವಿಗೆ ಬಂದಿದೆ. ಕುಮಟಾ ಡಿಪೋದ ಬಸ್ಸು ಸಿದ್ದಾಪುರ – ಕುಮಟಾ ರಾಜ್ಯ ಹೆದ್ದಾರಿಯಲ್ಲಿ ಸಂಚರಿಸುತ್ತಿತ್ತು. ಆ ಬಸ್ಸು ಕಾರವಾರಕ್ಕೆ ಹೊರಟಿದ್ದು, ಬಡಾಳ ಘಟ್ಟದಲ್ಲಿ ಬಸ್ಸಿನಿಂದ ದೊಡ್ಡ ಪ್ರಮಾಣದಲ್ಲಿ ಹೊಗೆ ಹೊರಬಂದಿತು. ಸಣ್ಣ ಹೊಗೆ ಬಂದಾಗ ಜನ ಅದಕ್ಕೆ ತಲೆಕೆಡಿಸಿಕೊಳ್ಳಲಿಲ್ಲ. ಹೊಗೆ ದೊಡ್ಡದಾದಾಗ ಬೊಬ್ಬೆ ಹೊಡೆದು ಬಸ್ಸಿನಿಂದ ಹಾರಲು ಶುರು ಮಾಡಿದರು. ಪ್ರಯಾಣಿಕರು ಗಾಬರಿಗೊಂಡಿದ್ದರಿoದ ಪರಿಸ್ಥಿತಿ ಕೈ ಮೀರುತ್ತಿರುವುದನ್ನು ಅರಿತ ಬಸ್ಸಿನ ಚಾಲಕ ಹಾಗೂ ನಿರ್ವಾಹಕರು ತಕ್ಷಣವೇ ಬಸ್ಸು ನಿಲ್ಲಿಸಿದರು. ಎಲ್ಲಾ ಪ್ರಯಾಣಿಕರನ್ನು ಬಸ್ಸಿನಿಂದ ಕೆಳಗಿಳಿಸಿದರು. ಅರ್ಧ ಗಂಟೆ ಕಾಲ ಪ್ರಯಾಣಿಕರು ರಸ್ತೆಯ ಪಕ್ಕದಲ್ಲಿ ಕಾದಿದ್ದು, ಆ ಮಾರ್ಗವಾಗಿ ಬಂದ ಇನ್ನೊಂದು ಬಸ್ಸಿನ ಮೂಲಕ ಪ್ರಯಾಣಿಕರನ್ನು ತಲುಪಬೇಕಾದ ಸ್ಥಳಕ್ಕೆ ಕಳುಹಿಸಲಾಯಿತು. ಅಗ್ನಿಶಮನ ಸಲಕರಣೆಯೇ ಇಲ್ಲ! ಸಿದ್ದಾಪುರ-ಕಾರವಾರ ಬಸ್ ನಲ್ಲಿ ಬಸ್ಸಿನ ಟೈರ್ ಜ್ಯಾಮ್ ಆಗಿ ಹೊಗೆ ಬರುತ್ತಿದೆ ಎಂದು ಪ್ರಯಾಣಿಕರೊಬ್ಬರು ಹೇಳಿದರು. ಬಸ್ಸಿನಲ್ಲಿ ಅಗ್ನಿಶಾಮನ ಸಾಧನ ಇಲ್ಲದ ಕಾರಣ ಕುಡಿಯಲು ತಂದಿದ್ದ ಬಾಟಲಿ ನೀರನ್ನು ಪ್ರಯಾಣಿಕರು ಹೊಗೆ ಬಂದ ಕಡೆ ಚೆಲ್ಲಿದರು. ಎಲ್ಲಾ ಸಾರಿಗೆ ಬಸ್‌ಗಳಲ್ಲಿ ಬೆಂಕಿ ಅವಘಡ ತಡೆಯಲು ಅಗ್ನಿಶಮನ ಸಾಧನ ಅಳವಡಿಸುವುದು ಅಗತ್ಯ ಎಂದು ಪ್ರಯಾಣಿಕರು ಹೇಳಿದರು.
- [ನಾನು ಕಳ್ಳನಲ್ಲ.. ಬಂಧನವೂ ಆಗಿಲ್ಲ!](https://mobiletime.in/2025/11/im-not-a-thief-i-havent-even-been-arrested/): ಮರಗಳ ಮಾರಣಹೋಮ ನಡೆಸಿದಕ್ಕಾಗಿ ಶಿರಸಿಯ ಜೆಡಿಎಸ್ ಮುಖಂಡ ಉಪೇಂದ್ರ ಪೈ ಅವರ ಬಂಧನವಾದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿ ಹರಿದಾಡುತ್ತಿದೆ. `ಮೊಬೈಲ್ ಮಿಡಿಯಾ ನೆಟ್‌ವರ್ಕ ಜೊತೆ ಮಾತನಾಡಿದ ಅವರು `ಬಂಧನವೂ ಆಗಿಲ್ಲ. ಬಿಡುಗಡೆಯೂ ಆಗಿಲ್ಲ’ ಎಂದು ಸ್ಪಷ್ಟಪಡಿಸಿದ್ದಾರೆ. ಶಿರಸಿಯ ಇಟಗುಳಿಯಲ್ಲಿ ಉಪೇಂದ್ರ ಪೈ ಅವರು ಭೂಮಿ ಹೊಂದಿದ್ದಾರೆ. ಅವರ ಭೂಮಿಯಲ್ಲಿ ಅಕೆಶಿಯಾ ಮರ ಬೆಳೆದಿದ್ದು, ಗಾಳಿ-ಮಳೆಗೆ ಸಿಲುಕಿ ಅವು ವಿದ್ಯುತ್ ತಂತಿ ಮೇಲೆ ಮುರಿದು ಬೀಳುತ್ತಿವೆ. ಹೀಗಾಗಿ ನಾಲ್ಕು ವರ್ಷದ ಹಿಂದೆಯೇ ಉಪೇಂದ್ರ ಪೈ ಅವರು ಆ ಮರಗಳ ಕಟಾವಿಗೆ ಅರಣ್ಯ ಇಲಾಖೆಗೆ ಅರ್ಜಿ ಸಲ್ಲಿಸಿದ್ದಾರೆ. ಮರ ಕಟಾವಿಗೆ ಅರಣ್ಯ ಇಲಾಖೆ ಮಾರ್ಕಿಂಗ್ ಮಾಡಿದ್ದು ಕಟಾವು ಪ್ರಕ್ರಿಯೆ ಮಾತ್ರ ನಡೆದಿರಲಿಲ್ಲ. ಹೀಗಿರುವಾಗ ಅಲ್ಲಿದ್ದ ಕೊಟ್ಟಿಗೆ ಹಾಗೂ ವಿದ್ಯುತ್ ತಂತಿಗಳ ಸುರಕ್ಷತೆ ದೃಷ್ಠಿಯಿಂದ ಅಪಾಯಕಾರಿ ರೀತಿಯಲ್ಲಿದ್ದ ಮರಗಳನ್ನು ಉಪೇಂದ್ರ ಪೈ ಅವರು ಕಟಾವು ಮಾಡಿದ್ದಾರೆ. ಕಟಾವು ಮಾಡಿದ ಮರಗಳು ಜಾಗದಲ್ಲಿಯೇ ಬಿದ್ದಿದ್ದು, ಸಾರ್ವಜನಿಕರೊಬ್ಬರ ದೂರಿನ ಮೇರೆಗೆ ಅರಣ್ಯಾಧಿಕಾರಿಗಳು ಅದನ್ನು ಪರಿಶೀಲಿಸಿದ್ದಾರೆ. ಅನುಮತಿ ಇಲ್ಲದೇ ಮರ ಕಟಾವು ಮಾಡಿದ ಕಾರಣ ಅಲ್ಲಿ ಕೆಲಸ ಮಾಡುವ ಕಾರ್ಮಿಕನ ಮೇಲೆ ಪ್ರಕರಣ ದಾಖಲಿಸುವುದಾಗಿಯೂ ಹೇಳಿದ್ದಾರೆ. ಆಗ, ಉಪೇಂದ್ ಪೈ ಅವರು ಅಪಾಯಕಾರಿ ಮರಗಳಿಂದ ಆಗಬಹುದಾದ ಅನಾಹುತಗಳ ಬಗ್ಗೆ ಅರಣ್ಯಾಧಿಕಾರಿಗಳಿಗೆ ವಿವರಿಸಿದ್ದಾರೆ. ಈ ಹಿಂದೆ ನೀಡಿದ ಅರ್ಜಿ, ಮಾರ್ಕಿಂಗ್ ನಡೆದ ದಾಖಲೆಗಳನ್ನು ಕಾಣಿಸಿದ್ದಾರೆ. ಅದಾಗಿಯೂ ಅನುಮತಿ ಇಲ್ಲದೇ ಮರ ಕಟಾವು ಮಾಡಿದ ಕಾರಣ 20 ಸಾವಿರ ರೂ ದಂಡ ಪಾವತಿಸುವಂತೆ ಅರಣ್ಯಾಧಿಕಾರಿಗಳು ಹೇಳಿದ್ದಾರೆ. ಇದಕ್ಕೆ ಉಪೇಂದ್ರ ಪೈ ಅವರು ಸಹ ಒಪ್ಪಿಗೆ ನೀಡಿದ್ದು, ಕಾನೂನು ಪ್ರಕ್ರಿಯೆಗಳನ್ನು ಮುಗಿಸಿದ್ದಾರೆ. `ಕಾರ್ಮಿಕನ ಮೇಲೆ ಪ್ರಕರಣ ದಾಖಲಿಸುವ ಬದಲು ಜಾಗದ ಮೇಲಿನ ಮಾಲಕನಾದ ನನ್ನ ಮೇಲೆ ಕೇಸ್ ದಾಖಲಿಸಿ’ ಎಂದು ಅವರು ಹೇಳಿದ್ದಾರೆ. `ಹಣ ಪಾವತಿ ನಂತರ ಸ್ಥಳದಲ್ಲಿದ್ದ ಎಲ್ಲಾ ಅಪಾಯಕಾರಿ ಮರಗಳನ್ನು ನಿಯಮಾನುಸಾರ ಕಟಾವು ಮಾಡಬೇಕು. ಜೊತೆಗೆ ಅದನ್ನು ಅಲ್ಲಿಂದ ಸ್ಥಳಾಂತರಿಸಬೇಕು’ ಎಂದು ತಾಕೀತು ಮಾಡಿದ್ದಾರೆ. ಅದಾದ ನಂತರ ಉಪೇಂದ್ರ ಪೈ ಅವರು ಜೆಡಿಎಸ್ ಪಕ್ಷದ ಕಾರ್ಯಕ್ರಮಕ್ಕಾಗಿ ಬೆಂಗಳೂರಿಗೆ ಹೋಗಿದ್ದು, `ಉಪೇಂದ್ರ ಪೈ ಅವರ ಬಂಧನ-ಬಿಡುಗಡೆ’ ಸುದ್ದಿ ಹರಿದಾಡಿದೆ. ಇದಕ್ಕೆ ಅವರು ಜಾಲತಾಣದ ಮೂಲಕ ಸ್ಪಷ್ಠನೆ ನೀಡಿದ್ದು, ನಡೆದ ಘಟನಾವಳಿಗಳ ಬಗ್ಗೆ ಮೊಬೈಲ್ ಮಿಡಿಯಾ ನೆಟ್‌ವರ್ಕಗೂ ವಿವರಿಸಿದ್ದಾರೆ.
- [ನವೆಂಬರ್ 25: ಈ ದಿನ ಅಂಕೋಲಾದಲ್ಲಿ ಏನೂ ಸಿಗಲ್ಲ!](https://mobiletime.in/2025/11/november-25-nothing-is-available-in-ankola-on-this-day/): ಜನ ವಿರೋಧದ ನಡುವೆಯೂ ಅಂಕೋಲಾದ ಕೇಣಿಯಲ್ಲಿ ವಾಣಿಜ್ಯ ಬಂದರು ನಿರ್ಮಾಣದ ಸಿದ್ಧತೆ ನಡೆದಿದೆ. ಈ ಹಿನ್ನಲೆ ಜನಾಕ್ರೋಶ ಹೆಚ್ಚಾಗಿದ್ದು, ನವೆಂಬರ್ 25ಕ್ಕೆ ಅಂಕೋಲಾ ಬಂದ್’ಗೆ ಕರೆ ನೀಡಲಾಗಿದೆ. ವಾಣಿಜ್ಯ ಬಂದರಿಗೆ ವಿರೋಧವ್ಯಕ್ತಪಡಿಸಿ ಅಂಕೋಲಾದಲ್ಲಿ ಕಳೆದ 9 ದಿನಗಳಿಂದ ಧರಣಿ ನಡೆಯುತ್ತಿದೆ. ಈ ಹಿಂದೆ ಸಹ ಸಾಕಷ್ಟು ಪ್ರತಿಭಟನೆ, ಹೋರಾಟಗಳು ನಡೆದಿವೆ. ಅದಾಗಿಯೂ ಜನರ ಸಮಸ್ಯೆ ಜನಪ್ರತಿನಿಧಿಗಳಿಗೆ ಅರ್ಥವಾಗಿಲ್ಲ. ಈ ಹಿನ್ನಲೆ ಬಂದರು ವಿರೋಧಿಸಿ `ಅಂಕೋಲಾ ಬಂದ್’ ಮಾಡಿ ಬಿಸಿ ಮುಟ್ಟಿಸಲು ನಿರ್ಧರಿಸಿದ್ದಾರೆ. ಕೇಣಿಯಲ್ಲಿ ಪ್ರಸ್ತಾವಿತ ವಾಣಿಜ್ಯ ಬಂದರು ನಿರ್ಮಾಣವನ್ನು ವಿರೋಧಿಸಿ ಒಂದು ವರ್ಷದಿಂದ ಅಲ್ಲಿನವರು ಹೋರಾಟ ನಡೆಸುತ್ತಿದ್ದಾರೆ. ಮುಖ್ಯವಾಗಿ ಮೀನುಗಾರ ಸಮುದಾಯದವರು `ತಮಗೆ ಬದುಕಲು ಬಿಡಿ’ ಎಂದು ಒತ್ತಾಯಿಸುತ್ತಿದ್ದಾರೆ. ಈ ಹಿಂದೆ ಮೀನು ಮಾರುಕಟ್ಟೆ ಬಂದ್ ಮಾಡಿ ಪ್ರತಿಭಟನೆ ನಡೆಸಿದರೂ ಅದರಿಂದ ಪ್ರಯೋಜನವಾಗದ ಹಿನ್ನಲೆ ಅಂಕೋಲಾ ಪೇಟೆಯನ್ನು ಬಂದ್ ಮಾಡುವ ನಿರ್ಣಯಕ್ಕೆ ಬಂದಿದ್ದಾರೆ. ನವೆAಬರ್ 12ರಿಂದ ಅಂಕೋಲಾದಲ್ಲಿ ಕೇಣಿ ಬಂದರು ವಿರೋಧಿಸಿ ಅನಿರ್ದಿಷ್ಟ ಅವಧಿ ಧರಣಿ ಸತ್ಯಾಗ್ರಹ ಶುರುವಾಗಿದೆ. ನವೆಂಬರ್ 25ರಂದು ವಿವಿಧ ಸಂಘಟನೆಯವರು ಪೇಟೆಯನ್ನು ಬಂದ್ ಮಾಡುವಂತೆ ಅಂಗಡಿ ಮಾಲಕರಿಗೆ ಮನವಿ ಮಾಡಿದ್ದಾರೆ. `ಅಂಕೋಲಾ ಉಳಿಸಿ’ ಆಂದೋಲನದ ಅಂಗವಾಗಿ ಅನೇಕ ಅಂಗಡಿಕಾರರು ಈ ಬಂದ್ ಕರೆಗೆ ಸ್ಪಂದಿಸಿದ್ದಾರೆ. ಬಂದ್ ಯಶಸ್ವಿಯಾದ ನಂತರ ಈ ಹೋರಾಟ ಇನ್ನಷ್ಟು ತಿರುವುಪಡೆಯುವ ಸಾಧ್ಯತೆಗಳು ಹೆಚ್ಚಿದೆ.
- [ಅಗ್ನಿ ಅವಘಡ: ಸುಟ್ಟು ಕರಕಲಾದ ಮನೆ](https://mobiletime.in/2025/11/fire-accident-burnt-out-house/): ಕಾರವಾರದಲ್ಲಿನ ಮನೆಯೊಂದಕ್ಕೆ ಬೆಂಕಿ ಬಿದ್ದಿದ್ದು, ಲಕ್ಷಾಂತರ ರೂ ಮೌಲ್ಯದ ಸಾಮಗ್ರಿಗಳು ನಾಶವಾಗಿದೆ. ವಿದ್ಯುತ್ ಶಾರ್ಟ ಸರ್ಕೀಟ್ ಅವಘಡಕ್ಕೆ ಕಾರಣ ಎಂಬ ಮಾಹಿತಿ ಸಿಕ್ಕಿದೆ. ಕಾರವಾರ ನಗರ ಬಾಡದ ಗುರುಮಠದ ಸಮೀಪದ ಹಂಚಿನ ಮನೆಯಲ್ಲಿ ಶುಕ್ರವಾರ ಬೆಳಿಗ್ಗೆ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡಿದೆ. ಪ್ರವೀಣ ಜಾವೇಕರ ಅವರಿಗೆ ಸೇರಿದ ಮನೆ ಇದಾಗಿದ್ದು, ಕುಟುಂಬದ ಸದಸ್ಯರೆಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಆದರೆ, ಬೆಂಕಿಯ ಜ್ವಾಲೆ ಉಲ್ಬಣವಾಗಿದ್ದರಿಂದ ಗೃಹೋಪಯೋಗಿ ವಸ್ತುಗಳು ಸುಟ್ಟು ಕರಕಲಾಗಿದೆ. ಅಗ್ನಿಶಾಮಕ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಸಿಬ್ಬಂದಿ ಬೆಂಕಿ ಆರಿಸುವ ಪ್ರಯತ್ನ ಮಾಡಿದ್ದಾರೆ. ಪರಿಣಾಮ ಇನ್ನಷ್ಟು ದೊಡ್ಡ ಪ್ರಮಾಣದಲ್ಲಿ ಬೆಂಕಿ ಹೊತ್ತಿ ಉರಿಯುವುದು ತಪ್ಪಿದೆ. ಅಗ್ನಿಶಾಮಕ ಠಾಣಾಧಿಕಾರಿ ಮಹಾಬಲೇಶ್ವರ ಗೌಡ, ಪ್ರಮುಖ ಅಗ್ನಿಶಾಮಕ ಸಿಬ್ಬಂದಿ ಸಪ್ನಿಲ್ ಪೇಡ್ನೆಕರ, ಟೋನಿ, ಕುಮಾರ ಕೆ ಎನ್, ಪ್ರವೀಣ ಕೆ ಬೆಮಕಿಯ ಜ್ವಾಲೆ ಆರಿಸಿದ್ದಾರೆ.
- [ವಿದ್ಯುತ್ ಸ್ಪರ್ಶಿಸಿ ಸಾಯಿಸಿದರು.. ಸಾಕ್ಷಿ ನಾಶಕ್ಕಾಗಿ ಶವ ಎಸೆದರು!](https://mobiletime.in/2025/11/they-electrocuted-him-to-death-they-threw-the-body-away-to-destroy-the-evidence/): ಕಾಡು ಪ್ರಾಣಿ ಹಾವಳಿ ತಡೆಗೆ ಗದ್ದೆಗೆ ಅಳವಡಿಸಿದ್ದ ಅನಧಿಕೃತ ವಿದ್ಯುತ್ ಸಿದ್ದಾಪುರದ ವ್ಯಕ್ತಿಯೊಬ್ಬರನ್ನು ಕೊಂದಿದೆ. ಆಕಸ್ಮಿಕ ಅವಘಡವನ್ನು ಅರಗಿಸಿಕೊಳ್ಳಲಾಗದ ಆರೋಪತರು ಆ ಶವವನ್ನು ಹೊಳೆಗೆ ಎಸೆದು ಪರಾರಿಯಾಗಿದ್ದು, ಎರಡು ವಾರದ ನಂತರ ಸಿಕ್ಕಿ ಬಿದ್ದಿದ್ದಾರೆ. ಸಿದ್ದಾಪುರದ ಶೀಗೆಹಳ್ಳಿಯಲ್ಲಿ ಬಂಗಾರ್ಯ ನಾರಾಯಣ ಆಚಾರಿ (63) ಅವರು ವಾಸವಾಗಿದ್ದರು. ನವೆಂಬರ್ 3ರಂದು ಶಿಗೇಹಳ್ಳಿಯ ರಾಮಚಂದ್ರ ನಾಯ್ಕ ಅವರಿಗೆ ಕೈಗಡ ಹಣ ಕೊಡಲು ಅವರು ಮನೆಯಿಂದ ಹೊರ ಬಿದ್ದಿದ್ದರು. ಸಂಜೆ 6 ಗಂಟೆ ವೇಳೆಗೆ ದಾರಿ ನಡುವಿನ ಗದ್ದೆಯಲ್ಲಿ ಅವರು ಹಾದು ಹೋಗುತ್ತಿದ್ದು, ಅಲ್ಲಿ ಅಳವಡಿಸಲಾದ ವಿದ್ಯುತ್ ಬೇಲಿ ಸ್ಪರ್ಶದಿಂದ ಸಾವನಪ್ಪಿದರು. ನಾಗರಾಜ ನಾರಾಯಣ ನಾಯ್ಕ, ವಸಂತ ಮಂಜಾ ನಾಯ್ಕ, ದಯಾ ಕಾಳಾ ನಾಯ್ಕ, ಮಹೇಶ ದರ್ಗಾ ನಾಯ್ಕ ಸೇರಿ ಅಲ್ಲಿನ ಗದ್ದೆಗೆ ಅಕ್ರಮವಾಗಿ ವಿದ್ಯುತ್ ಅಳವಡಿಸಿದ್ದರು. ಗದ್ದೆ ಪಕ್ಕ ಹಾದು ಹೋಗಿದ್ದ ವಿದ್ಯುತ್ ತಂತಿಗೆ ಕೊಕ್ಕೆ ಹಾಕಿ ಬೇಲಿಗೆ ಸಂಪರ್ಕ ಜೋಡಿಸಿದ್ದರು. ಅದೇ ವಿದ್ಯುತ್ ಸ್ಪರ್ಶದಿಂದ ಬಂಗಾರ್ಯ ಆಚಾರಿ ಅವರು ಕೊನೆಯುಸಿರೆಳೆದಿದ್ದರು. ಬಂಗಾರ್ಯ ಆಚಾರಿ ಅವರು ಸಾವನಪ್ಪಿದನ್ನು ನೋಡಿದ ನಾಗರಾಜ ನಾರಾಯಣ ನಾಯ್ಕ, ವಸಂತ ಮಂಜಾ ನಾಯ್ಕ, ದಯಾ ಕಾಳಾ ನಾಯ್ಕ, ಮಹೇಶ ದರ್ಗಾ ನಾಯ್ಕ ಅವರು ಇಷ್ಟು ದಿನಗಳ ಕಾಲ ಶವವನ್ನು ಅಡಗಿಸಿಟ್ಟಿದ್ದರು. 18 ದಿನದ ನಂತರ ಆ ಶವವನ್ನು ಶೀಗೆಹಳ್ಳಿ ಗ್ರಾಮದ ಮುಂಡಿಗೆಮನೆ ಬೆಟ್ಟದ ಅಡಿ ಹರಿಯುವ ಹೊಳೆಯಲ್ಲಿ ಬಿಸಾಡಿದರು. ಶವ ಕೊಳೆತ ವಾಸನೆ ಬೆನ್ನತ್ತಿ ಹೊರಟ ಜನರಿಗೆ ಅಲ್ಲಿ ಬಂಗಾರ್ಯ ಆಚಾರಿ ಅವರು ಕಾಣಿಸಿದರು. ನವೆಂಬರ್ 4ರಂದು ಬೆಳಗ್ಗೆ 6ಗಂಟೆಗೆ ರಾಮಚಂದ್ರ ನಾಯ್ಕ ಅವರನ್ನು ಹುಡುಕಿ ಅವರ ಮಗ ವಿಷ್ಣು ಆಚಾರಿ ಅವರು ಅದೇ ಮಾರ್ಗವಾಗಿ ಹೋಗಿದ್ದು, ಆಗ ಅಲ್ಲಿನ ಗದ್ದೆ ಬಳಿ ಕರೆಂಟ್ ಲೈನಿಗೆ ಕೊಕ್ಕೆ ನೋಡಿದ್ದರು. ಜೊತೆಗೆ ಊರಿನ ವಿದ್ಯುತ್ ಸಂಪರ್ಕದಲ್ಲಿ ವ್ಯತ್ಯವಾಗಿದ್ದು, ಲೈಟ್ ಡಿಮ್ ಆಗಿ ಉರಿಯುತ್ತಿರುವುದನ್ನು ಗಮನಿಸಿದ್ದರು. ಬೆಳಗ್ಗೆ 10 ಗಂಟೆ ವೇಳೆಗೆ ಕರೆಂಟ್ ಲೈನಿನ ಕೊಕ್ಕೆ ತೆಗೆದಿರುವುದನ್ನು ಅವರು ಕಂಡಿದ್ದರು. ಈ ಎಲ್ಲಾ ಹಿನ್ನಲೆ ಅಕ್ರಮ ವಿದ್ಯುತ್ ಸಂಪರ್ಕದಿAದ ಆಗುವ ಅನಾಹುತ ಅರಿವಿದ್ದರೂ ಅದನ್ನು ಅಳವಡಿಸಿ ಬಂಗಾರ್ಯ ಆಚಾರಿ ಅವರ ಸಾವಿಗೆ ಕಾರಣರಾದವರ ವಿರುದ್ಧ ಅವರು ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದರು. ಸಾಕ್ಷಿ ನಾಶಕ್ಕಾಗಿ ಶವವನ್ನು ಹೊಳೆಗೆ ಎಸೆದ ಬಗ್ಗೆಯೂ ಪೊಲೀಸರಲ್ಲಿ ವಿವರಿಸಿದರು. `ಅಕ್ರಮ ವಿದ್ಯುತ್ ಸಂಪರ್ಕ ಜೀವಕ್ಕೆ ಅಪಾಯ’
- [ಗೃಹಲಕ್ಷ್ಮಿ: ಸಹಕಾರಿ ಚುನಾವಣೆಗೆ ನಾಮಪತ್ರ ಸಲ್ಲಿಕೆ](https://mobiletime.in/2025/11/grihalakshmi-nomination-submission-for-cooperative-elections/): ರಾಜ್ಯ ಸರ್ಕಾರದ ಮಹತ್ವದ ಯೋಜನೆಗಳಲ್ಲಿ ಒಂದಾದ `ಗೃಹಲಕ್ಷ್ಮೀ’ಗೆ ಪೂರಕವಾಗಿ ಸಹಕಾರಿ ಸಂಘ ಸ್ಥಾಪನೆ ನಡೆಯುತ್ತಿದ್ದು, ಯಲ್ಲಾಪುರದ ಮಹಿಳೆಯರಿಬ್ಬರು ಈ ಸಹಕಾರಿ ಸಂಸ್ಥೆಯ ನಿರ್ದೇಶಕ ಸ್ಥಾನಕ್ಕಾಗಿ ನಾಮಪತ್ರ ಸಲ್ಲಿಸಿದ್ದಾರೆ. ಗೃಹಲಕ್ಷ್ಮೀ ವಿವಿಧೋದ್ದೇಶ ಸಹಕಾರಿ ಸಂಘದ ರಾಜ್ಯ ಪದಾಧಿಕಾರಿ ಸ್ಥಾನಕ್ಕೆ ಯಲ್ಲಾಪುರದ ರೂಪಾ ಜನಾರ್ಧನ ಪಾಟಣಕರ್ ಮತ್ತು ಮುಷರತ್ ಶೇಖ್ ಅವರು ಉಮೇದುದಾರಿಕೆ ಸಲ್ಲಿಸಿದ್ದಾರೆ. ರೂಪಾ ಪಾಠಣಕರ್ ಅವರು ಭಾರತ ಕೋ ಆಪರೇಟಿವ್ ಕ್ರೆಡಿಟ್ ಸೊಸೈಟಿಯ ನಿರ್ದೇಶಕರಾಗಿದ್ದಾರೆ. ಅಂಬೇಡ್ಕರ್ ಸೇವಾ ಸಮತಿ ಹಾಗೂ ತೊಗಲು ಹರಳ್ಳಯ್ಯ ಟ್ರಸ್ಟ್ ಮೂಲಕವೂ ವಿವಿಧ ಸಾಮಾಜಿಕ ಕಾರ್ಯದಲ್ಲಿ ತೊಡಗಿದ್ದಾರೆ. ಮುಷರತ್ ಶೇಖ್ ಅವರು ಪಂಚ ಗ್ಯಾರಂಟಿ ಯೋಜನೆಯ ಅನುಷ್ಠಾನಕ್ಕಾಗಿ ಮಾಡಲಾದ ಗ್ಯಾರಂಟಿ ಸಮಿತಿಯ ಸದಸ್ಯರಾಗಿದ್ದಾರೆ. ಅವರಿಬ್ಬರು ಕಾಂಗ್ರೆಸ್ ಕಾರ್ಯಕರ್ತರಾಗಿದ್ದು, ಕೆಪಿಸಿಸಿ ಸದಸ್ಯ ವಿವೇಕ್ ಹೆಬ್ಬಾರ್ ಅವರ ಮಾತಿನಂತೆ ಈ ಚುನಾವಣೆಗೆ ಸ್ಪರ್ಧಿಸುತ್ತಿದ್ದಾರೆ. ಶುಕ್ರವಾರ ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನವಾಗಿದ್ದು, ಬೆಂಗಳೂರಿನಲ್ಲಿ ಈ ದಿನ ಅವರಿಬ್ಬರು ನಾಮಪತ್ರ ಸಲ್ಲಿಕೆ ಮಾಡಿದ್ದಾರೆ.
- [ಕಲಹಕ್ಕೆ ಕಾರಣವಾದ ಟಿಪ್ಪು ಬ್ಯಾನರ್!](https://mobiletime.in/2025/11/tipu-banner-that-caused-conflict/): ಹಳಿಯಾಳದಲ್ಲಿ ಅನುಮತಿ ಇಲ್ಲದೇ ಟಿಪ್ಪು ಸುಲ್ತಾನ್ ಬ್ಯಾನರ್ ಅಳವಡಿಸಿರುವುದು ವಿವಾದಕ್ಕೆ ಕಾರಣವಾಗಿದೆ. ಟಿಪ್ಪು ಸುಲ್ತಾನ್ `ದಿ ಕಿಂಗ್ ಆಪ್ ಟೈಗರ್’ ಎಂದು ನಮೂದಿಸಿದ ಭಾವಚಿತ್ರಕ್ಕೆ ಆಕ್ಷೇಪವ್ಯಕ್ತವಾಗಿದ್ದು, `ಅನುಮತಿಪಡೆದು ಭಾವಚಿತ್ರ ಅಂಟಿಸಿ’ ಎಂದು ಪುರಸಭೆಯವರು ಸೂಚಿಸಿದ್ದಾರೆ. ಈ ಸೂಚನೆಗೆ ಸಹ ಅಲ್ಲಿನ ಯುವಕರು ಆಕ್ಷೇಪವ್ಯಕ್ತಪಡಿಸಿದ್ದು, ಸಿಬ್ಬಂದಿಯನ್ನು ಬೆದರಿಸಿದ್ದಾರೆ. ಈ ಪ್ರದೇಶದಲ್ಲಿ ಟಿಪ್ಪು ಸುಲ್ತಾನ್ ಬ್ಯಾನರ್ ಅಳವಡಿಸಲು ಪರವಾನಿಗೆ ಪಡೆದಿಲ್ಲ. ಹೀಗಾಗಿ ಅದನ್ನು ತೆರವುಗೊಳಿಸಬೇಕು ಎಂದು ಕೆಲವರು ಪುರಸಭೆಗೆ ಆಗ್ರಹಿಸಿದ್ದಾರೆ. ಈ ಹಿನ್ನಲೆ ಪುರಸಭೆಯವರು ಮೇದಾರಗಲ್ಲಿ, ಕುಂಬಾರಗಲ್ಲಿ ಮತ್ತು ಗಣಪತಿ ಗಲ್ಲಿಯ ಕೂಡುವ ತಾಲೀಮ್ ಕೂಟ್‌ನಲ್ಲಿ ಅಳವಡಿಸಲಾಗಿದ್ದ ಟಿಪ್ಪು ಸುಲ್ತಾನ್ ಭಾವಚಿತ್ರವಿರುವ ದೊಡ್ಡ ಗಾತ್ರದ ಕಟೌಟ್ ತೆರವುಗೊಳಿಸುವಂತೆ ಸಂಘಟಕರಿಗೆ ಸೂಚಿಸಿದ್ದಾರೆ. ಇದೇ ವಿಷಯ ಇದೀಗ ದೊಡ್ಡದಾಗಿದ್ದು, ಕಲಹಕ್ಕೆ ಕಾರಣವಾಗಿದೆ. ಈ ಹಿನ್ನೆಲೆ ಪುರಸಭೆ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಬ್ಯಾನರ್ ತೆರವುಗೊಳಿಸುವಂತೆ ತಿಳಿಸಿದಾಗ ಯುವಕರು ಅದನ್ನು ಅಲ್ಲಿದ್ದ ಮನೆ ಎದುರು ಅಳವಡಿಸಲು ಮುಂದಾದರು. `ಅದಕ್ಕೆ ಸಹ ಪರವಾನಿಗೆ ಅಗತ್ಯ’ ಎಂದು ಪುರಸಭೆ ಸಿಬ್ಬಂದಿ ಹೇಳಿದರು. ಇದರಿಂದ ಕೆರಳಿದ ಯುವಕರು `ಟಿಪ್ಪು ಸುಲ್ತಾನ್ ಒಬ್ಬ ಹೋರಾಟಗಾರ, ಅವರ ಬ್ಯಾನರ್ ಅಳವಡಿಸುವುದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದವರ ವಿವರ ನೀಡಿ’ ಎಂದು ಆಗ್ರಹಿಸಿದರು. ಮೇಲಧಿಕಾರಿಗಳನ್ನು ಸ್ಥಳಕ್ಕೆ ಕರೆಯಿಸುವಂತೆ ಪಟ್ಟುಹಿಡಿದರು. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಕಾನೂನು ಪಾಠ ಮಾಡಿದರು. ಪುರಸಭೆ ಅಧಿಕಾರಿಗಳು ಆಗಮಿಸಿ ವಿಷಯದ ಗಂಭೀರತೆಯ ಬಗ್ಗೆ ವಿವರಿಸಿದರು. ಆದರೆ, ಬ್ಯಾನರ್ ಅಳವಡಿಸುವವರು ಇದಕ್ಕೆ ಬಗ್ಗಲಿಲ್ಲ. ಬ್ಯಾನರ್ ಅಳವಡಿಸಿದ್ದ ಯುವಕರು ಹಾಗೂ ಹಿಂದು ಸಂಘಟನೆ ಕಾರ್ಯಕರ್ತರ ನಡುವೆ ಈ ವೇಳೆ ಮಾತಿನ ಚಕಮಕಿ ನಡೆಯಿತು. ಈ ವೇಳೆ ಯುವಕರು ಗುಂಪು 1ನಾರೆ ತಕ್ದೀರ್ ಅಲ್ಲಾಹು ಅಕ್ಬರ್’ ಎಂಬ ಘೋಷಣೆ ಕೂಗಿದ್ದು, ಇದಕ್ಕೆ ಪ್ರತಿಯಾಗಿ ಹಿಂದು ಪರ ಸಂಘಟನೆಗಳವರು ಹಿಂದುಪರ ಘೋಷಣೆ ಮೊಳಗಿಸಿದರು. ಕೂಡಲೇ ಪರಿಸ್ಥಿತಿಯನ್ನು ಹತೋಟಿಗೆ ತರಲು ಪೊಲೀಸರು ಜನರನ್ನು ಚದುರಿಸಿದರು.
- [ಚರಸ್‌ಹೊಂದಿದ್ದ ಇಂಜಿನಿಯರ್ ಅಂದರ್!](https://mobiletime.in/2025/11/ander-an-engineer-who-had-charas/): ಮಾದಕ ವ್ಯಸನಗಳಲ್ಲಿ ಒಂದಾದ ಚರಸ್ ಮಾರಾಟದಲ್ಲಿ ತೊಡಗಿದ್ದ ಮುಂಡಗೋಡಿನ ಇಂಜಿನಿಯರ್ ಒಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಬಂಧಿತನ ಬಳಿ 8 ಲಕ್ಷ ರೂ ಮೌಲ್ಯದ 781 ಗ್ರಾಂ ಚರಸ್ ಸಿಕ್ಕಿದೆ. ಸುಭಾಷ್ ನಗರದ ಸಚಿನ್ ಟೆಕ್ ಬಹದ್ದೂರ್ ಗೂರ್ಖಾ ಅವರು ಬೆಂಗಳೂರಿನಲ್ಲಿ ಉದ್ಯೋಗದಲ್ಲಿದ್ದರು. ಸಾಕಷ್ಟು ಓದಿಕೊಂಡಿದ್ದ ಅವರಿಗೆ ಇಂಜಿನಿಯರ್ ಹುದ್ದೆ ಸಿಕ್ಕಿತ್ತು. ಜೊತೆಗೆ ಕೈ ತುಂಬ ಸಂಬಳವೂ ಇತ್ತು. ಅದಾಗಿಯೂ ಅವರು ಅಡ್ಡದಾರಿ ಹಿಡಿದು ಮಾದಕ ವ್ಯಸನ ಮಾರಾಟಕ್ಕೆ ಮುಂದಾಗಿದ್ದರು. ಶುಕ್ರವಾರ ಶಿರಸಿ-ಹುಬ್ಬಳ್ಳಿ ಮಾರ್ಗದ ಮುಂಡಗೊಡು ಕೆಎಸ್‌ಆರ್‌ಟಿಸಿ ಬಸ್ ಡಿಪೋ ಹತ್ತಿರ ಬೈಕಿನಲ್ಲಿ ಹೋಗುತ್ತಿದ್ದ ಸಚಿನ್ ಅವರನ್ನು ಪೊಲೀಸರು ನಿಲ್ಲಿಸಿದರು. ತಪಾಸಣೆ ನಡೆಸಿದಾಗ ಮಾದಕ ವಸ್ತು ಸಿಕ್ಕಿತು. ಚೆರಸ್ ವಶಕ್ಕೆಪಡೆದ ಪೊಲೀಸರು ಆತನನ್ನು ಬಂಧಿಸಿದರು. ಮುಂಡಗೋಡ ಪಿಐ ರಂಗನಾಥ ನೀಲಮ್ಮನವರ, ಪಿಎಸ್ ಐ ಯಲ್ಲಾಲಿಂಗ ಕುನ್ನೂರ, ಸಿಬ್ಬಂದಿ ಕೋಟೇಶ್ವರ ನಾಗರವಳ್ಳಿ, ಮಹಾಂತೇಶ ಮುಧೋಳ, ಅಣ್ಣಪ್ಪ ಬುಡಿಗೇರ, ಶಿವಾನಂದ ದಾನಣ್ಣವರ, ಅನ್ವರ ಬಮ್ಮಿಗಟ್ಟಿ, ಚಾಲಕ ಗುರುರಾಜ ಈ ಕಾರ್ಯಾಚರಣೆಯಲ್ಲಿದ್ದರು. `ಮಾದಕ ವ್ಯಸನ ಜೀವನಕ್ಕೆ ಮಾರಕ’  
- [ರೈತನನ್ನು ಕೊಂದ ಸಾಲದ ಹೊರೆ!](https://mobiletime.in/2025/11/the-burden-of-debt-killed-the-farmer/): ಸೊಸೈಟಿಯಲ್ಲಿನ ಬೆಳೆ ಸಾಲ ಹಾಗೂ ಇನ್ನಿತರ ಕಡೆಗಳಲ್ಲಿನ ಸಾಲದ ಹೊರೆ ಹೋರಲಾಗದ ಮುಂಡಗೋಡಿನ ಖೇಮಣ್ಣ ಲಮಾಣಿ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಅವರ ಆತ್ಮಹತ್ಯೆ ನಂತರ ಆ ಸಾಲ ತೀರಿಸುವ ಜವಾಬ್ದಾರಿ ಕುಟುಂಬದವರಿಗೆ ಬಂದಿದ್ದು, ತಂದೆ ಸಾವಿನ ನೋವಿನಲ್ಲಿರುವ ಆನಂದ ಲಮಾಣಿ ಅವರು ಇನ್ನಷ್ಟು ಹೈರಣಾಗಿದ್ದಾರೆ. ಮುಂಡಗೋಡದ ಲಮಾಣಿತಾಂಡಾದಲ್ಲಿ ಖೇಮಣ್ಣ ಠಾಕರಪ್ಪ ಲಮಾಣಿ (55) ಅವರು ವಾಸವಾಗಿದ್ದರು. ಗದ್ದೆಯಲ್ಲಿ ಉಳುಮೆ ಮಾಡುವುದಕ್ಕಾಗಿ ಅವರು ಮುಂಡಗೋಡು ದೊಡ್ಡ ಪ್ರಮಾಣದ ವ್ಯವಸಾಯ ಸೇವಾ ಸಹಕಾರಿ ಸಂಘದಲ್ಲಿ ಬೆಳೆ ಸಾಲ ಮಾಡಿದ್ದರು. ಅದರ ಜೊತೆ ಇನ್ನಿತರ ಸಂಘ-ಸAಸ್ಥೆಗಳಲ್ಲಿ ಸಾಲ ಮಾಡಿದ್ದು, ಅದನ್ನು ತೀರಿಸಲಾಗದೇ ಸಮಸ್ಯೆಯಲ್ಲಿದ್ದರು. ಬೆಳೆ ಬೆಳೆಯುವುದಕ್ಕಾಗಿ ಅವರು ಸಾಕಷ್ಟು ಶ್ರಮಿಸಿದ್ದರು. ಆದರೆ, ಸರಿಯಾದ ಫಸಲು ಮಾತ್ರ ಸಿಕ್ಕಿರಲಿಲ್ಲ. ಹೀಗಾಗಿ ಅವರಿಗೆ ಮಾಡಿದ ಸಾಲ ತೀರಿಸಲು ಸಾಧ್ಯವಾಗಿರಲಿಲ್ಲ. ಸಾಲದ ಹೊರೆಯ ತಲೆಬಿಸಿಯಲ್ಲಿ ಅವರು ಮಾನಸಿಕವಾಗಿ ಕುಗ್ಗಿದ್ದರು. ಸಾಲ ತೀರಿಸಲಾಗದ ಬೇಸರದಲ್ಲಿಯೇ ಅವರು ನವೆಂಬರ್ 19ರಂದು ನೇಣು ಹಾಕಿಕೊಂಡರು. ಮನೆಯೊಳಗೆ ನೇತಾಡುತ್ತಿದ್ದ ತಂದೆಯನ್ನು ನೋಡಿದ ಆನಂದ ಲಮಾಣಿ ಅವರು ತಕ್ಷಣ ಕೆಳಗಿಳಿಸಿ ಅವರ ಕೈ-ಕಾಲು ತಿಕ್ಕಿದರು. ಆದರೆ, ಅಷ್ಟರೊಳಗೆ ಖೇಮಣ್ಣ ಲಮಾಣಿ ಅವರು ಕೊನೆಯುಸಿರೆಳೆದಿದ್ದರು. `ಆತ್ಮಹತ್ಯೆ ಅಪರಾಧ’  
- [ಕಾಗೇರಿಗೆ ಕೃತಜ್ಞತೆ ಸಲ್ಲಿಸಿದ ಬಿಜೆಪಿ ಅಧ್ಯಕ್ಷ](https://mobiletime.in/2025/11/bjp-president-thanks-kageri/): ಹೊಂಡಗಳಿ0ದ ಕೂಡಿದ ರಾಷ್ಟಿಯ ಹೆದ್ದಾರಿ ಸರಿಪಡಿಸಲು ಕ್ರಮ ಜರುಗಿಸಿದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಿಗೆ ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಕೃತಜ್ಞತೆ ಸಲ್ಲಿಸಿದ್ದಾರೆ. ಹುಬ್ಬಳ್ಳಿ-ಅಂಕೋಲಾ ಹೆದ್ದಾರಿ ಸಾಕಷ್ಟು ಹೊಂಡಗಳಿoದ ಕೂಡಿದ್ದು, ಪ್ರಯಾಣಿಕರು ಪರದಾಡುತ್ತಿದ್ದರು. ಈ ಮಾರ್ಗದ ಸಂಚಾರ ಅಸ್ತವ್ಯಸ್ಥವಾಗಿದ್ದರಿಂದ ಜನ ತೊಂದರೆ ಅನುಭವಿಸುತ್ತಿದ್ದರು. ಯಲ್ಲಾಪುರ ಬಿಜೆಪಿ ಘಟಕದವರು ಹೊಂಡಗಳ ಬಗ್ಗೆ ಮಾಹಿತಿ ಸಂಗ್ರಹಿಸಿ ಸಂಸದರಿಗೆ ರವಾನಿಸಿದ್ದು, ಇಲ್ಲಿ ಆದ ಅಪಘಾತಗಳ ಪ್ರಮಾಣದ ಅಂಕಿ-ಸoಖ್ಯೆಗಳನ್ನು ಒದಗಿಸಿದ್ದರು. ಅದರ ಅನ್ವಯ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳ ಬಳಿ ಮಾತನಾಡಿ ತುರ್ತು ಕ್ರಮಕ್ಕೆ ಒತ್ತಡ ತಂದಿದ್ದರು. ಯಲ್ಲಾಪುರದಿAದ ಕಲಘಟಕಿವರೆಗಿನ ಎಲ್ಲಾ ಹೊಂಡಗಳನ್ನು ಕೂಡಲೇ ಮುಚ್ಚುವಂತೆ ಸಂಸದರು ತಾಕೀತು ಮಾಡಿದ ಪರಿಣಾಮ ಇದೀಗ ಹೆದ್ದಾರಿ ಹೊಂಡ ಮುಚ್ಚುವ ಕೆಲಸ ಶುರುವಾಗಿದೆ. ಯಲ್ಲಾಪುರದಿಂದ ಗುಳ್ಳಾಪುರ ಮಾರ್ಗವಾಗಿರುವ ಹೆದ್ದಾರಿ ಹೊಂಡವನ್ನು ಸಹ ಮುಚ್ಚುವ ಭರವಸೆ ಸಿಕ್ಕಿದೆ. ತಾವು ಹೇಳಿದ ಕೆಲಸ ಮಾಡಿದಕ್ಕಾಗಿ ಕಾಗೇರಿ ಅವರಿಗೆ ಪ್ರಸಾದ ಹೆಗಡೆ ಫೋನ್ ಮಾಡಿ ಕೃತಜ್ಞತೆ ಹೇಳಿದ್ದಾರೆ.
- [ಮಗುವಿನ ಜೀವಹಿಂಡಿದ ರೆಸಾರ್ಟ ಪ್ರವಾಸ!](https://mobiletime.in/2025/11/the-resort-trip-that-took-the-life-of-a-child/): ಭಟ್ಕಳದ ವಂಡರಲ್ಯಾoಡ್ ರೆಸಾರ್ಟಿನ ಈಜುಕೊಳದಲ್ಲಿ ಬಿದ್ದು 4 ವರ್ಷದ ಮಗು ಸಾವನಪ್ಪಿದೆ. ನೀರಿನಲ್ಲಿ ಮುಳುಗಿದ ಮಗುವನ್ನು ಲೈಫ್ ಕೇರ್ ಆಸ್ಪತ್ರೆಗೆ ಕರೆತಂದರೂ ಬದುಕಿಸಿಕೊಳ್ಳಲು ಆಗಲಿಲ್ಲ. ನವೆಂಬರ್ 20ರಂದು ಭಟ್ಕಳ ಜಾಲಿಯ ಗುಳ್ಮೀಯ ಅಬುಜಾ ಮದರಸಾ ಮಕ್ಕಳು ಪ್ರವಾಸಕ್ಕಾಗಿ ರೆಸಾರ್ಟಿಗೆ ಹೋಗಿದ್ದರು. ಮಕ್ಕಳ ಪಾಲಕರ ಜೊತೆ ಶಿಕ್ಷಕರು ಸಹ ಈ ಪ್ರವಾಸದಲ್ಲಿದ್ದರು. ಬೆಳಗ್ಗೆಯಿಂದ ಸಂಜೆಯವರೆಗೂ ಮಕ್ಕಳು ಅಲ್ಲಿ ಖುಷಿ ಅನುಭವಿಸಿದ್ದರು. ಜಾಲಿಯ ಆಜಾದ ನಗರದ ಮಹಮದ್ ಶಾಹಿದುಲ್ಲಾ ಅವರ ಪುತ್ರ ಮಸ್ತಕೀಮ್ (4) ಸಹ ತಮ್ಮ ತಾಯಿ ಜೊತೆ ರೆಸಾರ್ಟಿನಲ್ಲಿ ಕಾಲ ಕಳೆದಿದ್ದರು. ಸಂಜೆ 5 ಗಂಟೆ ಸುಮಾರಿಗೆ ಮಕ್ಕಳೆಲ್ಲರೂ ರೆಸಾರ್ಟಿನ ಈಜುಕೊಳ ಪ್ರವೇಶಿಸಿದರು. ಅಲ್ಲಿಯೂ ಎಲ್ಲಾ ಮಕ್ಕಳು ಉತ್ಸಾಹದಿಂದ ಆಟವಾಡುತ್ತಿದ್ದರು. ಹೀಗಿರುವಾಗ ಮಸ್ತಕೀಮ್ ಅವರು ನೀರಿನೊಳಗೆ ಒಮ್ಮೆಗೆ ಕಾಲು ಜಾರಿ ಬಿದ್ದರು. ಅವರನ್ನು ಅಲ್ಲಿಂದ ತಕ್ಷಣ ಮೇಲೆತ್ತಲು ಸಾಧ್ಯವಾಗಲಿಲ್ಲ. ಈಜುಕೊಳದಲ್ಲಿ ತಲೆ ಕೆಳಗಾಗಿ ಬಿದ್ದ ಅವರು ಅಲ್ಲಿದ್ದ ನೀರು ಕುಡಿದರು. ಅದರಿಂದ ಅಸ್ವಸ್ಥರಾದ ಮಸ್ತಕೀಮ್ ಅವರನ್ನು ವಂಡರಲ್ಯಾoಡ್ ರೆಸಾರ್ಟಿನಿಂದ ಭಟ್ಕಳದ ಲೈಫ್ ಕೇರ್ ಆಸ್ಪತ್ರೆಗೆ ಕರೆತರಲಾಯಿತು. ಮಸ್ತಕೀಮ್ ಅವರನ್ನು ಪರೀಕ್ಷಿಸಿದ ಲೈಫ್ ಕೇರ್ ಆಸ್ಪತ್ರೆ ವೈದ್ಯರು `ಆತ ಇನ್ನಿಲ್ಲ’ ಎಂಬ ಸಂಗತಿ ಬಿಚ್ಚಿಟ್ಟರು. ಜೊತೆಗಿದ್ದ ಬಾಲಕನ ತಾಯಿ ಕಣ್ಣೀರಾದರು. ಶಿಕ್ಷಕರು ಸಹ ಆಘಾತಕ್ಕೆ ಒಳಗಾದರು. ಮಗನ ಸಾವಿನ ಬಗ್ಗೆ ಮಹಮದ್ ಶಾಹಿದುಲ್ಲಾ ಅವರು ಪೊಲೀಸರಿಗೆ ವರದಿ ಒಪ್ಪಿಸಿದ್ದು, ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. `ಅಪಾಯಕಾರಿ ಸ್ಥಳಗಳ ಕಡೆ ಮಕ್ಕಳನ್ನು ಕರೆದೊಯ್ಯಬೇಡಿ. ಸುರಕ್ಷತೆಗೆ ಒತ್ತು ಕೊಡಿ’
- [ಕೊಲೆಗೆಡುಕರಿಗೆ ಜೀವಾವಧಿ ಶಿಕ್ಷೆ!](https://mobiletime.in/2025/11/life-imprisonment-for-the-murderers/): ಹಳಿಯಾಳದ ಪರಶುರಾಮ ತೋರಸ್ಕರ್ ಹಾಗೂ ಮಾಯಶ್ರೀ ತೋರಸ್ಕರ್ ದಂಪತಿ ಖರೀದಿಸಿದ ಭೂಮಿಗೆ ಕಾಲಿಡಲು ಬಿಡದೇ ಭೂ ಮಾಲಕ ಪರಶುರಾಮ ತೋರಸ್ಕರ್ ಅವರನ್ನು ಕೊಡಲಿಯಿಂದ ಕೊಚ್ಚಿ ಕೊಲೆ ಮಾಡಿದ ಮೂವರಿಗೆ ಶಿರಸಿ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿದೆ. ಹಳಿಯಾಳ ತಾಲೂಕಿನ ಕರ್ಲಗಟ್ಟಾ ಗ್ರಾಮದ ಯಡುಗಾದಲ್ಲಿ ಯಮೂನಾ ಸುಂಟಗಾರ್ ಅವರು 3 ಎಕರೆ ಭೂಮಿ ಹೊಂದಿದ್ದರು. ಆರ್ಥಿಕ ಸ್ಥಿತಿ ಸರಿಯಿಲ್ಲದ ಕಾರಣ ಅವರು ಆ ಭೂಮಿಯನ್ನು ಮಾಯಶ್ರೀ ತೋರಸ್ಕರ್ ಹಾಗೂ ಪರಶುರಾಮ ತೋರಸ್ಕರ್ ದಂಪತಿಗೆ ಮಾರಾಟ ಮಾಡಿದ್ದರು. ಆದರೆ, ಆ ಭೂಮಿಯಲ್ಲಿ ಕೃಷಿ ಮಾಡಿಕೊಂಡಿದ್ದ ಸಹದೇವ ತಡ್ಡಿಕರ್ ಅವರಿಗೆ ಈ ವ್ಯವಹಾರ ಇಷ್ಟವಾಗಿರಲಿಲ್ಲ. `ತಾನು ದುಡಿದ ಭೂಮಿಯನ್ನು ಯಾರಿಗೂ ಬಿಟ್ಟುಕೊಡುವುದಿಲ್ಲ’ ಎಂದು ಸಹದೇವ ತಡ್ಡಿಕರ್ ಗಲಾಟೆ ಮಾಡಿದ್ದರು. ಪರಶುರಾಮ ತೋರಸ್ಕರ್ ಹಾಗೂ ಮಾಯಶ್ರೀ ತೋರಸ್ಕರ್ ಅವರು ಕಾನೂನಿನ ಪ್ರಕಾರ ಭೂಮಿ ಖರೀದಿಸಿದ ನಂತರವೂ ಆ ದಂಪತಿಗೆ ಸಹದೇವ ತಡ್ಡಿಕರ್ ಅವರು ಪದೇ ಪದೇ ತೊಂದರೆ ಕೊಡುತ್ತಿದ್ದರು. ಆಗ, ಭೂಮಿ ಮಾರಾಟ ಮಾಡಿದ್ದ ಯಮುನಾ ಸುಂಟಗಾರ ಅವರ ಜೊತೆ ಅಲ್ಲಿದ್ದ ಸುಭಾಷ ಪಾಟೀಲ ಹಾಗೂ ಪರಶುರಾಮ ತೋರಸ್ಕರ್ ಸೇರಿ `ಈ ರೀತಿ ತೊಂದರೆ ಮಾಡಬೇಡ’ ಎಂದು ಸಹದೇವ ತಡ್ಡಿಕರ್ ಅವರಿಗೆ ಬುದ್ಧಿ ಹೇಳಿದ್ದರು. ಆದರೂ, ಸಹದೇವ ತಡ್ಡಿಕರ್ ಅವರು ಸಮಾಧಾನವಾಗದೇ ದ್ವೇಷ ಸಾಧಿಸುತ್ತಿದ್ದರು. `ಹೊಲಕ್ಕೆ ಕಾಲಿಟ್ಟರೆ ಕೊಲೆ ಮಾಡುವೆ’ ಎಂದು ಸಹದೇವ ತಡ್ಡಿಕರ್ ದಂಪತಿಗೆ ಬೆದರಿಕೆ ಒಡ್ಡಿದ್ದರು. ಪರಶುರಾಮ ತೋರಸ್ಕರ್ ಹಾಗೂ ಮಾಯಶ್ರೀ ತೋರಸ್ಕರ್ ದಂಪತಿಗೆ ಫಸಲು ಕೊಯ್ಯಲು ಸಹ ಬಿಡದೇ ಕಾಡಿಸುತ್ತಿದ್ದರು. ಈ ಬಗ್ಗೆ ಮಾಯಶ್ರೀ ತೋರಸ್ಕರ್ ಅವರು ಹಳಿಯಾಳ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ಆದರೂ ಸಹದೇವ ತಡ್ಡಿಕರ್ ಅವರ ಕಾಟ ಕಡಿಮೆ ಆಗಿರಲಿಲ್ಲ. ಈ ನಡುವೆ ಭೂಮಿ ಅಭಿವೃದ್ಧಿಗಾಗಿ ಪರಶುರಾಮ ತೋರಸ್ಕರ್ ಮುಂದಾದರು. ಆ ಭೂಮಿಯಲ್ಲಿದ್ದ ಸಹದೇವ ತಡ್ಡಿಕರ್ ಅವರ ತಂದೆಯ ಸ್ಮಾರಕ ಕಟ್ಟೆಯನ್ನು ತೆರವು ಮಾಡಿದರು. ತಂದೆಯ ಸ್ಮಾರಕ ಕಟ್ಟೆ ತೆರವು ಆಗಿದನ್ನು ಅರಿತು ಸಹದೇವ್ ತಡ್ಡಿಕರ್ ಅವರು ಸಿಡಿಮಿಡಿಕೊಂಡಿದ್ದು, ಪರಶುರಾಮ ತೋರಸ್ಕರ್ ಅವರನ್ನು ಕೊಲ್ಲುವುದಕ್ಕಾಗಿ ತಂತ್ರ ರೂಪಿಸಿದರು. ಕೊಲೆ ಮಾಡುವ ಕಾರ್ಯಾಚರಣೆಗಾಗಿ ಸಹದೇವ ತಡ್ಡಿಕರ್ ಅವರು ಸದಾನಂದ ಪಾಟೀಲ ಹಾಗೂ ರಾಮಾ ಹುಬ್ಬಳ್ಳಿಕರ್ ಅವರ ನೆರವುಪಡೆದರು. 2023 ಮೇ 11ರಂದು ಪರಶುರಾಮ ತೋರಸ್ಕರ್ ಅವರು ಕೊರ್ಲಕಟ್ಟಾ ಗ್ರಾಮಕ್ಕೆ ಸ್ಕೂಟಿ ಮೇಲೆ ಹೋಗುತ್ತಿದ್ದರು. ಅಲ್ಲಿದ್ದ ಮಾವಿನ ಮರದ ಕೆಳಗೆ ಅಡಗಿ ಕುಳಿತಿದ್ದ ಆ ಮೂವರು ಒಬ್ಬರೇ ಇದ್ದ ಪರಶುರಾಮ ತೋರಸ್ಕರ್ ಅವರನ್ನು ಅಡ್ಡಗಟ್ಟಿದ್ದರು. ಅನಗತ್ಯವಾಗಿ ಜಗಳ ಶುರು ಮಾಡಿದರು. ಈ ವೇಳೆ ಪರಶುರಾಮ ತೋರಸ್ಕರ್ ಅವರು ತಮಗೆ ಅಪಾಯ ಎದುರಾದ ಬಗ್ಗೆ ವಕೀಲ ರಮೇಶ ಬಿಂಗಿ ಅವರಿಗೆ ಫೋನ್ ಮಾಡಿದರು. ಆ ಫೋನ್ ಕರೆ ಕಟ್ ಆಗುವಷ್ಟರಲ್ಲಿಯೇ ಸದಾನಂದ ಪಾಟೀಲ ಹಾಗೂ ರಾಮಾ ಹುಬ್ಬಳ್ಳಿಕರ್ ಸೇರಿ ಪರಶುರಾಮ ತೋರಸ್ಕರ್ ಅವರ ಕೈ ಕಾಲುಗಳನ್ನು ಗಟ್ಟಿಯಾಗಿ ಹಿಡಿದುಕೊಂಡರು. ಸಿಟ್ಟಿನಲ್ಲಿದ್ದ ಸಹದೇವ ತಡ್ಡಿಕರ್ ಅವರು ಕಬ್ಬಿಣದ ಕೊಡಲಿಯಿಂದ ಪರಶುರಾಮ ತೋರಸ್ಕರ್ ಅವರ ಕಾಲು ತುಂಡರಿಸಿದರು. `ಆತ ಇಲ್ಲಿಯೇ ಸಾಯಲಿ’ ಎಂದು ಕೂಗಿ ಹೇಳಿದ ಆ ಮೂವರು ಪರಶುರಾಮ ತೋರಸ್ಕರ್ ಅವರ ಮೊಬೈಲನ್ನು 11 ತುಂಡುಗಳನ್ನಾಗಿಸಿದರು. ಅದಾದ ನಂತರ ಆ ಮೂವರು ಅಲ್ಲಿಂದ ಪರಾರಿಯಾದರು. ಸಾಕಷ್ಟು ನರಳಾಟ ನಡೆಸಿದ ಪರಶುರಾಮ ತೋರಸ್ಕರ್ ರಕ್ತಸ್ರಾವದಿಂದಾಗಿ ಅಲ್ಲಿಯೇ ಕೊನೆಯುಸಿರೆಳೆದರು. ಆಗಿನ ಹಳಿಯಾಳ ಪೊಲೀಸ್ ಉಪನಿರೀಕ್ಷಕ ವಿನೋದ ಎಸ್ ಕೆ ಅವರು ಪ್ರಕರಣ ದಾಖಲಿಸಿದ್ದು, ಸಹದೇವ ತಡ್ಡಿಕರ್ ಬಂಧಿಸಿದರು. ವೃತ್ತ ನಿರೀಕ್ಷಕ ಸುರೇಶ ಪಿ ಶಿಂಗಿ ವಿಚಾರಣೆ ನಡೆಸಿದರು. ಈಗಿನ ಪೊಲೀಸ್ ಉಪನಿರೀಕ್ಷಕ ಬಸವರಾಜ ಮಬನೂರು ಸಾಕ್ಷಿಗಳನ್ನು ಸಂಗ್ರಹಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದರು. ಪೊಲೀಸ್ ಸಿಬ್ಬಂದಿ ಹನುಮಂತ ಬಾರ್ಕಿ ಅವರು ಸಕಾಲಕ್ಕೆ ಸಾಕ್ಷಿದಾರರನ್ನು ನ್ಯಾಯಾಲಯಕ್ಕೆ ಕರೆತಂದು ಸಹಕಾರ ನೀಡಿದರು. ಸರ್ಕಾರಿ ನ್ಯಾಯವಾದಿ ರಾಜೇಶ ಎಂ ಮಳಗಿಕರ್ ವಾದ ಮಂಡಿಸಿ `ಕೊಲೆಗೆಟುಕರಿಗೆ ಕಠಿಣ ಶಿಕ್ಷೆ ವಿಧಿಸಬೇಕು’ ಎಂದು ನ್ಯಾಯಾಲಯಕ್ಕೆ ಮನವಿ ಮಾಡಿದರು `ಇಂಥ ತಪ್ಪು ಮಾಡಲು ಜನ ಭಯಪಡಬೇಕು. ಸಮಾಜದಲ್ಲಿನ ಅಪರಾಧ ಪ್ರಮಾಣ ಕಡಿಮೆ ಆಗಲು ತಪ್ಪಿತಸ್ಥರಿಗೆ ಕಠಿಣ ಶಿಕ್ಷೆ ನೀಡಬೇಕು’ ಎಂದು ವಾದಿಸಿದರು. ಶಿರಸಿ ನಗರದ ಜಿಲ್ಲಾ ನ್ಯಾಯಾಲಯದ ನ್ಯಾಯಾಧೀಶ ಕಿರಣ ಕಿಣಿ ಅವರು ಪ್ರಕರಣದ ಸಮಗ್ರ ಅಧ್ಯಯನ ನಡೆಸಿದರು. ಖರೀದಿಸಿದ ಆಸ್ತಿಯಲ್ಲಿ ಹಕ್ಕು ಸಾಧಿಸಲು ತೊಂದರೆ ನೀಡಿದಲ್ಲದೇ, ಖರೀದಿದಾರರ ಕೊಲೆ ಮಾಡಿದ ಕಾರಣ ಸಹದೇವ ಹನುಮಂತ ತಡ್ಡೀಕರ್, ಸದಾನಂದ ಅನಂತ ಪಟೇಲ್ ಹಾಗೂ ರಾಮಾ ಮಾರುತಿ ಹುಬ್ಬಳ್ಳಿಕರ್ ಅವರಿಗೆ ಜೀವಾವಧಿ ಶಿಕ್ಷೆ ಪ್ರಕಟಿಸಿದರು. ಜೊತೆಗೆ ಪ್ರತಿಯೊಬ್ಬರಿಗೂ 25 ಸಾವಿರ ರೂ ದಂಡವಿಧಿಸಿದ್ದು, ಆ ದಂಡದ ಮೊತ್ತವನ್ನು ಪರಶುರಾಮ ತೋರಸ್ಕರ್ ಅವರ ಪತ್ನಿ ಮಾಯಶ್ರೀ ತೋರಸ್ಕರ್ ಹಾಗೂ ಅವರ ಮಕ್ಕಳಾದ ಪ್ರಮೋದ ತೋರಸ್ಕರ್ ಮತ್ತು ವಿನಾಯಕ ತೋರಸ್ಕರ್ ಅವರಿಗೆ ಪರಿಹಾರ ನೀಡುವಂತೆ ಆದೇಶ ಪ್ರಕಟಿಸಿದರು.
- [ಮನೆಯಲ್ಲಿಯೇ ಕುಳಿತು ಮೂರು ಸಾವಿರಗಳಿಸಿ!](https://mobiletime.in/2025/11/earn-three-thousand-sitting-at-home/): `ಮನೆಯಲ್ಲೇ ಕುಳಿತು ಮೂರು ಸಾವಿರ ರೂ ಗಳಿಸಿ’ ಎಂಬ ಮೋಸದ ಜಾಹೀರಾತಿಗೆ ಬಲಿಯಾದ ಮಹಿಳೆಯೊಬ್ಬರು 10ಲಕ್ಷಕ್ಕೂ ಅಧಿಕ ಹಣ ಕಳೆದುಕೊಂಡಿದ್ದಾರೆ. ಈಗಾಗಲೇ ಉತ್ತಮ ಉದ್ಯೋಗಿವಿದ್ದರೂ ಬಿಡುವಿನ ವೇಳೆ ಇನ್ನಷ್ಟು ಹಣಗಳಿಸುವ ಆಸೆಗೆ ಬಿದ್ದ ಮಹಿಳೆ ತಮ್ಮ ಸಂಪಾದನೆಯ ಹಣವನ್ನು ವಂಚಕರಿಗೆ ವರ್ಗಾಯಿಸಿದ್ದಾರೆ. ಕಾರವಾರದ ಸ್ವಪ್ನಾ ಸುರೇಶ ಮಹೇಕರ (32) ಅವರು ಟೆಲಿಗ್ರಾಂ ಖಾತೆ ಪರಿಶೀಲಿಸಿದಾಗ ಅಲ್ಲಿ ಅವರಿಗೆ `ಆನ್‌ಲೈನ್ ಜಾಬ್ ಮಾಡಿ. ದಿನಕ್ಕೆ 3 ಸಾವಿರ ರೂ ಹಣಗಳಿಸಿ’ ಎಂಬ ಜಾಹೀರಾತು ಕಾಣಿಸಿದೆ. ಆ ಜಾಹೀರಾತು ಮೋಡಿಗೆ ಒಳಗಾದ ಅವರು ವಂಚಕರನ್ನು ಸಂಪರ್ಕಿಸಿದ್ದಾರೆ. ಅದಾದ ನಂತರ ಸ್ವಪ್ನಾ ಮಹೇಕರ ಅವರಿಗೆ ವಾಟ್ಸಪ್ ಮೂಲಕ ಮೆಸೆಜ್ ಬಂದಿದೆ. `ರೆಂಟ್’ ಎಂಬ ವೆಬ್‌ಸೈಟ್ ತೆರೆದುಕೊಂಡಿದ್ದು, ಅಲ್ಲಿ ಸ್ವಪ್ನಾ ಮಹೇಕರ ಅವರು ತಮ್ಮ ವೈಯಕ್ತಿಕ ವಿವರ ದಾಖಲಿಸಿದ್ದಾರೆ. ನಂತರ ಆ ವೆಬ್‌ಸೈಟಿನ ಒಳಗೆ ಲಾಗಿನ್ ಆಗಿದ್ದಾರೆ. ಅದಾದ ನಂತರ ಆ ವೆಬ್‌ಸೈಟಿನಲ್ಲಿ ವಿವಿಧ ಉತ್ಪನ್ನಗಳಿದ್ದು, ಅದಕ್ಕೆ ಸ್ಟಾರ್ ರೇಟಿಂಗ್ ಕೊಡುವಂತೆ ಸ್ವಪ್ನಾ ಮಹೇಕರ ಅವರಿಗೆ ಸೂಚನೆ ಬಂದಿದೆ. ಅದರ ಪ್ರಕಾರ ಅವರು ಸ್ಟಾರ್ ರೇಟಿಂಗ್ ಕೊಟ್ಟಿದ್ದಾರೆ. ಉತ್ಪನ್ನಗಳ ಬಗ್ಗೆ ಒಳ್ಳೆಯ ಅಭಿಪ್ರಾಯ ಬರೆದಿದ್ದಾರೆ. ನಂತರ 10 ಸಾವಿರ ರೂ ಹೂಡಿಕೆ ಮಾಡುವಂತೆ ಸ್ವಪ್ನಾ ಅವರಿಗೆ ಸೂಚನೆ ಬಂದಿದೆ. ಅವರು 10 ಸಾವಿರ ರೂ ಹೂಡಿಕೆ ಮಾಡಿದ್ದರಿಂದ ಅವರಿಗೆ 15268ರೂ ಮರಳಿ ಸಿಕ್ಕಿದೆ. ಇದರಿಂದ ಸ್ವಪ್ನಾ ಮಹೇಕರ ಅವರಿಗೆ `ಮನೆಯಲ್ಲಿ ಕುಳಿತು ಮೂರು ಸಾವಿರ ರೂ ಗಳಿಸಿ’ ಎಂಬ ಜಾಹೀರಾತಿನ ಮೇಲೆ ನಂಬಿಕೆ ಬಂದಿದೆ. ಅದಾದ ನಂತರ ಸ್ವಪ್ನಾ ಮಹೇಕರ ಅವರಿಗೆ `ಇನ್ನೂ ಹೆಚ್ಚಿನ ಹಣ ಹೂಡಿಕೆ ಮಾಡಿ, ಇನ್ನಷ್ಟು ಲಾಭಗಳಿಸಿ’ ಎಂದು ವಂಚಕರು ಹೇಳಿದ್ದಾರೆ. ಆದರೆ, ಹಣ ಇಲ್ಲದ ಕಾರಣ ಸ್ವಪ್ನಾ ಅವರು ಅಂಕೋಲಾ ಅವರ್ಸಾದ ರೋಹನ್ ತಾಂಡೇಲ್ ಹಾಗೂ ಕಾರವಾರದ ತೇಜಸ್ ಅವರ ನೆರವುಪಡೆದು ಹಣ ಹೂಡಿಕೆ ಮಾಡಿದ್ದಾರೆ. ರೋಹನ್ ತಾಂಡೇಲ್ ಹಾಗೂ ತೇಜಸ್ ಸಹ ಹೆಚ್ಚಿನ ಪ್ರಮಾಣದಲ್ಲಿ ಹಣ ಹೂಡಿಕೆ ಮಾಡುವಂತೆ ಪ್ರೇರೇಪಿಸಿದ್ದು, 1098113ರೂ ಹಣವನ್ನು ಸ್ವಪ್ನಾ ಮಹೇಕರ ಅವರು ವಂಚಕರ ಖಾತೆಗೆ ಹಾಕಿದ್ದಾರೆ. ಆದರೆ, ಈವರೆಗೂ ಅವರು ಹೂಡಿಕೆ ಮಾಡಿದ ಹಣ ಮರಳಿ ಬಂದಿಲ್ಲ. ಮನೆಯಲ್ಲಿ ಕುಳಿತಿದ್ದರೂ ಮೂರು ಸಾವಿರ ರೂ ಆದಾಯ ಸಿಕ್ಕಿಲ್ಲ. ಹಣ ಹೂಡಿಕೆ ಮಾಡುವಂತೆ ಪ್ರಚೋದಿಸಿದ್ದ ರೋಹನ್ ತಾಂಡೇಲ್ ಹಾಗೂ ತೇಜಸ್ ಸಹ ಆ ಬಗ್ಗೆ ಮಾತನಾಡುತ್ತಿಲ್ಲ. ಹೀಗಾಗಿ ಸ್ವಪ್ನಾ ಮಹೇಕರ್ ಅವರಿಗೆ ತಾವು ಮೋಸ ಹೋಗಿದ್ದು ಅರಿವಾಗಿದೆ. `ನಮ್ಮಂತೆ ನೀವು ಮೋಸಹೋಗಬೇಡಿ’ ಎಂದು ಅವರು ಜನರಲ್ಲಿ ಅರಿವು ಮೂಡಿಸಿದ್ದಾರೆ. ಜೊತೆಗೆ ಕಾರವಾರ ಸೈಬರ್ ಅಪರಾಧ ಪೊಲೀಸ್ ಠಾಣೆಗೆ ತೆರಳಿ ತಮಗಾದ ಅನ್ಯಾಯ ವಿವರಿಸಿ ವಂಚಕರ ವಿರುದ್ಧ ದೂರು ನೀಡಿದ್ದಾರೆ. `ಆಮೀಷಗಳಿಗೆ ಬಲಿಯಾಗಬೇಡಿ. ವಂಚಕರ ಜಾಲಕ್ಕೆ ಸಿಲುಕಬೇಡಿ’
- [ಸ್ವಂತ ಊರಿನಲ್ಲಿಯೇ ಸ್ವ ಉದ್ಯೋಗ: ಕೃಷಿ ಸೇವೆಗೆ `ಭರತ್ ಟೂಲ್ಸ್’ ಹೆಸರುವಾಸಿ!](https://mobiletime.in/2025/11/self-employment-in-your-own-hometown-bharat-tools-is-famous-for-its-agricultural-services-2/): ಚಿಕ್ಕದೊಂದು ಬ್ರೆಶ್ ಕಟರ್ ರಿಪೇರಿಗೆ ಹುಬ್ಬಳ್ಳಿ-ಧಾರವಾಡ ಸುತ್ತಾಡಿಕೊಂಡು ಬಂದ ಯಲ್ಲಾಪುರದ ಪ್ರಶಾಂತ ನಾಯ್ಕ ಕೊನೆಗೆ ಶಿರಸಿಯ `ಭರತ್ ಟೂಲ್ಸ್’ ಮುಂದೆ ನಿಂತಿದ್ದರು. ಎಲ್ಲಿಯೂ ರಿಪೇರಿ ಆಗದ ಮೋಟಾರ್ ಅರ್ದ ದಿನದ ಒಳಗೆ ಅಂಕಿತ ಹೆಗಡೆ ದುರಸ್ತಿ ಮಾಡಿಕೊಟ್ಟಿದ್ದರು. ಇದಕ್ಕಾಗಿ ಅವರು ಪಡೆದ ಶುಲ್ಕ 350ರೂ! ಶಿರಸಿ ಸಾಲಕಣಿಯ ಗಣಪತಿ ಸಹ ಪೇಟೆ ಕಡೆ ಬಂದಾಗ `ಭರತ್ ಟೂಲ್ಸ್’ ಕಡೆ ಬಾರದೇ ಮನೆಗೆ ಮರಳುವುದಿಲ್ಲ. ಆ ದಿನ ಯಾವುದೇ ವ್ಯವಹಾರ ಇಲ್ಲದಿದ್ದರೂ ಒಮ್ಮೆ ಮಳಿಗೆಗೆ ಬಂದು ಅಂಕಿತ ಹೆಗಡೆಯರನ್ನು ಮಾತನಾಡಿಸುವುದು ಅವರ ರೂಢಿ. ಸಣ್ಣಪುಟ್ಟ ರಿಪೇರಿಗಳಿಂದ ಹಿಡಿದು ದೊಡ್ಡ ದೊಡ್ಡ ಸಾಮಗ್ರಿ ಖರೀದಿಯವರೆಗೂ ಗಣಪತಿಯವರು ಅನೇಕರನ್ನು ಇವರಲ್ಲಿ ಕಳುಹಿಸುತ್ತಾರೆ. ಹೀಗೆ ಉತ್ತಮ ಸೇವೆ ಗಮನಿಸಿ ಅಂಕಿತ್ ಹೆಗಡೆ ಅವರಿಗೆ ಬೆಂಬಲಿಸುತ್ತಿರುವವವರು ಹಲವರಿದ್ದಾರೆ. ಸಾಲ್ಕಣಿ ಬಳಿಯಿರುವ ಕಳಲೆಮಕ್ಕಿಯ ಅಂಕಿತ್ ಹೆಗಡೆ ಐಟಿಐ ಓದಿದ್ದಾರೆ. ಕಾಲೇಜು ಮುಗಿಸಿದ ನಂತರ ಪ್ರತಿಷ್ಟಿತ ಕಂಪನಿಗಳಲ್ಲಿ ದೊಡ್ಡ ಸಂಬಳದ ಉದ್ಯೋಗ ಸಿಕ್ಕರೂ ಆ ಅವಕಾಶವನ್ನು ನಿರಾಕರಿಸಿದ ಅಂಕಿತ್ ಹೆಗಡೆ ಯಲ್ಲಾಪುರ ರಸ್ತೆಯ ಶೆಟ್ಟಿ ಕಾಂಪ್ಲೇಕ್ಸಿನಲ್ಲಿ ಪುಟ್ಟದೊಂದು ಮಳಿಗೆ ನಡೆಸುತ್ತಿದ್ದಾರೆ. ಪವನ್ ಬಜಾಜ್ ಆಟೋ ಶೋ ರೂಂ ಎದುರು ಕಾಣುವ `ಭರತ್ ಟೂಲ್ಸ್’ನಲ್ಲಿ ಅವರು ಇಡೀ ದಿನ ಕಳೆಯುತ್ತಾರೆ. `ಭರತ್’ ಹೆಸರಿನಲ್ಲಿಯೇ ಮೋಟಾರು ತಯಾರಿಕೆಯ ಬ್ರಾಂಡ್ ಮಾಡುವ ವಿಚಾರವನ್ನೂ ಅವರು ಹೊಂದಿದ್ದಾರೆ. ಕಾಲೇಜು ನಂತರ ಮೆಕಾನಿಕ್ ಅಂಗಡಿಯೊoದರಲ್ಲಿ ತರಬೇತಿಪಡೆದ ಅಂಕಿತ್ ಹೆಗಡೆ ನಂತರ 10 ಲಕ್ಷ ರೂ ಹೂಡಿಕೆ ಮಾಡಿ ಸ್ವಂತ ಮಳಿಗೆ ಶುರು ಮಾಡಿದರು. ಗ್ರಾಮೀಣ ಭಾಗದಲ್ಲಿ ಕೃಷಿಕರು ಅನುಭವಿಸುತ್ತಿರುವ ಕಷ್ಟ ನೋಡಿದ ಅವರು ಕೃಷಿಗೆ ಅಗತ್ಯವಿರುವ ಸಲಕರಣೆಗಳ ಸೇವೆಗೆ ಮುಂದಾದರು. ಪ್ರಸ್ತುತ ಕೃಷಿ ಚಟುವಟಿಕೆಗಳಿಗೆ ಬೆನ್ನೆಲುಬಾಗಿರುವ ಅವರು ಕೃಷಿಗೆ ಸಂಬoಧಿಸಿದ ಎಲ್ಲಾ ಉಪಕರಣಗಳ ದುರಸ್ತಿ ಮಾಡುತ್ತಾರೆ. ಜೊತೆಗೆ ಅಗತ್ಯ ಸಾಮಗ್ರಿಗಳ ಮಾರಾಟದಲ್ಲಿಯೂ ಮುಂದಿದ್ದಾರೆ. ಜನರೇಟರ್ ಸೇರಿದಂತೆ ವಿವಿಧ ಪರಿಕ್ಕರಗಳು ಅವರಲ್ಲಿ ಬಾಡಿಗೆ ಆಧಾರದಲ್ಲಿಯೂ ಸಿಗುತ್ತದೆ. ಸಣ್ಣ ಮಿಕ್ಸರಿನಿಂದ ಹಿಡಿದು ದೊಡ್ಡ ದೊಡ್ಡ ಯಂತ್ರಗಳವರೆಗೆ ಎಲ್ಲವನ್ನು ದುರಸ್ತಿ ಮಾಡಿಕೊಡುವಲ್ಲಿ ಅಂಕಿತ್ ಹೆಗಡೆ ಮುಂದಿದ್ದಾರೆ. ಪ್ರಸ್ತುತ ಹಾಸನದ ಬಾಲಸುಬ್ರಹ್ಮಣ್ಯ ಅವರೊಂದಿಗೆ ಮಾತುಕತೆ ನಡೆಸಿರುವ ಅಂಕಿತ್ ಹೆಗಡೆ ಅಗತ್ಯವಿದ್ದವರಿಗೆ ಅತ್ಯಂತ ಸ್ಪರ್ಧಾತ್ಮಕ ದರದಲ್ಲಿ `ಹೈಟೆಕ್ ದೋಟಿ’ಯನ್ನು ವಿತರಿಸುತ್ತಿದ್ದಾರೆ. ಇತರೆ ಮಳಿಗೆಗಳಲ್ಲಿ 7 ಸಾವಿರ ರೂ ಬೆಲೆಗೆ ಸಿಗುವ ಕೆಲ ಯಂತ್ರೋಪಕರಣಗಳು `ಭರತ್ ಟೂಲ್ಸ್’ನವರಲ್ಲಿ 3500ರೂಪಾಯಿಗೆ ಸಿಗುತ್ತದೆ. ಇಲ್ಲಿನ ವಸ್ತುಗಳು ದರದಲ್ಲಿ ಕಡಿಮೆ ಇದೆಯೇ ವಿನ: ಗುಣಮಟ್ಟದಲ್ಲಿ ಕಡಿಮೆ ಇಲ್ಲ. `ಭರತ್ ಟೂಲ್ಸ್’ನ ವಿಳಾಸ: ಅಂಕಿತ್ ಹೆಗಡೆ ಶೆಟ್ಟಿ ಕಾಂಪ್ಲೇಕ್ಸ್, ಯಲ್ಲಾಪುರ ರಸ್ತೆ ಶಿರಸಿ – 581402 ಫೋನ್ ನಂ: 8310501788 ಅಥವಾ 9900244823 #Sponsored
- [2025 ನವೆಂಬರ್ 21ರ ದಿನ ಭವಿಷ್ಯ](https://mobiletime.in/2025/11/prediction-for-november-21-2025/): ಮೇಷ ರಾಶಿ: ನಿಮಗೆ ದೊರೆತ ಅವಕಾಶಗಳನ್ನು ಸರಿಯಾಗಿ ಬಳಸಿಕೊಳ್ಳಿ. ಸ್ನೇಹಿತರ ನೆರವು ದೊರೆಯಲಿದ್ದು, ಆರ್ಥಿಕ ಪರಿಸ್ಥಿತಿ ಸದೃಢವಾಗಲಿದೆ. ಕುಟುಂಬದಲ್ಲಿ ಸಂತೋಷದ ವಾತಾವರಣ ಕಾಣಲಿದೆ. ವೃಷಭ ರಾಶಿ: ದುಡಿಮೆಗೆ ಯೋಗ್ಯ ಫಲ ದೊರೆಯಲಿದೆ. ಹೊಸ ಯೋಜನೆಗಳ ಆರಂಭಕ್ಕೆ ಸೂಕ್ತ ದಿನ. ಪಾರಿತೋಷಕ ಸಿಗುವ ಲಕ್ಷಣವಿದೆ. ಮಿತ್ರರ ಸಹಾಯ ಸದುಪಯೋಗಕ್ಕೆ ಬರಲಿದೆ. ಹಣ ಲಾಭ ಆಗಲಿದೆ. ಮಿಥುನ ರಾಶಿ: ನಿಮ್ಮ ಕೆಲಸದ ವಿಷಯದಲ್ಲಿ ಮೆಚ್ಚುಗೆ ಗಳಿಸುವಿರಿ. ವೃತ್ತಿಯಲ್ಲಿ ಒತ್ತಡ ಕಡಿಮೆ ಆಗಲಿದೆ. ಹಳೆಯ ಸ್ನೇಹಿತರಿಂದ ಸಮಾಗಮ ಸಾಧ್ಯತೆಯಿದೆ. ಆರೋಗ್ಯ ಉತ್ತಮವಾಗಿರುತ್ತದೆ. ಕರ್ಕ ರಾಶಿ: ಅಪರಿಚಿತರಿಂದ ಸಹಾಯ ಸಿಗಲಿದೆ. ವ್ಯಾಪಾರದಲ್ಲಿ ಲಾಭ ಆಗಲಿದೆ. ಮನಸ್ಸು ಶಾಂತಿ ಬಯಸಲಿದೆ. ಆರೋಗ್ಯ ಎಂದಿನAತೆ ಇರಲಿದೆ. ಸಿಂಹ ರಾಶಿ: ನೀಡಿರುವ ಎಲ್ಲ ಕೆಲಸಗಳಲ್ಲಿ ಯಶಸ್ಸು ಸಿಗಲಿದೆ. ಹಳೆಯ ಸಮಸ್ಯೆಗಳು ಪರಿಹಾರ ಆಗಲಿದೆ. ಕುಟುಂಬದ ಜೊತೆ ಸಮಯ ಕಳೆಯುವುದು ಅತಿ ಮುಖ್ಯ. ಹಣದ ಹರಿವು ಉತ್ತಮವಾಗಿರುತ್ತದೆ. ಸೃಜನಶೀಲತೆಗೆ ಬೆಲೆ ಸಿಗಲಿದೆ. ಕನ್ಯಾ ರಾಶಿ: ಸಾಧನೆಗೆ ಅವಕಾಶಗಳಿವೆ. ಮಿತ್ರರೊಂದಿಗೆ ಚರ್ಚೆ ಫಲ ಕೊಡುತ್ತದೆ. ಉದ್ಯೋಗದಲ್ಲಿ ಯಶಸ್ಸು ಹಾಗೂ ವ್ಯವಹಾರ ಲಾಭ ಆಗಲಿದೆ. ಆರೋಗ್ಯದ ಬಗ್ಗೆ ಕಾಳಜಿಯಿರಲಿ. ತುಲಾ ರಾಶಿ: ಭಾವನಾತ್ಮಕ ಸ್ಥಿತಿಯಲ್ಲಿ ಸುಧಾರಣೆ ಆಗಲಿದೆ. ಹೊಸ ಸಂಪರ್ಕ ಸಹಾಯಕ್ಕೆ ಬರಲಿದೆ. ಆರ್ಥಿಕವಾಗಿ ಚಿಂತನೆ ಉತ್ತಮವಾಗಲಿದೆ. ಮನೆ ಪರಿಸರದಲ್ಲಿ ಸಂತೋಷ ಸಿಗಲಿದೆ. ವೃಶ್ಚಿಕ ರಾಶಿ: ನಿಮ್ಮ ಹಳೆಯ ಚಿಂತೆ ನಿವಾರಣೆ ಆಗಲಿದೆ. ಬದಲಾವಣೆಗೆ ಯೋಗ್ಯ ಸಮಯ ಸಮೀಪದಲ್ಲಿದೆ. ವ್ಯವಹಾರದಲ್ಲಿ ಸಾಧನೆ ಸಾಧ್ಯವಿದೆ. ಭವಿಷ್ಯಕ್ಕಾಗಿ ಯೋಜನೆ ಮಾಡಲು ಸಕಾಲ. ಪೌಷ್ಟಿಕ ಆಹಾರ ಸೇವನೆ ಅಗತ್ಯ. ಧನು ರಾಶಿ: ಹೊಸ ಆಯ್ಕೆಗಳು ಉದಯಿಸುತ್ತವೆ. ಪರೀಕ್ಷೆಯಲ್ಲಿ ಯಶಸ್ಸು ಸಿಗುತ್ತದೆ. ನೂತನ ಒಪ್ಪಂದ ಲಾಭ ತರಲಿದೆ. ಮನಸ್ಸಿಗೆ ಧೈರ್ಯ ಮುಖ್ಯ. ಮಕರ ರಾಶಿ: ಉದ್ಯೋಗದಲ್ಲಿ ಹೊಗಳಿಗೆ ಸಿಗಲಿದೆ. ನಿಮ್ಮ ಜನಪ್ರಿಯತೆ ಹೆಚ್ಚಾಗಲಿದೆ. ಅಪೇಕ್ಷಿತ ಫಲ ಸಿಗಬಹುದು. ಆರೋಗ್ಯದ ಬಗ್ಗೆ ಅಸಡ್ಡೆ ಒಳ್ಳೆಯದಲ್ಲ. ಕುಂಭ ರಾಶಿ: ಮನಸ್ಸಿನಲ್ಲಿರುವ ಆತಂಕ ದೂರ ಮಾಡಿ. ಆರೋಗ್ಯಕ್ಕಾಗಿ ವ್ಯಾಯಾಮ ಮಾಡಿ. ಆರ್ಥಿಕ ವ್ಯವಹಾರದಲ್ಲಿ ಜಾಗ್ರತೆವಹಿಸಿ. ಕೌಟುಂಬಿಕ ಹರ್ಷ ಮೂಡಲಿದೆ. ದೂರದ ಪ್ರಯಾಣ ಸಾಧ್ಯವಿದೆ. ಮೀನ ರಾಶಿ: ನಿಮ್ಮ ಹಳೆಯ ಕೆಲಸ ಪೂರ್ಣಗೊಳ್ಳಲಿದೆ. ಮಿತ್ರರಿಂದ ಸಹಾಯ ಸಿಗಲಿದೆ. ಹೊಸ ಯೋಜನೆಗಳು ಶುಭಕರ ವಾಗಿರಲಿದೆ. ಆರ್ಥಿಕ ಸ್ಥಿತಿ ಉತ್ತಮವಾಗಲಿದೆ. ಆರೋಗ್ಯ ಕೂಡ ಉತ್ತಮವಾಗಿರುತ್ತದೆ.
- [ಹಸೆಮಣೆ ಏರದ ಹುಡುಗಿ: ಮಸಣ ಸೇರಿದ ಹುಡುಗ](https://mobiletime.in/2025/11/the-girl-who-didnt-climb-the-ladder-the-boy-who-joined-the-masana/): ಮನಸಾರೆ ಪ್ರೀತಿಸಿದ ಹುಡುಗಿ ಮದುವೆಗೆ ಒಪ್ಪದ ಕಾರಣ ಸಿದ್ದಾಪುರದ ಜನಾರ್ಧನ ಗೊಂಡ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಜನಾರ್ಧನ ಕಲ್ಲಾ ಗೊಂಡ (27) ಅವರು ಸಿದ್ದಾಪುರ ಕಾನಗೋಡಿನ ಹಳ್ಳಿಬೈಲಿನಲ್ಲಿ ವಾಸವಾಗಿದ್ದರು. ಸೆಂಟ್ರಿoಗ್ ಕೆಲಸ ಮಾಡಿಕೊಂಡು ಅವರು ಬದುಕುತ್ತಿದ್ದರು. ಅನೇಕ ವರ್ಷಗಳಿಂದ ಅವರು ಯುವತಿಯೊಬ್ಬರನ್ನು ಪ್ರೀತಿಸುತ್ತಿದ್ದು, ಅವರನ್ನೇ ಮದುವೆ ಆಗಲು ನಿರ್ಧರಿಸಿದ್ದರು. ಆದರೆ, ಆ ಯುವತಿ ಮದುವೆಗೆ ಒಪ್ಪಿರಲಿಲ್ಲ. ಪ್ರೀತಿಸಿದ ಹುಡುಗಿ ಮದುವೆಗೆ ಸಿಗದ ಕಾರಣ ಜನಾರ್ಧನ ಗೊಂಡ ಅವರು ಬೇಸರದಲ್ಲಿದ್ದರು. ಅದೇ ಬೇಸರದಲ್ಲಿ ಅವರು ನವೆಂಬರ್ 11ರಂದು ಗದ್ದೆಗೆ ಹೋಗಿ ಕ್ರಿಮಿನಾಶಕ ಸೇವಿಸಿದರು. ಅಲ್ಲಿ ಒದ್ದಾಡುತ್ತಿದ್ದ ಜನಾರ್ಧನ ಗೊಂಡ ಅವರನ್ನು ಕುಟುಂಬದವರು ಸಿದ್ದಾಪುರ ಆಸ್ಪತ್ರೆಗೆ ದಾಖಲಿಸಿದರು. ನಂತರ ನವೆಂಬರ್ 17ಕ್ಕೆ ಶಿವಮೊಗ್ಗ ಆಸ್ಪತ್ರೆ ಸಾಗಿಸಿ ಚಿಕಿತ್ಸೆ ಕೊಡಿಸಿದರು. ಜನಾರ್ಧನ ಗೊಂಡ ಅವರ ಆರೋಗ್ಯದಲ್ಲಿ ಚೇತರಿಕೆ ಕಾಣದ ಕಾರಣ ಅವರನ್ನು ಮಂಗಳೂರಿಗೆ ಕರೆದೊಯ್ದರು. ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುತ್ತಿದ್ದ ಅವರು ನವೆಂಬರ್ 19ರಂದು ಸಾವನಪ್ಪಿದರು. ಈ ಎಲ್ಲಾ ವಿಷಯದ ಬಗ್ಗೆ ಕುಮಟಾ ಬಡಾಳದ ಬೀರಾ ಗೋವಿಂದ ಗೌಡ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. `ಆತ್ಮಹತ್ಯೆ ಅಪರಾಧ’
- [ಈ ಅಧಿಕಾರಿ ವಿರುದ್ಧ ಆ ದಿನ ನಡೆದಿದ್ದು ಕುತಂತ್ರ!](https://mobiletime.in/2025/11/what-happened-that-day-against-this-officer-was-a-ruse/): ಪ್ರವಾಸೋದ್ಯಮ ಇಲಾಖೆಯ ಪ್ರಭಾರಿ ಉಪನಿರ್ದೇಶಕರಾಗಿದ್ದ ಜಯಂತ ಅವರ ಅಮಾನತಿಗೆ ಕಾರಣವಾಗಿದ್ದ `ಮಂಚದ ರಹಸ್ಯ’ ಬಯಲಾಗಿದೆ. `ಆ ಮಂಚಕ್ಕೆ ಹಾಗೂ ಅಧಿಕಾರಿ ಜಯಂತ ಅವರಿಗೆ ಯಾವುದೇ ಸಂಬoಧ ಇಲ್ಲ’ ಎಂಬುದು ಮಾಹಿತಿ ಹಕ್ಕು ಕಾಯ್ದೆ ಅಡಿ ದೊರೆತ ದಾಖಲೆಗಳಿಂದ ದೃಢವಾಗಿದೆ. ಪ್ರವಾಸೋದ್ಯಮ ಇಲಾಖೆಯ ಪ್ರಭಾರಿ ಉಪನಿರ್ದೇಶಕರಾಗಿದ್ದ ಜಯಂತ ಅವರು ಅಸಮಧಾನವ್ಯಕ್ತಪಡಿಸಿ ಬರೆದ ಪತ್ರವೂ ದಾಖಲೆಗಳಲ್ಲಿ ಸಿಕ್ಕಿದೆ. ತಮ್ಮ ವಿರುದ್ಧ ಕೇಳಿಬಂದ ಆರೋಪಕ್ಕೆ ಸ್ಪಷ್ಟನೆ ನೀಡಲು ಅವಕಾಶ ಕೊಡದ ಬಗ್ಗೆ ಜಯಂತ ಅವರು ಪತ್ರದ ಮೂಲಕ ಅಧಿಕೃತವಾಗಿಯೇ ಅಸಮಧಾನವ್ಯಕ್ತಪಡಿಸಿದ್ದಾರೆ. `ತಪ್ಪಿತಸ್ಥರ ವಿರುದ್ಧ ಕ್ರಮ ಜರುಗಿಸುವಂತೆ ಕೋರಿದರೂ ಕ್ರಮ ಜರುಗಿಸಿಲ್ಲ’ ಜಯಂತ ಅವರು ಸರ್ಕಾರಿ ಪತ್ರದಲ್ಲಿ ಬರೆದಿದ್ದು, ಅದು ಕಡತ ಸೇರಿದೆ. ಕಾರವಾರದ ಕೈಗಾರಿಕಾ ಇಲಾಖೆಯ ಜಂಟಿ ನಿರ್ದೇಶಕರ ಕಚೇರಿಯಲ್ಲಿ ಜಯಂತ ಅವರು ಜಂಟಿ ನಿರ್ದೇಶಕರಾಗಿದ್ದರು. ಅಲ್ಲಿಯೂ ಪ್ರಭಾರಿ ಹೊಣೆಯಲ್ಲಿದ್ದ ಜಯಂತ ಅರ‍್ನು ಪ್ರವಾಸೋದ್ಯಮ ಇಲಾಖೆಗೂ ಪ್ರಭಾರಿ ಉಪನಿರ್ದೇಶಕರಾಗಿ ನೇಮಿಸಲಾಗಿತ್ತು. 2025ರ ಫೆಬ್ರವರಿ ಅವಧಿಯಲ್ಲಿ ಜಯಂತ ಅವರನ್ನು ರಾಜ್ಯ ಸರ್ಕಾರದ ಕಾರ್ಯಕ್ರಮವೊಂದಕ್ಕೆ ಸಂಪರ್ಕಾಧಿಕಾರಿಯಾಗಿ ನಿಯೋಜಿಸಲಾಗಿತ್ತು. ಆ ವೇಳೆ, ಕಾರವಾರ ಸಹಾಯಕ ಆಯುಕ್ತರು ಪ್ರವಾಸೋದ್ಯಮ ಇಲಾಖೆಯ ಪ್ರಭಾರಿ ಹೊಣೆ ಹೊತ್ತಿದ್ದರು. ಆಗ, ಸಹಾಯಕ ಆಯುಕ್ತರಿಗೆ ಸರ್ಕಾರಿ ಕಚೇರಿಯಲ್ಲಿ ಮಂಚ ಕಾಣಿಸಿದ್ದು, ಕಿಡಿಕಾರಿದ್ದರು. ಮಂಚ ಸಿಕ್ಕ ವಿಡಿಯೋ ವೈರಲ್ ಆಗಿ, ಮಾಧ್ಯಮಗಳಲ್ಲಿಯೂ ವರದಿ ಪ್ರಸಾರವಾಗಿತ್ತು. ಬೆಂಗಳೂರಿಗೆ ಹೋಗಿದ್ದ ಜಯಂತ್ ಅವರು ದಿಢೀರ್ ಆಗಿ ಕಾರವಾರಕ್ಕೆ ಮರಳಿ ಕಡತಗಳ ಪರಿಶೀಲನೆ ಮಾಡಿದ್ದರು. ಆಗ, 2018ರ ಅವಧಿಯಲ್ಲಿ ಹುಬ್ಬಳ್ಳಿಯ ಸಾಯಿ ಇನಸ್ಟçಕ್ಷನ್ ಅವರಿಗೆ ಜೊಯಿಡಾದ ರಾಮನಗರದಲ್ಲಿ ಗುತ್ತಿಗೆ ಆಧಾರದಲ್ಲಿ ನೀಡಲಾಗಿದ್ದ ಕಟ್ಟಡದಲ್ಲಿ ಅಧಿಕಾರಿಗಳು ದಾಳಿ ನಡೆಸಿದ್ದು, ಆ ಅವಧಿಯಲ್ಲಿ ಸಿಕ್ಕ ಪೀಠೋಪಕರಣಗಳ ಜೊತೆ ಮಂಚವನ್ನು ಪ್ರವಾಸೋಧ್ಯಮ ಇಲಾಖೆ ಕಚೇರಿಯಲ್ಲಿರಿಸಿರುವುದು ಗೊತ್ತಾಗಿತ್ತು. ಆ ಬಗ್ಗೆ ಅವರು ಪತ್ರಿಕಾಗೋಷ್ಠಿ ನಡೆಸಿ ಮಾಹಿತಿ ನೀಡಲು ಅನುಮತಿ ಕೋರಿದ್ದರು. ಆದರೆ, ಅವರಿಗೆ ಪತ್ರಿಕಾಗೋಷ್ಠಿ ನಡೆಸಲು ಅನುಮತಿ ಸಿಕ್ಕಿರಲಿಲ್ಲ. `ದಾಳಿಯ ವೇಳೆ ಮಂಚದ ಜೊತೆ ಸಿಕ್ಕ ಪ್ರಿಡ್ಜ್, ಫ್ಯಾನ್ ಸೇರಿ ಅನೇಕ ವಸ್ತುಗಳನ್ನು ಪ್ರವಾಸೋದ್ಯಮ ಕಚೇರಿಯಲ್ಲಿರಿಸಲಾಗಿದೆ. ಆದರೆ, ಅದೆಲ್ಲವನ್ನು ಬಿಟ್ಟು ಮಂಚದ ವಿಡಿಯೋ ಮಾತ್ರ ಹರಿಬಿಟ್ಟು ಹೆಸರು ಕೆಡಿಸುವ ಕಾರ್ಯ ನಡೆದಿದೆ. ತಮಗೆ ನ್ಯಾಯ ಒದಗಿಸಬೇಕು’ ಎಂದು ಜಯಂತ ಅವರು ಮನವಿ ಮಾಡಿದ್ದರು. ಆದರೆ, ಅವರು ನೀಡಿದ ಆ ಪತ್ರಕ್ಕೆ ಯಾವುದೇ ಕ್ರಮ ಆಗಿಲ್ಲ. ಈ ಬಗ್ಗೆಯೂ ಜಯಂತ ಅವರು ಅಸಮಧಾನವ್ಯಕ್ತಪಡಿಸಿ ಪತ್ರ ಬರೆದಿದ್ದು, `ಆ ಪ್ರಭಾರಿ ಹುದ್ದೆಯಿಂದ ತಮ್ಮನ್ನು ಬಿಡುಗಡೆ ಮಾಡಿ’ ಎಂದು ಮನವಿ ಮಾಡಿರುವುದು ಉಲ್ಲೇಖವಾಗಿದೆ. `ಪ್ರವಾಸೋದ್ಯಮ ಹೆಸರಿನಲ್ಲಿ ನಡೆಯುತ್ತಿದ್ದ ಕೆಲ ಅಕ್ರಮ ದಂಧೆಗಳಿಗೆ ಜಯಂತ ಅವರು ಕಡಿವಾಣ ಹಾಕಿದ್ದರು. ಈ ಕಾರಣದಿಂದ ಅಸಮಧಾನಗೊಂಡ ಗುಂಪು ಅವರ ವಿರುದ್ಧ ಕುತಂತ್ರ ರೂಪಿಸಿ ಮಂಚದ ವಿಡಿಯೋ ವೈರಲ್ ಮಾಡಿತ್ತು. ಇದರಿಂದ ಮಾನಸಿಕ ಕಿರುಕುಳಕ್ಕೆ ಒಳಗಾದ ಅವರು ಆ ಇಲಾಖೆಯ ಹುದ್ದೆಯಿಂದ ತಮ್ಮನ್ನು ಬಿಡುಗಡೆ ಮಾಡುವಂತೆ ಕೋರಿದ್ದರು. ವಿವಾದ ಮುಗಿದ ನಂತರ ಪ್ರವಾಸೋದ್ಯಮ ಇಲಾಖೆಯನ್ನು ಮತ್ತೆ ಹಳೆ ಜಾಗಕ್ಕೆ ಸ್ಥಳಾಂತರಿಸಲಾಗಿದೆ. ಅನಗತ್ಯವಾಗಿ ಅಧಿಕಾರಿಗಳ ವಿರುದ್ಧ ಆರೋಪ ಮಾಡುವವರಿಗೂ ಶಿಕ್ಷೆಯಾಗಬೇಕಿದೆ’ ಮಾಹಿತಿ ಹಕ್ಕು ಕಾರ್ಯಕರ್ತ ಸಂತೋಷ ವಿ ನಾಯ್ಕ ಹೇಳಿದ್ದಾರೆ.
- [ಬದುಕುವುದು ಕಷ್ಟ ಎಂದ ಡಾಕ್ಟರು!](https://mobiletime.in/2025/11/doctors-say-it-will-be-difficult-to-survive/): ಬೈಕಿನಿಂದ ಬಿದ್ದು ಗಂಭೀರ ಗಾಯಗೊಂಡಿದ್ದ ಕುಮಟಾದ ವ್ಯಕ್ತಿಯನ್ನು ಕುಟುಂಬದವರು ಆಂಬುಲೆನ್ಸ ಮೂಲಕ ಮಣಿಪಾಲಿಗೆ ಕರೆದೊಯ್ದಿದ್ದು, ಅಲ್ಲಿದ್ದ ಕಸ್ತೂರಿ ಬಾ ಆಸ್ಪತ್ರೆಯ ವೈದ್ಯರು `ಚಿಕಿತ್ಸೆ ನೀಡಿದರೂ ಆತ ಬದುಕುವುದು ಕಷ್ಟ’ ಎಂದಿದ್ದಾರೆ. ಆಂಬುಲೆನ್ಸ ಮೂಲಕ ಮರಳಿ ತರುವಾಗ ಹಂದಿಗೋಣದ ಬಳಿ ಗಾಯಾಳು ಸಾವನಪ್ಪಿದ್ದಾರೆ. ಕುಮಟಾದ ಹೆಗಡೆ ಪಡುಗೇರಿಯ ರಾಮನಾಥ ವಿಠೋಬಾ ನಾಯಕ ಅವರು ಹೊಟೇಲ್ ಒಂದರಲ್ಲಿ ಸಪ್ಲಾಯರ್ ಕೆಲಸ ಮಾಡಿಕೊಂಡಿದ್ದರು. ನವೆಂಬರ್ 18ರಂದು ಅವರು ಎಂದಿನAತೆ ಹೊಟೇಲ್ ಕೆಲಸ ಮುಗಿಸಿದ್ದರು. ಸಂಜೆ 6ಗಂಟೆಗೆ ಬೈಕಿನಲ್ಲಿ ಮನೆಗೆ ಮರಳುವಾಗ ಆಕಳೊಂದು ಅಡ್ಡ ಬಂದಿತು. ಅಲ್ಲಿನ ಕೆಡಿಸಿಸಿ ಬ್ಯಾಂಕ್ ಎದುರು ಆ ಆಕಳಿಗೆ ಬೈಕ್ ಗುದ್ದುವುದನ್ನು ತಪ್ಪಿಸುವ ಬರದಲ್ಲಿ ರಾಮನಾಥ ನಾಯಕ ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ರಾಮನಾಥ ನಾಯಕ ಅವರನ್ನು ಕುಮಟಾದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿನ ವೈದ್ಯರ ಶಿಫಾರಸ್ಸಿನ ಮೇರೆಗೆ ತುರ್ತಾಗಿ ಮಣಿಪಾಲದ ಕಸ್ತೂರಿ ಬಾ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ರಾಮನಾಥ ನಾಯಕ ಅವರನ್ನು ನೋಡಿದ ಆಸ್ಪತ್ರೆಯ ವೈದ್ಯರು `ತಲೆಗೆ ಗಂಭೀರ ಗಾಯವಾಗಿದೆ’ ಎಂದರು. `ತೀವ್ರ ಪ್ರಮಾಣದಲ್ಲಿ ರಕ್ತಸ್ರಾವ ಆಗಿದ್ದರಿಂದ ಚಿಕಿತ್ಸೆ ನೀಡಿದರೂ ಬದುಕುವುದು ಕಷ್ಟ’ ಎಂದು ವಿವರಿಸಿದರು. ಹೀಗಾಗಿ ರಾಮನಾಥ ನಾಯಕ ಅವರ ಮಗ ವಿಘ್ನೇಶ್ ನಾಯಕ ಅವರು ತಂದೆಯನ್ನು ಆಂಬುಲೆನ್ಸ ಮೂಲಕವೇ ಕರೆ ತರುವ ಕೆಲಸ ಮಾಡಿದರು. ನವೆಂಬರ್ 19ರಂದು ಹಂದಿಕೋಣದ ಬಳಿ ಬರುವಾಗ ರಾಮನಾಥ ನಾಯಕ ಅವರು ಕೊನೆಯುಸಿರೆಳೆದರು. `ಹೆಲ್ಮೆಟ್ ಧರಿಸಿ.. ಬೈಕ್ ಓಡಿಸಿ’
- [ಕರ್ನಾಟಕ ಪ್ರವೇಶಿಸಿದ ಗೋವಾ ಮದ್ಯ: ಮಾರಾಟಕ್ಕೆ ತಡೆ!](https://mobiletime.in/2025/11/goan-liquor-enters-karnataka-sale-banned/): ಕಾಡು ದಾರಿಯಲ್ಲಿ ಕಳ್ಳ ಸಾಗಾಣಿಕೆ ಮೂಲಕ ಕರ್ನಾಟಕಕ್ಕೆ ಬರುತ್ತಿದ್ದ ಗೋವಾ ಮದ್ಯ ಮಾರಾಟಕ್ಕೆ ಅಬಕಾರಿ ಸಿಬ್ಬಂದಿ ತಡೆ ಒಡ್ಡಿದ್ದಾರೆ. ಕಾರವಾರದ ಗಾಂವಗೇರಿ ಹಾಗೂ ಮುಡಗೇರಿ ಡ್ಯಾಮ್ ಬಳಿ ನಡೆದ ಕಾರ್ಯಾಚರಣೆಯಲ್ಲಿ ಭಾರೀ ಪ್ರಮಾಣದ ಮದ್ಯದ ಬಾಟಲಿಗಳು ಸಿಕ್ಕಿವೆ. ಗಾವಂಗೇರಿಯಲ್ಲಿ ಟಾಟಾ ಇಂಡಿಕಾ ಕಾರು ಅಡ್ಡ ಹಾಕಿದ ಅಬಕಾರಿ ಅಧಿಕಾರಿಗಳು ಅದರಲ್ಲಿ ಸಾಗಿಸುತ್ತಿದ್ದ 6.14 ಲಕ್ಷ ರೂ ಮೌಲ್ಯದ 133.560 ಲೀಟರ್ ಮದ್ಯವನ್ನು ವಶಕ್ಕೆಪಡೆದಿದ್ದಾರೆ. ಜೊತೆಗೆ ಕಾರನ್ನು ಜಪ್ತು ಮಾಡಿದ್ದಾರೆ. ಮುಡಗೇರಿಯಲ್ಲಿ ಐದು ಬೈಕುಗಳನ್ನು ಅಡ್ಡಗಟ್ಟಿದ ಅಬಕಾರಿ ಸಿಬ್ಬಂದಿ ಗೋವಾ ಪೆನ್ನಿ, ಗೋವಾ ಮದ್ಯ, ಬಿಯರ್ ಸೇರಿ 3,62,350ರೂ ಮೌಲ್ಯದ 649.610 ಲೀ ಮದ್ಯ ಹಿಡಿದಿದ್ದಾರೆ. ಇಲ್ಲಿಯೂ ಆ ಐದು ಬೈಕುಗಳನ್ನು ಜಪ್ತು ಮಾಡಿದ್ದಾರೆ. ಬುಧವಾರ ರಾತ್ರಿ ಹಾಗೂ ಗುರುವಾರ ಬೆಳಗಿನ ಅವಧಿಯಲ್ಲಿ ಈ ಕಾರ್ಯಾಚರಣೆ ನಡೆದಿದೆ. ದಾಳಿ ವೇಳೆ ಆರೋಪಿತರು ಓಡಿ ಹೋಗಿದ್ದಾರೆ. ಮದ್ಯ ಹಾಗೂ ವಾಹನ ವಶಕ್ಕೆಪಡೆಯುವದರಲ್ಲಿ ತಲ್ಲೀನರಾಗಿದ್ದ ಅಬಕಾರಿ ಸಿಬ್ಬಂದಿ ಬಳಿ ಆರೋಪಿತರನ್ನು ಬೆನ್ನಟ್ಟಿ ಹಿಡಿಯಲು ಸಾಧ್ಯವಾಗಲಿಲ್ಲ.  
- [ನಾಯಿ ಕಾಟಕ್ಕೆ ಮುಕ್ತಿ ನೀಡಲು ಸರ್ಕಾರದ ನಿರ್ಧಾರ!](https://mobiletime.in/2025/11/governments-decision-to-get-rid-of-dog-menace/): ಬೀದಿ ನಾಯಿ ಹಾವಳಿ ಬಗ್ಗೆ ಸಾಕಷ್ಟು ದೂರು ಸಲ್ಲಿಕೆ ಆಗುತ್ತಿರುವ ಹಿನ್ನಲೆ ಸರ್ಕಾರ ಅದನ್ನು ಗಂಭೀರವಾಗಿ ಪರಿಗಣಿಸಿದೆ. `ಬೀದಿ ನಾಯಿಗಳ ಹಾವಳಿ ತಡೆಗಟ್ಟುವ ನಿಟ್ಟಿನಲ್ಲಿ ಸುಪ್ರೀಂ ಕೋರ್ಟ್ ನೀಡಿರುವ ಆದೇಶಗಳು ಮತ್ತು ಎಲ್ಲಾ ಮಾರ್ಗಸೂಚಿಗಳನ್ನು ಅತ್ಯಂತ ಕಟ್ಟುನಿಟ್ಟಾಗಿ ಪಾಲಿಸಿ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಅಧೀನ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಗುರುವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ, ಬೀದಿ ನಾಯಿಗಳ ಹಾವಳಿ ತಡೆಗಟ್ಟುವ ನಿಟ್ಟಿನಲ್ಲಿ ಅವರು ಸಭೆ ನಡೆಸಿದ್ದು `ಎಲ್ಲಾ ಸರಕಾರಿ ಮತ್ತು ಖಾಸಗಿ ಶಿಕ್ಷಣ ಸಂಸ್ಥೆಗಳು, ಆಸ್ಪತ್ರೆಗಳು, ಪ್ರಾಥಮಿಕ ಆರೋಗ್ಯ ಕೇಂದ್ರಗಳು, ವೈದ್ಯಕೀಯ ಕಾಲೇಜು ಸೇರಿದಂತೆ ಸಾರ್ವಜನಿಕ ಕ್ರೀಡಾಂಗಣಗಳು, ಬಸ್ ನಿಲ್ದಾಣಗಳು, ಬಸ್ ಡಿಪೋಗಳು, ರೈಲು ನಿಲ್ದಾಣಗಳಲ್ಲಿರುವ ಬೀದಿ ನಾಯಿಗಳ ಸಂಖ್ಯೆಯನ್ನು ಸರ್ಕಾರಕ್ಕೆ ಮಾಹಿತಿ ನೀಡಬೇಕು. ಗುರುತಿಸಲಾಗುವ ಬೀದಿ ನಾಯಿಗಳನ್ನು ಹಿಡಿದು ಅವುಗಳನ್ನು ನಿಗಧಿತ ಸ್ಥಳದಲ್ಲಿ ಬೇಲಿ ಹಾಕಿ ಅಥವಾ ಕೇಜುಗಳಲ್ಲಿ ಸೂಕ್ತ ರೀತಿಯಲ್ಲಿ ನಿರ್ವಹಣೆ ಮಾಡುವ ಕುರಿತು ಎಲ್ಲಾ ನಗರ ಸ್ಥಳೀಯ ಸಂಸ್ಥೆಗಳು ಆದ್ಯತೆಯಲ್ಲಿ ಕ್ರಮ ಕೈಗೊಳ್ಳಬೇಕು. ಈ ಕಾರ್ಯದಲ್ಲಿ ಸಮೀಪದ ಗ್ರಾಮ ಪಂಚಾಯತ್‌ಗಳ ಸಹಕಾರವನ್ನು ಪಡೆಯಬೇಕು’ ಎಂದು ಸೂಚಿಸಿದರು. ಈ ನಾಯಿಗಳಿಗೆ ಸಂತಾನಹರಣ ಶಸ್ತçಚಿಕಿತ್ಸೆಯನ್ನು ನಡೆಸುವಂತೆ ತಿಳಿಸಿದರು. `ಬಸ್ ನಿಲ್ದಾಣ ಮತ್ತು ರೈಲ್ವೆ ನಿಲ್ದಾಣಗಳಲ್ಲಿ ಬೀದಿ ನಾಯಿಗಳ ಹಾವಳಿಯನ್ನು ನಿಯಂತ್ರಿಸಲು ಈ ಸ್ಥಳಗಳಲ್ಲಿ ಆಹಾರ ಪದಾರ್ಥಗಳನ್ನು ಚೆಲ್ಲುವುದು ಮತ್ತು ತ್ಯಾಜ್ಯ ನಿರ್ಮಾಣವಾಗದಂತೆ ಸಂಬoಧಪಟ್ಟ ಇಲಾಖೆಯ ಅಧಿಕಾರಿಗಳು ಕ್ರಮ ಕೈಗೊಳ್ಳಬೇಕು’ ಎಂದರು. ರಾಷ್ಟಿಯ ಮತ್ತು ರಾಜ್ಯ ಹೆದ್ದಾರಿಗಳಲ್ಲಿ ಬೀದಿ ನಾಯಿಗಳನ್ನು ನಿಯಂತ್ರಿಸುವoತೆ ರಾಷ್ಟಿಯ ಹೆದ್ದಾರಿ ಮತ್ತು ಲೋಕೋಪಯೋಗಿ ಇಲಾಖೆಗಳ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು. ಬೀದಿ ನಾಯಿಗಳ ನಿಯಂತ್ರಣ ವಿಧಾನಗಳು ಮತ್ತು ನಾಯಿ ಕಡಿತದ ಸಂದರ್ಭದಲ್ಲಿ ಕೈಗೊಳ್ಳಬೇಕಾದ ಪ್ರಥಮ ಚಿಕಿತ್ಸೆಯ ಕುರಿತಂತೆ ಎಲ್ಲಾ ಶಾಲೆಗಳಲ್ಲಿ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಗೆ ಅರಿವು ಮೂಡಿಸುವ ಕಾರ್ಯಕ್ರಮಗಳನ್ನು ಅಯೋಜಿಸುವಂತೆ ಮತ್ತು ಜಿಲ್ಲೆಯಲ್ಲಿ ರೇಬಿಸ್ ಚುಚ್ಚುಮದ್ದುಗಳ ಕೊರತೆಯಾಗದಂತೆ ಮುನ್ನೆಚ್ಚರಿಕೆ ವಹಿಸುವಂತೆ ಆರೋಗ್ಯ ಇಲಾಖೆಯ ಅಧಿಕಾರಿಗಳಿಗೆ ಸೂಚಿಸಿದರು. ಬೀದಿ ನಾಯಿಗಳ ನಿಯಂತ್ರಣ ಕುರಿತಂತೆ ರಾಜ್ಯದಿಂದ ಸರ್ವೋಚ್ಛ ನ್ಯಾಯಾಲಯಕ್ಕೆ ವರದಿ ಸಲ್ಲಿಸಬೇಕಿರುವುದರಿಂದ ಸಂಬAಧಪಟ್ಟ ಎಲ್ಲಾ ಇಲಾಖೆಗಳ ಅಧಿಕಾರಿಗಳು ತಮ್ಮ ಜವಾಬ್ದಾರಿಯನ್ನು ಅರಿತು, ನಿಗಧಿತ ಅವಧಿಯೊಳಗೆ ಈ ಎಲ್ಲಾ ಕಾರ್ಯಗಳನ್ನು ಕಾರ್ಯನಿರ್ವಹಿಸುವಂತೆ ಹಾಗೂ ಈ ಕುರಿತಂತೆ ಅಗತ್ಯ ದಾಖಲೆಗಳೊಂದಿಗೆ ವರದಿ ಸಲ್ಲಿಸುವಂತೆ ಸೂಚಿಸಿದರು. ಈ ಸಭೆಯಲ್ಲಿ ಜಿ ಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ, ನಗರಾಭಿವೃದ್ದಿ ಕೋಶದ ಯೋಜನಾ ನಿರ್ದೇಶಕ ಜಹೀರ್ ಅಬ್ಬಾಸ್, ಪಶುಪಾಲನಾ ಇಲಾಖೆ ಉಪನಿರ್ದೇಶಕ ಡಾ.ಮೋಹನ್ ಕುಮಾರ್ ಹಾಗೂ ವಿವಿಧ ಇಲಾಖೆಗಳ ಅಧಿಕಾರಿಗಳು ಹಾಜರಿದ್ದರು.
- [ಜೈ ಶ್ರೀರಾಮ: ಕುಮಟಾ ತಲುಪಿದ ದಿಗ್ವಿಜಯ ಯಾತ್ರೆ](https://mobiletime.in/2025/11/jai-shri-ram-digvijaya-yatra-reaches-kumta/): ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠದ 550ನೇ ವರ್ಷಾಚರಣೆಯ ಅಂಗವಾಗಿ ದೇಶದ ಎಲ್ಲಡೆ ಶ್ರೀರಾಮ ದಿಗ್ವಿಜಯ ರಥಯಾತ್ರೆ ಸಂಚರಿಸುತ್ತಿದ್ದು, ಬುಧವಾರ ಈ ರಥ ಕುಮಟಾ ಪ್ರವೇಶಿಸಿದೆ. ಜಿಎಸ್‌ಬಿ ಸಮುದಾಯದವರು ರಥವನ್ನು ಅದ್ಧೂರಿಯಾಗಿ ಸ್ವಾಗತಿಸಿದ್ದಾರೆ. ಅಕ್ಟೋಬರ್ 18ರಂದು ಬದ್ರಿನಾಥದಿಂದ ಆರಂಭಗೊAಡ ಶ್ರೀರಾಮ ದಿಗ್ವಿಜಯ ರಥಯಾತ್ರೆ ಈ ದಿನ ಕುಮಟಾ ತಾಲೂಕಿನ ವಿವಿಧ ಕಡೆ ಸಂಚರಿಸಿದೆ. ಪಟ್ಟಣದ ಹೆರವಟ್ಟಾ ಶ್ರೀ ವರದ ವಿಠ್ಠಲ ದೇವಾಲಯ, ದೇವಕೀಕೃಷ್ಣ, ವೆಂಕಟ್ರಮಣ, ಮೂಡಗಣಪತಿ, ರಾಯೇಶ್ವರ ಕಾವೂರು ಕಾಮಾಕ್ಷಿ, ಮಹಾಲಸಾ ನಾರಾಯಣಿ, ಸಾತೇರಿ ಕಾಮಾಕ್ಷಿ ದೇವಾಲಯಗಳಿಗೆ ಸಂಚರಿಸಿ ಭಕ್ತರನ್ನು ಆಶೀರ್ವದಿಸಿದೆ. ಅಲ್ಲಿ ನಡೆದ ವಿವಿಧ ಧಾರ್ಮಿಕ ವಿಧಿವಿಧಾನಗಳಲ್ಲಿ ಭಕ್ತರು ಭಾಗವಹಿಸಿದ್ದರು. ರಾಮ ಭಕ್ತರ ಜೊತೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜದ ಸಾವಿರಾರು ಜನ ಭಜನೆ, ರಾಮತಾರಕ ಮಂತ್ರ ಪಠಿಸಿದರು. ಕುಮಟಾ ರಥಬೀದಿಯಿಂದ ಸ್ಥಬ್ಧಚಿತ್ರಗಳೊಂದಿಗೆ ಎಲ್ಲಡೆ ಮೆರವಣಿಗೆ ನಡೆಸಿದರು. ಈ ರಥವು ಹೆಗಡೆ ಶ್ರೀ ಶಾಂತಿಕಾAಬಾ ದೇವಾಲಯ, ಉಪ್ಪಿನಪಟ್ಟಣ ಶ್ರೀ ವೆಂಕಟ್ರಮಣ ದೇವಾಲಯ, ಕೋಡ್ಕಣಿ ವೀರವಿಠ್ಠಲ ಮಠ, ಹಿಗೆಗುತ್ತಿಯ ಶ್ರೀ ಮಹಾಲಕ್ಷ್ಮೀ ರವಳನಾಥ ದೇವಾಲಯಗಳಿಗೆ ಭೇಟಿ ನೀಡಿ ಗೋಕರ್ಣದ ಶ್ರೀ ಜೀವೋತ್ತಮ ಮಠಕ್ಕೆ ತೆರಳಿತು.
- [ಪೆಟ್ರೋಲ್ ಬಂಕಿನಲ್ಲಿ ಮಾರಾಮಾರಿ!](https://mobiletime.in/2025/11/fight-at-the-petrol-station/): ಮುಂಡಗೋಡಿನ ಮಾರಿಕಾಂಬಾ ಪೆಟ್ರೋಲ್ ಬಂಕಿನಲ್ಲಿ ಮಾರಾಮಾರಿ ನಡೆದಿದೆ. ಅಲ್ಲಿ ಕೆಲಸ ಮಾಡುವ ಹೇಮಂತ ಭೋವಿ ಅವರ ಮೇಲೆ ಏಳು ಜನ ಒಟ್ಟಿಗೆ ಆಕ್ರಮಣ ಮಾಡಿದ್ದಾರೆ. ಮುಂಡಗೋಡದ ಭಾರತ ನಗರದಲ್ಲಿ ಹೇಮಂತ ಭೋವಿ ಅವರು ವಾಸವಾಗಿದ್ದಾರೆ. ಶಿರಸಿ ರಸ್ತೆಯಲ್ಲಿರುವ ಮಾರಿಕಾಂಬಾ ಪೆಟ್ರೋಲ್ ಬಂಕ್ ಸಿಬ್ಬಂದಿಯಾಗಿ ಅವರು ಜೀವನ ನಡೆಸುತ್ತಿದ್ದಾರೆ. ನವೆಂಬರ್ 18ರಂದು ಚವಡಳ್ಳಿಯ ಏಳು ಜನ ಅವರ ಮೇಲೆ ಆಕ್ರಮಣ ನಡೆಸಿದ್ದಾರೆ. ಹೇಮಂತ ಭೋವಿ ಅವರ ಮೇಲೆ ಹಲ್ಲೆ ನಡೆಸಿದ ಅವರು ಜಾತಿ ನಿಂದನೆ ಮಾಡಿ ಬೆದರಿಕೆ ಒಡ್ಡಿದ್ದಾರೆ. ಪೆಟ್ರೋಲ್ ಬಂಕಿಗೆ ಬಂದ ಅರ್ಜುನ ಜೊತೆಪ್ಪನವರ್ ಅವರು ಮಧ್ಯಾಹ್ನ ಹೇಮಂತ ಭೋವಿ ಅವರ ಜೊತೆ ಮೊದಲು ಜಗಳು ಶುರು ಮಾಡಿದ್ದಾರೆ. ನಂತರ ಅರ್ಜುನ ಜೊತೆಪ್ಪನವರ್ ಅವರು `ನಿನ್ನ ನಂತರ ನೋಡಿಕೊಳ್ಳುವೆ’ ಎಂದು ಹೆದರಿಸಿ ಅಲ್ಲಿಂದ ಹೋಗಿದ್ದಾರೆ. ಅದಾದ ನಂತರ ರಾತ್ರಿ ಮತ್ತೆ ಅರ್ಜುನ ಜೊತೆಪ್ಪನವರ್ ಅವರು ಪೆಟ್ರೋಲ್ ಬಂಕಿಗೆ ಬಂದು ಗಲಾಟೆ ಮಾಡಿದ್ದಾರೆ. ಈ ವೇಳೆ ಅರ್ಜುನ ಅವರ ಜೊತೆ ಚವಡಳ್ಳಿ ಗ್ರಾಮದ ಪ್ರಜ್ವಲ್, ದರ್ಶನ್, ರಾಹುಲ್, ಲಕ್ಷ್ಮಣ, ಸತೀಶ್ ಹಾಗೂ ರಾಮ ಎಂಬಾತರು ಬಂದಿದ್ದು, ಅವರೆಲ್ಲರೂ ಸೇರಿ ಹೇಮಂತ ಭೋವಿ ಅವರನ್ನು ಥಳಿಸಿದ್ದಾರೆ. ಪೆಟ್ರೋಲ್ ಹಾಕುತ್ತಿದ್ದ ಹೇಮಂತ್ ಭೋವಿ ಅವರನ್ನು ಆ ಏಳು ಜನ ಅಡ್ಡಗಟ್ಟಿ ಕಾಲಿನಿಂದ ತುಳಿದಿದ್ದಾರೆ. ನಂತರ ಕೈಯಿಂದ ಹೊಡೆದಿದ್ದಾರೆ. `ನಮ್ಮ ಅರ್ಜುನನ ಬಳಿಯೇ ಜಗಳ ಮಾಡುತ್ತೀಯಾ?’ ಎಂದು ಪ್ರಶ್ನಿಸಿ ಇನ್ನಷ್ಟು ಥಳಿಸಿದ್ದಾರೆ. ಜಾತಿ ವಿಷಯವಾಗಿಯೂ ನಿಂದಿಸಿ ಬೈದಿದ್ದಾರೆ. ಜೊತೆಗೆ ಎಲ್ಲರೂ ಸೇರಿ ಕೊಲೆ ಬೆದರಿಕೆ ಒಡ್ಡಿದ್ದಾರೆ. ಈ ಎಲ್ಲಾ ವಿಷಯವನ್ನು ಹೇಮಂತ ಭೋವಿ ಅವರು ಪೊಲೀಸರಿಗೆ ಹೇಳಿದ್ದು, ಪೊಲೀಸರು ಪ್ರಕರಣದ ವಿಚಾರಣೆ ಶುರು ಮಾಡಿದ್ದಾರೆ.
- [ಅಧಿವೇಶನದಲ್ಲಿ ಅರಣ್ಯವಾಸಿಗಳ ಅಳಲು ಪ್ರಸ್ತಾಪಿಸಲು ಆಗ್ರಹ](https://mobiletime.in/2025/11/demand-to-raise-the-issue-of-forest-dwellers-in-the-session/): ಬೆಳಗಾವಿಯಲ್ಲಿ ನಡೆಯುವ ಅಧಿವೇಶನದಲ್ಲಿ ಅರಣ್ಯವಾಸಿಗಳ ಅಳಲಿನ ಬಗ್ಗೆ ಪ್ರಸ್ತಾಪಿಸಿಸಬೇಕು ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವಿಂದ್ರ ನಾಯ್ಕ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಕಾನೂನು, ಸಂಸದೀಯ ವ್ಯವಹಾರಗಳು ಮತ್ತು ಶಾಸನ ರಚನೆ ಸಚಿವರಾದ ಎಚ್ ಕೆ ಪಾಟೀಲ್ ಅವರನ್ನು ಭೇಟಿಯಾಗಿ ಒತ್ತಾಯಿಸಿದ್ದಾರೆ. ಪಂಚಾಯತ್ ರಾಜ್ ವಿಕೇಂದ್ರೀಕರಣ ಯೋಜನೆ ಮತ್ತು ಅಭಿವೃದ್ದಿ ಸಮಿತಿಯ ಉಪಾಧ್ಯಕ್ಷ ಡಿ ಆರ್ ಪಾಟೀಲ್ ಅವರ ಜೊತೆಗೂಡಿ ರವೀಂದ್ರ ನಾಯ್ಕ ಅವರು ಎಚ್ ಕೆ ಪಾಟೀಲ ಅವರನ್ನು ಭೇಟಿ ಮಾಡಿದರು. `ಬೆಳಗಾವಿ ನಡೆಯಲಿರುವ ಚಳಿಗಾಲದ ಅಧಿವೇಶನದಲ್ಲಿ ಅರಣ್ಯವಾಸಿಗಳ ಪರ ನಿಲುವು ಪಡೆಯುವ ಉದ್ದೇಶದಿಂದ ವಿಶೇಷ ಕಲಾಪದ ಅವಧಿಯನ್ನ ನಿಗಧಿಗೊಳಿಸಬೇಕು’ ಎಂದವರು ಆಗ್ರಹಿಸಿದರು. ವಿವಿಧ ಅಂಕಿ-ಸoಖ್ಯೆಗಳ ಮೂಲಕ ಜಿಲ್ಲೆಯ ಜನ ತಮ್ಮ ಹಕ್ಕಿನಿ ನಿರೀಕ್ಷೆಯಲ್ಲಿರುವ ವಿಷಯ ಪ್ರಸ್ತಾಪಿಸಿದರು. ಕಾನೂನಿನಲ್ಲಿರುವ ಗೊಂದಲಗಳ ಬಗ್ಗೆಯೂ ವಿವರಿಸಿದರು. `ಅರಣ್ಯ ಹಕ್ಕು ಕಾಯಿದೆ ಅನುಮೊದನೆಗೊಂಡು 20 ವರ್ಷ ಕಳೆದಿವೆ. ಕಾನೂನು ಅನುಷ್ಠಾನದಲ್ಲಿ ಗೊಂದಲ, ಸ್ಪಷ್ಟತೆ ಇಲ್ಲದ ಮಂಜೂರಿ ಪ್ರಕ್ರಿಯೆ, ಅರಣ್ಯವಾಸಿಗಳಿಗೆ ಪೂರ್ಣ ಪ್ರಮಾಣದ ಕಾನೂನು ಕೊರತೆ, ಆಡಳಿತಾತ್ಮಕ ವ್ಯವಸ್ಥೆಗೆ ಇಚ್ಚಾಶಕ್ತಿ ಇಲ್ಲದಿರುವ ಕಾರಣ ಅರ್ಜಿ ತಿರಸ್ಕಾರವಾಗುತ್ತಿದೆ. ಈವರೆಗೆ ಶೇ 5.2ರಷ್ಟು ಅರ್ಜಿಗಳಿಗೆ ಮಾತ್ರ ಮಾನ್ಯತೆ ದೊರೆತಿದೆ. ಈ ಎಲ್ಲಾ ಅಂಶಗಳು ಅಧಿವೇಶನದಲ್ಲಿ ಚರ್ಚೆಗೆ ಬರಬೇಕು’ ಎಂದು ಒತ್ತಾಯಿಸಿದರು.
- [ಅತಿ ವೇಗ ತಂದ ಅನಾಹುತ: ಅಪಘಾತ!](https://mobiletime.in/2025/11/a-disaster-brought-about-by-excessive-speed-an-accident/): ವೇಗವಾಗಿ ಚಲಿಸುತ್ತಿದ್ದ ಕಾರನ್ನು ಓವರ್ ಟೆಕ್ ಮಾಡುಲು ಹೋದ ಬೈಕ್ ದಾಂಡೇಲಿಯಲ್ಲಿ ಅಪಘಾತಕ್ಕೀಡಾಗಿದೆ. ಆ ಅಪಘಾತದಲ್ಲಿ ಇಬ್ಬರು ಗಾಯಗೊಂಡಿದ್ದಾರೆ. ದಾoಡೇಲಿ ಬಳಿಯ ಬೈಯಲುಪಾರ ಜನತಾ ಕಾಲೋನಿ ಹತ್ತಿರ ಈ ಅಪಘಾತ ನಡೆದಿದೆ. ಅತಿ ವೇಗ ಅಪಘಾತಕ್ಕೆ ಕಾರಣವಾಗಿದ್ದು, ಗಾಯಗೊಂಡ ಇಬ್ಬರು ಧಾರವಾಡ ಮೂಲದವರಾಗಿದ್ದಾರೆ. ಅಪಘಾತ ನೋಡಿದ ಇರ್ಷಾದ್ ಖಾನ್ ಹಾಗೂ ಆರಿಷ್ ಅವರು ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಿದರು. ಬೈಕ್ ಓಡಿಸುತ್ತಿದ್ದ ವ್ಯಕ್ತಿಯ ಕಾಲಿಗೆ ಭಾರೀ ಪ್ರಮಾಣದ ಪೆಟ್ಟು ಬಿದ್ದಿರುವುದು ಗಮನಕ್ಕೆ ಬಂದಿತು. ಹಿಂಬದಿ ಸವಾರರಿಗೂ ಅಲ್ಲಲ್ಲಿ ಗಾಯವಾಗಿದ್ದು, ಆ ಇಬ್ಬರನ್ನು ಧಾರವಾಡದ ಆಸ್ಪತ್ರೆಗೆ ರವಾನಿಸಲಾಗಿದೆ. ಪೊಲೀಸರು ಸ್ಥಳ ಭೇಟಿ ಮಾಡಿ ಪರಿಶೀಲನೆ ಮಾಡಿದ್ದಾರೆ.
- [ಸರ್ಕಾರದ ಸೆಟ್‌ಲೈಟ್ ಫೋನ್: ಶೋಕಿಗೆ ಮಾತ್ರ ಸೀಮಿತ!](https://mobiletime.in/2025/11/government-satellite-phone-limited-to-mourning-only/): ತುರ್ತು ಸನ್ನಿವೇಶಗಳನ್ನು ಸಮರ್ಥವಾಗಿ ಎದುರಿಸುವುದಕ್ಕಾಗಿ ಸರ್ಕಾರ ಉತ್ತರ ಕನ್ನಡ ಜಿಲ್ಲಾಡಳಿತಕ್ಕೆ ಸೆಟ್‌ಲೈಟ್ ಫೋನ್ ಕೊಟ್ಟಿದೆ. ಆದರೆ ಗುಡ್ಡ ಕುಸಿತ, ನೆರೆ ಪ್ರವಾಹದ ಸನ್ನಿವೇಶದಲ್ಲಿ ಸೆಟ್‌ಲೈಟ್ ಫೋನ್ ಪ್ರಯೋಜನಕ್ಕೆ ಬಂದಿಲ್ಲ. ಆ ಫೋನ್ ನಿರ್ವಹಣೆಗೆ ಮೀಸಲಿರುವ ಅನುದಾನವೂ ಸಾಲುತ್ತಿಲ್ಲ! ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರವೂ ನ್ಯಾಶನಲ್ ಡಿಸಾಸ್ಟರ್ ಮ್ಯಾನೆಜಮೆಂಟ್ ಸರ್ವೀಸ್ (ಎನ್‌ಡಿಎಂಎಸ್) ಪೈಲೆಟ್ ಪ್ರೊಜೆಕ್ಟ್ ಯೋಜನೆ ಅಡಿ ಈ ಸಾಧನೆ ನೀಡಿದೆ. ಇಡೀ ರಾಜ್ಯದಲ್ಲಿ ದಕ್ಷಿಣ ಕನ್ನಡ ಹಾಗೂ ಉತ್ತರ ಕನ್ನಡ ಜಿಲ್ಲಾಡಳಿತಕ್ಕೆ ಮಾತ್ರ ಈ ಸೆಟ್‌ಲೈಟ್ ಫೋನ್ ಕೊಡಲಾಗಿದೆ. ಬಿಎಸ್‌ಎನ್‌ಎಲ್ ಸಹಯೋಗದಲ್ಲಿ ಈ ಫೋನ್ ಹಸ್ತಾಂತರಿಸಲಾಗಿದೆ. ನೈಸರ್ಗಿಕ ವಿಕೋಪ ಹಾಗೂ ಇನ್ನಿತರ ಅವಘಡದ ವೇಳೆ ಸೈಟ್‌ಲೈಟ್ ಫೋನ್ ಬಳಕೆ ಮಾಡುವಂತೆ ಸೂಚಿಸಲಾಗಿದ್ದು, ಅದರ ಬಳಕೆ ಮಾತ್ರ ಆ ಪ್ರಮಾಣದಲ್ಲಿ ನಡೆದಿಲ್ಲ. ಪ್ರವಾಹ, ಗುಡ್ಡ ಕುಸಿತ, ನೆರೆ ಪ್ರವಾಹ, ಭೂ ಕಂಪನ ಮೊದಲಾದ ಸನ್ನಿವೇಶದಲ್ಲಿಯೂ ಈ ಸೆಟ್‌ಲೈಟ್ ಫೋನಿನಿಂದ ಯಾವ ಪ್ರಯೋಜನವೂ ಆಗಿಲ್ಲ. ಫೋನಿಗಿಂತಲೂ ಸಂಬಳ ದುಬಾರಿ! 25 ಸಾವಿರ ರೂ ಮೌಲ್ಯದ ಫೋನ್ ಜೊತೆ ಕಂಪ್ಯುಟರ್, ಲಾನ್ ಕೇಬಲ್ ಸೇರಿ 60 ಸಾವಿರ ರೂ ಮೌಲ್ಯದ ಸಾಮಗ್ರಿಗಳು 2017ರಲ್ಲಿ ಜಿಲ್ಲಾಡಳಿತಕ್ಕೆ ಹಸ್ತಾಂತರವಾಗಿದೆ. ಈ ಫೋನ್ ನಿರ್ವಹಣೆಗಾಗಿ ಮೊದಲ ವರ್ಷ ಸರ್ಕಾರ 4 ಲಕ್ಷ ರೂ ಅನುದಾನವನ್ನು ಸಹ ನೀಡಿದೆ. ಅದರೊಂದಿಗೆ ಫೋನ್ ನಿರ್ವಹಣೆಗಾಗಿ ಪಿಲ್ಡ್ ಇಂಜಿನಿಯರ್ ಹುದ್ದೆಗೆ ಕರ್ನಾಟಕ ರಾಜ್ಯ ವಿದ್ಯುನ್ಮಾನ ಅಭಿವೃದ್ಧಿ ನಿಗಮದ ಮೂಲಕ ಎಜನ್ಸಿಯೊಂದನ್ನು ಬಳಸಿಕೊಂಡು ಮೊದಲ ವರ್ಷ ಹೊರಗುತ್ತಿಗೆ ಆಧಾರದಲ್ಲಿ 10 ತಿಂಗಳ ಅವಧಿಗೆ ಸಿಬ್ಬಂದಿಯೊಬ್ಬರನ್ನು ನೇಮಿಸಿಸಲಾಗಿದ್ದು, ಅವರ ಸೇವೆ ಈಗಲೂ ಮುಂದುವರೆದಿದೆ. ಹಳೆ ಆದೇಶದ ಪ್ರಕಾರ ಪಿಲ್ಡ್ ಇಂಜಿನಿಯರ್’ಗೆ ಮಾಸಿಕ 25 ಸಾವಿರ ರೂ ವೇತನ ನಿಗದಿಪಡಿಸಲಾಗಿದೆ. ಜೊತೆಗೆ ಫೋನ್ ರೀಚಾರ್ಜ ಮಾಡಲು ಒಮ್ಮೆ ಖಾಸಗಿ ಕಂಪನಿಯೊ0ದಕ್ಕೆ 12981 ರೂ ಪಾವತಿಸಲಾಗಿದೆ. ಬಿಲ್ ಪಾವತಿಗೂ ದುಡ್ಡಿಲ್ಲ! 2025ರ ಏಪ್ರಿಲ್ ಅವಧಿಯಲ್ಲಿ ಪರಿಶೀಲಿಸಿದಾಗ ಸೆಟ್‌ಲೈಟ್ ಫೋನ್ ನಿರ್ವಹಣೆಗಾಗಿ ಸರ್ಕಾರ ನೀಡಿದ ಎಲ್ಲಾ ಹಣವೂ ಖಾಲಿಯಾಗಿದೆ. ಈ ಎಲ್ಲದರ ನಡುವೆ ಕಳೆದ ಮೂರು ವರ್ಷಗಳಿಂದ ಸೆಟ್‌ಲೈಟ್ ಫೋನಿನ ಬಿಲ್ ಪಾವತಿ ಆಗದಿರುವುದು ಗಮನಕ್ಕೆ ಬಂದಿದೆ. ಬಿಲ್ ಪಾವತಿಸಲೂ ಜಿಲ್ಲಾಧಿಕಾರಿಗಳ ಪಿಡಿ ಖಾತೆಯಲ್ಲಿ ಹಣದ ಕೊರತೆ ಕಾಣುತ್ತಿದ್ದು, ಸೆಟ್‌ಲೈಟ್ ಫೋನ್ ನಿರ್ವಹಣೆಯೂ ದುಬಾರಿಯಾಗಿದೆ. ಕಳೆದ ಮೂರು ವರ್ಷಗಳಿಂದ ಸೆಟ್‌ಲೈಟ್ ಫೋನ್ ಬಿಲ್ ಪಾವತಿ ಆಗದ ಬಗ್ಗೆ ಜಿಲ್ಲಾಧಿಕಾರಿಗಳು ವಿಚಾರಣೆ ನಡೆಸಿದ್ದು, ಈ ಅವಧಿಯಲ್ಲಿ ಬಿಎಸ್‌ಎನ್‌ಎಲ್ ಬಿಲ್ ಸಲ್ಲಿಕೆ ಮಾಡದಿರುವುದು ಗೊತ್ತಾಗಿದೆ. ಹಣ ಖಾಲಿ ಆದ ನಂತರ 3 ವರ್ಷದಿಂದ ಬಿಲ್ ಬಾಕಿಯಿರುವುದು ಬಿಎಸ್‌ಎನ್‌ಎಲ್’ಗೆ ನೆನಪಿಗೆ ಬಂದಿದ್ದು, ಸೆಟ್‌ಲೈಟ್ ಫೋನ್ ಮುಂದಿನ ನಿರ್ವಹಣೆಗೆ ಹಣ ಅಗತ್ಯವಿರುವ ಬಗ್ಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು 2025ರ ಏಪ್ರಿಲ್ 16ರಂದು ವಿಪತ್ತು ನಿರ್ವಹಣೆ ವಿಭಾಗದ ಪ್ರಧಾನ ಕಾರ್ಯದರ್ಶಿಗಳಿಗೆ ಪತ್ರ ಬರೆದಿದ್ದಾರೆ. ಹಣ ಕೊರತೆ ಇದೇ ಮೊದಲಲ್ಲ! 2020ರಲ್ಲಿಯೂ ಒಮ್ಮೆ ಸೆಟ್‌ಲೈಟ್ ಫೋನ್ ಬಿಲ್ ಬಾಕಿಗೆ ಹಣವಿರಲಿಲ್ಲ. ಆಗ, 148937ರೂ ಬಿಲ್ ಬಾಕಿ ಪಾವತಿಸುವಂತೆ ಬಿಎಸ್‌ಎನ್‌ಎಲ್ ಪತ್ರ ಬರೆದಿದ್ದು, ಈ ಹಣ ಪಾವತಿಗೆ ಹಣವಿಲ್ಲದ ಕಾರಣ ಸಿಬ್ಬಂದಿ ವೇತನ ಬಳಕೆ ಮಾಡಲಾಗಿತ್ತು. ಜಿಲ್ಲಾಧಿಕಾರಿಗಳ ಪಿಡಿ ಖಾತೆಯಲ್ಲಿರುವ ಎಲ್ಲಾ ಹಣ ಬಳಸಿದ ನಂತರವೂ 4055ರೂ ಹಣ ಕಡಿಮೆ ಬಿದ್ದಿದ್ದರಿಂದ ಸೆಟ್‌ಲೈಟ್ ಫೋನ್ ನಿರ್ವಹಣೆಯ ಪಿಲ್ಡ್ ಇಂಜಿನಿಯರ್ ವೇತನಕ್ಕೆ ಬಿಡುಗಡೆಯಾದ ಹಣದಿಂದ ಈ ಬಿಲ್ ಪಾವತಿಸಲು ಸರ್ಕಾರ ಸೂಚಿಸಿತ್ತು. 2020ರಲ್ಲಿ ಸಿಬ್ಬಂದಿ ವೇತನದ ಹಣದಿಂದ ಸೆಟ್‌ಲೈಟ್ ಫೋನ್ ಬಿಲ್ ಪಾವತಿಸಲು ಆದೇಶವಾಗಿತ್ತು. ಈ ಎಲ್ಲದರ ನಡುವೆ ಇದೀಗ ಮತ್ತೆ ಸೆಟ್‌ಲೈಟ್ ಫೋನ್ ನಿರ್ವಹಣೆಗೆ ಹಣವಿಲ್ಲದ ಹಾಗಾಗಿದ್ದು, ಮುಂದಿನ ನಿರ್ವಹಣೆಗಾಗಿ ಅನುದಾನ ಕೋರಿ ಸರ್ಕಾರಕ್ಕೆ ಪತ್ರ ರವಾನೆಯಾಗಿದೆ. ಆ ಪತ್ರದ ಅನ್ವಯ ಸರ್ಕಾರ ಅನುದಾನ ನೀಡಿದ್ದು, ಬಿಲ್ ಪಾವತಿ ನಡೆದಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಮಾಹಿತಿ ಹಕ್ಕು ಕಾಯ್ದೆ ಅಡಿಪಡೆದ ದಾಖಲೆಗಳಿಂದ ಈ ಎಲ್ಲಾ ಅಂಶಗಳು ಗೊತ್ತಾಗಿದೆ.
- [2025ರ ನವೆಂಬರ್ 20ರ ದಿನ ಭವಿಷ್ಯ](https://mobiletime.in/2025/11/prediction-for-november-20-2025/): ಮೇಷ ರಾಶಿ: ಮುಖ್ಯ ಅವಕಾಶಗಳು ಸಿಗಲಿದ್ದು, ನಿರ್ಧಾರಗಳಲ್ಲಿ ಎಚ್ಚರಿಕೆ ಅಗತ್ಯ. ಕುಟುಂಬದ ಹೊಂದಾಣಿಕೆ ಉತ್ತಮವಾಗಿರಲಿದೆ. ಹಣಕಾಸಿನಲ್ಲಿ ಸುಧಾರಣೆ ಸಾಧ್ಯವಿದೆ. ಆರೋಗ್ಯ ಜಾಗರೂಕತೆ ಮುಖ್ಯ. ಸ್ನೇಹಿತರಿಂದ ಸಹಾಯ ಸ್ಮರಿಸಿ. ವೃಷಭ ರಾಶಿ: ಹಳೆಯ ಸಾಲ ತೀರಿಸುವ ಸಾಧ್ಯತೆಗಳಿವೆ. ಉತ್ತಮ ಸಂಭಾವನೆ ಬರುತ್ತದೆ. ಆರ್ಥಿಕ ಸ್ಥಿತಿ ಸುಧಾರಿಸುತ್ತದೆ. ಕೆಲಸಗಳಲ್ಲಿ ಸಂಪೂರ್ಣತೆ ಸಿಗಲಿದೆ. ಕುಟುಂಬ ಜೊತೆ ಸಂತೋಷ ಸಮಯ ಕಳೆಯುವಿರಿ. ಮಿಥುನ ರಾಶಿ: ಉದ್ಯೋಗದಲ್ಲಿನ ಸ್ಥಿತಿಗತಿಗಳ ಬದಲಾವಣೆ ಆಗಲಿದೆ. ಪ್ರಯಾಣದಲ್ಲಿ ಜಾಗ್ರತೆ ಅಗತ್ಯವಿದೆ. ಹಣ ನಿರ್ವಹಣೆಯ ಒತ್ತಡ ಸಹಿಸಿಕೊಳ್ಳಬೇಕು. ಹೊಸ ವಿಷಯ ಕಲಿಕೆಗೆ ಆಸಕ್ತಿ ಬೇಕು. ಕರ್ಕ ರಾಶಿ: ಕೆಲಸಗಳಲ್ಲಿ ಏರುಪೇರು ಸಾಮಾನ್ಯ. ಕುಟುಂಬದೊAದಿಗೆ ಸಮಯ ಕಳೆಯಿರಿ. ಆರ್ಥಿಕ ಅಭಿವೃದ್ದಿಗೆ ಅವಕಾಶವಿದೆ. ಆರೋಗ್ಯದ ಮೇಲೆ ಗಮನ ಕೊಡಿ. ಸಿಂಹ ರಾಶಿ: ಸಂಬoಧಗಳ ಸುಧಾರಣೆ ಆಗಲಿದೆ. ಉದ್ಯೋಗದಲ್ಲಿ ಪ್ರಗತಿ ಸಾಧ್ಯ. ದುಡಿತದ ಫಲ ಪಡೆಯುತ್ತೀರಿ. ಪ್ರಯಾಣ ಪ್ರಯೋಜನಕಾರಿ ಆಗಲಿದೆ. ಕನ್ಯಾ ರಾಶಿ: ಉದ್ಯೋಗ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಹಣಕಾಸು ವಿಷಯ ಸುಧಾರಣೆ ಆಗಲಿದೆ. ಕುಟುಂಬದಲ್ಲಿ ಶುಭ ಸಂಕೇತಗಳಿವೆ. ಆರೋಗ್ಯದ ಬಗ್ಗೆ ಜಾಗೃತಿ ಅಗತ್ಯ. ತುಲಾ ರಾಶಿ: ಕೆಲಸದ ವಿಷಯದಲ್ಲಿ ಪ್ರಗತಿ ಆಗಲಿದೆ. ನಿರುದ್ಯೋಗಿಗಳಿಗೆ ನಿರಂತರ ಪ್ರಯತ್ನ ಅಗತ್ಯ. ಹೊಸ ಸಂಪರ್ಕಗಳು ಸಿಗಲಿದೆ. ನಿಮ್ಮ ವ್ಯಕ್ತಿತ್ವ ಬೆಳವಣಿಗೆ ಆಗಲಿದೆ. ವೃಶ್ಚಿಕ ರಾಶಿ: ನಿಮ್ಮ ಅದೃಷ್ಠ ಬದಲಾಗಲಿದೆ. ಬಯಸಿದ ಕಾರ್ಯಗಳಲ್ಲಿ ಯಶಸ್ಸು ಸಿಗಲಿದೆ. ಹಣಕಾಸು ಸುಧಾರಣೆ ಸಾಧ್ಯ ಆಗಲಿದೆ. ಕುಟುಂಬದಲ್ಲಿ ನೆಮ್ಮದಿ ಸಿಗಲಿದೆ. ಧನು ರಾಶಿ: ದುಪ್ಪಟ್ಟು ಹಣ ಲಾಭ ಆಗಲಿದೆ. ಉದ್ಯೋಗದಲ್ಲಿ ಶುಭ ಫಲ ಸಿಗಲಿದೆ. ಬಂಧುಗಳು ಸಹಾಯ ಮಾಡಲಿದ್ದಾರೆ. ಹೋಟೆಲ್, ರೆಸ್ಟೋರೆಂಟ್ ವ್ಯಾಪಾರಕ್ಕೆ ಶುಭ ಆಗಲಿದೆ. ಮಕರ ರಾಶಿ: ಹೊಸ ಯೋಜನೆಗಳಿಗೆ ಅನುಮೋದನೆ ಸಿಗಲಿದೆ. ಆರ್ಥಿಕ ಅಭಿವೃದ್ಧಿ ಆಗಲಿದೆ. ಕುಟುಂಬದಲ್ಲಿ ಒಳ್ಳೆಯ ಕಾರ್ಯಕ್ರಮ. ಕುಂಭ ರಾಶಿ: ಉದ್ಯೋಗ ಸ್ಥಳದಲ್ಲಿ ಸಹಕಾರ ಸಾಧ್ಯತೆಯಿದೆ. ನಿಮ್ಮ ಯೋಜನೆಗಳ ಬಗ್ಗೆ ಮೆಚ್ಚುಗೆ ಸಿಗಲಿದೆ. ಹಣಕಾಸು ಸಮಸ್ಯೆ ಎದುರಿಸಿ ಮುನ್ನಡೆ ಸಾಧಿಸುವಿರಿ. ಅನಗತ್ಯ ಸಮಸ್ಯೆಗಳು ಎದುರಾದರೂ ಅದರಿಂದ ದೂರವಿರಿ. ಮೀನ ರಾಶಿ: ಈ ದಿನ ಮಿಶ್ರ ಫಲಿತಾಂಶಗಳ ದಿನವಾಗಿದ್ದು, ಆರ್ಥಿಕ ಜಾಗ್ರತೆ ಅಗತ್ಯ. ಪ್ರೀತಿ ಸಂಬoಧ ಉತ್ತಮವಾಗಿರಲಿದೆ. ಮನಸ್ಸಿನ ನೆಮ್ಮದಿ ಕಾಪಾಡಿಕೊಳ್ಳುವುದು ಮುಖ್ಯ.
- [ಸಾಲ ತೀರಿಸದವನ ಮಗಳ ಜೊತೆ ಸರಸ: ಕಾಮುಕನಿಗಾಗಿ ಶೋಧ!](https://mobiletime.in/2025/11/sarasa-with-the-daughter-of-a-man-who-has-not-paid-off-his-debt-search-for-a-lover/): ಸ್ನೇಹಿತರೊಬ್ಬರಿಗೆ ಸಾಲ ಕೊಟ್ಟಿದ್ದ ಶಿರಸಿಯ ಮತೀನ್ ಅಬ್ದುಲ್ ಗಫಾರ್ ಅವರು ಸಾಲ ಮರಳಿಸದ ಕಾರಣ ಸ್ನೇಹಿತನ ಮಗಳನ್ನು ದೈಹಿಕವಾಗಿ ಬಳಸಿಕೊಂಡಿದ್ದಾರೆ. 10 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರ ನಡೆಸಿದ ಕಾರಣ ಮತೀನ್ ಅಬ್ದುಲ್ ಗಫಾರ ವಿರುದ್ಧ ಶಿರಸಿ ಗ್ರಾಮೀಣ ಪೊಲೀಸ್ ಠಾಣೆ ಅಧಿಕಾರಿಗಳು ಕಾನೂನು ಕ್ರಮ ಜರುಗಿಸಿದ್ದಾರೆ. ಶಿರಸಿಯ ಮತೀನ್ ಅಬ್ದುಲ್ ಗಫಾರ ಎಂಬಾತರು ವ್ಯಕ್ತಿಯೊಬ್ಬರಿಗೆ ಸಾಲ ಕೊಟ್ಟಿದ್ದರು. ಸಾಲಪಡೆದ ವ್ಯಕ್ತಿ ಅದನ್ನು ಸಕಾಲದಲ್ಲಿ ತೀರಿಸಿರಲಿಲ್ಲ. ಸಾಲ ಹಿಂಪಡೆಯುವ ನೆಪದಲ್ಲಿ ಆ ವ್ಯಕ್ತಿಯ ಮನೆಗೆ ಭೇಟಿ ನೀಡುತ್ತಿದ್ದ ಮತೀನ್ ಅಬ್ದುಲ್ ಗಫಾರ ಅಲ್ಲಿದ್ದ 10 ವರ್ಷದ ಬಾಲಕಿಯನ್ನು ಪುಸಲಾಯಿಸುವ ಪ್ರಯತ್ನ ಮಾಡಿದ್ದರು. ಮಂಗಳವಾರ ಸಂಜೆಯೂ ಸಾಲ ಹಿಂಪಡೆಯಲು ಆ ವ್ಯಕ್ತಿ ಮನೆಗೆ ಹೋಗಿದ್ದ ಮತೀನ್ ಅಬ್ದುಲ್ ಗಫಾರ ಅಲ್ಲಿ ಬಾಲಕಿ ಬಿಟ್ಟು ಬೇರೆ ಯಾರೂ ಇಲ್ಲದಿರುವುದನ್ನು ಗಮನಿಸಿದರು. ಆ ಬಾಲಕಿಯನ್ನು ತನ್ನ ವಶಕ್ಕೆಪಡೆದ ಮತೀನ್ ಅಬ್ದುಲ್ ಗಫಾರ ಹೀನಾಯ ಕೃತ್ಯವೆಸಗಿದರು. ಅದಾದ ನಂತರ ಕುಟುಂಬದವರು ಮನೆಗೆ ಮರಳಿದ್ದು, ಬಾಲಕಿ ನಡೆದ ವಿಷಯ ವಿವರಿಸಿದರು. ಬಾಲಕಿ ಮೇಲೆ ನಡೆದ ದೌರ್ಜನ್ಯದ ಬಗ್ಗೆ ಅವರ ತಾಯಿ ಪೊಲೀಸ್ ದೂರು ನೀಡಿದರು. ಮತೀನ್ ಅಬ್ದುಲ್ ಗಫಾರ ತಲೆಮರೆಸಿಕೊಂಡಿದ್ದು, ಪೊಲೀಸರು ಅತ್ಯಾಚಾರಿ ಮತೀನ್ ಅಬ್ದುಲ್ ಗಫಾರ ಅವರ ಹುಡುಕಾಟ ನಡೆಸಿದ್ದಾರೆ.
- [ಸ್ಕೂಟಿ ಕದಿಯಲು ಬಂದವರು ಓಡಿ ಹೋದರು!](https://mobiletime.in/2025/11/those-who-came-to-steal-the-scooter-ran-away/): ಕಾರವಾರ ಬಸ್ ನಿಲ್ದಾಣದ ಬಳಿ ನಿಂತಿದ್ದ ಸ್ಕೂಟಿ ಕದಿಯಲು ಬಂದಿದ್ದ ಕಳ್ಳರು ಸ್ಕೂಟಿ ಮಾಲಕನನ್ನು ನೋಡಿ ಓಡಿದ್ದಾರೆ. ಸ್ಕೂಟಿ ಮಾಲಕ ಅವರನ್ನು ಹಿಡಿಯುವ ಪ್ರಯತ್ನ ಮಾಡಿದರೂ ಸಾಧ್ಯವಾಗಿಲ್ಲ. ಕಾರವಾರದ ಕೋಣೆವಾಡ ಕೋಡಿಬೀರ ದೇವಸ್ಥಾನ ಬಳಿಯ ಸಂತೋಷ ಉಳ್ವೇಕರ್ ಅವರು ನವೆಂಬರ್ 17ರಂದು ತಮ್ಮ ಹೊಂಡಾ ಆಕ್ಟಿವಾ ಸ್ಕೂಟರ್ ನಿಲ್ಲಿಸಿದ್ದರು. ಆ ಸ್ಕೂಟಿಯ ಹ್ಯಾಂಡ್ ಲಾಕ್’ನ್ನು ಮಾಡಿದ್ದರು. ಆ ದಿನ ಸಂಜೆ ಅಪರಿಚಿತರಿಬ್ಬರು ಅವರ ಸ್ಕೂಟಿ ಹಿಡಿದು ಅಲ್ಲಾಡಿಸುತ್ತಿದ್ದರು. ಹ್ಯಾಂಡ್ ಲಾಕ್ ಮುರಿದು ಸ್ಕೂಟಿ ಕದ್ದೊಯ್ಯುವ ಪ್ರಯತ್ನ ಮಾಡಿದ್ದರು. ಅದೇ ಸಮಯಕ್ಕೆ ಸಂತೋಷ ಉಳ್ವೇಕರ್ ಅವರು ಅಲ್ಲಿಗೆ ಬಂದರು. `ಯಾರು ನೀವು? ಏನು ಮಾಡುತ್ತಿದ್ದೀರಿ?’ ಎಂದು ಪ್ರಶ್ನಿಸಿದರು. ಸಂತೋಷ ಉಳ್ವೇಕರ್ ಅವರನ್ನು ನೋಡಿದ ಅವರಿಬ್ಬರು ಅಲ್ಲಿಂದ ಓಡಿ ಪರಾರಿಯಾದರು. ಅವರಿಬ್ಬರ ಬಗ್ಗೆ ಅಕ್ಕಪಕ್ಕದ ಅಂಗಡಿಗಳಲ್ಲಿ ಸಂತೋಷ ಉಳ್ವೇಕರ್ ಅವರು ವಿಚಾರಿಸಿದರು. ಆದರೆ, ಯಾರಿಗೂ ಅವರ ಪರಿಚಯವಿರಲಿಲ್ಲ. ಹೀಗಾಗಿ ಅವರಿವರಲ್ಲಿ ಚರ್ಚಿಸಿ ಸ್ಕೂಟಿ ಕದಿಯಲು ಬಂದವರ ಬಗ್ಗೆ ಪೊಲೀಸರಿಗೆ ತಿಳಿಸಿದರು. ಕಾರವಾರ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಅಪರಿಚಿತರಿಬ್ಬರ ಶೋಧ ಶುರು ಮಾಡಿದ್ದಾರೆ.
- [ಆಧಾರ್ ಅಪ್ಡೇಟ್ ಇದೀಗ ಉಚಿತ!](https://mobiletime.in/2025/11/aadhaar-update-is-now-free/): ಆಧಾರ್ ಕಾರ್ಡಿನಲ್ಲಿರುವ ವಿಳಾಸ ಬದಲಾವಣೆ ಮಾಡಲು ಬಯಸುವವರಿಗೆ ಸರ್ಕಾರ ಉಚಿತವಾಗಿ ತಿದ್ದುಪಡಿಗೆ ಅವಕಾಶ ಕಲ್ಪಿಸಿದೆ. 2026ರ ಜೂನ್ 14ರವರೆಗೆ ಉಚಿತ ಆಧಾರ್ ಅಪ್ಡೇಟ್ ಸೇವೆ ಚಾಲ್ತಿಯಲ್ಲಿರಲಿದೆ. `10 ವರ್ಷಗಳ ಹಿಂದೆ ಆಧಾರ್ ಕಾರ್ಡ ಮಾಡಿಸಿ, ಸದ್ಯ ವಾಸಸ್ಥಳ ಬದಲಾವಣೆ ಆದವರು ಉಚಿತವಾಗಿ ಸಿಗುವ ಈ ಅವಕಾಶ ಬಳಸಿಕೊಳ್ಳಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಕರೆ ನೀಡಿದ್ದಾರೆ. ಬುಧವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ನಡೆದ ಆಧಾರ ಪ್ರಗತಿ ಪರಿಶೀಲನೆ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದ ಅವರು `ಈಗಾಗಲೇ ಆಧಾರ್ ಕಾರ್ಡ್ ಪಡೆದಿರುವ 5 ವರ್ಷ ಮತ್ತು 15 ವರ್ಷ ಪೂರ್ಣಗೊಂಡಿರುವ ಮಕ್ಕಳ ಆಧಾರ್ ಅಪ್ಡೇಟ್‌ನ್ನು ಎಲ್ಲಾ ಆಧಾರ್ ಕೇಂದ್ರಗಳಲ್ಲಿ ಉಚಿತವಾಗಿ ಮಾಡಲಾಗುತ್ತದೆ’ ಎಂದು ತಿಳಿಸಿದರು. `ಎಲ್ಲಾ ಅಂಚೆ ಕಚೇರಿಗಳಲ್ಲಿ ಮತ್ತು ಬ್ಯಾಂಕುಗಳಲ್ಲಿರುವ ಆಧಾರ್ ಸೇವಾ ಕೇಂದ್ರಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸಬೇಕು’ ಎಂದು ಸೂಚಿಸಿದರು. `ಯಾವುದೇ ರೀತಿಯ ತಾಂತ್ರಿಕ ತೊಂದರೆಗಳಿದ್ದಲ್ಲಿ ಜಿಲ್ಲಾ ಆಧಾರ್ ಸಮಾಲೋಚಕರನ್ನು ಸಂಪರ್ಕಿಸಬೇಕು. ಅವರ ನೆರವು ಪಡೆಯುವುದರ ಮೂಲಕ ಜಿಲ್ಲೆ ಸಾರ್ವಜನಿಕರಿಗೆ ಆಧಾರ್ ನೋಂದಣಿ, ತಿದ್ದುಪಡಿ ಸಂಬoಧಿತ ಯಾವುದೇ ಸಮಸ್ಯೆಗಳಾಗದಂತೆ ಅಧಿಕಾರಿಗಳು ನೋಡಿಕೊಳ್ಳಬೇಕು’ ಎಂದು ಸೂಚಿಸಿದರು. ಎಲ್ಲಾ ಶಾಲಾ ಮಕ್ಕಳ ಆಧಾರ್ ಅಪ್ ಡೇಟ್ ಮಾಡುವ ಕುರಿತು ಕ್ಲಸ್ಟರ್ ಮಟ್ಟದಲ್ಲಿ ಶಿಬಿರ ಆಯೋಜಿಸುವಂತೆ ಶಿಕ್ಷಣಾಧಿಕಾರಿಗಳಿಗೆ ಸೂಚಿಸಿದರು. `ಎಂಡೋ ಸಲ್ಫಾನ್ ಪೀಡಿತರಿಗೆ ಮತ್ತು ಹಾಸಿಗೆ ಪೀಡಿತರಿಗೆ ಮನೆಗಳಿಗೆ ತೆರಳಿ ಆಧಾರ್ ಸೌಲಭ್ಯ ಒದಗಿಸಬೇಕು. ಜಿಲ್ಲೆಯಲ್ಲಿ 16,65,285 ಆಧಾರ್ ಕಾರ್ಡ್ಗಳಿದ್ದು, ಇವುಗಳಲ್ಲಿ 15,68,157 ಕಾರ್ಡ್ಗಳು ಮೊಬೈಲ್ ಸೀಡ್ ಆಗಿದ್ದು ಬಾಕಿ ಇರುವ 97,128 ಆಧಾರ್ ಕಾರ್ಡ್ ಗಳ ಸೀಡಿಂಗ್ ಮಾಡುವ ಕುರಿತಂತೆ ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕು’ ಎಂದು ಸೂಚಿಸಿದರು. ಯಾವುದೇ ಅನಧಿಕೃತ ಆಧಾರ್ ಕೇಂದ್ರಗಳು ಮತ್ತು ಆಧಾರ್ ತಿದ್ದುಪಡಿ ಮಾಡುವ ಕೇಂದ್ರಗಳು ಕಾರ್ಯನಿರ್ವಹಿಸದಂತೆ ಪೊಲೀಸ್ ಇಲಾಖೆ ವತಿಯಿಂದ ಹೆಚ್ಚಿನ ನಿಗಾ ವಹಿಸುವಂತೆ ತಿಳಿಸಿದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಜಿ ಪಂ ಉಪಕಾರ್ಯದರ್ಶಿ ಪ್ರಕಾಶ್ ಹಾಲಮ್ಮನವರ್, ಬೆಂಗಳೂರಿನ ಆಧಾರ್ ಪ್ರಾದೇಶಿಕ ಕೇಂದ್ರದ ಮೆನೇಜರ್ ಮೊಹಮದ್ ಮುಸಾಬ್, ಜಿಲ್ಲಾ ಆಧಾರ್ ಸಮಾಲೋಚಕ ಮಹಾಬಲೇಶ್ವರ ದೇಸಾಯಿ ಹಾಗೂ ಲೀಡ್ ಬ್ಯಾಂಕ್ ಮತ್ತು ಅಂಚೆ ಕಚೇರಿಯ ಅಧಿಕಾರಿಗಳು ಹಾಜರಿದ್ದರು. ಆಧಾರ್ ತಿದ್ದುಪಡಿಗಾಗಿ ಇಲ್ಲಿ ಕ್ಲಿಕ್ಕಿಸಿ: myAadhaar.uidai.gov.in
- [ಮೊಬೈಲ್ ವ್ಯಾಮೋಹಕ್ಕೆ ಸಿಲುಕಿದ ಹೈಸ್ಕೂಲ್ ವಿದ್ಯಾರ್ಥಿ: ಸಾವು!](https://mobiletime.in/2025/11/high-school-student-dies-after-falling-into-mobile-phone-addiction/): ವಿಪರೀತ ಮೊಬೈಲ್ ವ್ಯಾಮೋಹಕ್ಕೆ ಒಳಗಾಗಿದ್ದ ಹಳಿಯಾಳದ ವಿದ್ಯಾರ್ಥಿಯೊಬ್ಬರು ಮೊಬೈಲ್ ಸಿಗದ ಕಾರಣ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಎಷ್ಟೇ ಕೇಳಿದರೂ ಪಾಲಕರು ಮೊಬೈಲ್ ಕೊಡಿಸಲಿಲ್ಲ ಎಂಬ ಸಿಟ್ಟಿನಲ್ಲಿ ಪ್ರೀತಂ ಮಾಳ್ವಿ ನೇಣು ಹಾಕಿಕೊಂಡಿದ್ದಾರೆ. ಹಳಿಯಾಳದ ಕೆಕೆ ಹಳ್ಳಿಯಲ್ಲಿ ಪ್ರೀತಂ ನಾಗರಾಜ ಮಾಳ್ವಿ (15) ವಾಸವಾಗಿದ್ದರು. ವಿಪರೀತ ಮೊಬೈಲ್ ನೋಡುತ್ತಿದ್ದ ಕಾರಣ ಪಾಲಕರು ಅವರಿಗೆ ಬೈದಿದ್ದರು. `ತನಗೂ ಹೊಸ ಮೊಬೈಲ್ ಬೇಕು’ ಎಂದು ಪ್ರೀತಂ ಪಟ್ಟು ಹಿಡಿದಿದ್ದರು. ಆದರೆ, ಪಾಲಕರು ಮೊಬೈಲ್ ಕೊಡಿಸಿರಲಿಲ್ಲ. ಮೊಬೈಲಿನಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಪ್ರೀತಂ ಅವರಿಗೆ ಮನವರಿಕೆ ಮಾಡುವ ಪ್ರಯತ್ನ ನಡೆದಿತ್ತು. ಆದರೆ, ಹಠ ಸ್ವಭಾವದ ಪ್ರೀತಂ ಅದನ್ನು ತಲೆಗೆ ಹಾಕಿಕೊಂಡಿರಲಿಲ್ಲ. ಮೊಬೈಲ್ ಬೇಕು ಎಂದು ಹಿಡಿದ ಪಟ್ಟನ್ನು ಸಡಿಲ ಮಾಡಿರಲಿಲ್ಲ. ಪಾಲಕರು ಸಹ ಮೊಬೈಲ್ ಮೋಹದಿಂದ ಹೊರಬರುವಂತೆ ಮಾಡಲು ಕಟ್ಟುನಿಟ್ಟಿನ ಕ್ರಮ ಜರುಗಿಸಿದ್ದರು. ಮೊಬೈಲ್ ಸಿಗದ ಬೇಸರದಲ್ಲಿದ್ದ ಪ್ರೀತಂ ಮಾಳ್ವಿ ಅವರು ನವೆಂಬರ್ 18ರ ಸಂಜೆ ಅಡುಗೆ ಮನೆ ಪ್ರವೇಶಿಸಿದರು. ಅಲ್ಲಿ ಎಲ್ಲಾ ಕಡೆ ಮೊಬೈಲಿಗಾಗಿ ಹುಡುಕಾಟ ಮಾಡಿದರು. ಮೊಬೈಲ್ ಸಿಗದ ಬೇಸರಕ್ಕೆ ಒಳಗಾಗಿ ಅಲ್ಲಿಯೇ ನೇಣು ಹಾಕಿಕೊಂಡರು. ಸಾವನಪ್ಪಿದ ಪ್ರೀತಂ ಮಾಳ್ವಿ ಅವರನ್ನು ನೋಡಿ ಕುಟುಂಬದವರು ಆಘಾತಕ್ಕೆ ಒಳಗಾದರು. `ಆತ್ಮಹತ್ಯೆ ಅಪರಾಧ’
- [ಶಿಕ್ಷಕನ ವಿರುದ್ಧ ಅಡಿಕೆ ಕದ್ದ ಆರೋಪ!](https://mobiletime.in/2025/11/accused-of-stealing-nuts-against-the-teacher/): ಯಲ್ಲಾಪುರದ ಉಮ್ಮಚ್ಗಿಯಲ್ಲಿ ವಾಸವಾಗಿರುವ ಶಿಕ್ಷಕ ನಾಗಭೂಷಣ ಹೆಗಡೆ ಅವರು ಅಡಿಕೆ ಕದ್ದ ಆರೋಪ ಎದುರಿಸುತ್ತಿದ್ದಾರೆ. ನಾಗಭೂಷಣ ಹೆಗಡೆ ಅವರಿಂದ ಜೀವ ಬೆದರಿಕೆಯಿರುವ ಬಗ್ಗೆ ಅವರ ಸಹೋದರರೇ ದೂರಿದ್ದಾರೆ! ಯಲ್ಲಾಪುರದ ಕಾನಗೋಡಿನ ಬಾಳೆಹದ್ದದಲ್ಲಿ ವಾಸವಾಗಿರುವ ನಾರಾಯಣ ಗಣಪತಿ ಹೆಗಡೆ ಅವರು ಈ ಆರೋಪ ಮಾಡಿದ್ದಾರೆ. ಉಮ್ಮಚ್ಗಿಯಲ್ಲಿರುವ ನಾಗಭೂಷಣ ಗಣಪತಿ ಹೆಗಡೆ ಹಾಗೂ ಮಂಜುನಾಥ ಗಣಪತಿ ಹೆಗಡೆ ಸೇರಿ ತಮ್ಮ ತೋಟದಲ್ಲಿರುವ ಅಡಿಕೆ ಅಪಹರಿಸಿರುವ ಬಗ್ಗೆ ಅವರು ದೂರಿದ್ದಾರೆ. ಇದನ್ನು ಪ್ರಶ್ನಿಸಿದ ಕಾರಣ `ತಮ್ಮ ಪ್ರಕಾಶ ಹಾಗೂ ತಮ್ಮ ಮೇಲೆ ದಾಳಿ ನಡೆಸಿದ್ದು, ಜೀವ ತೆಗೆಯುವುದಾಗಿ ಹೆದರಿಸಿದ್ದಾರೆ’ ಎಂದವರು ಹೇಳಿದ್ದಾರೆ. ನವೆಂಬರ್ 16ರಂದು ನಾಗಭೂಷಣ ಗಣಪತಿ ಹೆಗಡೆ ಹಾಗೂ ಮಂಜುನಾಥ ಗಣಪತಿ ಹೆಗಡೆ ಸೇರಿ ಬಾಳೆಹದ್ದ ಕಾನಗೋಡು ಗ್ರಾಮದ ಸರ್ವೇ ನಂ 56/1ಕ್ಕೆ ಪ್ರವೇಶಿಸಿದ್ದರು. ಆ ಭೂಮಿ ನಾರಾಯಣ ಗಣಪತಿ ಹೆಗಡೆ ಅವರ ಹೆಸರಿನಲ್ಲಿದ್ದರೂ ನಾಗಭೂಷಣ ಹೆಗಡೆ ಹಾಗೂ ಮಂಜುನಾಥ ಹೆಗಡೆ ಸೇರಿ ಅಲ್ಲಿದ್ದ ಅಡಿಕೆ ಫಸಲು ಕೊಯ್ದಿದ್ದರು. ಕೊನೆ ಕೊಯ್ಲಿನವರೆಗೂ ಸುಮ್ಮನಿದ್ದ ನಾರಾಯಣ ಹೆಗಡೆ ಅವರು ಅದನ್ನು ಸಾಗಿಸುವಾಗ ಅಡ್ಡಗಟ್ಟಿದರು. ಟಾಟಾ ಎಸ್ ವಾಹನಕ್ಕೆ ಅಡ್ಡನಿಂತ ನಾರಾಯಣ ಹೆಗಡೆ ಹಾಗೂ ಅವರ ತಮ್ಮ ಪ್ರಕಾಶ ಅವರು `ನಮ್ಮ ತೋಟದ ಫಸಲು ಕೊಯ್ದಿದ್ದು ಏಕೆ?’ ಎಂದು ಪ್ರಶ್ನಿಸಿದರು. ಈ ವೇಳೆ ಅವರ ನಡುವೆ ಜಗಳ ಶುರುವಾಗಿದ್ದು, ನಾಗಭೂಷಣ ಹೆಗಡೆ ಹಾಗೂ ಮಂಜುನಾಥ ಹೆಗಡೆ ಸೇರಿ ನಾರಾಯಣ ಹೆಗಡೆ ಹಾಗೂ ಪ್ರಕಾಶ ಅವರ ಮೇಲೆ ಕೈ ಮಾಡಿದರು. ಈ ಬಗ್ಗೆ ನಾಗಭೂಷಣ ಹೆಗಡೆ ಅವರು ಊರಿನ ಹಿರಿಯರಿಗೆ ಹೇಳಿದ್ದು, ಅವರ ಸಲಹೆ ಮೇರೆಗೆ ಪೊಲೀಸ್ ದೂರು ನೀಡಿದರು. ನಾಗಭೂಷಣ ಹೆಗಡೆ ಹಾಗೂ ಮಂಜುನಾಥ ಹೆಗಡೆ ಅವರಿಂದ ಜೀವ ಬೆದರಿಕೆಯಿರುವ ಬಗ್ಗೆಯೂ ಅವರು ಪ್ರಕರಣ ದಾಖಲಿಸಿದರು.
- [ಕಾಲೇಜು ಮಕ್ಕಳ ಬಳಿ ಗಾಂಜಾ ಘಾಟು!](https://mobiletime.in/2025/11/college-kids-caught-with-marijuana/): ಶಿರಸಿಯಲ್ಲಿ ಮಾದಕ ವ್ಯಸನ ಸೇವಿಸುವವರ ಸಂಖ್ಯೆ ಹೆಚ್ಚಾಗಿದ್ದು, ನಶೆಯ ಗುಂಗಿನಲ್ಲಿದ್ದ ಮೂವರು ಕಾಲೇಜು ವಿದ್ಯಾರ್ಥಿಗಳು ಸಿಕ್ಕಿಬಿದ್ದಿದ್ದಾರೆ. ಜೊತೆಗೆ ಗಾಂಜಾ ಗುಂಗಿನಲ್ಲಿದ್ದ ಆಟೋ ಚಾಲಕ-ಕೂಲಿ ಕಾರ್ಮಿಕನ ವಿರುದ್ಧವೂ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ನವೆಂಬರ್ 18ರಂದು ಕಸ್ತೂರಿಬಾ ನಗರದ ಲಿಡಕರ್ ಕಾಂಪ್ಲೆಕ್ಸ ಬಳಿಯ ಪ್ರಜ್ವಲ್ ಗಣಪತಿ ಅಂಬೇಕರ್ (20) ಅವರು ಕುಳವೆ ಕ್ರಾಸಿನ ಬಳಿ ಅಮಲಿನಲ್ಲಿದ್ದರು. ನಶೆಯ ಗುಂಗಿನಲ್ಲಿ ಅಲೆದಾಡುತ್ತಿದ್ದ ಅವರನ್ನು ಪೊಲೀಸರು ಪ್ರಶ್ನಿಸಿದರು. ಪ್ರಜ್ವಲ್ ಅಂಬೇಕರ್ ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ ಅವರು ಗಾಂಜಾ ಸೇವಿಸಿದ್ದು ಗೊತ್ತಾಯಿತು. ನೆಹರೂನಗರದ ರೇಹಮಾನಿಯಾ ಮಸೀದಿ ಬಳಿಯ ಸುಲ್ತಾನ್ ಹಜರತ್ ಹೈದರಲಿ ಭಾಷಾ (21) ಹಾಗೂ ಹೆಗಡೆಕಟ್ಟಾ ಹಕ್ಕಿಗದ್ದೆಯ ಗಣಪತಿ ಶೇಷಾ ಮರಾಠಿ (20) ಅವರು ಬನವಾಸಿ ರಸ್ತೆಯ ಇಂಡಸ್ಟಿಯಲ್ ಏರಿಯಾ ಬಳಿ ಅಲೆದಾಡುತ್ತಿದ್ದರು. ಅವರ ವರ್ತನೆ ಗಮನಿಸಿದ ಶಿರಸಿ ಗ್ರಾಮೀಣ ಠಾಣಾ ಉಪನಿರೀಕ್ಷಕ ಸಂತೋಷಕುಮಾರ ಎಂ ಅವರು ಇಬ್ಬರನ್ನು ವಿಚಾರಣೆಗೆ ಒಳಪಡಿಸಿದರು. ಅವರ ವೈದ್ಯಕೀಯ ವರದಿ ಸಹ ಪಾಸಿಟಿವ್ ಬಂದಿದ್ದು, ಮಾದಕ ವ್ಯಸನ ಸೇವನೆ ದೃಢವಾಯಿತು. ಶಿರಸಿ ವಿದ್ಯಾನಗರ 2ನೇ ಕ್ರಾಸಿನ ಆಟೋ ಚಾಲಕ ರಾಘವೇಂದ್ರ ವೆಂಕಟೇಶ ಅಂಬಿಗ (41) ಅವರು ಎಸೆಳೆ ಕರೆ ಹತ್ತಿರ ಅಮಲಿನಲ್ಲಿ ಅಲೆದಾಡುತ್ತಿದ್ದರು. ಶಿರಸಿ ಗ್ರಾಮೀಣ ಠಾಣೆಯ ಉಪನಿರೀಕ್ಷಕ ಅಶೋಕ ರಾಥೋಡ್ ಅವರು ಆಟೋ ಚಾಲಕರನ್ನು ಮಾತನಾಡಿಸಿದರು. ಆದರೆ, ರಾಘವೇಂದ್ರ ಅಂಬಿಗ ಅವರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಅವರನ್ನು ಪೊಲೀಸರು ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದರು. ಅವರು ಸಹ ಗಾಂಜಾ ಸೇವನೆ ಮಾಡಿರುವುದು ಗೊತ್ತಾಯಿತು. ಶಿರಸಿ ಚಲವಾದಿ ಗಲ್ಲಿಯ ಕೂಲಿ ಕಾರ್ಮಿಕ ನಿತ್ಯಾನಂದ ಕೆರಿಯಾ ಚಲವಾದಿ (32) ಅವರು ಬನವಾಸಿ ರಸ್ತೆಯ ಕೆರೆಕೈ ಕ್ರಾಸಿನ ಬಳಿ ಗಾಂಜಾ ಸೇವಿಸಿದ್ದರು. ಪೊಲೀಸರು ಅದನ್ನು ಪತ್ತೆ ಮಾಡಿ ಕಾನೂನು ಕ್ರಮ ಜರುಗಿಸಿದರು. ಗಾಂಜಾ ಸೇವನೆಯ ದುಷ್ಪರಿಣಾಮದ ಬಗ್ಗೆ ಪೊಲೀಸರು ಆ ಎಲ್ಲರಿಗೂ ಅರಿವು ಮೂಡಿಸಿದರು. ಮತ್ತೆ ಗಾಂಜಾ ಸೇವನೆ ಮಾಡದಂತೆ ಬುದ್ಧಿಮಾತು ಹೇಳಿದರು. ಕಾಲೇಜು ವಿದ್ಯಾರ್ಥಿಗಳಿಗೆ `ಜೀವನ ಹಾಳು ಮಾಡಿಕೊಳ್ಳಬೇಡಿ’ ಎಂದು ಸೂಚಿಸಿದರು. ಅದಾದ ನಂತರ ಎಲ್ಲರ ವಿರುದ್ಧವೂ ಪ್ರಕರಣ ದಾಖಲಿಸಿ, ನ್ಯಾಯಾಲಯಕ್ಕೆ ವರದಿ ಒಪ್ಪಿಸಿದರು.
- [ಕೋರ್ಟ ಸಿಬ್ಬಂದಿ ಮನೆಗೆ ಬಂದ ಕಳ್ಳ!](https://mobiletime.in/2025/11/a-thief-came-to-the-court-staffs-house/): ಕುಮಟಾ ಕೋರ್ಟ ಸಿಬ್ಬಂದಿ ಸವಿತಾ ಭಟ್ಟ ಅವರ ಮನೆಗೆ ಕಳ್ಳರು ನುಗ್ಗಿದ್ದಾರೆ. ಮನೆಯಲ್ಲಿದ್ದ ಕಪಾಟು ಶೋಧಿಸಿದ ಅವರು ಅಲ್ಲಿದ್ದ ಚಿನ್ನಾಭರಣ ಹಾಗೂ ಹಣ ದೋಚಿದ್ದಾರೆ. ಸವಿತಾ ನಾರಾಯಣ ಭಟ್ಟ ಅವರು ಕುಮಟಾದ ಕೋಡ್ಕಣಿಯಲ್ಲಿ ವಾಸವಾಗಿದ್ದಾರೆ. ನ್ಯಾಯಾಂಗ ಇಲಾಖೆಯಲ್ಲಿ ಅವರು ಶೀಘ್ರ ಲಿಫಿ ಬರಹಗಾರರಾಗಿದ್ದಾರೆ. ತಮ್ಮ ಉಳಿತಾಯದ ಹಣದಿಂದ ಅವರು ಚಿನ್ನಾಭರಣ ಮಾಡಿಸಿದ್ದು, ಆ ಆಭರಣಗಳು ಇದೀಗ ಕಳ್ಳರ ಪಾಲಾಗಿದೆ. ಮನೆ ಬಾಗಿಲು ಮುರಿದು ಒಳಗೆ ನುಗ್ಗಿದ ಕಳ್ಳರು ಬೆಡ್ ರೂಂ ಪ್ರವೇಶಿಸಿದ್ದಾರೆ. ಅಲ್ಲಿದ್ದ 5 ಸಾವಿರ ರೂ ಹಣವನ್ನು ಜೇಬಿಗಿಳಿಸಿದ್ದಾರೆ. ಅದಾದ ನಂತರ 1.33 ಲಕ್ಷ ರೂ ಮೌಲ್ಯದ ಚಿನ್ನದ ನೆಕ್ಲೇಸ್ ಕದ್ದಿದ್ದಾರೆ. 9 ಸಾವಿರ ರೂ ಮೌಲ್ಯದ ಉಂಗುರ, 1.30 ಲಕ್ಷ ರೂ ಮೌಲ್ಯದ ಬಳೆ, 25 ಸಾವಿರ ರೂ ಮೌಲ್ಯದ ಕಿವಿಯೋಲೆ, 5 ಸಾವಿರ ರೂ ಮೌಲ್ಯದ ಬೆಳ್ಳಿ ಆಭರಣಗಳನ್ನು ಅಪಹರಿಸಿದ್ದಾರೆ. ನವೆಂಬರ್ 17ರ ರಾತ್ರಿ ಈ ಕಳ್ಳತನ ನಡೆದಿದೆ. ನವೆಂಬರ್ 18ರಂದು ಕಳ್ಳತನ ನಡೆದಿರುವುದು ಕುಟುಂಬದವರಿಗೆ ಗೊತ್ತಾಗಿದೆ. ಅದಾದ ನಂತರ ಸವಿತಾ ಭಟ್ಟ ಅವರು ಕುಮಟಾ ಪೊಲೀಸ್ ಠಾಣೆಗೆ ತೆರಳಿ ಕಳ್ಳತನದ ವಿಷಯ ಹೇಳಿದ್ದಾರೆ. ಪಿಎಸ್‌ಐ ಸಾವಿತ್ರಿ ನಾಯಕ ಅವರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಹುಡುಕಾಟ ಶುರು ಮಾಡಿದ್ದಾರೆ. `ಮನೆ ಬಿಟ್ಟು ಹೋಗುವ ಮುನ್ನ ಪೊಲೀಸರಿಗೆ ತಿಳಿಸಿ’  
- [ಕಾರವಾರ ಕಾರಾಗೃಹ: ಕೈದಿಗಳ ಕೈಯಲ್ಲಿ ಮೊಬೈಲ್-ಬೀಡಿ-ಸೊಪ್ಪಿನಪುಡಿ!](https://mobiletime.in/2025/11/karwar-prison-mobile-phones-beedi-and-vegetable-powder-in-the-hands-of-prisoners/): ಕಾರವಾರ ಜೈಲಿನಲ್ಲಿರುವ ಮೊಹಮದ್ ನೌಫಲ್ ಅಬ್ದುಲ್ ಲತೀಫ್ ಅವರು ಕಾರಾಗೃಹದ ಒಳಗೆ ರಾಜಾರೋಷವಾಗಿ ಮೊಬೈಲ್ ಬಳಕೆ ಮಾಡಿದ್ದಾರೆ. ಅವರ ಪಕ್ಕದ ವಾರ್ಡಿನಲ್ಲಿರುವ ಕೈದಿಗಳು ಸಹ ಬೀಡಿ-ಸೊಪ್ಪಿನಪುಡಿ ಬಳಸಿದ್ದಾರೆ. ಹೊತ್ತಿಗೆ ಸರಿಯಾಗಿ ಊಟ, ನೆಮ್ಮದಿಯ ನಿದ್ದೆ, ಅಗತ್ಯವಿದ್ದಾಗ ಆಸ್ಪತ್ರೆ ನೆಪದಲ್ಲಿ ಪ್ರವಾಸ ಜೊತೆಗೆ ಮೊಬೈಲು-ಹೊಗೆ ಸೊಪ್ಪು ಎನ್ನುತ್ತ ಇಲ್ಲಿನ ಕೈದಿಗಳು ಐಷಾರಾಮಿ ಜೀವನ ನಡೆಸಿದ್ದಾರೆ. ಹೀಗಾಗಿ ಸುಧಾರಣಾ ತಾಣವಾಗಬೇಕಿದ್ದ ಕಾರವಾರ ಜೈಲು ಮನರಂಜನಾ ಕೇಂದ್ರವಾಗಿ ಬದಲಾದ ಅನುಮಾನ ಕಾಡುತ್ತಿದೆ. ಕಾರಾಗೃಹದ ಒಳಗೆ ಮೊಬೈಲ್ ಬಳಕೆ ನಿಷೇಧಿಸಿದೆ. ಅದರೊಂದಿಗೆ ಬೀಡಿ, ಸಿಗರೇಟು, ಗಾಂಜಾ ಮೊದಲಾದ ವಸ್ತುಗಳನ್ನು ಜೈಲಿನ ಒಳಗೆ ಬಿಡುವ ಹಾಗಿಲ್ಲ. ಅದಕ್ಕಾಗಿಯೇ ಜೈಲಿನ ಪ್ರವೇಶ ದ್ವಾರದಲ್ಲಿ ಭದ್ರತಾ ಸಿಬ್ಬಂದಿ ಪ್ರತಿಯೊಬ್ಬರನ್ನು ತಪಾಸಣೆಗೆ ಒಳಪಡಿಸುತ್ತಾರೆ. ಮೊಬೈಲುಗಳನ್ನು ಅಲ್ಲಿ ವಶಕ್ಕೆಪಡೆದು, ನಂತರ ಮರಳಿಸುತ್ತಾರೆ. ಕೈದಿಗಳನ್ನು ಭೇಟಿ ಮಾಡಲು ಬರುವವರಿಗೂ ಇದೇ ನಿಯಮ ಅನ್ವಯ. ಅದಾಗಿಯೂ ಕಾರವಾರ ಜೈಲಿನಲ್ಲಿ ನಿಷೇಧಿತ ಮೊಬೈಲ್, ಬೆಂಕಿ ಪೊಟ್ಟಣ, ಒಣಗಿದ ಸೊಪ್ಪಿನ ಪುಡಿಗಳು ಕಾಣಿಸಿವೆ. ಬಿಗಿ ಭದ್ರತೆಯ ನಡುವೆಯೂ ನಿಷೇಧಿತ ಸಾಮಗ್ರಿಗಳು ಜೈಲಿನ ಒಳಗೆ ಹೇಗೆ ಹೋದವು? ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ. ಈಚೆಗೆ ಬೆಂಗಳೂರಿನ ಪರಪ್ಪನ ಅಗ್ರಹಾರದಲ್ಲಿನ ಕೈದಿಗಳು ಮೊಬೈಲ್ ಫೋನ್ ಬಳಸುತ್ತಿದ್ದ ವಿಡಿಯೋ ವೈರಲ್ ಆಗಿತ್ತು. ಅದಾದ ನಂತರ ಮೈಸೂರಿನ ಜೈಲಿನಲ್ಲಿಯೂ ಕೈದಿಗಳು ವಿಶೇಷ ಸೌಲಭ್ಯಗಳನ್ನು ಸ್ವೀಕರಿಸುತ್ತಿರುವುದು ಬೆಳಕಿಗೆ ಬಂದಿತ್ತು. ಇದೀಗ ಕಾರವಾರ ಕಾರಾಗೃಹದಲ್ಲಿರುವ ಕೆಲ ಕೈದಿಗಳು ಸಹ ಐಷಾರಾಮಿ ಹಾಗೂ ಮಾದಕ ವಸ್ತು ಬಳಕೆ ಮಾಡುತ್ತಿರುವುದು ಗೊತ್ತಾಗಿದೆ. ಕಾರಾಗೃಹದ ಒಳಗೆ ಮೊಬೈಲ್ ಫೋನ್ ತಂದವರು ಯಾರು? ಬೀಡಿ, ಬೆಂಕಿ ಪೊಟ್ಟಣ ಹಾಗೂ ಸೊಪ್ಪಿನ ಪುಡಿಗಳು ಜೈಲಿನೊಳಗೆ ಹೇಗೆ ಬಂದವು? ಅವುಗಳನ್ನು ಕೈದಿಗಳಿಗೆ ಕೊಟ್ಟವರು ಯಾರು? ಎನ್ನುವುದು ಬಹಿರಂಗವಾಗಿಲ್ಲ. ನವೆoಬರ್ 18ರ ನಸುಕಿನಲ್ಲಿ ಕಾರವಾರದ ಟ್ರಾಫಿಕ್ ಪಿಎಸ್‌ಐ ಶ್ರೀಕಾಂತ ರಾಥೋಡ್ ಅವರು ದಿಢೀರ್ ಆಗಿ ಕಾರವಾರ ಕಾರಾಗೃಹಕ್ಕೆ ಭೇಟಿ ನೀಡಿದ್ದಾರೆ. ಅವರು ಅಲ್ಲಿನ 8ನೇ ಸೆಲ್ ಶೋಧ ಮಾಡಿದ್ದಾರೆ. ಆಗ, ಬಂಧಿಖಾನೆಯಲ್ಲಿರುವ ಮಂಗಳೂರಿನ ಮೊಹಮದ್ ನೌಫಲ್ ಅಬ್ದುಲ್ ಲತೀಫ್ ಅವರ ಬಳಿ ಕೀಪ್ಯಾಡ್ ಮೊಬೈಲ್ ಕಾಣಿಸಿದೆ. 9ನೇ ಸೆಲ್ ಪ್ರವೇಶಿಸಿದಾಗ ಅಲ್ಲಿ ಒಂದು ಪ್ಲಾಸ್ಟಿಕ್ ಕ್ಯಾರಿ ಬ್ಯಾಗ್ ಸಿಕ್ಕಿದೆ. ಅದರೊಳಗೆ ಬೀಡಿ ಪ್ಯಾಕ್, ಬೆಂಕಿ ಪೊಟ್ಟಣ, ಹಳದಿ ಬಣ್ಣದ ಲೈಟರ್ ಹಾಗೂ ಒಣಗಿದ ಸೊಪ್ಪಿನ ಪುಡಿಗಳನ್ನು ಸಣ್ಣ ಸಣ್ಣ ಕಾಗದದ ಪೊಟ್ಟಣದಲ್ಲಿ ಕಟ್ಟಿರುವುದು ಗೋಚರಿಸಿದೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಹಾಗೂ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂತಿ, ಜಗದೀಶ ಎಂ ಅವರ ಸೂಚನೆ ಮೇರೆಗೆ ಶ್ರೀಕಾಂತ ರಾಥೋಡ್ ಅವರು ಕಾರಾಗೃಹದಲ್ಲಿ ಶೋಧ ನಡೆಸಿದ್ದು, ಅಲ್ಲಿನ ವಿದ್ಯಮಾನಗಳ ಬಗ್ಗೆ ಡಿವೈಎಸ್ಪಿ ಎಸ್ ವಿ ಗಿರೀಶ ಅವರಿಗೆ ವರದಿ ಒಪ್ಪಿಸಿದ್ದಾರೆ. ಆ ವರದಿ ವಾಚಿಸಿದ ಪೊಲೀಸ್ ಉಪಾಧ್ಯಕ್ಷ ಎಸ್ ವಿ ಗಿರೀಶ್ ಅವರು ಕೆಂಡಾಮoಡಲರಾಗಿದ್ದಾರೆ. ಕಾರಾಗೃಹದ ಒಳಗೆ ನಿಷೇಧಿತ ವಸ್ತು ಬಳಕೆ ಮಾಡಿದ ಕೈದಿಗಳ ವಿರುದ್ಧ ಅವರು ಕಾರವಾರ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಈ ಬಗ್ಗೆ ಸಮಗ್ರ ತನಿಖೆ ನಡೆಸುವಂತೆ ಅವರು ದೂರಿನಲ್ಲಿ ವಿವರಿಸಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [2025 ನವೆಂಬರ್ 19ರ ದಿನ ಭವಿಷ್ಯ](https://mobiletime.in/2025/11/prediction-for-november-19-2025/): ಮೇಷ ರಾಶಿ: ನಿಮ್ಮ ಕೆಲಸಕ್ಕೆ ಯೋಗ್ಯ ಪ್ರೋತ್ಸಾಹ ದೊರೆಯಲಿದೆ. ಕಾರ್ಯನಿರ್ವಹಣೆಯಲ್ಲಿ ಸ್ಪಷ್ಟತೆ ಇರಲಿದೆ. ಆರ್ಥಿಕವಾಗಿ ಸ್ವಲ್ಪ ಲಾಭ ಸಾಧ್ಯ. ಆರೋಗ್ಯದ ಮೇಲೆ ಗಮನ ನೀಡಿರಿ. ಸವಾಲು ಎದುರಿಸಲು ಸಿದ್ಧರಾಗಿರಿ. ವೃಷಭ ರಾಶಿ: ದೈನಂದಿನ ಕೆಲಸಗಳಲ್ಲ ಉತ್ತಮ ಫಲ ಸಿಗಲಿದೆ. ಸಹೋದ್ಯೋಗಿಗಳಿಂದ ಬೆಂಬಲ ಸಿಗಬಹುದು. ಹಣಕಾಸಿನಲ್ಲಿ ಎಚ್ಚರಿಕೆ ಅಗತ್ಯ. ಹೊಸ ಯೋಜನೆ ಆರಂಭಿಸಲು ಸಕಾಲ. ಮನಸ್ಸು ಶಾಂತವಾಗಿರಬೇಕು. ಮಿಥುನ ರಾಶಿ: ಪ್ರೀತಿ-ಪ್ರೇಮ ವಿಷಯದಲ್ಲಿ ಮಧುರ ಮಾತು ಬರಲಿದೆ. ಕೆಲಸದಲ್ಲಿ ಉತ್ತೇಜನದ ಸಮಯವಾಗಿದೆ. ಆರ್ಥಿಕ ಯೋಜನೆಗಳು ಪರಿಣಾಮಕಾರಿಯಾಗಲಿದೆ. ಪ್ರಯಾಣದಲ್ಲಿ ಸೌಭಾಗ್ಯ ಕೂಡಿ ಬರಲಿದೆ. ಕರ್ಕ ರಾಶಿ: ನಿಮ್ಮೊಳಗಿನ ಪ್ರತಿಭೆಯನ್ನು ತಿರಸ್ಕರಿಸಬೇಡಿ. ಸಹಕಾರಿಗಳು ಹಾಗೂ ಕುಟುಂಬದಿAದ ಸಹಾಯ ಸಿಗಲಿದೆ. ಆರೋಗ್ಯ ಇದ್ದಕ್ಕಿದ್ದಂತೆ ಏರುಪೇರಾಗಬಹುದು. ಜೀವನದಲ್ಲಿ ಒಳ್ಳೆಯ ಬದಲಾವಣೆ ಸಾಧ್ಯವಿದೆ. ಸಿಂಹ ರಾಶಿ: ಧೈರ್ಯದಿಂದ ಮಾಡುವ ಕೆಲಸದಲ್ಲಿ ಯಶಸ್ಸು ಸಿಗಲಿದೆ. ಹೊಸ ಅವಕಾಶಗಳ ನಿರೀಕ್ಷೆಯಲ್ಲಿರಿ. ಹಣಕಾಸಿನಲ್ಲಿ ಬದಲಾವಣೆ ಆಗಲಿದೆ. ಆರೋಗ್ಯ ಸಮಸ್ಯೆಗಳ ಬಗ್ಗೆ ಎಚ್ಚರಿಕೆ ಬೇಕು. ಕನ್ಯಾ ರಾಶಿ: ಶ್ರಮಕ್ಕೆ ತಕ್ಕ ಲಾಭ ಸಿಗದಿದ್ದರೆ ಬೇಸರ ಬೇಡ. ಆರ್ಥಿಕ ಸ್ಥಿರತೆ ಮುಖ್ಯ. ಯೋಗ-ಧ್ಯಾನ ಪರಿಣಾಮಕಾರಿಯಾಗಿ ಕೆಲಸ ಮಾಡಲಿದೆ. ಆರೋಗ್ಯದ ವಿಷಯದಲ್ಲಿ ಜೋಪಾನ. ತುಲಾ ರಾಶಿ ಸಹೋದರ ಸ್ನೇಹಿತರಿಂದ ಸಹಕಾರ ಸಿಗಲಿದೆ. ಉದ್ಯೋಗದಲ್ಲಿ ಪ್ರಮುಖ ಬೆಳವಣಿಗೆ ಆಗಲಿದೆ. ಹಣಕಾಸು ಏರಿಳಿತದ ಬಗ್ಗೆ ಗಮನ ಅಗತ್ಯ. ನಿಮ್ಮ ಪ್ರಯಾಣ ಆರೋಗ್ಯಕರವಾಗಿರಲಿದೆ. ವೃಶ್ಚಿಕ: ನಿಮ್ಮ ಕೆಲಸಕಾರ್ಯದಲ್ಲಿ ನಿಖರತೆ ಬೇಕು. ಹಣಕಾಸು ವ್ಯವಹಾರ ಮುನ್ನಡೆಯಲಿದೆ. ಹಾವು-ಕೀಟಗಳ ಬಗ್ಗೆ ಎಚ್ಚರಿಕೆಯಿಂದಿರಿ. ಆಧ್ಯಾತ್ಮಿಕ ವಿಷಯದಲ್ಲಿ ಗಮನಕೊಡಿ. ಧನು ರಾಶಿ: ಹಣಕಾಸು ಸುಧಾರಣೆ ಆಗಲಿದೆ. ಉದ್ಯೋಗದಲ್ಲಿ ಯಶಸ್ವಿ ಆಗುವಿರಿ. ಮನಸ್ಸಿನ ಒತ್ತಡ ಕಡಿಮೆ ಆಗಲಿದೆ. ಆರೋಗ್ಯದ ಬಗ್ಗೆ ಗಮನಹರಿಸಿ. ಮಕರ ರಾಶಿ: ಹಣಕಾಸು ವಿಷಯದಲ್ಲಿ ಗುರಿಯ ಕಡೆ ಗಮನವಿರಲಿ. ಹೊಸ ಕಲಿಕೆಗೆ ಅವಕಾಶವಿದೆ. ಕುಟುಂಬದ ಬೆಂಬಲ ಸಿಗಲಿದೆ. ಆರೋಗ್ಯ ಉತ್ತಮವಾಗಿರಲಿದೆ. ಕುಂಭ ರಾಶಿ: ಸೃಜನಶೀಲ ಕೆಲಸ ಹಣ ತಂದು ಕೊಡಲಿದೆ. ಅಧ್ಯಯನದ ಬಗ್ಗೆ ಆಸಕ್ತಿ ಬೇಕು. ಸಮನ್ವಯ ಸಾಧಿಸಿ ಜೀವನದಲ್ಲಿ ಮುನ್ನಡೆಯಿರಿ. ಸಮಯ ಪಾಲನೆಗೆ ಒತ್ತು ಕೊಡಿ. ಮೀನ ರಾಶಿ: ಕುಟುಂಬದಲ್ಲಿ ಸಂತೋಷ ಕಾಣಲಿದೆ. ಉದ್ಯೋಗದಲ್ಲಿ ಪ್ರಗತಿ ಆಗಲಿದೆ. ಹಣಕಾಸಿನಲ್ಲಿ ಸಾಧನೆ ಸಾಧ್ಯವಿದೆ. ಆತ್ಮವಿಶ್ವಾಸ ನಿಮಗೆ ಯಶಸ್ಸು ಕೊಡಲಿದೆ.
- [ಪೊಲೀಸ್ ಪಾತ್ರದಾರಿ: ಪೆಟ್ರೋಲ್ ಬಂಕಿನಲ್ಲಿ ಕಾಣಿಸಿದ ಯಮರಾಜ!](https://mobiletime.in/2025/11/police-role-yamaraja-seen-at-a-petrol-station/): ಸಂಚಾರಿ ನಿಯಮ ಉಲ್ಲಂಘಿಸುವವರಿಗೆ ಗೋಕರ್ಣ ಪೊಲೀಸ್ ಸಿಬ್ಬಂದಿ ವಸಂತ ಕಲ್ಪಾಡಿ ಅವರು ಯಮನ ವೇಷಧರಿಸಿ ಹೆದರಿಸಿದರು. ಸಂಚಾರಿ ನಿಯಮ ಪಾಲಿಸುವವರಿಗೆ ಯಮ ಕಿಂಕರನ ವೇಷ ಧರಿಸಿದ್ದ ಅನುರಾಜ ನಾಯ್ಕ ಹಾಗೂ ಪರಮೇಶ್ವರ ಅವರು ಹೂವು ನೀಡಿ ಗೌರವಿಸಿದರು! ಕಡ್ಡಾಯ ಹೆಲ್ಮೆಟ್ ಬಗ್ಗೆ ಕುಮಟಾ ಪೊಲೀಸರು ಸಾಕಷ್ಟು ಅರಿವು ಮೂಡಿಸುತ್ತಿದ್ದು, ಅದರ ಭಾಗವಾಗಿ ಗೋಕರ್ಣ ಪೊಲೀಸರು ಮಂಗಳವಾರ ಪೆಟ್ರೋಲ್ ಬಂಕಿನಲ್ಲಿ ಬೀಡು ಬಿಟ್ಟಿದ್ದರು. ಚೌಡಗೇರಿ ಪೆಟ್ರೋಲ್ ಬಂಕಿಗೆ ಬರುವವರನ್ನು ಯಮ ವೇಷಧರಿಸಿ ಪರಿಶೀಲಿಸಿದ ಪೊಲೀಸರು ಸಂಚಾರಿ ನಿಯಮ ಉಲ್ಲಂಗಿಸುವವರಿಗೆ ಪೆಟ್ರೋಲ್ ಕೊಡಲು ನಿರಾಕರಿಸಿದರು. ಸ್ಥಳೀಯ ನಿವಾಸಿ ಸುರೇಶ ಆಗೇರ್ ಅವರು ಚಿತ್ರಗುಪ್ತನ ಪಾತ್ರವಹಿಸಿ ಸಂಚಾರಿ ನಿಯಮ ಪಾಲನೆ ಮಾಡದವರನ್ನು ಬೆದರಿಸಿದರು! ಹೆಲ್ಮೆಟ್ ಧರಿಸದೇ ಬಂದವರನ್ನು ಪಿಐ ಶ್ರೀಧರ ಎಸ್ ಆರ್ ಅವರು ಮರಳಿ ಮನೆಗೆ ಕಳುಹಿಸದರು. ಅವರೇ ಹೆಲ್ಮೆಟ್ ಧರಿಸಿ ಬಂದಾಗ ಹೂವು ನೀಡಿ ಸ್ವಾಗತಿಸಿದರು. ಅದಾದ ನಂತರ ಪೆಟ್ರೋಲ್ ನೀಡಲಾಗಿದ್ದು, ಪೊಲೀಸರ ವಿಭಿನ್ನ ಪ್ರಯತ್ನ ಜನರ ಮನ ಮುಟ್ಟಿತು. ಒಂದು ದಿನ ಜನರಿಗೆ ಅರಿವು ಮೂಡಿಸಿ, ಅದಾದ ನಂತರ ದಂಡದ ಪ್ರಯೋಗ ನಡೆಸುವುದಾಗಿ ಪೊಲೀಸರು ತಿಳಿಸಿದರು.
- [ವಾದದಿಂದ ಶುರುವಾದ ವಾಗ್ವಾದ!](https://mobiletime.in/2025/11/an-argument-that-started-with-an-argument/): ಶಿರಸಿಯಲ್ಲಿ ನ್ಯಾಯ ಕೊಡಿಸಬೇಕಾದ ನ್ಯಾಯವಾದಿಗಳಿಗೆ ಅನ್ಯಾಯವಾದ ಬಗ್ಗೆ ಚರ್ಚೆ ನಡೆದಿದೆ. ಸಂಘಟನೆಯಲ್ಲಿದ್ದವರ ಅಧಿಕಾರ ಅವಧಿ ಮುಗಿದರೂ ಆಗದ ಹೊಸ ನೇಮಕಾತಿ, ಸದಸ್ಯತ್ವ ರದ್ಧತಿಯ ಬಗ್ಗೆ ಪ್ರಶ್ನೆ ಸೇರಿ ವಿವಿಧ ಕಾರಣಗಳಿಂದ ವಿವಾದ ಶುರುವಾಗಿದೆ. ಅದರ ಮುಂದುವರೆದ ಭಾಗವಾಗಿ ಕೆಲವರ ನಡುವೆ ಹೊಡೆದಾಟವಾಗಿದ್ದು, ಎಲ್ಲವೂ ಗಪ್-ಚುಪ್ ಆಗಿದೆ. ಸಭೆಯೊಂದರಲ್ಲಿ ನಡೆದ ವಾದ ವಿವಾದದ ಸ್ವರೂಪಪಡೆದಿದ್ದು, ಈ ಬಗ್ಗೆ ಸಭೆಯಲ್ಲಿದ್ದವರನ್ನು ಹೊರತುಪಡಿಸಿ ಯಾರಿಗೂ ಸ್ಪಷ್ಟ ಚಿತ್ರಣವಿಲ್ಲ. ಅದಾಗಿಯೂ ಲಭ್ಯ ಮಾಹಿತಿಗಳ ಪ್ರಕಾರ, ನವೆಂಬರ್ 15ರಂದು ಈ ಗಲಾಟೆ ನಡೆದಿದೆ. ಸಭೆ ನಡುವೆ ಮಾತಿಗೆ ಮಾತು ಬೆಳೆದಿದೆ. ಅದು ವಿಕೋಪಕ್ಕೆ ತಿರುಗಿದ್ದು ಹೊಡೆದಾಟದ ಸ್ವರೂಪಪಡೆದಿದೆ. ಈ ವಿಷಯವಾಗಿ ನೊಂದವರು ದೂರು ನೀಡಿದ್ದು, ಪೊಲೀಸರು ಪ್ರಕರಣದಲ್ಲಿ ಪ್ರವೇಶಿಸಿದ್ದಾರೆ. ಈ ಘಟನಾವಳಿಗಳು ಕೆಲವರ ನಡುವಿನ ಆಂತರಿಕ ವಿಷಯ, ಸಂಘಟನೆಯ ಒಳ ವಿಚಾರದ ಬಗ್ಗೆ ಸುತ್ತುವರೆದಿದೆ. ಅವಧಿ ಮುಗಿದರೂ ಹುದ್ದೆಯಲ್ಲಿದ್ದವರ ಬದಲಾವಣೆ ಆಗದಿರುವುದು, ಆ ಹುದ್ದೆಗೆ ಬೇರೆ ಬೇರೆ ಆಕಾಂಕ್ಷಿಗಳಿರುವುದು ಹಾಗೂ ಸಂಘದಲ್ಲಿ ಕೆಲವರ ಸದಸ್ಯತ್ವ ರದ್ಧಾಗಿರುವುದು ಸೇರಿ ಅನೇಕ ಕಾರಣಗಳಿಂದ ಈ ಕಲಹ ಸೃಷ್ಠಿಯಾಗಿದೆ. ಜಾತಿ ನಿಂದನೆ, ಹಲ್ಲೆ ಹಾಗೂ ಮಹಿಳೆಯ ಮೈ ಮುಟ್ಟಿದ ಬಗ್ಗೆ ದೂರುಗಳಿವೆ. ಎಲ್ಲರನ್ನು ಕೂತು ಮಾತನಾಡಿಸಿದರೆ ಭವಿಷ್ಯದಲ್ಲಿ ಬಗೆಹರಿಸುವ ಸಾಧ್ಯತೆಗಳು ಇವೆ. ಹೀಗಾಗಿ ಈ ವಿಷಯದ ಬಗ್ಗೆ ಅರಿವಿದ್ದವರು ಸಹ `ಊರ ಉಸಾಬರಿ ನಮಗೇತಕೆ?’ ಎಂದು ಮೌನವಾಗಿದ್ದಾರೆ. `ಎಲ್ಲವರೂ ತಮ್ಮವೇ ಆಗಿರುವಾಗ ತಪ್ಪು ಯಾರದ್ದು? ಎಂದು ಹೇಳುವುದು ಕಷ್ಟ’ ಎಂಬ ನಿಲುವನ್ನು ಹಿರಿಯರು ಹೊಂದಿದ್ದಾರೆ. `ಅದು ಹಾಗಂತೆ.. ಇದು ಹೀಗಂತೆ’ ಎಂಬ ಊಹಾಪೋಹಗಳು ಅಂದಿನಿ0ದಲೂ ಹಬ್ಬುತ್ತಲೇ ಇದ್ದು, ನಿವಾಗಿಯೂ ನಡೆದಿದ್ದು ಏನು? ಎನ್ನುವುದನ್ನು ಸಂಬoಧಿಸಿದವರೇ ಬಹಿರಂಗಪಡಿಸಿಬೇಕಿದೆ. ಸಾಮಾನ್ಯ ಜನರಿಗೆ ಸತ್ಯದ ಅರಿವಾಗದ ಕಾರಣ ಜಾಲತಾಣದ ಜೊತೆ ಊರು-ಕೇರಿಯಲ್ಲಿಯೂ ಒಂದಷ್ಟು ರೆಕ್ಕೆ-ಪುಕ್ಕದ ಜೊತೆ ಈ ವಿಷಯ ಹರಿದಾಡುತ್ತಿದೆ.
- [ಬ್ಯಾಂಕಿಗೆ ಬೆಂಕಿ: ಗುಜುರಿ ವ್ಯಾಪಾರಿಯೇ ಮಾಸ್ಟರ್ ಮೈಂಡ್!](https://mobiletime.in/2025/11/bank-fire-gujuri-merchant-is-the-mastermind/): ಯಲ್ಲಾಪುರದ ಉಮ್ಮಚ್ಗಿಯಲ್ಲಿರುವ ಕರ್ನಾಟಕ ಗ್ರಾಮೀಣ ವಿಕಾಸ ಬ್ಯಾಂಕ್ ದರೋಡೆಗೆ ಪ್ರಯತ್ನಿಸಿದ ಮತ್ತಿಬ್ಬರ ಬಂಧನವಾಗಿದೆ. ಚಾಲಕ ಹಾಗೂ ಗುಜುರಿ ವ್ಯಾಪಾರಿ ಸಹ ಈ ಪ್ರಕರಣದ ಮಾಸ್ಟರ್ ಮೈಡ್ ಆಗಿದ್ದಾರೆ. ದರೋಡೆಗೆ ಬಂದ ಡಕಾಯಿತರು ಏನು ಸಿಗದ ಕಾರಣ ಬೆಂಕಿ ಹಚ್ಚಿ ಪರಾರಿ ಆಗಿದನ್ನು ಒಪ್ಪಿಕೊಂಡಿದ್ದಾರೆ. ನವೆಂಬರ್ 12ರಂದು ಉಮ್ಮಚ್ಗಿಯಲ್ಲಿ ಬ್ಯಾಂಕ್ ದರೋಡೆ ಪ್ರಯತ್ನ ನಡೆದಿತ್ತು. ಉದ್ಯಮನಗರದ ರಾಘವೇಂದ್ರ ಗಣಪತಿ ನಾಯಕ ಅವರು ಡಕಾಯಿತರ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದರು. ಕಂಪ್ಯುಟರ್, ಪ್ರಿಂಟರ್, ವಿಲ್ಲಿಂಗ್ ಚೇರಿ ಸೇರಿ ಅನೇಕ ವಸ್ತುಗಳು ಬೆಂಕಿಗೆ ಆಹುತಿಯಾದ ಬಗ್ಗೆ ಅವರು ವಿವರಿಸಿದ್ದರು. ಕಾರವಾರ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ನಾಲ್ಕು ತಂಡ ರಚಿಸಿ ಡಕಾಯತರ ಶೋಧಕ್ಕೆ ತಂತ್ರ ರೂಪಿಸಿದ್ದರು. ಕಾರವಾರ ಟೆಕ್ನಿಕಲ್ ವಿಭಾಗದ ಉದಯ ಗುನಗಾ ವಿವಿಧ ತಾಂತ್ರಿಕ ಮಾಹಿತಿ ನೀಡಿದರು. ಸಿಸಿ ಕ್ಯಾಮರಾ ದಾಖಲೆ ಪರಿಶೀಲಿಸಿದಾಗ ಶಿಪ್ಟ್ ಕಾರೊಂದರ ಮೇಲೆ ಅನುಮಾನ ಮೂಡಿತು. ಆ ಕಾರನ್ನು ಬೆನ್ನತ್ತಿದ ಪೊಲೀಸರು ಬೆಳಗಾವಿಗೆ ಹೋದರು. ಅಲ್ಲಿನ ಬಾರ್ ಒಂದರ ಮುಂದೆ ಮಂಗಳೂರಿನ ಬಂಟ್ವಾಳದ ಮಹಮ್ಮದ ರಫೀಕ ಎದುರಾದರು. ಪೊಲೀಸರನ್ನು ಕಂಡ ಮಹಮದ್ ರಫೀಕ್ ಅವರ ಮೇಲೆ ಚಾಕುವಿನ ದಾಳಿ ನಡೆಸಿದ್ದು, ಪೊಲೀಸರು ತಪ್ಪಿಸಿಕೊಂಡಾಗ ತಮಗೆ ತಾವೇ ಚುಚ್ಚಿಕೊಂಡು ಆತ್ಮಹತ್ಯೆಗೆ ಪ್ರಯತ್ನಿಸಿದರು. ಆತ್ಮಹತ್ಯೆಗೆ ಪ್ರಯತ್ನಿಸಿದ ಮಹಮದ್ ರಫಿಕ್ ಅವರನ್ನು ಪೊಲೀಸರು ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಿದರು. ಅದಾದ ನಂತರ ಬೆಳಗಾವಿಯ ಚಾಲಕ ಗುಲ್ಜಾರ ಅಬು ್ದಲ್ ರೆಹಮಾನ ಮಕಾಂದಾರ, ಗುಜುರಿ ವ್ಯಾಪಾರ ಮಾಡುವ ಇಮ್ರಾನ ಕುತಬುದ್ದೀನ್ ತಿಗಡಿ ಅವರನ್ನು ಪೊಲೀಸರು ವಶಕ್ಕೆಪಡೆದರು. ಅವರಿಬ್ಬರು ತಮ್ಮ ತಪ್ಪನ್ನು ಒಪ್ಪಿಕೊಂಡರು. ಆಪಾದಿತರಿಂದ ಕೃತ್ಯಕ್ಕೆ ಬಳಸಿದ ಕಾರನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಮಹಮದ್ ರಫಿಕ್ ವಿರುದ್ಧ ರಾಜ್ಯದಲ್ಲಿ 50ಕ್ಕೂ ಅಧಿಕ ದರೋಡೆ ಪ್ರಕರಣಗಳಿವೆ. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಜಗದೀಶ ಎಮ್, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ, ಯಲ್ಲಾಪುರ ಪಿಐ ರಮೇಶ ಹಾನಾಪುರ, ಪಿಎಸ್‌ಐ ರಾಜೇಶ ವಂದಲಿ, ಸಿದ್ದಪ್ಪ ಗುಡಿ, ಮಹಾವೀರ ಕಾಂಬಳೆ, ಪೊಲೀಸ್ ಸಿಬ್ಬಂದಿ ದೀಪಕ ನಾಯ್ಕ. ಮಹಮ್ಮದ್ ಶಫಿ ಶೇಖ್, ಬಸವರಾಜ ಹಗರಿ, ಶೋಭಾ ನಾಯ್ಕ, ಗಿರೀಶ ಲಮಾಣಿ, ಸಂತೋಷ ಬಾಳೇರ, ಮಹಾವೀರ ಡಿ ಎಸ್, ಪರಮೇಶ್ವರ ಎಸ್ ಕೆ. ಪರಶುರಾಮ ದೊಡ್ಮನಿ ಕಾರ್ಯಾಚರಣೆಯಲ್ಲಿ ಪ್ರಮುಖ ಪಾತ್ರ ನಿಭಾಯಿಸಿದ್ದಾರೆ.
- [ತೆನೆ ಹೊತ್ತ ಮಹಿಳೆಗೆ ಅನ್ಯಾಯ!](https://mobiletime.in/2025/11/injustice-to-the-woman-carrying-the-grain/): ಮುಂಡಗೋಡಿನ ಮೂವರು ಮಹಿಳೆಯರು ಸೇರಿ ಭತ್ತದ ಗದ್ದೆಗೆ ನುಗ್ಗಿದ್ದು, ಅಲ್ಲಿದ್ದ ಫಸಲು ಕದ್ದಿದ್ದಾರೆ. ಇದನ್ನು ಅರಿತ ಗದ್ದೆಯ ಮಾಲಕಿ ಪೊಲೀಸರ ಬಳಿ ಅಳಲು ತೋಡಿಕೊಂಡಿದ್ದಾರೆ. ಗದಗದ ಚನ್ನಮ್ಮ ಮಡಿವಾಳ ಅವರು ಮುಂಡಗೋಡಿನಲ್ಲಿ ಭೂಮಿ ಹೊಂದಿದ್ದರು. ಮುಂಡಗೋಡಿನ ಸಾಲಗಾಂವಿನಲ್ಲಿ ಅವರು ಕೃಷಿ ಮಾಡಿದ್ದರು. ಅಲ್ಲಿನ 4 ಎಕರೆ ಕ್ಷೇತ್ರದಲ್ಲಿ ಚನ್ನಮ್ಮ ಅವರು ಸಮೃದ್ಧವಾಗಿ ಭತ್ತ ಬೆಳೆದಿದ್ದರು.ಕ್ಷೇತ್ರದ ಅಭಿವೃದ್ಧಿಗೆ ಅವರು ಸಾಕಷ್ಟು ಶ್ರಮಿಸಿದ್ದರು. ಅಲ್ಲಿ ಉತ್ತಮ ಫಸಲು ಬಂದಿದ್ದು, ಇದನ್ನು ಸಹಿಸದ ಮೂವರು ಆ ಫಸಲು ಕೊಯ್ದರು. ಮುಂಡಗೋಡ ಸಾಲಗಾಂವಿನ ನೀಲವ್ವ ಪಕ್ಕೀರಸ್ವಾಮಿ ಹರಿಜನ ಅವರ ಜೊತೆ ಕುಸುಮಾ ಫಕ್ಕೀರಸ್ವಾಮಿ ಹರಿಜನ, ರೇಣುಕಾ ನಾಗಪ್ಪ ಹರಿಜನ ಅವರು ಆ ಭತ್ತ ಕಟಾವು ಮಾಡಿದರು. ಅದಾದ ನಂತರ ಮಾಲತೇಶ ತೊಂಡೂರು ಅವರ ಟಾಕ್ಟರ್ ಮೇಲೆ ಅದನ್ನು ಸಾಗಾಟ ಮಾಡಿದರು. 120 ಚೀಲ ಭತ್ತದ ಜೊತೆ 160 ಪೆಂಡಿ ಹುಲ್ಲುಗಳನ್ನು ಕದ್ದ ಬಗ್ಗೆ ಚನ್ನಮ್ಮ ಮಡಿವಾಳ ಅವರು ಪೊಲೀಸ್ ದೂರು ನೀಡಿದರು. ಪೊಲೀಸರು ಪ್ರಕರಣದ ವಿಚಾರಣೆ ನಡೆಸಿದರು.
- [ಬೀಡಿ ಸೇದಿ ಸಿಕ್ಕಿಬಿದ್ದ ಐಟಿ ಉದ್ಯೋಗಿ!](https://mobiletime.in/2025/11/it-employee-caught-smoking-beedi/): ಗೋಕರ್ಣ ಪ್ರವಾಸಕ್ಕೆ ಬಂದಿದ್ದ ಐಟಿ ಉದ್ಯೋಗಿ ಮಹಮ್ಮದ್ ಇಮ್ರಾನ್ ಸಮುದ್ರಕ್ಕೆ ಬಿದ್ದು ಶವವಾಗಿದ್ದು, ಅವರ ಮೂವರು ಸ್ನೇಹಿತರು ಗಾಂಜಾ ಗುಂಗಿನಲ್ಲಿರುವುದು ಪೊಲೀಸ್ ತನಿಖೆಯಲ್ಲಿ ಗೊತ್ತಾಗಿದೆ. ಬೆಂಗಳೂರಿನ ಐಟಿ ಕಂಪನಿಯಲ್ಲಿ ಕೆಲಸ ಮಾಡುವ ಆರು ಜನ ಸೋಮವಾರ ಗೋಕರ್ಣಕ್ಕೆ ಬಂದಿದ್ದರು. ಗೋಕರ್ಣಕ್ಕೆ ಬರುವ ಮುನ್ನ ಅವರೆಲ್ಲರೂ ಗೋವಾ ಪ್ರವೇಶಿಸಿದ್ದು, ಅಲ್ಲಿ ಮೋಜು-ಮಸ್ತಿ ಮಾಡಿದ್ದರು. ಆರು ಜನರಲ್ಲಿ ಮೂವರು ಗಾಂಜಾ ಸೇವಿಸಿದ್ದರು. ಮೋಟು ಬೀಡಿಯಲ್ಲಿ ಗಾಂಜಾ ಪುಡಿ ಹಾಕಿ ಅವರೆಲ್ಲರೂ ಗಾಳಿ ಹೊಡೆದಿದ್ದರು. ಅದಾದ ನಂತರ ಗೋವಾದಿಂದ ಗೋಕರ್ಣ ಪ್ರವಾಸ ಮಾಡಿದ್ದರು. ಸೋಮವಾರ ಸಂಜೆ ಅರಬ್ಬಿ ಸಮುದ್ರಕ್ಕೆ ಇಳಿದು ಆಟವಾಡುವಾಗ ಆಂದ್ರಪ್ರದೇಶದ ಮಹಮ್ಮದ್ ಇಮ್ರಾನ್ ಅಲೆಗಳ ಅಬ್ಬರಕ್ಕೆ ಸಿಲುಕಿದರು. ನೀರಿನ ಆಳಕ್ಕೆ ಹೋಗಿ ಅವರು ಅಲ್ಲಿಯೇ ಸಾವನಪ್ಪಿದರು. ಅವರ ಶವವನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ತರಲಾಗಿದ್ದು, ಆ ಅವಧಿಯಲ್ಲಿ ಗಾಂಜಾ ನಶೆಯಲ್ಲಿದ್ದ ಅವರ ಮೂವರು ಸ್ನೇಹಿತರು ಸಿಕ್ಕಿ ಬಿದ್ದರು. ಆಂದ್ರ ಪ್ರದೇಶದ ಭಾನು ಕಿರಣ (24), ಬೆಂಗಳೂರಿನ ಧನುಷ್ ಕೆ (25) ಹಾಗೂ ವಿಜಯಪುರದ ಸೋಮೇಶ ಜೋಗೂರ್ (26) ಅವರನ್ನು ಪೊಲೀಸರು ಅಲ್ಲಿಯೇ ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದರು. ಆಗ ಆ ಮೂವರು ಗಾಂಜಾ ಸೇವಿಸಿರುವುದು ಗೊತ್ತಾಯಿತು. ಗೋವಾದಲ್ಲಿ ಗಾಂಜಾ ಖರೀದಿಸಿ ಅದನ್ನು ಸೇವಿಸಿರುವ ಬಗ್ಗೆ ಅವರೆಲ್ಲರೂ ಒಪ್ಪಿಕೊಂಡರು. ಸಾವನಪ್ಪಿದ ಮಹಮ್ಮದ್ ಇಮ್ರಾನ್ ನಶೆಯಲ್ಲಿರಲಿಲ್ಲ. ಜೊತೆಗೆ ಇನ್ನಿಬ್ಬರು ಸ್ನೇಹಿತರು ದುಶ್ಚಟದಿಂದ ದೂರವಿದ್ದು, ಅವರನ್ನು ಪೊಲೀಸರು ಬಿಟ್ಟು ಕಳುಹಿಸಿದರು. ಗಾಂಜಾ ಸೇವಿಸಿದ ಮೂವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು.
- [ಕಲರ್ ಬಾಲ್ ಆಡುವುದು ಅಪರಾಧ!](https://mobiletime.in/2025/11/playing-color-ball-is-a-crime/): ಕಾರವಾರದಲ್ಲಿ ಕಲರ್ ಬಾಲ್ ಆಡುತ್ತಿದ್ದ ಮೂವರ ಮೇಲೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಆ ಮೂಲಕ ಕಲರ್ ಬಾಲ್ ಆಡುವುದು ಅಪರಾಧ ಎಂದು ಜನರಲ್ಲಿ ಅರಿವು ಮೂಡಿಸುವ ಪ್ರಯತ್ನ ಮಾಡಿದ್ದಾರೆ. ನವೆಂಬರ್ 16ರ ರಾತ್ರಿ ಕಾರವಾರದ ನೀತಿಸಾವರ ಬಳಿ ಜೂಜಾಟ ನಡೆಯುತ್ತಿತ್ತು. ನಾರಾಯಣ ದೇವಾಲಯದ ಹಿಂದೆ ಮೂವರು ಕಲರ್ ಬಾಲ್ ಆಡಿಸುತ್ತಿದ್ದರು. ಮಲ್ಲಾಪುರ ಪೊಲೀಸ್ ಠಾಣೆಯ ಸಿಬ್ಬಂದಿ ಅದನ್ನು ನೋಡಿದರು. ಪಿಎಸ್‌ಐ ಮಲ್ಲಿಕಾರ್ಜುನ ಕೊರಾಣಿ ಅವರಿಗೆ ವಿಷಯ ಮುಟ್ಟಿಸಿದರು. ಪಿಎಸ್‌ಐ ಮಲ್ಲಿಕಾರ್ಜುನ ಕೊರಾಣಿ ಅವರು ದೇಗುಲದ ಬಳಿ ಬಂದರು. ವೈಲವಾಡದ ಉಲ್ಲಾಸ ಲಕ್ಷಣ ಮಾಳಸೆಕರ್, ದಿಗಾಳಿ ಕಿನ್ನರದ ಸಂದೀಪ ರಾಮದಾಸ ನಾಯ್ಕ ಹಾಗೂ ಕಿನ್ನರದ ಕಲ್ಪೇಶ ಕೃಷ್ಣಾನಂದ ತಳ್ಳೇಕರ್ ಅವರು ಕಲರ್ ಬಾಲ್ ಆಟದಲ್ಲಿ ನಿರತರಾಗಿದನ್ನು ದೃಢಪಡಿಸಿದರು. ಅವರ ಮೇಲೆ ದಾಳಿ ನಡೆಸಿ 2700ರೂ ಹಣವನ್ನು ವಶಕ್ಕೆಪಡೆದರು. ಈ ದಾಳಿಯಲ್ಲಿ ಹಣದ ಜೊತೆ ಜೂಜಾಟಕ್ಕೆ ಬಳಸಿದ ಆರು ಬಣ್ಣದ ಮನೆಗಳ ಬಾಕ್ಸು, 30 ಪ್ಲಾಸ್ಟಿಕ್ ಕಾಯಿನ್, ಹಳೆಯ ಪತ್ರಿಕೆ ಹಾಗೂ ಇನ್ನಿತರ ಸಲಕರಣೆಗಳು ಸಿಕ್ಕವು. ಅವೆಲ್ಲವನ್ನು ಜಪ್ತು ಮಾಡಿ ಮೂವರ ವಿರುದ್ಧವೂ ಪ್ರಕರಣ ದಾಖಲಿಸಿದರು.
- [ತೆಂಗಿನ ಮರದಿಂದ ಬಿದ್ದ ಕೃಷಿಕ: ಸಾವು](https://mobiletime.in/2025/11/farmer-dies-after-falling-from-coconut-tree/): ತೆಂಗಿನ ಕಾಯಿ ಕೀಳಲು ಏಣಿ ಹಾಕಿಕೊಂಡಿದ್ದ ಕುಮಟಾದ ಈರು ಮರಾಠಿ ಅವರು ಏಣಿಯಿಂದ ಕೆಳಗೆ ಬಿದ್ದಿದ್ದಾರೆ. ಮರ ಹತ್ತುವ ವಿಷಯದಲ್ಲಿ ಸಾಕಷ್ಟು ಪರಿಣಿತಿಯಿದ್ದರೂ ಏಣಿಯಿಂದ ಬಿದ್ದು ಅವರು ಕೊನೆಯುಸಿರೆಳೆದಿದ್ದಾರೆ. ಕುಮಟಾದ ಸೊಪ್ಪಿನಹೊಸಳ್ಳಿಯ ಬಂಗಿಣಿ ಬಳಿಯ ಬೆಳಗಲಗದ್ದೆ ಕೇರಿಯ ಈರು ಆಲು ಮರಾಠಿ (47) ಅವರು ಕೃಷಿ ಕೆಲಸ ಮಾಡಿಕೊಂಡಿದ್ದರು. ನವೆಂಬರ್ 17ರಂದು ಅವರು ತೆಂಗಿನ ಕಾಯಿ ಕೀಳುವ ಕೆಲಸಕ್ಕೆ ಕೈ ಹಾಕಿದರು. ಮರಕ್ಕೆ ಏಣಿ ಹಾಕಿ ಅವರು ಮೇಲೆರಿದರು. ಆದರೆ, ಆಯತಪ್ಪಿ ನೆಲಕ್ಕೆ ಬಿದ್ದು ಗಾಯ ಮಾಡಿಕೊಂಡರು. ತಕ್ಷಣ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುವ ಕೆಲಸ ನಡೆಯಿತು. ಆದರೆ, ಬಂಗಣಿಯ ಕನ್ನಡ ಶಾಲೆ ಬಳಿ ತೆರಳುವಾಗಲೇ ಕೊನೆಯುಸಿರೆಳೆದರು.
- [ಶಿರಸಿ ನಗರಸಭೆಗೆ ದನ ಕಾಯುವ ಕೆಲಸ!](https://mobiletime.in/2025/11/cattle-herding-work-for-the-sirsi-municipality/): ಶಿರಸಿಯಲ್ಲಿ ಬೇಕಾಬಿಟ್ಟಿಯಾಗಿ ಓಡಾಡಿಕೊಂಡಿರುವ ಬೀಡಾಡಿ ದನಗಳ ನಿಯಂತ್ರಣಕ್ಕಾಗಿ ಶಾಸಕ ಭೀಮಣ್ಣ ನಾಯ್ಕ ಹಾಗೂ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಜಂಟಿ ಸಭೆ ನಡೆಸಿದ್ದಾರೆ. ಜೀವಜಲ ಕಾರ್ಯಪಡೆ ಅಧ್ಯಕ್ಷ ಶ್ರೀನಿವಾಸ ಹೆಬ್ಬಾರ್, ಬಿಜೆಪಿ ಮುಖಂಡ ಅನಂತಮೂರ್ತಿ ಹೆಗಡೆ, ಹೋರಾಟಗಾರ ಉಪೇಂದ್ರ ಪೈ, ಭಜರಂಗದಳದ ಅಮಿತ್ ಶೇಟ್ ಅವರು ಈ ಸಭೆಯಲ್ಲಿ ಭಾಗಿಯಾಗಿ ಚರ್ಚೆ ನಡೆಸಿದ್ದಾರೆ. ಪ್ರತಿ ದಿನ ರಾತ್ರಿ ಬೀಡಾಡಿ ದನಗಳು ರಸ್ತೆ ಮದ್ಯೆ ಮಲಗುತ್ತಿದ್ದು, ಇದರಿಂದ ವಾಹನ ಸವಾರರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಪ್ರಯಾಣಿಕರ ವಾಹನದ ಜೊತೆ ಸರಕು-ಸಾಗಾಟ ವಾಹನ ಸವಾರರು ಸಹ ಬೀಡಾಡಿ ದನಗಳ ಕಾಟದಿಂದ ಬೇಸತ್ತಿದ್ದಾರೆ. ಹಾರ್ನ ಹಾಕಿದರೂ ದನ ರಸ್ತೆ ಬಿಟ್ಟು ಕದಲದ ಕಾರಣ ಚಾಲಕರೇ ವಾಹನ ನಿಲ್ಲಿಸಿ ಅವುಗಳನ್ನು ಓಡಿಸಿ ಮುಂದೆ ಸಾಗುತ್ತಿದ್ದಾರೆ. ಐದು ನಿಮಿಷ ವಾಹನ ಚಲಿಸಿದ ನಂತರ ಮತ್ತೆ ಇನ್ನಷ್ಟು ದನಗಳು ರಸ್ತೆ ಮೇಲೆ ಕಾಣುತ್ತಿವೆ. ಅನೇಕ ಬಾರಿ ದನಗಳಿಗೆ ವಾಹನ ಗುದ್ದಿದ ಉದಾಹರಣೆಗಳು ಇವೆ. ಹೀಗಾಗಿ ರಾತ್ರಿ ವೇಳೆ ಶಿರಸಿ ಮಾರ್ಗವಾಗಿ ಸಂಚರಿಸುವವರಿಗೆ ಬೀಡಾಡಿ ದನದ ಸಮಸ್ಯೆ ದೊಡ್ಡ ತಲೆನೋವಾಗಿದೆ. ಮೊದಲು ಬೀಡಾಡಿ ದನಗಳ ಕೊಂಬಿಗೆ ರೇಡಿಯಂ ಅಂಟಿಸುವ ಕೆಲಸ ನಡೆದಿದ್ದು, ಅದರಿಂದ ಸಮಸ್ಯೆ ದೂರವಾಗಿಲ್ಲ. ರಸ್ತೆ ಮೇಲೆ ದನ ಮಲಗುವುದನ್ನು ತಪ್ಪಿಸಲು ಸಾಧ್ಯವಾಗಲಿಲ್ಲ. ರಸ್ತೆ ಮೇಲೆ ಅಡ್ಡಾಡುವ ಗೂಳಿಗಳು ಹಗಲಿನಲ್ಲಿ ಸಾರ್ವಜನಿಕರಿಗೂ ಭಯಪಡಿಸುತ್ತಿವೆ. ಬೀಡಾಡಿ ದನಗಳ ಮಾಲಕರ ಹುಟುಕಾಟಕ್ಕೆ ನಗರಸಭೆ ಅನೇಕ ಪ್ರಕಟಣೆ ನೀಡಿದೆ. ಆದರೆ, ಯಾರೊಬ್ಬರು `ಆ ದನ ನಮ್ಮದು’ ಎನ್ನುತ್ತಿಲ್ಲ. ಹಸು ಕರು ಹಾಕಿದಾಗ ಹಾಲು ಹಿಂಡಲು ಬರುವ ಜನ ಅದನ್ನು ಕೊಟ್ಟಿಗೆಗೆ ಒಯ್ದು ಸಾಕುತ್ತಿಲ್ಲ. ರಸ್ತೆ ಬದಿಯಲ್ಲಿನ ಪ್ಲಾಸ್ಟಿಕ್, ಬಿಸಾಕಿದ ತ್ಯಾಜ್ಯ, ಹೊಟೇಲ್ ಆಹಾರ ತಿಂದು ಬೆಳೆಯುತ್ತಿರುವ ಜಾನುವಾರುಗಳ ಬಗ್ಗೆ ಕಾಳಜಿವಹಿಸುವವರೂ ಇಲ್ಲ. ಹಸು ಕಳ್ಳತನ ನಡೆದಾಗ ಮಾತ್ರ ಇದೆಲ್ಲ ವಿಷಯ ಜೋರು ಸದ್ದು ಮಾಡುತ್ತಿದ್ದು, ನಂತರ ಬೀಡಾಡಿ ದನಗಳ ಸುದ್ದಿಗೆ ಬರುವವರಿಲ್ಲ. ಈ ಎಲ್ಲಾ ಸಮಸ್ಯೆ ಬಗೆಹರಿಸಲು ಇದೀಗ ಜನಪ್ರತಿನಿಧಿ ಹಾಗೂ ಅಧಿಕಾರಿಗಳು ಸಭೆ ನಡೆಸಿದ್ದಾರೆ. ಮಂಗಳವಾರ ಬಿಡಾಡಿ ದನಗಳಿಂದ ಆಗುವ ಸಾವು-ನೋವು ನಿಯಂತ್ರಣಕ್ಕೆ ಸಭೆ ನಡೆದಿದೆ. ದನಗಳ ಮಾಲಕರನ್ನು ಪತ್ತೆ ಮಾಡಿ ಅವರ ವಿರುದ್ಧ ಕಠಿಣ ಕ್ರಮ ಜರುಗಿಸಲು ನಿರ್ಧರಿಸಲಾಗಿದೆ. ನಗರಸಭೆ, ಪಶು ಇಲಾಖೆ, ತಹಶೀಲ್ದಾರ್, ಯೋಜನಾ ಪ್ರಾಧಿಕಾರದವರು ಈ ಸಭೆಯಲ್ಲಿದ್ದು ಸಾರ್ವಜನಿಕರು ಸಹ ಸಮಸ್ಯೆ ಹೇಳಿಕೊಂಡಿದ್ದಾರೆ. ತಹಶಿಲ್ದಾರ ಪಟ್ಟರಾಜ ಗೌಡಾ, ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಜಗದೀಶ ಗೌಡ್ರು, ಡಿವಾಎಸ್ಪಿ ಗೀತಾ ಪಾಟಿಲ್, ನಗರಸಭೆ ಪೌರಾಯುಕ್ತ ಪ್ರಕಾಶ ಚನ್ನಪ್ಪನವರ್, ತಾ ಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಚನ್ನಬಸವ ಅವರು ಸಮಸ್ಯೆ ಆಲಿಸಿದ್ದಾರೆ. ಈ ಸಮಸ್ಯೆಯನ್ನು ಗಂಭೀರವಾಗಿ ಪರಿಗಣಿಸಿದ ಶಿರಸಿ ನಗರಸಭೆ ಬೀಡಾಡಿ ದನಗಳ ಮಾಲಕರನ್ನು ಪತ್ತೆ ಮಾಡಲು ನಗರಸಭೆ ನಿರ್ಧರಿಸಿದೆ. ಇದಕ್ಕಾಗಿ ವಿಶೇಷ ಕಾರ್ಯಾಚರಣೆ ನಡೆಸಲು ಯೋಜನೆ ಸಿದ್ಧಪಡಿಸಿದೆ. ಐದು ವರ್ಷದ ಹಿಂದೆ ಬೀಡಾಡಿ ದನಗಳ ನಿಯಂತ್ರಣಕ್ಕಾಗಿ ನಿರ್ಮಿಸಿದ ಕೊಂಡವಾಡೆ ಇದೀಗ ಪ್ರಯೋಜನಕ್ಕೆ ಬರುವ ಆಶಾಭಾವನೆವ್ಯಕ್ತವಾಗಿದೆ.
- [ಬುಡಕಟ್ಟು ನಾಯಕನ ಸಾಧನೆ: ಸ್ಮರಣೆ](https://mobiletime.in/2025/11/achievement-of-a-tribal-leader-memory/): ಬ್ರಿಟಿಷರ ಬಂದೂಕಿನ ಎದುರು ಬಿಲ್ಲು-ಬಾಣ ಪ್ರಯೋಗಿಸಿ ನಿರ್ದಿಷ್ಟ ಪ್ರದೇಶಗಳ ಹಕ್ಕಿಗಾಗಿ ಹೋರಾಡಿದ ಬುಡಕಟ್ಟು ಸಮುದಾಯದ ಬಿರ್ಸಾ ಮುಂಡಾ ಅವರ ಸಾಧನೆಯನ್ನು ಶಿರಸಿಯ ಜನ ಸ್ಮರಿಸಿದ್ದಾರೆ. ಬಿರ್ಸಾಮುಂಡಾ ಜಯಂತಿ ಅಂಗವಾಗಿ ಶಿರಸಿಯ ಓಣಿಕೇರಿ ಸುಗಾವಿಯ ನೆಹರು ಪ್ರೌಢಶಾಲೆ ಆವರಣದಲ್ಲಿ ಮೂರು ದಿನಗಳ ಕಾಲ ಹಲವು ಬಗೆಯ ಕಾರ್ಯಕ್ರಮಗಳು ನಡೆದಿವೆ. ಕಾಡಿನಂಚಿನಲ್ಲಿ ಉಳಿದು ಕಾಡಿನ ಪ್ರಾಣಿಗಳು ಮತ್ತು ನಿಸರ್ಗದೊಂದಿಗೆ ಬದುಕಿದ ಬಿರ್ಸಾ ಮುಂಡಾ ಅವರು ತಮ್ಮ ಹಕ್ಕುಗಳಿಗಾಗಿ ಬ್ರಿಟಿಷರ ವಿರುದ್ಧ ಸಮರ ಸಾರಿದ್ದರು. ಬುಡಕಟ್ಟು ಸಮುದಾಯದ ನಾಯಕರಾಗಿದ್ದ ಅವರು ಒಂದು ಸಮುದಾಯಕ್ಕೆ ಮಾತ್ರ ಸೀಮಿತವಾಗಿರದೇ ಸರ್ವ ಜನರ ಅಭಿವೃದ್ಧಿಗೆ ಹೋರಾಟ ನಡೆಸಿದ್ದರು. ಅತಂತ್ಯ ಕಡು ಬಡತನದಲ್ಲಿ ಆದಿವಾಸಿ ಕುಟುಂಬದಲ್ಲಿ ಜನಿಸಿದ ಹುಟ್ಟಿದ ಬಿರ್ಸಾ ಮುಂಡಾ ಅವರು ಕೊಳಲು ನುಡಿಸುತ್ತಾ ಜನರನ್ನು ತಮ್ಮಡೆ ಆಕರ್ಷಿಸುತ್ತಿದ್ದರು. ದೂರದೃಷ್ಠಿ ಉಳ್ಳವರಾಗಿದ್ದ ಅವರು ಬುಡಕಟ್ಟು ಜನಾಂಗದ ಕಲೆ, ಸಂಸ್ಕೃತಿ, ಅಚಾರ ವಿಚಾರಗಳು ನಶಿಸುವುದನ್ನು ತಡೆಯುವುದಕ್ಕಾಗಿ ಶ್ರಮಿಸಿದ್ದರು. ಬ್ರಿಟಿಷರ ದಬ್ಬಾಳಿಕೆ ವಿರೋಧಿಸಿ ಆದಿವಾಸಿ ಸಮುದಾಯದಲ್ಲಿ ಸಾಮಾಜಿಕ ನ್ಯಾಯ, ಸಾಂಸ್ಕೃತಿಕ ಪುನರುಜ್ಜೀವನ ಮತ್ತು ಧಾರ್ಮಿಕ ಬದಲಾವಣೆಗಳನ್ನು ತರಲು ಯತ್ನಿಸಿದರು. ಈ ಎಲ್ಲಾ ಹಿನ್ನಲೆ ಬಿರ್ಸಾ ಮುಂಡಾ ಅವರ ಹೆಸರಿನಲ್ಲಿ ರಾಂಚಿಯಲ್ಲಿ ವಿಮಾನ ನಿಲ್ದಾಣ, ಕೃಷಿ ಕಾಲೇಜು, ಆಟದ ಮೈದಾನಗಳಿವೆ. ಅವರ ಜನ್ಮದಿನವನ್ನು ಜಾಖಂರ್ಡನ ಸಂಸ್ಥಾಪನ ದಿನ ಎಂದು ಸಹ ಕರೆಯುತ್ತಾರೆ. ಈ ಎಲ್ಲಾ ವಿಷಯವನ್ನು ನೆಹರೂ ಪ್ರೌಢಶಾಲೆ ಆವರಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸ್ಮರಿಸಲಾಯಿತು. ಉನ್ನತಿ ಸಂಗಡಿಗರ ಪ್ರಾರ್ಥನೆಯೊಂದಿಗೆ ಶುರುವಾದ ಈ ಕಾರ್ಯಕ್ರಮದಲ್ಲಿ ಸುಗ್ಗಾವಿ ಗ್ರಾಮ ಪಂಚಾಯತ ಸದಸ್ಯರಾಗಿ ಎರಡು ಬಾರಿ ಆಯ್ಕೆಯಾಗಿರುವ ಬುಡಕಟ್ಟು ಸಮುದಾಯದ ಮಹಿಳೆ ಮಮತಾ ರಾಜಪ್ಪ ಬಿ, ಸುಗ್ಗಾವಿ ಬಳಿಯ ಶ್ರೀ ಮಹಾಗಣಪತಿ ಸಹಕಾರಿ ಸಂಘದ ಹಿರಿಯ ಸಹಕಾರಿ ಶ್ರೀಪಾದ ರಾಯ್ಸದ, ಶಿರಸಿಯ ಸುಭದ್ರಾ ಫೌಂಡೇಶನ್ ಅಧ್ಯಕ್ಷೆ ದೀಪಾ ತಳವಾರ್ ಮತ್ತು ನಟನೆ ನಿರ್ದೇಶನ ಮಾಡುತ್ತಿರುವ ಸುಗ್ಗಾವಿ ರಾಘವೇಂದ್ರ ಭಟ್ಟ ಅವರನ್ನು ಗೌರವಿಸಲಾಯಿತು. ಜಾನಪದ ನೃತ್ಯ, ಬಿರ್ಸಾಮುಂಡಾ ಅವರ ಬಗ್ಗೆ ನಾಟಕ, ಗೊಂಬೆಯಾಟ, ಡೊಳ್ಳು ಕುಣಿತ, ಭರತನಾಟ್ಯ, ಸಂಗೀತ ಪ್ರದರ್ಶನ, ಚಿತ್ರಕಲೆ, ಪುಸ್ತಕ ಪ್ರದರ್ಶನ ಹಾಗೂ ಪ್ರಬಂಧ ಸ್ಪರ್ಧೆಗಳು ನಡೆದವು. ವಿಜೇತರಿಗೆ ಶ್ರೀಯಲ್ಲಮ್ಮ ಕಲ್ಚರಲ್ ಅಸೊಶಿಯೇಶನ್’ನ ವಸಂತ ನಾಯ್ಕ ಅವರು ಬಹುಮಾನ ವಿತರಿಸಿದರು. ಶಾಲೆಯ ಮುಖ್ಯ ಶಿಕ್ಷಕರಾದ ರಾಜಪ್ಪ ಬಿ ಅವರು ಇದ್ದರು.
- [ಅಕ್ರಮ ಸಂಬoಧದ ಅನುಮಾನ: ರಾಜಧಾನಿಯಲ್ಲಿ ಸಿಕ್ಕಿತು ಒಂಟಿ ಮಹಿಳೆಯ ಹೆಣ!](https://mobiletime.in/2025/11/suspicion-of-illicit-relationship-body-of-single-woman-found-in-rajdani/): ಬೆಂಗಳೂರಿನಲ್ಲಿ ವಾಸವಾಗಿದ್ದ ಶಿರಸಿಯ ಪ್ರಮೋದಾ ನಾಯ್ಕ ಅವರು ಕೊಲೆಯಾಗಿದ್ದಾರೆ. ಅಲ್ಲಿನ ಪೊಲೀಸರು ಕೊಲೆಗಾರರ ಹುಡುಕಾಟ ನಡೆಸಿದ್ದಾರೆ. ಬೆಂಗಳೂರಿನ ಬೊಮ್ಮನಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯ ಹೊಂಗಸAದ್ರದಲ್ಲಿ ಪ್ರಮೋದಾ ನಾಯ್ಕ (37) ಅವರು ವಾಸವಾಗಿದ್ದರು. ಸಿದ್ದಾಪುರ ಮೂಲದ ಸುರೇಶ ಎಂಬಾತರನ್ನು ಅವರು ಮದುವೆ ಆಗಿದ್ದರು. ದಾಂಪತ್ಯದಲ್ಲಿ ಬಿರುಕು ಮೂಡಿದ ಕಾರಣ ಪತಿಯಿಂದ ಪ್ರತ್ಯೇಕವಾಗಿ ಅವರು ವಾಸವಾಗಿದ್ದರು. ಗಾರ್ಮೆಂಟ್ಸ ಒಂದರಲ್ಲಿ ಪ್ರಮೋದಾ ನಾಯ್ಕ ಅವರು ಕೆಲಸ ಮಾಡಿಕೊಂಡಿದ್ದರು. ಸೋಮವಾರ ರಾತ್ರಿ ಅವರ ಕೊಲೆ ನಡೆದಿರುವುದು ಗೊತ್ತಾಗಿದೆ. ಅನೈತಿಕ ಸಂಬAಧದ ಸಂಶಯವೇ ಈ ಕೊಲೆಗೆ ಕಾರಣ ಎಂದು ಶಂಕಿಸಲಾಗಿದೆ. ಪ್ರಮೋದಾ ನಾಯ್ಕ ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ದುಷ್ಕರ್ಮಿಗಳು ಪ್ರಮೋದಾ ನಾಯ್ಕ ಅವರ ಮನೆಗೆ ನುಗ್ಗಿ ಮಾರಕ ಆಯುಧಗಳಿಂದ ಹಲ್ಲೆ ನಡೆಸಿದ್ದಾರೆ. ಆ ನೋವಿಗೆ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ರಾತ್ರಿಯೇ ದುಷ್ಕರ್ಮಿಗಳು ಪರಾರಿಯಾಗಿದ್ದು, ತನಿಖೆ ಮುಂದುವರೆದಿದೆ.
- [ಮಕ್ಕಳ ಉದ್ಯಾನವನ: ಪುಂಡಪೋಕರಿ ಹಾವಳಿಗೆ ಕಡಿವಾಣ!](https://mobiletime.in/2025/11/childrens-park-curbing-the-menace-of-poaching/): ಹೊನ್ನಾವರದ ಮಕ್ಕಳ ಉದ್ಯಾನವನದಲ್ಲಿ ನಡೆಯುವ ಅಕ್ರಮ ಚಟುವಟಿಕೆಗಳ ಬಗ್ಗೆ ಅರಿಯಲು ಪೊಲೀಸರು ಆಸಕ್ತಿವಹಿಸಿದ್ದಾರೆ. ಮಂಗಳವಾರ ಪೊಲೀಸರು ಭೇಟಿ ನೀಡಿದ್ದು, ಅಲ್ಲಿನ ವಾತಾವರಣ ಪರಿಶೀಲಿಸಿದ್ದಾರೆ. ಹೆದ್ದಾರಿ ಅಂಚಿನಲ್ಲಿರುವ ಮಕ್ಕಳ ಉದ್ಯಾನವನದಲ್ಲಿ ಪುಂಡ-ಪೋಕರಿಗಳ ಹಾವಳಿ ಹೆಚ್ಚಾಗಿದ್ದು, ಎಲ್ಲೆಂದರಲ್ಲಿ ಸರಾಯಿ ಬಾಟಲಿಗಳು ಬಿದ್ದಿದ್ದವು. ಅರ್ದ ಸೇದಿದ ಸಿಗರೇಟುಗಳು ಅಲ್ಲಿ ಸಾಕಷ್ಟು ಪ್ರಮಾಣದಲ್ಲಿದ್ದವು. ಶೌಚಾಲಯ ಸರಿಯಾಗಿರಲಿಲ್ಲ. ಮಕ್ಕಳ ಆಟಿಕೆಗಳು ಮುರಿದಿದ್ದವು. ೨೦೨೩ರಲ್ಲಿ ಸ್ಥಾಪಿಸಲಾದ ಈ ಉದ್ಯಾನವನ ಎರಡೇ ವರ್ಷದಲ್ಲಿ ಹಾಳಾಗಿದ್ದವು. ಒಟ್ಟಿನಲ್ಲಿ ಮಕ್ಕಳಿಗಾಗಿ ನಿರ್ಮಿಸಿದ ಉದ್ಯಾನವನಕ್ಕೆ ಮಕ್ಕಳು ಪ್ರವೇಶಿಸುವ ಹಾಗಿರಲಿಲ್ಲ. ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಸ್ ಅವರು ಈ ಬಗ್ಗೆ ದೂರು ಸಲ್ಲಿಸಿದ್ದರು. ಅಲ್ಲಿನ ಅಕ್ರಮ ಚಟುವಟಿಕೆ ತಡೆಯುವಂತೆ ಆಗ್ರಹಿಸಿದ್ದರು. ಆ ದೂರಿನ ಹಿನ್ನಲೆ ಪಿಎಸ್‌ಐ ಮಂಜುನಾಥ ಅವರು ಮಂಗಳವಾರ ಉದ್ಯಾನವನಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. `ಪೊಲೀಸ್ ಬೀಟ್ ವ್ಯವಸ್ಥೆ ಮೂಲಕ ಉದ್ಯಾನವನದಲ್ಲಿನ ಅಕ್ರಮ ಚಟುವಟಿಕೆ ತಡೆಯಬೇಕು’ ಎಂದು ಸುಧಾಕರ ನಾಯ್ಕ ಹಾಗೂ ಹನುಮಂತ ಗೌಡ ಅವರು ಆಗ್ರಹಿಸಿದ್ದಾರೆ. ಪೊಲೀಸರು ಕ್ರಮ ಜರುಗಿಸುವ ಭರವಸೆ ನೀಡಿದ್ದಾರೆ.
- [ಗ್ಯಾಸ್ ಸೋರಿಕೆ: ಹೆದ್ದಾರಿ ಸಂಚಾರ ನಿಷೇಧಿಸಿ ಡೀಸಿ ಆದೇಶ!](https://mobiletime.in/2025/11/gas-leak-dci-orders-ban-on-highway-traffic/): ಹುಬ್ಬಳ್ಳಿ-ಅಂಕೋಲಾ ರಾಷ್ಟಿಯ ಹೆದ್ದಾರಿ ಮೇಲೆ ಸಂಚರಿಸುತ್ತಿದ್ದ ಗ್ಯಾಸ್ ಟ್ಯಾಂಕರ್ ಅಂಕೋಲಾದ ಬೊಗ್ರಿಬೈಲ್ ನವಗದ್ದೆ ಬಳಿ ಪಲ್ಟಿಯಾಗಿದೆ. ಪರಿಣಾಮ ಟ್ಯಾಂಕರ್ ಒಳಗಿದ್ದ ಮಿಥೇನ್ ಗ್ಯಾಸ್ ಸೋರಿಕೆಯಾಗುತ್ತಿದೆ. ಈ ಹಿನ್ನಲೆ ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ತುರ್ತು ಆದೇಶ ಹೊರಡಿಸಿದ್ದಾರೆ. ಸಾರ್ವಜನಿಕ ಸುರಕ್ಷತೆ ಹಿನ್ನಲೆ ಗ್ಯಾಸ್ ಸೋರಿಕೆ ಸ್ಥಳದಿಂದ ಸುತ್ತಲಿನ 1 ಕಿಮೀ ಪ್ರದೇಶದಲ್ಲಿ ಅವರು ಓಡಾಟ ನಿಷೇಧಿಸಿ ಆದೇಶಿಸಿದ್ದಾರೆ. ಗ್ಯಾಸ್ ಸೋರಿಕೆ ಕಾರ್ಯಾಚರಣೆ ಮುಕ್ತಾಯದವರೆಗೆ ಹಾಗೂ ಮುಂದಿನ ಆದೇಶದವರೆಗೆ ಈ ಮಾರ್ಗದ ಸಂಚಾರ ನಿಷೇಧಿಸಲಾಗಿದೆ. ರಕ್ಷಣಾ ಸಿಬ್ಬಂದಿಹೊರತುಪಡಿಸಿ ಉಳಿದವರು ಇಲ್ಲಿ ಓಡಾಟ ನಡೆಸುವ ಹಾಗಿಲ್ಲ. ವಾಹನಗಳನ್ನು ಸಹ ತಡೆಹಿಡಿಯಲಾಗಿದ್ದು, ಬೊಗ್ರಿಬೈಲ್ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಓಡಾಟ ನಡೆಸುವುದನ್ನು ನಿಷೇಧಿಸಲಾಗಿದೆ. ಸದ್ಯ ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದ್ದು, ಕಿಂಚಿತ್ತು ಅವಘಡ ನಡೆಯದಂತೆ ಮುನ್ನಚ್ಚರಿಕೆವಹಿಸಲಾಗಿದೆ.
- [ಅವನೇ ಇವ: ಬ್ಯಾಂಕಿಗೆ ಬೆಂಕಿ ಹಚ್ಚಿದವ!](https://mobiletime.in/2025/11/this-is-him-the-one-who-set-the-bank-on-fire/): ಯಲ್ಲಾಪುರದ ಉಮ್ಮಚ್ಗಿಯಲ್ಲಿನ ಕರ್ನಾಟಕ ಕರ್ನಾಟಕ ಗ್ರಾಮೀಣ ವಿಕಾಸ್ ಬ್ಯಾಂಕಿಗೆ ಬೆಂಕಿ ಹಚ್ಚಿದವರನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ದರೋಡೆಕೋರರು ಬ್ಯಾಂಕಿನಲ್ಲಿದ್ದ ಹಣ-ಒಡವೆ ದೋಚಲು ಬಂದಿದ್ದು, ಅದು ಸಾಧ್ಯವಾಗದೇ ಇದ್ದಾಗ ಸಿಟ್ಟಿನಲ್ಲಿ ಬೆಂಕಿ ಹಚ್ಚಿ ಪರಾರಿಯಾಗಿದ್ದು ತನಿಖೆಯಿಂದ ಗೊತ್ತಾಗಿದೆ. ನವೆಂಬರ್ 12ರಂದು ಉಮ್ಮಚ್ಗಿಯ ಕರ್ನಾಟಕ ಕರ್ನಾಟಕ ಗ್ರಾಮೀಣ ವಿಕಾಸ್ ಬ್ಯಾಂಕಿನಲ್ಲಿ ಹೊಗೆ ಬರುತ್ತಿತ್ತು. ಇದನ್ನು ನೋಡಿದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಆ ದಿನ ನಸುಕಿನಲ್ಲಿ ದರೋಡೆಕೋರರು ಬ್ಯಾಂಕ್ ಆವರಣ ಪ್ರವೇಶಿಸಿದ್ದು, ಕಿಟಕಿ ಮುರಿದು ಬ್ಯಾಂಕ್ ಒಳಗೆ ನುಗ್ಗಿದ್ದರು. ಸೇಫ್ ಲಾಕರ್ ಒಡೆಯುವ ಪ್ರಯತ್ನ ನಡೆಸಿದಾಗ ಬ್ಯಾಂಕಿನ ಸೈರನ್ ಸದ್ದು ಮಾಡಿದ್ದರಿಂದ ಬ್ಯಾಂಕಿಗೆ ಬೆಂಕಿ ಹಚ್ಚಿ ಪರಾರಿಯಾಗಿದ್ದರು. ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಸ್ಥಳಕ್ಕೆ ಆಗಮಿಸಿ ಸಾಕ್ಷಿ ಸಂಗ್ರಹಿಸಿದ್ದರು. ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ತಂಡ ಕಟ್ಟಿಕೊಂಡು ದುಷ್ಟರ ಶೋಧ ಶುರು ಮಾಡಿದ್ದರು. ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದಾಗ ಮಂಗಳೂರಿನ ಮಹ್ಮದರಫಿಕ್ ಮೇಲೆ ಅನುಮಾನ ಮೂಡಿತು. ತನಿಖೆ ಮುಂದುವರೆಸಿದಾಗ ಮಹ್ಮದರಫಿಕ್ ತನ್ನ ಸಹಚರರ ಜೊತೆ ಸೇರಿ ಬ್ಯಾಂಕ್ ಒಳಗೆ ನುಗ್ಗಿದ್ದು ಖಚಿತವಾಯಿತು. ಪೊಲೀಸರ ಮೇಲೆ ಹಲ್ಲೆ: ಆತ್ಮಹತ್ಯೆ ಪ್ರಯತ್ನ! ಈ ಹಿನ್ನಲೆ ಯಲ್ಲಾಪುರ ಪಿಎಸ್‌ಐ ರಾಜಶೇಖರ ವಂದಲಿ, ಸಿದ್ದಪ್ಪ ಗುಡಿ ಹಾಗೂ ಪೊಲೀಸ್ ಸಿಬ್ಬಂದಿ ಶಫಿ ಶೇಖ್ ಸೇರಿ ಮಹ್ಮದರಫಿಕ್ ಅವರ ಬೆನ್ನು ಬಿದ್ದರು. ನವೆಂಬರ್ 17ರಂದು ಮಹ್ಮದರಫಿಕ್ ಬೆಳಗಾವಿಯಲ್ಲಿರುವುದು ಗೊತ್ತಾಯಿತು. ಖಾಸಾಭಾಗದ ವಾಲಿ ಚೌಕ್ ಬಳಿಯ ವೋಡ್ಕಾ ಬಾರ್ ಮುಂದೆ ಮಹ್ಮದರಫಿಕ್ ಅಲೆದಾಡುತ್ತಿದ್ದರು. ಪೊಲೀಸರು ಅಲ್ಲಿಗೆ ತೆರಳಿ ಆರೋಪಿಯನ್ನು ಬಂಧಿಸುವ ಪ್ರಯತ್ನ ನಡೆಸಿದರು. ಪೊಲೀಸರನ್ನು ಕಂಡ ಮಹ್ಮದರಫಿಕ್ ಅವರ ಮೇಲೆ ಚಾಕುವಿನ ದಾಳಿ ನಡೆಸಿದರು. ಸಿದ್ದಪ್ಪ ಗುಡಿ ಹಾಗೂ ರಾಜಶೇಖರ ವಂದಲಿ ದಾಳಿಯಿಂದ ತಪ್ಪಿಸಿಕೊಂಡರು. ಅದಾಗಿಯೂ ಸಿದ್ದಪ್ಪ ಗುಡಿ ಅವರ ಕಾಲಿಗೆ ಪೆಟ್ಟಾಯಿತು. ಶಫಿ ಶೇಖ್ ಅವರು ನೋವುಂಡರು. ಪೊಲೀಸರ ಬಳಿ ಸಿಕ್ಕಿ ಬೀಳಲು ಮಹ್ಮದರಫಿಕ್ ಸಿದ್ಧವಿರಲಿಲ್ಲ. ಹೀಗಾಗಿ ಅದೇ ಚಾಕುವಿನಿಂದ ಮಹ್ಮದರಫಿಕ್ ತಮ್ಮ ಹೊಟ್ಟೆಗೆ ನಾಲ್ಕು ಬಾರಿ ಚುಚ್ಚಿಕೊಂಡರು. ಆತ್ಮಹತ್ಯೆ ಪ್ರಯತ್ನಿಸಿದ ಬ್ಯಾಂಕ್ ದರೋಡೆಕೋರನನ್ನು ಪೊಲೀಸರೇ ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಿದರು. ಆರೋಪಿ ತಪ್ಪಿಸಿಕೊಳ್ಳದ ಹಾಗೇ ಪೊಲೀಸರು ಭದ್ರತೆ ನೀಡಿದ್ದು, ರಾಜಶೇಖರ ವಂದಲಿ ಅವರು ಬೆಳಗಾವಿ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದರು. ನಡೆದ ವಿದ್ಯಮಾನಗಳ ಬಗ್ಗೆ ವಿವರಿಸಿ ದಡಾಯಿತರ ವಿರುದ್ಧ ಮತ್ತೊಂದು ದೂರು ದಾಖಲಿಸಿದರು. ಬ್ಯಾಂಕ್ ದರೋಡೆ ಪ್ರಕರಣದಲ್ಲಿ ಮಹ್ಮದರಫಿಕ್ ಪ್ರಮುಖ ಆರೋಪಿ. ಇನ್ನೂ ಮೂವರು ಈ ಪ್ರಕರಣದಲ್ಲಿ ಭಾಗಿಯಾದ ಅನುಮಾನವಿದ್ದು, ಪೊಲೀಸರು ಅವರನ್ನು ಬಂಧಿಸುವ ಸಾಧ್ಯತೆ ಹೆಚ್ಚಿದೆ.
- [2025 ನವೆಂಬರ್ 18ರ ದಿನ ಭವಿಷ್ಯ](https://mobiletime.in/2025/11/prediction-for-november-18-2025/): ಮೇಷ ರಾಶಿ: ಈ ದಿನ ನಿಮಗೆ ಕಾರ್ಯಕ್ಷೇತ್ರದಲ್ಲಿ ಸಾಧನೆ ಸಾಧ್ಯವಿದೆ. ಆರ್ಥಿಕ ಲಾಭದ ಸೂಚನೆ ಸಿಗಲಿದೆ. ಕುಟುಂಬದ ಜೊತೆ ಒಳ್ಳೆಯ ಮಾತುಕಥೆ ನಡೆಯಲಿದೆ. ವೃಷಭ ರಾಶಿ: ಹಣಕಾಸಿನಲ್ಲಿ ಸುಧಾರಣೆ ಕಾಣಬಹುದು. ಕೆಲಸದ ಒತ್ತಡ ಕಡಿಮೆಯಾಗುತ್ತದೆ. ಸಂಗಾತಿಯೊoದಿಗೆ ಸಮಯ ಹಂಚಿಕೊಳ್ಳಿ. ಹೊಸ ಯೋಜನೆಗಳು ಆರಂಭಿಸಲು ಅನುಕೂಲ. ಮಿಥುನ ರಾಶಿ: ಭಾವನಾತ್ಮಕ ಸಂಬoಧಗಳ ಬೆಲೆ ಗೊತ್ತಾಗಲಿದೆ. ಉದ್ಯೋಗದಲ್ಲಿ ಬೆಳವಣಿಗೆ ಆಗಲಿದೆ. ಆರೋಗ್ಯದಲ್ಲಿ ಚಿಂತೆ ತಪ್ಪಿಸಿ. ಹೊಸ ಮಿತ್ರರ ಸಂಪರ್ಕ ಸಾಧ್ಯವಿದೆ. ಕರ್ಕ ರಾಶಿ: ನಿಮ್ಮ ಮನೋಬಲ ಹೆಚ್ಚಾಗುತ್ತದೆ. ಸಮಸ್ಯೆಗಳ ಪರಿಹಾರ ಸಿಗುವ ಸಾಧ್ಯತೆಯಿದೆ. ಕುಟುಂಬದಲ್ಲಿ ಶುಭ ಸುದ್ದಿ ಕೇಳಲಿದ್ದೀರಿ. ನಿಯಮಿತ ವ್ಯಾಯಾಮ ಅನುಸರಿಸಿ. ಧರ್ಮ ಕಾರ್ಯಗಳಲ್ಲಿ ಭಾಗವಹಿಸಿ. ಸಿಂಹ ರಾಶಿ: ಉದ್ಯೋಗದಲ್ಲಿ ಪ್ರಗತಿ ಸ್ಪಷ್ಟವಾಗಿ ಕಾಣುತ್ತದೆ. ಅಧಿಕಾರ ವರ್ಗದವರಿಂದ ನೆರವು ಸಿಗಲಿದೆ. ಸ್ವಂತ ವಿಚಾರಗಳಿಗೆ ಆದ್ಯತೆ ಕೊಡಿ. ಆರೋಗ್ಯದ ಬಗ್ಗೆ ಎಚ್ಚರಿಕೆ ಅಗತ್ಯ. ಕನ್ಯಾ ರಾಶಿ: ಒತ್ತಡ ಕಡಿಮೆಯಾಗುತ್ತವೆ. ಉದ್ಯೋಗದಲ್ಲಿ ಸಕಾರಾತ್ಮಕ ಬದಲಾವಣೆ ಆಗಲಿದೆ. ಹೊಸ ಕಲಿಕೆ ಆರಂಭಕ್ಕೆ ಒಳ್ಳೆಯ ದಿನ. ವಿಶ್ರಾಂತಿಗೆ ಸಮಯ ಮೀಸಲಿಡಿ. ತುಲಾ ರಾಶಿ: ವೈಯಕ್ತಿಕ ಸಂಬoಧಗಳಲ್ಲಿ ಉತ್ಸಾಹ ಅಗತ್ಯ. ಶ್ರದ್ಧೆಯಿಂದ ಕೆಲಸ ಮಾಡಿದರೆ ಮಾತ್ರ ಯಶಸ್ಸು ಸಿಗಲಿದೆ. ಆರೋಗ್ಯ ವೃದ್ಧಿ ಆಗಲಿದೆ. ವೃಶ್ಚಿಕ ರಾಶಿ: ಸಂಕಟ ಪರಿಹಾರ ಆಗಲಿದೆ. ಅಧಿಕಾರಿಗಳಿಂದ ನೆರವು ಸಿಗಲಿದೆ. ಉದ್ಯೋಗದಲ್ಲಿ ಸಕಾರಾತ್ಮಕ ಪರಿವರ್ತನೆ ಆಗಲಿದೆ. ಆರೋಗ್ಯದಲ್ಲಿ ಎಚ್ಚರಿಕೆ ಅಗತ್ಯ. ಧನು ರಾಶಿ: ಧೈರ್ಯದಿಂದ ಮುನ್ನಡೆಯಿರಿ. ಹೊಸ ಯೋಜನೆಗಳ ಯಶಸ್ಸು ಸಿಗಲಿದೆ. ಸಂಬAಧಗಳಲ್ಲಿ ಸಮಾಧಾನವಿರಲಿದೆ. ಆರೋಗ್ಯ ಉತ್ತಮವಾಗಿರಲಿದೆ. ಮಕರ ರಾಶಿ: ಶ್ರಮ ಅಧಿಕವಾಗಲಿದ್ದು ಫಲದ ನಿರೀಕ್ಷೆಯಲ್ಲಿರಿ. ಹಣ ಸಂಪಾದನೆ ಸಾಧ್ಯವಿದೆ. ಕುಟುಂಬದಲ್ಲಿ ಜಗಳ ಬೇಡ. ಕುಂಭ: ಹೊಸ ಕಲಿಕೆ ಆರಂಭಕ್ಕೆ ಯೋಗ್ಯ ದಿನ. ಉದ್ಯೋಗದಲ್ಲಿ ಅವಕಾಶ ಬರಲಿದೆ. ಧ್ಯಾನ ಹಾಗೂ ವಿಶ್ರಾಂತಿ ಅಗತ್ಯ. ಮೀನ ರಾಶಿ: ಆರ್ಥಿಕ ಸಹಾಯ ಸಿಗುತ್ತದೆ. ಕೆಲಸದಲ್ಲಿ ಪ್ರಗತಿ ಆಗಲಿದೆ. ಹಿತೈಷಿಗಳ ಮಾತು ಆಲಿಸಿ.
- [ರಸ್ತೆ ಬಿಟ್ಟು ಕಂದಕ ಸೇರಿದ ಧರ್ಮಸ್ಥಳ ಬಸ್ಸು!](https://mobiletime.in/2025/11/dharmasthala-bus-left-the-road-and-fell-into-a-ditch/): ಬಾದಾಮಿಯಿಂದ ಧರ್ಮಸ್ಥಳಕ್ಕೆ ತೆರಳುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್ಸು ಹೊನ್ನಾವರದಲ್ಲಿ ಅಪಘಾತಕ್ಕೀಡಾಗಿದೆ. ಸೂಳೆಮೂರ್ಕಿ ತಿರುವಿನಲ್ಲಿ ಬಸ್ಸು ಬಿದ್ದ ಪರಿಣಾಮ ಪ್ರಯಾಣಿಕರೊಬ್ಬರು ಸಾವನಪ್ಪಿದ್ದಾರೆ. ಪಲ್ಟಿಯಾದ ಬಸ್ಸಿನಲ್ಲಿದ್ದ 29 ಜನ ಪೆಟ್ಟು ಮಾಡಿಕೊಂಡಿದ್ದಾರೆ. ಅವರನ್ನು ಹೊನ್ನಾವರ ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಲ್ಲಿ ಚಿಕಿತ್ಸೆ ಕೊಡಲಾಗಿದೆ. ಅನೇಕರಿಗೆ ಸಣ್ಣಪುಟ್ಟ ಗಾಯವಾಗಿದ್ದು ಅವರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ದ್ಯಾಮಣ್ಣ ಫಕೀರಪ್ಪ ಮಂಗಳಗುಡ್ಡ ಅವರಿಗೆ ಪ್ರಮಾಣದಲ್ಲಿ ಪೆಟ್ಟಾದ ಕಾರಣ ಅವರನ್ನು ಕಾರವಾರ ಜಿಲ್ಲಾಸ್ಪತ್ರೆಗೆ ತರಲಾಯಿತು. ಆದರೆ, ಅವರು ನೋವು ಸಹಿಸಲಾಗದೇ ಸಾವನಪ್ಪಿದರು. ಹೊನ್ನಾವರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಅತಿ ವೇಗ ಅಪಘಾತಕ್ಕೆ ಕಾರಣವಾಗಿದ್ದು, ಬಸ್ ಚಾಲಕನ ವಿರುದ್ಧ ತನಿಖೆ ನಡೆಯುತ್ತಿದೆ.  
- [ಈ ಕಳ್ಳರು ಕಾರಿನಲ್ಲಿಯೇ ಬರ್ತಾರೆ!](https://mobiletime.in/2025/11/these-thieves-come-in-cars/): ಕಾರಿನಲ್ಲಿ ಬಂದು ಜಾನುವಾರು ಕದಿಯುವ ಕಳ್ಳರ ಗುಂಪು ಸಕ್ರೀಯವಾಗಿದ್ದು, ಸಿಸಿ ಕ್ಯಾಮರಾ ದೃಶ್ಯಾವಳಿ ಆಧರಿಸಿ ಭಟ್ಕಳ ಪೊಲೀಸರು ಅನುಮಾನಾಸ್ಪದ ವ್ಯಕ್ತಿಗಳ ವಿಚಾರಣೆ ಶುರು ಮಾಡಿದ್ದಾರೆ. ಭಟ್ಕಳ ನಗರ ಪ್ರದೇಶ ಹಾಗೂ ಗ್ರಾಮೀಣ ಪ್ರದೇಶದಲ್ಲಿ ಅವ್ಯಾಹತವಾಗಿ ಗೋವುಗಳ ಕಳ್ಳತನ ನಡೆಯುತ್ತಿದೆ. ಐಷಾರಾಮಿ ಕಾರಿನಲ್ಲಿ ಬರುವವರು ಗೋವುಗಳನ್ನು ಕದ್ದು ಸಾಗಿಸುತ್ತಿದ್ದಾರೆ. ನಗರದ ಶ್ರೀ ಚೆನ್ನಪಟ್ಟಣ ಹನುಮಂತ ದೇವಸ್ಥಾನದ ಆವರಣದಲ್ಲಿದ್ದ ಆಕಳುಗಳನ್ನು ಕಾರಿನಲ್ಲಿ ಕದ್ದೊಯ್ದ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ನಸುಕಿನ ಜಾವ ಈ ಕಳ್ಳತನ ನಡೆದಿದ್ದು, ವಿಡಿಯೋ ನೋಡಿದ ಪೊಲೀಸರು ಭಟ್ಕಳ ಪುರವರ್ಗದ ರೆಹಾನ್ ಹಾಗೂ ಫೈಜಾನ್ ಎಂಬಾತರನ್ನು ವಶಕ್ಕೆಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಅಕ್ಟೊಬರ್ 15ರಂದು ಚೆನ್ನಪಟ್ಟಣ ಹನುಮಂತ ದೇವಸ್ಥಾನದ ಆವರಣದಲ್ಲಿ ಮಲಗಿದ್ದ ಗೋವುಗಳನ್ನು ಕದ್ದ ವಿಡಿಯೋ ಇದೀಗ ವೈರಲ್ ಆಗಿದೆ. 3-4 ಜನ ಸೇರಿ ಗೋವನ್ನು ಅಡ್ಡಗಟ್ಟಿ ಕಾರಿನ ಡಿಕ್ಕಿಯೊಳಗೆ ತುಂಬಿದ್ದಾರೆ. ಆ ಗೋವು ತಪ್ಪಿಸಿಕೊಳ್ಳಲು ಹರಸಾಹಸ ನಡೆಸಿದ್ದು, ಅದಾಗಿಯೂ ಕ್ರೂರಿಗಳು ಬಿಟ್ಟಿಲ್ಲ. ಕೃಷಿಕರ ಜೀವನಾಧಾರವಾಗಿರುವ ಗೋವುಗಳನ್ನು ಈ ರೀತಿಯಾಗಿ ಕಳ್ಳತನ ಮಾಡಿಕೊಂಡು ಹೋಗುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಅನೇಕ ಗೋವು ಕಳ್ಳತನ ನಡೆದಿದ್ದು, ಗೋ ಕಳ್ಳರ ಮೇಲೆ ಶೂಟೌಟ್ ಸಹ ನಡೆದಿತ್ತು. ಅದಾಗಿಯೂ ಕಳ್ಳರು ಬಗ್ಗೆದೇ ತಮ್ಮ ಹಳೆಯ ಚಾಳಿ ಮುಂದುವರೆಸಿದ್ದಾರೆ.
- [ಸಮುದ್ರಕ್ಕೆ ಹೋದವ ಶವವಾದ!](https://mobiletime.in/2025/11/the-one-who-went-into-the-sea-became-a-corpse/): ಗೋಕರ್ಣಕ್ಕೆ ಬಂದಿದ್ದ ಪ್ರವಾಸಿಗರೊಬ್ಬರು ಸೋಮವಾರ ಸಂಜೆ ಅರಬ್ಬಿ ಸಮುದ್ರಕ್ಕೆ ಇಳಿದಿದ್ದು, ಅಲೆಗಳ ಅಬ್ಬರಕ್ಕೆ ಸಿಲುಕಿ ಶವವಾಗಿದ್ದಾರೆ. ಆಂಧ್ರ ಪ್ರದೇಶದ ಕರ್ನೂರನ ಮಹಮ್ಮದ್ ಇಮ್ರಾನ್ ಅವರು ಸ್ನೇಹಿತರ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಸೋಮವಾರ ಸಂಜೆ ಅವರು ಕಡಲಿಗೆ ಇಳಿದಿದ್ದು, ಮೋಜು-ಮಸ್ತಿಯಲ್ಲಿ ತೊಡಗಿದ್ದರು. ಆಳ ಸಮುದ್ರಕ್ಕೆ ಈಜುತ್ತ ಹೋದ ಅವರು ಮರಳಿ ಬರಲಿಲ್ಲ. ಅಲೆಗಳ ಅಬ್ಬರಕ್ಕೆ ಸಿಲುಕಿದ ಅವರು ಕರಿಯಪ್ಪನ ಕಟ್ಟೆ ಬಳಿ ಕೊಚ್ಚಿ ಹೋದರು. ಅವರ ಶವ ಸಮುದ್ರ ದಂಡೆಗೆ ಬಂದಿದ್ದು, ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಯಿತು. ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಶವ ಪರೀಕ್ಷೆ ನಡೆಯುತ್ತಿದೆ. ಪೊಲೀಸರು ಸ್ಥಳ ಭೇಟಿ ಮಾಡಿದ್ದಾರೆ.
- [ಬಂದರು ಅಧ್ಯಯನಕ್ಕೆ ಸಚಿವರ ಒಲವು!](https://mobiletime.in/2025/11/ministers-interest-in-port-studies/): `ಅಂಕೋಲಾದ ಕೇಣಿಯಲ್ಲಿ ಬಂದರು ಆಗಬೇಕು ಎನ್ನುವುದು ಬಹುತೇಕರ ಆಸೆ’ ಎಂದು ಉತ್ತರ ಕನ್ನಡ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಹೇಳಿದ್ದಾರೆ. `ಸ್ಥಳೀಯರು ಯೋಜನೆಗೆ ವಿರೋಧವ್ಯಕ್ತಪಡಿಸುತ್ತಿರುವ ಕಾರಣ ಅನುಕೂಲ-ಅನಾನುಕೂಲದ ಬಗ್ಗೆ ಸಂಶೋಧನೆ ನಡೆಯುತ್ತಿದೆ’ ಎಂದವರು ವಿವರಿಸಿದ್ದಾರೆ. `ಕೇಣಿ ಬಂದರು ಯೋಜನೆ ಕುರಿತು ಜನರ ಅಹವಾಲು ಆಲಿಸಲು ಮುಖ್ಯಮಂತ್ರಿ ಸ್ಥಳಕ್ಕೆ ಬರಬೇಕು ಎಂಬ ಬೇಡಿಕೆ ನನ್ನ ಗಮನಕ್ಕೆ ಬಂದಿಲ್ಲ. ಆ ಬಗ್ಗೆ ಬೇಡಿಕೆ ಇದ್ದರೆ ಅದನ್ನು ಮುಖ್ಯಮಂತ್ರಿಗಳ ಗಮನಕ್ಕೆ ತರಲಾಗುತ್ತದೆ’ ಎಂದು ಮಂಕಾಳು ವೈದ್ಯ ಅವರು ಹೇಳಿದ್ದಾರೆ. `ಅಗತ್ಯವಿದ್ದರೆ ಸೀಎಂ ಅವರನ್ನು ಕರೆಯಿಸಿ ಸಮಸ್ಯೆ ಬಗೆಹರಿಸಬೇಕು. ಆದರೆ, ಇಲ್ಲಿ ಯೋಜನೆ ಬರುವುದೇ ಸ್ಥಳೀಯರ ಸಮಸ್ಯೆಯಾಗಿದೆ’ ಎಂದವರು ಹೇಳಿದರು. `ಕೇಣಿ ಬಂದರು ಯೋಜನೆ ಆಗಬೇಕು ಎನ್ನುವುದು ಬಹುತೇಕರ ಆಸೆ. ಆದರೆ ಸ್ಥಳೀಯರು ಯೋಜನೆಗೆ ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ. ಹೀಗಾಗಿ ಸಾಧಕ-ಬಾದಕ ಸಂಶೋಧನೆ ನಡೆಯುತ್ತಿದೆ. ಸಾರ್ವಜನಿಕರ ಅಭಿಪ್ರಾಯ ಸಂಗ್ರಹಿಸಿ ಅಂತಿಮ ನಿರ್ಧಾರ ಕೈಗೊಳ್ಳಲಾಗುತ್ತದೆ’ ಎಂದವರು ಹೇಳಿದರು. `ಸ್ಥಳೀಯರಿಗೆ, ಮೀನುಗಾರರಿಗೆ ಅಥವಾ ಜಿಲ್ಲೆಗೆ ತೊಂದರೆ ಉಂಟಾದರೆ ಅಂಥ ಯೋಜನೆ ಕೈ ಬಿಡಲು ಸರ್ಕಾರ ಹಿಂಜರಿಯುವುದಿಲ್ಲ’ ಎಂದವರು ಸ್ಪಷ್ಟಪಡಿಸಿದರು. `ಕರಾವಳಿಯಲ್ಲಿ 13 ಬಂದರು ಇದೆ. ಮಲ್ಪೆಯಲ್ಲಿ ಔಟರ್ ಹಾರ್ಬರ್ ಮಾಡಲು 1800 ಕೋಟಿ ರೂ ವೆಚ್ಚದ ಯೋಜನೆಯ ಪ್ರಸ್ತಾವನೆಯನ್ನು ಕೇಂದ್ರಕ್ಕೆ ಕಳಿಸಲಾಗಿದೆ. ಮುದಗಾ ಮಂದರಿನಲ್ಲಿ ಹೂಳು ತುಂಬಿದ ಹಿನ್ನೆಲೆ ಹೂಳು ತೆಗೆಯಲು ಯೋಜನೆ ರೂಪಿಸುತ್ತೇವೆ’ ಎಂದರು.
- [ಅಸ್ಮಿತೆ ಪೌಂಡೇಶನ್: ಕಾರ್ಯ-ಕ್ಷೇತ್ರ ಇನ್ನಷ್ಟು ವಿಸ್ತಾರ!](https://mobiletime.in/2025/11/asmite-foundation-scope-of-work-expands-even-further/): ಆರೋಗ್ಯ ಶಿಕ್ಷಣದ ಮೂಲಕ ಗುರುತಿಸಿಕೊಂಡಿರುವ ಶಿರಸಿಯ ಅಸ್ಮಿತೆ ಫೌಂಡೇಶನ್ ಅಧಿಕೃತ ಜಾಲತಾಣ ಬಿಡುಗಡೆಯಾಗಿದೆ. ಬೆಂಗಳೂರು ನಗರ ವಿಶ್ವವಿದ್ಯಾಲಯದ ಕುಲಪತಿ ಪ್ರೋ ರಮೇಶ ಬಿ ಅವರು ಅದನ್ನು ಲೋಕಾರ್ಪಣೆ ಮಾಡಿದ್ದಾರೆ. `ಸಮಾಜಮುಖಿ ಕೆಲಸದಲ್ಲಿ ತೊಡಗಿರುವ ಅಸ್ಮಿತೆ ಪೌಂಡೇಶನ್ ಕಾರ್ಯ ಇತರೆ ಸಂಘಟನೆಗಳಿಗೆ ಮಾದರಿಯಾಗಿದೆ. ಪಾರದರ್ಶಕ ಕೆಲಸವನ್ನು ಜನರಿಗೆ ತಲುಪಿಸಲು ಸಂಸ್ಥೆಯ ಜಾಲತಾಣ ಸಿದ್ಧವಾಗಿದ್ದು, ಈ ಸಂಸ್ಥೆ ರಾಷ್ಟ್ರಮಟ್ಟದಲ್ಲಿ ಬೆಳಗಲಿ’ ಎಂದು ಪ್ರೋ ರಮೇಶ ಬಿ ಅವರು ಹಾರೈಸಿದರು. `ಡಾ ರಿಯಾಜ್ ಸಾಗರ್ ಮತ್ತು ಅವರ ತಂಡದವರು ಉತ್ತಮವಾಗಿ ಕೆಲಸ ಮಾಡುತ್ತಿದ್ದಾರೆ. ಅವರ ಕೆಲಸ ಇನ್ನಷ್ಟು ಜನರಿಗೆ ಪ್ರೇರಣೆಯಾಗಲಿ’ ಎಂದು ಅವರು ಹೇಳಿದರು. ಅಸ್ಮಿತೆ ಫೌಂಡೇಷನ್ ಕಾರ್ಯನಿರ್ವಾಹಕ ನಿರ್ದೇಶಕ ಡಾ ರಿಯಾಜ್ ಸಾಗರ್ ಅವರು ಮಾತನಾಡಿ `ವೆಬ್‌ಸೈಟ್ ಮೂಲಕ ಸಂಸ್ಥೆಯ ಕಾರ್ಯ ಇನ್ನಷ್ಟು ವಿಸ್ತರಣೆ ಆಗಲಿದೆ. ಸಮಾಜಮುಖಿ ಚಟುವಟಿಕೆಗಳ ವ್ಯಾಪ್ತಿಯೂ ದೊಡ್ಡದಾಗಲಿದೆ’ ಎಂದು ವಿವರಿಸಿದರು. ವಿಶ್ವವಿದ್ಯಾಲಯದ ಸಿಂಡಿಕೇಟ್ ಸದಸ್ಯ ಯುಟಿ ಫರ್ಝಾನಾ ಅಶ್ರಫ್, ಅಸ್ಮಿತೆ ಫೌಂಡೇಷನ್ ನಿರ್ದೇಶಕ ಡಾ ಸಚ್ಚಿನ್ ಬಿ ಎಸ್, ಸಲಹಾ ಸಮಿತಿ ನಿರ್ದೇಶಕ ಡಾ ಕುಮಾರಸ್ವಾಮಿ ಸಿ, ಮತ್ತು ಉಪನ್ಯಾಸಕ ಡಾ ರಾಜಶೇಖರ್ ಅವರು ವೆಬ್‌ಸೈಟ್ ಗಮನಿಸಿದರು. ಭವಿಷ್ಯದ ಗುರಿ ಹಾಗೂ ಸಾಧನೆ ಬಗ್ಗೆ ಸಂಸ್ಥೆಯ ಪ್ರಮುಖರು ಮಾಹಿತಿ ಹಂಚಿಕೊAಡರು. ಈ ವೆಬ್‌ಸೈಟ್ ಮೂಲಕ ಸಂಸ್ಥೆಯ ಯೋಜನೆಗಳು, ಸಂಶೋಧನಾ ಕಾರ್ಯಗಳು, ತರಬೇತಿ ಕಾರ್ಯಕ್ರಮಗಳ ಪ್ರಚಾರ ನಡೆಯಲಿದೆ. ವಿವಿಧ ಕ್ಷೇತ್ರದಲ್ಲಿನ ಚಟುವಟಿಕೆಗಳ ಮಾಹಿತಿಯೂ ಜಾಲತಾಣದಲ್ಲಿ ಸಿಗಲಿದೆ. ಅಸ್ಮಿತೆ ಪೌಂಡೇಶನ್ ವೆಬ್‌ಸೈಟ್ ನೋಡಲು ಇಲ್ಲಿ ಕ್ಲಿಕ್ಕಿಸಿ: https://asmitefoundation.com/
- [ಸಚಿವ ಸ್ಥಾನ: ಸರ್ಕಾರದ ಬಳಿ ಖಾಲಿ ಖುರ್ಚಿ ಇಲ್ಲ!](https://mobiletime.in/2025/11/ministerial-post-the-government-has-no-vacant-seats/): `ರಾಜ್ಯ ಸಚಿವ ಸಂಪುಟದಲ್ಲಿ ಯಾವ ಮಂತ್ರಿ ಸ್ಥಾನವೂ ಖಾಲಿ ಇಲ್ಲ’ ಎಂದು ಮೀನುಗಾರಿಕೆ ಸಚಿವ ಮಂಕಾಳ ವೈದ್ಯ ಹೇಳಿದ್ದಾರೆ. ಕಾರವಾರದಲ್ಲಿ ಮಾಧ್ಯಮದವರ ಜೊತೆ ಮಾತನಾಡಿದ ಅವರು `ಸಚಿವ ಸ್ಥಾನದ ಆಕಾಂಕ್ಷಿಗಳು ಹಲವರಿದ್ದಾರೆ. ಆದರೆ, ಅವರಿಗೆ ಪದವಿ ಕೊಡಲು ಹುದ್ದೆ ಖಾಲಿ ಇಲ್ಲ’ ಎಂದು ಹೇಳಿದ್ದಾರೆ. `ನಮ್ಮ ಪಕ್ಷದಲ್ಲಿ ಹೈಕಮಾಂಡ್ ಇದೆ. ಅವರ ನಿರ್ಧಾರಕ್ಕೆ ನಾವೆಲ್ಲರೂ ತಲೆಬಾಗುತ್ತೇವೆ. ಎರಡು ಸ್ಥಾನ ಖಾಲಿ ಇದ್ದರೂ ಅದನ್ನು ವರಿಷ್ಠರೂ ನೋಡಿಕೊಳ್ಳುತ್ತಾರೆ’ ಎಂದವರು ಪ್ರತಿಕ್ರಿಯಿಸಿದ್ದಾರೆ. `ಸ್ಥಳೀಯ ಸಂಸ್ಥೆ ಚುನಾವಣೆಗಳು ಪಕ್ಷಾತೀತವಾಗಿ ನಡೆಯಲಿದೆ. ಫೆಬ್ರವರಿಯಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆ ಆಗುವ ಸಾಧ್ಯತೆಯಿದ್ದು, ಅದಾದ ನಂತರ ತಾಲೂಕು ಮತ್ತು ಜಿಲ್ಲಾ ಪಂಚಾಯಿತಿ ಚುನಾವಣೆ ನಡೆಯಲಿದೆ’ ಎಂದವರು ತಿಳಿಸಿದರು. `ಜಿಲ್ಲೆಗೆ ತೊಂದರೆ ಆಗುವ ಯಾವ ಯೋಜನೆಯನ್ನು ತರುವುದಿಲ್ಲ. ಸಮಗ್ರ ಅಭಿವೃದ್ಧಿ ನಮ್ಮ ಗುರಿಯಾಗಿದ್ದು, ಜಿಲ್ಲೆಯ ಸಮಗ್ರ ಅಭಿವೃದ್ಧಿಗಾಗಿ ಯೋಜನಾ ಸಮಿತಿ ಮಾಡುತ್ತೇವೆ. ಹೀಗಾಗಿ ಪೂರ್ವಭಾವಿ ಸಭೆ ನಡೆಸಿದ್ದೇವೆ. ಹೆಚ್ಚಿನ ಅನುಧಾನ ಪಡೆಯಲು ನಿರ್ಧರಿಸಲಾಗಿದೆ. ಸಾಮಾನ್ಯ ಜನರ ಅಭಿವೃದ್ಧಿಗೆ ಶ್ರಮಿಸುತ್ತೇವೆ. ನಾವೇ ಯೋಜನೆ ರೂಪಿಸುತ್ತೇವೆ. ಅದರೊಂದಿಗೆ ಸರಕಾರದ ಯೋಜನೆಗಳು ಬರುತ್ತವೆ’ ಎಂದವರು ಹೇಳಿದರು.
- [ಆಡಳಿತ ಸೌಧ ಬಿಡದ ಜೇನುಗೂಡು!](https://mobiletime.in/2025/11/the-administrative-building-is-a-beehive-that-never-leaves/): ಕುಮಟಾ ಆಡಳಿತ ಸೌಧದಕ್ಕೆ ನಾಲ್ಕು ಜೇನುಗೂಡು ಕಟ್ಟಿದ್ದು, ಇಲ್ಲಿನ ದುಂಬಿಗಳು ಅನೇಕರಿಗೆ ಕಚ್ಚಿವೆ. ಅದಾಗಿಯೂ ಜೇನುಗೂಡು ಸ್ಥಳಾಂತರಿಸುವ ಕೆಲಸ ನಡೆದಿಲ್ಲ. ಜೇನುಗೂಡಿನ ಅಪಾಯದ ಬಗ್ಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಗಮನಕ್ಕೆ ತಂದಿದ್ದರು. ಜೇನುಗೂಡು ತೆರವಿಗೆ ಕ್ರಮ ಜರುಗಿಸುವಂತೆ ಅವರು ಸಹಾಯಕ ಆಯುಕ್ತ ಶ್ರವಣಕುಮಾರ ಅವರಿಗೆ ಮನವಿ ಮಾಡಿದ್ದರು. ಆದರೆ, ಅಪಾಯದ ಬಗ್ಗೆ ಅಧಿಕೃತ ಪತ್ರ ನೀಡಿ 12 ದಿನ ಕಳೆದರೂ ಕ್ರಮವಾಗಿಲ್ಲ. `ಆಧಾರ್ ತಿದ್ದುಪಡಿ, ಪಹಣಿ ಪತ್ರಿಕೆ ಪಡೆಯುವಿಕೆ, ಕೋರ್ಟು-ಕಚೇರಿ ಕೆಲಸಕ್ಕಾಗಿ ನಿತ್ಯ ನೂರಾರು ಜನ ಆಡಳಿತ ಸೌಧಕ್ಕೆ ಆಗಮಿಸುತ್ತಾರೆ. ಹೀಗೆ ಬರುವ ಮಕ್ಕಳು, ಮಹಿಳೆಯರಿಗೆ ಸಹ ಜೇನು ಹುಳುಗಳ ದಾಳಿ ನಡೆದಿದೆ. ಈ ಬಗ್ಗೆ ಮಾಹಿತಿ ನೀಡಿದರೂ ಜೇನುಗೂಡು ತೆರವು ನಡೆದಿಲ್ಲ’ ಎಂದು ಆಗ್ನೇಲ್ ರೋಡಿಗ್ರಸ್ ಅಸಮಧಾನವ್ಯಕ್ತಪಡಿಸಿದರು. `ಶಾಸಕರ ಕಚೇರಿ, ತಹಶೀಲ್ದಾರ್ ಕಚೇರಿ, ಸಹಾಯಕ ಆಯುಕ್ತರ ಕಚೇರಿ ಸೇರಿ ಹಲವು ಕಚೇರಿಗಳು ಈ ಕಟ್ಟಡದಲ್ಲಿವೆ. ಅಲ್ಲಿ ಬರುವವರಿಗೆ ಜೇನು ಕಚ್ಚಿ ಅಪಾಯ ಆದರೆ ಯಾರು ಹೊಣೆ?’ ಎಂದವರು ಪ್ರಶ್ನಿಸಿದ್ದಾರೆ. ಜಿಲ್ಲಾ ಉಸ್ತುವಾರಿ ಸಚಿವರು ನಡೆಸುವ ಜನತಾ ದರ್ಶನ ಕಾರ್ಯಕ್ರಮದಲ್ಲಿ ಈ ವಿಷಯದ ಬಗ್ಗೆ ಗಮನಸೆಳೆಯುವುದಾಗಿ ಅವರು ಹೇಳಿದ್ದಾರೆ.
- [ಸರಾಯಿ ಸೇವಕ ಸಿಬ್ಬಂದಿಯಿoದ ಕ್ಯಾಂಟೀನ್ ಸೇವೆ!](https://mobiletime.in/2025/11/indira-canteen-service-from-the-sarai-sevak-staff/): ಶಿರಸಿಯ ಇಂದಿರಾ ಕ್ಯಾಂಟೀನ್ ಸಿಬ್ಬಂದಿ ಸರಾಯಿ ಸೇವಿಸಿ ಸೇವೆ ಸಲ್ಲಿಸುವಾಗ ಶಾಸಕರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಅಲ್ಲಿನ ಅವ್ಯವಸ್ಥೆ ನೋಡಿದ ಭೀಮಣ್ಣ ನಾಯ್ಕ ಅವರು ತಾತ್ಕಾಲಿಕವಾಗಿ ಕ್ಯಾಂಟೀನ್ ಬಾಗಿಲು ಹಾಕಿಸಿದ್ದಾರೆ. ಶಿರಸಿಯ ಇಂದಿರಾ ಕ್ಯಾಂಟೀನ್ ಮೊದಲಿನಿಂದಲೂ ಅವ್ಯವಸ್ಥೆಯಿಂದ ಕೂಡಿದ್ದು, ಅದನ್ನು ಸರಿಪಡಿಸಲು ಅಧಿಕಾರಿಗಳಿಂದಲೂ ಸಾಧ್ಯವಾಗಿಲ್ಲ. ಕ್ಯಾಂಟೀನಿನಲ್ಲಿ ಕಳಪೆ ಗುಣಮಟ್ಟದ ಆಹಾರ ಕೊಡಲಾಗುತ್ತಿದೆ ಎಂಬ ದೂರಿದ್ದರೂ ಅದನ್ನು ಯಾರೂ ಗಂಭೀರವಾಗಿ ಪರಿಗಣಿಸಿಲ್ಲ. ಜೊತೆಗೆ ಸರ್ಕಾರ ಸೂಚಿಸಿದ ಪ್ರಕಾರ ಅಲ್ಲಿ ಊಟ-ತಿಂಡಿ ಕೊಡಲಾಗುತ್ತಿಲ್ಲ. ಅಗತ್ಯ ಸಾಮಗ್ರಿಗಳು ಸಹ ಸರಬರಾಜು ಆಗುತ್ತಿಲ್ಲ. ಈ ನಡುವೆ ಸಾರ್ವಜನಿಕರೊಬ್ಬರು ಇಂದಿರಾ ಕ್ಯಾಂಟೀನ್ ಅವ್ಯವಸ್ಥೆಯ ಬಗ್ಗೆ ಶಾಸಕರ ಗಮನಕ್ಕೆ ತಂದಿದ್ದು, ಭಾನುವಾರ ಭೀಮಣ್ಣ ನಾಯ್ಕ ಅವರು ಅಲ್ಲಿ ದಿಢೀರ್ ಭೇಟಿ ನೀಡಿದರು. ಅಲ್ಲಿ ತಿಂಡಿ ವಿತರಿಸುವ ವ್ಯಕ್ತಿ ಮದ್ಯ ಸೇವನೆ ಮಾಡಿರುವುದನ್ನು ಅವರು ಪತ್ತೆ ಮಾಡಿದರು. ಆ ಸಿಬ್ಬಂದಿ ಜೊತೆ ಅಲ್ಲಿದ್ದ ಇನ್ನಿತರರನ್ನು ಶಾಸಕರು ತರಾಠೆಗೆ ತೆಗೆದುಕೊಂಡರು. ಬಳಿಕ ಪೊಲೀಸರನ್ನು ಕರೆಯಿಸಿ, ಆ ಸಿಬ್ಬಂದಿಯ ವೈದ್ಯಕೀಯ ತಪಾಸಣೆಗೆ ಸೂಚಿಸಿದರು. ಗುತ್ತಿಗೆದಾರರಿಗೆ ಸಹ ಫೋನ್ ಮಾಡಿ ಝಾಡಿಸಿದರು. ಅಲ್ಲಿದ್ದ ಜನರು ಶಾಸಕರ ಬಳಿ ಸಾಕಷ್ಟು ಸಮಸ್ಯೆ ಹೇಳಿದರು. `ಇಡ್ಲಿ ಮಾಡದೇ ಎಷ್ಟು ದಿನ ಆಗಿದೆ?’ ಎಂದು ಭೀಮಣ್ಣ ನಾಯ್ಕ ಅವರು ಪ್ರಶ್ನಿಸಿದ್ದು, ಅದಕ್ಕೆ ಉತ್ತರಿಸಲು ಅಡುಗೆ ಸಿಬ್ಬಂದಿ ತಡವರಿಸಿದರು. `ಹಸಿದ ಹೊಟ್ಟೆಗೆ ಕಡಿಮೆ ದರದಲ್ಲಿ ಗುಣಮಟ್ಟದ ಊಟ ಸಿಗಲಿ ಎಂದು ಸರ್ಕಾರ ಇಂದಿರಾ ಕ್ಯಾಂಟೀನ್ ಶುರು ಮಾಡಿದೆ. ಆದರೆ, ಇಲ್ಲಿ ಆ ಸೇವೆ ಸರಿಯಾಗಿಲ್ಲ’ ಎಂದು ಭೀಮಣ್ಣ ನಾಯ್ಕ ಅಸಮಧಾನವ್ಯಕ್ತಪಡಿಸಿದರು. `2 ತಿಂಗಳ ಹಿಂದೆ ಸರಿಯಾಗಿತ್ತು. ಆದರೆ, ಇದೀಗ ಎಲ್ಲವೂ ಅವ್ಯವಸ್ಥೆಯಿಂದ ಕೂಡಿದೆ’ ಎಂದು ಜನ ದೂರಿದರು. `ನಗರಸಭೆ ಸದಸ್ಯರಿಗೂ ಕ್ಯಾಂಟೀನ್ ಸಿಬ್ಬಂದಿ ಗೌರವ ಕೊಡುವುದಿಲ್ಲ. ಅಧಿಕಾರಿಗಳ ಮಾತು ಆಲಿಸುವುದಿಲ್ಲ’ ಎಂದು ನಗರಸಭೆ ಪ್ರತಿನಿಧಿಗಳು ದೂರಿದರು. `ಸದ್ಯ ಕ್ಯಾಂಟೀನ್ ಬಂದ್ ಮಾಡಿ. ಎಲ್ಲವನ್ನು ಸರಿಪಡಿಸಿದ ನಂತರವೇ ಶುರು ಮಾಡಿ’ ಎಂದು ಭೀಮಣ್ಣ ನಾಯ್ಕ ಅವರು ತಾಕೀತು ಮಾಡಿದರು.
- [ಕೈಗಾ: ಅಣು ಘಟಕದಿಂದಲೇ ಆ ರಸ್ತೆ ರಿಪೇರಿ ನಡೆಯಲಿ!](https://mobiletime.in/2025/11/kaiga-let-the-nuclear-power-plant-repair-that-road/): `ಕಾರವಾರದಿಂದ ಕೈಗಾವರೆಗಿನ ರಸ್ತೆ ಸಂಪೂರ್ಣವಾಗಿ ಹದಗೆಟ್ಟಿದ್ದು, ಈ ರಸ್ತೆ ಕಾಮಗಾರಿಯನ್ನು ಕೈಗಾ ಅಣು ವಿದ್ಯುತ್ ಘಟಕಕ್ಕೆವಹಿಸಬೇಕು’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಅವರು ಜಿಲ್ಲಾಧಿಕಾರಿ, ಶಾಸಕ-ಸಚಿವರನ್ನು ಸೇರಿ ಅನೇಕರಿಗೆ ಪತ್ರ ಬರೆದಿದ್ದಾರೆ. `ಕಾರವಾರ-ಕೈಗಾ-ಇಳಕಲ್ ರಸ್ತೆಯನ್ನು ಲೋಕೋಪಯೋಗಿ ಇಲಾಖೆ ನಿರ್ವಹಣೆ ಮಾಡುತ್ತಿದೆ. ಈ ರಸ್ತೆಯಲ್ಲಿ ಭಾರೀ ಪ್ರಮಾಣದ ವಾಹನಗಳ ಓಡಾಟ ಹೆಚ್ಚಾಗಿದೆ. ಅದರಲ್ಲಿಯೂ ಹೆಚ್ಚಿನ ವಾಹನಗಳು ಕೈಗಾಗೆ ಸಂಚರಿಸುತ್ತಿದ್ದು, ಅಧಿಕ ಬಾರದ ವಾಹನಗಳ ಓಡಾಟದಿಂದಾಗಿ ರಸ್ತೆ-ಸೇತುವೆಗಳು ಧಾರಣಾ ಶಕ್ತಿ ಕಳೆದುಕೊಂಡಿದೆ’ ಎಂದು ಮಾಧವ ನಾಯಕ ಅವರು ವಿವರಿಸಿದ್ದಾರೆ. `ಸದ್ಯ ಕೈಗಾ ಅಣು ವಿದ್ಯುತ್ ಘಟಕದಲ್ಲಿ 5 & 6ನೇ ಅಣು ವಿದ್ಯುತ್ ಘಟಕದ ಕೆಲಸ ಶುರುವಾಗಿದೆ. 30 ಸಾವಿರ ಕೋಟಿ ರೂ ವೆಚ್ಚದಲ್ಲಿ ವಿವಿಧ ಕಂಪನಿಗೆ ಟೆಂಡರ್ ಆಗಿದ್ದು ಜೆಲ್ಲಿಕಲ್ಲು, ಸಿಮೆಂಟ್, ಉಸುಕು, ಕಬ್ಬಿಣ ಹಾಗೂ ಯಂತ್ರೋಪಕರಣಗಳ ವಾಹನ ಓಡಾಟ ಹೆಚ್ಚಿದೆ. 200ಟನ್ ಮಿಕ್ಕಿದ ವಾಹನಗಳು ಈ ಮಾರ್ಗದಲ್ಲಿ ಓಡಾಡುತ್ತಿದ್ದು, ಕಾರವಾರದಿಂದ ಕೈಗಾವರೆಗಿನ ರಸ್ತೆ ಅಗಲೀಕರಣ ಅನಿವಾರ್ಯ. ಈ ಕೆಲಸವನ್ನು ಕೈಗಾ ಅಣು ವಿದ್ಯುತ್ ಘಟಕದವರಿಂದ ಮಾಡಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಮಾಧವ ನಾಯಕ ಅವರು ಧಾರವಾಡದ ಲೋಪಯೋಗಿ ಇಲಾಖೆಯ ಸಹಾಯಕ ಕಾರ್ಯ ನಿರ್ವಾಹಕ ಅಭಿಯಂತರರ ಜೊತೆ ಫೋನಿನಲ್ಲಿ ಮಾತನಾಡಿದ್ದಾರೆ. `ಕೈಗಾ ಅಣು ಘಟಕದವರೇ ಈ ಕಾಮಗಾರಿ ನಡೆಸಿದರೆ ನಮ್ಮ ಅಭ್ಯಂತರವಿಲ್ಲ’ ಎಂದು ಅಧಿಕಾರಿಗಳು ಹೇಳಿದ್ದಾರೆ. `ಈ ಹಿನ್ನಲೆ ಜಿಲ್ಲಾಧಿಕಾರಿಗಳು ಎಲ್ಲಾ ಅಧಿಕಾರಿಗಳ ಜೊತೆ ಸಭೆ ನಡೆಸಿ ಈ ಬಗ್ಗೆ ನಿರ್ಣಯಿಸಬೇಕು. ಶಾಸಕ ಸತೀಶ್ ಸೈಲ್, ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಈ ಬಗ್ಗೆ ಗಮನಿಸಬೇಕು’ ಎಂದು ಮಾಧವ ನಾಯಕ ಅವರು ಮನವಿ ಮಾಡಿದ್ದಾರೆ.
- [ಆತನ ಬಳಿ ಇದ್ದಿದ್ದೇ 50 ರೂಪಾಯಿ!](https://mobiletime.in/2025/11/he-only-had-50-rupees/): ಶಿರಸಿಯ ರೋಹಿತಾಶ್ವ ನೇತ್ರೇಕರ್ ಅವರು ನಿಗೂಢವಾಗಿ ಕಣ್ಮರೆಯಾಗಿದ್ದಾರೆ. ಎಲ್ಲಿ ಹುಡುಕಿದರೂ ಅವರು ಸಿಗದ ಕಾರಣ ಕುಟುಂಬದವರು ಪೊಲೀಸರ ಮೊರೆ ಹೋಗಿದ್ದಾರೆ. ಶಿರಸಿಯ ಹುಲೇಕಲ್ ಬಳಿಯ ರೋಹಿತಾಶ್ವ ಶಿವಾನಂದ ನೇತ್ರೇಕರ (31) ಅವರು ಬಿಡ್ಕಿಬೈಲ್ ಬಳಿಯಿರುವ ಅಂಗಡಿಯೊAದರಲ್ಲಿ ಕೆಲಸ ಮಾಡುತ್ತಿದ್ದರು. ನವೆಂಬರ್ 8ರಂದು ಅವರು ಅಂಗಡಿ ಮಾಲಕರಿಂದ 50 ರೂಪಾಯಿ ಬೇಡಿದ್ದು, ಆ ಹಣಪಡೆದು ಅವರು ಕಾಣೆಯಾಗಿದ್ದಾರೆ. ರೋಹಿತಾಶ್ವ ಅವರು ಮನೆಗೆ ಬಾರದ ಕಾರಣ ಅವರ ತಾಯಿ ಕಂಗಾಲಾಗಿದ್ದಾರೆ. ಕೆಲಸ ಮಾಡುವ ಅಂಗಡಿ, ಊರು-ಕೇರಿ, ಸಂಬAಧಿಕರ ಮನೆ ಜೊತೆ ವಿವಿಧ ಸ್ಥಳಗಳಲ್ಲಿ ರೋಹಿತಾಶ್ವ ನೇತ್ರಕರ್ ಅವರಿಗಾಗಿ ಹುಡುಕಾಟ ನಡೆದಿದೆ. ಆದರೆ, ಅವರು ಎಲ್ಲಿಯೂ ಸಿಗಲಿಲ್ಲ. ರೋಹಿತಾಶ್ವ ನೇತ್ರಕರ್ ಅವರ ಬಗ್ಗೆ ಸುಳಿವು ಗೊತ್ತಾಗಲಿಲ್ಲ. ಹೀಗಾಗಿ ಕುಟುಂಬದವರು ಪೊಲೀಸರ ಮೊರೆ ಹೋಗಿದ್ದು, ಪೊಲೀಸರು ಸಹ ಹುಡುಕಾಟ ಶುರು ಮಾಡಿದ್ದಾರೆ.
- [ಅರಬ್ಬಿ ಅಲೆಗೆ ಕೊಚ್ಚಿ ಹೋದ ವಿದೇಶಿ ಮಹಿಳೆ: ರಕ್ಷಣೆ](https://mobiletime.in/2025/11/foreign-woman-swept-away-by-arabian-sea-wave-rescued/): ಅರಬ್ಬಿ ಸಮುದ್ರದ ಅಲೆಗೆ ಕೊಚ್ಚಿ ಹೋಗುತ್ತಿದ್ದ ವಿದೇಶಿ ಮಹಿಳೆಯನ್ನು ಗೋಕರ್ಣದ ಜೀವ ರಕ್ಷಕ ಸಿಬ್ಬಂದಿ ರಕ್ಷಿಸಿದ್ದಾರೆ. ಅಪಾಯದಿಂದ ಪಾರಾದ ಮಹಿಳೆ ಜೀವ ರಕ್ಷಕರ ಕಾರ್ಯವನ್ನು ಶ್ಲಾಘಿಸಿದ್ದಾರೆ. ಕಜಕಿಸ್ತಾನ ಐದಾಲಿ (25) ಅವರು ತಮ್ಮ ಪತಿ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಸೋಮವಾರ ಅವರು ಕುಡ್ಲೆ ಕಡಲತೀರಕ್ಕೆ ಹೋಗಿದ್ದರು. ದಂಪತಿ ಅಲ್ಲಿನ ನೀರಿಗೆ ಇಳಿದು ಆಡವಾಡುವಾಗ ಐದಾಲಿ ಅವರು ಅಲೆಗಳ ಅಬ್ಬರಕ್ಕೆ ಸಿಲುಕಿದರು. ಪತ್ನಿ ಅಪಾಯಕ್ಕೆ ಸಿಲುಕಿರುವುದನ್ನು ನೋಡಿ ಅವರ ಪತಿ ಬೊಬ್ಬೆ ಹೊಡೆದರು. ಮಹಿಳೆ ಅಪಾಯದಲ್ಲಿರುವುದನ್ನು ಅರಿತ ಜೀವ ರಕ್ಷಕ ಸಿಬ್ಬಂದಿ ಮಂಜುನಾಥ್ ಹರಿಕಂತ್ರ ,ಗಿರೀಶ್ ಗೌಡ, ನಾಗೇಂದ್ರ ಕುರ್ಲೆ ತಕ್ಷಣ ಸಮುದ್ರಕ್ಕೆ ಹಾರಿದರು. ಮೈಸ್ಟಿಕ್ ಗೋಕರ್ಣ ಅಡ್ವೆಂಚರ್ ಸಿಬ್ಬಂದಿ ಲಕ್ಷ್ಮಿಕಾಂತ್ ಹರಿಕಂತ್ರ ಅವರು ಜಸ್ಕಿ ಮೂಲಕ ತೆರಳಿ ಅವರನ್ನು ನೀರಿನಿಂದ ಮೇಲೆತ್ತಿದರು. ಪ್ರವಾಸಿ ಮಿತ್ರ ಶೇಖರ್ ಹರಿಕಂತ ಅವರು ಪ್ರಾಥಮಿಕ ಚಿಕಿತ್ಸೆ ನೀಡಿದರು.
- [ಬ್ರೆಕ್ ಪೇಲ್: ಟಿಪ್ಪರಿಗೆ ಗುದ್ದಿದ ಟೆಂಪೋ!](https://mobiletime.in/2025/11/break-pale-tempo-that-punched-tipper/): ಅoಕೋಲಾದಿoದ ಕಾರವಾರ ಕಡೆ ತೆರಳುತ್ತಿದ್ದ ಟೆಂಪೋ ಟಿಪ್ಪರಿಗೆ ಡಿಕ್ಕಿಯಾಗಿದೆ. ಪರಿಣಾಮ ಟೆಂಪೋದಲ್ಲಿದ್ದ 12 ಜನ ಗಾಯಗೊಂಡಿದ್ದಾರೆ. ಸೋಮವಾರ ಅಂಕೋಲಾದಿoದ ಪ್ರಯಾಣಿಕರನ್ನು ಕರೆದೊಯ್ಯುತ್ತಿರುವ ಟೆಂಪೋ ಕಾರವಾರ ಕಡೆ ಚಲಿಸುತ್ತಿತ್ತು. ಮುದುಗಾ ಬಳಿ ಟೆಂಪೋ ಮುಂದೆ ಟಿಪ್ಪರ್ ಚಲಿಸುತ್ತಿದ್ದು, ವೇಗವಾಗಿ ಚಲಿಸಿದ ಟೆಂಪೋ ಆ ಟಿಪ್ಪರಿಗೆ ಡಿಕ್ಕಿಯಾಯಿತು. ಮುದುಗಾ ಬಳಿಯ ಹಂಪಿನಲ್ಲಿ ಟಿಪ್ಪರ್ ಏಕಾಏಕಿ ನಿಧಾನವಾಗಿದನ್ನು ಗಮನಿಸದ ಟೆಂಪೋ ಚಾಲಕ ತಮ್ಮ ವಾಹನವನ್ನು ಗುದ್ದಿದರು. ಈ ವೇಳೆ ಟೆಂಪೋ ಬ್ರೆಕ್ ಸಹ ಕೆಲಸ ಮಾಡಲಿಲ್ಲ. ಹೀಗಾಗಿ ಟೆಂಪೋ ಮುಂಬಾಗ ಜಖಂ ಆಯಿತು. ಈ ಅಪಘಾತದ ರಭಸಕ್ಕೆ ಟೆಂಪೊದಲ್ಲಿದ್ದ ಪ್ರಯಾಣಿಕರು ಪೆಟ್ಟು ಮಾಡಿಕೊಂಡರು. ಎಲ್ಲರೂ ಟೆಂಪೋದ ಒಳಗೆ ಬಿದ್ದು ಗಾಯಗೊಂಡರು. ಈ ಅವಘಡದಲ್ಲಿ 12 ಪ್ರಯಾಣಿಕರಿಗೆ ನೋವಾಗಿದ್ದು, ರೇಷ್ಮಾ ಎಂಬಾತರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಎಲ್ಲರನ್ನು ಕಾರವಾರ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಾರವಾರ ಗ್ರಾಮೀಣ ಠಾಣಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಗಾಯಾಳುಗಳ ಆರೋಗ್ಯ ವಿಚಾರಿಸಿದ ಪೊಲೀಸರು ಚಾಲಕರ ಹೇಳಿಕೆಯನ್ನುಪಡೆದಿದ್ದಾರೆ.
- [ಅಡಿಕೆ ಅಟ್ಟದ ಅಡಿಗೆ ಬಿದ್ದವನ ತಲೆ ಹೋಳು!](https://mobiletime.in/2025/11/the-head-of-the-man-who-fell-from-a-betel-nut-tree-into-the-kitchen-was-cut-off/): ಶಿರಸಿ ಕೆರೆಶಿಂಗನಳ್ಳಿಯಲ್ಲಿಯ ಕೇಶವ ಹೆಗಡೆ ಅವರ ಮನೆ ಮುಂದಿನ ಅಟ್ಟದಿಂದ ನೆಲಕ್ಕೆ ಬಿದ್ದ ಗದ್ದೆಶಿಂಗನಳ್ಳಿಯ ರಾಮಾ ನಾಯ್ಕ ಅವರು  ಅಲ್ಲಿದ್ದ ತುಳಸಿ ಪೀಠಕ್ಕೆ ತಲೆ ಬಡಿದು ಸಾವನಪ್ಪಿದ್ದಾರೆ. ಆಸ್ಪತ್ರೆಗೆ ದಾಖಲಿಸುವ ಮುನ್ನವೇ ಅವರು ಕೊನೆಯುಸಿರೆಳೆದಿದ್ದಾರೆ. ಶಿರಸಿಯ ಕೋಳಿಗಾರ ಬಳಿಯ ಗದ್ದೆಶಿಂಗನಳ್ಳಿಯಲ್ಲಿ ರಾಮಾ ಅಣ್ಣಪ್ಪ ನಾಯ್ಕ (63) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಊರಿನ ವಿವಿಧ ಕಡೆ ಕೆಲಸಕ್ಕೆ ಹೋಗುತ್ತಿದ್ದರು. ನವೆಂಬರ್ 16ರಂದು ಅವರು ಕೆರೆಶಿಂಗನಳ್ಳಿಯಲ್ಲಿರುವ ಕೇಶವ ವೆಂಕಟ್ರಮಣ ಹೆಗಡೆ ಅವರ ಮನೆ ಕೆಲಸಕ್ಕೆ ಹೋಗಿದ್ದರು. ಕೇಶವ ಹೆಗಡೆ ಅವರು ರಾಮಾ ನಾಯ್ಕ ಅವರನ್ನು ಅಟ್ಟದ ಕೆಲಸಕ್ಕಾಗಿ ನೇಮಿಸಿದ್ದರು. ಕೇಶವ ಹೆಗಡೆ ಅವರ ಮನೆ ಮುಂದಿನ ಅಟ್ಟಕ್ಕೆ ಅಡಿಕೆ ದಬ್ಬೆಗಳನ್ನು ಹಾಕಲಾಗಿತ್ತು. ಅದರ ಮೇಲೆ ತಗಡಿನ ಶೀಟುಗಳನ್ನು ಅಳವಡಿಸಲಾಗಿದ್ದು, ಆ ತಗಡುಗಳನ್ನು ರಾಮಾ ನಾಯ್ಕ ಅವರು ತೆಗೆಯುತ್ತಿದ್ದರು. ಹೀಗಿರುವಾಗ ಅಟ್ಟದ ಮೇಲೆ ಕಾಲು ಜಾರಿತು. ರಾಮಾ ನಾಯ್ಕ ಅವರು ಅಂಗಳಕ್ಕೆ ಬಿದ್ದರು. ಆ ವೇಳೆ ಅಂಗಳದಲ್ಲಿದ್ದ ತುಳಸಿ ಕಟ್ಟೆಗೆ ರಾಮಾ ನಾಯ್ಕ ಅವರ ತಲೆ ಬಡಿಯಿತು. ಪರಿಣಾಮ ತಲೆ ಹಿಂದೆ ಭಾರೀ ಪ್ರಮಾಣದ ಗಾಯವಾಯಿತು. ತಲೆಯಿಂದ ರಕ್ತ ಸುರಿಯುತ್ತಿತ್ತು. ಇದನ್ನು ನೋಡಿದ ಅಲ್ಲಿದ್ದ ಇನ್ನಿತರರು ರಾಮಾ ನಾಯ್ಕ ಅವರನ್ನು ಶಿರಸಿಯ ಪಂಡಿತ್ ಆಸ್ಪತ್ರೆಗೆ ತರುವ ಪ್ರಯತ್ನ ಮಾಡಿದರು. ಆದರೆ, ಹುತ್ಗಾರ ಬಳಿ ಬರುವಾಗಲೇ ರಾಮಾ ನಾಯ್ಕ ಅವರು ಕೊನೆಯುಸಿರೆಳೆದರು. ಈ ಎಲ್ಲಾ ವಿಷಯದ ಬಗ್ಗೆ ರಾಮಾ ನಾಯ್ಕ ಅವರ ಪುತ್ರ ವಿನಾಯಕ ನಾಯ್ಕ ಅವರು ಶಿರಸಿ ಗ್ರಾಮೀಣ ಪೊಲೀಸರಿಗೆ ತಿಳಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ಕೃಷಿ ಕೆಲಸ ಮಾಡುವಾಗ ಜಾಗೃತರಾಗಿರಿ’
- [2025 ನವೆಂಬರ್ 17ರ ದಿನ ಭವಿಷ್ಯ](https://mobiletime.in/2025/11/prediction-for-november-17-2025/): ಮೇಷ ರಾಶಿ: ಹೊಸ ಕಾರ್ಯ ಸಾಧನೆಗೆ ಸಾಕಷ್ಟು ಅವಕಾಶಗಳಿವೆ. ಧನದ ಪ್ರವಾಹ ಸುಧಾರಿಸುತ್ತದೆ. ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಕುಟುಂಬದಲ್ಲಿ ಸಾಮರಸ್ಯ ಬೆಳೆಯುತ್ತದೆ. ಆರೋಗ್ಯ ಉತ್ತಮವಾಗಿರುತ್ತದೆ. ಧ್ಯಾನ ಮತ್ತು ಯೋಗ ನಿಮ್ಮ ಆರೋಗ್ಯಕ್ಕೆ ಹಿತ ಕೊಡಲಿದೆ. ವೃಷಭ ರಾಶಿ: ಬದುಕಿನ ಎರಡು ಕ್ಷೇತ್ರದಲ್ಲಿ ಪ್ರಗತಿ ಸಿಗುತ್ತದೆ. ಹಣಕಾಸು ವಿಚಾರದಲ್ಲಿ ಜಾಗರೂಕತೆ ಅಗತ್ಯ. ವೃತ್ತಿಯಲ್ಲಿ ಉತ್ತಮ ಅವಕಾಶಗಳಿವೆ. ಆಸ್ತಿಕರ ಪ್ರಶ್ನೆಗಳಿಗೆ ಪರಿಹಾರ ಸಿಗಲಿದೆ. ಬಹುದಿನದ ಆಸೆ ಈಡೇರುವ ಕಾಲ ಬಂದಿದೆ. ಮಿಥುನ ರಾಶಿ: ಉದ್ಯೋಗದಲ್ಲಿ ಸಹೋದ್ಯೋಗಿಗಳ ಬೆಂಬಲ ಸಿಗುತ್ತದೆ. ಆರೋಗ್ಯದಲ್ಲಿ ಏರುಪೇರು ಆಗುವ ಲಕ್ಷಣವಿದೆ. ಹೊಸ ಕೆಲಸ ಸಿಗಬಹುದು. ವಿದ್ಯಾರ್ಥಿಗಳಿಗೆ ಉತ್ತಮ ಸಮಯವಾಗಿದ್ದು, ಅದನ್ನು ಬಳಸಿಕೊಳ್ಳುವುದು ಅಗತ್ಯ. ಪ್ರಯಾಣದ ಸಾಧ್ಯತೆಗಳಿವೆ. ಕರ್ಕ ರಾಶಿ: ಆಧ್ಯಾತ್ಮದಲ್ಲಿ ಹೆಚ್ಚು ಆಸಕ್ತಿ ಮೂಡಲಿದೆ. ಪ್ರಭಾವಶಾಲಿ ವ್ಯಕ್ತಿತ್ವ ಬೆಳೆಯುತ್ತದೆ. ಅದೃಷ್ಟ ದಾರಿ ತೆರೆದಿರುತ್ತದೆ. ವಾಣಿಜ್ಯದಲ್ಲಿ ಲಾಭ ಆಗಲಿದೆ. ಪ್ರವಾಸ ಅವಕಾಶ ಒದಗಿ ಬರಲಿದೆ. ಸಿಂಹ ರಾಶಿ: ಕೌಟುಂಬಿಕ ಜೀವನ ಸುಧಾರಣೆ ಆಗಲಿದೆ. ಹೊಸ ಸ್ನೇಹಗಳು ಸಾಧ್ಯವಿದೆ. ಆರೋಗ್ಯ ಚೆನ್ನಾಗಿರುತ್ತದೆ. ಉದ್ಯೋಗದಲ್ಲಿ ಬೆಂಬಲ ಸಿಗುತ್ತದೆ. ಸ್ನೇಹಿತರೊಂದಿಗೆ ಸಮಯ ಕಳೆಯಿರಿ. ಕನ್ಯಾ ರಾಶಿ: ಹಳೆಯ ಹೂಡಿಕೆದರಿಂದ ಲಾಭ ಬರಲಿದೆ. ಶೈಕ್ಷಣಿಕ ಯಶಸ್ಸು ಸಿಗಲಿದೆ. ಹೊಸ ಜನರ ಪರಿಚಯ ಆಗಲಿದೆ. ಸಮಯ ಹಾಳು ಮಾಡದೇ ಇದ್ದರೆ ಭವಿಷ್ಯ ಚನ್ನಾಗಿರಲಿದೆ. ತುಲಾ ರಾಶಿ: ಸಾಮಾಜಿಕ ಚಟುವಟಿಕೆಗಳಿಂದ ಜಯ ಸಿಗಲಿದೆ. ಶಕ್ತಿಯ ಬೆಳವಣಿಗೆ ಸಾಧ್ಯವಿದೆ. ಆರೋಗ್ಯದ ವಿಷಯದ ಬಗ್ಗೆ ಕಾಳಜಿ ಅಗತ್ಯ. ವೃತ್ತಿಯಲ್ಲಿ ಯಶಸ್ಸು ಸಿಗುತ್ತದೆ. ವೃಶ್ಚಿಕ ರಾಶಿ: ಆರ್ಥಿಕ ಲಾಭಕ್ಕೆ ಅವಕಾಶಗಳಿವೆ. ವೃತ್ತಿ ಅಭಿವೃದ್ಧಿ ಸಾದ್ಯವಿದೆ. ಯೋಗ-ಧ್ಯಾನ ಸಾಧನೆ ಆಗಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ಅಗತ್ಯ. ಧನು ರಾಶಿ: ದುಡಿಮೆಗೆ ತಕ್ಕ ಫಲ ಸಿಗಲಿದೆ. ವಿಶ್ವಾಸದಿಂದ ಜೀವನ ನಡೆಸುವುದು ಮುಖ್ಯ. ಅನಗತ್ಯ ಅನುಮಾನಗಳು ನಿಮ್ಮ ಬದುಕು ಹಾಳು ಮಾಡುತ್ತದೆ. ಆರೋಗ್ಯ ಸುಧಾರಣೆ ಅಗಲಿದೆ. ಮಕರ ರಾಶಿ: ಸಾಮಾಜಿಕ ಗೌರವ ಸಿಗಲಿದೆ. ಧಾರ್ಮಿಕ ಕಾರ್ಯಕ್ರಮ ಪ್ರವೇಶ ಆಗಲಿದೆ. ಭೂಮಿ-ವಾಹನ ಖರೀದಿ ಯೋಗ ಸಮೀಪಿಸಿದೆ. ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಕುಂಭ ರಾಶಿ: ಕುಟುಂಬ ಸಂತೋಷದ ವಾತಾವರಣ ಸಿಗಲಿದೆ. ಪ್ರಯಾಣದ ಅವಕಾಶ ಕೂಡಿ ಬರಲಿದೆ. ಆರೋಗ್ಯ ಉತ್ತಮವಾಗಿದ್ದು, ಕೆಲಸದ ವಿಷಯದಲ್ಲಿ ಸಹೋದ್ಯೋಗಿಗಳ ಸಹಕಾರ ಸಿಗಲಿದೆ. ಮೀನ ರಾಶಿ: ಮಿಶ್ರ ಫಲಿತಾಂಶಗಳು ನಿಮ್ಮನ್ನು ಆವರಿಸಲಿದೆ. ಹಣಕಾಸಿನಲ್ಲಿ ಜಾಗ್ರತೆ ಅಗತ್ಯ. ಸಂಗಾತಿಯ ಒಡನಾಟ ಹೆಚ್ಚುತ್ತದೆ. ಸಾಮಾಜಿಕ ಒಡನಾಟಗಳು ಫಲ ಕೊಡುತ್ತದೆ.
- [ಕಾರವಾರದ ಕೋಣ ಕಿರವತ್ತಿಗೆ ಸಾಗಾಟ: ಸುಳ್ಳು ಹೇಳಿದ ಕಳ್ಳರನ್ನು ಹಿಡಿದ ಸಿದ್ದರದ ಜನ!](https://mobiletime.in/2025/11/transport-to-karwars-kona-kiravatti-unprepared-people-caught-the-thieves-who-lied/): ಕಾರವಾರದ ಸಿದ್ದರದಿಂದ ಯಲ್ಲಾಪುರದ ಕಿರವತ್ತಿಗೆ ಕಳ್ಳ ಸಾಗಾಟವಾಗುತ್ತಿದ್ದ ಕೋಣವೊಂದನ್ನು ಪೊಲೀಸರು ಹಿಡಿದಿದ್ದಾರೆ. ಸಿಕ್ಕಿಬಿದ್ದ ಕಳ್ಳ ಕೋಣ ಸಾಗಾಟಗಾರರು ಅನಾರೋಗ್ಯದ ನೆಪ ಹೇಳಿ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದು, ಅವರ ನಾಟಕವನ್ನು ಪೊಲೀಸರು ಬಯಲಿಗೆಳೆದಿದ್ದಾರೆ. ಕಾರವಾರದ ಸಿದ್ದರದಲ್ಲಿದ್ದ ಕೋಣವನ್ನು ಯಲ್ಲಾಪುರದ ಕಿರವತ್ತಿಯ ಅಣ್ಣಪ್ಪ ಗೌಡಪ್ಪ ನಾಯ್ಕ (35), ಶಿವಾನಂದ ಬಸವಣ್ಣೆಪ್ಪ ರೋಟಗೋಡ ಅವರು ಅಪಹರಿಸಿದ್ದರು. ಕಾರವಾರದ ಖಾರ್ಗೆಜೂಗದ ಶೈಲೇಶ್ ಮಹಾಭಲೇಶ್ವರ ನಾಯ್ಕ ಹಾಗೂ ಪರಶುರಾಮ ಮನೋಹರ ಮಾಂಜೇಕರ ಅವರು ಆ ಕಳ್ಳರ ಜೊತೆ ಕೈ ಜೋಡಿಸಿದ್ದರು. ಅವರೆಲ್ಲರೂ ಸೇರಿ ಟಾಟಾ ಇಂಟ್ರಾ ವಾಹನದಲ್ಲಿ ಕೋಣವನ್ನು ತುಂಬಿದ್ದರು. ಅನುಮಾನಾಸ್ಪದ ವಾಹನದ ಓಡಾಟದ ಬಗ್ಗೆ ಜನ ಪೊಲೀಸರಿಗೆ ಮಾಹಿತಿ ನೀಡಿದರು. ಶನಿವಾರ ರಾತ್ರಿ ಕೋಣ ಕದ್ದು ಸಾಗಾಟ ಮಾಡುವಾಗ ಕಾರವಾರ ಗ್ರಾಮೀಣ ಠಾಣೆ ಪೊಲೀಸರು ಐಟಿಐ ಕಾಲೇಜಿನ ಬಳಿ ಆ ವಾಹನಕ್ಕೆ ಅಡ್ಡಲಾಗಿ ಕೈ ಮಾಡಿದರು. ವಾಹನ ತಪಾಸಣೆ ನಡೆಸಿದಾಗ ಕೋಣ ಸಾಗಾಟಕ್ಕೆ ಅನುಮತಿ ಪತ್ರ ಇರಲಿಲ್ಲ. ಆ ಕೋಣಕ್ಕೆ ಆಹಾರ ನೀರು ಕೊಡದೇ ಸಾಗಿಸುತ್ತಿರುವುದು ಕಾಣಿಸಿತು. ಪೊಲೀಸರು ಆ ಎಲ್ಲರನ್ನು ವಶಕ್ಕೆಪಡೆದರು. ಈ ವೇಳೆ ಆರೋಪಿತರು  ಅನಾರೋಗ್ಯದ ನೆಪ ಮಾಡಿದರು. `ಆಸ್ಪತ್ರೆಗೆ ಹೋಗಬೇಕು’ ಎಂದು ಸುಳ್ಳು ಹೇಳಿದರು. ಆದರೆ, ಅದು ಸತ್ಯವಲ್ಲ ಎಂಬುದು ಸ್ಥಳೀಯರಿಗೆ ಅರಿವಾಯಿತು. ಕೋಣವನ್ನು ವಶಕ್ಕೆಪಡೆದ ಪೊಲೀಸರು ಆರೋಪಿಗಳ ವಿರುದ್ಧ ಕ್ರಮ ಜರುಗಿಸಿದರು.
- [ಕಗ್ಗ ಭತ್ತಕ್ಕೆ ಕೃಷಿಕರ ಆಸಕ್ತಿ: ನೂರು ಎಕರೆ ಪ್ರದೇಶದಲ್ಲಿ ಭತ್ತದ ಕೃಷಿ!](https://mobiletime.in/2025/11/farmers-interest-in-kagga-paddy-paddy-cultivation-in-a-hundred-acres-of-land/): ಕುಮಟಾದ ಮಾಣಿಕಟ್ಟದಲ್ಲಿ ಅಪರೂಪದಲ್ಲಿಯೇ ಅಪರೂಪವಾದ ಕಗ್ಗ ಭತ್ತವನ್ನು ಸಂರಕ್ಷಿಸಲಾಗುತ್ತಿದೆ. ಇಲ್ಲಿನ ರೈತರೆಲ್ಲರೂ ಒಗ್ಗಟ್ಟಿನಿಂದ ನೂರಾರು ಎಕರೆ ಪ್ರದೇಶದಲ್ಲಿ ಈ ಭತ್ತ ಬೆಳೆಯುತ್ತಿದ್ದಾರೆ. ಸದ್ಯ ಕಗ್ಗ ಭತ್ತಕ್ಕೆ ಜಿ ಐ ಟ್ಯಾಗ್ ಕೊಡಿಸುವ ಪ್ರಯತ್ನ ನಡೆದಿದೆ. ಕೃಷಿ ಇಲಾಖೆ ಅಧಿಕಾರಿಗಳ ಜೊತೆ ವಿಜ್ಞಾನಿಗಳು ಭತ್ತದ ಗದ್ದೆಗೆ ಹೋಗಿ ಪರಿಶೀಲನೆ ಮಾಡಿದ್ದಾರೆ. ಜೊತೆಗೆ ವಿವಿಧ ಸಲಹೆ ಸೂಚನೆಗಳನ್ನು ನೀಡಿದ್ದಾರೆ. ಈ ಸಾಮೂಹಿಕ ಬೇಸಾಯ ಪದ್ದತಿ ಇಡೀ ಉತ್ತರಕನ್ನಡ ಜಿಲ್ಲೆಯಲ್ಲಿ ಕುಮಟಾದ ಮಾಣಿಕಟ್ಟಾದಲ್ಲಿ ಮಾತ್ರ ಕಾಣಸಿಗಲಿದೆ. ಈ ಸಾಮೂಹಿಕ ಬೇಸಾಯ ಪದ್ದತಿಯ ಮೂಲಕವೇ ಅಪರೂಪದ ಕಗ್ಗ ಭತ್ತವನ್ನು ಬೆಳೆಯುತ್ತಿರುವ ರೈತರಿಗೆ ಅಂತ್ರರಾಷ್ಟಿಯ ಮಟ್ಟದಲ್ಲಿ ಮಾನ್ಯತೆ ನೀಡಲು ಕಗ್ಗ ಭತ್ತದ ತಳಿಗೆ ಜಿ ಐ ಟ್ಯಾಗ್ ನೀಡುವ ಸಂಬoಧ ಕೆಲ ಪ್ರಗತಿಪರ ರೈತರು ಪ್ರಯತ್ನ ನಡೆಸಿದ್ದಾರೆ. ಅದರ ಭಾಗವಾಗಿಯೇ ಕೃಷಿ ಇಲಾಖೆಯ ಅಧಿಕಾರಿಗಳು ಮತ್ತು ಕೃಷಿ ವಿಜ್ಞಾನಿಗಳು ಮಾಣಿಕಟ್ಟಾಕ್ಕೆ ಭೇಟಿ ನೀಡಿ ಕಗ್ಗ ಭತ್ತ ತಳಿಯನ್ನು ಪರಿಶೀಲಿಸಿದ್ದಾರೆ. ಜೊತೆಗೆ ಅಲ್ಲಿನ ರೈತರೊಂದಿಗೆ ಚರ್ಚೆ ನಡೆಸಿದ್ದಾರೆ. ಕೃಷಿ ಇಲಾಖೆ ಜಂಟಿ ನಿರ್ದೇಶಕರಾದ ನಾಗರಾಜ ನಾಯಕ, ಶಿರಸಿ ಕೃಷಿ ಇಲಾಖೆಯ ಜಂಟಿ ನಿರ್ದೇಶಕರಾದ ಶಿವಪ್ರಸಾದ, ಬೆಂಗಳೂರು ರಾಮಯ್ಯ ಇಂಟೆಲೆಕ್ಚ್ಯೂವಲ್ ಸೆಂಟರ್ ಫಾರ್ ಪ್ರಾಪರ್ಟಿ ರೈಟ್ಸ್ನ ಸಂಯೋಜಕರಾದ ಸಂಗೀತಾ ಮುರಳಿ, ಕೃಷಿ ವಿಜ್ಞಾನ ಕೇಂದ್ರ ಶಿರಸಿಯ ಮುಖ್ಯಸ್ಥೆ ರೂಪಾ ಪಾಟೀಲ್, ಶಿರಸಿಯ ಕೃಷಿಉಪ ನಿರ್ದೇಶಕ ಪಾಂಡು ಕೆ ಎಚ್, ಕುಮಟಾದ ಸಹಾಯಕ ಕೃಷಿ ನಿರ್ದೇಶಕರಾದ ವಿ ವೆಂಕಟೇಶಮೂರ್ತಿ ಅವರು ರೈತರ ಜೊತೆ ಸಂವಾದ ನಡೆಸಿದರು. `ನೋಂದಣಿ ಹೊಂದಿದ ರೈತರ ಸಮಿತಿಯನ್ನು ರಚಿಸಬೇಕು ಎಂಬ ಅಧಿಕಾರಿಗಳ ಸಲಹೆಯಂತೆ ಸದ್ಯ 19 ಸದಸ್ಯರನ್ನೊಳಗೊಂಡ ಮಾಣಿಕಟ್ಟ ಕಗ್ಗ ಭತ್ತ ರೈತರ ಉತ್ಪಾದಕ ಒಕ್ಕೂಟವನ್ನು ರಚಿಸಿಕೊಂಡು ಪದಾಧಿಕಾರಿಗಳನ್ನು ಆಯ್ಕೆ ಮಾಡಿಕೊಳ್ಳಬೇಕು’ ಎಂದವರು ತಿಳಿಸಿದರು. ಮಾಣಿಕಟ್ಟ ರೈತರ ಪ್ರಮುಖರಾದ ಮಂಜುನಾಥ ಜಿ ಪಟಗಾರ ಅವರು ಈ ವಿಷಯದ ಬಗ್ಗೆ ಮಾಹಿತಿ ನೀಡಿದ್ದು, ಕಗ್ಗ ಭತ್ತ ರೈತರ ಉತ್ಪಾದಕ ಒಕ್ಕೂಟದ ಗೌರವಾಧ್ಯಕ್ಷ ಶ್ರೀಧರ ಎಂ ಪೈ, ಅಧ್ಯಕ್ಷರಾದ ಜಗನ್ನಾಥ ನಾಯ್ಕ, ಕಾರ್ಯದರ್ಶಿ ಮಂಜುನಾಥ ಜಿ ಪಟಗಾರ, ಉಪಾಧ್ಯಕ್ಷ ವಿನಾಯಕ ಗೌಡ, ಖಜಾಂಚಿ ವಾಸು ಪಟಗಾರ ಇದ್ದರು.
- [ಸರ್ಕಾರಿ ಅನುದಾನ-ಗುತ್ತಿಗೆದಾರನ ಅದ್ವಾನ!](https://mobiletime.in/2025/11/government-grant-contractors-campaign/): ಬಡವರಿಗೆ ಶಾಶ್ವತ ಸೂರು ಕಲ್ಪಿಸುವುದಕ್ಕಾಗಿ ಶಿರಸಿ ಅಡಗಿ ರಸ್ತೆಯಲ್ಲಿ 3.60 ಕೋಟಿ ರೂ ವೆಚ್ಚದಲ್ಲಿ ಮನೆ ಕಟ್ಟಲಾಗುತ್ತಿದೆ. ಆದರೆ, ಈ ಕಟ್ಟಡ ಕಳಪೆ ಎಂಬ ಅನುಮಾನ ಅಲ್ಲಿನವರನ್ನು ಕಾಡುತ್ತಿದೆ. ಅಡಗಿ ರಸ್ತೆಯ ಲೀಡಕರ್ ಕಾಲೋನಿಯಲ್ಲಿ ಸರ್ಕಾರದಿಂದ ಮನೆ ನಿರ್ಮಿಸುವ ಕೆಲಸ ನಡೆದಿದೆ. ಕಳೆದ ನಾಲ್ಕು ವರ್ಷಗಳಿಂದ ಅಪಾರ್ಟಮೆಂಟ್ ಮಾದರಿಯಲ್ಲಿ ಇಲ್ಲಿ ಮನೆ ನಿರ್ಮಾಣ ನಡೆಯುತ್ತಿದೆ. ಆದರೆ, ಕಳೆದ ಒಂದು ವರ್ಷದಿಂದ ಇಲ್ಲಿ ಯಾವುದೇ ಕೆಲಸಗಾರರು ಬಂದಿಲ್ಲ. ಹೀಗಾಗಿ ಮನೆಯ ಕಿಟಕಿ, ಬಾಗಿಲು ಕೂರಿಸುವ ಕಾರ್ಯ ನಡೆದಿಲ್ಲ. ಜೊತೆಗೆ ಬಣ್ಣ ಬಡಿಯಲು ಸಹ ಗುತ್ತಿಗೆದಾರ ಆಸಕ್ತಿವಹಿಸಿಲ್ಲ. ಚರ್ಮಗಾರಿಕೆ ಮಾಡುವ ಜನರಿಗಾಗಿ 3.60 ಕೋಟಿ ರೂ ವೆಚ್ಚದಲ್ಲಿ 60 ಮನೆಗಳ ನಿರ್ಮಾಣ ಕಾರ್ಯ ನಡೆದಿದ್ದು, ಸರ್ಕಾರ ಪ್ರತಿ ಮನೆ ನಿರ್ಮಾಣಕ್ಕೆ 6 ಲಕ್ಷ ರೂ ಅನುದಾನ ನೀಡುತ್ತಿದೆ. ಆ ಹಣ ಬಳಸಿ ಮೊದಲು ಎಲ್ಲವೂ ವೇಗವಾಗಿ ನಡೆಯಿತು. ಕ್ರಮೇಣ ಕೆಲಸ ನಿಧಾನವಾಗಿದ್ದು, ಸದ್ಯ ಕಾಮಗಾರಿ ಗುಣಮಟ್ಟದ ಬಗ್ಗೆಯೂ ಅಲ್ಲಿನವರು ಅನುಮಾನವ್ಯಕ್ತಪಡಿಸಿದ್ದಾರೆ. ಐದು ಅಪಾರ್ಟಮೆಂಟ್ ಮಾದರಿಯಲ್ಲಿ ಇಲ್ಲಿ ಕಟ್ಟಡ ನಿರ್ಮಾಣ ನಡೆದಿದೆ. ಚರ್ಮಗಾರಿಕೆ ಮಾಡುವವರಿಗೆ ಮನೆ ಜೊತೆ ಅಲ್ಲಿಯೇ ವರ್ಕಶಾಪ್ ಅನುಕೂಲಕರ ವಾತಾವರಣವನ್ನು ನಿರ್ಮಿಸಲಾಗಿದೆ. ಈ ಮನೆಪಡೆಯಲು ಫಲಾನುಭವಿ 95 ಸಾವಿರ ರೂ ಪಾವತಿಸಬೇಕಿದ್ದು, ಅದನ್ನು ಕಂತಿನ ರೂಪದಲ್ಲಿ ಪಾವತಿಸಲು ಅವಕಾಶವಿಲ್ಲದಿರುವುದು ಆಕ್ಷೇಪಕ್ಕೆ ಕಾರಣವಾಗಿದೆ. `ಅತ್ಯಂತ ಇಕ್ಕಟಾದ ಪ್ರದೇಶದಲ್ಲಿ ಮನೆ ನಿರ್ಮಾಣ ನಡೆದಿದೆ. ಸಿಮೆಂಟ್ ರಸ್ತೆ ಸಹ ಕಳಪೆಯಾಗಿದ್ದು, ಎಲ್ಲಾ ಕಾಮಗಾರಿಯ ಗುಣಮಟ್ಟ ಪರಿಶೀಲನೆ ನಂತರವೇ ಅದನ್ನು ಹಂಚಿಕೆ ಮಾಡಬೇಕು. ಹಲವು ದಶಕದಿಂದ ಇಲ್ಲಿ 24 ಮನೆ ಇಲ್ಲಿದ್ದು, ಅವರ ಹೆಸರಿಗೆ ಭೂಮಿ ದಾಖಲೆ ಆಗಬೇಕು’ ಎಂದು ಅಲ್ಲಿನ ಮುಕೇಶ ಅವರು ಆಗ್ರಹಿಸಿದರು.
- [ಚೀನಾ ಬ್ಯಾಂಕಿನೊಳಗೆ ಅವಿತಿದ್ದ ಸತೀಶ್ ಸೈಲ್ ದುಡ್ಡು!](https://mobiletime.in/2025/11/satish-sails-money-was-hidden-inside-the-chinese-bank/): ಕಾರವಾರ ವಿಧಾನಸಭಾ ಕ್ಷೇತ್ರದ ಶಾಸಕ ಸತೀಶ್ ಸೈಲ್ ಚೀನಾದಲ್ಲಿ ಸಹ ಬ್ಯಾಂಕ್ ಖಾತೆ ಹೊಂದಿದ್ದಾರೆ. ಆ ಖಾತೆ ಮೂಲಕವೂ ಅವರು ಕೋಟಿ ಕೋಟಿ ರೂ ವ್ಯವಹಾರ ನಡೆಸಿರುವುದು ಜಾರಿ ನಿರ್ದೇಶನಾಲಯದ ತನಿಖೆಯಲ್ಲಿ ಗೊತ್ತಾಗಿದೆ! ಬಳ್ಳಾರಿಯ ಅದಿರನ್ನು ಸತೀಶ್ ಸೈಲ್ ಅವರು ತಮ್ಮ ಒಡೆತನದ ಮಲ್ಲಿಕಾರ್ಜುನ ಶಿಪ್ಪಿಂಗ್ ಕಂಪನಿ ಮೂಲಕ ವಿದೇಶಕ್ಕೆ ರವಾನಿಸಿದ್ದಾರೆ. ತಮ್ಮ ಕಂಪನಿಗೆ 27 ಕೋಟಿ ರೂಪಾಯಿ ಲಾಭ ಮಾಡುವುದಕ್ಕಾಗಿ ಸತೀಶ್ ಸೈಲ್ ಅವರು ಸರ್ಕಾರಿ ಬೊಕ್ಕಸಕ್ಕೆ 44.9 ಕೋಟಿ ರೂ ನಷ್ಟ ಮಾಡಿದ್ದಾರೆ. ನೈಜ ಖರೀದಿದಾರರಿಗೆ ಅದಿರು ರಪ್ತು ಮಾಡದೇ ಅವರು ವಿವಿಧ ವಿದೇಶಿ ಕಂಪನಿಗಳ ಮೂಲಕ ಅದಿರನ್ನು ಮಾರಾಟ ಮಾಡಿದ್ದಾರೆ. ಈ ವ್ಯವಹಾರಕ್ಕೆ ಅನುಕೂಲವಾಗುವಂತೆ ಸತೀಶ್ ಸೈಲ್ ಅವರು ಚೀನಾದ ಹಾಂಕಾoಗ್ ಸ್ಟಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್, ಐಸಿಬಿಸಿ ಬ್ಯಾಂಕ್ ಹಾಂಕಾoಗ್’ದಲ್ಲಿ ಖಾತೆ ಹೊಂದಿದ್ದಾರೆ! ಇನ್ನೂ ಮುಖ್ಯವಾದ ಸಂಗತಿ ಎಂದರೆ ಸತೀಶ್ ಸೈಲ್ ಅವರು ಚೀನಾದಲ್ಲಿ ಸಹ ತಮ್ಮದೇ ಕಂಪನಿಗೆ ತಾವು ರವಾನಿಸಿದ ಅದಿರು ಮಾರಾಟ ಮಾಡಿದ್ದಾರೆ. ಬಳ್ಳಾರಿಯಿಂದ ಹೊರಟ ಅದಿರು ಸತೀಶ್ ಸೈಲ್ ಅವರ ಮಲ್ಲಿಕಾರ್ಜುನ ಶಿಪ್ಪಿಂಗ್ ಕಂಪನಿಯಿoದ ಮಾರಾಟವಾಗಿದ್ದು, ಚೀನಾದಲ್ಲಿ ಸತೀಶ್ ಸೈಲ್ ಅವರ ಒಡೆತನದಲ್ಲಿರುವ ಜಿಐ ಐರನ್ & ಸ್ಟೀಲ್ ಇನ್ವೆಸ್ಟಮೆಂಟ್ ಕಂಪನಿ ಅದನ್ನು ಖರೀದಿಸಿದೆ. ಅದಾದ ನಂತರ ಇನ್ನಿತರ ಕಂಪನಿಗಳಿಗೆ ಆ ಅದಿರು ಮಾರಾಟವಾಗಿದೆ. ಜಾರಿ ನಿರ್ದೇಶನಾಲಯವೂ ಈ ಎಲ್ಲಾ ವಿಷಯವನ್ನು ದೋಷಾರೋಪಣ ಪಟ್ಟಿ ಮೂಲಕ ನ್ಯಾಯಾಲಯಕ್ಕೆ ತಿಳಿಸಿದೆ.
- [ಮದ್ವೆ ಮಾಡ್ಕಳೆ.. ಮದ್ವೆ ಮಾಡ್ಕಳೆ.. ಹವ್ಯಕ ಮಾಣಿಗೆ ಕೂಸಿಲ್ಲೆ!](https://mobiletime.in/2025/11/the-bride-is-a-bride-the-bride-is-a-bride-the-bride-is-a-bride/): ಎಐ ತಂತ್ರಜ್ಞಾನ ಬಳಸಿ ರಚಿಸಲಾದ `ಮದ್ವೆ ಮಾಡ್ಕಳೆ’ ಎಂಬ ಹಾಡು ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಹವ್ಯಕ ಮಾಣಿಗೆ ಕೂಸಿಲ್ಲದ ಕಾಲಘಟ್ಟದಲ್ಲಿ ಈ ಹಾಡು ಸಾಕಷ್ಟು ವೈರಲ್ ಆಗಿದೆ. ಸಿದ್ದಾಪುರದ ವಿನಯ ದಂಡ್ಕಲ್ ಈ ಹಾಡು ರಚಿಸಿದ್ದಾರೆ. ಶಿರಸಿ-ಸಿದ್ದಾಪುರ-ಯಲ್ಲಾಪುರ ಸೀಮೆಯ ಹವ್ಯಕ ಯುವಕರು ಅನುಭವಿಸುತ್ತಿರುವ ಮದುವೆ ಸಮಸ್ಯೆಯನ್ನು ಈ ಹಾಡು ತೆರೆದಿಡುತ್ತಿದೆ. ಹಾಸ್ಯಮಯ ಮನೋಭಾವದ ಶೈಲಿಯಲ್ಲಿ ಹಾಡು ರಚಿತವಾಗಿದೆ. ಸ್ಥಳೀಯ ನುಡಿಗಟ್ಟಿನ ಜೊತೆ ಟಪ್ಪಾಂಗುಚ್ಚಿ ಲಯವನ್ನು ಹಾಡಿಗೆ ಎಐ ತಂತ್ರಜ್ಞಾನದ ಮೂಲಕ ಅಳವಡಿಸಲಾಗಿದೆ. ಆಧುನಿಕ ಧ್ವನಿ ತಂತ್ರಜ್ಞಾನ ಬಳಸಿ ಈ ಹಾಡು ಹಾಡಲಾಗಿದ್ದು, ಹವ್ಯಕ ಆಲ್ಬಮ್ ಸಾಂಗ್ ಸರಣಿಯ ಇನ್ನಷ್ಟು ಗೀತೆಗಳು ಬಿಡುಗಡೆ ಆಗಲಿದೆ. ಮಲೆನಾಡಿನ ನೈಸರ್ಗಿಕ ಸೊಬಗು, ಹವ್ಯಕ ಪರಂಪರೆ ಹಾಗೂ ಹಳ್ಳಿಯ ಜೀವನದ ಹಾಸ್ಯಮಯ ಅಂಶಗಳನ್ನು ಇದರಲ್ಲಿ ಅಳವಡಿಸಲಾಗಿದೆ. ಮದ್ವೆ ಮಾಡ್ಕಳೆ ಹಾಡು ಇಲ್ಲಿ ನೋಡಿ..
- [2025ರ ನವೆಂಬರ್ 16ರ ದಿನ ಭವಿಷ್ಯ](https://mobiletime.in/2025/11/prediction-for-november-16-2025/): ಮೇಷ ರಾಶಿ: ನಿಮ್ಮ ಆರೋಗ್ಯ ಮತ್ತು ಕಾರ್ಯಕ್ಷೇತ್ರದಲ್ಲಿ ಸಣ್ಣ ಅಡೆತಡೆ ಆಗುವ ಲಕ್ಷಣವಿದೆ. ಆತ್ಮವಿಶ್ವಾಸ ಹೆಚ್ಚಿಸಿಕೊಂಡು ಕೆಲಸ ಮಾಡಿ. ಮುಂಬರುವ ಕೆಲಸಗಳು ನಿಮ್ಮ ಶ್ರದ್ಧೆಯ ಮೇಲೆ ನಿಂತಿದೆ. ಪ್ರೀತಿಯಲ್ಲಿ ಹೊಸ ಸಂಬoಧಗಳಿಗೆ ಅವಕಾಶ ಸಿಗಲಿದೆ. ವೃಷಭ ರಾಶಿ: ಸಂಗೀತ, ಕಲೆ ಮತ್ತು ಸೃಜನಶೀಲತೆಯಲ್ಲಿ ಪ್ರಗತಿ ಸಾಧಿಸಿದ ದಿನ. ಕುಟುಂಬ ಸಂಬoಧಗಳಲ್ಲಿ ಕಾಳಜಿವಹಿಸಿ. ಕೆಲಸದಲ್ಲಿ ತೊಡಕು ಕಂಡು ಬರಲಿದ್ದು, ಧೈರ್ಯವಾಗಿರಿ. ಹಣಕಾಸಿನಲ್ಲಿ ಸಮತೋಲನ ಕಾಪಾಡಲು ಪ್ರಯತ್ನಿಸಿ. ಮಿಥುನ ರಾಶಿ: ವ್ಯವಸ್ಥೆಯಲ್ಲಿ ಬದಲಾವಣೆಗಳನ್ನು ಒಪ್ಪಿಕೊಳ್ಳಿ. ಅತಿರೇಕದ ಒತ್ತಡದಿಂದ ದೂರವಿರಿ. ಸಂವಹನ ವಿಷಯದಲ್ಲಿ ಸಹನೆ ಮುಖ್ಯ. ಪ್ರೀತಿಯ ಜೀವನದಲ್ಲಿ ಬದಲಾವಣೆ ಬರುವ ಲಕ್ಷಣವಿದೆ. ಕನ್ಯಾ ರಾಶಿ: ನಿಮ್ಮ ವ್ಯಕ್ತಿತ್ವದಲ್ಲಿ ಉತ್ತಮ ಪ್ರೇರಣೆ ಹೆಚ್ಚಾಗುತ್ತದೆ. ಹೊಸ ಆರಂಭಗಳಿಗೆ ಸಾಕಷ್ಟು ಅವಕಾಶಗಳಿವೆ. ಒತ್ತಡಗಳಿಂದ ಮುಕ್ತವಾಗಿರಿ. ಸಂಯಮದಿAದ ನಡೆದುಕೊಳ್ಳಿ. ಧಾರ್ಮಿಕ ಹಾಗೂ ಸಾಮಾಜಿಕ ಚಟುವಟಿಕೆಗಳಲ್ಲಿ ಭಾಗವಹಿಸಲು ಉತ್ತಮ ಅವಕಾಶ ಸಿಗಲಿದೆ. ತುಲಾ ರಾಶಿ: ಖರ್ಚು-ವೆಚ್ಚಗಳ ಬಗ್ಗೆ ಎಚ್ಚರಿಕೆ ಅಗತ್ಯ. ವ್ಯವಹಾರದಲ್ಲಿ ಹೊಸ ಗುರಿಗಳ ಸಾಧನೆ ಅನಿವಾರ್ಯ. ಕೆಲಸದ ವಿಷಯದಲ್ಲಿ ಸಾಧನೆ ಸಾಧ್ಯವಿದೆ. ಕುಟುಂಬದ ಜೊತೆ ಕಾಲ ಕಳೆಯಿರಿ. ವೃಶ್ಚಿಕ ರಾಶಿ: ವೃತ್ತಿಯಲ್ಲಿ ನಿಮ್ಮ ಪ್ರತಿಷ್ಟೆ ಮತ್ತು ಕಾರ್ಯಕ್ಷಮತೆ ಹೆಚ್ಚಾಗಲಿದೆ. ಆತ್ಮವಿಶ್ವಾಸದಿಂದ ಕೆಲಸಗಳನ್ನು ಈಡೇರಿಸಲು ಪ್ರಯತ್ನಿಸಿರಿ. ವಾಗ್ವಾದಗಳನ್ನು ತಪ್ಪಿಸಿ. ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿವಹಿಸಿ. ಧನು ರಾಶಿ: ಪ್ರಯಾಣ ಮತ್ತು ವ್ಯಾಸಂಗದಲ್ಲಿ ಪ್ರಗತಿ ಸಾಧಿಸುವ ಅವಕಾಶ ಸಿಗಲಿದೆ. ಉತ್ತಮ ಕೆಲಸದಿಂದ ಯೋಗ್ಯ ಫಲ ದೊರೆಯಲಿದೆ. ಹಣಕಾಸಿನ ಸಂಪನ್ಮೂಲಗಳನ್ನು ಸರಿಯಾಗಿ ನಿಭಾಯಿಸಿ. ಧಾರ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ಹೆಚ್ಚಾಗಲಿದೆ. ಮಕರ ರಾಶಿ: ಪರಿಸರದ ಒತ್ತಡಗಳು ನಿಮ್ಮ ಮೇಲೆ ಪ್ರಭಾವ ಬೀರುವ ಸಾಧ್ಯತೆ ಹೆಚ್ಚಿರುವುದರಿಂದ ಆರೋಗ್ಯದ ಕಡೆ ಗಮನಹರಿಸಿ ಸಹೋದ್ಯೋಗಿಗಳಿಂದ ಬೆಂಬಲಪಡೆದು ಕೆಲಸ ಮಾಡಿ. ಹಣಕಾಸಿನ ನಿರ್ವಹಣೆಯಲ್ಲಿ ಎಚ್ಚರಿಕೆ ಬೇಕು. ಈ ದಿನ ಯಾರಿಗೂ ಸಾಲ ಕೊಡಬೇಡಿ. ಕುಂಭ ರಾಶಿ: ಖರ್ಚುಗಳು ಹೆಚ್ಚಾದರೂ ಅದನ್ನು ಮತ್ತೆ ಗಳಿಸಲು ಸಾಧ್ಯ. ಮಾನಸಿಕ ನೋವುಗಳಿಂದ ಹೊರಬನ್ನಿ. ಕಾರ್ಯಕ್ಷೇತ್ರದಲ್ಲಿ ಗಮನಹರಿಸಿ ಕೆಲಸ ಮಾಡಿ. ಪ್ರೀತಿಪಾತ್ರರಿಗೆ ಅನ್ಯಾಯ ಮಾಡಬೇಡಿ. ಮೀನ ರಾಶಿ: ದಿನನಿತ್ಯದ ಜೀವನದ ಕೆಲಸಗಳಲ್ಲಿ ಕೆಲ ಬೆಳವಣಿಗೆಗಳಾಗಲಿವೆ. ಆರೋಗ್ಯದಲ್ಲಿ ಸಣ್ಣ ಪ್ರಮಾಣದ ತೊಂದರೆ ಸಹಜ. ಸಾಮಾಜಿಕವಾಗಿ ಪ್ರಭಾವ ಬೀರುವ ಸಮಯ ನಿಮ್ಮದಾಗಲಿದ್ದು, ಧೈರ್ಯದಿಂದ ಕೆಲಸ ಮಾಡಿ.
- [ದುಡಿಯುವ ವರ್ಗಕ್ಕೆ ದುಡ್ಡು ಸಿಕ್ಕಿಲ್ಲ!](https://mobiletime.in/2025/11/the-working-class-has-not-received-any-money/): ಭಟ್ಕಳದ ಸರ್ಕಾರಿ ಆಸ್ಪತ್ರೆಯಲ್ಲಿ ಹೊರಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡುವ ನೌಕರರಿಗೆ ಮೂರು ತಿಂಗಳಿನಿoದ ಸಂಬಳವಾಗಿಲ್ಲ. ಹೀಗಾಗಿ ನಿತ್ಯವೂ ರೋಗಿಗಳ ಆರೈಕೆ ಮಾಡುವ ಅಲ್ಲಿನ ಸಿಬ್ಬಂದಿ ಕುಟುಂಬದ ಆರೈಕೆ ಮಾಡಲಾಗದೇ ಹೈರಣಾಗಿದ್ದಾರೆ. ಸಂಬಳ ಆಗದ ಬಗ್ಗೆ ನೌಕರರು ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ. ಆದರೆ, ಅದರಿಂದ ಪ್ರಯೋಜನವಾಗಿಲ್ಲ. `ನೀಡುವ ವೇತನ ಸಹ ಕಡಿಮೆ. ಅದರಲ್ಲಿಯೂ 2-3 ತಿಂಗಳಿಗೆ ಒಮ್ಮೆ ಸಂಬಳ ಕೊಡುತ್ತಿದ್ದು, ನಮ್ಮ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗುತ್ತಿಲ್ಲ’ ಎಂದು ಅಲ್ಲಿನವರು ನೋವು ತೋಡಿಕೊಂಡಿದ್ದಾರೆ. ಭಟ್ಕಳ ಸರ್ಕಾರಿ ಆಸ್ಪತ್ರೆಯಲ್ಲಿ ಒಟ್ಟು 25 ಹೊರಗುತ್ತಿಗೆ ಸಿಬ್ಬಂದಿ ಇದ್ದಾರೆ. ಅದರಲ್ಲಿ ನಾನ್ ಕ್ಲಾರಿಕಲ್ 10 ಜನ ಇದ್ದರೆ, ಗ್ರೂಪ್ ಡಿ ಹುದ್ದೆಯಲ್ಲಿ 15 ಜನರು ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಅವರೆಲ್ಲರೂ ಸಮಸ್ಯೆ ಅನುಭವಿಸುತ್ತಿದ್ದಾರೆ. `ಸಮಯಕ್ಕೆ ಸರಿಯಾಗಿ ಸಂಬಳ ಸಿಗದ ಕಾರಣ ಕಿರಾಣಿ ಅಂಗಡಿ, ವಿದ್ಯತ್ ಬಿಲ್, ಸಾಲದ ಹಣ ಮರುಪಾವತಿ, ಶಾಲಾ ಮಕ್ಕಳ ಶುಲ್ಕ, ಹಾಲು, ತರಕಾರಿ ಎಲ್ಲರಲ್ಲಿಯೂ ಸಾಲ ಸಾಮಾನ್ಯವಾಗಿದೆ. ಹಣ ಹೊಂದಿಸುವುದೇ ಕಷ್ಟವಾಗಿದ್ದು, ಸಿಗುವ ಸಂಬಳ ಸಾಲದ ಬಡ್ಡಿಗೆ ಸಮನಾಗಿರುತ್ತದೆ’ ಎಂದವರು ಕಣ್ಣೀರು ಹಾಕಿದರು.
- [ಮಕ್ಕಳ ದಿನಾಚರಣೆ: ಸರ್ಕಾರಿ ಶಾಲೆಯಲ್ಲಿ ಸಂಭ್ರಮಾಚರಣೆ](https://mobiletime.in/2025/11/childrens-day-celebrations-at-government-school/): ಅoಕೋಲಾದ ಹಟ್ಟಿಕೇರಿ ಶಾಲೆಗೆ ಭೇಟಿ ನೀಡಿದ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಮಕ್ಕಳ ಜೊತೆ ಜನ್ಮದಿನ ಆಚರಿಸಿದರು. ಈ ವೇಳೆ ಮಕ್ಕಳ ಶಿಕ್ಷಣಕ್ಕೆ ಅಗತ್ಯವಿರುವ ಕಲಿಕಾ ಸಾಮಗ್ರಿಗಳನ್ನು ವಿತರಿಸಿದರು. ಜನಶಕ್ತಿ ವೇದಿಕೆಯ ಸಂಘಟನಾ ಕಾರ್ಯದರ್ಶಿ ನಿತ್ಯಾನಂದ ನಾಯಕ ಹಾಗೂ ವಿಠಲ್ ನಾಯ್ಕ್ ಅವರು ಈ ಕಾರ್ಯಕ್ರಮದ ರೂಪುರೇಷೆ ಸಿದ್ಧಪಡಿಸಿದ್ದರು. ಮಕ್ಕಳಿಗೆ ಪಟ್ಟಿ, ಪೆನ್ನು, ಪೆನ್ಸಿಲ್ ಸೇರಿ ವಿವಿಧ ವಸ್ತುಗಳು ಅಗತ್ಯವಿರುವ ಬಗ್ಗೆ ಅರಿತು ಅವರು ಅದನ್ನು ಪೂರೈಸಿದರು. ಮಾಧವ ನಾಯಕ ಅವರು ಅಕ್ಟೊಬರ್ 10ರಂದು ಶಾಲೆಯಲ್ಲಿ ಜನ್ಮದಿನ ಆಚರಿಸಲು ನಿರ್ಧರಿಸಿದ್ದರು. ಆದರೆ, ಶೈಕ್ಷಣಿಕ ಸಮೀಕ್ಷೆ ಹಿನ್ನಲೆ ಆ ಅವಧಿಯಲ್ಲಿ ರಜೆ ಘೋಷಿಸಲಾಗಿದ್ದು, ಮಕ್ಕಳ ದಿನಾಚರಣೆಯ ದಿನ ಅವರು ಮಕ್ಕಳ ಜೊತೆ ಸಂಭ್ರಮಾಚರಣೆ ನಡೆಸಿದರು. `ವಿದ್ಯಾರ್ಥಿಗಳು ಗುರಿ ಇಟ್ಟುಕೊಂಡು ಮುಂದೆ ಸಾಗಬೇಕು. ಭವಿಷ್ಯದಲ್ಲಿ ಉತ್ತಮ ಸಾಧನೆ ತೋರಲು ಶಿಕ್ಷಣ ಮುಖ್ಯ. ಯಾವುದೇ ಸಮಸ್ಯೆಗಳು ಎದುರಾದರೂ ಕಲಿಕೆ ಮಾತ್ರ ಬಿಡಬಾರದು’ ಎಂದು ಮಾಧವ ನಾಯಕ ಅವರು ಈ ವೇಳೆ ಕರೆ ನೀಡಿದರು. ಕೇಕ್ ಕತ್ತರಿಸಿ, ಸಿಹಿ ಹಂಚುವ ಮೂಲಕ ಮಕ್ಕಳಿಗೆ ಮಾಧವ ನಾಯಕ ಅವರು ಮಕ್ಕಳ ದಿನಾಚರಣೆಯ ಶುಭಾಶಯ ತಿಳಿಸಿದರು. ಈ ಸಂದರ್ಭದಲ್ಲಿ ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷ ದಿಲೀಪ್ ನಾಯ್ಕ, ಉರಗ ಪ್ರೇಮಿ ಮಹೇಶ್ ನಾಯಕ, ಪ್ರಮುಖರಾದ ನಿತ್ಯಾನಂದ ನಾಯ್ಕ, ಸುರೇಶ್ ನಾಯ್ಕ್, ಷಣ್ಮುಖ ನಾಯ್ಕ, ದಿಗಂಬರ ನಾಯ್ಕ, ವಿಕ್ರಮ ನಾಯ್ಕ, ರಾಮದಾಸ ನಾಯ್ಕ, ಮಹೇಶ ನಾಯ್ಕ, ಗುರು ನಾಯ್ಕ, ಸಾಯಿನಾಥ ನಾಯ್ಕ, ಚಂದ್ರಹಾಸ ನಾಯ್ಕ, ಸುಭಾಕರ ನಾಯ್ಕ, ಕೃಷ್ಣಮೂರ್ತಿ ನಾಯ್ಕ, ಮಧುಕರ ನಾಯ್ಕ ಮುಂತಾದವರಿದ್ದರು.
- [ಸಾವು-ನೋವು: ಸುಂದರ ಸಂಸಾರ ಹಾಳು ಮಾಡಿದ ಸರಾಯಿ!](https://mobiletime.in/2025/11/death-and-pain-sarai-ruined-a-beautiful-family/): ವಿಪರೀತ ಸರಾಯಿ ಕುಡಿಯುತ್ತಿದ್ದ ಬನವಾಸಿಯ ಗಣೇಶ ಹೂವಿನಕೊಪ್ಪಲಕೇರಿ ಅವರ ಜೊತೆ ಸಂಸಾರ ಮಾಡಲಾಗದೇ ಅವರ ಪತ್ನಿ ರಂಜಿತಾ ಅವರು ದೂರವಾಗಿದ್ದು, ಇದೇ ನೋವಿನಲ್ಲಿ ಗಣೇಶ ಅವರು ವಿಷ ಕುಡಿದಿದ್ದಾರೆ. ಹುಬ್ಬಳ್ಳಿ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ನಾಲ್ಕು ದಿನ ಚಿಕಿತ್ಸೆ ಕೊಡಿಸಿದರೂ ಗಣೇಶ ಅವರು ಬದುಕಲಿಲ್ಲ. ಶಿರಸಿ ತಾಲೂಕಿನ ಬನವಾಸಿಯ ಹೂವಿನಕೊಪ್ಪಲಕೇರಿಯಲ್ಲಿ ಗಣೇಶ ಅವರು ವಾಸವಾಗಿದ್ದರು. ಸಾಗರದ ಪೆಟ್ರೋಲ್ ಬಂಕಿನಲ್ಲಿ ಕೆಲಸ ಮಾಡುತ್ತಿದ್ದ ಅವರು ತಮ್ಮ ದುಡಿಮೆಯ ಬಹುಪಾಲು ಹಣವನ್ನು ಸರಾಯಿ ಅಂಗಡಿಯವರಿಗೆ ಕೊಡುತ್ತಿದ್ದರು. ಇದನ್ನು ಸಹಿಸದ ಗಣೇಶ ಅವರ ಪತ್ನಿ ರಂಜಿತಾ ಪತಿ ಬಿಟ್ಟು ದೂರವಾಗಿದ್ದರು. ಪತ್ನಿ ದೂರವಾದ ಹಿನ್ನಲೆ ಗಣೇಶ ಅವರು ಬೇಸರಿಸಿಕೊಂಡಿದ್ದರು. ಆದರೆ, ಮದ್ಯ ಸೇವನೆಯ ಚಟವನ್ನು ಮಾತ್ರ ಅವರು ಬಿಟ್ಟಿರಲಿಲ್ಲ. ಹೀಗಿರುವಾಗ ನವೆಂಬರ್ 10ರಂದು ಗಣೇಶ ಅವರು ಬನವಾಸಿಯಲ್ಲಿರುವ ಅಕ್ಕ ವಾಸಂತಿ ಅವರ ಮನೆಗೆ ಬಂದರು. `ಮನೆಯಲ್ಲಿದ್ದ ಕೆಲ ಕಾಗದಪತ್ರಗಳನ್ನು ಒಯ್ಯಲು ಬಂದಿರುವೆ’ ಎಂದು ವಾಸಂತಿ ಅವರ ಬಳಿ ತಿಳಿಸಿದರು. ಮಧ್ಯಾಹ್ನ ಅಕ್ಕನ ಮನೆಯಲ್ಲಿ ಊಟ ಮಾಡಿದರು. ಸಂಜೆ ಮನೆಯಿಂದ ಹೊರ ಹೋಗಿದ್ದ ಗಣೇಶ ಅವರು ರಾತ್ರಿ 8 ಗಂಟೆಗೆ ಮತ್ತೆ ಮನೆ ಸೇರಿದ್ದರು. ಆ ವೇಳೆ ವಾಸಂತಿ ಅವರು ಮನೆಗೆ ಬಂದರು. ಗಣೇಶ ಅವರು ಮನೆಯ ಕೋಣೆಯಲ್ಲಿ ವಾಂತಿ ಮಾಡುತ್ತಿರುವುದನ್ನು ನೋಡಿದರು. ಹತ್ತಿರ ಹೋಗಿ ನೋಡಿದಾಗ ಪಕ್ಕದಲ್ಲಿ ವಿಷದ ಬಾಟಲಿ ಬಿದ್ದಿತ್ತು. ಕೂಡಲೇ ತಮ್ಮನನ್ನು ಪ್ರಶ್ನಿಸಿದರು. ಆದರೆ, ಗಣೇಶ ಅವರು ಮಾತನಾಡಲಿಲ್ಲ. ಹೀಗಾಗಿ ಗಣೇಶ ಅವರನ್ನು ವಾಸಂತಿ ಅವರು ಬನವಾಸಿ ಆಸ್ಪತ್ರೆಗೆ ಕರೆದೊಯ್ದರು. ಅಲ್ಲಿನ ವೈದ್ಯರ ಬಳಿ ಗಣೇಶ ಅವರು ವಿಷ ಸೇವಿಸಿದ ವಿಷಯ ಹೇಳಿದರು. ಅದಾದ ನಂತರ ವೈದ್ಯರು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಕರೆದೊಯ್ಯುವಂತೆ ಸೂಚಿಸಿದರು. ಅಲ್ಲಿ ನಾಲ್ಕು ದಿನಗಳ ಚಿಕಿತ್ಸೆ ನಡೆಯಿತು. ಆದರೆ, ನವೆಂಬರ್ 14ರಂದು ಗಣೇಶ ಅವರು ಕೊನೆಯುಸಿರೆಳೆದರು. `ಆತ್ಮಹತ್ಯೆ ಅಪರಾಧ’
- [ಫೋಟೋ ತೆಗೀರಿ.. ವಾಟ್ಸಪ್ ಮಾಡಿ!](https://mobiletime.in/2025/11/take-a-photo-whatsapp-it/): ರಸ್ತೆ ಅಪಘಾತದಿಂದ ಆಗುವ ಸಾವು-ನೋವಿನ ಪ್ರಮಾಣ ತಗ್ಗಿಸುವುದಕ್ಕಾಗಿ ಕುಮಟಾ ಪೊಲೀಸರು ವಿನೂತನ ತಂತ್ರ ಅನುಸರಿಸುತ್ತಿದ್ದಾರೆ. ಸಂಚಾರಿ ನಿಯಮ ಉಲ್ಲಂಘಿಸುವವರ ಫೋಟೋ ತೆಗೆದು ತಮಗೆ ರವಾನಿಸುವಂತೆ ಪ್ರಕಟಣೆ ಹೊರಡಿಸಿದ್ದಾರೆ! ಕುಮಟಾ ವಿಭಾಗಾಧಿಕಾರಿ ಶ್ರವಣಕುಮಾರ ಅವರು ಸಂಚಾರಿ ನಿಯಮ ಕಟ್ಟುನಿಟ್ಟಿನ ಪಾಲನೆಗಾಗಿ ಸಭೆ ನಡೆಸಿದ್ದು, ಈ ಸಭೆಯಲ್ಲಿ ಸಾರ್ವಜನಿಕರ ಸಹಕಾರದಲ್ಲಿ ಸಂಚಾರಿ ನಿಯಮ ಪಾಲನೆ ಮಾಡುವವರನ್ನು ಶಿಕ್ಷಿಸುವ ಬಗ್ಗೆ ನಿರ್ಣಯ ಕೈಗೊಳ್ಳಲಾಗಿದೆ. ಅದರ ಭಾಗವಾಗಿ ಹೆಲ್ಮೆಟ್ ಧರಿಸದೇ ಬರುವ ಬೈಕ್ ಸವಾರರಿಗೆ ಪೆಟ್ರೋಲ್ ನೀಡದಂತೆ ಬಂಕ್ ಮಾಲಕರಿಗೆ ಸೂಚಿಸಲಾಗಿದೆ. ಸೀಟ್ ಬೆಲ್ಟ ಧರಿಸದೇ ಕಾರು ಓಡಿಸುವವರಿಗೂ ಇದೇ ನಿಯಮ ಅನ್ವಯ ಆಗಲಿದೆ. ಅದರ ಮುಂದುವರೆದ ಭಾಗವಾಗಿ ಹೆಲ್ಮೆಟ್ ಧರಿಸದೇ ವಾಹನ ಓಡಿಸುವವರ ಫೋಟೋಗಳನ್ನು ರವಾನಿಸುವಂತೆ ಪೊಲೀಸರು ಮನವಿ ಮಾಡಿದ್ದಾರೆ. ದ್ವಿಚಕ್ರವಾಹನದಲ್ಲಿ ಸಂಚರಿಸುವ ಪ್ರತಿಯೊಬ್ಬರು ಹೆಲ್ಮೆಟ್ ಧರಿಸುವುದು ಕಡ್ಡಾಯವಾಗಿದ್ದು, `ಹಿಂಬದಿ ಸವಾರರು ಸಹ ಹೆಲ್ಮೆಟ್ ಧರಿಸಬೇಕು’ ಎಂದು ಪೊಲೀಸರು ಸೂಚನೆ ರವಾನಿಸಿದ್ದಾರೆ. `ಕಾರಿನಲ್ಲಿ ಸಂಚರಿಸುವವರು ಸೀಟ್ ಬೆಲ್ಟ್ ಧರಿಸಬೇಕು. ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದವರು ಕಂಡ ಜನ ಅವರ ವಾಹನದ ಜೊತೆ ಅವರ ಫೋಟೋ ತೆಗೆದು ತಮಗೆ ಕಳುಹಿಸಬೇಕು’ ಎಂದು ಪ್ರಕಟಣೆ ನೀಡಿದ್ದಾರೆ. ಸಂಚಾರಿ ನಿಯಮ ಉಲ್ಲಂಘಿಸುವವರ ಫೋಟೋ ಇಲ್ಲಿ ಕಳುಹಿಸಿ: 9480805234, 9480805272, 8277988244 ಅಥವಾ 8277988236
- [2025 ಡಿಸೆಂಬರ್ 3ರ ದಿನ ಭವಿಷ್ಯ](https://mobiletime.in/2025/12/prediction-for-december-3-2025/): ಮೇಷ ರಾಶಿ: ಉದ್ಯೋಗ ಮತ್ತು ವ್ಯವಹಾರದಲ್ಲಿ ಪ್ರಮುಖ ಬದಲಾವಣೆಗಳು ಬರುತ್ತವೆ. ಹೊಸ ಉದ್ಯೋಗ ಅವಕಾಶಗಳ ಸಿಗುವ ಸಾಧ್ಯತೆ ಇದೆ. ಹಣಕಾಸು ದೃಷ್ಟಿಯಿಂದ ಲಾಭದಾಯಕ ದಿನ. ಕುಟುಂಬದಲ್ಲಿ ಸಂತೋಷವು ಹೆಚ್ಚಾಗುತ್ತದೆ. ಐಷಾರಾಮಿ ವಸ್ತುಗಳ ಖರೀದಿಗೆ ಅವಕಾಶ ಸಿಗಲಿದೆ. ಪ್ರಯಾಣ ಸಾಧ್ಯತೆಗಳಿವೆ. ವೃಷಭ ರಾಶಿ: ಸ್ನೇಹಿತರ ಸಹಕಾರದಿಂದ ಲಾಭ ಪಡೆಯುತ್ತೀರಿ. ಹೊಸ ಆದಾಯ ಮಾರ್ಗಗಳು ತೆರೆಯುತ್ತವೆ. ದಾನ ಧರ್ಮದಲ್ಲಿ ತೊಡಗಿಸಿಕೊಳ್ಳುವುದು ಶುಭವಾಗಲಿದೆ. ಕುಟುಂಬದ ಜೊತೆ ಕಾಲ ಕಳೆಯುವಿರಿ. ಆರೋಗ್ಯದ ಕಡೆ ಗಮನಕೊಡಿ. ಮಿಥುನ ರಾಶಿ: ಕೆಲಸದಲ್ಲಿನ ಪರಿಶ್ರಮದ ಫಲವಾಗಿ ಪ್ರಗತಿ ಸಾಧ್ಯ. ನಿಮ್ಮ ಮನೋಬಲ ಹೆಚ್ಚಾಗುತ್ತದೆ. ವಿದ್ಯಾರ್ಜನೆ ಅಥವಾ ತರಬೇತಿಗೆ ಸಮಯ ಕೊಡುವುದು ಸೂಕ್ತ. ಕರ್ಕ ರಾಶಿ: ಆರ್ಥಿಕವಾಗಿ ಉತ್ತಮ ಲಾಭ ಆಗಲಿದೆ. ವೈವಾಹಿಕ ಜೀವನದಲ್ಲಿ ಶಾಂತಿ-ಸುಖ ಸಿಗಲಿದೆ. ಉದ್ಯೋಗದಲ್ಲಿ ಪ್ರಗತಿ ಆಗಲಿದೆ. ಕುಟುಂಬದೊAದಿಗೆ ಸಮಯ ಕಳೆಯಿರಿ. ಆರೋಗ್ಯದಲ್ಲಿ ಜಾಗರೂಕತೆವಹಿಸುವುದು ಮುಖ್ಯ. ಸಿಂಹ ರಾಶಿ: ಶೈಕ್ಷಣಿಕ ಮತ್ತು ವೃತ್ತಿಜೀವನದಲ್ಲಿ ಯಶಸ್ಸು ಸಿಗಲಿದೆ. ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ದೊಡ್ಡ ಆಸ್ತಿಗಳನ್ನು ಖರೀದಿಸುವ ಯೋಗವಿದೆ. ಸೇವೆಗೆ ತಕ್ಕ ಗೌರವ ಸಿಗಲಿದೆ. ನಿಮ್ಮ ಅನುಭವಗಳು ಸದುಪಯೋಗವಾಗುತ್ತವೆ. ಕನ್ಯಾ ರಾಶಿ: ಸಂಬಳ ಮತ್ತು ಜವಾಬ್ದಾರಿಗಳನ್ನು ಹೆಚ್ಚಿಸಲು ಸೂಕ್ತ ಸಮಯ. ಮಾಧ್ಯಮ ಹಾಗೂ ಮಾರ್ಕೆಟಿಂಗ್ ಕ್ಷೇತ್ರದವರಿಗೆ ಲಾಭ ಸಿಗಲಿದೆ. ಗಣೇಶ ಪೂಜೆಯಿಂದ ಶುಭವಾಗಲಿದೆ. ತುಲಾ ರಾಶಿ: ಮಾನಸಿಕ ಒತ್ತಡ ಕಡಿಮೆ ಆಗಲಿದೆ. ಸಮಸ್ಯೆ ನಿವಾರಣೆಗೆ ಸರಿಯಾದ ಸಮಯ. ಸಂಬAಧಗಳಲ್ಲಿ ತಾಳ್ಮೆಯ ಅಗತ್ಯ. ಹಣಕಾಸು ನಿರ್ವಹಣೆ ಚೆನ್ನಾಗಿರಲಿ. ಯುವಜನರಿಗೆ ಹೊಸ ಕಲಿಕೆ ಅವಕಾಶ. ಹೊಸ ತಂತ್ರಜ್ಞಾನ ಅನುಕೂಲಕ್ಕೆ ಬರಲಿದೆ. ವೃಶ್ಚಿಕ ರಾಶಿ: ಉದ್ಯೋಗದಲ್ಲಿ ಅವಕಾಶ ಅರೆಸಿಬರಲಿದೆ. ಕೆಲ ಬದಲಾವಣೆಗಳು ಆಗಲಿದೆ. ಗುರಿ ಸಾಧನೆಗೆ ಸೂಕ್ತ ಸಮಯ. ಆರೋಗ್ಯದ ಬಗ್ಗೆ ಕಾಳಜಿಯಿರಲಿ. ಧನು ರಾಶಿ: ವೈಯಕ್ತಿಕ ಜೀವನದಲ್ಲಿ ಸಮಾಧಾನ ಸಿಗಲಿದೆ. ಯೋಜನೆ ಕಾರ್ಯಗತಗೊಳಿಸಲು ಸುಲಭ ಆಗಲಿದೆ. ಹೊಸ ಸ್ನೇಹಿತರ ಭೇಟಿ ಆಗುವಿರಿ. ಹಣಕಾಸು ಲಾಭ ಆಗಲಿದೆ. ಮಕರ ರಾಶಿ: ವೃತ್ತಿಯಲ್ಲಿ ಸ್ಥಿರತೆ ಕಾಪಾಡಿ. ಆರೋಗ್ಯದಲ್ಲಿ ಏರುಪೇರು ಸಹಜ. ಕುಟುಂಬದ ಜೊತೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ. ಧಾರ್ಮಿಕ ಕಾರ್ಯಕ್ರಮಗಳು ಫಲ ಕೊಡುತ್ತದೆ. ಕುಂಭ ರಾಶಿ: ಸೃಜನಶೀಲತೆ ಮತ್ತು ಹೊಸ ಆಲೋಚನೆಗಳಿಗೆ ಅವಕಾಶ ಸಿಗಲಿದೆ. ಕೌಶಲ್ಯವೃದ್ಧಿಯಿಂದ ಸಾಧನೆ ಸಾಧ್ಯವಿದೆ. ಹಣಕಾಸು ಸಮಸ್ಯೆಗಳು ಬಗೆಹರಿಯುವ ಲಕ್ಷಣಗಳಿವೆ. ಶಿಕ್ಷಣದಲ್ಲಿ ಯಶಸ್ಸು ಸಿಗಲಿದೆ. ಮೀನ ರಾಶಿ: ಕಾರ್ಯಕ್ಷೇತ್ರದಲ್ಲಿ ಯಶಸ್ಸು ಸಾಧ್ಯವಿದೆ. ಹಣಕಾಸಿನ ಅಡೆತಡೆ ದೂರವಾಗಲಿದೆ. ಹೊಸ ಸವಾಲುಗಳಿಗೆ ಸಿದ್ಧವಾಗಿರಿ. ಕುಟುಂಬದವರ ಸಹಕಾರದಿಂದ ಸಮಸ್ಯೆ ದೂರವಾಗಲಿದೆ.
- [ಅಪಘಾತ: ಲಾರಿಯೊಳಗೆ ಅವಿತಿದ್ದ ಚಾಲಕ!](https://mobiletime.in/2025/12/accident-driver-trapped-inside-lorry/): ಎದುರಿನಿಂದ ಬರುತ್ತಿದ್ದ ಕಾರಿಗೆ ಲಾರಿ ಗುದ್ದುವುದನ್ನು ತಪ್ಪಿಸುವುದಕ್ಕಾಗಿ ಚಾಲಕ ಏಕಾಏಕಿ ಸ್ಟೇರಿಂಗ್ ತಿರುಗಿಸಿದ್ದು, ಆ ಲಾರಿ ಮರಕ್ಕೆ ಗುದ್ದಿದೆ. ಒಂದು ತಾಸಿನಿಂದ ಆ ಲಾರಿಯ ಒಳಗೆ ಸಿಲುಕಿದ್ದ ಚಾಲಕನನ್ನು ಸ್ಥಳೀಯರು ಹೊರಗೆಳೆದಿದ್ದಾರೆ. ಜೋಯಿಡಾ-ಜಗಲಪೇಟೆಯಿಂದದಾAಡೇಲಿಗೆ ಸಂಪರ್ಕಿಸುವ ರಸ್ತೆಯಲ್ಲಿ ಈ ಅವಘಡ ನಡೆದಿದೆ. ಗೋವಾದಿಂದ ದಾಂಡೇಲಿಗೆ ಬರುತ್ತಿದ್ದ ಲಾರಿ ಅಪಘಾತವಾಗಿದೆ. ಅದಾದ ನಂತರ ಲಾರಿ ಪಲ್ಟಿಯಾಗಿದ್ದು, ಅದರೊಳಗಿದ್ದ ಚಾಲಕನಿಗೆ ಹೊರ ಬರಲು ಸಾಧ್ಯವಾಗಿಲ್ಲ. ಮಂಗಳವಾರ ಸಿಂಗರ್‌ಗಾವ್ ಬಳಿ ಲಾರಿಯೊಳಗೆ ಚಾಲಕ ಸಿಲುಕಿದನ್ನು ಜನ ನೋಡಿದ್ದಾರೆ. ಜನರೇ ಸಾಹಸದಿಂದ ಆತನನ್ನು ಹೊರಗೆ ತಂದು ಆಸ್ಪತ್ರೆಗೆ ಸೇರಿಸಿದ್ದಾರೆ. ಚಾಲಕ ಶಾಹಿದ್ ನಾಯಕವಾಡಿ (24) ಗಂಭೀರವಾಗಿ ಗಾಯಗೊಂಡಿದ್ದು, ಚಿಕಿತ್ಸೆಪಡೆಯುತ್ತಿದ್ದಾರೆ. ವಿಷಯ ತಿಳಿದ ತಕ್ಷಣ 108 ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿದ ಪರಿಣಾಮ ಚಾಲಕನ ಜೀವ ಉಳಿದಿದೆ.
- [ಗುಳ್ಳಾಪುರ: ಸೇತುವೆಗಾಗಿ ಶಾಸಕರ ಸಭೆ](https://mobiletime.in/2025/12/gullapura-mlas-meet-for-bridge/): ಯಲ್ಲಾಪುರ-ಅಂಕೋಲಾ ಗಡಿಭಾಗದ ಗುಳ್ಳಾಪುರದಲ್ಲಿ ಕೊಚ್ಚಿಹೋದ ಸೇತುವೆ ಮರು ನಿರ್ಮಾಣಕ್ಕಾಗಿ ಶಾಸಕ ಶಿವರಾಮ ಹೆಬ್ಬಾರ್ ಸಭೆ ನಡೆಸಿದ್ದಾರೆ. ಅಧಿಕಾರಿಗಳ ಜೊತೆ ಸಮಾಲೋಚನೆ ನಡೆಸಿದ ಅವರು ವಿವಿಧ ವಿಷಯಗಳ ಕುರಿತು ಸಲಹೆ ನೀಡಿದ್ದಾರೆ. ಯಲ್ಲಾಪುರದ ಪ್ರವಾಸಿ ಮಂದಿರದಲ್ಲಿ ಮಂಗಳವಾರ ಈ ಸಭೆ ನಡೆದಿದ್ದು, ಗುಣಮಟ್ಟದ ಸೇತುವೆ ನಿರ್ಮಾಣಕ್ಕೆ ಒತ್ತು ನೀಡುವಂತೆ ಶಿವರಾಮ ಹೆಬ್ಬಾರ್ ಸೂಚಿಸಿದ್ದಾರೆ. ಲೋಕೋಪಯೋಗಿ ಇಲಾಖೆಯ ಹಿರಿಯ ಅಧಿಕಾರಿಗಳು ಹಾಗೂ ಡಿಪಿಆರ್ ಸಿದ್ಧಪಡಿಸುತ್ತಿರುವ ಗುತ್ತಿಗೆ ಸಂಸ್ಥೆಯ ತಾಂತ್ರಿಕ ತಂಡದೊoದಿಗೆ ಅವರು ಮಾತನಾಡಿದ್ದಾರೆ. ಸೇತುವೆ ನಿರ್ಮಾಣ ಪ್ರಕ್ರಿಯೆಗೆ ಸಂಬoಧಿಸಿದ ತಾಂತ್ರಿಕ ಅಂಶಗಳ ಬಗ್ಗೆಯೂ ಅವರು ಈ ವೇಳೆ ಚರ್ಚಿಸಿದ್ದಾರೆ. ಸೇತುವೆಯ ವಿನ್ಯಾಸ, ವೆಚ್ಚ ಹಾಗೂ ಕಾರ್ಯಗತಿಯ ಕುರಿತು ಅಧಿಕಾರಿಗಳಿಂದ ಅವರು ಮಾಹಿತಿಪಡೆದಿದ್ದಾರೆ. `ಈ ಯೋಜನೆಯನ್ನು ವೇಗವಾಗಿ ಮುಗಿಸಬೇಕು. ಅದೇ ಪ್ರಮಾಣದಲ್ಲಿ ಗುಣಮಟ್ಟವನ್ನು ಕಾಯ್ದುಕೊಳ್ಳಬೇಕು’ ಎಂದು ಶಿವರಾಮ ಹೆಬ್ಬಾರ್ ಹೇಳಿದ್ದಾರೆ. ಲೋಕೋಪಯೋಗಿ ಇಲಾಖೆಯ ಮುಖ್ಯ ಇಂಜಿನಿಯರ್ ಶಿವಾನಂದ ನಾಯ್ಕ, ಕಾರ್ಯನಿರ್ವಾಹಕ ಇಂಜಿನಿಯರ್ ಎಸ್ ಎನ್ ಸಿದ್ಧಾಪುರ, ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಸಂಜಯ ಪಾತ್ರೋಟ್ ಸಭೆಯಲ್ಲಿದ್ದು ಶಾಸಕರ ಮಾತು ಆಲಿಸಿದರು.
- [ಆಳದ ಬಾವಿಗೆ ಬಿದ್ದ ಅಡುಗೆ ಸಿಬ್ಬಂದಿ: ಸಾವು!](https://mobiletime.in/2025/12/kitchen-staff-falls-into-deep-well-death/): ಶಾಲೆಯಲ್ಲಿ ಅಡುಗೆ ಕೆಲಸ ಮಾಡಿಕೊಂಡಿದ್ದ ವಿಮಲಾ ನಾಯ್ಕ ಅವರ ಶವ ಬಾವಿಯಲ್ಲಿ ಸಿಕ್ಕಿದೆ. ಸೋಮವಾರ ಸಂಜೆಯೇ ಅವರು ಬಾವಿಗೆ ಬಿದ್ದಿದ್ದು, ಮಂಗಳವಾರ ಬಾವಿಯಲ್ಲಿ ಶವ ತೇಲುವುದನ್ನು ಜನ ನೋಡಿದ್ದಾರೆ. ಭಟ್ಕಳ ಬೈಲೂರಿನ ಶೇರುಗಾರಕೇರಿಯಲ್ಲಿ ವಿಮಲಾ ಮಂಜುನಾಥ ನಾಯ್ಕ (55) ಅವರು ವಾಸವಾಗಿದ್ದರು. ಸಮೀಪದ ಶಾಲೆಯಲ್ಲಿ ಅಡುಗೆ ಕೆಲಸ ಮಾಡುತ್ತಿದ್ದ ಅವರು ಜೊತೆಗೆ ಕೃಷಿ ಕಾಯಕದಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡಿದ್ದರು. ಡಿಸೆಂಬರ್ 1ರ ಸಂಜೆ ಅವರು ದನಗಳ ಮೇವಿಗೆ ಹುಲ್ಲು ಕೊಯ್ಯುವುದಕ್ಕಾಗಿ ಗದ್ದೆಯ ಕಡೆ ಹೋಗಿದ್ದರು. ಕೊಯ್ದ ಹುಲ್ಲನ್ನು ಬುಟ್ಟಿಯಲ್ಲಿ ತುಂಬಿದ ಅವರು ಅದನ್ನು ತಲೆ ಮೇಲೆ ಹೊತ್ತು ನಡೆದು ಬರುತ್ತಿದ್ದರು. ಕೆಳಗಿನ ಶೇರುಗಾರಕೇರಿಯ ಗಣಪತಿ ಅನಂತ ನಾಯ್ಕ ಅವರ ಗದ್ದೆಯಲ್ಲಿ ನೆಲಮಟ್ಟದ ಬಾವಿಯಿರುವ ಬಗ್ಗೆ ವಿಮಲಾ ನಾಯ್ಕ ಅವರು ಅರಿತಿದ್ದರು. ಅದಾಗಿಯೂ, ತಲೆ ಮೇಲೆ ಹುಲ್ಲು ಹೊತ್ತು ಆ ಮಾರ್ಗವಾಗಿ ಬರುವಾಗ ಅವರ ಕಾಲು ಜಾರಿತು. ಬಾವಿಗೆ ಬಿದ್ದ ನಂತರ ಅವರ ಉಸಿರು ಕಟ್ಟಿತು. ಅಲ್ಲಿಯೇ ಅವರು ಸಾವನಪ್ಪಿದರು. ರಾತ್ರಿ ವೇಳೆ ವಿಮಲಾ ನಾಯ್ಕ ಅವರ ಹುಡುಕಾಟ ನಡೆದರೂ ಅವರು ಸಿಗಲಿಲ್ಲ. ಮಂಗಳವಾರ ಬೆಳಗ್ಗೆ ಬಾವಿಯಲ್ಲಿ ಅವರ ಶವ ತೇಲುತ್ತಿರುವುದನ್ನು ಸುಬ್ರಹ್ಮಣ್ಯ ನಾಯ್ಕ ಅವರು ನೋಡಿದರು. ತಾಯಿ ಸಾವಿನ ಬಗ್ಗೆ ಅವರು ಪೊಲೀಸರಿಗೆ ವರದಿ ನೀಡಿದ್ದು, ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿದರು. `ಅಪಾಯಕಾರಿ ಸ್ಥಳಗಳ ಕಡೆ ಹೋಗಬೇಡಿ’
- [ಅಪಘಾತ: ಮಹಿಳೆಯ ಹಲ್ಲು ಮುರಿತ!](https://mobiletime.in/2025/12/accident-womans-tooth-broken-2/): ಜೋರಾಗಿ ಕಾರು ಓಡಿಸಿಕೊಂಡು ಬಂದ ರಾಘವೇಂದ್ರ ಹೆಗಡೆ ಅವರು ವಾಕಿಂಗ್ ಹೊರಟಿದ್ದ ಉಮ್ಮಯ್ಯಭಾನು ಶೇಖ್ ಅವರಿಗೆ ತಮ್ಮ ವಾಹನ ಗುದ್ದಿದ್ದಾರೆ. ಪರಿಣಾಮ ಉಮ್ಮಯ್ಯಭಾನು ಶೇಖ್ ಅವರ ಮೂರು ಹಲ್ಲು ಮುರಿದಿದೆ. ಕೈ-ಕಾಲಿಗೂ ಪೆಟ್ಟಾಗಿದೆ. ಯಲ್ಲಾಪುರ ನೂತನ ನಗರದ ರಾಘವೇಂದ್ರ ಮಹಾಬಲೇಶ್ವರ ಹೆಗಡೆ ಅವರು ತಮ್ಮದೇ ಆದ ಬ್ಯುಸಿನೆಸ್ ಮಾಡಿಕೊಂಡಿದ್ದಾರೆ. ಉರ್ದು ಶಾಲೆಯಲ್ಲಿ ಬಿಸಿಯೂಟದ ಕೆಲಸ ಮಾಡುವ ಶೈನಾಜಬೇಗಂ ಅವರ ಜೊತೆ ವಾಕಿಂಗ್ ಹೊರಟಿದ್ದ ನೂತನ ನಗರದ ಉಮ್ಮಯ್ಯಭಾನು ಹೈದರ ಶೇಖ್ ಅವರಿಗೆ ರಾಘವೇಂದ್ರ ಹೆಗಡೆ ಅವರು ಕಾರು ಗುದ್ದಿದ್ದಾರೆ. ನ 29ರ ನಸುಕಿನಲ್ಲಿ ಈ ಅಪಘಾತ ನಡೆದಿದ್ದು, ಉಮ್ಮಯ್ಯಭಾನು ಶೇಖ್ ಅವರು ಹುಬ್ಬಳ್ಳಿಯ ಕ್ಷೇಮಾ ಅರ್ಥೋಪೆಟಿಕ್ಸ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುತ್ತಿದ್ದಾರೆ. ಆ ದಿನ ಬೆಳಗ್ಗೆ ರಾಘವೇಂದ್ರ ಹೆಗಡೆ ಅವರು ಶಿರಸಿ-ಯಲ್ಲಾಪುರ ಮಾರ್ಗವಾಗಿ ಕಾರು ಓಡಿಸುತ್ತಿದ್ದರು. ಎಪಿಎಂಸಿ ಬಳಿ ನಡೆದು ಹೋಗುತ್ತಿದ್ದ ಮಹಿಳೆಗೆ ಅವರು ಕಾರು ಗುದ್ದಿದರು. ಅಲ್ಲಿಯೇ ಬಿದ್ದ ಉಮ್ಮಯ್ಯಭಾನು ಶೇಖ್ ಅವರು ಮುಂದಿನ ಮೂರು ಹಲ್ಲು ಮುರಿದುಕೊಂಡರು. ಜೊತೆಗೆ ಕೈ ಎಲುಬುಗಳು ಸಹ ಮುರಿದವು. ಕಾಲಿಗೂ ಪೆಟ್ಟಾಗಿದ್ದರಿಂದ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಈ ಎಲ್ಲಾ ವಿಷಯದ ಬಗ್ಗೆ ಗಾಯಾಳು ಜೊತೆಗಿದ್ದ ಶೈನಾಜಬೇಗಂ ಅವರು ವರದಿ ಒಪ್ಪಿಸಿದರು. ಪೊಲೀಸರು ಕಾರು ಚಾಲಕ ರಾಘವೇಂದ್ರ ಹೆಗಡೆ ಅವರ ವಿರುದ್ಧ ಕ್ರಮ ಜರುಗಿಸಿದರು. `ನಿಧಾನವಾಗಿ ವಾಹನ ಓಡಿಸಿ’
- [ಅಂಗನವಾಡಿ ಹುದ್ದೆಗೆ ಆನ್‌ಲೈನ್ ಅರ್ಜಿ](https://mobiletime.in/2025/12/online-application-for-anganwadi-post/): ಉತ್ತರ ಕನ್ನಡ ಜಿಲ್ಲೆಯ 12 ತಾಲೂಕುಗಳಲ್ಲಿನ ವಿವಿಧ ಅಂಗನವಾಡಿಗಳಲ್ಲಿ ವಿವಿಧ ಹುದ್ದೆಗಳು ಖಾಲಿಯಿದ್ದು, ಯೋಗ್ಯರ ಹುಡುಕಾಟ ನಡೆದಿದೆ. ಅಂಗನವಾಡಿ ಕಾರ್ಯಕರ್ತೆ ಹಾಗೂ ಸಹಾಯಕಿಯರ ಹುದ್ದೆಗಾಗಿ ಸದ್ಯ ಆನ್‌ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ. ಕಾರವಾರದಲ್ಲಿ 8 ಸಹಾಯಕಿ ಹುದ್ದೆಗಳು ಖಾಲಿಯಿವೆ. ಅಂಕೋಲಾ ಎರಡು ಕಾರ್ಯಕರ್ತೆ ಹುದ್ದೆಗಳಿಗೆ ಅಭ್ಯರ್ಥಿಗಳು ಬೇಕಾಗಿದ್ದಾರೆ. ಜೊತೆಗೆ ಅಂಕೋಲಾದಲ್ಲಿ 24 ಸಹಾಯಕಿಯರು ಅಗತ್ಯವಿದೆ. ಕುಮಟಾದದಲ್ಲಿ 9 ಕಡೆ ಅಂಗನವಾಡಿ ಸಹಾಯಕಿಯರ ಹುದ್ದೆ ಕಾಲಿಯಿದ್ದು ಹುಡುಕಾಟ ನಡೆದಿದೆ. ಹೊನ್ನಾವರದ ಒಂದು ಅಂಗನವಾಡಿಯಲ್ಲಿ ಕಾರ್ಯಕರ್ತೆ ಹುದ್ದೆ ಖಾಲಿಯಿದೆ. ಜೊತೆಗೆ ಹೊನ್ನಾವರದಲ್ಲಿ 12 ಅಂಗನವಾಡಿಗಳಿಗೆ ಸಹಾಯಕಿಯರು ಬೇಕಾಗಿದ್ದಾರೆ. ಭಟ್ಕಳದಲ್ಲಿ ಒಂದು ಅಂಗನವಾಡಿ ಕಾರ್ಯಕರ್ತೆ ಹಾಗೂ 16 ಸಹಾಯಕಿಯರ ನೇಮಕಾತಿ ಮಾಡಿಕೊಳ್ಳಲಾಗುತ್ತದೆ. ಶಿರಸಿಯಲ್ಲಿ ಅಂಗನವಾಡಿ ಕಾರ್ಯಕರ್ತೆಯರಿಗಾಗಿ ಎರಡು ಹುದ್ದೆ ಖಾಲಿಯಿದ್ದು, ಇಲ್ಲಿ 39 ಸಹಾಯಕಿಯರ ಹುದ್ದೆಗಳಿವೆ. ಸಿದ್ದಾಪುರದಲ್ಲಿ 4 ಅಂಗನವಾಡಿ ಕಾರ್ಯಕರ್ತೆಯರು ಹಾಗೂ 15 ಸಹಾಯಕಿಯರಿಗಾಗಿ ಅರ್ಜಿ ಕರೆಯಲಾಗಿದೆ. ಯಲ್ಲಾಪುರ ಮೂರು ಅಂಗನವಾಡಿ ಕಾರ್ಯಕರ್ತೆಯರ ಜೊತೆ 25 ಸಹಾಯಕಿ ಹುದ್ದೆಗಳಿಗಾಗಿ ಯೋಗ್ಯರ ಹುಡುಕಾಟ ನಡೆದಿದೆ. ಮುಂಡಗೋಡದಲ್ಲಿ ಎರಡು ಕಾರ್ಯಕರ್ತೆ ಹಾಗೂ 16 ಸಹಾಯಕಿ ಹುದ್ದೆಗಳಿವೆ. ಹಳಿಯಾಳ ಮೂರು ಕಾರ್ಯಕರ್ತೆ ಹಾಗೂ 18 ಸಹಾಯಕಿ ಹುದ್ದೆಗಳಿವೆ. ದಾಂಡೇಲಿಯಲ್ಲಿ 8 ಸಹಾಯಕಿ ಹುದ್ದೆಗಳು ಖಾಲಿಯಿವೆ. ಜೋಯಿಡಾದಲ್ಲಿ ಅಂಗನವಾಡಿ ಕಾರ್ಯಕರ್ತೆ ಹುದ್ದೆಗೆ 5 ಹಾಗೂ ಸಹಾಯಕಿ ಹುದ್ದೆಗೆ 16 ಉದ್ಯೋಗ ಅವಕಾಶಗಳಿವೆ. ಒಟ್ಟಾರೆಯಾಗಿ ಜಿಲ್ಲೆಯಲ್ಲಿ 23 ಅಂಗನವಾಡಿ ಕಾರ್ಯಕರ್ತೆರು ಮತ್ತು 206 ಸಹಾಯಕಿಯರ ನೇಮಕಾತಿ ಮಾಡಿಕೊಳ್ಳಲಾಗುತ್ತಿದೆ. ಅರ್ಹರು ಇನ್ನಷ್ಟು ಮಾಹಿತಿಗೆ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳನ್ನು ಭೇಟಿ ಮಾಡಬಹುದು. ಜೊತೆಗೆ ಡಿಸೆಂಬರ್ 31ರ ಒಳಗೆ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಸೂಚಿಸಲಾಗಿದೆ. ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಕೆಗೆ ಇಲ್ಲಿ ಕ್ಲಿಕ್ಕಿಸಿ: ಅಂಗನವಾಡಿ ಹುದ್ದೆಗೆ ಅರ್ಜಿ
- [ಆತನ ಮನೆಯೇ ಶ್ರೀಗಂಧದ ಗುಡಿ!](https://mobiletime.in/2025/12/his-house-is-a-temple-of-sandalwood/): ತಗಡು ಹೊದಕೆಯ ಮುರಕಲು ಮನೆ ಅಂಚಿನ ಗೋಣಿಚೀಲದ ತುಂಬ ಶ್ರೀಗಂಧದ ತುಂಡು ಸಿಕ್ಕದೆ. ಪರಶುರಾಮ ಲಮಾಣಿ ಎಂಬಾತರು ಶೇಖರಿಸಿದ್ದ ಶ್ರೀಗಂಧದ ತುಂಡುಗಳನ್ನು ಅರಣ್ಯಾಧಿಕಾರಿಗಳು ಜಪ್ತು ಮಾಡಿದ್ದಾರೆ. ಮುಂಡಗೋಡದ ಅಗಡಿಯಲ್ಲಿ ವಾಸವಾಗಿದ್ದ ಪರಶುರಾಮ ಲಮಾಣಿ ಅವರು ತಮ್ಮ ಮನೆ ಬದಿಗೆ ಚೀಲದಲ್ಲಿ ಶ್ರೀಗಂಧದ ತುಂಡುಗಳನ್ನು ದಾಸ್ತಾನು ಮಾಡಿದ್ದರು. ಆ ಪ್ರಮಾಣದಲ್ಲಿ ಶ್ರೀಗಂಧಹೊAದಲು ಅವರ ಬಳಿ ಅನುಮತಿಯಿರಲಿಲ್ಲ. ಆ ಮರಗಳನ್ನು ಅವರು ಕದ್ದು ತಂದ ಆರೋಪದ ಹಿನ್ನಲೆ ಅರಣ್ಯಾಧಿಕಾರಿಗಳು ದಾಳಿ ಮಾಡಿದರು. ಮನೆ ಸುತ್ತ ಶೋಧ ನಡೆಸಿದಾಗ ಅಲ್ಲಿ ಅನುಮಾನಾಸ್ಪದ ಗೋಣಿ ಚೀಲಗಳು ಕಾಣಿಸಿದವು. ಅದರ ಒಳಗೆ ಪರಿಶೀಲಿಸಿದಾಗ ಬರಪೂರ ಮರದ ತುಂಡುಗಳಿದ್ದವು. ಶ್ರೀಗಂಧದ ಮರದ ತುಂಡುಗಳನ್ನು ಅಕ್ರಮವಾಗಿ ದಾಸ್ತಾನು ಮಾಡಿದ್ದ ಪರಶುರಾಮ ಆಚಾರಿ ಅವರನ್ನು ವಶಕ್ಕೆಪಡೆಯಲು ಅರಣ್ಯಾಧಿಕಾರಿಗಳು ಮುಂದಾದರು. ಆದರೆ, ಪರಶುರಾಮ ಆಚಾರಿ ಅವರು ಪಕ್ಕದ ಕಬ್ಬಿನಗದ್ದೆಗೆ ಓಡಿ ಹೋಗಿ ಪರಾರಿಯಾದರು. ಅರಣ್ಯಾಧಿಕಾರಿಗಳು ಬೆನ್ನತ್ತಿದರೂ ಸಹ ಪರಶುರಾಮ ಆಚಾರಿ ಅವರು ಸಿಕ್ಕಿ ಬೀಳಲಿಲ್ಲ. ಹೀಗಾಗಿ ನಾಲ್ಕು ಚೀಲದ ಶ್ರೀಗಂಧದ ತುಂಡುಗಳನ್ನು ಅಧಿಕಾರಿಗಳು ಜಪ್ತು ಮಾಡಿದರು.
- [ಇನ್ನೂ ತೆರವಾಗದ ಜೇನುಗೂಡು!](https://mobiletime.in/2025/12/a-hive-that-has-not-yet-been-cleared/): ಕುಮಟಾ ಆಡಳಿತ ಸೌಧಕ್ಕೆ ಕಟ್ಟಿರುವ ಜೇನುಗೂಡು ತೆರವು ಮಾಡದ ಅಧಿಕಾರಿಗಳ ವಿರುದ್ಧ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಉಸ್ತುವಾರಿ ಸಚಿವರಿಗೆ ದೂರಿದ್ದಾರೆ. `ಕುಮಟಾ ಆಡಳಿತ ಸೌಧದ ಕಚೇರಿಯಲ್ಲಿ 4-5 ಜೇನುಗೂಡುಗಳಿವೆ. ಅಲ್ಲಿಗೆ ಬರುವ ಸಾರ್ವಜನಿಕರಿಗೆ ಜೇನು ಕಚ್ಚಿವೆ. ಸಮೀಪದಲ್ಲಿ ಅಂಗನವಾಡಿಯಿದ್ದು, ಅಲ್ಲಿನ ಚಿಕ್ಕ ಮಕ್ಕಳು ಸಹ ಅಪಾಯದ ಸ್ಥಿತಿಯಲ್ಲಿದ್ದಾರೆ’ ಎಂದು ವಿವರಿಸಿದರು. `ಜೇನುಗೂಡು ತೆರವಿಗೆ ಮನವಿ ಸಲ್ಲಿಸಿದರೂ ಸಹಾಯಕ ಆಯುಕ್ತ ಶ್ರವಣಕುಮಾರ ಅವರು ಕ್ರಮ ಜರುಗಿಸಿಲ್ಲ’ ಎಂದು ಆಗ್ನೇಲ್ ರೋಡ್ರಿಗಸ್ ಆರೋಪಿಸಿದರು. `ಅಪಾಯದ ಬಗ್ಗೆ ಅರಿವಿದ್ದರೂ ಅಧಿಕಾರಿಗಳು ಕ್ರಮ ಜರುಗಿಸಿಲ್ಲ. ಅದಾಗಿಯೂ, ನಮ್ಮ ಅರ್ಜಿಗೆ ಸ್ಪಂದನೆ ದೊರೆಯದಿದ್ದರೆ ಕಾನೂನು ಸೇವಾ ಪ್ರಾಧಿಕಾರಕ್ಕೆ ದೂರು ನೀಡಲಾಗುತ್ತದೆ’ ಎಂದು ಎಚ್ಚರಿಸಿದರು.
- [ನುಡಿದಂತೆ ನಡೆಯದ ಸಿದ್ದು: ಸ್ವಾಮೀಜಿ ವಾಗ್ದಾಳಿ!](https://mobiletime.in/2025/12/siddhu-who-doesnt-do-as-he-says-swamijis-attack/): ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ವಿರುದ್ಧ ಬ್ರಹ್ಮಶ್ರೀ ನಾರಾಯಣ ಗುರುಪೀಠದ ಪ್ರಣವಾನಂದ ಸ್ವಾಮೀಜಿ ವಾಗ್ದಾಳಿ ಮಾಡಿದ್ದಾರೆ. `ಸಿದ್ಧರಾಮಯ್ಯ ಅವರು ಈ ಹಿಂದೆ ಆಡಿದ ಮಾತು ಉಳಿಸಿಕೊಳ್ಳಬೇಕು’ ಎಂದು ತಾಕೀತು ಮಾಡಿದ್ದಾರೆ. ಶಿರಸಿಯಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಪ್ರಣವಾನಂದ ಸ್ವಾಮೀಜಿ `ಕಾಂಗ್ರೆಸ್ ಸರ್ಕಾರ ಈಡಗ ನಾಮದಾರಿ ಸಮುದಾಯವನ್ನು ಕೆಡಗಣಿಸಿದೆ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಈ ಸರ್ಕಾರ ಬಂದು ಎರಡುವರೆ ವರ್ಷ ಆದರೂ ಕೂಡ ನಮ್ಮ ಸಮಾಜದ ಬಗ್ಗೆ ಚಿಂತನೆ ಮಾಡಿಲ್ಲ. ಹಿಂದಿನ ಸರ್ಕಾರ ಇದ್ದಾಗ ನಮ್ಮ ಸಮುದಾಯಕ್ಕೆ ಎರಡು ಮಂತ್ರಿ ಸ್ಥಾನ ನೀಡಿದ್ದರು. ಈ ಸರ್ಕಾರದಲ್ಲಿ ಒಂದು ಸಚಿವ ಸ್ಥಾನ ಮಾತ್ರ ನೀಡಲಾಗಿದೆ’ ಎಂದು ದೂರಿದರು. `ಅಧಿಕಾರ ಹಿಡಿಯಲು ಹಿಂದುಳಿದ ವರ್ಗ ಪರಿಶಿಷ್ಟ ಜಾತಿ ಹಾಗೂ ಪಂಗಡದ ಹೆಸರು ಬಳಕೆ ನಡೆಯುತ್ತಿದೆ. ಅಧಿಕಾರಕ್ಕೆ ಬಂದಮೇಲೆ ಸಮುದಾಯದ ಕಾಂಗ್ರೆಸ್ಸಿಗೆ ಆಡಿದ ಮಾತು ನೆನಪೇ ಇರುವುದಿಲ್ಲ. ಸಮಾನತೆ ಹಾಗೂ ಸಾಮಾಜಿಕ ನ್ಯಾಯದ ಮುಖವಾಡದಲ್ಲಿ ಸಿದ್ಧರಾಮಯ್ಯ ಅವರು ಅಧಿಕಾರ ಅನುಭವಿಸುತ್ತಿದ್ದಾರೆ’ ಎಂದು ದೂರಿದರು. `ಅವರ ಅಧಿಕಾರದ ಏಳುವರೆ ವರ್ಷದಲ್ಲಿ ಹಿಂದುಳಿದ ವರ್ಗಗಳಿಗೆ ಏನು ಕೊಟ್ಟಿದ್ದಾರೆ?’ ಎಂದು ಪ್ರಶ್ನಿಸಿದರು. `ಸಿದ್ದರಾಮಯ್ಯ ಜೆಡಿಎಸ್ ನಿಂದ ಕಾಂಗ್ರೆಸ್ಸಿಗೆ ಬರುವಾಗ ನಮ್ಮ ಸಮುದಾಯದ ನಾಯಕರು ಕಾಂಗ್ರೆಸ್ಸಿನಲ್ಲಿ ಗಟ್ಟಿಯಾಗಿದ್ದರು ಆದರೆ ಸಿದ್ಧರಾಮಯ್ಯ ಅವರು ಎಲ್ಲರನ್ನೂ ಸೈಡ್ ಲೈನ್ ಮಾಡಿ ಮುಂದೆ ಬಂದರು. ನಮ್ಮ ಸಮುದಾಯವನ್ನು ಸಂಪೂರ್ಣ ಹತ್ತಿಕ್ಕಿದರು’ ಎಂದು ದೂರಿದರು. `ಸಿದ್ಧರಾಮಯ್ಯ ಅವರು ಮುಖ್ಯಮಂತ್ರಿಯಾದ ನಂತರ ಅಹಿಂದ್ ಹೆಸರಿನಲ್ಲಿ ಸಾಕಷ್ಟು ಲಾಭ ಮಾಡಿದ್ದಾರೆ. ಆದರೆ, ಕೊಟ್ಟ ಮಾತಿನ ಪ್ರಕಾರ ಅವರು ಡಿಕೆ ಶಿವಕುಮಾರ ಅವರಿಗೆ ಅಧಿಕಾರ ಬಿಟ್ಟು ಕೊಡಲಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ದೆಹಲಿಯಲ್ಲಿ ನಡೆದ ಚರ್ಚೆಯ ಪ್ರಕಾರ ಸಿದ್ಧರಾಮಯ್ಯ ಅವರು ಅಧಿಕಾರ ಬಿಡಬೇಕು. ಡಿಕೆ ಶಿವಕುಮಾರ ಅವರು ರಾಜ್ಯದ ಮುಖ್ಯಮಂತ್ರಿ ಆಗಬೇಕು’ ಎಂದು ಆಗ್ರಹಿಸಿದರು. `ಡಿಕೆ ಶಿವಕುಮಾರ ಅವರು ಮುಖ್ಯಮಂತ್ರಿ ಆಗಬೇಕು ಎಂಬುದು ಅನೇಕರ ಬಯಕೆ. ನಮ್ಮ ಅಭಿಪ್ರಾಯದ ಪ್ರಕಾರವೂ ಡಿಕೆ ಶಿವಕುಮಾರ ಅವರೇ ಮುಖ್ಯಮಂತ್ರಿ ಆಗಬೇಕು. ಕುರ್ಚಿ ಕದನದಲ್ಲಿ ಜನರ ಜೀವದ ಜೊತೆ ಚೆಲ್ಲಾಟ ಆಡುವುದನ್ನು ತಡೆಯಬೇಕು’ ಎಂದು ಆಗ್ರಹಿಸಿದರು.
- [ಕ್ರಿಕೆಟ್ ನೋಡಲು ಬಂದವನಿಗೆ ಬ್ಯಾಟ್ ಬೀಸಿದ ಭೂಪ!](https://mobiletime.in/2025/12/bhupa-threw-a-bat-at-a-person-who-came-to-watch-cricket/): ಮಕ್ಕಳು ಕ್ರಿಕೆಟ್ ಆಡುತ್ತಿರುವಾಗ ಗಲಾಟೆ ಸಹಿಸದ ರಿಜಾಯ ಶೇಖ್ ಅವರು ಮಕ್ಕಳನ್ನು ಸುಮ್ಮನಿರಸಲು ಹೋಗಿ ಅಲ್ಲಿದ್ದ ಕ್ರಿಕೆಟ್ ಬ್ಯಾಟಿನಿಂದ ಪೆಟ್ಟು ತಿಂದಿದ್ದಾರೆ. ಸರಾಯಿ ಕುಡಿದು ಮಕ್ಕಳ ಬಳಿ ಸುಳಿದಾಡಿದ ಕಾರಣ ರಿಯಾಜ್ ಶೇಖ್ ಅವರಿಗೆ ಅಬೀದ್ ಸಯ್ಯದ್ ಎಂಬಾತರು ತಲೆಗೆ ಹೊಡೆದಿದ್ದಾರೆ. ಸಿದ್ದಾಪುರದ ನೆಜ್ಜೂರಿನಲ್ಲಿ ರಿಯಾಜ್ ಶೇಖ್ (43) ಅವರು ಹಮಾಲಿ ಕೆಲಸ ಮಾಡಿಕೊಂಡಿದ್ದರು. ನವೆಂಬರ್ 25ರ ಸಂಜೆ ಅವರು ಊರಿನ ಆಟದ ಮೈದಾನಕ್ಕೆ ಹೋಗಿದ್ದರು. ಅಲ್ಲಿ ಮಕ್ಕಳು ಕ್ರಿಕೆಟ್ ಆಡುತ್ತಿದ್ದು, ಅದನ್ನು ನೋಡುತ್ತ ನಿಂತಿದ್ದರು. ಈ ವೇಳೆ ಕೆಲ ಮಕ್ಕಳು ಅಲ್ಲಿ ಗಲಾಟೆ ಮಾಡುತ್ತಿದ್ದರು. ಆಗ, ರಿಯಾಜ್ ಶೇಖ್ ಅವರು ಗಲಾಟೆ ಮಾಡುತ್ತಿದ್ದ ಮಕ್ಕಳನ್ನು ಸಮಾಧಾನ ಮಾಡುವ ಪ್ರಯತ್ನ ಮಾಡಿದರು. `ಗಲಾಟೆ ಮಾಡದೇ ಕ್ರಿಕೆಟ್ ಆಡಿ’ ಎಂದವರು ಹೇಳಿದರು. ಆದರೆ, ಈ ವೇಳೆ ರಿಯಾಜ್ ಶೇಖ್ ಅವರು ಮದ್ಯಪಾನ ಮಾಡಿದ್ದು, ಮದ್ಯಪಾನ ಮಾಡಿ ಮಕ್ಕಳ ಹತ್ತಿರ ಹೋಗಿದನ್ನು ಅದೇ ಊರಿನ ಅಬೀದ್ ಸಯ್ಯದ್ ಅವರು ಸಹಿಸಲಿಲ್ಲ. ರಿಯಾಜ್ ಶೇಖ್ ಅವರ ವಿರುದ್ಧ ಸಿಟ್ಟಾದ ಅಬೀದ್ ಸಯ್ಯದ್ ಅವರು ಮಕ್ಕಳ ಬಳಿಯಿದ್ದ ಬ್ಯಾಟ್ ಕಸಿದುಕೊಂಡರು. `ಕುಡಿದು ಬಂದು ಮಕ್ಕಳ ಬಳಿ ಹೋಗುವೆಯಾ?’ ಎಂದು ದಬಾಯಿಸಿದರು. `ನೀ ಸರಾಯಿ ಕುಡಿದು ಮಕ್ಕಳಿಗೆ ಬುದ್ದಿ ಹೇಳಬೇಡ’ ಎಂದು ಬೈದು ಆ ಬ್ಯಾಟಿನಿಂದ ತಲೆಗೆ ಹೊಡೆದರು. ಅದಾದ ನಂತರ ಮೈಮೇಲೆಯೂ ಬಾರಿಸಿದರು. ಇದರಿಂದ ನೊಂದ ರಿಯಾಜ್ ಶೇಖ್ ಅವರು ಪೊಲೀಸರಿಗೆ ದೂರಿದ್ದು, ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕೊರೊನಾ ಹರಡಿದ ಪಾಸ್ಟಪುಡ್ ಮಳಿಗೆ: ಲಾಕ್‌ಡೌನ್ ವೇಳೆ ಪೊಲೀಸರಿಗೆ ಹೊಡೆದವನಿಗೆ ಜೈಲೂಟ!](https://mobiletime.in/2025/12/pastafood-shop-where-corona-spread-man-who-hit-police-during-lockdown-gets-jail-time/): ಪೊಲೀಸ್ ಸಿಬ್ಬಂದಿ ಉದಯ ನಾಯ್ಕ ಹಾಗೂ ಬಸವರಾಜ ಡಿಕೆ ಅವರ ಮೇಲೆ ಹಲ್ಲೆ ಮಾಡಿದ ಪ್ರಶಾಂತ ಪಾಠಣಕರ್ ಅವರಿಗೆ ನ್ಯಾಯಾಲಯ ಜೈಲು ಶಿಕ್ಷೆ ವಿಧಿಸಿದೆ. ಈ ಶಿಕ್ಷೆ ಪ್ರಶ್ನಿಸಿ ಪ್ರಶಾಂತ ಪಾಠಣಕರ್ ಅವರು ಮೇಲ್ಮನವಿ ಸಲ್ಲಿಸಿದ್ದು, ಮೇಲಿನ ನ್ಯಾಯಾಲಯವೂ ತಪ್ಪು ಮಾಡಿದವನಿಗೆ ಸೂಕ್ತ ಶಿಕ್ಷೆ ಅನುಭವಿಸುವಂತೆ ಆದೇಶಿಸಿದೆ. 2021ರಲ್ಲಿ ಕೊರೊನಾ ಹಿನ್ನಲೆ ಸರ್ಕಾರ ಮಾರ್ಗಸೂಚಿ ಪ್ರಕಟಿಸಿತ್ತು. ಸೋಂಕು ಹರಡುವುದನ್ನು ತಡೆಯಲು ಕಠಿಣ ನಿಯಮಾವಳಿಗಳನ್ನು ರೂಪಿಸಿತ್ತು. ಆದರೆ, ಯಲ್ಲಾಪುರದ ಶಾರದಾಗಲ್ಲಿಯ ಕೋರ್ಟ ಕ್ರಾಸಿನ ಬಳಿ ವಾಸಿಸುವ ಪ್ರಶಾಂತ ನಾರಾಯಣ ಪಾಠಣಕರ್ ಅವರು ಇದಕ್ಕೆ ತಲೆಕೆಡಿಸಿಕೊಂಡಿರಲಿಲ್ಲ. ಚೈನಿಸ್ ಫಾಸ್ಟ್ಪುಡ್ & ಗೋಬಿ ಕಾರ್ನರ್ ಎಂಬ ಮಳಿಗೆ ನಡೆಸುವ ಅವರು ಕೊರೊನಾ ಅವಧಿಯಲ್ಲಿಯೂ ತಮ್ಮ ಮಳಿಗೆ ತೆರೆದಿದ್ದರು. ಅಲ್ಲಿ ಬರುವ ಗ್ರಾಹಕರಿಗೆ ತಿನಿಸುಗಳ ಜೊತೆ ಕೊರೊನಾ ಸೋಂಕು ಅಂಟಿಸಿ ಕಳುಹಿಸುವ ಪ್ರಯತ್ನ ನಡೆಸಿದ್ದರು. ಇದನ್ನು ಅರಿತ ಪೊಲೀಸ್ ಸಿಬ್ಬಂದಿ ಉದಯ ಆನಂದ ನಾಯ್ಕ ಅವರು ತಮ್ಮ ಠಾಣಾ ಸಿಬ್ಬಂದಿ ಬಸವರಾಜ ಡಿಕೆ ಅವರ ಜೊತೆ ಆ ಅಂಗಡಿ ಬಳಿ ಹೋಗಿದ್ದರು. ಪ್ರಶಾಂತ ಪಾಠಣಕರ್ ಅವರಿಗೆ ಕೊರೊನಾ ಮುನ್ನಚ್ಚರಿಕೆಯ ಪಾಠ ಮಾಡಿದ್ದರು. `ಕೊರೊನಾ ಮಾರ್ಗಸೂಚಿ ಉಲ್ಲಂಘಿಸಿ ಪಾಸ್ಟಪುಡ್ ಮಾರಾಟ ನಡೆಸುವುದು ತಪ್ಪು’ ಎಂದು ವಿವರಿಸಿದರು. ಆದರೆ, ಪ್ರಶಾಂತ ಪಾಠಣಕರ್ ಅವರು ಇದನ್ನು ಒಪ್ಪಿರಲಿಲ್ಲ. ಪೊಲೀಸರ ಬಳಿ ಎದುರು ಮಾತನಾಡಿದ್ದರು. ಈ ವೇಳೆ ಪೊಲೀಸರು ಹಾಗೂ ಪ್ರಶಾಂತ ಪಾಠಣಕರ್ ನಡುವೆ ವಾಗ್ವಾದ ನಡೆದಿದ್ದು, ಯುನಿಪಾರಂ ಧರಿಸಿದ್ದ ಪೊಲೀಸರ ಮೇಲೆ ಪ್ರಶಾಂತ ಪಾಠಣಕರ್ ಅವರು ಕೈ ಮಾಡಿದ್ದರು. ಪೊಲೀಸ್ ಸಿಬ್ಬಂದಿ ಉದಯ ನಾಯ್ಕ ಅವರನ್ನು ಪ್ರಶಾಂತ ಪಾಠಣಕರ್ ಅವರು ನೆಲಕ್ಕೆ ದೂಡಿದ್ದರು. ಬಸವರಾಜ ಡಿಕೆ ಅವರ ಕೊರಳಿಗೆ ಕೈ ಹಾಕಿ ಕಾಲರ್ ಹಿಡಿದು ಎಳೆದಾಡಿದ್ದರು. ಅದಾದ ನಂತರ ಪ್ರಶಾಂತ ಪಾಠಣಕರ್ ಅವರು ತಮ್ಮ ಬೈಕ್ ಏರಿ ಅಲ್ಲಿಂದ ಪರಾರಿಯಾಗಿದ್ದರು. ಈ ಎಲ್ಲಾ ವಿಷಯದ ಬಗ್ಗೆ ಉದಯ ನಾಯ್ಕ ಅವರು ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಆಗಿನ ಪಿಐ ಸುರೇಶ ಎಳ್ಳೂರು ಆರೋಪಿಯನ್ನು ಬಂಧಿಸಿದ್ದರು. ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು. ಯಲ್ಲಾಪುರ ಜೆಎಂಎಫ್‌ಸಿ ನ್ಯಾಯಾಲಯವೂ ಪ್ರಶಾಂತ ಪಾಠಣಕರ ಅವರಿಗೆ 1 ವರ್ಷದ ಜೈಲು ಶಿಕ್ಷೆ ವಿಧಿಸಿತ್ತು. ಆದರೆ, ಇದನ್ನು ಸಹಿಸದ ಪ್ರಶಾಂತ ಪಾಠಣಕರ್ ಅವರು ಈ ಆದೇಶದ ವಿರುದ್ಧ ಮೇಲ್ಮನವಿ ಹಾಕಿದ್ದರು. ಶಿರಸಿಯ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ಮೇಲ್ಮನವಿ ವಿಚಾರಣೆ ನಡೆಸಿತು. ಈ ವೇಳೆ ಸರ್ಕಾರಿ ವಕೀಲ ರಾಜೇಶ ಎಂ ಮಳಗಿಕರ್ ಅವರು ಕೊರೊನಾ ಅವಧಿಯ ಪರಿಸ್ಥಿತಿ ಹಾಗೂ ಆ ವೇಳೆ ಕೊರೊನಾ ವಾರಿಯರ್ಸ ಆಗಿ ಕರ್ತವ್ಯದಲ್ಲಿದ್ದ ಪೊಲೀಸರು ಅನುಭವಿಸಿದ ಸಮಸ್ಯೆಗಳ ಬಗ್ಗೆ ನ್ಯಾಯಾಧೀಶ ಕಿರಣ ಕಿಣಿ ಅವರಿಗೆ ವಿವರಿಸಿದರು. `ಸರ್ಕಾರದ ನಿಯಮ ಉಲ್ಲಂಘಿಸಿದಲ್ಲದೇ, ಆ ಬಗ್ಗೆ ತಿಳುವಳಿಕೆ ಮೂಡಿಸಲು ಆಗಮಿಸಿದ ಸರ್ಕಾರಿ ನೌಕರರ ಮೇಲೆ ಕೈ ಮಾಡುವವರಿಗೆ ಕಠಿಣ ಶಿಕ್ಷೆ ವಿಧಿಸಬೇಕು’ ಎಂದು ವಾದಿಸಿದರು. ವಾದ-ಪ್ರತಿವಾದ ಆಲಿಸಿದ ನ್ಯಾಯಾಧೀಶ ಕಿರಣ ಕಿಣಿ ಅವರು ಕೆಳ ನ್ಯಾಯಾಲಯದಲ್ಲಿ ಆರೋಪ ಸಾಭೀತಾಗಿರುವುದನ್ನು ಗಮನಿಸಿದರು. ಆ ತೀರ್ಫನ್ನು ಮರುಪರಿಶೀಲನೆಗೆ ಒಳಪಡಿಸಿ ಪೊಲೀಸರ ಮೇಲೆ ಕೈ ಮಾಡಿದ್ದ ಪ್ರಶಾಂತ ಪಾಠಣಕರ್ ಅವರಿಗೆ ಆರು ತಿಂಗಳ ಕಾರಾಗೃಹ ಶಿಕ್ಷೆಗೆ ಆದೇಶಿಸಿದರು.
- [45' ಚಿತ್ರದ 'AFRO ಟಪಾಂಗ್‌' ಹಾಡಿಗೆ ಜಾಗತಿಕ ಹವಾ ; 28.5 ಮಿಲಿಯನ್ ವೀಕ್ಷಣೆ ಮತ್ತು ಭಾರತದಲ್ಲಿ ಟ್ರೆಂಡಿಂಗ್ ಟಾಪ್!](https://mobiletime.in/2025/12/45-song-afro-tapang-gets-global-buzz-28-5-million-views-and-trending-top-in-india/): ಭಾರತದ ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ ’45’ ಇದೀಗ ಅದರ ಪ್ರಮೋಷನಲ್ ಹಾಡು ‘AFRO ಟಪಾಂಗ್‌’ ಮೂಲಕ ದೊಡ್ಡ ಮಟ್ಟದ ಸದ್ದು ಮಾಡುತ್ತಿದೆ. ರಿಯಲ್ ಸ್ಟಾರ್ ಉಪೇಂದ್ರ, ಕರುನಾಡ ಚಕ್ರವರ್ತಿ ಶಿವರಾಜ್‌ ಕುಮಾರ್‌ ಮತ್ತು ರಾಜ್‌ ಬಿ ಶೆಟ್ಟಿಯಂತಹ ಸ್ಯಾಂಡಲ್‌ವುಡ್‌ನ ಮೂವರು ಸ್ಟಾರ್‌ಗಳು ಒಟ್ಟಾಗಿ ನಟಿಸಿರುವ ಈ ಬಹುನಿರೀಕ್ಷಿತ ಚಿತ್ರ, ಡಿಸೆಂಬರ್ 2025ರ ಅತ್ಯಂತ ನಿರೀಕ್ಷಿತ ಸಿನಿಮಾ. ಸೋಶಿಯಲ್‌ ಮೀಡಿಯಾದಲ್ಲಿ ದಾಖಲೆ ಮಟ್ಟದ ವೀಕ್ಷಣೆಯನ್ನ ಪಡೆದ ‘AFRO ಟಪಾಂಗ್‌’ ಹಾಡು ಭಾರತದಲ್ಲಿ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಸೇರಿದಂತೆ ಪಂಚ ಭಾಷೆಗಳಲ್ಲೂ ಟಾಪ್ ಟ್ರೆಂಡಿಂಗ್ ಸಾಂಗ್ ಆಗಿದೆ. ಈ ಹಾಡು ಜಾಗತಿಕವಾಗಿ 28.5 ಮಿಲಿಯನ್ ವೀಕ್ಷಣೆಗಳೊಂದಿಗೆ ಹೊಸ ಮೈಲಿಗಲ್ಲನ್ನು ದಾಟಿದೆ. ನಿರ್ಮಾಪಕ ರಮೇಶ್‌ ರೆಡ್ಡಿ ಅವರ ಈ ಅತಿ ದೊಡ್ಡ ಸಾಹಸಕ್ಕೆ (ಚಿತ್ರದ ಬಜೆಟ್ ₹100 ಕೋಟಿ ಎಂದು ಅಂದಾಜಿಸಲಾಗಿದೆ) ಈ ಭರ್ಜರಿ ಯಶಸ್ಸು ಭದ್ರ ಬುನಾದಿ ಹಾಕಿದೆ. ಸಂಗೀತ ನಿರ್ದೇಶಕ ಅರ್ಜುನ್‌ ಜನ್ಯ ಅವರ ಚೊಚ್ಚಲ ನಿರ್ದೇಶನದ ಚಿತ್ರದ ಈ ಹಾಡು ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಈ ಯಶಸ್ಸನ್ನು ಕಂಡಿದೆ. ಯೂಟ್ಯೂಬ್‌ನಲ್ಲಿ 28.5 ಮಿಲಿಯನ್ ವೀಕ್ಷಣೆಗಳ ಧೂಳೀಪಟ! ‘AFRO ಟಪಾಂಗ್‌’ ಹಾಡು ತನ್ನ ವಿಶಿಷ್ಟ ಮ್ಯೂಸಿಕ್ ಮತ್ತು ಉಗಾಂಡದ ಪ್ರಸಿದ್ಧ ಜಿಟೊ ಕಿಡ್ಸ್ (Ghetto Kids) ತಂಡದ ಆಕರ್ಷಕ ಸ್ಟೆಪ್ಸ್‌ಗಳಿಂದ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಜಿಟೊ ಕಿಡ್ಸ್ ತಂಡವು ಭಾರತೀಯ ಚಿತ್ರರಂಗಕ್ಕೆ ಇದೇ ಮೊದಲ ಬಾರಿಗೆ ಎಂಟ್ರಿ ಕೊಟ್ಟಿದೆ. ಈ ಪ್ರಮೋಷನಲ್ ಸಾಂಗ್‌ ಯುಟ್ಯೂಬ್‌ನಲ್ಲಿ ಬರೋಬ್ಬರಿ 28.5M ಮಿಲಿಯನ್ ವೀಕ್ಷಣೆಗಳು ಹಾಗು 265k ಲೈಕ್ಸ್ ಪಡೆಯುವ ಮೂಲಕ ದಾಖಲೆ ಸೃಷ್ಟಿಸಿದೆ. ಕೇವಲ ಪ್ರಚಾರಕ್ಕಾಗಿ ಬಿಡುಗಡೆ ಮಾಡಿದ ಹಾಡಿಗೆ ಇಷ್ಟೊಂದು ದೊಡ್ಡ ಮಟ್ಟದ ವೀಕ್ಷಣೆ ಮತ್ತು ಎಂಗೇಜ್‌ಮೆಂಟ್‌ ಸಿಕ್ಕಿರುವುದು, ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ’45’ ಚಿತ್ರದ ಕಂಟೆಂಟ್‌ ಮತ್ತು ಅದರ ಮೇಲಿರುವ ನಿರೀಕ್ಷೆ ಎಷ್ಟಿದೆ ಎಂಬುದಕ್ಕೆ ಸಾಕ್ಷಿಯಾಗಿದೆ. *ಇನ್‌ಸ್ಟಾಗ್ರಾಂ ರೀಲ್ಸ್‌ನಲ್ಲಿ ವೈರಲ್ ಟ್ರೆಂಡ್!* ಯೂಟ್ಯೂಬ್‌ನಲ್ಲಿ ಮಾತ್ರವಲ್ಲದೆ, ಇನ್‌ಸ್ಟಾಗ್ರಾಂನಲ್ಲೂ ‘AFRO ಟಪಾಂಗ್‌’ ಹಾಡು ವೈರಲ್ ಟ್ರೆಂಡ್ ಆಗಿ ಮಾರ್ಪಟ್ಟಿದೆ. ಹಾಡಿನ ಡ್ಯಾನ್ಸ್‌ ಸ್ಟೆಪ್ಸ್‌ ಮತ್ತು ಆಫ್ರೋ ಬೀಟ್ಸ್ ಜನರನ್ನು ಆಕರ್ಷಿಸಿದ್ದು, ರೀಲ್ಸ್‌ಗಳ ಸೃಷ್ಟಿಗೆ ಪ್ರೇರಣೆ ನೀಡಿದೆ. *ಹಾಲಿವುಡ್‌ ಸಂಸ್ಥೆಯ ಸಹಯೋಗ* ಈ ಚಿತ್ರದ ಮತ್ತೊಂದು ವಿಶೇಷವೆಂದರೆ, ಹಾಲಿವುಡ್‌ ಪ್ರಾಜೆಕ್ಟ್‌ಗಳಿಗೆ ಕೆಲಸ ಮಾಡಿರುವ ಕೆನಡಾದ ಪ್ರತಿಷ್ಠಿತ ವಿ.ಎಫ್.ಎಕ್ಸ್ ಸಂಸ್ಥೆ “MARZ” ಕೂಡ ಈ ಚಿತ್ರದ ಭಾಗವಾಗಿದೆ. ಇದು ಚಿತ್ರದ ತಾಂತ್ರಿಕ ಗುಣಮಟ್ಟದ ಬಗ್ಗೆ ಹೆಚ್ಚಿನ ಭರವಸೆ ಮೂಡಿಸಿದೆ. ‘AFRO ಟಪಾಂಗ್‌’ ಹಾಡಿನ ಯಶಸ್ಸಿನ ಈ ಅಲೆಯಲ್ಲಿ, ಡಿಸೆಂಬರ್ 25ರಂದು ವಿಶ್ವಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿರುವ ’45’ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಭಾರೀ ಓಪನಿಂಗ್‌ ಪಡೆಯುವ ನಿರೀಕ್ಷೆ ಮೂಡಿಸಿದೆ.
- [2025ರ ಡಿಸೆಂಬರ್ 2ರ ದಿನ ಭವಿಷ್ಯ](https://mobiletime.in/2025/12/prediction-for-december-2-2025/): ಮೇಷ ರಾಶಿ: ಈ ದಿನ ನಿಮ್ಮ ಶ್ರದ್ಧೆ ಹಾಗೂ ಶ್ರಮ ಫಲಪ್ರದವಾಗಿರುತ್ತದೆ. ಹೊಸ ಉದ್ಯೋಗಾವಕಾಶಗಳು ಸಿಗಬಹುದು. ಹಣಕಾಸು ಸ್ಥಿತಿಯಲ್ಲಿ ಸುಧಾರಣೆ ಕಾಣಬಹುದು. ಕುಟುಂಬದಲ್ಲಿ ಸಂತೋಷ ವಾತಾವರಣ ಇರುತ್ತದೆ. ಆರೋಗ್ಯದ ಬಗ್ಗೆ ಜಾಗರೂಕತೆ ಬೇಕು. ವೃಷಭ ರಾಶಿ: ಈ ದಿನ ನೀವು ಮಾಡಿದ ಕೆಲಸ ಯಶಸ್ವಿಯಾಗುತ್ತದೆ. ಆರ್ಥಿಕ ಸ್ಥಿತಿ ಸದೃಢವಾಗಿರುತ್ತದೆ. ವಿದೇಶದಿಂದ ಉತ್ತಮ ಉದ್ಯೋಗ ಅವಕಾಶಗಳಿವೆ. ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ. ಧೈರ್ಯದಿಂದ ಕಾರ್ಯಮಾಡಿ. ಮಿಥುನ ರಾಶಿ: ನಿಮ್ಮ ಭಾವನೆಗಳು ಗಾಢವಾಗಿಯೂ, ಸಕಾರಾತ್ಮಕವಾಗಿಯೂ ಇರುತ್ತವೆ. ಉದ್ಯೋಗದಲ್ಲಿ ಗುರುತಾಗುವ ಅವಕಾಶ ಸಿಗುತ್ತದೆ. ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಹಣಕಾಸು ಸ್ಥಿತಿ ಸದೃಢವಾಗುತ್ತದೆ. ಕುಟುಂಬದ ಸದಸ್ಯರಿಂದ ಬೆಂಬಲ ಸಿಗುತ್ತದೆ. ಕನ್ಯಾ ರಾಶಿ: ಆರ್ಥಿಕ ಬದುಕಿನಲ್ಲಿ ಶ್ರಮ ಬೇಕಾಗುತ್ತದೆ. ದಾಂಪತ್ಯದಲ್ಲಿ ಮನಸ್ತಾಪಗಳು ಇರಬಹುದು. ಮಕ್ಕಳ ಕಾರ್ಯಗಳಲ್ಲಿ ಒಳ್ಳೆಯ ಸಮಯ. ಕೆಟ್ಟ ಹಾದಿ ತಡೆಯಿರಿ. ಶ್ರಮದಿಂದ ಮಾತ್ರ ಗೆಲುವು ಸಾದ್ಯ. ಗೌರವ ಹಾಗೂ ಸಂಪತ್ತು ಹೆಚ್ಚಾಗುತ್ತದೆ. ತುಲಾ ರಾಶಿ: ನಿಮ್ಮ ಕಾರ್ಯಗಳಲ್ಲಿ ಯಶಸ್ಸು ಹಾದಿ ನೀಡುತ್ತದೆ. ಕುಟುಂಬದಲ್ಲಿ ಶುಭ ಸಮಯ ಬರಲಿದೆ. ಆರ್ಥಿಕ ಲಾಭ ಸಾಧ್ಯ. ಸಮಸ್ಯೆಗಳಿಗೆ ಶಾಂತಿಯುತ ಪರಿಹಾರ ಸಿಗಬಹುದು. ಸ್ನೇಹಿತರಿಂದ ಸಹಾಯ ಸಿಗಲಿದೆ. ವೃಶ್ಚಿಕ ರಾಶಿ: ಶತ್ರುಗಳ ಕಾಟ ಜೋರಾಗಿರಲಿದೆ. ಹಣಕಾಸು ಬಗ್ಗೆ ಜಾಗರೂಕತೆ ಅಗತ್ಯ. ಉದ್ಯೋಗದಲ್ಲಿ ಪ್ರಗತಿಗೆ ಅವಕಾಶವಿದೆ. ಕುಟುಂಬಸ್ಥರಿAದ ಸಹಾಯ ಸಿಗಲಿದೆ. ಧನು ರಾಶಿ: ಹೊಸ ಪ್ರಯತ್ನಗಳಲ್ಲಿ ಯಶಸ್ಸು ಸಿಗಲಿದೆ. ಹಣಕಾಸು ಲಾಭ ಆಗಲಿದೆ. ಕುಟುಂಬದ ಇಚ್ಛೆಗಳು ಪೂರ್ತಿಯಾಗುವ ಸಾಧ್ಯತೆಯಿದೆ. ಆರೋಗ್ಯದ ಬಗ್ಗೆ ಜಾಗರುಕತೆ ಅಗತ್ಯ. ಮಕರ ರಾಶಿ: ನಿಮ್ಮ ಯೋಜನೆಗಳು ಯಶಸ್ವಿ ಆಗಲಿದೆ. ಉದ್ಯೋಗದಲ್ಲಿ ಒಳ್ಳೆಯ ಪ್ರಗತಿ ಸಾಧ್ಯವಿದೆ. ಕುಟುಂಬದಲ್ಲಿ ಸಂತೋಷ ಕಾಣಲಿದೆ. ಧೈರ್ಯದಿಂದ ಮುಂದುವರೆಯಿರಿ. ಕುAಭ ರಾಶಿ: ಹೊಸ ಯೋಜನೆಗಳು ಯಶಸ್ವಿಯಾಗುವ ಕಾಲ ಬಂದಿದೆ. ಹಣಕಾಸು ಲಾಭ ಆಗಲಿದೆ. ಸ್ನೇಹಿತರಿಂದ ಬೆಂಬಲ ಸಿಗಲಿದೆ. ಮಾನಸಿಕ ಶಾಂತಿ ಹಾಗೂ ಕುಟುಂಬದಲ್ಲಿ ಹರ್ಷ ಕಾಣಲು ಸಾಧ್ಯ. ಮೀನ ರಾಶಿ: ಉದ್ಯೋಗ ಕ್ಷೇತ್ರದಲ್ಲಿ ಸಫಲರಗುವಿರಿ. ಆರ್ಥಿಕ ಸ್ಥಿತಿ ಸುಧಾರಣೆ ಸಾಧ್ಯವಿದೆ. ಶತ್ರುಗಳ ವಿರುದ್ಧ ಜಾಗರೂಕತೆ ಅಗತ್ಯ. ಕುಟುಂಬದವರ ಸಮಸ್ಯೆ ಆಲಿಸಿ, ಬಗೆಹರಿಸಲು ಪ್ರಯತ್ನಿಸಿ.
- [ಮುಖ್ಯಮಂತ್ರಿ ಖುರ್ಚಿ ಖಾಲಿ ಇಲ್ಲ!](https://mobiletime.in/2025/12/the-chief-ministers-chair-is-not-vacant/): `ರಾಜ್ಯದಲ್ಲಿ ಮುಖ್ಯಮಂತ್ರಿ ಖುರ್ಚಿ ಖಾಲಿ ಇಲ್ಲ’ ಎಂದು ಆಡಳಿತ ಸುಧಾರಣಾ ಆಯೋಗದ ಅಧ್ಯಕ್ಷರೂ ಆಗಿರುವ ಹಳಿಯಾಳ ಶಾಸಕ ಆರ್ ವಿ ದೇಶಪಾಂಡೆ ಅವರು ಹೇಳಿದ್ದಾರೆ. ಶಿರಸಿಯಲ್ಲಿ ಮಾಧ್ಯಮದವರ ಜೊತೆ ಮಾತನಾಡಿದ ಅವರು `ಸಚಿವ ಸ್ಥಾನಕ್ಕಾಗಿ ನಾನು ಯಾರನ್ನು ಭೇಟಿ ಆಗಿಲ್ಲ. ಸಚಿವ ಸ್ಥಾನ ಕೊಡಿ ಎಂದು ಬೇಡಿಲ್ಲ. ಪಕ್ಷ ಯಾವ ಸ್ಥಾನ ಕೊಟ್ಟರೂ ಬೇಡ ಎನ್ನುವುದಿಲ್ಲ’ ಎಂದು ಹೇಳಿದರು. `ನಾಯಕತ್ವ ಬದಲಾವಣೆ ವಿಷಯಕ್ಕೆ ಪೂರ್ಣವಿರಾಮ ಬಿದ್ದಿದೆ. ನಾಯಕರು ಪರಸ್ಪರ ಭೇಟಿಯಾಗಿ ಮಾತನಾಡಿದ್ದಾರೆ. ಮುಖ್ಯಮಂತ್ರಿ ಯಾರು ಆಗಬೇಕು?’ ಎಂದು ಹೈಕಮಾಂಡ್ ನಿರ್ಧಾರ ಮಾಡಲಿದೆ’ ಎಂದು ಹೇಳಿದ್ದಾರೆ. `ರಾಜ್ಯದಲ್ಲಿ ಅಭಿವೃದ್ಧಿ ಆಗುತ್ತಿಲ್ಲ ಎನ್ನುವುದು ಸತ್ಯವಲ್ಲ. ಜನರ ನಿರೀಕ್ಷೆ ಜಾಸ್ತಿಯಿದ್ದ ಕಾರಣ ಅಭಿವೃದ್ಧಿ ಕೆಲಸ ಕಾಣುತ್ತಿಲ್ಲ. ಎಲ್ಲಾ ಶಾಸಕರಿಗೂ ಅನುದಾನ ಕೊಡಲಾಗಿದ್ದು, ಕೆಲಸ ನಡೆಯುತ್ತಿದೆ. ಸಿದ್ಧರಾಮಯ್ಯ ನಾಯಕತ್ವದಲ್ಲಿ ಸರ್ಕಾರ 5 ಗ್ಯಾರಂಟಿ ಅನುಷ್ಠಾನ ಮಾಡಿ ಜನರ ಆದಾಯ ಹೆಚ್ಚಿಸಿದೆ’ ಎಂದವರು ಹೇಳಿದ್ದಾರೆ.
- [7 ಲಕ್ಷದ ಬಿಲ್: ಸಚಿವರಿಂದ ಸಹಾಯದ ಭರವಸೆ](https://mobiletime.in/2025/12/7-lakh-bill-minister-promises-help/): ಹಾವು ಕಚ್ಚಿದ ವಿಷಯ ಕೇಳಿ ಆಘಾತಕ್ಕೆ ಒಳಗಾಗಿರುವ ಕುಮಟಾದ ರಮೇಶ ಪಟಗಾರ ಅವರಿಗೆ ನೆರವು ನೀಡುವಂತೆ ಕೋರಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರ ಮೊರೆ ಹೋಗಿದ್ದಾರೆ. ಭಟ್ಕಳ ಆಡಳಿತ ಸೌಧದಲ್ಲಿ ಮಂಕಾಳು ವೈದ್ಯ ಅವರನ್ನು ಆಗ್ನೇಲ್ ರೋಡ್ರಿಗಸ್ ಅವರು ಭೇಟಿ ಮಾಡಿದರು. `ಸಿದ್ದಾಪುರದಲ್ಲಿ ಕೆಲಸ ಮಾಡುವಾಗ ರಮೇಶ ಪಟಗಾರ ಅವರಿಗೆ ಹಾವು ಕಚ್ಚಿದ್ದು, ಅಧಿಕ ರಕ್ತದ ಒತ್ತಡದಿಂದ ಅವರು ಆಸ್ಪತ್ರೆ ಸೇರಿದ ಬಗ್ಗೆ ವಿವರಿಸಿದರು. ಆಸ್ಪತ್ರೆಯವರು 7 ಲಕ್ಷ ರೂ ಬಿಲ್ ಮಾಡಿದ್ದು ಅದನ್ನು ಪಾವತಿಸಲು ರಮೇಶ ಪಟಗಾರ ಅವರ ಕುಟುಂಬಕ್ಕೆ ಸಾಧ್ಯವಾಗುತ್ತಿಲ್ಲ’ ಎಂದು ವಿವರಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಮಂಕಾಳು ವೈದ್ಯ ಅವರು `ತಾನು ಮಂಗಳೂರಿನ ಎ ಜೆ ಆಸ್ಪತ್ರೆಯವರ ಜೊತೆ ಮಾತನಾಡುವೆ. ವೈಯಕ್ತಿಕವಾಗಿಯೂ ಸಹಾಯ ಮಾಡುವೆ. ಜೊತೆಗೆ ಸರ್ಕಾರದಿಂದ ಪರಿಹಾರ ಕೊಡಿಸುವೆ’ ಎಂಬ ಭರವಸೆ ನೀಡಿದರು. ಈ ವಿಷಯದ ಬಗ್ಗೆ ಆರೋಗ್ಯ ಸಚಿವರಿಗೂ ಪತ್ರ ಬರೆದಿರುವುದಾಗಿ ಆಗ್ನೇಲ್ ರೋಡ್ರಿಗಸ್ ಅವರು ತಿಳಿಸಿದರು. ರಮೇಶ್ ಅವರ ಮಗ ನಿತಿನ್, ಚಿಕ್ಕಪ್ಪ ಗಣಪತಿ ಪಟಗಾರ. ಸಾಮಾಜಿಕ ಕಾರ್ಯಕರ್ತ ಸುಧಾಕರ್ ನಾಯ್ಕ, ನಿವೃತ ಅಧಿಕಾರಿ ನಾಗೇಶ್ ಇತರರು ಇದ್ದರು.
- [ಕಾಡು ಕೋಣ ದರ್ಶನ!](https://mobiletime.in/2025/12/wild-corner-visit/): ಅಪರೂಪಕ್ಕೆ ಒಮ್ಮೆ ಊರಿಗೆ ಬಂದು ದರ್ಶನ ಕೊಡುವ ಕಾಡು ಕೋಣ ನಿನ್ನೆ ಸಿದ್ದಾಪುರ ಭಾಗದಲ್ಲಿ ಕಾಣಿಸಿದೆ. ಹಾಳಾದಕಟ್ಟಾ ಸರ್ಕಾರಿ ಪಿಯು ಕಾಲೇಜು ವಿದ್ಯಾರ್ಥಿನಿ ಶ್ರಾವ್ಯ ರಾಜೇಂದ್ರ ನಾಯ್ಕ ಅವರು ಕಾಡು ಕೋಣದ ಚಲನ-ವಲನಗಳನ್ನು ಸೆರೆ ಹಿಡಿದಿದ್ದಾರೆ. ಸಿದ್ದಾಪುರ ಮಾವಿನಕೊಡು ಗ್ರಾಮದಲ್ಲಿ ಭಾನುವಾರ ಹಗಲಿನ ವೇಳೆಯಲ್ಲಿಯೇ ಕಾಡು ಕೋಣ ಓಡಾಟ ನಡೆಸಿದೆ. ಸಂಜೆ ವೇಳೆ ಆ ಕೋಣ ಮಾನವನ ಸಮೀಪದಲ್ಲಿ ಕಾಣಿಸಿದ್ದು, ಶ್ಯಾವ್ಯ ನಾಯ್ಕ ಅವರು ತಮ್ಮ ಮೊಬೈಲ್ ಕ್ಯಾಮರಾದಲ್ಲಿ ಅದನ್ನು ಚಿತ್ರಿಕರಿಸಿದ್ದಾರೆ. ಈ ಮೊದಲು ಸಹ ಈ ಭಾಗದಲ್ಲಿ ಕಾಡು ಕೋಣ ಕಾಣಿಸಿತ್ತು. ಜನ ಅದನ್ನು ಕಾಡಿನ ಕಡೆ ಓಡಿಸುವ ಪ್ರಯತ್ನ ನಡೆಸಿದರೂ ಪ್ರಯೋಜನವಾಗಿರಲಿಲ್ಲ. ಇದೀಗ ಮತ್ತೆ ಕಾಡು ಕೋಣ ಕಾಣಿಸಿದ್ದರಿಂದ ಜನ ಆತಂಕಕ್ಕೆ ಒಳಗಾಗಿದ್ದಾರೆ. ಅರಣ್ಯ ಇಲಾಖೆಯವರು ಕಾಡು ಕೋಣವನ್ನು ಕಾಡಿಗೆ ಕಳುಹಿಸುವ ಪ್ರಯತ್ನ ನಡೆಸಬೇಕು. ಆ ಮೂಲಕ ಜನರ ಆತಂಕ ದೂರ ಮಾಡಬೇಕು ಎಂದು ಅಲ್ಲಿನವರು ಆಗ್ರಹಿಸಿದ್ದಾರೆ.
- [ಹುಚ್ಚು ನಾಯಿಗಳಿವೆ.. ಎಚ್ಚರ!](https://mobiletime.in/2025/12/there-are-mad-dogs-be-careful/): ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಭಾಗದಲ್ಲಿಯೂ ಬೀಡಾಡಿ ನಾಯಿಗಳ ಕಾಟ ಹೆಚ್ಚಾಗಿದ್ದು, ಅದರಲ್ಲಿಯೂ ಶಿರಸಿಯಲ್ಲಿ ಹುಚ್ಚು ನಾಯಿ ಪತ್ತೆಯಾಗಿದೆ. ಪೊಲೀಸ್ ಸಿಬ್ಬಂದಿಯೊಬ್ಬರ ಸಮಯ ಪ್ರಜ್ಞೆಯಿಂದ ಆ ಹುಚ್ಚು ನಾಯಿ ಮಕ್ಕಳ ಮೇಲೆ ಆಕ್ರಮಣ ನಡೆಸುವುದು ತಪ್ಪಿದೆ. ಶಿರಸಿಯ ಅಂಬೇಡ್ಕರ್ ಸರ್ಕಲ್ ಬಳಿ ತೆರಳುತ್ತಿದ್ದ ಮಕ್ಕಳ ಮೇಲೆ ಹುಚ್ಚು ನಾಯಿ ದಾಳಿಗೆ ಮುಂದಾಗಿತ್ತು. ಇದನ್ನು ಗಮನಿಸಿದ ಸಂಚಾರಿ ಪೋಲಿಸ್ ಠಾಣೆಯ ಸಿಬ್ಬಂದಿ ಅನಿಲ್ ಬಿರಾದಾರ್ ತಕ್ಷಣ ಜಾಗೃತರಾಗಿ ಆ ನಾಯಿಗೆ ಕಡಿವಾಣ ಹಾಕಿದರು. ತೇಲಂಗ ಪ್ರೌಢಶಾಲೆಯ ಶಿಕ್ಷಕ ವೆಂಕಟೇಶ ಜೋಗಳೆಕರ್ ಅವರ ಸಹಾಯದಿಂದ ಆ ನಾಯಿಯನ್ನು ಅಲ್ಲಿಯೇ ಬಂಧಿಸಿದರು. ಆ ಮೂಲಕ ಪೊಲೀಸ್ ಸಿಬ್ಬಂದಿ ಮಕ್ಕಳ ಜೀವ ಕಾಪಾಡಿದರು. ಅನಿಲ್ ಬಿರಾದಾರ್ ಅವರು ಸರಪಳಿ ಬಳಸಿ ನಾಯಿಯನ್ನು ಕಬ್ಬಿಣದ ಗ್ರಿಲ್ಸ್’ಗೆ ಕಟ್ಟಿದ್ದು, ನಗರಸಭೆಯ ಪೌರ ಕಾರ್ಮಿಕರು ಆ ನಾಯಿಯನ್ನು ಅಲ್ಲಿಂದ ಸ್ಥಳಾಂತರಿಸಿದರು. ಹುಚ್ಚು ಹಿಡಿದು ಜೊಲ್ಲು ಸುರಿಸುತ್ತಿದ್ದ ನಾಯಿ ಅತಿ ಅಪಾಯದ ಸ್ಥಿತಿಯಲ್ಲಿದೆ. `ಹುಚ್ಚು ಹಿಡಿದ ನಾಯಿ ಗರಿಷ್ಟ 10 ದಿನಗಳವರೆಗೆ ಮಾತ್ರ ಬದುಕುವ ಸಾಧ್ಯತೆಯಿದ್ದು, ಈ ಅವಧಿಯಲ್ಲಿ ಬೇರೆ ನಾಯಿಗಳಿಗೆ ಕಚ್ಚದಂತೆ ಎಚ್ಚರಿಕೆವಹಿಸಬೇಕು. ಬೇರೆ ನಾಯಿಗೆ ಕಚ್ಚಿದರೆ ಉಳಿದ ನಾಯಿಗಳಿಗೂ ಸೋಂಕು ಹರಡುವ ಅಪಾಯವಿದೆ’ ಎಂದು ಪಶುವೈದ್ಯರು ವಿವರಿಸಿದರು.
- [ರಾತ್ರಿಯಿಡೀ ಕಾದವರು ಗೋ ಸಾಗಾಟ ತಡೆದರು!](https://mobiletime.in/2025/12/those-who-waited-all-night-stopped-the-cow-transport/): ಹೊನ್ನಾವರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಪದೇ ಪದೇ ಗೋ ಕಳ್ಳತನ ನಡೆಯುತ್ತಿದ್ದು, ರಾತ್ರಿಯಿಡೀ ಕಾದ ಜನ ಆ ಕಳ್ಳರ ಕಾರ್ಯಕ್ಕೆ ತಾತ್ಕಾಲಿಕ ತಡೆ ಒಡ್ಡಿದ್ದಾರೆ. ಐಷಾರಾಮಿ ಕಾರನ್ನು ಅಡ್ಡಗಟ್ಟಿದನ್ನು ನೋಡಿ ಗೊ ಕಳ್ಳರು ಓಡಿ ಪರಾರಿಯಾಗಿದ್ದಾರೆ. ರಸ್ತೆ ಬದಿಯ ಹಸುಗಳನ್ನು ಕಾರಿನಲ್ಲಿ ತುಂಬಿಕೊAಡು ಹೋಗುವವರನ್ನು ಹಿಡಿಯುವುದಕ್ಕಾಗಿ ಹೊನ್ನಾವರದ ಜಡ್ಡಿಗದ್ದೆಯ ಜನ ರಾತ್ರಿ ಕಾವಲು ಕೂತಿದ್ದರು. ನಿರೀಕ್ಷೆಯಂತೆ ನಸುಕಿನ ಅವಧಿಯಲ್ಲಿ ಕಳ್ಳರು ಕಾರಿನಲ್ಲಿ ಬಂದಿದ್ದು, ಗೋವುಗಳನ್ನು ಕದಿಯುವಾಗಲೇ ಜನ ದಾಳಿ ನಡೆಸಿದರು. ಅವರ ವಾಹನ ತಡೆದು ಪೊಲೀಸರಿಗೆ ಫೋನ್ ಮಾಡಿದರು. ಜನರನ್ನು ನೋಡಿದ ಕಳ್ಳರು ಕಾರು ಹಾಗೂ ಮೊಬೈಲ್ ಬಿಟ್ಟು ಕಾಡಿನ ಕಡೆ ಓಡಿದರು. ಕಡತೋಕಾ, ಜಡ್ಡಿಗದ್ದೆ, ಮಾಡಗೇರಿ, ಊರಕೇರಿ, ಕೆಕ್ಕಾರ, ಗುಡ್ಡಿನಕಟ್ಟು, ನವೀಲಗೋಣ, ಹಳದೀಪುರ, ಬಾದಳ್ಳಿ, ಚಿಪ್ಪಿಹಕ್ಲು, ನವೀಲಗೋಣ ಸೇರಿ 400ಕ್ಕೂ ಅಧಿಕ ಜನ ನಡೆಸಿದ ಈ ಕಾರ್ಯಾಚರಣೆಯಿಂದ ಗೋ ಕಳ್ಳರು ಬೆದರಿದರು. ಚಂದಾವರದಿAದ ಅರೇಅಂಗಡಿ ಮಾರ್ಗವಾಗಿ ಭಟ್ಕಳಕ್ಕೆ ಸಾಗಾಟವಾಗುತ್ತಿದ್ದ ಗೋವುಗಳನ್ನು ಅಲ್ಲಿನ ಜನ ರಕ್ಷಿಸಿದರು. ಈ ಅವಧಿಯಲ್ಲಿ ಗೋ ಕಳ್ಳರ ಕಾರು ಅಪಘಾತಕ್ಕೀಡಾಗಿದ್ದು, ಕಾರಿನಲ್ಲಿ ಬಗೆ ಬಗೆಯ ನಂಬರ್ ಪ್ಲೇಟ್ ಸಿಕ್ಕಿವೆ.
- [ಮೋದಿ ಮನಗೆದ್ದ ಚಾಪಲ್ ನೌಕೆ!](https://mobiletime.in/2025/12/modis-favorite-chappal-boat/): ಕಾರವಾರದಲ್ಲಿರುವ ಯುದ್ದನೌಕೆ ಸಂಗ್ರಹಾಲಯದ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಮಾತನಾಡಿದ್ದಾರೆ. `ಮನಕಿ ಬಾತ್’ ಕಾರ್ಯಕ್ರಮದಲ್ಲಿ ಅವರು ಚಾಪಲ್ ಯುದ್ಧನೌಕೆಯ ಕಾರ್ಯದ ಬಗ್ಗೆ ವಿವರಿಸಿದ್ದಾರೆ. ನವೆಂಬರ್ ತಿಂಗಳ `ಮನಕಿ ಬಾತ್’ ವೇಳೆ ನರೇಂದ್ರ ಮೋದಿ ಅವರು ಕಾರವಾರದ ವಿಷಯ ಪ್ರಸ್ತಾಪಿಸಿದ್ದಾರೆ. ನೌಕಾನೆಲೆ ಕುರಿತು ಮಾತನಾಡಿದ ಅವರು ದೇಶದ ವಿವಿಧೆಡೆಯಲ್ಲಿ ನೌಕಾದಳಕ್ಕೆ ಸಂಬoಧಿಸಿದ ವಸ್ತು ಸಂಗ್ರಹಾಲಯಗಳ ಕುರಿತು ಹೇಳಿದ್ದಾರೆ. ಈ ವೇಳೆ ಕಾರವಾರದ ಚಾಪಲ್ ಯುದ್ಧನೌಕೆಯ ಬಗ್ಗೆಯೂ ಅವರು ಮಾತನಾಡಿದ್ದಾರೆ. `ಕಾರವಾರದಲ್ಲಿಯೂ ಯುದ್ಧನೌಕೆ ವಸ್ತು ಸಂಗ್ರಹಾಲಯವಿದೆ. ಅಲ್ಲಿ ನೌಕಾದಳದ ಸಾಮರ್ಥ್ಯ ಬಿಂಬಿಸುವ ಪರಿಕರಗಳನ್ನು ಇಡಲಾಗಿದೆ’ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ದೇಶದ ಜನರ ಮುಂದೆ ಹೇಳಿದ್ದಾರೆ. 1971ರ ಇಂಡೋ ಪಾಕ್ ಯುದ್ಧದ ವೇಳೆ ಬಳಕೆ ಆಗಿದ್ದ ಚಪಲ್ ಯುದ್ಧನೌಕೆ ನಿವೃತ್ತಿಯ ಬಳಿಕ ಕಾರವಾರದಲ್ಲಿ ವಸ್ತುಸಂಗ್ರಹಾಲಯವಾಗಿ ಮಾರ್ಪಡಿಸಲಾಗಿದೆ. 2005ರಲ್ಲಿ ಇದನ್ನು ಕಾರವಾರಕ್ಕೆ ತರಲಾಗಿದ್ದು, 2006ರಿಂದ ಸಾರ್ವಜನಿಕ ವೀಕ್ಷಣೆಗೆ ಮುಕ್ತವಾಗಿಸಲಾಯಿತು. ಕಳೆದ 19 ವರ್ಷಗಳಲ್ಲಿ ಅಂದಾಜು 8 ಲಕ್ಷಕ್ಕೂ ಹೆಚ್ಚು ಪ್ರವಾಸಿಗರು ವಸ್ತು ಸಂಗ್ರಹಾಲಯ ವೀಕ್ಷಿಸಿದ್ದಾರೆ. ಈ ಸಂಗ್ರಹಾಲಯದ ಪಕ್ಕ ಟುಪಲೇವ್ ಯುದ್ಧ ವಿಮಾನ ವಸ್ತು ಸಂಗ್ರಹಾಲಯ ಸಹ ಇದೆ.
- [ನಾಯಿಗೆ ತಿಂಡಿ ಹಾಕಿದ ವಿಷಯ: ಜಗಳ-ಮಾರಾಮಾರಿ!](https://mobiletime.in/2025/12/the-matter-of-feeding-the-dog-a-snack-a-fight/): ಬೀದಿ ನಾಯಿಗೆ ಬಿಸ್ಕತ್ ಹಾಕಿದ ವಿಷಯವಾಗಿ ನಾಲ್ವರ ನಡುವೆ ಗಲಾಟೆ ನಡೆದಿದೆ. ಈ ಗಲಾಟೆ ಒಮ್ಮೆ ರಾಜಿ-ಸಂದಾನದಲ್ಲಿ ಅಂತ್ಯವಾಗಿದ್ದರೂ ಅದೇ ವಿಷಯವಾಗಿ ಮತ್ತೆ ಹೊಡೆದಾಟ ನಡೆದು ಪ್ರಕರಣ ನ್ಯಾಯಾಲಯದ ಮೆಟ್ಟಿಲೇರಿದೆ. ನವೆಂಬರ್ 23ರಂದು ಭಟ್ಕಳ ಬಸ್ ನಿಲ್ದಾಣ ಬಳಿಯ ಅಂಗಡಿಯಲ್ಲಿದ್ದ ಮನೋಜ ತಲವಾರ ಎಂಬಾತರು ಅಲ್ಲಿ ಬಂದಿದ್ದ ನಾಯಿಗೆ ಸಮೋಸಾ-ಬಿಸ್ಕತ್ ಹಾಕಿದ್ದರು. ಅವರು ಈ ತಿಂಡಿ ಹಾಕುವ ವೇಳೆ ಮಂಡಳ್ಳಿ ನೀರಗದ್ದೆಯ ಮನೋಜ ಹರಿಶ್ಚಂದ್ರ ನಾಯ್ಕ ಅವರು ಅಲ್ಲಿಗೆ ಬಂದಿದ್ದು, ನಾಯಿಗೆ ತಿಂಡಿ ಹಾಕುವುದನ್ನು ವಿರೋಧಿಸಿದ್ದರು. `ನನ್ನನ್ನು ನೋಡುತ್ತ ನಾಯಿ ಕರೆದು ತಿಂಡಿ ಹಾಕುತ್ತೇಯಾ?’ ಎಂದು ಪ್ರಶ್ನಿಸಿ ಮನೋಜ ನಾಯ್ಕ ಅವರು ಜಗಳ ಮಾಡಿದ್ದರು. ಅವರ ಜಗಳ ತಾರಕ್ಕೇರಿದ್ದು, ಪೊಲೀಸರು ರಾಜಿ ಸಂಧಾನ ಮಾಡಿ ಮುಗಿಸಿದ್ದರು. ನವೆಂಬರ್ 24ರಂದು ಮತ್ತೆ ಆ ಅಂಗಡಿ ಬಳಿ ಬಂದ ಮನೋಜ ನಾಯ್ಕ ಅವರು `ಪೊಲೀಸರ ಬಳಿ ದೂರುವೆಯಾ?’ ಎಂದು ಪ್ರಶ್ನಿಸಿ ಮತ್ತೆ ಜಗಳ ಶುರು ಮಾಡಿದರು. ಈ ವೇಳೆ ಮನೋಜ ನಾಯ್ಕ ಅವರ ಜೊತೆ ಅವರ ಸಹೋದರ ಹರೀಶ ನಾಯ್ಕ ಸಹ ಇದ್ದರು. ಜಗಳ ತಡೆಯುವುದಕ್ಕಾಗಿ ಬಂದ ಭಟ್ಕಳ ಗಾಂಧೀನಗರದ ಕುಡ್ತಮ್ಮನಮನೆಯ ಸುಕ್ರಯ್ಯ ನಾರಾಯಣ ನಾಯ್ಕ (45) ಅವರ ಮೇಲೆ ಆ ಇಬ್ಬರು ದಾಳಿ ಮಾಡಿದರು. ತಂದೆಯ ಮೇಲೆ ನಡೆಯುವ ದಾಳಿ ತಡೆಯಲು ಮುಂದಾದ ಗಣೇಶ ನಾಯ್ಕ ಅವರು ಪೆಟ್ಟು ತಿಂದರು. ಕಬ್ಬಿಣದ ರಾಡಿನಿಂದ ತಲೆಗೆ ಪೆಟ್ಟು ಬಿದ್ದ ಕಾರಣ ಸುಕ್ರಯ್ಯ ನಾರಾಯಣ ನಾಯ್ಕ ಅವರು ಆಸ್ಪತ್ರೆಗೆ ದಾಖಲಾದರು. ಚಿಕಿತ್ಸೆಪಡೆದ ಅವರು ತಮ್ಮ ಮೇಲಾದ ದಾಳಿಯ ಬಗ್ಗೆ ಪೊಲೀಸರಿಗೆ ವಿವರಿಸಿ, ಹರೀಶ ನಾಯ್ಕ ಹಾಗೂ ಮನೋಜ ನಾಯ್ಕ ವಿರುದ್ಧ ದೂರಿದರು.
- [ರಾತ್ರಿ ವೇಳೆ ಜನರ ಪಹರೆ: ಅವರವರ ಊರಿಗೆ ಅವರವರೇ ಪೊಲೀಸರು!](https://mobiletime.in/2025/12/peoples-night-patrol-they-are-the-police-in-their-own-town/): ಎಲ್ಲಡೆ ಕಳ್ಳರ ಹಾವಳಿ ವಿಪರೀತವಾಗಿದ್ದು, ಕಳ್ಳರ ಹೆಡೆಮುರಿ ಕಟ್ಟುವುದಕ್ಕಾಗಿ 55 ಊರಿನ ಜನ ಒಂದಾಗಿದ್ದಾರೆ. ಆ ಊರುಗಳಲ್ಲಿ ಪ್ರತಿ ಮನೆಯಿಂದ ಒಬ್ಬರಂತೆ ತಂಡ ಕಟ್ಟಿಕೊಂಡು ರಾತ್ರಿ ವೇಳೆ ಊರಿನ ಪಹರೆ ಕಾಯುತ್ತಿದ್ದಾರೆ. ಪ್ರತಿ ತಂಡದಲ್ಲಿಯೂ 8-10 ಜನ ಸದಸ್ಯರಿದ್ದು, ಆ ಭಾಗದ ಊರುಗಳಲ್ಲಿ ಸರಿಸುಮಾರು 500ಕ್ಕೂ ಅಧಿಕ ಜನ ಒಗ್ಗಟ್ಟಿನಿಂದ ಕೆಲಸ ಮಾಡುತ್ತಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲೂಕಿನ ಮಂಚಿಕೇರಿ, ಉಮ್ಮಚ್ಗಿ, ಹಾಸಣಗಿ, ಹಲಸಿನಕೊಪ್ಪ, ಕಂಪ್ಲಿ, ಬೈದಹಕ್ಕಲು, ಕೊಕ್ಕಾರ್ ಸೇರಿ ಆ ಭಾಗದ ಅನೇಕ ಊರುಗಳಲ್ಲಿ ರಾತ್ರಿ ಪಹರೆ ಕಾಯುವ ಕೆಲಸ ಶುರುವಾಗಿದೆ. ಈ ಭಾಗದಲ್ಲಿ ಮನೆ ಕಳ್ಳತನ, ಅಡಿಕೆ ಕಳ್ಳತನ ಸೇರಿ ಅನೇಕ ಅಪರಾಧ ಪ್ರಕರಣಗಳು ನಡೆದಿದ್ದರಿಂದ ಅದಕ್ಕೆಲ್ಲ ಕಡಿವಾಣ ಹಾಕಲು ಊರಿನವರೇ ರಾತ್ರಿ ವೇಳೆ ಗಸ್ತು ತಿರುಗುತ್ತಿದ್ದಾರೆ. ಅನುಮಾನಾಸ್ಪದ ವ್ಯಕ್ತಿಗಳ ವಿಚಾರಣೆ ನಡೆಸುವ ಅಲ್ಲಿನ ಜನ ಅಪರಿಚಿತರು ಬಂದ ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡುತ್ತಿದ್ದಾರೆ. ಕೂಡಲೇ ಪೊಲೀಸರು ಸ್ಥಳಕ್ಕೆ ಬಂದು ವಿಚಾರಣೆ ನಡೆಸುತ್ತಿದ್ದಾರೆ. ಸದ್ಯ ಅಡಿಕೆ ಫಸಲಿನ ಹಂಗಾಮು ಶುರುವಾಗಿದ್ದು, ಬೆಳೆ ಕಾಯ್ದುಕೊಳ್ಳುವದೇ ರೈತರಿಗೆ ದೊಡ್ಡ ತಲೆನೋವಾಗಿದೆ. ಈ ನಡುವೆ ಮರಕ್ಕೆ ಇದ್ದ ಅಡಿಕೆ ಕದ್ದು ಒಯ್ದ ಪ್ರಕರಣಗಳು ನಡೆಯುತ್ತಿದೆ. ಕಳ್ಳರ ಕಾಟದಿಂದ ಊರಿನ ಜನರಿಗೆ ನೆಮ್ಮದಿ ಇಲ್ಲದಿರುವುದನ್ನು ಅರಿತ ಯಲ್ಲಾಪುರ ಪಿಐ ರಮೇಶ ಹಾನಾಪುರ ಈ ಭಾಗದಲ್ಲಿ ನಿರಂತರ ಸಭೆ ನಡೆಸಿದ್ದಾರೆ. ಅದರ ಮುಂದುವರೆದ ಭಾಗವಾಗಿ ಊರಿನ ಜನರನ್ನು ಒಂದುಗೂಡಿಸಿ ಅವರ ಮೂಲಕವೇ ಊರಿಗೆ ಭದ್ರತೆ ಒದಗಿಸುವ ಪ್ರಯತ್ನ ಮಾಡಿದ್ದಾರೆ. ಈ 55 ಊರುಗಳಿಗೆ ಮಂಚಿಕೇರಿ ಹೊರಠಾಣೆ ಕೇಂದ್ರವಾಗಿದ್ದು, ತುರ್ತು ಸನ್ನಿವೇಶ ಎದುರಾದಲ್ಲಿ ಜನ 112ಗೆ ಫೋನ್ ಮಾಡುತ್ತಾರೆ. 112 ಸಿಬ್ಬಂದಿ ಜೊತೆ ಮಂಚಿಕೇರಿ ಹೊರಠಾಣೆ ಪೊಲೀಸರು ಸ್ಥಳದಲ್ಲಿ ಹಾಜರಿರುತ್ತಾರೆ. `ಫೋನ್ ಮಾಡದಿದ್ದರೂ ನಮ್ಮೊಂದಿಗೆ ಪೊಲೀಸರು ಬರುತ್ತಾರೆ. ಬೇರೆ ಸ್ಥಳದಲ್ಲಿ ಕರ್ತವ್ಯದಲ್ಲಿದ್ದ ಸಿಬ್ಬಂದಿ ಸಹ ಫೋನ್ ಮಾಡಿದ ತಕ್ಷಣ ಹಾಜರಿರುತ್ತಾರೆ’ ಎಂದು ರಾಮಣ್ಣ ಕಬ್ಬಿನಗುಳಿ ಹಾಗೂ ವಿನೋದ ನಾಯ್ಕ ಕಂಪ್ಲಿ ಅವರು ವಿವರಿಸಿದರು. ಮಂಚಿಕೇರಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಕಳ್ಳತನ ಮಾಡುವವರನ್ನು ಪೊಲೀಸರು ಗುರುತಿಸಿದ್ದಾರೆ. ಈಗಾಗಲೇ ಪೊಲೀಸರು ಅಂಥವರನ್ನು ಬಂಧಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ. ಅದಾಗಿಯೂ, ಬೇರೆ ಬೇರೆ ಊರುಗಳಿಂದ ಕಳ್ಳರು ಇಲ್ಲಿ ಬರುವ ಸಾಧ್ಯತೆಗಳಿವೆ. ಈಚೆಗೆ ನಡೆದ ಬ್ಯಾಂಕ್ ದರೋಡೆ, ಅಡಿಕೆ ಕಳ್ಳತನ, ಮನೆ ಲೂಟಿ ಪ್ರಕರಣವನ್ನು ಊರಿನ ಜನ ಗಂಭೀರವಾಗಿ ಪರಿಗಣಿಸಿದ್ದು, ತಮ್ಮ ಊರಿನ ರಕ್ಷಣೆಗಾಗಿ ಎಲ್ಲರೂ ಸೇರಿ ಪಣ ತೊಟ್ಟಿದ್ದಾರೆ. `ಊರಿನವರೆಲ್ಲ ಒಗ್ಗಟ್ಟಿನ ಪ್ರಕಾರ ಗಸ್ತು ಕಾಯುವದರಿಂದ ಕಳ್ಳರಿಗೂ ಭಯ ಶುರುವಾಗಿದೆ. ಊರಿನ ಸೌಹಾರ್ದತೆಗೂ ಈ ಕಾರ್ಯ ಅನುಕೂಲವಾಗಿದೆ’ ಎಂದು ವಸಂತ ಭಟ್ಟ ಹಾಸಣಗಿ ಅವರು ಅನಿಸಿಕೆವ್ಯಕ್ತಪಡಿಸಿದರು. `ಪೊಲೀಸರ ಸಹಕಾರದಿಂದ ಗಸ್ತು ಪದ್ಧತಿ ಶುರುವಾಗಿದೆ. ನಮ್ಮ ಊರಿನ ರಕ್ಷಣೆಗೆ ನಮಗೆ ಜವಾಬ್ದಾರಿ ಸಿಕ್ಕಿದ್ದು ಸಂತಸದ ಸಂಗತಿಯೂ ಹೌದು’ ಎಂದು ನವೀನ ಹೆಗಡೆ ಬೆದೆಹಕ್ಕಲ್ ಅವರು ಹೆಮ್ಮೆಯಿಂದ ಹೇಳಿದರು. `ಪ್ರಮುಖ 15 ಸೊಸೈಟಿಗಳ ಸಭೆ ನಡೆಸಿದಾಗ ಅಡಿಕೆ ಕಳ್ಳತನದ ಬಗ್ಗೆ ಜನ ವಿವರಿಸಿದ್ದು, ಅದರ ತಡೆಗೆ ಗಸ್ತು ತಿರುಗುವ ಯೋಜನೆ ರೂಪಿಸಲಾಯಿತು. ಸ್ಥಳೀಯ ಬೀಟ್ ಪೊಲೀಸರ ಸಹಕಾರದಲ್ಲಿ ಊರಿನವರೇ ಗಸ್ತು ತಿರುಗಲು ಒಪ್ಪಿಕೊಂಡಿದ್ದಾರೆ. ಕಾನೂನು ಕೈಗೆ ತೆಗೆದುಕೊಳ್ಳದಂತೆ ಅಲ್ಲಿನವರಿಗೆ ಎಚ್ಚರಿಸಲಾಗಿದ್ದು ಅನುಮಾನಾಸ್ಪದ ವ್ಯಕ್ತಿ, ವಾಹನಗಳ ಬಗ್ಗೆ ಮಾಹಿತಿ ಕೊಡುವಂತೆ ಅರಿವು ಮೂಡಿಸಲಾಗಿದೆ. ಮಂಚಿಕೇರಿ ಭಾಗದಲ್ಲಿ ಜನರ ಸ್ಪಂದನೆ ಚನ್ನಾಗಿದ್ದು ಇಡಗುಂದಿ, ಅರಬೈಲ್ ಸೇರಿ ತಾಲೂಕಿನ ಇನ್ನಿತರ ಕಡೆಗಳಲ್ಲಿಯೂ ಈ ರೀತಿ ಮಾಡುವ ಪ್ರಯತ್ನ ಸಾಗಿದೆ’ ಎಂದು ಪಿಐ ರಮೇಶ ಹಾನಾಪುರ ಅವರು ತಿಳಿಸಿದರು.
- [2025 ಡಿಸೆಂಬರ್ 1ರ ದಿನ ಭವಿಷ್ಯ](https://mobiletime.in/2025/11/prediction-for-december-1-2025/): ಮೇಷ ರಾಶಿ: ಹಳೆಯ ಚಿಂತೆಗಳಿoದ ಹೊರ ಬರುವಿರಿ. ಕೆಲಸದಲ್ಲಿ ಆತ್ಮವಿಶ್ವಾಸ ಹೆಚ್ಚಾಗಿ ಹೊಸ ಅವಕಾಶಗಳಲ್ಲಿ ಭಾಗವಹಿಸುವಿರಿ. ಸಹೋದ್ಯೋಗಿಗಳ ಸಹಕಾರದಿಂದ ಗುರಿ ತಲುಪಲು ದಾರಿ ಸಿಗಲಿದೆ. ಕುಟುಂಬದ ಮಾತು ಕೇಳಿ ನಿರ್ಧಾರ ಮಾಡಿದರೆ ಒಳಿತು. ವಾಹನ ಚಾಲನೆ ಹಾಗೂ ಪ್ರವಾಸದಲ್ಲಿ ಜಾಗ್ರತೆ ಅಗತ್ಯ. ವೃಷಭ ರಾಶಿ: ಮನಸ್ಸಿನಲ್ಲಿರುವ ಗೊಂದಲ ನಿಧಾನವಾಗಿ ಕಡಿಮೆಯಾಗುತ್ತದೆ. ಉದ್ಯೋಗದಲ್ಲಿ ನೆಮ್ಮದಿ ಕೊಡುವ ಕೆಲಸಗಳು ಸಿಗಲಿದೆ. ಅತಿಯಾದ ಹಠ, ಅಹಂ ಬಿಡದಿದ್ದರೆ ಒತ್ತಡ ಹೆಚ್ಚಾಗಲಿದೆ. ಆಹಾರ ಹಾಗೂ ನಿದ್ರೆ ಸರಿಯಾಗಿ ಕಾಪಾಡಿಕೊಂಡರೆ ಆರೋಗ್ಯಕ್ಕೆ ಒಳ್ಳೆಯದು. ದೇವಾಲಯ, ಧಾರ್ಮಿಕ ಕಾರ್ಯಗಳಲ್ಲಿ ಭಾಗವಹಿಸುವುದು ಉತ್ತಮ. ಮಿಥುನ ರಾಶಿ: ಸೃಜನಾತ್ಮಕ ಕೆಲಸದಲ್ಲಿ ತೃಪ್ತಿ ಸಿಗಲಿದೆ. ಹೊಸ ಕಲ್ಪನೆಗಳು ಮೂಡುತ್ತವೆ. ಬರವಣಿಗೆ ಕ್ಷೇತ್ರದಲ್ಲಿದ್ದವರಿಗೆ ಆಸಕ್ತಿಯ ದಿನವಾಗಿರಲಿದೆ. ಸ್ನೇಹಿತರ ಜೊತೆ ಚಟುವಟಿಕೆ ಹೆಚ್ಚಾದರೂ, ಸಮಯ ವ್ಯರ್ಥವಾಗದಂತೆ ನೋಡಿಕೊಳ್ಳಿ. ಚಿಕ್ಕ ಚಿಕ್ಕ ಒಪ್ಪಂದಗಳು ಲಾಭ ತರಲಿದೆ. ಕರ್ಕ ರಾಶಿ: ಮನೆ ಹಾಗೂ ಕಚೇರಿ ಎರಡೂ ಕಡೆ ಒತ್ತಡ ಹೆಚ್ಚಾಗಲಿದೆ. ಹಳೆಯ ಕೆಲಸಗಳು ಮುಗಿಯಲಿದೆ. ಕುಟುಂಬ ಸದಸ್ಯರ ಮಾತನ್ನು ಕೇಳಿ ಪ್ರತಿಕ್ರಿಯೆ ಕೊಡಿ. ಅತಿಯಾದ ಸಂವೇಧನೆಗಳಿಗೆ ಒಳಗಾಗಬೇಡಿ. ಆರೋಗ್ಯದ ವಿಷಯವಾಗಿ ಬೆನ್ನು, ಹೊಟ್ಟೆ ಭಾಗದಲ್ಲಿ ಸಮಸ್ಯೆ ಆಗುವ ಸಾಧ್ಯತೆಗಳಿವೆ. ಬಾವಿ, ಕೆರೆ ಸೇರಿ ಅಪಾಯಕಾರಿ ಪ್ರದೇಶಗಳಿಂದ ದೂರವಿರಿ. ಸಿಂಹ ರಾಶಿ: ದಿನದ ಹೆಚ್ಚಿನ ಭಾಗ ಚಟುವಟಿಕೆಯಿಂದ ಕೂಡಿರಲಿದೆ. ಕಾರ್ಯಕ್ಷೇತ್ರದಲ್ಲಿ ಹೊಣೆಗಾರಿಕೆ ಹೆಚ್ಚಾದರೂ ಹೆಸರು ಬರುತ್ತದೆ. ಮಿತ್ರರಿಂದ ಸಹಾಯ ದೊರೆಯಲಿದೆ. ಖರ್ಚುಗಳಲ್ಲಿ ನಿಯಂತ್ರಣವಿಟ್ಟರೆ ನಂತರ ಉಪಯೋಗಕ್ಕೆ ಬರಲಿದೆ. ಹೃದಯ ಸಮಸ್ಯೆ ಇದ್ದವರು ಜಾಗೃತಿವಹಿಸಬೇಕು. ಕನ್ಯಾ ರಾಶಿ: ನಿರ್ಣಯಗಳನ್ನು ಕೈಗೊಳ್ಳುವ ದಿನವಾಗಿದೆ. ಶತ್ರುಗಳು ದೂರವಾಗಲಿದ್ದಾರೆ. ಕಚೇರಿಯಲ್ಲಿ ಸಣ್ಣ ತಪ್ಪುಗಳಿಗೂ ಟೀಕೆ ಸಹಜ. ಸಂವಹನದಲ್ಲಿ ಕಟುವಾದ ಮಾತು ಬೇಡ, ಮೌನ ಉತ್ತಮ. ಕಾನೂನು, ದಾಖಲೆ, ಬ್ಯಾಂಕ್ ಕಾರ್ಯಗಳಲ್ಲಿ ಗೊಂದಲವಾಗಬಹುದು. ವಿಷ್ಣು ದೇವರ ಆರಾಧನೆ ಸಹಕಾರಿ. ತುಲಾ ರಾಶಿ: ಹಳೆಯ ಜಗಳ, ಗೊಂದಲ ಪರಿಹಾರ ಸಿಗಲಿದೆ. ಉದ್ಯೋಗ, ವ್ಯವಹಾರದಲ್ಲಿ ನಿಂತಿದ್ದ ಕೆಲಸಗಳು ಮುಂದೆ ಸಾಗಲಿದೆ. ಪಾಲುದಾರಿಕೆ ವಿಚಾರದಲ್ಲಿ ಸ್ಪಷ್ಟ ಒಪ್ಪಂದ ಉತ್ತಮ. ಕುಟುಂಬದಲ್ಲಿ ಚಿಕ್ಕ ವಿಚಾರಕ್ಕೂ ವಾಗ್ವಾದ ಒಳ್ಳೆಯದಲ್ಲ. ವೃಶ್ಚಿಕ ರಾಶಿ: ನಿಮ್ಮ ಶ್ರಮಕ್ಕೆ ತಕ್ಕ ಫಲ ಸಿಗಲಿದೆ. ಆತ್ಮವಿಶ್ವಾಸ ಹೆಚ್ಚಳವಾಗಲಿದೆ. ದಿನವಿಡೀ ಕೆಲಸವಿದ್ದರೂ ಸಂತೋಷ ಸಿಗಲಿದೆ. ಉದ್ದಿಮೆ-ವ್ಯಾಪಾರದಲ್ಲಿ ಹೊಸ ಆಲೋಚನೆ ಪ್ರಯೋಜನಕಾರಿ. ಸಾಲ-ಹೂಡಿಕೆ ವಿಚಾರದಲ್ಲಿ ಗೊಂದಲ ಬೇಡ. ತಲೆ ನೋವು, ನಿದ್ರೆ ಸಮಸ್ಯೆ ಇರುವವವರು ಟಿವಿ ನೋಡದಿದ್ದರೆ ಒಳಿತು. ಧನು ರಾಶಿ: ಹೊಸ ಪ್ರಯತ್ನ, ಹೊಸ ಅವಕಾಶಕ್ಕೆ ಒಳ್ಳೆಯ ದಿನ. ಸವಾಲುಗಳು ಎದುರಾದರೂ ಜಯ ಸಿಗಲಿದೆ. ವ್ಯವಹಾರದಲ್ಲಿ ಸಣ್ಣ ಅಪಾಯವಿದ್ದರೂ ಲಾಭ ನಿಶ್ವಿತ. ದೂರ ಪ್ರಯಾಣದ ಬಗ್ಗೆ ಚರ್ಚೆ ನಡೆಯಲಿದೆ. ಮಕ್ಕಳ ಜೊತೆ ಸಣ್ಣ ಭಿನ್ನಾಭಿಪ್ರಾಯ ಬಂದರೂ ಅದನ್ನು ಸರಿಪಡಿಸಿ. ಗುರು ಮಂತ್ರ ಪಠಣೆ ಪ್ರಯೋಜನಕಾರಿ. ಮಕರ ರಾಶಿ: ಸಾಮಾನ್ಯ ದಿನದ ಹಾಗೇ ಇದ್ದರೂ ಕ್ರಮಬದ್ಧ ಕೆಲಸಗಳಿಗೆ ಒತ್ತು ಕೊಡಿ. ವ್ಯಾಪಾರ-ವಹಿವಾಟಿನಲ್ಲಿ ಲಾಭ ಸಿಗಲಿದೆ. ಮಕ್ಕಳ ಭವಿಷ್ಯ ಬಗ್ಗೆ ಪ್ರಮುಖ ನಿರ್ಧಾರ ಕೈಗೊಳ್ಳುವ ಸಾಧ್ಯತೆಗಳಿವೆ. ಮನೆಗಾಗಿ ಹೂಡಿಕೆ, ಉಳಿತಾಯದ ಯೋಜನೆ ಆರಂಭಿಸಲು ಒಳ್ಳೆಯ ದಿನ. ವ್ಯಾಯಾಮ ಮಾಡಲು ಸಮಯ ಕೊಡಿ. ಕುಂಭ ರಾಶಿ: ಆರೋಗ್ಯದ ಕಡೆ ಹೆಚ್ಚು ಗಮನ ಕೊಡಬೇಕಾದ ದಿನ. ಹವಾಮಾನ ಬದಲಾವಣೆಗಳಿಂದ ಶೀತ, ಗಂಟಲು ತೊಂದರೆ ಬರಬಹುದು. ಬೇರೆಯವರ ವಿಷಯದಲ್ಲಿ ಮೂಗು ತೂರಿಸಲು ಹೋಗದಿರುವುದು ಒಳಿತು. ಹಣಕಾಸು ನಿರ್ಣಯದಲ್ಲಿ ಆತುರ ತೋರಬೇಡಿ. ಪ್ರಾಣಾಯಾಮ ಮಾಡುವುದರಿಂದ ಮನಸ್ಸಿಗೆ ಶಾಂತಿ ಸಿಗಲಿದೆ. ಮೀನ ರಾಶಿ: ಈ ದಿನ ಒಟ್ಟಾರೆಯಾಗಿ ನಿಮಗೆ ಲಾಭಕರ, ಬಹಳ ವಿಷಯಗಳಲ್ಲಿನ ಗೊಂದಲ ದೂರವಾಗಲಿದೆ. ಉದ್ಯಮದಲ್ಲಿ ಸಾಹಸ ಮಾಡಿದಷ್ಟು ದೊಡ್ಡದಾಗಿ ಜಯ ಸಿಗಲಿದೆ. ಸೌಮ್ಯ ವರ್ತನೆ, ಸಹನೆ ಬೇರೆಯವರ ಮೇಲೆ ಪ್ರಭಾವ ಬೀರಲಿದೆ. ಇತರರಿಗೆ ನೀವು ಮಾಡುವ ಸಹಾಯ ನಿಮಗೆ ಶಕ್ತಿ ಕೊಡುತ್ತದೆ. ಧ್ಯಾನ, ಜಪ, ದೇವರ ಪೂಜೆಯಿಂದ ಮನಸ್ಸು ಹಗುರವಾಗಲಿದೆ.
- [ಬೈಕಿನಿಂದ ಬಿದ್ದವ ಗಂಭೀರ](https://mobiletime.in/2025/11/man-who-fell-off-bike-is-in-serious-condition/): ರಸ್ತೆ ಸುರಕ್ಷತಾ ನಿಯಮ ಪಾಲಿಸದೇ ಬೈಕಿನಲ್ಲಿ ಅಡ್ಡಾದಿಡ್ಡಿ ಸಂಚರಿಸುತ್ತಿದ್ದವರಿಗೆ ಅಪಘಾತವಾಗಿದ್ದು, ಒಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಗೋಕರ್ಣ ಬಳಿಯ ಮೊಗೇರಕಟ್ಟೆಯ ಬಳಿ ಭಾನುವಾರ ಈ ಅವಘಡ ನಡೆದಿದೆ. ಆಂದ್ರ ಪ್ರದೇಶ ಮೂಲದ ನಾಲ್ಕು ಜನ ಎರಡು ಬೈಕಿನಲ್ಲಿ ಚಲಿಸುತ್ತಿದ್ದರು. ಅಡ್ಡಾದಿಡ್ಡಿ ಬೈಕ್ ಓಡಿಸುತ್ತಿದ್ದ ಅವರಲ್ಲಿ ಒಬ್ಬರ ಬೈಕು ಅಪಘಾತಕ್ಕೀಡಾಯಿತು. ಬೈಕಿನಿಂದ ಬಿದ್ದ ಸವಾರರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ತಕ್ಷಣ ಗೋಕರ್ಣ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಗಾಯಾಳುವನ್ನು ಸಾಗಿಸಲಾಯಿತು. ಪ್ರಭಾರಿ ಆಡಳಿತ ವೈದ್ಯಾಧಿಕಾರಿ ಡಾ ಜಗದೀಶ ನಾಯ್ಕ ಅವರು ಚಿಕಿತ್ಸೆ ನೀಡಿದರು. ತಲೆಗೆ ಬಲವಾದ ಪೆಟ್ಟು ಬಿದ್ದ ಕಾರಣ ಗಾಯಾಳು ಅರೆಪ್ರಜ್ಞಾ ವ್ಯವಸ್ಥೆಗೆ ತಲುಪಿದ್ದರು. ಈ ಹಿನ್ನಲೆ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ವೈದ್ಯರು ಬೇರೆ ಕಡೆ ಶಿಫಾರಸ್ಸು ಮಾಡಿದರು. ಜೊತೆಗಿದ್ದವರು ಗಾಯಾಳುವನ್ನು ಉಡುಪಿಗೆ ಕಳುಹಿಸಿದರು. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. `ಸಂಚಾರಿ ನಿಯಮ ಪಾಲಿಸಿ.. ಕಾನೂನನ್ನು ಗೌರವಿಸಿ’
- [ಕಲ್ಲಿನ ನೆಲ: ಜಾರಿ ಬಿದ್ದ ವೃದ್ಧ ಇನ್ನಿಲ್ಲ!](https://mobiletime.in/2025/11/stone-floor-the-old-man-who-slipped-is-no-more/): ಮನೆಗೆ ಅಳವಡಿಸಿದ್ದ ಕಪ್ಪು ಕಲ್ಲಿನ ಮೇಲೆ ನಡೆಯುತ್ತಿದ್ದ ವೃದ್ಧರೊಬ್ಬರು ಕಾಲು ಜಾರಿ ಬಿದ್ದು ಕೊನೆಯುಸಿರೆಳೆದಿದ್ದಾರೆ. ಮುಂಡಗೋಡಿನ ಮಳಗಿಯ ಧರ್ಮಾ ಕಾಲೋನಿಯ ವೀರಾಪುರದಲ್ಲಿ ರಾಮರಾಯ ಗಣಪತಿ ದೈವಜ್ಞ (78) ಅವರು ವಾಸವಾಗಿದ್ದರು. ಅವರ ಮನೆಯ ವರಂಡಾಗೆ ಕಪ್ಪು ಕಲ್ಲು ಅಳವಡಿಸಿದ್ದು, ಅಲ್ಲಿ ನಡೆದಾಡುವವರು ಕಾಲು ಜಾರಿ ಬೀಳುತ್ತಿದ್ದರು. ಆದರೆ, ಬಿದ್ದವರಿಗೆ ದೊಡ್ಡ ಪ್ರಮಾಣದಲ್ಲಿ ಪೆಟ್ಟಾಗದ ಕಾರಣ ಯಾರೂ ತಲೆಕೆಡಿಸಿಕೊಂಡಿರಲಿಲ್ಲ. ರಾಮರಾಯ ದೈವಜ್ಞ ಅವರು ಆಗಾಗ ಅಲ್ಲಿ ಬಿದ್ದಿದ್ದರು. ಅದಾಗಿಯೂ, ಸುಧಾರಿಸಿಕೊಳ್ಳುತ್ತಿದ್ದ ಅವರು ಮೊನ್ನೆ ಕೊನೆಯದಾಗಿ ಅಲ್ಲಿ ಜಾರಿ ಬಿದ್ದರು. ನವೆಂಬರ್ 27ರಂದು ಬೆಳಗ್ಗೆ ರಾಮರಾಯ ದೈವಜ್ಞ ಅವರು ಮನೆ ಹೊರಗೆ ಚಹಾ ತಿಂಡಿ ಸೇವಿಸಿ ಅಲ್ಲಿಯೇ ಕುಳಿತಿದ್ದರು. ಅಲ್ಲಿಂದ ಎದ್ದು ಮನೆಯೊಳಗೆ ಬರುವಾಗ ಕಲ್ಲಿನ ಮೇಲೆ ಕಾಲು ಜಾರಿ ಬಿದ್ದರು. ಈ ವೇಳೆ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಯಿತು. ರಾಮರಾಯ ದೈವಜ್ಞ ಅವರನ್ನು ಹುಬ್ಬಳ್ಳಿಯ ಕಿಮ್ಸ ಆಸ್ಪತ್ರೆಗೆ ಸೇರಿಸಲಾಯಿತು. ಎರಡು ದಿನದ ಚಿಕಿತ್ಸೆ ನೀಡಿದರೂ ಅವರು ಬದುಕಲಿಲ್ಲ. ತಂದೆಯ ಸಾವಿನ ಬಗ್ಗೆ ಕುರ್ಲಿ ಬಳಿಯ ಹೊಸಕೊಪ್ಪದ ಭಾರತಿ ನಾಗರಾಜ ಪೈ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಇಂಗ್ಲಿಷ್ ಟೀಚರ್ ಫೋಟೋ ವೈರಲ್!](https://mobiletime.in/2025/11/english-teacher-photo-goes-viral/): ದೈಹಿಕ ಶಿಕ್ಷಕನ ಪ್ರೀತಿ ನಿರಾಕರಿಸಿದ ಇಂಗ್ಲಿಷ್ ಶಿಕ್ಷಕಿಯೊಬ್ಬರ ಖಾಸಗಿ ಫೋಟೋಗಳು ಜಾಲತಾಣದಲ್ಲಿ ವೈರಲ್ ಆಗಿದೆ. ಶಾಲೆಯ ಮಾಜಿ ವಿದ್ಯಾರ್ಥಿನಿ ಹಾಗೂ ಅವರ ಅಣ್ಣನ ಸಹಾಯಪಡೆದು ದೈಹಿಕ ಶಿಕ್ಷಕನೇ ಆ ಫೋಟೋವನ್ನು ವೈರಲ್ ಮಾಡಿದ ಬಗ್ಗೆ ಗೊತ್ತಾಗಿದೆ. ಶಿರಸಿಯ ಹೈಸ್ಕೂಲ್ ಒಂದರಲ್ಲಿ ವೈಶಾಲಿ ವಾಜ್ (ಹೆಸರು ಬದಲಿಸಿದೆ) ಅವರು ಇಂಗ್ಲೀಷ್ ಶಿಕ್ಷಕಿಯಾಗಿದ್ದಾರೆ. ಅದೇ ಹೈಸ್ಕೂಲಿನಲ್ಲಿ ಕೋಟೆಕರೆಯ ಜಾಯಲ್ ಜೂಜೆ ಪಿಂಟೋ ಅವರು ದೈಹಿಕ ಶಿಕ್ಷಕರಾಗಿದ್ದಾರೆ. ಜಾಯಲ್ ಪಿಂಟೋ ಅವರು ವೈಶಾಲಿ ವಾಜ್ ಅವರಲ್ಲಿ ಪ್ರೇಮದ ಪ್ರಸ್ತಾಪ ಮಾಡಿದ್ದು, ಅದನ್ನು ವೈಶಾಲಿ ವಾಜ್ ಅವರು ನಿರಾಕರಿಸಿದ್ದಾರೆ. ಪ್ರೀತಿ ನಿರಾಕರಿಸಿದ ಸಿಟ್ಟಿಗೆ ವೈಶಾಲಿ ವಾಜ್ ಅವರ ಖಾಸಗಿ ಫೋಟೋಗಳನ್ನು ಜಾಯಿಲ್ ಪಿಂಟೋ ಅವರು ಅಶ್ಲೀಲವಾಗಿ ಎಡಿಟ್ ಮಾಡಿ ಹರಿಬಿಟ್ಟಿದ್ದಾರೆ. ಈ ಕೆಟ್ಟ ಕೆಲಸ ಮಾಡುವುದಕ್ಕಾಗಿ ಜಾಯಿಲ್ ಪಿಂಟೋ ಅವರು ಅದೇ ಹೈಸ್ಕೂಲಿನ ಮಾಜಿ ವಿದ್ಯಾರ್ಥಿನಿ, ಮರಾಠಿಕೊಪ್ಪದ ಸಿಖತಾ ರೆಬಲೋ (ಹೆಸರು ಬದಲಿಸಿದೆ) ಹಾಗೂ ಅವರ ಅಣ್ಣ ಸಲಮನ್ ರೆಬೊಲೊ ಅವರ ಸಹಾಯಪಡೆದಿದ್ದಾರೆ. ಈ ಹಿಂದೆ ವೈಶಾಲಿ ವಾಜ್ ಅವರು ಹೊಸದಾಗಿ ಐಫೋನ್ ಖರೀದಿಸಿದ್ದು, ಅದನ್ನು ಬಳಕೆ ಮಾಡಲು ಗೊತ್ತಾಗದೇ ಜಾಯಿಲ್ ಪಿಂಟೋ ಅವರ ನೆರವು ಯಾಚಿಸಿದ್ದರು. ಈ ಸನ್ನಿವೇಶವನ್ನು ದುರ್ಬಳಕೆ ಮಾಡಿಕೊಂಡ ಜಾಯಿಲ್ ಪಿಂಟೋ ಅವರು ಆ ಮೊಬೈಲಿನಲ್ಲಿ ಇಲ್ಲಸಲ್ಲದ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿಕೊಟ್ಟಿದ್ದರು. ಜೊತೆಗೆ ವೈಶಾಲಿ ವಾಜ್ ಅವರ ಆಪಲ್ ಐಡಿ ಐಡಿ ಹಾಗೂ ಪಾಸ್‌ವರ್ಡನ್ನುಪಡೆದಿದ್ದರು. ಅದಾದ ನಂತರ ವೈಶಾಲಿ ವಾಜ್ ಅವರಿಗೆ `ಪ್ರೀತಿ ಮಾಡು, ಪ್ರೀತಿ ಮಾಡು’ ಎಂದು ಜಾಯಿಲ್ ಪಿಂಟೋ ಬೆನ್ನತ್ತಿದ್ದರು. ಆದರೆ, ಇದಕ್ಕೆ ವೈಶಾಲಿ ವಾಜ್ ಅವರು ಒಪ್ಪಿರಲಿಲ್ಲ. ವೈಶಾಲಿ ವಾಜ್ ಅವರ ಆಪಲ್ ಐಡಿ ಹಾಗೂ ಪಾಸ್‌ವರ್ಡ ಅರಿತಿದ್ದ ಜಾಯಿಲ್ ಪಿಂಟೋ ಅವರು ಅದನ್ನು ದುರ್ಬಳಕೆ ಮಾಡಿಕೊಂಡರು. ಮಾಜಿ ವಿದ್ಯಾರ್ಥಿನಿ ಸಿಖತಾ ರೆಬಲೋ ಹಾಗೂ ಆಕೆಯ ಸಹೋದರ ಸಲಮನ್ ರೆಬೊಲೊ ಅವರ ಸಹಾಯಪಡೆದು ವೈಶಾಲಿ ವಾಜ್ ಅವರ ಫೋಟೋಗಳನ್ನು ಅಶ್ಲೀಲವಾಗಿ ಎಡಿಟ್ ಮಾಡಿದರು. ಅದನ್ನು ವೈಶಾಲಿ ವಾಜ್ ಅವರಿಗೆ ಕಳುಹಿಸಿ `ನಿನ್ನ ಫೋಟೋಗಳನ್ನು ಸಿಖತಾ ರೆಬಲೋ ನನಗೆ ಕಳುಹಿಸಿದ್ದಾರೆ’ ಎಂದು ಕಾಣಿಸಿದರು. ಅದಾಗಿಯೂ ವೈಶಾಲಿ ವಾಜ್ ಅವರು ಪ್ರೀತಿ ಮಾಡಲು ಒಪ್ಪದ ಕಾರಣ ಸಿಖತಾ ರೆಬಲೋ ಹಾಗೂ ಆಕೆಯ ಸಹೋದರ ಸಲಮನ್ ರೆಬೊಲೊ ಜೊತೆ ಸೇರಿ ದೈಹಿಕ ಶಿಕ್ಷಕ ಜಾಯಿಲ್ ಜೂಜೆ ಪಿಂಟೋ ಅವರು ಅದನ್ನು ವೈರಲ್ ಮಾಡಿದರು. ವಾಟ್ಸಪ್, ಫೇಸ್ಬುಕ್, ಇನಸ್ಟಾ ಗ್ರಾಮ್ ಹಾಗೂ ಸ್ನಾಪ್‌ಚಾಟ್‌ಗಳಲ್ಲಿ ಎರಡು ವಾರದ ಹಿಂದೆಯೇ ಫೋಟೋ ವೈರಲ್ ಆಗಿದ್ದು, ಈ ವಿಷಯದ ಬಗ್ಗೆ ವೈಶಾಲಿ ವಾಜ್ ಅವರು ದೂರಿದರು. ತಮಗಾದ ಅನ್ಯಾಯದ ಬಗ್ಗೆ ಆ ವೇಳೆಯಲ್ಲಿಯೇ ಅವರು ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಆ ಮೂವರ ವಿರುದ್ಧ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದರು. `ನಿಮ್ಮ ಮೊಬೈಲ್ ಬೇರೆಯವರಿಗೆ ಕೊಡುವ ಮುನ್ನ ಎಚ್ಚರ’
- [ಬಸ್ ಪಲ್ಟಿ: ಆ ವಿದ್ಯಾರ್ಥಿಗೆ ಇದೇ ಕೊನೆ ಪ್ರವಾಸ!](https://mobiletime.in/2025/11/bus-overturns-this-is-the-last-trip-for-that-student/): ಶಾಲಾ ಮಕ್ಕಳನ್ನು ಪ್ರವಾಸಕ್ಕೆ ಕರೆದೊಯ್ದಿದ್ದ ಬಸ್ಸು ಅಪಘಾತಕ್ಕೀಡಾಗಿದೆ. ಆ ಬಸ್ಸಿನಲ್ಲಿದ್ದ 10ನೇ ತರಗತಿ ವಿದ್ಯಾರ್ಥಿಯೊಬ್ಬರು ಸಾವನಪ್ಪಿದ್ದಾರೆ. ಮೈಸೂರಿನ ಟಿ ಕೆ ಲೇಔಟ್ ಬಳಿಯ ತರಳಬಾಳು ಶಿಕ್ಷಣ ಸಂಸ್ಥೆಯವರು ಮುರುಡೇಶ್ವರ ಪ್ರವಾಸಕ್ಕೆ ಯೋಜನೆ ರೂಪಿಸಿದ್ದರು. ಅದರ ಪ್ರಕಾರ ಬಸ್ಸಿನ ಮೂಲಕ ಮಕ್ಕಳು ಮುರುಡೇಶ್ವರಕ್ಕೆ ಬರುತ್ತಿದ್ದರು. ಆ ಬಸ್ಸು ಭಾನುವಾರ ಹೊನ್ನಾವರದ ಬಳಿ ಪಲ್ಟಿಯಾಯಿತು. ಗೇರುಸೊಪ್ಪ – ಸುಳೆಮುರ್ಕಿ ತಿರುವಿನಲ್ಲಿ ಈ ಅವಘಡ ನಡೆದಿದ್ದು, ಬಸ್ಸಿನಲ್ಲಿದ್ದ ಮಕ್ಕಳು ಗಾಯಗೊಂಡರು. ತರಳಬಾಳು ಶಿಕ್ಷಣ ಸಂಸ್ಥೆಯಲ್ಲಿ 10ನೇ ತರಗತಿ ಓದುತ್ತಿದ್ದ ವಿದ್ಯಾರ್ ಪವನ್ ಅವರು ಬಸ್ಸಿನಲ್ಲಿಯೇ ಕೊನೆಯುಸಿರೆಳೆದರು. ಉಳಿದ ಮಕ್ಕಳ ರಕ್ಷಣಾ ಕಾರ್ಯ ನಡೆದಿದ್ದು, ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಲಾಗುತ್ತಿದೆ. ಸದ್ಯ ವಿವಿಧ ಆಂಬುಲೆನ್ಸ ಸ್ಥಳಕ್ಕೆ ದೌಡಾಯಿಸಿದೆ. ಪೊಲೀಸರು ಸ್ಥಳದಲ್ಲಿದ್ದಾರೆ. ಅತಿ ವೇಗವೇ ಅಪಘಾತಕ್ಕೆ ಕಾರಣ ಎಂಬ ಮಾಹಿತಿಯಿದೆ. ಈಚೆಗೆ ಹೊನ್ನಾವರದ ಸುಳೆಮುರ್ಕಿ ಕ್ರಾಸಿನಲ್ಲಿ ಪದೇ ಪದೇ ಅವಘಡ ನಡೆಯುತ್ತಿದೆ. ಹೆದ್ದಾರಿ ಇಲಾಖೆಯ ಬೇಜವಬ್ದಾರಿಯೂ ಅಪಘಾತಕ್ಕೆ ಕಾರಣ ಎಂದು ಅಲ್ಲಿನವರು ದೂರಿದ್ದಾರೆ.
- [ಗಡಿ ಜಗಳ: ಯೋಧನ ಕುಟುಂಬಕ್ಕೆ ಇಲ್ಲ ರಕ್ಷಣೆ!](https://mobiletime.in/2025/11/border-dispute-no-protection-for-soldiers-family/): ದೇಶದ ಗಡಿ ಕಾಯಲು ಹೋದ ಯೋಧ ಮನೋಜಕುಮಾರ ಅವರ ಮನೆಯಲ್ಲಿಯೇ ಗಡಿ ಜಗಳ ಶುರುವಾಗಿದೆ. ಅವರ ಭೂಮಿಗೆ ಅದೇ ಊರಿನ ಕೆಲವರ ಆಕ್ರಮಣ ನಡೆದಿದ್ದು, ಮನೋಜಕುಮಾರ ಅವರ ತಾಯಿ ಕಂಗಾಲಾಗಿದ್ದಾರೆ. ಸಿದ್ದಾಪುರದ ಹಾರ್ಸಿಕಟ್ಟಾದ ಮನೋಜಕುಮಾರ ಅವರು ಆರ್ಮಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. 22 ವರ್ಷಗಳಿಂದ ಅವರು ದೇಶ ಸೇವೆಯಲ್ಲಿದ್ದಾರೆ.  ಶಿಸ್ತು, ಸಂಯಮ, ಪ್ರಾಮಾಣಿಕ ಸೇವೆ ಸಲ್ಲಿಸುತ್ತಿರುವ ಅವರ ಕುಟುಂಬಕ್ಕೆ ಇದೀಗ ಆತಂಕ ಶುರುವಾಗಿದೆ. ಮನೋಜಕುಮಾರ ಅವರ ತಾಯಿ ಲಕ್ಷ್ಮೀ ನಾಯ್ಕ ಅವರಿಗೆ 70 ವರ್ಷ ವಯಸ್ಸಾಗಿದ್ದು, ಆರು ಜನ ಕಿಡಿಗೇಡಿಗಳು ಆ ವೃದ್ಧೆಯನ್ನು ಕಾಡಿಸುತ್ತಿದ್ದಾರೆ. ಇದರಿಂದ ಆಘಾತಕ್ಕೆ ಒಳಗಾದ ಲಕ್ಷ್ಮೀ ನಾಯ್ಕ ಅವರು ಆಸ್ಪತ್ರೆ ಸೇರಿದ್ದಾರೆ. ಹಾರ್ಸಿಕಟ್ಟಾದ ಸಂತೋಷ ಕರಿಯಾ ನಾಯ್ಕ, ಸಂಜಯ ಕರಿಯಾ ನಾಯ, ಕರಿಯಾ ನಾರಾಯಣ ನಾಯ್ಕ, ಶ್ರೀಕಾಂತ ಬಳ್ಳಾರಿ ಹಾಗೂ ಮತ್ತೊಬ್ಬ ಅಪರಿಚಿತರಿಂದ ಈ ಯೋಧರ ಕುಟುಂಬಕ್ಕೆ ಸಮಸ್ಯೆಯಾಗಿದೆ. ಅನಾಧಿಕಾಲದಿಂದಲೂ ಲಕ್ಷ್ಮೀ ನಾಯ್ಕ ಅವರು ಅತಿಕ್ರಮಿಸಿಕೊಂಡು ಬಂದಿದ್ದ ಭೂಮಿಗೆ ನವೆಂಬರ್ 25ರಂದು ಆ ಆರು ಜನ ನುಗ್ಗಿದ್ದಾರೆ. ಅಲ್ಲಿದ್ದ ಬೇಲಿ ತೆಗೆದು ರಂಪಾಟ ಮಾಡಿದ್ದಾರೆ. ಪ್ರಶ್ನಿಸಿದ ಕಾರಣ ಯೋಧನ ತಾಯಿ ಲಕ್ಷ್ಮೀ ನಾಯ್ಕ ಅವರಿಗೆ ಕೆಟ್ಟದಾಗಿ ಬೈದಿದ್ದಾರೆ. ಲಕ್ಷ್ಮೀ ನಾಯ್ಕ ಅವರ ಬಟ್ಟೆಯನ್ನು ಹರಿದು ಅವಮಾನ ಮಾಡಿದ್ದಾರೆ. ಜೊತೆಗೆ ಸಂತೋಷ ನಾಯ್ಕ ಅವರು ಲಕ್ಷ್ಮೀ ನಾಯ್ಕ ಅವರನ್ನು ಗಟಾರಕ್ಕೆ ದೂಡಿ ಕೊಲೆ ಬೆದರಿಕೆಯನ್ನೂ ಹಾಕಿದ್ದಾರೆ. ಈ ವೇಳೆ ಲಕ್ಷ್ಮೀ ನಾಯ್ಕ ಅವರು ಪ್ರಾಣ ಉಳಿಸಿಕೊಳ್ಳಲು ಮನೆ ಅಂಗಳಕ್ಕೆ ಹೋಗಿದ್ದು, ಅಲ್ಲಿಯೂ ಬಂದ ಡಕಾಯಿತರು ಕೂದಲು ಹಿಡಿದು ಕಾಲಿನಿಂದ ಒದ್ದಿದ್ದಾರೆ. ಲಕ್ಷ್ಮೀ ನಾಯ್ಕ ಅವರ ಸೊಸೆ, ಮೊಮ್ಮಗನಿಗೂ ಬೆದರಿಕೆ ಒಡ್ಡಿದ್ದಾರೆ. ಆಸ್ಪತ್ರೆ ಸೇರಿದ ಲಕ್ಷ್ಮೀ ನಾಯ್ಕ ಅವರು ಈ ಎಲ್ಲಾ ವಿಷಯದ ಬಗ್ಗೆ ಪೊಲೀಸರಿಗೆ ತಿಳಿಸಿ ಪ್ರಕರಣ ದಾಖಲಿಸಿದ್ದಾರೆ. ಬೆಂಗಳೂರಿನಲ್ಲಿ ಉದ್ಯೋಗದಲ್ಲಿರುವ ಕರಿಯಾ ನಾಯ್ಕ ಅವರ ಪುತ್ರ ಸಂತೋಷ ನಾಯ್ಕ ಅದಾದ ನಂತರ ಯೋಧನ ಕುಟುಂಬದ ವಿರುದ್ಧ ಪ್ರತಿ ದೂರು ನೀಡಿದ್ದಾರೆ. `ದಾರಿಯನ್ನು ಬಂದ್ ಮಾಡಿದ್ದರಿಂದ ಅದನ್ನು ತಾನು ತೆರವು ಮಾಡಿದ್ದೇನೆ. ಬೇಲಿ ತೆರವು ಮಾಡಲು ಹೋದಾಗ ಅಶೋಕ ನಾಯ್ಕ, ನಾರಾಯಣ ನಾಯ್ಕ ಜೊತೆ ಲಕ್ಷ್ಮೀ ನಾಯ್ಕ ಅವರು ಸೇರಿ ತಮ್ಮ ತಂದೆ ಕರಿಯಾ ನಾಯ್ಕ ಅವರ ಮೇಲೆ ಹಲ್ಲೆ ಪ್ರಯತ್ನ ಮಾಡಿದ್ದಾರೆ’ ಎಂದು ಸಂತೋಷ ನಾಯ್ಕ ಅವರು ದೂರಿದ್ದಾರೆ.
- [ವಿವಾಹ ವಿಚ್ಚೇದನ: ಅರ್ಜಿ ಸಲ್ಲಿಕೆಗೆ ಸಕಾರಣವೇ ಇಲ್ಲ!](https://mobiletime.in/2025/11/divorce-there-is-no-reason-to-file-a-petition/): ಪರಸ್ಪರ ಪ್ರೀತಿಸಿ ಮದುವೆ ಆದ ಅನೇಕ ದಂಪತಿ ಸಣ್ಣಪುಟ್ಟ ಕಾರಣಗಳಿಗೂ ಮುನಿಸಿಕೊಂಡು ವಿವಾಹ ವಿಚ್ಚೇದನಕ್ಕಾಗಿ ಅರ್ಜಿ ಹಾಕುತ್ತಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ವಿವಾಹ ವಿಚ್ಚೇದನ ಪ್ರಕರಣ ಹೆಚ್ಚಾಗಿದ್ದು, ಆತಂಕಕ್ಕೆ ಕಾರಣವಾಗಿದೆ. ಅತಿಯಾದ ನಿರೀಕ್ಷೆ, ದಾಂಪತ್ಯದಲ್ಲಿನ ಕಲಹ, ಮಕ್ಕಳಾಗದಿರುವ ಕೊರಗು ಹಾಗೂ ಅಕ್ರಮ ಸಂಬoಧದ ಕಾರಣದಿಂದ ಅನೇಕರ ದಾಂಪತ್ಯದಲ್ಲಿ ಬಿರುಕು ಮೂಡುತ್ತಿದೆ. ಅದು ವಿವಾಹ ವಿಚ್ಚೇದನ ಕೋರಿ ಕೋರ್ಟಿನ ಮೆಟ್ಟಿಲೇರುತ್ತಿದ್ದು, ಅನೇಕ ಸನ್ನಿವೇಶಗಳಲ್ಲಿ ನ್ಯಾಯಾಧೀಶರೇ ದಂಪತಿಯನ್ನು ಒಂದು ಮಾಡುತ್ತಿದ್ದಾರೆ. ಆಪ್ತ ಸಮಾಲೋಚನೆ ಮೂಲಕ ಸಮಸ್ಯೆ ಬಗೆಹರಿಸುವ ಪ್ರಯತ್ನದ ನಡುವೆಯೂ ಅಂಕೋಲಾದಲ್ಲಿ ವಿಚ್ಚೇದಿತರ ಸಂಖ್ಯೆ ಅಧಿಕವಾಗುತ್ತಿದೆ. ಮದುವೆಯ ಸಂಭ್ರಮಕ್ಕಾಗಿ ಕೈಗೆ ಹಚ್ಚಿದ ಮೆಹೆಂದಿಯ ಬಣ್ಣ ಮಾಸುವ ಮುನ್ನವೆ ವಿಚ್ಚೇದನ ಕೋರಿ ಅರ್ಜಿ ಸಲ್ಲಿಸಿದ ಪ್ರಕರಣಗಳು ವರದಿಯಾಗುತ್ತಿದೆ. ಇಂಥ ಪ್ರಕರಣ ತೀವ್ರವಾಗಿ ಹೆಚ್ಚುತ್ತಿರುವ ವಿದ್ಯಮಾನ ಕಳವಳ ಹೆಚ್ಚಿಸಿದೆ. ಸುಂದರ ಕನಸುಗಳನ್ನು ಹೊತ್ತು ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಜೋಡಿಗಳು ಯಾವುದೇ ಸಕಾರಣವಿಲ್ಲದೇ ಕೌಟುಂಬಿಕ ನ್ಯಾಯಾಲಯದಲ್ಲಿ `ನಮ್ಮ ದಾಂಪತ್ಯಕ್ಕೆ ಕಾನೂನಾತ್ಮಕವಾಗಿ ಮುಕ್ತಿ ಕೊಡಿ’ ಎಂದು ಮನವಿ ಮಾಡುತ್ತಿದ್ದಾರೆ. ಇದನ್ನು ನ್ಯಾಯ ನೀಡಬೇಕಾದ ಸ್ಥಾನದಲ್ಲಿರುವವರೇ ಆಘಾತಕ್ಕೆ ಒಳಗಾಗಿದ್ದಾರೆ. ಕೌಟುಂಬಿಕ ನ್ಯಾಯಾಲಯದಲ್ಲಿ ಪ್ರತಿ ವರ್ಷ ನೂರಾರು ವಿವಾಹ ವಿಚ್ಚೇಧನ ಅರ್ಜಿಗಳು ದಾಖಲಾಗುತ್ತಿವೆ. ವಿಚಾರಣೆ ವೇಳೆ ದುರ್ಬಲಗೊಳ್ಳುತ್ತಿರುವ ಮದುವೆ ವ್ಯವಸ್ಥೆ, ಬದಲಾಗುತ್ತಿರುವ ಸಾಮಾಜಿಕ ಪರಿಸ್ಥಿತಿ. ಆರ್ಥಿಕ ಭದ್ರತೆ, ವೇಗದ ಆಧುನಿಕ ಜೀವನ ಶೈಲಿ. ಕಾನೂನಿನ ದುರ್ಬಳಕೆ, ಸಾಮಾಜಿಕ ಜಾಲತಾಣಗಳ ಹಾವಳಿ, ಅನೈತಿಕ ಸಂಬoಧಗಳ ಕಾರಣಗಳು ಹೊರ ಬಿದ್ದಿವೆ. ಪತಿ ಮಾಜಿ ಪ್ರೀಯತಮೆಯ ಜೊತೆ ಸಂಬAಧ, ಗಂಡ ದುಡಿದಿದ್ದು ಎಲ್ಲ ತನ್ನದಾಗಬೇಕು ಎಂಬ ಮನಸ್ಥಿತಿ, ಗಂಡನ ಮನೆಯವರಿಂದ ಬೇರ್ಪಟ್ಟು ಬೇರೆ ಮನೆ ಮಾಡಿಕೊಂಡು ಗಂಡನೊAದಿಗೆ ಸ್ವತಂತ್ರವಾಗಿರಬೇಕು ಎಂಬ ಬಯಕೆಗೆ ಒಪ್ಪದ ಪತಿ. ನಿತ್ಯ ಇಬ್ಬರ ನಡುವೆ ಮನಸ್ತಾಪ, ಜಗಳ, ಅಂತಿಮವಾಗಿ ಹೊಂದಾಣಿಕೆ ಆಗುತ್ತಿಲ್ಲ ಎಂಬ ಕಾರಣ ನೀಡಿ ವಿವಾಹ ವಿಚ್ಛೇದನಕ್ಕಾಗಿ ನ್ಯಾಯಾಲಯದ ಬಾಗಿಲು ತಟ್ಟುತ್ತಿರುವ ಪ್ರಕರಣ ಹೆಚ್ಚಾಗಿದೆ. ಅನೈತಿಕ ಸಂಬoಧ, ತೀರದ ಹಣದ ದಾಹ, ಮದುವೆಯಾಗಿ ಕೆಲ ತಿಂಗಳು ಮಾತ್ರ ಜೀವನ, ಕಾನೂನು ದುರುಪಯೋಗ ಪಡಿಸಿಕೊಂಡು ಪತಿಯ ವಿರುದ್ಧ ಪ್ರಕರಣ ದಾಖಲು, ನಂತರ ವಿವಾಹ ವಿಚ್ಚೇದನ, ಜೀವನಾಂಶ ಬೇಡಿಕೆ, ಮರುಮದುವೆ ಪುನಃ ಅದೇ ರೀತಿಯ ಮನಸ್ಥಿತಿ, ವಿವಾಹ ವಿಚ್ಚೇದನ, ಮತ್ತೆ ಜೀವನಾಂಶಕ್ಕೆ ಬೇಡಿಕೆ ಹೀಗೆ ಸಕಾರಣವಿಲ್ಲದೇ ಪ್ರಕರಣ ದಾಖಲಾಗುತ್ತಿರುವುದು ಸಹ ಗಮನಕ್ಕೆ ಬಂದಿದೆ. ವಿವಾಹ ವಿಚ್ಚೇದನಕ್ಕೆ ಅರ್ಜಿ ಸಲ್ಲಿಸುವವರಿಗೆ ಮಕ್ಕಳಿದ್ದರೆ ಅವರ ಭವಿಷ್ಯದ ಬಗ್ಗೆ ಕೂಡ ಚಿಂತನೆ ಮಾಡುವಂಥ ಮನಸ್ಥಿತಿ ಇಲ್ಲದಿರುವವರೂ ಸಹ ಇದ್ದಾರೆ. ಸೇಡು, ಸ್ವತಂತ್ರದ ಬದುಕಿಗಾಗಿ ಹಾತೊರೆದು ವಿವಾಹ ಬಂಧನದ ಮುಕ್ತಿಗೆ ಹಾತೊರೆಯುವಂತಾಗಿದೆ ವಿವಾಹ ವಿಚ್ಚೇದನ ಕೋರಿ ಅರ್ಜಿ ಸಲ್ಲಿಸುವವರು ಬಹುತೇಕ ಸುಶಿಕ್ಷಿತರೇ ಹೆಚ್ಚಾಗಿದ್ದಾರೆ. ಇದಕ್ಕೆ ಅವರಲ್ಲಿರುವ ಸ್ವಚ್ಛಂದ ಹಾಗೂ ಆಧುನಿಕ ಸ್ವತಂತ್ರ ಜೀವನದ ಮನೋಭಾವ ಕಾರಣ. ಜೊತೆಗೆ ಒಬ್ಬರಿಗೊಬ್ಬರಲ್ಲಿನ ಆರ್ಥಿಕ ಭದ್ರತೆ ಹಾಗೂ ಕಾನೂನಿನ ದುರ್ಬಳಕೆ. ಇವುಗಳಿಂದಾಗಿ ವಿಚ್ಚೇದನಕ್ಕೆ ನ್ಯಾಯಾಲಯಕ್ಕೆ ಎಡತಾಕುವಂತಾಗಿದೆ. ವಿಚ್ಚೇದನಕ್ಕಾಗಿ ಪತ್ನಿ ಪ್ರಕರಣ ದಾಖಲಿಸಿದರೆ ಪತಿ ಏಳೆಂಟು ವರ್ಷಗಳಿಂದ ನಾಪತ್ತೆಯಾಗಿ ನ್ಯಾಯಾಲಯಕ್ಕೆ ಹಾಜರಾಗದೇ ಇರುವ ಪ್ರಕರಣಗಳು ಸಹ ಇವೆ. ಸ್ಥಳೀಯ ನ್ಯಾಯಾಲಯದಲ್ಲಿ ವಿವಾಹ ವಿಚ್ಚೇದನಕ್ಕೆ ಅರ್ಜಿ ದಾಖಲಿಸಿದಲ್ಲಿ ಮಜುಗರ ಎದುರಿಸಬೇಕಾದೀತು ಎಂಬ ಆತಂಕದಿAದ ಬೇರೆ ಬೇರೆ ತಾಲೂಕಿನ ಕೌಟುಂಬಿಕ ನ್ಯಾಯಾಲಯದಲ್ಲಿಯೂ ಕೆಲವರು ಪ್ರಕರಣ ದಾಖಲಿಸಿರುವುದು ಬೆಳಕಿಗೆ ಬಂದಿದೆ.
- [2025ರ ನವೆಂಬರ್ 30ರ ದಿನ ಭವಿಷ್ಯ](https://mobiletime.in/2025/11/prediction-for-november-30-2025/): ಮೇಷ ರಾಶಿ: ಕೆಲಸದಲ್ಲಿ ಹೊಸ ಅವಕಾಶಗಳು ಸಿಗುವ ಸಮಯ ಸಮೀಪದಲ್ಲಿದೆ. ಮೇಲಧಿಕಾರಿಗಳ ಮೆಚ್ಚುಗೆ ಸಿಗಲಿದೆ. ಹಣಕಾಸಿನಲ್ಲಿ ಜಾಗ್ರತೆಯಿಂದ ನಡೆಯುವುದು ಒಳಿತು. ಕುಟುಂಬದಲ್ಲಿ ನಿಮ್ಮ ಮಾತಿಗೆ ಒಪ್ಪಿಗೆ ದೊರೆಯಲಿದೆ. ಆರೋಗ್ಯದಲ್ಲಿ ಏರುಪೇರಾಗಬಹುದು. ಭವಿಷ್ಯ ಯೋಜನೆ ರೂಪಿಸಲು ಈ ದಿನ ಸೂಕ್ತ ಸಮಯ. ವೃಷಭ ರಾಶಿ: ಕಾರ್ಯಕ್ಷೇತ್ರದಲ್ಲಿ ಪೂರ್ಣ ಗಮನ ಕೊಡುವ ಅಗತ್ಯವಿದೆ. ಹಳೆಯ ಬಾಕಿ ಕೆಲಸಗಳು ಒತ್ತಡ ತಂದರೂ ನಿಧಾನವಾಗಿ ಸರಿಯಾಗುತ್ತವೆ. ಅನಗತ್ಯ ಖರ್ಚು ತಪ್ಪಿಸಿ. ಕುಟುಂಬದಲ್ಲಿ ಕಲಹ ಬೇಡ. ಧಾರ್ಮಿಕ ಚಿಂತನೆಗಳ ಕಡೆ ಗಮನಕೊಡಿ. ಮಿಥುನ ರಾಶಿ: ನಿಮಗೆ ಈ ದಿನ ನಿಮ್ಮ ಮಾತು-ಸಂವಹನವೇ ದೊಡ್ಡ ಶಕ್ತಿ. ಸಭೆಗಳು, ಒಪ್ಪಂದಗಳಲ್ಲಿ ನಿಮ್ಮ ನಿಲುವು ನಡೆಯುತ್ತದೆ. ಸ್ನೇಹಿತರಿಂದಲೂ ಸಹಕಾರ ದೊರಕಲಿದೆ. ವಾಹನ ಚಲಾಯಿಸುವಾಗ ಎಚ್ಚರಿಕೆ ಅಗತ್ಯ. ಕರ್ಕ ರಾಶಿ: ಮನೆಯ ಕಾರ್ಯಗಳಿಗೆ ಹೆಚ್ಚು ಸಮಯ ಕಳೆಯಲಿದೆ. ಕುಟುಂಬ ಸದಸ್ಯರ ಆತ್ಮೀಯ ಮಾತು ಹುಮ್ಮಸ್ಸಿಗೆ ಕಾರಣವಾಗಲಿದೆ. ಜಮೀನು-ಮನೆ ವಿಷಯದಲ್ಲಿ ಒಳ್ಳೆಯ ಸುದ್ದಿ ಬರಲಿದೆ. ಕಚೇರಿಯಲ್ಲಿ ನಿಮ್ಮ ಪರಿಶ್ರಮ ಗುರುತಿಗೆ ಬರುತ್ತದೆ. ಮನಸ್ಸಿನಲ್ಲಿದ್ದ ಒಂದು ಚಿಂತೆಗೆ ಪರಿಹಾರ ಸಿಗಲಿದೆ. ಸಿಂಹ ರಾಶಿ: ಧೈರ್ಯ-ಆತ್ಮವಿಶ್ವಾಸ ಹೆಚ್ಚಳವಾಗಲಿದೆ. ಹೊಸ ಯೋಜನೆ ಆರಂಭಿಸಲು ಶುಭ ಕಾಲ. ಕಿರು ಪ್ರಯಾಣದಿಂದ ಲಾಭದ ಸೂಚನೆ ಇದೆ. ಬರವಣಿಗೆ, ಜಾಲತಾಣದ, ಮಾಧ್ಯಮ ಕ್ಷೇತ್ರದಲ್ಲಿರುವವರಿಗೆ ಒಳ್ಳೆಯ ದಿನ. ಆತುರದ ನಿರ್ಧಾರಗಳನ್ನು ಮಾತ್ರ ತಪ್ಪಿಸುವುದು ಒಳಿತು. ಕನ್ಯಾ ರಾಶಿ: ಹಣಕಾಸು ವಿಷಯಗಳಲ್ಲಿ ಹೆಚ್ಚು ಚಿಂತೆಯ ದಿನವಾಗಿದೆ. ಆದಾಯ ನಿಧಾನವಾಗಿ ಏರಿಕೆ ಆಗಲಿದೆ. ಕುಟುಂಬದ ಅವಶ್ಯಕತೆಗಳನ್ನು ನೀವು ಸಮತೋಲನದಿಂದ ನೋಡಿಕೊಳ್ಳುವಿರಿ. ಸಣ್ಣ ಖರೀದಿಗಳು, ಗೃಹೋಪಕರಣಗಳಿಗೆ ಹಣ ಖರ್ಚಾಗಲಿದೆ. ಸ್ವಾಭಿಮಾನಕ್ಕೆ ಧಕ್ಕೆ ಬಾರದಂತೆ ವರ್ತಿಸಿ. ತುಲಾ ರಾಶಿ: ನಿಮ್ಮ ವ್ಯಕ್ತಿತ್ವ ಹಾಗೂ ನಿರ್ಧಾರ ಶಕ್ತಿ ಹೊರಹೊಮ್ಮಲಿದೆ. ಹೊಸ ಕಾರ್ಯದ ಹೊಣೆಗಾರಿಕೆ ನಿಮ್ಮನ್ನು ಅರೆಸಿಬರಲಿದೆ. ವೃತ್ತಿಯಲ್ಲಿ ಸ್ಥಾನಮಾನ ಹೆಚ್ಚುವ ಸಾಧ್ಯತೆ ಇದೆ. ದಾಂಪತ್ಯ ಜೀವನದಲ್ಲಿ ಸೌಹಾರ್ದ ಹೆಚ್ಚುತ್ತದೆ. ಸ್ವಲ್ಪ ಮಾನಸಿಕ ಒತ್ತಡ ಇದ್ದರೂ ಕೆಲಸಗಳು ಪೂರ್ಣಗೊಳ್ಳುತ್ತವೆ. ವೃಶ್ಚಿಕ ರಾಶಿ: ಒಳಮನಸ್ಸಿನಲ್ಲಿ ಚಿಂತೆ ಕಾಡಲಿದೆ. ಆವೇಶ ಹೆಚ್ಚಾಗುವ ಸಾಧ್ಯತೆಗಳಿದೆ. ಹಳೆಯ ವಿಷಯಗಳು ನೆನಪಾಗಿ ಮನಸ್ಸು ಗಾಬರಿಯಾಗುವ ಲಕ್ಷಣವಿದೆ. ಕೆಲಸದಲ್ಲಿ ಹಿಂದೆ ಮಾಡಿದ ತಪ್ಪುಗಳನ್ನು ಸರಿಪಡಿಸುವ ಅವಕಾಶ ಸಿಗಲಿದೆ. ರಹಸ್ಯ ವಿಷಯವೊಂದು ಬಹಿರಂಗವಾಗಲಿದೆ. ಅಗತ್ಯವಿಲ್ಲದ ವಾಗ್ವಾದಗಳಿಂದ ದೂರ ಇರುವುದೇ ಉತ್ತಮ. ಧನು ರಾಶಿ: ಸ್ನೇಹಿತರ ವಲಯದಲ್ಲಿ ನೀವು ಚುರುಕು ಕಾಣಿಸಿಕೊಳ್ಳುವಿರಿ. ನಾಯಕತ್ವ ಗುಣದಲ್ಲಿ ಕೆಲಸ ಸರಿಯಾಗಿ ಸಾಗಲಿದೆ. ಭವಿಷ್ಯದ ದೊಡ್ಡ ಕನಸುಗಳಿಗೆ ಯೋಜನೆ ರೂಪಿಸಲು ಒಳ್ಳೆಯ ದಿನ. ಹಿರಿಯರ ಸಲಹೆ ಕೇಳಿದರೆ ಮಾರ್ಗ ಸ್ಪಷ್ಟವಾಗುತ್ತದೆ. ಮಕರ ರಾಶಿ: ವೃತ್ತಿ ಜೀವನದ ಮುಖ್ಯ ದಾರಿ ಕಾಣಲಿದೆ. ಮೇಲಧಿಕಾರಿಗಳ ಮುಂದೆ ನಿಮ್ಮ ಸಾಮರ್ಥ್ಯ ತೋರಿಸುವ ಅವಕಾಶ ಸಿಗಲಿದೆ. ಉನ್ನತಿಕರಣದ ಎಲ್ಲಾ ಅವಕಾಶಗಳು ತೆರೆಯಲಿದೆ. ದೀರ್ಘಾವಧಿ ಗುರಿಗಳ ಬಗ್ಗೆ ಗಂಭೀರ ಯೋಚನೆ ಮಾಡಲು ಸೂಕ್ತ ದಿನ. ಕುಂಭ ರಾಶಿ: ಅಧ್ಯಯನ, ಸಂಶೋಧನೆ, ಹೊಸ ವಿಷಯ ಕಲಿಕೆಗೆ ಸೂಕ್ತ ದಿನ. ಆಧ್ಯಾತ್ಮಿಕ ಸ್ಥಳಕ್ಕೆ ಹೋಗುವ ಯೋಚನೆ ಮನದಲ್ಲಿ ಮೂಡಲಿದೆ. ಅನಗತ್ಯ ಚರ್ಚೆಗಳಲ್ಲಿ ತೊಡಗದೇ ನಿಮ್ಮ ಮಾರ್ಗದಲ್ಲಿ ಮುಂದೆ ಸಾಗುವುದು ಒಳಿತು. ಮೀನ ರಾಶಿ: ಭಾವನಾತ್ಮಕ ಏರುಪೇರು ಅನುಭವಿಸಿದರೂ ದಿನ ಕ್ರಮೇಣ ಸುಧಾರಿಸುತ್ತದೆ. ಸಾಲ, ಬ್ಯಾಂಕ್, ಹೂಡಿಕೆ ವಿಷಯಗಳಲ್ಲಿ ನಿರ್ಧಾರ ತೆಗೆದುಕೊಳ್ಳುವ ದಿನ. ಪಾಲುದಾರಿಕೆ ಉದ್ದಿಮೆಗಳ ಬಗ್ಗೆ ಸ್ಪಷ್ಟತೆ ಬೇಕು. ಶತ್ರುಗಳ ಬಗ್ಗೆ ಎಚ್ಚರಿಕೆ ಅಗತ್ಯ.
- [ಕಾಲೇಜು ಕಟ್ಟಡಕ್ಕೆ ಅಗ್ನಿಸ್ಪರ್ಶ](https://mobiletime.in/2025/11/college-building-set-on-fire/): ಕಲಾ ಮತ್ತು ವಿಜ್ಞಾನ ಪದವಿ ಕಾಲೇಜಿನ ಕಟ್ಟಡಕ್ಕೆ ಅಗ್ನಿಸ್ಪರ್ಶವಾಗಿದ್ದು, ಅಗ್ನಿಶಾಮಕ ಸಿಬ್ಬಂದಿ ಸಮಯ ಪ್ರಜ್ಞೆಯಿಂದ ಅನಾಹುತ ತಪ್ಪಿದೆ. ಅಗ್ನಿ ಅನಾಹುತ ನೋಡಿ ಆತಂಕದಲ್ಲಿದ್ದ ಜನರನ್ನು ಅಗ್ನಿಶಾಮಕ ಸಿಬ್ಬಂದಿ ಸಮಾಧಾನ ಮಾಡಿದ್ದಾರೆ. ಕಾರವಾರದ ಕಲಾ ಮತ್ತು ವಿಜ್ಞಾನ ಕಾಲೇಜು ಕಟ್ಟಡದ ಬಳಿ ಮರದ ರೆಂಬೆಗಳನ್ನು ಕತ್ತರಿಸಿ ರಾಶಿ ಹಾಕಲಾಗಿತ್ತು. ಅಲ್ಲಿದ್ದ ಎಲೆಗಳ ಜೊತೆ ರೆಂಬೆ-ಕೊAಬೆಗಳು ಒಣಗಿದ್ದವು. ಶನಿವಾರ ಸಂಜೆ 7 ಗಂಟೆ ವೇಳೆಗೆ ಮುರಿದ ಮರಕ್ಕೆ ಬೆಂಕಿ ಬಿದ್ದಿದ್ದು, ಅದರ ಜ್ವಾಲೆ ಕಾಲೇಜು ಕಟ್ಟಡದವರೆಗೂ ವ್ಯಾಪಿಸಿತು. ಅಲ್ಲಿದ್ದ ಕಾವಲು ಸಿಬ್ಬಂದಿ ಬೆಂಕಿ ನಿಯಂತ್ರಿಸುವ ಸಾಹಸ ಮಾಡಿದರು. ಆದರೆ, ಜ್ವಾಲೆ ನಿಯಂತ್ರಣಕ್ಕೆ ಬಂದಿಲ್ಲ. ಕಟ್ಟಡದ ಮಟ್ಟದವರೆಗೆ ಬೆಂಕಿ ಹೋಗಿದ್ದು, ಹಳೆಯ ಕಟ್ಟಡಕ್ಕೂ ಬಿಸಿ ಮುಟ್ಟಿತು. ಮಾಹಿತಿ ಪಡೆದ ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿದರು. ನಿರಂತರ ಪ್ರಯತ್ನದಿಂದ ಆ ಬೆಂಕಿಯನ್ನು ಆರಿಸಿದರು. ಬೆಂಕಿ ಆರಿದ ಮೇಲೆ ಜನ ನೆಮ್ಮದಿಯ ನಿಟ್ಟುಸಿರು ಬಿಟ್ಟರು.
- [ದೇವಾಲಯದ ಮುಂದೆ ಭಿಕ್ಷೆ: ಕಾಸು ಕೇಳಿದವನ ಕೈ ಮುರಿದ ಅಪರಿಚಿತ!](https://mobiletime.in/2025/11/begging-in-front-of-the-temple-stranger-breaks-the-hand-of-the-person-who-asked-for-money/): ಕೆಲಸ ಇಲ್ಲದ ವೇಳೆ ಕಂಡಕoಡವರಲ್ಲಿ ಕಾಸು ಬೇಡುವ ಕಾರವಾರದ ಪ್ರಮೋದ ಲಮಾಣಿ ಅವರಿಗೆ ಅಪರಿಚಿತರೊಬ್ಬರು ಕೋಲಿನಿಂದ ಬಾರಿಸಿದ್ದಾರೆ. ಕಾರವಾರದ ಹರಿದೇವನಗರದ ಪ್ರಮೋದ ಮಹಾದೇವ ಲಮಾಣಿ (35) ಸದ್ಯ ಸರ್ವೋದಯನಗರದಲ್ಲಿ ವಾಸವಾಗಿದ್ದಾರೆ. ಅವರು ವೆಲ್ಡಿಂಗ್ ಕೆಲಸ ಮಾಡಿಕೊಂಡಿದ್ದಾರೆ. ಕೆಲಸ ಇಲ್ಲದ ಅವಧಿಯಲ್ಲಿ ಅವರು ಸಿಕ್ಕ ಸಿಕ್ಕವರಲ್ಲಿ ಕಾಸು ಕೇಳುತ್ತಾರೆ. ಗುರುತು-ಪರಿಚಯ ಇಲ್ಲದವರ ಬಳಿ ತೆರಳಿಯೂ ಅವರು `2 ಸಾವಿರ ರೂ ಕೊಡಿ’ ಎಂದು ಬೇಡುತ್ತಾರೆ. ನವೆಂಬರ್ 28ರ ರಾತ್ರಿ 11 ಗಂಟೆ ಸುಮಾರಿಗೆ ಪ್ರಮೋದ ಲಮಾಣಿ ಅವರು ಸರ್ವೋದಯನಗರದ ಗಣಪತಿ ದೇವಾಲಯದ ಬಳಿ ಹೋಗಿದ್ದರು. ಅಲ್ಲಿನ ಕಟ್ಟೆ ಮೇಲೆ ಅಪರಿಚಿತರೊಬ್ಬರು ಕೂತಿದ್ದರು. ಪ್ರಮೋದ ಲಮಾಣಿ ಅವರನ್ನು ಮಾತನಾಡಿಸಿದರು. ಕೊನೆಗೆ ತಮ್ಮ ಎಂದಿನ ಚಾಳಿಯಂತೆ `2 ಸಾವಿರ ರೂ ಸಹಾಯ ಮಾಡಿ’ ಎಂದು ಕೈ ವೊಡ್ಡಿದರು. ಇದರಿಂದ ಆ ಅಪರಿಚಿತನ ಸಿಟ್ಟು ನೆತ್ತಿಗೇರಿತು. ಪ್ರಮೋದ ಲಮಾಣಿ ಅವರನ್ನು ಉದ್ದೇಶಿಸಿ ಅವರು ಬೈಗುಳ ಶುರು ಮಾಡಿದರು. ಪ್ರಮೋದ ಲಮಾಣಿ ಅವರು ತಾವು ಯಾರಿಗೂ ಕಡಿಮೆ ಇಲ್ಲ ಎಂದು ಜಗಳಕ್ಕೆ ನಿಂತರು. ಈ ವೇಳೆ ಆ ಅಪರಿಚಿತರು ಅಲ್ಲಿಯೇ ಇದ್ದ ಕಟ್ಟಿಗೆಯಿಂದ ಪ್ರಮೋದ ಲಮಾಣಿ ಅವರಿಗೆ ಬಾರಿಸಿದರು. ಇದರಿಂದ ಪ್ರಮೋದ ಲಮಾಣಿ ಅವರ ಕೈಗೆ ನೋವಾಗಿದ್ದು, ಅವರು ಆಸ್ಪತ್ರೆ ಸೇರಿದರು. ಆಸ್ಪತ್ರೆಗೆ ಬಂದ ಪೊಲೀಸರಿಗೆ ಪ್ರಮೋದ ಲಮಾಣಿ ಆದ ವಿಷಯ ವಿವರಿಸಿದರು. ಆ ಅಪರಿಚಿತನಿಗೆ ಶಿಕ್ಷೆ ವಿಧಿಸಬೇಕು ಎಂದು ಒತ್ತಾಯಿಸಿದರು. ಸರ್ವೋದಯ ನಗರದಲ್ಲಿಯೇ ಅಡ್ಡಾಡುವ ಅಪರಿಚಿತನ ವಿರುದ್ಧ ದೂರು ನೀಡಿ, ಪ್ರಕರಣ ದಾಖಲಿಸಿದರು.
- [ಶೌಚಾಲಯದಲ್ಲಿ ಜಾರಿಬಿದ್ದ ಸೈನಿಕ: ಸಾವು!](https://mobiletime.in/2025/11/soldier-dies-after-slipping-in-toilet/): ಭಾರತೀಯ ನೌಕಾನೆಲೆಯಲ್ಲಿ ಸೈನಿಕರಾಗಿದ್ದ ಮಹೇಂದ್ರ ಗಾಯಕವಾಡ ಅವರು ಶೌಚಾಲಯದಲ್ಲಿ ಜಾರಿ ಬಿದ್ದು ಸಾವನಪ್ಪಿದ್ದಾರೆ. ಮಹಾರಾಷ್ಟದ ಸಾಂಗ್ಲಿಯ ಮಹೇಂದ್ರ ವಿಠ್ಠಲ ಗಾಯವಾಡ (45) ಅವರು ಕಾರವಾರದಲ್ಲಿ ವಾಸವಾಗಿದ್ದರು. ಡಿಪೆನ್ಸ ಸಿವಿಲಿಯನ್ ವಿಭಾಗದಲ್ಲಿ ಕರ್ತವ್ಯದಲ್ಲಿದ್ದ ಅವರು ನವೆಂಬರ್ 29ರ ಬೆಳಗ್ಗೆ ಶೌಚಾಲಯದಲ್ಲಿ ಕುಸಿದು ಬಿದ್ದರು. ಅಸ್ವಸ್ಥಗೊಂಡಿದ್ದ ಅವರನ್ನು ಅಕ್ಕಪಕ್ಕದ ಜನ ನೋಡಿ ಆಸ್ಪತ್ರೆಗೆ ರವಾನಿಸಿದರು. ಅರಗಾದ ನೇವಲ್ ಬೇಸಿನ ಪತಂಜಲಿ ಆಸ್ಪತ್ರೆಗೆ ಮಹೇಂದ್ರ ಗಾಯಕವಾಡ ಅವರನ್ನು ಕರೆತರಲಾಯಿತು. ಆದರೆ, ತಪಾಸಣೆ ನಡೆಸಿದ ವೈದ್ಯರು ಈಗಾಗಲೇ ಮಹೇಂದ್ರ ಗಾಯಕವಾಡ ಅವರು ಸಾವನಪ್ಪಿದ ವಿಷಯ ಘೋಷಿಸಿದರು. ಪತಿಯ ಸಾವಿನ ಬಗ್ಗೆ ವೈಶಾಲಿ ಗಾಯಕವಾಡ ಅವರು ವರದಿ ಒಪ್ಪಿಸಿದ್ದು, ಕಾರವಾರ ಗ್ರಾಮೀಣ ಪೊಲೀಸ್ ಠಾಣೆಯವರು ಪ್ರಕರಣ ದಾಖಲಿಸಿದರು.
- [ಕೊಳಕು ಊಟ ವಿತರಣೆ: ಮುಖ್ಯ ಶಿಕ್ಷಕರಿಗೆ ನೋಟಿಸು!](https://mobiletime.in/2025/11/dirty-meal-distribution-notice-to-the-head-teacher/): ಮುಂಡಗೋಡಿನ ಶಾಸಕರ ಮಾದರಿ ಶಾಲೆಯಲ್ಲಿ ಬಿಸಿಯೂಟ ಮಾಡಿ ಅಸ್ವಸ್ಥಗೊಂಡಿದ್ದ ಮಕ್ಕಳ ಆರೋಗ್ಯದಲ್ಲಿ ಚೇತರಿಕೆ ಕಾಣಿಸಿದೆ. ಅಸ್ವಸ್ಥಗೊಂಡಿದ್ದ 44 ಮಕ್ಕಳ ಪೈಕಿ 17 ಜನ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ. ಶುಕ್ರವಾರ ಮಧ್ಯಾಹ್ನ ಶಾಸಕರ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯ 452 ವಿದ್ಯಾರ್ಥಿ ಹಾಗೂ ಮೌಲಾನಾ ಆಜಾದ್ ಮಾದರಿ ಶಾಲೆಯ 235 ವಿದ್ಯಾರ್ಥಿಗಳು ಬಿಸಿಯೂಟ ಸೇವಿಸಿದ್ದರು. ಮೌಲಾನಾ ಆಜಾದ್ ಮಾದರಿ ಶಾಲೆಗೆ ಶಾಸಕರ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಿಂದಲೇ ಬಿಸಿಯೂಟ ಸರಬರಾಜು ಮಾಡಲಾಗುತ್ತಿದ್ದು, ಮೌಲಾನಾ ಆಜಾದ್ ಮಾದರಿ ಶಾಲೆಯ ಮಕ್ಕಳಿಗೆ ಯಾವುದೇ ಸಮಸ್ಯೆ ಆಗಿರಲಿಲ್ಲ. ಆದರೆ, ಶಾಸಕರ ಮಾದರಿ ಶಾಲೆಯಲ್ಲಿ ಬಿಸಿಯೂಟ ಸೇವಿಸಿದ ತಕ್ಷಣ 24 ಮಕ್ಕಳು ಹೊಟ್ಟೆನೋವಿನಿಂದ ಬಳಲಿದ್ದರು. ಅವರೆಲ್ಲರೂ ವಾಂತಿ ಮಾಡಿಕೊಂಡಿದ್ದು, ಅದಾದ ನಂತರ ಮತ್ತೆ 20 ವಿದ್ಯಾರ್ಥಿಗಳು ಅಸ್ವಸ್ಥರಾಗಿದ್ದರು. ಊಟದ ಪರಿಶೀಲನೆ ಮಾಡಿದಾಗ ಸಾಂಬಾರಿನಲ್ಲಿ ಇಲಿ ಹಿಕ್ಕಿ ಕಾಣಿಸಿತ್ತು. ಆ ಎಲ್ಲಾ ಮಕ್ಕಳನ್ನು ತಕ್ಷಣ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ವೈದ್ಯಾಧಿಕಾರಿ ಡಾ ನರೇಂದ್ರ ಪವಾರ್ ಅವರ ತಂಡ ಸ್ಥಳದಲ್ಲಿಯೇ ಬೀಡು ಬಿಟ್ಟಿದ್ದು, ಮಕ್ಕಳ ಆರೋಗ್ಯದ ಮೇಲೆ ವಿಶೇಷ ಗಮನ ನೀಡಿತು. ಪರಿಣಾಮ 17 ವಿದ್ಯಾರ್ಥಿಗಳು ಅದೇ ದಿನ ಚೇತರಿಸಿಕೊಂಡು ಮನೆ ಮುಟ್ಟಿದರು. ಅಧಿಕಾರಿಗಳು ಮಕ್ಕಳು ಸೇವಿಸಿದ ಬಿಸಿಯೂಟವನ್ನು ಶಾಲೆಯಿಂದ ಸಂಗ್ರಹಿಸಿ ಪರೀಕ್ಷೆಗಾಗಿ ಕಳುಹಿಸಿದ್ದು, ವರದಿ ಬರುವುದು ಬಾಕಿಯಿದೆ. ಈ ನಡುವೆ ಅಧಿಕಾರಿಗಳು ಶಾಲೆಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಅಡುಗೆ ಕೊಠಡಿ, ದಾಸ್ತಾನು ಕೊಠಡಿ, ಶೌಚಾಲಯ, ಕುಡಿಯುವ ನೀರಿನ ವ್ಯವಸ್ಥೆಯನ್ನು ಪರಿಶೀಲಿಸಿದ್ದಾರೆ. ಅವಘಡಕ್ಕೆ ಕಾರಣ ಕೇಳಿ ಶಾಲೆಯ ಮುಖ್ಯ ಶಿಕ್ಷಕರಿಗೆ ನೋಟಿಸ್ ಸಹ ನೀಡಲಾಗಿದೆ.
- [ದೇವರ ಕೋಣೆಯಲ್ಲಿ ನೇತಾಡಿದ ಶವ!](https://mobiletime.in/2025/11/a-corpse-hanging-in-the-gods-room/): ಮನೆಯಲ್ಲಿದ್ದ ಮಗಳನ್ನು ಹೊರಗೆ ಕಳುಹಿಸಿದ ಆನಂದ ರಾವುತ್ ಅವರು ದೇವರ ಮನೆಗೆ ಹೋಗಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಶಾಲೆಗೆ ಹೋಗಿದ್ದ ಮತ್ತೊಬ್ಬ ಮಗಳು ಮನೆಗೆ ಬಂದಾಗ ತಂದೆಯ ಶವ ಕಾಣಿಸಿದ್ದು, ಅವರು ಅಲ್ಲಿಯೇ ಕುಸಿದು ಬಿದ್ದಿದ್ದಾರೆ. ಜೊಯಿಡಾದ ಜಗಲಪೇಟೆ ಜನತಾಪ್ಲಾಟಿನ ಆನಂದ ರಾವುತ್ (40) ಅವರು ವಾಸವಾಗಿದ್ದರು. ಅವರು ಅಪರ್ಣ ರಾವುತ್ ಅವರನ್ನು ವರಿಸಿದ್ದರು. ಮದುವೆ ಆಗುವ ಮುಂಚಿನಿoದಲೂ ಆನಂದ ರಾವುತ್ ಅವರಿಗೆ ಕೈ-ಕಾಲು ನಡುಗುವ ಕಾಯಿಲೆಯಿತ್ತು. ಅದಾಗಿಯೂ ಅವರು ಗೌಂಡಿ ಕೆಲಸ ಮಾಡಿ ಸಂಸಾರ ನಡೆಸುತ್ತಿದ್ದರು. ಕಟ್ಟಡ ಕೆಲಸಕ್ಕಾಗಿ ಅವರು ಕಳೆದ ವರ್ಷ ವಿದೇಶಕ್ಕೆ ಸಹ ಹೋಗಿದ್ದರು. ಆದರೆ, ದುಬೈನಲ್ಲಿ ಆರೋಗ್ಯ ಸಮಸ್ಯೆ ಹೆಚ್ಚಾದ ಕಾರಣ ಒಂದೇ ವರ್ಷದಲ್ಲಿ ಆನಂದ ರಾವುತ್ ಅವರು ಮನೆಗೆ ಮರಳಿದ್ದರು. ಇಲ್ಲಿ ಒಂದು ದಿನ ಕೆಲಸಕ್ಕೆ ಹೋದರೆ ಎರಡು ದಿನ ವಿಶ್ರಾಂತಿಪಡೆದು ಜೀವನ ನಡೆಸುತ್ತಿದ್ದರು. ಈಚೆಗೆ ಖಾನಾಪುರಕ್ಕೆ ಹೋಗಿದ್ದ ಅವರು ಅಲ್ಲಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ಒಳಗಾಗಿದ್ದರು. ಕೆಲ ದಿನಗಳ ಕಾಲ ತಮ್ಮ ಊರಾದ ಶಿರೊಳ್ಳಿಯಲ್ಲಿಯೇ ವಾಸವಾಗಿದ್ದರು. ಕಳೆದ 4 ದಿನದ ಹಿಂದೆ ಜೊಯಿಡಾದ ಜಗಲಪೇಟೆಗೆ ಆನಂದ ರಾವುತ್ ಅವರು ಮರಳಿ ಬಂದಿದ್ದರು. ನವೆಂಬರ್ 28ರಂದು ಪತ್ನಿ ಅಪರ್ಣ ರಾವುತ್ ಅವರು ಮಗಳನ್ನು ಶಾಲೆಗೆ ಬಿಡಲು ಹೋಗಿದ್ದರು. ಚಿಕ್ಕ ಮಗಳು ಮನೆಯಲ್ಲಿಯೇ ಇದ್ದು, ಆನಂದ ರಾವುತ್ ಅವರು ಆಕೆಯನ್ನು ಮನೆಯಿಂದ ಹೊರ ಕಳುಹಿಸಿದರು. ಅದಾದ ನಂತರ ದೇವರ ಕೋಣೆಗೆ ಹೋಗಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾದರು. ಮನೆಗೆ ಮರಳಿದ ಅಪರ್ಣ ರಾವುತ್ ಹಾಗೂ ಮಕ್ಕಳು ಶವ ನೋಡಿ ಆಘಾತಕ್ಕೆ ಒಳಗಾದರು.
- [ವಿಷ ಇದ್ದಿದ್ದು ಹಾವಿನಲ್ಲಲ್ಲ.. ಆತನ ತಲೆಯಲ್ಲಿ!](https://mobiletime.in/2025/11/the-poison-wasnt-in-the-snake-it-was-in-his-head/): ತೋಟದಲ್ಲಿ ಕೆಲಸ ಮಾಡುತ್ತಿದ್ದ ರಮೇಶ ಪಟಗಾರ ಅವರಿಗೆ ವಿಷಕಾರಿ ಅಲ್ಲದ ಹಾವು ಕಚ್ಚಿದ್ದು, ಹಾವು ಕಚ್ಚಿದ ಆತಂಕದಲ್ಲಿಯೇ ಅವರು ಆಸ್ಪತ್ರೆ ಸೇರಿದ್ದಾರೆ. ಆಸ್ಪತ್ರೆಯವರು 7 ಲಕ್ಷ ರೂ ಬಿಲ್ ಮಾಡಿದ್ದಾರೆ! ಕುಮಟಾದ ಕಾರಹಿತ್ಲಿನ ರಮೇಶ್ ಶಿವಯ್ಯ ಪಟಗಾರ ಅವರು ಹಣ್ಣೇಮಠದಲ್ಲಿ ವಾಸವಾಗಿದ್ದಾರೆ. 43 ವರ್ಷದ ಅವರು ಸಿದ್ದಾಪುರದಲ್ಲಿ ಕೆಲಸ ಮಾಡುವಾಗ ಧೂಳ್ ಬುಕ್ರಿ ಪ್ರಬೇದದ ಹಾವು ಕಚ್ಚಿದೆ. `ಆ ಹಾವು ವಿಷಕಾರಿ ಅಲ್ಲ’ ಎಂದರೂ ಅದು ರಮೇಶ ಪಟಗಾರ ಅವರ ತಲೆಗೆ ಹೋಗಿಲ್ಲ. ಹಾವು ಕಚ್ಚಿದ ಆತಂಕದಲ್ಲಿಯೇ ರಮೇಶ ಪಟಗಾರ ಅವರ ರಕ್ತದೊತ್ತಡ ಹೆಚ್ಚಾಗಿದೆ. ಭಯದಲ್ಲಿಯೇ ಅವರು ಪ್ರಜ್ಞೆ ತಪ್ಪಿ ಬಿದ್ದಿದ್ದಾರೆ. ಅದಾದ ನಂತರ ಕುಟುಂಬದವರು ರಮೇಶ ಪಟಗಾರ ಅವರನ್ನು ಕುಮಟಾ ಆಸ್ಪತ್ರೆಗೆ ತಂದಿದ್ದು, ನಂತರ ಅವರ ತಾಯಿ ಲಲಿತ ಪಟಗಾರ ಹಾಗೂ ಚಿಕ್ಕಪ್ಪ ಗಣಪತಿ ಪಟಗಾರ ಸೇರಿ ನೆರೆಜಿಲ್ಲೆಯ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಉಡುಪಿಯ ಕಸ್ತೂರಿ ಬಾ ಆಸ್ಪತ್ರೆಯಲ್ಲಿ ರಮೇಶ ಪಟಗಾರ ಅವರ ಸಂಬAಧಿಕರು ಮೊದಲು 40 ಸಾವಿರ ರೂ ಹಣ ಪಾವತಿಸಿದ್ದಾರೆ. ಅಲ್ಲಿ ಚಿಕಿತ್ಸೆ ನೀಡಿದ ವೈದ್ಯರು ಬೇರೆ ಆಸ್ಪತ್ರೆಗೆ ಶಿಫಾರಸ್ಸು ಮಾಡಿದ್ದಾರೆ. ಹೀಗಾಗಿ ಕುಟುಂಬದವರು ರಮೇಶ ಪಟಗಾರ ಅವರನ್ನು ಮಂಗಳೂರಿನ ಆಸ್ಪತ್ರೆಗೆ ಕಳುಹಿಸಿದ್ದಾರೆ. ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಯವರು `ಹಾವು ಕಚ್ಚಿದ್ದರಿಂದ ಸಮಸ್ಯೆ ಆಗಿಲ್ಲ. ಹಾವು ಕಚ್ಚಿದಾಗ ಅವರು ಹೆದರಿದ್ದು ರಕ್ತದೊತ್ತಡ 280ಕ್ಕೆ ಏರಿಕೆಯಾಗಿದ್ದು, ಮೆದುಳಿನಲ್ಲಿ ರಕ್ತ ಸಂಚಾರ ತೀವೃವಾಗಿದೆ. ಹೀಗಾಗಿ ಸರ್ಜರಿ ಮಾಡಬೇಕು’ ಎಂದು ಹೇಳಿದ್ದಾರೆ. ಸರ್ಜರಿ ಮಾಡುವುದಕ್ಕಾಗಿ ರಮೇಶ ಪಟಗಾರ ಅವರನ್ನು ಕುಟುಂಬದವರು ಮಂಗಳೂರಿನ ಎ ಜೆ ಆಸ್ಪತ್ರೆಗೆ ಸಾಗಿಸಿದ್ದಾರೆ. ಅಲ್ಲಿ ಆಯುಷ್ಮಾನ್ ಕಾರ್ಡ, ಆರೋಗ್ಯ ಕಾರ್ಡ, ಬಿಪಿಎಲ್ ಕಾರ್ಡನ್ನು ರಮೇಶ ಪಟಗಾರ ಕುಟುಂಬದವರು ಕಾಣಿಸಿದ್ದು ಅದ್ಯಾವುದು ಅಲ್ಲಿ ಕೆಲಸಕ್ಕೆ ಬಂದಿಲ್ಲ. ತಾಳಿ ಉಂಗುರ ಅಡವಿಟ್ಟ ರಮೇಶ ಪಟಗಾರ ಅವರ ಕುಟುಂಬದವರು 3 ಲಕ್ಷ ರೂ ಹಣ ಕೂಡಿಸಿದ್ದಾರೆ. ಅದಾದ ನಂತರ ಚಿಕಿತ್ಸೆಗೆ ಮತ್ತೆ 4 ಲಕ್ಷ ರೂ ಹಣ ಅಗತ್ಯವಿರುವ ಬಗ್ಗೆ ವೈದ್ಯರು ಪತ್ರ ಕೊಟ್ಟಿದ್ದಾರೆ. ಮಂಗಳೂರಿನ ಬೇರೆ ಯಾವ ಆಸ್ಪತ್ರೆಯಲ್ಲಿಯೂ ಈ ಚಿಕಿತ್ಸೆ ನಡೆಸದ ಕಾರಣ ರಮೇಶ ಪಟಗಾರ ಕುಟುಂಬದವರು ಹಣ ಹೊಂದಿಸಲಾಗದೇ ಪರದಾಡುತ್ತಿದ್ದಾರೆ. ಈ ಎಲ್ಲಾ ವಿಷಯ ಅರಿತ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಆಗ್ನೇಲ್ ರೋಡ್ರಿಗಸ್ ಅವರು ನೆರವು ಕೋರಿ ಆರೋಗ್ಯ ಸಚಿವರಿಗೆ ಪತ್ರ ಬರೆದಿದ್ದಾರೆ. ರಮೇಶ ಪಟಗಾರ ಅವರ ಪತ್ನಿಯೂ ಆಸ್ಪತ್ರೆಗೆ ದಾಖಲಾಗಿರುವ ವಿಷಯವನ್ನು ಅವರು ವಿವರಿಸಿದ್ದಾರೆ. ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ ಹಾಗೂ ನಿವೃತ್ತ ಅಧಿಕಾರಿ ನಾಗೇಶ ಅವರು ಸಹಾಯ ಕೋರಿ ಸಚಿವರಿಗೆ ಮನವಿ ಮಾಡಿದ್ದಾರೆ.
- [ಆರೋಪದ ಹಿಂದೆ ಕುತಂತ್ರ!](https://mobiletime.in/2025/11/there-is-a-cunning-behind-the-accusation/): ದುಷ್ಟರ ಪಾಲಿಗೆ ದುಸ್ವಪ್ನವಾಗಿರುವ ಅಂಕೋಲಾ ಪಿಐ ಚಂದ್ರಶೇಖರ ಮಠಪತಿ ಅವರ ವಿರುದ್ಧ ಪುರಸಭೆ ಮಾಜಿ ಸದಸ್ಯ ಸಂದೀಪ ಬಂಟ್ ಅವರು ಹಪ್ತಾ ವಸೂಲಿ ಆರೋಪ ಮಾಡಿದ್ದಾರೆ. ಆದರೆ, ಈ ಆರೋಪಕ್ಕೆ ಪೂರಕವಾದ ದಾಖಲೆ ಒದಗಿಸದ ಕಾರಣ ಆರೋಪದ ಹಿಂದೆ ಕಾಣದ ಕೈಗಳು ಕೆಲಸ ಮಾಡಿದ ಅನುಮಾನವ್ಯಕ್ತವಾಗುತ್ತಿದೆ. ಒಂದುವರೆ ವರ್ಷದ ಹಿಂದೆ ಅಂಕೋಲಾ ಪೊಲೀಸ್ ಠಾಣೆಗೆ ಬಂದ ಚಂದ್ರಶೇಖರ ಮಠಪತಿ ಅವರು ಅನೇಕ ಅಪರಾಧ ಪ್ರಕರಣಗಳನ್ನು ಬೇದಿಸಿದ್ದಾರೆ. ಹಲವು ಅಕ್ರಮಗಳಿಗೆ ಅವರು ಕಡಿವಾಣ ಹಾಕಿದ್ದಾರೆ. ಕಾನೂನುಬಾಹಿರವಾಗಿ ನಡೆಯುವ ಕೆಲಸಗಳ ಮೇಲೆ ಅವರು ಕಣ್ಣಿಟ್ಟಿದ್ದು, ಬೀಟ್ ಪೊಲೀಸ್ ವ್ಯವಸ್ಥೆಯನ್ನು ಬಲಗೊಳಿಸಿದ್ದಾರೆ. ಸಣ್ಣ ಸುಳಿವು ಆಧರಿಸಿ ದೊಡ್ಡ ದೊಡ್ಡ ಪ್ರಕರಣಗಳನ್ನು ಬೇದಿಸಿದಕ್ಕಾಗಿ ಅನೇಕ ಸನ್ಮಾನ-ಬಿರುದುಗಳು ಸಹ ಅವರಿಗೆ ದೊರೆತಿದೆ. ಕಳೆದ ಒಂದುವರೆ ವರ್ಷದಲ್ಲಿ ಚಂದ್ರಶೇಖರ ಮಠಪತಿ ಅವರು 42ಕ್ಕೂ ಅಧಿಕ ಮಟ್ಕಾ ದಾಳಿ ನಡೆಸಿದ್ದಾರೆ. ಗೂಡಗಂಡಿಕಾರರಿ0ದಹಿಡಿದು ಮಟ್ಕಾಬುಕ್ಕಿಯವರೆಗೆ ಮುಲಾಜಿಲ್ಲದೇ ಪ್ರಕರಣ ದಾಖಲಿಸಿದ್ದಾರೆ. ಪ್ರಭಾವಿಗಳ ಒತ್ತಡಕ್ಕೂ ಮಣಿಯದೇ ಆರೋಪಿಗಳ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಸಾಮಾನ್ಯವಾಗಿ ಪೊಲೀಸರು ಮಟ್ಕಾ ದಾಳಿ ನಡೆಸಿದಾಗ ಒಂದು ಬಾಲ್ ಪೆನ್ನಿನ ಜೊತೆ 500ರಿಂದ 600ರೂ ಹಣ ಮಾತ್ರ ಸಿಗುತ್ತದೆ. ಆದರೆ, ನವೆಂಬರ್ 26ರಂದು ಚಂದ್ರಶೇಖರ ಮಠಪತಿ ಅವರು ಕೇಣಿಯಲ್ಲಿನ ಅಂಗಡಿ ಮೇಲೆ ದಾಳಿ ನಡೆಸಿದಾಗ 17 ಸಾವಿರ ರೂ ಮಟ್ಕಾ ಹಣ ಸಿಕ್ಕಿದ್ದು, ಸಿಕ್ಕಿಬಿದ್ದ  ಶ್ಯಾಮ ಬಂಟ್ ಅವರು `ಮಟ್ಕಾ ಬುಕ್ಕಿ ಸಂದೀಪ ಬಂಟ್ ಅವರ ಸೂಚನೆ ಮೇರೆಗೆ ಈ ಆಟ ಆಡಿಸುತ್ತಿದ್ದೇನೆ’ ಎಂದು ಬಾಯ್ಬಿಟ್ಟಿದ್ದಾರೆ. ಈ ಹಿನ್ನಲೆ ಸಂದೀಪ ಬಂಟ್ ಅವರನ್ನು ಮಟ್ಕಾ ಬುಕ್ಕಿ ಎಂದು ಗುರುತಿಸಿ ಪಿಐ ಚಂದ್ರಶೇಖರ ಮಠಪತಿ ಅವರು ಪ್ರಕರಣ ದಾಖಲಿಸಿದ್ದಾರೆ. ಮಟ್ಕಾ ಪ್ರಕರಣದಲ್ಲಿ ಸಂದೀಪ ಬಂಟ್ ಅವರು ಆರೋಪಿ ಸ್ಥಾನಕ್ಕೇರಿರುವುದು ಇದೇ ಮೊದಲಲ್ಲ. ಚಂದ್ರಶೇಖರ ಮಠಪತಿ ಅವರು ಅಂಕೋಲಾ ಪೊಲೀಸ್ ಠಾಣೆಗೆ ಬರುವ ಮುನ್ನವೇ ಪೊಲೀಸ್ ದಾಖಲೆಗಳ ಪ್ರಕಾರ ಮಟ್ಕಾ ಬುಕ್ಕಿಯಾಗಿ ಗುರುತಿಸಿಕೊಂಡಿದ್ದ ಸಂದೀಪ ಬಂಟ್ ಅವರು ಇದೀಗ ಚಂದ್ರಶೇಖರ ಮಠಪತಿ ಅವರು ತಮ್ಮ ವಿರುದ್ಧ ಮತ್ತೊಮ್ಮೆ ಪ್ರಕರಣ ದಾಖಲಿಸಿದ ಕಾರಣ ಅವರ ವಿರುದ್ಧ ಆರೋಪ ಮಾಡಿದ್ದಾರೆ ಎಂಬುದು ಪೊಲೀಸ್ ವಲಯದಲ್ಲಿ ಕೇಳಿಸಿದ ಮಾತು. ಸಂದೀಪ ಬಂಟ್ ಅವರ ವಿರುದ್ಧ ಈ ಹಿಂದೆ ದಾಖಲಾಗಿದ್ದ ಪ್ರಕರಣಗಳಲ್ಲಿ `ಬಿ ರಿಪೋರ್ಟ’ ಸಲ್ಲಿಕೆಯಾಗಿದ್ದು, ಈ ಪ್ರಕರಣದಲ್ಲಿ `ಬಿ ರಿಪೋರ್ಟ’ ಸಲ್ಲಿಕೆ ಸಾಧ್ಯತೆಗಳಿಲ್ಲದ ಕಾರಣ ಪೊಲೀಸರ ವಿರುದ್ಧ ಆರೋಪ ಮಾಡಿದ ಬಗ್ಗೆ ಮಾತುಗಳಿವೆ. ಹೀಗಾಗಿ ಮಾಧ್ಯಮದವರು ಸಹ `ಆರೋಪಕ್ಕೆ ತಕ್ಕ ದಾಖಲೆ ಒದಗಿಸಿ’ ಎಂದು ಕೇಳಿದ್ದು, ಸಂದೀಪ ಬಂಟ್ ಅವರು ದಾಖಲೆ ನೀಡಿಲ್ಲ. `ಪೊಲೀಸರು ನನ್ನಲ್ಲಿಯೂ ಹಪ್ತಾ ಕೇಳಿದ್ದಾರೆ’ ಎಂದು ಸಂದೀಪ ಬಂಟ್ ಅವರು ಹೇಳಿದ್ದು, ಜನಪ್ರತಿನಿಧಿಯಾಗಿ ಅನುಭವಹೊಂದಿರುವ ಅವರು ಆ ಅವಧಿಯಲ್ಲಿಯೇ ಕಾನೂನಿನ ಪ್ರಕಾರ ದಾಖಲೆಗಳ ಜೊತೆ ಮೇಲಧಿಕಾರಿಗಳಾದ ಪೊಲೀಸ್ ಅಧೀಕ್ಷಕರಿಗೆ ಏಕೆ ದೂರು ಏಕೆ ದಾಖಲಿಸಲಿಲ್ಲ? ಎಂಬ ಪ್ರಶ್ನೆಗೂ ಉತ್ತರವಿಲ್ಲ.
- [ಅರಣ್ಯ ಹಕ್ಕು ಅನುಷ್ಠಾನದಲ್ಲಿ ಸರ್ಕಾರದ ವೈಫಲ್ಯ](https://mobiletime.in/2025/11/governments-failure-in-implementing-forest-rights/): ಅರಣ್ಯ ಹಕ್ಕು ಮಾನ್ಯತೆ ಕಾಯ್ದೆಯ ಅನುಷ್ಠಾನದಲ್ಲಿ ರಾಜ್ಯದ ವೈಫಲ್ಯದ ಬಗ್ಗೆ ಅರಣ್ಯವಾಸಿಗಳ ರಾಜ್ಯ ಒಕ್ಕೂಟ ಕಳವಳವ್ಯಕ್ತಪಡಿಸಿದೆ. ಯಲ್ಲಾಪುರದ ಟೀಡ್ ಟ್ರಸ್ಟಿನ ಸಭಾಂಗಣದಲ್ಲಿ ಸಭೆ ನಡೆಸಿದ ಅರಣ್ಯ ಹಕ್ಕು ಹೋರಾಟ ಸಮಿತಿಗಳ ರಾಜ್ಯ ಒಕ್ಕೂಟದ ಕಾರ್ಯಕಾರಿ ಸಮಿತಿಯು ರಾಜ್ಯ ಸಂಚಾಲಕ ಚಂದ್ರಕಾAತ ಕೊಚರೇಕರ ಅವರು ಅರಣ್ಯ ಹಕ್ಕು ಮಾನ್ಯತೆ ಕಾಯ್ದೆಯ ಅನುಷ್ಠಾನದಲ್ಲಿನ ರಾಜ್ಯದ ವೈಫಲ್ಯದ ಬಗ್ಗೆ ಮಾತನಾಡಿದ್ದಾರೆ. `ಪಶ್ಚಿಮಘಟ್ಟ ಮತ್ತು ಅದರ ಅಂಚಿನಲ್ಲಿರುವ ಬಹುತೇಕ ಎಲ್ಲ ಸಮುದಾಯಗಳ ಜನರೂ ಸಹ ಸ್ವಾತಂತ್ರ ಪೂರ್ವದಿಂದ ತಮ್ಮ ಆಹಾರ ಮತ್ತು ಜೀವನೋಪಾಯಕ್ಕೆ ಅರಣ್ಯ ಉತ್ಪನ್ನಗಳನ್ನು ಹಾಗೂ ಅರಣ್ಯ ಭೂಮಿಯನ್ನು ಅವಲಂಬಿಸಿದ್ದರು. ಅಕ್ಕಿಯ ಬದಲಿಗೆ ಅರಣ್ಯದಲ್ಲಿ ಬೆಳೆಯುವ ಅನೇಕ ಗಡ್ಡೆಗೆಣಸು, ತಾಳೆಹಿಟ್ಟು, ಬಿದಿರುಭತ್ತ ಈ ಪ್ರದೇಶದ ಜನರ ಆಹಾರವಾಗಿತ್ತು. ರಾಣಿ ಚೆನ್ನಭೈರಾದೇವಿಯ ಕಾಲದಿಂದಲೂ ಉತ್ತರ ಕನ್ನಡ ಮತ್ತು ಶಿವಮೊಗ್ಗ ಜಿಲ್ಲೆಯ ಬಹುತೇಕ ಜನರು ಜೀವನೋಪಾಯಕ್ಕೆ ಕಾಳುಮೆಣಸು, ಜುಮ್ಮನಕಾಯಿ ಮತ್ತು ಅಮೃತಬಳ್ಳಿಸಹಿತ ವಿವಿಧ ಔಷಧಿ ಸಸ್ಯಗಳನ್ನು ಬಳಸುತ್ತಿದ್ದರು. ಈ ಬಗ್ಗೆ ಜಿಲ್ಲೆಯ ಗೆಜೆಟಿಯರಿನಲ್ಲಿ ಸಹ ಉಲ್ಲೇಖವಿದೆ’ ಎಂದವರು ಗಮನಸೆಳೆದಿದ್ದಾರೆ. ಹೀಗಿರುವಾಗ `ಅರಣ್ಯ ಹಕ್ಕುಕಾಯ್ದೆಯು ಅರಣ್ಯವಾಸಿಗಳ ಪರವಾಗಿದ್ದರೂ ಸಹ ಅರಣ್ಯವಾಸಿಗಳಿಗೆ ಭೂಮಿಯ ಹಕ್ಕು ನೀಡಲು ನಮ್ಮ ರಾಜ್ಯದಲಿ ್ಲಮೀನಮೇಷ ಮಾಡುತ್ತಿರುವುದು ಏಕೆ?’ ಎಂದವರು ಪ್ರಶ್ನಿಸಿದ್ದಾರೆ `ವಸತಿ ಮತ್ತು ಜೀವನೋಪಾಯಕ್ಕೆ ಅರಣ್ಯ ಭೂಮಿಯನ್ನು ಅವಲಂಬಿಸಿರುವ ರಾಜ್ಯದ ಜನರಿಗೆ ಅರಣ್ಯ ಹಕ್ಕು ಕಾಯ್ದೆಯಡಿ ಭೂಮಿಯ ಹಕ್ಕು ಸಹಿತ ಗರಿಷ್ಠ ಸೌಲಭ್ಯ ದೊರಕಿಸಿಕೊಡುವಲ್ಲಿ ರಾಜ್ಯ ಮತ್ತು ಕೇಂದ್ರ ಸರ್ಕಾರ ಅಗತ್ಯ ಚಿಂತನೆ ಮಾಡಬೇಕು. ಅಗತ್ಯವಿದ್ದರೆ ಅರಣ್ಯ ಹಕ್ಕು ಕಾಯ್ದೆಯ ಇತರ ಪಾರಂಪರಿಕ ಅರಣ್ಯವಾಸಿ ವ್ಯಾಖ್ಯೆಯ ಮೂರು ತಲೆಮಾರಿನ ವಿವರಣೆಗೆ ಅಗತ್ಯ ತಿದ್ದುಪಡಿ ತರಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಅರಣ್ಯ ಹಕ್ಕುಕಾಯ್ದೆಯ ಅನುಷ್ಠಾನದಲ್ಲಿ ಕರ್ನಾಟಕ ರಾಜ್ಯವು ದೇಶದಲ್ಲಿ ಕೊನೆಯ ಸ್ಥಾನದಲ್ಲಿದೆ’ ಎಂಬ ವಿಷಯವನ್ನು ಅವರು ತೆರೆದಿಟ್ಟಿದ್ದಾರೆ. ಒಕ್ಕೂಟದ ಕಾರ್ಯಕಾರಿ ಸದಸ್ಯರಾದ ದಾವಣಗೆರೆಯ ಕೆ ವಿ ರೂಪಾ ನಾಯ್ಕ, ಶ್ರೀಧರ ಮಲೆಕುಡಿಯ, ಟೀಡ್ ಟ್ರಸ್ಟಿನ ಮೋಹಿನಿ ಎಸ್ ಪೂಜಾರಿ, ರಾಮನಾಥ ಸಿದ್ಧಿ, ಲೋಕೇಶ ಗೌಡ, ಉಡುಪಿಯ ಅಶೋಕ ಶೆಟ್ಟಿ, ಮಂಜುನಾಥ ಸಿ.ಶಾಸ್ತ್ರಿ, ಗುತ್ತೇವ್ವಾ ಮಣ್ಣೂರು, ಕಾಮಕ್ಷಿ ರಾಯ್ಕರ ಇನ್ನಿತರರು ಈ ಚರ್ಚೆಯಲ್ಲಿ ಭಾಗವಹಿಸಿ, ನಿರ್ಣಯ ಮಂಡಿಸಿದ್ದಾರೆ.
- [ವಿವಾಹಿತೆ ಬಾಳಿಗೆ ವಿಷವಾದ ಕಳೆನಾಶಕ!](https://mobiletime.in/2025/11/a-married-woman-is-a-poisonous-weed-killer/): ಮನಸ್ಸಿಗೆ ಬೇಸರವಾದ ಕಾರಣ ನಾಗರತ್ನ ನಾಯ್ಕ ಅವರು ಕಳೆನಾಶಕ ಕುಡಿದಿದ್ದಾರೆ. ಮಣಿಪಾಲ್ ಕಸ್ತೂರಿ ಬಾ ಆಸ್ಪತ್ರೆಯಲ್ಲಿ ಅವರು ಕೊನೆಯುಸಿರೆಳೆದಿದ್ದಾರೆ. ಕುಮಟಾದ ನಾಗರತ್ನ ನಾಯ್ಕ (28) ಅವರು ಗೌರಸ್ಕಿ ಬಳಿಯ ನಾಗೂರಿನ ಲೋಹಿತ ನಾಯ್ಕ ಅವರನ್ನು ಮದುವೆ ಆಗಿದ್ದರು. 2018ರಿಂದ 2025ರವರೆಗೂ ಅವರು ಸುಂದರ ಸಂಸಾರ ನಡೆಸಿದ್ದರು. ಈ ನಡುವೆ ನಾಗರತ್ನ ನಾಯ್ಕ ಅವರು ಮಾನಸಿಕವಾಗಿ ಕುಗ್ಗಿದ್ದರು. ಅವರ ಬೇಸರಕ್ಕೆ ಕಾರಣ ಏನು? ಎಂದು ಯಾರಿಗೂ ಹೇಳಿರಲಿಲ್ಲ. ನವೆಂಬರ್ 26ರಂದು ಸಹ ಬೇಸರದಲ್ಲಿದ್ದ ಅವರು ಕಳೆನಾಶಕ ಸೇವಿಸಿದರು. ಇದನ್ನು ಗಮನಿಸಿದ ಕುಟುಂಬದವರು ನಾಗರತ್ನ ನಾಯ್ಕ ಅವರನ್ನು ಕುಮಟಾ ಸರ್ಕಾರಿ ಆಸ್ಪತ್ರೆಗೆ ಸೇರಿಸಿದರು. ಅಲ್ಲಿನ ವೈದ್ಯರು ಉನ್ನತ ಮಟ್ಟದ ಚಿಕಿತ್ಸೆಗೆ ಶಿಫಾರಸ್ಸು ಮಾಡಿದ ಕಾರಣ ಮಣಿಪಾಲ್ ಕಸ್ತೂರಿಬಾ ಆಸ್ಪತ್ರೆಗೆ ದಾಖಲಿಸಿದರು. ನವೆಂಬರ್ 26ರಿಂದ ಕಸ್ತೂರಿಬಾ ಆಸ್ಪತ್ರೆಯಲ್ಲಿ ಆರೈಕೆಯಲ್ಲಿದ್ದ ನಾಗರತ್ನ ನಾಯ್ಕ ಅವರು ಚಿಕಿತ್ಸೆಗೆ ಸರಿಯಾಗಿ ಸ್ಪಂದಿಸಲಿಲ್ಲ. ನವೆಂಬರ್ 28ರಂದು ಅವರು ಕೊನೆಯುಸಿರೆಳೆದರು. ಈ ಸಾವಿನ ಬಗ್ಗೆ ಮಿರ್ಜಾನಿನ ನಾರಾಯಣ ನಾಯ್ಕ ಅವರು ಪೊಲೀಸರಿಗೆ ತಿಳಿಸಿದ್ದು, ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕಣ್ಮುಂದೆ ಕಾಣುವ ಶಾಲೆಯೂ 2ಕಿಮೀ ದೂರ!](https://mobiletime.in/2025/11/the-school-in-sight-is-2-km-away/): ಕಳೆದ ಎಂಟು ವರ್ಷಗಳಿಂದ ಕರಾವಳಿ ಭಾಗದಲ್ಲಿ ನಡೆಯುತ್ತಿರುವ ಹೆದ್ದಾರಿ ಅಗಲೀಕರಣ ಕಾಮಗಾರಿ ಜನರಿಗೆ ಅನುಕೂಲ ಮಾಡಿಕೊಡುವುದಕ್ಕಿಂತಲೂ ಹೆಚ್ಚಿನ ಅನಾನುಕೂಲ ಮಾಡುತ್ತಿದೆ. ಅರೆಬರೆ ಹೆದ್ದಾರಿ ಕಾಮಗಾರಿ ಪರಿಣಾಮ ಹೊನ್ನಾವರದಲ್ಲಿ ಹೆದ್ದಾರಿ ಅಂಚಿನಲ್ಲಿರುವ ಶಾಲೆಗೆ ತೆರಳಬೇಕು ಎಂದರೂ ಮಕ್ಕಳು 2 ಕಿಮೀ ನಡೆಯುವುದು ಅನಿವಾರ್ಯವಾಗಿದೆ. ರಾಷ್ಟಿಯ ಹೆದ್ದಾರಿ ಅಗಲೀಕರಣ ಜವಾಬ್ದಾರಿವಹಿಸಿಕೊಂಡಿರುವ ಐ ಆರ್ ಬಿ ಕಂಪನಿ ಕೆಲಸವನ್ನು ಸರಿಯಾಗಿ ಮಾಡುತ್ತಿಲ್ಲ. ಹೊನ್ನಾವರ ನಗರದಲ್ಲಿ ಸರ್ವೀಸ್ ರಸ್ತೆ ಬಿಡಲಿಲ್ಲ. ನಗರದೊಳಗೆ ಹೋಗುವ ಉಪರಸ್ತೆಯನ್ನು ಸರಿಪಡಿಸಿಲ್ಲ. ಶರಾವತಿ ಸರ್ಕಲ್ ಬಳಿ ಕೆಳಗಿನ ಪಾಳ್ಯ ಕೇರಿಗೆ ಹೋಗಲು ಪಟ್ಟಣ ಪಂಚಾಯತ್ ಮೆಟ್ಟಿಲುಗಳನ್ನು ನಿರ್ಮಿಸಿದ್ದು, ಆ ಮೆಟ್ಟಿಲುಗಳನ್ನು ಐ ಆರ್ ಬಿ ಕಂಪನಿ ಮುಚ್ಚಿ ಹಾಕಿದೆ! ಅಲ್ಲಿನ ಇಳಿಜಾರಿನಲ್ಲಿರುವ 20 ಮನೆಯವರು ಇದರಿಂದ ಸಮಸ್ಯೆ ಅನುಭವಿಸುತ್ತಿದ್ದಾರೆ. ವಯೋವೃದ್ಧರು ಹಾಗೂ ಮಕ್ಕಳು ಸಾಕಷ್ಟು ಸಮಸ್ಯೆಗೆ ಸಿಲುಕಿದ್ದಾರೆ. ಇದೇ ಸ್ಥಳದಲ್ಲಿ ಬುದ್ದಿಮಾಂದ್ಯ ಮಕ್ಕಳ ಶಾಲೆಯೂ ಇದ್ದು, ಹೊನ್ನಾವರ-ಕುಮಟಾಗಳಿಂದ 25 ಮಕ್ಕಳು ಅಲ್ಲಿಗೆ ಬರುತ್ತಾರೆ. ಹೆದ್ದಾರಿ ಪಕ್ಕವೇ ಶಾಲೆಯಿದ್ದರೂ ಹೆದ್ದಾರಿ ಮೇಲ್ದರ್ಜೆಗೆ ಹೋಗಿದ್ದರಿಂದ ಶಾಲೆ-ಮನೆಗಳು 50 ಅಡಿ ಆಳಕ್ಕೆ ತಲುಪಿದೆ. ಇಳಿಯುವ ಮೆಟ್ಟಿಲಿನ ಜೊತೆ ರೇಲಿಂಗ್‌ನ್ನು ಐ ಆರ್ ಬಿ ಕಂಪನಿ ಮುಚ್ಚಿ ಹಾಕಿದೆ. ಹೀಗಾಗಿ ಮಕ್ಕಳು 2ಕಿಮೀ ಸುತ್ತುವರೆದು ಶಾಲೆಗೆ ಬರುವ ಪರಿಸ್ಥಿತಿ ಬಂದಿದೆ.
- [2025 ನವೆಂಬರ್ 29ರ ದಿನ ಭವಿಷ್ಯ](https://mobiletime.in/2025/11/prediction-for-november-29-2025/): ಮೇಷ ರಾಶಿ: ನಿತ್ಯದ ಕೆಲಸದಲ್ಲಿ ತೊಂದರೆ ಆಗುವ ಸಾಧ್ಯತೆಗಳಿವೆ. ನಿರೀಕ್ಷಿತ ಲಾಭ ಸಿಗುವುದಿಲ್ಲ. ಶತ್ರುಗಳ ಕಾಟ ಜೋರಾಗಲಿದೆ. ಶನಿದೇವನ ಪೂಜೆಯಿಂದ ಉತ್ತಮ ಫಲಗಳು ದೊರೆಯುತ್ತವೆ. ಆರ್ಥಿಕ ವಿಷಯಗಳಲ್ಲಿ ಜಾಗ್ರತೆ ಅಗತ್ಯ. ವೃಷಭ ರಾಶಿ: ನಿಮ್ಮ ಆರ್ಥಿಕ ಸ್ಥಿತಿ ಬಲಗೊಳ್ಳುತ್ತದೆ. ಹೊಸ ಆದಾಯದ ಅವಕಾಶಗಳು ಸಿಗುತ್ತದೆ. ಕುಟುಂಬ ಸದಸ್ಯರೊಂದಿಗೆ ಸಂತೋಷದ ದಿನ ಕಳೆಯುವಿರಿ. ವೃತ್ತಿಯಲ್ಲಿ ಸವಾಲು ಎದುರಾದರೂ ಯಶಸ್ಸು ಸಿಗಲಿದೆ. ಮಿಥುನ ರಾಶಿ: ವೃತ್ತಿಪರ ಜೀವನದಲ್ಲಿ ಪ್ರಗತಿ ಕಂಡುಬರುತ್ತದೆ. ಆರ್ಥಿಕ ಲಾಭಕ್ಕೆ ಸಹಕಾರ ಸಿಗಲಿದೆ. ಕುಟುಂಬದಲ್ಲಿ ಒಗ್ಗಟ್ಟು ಮೂಡಲಿದೆ. ಪ್ರಯಾಣಗಳು ಶುಭ ಫಲ ನೀಡುತ್ತವೆ. ಕರ್ಕ ರಾಶಿ: ಭಾವನಾತ್ಮಕ ಸಮತೋಲನ ಮುಖ್ಯ. ಉದ್ಯೋಗದಲ್ಲಿ ಕಷ್ಟಪಟ್ಟರೆ ಮಾತ್ರ ಫಲ ಸಿಗುತ್ತದೆ. ತಾಯಿಯ ಆರೋಗ್ಯದ ಬಗ್ಗೆ ಗಮನಹರಿಸಿ. ವಿದ್ಯಾರ್ಥಿಗಳು ಚಿಂತೆಯಿAದ ಮುಕ್ತರಾಗುತ್ತಾರೆ. ಸಿಂಹ ರಾಶಿ: ಅನೀರಿಕ್ಷಿತ ಹಣಕಾಸು ನಷ್ಟ ಆಗಲಿದೆ. ಸಾಲ ಕೊಡಬೇಡಿ. ಸರ್ಕಾರಿ ಕೆಲಸಗಳಲ್ಲಿ ಪ್ರಗತಿ ಕಂಡುಬರುತ್ತದೆ. ಪ್ರಭಾವಶಾಲಿ ವ್ಯಕ್ತಿಗಳ ಸಂಪರ್ಕ ಸಹಾಯಕವಾಗಲಿದೆ. ದುರಭ್ಯಾಸಗಳಿಂದ ದೂರವಿರದಿದ್ದರೆ ದಾಂಪತ್ಯ ಜೀವನದಲ್ಲಿ ಒಳ ಜಗಳ ಆಗಲಿದೆ. ಕನ್ಯಾ ರಾಶಿ: ಕೆಲಸದಲ್ಲಿ ಅಡೆತಡೆ ಎದುರಾಗಲಿದೆ. ಅದಾಗಿಯೂ, ಬಾಕಿ ಕಾರ್ಯಗಳು ಪೂರ್ಣಗೊಳ್ಳುತ್ತವೆ. ಅತಿಥಿಗಳ ಆಗಮನದಿಂದ ಸಂತೋಷ ಸಿಗಲಿದೆ. ಬುದ್ಧಿವಂತಿಕೆ ಬಳಸಿದರೆ ಸಮಸ್ಯೆ ಬಗೆಹರಿಯಲಿದೆ. ತುಲಾ ರಾಶಿ: ಉದ್ಯೋಗ ಅವಕಾಶಗಳು ಇನ್ನಷ್ಟು ವಿಳಂಬವಾಗಲಿದೆ. ಆರ್ಥಿಕ ಬಿಕ್ಕಟ್ಟು ಎದುರಾಗದಂತೆ ಜಾಗ್ರತೆವಹಿಸಿ. ಶನಿ ಪೂಜೆಯಿಂದ ಫಲಗಳು ಸಿಗುತ್ತವೆ. ಬೇರೆಯವರಿಗೆ ಸಹಾಯ ಮಾಡಲು ಪ್ರಯತ್ನಿಸಿ ವೃಶ್ಚಿಕ ರಾಶಿ: ಆರ್ಥಿಕ ಲಾಭ ಹೆಚ್ಚಾಗಲಿದೆ. ಕಚೇರಿ ಕೆಲಸದಲ್ಲಿ ಮೆಚ್ಚುಗೆ ಸಿಗಲಿದೆ. ಕುಟುಂಬದ ಬೆಂಬಲ ಪಡೆದು ಕೆಲಸ ಮಾಡಿ. ಪ್ರೀತಿಪಾತ್ರರೊಂದಿಗೆ ಸಮಯ ಕಳೆಯಿರಿ. ಸಮಾಜದಲ್ಲಿ ಗೌರವ ಸಿಗಲಿದೆ. ಧನು ರಾಶಿ: ವೃತ್ತಿಯಲ್ಲಿನ ದೃಢತೆಯಿಂದ ಯಶಸ್ಸು ಖಚಿತ. ಹಣಕಾಸಿನಲ್ಲಿ ಜಾಗರೂಕತೆ ಅಗತ್ಯ. ಉದ್ಯೋಗದಲ್ಲಿ ಉತ್ತಮ ಫಲಿತಾಂಶ ಸಿಗಲಿದೆ. ಕುಟುಂಬದಲ್ಲಿ ಶುಭ ಕಾರ್ಯಗಳು ನಡೆಯಲಿದೆ. ಆರೋಗ್ಯ ಚನ್ನಾಗಿರಲಿದೆ. ಮಕರ ರಾಶಿ: ಸರ್ಕಾರಿ ಕೆಲಸಗಳು ವಿಳಂಬವಾಗಲಿದೆ. ವಿರೋಧಿಗಳು ಹೆಚ್ಚಾಗಲಿದ್ದಾರೆ. ವಾಹನ ಖರೀದಿಗೆ ಒಳ್ಳೆ ದಿನ ಅಲ್ಲ. ಶನಿಸ್ತೋತ್ರ ಪಠಣ ನಿಮಗೆ ಉಪಯುಕ್ತ. ಆರೋಗ್ಯದ ಕಡೆಯೂ ಗಮನಹರಿಸಿ. ಕುಂಭ ರಾಶಿ: ಆರೋಗ್ಯ ಸಮಸ್ಯೆ ನಿಮ್ಮನ್ನು ಕಾಡಲಿದೆ. ಕೃಷಿ ಕೆಲಸದಲ್ಲಿ ಲಾಭ ಸಿಗಲಿದೆ. ಹಿರಿಯರ ಮಾತು ಗೌರವಿಸಿ. ಗೌರವ ಸಿಗಲಿದೆ. ಕಣ್ಣಿನ ಸಮಸ್ಯೆಗಳ ಬಗ್ಗೆ ಎಚ್ಚರಿಕೆ ಅಗತ್ಯ. ಮೀನ ರಾಶಿ: ಖರ್ಚು-ವೆಚ್ಚ ಹೆಚ್ಚಳದಿಂದ ಶುಭ ಕಾರ್ಯಗಳಿಗೆ ಸಮಸ್ಯೆಯಾಗಬಹುದು. ಶತ್ರುಗಳ ಕಾಟ ಹೆಚ್ಚಾಗಲಿದ್ದು, ವಾದ ಮಾಡದಿರುವುದು ಒಳಿತು. ಉದ್ಯೋಗದಲ್ಲಿ ಕಿರಿಕಿರಿ ದೂರ ಮಾಡಲು ದೇವರ ಧ್ಯಾನ ಮಾಡಿ. ಶನಿ ದೇವರ ಆರಾಧನೆ ಪ್ರಯೋಜನಕಾರಿ.
- [ಅತಿಕ್ರಮಣದಾರರ ಬಗ್ಗೆ ಅಧಿವೇಶನದಲ್ಲಿ ಚರ್ಚಿಸಿ](https://mobiletime.in/2025/11/discuss-the-encroachments-in-session/): `ಅರಣ್ಯವಾಸಿಗಳ ಸಮಸ್ಯೆಗಳ ಬಗ್ಗೆ ಚಳಿಗಾಲದ ಅಧಿವೇಶನದಲ್ಲಿ ಪ್ರಸ್ತಾಪಿಸುವಂತೆ ಆಗ್ರಹಿಸಿ ಡಿ 6ರಂದು ಹೋರಾಟ ನಡೆಯಲಿದೆ’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. ಕಾರವಾರದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಮೂರು ತಲೆಮಾರಿನ ದಾಖಲೆ ಷರತ್ತು ಕಾನೂನುಬಾಹಿರ. ಸಾಂದರ್ಭಿಕ ದಾಖಲೆ ಅಡಿಯಲ್ಲಿ ಅರಣ್ಯ ಭೂಮಿ ಹಕ್ಕು ನೀಡುವುದೇ ಮುಖ್ಯ. ಈಗಿರುವ ಕಾನೂನು ಅಡಿಯಲ್ಲಿ ಈ ಹಿಂದೆ ಎಚ್ ಕೆ ಪಾಟೀಲ್ ಮತ್ತು ಆರ್ ವಿ ದೇಶಪಾಂಡೆಯವರು ಹಕ್ಕು ಪತ್ರ ನೀಡಿದ ಮಾನದಂಡದ ಅಡಿಯಲ್ಲಿ ಇನ್ನಿತರ ಅರಣ್ಯವಾಸಿಗಳಿಗೂ ಹಕ್ಕು ಪತ್ರ ನೀಡಬೇಕು’ ಎಂದು ಆಗ್ರಹಿಸಿದರು. `ಅರಣ್ಯವಾಸಿಗಳ ಸಮಸ್ಯೆಗಳ ಕುರಿತು ಚಳಿಗಾಲ ಅಧಿವೇಶನದಲ್ಲಿ ಚರ್ಚಿಸಿ ನಿರ್ಣಯ ತೆಗೆದುಕೊಳ್ಳಬೇಕು. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರೊಂದಿಗೆ ಉನ್ನತ ಮಟ್ಟದ ಸಭೆ ನಡೆಸಬೇಕು’ ಎಂದು ಆಗ್ರಹಿಸಿದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ 88000 ಕುಟುಂಬವು ಅರಣ್ಯ ಪ್ರದೇಶವನ್ನು ವಾಸ್ತವ್ಯ ಮತ್ತು ಸಾಗುವಳಿಗೆ ಅವಲಂಬಿತವಾಗಿದೆ. ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಸಲ್ಲಿಸಿದಂತ ಅರ್ಜಿಗಳಲ್ಲಿ 73000 ಕುಟುಂಬಗಳ ಅರ್ಜಿ ತಿರಸ್ಕರಿಸಲ್ಪಟ್ಟಿದೆ. ಜಿಲ್ಲೆಯಲ್ಲಿ ಕೇವಲ 2,856 ಅರ್ಜಿಗಳಿಗೆ ಮಾತ್ರ ಮಾನ್ಯತೆ ದೊರಕಿದೆ’ ಎಂಬ ಮಾಹಿತಿ ನೀಡಿದರು.
- [ಪಾಸ್ಟಪುಡ್ ಅಂಗಡಿಯಲ್ಲಿಯೂ ಸಿಗುತ್ತೆ ಗೋವಾ ಸರಾಯಿ!](https://mobiletime.in/2025/11/goa-sarai-is-also-available-at-pastafood-stores/): ಅನೇಕ ಪಾಸ್ಟಪುಡ್ ಅಂಗಡಿಗಳಲ್ಲಿ ಗೋವಾ ಸರಾಯಿ ಮಾರಾಟ ನಡೆದಿದ್ದು, ಅಬಕಾರಿ ಅಧಿಕಾರಿಗಳು ಅಂಥ ಅಂಗಡಿಗಳ ಮೇಲೆ ಕಣ್ಣಿಟ್ಟಿದ್ದಾರೆ. ಹೊನ್ನಾವರದಲ್ಲಿನ ಪಾಸ್ಟಪುಡ್ ಅಂಗಡಿ ಮೇಲೆ ದಾಳಿ ನಡೆಸಿದ ಅಬಕಾರಿ ಸಿಬ್ಬಂದಿ ಸರಾಯಿ ಮಾರಾಟ ಪತ್ತೆ ಮಾಡಿದ್ದಾರೆ. ನವೆಂಬರ್ 27ರ ಸಂಜೆ ಹೊನ್ನಾವರ ಅಬಕಾರಿ ಅಧಿಕಾರಿ-ಸಿಬ್ಬಂದಿ ತಂಡದವರು ಗಸ್ತು ಕಾರ್ಯಾಚರಣೆಯಲ್ಲಿದ್ದರು. ಅವರಿಗೆ ಹೇರಂಗಡಿ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಚರ್ಚ್ ಕ್ರಾಸ್ ಬಳಿಯಲ್ಲಿರುವ ಪಾಸ್ಟಪುಡ್ ಮಳಿಗೆಯಲ್ಲಿ ಅಕ್ರಮ ಮದ್ಯ ಮಾರಾಟದ ವಾಸನೆ ಬಡಿಯಿತು. ಅಂಗಡಿ ಮಾಲಕ ನಾರಾಯಣ ಅಂಕುಶ್ ಗೌಡ ಅವರನ್ನು ಹೊರಗೆಳೆದು ಅಧಿಕಾರಿಗಳು ವಿಚಾರಣೆ ನಡೆಸಿದರು. `ಏನೂ ಇಲ್ಲ’ ಎಂದರೂ ಕೇಳದೇ ಅಂಗಡಿ ತಪಾಸಣೆ ಮಾಡಿದರು. ಆಗ, ಅಲ್ಲಿ ಅಪಾರ ಪ್ರಮಾಣದ ಅಕ್ರಮ ಮದ್ಯ ಸಿಕ್ಕಿತು. ಓಲ್ಡ್ ಮಂಕ್ ರಮ್‌ನ 90ಮಿಲಿ ಲೀಟರ್‌ನ 48 ಬಾಟಲಿಗಳು ಹಾಗೂ ಡಿಎಸ್‌ಪಿ ಬ್ಲಾಕ್ ವಿಸ್ಕಿಯ 180ಮಿಲಿ ಲೀಟರ್‌ನ 7 ಬಾಟಲಿಗಳನ್ನು ಅಧಿಕಾರಿಗಳು ಜಪ್ತು ಮಾಡಿದರು. ನಾರಾಯಣ ಅಂಕುಶ್ ಗೌಡರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಕಾರವಾರದ ಕಾರಿಗೆ ಬೆಂಕಿ!](https://mobiletime.in/2025/11/car-catches-fire-in-karwar/): ಕಾರವಾರದಲ್ಲಿ ಸಂಚರಿಸುತ್ತಿದ್ದ ಕಾರಿಗೆ ದಿಢೀರ್ ಆಗಿ ಬೆಂಕಿ ತಗುಲಿದೆ. ಸರ್ವೀಸ್ ಮಾಡಿಸಲು ತೆರಳುತ್ತಿದ್ದ ವೇಳೆಯಲ್ಲಿಯೇ ಕಾರು ಸುಟ್ಟಿದೆ. ಶುಕ್ರವಾರ ಸಂಜೆ ಸವಿತಾ ಸರ್ಕಲ್ ಬಳಿ ಕಾರಿಗೆ ಬೆಂಕಿ ಹತ್ತಿರುವುದು ಕಾಣಿಸಿತು. ಶಾರ್ಟ ಸರ್ಕೀಟ್ ಕಾರಣ ಕಾರಿಗೆ ಬೆಂಕಿ ತಗುಲಿತು. ಅಲ್ಲಿದ್ದ ಜನ ನೀರು ಹಾಯಿಸಿ ಬೆಂಕಿ ಆರಿಸುವ ಪ್ರಯತ್ನ ಮಾಡಿದರು. ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಕಾರು ಪೂರ್ತಿಯಾಗಿ ಬೆಂಕಿಯಲ್ಲಿ ಕರಗದಂತೆ ತಡೆದರು. ಈ ಕಾರಿನ ಮಾಲೀಕ ಮಹಮ್ಮದ್ ಗೌಸ್ ಮುಂಬೈನಲ್ಲಿದ್ದಾರೆ. ಕಾರವಾರದಲ್ಲಿ ಅವರ ಮನೆಯಿದ್ದು, ಅಲ್ಲಿದ್ದ ಕಾರನ್ನು ಸರ್ವೀಸ್ ಮಾಡಿಸಲು ಪರಿಚಯಸ್ಥರಿಗೆ ತಿಳಿಸಿದ್ದರು. ಸರ್ವೀಸ್ ಮುನ್ನವೇ ಈ ಅವಘಡ ನಡೆದಿದೆ. ಕಾರಿನ ಮುಂಭಾಗದ ಗಾಜು ಹಾಗೂ ಒಳಗಿನ ಆಸನ ಸುಟ್ಟು ಕರಕಲಾಗಿದೆ. ಅಗ್ನಿಶಾಮಕ ಠಾಣಾಧಿಕಾರಿ ಮಹಾಭಲೇಶ್ವರ ಗೌಡ, ರಾಜೇಶ ರಾಣೆ, ಟೋನಿ ಬಾರ್ಬೋಸಾ, ಕುಮಾರ ಎಸ್ ಕೆ, ಪ್ರವೀಣ ನಾಯ್ಕ, ಶ್ರೀಕಾಂತ ದೊಡ್ಮನಿ ಬೆಂಕಿ ಆರಿಸಿದ್ದಾರೆ.
- [ಕಾಸು ಕೊಡದಿದ್ದರೆ ಕೇಸು: ಪೊಲೀಸರ ವಿರುದ್ಧ ತಿರುಗಿಬಿದ್ದ ಮಟ್ಕಾ ಬುಕ್ಕಿ!](https://mobiletime.in/2025/11/if-you-dont-pay-youll-be-charged-matka-bookie-turns-against-the-police/): ಅಂಕೋಲಾ ಕೇಣಿಯ ಶ್ಯಾಮ ಬಂಟ ಅವರು ಮಟ್ಕಾ ಆಡಿಸುವಾಗ ಸಿಕ್ಕಿ ಬಿದ್ದಿದ್ದು, ಪುರಸಭೆ ಮಾಜಿ ಸದಸ್ಯ ಸಂದೀಪ ಬಂಟ್ ಅವರು ಮಟ್ಕಾ ಬುಕ್ಕಿಯಾಗಿರುವ ಬಗ್ಗೆ ಬಾಯ್ಬಿಟ್ಟಿದ್ದಾರೆ. ಹೀಗಾಗಿ ಅಲ್ಲಿನ ಪೊಲೀಸರು ಶ್ಯಾಮ ಬಂಟ ಅವರ ಜೊತೆ ಸಂದೀಪ ಬಂಟ ಅವರ ಹೆಸರನ್ನು ಸೇರಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ. ಇದರಿಂದ ಸಂದೀಪ ಬಂಟ್ ಕೆಂಡಾಮoಡಲರಾಗಿದ್ದು, ಪೊಲೀಸರ ವಿರುದ್ಧವೇ ಅನೇಕ ಆರೋಪ ಮಾಡಿದ್ದಾರೆ! ನವೆಂಬರ್ 26ರಂದು ಕೇಣಿಯ ಗೂಡಂಗಡಿಕಾರ ಶ್ಯಾಮ ಗೋಪಿನಾಥ ಬಂಟ್ ಅವರು ಗಾಬೀತಕೇಣಿ ಕ್ರಾಸಿನ ಬಳಿ ಮಟ್ಕಾ ಆಡಿಸುತ್ತಿದ್ದರು. ಪಿಐ ಚಂದ್ರಶೇಖರ ಮಠಪತಿ ಅವರು ದಾಳಿ ನಡೆಸಿ ಮಟ್ಕಾ ಪರಿಕ್ಕರಗಳನ್ನು ವಶಕ್ಕೆಪಡೆದರು. ಈಚೆಗೆ ನಡೆದ ದಾಳಿಯಲ್ಲಿಯೇ ಅತಿ ದೊಡ್ಡ ಮೊತ್ತ ಎನ್ನುವಂತೆ ಪೊಲೀಸರಿಗೆ ಈ ವೇಳೆ 17910ರೂ ಸಿಕ್ಕಿತು. `ಈ ಹಣ ಯಾರಿಗೆ ಕೊಡುವೆ?’ ಎಂದು ಪ್ರಶ್ನಿಸಿದಾಗ ಶ್ಯಾಮ ಬಂಟ್ ಅವರು ಕೇಣಿಯ ಸಂದೀಪ ಬಂಟ್ ಅವರ ಹೆಸರು ಹೇಳಿದರು. ಈ ಹಿನ್ನಲೆ ಪೊಲೀಸರು ಮಟ್ಕಾ ಆಡಿಸುತ್ತಿದ್ದ ಶ್ಯಾಮ ಬಂಟ್ ಅವರ ಜೊತೆ ಪುರಸಭೆ ಮಾಜಿ ಸದಸ್ಯ ಸಂದೀಪ ಬಂಟ್ ಅವರ ಹೆಸರನ್ನು ದಾಖಲಿಸಿ ಪ್ರಕರಣ ದಾಖಲಿಸಿದರು. ಈ ವಿಷಯ ಅರಿತ ಸಂದೀಪ ಬಂಟ್ ಕಾರವಾರಕ್ಕೆ ಆಗಮಿಸಿದರು. ಪೊಲೀಸರ ಅಪರಾತಪರದ ಬಗ್ಗೆ ಮಾಧ್ಯಮಗಳ ಮುಂದೆ ಮಾಹಿತಿ ನೀಡಿದರು. `ಅಂಕೋಲಾ ಪಿಐ ಚಂದ್ರಶೇಖರ ಮಠಪತಿ ಅವರು ಓಸಿ-ಮಟ್ಕಾ ನಡೆಸುವವರಿಂದ ಹಣ ಪಡೆದು ಅದಕ್ಕೆ ಬೆಂಬಲ ನೀಡುತ್ತಿದ್ದಾರೆ’ ಎಂದು ದೂರಿದರು. `ತನಗೂ ದುಡ್ಡು ಕೊಡುವಂತೆ ಪೀಡಿಸಿದ್ದು, ಹಣ ಕೊಡದ ಕಾರಣ ತನ್ನ ವಿರುದ್ಧ ಪ್ರಕರಣ ದಾಖಲಿಸುತ್ತಿದ್ದಾರೆ. ಎಲ್ಲಿಯೇ ಮಟ್ಕಾ ದಾಳಿ ನಡೆದರೂ ನನ್ನ ವಿರುದ್ಧ ಪ್ರಕರಣ ದಾಖಲಿಸುತ್ತಿದ್ದಾರೆ’ ಎಂದು ಆರೋಪಿಸಿದರು.
- [ಕೇಣಿ ಬಂದರು: ವಿಜ್ಞಾನಿಗಳ ಪ್ರಶ್ನೆಗೆ ಉತ್ತರಿಸಿ!](https://mobiletime.in/2025/11/keni-port-answer-the-scientists-question/): ಅಂಕೋಲಾದ ಕೇಣಿಯಲ್ಲಿ ವಾಣಿಜ್ಯ ಬಂದರು ನಿರ್ಮಾಣದಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ವೃಕ್ಷಲಕ್ಷ ಆಂದೋಲನದವರು ವೈಜ್ಞಾನಿಕ ಕಾರಣಗಳನ್ನು ತೆರೆದಿಟ್ಟಿದ್ದಾರೆ. `ತಮ್ಮ ವೈಜ್ಞಾನಿಕ ಪ್ರಶ್ನೆಗಳಿಗೆ ಉತ್ತರ ಕೊಡಿ’ ಎಂದು ಅವರು ಮುಖ್ಯಮಂತ್ರಿ ಸೇರಿ ಅನೇಕರಿಗೆ ಪತ್ರ ಬರೆದಿದ್ದಾರೆ. `ಕೇಣಿಯಲ್ಲಿ ಬಂದರು ನಿರ್ಮಾಣ ಮಾಡುವುದಕ್ಕೆ ಸರ್ಕಾರ ಖಾಸಗಿ ಕಂಪನಿಗೆ ಒಪ್ಪಿಗೆ ಕೊಟ್ಟಿದೆ. ಈ ಸಮುದ್ರದಲ್ಲಿ ಭಾರೀ ಪ್ರಮಾಣದ ಬಂದರು ಮಾಡುವುದರಿಂದ 10 ಸಾವಿರಕ್ಕೂ ಅಧಿಕ ಮೀನುಗಾರರ ಬದುಕಿಗೆ ಸಂಚಕಾರ ಬರಲಿದೆ. ಈ ಹಿನ್ನಲೆ ಕಳೆದ ಒಂದು ವರ್ಷದಿಂದ ಮೀನುಗಾರರು ಜನಾಂದೋಲನ ನಡೆಸುತ್ತಿದ್ದಾರೆ. ಸಾರ್ವಜನಿಕ ಅಹವಾಲು ಸಭೆ, ಧರಣಿ, ಮೆರವಣಿಗಳಲ್ಲಿ ಸಾವಿರ ಸಾವಿರ ಸಂಖ್ಯೆಯ ಜನ ಈ ಯೋಜನೆಯನ್ನು ವಿರೋಧಿಸಿದ್ದಾರೆ. ಪ್ರಜಾಪ್ರಭುತ್ವ, ಸಂವಿಧಾನ, ಕಾನೂನುಗಳ ಭಾರೀ ಉಲ್ಲಂಘನೆ ಮಾಡಿ ಸರ್ಕಾರ ಬಂದರು ಯೋಜನೆ ಜಾರಿ ಮಾಡಿ ಏನು ಪ್ರಯೋಜನ?’ ಎಂದು ಅವರು ಪ್ರಶ್ನಿಸಿದ್ದಾರೆ. `ಕೇಣಿ ಸಮುದ್ರ ತೀರದಲ್ಲಿ ಕರಾವಳಿ ಪರಿಸರ ನಿಯಂತ್ರಣ (ಸಿ ಆರ್ ಜಡ್) ಕಾಯಿದೆ ತೀವ್ರ ಭಂಗ ಆಗುವದನ್ನು ಜಿಲ್ಲಾ ಮತ್ತು ರಾಜ್ಯ ಸಿ ಆರ್ ಜಡ್ ಅಥಾರಿಟಿ ಎತ್ತಿ ಹೇಳುತ್ತಿಲ್ಲ. ಈ ಅಥಾರಿಟಿ ಮುಖ್ಯಸ್ಥರು ಕೇಣಿಗೆ ಬಂದು ಸ್ಥಳದಲ್ಲಿ ಪರಿಸರ ತಜ್ಞರ ಜೊತೆ ಪರಿಶೀಲನೆ ನಡೆಸುವ ಧೈರ್ಯ ತೋರಿಸುತ್ತಿಲ್ಲ. ಕೇಣಿ ಹಾಗೂ ಸುತ್ತಲಿನ ಹಳ್ಳಿಗಳ ಗ್ರಾಮ ಪಂಚಾಯತಗಳು ಕೈಗೊಂಡ ಗ್ರಾಮ ಸಭೆಗಳ ನಿರ್ಣಯಗಳನ್ನು ಮಾನ್ಯ ಮಾಡಬೇಕಾದ ಜಿಲ್ಲಾ ಪಂಚಾಯತರಾಜ್ ಇಲಾಖೆ, ಜಿಲ್ಲಾಡಳಿತ, ರಾಜ್ಯ ಪಂಚಾಯತ ರಾಜ್ ಇಲಾಖೆ ಮುಖ್ಯಸ್ಥರಿಗೆ ಮುಖ್ಯ ಕಾರ್ಯದರ್ಶಿಗಳಿಗೆ ಈ ಜನಾಭಿಪ್ರಾಯ ತಿಳಿಸುವ ಕರ್ತವ್ಯ ನಿರ್ವಹಿಸಿದ ಹಾಗಿಲ್ಲ’ ಎಂದು ಸಂಘಟನೆಯವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಶಾಸಕರು ಸಂಸದರು ವಿಧಾನಸಭೆ ಹಾಗೂ ಲೋಕ ಸಭೆಯಲ್ಲಿ ಅಂಕೋಲಾ ಮೀನುಗಾರರ ಪರವಾಗಿ ವಕಾಲತ್ತು ಮಾಡಬೇಕು. ರಾಜ್ಯಮಾಲಿನ್ಯ ನಿಯಂತ್ರಣ ಮಂಡಳಿ ಅಧ್ಯಕ್ಷರು ಹಾಗೂ ಸದಸ್ಯ ಕಾರ್ಯದರ್ಶಿಗಳು ಅಂಕೋಲಾ ಸಮುದ್ರ, ಸಮುದ್ರ ತೀರವನ್ನು ಮಾಲಿನ್ಯ ಮಾಡುವ ಬಂದರು ಯೋಜನಾ ಪ್ರದೇಶದಲ್ಲಿ ಸಭೆ ಮಾಡಲು ಬಿಡದಿರುವುದು ಏತಕೆ?’ ಎಂದು ಪ್ರಶ್ನಿಸಿದ್ದಾರೆ. `ನೌಕಾನೆಲೆ ಪಕ್ಕ ಖಾಸಗಿ ಬಂದರು ಕಂಪನಿ ಕಾಮಗಾರಿ ನಡೆಸಲು ರಕ್ಷಣ ಇಲಾಖೆ ಅನುಮತಿ ಇದೆಯೆ? ಈ ಬಗ್ಗೆ ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಗಮನ ನೀಡಿದ್ದಾರೆಯೆ? ಎಂದು ಅವರು ಪ್ರಶ್ನಿಸಿದ್ದಾರೆ. `ಅಂಕೋಲಾ ಕೇಣಿಯ ಮೀನುಗಾರರು ಮುಗ್ಧ ಜನತೆಯ ಒಗ್ಗಟ್ಟು, ಸಂಘಟನೆ, ನಿರಂತರ ಹೋರಾಟಕ್ಕೆ ಇಡೀ ಜಿಲ್ಲೆ ಜನತೆ ಬೆಲೆ ಕೊಡುತ್ತಿದ್ದಾರೆ. ಆದರೆ, ಜನಪ್ರತಿನಿಧಿಗಳು ಗಟ್ಟಿ ಧ್ವನಿ ಎತ್ತುತ್ತಿಲ್ಲ’ ಎಂದು ವೃಕ್ಷಲಕ್ಷ ಆಂದೋಲನದವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಅಂಕೋಲಾ ಕರಾವಳಿಯ ಹಳ್ಳ, ಹೊಳೆ,ಗುಡ್ಡ, ಅಳಿವೆ ರಕ್ಷಣೆಗೆ ರಾಜ್ಯ ಜಾಗುಪ್ರದೇಶ ರಕ್ಷಣಾ ಪ್ರಾಧಿಕಾರ ಏಕೆ ಮುಂದಾಗಿಲ್ಲ. ರಾಜ್ಯ ಜೀವ ವೈವಿದ್ಯ ಮಂಡಳಿಯವರು ಕೇಣಿ ಬಂದರು ಪ್ರದೇಶಕ್ಕೆ ಏಕೆ ಬೇಟಿ ನೀಡಿಲ್ಲ?’ ಎಂದು ಪ್ರಶ್ನಿಸಿದ್ದಾರೆ. ಮಂಗಳೂರಿನ ಫಿಶರೀಸ್ ಕಾಲೇಜು, ಧಾರವಾಡ ಕೃಷಿ ವಿಶ್ವವಿಧ್ಯಾಲಯ, ಬಾಗಲ್ಕೋಟೆ ತೋಟಗಾರಿಕಾ ವಿಶ್ವವಿದ್ಯಾಲಯ, ಕರ್ನಾಟಕ ವಿಶ್ವವಿಧ್ಯಾಲಯ ಧಾರವಾಡದವರೆಲ್ಲರೂ ಸಮುದ್ರ ತೀರ ಅಧ್ಯಯನಕ್ಕೆ ಬರಬೇಕು. ಕೇಂದ್ರ ಹಾಗೂ ರಾಜ್ಯ ಮಾನವ ಹಕ್ಕು ಆಯೋಗಗಳು ಅಂಕೋಲಾ ಕೇಣಿಗೆ ಬಂದು ಬಡ ಮೀನುಗಾರರ ಬದುಕುವ ಹಕ್ಕು ರಕ್ಷಣೆಗೆ ಬೆಂಬಲ ನೀಡಬೇಕು. ರಾಜ್ಯ ಕಾನೂನು ಸೇವಾ ಪ್ರಾಧಿಕಾರ ಸ್ವ ಪ್ರೇರಣೆಯಿಂದ ವಿಶೇಷ ತಂಡವನ್ನು ಕೇಣಿಗೆ ಕಳಿಸಿ ಮೀನುಗಾರರಿಗೆ ಕಾನೂನು ನೆರವು ನೀಡಬೇಕು’ ಎಂದು ಆಗ್ರಹಿಸಿದ್ದಾರೆ. ಜೀವವೈವಿಧ್ಯ ಮಂಡಳಿ ಮಾಜಿ ಅಧ್ಯಕ್ಷ ಅನಂತಹೆಗಡೆ ಆಶೀಸರ, ಪರಿಸರ ವಿಜ್ಞಾನಿಗಳಾದ ಟಿ ವಿ ರಾಮಚಂದ್ರ, ಸುಭಾಸ್ ಚಂದ್ರನ್, ಬಿ.ಎಂ ಕುಮಾರ ಸ್ವಾಮಿ ಬಾಲಚಂದ್ರ ಸಾಯಿಮನೆ, ವಿ ಎನ್ ನಾಯ್ಕ, ಮುಂತಾದವರು ಈ ವಿಷಯದ ಬಗ್ಗೆ ಗಮನ ಚೆಲ್ಲಿದ್ದಾರೆ.
- [`ಮುದ್ದು ಮಕ್ಕಳನ್ನು ಹುಡುಕಿಕೊಡಿ'](https://mobiletime.in/2025/11/find-the-cute-children/): ಮಕ್ಕಳ ಜೊತೆ ಆಸ್ಪತ್ರೆಗೆ ಹೊರಟಿದ್ದ ಮಹಿಳೆಯೊಬ್ಬರು ಮೂರು ದಿನ ಕಳೆದರೂ ಮನೆಗೆ ಮರಳಿಲ್ಲ. ಪತ್ನಿ ಜೊತೆ ಮಕ್ಕಳು ಕಾಣದ ಕಾರಣ ಯಲ್ಲಾಪುರದ ಮುಬಾರಕ ಅವರು ಕಂಗಾಲಾಗಿದ್ದಾರೆ. ಮುಬಾರಕ್ ಸೌದಸಾಗರ (30) ಅವರು ಯಲ್ಲಾಪುರ ಕಿರವತ್ತಿ ಮೂಲದವರು. ಅವರು ಯಲ್ಲಾಪುರದಲ್ಲಿ ಸೆಂಟ್ರಿAಗ್ ಕೆಲಸ ಮಾಡಿಕೊಂಡಿದ್ದಾರೆ. ಮುಬಾರಕ್ ಅವರ ಪತ್ನಿ ಸಾನಾ (27) ಹಾಗೂ ಆರು ವರ್ಷದ ಮಗಳು ಸಾಮಿಯಾ ಜೊತೆ ಮೂರು ವರ್ಷದ ಸಾಫಿಯಾ ಅವರು ಕಾಣೆಯಾಗಿದ್ದಾರೆ. ನವೆಂಬರ್ 25ರಂದು ಸಾನಾ ಅವರು ತಮ್ಮ ಮನೆಯಿಂದ ಸರ್ಕಾರಿ ಆಸ್ಪತ್ರೆಗೆ ಹೊರಟಿದ್ದರು. ಅವರ ಇಬ್ಬರು ಮಕ್ಕಳು ಜೊತೆಯಲ್ಲಿದ್ದರು. ಮನೆಯಲ್ಲಿ ಸಹ `ಆಸ್ಪತ್ರೆಗೆ ಹೋಗಿ ಬರುವೆ’ ಎಂದಿದ್ದರು. ಆದರೆ, ಅವರು ಎಲ್ಲಿ ಹೋದರು? ಏನಾದರು? ಎನ್ನುವ ಬಗ್ಗೆ ಯಾರಿಗೂ ಮಾಹಿತಿ ಸಿಕ್ಕಿಲ್ಲ. ಸಂಬAಧಿಕರ ಮನೆಗೆ ಫೋನ್ ಮಾಡಿ ವಿಚಾರಿಸಿದರೂ ಆ ಮೂವರ ಸುಳಿವು ದೊರೆತಿಲ್ಲ. ಈ ಎಲ್ಲಾ ಹಿನ್ನಲೆ ಸಾನಾ ಅವರ ಪತಿ ಮುಬಾರಕ್ ಸೌದಸಾಗರ ಅವರು ಪತ್ನಿ-ಮಕ್ಕಳಿಗಾಗಿ ಹುಡುಕಾಟ ಶುರು ಮಾಡಿದ್ದಾರೆ. ಯಲ್ಲಾಪುರ ಪೊಲೀಸ್ ಠಾಣೆಗೂ ಆಗಮಿಸಿದ ಅವರು ಕಾಣೆಯಾದವರ ಪತ್ತೆಗೆ ಮನವಿ ಮಾಡಿದ್ದಾರೆ.
- [ಮಾನವ ಹಕ್ಕು ಹೆಸರಿನಲ್ಲಿ ವಸೂಲಿ: ಸಂಘಟನೆಗಳ ನೋಂದಣಿ ರದ್ಧತಿಗೆ ಶಿಫಾರಸ್ಸು!](https://mobiletime.in/2025/11/extortion-in-the-name-of-human-rights-recommendation-to-deregister-organizations/): `ಮಾನವ ಹಕ್ಕು’ ಎಂಬ ಹೆಸರು ಹೋಲುವ ರೀತಿ ಕೆಲವರು ವಿವಿಧ ಸಂಘ-ಸoಸ್ಥೆ ರಚಿಸಿಕೊಂಡಿದನ್ನು ಮಾನವ ಹಕ್ಕು ಆಯೋಗ ಗಂಭೀರವಾಗಿ ಪರಿಗಣಿಸಿದೆ. `ಮಾನವ ಹಕ್ಕುಗಳ ಆಯೋಗ’, `ಪರಿಷತ್ತು’, `ಹೋರಾಟ ಸಮಿತಿ’ ಎಂಬ ಹೆಸರನ್ನು ದುರ್ಬಳಕೆ ಮಾಡಿಕೊಳ್ಳುವವರನ್ನು ರಾಜ್ಯ ಮಾನವ ಹಕ್ಕು ಆಯೋಗ ಗುರುತಿಸಲು ಮುಂದಾಗಿದೆ. ಮಾನವ ಹಕ್ಕು ಆಯೋಗ ಎಂಬ ಹೆಸರಿಗೆ ಸಮೀಪವಿರುವ ಹೆಸರಿನ ಸಂಘಟನೆಯವರು ವಿವಿಧ ಕಡೆ ತೆರಳಿ ವಸೂಲಿ ನಡೆಸುತ್ತಿರುವ ಆತಂಕದ ವಿಚಾರವನ್ನು ಮಾನವ ಹಕ್ಕು ಆಯೋಗದ ಸದಸ್ಯ ಎಸ್ ಕೆ ವಂಟಿಗೋಡಿ ಅವರೇ ಬಹಿರಂಗಪಡಿಸಿದ್ದಾರೆ. `ಮಾನವ ಹಕ್ಕು ಆಯೋಗ ಅಥವಾ ಅದೇ ಅರ್ಥ ಕೊಡುವ ಇನ್ಯಾವುದೇ ಹೆಸರಿನ ಸಂಸ್ಥೆಯವರು ವಸೂಲಿಗೆ ಬಂದರೆ ನಮಗೆ ದೂರು ಕೊಡಿ. ಅಂಥವರನ್ನು ವಿಚಾರಣೆಗೆ ಒಳಪಡಿಸಿ ಆ ಸಂಸ್ಥೆಯ ನೋಂದಣಿಯನ್ನು ರದ್ಧು ಮಾಡಲು ಶಿಫಾರಸ್ಸು ಮಾಡುತ್ತೇವೆ’ ಎಂದು ಎಸ್ ಕೆ ವಂಟಿಗೋಡಿ ಅವರು ಜನರಲ್ಲಿ ಮನವಿ ಮಾಡಿದ್ದಾರೆ. ಶುಕ್ರವಾರ ಶಿರಸಿಗೆ ಬಂದಿದ್ದ ಅವರು ವಿವಿಧ ಇಲಾಖೆ ಅಧಿಕಾರಿಗಳ ಸಭೆ ನಡೆಸಿದ್ದು, ಮುಖ್ಯವಾಗಿ `ಮಾನವ ಹಕ್ಕು’ ಪದದ ದುರ್ಬಳಕೆಯ ವಿಚಾರ ಮಾತನಾಡಿದರು. `ರಾಜ್ಯ ಮಾನವ ಹಕ್ಕುಗಳ ಆಯೋಗದ ಹೆಸರನ್ನು ಹೋಲುವ ಸಂಘ ಸಂಸ್ಥೆಗಳ ನೋಂದಣಿಯನ್ನು ರದ್ದುಪಡಿಸಲು ಸರ್ಕಾರಕ್ಕೆ ಶಿಫಾರಸ್ಸು ಮಾಡಲಾಗುತ್ತದೆ. ಇನ್ನು ಮುಂದೆ ಅಂತಹ ಯಾವುದೇ ಸಂಸ್ಥೆಗಳಿಗೆ ನೋಂದಣಿ ನೀಡದಂತೆ ತಿಳಿಸಲಾಗಿದ್ದು, ಮಾನವ ಹಕ್ಕು ಹೆಸರಿನ ಬೆದರಿಕೆಗಳಿಗೆ ಕಡಿವಾಣ ಹಾಕುವುದೇ ನಮ್ಮ ಗುರಿ’ ಎಂದವರು ವಿವರಿಸಿದರು. `ಸಂಘಟನೆಗಳು ಮಾನವ ಹಕ್ಕುಗಳ ಹೆಸರಿನೊಂದಿಗೆ ಇತರೆ ಹೆಸರುಗಳನ್ನು ಸೇರಿಸಿ ನೋಂದಣಿ ಮಾಡಿಸಿಕೊಳ್ಳುವುದು ಮತ್ತು ವಿಸಿಟಿಂಗ್ ಕಾರ್ಡ್ಗಳನ್ನು ಬಳಸಿ ಅಧಿಕಾರಿಗಳ ಮೇಲೆ ಪ್ರಭಾವ ಬೀರುವುದು ಸರಿಯಲ್ಲ. ಯಾವುದೇ ವ್ಯಕ್ತಿ ಆಯೋಗದ ಹೆಸರಿನಲ್ಲಿ ಸಂಘ, ಸಂಸ್ಥೆ ಅಥವಾ ಪರಿಷತ್‌ಗಳನ್ನು ಸ್ಥಾಪಿಸುವಂತಿಲ್ಲ. ತಮ್ಮ ಹಕ್ಕು ಉಲ್ಲಂಘನೆಯಾದಲ್ಲಿ ನೇರವಾಗಿ ಆಯೋಗಕ್ಕೆ ದೂರು ನೀಡಬಹುದೇ ಹೊರತು, ಹೆಸರನ್ನು ದುರ್ಬಳಕೆ ಮಾಡುವುದು ಸರಿಯಲ್ಲ’ ಎಂದವರು ಸಭೆಯಲ್ಲಿ ಹೇಳಿದರು. `ವಿವಿಧ ಇಲಾಖೆ ಅಧಿಕಾರಿಗಳು ಮಾನವ ಹಕ್ಕುಗಳು ಉಲ್ಲಂಘನೆಯಾಗದoತೆ ಕಾರ್ಯನಿರ್ವಹಿಸಬೇಕು. ಸಾರ್ವಜನಿಕರು ಕಚೇರಿಗಳಿಗೆ ಬಂದಾಗ ಅವರ ಅಹವಾಲುಗಳನ್ನು ಸೌಜನ್ಯದಿಂದ ಸ್ವೀಕರಿಸಿ, ಅವರ ನೋವು-ನಲಿವುಗಳಿಗೆ ಸ್ಪಂದಿಸಬೇಕು. ಅರ್ಹತೆ ಇದ್ದರೂ ಸೌಲಭ್ಯಗಳನ್ನು ನೀಡದಿದ್ದರೆ ಅದು ಸಹ ಮಾನವ ಹಕ್ಕುಗಳ ಉಲ್ಲಂಘನೆಯಾಗುತ್ತದೆ’ ಎಂದು ವಿವರಿಸಿದರು. `ಮೂಲಭೂತ ಹಕ್ಕುಗಳನ್ನು ಕಸಿದುಕೊಳ್ಳಲು ಯಾರಿಗೂ ಸಾಧ್ಯವಿಲ್ಲ’ ಎಂದರು. ಡಿವೈಎಸ್ಪಿ ಗೀತಾ ಪಾಟೀಲ, ತಹಶೀಲ್ದಾರ ಪಟ್ಟರಾಜ ಗೌಡ, ಎಂ ಆರ್ ಕುಲಕರ್ಣಿ, ತಾಲ್ಲೂಕು ಪಂಚಾಯಿತಿ ಇಒ ಚನ್ನಬಸಪ್ಪ ಹಾವಣಗಿ, ಪೌರಾಯುಕ್ತ ಪ್ರಕಾಶ ಚನ್ನಪ್ಪನವರ್ ಸಭೆಯಲ್ಲಿದ್ದರು.
- [ದುಡ್ಡು ಕೊಡದೇ ಕಾರು ಖರೀದಿ!](https://mobiletime.in/2025/11/buy-a-car-without-paying/): ಐಷಾರಾಮಿ ಕಾರು ಖರೀದಿ ನೆಪದಲ್ಲಿ ಕಾರು ಮಾರಾಟ ಮಳಿಗೆಗೆ ಬಂದ ಇಬ್ಬರು `ಟೆಸ್ಟ್ ಡ್ರೈವ್’ ಹೆಸರಿನಲ್ಲಿ ಎರಡು ಕಾರು ಎಗರಿಸಿ ಪರಾರಿಯಾಗಿದ್ದಾರೆ. Toyata Corolla ಹಾಗೂ BMW X1 ಕಾರು ಕಳೆದುಕೊಂಡ ಮಾರಾಟಗಾರ ಇದೀಗ ಆ ಕಳ್ಳರ ಹುಡುಕಾಟ ಶುರು ಮಾಡಿದ್ದಾರೆ. ಭಟ್ಕಳ ಬಂದರ್ ರೋಡಿನ ಮೊಹಮ್ಮದ್ ಜಿಲಾನ್ ಅಲಿ ಅವರು ಕಾರು ಮಾರಾಟ ಮಾಡಿ ಬದುಕು ಸಾಗಿಸುತ್ತಿದ್ದಾರೆ. ಅವರನ್ನು ಭೇಟಿಯಾದ ಬೆಂಗಳೂರಿನ ಅಷ್ಟಕ್ ಖಾನ್ ಅಲಿ (48), ತಲ್ಲಾ ಖಾನ್ (24) ಹಾಗೂ ಪ್ರದೀಪ ಗಾಂಧೀ ಕಾರು ಖರೀದಿಯ ಮಾತುಕಥೆ ನಡೆಸಿದ್ದಾರೆ. ಭಟ್ಕಳಕ್ಕೆ ಬಂದು ಕಾರು ನೋಡಿದ ಅವರು ಅದನ್ನು ಟೆಸ್ಟ್ ಡ್ರೈವ್’ಗೆ ಕೇಳಿದ್ದಾರೆ. ಅದಾದ ನಂತರ ಎರಡು ದಿನಗಳ ಕಾಲ ಕಾರು ಬಳಸಿ ನೋಡುವುದಾಗಿ ಹೇಳಿದ್ದಾರೆ. ಕಾರಿನ ವ್ಯಾಪಾರಿ ಮೊಹಮ್ಮದ್ ಜಿಲಾನ್ ಅಲಿ ಅವರು ಎರಡು ದಿನದ ಮಟ್ಟಿಗೆ ಕಾರನ್ನು ಕೊಟ್ಟಿದ್ದಾರೆ. ಆ ಕಾರುಪಡೆದು ಊರುರು ಅಲೆದಾಡಿದ ಮೂವರು ಕಾರನ್ನು ಮರಳಿ ಕೊಟ್ಟಿಲ್ಲ. 2025ರ ಅಗಸ್ಟ 8ರಂದು ಈ ವಿದ್ಯಮಾನ ನಡೆದಿದ್ದು, ಈವರೆಗೂ ಕಾರು ಬಾರದ ಕಾರಣ ಮೊಹಮ್ಮದ್ ಜಿಲಾನ್ ಅಲಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. `ತಮ್ಮ ಕಾರುಪಡೆದ ಮೂವರು ಅದನ್ನು ಕಾನೂನುಬಾಹಿರ ಕೆಲಸಕ್ಕೆ ಬಳಸುವ ಸಾಧ್ಯತೆ ಹೆಚ್ಚಿದೆ. ಹೀಗಾಗಿ ಅವರನ್ನು ಹುಡುಕಿ ಕಾರನ್ನು ಮರಳಿಸಿ’ ಎಂದವರು ಅಳಲು ತೋಡಿಕೊಂಡಿದ್ದಾರೆ. ಪೊಲೀಸರು ಕಾರು ಕಳ್ಳರ ಶೋಧ ನಡೆಸಿದ್ದಾರೆ.
- [SSLC: ಪ್ರತಿಭಾನ್ವಿತ ಮಕ್ಕಳಿಗೆ ಪ್ರವೇಶವಕಾಶ](https://mobiletime.in/2025/11/sslc-admission-opportunities-for-talented-children/): SSLC ಪರೀಕ್ಷೆಯಲ್ಲಿ ಶೇ 90ಕ್ಕೂ ಅಧಿಕ ಫಲಿತಾಂಶಪಡೆದ ವಿದ್ಯಾರ್ಥಿಗಳಿಗೆ ಕುಮಟಾದ ಮಿರ್ಜಾನಿನಲ್ಲಿರುವ ಆದಿಚುಂಚನಗಿರಿ ಇಂಡಿಪೆOಡೆ0ಟ್ ಪಿಯು ಕಾಲೇಜು ವಿಶೇಷ ಕೊಡುಗೆಗಳ ಜೊತೆ ಸ್ವಾಗತಿಸುತ್ತಿದೆ. ಈ ಕಾಲೇಜಿನಲ್ಲಿ ಜೆಇಇ, ನೀಟ್, ಸಿಇಟಿ ಸೇರಿ ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗೆ ವಿಶೇಷ ತರಬೇತಿ ನೀಡಲಾಗುತ್ತದೆ. ಸದ್ಯ 2026-27ನೇ ಸಾಲಿನ ಪ್ರಥಮ ಪಿಯುಸಿ ಪ್ರವೇಶ ಪರೀಕ್ಷೆಗೆ ನವೆಂಬರ್ 30ರ ದಿನಾಂಕ ನಿಗದಿಯಾಗಿದೆ. ಪಿಯುಸಿ ಪ್ರವೇಶ ಪರೀಕ್ಷೆಗೆ ಬರುವವರಿಗೆ ಅಂಕೋಲಾ ಹಾಗೂ ಕುಮಟಾದಿಂದ ಶಿಕ್ಷಣ ಸಂಸ್ಥೆಯವರೇ ಬಸ್ ವ್ಯವಸ್ಥೆ ಮಾಡಿದ್ದಾರೆ. ನವೆಂಬರ್ 30ರ ಬೆಳಗ್ಗೆ 9 ಗಂಟೆಗೆ ಕಾಲೇಜು ಆವರಣದಲ್ಲಿ ನೋಂದಣಿ ಪ್ರಕ್ರಿಯೆ ನಡೆಯಲಿದೆ. ಬೆಳಗ್ಗೆ 10ರಿಂದ 11ಗಂಟೆಯವರೆಗೆ ಪರೀಕ್ಷೆ ನಡೆಯಲಿದೆ. ಇದಕ್ಕೆ ಅನುಕೂಲವಾಗುವಂತೆ ಅಂಕೋಲಾ ಮತ್ತು ಕುಮಟಾದಿಂದ ಬೆಳಿಗ್ಗೆ 8ಗಂಟೆಗೆ ಬಸ್ ಹೊರಡಲಿದೆ. 8.10ಕ್ಕೆ ಆ ಬಸ್ಸು ಅಂಕೋಲಾ ಬಸ್ ನಿಲ್ದಾಣ, 8.30ಕ್ಕೆ ಮಾದನಗೇರಿ ತಲುಪಲಿದೆ. ಇನ್ನೊಂದು ಬಸ್ಸು ಬೆಳಗ್ಗೆ 8.30ಕ್ಕೆ ಕುಮಟಾ ಬಸ್ ನಿಲ್ದಾಣದಿಂದ ಹೊರಡಲಿದೆ. ಪ್ರವೇಶ ಪರೀಕ್ಷೆಗೆ ಹಾಜರಾಗುವವರು ಇನ್ಯಾವುದೇ ಮಾಹಿತಿ ಬೇಕಿದ್ದರೂ ಕಾಲೇಜು ಮುಖ್ಯಸ್ಥರ ಜೊತೆ ಮಾತನಾಡಿ. ಯಾವುದೇ ಸಮಸ್ಯೆ ಎದುರಾದರೆ ಇಲ್ಲಿ ಫೋನ್ ಮಾಡಿ. 9900339912, 9731045184, 9901168720, 9739317643 ಅಥವಾ 9591884429 ಇಮೇಲ್:  aipuc2024@gmail.com ವೆಬ್‌ಸೈಟ್: www.aipukumta.in  
- [ಅನ್ನದ ಬಟ್ಟಲಿನಲ್ಲಿ ಬಿದ್ದ ಗಲೀಜು: ಊಟ ಮಾಡಿ ಆಸ್ಪತ್ರೆ ಸೇರಿದ ಮಕ್ಕಳು!](https://mobiletime.in/2025/11/a-mess-in-a-rice-bowl-children-hospitalized-after-eating/): ಇನ್ನಿತರ ಶಾಲೆಗಳಿಗೆ ಮಾದರಿ ಆಗಬೇಕಿದ್ದ ಶಾಸಕರ ಮಾದರಿ ಶಾಲೆಯಲ್ಲಿನ ಮಕ್ಕಳಿಗೆ ಗುಣಮಟ್ಟದ ಊಟ ಸಿಗುತ್ತಿಲ್ಲ. ಶುಕ್ರವಾರ ಮಧ್ಯಾಹ್ನ ಈ ಶಾಲೆಯಲ್ಲಿ ಊಟ ಮಾಡಿದ ಮಕ್ಕಳು ಅಸ್ವಸ್ಥರಾಗಿ ಆಸ್ಪತ್ರೆ ಸೇರಿದ್ದಾರೆ. ಮುಂಡಗೋಡಿನ ಶಾಸಕರ ಮಾದರಿ ಶಾಲೆಯಲ್ಲಿ ಊಟ ಮಾಡಿದ ಮಕ್ಕಳಿಗೆ ಅನ್ನದ ಬಟ್ಟಲಿನಲ್ಲಿ ಇಲಿ ಹಿಕ್ಕಿ ಸಿಕ್ಕಿದೆ. ಅರಿವಿಲ್ಲದೇ ಅನ್ನದ ಜೊತೆ ಅದನ್ನು ಸೇವಿಸಿದ ಚಿಣ್ಣರು ಅಸ್ವಸ್ಥರಾಗಿದ್ದಾರೆ. ಕೆಲ ವಿದ್ಯಾರ್ಥಿನಿಯರು ವಾಂತಿ ಮಾಡಿಕೊಂಡಿದ್ದು, ಮುಖ್ಯ ಶಿಕ್ಷಕ ವಿನೋದ ನಾಯ್ಕ ಅವರು ಮಕ್ಕಳನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಈ ಶಾಲೆಯಲ್ಲಿ 400ರಷ್ಟು ಮಕ್ಕಳು ಓದುತ್ತಿದ್ದು, ಎಂದಿನAತೆ ಎಲ್ಲರೂ ಮಧ್ಯಾಹ್ನ ಬಿಸಿಯೂಟ ಸೇವಿಸಿದ್ದಾರೆ. ಕೆಲವರಿಗೆ ಆ ಊಟ ಅಜೀರ್ಣವಾಗಿದೆ. ಅದಾದ ನಂತರ ಕೆಲವರು ಹೊಟ್ಟೆನೋವಿನಿಂದ ಬಳಲಿದ್ದಾರೆ. ಕೆಲವರು ವಾಂತಿ ಮಾಡಿಕೊಂಡು ಅಸ್ವಸ್ಥರಾಗಿದ್ದಾರೆ. ಮಕ್ಕಳು ಮಾಡಿದ ಊಟ ಪರಿಶೀಲನೆ ಮಾಡಿದಾಗ ಸಾಂಬಾರಿನೊಳಗೆ ಇಲಿ ಹಿಕ್ಕಿ ತೇಲುತ್ತಿರುವುದು ಗೊತ್ತಾಗಿದೆ. ಆಹಾರದಲ್ಲಿನ ಅಶುಚಿತ್ವ ಮಕ್ಕಳ ಅನಾರೋಗ್ಯಕ್ಕೆ ಕಾರಣವಾಗಿದೆ. ಸದ್ಯ 27 ಮಕ್ಕಳಿಗೆ ಚಿಕಿತ್ಸೆ ಕೊಡಲಾಗಿದೆ. ಮಕ್ಕಳೆಲ್ಲರೂ ಅಪಾಯದಿಂದ ಪಾರಾಗಿದ್ದಾರೆ. ಬಿಸಿಯೂಟ ಸಿಬ್ಬಂದಿಯ ವಿಚಾರಣೆ ನಡೆಯುತ್ತಿದೆ. ವೈದ್ಯಾಧಿಕಾರಿ ಡಾ ನರೇಂದ್ರ ಪವಾರ್, ತಹಶೀಲ್ದಾರ್ ಶಂಕರ ಗೌಡಿ, ತಾ ಪಂ ಮುಖ್ಯಾಧಿಕಾರಿ ಟಿ ವೈ ದಾಸನಕೊಪ್ಪ, ಸಿಪಿಐ ರಂಗನಾಥ ನೀಲಮ್ಮನವರ್, ಪ ಪಂ ಮುಖ್ಯಾಧಿಕಾರಿ ಸಂತೋಷಕುಮಾರ ಎಚ್ ಮೊದಲಾದವರು ಸ್ಥಳಕ್ಕೆ ದೌಡಾಯಿಸಿದ್ದಾರೆ.
- [ಬೌ ಬೌ ಕಾಟ: ಬಿರಿಯಾನಿಗೂ ಕಡ್ಡಿ ಹಾಕಿದ ಬೀದಿ ನಾಯಿ!](https://mobiletime.in/2025/11/bou-bou-kata-a-stray-dog-even-put-a-stick-in-the-biryani/): ಶಿರಸಿಯಲ್ಲಿ ಬೀದಿ ನಾಯಿಗಳ ಕಾಟ ಜೋರಾಗಿದ್ದು, ಬಿರಿಯಾನಿ ಹೊಟೇಲಿಗೆ ಹೋಗಬೇಕಿದ್ದ ಎರಡು ಕುರಿಗಳ ಮೇಲೆ ಅವು ದಾಳಿ ನಡೆಸಿದೆ. ಬೀದಿ ನಾಯಿ ಕಾಟಕ್ಕೆ ಎರಡು ಕುರಿ ಸಾವನಪ್ಪಿದ್ದು, ಇಷ್ಟು ದಿನಗಳ ಕಾಲ ಅವನ್ನು ಸಾಕಿದ್ದ ಹೈನುಗಾರನಿಗೂ ನಷ್ಟವಾಗಿದೆ. ಶಿರಸಿಯ ಎಲ್ಲಡೆ ಬೀದಿ ನಾಯಿಗಳ ಹಾವಳಿ ಕಾಣಿಸುತ್ತಿದೆ. ಅದರಲ್ಲಿಯೂ ಕಸ್ತೂರಿಬಾ ನಗರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ನಾಯಿ ಕಾಟಕ್ಕೆ ಕಡಿವಾಣ ಬಿದ್ದಿಲ್ಲ. ಸಾಕಷ್ಟು ಜನರಿಗೆ ಕಚ್ಚಿ ಗಾಯಗೊಳಿಸಿದ ಬೀದಿ ನಾಯಿ ಇದೀಗ ಸಾಕು ಪ್ರಾಣಿಗಳ ಮೇಲೆಯೂ ಆಕ್ರಮಣ ನಡೆಸುತ್ತಿದೆ. ಗುಂಪಿನಲ್ಲಿ ಬಂದ ಬೀದಿ ನಾಯಿಗಳು ಕುರಿಗಳ ಮೇಲೆ ದಾಳಿ ನಡೆಸಿದ ಪರಿಣಾಮ ಕಸ್ತೂರಿಬಾ ನಗರದಲ್ಲಿನ ಎರಡು ಕುರಿ ಮರಿಗಳು ಅಲ್ಲಿಯೇ ಸಾವನಪ್ಪಿದೆ. ಬೀಡಾಡಿ ಜಾನುವಾರುಗಳ ಜೊತೆ ಬೀದಿ ನಾಯಿಗಳ ನಿಯಂತ್ರಣಕ್ಕೆ ನಗರಸಭೆ ಸಾಕಷ್ಟು ಪ್ರಯತ್ನ ನಡೆಸಿದೆ. ಇದಕ್ಕಾಗಿ ಹಣವನ್ನು ಸಹ ವೆಚ್ಚ ಮಾಡುತ್ತಿದೆ. ಆದರೆ, ಇದರಿಂದ ಯಾವ ಪ್ರಯೋಜನವೂ ಆಗುತ್ತಿಲ್ಲ. ಬೀದಿ ನಾಯಿಗಳ ಸಂತಾನ ಹರಣ ನೆಪದಲ್ಲಿ ಲಕ್ಷಾಂತರ ರೂ ಕಾಸು ವೆಚ್ಚವಾಗುತ್ತಿರುವುದು ಬಿಟ್ಟರೆ ನಾಯಿಗಳ ನಿಯಂತ್ರಣಕ್ಕೆ ಕೊನೆ ಇಲ್ಲ. ಬೀಡಾಡಿ ಜಾನುವಾರುಗಳ ನಿಯಂತ್ರಣಕ್ಕಾಗಿ ಶಾಸಕ-ಸಂಸದರ ಮುಂದಾಳತ್ವದಲ್ಲಿ ಸಭೆ ನಡೆದಿದೆ. ಬೀದಿ ಬೀದಿಯಲ್ಲಿರುವ ಜಾನುವಾರುಗಳ ಅಪಾಯದ ಬಗ್ಗೆ ಸಭೆಯಲ್ಲಿ ಸಾಕಷ್ಟು ಚರ್ಚೆಯೂ ನಡೆದಿದೆ. ಬೀಡಾಡಿ ಜಾನುವಾರು ನಿಯಂತ್ರಣಕ್ಕೆ ಕಠಿಣ ಕ್ರಮ ಜರುಗಿಸುವುದಾಗಿಯೂ ನಗರಸಭೆ ಅಧಿಕಾರಿಗಳು ಹೇಳಿದ್ದಾರೆ. ಆದರೆ, ಆ ಕೆಲಸ ಮಾತ್ರ ಸರಿಯಾಗಿ ನಡೆದಿಲ್ಲ. ಈಗಾಲೇ ಅನೇಕರು ಬೀದಿ ನಾಯಿಗಳ ಆಕ್ರಮಣದಿಂದ ಸಂಕಷ್ಟ ಅನುಭವಿಸಿದ್ದು, ನಿಯಮಾನುಸಾರ ಅವರಿಗೆ ಪರಿಹಾರವೂ ಸಿಕ್ಕಿಲ್ಲ.
- [ಬೆಂಕಿಗೆ ಕರಗಿದ ಬಂಗಾರ!](https://mobiletime.in/2025/11/gold-melted-by-fire/): ಹoಚಿನ ಮನೆಯೊಂದಕ್ಕೆ ಬೆಂಕಿ ಬಿದ್ದ ಪರಿಣಾಮ ಮನೆ ಸುಟ್ಟು ಕರಕಲಾಗಿದ್ದು, ಮನೆಯೊಳಗೆ ಜೋಪಾನವಾಗಿರಿಸಿದ್ದ ಬಂಗಾರವು ಅಗ್ನಿಗೆ ಆಹುತಿಯಾಗಿದೆ. ವಾಸದ ಮನೆ ಜೊತೆ ಸಂಪಾದಿಸಿದ್ದ ಆಭರಣವನ್ನು ಕಳೆದುಕೊಂಡ ಕುಟುಂಬದವರು ಕಣ್ಣೀರು ಹಾಕುತ್ತಿದ್ದಾರೆ. ಕಾರವಾರದ ಅಲಿಗದ್ದಾ ಬಳಿಯ ಗಾವಡವಾಡದಲ್ಲಿ ಶುಕ್ರವಾರ ಅಗ್ನಿ ಅವಘಡ ನಡೆದಿದೆ. ಈ ದುರಂತದಲ್ಲಿ ಮನೆಗೆ ಬೆಂಕಿ ಬಿದ್ದಿದ್ದು, ಮನೆಯೊಳಗಿದ್ದ ಸಾಮಗ್ರಿಗಳೆಲ್ಲವೂ ಕರಕಲಾಗಿದೆ. ಬಡವ ಭೀಮ ಗೌಡ ಅವರು ವಾಸಿಸುತ್ತಿದ್ದ ಮನೆಗೆ ದಿಡೀರ್ ಆಗಿ ಬೆಂಕಿ ಕಾಣಿಸಿಕೊಂಡಿದೆ. ಬೆಂಕಿ ಬಿದ್ದ ವೇಳೆ ಮನೆಗೆ ಬೀಗ ಹಾಕಲಾಗಿದ್ದು, ಒಳಗೆ ಯಾರೂ ಇಲ್ಲದ ಕಾರಣ ಎಲ್ಲರೂ ಬದುಕುಳಿದಿದ್ದಾರೆ. ಬೆಂಕಿ ಕಿಡಿ ಸಣ್ಣದಾಗಿದ್ದಾಗ ಯಾರ ಗಮನಕ್ಕೂ ಬಂದಿರಲಿಲ್ಲ. ದೊಡ್ಡ ಹೊಗೆ ಕಾಣಿಸಿಕೊಂಡಾಗ ಸ್ಥಳೀಯರು ಇದನ್ನು ಗಮನಿಸಿದರು. ಬೀಗ ಒಡೆದು ಬೆಂಕಿ ಆರಿಸುವ ಪ್ರಯತ್ನ ನಡೆಸಿದರಾದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ಪೈಪ್ ಮೂಲಕ ನೀರು ಹಾಯಿಸಿದರೂ ಬೆಂಕಿಯ ಜ್ವಾಲೆ ಕಡಿಮೆ ಆಗಲಿಲ್ಲ. ಅಷ್ಟೊತ್ತಿಗೆ ಅಗ್ನಿಶಾಮಕ ಸಿಬ್ಬಂದಿಗೆ ಸುದ್ದಿ ಗೊತ್ತಾಯಿತು. ಅವರು ಬಂದು ಬೆಂಕಿ ಆರಿಸುವ ಕೆಲಸ ಶುರು ಮಾಡಿದರು. ಆದರೆ, ಅಷ್ಟರೊಳಗೆ ಮನೆ ಸುಟ್ಟು ಕರಕಲಾಗಿತ್ತು. ಅಡುಗೆ ಪಾತ್ರೆ, ವಿದ್ಯುತ್ ಉಪಕರಣಗಳ ಜೊತೆ ಕೂಡಿಟ್ಟ ಚಿನ್ನಾಭರಣವೂ ಕರಗಿತ್ತು. ವಿದ್ಯುತ್ ಶಾರ್ಟ ಸರ್ಕೀಟ್ ಅವಘಡಕ್ಕೆ ಕಾರಣ ಎಂಬ ಮಾಹಿತಿಯಿದೆ.
- [ಕೊಡುಗೈ ದಾನಿಗೆ ಸೇವಾ ಪ್ರಶಸ್ತಿ](https://mobiletime.in/2025/11/service-award-for-a-generous-donor/): ಸಾಮಾಜಿಕ ಹಾಗೂ ಶೈಕ್ಷಣಿಕ ಕ್ಷೇತ್ರಕ್ಕೆ ತಮ್ಮದೇ ಆದ ಕೊಡುಗೆ ನೀಡುತ್ತಿರುವ ಶಿವಾನಂದ ಶೆಟ್ಟಿ ಅವರು `ಶಿಕ್ಷಣ ಸೇವಾ ರತ್ನ’ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಇಂಜಿನಿಯರ್ ಆಗಿರುವ ಶಿವಾನಂದ ಶೆಟ್ಟಿ ಅವರು ಸ್ವಿಟ್ ಹೊಮ್ ಕನ್ಸಟ್ರಕ್ಸನ್ ಎಂಬ ಸಂಸ್ಥೆ ಹೊಂದಿದ್ದಾರೆ. ಅದರ ಮೂಲಕ ಅನೇಕ ಕಟ್ಟಡಗಳನ್ನು ನಿರ್ಮಿಸಿದ್ದಾರೆ. ಮನೆಗಳನ್ನು ನಿರ್ಮಿಸುವ ಗುತ್ತಿಗೆದಾರರಾಗಿಯೂ ಶಿವಾನಂದ ಶೆಟ್ಟಿ ಅವರು ಜವಾಬ್ದಾರಿ ನಿಭಾಯಿಸುತ್ತಿದ್ದಾರೆ. ತಮಗೆ ಸಿಗುವ ಲಾಭದಲ್ಲಿ ಅವರು ಸಾಮಾಜಿಕ ಹಾಗೂ ಶೈಕ್ಷಣಿಕ ಸೇವೆ ಮಾಡುತ್ತಿದ್ದಾರೆ. ಲಯನ್ಸ ಕ್ಲಬ್ ಸದಸ್ಯರಾಗಿಯೂ ಶಿವಾನಂದ ಶೆಟ್ಟಿ ಅವರು ಸಮಾಜಕ್ಕೆ ಸಾಕಷ್ಟು ಕೊಡುಗೆ ನೀಡಿದ್ದಾರೆ. ಜೊತೆಗೆ ವಿವಿಧ ಸಂಘ-ಸAಸ್ಥೆಗಳಲ್ಲಿ ಅವರು ಸಕ್ರೀಯವಾಗಿದ್ದಾರೆ. ಅವರ ಈ ಸೇವೆಯನ್ನು ಸ್ಮೀತಾ ಆರ್ ಪ್ರಭು ಫೌಂಡೇಶನ್ ಗುರುತಿಸಿದೆ. ಈ ಪೌಂಡೇಶನ್ ಸಹ ಕಳೆದ ಅನೇಕ ವರ್ಷಗಳಿಂದ ಶೈಕ್ಷಣಿಕ ಸೇವಾ ಮನೋಭಾವನೆ ಹೊಂದಿದವರನ್ನು ಪ್ರೋತ್ಸಾಹಿಸುತ್ತಿದ್ದು, ಈ ವರ್ಷ ಶಿವಾನಂದ ಶೆಟ್ಟಿ ಅವರಿಗೆ `ಶಿಕ್ಷಣ ಸೇವಾ ರತ್ನ’ ಪ್ರಶಸ್ತಿ ನೀಡಲು ನಿರ್ಧರಿಸಿದೆ. `ಬಡವರ ಮಕ್ಕಳಿಗೆ ಶಿಕ್ಷಣ, ವಿದವೆಯರು, ದುರ್ಬಲರಿಗೆ ನೆರವು ನೀಡುತ್ತಿರುವ ಸ್ಮೀತಾ ಆರ್ ಪ್ರಭು ಫೌಂಡೇಶನ್ ಅಸ್ನೋಟಿಯ ಶಿವಾಜಿ ವಿದ್ಯಾಮಂದರದ ಮೂಲಕ ಈ ಪ್ರಶಸ್ತಿ ನೀಡುತ್ತಿದೆ. ಗ್ರಾಮೀಣ ಭಾಗದ ಶಾಲೆಗಳ ಅಭಿವೃದ್ಧಿಗೆ ಶ್ರಮಿಸುವವರಿಗೆ ಉತ್ತೇಜನ ನೀಡುವುದು ಸಂಸ್ಥೆಯ ಮುಖ್ಯ ಉದ್ದೇಶ’ ಎಂದು ಆಯ್ಕೆ ಸಮಿತಿಯ ಸಂಚಾಲಕರಾದ ಆರ್ ಜಿ ಪ್ರಭು ಅವರು ತಿಳಿಸಿದರು.
- [ಬಿಪಿಎಲ್ ಕಾರ್ಡುದಾರರಿಗೆ ಮನೆ ಸಾಲ!](https://mobiletime.in/2025/11/home-loan-for-bpl-cardholders/): BPL ಕಾರ್ಡದಾರರಿಗೆ ಸಾಲ ಕೊಡಲು ಹಿಂದೇಟು ಹಾಕುವ ಬ್ಯಾಂಕ್ ಅಧಿಕಾರಿಗಳ ವಿರುದ್ಧ ಹಳಿಯಾಳ ಶಾಸಕ ಆರ್ ವಿ ದೇಶಪಾಂಡೆ ಗರಂ ಆಗಿದ್ದಾರೆ. `ಬಡವರಿಗೆ ಸಹಾಯ ಮಾಡಿ’ ಎಂದು ಅವರು ತಾಕೀತು ಮಾಡಿದ್ದಾರೆ. ಜಿ+2 ವಸತಿ ಯೋಜನೆ ಫಲಾನುಭವಿಗಳಿಗೆ ಬ್ಯಾಂಕ್ ಸಾಲ ನೀಡಲು ನಿರಾಕರಿಸಿದ ವಿಷಯವಾಗಿ ಅವರು ದಾಂಡೇಲಿಯಲ್ಲಿ ಬ್ಯಾಂಕ್ ಅಧಿಕಾರಿಗಳ ಸಭೆ ನಡೆಸಿದ್ದು, ಬ್ಯಾಂಕಿನವರ ಕಾರ್ಯದ ಬಗ್ಗೆ ಅಸಮಧಾನವ್ಯಕ್ತಪಡಿಸಿದರು. `ನೀವು ಬೇರೆ ಊರಿನಿಂದ ವರ್ಗಾವಣೆಗೊಂಡು ಇಲ್ಲಿಗೆ ಬಂದಿರುತ್ತೀರಿ. ಪುನಃ ವರ್ಗಾವಣೆಗೊಂಡು ಇಲ್ಲಿಂದ ಹೋಗುತ್ತೀರಿ. ಆದರೆ, ಇಲ್ಲಿಯ ಜನ ಇಲ್ಲಿಯೇ ಇರುವವರು. ಅವರು ನಿಮ್ಮನ್ನು ಸ್ಮರಿಸುವಂತ ಕೆಲಸ ಮಾಡಬೇಕು’ ಎಂದು ಬ್ಯಾಂಕ್ ಅಧಿಕಾರಿಗಳಿಗೆ ಸೂಚಿಸಿದರು. `ಆಶ್ರಯ ಯೋಜನೆ ಫಲಾನುಭವಿಗಳಿಗೆ ಬ್ಯಾಂಕ್ ಸಾಲ ನೀಡಬೇಕು ಎನ್ನುವ ಆದೇಶವೊದೆ. ಅದಾಗಿಯೂ ಬ್ಯಾಂಕಿನವರು ಸಾಲ ಕೊಡುತ್ತಿಲ್ಲ. ಬಿಪಿಎಲ್ ಪಡಿತರ ಚೀಟಿ ಹೊಂದಿರುವ ಜನರಿಗೆ ಸಾಲ ಕೊಡಬಾರದು ಎನ್ನುವ ನಿಯಮ ಇದ್ದರೆ ತೋರಿಸಿ’ ಎಂದು ಸವಾಲು ಹಾಕಿದರು. ದೇಶಪಾಂಡೆ ಅವರ ಪ್ರಶ್ನೆಗೆ ಅಧಿಕಾರಿಗಳ ಬಳಿ ಉತ್ತರವಿರಲಿಲ್ಲ. `ಕಾನೂನುಬಾಹಿರವಾಗಿ ಸಾಲ ನೀಡಿ ಎಂದು ನಾನು ಹೇಳುವುದಿಲ್ಲ. ಫಲಾನುಭವಿಗಳ ಸಾಲದ ಪತ್ರ ಗಮನಿಸಿ ನಿಯಮದ ಅಡಿಯಲ್ಲಿ ಸಾಲ ವಿತರಣೆಗೆ ಕ್ರಮ ಜರುಗಿಸಿ’ ಎಂದು ಸೂಚಿಸಿದರು.
- [2025 ನವೆಂಬರ್ 28ರ ದಿನ ಭವಿಷ್ಯ](https://mobiletime.in/2025/11/prediction-for-november-28-2025/): ಮೇಷ ರಾಶಿ: ಉದ್ಯೋಗದಲ್ಲಿ ಹೊಸ ಅವಕಾಶಗಳು ಬರಲಿದೆ. ಹಣಕೊರತೆ ದೂರವಾಗುತ್ತದೆ. ಮನೆಯ ಪರಿಸರ ಸಂತೋಷಕರವಾಗಿರುತ್ತದೆ. ಆರೋಗ್ಯದ ಕಡೆ ಗಮನ ಕೊಡಿ. ಪ್ರೀತಿಯಲ್ಲಿ ಸಮಾಧಾನ ಸಿಗಲಿದೆ. ವೃಷಭ ರಾಶಿ: ಯೋಗದಿಂದ ದಿನ ಶುರು ಮಾಡಿ. ಬಯಸಿದ ಹುದ್ದೆಗೆ ಅವಕಾಶ ಸಿಗಲಿದೆ. ಹೊಸ ವಹಿವಾಟಿನಲ್ಲಿ ಯಶಸ್ಸು ಸಿಗಲಿದೆ. ಮಿಥುನ ರಾಶಿ: ಕೆಲಸದ ವಿಚಾರಗಳಲ್ಲಿ ಸಂಕಷ್ಟಗಳಿಲ್ಲ. ಹೊಸ ಯೋಜನೆಗೆ ಸಮಯ ಸಿಗಲಿದೆ. ಆರೋಗ್ಯ ಚೆನ್ನಾಗಿರುತ್ತದೆ. ಕುಟುಂಬದಲ್ಲಿ ಸೌಹಾರ್ದ ಅಭಿವೃದ್ಧಿ ಸಾಧ್ಯವಿದೆ. ಕರ್ಕ ರಾಶಿ: ವಾಹನ, ಆಸ್ತಿ ಖರೀದಿ ವಿಶೇಷ ಸಮಯ ಕೂಡಿ ಬರಲಿದೆ. ಸಹೋದ್ಯೋಗಿಗಳ ಸಹಕಾರ ಸಿಗಲಿದೆ. ಗಣ್ಯರ ಭೇಟಿಯಿಂದ ಲಾಭ ಸಿಗಲಿದೆ. ಮನಸ್ಸು ನೆಮ್ಮದಿಯಾಗಿರುವಂತೆ ನೋಡಿಕೊಳ್ಳಿ. ಸಿಂಹ ರಾಶಿ: ಹೊಸ ಯೋಜನೆಗಳು ನೆರವಿಗೆ ಬರಲಿದೆ. ವ್ಯವಹಾರದಲ್ಲಿ ಬಲವರ್ಧನೆ ಸಾಧ್ಯವಿದೆ. ಬಂಧುಗಳೊAದಿಗೆ ಸಮಯ ಕಳೆಯಿರಿ. ಆರೋಗ್ಯದ ಕಡೆ ಗಮನ ಕೊಡಿ. ಕನ್ಯಾ ರಾಶಿ: ನಿಮ್ಮ ವ್ಯಕ್ತಿತ್ವಕ್ಕೆ ಗೌರವ ಸಿಗಲಿದೆ. ಉದ್ಯೋಗದಲ್ಲಿ ಬದಲಾಗುವ ಅವಕಾಶ ಬರಲಿದೆ. ಮನೆಯಲ್ಲಿ ಸಂತೋಷವಿರುತ್ತದೆ. ಹೊಸ ಆದಾಯದ ಮೂಲಗಳು ಬೆಳೆಯುತ್ತವೆ. ತುಲಾ ರಾಶಿ: ಕುಟುಂಬದೊoದಿಗೆ ಒಳ್ಳೆಯ ಸಂವಾದ ಸಾಧ್ಯವಿದೆ. ಸಹೋದ್ಯೋಗಿಗಳ ಸಹಕಾರ ಸಿಗಲಿದೆ. ಹಣದ ವ್ಯವಹಾರವನ್ನು ಎಚ್ಚರಿಕೆಯಿಂದ ಮಾಡಿ. ಜೀವನ ಸಂಗಾತಿಯ ಜೊತೆ ಸಮಯ ಕಳೆಯಿರಿ. ವೃಶ್ಚಿಕ ರಾಶಿ: ಹೊಸ ಯೋಜನೆಗಳು ಅನುಕೂಲಕರವಾಗಿರಲಿದೆ. ಸ್ನೇಹಿತರಿಂದ ಸಹಾಯ ಸಿಗಲಿದೆ. ವೃತ್ತಿಯಲ್ಲಿ ಯಶಸ್ಸು ಸಿಗಲಿದೆ. ಪ್ರೀತಿ ಜೀವನದಲ್ಲಿ ನವೀನತೆ ಕಾಣಲಿದ್ದೀರಿ. ಧನು ರಾಶಿ: ನಿಮ್ಮ ಕಾರ್ಯಕ್ಷಮತೆಯಲ್ಲಿ ಯಶಸ್ಸಿನ ಸಮಯ ಇದಾಗಿದ್ದು, ಕುಟುಂಬದಲ್ಲಿಯೂ ಸಂತೋಷ ಹೆಚ್ಚಲಿದೆ. ಹೆಚ್ಚು ಶ್ರಮವಿಲ್ಲದೆ ಫಲ ಸಿಗಲಿದೆ. ಮನೋವೈಕಲ್ಯ ನಿಯಂತ್ರಣ ಅಗತ್ಯವಿದೆ. ಮಕರ ರಾಶಿ: ನರಸಿಂಹ ದೇವರ ಪ್ರಾರ್ಥನೆ ಮಾಡುವುದರಿಂದ ಸಾಧನೆ ಸಾಧ್ಯವಿದೆ. ಹೊಸ ಸಂಪರ್ಕಗಳು ಲಾಭದಾಯಕವಾಗಿರಲಿದೆ. ಆರೋಗ್ಯದ ಕಡೆ ಗಮನಕೊಡಿ. ಕುಂಭ ರಾಶಿ: ಕೆಲಸದಲ್ಲಿ ಸತತ ಪ್ರಯತ್ನ ಫಲ ಕೊಡಲಿದೆ. ಮನೆಯಲ್ಲಿನ ಸೌಹಾರ್ದ ಮಾತುಕಥೆ ನಡೆಯಲಿದೆ. ಆರೋಗ್ಯ ಚೇತರಿಕೆ ಆಗಲಿದೆ. ಸಹೋದ್ಯೋಗಿಗಳ ಸಂತೋಷದ ಮಾತು ನೆಮ್ಮದಿ ಕೊಡಲಿದೆ. ಮೀನ ರಾಶಿ: ಯಶಸ್ಸು ನಿಧಾನಗತಿಯಲ್ಲಿದ್ದರೂ ಆತಂಕ ಮಾಡುವ ಅಗತ್ಯವಿಲ್ಲ. ಕಷ್ಟಗಳು ದೂರವಾಗುತ್ತದೆ. ಸ್ನೇಹಿತರ ಸಲಹೆ ಸ್ವೀಕರಿಸಿ. ಮನಸ್ಸು ಆಹ್ಲಾದಕರವಾಗಿರಲಿ.
- [ಆತನಿಗೆ ಬೀಡಿ ಸೇದಲು ಬೇರೆ ಜಾಗವೇ ಇರಲಿಲ್ಲ!](https://mobiletime.in/2025/11/he-had-no-other-place-to-smoke-a-bidi/): ಬಾವಿ ಕಟ್ಟೆಯ ಮೇಲೆ ಕುಳಿತು ಬೀಡಿ ಸೇದುತ್ತಿದ್ದ ಗೌಂಡಿಯೊಬ್ಬರು ಅದೇ ಬಾವಿಗೆ ಬಿದ್ದು ಸಾವನಪ್ಪಿದ್ದಾರೆ. ಕುಮಟಾದ ಹೊನ್ಮಾವ್ ಬ್ರಿಜ್ ಬಳಿ ಬಾಲಚಂದ್ರ ತಿಮ್ಮಪ್ಪ ಗಾವಡಿ (49) ಅವರು ವಾಸವಾಗಿದ್ದರು. ಕಟ್ಟಡ ಕಾರ್ಮಿಕರಾಗಿದ್ದ ಅವರು ಗೌಂಡಿ ಕೆಲಸ ಮಾಡುವಲ್ಲಿ ಪರಿಣಿತಿಪಡೆದಿದ್ದರು. ತಮ್ಮ ಮನೆಯಿಂದ 200 ಮೀ ದೂರದಲ್ಲಿರುವ ಬಾವಿ ಕಟ್ಟೆ ಮೇಲೆ ಕೂತು ಬೀಡಿ ಸೇದುವುದನ್ನು ಅವರು ರೂಢಿಸಿಕೊಂಡಿದ್ದರು. ನವೆoಬರ್ 26ರಂದು ರಾತ್ರಿ ಮನೆಯಿಂದ ಹೊರ ಹೋದ ಅವರು ಎಂದಿನoತೆ ಪೋರ್ಸ ಮೋಟಾರ್ಸ ಗ್ಯಾರೇಜ್ ಬಳಿ ತೆರಳಿದ್ದರು. ಅಲ್ಲಿದ್ದ ಬಾವಿ ಕಟ್ಟೆ ಮೇಲೆ ಕುಳಿತು ಬೀಡಿಗೆ ಬೆಂಕಿ ಅಂಟಿಸಿದ್ದರು. ಬಾಲಚಂದ್ರ ಗಾವಡಿ ಅವರು ರಾತ್ರಿ ಮನೆಗೆ ಬಂದಿರಲಿಲ್ಲ. ಹೀಗಾಗಿ ಅವರ ಅಣ್ಣ ದಾಮೋದರ್ ಗಾವಡಿ ನವೆಂಬರ್ 27ರ ಬೆಳಗ್ಗೆ ಹುಡುಕಾಟ ಶುರು ಮಾಡಿದರು. ಆಯತಪ್ಪಿ ಬಾವಿಗೆ ಬಿದ್ದಿದ್ದ ಬಾಲಚಂದ್ರ ಗಾವಡಿ ಅವರ ಬಳಿ ಮೇಲೆ ಬರಲು ಸಾಧ್ಯವಾಗಿರಲಿಲ್ಲ. ಬಾವಿಯಲ್ಲಿದ್ದ ನೀರು ಕುಡಿದು ಅವರು ಕೊನೆಯುಸಿರೆಳೆದಿದ್ದರು. ಬೆಳಗ್ಗೆ 11 ಗಂಟೆ ಅವಧಿಗೆ ಪೊಲೀಸರು ಬಂದು ಅವರ ಶವವನ್ನು ಮೇಲೆತ್ತಿದರು.
- [ಹಾರ್ಫಿಕ್ ಕುಡಿದ ಮಹಿಳಾ ಆರೋಪಿ!](https://mobiletime.in/2025/11/female-accused-of-drinking-alcohol/): ಅಪರಾಧ ಪ್ರಕರಣದೊಂದರ ವಿಚಾರಣೆಗಾಗಿ ಪೊಲೀಸ್ ಠಾಣೆಗೆ ಬಂದಿದ್ದ ಮಹಿಳೆಯೊಬ್ಬರು ಶೌಚಾಲಯಕ್ಕೆ ತೆರಳಿ ಹಾರ್ಫಿಕ್ ಕುಡಿದಿದ್ದಾರೆ. ಅಸ್ವಸ್ಥಗೊಂಡಿದ್ದ ಅವರನ್ನು ಪೊಲೀಸರೇ ಆಸ್ಪತ್ರೆಗೆ ಸಾಗಿಸಿ ಪ್ರಾಣ ಕಾಪಾಡಿದ್ದಾರೆ. ಭಟ್ಕಳದ ಪಾತಿಮಾ ಬಿ ಅವರು ಅಪರಾಧ ಪ್ರಕರಣವೊಂದರಲ್ಲಿ ಆರೋಪಿಯಾಗಿದ್ದರು. ಹೀಗಾಗಿ ಭಟ್ಕಳ ನಗರ ಠಾಣೆ ಪೊಲೀಸರು ಅವರನ್ನು ವಿಚಾರಣೆಗೆ ಕರೆದಿದ್ದರು. ವಿಚಾರಣೆ ನಡುವೆ ಶೌಚಾಲಯಕ್ಕೆ ಹೋಗುವುದಾಗಿ ಹೇಳಿದ ಪಾತಿಮಾ ಬಿ ಅಲ್ಲಿದ್ದ ಹಾರ್ಫಿಕ್ ಕುಡಿದರು. ಅಲ್ಲಿಯೇ ಕುಸಿದು ಬಿದ್ದ ಅವರನ್ನು ಪೊಲೀಸರು ನೋಡಿದ್ದು, ತಕ್ಷಣ ಆಸ್ಪತ್ರೆಗೆ ಸಾಗಿಸಿದರು. ಈ ಪ್ರಕರಣದಲ್ಲಿ ನಡೆದ ವಿಚಾರಣೆ ವೇಲೆ ದೂರುದಾರರು ಸಹ ಪೊಲೀಸ್ ಠಾಣೆಯಲ್ಲಿದ್ದರು. ದೂರುದಾರರು ಹಾಗೂ ಆರೋಪಿ ಮಹಿಳೆ ನಡುವೆ ಆಪ್ತ ಸಂಬAಧವಿದ್ದು, ದೂರುದಾರರನ್ನು ನೋಡಿದ ತಕ್ಷಣ ಮಹಿಳೆ ಕಂಗಾಲಾದರು. ವಿಚಲಿತರಾಗಿದ್ದ ಸನ್ನಿವೇಶ ಎದುರಿಸಲಾಗದೇ ಆತಂಕದಲ್ಲಿ ಪಾತಿಮಾ ಬಿ ಅವರು ಹಾರ್ಫಿಕ್ ಕುಡಿದರು. ಪೊಲೀಸರ ಸಮಯಪ್ರಜ್ಞೆ ಹಾಗೂ ವೈದ್ಯರ ನಿರಂತರ ಪ್ರಯತ್ನದಿಂದ ಹಾರ್ಫಿಕ್ ಕುಡಿದ ಮಹಿಳೆ ಆರೋಗ್ಯ ಚೇತರಿಸಿಕೊಂಡಿದೆ. ಪೊಲೀಸರು ಆ ಮಹಿಳೆ ಹೇಳಿಕೆಪಡೆದಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಮಕ್ಕಳಿಗೆ ಮೆಸೆಜ್ ಮಾಡುವುದೇ ಈ ಟೀಚರ್ ಕೆಲಸ!](https://mobiletime.in/2025/11/this-teachers-job-is-to-send-messages-to-the-children/): ಹೈಸ್ಕೂಲ್ ವಿದ್ಯಾರ್ಥಿನಿಯರನ್ನು ಪುಸಲಾಯಿಸಿ ಅವರ ಮೊಬೈಲ್ ಸಂಖ್ಯೆಪಡೆಯುತ್ತಿದ್ದ ಶಿಕ್ಷಕ ಕಿರಣ ಟೊಪೊಜಿ ಅವರಿಗೆ ಅಶ್ಲೀಲ ಮೆಸೆಜ್ ಮಾಡುತ್ತಿದ್ದ ಸಂಗತಿ ಹೊರಬಿದ್ದಿದೆ. ಮುಂಡಗೋಡಿನ ಖಾಸಗಿ ಶಿಕ್ಷಣ ಸಂಸ್ಥೆಯಲ್ಲಿ ಮುಡಸಾಲಿ ಗ್ರಾಮದ ಕಿರಣ ನಿಂಗಪ್ಪ ಟೊಪೊಜಿ ದೈಹಿಕ ಶಿಕ್ಷಕರಾಗಿದ್ದು, ಅಲ್ಲಿ ಅಪರಾತಪರಾ ನಡೆಸಿದ ಕಾರಣ ಸಂಸ್ಥೆಯವರು ಹೊರದಬ್ಬಿದ್ದರು. ಅದಾದ ನಂತರ ಕಿರಣ ಟಪೋಜಿ ಕರಗಿನಕೊಪ್ಪದ ಖಾಸಗಿ ಸಂಸ್ಥೆ ಬಾಗಿಲು ಬಡೆದಿದ್ದು ಆ ಶಿಕ್ಷಣ ಸಂಸ್ಥೆಯಲ್ಲಿಯೂ ತಮ್ಮ ಹಳೆ ಚಾಳಿ ಮುಂದುವರೆಸಿದ್ದರು. ಈಚೆಗೆ ವಿದ್ಯಾರ್ಥಿನಿಯೊಬ್ಬರ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ ಕಾರಣ ಪೊಲೀಸರು ಕಿರಣ ಟಪೋಜಿ ಅವರನ್ನು ಬಂಧಿಸಿದ್ದರು. ಅದಾದ ನಂತರ ಇನ್ನಷ್ಟು ಮಾಹಿತಿ ಬಹಿರಂಗವಾಗಿದೆ. ಅನೇಕ ಬಾಲಕಿಯರಿಗೆ ಕಿರಣ ಟಪೋಜಿ ಅಶ್ಲೀಲ ಮೆಸೆಜ್ ಮಾಡಿದ ಆರೋಪವ್ಯಕ್ತವಾಗಿದೆ. ಕೆಲ ವಿದ್ಯಾರ್ಥಿನಿಯರಿಗೆ ಪದೇ ಪದೇ ಫೋನ್ ಮಾಡಿಯೂ ಆ ಶಿಕ್ಷಕ ಕಾಡಿಸುತ್ತಿದ್ದ ವಿಚಾರ ಹೊರ ಬಿದ್ದಿದೆ. ಶಿಕ್ಷಕರೇ ವಿದ್ಯಾರ್ಥಿಗಳನ್ನು ತಪ್ಪು ದಾರಿಗೆಳೆದ ವಿಚಾರ ಪಾಲಕರ ಆತಂಕಕ್ಕೆ ಕಾರಣವಾಗಿದೆ.
- [ಅಬಕಾರಿ ಅಧಿಕಾರಿಗೆ ಸಿಕ್ಕಿತು ಅಕ್ರಮ ಮದ್ಯ](https://mobiletime.in/2025/11/excise-officer-found-illegal-liquor/): ಅಂಕೋಲಾದಲ್ಲಿ ಅಕ್ರಮ ಮದ್ಯ ಸಾಗಾಟ ನಡೆದಿರುವುದನ್ನು ಅಬಕಾರಿ ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ. ಹಟ್ಟಿಕೇರಿ ಟೋಲ್‌ಗೇಟ್ ಬಳಿ ಗೋವಾ ಸರಾಯಿ ಸಾಗಿಸುತ್ತಿದ್ದವರನ್ನು ಅಬಕಾರಿ ಸಿಬ್ಬಂದಿ ಹಿಡಿದಿದ್ದಾರೆ. ಸಿಲ್ವರ್ ಬಣ್ಣದ ಮಾರುತಿ ಸೆಲೆರಿಯೋ ಕಾರಿನಲ್ಲಿ ಅಕ್ರಮ ಮದ್ಯ ಸಾಗಾಟ ನಡೆದಿತ್ತು. ಸರ್ಕಾರಿ ಸಿಬ್ಬಂದಿ ಅದಕ್ಕೆ ಅಡ್ಡಲಾಗಿ ಕೈ ಮಾಡಿದರು. ಕರ್ನಾಟಕದಲ್ಲಿ ಮಾರಾಟಕ್ಕೆ ಅನುಮತಿ ಇಲ್ಲದ ಮದ್ಯದ ಬಾಟಲಿಗಳು ಆ ಕಾರಿನಲ್ಲಿದ್ದವು. ಹೀಗಾಗಿ ಅದೆಲ್ಲವನ್ನು ಅವರು ವಶಕ್ಕೆಪಡೆದರು. ಹಾಸನ ಜಿಲ್ಲೆಯ ವೈ ಬಿ ನಟರಾಜ್ ಆ ಕಾರು ಓಡಿಸುತ್ತಿದ್ದು, ಅವರನ್ನು ಸಹ ಅಬಕಾರಿ ಅಧಿಕಾರಿಗಳು ಬಂಧಿಸಿದರು. 5 ಲಕ್ಷ ರೂ ಮೌಲ್ಯದ ಕಾರಿನ ಜೊತೆ 24ಲೀಟರ್ ಮದ್ಯವನ್ನು ಜಪ್ತು ಮಾಡಿದರು. ಗೋವಾ ಮದ್ಯ ಸಾಗಾಟ ಹಾಗೂ ಮಾರಾಟ ಕಾನೂನುಬಾಹಿರ ಎಂದು ಅಬಕಾರಿ ಇಲಾಖೆಯವರು ಎಚ್ಚರಿಸಿದರು.
- [ಅಗ್ನಿ ಅವಘಡಕ್ಕೆ ಹೊಟೇಲ್ ನಾಶ](https://mobiletime.in/2025/11/hotel-destroyed-in-fire-accident/): ಜೊಯಿಡಾದ ರಾಮನಗರದಲ್ಲಿರುವ ಹೊಟೇಲಿಗೆ ಬೆಂಕಿ ತಗುಲಿದ್ದು, ಸಮೀರ ಗೌಡ ಅವರ ಮಾಲಕತ್ವದಲ್ಲಿದ್ದ ಸಾಮಗ್ರಿಗಳು ಸುಟ್ಟು ಕರಕಲಾಗಿದೆ. ವಿದ್ಯುತ್ ಶಾರ್ಟ ಸರ್ಕೀಟ್ ಅನಾಹುತಕ್ಕೆ ಕಾರಣ ಎಂಬ ಮಾಹಿತಿ ಸಿಕ್ಕಿದೆ. ರಾಮನಗರ-ಕಾರವಾರ ರಸ್ತೆಯಲ್ಲಿ ಸಮೀರ ಗೌಡ ಅವರು ಹೊಟೇಲ್ ನಡೆಸುತ್ತಿದ್ದರು. ಬುಧವಾರ ರಾತ್ರಿ ಈ ಹೊಟೇಲ್ ಹೊತ್ತಿ ಉರಿಯಿತು. ಹೊಟೇಲಿನ ಒಳಗೆ ಬೆಂಕಿ ಕಾಣಿಸಿಕೊಂಡಿದನ್ನು ನೋಡಿದ ಜನ ಸಮೀರ ಗೌಡ ಅವರಿಗೆ ಫೋನ್ ಮಾಡಿದರು. ಅವರು ಅಲ್ಲಿ ಬರುವುದರೊಳಗೆ ಹೊಟೇಲ್ ಸುಟ್ಟು ಕರಕಲಾಗಿತ್ತು. ಈ ಅಗ್ನಿ ಅವಘಡದಲ್ಲಿ ಲಕ್ಷಾಂತರ ರೂಪಾಯಿ ಮೌಲ್ಯದ ವಸ್ತುಗಳು ನಾಶವಾಗಿದೆ. ಸ್ಥಳೀಯರು ಬೆಂಕಿ ನಂದಿಸುವ ಪ್ರಯತ್ನ ಮಾಡಿದರೂ ಅದು ಸಾಧ್ಯವಾಗಿಲ್ಲ. ತಮಗಾದ ನಷ್ಟಕ್ಕೆ ಯೋಗ್ಯ ಪರಿಹಾರ ಸಿಗಬೇಕು ಎಂದು ಸಮೀರ ಗೌಡ ಅವರು ಆಗ್ರಹಿಸಿದರು.
- [ಮೂರು ವರ್ಷ ಕಳೆದರೂ ಬಾರದ ಅಡಿಕೆ ದುಡ್ಡು!](https://mobiletime.in/2025/11/the-areca-nut-money-that-hasnt-arrived-even-after-three-years/): ಬಿಹಾರಕ್ಕೆ ಅಡಿಕೆ ಕಳುಹಿಸಿದ ವ್ಯಾಪಾರಿಯೊಬ್ಬರಿಗೆ ಬಾರೀ ಪ್ರಮಾಣದಲ್ಲಿ ಮೋಸವಾಗಿದೆ. ಅಡಿಕೆ ಜೊತೆ ಕಾಳು ಮೆಣಸನ್ನು ತರಿಸಿಕೊಂಡವ ಅದರ ಕಾಸು ಕೊಡದೇ ಅನ್ಯಾಯ ಮಾಡಿದ್ದಾರೆ. ಶಿರಸಿಯ ಅಬ್ದುಲ್ ರೆಹಮಾನ್ ಮಜೀಬ್ ಅವರು ಅಡಿಕೆ, ಕಾಳು ಮೆಣಸು ವ್ಯಾಪಾರ ಮಾಡಿಕೊಂಡಿದ್ದಾರೆ. ಗ್ರಾಹಕರ ಬೇಡಿಕೆಗೆ ತಕ್ಕ ಹಾಗೇ ಅವರು ವಿಳ್ಯದೆಲೆ, ಏಲಕ್ಕಿಯನ್ನು ಪೂರೈಸುತ್ತಾರೆ. 2022ರಲ್ಲಿ ಬಿಹಾರದ ರಾಜು ಸುಲ್ತಾನಿಯಾ ಅವರು `ತಮಗೆ ಅಡಿಕೆ-ಕಾಳು ಮೆಣಸು ಬೇಕು’ ಎಂದು ಆರ್ಡರ್ ಮಾಡಿದ್ದರು. ಅದರ ಪ್ರಕಾರ ಅಬ್ದುಲ್ ಅವರು ಅದನ್ನು ಕಳುಹಿಸಿದ್ದರು. 2022ರ ಫೆಬ್ರವರಿಯಲ್ಲಿ ಪ್ರತಿ ಕ್ವಿಂಟಲ್ ಅಡಿಕೆಗೆ 30 ಸಾವಿರ ರೂ ದರದಲ್ಲಿ 13 ಕ್ವಿಂಟಲ್ ಅಡಿಕೆಯನ್ನು ಅಬ್ದುಲ್ ಅವರು ಬಿಹಾರಕ್ಕೆ ಕಳುಹಿಸಿದ್ದರು. ಅದಾದ ನಂತರ ಏಪ್ರಿಲ್ ತಿಂಗಳಿನಲ್ಲಿ 31500ರೂ ದರದಲ್ಲಿ 9 ಕ್ವಿಂಟಲ್ ರವಾನಿಸಿದ್ದರು. ಜೊತೆಗೆ 50 ಸಾವಿರ ರೂ ಮೌಲ್ಯದ 1.50 ಕೆಜಿ ಮೆಣಸನ್ನು ಕಳುಹಿಸಿದ್ದರು. ಜೂನ್ ಅವಧಿಯಲ್ಲಿ ಮತ್ತೆ 11 ಕ್ವಿಂಟಲ್ ಅಡಿಕೆಯನ್ನು ಎಂ ಎಲ್ ಪಿ ಎಲ್ ಟ್ರಾನ್ಸಪೋರ್ಟ ಮೂಲಕ ಕಳುಹಿಸಿದ್ದರು. ಪ್ರತಿ ಬಾರಿ ಸರಕು ಕಳುಹಿಸಿದಾಗಲೂ ರಾಜು ಸುಲ್ತಾನಿಯಾ ಅವರು `ಮುಂದಿನ ಬಾರಿ ಹಣ ಕೊಡುವೆ’ ಎನ್ನುತ್ತಿದ್ದರು. ಆದರೆ, ಆ ಹಣ ಮಾತ್ರ ಬರುತ್ತಿರಲಿಲ್ಲ. ಹೀಗಾಗಿ ಜೋರಾಗಿ ಮಾತನಾಡಿದಾಗ ಒಮ್ಮೆ 5.75 ಲಕ್ಷ ರೂ ಪಾವತಿ ಮಾಡಿದ್ದು, ಉಳಿದ 10 ಲಕ್ಷ ರೂಪಾಯಿಯನ್ನು ಈವರೆಗೂ ಕೊಡಲಿಲ್ಲ.
- [ಕಾಳಸಂತೆಯಲ್ಲಿ ಸಿಕ್ಕಿದ ಸರ್ಕಾರಿ ಅಕ್ಕಿ!](https://mobiletime.in/2025/11/government-rice-found-in-kalasante/): ಸರ್ಕಾರದಿಂದ ಬಡವರಿಗೆ ವಿತರಣೆಯಾಗಬೇಕಿದ್ದ ಅಕ್ಕಿಯನ್ನು ಆಟೋದಲ್ಲಿ ಕದ್ದು ಸಾಗಿಸಲಾಗುತ್ತಿದ್ದು, ಆಹಾರ ಶಿರಸ್ತೇದಾರರಾದ ದೀಪಕ ನಾಯ್ಕ ಅವರು ಅದನ್ನು ತಡೆದಿದ್ದಾರೆ. ಕಾರವಾರದ ಒಕ್ಕಲಕೇರಿ-ಬಿಣಗಾ ಹತ್ತಿರ ಅನುಮಾನಾಸ್ಪದ ರೀತಿಯಲ್ಲಿ ಆಟೋ ಸಂಚರಿಸುತ್ತಿತ್ತು. ಕಾರವಾರ ತಹಶೀಲ್ದಾರ್ ಕಚೇರಿಯ ಆಹಾರ ಶಿರಸ್ತೇದಾರರಾದ ದೀಪಕ ನಾಯ್ಕ ಅವರು ಆ ಆಟೋಗೆ ಅಡ್ಡಲಾಗಿ ಕೈ ಮಾಡಿದರು. ಅಧಿಕಾರಿಗಳನ್ನು ನೋಡಿದ ಆಟೋ ಚಾಲಕ ರಿಕ್ಷಾ ಅಲ್ಲಿಯೇ ಬಿಟ್ಟು ಓಡಿ ಹೋದರು. ಆ ಆಟೋ ಪರಿಶೀಲನೆ ಮಾಡಿದಾಗ ಅದರಲ್ಲಿ ಅಕ್ಕಿ ಮೂಟೆಗಳು ಸಿಕ್ಕಿದವು. ಆಹಾರ ಶಿರಸ್ತೇದಾರರಾದ ದೀಪಕ ಗಣಪತಿ ನಾಯ್ಕ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಅಂಕೋಲಾ ಬಾವಿಕೇರಿಯ ದಿನೇಶ ನಾರಾಯಣ ನಾಯ್ಕ ಅವರು 5 ಕ್ವಿಂಟಲ್ ಅಕ್ಕಿಯನ್ನು ಅನಧಿಕೃತವಾಗಿ ಸಾಗಿಸಿದ ಬಗ್ಗೆ ಅವರು ದೂರಿದರು. 18 ಸಾವಿರ ರೂ ಮೌಲ್ಯದ ಅಕ್ಕಿಯನ್ನು ಅವರು ವಶಕ್ಕೆಪಡೆದರು. ಆರೋಪಿಗಾಗಿ ಪೊಲೀಸರು ಶೋಧ ನಡೆಸಿದರು.
- [ಕಬ್ಬಿಣ ವ್ಯಾಪಾರ: ಬಾರ್ಗಿನ್ ಮಾಡಿದ ಗ್ರಾಹಕನಿಗೆ ಕಪಾಳಮೋಕ್ಷ!](https://mobiletime.in/2025/11/iron-trade-a-slap-in-the-face-to-a-customer-who-bargained/): ಕಬ್ಬಿಣ ಸಾಮಗ್ರಿ ವ್ಯಾಪಾರ ಮಳಿಗೆಗೆ ಹೋಗಿದ್ದ ಇಫರಾನ್ ಶೇಖ್ ಅವರು `ಕೆಜಿ ಕಬ್ಬಿಣದ ಮೇಲೆ 2 ರೂ ಕಡಿಮೆ ಮಾಡಿ’ ಎಂದಿದ್ದಾರೆ. ಇದರಿಂದ ಸಿಟ್ಟಾದ ಮಳಿಗೆ ಮಾಲಕ ಯಾಸಿನ್ ಬಿಳಗಿ ಅವರು ಗ್ರಾಹಕನ ಕೆನ್ನೆಗೆ ಬಾರಿಸಿದ್ದಾರೆ! ಶಿರಸಿಯ ರಾಮನಬೈಲಿನಲ್ಲಿ ಇಪರಾನ್ ಶೇಖ ಅವರು ವಾಸವಾಗಿದ್ದಾರೆ. ಅವರು ಸಹ ವ್ಯಾಪಾರಿಯಾಗಿದ್ದು, ಅಗತ್ಯ ಕಬ್ಬಿಣ ಖರೀದಿಗೆ ಅಲೆದಾಡುತ್ತಿದ್ದಾರೆ. ಹೀಗಿರುವಾಗ ನವೆಂಬರ್ 14ರಂದು ಅವರು ಕೆರೆಗುಂಡಿಯಲ್ಲಿರುವ ಯಾಸಿನ್ ಸ್ಟೀಲ್ ಅಂಗಡಿಗೆ ಹೋಗಿದ್ದರು. ಅಲ್ಲಿದ್ದ ಯಾಸಿನ್ ಬಿಳಗಿ ಅವರಲ್ಲಿ ಕಬ್ಬಿಣದ ರೇಟ್ ವಿಚಾರಿಸಿದ್ದರು. ಯಾಸಿನ್ ಬಿಳಗಿ ಅವರು `ಪ್ರತಿ ಕೆಜಿ ಕಬ್ಬಿಣಕ್ಕೆ 79ರೂ’ ಎಂದು ಹೇಳಿದ್ದಾರೆ. ಆಗ, ಇಪರಾನ್ ಶೇಖ ಅವರು `77ರೂ ಮಾಡಿ ಕೊಡಿ’ ಎಂದು ಮನವಿ ಮಾಡಿದ್ದಾರೆ. ಇದರಿಂದ ಸಿಟ್ಟಾದ ಯಾಸಿನ್ ಬಿಳಿಗಿ ಏಕಾಏಕಿ ಕೂಗಾಟ ನಡೆಸಿದ್ದಾರೆ. ಜೊತೆಗೆ ಇಫರಾನ್ ಶೇಖ್ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಈ ಅವಮಾನ ಸಹಿಸದ ಇಪರಾನ್ ಶೇಖ ಅವರು ಅದೇ ದಿನ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ತಮಗಾದ ಹಿಂಸೆಯ ಬಗ್ಗೆ ಶಿರಸಿ ಹೊಸ ಮಾರುಕಟ್ಟೆ ಠಾಣೆಯ ಪೊಲೀಸರಿಗೆ ವಿವರಿಸಿದ್ದಾರೆ. ಅದಾದ ನಂತರ ನ್ಯಾಯಾಲಯಕ್ಕೆ ಹೋಗಿ ಅನ್ಯಾಯದ ಬಗ್ಗೆ ತಿಳಿಸಿದ್ದು, ನ್ಯಾಯಾಲಯದ ಸೂಚನೆ ತಂದು ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.
- [RFO ವಿರುದ್ಧ ಆರೋಪ: ಪತ್ರ ಬರೆದ ದಂಪತಿ ಕಣ್ಮರೆ](https://mobiletime.in/2025/11/allegations-of-harassment-by-forest-officials-couple-who-wrote-letter-disappears/): ಮೇಲಾಧಿಕಾರಿಗಳ ಕಿರುಕುಳಕ್ಕೆ ಬೇಸತ್ತ ಸರ್ಕಾರಿ ವಾಹನ ಚಾಲಕರೊಬ್ಬರು ಪತ್ನಿ ಜೊತೆ ಪರಾರಿಯಾಗಿದ್ದಾರೆ. ಹೊರಡುವ ಮುನ್ನ ಅವರು ತಮಗಾದ ಅನ್ಯಾಯ ವಿವರಿಸಿ ಆತ್ಮಹತ್ಯೆಯ ಪತ್ರ ಬರೆದಿದ್ದಾರೆ. ಹೊನ್ನಾವರ ವಲಯ ಅರಣ್ಯಾಧಿಕಾರಿ ಕಚೇರಿಯಲ್ಲಿ ಮಂಜುನಾಥ ನಾಯ್ಕ ಅವರು ವಾಹನ ಚಾಲಕರಾಗಿದ್ದರು. ಅರಣ್ಯ ಅಧಿಕಾರಿಗಳ ಕಿರುಕುಳ ಸಹಿಸದೇ ಅವರು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಪತ್ರ ಬರೆದರು. ಆ ಪತ್ರಕ್ಕೆ ಅವರ ಪತ್ನಿ ವೀಣಾ ಪೂಜಾರಿ ಅವರು ಸಹಿ ಹಾಕಿದ್ದು, ಸದ್ಯ ಆ ದಂಪತಿ ಕಾಣುತ್ತಿಲ್ಲ. ಕೆರೆಕೋಣದ ಮಂಜುನಾಥ ಗಣಪತಿ ನಾಯ್ಕ ಅವರು ಕಳೆದ 30 ವರ್ಷಗಳಿಂದ ಗೇರುಸೊಪ್ಪ ವಲಯ ಅರಣ್ಯ ಇಲಾಖೆಯಲ್ಲಿ ದಿನಗೂಲಿ ನೌಕರರಾಗಿದ್ದಾರೆ. ಕಳೆದ ಒಂದೂವರೆ ವರ್ಷಗಳಿಂದ ಗೇರಸೊಪ್ಪಕ್ಕೆ ಕಾರ್ತಿಕ ಕಾಂಬ್ಳೆ ಅವರು ವಲಯ ಅರಣ್ಯಾಧಿಕಾರಿಯಾಗಿದ್ದು, ಅವರ ವಿರುದ್ಧ ವಾಹನ ಚಾಲಕ ಮಂಜುನಾಥ ನಾಯ್ಕ ಅವರು ಆರೋಪ ಮಾಡಿದ್ದಾರೆ. `ಚಾಲಕರಾಗಿರುವ ತಮಗೆ ಅಡುಗೆ ಕೆಲಸ ಮಾಡುವಂತೆ ಒತ್ತಡ ತರಲಾಗಿದೆ. ಅಡುಗೆ ಮಾಡಲು ಬರುವುದಿಲ್ಲ ಎಂದು ಹೇಳಿದರೂ ಬಿಡುತ್ತಿಲ್ಲ’ ಎಂಬುದು ಪತ್ರದ ಸಾರಾಂಶ. `ಡಿಎಫ್‌ಓ ಯೋಗೀಶ ಅವರ ಬಳಿ ಹೇಳಿದರೂ ಸಮಸ್ಯೆ ಬಗೆಹರಿದಿಲ್ಲ’ ಎಂದು ಪತ್ರದಲ್ಲಿ ಉಲ್ಲೇಖಿಸಿರುವ ಅವರು `ಪಿಸೈ ಆಗಿರುವ ಪತ್ನಿ ಮೂಲಕ ಸುಳ್ಳು ಪ್ರಕರಣ ದಾಖಲಿಸುವೆ’ ಎಂದು ಆರ್‌ಎಫ್‌ಓ ಕಾರ್ತಿಕ ಕಾಂಬ್ಳೆ ಬೆದರಿಸಿದ ಬಗ್ಗೆ ಉಲ್ಲೇಖಿಸಿದ್ದಾರೆ. `ಈ ಪತ್ರ ತಮಗೆ ತಲುಪುವಷ್ಟರಲ್ಲಿ ನಾವು ಜೀವಂತವಾಗಿರುವುದಿಲ್ಲ’ ಎಂದು ಅವರು ಬರೆದಿದ್ದು, ದಂಪತಿಗಾಗಿ ಹುಡುಕಾಟ ನಡೆದಿದೆ.
- [ಅಲ್ಲಿ ಮನೆ ಕಟ್ಟಿದವರೆಲ್ಲರೂ ಈತನಿಗೆ ದುಡ್ಡು ಕೊಡಬೇಕು!](https://mobiletime.in/2025/11/everyone-who-built-a-house-there-should-give-him-money/): `ಅತಿಕ್ರಮಣದಲ್ಲಿ ಮನೆ ಕಟ್ಟಿದವರು ತಮಗೆ 1 ಲಕ್ಷ ರೂ ಕೊಡಬೇಕು’ ಎಂದು ಯಲ್ಲಾಪುರದ ಅಮಿತ ಗಬ್ಬೂರ್ ಬಯಸುತ್ತಾರೆ. ಹೀಗಾಗಿ `ಹಣ ಕೊಡದೇ ಇದ್ದರೆ ಅರಣ್ಯ ಅಧಿಕಾರಿಗಳಿಗೆ ಅರ್ಜಿ ಕೊಡುವೆ’ ಎಂದು ಅವರು ಬೆದರಿಸುತ್ತಾರೆ! ಯಲ್ಲಾಪುರದ ಮಂಚಿಕೇರಿ ಬಳಿಯ ಜನತಾ ಕಾಲೋನಿಯಲ್ಲಿ ಅಮಿತ ಆಂಜಿನೇಯ ಗಬ್ಬೂರು (36) ಅವರು ವಾಸವಾಗಿದ್ದಾರೆ. ಅತಿಕ್ರಮಣದಲ್ಲಿ ಮನೆ ಮಾಡಿದ ಕಂಪ್ಲಿ ಸೂರ್ಯಮನೆಯ ಮಂಜುನಾಥ ನಾರಾಯಣ ಹೆಗಡೆ ಅವರಿಗೆ ಹಣ ಕೊಡುವಂತೆ ಅಮಿತ ಗಬ್ಬೂರು ಅವರು ಕಾಡಿಸುತ್ತಿದ್ದಾರೆ. `ಹಣ ಕೊಡದೇ ಇದ್ದರೆ ಕೊಲೆ ಮಾಡುವೆ’ ಎಂದೂ ಅವರು ಬೆದರಿಸಿದ್ದಾರೆ! ಮಂಜುನಾಥ ಹೆಗಡೆ ಅವರು ಹಾಸಣಗಿ ಸೊಸೈಟಿಯಲ್ಲಿ ಸ್ವಿಪರ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಅಲ್ಲಿ-ಇಲ್ಲಿ ಸಾಲ ಮಾಡಿ ಅವರು ತಮ್ಮ 54ನೇ ವಯಸ್ಸಿನಲ್ಲಿ ಒಂದು ಮನೆ ಕಟ್ಟಿಕೊಂಡಿದ್ದಾರೆ. ಆದರೆ, ಆ ಮನೆಯ ಮೇಲೆ ಕಣ್ಣಿಟ್ಟಿರುವ ಅಮಿತ ಗಬ್ಬೂರ್ ಅವರು `ಅರಣ್ಯ ಅಧಿಕಾರಿಗಳಿಗೆ ಅರ್ಜಿ ಹಾಕಿ ನಿಮ್ಮ ಮನೆ ಖುಲ್ಲಾ ಮಾಡಿಸುವೆ’ ಎಂದು ಹೆದರಿಸುತ್ತಿದ್ದಾರೆ. ನವೆಂಬರ್ 13ರಂದು ಸೊಸೈಟಿಗೆ ಬಂದ ಅಮಿತ ಗಬ್ಬೂರ್ ಅವರು `1 ಲಕ್ಷ ರೂ ಕೊಡಬೇಕು’ ಎಂದು ತಾಕೀತು ಮಾಡಿದ್ದಾರೆ. ನವೆಂಬರ್ 14ರಂದು ಸಹ ಸೊಸೈಟಿಗೆ ಬಂದು ಹಣದ ವಿಷಯ ಮಾತನಾಡಿದ್ದಾರೆ. `ಹಣ ಕೊಡುವುದಿಲ್ಲ’ ಎಂದು ಮಂಜುನಾಥ ಹೆಗಡೆ ಅವರು ಹೇಳಿದ್ದರಿಂದ ಇನ್ನಷ್ಟು ಬೆದರಿಕೆ ಒಡ್ಡಿದ್ದಾರೆ. `ನನ್ನ ಬಳಿ ಬಹಳ ಜನರಿದ್ದಾರೆ. ನಾನು ಹೇಳಿದ ಹಣ ಕೊಡದೇ ಇದ್ದರೆ ನಿನ್ನ ಎತ್ತಿ ಬಿಡುವೆ’ ಎಂದು ಹೆದರಿಸಿದ್ದಾರೆ. ಅಮಿತ ಗಬ್ಬೂರು ಅವರು ಮಂಜುನಾಥ ಹೆಗಡೆ ಅವರ ಜೊತೆ ಇನ್ನೂ ಅನೇಕರಿಗೆ ಬೆದರಿಸಿದ್ದಾರೆ. ಹಣಕ್ಕಾಗಿ ಪೀಡಿಸಿದ್ದಾರೆ. ಆದರೆ, ಅವರೆಲ್ಲರೂ ಕೇಳಿದಷ್ಟು ಹಣಕೊಟ್ಟು ಸುಮ್ಮನಾಗಿದ್ದಾರೆ. ಆದರೆ, ಹಣ ಕೊಡಲು ಒಪ್ಪದ ಮಂಜುನಾಥ ಹೆಗಡೆ ಧೈರ್ಯದಿಂದ ಪೊಲೀಸ್ ಮೊರೆ ಹೋಗಿದ್ದಾರೆ. ತಮಗಿರುವ ಬೆದರಿಕೆಯ ಬಗ್ಗೆ ವಿವರವಾದ ಮಾಹಿತಿ ನೀಡಿ ಅಮಿತ ಗಬ್ಬೂರು ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಪಿಸೈ ರಾಜಶೇಖರ ವಂದಲಿ ಅವರು ಕಾನೂನು ಕ್ರಮ ಜರುಗಿಸಿದ್ದಾರೆ. `ಹಪ್ತಾ ವಸೂಲಿದಾರರನ್ನು ಹಿಮ್ಮೆಟ್ಟಿಸಿ’  
- [ರಸ್ತೆ ಸರಿಯಾಗದಿದ್ದರೆ ಜಾತ್ರೆಯೂ ಇಲ್ಲ!](https://mobiletime.in/2025/11/if-the-road-is-not-in-good-condition-there-will-be-no-fair/): ರಾಜ್ಯದ ಪ್ರಸಿದ್ಧ ಉಳವಿ ಜಾತ್ರೆಗೆ ಬರುವ ಜನರಿಗೆ ಸಂಪರ್ಕ ರಸ್ತೆ ಹದಗೆಟ್ಟಿರುವುದೇ ದೊಡ್ಡ ಸಮಸ್ಯೆಯಾಗಿದೆ. ಹೀಗಾಗಿ `ರಸ್ತೆ ಸರಿ ಆಗದೇ ಇದ್ದರೆ ಜಾತ್ರೆಗೆ ಬರುವುದಿಲ್ಲ’ ಎಂದು ಉತ್ತರ ಕರ್ನಾಟಕ ಭಾಗದ ಭಕ್ತರು ಅಧಿಕಾರಿಗಳಿಗೆ ಎಚ್ಚರಿಸಿದ್ದಾರೆ. ಸಭೆ ಸಹಾಯಕ ಕಮಿಷನರ್ ಶ್ರವಣಕುಮಾರ್ ಅಧ್ಯಕ್ಷತೆಯಲ್ಲಿ ಉಳವಿಯಲ್ಲಿ ಜಾತ್ರೆಯ ಪೂರ್ವಭಾವಿ ಸಭೆ ನಡೆದಿದ್ದು, ರಸ್ತೆ ಅವ್ಯವಸ್ಥೆಗಳ ಬಗ್ಗೆ ಭಕ್ತರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಪೂರ್ವಭಾವಿ ಸಭೆಯಲ್ಲಿ ಈ ವಿಷಯ ಪ್ರಸ್ತಾಪಿಸುವುದಕ್ಕಾಗಿಯೇ ಉತ್ತರ ಕರ್ನಾಟಕ ಭಾಗದಿಂದ ಬಂದಿದ್ದ ಭಕ್ತರು ತಮ್ಮ ಆಕ್ರೋಶವ್ಯಕ್ತಪಡಿಸಿದ್ದು, ಇಡೀ ಸಭೆ ಗದ್ದಲದಿಂದ ಕೂಡಿತ್ತು. `ಫೋಟೋಲಿ-ಗುಂದ-ಉಳವಿ ರಸ್ತೆ, ಜೋಯಿಡಾ-ಕುಂಬಾರವಾಡಾ-ಉಳವಿ ರಸ್ತೆ, ದಾಂಡೇಲಿ-ಹಳಿಯಾಳ ರಸ್ತೆ ಸೇರಿದಂತೆ ಹಲವು ರಸ್ತೆಗಳು ಹೊಂಡಮಯವಾಗಿದೆ. ಇಲ್ಲಿ ಚಕ್ಕಡಿ ಗಾಡಿಯೂ ಓಡುವುದಿಲ್ಲ. ಟ್ರ‍್ಯಾಕ್ಟರ್ ಸಹ ಸಂಚರಿಸುವುದಿಲ್ಲ’ ಎಂದು ತಮ್ಮ ಆಕ್ರೋಶಹೊರಹಾಕಿದರು. `ರಸ್ತೆ ಸರಿಪಡಿಸದಿದ್ದರೆ ಈ ಬಾರಿ ಜಾತ್ರೆಗೆ ಬರುವುದಿಲ್ಲ’ ಎಂದು ಎಚ್ಚರಿಸಿದರು. ಈ ವೇಳೆ ಲೋಕೋಪಯೋಗಿ ಇಲಾಖೆಯ ಸಹಾಯಕ ಇಂಜಿನಿಯರ್ ಬಸವರಾಜ ಎಸ್ ಅವರು `ಡಿಸೆಂಬರ್ 15ರೊಳಗೆ ರಸ್ತೆ ಸರಿಪಡಿಸುವೆ’ ಎಂಬ ಭರವಸೆ ನೀಡಿದರು. ಉಳವಿ ಗ್ರಾಮ ಪಂಚಾಯತ್ ಅಧ್ಯಕ್ಷ ಮಂಜುನಾಥ ಮೋಕಾಶಿ ಅವರು ಭಕ್ತರಿಗೆ ಉತ್ತಮ ಕುಡಿಯುವ ನೀರಿನ ವ್ಯವಸ್ಥೆ ಕಲ್ಪಿಸುವ ಭರವಸೆ ನೀಡಿದರು. ಸ್ವಚ್ಛತೆಗಾಗಿ ಹೆಚ್ಚಿನ ಜನರನ್ನು ನೇಮಿಸಿಕೊಳ್ಳುವಂತೆ ಸಭೆಯಲ್ಲಿ ಸೂಚನೆ ಬಂದಿತು. ಡಿವೈಎಸ್ಪಿ ಶಿವಾನಂದ ಎಂ ಅವರು ಸಂಚಾರಿ ನಿಯಮಗಳ ಬಗ್ಗೆ ಮಾಹಿತಿ ನೀಡಿದರು. `ಅಪಘಾತ ತಪ್ಪಿಸಲು ವಾಹನಗಳು ಮತ್ತು ಚಕ್ಕಡಿಗಳಿಗೆ ರಿಫ್ಲೆಕ್ಟರ್ ಸ್ಟಿಕ್ಕರ್‌ಗಳನ್ನು ಹಾಕಬೇಕು’ ಎಂದವರು ಸೂಚಿಸಿದರು. ವಿಪ ಸದಸ್ಯ ಗಣಪತಿ ಉಳ್ವೇಕರ್, ತಹಶೀಲ್ದಾರ್ ಮಂಜುನಾಥ ಮೊನ್ನೋಳಿ ಇನ್ನಿತರರು ಸಭೆಯಲ್ಲಿದ್ದರು.
- [ಏಳು ವರ್ಷದ ಪ್ರೀತಿಗೆ ಲಕ್ಷ ರೂಪಾಯಿ!](https://mobiletime.in/2025/11/one-lakh-rupees-for-seven-years-of-love/): ಶಿರಸಿಯ ಮುಂಸಜೆ ಭಟ್ಟ ಹಾಗೂ ಅಂಕೋಲಾದ ಸ್ವದೇಶಿ ಗಾಂವ್ಕರ್ (ಹೆಸರು ಬದಲಿಸಿದೆ) ಅವರು ಏಳು ವರ್ಷಗಳಿಂದ ಪ್ರೀತಿಸುತ್ತಿದ್ದು, ಮೂರನೇ ವ್ಯಕ್ತಿಯ ಮದ್ಯಸ್ಥಿಕೆಯಿಂದ ಆ ಪ್ರೀತಿ ಮೂರು ವರ್ಷದ ಹಿಂದೆ ಮುರಿದು ಬಿದ್ದಿದೆ. ಆ ವೇಳೆ ನಡೆದ ಹಣಕಾಸು ಮಾತುಕಥೆ ಈವರೆಗೂ ಈಡೇರದ ಕಾರಣ ಮುಸ್ಸಂಜೆ ಭಟ್ಟ ಅವರು ಸ್ವದೇಶಿ ಗಾಂವ್ಕರ್ ವಿರುದ್ಧ ಬೈದು-ಬೆದರಿಕೆ ಒಡ್ಡಿದ ಆರೋಪದ ಅಡಿ ದೂರು ದಾಖಲಿಸಿದ್ದಾರೆ. ಮುಸ್ಸಂಜೆ ಭಟ್ಟ ಹಾಗೂ ಸ್ವದೇಶಿ ಗಾಂವ್ಕರ್ ಪರಸ್ಪರ ಪ್ರೀತಿಸುತ್ತಿದ್ದರು. ಆ ಅವಧಿಯಲ್ಲಿ `ನೀನೇ ನನ್ನ ಜೀವ.. ನೀನೇ ನನ್ನ ಪ್ರಾಣ’ ಎನ್ನುವಷ್ಟರ ಮಟ್ಟಿಗೆ ಅವರಿಬ್ಬರು ಅಂಟಿಕೊoಡಿದ್ದರು. ಇದಕ್ಕೆ ಸಾಕ್ಷಿಯಾಗಿ ಸಾವಿರಾರು ಸಂಖ್ಯೆಯ ವಾಟ್ಸಪ್ ಮೆಸೆಜ್ ವಿನಿಮಯವಾಗಿತ್ತು. ಊರು-ಕೇರಿ-ಜಾತ್ರೆ ಎಂದು ಎಲ್ಲಾ ಕಡೆ ಅವರಿಬ್ಬರು ಸುತ್ತಾಟ ನಡೆಸಿದ್ದರು. ಕಾಲೇಜು ಮುಗಿದ ನಂತರ ಮುಸ್ಸಂಜೆ ಭಟ್ಟ ಅವರಿಗೆ ಅವರ ಬಾವನ ಕಂಪನಿಯಲ್ಲಿಯೇ `ಅಡಿಕೆ’ ಲೆಕ್ಕ ಮಾಡುವ ಉದ್ಯೋಗ ಸಿಕ್ಕಿತು. ಈ ವೇಳೆ ನಾದಿನಿಯ ಪ್ರೀತಿ ವಿಷಯ ಅರಿತ ಬಾವ ರಾವಣ ಹೆಗಡೆ (ಹೆಸರು ಬದಲಿಸಿದೆ) ಸ್ವದೇಶಿ ಗಾಂವ್ಕರ್ ಅವರಿಗೆ ಮೆಸೆಜ್ ಮಾಡಿದರು. ಅವರಿಬ್ಬರ ಪ್ರೀತಿಗೆ ರಾವಣ ಬಾವ ಬೆಲೆ ಕಟ್ಟಿದ್ದರು. ಆ ಅವಧಿಯಲ್ಲಿ ಪ್ರೀತಿಸಿದ ಹುಡುಗಿಗಾಗಿ ಏನು ಬೇಕಾದರೂ ಮಾಡಲು ಸಿದ್ಧವಿದ್ದ ಸ್ವದೇಶಿ ಗಾಂವ್ಕರ್ ಅವರು ಅನಗತ್ಯವಾಗಿ ಮೂರನೇ ವ್ಯಕ್ತಿಗಾಗಿ ಖರ್ಚು ಮಾಡಲು ಸಿದ್ಧವಿರಲಿಲ್ಲ. ಅದಾಗಿಯೂ, ಒಂದಷ್ಟು ಹಣ ಕೊಟ್ಟು ಪ್ರಕರಣ ಮುಗಿಸಲು ಸ್ವದೇಶಿ ಗಾಂವ್ಕರ್ ಅವರು ಒಪ್ಪಿದ್ದರು. ಹಣ ಕೊಡಲು ಸಮಯವನ್ನು ಬೇಡಿದ್ದರು. ಆದರೆ, ಆ ಹಣ ಕೊಟ್ಟರೂ ಆ ರಾವಣ ಬಾವ ನಾಟಕನ ನಾಟಕ ಅಲ್ಲಿಗೆ ಮುಗಿಯುವ ಸಾಧ್ಯತೆಗಳಿರಲಿಲ್ಲ. ಹೀಗಾಗಿ ಸ್ವದೇಶಿ ಗಾಂವ್ಕರ್ ಅವರು ಹಣ ಕೊಡಲು ನಿಧಾನ ಮಾಡಿದರು. ಇದರಿಂದ ಸಿಟ್ಟಾದ ಆ ರಾವಣ ಬಾವ ತಮ್ಮ ಪ್ರಭಾವ ಬಳಸಿ ಮುಸ್ಸಂಜೆ ಭಟ್ಟ ಅವರಿಂದಲೇ ಹಣಕ್ಕೆ ಬೇಡಿಕೆಯಿಟ್ಟರು. ಬಾವನ ಕುಮ್ಮಕ್ಕಿನಿಂದ ದೊಡ್ಡ ಪ್ರಮಾಣದ ಹಣ ಬೇಡುತ್ತಿರುವುದನ್ನು ಅರಿತ ಸ್ವದೇಶಿ ಗಾಂವ್ಕರ್ ಅವರು ಆ ವೇಳೆ ಕಾಸು ಕೊಡಲಿಲ್ಲ. `ನೀನು ಕೇಳಿದರೂ ಆತ ಹಣ ಕೊಡಲಿಲ್ಲ’ ಎಂಬುದನ್ನೇ ರಾವಣ ಬಾವ ಮುಸ್ಸಂಜೆ ಭಟ್ಟ ಅವರ ತಲೆಗೆ ತುಂಬಿದರು. ಇದನ್ನೆ ನೆಪವನ್ನಾಗಿಸಿಕೊಂಡು ಅವರಿಬ್ಬರ ನಡುವೆ ಬಿರುಕು ಮೂಡಿಸಿದರು. ಮುಸ್ಸಂಜೆ ಭಟ್ಟ ಅವರ ತಲೆತಿರುಗಿಸಿ ಅವರಿಬ್ಬರ ಸಂಪರ್ಕ ಕಡಿತಗೊಳಿಸಿದರು. ಹೀಗಾಗಿ ಮೂರು ವರ್ಷಗಳಿಂದ ಸ್ವದೇಶಿ ಗಾಂವ್ಕರ್ ಹಾಗೂ ಮುಸ್ಸಂಜೆ ಭಟ್ಟ ಅವರ ನಡುವೆ ಮಾತುಕಥೆ ಇರಲಿಲ್ಲ. ಪರಸ್ಪರ ಭೇಟಿಯೂ ಆಗಿರಲಿಲ್ಲ. ಅದಾಗಿಯೂ, ಹಳೆಯ ಹಣ ಕೊಡುವಂತೆ ರಾವಣ ಬಾವ ದುಂಬಾಲು ಬಿದ್ದು ಸ್ವದೇಶಿ ಗಾಂವ್ಕರ್ ಅವರಿಗೆ ಪದೇ ಪದೇ ವಾಟ್ಸಪ್ ಮೆಸೆಜ್ ಮಾಡುತ್ತಿದ್ದರು. ಹಣ ಕೊಡದ ಕಾರಣ ಸ್ವದೇಶಿ ಗಾಂವ್ಕರ್ ಅವರ ಮನೆಗೆ ಹೋಗಿ ಅವರ ತಂದೆಗೂ ಬೆದರಿಕೆ ಒಡ್ಡಿದ್ದರು. ಆ ವೇಳೆ ನಡೆದ ಗಲಾಟೆ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದರೂ ರಾಜಿ ಸಂದಾನದ ಮೂಲಕ ಕೊನೆಯಾಗಿತ್ತು. ಈ ಮೂರು ವರ್ಷದ ಅವಧಿಯಲ್ಲಿ ಸ್ವದೇಶಿ ಗಾಂವ್ಕರ್  ಅವರು ಮುಸ್ಸಂಜೆ ಭಟ್ಟ ಸಂಪರ್ಕದಲ್ಲಿರಲಿಲ್ಲ. ಆದರೆ, ಹಳೆಯ ಬಾಕಿ ಬರುವುದನ್ನು ರಾವಣ ಬಾವ ಮರೆತಿರಲಿಲ್ಲ. ಅದಾಗಿ ಮೂರು ವರ್ಷದ ನಂತರ ರಾವಣ ಬಾವನಿಗೆ ಹಳೆಯದೆಲ್ಲವೂ ನೆನಪಾಯಿತು. ಮತ್ತೆ ಮುಸ್ಸಂಜೆ ಭಟ್ಟ ಅವರನ್ನು ಮುಂದೆ ಮಾಡಿ, ತಮ್ಮ ಅಡಿಕೆ ಅಂಗಡಿಯ ಮುಂದೆ ಗಲಾಟೆ ನಡೆದ ಕಾಲ್ಪನಿಕ ಕಥೆ ಕಟ್ಟಿದರು. ಸ್ವದೇಶಿ ಗಾಂವ್ಕರ್ ಅವರ ಪ್ರಕಾರ, ಅವರು ಕಳೆದ 8 ತಿಂಗಳಿನಿoದ ಶಿರಸಿಗೆ ಬಂದಿರಲಿಲ್ಲ. ಆದರೆ, ದಾಖಲಾದ ಪ್ರಕರಣದಲ್ಲಿ ಸೆಪ್ಟೆಂಬರ್ 13ರಂದು ಸ್ವದೇಶಿ ಗಾಂವ್ಕರ್ ಅವರು ಶಿರಸಿಗೆ ಬಂದು ಮುಸ್ಸಂಜೆ ಭಟ್ಟ ಅವರಿಗೆ ಬೆದರಿಕೆ ಒಡ್ಡಿದ ಬಗ್ಗೆ ದೂರಲಾಗಿತ್ತು. ಈ ಎಲ್ಲಾ ವಿಷಯಗಳ ಬಗ್ಗೆ ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಸ್ವದೇಶಿ ಗಾಂವ್ಕರ್ ವಿವರಿಸಿದ್ದು, ಮುರಿದು ಬಿದ್ದ ಪ್ರೀತಿ-ಪ್ರೇಮದ ಸಾಕ್ಷಿಯ ಸಂದೇಶ ಕಾಣಿಸಿದರು. ರಾವಣ ಬಾವನ ಹಣ ಬೇಡಿಕೆಯ ವಾಟ್ಸಪ್ ಮೆಸೆಜನ್ನು ಬಹಿರಂಗಪಡಿಸಿದರು.
- [ಜನಮೆಚ್ಚಿದ ಶಿಕ್ಷಕ ಇದೀಗ ಕನ್ನಡದ ಕಣ್ಮಣಿ!](https://mobiletime.in/2025/11/the-beloved-teacher-is-now-the-darling-kannada/): ರಾಜ್ಯಮಟ್ಟದ ಸಂಪನ್ಮೂಲ ವ್ಯಕ್ತಿಯಾಗಿರುವ ಶಿಕ್ಷಕ ಗುಡ್ಡಪ್ಪ ಎಮ್ ಎಚ್ ಅವರಿಗೆ `ಕನ್ನಡ ಕಣ್ಮಣಿ’ ಪ್ರಶಸ್ತಿ ಸಿಕ್ಕಿದೆ. ಗುಡ್ಡಪ್ಪ ಎಮ್ ಎಚ್ ಅವರು ಭಟ್ಕಳ ತೆರ್ನಮಕ್ಕಿಯ ಕರ್ನಾಟಕ ಪಬ್ಲಿಕ್ ಸ್ಕೂಲಿನಲ್ಲಿ ಶಿಕ್ಷಕರಾಗಿದ್ದಾರೆ. ಮಕ್ಕಳ ಮನಸ್ಸು ಅರ್ಥ ಮಾಡಿಕೊಂಡು ಪಾಠ ಮಾಡುವ ಪ್ರವೃತ್ತಿಯಿಂದ ಅವರು ಪ್ರಸಿದ್ಧಿಪಡೆದಿದ್ದಾರೆ. ಕನ್ನಡ ನಾಡು-ನುಡಿಯ ಬಗ್ಗೆ ಅವರಿಗೆ ಅಪಾರ ಕಾಳಜಿಯಿದ್ದು, ಇದನ್ನು ಬೆಂಗಳೂರಿನ ನವಭಾರತ ಉದಯ ಪ್ರತಿಷ್ಠಾನದವರು ಗುರುತಿಸಿದ್ದಾರೆ. ಈ ಹಿನ್ನಲೆ ಗುಡ್ಡಪ್ಪ ಎಮ್ ಎಚ್ ಅವರಿಗೆ `ಕನ್ನಡ ಕಣ್ಮಣಿ’ ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ. ಬೆಂಗಳೂರಿನ ಮೂಡಲಪಾಳ್ಯದಲ್ಲಿರುವ ಜ್ಞಾನ ಸೌಧದಲ್ಲಿ ನವಭಾರತ ಉದಯ ಪ್ರತಿಷ್ಠಾನದವರು ಆಯೋಜಿಸಿದ ಭವ್ಯ ಸಮಾರಂಭದಲ್ಲಿ `ಕನ್ನಡ ಕಣ್ಮಣಿ’ ಪ್ರಶಸ್ತಿ ವಿತರಣೆ ನಡೆದಿದೆ. ಪ್ರಶಸ್ತಿ ವಿತರಿಸಿ ಮಾತನಾಡಿದ ಸಾಹಿತಿ ಡಿ ಎ ಲಕ್ಮೀನಾಥ ಅವರು `ಕನ್ನಡ ನಾಡು-ನುಡಿ ಭಾಷೆ ರಕ್ಷಿಸಿ ಅದನ್ನು ಕಟ್ಟಿ ಬೆಳೆಸಿದವರಲ್ಲಿ ಶಿಕ್ಷಕರ ಕೊಡುಗೆ ಅಪಾರ. ಅದರಲ್ಲಿಯೂ ಗುಡ್ಡಪ್ಪ ಅವರ ಸೇವೆ ನಾಡಿಗೆ ಹೆಮ್ಮೆ’ ಎಂದು ಹೇಳಿದರು. ಪ್ರಮುಖರಾದ ಪಿ ಶ್ರೀಧರ, ವಾದಿರಾಜ ,ಗೋವಿಂದ ರಾಜ್, ಜೋಗಿಲ್ ಸಿದ್ದರಾಜ, ಹರಿಶಕುಮಾರ್, ಪ್ರೀಯಾ ಶಿವಕುಮಾರ್ ವೇದಿಕೆಯಲ್ಲಿದ್ದರು. ಉತ್ತರ ಕನ್ನಡ ಜಿಲ್ಲಾ ಕನ್ನಡ ಶಿಕ್ಷಕರ ಬಳಗದವರು ಗುಡ್ಡಪ್ಪ ಅವರಿಗೆ ಶುಭ ಕೋರಿದರು.
- [2025 ನವೆಂಬರ್ 27ರ ದಿನ ಭವಿಷ್ಯ](https://mobiletime.in/2025/11/prediction-for-november-27-2025/): ಮೇಷ ರಾಶಿ: ನಿಮ್ಮ ಕೆಲಸ ಸರಾಗವಾಗಿ ಸಾಗಲಿದೆ. ಹೊಸ ಅವಕಾಶಗಳು ಸಿಗಲಿದ್ದು, ಅದನ್ನು ಸರಿಯಾಗಿ ಬಳಸಿಕೊಳ್ಳಿ. ಆರ್ಥಿಕ ಲಾಭ ಸಿಗಲಿದೆ. ವೃಷಭ ರಾಶಿ: ನಿಮ್ಮ ಮನಸ್ಸನ್ನು ಹಗುರವಾಗಿರಿಸಿಕೊಳ್ಳಿ. ಕಾರ್ಯಕ್ಷೇತ್ರದಲ್ಲಿನ ಸಮಸ್ಯೆಗಳನ್ನು ಚಿಂತನೆ ಮೂಲಕ ಪರಿಹಾರ ಕಂಡುಕೊಳ್ಳಿ. ಕುಟುಂಬದ ಬೆಂಬಲದಿoದ ಯಶಸ್ಸು ಸಿಗಲಿದೆ. ಮಿಥುನ ರಾಶಿ: ಹೊಸ ವಿಚಾರಗಳಿಗೆ ಮನಸ್ಸು ತೆರೆದುಕೊಳ್ಳಿ. ಓದು ಮತ್ತು ಸಂಶೋಧನೆ ಫಲಕಾರಿಯಾಗುತ್ತದೆ. ಆರ್ಥಿಕ ಆಸಕ್ತಿಗಳ ಬಗ್ಗೆ ಜಾಗೃತಿ ಇರಲಿ. ಹೂಡಿಕೆಗೆ ಒಳ್ಳೆಯ ದಿನ ಅಲ್ಲ. ಕರ್ಕ ರಾಶಿ: ಪರಸ್ಪರ ಸಹಕಾರ ತುಂಬಾ ಮುಖ್ಯವಾಗಲಿದೆ. ದೀರ್ಘಾವಧಿ ಯೋಜನೆಗಳಿಗೆ ಆರಂಭದ ದಿನ. ಆರೋಗ್ಯದಲ್ಲಿ ಚಿಕ್ಕ ಮಟ್ಟದ ಜಾಗೃತಿ ಸಿಗಲಿದೆ. ಸಿಂಹ ರಾಶಿ: ಕೌಟುಂಬಿಕ ಸಭೆಗಳಿಂದ ನಿಮ್ಮ ಸ್ಥಾನ ಎತ್ತರಕ್ಕೆ ಏರಲಿದೆ. ಉದ್ಯೋಗದಲ್ಲಿ ಹೊಸ ಬಿರುದು ಸಿಗುವ ಲಕ್ಷಣವಿದೆ. ನಿಮ್ಮ ನೆರವಿಗೆ ಸದಾ ಸ್ನೇಹಿತರು ಸಿಗಲಿದ್ದಾರೆ. ಕನ್ಯಾ ರಾಶಿ: ನಿಮ್ಮ ಧೈರ್ಯ, ಶ್ರಮ ನಿರೀಕ್ಷಿತ ಫಲ ತರುತ್ತದೆ. ಹಣಕಾಸು ನಿರ್ವಹಣೆ ಸೂತ್ರಬದ್ಧವಾಗಿರಲಿ. ವ್ಯವಹಾರಗಳಲ್ಲಿ ನವೀನತೆಯ ಹಾದಿ ತೆರೆಯಿರಿ. ಆರೋಗ್ಯದ ಕಡೆ ಹೆಚ್ಚು ಗಮನಕೊಡಿ. ತುಲಾ ರಾಶಿ: ಇಂದಿನ ದಿನ ನಿಮಗೆ ಸಂತೋಷ ತಂದೊಡುತ್ತದೆ. ಆಪ್ತರ ಸಲಹೆ ಅನುಸರಿಸಿ ಕೆಲಸದಲ್ಲಿ ಅಭಿವೃದ್ಧಿ ಸಾಧ್ಯವಿದೆ. ನಿಮ್ಮ ಮನಸ್ಸು ಸ್ಥಿರವಾಗಿರಲಿ. ವೃಶ್ಚಿಕ ರಾಶಿ: ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಜ್ಞಾನಾಭಿವೃದ್ಧಿಗೆ ಅವಕಾಶ ಸಿಗುತ್ತದೆ. ಪ್ರೀತಿ ಮತ್ತು ಸ್ನೇಹದಲ್ಲಿ ನವಚೈತನ್ಯ ಸಾಧ್ಯವಿದೆ. ಆರ್ಥಿಕ ತಿರುವುಗಳ ಮೂಲಕ ಲಾಭ ಬರಲಿದೆ. ಧನು ರಾಶಿ: ಪ್ರಯಾಣ ಮತ್ತು ಹೊಸ ಯೋಜನೆಗಳಿಗೆ ಉತ್ತಮ ಸಮಯ. ಮನಸ್ಸಿನ ನಿಶ್ಚಲತೆ ನಿಮಗೆ ಶಕ್ತಿ ನೀಡುತ್ತದೆ. ಸಂವಹನ ಕಲೆಯಲ್ಲೂ ಮುಂದುವರಿಕೆ ಸಾಧ್ಯವಿದೆ. ಅಧಿಕಾರಿಗಳ ಸಹಕಾರ ದೊರೆಯುತ್ತದೆ. ಮಕರ ರಾಶಿ: ಹೊಸ ಮಾರುಕಟ್ಟೆ ಕೆಲಸಗಳು ನಿಮಗೆ ಪ್ರಯೋಜನಕಾರಿ. ಯೋಜನೆಗಳನ್ನು ವಿಸ್ತರಿಸಲು ಸಾಧ್ಯವಿದೆ. ಆದಾಯದಲ್ಲಿ ಸತತ ಪ್ರಗತಿ ಸಿಗಲಿದೆ. ಸಹೋದ್ಯೋಗಿಗಳಲ್ಲಿ ಸಹಕಾರ ಹೆಚ್ಚಾಗಲಿದೆ. ಕುಂಭ ರಾಶಿ: ಸೃಜನಾತ್ಮಕ ಕಲೆಗೆ ಬೆಲೆ ಸಿಗಲಿದೆ. ಹೊಸ ಕಲಿಕೆಗಳಿಗೆ ಅವಕಾಶ ಸಿಗಲಿದೆ. ಸಂಬoಧಗಳಲ್ಲಿ ಸಮಾಧಾನವಿರಲಿದೆ. ಆರೋಗ್ಯದಿಂದ ಒತ್ತಡ ತಪ್ಪಿಸಿ. ಮೀನ ರಾಶಿ: ಆಧ್ಯಾತ್ಮಿಕ ಚಿಂತನೆ ಮತ್ತು ಧ್ಯಾನ ನಿಮಗೆ ಶಾಂತಿ ನೀಡುತ್ತದೆ. ಕಾರ್ಯಕ್ಷೇತ್ರದಲ್ಲಿ ಹೊಸ ಪ್ರೇರಣೆ ಆಗಲಿದೆ. ಹಣಕಾಸಿನ ವಿಷಯದ ಬಗ್ಗೆ ಜಾಸ್ತಿ ಚಿಂತೆ ಮಾಡಬೇಡಿ. ಮನಸ್ಸು ಆಹ್ಲಾದಕರವಾಗಿರುವ ಕೆಲಸ ಮಾಡಿ.
- [ಕಬ್ಬು ಸಾಗಿಸುತ್ತಿದ್ದ ಟಾಕ್ಟರ್ ಪಲ್ಟಿ](https://mobiletime.in/2025/11/tractor-carrying-sugarcane-overturns/): ಹಳಿಯಾಳ ಪಟ್ಟಣದಲ್ಲಿ ಕಬ್ಬು ತುಂಬಿದ ಟಾಕ್ಟರ್ ಪಲ್ಟಿಯಾಗಿದ್ದರಿಂದ ಇನ್ನಿತರ ವಾಹನಗಳ ಸಂಚಾರಕ್ಕೆ ತೊಂದರೆಯಾಗಿದೆ. ಟಾಕ್ಟರ್ ಟ್ರಾಲಿ ಮೀರಿ ಕಬ್ಬು ತುಂಬಿರುವುದು ಈ ಅವಘಡಕ್ಕೆ ಕಾರಣವಾಗಿದೆ. ಹಳಿಯಾಳ ಪಟ್ಟಣದ ಶಿವಾಜಿ ವೃತ್ತದಿಂದ ಸಕ್ಕರೆ ಕಾರ್ಖಾನೆಗೆ ತೆರಳುವ ಮಾರ್ಗದಲ್ಲಿ ಈ ಅವಘಡ ನಡೆದಿದೆ. ಕಬ್ಬಿನ ವಾಹನಗಳ ದಟ್ಟಣೆಯಿಂದಾಗಿ ಇಲ್ಲಿ ಟ್ರಾಫಿಕ್ ಸಮಸ್ಯೆ ಹೆಚ್ಚಾಗಿದೆ. ರಾತ್ರಿ ವೇಳೆ ಅವಘಡ ನಡೆದ ಪರಿಣಾಮ ಸಾವು-ನೋವು ಸಂಭವಿಸಿಲ್ಲ. ಅದಾಗಿಯೂ ವಾಹನ ಸಂಚಾರಕ್ಕೆ ಸಾಧ್ಯವಾಗದೇ ಜನ ಸಮಸ್ಯೆ ಅನುಭವಿಸಿದ್ದಾರೆ. `ಸಕ್ಕರೆ ಕಾರ್ಖಾನೆಯವರ ಕುಮ್ಮಕ್ಕಿನಿಂದಲೇ ಟ್ರಾಫಿಕ್ ಜಾಮ್ ಸಮಸ್ಯೆಯು ತಲೆ ಎತ್ತಿದೆ. ಕಾರ್ಖಾನೆ ಹೊರಗೆ ತೂಕದ ಯಂತ್ರ ಸ್ಥಾಪನೆಗೆ ಒತ್ತಾಯಿಸದ ಕಾರಣ ಕಾರ್ಖಾನೆಯವರು ತಮ್ಮ ಹುಳುಕು ಮುಚ್ಚಿಕೊಳ್ಳಲು ಕೃತಕ ಟ್ರಾಫಿಕ್ ಜಾಮ್ ಹುನ್ನಾರ ನಡೆಸಿದ್ದಾರೆ. ಕಾರ್ಖಾನೆ ನೀಲನಕ್ಷೆ ಪ್ರಕಾರ ವಾಹನ ನಿಲುಗಡೆಗೆ ಸ್ಥಳ ಕೊಡಬೇಕು’ ಎಂದು ಕಬ್ಬು ಬೆಳೆಗಾರರ ಹಿತಸಂರಕ್ಷಣಾ ಸಮಿತಿ ಅಧ್ಯಕ್ಷ ನಾಗೇಂದ್ರ ಜಿವೋಜಿ ಆಗ್ರಹಿಸಿದ್ದಾರೆ.  
- [ಕಳ್ಳನ ಹುಡುಕಿದ ಪೊಲೀಸರಿಗೆ ಸಿಕ್ಕಿದ್ದು ಗಾಂಜಾ ವ್ಯಾಪಾರಿ!](https://mobiletime.in/2025/11/police-searching-for-thief-find-marijuana-dealer/): ರಾಜಸ್ಥಾನದ ರತನ್ ಶರ್ಮಾ ಯಲ್ಲಾಪುರದ ಹಾಸಣಗಿಯಲ್ಲಿ ವಾಸವಾಗಿದ್ದು, ಗಾಂಜಾ ಸರಬರಾಜು ಮಾಡುವುದನ್ನೇ ಕಾಯಕವನ್ನಾಗಿಸಿಕೊಂಡಿದ್ದಾರೆ. ಮಾದಕ ವ್ಯಸನ ಮಾರಾಟ ಮಾಡಿ ಈ ಹಿಂದೆ ಎರಡು ಬಾರಿ ಸಿಕ್ಕಿಬಿದ್ದಿದ್ದ ರತನ್ ಶರ್ಮಾ ಬುಧವಾರ ಮತ್ತೆ ಸಿಕ್ಕಿಬಿದ್ದಿದ್ದಾರೆ. ಯಲ್ಲಾಪುರದ ಮಂಚಿಕೇರಿ-ಉಮ್ಮಚ್ಗಿ ಭಾಗದಲ್ಲಿ ವ್ಯಾಪಕ ಪ್ರಮಾಣದಲ್ಲಿ ಕಳ್ಳತನ ಪ್ರಕರಣಗಳು ನಡೆಯುತ್ತಿದೆ. ಆ ಕಳ್ಳರ ಪತ್ತೆಗಾಗಿ ಪೊಲೀಸರು ತಲೆಕೆಡಿಸಿಕೊಂಡಿದ್ದು,ಬುಧವಾರ ಯಲ್ಲಾಪುರ ಪಿಸೈ ರಾಜಶೇಖರ ವಂದಲಿ ಅವರು ವಿವಿಧ ವಾಹನಗಳ ತಪಾಸಣೆ ನಡೆಸುತ್ತಿದ್ದರು. ಯಲ್ಲಾಪುರ ಎಪಿಎಂಸಿ ಬಳಿ ಅವರು ವಾಹನ ತಪಾಸಣೆ ನಡೆಸುತ್ತಿರುವಾಗ ರತನ್ ಶರ್ಮಾ ಬೈಕ್ ಮೇಲೆ ಅಲ್ಲಿಗೆ ಬಂದರು. ಪೊಲೀಸರನ್ನು ಕಂಡ ಕೂಡಲೇ ಬೈಕ್ ತಿರುಗಿಸಿ ಪರಾರಿಯಾಗುವ ಪ್ರಯತ್ನ ಮಾಡಿದರು. ಪಿಸೈ ರಾಜಶೇಖರ ವಂದಲಿ ಅವರ ಜೊತೆಗಿದ್ದ ಮಂಚಿಕೇರಿ ಹೊರಠಾಣೆ ಹವಲ್ದಾರ್ ದೀಪಕ ನಾಯ್ಕ ಸಾಹಸದಿಂದ ರತನ್ ಶರ್ಮಾ ಅವರನ್ನು ಅಡ್ಡಗಟ್ಟಿದರು. ಅವರನ್ನು ತಪಾಸಣೆಗೆ ಒಳಪಡಿಸಿದಾಗ ಏನೂ ಸಿಗಲಿಲ್ಲ. ಆದರೆ, ಬೈಕಿನ ಟ್ಯಾಂಕರ್ ಬಳಿ ಗಮನಿಸಿದಾಗ ಅಲ್ಲಿದ್ದ ಚೀಲದಲ್ಲಿ ಗಾಂಜಾ ತುಂಬಿದ ಚೀಟಿಗಳು ಕಾಣಿಸಿದವು. ಪೊಲೀಸ್ ಸಿಬ್ಬಂದಿ ಪರಶುರಾಮ ದೊಡ್ಮನಿ, ಮಂಜಪ್ಪ ಪೂಜಾರ್ ಅವರು ಕೂಡಲೇ ರತನ್ ಶರ್ಮ ಅವರನ್ನು ಬಂಧಿಸಿದರು. ಆ ಬೈಕಿನಲ್ಲಿ 5 ಸಾವಿರ ರೂ ಮೌಲ್ಯದ 187 ಗ್ರಾಂ ಗಾಂಜಾ ಸಿಕ್ಕಿದ್ದು, ಅದನ್ನು ವಶಕ್ಕೆಪಡೆದ ಪೊಲೀಸರು ನ್ಯಾಯಾಲಯಕ್ಕೆ ವರದಿ ಒಪ್ಪಿಸಿದರು. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಮೃತ ಮೀನುಗಾರನ ಕುಟುಂಬಕ್ಕೆ ಸಿಕ್ಕಿತು ಸಾಂತ್ವಾನ!](https://mobiletime.in/2025/11/the-family-of-the-deceased-fisherman-found-solace/): ಅರಬ್ಬಿ ಸಮುದ್ರಕ್ಕೆ ತೆರಳಿದಾಗ ಕೊಂತಿ ಮೀನು ಚುಚ್ಚಿ ಸಾವನಪ್ಪಿದ್ದ ಕಾರವಾರದ ಮೀನುಗಾರನ ಕುಟುಂಬಕ್ಕೆ ಸರ್ಕಾರ ಸ್ಪಂದಿಸಿದೆ. ಈ ದಿನ ಸಂತ್ರಸ್ತರಿಗೆ ಸರ್ಕಾರ 10 ಲಕ್ಷ ರೂ ಪರಿಹಾರದ ಚೆಕ್ ವಿತರಿಸಿ ಸಾಂತ್ವಾನ ಹೇಳಿದೆ. ಕೆಲ ಸಮಯದ ಮೊದಲು ಮೊಬೈಲ್ ಮಿಡಿಯಾ ನೆಟ್‌ವರ್ಕ ಮೀನುಗಾರನ ಕುಟುಂಬಕ್ಕೆ ಸರ್ಕಾರದಿಂದ ಪರಿಹಾರ ಸಿಗದ ಬಗ್ಗೆ ವರದಿ ಪ್ರಕಟಿಸಿತ್ತು. ಅದರ ಬೆನ್ನಲ್ಲೆ ಸರ್ಕಾರದಿಂದ ಮೀನುಗಾರನ ಕುಟುಂಬಕ್ಕೆ ಬುಧವಾರ ಪರಿಹಾರದ ಚೆಕ್ ವಿತರಿಸಿದ ಬಗ್ಗೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಕಾರವಾರ ತಾಲೂಕಿನ ಮಾಜಾಳಿ ಗ್ರಾಮದ ಮೀನುಗಾರ ಅಕ್ಷಯ್ ಮಾಜಾಳಿಕರ್ ಅವರ ಕುಟುಂಬಕ್ಕೆ ಶಾಸಕ ಸತೀಶ್ ಸೈಲ್ ಅವರು ಸಾಂತ್ವಾನ ಹೇಳಿದ್ದಾರೆ. ಮೀನುಗಾರರ ಮನೆಗೆ ಭೇಟಿ ನೀಡಿದ ಅವರು ವೈಯಕ್ತಿಕವಾಗಿಯೂ ನೆರವು ನೀಡಿದ್ದಾರೆ. ಜೊತೆಗೆ ಮೀನುಗಾರಿಕಾ ಇಲಾಖೆಯವರು ಈ ದಿನ ಅವರ ಮನೆಗೆ ಭೇಟಿ ನೀಡಿ 10 ಲಕ್ಷ ರೂ ಮೌಲ್ಯದ ಚೆಕ್ ವಿತರಿಸಿದ್ದಾರೆ.
- [ನಡುರಸ್ತೆಯಲ್ಲಿ ಮದುವೆ ಮಾತುಕಥೆ: ಸಂಬoಧ ಒಪ್ಪದ ಕನ್ಯೆಗೆ ಹಲವರ ಬೆದರಿಕೆ!](https://mobiletime.in/2025/11/marriage-talk-in-the-middle-of-the-road-many-threaten-a-girl-who-refuses-to-have-sex/): ಶಿರಸಿಯ ಮುಸ್ಸಂಜೆ ಭಟ್ಟಅವರಿಗೆ ಸ್ವದೇಶಿ ಗಾಂವ್ಕರ್ (ಇಬ್ಬರ ಹೆಸರು ಬದಲಿಸಿದೆ) ಅವರು ಮದುವೆ ಆಗುವಂತೆ ಬೆನ್ನು ಬಿದ್ದಿದ್ದಾರೆ. `ಬೇರೆಯವರನ್ನು ಮದುವೆ ಆದರೆ ನಿನ್ನ ಫೋಟೋ ವೈರಲ್ ಮಾಡುವೆ’ ಎಂದು ಹೆದರಿಸಿದ್ದಾರೆ! ಶಿರಸಿಯಲ್ಲಿ ಮುಸ್ಸಂಜೆ ಭಟ್ಟ ಅವರು ವಾಸವಾಗಿದ್ದಾರೆ. ಖಾಸಗಿ ಕಂಪನಿಯಲ್ಲಿ ಅವರು ಕೆಲಸ ಮಾಡುತ್ತಿದ್ದಾರೆ.  ಸ್ವದೇಶಿ ಗಾಂವ್ಕರ್ ಅವರು ಮುಸ್ಸಂಜೆ ಭಟ್ಟ ಅವರನ್ನು ಮದುವೆ ಆಗುವಂತೆ ಕಾಡಿಸುತ್ತಿದ್ದಾರೆ. `ಮದುವೆ ಆಗಲು ಇಷ್ಟವಿಲ್ಲ’ ಎಂದರೂ ಗಿರಿಶ ಗಾಂವ್ಕರ್ ಅವರು ಮುಸ್ಸಂಜೆ ಭಟ್ಟ ಅವರನ್ನು ಬಿಡುತ್ತಿಲ್ಲ. ಸ್ವದೇಶಿ ಗಾಂವ್ಕರ್ ಅವರು ಮುಸ್ಸಂಜೆ ಭಟ್ಟ ಅವರನ್ನು ಭೇಟಿಯಾಗಲು ಪದೇ ಪದೇ ಬರುತ್ತಿದ್ದು, ಅವರು ಕೆಲಸ ಮಾಡುವ ಜಾಗಕ್ಕೂ ದಾಳಿಯಿಡುತ್ತಿದ್ದಾರೆ. ಅಲ್ಲಿಯೂ ಬಂದು ಅನಗತ್ಯ ಕಿರುಕುಳ ನೀಡುತ್ತಿದ್ದಾರೆ. ಈ ಎಲ್ಲದರ ನಡುವೆ ಸೆಪ್ಟೆಂಬರ್ 13ರ ಮಧ್ಯಾಹ್ನ ಮುಸ್ಸಂಜೆ ಭಟ್ಟ ಅವರು ಶಿರಸಿ ಎಪಿಎಂಸಿ ಬಳಿಯ ಭಾಗೀರಥಿ ಟ್ರೇಡಿಂಗ್ ಕಂಪನಿ ಬಳಿ ಹೋಗುತ್ತಿದ್ದಾಗ ಸ್ವದೇಶಿ ಗಾಂವ್ಕರ್ ಅವರು ಅಡ್ಡಗಟ್ಟಿದರು. `ನನ್ನನ್ನು ನೀ ಮದುವೆ ಆಗಬೇಕು’ ಎಂದು ದಬಾಯಿಸಿದರು. ಅದನ್ನು ಮುಸ್ಸಂಜೆ ಭಟ್ಟ ಅವರು ನಿರಾಕರಿಸಿದ್ದು, `ನೀ ಬೇರೆಯವರನ್ನು ಮದುವೆ ಆದರೆ ನಿನ್ನ ಫೋಟೋವನ್ನು ಸೋಶಿಯಲ್ ಮಿಡಿಯಾದಲ್ಲಿ ವೈರಲ್ ಮಾಡುವೆ’ ಎಂದು ಬೆದರಿಸಿದರು. `ನೀನು ತಲೆ ಎತ್ತಿ ಓಡಾಡದ ಹಾಗೇ ಮಾಡುವೆ. ನಿನ್ನನ್ನು ಜೀವಸಹಿತ ಉಳಿಯಲು ಬಿಡುವುದಿಲ್ಲ’ ಎಂದು ದಮ್ಕಿ ಹಾಕಿದರು. ಈ ಎಲ್ಲಾ ವಿಷಯಗಳ ಬಗ್ಗೆ ಮುಸ್ಸಂಜೆ ಭಟ್ಟ ಅವರು ಅಕ್ಟೊಬರ್ 30ರಂದು ಪೊಲೀಸರ ಮೊರೆಹೋದರು. ಪೊಲೀಸರು ಈ ಪ್ರಕರಣ ವಿಚಾರಣೆ ನಡೆಸಿದ್ದು, ಅದಕ್ಕೆ ತೃಪ್ತರಾಗದ ಮುಸ್ಸಂಜೆ ಭಟ್ಟ ಅವರು ನ್ಯಾಯಾಲಯದ ಮೊರೆ ಹೋದರು. ನ್ಯಾಯಾಲಯದ ಸೂಚನೆ ಮೇರೆಗೆ ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಮದುವೆ ಆಗುವಂತೆ ಬೆದರಿಕೆ ಒಡ್ಡಿದ ಎಲ್ಲರ ವಿರುದ್ಧ ವಾರದ ಹಿಂದೆ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ಮೀನಿನಿಂದ ಸಾವನಪ್ಪಿದ ಮೀನುಗಾರ: ಪರಿಹಾರ ಕೊಡದೇ ಸುಮ್ಮನಿರುವ ಸರಕಾರ!](https://mobiletime.in/2025/11/fisherman-dies-after-being-bitten-by-a-fish-government-remains-silent-without-providing-compensation/): ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುತ್ತಿರುವಾಗ ಮೀನು ಚುಚ್ಚಿ ಸಾವನಪ್ಪಿದ ಅನಿಲ ಮಾಜಾಳಿಕರ್ ಅವರ ಕುಟುಂಬಕ್ಕೆ ಈವರೆಗೂ ಸರ್ಕಾರದಿಂದ ಸಹಾಯ ಸಿಕ್ಕಿಲ್ಲ. ದುಡಿಯುವ ಯುವಕ ದುರ್ಘಟನೆಯಲ್ಲಿ ಕೊನೆಯಾದವನ ಕುಟುಂಬದವರ ಕಣ್ಣೀರು ಒರೆಸುವವರಿಲ್ಲ. ಕಾರವಾರದ ಮಾಜಾಳಿ ದಾಂಡೇಭಾಗದ ಅಕ್ಷಯ ಅನಿಲ ಮಾಜಾಳಿಕರ್ (24) ಎಂಬಾತರು ಅಕ್ಟೋಬರ್ 14ರಂದು ಮೀನುಗಾರಿಕೆಗೆ ತೆರಳಿದಾಗ ಸಾವನಪ್ಪಿದ್ದರು. ಅವರ ಹೊಟ್ಟೆಗೆ ಮೊನಚಾದ ಕಾಂಡಿ ಮೀನು ಚುಚ್ಚಿದ್ದರಿಂದ ಆಸ್ಪತ್ರೆಗೆ ಸಾಗಿಸಿದರೂ ಪ್ರಯೋಜನವಾಗಿರಲಿಲ್ಲ. ಮನೆಯ ಜವಾಬ್ದಾರಿ ಹೊತ್ತಿದ್ದ ಮಗನನ್ನು ಕಳೆದುಕೊಂಡ ತಂದೆ ಹಾಗೂ ಕುಟುಂಬಸ್ಥರು ಸದ್ಯ ತೀವ್ರ ಸಂಕಷ್ಟದಲ್ಲಿದ್ದು, ಸರ್ಕಾರದಿಂದಲೂ ಅವರಿಗೆ ಪರಿಹಾರ ಸಿಕ್ಕಿಲ್ಲ. `ಮೀನುಗಾರಿಕಾ ಸಚಿವರು ನಮ್ಮದೇ ಜಿಲ್ಲೆಯವರಾಗಿದ್ದರೂ ಮೃತ ಮೀನುಗಾರನ ಕುಟುಂಬಕ್ಕೆ ಪರಿಹಾರ ಒದಗಿಸುವಲ್ಲಿ ವಿಳಂಬ ಧೋರಣೆ ಅನುಸರಿಸುತ್ತಿರುವುದು ದುರಾದೃಷ್ಟಕರ ಸಂಗತಿ’ ಎಂದು ಮೀನುಗಾರರು ಅಳಲು ತೋಡಿಕೊಂಡರು. `ವಾರದ ಹಿಂದಷ್ಟೇ ಸಚಿವರು ಕಾರವಾರಕ್ಕೆ ಬಂದು ಹೋಗಿದ್ದರೂ ಸಂತ್ರಸ್ತ ಕುಟುಂಬಕ್ಕೆ ಪರಿಹಾರದ ಚೆಕ್ ವಿತರಿಸಿಲ್ಲ. ಗಲಭೆ ಅಥವಾ ಇತರೆ ಅಹಿತಕರ ಘಟನೆಗಳು ನಡೆದಾಗ ವಾರದೊಳಗೆ ಪರಿಹಾರ ಘೋಷಿಸುವ ಸರ್ಕಾರ ಅಮಾಯಕ ಮೀನುಗಾರನ ದುರ್ಮರಣದ ವಿಷಯದಲ್ಲಿ ಕಾಳಜಿವಹಿಸಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು.
- [`ಸತ್ಯಾಗ್ರಹ ಭವನಕ್ಕೆ ನ್ಯಾಯ ಕೊಡಿಸಿ'](https://mobiletime.in/2025/11/give-justice-to-satyagraha-bhavan/): ಅಂಕೋಲಾ ಸತ್ಯಾಗ್ರಹ ಭವನದಲ್ಲಿ ಸಭೆ ನಡೆಸಿರುವ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅಲ್ಲಿನ ಅವ್ಯವಸ್ಥೆಗಳನ್ನು ಗಮನಿಸಿದ್ದು, ಸತ್ಯಾಗ್ರಹ ಸ್ಮಾರಕ ಭವನಕ್ಕೆ ಅಗತ್ಯ ಮೂಲಭೂತ ಸೌಕರ್ಯ ಒದಗಿಸುವಂತೆ ಅಧೀನ ಅಧಿಕಾರಿಗಳಿಗೆ ತಾಕೀತು ಮಾಡಿದ್ದಾರೆ. `ಸ್ಮಾರಕ ಭವನಕ್ಕೆ ಸಂಬoಧಿಸಿದ ವಿವಿಧ ಖಾತೆಗಳಲ್ಲಿ 25 ಲಕ್ಷಕ್ಕೂ ಅಧಇಕ ಹಣವಿದ್ದು, ಅದನ್ನು ಸರಿಯಾಗಿ ಬಳಸಿಕೊಳ್ಳಿ’ ಎಂದವರು ಸೂಚನೆ ನೀಡಿದ್ದಾರೆ. ಭಾರತದ ಸ್ವತಂತ್ರ ಸಂಗ್ರಾಮದಲ್ಲಿ ಐತಿಹಾಸಿಕ ಮಹತ್ವ ಹೊಂದಿರುವ ಅಂಕೋಲಾದಲ್ಲಿರುವ ಈ ಸತ್ಯಾಗ್ರಹ ಸ್ಮಾರಕ ಭವನವನ್ನು, ಉಪ್ಪಿನ ಸತ್ಯಾಗ್ರಹ ಹಾಗೂ ಕರ ನಿರಾಕರಣೆ ಚಳುವಳಿ ಘಟನೆಯ 50 ವರ್ಷದ ಸಮಾರಂಭದಲ್ಲಿ ನಿರ್ಮಿಸಲಾಗಿದೆ. ಆದರೆ, ಸತ್ಯಾಗ್ರಹ ಸ್ಮಾರಕ ಭವನದಲ್ಲಿ ಧ್ವನಿ ಹಾಗೂ ಬೆಳಗಿನ ವ್ಯವಸ್ಥೆ ಸರಿಯಾಗಿಲ್ಲ. ಶೌಚಾಲಯ ಪಾಳು ಬಿದ್ದಿದ್ದು, ಅದನ್ನು ನೋಡುವವರಿಲ್ಲ. ಲೈಟ್ ಉರಿಯುವುದಿಲ್ಲ. ಫ್ಯಾನ್ ತಿರುಗುವುದಿಲ್ಲ. ಗ್ರಂಥಾಲಯ ದುರಸ್ತಿ ಕೆಲಸ ನಡೆದಿಲ್ಲ. ಕಟ್ಟಡಕ್ಕೆ ಬಣ್ಣ ಬಡಿದಿಲ್ಲ. ಹೀಗಾಗಿ ಈ ಎಲ್ಲಾ ಕೆಲಸವನ್ನು ಸರಿಯಾಗಿ ಮಾಡಿ ಎಂದು ಕೆ ಲಕ್ಷ್ಮೀಪ್ರಿಯಾ ಅವರು ಸೂಚನೆ ನೀಡಿದ್ದಾರೆ. `ಲಭ್ಯವಿರುವ ಅನುದಾನ ಬಳಸಿಕೊಂಡು ಮಾಡಬಹುದಾದ ಕೆಲಸದ ಬಗ್ಗೆ ಲೋಕೋಪಯೋಗಿ ಇಲಾಖೆ ಅಂದಾಜು ಪಟ್ಟಿ ಸಲ್ಲಿಸಬೇಕು. ಅಂದಾಜು ಮೊತ್ತಕ್ಕಿಂತ ಅಧಿಕ ಮೊತ್ತವಾದರೆ ಇತರೆ ಇಲಾಖೆಗಳ ಮೂಲಕ ನೆರವು ಒದಗಿಸಲು ಕ್ರಮ ಜರುಗಿಸಲಾಗುತ್ತದೆ’ ಎಂದವರು ಹೇಳಿದರು. `ಸತ್ಯಾಗ್ರಹ ಸ್ಮಾರಕ ಭವನದ ಆವರಣದಲ್ಲಿರುವ ಗ್ರಂಥಾಲಯ ಮತ್ತು ಉದ್ಯಾನವನವನ್ನು ತಾಲೂಕು ಆಡಳಿತ ಮತ್ತು ಪುರಸಭೆಯು ಪರಸ್ಪರ ಎಂಓಯು ಮಾಡಿಕೊಳ್ಳುವ ಮೂಲಕ ಪುರಸಭೆಯಿಂದ ನಿರ್ವಹಣೆ ಮಾಡಬೇಕು. ಉದ್ಯಾನವನದಲ್ಲಿನ ಸ್ವಚ್ಚತೆ, ದೀಪಗಳ ದುರಸ್ಥಿ ಕಾರ್ಯ ನಡೆಸಬೇಕು’ ಎಂದು ಸೂಚಿಸಿದರು. `ಸತ್ಯಾಗ್ರಹ ಸ್ಮಾರಕ ಭವನವನ್ನು ಇನ್ನಷ್ಟು ಅಭಿವೃದ್ಧಿಗೊಳಿಸುವ ನಿಟ್ಟಿನಲ್ಲಿ ಮಾಸ್ಟರ್ ಪ್ಲಾನ್ ತಯಾರಿಸಬೇಕು. ಹೆಚ್ಚಿನ ಹಣ ಸಿಕ್ಕರೆ ಅದರ ಪ್ರಕಾರ ಯೋಜನೆ ಸಿದ್ಧಪಡಿಸಬೇಕು’ ಎಂದರು. `ಈ ಭವನವನ್ನು ಅಭಿವೃದ್ಧಿಗೊಳಿಸಲು ಆರ್ಥಿಕ ನೆರವು ನೀಡಲು ಬಯಸುವ ಉದ್ದಿಮೆಗಳು ಮತ್ತು ಉದ್ದಿಮೆದಾರರು ಸಿ.ಎಸ್.ಆರ್. ದೇಣಿಗೆ ನೀಡಲು ಅಂಕೋಲಾ ತಹಸೀಲ್ದಾರ್ ಅವರನ್ನು ಸಂಪರ್ಕಿಸಿ’ ಎಂದು ಕರೆ ನೀಡಿದರು. `ಸತ್ಯಾಗ್ರಹ ಸ್ಮಾರಕ ಭವನವನ್ನು ರಾಷ್ಟಿಯ ಸ್ಮಾರಕದ ಮಾದರಿಯಲ್ಲಿ ಅಭಿವೃದ್ಧಿಪಡಿಸಬೇಕು, ಇಲ್ಲಿನ ಎಲ್ಲಾ ಕಟ್ಟಡಗಳು ಅರ್ಥಪೂರ್ಣವಾಗಿ ಅಭಿವೃದ್ಧಿಪಡಿಸಬೇಕು, ಜಿಲ್ಲೆಯ ಎಲ್ಲಾ ಸ್ವತಂತ್ರ ಹೋರಾಟಗಾರರ ಹೆಸರುಗಳನ್ನು ಇಲ್ಲಿನ ಆವರಣದಲ್ಲಿ ಅಳವಡಿಸಬೇಕು, ಮಹಾತ್ಮ ಗಾಂಧೀಜಿ ಅವರ ಕಂಚಿನ ಪುತ್ಥಳಿ ಸ್ಥಾಪಿಸಬೇಕು. ಸ್ವಚ್ಛತೆ ಕಾಪಾಡಬೇಕು, ಖಾಯಂ ಸಿಬ್ಬಂದಿಗಳನ್ನು ನೇಮಿಸಬೇಕು’ ಎಂದು ಸಭೆಯಲ್ಲಿ ಭಾಗವಹಿಸಿದ್ದ ಕಾಳಪ್ಪ ನಾಯಕ್, ಶಾಂತಾರಾಮ ನಾಯಕ್, ರಘುನಂದನ ನಾಯಕ್, ಉಮೇಶ್ ನಾಯಕ್, ರಮೇಶ್ ಮತ್ತಿತರರು ಮನವಿ ಮಾಡಿದರು. ಸಭೆಯಲ್ಲಿ ತಹಸೀಲ್ದಾರ್ ಚಿಕ್ಕಪ್ಪ ನಾಯಕ್, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕಿ ಮಂಗಲಾ ನಾಯ್ಕ ಇದ್ದರು.
- [`ಹೆಂಡತಿಯನ್ನು ಹುಡುಕಿಕೊಡಿ'](https://mobiletime.in/2025/11/find-a-wife/): 21 ವರ್ಷದ ಸಂಜನಾ ಅವರು ನವೆಂಬರ್ 24ರಂದು ಕಾಣೆಯಾಗಿದ್ದಾರೆ. `ತನ್ನ ಹೆಂಡತಿಯನ್ನು ಹುಡುಕಿಕೊಡಿ’ ಎಂದು ಅವರ ಪತಿ ಗುರುನಾಥ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಹಳಿಯಾಳ ದೊಡ್ಡಕೊಪ್ಪ ಗ್ರಾಮದಲ್ಲಿ ಗುರುನಾಥ ವಾಸುದೇವ್ ಸುಳಗೇಕರ್ ಅವರು ಪತ್ನಿ ಸಂಜನಾ ಸುಳಗೇಕರ್ ಅವರ ಜೊತೆ ವಾಸವಾಗಿದ್ದರು. ಗುರುನಾಥ ಸುಳಗೇಕರ್ ಅವರು ಅಲ್ಲಿನ ಸಕ್ಕರೆ ಕಾರ್ಖಾನೆಯಲ್ಲಿ ಕೆಲಸ ಮಾಡಿಕೊಂಡಿದ್ದು, ಅವರ ಪತ್ನಿ ಸಂಜನಾ ಸುಳಗೇಕರ್ ಅವರು ಮನೆ ಕೆಲಸ ನೋಡಿಕೊಳ್ಳುತ್ತಿದ್ದರು. ಹೀಗಿರುವಾಗ ನವೆಂಬರ್ 24ರ ಮಧ್ಯಾಹ್ನ ಮನೆಯಿಂದ ಹೊರಹೋದ ಸಂಜನಾ ಅವರು ಮರಳಿ ಬಂದಿಲ್ಲ. ಸAಜೆ 6 ಗಂಟೆ ಅವಧಿಯಲ್ಲಿ ಗುರುನಾಥ ಸುಳಗೇಕರ್ ಅವರು ಮನೆಗೆ ಬಂದಾಗ ಸಂಜನಾ ಅವರು ಕಾಣಲಿಲ್ಲ. ಎಲ್ಲಾ ಕಡೆ ಹುಡುಕಾಟ ನಡೆಸಿದರೂ ಅವರು ಸಿಗಲಿಲ್ಲ. ಹೀಗಾಗಿ ಗುರುನಾಥ ಸುಳಗೇಕರ್ ಅವರು ಹಳಿಯಾಳ ಪೊಲೀಸರ ಮೊರೆ ಹೋಗಿದ್ದು, ಪೊಲೀಸರು ಸಹ ಸಂಜನಾ ಅವರ ಶೋಧ ನಡೆಸಿದ್ದಾರೆ.
- [ಮಹಿಳೆ ಮನವಿಗೆ ಮುಖ್ಯಮಂತ್ರಿ ಸ್ಪಂದನೆ](https://mobiletime.in/2025/11/chief-minister-responds-to-womans-plea/): ವೃದ್ದಾಪ್ಯ ವೇತನಕ್ಕಾಗಿ ಅಲೆದಾಟ ನಡೆಸಿ ಸುಸ್ತಾದ ರಾಧಾ ಆಚಾರಿ ಅವರು ತಮಗಾದ ಸಮಸ್ಯೆ ಬಗ್ಗೆ ಮುಖ್ಯಮಂತ್ರಿ ಕಚೇರಿಗೆ ಪತ್ರ ಬರೆದಿದ್ದು, ಅಲ್ಲಿಂದ ಸ್ಪಂದನೆ ಸಿಕ್ಕಿದೆ. ಮಹಿಳೆಗಾದ ಸಮಸ್ಯೆ ಆಲಿಸಿ ನಿಯಮಾನುಸಾರ ಬಗೆಹರಿಸುವಂತೆ ಮುಖ್ಯಮಂತ್ರಿಯವರ ವಿಶೇಷ ಕರ್ತವ್ಯಾಧಿಕಾರಿ ಎಂ ಶಾಂತಪ್ಪ ಅವರು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರಿಗೆ ಸೂಚಿಸಿದ್ದಾರೆ. ಕುಮಟಾ ಉಪ್ಪಾರಕೇರಿಯ ರಾಧಾ ಕೃಷ್ಣ ಆಚಾರಿ ಅವರಿಗೆ 75 ವರ್ಷವಾಗಿದ್ದು, ಅವರಿಂದ ದುಡಿಮೆ ಸಾಧ್ಯವಿಲ್ಲ. ಹೀಗಾಗಿ ಅವರು ಕುಮಟಾ ತಹಶೀಲ್ದಾರ್ ಕಚೇರಿಗೆ ಅರ್ಜಿ ನೀಡಿ ವೃದ್ಧಾಪ್ಯ ವೇತನಕ್ಕೆ ಮನವಿ ಮಾಡಿದ್ದರು. ಆದರೆ, ರಾಧಾ ಅವರು ಕೆಲಸ ಮಾಡುವ ಸಾಮರ್ಥ್ಯಹೊಂದಿದ ಕಾರಣ ನೀಡಿ ಅಲ್ಲಿನವರು ಪಿಂಚಣಿ ಯೋಜನೆ ತಡೆ ಹಿಡಿದಿದ್ದರು. ಸರ್ಕಾರದಿಂದ ಬರುವ 1200ರೂ ಪಿಂಚಣಿ ಕೈ ತಪ್ಪಿದ ಬಗ್ಗೆ ರಾಧಾ ಆಚಾರಿ ಅವರು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರಿಗೆ ದೂರಿದ್ದರು. ಆಗ್ನೇಲ್ ರೋಡಿಗ್ರಸ್ ಅವರ ನೆರವುಪಡೆದು ಮುಖ್ಯಮಂತ್ರಿ ಕಚೇರಿಗೆ ಪತ್ರ ಬರೆದಿದ್ದರು. `ಬಿಪಿ, ಶುಗರ್ ಕಾರಣ ಕೈ ನಡುಗುತ್ತಿದೆ. ಕೆಲಸ ಮಾಡಲು ಆಗುತ್ತಿಲ್ಲ. ಅನ್ಯಾಯ ಮಾಡಿದ ಅಧಿಕಾರಿಗಳ ವಿರುದ್ಧ ಕ್ರಮ ಜರುಗಿಸಬೇಕು’ ಎಂದು ಅವರು ಮನವಿ ಮಾಡಿದ್ದರು. ಆ ಮನವಿಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಕಚೇರಿ ಅಧಿಕಾರಿಗಳು ಸ್ಪಂದಿಸಿದ್ದಾರೆ. ಒಂದೇ ತಿಂಗಳ ಅವಧಿಯಲ್ಲಿ ಸ್ಪಂದನೆ ಸಿಕ್ಕಿರುವುದಕ್ಕೆ ಜನಸಾಮಾನ್ಯ ಕೇಂದ್ರದವರು ಸಂತಸವ್ಯಕ್ತಪಡಿಸಿದ್ದಾರೆ.
- [ಟಿಪ್ಪರ್ ಪಲ್ಟಿಯಾದರೂ ಬದುಕುಳಿದ ಚಾಲಕ!](https://mobiletime.in/2025/11/driver-survives-tipper-overturning/): ಕಾರ್ತಿಕ ದೇವಾಡಿಗ ಹಾಗೂ ಶರಣಬಸಪ್ಪ ಹಿರೇಮಠ ಅವರಿದ್ದ ಟಿಪ್ಪರ್ ಪಲ್ಟಿಯಾಗಿದೆ. ಅದಾಗಿಯೂ ಅವರಿಬ್ಬರು ಪ್ರಾಣ ಉಳಿಸಿಕೊಂಡಿದ್ದಾರೆ. ಹಾವೇರಿಯ ಶರಣಬಸಪ್ಪ ಹಿರೇಮಠ ಅವರು ಶಿರಸಿಯಲ್ಲಿ ಟಿಪ್ಪರ್ ಓಡಿಸುತ್ತಿದ್ದರು. ಶಿರಸಿಯ ತಾರಗೋಡು ಬಳಿಯ ಮಾತನಳ್ಳಿಯ ಕಾರ್ತಿಕ ಶ್ರೀನಿವಾಸ ದೇವಾಡಿಗ ಅವರು ಆ ಟಿಪ್ಪರಿನಲ್ಲಿ ಸಂಚರಿಸುತ್ತಿದ್ದರು. ನವೆಂಬರ್ 25ರಂದು ಆ ಟಿಪ್ಪರ್ ಖಾನನಗರದಿಂದ ಬಳಗಾರ ಕಡೆ ಸಂಚರಿಸುತ್ತಿತ್ತು. ಜೋರಾಗಿ ಹೊರಟ ಟಿಪ್ಪರ್ ಕುಗಳಕುಳಿ ಬಳಿ ಚಾಲಕನ ನಿಯಂತ್ರಣ ತಪ್ಪಿತು. ಅಲ್ಲಿಯೇ ಆ ಟಿಪ್ಪರ್ ಪಲ್ಟಿಯಾಯಿತು. ಈ ಅವಘಡದಲ್ಲಿ ಕಾರ್ತಿಕ ಶ್ರೀನಿವಾಸ ದೇವಾಡಿಗ ಅವರ ಕೈಗೆ ಪೆಟ್ಟಾಯಿತು. ಕಾಲಿಗೆ ಸಹ ನೋವಾಯಿತು. ಚಾಲಕ ಶರಣಬಸಪ್ಪ ಹಿರೇಮಠ ಅವರು ಅಲ್ಲಲ್ಲಿ ಪೆಟ್ಟು ಮಾಡಿಕೊಂಡರು. ಕೊನೆಗೆ ಅವರಿಬ್ಬರು ಶಿರಸಿಯ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಗೆ ದಾಖಲಾದರು. ಹಣೆ, ಕೈ, ಬುಜಕ್ಕೆ ಗಾಯ ಮಾಡಿಕೊಂಡವರಿಗೆ ವೈದ್ಯರು ಚಿಕಿತ್ಸೆ ಮಾಡಿದರು.
- [ಪುಣ್ಯದ ಕೆರೆಯಲ್ಲಿ ಮೊಸಳೆ ಪ್ರತ್ಯಕ್ಷ!](https://mobiletime.in/2025/11/crocodile-spotted-in-punya-lake/): ಯಲ್ಲಾಪುರದ ಜೋಡಕೆರೆಯಲ್ಲಿ ದಿಢೀರ್ ಆಗಿ ಮೊಸಳೆ ಪ್ರತ್ಯಕ್ಷವಾಗಿದೆ. ನದಿಗೆ ಜೋಡಣೆಯೇ ಇಲ್ಲದ ಈ ಕೆರೆಯಲ್ಲಿ ಮೊಸಳೆ ಕಂಡು ಜನ ಹೌಹಾರಿದ್ದಾರೆ! ಹುಬ್ಬಳ್ಳಿ-ಅಂಕೋಲಾ ರಸ್ತೆಯ ಯಲ್ಲಾಪುರ ಸ್ವಾಗತ ಪ್ರದೇಶದಲ್ಲಿ ಜೋಡಕೆರೆಯಿದೆ. ಎರಡು ಕರೆ ಇಲ್ಲಿ ಒಟ್ಟಿಗಿದ್ದು, ಅದರಲ್ಲಿ ಒಂದು ಕರೆಯನ್ನು ಸ್ಥಳೀಯರು ಸ್ವಾಗತ ಕೆರೆ ಹಾಗೂ ಮತ್ತೊಂದು ಕೆರೆಯನ್ನು ದೇವಿಕೆರೆ ಎಂದು ಕರೆಯುತ್ತಾರೆ. ಸಮೀಪದಲ್ಲಿ ಮೀನುಗಾರಿಕಾ ಇಲಾಖೆ ಕಚೇರಿಯಿದ್ದು, ಅಲ್ಲಿನವರು ಆಗಾಗ ಈ ಕೆರೆಗೆ ಮೀನು ಬಿಟ್ಟ ಉದಾಹರಣೆಯಿದೆ. ಆದರೆ, ಮೊಸಳೆ ನೋಡಿದ್ದು ಇದೇ ಮೊದಲು! ಈ ಕೆರೆ ಸಮೀಪ ಪುರಾತನ ಕಾಲದ ಮಾರುತಿ ಮಂದಿರ ಹಾಗೂ ಅಲ್ಲಿಯೇ ಸಮೀಪದಲ್ಲಿ ಅಯ್ಯಪ್ಪ ಸ್ವಾಮಿ ಸನ್ನಿಧಿಯಿದೆ. ಈ ಕೆರೆಗೆ ಅಲ್ಲಿಯೇ ಹುಟ್ಟುವ ವರ್ತೆ ನೀರು ಆಧಾರವಾಗಿದ್ದು, ಯಾವ ನದಿಯೂ ಜೋಡಣೆ ಆಗಿಲ್ಲ. ಹೀಗಿದ್ದರೂ ದಿಢೀರ್ ಆಗಿ ಆ ಕೆರೆಯೊಳಗೆ ಮೊಸಳೆ ಕಾಣಿಸಿದೆ. ಅಯ್ಯಪ್ಪ ಸ್ವಾಮಿ ಸನ್ನಿಧಿ, ಮಾರುತಿ ದೇವಾಲಯದ ಭಕ್ತರು ಆ ಕೆರೆಗೆ ಭಕ್ತಿಯಿಂದ ನಡೆದುಕೊಳ್ಳುತ್ತಾರೆ. ದೇವರ ಪಾತ್ರೆ ಶುದ್ಧೀಕರಣ, ಪುಣ್ಯ ಕಾರ್ಯ ಜೊತೆಗೆ ಗಣೇಶ ವಿಸರ್ಜನೆಗೆ ಸಹ ಈ ಕೆರೆ ಬಳಸುತ್ತಿದ್ದಾರೆ. ಹೀಗಿರುವಾದ ಇದೀಗ ಮೊಸಳೆ ಪ್ರತ್ಯಕ್ಷವಾಗಿರುವುದು ಜನರ ಆತಂಕಕ್ಕೆ ಕಾರಣವಾಗಿದೆ. ಅನೇಕ ತಿಂಗಳ ಹಿಂದೆಯೇ ಮರಿ ಮೊಸಳೆಯನ್ನು ವ್ಯಕ್ತಿಯೊಬ್ಬರು ಇಲ್ಲಿ ತಂದು ಬಿಟ್ಟ ಅನುಮಾನಗಳಿವೆ. ಅದೇ ಮೊಸಳೆ ದೊಡ್ಡದಾಗಿ ಇದೀಗ ದಡದಲ್ಲಿ ಕಾಣಿಸಿಕೊಂಡ ಬಗ್ಗೆ ಶಂಕಿಸಲಾಗಿದೆ. ಜೋಡುಕೆರೆಯಲ್ಲಿ ಮೊಸಳೆ ಕಾಣಿಸಿದನ್ನು ಅರಣ್ಯಾಧಿಕಾರಿ ನರೇಶ ಜಿ ವಿ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ದೃಢಪಡಿಸಿದ್ದಾರೆ. ದಾಂಡೇಲಿಯಿAದ ತಜ್ಞರ ತಂಡ ಕರೆಯಿಸಿ ಆ ಮೊಸಳೆಯನ್ನು ಸ್ಥಳಾಂತಿರಿಸುವ ಪ್ರಯತ್ನ ನಡೆದಿದೆ. ಸುರಕ್ಷತೆ ದೃಷ್ಠಿಯಿಂದ ಮೊಸಳೆ ಸ್ಥಳಾಂತರದವರೆಗೂ ಕೆರೆ ಹತ್ತಿರ ಹೋಗದಿರುವುದು ಒಳಿತು.
- [ಸರ್ಕಾರ ಮಾಡದ ಕೆಲಸ ಸಹಕಾರದಿಂದ ಸಾಗಿತು!](https://mobiletime.in/2025/11/the-work-that-the-government-did-not-do-was-done-through-cooperation/): ರಸ್ತೆ ದುರಸ್ಥಿ ಮಾಡಿಕೊಡುವಂತೆ ಆ ಗ್ರಾಮದ ಜನ ಸಾಕಷ್ಟು ಬಾರಿ ಸರ್ಕಾರಕ್ಕೆ ಮನವಿ ಮಾಡಿದ್ದರು. ಆದರೆ, ಸರ್ಕಾರ ಗ್ರಾಮದ ಜನರ ಮನವಿ ಆಲಿಸದ ಕಾರಣ ಪರಸ್ಪರ ಸಹಕಾರದಿಂದ ಆ ಊರಿನವರೇ ರಸ್ತೆ ಮಾಡಿದರು! ಸಿದ್ದಾಪುರ ತಾಲೂಕಿನ ಹಸರಗೋಡ ಪಂಚಾಯತಿ ವ್ಯಾಪ್ತಿಯ ದಂಟಕಲ್-ಹೊಸ್ಮನೆ ಗ್ರಾಮಕ್ಕೆ ಇದೀಗ ಹೊಸ ರಸ್ತೆ ನಿರ್ಮಾಣವಾಗಿದೆ. ಊರಿನ ಜನರೆಲ್ಲ ಸೇರಿ ತಮ್ಮದೇ ಖರ್ಚಿನಲ್ಲಿ ರಸ್ತೆ ನಿರ್ಮಿಸಿದ್ದಾರೆ. ಕಾನೂಸೂರು ಗ್ರಾಮ ಪಂಚಾಯತಿಯ ಅಡ್ಕಳ್ಳಿ-ದಂಟಕಲ್-ಹೊಸ್ಮನೆ-ಕುಚಗುAಡಿ-ಕೋಡ್ಸರ ಕೂಡು ರಸ್ತೆ ಅನೇಕರ ಓಡಾಟಕ್ಕೆ ಅಗತ್ಯವಿದೆ. ಈ ರಸ್ತೆಯಲ್ಲಿ ಅಡ್ಕಳ್ಳಿಯಿಂದ ದಂಟಕಲ್ ತನಕ ಡಾಂಬರು ರಸ್ತೆಯಿದೆ. ಅದೇ ರೀತಿ ಕೋಡ್ಸರದಿಂದ ಕುಚಗುಂಡಿ ತನಕ ಡಾಂಬರ್ ಹಾಕಲಾಗಿದೆ. ಅದರ ನಡುವಿನ ರಸ್ತೆ ಕಚ್ಚಾ ರಸ್ತೆಯಾಗಿದ್ದು ತೀರಾ ಹಾಳಾಗಿದೆ. ಕಳೆದ ಮಳೆಗಾಲದ ಸಂದರ್ಭದಲ್ಲಿ ರಸ್ತೆಯಲ್ಲಿ ಭಾರೀ ಗಾತ್ರದ ಹೊಂಡ ಬಿದ್ದಿದ್ದರಿಂದ ಜನ ಸಮಸ್ಯೆ ಅನುಭವಿಸಿದ್ದರು. ನಿತ್ಯ ನೂರಾರು ಜನ ಓಡಾಡುವ ಈ ರಸ್ತೆಯಲ್ಲಿ ಆಗಾಗ ಅಪಘಾತಗಳಾಗುತ್ತಿದ್ದವು. ಹೀಗಾಗಿ ರಸ್ತೆ ಸರಿಪಡಿಸಿ ಎಂದು ಜನ ಅಧಿಕಾರಿಗಳಿಗೆ ಮನವಿ ಮಾಡಿದ್ದರು. ಆದರೆ, ಅದರಿಂದ ಪ್ರಯೋಜನ ಆಗಿರಲಿಲ್ಲ. ಹೀಗಾಗಿ ದಂಟಕಲ್-ಹೊಸ್ಮನೆ ಗ್ರಾಮದ 9 ಮನೆಯವರು ಸೇರಿ ರಸ್ತೆ ನಿರ್ಮಾಣಕ್ಕೆ ನಿರ್ಧರಿಸಿದರು. ಈ ಎಲ್ಲರೂ ಸೇರಿ ಯಂತ್ರೋಪಕರಣ ತರಿಸಿದರು. ತಾವೇ ಮುಂದೆ ನಿಂತು ರಸ್ತೆ ಮಾಡಿಸಿದರು.
- [ಸುಟ್ಟು ಬೂದಿಯಾದ ಕಾರ್ಮಿಕ ಸಂಹಿತೆ!](https://mobiletime.in/2025/11/the-labor-code-has-been-burned-to-ashes/): ಕಾರ್ಮಿಕರಿಗೆ ರಕ್ಷಣೆ ನೀಡುವ ಕಾನೂನು ತಿದ್ದುಪಡಿ ಮಾಡಿ ಬಂಡವಾಳಶಾಹಿಗಳಿಗೆ ಅನುಕೂಲ ಮಾಡಿಕೊಟ್ಟಿರುವ ಆರೋಪದ ಅಡಿ ಕರ್ನಾಟಕ ಪ್ರಾಂತ ರೈತ ಸಂಘದವರು ಗೆಜೆಟ್ ಪ್ರತಿ ಸುಟ್ಟು ತಮ್ಮ ಆಕ್ರೋಶಹೊರಹಾಕಿದ್ದಾರೆ. ಅಂಕೋಲಾದಲ್ಲಿ ಪ್ರತಿಭಟನೆ ನಡೆದಿದ್ದು, `ಕಾರ್ಮಿಕರಿಗೆ ರಕ್ಷಣೆ ನೀಡುವ 29 ಕಾನೂನು ರದ್ದು ಮಾಡಲಾಗಿದೆ. ಬಂಡವಾಳಶಾಹಿ ಪರವಾದ 4 ಕಾರ್ಮಿಕ ಸಂಹಿತೆಗಳನ್ನು ಕೇಂದ್ರ ಸರ್ಕಾರ ಏಕಪಕ್ಷೀಯವಾಗಿ ಜಾರಿಗೊಳಿಸಿದೆ’ ಎಂದು ಹೋರಾಟಗಾರ ಶಾಂತರಾಮ ನಾಯಕ ದೂರಿದ್ದಾರೆ. `79 ವರ್ಷಗಳಿಂದ ಕಾರ್ಮಿಕರ ರಕ್ಷಣೆಗಿದ್ದ ಕಾನೂನಿಗೆ ಇದೀಗ ಬೆಲೆ ಇಲ್ಲ. ಒಂದೇ ರಾತ್ರಿ ಅದನ್ನು ರದ್ಧು ಮಾಡಲಾಗಿದ್ದು ಅಸಂವಿಧಾನಾತ್ಮಕ ರೀತಿ ಕಾರ್ಮಿಕ ಸಂಹಿತೆ ರಚಿಸಲಾಗಿದೆ’ ಎಂದವರು ದೂರಿದ್ದಾರೆ. `ಸರ್ಕಾರ ಇದನ್ನು ಸುಧಾರಣಾ ನೀತಿ ಎನ್ನುತ್ತಿದೆ. ಆದರೆ, ಇದು ಸುಧಾರಣಾ ನೀತಿ ಅಲ್ಲ. ದುಡಿಯುವ ವರ್ಗದ ಮೇಲೆ ಬಂಡವಾಳಶಾಹಿಗಳ ಸವಾರಿ ಮಾಡಲು ಅವಕಾಶ ನೀಡಿದ ಸಂಹಿತೆ ಹೊರಬಿದ್ದಿದೆ’ ಎಂದವರು ಕಿಡಿಕಾರಿದ್ದಾರೆ. ಅಂಕೋಲಾ ಸಿಐಟಿಯು ತಾಲೂಕು ಸಂಚಾಲಕ ಎಚ್ ಬಿ ನಾಯಕ, ರೈತ ಸಂಘದ ತಾಲೂಕು ಅಧ್ಯಕ್ಷ ಗೌರೀಶ ನಾಯಕ, ಕಾರ್ಯದರ್ಶಿ ಸಂತೋಷ ನಾಯ್ಕ , ಪದಾಧಿಕಾರಿಗಳಾದ ಮಾದೇವ ಗೌಡ, ವೆಂಕಟರಮಣ ಗೌಡ, ಉದಯ ನಾಯ್ಕ, ರಾಜಗೋಪಾಲ್ ಶೇಟ್ ಸಂಹಿತೆಯನ್ನು ಸುಟ್ಟು ರಾಷ್ಟ್ರಪತಿಗಳಿಗೆ ಮನವಿ ರವಾನಿಸಿದ್ದಾರೆ.
- [ಚಿಕಿತ್ಸೆಗೆ ಸ್ಪಂದಿಸದ ಮಗುವಿನ ಹೃದಯ!](https://mobiletime.in/2025/11/a-childs-heart-that-doesnt-respond-to-treatment/): ಎಲ್ಲರ ಜೊತೆ ಬಾಳಿ ಬದುಕಬೇಕಿದ್ದ ಮೂರು ವರ್ಷದ ಬಾಲಕರೊಬ್ಬರಿಗೆ ಹೃದಯ ಬಡಿದುಕೊಳ್ಳುವುದನ್ನು ನಿಲ್ಲಿಸಿದೆ. ಪಾಲಕರು ನೋಡುತ್ತಿದ್ದಂತಯೇ ಮಗು ಸಾವನಪ್ಪಿದೆ. ಅಂಕೋಲಾದ ಅವರ್ಸಾ ಬಳಿಯ ಹಟ್ಟಿಕೇರಿಯಲ್ಲಿ ಉದಯ ನಾಯ್ಕ ಹಾಗೂ ವಂದನಾ ನಾಯ್ಕ ದಂಪತಿ ವಾಸವಾಗಿದ್ದರು. ಅವರ ದಾಂಪತ್ಯಕ್ಕೆ ಸಾಕ್ಷಿಯಾಗಿ ತನ್ವಯ್ ನಾಯ್ಕ ಜನಿಸಿದ್ದರು. ಬಾಲ್ಯದಲ್ಲಿಯೇ ಅವರಿಗೆ ಅನಾರೋಗ್ಯ ಕಾಡಿದ್ದು, ಪಾಲಕರು ಆತಂಕದಿAದ ವೈದ್ಯರನ್ನು ಭೇಟಿ ಮಾಡಿದ್ದರು. ಆ ವೇಳೆಯಲ್ಲಿಯೇ ವೈದ್ಯರು ಹೃದಯ ಸಂಬoಧಿ ಚಿಕಿತ್ಸೆಗೆ ಸೂಚಿಸಿದ್ದರು. ವಿವಿಧ ದೇವರಲ್ಲಿ ಬೇಡಿಕೊಂಡು ಹರಕೆ ಕಟ್ಟಿದ ಪಾಲಕರು ದೊಡ್ಡ ದೊಡ್ಡ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿದ್ದರು. `ಮಗು ಬದುಕಿದ್ದೇ ಪವಾಡ’ ಎಂದು ವೈದ್ಯರು ಹೇಳಿದ್ದರು. ಆರೋಗ್ಯದಲ್ಲಿ ಚೇತರಿಕೆ ಕಂಡ ತನ್ವಯ ನಾಯ್ಕ ಅವರು ಎಲ್ಲರ ಜೊತೆ ಬೆರೆಯುತ್ತಿದ್ದರು. ಅನಾರೋಗ್ಯ ಸಮಸ್ಯೆಯನ್ನು ಮರೆತು ಅವರು ಬದುಕಿದ್ದರು. ಹೀಗಿರುವಾಗ ಸೋಮವಾರ ರಾತ್ರಿ ತನ್ವಯ ನಾಯ್ಕ ಅವರ ಆರೋಗ್ಯದಲ್ಲಿ ದಿಢೀರ್ ಏರುಪೇರಾಯಿತು. ವಾಂತಿ ಮಾಡಿಕೊಂಡ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಹೃದಯ ಸಮಸ್ಯೆಯ ಕಾರಣ ಅವರು ಕೊನೆಯುಸಿರೆಳೆದರು.
- [ಸಪ್ತ ಸಾಗರದ ಆಚೆ ಸಪ್ತಪತಿ ಸಡಗರ!](https://mobiletime.in/2025/11/beyond-the-seven-oceans-the-seven-lords-are-in-a-frenzy/): ಅಲ್ಲಿ-ಇಲ್ಲಿ ಸುತ್ತಾಡುತ್ತಲೇ 7 ಸಾವಿರ ಮೈಲು ಸಂಚರಿಸಿದ ನಾರ್ವೇಯ ಸ್ಯಾಮ್ ಹಾಗೂ ಆರ್ಟಿನ್ ಭಾರತ ತಲುಪಿದ್ದು, ಇಲ್ಲಿ ಹಿಂದು ಸಂಪ್ರದಾಯದ ಪ್ರಕಾರ ಸತಿ-ಪತಿಗಳಾಗಿದ್ದಾರೆ. ಶ್ರೀ ಕ್ಷೇತ್ರ ಗೋಕರ್ಣದಲ್ಲಿ ಸಪ್ತಪದಿ ತುಳಿದ ಅವರು ಜೀವನದ ಉದ್ದಕ್ಕೂ ಒಟ್ಟಿಗೆ ಬದುಕುವ ಶಪಥ ಮಾಡಿದ್ದಾರೆ. ನಾರ್ವೇಯ ಸ್ಯಾಮ್ ಅವರು ವೃತ್ತಿಯಲ್ಲಿ ಅಡುಗೆ ತಯಾರಕರು. ಅವರು ಅನೇಕ ವರ್ಷಗಳಿಂದ ಭಾರತಕ್ಕೆ ಭೇಟಿ ನೀಡುತ್ತಿದ್ದು, ಅದರಲ್ಲಿಯೂ ಗೋಕರ್ಣ ಎಂದರೆ ಅವರಿಗೆ ಅಚ್ಚುಮೆಚ್ಚು. ಆರ್ಟಿನ್ ಅವರು ಖಾಸಗಿ ಕಂಪನಿಯೊAದರ ಉದ್ಯೋಗಿ. ಆರ್ಟಿನ್ ಅವರಿಗೆ ಭಾರತ ಪರಿಚಯವಿದ್ದದಲ್ಲ. ಆದರೆ, ಸ್ಯಾಮ್ ಅವರ ಪ್ರೇಮದ ಪಾಶಕ್ಕೆ ಆರ್ಟಿನ್ ಅವರು ಬಿದ್ದಾಗ ಭಾರತದ ಬಗ್ಗೆ ಅವರಿಗೂ ಪ್ರೀತಿ ಮೂಡಿತು. ಅದರ ಪರಿಣಾಮ ಅವರಿಬ್ಬರು ಸೇರಿ ಸಾಗರ ದಾಟಿ ಈ ಪುಣ್ಯ ಭೂಮಿಗೆ ಬಂದಿದ್ದು ಮಂಗಳವಾರ ಗುರು-ಹಿರಿಯರ ಸಮ್ಮುಖದಲ್ಲಿ ತಮ್ಮ ಜೀವನದ ಪ್ರಮುಖ ನಿರ್ಧಾರವೊಂದನ್ನು ಕೈಗೊಂಡಿದ್ದಾರೆ. ತಾವು ಉಳಿದಿದ್ದ ರೆಸಾರ್ಟಿಗೆ ವೈದಿಕರನ್ನು ಕರೆಯಿಸಿ ಅದ್ಧೂರಿಯಾಗಿ ಮದುವೆ ಆಗಿದ್ದಾರೆ. ಗೋಕರ್ಣದ ಕುಡ್ಲೆ ಬೀಚ್‌ನ ಕೆಫೆ ಪ್ಯಾರಡೈಸ ರೆಸಾರ್ಟನ ಆವಾರದಲ್ಲಿ ಅವರಿಬ್ಬರ ವಿವಾಹ ಮಹೋತ್ಸವ ನಡೆದಿದ್ದು, ವಿದೇಶಿ ಜೋಡಿಗೆ ಭಾರತಿಯ ವೈದಿಕರು ಮಂತ್ರಘೋಷ ಪಠಿಸಿ ಹಾರೈಸಿದ್ದಾರೆ. ಕೆಫೆಯ ಮಾಲಿಕರಾದ ಮುರಳಿ ಕಾಮತ್ ಹಾಗೂ ಪ್ರಮುಖರಾದ ನಿತ್ಯಾನಂದ ಶೆಟ್ಟಿ ಅವರು ದಂಪತಿಗೆ ಅಕ್ಷತೆ ಹಾಕಿ ಹಾರೈಸಿದರು. ವೈದಿಕರಾದ ಪ್ರಸನ್ನ ಜೋಗಭಟ್, ಮಹೇಶ ಅಡಿ, ಕೃಷ್ಣ ಸೂರಿ, ವಿನಾಯಕ ಉಪಾಧ್ಯ ವಿವಾಹ ಕೈಂಕರ್ಯ ನೆರವೇರಿಸಿದರು.
- [ವಜ್ರಳ್ಳಿ: ಬಾವಿಯೊಳಗೆ `ಬಿಲ್ ವಿದ್ಯೆ' ಪ್ರಯೋಗ!](https://mobiletime.in/2025/11/vajralli-experimenting-with-bill-technology-inside-a-well/): ಆರು ವರ್ಷದ ಹಿಂದೆ ಕೃಷಿ ಇಲಾಖೆಯವರು ಕೃಷಿ ಹೊಂಡ ನಿರ್ಮಿಸಿದ್ದು, ಅದೇ ಹೊಂಡ ತೋರಿಸಿದ ಗ್ರಾಮ ಪಂಚಾಯತದವರು 1.49 ಲಕ್ಷ ರೂ ಹಣ ಹೊಡೆದಿದ್ದಾರೆ! ಯಲ್ಲಾಪುರ ತಾಲೂಕಿನ ವಜ್ರಳ್ಳಿ ಗ್ರಾಮ ಪಂಚಾಯತದಲ್ಲಿ `ಬಿಲ್ ವಿದ್ಯೆ’ ಪ್ರಯೋಗ ನಡೆದಿದೆ. `ನಿಮಗೆ ಹೊಸದಾಗಿ ಬಾವಿ ಹೊಡೆದು ಕೊಡುತ್ತೇವೆ’ ಎಂದು ನಂಬಿಸಿದ ಗ್ರಾಮ ಪಂಚಾಯತದವರು ರೈತರ ಹೊಲದಲ್ಲಿ ಈಗಾಗಲೆ ಇದ್ದ ಕೃಷಿ ಹೊಂಡದ ಫೋಟೋ ತೆಗೆದಿದ್ದು, ಅದನ್ನೇ ಸರ್ಕಾರಿ ಕಡಕ್ಕೆ ಸೇರಿಸಿ ಬಿಲ್ ಮಾಡಿದ್ದಾರೆ. ರೈತರಿಗೂ ಅರಿವಿಗೆ ಬಾರದಂತೆ ರೈತನ ಹೆಸರಿನಲ್ಲಿ ಗ್ರಾಮ ಪಂಚಾಯತದವರು ಹಣ ಖರ್ಚು ಮಾಡಿದ್ದು, ತಮ್ಮ ಅರಿವಿಗೆ ಬರದೇ ತಮ್ಮ ಕ್ಷೇತ್ರದಲ್ಲಿ ಬಾವಿ ತೋಡಿದ ದಾಖಲೆ ಸೃಷ್ಠಿಸಿದನ್ನು ಅರಿತು ರೈತರು ಕಂಗಾಲಾಗಿದ್ದಾರೆ! ಯಲ್ಲಾಪುರದ ವಜ್ರಳ್ಳಿ ಗ್ರಾಮ ಪಂಚಾಯತದ ಚಿಮ್ನಳ್ಳಿ ಬಳಿಯ ತೆಲಂಗಾರಿನಲ್ಲಿ 2017-18ರಲ್ಲಿ ಕೃಷಿ ಇಲಾಖೆಯವರು ಕೃಷಿ ಹೊಂಡ ನಿರ್ಮಿಸಿದ್ದರು. ರೈತ ಗಣೇಶ ಗಾಂವ್ಕರ್ ಅವರ ಮನವಿ ಮೇರೆಗೆ ಅಲ್ಲಿ ಕೃಷಿ ಹೊಂಡ ನಿರ್ಮಿಸಿದ್ದು, ಅದಕ್ಕೆ ಕೃಷಿ ಇಲಾಖೆಯವರು ಖರ್ಚು ಹಾಕಿದ್ದರು. ಆರು ವರ್ಷದ ನಂತರ ಅದೇ ಕೃಷಿ ಹೊಂಡ ತೋರಿಸಿದ ವಜ್ರಳ್ಳಿ ಗ್ರಾಮ ಪಂಚಾಯತದವರು `ಅದನ್ನು ನಾವು ಮಾಡಿದ್ದು’ ಎಂದು ಹೇಳಿಕೊಂಡಿದ್ದಾರೆ. ಜೊತೆಗೆ ಆ ಹೊಂಡಕ್ಕೆ 1.49 ಲಕ್ಷ ರೂ ಖರ್ಚು ಹಾಕಿದ್ದಾರೆ. ಹೀಗಾಗಿ ಸರ್ಕಾರಿ ದಾಖಲೆಗಳ ಪ್ರಕಾರ ಒಂದೇ ಹೊಂಡಕ್ಕೆ ಎರಡು ಬಾರಿ ಖರ್ಚು ಬಿದ್ದಿದೆ! ಸದ್ಯ ಕೃಷಿ ಸಹಾಯ ನಿರ್ದೇಶಕರು ಆ ಕೆರೆ ನಾವು ನಿರ್ಮಿಸಿದ್ದು ಎನ್ನುತ್ತಾರೆ. ಗ್ರಾಮ ಪಂಚಾಯತದವರು `ಅದು ಕೆರೆ ಅಲ್ಲ ಬಾವಿ. ಅದನ್ನು ತೋಡಿದ್ದು ನಾವು’ ಎನ್ನುತ್ತಾರೆ. ಆದರೆ ಸತ್ಯ ಅರಿತಿದ್ದ ಸ್ಥಳೀಯ ರೈತ ಗಣೇಶ ಗಾಂವ್ಕರ್ ಅವರು ಇದಕ್ಕೆ ತಕರಾರು ಸಲ್ಲಿಸಿದ್ದಾರೆ. ಆ ಅವಧಿಯಲ್ಲಿ `ನಿಮಗೆ ಬೇರೆ ಬಾವಿ ಮಾಡಿಕೊಡುತ್ತೇವೆ’ ಎಂದು ಗ್ರಾಮ ಪಂಚಾಯತದವರು ಮೊದಲು ಸಮಾಧಾನ ಮಾಡಿದ್ದು, ಈವರೆಗೂ ಬೇರೆ ಬಾವಿ ನಿರ್ಮಾಣ ನಡೆದಿಲ್ಲ. ಅದಾದ ನಂತರ ಗಣೇಶ ಗಾಂವ್ಕರ್ ಅವರೇ 66 ಸಾವಿರ ರೂ ಹಣಪಡೆದ ಬಗ್ಗೆ ಪೊರ್ಜರಿ ದಾಖಲೆ ಸೃಷ್ಠಿಸಿದ್ದಾರೆ. ಆ ಮೂಲಕ ಏನೂ ಅರಿಯದ ರೈತ ಈ ಪ್ರಕರಣದಲ್ಲಿ ತಪ್ಪಿತಸ್ಥ ಎಂದು ಬಿಂಬಿಸುವ ಪ್ರಯತ್ನ ನಡೆದಿದ್ದು, `ದೂರು ಕೊಟ್ಟರೇ ನೀನೇ ಸಿಕ್ಕಿ ಬೀಳುವೆ’ ಎಂದು ಬೆದರಿಸುವ ತಂತ್ರವನ್ನು ನಡೆಸಿದ್ದಾರೆ! ಕೃಷಿ ಇಲಾಖೆಯವರು ಕೃಷಿ ಹೊಂಡ ನಿರ್ಮಿಸಲು 41841ರೂ ವೆಚ್ಚ ಮಾಡಿದ್ದು, ಅದೇ ಹೊಂಡಕ್ಕೆ ಗ್ರಾಮ ಪಂಚಾಯತದವರು 1.49 ಲಕ್ಷ ರೂ ಬಿಲ್ ಮಾಡಿದ್ದು ದಾಖಲೆಗಳಿಂದ ಸಾಭೀತಾಗಿದೆ. ಗ್ರಾಮ ಪಂಚಾಯತ ಅಧ್ಯಕ್ಷ ಭಗೀರಥ ನಾಯ್ಕ ಅವರ ಜೊತೆ ಸೇರಿ ಪಿಡಿಓ ಆಗಿದ್ದ ಸಂತೋಷಿ ಬಂಟ್, ತಾಂತ್ರಿಕ ಸಹಾಯಕಿ ಅನುಸೂಯಾ ಸಿದ್ದಿ, ವಜ್ರಳ್ಳಿ ಡಾಟಾ ಎಂಟ್ರಿ ಆಪರೇಟರ್ ಲಕ್ಷö್ಮಣ ಮರಾಠಿ ಅವರು ಈ ಅವ್ಯವಹಾರ ನಡೆಸಿರುವುದಾಗಿ ತನಿಖಾ ವರದಿ ವಿವರಿಸಿದೆ. ಹೀಗಾಗಿ ಗ್ರಾಮ ಪಂಚಾಯತ ಅಧ್ಯಕ್ಷ ಭಗೀರಥ ನಾಯ್ಕ, ಪಿಡಿಓ ಸಂತೋಷಿ ಬಂಟ್ ಜೊತೆ ಅನುಸೂಯಾ ಸಿದ್ದಿ ಅವರಿಗೆ ತಲಾ 43869ರೂ ಹಾಗೂ 14623ರೂ ಹಣ ಪಾವತಿಸುವಂತೆ ತನಿಖಾಧಿಕಾರಿಗಳು ಆದೇಶಿಸಿದ್ದಾರೆ. ಮಾಹಿತಿ ಹಕ್ಕು ಕಾಯ್ದೆ ಅಡಿ ಮೊಬೈಲ್ ಮಿಡಿಯಾ ನೆಟ್‌ವರ್ಕ ನೀಡಿದ ಅರ್ಜಿಗೆ ಈ ದಾಖಲೆಗಳು ಸಿಕ್ಕಿವೆ.
- [2025 ನವೆಂಬರ್ 26ರ ದಿನ ಭವಿಷ್ಯ](https://mobiletime.in/2025/11/prediction-for-november-26-2025/): ಮೇಷ ರಾಶಿ: ಉದ್ಯೋಗದಲ್ಲಿನ ಯಶಸ್ಸು ಸಂತೋಷ ಕೊಡಲಿದೆ. ಹಣಕಾಸು ಸ್ಥಿತಿ ಸುಧಾರಣೆಗೊಳ್ಳುವ ಸಾಧ್ಯತೆ ಇದೆ. ಆರೋಗ್ಯದ ಬಗ್ಗೆ ಜಾಗರೂಕತೆಯಿಂದಿರಬೇಕು. ಕುಟುಂಬದಲ್ಲಿ ಸಂವಾದ ಹೆಚ್ಚುತ್ತದೆ. ವಿವಿಧ ಯೋಜನೆಗಳನ್ನು ಪ್ರಾರಂಭಿಸಲು ಅನುಕೂಲವಾಗುತ್ತದೆ. ವೃಷಭ ರಾಶಿ: ಮನದಾಳದ ಆಶಯಗಳು ಪೂರೆಯಾಗಲಿವೆ. ಹಣ ಕಾಪಾಡುವ ವಿಷಯದಲ್ಲಿ ಜಾಗೃತೆ ಅಗತ್ಯ. ಸಹೋದ್ಯೋಗಿಗಳಿಂದ ಸಹಕಾರ ಸಿಗುತ್ತದೆ. ಆರೋಗ್ಯ ಜಾಗೃತಿಯಿಂದ ಉತ್ತಮವಾಗುತ್ತದೆ. ಮನಸ್ಥಿತಿ ಶಾಂತವಾಗಿರುತ್ತದೆ. ಮಿಥುನ ರಾಶಿ: ವಾಗ್ವಾದಗಳಿಂದ ದೂರವಿರಿ. ಹೊಸ ಕಲಿಕೆಗೆ ಮನಸ್ಸು ಮಾಡಬಹುದು. ಹಣಕಾಸಿನಲ್ಲಿ ಜಾಗ್ರತೆ ತೋರಬೇಕು. ಅಸಮಧಾನಗಳನ್ನು ವ್ಯಕ್ತಪಡಿಸಲು ಸೂಕ್ತ ಸಮಯವಲ್ಲ. ಕರ್ಕ ರಾಶಿ: ಉದ್ಯೋಗದಲ್ಲಿ ಸಾಂತ್ವನ ಹಾಗೂ ಶಾಂತಿಯಾಯಕ ದಿನ. ಹಣದ ಸಮಸ್ಯೆಗಳು ನಡೆಯುತ್ತವೆ. ಕುಟುಂಬದಲ್ಲಿ ಏಕರೂಪತೆ ಬೆಳೆಸಿಕೊಳ್ಳಿ. ಕೆಲಸದ ವಿಷಯದಲ್ಲಿ ಆಸಕ್ತಿ ಮುಖ್ಯ. ಸಿಂಹ ರಾಶಿ: ಕನಸುಗಳನ್ನು ಯಶಸ್ವಿಯಾಗಿ ಕಾರ್ಯರೂಪಕ್ಕೆ ತರುತ್ತೀರಿ. ಬಂಧುಮಿತ್ರರಿAದ ನೆರವು ಸಿಗುತ್ತದೆ. ಆರೋಗ್ಯದ ಕಡೆ ಗಮನ ನೀಡಿ. ಮಾನಸಿಕ ಸಮತೋಲನ ಅಗತ್ಯ. ಹೊಸ ಪರಿಚಯಗಳು ಅನುಕೂಲಕರ. ಕನ್ಯಾ ರಾಶಿ: ಅಧ್ಯಯನ ಮತ್ತು ಕಾರ್ಯಕ್ಷೇತ್ರದಲ್ಲಿ ಯಶಸ್ಸಿನ ದಿನ. ಶಾರೀರಿಕ ಆರೋಗ್ಯ ಉತ್ತಮವಾಗಿರುವುದು. ಮನೆಯೊಂದರಲ್ಲಿ ಸಂತೋಷ ಕಾಣಲಿದೆ. ಸ್ನೇಹಿತರಿಂದ ಪ್ರೋತ್ಸಾಹ ಸಿಗಲಿದೆ. ತುಲಾ ರಾಶಿ: ವ್ಯವಹಾರಗಳಲ್ಲಿ ಮುನ್ನಡೆ ಕಾಣುತ್ತದೆ. ಹಣಕಾಸು ಸಂಬAಧಿತ ನಿರೀಕ್ಷೆಗಳು ಪೂರೆಯಾಗುತ್ತವೆ. ಆರೋಗ್ಯದಲ್ಲಿ ಸತತ ಜಾಗೃತಿಯಿಂದ ಲಾಭ ಆಗಲಿದೆ. ವೃಶ್ಚಿಕ ರಾಶಿ: ಯೋಜನೆಗಳು ಯಥಾವತ್ತಾಗಿ ಮುಂದುವರೆಯಲಿದ್ದು, ಆರೋಗ್ಯದಲ್ಲಿ ಬದಲಾವಣೆ ಆಗಬಹುದು. ಕುಟುಂಬದವರ ಉತ್ತಮ ಸಹಕಾರ ಸಿಗಲಿದೆ. ಹೊಸ ವಿಷಯಗಳ ಕಲಿಕೆ ಸಾಧ್ಯವಿದೆ. ಧನು ರಾಶಿ: ವ್ಯವಹಾರಗಳಲ್ಲಿ ಉತ್ತಮ ಬೆಳವಣಿಗೆ ಆಗಲಿದೆ. ಆರೋಗ್ಯಕ್ಕಾಗಿ ವ್ಯಾಯಾಮ ಅಗತ್ಯ. ಹೊಸ ಜನರ ಭೇಟಿಗೆ ಅವಕಾಶ ಸಿಗಲಿದೆ. ಮನಸ್ಸು ಸರಿಯಾದ ದಿಕ್ಕಿನಲ್ಲಿ ಸಾಗುತ್ತದೆ. ಮಕರ ರಾಶಿ: ಉದ್ಯೋಗದಲ್ಲಿ ಬದಲಾವಣೆಗಳಾಗಬಹುದು. ಆರೋಗ್ಯದ ಕಡೆ ಗಮನ ಕೊÀ. ಕುಟುಂಬದಲ್ಲಿ ಸಹಕಾರ. ಹೊಸ ಆಸ್ಥಿ ಖರೀದಿ ಉಪಯುಕ್ತ. ಧಾರ್ಮಿಕ ಕಾರ್ಯಗಳಲ್ಲಿ ತೊಡಗುವಿಕೆ ಮುಖ್ಯ ಕುಂಭ ರಾಶಿ: ಸೃಜನಶೀಲ ಕೆಲಸಗಳು ಅನುಕೂಲಕರ. ಸ್ನೇಹಿತರೊಂದಿಗೆ ಸಂಪರ್ಕ ಹೆಚ್ಚಾಗಲಿದೆ. ಮನಶಾಂತಿಯಿAದ ಸಾಧನೆ ಸಾಧ್ಯವಿದೆ. ಹೊಸ ಕಲಿಕೆ ಆರಂಭಕ್ಕೆ ಶುಭ ದಿನ. ಮೀನ ರಾಶಿ: ಸಹಾನುಭೂತಿಯ ಬೆಳವಣಿಗೆಗಳು ನಡೆಯಲಿದೆ. ಈ ದಿನ ಸಾಲ ಕೊಡುವುದು ಸೂಕ್ತವಲ್ಲ. ಆರೋಗ್ಯದಲ್ಲಿ ನಿಯಮಿತ ವ್ಯಾಯಾಮ ಅಗತ್ಯ. ಆಧ್ಯಾತ್ಮಿಕ ಚಟುವಟಿಕೆಗಳು ಫಲ ಕೊಡಲಿದೆ.
- [ಕಚ್ಚಿದ ಹಾವನ್ನು ಕೈಯಲ್ಲಿಡಿದು ಆಸ್ಪತ್ರೆಗೆ ಬಂದ!](https://mobiletime.in/2025/11/he-came-to-the-hospital-with-a-snake-bite-in-his-hand/): ಕೂಲಿ ಕೆಲಸಕ್ಕೆ ತೆರಳಿದ್ದ ದೇವು ಗೌಡ ಅವರಿಗೆ ಹಾವು ಕಚ್ಚಿದ್ದು, ಅದೇ ಹಾವನ್ನು ಹಿಡಿದು ಅವರು ಆಸ್ಪತ್ರೆಗೆ ಬಂದಿದ್ದಾರೆ. ವೈದ್ಯರು ಚಿಕಿತ್ಸೆ ನೀಡಿ ದೇವು ಗೌಡ ಅವರ ಆತಂಕ ದೂರ ಮಾಡಿದ್ದಾರೆ. ಗೋಕರ್ಣ ಬಳಿಯ ಬಿಜ್ಜೂರಿನ ದೇವು ಗೌಡ (38) ಅವರು ಮಂಗಳವಾರ ಅಂಕೋಲಾದ ತಿಂಗಳಬೈಲ್ ಬಳಿ ಕೂಲಿ ಕೆಲಸಕ್ಕೆ ಹೋಗಿದ್ದರು. ಸಂಜೆ ವೇಳೆ ಅಲ್ಲಿ ಅವರಿಗೆ ಹಾವೊಂದು ಕಚ್ಚಿತು. ನಂತರ ಆ ಹಾವು ಪೊದೆ ಹಿಂದೆ ಹೋಯಿತು. ಆದರೆ, ಕಚ್ಚಿದ ಹಾವು ಯಾವುದು? ಎಂದು ಅವರಿಗೆ ಗೊತ್ತಾಗಲಿಲ್ಲ. ಆಸ್ಪತ್ರೆಗೆ ಹೋದರೂ `ಯಾವ ಹಾವು ಕಚ್ಚಿತು?’ ಎಂದು ಪ್ರಶ್ನಿಸಬಹುದು ಎಂದು ಊಹಿಸಿದ ಅವರು ಪೊದೊಯೊಳಗೆ ಹೋಗಿದ್ದ ಹಾವು ಹುಡುಕಿ ಹೊರ ತೆಗೆದರು. ಆ ಹಾವನ್ನು ಅಲ್ಲಿಂದ ಹೊರ ತೆಗೆದು ಪ್ಲಾಸ್ಟಿಕ್ ಕೊಟ್ಟೆಯೊಳಗೆ ಹಾಕಿ ಆಸ್ಪತ್ರೆ ಕಡೆ ಹೊರಟರು. ಹಿಲ್ಲೂರಿನ ಆಸ್ಪತ್ರೆಗೆ ಬಂದಿದ್ದ ದೇವು ಗೌಡ ಅವರಿಗೆ ಅಲ್ಲಿನವರು ಚಿಕಿತ್ಸೆ ಕೊಟ್ಟರು. ಈ ವೇಳೆಗಾಗಲೇ ದೇವು ಗೌಡ ಅವರು ಅಸ್ವಸ್ಥಗೊಂಡಿದ್ದು, ಅಲ್ಲಿನ ವೈದ್ಯರು ಅವರನ್ನು ಅಂಕೋಲಾ ತಾಲೂಕು ಆಸ್ಪತ್ರೆಗೆ ಕಳುಹಿಸಿದರು. 108 ಸಿಬ್ಬಂದಿ ದೇವು ಗೌಡರನ್ನು ಆಸ್ಪತ್ರೆಗೆ ಕರೆತಂದರು. ಅಂಕೋಲಾ ಆಸ್ಪತ್ರೆಯವರು ವಿವಿಧ ಬಗೆಯ ಚಿಕಿತ್ಸೆ ನೀಡಿ ಅವರನ್ನು ಕಾರವಾರ ಆಸ್ಪತ್ರೆಗೆ ಕಳುಹಿಸಿದರು.
- [ಶವಯಾತ್ರೆಗೆ ಸಾಕ್ಷಿಯಾದ 5 ಸಾವಿರ ಜನ!](https://mobiletime.in/2025/11/5-thousand-people-witnessed-the-funeral-procession/): ಅಭಿವೃದ್ಧಿ ಹೆಸರಿನಲ್ಲಿ ಜನರ ಜೀವನದ ಜೊತೆ ಆಟವಾಡುತ್ತಿರುವ ಬಂದರು ಯೋಜನೆ ವಿರೋಧಿಸಿ ಅಂಕೋಲಾದಲ್ಲಿ ಮಂಗಳವಾರ ಅಣಕು ಶವಯಾತ್ರೆ ನಡೆದಿದೆ. 5 ಸಾವಿರಕ್ಕೂ ಅಧಿಕ ಜನ ಈ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದಾರೆ. `ಕಳೆದ ಒಂದು ವರ್ಷದಿಂದ ಪ್ರತಿಭಟನೆ ನಡೆಸುತ್ತಿದ್ದರೂ ಹೂಡಿಕೆ ಕಂಪನಿ JSW ಯೋಜನೆಯಿಂದ ಹಿಂದೆ ಸರಿದಿಲ್ಲ. ಹೀಗಾಗಿ ಕರಾಳ ದಿನ ಆಚರಿಸುತ್ತಿದ್ದೇವೆ’ ಎಂದು ಪ್ರತಿಭಟನೆಯಲ್ಲಿದ್ದವರು ಹೇಳಿದರು. ಅಂಕೋಲಾ ಪಟ್ಟಣದ ಎಲ್ಲಾ ವ್ಯಾಪಾರಸ್ಥರು ತಮ್ಮ ಅಂಗಡಿಗಳನ್ನು ಬಂದ್ ಮಾಡಿ ಕೇಣಿ ಬಂದರು ಯೋಜನೆಯನ್ನು ವಿರೋಧಿಸಿದರು. ಕೇಣಿ ಬಂದರು ಯೋಜನೆ ವಿರೋಧಿಸದ ಜನಪ್ರತಿನಿಧಿಗಳ ವಿರುದ್ಧ ಪ್ರತಿಭಟನಾಕಾರರು ಘೋಷಣೆ ಕೂಗಿದರು. `ಸಾವಿರಾರು ಜನರ ಕೂಗಿಗೆ ಸರಕಾರ ಸ್ಪಂದಿಸುವ ಕೆಲಸ ಮಾಡಡಿಲ್ಲ’ ಎಂದು ಪ್ರತಿಭಟನೆ ಪ್ರಮುಖ ಸಂಜೀವ ಬಲೇಗಾರ ಆಕ್ರೋಶವ್ಯಕ್ತಪಡಿಸಿದರು. `ಬಂದರು ನಿರ್ಮಾಣ ಕಾರ್ಯ ಮುಂದುವರೆಸಿದರೆ ಸಾಮೂಹಿಕ ಆತ್ಮಹತ್ಯೆ ಮಾಡಿಕೊಳ್ಳಲು ಹಿಂದೆ ಸರಿಯುವುದಿಲ್ಲ’ ಎಂದು ಎಚ್ಚರಿಸಿದರು. `ಉಸ್ತುವಾರಿ ಸಚಿವ ಮಂಕಾಳ ವೈದ್ಯ ಅವರು ಮೀನುಗಾರಿಕೆ ಮಂತ್ರಿ ಆದರು ಮೀನುಗಾರರ ಅಳಲನ್ನು ಒಮ್ಮೆಯು ಕೇಳಲಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. ಕೇಣಿ ವಾಣಿಜ್ಯ ಬಂದರು ವಿರೋಧಿಸಿ 14 ದಿನಗಳಿಂದ ಧರಣಿ ನಡೆಯುತ್ತಿದೆ. ಈ ದಿನ ಕರೆ ನೀಡಿದ ಅಂಕೋಲಾ ಬಂದಿಗೆ ವಕೀಲರ ಸಂಘ, ಕಿಸಾಸ ರೈತ ಸಂಘ ಸೇರಿ ವಿವಿಧ ಸಂಘಟನೆಗಳು ಬೆಂಬಲ ನೀಡಿದ್ದಾರೆ. ಪ್ರತಿಭಟನೆಯ ಕಾವು ಹೆಚ್ಚಿದ್ದರಿಂದ ಮಧ್ಯಾಹ್ನ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸ್ಥಳಕ್ಕೆ ದಾವಿಸಿ ಅಳಲು ಆಲಿಸಿದರು. `ಅಹವಾಲು ಸಭೆಯ ವರದಿಯನ್ನು ಪಾರದರ್ಶಕವಾಗಿ ಸರ್ಕಾರಕ್ಕೆ ಕಳುಹಿಸಲಾಗಿದೆ. ಈ ದಿನದ ಪ್ರತಿಭಟನೆಯ ವಿಷಯವನ್ನು ಮುಖ್ಯಮಂತ್ರಿಗೆ ತಿಳಿಸುವೆ’ ಎಂದವರು ಹೇಳಿದರು.  
- [ಸಮುದ್ರಕ್ಕೆ ಹಾರಿ ಸಾವನಪ್ಪಿದ ಸ್ವಾವಲಂಬಿ ಅಜ್ಜಿ!](https://mobiletime.in/2025/11/a-self-sufficient-grandmother-who-jumped-into-the-sea-and-died/): `ಬೇರೆಯವರಿಗೆ ಎಂದಿಗೂ ತೊಂದರೆ ಕೊಡಬಾರದು’ ಎಂಬ ಮನಸ್ಥಿತಿ ಹೊಂದಿದ್ದ ಗೌರಿ ನಾಯ್ಕ ಅವರು `ತಮ್ಮ ಸಾವಿನ ನಂತರವೂ ಯಾರಿಗೂ ಸಮಸ್ಯೆ ಆಗಬಾರದು’ ಎಂದು ಯೋಚಿಸಿದ್ದಾರೆ `ಅನಾರೋಗ್ಯಕ್ಕೂ ಮುನ್ನ ಸಾವನಪ್ಪಬೇಕು’ ಎಂದು ಯೋಚಿಸಿ ಗಟ್ಟಿಮುಟ್ಟಾಗಿರುವಾಗಲೇ ಅವರು ಸಮುದ್ರಕ್ಕೆ ಹಾರಿ ಸಾವನಪ್ಪಿದ್ದಾರೆ! ಭಟ್ಕಳದ ಮುರುಡೇಶ್ವರದ ಬಳಿ ಗೌರಿ ನಾಗಪ್ಪ ನಾಯ್ಕ ಅವರು ವಾಸವಾಗಿದ್ದರು. 74 ವರ್ಷವಾದರೂ ಅವರು ಗಟ್ಟಿಮುಟ್ಟಾಗಿದ್ದರು. ಹೀಗಾಗಿ ಮನೆಯ ಎಲ್ಲಾ ಕೆಲಸವನ್ನು ಅವರು ನಿಭಾಯಿಸುತ್ತಿದ್ದರು. ಸ್ವಾಭಿಮಾನಿ ಸ್ವಭಾವದವಾರಿದ್ದ ಅವರು `ತಾನು ಯಾರಿಗೂ ಬಾರ ಆಗಬಾರದು. ತಮ್ಮಿಂದ ಯಾರಿಗೂ ತೊಂದರೆ ಆಗಬಾರದು’ ಎಂದು ಹೇಳುತ್ತಿದ್ದರು. ಈಚೆಗೆ ಅವರಿಗೆ ವಯೋ ಸಹಜ ರೋಗ ಕಾಣಿಸಿಕೊಂಡಿದ್ದು ಈ ಬಗ್ಗೆ ಅವರು ಯೋಚಿಸಿದ್ದರು. ತನ್ನ ಆರೈಕೆ ಮಾಡುವವರಿಗೆ ಸಮಸ್ಯೆ ಬಾರದಂತೆ ತಡೆಯುವುದಕ್ಕಾಗಿ ಅವರು ಸಾವಿನ ನಿರ್ಧಾರ ಮಾಡಿದರು. ಅದರ ಪ್ರಕಾರ, ಮುರುಡೇಶ್ವರದಲ್ಲಿನ ಅರಬ್ಬಿ ಸಮುದ್ರಕ್ಕೆ ಹೋದ ಅವರು ದೇವಾಲಯ ಬಲಭಾಗಕ್ಕೆ ತೆರಳಿದರು. ಅಲೆಗಳ ಅಬ್ಬರದ ನಡುವೆಯೂ ಆಳ ಸಮುದ್ರಕ್ಕೆ ಹೋಗುವ ಪ್ರಯತ್ನ ಮಾಡಿದರು. ನವೆಂಬರ್ 24ರ ನಸುಕಿನಲ್ಲಿ ಅವರು ಅಲೆಗಳಿಗೆ ಸಿಲುಕಿ ಕೊನೆಯುಸಿರೆಳೆದರು. ಕಡಲ ತೀರದಲ್ಲಿ ಬಿದ್ದಿದ್ದ ತಾಯಿ ಶವ ನೋಡಿ ಅಣ್ಣಪ್ಪ ನಾಯ್ಕ ಅವರು ಅಳುತ್ತಿದ್ದರು.
- [ಕಾನ್ಸರ್ ರೋಗಿಗೆ ನೆರವಿನ ಭರವಸೆ](https://mobiletime.in/2025/11/cancer-former-mla-says-she-will-help-patient/): ರಕ್ತ ಕಾನ್ಸರಿನಿಂದ ಬಳಲುತ್ತಿರುವ ಕುಮಟಾದ ಜನಾರ್ಧನ ಮುಕ್ರಿ ಅವರಿಗೆ ಕುಮಟಾದ ಮಾಜಿ ಶಾಸಕಿ ಶಾರದಾ ಶೆಟ್ಟಿ ಅವರು ಹಣ ಸಹಾಯ ಮಾಡುವ ಭರವಸೆ ನೀಡಿದ್ದಾರೆ. ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಹಳಕಾರದ ಜನಾರ್ಧನ ಮುಕ್ರಿ ಅವರ ಪರಿಸ್ಥಿತಿಯ ಬಗ್ಗೆ ಶಾರದಾ ಶೆಟ್ಟಿ ಅವರಲ್ಲಿ ವಿವರಿಸಿದ್ದರು. 2 ಲಕ್ಷ ರೂಪಾಯಿಯಷ್ಟು ಆಸ್ಪತ್ರೆಯ ಬಿಲ್ ಆಗಿದ್ದು, ಅದನ್ನು ಪಾವತಿಸಲು ಸಹಾಯ ಮಾಡುವಂತೆ ಮನವಿ ಮಾಡಿದ್ದರು. ನಾರಾಯಣ ಹೃದಯಾಲಯದಲ್ಲಿರುವ ಜನಾರ್ಧನ ಮುಕ್ರಿ ಅವರ ತಾಯಿ ಪರಮೇಶ್ವರಿ ಮುಕ್ರಿ ಅವರಿಗೆ ಶಾರದಾ ಶೆಟ್ಟಿ ಅವರು ಫೋನ್ ಮಾಡಿ, ಮಗನ ಆರೋಗ್ಯ ವಿಚಾರಿಸಿದರು. ಈ ವೇಳೆ ಹಣ ಸಹಾಯ ಮಾಡುವ ಭರವಸೆ ನೀಡಿದರು. ಈ ಮೊದಲು ಸಹ ಶಾರದಾ ಶೆಟ್ಟಿ ಅವರು ಕುಟುಂಬಕ್ಕೆ ನೆರವಾಗಿದ್ದರು. ಈ ಹಿನ್ನಲೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರು ಶಾರದಾ ಶೆಟ್ಟಿ ಅವರಿಗೆ ಕೃತಜ್ಞತೆ ಸಲ್ಲಿಸಿದರು. ಪ್ರಮುಖರಾದ ವನಿತಾ ಮುಕ್ರಿ, ಸಂತೋಷ ಮುಕ್ರಿ, ನಾಗೇಶ ಅವರು ಇದ್ದರು.
- [ಪ್ರಪಾತಕ್ಕೆ ಬಿದ್ದ ಬಸ್ಸು!](https://mobiletime.in/2025/11/bus-falls-into-abyss/): ಹುಬ್ಬಳ್ಳಿ-ಅಂಕೋಲಾ ರಸ್ತೆಯಲ್ಲಿ ಅತ್ಯಂತ ವೇಗವಾಗಿ ಚಲಿಸುತ್ತಿದ್ದ ಸರ್ಕಾರಿ ಬಸ್ಸು ಪ್ರಪಾತಕ್ಕೆ ಬಿದ್ದಿದೆ. ಈ ಅವಘಡದಲ್ಲಿ 20ಕ್ಕೂ ಅಧಿಕ ಜನ ಗಾಯಗೊಂಡಿದ್ದಾರೆ. ಕಾರವಾರ-ರಾಯಚೂರು ಮಾರ್ಗದ ಬಸ್ಸು ಇದಾಗಿತ್ತು. ಯಲ್ಲಾಪುರ-ಅಂಕೋಲಾ ನಡುವಿನ ವಜ್ರಳ್ಳಿ ಬಳಿ ಬಸ್ಸು ಪಲ್ಟಿಯಾಯಿತು. ಪರಿಣಾಮ ಬಸ್ಸು ಕಂದಕಕ್ಕೆ ಬಿದ್ದಿದ್ದು, ಅನೇಕರು ಪೆಟ್ಟು ಮಾಡಿಕೊಂಡರು. ಆ ಪೈಕಿ ಇಬ್ಬರ ಸ್ಥಿತಿ ಗಂಭೀರವಾಗಿದೆ. ಮಹಿಳೆಯರು, ಮಕ್ಕಳು ಸೇರಿ ಅನೇಕರು ಈ ಬಸ್ಸಿನಲ್ಲಿದ್ದು ಅಪಘಾತದಿಂದ ಗಾಯಗೊಂಡಿದ್ದಾರೆ. ಅತಿ ವೇಗವೇ ಈ ಅಪಘಾತಕ್ಕೆ ಕಾರಣ ಎಂಬ ಮಾಹಿತಿ ಸಿಕ್ಕಿದೆ. ಗಾಯಗೊಂಡವರನ್ನು ತುರ್ತಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಂಕೋಲಾ ಹಾಗೂ ಯಲ್ಲಾಪುರ ಪೊಲೀಸರು ಸ್ಥಳಕ್ಕೆ ತೆರಳಿದ್ದಾರೆ. ರಕ್ಷಣಾ ತಂಡಗಳು ಧಾವಿಸಿ ಕಾರ್ಯಾಚರಣೆ ನಡೆಸುತ್ತಿವೆ. ಗಾಯಾಳುಗಳಿಗೆ ತುರ್ತು ಚಿಕಿತ್ಸೆ ಮುಂದುವರೆದಿದೆ.
- [ಪಾಠ ಮಾಡದ ಈ ಮೇಷ್ಟ್ರು ಕಾಟ ಕೊಟ್ಟಿದ್ದೇ ಜಾಸ್ತಿ!](https://mobiletime.in/2025/11/this-master-who-does-not-teach-has-given-too-much/): ದೊಡ್ಡ ಶಾಲೆ ಎಂದು ಗುರುತಿಸಿಕೊಂಡ ಸಂಸ್ಥೆಯಲ್ಲಿ ದೈಹಿಕ ಶಿಕ್ಷಕನಾಗಿ ಕೆಲಸ ಮಾಡುತ್ತಿದ್ದ ಕಿರಣ ಟಪೋಜಿ ಅವರು ಪಾಠ ಮಾಡಿದಕ್ಕಿಂತಲೂ ಹೆಚ್ಚಾಗಿ ಅಲ್ಲಿದ್ದ ವಿದ್ಯಾರ್ಥಿನಿಯರಿಗೆ ಕಾಟ ಕೊಟ್ಟಿರುವುದೇ ಹೆಚ್ಚು. ವಿದ್ಯಾರ್ಥಿನಿಯೊಬ್ಬರನ್ನು ದೈಹಿಕವಾಗಿ ಬಳಸಿಕೊಂಡ ಆರೋಪ ಈತನ ಮೇಲಿದ್ದು, ಪಾಲಕರು ಪೊಲೀಸರ ಮೊರೆ ಹೋಗಿದ್ದಾರೆ. ಮುಂಡಗೋಡದ ಪ್ರತಿಷ್ಠಿತ ಪ್ರೌಢಶಾಲೆಯಲ್ಲಿ ಕಿರಣ ಟಪೋಜಿ ದೈಹಿಕ ಶಿಕ್ಷಕರಾಗಿದ್ದರು. ಪಾಠ ಮಾಡುವ ನೆಪದಲ್ಲಿ ವಿದ್ಯಾರ್ಥಿನಿಯರ ಮೈ-ಕೈ ಮುಟ್ಟುವುದು ಸಾಮಾನ್ಯವಾಗಿದ್ದು, ಇದನ್ನು ವಿರೋಧಿಸುವ ವಿದ್ಯಾರ್ಥಿನಿಯರಿಗೆ ಇನ್ನಷ್ಟು ಕಾಟ ಕೊಡುತ್ತಿದ್ದರು. ವಿದ್ಯಾರ್ಥಿನಿಯರು ಒಬ್ಬರೇ ಇರುವುದನ್ನು ಅರಿತು ಅವರ ಮನೆಗೆ ಹೋಗುವುದನ್ನು ಸಹ ಕಿರಣ ಟಪೋಜಿ ರೂಢಿಸಿಕೊಂಡಿದ್ದರು. ಹೀಗೆ ಮಕ್ಕಳ ಮನೆಯೊಂದಕ್ಕೆ ಹೋದ ಅವರು ಅಲ್ಲಿದ್ದ ಬಾಲಕಿಯ ಮೇಲೆ ಅತ್ಯಾಚಾರ ನಡೆಸಿದರು. ಒತ್ತಾಯಪೂರ್ವಕವಾಗಿ ತನ್ನನ್ನು ಬಳಸಿಕೊಂಡಿದ್ದನ್ನು ಬಾಲಕಿ ಸಹಿಸಿಕೊಂಡಿರಲಿಲ್ಲ. ಆದರೆ, `ಈ ವಿಷಯ ಎಲ್ಲಾದರೂ ಹೇಳಿದರೆ ಜೀವ ತೆಗೆಯುವೆ’ ಎಂಬ ಬೆದರಿಕೆ ಒಡ್ಡುವುದನ್ನು ಕಿರಣ ಟಪೋಜಿ ಮರೆತಿರಲಿಲ್ಲ. ಹೀಗಾಗಿ ಹಿಂಸೆಯನ್ನು ಆ ಬಾಲಕಿ ಅನಿವಾರ್ಯವಾಗಿ ಸಹಿಸಿಕೊಂಡಿದ್ದು, ಅದಾಗಿಯೂ ಆ ದೈಹಿಕ ಶಿಕ್ಷಕನ ದೈಹಿಕ ದುರ್ಬಳಕೆಯ ಆಟ ಹಾಗೇ ಮುಂದುವರೆದಿತ್ತು. ಈ ನಡುವೆ ವಿದ್ಯಾರ್ಥಿಗಳ ಮೇಲೆ ಹಲ್ಲೆ, ದುರ್ವರ್ತನೆಯ ಆರೋಪದ ಹಿನ್ನಲೆ ಆ ಶಾಲೆಯವರು ಕಿರಣ ಟಪೋಜಿಯನ್ನು ಕೈ ಬಿಟ್ಟಿದ್ದರು. ಕೆಲಸದಿಂದ ವಜಾ ಆಗಿದ್ದರೂ ಆತನ ಕಾಮದಾಟಗಳು ನಿಂತಿರಲಿಲ್ಲ. ಹೀಗಾಗಿ ಇನ್ನೊಂದು ಶಾಲೆಗೆ ಸೇರಿದ ಕಿರಣ ಟಪೋಜಿ ಅಲ್ಲಿಯೂ ತಮ್ಮ ಹಳೆ ಚಾಳಿ ಮುಂದುವರೆಸಿದ್ದರು. ಇದನ್ನು ಸಹಿಸದ ವಿದ್ಯಾರ್ಥಿನಿಯೊಬ್ಬರು ಪಾಲಕರಿಗೆ ದೂರು ನೀಡಿದ್ದು, ಪಾಲಕರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ.
- [ಅರಣ್ಯ ಹಕ್ಕು: 30 ಸಾವಿರ ಅರ್ಜಿ ಸಲ್ಲಿಕೆಗೆ ಸಿದ್ಧತೆ](https://mobiletime.in/2025/11/forest-rights-preparations-to-submit-30000-applications/): ಅರಣ್ಯವಾಸಿಗಳ ಕಾನೂನು ಜಾಗೃತ ಜಾಥದ ಅಂಗವಾಗಿ ಕಾರವಾರದಲ್ಲಿ ಜರುಗಲಿರುವ ಅರಣ್ಯವಾಸಿಗಳ ಸಮಾವೇಶದಲ್ಲಿ ಜಿಲ್ಲಾಧಿಕಾರಿಗಳಿಗೆ ಅರಣ್ಯವಾಸಿಗಳಿಂದ 30 ಸಾವಿರಕ್ಕೂ ಅಧಿಕ ಆಕ್ಷೇಪಣಾ ಅರ್ಜಿ ಸಲ್ಲಿಕೆಯ ಸಾಧ್ಯತೆಗಳಿವೆ. ಭಟ್ಕಳ ತಾಲೂಕಿನ ಬೆಳಕೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಭಂಟಗೊAಡ ಮಹಾಸತಿ ದೇವಸ್ಥಾನದ ಆªರÀಣದಲ್ಲಿ ಈ ದಿನ ನಡೆದ ಅರಣ್ಯವಾಸಿಗಳ ಕಾನೂನು ಜಾಗೃತ ಜಾಥದಲ್ಲಿ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಈ ವಿಷಯ ಪ್ರಕಟಿಸಿದ್ದಾರೆ. `ಅರಣ್ಯ ಹಕ್ಕು ಕಾಯಿದೆ ಅನುಷ್ಠಾನದ ವೈಪಲ್ಯದಿಂದ ನೈಜ ಅರಣ್ಯವಾಸಿಗಳು ಭೂಮಿ ಹಕ್ಕಿನಿಂದ ವಂಚಿತರಾಗಿದ್ದಾರೆ. ಅರಣ್ಯವಾಸಿಗಳಿಗೆ ಕಾನೂನು ಜ್ಞಾನ ವೃದ್ದಿಸುವ ಉದ್ದೇಶದಿಂದ ಕಾನೂನು ಜಾಗೃತ ಅಭಿಯಾನವನ್ನ ಸಂಘಟಿಸಲಾಗಿದೆ’ ಎಂದವರು ಹೇಳಿದ್ದಾರೆ. `ಸುಪ್ರೀಂ ಕೊರ್ಟ ನಿರ್ದೇಶನ ನೀರ್ಲಕ್ಷಿಸಿ ಅರಣ್ಯ ಹಕ್ಕು ಸಮಿತಿಯು ಅರಣ್ಯ ವಾಸಿಗಳ ಅರ್ಜಿ ತಿರಸ್ಕರಿಸುತ್ತಿರುವುದು ವಿಷಾಧಕರ. ಅರಣ್ಯ ಹಕ್ಕು ಕಾಯಿದೆಯ ಅರ್ಜಿ ಪುನರ್ ಪರಿಶೀಲಿಸುವ ಪೂರ್ವದಲ್ಲಿ ಅರಣ್ಯ ಇಲಾಖೆಯು ಅರಣ್ಯವಾಸಿಗಳ ಅರ್ಜಿ ಒಕ್ಕಲೆಬ್ಬಿಸುವ ಪ್ರಕ್ರಿಯೆ ಪ್ರಾರಂಭಿಸಿರುವುದು ಖಂಡನಾರ್ಹ’ ಎಂದು ಅವರು ಹೇಳಿದ್ದಾರೆ. ಈ ದಿನ ಭಟ್ಕಳ ತಾಲೂಕಿನ ಯಲ್ವೋಡಿಕವೂರು, ಮುಟ್ಟಳ್ಳಿ, ಕೋಣಾರ, ಹಾಡುವಳ್ಳಿ ಮತ್ತು ಮಾರುಕೇರಿ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಕಾನೂನು ಜಾಗೃತ ಜಾಥ ಕಾರ್ಯಕ್ರಮ ನಡೆದಿದೆ.
- [ಭೂ ಲೋಕದ ಯಾತ್ರೆ ಮುಗಿಸಿದ ಸಂಸದರ ಸಾರಥಿ](https://mobiletime.in/2025/11/the-charioteer-of-the-mp-who-has-completed-his-earthly-journey/): ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ಕಾರು ಚಾಲಕ ನಾಗರಾಜ ಹೆಗಡೆ ಅವರು ಮಂಗಳವಾರ ಸಾವನಪ್ಪಿದ್ದಾರೆ. ಅನಾರೋಗ್ಯಕ್ಕೆ ಒಳಗಾಗಿದ್ದ ಅವರು ಚಿಕಿತ್ಸೆಪಡೆದರೂ ಚೇತರಿಸಿಕೊಳ್ಳದೇ ಕೊನೆಯುಸಿರೆಳೆದಿದ್ದಾರೆ. ನಾಗರಾಜ ಹೆಗಡೆ ಅವರು ಶಿರಸಿಯ ನೇಗಾರ್ ಗ್ರಾಮದವರಾಗಿದ್ದರು. ಮೊದಲಿನಿಂದಲೂ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ಆಪ್ತರಾಗಿದ್ದ ಅವರು ಕಳೆದ ಐದು ವರ್ಷಗಳಿಂದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ವಾಹನ ಚಾಲಕರಾಗಿದ್ದರು. ಸಾದ್ಯವಾದಷ್ಟರ ಮಟ್ಟಿಗೆ ಸಂಸದರನ್ನು ಸಕಾಲದಲ್ಲಿ ಸರಿಯಾದ ಸ್ಥಳಕ್ಕೆ ತಲುಪಿಸುವಲ್ಲಿ ಅವರು ಕಾರಣರಾಗಿದ್ದು, ಅಪಘಾತರಹಿತ ಚಾಲನೆಯಿಂದ ಮೆಚ್ಚುಗೆಗಳಿಸಿದ್ದರು. ಕಳೆದ ಎರಡು ತಿಂಗಳ ಹಿಂದೆ ನಾಗರಾಜ ಹೆಗಡೆ ಅವರಿಗೆ ಅನಾರೋಗ್ಯ ಕಾಡಿತು. ಜಾಂಡಿಸ್ ರೋಗಕ್ಕೆ ಒಳಗಾದ ಅವರು ದೀರ್ಘಕಾಲದ ರಜೆಪಡೆದಿದ್ದರು. ಜೊತೆಗೆ ರೋಗಕ್ಕೆ ಚಿಕಿತ್ಸೆಯನ್ನುಪಡೆಯುತ್ತಿದ್ದರು. ಸೋಮವಾರ ರಾತ್ರಿಯವರೆಗೂ ಅವರು ಕುಟುಂಬದವರ ಜೊತೆ ಕಾಲ ಕಳೆದಿದ್ದರು. ಮಂಗಳವಾರ ನಸುಕಿನಲ್ಲಿ `ನಾಗರಾಜ ಹೆಗಡೆ ಇನ್ನಿಲ್ಲ’ ಎಂಬ ಆಘಾತದ ಸುದ್ದಿ ಕೇಳಿಸಿತು. ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ನಾಗರಾಜ ಹೆಗಡೆ ಅವರ ಮನೆಗೆ ಭೇಟಿ ನೀಡಿ ನಾಗರಾಜ ಹೆಗಡೆ ಅಂತಿಮ ದರ್ಶನಪಡೆದರು. ಜೊತೆಗೆ ಕುಟುಂಬದವರಿಗೆ ಸಾಂತ್ವಾನ ಹೇಳಿದರು. `ವೃತ್ತಿಪರ ಚಾಲಕನ ಜೊತೆ ಉತ್ತಮ ವ್ಯಕ್ತಿಯಾಗಿಯೂ ಜೊತೆಗಿದ್ದ ನಾಗರಾಜ ಹೆಗಡೆ ಅವರ ಸಾವು ನೋವು ತಂದಿದೆ. ಅವರ ಸೇವೆ, ಸೌಜನ್ಯ ಹಾಗೂ ಕರ್ತವ್ಯ ನಿಷ್ಠೆ ಸದಾ ಸ್ಮರಣೀಯ’ ಎಂದು ಹೇಳುತ್ತ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಭಾವುಕರಾದರು.
- [ಸಾಧನೆ ತೋರಿದ ನಿಮಗೆಲ್ಲ ಸಾವಿರ ಸಾವಿರ ಚಪ್ಪಾಳೆ!](https://mobiletime.in/2025/11/a-thousand-applause-to-all-of-you-for-your-achievements/): ಬೆಂಗಳೂರಿನ ಎಂ ಎಸ್ ರಾಮಯ್ಯ ಪದವಿ ಪೂರ್ವ ಕಾಲೇಜಿನಲ್ಲಿ ನಡೆದ ರಾಜ್ಯಮಟ್ಟದ ಪದವಿ ಪೂರ್ವ ವಿದ್ಯಾರ್ಥಿಗಳ ಕ್ರೀಡಾಕೂಟದಲ್ಲಿ ಭೂಮಿಕಾ ಹೆಗಡೆ ಅವರು ಭಾಗವಹಿಸಿದ್ದು, ಚೆಸ್ ವಿಭಾಗದಲ್ಲಿ ಅವರು ರಾಷ್ಟ್ರ ಮಟ್ಟಕ್ಕೆ ಆಯ್ಕೆ ಆಗಿದ್ದಾರೆ. ಭೂಮಿಕಾ ಹೆಗಡೆ ಅವರು ಕುಮಟಾದ ಹೆಗಡೆಯ ನಾಗರಾಜ ಹೆಗಡೆ ಹಾಗೂ ರೇಣುಕಾ ಹೆಗಡೆ ದಂಪತಿಯ ಪುತ್ರಿ. ಕೆನರಾ ಎಕ್ಸಲೆನ್ಸ ಕಾಲೇಜು ಗೋರೆಯ ವಿದ್ಯಾರ್ಥಿನಿ. ಅವರು ಅಲ್ಲಿ ಪ್ರಥಮ ಪಿಯುಸಿ ವಿಜ್ಞಾನ ವಿಭಾಗದಲ್ಲಿ ಓದುತ್ತಿದ್ದಾರೆ. ಪಠ್ಯದ ಜೊತೆ ಪಠ್ಯೇತರ ಚಟುವಟಿಕೆಗಳಲ್ಲಿಯೂ ಉತ್ಸಾಹದಿಂದ ಭಾಗವಹಿಸುವ ಭೂಮಿಕಾ ಹೆಗಡೆ ಅವರು ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗುವ ಮೂಲಕ ಕಾಲೇಜಿನ ಕೀರ್ತಿಯನ್ನು ಉತ್ತುಂಗಕ್ಕೆ ಕರೆದೊಯ್ದಿದ್ದಾರೆ. ಭೂಮಿಕಾ ಹೆಗಡೆ ಅವರ ಸಾಧನೆಯ ಬಗ್ಗೆ ಕೆನರಾ ಎಕ್ಸಲೆನ್ಸ ಕಾಲೇಜು ಗೋರೆಯ ಸಂಸ್ಥಾಪಕ ಅಧ್ಯಕ್ಷ ಡಾ ಜಿ.ಜಿ ಹೆಗಡೆ ಅವರು ಸಂತಸವ್ಯಕ್ತಪಡಿಸಿದರು. ಆಡಳಿತ ಮಂಡಳಿಯ ವಿಶ್ವಸ್ಥರಾದ ಡಿ ಎನ್ ಭಟ್ಟ, ಪ್ರಾಚಾರ್ಯ ನಾಗರಾಜ್ ಹೆಗಡೆ, ಆಡಳಿತಾಧಿಕಾರಿಗಳಾದ ಶಶಾಂಕ ಶಾಸ್ತ್ರಿ, ಕ್ರೀಡಾ ಸಂಚಾಲಕರಾದ ಗಣಪತಿ ಭಟ್ಟ ಹಾಗೂ ಬೋಧಕ-ಬೋಧಕೇತರ ಸಿಬ್ಬಂದಿ ಭೂಮಿಕಾ ಹೆಗಡೆ ಅವರನ್ನು ಅಭಿನಂದಿಸಿದರು. `ರಾಷ್ಟ್ರ ಮಟ್ಟದ ಸ್ಪರ್ಧೆಯಲ್ಲಿಯೂ ಅವರು ಗೆದ್ದು ಬರಲಿ’ ಎಂದು ಎಲ್ಲರೂ ಹಾರೈಸಿದರು.
- [2025ರ ನವೆಂಬರ್ 25ರ ದಿನ ಭವಿಷ್ಯ](https://mobiletime.in/2025/11/prediction-for-november-25-2025/): ಮೇಷ ರಾಶಿ: ಉದ್ಯೋಗದಲ್ಲಿ ಪ್ರಗತಿ ಕಾಣಲಿದೆ. ಆರ್ಥಿಕ ಸ್ಥಿತಿಯಲ್ಲಿ ಸುಧಾರಣೆ ಆಗಲಿದೆ. ಕುಟುಂಬ ಬದ್ಧತೆಗೆ ಸಮಯಕೊಡಿ. ಆರೋಗ್ಯ ಬಗ್ಗೆ ಗಮನ ಕೊಡಿ. ಧೈರ್ಯ ಮತ್ತು ಆತ್ಮವಿಶ್ವಾಸ ನಿಮ್ಮ ಗೆಲುವಿನ ದಾರಿಯಾಗಲಿದೆ. ವೃಷಭ ರಾಶಿ: ಅತಿಯಾಗಿ ಮಾತನಾಡುವುದು ಒಳ್ಳೆಯದಲ್ಲ. ಹಣಕಾಸಿನ ಬಗ್ಗೆ ಜಾಗರೂಕತೆ ಅಗತ್ಯ. ಹೊಸ ಯೋಜನೆಗಳಿಗೆ ಸಮಯ ಕೊಡಿ. ಕೆಲಸದಲ್ಲಿ ಸಹಕರಿಸುವವರ ನೆರವು ದೊರೆಯಬಹುದು. ಆರೋಗ್ಯ ತೊಂದರೆ ಕಾಡುವ ಲಕ್ಷಣವಿದೆ. ಮಿಥುನ ರಾಶಿ: ಸಹೋದ್ಯೋಗಿಗಳಿಂದ ಸಹಕಾರ ದೊರೆಯುವದು. ವೈಯಕ್ತಿಕ ಜೀವನದಲ್ಲಿ ಸಂತೋಷ ಹೆಚ್ಚಾಗಬಹುದು. ಹಣಕಾಸು ನಿಯಂತ್ರಣದಲ್ಲಿ ಕಾಳಜಿ ಬೇಕು. ಬೋಧನೆಯಂತಹ ಕೌಶಲ್ಯಗಳಲ್ಲಿ ನಿಮ್ಮ ಗಮನ ಇರಲಿ. ಕರ್ಕ ರಾಶಿ: ಕೆಲಸಗಳಲ್ಲಿ ಯಶಸ್ಸು ಸಿಗಲಿದೆ. ಆರೋಗ್ಯದ ಕಾಳಜಿ ಹೆಚ್ಚಲಿದೆ. ಕುಟುಂಬ ಸದಸ್ಯರೊಂದಿಗೆ ಹೊಂದಾಣಿಕೆ ಸಾಧ್ಯವಿದೆ. ವ್ಯಾಜ್ಯಗಳಲ್ಲಿ ಗೆಲುವು ಸಿಗಲಿದೆ. ಸಿಂಹ ರಾಶಿ: ವೈಯಕ್ತಿಕ ಗುರಿಗಳತ್ತ ಗಮನ ಹರಿಸಿ. ನಿಮ್ಮ ಸೃಜನಶೀಲತೆಯನ್ನು ಬಳಸಿ. ಕಾರ್ಯದಲ್ಲಿ ಮುಂದುವರಿಯಿರಿ. ಪರಿಶ್ರಮ ಫಲಿಸಲಿದೆ. ಆದಾಯಕ್ಕಿಂತ ಹೆಚ್ಚು ಖರ್ಚು ಮಾಡಬೇಡಿ. ಕನ್ಯಾ ರಾಶಿ: ತೀರ್ಮಾನಗಳಲ್ಲಿ ಜಾಗರೂಕತೆ ಅಗತ್ಯ. ಹೊಸ ಜ್ಞಾನ ಮತ್ತು ತರಗತಿಗಳಿಗೆ ಅವಕಾಶ. ಹಣಕಾಸು ಲಾಭ ಕಾಣಬಹುದು. ಕೆಲಸದಲ್ಲಿ ಒತ್ತಡ ತಗ್ಗಿಕೊಳ್ಳುತ್ತದೆ. ಆರೋಗ್ಯಕ್ಕೆ ಉತ್ತಮ ನಿಯಮಿತ ವ್ಯಾಯಾಮ ಬೇಕು. ತುಲಾ ರಾಶಿ: ವ್ಯವಸ್ಥಿತ ಕಾರ್ಯಸೂಚಿ ಅನುಸರಿಸಿ. ಹೊಸ ಮಿತ್ರರೊಂದಿಗೆ ಸಂಬAಧ ಬಲವಾಗಬಹುದು. ಹಣಕಾಸಿನಲ್ಲಿ ಸುಧಾರಣೆ ಕಾಣಲಿದೆ. ಮಾನಸಿಕ ಶಾಂತಿಗೆ ಸಮಯ ಕೊಡಿ. ಕುಟುಂಬ ಮತ್ತು ಸ್ನೇಹಿತರಿಗೆ ಸಮಯ ನೀಡಿ. ವೃಶ್ಚಿಕ ರಾಶಿ: ಕಾರ್ಯಕ್ಷೇತ್ರದಲ್ಲಿ ಹೊಸ ಅವಕಾಶಗಳು ಸಿಗಲಿದೆ. ಹಣಕಾಸು ನಿರ್ವಹಣೆಯಲ್ಲಿ ಜಾಗರೂಕರಾಗಿರಿ. ಆಪ್ತರಿಗೆ ಸಹಾಯ ಮಾಡಲು ಹೆದರಬೇಡಿ. ಆರೋಗ್ಯದಲ್ಲಿ ಶಕ್ತಿ ಹೆಚ್ಚಾಗುತ್ತದೆ. ಧ್ಯಾನ ಮತ್ತು ಹೆಚ್ಚುವರಿ ವಿಶ್ರಾಂತಿ ಅಗತ್ಯ. ಧನು ರಾಶಿ: ಸಾಹಸ ಮತ್ತು ಪ್ರಯಾಣ ಪ್ರಬಲವಾಗಲಿದೆ. ಹೊಸತನ್ನು ಕಲಿಯಲಾಗುತ್ತದೆ. ಬಂಡವಾಳ ಹೂಡಿಕೆಗೆ ಸೂಕ್ತ ಸಮಯ. ವ್ಯಾಯಾಮಕ್ಕೆ ಹೆಚ್ಚು ಸಮಯ ಕೊಡಿ. ಪ್ರಗತಿಗಾಗಿ ಧೈರ್ಯ ಮತ್ತು ಶ್ರಮ ಅಗತ್ಯ. ಮಕರ ರಾಶಿ: ಕಠಿಣ ಪರಿಶ್ರಮ ಫಲಿಸುತ್ತದೆ. ಅಧಿಕಾರಿಗಳು ಮತ್ತು ಹಿರಿಯರಿಂದ ಬೆಂಬಲ ಸಿಗಲಿದೆ. ಹಣಕಾಸಿನ ಲಾಭ ಆಗಲಿದೆ. ಹೊಸ ಯೋಜನೆಗಳು ನೆರವೇರಲಿದೆ. ಕುಂಭ ರಾಶಿ: ವೈಚಾರಿಕ ಶಕ್ತಿಯಲ್ಲಿ ವೃದ್ಧಿ ಆಗಲಿದೆ. ಸೃಜನಾತ್ಮಕ ಕೆಲಸಗಳಲ್ಲಿ ಯಶಸ್ಸು ಸಿಗಲಿದೆ. ಹಣಕಾಸು ಸ್ಥಿತಿಗೆ ಸಮರ್ಪಕ ವ್ಯವಸ್ಥೆ ಬೇಕು ತಾಂತ್ರಿಕ ವಿಷಯಗಳಲ್ಲಿ ಹೆಚ್ಚು ಗಮನ ಹರಿಸಿ. ಮೀನ ರಾಶಿ: ಭಾವನಾತ್ಮಕ ಸಮತೋಲನ ಅಗತ್ಯವಿದೆ. ಹಣಕಾಸಿನ ಬಗ್ಗೆ ಜಾಗರೂಕರಾಗಿರಿ. ಹೊಸ ಜ್ಞಾನಗಳಲ್ಲಿ ಆಸಕ್ತಿ ಹೆಚ್ಚಾಗಬಹುದು. ವಿಶ್ರಾಂತಿಗಾಗಿ ಧ್ಯಾನ ಮಾಡುವುದನ್ನು ಮರೆಯಬೇಡಿ.
- [ಸರಣಿ ಅಪಘಾತ: ಆಸ್ಪತ್ರೆ ಸೇರಿದ ಅಡುಗೆ ಕಾರ್ಮಿಕ](https://mobiletime.in/2025/11/serial-accident-hospitalized-kitchen-worker/): ವೇಗವಾಗಿ ಬಂದ ಟೆಂಪೋ ಟ್ರಾವೆಲರ್ ಒಂದು ಬೈಕು ಹಾಗೂ ಕಾರಿಗೆ ಗುದ್ದಿದ ಪರಿಣಾಮ ಬೈಕಿನಲ್ಲಿ ಹೋಗುತ್ತಿದ್ದ ರಾಮಕೃಷ್ಣ ಹೆಗಡೆ ಅವರಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದೆ. ಅಂಕೋಲಾದ ಹಿಲ್ಲೂರಿನ ಹಿಲ್ಲೂರಬೈಲಿನಲ್ಲಿ ರಾಮಕೃಷ್ಣ ಗಣಪತಿ ಹೆಗಡೆ (24)ಅವರು ಕ್ಯಾಟರಿಂಗ್ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ. ನವೆಂಬರ್ 23ರ ಸಂಜೆ ಅವರು ಹೊಸಕಂಬಿಯಿoದ ಮಾದನಗೇರಿ ಮಾರ್ಗವಾಗಿ ಬೈಕಿನಲ್ಲಿ ಹೋಗುತ್ತಿದ್ದರು. ಆಗ, ಹುಬ್ಬಳ್ಳಿಯ ಪ್ರಜ್ವಲಕುಮಾರ ದೇಸಾಯಿ ಅವರು ಅಂಕೋಲಾ ಹಿಲ್ಲೂರು ಮಾರ್ಗವಾಗಿ ಟೆಂಪೋ ಟ್ರಾವಲರ್ ಓಡಿಸಿಕೊಂಡು ಬಂದರು. ಬೈಕಿಗೆ ಗುದ್ದಿದ ಆ ಟೆಂಪೋ ಟ್ರಾವೆಲ್ಲರ್ ನಂತರ ಕಾರಿಗೆ ಗುದ್ದಿತು. ಬೈಕ್ ಓಡಿಸುತ್ತಿದ್ದ ರಾಮಕೃಷ್ಣ ಹೆಗಡೆ ಅವರಿಗೆ ಪೆಟ್ಟಾಯಿತು. ತಮ್ಮನಿಗೆ ಅಪಘಾತವಾದ ಸುದ್ದಿ ಕೇಳಿದ ಯಲ್ಲಾಪುರ ಆನಗೋಡಿನ ಯಲ್ಲಾರಗದ್ದೆ ಭಾಗ್ಯಲಕ್ಷ್ಮೀ ಮಹೇಶ ಹೆಗಡೆ ಅವರು ಆಸ್ಪತ್ರೆಗೆ ದೌಡಾಯಿಸಿದರು. ಸದ್ಯ ಕುಮಟಾದ ಹೈಟೆಕ್ ಆಸ್ಪತ್ರೆಯಲ್ಲಿ ರಾಮಕೃಷ್ಣ ಹೆಗಡೆ ಅವರು ಚಿಕಿತ್ಸೆಪಡೆಯುತ್ತಿದ್ದು, ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ಭಾಗ್ಯಲಕ್ಷ್ಮೀ ಹೆಗಡೆ ಅವರು ಪ್ರಕರಣ ದಾಖಲಿಸಿದರು.
- [ವಾಟ್ಸಪ್ ಮೂಲಕ ನಿಂದನೆ: ಪ್ರಕರಣ ದಾಖಲಿಸಲು ನ್ಯಾಯಾಲಯದ ಸೂಚನೆ](https://mobiletime.in/2025/11/abuse-via-whatsapp-court-orders-registration-of-case/): ವಾಟ್ಸಪ್ ಮೂಲಕ ನಿಂದಿಸಿದ ವ್ಯಕ್ತಿ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಿಸುವಂತೆ ನ್ಯಾಯಾಲಯ ಸೂಚಿಸಿದೆ. ಈ ಹಿನ್ನಲೆ ಜಯಂತ ಮೊಗೇರ ಅವರಿಗೆ ನಿಂದಿಸಿದ ವೆಂಕಟ್ರಮಣ ಮೊಗೇರ್ ಅವರ ವಿರುದ್ಧ ಕಾನೂನು ಕ್ರಮವಾಗಿದೆ. ಮುರುಡೇಶ್ವರದ ಬೈಲೂರು ತೊದ್ದಳ್ಳಿಯ ಜಯಂತ ಮೊಗೇರ್ ಅವರು `ಶ್ರೀ ವೀರಮಾಸ್ತಿ ಯುವಕ ಸಂಘ ತೊದಳ್ಳಿ’ ಎಂಬ ವಾಟ್ಸಪ್ ಗುಂಪಿನಲ್ಲಿ ಸಾಮಾಜಿಕ ಸಮಸ್ಯೆಯೊಂದರ ಬಗ್ಗೆ ಧ್ವನಿ ಎತ್ತಿದ್ದರು. ದೋಣಿಗಳ ಹಿಂದೆ ಕುಳಿತು ಅನೈತಿಕ ಚಟುವಟಿಕೆ ನಡೆಸುವವರ ಬಗ್ಗೆ ಮಾತನಾಡಿದ ಜಯಂತ ನಾಗಪ್ಪ ಮೊಗೇರ ಅವರನ್ನು ವೆಂಕಟ್ರಮಣ ಮಂಜುನಾಥ ಮೊಗೇರ್ ಅವರು ಅದೇ ಗುಂಪಿನಲ್ಲಿ ನಿಂದಿಸಿದ್ದರು. ಇದೇ ವಿಷಯ ತಾರಕ್ಕೇರಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿತ್ತು. `ಕಡಲತೀರದಲ್ಲಿ ಬಳಕೆಯಾಗದಿರುವ ದೋಣಿ ಹಾಗೂ ಬೇರೆ ಊರಿನ ದೋಣಿಗಳಲ್ಲಿ ಸರಾಯಿ ಬಾಟಲಿಗಳಿವೆ. ದೋಣಿಗಳ ಮರೆಯಲ್ಲಿ ಕುಳಿತು ಪ್ರವಾಸಿಗರು ಮದ್ಯ ವ್ಯಸನದಲ್ಲಿ ತೊಡಗುತ್ತಿದ್ದು, ಹಾಳು ಬಿಟ್ಟಿರುವ ದೋಣಿ ಹಾಗೂ ಪರ ಊರಿನ ದೋಣಿ ಖುಲ್ಲಾ ಪಡಿಸಿದರೆ ಒಳಿತು’ ಎಂದು ಜಯಂತ ಮೊಗೇರ್ ಅವರು ಹೇಳಿದನ್ನು ತೊದಳ್ಳಿ ಕಲ್ಯಾಣಿಮನೆಯ ವೆಂಕಟ್ರಮಣ ಮೊಗೇರ್ ಅವರು ಸಹಿಸಿರಲಿಲ್ಲ. ತಮ್ಮನ್ನು ನಿಂದಿಸಿದವರ ವಿರುದ್ಧ ಕ್ರಮಕ್ಕಾಗಿ ಜಯಂತ ಮೊಗೇರ್ ಅವರು ನ್ಯಾಯಾಲಯದ ಮೊರೆ ಹೋಗಿದ್ದರು. ಪ್ರಕರಣ ಗಮನಿಸಿದ ನ್ಯಾಯಾಲಯ ವೆಂಕಟ್ರಮಣ ಮಂಜುನಾಥ ಮೊಗೇರ್ ವಿರುದ್ಧ ಕ್ರಮಕ್ಕೆ ಸೂಚಿಸಿದ್ದು, ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಈ ಹೋರಾಟ ರೋಗದ ವಿರುದ್ಧವೇ ಹೊರತು ರೋಗಿ ವಿರುದ್ಧವಲ್ಲ!](https://mobiletime.in/2025/11/this-fight-is-against-the-disease-not-against-the-patient/): ಮೂರು ತಿಂಗಳ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ ವೈದ್ಯರು ಮನೆ ಮನೆಗೆ ಭೇಟಿ ನೀಡಿ 4,09,448 ಆರೋಗ್ಯ ತಪಾಸಣೆ ನಡೆದಿದ್ದಾರೆ. ಈ ವೇಳೆ 1303 ಜನರಲ್ಲಿ ಹೊಸದಾಗಿ ವಿವಿಧ ರೋಗಗಳು ಕಾಣಿಸಿಕೊಂಡಿದೆ. ಜೊತೆಗೆ 8558 ಜನರಲ್ಲಿ ವಿವಿಧ ರೋಗವಿರುವ ಅನುಮಾನವಿದ್ದು, ಆ ಬಗ್ಗೆ ತಪಾಸಣೆ ಮುಂದುವರೆದಿದೆ. ಗೃಹ ಆರೋಗ್ಯ ಯೋಜನೆಯಡಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ 2025ರ ಅಗಸ್ಟದಿಂದ ಅಕ್ಟೊಬರಿನವರೆಗೆ ಆರೋಗ್ಯ ತಪಾಸಣೆ ನಡೆದಿದ್ದು, ಅದರ ವರದಿ ಬಹಿರಂಗವಾಗಿದೆ. ಇದರಲ್ಲಿ 1,05,365 ಜನ ರಕ್ತದೊತ್ತಡ, 78084 ಮಧುಮೇಹ ಪರೀಕ್ಷೆಗೆ ಒಳಗಾಗಿದ್ದಾರೆ. ಅದರೊಂದಿಗೆ 3800 ಜನ ಮಾನಸಿಕ ಆರೋಗ್ಯ ಸಮಸ್ಯೆ, 7106 ಜನ ಅನಿಮಿಯಾ, 78042 ಜನ ಬಾಯಿ ಕ್ಯಾನ್ಸರ್, 29848 ಜನ ಸ್ತನ ಕ್ಯಾನ್ಸರ್, 8759 ಜನ ಗರ್ಭಕಂಠದ ಕ್ಯಾನ್ಸರ್, 21498 ಮಧುಮೇಹ ಕಾಲು, 19279 ಡಯಾಬೇಟಿಕ್ ರೆಟಿನೋಪತಿ ಪರೀಕ್ಷೆಗೆ ಒಳಗಾಗಿದ್ದಾರೆ. 16822 ಮಂದಿಗೆ ಉಚಿತವಾಗಿ ಸರ್ಕಾರದಿಂದ ಔಷಧವನ್ನು ವಿತರಿಸಲಾಗಿದೆ. ಸಾರ್ವಜನಿಕರ ಮನೆ ಬಾಗಿಲಿಗೆ ತೆರಳಿ ಸಾಂಕ್ರಾಮಿಕವಲ್ಲದ ರೋಗಗಳ ಕುರಿತಂತೆ ಉಚಿತವಾಗಿ ಆರೋಗ್ಯ ಪರೀಕ್ಷೆಗಳನ್ನು ನಡೆಸುವ ಈ ಯೋಜನೆಯಡಿ ಆರೋಗ್ಯ ಕಾರ್ಯಕರ್ತರ ಒಂದು ತಂಡ ದಿನಕ್ಕೆ 15 ಮನೆಗಳ ತಪಾಸಣೆ ನಡೆಸಲಿದೆ. ಪ್ರತಿ ಮಂಗಳವಾರ, ಬುಧವಾರ, ಶುಕ್ರವಾರ ಮತ್ತು ಶನಿವಾರ ಕಡ್ಡಾಯವಾಗಿ ಈ ತಂಡ ಮನೆ ಮನೆ ಭೇಟಿ ನೀಡುತ್ತಿದೆ. ರಕ್ತದೊತ್ತಡ ಸಮಸ್ಯೆ, ಮಧುಮೇಹ, ಬಾಯಿ, ಗರ್ಭಕಂಠ ಮತ್ತು ಸ್ತನ ಕ್ಯಾನ್ಸರ್, ನಿದ್ದೆಯಲ್ಲಿ ಉಸಿರುಗಟ್ಟುವಿಕೆ, ಮಾನಸಿಕ ಆರೋಗ್ಯದ ತಪಾಸಣೆ ನಡೆಸಲಿದ್ದು, ದೃಢಪಟ್ಟ ಪ್ರಕರಣಗಳಿಗೆ ಅಗತ್ಯ ಔಷÀಧ ವಿತರಣೆ, ಕೆಲವರಿಗೆ ಜೀವನ ಶೈಲಿ ಮಾರ್ಪಾಡಿಗೆ ಸಲಹೆ ನೀqಲಾಗುತ್ತಿದೆ. ಆರೈಕೆಯಲ್ಲಿರುವ ರೋಗಿಗಳಿಗೆ, ಅಂಗವಿಕಲರಿಗೆ ಹಾಗೂ ಹಿರಿಯ ನಾಗರಿಕರಿಗೆ ಔಷÀಧೋಪಚಾರ ಮತ್ತು ಉಚಿತವಾಗಿ ಮಾತ್ರೆಗಳ ವಿತರಣೆ ನಡೆದಿದೆ. ಆಶಾ ಕಾರ್ಯಕರ್ತೆಯರು ಸಹ ತಮ್ಮ ವ್ಯಾಪ್ತಿಯ ಮನೆಗೆ ತೆರಳಿ ಗೃಹ ಆರೋಗ್ಯ ಅಡಿಯಲ್ಲಿ ಬರುವ ವಿವಿಧ ಬಗೆಯ 14 ಕಾಯಿಲೆಗಳ ಬಗ್ಗೆ ಮಾಹಿತಿಯನ್ನು ನೀಡುತ್ತಿದ್ದಾರೆ. ಅವರು ಸಂಶಯಾಸ್ಪದ ಪ್ರಕರಣಗಳಿದ್ದಲ್ಲಿ ಹತ್ತಿರದ ಆಯುಷ್ಮಾನ್ ಆರೋಗ್ಯ ಕೇಂದ್ರಗಳಿಗೆ ತಪಾಸಣೆಗಾಗಿ ಕಳುಹಿಸುತ್ತಾರೆ. ಆಯುಷ್ಮಾನ್À ಆರೋಗ್ಯ ಕೇಂದ್ರದಲ್ಲಿ ಎಲ್ಲಾ 14 ಕಾಯಿಲೆಗಳ ತಪಾಸಣೆಯನ್ನು ಸಮುದಾಯ ಆರೋಗ್ಯಾಧಿಕಾರಿ ಹಾಗೂ ಪ್ರಾಥಮಿಕ ಆರೋಗ್ಯ ಸುರಕ್ಷಾಧಿಕಾರಿಗಳು ಮಾಡಿ ಹೆಚ್ಚಿನ ಚಿಕಿತ್ಸೆಯ ಅವಶ್ಯಕತೆ ಇದ್ದಲ್ಲಿ ಮೇಲ್ದರ್ಜೆಯ ಆಸ್ಪತ್ರೆಗಳಿಗೆ ನಿರ್ದೇಶನ ಮಾಡುತ್ತಾರೆ. `ರೋಗ ಬಂದ ಮೇಲೆ ಚಿಕಿತ್ಸೆ ಪಡೆಯುವುದಕ್ಕಿಂತ ರೋಗ ರೋಗ ಬಾರದಂತೆ ಮುನ್ನಚ್ಚರಿಕೆವಹಿಸುವುದು ಮುಖ್ಯ. ಗೃಹ ಆರೋಗ್ಯ ಯೋಜನೆಯ ಮೂಲಕ ರೋಗಗಳನ್ನು ಸಾಕಷ್ಟು ಮೊದಲೇ ಪತ್ತೆ ಹಚ್ಚಲು ಸಾಧ್ಯವಿದ್ದು, ಆರೋಗ್ಯ ಸಮಸ್ಯೆ ಜೊತೆ ಅಕಾಲಿಕ ಮರಣವನ್ನು ತಡೆಗೆ ಇದು ಸಹಕಾರಿ’ ಎಂದು ಜಿಲ್ಲಾ ರಾಷ್ಟಿಯ ಕಾರ್ಯಕ್ರಮ ಅಧಿಕಾರಿ ಡಾ ಶಂಕರ್ ರಾವ್ ಅವರು ಹೇಳಿದ್ದಾರೆ.
- [ದೂರ ದೃಷ್ಠಿ ಚಿಕಿತ್ಸೆಗೆ ಒಳಗಾದ ವಿಪ ಸದಸ್ಯ!](https://mobiletime.in/2025/11/a-member-of-the-vipa-family-who-underwent-farsightedness-treatment/): ದೂರ ದೃಷ್ಠಿಯ ವಿಚಾರಧಾರೆಗಳನ್ನು ಹೊಂದಿರುವ ವಿಧಾನ ಪರಿಷತ್ ಸದಸ್ಯ ಶಾಂತರಾಮ ಸಿದ್ದಿ ಅವರು ಸೋಮವಾರ ತಮ್ಮ `ದೂರದ ದೃಷ್ಠಿ’ ತಪಾಸಣೆಗೆ ಒಳಗಾಗಿದ್ದಾರೆ. ಕಣ್ಣು ಆರೋಗ್ಯದ ಬಗ್ಗೆ ವೈದ್ಯರು ಶಾಸಕರಿಗೆ ಮಾಹಿತಿ ನೀಡಿದ್ದಾರೆ. ಗುಡ್ಡಗಾಡು ಜನರಿಗೆ ಸೇವೆ ಒದಗಿಸುವುದಕ್ಕಾಗಿ ಶಿರಸಿಯ ಸ್ಕೋಡ್‌ವೆಸ್ ಸಂಸ್ಥೆ `ನೇತ್ರ ರಥ’ ಎಂಬ ಸಂಚಾರಿ ಆರೋಗ್ಯ ಸೇವೆ ಶುರು ಮಾಡಿದೆ. ಉತ್ತರ ಕನ್ನಡ ಜಿಲ್ಲೆಯ ಪ್ರಥಮ ಸಂಚಾರಿ ಕಣ್ಣಿನ ಆಸ್ಪತ್ರೆ ಇದಾಗಿದ್ದು, ಸೌರಶಕ್ತಿ ಬೆಂಬಲಿತ ಸೇವೆಗಳ ಆಧಾರದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಅತ್ಯಾಧುನಿಕ ಯಂತ್ರೋಪಕರಣಗಳಿAದ ಕೂಡಿದ ಹವಾ ನಿಯಂತ್ರಿತ ವಾಹನದಲ್ಲಿ ಕಣ್ಣಿನ ತಪಾಸಣೆ ನಡೆಸಿ, ಉಚಿತ ಕನ್ನಡಕ ಹಾಗೂ ಔಷಧಗಳ ವಿತರಣೆ ಮಾಡಲಾಗುತ್ತದೆ. ನುರಿತ ತಜ್ಞರಿಂದ ಚಿಕಿತ್ಸೆ ಕೊಡಲಾಗುತ್ತದೆ. ಈ ದಿನ ಶಿರಸಿಯ ಹುಲೆಕಲ್ ಭಾಗದಲ್ಲಿ ರಥ ಸಂಚಾರ ನಡೆದಿದ್ದು, ನೇತ್ರರಥ ವೀಕ್ಷಿಸಿದ ಶಾಂತರಾಮ ಸಿದ್ದಿ ಅವರು ಸ್ವತಃ ಪರೀಕ್ಷೆಗೆ ಒಳಗಾದರು. ಅದಾದ ನಂತರ ಮಾತನಾಡಿದ ಅವರು `ಜನರ ಅಂಧತ್ವ ನಿವಾರಣೆ ಮಾಡುವಲ್ಲಿ ನೇತ್ರರಥ ಪ್ರಮುಖ ಪಾತ್ರವಹಿಸಲಿದೆ. ದಟ್ಟ ಅರಣ್ಯ ಮತ್ತು ಗುಡ್ಡಗಾಡು ಪ್ರದೇಶದ ಜನರು ದೃಷ್ಟಿ ಸಂಬoಧಿತ ಸಮಸ್ಯೆಗಾಗಿ ಸಾವಿರಾರು ರೂಪಾಯಿ ಖರ್ಚು ಮಾಡಿಕೊಂಡು 30-40ಕಿಮೀ ಕ್ರಮಿಸಬೇಕಿದ್ದು, ಈ ರಥ ಜನರ ಸಮಸ್ಯೆ ದೂರ ಮಾಡಲಿದೆ’ ಎಂದರು. `ಪಂಚಾಯಿತಿ ವ್ಯಾಪ್ತಿಗೆ ತೆರಳಿ ಉತ್ತಮವಾಗಿ ಸೇವೆ ನೀಡುವ ಈ ಸೇವೆ ಗ್ರಾಮೀಣ ಪ್ರದೇಶದ ಜನರಿಗೆ ಅತ್ಯಂತ ಉಪಯುಕ್ತವಾಗುತ್ತದೆ’ ಎಂದರು. ಗುಜರಾತಿನ ದೇಸಾಯಿ ಫೌಂಡೇಶನ್ ಟ್ರಸ್ಟ್, ಬೆಂಗಳೂರಿನ ಆಧ್ಯನ್ ಚಾರಿಟೇಬಲ್ ಟ್ರಸ್ಟ್ ಮತ್ತು ಸ್ಕೊಡ್‌ವೆಸ್ ಸಂಸ್ಥೆಯ ಸಹಯೋಗದಲ್ಲಿ ವಿನೂತನವಾಗಿ ಸಂಚಾರಿ ಕಣ್ಣಿನ ಆಸ್ಪತ್ರೆ ಉದ್ಘಾಟಿಸಲಾಯಿತು. ಹುಲೇಕಲ್ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಖಾಸೀಂ ಸಾಬ್, ದೇಸಾಯಿ ಫೌಂಡೇಶನ್ ಟ್ರಸ್ಟ್ ಅಭಿವೃದ್ಧಿ ವಿಭಾಗದ ನಿರ್ದೇಶಕ ಮನೋಜ ಪಾಂಡಾ, ಯೋಜನಾ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಜಗದೀಶ ಗೌಡ, ಆಧ್ಯನ್ ಚಾರಿಟೇಬಲ್ ಟ್ರಸ್ಟ್ನ ಮುಖ್ಯಸ್ಥರಾದ ಅಂಜನಾ ಕಾವೂರು ಮತ್ತು ನಯನ ಜ್ಯೋತಿ ಟ್ರಸ್ಟ್ನ ಸಂಸ್ಥಾಪಕ ಟ್ರಸ್ಟಿ ಜಯರಾಮನ್ ಅವರು ಕಾರ್ಯಕ್ರಮದಲ್ಲಿದ್ದರು. ಸ್ಕೊಡ್‌ವೆಸ್ ಸಂಸ್ಥೆಯ ಆಡಳಿತ ಮಂಡಳಿಯ ಉಪಾಧ್ಯಕ್ಷರಾದ ಕುಮಾರ ವಿ ಕೂರ್ಸೆ, ಕಾರ್ಯದರ್ಶಿ ಮತ್ತು ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿ, ಸಹ-ಕಾರ್ಯದರ್ಶಿ ಕೆ ಎನ್ ಹೊಸಮನಿ, ಕಾರ್ಯಕಾರಿ ಸದಸ್ಯರಾದ ದಯಾನಂದ ಅಗಾಸೆ, ಪ್ರತಿಭಾ ಭಟ್ ಹಾಗೂ ಹುಲೇಕಲ್ ಗ್ರಾಮ ಪಂಚಾಯಿತಿಯ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಯೋಗಿತಾ ಹೆಗಡೆ ಅವರು ಯೋಜನೆಯ ಮಹತ್ವದ ಬಗ್ಗೆ ಮಾತನಾಡಿದರು. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ, ಕಾರ್ಯಕ್ರಮ ಅಧಿಕಾರಿ ನಾರಾಯಣ ಹೆಗಡೆ ಸಂಘಟಿಸಿದ್ದರು.
- [ಭೂ ವ್ಯಾಜ್ಯ: ಕಬ್ಬಿಣದ ರಾಡಿನಿಂದ ಹಲ್ಲೆ](https://mobiletime.in/2025/11/land-dispute-attack-with-iron-rod/): ಭೂ ವ್ಯಾಜ್ಯದ ವಿಷಯವಾಗಿ ಐದು ಜನರ ಗುಂಪೊoದು ವ್ಯಕ್ತಿಯೊಬ್ಬರ ಮೇಲೆ ದಾಳಿ ನಡೆಸಿದೆ. ಈ ಗಲಾಟೆಯಲ್ಲಿ ವ್ಯಕ್ತಿಯೊಬ್ಬರಿಗೆ ಕಬ್ಬಿಣದ ರಾಡಿನಿಂದ ಹಲ್ಲೆ ನಡೆದಿದೆ. ಭಟ್ಕಳ ಭದ್ರಿಯಾ ಕಾಲೋನಿಯ ಚಾಲಕ ಇರ್ಫಾನ್ ಅಹ್ಮದ್ ಮೆಹಬೂಬ್ ಸಾಬ ಸಯ್ಯದ್ ಅವರ ಮೇಲೆ ಐವರು ಆಕ್ರಮಣ ನಡೆಸಿದ್ದಾರೆ. ನವೆಂಬರ್ 23ರ ಸಂಜೆ ಈ ಗಲಾಟೆ ನಡೆದಿದೆ. ಇರ್ಫಾನ್ ಅವರು ತಮ್ಮದೇ ಊರಿನ ತಿಮ್ಮಪ್ಪ ಕರಿಯಾ ಅವರ ಜೊತೆಗೂಡಿ ಕೆಲಸ ಮಾಡುವಾಗ ಅಲ್ಲಿಗೆ ಬಂದ ಐವರು ಗಲಾಟೆ ಶುರು ಮಾಡಿದ್ದಾರೆ. ಆ ಗಲಾಟೆ ಅತಿರೇಖಕ್ಕೆ ಹೋಗಿ, ಹೊಡೆದಾಟದ ಸ್ವರೂಪಪಡೆದಿದೆ. ಆಜಾದ್ ನಗರದ ಅಬ್ದುಲ್ ಬದಿ ಹುಸೇನ್ ಖತಿಬ್ ಆಗಮಿಸಿ `ಈ ಜಾಗ ನನ್ನದು’ ಎಂದು ಮೊದಲು ಹೇಳಿದ್ದಾರೆ. ಅದನ್ನು ಅಲ್ಲಗಳೆದಾಗ `ದಾಖಲೆ ತೋರಿಸಿ’ ಎಂದಿದ್ದಾರೆ. ತಿಮ್ಮಪ್ಪ ಕರಿಯಾ ಅವರು ದಾಖಲೆ ತೋರಿಸಿದಾಗ ಆಜಾದ್ ನಗರದ ಅರ್ಫಾದ್ ಅವರು ಆ `ದಾಖಲೆ ಯಾವುದು ಸರಿಯಿಲ್ಲ’ ಎಂದು ಹೇಳಿದ್ದಾರೆ. ಈ ವೇಳೆ ಇರ್ಫಾನ್ ಅವರು ಮದ್ಯ ಪ್ರವೇಶಿಸಿ `ತಿಮ್ಮಪ್ಪನಿಗೆ ಆರೋಗ್ಯ ಸರಿಯಿಲ್ಲ. ಗಲಾಟೆ ಮಾಡಬೇಡಿ’ ಎಂದಾಗ ಹೊಡೆದಾಟ ಶುರುವಾಗಿದೆ. ಅಬ್ದುಲ್ ಬದಿ ಹುಸೇನ್ ಖತಿಬ್ ಅವರು ಇರ್ಫಾನ್ ಅವರಿಗೆ ಕಬ್ಬಿಣದ ರಾಡಿನಲ್ಲಿ ಹೊಡೆದಿದ್ದಾರೆ. ಜೊತೆಗೆ ಕೆ ಎಚ್ ಬಿ ಕಾಲೋನಿಯ ಇರ್ಷಾದ್ ಮಯುದ್ದೀನ್ ಸಿದ್ದಿಕ್ ಜೊತೆ ಮತ್ತೆ ಮೂವರು ಹಿಡಿದು ಥಳಿಸಿದ್ದಾರೆ. ಅಲ್ಲಿದ್ದ ಸದ್ದಾಂ ಇನ್ನಿತರರು ಈ ದಾಳಿ ತಪ್ಪಿಸುವ ಪ್ರಯತ್ನ ಮಾಡಿದ್ದು, ನೊಂದ ಇರ್ಫಾನ್ ಭಟ್ಕಳ ಪೊಲೀಸರಿಗೆ ದೂರಿದ್ದಾರೆ.
- [13 ವರ್ಷದ ಅಜ್ಞಾತವಾಸ: ವಂಚನೆಯೇ ಆತನ ಕಾಯಕ!](https://mobiletime.in/2025/12/13-years-of-incognito-deception-is-his-job/): ಉದ್ಯೋಗ ಕೊಡುವುದಾಗಿ ವಂಚನೆ, ಚೆಕ್ ಬೌನ್ಸ್ ಸೇರಿ ವಿವಿಧ ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿದ್ದ ಪ್ರಭಾಕರ ಹೆಗಡೆ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. 13 ವರ್ಷಗಳ ಕಾಲ ಅಡಗಿಕೊಂಡಿದ್ದ ಪ್ರಭಾಕರ ಹೆಗಡೆ ಅವರು ಇದೀಗ ಸಿಕ್ಕಿಬಿದ್ದಿದ್ದಾರೆ. ಯಲ್ಲಾಪುರದ ಮಾಗೋಡು ಬಳಿಯ ದೇವಿತಗ್ಗುವಿನಲ್ಲಿ ಪ್ರಭಾಕರ ತಿಮ್ಮಣ್ಣ ಹೆಗಡೆ (65) ಅವರು ವಾಸವಾಗಿದ್ದರು. ಉದ್ಯೋಗ ಕೊಡಿಸುವುದಾಗಿ ಹೇಳಿ ಅವರು ಅನೇಕರನ್ನು ವಂಚಿಸಿದ್ದರು. ಕೆಲವರಿಂದ ಕಾಸುಪಡೆದು ಚೆಕ್ ನೀಡಿ ಯಾಮಾರಿಸಿದ್ದರು. ಶಿರಸಿ, ಯಲ್ಲಾಪುರ, ಮಲ್ಲಾಪುರ ಸೇರಿ ವಿವಿಧ ಕಡೆ ಅವರು ಜನರನ್ನು ವಂಚಿಸಿದ ವರದಿಗಳಿವೆ. ಚೆಕ್ ಅಮಾನ್ಯ ಪ್ರಕರಣದಲ್ಲಿ ಅವರು ಆರೋಪಿಯಾಗಿದ್ದು, ತಮ್ಮ ವಿರುದ್ಧ ಪ್ರಕರಣ ದಾಖಲಾಗುತ್ತಲೇ ಪ್ರಭಾಕರ ಹೆಗಡೆ ಅವರು ತಲೆಮರೆಸಿಕೊಮಡಿದ್ದರು. ಪೊಲೀಸರು ಸಾಕಷ್ಟು ಬಾರಿ ಪ್ರಭಾಕರ ಹೆಗಡೆ ಅವರ ಮನೆಯವರೆಗೂ ಹೋಗಿ ಬಂದಿದ್ದರು. ಪೊಲೀಸರು ಮನೆಗೆ ಹೋದಾಗ ಪ್ರಭಾಕರ ಹೆಗಡೆ ಅವರು ಅಲ್ಲಿರಲಿಲ್ಲ. ಮುಂಬೈ, ಚನೈ ಎಂದು ಸುಳ್ಳು ಹೇಳಿ ಅವರು ಪೊಲೀಸರ ದಿಕ್ಕು ತಪ್ಪಿಸುತ್ತಿದ್ದರು. 13 ವರ್ಷಗಳಿಂದಲೂ ಪೊಲೀಸರಿಗೆ ಸಿಗದೇ ಕಣ್ತಪ್ಪಿಸಿಕೊಂಡಿದ್ದ ಪ್ರಭಾಕರ ಹೆಗಡೆ ಅವರು ಮೊನ್ನೆ ಹುಬ್ಬಳ್ಳಿಗೆ ಹೋಗಿದ್ದರು. ಸಿದ್ದಾಪುರ ಪಿಐ ಜೆ ಬಿ ತಿಪ್ಪೇಸ್ವಾಮಿ ಅವರಿಗೆ ಪ್ರಭಾಕರ ಹೆಗಡೆ ಹುಬ್ಬಳ್ಳಿಯಲ್ಲಿ ಅಲೆದಾಡುತ್ತಿರುವ ವಿಷಯ ಗೊತ್ತಾಯಿತು. ಪಿಎಸೈ ಶಾಂತಿನಾಥ ಪಾಸಾನೆ, ಗೀತಾ ಶಿರ್ಶಿಕರ್ ಅವರು ಪ್ರಭಾಕರ ಹೆಗಡೆ ಅವರ ಪತ್ತೆಗೆ ಕಾರ್ಯತಂತ್ರ ರೂಪಿಸಿದರು. ವಾರೆಂಟ್ ವಿಭಾಗದ ಪೊಲೀಸ್ ಸಿಬ್ಬಂದಿ ಚೇತನಕುಮಾರ ಅಲಗೇರಿ ಅವರ ಜೊತೆ ರಮೇಶ ಕುಡಲ್ ಹಾಗೂ ಭರತ ಕುಮಾರ್ ಸೇರಿ ಪ್ರಭಾಕರ ಹೆಗಡೆ ಅವರ ಹೆಡೆಮುರಿ ಕಟ್ಟಿದರು.
- [ಜೈಲಿನ ಒಳಗೂ ಜಿಯೋ ನೆಟ್‌ವರ್ಕ!](https://mobiletime.in/2025/12/jio-network-even-inside-the-prison/): ಕಾರವಾರ ಕಾರಾಗೃಹದಲ್ಲಿ ಮತ್ತೆ ಮೊಬೈಲ್ ಸಿಕ್ಕಿದೆ. ಜೊತೆಗೆ ಜಿಯೋ ಸಿಮ್ ಅಲ್ಲಿ ಸದ್ದು ಮಾಡಿದೆ! ಡಿಸೆಂಬರ್ 14ರ ಸಂಜೆ ಜೈಲಿನ ಅಧೀಕ್ಷಕ ಮಲ್ಲಿಕಾರ್ಜುನ ಕೊಣ್ಣೂರು ಅವರು ದಿಢೀರ್ ತಪಾಸಣೆ ನಡೆಸಿದಾಗ ಬಗೆ ಬಗೆಯ ಏಳು ಮೊಬೈಲ್ ಜೊತೆ ಸೊಪ್ಪಿನ ಪುಡಿಗಳು ಪತ್ತೆಯಾಗಿದೆ. ಅಲ್ಲಿದ್ದ ಸಿಮ್ ಕಾರ್ಡನ್ನು ಜೈಲರ್ ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ಕೆಲ ದಿನದ ಹಿಂದೆ ಕಾರಾಗೃಹದ ಮೇಲೆ ಪೊಲೀಸರು ದಾಳಿ ಮಾಡಿದ್ದರು. ಆ ವೇಳೆ ಅಲ್ಲಿ ನಿಷೇಧಿತ ಮೊಬೈಲ್ ಹಾಗೂ ಗಾಂಜಾ ಸಿಕ್ಕಿದ್ದವು. ಅದಾದ ನಂತರ ಕಾರಾಗೃಹದಲ್ಲಿ ಕಟ್ಟುನಿಟ್ಟಿನ ನಿಯಮ ಜಾರಿಯಾಗಿದ್ದು, ಮಾದಕ ವ್ಯಸನ ಕೊಡುವಂತೆ ಜೈಲಿನಲ್ಲಿದ್ದವರು ಗಲಾಟೆ ಮಾಡಿದ್ದರು. ಜೈಲು ಸಿಬ್ಬಂದಿ ಮೇಲೆಯೂ ಕೈದಿಗಳು ಹಲ್ಲೆ ನಡೆಸಿದ್ದರು. ಟಿವಿ, ಕಂಪ್ಯುಟರ್ ಸೇರಿ ಜೈಲಿನ ಗಾಜುಗಳನ್ನು ಸಹ ಕೈದಿಗಳು ಒಡೆದಿದ್ದರು. ಈ ಎಲ್ಲಾ ಬೆಳವಣಿಗೆ ನಡುವೆ ಮತ್ತೆ ಅಧಿಕಾರಿಗಳು ಜೈಲಿನ ತಪಾಸಣೆ ಮಾಡಿದ್ದಾರೆ. ಆಗ, ಅಲ್ಲಿ ಇನ್ನಷ್ಟು ನಿಷೇಧಿತ ವಸ್ತುಗಳು ಕಾಣಿಸಿವೆ. ಮಂಗಳೂರು ಮೂಲದ ಕೈದಿಗಳ ಸೆಲ್ಲಿನೊಳಗೆ ನಿಷೇಧಿತ ವಸ್ತು ಸಿಕ್ಕಿದ ಕಾರಣ ಅವರನ್ನು ಬಳ್ಳಾರಿ ಹಾಗೂ ಬೆಳಗಾವಿ ಜೈಲಿಗೆ ಸ್ಥಳಾಂತರಿಸಲಾಗಿದೆ. ಅವರು ಹೋದ ನಂತರವೂ ಇನ್ನಷ್ಟು ಮೊಬೈಲ್ ಹಾಗೂ ಸೊಪ್ಪಿನಪುಡಿ ಕಾಣಿಸಿದ್ದು, ನಿಷೇಧಿತ ವಸ್ತುಗಳನ್ನಿರಿಸಿಕೊಂಡವರ ವಿರುದ್ಧ ಕ್ರಮಕ್ಕಾಗಿ ಜೈಲರ್ ಪೊಲೀಸ್ ದೂರು ನೀಡಿದ್ದಾರೆ.
- [ಭಕ್ತನ ಸೇವೆ ಗೌರವಸಿದ ಶ್ರೀಮಠ](https://mobiletime.in/2025/12/srimatt-who-respected-the-service-of-devotees/): ಕಾರವಾರದ ವ್ಯಾಪಾರಿ ರಮೇಶ್ ಇಂಗಳಕಿ ಅವರನ್ನು ಹರಿಹರದ ರಾಜನಹಳ್ಳಿ ಬಳಿಯ ತುಂಗಭದ್ರಾ ನದಿ ದಂಡೆ ಮೇಲಿರುವ ಮಹರ್ಷಿ ವಾಲ್ಮೀಕಿ ಗುರುಪೀಠವೂ ತಮ್ಮ ತಾಲೂಕು ಪ್ರತಿನಿಧಿಯಾಗಿ ನೇಮಿಸಿದೆ. ರಮೇಶ್ ತಿರಕಪ್ಪ ಇಂಗಳಕಿ ಅವರು ಕಾರವಾರದಲ್ಲಿ ತಮ್ಮದೇ ಆದ ವ್ಯಾಪಾರಹೊಂದಿದ್ದು, ಸಮಾಜದ ಅಭಿವೃದ್ಧಿಗಾಗಿ ಶ್ರಮಿಸುತ್ತಿದ್ದಾರೆ. ವಾಲ್ಮೀಕಿ ನಾಯಕ ಜನಾಂಗದ ಮುಖಂಡರಾಗಿರುವ ಅವರು ಆರೋಗ್ಯ, ಶೈಕ್ಷಣಿಕ ಸೇವೆಯಲ್ಲಿ ತೊಡಗಿದ್ದಾರೆ. ಧಾರ್ಮಿಕ ಹಿನ್ನಲೆ, ಸಂಘಟನೆ ವಿಷಯದಲ್ಲಿಯೂ ರಮೇಶ ಇಂಗಳಕಿ ಅವರು ಮುಂಚೂಣಿಯಲ್ಲಿದ್ದು ಜನ ಸಂಪರ್ಕದಲ್ಲಿರುವ ವ್ಯಕ್ತಿಯಾಗಿದ್ದಾರೆ. ಕೋವಿಡ್ ಸನ್ನಿವೇಶದಲ್ಲಿ ರಮೇಶ ಇಂಗಳಗಿ ಅವರು ಸಾಕಷ್ಟು ಸಹಾಯ ಮಾಡಿದ್ದಾರೆ. ಕಾರ್ಮಿಕರೊಬ್ಬರು ಅಸ್ವಸ್ಥರಾದಾಗ ಅವರನ್ನು ಆಸ್ಪತ್ರೆಗೆ ಸೇರಿಸಿ ವೈದ್ಯಕೀಯ ಸೇವೆ ಒದಗಿಸಿದ್ದಾರೆ. ರಮೇಶ ಇಂಗಳಗಿ ಅವರು ಸಮುದಾಯದ ಸಮಸ್ಯೆಗಳಿಗೆ ಸ್ಪಂದಿಸುವುದರ ಜೊತೆ ವಾಲ್ಮೀಕಿ ಜನಾಂಗದ ಅಭ್ಯುದಯಕ್ಕಾಗಿ ದುಡಿಯುತ್ತಿದ್ದಾರೆ. ಅವರ ಕಾರ್ಯ ಹಾಗೂ ಸಾಮಾಜಿಕ ಜೀವನ ಗಮನಿಸಿದ ಶ್ರೀಗಳು ರಮೇಶ್ ಇಂಗಳಕಿ ಅವರನ್ನು ಮಠದ ಪ್ರತಿನಿಧಿಯಾಗಿ ನೇಮಿಸಿದೆ. ಮಠದ ಚಟುವಟಿಕೆಗಳ ಬಗ್ಗೆ ಸಮುದಾಯದವರಿಗೆ ತಿಳಿಸುವುದರ ಜೊತೆ ಜನರ ಭಾವನೆಗಳನ್ನು ಮಠಕ್ಕೆ ಮುಟ್ಟಿಸುವ ಮಹತ್ವದ ಜವಾಬ್ದಾರಿಯನ್ನು ಮಠದ ಪ್ರಸನ್ನಾನಂದ ಸ್ವಮೀಜಿ ಅವರು ರಮೇಶ ಇಂಗಳಗಿ ಅವರಿಗೆವಹಿಸಿದ್ದಾರೆ. `ಮಹರ್ಷಿ ವಾಲ್ಮೀಕಿ ಗುರುಪೀಠದ ಜವಾಬ್ದಾರಿವಹಿಸಿಕೊಂಡಿರುವ ರಮೇಶ ಇಂಗಳಕಿ ಅವರಿಗೆ ಕ ರಾ ಪ ಪಂಗಡ ನೌಕರರ ಜಿಲ್ಲಾಧ್ಯಕ್ಷ ಗಣೇಶ ಬಿಷ್ಟಣ್ಣನವರ ಶುಭ ಕೋರಿದ್ದಾರೆ. ಪ ಪಂಗಡ ಹಿತರಕ್ಷಣಾ ಸಂಘದ ಜಿಲ್ಲಾಧ್ಯಕ್ಷ ನಾಗರಾಜ ತಳವಾರ ಅವರು ಸಹ ರಮೇಶ ಇಂಗಳಕಿ ಅವರನ್ನು ಅಭಿನಂದಿಸಿದ್ದಾರೆ.
- [ರಸ್ತೆ ತಡೆದು ಪ್ರತಿಭಟಿಸಿದ ಒಂಟಿ ಸಲಗ!](https://mobiletime.in/2025/12/a-lone-man-protested-by-blocking-the-road/): ಒಂದು ಬದಿಯ ಕಾಡಿನಿಂದ ಇನ್ನೊಂದು ಬದಿಯ ಕಾಡಿಗೆ ಹೋಗಬೇಕಿದ್ದ ಆನೆಯೊಂದು ರಸ್ತೆ ಮೇಲೆ ವಿಶ್ರಾಂತಿಪಡೆದಿದೆ. ರಸ್ತೆಗೆ ಅಡ್ಡಲಾಗಿ ಆನೆ ನಿಂತ ಪರಿಣಾಮ ವಿವಿಧ ಊರುಗಳಿಗೆ ತೆರಳಬೇಕಾದ ಜನ ಅಲ್ಲಿಯೇ ನಿಂತಿದ್ದು, ಆನೆ ಕಾಡಿಗೆ ಹೋದ ನಂತರ ಊರಿಗೆ ತೆರಳಿದ್ದಾರೆ. ಮುಂಡಗೋಡಿನ ಪಾಳಾ-ಕೋಡಂಬಿ ರಸ್ತೆಯಲ್ಲಿ ಆನೆ ಕಾಣಿಸಿದೆ. ಈ ಮಾರ್ಗದಲ್ಲಿ ಆನೆ ಸಂಚಾರ ಸಾಮಾನ್ಯವಾಗಿದ್ದರೂ ರಸ್ತೆ ಮೇಲೆ ನಿಂತು ವಿಶ್ರಮಿಸಿದ ಉದಾಹರಣೆಗಳು ಕಡಿಮೆ. ಸದ್ಯ ಸುಮಾರು ಅರ್ದ ಗಂಟೆಗಳ ಕಾಲ ಆನೆ ರಸ್ತೆ ತಡೆ ನಡೆಸಿದೆ. ಆನೆ ನೋಡಿ ದಂಗಾದ ಜನ ರಸ್ತೆಯಲ್ಲಿ ಕಾರು-ಬೈಕು ನಿಲ್ಲಿಸಿ ಕಾಯುತ್ತಿದ್ದು, ಆನೆ ಕಾಡಿಗೆ ಹೋದ ನಂತರ ಜನ ತಮ್ಮ ಪ್ರಯಾಣ ಮುಂದುವರೆಸಿದ್ದಾರೆ. ಆನೆ ನೋಡಿ ಪ್ರಯಾಣಿಕರು ಬೊಬ್ಬೆ ಹಾಕಿದರೂ ರಸ್ತೆ ಬಿಟ್ಟು ಆ ಜೀವ ಕದಲಲಿಲ್ಲ. ಜನ ಸಹ ಆನೆಯ ಸಮೀಪ ಹೋಗಿ ತೊಂದರೆ ಕೊಡಲಿಲ್ಲ. ಜನ ಹಾಗೂ ವಾಹನದ ಭಯವಿಲ್ಲದೇ ಆನೆ ರಸ್ತೆಯಲ್ಲಿಯೇ ವಿಶ್ರಾಂತಿಪಡೆದಿದೆ. ದಿಢೀರ್ ಆಗಿ ಆನೆ ನೋಡಿದ ಜನ ಮೊಬೈಲ್ ಕ್ಯಾಮರಾದಲ್ಲಿ ಅದನ್ನು ಸೆರೆ ಹಿಡಿದಿದ್ದಾರೆ. ರಸ್ತೆ ಮದ್ಯೆ ಆನೆ ನಿಂತ ಸುದ್ದಿ ಕೇಳಿ ಅನೇಕರು ಅಲ್ಲಿ ಜಮಾಯಿಸಿದರು. ಇನ್ನಷ್ಟು ಜನ ಬರುವುದರೊಳಗೆ ಆನೆ ಕಾಡಿನ ದಾರಿ ಹಿಡಿಯಿತು.
- [ಪೊಲೀಸರ ಭ್ರಷ್ಟಾಚಾರ ಎಂದವನ ಕರ್ಮಕಾಂಡ!](https://mobiletime.in/2025/12/the-karmic-consequences-of-police-corruption/): `ಸರ್ವ ರೋಗಕ್ಕೂ ಸರಾಯಿ ಮದ್ದು’ ಎಂಬ ಶಿರ್ಷಿಕೆಯ ಅಡಿ `ಒಲ್ಡ್ಮಂಕ್ ಲವ್ವರ್’ ಎಂಬ ಇನಸ್ಟಾ ಗ್ರಾಂ ಖಾತೆ ಮೂಲಕ ಪೊಲೀಸರ ಭ್ರಷ್ಟಾಚಾರ ಬಯಲಿಗೆಳೆಯುತ್ತಿದ್ದ ಆದಿತ್ಯ ಗೌಡ ಅವರ ಕರ್ಮಕಾಂಡ ಹೊರಬಿದ್ದಿದೆ. 17 ಸಾವಿರಕ್ಕೂ ಅಧಿಕ ಹಿಂಬಾಲಕರನ್ನು ಹೊಂದಿದ ಆದಿತ್ಯ ಗೌಡ ಅವರು ಮಹಿಳೆಯೊಬ್ಬರ ಬಳಿ ಅಸಭ್ಯವಾಗಿ ವರ್ತಿಸಿದ್ದಾರೆ. ಕುಡಿಯಲು ಹಣ ಕೊಡದಿದ್ದರೆ ವಿಡಿಯೋ ವೈರಲ್ ಮಾಡುವೆ ಎಂದು ಬೆದರಿಸಿ ಆದಿತ್ಯ ಗೌಡ ಅವರು ಮಹಿಳೆಯೊಬ್ಬರಿಂದ 4 ಸಾವಿರ ರೂ ದೋಚಿದ್ದಾರೆ. ಈ ಪ್ರಕರಣ ಬೆಳಕಿಗೆ ಬರುತ್ತಲೇ ಪೊಲೀಸರ ವಿರುದ್ಧ ಅವರು ಮಾಡಿದ್ದ ಎಲ್ಲಾ ವಿಡಿಯೋಗಳನ್ನು ಡಿಲಿಟ್ ಮಾಡಿದ್ದಾರೆ! ಕುಮಟಾ ಬಿಜ್ಜೂರಿನ ಆದಿತ್ಯ ಗೌಡ ಅವರು ಸಾಮಾಜಿಕ ಜಾಲತಾಣಗಳ ವಿಡಿಯೋದಿಂದ ಪ್ರಸಿದ್ಧಿಪಡೆದಿದ್ದಾರೆ. ಈಚೆಗೆ ಅವರು `ಗೋಕರ್ಣ ಪೊಲೀಸರ ಭ್ರಷ್ಟಾಚಾರ’ ಎಂಬ ಬರಹದ ಅಡಿ ಹಲವು ವಿಡಿಯೋಗಳನ್ನು ಮಾಡಿದ್ದಾರೆ. ಆದರೆ, ಯಾವ ವಿಡಿಯೋಗೂ ಅವರು ದಾಖಲೆಗಳನ್ನು ಒದಗಿಸಿಲ್ಲ. ಜೀವದ ಆಸೆ ಬಿಟ್ಟು ಈ ವಿಡಿಯೋ ಮಾಡಿರುವುದಾಗಿ ಅವರು ವಿಡಿಯೋದಲ್ಲಿ ಹೇಳಿದ್ದಾರೆ. ಈ ಎಲ್ಲದರ ನಡುವೆ ಆದಿತ್ಯ ಗೌಡ ಅವರ ವಿರುದ್ಧವೇ ಮಹಿಳೆಯೊಬ್ಬರು ಅಸಭ್ಯ ವರ್ತನೆಯ ಆರೋಪ ಮಾಡಿದ್ದಾರೆ. ಚೌಡಗೇರಿಯ ಶಾರದಾ ಜಟ್ಟು ಗೌಡ ಅವರು ಆದಿತ್ಯ ಗೌಡ ಅವರ ವರ್ತನೆಯಿಂದ ಬೇಸತ್ತು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಶಾರದಾ ಗೌಡ ಅವರು ಗಂಜಿಗದ್ದೆಯಲ್ಲಿ `ಅಪರಾಜಿತ ಬೈಕ್ ರೆಂಟಲ್’ ಎಂಬ ಮಳಿಗೆ ನಡೆಸುತ್ತಿದ್ದು, ಆದಿತ್ಯ ಗೌಡ ಅವರು ಆರು ತಿಂಗಳ ಹಿಂದೆ ಅಲ್ಲಿಂದ ಬೈಕ್ ಬಾಡಿಗೆಗೆ ಪಡೆದಿದ್ದರು. ಆದರೆ, ಬಾಡಿಗೆ ಹಣ ಪಾವತಿಸಿರಲಿಲ್ಲ. ಬೈಕನ್ನು ಸಹ ಮರಳಿಸಿರಲಿಲ್ಲ. ಸಾಕಷ್ಟು ಬಾರಿ ಬೈಕ್ ಹಾಗೂ ಬಾಡಿಗೆ ಕೊಡುವಂತೆ ಕೇಳಿದರೂ ಅದಕ್ಕೆ ಆದಿತ್ಯ ಗೌಡ ಅವರು ಸ್ಪಂದಿಸುತ್ತಿರಲಿಲ್ಲ. `ನೀ ಯಾರು ಎಂದೇ ಗೊತ್ತಿಲ್ಲ’ ಎಂದಿದ್ದ ಆದಿತ್ಯ ಗೌಡ ಅವರು ಕೊನೆಗೆ `ಬಾಡಿಗೆ ಹಣ ಕೇಳಿದರೆ ಸೋಶಿಯಲ್ ಮಿಡಿಯಾದಲ್ಲಿ ಕೆಟ್ಟದಾಗಿ ವಿಡಿಯೋ ಹಾಕುವೆ’ ಎಂದು ಬೆದರಿಸಿದ್ದರು. ಆ ಬೆದರಿಕೆಗೆ ಬಗ್ಗಿದ ಶಾರದಾ ಗೌಡ ಅವರು `ಬಾಡಿಗೆ ಹಣ ಬೇಡ. ಬೈಕನ್ನಾದರೂ ಕೊಡು’ ಎಂದು ದುಂಬಾಲು ಬಿದ್ದಿದ್ದರು. ಆಗ, ಆದಿತ್ಯ ಗೌಡ ಅವರು `ಸರಾಯಿ ಕುಡಿದು ಬೈಕ್ ಓಡಿಸುವಾಗ ಪೊಲೀಸರು ಹಿಡಿದಿದ್ದಾರೆ. ಡ್ರಿಂಕ್ & ಡ್ರೆöÊವ್ ಕೇಸ್ ಹಾಕಿದ್ದಾರೆ. ಪೊಲೀಸರ ಬಳಿ ಬೈಕ್ ಇದೆ’ ಎಂಬ ವಿಷಯ ಬಾಯ್ಬಿಟ್ಟಿದ್ದರು. `ಆ ಕೇಸಿಗೆ ಸಂಬAಧಿಸಿ ಕೋರ್ಟಿಗೆ ಹಣ ಕಟ್ಟಬೇಕು. ಆ ಹಣ ನೀವು ಕೊಡಬೇಕು. ಇಲ್ಲವಾದಲ್ಲಿ ಸೋಶಿಯಲ್ ಮಿಡಿಯಾದಲ್ಲಿ ನಿಮ್ಮ ಕುಟುಂಬದ ವಿರುದ್ಧ ಕೆಟ್ಟದಾಗಿ ಹಾಕುವೆ’ ಎಂದು ಬೆದರಿಕೆ ಒಡ್ಡಿದ್ದರು. ಬೈಕ್ ಬಿಡಿಸಿಕೊಳ್ಳುವುದಕ್ಕಾಗಿ ಶಾರದಾ ಗೌಡ ಅವರು 12 ಸಾವಿರ ರೂ ಕೊಟ್ಟಿದ್ದರು. ಅದಾದ ನಂತರ `ಕೋರ್ಟಿಗೆ ಹೋಗಲು ಕಾರು ಮಾಡಿಕೊಡಿ’ ಎಂದು ಆದಿತ್ಯ ಗೌಡ ಅವರು ದುಂಬಾಲು ಬಿದ್ದಿದ್ದು, ಬಾಡಿಗೆ ಕಾರಿನ ಮೂಲಕ ಆದಿತ್ಯ ಗೌಡ ಅವರನ್ನು ಕೋರ್ಟಿಗೆ ಕಳುಹಿಸಿಕೊಟ್ಟಿದ್ದರು. ದಂಡ ಕಟ್ಟಿ ಬೈಕ್ ಬಿಡಿಸಿಕೊಂಡು ಬಂದ ನಂತರವೂ ಆದಿತ್ಯ ಗೌಡ ಅವರ ಕಾಟ ಕಡಿಮೆ ಆಗಿರಲಿಲ್ಲ. ಸರಾಯಿ ಕುಡಿದು ಅಂಗಡಿ ಬಳಿ ಬರುತ್ತಿದ್ದ ಆದಿತ್ಯ ಗೌಡ ಅವರು ಪದೇ ಪದೇ ಬೈಕ್ ಒಡುವಂತೆ ಒತ್ತಾಯಿಸುತ್ತಿದ್ದರು. ಬೈಕ್ ಕೊಡದಿದ್ದರೆ ನಿಮ್ಮ ವಿಡಿಯೋ ವೈರಲ್ ಮಾಡುವೆ ಎಂದು ಬೆದರಿಸುತ್ತಿದ್ದರು. `ಕೊನೆಗೆ ಬೈಕ್ ಕೊಡದಿದ್ದರೂ ಪರವಾಗಿಲ್ಲ. ಸರಾಯಿ ಕುಡಿಯಲು 2 ಸಾವಿರ ರೂ ಕೊಡು’ ಎಂದು ಬೇಡಿದ್ದರು. ಆ ಹಣ ಕೊಡದ ಕಾರಣ ಶಾರದಾ ಗೌಡ ಅವರ ಕೈ ಹಿಡಿದು ಎಳೆದಾಡಿ, ಮೊಬೈಲಿನಲ್ಲಿ ವಿಡಿಯೋ ಮಾಡಿದ್ದರು. ಆ ವಿಡಿಯೋ ಸೋಶಿಯಲ್ ಮಿಡಿಯಾದಲ್ಲಿ ಹಾಕುವುದಾಗಿ ಬೆದರಿಸಿ 4 ಬಾರಿ ತಲಾ ಒಂದು ಸಾವಿರ ರೂಪಾಯಿಗಳಂತೆ ವಸೂಲಿ ಮಾಡಿದ್ದರು. ಅದೇ ವಿಡಿಯೋ ತೋರಿಸಿ ಮತ್ತೆ ಮತ್ತೆ ದುಡ್ಡು ಕೇಳಲು ಬರುತ್ತಿದ್ದ ಆದಿತ್ಯ ಗೌಡರ ಕಾಟಕ್ಕೆ ಶಾರದಾ ಗೌಡ ಅವರು ಬೇಸತ್ತಿದ್ದರು. `ತಮಗೆ ನ್ಯಾಯ ಕೊಡಿಸಿ’ ಎಂದು ಶಾರದಾ ಗೌಡ ಅವರು ಪೊಲೀಸರ ಮೊರೆ ಹೋಗಿದ್ದು, ಗೋಕರ್ಣ ಪಿಸೈ ಖಾದರ್ ಭಾಷಾ ಅವರು ಆದಿತ್ಯ ಗೌಡರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಪ್ರಕರಣ ದಾಖಲಾಗುತ್ತಲೇ ಆದಿತ್ಯ ಗೌಡ ಅವರು ಪೊಲೀಸರ ವಿರುದ್ಧ ಮಾಡಿದ್ದ ಎಲ್ಲಾ ವಿಡಿಯೋಗಳನ್ನು ದಿಢೀರ್ ಆಗಿ ಡಿಲಿಟ್ ಮಾಡಿದ್ದಾರೆ.
- [ದಲಾಯಿಲಾಮರ ಆಯಸ್ಸು 130 ವರ್ಷ!](https://mobiletime.in/2025/12/the-dalai-lama-is-130-years-old/): ಆರು ವರ್ಷಗಳ ನಂತರ ಮುಂಡಗೋಡಿಗೆ ಬಂದಿರುವ ಟಿಬೇಟಿಯನ್ ಧರ್ಮ ಗುರು ದಲಾಯಿಲಾಮ ಅವರು `ನಾನು 130 ವರ್ಷ ಬದುಕುತ್ತೇನೆ’ ಎಂದು ಭವಿಷ್ಯ ನುಡಿದಿದ್ದಾರೆ! ಹುಬ್ಬಳ್ಳಿಯಿಂದ ತಡಸ್ ಮಾರ್ಗವಾಗಿ ದಲಾಯಿಲಾಮ ಅವರು ಮುಂಡಗೋಡಿಗೆ ಬಂದಿದ್ದಾರೆ. ಟಿಬೇಟಿಯನ್ ಕ್ಯಾಂಪಿಗೆ ಆಗಮಿಸಿದ ದಲಾಯಿಲಾಮ ಅವರಿಗೆ ಭರ್ಜರಿ ಸ್ವಾಗತ ಸಿಕ್ಕಿದೆ. ಇಲ್ಲಿ 45 ದಿನಗಳ ಕಾಲ ತಂಗಲು ಅವರು ನಿರ್ಧರಿಸಿದ್ದಾರೆ. ವಿಶ್ರಾಂತಿಗಾಗಿ ಅವರು ಮುಂಡಗೋಡಿಗೆ ಆಗಮಿಸಿದರಾದರೂ ಧರ್ಮ ಕಾರ್ಯದಲ್ಲಿ ಅವರು ತಮ್ಮನ್ನು ತೊಡಗಿಸಿಕೊಳ್ಳಲಿದ್ದಾರೆ. ಬೌದ್ಧ ಬಿಕ್ಕುಗಳ ಜೊತೆ ಅವರು ಕಾಲ ಕಳೆಯಲಿದ್ದಾರೆ. ಅವರ ಭದ್ರತೆಗಾಗಿ ಪೊಲೀಸರು ಕಾವಲು ಕಾಯುತ್ತಿದ್ದಾರೆ. ಕ್ಯಾಂಪ್ ನಂ 6ರಲ್ಲಿನ ಗೋಮಾಂಗ್ ಮಾನೆಸ್ಟರಿ ಭವನದಲ್ಲಿ ಬೌದ್ಧ ಬುಕ್ಕುಗಳ ಜೊತೆ ಮಾತನಾಡಿದ ದಲಾಯಿಲಾಮ ಅವರು `ನಾನು 130 ವರ್ಷ ಬದುಕುತ್ತೇನೆ’ ಎಂದಿದ್ದಾರೆ. `ಟಿಬೇಟಿಯನ್ನರ ರಕ್ಷಣೆಗಾಗಿ ತಾನೂ 130 ವರ್ಷ ಬದುಕುವುದು ಅನಿವಾರ್ಯ’ ಎಂತಲೂ ಅವರು ಪ್ರತಿಪಾದಿಸಿದ್ದಾರೆ. `ಟಿಬೇಟಿಯನ್ನರ ಪರಂಪರೆ ಹಾಳು ಮಾಡಲು ಚೀನಾ ಪ್ರಯತ್ನಿಸಿತು. ಚೀನಾ ಎಲ್ಲಾ ರೀತಿಯ ಪ್ರಯತ್ನ ನಡೆಸಿದರೂ ಅದಕ್ಕೆ ಟಿಬೇಟಿಯನ್ನರು ಸೋಲಲಿಲ್ಲ. ಭಾರತ ಟಿಬೇಟಿಯನ್ನಿಯರಿಗೆ ನೆಲೆ ಕೊಟ್ಟಿದೆ. ಇಲ್ಲಿ ನಳಂದಾ ಸಂಪ್ರದಾಯವನ್ನು ನಾವು ಮುಂದುವರೆಸಿದ್ದೇವೆ’ ಎಂದು ದಲಾಯಿಲಾಮ ಅವರು ಸ್ಮರಿಸಿದರು. ಅದಾದ ನಂತರ `ಟಿಬೇಟಿಯನ್ನರ ಸಂಪ್ರದಾಯ ಹಾಗೂ ಪರಂಪರೆ ಉಳಿಸಿಕೊಳ್ಳಲು ನಾವು ನಿರಂತರ ಪ್ರಯತ್ನ ಮಾಡುತ್ತಿದ್ದೇವೆ. ಇವತ್ತಿನವರೆಗೂ ಅದನ್ನು ನಾವು ಉಳಿಸಿಕೊಂಡಿದ್ದು, ನಾನು 130ವರ್ಷದವರೆಗೆ ಜೀವಿಸಿ ಅದನ್ನು ಕಾಪಾಡುತ್ತೇನೆ’ ಎನ್ನುತ್ತ ಮಂದಹಾಸ ಬೀರಿದರು.
- [ದೇವರ ಪಾದ ಸೇರಿದ ನಂದಿ!](https://mobiletime.in/2025/12/nandi-who-is-at-the-feet-of-god/): ಬನವಾಸಿಯ ಮಧುಕೇಶ್ವರ ದೇವರಿಗೆ ಮೀಸಲಿರಿಸಿದ್ದ ನಂದಿ (ಹೋರಿ) ಸಾವನಪ್ಪಿದೆ. ಹಲವು ವರ್ಷಗಳಿಂದ ಈ ಹೋರಿ ಗ್ರಾಮಕ್ಕೆ ಮೆರಗು ನೀಡಿತ್ತು. ಗ್ರಾಮದಲ್ಲಿ ನಡೆಯುವ ಹೋರಿ ಹಬ್ಬದಲ್ಲಿ ನಂದಿಯೇ ಪ್ರಮುಖ ಆಕರ್ಷಣೆಯಾಗಿತ್ತು. ದೀಪಾವಳಿ, ಯುಗಾದಿ, ಭಸವ ಜಯಂತಿ ಸೇರಿ ಅನೇಕ ಸನ್ನಿವೇಶಗಳಲ್ಲಿ ಜನ ನಂದಿಗೆ ವಿಶೇಷ ಪೂಜೆ ಸಲ್ಲಿಸುತ್ತಿದ್ದರು. ಪ್ರತಿ ಹಬ್ಬದಲ್ಲಿಯೂ ನಂದಿಗೆ ಅಲಂಕಾರ ಮಾಡಿ ಮೆರವಣಿಗೆ ಮಾಡುತ್ತಿದ್ದರು. `ಮಧುಕೇಶ್ವರನ ಹೋರಿ’ ಎಂದೇ ನಂದಿ ಖ್ಯಾತಿಗಳಿಸಿತ್ತು. ಈ ನಡುವೆ ಅನಾರೋಗ್ಯದ ಕಾರಣ ಬಳಲಿದ್ದ ನಂದಿ ಸಾವನಪ್ಪಿತು. ಭಕ್ತಿಯಿಂದ ಪೂಜಿಸುತ್ತಿದ್ದ ನಂದಿ ಸಾವನಪ್ಪಿದ ಕಾರಣ ಜನ ಶೋಕವ್ಯಕ್ತಪಡಿಸಿದರು. ಪುಷ್ಪ ಅಲಂಕೃತ ವಾಹನದಲ್ಲಿ ನಂದಿಯ ಮೆರವಣಿಗೆ ಮಾಡಿ ಅಂತ್ಯ ಸಂಸ್ಕಾರ ಮಾಡಿದರು. ವಿವಿಧ ವಾದ್ಯ-ಮೇಳಗಳ ಜೊತೆ ನಂದಿಯ ಅಂತಿಮ ಮೆರವಣಿಗೆ ನಡೆಯಿತು. ಬನವಾಸಿಯ ವಿವಿಧ ಬೀದಿಗಳಲ್ಲಿ ಮೆರವಣಿಗೆ ಸಂಚರಿಸಿದ್ದು, ಧಾರ್ಮಿಕ ವಿಧಿಗಳ ಪ್ರಕಾರ ಅಂತ್ಯ ಸಂಸ್ಕಾರ ನಡೆಯಿತು.
- [ಉಂಡ ಮನೆಗೆ ದ್ರೋಹ ಬಗೆದ ಗೆಳತಿ!](https://mobiletime.in/2025/12/the-girlfriend-who-betrayed-the-house/): ಪ್ರಸಿಲ್ಲಾ ಹಾಗೂ ಪ್ರೇಮಕುಮಾರಿ ಅವರಿಬ್ಬರು ಆಪ್ತ ಸ್ನೇಹಿತರಾಗಿದ್ದು, ಪ್ರೇಮಕುಮಾರಿ ಅವರು ಸ್ನೇಹಿತೆಗೆ ಮೋಸ ಮಾಡಿದ್ದಾರೆ. ಪ್ರಸಿಲ್ಲಾ ಅವರ ಮನೆಗೆ ಬಂದಿದ್ದ ಪ್ರೇಮಕುಮಾರಿ ಅವರು ಆ ಮನೆಯಲ್ಲಿದ್ದ ಒಡವೆ ಕದ್ದು ಪರಾರಿಯಾಗಿದ್ದಾರೆ. ದಾಂಡೇಲಿಯ ಜಂಬೇಹಾಳದ ಸಿ ಎಸ್ ಐ ಚರ್ಚ ಬಳಿ ಪ್ರಸಿಲ್ಲಾ ರಾಜಾ ನಾಯ್ಡು ಅವರು ವಾಸವಾಗಿದ್ದಾರೆ. ದಾಂಡೇಲಿಯ ಡಿಎಫ್‌ಎ ಟೌನ್‌ಶಿಫ್ ಬಳಿ ಪ್ರೇಮಕುಮಾರಿ ಸುಂದರ ಕಲ್ವಕುರಿ ಅವರು ವಾಸವಾಗಿದ್ದಾರೆ. ಈ ಇಬ್ಬರು ಪರಸ್ಪರ ಪರಿಚಯವಾಗಿ ಗೆಳತಿಯರಾಗಿ ಕಷ್ಟ-ಸುಖ ಹಂಚಿಕೊಳ್ಳುತ್ತಿದ್ದು, ಅದಕ್ಕೆ ಇದೀಗ ವಿರಾಮ ಬಿದ್ದಿದೆ. ಪ್ರೇಮಕುಮಾರಿ ಅವರು ಆಗಾಗ ಪ್ರಸಿಲ್ಲಾ ಅವರ ಮನೆಗೆ ಬರುತ್ತಿದ್ದರು. ಪ್ರಸಿಲ್ಲಾ ಅವರ ಮನೆಯಲ್ಲಿಯೇ ಪ್ರೇಮಕುಮಾರಿ ಅವರು ಊಟ ಮಾಡುತ್ತಿದ್ದರು. ಅನೇಕ ಸಲ ಅಲ್ಲಿಯೇ ವಾಸ್ತವ್ಯವನ್ನು ಹೂಡುತ್ತಿದ್ದರು. ಹೀಗಿರುವಾಗ ಅಕ್ಟೊಬರ್ 30ರಂದು ಪ್ರಸಿಲ್ಲಾ ಅವರಿಗೆ ಅನಾರೋಗ್ಯ ಕಾಡಿತು. ಪ್ರಸಿಲ್ಲಾ ಅವರು ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ದಾಖಲಾದರು. ಆ ವೇಳೆ ಪ್ರಸಿಲ್ಲಾ ಅವರ ಮನೆಯಲ್ಲಿ ಅವರ ಅತ್ತೆ ರೇಣುಕಾ ಅವರು ವಾಸವಾಗಿದ್ದರು. ಗೆಳತಿ ಅವರು ಆಸ್ಪತ್ರೆಯಲ್ಲಿರುವ ವಿಷಯ ಅರಿತ ಪ್ರೇಮಕುಮಾರಿ ಅವರು ಪ್ರಸಿಲ್ಲಾ ಅವರ ಮನೆಗೆ ಬಂದರು. ರೇಣುಕಾ ಅವರನ್ನು ಯಾಮಾರಿಸಿ ಮನೆ ಒಳಗೆ ಪ್ರವೇಶಿಸಿದರು. ಆ ಮನೆಯಲ್ಲಿದ್ದ 60 ಸಾವಿರ ರೂ ಮೌಲ್ಯದ ಬಂಗಾರದ ಚೈನ್, 10 ಸಾವಿರ ರೂ ಮೌಲ್ಯದ ಕಾಲ್ಗೆಜ್ಜೆ ಜೊತೆ 500ರೂ ಹಣವನ್ನು ಕದ್ದರು. ಪ್ರೇಮಕುಮಾರಿ ಅವರು ಕದ್ದಿರುವುದನ್ನು ಮರಳಿ ಕೊಡಬಹುದು ಎಂದು ಭಾವಿಸಿ ಪ್ರಸಿಲ್ಲಾ ಅವರು ಸುಮ್ಮನ್ನಿದ್ದರು. ಆದರೆ, ಅದನ್ನು ಮರಳಿಸುವಂತೆ ಸೂಚಿಸಿದರೂ ಪ್ರೇಮಕುಮಾರಿ ಅವರು ಕೊಡಲಿಲ್ಲ. ಹೀಗಾಗಿ ಪ್ರಸಿಲ್ಲಾ ಅವರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದು, ಪ್ರೇಮಕುಮಾರಿ ಅವರು ಮಾಡಿದ ಕಳ್ಳತನದ ವಿಷಯವನ್ನು ಬಹಿರಂಗಪಡಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಮರಕ್ಕೆ ಗುದ್ದಿದ ಕಾರು: ಚಾಲಕನ ಮರಣ](https://mobiletime.in/2025/12/car-crashes-into-tree-driver-dies/): ಜೊಯಿಡಾದ ರಾಮನಗರ-ಧಾರವಾಡ ಮಾರ್ಗದಲ್ಲಿ ಅಪಘಾತವಾಗಿದೆ. ವ್ಯಾಗನಾರ್ ಕಾರು ಮುಂಡವಾಡದ ಬಳಿ ಮರಕ್ಕೆ ಡಿಕ್ಕಿ ಹೊಡೆದಿದೆ. ಭಾನುವಾರ ನಡೆದ ಈ ಅಪಘಾತದಲ್ಲಿ ವ್ಯಕ್ತಿಯೊಬ್ಬರು ಸ್ಥಳದಲ್ಲಿಯೇ ಸಾವನಪ್ಪಿದ್ದಾರೆ. ಗೋವಾದ ಪಣಜಿಯಿಂದ ಆಳಣಾವರ ಕಡೆ ಈ ಕಾರು ಹೊರಟಿತ್ತು. ಅಬ್ದುಲ್ ಖಾದರ್ (55) ಎಂಬಾತರು ಕಾರನ್ನು ಓಡಿಸುತ್ತಿದ್ದರು. ಈ ಕಾರಿನಲ್ಲಿ ದಾದು (30) ಹಾಗೂ ಹಿನಾ ಕೌಸರ್ (39) ಎಂಬಾತರು ಕುಳಿತಿದ್ದರು. ರಾಮನಗರ ದಾಟಿದ ನಂತರ ಕಾರಿನ ವೇಗ ಹೆಚ್ಚಾಗಿದ್ದು, ಆ ಕಾರು ಚಾಲಕನ ನಿಯಂತ್ರಣ ತಪ್ಪಿತು. ಪರಿಣಾಮ ರಸ್ತೆ ಬದಿಗಿದ್ದ ಮರಕ್ಕೆ ಕಾರು ಗುದ್ದಿತು. ಆ ರಭಸಕ್ಕೆ ಕಾರು ಓಡಿಸುತ್ತಿದ್ದ ಅಬ್ದುಲ್ ಖಾದರ್ ಅಲ್ಲಿಯೇ ಕೊನೆಯುಸಿರೆಳೆದರು. ಕಾರಿನಲ್ಲಿ ಜೊತೆಗಿದ್ದ ದಾದು ಹಾಗೂ ಹಿನಾ ಕೌಸರ್ ಅವರು ಗಂಭೀರ ಪ್ರಮಾಣದಲ್ಲಿ ಪೆಟ್ಟು ಮಾಡಿಕೊಂಡರು. ಗಾಯಗೊಂಡ ಇಬ್ಬರನ್ನು ರಾಮನಗರ ಆಸ್ಪತ್ರೆಗೆ ಕರೆತರಲಾಗಿದ್ದು, ಅವರಿಗೆ ತುರ್ತು ಚಿಕಿತ್ಸೆ ನೀಡಲಾಗಿದೆ. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಬೆಳಗಾವಿಗೆ ಕಳುಹಿಸಲಾಗಿದೆ.
- [ಬೆಂಗಳೂರಿನಲ್ಲಿ ಅಡಗಿದ್ದ ಬಂಗಾರ ಕಳ್ಳ!](https://mobiletime.in/2025/12/a-gold-thief-hiding-in-bengaluru/): ಪಾರ್ವತಿ ನಾಯ್ಕ ಅವರ ಮನೆಯಲ್ಲಿ ಬಂಗಾರ ಕದ್ದಿದ್ದ ಹರ್ಷವರ್ಧನ ಅವರು ಮೂರು ವರ್ಷಗಳಿಂದ ತಲೆಮರೆಸಿಕೊಂಡಿದ್ದು, ಪೊಲೀಸರು ಅವರನ್ನು ಮತ್ತೆ ಬಂಧಿಸಿದ್ದಾರೆ. ಸಿದ್ದಾಪುರದ ಹುಸೂರು ಗ್ರಾಮದ ಕುಂಬಾರಕುಳಿಯಲ್ಲಿ ಪಾರ್ವತಿ ತಿಮ್ಮ ನಾಯ್ಕ ಅವರು ವಾಸವಾಗಿದ್ದಾರೆ. 2017ರ ಸೆಪ್ಟೆಂಬರ್ 9ರಂದು ಅವರ ಮನೆಗೆ ನುಗ್ಗಿದ್ದ ಹಾಸನದ ಹರ್ಷವರ್ಧನ ಅವರು ಬಂಗಾರದ ಸರ, ಉಂಗುರ, ಕಿವಿಯೋಲೆ ಜೊತೆ 5 ಸಾವಿರ ರೂ ಹಣ ಕದ್ದು ಪರಾರಿಯಾಗಿದ್ದರು. ಅದಾದ ನಂತರ ಹರ್ಷವರ್ಧನ ಅವರು ಬೆಂಗಳೂರಿಗೆ ಹೋಗಿ ಜೀವನ ನಡೆಸುತ್ತಿದ್ದು, ಪ್ರಕರಣದ ಬೆನ್ನತ್ತಿದ ಪೊಲೀಸರು ಅವರನ್ನು ಬಂಧಿಸಿದ್ದರು. ಅದಾದ ನಂತರ ಜಾಮೀನುಪಡೆದು ಜೈಲಿನಿಂದ ಹೊರಬಂದಿದ್ದ ಹರ್ಷವರ್ಧನ ಅವರು ನಂತರ ನ್ಯಾಯಾಲಯಕ್ಕೆ ಹಾಜರಾಗಿರಲಿಲ್ಲ. ಕಳೆದ ಮೂರು ವರ್ಷದ ಅವಧಿಯಲ್ಲಿ ನ್ಯಾಯಾಲಯವೂ ಹರ್ಷವರ್ಧನ ಅವರಿಗೆ 10ಕ್ಕೂ ಅಧಿಕ ಬಾರಿ ವಾರೆಂಟ್ ಜಾರಿ ಮಾಡಿತ್ತು. ಆದರೂ, ಹರ್ಷವರ್ಧನ ನ್ಯಾಯಾಲಯದ ಸೂಚನೆಗೆ ಕಿಮ್ಮತ್ತು ಕೊಟ್ಟಿರಲಿಲ್ಲ. ಪೊಲೀಸರ ಕೈಗೂ ಸಿಗುತ್ತಿರಲಿಲ್ಲ. ಬೆಂಗಳೂರಿನ ಬ್ಯಾಟರಾಯನಪುರದಲ್ಲಿ ಹರ್ಷವರ್ಧನ ಅಡಗಿರುವುದು ಪೊಲೀಸರಿಗೆ ಗೊತ್ತಾಯಿತು. ಹೀಗಾಗಿ ವಿಶೇಷ ತಂಡ ರಚಿಸಿದ ಉತ್ತರ ಕನ್ನಡ ಪೊಲೀಸರು ಮಾರುವೇಷದಲ್ಲಿ ಅಲ್ಲಿ ಹೋಗಿ ಹುಡುಕಾಟ ನಡೆಸಿದರು. ಅಲ್ಲಿಯೇ ಹರ್ಷವರ್ಧನ ಅವರನ್ನು ಬಂಧಿಸಿ ಜಿಲ್ಲೆಗೆ ಕರೆತಂದರು. ಸಿದ್ದಾಪುರ ಪಿಐ ಜೆಬಿ ತಿಪ್ಪೆಸ್ವಾಮಿ, ಪಿಸೈ ಶಾಂತಿನಾಥ ಪಾಸಾನೆ, ಗೀತಾ ಶಿರ್ಶಿಕರ್, ಪೊಲೀಸ್ ಸಿಬ್ಬಂದಿ ಚೇತನಕುಮಾರ ಹಲಗೇರಿ, ರಮೇಶ ಕುಡಲ್, ಭರತಕುಮಾರ ಶ್ರಮಿಸಿದ್ದಾರೆ.  
- [ದೇವರಕಾಡು: ಶುಚಿತ್ವ ಕಾಪಾಡಲು ಸಮಾನ ಮನಸ್ಕರ ಸಂಕಲ್ಪ](https://mobiletime.in/2025/12/devarakadu-a-like-minded-determination-to-maintain-cleanliness/): ಯಲ್ಲಾಪುರ-ಮುoಡಗೋಡು ರಸ್ತೆ ಅಂಚಿನಲ್ಲಿರುವ ದೇವರಕಾಡು ಪ್ರದೇಶವನ್ನು ಸ್ವಚ್ಛಗೊಳಿಸುವಂತೆ ಅರಣ್ಯ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದ ಯಲ್ಲಾಪುರದ ರವೀಂದ್ರ ನಗರ ನಿವಾಸಿಗಳನ್ನು ಒಳಗೊಂಡ ಗೆಳೆಯರ ಬಳಗದವರು ಭಾನುವಾರ ಅಲ್ಲಿದ್ದ ಕಸ-ಕಡ್ಡಿ ಆರಿಸಿದ್ದಾರೆ. ಇನ್ನಷ್ಟು ದೊಡ್ಡ ಪ್ರಮಾಣದಲ್ಲಿ ತ್ಯಾಜ್ಯ ಬಿದ್ದಿದ್ದು, ಅದನ್ನು ಸ್ವಚ್ಛಗೊಳಿಸುವಂತೆ ಬಳಗದವರು ಅರಣ್ಯ ಇಲಾಖೆಗೆ ಮನವಿ ಮಾಡಿದ್ದಾರೆ. ಯಲ್ಲಾಪುರ-ಮುಂಡಗೋಡು ರಸ್ತೆಗೆ ಹೊಂದಿಕೊAಡು ರವೀಂದ್ರ ನಗರದ ವ್ಯಾಪ್ತಿಯಲ್ಲಿ ಅರಣ್ಯ ಇಲಾಖೆಯವರು `ದೇವರಕಾಡು’ ನಿರ್ಮಿಸಿದ್ದಾರೆ. ಯಲ್ಲಾಪುರ ಪಟ್ಟಣದಿಂದ 3ಕಿಮೀ ದೂರದಲ್ಲಿರುವ ಈ ಪ್ರದೇಶದಲ್ಲಿ ಅನಾಧಿಕಾಲದಿಂದಲೂ ದೇವಿಯ ಆಲಯವಿದೆ. ಸಾತೇರಿ ದೇವಿಯ ಗುಡಿಗೆ ಅನೇಕ ಭಕ್ತರು ಅಲ್ಲಿ ನಡೆದುಕೊಳ್ಳುತ್ತಿದ್ದು, ಆ ಪ್ರದೇಶದ ವಾತಾವರಣವನ್ನು ಸುಂದರವಾಗಿರಿಸಲು ರವೀಂದ್ರ ನಗರದ ಗೆಳೆಯರ ಬಳಗದವರು ಶ್ರಮಿಸಿದ್ದಾರೆ. ಇಲ್ಲಿರುವ ಗುಹೆ ಆಕಾರದ ಪ್ರವೇಶ ದ್ವಾರ ಜನರ ಗಮನಸೆಳೆಯುತ್ತಿದೆ. ಆದರೆ, ಇಲ್ಲಿ ಪ್ರವೇಶಿಸುವ ಪ್ರವಾಸಿಗರು ಎಲ್ಲೆಂದರಲ್ಲಿ ಮದ್ಯದ ಬಾಟಲಿ ಎಸೆಯುತ್ತಿದ್ದಾರೆ. ಇಲ್ಲಿನ ಮಾಲಿನ್ಯ ಅರಿತ ಸ್ಥಳೀಯರು ಸೋಮೇಶ್ವರ ನಾಯ್ಕ ಅವರ ನೇತ್ರತ್ವದಲ್ಲಿ ಸ್ವಚ್ಛತೆಗಾಗಿ ಮನವಿ ಸಲ್ಲಿಸಿದ್ದರು. `ದೇವರ ಕಾಡಿನಲ್ಲಿ ನಿರ್ಮಿಸಿದ ಆಸನಗಳನ್ನು ಸರಿಯಾಗಿರಿಸಬೇಕು. ಅಲ್ಲಿನ ಮಾಲಿನ್ಯವನ್ನು ಸರಿಪಡಿಸಿ ಪ್ರವಾಸಿಗರಿಗೆ ಮುಜುಗರವಾಗುವುದನ್ನು ತಪ್ಪಿಸಬೇಕು’ ಎಂದು ಸುಜಯ ಮರಾಠಿ, ಸಾಜು ಜೋರೇ, ತೇಜೇಶ್ ಭೋವಿ ಹಾಗೂ ಮನು ಪೊಳ್ ಅವರು ಮನವಿ ಮಾಡಿದ್ದರು. ಆನಂದ್ ಭೋವಿ, ರಿಜ್ವಾನ್ ಶೈಖ್, ಷಣ್ಮುಖ ನಾಯ್ಕ, ನಂದನ್ ಮರಾಠಿ, ಮೋಹನ್ ಪಾಲೇಕಾರ್, ರೋಹಿತ್ ಸಾಲುಂಕೆ, ಗಿರೀಶ್ ಭೋವಿವಡ್ಡರ್, ಕುಮಾರ್ ವಾಲ್ಮೀಕಿ ಹಾಗೂ ರಾಜು ನಾಯ್ಕ ಅವರು ಈ ಬಗ್ಗೆ ಆಗ್ರಹಿಸಿದ್ದರು. ಫೆಬ್ರವರಿಯಲ್ಲಿ ನಡೆಯುವ ಯಲ್ಲಾಪುರ ಜಾತ್ರೆಗೂ ಮುನ್ನ ಹೊರ ಮಂಗಳವಾರ ಪದ್ಧತಿ ಆಚರಣೆಯಲ್ಲಿದ್ದು, ಅದಕ್ಕೆ ಪೂರಕವಾಗಿ ಈ ಪ್ರದೇಶ ಸ್ವಚ್ಛ ಮಾಡಬೇಕು ಎಂದು ಸಂಕಲ್ಪಿಸಿದ ಸಮಾನ ಮನಸ್ಕರು ಭಾನುವಾರ ಶ್ರಮದಾನ ಮಾಡಿದರು. ಈ ದಿನ ಸೋಮೇಶ್ವರ ನಾಯ್ಕ ಅವರ ಜೊತೆಗೂಡಿ ರೋಹಿತ ಸಾಲಂಕೆ, ಹಿರೀಶ ಬೋವಿವಡ್ಡರ್, ತೇಜಸ್ ಬೋವಿವಡ್ಡರ್, ಮಸ್ತಫಾ ಶೇಕ್, ಮಂಜುನಾಥ ಬೋವಿವಡ್ಡರ್ ಹಾಗೂ ಗಣೇಶ ಮರಾಠಿ ಅವರು ಸ್ವಚ್ಛತಾ ಕಾರ್ಯ ನಡೆಸಿದರು. ಜಾತ್ರೆ ಪೂರ್ವದಲ್ಲಿ ಅರಣ್ಯ ಇಲಾಖೆ ಸಹಯೋಗದಲ್ಲಿ ಮತ್ತೊಮ್ಮೆ ಸ್ವಚ್ಚತೆ ನಡೆಸುವುದಾಗಿ ಅಲ್ಲಿದ್ದವರು ಮಾಹಿತಿ ನೀಡಿದರು.
- [ಕಂದಕಕ್ಕೆ ಬಿದ್ದ ಕಾರು: ಗ್ರಾಮ ಲೆಕ್ಕಾಧಿಕಾರಿ ಸಾವು!](https://mobiletime.in/2025/12/the-car-fell-into-the-ditch-the-village-accountant-died/): ದರ್ಶನ್ ಅಭಿನಯದ ಡೆವಿಲ್ ಸಿನಿಮಾ ನೋಡಿ ಊರಿಗೆ ಮರಳುತ್ತಿದ್ದ ಗ್ರಾಮ ಲೆಕ್ಕಾಧಿಕಾರಿಯೊಬ್ಬರು ಕಾರು ಅಪಘಾತದಲ್ಲಿ ಕೊನೆಯುಸಿರೆಳೆದಿದ್ದಾರೆ. ಅವರ ಜೊತೆಯಿದ್ದ ಮತ್ತಿಬ್ಬರು ಗ್ರಾಮ ಲೆಕ್ಕಾಧಿಕಾರಿಗಳು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಮುoಡಗೋಡಿನ ತಹಶೀಲ್ದಾರ್ ಕಚೇರಿಯಲ್ಲಿ ಗೋಪಾಲ ಎಂ, ಗೋವಿಂದ ರಾಠೋಡ್ ಹಾಗೂ ಮಂಜುನಾಥ ಅವರು ಗ್ರಾಮ ಲೆಕ್ಕಾಧಿಕಾರಿಯಾಗಿದ್ದರು. ಶನಿವಾರ ಅವರು ಡೆವಿಲ್ ಸಿನಿಮಾ ನೋಡಲು ಹುಬ್ಬಳ್ಳಿಗೆ ಹೋಗಿದ್ದರು. ಸಿನಿಮಾ ಮುಗಿಸಿ ರಾತ್ರಿ ಮುಂಡಗೋಡಿಗೆ ಮರಳುತ್ತಿದ್ದರು. ತಡಸ ಸಮೀಪದ ತಾಯವ್ವನ ಗುಡಿಯ ಬಳಿ ಅವರ ಕಾರು ಕಂದಕಕ್ಕೆ ಬಿದ್ದಿತು. ಎಷ್ಟು ಹೊತ್ತಾದರೂ ಆ ಮೂವರು ಮನೆಗೆ ಬಾರದ ಕಾರಣ ಕುಟುಂಬದವರು ಹುಡುಕಾಟ ನಡೆಸಿದಾಗ ಕಾರು ಅಪಘಾತದ ಸುದ್ದಿ ಸಿಕ್ಕಿತು. ರಾತ್ರಿ 2.30ರ ವೇಳೆಗೆ ಕಾರು ತಲೆಕೆಳಗಾಗಿ ಬಿದ್ದಿರುವುದು ಕಾಣಿಸಿತು. ಕಾರಿನ ಬಳಿ ಗಮನಿಸಿದಾಗ ಮುಂಡಗೋಡ ತಹಶೀಲ್ದಾರ್ ಕಚೇರಿಯ ಸಿಬ್ಬಂದಿ ಗೋಪಾಲ ಎಂ ಅವರು ಕೊನೆಯುಸಿರೆಳೆದರು. ಕಾರಿನಲ್ಲಿದ್ದ ಗೋವಿಂದ ರಾಠೋಡ್ ಹಾಗೂ ಮಂಜುನಾಥ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದು, ಅಪಘಾತ ನೋಡಿದವರು ಅವರಿಬ್ಬರನ್ನು ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಆಸ್ಪತ್ರೆಗೆ ದಾಖಲಿಸಿದರು. ಗಾಯಗೊಂಡ ಇನ್ನಿಬ್ಬರು ಗ್ರಾಮ ಲೆಕ್ಕಾಧಿಕಾರಿಗಳ ಸ್ಥಿತಿ ಚಿಂತಾಜನಕವಾಗಿದ್ದು, ಅವರಿಗೆ ನಿರಂತರ ಚಿಕಿತ್ಸೆ ಮುಂದುವರೆದಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ಕಾರು ಮೇಲೆತ್ತುವ ಪ್ರಯತ್ನ ಮಾಡಿದ್ದಾರೆ. ಅತಿವೇಗ ಅಪಘಾತಕ್ಕೆ ಕಾರಣ ಎಂಬ ಮಾಹಿತಿಯಿದೆ. ಸರ್ಕಾರಿ ಸೇವೆಯಲ್ಲಿದ್ದು, ಉತ್ತಮ ಕೆಲಸ ಮಾಡುತ್ತಿದ್ದ ಸಹೋದ್ಯೋಗಿ ನಿಧನಕ್ಕೆ ತಹಶೀಲ್ದಾರ್ ಕಚೇರಿ ನೌಕರರು ಕಂಬನಿ ಮಿಡಿದಿದ್ದಾರೆ.
- [ಉಪಕಾರ ಮಾಡಿದ ಅಜ್ಜಿಗೆ ಅಪಕಾರ!](https://mobiletime.in/2025/12/a-favor-to-the-grandmother-who-did-a-favor/): ದಣಿದು ಬಂದಿದ್ದ ಅಪರಿಚಿತರಿಗೆ ಹೊನ್ನಮ್ಮ ನಾಯ್ಕ ಅವರು ನೀರು ಕೊಟ್ಟು ಉಪಚರಿಸಿದ್ದು, ಉಪಕಾರ ಮಾಡಿದ ಅಜ್ಜಿಗೆ ಆಗಂತುಕರು ಅಪಕಾರ ಮಾಡಿದ್ದಾರೆ. ಭಟ್ಕಳದ ಬೆಳಕೆ ಗರಡಿ ಹಿತ್ತಲು ಪ್ರದೇಶದಲ್ಲಿ ಹೊನ್ನಮ್ಮ ಮಾಧವ ನಾಯ್ಕ (70) ಅವರು ವಾಸವಾಗಿದ್ದಾರೆ. ಅವರ ಮನೆಗೆ ಬೈಕಿನಲ್ಲಿ ಬಂದ ಅಪರಿಚಿತರಿಬ್ಬರು ಕೋರಿಯರ್ ಬಾಯ್ ಎಂದು ಪರಿಚಯಿಸಿಕೊಂಡಿದ್ದಾರೆ. `ಆನ್‌ಲೈನ್ ಮೂಲಕ ಬ್ಯಾಟರಿ ಬಂದಿದೆ’ ಎಂದು ಅವರು ವಿಳಾಸ ಹೇಳಿದ್ದಾರೆ. ಆಗ ಹೊನ್ನಮ್ಮ ನಾಯ್ಕ ಅವರು `ನಾನು ಬ್ಯಾಟರಿ ಬುಕ್ ಮಾಡಿಲ್ಲ. ನನ್ನ ಮಗಳು ಸಹ ಮಾಡಿಲ್ಲ’ ಎಂದಿದ್ದಾರೆ. `ನನ್ನ ಅಳಿಯ ಬ್ಯಾಟರಿ ಬುಕ್ ಮಾಡಿರಬೇಕು’ ಎಂದು ಹೇಳಿದ್ದಾರೆ. ಆಗ, ಬೈಕಿನಲ್ಲಿದ್ದ ಅಪರಿಚಿತರು `ಕುಡಿಯಲು ನೀರು ಕೊಡಿ’ ಎಂದು ಮನವಿ ಮಾಡಿದ್ದಾರೆ. ದೂರದಿಂದ ಬಂದು ದಣಿದಿದ್ದವರನ್ನು ನೋಡಿದ ಅಜ್ಜಿ ಮಾನವೀಯ ಹಿನ್ನಲೆ ನೀರು ಕೊಟ್ಟು ಉಪಚರಿಸಿದ್ದಾರೆ. ಅದಾದ ನಂತರ ಆ ಅಪರಿಚಿತರು `ಇನ್ನಷ್ಟು ನೀರು ಬೇಕು’ ಎಂದಿದ್ದಾರೆ. ನೀರು ತರುವುದಕ್ಕಾಗಿ ತಿರುಗಿದಾಗ ಬೈಕಿನಲ್ಲಿದ್ದವರು ಅಜ್ಜಿಯ ಕತ್ತಿಗೆ ಕೈ ಹಾಕಿ ಚಿನ್ನದ ಸರ ಕದ್ದಿದ್ದಾರೆ. ಆಘಾತಕ್ಕೆ ಒಳಗಾದ ಅಜ್ಜಿ ಕೂಗಿಕೊಂಡಿದ್ದು, ಸುತ್ತಲಿನ ಜನ ಜಮಾಯಿಸಿದ್ದಾರೆ. ಅವರೆಲ್ಲರೂ ಸೇರಿ ಕಳ್ಳರಿಬ್ಬರನ್ನು ಹಿಡಿಯುವ ಪ್ರಯತ್ನ ಮಾಡಿದರೂ ಪ್ರಯೋಜನ ಆಗಲಿಲ್ಲ. ಬೈಕಿನಲ್ಲಿದ್ದ ಕಳ್ಳರು ಶಿರೂರು ಟೋಲ್‌ಗೇಟ್ ಮಾರ್ಗವಾಗಿ ತಪ್ಪಿಸಿಕೊಂಡಿದ್ದಾರೆ. ವಿಷಯ ಅರಿತ ಡಿವೈಎಸ್ಪಿ ಮಹೇಶ್, ಗ್ರಾಮೀಣ ಠಾಣೆಯ ಸಿಪಿಐ ಮಂಜುನಾಥ ಲಿಂಗಾರೆಡ್ಡಿ ಹಾಗೂ ಸಿಬ್ಬಂದಿ ಅಜ್ಜಿಯ ಮನೆಗೆ ಭೇಟಿ ನೀಡಿ ಪರಿಶೀಲಿಸಿದರು. ಅಜ್ಜಿ ನೀಡಿದ ದೂರಿನ ಅನ್ವಯ ಪ್ರಕರಣ ದಾಖಲಿಸಿದ್ದು, ಕಳ್ಳರನ್ನು ಹುಡುಕುವ ವಿಶ್ವಾಸವ್ಯಕ್ತಪಡಿಸಿದರು.
- [ನವೋದಯ ಪರೀಕ್ಷೆ: ಮಗನಿಗೆ ಕಾಫಿ ಚೀಟಿ ಕೊಟ್ಟ ಅಪ್ಪ!](https://mobiletime.in/2025/12/navodaya-exam-father-gives-coffee-voucher-to-son/): ಕೇಂದ್ರ ನವೋದಯ ಪರೀಕ್ಷೆಗೆ ಹಾಜರಾಗಿದ್ದ ವಿದ್ಯಾರ್ಥಿಗೆ ಶಿಕ್ಷಕರಾಗಿರುವ ಅವರ ಅಪ್ಪನೇ ಕಾಫಿ ಚೀಟಿ ಕೊಟ್ಟಿದ್ದಾರೆ. ಪರೀಕ್ಷೆ ಪಾಸ್ ಆಗಲು ಅಸಮರ್ಥನಾಗಿದ್ದ ಮಗನಿಗೆ ಉತ್ತರ ಹೇಳಿಕೊಟ್ಟು ಪಾಸ್ ಮಾಡಿಸುವ ಸಾಹಸ ಮಾಡಿ ಸಿಕ್ಕಿಬಿದ್ದಿದ್ದಾರೆ! ಹಳಿಯಾಳ ಪಟ್ಟಣದ ಕಾರ್ಮೆಲ್ ಪ್ರಾಥಮಿಕ ಶಾಲೆಯಲ್ಲಿ ನವೋದಯ ಪರೀಕ್ಷೆ ನಡೆಯುತ್ತಿದ್ದು, ಶಿಕ್ಷಕ ಚರ್ಚಿಲ್ ಸಂತಾನ್ ದಾಲ್ಮೆಟ್ ಅವರನ್ನು ಪರೀಕ್ಷೆ ಜವಾಬ್ದಾರಿಯಿಂದ ದೂರವಿರಿಸಲಾಗಿತ್ತು. ತಮ್ಮ ಮಗ ದಡ್ಡನಾಗಿದ್ದರೂ ಆತನನ್ನು ನವೋದಯಕ್ಕೆ ಸೇರಿಸಬೇಕು ಎಂಬ ನಿಟ್ಟಿನಲ್ಲಿ ಚರ್ಚಿಲ್ ಅವರು ನಿರ್ಧರಿಸಿದ್ದರು. ಹೀಗಾಗಿ ಅಕ್ರಮವಾಗಿ ಪರೀಕ್ಷಾ ಕೇಂದ್ರ ಪ್ರವೇಶಿಸಿದ ಅವರು ಅಲ್ಲಿನ ಸೂಪರ್‌ವೈಸರನ್ನು ಬುಟ್ಟಿಗೆ ಹಾಕಿಕೊಂಡರು. ಅವರ ಜೊತೆ ಕೈಜೋಡಿಸಿ ತನ್ನ ಮಗನಿಗೆ ಉತ್ತರಗಳನ್ನು ಹೇಳಿಕೊಡಲು ಶುರು ಮಾಡಿದರು. ಕರ್ತವ್ಯದಲ್ಲಿರದ ಚರ್ಚಿಲ್ ಪರೀಕ್ಷಾ ಕೇಂದ್ರದೊಳಗೆ ಬಂದ ಬಗ್ಗೆ ಮಕ್ಕಳು ಪ್ರಶ್ನಿಸಿದರು. ಶಿಕ್ಷಕ ಚರ್ಚಿಲ್‌ನ ಈ ವರ್ತನೆಯಿಂದ ಇತರ ವಿದ್ಯಾರ್ಥಿಗಳ ಪೋಷಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು. ಕ್ಷೇತ್ರ ಶಿಕ್ಷಣಾಧಿಕಾರಿ ಪ್ರಮೋದ್ ಮಹಾಲೆ ಅವರಿಗೆ ಪಾಲಕರು ದೂರು ಸಲ್ಲಿಸಿದರು.
- [ಕರಾವಳಿ ಉತ್ಸವ: ಫೋಟೋ ಕ್ಲಿಕ್ಕಿಸಿ.. ಕಾಸು ಗೆಲ್ಲಿ!](https://mobiletime.in/2025/12/coastal-festival-click-on-the-photo-win-money/): ಕರಾವಳಿ ಉತ್ಸವಕ್ಕೆ ಪ್ರವಾಸಿಗರ ಆಕರ್ಷಿಸಲು ಜಿಲ್ಲಾಡಳಿತ ನಾನಾ ಬಗೆಯ ಕಸರತ್ತು ನಡೆಸುತ್ತಿದ್ದು, ಆ ಪ್ರಯತ್ನ ಜಿಲ್ಲೆಯ ಜನರಲ್ಲಿ ಸ್ಪರ್ಧಾತ್ಮಕ ಭಾವನೆ ಹೆಚ್ಚಿಸಿದೆ. ಸದ್ಯ ಪ್ರವಾಸಿ ತಾಣಗಳಲ್ಲಿನ ಕ್ಷಣಗಳನ್ನು ಸೆರೆಹಿಡಿಯುವ ಸ್ಪರ್ಧೆಯನ್ನು ಆಯೋಜಿಸಿದೆ. ಕಾರವಾರದ ರವೀಂದ್ರನಾಥ ಟ್ಯಾಗೋರ ಕಡಲತೀರದಲ್ಲಿ `ಕರಾವಳಿ ಉತ್ಸವ-2025ನ್ನು ಅದ್ಧೂರಿಯಾಗಿ ನಡೆಸಲು ಎಲ್ಲಾ ಬಗೆಯ ಸಿದ್ಧತೆ ಜೋರಾಗಿದೆ. ಪ್ರವಾಸಿಗರ ಆಕರ್ಷಣೆ ಹಾಗೂ ಪ್ರಚಾರಕ್ಕಾಗಿ ಜಿಲ್ಲೆಯ ಪ್ರಮುಖ ಪ್ರವಾಸಿ ಸ್ಥಳಗಳ, ಜಲಪಾತಗಳ, ಕಡಲತೀರಗಳ, ಪಾರಂಪರಿಕ ತಾಣಗಳ, ಛಾಯಾಚಿತ್ರ ಸ್ಪರ್ಧೆ ಏರ್ಪಡಿಸಲಾಗಿದೆ. ಈ ಸ್ಪರ್ಧೆಯಲ್ಲಿ ಮೊದಲ ಬಹುಮಾನಪಡೆದವರಿಗೆ 10 ಸಾವಿರ ರೂ, ಎರಡನೇ ಬಹುಮಾನಪಡೆದವರಿಗೆ 7 ಸಾವಿರ ರೂ ಹಾಗೂ 3ನೇ ಬಹುಮಾನಪಡೆದವರಿಗೆ 5 ಸಾವಿರ ರೂ ಸಿಗಲಿದೆ. 2*2ಅಡಿ ಎತ್ತರದ ಫೋಟೋಗೆ ಪ್ರೇಮ್ ಅಳವಡಿಸಿ ಸಲ್ಲಿಸುವಂತೆ ಜಿಲ್ಲಾಡಳಿತ ಕೋರಿದ್ದು, ಆ ಫೋಟೋಗಳನ್ನು ಉತ್ಸವದಲ್ಲಿ ಪ್ರದರ್ಶಿಸಲಾಗುತ್ತದೆ. ಉತ್ತರ ಕನ್ನಡ ಜಿಲ್ಲೆಯ ಪ್ರಮುಖ ಪ್ರವಾಸಿ ಸ್ಥಳಗಳ, ಜಲಪಾತಗಳ, ಕಡಲತೀರಗಳ, ಪಾರಂಪರಿಕ ತಾಣಗಳ, ಛಾಯಾಚಿತ್ರಗಳನ್ನು ಮಾತ್ರ ಸ್ಪರ್ಧೆಗೆ ಪರಿಗಣಿಸಲಾಗುತ್ತದೆ. ಸ್ಪರ್ಧೆಯಲ್ಲಿ ಉತ್ತರ ಕನ್ನಡ ಜಿಲ್ಲೆಯವರಿಗೆ ಮಾತ್ರ ಅವಕಾಶವಿದೆ. ಸ್ಪರ್ಧೆಯಲ್ಲಿ ಭಾಗವಹಿಸಲು ಯಾವುದೇ ವಯೋಮಿತಿ ಇಲ್ಲ. ಸ್ವತಃ ಕ್ಲಿಕ್ಕಿಸಿದ ಚಿತ್ರಗಳನ್ನು ಮಾತ್ರ ಕಳುಹಿಸಬೇಕಾಗಿದ್ದು ಛಾಯಾಚಿತ್ರದ ಜೊತೆ ಹೆಸರು, ವಿಳಾಸ, ಆಧಾರ್ ಪ್ರತಿ, ಬ್ಯಾಂಕ್ ಖಾತೆ ವಿವರದ ಜೊತೆ ಮೊಬೈಲ್ ನಂ ನೀಡುವುದು ಕಡ್ಡಾಯ. ಛಾಯಾಚಿತ್ರ ಸಲ್ಲಿಸಲು ಡಿಸೆಂಬರ್ 19 ಕೊನೆಯ ದಿನ. ಫೋಟೋ ಕಳುಹಿಸಬೇಕಾದ ವಿಳಾಸ ಉಪ ನಿರ್ದೇಶಕರು, ಪ್ರವಾಸೋದ್ಯಮ ಇಲಾಖೆ, ಆರ್ ಟಿ ಓ ಕಚೇರಿ ಹತ್ತಿರ, ಕಾರವಾರ – 581301 ಮಾಹಿತಿಗಾಗಿ ಫೋನ್ ಮಾಡಬೇಕಾದ ಸಂಖ್ಯೆ: 8618404610 / 9036074715
- [ಹೈಟೆಕ್ ಆಸ್ಪತ್ರೆ: ಹಳೆ ಹೋರಾಟಕ್ಕೆ ಹೊಸ ಸ್ವರೂಪ!](https://mobiletime.in/2025/12/hi-tech-hospital-a-new-form-for-an-old-struggle/): ಶಿರಸಿಯ ಹೈಟೆಕ್ ಆಸ್ಪತ್ರೆ ವಿಷಯವಾಗಿ ಹೋರಾಟ ಶುರು ಮಾಡಿದ್ದ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು ಆ ಹೋರಾಟವನ್ನು ಮತ್ತೆ ಮುಂದುವರೆಸಿದ್ದಾರೆ. ಕಾಂಗ್ರೆಸ್ ಸರ್ಕಾರದ ಕೊಳಕಿನ ಬಗ್ಗೆ ಅವರು ಕಿಡಿಕಾರಿದ್ದಾರೆ. `ರಾಜ್ಯದಲ್ಲಿ ಅಧಿಕಾರದಲ್ಲಿರುವ ಕಾಂಗ್ರೆಸ್ ಸರಕಾರ ಶಿರಸಿ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಯನ್ನು ನಿರ್ಲಕ್ಷಿಸಿ ಜನರ ಸಾವಿನ ಮೇಲೆ ತನ್ನ ರಾಜ್ಯಭಾರವನ್ನು ಮಾಡುತ್ತಿದೆ’ ಎಂದವರು ದೂರಿದ್ದಾರೆ. `ಶಿರಸಿ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಯ ಕಾಮಗಾರಿ ಶೇ 8-ರಷ್ಟು ಪೂರ್ಣವಾಗಿ ವರ್ಷ ಕಳೆದರೂ ವೈದ್ಯಕೀಯ ಉಪಕರಣ, ತಜ್ಞ ವೈದ್ಯರ ನೇಮಕಾತಿ ಪ್ರಕ್ರಿಯೆ ನಡೆದಿಲ್ಲ’ ಎಂಬುದನ್ನು ಪುನರುಚ್ಚರಿಸಿದ್ದಾರೆ. `ಸ್ಥಳೀಯ ಶಾಸಕರು, ಜಿಲ್ಲಾ ಉಸ್ತುವಾರಿ ಸಚಿವರು ಹಾಗು ಹಿರಿಯರಾಗಿರುವ ಆರ್ ವಿ ದೇಶಪಾಂಡೆ ಒಳಗೊಂಡು ಕಾಂಗ್ರೆಸ್ ಸರಕಾರ ಶಿರಸಿಯನ್ನು ನಿರ್ಲಕ್ಷಿಸಿದೆ. ಖಂಡಿಸಿ ಡಿಸೆಂಬರ್ 16ರಂದು ಬೆಳಗಾವಿಯ ಸುವರ್ಣ ಸೌಧದಲ್ಲಿ ನಡೆಯುತ್ತಿರುವ ಚಳಿಗಾಲದ ಅಧಿವೇಶನದಲ್ಲಿ ಸರಕಾರದ ಗಮನ ಸೆಳೆಯುವ ನಿಟ್ಟಿನಲ್ಲಿ ಬೃಹತ್ ಹೋರಾಟ ನಡೆಯಲಿದೆ’ ಎಂದವರು ಘೋಷಿಸಿದರು. `ಇದು ಕೇವಲ ಯಾರ ವಿರುದ್ಧದ ಹೋರಾಟವಲ್ಲ. ಕ್ಷೇತ್ರದ ಜನರ ಹಿತಕ್ಕಾಗಿ ನಡೆಯುತ್ತಿರುವ ಹೋರಾಟ’ ಎಂದು ಸ್ಪಷ್ಠಪಡಿಸಿದರು. `ಜಿಲ್ಲೆಯಲ್ಲಿ ಅಪಘಾತ ಪ್ರಮಾಣ ಹೆಚ್ಚಾಗಿದೆ. ಸಾವು-ನೋವುಗಳು ಹೆಚ್ಚಾಗಿದೆ. ಮಲ್ಟಿ ಸ್ಪೆಷಾಲಿಟಿ ಇಲ್ಲದಿರುವ ಕಾರಣ ಹೆಚ್ಚಿನ ಚಿಕಿತ್ಸೆಗಾಗಿ ಹೊರ ಜಿಲ್ಲೆಯ ಉತ್ತಮ ಆಸ್ಪತ್ರೆಗೆ ಹೋಗುತ್ತಿದ್ದಾರೆ. ಆ ಕಾರಣಕ್ಕಾಗಿಯೇ ಶಿರಸಿಯಲ್ಲಿ ಅಂದಿನ ಬಿಜೆಪಿ ಸರಕಾರದ ಆಡಳಿತದಲ್ಲಿ 250 ಹಾಸಿಗೆಗಳ ಆಸ್ಪತ್ರೆ ನಿರ್ಮಾಣಕ್ಕೆ ಮುಂದಾಗಿದ್ದು, ಈಗಿನ ರಾಜ್ಯ ಕಾಂಗ್ರೆಸ್ ಸರಕಾರ ರಾಜಕಾರಣ ಕಾರಣಕಕ್ಕೆ ಆಸ್ಪತ್ರೆಗೆ ಆಸಕ್ತಿವಹಿಸಿಲ್ಲ’ ಎಂದವರು ದೂರಿದರು.
- [ಅನಾಧಿಕಾಲದ ಅತಿಕ್ರಮಣ ತೆರವು: ಅರಣ್ಯವಾಸಿಗೆ ಆತಂಕ!](https://mobiletime.in/2025/12/untimely-encroachment-clearance-forest-dwellers-worried/): ಅನಾಧಿಕಾಲದಿoದಲೂ ಅರಣ್ಯ ಭೂಮಿ ಅತಿಕ್ರಮಿಸಿಕೊಂಡಿರುವ ಮೋಹನ ದೇಶಭಂಡಾರಿ ಅವರಿಗೆ ಆ ಜಾಗ ಬಿಟ್ಟು ತೆರಳುವಂತೆ ಅರಣ್ಯಾಧಿಕಾರಿಗಳು ಆದೇಶಿಸಿದ್ದಾರೆ. `ತಮಗೆ ನ್ಯಾಯ ಕೊಡಿಸಿ’ ಎಂದು ಮೋಹನ ದೇಶಭಂಡಾರಿ ಅವರು ನ್ಯಾಯವಾದಿ ರವೀಂದ್ರ ನಾಯ್ಕ ಅವರ ಬಳಿ ದೌಡಾಯಿಸಿದ್ದಾರೆ. ಕುಮಟಾ ತಾಲೂಕಿನ ಬೆಳ್ಳಂಗಿ ಗ್ರಾಮದಲ್ಲಿ ಮೋಹನ ನಾರಾಯಣ ದೇಶಭಂಡಾರಿ ಅವರು ವಾಸವಾಗಿದ್ದಾರೆ. ಅನಾಧಿಕಾಲದಿಂದಲೂ ಅವರು ಅತಿಕ್ರಮಣ ಜಮೀನಿನಲ್ಲಿಯೇ ಬದುಕು ಕಟ್ಟಿಕೊಂಡಿದ್ದಾರೆ. ಅತಿಕ್ರಮಣದಾರರ ಹೋರಾಟದಲ್ಲಿಯೂ ಮೋಹನ ದೇಶಭಂಡಾರಿ ಅವರು ಭಾಗವಹಿಸುತ್ತಿದ್ದು, ಅತಿಕ್ರಮಣದಾರರನ್ನು ಒಕ್ಕಲೆಬ್ಬಿಸದಂತೆ ಅವರು ಮನವಿ ಮಾಡಿದ್ದಾರೆ. ಅರಣ್ಯ ಹಕ್ಕು ಕಾಯ್ದೆ ಅಡಿ ಅರ್ಜಿ ಸಹ ಸಲ್ಲಿಸಿದ್ದಾರೆ. ಅದಾಗಿಯೂ, ನವೆಂಬರ್ 28ರಂದು ಅವರ ಅತಿಕ್ರಮಣ ತೆರವಿಗೆ ಆದೇಶವಾಗಿದೆ. ಇದರೊಂದಿಗೆ ಕತಗಾಲ ವಲಯದ ಕೃಷ್ಣ ದೇವಪ್ಪ ನಾಯ್ಕ ಮತ್ತು ಈಶ್ವರ್ ನಾರಾಯಣ ನಾಯ್ಕ ಅವರಿಗೆ ಡಿಸೆಂಬರ್ 17 ರಂದು ವಿಚಾರಣೆಗೆ ಹಾಜಾರಾಗುವಮತೆ ನೋಟಿಸ್ ಸಹ ಬಂದಿದೆ. `ಅರಣ್ಯ ಹಕ್ಕು ಕಾಯಿದೆಯಲ್ಲಿ ಅರ್ಜಿ ಸಲ್ಲಿಸಿದ ಅರಣ್ಯವಾಸಿಯನ್ನು ಒಕ್ಕಲೆಬ್ಬಿಸುವ ಪ್ರಕ್ರೀಯೆಗೆ ಕೇಂದ್ರ ಅರಣ್ಯ ಕಛೇರಿಯಿಂದ ಸಮರ್ಪಕ ಉತ್ತರ ಬರುವವರೆಗೂ ಒಕ್ಕಲೆಬ್ಬಿಸುವುದಿಲ್ಲ’ ಎಂದು ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಟಿ ಹಿರಾಲಾಲ್ ಅವರು ಹೇಳಿದ್ದರು. ಆದರೆ, ಆ ಮಾತು ಇದೀಗ ಸುಳ್ಳಾಗಿದೆ. ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿಗಳು ಒಕ್ಕಲೆಬ್ಬಿಸುವ ಕಡತಕ್ಕೆ ಸಹಿ ಮಾಡಿದ್ದಾರೆ. ಹೋಟಾಗರಾರರಿಗೆ ನೀಡಿದ ಮಾತು ಸುಳ್ಳಾಗಿದೆ ಎಂದು ಹೋರಾಟಗಾರ ಉದಯ ನಾಯ್ಕ, ಆನಂದ ಶಿವಪ್ಪ ಜೋಗಿ ಅಚನಳ್ಳಿ, ಗಣಪತಿ ಪುಟ್ಟರಮನೆ, ಪ್ರಶಾಂತ ನಾಯ್ಕ, ಹನುಮಂತ ಕನ್ನಾ ಕುಂಬಾರಗುಣಿ ಅಸಮಧಾನವ್ಯಕ್ತಪಡಿಸಿದ್ದಾರೆ.
- [ಭಂಡOಗಿ ಸೋಮನಿಂಗ ಬಂಡತನ: 40 ವಾರೆಂಟಿಗೂ ಡೋಂಟ್ ಕೇರ್!](https://mobiletime.in/2025/12/bhandaogi-somaninga-bandatana-dont-care-about-the-40-warranty/): ಆರು ವರ್ಷಗಳಿಂದ ಪೊಲೀಸರ ಕಣ್ತಪ್ಪಿಸಿಕೊಂಡು ಓಡಾಡುತ್ತಿದ್ದ ಆರೋಪಿಗೆ ಕೋರ್ಟು 40 ಬಾರಿ ವಾರೆಂಟ್ ಹೊರಡಿಸಿದ್ದು,, ಅದಾಗಿಯೂ ನ್ಯಾಯಾಲಯಕ್ಕೆ ಹಾಜರಾಗದೇ ಬಂಡತನ ಮೆರೆದಿದ್ದ ಸೋಮನಿಂಗ ಭಂಡಗಿ ಅವರನ್ನು ಪೊಲೀಸರು ಸೆದೆಬಡಿದಿದ್ದಾರೆ. ಹಳಿಯಾಳದ ಸೋಮನಿಂಗ ನೀಲಕಂಠ ಭಡಂಗಿ ಅವರು ಹಲ್ಲೆ ಪ್ರಕರಣದಲ್ಲಿ ಆರೋಪಿಯಾಗಿದ್ದರು. ಈ ಹಿನ್ನಲೆ ಆರು ವರ್ಷದ ಹಿಂದೆ ಅವರು ನ್ಯಾಯಾಲಯದಿಂದ ಜಾಮೀನುಪಡೆದಿದ್ದರು. ಆದರೆ, ಮತ್ತೆ ನ್ಯಾಯಾಲಯದ ಕಡೆ ಮುಖ ಹಾಕಿರಲಿಲ್ಲ. ಹೀಗಾಗಿ ಕೋರ್ಟು ವಾರೆಂಟ್ ಜಾರಿ ಮಾಡಿದ್ದು, ಅದಕ್ಕೆ ಸಹ ತಲೆಕೆಡಿಸಿಕೊಂಡಿರಲಿಲ್ಲ. 40 ಬಾರಿ ವಾರೆಂಟ್ ಆದರೂ ನೀಲಕಂಠ ಭಂಡಗಿ ಸಿಕ್ಕಿರಲಿಲ್ಲ. ಈ ಹಿನ್ನಲೆ ಹಳಿಯಾಳ ಪೊಲೀಸ್ ಠಾಣೆಯವರು ವಿಶೇಷ ಕಾರ್ಯಾಚರಣೆ ನಡೆಸಿದರು. ಸಂಕನಕೊಪ್ಪದಲ್ಲಿ ಆತ ಅಡಿಗಿರುವ ಸುಳಿವು ಆಧರಿಸಿ ರಾತ್ರಿ ವೇಳೆ ದಾಳಿ ನಡೆಸಿದರು. ಸಿಪಿಐ ಜಯಪಾಲ್ ಪಾಟೀಲ್, ಪಿಎಸ್‌ಐ ಬಸವರಾಜ ಮಬನೂರ, ಕೃಷ್ಣಾ ಅರಕೇರಿ ಅವರ ನೇತೃತ್ವದಲ್ಲಿ ಎಎಸ್‌ಐ ವೆಂಕಟೇಶ ತೆಗ್ಗಿನ, ಸಿಪಿಸಿ ಶ್ರೀಶೈಲ್ ಜಿ ಎಂ, ಲಕ್ಷ್ಮಣ ಪೂಜಾರಿ, ಅರವಿಂದ ಭಜಂತ್ರಿ ಮತ್ತು ರಾಘವೇಂದ್ರ ಕೆರವಾಡ ಆರೋಪಿಯನ್ನು ಬಂಧಿಸಿದರು.
- [ಆಚಾರಿ ಮಿಲ್'ಗೆ ಅಗ್ನಿ ಪ್ರವೇಶ!](https://mobiletime.in/2025/12/fire-breaks-out-at-achari-mill/): ಶಂಕರ್ ಆಚಾರಿ ಅವರು ಕಷ್ಟಪಟ್ಟು ಬೆಳಸಿದ್ದ ಕಟ್ಟಿಗೆ ಮಿಲ್ ಬೆಂಕಿಗೆ ಆಹುತಿಯಾಗಿದೆ. ತಮ್ಮ ಜೀವನವಿಡೀ ದುಡಿದು ಕಟ್ಟಿದ್ದ ಕಟ್ಟಡದ ಜೊತೆ 35 ಲಕ್ಷ ರೂ ಮೌಲ್ಯದ ಸಾಮಗ್ರಿಗಳು ಅಗ್ನಿಗೆ ಆಹುತಿಯಾಗಿದೆ. ಗೋಕರ್ಣ ಬಳಿಯ ಹನೇಹಳ್ಳಿ ಗ್ರಾಮ ಪಂಚಾಯತ ಸಮೀಪದ ಹೊಸ್ಕೇರಿಯಲ್ಲಿ ಶಂಕರ್ ಆಚಾರಿ ಅವರು ಕಟ್ಟಿಗೆ ಮಿಲ್ ನಡೆಸುತ್ತಿದ್ದರು. ಶನಿವಾರ ಬೆಳಗ್ಗೆ ಅವರ ಮಿಲ್’ಗೆ ಬೆಂಕಿ ತಗುಲಿತು. ವಿದ್ಯುತ್ ಶಾರ್ಟ ಸರ್ಕೀಟ್ ಕಾರಣ ಅನಾಹುತ ನಡೆದ ಅನುಮಾನಗಳಿದ್ದು, ಸಮೀಪದಲ್ಲಿ ಅಗ್ನಿಶಾಮಕ ಠಾಣೆ ಇಲ್ಲದ ಕಾರಣ ಬೆಂಕಿ ಆರಿಸಲು ಸಮಸ್ಯೆ ಉಂಟಾಯಿತು. ಗೋಕರ್ಣದಲ್ಲಿ ಜನರ ಬೇಡಿಕೆಯಿದ್ದರೂ ಅಗ್ನಿಶಾಮಕ ಠಾಣೆ ಇಲ್ಲದ ಕಾರಣ ಅಂಕೋಲಾ ಹಾಗೂ ಕುಮಟಾದಿಂದ ಹೊಸ್ಕೇರಿಗೆ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿದರು. ಅಲ್ಲಿಂದ ಅವರು ಬರುವಷ್ಟರೊಳಗೆ ಬಹುತೇಕ ಕಟ್ಟಡ ಸುಟ್ಟು ಕರಕಲಾಗಿತ್ತು. ಅದಾಗಿಯೂ ಅಗ್ನಿಶಾಮಕ ಸಿಬ್ಬಂದಿ ಸಾಹಸ ಮಾಡಿದರು. ಬೆಂಕಿ ಬೇರೆ ಕಡೆ ಹರಡದಂತೆ ಮುನ್ನಚ್ಚರಿಕೆವಹಿಸಿದರು. ಹೊತ್ತಿ ಉರಿಯುತ್ತಿದ್ದ ಕಟ್ಟಿಗೆಗೆ ಅಂಟಿದ ಅಗ್ನಿಯನ್ನು ಆರಿಸಿದರು. ಗ್ರಾಮ ಲೆಕ್ಕಾಧಿಕಾರಿ ರೇಖಾ ನಾಯ್ಕ, ಹಾಗೂ ಸ್ಥಳೀಯ ಗ್ರಾಮ ಪಂಚಾಯತ ಕಾರ್ಯದರ್ಶಿ ಶ್ರೀಧರ ಬೋಮಕರ ಅವರ ಜೊತೆ ಗೋಕರ್ಣ ಪಿಎಸ್‌ಐ ಖಾದರ ಬಾಷಾ ಸ್ಥಳ ಭೇಟಿ ಮಾಡಿದರು.
- [ವಜ್ರಕೋಶ: ಸ್ಪೋಟದ ಸುದ್ದಿಗೆ ಸೀಬರ್ಡ ಸ್ಪಂದನೆ](https://mobiletime.in/2025/12/vajrakosh-seabirds-response-to-the-news-of-the-explosion/): ಭಾರತೀಯ ನೌಕಾನೆಲೆಗೆ ಸಂಬoಧಿಸಿದ ಮದ್ದುಗುಂಡುಗಳನ್ನು ಸಂಗ್ರಹಿಸಿಡುವ `ವಜ್ರಕೋಶ’ದಲ್ಲಿ ಸ್ಪೋಟ ಸಂಭವಿಸಿದ ಕುರಿತು mobiletime.in ಪ್ರಕಟಿಸಿದ ವರದಿಗೆ ನೌಕಾನೆಲೆ ಅಧಿಕಾರಿಗಳು ಸ್ಪಂದಿಸಿದ್ದಾರೆ. `ನೌಕಾ ಶಸ್ತ್ರಾಸ್ತ್ರ ಡಿಪೋದಲ್ಲಿ ಶಸ್ತ್ರಾಸ್ತ್ರಗಳ ನಿಷ್ಕ್ರಿಯಗೊಳಿಸುವ ಪ್ರಕ್ರಿಯೆಯಿಂದ ಸ್ಪೋಟವಾಗಿದೆ. ಯಾವುದೇ ಅನಾಹುತ ನಡೆದಿಲ್ಲ’ ಎಂದು ನೌಕಾನೆಲೆಯವರು ಸ್ಪಷ್ಟನೆ ನೀಡಿದ್ದಾರೆ. ವಜ್ರಕೋಶದ ಬಳಿ ಭಾರೀ ಪ್ರಮಾಣದಲ್ಲಿ ಸ್ಪೋಟದ ಸದ್ದು ಕೇಳಿದ್ದರಿಂದ ಜನ ಆತಂಕಗೊAಡಿದ್ದರು. ದೊಡ್ಡ ಪ್ರಮಾಣದ ಹೊಗೆ ಹೊರ ಹೋಗುವುದನ್ನು ನೋಡಿ ಕಂಗಾಲಾಗಿದ್ದರು. ಅದರ ಜೊತೆ ಅಂಕೋಲಾ ಅಲಗೇರಿಯ ಮೂರು ಮನೆಗಳಿಗೂ ಬಿರುಕು ಮೂಡಿದ್ದು, ಸ್ಪೋಟದ ಬಗ್ಗೆ ಅನೇಕ ಅನುಮಾನಗಳು ವ್ಯಕ್ತವಾಗಿದ್ದವು. ಈ ಬಗ್ಗೆ ಮಾಹಿತಿ ಸಂಗ್ರಹಿಸಿ mobiletime.in ವರದಿ ಪ್ರಕಟಿಸಿದ್ದು, ಭಾರತೀಯ ನೌಕಾನೆಲೆ ಅಧಿಕಾರಿಗಳು ಸ್ಪೋಟದ ರಹಸ್ಯ ಬಹಿರಂಗಪಡಿಸಿದ್ದಾರೆ. `ಈ ಸದ್ದು ಮತ್ತು ಕಂಪನವು ನೌಕಾ ಶಸ್ತ್ರಾಸ್ತ್ರ ಡಿಪೋದಲ್ಲಿ ನಡೆದ ವಾಡಿಕೆಯ ಶಸ್ತ್ರಾಸ್ತ್ರಗಳ ನಿಷ್ಕ್ರಿಯಗೊಳಿಸುವ ಪ್ರಕ್ರಿಯೆಯಿಂದ ಉಂಟಾಗಿದೆಯೇಹೊರತು ಯಾವುದೇ ಅನಾಹುತ ಸಂಭವಿಸಿಲ್ಲ’ ಎಂದು ನೌಕಾಪಡೆ ಅಧಿಕಾರಿಗಳು ಹೇಳಿದ್ದಾರೆ. `ಈ ಚಟುವಟಿಕೆಯನ್ನು ಅತ್ಯಂತ ನಿಯಂತ್ರಿತ ವಾತಾವರಣದಲ್ಲಿ ಹಾಗೂ ವಿಷಯ ತಜ್ಞರ ಸಮ್ಮುಖದಲ್ಲಿ ಮತ್ತು ನಿಗದಿಪಡಿಸಿದ ಸುರಕ್ಷತಾ ಶಿಷ್ಟಾಚಾರಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವ ಮೂಲಕ ನಡೆಸಲಾಗಿದೆ. ಈ ಪ್ರಕ್ರಿಯೆಯು ಸಂಪೂರ್ಣ ಸುರಕ್ಷಿತವಾಗಿದ್ದು, ಸಾರ್ವಜನಿಕರು ಆತಂಕಪಡುವ ಅಗತ್ಯವಿಲ್ಲ’ ಎಂದಿದ್ದಾರೆ. ಅದಾಗಿಯೂ, ಸ್ಫೋಟದ ಸದ್ದಿನಿಂದ ಸ್ಥಳೀಯ ನಿವಾಸಿಗಳಲ್ಲಿ ಉಂಟಾಗಿರುವ ಆತಂಕವನ್ನು ನೌಕಾಪಡೆ ಗಂಭೀರವಾಗಿ ಪರಿಗಣಿಸಿದೆ. ಜನರ ಕಾಳಜಿಗೆ ಸ್ಪಂದಿಸಲು ಮತ್ತು ಅವರ ಭಯ ನಿವಾರಿಸಲು ನೌಕಾ ಅಧಿಕಾರಿಗಳು ಜಿಲ್ಲಾಡಡಳಿತದೊಂದಿಗೆ ನಿಕಟ ಸಂಪರ್ಕದಲ್ಲಿದ್ದು, ಸಮನ್ವಯದಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ’ ಎಂದು ವಿವರಿಸಿದ್ದಾರೆ. `ಸ್ಥಳೀಯ ಸಮುದಾಯದ ಸುರಕ್ಷತೆ ಮತ್ತು ಯೋಗಕ್ಷೇಮಕ್ಕೆ ಭಾರತೀಯ ನೌಕಾಪಡೆ ಸದಾ ಬದ್ಧವಾಗಿದೆ’ ಎಂದು ಪುನರುಚ್ಚರಿಸಿದ್ದಾರೆ.
- [ಅಪಘಾತ: ಆಸ್ಪತ್ರೆ ಸೇರುವ ಮುನ್ನವೇ ಡಾಕ್ಟರ್ ಬದುಕು ಅಂತ್ಯ!](https://mobiletime.in/2025/12/accident-the-doctors-life-ended-before-joining-the-hospital/): ಯಾಣ ಪ್ರವಾಸಕ್ಕೆ ಹೊರಟಿದ್ದ ಎಂ ಬಿ ಬಿ ಎಸ್ ವಿದ್ಯಾರ್ಥಿಗಳ ಬೈಕು ಯಲ್ಲಾಪುರದಲ್ಲಿ ಅಪಘಾತಕ್ಕೀಡಾಗಿದೆ. ಪರಿಣಾಮ ವೈದ್ಯಕೀಯ ವಿದ್ಯಾರ್ಥಿಯೊಬ್ಬರು ಸ್ಥಳದಲ್ಲಿಯೇ ಸಾವನಪ್ಪಿದ್ದಾರೆ. ವೈದ್ಯಕೀಯ ಕಾಲೇಜಿನಲ್ಲಿ ಓದುತ್ತಿದ್ದ ವಿದ್ಯಾರ್ಥಿಗಳು ಸೇರಿಕೊಂಡು ಶನಿವಾರ ಯಾಣಕ್ಕೆ ಹೋಗಲು ನಿರ್ಧರಿಸಿದ್ದರು. ಅದರ ಪ್ರಕಾರ ಒಂದಷ್ಟು ಹುಡುಗರು ಬೈಕಿನಲ್ಲಿ ಹುಬ್ಬಳ್ಳಿ ಕಡೆಯಿಂದ ಹೊರಟಿದ್ದರು. ಬಿಜಾಪುರದ ಸಿಂದಗಿಯ ರಾಜೀವ ಭೀಮಾಶಂಕರ್ ಚೌದರಿ ಅವರು ಓಡಿಸುತ್ತಿದ್ದ ಬೈಕಿನಲ್ಲಿ ಯಾದಗಿರಿಯ ವರ್ಧನ ವೆಂಕಟೇಶ ಶೆಟ್ಟಿ ಅವರು ಕುಳಿತಿದ್ದರು. ಇನ್ನಿತರ ಬೈಕುಗಳ ಜೊತೆ ರಾಜೀವ ಅವರು ಓಡಿಸುತ್ತಿದ್ದ ಬೈಕು ಸಹ ವೇಗವಾಗಿತ್ತು. ಶನಿವಾರ ಮಧ್ಯಾಹ್ನದ ವೇಳೆ ಈ ಬೈಕು ಯಲ್ಲಾಪುರ ಪ್ರವೇಶಿಸಿತು. ಕಣ್ಣಿಗೇರಿ ಗ್ರಾಮದ ಕಣ್ಣಿಗೇರಿ ಗ್ರಾಮದ ಎಚ್ ಕೆ ಜಿ ಎನ್ ಸಿಮೆಂಟ್ ಪಾಕ್ಟರಿ ಬಳಿ ರಾಜೀವ ಚೌದರಿ ಅವರ ಬೈಕು ನಿಯಂತ್ರಣ ತಪ್ಪಿತು. ಪರಿಣಾಮ ಬೈಕು ಎಡ ಮಗ್ಗುಲಾಗಿ ಬಿದ್ದಿದ್ದು, ಬೈಕಿನಲ್ಲಿ ಹಿಂದೆ ಕೂತಿದ್ದ ವರ್ಧನ ಶೆಟ್ಟಿ (19) ಅವರ ತಲೆ ಹೆದ್ದಾರಿಗೆ ಬಡಿಯಿತು. ಆ ತೀವೃತೆಗೆ ವರ್ಧನ ಶೆಟ್ಟಿ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಅಪಘಾತದ ವಿಷಯ ಕೇಳಿ ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ಸ್ಥಳಕ್ಕೆ ದೌಡಾಯಿಸಿದರು. ಪಿಎಸೈ ಸಿದ್ದಪ್ಪ ಗುಡಿ ಅವರು ಅಪಘಾತದ ಸ್ಥಳಕ್ಕೆ ಹೋದರು. ಗಾಯಗೊಂಡು ಬಿದ್ದಿದ್ದ ರಾಜೀವ ಚೌದರಿ ಅವರನ್ನು ಆಸ್ಪತ್ರೆಗೆ ಸೇರಿಸಿದರು. ಅದಾದ ನಂತರ ಅವರ ಜೊತೆಯಿದ್ದ ಮತ್ತೊಬ್ಬ ಎಂ ಬಿ ಬಿ ಎಸ್ ವಿದ್ಯಾರ್ಥಿ ಸೃಜನ ರಮೇಶ ಶಟ್ಟರ್ ಅವರು ನೀಡಿದ ಹೇಳಿಕೆಪಡೆದರು. ಅತಿವೇಗವೇ ಅಪಘಾತಕ್ಕೆ ಕಾರಣವಾಗಿದ್ದರಿಂದ ರಾಜೀವ ಚೌದರಿ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು. `ನಿಧಾನವಾಗಿ ವಾಹನ ಓಡಿಸಿ’
- [ಸಿಕ್ಕಿಬಿದ್ದ ಕಳ್ಳ!](https://mobiletime.in/2025/12/the-thief-was-caught/): ಶಿರಸಿ ಹಾಗೂ ಸುತ್ತಲಿನ ಜನರಿಗೆ ತಲೆನೋವಾಗಿದ್ದ ಕಳ್ಳನನ್ನು ಪೊಲೀಸರು ಹಿಡಿದಿದ್ದಾರೆ. ಆತನ ಬಳಿಯಿದ್ದ 9.95 ಲಕ್ಷ ರೂ ಮೌಲ್ಯದ ಸಾಮಗ್ರಿಗಳನ್ನು ಜಪ್ತು ಮಾಡಿದ್ದಾರೆ. ಶಿರಸಿ ರಾಮನಬೈಲಿನ ಮಹೇಶ ಪರಸಪ್ಪ ಭೋವಿ ಅವರು ತಮ್ಮ 31ನೇ ವಯಸ್ಸಿನಲ್ಲಿಯೇ ಕಳ್ಳತನದ ಮೂಲಕ ಕುಖ್ಯಾತಿಪಡೆದಿದ್ದಾರೆ. ಪೊಲೀಸರು ಸದ್ಯ ಮಹೇಶ ಭೋವಿ ಅವರನ್ನು ಸೆರೆಹಿಡಿದಿದ್ದಾರೆ. ಡಿಸೆಂಬರ್ 8ರಂದು ಮಾರಿಗುಡಿ 3ನೇ ಕ್ರಾಸ್ ನಲ್ಲಿರುವ ಶಾಂತಲಾ ಕಿಣಿ ಅವರ ಮನೆಯಲ್ಲಿ ಕಳ್ಳತನ ನಡೆದಿತ್ತು. ಅಲ್ಲಿ 1.20 ಲಕ್ಷ ರೂ ಹಣ ಹಾಗೂ 9.25 ಲಕ್ಷ ರೂ ಬೆಲೆಯ ಆಭರಣಗಳು ಕಾಣೆಯಾಗಿದ್ದವು. ಆ ಪ್ರಕರಣ ಬೆನ್ನತ್ತಿದ ಪೊಲೀಸರಿಗೆ ಮಹೇಶ ಭೋವಿ ಸಿಕ್ಕಿದ್ದಾರೆ. ಡಿವೈಎಸ್ಪಿ ಗೀತಾ ಪಾಟೀಲ, ಪಿಐ ಶಶಿಕಾಂತ ವರ್ಮಾ, ಪಿಎಸ್‌ಐ ನಾರಾಯಣ ರಾಠೋಡ, ಸಿಬ್ಬಂದಿ ರಾಮಯ್ಯ ಪೂಜಾರಿ,ಸದ್ದಾಂ ಹುಸೆನ್, ಹನುಮಂತ ಮಕಾಪುರ, ಚನ್ನಬಸಪ್ಪ ಕ್ಯಾರಕಟ್ಟಿ, ಸುನೀಲ್, ಹನುಮಂತ ಕಬಾಡಿ, ರಾಜು ಎಮ್, ಕಾರವಾರ ಟೆಕ್ನಿಕಲ್ ಉದಯ ಗುನಗಾ ಹಾಗು ಬಬನ್ ಕದಂ ಕಾರ್ಯಾಚರಣೆಯಲ್ಲಿದ್ದರು.
- [ವಜ್ರಕೋಶ: ಮದ್ದು-ಗುಂಡು ಸಂಗ್ರಹದ ಬಳಿ ಸ್ಪೋಟ!](https://mobiletime.in/2025/12/vajrakoshka-explosion-near-the-drug-bullet-collection/): ಯುದ್ಧ ಸಾಮಗ್ರಿಗಳನ್ನು ಸಂಗ್ರಹಿಸಿಡುವ `ವಜ್ರಕೋಶ’ದಲ್ಲಿ ಸ್ಪೋಟ ಸಂಭವಿಸಿದೆ. ಈ ಬಗ್ಗೆ ನೌಕಾನೆಲೆ ಅಧಿಕೃತ ಮಾಹಿತಿ ನೀಡದಿದ್ದರೂ ಸ್ಪೋಟದ ತೀವೃತೆಗೆ ಅನತಿ ದೂರದಲ್ಲಿನ ಮನೆಗಳಲ್ಲಿ ಬಿರುಕು ಮೂಡಿದೆ. ಅಂಕೋಲಾದ ಅಲಿಗೇರಿ ಬಳಿ ನೌಕಾನೆಲೆಯ ವಜ್ರಕೋಶ ಪ್ರದೇಶದಲ್ಲಿ ಸ್ಪೋಟದ ಬಗ್ಗೆ ಅಲ್ಲಿನವರು ಮಾಹಿತಿ ನೀಡಿದ್ದಾರೆ. ಸ್ಪೋಟದ ನಂತರ ದೊಡ್ಡ ಪ್ರಮಾಣದಲ್ಲಿ ಹೊಗೆ ಆಕಾಶದ ಕಡೆ ಸಂಚರಿಸಿದೆ. ಜೊತೆಗೆ ಮೂರು ಮನೆಗಳಲ್ಲಿ ಬಿರುಕು ಕಾಣಿಸಿದೆ. ಇದರಿಂದ ಜನ ಆತಂಕದಲ್ಲಿದ್ದಾರೆ. 2015ರ ನೌಕಾನೆಲೆಯ ವಜ್ರಕೋಶ ಶುರುವಾಗಿದ್ದು, ಅಲ್ಲಿ ದೇಶದ ರಕ್ಷಣೆಗೆ ಬೇಕಾದ ಮದ್ದುಗುಂಡು ಸಂಗ್ರಹಿಸಿಡಲಾಗುತ್ತದೆ. ಈ ವ್ಯಾಪ್ತಿ ಸಂಪೂರ್ಣ ನಿಷೇಧಿತ ಪ್ರದೇಶವಾಗಿದ್ದು, ಸಾಮಾನ್ಯ ಜನರಿಗೆ ಪ್ರವೇಶವಿಲ್ಲ. ಇಂಥ ಭದ್ರತಾ ವಲಯದಲ್ಲಿ ಸ್ಪೋಟವಾಗಿರುವುದು ಚರ್ಚೆಯ ವಿಷಯವಾಗಿದೆ. ಸ್ಪೋಟದ ಕಾರಣದ ಬಗ್ಗೆ ನೌಕಾನೆಲೆ ಅಧಿಕಾರಿಗಳು ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ. ಒಳಭಾಗದಲ್ಲಿ ಕಾಮಗಾರಿಗಾಗಿ ಸ್ಪೋಟ ನಡೆಸಲಾಗಿದೆಯಾ? ಅಥವಾ ಬೇರೆ ಕಾರಣಕ್ಕೆ ಸ್ಪೋಟವಾಗಿದೆಯಾ? ಎನ್ನುವ ಮಾಹಿತಿಯೂ ಹೊರ ಬಂದಿಲ್ಲ. ಸ್ಪೋಟದ ಶಬ್ದ ಹಾಗೂ ಹೊಗೆ ನೋಡಿದ ಜನ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಕಂದಾಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಸಾಹಿತ್ಯಕ್ಕೆ ಕಡ್ಡಿ: ಸಮ್ಮೇಳನಕ್ಕೆ ಹಲವು ಅಡ್ಡಿ!](https://mobiletime.in/2025/12/a-stumbling-block-for-literature-many-obstacles-to-the-conference/): ಡಿಸೆಂಬರ್ 13ರಿಂದ ದಾಂಡೇಲಿಯಲ್ಲಿ ಆಯೋಜಿಸಲು ಉದ್ದೇಶಿಸಲಾಗಿರುವ ಜಿಲ್ಲಾ ಮಟ್ಟದ 25ನೇ ಸಾಹಿತ್ಯ ಸಮ್ಮೇಳನಕ್ಕೆ ಹಲವು ಬಗೆಯ ಅಡ್ಡಿ-ಆತಂಕಗಳು ಎದುರಾಗಿದೆ. ಅಲ್ಲಿನ ಗುಂಪುಗಾರಿಕೆ ಪರಿಣಾಮದಿಂದ ಸಮ್ಮೇಳನದ ವಿಷಯ ಕೋರ್ಟು-ಕಚೇರಿಯ ಮೆಟ್ಟಿಲೇರಿದೆ. `ರಾಜ್ಯ ಪರಿಷತ್ ಅನುಮತಿಪಡೆದು ಸಮ್ಮೇಳನ ನಡೆಸಿ’ ಎಂದು ನ್ಯಾಯಾಲಯ ಸೂಚಿಸಿದ್ದು, `ಶೀಘ್ರದಲ್ಲಿಯೇ ಅನುಮತಿ ಸಿಗಲಿದೆ’ ಎಂದು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಬಿ ಎನ್ ವಾಸರೆ ಅವರು ಹೇಳಿದ್ದಾರೆ. ಸಾಹಿತ್ಯ ಪರಿಷತ್ ಅಜೀವ ಸದಸ್ಯರಾದ ಅಕ್ರಮ್ ಖಾನ್ ಸಂದೀಪ ಭಂಡಾರಿ ಮತ್ತು ಪ್ರವೀಣ್ ಕೊಠಾರಿ ಅವರು ಸಮ್ಮೇಳನದ ನ್ಯೂನ್ಯತೆಗಳ ಬಗ್ಗೆ ಕೋರ್ಟಿನ ಮೋರೆ ಹೋಗಿದ್ದಾರೆ. `ಸಮ್ಮೇಳನದ ಆಯೋಜಕರು ರಾಜ್ಯ ಅಧ್ಯಕ್ಷರ ಅನುಮತಿ ಪಡೆಯದೇ ಕಾರ್ಯಕ್ರಮ ಪ್ರಚಾರ ಮಾಡುತ್ತಿದ್ದಾರೆ. ಅಪಾಯಕಾರಿ ಫ್ಲೇಕ್ಸು-ಬ್ಯಾನರ್ ಅಳವಡಿಸಿದ್ದಾರೆ. ಜೊತೆಗೆ ಪ್ರಚಾರಕ್ಕಾಗಿ ಅನೇಕರಿಂದ ಅನಧಿಕೃತವಾಗಿ ಹಣ ಸಂಗ್ರಹಿಸಿದ್ದಾರೆ’ ಎಂಬುದು ಅವರ ಆರೋಪ. ಈ ಹಿನ್ನಲೆ ನ್ಯಾಯಾಲಯ ಗುರುವಾರ ಕೆಲ ಫ್ಲೆಕ್ಸು-ಬ್ಯಾನರ್ ತೆರವಿಗೆ ಆದೇಶಿಸಿದ್ದು, ಶುಕ್ರವಾರ ರಾಜ್ಯ ಸಮಿತಿ ಅನುಮತಿಪಡೆದು ಸಮ್ಮೇಳನ ಆಯೋಜಿಸುವಂತೆ ಸೂಚಿಸಿದೆ. ದೂರುದಾರರ ಪರ ವಾದ ಮಾಡಿದ ವಕೀಲ ರಾಘವೇಂದ್ರ ಗಡೆಪ್ಪನವರ ಅವರು `ಕಸಾಪ ನಿಯಮಾವಳಿ ಸಮ್ಮೇಳನ ನಡೆಸಲು ಅಧ್ಯಕ್ಷರ ಅಥವಾ ಆಡಳಿತಾಧಿಕಾರಿಯ ಸ್ಪಷ್ಟ ಅನುಮತಿ ಅಗತ್ಯ’ ಎಂದು ನ್ಯಾಯಾಲಯಕ್ಕೆ ವಿವರಿಸಿದ್ದಾರೆ. . ಸಮ್ಮೇಳನದ ಪರವಾಗಿ ವಾದ ಮಂಡಿಸಿದ ನ್ಯಾಯವಾದಿ ಕೆ ಎಚ್ ಪಾಟೀಲ್ ಅವರು ಸಮ್ಮೇಳನಕ್ಕೆ ಎರಡು ತಿಂಗಳಿನಿAದ ನಿರಂತರ ಪ್ರಯತ್ನ ನಡೆದಿರುವುದನ್ನು ನ್ಯಾಯಾಲಯದ ಗಮನಕ್ಕೆ ತಂದಿದ್ದಾರೆ. ಸದ್ಯ ಕಸಾಪಕ್ಕೆ ಸರ್ಕಾರ ಆಡಳಿತಾಧಿಕಾರಿ ನೇಮಿಸಿದ್ದು, `ಈ ಹಿನ್ನಲೆ ನ್ಯಾಯಾಲಯ ಅನುಮತಿ ತಂದು ಒಪ್ಪಿಸಿ’ ಎಂದು ಸೂಚಿಸಿದೆ. `ಸಮ್ಮೇಳನ ನಡೆಸುವ ಬಗ್ಗೆ ಅನೇಕ ಸಭೆ ನಡೆದಿದೆ. ಶಾಸಕರು ಸೇರಿ ಅನೇಕರ ಸಮ್ಮುಖದಲ್ಲಿ ಸಭೆ ನಡೆಸಲಾಗಿದೆ. ಕಳೆದ ಎರಡು ದಿನಗಳಿಂದ ಸಮ್ಮೇಳನದ ಬಗ್ಗೆ ಅಪಪ್ರಚಾರ ನಡೆಯುತ್ತಿದ್ದು, ಸಮ್ಮೇಳನದ ಮೂಲಕವೇ ಅದಕ್ಕೆ ಉತ್ತರ ಕೊಡಲಿದ್ದೇವೆ’ ಎಂದು ಬಿ ಎನ್ ವಾಸರೆ ಅವರು ಹೇಳಿದ್ದಾರೆ. `ಸಮ್ಮೇಳನಕ್ಕೆ ತಡೆಯಾಜ್ಞೆ ತರಲು ಅಕ್ರಂ ಖಾನ್ ಪ್ರಯತ್ನಿಸುತ್ತಿದ್ದು, ಇದಕ್ಕಾಗಿ ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ನ್ಯಾಯಾಲಯದಲ್ಲಿ ನಡೆದ ಕೆಲ ಸಂಗತಿಗಳನ್ನು ತಿರುಚಿ ಪ್ರಚಾರ ಮಾಡಲಾಗಿದೆ. ಅಲ್ಲಿ ನಡೆಯದೇ ಇರುವ ವಿಚಾರಗಳನ್ನು ಪ್ರಚಾರ ಮಾಡಲಾಗಿದೆ. ವಕೀಲರಾದ ಕೆ ಎಚ್ ಪಾಟೀಲ ಅವರು ಸುಧೀರ್ಘ ವಾದ ಮಂಡಿಸಿ ಸಮ್ಮೇಳನಕ್ಕೆ ಅಡ್ಡಿ ಆಗದ ಹಾಗೇ ಮಾಡಿದ್ದಾರೆ. ನ್ಯಾಯಾಲಯ ಸೂಚಿಸಿದ ಅನುಮತಿಯನ್ನು ಸಹ ಒಪ್ಪಿಸಲು ಬದ್ಧ’ ಎಂದು ಬಿ ಎನ್ ವಾಸರೆ ಅವರು ಮಾಧ್ಯಮದವರ ಬಳಿ ಹೇಳಿದ್ದಾರೆ. `ಸಮ್ಮೇಳನಕ್ಕೆ ಯಾವುದೇ ಸಮಸ್ಯೆ ಇಲ್ಲ. ಸಮ್ಮೇಳನ ಸಹಜವಾಗಿ ನಡೆಯಲಿದ್ದು, ಎಲ್ಲರೂ ಬನ್ನಿ’ ಎಂದು ಅವರು ಕರೆ ನೀಡಿದ್ದಾರೆ. `ಕನ್ನಡದ ಕೆಲಸಗಳಿಗೆ ಎಲ್ಲರೂ ಒಂದಾಗಿದ್ದಾರೆ. ನಾಡದೇವಿಯ ಕೆಲಸಕ್ಕೆ ಯಾವುದೇ ಅಡ್ಡಿ ಬರುವುದಿಲ್ಲ. ನ್ಯಾಯಾಲಯ ಎರಡು ಕಡೆಯವರ ವಾದ ಆಲಿಸಿ ದಾಖಲೆಗಳನ್ನು ಪರಿಶೀಲಿಸಿದೆ. ಸೂಕ್ತ ಇಲಾಖೆಯಿಂದ ಅನುಮತಿಪಡೆದು ಸಮ್ಮೇಳನ ನಡೆಸುವಂತೆ ನ್ಯಾಯಾಲಯ ಸೂಚಿಸಿದೆ. ಅದರ ಪ್ರಕಾರ, ಅನುಮತಿಗಳನ್ನು ನ್ಯಾಯಾಲಯಕ್ಕೆ ಒದಗಿಸಿ ಸಮ್ಮೇಳನ ನಡೆಸಲು ಬದ್ಧ’ ಎಂದು ವಕೀಲರಾದ ಕೆ ಎಚ್ ಪಾಟೀಲ್ ಅವರು ಮಾಧ್ಯಮಗಳಿಗೆ ವಿವರಿಸಿದರು. `ಈಗಾಗಲೇ ಕೆಲ ದಾಖಲೆಗಳನ್ನು ನ್ಯಾಯಾಲಯಕ್ಕೆ ನೀಡಲಾಗಿದೆ. ಅನುಮತಿಪಡೆದ ದೃಢೀಕೃತ ಪ್ರತಿಗಳ ಜೊತೆ ಅಧ್ಯಕ್ಷರ ಪ್ರಮಾಣ ಪತ್ರವನ್ನು ನ್ಯಾಯಾಲಯಕ್ಕೆ ಒದಗಿಸುತ್ತೇವೆ’ ಎಂದು ವಿವರಿಸಿದರು. `ಸಮ್ಮೇಳನಕ್ಕೆ ಯಾವುದೇ ಸಮಸ್ಯೆ ಇಲ್ಲ’ ಎಂದು ಸ್ಪಷ್ಠಪಡಿಸಿದರು.
- [ಚಾಲಕನ ನಿಯಂತ್ರಣ ತಪ್ಪಿದ ಚಾಲುಕ್ಯ ಬಸ್](https://mobiletime.in/2025/12/driver-loses-control-of-chalukya-bus/): ಹೆದ್ದಾರಿಯಲ್ಲಿ ಚಲಿಸುತ್ತಿದ್ದ ಚಾಲುಕ್ಯ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿದೆ. ಪರಿಣಾಮ ಆ ಬಸ್ಸು ಮುಂದೆ ಸಾಗುತ್ತಿದ್ದ ಟ್ಯಾಂಕರಿಗೆ ಡಿಕ್ಕಿ ಹೊಡೆದಿದೆ. ಯಲ್ಲಾಪುರ ತಾಲೂಕಿನ ಗುಳ್ಳಾಪುರದಲ್ಲಿ ಈ ಅವಘಡ ನಡೆದಿದೆ. ಅಪಘಾತದ ರಭಸಕ್ಕೆ ಬಸ್ಸಿನ ಮುಂದಿನ ಭಾಗ ಜಖಂ ಆಗಿದೆ. ಗಾಜುಗಳು ಒಡೆದಿವೆ. ಅಪಘಾತದಲ್ಲಿ ಟ್ಯಾಂಕರ್ ಹಿಂದಿನ ಭಾಗಕ್ಕೂ ಹಾನಿಯಾಗಿದೆ. ಈ ಬಸ್ಸು ಶುಕ್ರವಾರ ಹುಬ್ಬಳ್ಳಿ – ಅಂಕೋಲಾ ಮಾರ್ಗವಾಗಿ ಸಂಚರಿಸುತ್ತಿತ್ತು. ಬಸ್ಸಿನ ಮುಂದೆ ಟ್ಯಾಂಕರ್ ನಿಧಾನವಾಗಿ ಸಂಚರಿಸುತ್ತಿತ್ತು. ಬಸ್ಸಿನ ವೇಗ ಏಕಾಏಕಿ ಹೆಚ್ಚಾಗಿದ್ದರಿಂದ ಬಸ್ಸು ಟ್ಯಾಂಕರಿಗೆ ಗುದ್ದಿತು. ಬಸ್ಸಿನ ಒಳಗಿದ್ದ ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯವಾಗಿದೆ. ಗಾಯಗೊಂಡವರನ್ನು ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪೊಲೀಸರು ಸ್ಥಳ ಭೇಟಿ ನಡೆಸಿ ಪರಿಶೀಲನೆ ಮಾಡಿದ್ದಾರೆ.
- [ಕರಾವಳಿ ಉತ್ಸವ: ರೀಲ್ಸ್ ಮಾಡಿ.. ಹಣ ಗೆಲ್ಲಿ!](https://mobiletime.in/2025/12/coastal-festival-make-reels-win-money/): ಡಿಸೆಂಬರ್ 22ರಿಂದ 28ರವರೆಗೆ ಅದ್ಧೂರಿ ಕರಾವಳಿ ಉತ್ಸವ ಆಯೋಜಿಸಲು ಜಿಲ್ಲಾಡಳಿತ ನಿರ್ಧರಿಸಿದ್ದು, ಉತ್ಸವದ ಅಂಗವಾಗಿ `ರೀಲ್ಸ್ ಮಾಡುವ ಸ್ಪರ್ಧೆ’ಯೂ ನಡೆಯಲಿದೆ. ಉತ್ತರ ಕನ್ನಡ ಜಿಲ್ಲೆಯ ಸೊಬಗನ್ನು ಚಿತ್ರಿಸುವವರಿಂದ ಸರ್ಕಾರವೇ ರೀಲ್ಸ್ ಮಾಡಿ ಕೊಡುವಂತೆ ಕೇಳಿಕೊಂಡಿದೆ. ಈ ಸ್ಪರ್ಧೆಗೆ ಮೂರು ಬಹುಮಾನಗಳಿವೆ. ಕಾರವಾರದ ರವೀಂದ್ರನಾಥ ಟ್ಯಾಗೋರ ಕಡಲತೀರದಲ್ಲಿ `ಕರಾವಳಿ ಉತ್ಸವ-2025′ ನಡೆಯಲಿದೆ. ಉತ್ಸವಕ್ಕೆ ವ್ಯಾಪಕ ಪ್ರಚಾರ ನೀಡಿ ಪ್ರವಾಸಿಗರನ್ನು ಆಕರ್ಷಿಸಲು ಜಿಲ್ಲಾಡಳಿತ ಆಸಕ್ತಿವಹಿಸಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ನೂರಾರು ಪ್ರವಾಸಿ ತಾಣಗಳಿದ್ದು, ಕರಾವಳಿ ಉತ್ಸವದ ಅಂಗವಾಗಿ ಇಲ್ಲಿನ ಜಲಪಾತ, ಕಡಲತೀರ, ಪಾರಂಪರಿಕ ತಾಣ ಹಾಗೂ ಸಾಂಸ್ಕೃತಿಕ ಕಲೆಗಳನ್ನು ರೀಲ್ಸ್ ಮೂಲಕ ಪ್ರಪಂಚಕ್ಕೆ ಸಾರಲು ಜಿಲ್ಲಾಡಳಿತ ನಿರ್ಧರಿಸಿದೆ. ಈ ಹಿನ್ನಲೆ ಉತ್ತರ ಕನ್ನಡ ಜಿಲ್ಲೆಯ ಜನರಿಗಾಗಿ ರೀಲ್ಸ್ ಸ್ಪರ್ಧೆಯನ್ನು ಆಯೋಜಿಸಿದೆ. ಆ ಮೂಲಕ ಉತ್ತರ ಕನ್ನಡದ ಸೊಬಗು ಪರಿಚಯಿಸುವ ರೀಲ್ಸ್ಗಳನ್ನು ಆಯ್ಕೆಮಾಡಿಕೊಳ್ಳುವವವರಿಗೆ ಸರ್ಕಾರವೇ ಸುವರ್ಣ ಅವಕಾಶ ಕಲ್ಪಿಸಿದೆ. ರೀಲ್ಸ್ ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನಪಡೆದವರಿಗೆ 10 ಸಾವಿರ ರೂ, ಎರಡನೇ ಬಹುಮಾನಪಡೆದವರಿಗೆ 7 ಸಾವಿರ ರೂ ಹಾಗೂ 3ನೇ ಬಹುಮಾನಪಡೆದವರಿಗೆ 5 ಸಾವಿರ ರೂ ಸಿಗಲಿದೆ. `ಈ ಸ್ಪರ್ಧೆಯಲ್ಲಿ ಭಾಗವಹಿಸುವವರು ಉತ್ತರ ಕನ್ನಡ ಜಿಲ್ಲೆಯವರಾಗಿರಬೇಕು’ ಎಂಬ ಕಟ್ಟುನಿಟ್ಟಿನ ನಿಯಮವಿದೆ. ಯಾವುದೇ ವಯಸ್ಸಿನವರು ಸಹ ರೀಲ್ಸ್ ಸ್ಪರ್ಧೆಯಲ್ಲಿ ಭಾಗವಹಿಸಬಹುದಾಗಿದ್ದು, ಗುಣಮಟ್ಟದ ವಿಡಿಯೋಗಳನ್ನು ಮಾತ್ರ ಗಮನಿಸಲಾಗುತ್ತದೆ. ಅರ್ಹ ರೀಲ್ಸ್’ಗಳನ್ನು ಸರ್ಕಾರವೇ ಪ್ರಚಾರ ಮಾಡಲಿದೆ. ರೀಲ್ಸ್ ಜೊತೆ ಆಧಾರ್ ಕಾರ್ಡ ಪ್ರತಿ, ಮೊಬೈಲ್ ನಂ ಹಾಗೂ ಬ್ಯಾಂಕ್ ಖಾತೆ ವಿವರ ಸಲ್ಲಿಸುವುದು ಕಡ್ಡಾಯ. ರೀಲ್ಸ್ ಸ್ವಂತದ್ದಾಗಿದ್ದು, ಕಾಫಿರೈಟ್ ನಿಯಮ ಉಲ್ಲಂಘನೆ ಆಗದಂತೆ ಎಚ್ಚರವಹಿಸುವುದು ಮುಖ್ಯ. ಚನ್ನಾಗಿರುವ ರೀಲ್ಸ್’ಗಳನ್ನು ಕರಾವಳಿ ಉತ್ಸವದಲ್ಲಿಯೂ ಪ್ರದರ್ಶನ ಮಾಡಲಾಗುತ್ತದೆ. ಒಂದು ನಿಮಿಷದ ಒಳಗೆ ಹಾಗೂ ಮೂರು ನಿಮಿಷದ ಒಳಗಿನ ರೀಲ್ಸ್ ಕಳುಹಿಸುವವರಿಗೆ ಮೊದಲ ಆದ್ಯತೆ ಕೊಡಲಾಗುತ್ತದೆ. ಅಂದ ಹಾಗೇ, ರೀಲ್ಸ್ ರವಾನಿಸಲು ಡಿಸೆಂಬರ್ 19 ಕೊನೆ ದಿನ. ರೀಲ್ಸ್ ಕಳುಹಿಸಲು ಇಲ್ಲಿ ಕ್ಲಿಕ್ಕಿಸಿ `ಕರಾವಳಿ ಉತ್ಸವ: ರೀಲ್ಸ್ ಸ್ಪರ್ಧೆ’ ಅಥವಾ ಇಲ್ಲಿಯೂ ಕ್ಲಿಕ್ ಮಾಡಿ ಕಳುಹಿಸಿ: “ಉತ್ತರ ಕನ್ನಡ ರೀಲ್ಸ್’ ಅನುಮಾನಗಳಿದ್ದರೆ ಇಮೇಲ್ ಮಾಡಿ: ddtourismkarwar@gmail.com ನಿಮ್ಮ ರೀಲ್ಸುಗಳನ್ನು ಇಲ್ಲಿಯೂ ಕಳುಹಿಸಿ: ಉಪನಿರ್ದೇಶಕರು ಹಾಗೂ ಸದಸ್ಯ ಕಾರ್ಯದರ್ಶಿ ಜಿಲ್ಲಾ ಪ್ರವಾಸೋದ್ಯಮ ಅಭಿವೃದ್ಧಿ ಸಮಿತಿ ಪ್ರವಾಸೋದ್ಯಮ ಇಲಾಖೆ, ಕಾರವಾರ ಇನ್ನೂ ಹೆಚ್ಚಿನ ಮಾಹಿತಿ ಬೇಕಾದರೆ ಇಲ್ಲಿ ಫೋನ್ ಮಾಡಿ: 08382-221172    
- [ಕಾಲೇಜು ಕನ್ಯೆಗೆ ಹೃದಯಘಾತ!](https://mobiletime.in/2025/12/heartbreak-for-a-college-girl/): ತೀವೃ ಪ್ರಮಾಣದ ಹೃದಯಘಾತಕ್ಕೆ ತುತ್ತಾಗಿ 21 ವರ್ಷದ ಯುವತಿಯೊಬ್ಬರು ಸಾವನಪ್ಪಿದ್ದಾರೆ. ಭಟ್ಕಳದ ಶಿರಾಲಿಯಲ್ಲಿ ಸುವರ್ಣ ಸೂರ್ಯನಾರಾಯಣ ಕಡ್ಲೆ ಅವರು ವಾಸವಾಗಿದ್ದರು. ಗುರುಸುಧೀಂದ್ರ ಕಾಲೇಜಿನಲ್ಲಿ ಅವರು ಬಿಸಿಎ ಅಂತಿಮ ವರ್ಷದ ವಿದ್ಯಾರ್ಥಿನಿಯಾಗಿದ್ದರು. ಪ್ರತಿಭಾನ್ವಿತರಾಗಿದ್ದ ಅವರು ದಿಢೀರ್ ಅನಾರೋಗ್ಯದಿಂದ ಬದುಕಿನ ಪಯಣ ಮುಗಿಸಿದರು. ರಾತ್ರಿ ವೇಳೆ ಏಕಾಏಕಿ ಪಿಡ್ಸ ಕಾಣಿಸಿಕೊಂಡ ಹಿನ್ನಲೆ ಸುವರ್ಣ ಕಡ್ಲೆ ಅವರನ್ನು ಶಿರಾಲಿ ಆರೋಗ್ಯ ಕೇಂದ್ರಕ್ಕೆ ಕರೆತರಲಾಯಿತು. ಅಷ್ಟರಲ್ಲಿ ಅವರು ಮೂರ್ಚೆ ಹೋಗಿದ್ದು, ಚಿಕಿತ್ಸೆ ವೇಳೆಯಲ್ಲಿಯೇ ಹೃದಯಘಾತವಾಯಿತು. ಸುವರ್ಣ ಅವರು ಇನ್ನಿಲ್ಲ ಎಂದು ವೈದ್ಯರು ಘೋಷಿಸಿದರು. ಈ ಬಗ್ಗೆ ಸುವರ್ಣ ಅವರ ತಾಯಿ ಅನ್ನಪೂರ್ಣ ಕಡ್ಲೆ ಅವರು ಭಟ್ಕಳ ಗ್ರಾಮೀಣ ಠಾಣೆಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಪೌರುಷ ಪ್ರದರ್ಶನ: ಪಿಸ್ತೂಲು ತೋರಿಸಿದ ಭೂಪ ಆ ಸಂದೀಪ!](https://mobiletime.in/2025/12/manliness-show-bhupa-a-sandeepa-pointed-a-pistol/): ಕಾಲೇಜಿನಿoದ ಮನೆಗೆ ಮರಳುತ್ತಿದ್ದ ದರ್ಶನ್ ತಾಂಡೇಲ್ ಅವರಿಗೆ ಸಂದೀಪ ನಾಯ್ಕ ಅವರು ಪಿಸ್ತೂಲು ತೋರಿಸಿ ಬೆದರಿಸಿದ್ದಾರೆ. ಕಾರವಾರದ ಸದಾಶಿವಗಡ ಬಳಿಯ ದೇವಭಾಗದ ದರ್ಶನ್ ಪುರಂದರ ತಾಂಡೇಲ್ ಅವರು ನಂದನಗದ್ದಾ ಟೋಲ್ ನಾಕಾದ ಪ್ರಿಮಿಯರ್ ಕಾಲೇಜಿನ ವಿದ್ಯಾರ್ಥಿಯಾಗಿದ್ದಾರೆ. ಕಾಲೇಜು ಮುಗಿಸಿ ಸ್ನೇಹಿತರ ಜೊತೆ ಮನೆಗೆ ಮರಳುವಾಗ ಬಿಣಗಾದ ಸಂದೀಪ ಕೆ ನಾಯ್ಕ ಅವರು ಪಿಸ್ತೂಲು ತೋರಿಸಿದ್ದಾರೆ. ಡಿಸೆಂಬರ್ 12ರ ಸಂಜೆ ದರ್ಶನ್ ತಾಂಡೇಲ್ ಅವರು ಸ್ನೇಹಿತರ ಜೊತೆ ನಡೆದು ಬರುತ್ತಿದ್ದರು. ಸ್ನೇಹಿತರು ಮಾಡಿದ ಹಾಸ್ಯಕ್ಕೆ ದರ್ಶನ್ ತಾಂಡೇಲ್ ನಕ್ಕಿದ್ದರು. ಈ ವೇಳೆ ಮಹಾರಾಷ್ಟ ನೋಂದಣಿಯ ಕಾರಿನಲ್ಲಿ ಬಂದ ಸಂದೀಪ ನಾಯ್ಕ ಅವರು ದರ್ಶನ್ ತಾಂಡೇಲ್ ಅವರ ಜೊತೆ ಸ್ನೇಹಿತರನ್ನು ಅಡ್ಡಗಟ್ಟಿದರು. `ಯಾಕೆ ನಗುತ್ತಿದ್ದೀರಿ?’ ಎಂದು ಸಂದೀಪ ನಾಯ್ಕ ಅವರು ಪ್ರಶ್ನಿಸಿದರು. `ನಮ್ಮ ಪಾಡಿಗೆ ನಾವು ನಡೆದು ಬರುತ್ತಿದ್ದೇವೆ’ ಎಂದು ದರ್ಶನ್ ತಾಂಡೇಲ್ ಉತ್ತರಿಸಿದರು. ಇದರಿಂದ ಸಂದೀಪ ನಾಯ್ಕ ಅವರು ಸಮಾಧಾನರಾಗಲಿಲ್ಲ. ಇನ್ನೊಮ್ಮೆ ಪ್ರಶ್ನಿಸಿದಾಗಲೂ ಆ ಎಲ್ಲಾ ವಿದ್ಯಾರ್ಥಿಗಳು ಅದೇ ಬಗೆಯ ಉತ್ತರ ನೀಡಿದರು. ಆಗ, ಸಿಟ್ಟಾದ ಸಂದೀಪ ನಾಯ್ಕ ಅವರು ಪಿಸ್ತೂಲು ತೆರೆದರು. ಆ ವಿದ್ಯಾರ್ಥಿಗಳ ಕಡೆ ಗುರಿ ಕಾಣಿಸಿ `Be aware of me, I will shoot u all’ ಎಂದು ಕೂಗಾಡಿದರು. ಇದರಿಂದ ಬೆದರಿದ ವಿದ್ಯಾರ್ಥಿಗಳು ಅಲ್ಲಿಂದ ತಪ್ಪಿಸಿಕೊಂಡು ಮನೆಗೆ ಮರಳಿದ್ದು, ಕುಟುಂಬದವರ ಬಳಿ ಈ ವಿಷಯ ಚರ್ಚಿಸಿದರು. ಕೊನೆಗೆ ಬೆದರಿಕೆ ವಿರುದ್ಧ ಕಾರವಾರ ನಗರ ಠಾಣಾ ಪೊಲೀಸರಿಗೆ ದೂರಿದರು.
- [ಅಧಿವೇಶನದಲ್ಲಿ ಮೊಳಗಿದ ಅರಣ್ಯ ಹಕ್ಕು!](https://mobiletime.in/2025/12/forest-rights-were-raised-in-the-session/): `ಅರಣ್ಯ ಹಕ್ಕಿನ ಸಮಸ್ಯೆ ಬಗ್ಗೆ ಅಧಿವೇಶನದಲ್ಲಿ ಚರ್ಚೆ ನಡೆಯಬೇಕು’ ಎಂಬ ನಿಟ್ಟಿನಲ್ಲಿ ನಡೆದ ಹೋರಾಟಕ್ಕೆ ಸ್ಪಂದನೆ ಸಿಕ್ಕಿದೆ. ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್ ಅವರು ಅರಣ್ಯವಾಸಿಗಳ ವಿಷಯವನ್ನು ಸದನದಲ್ಲಿ ಪ್ರಸ್ತಾಪಿಸಿದ್ದಾರೆ. ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು `ಅಧಿವೇಶನದಲ್ಲಿ ಈ ಬಗ್ಗೆ ಚರ್ಚೆ ನಡೆಯಬೇಕು’ ಎಂದು ಹೋರಾಟ ನಡೆಸಿದ್ದರು. ಶಾಸಕ ಶಿವರಾಮ ಹೆಬ್ಬಾರ್ ಅವರು ಅತಿಕ್ರಮಣದಾರರ ಸಮಸ್ಯೆ ಬಗ್ಗೆ ಅಧಿವೇಶನದಲ್ಲಿ ಪ್ರಶ್ನಿಸಿದರು. ಅರಣ್ಯ ಸಚಿವ ಈಶ್ವರ ಖಂಡ್ರೇ ಅವರು ಇದಕ್ಕೆ ಲಿಖಿತ ಉತ್ತರವನ್ನು ನೀಡಿದರು. ಆದರೆ, ಆ ಉತ್ತರಕ್ಕೆ ಶಿವರಾಮ ಹೆಬ್ಬಾರ್ ಅವರು ಸಂತ್ರಪ್ತರಾಗಲಿಲ್ಲ. ಹೀಗಾಗಿ ಅಧಿವೇಶನದಲ್ಲಿ ಎದ್ದು ನಿಂತು ಅವರು ಈ ಬಗ್ಗೆ ಪುನರುಚ್ಚರಿಸಿದ್ದು, `ನೀಡಿದ ಉತ್ತರ ಹಾಗೂ ನೈಜ ಸನ್ನಿವೇಶ ವಿಭಿನ್ನವಾಗಿದೆ’ ಎಂದು ಗಮನಸೆಳೆದರು. `2006ರಿಂದ ಈವರೆಗೆ ಲಕ್ಷಾಂತರ ಜನ ಭೂಮಿ ಹಕ್ಕಿಗಾಗಿ ಕಾಯುತ್ತಿದ್ದಾರೆ. ಅಧಿಕಾರಿಗಳು ನೀಡಿದ ಉತ್ತರ ಹಾಗೂ ನಡೆದ ರೀತಿಗೂ ವ್ಯತ್ಯಾಸವಿದೆ’ ಎಂದು ಶಿವರಾಮ ಹೆಬ್ಬಾರ್ ಅವರು ವಿವರಿಸಿದ್ದು, ಅಂಕಿ-ಸoಖ್ಯೆಗಳ ಮಾಹಿತಿ ನೀಡಿದರು. `ಅರಣ್ಯ ಹಕ್ಕಿಗೆ ಸಾಂಪ್ರದಾಯಿಕ ಪದ್ಧತಿ ಸಂಪ್ರದಾಯ, ರಚನೆ, ಪವಿತ್ರ ಸ್ಥಳ ಮತ್ತು ಭೌತಿಕ ಗುಣಲಕ್ಷಣ ಪ್ರಮುಖ ಸಾಕ್ಷಿ ಅವಶ್ಯ’ ಎಂದು ಅರಣ್ಯ ಸಚಿವರು ಲಿಖಿತವಾಗಿ ತಿಳಿಸಿದರು. `ಜಿಲ್ಲಾ ಪಂಚಾಯತಗೆ ಜನಪ್ರತಿನಿಧಿಗಳಿಲ್ಲದ ಸನ್ನಿವೇಶದಲ್ಲಿ ಕಾನೂನುಬಾಹಿರವಾಗಿ ಅಧಿಕಾರಿಗಳು ಅರ್ಜಿ ತಿರಸ್ಕರಿಸಿದ್ದಾರೆ’ ಎಂದು ಶಿವರಾಮ ಹೆಬ್ಬಾರ್ ಅವರು ವಿವರಿಸಿದರು. `ಉನ್ನತ ಮಟ್ಟದ ಸಭೆ ನಡೆಸಿ ಸೂಕ್ತ ನಿರ್ಣಯ ಕೈಗೊಳ್ಳಿ’ ಎಂದು ಶಿವರಾಮ ಹೆಬ್ಬಾರ್ ಅವರು ಮನವಿ ಮಾಡಿದರು. `ಗ್ರಾಮ ಸಭೆಯಿಂದ ರಚಿಸಲ್ಪಟ್ಟ ಅರಣ್ಯ ಕ್ಲೇಮುಗಳನ್ನು ಕ್ಷೇತ್ರಕ್ಕೆ ಭೇಟಿ ನೀಡಿ ಕ್ಲೇಮುಗಳ ಸ್ವರೂಪ, ವ್ಯಾಪ್ತಿ ಮತ್ತು ಪುರಾವೆಗಳನ್ನು ಭೌತಿಕವಾಗಿ ಪರಿಶೀಲಿಸಿ ಗ್ರಾಮ ಸಭೆಯ ನಿರ್ಣಯವನ್ನು ಅಂಗೀಕರಿಸತಕ್ಕದ್ದು ಎಂಬ ಅಂಶವನ್ನು ಉತ್ತರದಲ್ಲಿ ಪ್ರಸ್ಥಾಪಿಸಿ ಸಾಗುವಳಿ ಕ್ಷೇತ್ರದ ಹಕ್ಕಿಗೆ ಭೌತಿಕ ಆಧಾರವು ಮಹತ್ವ ಎಂಬುದನ್ನು ಉತ್ತರದಲ್ಲಿ ಉಲ್ಲೇಖಿಸಲ್ಪಟ್ಟಿದೆ. ಜನ ವಸತಿ ಪುರಾವೆಗೆ ಸಂಭAಧಿಸಿದ ಪುರಾತನ ಕಾಲದ ಬಾವಿಗಳು, ಸಮಾದಿ ಸ್ಥಳಗಳು, ಪವಿತ್ರ ಸ್ಥಳಗಳಂತಹ ಪ್ರಾಚೀನತೆಯನ್ನು ಸ್ಥಾಪಿಸುವ ಸಾಂಪ್ರದಾಯಿಕ ರಚನೆಗಳು, ಮನೆ, ಗುಡಿಸಲುಗಳು ಮತ್ತು ಭೂಮಿಗೆ ಮಾಡಿದ ಶಾಶ್ವತ ಸುಧಾರಣೆಗಳು ಸೇರಿದಂತೆ ನೆಲಸಮಗೊಳಿಸುವಿಕೆ, ಕಟ್ಟೆಗಳು ಚೆಕ್ ಡ್ಯಾಮ್‌ಗಳು ಮತ್ತು ಮುಂತಾದವುಗಳAತಹ ಭೌತಿಕ ಗುಣಲಕ್ಷಣಗಳನ್ನು ಅರಣ್ಯವಾಸಿಗಳ ಸಾಗುವಳಿ ಕ್ಷೇತ್ರಕ್ಕೆ ಸಾಕ್ಷಗಳನ್ನಾಗಿ ಪರಿಗಣಿಸಬೇಕು’ ಎಂದಿರುವದನ್ನು ಪ್ರಸ್ತಾಪಿಸಲಾಗಿದೆ. ಶಿವರಾಮ ಹೆಬ್ಬಾರ್ ಸದನದಲ್ಲಿ ಮಾತನಾಡಿದ್ದೇನು? ವಿಡಿಯೋ ಇಲ್ಲಿ ನೋಡಿ..
- [ಕಾಯ್ದಿಟ್ಟ ಕಾಡಿನಲ್ಲಿ ಕುಚುಕು ಕುಚುಕು: ವಿಕೃತ ಕಾಮಿಗೆ ಕಾರಾಗೃಹ ಖಚಿತ!](https://mobiletime.in/2025/12/a-little-bit-of-fun-in-a-protected-forest-prison-is-certain-for-the-perverted-sex-worker/): ಕಾಡಿನಲ್ಲಿ ಹಸು ಮೇಯಿಸುತ್ತಿದ್ದ ಮಹಿಳೆ ಮೇಲೆ ವಿಕೃತಿ ಮೆರೆದ ಕಾಮುಕನಿಗೆ ನ್ಯಾಯಾಲಯ ಕಾರಾಗೃಹ ಶಿಕ್ಷೆ ವಿಧಿಸಿದೆ. ಪಿಐ ರಮೇಶ ಹೂಗಾರ್, ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರ ಪ್ರಯತ್ನದಿಂದಾಗಿ ತಪ್ಪು ಮಾಡಿದವನಿಗೆ ಕಂಬಿ ಎಣಿಸುವ ಶಿಕ್ಷೆ ದೊರೆತಿದೆ. ಪ್ರಕರಣದ ಗಂಭೀರತೆ ಅರಿತ ನ್ಯಾಯಾಧೀಶ ಕಿರಣ ಕಿಣಿ ಅವರು ತಪ್ಪಿತಸ್ಥನಿಗೆ 10 ವರ್ಷ ಜೈಲು ಶಿಕ್ಷೆ ವಿಧಿಸಿದ್ದಾರೆ. ಜೊಯಿಡಾದ ಅಣಶಿ ಗ್ರಾಮದ ಕೈಲವಾಡದ ಕಾಳಿ ಹುಲಿ ಸಂರಕ್ಷಿತ ಪ್ರದೇಶ ವ್ಯಾಪ್ತಿಯ ಅಂಚಿನ ಊರಿನಲ್ಲಿ ಸಂತ್ರಸ್ತೆ ವಾಸವಾಗಿದ್ದರು. ಅಣಶಿ ವನ್ಯಜೀವಿ ವಲಯದ ಬಳಿ ಅವರು ಹೈನುಗಾರಿಕೆ ನಡೆಸಿಕೊಂಡಿದ್ದು, ಸಮೀಪದ ಅರಣ್ಯಕ್ಕೆ ಜಾನುವಾರುಗಳನ್ನು ಮೇವಿಗೆ ಬಿಡುತ್ತಿದ್ದರು. 2018ರ ಡಿಸೆಂಬರ್ 1ರಂದು ಆ ಮಹಿಳೆ ಎಂದಿನoತೆ ಹಸುಗಳ ಜೊತೆ ಕಾಡಿಗೆ ಹೋಗಿದ್ದರು. ದಿನವಿಡೀ ಮೇವುಣಿಸಿ ಸಂಜೆ ಮನೆಗೆ ಮರಳುವಾಗ ಅದೇ ಭಾಗದ ಉಲ್ಲಾಸ ಸಡಕೋ ಗಾವಡಾ ಎದುರಾದರು. ಹುಲ್ಲು ಮೇಯಿಸುತ್ತಿದ್ದ ಮಹಿಳೆ ಒಂಟಿಯಾಗಿರುವುದನ್ನು ಉಲ್ಲಾಸ ಗಾವಡಾ ಗಮನಿಸಿದರು. ಆಕೆಯನ್ನು ಹಿಂದಿನಿoದ ಗಟ್ಟಿಯಾಗಿ ತಬ್ಬಿಕೊಂಡರು. ಮಹಿಳೆ ಇದನ್ನು ವಿರೋಧಿಸಿದಾಗ ಆಕೆ ಕೈ ಹಾಗೂ ಕುತ್ತಿಗೆಗೆ ಉಗುರಿನಿಂದ ಪರಿಚಿದರು. ಮಹಿಳೆಯ ಕೂದಲು ಹಿಡಿದು ಎಳೆದಾಡಿದರು. ಮಹಿಳೆ ನೆಲಕ್ಕೆ ಬಿದ್ದಾಗ ಆಕೆಯ ಸೀರೆ ಹರಿದು ಮಾನ ಕಳೆದರು. ಮಹಿಳೆ ಕೂಗಿ ಪ್ರತಿಭಟಿಸಿದರೂ ಆ ಕಾಡಿನಲ್ಲಿ ಆಕೆಯ ರಕ್ಷಣೆಗೆ ಯಾರೂ ಇರಲಿಲ್ಲ. ಈ ಸನ್ನಿವೇಶ ದುರುಪಯೋಗಪಡಿಸಿಕೊಂಡ ಉಲ್ಲಾಸ ಗಾವಡಾ ಅವರು ಮಹಿಳೆಯ ಇಚ್ಚೆಗೆ ವಿರುದ್ಧವಾದ ಕೆಲಸ ಮಾಡಿದರು. ಅದಾದ ನಂತರ ಸಂತ್ರಸ್ತ ಮಹಿಳೆಗೆ ಉಲ್ಲಾಸ ಗಾವಡಾ ಅವರು ಬೆದರಿಕೆ ಒಡ್ಡಿದರು. `ಈ ವಿಷಯ ಎಲ್ಲಾದರೂ ಬಾಯ್ಬಿಟ್ಟರೆ ಜೀವ ತೆಗೆಯುವೆ’ ಎಂದು ಹೆದರಿಸಿದರು. ಉಲ್ಲಾಸ ಗಾವಡಾ ಅವರು ಸಾಕ್ಷಿನಾಶಕ್ಕಾಗಿ ತಾವು ಧರಿಸಿದ್ದ ಬಟ್ಟೆಯನ್ನು ತೊಳೆದು ಒಣಗಿಸಿದ್ದರು. ಈ ಎಲ್ಲಾ ವಿಷಯ ಅರಿತ ಆಗಿನ ಜೊಯಿಡಾ ಪಿಐ ರಮೇಶ ಹೂಗಾರ್ ಅವರು ಪ್ರಕರಣ ದಾಖಲಿಸಿ, ತನಿಖೆ ನಡೆಸಿದರು. ವಿವಿಧ ಸಾಕ್ಷಿಗಳನ್ನು ಪೊಲೀಸರು ಸಂಗ್ರಹಿಸಿದ್ದರು. ಶಿರಸಿ ನ್ಯಾಯಾಲಯಕ್ಕೆ ಈ ಪ್ರಕರಣ ಬಂದಿದ್ದು, ಸರ್ಕಾರಿ ಅಭಿಯೋಜಕ ರಾಜೇಶ ಎಂ ಮಳಗಿಕರ್ ಅವರು ಪ್ರಕರಣದ ಹಿನ್ನಲೆ ಗಮನಿಸಿದರು. ಸಂತ್ರಸ್ತೆಗೆ ಆದ ಅನ್ಯಾಯದ ಬಗ್ಗೆ ವಕೀಲರು ನ್ಯಾಯಾಲಯಕ್ಕೆ ವಿವರಿಸಿದರು. ಪೊಲೀಸ್ ಸಿಬ್ಬಂದಿ ಲಿಯಾಕತ್ ಅಲಿ ಹಾಗೂ ಖಲೀಲ್ ಮುಲ್ಲಾ ಅವರು ನ್ಯಾಯಾಲಯಕ್ಕೆ ಸಾಕ್ಷಿಗಳನ್ನು ಕರೆತಂದರು. ಉಲ್ಲಾಸ ಗಾವಡಾ ಅವರ ಮಾತನ್ನು ಆಲಿಸಿದ ನ್ಯಾಯಾಧೀಶ ಕಿರಣ ಕಿಣಿ ಅವರು ಆರೋಪ ಸಾಭೀತಾಗಿರುವುದನ್ನು ಖಚಿತಪಡಿಸಿಕೊಂಡರು. ಕೊನೆಗೆ ವಿಕೃತ ಕಾಮಿಗೆ 10 ವರ್ಷ ಜೈಲು ಶಿಕ್ಷೆ ಜೊತೆ 15 ಸಾವಿರ ರೂ ದಂಡ ಪಾವತಿಗೆ ಆದೇಶಿಸಿದರು. ಸಂತ್ರಸ್ತೆಗೆ 10 ಸಾವಿರ ರೂ ಪರಿಹಾರ ಒದಗಿಸುವಂತೆಯೂ ಸೂಚಿಸಿದರು. `ಮಹಿಳೆಯರ ಮೇಲಿನ ದೌರ್ಜನ್ಯ ತಡೆಗೆ ಸರ್ಕಾರ ಸಹಾಯವಾಣಿ ಸ್ಥಾಪಿಸಿದೆ. ಸಹಾಯಕ್ಕಾಗಿ 181ಗೆ ಫೋನ್ ಮಾಡಿ.
- [ಕೈಗಾ: ಇಮೇಲ್ ಮೂಲಕ ವಿಕಿರಣ ಸೋರಿಕೆ!](https://mobiletime.in/2025/12/kaiga-radiation-leak-via-email/): ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ವಿಕಿರಣ ಸೋರಿಕೆಯಾದ ಬಗ್ಗೆ ಜಿಲ್ಲಾಡಳಿತಕ್ಕೆ ಇಮೇಲ್ ಹಾಗೂ ಫಾಕ್ಸ್ ಮೂಲಕ ಸಂದೇಶ ಬಂದಿದೆ. ತರಾತುರಿಯಲ್ಲಿ ಜಿಲ್ಲಾಡಳಿತ ರಕ್ಷಣಾ ಕಾರ್ಯಾಚರಣೆ ನಡೆಸಿದ್ದು, `ಅಣು ವಿಕಿರಣ ಸೋರಿಕೆಯಾದಲ್ಲಿ ಕೈಗೊಳ್ಳಬೇಕಾದ ಮುನ್ನೆಚ್ಚರಿಕೆ ಕ್ರಮಗಳ ಕುರಿತಂತೆ ಆಯೋಜಿಸಿದ್ದ ಅಣಕು ಕಾರ್ಯಾಚರಣೆ ಯಶಸ್ವಿಯಾಗಿದೆ’ ಎಂದು ಸಂಜೆ ವೇಳೆಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ತಿಳಿಸಿದ್ದಾರೆ. ಅಣು ವಿಕಿರಣ ಸೋರಿಕೆ ಆದಲ್ಲಿ ಕೈಗೊಳ್ಳಬೇಕಾದ ಮುನ್ನಚ್ಚರಿಕೆ ಬಗ್ಗೆ ಪ್ರತಿ ವರ್ಷವೂ ಜನರಲ್ಲಿ ಅರಿವು ಮೂಡಿಸಲು ಅಣಕು ಕಾರ್ಯಾಚರಣೆ ನಡೆಸಲಾಗುತ್ತಿದೆ. ಅದರ ಪ್ರಕಾರ, ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ವಿಕಿರಣ ಸೋರಿಕೆ ನಡೆದಾಗ ಅನುಸರಿಸಬೇಕಾದ ವಿಧಾನಗಳ ಬಗ್ಗೆ ಗುರುವಾರ ತಾಲೀಮು ನಡೆಸಲಾಗಿದೆ. ಪೂರ್ವ ಸೂಚನೆಯ ಪ್ರಕಾರ ಕೈಗಾ ಸೈಟ್ ಡೈರೆಕ್ಟರ್ ಬೆಳಗ್ಗೆ 6.30ಕ್ಕೆ ಫ್ಯಾಕ್ಸ್ ಹಾಗೂ ಇಮೇಲ್ ಸಂದೇಶದ ಮೂಲಕ ಜಿಲ್ಲಾಡಳಿತಕ್ಕೆ ಅಣು ವಿಕಿರಣದ ಸೋರಿಕೆ ಬಗ್ಗೆ ಮಾಹಿತಿ ನೀಡಿದ್ದಾರೆ. ವಿಕಿರಣ ಸೋರಿಕೆ ವಲಯಗಳಾದ ಹರ್ಟುಗಾ, ಗೂಳೆ ಮತ್ತು ನಗೆಕೋವೆ, ಕುಚೆಗಾರ, ಶಿರ್ವೆ, ಕೆರವಡಿ, ದೇವಳಮಕ್ಕಿ ಗ್ರಾಮಗಳನ್ನು ಪ್ರಭಾವಿತ ಗ್ರಾಮಗಳೆಂದು ಗುರುತಿಸಿ ಅಲ್ಲಿ ಕಾರ್ಯಾಚರಣೆಯನ್ನು ನಡೆಸಲಾಗಿದೆ. ವಿಕಿರಣ ಸೋರಿಕೆ ಬಗ್ಗೆ ಕೈಗಾ ಸ್ಥಳ ನಿರ್ದೇಶಕರಿಂದ ಮಾಹಿತಿ ಸ್ವೀಕೃತಿಯಾದ ಕೂಡಲೇ ಜಿಲ್ಲಾಧಿಕಾರಿಗಳು ಸಭೆ ನಡೆಸಿದ್ದು, ಎಲ್ಲಾ ಅಧಿಕಾರಿಗಳಿಗೆ ತುರ್ತು ಅಗತ್ಯ ಕಾರ್ಯಾಚರಣೆ ಕೈಗೊಳ್ಳುವಂತೆ ಸೂಚನೆ ನೀಡಿದರು. ವಿಕಿರಣದಿಂದ ಪ್ರಭಾವಕ್ಕೆ ಒಳಗಾದ ಗ್ರಾಮಗಳಿಗೆ ವಾಹನ ಸಂಚಾರ ನಿಷೇಧಿಸಿದರು. ಅಣು ವಿಕಿರಣವು ವಾತಾವರಣದಲ್ಲಿ ಗಾಳಿಯ ಮೂಲಕ ಹರಡುತ್ತಿದ್ದ ಕಾರಣ ಜನರಿಗೆ ಅರಿವು ಮೂಡಿಸಲಾಯಿತು. `ಅಣು ವಿದ್ಯುತ್ ಸ್ಥಾವರದಲ್ಲಿ ಸೋರಿಕೆಯಾದ ಅಣು ವಿಕಿರಣದ ಪ್ರಮಾಣವು ಅತ್ಯಂತ ಕಡಿಮೆ ಇದ್ದು, ಇದು ಸಾರ್ವಜನಿಕರಿಗೆ ಹೆಚ್ಚಿನ ಅಪಾಯ ಒಡ್ಡುವುದಿಲ್ಲ. ಈ ಸೋರಿಕೆಯನ್ನು ನಿಯಂತ್ರಿಸಲು ತಂತ್ರಜ್ಞರು ಎಲ್ಲಾ ರೀತಿಯ ಗರಿಷ್ಠ್ಠ ಪ್ರಯತ್ನಗಳನ್ನು ಕೈಗೊಳ್ಳುತ್ತಿದ್ದು, ಜಿಲ್ಲಾಡಳಿತದೊಂದಿಗೆ ಕೈಗಾ ಅಧಿಕಾರಿಗಳು ನಿರಂತರ ಸಂಪರ್ಕದಲ್ಲಿದ್ದಾರೆ’ ಎಂದು ಡೀಸಿ ಜನರಿಗೆ ಭರವಸೆ ನೀಡಿದರು. `ಸೋಷಿಯಲ್ ಮೀಡಿಯಾಗಳಲ್ಲಿ ಬರುವ ಯಾವುದೇ ಊಹಾಪೋಹಗಳಿಗೆ ಕಿವಿಗೊಡದೇ ಜಿಲ್ಲಾಡಳಿತವು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ನೀಡುವ ಪ್ರಕಟಣೆಗಳನ್ನು ಮಾತ್ರ ಗಮನಿಸಬೇಕು’ ಎಂದು ಮನವಿ ಮಾಡಿದರು. ಅಣು ವಿಕಿರಣವು ಹರಡುತ್ತಿದ್ದ ಪ್ರದೇಶಗಳಲ್ಲಿನ ಸಾರ್ವಜನಿಕರಿಗೆ ಆರೋಗ್ಯ ಇಲಾಖೆ ವತಿಯಿಂದ ವಿಕಿರಣದ ಅಪಾಯವಾಗದಂತೆ ಮುನ್ನೆಚ್ಚರಿಕೆ ಕ್ರಮವಾಗಿ ವಿಕಿರಣ ತಡೆ ನಿಯಂತ್ರಣ ಮಾತ್ರೆಗಳನ್ನು ವಿತರಿಸಲಾಯಿತು. ಈ ಪ್ರದೇಶಗಳ ಅಂಗನವಾಡಿ, ಪ್ರಾಥಮಿಕ ಹಾಗೂ ಪ್ರೌಢಶಾಲೆ ಮತ್ತು ಕಾಲೇಜುಗಳಿಗೆ ಮುಂದಿನ ಆದೇಶದವರೆಗೆ ರಜೆಯನ್ನು ಘೋಷಿಸಲಾಯಿತು. ಸಾರ್ವಜನಿಕರಿಗೆ ಸ್ಥಳೀಯವಾಗಿ ಸಿದ್ದಪಡಿಸಿದ ಆಹಾರ ಮತ್ತು ನೀರು ಸೇವನೆ ಮಾಡದಂತೆ ಸೂಚನೆ ಸಿಕ್ಕಿತು. ಜಿಲ್ಲಾಡಳಿತದ ವತಿಯಿಂದ ಪ್ರಭಾವಿತ ವಲಯದ ಹೊರಗಿನಿಂದ ಸಿದ್ದಪಡಿಸಿದ ಆಹಾರದ ಪ್ಯಾಕೇಟ್‌ಗಳನ್ನು ಮತ್ತು ಕುಡಿಯುವ ನೀರಿನ ಬಾಟೆಲ್‌ಗಳನ್ನು ಸರಬರಾಜು ಮಾಡಲಾಯಿತು. ವಿಕಿರಣ ಹರಡಿದ್ದ ಹರ್ಟುಗಾ ಗ್ರಾಮದ ನಿವಾಸಿಗಳನ್ನು ಪ್ರಭಾವಿತ ವಲಯದ ಹೊರಗಿನ ಜೋಯಿಡಾ ತಾಲ್ಲೂಕಿನ ಕುಂಬಾರವಾಡದ ಸಮುದಾಯ ಭವನಕ್ಕೆ ಮತ್ತು ಜಾನುವಾರುಗಳನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಯಿತು. ವಿಕಿರಣ ಪ್ರಸಾರಗೊಂಡಿದ್ದ ಇತರೇ ಗ್ರಾಮಗಳಲ್ಲಿನ ಸಾರ್ವಜನಿಕರಿಗೆ ಆರೋಗ್ಯ ಇಲಾಖೆಯ ಮೂಲಕ ತಪಾಸಣೆ ನಡೆಯಿತು. ಸಂಜೆ ವೇಳೆ ಅಣಕು ಕಾರ್ಯಾಚರಣೆ ಯಶಸ್ವಿಯಾದ ಬಗ್ಗೆ ಡೀಸಿ ಘೋಷಿಸಿದರು.
- [ಊರಿಗೆ ಬಂದ ಮೊಸಳೆಗೆ ಮೂಗುದಾರ!](https://mobiletime.in/2025/12/the-crocodile-that-came-to-town-got-a-nosebleed/): ನದಿಯಲ್ಲಿರುವುದನ್ನು ಬಿಟ್ಟು ನಾಡಿಗೆ ಬಂದಿದ್ದ ಮೊಸಳೆ ಮೂಗಿಗೆ ದಾರ ಕಟ್ಟಿದ ಜನ ಅದನ್ನು ಎಳೆದು ನೀರಿಗೆ ಬಿಟ್ಟಿದ್ದಾರೆ. ದಾಂಡೇಲಿ ನಗರದ ಹಳಿಯಾಳ ರಸ್ತೆಯ ಗೇಟ್ ನಂ 3ರ ಬಳಿ ಗುರುವಾರ ಮೊಸಳೆ ಕಾಣಿಸಿದೆ. ಕಾಳಿ ನದಿಯಲ್ಲಿರಬೇಕಾದ ಮೊಸಳೆ ನದಿ ದಡ ದಾಟಿ ಊರಿನ ಬಳಿ ಬಂದಿದೆ. ಅಲೈಡ್ ಏರಿಯಾದ ಚರಂಡಿ ಮೂಲಕ ಮೊಸಳೆ ಎಲ್ಲಾ ಕಡೆ ಸುತ್ತಾಡಿದೆ. ಅನತಿ ದೂರದಲ್ಲಿಯೇ ಕಾಳಿ ನದಿ ಹರಿಯುತ್ತಿದ್ದು, ಅಲ್ಲಿ ಹೇರಳ ಪ್ರಮಾಣದ ಮೊಸಳೆಗಳಿವೆ. ಆಗಾಗ ಆ ಮೊಸಳೆಗಳು ಊರಿನ ಕಡೆ ಬರುವುದು ಸಾಮಾನ್ಯವಾಗಿದೆ. ಕೆಲವೊಮ್ಮೆ ಮೊಸಳೆ ತಾನಾಗಿಯೇ ನದಿ ಸೇರುತ್ತದೆ. ಅನೇಕ ಬಾರಿ ಅರಣ್ಯ ಸಿಬ್ಬಂದಿ ಅದನ್ನು ಹಿಡಿದು ನದಿಗೆ ಬಿಡುತ್ತಾರೆ. ಈ ದಿನ ಜನ ವಸತಿ ಪ್ರದೇಶದ ಬಳಿ ಮೊಸಳೆ ಕಾಣಿಸಿಕೊಂಡಿದ್ದರಿoದ ಜನ ಆತಂಕಕ್ಕೆ ಒಳಗಾಗಿದ್ದು, ಅರಣ್ಯಾಧಿಕಾರಿಗಳಿಗೆ ಫೋನ್ ಮಾಡಿದ್ದಾರೆ. ಆದರೆ, ಎಷ್ಟು ಹೊತ್ತಾದರೂ ಅರಣ್ಯ ಸಿಬ್ಬಂದಿ ಸ್ಥಳಕ್ಕೆ ಬಂದಿಲ್ಲ. ಮೊಸಳೆಯನ್ನು ಹಿಡಿಯುವ ಕೆಲಸವನ್ನು ಶುರು ಮಾಡಿಲ್ಲ. ಹೀಗಾಗಿ ಜನರೇ ಉಪಾಯವಾಗಿ ಮೊಸಳೆಗೆ ಬಲೆ ಬೀಸಿದ್ದಾರೆ. ಮೊಸಳೆ ತಲೆಯ ಮೇಲೆ ಗೋಣಿ ಚೀಲ ಹಾಕಿದ ಜನ ನಂತರ ನಿಧಾನವಾಗಿ ಅದಕ್ಕೆ ಹಗ್ಗ ಕಟ್ಟಿದ್ದಾರೆ. ಒಬ್ಬರು ಮೊಸಳೆಯ ಬಾಲ ಹಿಡಿದುಕೊಂಡಿದ್ದು, ಮತ್ತೆ ಐದು ಜನ ಸೇರಿ ಆ ಹಗ್ಗ ಎಳೆದಿದ್ದಾರೆ. ನದಿಯವರೆಗೂ ಮೊಸಳೆಯನ್ನು ಎಳೆದೊಯ್ದು ಬಿಟ್ಟಿದ್ದಾರೆ. ಕಾಳಿ ನದಿ ಕಾಣಿಸಿದ ತಕ್ಷಣ ಮೊಸಳೆ ನೀರಿಗೆ ಬಿದ್ದಿದ್ದು, ಅದಾದ ನಂತರ ಅಲ್ಲಿನ ಜನರೇ ಹಗ್ಗ ಬಿಡಿಸಿದ್ದಾರೆ.
- [ಪದೇ ಪದೇ ಆಪತ್ತು: ಕಾನೂನು ಪ್ರಾಧಿಕಾರದ ಸೂಚನೆಗೂ ಇಲ್ಲ ಕಿಮ್ಮತ್ತು!](https://mobiletime.in/2025/12/repeated-danger-even-the-notice-of-the-legal-authority-is-of-no-use/): ಶಾಲೆ ಹಾಗೂ ಅಂಗನವಾಡಿಯಿರುವ ಪ್ರದೇಶದಲ್ಲಿ ಪದೇ ಪದೇ ರಸ್ತೆ ಅಪಘಾತ ನಡೆಯುತ್ತಿದ್ದು, ಇದನ್ನು ತಪ್ಪಿಸುವುದಕ್ಕಾಗಿ ಸೂಚನಾ ಫಲಕ ಅಳವಡಿಸುವಂತೆ ಲೋಕೋಪಯೋಗಿ ಇಲಾಖೆಗೆ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರ ಸೂಚನೆ ನೀಡಿದೆ. ಆದರೆ, ಸೂಚನೆ ತಲುಪಿ ಐದು ತಿಂಗಳಾದರೂ ಅಧಿಕಾರಿಗಳು ಅದನ್ನು ಪಾಲಿಸಿಲ್ಲ. ಕುಮಟಾದ ಜನತಾ ಫ್ಲೋಟ್ ಮಾಸೂರ್ ಕ್ರಾಸ್ ರಸ್ತೆಯ ಪಕ್ಕದಲ್ಲಿ ಶಾಲೆ-ಅಂಗನವಾಡಿಯಿದೆ. ಅಲ್ಲಿ ಪದೇ ಪದೇ ಅಪಘಾತ ಸಂಭವಿಸುತ್ತಿದ್ದು, ಶಿಕ್ಷಕರೊಬ್ಬರು ಸಾವನಪ್ಪಿದ್ದಾರೆ. ನಿತ್ಯ ನಡೆಯುವ ಅಪಘಾತದಿಂದ ಜನ ಆತಂಕದಲ್ಲಿದ್ದಾರೆ. ಈ ಭಾಗದಲ್ಲಿ ಹಂಪ್ ಅಳವಡಿಸುವುದರ ಜೊತೆ ಸೂಚನಾ ಫಲಕ ನೆಡಬೇಕು ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಹೋರಾಡುತ್ತಿದ್ದಾರೆ. ಶಾಸಕ ಸಚಿವರಿಂದ ಹಿಡಿದು ಮುಖ್ಯಮಂತ್ರಿ ಕಚೇರಿಯವರೆಗೂ ಈ ಬಗ್ಗೆ ಮನವಿ ಸಲ್ಲಿಸಲಾಗಿದ್ದು, ಕೊನೆಗೆ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರವೂ ಸೂಚನಾ ಫಲಕ ಅಳವಡಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದೆ. ಆದರೆ, ಈ ಸೂಚನೆ ಸಿಕ್ಕಿ ಐದು ತಿಂಗಳಾದರೂ ಅಧಿಕಾರಿಗಳು ಕ್ರಮ ಜರುಗಿಸಿಲ್ಲ. ಈ ಹಿನ್ನಲೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರು ಸಾಮಾಜಿಕ ಕಾರ್ಯಕರ್ತ ಸುಧಾಕರ್ ನಾಯ್ಕ್, ನಿವೃತ್ತ ಅಧಿಕಾರಿ ನಾಗೇಶ್, ಹಿರಿಯ ನಾಗರಿಕರಾದ ಗಣಪತಿ ಪಟಗಾರ, ರತ್ನಾಕರ ಭಟ್, ಅರುಣ್ ಶೇಟ್ ಅವರ ಜೊತೆ ಸೇರಿ ಮತ್ತೆ ಕಾನೂನು ಸೇವಾ ಪ್ರಾಧಿಕಾರಕ್ಕೆ ದೂರು ಸಲ್ಲಿಸಿದ್ದರೆ.
- [ಸಿಲೆಂಡರ್ ಸ್ಪೋಟ: ಚೀರೆಕಲ್ಲಿನ ಮನೆ ಛಿದ್ರ.. ಛಿದ್ರ!](https://mobiletime.in/2025/12/cylinder-explosion-chirekallai-house-ruptured-ruptured/): ಸಿಲೆಂಡರ್ ಸ್ಪೋಟಿಸಿದ ಪರಿಣಾಮ 11 ಲಕ್ಷ ರೂ ಮೌಲ್ಯದ ಮನೆ ಮುರಿದು ಬಿದ್ದಿದೆ. ಸ್ಪೋಟದ ವೇಳೆ ಭಾರೀ ಪ್ರಮಾಣದ ಸದ್ದು ಕೇಳಿ ಜನ ಹೌಹಾರಿದ್ದಾರೆ. ಗುರುವಾರ ಬೆಳಗ್ಗೆ ಗೋಕರ್ಣ ಬಳಿಯ ಬಂಗ್ಲೆಗುಡ್ಡದಲ್ಲಿ ಸಿಲೆಂಡರ್ ಸ್ಪೋಟಿಸಿದೆ. ಸ್ಪೋಟದ ತೀವೃತೆಗೆ ಮುರಳಿಧರ್ ಕಾಮತ್ ಅವರ ವಾಸದ ಮನೆ ಮುರಿದು ಬಿದ್ದಿದೆ. ನಂತರ ಹೊತ್ತಿ ಉರಿದ ಜ್ವಾಲೆ ಪಕ್ಕದ ಕಾಡಿಗೂ ವ್ಯಾಪಿಸಿದ್ದು, ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ಆರಿಸುವ ಸಾಹಸ ಮಾಡಿದ್ದಾರೆ. ಸಿಲೆಂಡರ್ ಸ್ಪೋಟದ ಅವಧಿಯಲ್ಲಿ ಮನೆಯಲ್ಲಿ ಯಾರೂ ಇರಲಿಲ್ಲ. ಹೀಗಾಗಿ ಕುಟುಂಬದವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸ್ಪೋಟದ ಸದ್ದು ಕೇಳಿದ ಜನ ಆತಂಕದಲ್ಲಿ ಎಲ್ಲಾ ಕಡೆ ಓಡಾಡಿದ್ದು, ಮನೆ ಹೊತ್ತಿ ಉರಿಯುವುದನ್ನು ನೋಡಿ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸ್ ಹಾಗೂ ಕಂದಾಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಮಾಡಿದ್ದಾರೆ. ಛಿದ್ರಗೊಂಡ ಮನೆಯ ಅಕ್ಕ ಪಕ್ಕ ಇನ್ನಷ್ಟು ಜನವಸತಿ ಪ್ರದೇಶಗಳಿದ್ದವು. ಪ್ರವಾಸಿಗರು ತಂಗುವ ಹೊಟೇಲ್ ಸಹ ಆ ಭಾಗದಲ್ಲಿದ್ದು, ಬೆಂಕಿ ಆರಿಸಿದ ಪರಿಣಾಮ ಅಪಾಯ ತಪ್ಪಿದೆ.
- [ಸರಾಯಿ ಬದಲು ಕ್ರಿಮಿನಾಶಕ ಸೇವನೆ: ಸಾವು!](https://mobiletime.in/2025/12/consuming-disinfectant-instead-of-drinking-water-death/): ಕದ್ದು ಮುಚ್ಚಿ ಸರಾಯಿ ಕುಡಿಯುತ್ತಿದ್ದ ರಮೇಶ ಮಿರಾಶಿ ಅವರು ರಾತ್ರಿ ವೇಳೆ ಸರಾಯಿ ಎಂದು ತಿಳಿದು ವಿಷ ಕುಡಿದಿದ್ದಾರೆ. ಅಸ್ವಸ್ಥಗೊಂಡ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಜೊಯಿಡಾದ ರಾಮನಗರದ ಬಾಳೆಕೃಷ್ಣಗಲ್ಲಿಯಲ್ಲಿ ರಮೇಶ ನಾರಾಯಣ ಮಿರಾಶಿ (37) ಅವರು ವಾಸವಾಗಿದ್ದರು. ಪೆಂಟಿAಗ್ ಕೆಲಸ ಮಾಡಿ ಅವರು ಜೀವನ ನಡೆಸುತ್ತಿದ್ದರು. ಮನೆಯಲ್ಲಿ ಯಾರಿಗೂ ಗೊತ್ತಾಗದ ಹಾಗೇ ಅವರು ವ್ಯಸನದ ಹಾದಿ ಹಿಡಿದಿದ್ದರು. ಆಗಾಗ ಸರಾಯಿ ಅಂಗಡಿಗೆ ಹೋಗಿ ಅವರು ಕುಡಿದು ಬರುತ್ತಿದ್ದರು. ರಾತ್ರಿ ಮನೆಗೆ ಬರುವ ಮುನ್ನ ಸರಾಯಿ ಸೇವಿಸುತ್ತಿದ್ದು, ಅದಾದ ನಂತರ ಯಾರ ಜೊತೆಯೂ ಮಾತನಾಡದೇ ಮಲಗುತ್ತಿದ್ದರು. ಡಿಸೆಂಬರ್ 7ರಂದು ರಾತ್ರಿ ಅವರು ಮನೆಯಿಂದ ಹೊರ ಹೋಗಿ ಸರಾಯಿ ಕುಡಿದಿದ್ದರು. ಈ ದಿನ ಅವರು ಸರಾಯಿ ಬಾಟಲಿಯನ್ನು ಪಾರ್ಸಲ್ ಮಾಡಿಕೊಂಡು ಮನೆಗೆ ತಂದಿದ್ದರು. ಯಾರಿಗೂ ಗೊತ್ತಾಗಬಾರದು ಎಂಬ ಉದ್ದೇಶಕ್ಕೆ ಮನೆಯ ಕತ್ತಲೆ ಕೋಣೆಯಲ್ಲಿ ಅದನ್ನು ಅಡಗಿಸಿಟ್ಟಿದ್ದರು. ರಾತ್ರಿ 12.15ರ ವೇಳೆಗೆ ರಮೇಶ ಮಿರಾಶಿ ಅವರಿಗೆ ಮತ್ತೆ ಸರಾಯಿ ಕುಡಿಯುವ ಬಯಕೆಯಾಯಿತು. ಎಲ್ಲರೂ ಮಲಗಿರುವ ಸಮಯ ನೋಡಿ ಅವರು ಕತ್ತಲೆ ಕೋಣೆ ಪ್ರವೇಶಿಸಿದರು. ಅವರು ಸರಾಯಿ ಇರಿಸಿದ್ದ ಜಾಗದಲ್ಲಿ ಕ್ರಿಮಿನಾಶಕದ ಬಾಟಲಿಯೂ ಇದ್ದು, ಅವಸರದಲ್ಲಿದ್ದ ರಮೇಶ ಮಿರಾಶಿ ಅವರು ಸರಾಯಿ ಎಂದು ತಿಳಿದು ಕ್ರಿಮಿನಾಶಕ ಕುಡಿದರು. ಅಸ್ವಸ್ಥಗೊಂಡು ಬಿದ್ದ ಅವರನ್ನು ಕುಟುಂಬದವರು ಬೆಳಗಾವಿಗೆ ಕರೆದೊಯ್ದರು. ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದರೂ ಪ್ರಯೋಜನ ಆಗಲಿಲ್ಲ. ಹೊಲಕ್ಕೆ ಹೊಡೆಯಲು ತಂದಿದ್ದ ಕ್ರಿಮಿನಾಶಕ ದೇಹ ಸೇರಿದ ಪರಿಣಾಮ ರಮೇಶ ಮಿರಾಶಿ ಅವರು ಕೊನೆಯುಸಿರೆಳೆದರು. ರಮೇಶ ಅವರ ಪತ್ನಿ ಸುಮನ ಮಿರಾಶಿ ಅವರು ಈ ಬಗ್ಗೆ ರಾಮನಗರ ಪೊಲೀಸರಿಗೆ ವಿವರಿಸಿದರು. `ಕುಡಿತ ಒಳ್ಳೆಯದಲ್ಲ’
- [ಪ್ರಮೋಶನ್ ಬೇಕಾದರೆ ಮಂಚ ಏರುವುದು ಕಡ್ಡಾಯ!](https://mobiletime.in/2025/12/if-you-want-a-promotion-getting-on-the-couch-is-mandatory/): ಕಾಲೇಜು ಆಡಳಿತ ಮಂಡಳಿ ಸದಸ್ಯರೊಬ್ಬರು ಪ್ರಾಚಾರ್ಯಯನ್ನು ಮಂಚಕ್ಕೆ ಕರೆದಿದ್ದು, ತಮ್ಮ ಬಯಕೆ ಈಡೇರಿಸಿದರೆ ಉನ್ನತ ಸ್ಥಾನಮಾನ ನೀಡುವ ಆಮೀಷ ಒಡ್ಡಿದ್ದಾರೆ. ಇದಕ್ಕೆ ಆ ಪ್ರಾಚಾರ್ಯೆ ಒಪ್ಪದ ಕಾರಣ ಪ್ರಾಚಾರ್ಯೆಯ ವಿರುದ್ಧ ಅಕ್ರಮ ಸಂಬoಧದ ವದಂತಿ ಹಬ್ಬಿಸಿದ್ದಾರೆ! ಭಟ್ಕಳದ ಅಂಜುಮಾನ್ ಕಾಲೇಜಿನ ಬಿಎಡ್ ವಿಭಾಗದ ಪ್ರಾಚಾರ್ಯೆ ಜಿಕ್ರಿಯಾ ಸುಲ್ತಾನ್ ಹಜಾರಿ ಅವರು ಆಡಳಿತ ಮಂಡಳಿಯ ಮೂವರು ಸದಸ್ಯರಿಂದ ಸಮಸ್ಯೆಗೆ ಸಿಲುಕಿದ್ದಾರೆ. ಮಧೀನಾ ಕಾಲೋನಿಯಲ್ಲಿ ವಾಸವಾಗಿರುವ ಜಿಕ್ರಿಯಾ ಸುಲ್ತಾನ್ ಹಜಾರಿ ಅವರು ವಿಚ್ಚೇದಿತರಾಗಿದ್ದು, 2003ರಿಂದ ಅಂಜುಮಾನ್ ಹಮಿ-ಎ-ಮುಸ್ಲಿಮಿನ್ ಟ್ರಸ್ಟಿದಲ್ಲಿ ಸಹಾಯಕ ವಿಜ್ಞಾನ ಶಿಕ್ಷಕಿ ಹಾಗೂ ಸಹಾಯಕ ವಿಜ್ಞಾನ ಪ್ರಾಧ್ಯಾಪಕಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. 2016ರಲ್ಲಿ ಅವರು ಬಿಎಡ್ ವಿಭಾಗದ ಪ್ರಾಚಾರ್ಯರಾಗಿದ್ದಾರೆ. ಅಂಜುಮಾನ್ ಹಮಿ-ಎ-ಮುಸ್ಲೀಂ ಟ್ರಸ್ಟಿನ ಸದಸ್ಯರಾಗಿರುವ ಅಹಿದ್ ಮೊಹ್ತೆಶಾಮ್ ಅವರು ಜಿಕ್ರಿಯಾ ಸುಲ್ತಾನ್ ಹಜಾರಿ ಅವರಿಗೆ ಕಾಡಿಸುತ್ತಿದ್ದಾರೆ. 2024ರಲ್ಲಿ ಅಹಿದ್ ಮೊಹ್ತೆಶಾಮ್ ಅವರು ಬಿಎಡ್ ಕಾಲೇಜಿನ ಕಾರ್ಯದರ್ಶಿಯಾಗಿ ಅಧಿಕಾರವಹಿಸಿಕೊಂಡಿದ್ದು, ಆ ದಿನದಿಂದಲೇ ಜಿಕ್ರಿಯಾ ಸುಲ್ತಾನ್ ಹಜಾರಿ ಅವರಿಗೆ ಸಮಸ್ಯೆ ಶುರುವಾಗಿದೆ. ಅಹಿದ್ ಮೊಹ್ತೆಶಾಮ್ ಅವರು ಕಾಲೇಜು ಕೊಠಡಿಗೆ ಬಂದು ಲೈಂಗಿಕ ಕಿರುಕುಳ ನೀಡುತ್ತಿದ್ದಾರೆ. ಇದನ್ನು ಸಹಿಸದ ಜಿಕ್ರಿಯಾ ಸುಲ್ತಾನ್ ಹಜಾರಿ ಅವರ ವೈಯಕ್ತಿಕ ಜೀವನದ ಬಗ್ಗೆಯೂ ನಿಂದಿಸುತ್ತಿದ್ದಾರೆ. ಬೇರೆ ಪುರುಷರ ಜೊತೆ ಅಕ್ರಮ ಸಂಬoಧದ ವದಂತಿ ಹಬ್ಬಿಸಿ ಜಿಕ್ರಿಯಾ ಸುಲ್ತಾನ್ ಹಜಾರಿ ಅವರ ಮಾನ ಹರಾಜು ಮಾಡುವ ಪ್ರಯತ್ನವನ್ನು ಮಾಡಿದ್ದಾರೆ. ಸಹಕಾರ ನೀಡಿದರೆ ಉದ್ಯೋಗದಲ್ಲಿ ಆದ್ಯತೆಯ ಭರವಸೆ ನೀಡಿದ ಅಹಿದ್ ಮೊಹ್ತೆಶಾಮ್ ಅವರು ತಮ್ಮ ಕುಕೃತ್ಯಕ್ಕೆ ಕಮಿಟಿ ಸದಸ್ಯರಾದ ಸಜ್ಜದ್ ಕೋಲಾ ಹಾಗೂ ಇಸಾಕ್ ಶಬಂದ್ರಿ ಖಾಜಾ ಮಹ್ಮದ್ ಗೌಸ್ ಅವರ ಸಹಕಾರಪಡೆದಿದ್ದಾರೆ. ಈ ಮೂವರು ಸೇರಿ ಹಿಂಸೆ ನೀಡುತ್ತಿರುವ ಬಗ್ಗೆ ಜಿಕ್ರಿಯಾ ಸುಲ್ತಾನ್ ಹಜಾರಿ ಅವರು ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ಮಾರ್ಚ 9ರಂದು ಕಾಲೇಜಿಗೆ ಬಂದು ಕೈ ಹಿಡಿದು ಎಳೆದಾಡಿದ ಬಗ್ಗೆ ಅವರು ದೂರಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಭಟ್ಕಳ ನಗರಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಅವ ಅಪ್ಪ ಅಲ್ಲ..  ರಾಕ್ಷಸ!](https://mobiletime.in/2025/12/hes-not-a-father-a-demon/): ಮದುವೆ ನಂತರ ಪರ ಸ್ತ್ರೀ ಸಹವಾಸಕ್ಕೆ ಬಿದ್ದ ವಿಜಯ ನಾಯ್ಕ ಅವರು ಪತ್ನಿಯಿಂದ ದೂರವಾಗಿದ್ದು, ಸ್ವಂತ ಮಗುವಿನ ಮೇಲೆ ಕ್ರೌರ್ಯ ಮೆರೆದಿದ್ದಾರೆ. 6 ವರ್ಷದ ಬಾಲಕನ ಕಣ್ಣಿಗೆ ಖಾರದಪುಡಿ ಎರಚಿ ಬಾತ್ ರೂಮಿನಲ್ಲಿ ಕೂಡಿ ಹಾಕುವ ಮೂಲಕ ವಿಕೃತಿ ತೋರಿದ್ದಾರೆ! ಕುಮಟಾದ ಹೆಗಡೆಯಲ್ಲಿನ ಬಾಡಿಗೆ ಮನೆಯಲ್ಲಿ ವಿಜಯ ನಾಯ್ಕ ವಾಸವಾಗಿದ್ದರು. ವಿಜಯ ನಾಯ್ಕ ಅವರು 13 ವರ್ಷದ ಹಿಂದೆ ಕುಮಟಾ ಗುಂದದ ಚೈತ್ರಾ ನಾಯ್ಕ ಅವರನ್ನು ವಿವಾಹವಾಗಿದ್ದು, ಅವರ ದಾಂಪತ್ಯಕ್ಕೆ ಸಾಕ್ಷಿಯಾಗಿ ತ**ಷ ನಾಯ್ಕ ಹಾಗೂ ಹ**ಷಾ ನಾಯ್ಕ ಜನಿಸಿದ್ದರು. ಈ ನಡುವೆ ವಿಜಯ ನಾಯ್ಕ ತಾವು ವಾಸವಿದ್ದ ಮನೆಗೆ ಮತ್ತೊಬ್ಬ ದೀಪಾ ನಾಯ್ಕ ಎಂಬಾತರನ್ನು ಕರೆತಂದರು. ಇದನ್ನು ಚೈತ್ರಾ ನಾಯ್ಕ ಅವರು ವಿರೋಧಿಸಿದರು. ಆ ವಿರೋಧ ಅವರಿಬ್ಬರ ನಡುವೆ ಬಿರುಕು ಮೂಡಲು ಕಾರಣವಾಯಿತು. ಕೋರ್ಟಿನ ಕಟಕಟೆ ಏರಿ ವಿಜಯ ನಾಯ್ಕ ಹಾಗೂ ಚೈತ್ರ ನಾಯ್ಕ ಅವರು ವಿಚ್ಚೇದನಪಡೆದರು. ತಂದೆ-ತಾಯಿ ಬೇರೆಯಾಗಿದ್ದರಿಂದ 6 ವರ್ಷದ ತ**ಷ ನಾಯ್ಕ ತಬ್ಬಲಿಯಾದರು. ಆ ಆರು ವರ್ಷದ ಬಾಲಕನ ಜೊತೆ 10 ವರ್ಷದ ಬಾಲಕಿಯನ್ನು ನೋಡಿಕೊಳ್ಳುವುದಾಗಿ ವಿಜಯ ನಾಯ್ಕ ಅವರು ನ್ಯಾಯಾಲಯಕ್ಕೆ ಹೇಳಿದ್ದರಿಂದ ನ್ಯಾಯಾಲಯ ತಂದೆಯ ಬಳಿ ಮಕ್ಕಳು ಬೆಳೆಯಲು ಬಿಟ್ಟಿತು. ಆದರೆ, ತ**ಷ ನಾಯ್ಕ ಅವರು ತಾಯಿ ಬೇಕು ಎಂದು ಹಠ ಶುರು ಮಾಡಿದರು. ಈ ಹಠ ಸಹಿಸದ ವಿಜಯ ನಾಯ್ಕ ಆ ಮಗುವಿನ ಮೇಲೆ ತಮ್ಮ ಕೋಪ ತೋರಿಸಿದರು. ಪ್ರೇಯಸಿ ದೀಪಾ ನಾಯ್ಕ ಅವರ ಜೊತೆ ಹೆಗಡೆಯಲ್ಲಿ ವಾಸವಾಗಿದ್ದ ವಿಜಯ ನಾಯ್ಕ ಅವರು ಮಕ್ಕಳನ್ನು ಹೆಗಡೆಯ ವಿವೇಕನಗರದ ಶಾಲೆಗೆ ದಾಖಲಿಸಿದ್ದರು. ಆ ಶಾಲೆ ಬಳಿ ಹೋಗಿ ಮಕ್ಕಳನ್ನು ನೋಡುವ ಅವಕಾಶದಿಂದಲೂ ಚೈತ್ರಾ ನಾಯ್ಕ ಅವರು ದೂರವಾದರು. ಹೀಗಿರುವಾಗ ಕಳೆದ ಒಂದು ತಿಂಗಳಿನಿAದ ಮಗು ಶಾಲೆಗೆ ಬಾರದ ವಿಷಯ ಚೈತ್ರಾ ನಾಯ್ಕ ಅವರ ಗಮನಕ್ಕೆ ಬಂದಿತು. ಶಾಲೆಯವರ ಮೂಲಕವೇ ವಿಚಾರಿಸಿದಾಗ `ಮಗುವಿಗೆ ಆರೋಗ್ಯ ಸರಿ ಇಲ್ಲ’ ಎಂದು ವಿಜಯ ನಾಯ್ಕ ಉತ್ತರಿಸಿದ್ದರು. ಆದರೆ, ತಮ್ಮನನ್ನು ಶೌಚಾಲಯದಲ್ಲಿ ಕೂಡಿ ಹಾಕಿ ಹಿಂಸೆ ನೀಡುತ್ತಿರುವ ಬಗ್ಗೆ ಬಾಲಕನ ಅಕ್ಕ ಹ**ಷಾ ನಾಯ್ಕ ಮಾಹಿತಿ ನೀಡಿದ್ದರು. ತಾಯಿ ಚೈತ್ರಾ ನಾಯ್ಕ ಅವರಿಗೆ ಫೋನ್ ಮಾಡಿದ ಬಾಲಕಿ ಈ ವಿಷಯ ಹೇಳಿದ್ದರು. ಪೊಲೀಸರ ಸಹಾಯಪಡೆದು ಹೆಗಡೆ ಮನೆ ಶೋಧ ನಡೆಸಿದಾಗ ಬಾತ್ ರೂಮಿನೊಳಗೆ ಬಾಲಕನನ್ನು ಕೂಡಿ ಹಾಕಿರುವುದು ಗೊತ್ತಾಯಿತು. ಆ ಬಾಲಕನನ್ನು ಬೆಂಕಿಯಿAದ ಮೈ ಸುಟ್ಟಿರುವುದು, ಬಾರಕೋಲಿನಿಂದ ಬಾರಿಸಿರುವುದು, ಕಣ್ಣಿಗೆ ಕಾರದಪುಡಿ ಎರಚಿ ನೋವು ಮಾಡಿರುವುದು ಕಾಣಿಸಿತು. ಕುಮಟಾ ಆಸ್ಪತ್ರೆ ವೈದ್ಯರು ಬಾಲಕನಿಗೆ ಚಿಕಿತ್ಸೆ ನೀಡಿದ್ದು, ಒಂದು ಹೊತ್ತಿನ ಊಟ, ಬಟ್ಟೆಯನ್ನು ಕೊಡದೇ ಚಿತ್ರಹಿಂಸೆ ನೀಡಿದನ್ನು ಅಧಿಕಾರಿಗಳು ಖಚಿತಪಡಿಸಿಕೊಂಡರು. ಚಿತ್ರಹಿoಸೆ ಅನುಭವಿಸದ ಬಾಲಕ ಹೇಳಿದ್ದೇನು? ಆತನ ತಾಯಿ ಮಾತು ಏನು? ವಿಡಿಯೋ ಇಲ್ಲಿ ನೋಡಿ..
- [ಸುಳ್ಳು ಹೇಳಿ ಸಿಕ್ಕಿಬಿದ್ದ ಸಚಿವ!](https://mobiletime.in/2025/12/the-minister-was-caught-lying/): ಶರಾವತಿ ನದಿಗೆ ಅಡ್ಡಲಾಗಿ ಪಂಪ್ ಸ್ಟೋರೇಜ್ ನಿರ್ಮಾಣ ಮಾಡುವುದರಿಂದ 16 ಸಾವಿರ ಮರಗಳ ಕಡಿತವಾಗಲಿದೆ’ ಎಂದು ವಿದ್ಯುತ್ ನಿಗಮದ ಅಧಿಕಾರಿಗಳೇ ಅಧಿಕೃತ ಮಾಹಿತಿ ನೀಡಿದ್ದಾರೆ. ಅನೇಕ ವಿಜ್ಞಾನಿಗಳು ಸಹ `ಈ ಯೋಜನೆ ಅವೈಜ್ಞಾನಿಕ ಎಂದು ಪ್ರತಿಪಾದಿಸಿದ್ದಾರೆ. ಆದರೆ, ಇಂಧನ ಸಚಿವ ಕೆ ಜೆ ಜಾರ್ಜ ಅವರು ಮಾತ್ರ `ಶರಾವತಿ ಪಂಪ್ಡ್ ಸ್ಟೋರೇಜ್ ಜಲ ವಿದ್ಯುತ್ ಯೋಜನೆಯಿಂದ ಪರಿಸರಕ್ಕೆ ಯಾವುದೇ ಹಾನಿ ಉಂಟಾಗುವುದಿಲ್ಲ’ ಎಂದು ಈ ದಿನ ಅಧಿವೇಶನದಲ್ಲಿ ಸುಳ್ಳು ಹೇಳಿದ್ದಾರೆ! `ನದಿ ಕಣಿವೆ ಪ್ರದೇಶದಲ್ಲಿ ಭೂ ಕುಸಿತದ ಅಪಾಯವಿದೆ. ಸಿಂಗಳಿಕ ಅಭಯಾರಣ್ಯ ವ್ಯಾಪ್ತಿಯಲ್ಲಿ ಅವೈಜ್ಞಾನಿಕ ಯೋಜನೆಗೆ ಅವಕಾಶ ಕೊಡುವುದು ಸರಿಯಲ್ಲ. ಪರಿಸರದ ಜೊತೆ ಆ ಭಾಗದ ರೈತರ ಜೀವನೋಪಾಯಕ್ಕೆ ಸಹ ಈ ಯೋಜನೆ ಅಪಾಯಕಾರಿ’ ಎಂದು ಅನೇಕರು ವೈಜ್ಞಾನಿಕ ಕಾರಣಗಳ ಜೊತೆ ಸರ್ಕಾರಕ್ಕೆ ಮನವಿ ಸಲ್ಲಿಸಿದ್ದಾರೆ. `ಶರಾವತಿ ಕಣಿವೆಯು ಈಗಾಗಲೇ ಸರಣಿ ಜಲಾಶಯ ಮತ್ತು ಜಲ ವಿದ್ಯುತ ಯೋಜನೆಗಳಿಂದ ಅಪಾಯಕ್ಕೆ ಸಿಲುಕಿದೆ. ಬೇಸಿಗೆ ಅವಧಿಯಲ್ಲಿ ನದಿ ನೀರಿನ ಹರಿವು ಕಡಿಮೆ ಆಗುತ್ತದೆ. ಸಮುದ್ರದ ಉಪ್ಪು ನೀರು 18ಕಿಮೀ ಹಿಮ್ಮುಖವಾಗಿ ಶರಾವತಿ ನದಿಗೆ ಸೇರುತ್ತಿದೆ. ಮಳೆಗಾಲದಲ್ಲಿ ಪ್ರವಾಹ ಉಂಟಾಗುತ್ತಿದ್ದು, ಜನ ಆರ್ಥಿಕ ನಷ್ಟವನ್ನು ಅನುಭವಿಸುತ್ತಿದ್ದಾರೆ. ಇಂಥ ಸ್ಥಿತಿಯಲ್ಲಿ ಗೇರುಸೊಪ್ಪೆ ಮತ್ತು ತಲಕಳಲೆ ಜಲಾಶಯಗಳ ನಡುವಿನ ಪರಿಸರ ಸೂಕ್ಷ್ಮ ಪ್ರದೇಶದಲ್ಲಿ ಸ್ಪೋಟಕ ಬಳಸುವುದು ಅಪಾಯಕಾರಿ’ ಎಂದು ತಜ್ಞರು ಹೇಳುತ್ತಿದ್ದಾರೆ. ಈ ವೈಜ್ಞಾನಿಕ ಯೋಜನೆಯ ಅನುಷ್ಠಾನದಿಂದ ಪರಿಸರ, ಜೀವಿವೈವಿಧ್ಯತೆ ಮತ್ತು ಜನಜೀವನದ ಮೇಲೆ ಆಘಾತಕಾರಿ ಪರಿಣಾಮ ಉಂಟಾಗಲಿದೆ’ ಎಂದು ವಿಜ್ಞಾನಿಗಳಾದ ಟಿ ವಿ ರಾಮಚಂದ್ರ ಮತ್ತು ಸುಭಾಷ ಚಂದ್ರನ್ ಸಹ ಹೇಳಿದ್ದಾರೆ. ಅದಾಗಿಯೂ, ಬೆಳಗಾವಿಯ ಸುವರ್ಣ ವಿಧಾನಸೌಧದಲ್ಲಿ ನಡೆಯುತ್ತಿರುವ ಚಳಿಗಾಲದ ವಿಧಾನ ಮಂಡಲ ಅಧಿವೇಶನದಲ್ಲಿ ಬುಧವಾರ ನಡೆದ ಚರ್ಚೆಯಲ್ಲಿ ಇಂಧನ ಸಚಿವ ಕೆ ಜೆ ಜಾರ್ಜ್ ಅವರು ಯೋಜನೆಯನ್ನು ಸಮರ್ಥಿಸಿಕೊಂಡಿದ್ದಾರೆ. ವಿಧಾನಸಭೆಯಲ್ಲಿ ಕುಮಟಾ ಶಾಸಕ ದಿನಕರ್ ಶೆಟ್ಟಿ ಶರಾವತಿ ಪಂಪ್ ಸ್ಟೋರೇಜ್ ಬಗ್ಗೆ ಪ್ರಶ್ನಿಸಿದ್ದು, `ಉತ್ತರ ಕನ್ನಡ ಜಿಲ್ಲೆಯ ಶರಾವತಿ ಪಂಪ್ಡ್ ಸ್ಟೋರೇಜ್ ಜಲ ವಿದ್ಯುತ್ ಯೋಜನೆಯಿಂದ 2000 ಮೆ.ವ್ಯಾ. ವಿದ್ಯುತ್ ಉತ್ಪಾದಿಸಲು ಉದ್ದೇಶಿಸಲಾಗಿದೆ. ಈ ಯೋಜನೆಯಿಂದ ಪರಿಸರಕ್ಕೆ ಯಾವುದೇ ಹಾನಿ ಉಂಟಾಗುವುದಿಲ್ಲ. ಶರಾವತಿ ಪಂಪ್ಡ್ ಸ್ಟೋರೇಜ್ ಜಲ ವಿದ್ಯುತ್ ಯೋಜನೆಯಿಂದ ಪರಿಸರಕ್ಕೆ ಹಾನಿಯಾಗುತ್ತದೆ ಎಂದು ಆರೋಪಿಸುವವರಿಗೆ ಮಾಹಿತಿಯ ಕೊರತೆ ಇದೆ. ಜನಪ್ರತಿನಿಧಿಗಳು, ಪರಿಸರವಾದಿಗಳ ತಕಾರರು ಬಂದಾಗ ಇದನ್ನು ಗಂಭೀರವಾಗಿ ಪರಿಗಣಿಸಿ, ಸಂಬAಧಿಸಿದ ತಜ್ಞರು, ಅಧಿಕಾರಿಗಳಿಂದ ಪರಿಶೀಲಿಸಿ, ಅವರಿಂದ ವರದಿ ಪಡೆದುಕೊಂಡಿದ್ದೇನೆ. ಈಗಲೂ ಶಾಸಕರಿಗೆ ಪರಿಸರ ಹಾನಿ ಕುರಿತಂತೆ ಯಾವುದೇ ಸಂಶಯಗಳಿದ್ದಲ್ಲಿ ಅವುಗಳನ್ನು ಪರಿಹರಿಸುವ ಕಾರ್ಯ ಮಾಡಲಾಗುತ್ತದೆ’ ಎಂದು ಹೇಳಿದ್ದಾರೆ. `ಈ ಯೋಜನೆಯಲ್ಲಿ ಸುರಂಗ ಮಾರ್ಗವನ್ನು ಮಾಡಲಾಗುವುದಿಲ್ಲ, ಬದಲಿಗೆ ಪೈಪ್ ಲೈನ್ ಅಳವಡಿಸಿ, ಆ ಪ್ರದೇಶವನ್ನು ಪುನಃ ಮೊದಲಿನ ಸ್ಥಿತಿಗೇ ತಂದು ಅರಣ್ಯಿಕರಣ ಮಾಡಲಾಗುತ್ತದೆ. ಇದಕ್ಕಾಗಿ ಕೇವಲ 25 ಎಕರೆ ಭೂಮಿ ಮಾತ್ರ ಅಗತ್ಯವಿದ್ದು, ಹೀಗಾಗಿ ಪರಿಸರದ ಮೇಲೆ ಯಾವುದೇ ಹಾನಿಯಾಗುವ ಕೆಲಸ ಮಾಡುವುದಿಲ್ಲ’ ಎಂದಿದ್ದಾರೆ. `1964 ರಲ್ಲಿ ಶರಾವತಿ ಜಲಾಶಯದ ಯೋಜನೆ ಮಾಡಿದಾಗ 1 ಲಕ್ಷ ಹೆ. ಪ್ರದೇಶ ಮುಳುಗಡೆಯಾಗಿತ್ತು, ಈಗ ವರಾಹಿಯೂ ಸೇರಿದಂತೆ 1400 ಮೆವ್ಯಾ ವಿದ್ಯುತ್ ಉತ್ಪಾದನೆ ಆಗುತ್ತಿದೆ. ಇದೀಗ ಉಪಯೋಗಿಸಿದ ನೀರನ್ನೇ ಪುನಃ ಪಂಪ್ ಮಾಡಿ, ಪುನಃ ವಿದ್ಯುತ್ ಉತ್ಪಾದನೆ ಮಾಡುವ ಯೋಜನೆಗೆ ಬಳಸಲು ಯೋಜನೆ ರೂಪಿಸಲಾಗಿದೆ. ಸೌರಶಕ್ತಿ, ಪವನಶಕ್ತಿ ಸೇರಿದಂತೆ ನವೀಕರಿಸಿದ ಇಂಧನ ಬಳಸುವ ಯೋಜನೆಗಳಲ್ಲಿ ನಮ್ಮ ರಾಜ್ಯ ದೇಶದಲ್ಲಿಯೇ 3ನೇ ಸ್ಥಾನದಲ್ಲಿದೆ, ಶೀಘ್ರವೇ ಮೊದಲನೆ ಸ್ಥಾನಕ್ಕೆ ಬರುವ ವಿಶ್ವಾಸವಿದೆ. ವರ್ಷದಿಂದ ವರ್ಷಕ್ಕೆ ವಿದ್ಯುತ್ ಬೇಡಿಕೆ ಹೆಚ್ಚಾಗುತ್ತಿದ್ದು, ನಮಗೆ ಹೆಚ್ಚಿನ ವಿದ್ಯುತ್ ಅಗತ್ಯವಿದೆ, ಕಳೆದ ವರ್ಷಕ್ಕಿಂತ ಈ ವರ್ಷ ಒಂದು ಸಾವಿರ ಮೆವ್ಯಾ.ಹೆಚ್ಚಿನ ವಿದ್ಯುತ್ ಬೇಡಿಕೆ ಇದೆ. ಪವರ್ ಕಟ್ ಮಾಡದೆ ಕೃಷಿ ಪಂಪ್ ಸೆಟ್ಟುಗಳಿಗೆ ವಿದ್ಯುತ್ ನೀಡುತ್ತಿದ್ದೇವೆ’ ಎಂದು ಸಚಿವ ಕೆ ಜೆ ಜಾರ್ಜ್ ಹೇಳಿದ್ದಾರೆ.
- [ಶಾಲೆಗೆ ಹೋಗಿದ್ದ ಬಾಲಕಿ ಅಪಹರಣ!](https://mobiletime.in/2025/12/a-girl-who-was-going-to-school-was-kidnapped/): ಅಂಕೋಲಾದಲ್ಲಿ 9ನೇ ತರಗತಿ ಓದುತ್ತಿದ್ದ ಬಾಲಕಿಯ ಅಪಹರಣ ನಡೆದಿದೆ. ಶಾಲೆಗೆ ಹೋಗಬೇಕಿದ್ದ ಬಾಲಕಿ ಶಾಲೆಗೂ ಹೋಗಿಲ್ಲ. ಸಂಜೆ ಮನೆಗೂ ಮರಳಿಲ್ಲ. ಅಂಕೋಲಾದ ಹಾರವಾಡ ನಿಧಿ ನಾಯ್ಕ ಅವರು ಸೀಬರ್ಡ ಉದ್ಯೋಗಿಯಾಗಿದ್ದಾರೆ. ಅವರು ತಮ್ಮ ಪುತ್ರಿಯ ಹುಡುಕಾಟ ಶುರು ಮಾಡಿದ್ದಾರೆ. ಡಿಸೆಂಬರ್ 08ರಂದು ನಿಧಿ ಅವರ ಪುತ್ರಿ ಎಂದಿನoತೆ ಶಾಲೆಗೆ ಹೋಗುವುದಾಗಿ ಹೇಳಿ ಹೊರಟಿದ್ದರು. ಬೆಳಗ್ಗೆ 8.30ಕ್ಕೆ ಮನೆಯಿಂದ ಹೊರಟ ಅವರು ನಂತರ ಎಲ್ಲಿ ಹೋದರು? ಎಂದು ಗೊತ್ತಾಗಲಿಲ್ಲ. ಸಂಜೆಯಾದರೂ ಅವರು ಮನೆಗೆ ಬಾರದ ಕಾರಣ ಪಾಲಕರು ಹುಡುಕಾಟ ಶುರು ಮಾಡಿದರು. ಶಾಲೆಯ ಕಡೆಯೂ ಹುಡುಕಾಟ ನಡೆಸಿದರು. ಆದರೆ, ಬಾಲಕಿ ಅವರು ಶಾಲೆಗೂ ಬಂದಿಲ್ಲ ಎಂಬ ವಿಷಯ ಅರಿವಿಗೆ ಬಂದಿತು. ಸಂಬoಧಿಕರ ಮನೆಗೆ ಫೋನ್ ಮಾಡಿದರೂ ಬಾಲಕಿ ಸುಳಿವು ಸಿಗಲಿಲ್ಲ. ಅಪರಿಚಿತರು ಬಾಲಕಿಯನ್ನುಪುಸಲಾಯಿಸಿ ಅಪಹರಿಸಿರುವ ಅನುಮಾನ ಕಾಡಿತು. ಈ ಹಿನ್ನಲೆ ನಿಧಿ ನಾಯ್ಕ ಅವರು ಅಂಕೋಲಾ ಪೊಲೀಸ್ ಠಾಣೆಗೆ ಹೋದರು. ಅಪರಿಚಿತರು ಮಗಳನ್ನು ಅಪಹರಿಸಿದ ಬಗ್ಗೆ ದೂರು ನೀಡಿದರು. ಪೊಲೀಸರು ಸಹ ಬಾಲಕಿಗಾಗಿ ಅವರಿಗಾಗಿ ಶೋಧ ಶುರು ಮಾಡಿದರು. ಇದೀಗ ಬಂದ ಸುದ್ದಿ: ತಾಸಿನ ಒಳಗೆ ಹುಡುಕಾಟ! ಬಾಲಕಿ ಕಾಣೆಯಾಗಿರುವ ಪ್ರಕರಣ ದಾಖಲಿಸಿದ ಪೊಲೀಸರು ತಕ್ಷಣ ಹುಡುಕಾಟ ಶುರು ಮಾಡಿದ್ದು, ಕಾಣೆಯಾದ ರಾತ್ರಿಯೇ ಬಾಲಕಿಯನ್ನು ಪತ್ತೆ ಮಾಡಿದ್ದಾರೆ. ಸದ್ಯ ಬಾಲಕಿ ಪಾಲಕರ ಜೊತೆ ಮನೆಗೆ ಮುಟ್ಟಿದ್ದಾರೆ. ಬಾಲಕಿ ಸದ್ಯ ಸುರಕ್ಷಿತವಾಗಿದ್ದು, ಪಾಲಕರು ನಿಶ್ಚಿಂತೆಯಿoದ ಇದ್ದಾರೆ. “ಅಪರಿಚಿತರರಿಂದ ದೂರವಿರುವಂತೆ ಮಕ್ಕಳಿಗೆ ಅರಿವು ಮೂಡಿಸಿ’
- [ಕ್ರಿಪ್ಟೋ ಕರೆನ್ಸಿ: ಧರ್ಮ ಗುರುವಿನಿಂದಲೇ ಮೋಸ!](https://mobiletime.in/2025/12/cryptocurrency-fraud-from-the-religious-guru-himself/): ಮುಸ್ಲಿಂ ಧರ್ಮ ಗುರು ಎಂದು ಪರಿಚಯಿಸಿಕೊಂಡ ಮಹ್ಮದ್ ರಿಜ್ವಾನ್ ಅವರು ಕ್ರಿಪ್ಟೋ ಕರೆನ್ಸಿಯಲ್ಲಿ ಹಣ ಹೂಡಿಕೆ ಮಾಡಿ ಲಾಭಕೊಡಿಸುವುದಾಗಿ ಹೇಳಿ ಅತೀಖ ಗಬ್ಬಾರ್ ಅವರಿಂದ 5.70 ಲಕ್ಷ ರೂ ವಸೂಲಿ ಮಾಡಿದ್ದಾರೆ. ಶಿರಸಿಯ ಅತೀಖ ಅಹ್ಮದ ಅಬ್ದುಲ ಗಪಾರ ಅವರು ವಿವಿಧ ವ್ಯವಹಾರ ಮಾಡಿಕೊಂಡಿದ್ದು, ತಮ್ಮ ವ್ಯಾಪಾರದ ಉದ್ದೇಶಕ್ಕಾಗಿ ಅವರು ಒಮ್ಮೆ ಉತ್ತರ ಪ್ರದೇಶಕ್ಕೆ ಹೋಗಿದ್ದರು. ಅಲ್ಲಿನ ಕಾನಾಪುರದಲ್ಲಿ ಅವರಿಗೆ ಮಹ್ಮದ್ ರಿಜ್ವಾನ್ ಅವರು ಪರಿಚಿತರಾದರು. ಮಹ್ಮದ್ ರಿಜ್ಚಾನ್ ಅವರು ತಮ್ಮನ್ನು ಮುಸ್ಲಿಂ ಧರ್ಮ ಗುರು ಎಂದು ಪರಿಚಯಿಸಿಕೊಂಡರು. ಜೊತೆಗೆ ಗಿಡ ಮೂಲಿಕೆ ಔಷಧಿ ಹಾಗೂ ಸುಗಂಧ ದೃವ್ಯ ವ್ಯಾಪಾರವನ್ನು ಮಾಡುವುದಾಗಿ ಹೇಳಿಕೊಂಡರು. ಈ ವೇಳೆ ಅವರಿಬ್ಬರ ನಡುವೆ ಮೊಬೈಲ್ ಸಂಖ್ಯೆಯ ವಿನಿಮಯ ನಡೆಯಿತು. ಅದಾದ ನಂತರ ಅತೀಖ ಅಹ್ಮದ್ ಅವರು ಶಿರಸಿಗೆ ಮರಳಿದ್ದು, 2025ರ ಜನವರಿಯಲ್ಲಿ ಮಹ್ಮದ್ ರಿಜ್ವಾನ್ ಅವರಿಂದ ಫೋನ್ ಬಂದಿತು. `ಕ್ರಿಪ್ಟೋ ಕರೆನ್ಸಿಯಲ್ಲಿ ಹೂಡಿಕೆ ಮಾಡಿದರೆ ಲಾಭ ಸಿಗಲಿದೆ. 6 ಲಕ್ಷ ರೂ ಹೂಡಿಕೆ ಮಾಡಿ’ ಎಂದು ಮಹ್ಮದ್ ರಿಜ್ವಾನ್ ಅವರು ಹೇಳಿದರು. `ತನ್ನಲ್ಲಿ ಹಣ ಇಲ್ಲ’ ಎಂದು ಅತೀಖ ಗಪಾರ್ ಅವರು ತಿಳಿಸಿದಾಗ `ಹಂತ ಹಂತವಾಗಿ ಹೂಡಿಕೆ ಮಾಡಿ’ ಎಂಬ ಸಲಹೆ ಕೊಟ್ಟರು. `ತಾನು ಎಲ್ಲಾ ಮಾಹಿತಿ ತಿಳಿಸುವೆ’ ಎಂಬ ಭರವಸೆ ನೀಡಿದರು. ಧರ್ಮ ಗುರು ಹೇಳಿದ ಮಾತಿಗೆ ಅತೀಖ ಗಪಾರ್ ಅವರು ಇಲ್ಲ ಹೇಳಲಿಲ್ಲ. ಮಹ್ಮದ್ ರಿಜ್ವಾನ್ ಅವರು ಸೂಚಿಸಿದ ಪ್ರಕಾರ ಶಹನವಾಜ್ ಹುಸೇನ್ ಎಂಬಾತರ ಬ್ಯಾಂಕ್ ಖಾತೆಗೆ ಹಣ ವರ್ಗಾಯಿಸಿದರು. ಹಂತ ಹಂತವಾಗಿ 5.70 ಲಕ್ಷ ರೂ ಹಣ ಕೊಟ್ಟರು. ಆದರೆ, ಅತೀಖ ಅಹ್ಮದ್ ಅವರಿಗೆ ಕ್ರಿಪ್ಟೋ ಕರೆನ್ಸಿ ಮಾತ್ರ ಸಿಗಲಿಲ್ಲ. ಪ್ರಶ್ನಿಸಿದಾಗ `ಗಲ್ಪ ರಾಷ್ಟçದಲ್ಲಿ ಯುದ್ಧದ ಸನ್ನಿವೇಶವಿದೆ. ಹೀಗಾಗಿ 3-4 ತಿಂಗಳು ಕಾಯಬೇಕು’ ಎಂದು ಮಹ್ಮದ್ ರಿಜ್ಚಾನ್ ಹೇಳಿದರು. ನಾಲ್ಕು ತಿಂಗಳ ನಂತರ ಫೋನ್ ಮಾಡಿದಾಗ `ತಾನೂ ಊರಿನಲ್ಲಿಲ್ಲ’ ಎಂದರು. ಸೆಪ್ಟೆಂಬರ್ ಅವಧಿಯಲ್ಲಿ ಮತ್ತೆ ಫೋನ್ ಮಾಡಿ ಹಣ ಕೇಳಿದಾಗ `ಇಲ್ಲಿಂದ ಜನರನ್ನು ಕಳುಹಿಸಿ ನಿನ್ನ ಕಥೆ ಮುಗಿಸುವೆ’ ಎಂದು ಬೆದರಿಕೆ ಒಡ್ಡಿದರು. ಹಣಣ ಪಡೆದಿದ್ದ ಖಾತೆಯವನಿಗೆ ಫೋನ್ ಮಾಡಿದರೂ ಪ್ರಯೋಜನ ಆಗಲಿಲ್ಲ.
- [ತ್ರಿಬಲ್ ರೈಡಿಂಗ್: ಕಾರಿಗೆ ಬೈಕು ಗುದ್ದಿ ಸಹಸವಾರ ಸಾವು!](https://mobiletime.in/2025/12/triple-riding-biker-dies-after-being-hit-by-car/): ಕಾರು ಹಾಗೂ ಬೈಕಿನ ನಡುವೆ ನಡೆದ ಅಪಘಾತದಲ್ಲಿ ಐವರಿಗೆ ಪೆಟ್ಟಾಗಿದ್ದು, ಆ ಪೈಕಿ ಒಬ್ಬರು ಸಾವನಪ್ಪಿದ್ದಾರೆ. ಯಲ್ಲಾಪುರದ ಮಲವಳ್ಳಿಯ ಮಹಾಬಲೇಶ್ವರ ತಿಮ್ಮಯ್ಯ ಕುಣಬಿ ಅವರ ದುಡುಕುತನ ಈ ಅಪಘಾತಕ್ಕೆ ಕಾರಣ. ತಿಮ್ಮಯ್ಯ ಕುಣಬಿ ಅವರು ಬೈಕಿನಲ್ಲಿ ಮತ್ತಿಬ್ಬರನ್ನು ಕೂರಿಸಿಕೊಂಡು ಯಲ್ಲಾಪುರದಿಂದ ಅಂಕೋಲಾ ಕಡೆ ಚಲಿಸುವಾಗ ಈ ಅಪಘಾತ ನಡೆದಿದೆ. ಅಗಸೂರು ಬಳಿ ಆ ಬೈಕು ಕಾರಿಗೆ ಗುದ್ದಿದ ಪರಿಣಾಮ ಬೈಕಿನ ಹಿಂದೆ ಕೂತಿದ್ದ ಯಲ್ಲಾಪುರದ ಶೇಡಕುಳಿಯ ಬೆಳ್ಳಾ ತಮ್ಮಯ್ಯ ಕುಣಬಿ (50) ಅವರು ಸಾವನಪ್ಪಿದ್ದಾರೆ. ಡಿಸೆಂಬರ್ 9ರಂದು ಮಹಾಬಲೇಶ್ವರ ಕುಣಬಿ ಅವರು ಬೆಳ್ಳಾ ತಮ್ಮಯ್ಯ ಕುಣಬಿ ಹಾಗೂ ಮರ್ತಿ ಬೆಳ್ಳಾ ಕುಣಬಿ ಅವರನ್ನು ಒಂದೇ ಬೈಕಿನಲ್ಲಿ ಕೂರಿಸಿಕೊಂಡು ಹೊರಟಿದ್ದರು. ರಸ್ತೆ ಎಡಬದಿಯಲ್ಲಿ ಸಂಚರಿಸುವ ಬದಲು ಅವರು ಬಲಭಾಗದಿಂದ ಬೈಕ್ ಓಡಿಸುತ್ತಿದ್ದರು. ಬೈಕಿನ ವೇಗವೂ ಹೆಚ್ಚಾಗಿದ್ದು, ಅಂಕೋಲಾದಿAದ ಬಂದ ಕಾರಿಗೆ ಅಗಸೂರಿನ ಬಳಿ ಮಹಾಬಲೇಶ್ವರ ಕುಣಬಿ ಅವರು ಬೈಕ್ ಗುದ್ದಿದರು. ಪರಿಣಾಮ ಬೈಕಿನಲ್ಲಿದ್ದ ಬೆಳ್ಳಾ ಕುಣಬಿ, ಮರ್ತಿ ಬೆಳ್ಳಾ ಕುಣಬಿ ಅವರ ಜೊತೆ ಮಹಾಬಲೇಶ್ವರ ಕುಣಬಿ ಅವರು ನೆಲಕ್ಕೆ ಬಿದ್ದು ಗಾಯಗೊಂಡರು. ಕಾರಿನಲ್ಲಿ ಸಂಚರಿಸುತ್ತಿದ್ದ ಅಂಕೋಲಾ ಪುರ್ಲಬೇಣದ ನಿಖಿಲ್ ಕೃಷ್ಣಾನಂದ ನಾಯ್ಕ ಹಾಗೂ ಕೃಷ್ಣಾನಂದ ಪಾಂಡುರAಗ ನಾಯ್ಕ ಅವರಿಗೂ ಈ ಅಪಘಾತದಲ್ಲಿ ಪೆಟ್ಟಾಯಿತು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ಬೆಳ್ಳಾ ಕುಣಬಿ ಅವರನ್ನು ಅಂಕೋಲಾ ಆಸ್ಪತ್ರೆಗೆ ಸಾಗಿಸಲಾಯಿತು. ಹೆಚ್ಚಿನ ಚಿಕಿತ್ಸೆಗೆ ಅವರನ್ನು ಕಾರವಾರ ಜಿಲ್ಲಾಸ್ಪತ್ರೆಗೆ ಕಳುಹಿಸಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಬೆಳ್ಳಾ ಕುಣಬಿ ಅವರು ಕೊನೆಯುಸಿರೆಳೆದರು. ಈ ಎಲ್ಲಾ ವಿಷಯದ ಬಗ್ಗೆ ಹೆಬ್ಬುಳದ ಸಂತೋಷ ತಳ್ಳೇಕರ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಅಂಕೋಲಾ ಪೊಲೀಸರು ಮಲವಳ್ಳಿಯ ಮಹಾಬಲೇಶ್ವರ ತಿಮ್ಮಯ್ಯ ಕುಣಬಿ ಅವರ ವಿರುದ್ಧ ಪ್ರಕರಣ ದಾಖಲಿಸಿದ್ದು,. `ಸಂಚಾರಿ ನಿಯಮ ಪಾಲಿಸಿ’ ಎಂದು ಸಾರ್ವಜನಿಕರಿಗೂ ಸೂಚಿಸಿದರು. `ಹೆಲ್ಮೆಟ್‌ಧರಿಸಿ.. ಬೈಕ್ ಓಡಿಸಿ’
- [ಸುಪ್ರೀಂ ಕೋರ್ಟಿನ ಸತ್ಯ: ಅಂದರ್ ಬಾಹರ್ ಅಪರಾಧವಲ್ಲ!](https://mobiletime.in/2025/12/supreme-court-truth-ander-bahar-is-not-a-crime/): ರೆಸಾರ್ಟವೊಂದರಲ್ಲಿ ಅಂದರ್ ಬಾಹರ್ ಆಡುವಾಗ ಪೊಲೀಸರು ದಾಳಿ ನಡೆಸಿದ್ದು, ಈ ಪ್ರಕರಣವನ್ನು ಸರ್ಕಾರ ಸುಪ್ರೀಂ ಕೋರ್ಟವರೆಗೆ ಕೊಂಡೊಯ್ದಿದೆ. ವಾದ ಆಲಿಸಿದ ಸುಪ್ರೀಂ ಕೋರ್ಟ `ಅಂದರ್ ಬಾಹರ್ ಆಡುವುದು ಅಪರಾಧ ಅಲ್ಲ’ ಎಂದು ಆದೇಶಿಸಿದೆ! ಶಿರಸಿಯ ಭೈರುಂಬೆ ಬಳಿ ಹಾವೇರಿಯ ವೈದ್ಯ ಡಾ ಬಸವರಾಜ ವೀರಪುರು ಅವರು ವಿಆರ್‌ಆರ್ ಎಂಬ ರೆಸಾರ್ಟ ಹೊಂದಿದ್ದರು. ಆ ರೆಸಾರ್ಟಿನಲ್ಲಿ ಅಂದರ್ ಬಾಹರ್ ಆಡುವಾಗ 20 ಜನ ಸಿಕ್ಕಿ ಬಿದ್ದಿದ್ದರು. 49 ಲಕ್ಷ ರೂ ಹಣವನ್ನು ಪೊಲೀಸರು ಜಪ್ತು ಮಾಡಿದ್ದರು. ನಂತರ ವೈದ್ಯರನ್ನು ಸೇರಿಸಿ ಸಿಕ್ಕಿಬಿದ್ದ ಎಲ್ಲರ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಸಿಕ್ಕಿ ಬಿದ್ದವರೆಲ್ಲರೂ ಕಾನೂನು ಹೋರಾಟ ನಡೆಸಿದ್ದು, ತಮ್ಮ ಮೇಲೆ ದಾಖಲಾದ ಪ್ರಕರಣದ ಬಗ್ಗೆ ಹೈಕೋರ್ಟಿನ ಮೊರೆ ಹೋಗಿದ್ದರು. ಶಿರಸಿ ಮೂಲದ ವಕೀಲ ಸೌರಭ ಹೆಗಡೆ ಹೂಡ್ಲಮನೆ ಅವರು ಈ ಪ್ರಕರಣವನ್ನು ಧಾರವಾಡದ ಹೈಕೋರ್ಟಿನಲ್ಲಿ ಪ್ರಶ್ನಿಸಿದ್ದರು. ಆ ವೇಳೆ ಹೈಕೋರ್ಟ `ಅಂದರ್ ಬಾಹರ್ ಕೌಶಲ್ಯದ ಆಟ’ ಎಂದು ಹೇಳಿತ್ತು. ಅನೇಕ ಪ್ರಕರಣಗಳಲ್ಲಿ ಹೈಕೋರ್ಟ ಅದೇ ಮಾತನ್ನು ಪುನರುಚ್ಚರಿಸಿತ್ತು. ಅದಾಗಿಯೂ, ಸರ್ಕಾರ ಈ ಪ್ರಕರಣದ ಬಗ್ಗೆ ಸುಪ್ರೀಂ ಕೋರ್ಟಗೆ ಮೇಲ್ಮನವಿ ಸಲ್ಲಿಸಿತ್ತು. ಸದ್ಯ ಸುಪ್ರೀಂ ಕೋರ್ಟ ಸಹ ಹೈಕೋರ್ಟಿನ ಆದೇಶವನ್ನು ಎತ್ತಿಹಿಡಿದಿದೆ. `ರಮ್ಮಿ, ಅಂದರ್ ಬಾಹರ್ ಆಟಗಳು ಜೂಜಾಟದ ವ್ಯಾಪ್ತಿಗೆ ಬರುವುದಿಲ್ಲ. ಕೌಶಲ್ಯಪೂರಿತ ಚಟುವಟಿಕೆಗಳ ಪಟ್ಟಿಗೆ ಅವು ಬರಲಿದೆ’ ಎಂದು ಸೌರಭ ಹೆಗಡೆ ಅವರು ಹೈಕೋರ್ಟಿನಲ್ಲಿ ವಾದಿಸಿದ್ದರು. ಸುಪ್ರೀಂ ಕೋರ್ಟ ಸಹ ಇದೀಗ ಅದೇ ವಾದವನ್ನು ಎತ್ತಿಹಿಡಿದಿದೆ. ಹೀಗಾಗಿ ಅಂದರ್ ಬಾಹರ್ ವಿಷಯದಲ್ಲಿ ಸರ್ಕಾರಕ್ಕೆ ಹಿನ್ನಡೆಯಾಗಿದೆ. `ಜೂಜಾಟದಿಂದ ಜೀವನ ಹಾಳು’
- [ಶಾಲಾ-ಕಾಲೇಜುಗಳಲ್ಲಿ ಫೋನ್ ನಂ ಮಾರಾಟ ದಂಧೆ!](https://mobiletime.in/2025/12/phone-number-selling-scam-in-schools-and-colleges/): ಪ್ರವೇಶ ಪ್ರಕ್ರಿಯೆ ವೇಳೆ ವಿದ್ಯಾರ್ಥಿಗಳಿಂದ ಕಾಸುಪಡೆಯುವ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳು ಅದಾದ ನಂತರವೂ ಮಕ್ಕಳ ಜೊತೆ ಅವರ ಪಾಲಕರ ವೈಯಕ್ತಿಕ ವಿವರವನ್ನು ಮಾರಾಟ ಮಾಡುತ್ತಿವೆ. ಖಾಸಗಿ ಶಿಕ್ಷಣ ಸಂಸ್ಥೆಗಳ ಜೊತೆ ಸರ್ಕಾರಿ ಶಿಕ್ಷಣ ಸಂಸ್ಥೆಯ ಸಿಬ್ಬಂದಿ ಸಹ ಇಂಥ ಅಡ್ಡದಾರಿ ಹಿಡಿದಿದ್ದಾರೆ! ಶಾಲಾ-ಕಾಲೇಜುಗಳಿಗೆ ಮಕ್ಕಳನ್ನು ದಾಖಲಿಸುವಾಗ ಆ ಸಂಸ್ಥೆಯವರು ಮಕ್ಕಳ ವಿವರದ ಜೊತೆ ಪಾಲಕರ ಹೆಸರು, ವಿಳಾಸ ಹಾಗೂ ಫೋನ್ ಸಂಖ್ಯೆ ಪಡೆಯುತ್ತಾರೆ. ನಂತರ ಆ ಸಂಗ್ರಹ ಮಾಹಿತಿಯನ್ನು ವಿವಿಧ ಮಾರ್ಕೇಂಟಿoಗ್ ತಂಡಕ್ಕೆ ಮಾರಾಟ ಮಾಡುತ್ತಾರೆ. ಇಂಥ ಕಳ್ಳಾಟ ಪ್ರಕರಣದ ಬೆನ್ನತ್ತಿದ ಶಿರಸಿಯ ವೈದ್ಯ ಡಾ ರವಿಕಿರಣ ಪಟವರ್ಧನ್ ಅವರು ಸರ್ಕಾರಕ್ಕೆ ದೂರು ಸಲ್ಲಿಸಿದ್ದಾರೆ. ನಿಯಮಗಳ ಪ್ರಕಾರ ಯಾವ ವ್ಯಕ್ತಿಯೂ ತಮ್ಮ ವೈಯಕ್ತಿಕ ವಿವರಗಳನ್ನು ಬೇರೆಯವರಿಗೆ ಕೊಡುವುದು ಕಡ್ಡಾಯ ಅಲ್ಲ. ಹೀಗಾಗಿ ಫೋನ್ ನಂ ಹಾಗೂ ಮೇಲ್ ಐಡಿ ಜೊತೆ ವಿಳಾಸ ಸಹ ಕೊಡಬೇಕಾಗಿಲ್ಲ. ಅದಾಗಿಯೂ, ವಿವಿಧ ಶಿಕ್ಷಣ ಸಂಸ್ಥೆಯವರು ಅರ್ಜಿ ನಮೂನೆಯಲ್ಲಿಯೇ ಕಡ್ಡಾಯ ಎನ್ನುವ ರೀತಿ ಕಾಲಂ ಬಿಡುತ್ತಿದ್ದು, ಆ ಮಾಹಿತಿ ಸೋರಿಕೆಯಾಗುತ್ತಿದೆ. ವಿವಿಧ ಶಾಲಾ-ಕಾಲೇಜುಗಳಿಗೆ ಪ್ರವೇಶಪಡೆದ ವಿದ್ಯಾರ್ಥಿಗಳು ಹಾಗೂ ಪಾಲಕರಿಗೆ ಇನ್ನಿತರ ಉನ್ನತ ಶಿಕ್ಷಣದ ಕಾಲೇಜು, ಕೋಚಿಂಗ್ ಕೇಂದ್ರ, ಆನ್‌ಲೈನ್ ಟ್ಯೂಶನ್ ಸೇರಿ ಬೇರೆ ಬೇರೆ ಕಡೆಯಿಂದ ಫೋನ್ ಬರುತ್ತಿದೆ. ವಿದ್ಯಾರ್ಥಿಯ ಕಾಲೇಜು ಮುಗಿದ ನಂತರ ಅದೇ ಮಾಹಿತಿ ಮತ್ತೆ ಸೋರಿಕೆ ಆಗುತ್ತಿದ್ದು, ಉದ್ಯೋಗವಕಾಶಗಳ ಹೆಸರಿನಲ್ಲಿಯೂ ಕೆಲವರು ಫೋನ್ ಮಾಡಿ ವಂಚಿಸುತ್ತಿದ್ದಾರೆ. ಇಂಥ ಫೋನ್ ಕರೆಗಳು ಮಕ್ಕಳ ವಿದ್ಯಾಭ್ಯಾಸ ಹಾಳು ಮಾಡುವುದರ ಜೊತೆ ಪಾಲಕರ ನಿದ್ದೆಯನ್ನು ಕೆಡಿಸುತ್ತಿದೆ. 2023ರ ಡಿಜಿಟಲ್ ವೈಯಕ್ತಿಕ ಡೇಟಾ ಸಂರಕ್ಷಣಾ ಕಾಯ್ದೆ ಹಾಗೂ ಟ್ರಾಯ್ ಅನಿಚ್ಛಿತ ವಾಣಿಜ್ಯ ಸಂವಹನ ನಿಯಮಗಳ ಪ್ರಕಾರ ಡಾಡಾ ಸೋರಿಕೆ ಅಪರಾಧ. ಒಬ್ಬರ ವೈಯಕ್ತಿಕ ವಿವರವನ್ನು ಮತ್ತೊಬ್ಬರಿಗೆ ಹಂಚುವುದು ಕಾನೂನುಬಾಹಿರ. ಅದಾಗಿಯೂ, ಮೊದಲಿನಿಂದಲೂ ಮಾರುಕಟ್ಟೆ ವ್ಯವಸ್ಥೆಯಲ್ಲಿ ಅನೇಕ ಫೋನ್ ಸಂಖ್ಯೆಗಳು ವಿನಿಮಯವಾಗುತ್ತಿದೆ. ಯಾವುದೇ ಮಳಿಗೆಗಳಲ್ಲಿ ಆಫರ್ ಹೆಸರಿನಲ್ಲಿ ಗ್ರಾಹಕರಿಂದ ಫೋನ್ ಸಂಖ್ಯೆ ಪಡೆಯುತ್ತಿದ್ದು, ಅಂಥ ಮಳಿಗೆಯವರು ಸಹ ಗ್ರಾಹಕರ ಫೋನ್ ಸಂಖ್ಯೆ ಮಾರಾಟ ಮಾಡುತ್ತಾರೆ. ಬ್ಯಾಂಕುಗಳಿಗೆ ನೀಡಿದ ಫೋನ್ ನಂ ಸಹ ಮಾರಾಟ ವ್ಯವಸ್ಥೆಯಿಂದ ಹೊರತಾಗಿಲ್ಲ. ಹೀಗಾಗಿಯೇ ಕ್ರೆಡಿಟ್ ಕಾರ್ಡ, ಸಾಲ ಕೊಡುತ್ತೇವೆ ಎನ್ನುವ ಫೋನುಗಳು ಜನರ ನೆಮ್ಮದಿ ಹಾಳು ಮಾಡುತ್ತಿವೆ. ಸದ್ಯ ಶಿಕ್ಷಣ ವ್ಯವಸ್ಥೆಯಲ್ಲಿಯೂ ಮಾರ್ಕೇಂಟಿoಗ್ ಹಾವಳಿ ಮಿತಿ ಮೀರಿದೆ. ಪ್ರವೇಶ ಪ್ರಕ್ರಿಯೆ, ಬೋರ್ಡ್ ನೋಂದಣಿ, ಅಥವಾ ಅಕಾಡೆಮಿಕ್ ದಾಖಲೆ ಸಂಗ್ರಹದ ಹೆಸರಿನಲ್ಲಿಪಡೆದ ವೈಯಕ್ತಿಕ ಮಾಹಿತಿಯನ್ನು ಆ ಸಂಸ್ಥೆಯವರೇ ಅನಗತ್ಯ ಜಾಹೀರಾತು, ಪ್ರಚಾರ ಸಂದೇಶಕ್ಕೆ ಬಳಸುತ್ತಿದ್ದಾರೆ. ಇದರಿಂದ ವಿದ್ಯಾರ್ಥಿ ಮತ್ತು ಅವರ ಕುಟುಂಬಗಳ ಗೌಪ್ಯತೆ, ಸುರಕ್ಷತೆ ಮತ್ತು ನೈತಿಕ ಹಕ್ಕುಗಳಿಗೆ ದೊಡ್ಡ ಪ್ರಮಾಣದಲ್ಲಿ ಧಕ್ಕೆಯಾಗುತ್ತಿದೆ. `ವಿದ್ಯಾರ್ಥಿ ಮತ್ತು ಪೋಷಕರ ಸಂಪರ್ಕ ವಿವರಗಳನ್ನು ಜಾಹೀರಾತು ಅಥವಾ ವ್ಯಾಪಾರಿಕ ಉದ್ದೇಶಗಳಿಗೆ ಬಳಕೆ ಮಾಡುವುದನ್ನು ತಕ್ಷಣ ನಿಷೇಧಿಸಬೇಕು. ಎಲ್ಲ ಶಿಕ್ಷಣ ಸಂಸ್ಥೆಗಳು ಮತ್ತು ಬೋರ್ಡ್ಗಳಿಗೆ ಕಠಿಣ ಡೇಟಾ ರಕ್ಷಣೆ ಮಾರ್ಗಸೂಚಿಗಳನ್ನು ಜಾರಿ ಮಾಡಬೇಕು. ಈ ಸಮಸ್ಯೆಯಿಂದ ಬಾಧಿತರಾದ ಪೋಷಕರು ಹಾಗೂ ವಿದ್ಯಾರ್ಥಿಗಳಿಗೆ ವ್ಯವಸ್ಥಿತ ದೂರು ಪರಿಹಾರ ವ್ಯವಸ್ಥೆಯನ್ನು ರೂಪಿಸಬೇಕು’ ಎಂದು ಆಗ್ರಹಿಸಿ ಡಾ ರವಿಕಿರಣ ಪಟವರ್ಧನ್ ಅವರು ಸರ್ಕಾರಕ್ಕೆ ಬರೆದ ಪತ್ರದಲ್ಲಿ ಆಗ್ರಹಿಸಿದ್ದಾರೆ. `ಯಾವುದೇ ಕಾಲೇಜು ಅಥವಾ ವ್ಯಕ್ತಿ ವಿದ್ಯಾರ್ಥಿ ಅಥವಾ ಪೋಷಕರ ಮಾಹಿತಿಯನ್ನು ದುರುಪಯೋಗಪಡಿಸಿರುವ ಮಾಹಿತಿ ಒದಗಿಸಿದಲ್ಲಿ ಕ್ರಮ ಕೈಗೊಳ್ಳಲಾಗುತ್ತದೆ’ ಎಂದು ಸರ್ಕಾರ ಹಿಂಬರಹವನ್ನು ಕೊಟ್ಟಿದೆ.
- [ಹೆರಿಗೆ ನೋವಿಗೆ ಹೆದರಿ ಹಾರ್ಟ ಅಟಾಕ್: ಹೊಟ್ಟೆಯಲ್ಲಿದ್ದ ಹಸುಗೂಸಿನ ಜೊತೆ ಗರ್ಭಿಣಿಯೂ ಸಾವು!](https://mobiletime.in/2025/12/heart-attack-due-to-fear-of-labor-pain-pregnant-woman-dies-along-with-baby-in-womb/): ಹೆರಿಗೆ ನೋವಿಗೆ ಹೆದರಿದ ಗರ್ಭಿಣಿಯೊಬ್ಬರಿಗೆ ಹೃದಯಘಾತವಾಗಿದೆ. ತೀವೃ ಪ್ರಮಾಣದ ಹೃದಯಘಾತದಿಂದ ರೋಹಿಣಿ ಹಣಬರ್ ಅವರು ಸಾವನಪ್ಪಿದ್ದಾರೆ. ರೋಹಿಣಿ ಅವರ ಹೊಟ್ಟೆಯೊಳಗಿದ್ದ ಹಸುಗೂಸನ್ನು ಸಹ ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಜೊಯಿಡಾದ ಜಗಲಪೇಟೆಯಲ್ಲಿ ಮನೋಜ ಹಣಬರ್ ಅವರು ಹೆಸ್ಕಾಂ ಬಿಲ್ ಕಲೆಕ್ಟರ್ ಆಗಿದ್ದಾರೆ. ಅವರ ಪತ್ನಿ ರೋಹಿಣಿ ಹಣಬರ್ (29) ಅವರು ಗರ್ಭಧರಿಸಿದ್ದು, ಕೊನೆಕ್ಷಣದಲ್ಲಿ ಹೆರಿಗೆಗಾಗಿ ಆಸ್ಪತ್ರೆಗೆ ದಾಖಲಾಗುವ ವೇಳೆ ಹೃದಯಘಾತದಿಂದ ಸಾವನಪ್ಪಿದ್ದಾರೆ. ರೋಹಿಣಿ ಹಣಬರ್ ಅವರು ತಮ್ಮ ಹುಟ್ಟು ಹಬ್ಬದ ದಿನದಂದೇ ಮಗುವಿಗೆ ಜನ್ಮ ಕೊಡಲು ಸಿದ್ಧರಾಗಿದ್ದು, ಹುಟ್ಟಿದ ದಿನವೇ ಅವರ ಬದುಕು ಕೊನೆಯಾಗಿದೆ. ರೋಹಿಣಿ ಹಣಬರ್ ಅವರನ್ನು ಉಳಿಸಿಕೊಳ್ಳಲು ಕುಟುಂಬದವರ ಜೊತೆ ವೈದ್ಯರು ಸಾಕಷ್ಟು ಪ್ರಯತ್ನ ನಡೆಸಿದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ಡಿಸೆಂಬರ್ 9ರ ನಸುಕಿನ 4 ಗಂಟೆಗೆ ರೋಹಿಣಿ ಹಣಬರ್ ಅವರಿಗೆ ಹೆರಿಗೆ ನೋವು ಕಾಣಿಸಿತು. ತಕ್ಷಣ ಮನೋಜ ಹಣಬರ್ ಅವರು ಪತ್ನಿಯನ್ನು ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಅಲ್ಲಿನ ವೈದ್ಯರ ಶಿಫಾರಸ್ಸಿನ ಮೇರೆಗೆ ರೋಹಿಣಿ ಹಣಬರ್ ಅವರನ್ನು ಧಾರವಾಡದ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಡಾ. ಕೀರ್ತಿ ಅವರು ರೋಹಿಣಿ ಹಣಬರ್ ಅವರ ಜೊತೆಗಿದ್ದರು. ದಾಂಡೇಲಿಯಿAದ ಧಾರವಾಡಕ್ಕೆ ಹೋಗುತ್ತಿರುವಾಗ ರೋಹಿಣಿ ಹಣಬರ್ ಅವರ ಪ್ರಜ್ಞೆ ತಪ್ಪಿತು. ಅವರನ್ನು ಮಾತನಾಡಿಸುವ ಪ್ರಯತ್ನ ಮಾಡಿದರೂ ಮಾತನಾಡಲಿಲ್ಲ. ತಕ್ಷಣ ಕುಟುಂಬದವರು ರೋಹಿಣಿ ಹಣಬರ್ ಅವರನ್ನು ಸಮೀಪದ ಹಳಿಯಾಳ ಆಸ್ಪತ್ರೆಗೆ ಕರೆದೊಯ್ದರು. ತುರ್ತು ನಿಗಾ ಘಟಕದಲ್ಲಿ ಅವರನ್ನು ದಾಖಲಿಸಿದರು. ವೈದ್ಯರು ರೋಹಿಣಿ ಹಣಬರ್ ಅವರಿಗೆ ನಿರಂತರ ಚಿಕಿತ್ಸೆ ನೀಡಿದರು. ಆದರೆ, 11 ಗಂಟೆ ವೇಳೆಗೆ ರೋಹಿಣಿ ಅವರು ಕೊನೆಯುಸಿರೆಳೆದರು. ಪ್ರತಿಭಟನೆ: ರೋಹಿಣಿ ಹಣಬರ್ ಅವರ ಸಾವಿಗೆ ವೈದ್ಯರ ನಿರ್ಲಕ್ಷ ಕಾರನ ಎಂದು ಅವರ ಸಂಬoಧಿಕರು ದೂರಿದ್ದಾರೆ. ಕಾರವಾರ ಜಿಲ್ಲಾಸ್ಪತ್ರೆಯಲ್ಲಿ ಶವ ಪರೀಕ್ಷೆ ನಂತರ ರೋಹಿಣಿ ಹಣಬರ ಅವರ ಶವವನ್ನು ಕುಟುಂಬದವರಿಗೆ ಹಸ್ತಾಂತರಿಸಲಾಗಿದ್ದು, ಬುಧವಾರ ರೋಹಿಣಿ ಹಣಬರ್ ಅವರ ಅಂತ್ಯಕ್ರಿಯೆ ನಡೆದಿದೆ. `ವೈದ್ಯರು ಸಕಾಲಕ್ಕೆ ಬಂದಿಲ್ಲ. ಗರ್ಭಿಣಿಯನ್ನು ನಸುಕಿನಲ್ಲಿ ಆಸ್ಪತ್ರೆಗೆ ಕರೆತಂದರೂ ವೈದ್ಯರು 8.30ರವರೆಗೆ ಬರಲಿಲ್ಲ. ವೈದ್ಯರ ನಿರ್ಲಕ್ಷದಿಂದ ರೋಹಿಣಿ ಹಣಬರ್ ಅವರು ಸಾವನಪ್ಪಿದ್ದಾರೆ’ ಎಂದು ಜನ ಪ್ರತಿಭಟನೆ ನಡೆಸಿದ್ದಾರೆ.  
- [ಕಾರವಾರ: ಕಾರಾಗೃಹದಲ್ಲಿರುವ ಕೈದಿಗಳ ಕೂಗಾಟ-ಹೊಡೆದಾಟ!](https://mobiletime.in/2025/12/karwar-inmates-shouting-and-fighting-in-the-prison/): ಕಾರವಾರದ ಕಾರಾಗೃಹದಲ್ಲಿ ಮತ್ತೆ ಕೈದಿಗಳ ಕೂಗಾಟ-ಹೊಡೆದಾಟ ನಡೆದಿದೆ. ಮಾದಕ ವ್ಯಸನ ಕೊಡದ ಕಾರಣ ಜೈಲಿನಲ್ಲಿದ್ದ ಟಿವಿ, ಬಾಗಿಲಿನ ಗಾಜುಗಳನ್ನು ಕೈದಿಗಳು ಪುಡಿ ಪುಡಿ ಮಾಡಿದ್ದಾರೆ. ಕಾರಾಗೃಹ ಸಿಬ್ಬಂದಿ ಮೇಲೆಯೂ ಆಕ್ರಮಣ ನಡೆಸಿದ್ದು, ಸಮವಸ್ತ್ರದಲ್ಲಿದ್ದ ಸಿಬ್ಬಂದಿಯನ್ನು ಕಾಲಿನಿಂದ ತುಳಿದು ನೋವು ಮಾಡಿದ್ದಾರೆ. ಜೊತೆಗೆ ಜೈಲು ಉಸ್ತುವಾರಿವಹಿಸಿರುವ ಸರ್ಕಾರಿ ಸಿಬ್ಬಂದಿ ವಿರುದ್ಧವೇ ನ್ಯಾಯಾಧೀಶರಿಗೆ ದೂರು ನೀಡುವುದಾಗಿ ಕೈದಿಗಳು ಬೆದರಿಸಿದ್ದಾರೆ! ಕಳೆದ ವಾರ ಕಾರಾಗೃಹದ ಒಳಗೆ ಪೊಲೀಸರು ದಿಢೀರ್ ದಾಳಿ ನಡೆಸಿ ತಪಾಸಣೆ ನಡೆಸಿದ್ದರು. ಆಗ, ಅಲ್ಲಿ ಮಾದಕ ವಸ್ತುಗಳು ಪತ್ತೆಯಾಗಿದ್ದವು. ಅದರ ಜೊತೆ ನಿಷೇಧಿತ ಮೊಬೈಲ್ ಸಹ ಸಿಕ್ಕಿತ್ತು. ಈ ಹಿನ್ನಲೆ ಜೈಲಿನ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಶುರು ಮಾಡಿದ್ದು, ಕೈದಿಗಳಿಗೆ ಅದನ್ನು ಸಹಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಈ ಹಿನ್ನಲೆ ಮೂರು ದಿನಗಳ ಹಿಂದೆ ಬಂಧಿತ ಕೈದಿಗಳಿಬ್ಬರು ಗಲಾಟೆ ಮಾಡಿದ್ದರು. ಮಾದಕ ವ್ಯಸನ ಸಿಗದ ಕಾರಣ ಕಾರಾಗೃಹ ಸಿಬ್ಬಂದಿ ಮೇಲೆ ಕೈ ಮಾಡಿದ್ದರು. ಅದಾದ ನಂತರ ಇದೀಗ ಮತ್ತೆ ಕಾರಾಗೃಹದ ಸಿಬ್ಬಂದಿ ಮೇಲೆ ಆರು ಕೈದಿಗಳು ದಾಳಿ ಮಾಡಿದ್ದಾರೆ. ಜೈಲಿನಲ್ಲಿದ್ದ ಟಿವಿಯನ್ನು ಒಡೆದು ಹಾಕಿದ್ದಾರೆ. ಬಾಗಿಲಿಗೆ ಅಳವಡಿಸಿದ್ದ ಗಾಜನ್ನು ಪುಡಿ ಪುಡಿ ಮಾಡಿದ್ದಾರೆ. ಅಲ್ಲಿದ್ದ ಸಿಬ್ಬಂದಿಯ ಮೇಲೆ ಹಲ್ಲೆ ನಡೆಸಿದ್ದಾರೆ. ಪೊಲೀಸರು ಜೈಲಿನಲ್ಲಿದ್ದ ಕೈದಿಗಳನ್ನು ನಿಯಂತ್ರಿಸುವ ಪ್ರಯತ್ನ ಮಾಡಿದರೂ ಸಮಾಧಾನವಾಗಿಲ್ಲ. ಈ ವೇಳೆ ರಕ್ಷಣೆಗಾಗಿ ಸರ್ಕಾರಿ ಸಿಬ್ಬಂದಿ ಕೈದಿಗಳ ಕಡೆ ಲಾಠಿ ಬೀಸಿದ್ದಾರೆ. ಅದಾಗಿಯೂ ಅವರು ಸುಮ್ಮನಾಗಿಲ್ಲ. ಮಂಗಳೂರಿನ ಜೈಲಿನಲ್ಲಿದ್ದ ಕೆಲ ಕೈದಿಗಳನ್ನು ಕಾರವಾರಕ್ಕೆ ಸ್ಥಳಾಂತರಿಸಲಾಗಿದ್ದು, ಅವರಿಂದಲೇ ರಂಪಾಟ ಜೋರಾಗಿದೆ. ಮಂಗಳೂರಿನಲ್ಲಿ ಸ್ಥಳಾವಕಾಶ ಕೊರತೆ ಹಿನ್ನಲೆ ವಿವಿಧ ಅಪರಾಧ ಪ್ರಕರಣದಲ್ಲಿ ಭಾಗಿಯಾದವರನ್ನು ಕಾರವಾರ ಜೈಲಿಗೆ ವರ್ಗಾಯಿಸಲಾಗಿದೆ.
- [ಅಲ್ಲೂ ಇಲ್ಲ.. ಇಲ್ಲಿಯೂ ಇಲ್ಲ.. ಎಲ್ಲಿ ಹೋದಳು ಎಂದೇ ಗೊತ್ತಿಲ್ಲ!](https://mobiletime.in/2025/12/not-there-not-here-either-i-dont-know-where-she-went/): ಕೂಲಿ ಕಾರ್ಮಿಕರಿಗೆ ಚಹ ಕೊಡಲು ತೋಟಕ್ಕೆ ಹೋಗಿದ್ದ ನಂದಿನಿ ಸಿದ್ದಿ ಅವರು ಏಕಾಏಕಿ ಕಾಣೆಯಾಗಿದ್ದಾರೆ. ದುಷ್ಕರ್ಮಿಗಳು ಅವರನ್ನು ಅಪಹರಿಸಿದ ಅನುಮಾನ ಕುಟುಂಬದವರನ್ನು ಕಾಡುತ್ತಿದೆ. ಯಲ್ಲಾಪುರದ ಮಂಚಿಕೇರಿಯ ಕೆರೆಹೊಸಳ್ಳಿ ಬಳಿ ಶರಾವತಿ ಪುಟ್ಟಾ ಸಿದ್ದಿ ಅವರು ವಾಸವಾಗಿದ್ದಾರೆ. ಶರಾವತಿ ಸಿದ್ದಿ ಅವರು ಅವರಿವರ ಮನೆಯಲ್ಲಿ ಕೂಲಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಶರಾವತಿ ಸಿದ್ದಿ ಅವರ ಜೊತೆ ಅವರ 16 ವರ್ಷದ ಮಗಳು ನಂದಿನಿ ಸಿದ್ದಿ ಅವರು ಆಗಾಗ ಕೆಲಸದ ಸ್ಥಳಕ್ಕೆ ಭೇಟಿ ನೀಡುತ್ತಿದ್ದು, ಹೀಗೆ ತೋಟಕ್ಕೆ ಹೋದ ಅವಧಿಯಲ್ಲಿಯೇ ನಂದಿನಿ ಸಿದ್ದಿ ಕಾಣೆಯಾಗಿದ್ದಾರೆ. 2025ರ ಅಗಸ್ಟ 7ರಂದು ಶರಾವತಿ ಸಿದ್ದಿ ಅವರು ಸಂತೋಷ ಶೆಟ್ಟಿ ಅವರ ಮನೆ ಬಳಿ ಕೂಲಿ ಕೆಲಸಕ್ಕೆ ಹೋಗಿದ್ದರು. ಈ ಅವಧಿಯಲ್ಲಿ ನಂದಿನಿ ಸಿದ್ದಿ ಅವರು ಸಹ ಅಲ್ಲಿದ್ದರು. ಆ ದಿನ ಬೆಳಗ್ಗೆ 11 ಗಂಟೆ ವೇಳೆಗೆ ಸಂತೋಷ ಶೆಟ್ಟಿ ಅವರ ಮನೆಯಿಂದ ಚಹಾ ತಂದ ನಂದಿನಿ ಸಿದ್ದಿ ಅವರು ಆ ಚಹಾವನ್ನು ಶರಾವತಿ ಸಿದ್ದಿ ಅವರಿಗೆ ಕೊಟ್ಟಿದ್ದರು. ಅದಾದ ನಂತರ `ಇನ್ನೂ ಅನೇಕರಿಗೆ ಚಹಾ ಕೊಡುವುದಿದೆ’ ಎಂದ ನಂದಿನಿ ಸಿದ್ದಿ ಅವರು ಬೇರೆ ಕಡೆ ಹೊರಟರು. ಆದರೆ, ಆ ದಿನ ಕೆಲಸ ಮಾಡುತ್ತಿದ್ದ ಕಾರ್ಮಿಕರಿಗೆ ಚಹಾ ಕೊಡಲು ಹೋಗಿದ್ದ ನಂದಿನಿ ಸಿದ್ದಿ ಅವರು ಮತ್ತೆ ಮನೆಗೆ ಮರಳಲಿಲ್ಲ. ಸಂಬAಧಿಕರ ಮನೆಗೆ ಸಹ ಹೋಗಲಿಲ್ಲ. ಇದರಿಂದ ಶರಾವತಿ ಸಿದ್ದಿ ಅವರು ಎಲ್ಲಾ ಕಡೆ ಹುಡುಕಾಟ ನಡೆಸಿದರು. ನಾಲ್ಕು ತಿಂಗಳು ಕಳೆದರೂ ನಂದಿನಿ ಸಿದ್ದಿ ಅವರ ಸುಳಿವು ಸಿಗಲಿಲ್ಲ. ಆಕೆಯ ಬೆನ್ನು ಬಿದ್ದಿದ್ದ ವ್ಯಕ್ತಿಯೊಬ್ಬರು ಅಪಹರಿಸಿರುವ ಅನುಮಾನ ಕಾಡುತ್ತಿದ್ದು, ಅದೇ ಅನುಮಾನದ ಮೇರೆಗೆ ಶರಾವತಿ ಸಿದ್ದಿ ಅವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದರು. `ಇಷ್ಟು ದಿನ ಕಾದರೂ ತಮ್ಮ ಮಗಳು ಮನೆಗೆ ಬರಲಿಲ್ಲ. ಹೀಗಾಗಿ ಕಾಣೆಯಾದ ಮಗಳನ್ನು ಹುಡುಕಿಕೊಡಿ’ ಎಂದು ಶರಾವತಿ ಸಿದ್ದಿ ಅವರು ಪೊಲೀಸರಿಗೆ ಮನವಿ ಮಾಡಿದರು. ಯಲ್ಲಾಪುರ ಪಿಸೈ ಸಿದ್ದಪ್ಪ ಗುಡಿ ಅವರು ಪ್ರಕರಣ ದಾಖಲಿಸಿಕೊಂಡಿದ್ದು, ಕಾಣೆಯಾದ ಯುವತಿಯ ಶೋಧ ಶುರು ಮಾಡಿದ್ದಾರೆ. ಈ ಮಾಹಿತಿಯನ್ನು ನಿಮ್ಮ ಬಳಗದಲ್ಲಿ ಶೇರ್ ಮಾಡಿ. ನಂದಿನಿ ಸಿದ್ದಿ ಅವರನ್ನು ಕಂಡರೆ ಇಲ್ಲಿ ಫೋನ್ ಮಾಡಿ: 9480805257 ಅಥವಾ 9480805273
- [ಕತ್ತಿ ಬೀಸಿದ ರಭಸಕ್ಕೆ ಕಾಲು ಕಟ್!](https://mobiletime.in/2025/12/cut-the-leg-with-the-swing-of-the-sword/): ಮೀನುಗಾರ ಮುಖಂಡರೊಬ್ಬರನ್ನು ಸುತ್ತುವರೆದ ಮೂವರು ಏಕಾಏಕಿ ಕತ್ತಿ ಬೀಸಿದ್ದಾರೆ. ಮೂವರು ಸೇರಿ ಈಶ್ವರ ತಾಂಡೇಲ್ ಅವರ ಕೊಲೆಗೆ ಪ್ರಯತ್ನಿಸಿದ್ದಾರೆ. ಕತ್ತಿ ಏಟಿನಿಂದ ಈಶ್ವರ ತಾಂಡೇಲ್ ಅವರು ತಪ್ಪಿಸಿಕೊಂಡರಾದರೂ ಅವರಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದೆ. ಈಶ್ವರ ಜಾನೂ ತಾಂಡೇಲ್ ಅವರು ಕುಮಟಾದ ಗಂಗೆಕೊಳ್ಳ ಮೀನುಗಾರಿಕಾ ಸಹಕಾರಿ ಸಂಘದ ಉಪಾಧ್ಯಕ್ಷರಾಗಿದ್ದಾರೆ. ಅರುಣ ಅಶೋಕ್ ತಾಂಡೇಲ ಅವರು ಈಶ್ವರ ತಾಂಡೇಲ್ ಅವರ ವಿರುದ್ಧ ದ್ವೇಷ ಸಾಧಿಸಿದ್ದು, ಆ ದ್ವೇಷವೇ ಕೊಲೆ ಪ್ರಯತ್ನಕ್ಕೆ ಕಾರಣವಾಗಿದೆ. ಅರುಣ ತಾಂಡೇಲ್ ಅವರ ಜೊತೆ ಮಾರುತಿ ಅಶೋಕ ತಾಂಡೇಲ್ ಹಾಗೂ ಮಾರುತಿ ತಾಂಡೇಲ್ ಅವರ ಅಕ್ಕ ಮಂಜುಳಾ ಅವರ ಪತಿ ನಾಗರಾಜ ಅವರು ಸೇರಿ ದಾಳಿ ಮಾಡಿದ್ದಾರೆ. ಡಿಸೆಂಬರ್ 8ರ ರಾತ್ರಿ ಈಶ್ವರ ತಾಂಡೇಲ್ ಅವರ ಮೇಲೆ ಆಕ್ರಮಣ ನಡೆದಿದೆ. ರಾತ್ರಿ ವೇಳೆ ಈಶ್ವರ ತಾಂಡೇಲ್ ಅವರು ಮೀನುಗಾರಿಕಾ ಸಹಕಾರಿ ಸಂಘದ ಪೆಟ್ರೋಲ್ ಬಂಕಿಗೆ ಬಂದಿದ್ದು, ಅಲ್ಲಿ ಕಾದು ಕುಳಿತಿದ್ದ ದುಷ್ಕರ್ಮಿಗಳು ಏಕಾಏಕಿ ಜಗಳ ಶುರು ಮಾಡಿದ್ದಾರೆ. ನಂತರ ಆಯುಧಗಳಿಂದ ದಾಳಿ ಮಾಡಿದ್ದಾರೆ. ಪೆಟ್ರೋಲ್ ಬಂಕಿಗೆ ಬಂದಿದ್ದ ಡಿಸೇಲ್ ವಾಹನದಿಂದ ಇಂಧನವನ್ನು ಬಂಕಿಗೆ ಭರ್ತಿ ಮಾಡಿಸಿ, ನಂತರ ಈಶ್ವರ ತಾಂಡೇಲ್ ಅವರು ಮನೆಗೆ ಮರಳುವ ತಯಾರಿಯಲ್ಲಿದ್ದಾಗ ಗಲಾಟೆ ಶುರುವಾಗಿದೆ. ಈಶ್ವರ ತಾಂಡೇಲ್ ಅವರ ತಲೆ, ಕೈ-ಕಾಲುಗಳಿಗೆ ಆ ಮೂವರು ಕತ್ತಿಯಿಂದ ಹೊಡೆದಿದ್ದಾರೆ. ಕಾಲಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾದ ಕಾರಣ ಈಶ್ವರ ತಾಂಡೇಲ್ ಅವರನ್ನು ಮಣಿಪಾಲದ ಆಸ್ಪತ್ರೆಗೆ ಕಳುಹಿಸಲಾಗಿದೆ. ನಾಡುಮಾಸ್ಕೇರಿ ಗ್ರಾಮದ ಗಂಗೆಕೊಳ್ಳದಲ್ಲಿರುವ ಭೂಮಿಯೊಂದರ ವಿಷಯವಾಗಿ ಈಶ್ವರ ತಾಂಡೇಲ್ ಹಾಗೂ ಅರುಣ ತಾಂಡೇಲ್ ಅವರ ನಡುವೆ ವೈಮನಸ್ಸು ಹುಟ್ಟಿದ್ದು, ಜಾಗದ ವಿಷಯವಾಗಿ ನಡೆಯುತ್ತಿದ್ದ ತಕರಾರು ಈ ಗಲಾಟೆಗೆ ಕಾರಣವಾಗಿದೆ.
- [ಅರ್ದ ಆಯಸ್ಸಿಗೆ ಆತ್ಮಹತ್ಯೆ: RNS ಹೊಟೇಲ್ ಅನ್ನದಾತ ಇನ್ನಿಲ್ಲ!](https://mobiletime.in/2025/12/suicide-at-the-age-of-half-a-year-rnss-hotel-caterer-is-no-more/): ಮುರುಡೇಶ್ವರದ R N S ಹೊಟೇಲಿನಲ್ಲಿ ಅಡುಗೆ ಕೆಲಸ ಮಾಡಿಕೊಂಡಿದ್ದ ಶಂಕರ ನಾಯ್ಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಸ್ನಾನಕ್ಕೆ ಹೋಗಿದ್ದ ಅವರು ಅಲ್ಲಿದ್ದ ಶವರಿಗೆ ಹಗ್ಗ ಕಟ್ಟಿ ನೇಣು ಹಾಕಿಕೊಂಡಿದ್ದಾರೆ. ಭಟ್ಕಳದ ಕಾಯ್ಕಿಣಿ ಬಳಿಯ ಮಠದಹಿತ್ಲ ಮೋಳೆಮನೆಯಲ್ಲಿ ಶಂಕರ ಜಟ್ಟಾ ನಾಯ್ಕ (50) ಅವರು ವಾಸವಾಗಿದ್ದರು. ಮುರುಡೇಶ್ವರದ ಆರ್ ಎನ್ ಎಸ್ ಹೊಟೇಲಿನಲ್ಲಿ ಅವರು ಅಡುಗೆ ಕೆಲಸ ಮಾಡಿಕೊಂಡಿದ್ದರು. ಪ್ಯಾರಾಲೀಸಿಸ್ ಹಾಗೂ ಸಕ್ಕರೆ ಕಾಯಿಲೆಯಿಂದ ಬಳಲುತ್ತಿದ್ದ ಅವರಿಗೆ ದೊಡ್ಡ ದೊಡ್ಡ ಕೆಲಸ ಮಾಡಲು ಸಾಧ್ಯವಾಗುತ್ತಿರಲಿಲ್ಲ. ಕೆಲಸ ಮಾಡಲು ಆಗದ ನೋವಿನಲ್ಲಿ ಅವರು ಮಾನಸಿಕವಾಗಿ ಕುಗ್ಗಿದ್ದರು. ಡಿಸೆಂಬರ್ 8ರ ಮಧ್ಯಾಹ್ನ ಸ್ನಾನಕ್ಕೆ ಹೋಗಿದ್ದ ಅವರು ಅಲ್ಲಿ ಶವರ್ ನೋಡಿದರು. ಆ ಶವರಿಗೆ ಹಗ್ಗ ಕಟ್ಟಿ ಕೊರಳಿಗೆ ಸಿಕ್ಕಿಸಿಕೊಂಡು ನೇತಾಡಿದರು. ಅಣ್ಣನ ಸಾವಿನ ಬಗ್ಗೆ ಆಟೋ ಚಾಲಕ ವೆಂಕಟ್ರಮಣ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಶಿರಸಿ-ಕುಮಟಾ: ಅವ್ಯವಸ್ಥೆ ವಿರುದ್ಧ ಆಕ್ರೋಶ!](https://mobiletime.in/2025/12/sirsi-kumata-outrage-against-chaos/): ಶಿರಸಿ-ಕುಮಟಾ ರಸ್ತೆ ಅವ್ಯವಸ್ಥೆಯ ಬಗ್ಗೆ ಜನ ಆಕ್ರೋಶವ್ಯಕ್ತಪಡಿಸಿದ್ದು, ಹೋರಾಟ ನಡೆಸಿದ್ದಾರೆ. ವಿವಿಧ ಹೋರಾಟಗಳಲ್ಲಿ `ರಕ್ತ ಕ್ರಾಂತಿ’ಯ ಹೇಳಿಕೆ ನೀಡುತ್ತಿದ್ದ ಕರಾವಳಿ ಕನ್ನಡ ಸಂಘದ ಭಾಸ್ಕರ ಪಟಗಾರ ಅವರು ಈ ಬಾರಿ ಬಹುತೇಕ ಶಾಂತಿಯುತವಾಗಿಯೇ ಪ್ರತಿಭಟನೆ ನಡೆಸಿದ್ದಾರೆ. ಮಂಗಳವಾರ ಕುಮಟಾದ ಕತಗಾಲದಲ್ಲಿ ನಡೆದ ಪ್ರತಿಭಟನೆಯಲ್ಲಿ ರಸ್ತೆ ಅಭಿವೃದ್ಧಿಯ ಗುತ್ತಿಗೆಪಡೆದ ಆರ್ ಎನ್ ಎಸ್ ಕಂಪನಿ ವಿರುದ್ಧ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಜಿಲ್ಲಾಡಳಿತ ಹಾಗೂ ಹೆದ್ದಾರಿ ಪ್ರಾಧಿಕಾರದ ವಿರುದ್ಧವೂ ಪ್ರತಿಭಟನಾಕಾರರು ಧಿಕ್ಕಾರ ಕೂಗಿದ್ದಾರೆ. `ಶಿರಸಿ – ಕುಮಟಾ ರಸ್ತೆ ಕಾಮಗಾರಿ ಬೇಗ ಮುಗಿಸಬೇಕು’ ಎಂದು ಅಲ್ಲಿದ್ದವರು ಆಗ್ರಹಿಸಿದ್ದಾರೆ. `ಅಧಿಕೃತ ಆದೇಶವಿಲ್ಲದೇ ಗುತ್ತಿಗೆ ಕಂಪನಿ ಹೆದ್ದಾರಿ ಬಂದ್ ಮಾಡಿದೆ’ ಎಂದು ದೂರಿದ್ದಾರೆ. `ಹೆದ್ದಾರಿ ಬಂದ್ ಮಾಡಿದವರ ವಿರುದ್ಧ ಕ್ರಮವಾಗಬೇಕು’ ಎಂದು ಆಗ್ರಹಿಸಿ ಪ್ರತಿಭಟನಾಕಾರರು ಐದು ನಿಮಿಷಗಳ ಕಾಲ ರಸ್ತೆ ತಡೆ ನಡೆಸಿದ್ದಾರೆ. ಈ ವೇಳೆ `ಭೂಸ್ವಾಧೀನ ಪ್ರಕ್ರಿಯೆ, ಮರ ಕಟಾವಿಗೆ ಅನುಮತಿ ಹಾಗೂ ಇನ್ನಿತರ ಕಾರಣದಿಂದ ಕೆಲಸ ನಿಧಾನವಾಗಿದೆ. ಶೀಘ್ರದಲ್ಲಿಯೇ ಕೆಲಸ ಮುಗಿಯಲಿದೆ’ ಎಂದು ಆರ್ ಎನ್ ಎಸ್ ನ ಜನರಲ್ ಮ್ಯಾನೇಜರ್ ನಿತೀಶ ಶೆಟ್ಟಿ ಅವರು ಪ್ರತಿಭಟನಾಕಾರರು ಸಮಾಧಾನ ಮಾಡಿದ್ದಾರೆ. `ಖಾಸಗಿ ಬಸ್ಸು, ಟ್ಯಾಂಕರ್, ಲಾರಿ ಓಡಾಟ ಜೋರಾಗಿದೆ. ಆದರೆ, ಬಡವರು ಸಂಚರಿಸುವ ಸರ್ಕಾರಿ ಬಸ್ಸು ಓಡಾಟಕ್ಕೆ ಅವಕಾಶ ನೀಡುತ್ತಿಲ್ಲ’ ಎಂದು ಪ್ರತಿಭಟನಾಕಾರರು ಕಿಡಿಕಾರಿದ್ದಾರೆ. `ಡಿಸೆಂಬರ್ 20ರ ಒಳಗೆ ದೇವಿಮನೆ ಘಟ್ಟ ಪ್ರದೇಶದಲ್ಲಿನ ಬಾಕಿ ಕೆಲಸ ಮುಗಿಸಿ ಬಸ್ ಓಡಾಟಕ್ಕೆ ಅನುವು ಮಾಡಿಕೊಡುತ್ತೇವೆ’ ಎಂದು ಕಂಪನಿಯವರು ಸಮಜಾಯಿಶೀ ನೀಡಿದ್ದಾರೆ. ಸ್ಥಳಕ್ಕೆ ಕುಮಟಾ ತಹಶೀಲ್ದಾರ್ ಶ್ರೀಕೃಷ್ಣ ಕಾಮಕರ್ ಆಗಮಿಸಿದ್ದು, `ಸ್ಥಳೀಯ ಬಸ್ ಸಂಚಾರಕ್ಕೆ ಅವಕಾಶ ಕೊಡಬೇಕು’ ಎಂದು ಜನ ಆಗ್ರಹಿಸಿದ್ದಾರೆ. ಈ ಹೋರಾಟದಲ್ಲಿ ಭಾಸ್ಕರ್ ಪಟಗಾರ ಅವರಿಗೆ ಬಾಲಕೃಷ್ಣ ನಾಯ್ಕ, ಮಹೇಂದ್ರ ನಾಯ್ಕ, ವಿಕ್ರಮ್ ನಾಯ್ಕ ಹೊನ್ನಾವರ, ಜಿ ಎನ್ ಗೌಡ ಹೊನ್ನಾವರ, ರಾಜು ಮಾಸ್ತಿಹಳ್ಳ, ದೀಪಕ ನಾಯ್ಕ, ಕೃಷ್ಣ ಗೌಡ, ಶಿವರಾಮ ಹರಿಕಂತ್ರ, ಬಲೀಂದ್ರ ಗೌಡ, ಗಜು ನಾಯ್ಕ ಅಳ್ವೆಕೊಡಿ, ಮಂಜುನಾಥ ನಾಯ್ಕ, ಜಿ ಜಿ ಹೆಗಡೆ ಅಂತ್ರವಳ್ಳಿ, ತಿಮ್ಮಪ್ಪ ಮುಕ್ರಿ ಸೇರಿ ನೂರಾರು ಜನ ಬೆಂಬಲ ನೀಡಿದ್ದಾರೆ.
- [ಬಾರ್ ಮುಂದೆ ಬೀದಿ ಜಗಳ!](https://mobiletime.in/2025/12/street-fight-in-front-of-the-bar/): ಅಂಕೋಲಾದ ಚಂದ್ರಹಾಸ ನಾಯಕ ಅವರ ಮೇಲೆ ರಮೇಶ ನಾಯಕ ಹಾಗೂ ರಾಜು ನಾಯಕ ಅವರು ಕೈ ಮಾಡಿದ್ದಾರೆ. ಅವರಿಬ್ಬರು ಸೇರಿ ಚಂದ್ರಹಾಸ ನಾಯಕ ಅವರನ್ನು ನೆಲಕ್ಕೆ ದೂಡಿ ನೋವು ಮಾಡಿದ್ದಾರೆ. ಅಂಕೋಲಾ ಬೇಲಿಕೇರೆಯ ಚಂದ್ರಹಾಸ ಕೃಷ್ಣ ನಾಯಕ ಅವರು ತಮ್ಮ ಒಡೆತನದಲ್ಲಿರುವ ಕಟ್ಟಡದ ಬಗ್ಗೆ ರಮೇಶ ಕೃಷ್ಣ ನಾಯಕ ಅವರ ಬಳಿ ಪ್ರಶ್ನಿಸಿ ಪೆಟ್ಟು ತಿಂದಿದ್ದಾರೆ. ನಿವೃತ್ತ ಶಿಕ್ಷಕರಾಗಿರುವ ನೀಲಂಪುರದ ರಾಜು ಕೃಷ್ಣ ನಾಯಕ ಅವರು ಈ ಹೊಡೆದಾಟಕ್ಕೆ ಕೈ ಜೋಡಿಸಿದ್ದಾರೆ. ನವೆಂಬರ್ 22ರಂದು ಬೇಲಿಕೇರಿಯ ನಾಯಕ ಬಾರ್ ಎದುರು ಈ ಹೊಡೆದಾಟ ನಡೆದಿದ್ದು, ತಮಗಾದ ಅನ್ಯಾಯದ ವಿರುದ್ಧ ಚಂದ್ರಹಾಸ ನಾಯಕ ಅವರು ನ್ಯಾಯಾಲಯದ ಮೊರೆ ಹೋಗಿದ್ದಾರೆ. `ತನ್ನ ಒಡೆತನದಲ್ಲಿರುವ ಕಟ್ಟಡವನ್ನು ರಮೇಶ ನಾಯಕ ಅವರು ಅನಧಿಕೃತವಾಗಿ ಬಳಕೆ ಮಾಡುತ್ತಿದ್ದಾರೆ. ಈ ಬಗ್ಗೆ ಪ್ರಶ್ನಿಸಿದ ಕಾರಣ ಈ ಆಕ್ರಮಣ ನಡೆದಿದೆ’ ಎಂದು ಚಂದ್ರಹಾಸ ನಾಯಕ ಅವರು ದೂರಿದ್ದಾರೆ. ಹೊಡೆದಾಟ ನಡೆದ ದಿನವೇ ಚಂದ್ರಹಾಸ ನಾಯಕ ಅವರು ಅಂಕೋಲಾ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಅಲ್ಲಿ ಸಮಾಧಾನ ಸಿಗದ ಕಾರಣ ಕೋರ್ಟಿಗೆ ಹೋಗಿದ್ದ ಚಂದ್ರಹಾಸ ನಾಯಕ ಅವರು ತಮ್ಮ ಮೇಲಾದ ದಾಳಿ ಬಗ್ಗೆ ವಿವರಿಸಿದ್ದಾರೆ. `ಅವರಿಬ್ಬರು ಸೇರಿ ನನ್ನನ್ನು ದೂಡಿ ಹಾಕಿದ್ದಾರೆ’ ಎಂದವರು ದೂರಿದ್ದು, ಚಂದ್ರಹಾಸ ನಾಯಕ ಅವರ ದೂರು ಆಲಿಸಿದ ನ್ಯಾಯಾಧೀಶರು ಈ ಬಗ್ಗೆ ಪ್ರಕರಣ ದಾಖಲಿಸುವಂತೆ ಪೊಲೀಸರಿಗೆ ಸೂಚಿಸಿದ್ದಾರೆ. ಅದರನ್ವಯ ಪೊಲೀಸರು ಪ್ರಕರಣ ದಾಖಲಿಸಿ, ವಿಚಾರಣೆ ಶುರು ಮಾಡಿದ್ದಾರೆ.
- [ಪುಣ್ಯ ಕ್ಷೇತ್ರ ರಕ್ಷಿಸಿ.. ದೇವರಕಾಡು ಸ್ವಚ್ಛಗೊಳಿಸಿ](https://mobiletime.in/2025/12/protect-the-holy-land-clean-the-forest-of-gods/): ಯಲ್ಲಾಪುರ-ಮುಂಡಗೋಡು ರಸ್ತೆಗೆ ಹೊಂದಿಕೊoಡು ಅರಣ್ಯ ಇಲಾಖೆಯವರು `ದೇವರ ಕಾಡು’ ನಿರ್ಮಿಸಿದ್ದು, ದೇವಿ ಆಲಯವನ್ನು ಹೊಂದಿರುವ ಈ ಅರಣ್ಯ ಗಬ್ಬೆದ್ದಿದೆ. ಹೀಗಾಗಿ ಆ ಪ್ರದೇಶವನ್ನು ಸ್ವಚ್ಛ ಹಾಗೂ ಸುಂದರವನ್ನಾಗಿಸುವoತೆ ಸಮಾನ ಮನಸ್ಕರು ಮನವಿ ಸಲ್ಲಿಸಿದ್ದಾರೆ. ಯಲ್ಲಾಪುರದಿಂದ 3ಕಿಮೀ ದೂರದಲ್ಲಿ ದೇವರ ಕಾಡು ಪ್ರದೇಶವಿದೆ. ಅಲ್ಲಿ ಪುರಾತನ ಕಾಲದಿಂದಲೂ ಸಾತೇರಿ ದೇವಿಯ ಗುಡಿಯಿದೆ. ಅನೇಕ ಭಕ್ತರು ದೇವಿಗೆ ನಡೆದುಕೊಳ್ಳುತ್ತಾರೆ. ಎರಡು ವರ್ಷದ ಹಿಂದೆ ಅರಣ್ಯ ಇಲಾಖೆಯವರು ಇಲ್ಲಿ ಉದ್ಯಾನವನ ನಿರ್ಮಿಸಿದ್ದಾರೆ. ಗುಹೆ ಆಕಾರದ ಪ್ರವೇಶ ದ್ವಾರ ಜನರ ಗಮನಸೆಳೆಯುತ್ತಿದೆ. ಆದರೆ, ಇಲ್ಲಿ ಪ್ರವೇಶಿಸುವ ಪ್ರವಾಸಿಗರು ಎಲ್ಲೆಂದರಲ್ಲಿ ಮದ್ಯದ ಬಾಟಲಿ ಎಸೆಯುತ್ತಿದ್ದಾರೆ. ಕಂಡ ಕಂಡಲ್ಲಿ ಗುಟ್ಕಾ ಉಗಿದು ಗಲೀಜು ಮಾಡಿದ್ದಾರೆ. ಇದರಿಂದ ದೇವರ ಕಾಡಿನ ಜೊತೆ ಅಲ್ಲಿ ನೆಲೆಸಿರುವ ದೇವಿಗೂ ಅಪಚಾರವಾಗುತ್ತಿದೆ. ಇದನ್ನು ಸಹಿಸದ ರವೀಂದ್ರ ನಗರದ ಸೋಮೇಶ್ವರ ನಾಯ್ಕ ಅವರು ತಮ್ಮ ಸ್ನೇಹಿತರ ಜೊತೆ ಸೇರಿ ಸ್ವಚ್ಚತೆ ಕಾಪಾಡುವಂತೆ ಅರಣ್ಯ ಇಲಾಖೆಯವರಿಗೆ ಮನವಿ ಮಾಡಿದ್ದಾರೆ. `ದೇವರ ಕಾಡಿನಲ್ಲಿ ನಿರ್ಮಿಸಿದ ಆಸನಗಳನ್ನು ಸರಿಯಾಗಿರಿಸಬೇಕು. ಅಲ್ಲಿನ ಮಾಲಿನ್ಯವನ್ನು ಸರಿಪಡಿಸಿ ಪ್ರವಾಸಿಗರಿಗೆ ಮುಜುಗರವಾಗುವುದನ್ನು ತಪ್ಪಿಸಬೇಕು’ ಎಂದು ಸುಜಯ ಮರಾಠಿ, ಸಾಜು ಜೋರೇ, ತೇಜೇಶ್ ಭೋವಿ ಹಾಗೂ ಮನು ಪೊಳ್ ಅವರು ಮನವಿ ಮಾಡಿದ್ದಾರೆ. ಈ ಬಗ್ಗೆ ಉಪಅರಣ್ಯ ಸಂರಕ್ಷಣಾಧಿಕಾರಿ ಹರ್ಷಭಾನು ಅವರಿಗೂ ಮಂಗಳವಾರ ಮನವಿ ಸಲ್ಲಿಸಿದ್ದು, ಫೆಬ್ರವರಿಯಲ್ಲಿ ನಡೆಯುವ ಯಲ್ಲಾಪುರ ಜಾತ್ರೆಯ ಬಗ್ಗೆಯೂ ಉಲ್ಲೇಖಿಸಿದ್ದಾರೆ. `ಯಲ್ಲಾಪುರ ಜಾತ್ರೆಯ ಮುನ್ನ ಸಂಪ್ರದಾಯದAತೆ ಹೊರ ಮಂಗಳವಾರ ಆಚರಣೆ ನಡೆಯುತ್ತದೆ. ಆ ಅವಧಿಯಲ್ಲಿ ಯಲ್ಲಾಪುರ ಪಟ್ಟಣದ ಜನ ನಗರ ಬಿಟ್ಟು ಹೊರ ಪ್ರದೇಶಕ್ಕೆ ಬರಲಿದ್ದು, ಅನೇಕರು ದೇವರ ಕಾಡಿಗೆ ಬಂದು ಕಾಲ ಕಳೆಯುತ್ತಾರೆ. ಅವರಿಗೆ ಅನುಕೂಲವಾಗುವ ರೀತಿ ಇಲ್ಲಿ ವಾತಾವರಣ ನಿರ್ಮಿಸಬೇಕು. ತ್ಯಾಜ್ಯಗಳನ್ನು ತೆಗೆದು ಸ್ವಚ್ಛತೆ ಕಾಪಾಡಿದರೆ ಎಲ್ಲರಿಗೂ ಅನುಕೂಲ’ ಎಂದು ಆನಂದ್ ಭೋವಿ, ರಿಜ್ವಾನ್ ಶೈಖ್, ಷಣ್ಮುಖ ನಾಯ್ಕ, ನಂದನ್ ಮರಾಠಿ, ಮೋಹನ್ ಪಾಲೇಕಾರ್, ರೋಹಿತ್ ಸಾಲುಂಕೆ, ಗಿರೀಶ್ ಭೋವಿವಡ್ಡರ್, ಕುಮಾರ್ ವಾಲ್ಮೀಕಿ ಹಾಗೂ ರಾಜು ನಾಯ್ಕ ಅವರು ಹೇಳಿದ್ದಾರೆ.
- [`ಕಾಂಡ್ಲಾ ಕಾಡು ಕಾಪಾಡಿ'](https://mobiletime.in/2025/12/save-kandla-forest/): ಶಿರಸಿಯ ಸ್ಕೋಡ್‌ವೆಸ್ ಸಂಸ್ಥೆಯೂ ಕರ್ನಾಟಕದ ಕರಾವಳಿ ಭಾಗದಲ್ಲಿ ಕಾಂಡ್ಲಾ ಕಾಡು ಕಾಪಾಡುವ ಅಭಿಯಾನ ಶುರು ಮಾಡಿದೆ. ಕುಮಟಾದ ಕಿಮಾನಿ ಅಘನಾಶಿನಿ ನದಿ ತೀರಲ್ಲಿ ಈ ಅಭಿಯಾನಕ್ಕೆ ಚಾಲನೆ ಸಿಕ್ಕಿದೆ. ಆಸ್ಟರ್ ಡಿ ಎಮ್ ಫೌಂಡೇಶನ್‌ನ ಆಸ್ಟರ್ ವಾಲೆಂಟರ‍್ಸ್, ಸ್ಕೊಡ್‌ವೆಸ್ ಸಂಸ್ಥೆ ಹಾಗೂ ಅರಣ್ಯ ಇಲಾಖೆಯ ಸಹಯೋಗದಲ್ಲಿ ಈ ಅಭಿಯಾನ ನಡೆಯುತ್ತಿದೆ. ಅಭಿಯಾನಕ್ಕೆ ಚಾಲನೆ ನೀಡಿದ ಕುಮಟಾ ಉಪವಿಭಾಗೀಯ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕೃಷ್ಣೇಗೌಡ ಅವರು `ಕಾಂಡ್ಲಾ ವನಗಳು ಅತೀ ಹೆಚ್ಚು ಆಮ್ಲಜನಕ ಉತ್ಪಾದಿಸುವ ಸಸ್ಯ ಪ್ರಬೇಧಗಳಾಗಿವೆ. ಈ ಪ್ರದೇಶದಲ್ಲಿ ವಿಶಿಷ್ಟ ರೀತಿಯ ಜೀವ ವೈವಿಧ್ಯ ಸರಪಳಿಗಳು ಸಹಜವಾಗಿಯೇ ರೂಪುಗೊಳ್ಳುತ್ತವೆ. ಅಲ್ಲದೇ ಪ್ರಕೃತಿ ವಿಕೋಪ ಸಂದರ್ಭದಲ್ಲಿ ಸುಮಾರು ಶೇ 65 ಕ್ಕಿಂತ ಹೆಚ್ಚಿನ ಪ್ರಮಾಣದ ಅನಾಹುತಗಳನ್ನು ತಡೆಯುವುದರಿಂದ ಕಾಂಡ್ಲಾ ಸಂರಕ್ಷಣೆಯ ಜವಾಬ್ದಾರಿ ಸಾರ್ವತ್ರಿಕಗೊಳ್ಳಬೇಕು’ ಎಂದು ಕರೆ ನೀಡಿದ್ದಾರೆ. ಆಸ್ಟರ್ ಡಿ ಎಮ್ ಫೌಂಡೇಶನ್‌ನ ಸಿಎಸ್‌ಆರ್ ವಿಭಾಗದ ಮುಖ್ಯಸ್ಥ ರೋಹನ್ ಪ್ರಾಂಕೋ ಮಾತನಾಡಿ `ಭಾರತದ ಪಶ್ಚಿಮ ಸಾಗರ ತೀರ ಪ್ರದೇಶಗಳ ಸಂರಕ್ಷಣೆಯಲ್ಲಿ ಕಾಂಡ್ಲಾ ನೆಡುತೋಪುಗಳು ಪ್ರಮುಖ ಪಾತ್ರವಹಿಸುತ್ತಿರುವುದರಿಂದ ಅವುಗಳನ್ನು ಸಂರಕ್ಷಿಸುವ ಅವಶ್ಯಕತೆಯಿದೆ. ಹೀಗಾಗಿ ಕರ್ನಾಟಕದ ಕರಾವಳಿ ತೀರಗಳಲ್ಲಿ ಪ್ರತಿಷ್ಠಿತ ಸ್ಕೊಡ್‌ವೆಸ್ ಸಂಸ್ಥೆಯ ಸಹಯೋಗದಲ್ಲಿ ಕಾಂಡ್ಲಾ ಸಂರಕ್ಷಣಾ ಅಭಿಯಾನ ನಡೆಸುತ್ತಿದ್ದೇವೆ’ ಎಂದು ಹೇಳಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಮಾತನಾಡಿ `ಕಾಂಡ್ಲಾ ಸಂರಕ್ಷಣಾ ಅಭಿಯಾನದಲ್ಲಿ 05 ಸಾವಿರಕ್ಕೂ ಹೆಚ್ಚು ಸಸಿಗಳನ್ನು ನೆಡುವ ಉದ್ದೇಶ ಹೊಂದಲಾಗಿದೆ. ಈಗಾಗಲೇ ನೆಡುತೋಪು ಕಾರ್ಯ ಆರಂಭಗೊAಡಿದೆ’ ಎಂದಿದ್ದಾರೆ. ಸ್ಕೊಡ್‌ವೆಸ್‌ನ ಕೃಷಿ ವಿಭಾಗದ ಮುಖ್ಯಸ್ಥ ಪ್ರಶಾಂತ ನಾಯಕ, ಸಂಯೋಜಕ ಗಂಗಾಧರ ನಾಯ್ಕ, ವಲಯ ಅರಣ್ಯಾಧಿಕಾರಿ ರಾಜು ನಾಯ್ಕ, ಆಸ್ಟರ್ ಡಿ ಎಮ್ ಫೌಂಡೇಶನ್‌ನ ಸ್ವಯಂ ಸೇವಕರು ಹಾಗೂ ಸ್ಕೊಡ್‌ವೆಸ್ ಸಂಸ್ಥೆಯ ಸಿಬ್ಬಂದಿ ಈ ಕಾರ್ಯಕ್ರಮದಲ್ಲಿದ್ದರು.
- [ಬಾವಿಗೆ ಬಿದ್ದ ಕಾರ್ಮಿಕ: ಕೊನೆಯುಸಿರು!](https://mobiletime.in/2025/12/worker-who-fell-into-a-well-last-breath/): ಅಶೋಕ ಭಟ್ಟರ ತೋಟದಲ್ಲಿದ್ದ ಬಾವಿಗೆ ಬಿದ್ದು ಜಟ್ಟಿ ಮುಕ್ರಿ ಅವರು ಸಾವನಪ್ಪಿದ್ದಾರೆ. ರಾತ್ರಿ ವೇಳೆ ಸಂಚರಿಸುತ್ತಿದ್ದ ಜಟ್ಟಿ ಮುಕ್ರಿ ಅವರು ಕಾಲು ಜಾರಿ ಬಾವಿಗೆ ಬಿದ್ದಿರುವ ಅನುಮಾನಗಳಿವೆ. ಕುಮಟಾದ ಕತಗಾಲ ಬಳಿಯಿರುವ ಉಪ್ಪಿನಪೊಟ್ಟಣದಲ್ಲಿ ಜಟ್ಟಿ ನಾಗು ಮುಕ್ರಿ (56) ಅವರು ವಾಸವಾಗಿದ್ದರು. ಅವರಿವರ ಮನೆಯಲ್ಲಿ ಕೂಲಿ ಕೆಲಸ ಮಾಡಿ ಅವರು ಸಂಸಾರ ನಡೆಸುತ್ತಿದ್ದರು. ಕಳೆದ ಒಂದು ವರ್ಷದ ಹಿಂದೆ ಜಟ್ಟಿ ಮುಕ್ರಿ ಅವರಿಗೆ ಅನಾರೋಗ್ಯ ಕಾಡಿತು. ಹೊಟ್ಟೆ ನೋವಿನಿಂದ ಬಳಲುತ್ತಿದ್ದ ಅವರು ಅನೇಕ ಬಗೆಯ ಔಷಧಿಗಳನ್ನು ಮಾಡಿದ್ದರು. ಆದರೆ, ಯಾವ ಔಷಧಿಯೂ ಅವರ ದೇಹಕ್ಕೆ ಪರಿಣಾಮ ಬೀರಲಿಲ್ಲ. ಹೀಗಾಗಿ ಹೊಟ್ಟೆ ನೋವು ಸಹಿಸಲಾಗದೇ ಅವರು ಸಮಸ್ಯೆಗೆ ಸಿಲುಕಿದ್ದರು. ರಾತ್ರಿ ಸರಿಯಾಗಿ ನಿದ್ದೆಯನ್ನು ಮಾಡದ ಜಟ್ಟಿ ಮುಕ್ರಿ ಅವರು ತಮಗಿದ್ದ ಬೇಸರದಲ್ಲಿಯೇ ಮನೆಯಿಂದ ಹೊರ ಹೋಗುತ್ತಿದ್ದರು. ಅದರಂತೆ, ಡಿಸೆಂಬರ್ 5ರ ರಾತ್ರಿ 11 ಗಂಟೆ ಸುಮಾರಿಗೆ ಜಟ್ಟಿ ಮುಕ್ರಿ ಅವರು ಮನೆಯಿಂದ ಹೊರ ಹೋಗಿದ್ದರು. ಎರಡು ದಿನ ಕಳೆದರೂ ಅವರು ಮನೆಗೆ ಮರಳಿರಲಿಲ್ಲ. ಸಾಕಷ್ಟು ಹುಡುಕಾಟ ನಡೆಸಿದಾಗ ಕತಗಾಲ ಬಳಿಯ ಉಪ್ಪಿನಮೂಟೆಯಲ್ಲಿಯೇ ವಾಸವಾಗಿರುವ ಅಶೋಕ ಭಟ್ಟ ಅವರ ತೋಟದ ಬಾವಿಯಲ್ಲಿ ಜಟ್ಟಿ ಮುಕ್ರಿ ಅವರ ಶವ ಕಾಣಿಸಿತು. ರಾತ್ರಿ ವೇಳೆ ಓಡಾಡುತ್ತಿದ್ದ ಜಟ್ಟಿ ಮುಕ್ರಿ ಅವರು ಅಶೋಕ ಭಟ್ಟ ಅವರ ತೋಟ ಪ್ರವೇಶಿಸಿದ್ದರು. ನೆಲಕ್ಕೆ ಸಮನಾಂತರವಾಗಿದ್ದ ಬಾವಿಯ ಬಳಿ ಅವರ ಕಾಲು ಜಾರಿದ್ದು, ಬಾವಿಯೊಳಗೆ ಬಿದ್ದ ಅವರು ಮೇಲೆ ಬರಲಾಗದೇ ಕೊನೆಯುಸಿರೆಳೆದರು. ಈ ವಿಷಯದ ಬಗ್ಗೆ ಜಟ್ಟಿ ಮುಕ್ರಿ ಅವರ ಪತ್ನಿ ದುರ್ಗಿ ಮುಕ್ರಿ ಅವರು ಮಾಹಿತಿ ನೀಡಿದರು. ಕುಮಟಾ ಪೊಲೀಸ್ ಠಾಣೆಯ ಪಿಎಸೈ ಮಂಜುನಾಥ ಗೌಡರ್ ಅವರು ಪ್ರಕರಣ ದಾಖಲಿಸಿದರು. `ಬಾವಿ ಸುತ್ತ ಕಪೌಂಡ್ ನಿರ್ಮಿಸಿ. ನೆಲ ಬಾವಿಯ ಅಪಾಯ ತಪ್ಪಿಸಿ’
- [ಅನಂತನ ಹೋರಾಟ: ಬಿಜೆಪಿ ನಾಯಕನಿಗೆ ಕಾಂಗ್ರೆಸ್ ಮುಖಂಡನ ದೋಸ್ತಿ!](https://mobiletime.in/2025/12/anants-struggle-bjp-leaders-friendship-with-congress-leader/): ಎರಡುವರೆ ತಿಂಗಳ ವಿರಾಮದ ನಂತರ ಅನಂತಮೂರ್ತಿ ಹೆಗಡೆ ತಮ್ಮ ಹೋರಾಟ ಮತ್ತೆ ಶುರು ಮಾಡಿದ್ದಾರೆ. `ಯಲ್ಲಾಪುರದಲ್ಲಿ ಟೆಕ್ ಪಾರ್ಕ ನಿರ್ಮಿಸಬೇಕು’ ಎಂದು ಅವರು ಶುರು ಮಾಡಿದ್ದ ಹೋರಾಟ ಎಂಟು ತಿಂಗಳಿನಿoದ ಅರ್ದಕ್ಕೆ ನಿಂತಿದ್ದು, ಅದೇ ವಿಷಯ ಮಾತನಾಡುವುದಕ್ಕಾಗಿ ಅವರು ಬೆಳಗಾವಿಗೆ ಹೋಗಿದ್ದಾರೆ. ಕಳೆದ ವರ್ಷ ನಡೆದ ಚಳಿಗಾಲದ ಅಧಿವೇಶನದ ಅವಧಿಯಲ್ಲಿ ಹೊಸ ಜಿಲ್ಲೆ ಸ್ಥಾಪನೆ ಬಗ್ಗೆ ಅನಂತಮೂರ್ತಿ ಹೆಗಡೆ ಅವರು ಹೋರಾಟ ನಡೆಸಿದ್ದರು. ಬೆಳಗಾವಿಯಲ್ಲಿ ಅವರು ಪ್ರತಿಭಟನೆ ನಡೆಸಿ ಆಡಳಿತ ಕಾರಣಕ್ಕಾಗಿ ಉತ್ತರ ಕನ್ನಡ ಜಿಲ್ಲೆಯನ್ನು ಎರಡು ಭಾಗ ಮಾಡಬೇಕು ಎಂದು ಒತ್ತಾಯಿಸಿದ್ದರು. `ಶಿರಸಿ ಕೇಂದ್ರವನ್ನಾಗಿಸಿಕೊoಡು ಪ್ರತ್ಯೇಕ ಜಿಲ್ಲೆ ಮಾಡಬೇಕು’ ಎಂಬ ನಿಟ್ಟಿನಲ್ಲಿ ಪ್ರಯತ್ನ ಮಾಡಿದ್ದರು. ಈ ವೇಳೆ ಅನೇಕ ರಾಜಕಾರಣಿಗಳು ಪ್ರತಿಭಟನಾ ಸ್ಥಳಕ್ಕೆ ಆಗಮಿಸಿ, ವಿವಿಧ ಆಶ್ವಾಸನೆ ನೀಡಿದ್ದರು. ಈ ಬಾರಿ ಅನಂತಮೂರ್ತಿ ಹೆಗಡೆ ಅವರು ಅದೇ ಸ್ಥಳದಲ್ಲಿ ನಡೆಯುವ ಅಧಿವೇಶನಕ್ಕೆ ಹೋಗಿ ಮತ್ತೊಂದು ಬೇಡಿಕೆ ಮುಂದಿಟ್ಟಿದ್ದಾರೆ. ಬಿಜೆಪಿ ಮುಖಂಡರಾಗಿರುವ ಅನಂತಮೂರ್ತಿ ಹೆಗಡೆ ಅವರು ಈ ಬಾರಿ ಸದ್ಯ ಕಾಂಗ್ರೆಸ್ ನಾಯಕರಾಗಿರುವ ವಿ ಎಸ್ ಪಾಟೀಲ ಅವರ ಜೊತೆ ಕೈ ಜೋಡಿಸಿದ್ದಾರೆ. ಸೆಪ್ಟೆಂಬರ್ 22ರಂದು ಶಿರಸಿ ಹೈಟೆಕ್ ಆಸ್ಪತ್ರೆ ವಿಷಯವಾಗಿ ಮಾತನಾಡಿ, ನಂತರ ಹೋರಾಟಗಳಿಂದ ದೂರವೇ ಉಳಿದಿದ್ದ ಅನಂತಮೂರ್ತಿ ಹೆಗಡೆ ಅವರು ಈ ದಿನ ಯಲ್ಲಾಪುರ ಕ್ಷೇತ್ರದ ಮಾಜಿ ಶಾಸಕರೂ ಆಗಿರುವ ವಿ ಎಸ್ ಪಾಟೀಲ ಅವರ ಜೊತೆ ಅವರು ಬೆಳಗಾವಿಯ ಸುವರ್ಣ ಸೌಧ ಪ್ರವೇಶಿಸಿದ್ದಾರೆ. ಬೃಹತ್ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಎಮ್ ಬಿ ಪಾಟೀಲ್ ಅವರನ್ನು ಭೇಟಿಯಾಗಿ ಯಲ್ಲಾಪುರದ ಮಾಗೋಡು ಕಾಲೋನಿಯನ್ನು `ವಿಶೇಷ ಕೈಗಾರಿಕಾ ಪ್ರದೇಶ’ ಎಂದು ಘೋಷಿಸುವಂತೆ ಮನವಿ ಸಲ್ಲಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲೂಕಿನ ಮಾಗೋಡಿನಲ್ಲಿ 300 ಎಕರೆಗೂ ಹೆಚ್ಚಿನ ಭೂಮಿಯು ಲಭ್ಯವಿದೆ. ಮೂಲತಃ ಬೇಡ್ತಿ ಯೋಜನೆಗಾಗಿ ಕೆಪಿಸಿಗೆ ಕಾಲನಿ ನಿರ್ಮಾಣ ಮಾಡಲು ರೂಪಿಸಿದ್ದಾಗಿದ್ದು, ಆಗ ನಿರ್ಮಿಸಿದ್ದ ಮನೆಗಳು ಸಂಪೂರ್ಣ ಹಾಳಾಗಿವೆ. ಆ ಜಾಗವನ್ನು ಅರಣ್ಯ ಇಲಾಖೆಯಿಂದ ಮರಳಿಪಡೆದು ಕರ್ನಾಟಕ ಕೈಗಾರಿಕಾ ಪ್ರದೇಶಗಳ ಅಭಿವೃದ್ಧಿ ಮಂಡಳಿ ಮೂಲಕ ಟೆಕ್ ಪಾರ್ಕ ನಿರ್ಮಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಹೀಗೆ ಮಾಡುವುದರಿಂದ ಇಲ್ಲಿನ ಯುವಕರು ಬೇರೆ ಕಡೆ ವಲಸೆ ಹೋಗುವುದನ್ನು ತಡೆಯಲು ಸಾಧ್ಯ’ ಎಂದವರು ಹೇಳಿದ್ದಾರೆ. ಪ್ರಮುಖರಾದ ಗಣೇಶ ಹೆಗಡೆ, ರಮೇಶ ನಾಯ್ಕ್ ಕುಪ್ಪಳ್ಳಿ, ಶ್ರೀಪತಿ ಮುದ್ದೆಪಾಲ್, ರಾಘವೇಂದ್ರ ನಾಯ್ಕ, ಅಂಕಿತ್ ಹೆಗಡೆ, ರಾಮಕೃಷ್ಣ ಗಾಂವ್ಕರ್, ನಾರಾಯಣ ಖಂಡೇಕರ್, ಕೆ. ಟಿ ಹೆಗಡೆ ಸಹ `ಮಾಗೋಡಿನಲ್ಲಿ ಹೊಸ ಕ್ರಾಂತಿ ಶುರು ಮಾಡಬೇಕು’ ಎಂದಿದ್ದಾರೆ.
- [ಮದ್ಯರಾತ್ರಿ.. ಒಂಟಿ ಯುವತಿ.. ಬಾಗಿಲು ಬಡಿದ ಸದ್ದು!](https://mobiletime.in/2025/12/midnight-a-lonely-young-woman-a-knock-on-the-door/): ಯುವತಿಯೊಬ್ಬರು ಮನೆಯಲ್ಲಿ ಒಂಟಿಯಾಗಿರುವುದನ್ನು ಅರಿತ ಆರು ಜನ ರಾತ್ರಿ 2 ಗಂಟೆಗೆ ಆ ಮನೆ ಬಾಗಿಲು ಬಡಿದಿದ್ದಾರೆ. ಬಾಗಿಲು ತೆರೆದ ಯುವತಿಯ ಕೈ ಹಿಡಿದು ಎಳೆದಾಡಿದ ಕಿಡಿಕೇಡಿಗಳು ಅವರ ಕೆನ್ನೆಗೆ ಬಾರಿಸಿ ಪರಾರಿಯಾಗಿದ್ದಾರೆ. ಶಿರಸಿ ಗಣೇಶ ನಗರದದಲ್ಲಿ ರಾಬಿಯಾ ಶೇಖ್ ಅವರು ವಾಸವಾಗಿದ್ದಾರೆ. 19 ವರ್ಷದ ಅವರು ಖಾಸಗಿ ಕಂಪನಿಯೊoದರಲ್ಲಿ ಕೆಲಸ ಮಾಡಿಕೊಂಡಿದ್ದಾರೆ. ಡಿಸೆಂಬರ್ 3ರಂದು ಅವರ ತಂದೆ ಹಾಗೂ ತಾಯಿ ಕಾರವಾರಕ್ಕೆ ಹೋಗಿದ್ದು, ಮರುದಿನವೂ ಮನೆಗೆ ಮರಳಿರಲಿಲ್ಲ. ಹೀಗಿರುವಾಗ, ಡಿಸೆಂಬರ್ 4ರ ರಾತ್ರಿ 2 ಗಂಟೆಗೆ ಅವರ ಮನೆ ಬಾಗಿಲು ಬಡಿದ ಸದ್ದಾಗಿದೆ. ರಾಬಿಯಾ ಶೇಖ್ ಅವರು `ಯಾರು?’ ಎಂದು ಪ್ರಶ್ನಿಸಿದ್ದಾರೆ. ಯಾವುದೇ ಉತ್ತರ ಬಾರದ ಕಾರಣ `ಕಾರವಾರಕ್ಕೆ ಹೋಗಿದ್ದ ತಂದೆ-ತಾಯಿ ಮರಳಿರಬಹುದು’ ಎಂದು ಅಂದಾಜಿಸಿ ಬಾಗಿಲು ತೆರೆದಿದ್ದಾರೆ. ಆದರೆ, ಆ ರಾತ್ರಿ ನೆಹರು ನಗರದ ಅಲ್ತಾಪ ಸಯ್ಯದ್, ಸಲ್ಮಾನ್ ತಹಶೀಲ್ದಾರ್, ಅನಿಸುತ್ಕರ್ ಕೋಟಿ, ಕುತೇಬಾಜಿ ತಹಶಿಲ್ದಾರ್, ಶೈನಾಬ್ ತಹಶೀಲ್ದಾರ್, ಅಶ್ಬಾಕ್ ತಹಶೀಲ್ದಾರ್ ಅಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಹಿಂದೆಯೂ ಅವರೆಲ್ಲರೂ ಸೇರಿ ಮನೆ ಬಳಿ ಗಲಾಟೆ ಮಾಡಿದ್ದರಿಂದ ರಾಬಿಯಾ ಶೇಖ್ ಅವರು ಭಯಪಟ್ಟಿದ್ದಾರೆ. ಆ ವೇಳೆ ಎದುರುದಾರರು `ಕಂಪ್ಲೆಟ್ ಕೊಡಬೇಡ ಎಂದರೂ ಕಂಪ್ಲೆಟ್ ಕೊಡುತ್ತಿಯಾ?’ ಎಂದು ಪ್ರಶ್ನೆ ಮಾಡಿದ್ದಾರೆ. ಈ ವೇಳೆ ಸಲ್ಮಾನ್, ಅಲ್ತಾಪ್, ಅನೀಸ್ ಅವರು ಕೈ ಹಿಡಿದು ಎಳೆದಾಡಿದ್ದಾರೆ. ಅದಾದ ನಂತರ ಕುತೇಜಾಬಿ ಅವರು ರಾಬಿಯಾ ಶೇಖ್ ಅವರ ಕೆನ್ನೆಗೆ ಬಾರಿಸಿದ್ದಾರೆ. `ಶಿರಸಿಯಲ್ಲಿ ನೀ ಹೇಗೆ ತಿರುಗಾಡುತ್ತೀಯ? ಎಂದು ನೋಡುವೆ’ ಎಂದು ಬೆದರಿಕೆ ಹಾಕಿ ಅವರೆಲ್ಲರೂ ಅಲ್ಲಿಂದ ಪರಾರಿಯಾಗಿದ್ದಾರೆ. ಇದರಿಂದ ಆತಂಕಕ್ಕೆ ಒಳಗಾದ ರಾಬಿಯಾ ಶೇಖ್ ಅವರು ರಕ್ಷಣೆಗಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ. `ಅಪರಿಚಿತರು ಬಾಗಿಲು ಬಡಿದರೆ ತೆರೆಯದಿರಿ. ತುರ್ತು ಸಹಾಯಕ್ಕೆ 112ಗೆ ಫೋನ್ ಮಾಡಿ’
- [ಆ ಮಹಿಳೆಯರಿಬ್ಬರೂ ಹೊಗೆ ಮಾನವರು!](https://mobiletime.in/2025/12/both-of-those-women-are-smoke-humans/): ಮೋಜು ಮಸ್ತಿಗಾಗಿ ಗೋಕರ್ಣಕ್ಕೆ ಬಂದು ನಶೆಯ ಗುಂಗಿನಲ್ಲಿ ಮೈ ಮರೆತಿದ್ದ ಪ್ರತಿಷ್ಠಿತ ಕುಟುಂಬದ ಮಹಿಳೆಯರಿಬ್ಬರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಮೋಟು ಬೀಡಿಯೊಳಗೆ ಗಾಂಜಾ ಪುಡಿ ಹಾಕಿ ಹೊಗೆ ಬಿಡುತ್ತಿದ್ದ ಮಹಿಳೆಯರು ಪಿಐ ಶ್ರೀಧರ ಎಸ್ ಆರ್ ಅವರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಅಂಕೀತಾ ಭಟ್ಟಾಚಾರ್ಯ ಅವರು ಉತ್ತರ ಪ್ರದೇಶದ ಖ್ಯಾತ ಕಲಾವಿದೆ. ಚಿತ್ರ ಬಿಡಿಸುವಿಕೆ, ಮಾಡೇಲ್ ಕ್ಷೇತ್ರ ಅವರ ಆಸಕ್ತಿ. ಮೂರು ದಿನದ ಹಿಂದೆ ಗೋಕರ್ಣಕ್ಕೆ ಬಂದಿದ್ದ ಅಂಕೀತಾ ಭಟ್ಟಾಚಾರ್ಯ ಅವರು ಬಂಗ್ಲೆಗುಡ್ಡದ ಬಳಿ ಹೋಗಿದ್ದರು. ಅಲ್ಲಿ ಅವರು ಮೋಜು-ಮಸ್ತಿಯಲ್ಲಿ ತೊಡಗಿದ್ದು, ಅಮಲಿನಲ್ಲಿ ಕುಣಿದಾಡುತ್ತಿದ್ದರು. ಅಂಕೀತಾ ಭಟ್ಟಾಚಾರ್ಯ ಅವರ ನಡೆಯ ಬಗ್ಗೆ ಅನುಮಾನವ್ಯಕ್ತಪಡಿಸಿದ ಪೊಲೀಸರು ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದರು. ಮರುದಿನ ಪೊಲೀಸರು ರುದ್ರಪಾದದ ಬಳಿಯ ಶಿವಮೂನ್ ಗೆಸ್ಟಹೌಸ್ ಬಳಿ ಹೋಗಿದ್ದರು. ಖಾಸಗಿ ಕಂಪನಿ ಉದ್ಯೋಗಿಯಾಗಿರುವ ಬೆಂಗಳೂರಿನ ಶ್ರೀದೇವಿ ಎನ್ ಡಿ ಅವರು ನಶೆಯಲ್ಲಿದ್ದರು. ಅದನ್ನು ಗುರುತಿಸಿದ ಪೊಲೀಸರು ಅವರನ್ನು ಸಹ ವೈದ್ಯಕೀಯ ತಪಾಸಣೆಗೆ ಕಳುಹಿಸಿದರು. ಅವರಿಬ್ಬರನ್ನು ತಪಾಸಣೆಗೆ ಒಳಪಡಿಸಿದ ವೈದ್ಯರು ಗಾಂಜಾ ಸೇವನೆಯನ್ನು ದೃಢಪಡಿಸಿದರು. ನಿಷೇಧಿತ ಗಾಂಜಾ ಬಳಕೆ ಮಾಡಿದ ಕಾರಣ ಆ ಇಬ್ಬರು ಮಹಿಳೆಯರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು.
- [ನ್ಯಾಯವಾದಿಗೆ ಸನ್ಮಾನ](https://mobiletime.in/2025/12/honor-to-the-lawyer/): ಜನಸಾಮಾನ್ಯರ ಸಮಸ್ಯೆಗೆ ಧ್ವನಿಯಾಗಿರುವ ನ್ಯಾಯವಾದಿ ಗಂಗಾಧರ ನಾಯ್ಕ ಅವರ ಸೇವೆಯನ್ನು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಗುರುತಿಸಿದ್ದಾರೆ. 72ನೇ ವಯಸ್ಸಿನಲ್ಲಿಯೂ ಬಡವರ ಸೇವೆಗೆ ಸಮಯ ಮೀಸಲಿಡುವ ಗಂಗಾಧರ ನಾಯ್ಕ ಅವರನ್ನು ಈ ದಿನ ಸನ್ಮಾನಿಸಲಾಗಿದೆ. ಹೊನ್ನಾವರದ ಹಳದಿಪುರದ ಗಂಗಾಧರ ಚೆನ್ನಪ್ಪ ನಾಯ್ಕ ಅವರು ನ್ಯಾಯವಾದಿ. 1983ರಲ್ಲಿ ಶಿರಸಿಯಲ್ಲಿ ಕಾನೂನು ಪದವಿ ಪೂರೈಸಿದ ಅವರು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯಲ್ಲಿ ಕಾನೂನು ಸಲಹೆಗಾರರಾಗಿದ್ದರು. ನಂತರ ಕುಮಟಾ ಕೋರ್ಟಿನಲ್ಲಿ ವಕೀಲರಾಗಿ ಕೆಲಸ ಶುರು ಮಾಡಿದರು. ಈ ಅವಧಿಯಲ್ಲಿ ಅವರು ಬಡವರಿಂದ ಯಾವುದೇ ಶುಲ್ಕಪಡೆಯದೇ ವಾದ ಮಾಡುತ್ತಿದ್ದರು. ಅನೇಕರಿಗೆ ಉಚಿತ ಕಾನೂನು ಸಲಹೆ ನೀಡಿ ಅವರಿಗೆ ನ್ಯಾಯ ಒದಗಿಸಿದ್ದರು. ಈ ಎಲ್ಲಾ ಹಿನ್ನಲೆ ವಕೀಲರ ದಿನಾಚರಣೆ ಅಂಗವಾಗಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಸ್ ಅವರು ಗಂಗಾಧರ ನಾಯ್ಕ ಅವರನ್ನು ಗೌರವಿಸಿದರು. ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ, ನಿವೃತ್ತ ಅಧಿಕಾರಿ ನಾಗೇಶ, ಪ್ರಮುಖರಾದ ಶ್ರೀಧರ ಪಟಗಾರ, ನಾಗೇಶ ನಾಯ್ಕ ಚಿತ್ರಿಗಿ, ಮುನ್ನ ಸಾಬ್ ಅಮೀನ್ ಇದ್ದರು.
- [`ಭೂ ಕುಸಿತ ವಲಯದಲ್ಲಿ ಅವೈಜ್ಞಾನಿಕ ಯೋಜನೆ'](https://mobiletime.in/2025/12/unscientific-project-in-landslide-zone/): ಭೂ ಕುಸಿತ ವಲಯವಾದ ಶರಾವತಿ ನದಿ ಕಣಿವೆ ಪ್ರದೇಶದಲ್ಲಿ ಸರ್ಕಾರ ಪಂಪ್ ಸ್ಟೋರೇಜ್ ಭೂಗತ ಜಲ ವಿದ್ಯುತ್ ಯೋಜನೆ ಮುಂದಾಗಿದ್ದು, ಈ ಯೋಜನೆಯ ಅನಾಹುತಗಳ ಬಗ್ಗೆ ಕುದ್ರಿಗಿ ಗ್ರಾಮ ಪಂಚಾಯಿತಿಯ ಅಧ್ಯಕ್ಷ ಮಹ್ಮದ ಫೈಸಲ್ ಬಾವಾಫಕ್ಕಿ ಅವರು ಗಮನಸೆಳೆದಿದ್ದಾರೆ. ಈ ಕುರಿತು ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರಿಗೂ ಪತ್ರ ಬರೆದಿರುವ ಅವರು ಯೋಜನೆಯನ್ನು ಕೈ ಬಿಡುವಂತೆ ಆಗ್ರಹಿಸಿದ್ದಾರೆ. ಕುದ್ರಿಗಿ ಗ್ರಾಮ ಪಂಚಾಯಿತವೂ ಯೋಜನೆಯನ್ನು ವಿರೋಧಿಸಿದ ಬಗ್ಗೆ ಅವರು ನಿರ್ಣಯ ಮಂಡಿಸಿ, ಅದರ ಪ್ರತಿಯನ್ನು ಸರ್ಕಾರಕ್ಕೆ ಕಳುಹಿಸಿದ್ದಾರೆ. `ಶರಾವತಿ ನದಿ ಕಣಿವೆ ಪ್ರದೇಶದಲ್ಲಿ ಭೂ ಕುಸಿತದ ಅಪಾಯವಿದೆ. ಸಿಂಗಳಿಕ ಅಭಯಾರಣ್ಯ ವ್ಯಾಪ್ತಿಯಲ್ಲಿ ಅವೈಜ್ಞಾನಿಕ ಯೋಜನೆಗೆ ಅವಕಾಶ ಕೊಡುವುದು ಸರಿಯಲ್ಲ. ಪರಿಸರದ ಜೊತೆ ಆ ಭಾಗದ ರೈತರ ಜೀವನೋಪಾಯಕ್ಕೆ ಸಹ ಈ ಯೋಜನೆ ಅಪಾಯಕಾರಿ’ ಎಂದವರು ವೈಜ್ಞಾನಿಕ ಕಾರಣಗಳ ಜೊತೆ ವಿವರಿಸಿದ್ದಾರೆ. `ಶರಾವತಿ ಕಣಿವೆಯು ಈಗಾಗಲೇ ಸರಣಿ ಜಲಾಶಯ ಮತ್ತು ಜಲ ವಿದ್ಯುತ ಯೋಜನೆಗಳಿಂದ ಅಪಾಯಕ್ಕೆ ಸಿಲುಕಿದೆ. ಬೇಸಿಗೆ ಅವಧಿಯಲ್ಲಿ ನದಿ ನೀರಿನ ಹರಿವು ಕಡಿಮೆ ಆಗುತ್ತದೆ. ಸಮುದ್ರದ ಉಪ್ಪು ನೀರು 18ಕಿಮೀ ಹಿಮ್ಮುಖವಾಗಿ ಶರಾವತಿ ನದಿಗೆ ಸೇರುತ್ತಿದೆ. ಮಳೆಗಾಲದಲ್ಲಿ ಪ್ರವಾಹ ಉಂಟಾಗುತ್ತಿದ್ದು, ಜನ ಆರ್ಥಿಕ ನಷ್ಟವನ್ನು ಅನುಭವಿಸುತ್ತಿದ್ದಾರೆ. ಇಂಥ ಸ್ಥಿತಿಯಲ್ಲಿ ಗೇರುಸೊಪ್ಪೆ ಮತ್ತು ತಲಕಳಲೆ ಜಲಾಶಯಗಳ ನಡುವಿನ ಪರಿಸರ ಸೂಕ್ಷ್ಮ ಪ್ರದೇಶದಲ್ಲಿ ಸ್ಪೋಟಕ ಬಳಸುವುದು ಅಪಾಯಕಾರಿ’ ಎಂದವರು ಮನವರಕೆ ಮಾಡುವ ಪ್ರಯತ್ನ ಮಾಡಿದ್ದಾರೆ. ಈ ವೈಜ್ಞಾನಿಕ ಯೋಜನೆಯ ಅನುಷ್ಠಾನದಿಂದ ಪರಿಸರ, ಜೀವಿವೈವಿಧ್ಯತೆ ಮತ್ತು ಜನಜೀವನದ ಮೇಲೆ ಆಘಾತಕಾರಿ ಪರಿಣಾಮ ಉಂಟಾಗಲಿದೆ’ ಎಂಬ ಆತಂಕವ್ಯಕ್ತಪಡಿಸಿದ್ದಾರೆ. `ಯೋಜನೆಯ ಅನುಷ್ಠಾನಕ್ಕೆ ಗುರುತಿಸಲಾದ ತಾಣವೂ ಪಶ್ಚಿಮಘಟ್ಚಗಳ ದಟ್ಟವಾದ ನಿತ್ಯ ಹರಿದ್ವರ್ಣದ ಮಳೆಕಾಡುಗಳ ನಡುವೆ ಇದೆ. ಆ ಘಟ್ಟ ಪ್ರದೇಶವು ಅಧಿಕ ಮಳೆ ಮತ್ತು ಕಡಿದಾದ ಕಣಿವೆಗಳಿಂದ ಉಂಟಾಗುವ ಭಾರಿ ಭೂಕುಸಿತಗಳಿಂದಾಗಿ ಅಪಾಯಕಾರಿ ಭೂಕುಸಿತ ವಲಯವೆಂದು ಗುರುತಿಸಲ್ಪಟ್ಟಿದೆ. ಇಲ್ಲಿ ಯೋಜನೆ ಮಾಡುವುದರಿಂದ ಅನೇಕ ಅನಾಹುತಗಳು ನಡೆಯುವ ಸಾಧ್ಯತೆಗಳಿವೆ. ಈ ಬಗ್ಗೆ ಟಿ ವಿ ರಾಮಚಂದ್ರ ಮತ್ತು ಸುಭಾಷ ಚಂದ್ರನ್ ಸೇರಿ ಅನೇಕ ವಿಜ್ಞಾನಿಗಳು ಜನರಿಗೆ ಮಾಹಿತಿ ನೀಡಿದ್ದಾರೆ. ಹೀಗಾಗಿ ಉದ್ದೇಶಿತ ಶರಾವತಿ ಪಂಪ್ಡ್ ಸ್ಟೋರೇಜ ವಿದ್ಯುತ್ ಯೋಜನೆ ಕೈ ಬಿಡಬೇಕು’ ಎಂದು ಆಗ್ರಹಿಸಿದ್ದಾರೆ.
- [ಕೂಲಿ ಕೆಲಸದಲ್ಲಿಯೂ ಆತ ಪೇಮಸ್ಸು: ಕದಿಯೋದೇ ಅವನ ಬ್ಯುಸಿನೆಸ್ಸು!](https://mobiletime.in/2025/12/he-is-also-passionate-about-wage-labor-stealing-is-his-business/): ಸೂರಜ ಪಾಟೀಲ ಅವರ ಪುತ್ರ ಸಮೀರ ದೇಸಾಯಿ ಅವರು ಆರ್ಯ ಎಂಬ ಹೆಸರಿನಿಂದಲೂ ಗುರುತಿಸಿಕೊಂಡಿದ್ದು, ಕಳ್ಳತನವನ್ನೇ ಅವರು ಮುಖ್ಯ ವೃತ್ತಿಯನ್ನಾಗಿಸಿಕೊಂಡಿದ್ದಾರೆ. 21ನೇ ವಯಸ್ಸಿನಲ್ಲಿಯೇ ಬೆಳಗಾವಿಯ ಹಲವು ಕಡೆ ಕಳ್ಳತನ ನಡೆಸಿರುವ ಅವರು ಸದ್ಯ ಯಲ್ಲಾಪುರದಲ್ಲಿ ಎರಡು ಕಡೆ ತಮ್ಮ ಕೈ ಚಳಕ ಪ್ರದರ್ಶಿಸಿ ಸಿಕ್ಕಿ ಬಿದ್ದಿದ್ದಾರೆ. ಜೊಯಿಡಾ ಅಣಶಿಯ ಕೊಣಮಣ ನುಜ್ಜಿಯ ಸಮೀರ ದೇಸಾಯಿ ಅವರು ಮೊದಲು ಕೂಲಿ ಕಾರ್ಮಿಕರಾಗಿದ್ದರು. ಯಾರು ಏನೇ ಕೆಲಸ ಹೇಳಿದರೂ ಅದನ್ನು ಮಾಡುತ್ತಿದ್ದರು. ಕೂಲಿ ಕೆಲಸದಿಂದ ಅವರು ಖ್ಯಾತಿ ಗಳಿಸಿದರೂ ಸದ್ಯ ಕಳ್ಳತನ ಪ್ರಕರಣಗಳಿಂದ ಅವರು ಕುಖ್ಯಾತಿಪಡೆದಿದ್ದಾರೆ. ಸದ್ಯ ಕೂಲಿ ಕೆಲಸ ಬಿಟ್ಟಿರುವ ಅವರು ಕಳ್ಳತನ ಮಾಡುವುದನ್ನೇ ತಮ್ಮ ಮುಖ್ಯ ವೃತ್ತಿಯನ್ನಾಗಿಸಿಕೊಂಡಿದ್ದಾರೆ. 12 ಕಳ್ಳತನ ಪ್ರಕರಣದಲ್ಲಿ ಭಾಗಿಯಾಗಿರುವ ಸಮೀರ ದೇಸಾಯಿ ಅವರನ್ನು ಯಲ್ಲಾಪುರ ಪೊಲೀಸರು ಬಂಧಿಸಿ, ಜೈಲಿಗೆ ಕಳುಹಿಸಿದ್ದಾರೆ. ನವೆಂಬರ್ 1ರಂದು ಯಲ್ಲಾಪುರದ ಕಣ್ಣಿಗೇರಿಯ ಸಾರಬೈಲ್ ಬಳಿಯ ಮಿಲಾಗ್ರಿ ಸುನೀಲ ವಾಜ್ ಅವರ ಮನೆಯಲ್ಲಿ ಕಳ್ಳತನ ನಡೆದಿತ್ತು. ಆ ಮನೆಯೊಳಗಿದ್ದ 17 ಗ್ರಾಂ ಬಂಗಾರದ ಜೊತೆ ಬೆಳ್ಳಿ ಆಭರಣಗಳು ಕಾಣೆಯಾಗಿದ್ದವು. 1.13 ಲಕ್ಷ ರೂ ಮೌಲ್ಯದ ಆಭರಣ ಕಳ್ಳತನ ನಡೆದಿರುವುದು ಮರುದಿನ ಗೊತ್ತಾಗಿದ್ದು, ಮಿಲಾಗ್ರಿ ಅವರು ಪೊಲೀಸ್ ದೂರು ನೀಡಿದ್ದರು. ಅದಾದ ನಂತರ ನವೆಂಬರ್ 21ರಂದು ಮಲವಳ್ಳಿ ಸಂಕೇತ ಭಟ್ಟ ಅವರ ಒಡೆತನದ ಮಳಿಗೆಯಲ್ಲಿಯೂ ಕಳ್ಳತನ ನಡೆದಿತ್ತು. ಯಲ್ಲಾಪುರ ಹೃದಯಭಾಗದಲ್ಲಿರುವ ಸೀತಾಲಕ್ಷಿ ಮೆಡಿಕಲ್ ಶಾಪಿನ ಬಾಗಿಲು ಒಡೆದ ಕಳ್ಳರು 45 ಸಾವಿರ ರೂ ಹಣ ದೋಚಿದ್ದರು. ಈ ಬಗ್ಗೆ ಸಂಕೇತ ಭಟ್ಟ ಅವರು ಪೊಲೀಸ್ ದೂರು ನೀಡಿದ್ದರು. ಈ ಎರಡು ಪ್ರಕರಣ ಬೆನ್ನತ್ತಿದ ಪೊಲೀಸರಿಗೆ ಕೂಲಿ ಕೆಲಸ ಮಾಡುವುದಾಗಿ ಹೇಳಿಕೊಂಡಿದ್ದ ಸಮೀರ ದೇಸಾಯಿ ಎದುರಾದರು. ಕೂಲಿ ಕೆಲಸ ಮಾಡುವ ವ್ಯಕ್ತಿ ಆ ಪ್ರಮಾಣದಲ್ಲಿ ಐಷಾರಾಮಿ ಬದುಕು ಸಾಗಿಸುವುದನ್ನು ನೋಡಿ ಪೊಲೀಸರು ಅನುಮಾನಪಟ್ಟರು. ಪಿಐ ರಮೇಶ ಹಾನಾಪುರ ಜೊತೆ ಎಸೈ ರಾಜಶೇಖರ ವಂದಲಿ, ಸಿದ್ದಪ್ಪ ಗುಡಿ, ಮಹಾವೀರ ಕಾಂಬಳೆ, ಶೇಡಜಿ ಚೌಹಾಣ್ ಸೇರಿ ವಿಚಾರಣೆ ನಡೆಸಿದರು. ಆಗ, ಆ ಸಮೀರ್ ದೇಸಾಯಿ ಅವರು ಯಲ್ಲಾಪುರದ ಎರಡು ಕಡೆ ಕಳ್ಳತನ ಮಾಡಿದ್ದನ್ನು ಒಪ್ಪಿಕೊಂಡರು. ಪೊಲೀಸ್ ಸಿಬ್ಬಂದಿ ಮಹಮದ್ ಶಫೀ ಶೇಖ್, ಶೋಭಾ ನಾಯ್ಕ, ಗಿರೀಶ ಲಮಾಣಿ, ಪರಮೇಶ್ವರ ಕೆ, ನಾಗರಾಜ ನಾಯ್ಕ, ನೀಲಪ್ಪ ಸಿಟಿ ಜೊತೆ ಟೆಕ್ನಿಕಲ್ ವಿಭಾಗದ ಉದಯ ಗುನಗಾ ಅವರ ಸಹಕಾರದಿಂದ ಸಮೀರ ದೇಸಾಯಿ ಅವರು ಜೈಲು ಸೇರಿದರು.
- [ನೇತ್ರಾಣಿ: ಪ್ರವಾಸೋದ್ಯಮದ ಮೇಲೆಯೂ ಸೈಬರ್ ಕ್ರಿಮಿಯ ಕರಿ ನೆರಳು!](https://mobiletime.in/2025/12/netrani-the-dark-shadow-of-cybercrime-also-looms-over-tourism/): ಉತ್ತರ ಕನ್ನಡ ಕನ್ನಡ ಜಿಲ್ಲೆಯ ಪ್ರವಾಸೋದ್ಯಮ ಚಟುವಟಿಕೆಗಳ ಮೇಲೆ ದುಷ್ಟರ ಕಣ್ಣು ಬಿದ್ದಿದೆ. ಮುರುಡೇಶ್ವರದ ಪ್ರಸಿದ್ಧ ಸ್ಕೂಬಾ ಡೈವಿಂಗ್ ಸಂಸ್ಥೆಯಾದ ನೇತ್ರಾಣಿ ಅಡ್ವೆಂಚರ್ಸ’ನ ಗೂಗಲ್ ಖಾತೆಯನ್ನು ಸೈಬರ್ ಕ್ರೈಂ ಕಳ್ಳರು ಹ್ಯಾಕ್ ಮಾಡಿದ್ದಾರೆ! ನೇತ್ರಾಣಿ ಅಡ್ವೆಂಚರ್ಸ್ ಸಂಸ್ಥೆಯೂ ಮುರುಡೇಶ್ವರದಲ್ಲಿ ಅತ್ಯುತ್ತಮ ಸೇವೆ ನೀಡುತ್ತಿದೆ. ಅಲ್ಲಿಗೆ ಬರುವ ಪ್ರವಾಸಿಗರನ್ನು ಆತ್ಮೀಯವಾಗಿ ಬರಮಾಡಿಕೊಳ್ಳುವ ಸಂಸ್ಥೆ ಸಿಬ್ಬಂದಿ ಅವರಿಗೆ ಊಟ-ವಸತಿ ಕಲ್ಪಿಸಿ ಜಲ ಸಾಹಸ ಚಟುವಟಿಕೆಗೆ ಕರೆದೊಯ್ಯುತ್ತಿದ್ದಾರೆ. ಸ್ಕೂಬಾ ಡೈವಿಂಗ್ ಮಾಡಲು ಬಯಸುವವರಿಗೆ 3500ರೂ ದರದಲ್ಲಿ ಈ ಸಂಸ್ಥೆಯವರು ಆಳ ಸಮುದ್ರಕ್ಕೆ ಕರೆದೊಯ್ದು ಜಲಚರಗಳ ಪರಿಚಯ ಮಾಡಿಸುತ್ತ ಬಂದಿದ್ದಾರೆ. ಹೀಗಿರುವಾಗ ಸೈಬರ್ ಕ್ರೈಂ ಖದೀಮರು ಇದೀಗ ನೇತ್ರಾಣಿ ಅಡ್ವೆಂಚರ್ಸ’ನ ಗೂಗಲ್ ಖಾತೆ ದುರುಪಯೋಗಪಡಿಸಿಕೊಂಡು ಜನರನ್ನು ವಂಚಿಸಲು ಶುರು ಮಾಡಿದ್ದಾರೆ. ಸ್ಕೂಬಾ ಡೈವಿಂಗ್ ಪ್ರಕ್ರಿಯೆಯಲ್ಲಿ ಅನುಭವಿ ಸಿಬ್ಬಂದಿ ಹೊಂದಿರುವ ನೇತ್ರಾಣಿ ಅಡ್ವೆಂಚರ್ಸ್ ನ ಅಧಿಕೃತ ಗೂಗಲ್ ವ್ಯವಹಾರಿಕ ಖಾತೆಯ ವಿವರವನ್ನು ಅಪರಿಚಿತರು ತಿದ್ದಿದ್ದಾರೆ. ಅಲ್ಲಿ ನಕಲಿ ಸಂಪರ್ಕ ಸಂಖ್ಯೆ ಸೇರಿಸಿ ಗ್ರಾಹಕರಿಂದ ಹಣ ವಸೂಲಿಗೆ ಮುಂದಾಗಿದ್ದಾರೆ. ಈ ಬಗ್ಗೆ ನೇತ್ರಾಣಿ ಅಡ್ವೆಂಚರ್ಸ್ ಮಾಲಕ ಗಣೇಶ ಹರಿಕಂತ್ರ ಅವರ ಗಮನಕ್ಕೆ ಬಂದ ತಕ್ಷಣ ಅವರು ಸಹಾಯ ಕೋರಿ ಸೈಬರ್ ತಜ್ಞರ ಮೊರೆ ಹೋಗಿದ್ದಾರೆ. ಸರ್ಕಾರದ ಅಧಿಕೃತ ಪೋರ್ಟಲ್ ಮೂಲಕ ತಮಗಾದ ಸಮಸ್ಯೆ ಬಗ್ಗೆ ವರದಿ ಮಾಡಿದ್ದಾರೆ. `ಮುರುಡೇಶ್ವರಕ್ಕೆ ಬರುವ ಪ್ರವಾಸಿಗರು ಸೈಬರ್ ಅಪರಾಧದ ಬಗ್ಗೆ ಅರಿವು ಹೊಂದುವುದು ಮುಖ್ಯವಾಗಿದ್ದು, ಅಕ್ರಮ ಜಾಲಕ್ಕೆ ಸಿಲುಕದೇ ಎಚ್ಚರವಾಗಿರಬೇಕು. ಪ್ರವಾಸದ ಅವಧಿಯಲ್ಲಿ ಊಟ, ವಸತಿ, ಜಲ ಸಾಹಸ ಚಟುವಟಿಕೆ ಸೇರಿ ಯಾವುದೇ ವಿಷಯವಾಗಿ ನೇತ್ರಾಣಿ ಅಡ್ವೆಂಚರ್ಸ್ ನೆರವಿಗಾಗಿ 9900431111ಗೆ ಮಾತ್ರ ಫೋನ್ ಮಾಡಬೇಕು’ ಎಂದು ಗಣೇಶ ಹರಿಕಂತ್ರ ಅವರು ಮನವಿ ಮಾಡಿದ್ದಾರೆ. ಸಂಶಯಾಸ್ಪದ ವ್ಯವಹಾರಗಳ ಬಗ್ಗೆ ಪೊಲೀಸ್ ದೂರು ನೀಡುವಂತೆಯೂ ಅವರು ಜಾಗೃತಿ ಮೂಡಿಸಿದ್ದಾರೆ.
- [ಬಾಲ್ಯ ವಿವಾಹ ಇನ್ನೂ ಜೀವಂತ!](https://mobiletime.in/2025/12/child-marriage-is-still-alive/): ಶಿರಸಿ ಸಭಾ ಭವನವೊಂದರಲ್ಲಿ ಬಾಲ್ಯ ವಿವಾಹ ನಡೆದಿದೆ. ತಾಯಿಯೇ ಮಗಳನ್ನು ಫುಸಲಾಯಿಸಿ ಮದುವೆ ಮಾಡಿದ್ದಾರೆ. ಸರ್ಕಾರದ ನಿಯಮಾವಳಿಗಳ ಪ್ರಕಾರ 18 ವರ್ಷ ಪೂರೈಸದ ಕನ್ಯೆಯರ ವಿವಾಹ ಮಾಡುವ ಹಾಗಿಲ್ಲ. ಮದುವೆ ಆಗಬಯಸುವ ಪುರುಷರಿಗೆ ಸಹ 21 ಆಗಿರುವುದು ಕಡ್ಡಾಯ. ಈ ಬಗ್ಗೆ ಅರಿತಿದ್ದರೂ ಆ ಕಾನೂನು ಉಲ್ಲಂಘಿಸಿ ಕೆಲವರು ಬಾಲಕಿಯೊಬ್ಬರಿಗೆ ಮದುವೆ ಮಾಡಿ ಮುಗಿಸಿದ್ದಾರೆ. ಅಕ್ಟೊಬರ್ 7ರಂದು ಶಿರಸಿಯ ದುಂಡಸಿ ನಗರದ ಮಡಿವಾಳ ಮಾಚಿದೇವ ಸಭಾಭವನದಲ್ಲಿ ಈ ಮದುವೆ ನಡೆದಿದೆ. ಶಿರಸಿ ಕೊಣ್ಣೂರಿನ ಚಂದ್ರಬಾಯಿ ನಾರಾಯಣ ಭಗವೆ, ಸಂತೋಷ ನಾರಾಯಣ ಬಗವೆ ಹಾಗೂ ಹರಿಹರದ ಸಾವಿತ್ರಿ ನಾರಾಯಣ ಗುಡಕರ್ ಸೇರಿ ಅಪ್ರಾಪ್ತೆಯ ಮದುವೆ ಮಾಡಿಸಿದ್ದಾರೆ. ಸಾವಿತ್ರಿ ಗುಡಕರ್ ಅವರು ತಮ್ಮ ಚಿಕ್ಕ ವಯಸ್ಸಿನ ಮಗಳ ಮದುವೆ ಮಾಡಿ ತಮ್ಮ ಹೊರೆ ಕಡಿಮೆ ಮಾಡಿಕೊಳ್ಳುವ ಪ್ರಯತ್ನ ನಡೆಸಿದ್ದಾರೆ. ಆದರೆ, ಈ ಬಾಲ್ಯ ವಿವಾಹದ ಬಗ್ಗೆ ಜಿಲ್ಲಾ ಮಕ್ಕಳ ಘಟಕಕ್ಕೆ ಮಾಹಿತಿ ಸಿಕ್ಕಿದೆ. ಆ ಮಾಹಿತಿ ಆಧರಿಸಿ ಶಿರಸಿ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ನಂದಕುಮಾರ ಎಂ ಆರ್ ವಿಚಾರಣೆ ನಡೆಸಿದ್ದಾರೆ. ಆ ವಿಚಾರಣೆಯಲ್ಲಿ ಬಾಲ್ಯ ವಿವಾಹ ದೃಢವಾಗಿದ್ದು, ಬಾಲಕಿಗೆ ಮದುವೆ ವಯಸ್ಸು ಭರ್ತಿಯಾಗುವ ಮುನ್ನವೇ ಮದುವೆ ಮಾಡಿದನ್ನು ಅವರು ಖಚಿತಪಡಿಸಿದ್ದಾರೆ. ಅದಾದ ನಂತರ ಅಪ್ರಾಪ್ತೆಯನ್ನು ಫುಸಲಾಯಿಸಿ ಮದುವೆ ಮಾಡಿದ ಬಗ್ಗೆ ನಂದಕುಮಾರ ಎಂ ಆರ್ ಅವರು ಬಾಲಕಿ ತಾಯಿ ಸಾವಿತ್ರಿ ನಾರಾಯಣ ಗುಡಕರ್ ವಿರುದ್ಧ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಜೊತೆಗೆ ಮದುವೆಯಲ್ಲಿ ಮುಖ್ಯ ಜವಾಬ್ದಾರಿ ನಿಭಾಯಿಸಿದ ಚಂದ್ರಬಾಯಿ ನಾರಾಯಣ ಭಗವೆ, ಸಂತೋಷ ನಾರಾಯಣ ಬಗವೆ ಅವರ ವಿರುದ್ಧವೂ ಪ್ರಕರಣ ದಾಖಲಿಸಿದ್ದಾರೆ. `ಬಾಲ್ಯ ವಿವಾಹ ಶಿಕ್ಷಾರ್ಹ ಅಪರಾಧ’  
- [ಕುಡಿದು ಬೈಕ್ ಚಾಲನೆ: ಕಾಲು ಮುರಿತ!](https://mobiletime.in/2025/12/drunk-bike-riding-broken-leg/): ಕಂಠಪೂರ್ತಿ ಕುಡಿದು ಬೈಕ್ ಓಡಿಸಿದ ನಿರಂಜನ ನಾಯ್ಕ ಅವರು ನರಸಿಂಹ ಹರಿಕಂತ್ರ ಅವರಿಗೆ ತಮ್ಮ ವಾಹನ ಗುದ್ದಿದ್ದಾರೆ. ಪರಿಣಾಮ ನರಸಿಂಹ ಹರಿಕಂತ್ರ ಅವರ ಕಾಲಿನ ಮೂಳೆ ಮುರಿದು ಅವರು ಆಸ್ಪತ್ರೆ ಸೇರಿದ್ದಾರೆ. ಕುಮಟಾ ಹೊಲನಗದ್ದೆಯ ನರಸಿಂಹ ಹರಿಕಂತ್ರ ಅವರು ಡಿಸೆಂಬರ್ 6ರಂದು ಸೈಕಲ್ ಮೂಲಕ ಹೋಗುತ್ತಿದ್ದರು. ಕಡ್ಲೆ ಆಟದ ಮೈದಾನದ ಬಳಿ ತಮ್ಮ ಪಾಡಿಗೆ ತಾವು ತೆರಳುತ್ತಿದ್ದಾಗ ವೇಗವಾಗಿ ಬಂದ ಬೈಕ್ ಅವರಿಗೆ ಡಿಕ್ಕಿಯಾಯಿತು. ಕುಮಟಾದಿಂದ ಬಾಡದ ಕಡೆ ಹೋಗುತ್ತಿದ್ದ ನಿರಂಜನ ನಾಯ್ಕ ಅವರು ವೇಗವಾಗಿ ಬೈಕ್ ಓಡಿಸಿಕೊಂಡು ಬಂದು ಸೈಕಲಿಗೆ ಗುದ್ದಿದ್ದರು. ಸೈಕಲಿನಿಂದ ನರಸಿಂಹ ಹರಿಕಂತ್ರ ಅವರು ಪೆಟ್ಟು ಮಾಡಿಕೊಂಡರು. ಅಲ್ಲಿದ್ದ ಜನ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರು. ಆ ವೇಳೆ ನರಸಿಂಹ ಹರಿಕಂತ್ರ ಅವರ ಕಾಲಿನ ಮೂಳೆ ಮುರಿದಿರುವುದು ಗಮನಕ್ಕೆ ಬಂದಿತು. ಪೆoಟಿoಗ್ ಕೆಲಸ ಮಾಡಿಕೊಂಡಿದ್ದ ಜಯೇಶ ಹರಿಕಂತ್ರ ಅವರು ತಂದೆಗೆ ಅಪಘಾತವಾದ ವಿಷಯ ಕೇಳಿ ಆಸ್ಪತ್ರೆಗೆ ಓಡಿ ಬಂದರು. ಆಗ, ಅಪಘಾತಕ್ಕೆ ಕಾರಣರಾದ ಬಾಡದ ನಿರಂಜನ ನಾಯ್ಕ ಅವರು ಮದ್ಯದ ಅಮಲಿನಲ್ಲಿರುವುದು ಗೊತ್ತಾಯಿತು. ಕುಡಿದು ಬೈಕ್ ಓಡಿಸಿದಲ್ಲದೇ, ತಮ್ಮ ತಂದೆಗೆ ನೋವು ಮಾಡಿದ ನಿರಂಜನ ನಾಯ್ಕ ಅವರ ವಿರುದ್ಧ ಜಯಶೇಶ ಹರಿಕಂತ್ರ ಅವರು ಕಾನೂನು ಕ್ರಮಕ್ಕೆ ಮುಂದಾದರು. ನಿರಂಜನ ನಾಯ್ಕ ಅವರ ವಿರುದ್ಧ ಕುಮಟಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದರು. `ಮದ್ಯಪಾನ ಮಾಡಿ ವಾಹನ ಓಡಿಸಬೇಡಿ’
- [ಶಾರ್ಟ ಸರ್ಕೀಟ್: ಯಂತ್ರೋಪಕರಣದ ಜೊತೆ ಫರ್ನಿಚರ್ ಭಸ್ಮ](https://mobiletime.in/2025/12/short-circuit-furniture-burns-along-with-machinery/): ವಿದ್ಯುತ್ ಶಾರ್ಟ ಸರ್ಕೀಟ್ ಪರಿಣಾಮ ಮರದ ಉಪಕರಣ ತಯಾರಿಕಾ ಮಳಿಗೆಗೆ ಬೆಂಕಿ ಬಿದ್ದಿದೆ. ಪರಿಣಾಮ ಮಳಿಗೆ ಮಾಲಕರಿಗೆ 50 ಲಕ್ಷ ರೂ ನಷ್ಟವಾಗಿದೆ. ಮುಂಡಗೋಡಿನ ಕಿಲ್ಲೆ ಓಣಿಯ ಖಾದರಲಿಂಗ್ ಬಳಿಯ ಯೂನುಸ್ ಹೊಸಕೊಪ್ಪ ಅವರ ಕಟ್ಟಿಗೆ ಅಡ್ಡೆಯಲ್ಲಿ ರವಿವಾರ ಬೆಂಕಿ ತಗುಲಿದೆ. ಬೆಂಕಿಯ ಜ್ವಾಲೆಗೆ ಸಾಗುವಾನಿ ಫರ್ನಿಚರ್ ಸುಟ್ಟು ಬೂದಿಯಾಗಿದೆ. ಜೊತೆಗೆ ವಿವಿಧ ಮರದ ಸಾಮಗ್ರಿ ಹಾಗೂ ಯಂತ್ರಗಳು ಸುಟ್ಟು ಕರಕಲಾಗಿದೆ. ಅಲ್ಲಿ ನಿಲ್ಲಿಸಿದ್ದ ಕಾರಿಗೂ ಬೆಂಕಿ ತಗುಲಿದೆ. ಈ ಅಡ್ಡೆಯ ಪಕ್ಕದಲ್ಲಿದ್ದ ಅಯಾನ್ ಹಾನಗಲ್ ಅವರ ಹಾರ್ಡ್ವೇರ್ ಗೋಡೌನ್‌ಗೂ ಬೆಂಕಿ ವ್ಯಾಪಿಸಿದೆ. ಅಲ್ಲಿಯೂ ಅಪಾರ ಮೌಲ್ಯದ ವಸ್ತುಗಳು ನಾಶವಾಗಿದೆ. ಅಗ್ನಿಶಾಮಕ ಸಿಬ್ಬಂದಿ ತೀವ್ರ ಕಾರ್ಯಾಚರಣೆ ನಡೆಸಿ ಬೆಂಕಿಯನ್ನು ಹತೋಟಿಗೆ ತಂದಿದ್ದಾರೆ. ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.
- [ಭರ್ಜರಿ ಬೇಟೆ: ಜಿಂಕೆ ಚರ್ಮ.. ಹಂದಿ ಮಾಂಸ!](https://mobiletime.in/2025/12/great-hunt-deer-skin-pork/): ಹಿರೋ ಹೊಂಡಾ ಬೈಕಿನಲ್ಲಿ ಸಾಗಾಟವಾಗುತ್ತಿದ್ದ ಜಿಂಕೆ ಚರ್ಮ.. ಹಂದಿ ಮಾಂಸಕ್ಕೆ ಅರಣ್ಯಾಧಿಕಾರಿಗಳು ತಡೆ ಒಡ್ಡಿದ್ದಾರೆ. ಚರ್ಮ ಹಾಗೂ ಮಾಂಸದ ಜೊತೆ ಐವರನ್ನು ವಶಕ್ಕೆಪಡೆದಿದ್ದಾರೆ. ಮುಂಡಗೋಡಿನ ಅರಣ್ಯಾಧಿಕಾರಿಗಳು ಈ ಕಾರ್ಯಾಚರಣೆ ನಡೆಸಿದ್ದಾರೆ. ಬಾಳೆಕೊಪ್ಪ ಬಳಿಯ ಕರ್ಕಲ ಜಡ್ಡಿಯಲ್ಲಿ ಬೈಕ್ ತಪಾಸಣೆ ನಡೆಸಿದ ಅಧಿಕಾರಿಗಳಿಗೆ ಕಾಂಡು ಹಂದಿ ಮಾಂಸ ಸಿಕ್ಕಿದೆ. ಆರೋಪಿತರನ್ನು ವಿಚಾರಣೆಗೆ ಒಳಪಡಿಸಿದಾಗ ಜಿಂಕೆ ಚರ್ಮ ಅಡಗಿಸಿರುವುದು ಬೆಳಕಿಗೆ ಬಂದಿದೆ. ಬಾಳೆಕೊಪ್ಪದ ಕನಕಪ್ಪ ದುರ್ಗಪ್ಪ ಮಾದರ್, ಪರಶುರಾಮ್ ಕನಕಪ್ಪ ಮಾದರ್, ಸೊರಬದ ಸುರೇಶ ದೇವಪ್ಪ ಕೋಡಿಕೊಪ್ಪ, ಶಿವಪುತ್ರಪ್ಪ ಹನುಮಂತಪ್ಪ ಕೋಡಿಕೊಪ್ಪ ತಾಲೂಕ ಸೊರಬ, ಉಮೇಶ್ ಗುಡ್ಡಪ್ಪ ಕೋಡಿಕೊಪ್ಪ ಅವರನ್ನು ಅರಣ್ಯಾಧಿಕಾರಿಗಳು ಬಂಧಿಸಿದ್ದಾರೆ. ಅವರು ಬಳಸಿದ್ದ ಬೈಕು, ಜಿಂಕೆ ಚರ್ಮ ಹಾಗೂ 3.9 ಕೆಜಿ ಕಾಡು ಹಂದಿ ಮಾಂಸವನ್ನು ಜಪ್ತು ಮಾಡಿದ್ದಾರೆ.
- [ಲಾಟರಿ ನಿಷೇಧ: ಲಕ್ಕಿ ಡ್ರಾ ತಡೆಯಲು ಡೀಸಿಗೂ ಅಧಿಕಾರವಿಲ್ಲ!](https://mobiletime.in/2025/12/lottery-ban-even-dc-has-no-power-to-stop-lucky-draws/): ರಾಜ್ಯದಲ್ಲಿ ಲಾಟರಿ ಮಾರಾಟ ನಿಷೇಧವಾಗಿದ್ದರೂ `ಲಕ್ಕಿ ಡ್ರಾ ಕೂಪನ್’ ಮಾರಾಟಕ್ಕೆ ಕಡಿವಾಣ ಬಿದ್ದಿಲ್ಲ. ಗಣೇಶ ಉತ್ಸವದ ಅವಧಿಯಲ್ಲಿ `ಡ್ರಾ’ ನಡೆಸುವ ಉತ್ಸವ ಸಮಿತಿ ವಿರುದ್ಧ ಕಾನೂನು ಕ್ರಮವಾಗುತ್ತಿದೆಯೇ ವಿನ: `ಲಕ್ಕಿ ಡ್ರಾ’ ಹೆಸರಿನಲ್ಲಿ ನಿತ್ಯವೂ ನಡೆಯುವ ವಂಚನೆಯ ಜಾಲದ ವಿರುದ್ಧ ಕ್ರಮ ಜರುಗಿಸಲು ಯಾರಿಗೂ ಅಧಿಕಾರವಿಲ್ಲ! ಜನರಿಗೆ ಆಮೀಷ ಒಡ್ಡುವ ದಂಧೆ ನಿಯಂತ್ರಣಕ್ಕೆ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಪ್ಲೆಯಿಂಗ್ ಸ್ಕಾಡ್ ರಚನೆಯಾಗಿದೆ. ಮಟ್ಕಾ, ಲಾಟರಿ, ಬೆಟ್ಟಿಂಗ್ ಸೇರಿ ವಿವಿಧ ಆಮೀಷಗಳನ್ನು ಒಡ್ಡುವವರ ಮೇಲೆ ಪ್ಲೆಯಿಂಗ್ ಸ್ಕಾಡ್ ಅಧಿಕಾರಿಗಳು ದಾಳಿ ನಡೆಸುವ ಅಧಿಕಾರ ಹೊಂದಿದ್ದಾರೆ. ಆದರೆ, ಲಾಟರಿ ಮಾದರಿಯಲ್ಲಿಯೇ ಕಾರ್ಯ ನಿರ್ವಹಿಸುವ `ಲಕ್ಕಿ ಡ್ರಾ ಕೂಪನ್’ ಮಾರಾಟದ ವಿರುದ್ಧ ಕ್ರಮ ಜರುಗಿಸಲು ಯಾರಿಂದಲೂ ಸಾಧ್ಯವಿಲ್ಲ. ಕಾನೂನಿನಲ್ಲಿರುವ ನ್ಯೂನ್ಯತೆಯನ್ನು ಬಳಸಿಕೊಂಡು `ಲಕ್ಕಿ ಡ್ರಾ’ ಎಂಬ ಮಾರಾಟ ಜಾಲ ಹೆಮ್ಮರವಾಗಿ ಬೆಳೆದಿದೆ. ಸಣ್ಣ ಸಣ್ಣ ಅಂಗಡಿಗಳಲ್ಲಿಯೂ ಸಹ `ಲಕ್ಕಿ ಡ್ರಾ ಕೂಪನ್’ ಮಾರಾಟದ ಹೆಸರಿನಲ್ಲಿ ವಂಚನೆ ಜೋರಾಗಿದೆ. ಕರ್ನಾಟಕ ರಾಜ್ಯ ಲಾಟರಿ ರೆಗ್ಯೂಲೇಶನ್ ಆಕ್ಟ್ 1998ರ ಪ್ರಕಾರ ಸರ್ಕಾರ ಎಲ್ಲಾ ಜಿಲ್ಲೆಗಳಲ್ಲಿಯೂ ಪ್ಲೆಯಿಂಗ್ ಸ್ಕಾಡ್ ರಚಿಸಿದೆ. ಜಿಲ್ಲಾಧಿಕಾರಿಗಳು ಈ ಸಮಿತಿ ಅಧ್ಯಕ್ಷರಾಗಿದ್ದು, ಪೋಲೀಸ್ ವರಿಷ್ಠಾಧಿಕಾರಿಗಳು, ವಾಣಿಜ್ಯ ತೆರಿಗೆ ಸಹಾಯಕ ಆಯುಕ್ತರು (ಜಾರಿ) ಶಿರಸಿ ಮತ್ತು ಸಹಾಯಕ ನಿರ್ದೇಶಕರು, ಪಿಂಚಣಿ ಸಣ್ಣ ಉಳಿತಾಯ ಮತ್ತು ಆಸ್ತಿ-ಋಣ ನಿರ್ವಹಣೆ ಅಧಿಕಾರಿಗಳು ಸಮಿತಿಯಲ್ಲಿದ್ದಾರೆ. ಬಹುಮಾನ ಯೋಜನೆ, ಅಭಿವೃದ್ಧಿ ನೆಪ, ಹಬ್ಬ-ಉತ್ಸವಗಳ ಹೆಸರಿನಲ್ಲಿ ಲಾಟರಿ ಟಿಕೆಟ್ ಮಾರಾಟದ ಮೇಲೆ ಕಣ್ಣಿಡುವುದು ಈ ಸಮಿತಿಯ ಮುಖ್ಯ ಉದ್ದೇಶ. ಸಾರ್ವಜನಿಕರ ಸಹಕಾರದಲ್ಲಿಯೇ ಲಾಟರಿ ನಿಷೇಧಕ್ಕೆ ಸಮಿತಿಯವರು ಪ್ರಯತ್ನಿಸುತ್ತಿದ್ದು, ಇದರ ಅಂಗವಾಗಿ ಆಮೀಷ ಒಡ್ಡುವ ದಂಧೆಕೋರರ ವಿರುದ್ಧ ಪೊಲೀಸರು ನಿರಂತರ ಪ್ರಕರಣ ದಾಖಲಿಸುತ್ತಿದ್ದಾರೆ. ಆದರೆ, ಬಹುಮಾನ ಯೋಜನೆಗಳ ಹೆಸರಿನಲ್ಲಿ ನಡೆಯುವ `ಲಕ್ಕಿ ಡ್ರಾ ಕೂಪನ್’ ಮಾರಾಟದ ವಿರುದ್ಧ ಕ್ರಮ ಕೈಗೊಳ್ಳಲು ಅಧಿಕಾರಿಗಳಿಂದಲೂ ಸಾಧ್ಯವಾಗಿಲ್ಲ. ಕಾರಣ, ಪೊಲೀಸರಿಗೂ ಅದನ್ನು ತಡೆಯುವ ಅಧಿಕಾರವಿಲ್ಲ. ಸದ್ಯದ ಕಾನೂನಿನ ಪ್ರಕಾರ ಲಾಟರಿ ಟಿಕೆಟ್ ಮಾರಾಟ ಮಾತ್ರ ಅಪರಾಧವೇ ವಿನ: `ಲಕ್ಕಿ ಡ್ರಾ ಕೂಪನ್’ ಮಾರಾಟ ಮಾಡುವುದು ಅಪರಾಧವಲ್ಲ. `ಲಕ್ಕಿ ಡ್ರಾ ಕೂಪನ್’ ಮಾರಾಟಕ್ಕೆ ಯಾರ ಅನುಮತಿಯೂ ಬೇಕಿಲ್ಲ. ಅದು ಪಾರದರ್ಶಕವಾಗಿರಬೇಕು ಎಂಬ ಕಟ್ಟುಪಾಡುಗಳು ಸಹ ಇಲ್ಲ. ಲಾಟರಿ ನಿಷೇಧದ ಅವಧಿಯಲ್ಲಿಯೇ `ಲಕ್ಕಿ ಡ್ರಾ’ ಗೊಂದಲ ಹುಟ್ಟಿಕೊಂಡಿತು. `ಲಕ್ಕಿ ಡ್ರಾ’ ನಿಷೇಧ ಕುರಿತ ಚರ್ಚೆ ಜೋರಾಗಿಯೇ ನಡೆಯಿತು. ಕಾನೂನು ಇಲಾಖೆ ಸಹ ಈ ಬಗ್ಗೆ ಸ್ಪಷ್ಠನೆ ನೀಡಿದ್ದು, ಅದೇ ಆಧಾರದಲ್ಲಿ ಜಿಲ್ಲಾಡಳಿತ ಸಹ ನಡೆದುಕೊಳ್ಳುತ್ತಿದೆ. ಉತ್ತರ ಕನ್ನಡ ಜಿಲ್ಲಾಡಳಿತದ ಪತ್ರಕ್ಕೆ ಪಿಂಚಣಿ, ಸಣ್ಣ ಉಳಿತಾಯ ಮತ್ತು ಆಸ್ತಿ-ಋಣ ನಿರ್ವಹಣೆಯ ನಿರ್ದೇಶಕರು ಉತ್ತರಿಸಿದ್ದು `ಲಕ್ಕಿ ಡ್ರಾ ಅಪರಾಧ ಅಲ್ಲ’ ಎಂದು ಹೇಳಿದ್ದಾರೆ. ಹೀಗಾಗಿ ಸರ್ಕಾರ ಲಾಟರಿ, ಮಟ್ಕಾ, ಹಬ್ಬ-ಹರಿದಿನಗಳಲ್ಲಿ ನಡೆಯುವ ಲಾಟರಿ ವಿರುದ್ಧ ಕ್ರಮ ಜರುಗಿಸುತ್ತಿದೆಯೇ ವಿನಃ ಲಕ್ಕಿ ಡ್ರಾ ವಿರುದ್ಧ ಕ್ರಮ ಜರುಗಿಸಲು ಸಾಧ್ಯವಾಗುತ್ತಿಲ್ಲ.
- [ಕರಾವಳಿ ಉತ್ಸವ: ಈಗಲೇ ಅರ್ಜಿ ಸಲ್ಲಿಸಿ.. ನಿಮ್ಮ ಪ್ರತಿಭೆಯನ್ನು ಇಲ್ಲಿ ಬೆಳಗಿಸಿ!](https://mobiletime.in/2025/12/coastal-festival-apply-now-shine-your-talent-here/): ಈ ಬಾರಿಯೂ ಕರಾವಳಿ ಉತ್ಸವದಲ್ಲಿಯೂ ಉತ್ತರ ಕನ್ನಡ ಜಿಲ್ಲೆಯ ಪ್ರತಿಭೆಗಳಿಗೆ ಹೆಚ್ಚಿನ ಅವಕಾಶ ನೀಡಲು ಜಿಲ್ಲಾಡಳಿತ ನಿರ್ಧರಿಸಿದೆ. ಹೀಗಾಗಿ ಈ ನೆಲದ ಕಲಾವಿದರು ಸಹ ಕಾರ್ಯಕ್ರಮ ಕೋರಿ ಅರ್ಜಿ ಸಲ್ಲಿಸಲು ಅರ್ಹರಾಗಿದ್ದಾರೆ. ಈ ಸಲ ಏಳು ದಿನಗಳ ಕಾಲ ಅದ್ಧೂರಿ ಉತ್ಸವ ನಡೆಸಲು ನಿರ್ಧರಿಸಲಾಗಿದೆ. ಡಿಸೆಂಬರ್ 22ರಿಂದ 28ರವರೆಗೆ ಕರಾವಳಿ ಉತ್ಸವ ನಡೆಯಲಿದೆ. ಕಾರವಾರ ಕಡಲತೀರದಲ್ಲಿ ದೊಡ್ಡ ಮಟ್ಟದ ವೇದಿಕೆ ನಿರ್ಮಿಸಿ ಉತ್ಸವ ನಡೆಸಲು ನಿರ್ಧರಿಸಲಾಗಿದೆ. ರಾಷ್ಟಮಟ್ಟದ ಕಲಾವಿದರು ಈ ಉತ್ಸವದಲ್ಲಿ ಭಾಗವಹಿಸಲಿದ್ದು, ಅದೇ ವೇದಿಕೆಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಕಲಾವಿದರು ಸಹ ತಮ್ಮ ಪ್ರತಿಭೆ ಪ್ರದರ್ಶಿಸಲಿದ್ದಾರೆ. ಕರಾವಳಿ ಉತ್ಸವದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಇಚ್ಛಿಸುವ ಆಸಕ್ತ ಕಲಾವಿದರು ಡಿಸೆಂಬರ್ 11ರ ಒಳಗೆ ಅರ್ಜಿ ಸಲ್ಲಿಸಬೇಕಿದೆ. ಕಲಾವಿದರು ತಮ್ಮ ಪರಿಚಯ, ಈ ಹಿಂದೆ ಕಾರ್ಯಕ್ರಮ ನೀಡಿದ ದಾಖಲೆಗಳ ಜೊತೆ ಅರ್ಜಿ ಕೊಡಬೇಕಿದೆ. ಡಿಸೆಂಬರ್ 13ರಂದು ಬೆಳಗ್ಗೆ 10ಗಂಟೆಯಿoದ ಸಂಜೆ 4 ಗಂಟೆಯವರೆಗೆ ಆಯ್ಕೆ ಸಮಿತಿಯವರು ಆಡಿಶನ್ ನಡೆಸಿದ್ದಾರೆ. ಕಾರವಾರ ಕೋಡಿಭಾಗದ ಸಾಮಾಜಿಕ ಅರಣ್ಯ ವಿಭಾಗದ ಸಭಾಂಗಣದಲ್ಲಿ ಆಡಿಶನ್ ನಡೆಯಲಿದ್ದು, ಕಲಾವಿದರ ಆಯ್ಕೆ ನಡೆಯಲಿದೆ. ಅರ್ಜಿ ಸಲ್ಲಿಸುವ ವಿಳಾಸ: ಸಹಾಯಕ ನಿರ್ದೇಶಕರು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಉತ್ತರ ಕನ್ನಡ ಜಿಲ್ಲೆ, ಕಾರವಾರ ಇಮೇಲ್ ಮೂಲಕ ಅರ್ಜಿ ಸಲ್ಲಿಸುವಗಾಗಿ:  dkc.karwar@gmali.com
- [ನಮ್ಮನೆ ಹಬ್ಬದಲ್ಲಿ ನೆಮ್ಮದಿ ಕಂಡ ದೊಡ್ಡಣ್ಣ!](https://mobiletime.in/2025/12/big-brother-who-found-peace-at-our-festival/): ಶಿರಸಿಗೆ ಬಂದಿದ್ದ ಹಿರಿಯ ಚಿತ್ರನಟ ಎಸ್ ದೊಡ್ಡಣ್ಣ ಅವರು ಬೆಟ್ಟಕೊಪ್ಪ ಊರು ನೋಡಿದ್ದಾರೆ. ನಮ್ಮನೆ ಹಬ್ಬದಲ್ಲಿ ಭಾಗವಹಿಸಿದ ಅವರು ಇಲ್ಲಿನ ಆಚಾರ-ವಿಚಾರವನ್ನು ಆಹ್ವಾದಿಸಿದ್ದಾರೆ. `ಶುದ್ಧ ಪರಿಸರ ಹೊಂದಿರುವ ಹಳ್ಳಿಗಳು, ಇಲ್ಲಿ ನಡೆಯುವ ಸಾಂಸ್ಕೃತಿಕ ಹಬ್ಬಗಳು ಸ್ವರ್ಗಕ್ಕೆ ಸಮಾನವಾದ ವಾತಾವರಣ ಸೃಷ್ಟಿಸುತ್ತವೆ’ ಎಂದವರು ಹೇಳಿದ್ದಾರೆ. `ಬೆಂಗಳೂರಿನoತಹ ಮಹಾನಗರಗಳು ಸಂಚಾರ ದಟ್ಟಣೆ, ವಾಯಮಾಲಿನ್ಯದ ಕಾರಣಗಳಿಂದ ನರಕವಾಗುತ್ತಿವೆ. ಆ ನರಕದಿಂದ ಹೊರಬರಲು ಹಳ್ಳಿಗೆ ಬರಬೇಕು. ಹಳ್ಳಿಯ ವಾತಾವರಣದಲ್ಲೇ ನೆಮ್ಮದಿ ಲಭ್ಯ’ ಎಂದು ಅವರು ಹಳ್ಳಿ ಜೀವನದ ಬಗ್ಗೆ ಸಂತಸವ್ಯಕ್ತಪಡಿಸಿದ್ದಾರೆ. ಬೆಟ್ಟಕೊಪ್ಪದ ನಮ್ಮನೆ ವೇದಿಕೆಯಲ್ಲಿ ವಿಶ್ವಶಾಂತಿ ಸೇವಾ ಟ್ರಸ್ಟ್ ಕರ್ನಾಟಕ ಆಯೋಜಿಸಿದ್ದ ವಿಶ್ವಶಾಂತಿ ಸರಣಿಯ 11ನೇ ಯಕ್ಷನೃತ್ಯ ರೂಪಕ ವಂದೇ ಗೋವಿಂದಮ್ ಲೋಕಾರ್ಪಣೆ, ನಮ್ಮನೆ ಪ್ರಶಸ್ತಿ, ಪುರಸ್ಕಾರ ಪ್ರದಾನ ಕಾರ್ಯಕ್ರಮ ಒಳಗೊಂಡ 14ನೇ ವರ್ಷದ ನಮ್ಮನೆ ಹಬ್ಬವನ್ನು ಅವರು ಉದ್ಘಾಟಿಸಿ ತಮ್ಮ ಮನದಾಳದ ಮಾತುಗಳನ್ನು ಹಂಚಿಕೊAಡರು. `ಜಗತ್ತಿನ ಮೂರೇ ಮೂರು ಸರ್ವಶ್ರೇಷ್ಠ ಭಾಷೆಗಳಲ್ಲಿ ಕನ್ನಡವೂ ಒಂದು. ಮಾತನಾಡಿದಂತೆ ಬರೆಯುವ ಲಿಪಿಯುಳ್ಳ, ಬರೆದಿದ್ದನ್ನು ಯಥಾವತ್ತಾಗಿ ಮಾತನಾಡುವ ಶಕ್ತಿಯುಳ್ಳ, ಸಂಧಿ, ಸಮಾಸ, ವ್ಯಾಕರಣ, ಅಲ್ಪಪ್ರಾಣ, ಮಹಾಪ್ರಾಣ ಇರುವ ಶ್ರೀಮಂತ ಭಾಷೆ ಅದುವೇ ಕನ್ನಡ. ಹೀಗಿರುವಾಗ ಇಂಗ್ಲಿಷ ಹಾವಳಿಯಲ್ಲಿ ನಮ್ಮ ಮಾತಿನಲ್ಲಿ ಕನ್ನಡ ಶಬ್ದಗಳನ್ನು ಹುಡುಕಾಡುವ ಸಂದರ್ಭ ಬರಬಾರದು’ ಎಂದವರು ಹೇಳಿದರು. ಪ್ರಸಿದ್ಧ ರಂಗಭೂಮಿ ಕಲಾವಿದೆ, ಗಾಯಕಿ ಬಿ ಜಯಶ್ರೀ ಮಾತನಾಡಿ `ಹಳ್ಳಿಗರಿಗೆ ಟಿವಿನೇ ಬೇಕು ಅಂತಿಲ್ಲ. ಇಂತಹ ಸಂಸ್ಕೃತಿಯುಕ್ತ ಕಾರ್ಯಕ್ರಮ ಸಂಘಟಿಸಿದರೆ ಮನಃಸ್ಪೂರ್ತಿಯಾಗಿ ಪಾಲ್ಗೊಳ್ಳುತ್ತಾರೆ. ಇದಕ್ಕೆ ಬೆಟ್ಟಕೊಪ್ಪದಲ್ಲಿ ಆಯೋಜಿಸಿರುವ ನಮ್ಮನೆ ಹಬ್ಬವೇ ಉದಾಹರಣೆ. ಹಳ್ಳಿಗರನ್ನೆಲ್ಲ ಒಂದೆಡೆ ಸೇರುವಂತಹ ಇಂಥ ನಮ್ಮನೆ ಹಬ್ಬವನ್ನು ನಮ್ಮೂರಿನಲ್ಲೂ ಮಾಡಬೇಕು ಅನಿಸಿದೆ’ ಎಂದರು. `ತುಳಸಿ ಹೆಗಡೆ ಪ್ರದರ್ಶಿಸಿದ ಯಕ್ಷನೃತ್ಯ ರೂಪಕದಲ್ಲಿ ಮದ್ದಲೆ, ಚಂಡೆ, ಹಾಡುಗಾರಿಕೆ ಜತೆಯಲ್ಲಿ ಅದಕ್ಕಿಂತ ಹೆಚ್ಚಾಗಿ ಸೊಗಸಾದ ಅಭಿನಯ, ಹೆಜ್ಜೆ ಮನಸ್ಸನ್ನು ಹಿಡಿದುಕೊಂಡಿತು’ ಎಂದು ಶ್ಲಾಘಿಸಿದರು. ನಂದು ಕೆಮಿಕಲ್ಸ್ ಸಂಸ್ಥಾಪಕ ರಾಮನಂದನ ಹೆಗಡೆ, ಪ್ರಜಾವಾಣಿ ಕಾರ್ಯನಿರ್ವಾಹಕ ಸಂಪಾದಕ ರವೀಂದ್ರ ಭಟ್ಟ ಹಾಗೂ ಕಿಶೋರ ಪುರಸ್ಕಾರ ಪಡೆದ ತೇಜಸ್ವಿ ಗಾಂವಕರ್ ಮಾತನಾಡಿದರು. ರಾಘವೇಂದ್ರ ಬೆಟ್ಟಕೊಪ್ಪ, ತುಳಸಿ ಹೆಗಡೆ, ರಮೇಶ ಹೆಗಡೆ ಹಳೆಕಾನಗೋಡ, ನಾಗರಾಜ ಜೋಶಿ ಸೋಂದಾ, ಚಿನ್ಮಯ ಕೆರೆಗದ್ದೆ, ಗಾಯತ್ರಿ ರಾಘವೇಂದ್ರ ಹಾಗೂ ನಾರಾಯಣ ಭಾಗ್ವತ ಕಾರ್ಯಕ್ರಮದ ವಿವಿಧ ಜವಾಬ್ದಾರಿ ನಿಭಾಯಿಸಿದರು. ವೇದಿಕೆಯಲ್ಲಿ ಒಂದೂವರೆ ತಾಸು ಕಾಲ ನಿರಂತರವಾಗಿ ಯಕ್ಷನೃತ್ಯರೂಪಕ ಪ್ರದರ್ಶಿಸಿದವಳು ಯುವ ವಯಸ್ಸಿನಲ್ಲಿಯೇ ಉನ್ನತ ಸಾಧನೆ ಮಾಡಿದ ಪ್ರತಿಭಾವಂತ ಕಲಾವಿದೆ ತುಳಸಿ ಹೆಗಡೆ. ಗೋವಿನ ಮಹತ್ವ ಸಾರುವ ವಂದೇ ಗೋವಿಂದಮ್ ನೃತ್ಯ ರೂಪಕದ ಮೂಲಕ ನೃತ್ಯ ಅಭಿನಯವನ್ನು ಪ್ರಬುದ್ಧವಾಗಿ ತೋರ್ಪಡಿಸಿ ಮನಗೆದ್ದಳು. ಹಿಮ್ಮೇಳದಲ್ಲಿ ಕೇಶವ ಹೆಗಡೆ ಕೊಳಗಿ, ಶಂಕರ ಭಾಗವತ ಯಲ್ಲಾಪುರ, ವಿಘ್ನೇಶ್ವರ ಗೌಡ ಕೆಸರಕೊಪ್ಪ, ಪ್ರಸಾಧನದಲ್ಲಿ ವೆಂಕಟೇಶ ಬೊಗ್ರಿಮಕ್ಕಿ ಸಹಕರಿಸಿದರು. ಡಾ. ಕಬ್ಬಿನಾಲೆ ವಸಂತ ಭಾರದ್ವಾಜರ ಸಾಹಿತ್ಯದಲ್ಲಿ ರೂಪಕ ಮೂಡಿಬಂತು. ರಮೇಶ ಹೆಗಡೆ ಹಳೆಕಾನಗೋಡರ ಮೂಲ ಕಲ್ಪನೆ, ವಿನಾಯಕ ಹೆಗಡೆ ಕಲಗದ್ದೆ ನೃತ್ಯ ನಿರ್ದೇಶನ, ವಿ. ಉಮಾಕಾಂತ ಭಟ್ಟ ಕೆರೇಕೈ ಗದ್ಯ ಸಾಹಿತ್ಯ, ಡಾ. ಶ್ರೀಪಾದ ಭಟ್ ಹಿನ್ನೆಲೆ ಧ್ವನಿ, ಜಿ.ಎಸ್.ಭಟ್ ತಾಳಾಭ್ಯಾಸ, ಉದಯ ಪೂಜಾರಿ ಧ್ವನಿಗ್ರಹಣ ಒಳಗೊಂಡ ರೂಪಕ ಆಪ್ತವಾಗಿ ಮೂಡಿಬಂತು.ಡಾ.ಕಬ್ಬಿನಾಲೆ ವಸಂತ ಭಾರಧ್ವಾಜ ಆಶಯದ ನುಡಿಗಳನ್ನಾಡಿದರು. ಶ್ರೀಧರರ ಕುರಿತು ನಡೆದ ಭಕ್ತಿಸಂಗೀತದಲ್ಲಿ ವಿಶ್ವೇಶ್ವರ ಭಟ್ಟ ಖರ್ವಾ ಗಾಯನ ಭಕ್ತಿಭಾವ ಮೂಡಿಸಿತು. ಗುರುರಾಜ ಆಡುಕಳ ತಬಲಾ, ಅಜಯ ವರ್ಗಾಸರ ಹಾರ್ಮೊನಿಯಂ, ಅನಂತಮೂರ್ತಿ ಹೆಗಡೆ ತಾಳದ ಸಾಥ್ ನೀಡಿದರು.
- [ಅಪಘಾತ: ಆರು ದಿನದ ನಂತರ ಸಾವು!](https://mobiletime.in/2025/12/accident-death-after-six-days/): ವೇಗವಾಗಿ ಬಂದ ಬೈಕ್ ಡಿಕ್ಕಿ ಹೊಡೆದ ಪರಿಣಾಮ ಗಾಯಗೊಂಡಿದ್ದ ನಾರಾಯಣ ಗೌಡ ಅವರು ಆರು ದಿನದ ನಂತರ ಸಾವನಪ್ಪಿದ್ದಾರೆ. ಕಾರವಾರದ ಕಿಮ್ಸ ಆಸ್ಪತ್ರೆಯಲ್ಲಿ ಹೊನ್ನಾವರದ ನಾರಾಯಣ ಗೌಡ ಅವರು ಕೊನೆಯುಸಿರೆಳೆದಿದ್ದಾರೆ. ಹೊನ್ನಾವರ ಕರ್ಕಿ ಮಠದಕೇರಿಯಲ್ಲಿ ನಾರಾಯಣ ತಿಮ್ಮ ಗೌಡ ಅವರು ವಾಸವಾಗಿದ್ದರು. ನವೆಂಬರ್ 30ರ ರಾತ್ರಿ ಅವರು ಹೊನ್ನಾವರದ ಬಾಂದೇಹಳ್ಳ ರಸ್ತೆಕಡೆಯಿಂದ ಮಠದಕೇರಿ ಕಡೆ ನಡೆದು ಹೋಗುತ್ತಿದ್ದರು. ಕುಮಟಾ-ಹೊನ್ನಾವರ ಕಡೆ ಬೈಕ್ ಓಡಿಸಿಕೊಂಡು ಬಂದ ಅಪರಿಚಿತ ವ್ಯಕ್ತಿಯೊಬ್ಬರು ಕರ್ಕಿನಾಕಾದಲ್ಲಿ ನಾರಾಯಣ ಗೌಡ ಅವರಿಗೆ ತಮ್ಮ ವಾಹನ ಗುದ್ದಿದರು. ಪರಿಣಾಮ ನಾರಾಯಣ ಗೌಡ ಅವರ ತಲೆ, ಮೂಗು, ಕೆನ್ನೆ, ಕಾಲಿಗೆ ಗಾಯವಾಯಿತು. ಡಿಕ್ಕಿ ಹೊಡೆದ ಬೈಕ್ ಅಲ್ಲಿಂದ ಪರಾರಿಯಾಯಿತು. ಬೈಕ್ ಚಾಲಕ ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸುವ ಕೆಲಸವನ್ನು ಮಾಡಲಿಲ್ಲ. ಅಪಘಾತದ ಬಗ್ಗೆ ಪೊಲೀಸರಿಗೆ ಸಹ ಹೇಳಲಿಲ್ಲ. ಹೀಗಾಗಿ ನಾರಾಯಣ ಗೌಡ ಅವರು ಅಲ್ಲಿಯೇ ಬಿದ್ದಿದ್ದು, ನಂತರ ಅವರನ್ನು ಹೊನ್ನಾವರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಹೆಚ್ಚಿನ ಚಿಕಿತ್ಸೆಗೆ ಕಾರವಾರದ ಕಿಮ್ಸಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಲಾಯಿತು. ಆದರೆ, ಅದರಿಂದ ಪ್ರಯೋಜನವಾಗಲಿಲ್ಲ. ಡಿಸೆಂಬರ್ 6ರಂದು ನಾರಾಯಣ ಗೌಡ ಅವರು ಕೊನೆಯುಸಿರೆಳೆದರು. ಕರ್ಕಿ ಮಠದಕೇರಿಯ ಎಲೆಕ್ಟಿಶಿಯನ್ ಮಂಜುನಾಥ ಮಾಸ್ತಿ ಗೌಡ ಅವರು ಈ ಬಗ್ಗೆ ಪೊಲೀಸರಿಗೆ ವಿವರಿಸಿದರು. ಪ್ರಕರಣ ದಾಖಲಿಸಿದ ಪೊಲೀಸರು ಬೈಕ್ ಮಾಲಕರ ಶೋಧ ನಡೆಸಿದರು. ನಾರಾಯಣ ಗೌಡ ಅವರಿಗೆ ಗುದ್ದಿದ ಬೈಕಿನ ನೊಂದಣಿ ಸಂಖ್ಯೆ ಗೊತ್ತಾಗಿದ್ದು, ಪೊಲೀಸರು ಕೆಎ 31 ಇಎ 5625 ವಾಹನದ ಮಾಲಕರ ಹುಡುಕಾಟ ಶುರು ಮಾಡಿದ್ದಾರೆ.
- [ದೇವರ ದುಡ್ಡು ದೋಚಿದ ದುಷ್ಟಕೂಟ!](https://mobiletime.in/2025/12/an-evil-group-that-stole-gods-money/): ಹೊನ್ನಾವರದ ಶ್ರೀ ಮುದ್ರಿ ಶಿವಮ್ಮ ದೇವಿ ದೇವಸ್ಥಾನಕ್ಕೆ ನುಗ್ಗಿದ 10 ಜನ ಅಲ್ಲಿ ದಾಂಧಲೆ ನಡೆಸಿದ್ದಾರೆ. ದೇವಾಲಯದ ಕಾಣಿಕೆ ದುಡ್ಡು ಕದ್ದ ಅವರು ಅಲ್ಲಿದ್ದ ಕಪಾಟನ್ನು ಧ್ವಂಸ ಮಾಡಿದ್ದಾರೆ. ದೇವರಿಗೆ ಅಪಚಾರ ಎಸಗಿದವರ ವಿರುದ್ಧ ಕಾನೂನು ಕ್ರಮ ಜರುಗಿಸುವಂತೆ ಮಾವಿನಕೂರ್ವಾ ಕುಲ್ಕೋಡ್ ದೇವರಕಟ್ಟೆ ಪ್ರವೀಣ ವಾಸುದೇವ ಮೇಸ್ತಾ ಅವರು ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ಮುದ್ರಿ ಶಿವಮ್ಮ ದೇವಿ ದೇವಸ್ಥಾನದ ಟ್ರಸ್ಟಿಯೂ ಆಗಿರುವ ಅವರು ದೇವಾಲಯಕ್ಕೆ ನುಗ್ಗಿ ಗಲಾಟೆ ಮಾಡಿದವರ ಹೆಸರನ್ನು ಬಹಿರಂಗಪಡಿಸಿದ್ದಾರೆ. `ದೇಗುಲದ ಆಡಳಿತ ನಿರ್ವಹಣೆಗಾಗಿ ಶ್ರೀ ಮುದ್ರಿ ಶಿವಮ್ಮ ದೇವಿ ದೇವಸ್ಥಾನ ಟ್ರಸ್ಟ್ ರಚಿಸಲಾಗಿದೆ. ದೇವರ ಚಿನ್ನ ಹಾಗೂ ಬೆಳ್ಳಿ ಆಭರಣವನ್ನು ಕೆನರಾ ಬ್ಯಾಂಕಿನ ಲಾಕರಿನಲ್ಲಿರಿಸಲಾಗಿದ್ದು, ಅದರ ಕೀ ಕೊಡಲು ಹೊನ್ನಾವರ ಪ್ರಭಾತನಗರದ ಸುರೇಶ ಲಿಂಗಾ ಮೇಸ್ತಾ ಅವರು ಒಪ್ಪುತ್ತಿಲ್ಲ. ಕೀ ಕೊಡುವಂತೆ ದುಂಬಾಲು ಬಿದ್ದ ಕಾರಣ ಸುರೇಶ ಮೇಸ್ತಾ ಅವರ ಜೊತೆ ಮೂರುಕಟ್ಟೆಯ ವೆಂಕಟೇಶ ದಾಮು ಮೇಸ್ತ, ಮಾವಿನಕೂರ್ವಾ ಕುಲ್ಕೋಡದ ಉದಯ ಲಿಂಗಾ ಮೇಸ್ತಾ, ಅದೇ ಊರಿನ ದಾಮೋದರ ಹೊನ್ನಪ್ಪ ಮೇಸ್ತ, ಆಕಾಶ ವಾಮನ ಮೇಸ್ತಾ, ರಾಧಾಕೃಷ್ಣ ದಾಮೋದರ ಮೇಸ್ತಾ, ಪುರುಷೋತ್ತಮ ನಾಗೇಶ ಮೇಸ್ತಾ, ವಿನಾಯಕ ಸುಬ್ರಾಯ ಮೇಸ್ತಾ, ವೆಂಕಟೇಶ ಉಪೇಂದ್ರ ಮೇಸ್ತಾ, ವಿಷ್ಣು ವಾಮನ ಮೇಸ್ತಾ ಸೇರಿ ದೇಗುಲಕ್ಕೆ ನುಗ್ಗಿ ಅಲ್ಲಿದ್ದ ವಸ್ತುಗಳನ್ನು ಧ್ವಂಸ ಮಾಡಿದ್ದಾರೆ’ ಎಂದು ಅವರು ದೂರಿದ್ದಾರೆ. `ನವೆಂಬರ್ 13ರಂದು ಈ ಎಲ್ಲರೂ ಸೇರಿ ದೇವಾಲಯಕ್ಕೆ ನುಗ್ಗಿ ಕಪಾಟು ಒಡೆದಿದ್ದಾರೆ. ಅಲ್ಲಿದ್ದ ರಸೀದಿ ಪುಸ್ತಕ. 5 ಸಾವಿರ ರೂ ಹಣ ಕದ್ದಿದ್ದಾರೆ. ಲೆಟರ್ ಪ್ಯಾಡ್, ಕಪಾಟಿನ ಕೀ ನಾಪತ್ತೆ ಮಾಡಿದ್ದಾರೆ. ದೇಗುಲದ ಹುಂಡಿ ದೋಚಿ ಪರಾರಿಯಾಗಿದ್ದಾರೆ’ ಎಂದು ಪ್ರವೀಣ ಮೇಸ್ತಾ ಅವರು ಆರೋಪಿಸಿದ್ದಾರೆ. ಈ ಬಗ್ಗೆ ನ್ಯಾಯಾಲಯದ ಮೊರೆ ಹೋಗಿರುವ ಪ್ರವೀಣ ಮೇಸ್ತಾ ಅವರು ಅಲ್ಲಿಂದ ಸೂಚನೆ ತಂದು ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.
- [ಗೊಬ್ಬರ ವ್ಯಾಪಾರ: ಸರ್ಕಾರಕ್ಕೆ ಮೋಸ!](https://mobiletime.in/2025/12/fertilizer-trade-cheating-the-government/): ಸಬ್ಸಿಡಿ ದರದಲ್ಲಿ ರೈತರಿಗೆ ಗೊಬ್ಬರ ಹಾಗೂ ಇನ್ನಿತರ ಪರಿಕ್ಕರ ಒದಗಿಸಬೇಕಾದ ಕಂಪನಿ ಸರ್ಕಾರಕ್ಕೆ ಮೋಸ ಮಾಡಿದೆ. ಜೊತೆಗೆ ಕೃಷಿ ಇಲಾಖೆ ವಿರುದ್ಧವೇ ಕೋರ್ಟಿನಲ್ಲಿ ಕೇಸು ದಾಖಲಿಸಿದೆ! ನ್ಯಾಯಾಲಯದಿಂದ ನೋಟಿಸ್ ಬಂದ ನಂತರವೇ ಕೃಷಿ ಇಲಾಖೆ ಅಧಿಕಾರಿಗಳಿಗೆ ಸರ್ಕಾರಕ್ಕೆ ಮೋಸವಾಗಿರುವುದು ಅರಿವಿಗೆ ಬಂದಿದೆ. ಹೀಗಾಗಿ ಖಾಸಗಿ ಕಂಪನಿಯಿAದ ಆದ ಮೋಸದ ಬಗ್ಗೆ ಕೃಷಿ ಇಲಾಖೆ ಅಧಿಕಾರಿಗಳು ಸಹ ಪೊಲೀಸ್ ದೂರು ನೀಡಿ, ಕಂಪನಿಯ ಅವ್ಯವಹಾರ ಬಯಲಿಗೆಳೆದಿದ್ದಾರೆ. 2017-18ನೇ ಸಾಲಿನಲ್ಲಿ ಕೃಷಿ ಇಲಾಖೆ ಅಗತ್ಯವಿರುವ ಜೈವಿಕ ಗೊಬ್ಬರ, ಹಸಿರೆಲೆ ಗೊಬ್ಬರ ಬೀಜ, ವಿವಿಧ ಲಘು ಪೋಷಕಾಂಶ, ಸುಣ್ಣ, ಎರೆಹುಳು ಗೊಬ್ಬರ, ಸಿಟಿ ಕಂಪೌಸ್ಟ್ ಪೂರೈಕೆಗಾಗಿ ದರಪಟ್ಟಿ ನಿಗದಿ ಮಾಡಲಾಗಿತ್ತು. ಈ ಸಾಮಗ್ರಿಗಳ ಪೂರೈಕೆಗಾಗಿ ಹೈದರಾಬಾದಿನ ಮುಕುಂದ ಮಹೇಶ್ವರಿ ಕಿಯಾ ಬಯೋಟಿಕ್ ಕಂಪನಿಯನ್ನು ಅಧಿಕೃತ ಸರಬರಾಜುದಾರರಾಗಿ ನೇಮಕ ಮಾಡಲಾಗಿತ್ತು. ರೈತರ ವಂತಿಗೆ ಸ್ವೀಕರಿಸಿದ ಈ ಕಂಪನಿ ಸರ್ಕಾರದಿಂದಲೂ ಸಹಾಯಧನಪಡೆದಿತ್ತು. ಆದರೆ, ಅಗತ್ಯ ಸಾಮಗ್ರಿಗಳನ್ನು ಮಾತ್ರ ಪೂರೈಕೆ ಮಾಡಿರಲಿಲ್ಲ. ಸಬ್ಸಿಡಿ ದರದಲ್ಲಿ ಸಾಮಗ್ರಿ ಬರಬೇಕಾಗಿದನ್ನು ಜನರು ಮರೆತಿದ್ದರು. ಇಲಾಖೆಯವರು ಸಹ ಆ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಂಡಿರಲಿಲ್ಲ. ಇದನ್ನು ಅರಿತಿದ್ದ ಕಂಪನಿ ಸಿದ್ದಾಪುರ ಕೃಷಿ ಇಲಾಖೆಗೆ ವಿವಿಧ ಸಾಮಗ್ರಿ ಪೂರೈಕೆ ಮಾಡಿದ ಬಗ್ಗೆ ನಕಲಿ ದಾಖಲೆ ಸೃಷ್ಠಿಸಿಕೊಂಡಿತ್ತು. ಅಲ್ಲಿಗೆ ಸುಮ್ಮನಾಗದ ಕಂಪನಿಯವರು `ತಾವು ಸಾಮಗ್ರಿ ಪೂರೈಸಿದರೂ ರೈತರು ಹಾಗೂ ಕೃಷಿ ಇಲಾಖೆಯವರು ಹಣ ಪಾವತಿ ಮಾಡಿಲ್ಲ’ ಎಂದು ತೆಲಂಗಾಣದ ಸೂಕ್ಷö್ಮ ಮತ್ತು ಸಣ್ಣ ಉದ್ದಿಮೆ ಮಂಡಳಿಯಲ್ಲಿ ಸರ್ಕಾರದ ವಿರುದ್ಧವೇ ಕೇಸು ದಾಖಲಿಸಿದ್ದರು! ನ್ಯಾಯಾಲಯದ ಪ್ರಕರಣದ ಹಿನ್ನಲೆ ಸಿದ್ದಾಪುರದ ಸಹಾಯಕ ಕೃಷಿ ನಿರ್ದೇಶಕಿ ಸುಮಾ ಎಂ ಎಸ್ ಅವರು ಹಳೆಯ ದಾಖಲೆಗಳ ತಪಾಸಣೆ ಮಾಡಿದರು. ಆಗ, ಸಿದ್ದಾಪುರಕ್ಕೆ ಗೊಬ್ಬರ ಪೂರೈಕೆಯೇ ಆಗದಿರುವುದು ಗಮನಕ್ಕೆ ಬಂದಿತು. ಅಂಕೋಲಾಗೆ ಗೊಬ್ಬರ ಪೂರೈಸಿದ ದಾಖಲೆಯನ್ನು ಮುಂದಿರಿಸಿದ್ದ ಕಂಪನಿ ಅದೇ ದಾಖಲೆ ಆಧರಿಸಿ ಸಿದ್ದಾಪುರಕ್ಕೂ ಗೊಬ್ಬರ ಪೂರೈಸಿದ ಬಗ್ಗೆ ಹೇಳಿತ್ತು. ಗೊಬ್ಬರ ಪೂರೈಕೆ ಆಗದೇ ಇದ್ದರೂ ರೈತರು ಹಾಗೂ ಸರ್ಕಾರ ಎರಡು ಕಡೆಯಿಂದ ಕಂಪನಿಗೆ ಹಣ ಪಾವತಿ ಆಗಿದ್ದರೂ `ಬಿಲ್ ಬಾಕಿ’ ಎಂದು ಕೇಸ್ ಹಾಕಿದನ್ನು ಸುಮಾ ಎಂ ಎಸ್ ಅವರು ಗಮನಿಸಿದರು. ಮೋಸ, ವಂಚನೆ ಮೂಲಕ ಸರ್ಕಾರಿ ಇಲಾಖೆಗೂ ಕೆಟ್ಟ ಹೆಸರು ಬರುವಂತೆ ಮಾಡಿದ ಮುಕುಂದ ಮಹೇಶ್ವರಿ ಕಿಯಾ ಬಯೋಟಿಕ್ ಕಂಪನಿ ವಿರುದ್ಧ ಅವರು ದೂರು ನೀಡಿದರು. ನ್ಯಾಯಾಲಯಕ್ಕೂ ತಪ್ಪು ಮಾಹಿತಿ ನೀಡಿದನ್ನು ಅವರು ವಿವರಿಸಿದರು. ಈ ಎಲ್ಲಾ ವಿಷಯ ಅರಿತ ಪೊಲೀಸರು ಕಂಪನಿ ವಿರುದ್ಧ ಪ್ರಕರಣ ದಾಖಲಿಸಿಕೊಂಡರು.
- [ಗಡಿ ಜಗಳ: ಎರಡು ಗುಂಪಿನ ನಡುವೆ ಮಾರಾಮಾರಿ!](https://mobiletime.in/2025/12/border-dispute-a-fight-broke-out-between-two-groups/): ಭೂಮಿ ವಿಷಯವಾಗಿ ಶುರುವಾದ ಜಗಳ ಕತ್ತಿ-ಚಪ್ಪಲಿ ಬೀಸುವವರೆಗೆ ಹೋಗಿದ್ದು, ಒಂದೇ ಕುಟುಂಬದ ಹಲವರು ಸೇರಿ ಹೊಡೆದಾಟ ನಡೆಸಿದ್ದಾರೆ. ಈ ಹೊಡೆದಾಟದಲ್ಲಿ ಎರಡು ಗುಂಪಿನವರ ಸಂಬoಧಿಕರು ಭಾಗಿಯಾಗಿದ್ದು, ಗಲಾಟೆ ದೊಡ್ಡದಾಗಿದೆ. ಅಂಕೋಲಾ ಬೆಳಂಬಾರದ ದಿಲೀಪ ಪುರ್ಸು ಖಾರ್ವಿ ಹಾಗೂ ಗಣಪತಿ ನಾಗಪ್ಪ ಖಾರ್ವಿ ನಡುವೆ ಈ ಯುದ್ಧ ಶುರುವಾಗಿದ್ದು, ಅವರವರ ಸಂಬAಧಿಕರು ಸಹ ಹೊಡೆದಾಟದಲ್ಲಿ ಭಾಗಿಯಾಗಿ ಏಟು ತಿಂದಿದ್ದಾರೆ. ಅಂಗಳದಲ್ಲಿ ಎರಡು ಬುಟ್ಟಿ ರೇತಿ ದಾಸ್ತಾನು ಮಾಡಿದಕ್ಕಾಗಿ ಅಶೋಕ ಖಾರ್ವಿ ಹಾಗೂ ಗಣಪತಿ ಖಾರ್ವಿ ನಡುವೆ ಜಗಳ ಶುರುವಾಗಿದ್ದು, ನಂತರ ಹಳೆಯ ವಿಷಯಗಳೆಲ್ಲವೂ ಹೊರ ಬಂದು ಹೊಡೆದಾಟ ನಡೆದಿದೆ. ಗಣಪತಿ ನಾಗಪ್ಪ ಖಾರ್ವಿ ಅವರ ಮನೆ ಅಂಗಳದಲ್ಲಿ ದಿಲೀಪ ಪುರ್ಸು ಖಾರ್ವಿ ಅವರು ಎರಡು ಬುಟ್ಟಿ ರೇತಿ ಹಾಕಿದ್ದರು. ಇದನ್ನು ಸಹಿಸದ ಗಣಪತಿ ಖಾರ್ವಿ ಅವರು `ಆ ರೇತಿ ಇಲ್ಲಿಂದ ತೆಗಿ’ ಎಂದರು. `ಇದು ಸಾಮೂಹಿಕ ಆಸ್ತಿ. ನಮಗೂ ಹಕ್ಕಿದೆ’ ಎಂದು ದಿಲೀಪ ಖಾರ್ವಿ ಹೇಳಿದರು. ಆಗ, ಗಣಪತಿ ಖಾರ್ವಿ ಅವರು ತಮ್ಮ ದಿಲೀಪ ಖಾರ್ವಿ ಅವರ ಕೊರಳಪಟ್ಟಿ ಹಿಡಿದರು. ಇದನ್ನು ನೋಡಿದ ಬೆಳಂಬಾರದ ಅಶೋಕ ಪುರ್ಸು ಖಾರ್ವಿ ಆ ಗಲಾಟೆ ತಪ್ಪಿಸಲು ಮುಂದಾದರು. ಆಗ, ಗಣಪತಿ ಖಾರ್ವಿ ಅವರು ಅಶೋಕ ಖಾರ್ವಿ ಅವರನ್ನು ತಳ್ಳಿದರು. ಗಣಪತಿ ಖಾರ್ವಿ ಅವರು ಮನೆಯೊಳಗೆ ಹೋಗಿ ಪತ್ನಿ ವಾಸಂತಿ ಖಾರ್ವಿ ಅವರನ್ನು ಕರೆದು ತಂದರು. ಬರುವಾಗ ಕೈಯಲ್ಲಿ ಕತ್ತಿ ಹಿಡಿದು ಬಂದಿದ್ದ ಗಣಪತಿ ಖಾರ್ವಿ ಅವರು ಅದನ್ನು ಎದುರುದಾರರ ಕಡೆ ಬೀಸಿದರು. ಅಶೋಕ ಖಾರ್ವಿ ಕತ್ತಿ ಏಟಿನಿಂದ ತಪ್ಪಿಸಿಕೊಂಡರು. ಈ ವೇಳೆ ಅಶೋಕ ಖಾರ್ವಿ ಅವರ ಅಣ್ಣ ತುಕಾರಾಮ ಖಾರ್ವಿ, ಹೆಂಡತಿ ಗೌರಿ ಖಾರ್ವಿ ಹಾಗೂ ಮಕ್ಕಳಾದ ಸುಮಂತ ಖಾರ್ವಿ, ಹೇಮಂತ ಖಾರ್ವಿ ಅಲ್ಲಿಗೆ ಬಂದರು. ಅವರೆಲ್ಲರೂ ಸೇರಿ ಈ ಜಗಳ ಬಿಡಿಸುವ ಪ್ರಯತ್ನ ಮಾಡಿದರು. ಜಗಳ ಬಿಡಿಸಲು ಬಂದವರ ಮೇಲೆಯೂ ಗಣಪತಿ ಖಾರ್ವಿ ಕತ್ತಿ ಬೀಸಿದರು. ಆ ಕತ್ತಿ ಬೇರೆ ಕಡೆ ತಾಗಿದ್ದರಿಂದ ಅವರೆಲ್ಲರು ಬಚಾವಾದರು. ಆಗ, ವಸಂತಿ ಖಾರ್ವಿ ಅವರು ತಮ್ಮ ಮಾವ ನಾಗಪ್ಪ ಕೃಷ್ಣ ಖಾರ್ವಿ, ಮೈದುನ ಮಂಜುನಾಥ ನಾಗಪ್ಪ ಖಾರ್ವಿ, ಸುರೇಶ ನಾಗಪ್ಪ ಖಾರ್ವಿ ಹಾಗೂ ಸಂತೋಷ ಉರಿಯಾ ಖಾರ್ವಿ ಅವರನ್ನು ಸ್ಥಳಕ್ಕೆ ಕರೆಯಿಸಿದರು. ಎರಡು ಗುಂಪುಗಳ ನಡುವೆ ಮಾರಾಮಾರಿ ನಡೆದಿದ್ದು, ದೊಣ್ಣೆ-ಕಲ್ಲುಗಳ ದಾಳಿ ಶುರುವಾಯಿತು. ಈ ವೇಳೆ ವಾಸಂತಿ ಖಾರ್ವಿ ಅವರು ಎಸೆದ ಚಪ್ಪಲಿ ಅಶೋಕ ಖಾರ್ವಿ ಅವರಿಗೆ ತಾಗಿತು. ಗಣಪತಿ ಖಾರ್ವಿ ಅವರು ಅಶೋಕ ಖಾರ್ವಿ ಅವರಿಗೆ ಹೊಡೆದು ನೋವು ಮಾಡಿದರು. ಈ ವೇಳೆ ವಾಸಂತಿ ಖಾರ್ವಿ ಅವರ ಅವರ ಮಾವ ನಾಗಪ್ಪ ಖಾರ್ವಿ, ಪ್ರಭಾಕರ ಮೋನು ಖಾರ್ವಿ ಸೇರಿ ತುಕಾರಾಮ ಖಾರ್ವಿ ಅವರಿಗೆ ಹೊಡೆಯಲು ಶುರು ಮಾಡಿದರು. ಮಂಜುನಾಥ ಖಾರ್ವಿ, ಸಂತೋಷ ಖಾರ್ವಿ, ವಾಸಂತಿ ಖಾರ್ವಿ, ಸೀತಾಬಾಯಿ ಖಾರ್ವಿ ಸೇರಿ ಗೌರಿ ಖಾರ್ವಿ, ಸುಮಂತ ಖಾರ್ವಿ ಹಾಗೂ ಹೇಮಂತ ಖಾರ್ವಿ ಅವರ ಮೇಲೆ ದಾಳಿ ಮಾಡಿದರು. ಸುರೇಶ ನಾಗಪ್ಪ ಖಾರ್ವಿ ಅವರು ದಿಲೀಪ ಖಾರ್ವಿ ಅವರ ಮೇಲೆ ಹಲ್ಲೆ ಮಾಡಿದರು. ಮಾರ್ಚ 30ರಂದು ಈ ಘಟನೆ ನಡೆದಿದ್ದು, ಈ ಎಲ್ಲಾ ವಿಷಯದ ಬಗ್ಗೆ ಅಶೋಕ ಖಾರ್ವಿ ಅವರು ನ್ಯಾಯಾಲಯದ ಮೆಟ್ಟಿಲೇರಿದರು. ನ್ಯಾಯಾಲಯದ ಸೂಚನೆ ಮೇರೆಗೆ ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕನಸಿನ ರೈಲು ಯೋಜನೆಗೆ ಸಾವಿರ ಕೋಟಿ ಖರ್ಚು!](https://mobiletime.in/2025/12/a-thousand-crores-spent-on-the-dream-train-project/): `ಶಿರಸಿ-ತಾಳಗುಪ್ಪ ಹುಬ್ಬಳ್ಳಿ ರೈಲು ಮಾರ್ಗ, ಜಿಲ್ಲೆಯ ಭಟ್ಕಳ, ಮುರ್ಡೇಶ್ವರ, ಗೋಕರ್ಣ ಮತ್ತು ಹೊನ್ನಾವರ ರೈಲ್ವೆ ನಿಲ್ದಾಣ ಆಧುನೀಕರಣ ಹಾಗೂ ಹುಬ್ಬಳ್ಳಿ-ಅಂಕೋಲಾ ರೈಲ್ವೆ ಸೇರಿ ಉತ್ತರ ಕನ್ನಡ ಜಿಲ್ಲೆಯ ರೈಲ್ವೆ ಯೋಜನೆಗಳ ರೂಪುರೇಷೆಗಳು ಅಚ್ಚುಕಟ್ಟಾಗಿ ನಡೆಯುತ್ತಿದೆ’ ಎಂದು ಕೇಂದ್ರ ರೈಲ್ವೆ ಖಾತೆಯ ರಾಜ್ಯ ಸಚಿವ ವಿ ಸೋಮಣ್ಣ ಅವರು ಹೇಳಿದ್ದಾರೆ. ಕಾರವಾರ ರೈಲು ನಿಲ್ದಾಣದಲ್ಲಿ ಅವರು ಮಾಧ್ಯಮದವರ ಜೊತೆ ಮಾತನಾಡಿದ್ದು, `ಮಲೆನಾಡು ಮತ್ತು ಬಯಲುಸೀಮೆಯನ್ನು ಜೋಡಿಸುವ ಉದ್ದೇಶದಿಂದ ತಾಳಗುಪ್ಪ-ಶಿರಸಿ-ಹುಬ್ಬಳಿ 158 ಕಿಮೀ ಉದ್ದದ ಹೊಸ ಮಾರ್ಗವು ರೈಲ್ವೆ ಮಂಡಳಿಯಲ್ಲಿ ಅನುಮೋದನೆಯಾಗಿದೆ’ ಎಂಬ ಮಾಹಿತಿ ನೀಡಿದರು. `ಈ ಯೋಜನೆ ಸಚಿವ ಸಂಪುಟದಲ್ಲಿ ಅನುಮೋದನೆಯಾಗಬೇಕಿದೆ. ಈ ಯೋಜನೆ ಮತ್ತು ತಾಳಗುಪ್ಪ ಹೊನ್ನಾವರ ಹೊಸ ಮಾರ್ಗಕ್ಕೆ ಒಟ್ಟು ಸುಮಾರು 21 ಸಾವಿರ ಕೋಟಿ ಖರ್ಚು ಮಾಡಲಾಗುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳ, ಮುರ್ಡೇಶ್ವರ, ಗೋಕರ್ಣ ಮತ್ತು ಹೊನ್ನಾವರ ರೈಲ್ವೆ ನಿಲ್ದಾಣಗಳ ಆಧುನೀಕರಣ ಕಾಮಗಾರಿ ಪ್ರಾರಂಭವಾಗಿದೆ’ ಎಂದವರು ತಿಳಿಸಿದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹುಬ್ಬಳ್ಳಿ- ಅಂಕೋಲಾ ನಡುವಿನ 164 ಕಿ.ಮೀ ಉದ್ದದ ನೂತನ ಯೋಜನೆಯನ್ನು 16,500 ಕೋಟಿ ವೆಚ್ಚದಲ್ಲಿ ರೈಲ್ವೆ ಇಲಾಖೆಯಿಂದ ಮಾಡಲಾಗುತ್ತಿದೆ. ಈಗಾಗಲೇ ಸರ್ವೇ, ಡಿಪಿಆರ್, ಫಾರೆಸಟ್ ಕ್ಲಿಯರೆನ್ಸ್ ಕೂಡ ಮುಕ್ತಾಯಗೊಂಡಿದ್ದು, ವನ್ಯಜೀವಿ ಕ್ಲಿಯರೆನ್ಸ್ ಬಾಕಿ ಇದೆ. ಇನ್ನು 5-6 ತಿಂಗಳಿನೊಳಗೆ ಇದಕ್ಕೆ ಪರಿಹಾರ ಸಿಗುವ ನಿರೀಕ್ಷೆ ಇದೆ. ಈ ಯೋಜನೆಯಿಂದ ಪಶ್ಚಿಮ ಘಟ್ಟಗಳಿಗೆ ಯಾವುದೇ ರೀತಿಯಲ್ಲಿ ಅನಾನುಕುಲವಾಗುವುದಿಲ್ಲ’ ಎಂದು ಹೇಳಿದರು. `1997-98 ರಲ್ಲಿ ಆರಂಭಿಸಿದ ಹುಬ್ಬಳ್ಳಿ-ಅಂಕೋಲಾ ರೈಲ್ವೆ ಯೋಜನೆ ಕಲಘಟಗಿವರೆಗೆ ಮಾಡಲಾಗಿದ್ದು, ಕೆಲವು ಕಾರಣಗಳಿಂದ ನಿಂತುಹೊಗಿತ್ತು. ಈ ಯೋಜನೆಗೆ 2530 ಎಕರೆ ಜಾಗ ಬೇಕಿದೆ’ ಎಂದವರು ವಿವರಿಸಿದರು. `ಕೊಂಕಣ ರೈಲ್ವೆಯ ವಿಲೀನ ಪ್ರಕ್ರಿಯೆ ಚರ್ಚೆಯ ಹಂತದಲ್ಲಿದ್ದು, ಅವುಗಳ ಆಗುಹೋಗಗಳ ಬಗ್ಗೆ ಚರ್ಚಿಸಲಾಗುತ್ತಿದೆ. ರೈಲ್ವೆಯ ಬಹುತೇಕ ರೈಲು ನಿಲ್ದಾಣಗಳು ಆಧುನೀಕರಣಗೊಳ್ಳುತ್ತಿದ್ದು, ಕೊಂಕಣ ರೈಲ್ವೆ ನಿಲ್ದಾಣಗಳನ್ನು ಆಧುನೀಕರಣ ಮಾಡಲು ಕ್ರಮಕೈಗೊಳ್ಳಲಾಗಿದೆ. ದಾಂಡೇಲಿಯ ಅಂಬೇವಾಡಿಗೆ ಮುಂದಿನ ತಿಂಗಳನಿAದ ರೈಲ್ವೆ ಸಂಚಾರ ಪ್ರಾರಂಭಿಸಲಾಗುವುದು’ ಎಂದರು. ಈ ಸಂದರ್ಭದಲ್ಲಿ ಪ್ರಾದೇಶಿಕ ರೈಲ್ವೆ ಮೆನೇಜರ್ ಆಶಾ ಶೆಟ್ಟಿ, ಮುಖ್ಯ ಇಂಜಿನಿಯರ್ ಪ್ರಕಾಶ್, ಹಿರಿಯ ಪ್ರಾದೇಶಿಕ ಸಂಚಾರ ವ್ಯವಸ್ಥಾಪಕ ದಿಲೀಪ್ ಡಿ ಭಟ್, ಹಿರಿಯ ಇಂಜಿನಿಯರ್ ಉದಯ ಭಾಸ್ಕರ್, ಮುಖ್ಯ ಇಂಜಿನಿಯರ್ ವಿಜಯ್ ಕುಮಾರ್, ಸಾರ್ವಜನಿಕ ಸಂಪರ್ಕಾಧಿಕಾರಿ ಸುಧಾ ಕೃಷ್ಣಮೂರ್ತಿ, ಹಿರಿಯ ಪ್ರಾದೇಶಿಕ ಆರ್ಥಿಕ ಸಲಹೆಗಾರ ಪ್ರದೀಪ್ ಬಾಳಿಗ ಮತ್ತಿತರರು ಇದ್ದರು.  
- [ಆತ ಕಳ್ಳನಾದರೂ ಪ್ರಾಮಾಣಿಕ!](https://mobiletime.in/2025/12/he-is-a-thief-but-honest/): ರಾಘವೇಂದ್ರ ಭಟ್ಟ ಅವರ ಸ್ಕೂಟರ್’ನ್ನು ತಾನೇ ಕದ್ದಿರುವುದಾಗಿ ಪ್ರಕಾಶ ಸಿದ್ದಿ ಅವರು ಒಪ್ಪಿಕೊಂಡಿದ್ದಾರೆ. ಸಹಚರನ ಜೊತೆ ಸೇರಿ ಈ ಕಳ್ಳತನ ಮಾಡಿರುವುದಾಗಿ ಅವರು ಪೊಲೀಸರ ಮುಂದೆ ಬಾಯ್ಬಿಟ್ಟಿದ್ದಾರೆ. ಯಲ್ಲಾಪುರದ ಅಡಿಕೆ ವ್ಯಾಪಾರಿ ರಾಘವೇಂದ್ರ ಮಹಾಬಲೇಶ್ವರ ಭಟ್ಟ ಅವರ ತಮ್ಮ ಮನೆ ಬಳಿ ಸ್ಕೂಟರ್ ನಿಲ್ಲಿಸಿದ್ದರು. ಕಾಳಮ್ಮ ನಗರದ ಎಂ ಎಚ್ ನಾಯ್ಕ ಕಪೌಂಡ್ ಬಳಿ ಅವರು ಸ್ಕೂಟರ್ ನಿಲ್ಲಿಸುವುದನ್ನು ಹಳಿಯಾಳ ಕ್ರಾಸಿನ ಪ್ರಕಾಶ ಇಲಿಯಾಸ್ ಸಿದ್ದಿ ಅದನ್ನು ಗಮನಿಸಿದ್ದರು. ಅಕ್ಟೊಬರ್ 15ರ ರಾತ್ರಿ ಕಪ್ಪು ಬಣ್ಣದ ಜುಪಿಟರ್ ಸ್ಕೂಟರ್’ನ್ನು ಅವರು ಅಪಹರಿಸಿದ್ದರು. ಸ್ಕೂಟರ್ ಕಾಣೆಯಾದ ಬಗ್ಗೆ ರಾಘವೇಂದ್ರ ಭಟ್ಟ ಅವರು ಪೊಲೀಸರಲ್ಲಿ ದೂರಿದ್ದರು. ಕಳ್ಳತನದ ಪ್ರಕರಣವನ್ನು ದಾಖಲಿಸಿದ್ದರು. ಪೊಲೀಸರು ಆ ಸ್ಕೂಟರ್ ಹುಡುಕಾಟ ಶುರು ಮಾಡಿದ್ದು, ಹಳಿಯಾಳ ಕ್ರಾಸಿನ ಪ್ರಕಾಶ ಸಿದ್ದಿ ಸ್ಕೂಟರ್ ಕದ್ದಿದನ್ನು ಪತ್ತೆ ಮಾಡಿದರು. ವಿಚಾರಣೆ ನಡೆಸಿದಾಗ ಪ್ರಕಾಶ ಸಿದ್ದಿ ತಮ್ಮ ತಪ್ಪು ಒಪ್ಪಿಕೊಂಡರು. ಕದ್ದ ಸ್ಕೂಟರನ್ನು ಪೊಲೀಸರಿಗೆ ಒಪ್ಪಿಸಿದರು.
- [ಕಾಗೇರಿ: ಮದುವೆ ಕಾರಣ ರಸ್ತೆ ದುರಸ್ತಿ!](https://mobiletime.in/2025/12/kageri-road-repair-due-to-marriage/): ಕೇಂದ್ರ ಸಚಿವ ಎಚ್ ಡಿ ಕುಮಾರಸ್ವಾಮಿ ಆಗಮನದ ನಿರೀಕ್ಷೆ ಹಿನ್ನಲೆ ಶಿರಸಿಯ ರಸ್ತೆಗಳಿಗೆ ದಿಢೀರ್ ದುರಸ್ಥಿ ಭಾಗ್ಯ ಸಿಕ್ಕಿದೆ. ಕುಮಾರಸ್ವಾಮಿ ಅವರು ಪೂರ್ವನಿಯೋಜಿತ ಕಾರ್ಯಕ್ರಮದಲ್ಲಿ ಬದಲಾವಣೆಯಾದ ಕಾರಣ ಅವರು ಶಿರಸಿ ಪ್ರಯಾಣ ಮೊಟಕುಗೊಳಿಸಿದ್ದು, ಅವರು ಬಾರದಿದ್ದರೂ ಇಲ್ಲಿನ ರಸ್ತೆ ದುರಸ್ಥಿ ಸಾರ್ವಜನಿಕರಿಗೆ ಸಹಾಯ ಮಾಡಿದೆ! ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಅವರ ಪುತ್ರಿ ರಾಜಲಕ್ಷಿö್ಮÃ ಅವರು ಬಾಲಚಂದ್ರ ಅವರನ್ನು ಮದುವೆ ಆಗಿದ್ದಾರೆ. ಈ ಹಿನ್ನಲೆ ಕಾಗೇರಿ ಕುಟುಂಬದವರು ಶನಿವಾರ ಸತ್ಕಾರ ಸಮಾರಂಭ ಆಯೋಜಿಸಿದ್ದರು. ಈ ಸಮಾರಂಭಕ್ಕೆ ಕೇಂದ್ರ ಎಚ್ ಡಿ ಕುಮಾರಸ್ವಾಮಿ ಹಾಗೂ ವಿ ಸೋಮಣ್ಣ ಆಗಮಿಸುವ ನಿರೀಕ್ಷೆ ಹಿನ್ನಲೆ ಅವರ ಆಗಮನದ ಅನುಕೂಲಕ್ಕಾಗಿ ರಸ್ತೆಗಳನ್ನು ಸರ್ಕಾರ ಸರಿಪಡಿಸಿತು. ಆದರೆ, ಕುಮಾರಸ್ವಾಮಿ ಅವರು ಶನಿವಾರ ಶಿರಸಿಗೆ ಕಾಲಿಡಲಿಲ್ಲ. ವಿ ಸೋಮಣ್ಣ ಅವರು ಮದುವೆ ಕಾರ್ಯಕ್ರಮವನ್ನು ಮರೆಯಲಿಲ್ಲ. ಇನ್ನೂ ಶಿರಸಿಯ ಸಾಕಷ್ಟು ರಸ್ತೆಗಳು ಗುಂಡಿಗಳಿAದ ಕೂಡಿದ್ದವು. ಅನೇಕರು ಈ ಬಗ್ಗೆ ವ್ಯಾಪಕ ಆಕ್ರೋಶವ್ಯಕ್ತಪಡಿಸಿದ್ದರು. ರಸ್ತೆ ಗುಂಡಿ ಮುಚ್ಚುವಂತೆ ಪ್ರತಿಭಟನೆಗಳು ನಡೆದಿದ್ದವು. ರಸ್ತೆ ದೂಳಿನಿಂದ ಜನರ ಆರೋಗ್ಯ ಸಮಸ್ಯೆ ಹೆಚ್ಚಾದ ಬಗ್ಗೆ ವಕೀಲರೊಬ್ಬರು ನ್ಯಾಯಾಲಯದ ಮೊರೆ ಹೋಗಿದ್ದರು. ಅದಾಗಿಯೂ ಸರ್ಕಾರ, ಸರಿಯಾದ ರಸ್ತೆ ನಿರ್ಮಿಸಲು ಆಸಕ್ತಿವಹಿಸಿರಲಿಲ್ಲ. ಶಿರಸಿಯ ಅಶ್ವಿನಿ ಸರ್ಕಲ್ ಹಾಗೂ ಇನ್ನಿತರ ಭಾಗದ ರಸ್ತೆ ಸಮಸ್ಯೆಯ ಬಗ್ಗೆ ಕಳೆದ ಮೂರು ತಿಂಗಳಿನಿAದ ಭೀಮಗರ್ಜನೆ ಸಂಘಟನೆಯ ಜಿಲ್ಲಾ ಅಧ್ಯಕ್ಷ ಅರ್ಜುನ್ ಮಿಂಟಿ ತಂಡದವರು ಹೋರಾಟ ನಡೆಸಿದ್ದರು. ರಸ್ತೆ ಗುಂಡಿಗಳಿAದ ಜನರಿಗೆ ಆಗುವ ಸಮಸ್ಯೆ ಬಗ್ಗೆ ಅವರು ನಿರಂತರವಾಗಿ ಧ್ವನಿ ಎತ್ತುತ್ತಿದ್ದರು. ಮೂರು ತಿಂಗಳ ಪ್ರತಿಭಟನೆ, ಹೋರಾಟಕ್ಕೂ ಮಣಿಯದ ಸರ್ಕಾರ ಇದೀಗ ಮೂರೇ ದಿನದಲ್ಲಿ ರಸ್ತೆ ಗುಂಡಿಗಳನ್ನು ಮುಚ್ಚಿದೆ. ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಸ್ಥಳದಲ್ಲಿ ನಿಂತು ರಸ್ತೆ ಗುಂಡಿಗೆ ಡಾಂಬರ್ ಹಾಕಿಸುವ ಕೆಲಸ ಮಾಡಿದ್ದಾರೆ. `ಶಿರಸಿಗೆ ಆಗಾಗ ಗಣ್ಯರು ಬರುತ್ತಿರಬೇಕು. ಆಗ ಮಾತ್ರ ಇಲ್ಲಿನ ರಸ್ತೆಗಳು ಸುಸ್ಥಿತಿಯಲ್ಲಿರಲು ಸಾಧ್ಯ’ ಎಂದು ಅಲ್ಲಿನವರು ಹೇಳಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಹ ಇದೇ ಬಗೆಯ ಚರ್ಚೆ ಶುರುವಾಗಿದೆ.
- [ಸರ್ವೇಗೆ ಬಂದವರಿಗೆ ಶೇಮ್ ಶೇಮ್!](https://mobiletime.in/2025/12/shame-on-those-who-came-for-the-survey/): ಬೇಡ್ತಿ-ಅಘನಾಶಿನಿ ನದಿ ತಿರುವು ಯೋಜನೆಗೆ ಕದ್ದು ಮುಚ್ಚಿ ಪ್ರಯತ್ನ ಮುಂದುವರೆದಿದೆ. ಸಾರ್ವಜನಿಕರ ವಿರೋಧದ ನಡುವೆಯೂ ಗುರುತು-ಪರಿಚಯವಿಲ್ಲದ ಜನ ಈ ಯೋಜನೆಗಾಗಿ ಸರ್ವೇ ಕೆಲಸ ಶುರು ಮಾಡಿದ್ದಾರೆ. ಶಿರಸಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಕಳೆದ ಕೆಲ ದಿನಗಳಿಂದ ತೆಲಗು ಮಾತನಾಡುವ ಜನ ತಿರುಗಾಡುತ್ತಿದ್ದಾರೆ. ಭೂಮಿ ಸರ್ವೇ ಮಾಡುವ ಬಗ್ಗೆ ಅವರು ಮಾತನಾಡುತ್ತಿದ್ದಾರೆ. ಜನ ಪ್ರಶ್ನಿಸಿದರೂ ಅವರು ಸರಿಯಾಗಿ ಸ್ಪಂದಿಸುತ್ತಿಲ್ಲ. ಗುರುತು-ಪರಿಚಯವನ್ನು ಸಹ ಬಿಟ್ಟು ಕೊಡುತ್ತಿಲ್ಲ. ಕದ್ದು-ಮುಚ್ಚಿ ಸರ್ವೇ ಕೆಲಸಕ್ಕೆ ಬಂದಿದ್ದವರಿಗೆ ಶನಿವಾರ ಜನ ತರಾಠೆಗೆ ತೆಗೆದುಕೊಂಡಿದ್ದಾರೆ. ಮೊನ್ನೆ ಸರ್ವೇ ನಕಾಶೆಯೊಂದನ್ನು ಹಿಡಿದ ಕೆಲವರು ಹೊಳೆ ತೀರ ಪ್ರದೇಶ ಸುತ್ತಾಟ ನಡೆಸಿದ್ದರು. ಸ್ಥಳೀಯರು ವಿಚಾರಿಸಿದಾಗ ಅವರು `ರಸ್ತೆ ಸರ್ವೇ ಮಾಡಲು ಬಂದಿದ್ದೇವೆ’ ಎಂದು ಉತ್ತರಿಸಿದ್ದರು. `ರಸ್ತೆ ಸರ್ವೇ ಮಾಡಲು ಬಂದವರು ಹೊಳೆ ಕಡೆ ಏಕೆ ಹೋದರು?’ ಎಂದು ಜನ ಪ್ರಶ್ನಿಸಿದಾಗ ಅದಕ್ಕೆ ಉತ್ತರ ಸಿಗಲಿಲ್ಲ. `ಸರಿಯಾದ ಮಾಹಿತಿ ಕೊಡಿ’ ಎಂದು ಅಲ್ಲಿನವರು ಜೋರಾದಾಗ ಸರ್ವೇಗೆ ಬಂದವರು ಜಾರಿಕೊಂಡರು. ಶನಿವಾರ ಭೂ ಗರ್ಭ ಇಲಾಖೆಯ ಗಣಿಗಾರಿಕೆ ವಿಭಾಗ ಎನ್ನುವ ಹೆಸರಿನಲ್ಲಿ ಶಿರಸಿಯ ಮುರೇಗಾರು ರಸ್ತೆಯಲ್ಲಿ ಅಪರಿಚಿತರಿಂದ ಮತ್ತೆ ಸರ್ವೇ ಕಾರ್ಯ ಶುರುವಾಯಿತು. ಈ ಸುದ್ದಿ ವ್ಯಾಪಕ ಪ್ರಮಾಣದಲ್ಲಿ ಹಬ್ಬಿದ್ದು, ನೂರಾರು ಜನ ಸ್ಥಳಕ್ಕೆ ಜಮಾಯಿಸಿದರು. ಸ್ಥಳೀಯ ಜನಪ್ರತಿನಿಧಿಗಳು ಅಲ್ಲಿಗೆ ಧಾವಿಸಿದರು. ಅವರೆಲ್ಲರೂ ಸೇರಿ ಹಲವು ಪ್ರಶ್ನೆ ಕೇಳಿದರು. ಆದರೆ, ಸಮೀಕ್ಷೆಗೆ ಬಂದವರು ಸರಿಯಾದ ಮಾಹಿತಿ ನೀಡುವ ಹಾಗೇ ಕಾಣಲಿಲ್ಲ. ಮುರೇಗಾರ್ ಹಾಗೂ ಸಾಲ್ಕಣಿ ಭಾಗದ ಸ್ಥಳೀಯ ಆಡಳಿತಕ್ಕೆ ಸಹ ಈ ಸಮೀಕ್ಷಾ ಕಾರ್ಯದ ಬಗ್ಗೆ ಯಾವುದೇ ಮಾಹಿತಿ ಇರಲಿಲ್ಲ. ಈ ಎಲ್ಲಾ ಹಿನ್ನಲೆ ಆ ಊರಿನವರೆಲ್ಲರೂ ಸೇರಿ ಸರ್ವೇ ಕೆಲಸ ನಿಲ್ಲಿಸುವಂತೆ ತಾಕೀತು ಮಾಡಿದರು. ಜನರ ಒಗ್ಗಟ್ಟು ನೋಡಿದ ಸರ್ವೇ ಸಿಬ್ಬಂದಿ ಅಲ್ಲಿಂದ ವಾಪಸ್ಸು ಹೋದರು. ಸದ್ಯ ಊರಿನ ಜನ ಶಾಂತಿಯುತವಾಗಿಯೇ ಅವರನ್ನು ಅಲ್ಲಿಂದ ಕಳುಹಿಸಿದ್ದು, ಯಾವುದೇ ಕಾರ್ಯ ಮಾಡುವ ಮುನ್ನ ಅಧಿಕೃತ ಮಾಹಿತಿ ನೀಡುವಂತೆ ಒತ್ತಾಯಿಸಿದರು. ಜೊತೆಗೆ `ಅವೈಜ್ಞಾನಿಕ ಯೋಜನೆಗಳನ್ನು ಅನುಷ್ಠಾನಕ್ಕೆ ಬಿಡುವುದಿಲ್ಲ’ ಎಂದು ವಿವರಿಸಿದರು.
- [ಈ ಅಧಿವೇಶನದಲ್ಲಾದರೂ ಅತಿಕ್ರಮಣದಾರರ ಬಗ್ಗೆ ಚಿಂತಿಸಿ!](https://mobiletime.in/2025/12/worry-about-trespassers-at-least-during-this-session/): ಭೂಮಿ ಹಕ್ಕಿಗಾಗಿ ಹೋರಾಟ ನಡೆಸಿರುವ ಅರಣ್ಯ ಅತಿಕ್ರಮಣದಾರರು `ಚಳಿಗಾಲದ ಅಧಿವೇಶನದಲ್ಲಿ ಅರಣ್ಯವಾಸಿಗಳ ಸಮಸ್ಯೆ ಬಗ್ಗೆ ಚರ್ಚಿಸಿ’ ಎಂದು ಆಗ್ರಹಿಸಿದ್ದಾರೆ. ಶನಿವಾರ ಜಿಲ್ಲಾಕೇಂದ್ರ ಕಾರವಾರದಲ್ಲಿ ಸಾವಿರಾರು ಜನ ಈ ಬಗ್ಗೆ ಹೋರಾಟ ನಡೆಸಿ, ಸರ್ಕಾರಕ್ಕೆ ತಮ್ಮ ಬೇಡಿಕೆ ಸಲ್ಲಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ 12 ತಾಲೂಕಿನ ಅರಣ್ಯವಾಸಿಗಳು ಶನಿವಾರ ಕಾರವಾರಕ್ಕೆ ಬಂದಿದ್ದು, ತಮ್ಮ ಆತಂಕದ ಜೊತೆ ಅಹವಾಲು ಸಲ್ಲಿಸಿದರು. ಅರಣ್ಯವಾಸಿಗಳ ಕಲಾ ತಂಡದವರು ವಿವಿಧ ಬೀದಿಗಳಲ್ಲಿ ಸಂಚರಿಸಿ ಜಾಗೃತಿ ಜಾಥಾ ನಡೆಸಿದರು. `ಅರಣ್ಯ ಹಕ್ಕು ಕಾಯಿದೆ, ನ್ಯಾಯಾಲಯದ ತೀರ್ಪು ಮತ್ತು ಕೇಂದ್ರ ಸರ್ಕಾರದ ಆದೇಶಕ್ಕೆ ವ್ಯತಿರಿಕ್ತವಾಗಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ 73 ಸಾವಿರ ಅರಣ್ಯ ಹಕ್ಕು ಅರ್ಜಿಗಳು ತಿರಸ್ಕರಿಸಿರುವ ಹಿನ್ನಲೆ ಅವರೆಲ್ಲರೂ ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಅಧ್ಯಕ್ಷರೂ ಆಗಿರುವ ಜಿಲ್ಲಾಧಿಕಾರಿಗಳಿಗೆ ಆಕ್ಷೇಪ ಪತ್ರ ಸಲ್ಲಿಸಿದರು. ಇದಕ್ಕೂ ಮುನ್ನ ಹೋರಾಟದ ಭಾಗವಾಗಿ ಮೆರವಣಿಗೆ ನಡೆದಿದ್ದು, ಮಾಲಾದೇವಿ ಕ್ರೀಡಾಮಗಣದಲ್ಲಿ ಸಮಾವೇಶ ಜರುಗಿತು. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರ ಜೊತೆ ಪ್ರಮುಖರಾದ ಇಬ್ರಾಹೀಂ ಗೌಡಳ್ಳಿ, ರಾಜೇಶ್ ಮಿತ್ರ ನಾಯ್ಕ, ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ, ಮಂಜುನಾಥ ಮರಾಠಿ ನಾಗೂರು, ಮಹೇಶ ನಾಯ್ಕ ಕಾನಕ್ಕಿ, ಶಿವಾನಂದ ಜೋಗಿ ಮುಂಡಗೋಡ, ರಮಾನಂದ ನಾಯಕ ಅಚವೆ, ಭೀಮಸಿ ವಾಲ್ಮೀಕಿ, ಜಗದೀಶ್ ಶಿರಳಗಿ, ಪಾಂಡುರAಗ ನಾಯ್ಕ ಬೆಳಕೆ, ಚಂದ್ರ ಪೂಜಾರಿ ಮಂಚಿಕೇರಿ, ದಿವಾಕರ್ ಮರಾಠಿ ಆನಗೋಡ, ದೇವರಾಜ ಗೊಂಡ, ರಪೀಕ ಗಫಾರ, ಪ್ರಭಾಕರ ವೇಳಿಪ್ ಜೋಯಿಡ, ವಿಜು ಪೀಟರ್ ಪಿಲ್ಲೆ, ಶಾಂತರಾಮ ನಾಯ್ಕ ಅಂಕೋಲ, ರಾಮು ಕಲಕರಡಿ, ಹರಿಹರ ನಾಯ್ಕ ಓಂಕಾರ, ಸೀತಾರಾಮ ಗೌಡ, ಅರವಿಂದ ಗೌಡ, ಉದಯ ಗುನಗ ಅಚವೆ, ಶಂಕರ್ ಕೊಡಿಯಾ, ಮಾದೇವ ನಾಯಕ ಇತರರು ಹೆಜ್ಜೆ ಹಾಕಿದರು.
- [ಶರಾವತಿ ಉಳಿಸಿ: ಗ್ರಾ ಪಂ ಅಧ್ಯಕ್ಷರಿಂದ ಮುಖ್ಯಮಂತ್ರಿಗೆ ಪತ್ರ](https://mobiletime.in/2025/12/save-sharavathi-letter-from-gram-panchayat-president-to-chief-minister/): `ಪರಿಸರ ಹಾಗೂ ಜನರ ಜೀವನೋಪಾಯದ ಹಿತದೃಷ್ಠಿಯಿಂದ ಶರಾವತಿ ಪಂಪ್ ಸ್ಟೋರೇಜ್ ಭೂಗತ ಜಲ ವಿದ್ಯುತ್ ಯೋಜನೆ ಕೈ ಬಿಡಬೇಕು’ ಎಂದು ಹೊನ್ನಾವರದ ಮಾಗೋಡ ಗ್ರಾಮ ಪಂಚಾಯಿತಿಯ ಅಧ್ಯಕ್ಷ ಶಿವರಾಮ ಆರ್ ಹೆಗಡೆ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಅವರು ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರಿಗೆ ಪತ್ರ ಬರೆದಿದ್ದಾರೆ. `ತಮ್ಮ ಊರಿನ ಗ್ರಾಮ ಸಭೆಯಲ್ಲಿ ಸಾರ್ವಜನಿಕರು ಉದ್ದೇಶಿತ ಪಂಪ್ಡ ಸ್ಟೋರೇಜ ಭೂಗತ ವಿದ್ಯುತ್ ಯೋಜನೆಯ ಸಾಧಕ ಭಾದಕಗಳ ಕುರಿತು ಚರ್ಚೆ ನಡೆಸಿದ್ದು, ಆ ಯೋಜನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ವಿವರಿಸಿದ್ದಾರೆ. ಯೋಜನೆ ಅನುಷ್ಠಾನದಿಂದ ಈ ಪ್ರದೇಶದಲ್ಲಿ ಭೂಕುಸಿತದ ಅಪಾಯಗಳು ಸೇರಿದಂತೆ ಅಪಾರ ಪ್ರಮಾಣದ ಕಾಡು ನಾಶವಾಗಲಿದೆ. ಆದ್ದರಿಂದ ಉದ್ದೇಶಿಸಿತ ಯೋಜನೆಯನ್ನು ಕೈ ಬಿಡಬೇಕು ಎಂದು ಗ್ರಾಮಸಭೆಯಲ್ಲಿ ನಿರ್ಣಯಿಸಲಾಗಿದೆ’ ಎಂಬ ವಿಷಯವನ್ನು ಅವರು ಉಲ್ಲೇಖಿಸಿದ್ದಾರೆ. `ಭೂಮಿ ಅಗೆತ, ಸ್ಪೋಟಕ ಬಳಕೆ, ಕಾಡು ನಾಶದಿಂದ ಪರಿಸರದ ಮೇಲೆ ಗಂಭೀರ ಪರಿಣಾಮ ಬೀರಲಿದೆ. ಪ್ರಕೃತಿ ವಿಕೋಪದಿಂದ ಭವಿಷ್ಯದಲ್ಲಿ ಅಪಾರ ಸಾವು-ನೋವು ಸಂಭವಿಸುವ ಸಾಧ್ಯತೆಯಿರುವ ಬಗ್ಗೆ ವಿವಿಧ ತಜ್ಞರು ಎಚ್ಚರಿಸಿದ್ದಾರೆ. ಇತ್ತೀಚೆಗೆ ಗೇರುಸೊಪ್ಪೆಯಲ್ಲಿ ನಡೆದ ಕಾರ್ಯಾಗಾರದಲ್ಲಿ ಸಹ ಈ ಬಗ್ಗೆ ವಿವರಿಸಲಾಗಿದ್ದು, ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಲಾಗಿರುವ ಮಾಧವ ಗಾಡ್ಗೀಳ ಹಾಗೂ ಕಸ್ತೂರಿ ರಂಗನ್ ವರದಿಯಲ್ಲಿಯೂ ಇಲ್ಲಿನ ಪರಿಸರ ವಿಷಯಗಳ ಮಹತ್ವದ ಮಾಹಿತಿಯಿದೆ’ ಎಂದವರು ವಿವರಿಸಿದ್ದಾರೆ. `ಮಾಗೋಡ ಗ್ರಾಮ ಪಂಚಾಯತದ ಹೆಚ್ಚಿನ ಪ್ರದೇಶವು ಪಶ್ಚಿಮ ಘಟ್ಟದ ಅಂಚಿನ ತಗ್ಗು ಪ್ರದೇಶದಲ್ಲಿರುವ ಅತ್ಯಂತ ಸೂಕ್ಷ್ಮ ಪರಿಸರದಲ್ಲಿದೆ. ಬಹುಪಾಲು ಅರಣ್ಯವಿರುವ ಹಾಗೂ ಜೀವನೋಪಾಯಕ್ಕೆ ಇಲ್ಲಿನ ಜನರು ಕೃಷಿ, ತೋಟಗಾರಿಕೆ ಅವಲಂಬಿಸಿದ್ದಾರೆ. ತಾಲೂಕಿನ ಜನ ಕುಡಿಯುವ ನೀರಿಗೆ ಶರಾವತಿ ನದಿ ಅವಲಂಬಿಸಿದ್ದಾರೆ. ಈ ನಡುವೆ ಶರಾವತಿ ನದಿನೀರಿಗೆ ಬೇಸಿಗೆಯಲ್ಲಿ ಸಮುದ್ರದ ಉಪ್ಪು ನೀರು ಸೇರುತ್ತಿರುವುದರಿಂದ ಜನರು ಈಗಾಗಲೇ ಅನೇಕ ಸಮಸ್ಯೆ ಎದುರಿಸುತ್ತಿದ್ದಾರೆ. ಇತ್ತೀಚೆಗೆ ಬೇರೆ, ಬೇರೆ ತಾಲೂಕುಗಳಿಗೂ ಕುಡಿಯುವ ನೀರಿನ ಯೋಜನೆಗಳಿಗೆ ಶರಾವತಿಯ ನೀರನ್ನು ಬಳಸಲಾಗುತ್ತಿದೆ. 11 ಏತ ನೀರಾವರಿ ಯೋಜನೆಗಳ ಮೂಲಕ ತಾಲೂಕಿನ ಲಕ್ಷಾಂತರ ಎಕರೆ ಜಮೀನಿಯಲ್ಲಿ ಕೃಷಿ ಮತ್ತು ತೋಟಗಾರಿಕೆ ಬೆಳೆ ಬೆಳೆಸಲಾಗುತ್ತಿದೆ. ಉದ್ದೇಶಿತ ಯೋಜನೆಯ ಅನುಷ್ಠಾನದಿಂದ ಬೇಸಿಗೆಯಲ್ಲಿ ಸಮುದ್ರದ ಉಪ್ಪುನೀರು ನದಿಗೆ ಸೇರಿ ಕುಡಿಯುವ ನೀರಿನ ಅಗತ್ಯ ಸೇವೆಗಳಿಗೆ ಇನ್ನಷ್ಟು ವ್ಯತ್ಯಯ ಆಗಲಿದೆ’ ಎಂಬ ಅಂಶದ ಬಗ್ಗೆಯೂ ಅವರು ಗಮನಸೆಳೆದಿದ್ದಾರೆ. `ಅಳಿವಿನಂಚಿನಲ್ಲಿರುವ ಅಪರೂಪದ ಸಿಂಗಳಿಕ ಅಭಯಾರಣ್ಯದಲ್ಲಿ ಸ್ಪೋಟಕ ಗಳನ್ನು ಬಳಸಿ 7ಕಿಲೋಮೀಟರ್ ಉದ್ದದ ಸುರಂಗ ಕೊರೆಯುವುದು ಜಲಾಶಯಗಳ ಹಿತದೃಷ್ಟಿಯಿಂದಲೂ ತೀರ ಅಪಾಯಕಾರಿಯಾಗಿದೆ. ಈ ಯೋಜನೆಯ ಅನುಷ್ಠಾನದಿಂದ ಹೇರಳ ಅರಣ್ಯನಾಶವಾಗಲಿದ್ದು ಜೀವ ಸಂಕುಲಗಳು, ಸಿಂಗಳಿಕಸಹಿತ ವಿವಿಧ ವನ್ಯಜೀವಿಗಳ, ಅಪರೂಪದ ಸಸ್ಯ ಪ್ರಭೇದಗಳ ವಿನಾಶಕ್ಕೆ ಕಾರಣವಾಗಲಿದೆ’ ಎಂದವರು ಹೇಳಿದ್ದಾರೆ. ಈ ಎಲ್ಲಾ ಹಿನ್ನಲೆ ಗ್ರಾಮ ಸಭೆಯ ನಿರ್ಣಯವನ್ನು ಶಿವರಾಮ ಹೆಗಡೆ ಅವರು ಮುಖ್ಯಮಂತ್ರಿಗಳಿಗೆ ಕಳುಹಿಸಿದ್ದು, ಉದ್ದೇಶಿತ ಪಂಪ್ಡ ಸ್ಟೋರೇಜ ಯೋಜನೆಯನ್ನು ಕೈಬಿಡುವಂತೆ ಆಗ್ರಹಿಸಿದ್ದಾರೆ.
- [ಜೈಲು ಹಕ್ಕಿಗಳಿಗೆ ಮಾದಕ ಮೋಹ: ಮಾರಾಮಾರಿ!](https://mobiletime.in/2025/12/jailbirds-love-for-drugs-fight/): ಕಾರವಾರ ಕಾರಾಗೃಹದಲ್ಲಿರುವ ಕೈದಿಗಳಿಗೆ ಮಾದಕ ವಸ್ತು ಸರಬರಾಜು ಆಗದ ಕಾರಣ ಅಲ್ಲಿನವರು ಕಂಗಾಲಾಗಿದ್ದಾರೆ. ಮಾದಕ ವಸ್ತುವಿಗಾಗಿ ಕಾಡಿ-ಬೇಡಿದ ಕೈದಿಗಳು ಕೊನೆಗೆ ತಮ್ಮ ಉಗ್ರ ಸ್ವರೂಪ ಪ್ರದರ್ಶಿಸಿದ್ದಾರೆ. ಗಾಂಜಾ ಕೊಡದ ಕಾರಣ ಜೈಲರ್ ಹಾಗೂ ಪೊಲೀಸರ ಮೇಲೆ ಆಕ್ರಮಣ ಮಾಡಿದ್ದಾರೆ. ಕಾರವಾರ ಕಾರಾಗೃಹಕ್ಕೆ ಈಚೆಗೆ ಪೊಲೀಸರು ಭೇಟಿ ನೀಡಿದ್ದರು. ಆಗ, ಅಲ್ಲಿ ಮಾದಕ ವಸ್ತುಗಳು ಸಿಕ್ಕಿದ್ದವು. ಮೊಬೈಲ್ ಬಳಕೆ ಸಹ ಪತ್ತೆಯಾಗಿತ್ತು. ಈ ಹಿನ್ನಲೆ ರೌಡಿಗಳ ವಿರುದ್ಧ ಪೊಲೀಸರು ಮತ್ತೊಂದು ಪ್ರಕರಣ ದಾಖಲಿಸಿದ್ದರು. ಜೊತೆಗೆ ಕಾರಾಗೃಹದಲ್ಲಿನ ನಿಯಮವನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಸೂಚಿಸಿದ್ದು, ಮಾದಕ ವಸ್ತುಗಳ ಸರಬರಾಜು ಸಂಪೂರ್ಣವಾಗಿ ನಿಲ್ಲಿಸಿದ್ದರು. ಕಾರಾಗೃಹದ ಒಳಗೆ ಮೊಬೈಲ್ ಬಳಕೆ, ಗಾಂಜಾ ಪೂರೈಕೆ ಸೇರಿ ಅಕ್ರಮ ಚಟುವಟಿಕೆಗಳಿಗೆ ತಡೆ ಒಡ್ಡಿದ್ದರು. ಈ ಹಿನ್ನಲೆ ಅಲ್ಲಿನ ಕೈದಿಗಳು ಸಿಟ್ಟಾಗಿದ್ದರು. ಶನಿವಾರ ಅಲ್ಲಿರುವ ಕೈದಿಗಳು `ಗಾಂಜಾ ಕೊಡಿ’ ಎಂದು ಕೂಗಾಡಿದರು. ಕಟ್ಟುನಿಟ್ಟಿನ ಕ್ರಮದ ಹಿನ್ನಲೆ ಅವರಿಗೆ ಮಾದಕ ವಸ್ತು ಸಿಗಲಿಲ್ಲ. ಹೀಗಾಗಿ ಕೈದಿಗಳು ಜೈಲರ್ ಮೇಲೆ ಆಕ್ರಮಣ ನಡೆಸಿದರು. ತಡೆಯಲು ಬಂದ ಭದ್ರತಾ ಸಿಬ್ಬಂದಿ ಮೇಲೆಯೂ ಹಲ್ಲೆ ಮಾಡಿದರು. ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿ ಜೈಲು ಸೇರಿರುವ ಮೊಹ್ಮದ್ ಅಬ್ದುಲ್ ಫಯಾನ್ ಮತ್ತು ಕೌಶಿಕ ನಿಹಾಲ್ ಎಂಬಾತರು ತಮ್ಮ ಉಗ್ರ ಸ್ವರೂಪ ಪ್ರದರ್ಶಿಸಿದ್ದು, ಜೈಲರ್ ಕಲ್ಲಪ್ಪ ಗಸ್ತಿ ಹಾಗೂ ಮೂವರು ಸಿಬ್ಬಂದಿ ಮೇಲೆ ದಾಳಿ ಮಾಡಿದರು. ಸರ್ಕಾರಿ ಸಿಬ್ಬಂದಿಯ ಬಟ್ಟೆ ಹರಿದು ಅವರಿಗೆ ಗಾಯ ಮಾಡಿದರು. ಕಾರಾಗೃಹದಲ್ಲಿ ಗಲಾಟೆ ಮಾಡಿದ ಆ ಇಬ್ಬರ ವಿರುದ್ಧ 12ಕ್ಕೂ ಅಧಿಕ ಪ್ರಕರಣಗಳಿವೆ. ಅವರು ಮಂಗಳೂರು ಮೂಲದವರಾಗಿದ್ದು, ಈಚೆಗೆ ಭದ್ರತಾ ಕಾರಣದಿಂದ ಅವರಿಬ್ಬರನ್ನು ಕಾರವಾರ ಜೈಲಿಗೆ ವರ್ಗಾಯಿಸಲಾಗಿತ್ತು. ಇಲ್ಲಿಯೂ ಅವರಿಬ್ಬರು ಹೊಡೆದಾಟ ನಡೆಸಿ ಮತ್ತೊಂದು ಪ್ರಕರಣದಲ್ಲಿ ಸಿಕ್ಕಿಬಿದ್ದಿದ್ದಾರೆ. ಸದ್ಯ ಗಾಯಗೊಂಡ ಸಿಬ್ಬಂದಿಗೆ ಪೊಲೀಸರು ರಕ್ಷಣೆ ಒದಗಿಸಿದ್ದಾರೆ. ಜೊತೆಗೆ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆಯನ್ನು ಕೊಡಿಸಿದ್ದಾರೆ.
- [ಉತ್ತರ ಕನ್ನಡ: ಈ ಜಿಲ್ಲೆಗೆ ಒಬ್ಬರೇ ಡೀಸಿ.. ಒಬ್ಬರೇ ಎಸಿ!](https://mobiletime.in/2025/12/uttara-kannada-this-district-has-only-one-dc-only-one-ac/): 140 ಕಿಮೀ ಕರಾವಳಿ, 10.25 ಲಕ್ಷ ಹೆಕ್ಟೇರ್ ಭೂ ಭಾಗವನ್ನು ಹೊಂದಿರುವ ಉತ್ತರ ಕನ್ನಡ ಜಿಲ್ಲೆಯಲ್ಲಿ ನಾಲ್ಕು ಉಪವಿಭಾಗಗಳಿವೆ. ಆದರೆ, ಅದಕ್ಕೆ ತಕ್ಕ ಹಾಗೇ ಸಹಾಯಕ ಆಯುಕ್ತರಿಲ್ಲ! ರಾಜ್ಯದಲ್ಲಿಯೇ ಅತಿ ದೊಡ್ಡ ಪ್ರದೇಶವನ್ನು ಹೊಂದಿದ ಉತ್ತರ ಕನ್ನಡ ಜಿಲ್ಲೆಯನ್ನು ಸರ್ಕಾರ ಆಡಳಿತ ಕಾರಣಕ್ಕಾಗಿ ನಾಲ್ಕು ಉಪವಿಭಾಗಗಳನ್ನು ಸೃಷ್ಠಿಸಿದೆ. ಕಾರವಾರ, ಕುಮಟಾ, ಶಿರಸಿ ಹಾಗೂ ಭಟ್ಕಳ ವಿಭಾಗಕ್ಕೆ ಪ್ರತ್ಯೇಕ ಸಹಾಯಕ ಆಯುಕ್ತರ ಹುದ್ದೆಯನ್ನು ಸೃಷ್ಠಿಸಿದೆ. ಆದರೆ, ಆ ಹುದ್ದೆಗೆ ಅಗತ್ಯವಿರುವ ಅಧಿಕಾರಿಯನ್ನು ಮಾತ್ರ ನೇಮಿಸುತ್ತಿಲ್ಲ. ಮೊದಲು ಈ ನಾಲ್ಕು ಉಪವಿಭಾಗಕ್ಕೆ ನಾಲ್ಕು ಪ್ರತ್ಯೇಕ ಸಹಾಯಕ ಆಯುಕ್ತರಿದ್ದರು. ಕಾರವಾರದಲ್ಲಿ ಕನಿಷ್ಕ ಅವರು ಸಹಾಯಕ ಆಯುಕ್ತರಾಗಿದ್ದರು. ಕುಮಟಾದಲ್ಲಿ ಶ್ರವಣಕುಮಾರ ಅವರು ಸಹಾಯಕ ಆಯುಕ್ತರಾಗಿ ಸೇವೆ ಸಲ್ಲಿಸುತ್ತಿದ್ದರು. ಭಟ್ಕಳದಲ್ಲಿ ನಯನಾ ಅವರು ಉಪವಿಭಾಗಾಧಿಕಾರಿಯಾಗಿದ್ದರು. ಶಿರಸಿಯಲ್ಲಿ ಕಾವ್ಯರಾಣಿ ಅವರು ಕೆಲಸ ನಿರ್ವಹಿಸುತ್ತಿದ್ದರು. ಹೀಗಿರುವಾಗ ಭಟ್ಕಳದಲ್ಲಿದ್ದ ಕನಿಷ್ಕ ಅವರು ದೀರ್ಘಕಾಲದ ರಜೆಪಡೆದರು. ಕಾರವಾರದಲ್ಲಿದ್ದ ಕನಿಷ್ಕ ಅವರು ಅಲ್ಲಿಂದ ವರ್ಗವಾದರು. ಸರ್ಕಾರ ಈ ಎರಡು ಹುದ್ದೆಗಳಿಗೆ ಬೇರೆ ಅಧಿಕಾರಿಗಳನ್ನು ನೇಮಿಸುವ ಬದಲು ಪ್ರಭಾರಿ ಹುದ್ದೆ ನೀಡಿತು. ಅದರ ಪ್ರಕಾರ, ಶಿರಸಿಯ ಕಾವ್ಯರಾಣಿ ಅವರು ಭಟ್ಕಳದ ಜವಾಬ್ದಾರಿವಹಿಸಿಕೊಂಡರು. ಕುಮಟಾದ ಶ್ರವಣಕುಮಾರ ಅವರು ಕಾರವಾರದ ಹೊಣೆ ಹೊತ್ತರು. ಹಳಿಯಾಳದ ಹಳ್ಳಿಯಿಂದ ಭಟ್ಕಳದ ತುದಿಯವರೆಗೂ ಸಂಚರಿಸಿ ಕೆಲಸ ನಿರ್ವಹಿಸುವುದು ಸಹಾಯಕ ಆಯುಕ್ತೆ ಕಾವ್ಯರಾಣಿ ಅವರಿಗೆ ಹೊರೆಯಾಗಿತ್ತು. ಕುಮಟಾದಿಂದ ಜೊಯಿಡಾದವರೆಗಿನ ಉಸ್ತುವಾರಿ ನೋಡಿಕೊಳ್ಳುವುದು ಶ್ರವಣಕುಮಾರ ಅವರಿಗೆ ಬಾರವಾಗಿತ್ತು. ಇದರಿಂದ ಅನೇಕ ಭೂ ವ್ಯಾಜ್ಯ, ಕಂದಾಯ ಪ್ರಕರಣಗಳು ಪ್ರಗತಿ ಕಾಣುತ್ತಿರಲಿಲ್ಲ. ಈ ಬಗ್ಗೆ ಗೊತ್ತಿದ್ದರೂ ಸರ್ಕಾರ ಹೊಸ ಅಧಿಕಾರಿಗಳ ನೇಮಕ ಮಾಡಿರಲಿಲ್ಲ. ಈ ಎಲ್ಲದರ ನಡುವೆ ಸದ್ಯ ಶಿರಸಿ ಜೊತೆ ಭಟ್ಕಳದಲ್ಲಿಯೂ ಪ್ರಭಾರಿಯಾಗಿದ್ದ ಕಾವ್ಯರಾಣಿ ಅವರನ್ನು ವರ್ಗಾಯಿಸಿದೆ. ಹೀಗಾಗಿ ಸದ್ಯದ ಪರಿಸ್ಥಿತಿಯಲ್ಲಿ ಶ್ರವಣಕುಮಾರ ಅವರೊಬ್ಬರೇ ಉತ್ತರ ಕನ್ನಡ ಜಿಲ್ಲೆಯ ಸಹಾಯಕ ಆಯುಕ್ತರಾಗಿದ್ದಾರೆ. ನಂತರ ಶಿರಸಿ ಹಾಗೂ ಕುಮಟಾ ಸಹಾಯಕ ಆಯುಕ್ತರಿಗೆ ಭಟ್ಕಳ ಹಾಗೂ ಕಾರವಾರದ ಪ್ರಭಾರಿ ಹುದ್ದೆ ಕೊಡಲಾಗಿದ್ದು, ಇದೀಗ ಶಿರಸಿ ಸಹಾಯಕ ಆಯುಕ್ತರಾಗಿದ್ದ ಕಾವ್ಯರಾಣಿ ಅವರನ್ನು ಸರ್ಕಾರ ವರ್ಗಾಯಿಸಿದೆ. ಹೀಗಾಗಿ ಇಡೀ ಉತ್ತರ ಕನ್ನಡ ಜಿಲ್ಲೆಗೆ ಸದ್ಯ ಕುಮಟಾ ವಿಭಾಗಾಧಿಕಾರಿ ಶ್ರವಣಕುಮಾರ ಅವರೇ ಸಹಾಯಕ ಆಯುಕ್ತರಾಗಿದ್ದಾರೆ. ಕಾವ್ಯರಾಣಿ ಅವರ ವರ್ಗಾವಣೆ ಆದೇಶ ಆಗಿದ್ದರೂ ಅವರನ್ನು ಸಹಾಯಕ ಆಯುಕ್ತ ಹುದ್ದೆಯಿಂದ ಬಿಡುಗಡೆ ಮಾಡಿಲ್ಲ. ಅವರ ವರ್ಗಾವಣೆ ಖಚಿತವಾಗಿದ್ದು, ಬಿಡುಗಡೆಗೂ ಮುನ್ನ ಬೇರೆ ಅಧಿಕಾರಿ ನೇಮಕ ಆಗದೇ ಇದ್ದರೆ ಸಮಸ್ಯೆ ಇನ್ನಷ್ಟು ಜಟಿಲವಾಗಲಿದೆ.
- [ಶಿರೂರು ಖಾರ್‌ಲ್ಯಾಂಡ್: ಸ್ಥಳಕ್ಕೆ ಬಂದು ಗೊಂದಲ ಬಗೆಹರಿಸಿ!](https://mobiletime.in/2025/12/shiroor-kharland-come-to-the-spot-and-clear-up-the-confusion/): ಅಂಕೋಲಾದ ಶಿರೂರು ಗ್ರಾಮದಲ್ಲಿ ಸಣ್ಣ ನೀರಾವರಿ ಇಲಾಖೆ ಖಾರ್‌ಲ್ಯಾಂಡ್ ಕಾಮಗಾರಿಗೆ ಆಸಕ್ತಿವಹಿಸಿದ್ದು, ಅದರ ತಾಂತ್ರಿಕ ಮಾಹಿತಿ ಗೊಂದಲಕ್ಕೆ ಕಾರಣವಾಗಿದೆ. ಹೀಗಾಗಿ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಯೋಜನೆ ಬಗ್ಗೆ ಜನರಿಗೆ ಸರಿಯಾದ ಮಾಹಿತಿ ನೀಡಬೇಕು ಎಂದು ಅಲ್ಲಿನ ಜನ ಆಗ್ರಹಿಸಿದ್ದಾರೆ. ಈ ಕಾಮಗಾರಿ ಶುರು ಮಾಡುವ ದಿಕ್ಕಿನ ಬಗ್ಗೆ ಊರಿನಲ್ಲಿ ಚರ್ಚೆ ನಡೆಯುತ್ತಿದೆ. ಇದೇ ವಿಷಯವಾಗಿ ಭಿನ್ನಾಭಿಪ್ರಾಯಗಳು ಮೂಡಿದ್ದು, ಪರ-ವಿರೋಧದ ಮಾತು ಕೇಳಿ ಬರುತ್ತಿದೆ. ಕೆಲವರು ಗುತ್ತಿಗೆದಾರರು ಮಾಡುವ ಕೆಲಸದ ಬಗ್ಗೆ ಸಹಮತವ್ಯಕ್ತಪಡಿಸಿದ್ದಾರೆ. ಉಳಿದವರು ನೀರು ಹರಿಯುವ ವಿರುದ್ಧ ದಿಕ್ಕಿನಲ್ಲಿ ಕಾಮಗಾರಿ ಶುರು ಮಾಡಿದರೆ ತಾಂತ್ರಿಕ ದೋಷವಾಗುವ ಬಗ್ಗೆ ಹೇಳಿದ್ದಾರೆ. ಗ್ರಾಮಸ್ಥರಾದ ಪುರುಷೋತ್ತಮ ನಾಯ್ಕ ಹಾಗೂ ಸಹಚರರು `ಕಾಮಗಾರಿಯನ್ನು ನೀರಿನ ಹರಿವಿನ ದಿಕ್ಕಿಗೆ ವಿರುದ್ಧವಾಗಿ ಮಾಡಲಾಗುತ್ತಿದ್ದು, ಇದರಿಂದ ಮಳೆಗಾಲದಲ್ಲಿ ನೀರಿನ ಒತ್ತಡಕ್ಕೆ ಸಿಲುಕಿ ಖಾರ್‌ಲ್ಯಾಂಡ ಕಾಮಗಾರಿಯು ಹಾನಿಯಾಗುವ ಭೀತಿಯಿದೆ’ ಎಂದು ಹೇಳಿದ್ದಾರೆ. ಈ ಬಗ್ಗೆ ಅವರು ಲಿಖಿತ ಅರ್ಜಿಯನ್ನು ಸರ್ಕಾರಕ್ಕೆ ಸಲ್ಲಿಸಿದ್ದಾರೆ. `ಕೆಪಿಡಬ್ಲ್ಯೂಡಿ ನಿಯಮಾವಳಿಗಳ ಪ್ರಕಾರ ಯಾವುದು ಸುರಕ್ಷಿತವೋ ಆ ರೀತಿಯಲ್ಲೇ ಕಾಮಗಾರಿ ನಡೆಸಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. `ಊರಿನ ಕೆಲವರು ಗುತ್ತಿಗೆದಾರರ ಕೆಲಸಕ್ಕೆ ಒಪ್ಪಿಗೆ ನೀಡಿದ್ದಾರೆ. ಆದರೆ ಕಾಮಗಾರಿ ಶಾಶ್ವತವಾಗಿ ಉಳಿಯಬೇಕಾದರೆ ಅದು ತಾಂತ್ರಿಕವಾಗಿ ಬಲವಾಗಿರಬೇಕು. ಜನರ ಒಪ್ಪಿಗೆಗಿಂತ ಸುರಕ್ಷತೆ ಹಾಗೂ ನಿಯಮ ಮುಖ್ಯವಾಗಿರಬೇಕು. ಹೀಗಾಗಿ ಈ ಕೂಡಲೇ ಸಣ್ಣ ನೀರಾವರಿ ಇಲಾಖೆಯ ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಬೇಕು’ ಎಂದು ಪುರುಷೋತ್ತಮ ನಾಯ್ಕ ಅವರು ಹೇಳಿದ್ದಾರೆ. `ಯಾವುದು ಸರಿ-ಯಾವುದು ತಪ್ಪು ಎಂಬುದನ್ನು ಸ್ಪಷ್ಟಪಡಿಸಿದ ನಂತರವೇ ಕಾಮಗಾರಿ ಮುಂದುವರಿಸಬೇಕು’ ಎಂದವರು ಒತ್ತಾಯಿಸಿದ್ದಾರೆ. ಈ ಬಗ್ಗೆ ಅವರು ಸಣ್ಣ ನೀರಾವರಿ ಇಲಾಖೆ ಅಧಿಕಾರಿ, ತಹಶೀಲ್ದಾರ್, ಪಂಚಾಯತ ಹಾಗೂ ಜಿಲ್ಲಾಡಳಿತಕ್ಕೆ ತಮ್ಮ ಪತ್ರ ಕಳುಹಿಸಿದ್ದಾರೆ. `ಗ್ರಾಮಸ್ಥರಲ್ಲಿರುವ ಗೊಂದಲ ಬಗೆಹರಿಸಿ ಗುಣಮಟ್ಟದ ಕಾಮಗಾರಿ ನಡೆಸಿ’ ಎಂದವರು ಪತ್ರದ ಮೂಲಕ ಹೇಳಿದ್ದಾರೆ.
- [ಶಾಲೆಗೆ ಹೋಗಲು ರೈಲು ಹಳಿಯೇ ಮುಖ್ಯ ರಸ್ತೆ!](https://mobiletime.in/2025/12/the-train-track-is-the-main-road-to-school/): ನಿತ್ಯ 60ಕ್ಕೂ ಅಧಿಕ ಮಕ್ಕಳು ರೈಲ್ವೆ ಹಳಿ ಮೇಲೆ ಸಂಚರಿಸಿ ಶಾಲೆ ಸೇರುತ್ತಿದ್ದು, ಈ ಅಪಾಯದ ಬಗ್ಗೆ ಅರಿವಿದ್ದರೂ ಅಲ್ಲಿನವರಿಗೆ ಪರ್ಯಾಯ ದಾರಿ ಇಲ್ಲ. `ಅನಾಹುತ ತಪ್ಪಿಸಲು ಕಿರು ಸೇತುವೆ ಮಾಡಿಕೊಡಿ’ ಎಂದು ಆ ಊರಿನ ಜನ ಅಳಲು ತೋಡಿಕೊಂಡರೂ ಯಾರೂ ಅದಕ್ಕೆ ಸ್ಪಂದಿಸಿಲ್ಲ. ಕೊoಕಣ ರೈಲ್ವೆ ಬರುವ ಮುನ್ನ ಅಂಕೋಲಾದ ಹಟ್ಟಿಕೇರಿ ಬಳಿಯ ಅರೆಗದ್ದೆ – ತೆಂಗಿನ ಮಡಗಿ ಭಾಗದಲ್ಲಿ ಸಂಕದ ವ್ಯವಸ್ಥೆಯಿತ್ತು. ಆ ಸಂಕ ದಾಡಿ ಜನ ಊರು ಸೇರುತ್ತಿದ್ದರು. ಕೊಂಕಣ ರೈಲ್ವೆಗಾಗಿ ಭೂ ಸ್ವಾಧೀನ ಪ್ರಕ್ರಿಯೆ ನಡೆದಾಗ ಆ ಸಂಕವೂ ಮುರಿದು ಬಿದ್ದಿತು. ಸಂಕವನ್ನು ಬಲಿಪಡೆದ ಕೊಂಕಣ ರೈಲ್ವೆ ಪರ್ಯಾಯ ವ್ಯವಸ್ಥೆ ಕಲ್ಪಿಸಲಿಲ್ಲ. ಹೀಗಾಗಿ ಆಗಿನಿಂದ ಈಗಿನವರೆಗೂ ಊರಿನವರು ಸಮಸ್ಯೆ ಅನುಭವಿಸುವುದು ತಪ್ಪಲಿಲ್ಲ. ಅರೆಗದ್ದೆ – ತೆಂಗಿನ ಮಡಗಿ ಭಾಗಕ್ಕೆ ಸಂಚರಿಸಲು ಯೋಗ್ಯ ರಸ್ತೆ ಇಲ್ಲ. ಹೀಗಾಗಿ ಈ ಊರಿನ ಜನ ಸಹ ತಮ್ಮ ಬೈಕುಗಳನ್ನು ರೈಲ್ವೆ ಹಳಿ ಪಕ್ಕ ನಿಲ್ಲಿಸಿ ನಡೆದು ಹೋಗುತ್ತಾರೆ. ಜೊತೆಗೆ ಮಕ್ಕಳು ಶಾಲೆಗೆ ಬರಬೇಕು ಎಂದರೆ ಸದ್ಯ ರೈಲ್ವೆ ಹಳಿ ಮೇಲಿನ ನಡಿಗೆ ಅನಿವಾರ್ಯ. ಅದಕ್ಕಾಗಿ ಮಕ್ಕಳ ಜೊತೆ ಪಾಲಕರು ಶಾಲೆಯವರೆಗೆ ಬರುತ್ತಿದ್ದು, ಶಾಲೆ ಬಿಟ್ಟ ನಂತರವೂ ಇದೇ ಮಾರ್ಗವಾಗಿ ಮಕ್ಕಳನ್ನು ಮನೆಗೆ ಒಯ್ಯುವ ಕೆಲಸ ಮಾಡುತ್ತಾರೆ. ಈ ಊರಿನಲ್ಲಿ 90ಕ್ಕೂ ಅಧಿಕ ಮನೆಗಳಿದ್ದು, ಅಲ್ಲಿನವರ ಸಮಸ್ಯೆಯನ್ನು ಆಲಿಸಿದವರಿಲ್ಲ. ರೈಲ್ವೆ ಸೇತುವೆಯ ಕೆಳಗೆ ಹಳ್ಳ ಹರಿಯುತ್ತಿದ್ದು, ಮಳೆಗಾಲದಲ್ಲಿಯೂ ಮಕ್ಕಳು ಅಪಾಯಕಾರಿ ಹಳ್ಳ ದಾಟಿ ಶಾಲೆಗೆ ಹೋಗಬೇಕು. ರೇಲ್ವೆ ಹಳಿ ದಾಡಿದ ಮಕ್ಕಳು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಚರಿಸಿಯೂ ಶಾಲೆ ಸೇರಬಹುದಾಗಿದ್ದು, ಆ ಹೆದ್ದಾರಿ ಇನ್ನಷ್ಟು ಅಪಾಯಕಾರಿ. ಜೊತೆಗೆ ಶಾಲೆ ಸೇರುವ ಮಕ್ಕಳಿಗೆ 4ಕಿಮೀ ಸುತ್ತುವರೆದು ನಡೆಯುವುದು ಅನಿವಾರ್ಯ. 4ಕಿಮೀ ಸುತ್ತುವರೆದಿರುವ ಅಪಾಯಕಾರಿಯಾದ ಆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮಕ್ಕಳನ್ನು ಕಳುಹಿಸುವ ಬದಲು ರೈಲ್ವೆ ಹಳಿಗಳ ಮೂಲಕವೇ ಶಾಲೆಗೆ ಹೋಗಿಬರುವುದು ಸಲೀಸು. `ನಮಗೆ ಹಳ್ಳ ಹಾಗೂ ರೇಲ್ವೆ ಹಳಿ ದಾಟುವ ನಡೆಯಿಂದ ಮುಕ್ತವಾಗಲು ಕಿರು ಸಂಕ ನಿರ್ಮಿಸಿ ಕೊಡಿ’ ಎಂದು ಹತ್ತಾರು ಸಲ ಇಲ್ಲಿನ ಜನ ರೇಲ್ವೆ ಇಲಾಖೆಗೆ ಮನವಿ ಮಾಡಿದ್ದಾರೆ. ಆದರೆ ರೇಲ್ವೆ ಇಲಾಖೆಯಿಂದ ಯಾವ ಕ್ರಮವೂ ಆಗಿಲ್ಲ.
- [ಟಾಟಾ ಬೈಬೈ: ಶಿರಸಿ ತೊರೆದ ಸಹಾಯಕ ಆಯುಕ್ತೆ!](https://mobiletime.in/2025/12/tata-bye-bye-assistant-commissioner-leaves-sirsi/): ಶಿರಸಿಯ ಸಹಾಯಕ ಆಯುಕ್ತರಾಗಿದ್ದ ಕಾವ್ಯರಾಣಿ ಅವರನ್ನು ಸರ್ಕಾರ ದಿಢೀರ್ ಆಗಿ ವರ್ಗಾವಣೆ ಮಾಡಿದೆ. ಭಟ್ಕಳ ಉಪವಿಭಾಗಾಧಿಕಾರಿ ಕಚೇರಿಯ ಪ್ರಭಾರಿಯೂ ಆಗಿದ್ದ ಅವರನ್ನು ಮೈಸೂರಿನ ಹಣಸೂರು ವಿಭಾಗಕ್ಕೆ ವರ್ಗಾಯಿಸಲಾಗಿದೆ. ಸರ್ಕಾರಿ ಶಾಲೆಯಲ್ಲಿ ಓದಿಗೂ ಕೆಎಎಸ್ ಅಧಿಕಾರಿಯಾಗಿದ್ದ ಕಾವ್ಯರಾಣಿ ಅವರು ಕಳೆದ ವರ್ಷ ಶಿರಸಿ ಸಹಾಯಕ ಆಯುಕ್ತರಾಗಿ ಜವಾಬ್ದಾರಿವಹಿಸಿಕೊಂಡಿದ್ದರು. ನಿವೃತ್ತ ಪೊಲೀಸ್ ಅಧಿಕಾರಿ ವೀರೇಶ ನಾಯ್ಕ ಅವರ ಪುತ್ರಿಯಾಗಿದ್ದ ಕಾವ್ಯರಾಣಿ ಅವರು ತಮ್ಮ ಬದುಕಿನುದ್ದಕ್ಕೂ ಶಿಸ್ತು ರೂಢಿಸಿಕೊಂಡಿದ್ದರು. ಉನ್ನತಮಟ್ಟದ ಅಧಿಕಾರಿಯಾಗಬೇಕು ಎಂದು ಅವರು ಬಾಲ್ಯದಲ್ಲಿಯೇ ಕನಸು ಕಂಡಿದ್ದರು. ಅದಕ್ಕಾಗಿ ಸಾಕಷ್ಟು ಶ್ರಮವಹಿಸಿದ್ದರು. 2019ರ ಅವಧಿಯಲ್ಲಿ ಅವರು ಕೆಎಎಸ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದು, ಸರ್ಕಾರಿ ಸೇವೆ ಶುರು ಮಾಡಿದರು. ಅಧಿಕಾರಿಯಾಗಿ ಅಧಿಕಾರವಹಿಸಿಕೊಂಡ ನಂತರ ಅನೇಕ ಶಾಲೆಗಳಿಗೆ ದಿಢೀರ್ ಭೇಟಿ ನೀಡಿ ಮಕ್ಕಳಿಗೆ ಪ್ರೇರಣಾದಾಯಕ ಪಾಠ ಮಾಡಿದ್ದರು. ಆಡಳಿತ ವಿಷಯದಲ್ಲಿಯೂ ಅವರು ಖಡಕ್ ಅಧಿಕಾರಿಯಾಗಿ ಗುರುತಿಸಿಕೊಂಡಿದ್ದರು. ಕೆ ಕಾವ್ಯರಾಣಿ ಅವರು ಪ್ರಸ್ತುತ ಶಿರಸಿ ಉಪವಿಭಾಗಾಧಿಕಾರಿ ಕಚೇರಿಯಲ್ಲಿ ಸಹಾಯಕ ಆಯುಕ್ತರಾಗಿದ್ದು, ಆಡಳಿತಾತ್ಮಕ ಕಾರಣದಿಂದ ಸರ್ಕಾರ ಅವರನ್ನು ಬೇರೆಡೆ ವರ್ಗಾಯಿಸಿದೆ. ಶಿರಸಿ ಹಾಗೂ ಭಟ್ಕಳಕ್ಕೆ ಹೊಸ ಸಹಾಯಕ ಆಯುಕ್ತರ ಆದೇಶ ಹೊರಬಂದಿಲ್ಲ.
- [2025 ಡಿಸೆಂಬರ್ 5ರ ದಿನ ಭವಿಷ್ಯ](https://mobiletime.in/2025/12/prediction-for-december-5-2025/): ಮೇಷ ರಾಶಿ: ನಿಮ್ಮ ವೃತ್ತಿ ಜೀವನದಲ್ಲಿ ಸಣ್ಣ ಸವಾಲು ಎದುರಗಲಿದೆ. ಅದನ್ನು ಎದುರಿಸಿದರೆ ಗೌರವ ಹೆಚ್ಚಾಗಲಿದೆ. ಕುಟುಂಬ ಸದಸ್ಯರ ಬೆಂಬಲದಿoದ ಸಮಸ್ಯೆ ದೂರವಾಗಲಿದೆ. ಪ್ರೀತಿ ಸಂಬAಧಗಳಲ್ಲಿ ಸಾಮರಸ್ಯ ಕಾಪಾಡಿಕೊಳ್ಳಿ. ಶತ್ರುಗಳ ಬಗ್ಗೆ ಎಚ್ಚರಿಕೆ ಅಗತ್ಯ. ವೃಷಭ ರಾಶಿ: ಹಣಕಾಸು ವಿಷಯಗಳಲ್ಲಿ ಸಮತೋಲನ ಕಾಯ್ದುಕೊಳ್ಳಬೇಕು. ಕೆಲಸದಲ್ಲಿ ಸಹಕಾರ ಸಿಗುತ್ತದೆಯಾದರೂ ತುರ್ತು ನಿರ್ಧಾರಗಳು ಒಳ್ಳೆಯದಲ್ಲ. ಕುಟುಂಬದಲ್ಲಿ ಸುಖ ಶಾಂತಿ ಕಾಣಬಹುದು. ವಿದ್ಯಾರ್ಥಿಗಳಿಗೆ ಒಳ್ಳೆಯ ಫಲ ಸಿಗಲಿದೆ. ಆರೋಗ್ಯ ಉತ್ತಮವಾಗಿರುತ್ತದೆ. ಮಿಥುನ ರಾಶಿ: ನಿಮ್ಮ ಅದೃಷ್ಟ ಚನ್ನಾಗಿದ್ದು, ವ್ಯವಹಾರದಲ್ಲಿ ಲಾಭದ ಅವಕಾಶಗಳು ಹೆಚ್ಚಿವೆ. ಬುದ್ಧಿವಂತಿಕೆಯಿAದ ಕಷ್ಟಕರ ವಿಷಯಗಳು ದೂರವಾಗುತ್ತವೆ. ನೀವು ಮಾಡುವ ಕೆಲಸ ಯಶಸ್ವಿಯಾಗಲಿದೆ. ಉಡುಗರೆ ಸಿಗುವ ಸಾಧ್ಯತೆಯಿದೆ. ಕರ್ಕ ರಾಶಿ: ನಿಮ್ಮ ವೃತ್ತಿ ಜೀವನ ಸುಧಾರಿಸುತ್ತದೆ. ಹೊಸ ಯೋಜನೆಗಳು ಫಲ ನೀಡುತ್ತವೆ. ಸಂಪತ್ತು ಸೌಕರ್ಯಗಳು ದ್ವಿಗುಣಗೊಳ್ಳುತ್ತವೆ. ಕುಟುಂಬದ ಸಹಕಾರ ಸಿಗುತ್ತದೆ. ಹಣಕಾಸು ಲಾಭ ಸಿಗಲಿದೆ. ಸಿಂಹ ರಾಶಿ: ಕೆಲಸದಲ್ಲಿ ನಿಮ್ಮ ಪ್ರಭಾವ ಹೆಚ್ಚುತ್ತದೆ. ಮೇಲಧಿಕಾರಿಗಳ ಬೆಂಬಲ ದೊರೆಯುತ್ತದೆ. ನಿಮ್ಮ ಆಶಯಗಳು ಈಡೇರುತ್ತವೆ. ಸಹೋದ್ಯೋಗಿಗಳೊಂದಿಗೆ ಸಮನ್ವಯ ಉತ್ತಮವಾಗಿರತ್ತದೆ. ಶಿಕ್ಷಣ ಸ್ಪರ್ಧೆಗಳಲ್ಲಿ ಯಶಸ್ಸು ಸಿಗಲಿದೆ. ಕನ್ಯಾ ರಾಶಿ: ತಂಡದೊAದಿಗೆ ದುಡಿದರೆ ಕೆಲಸ ಸರಳವಾಗಿರುತ್ತದೆ. ವಿದ್ಯುತ್ ಉಪಕರಣಗಳ ಕೆಲಸದಲ್ಲಿ ಲಾಭ ಆಗಲಿದೆ ಶಿಕ್ಷಣದಲ್ಲಿ ಯಶಸ್ಸು ಸಾಧ್ಯವಿದೆ. ಕುಟುಂಬ ಸುಖ ಹಾಗೂ ಆರ್ಥಿಕ ನೆಮ್ಮದಿ ಸಿಗಲಿದೆ. ತುಲಾ ರಾಶಿ: ಮಧ್ಯಾಹ್ನದ ವೇಳೆ ವ್ಯಾಪಾರದಲ್ಲಿ ಲಾಭ ಆಗಲಿದೆ. ಅವಿವಾಹಿತರಿಗೆ ವಿವಾಹ ಭಾಗ್ಯದ ಮಾತುಕಥೆ ಸಾಧ್ಯವಿದೆ. ಕೆಲಸದ ವಿಷಯದಲ್ಲಿ ಗೌರವ ಹೆಚ್ಚಾಗಲಿದೆ. ಶುಭ ಸುದ್ದಿ ನಿರೀಕ್ಷೆಯಲ್ಲಿರಿ. ವೃಶ್ಚಿಕ ರಾಶಿ: ಆಭರಣ ವ್ಯವಹಾರಕ್ಕೆ ಒಳ್ಳೆಯ ದಿನ. ಲಾಭ ಅವಕಾಶಗಳು ಹೆಚ್ಚಿದೆ. ಮಾರ್ಕೆಟಿಂಗ್ ಕ್ಷೇತ್ರದಲ್ಲಿರುವವರಿಗೆ ಯಶಸ್ಸು ಸಿಗಲಿದೆ. ಉಡುಗರೆಯೊಂದು ನಿಮಗಾಗಿ ಕಾದಿದೆ. ಧನು ರಾಶಿ: ಧನ ಯೋಗ ಪ್ರಭಾವ ಹೆಚ್ಚಾಗಿದ್ದು, ಸಂಪತ್ತು ಲಾಭ ಆಗಲಿದೆ. ವ್ಯವಹಾರ ಉತ್ತಮವಾಗಿರುತ್ತದೆ. ಕುಟುಂಬದಲ್ಲಿ ಸಂತೋಷದ ಕ್ಷಣಗಳು ನಡೆಯಲಿದೆ. ಭಯ ಬೇಡ. ಮಕರ ರಾಶಿ: ಒತ್ತಡಗಳ ನಡುವೆ ಜೀವಿಸಲು ಸಹನೆ ಅಗತ್ಯ. ಆರ್ಥಿಕ ಲಾಭ ಸಾಧ್ಯವಾದರೂ ಎಚ್ಚರಿಕೆ ಅಗತ್ಯ. ಹೂಡಿಕೆಗೆ ಒಳ್ಳೆಯ ದಿನ. ಆರೋಗ್ಯದ ಕಡೆ ಗಮನಹರಿಸಬೇಕು. ಕುಂಭ ರಾಶಿ: ಹಿಂದಿನ ಕಾರ್ಯಗಳ ಪರಿಣಾಮ ಈ ದಿನ ದುಪ್ಪಟ್ಟು ಲಾಭ ಸಿಗಲಿದೆ. ಶತ್ರುಗಳು ಕುತಂತ್ರ ಮಾಡುವ ಸಾಧ್ಯತೆಯಿದ್ದು, ಎಚ್ಚರಿಕೆ ಅಗತ್ಯ. ವೃತ್ತಿ ಸವಾಲುಗಳು ಎದುರಾಗಲಿದ್ದು, ಅದನ್ನು ಸಮರ್ಥವಾಗಿ ನಿಭಾಯಿಸುವಿರಿ. ಮೀನ ರಾಶಿ: ನಿಮ್ಮ ಬುದ್ದಿ ಶಕ್ತಿ ಆಧಾರದಲ್ಲಿ ಯಶಸ್ಸು ಸಿಗಲಿದೆ. ಪ್ರೀತಿ ವಿಷಯದಲ್ಲಿ ಸಾಮರಸ್ಯ ಅಗತ್ಯ. ಆರೋಗ್ಯ ಚನ್ನಾಗಿರಲಿದೆ. ಶುಭ ಸಂಕೇತಗಳನ್ನು ಕಾಣುವಿರಿ.
- [ಬಯಲು ಶೌಚಕ್ಕೆ ಹೋದಾಗ ದುರ್ಘಟನೆ: ನಗರಸಭೆ ಸಿಬ್ಬಂದಿ ಕೊನೆಯುಸಿರು!](https://mobiletime.in/2025/12/tragedy-while-defecating-in-the-open-municipal-council-employee-dies/): ಕಾರವಾರ ನಗರಸಭೆಯಲ್ಲಿ ನೀರು ಬಿಡುವ ಕೆಲಸ ಮಾಡುತ್ತಿದ್ದ ಅಮಿತ್ ಬಾಂದೇಕರ್ ಅವರು ಬಹಿರ್ದೆಸೆಗೆ ಹೋದಾಗ ಕಾಲು ಜಾರಿ ಬಿದ್ದು ಪೆಟ್ಟು ಮಾಡಿಕೊಂಡಿದ್ದು, ಮನೆಯಲ್ಲಿ ಮಲಗಿದಾಗ ಸಾವನಪ್ಪಿದ್ದಾರೆ. ಕಾರವಾರದ ಶಿರವಾಡ ಬಳಿಯ ನಾರಗೇರಿಯಲ್ಲಿ ಅಮೀತ ಪುತ್ತು ಬಾಂದೇಕರ್ (35) ಅವರು ವಾಸವಾಗಿದ್ದರು. ಅವರು ನಗರಸಭೆಯಲ್ಲಿ ನೀರು ಬಿಡುವ ಕೆಲಸ ಮಾಡಿಕೊಂಡಿದ್ದರು. ಕಳೆದ ಮೂರು ದಿನಗಳಿಂದ ಅವರಿಗೆ ಅನಾರೋಗ್ಯ ಕಾಡಿತ್ತು. ಹೊಟ್ಟೆ ನೋವಿನ ಕಾರಣ ಮನೆಯಲ್ಲಿ ವಿಶ್ರಾಂತಿಪಡೆಯುತ್ತಿದ್ದ ಅವರು ಕೆಲಸಕ್ಕೆ ಹಾಜರಾಗಿರಲಿಲ್ಲ. ಡಿಸೆಂಬರ್ 4ರ ನಸುಕಿನ 3 ಗಂಟೆಗೆ ಅಮೀತ ಬಾಂದೇಕರ್ ಅವರು ಮನೆಯಿಂದ ಹೊರ ಹೋಗಿದ್ದರು. ಬಹಿರ್ದೆಸೆಗಾಗಿ ಅವರು ಮನೆ ಹಿಂದೆ ಹೋಗಿದ್ದು, ಅಲ್ಲಿ ಕಾಲು ಜಾರಿ ಬಿದ್ದಿದ್ದರು. ಇದನ್ನು ಅರಿತ ಅವರ ತಂದೆ-ತಾಯಿ ಅಮೀತ ಬಾಂದೇಕರ್ ಅವರನ್ನು ಮನೆಗೆ ಕರೆತಂದು ಉಪಚರಿಸಿದ್ದರು. `ಆಸ್ಪತ್ರೆಗೆ ಹೋಗಿ ಬಾ’ ಎಂದು ಪಾಲಕರು ಸಲಹೆ ನೀಡಿದ್ದರು. `ನನಗೆ ಏನೂ ಆಗಿಲ್ಲ’ ಎಂದ ಅಮೀತ ಬಾಂದೇಕರ್ ಅವರು ಮನೆಯಲ್ಲಿಯೇ ಮಲಗಿದ್ದರು. 7.30ರ ವೇಳೆಗೆ ಅವರನ್ನು ಎಬ್ಬಿಸಲು ಹೋದಾಗ ಮಾತನಾಡಲಿಲ್ಲ. ಸಂಬAಧಿಕರು ಬಂದು ಕರೆದರೂ ಏಳಲಿಲ್ಲ. ಹೀಗಾಗಿ ಎಲ್ಲರೂ ಸೇರಿ ಅಮೀತ ಬಾಂದೇಕರ್ ಅವರನ್ನು ಕಾರವಾರದ ಕಿಮ್ಸ್’ಗೆ ಕರೆದೊಯ್ದರು. ಅಲ್ಲಿನ ವೈದ್ಯರು `ಅಮೀತ ಬಾಂದೇಕರ್ ಇನ್ನಿಲ್ಲ’ ಎಂದು ಘೋಷಿಸಿದರು. ಮಾಜಾಳಿ ಗುರಾವಾಡದಲ್ಲಿ ವಾಸವಾಗಿರುವ ಅಮೀತ ಅವರ ಅಕ್ಕ ರತ್ನ ಚೈತನ್ಯ ಭಾನಾವಳಿ ಅವರು ಈ ವಿಷಯ ತಿಳಿದು ಆಘಾತಕ್ಕೆ ಒಳಗಾದರು. ಅಮೀತ ಅವರ ಸಾವಿನ ಬಗ್ಗೆ ಅವರೇ ಪೊಲೀಸರಿಗೆ ವರದಿ ಒಪ್ಪಿಸಿ, ಪ್ರಕರಣ ದಾಖಲಿಸಿದರು.
- [ಬೈಕಿನಿಂದ ಬಿದ್ದ ಸವಾರ: ಸಾವು!](https://mobiletime.in/2025/12/rider-falls-off-bike-and-dies/): ಬೈಕ್ ಸ್ಕಿಡ್ ಆದ ಪರಿಣಾಮ ಗಾಯಗೊಂಡಿದ್ದ ಸುರೇಶ ನಾಯಕ ಅವರನ್ನು ಚಿಕಿತ್ಸೆಗೆ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ನಿರಂತರ ಚಿಕಿತ್ಸೆಯ ನಡುವೆಯೂ ಗುರುವಾರ ಅವರು ಸಾವನಪ್ಪಿದ್ದಾರೆ. ಅಂಕೋಲಾದ ಭಾವಿಕೇರಿಯಲ್ಲಿ ಸುರೇಶ ಗಿರಿಯಣ್ಣ ನಾಯಕ (48) ಅವರು ವಾಸವಾಗಿದ್ದರು. ಡಿಸೆಂಬರ್ 1ರ ರಾತ್ರಿ 11.50ಕ್ಕೆ ಅವರು ವೇಗವಾಗಿ ಬೈಕ್ ಓಡಿಸಿಕೊಂಡು ಹೊರಟಿದ್ದರು. ಅಂಕೋಲಾ ಕಡೆಯಿಂದ ಬೇಲಿಕೇರಿ ಕಡೆ ಅವರು ಹೊರಟಿದ್ದ ಬೈಕು ಸ್ಕಿಡ್ ಆಗಿ ಬಿದ್ದಿತ್ತು. ಕೇಣಿ ಸೇತುವೆ ಬಳಿಯ ಮದ್ದಲೇಶ್ವರ ದೇವಾಲಯ ಎದುರಿನ ಬೇಲಿಕೇರಿ ಡಾಂಬರು ರಸ್ತೆಯಲ್ಲಿ ಬಿದ್ದಿದ್ದ ಸುರೇಶ ನಾಯ್ಕ ಅವರಿಗೆ ದೊಡ್ಡ ಪೆಟ್ಟು ಆಗಿರಲಿಲ್ಲ. ಆದರೆ, ತಲೆ ಒಳಭಾಗದಲ್ಲಿ ಅವರಿಗೆ ನೋವಾಗಿತ್ತು. ಅವರನ್ನು ಅಲ್ಲಿನ ಜನ ರಕ್ಷಿಸಿ ಅಂಕೋಲಾ ಆಸ್ಪತ್ರೆಗೆ ಕಳುಹಿಸಿದ್ದರು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕಾರವಾರದ ಕಿಮ್ಸ ಆಸ್ಪತ್ರೆಗೆ ರವಾನಿಸಿದ್ದರು. ಕಿಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಯಲ್ಲಿದ್ದ ಸುರೇಶ ನಾಯಕ ಅವರು ಗುರುವಾರ ಕೊನೆಯುಸಿರೆಳೆದರು. ಪುರ್ಲಕ್ಕಿಬೇಣದ ನಿವೃತ್ತ ಸೈನಿಕ ಗೋಪಾಲ ಗಿರಿಯಣ್ಣ ನಾಯಕ ಅವರು ಅಪಘಾತದ ಬಗ್ಗೆ ಪೊಲೀಸರಿಗೆ ವರದಿ ಒಪ್ಪಿಸಿದ್ದು, ಆಸ್ಪತ್ರೆಯವರು ನೀಡಿದ ಸಾವಿನ ಮಾಹಿತಿಯನ್ನು ಪೊಲೀಸರು ಪ್ರಕರಣದಲ್ಲಿ ದಾಖಲಿಸಿದರು. `ಹೆಲ್ಮೆಟ್ ಧರಿಸಿ.. ಬೈಕ್ ಓಡಿಸಿ’
- [ಮುಂಡಗೋಡ: ಮಹಿಳೆ ಮೇಲೆ ದರ್ಬಾರ್!](https://mobiletime.in/2025/12/mundagoda-durbar-on-women/): ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯಲ್ಲಿ ಕೆಲಸ ಮಾಡುವ ಮಹಿಳೆ ಮೇಲೆ ಪುರುಷನೊಬ್ಬ ದಬ್ಬಾಳಿಕೆ ನಡೆಸಿದ್ದು, ರಕ್ಷಣೆ ಕೋರಿ ನೀಲಗಂಗವ್ವ ಚಲವಾದಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಮುಂಡಗೋಡ ಗಾಂಧೀನಗರದ ನೀಲಗಂಗವ್ವ ಚಲವಾದಿ ಅವರು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯಲ್ಲಿ ಡಿ ದರ್ಜೆ ನೌಕರರಾಗಿದ್ದಾರೆ. ಡಿಸೆಂಬರ್ 2ರಂದು ಅವರು ಕಚೇರಿಯಲ್ಲಿ ಕೆಲಸ ನಿರ್ವಹಿಸುವ ವೇಳೆಯಲ್ಲಿಯೇ ಅಲ್ಲಿಗೆ ಬಂದ ಬಸವನಬದಿಯ ವೆಂಕಟೇಶ ಕೃಷ್ಣ ಶಿರಾಲಿ ಅವರು ದರ್ಬಾರ್ ನಡೆಸಿದ್ದಾರೆ. `ನಿನ್ನ ಮನೆ ಪಕ್ಕದಲ್ಲಿರುವ ನನ್ನ ಪ್ಲಾಟಿನ ಬಳಿ ನಿನ್ನ ಮಗ ರೂಪೇಶ ಚಲವಾದಿ ಹಾಗೂ ನಿನ್ನ ತಮ್ಮ ನೀಲಪ್ಪ ಹಾಕಿದ ಬೇಲಿ ತೆಗೆಯಬೇಕು’ ಎಂದು ವೆಂಕಟೇಶ ಶಿರಾಲಿ ಅವರು ತಾಕೀತು ಮಾಡಿದ್ದಾರೆ. `ಇಲ್ಲದಿದ್ದರೆ ಗತಿ ಕಾಣಿಸುವೆ. ಕೋರ್ಟಿಗೆ ಎಳೆಯುವೆ’ ಎಂದು ಬೆದರಿಸಿದ್ದಾರೆ. ಸರ್ಕಾರಿ ಕಚೇರಿಯಲ್ಲಿ ಕೆಲಸ ಮಾಡುವ ಮಹಿಳೆಯ ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದು, ಆ ಮಹಿಳೆಯ ಜಾತಿ ವಿಷಯವಾಗಿಯೂ ಕೆಟ್ಟದಾಗಿ ನಿಂದಿಸಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ನೀಲಗಂಗವ್ವ ಚಲವಾದಿ ಅವರು ಕುಟುಂಬದವರ ಜೊತೆ ಚರ್ಚಿಸಿದ್ದು, ಅವರ ಸಲಹೆ ಮೇರೆಗೆ ಪೊಲೀಸರ ಮೊರೆ ಹೋಗಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ನೀಲಗಂಗವ್ವ ಚಲವಾದಿ ಅವರಿಗೆ ರಕ್ಷಣೆ ನೀಡುವ ಭರವಸೆ ನೀಡಿದ್ದಾರೆ.
- [ಕಳ್ಳನ್ ಮಕ್ಕಳು!](https://mobiletime.in/2025/12/kidnapped-children/): ಶಾಲೆಗೆ ಹೋಗುವ ಮಕ್ಕಳು ಕಳ್ಳತನದ ಹಾದಿ ಹಿಡಿದಿದ್ದು, ಖರ್ಚಿಗಾಗಿ ಪೆಟ್ರೋಲ್ ಕದಿಯುವ ಸಾಹಸ ಮಾಡಿದ್ದಾರೆ. ಅಂಕೋಲಾದಲ್ಲಿನ ಅಪ್ರಾಪ್ತ ಕಳ್ಳರು ಕ್ಯಾಮರಾ ಕಣ್ಣಿಗೆ ಸಿಕ್ಕಿ ಬಿದ್ದಿದ್ದಾರೆ. ರಾತ್ರಿ ವೇಳೆ ಸಂಚರಿಸುವ ಇಬ್ಬರು ಮಕ್ಕಳು ಬೈಕಿನಿಂದ ಪೆಟ್ರೊಲ್ ಕದಿಯುವ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ರಸ್ತೆ ಬದಿ ನಿಲ್ಲಿಸಿದ ಬೈಕಿನ ಪೆಟ್ರೋಲ್ ಕಳ್ಳ ಮಕ್ಕಳು ಹಿಡಿದಿದ್ದ ಬಾಟಲಿಗೆ ಭರ್ತಿಯಾಗಿದೆ. ಅಂಕೋಲಾ ಪಟ್ಟಣದ ಕೆನರಾ ಬ್ಯಾಂಕ್ ಹಿಂದಿನ ಗುಡಿಗಾರಗಲ್ಲಿ ರಸ್ತೆಯಲ್ಲಿ ಈ ಕಳ್ಳತನ ನಡೆದಿದೆ. ಬಾಟಲಿ ಹಿಡಿದು ಬರುವ ಇಬ್ಬರು ಮಕ್ಕಳು ಅಕ್ಕ-ಪಕ್ಕ ನೋಡುತ್ತಾರೆ. ಅಲ್ಲಿ ಯಾರೂ ಇಲ್ಲದಿರುವುದನ್ನು ಗಮನಿಸಿ ಬೈಕಿನ ಪೆಟ್ರೋಲ್ ತೆಗೆಯುತ್ತಾರೆ. ಅದಾದ ನಂತರ ಅವರು ಅಲ್ಲಿಂದ ಪರಾರಿಯಾಗಿದ್ದು, ಬೈಕ್ ನಿಲ್ಲಿಸಿದ ಜಾಗದಲ್ಲಿದ್ದ ಮನೆಯೊಂದರ ಸಿಸಿ ಕ್ಯಾಮರಾ ಈ ಚಿತ್ರಣವನ್ನು ಸೆರೆ ಹಿಡಿದಿದೆ. ಈಚೆಗೆ ಅಂಕೋಲಾದಲ್ಲಿ ಮನೆಯೊಳಗಿದ್ದ ಚಿನ್ನಾಭರಣ ಕಳ್ಳತನ, ವಾಹನ ಕಳ್ಳತನ ಪ್ರಕರಣ ವರದಿಯಾಗುತ್ತಿತ್ತು. ಇದೀಗ ಬೈಕ್ ಪೆಟ್ರೋಲ್ ಕಳ್ಳತನವೂ ಬೆಳಕಿಗೆ ಬಂದಿದೆ. ಬಾಲ್ಯದಲ್ಲಿಯೇ ಅಡ್ಡದಾರಿಹಿಡಿದ ಮಕ್ಕಳ ಬಗ್ಗೆ ಜನ ಆತಂಕವ್ಯಕ್ತಪಡಿಸಿದ್ದಾರೆ.
- [ದೇವರ ದುಡ್ಡು ದುಷ್ಟರ ಪಾಲು!](https://mobiletime.in/2025/12/gods-money-is-the-share-of-the-wicked/): ದೇವಾಲಯಗಳ ಮೇಲೆ ಕಳ್ಳರ ಕಣ್ಣು ಬಿದ್ದಿದ್ದು, ಕಾಣಿಕೆ ಹುಂಡಿಯ ಹಣ ಕಣ್ಮರೆಯಾಗುತ್ತಿದೆ. ಬನವಾಸಿಯ ಗುಡ್ನಾಪುರದಲ್ಲಿರುವ ದೇಗುಲದಲ್ಲಿಯೂ ದುಷ್ಟರು ಕಾಣಿಕೆ ಹುಂಡಿ ದೋಚಿದ್ದಾರೆ. ಶಿರಸಿಯ ಬನವಾಸಿ ಬಳಿಯ ಗುಡ್ನಾಪುರದಲ್ಲಿ ಬಂಗಾರೇಶ್ವರ ದೇವಸ್ಥಾನವಿದೆ. ಅನೇಕ ಭಕ್ತರು ಈ ದೇವಾಲಯಕ್ಕೆ ನಡೆದುಕೊಳ್ಳುತ್ತಾರೆ. ದೇಗುಲದ ಹೊರಗೆ ಕಾಣಿಕೆ ಡಬ್ಬಿಯಿರಿಸಲಾಗಿದ್ದು, ಜನ ಭಕ್ತಿಯಿಂದ ಅಲ್ಲಿ ಕಾಣಿಕೆ ಸಲ್ಲಿಸುತ್ತಾರೆ. ಇದನ್ನು ಅರಿತಿದ್ದ ದುಷ್ಟರು ಆ ಕಾಣಿಕೆ ಡಬ್ಬಿಗೆ ಕನ್ನ ಹಾಕಿದ್ದಾರೆ. ಗುಡ್ನಾಪುರ ಬಂಗಾರೇಶ್ವರ ದೇವಸ್ಥಾನದ ಪ್ರಧಾನ ಕಾರ್ಯದರ್ಶಿ ಹನುಮಂತ ಕನ್ನಾ ನಾಯ್ಕ ಅವರು ನಿತ್ಯವೂ ದೇಗುಲಕ್ಕೆ ಭೇಟಿ ನೀಡುತ್ತಾರೆ. ಡಿಸೆಂಬರ್ 2ರ ಸಂಜೆ ಅವರು ಭೇಟಿ ನೀಡಿದ್ದು, ಆ ವೇಳೆ ಅಲ್ಲಿ ಯಾವುದೇ ಸಮಸ್ಯೆ ಕಾಣಲಿಲ್ಲ. ಕಾಣಿಕೆ ಡಬ್ಬಿ ಭದ್ರವಾಗಿದದನ್ನು ಅವರು ಗಮನಿಸಿದ್ದರು. ಆದರೆ, ಡಿಸೆಂಬರ್ 3ರಂದು ದೇಗುಲದ ಅರ್ಚಕ ಗಣಪತಿ ಶೇಟ್ ಅವರು ಹನುಮಂತ ನಾಯ್ಕ ಅವರಿಗೆ ಫೋನ್ ಮಾಡಿ ದುಗುಡವ್ಯಕ್ತಪಡಿಸಿದರು. `ಕಾಣಿಕೆ ಹುಂಡಿಯಲ್ಲಿದ್ದ ಕಾಸು ಕಳ್ಳತನವಾಗಿದೆ’ ಎಂದು ಗಣಪತಿ ಶೇಟ್ ಅವರು ಹೇಳಿದರು. ತಕ್ಷಣ ಹನುಮಂತ ನಾಯ್ಕ ಅವರು ದೇಗುಲ ಸಮಿತಿಯ ಇನ್ನಿತರ ಸದಸ್ಯರಿಗೆ ಫೋನ್ ಮಾಡಿ ವಿಷಯ ಮುಟ್ಟಿಸಿದರು. ಅವರೆಲ್ಲರೂ ಸೇರಿ ದೇಗುಲದ ಬಳಿ ಹೋದಾಗ ಅಲ್ಲಿದ್ದ ಎರಡು ಕಾಣಿಕೆ ಹುಂಡಿ ಜಖಂ ಆಗಿದ್ದವು. ಕಳ್ಳರು ಅದರೊಳಗಿದ್ದ ಅಂದಾಜು 10 ಸಾವಿರ ರೂ ಹಣವನ್ನು ದೋಚಿದ್ದರು. ದೇವರ ದುಡ್ಡನ್ನು ಬಿಡದೇ ಅಪಹರಿಸಿದವರ ಪತ್ತೆಗಾಗಿ ಹನುಮಂತ ನಾಯ್ಕ ಅವರು ಪೊಲೀಸ್ ದೂರು ನೀಡಿದರು.
- [ನೌಕಾನೆಲೆಯಲ್ಲಿ ಪಟಾಕಿ ಸದ್ದು-ಸಡಗರ!](https://mobiletime.in/2025/12/fireworks-explode-at-the-naval-base/): ಕಾರವಾರದಲ್ಲಿರುವ ಕದಂಬ ನೌಕಾನೆಲೆಗೆ ಗುರುವಾರ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಅವರು ಭೇಟಿ ನೀಡಿದ್ದಾರೆ. ನೌಕಾನೆಲೆ ಅಧಿಕಾರಿಗಳು ಬಣ್ಣ ಬಣ್ಣದ ಸಿಡಿಮದ್ದುಗಳನ್ನು ಸಿಡಿಸಿ ಅವರನ್ನು ಸ್ವಾಗತಿಸಿದ್ದಾರೆ. 1971ರಲ್ಲಿ ಪಾಕಿಸ್ತಾನದ ವಿರುದ್ಧ ನಡೆದ ಯುದ್ಧದಲ್ಲಿ ಡಿಸೆಂಬರ್ 4ರಂದು ಕರಾಚಿಯ ಬಂದರಿನ ಮೇಲೆ ಭಾರತ ದಾಳಿ ನಡೆಸಿ ವಿಜಯ ಸಾಧಿಸಿದ ನೆನಪಿಗೆ ಪ್ರತಿ ವರ್ಷ ಡಿಸೆಂಬರ್ 4ರಂದು ಭಾರತೀಯ ನೌಕಾದಿನ ಆಚರಿಸಲಾಗುತ್ತಿದೆ. ಭಾರತೀಯ ನೌಕಾ ದಿನಾಚರಣೆಯ ಪ್ರಯುಕ್ತ ಕಾರವಾರದ ಐಎನ್‌ಎಸ್ ಕದಂಬ ನೌಕಾನೆಲೆಯ ನೌಕಾದಳ ಭವನದ ಆವರಣದಲ್ಲಿ ಗುರುವಾರ ನಡೆದ ಕಾರ್ಯಕ್ರಮದಲ್ಲಿ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಅವರು ಭಾಗವಹಿಸಿದ್ದಾರೆ. ಕಾರ್ಯಕ್ರಮದಲ್ಲಿ ನೌಕಾ ಸಿಬ್ಬಂದಿ ವಾದ್ಯ ಪರಿಕರಗಳಲ್ಲಿ ದೇಶಭಕ್ತಿ ಗೀತೆಗಳನ್ನು ನುಡಿಸಿದರು. ಬ್ಯಾಂಡ್ ಸಿಬ್ಬಂದಿ ಬೀಟಿಂಗ್ ರಿಟ್ರೀಟ್ ಮೂಲಕ ನೌಕಾಪಡೆಯ ಸಿಬ್ಬಂದಿಯ ತ್ಯಾಗ, ಬಲಿದಾನ ಮತ್ತು ಸಾಮರ್ಥ್ಯವನ್ನು ಸ್ಮರಿಸಿದರು. ನಂತರ ನೌಕಾಪಡೆಯ ಧ್ವಜದ ಅವರೋಹಣ ನಡೆಯಿತು. ಸಂಭ್ರಮಾಚರಣೆಯ ಭಾಗವಾಗಿ ನೌಕಾಪಡೆಯ ನೌಕೆಗಳಿಗೆ ಆಕರ್ಷಕ ವಿದ್ಯುತ್ ದೀಪಾಲಂಕಾರ ಮಾಡಲಾಗಿದ್ದು, ಅದು ಗಮನಸೆಳೆಯಿತು. ನೌಕೆಗಳಿಂದ ಸಿಡಿಮದ್ದುಗಳನ್ನು ಸಿಡಿಸಲಾಯಿತು. ನೌಕಾಪಡೆಯ ಸಿಬ್ಬಂದಿ, ನೌಕಾ ಅಗ್ನಿವೀರರು, ನೌಕಾನೆಲೆ ಶಾಲೆಯ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು. ಕರ್ನಾಟಕ ನೌಕಾ ನೆಲೆಯ ಮುಖ್ಯಸ್ಥ ಫ್ಲ್ಯಾಗ್ ಕಮಾಂಡೆಓಟ್ ಆಫಿಸರ್ ರಿಯರ್ ಅಡ್ಮಿರಲ್ ವಿಕ್ರಂ ಮೆನನ್, ಜಿಲ್ಲಾಧಿಕಾರಿ ಕೆ ಲಕ್ಷ್ಮಿ ಪ್ರಿಯಾ, ಜಿ ಪಂ ಸಿಇಓ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿ ದೀಪನ್ ಎಂ ಎನ್, ಉಪಅರಣ್ಯ ಸಂರಕ್ಷಣಾಧಿಕಾರಿ ರವಿಶಂಕರ್ ಅವರು ಈ ಕಾರ್ಯಕ್ರಮದಲ್ಲಿದ್ದರು.
- [ಅರಣ್ಯ ಹಕ್ಕು: ದಾರಿ ತಪ್ಪಿಸುವವರ ವಿರುದ್ಧ ರೈತ ಸಂಘದ ಸಮರ!](https://mobiletime.in/2025/12/forest-rights-farmers-unions-fight-against-those-who-mislead/): ಬಿಜೆಪಿ ಹಾಗೂ ಕಾಂಗ್ರೆಸ್ಸಿನ ಅನೇಕ ನಾಯಕರ ವಿರುದ್ಧ ಕರ್ನಾಟಕ ಪ್ರಾಂತ ರೈತ ಸಂಘ ಗರಂ ಆಗಿದೆ. ಜೊತೆಗೆ ಅರಣ್ಯ ಹಕ್ಕು ಹೆಸರಿನಲ್ಲಿ ಜನರ ದಾರಿ ತಪ್ಪಿಸುವವರ ಬಂಡವಾಳ ಬಯಲು ಮಾಡುವುದಾಗಿಯೂ ಎಚ್ಚರಿಕೆ ನೀಡಿದೆ. `ಅನೇಕ ನಾಯಕರು ಅಧಿಕಾರದಲ್ಲಿರುವಾಗ ಅರಣ್ಯವಾಸಿಗಳಿಗೆ ಹಕ್ಕುಪತ್ರ ನೀಡಿಲ್ಲ. ಹಿರಿಯರಾದ ಕಾಗೋಡು ತಿಮ್ಮಪ್ಪ ಅವರು ಕಂದಾಯ ಮಂತ್ರಿ ಆಗಿದ್ದಾಗಲೂ ಹಕ್ಕು ಪತ್ರ ದೊರೆಯಲಿಲ್ಲ. ಆರ್ ವಿ ದೇಶಪಾಂಡೆ ಅವರು ಮಂತ್ರಿಯಾದಾಗಲೂ ಹಕ್ಕು ಪತ್ರ ಸಿಕ್ಕಿಲ್ಲ. ಈಗ ಎಚ್ ಕೆ ಪಾಟೀಲ್ ಅವರು ಕಾನೂನು ಮಂತ್ರಿಯಾದರೂ ಸಮಸ್ಯೆ ಆಲಿಸುತ್ತಿಲ್ಲ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾ ಅಧ್ಯಕ್ಷ ಶಾಂತಾರಾಮ ನಾಯಕ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಅಂಕೋಲಾದ ಬಾಳೆಗುಳಿಯಲ್ಲಿ ನಡೆದ ರೈತ ಸಮ್ಮೇಳನದಲ್ಲಿ ಮಾತನಾಡಿದ ಅವರು `ಕಾನೂನು ಜಾರಿಯಾಗಿ 20 ವರ್ಷ ಆದರೂ ರೈತರಿಗೆ ಭೂಮಿ ಸಿಕ್ಕಿಲ್ಲ. ಮೂರು ತಲೆಮಾರಿನ ದಾಖಲೆ ಇಲ್ಲ ಎಂದು ಹೇಳಿ ಅರ್ಜಿಗಳನ್ನು ತಿರಸ್ಕರಿಸಲಾಗುತ್ತಿದೆ. ಕೆಲವರು ನಾಯಕರ ಹೆಸರು ಹೇಳಿ ರೈತರ ದಿಕ್ಕು ತಪ್ಪಿಸುತ್ತಿದ್ದಾರೆ. ಅರಣ್ಯ ಸಾಗುವಳಿದಾರರಿಗೆ ಕಾನೂನು ತಿಳುವಳಿಕೆ ಎಂದು ಕೆಲವರು ನೈಜ ಪ್ರಶ್ನೆಯನ್ನು ಮರೆ ಮಾಚುತ್ತಿದ್ದಾರೆ. ತಮ್ಮ ರಾಜಕೀಯ ಹಾಗೂ ಸ್ವಾರ್ಥಕ್ಕಾಗಿ ಮುಗ್ದ ಜನರ ದಾರಿ ತಪ್ಪಿಸುವವರ ನೈಜ ಬಣ್ಣ ಬಯಲು ಮಾಡಲು ರೈತ ಸಂಘ ಹಿಂಜರಿಯುವುದಿಲ್ಲ’ ಎಂದು ಶಾಂತಾರಾಮ ನಾಯಕ ಅವರು ಹೇಳಿದ್ದಾರೆ. `ಚಳಿಗಾಲದ ಅಧಿವೇಶನದಲ್ಲಿ ಅರಣ್ಯ ಹಕ್ಕು ಸಮಸ್ಯೆ ಬಗೆಹರಿಯಬೇಕು. ಅರಣ್ಯ ಭೂಮಿ ಹಕ್ಕು ಕೊಡಲು ಮೂರು ತಲೆಮಾರಿನ ದಾಖಲೆ ಕೇಳುವುದರಿಂದ ಸಮಸ್ಯೆ ಆಗಿದ್ದು, ಅದಕ್ಕೆ ತಿದ್ದುಪಡಿ ಮಾಡಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ರೈತರ ಪರ ಧ್ವನಿ ಎತ್ತಬೇಕಿದೆ’ ಎಂದವರು ಒತ್ತಾಯಿಸಿದ್ದಾರೆ. `ಮುಂದಿನ ಮೂರು ತಿಂಗಳಿನಲ್ಲಿ ಗ್ರಾಮ ಮಟ್ಟದಿಂದ ಕೇಂದ್ರದವರೆಗೂ ರೈತ ಸಮ್ಮೇಳನ ನಡೆಯಲಿದೆ’ ಎಂದವರು ಹೇಳಿದ್ದಾರೆ. ಸಂಘಟನೆ ತಾಲೂಕು ಸಮಿತಿ ಅಧ್ಯಕ್ಷ ಗೌರೀಶ ನಾಯಕ, ಕಾರ್ಯದರ್ಶಿ ಸಂತೋಷ ನಾಯ್ಕ, ವೆಂಕಟರಮಣ ಗೌಡ ಹಾಗೂ ಮಾದೇವ ಗೌಡ ಕಾರ್ಯಕ್ರಮ ನಿರ್ವಹಿಸಿದರು.
- [ಗ್ರಾಮ ಪಂಚಾಯತಗೆ ಸಿಕ್ಕಿತು ಪುಕ್ಕಟೆ ಮರಳು!](https://mobiletime.in/2025/12/the-gram-panchayat-got-the-sand/): ಉತ್ತರ ಕನ್ನಡ ಜಿಲ್ಲೆಯ ಮರಳು ಅಕ್ರಮವಾಗಿ ಗೋವಾ ಸಾಗಾಟವಾಗುತ್ತಿದ್ದು, ಇದನ್ನು ಅರಿತ ಅಧಿಕಾರಿಗಳು ಗೋವಾ ನೋಂದಣಿಯ ಲಾರಿಯೊಂದನ್ನು ತಡೆದಿದ್ದಾರೆ. ಸಾಗಾಟವಾಗುತ್ತಿದ್ದ ಮರಳನ್ನು ಜಪ್ತು ಮಾಡಿದ್ದಾರೆ. ಕಾರವಾರದಿಂದ ಗೋವಾಗೆ ಮರಳು ಸಾಗಾಟವಾಗುತ್ತಿರುವ ಬಗ್ಗೆ ಕಾರವಾರ ತಹಶೀಲ್ದಾರ್ ಕಚೇರಿಗೆ ಮಾಹಿತಿ ಬಂದಿತು. ತಹಶೀಲ್ದಾರ್ ನಿಶ್ಚಲ್ ನರೋನಾ ಅವರು ಈ ಬಗ್ಗೆ ಗಣಿ ಇಲಾಖೆಯವರಿಗೆ ಫೋನ್ ಮಾಡಿದರು. ಗಣಿ ಇಲಾಖೆ ಅಧಿಕಾರಿಗಳು ಚಿತ್ತಾಕುಲಕ್ಕೆ ಹೋದಾಗ ಅಲ್ಲಿ ಗೋವಾ ನೋಂದಣಿಯ ವಾಹನವೊಂದು ಕಾಣಿಸಿತು. ಆ ವಾಹನಕ್ಕೆ ಅಡ್ಡಲಾಗಿ ಕೈ ಮಾಡಿದಾಗ ಅದರಲ್ಲಿ ಮರಳು ತುಂಬಿತ್ತು. ಸದ್ಯ ಮರಳುಗಾರಿಕೆಗೆ ಪರವಾನಿಗೆ ಇಲ್ಲದಿರುವುದನ್ನು ಅರಿತ ಅಧಿಕಾರಿಗಳು ಅದನ್ನು ವಶಕ್ಕೆಪಡೆದರು. ಚಿತ್ತಾಕುಲಾ ಗ್ರಾಮದ ಸಾವರಪೈ ಮಜರೆಯಲ್ಲಿ ಮರಳನ್ನು ಅಕ್ರಮವಾಗಿ ದಾಸ್ತಾನು ಮಾಡಲಾಗಿದ್ದು, ಅದನ್ನು ಪತ್ತೆ ಹಚ್ಚಿದರು. ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಅಧಿಕಾರಿ ಜಯರಾಮ್ ಹಾಗೂ ಚಿತ್ತಾಕುಲಾ ಗ್ರಾಮ ಆಡಳಿತ ಅಧಿಕಾರಿ ಸಂತೋಷ್ ಬಾಂದೇಕರ ಈ ಕಾರ್ಯಾಚರಣೆ ನಡೆಸಿದರು. ನಂತರ ಮರಳನ್ನು ಚಿತ್ತಾಕುಲ ಗ್ರಾಮ ಪಂಚಾಯತಗೆ ಹಸ್ತಾಂತರಿಸಿದರು.
- [ಆತ ಉಪನ್ಯಾಸಕ ಅಲ್ಲ.. ಕಾಮುಕ!](https://mobiletime.in/2025/12/he-is-not-a-lecturer-a-romantic/): ಪ್ರತಿಷ್ಠಿತ ಪಿಯು ಕಾಲೇಜಿನಲ್ಲಿ ಉನ್ನತ ಹುದ್ದೆ ಗಿಟ್ಟಿಸಿಕೊಂಡಿರುವ ಹನುಂತ ಕುಂಬಾರ ಅವರು ಆ ಹುದ್ದೆಯನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ. ವಿದ್ಯಾರ್ಥಿನಿಯರ ಮೈ ಮುಟ್ಟುವ ಮೂಲಕ ಕಾಲೇಜಿನ ಪ್ರಾಚಾರ್ಯ ಸ್ಥಾನಕ್ಕೆ ಅವರು ಧಕ್ಕೆ ತಂದಿದ್ದಾರೆ. ಆ ಅಯೋಗ್ಯ ಪ್ರಾಚಾರ್ಯರ ವಿರುದ್ಧ ವಿದ್ಯಾರ್ಥಿಗಳು ಅಸಮಧಾನವ್ಯಕ್ತಪಡಿಸಿದ್ದಾರೆ. ದಾಂಡೇಲಿಯ ಕನ್ಯಾ ವಿದ್ಯಾಲಯದಲ್ಲಿ ಹನುಮಂತ ಬಿ ಕುಂಬಾರ್ ಅವರು ಪ್ರಾಚಾರ್ಯರಾಗಿದ್ದಾರೆ. 2022ರಲ್ಲಿ ಪ್ರಾಚಾರ್ಯರಾಗಿ ಅಧಿಕಾರವಹಿಸಿಕೊಂಡ ಅವರು ಅಲ್ಲಿ ಉಪನ್ಯಾಸಕಾರಿಗಿಯೂ ಅವರು ಕೆಲಸ ಮಾಡುತ್ತಿದ್ದಾರೆ. ಪಾಠ ಮಾಡುವ ವೇಳೆ ಮಕ್ಕಳ ಮೈ ಮುಟ್ಟುವುದು ಅವರ ಹವ್ಯಾಸ. ಅದರ ಜೊತೆ ಹೆಣ್ಣು ಮಕ್ಕಳನ್ನು ಉದ್ದೇಶಿಸಿ ಅಶ್ಲೀಲ ಶಬ್ದಗಳ ಪ್ರಯೋಗ ಅವರ ಸಂಪ್ರದಾಯ. ತಮ್ಮ ಮಾತು ಒಪ್ಪಿಕೊಳ್ಳದ ವಿದ್ಯಾರ್ಥಿನಿಯರಿಗೆ ನಿಂದಿಸುವುದು ಅವರ ಹುಟ್ಟು ಗುಣ. ಪ್ರಾಚಾರ್ಯ ಹನುಮಂತ ಬಿ ಕುಂಬಾರ್ ಅವರ ವರ್ತನೆಗೆ ಆ ಕಾಲೇಜಿನ ವಿದ್ಯಾರ್ಥಿನಿಯರು ಬೇಸರಿಸಿದ್ದಾರೆ. ತಮಗಾದ ಹಿಂಸೆ ಬಗ್ಗೆ ಪಾಲಕರಿಗೆ ತಿಳಿಸಿದ್ದು, ಪಾಲಕರು ವಿದ್ಯಾರ್ಥಿಗಳ ಜೊತೆ ಸೇರಿ ಪ್ರತಿಭಟನೆ ನಡೆಸಿದ್ದಾರೆ. ಕಾಲೇಜು ಆವರಣದಲ್ಲಿ ನಡೆದ ಪ್ರತಿಭಟನೆಯಲ್ಲಿ ಪ್ರಾಚಾರ್ಯರ ವಿರುದ್ಧ ಪಾಲಕರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಈ ಹಿನ್ನಲೆ ಕಾಲೇಜಿನ ಆಡಳಿತ ಮಂಡಳಿಯವರು ಪ್ರಾಚಾರ್ಯರ ವಿಚಾರಣೆ ನಡೆಸಿದ್ದಾರೆ. ಈ ವೇಳೆ ವಿದ್ಯಾರ್ಥಿನಿಯರು ತಮಗಾದ ಕೆಟ್ಟ ಅನುಭವಗಳನ್ನು ಲಿಖಿತವಾಗಿ ತಿಳಿಸಿದ್ದಾರೆ. ಈ ಎಲ್ಲಾ ಹಿನ್ನಲೆ ದಾಂಡೇಲಿ ವೆಲ್ ಪೆರ್ ಸೊಸೈಟಿಯವರು ಪ್ರಾಚಾರ್ಯ ಹನುಮಂತ ಕುಂಬಾರ್ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ವಿದ್ಯಾರ್ಥಿನಿಯರಿಗೆ ಲೈಂಗಿಕ ಕಿರುಕುಳ ನೀಡಿದ ಕಾರಣ ಹನುಂತ ಕುಂಬಾರರ ವಿರುದ್ಧ ದಾಂಡೇಲಿ ಪೊಲೀಸರು ಪೋಕ್ಸೋ ಕಾಯ್ದೆ ಅಡಿ ಪ್ರಕರಣ ದಾಖಲಿಸಿದ್ದಾರೆ. ಪಿಸೈ ಅಮೀನ್ ಅತ್ತಾರ್ ಅವರು ಪ್ರಕರಣದ ತನಿಖೆ ಶುರು ಮಾಡಿದ್ದಾರೆ.
- [2025 ಡಿಸೆಂಬರ್ 4ರ ದಿನ ಭವಿಷ್ಯ](https://mobiletime.in/2025/12/prediction-for-december-4-2025/): ಮೇಷ ರಾಶಿ: ನಿಮ್ಮ ಸಂಪತ್ತು ಮತ್ತು ಸೌಕರ್ಯಗಳು ದ್ವಿಗುಣವಾಗುವ ಸಮಯ ಬಂದಿದೆ. ಹಣಕಾಸಿನಲ್ಲಿ ಅದೃಷ್ಟ ಬೆಂಬಲ ನೀಡುತ್ತದೆ. ಹಿಂದಿನ ಹೂಡಿಕೆಯಿಂದ ಲಾಭ ಸಿಗುತ್ತದೆ. ವ್ಯವಹಾರ ಹಾಗೂ ಹೊಸ ಪ್ರಾರಂಭಕ್ಕೆ ಶುಭ ದಿನ. ನಿಮ್ಮ ಗೌರವ ಹೆಚ್ಚಾಗುತ್ತದೆ. ವೃಷಭ ರಾಶಿ: ವ್ಯಾಪಾರ ಲಾಭ ಸಿಗಲಿದೆ. ನಿರೀಕ್ಷೆಗಿಂತ ಹೆಚ್ಚು ಸುಖ ಅನುಭವಿಸುವಿರಿ. ಐಷಾರಾಮಿ ವಸ್ತು ಮತ್ತು ವಾಹನ ಖರೀದಿಗೆ ಉತ್ತಮ ಸಮಯ. ವಿದೇಶಿ ಮೂಲಗಳಿಂದ ಪ್ರಯೋಜನ ಸಿಗಲಿದೆ. ಮಿಥುನ ರಾಶಿ: ಈ ದಿನ ನಿಮಗೆ ಲಾಭದಾಯಕವಾಗಿದೆ. ಸ್ವಂತ ಹುದ್ದೆ ಉತ್ತಮ. ಹಣ ಆಗಮನ ಪ್ರಯತ್ನಗಳು ಆರಂಭದಲ್ಲಿ ಬೇಸರ ತಂದರೂ ಕ್ರಮೇಣ ಸುಧಾರಣೆ ಕಾಣುತ್ತವೆ. ಕರ್ಕ ರಾಶಿ: ಶೈಕ್ಷಣಿಕ ಪ್ರಯತ್ನಗಳಲ್ಲಿ ಅದೃಷ್ಟ ಕಾಣಲಿದೆ. ನಿಮ್ಮ ಮನದಾಸೆ ಈಡೇರಲಿದೆ. ಕುಟುಂಬ ಜೀವನ ಆಹ್ಲಾದಕರವಾಗಿರಲಿದೆ. ಆರೋಗ್ಯ ಸುಧಾರಣೆ ಆಗಲಿದೆ. ಸಿಂಹ ರಾಶಿ: ಕೆಲ ಕೆಲಸಗಳಿಗೆ ಅಡೆತಡೆ ಆಗುವುದು ಸಾಮಾನ್ಯ. ಆದರೆ, ಬುದ್ಧಿವಂತಿಕೆಯಿAದ ವ್ಯವಹಾರ ಲಾಭ ಆಗಲಿದೆ. ಕುಟುಂಬ ಬೆಂಬಲ ಸಿಗುತ್ತದೆ. ದೂರ ಪ್ರಯಾಣ ಒಳ್ಳೆಯದಲ್ಲ. ಸೋಮಾರಿತನದಿಂದ ಹೊರ ಬಂದರೆ ಯಶಸ್ಸು ಸಿಗಲಿದೆ. ಕನ್ಯಾ ರಾಶಿ: ಕೆಲಸ ಯೋಜನೆಗಳು ಉತ್ತಮವಾಗಿರುತ್ತದೆ. ಆಶ್ಚರ್ಯಕರ ರೀತಿಯಲ್ಲಿ ಆರ್ಥಿಕ ಲಾಭ ಸಿಗಲಿದೆ. ವಿದ್ಯಾರ್ಥಿಗಳಿಗೆ ಯಶಸ್ಸು ಸಿಗಲಿದೆ. ಸರ್ಕಾರಿ ಯೋಜನೆಗಳು ನೆರವಿಗೆ ಬರಲಿದೆ. ತುಲಾ ರಾಶಿ: ಪ್ರೀತಿಯಲ್ಲಿ ವಿವೇಚನಾ ಶಕ್ತಿ ಬಳಸುವುದು ಉತ್ತಮ. ಹೊಸ ಹಣಕಾಸು ಚಿಂತನೆ ಲಾಭಕರವಾಗಲಿದೆ. ನಿಮ್ಮ ಚಟುವಟಿಕೆಗಳು ಆದಾಯ ತರುತ್ತವೆ. ಧ್ಯಾನ-ಯೋಗ ಪ್ರಯೋಜನಕಾರಿ. ವೃಶ್ಚಿಕ ರಾಶಿ: ಈ ದಿನ ಆಹ್ಲಾದಕರವಾಗಿರಲಿದೆ. ಮುಖ್ಯ ಆಶಯ ಈಡೇರಲಿದೆ. ಉದ್ಯೋಗದಲ್ಲಿ ಬದಲಾವಣೆ ಸಮಯ. ಪ್ರಯಾಣಗಳು ಯಶಸ್ವಿಯಾಗಲಿದೆ. ಐಷಾರಾಮಿ ಜೀವನ ಸಂತೋಷ ಕೊಡಲಿದೆ. ಧನು ರಾಶಿ: ಉದ್ಯೋಗದಲ್ಲಿ ಮುನ್ನಡೆ ಸಾಧೀಸುವಿರಿ. ಹಣಕಾಸು ಸ್ಥಿರತೆ ಕಾಪಾಡಲು ಪ್ರಯತ್ನಿಸಿ. ಕುಟುಂಬದಲ್ಲಿ ಸಂತೋಷ ಕಾಣುವಿರಿ. ವಿದ್ಯಾರ್ಥಿಗಳ ಜೀವನದಲ್ಲಿ ಪ್ರಗತಿ ಆಗಲಿದೆ. ಮಕರ ರಾಶಿ: ವೃತ್ತಿ ಅವಕಾಶಗಳು ಬದಲಾಗಲಿದೆ. ಕುಟುಂಬದವರ ಬೆಂಬಲದಿAದ ಯಶಸ್ಸು ಸಾಧ್ಯ. ಆರೋಗ್ಯದ ಬಗ್ಗೆ ಕಾಳಜಿಯಿರಲಿ. ವ್ಯವಹಾರ ಲಾಭ ಕೊಡಲಿದೆ. ಕುಂಭ ರಾಶಿ: ಹಣದ ಆಗಮನ ಆಗಲಿದೆ. ಕೆಲಸದಲ್ಲಿ ನಿರ್ಧಾರ ಸರಿಯಾಗಿರಲಿ. ಸ್ನೇಹಿತರ ಜೊತೆ ಸಮಯ ಕಳೆದರೆ ಮನಸ್ಸು ಹಗುರವಾಗುತ್ತದೆ. ಆರ್ಥಿಕ ಯೋಜನೆಗಳನ್ನು ರೂಪಿಸಲು ಸಕಾಲ. ಮೀನ ರಾಶಿ: ಕಡಿಮೆ ಶ್ರಮಕ್ಕೆ ಹೆಚ್ಚು ಲಾಭ ಸಿಗಲಿದೆ. ಉದ್ದಿಮೆ-ವ್ಯಾಪಾರಗಳಲ್ಲಿ ಉತ್ತಮ ಫಲಿತಾಂಶ ಸಿಗಲಿದೆ. ಮಕ್ಕಳ ವಿದ್ಯೆಗೆ ಪ್ರೋತ್ಸಾಹ ಅಗತ್ಯ. ಈ ದಿನ ನಿಮಗೆ ಉತ್ತಮ ಕೆಲಸಕ್ಕೆ ಪ್ರೇರಣೆ ಆಗಲಿದೆ.
- [ವಿದ್ಯುತ್ ಸ್ಪರ್ಶಕ್ಕೆ ವಿಶ್ವೇಶ್ವರನ ಸಾವು: ಮಜ್ಜಿಗೆ ಹಿಂಡಲು ಹೋದವ ಮಸಣ ಸೇರಿದ!](https://mobiletime.in/2025/12/vishweshwar-dies-due-to-electric-shock-he-went-to-squeeze-buttermilk-and-got-electrocuted/): ಕೃಷಿ, ಹೈನುಗಾರಿಕೆ ಮಾಡಿಕೊಂಡಿದ್ದ ವಿಶ್ವೇಶ್ವರ ಭಟ್ಟ ಅವರು ವಿದ್ಯುತ್ ಸ್ಪರ್ಶದಿಂದ ಸಾವನಪ್ಪಿದ್ದಾರೆ. ಯಲ್ಲಾಪುರದ ಬಿಸಗೋಡಿನ ನಾಗರಖಾನ್ ಬಳಿ ವಿಶ್ವೇಶ್ವರ ಗಣಪತಿ ಭಟ್ಟ (73) ಅವರು ವಾಸವಾಗಿದ್ದರು. ತಮ್ಮ ಇಳಿ ವಯಸ್ಸಿನಲ್ಲಿಯೂ ಅವರು ಉತ್ಸಾಹದಿಂದ ಕೃಷಿ ಕಾಯಕದಲ್ಲಿ ತೊಡಗಿದ್ದರು. ಡಿಸೆಂಬರ್ 3ರಂದು ಅವರು ವಿದ್ಯುತ್ ಚಾಲಿತ ಮಜ್ಜಿಗೆ ಕಡಿಯುವ ಯಂತ್ರವನ್ನು ಬಳಸಿದ್ದರು. ಆ ಯಂತ್ರವೇ ಅವರ ಜೀವಕ್ಕೆ ಮುಳುವಾಗಿದೆ. ಮಧ್ಯಾಹ್ನ 12.35ರ ಆಸುಪಾಸಿನಲ್ಲಿ ಅವರು ಎಂದಿನoತೆ ಮಿಶನ್ ಚಾಲು ಮಾಡಿದ್ದರು. ಆದರೆ, ಆ ಮಿಶನ್ ಮೂಲಕ ಪ್ರವಹಿಸಿದ ವಿದ್ಯುತ್ ವಿಶ್ವೇಶ್ವರ ಭಟ್ಟ ಅವರ ದೇಹ ಸೇರಿತು. ಅಲ್ಲಿಯೇ ಕುಸಿದು ಬಿದ್ದ ವಿಶ್ವೇಶ್ವರ ಭಟ್ಟ ಅವರು ಕೊನೆಯುಸಿರೆಳೆದರು. `ಆಕಸ್ಮಿಕ ವಿದ್ಯುತ್ ಅವಘಡವೇ ಈ ಮರಣಕ್ಕೆ ಕಾರಣ’ ಎಂದು ವಿಶ್ವೇಶ್ವರ ಭಟ್ಟ ಅವರ ಪುತ್ರ ಗಣಪತಿ ಭಟ್ಟ ಅವರು ಹೇಳಿದ್ದಾರೆ. ಈ ಸಾವಿನ ಬಗ್ಗೆ ಅರಿತು ಯಲ್ಲಾಪುರ ಪಿಎಸ್‌ಐ ಮಹಾವೀರ ಕಾಂಬಳೆ ಅವರು ಪ್ರಕರಣ ದಾಖಲಿಸಿದ್ದಾರೆ. `ಯಂತ್ರೋಪಕರಣ ಬಳಕೆ ಮಾಡುವಾಗ ಎಚ್ಚರಿಕೆವಹಿಸಿ’  
- [ಪ್ರವೇಶವಿಲ್ಲದ ಅಡುಗೆಮನೆಗೆ ಅಧಿಕಾರಿಗಳ ದಾಳಿ!](https://mobiletime.in/2025/12/authorities-raid-an-inaccessible-kitchen/): `ಒಳಗೆ ಪ್ರವೇಶವಿಲ್ಲ’ ಎಂದು ಬೋರ್ಡು ಹಾಕಿದ ಹೊಟೇಲ್ ಅಡುಗೆ ಮನೆಗೆ ಅಧಿಕಾರಿಗಳು ಪ್ರವೇಶಿಸಿದ್ದಾರೆ. ಅಲ್ಲಿನ ಅಶುಚಿತ್ವ ನೋಡಿ ಕಿಡಿಕಾರಿದ್ದಾರೆ. ಶಿರಸಿ ತಹಶೀಲ್ದಾರ್ ಪುಟ್ಟರಾಜ ಗೌಡ ಅವರು ಬುಧವಾರ ನಗರದ ವಿವಿಧ ಹೊಟೇಲುಗಳಿಗೆ ದಿಢೀರ್ ಭೇಟಿ ನೀಡಿದರು. ಗೃಹ ಬಳಕೆಗೆ ಲಭ್ಯವಿರುವ ಸಿಲೆಂಡರುಗಳನ್ನು ವಾಣಿಜ್ಯ ಉದ್ದೇಶಕ್ಕೆ ಬಳಸುತ್ತಿರುವುದನ್ನು ಅವರು ಪತ್ತೆ ಮಾಡಿದರು. ನಿಯಮಗಳ ಪ್ರಕಾರ ತಿಂಡಿ-ತಿನಿಸುಗಳ ಬೆಲೆ ನಮೂದಿಸದ ಬಗ್ಗೆ ಆಕ್ಷೇಪಿಸಿದರು. ಅಡುಗೆ ಮನೆಯಲ್ಲಿ ಶುಚಿತ್ವ ಕಾಪಾಡದ ಹೊಟೇಲ್ ಮಾಲಕರಿಗೆ ಬಿಸಿ ಮುಟ್ಟಿಸಿದರು. ಪರವಾನಿಗೆಪಡೆಯದೇ ಹೊಟೇಲ್ ನಡೆಸುತ್ತಿದ್ದವರಿಗೆ ಕಾನೂನು ಪಾಠ ಮಾಡಿದರು. ಪರವಾನಿಗೆ ಪಡೆದವರು ಅದನ್ನು ಸಾರ್ವಜನಿಕವಾಗಿ ಪ್ರದರ್ಶಿಸಬೇಕು. ಶುಚಿತ್ವಕ್ಕೆ ಒತ್ತು ಕೊಡಬೇಕು ಎಂದು ಒತ್ತಿ ಹೇಳಿದರು. ದುಬಾರಿ ಬೆಲೆಯಲ್ಲಿ ತಿಂಡಿ-ತಿನಿಸು ಮಾರುತ್ತಿರುವುದನ್ನು ಪ್ರಶ್ನಿಸಿದರು. ಹೊಟೇಲ್ ಸಿಬ್ಬಂದಿಯನ್ನು ಮಾತನಾಡಿಸಿ ಅವರ ವೇತನದ ಬಗ್ಗೆ ತಿಳಿದುಕೊಂಡರು. ಎಲ್ಲಾ ಕಾನೂನು ಪಾಲನೆಗೆ ಹೊಟೇಲ್ ಮಾಲಕರು ಗಡುವು ಕೇಳಿದ್ದು, ದಂಡ ವಿಧಿಸಿ ಬಿಸಿ ಮುಟ್ಟಿಸಿದರು. `ನಿಯಮ ಅನುಸರಿಸದೇ ಇದ್ದರೆ ಹೊಟೇಲ್ ಬಾಗಿಲು ಮುಚ್ಚಿಸುವೆ’ ಎಂದು ತಹಶೀಲ್ದಾರ್ ಪುಟ್ಟರಾಜ ಗೌಡ ಅವರು ಎಚ್ಚರಿಸಿದರು. ಆಹಾರ ಇಲಾಖೆ ಅಧಿಕಾರಿಗಳು ಸಹ ತಹಶೀಲ್ದಾರ್ ಅವರ ಜೊತೆಗಿದ್ದರು. ಸಾರ್ವಜನಿಕರ ದೂರಿಗೆ ಸ್ಪಂದಿಸಿ ಹೊಟೇಲ್ ಮೇಲೆ ದಾಳಿ ನಡೆಸಿರುವುದಾಗಿ ಅಧಿಕಾರಿಗಳು ತಿಳಿಸಿದರು.
- [ಶಾಲಾ ಮಕ್ಕಳಿಗೆ ಕಳಪೆ ಆಹಾರ!](https://mobiletime.in/2025/12/poor-food-for-school-children/): ಸರ್ಕಾರಿ ಶಾಲೆಯಲ್ಲಿ ಕಳಪೆ ಊಟ ನೀಡುವುದನ್ನು ಖಂಡಿಸಿ ಪಾಲಕರು ಶಾಲೆಗೆ ಮುತ್ತಿಗೆ ಹಾಕಿದ್ದಾರೆ. ಉತ್ತಮ ಸಾಮಗ್ರಿ ಸರಬರಾಜು ಆಗುವವರೆಗೂ ಬಿಸಿಯೂಟ ನಿಲ್ಲಿಸುವಂತೆ ಆಗ್ರಹಿಸಿದ್ದಾರೆ. ಹಳಿಯಾಳದ ಯಡೋಗಾ ಗ್ರಾಮದ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಗೆ ಕಳಪೆ ಗುಣಮಟ್ಟದ ಆಹಾರ ಸರಬರಾಜು ಆಗುತ್ತಿದೆ. ಸಾಮಗ್ರಿಗಳಲ್ಲಿ ಕೀಟ-ಕಸ ಕಾಣಿಸುತ್ತಿದೆ. ಇದರಿಂದ ಮಕ್ಕಳ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತಿದ್ದು, ಪಾಲಕರು ಅಧಿಕಾರಿಗಳನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. ಶಾಲೆಗೆ ಮುತ್ತಿಗೆ ಹಾಕಿದ ಪಾಲಕರು ಉತ್ತಮ ಆಹಾರ ಪದಾರ್ಥ ಸರಬರಾಜಾಗುವವರೆಗೂ ಬಿಸಿಯೂಟ ನಿಲ್ಲಿಸುವಂತೆ ಒತ್ತಡ ಹಾಕಿದ್ದಾರೆ. ಹುಳುಗಳಿಂದ ಕೂಡಿದ ಆಹಾರ ಸಾಮಗ್ರಿಗಳನ್ನು ಕಾಣಿಸಿದ ಪಾಲಕರು ತೊಗರಿ ಬೇಳೆಯ ಗುಣಮಟ್ಟ ಅಳೆದಿದ್ದಾರೆ. ಅದೇ ಬೇಳೆ ಬಳಸಿ ಮಕ್ಕಳಿಗೆ ಆಹಾರ ಬಡಿಸುತ್ತಿರುವುದನ್ನು ಖಂಡಿಸಿದ್ದಾರೆ. ಕಳಪೆ ಆಹಾರ ಸಾಮಗ್ರಿ ಪೂರೈಕೆಯಾದ ಬಗ್ಗೆ ಅರಿವಿದ್ದರೂ ಮೌನವಾಗಿರುವ ಶಾಲಾ ಅಭಿವೃದ್ಧಿ ಸಮಿತಿಯವರ ವಿರುದ್ಧವೂ ಪಾಲಕರು ಕಿಡಿಕಾರಿದ್ದಾರೆ. ಆಹಾರ ಇಲಾಖೆ ಹಾಗೂ ಶಿಕ್ಷಣ ಇಲಾಖೆ ವಿರುದ್ಧ ಅಸಮಧಾನವ್ಯಕ್ತಪಡಿಸಿದ್ದಾರೆ.
- [ಸೆಕೆಂಡ್ ಹ್ಯಾಂಡ್ ಸಂತೆ:  ಗೋಲ್ ಮಾಲ್ ರವೀಶ ಹೆಗಡೆಯ ಹೊಸ ವ್ಯಾಪಾರ!](https://mobiletime.in/2025/12/second-hand-market-gol-mall-is-ravish-hegdes-new-business/): ವಿವಿಧ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿರುವ ಶಿರಸಿಯ ಪತ್ರಕರ್ತ ರವೀಶ ಹೆಗಡೆ ಬೆಂಗಳೂರು ಸೇರಿದ್ದಾರೆ. ಅಲ್ಲಿ ಅವರು ಸೆಕೆಂಡ್ ಹ್ಯಾಂಡ್ ಕಾರು ವ್ಯಾಪಾರ ಶುರು ಮಾಡಿದ್ದಾರೆ. ಕಾರು ಖರೀದಿಗೆ ಹೋದವರಿಂದ ಕಾಸುಪಡೆದು ಮೋಸ ಮಾಡಿದ್ದಾರೆ! ಶಿರಸಿಯ ಅಜ್ಜಿಬಾಳ ಬಳಿಯ ಸೊಂಡ್ಲೆಬೈಲಿನ ರವೀಶ ವೆಂಕಟ್ರಮಣ ಹೆಗಡೆ ಅವರು ಸ್ವಸ್ತಿಕ್ ನ್ಯೂಸ್ ಮಿಡಿಯಾದ ರೂವಾರಿ. ಈ ಹಿಂದೆ ಅವರು ಯಲ್ಲಾಪುರದ ಉಮ್ಮಚ್ಗಿಯ ಸೊಸೈಟಿಯಲ್ಲಿ ಸಾಲ ಕೊಡಿಸುವ ವಿಷಯವಾಗಿ ಚಿಪಗಿಯ ದಿನೇಶ ಚಿಂಚ್ರೇಕರ್ ಅವರಿಗೆ ಮೋಸ ಮಾಡಿದ್ದರು. ಅದಕ್ಕೂ ಮುನ್ನ, ಮಣಿಪುರಂ ಫೈನಾನ್ಸಿನಲ್ಲಿ ಕೆಲಸ ಮಾಡುವ ರಾಜು ಲಮಾಣಿ ಅವರ ಹೆಸರಿನಲ್ಲಿ ವಿವಿಧ ಬ್ಯಾಂಕ್ ಖಾತೆ ತೆರದು ವಂಚಿಸಿದ್ದರು. ಚಿಪಗೇರಿಯ ಮಹಾಬಲೇಶ್ವರ ಭಟ್ಟ ಅವರ ತೋಟ ಮಾರಾಟ ವ್ಯವಹಾರದಲ್ಲಿ ಮದ್ಯವರ್ತಿಯಾಗಿ ರವೀಶ ಹೆಗಡೆ ಮೂಗು ತೂರಿಸಿದ್ದು, ಅಲ್ಲಿಯೂ ಸಿದ್ದರಾಮೇಶ್ವರ ಮೆಣಸಿನಕಾಯಿ ಎಂಬಾತರಿAದ ಹಣಪಡೆದು ಅನ್ಯಾಯ ಮಾಡಿದ್ದರು. ಇದರೊಂದಿಗೆ ಇನ್ನೂ ಅನೇಕ ಹಣಕಾಸು ಅಪರಾತಪರದಲ್ಲಿ ರವೀಶ ಹೆಗಡೆ ಭಾಗಿಯಾದ ಬಗ್ಗೆ ಮೋಸ ಹೋದವರು ಪೊಲೀಸ್ ದೂರು ನೀಡಿದ್ದು, ಆ ಎಲ್ಲಾ ಪ್ರಕರಣ ವಿಚಾರಣೆ ನಡೆಯುತ್ತಿದೆ. ಹೀಗಿರುವಾಗ ರವೀಶ ಹೆಗಡೆ ಬೆಂಗಳೂರು ಸೇರಿದ್ದು, ಅಲ್ಲಿನ ಚನ್ನಸಂದ್ರ ಸಾಯಿ ನಿಸರ್ಗ ಲೇಔಟಿನಲ್ಲಿ ವಾಸವಾಗಿದ್ದಾರೆ. ಜನರನ್ನು ಮೋಸ ಮಾಡುವುದಕ್ಕಾಗಿ ಅವರು ಸೆಕೆಂಡ್ ಹ್ಯಾಂಡ್ ಕಾರು ಕೊಡಿಸುವುದಾಗಿ ಹೊಸ ಜಾಲ ಬೀಸಿದ್ದಾರೆ. ಈ ಜಾಲಕ್ಕೆ ಹೊನ್ನಾವರದ ಹೊಸಾಕುಳಿ ಗ್ರಾಮದ ಹೆಬ್ಬಾರ್ತಕೇರಿಯ ಎಚ್ ಆರ್ ಗಣೇಶ ರಾಮಾ ಹೆಗಡೆ ಹಾಗೂ ರಾಮಚಂದ್ರ ಕೃಷ್ಣ ಹೆಗಡೆ ಸಿಕ್ಕಿಬಿದ್ದು ಹಣ ಕಳೆದುಕೊಂಡಿದ್ದಾರೆ. ಸೆಕೆAಡ್ ಹ್ಯಾಂಡ್ ಕಾರು ಹುಡುಕುತ್ತಿದ್ದ ಎಚ್ ಆರ್ ಗಣೇಶ ಹೆಗಡೆ ಅವರು ರವೀಶ ಹೆಗಡೆ ಅವರಿಗೆ 4.25 ಲಕ್ಷ ರೂ ಹಣ ಕೊಟ್ಟಿದ್ದಾರೆ. ರಾಮಚಂದ್ರ ಹೆಗಡೆ ಅವರು ಸಹ 1.30 ಲಕ್ಷ ರೂ ಹಣ ಕೊಟ್ಟಿದ್ದಾರೆ. ಆದರೆ, ಈ ಹಣಪಡೆದ ರವೀಶ ಹೆಗಡೆ ಕಾರು ಕೊಡಲಿಲ್ಲ. ಹಣವನ್ನು ಮರಳಿಸಲಿಲ್ಲ. ಹೀಗಾಗಿ ಅವರಿಬ್ಬರು ಸೇರಿ ರವೀಶ ಹೆಗಡೆ ವಿರುದ್ಧ ದೂರು ನೀಡಲು ನಿರ್ಧರಿಸಿದ್ದು, ಕೊನೆಗೆ ಗಣೇಶ ಹೆಗಡೆ ಅವರು ತಮಗಾದ ಅನ್ಯಾಯದ ಬಗ್ಗೆ ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
- [ಮೊಬೈಲ್ ಕಳ್ಳರಿದ್ದಾರೆ.. ಎಚ್ಚರ!](https://mobiletime.in/2025/12/there-are-mobile-thieves-be-careful/): 22 ವರ್ಷದ ಯುವಕನೊಬ್ಬ ಕಾರವಾರ ಪ್ರವೇಶಿಸಿದ್ದು, ಕಂಡ ಕಂಡವರ ಮೊಬೈಲ್ ಕದಿಯುತ್ತಿದ್ದಾನೆ. ಸಂತೋಷ ತಾಮಸೆ ಅವರ ಮೊಬೈಲನ್ನು ಆತ ಕದ್ದಿದ್ದು, ಕಳ್ಳನ ಬೆನ್ನತ್ತಿದಾಗ ಮೊಬೈಲ್ ಎಸೆದು ಆತ ಪರಾರಿಯಾಗಿದ್ದಾನೆ. ಕಾರವಾರದ ಕೋಡಿಭಾಗದ ಶಿವಾಜಿವಾಡದಲ್ಲಿ ಸಂತೋಷ ಗೋವಿಂದ ತಾಮಸೆ (54) ಅವರು ವಾಸವಾಗಿದ್ದಾರೆ. ಅಂಗಡಿ ವ್ಯಾಪಾರ ನಡೆಸಿಕೊಂಡಿರುವ ಅವರು ಒಪ್ಪೋ ಎ17 ಮೊಬೈಲ್ ಹೊಂದಿದ್ದಾರೆ. ಡಿಸೆಂಬರ್ 2ರಂದು ಆ ಮೊಬೈಲ್ ಮೇಲೆ ಕಳ್ಳನ ಕಣ್ಣು ಬಿದ್ದಿದೆ. ನಿನ್ನೆ ಮಧ್ಯಾಹ್ನ ಸಂತೋಷ ತಾಮಸೆ ಅವರು ತಮ್ಮ ಶರ್ಟಿನ ಮೇಲ್ಬಾಗದಲ್ಲಿ ಮೊಬೈಲ್ ಇರಿಸಿಕೊಂಡಿದ್ದರು. ತೆಳ್ಳಗಿನ ವ್ಯಕ್ತಿ ಅವರ ಕಿಸೆಗೆ ಕೈ ಹಾಕಿ ಮೊಬೈಲ್ ಕದಿಯಲು ಪ್ರಯತ್ನಿಸಿದರು. ಇದಕ್ಕೆ ಸಂತೋಷ ತಾಮಸೆ ಅಡ್ಡಿಪಡಿಸಿದರು. ಅದಾಗಿಯೂ ಆ ಪರಿಚಿತ ಕಿಸೆಯೊಗೆ ಕೈ ಹಾಕಿ ಮೊಬೈಲ್ ಎಗರಿಸಿದರು. ಆಗ, ಸಂತೋಷ ತಾಮಸೆ ಅವರು ದೊಡ್ಡದಾಗಿ ಬೊಬ್ಬೆ ಹಾಕಿದರು. `ಮೊಬೈಲ್ ಕಳ್ಳ.. ಮೊಬೈಲ್ ಕಳ್ಳ’ ಎಂದು ಸಂತೋಷ ತಾಮಸೆ ಕೂಗಿದನ್ನು ನೋಡಿ ಇನ್ನಿಬ್ಬರು ಕಳ್ಳನ ಬೆನ್ನಟ್ಟಿದರು. ಸಂತೋಷ ತಾಮಸೆ ಅವರು ಕಳ್ಳನನ್ನು ಹಿಂಬಾಲಿಸಿದರು. ಆಗ, ಆ ಕಳ್ಳ ಮೊಬೈಲನ್ನು ಬಿಸಾಡಿ ಪರಾರಿಯಾಗಿದ್ದು, ಅದಾಗಿಯೂ ಸಂತೋಷ ತಾಮಸೆ ಅವರು ಆತನ ಹುಡುಕಾಟ ನಡೆಸಿದರು. ಕಾರವಾರ ಎಲ್ಲಾ ಕಡೆ ತಿರುಗಾಡಿದರೂ ಮೊಬೈಲ್ ಕಳ್ಳ ಕಾಣಲಿಲ್ಲ. ತಮಗಾದ ಕೆಟ್ಟ ಅನುಭವದ ಬಗ್ಗೆ ಅವರು ಪೊಲೀಸರಲ್ಲಿ ಹೇಳಿದ್ದು, ಆ ಅಪರಿಚಿತ ಕಳ್ಳನ ವಿರುದ್ಧ ಕಾರವಾರ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಹಕ್ಕು ಪತ್ರಕ್ಕಾಗಿ ಅರಣ್ಯವಾಸಿಗಳ ಹೋರಾಟ: ಹಳ್ಳಿ ಹಳ್ಳಿಗಳಲ್ಲಿ ಕಾನೂನು ಜಾಥ](https://mobiletime.in/2025/12/forest-dwellers-struggle-for-title-deeds-legal-processions-in-villages/): ಮೂರು ಲಕ್ಷ ಕರಪತ್ರ ಹಿಡಿದು 132 ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಕಾನೂನು ಕುರಿತು ಸಭೆ ನಡೆಸುವ ಅರಣ್ಯ ಹಕ್ಕು ಹೋರಾಟದ ಇನ್ನೊಂದು ಆಯಾಮ ಶುರುವಾಗಿದೆ. ಭಟ್ಕಳ ಹಾಗೂ ಹೊನ್ನಾವರದಲ್ಲಿ ಈ ದಿನ ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಜಾಥಾ ನಡೆಸಿದ್ದಾರೆ. `ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಪಾರಂಪರಿಕ ಅರಣ್ಯವಾಸಿಗಳ ಸಾಗುವಳಿ ಹಕ್ಕಿಗೆ ಮೂರು ತಲೆಮಾರಿನ ನಿರ್ದಿಷ್ಟ ವಯಕ್ತಿಕ ದಾಖಲೆಗೆ ಒತ್ತಾಯಿಸತಕ್ಕದ್ದಲ್ಲ. ಇಂತಹ ಪ್ರಕ್ರಿಯೆ ಕಾನೂನಿಗೆ ವ್ಯತಿರಿಕ್ತವಾಗಿದೆ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಪುನರುಚ್ಚರಿಸಿದ್ದಾರೆ. ವಿವಿಧ ಹಂತದ ಅಧಿಕಾರಿಗಳಿಗೆ ಸಹ ಅವರು ಕರ ಪತ್ರ ವಿತರಿಸಿ ಕಾನೂನಿನ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಮಂಜೂರಿ ಪ್ರಕ್ರಿಯೆಯಲ್ಲಿ ದಾಖಲೆಗಳಿಗೆ ಆಗ್ರಹಿಸಿ ಅರ್ಜಿಗಳನ್ನು ತಿರಸ್ಕರಿಸುವುದು ಸಮಂಜಸವಲ್ಲ. ಮೂರು ತಲೆಮಾರಿನ ಸಾಗುವಳಿ ಕ್ಷೇತ್ರದಲ್ಲಿನ ಜನವಸತಿ ಪ್ರದೇಶವೆಂದು ಪುಷ್ಠೀಕರಿಸುವುದು ಅವಶ್ಯ’ ಎಂದು ಕೇಂದ್ರ ಸರ್ಕಾರದ ಬುಡಕಟ್ಟು ಮಂತ್ರಾಲಯದ ಆದೇಶದಲ್ಲಿ ತಿಳಿಸಿರುವ ಬಗ್ಗೆ ಅವರು ವಿವರಿಸಿದ್ದಾರೆ. `ಮಂಜೂರಿ ಪ್ರಕ್ರಿಯೆಯಲ್ಲಿ ಕಾನೂನಿಗೆ ವ್ಯತಿರಿಕ್ತವಾಗಿ ಅರ್ಜಿ ಪರಿಶೀಲಿಸಲಾಗಿರುವುದರಿಂದ ರಾಜ್ಯದಲ್ಲಿ ಶೇ.88.90 ಅರ್ಜಿಗಳು ಹಾಗೂ ಜಿಲ್ಲೆಯಲ್ಲಿ ಶೇ 83.50 ಅರ್ಜಿ ತಿರಸ್ಕರಿಸ್ಪಟ್ಟಿದೆ’ ಎಂಬ ವಿಷಯವನ್ನು ಅವರು ತಿಳಿಸಿದ್ದಾರೆ. ಸಂಘಟನೆಯ ಜಿಲ್ಲಾ ಸಂಚಾಲಕ ಪಾಂಡುರAಗ ನಾಯ್ಕ ಸ್ವಾಗತಿಸಿ, ಪ್ರಾಸ್ತಾವಿಕ ಮಾತನಾಡಿದರು. ಇನ್ನರ‍್ವ ಸಂಚಾಯಕ ದೇವರಾಜ ಗೊಂಡ ವಂದಿಸಿದರು ಕಾರ್ಯಕ್ರಮದಲ್ಲಿ ಜಿಲ್ಲಾ ಸಂಚಾಲಕ ಇಬ್ರಾಹೀಂ ಗೌಡಳ್ಳಿ, ರಪೀಕ್ , ನವೀನ್ ಜೈನ್, ಈಶ್ವರ ನಾಯ್ಕ ಹಾಡವಳ್ಳಿ, ಚಂದ್ರ ನಾಯ್ಕ ಬೈರೋಳೆ,ರತ್ನ ನಾಯ್ಕ ರಾಘವೇಂದ್ರ ಮರಾಠಿ, ವಿಮಲಾ ಮೋಗೇರ, ಕವಿತಾ ಮಂಜುನಾಥ ಗೋಂಡ, ನಾಗಮ್ಮ ಮೋಗೇರ, ದತ್ತ ನಾಯ್ಕ ಹಸವಳ್ಳಿ, ಸಬೀರ್, ಮೋಯೈದ್ದೀನ್, ನತ್ತಾರ, ಜಮಾವೀರ್ ಜಾಬೀರ್ ಸಭೆಯಲ್ಲಿದ್ದರು.
- [ರಾತ್ರಿ ಕಂಡ ಬಾವಿಗೆ ಹಗಲು ಹಾರಿದ ಲಾರಿ!](https://mobiletime.in/2025/12/a-lorry-that-jumped-into-a-well-seen-at-night-in-broad-daylight/): ಸರಿಯಾದ ರಸ್ತೆಯಲ್ಲಿ ಸಾಗಬೇಕಿದ್ದ ಲಾರಿಯೊಂದು ಬಾವಿಯ ಕಡೆ ಮುಖ ಮಾಡಿದೆ. ಅದೇ ಮಾರ್ಗದಲ್ಲಿ ಸಾಗಿದ ಪರಿಣಾಮ ಆ ಲಾರಿ ಬಾವಿಗೆ ಬಿದ್ದಿದೆ! ಕುಂದಾಪುರದಿoದ ಶಿಗ್ಗಾವಿಗೆ ಅಕ್ಕಿ ತುಂಬಿಕೊoಡು ಹೋಗುತ್ತಿದ್ದ ಲಾರಿ ಭಟ್ಕಳದ ವೆಂಕಟಾಪುರದಲ್ಲಿ ಅಪಘಾತಕ್ಕೀಡಾಗಿದೆ. ಹಗಲಿನ ವೇಳೆಯಲ್ಲಿಯೇ ಲಾರಿ ಬಾವಿಗೆ ಬಿದ್ದಿದ್ದು, ಲಾರಿಯ ಮುಂದಿನ ಭಾಗ ಜಖಂ ಆಗಿದೆ. ಮಂಗಳವಾರ ಈ ಲಾರಿ ಕುಂದಾಪುರದಿoದ ಹೊರಟಿತ್ತು. ಸಿದ್ದರಾಜು ಘೋರ್ಪಡರ ಅವರು ಲಾರಿ ಓಡಿಸುತ್ತಿದ್ದರು. ಬುಧವಾರ ಮಧ್ಯಾಹ್ನದ ವೇಳೆ ಲಾರಿ ಭಟ್ಕಳ ತಲುಪಿದ್ದು, ಅದಾದ ನಂತರ ವೆಂಕಟಾಪುರದಲ್ಲಿರುವ ಬಾವಿ ಬಳಿ ಬಂದಿದೆ. ಲಾರಿಯೂ ಚಾಲಕನ ನಿಯಂತ್ರಣ ತಪ್ಪಿ ಬಾವಿಯ ಕಟ್ಟೆಗೆ ಡಿಕ್ಕಿ ಹೊಡೆದಿದೆ. ಅದಾದ ನಂತರ ಆ ಲಾರಿ ಬಾವಿಯೊಳಗೆ ಹಾರಿದೆ. ಲಾರಿಯ ನಡುವಿನ ಭಾಗ ಬಾವಿಯಲ್ಲಿ ಸಿಕ್ಕಿಬಿದ್ದಿದ್ದು, ಜಖಂ ಆದ ಮುಂದಿನ ಭಾಗ ಬಾವಿಯ ಇನ್ನೊಂದು ಕಡೆಯಿಂದ ಹೊರ ಬಿದ್ದಿದೆ. ಕ್ರೇನ್ ಮೂಲಕ ಆ ಲಾರಿಯನ್ನು ಹೊರಗೆ ತರುವ ಚಿಂತನೆ ನಡೆದಿದೆ. ಈ ಅಪಘಾತದಿಂದ ಲಾರಿಯಲ್ಲಿದ್ದ ಆಹಾರ ಸಾಮಗ್ರಿ ನಾಶವಾಗಿಲ್ಲ. ಈ ಅಪಘಾತದಲ್ಲಿ ಚಾಲಕ ಅಪಾಯದಿಂದ ಪಾರಾಗಿದ್ದಾರೆ.
- [ರೈತ ದಿನಾಚರಣೆ: ಎಲ್ಲಡೆ ಸಂಭ್ರಮ.. ಆ ಊರಿನವರಿಗೆ ಆಘಾತ!](https://mobiletime.in/2025/12/farmers-day-celebrations-everywhere-shock-for-the-people-of-that-town/): ರೈತ ದಿನಾಚರಣೆಯ ಅವಧಿಯಲ್ಲಿಯೇ ರೈತರ ತೋಟಕ್ಕೆ ದಾಳಿ ಮಾಡಿದ ಅಧಿಕಾರಿಗಳು ಅಡಿಕೆ ಮರಗಳನ್ನು ನಾಶ ಮಾಡಿದ್ದಾರೆ. ಅನಗತ್ಯವಾಗಿ ಅಡಿಕೆ ಮರಗಳನ್ನು ಕಡಿದ ಅರಣ್ಯ ಇಲಾಖೆ ಅಧಿಕಾರಿಗಳ ವಿರುದ್ಧ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಬಿಜೆಪಿ ರೈತಮೋರ್ಚಾ ಉಪಾಧ್ಯಕ್ಷರಾಗಿರುವ ಅನಂತಮೂರ್ತಿ ಹೆಗಡೆ ಅವರು ಸಿದ್ದಾಪುರಕ್ಕೆ ದೌಡಾಯಿಸಿದ್ದು, ಅಲ್ಲಿನ ರೈತರ ಸಮಸ್ಯೆ ಆಲಿಸಿದ್ದಾರೆ. ಬಿಳಗಿ ಬಳಿಯ ಕ್ಯಾದಗಿ ಅರಣ್ಯ ವಲಯದ ಸಿಬ್ಬಂದಿ ಗೋಳಿಕೈ ಗ್ರಾಮದ ಗಣೇಶ ಹೆಗಡೆ ಅವರ ತೋಟಕ್ಕೆ ನುಗ್ಗಿ ಅಡಿಕೆ ಮರ ಹಾಳು ಮಾಡಿದನ್ನು ಅನಂತಮೂರ್ತಿ ಹೆಗಡೆ ಅವರು ಖಂಡಿಸಿದರು. `ಅರಣ್ಯ ಉಳಿಸುವವರೇ ಈ ರೀತಿಯ ದೌರ್ಜನ್ಯ ನಡೆಸಿದರೆ ರೈತರು ಎಲ್ಲಿಗೆ ಹೋಗಬೇಕು? ಅರಣ್ಯ ಇಲಾಖೆಯವರಿಗೆ ಮರಗಳನ್ನು ಕಡಿಯುವ ಅಧಿಕಾರವನ್ನು ನೀಡಿದವರಾರೂ ಯಾರು?’ ಎಂದು ಅನಂತಮೂರ್ತಿ ಹೆಗಡೆ ಅವರು ಪ್ರಶ್ನಿಸಿದರು. `ರೈತರನ್ನು ಒಕ್ಕಲೆಬ್ಬಿಸಿದರೆ ಉಗ್ರ ಹೋರಾಟ ಖಚಿತ’ ಎಂದು ಎಚ್ಚರಿಸಿದರು. ಸಿದ್ದಾಪುರ ತಾಲೂಕು ಬಿಜೆಪಿ ಮಂಡಲ ಅಧ್ಯಕ್ಷ ಎಂ ಕೆ ತಿಮ್ಮಪ್ಪ ಅವರು ಅರಣ್ಯಾಧಿಕಾರಿ ವರ್ತನೆ ವಿರುದ್ಧ ಅಸಮಧಾನ ಹೊರಹಾಕಿದರು. `ರೈತರು ನೆಮ್ಮದಿಯ ಜೀವನ ನಡೆಸದಂತೆ ಅರಣ್ಯ ಇಲಾಖೆಯವರು ಕಾಯುತ್ತಿದ್ದಾರೆ. ಬೇರೆ ದೇಶಗಳಿಂದ ವಲಸೆ ಬಂದವರಿಗೆ , ನಿರಾಶ್ರಿತರಿಗೆ ಸರ್ಕಾರ ಸಾವಿರಾರು ಎಕರೆ ಭೂಮಿ ಕೊಡುತ್ತಿದೆ. ಆದರೆ, ಇಲ್ಲಿನ ನಿವಾಸಿಗಳ ಮುಲಭೂತ ಹಕ್ಕನ್ನು ಕಸಿಯುತ್ತಿದೆ’ ಎಂದವರು ಕಿಡಿಕಾರಿದರು. `ಕ್ಯಾದಗಿ ವಲಯ ಅರಣ್ಯಾಧಿಕಾರಿಗಳಿಗೆ ಫೋನ್ ಮಾಡಿದಾಗ `ನ್ಯಾಯಾಲಯದ ಆದೇಶದ ಪ್ರಕಾರ ಕೆಲಸ ಮಾಡಿದ್ದೇವೆ’ ಎಂದಿದ್ದಾರೆ. ಬಿಜೆಪಿ ಪ್ರಮುಖರಾದ ರಾಘವೇಂದ್ರ ಶಾಸ್ತ್ರಿ, ತೋಟಪ್ಪ ನಾಯ್ಕ, ಪ್ರಮುಖರಾದ ಕೃಷ್ಣಮೂರ್ತಿ ನಾಯ್ಕ ಐಸೂರು, ಆದರ್ಶ ಪೈ, ಅಣ್ಣಪ್ಪ ನಾಯ್ಕ ಕಡಕೇರಿ, ವಿಜಯ ಹೆಗಡೆ, ರೈತಸಂಘದ ಜಿಲ್ಲಾಧ್ಯಕ್ಷ ಕೆರಿಯಪ್ಪ ನಾಯ್ಕ ಇತರರು ಈ ಕೃತ್ಯವನ್ನು ಖಂಡಿಸಿದ್ದಾರೆ.
- [ಸಾವು ಗೆದ್ದು ಬಂದ ಕುಮಟಾದ ಯುವಕ](https://mobiletime.in/2025/12/a-young-man-from-kumta-who-defeated-death/): ಬೆಂಗಳೂರು – ಗೋಕರ್ಣ ಬಸ್ಸು ದುರಂತದಲ್ಲಿ ಕಣ್ಮರೆಯಾಗಿದ್ದ ವಿಜಯ ಭಂಡಾರಿ ಅವರು ಸುರಕ್ಷಿತವಾಗಿದ್ದಾರೆ. ಖಾಸಗಿ ವಾಹನದ ಮೂಲಕ ಅವರು ತಮ್ಮ ಊರು ಸೇರಿದ್ದಾರೆ. ಬೆಂಗಳೂರಿನಿoದ ಹೊರಟ ಸೀಬರ್ಡ ಬಸ್ಸಿನಲ್ಲಿ ವಿಜಯ ಭಂಡಾರಿ ಅವರು ಸಂಚರಿಸುತ್ತಿದ್ದರು. ಚಿತ್ರದುರ್ಗದ ಬಳಿ ಬಸ್ಸು ಅಪಘಾತಕ್ಕೀಡಾಗಿದ್ದು, ಅವಘಡ ಅರಿತ ಅವರು ಬಸ್ಸಿನ ಗಾಜು ಒಡೆದು ಕೆಳಗೆ ಹಾರಿದರು. ಹೀಗಾಗಿ ವಿಜಯ ಭಂಡಾರಿ ಅವರು ಪ್ರಾಣಾಪಾಯದಿಂದ ಪಾರಾದರು. ವಿಜಯ ಭಂಡಾರಿ ಅವರ ಮೊಬೈಲ್ ದುರಂತದಲ್ಲಿ ಸುಟ್ಟು ಹೋಗಿದೆ. ಹೀಗಾಗಿ ಅವರ ಫೋನ್ ಸ್ವಿಚ್ ಆಫ್ ಬರುತ್ತಿದೆ. ವಿಜಯ ಭಂಡಾರಿ ಅವರ ಕೈಗೆ ಪೆಟ್ಟಾಗಿದ್ದು, ಅದಕ್ಕೆ ಅವರು ಚಿಕಿತ್ಸೆಪಡೆದಿದ್ದಾರೆ. ದುರಂತವನ್ನು ಹತ್ತಿರದಿಂದ ನೋಡಿದ ಕಾರಣ ಅವರು ಆಘಾತಕ್ಕೆ ಒಳಗಾಗಿದ್ದಾರೆ. ಸದ್ಯ ವಿಜಯ ಭಂಡಾರಿ ಅವರು ವಿಶ್ರಾಂತಿಪಡೆಯುತ್ತಿದ್ದಾರೆ.
- [ಗೋಕರ್ಣ ಬಸ್ಸು: ಮತ್ತೊಬ್ಬ ಪ್ರಯಾಣಿಗನ ಮೊಬೈಲು ಸ್ವಿಚ್ ಆಫ್!](https://mobiletime.in/2025/12/gokarna-bus-another-passengers-mobile-phone-switched-off/): ಬೆಂಗಳೂರು-ಗೋಕರ್ಣ ಮಾರ್ಗದ ಸೀಬರ್ಡ ಬಸ್ಸಿನಲ್ಲಿದ್ದ ಕುಮಟಾದ ವಿಜಯ ಭಂಡಾರಿ ಅವರ ಫೋನು ಸ್ವಿಚ್ ಆಫ್ ಆಗಿದೆ. ಬಸ್ಸು ಅಪಘಾತದ ನಂತರ ವಿಜಯ ಭಂಡಾರಿ ಅವರ ಬಗ್ಗೆ ಯಾವುದೇ ಸುಳಿವು ಸಿಕ್ಕಿರಲಿಲ್ಲ. ಆದರೆ, ಇದೀಗ ಅವರು ಸುರಕ್ಷಿತವಾಗಿ ಊರು ತಲುಪಿದ್ದಾರೆ. ಬುಧವಾರ ರಾತ್ರಿ ಬೆಂಗಳೂರಿನಿoದ ಹೊರಟ ಬಸ್ಸು ಚಿತ್ರದುರ್ಗದಲ್ಲಿ ಅಪಘಾತಕ್ಕೀಡಾಗಿದ್ದು, ಈ ಬಸ್ಸಿನಲ್ಲಿ ಕುಮಟಾದ ವಿಜಯ ಭಂಡಾರಿ ಅವರು ಪ್ರಯಾಣಿಸುತ್ತಿದ್ದರು. ವಿಜಯ ಭಂಡಾರಿ ಅವರು ಮೆಜೆಸ್ಟಿಕ್ ನ ಆನಂದರಾವ್ ಸರ್ಕಲ್ ಬಳಿಯ ಸೀಬರ್ಡ ಕಚೇರಿಯಿಂದಲೇ ಬಸ್ಸು ಹತ್ತಿದ್ದರು. ಕುಮಟಾಗೆ ಬರುವುದಕ್ಕಾಗಿ ಅವರು ಮುಂಗಡ ಟಿಕೆಟ್ ಬುಕ್ಕಿಂಗ್ ಮಾಡಿದ್ದರು. ಅವರಿದ್ದ ಬಸ್ಸಿಗೆ ಗುರುವಾರ ನಸುಕಿನಲ್ಲಿ ಟ್ಯಾಂಕರ್ ಗುದ್ದಿದೆ. ಪರಿಣಾಮ ಬಸ್ಸಿಗೆ ಬೆಂಕಿ ಬಿದ್ದಿದ್ದು, ಅದಾದ ನಂತರ ವಿಜಯ ಭಂಡಾರಿ ಅವರು ಕಣ್ಮರೆಯಾಗಿದ್ದರು. ಬಸ್ಸು ದುರಂತದಲ್ಲಿ ಅನೇಕರ ಮೊಬೈಲ್ ಸುಟ್ಟಿದೆ. ಹೀಗಾಗಿ ವಿಜಯ ಭಂಡಾರಿ ಅವರ ಮೊಬೈಲ್ ಸಹ ಸುಟ್ಟಿರುವ ಅನುಮಾನಗಳಿವೆ. ವಿಜಯ ಭಂಡಾರಿ ಅವರ ಮೊಬೈಲ್’ಗೆ ಫೋನ್ ಮಾಡಿದರೆ `ನೀವು ಸಂಪರ್ಕಿಸಲು ಬಯಸುತ್ತಿರುವ ವ್ಯಕ್ತಿಯೂ ಸಿಗುತ್ತಿಲ್ಲ’ ಎಂದು ತೆಲಗು ಹಾಗೂ ಇಂಗ್ಲೀಷ್ ಭಾಷೆಯಲ್ಲಿ ಮಾಹಿತಿ ಬರುತ್ತಿದೆ. ಪದೇ ಪದೇ ಪ್ರಯತ್ನಿಸಿದಾಗ `ಸ್ವಿಚ್ ಆಫ್’ ಸಂದೇಶ ಬರುತ್ತಿದೆ. ವಿಜಯ ಭಂಡಾರಿ ಅವರು ತಮ್ಮದೇ ಮೊಬೈಲ್ ಸಂಖ್ಯೆ ನೀಡಿ ಆನೈನ್ ಮೂಲಕ ಬಸ್ ಟಿಕೆಟ್ ಬುಕ್ ಮಾಡಿದ್ದರು. ವಿಜಯ ಭಂಡಾರಿ ಅವರು ಬಸ್ಸಿನ ಕಿಟಕಿಯ ಗಾಜು ಒಡೆದು ಜೀವ ಉಳಿಸಿಕೊಂಡಿದ್ದಾರೆ. ನಂತರ ಖಾಸಗಿ ವಾಹನದ ಮೂಲಕ ಅವರು ಊರು ತಲುಪಿದ್ದಾರೆ. ವಿಜಯ ಭಂಡಾರಿ ಅವರ ಕೈ ಸುಟ್ಟಿದ್ದು, ಚಿಕಿತ್ಸೆ ಪಡೆದಿದ್ದಾರೆ.
- [ಬಸ್ ದುರಂತ: ಸಾವಿನ ಸಂಖ್ಯೆಯಲ್ಲಿ ಗೊಂದಲ!](https://mobiletime.in/2025/12/bus-tragedy-confusion-over-death-toll/): ಗೋಕರ್ಣಕ್ಕೆ ಬರುತ್ತಿದ್ದ ಸೀಬರ್ಡ ಬಸ್ ದುರಂತದಲ್ಲಿನ ಸಾವಿನ ಸಂಖ್ಯೆಯ ಬಗ್ಗೆ ಸಾಕಷ್ಟು ಗೊಂದಲವಿದೆ. ದುರ್ಘಟನೆ ನಡೆದಾಗ 17 ಜನರ ಸಜೀವ ದಹನ ಎನ್ನಲಾಗಿದ್ದು, ಆ ನಂತರ 9 ಜನ ಸಾವನಪ್ಪಿರುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ. ಕೆಲ ಮಾಧ್ಯಮಗಳು 12 ಜನರ ಸಜೀವ ದಹನ ಎಂದು ವರದಿ ಪ್ರಕಟಿಸಿವೆ. ಆದರೆ, ಸಾರಿಗೆ ಸಚಿವರು ಐವರು ಸಾವನಪ್ಪಿದ ಬಗ್ಗೆ ಮಾಹಿತಿ ನೀಡಿದ್ದು, ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು `9ಕ್ಕೂ ಅಧಿಕ ಜೀವ ಹಾನಿ ನಡೆದಿದೆ’ ಎಂದಿದ್ದಾರೆ. ಕುಮಟಾ ಶಾಸಕ ದಿನಕರ ಶೆಟ್ಟಿ ಅವರು 20ಕ್ಕೂ ಅಧಿಕ ಜನ ಸಾವನಪ್ಪಿರುವ ಬಗ್ಗೆ ಬರೆದುಕೊಂಡಿದ್ದಾರೆ. ಬಸ್ಸಿನಲ್ಲಿ ಕುಮಟಾದ ಪ್ರಯಾಣಿಕರು ಸಹ ಇದ್ದಿದ್ದರಿಂದ ಜನರಲ್ಲಿ ಗೊಂದಲ ಮುಂದುವರೆದಿದೆ. ಈ ನಡುವೆ ನಾಪತ್ತೆ ಆದವರ ಶೋಧ ಮುಂದುವರೆದಿದೆ. ಸ್ಥಳದಲ್ಲಿ ಸಿಕ್ಕ ಶವಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. `ಇನ್ನೂ ಮೂವರ ಶವ ಸಿಕ್ಕಿದ್ದು, ಅವರು ಅದೇ ಬಸ್ಸಿನಲ್ಲಿದ್ದವರಾ? ಎನ್ನುವುದರ ಬಗ್ಗೆ ಖಚಿತವಿಲ್ಲ’ ಎಂದು ಸಾರಿಗೆ ಸಚಿವರು ಹೇಳಿದ್ದಾರೆ. ಸಾವನಪ್ಪಿದವರ ಸಂಖ್ಯೆ 9 ಎಂದು ದೃಢವಾಗಿದ್ದರೂ ಅದರಲ್ಲಿ ಮೂವರು ಅದೇ ಬಸ್ಸಿನ ಪ್ರಯಾಣಿಕರಾ? ಅಥವಾ ಬೇರೆ ವಾಹನದಲ್ಲಿದ್ದವರಾ? ಎಂದು ಗೊತ್ತಾಗದ ಕಾರಣ ಸಚಿವರು ಹಾಗೂ ಅಧಿಕಾರಿಗಳಲ್ಲಿ ಗೊಂದಲ ಉಂಟಾಗಿದೆ. ಪ್ರಯಾಣಿಕರ ಹಾಗೂ ಕುಟುಂಬದವರ ಆತಂಕ ದೂರ ಮಾಡಲು ಸರ್ಕಾರ ಸಹಾಯವಾಣಿ ಸ್ಥಾಪಿಸಿದೆ. 9480803100 ಹಾಗೂ 9480803170 ಸಹಾಯವಾಣಿಗಳು ಗೊಂದಲ ನಿವಾರಿಸುವ ಪ್ರಯತ್ನ ಮಾಡುತ್ತಿದೆ.
- [ಛೇ | ರಶ್ಮೀ ಇನ್ನಿಲ್ಲ!](https://mobiletime.in/2025/12/oh-rashmi-is-no-more/): ಬೆಂಗಳೂರಿನಿoದ ಗೋಕರ್ಣಕ್ಕೆ ಹೊರಟಿದ್ದ ಭಟ್ಕಳದ ರಶ್ಮೀ ಮಹಾಲೆ ಅವರು ಬಸ್ ಅಪಘಾತದಲ್ಲಿ ಅಗ್ನಿಗೆ ಆಹುತಿಯಾಗಿದ್ದಾರೆ. ವೇ2ನ್ಯೂಸ್ ಮಾಧ್ಯಮ ಇದನ್ನು ದೃಢಪಡಿಸಿದೆ. ಬೆಂಗಳೂರಿನ ಡೇಲಾಯ್ಡ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ರಶ್ಮೀ ಮಹಾಲೆ ಅವರು ಕ್ರಿಸ್ ಮಸ್ ಅಂಗವಾಗಿ ಊರಿಗೆ ಹೊರಟಿದ್ದರು. ತಮ್ಮ ಇಬ್ಬರು ಸ್ನೇಹಿತೆಯರಾದ ಗಗನಾ ಮತ್ತು ರಕ್ಷಿತಾ ಜೊತೆ ಅವರು ಸೀಬರ್ಡ ಬಸ್ ಬುಕ್ ಮಾಡಿದ್ದರು. ಗೆಳತಿಯರ ಜೊತೆ ಗೋಕರ್ಣಕ್ಕೆ ಬಂದು ನಂತರ ಊರಿಗೆ ಮರಳಲು ಅವರು ನಿರ್ಧರಿಸಿದ್ದರು. ಇದಕ್ಕಾಗಿ ಕೆಲಸಕ್ಕೆ ನಾಲ್ಕು ದಿನಗಳ ರಜೆ ಹಾಕಿದ್ದರು. ಬುಧವಾರ ರಾತ್ರಿ ಬೆಂಗಳೂರಿನಿAದ ಹೊರಟ ಬಸ್ಸು ಚಿತ್ರದುರ್ಗದ ಬಳಿ ಅಪಘಾತಕ್ಕೀಡಾಗಿದ್ದು, ಅದರಲ್ಲಿ ರಶ್ಮೀ ಅವರು ಪ್ರಯಾಣಿಸುತ್ತಿದ್ದರು. ಅವರ ಇಬ್ಬರು ಸ್ನೇಹಿತೆಯರು ಬಸ್ ಅಪಘಾತದ ನಂತರ ಕಿಟಕಿಯಿಂದ ಹಾರಿ ಬಚಾವಾಗಿದ್ದು, ರಶ್ಮೀ ಅವರ ಸುಳಿವು ಸಿಕ್ಕಿರಲಿಲ್ಲ. `ಮೊದಲು ರಶ್ಮೀ ಅವರು ಸುರಕ್ಷಿತವಾಗಿದ್ದಾರೆ’ ಎಂಬ ಮಾಹಿತಿ ಬಂದಿತ್ತು. ಅದಾದ ನಂತರ ಅವರು ನಾಪತ್ತೆಯಾಗಿದ್ದಾರೆ ಎಂಬ ವಿಷಯ ಗೊತ್ತಾಗಿತ್ತು. ಸದ್ಯದ ಮಾಹಿತಿ ಪ್ರಕಾರ ರಶ್ಮೀ ಅವರು ಇನ್ನಿಲ್ಲ ಎಂದು ವೇ2ನ್ಯೂಸ್ ಮಾಧ್ಯಮ ದೃಢಪಡಿಸಿದೆ. ಮಗಳ ಹುಡುಕಿ ಹೊರಟ ತಂದೆ ರಶ್ಮೀ ಅವರ ಬಗ್ಗೆ ಸರಿಯಾದ ಮಾಹಿತಿ ಸಿಗದ ಕಾರಣ ಭಟ್ಕಳದ ಶಿರಾಲಿಯಲ್ಲಿದ್ದ ಅವರ ತಂದೆ ದೇವಿದಾಸ ಮಹಾಲೆ ಅವರು ಚಿತ್ರದುರ್ಗದ ಕಡೆ ಹೊರಟಿದ್ದಾರೆ. ರಶ್ಮಿ ಅವರ ತಾಯಿ ಸಾವಿತ್ರಿ ಅವರನ್ನು ಸಂಬAಧಿಕರ ಮನೆಯಲ್ಲಿ ಬಿಟ್ಟು ಮನೆಗೆ ಬೀಗ ಹಾಕಿ ದೇವಿದಾಸ್ ಅವರು ಮಗಳ ಹುಡುಕಾಟಕ್ಕೆ ಹೊರಟಿದ್ದಾರೆ. ಗಗನಾ ಮತ್ತು ರಕ್ಷಿತಾ ಅವರು ಸಹ ರಶ್ಮೀ ಅವರ ಬಗ್ಗೆ ಖಚಿತ ಮಾಹಿತಿ ನೀಡದ ಕಾರಣ ದೇವಿದಾಸ ಅವರು ಚಿತ್ರದುರ್ಗದ ಕಡೆ ಪ್ರಯಾಣ ಬೆಳೆಸಿದ್ದಾರೆ.
- [ಸೀಬರ್ಡ ಬಸ್ ದುರಂತ: ಗೋಕರ್ಣಕ್ಕೆ ಬರಬೇಕಿದ್ದವರು ಬೆಂಕಿಗೆ ಆಹುತಿ](https://mobiletime.in/2025/12/seabird-bus-tragedy-those-who-were-supposed-to-go-to-gokarna-were-burnt-to-death/): ಬೆಂಗಳೂರಿನಿoದ ಗೋಕರ್ಣಕ್ಕೆ ಬರುತ್ತಿದ್ದ ಸೀಬರ್ಡ ಬಸ್ ಬೆಂಕಿಗೆ ಆಹುತಿಯಾಗಿದ್ದು, 9 ಜನರ ಸಜೀವ ದಹನ ದೃಢವಾಗಿದೆ. ಈ ಬಸ್ಸಿನಲ್ಲಿ ಈ ಬಸ್ಸಿನಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಪ್ರಯಾಣಿಕರೂ ಇದ್ದು, ಜಿಲ್ಲೆಯ ಪ್ರಯಾಣಿಕರ ಸಾವು-ಬದುಕಿನ ಸ್ಥಿತಿಯ ಬಗ್ಗೆ ಖಚಿತ ಮಾಹಿತಿ ಸಿಗುತ್ತಿಲ್ಲ. ಬುಧವಾರ ರಾತ್ರಿ ಬೆಂಗಳೂರಿನಿoದ ಸೀಬರ್ಡ ಬಸ್ಸು ಹೊರಟಿತು. ಪ್ರಯಾಣಿಕರು ಗಾಂಧೀನಗರ, ಯಶವಂತಪುರ, ಮೆಜೆಸ್ಟಿಕ್ ಕಡೆಯಿಂದ ಬಸ್ ಹತ್ತಿದ್ದರು. ಆ ಬಸ್ಸಿನಲ್ಲಿ 32 ಜನ ಪ್ರಯಾಣಿಸುತ್ತಿದ್ದರು. ಬಹುತೇಕ ಎಲ್ಲರೂ ಗೋಕರ್ಣಕ್ಕೆ ಬರುವವರಾಗಿದ್ದರು. ಅದರಂತೆ, ಭಟ್ಕಳದ ಶಿರಾಲಿಯ ರಶ್ಮಿ ಮಹಾಲೆ ಅವರು ಸಹ ಈ ಬಸ್ಸಿನಲ್ಲಿದ್ದರು. ಸಾಪ್ಟವೇರ್ ಇಂಜಿನಿಯರ್ ಆಗಿರುವ ರಶ್ಮಿ ಮಹಾಲೆ ಅವರು ಬೆಂಗಳೂರಿನಲ್ಲಿ ಕೆಲಸಕ್ಕಿದ್ದು, ಕ್ರಿಸ್ ಮಸ್ ರಜೆ ಪ್ರಯುಕ್ತ ಊರಿಗೆ ಬರುತ್ತಿದ್ದರು. ನಾಲ್ಕು ದಿನ ಹೆಚ್ಚುವರಿ ರಜೆ ಬೇಕು ಎಂದು ಪಟ್ಟುಹಿಡಿದು ಅವರು ರಜೆಪಡೆದಿದ್ದರು. ತಮ್ಮ ಸ್ನೇಹಿತರಾದ ಗಗನಾ ಮತ್ತು ರಕ್ಷಿತಾ ಅವರ ಜೊತೆ ರಶ್ಮಿ ಮಹಾಲೆ ಅವರು ಬಸ್ಸು ಏರಿದ್ದರು. ಸ್ನೇಹಿತೆಯರ ಜೊತೆ ಗೋಕರ್ಣಕ್ಕೆ ಬರಲು ಅವರು ಚಿಂತಿಸಿದ್ದು, ಆ ಬಸ್ಸು ಚಿತ್ರದುರ್ಗದ ಹಿರಿಯೂರು ತಾಲೂಕಿನ ಜವರಗೊಂಡದಲ್ಲಿ ಅಪಘಾತಕ್ಕೀಡಾಯಿತು. ಬಸ್ಸಿಗೆ ಲಾರಿ ಗುದ್ದಿದ ಪರಿಣಾಮ ಬಸ್ಸು ಹೊತ್ತಿ ಉರಿಯಿತು. ಈ ಅವಘಡದಲ್ಲಿ ರಶ್ಮಿ ಮಹಾಲೆ ಅವರು ಕಣ್ಮರೆಯಾಗಿದ್ದು, ರಶ್ಮಿ ಮಹಾಲೆ ಅವರ ಫೋನ್ ಸಹ ಸ್ವಿಚ್ ಆಫ್ ಆಗಿದೆ. ಗಗನಾ ಹಾಗೂ ರಕ್ಷಿತಾ ಅವರು ಬಸ್ಸಿನ ಕಿಟಕಿಯಿಂದ ಹಾರಿ ಪ್ರಾಣ ಉಳಿಸಿಕೊಂಡಿದ್ದಾರೆ. `ರಶ್ಮಿ ಅವರು ಸುರಕ್ಷಿತವಾಗಿದ್ದಾರೆ’ ಎಂದು ಮೊದಲು ಅವರ ಮಾವ ಮಾಹಿತಿ ನೀಡಿದ್ದರು. ಆದರೆ, ಇದೀಗ ಕುಟುಂಬದವರು `ರಶ್ಮಿ ಮಹಾಲೆ ಅವರಿಂದ ಯಾವುದೇ ಫೋನ್ ಬಂದಿಲ್ಲ’ ಎಂದು ಸಹ ಹೇಳಿದ್ದಾರೆ. ಸ್ಥಳದಲ್ಲಿ ಸಿಕ್ಕಿರುವ ಶವಗಳ ಡಿಎನ್‌ಎ ಪರೀಕ್ಷೆಗೆ ಸರ್ಕಾರ ಮುಂದಾಗಿದೆ. ಅದಾದ ನಂತರವೇ ಸಾವನಪ್ಪಿದವರ ಗುರುತು ಪತ್ತೆಯಾಗಲಿದೆ.
- [ರೆಸಾರ್ಟಿನಲ್ಲಿ ಸದ್ದು: ಪ್ರವಾಸಿಗನಿಗೆ ಗುದ್ದು!](https://mobiletime.in/2025/12/noise-at-the-resort-tourist-punched/): ಮದ್ಯದ ನಶೆಯಲ್ಲಿದ್ದ ಮೂವರು ಗೋಕರ್ಣಕ್ಕೆ ಬಂದಿದ್ದ ವಿದೇಶಿಗನ ಮೇಲೆ ದಾಳಿ ಮಾಡಿದ್ದಾರೆ. ಆ ದಾಳಿಗೆ ಚಾರ್ಲಸ್ ಮಾರ್ಟಿನ್ ವೈಟ್ ತತ್ತರಿಸಿದ್ದು, ಅವರ ಮುಖದ ಆಕಾರವೇ ಬದಲಾಗಿದೆ. ಅಮೇರಿಕಾದ ಚಾರ್ಲಸ್ ಮಾರ್ಟಿನ್ ವೈಟ್ ಅವರು ಗೋಕರ್ಣ ರುದ್ರಪಾದ ಬಳಿಯ ನಾಗೇಶ್ ಹೋಂ ಸ್ಟೇಯಲ್ಲಿ ವಾಸವಾಗಿದ್ದರು. ಡಿಸೆಂಬರ್ 20ರಂದು ಲಘುವಾದ ಸಂಗೀತ ಕೇಳುತ್ತ ಅವರು ನಿದ್ರಿಸುತ್ತಿದ್ದರು. ಆ ವೇಳೆ ಅವರ ಕೋಣೆಯ ಬಾಗಿಲು ಬಡಿದ ಸದ್ದು ಕೇಳಿದ್ದು ಪಾಂಡು, ಸತೀಶ, ಸಂಜಯ ಎಂಬಾತರು ಮ್ಯೂಸಿಕ್ ಬಂದ್ ಮಾಡುವಂತೆ ಸೂಚಿಸಿದರು. `ಏನಾಯಿತು?’ ಎಂದು ಚಾರ್ಲಸ್ ಕೇಳುವುದರೊಳಗೆ ಅವರು ದಾಳಿ ಶುರು ಮಾಡಿದರು. ಆ ಮೂವರಲ್ಲಿ ಇಬ್ಬರು ಅಲ್ಲೇ ಪಕ್ಕದ ಝಯಾ ಕಫೆಯಲ್ಲಿ ಕೆಲಸ ಮಾಡುವ ಸಿಬ್ಬಂದಿಯಾಗಿದ್ದು, ಸಂಜಯ ಗೋಕರ್ಣ ಅವರು ಹೊಡೆದಾಟಕ್ಕೆ ಕೈ ಜೋಡಿಸಿದ್ದರು. ಕುಡಿದ ಮತ್ತಿನಲ್ಲಿದ್ದ ಆ ಮೂವರು ಚಾರ್ಲಿಸ್ ಅವರ ಮುಖಕ್ಕೆ ಗುದ್ದಿದರು. ಗಾಜಿನ ಬಾಟಲಿಯಿಂದ ತಲೆಗೆ ಹೊಡೆದರು. ಚಾಕುವಿನಿಂದ ಚುಚ್ಚುವ ಪ್ರಯತ್ನ ಮಾಡಿದರು. ಗಾಯಗೊಂಡ ಚಾರ್ಲಿಸ್ ಅವರು ನಂತರ ಗೋಕರ್ಣ, ಅಂಕೋಲಾ ಆಸ್ಪತ್ರೆಗೆ ದಾಖಲಾದರು. ಅದಾದ ನಂತರ ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲ್ ಆಸ್ಪತ್ರೆ ಸೇರಿದರು. ಚಾರ್ಲಿಸ್ ಅವರಿಗೆ ಹಲ್ಲು ಮುರಿದಿರುವುದು, ಮೂಗು ಡೊಂಕಾಗಿರುವುದು ವೈದ್ಯರ ಗಮನಕ್ಕೆ ಬಂದಿತು. ಎಲ್ಲವೂ ಮೊದಲಿನಂತೆ ಆಗಲು ಪ್ಲಾಸ್ಟಿಕ್ ಸರ್ಜರಿ ಮಾಡಿಸಬೇಕು ಎಂದು ವೈದ್ಯರು ಹೇಳಿದರು. ಈ ನಡುವೆ ಹೊಡೆದಾಟ ಮಾಡಿದ ಮೂವರು ಚಾರ್ಲಿಸ್ ಅವರಿಗೆ ಹುಚ್ಚನ ಪಟ್ಟ ಕಟ್ಟಿದ್ದರು. ಈ ಎಲ್ಲಾ ವಿಷಯ ಅರಿತ ಚಾರ್ಲಿಸ್ ಗೋಕರ್ಣ ಪೊಲೀಸರಿಗೆ ದೂರಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಮಂಕಿಯಲ್ಲಿ ಮಂಕಾಳು ಬಣಕ್ಕೆ ಮುಖಭಂಗ!](https://mobiletime.in/2025/12/a-disgrace-to-the-mangalu-faction-in-monkey/): ಪಟ್ಟಣ ಪಂಚಾಯತ ಆಗಿ ಮೇಲ್ದರ್ಜೆಗೆ ಏರಿದ ಮಂಕಿಗೆ ಮೊದಲ ಚುನಾವಣೆ ನಡೆದಿದ್ದು, ಬಿಜೆಪಿ ಜಯಬೇರಿ ಬಾರಿಸಿದೆ. ಉತ್ತರ ಕನ್ನಡ ಉಸ್ತುವಾರಿ ಸಚಿವರಾದ ಮಂಕಾಳು ವೈದ್ಯ ಅವರು ಸ್ವಕ್ಷೇತ್ರದಲ್ಲಿಯೇ ತಮ್ಮ ಬೆಂಬಲಿಗರನ್ನು ಆರಿಸಲಾಗದೇ ಮುಖಭಂಗ ಅನುಭವಿಸಿದ್ದಾರೆ. ಮಂಕಿ ಪಟ್ಟಣ ಪಂಚಾಯತದಲ್ಲಿ 20 ವಾರ್ಡುಗಳ ರಚನೆಯಾಗಿದೆ. ಈ ವಾರ್ಡುಗಳಿಗೆ ಚುನಾವಣೆ ನಡೆದಿದ್ದು, ಅದರಲ್ಲಿ 12 ವಾರ್ಡುಗಳಲ್ಲಿ ಬಿಜೆಪಿ ಗೆಲುವು ಸಾಧಿಸಿದೆ. ಹೀಗಾಗಿ ಬಿಜೆಪಿ ಅಲ್ಲಿ ಅಧಿಕಾರಕ್ಕೆ ಬರುವುದು ಸ್ಪಷ್ಟವಾಗಿದೆ. ಎರಡು ಸ್ಥಾನಕ್ಕೆ ಅವಿರೋಧ ಆಯ್ಕೆ ನಡೆದಿದ್ದು, ಈ ಚುನಾವಣೆಯಲ್ಲಿ ಕಾಂಗ್ರೆಸ್ ಆರು ಸ್ಥಾನಕ್ಕೆ ತೃಪ್ತಿಪಟ್ಟಿದೆ. ಈ ಕ್ಷೇತ್ರದಲ್ಲಿ ಮಂಕಾಳು ವೈದ್ಯ ಅವರು ಪ್ರಭಾವಿ ನಾಯಕರಾಗಿದ್ದಾರೆ. ಅದಾಗಿಯೂ ಅವರಿಗೆ ತಮ್ಮ ಎಲ್ಲಾ ಬೆಂಬಲಿಗರನ್ನು ಗೆಲ್ಲಿಸಲು ಸಾಧ್ಯವಾಗಿಲ್ಲ. ವಿರೋಧಿ ಬಣದವರು ಹೆಚ್ಚಿನ ಸಂಖ್ಯೆಯಲ್ಲಿ ಗೆದ್ದಿದ್ದರಿಂದ ಮಂಕಾಳು ವೈದ್ಯ ಅವರಿಗೆ ಸಾಕಷ್ಟು ಮುಜುಗರವಾಗಿದೆ. ಅವರ ರಾಜಕೀಯ ಪ್ರಭಾವಕ್ಕೂ ಹಿನ್ನಡೆ ಆಗಿದೆ. ಫಲಿತಾಂಶ ಪ್ರಕಟವಾಗುತ್ತಿದ್ದಂತೆಯೇ ಮಂಕಿ ಪಟ್ಟಣದಲ್ಲಿ ಬಿಜೆಪಿ ಕಾರ್ಯಕರ್ತರು ಸಂಭ್ರಮಾಚರಣೆ ನಡೆಸಿದ್ದಾರೆ.
- [ಮನೆಯಲ್ಲಿದ್ದ ಮಹಿಳೆ ಆತ್ಮಹತ್ಯೆ](https://mobiletime.in/2025/12/the-woman-in-the-house-committed-suicide/): ಮಾನಸಿಕವಾಗಿ ಕುಗ್ಗಿದ್ದ ಶಿರಸಿಯ ಚೈತ್ರಾ ಹೆಗಡೆ ಅವರು ವಿಷ ಕುಡಿದಿದ್ದು, ಧಾರವಾಡದ ಎಸ್ ಡಿ ಎಂ ಆಸ್ಪತ್ರೆಗೆ ಕರೆದೊಯ್ದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಶಿರಸಿಯ ಮಣಜವಳ್ಳಿ ಶಾಂತಿನಗರದ ಚೈತ್ರಾ ರಮಣ ಹೆಗಡೆ (40) ಅವರು ವಾಸವಾಗಿದ್ದರು. ಎರಡು ವರ್ಷದಿಂದ ಮಾನಸಿಕವಾಗಿ ಕುಗ್ಗಿದ್ದ ಅವರು ಜೀವನದಲ್ಲಿಯೂ ನೊಂದಿದ್ದರು. ಚೈತ್ರಾ ಅವರ ಪತಿ ರಮಣ ಹೆಗಡೆ ಹಾಗೂ ಪುತ್ರ ದರ್ಶನ್ ಅವರು ಡಿಸೆಂಬರ್ 21ರಂದು ಬೆಂಗಳೂರಿಗೆ ಹೋಗಿದ್ದರು. ಮನೆಯಲ್ಲಿ ಒಂಟಿಯಾಗಿದ್ದ ಚೈತ್ರಾ ಹೆಗಡೆ ಅವರು ಅದೇ ದಿನ ವಿಷ ಕುಡಿದರು. ಮನೆಯಲ್ಲಿದ್ದ ಮಾಕ್ಸೋನ್ ಎಂಬ ಕಳೆನಾಶಕ ಸೇವಿಸಿ ಚೈತ್ರಾ ಹೆಗಡೆ ಅವರು ಅಸ್ವಸ್ಥರಾಗಿದ್ದರು. ಈ ವಿಷಯ ಅರಿತ ಅಕ್ಕಪಕ್ಕದವರು ಚೈತ್ರಾ ಹೆಗಡೆ ಅವರನ್ನು ಶಿರಸಿಯ ಮಾರಿಕಾಂಬಾ ಆಸ್ಪತ್ರೆಗೆ ಕರೆತಂದರು. ಅಲ್ಲಿನ ವೈದ್ಯರು ಪ್ರಾಥಮಿಕ ಚಿಕಿತ್ಸೆ ನೀಡಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ಕುಟುಂಬದವರು ಚೈತ್ರಾ ಅವರನ್ನು ಧಾರವಾಡಕ್ಕೆ ಕರೆದೊಯ್ದರು. ಎಸ್ ಡಿ ಎಂ ಆಸ್ಪತ್ರೆಯಲ್ಲಿ ಚೈತ್ರಾ ಹೆಗಡೆ ಅವರ ಚಿಕಿತ್ಸೆ ಮುಂದುವರೆಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಡಿಸೆಂಬರ್ 23ರಂದು ಚೈತ್ರಾ ಹೆಗಡೆ ಅವರು ಸಾವನಪ್ಪಿದರು. ಸದ್ಯ ಶಿರಸಿ ಭೂತೇಶ್ವರ ಬಡಾವಣೆಯಲ್ಲಿ ವಾಸವಾಗಿರುವ ಪುಟ್ಟನಮನೆಯ ಗಣಪತಿ ನಾರಾಯಣ ಹೆಗಡೆ ಅವರು ಈ ಬಗ್ಗೆ ಮಾಹಿತಿ ನೀಡಿದರು.
- [ಮಾತು ಬಾರದ ಮಕ್ಕಳ ಆಕಾಶ ಯಾತ್ರೆ!](https://mobiletime.in/2025/12/a-celestial-journey-for-speechless-children/): ಕರಾವಳಿ ಉತ್ಸವದ ಅಂಗವಾಗಿ ಬುಧವಾರ ಕಾರವಾರಕ್ಕೆ ಹೆಲಿಕಾಪ್ಟರ್ ಆಗಮಿಸಿದೆ. ಆಗಸದಲ್ಲಿ ಹಾರಾಡುತ್ತಿದ್ದ ಹೆಲಿಕಾಪ್ಟರ್ ನೋಡಿ ಸಂಭ್ರಮಿಸುತ್ತಿದ್ದ ಮಕ್ಕಳು ಈ ದಿನ ಸ್ವತಃ ಹೆಲಿಕಾಪ್ಟರಿನಲ್ಲಿ ಹಾರಾಡಿ ಸಂತಸವ್ಯಕ್ತಪಡಿಸಿದ್ದಾರೆ. ಆಶಾನಿಕೇತನ ಶಾಲೆಯ ಕಿವುಡ ಹಾಗೂ ಮಕ್ಕಳಿಗೆ ಶಾಸಕ ಸತೀಶ್ ಸೈಲ್ ಅವರು ತಮ್ಮ ಪ್ರಾಯೋಜಕತ್ವದಲ್ಲಿ ಹೆಲಿಕಾಪ್ಟರ್ ಯಾನ ನಡೆಸಿದ್ದಾರೆ. ತಮ್ಮ ಜೀವನದಲ್ಲಿ ಇದೇ ಮೊದಲ ಬಾರಿಗೆ ಹೆಲಿಕ್ಯಾಪ್ಟರ್ ಮೂಲಕ ಹಾರಾಟ ಮಾಡಿದ ಮಕ್ಕಳು ಚಪ್ಪಾಳೆ ತಟ್ಟಿ ಸಂಭ್ರಮಿಸಿದ್ದಾರೆ. ಡಿಸೆAಬರ್ 21ರಂದು ನಡೆದ ಶಾಸಕ ಸತೀಶ್ ಸೈಲ್ ಅವರು ತಮ್ಮ ಜನ್ಮದಿನದ ಪ್ರಯುಕ್ತ ಆಶಾ ನಿಕೇತನ ವಿಶೇಷ ಶಾಲೆಗೆ ಭೇಟಿ ನೀಡಿದ್ದರು. ಆ ವೇಳೆಯಲ್ಲಿಯೇ ಮಕ್ಕಳನ್ನು ಹೆಲಿಕಾಪ್ಟರ್ ಮೂಲಕ ಹಾರಾಟ ನಡೆಸುವ ಯೋಜನೆ ರೂಪಿಸಿದ್ದರು. ಸತೀಶ್ ಸೈಲ್ ಅವರ ಪುತ್ರಿ ಸಾಚಿ ಸೈಲ್ ಸಹ ಮಕ್ಕಳಿಗೆ ವಿಶೇಷ ಕೊಡುಗೆ ನೀಡಲು ನಿರ್ಧರಿಸಿದ್ದು, ಈ ದಿನ ಸೈಲ್ ಕುಟುಂಬದವರು ಮಕ್ಕಳ ಜೊತೆ ಹೆಲಿಕಾಪ್ಟರ್ ಹಾರಾಟ ನಡೆಸಿದರು. ನಾಲ್ವರು ಪೌರ ಕಾರ್ಮಿಕರಿಗೆ ಸಹ ಸತೀಶ್ ಸೈಲ್ ಅವರು ಹೆಲಿಕಾಪ್ಟರ್ ಹತ್ತಿಸಿದರು. `ಸಾರ್ವಜನಿಕರಿಗೆ ಅನುಕೂಲವಾಗುವಂತೆ 3900ರೂ ದರದಲ್ಲಿ ಹೆಲಿಕಾಪ್ಟರ್ ಯಾನಕ್ಕೆ ಅವಕಾಶ ನೀಡಲಾಗಿದೆ. 7 ನಿಮಿಷಗಳ ಕಾಲ ಹೆಲಿಕಾಪ್ಟರ್ ಹಾರಾಟ ನಡೆಸಲಿದೆ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಮಾಹಿತಿ ನೀಡಿದರು. `ಮುಂದಿನ 5 ದಿನಗಳ ಕಾಲ ಹೇಲಿಕ್ಯಾಪ್ಟರ್ ರೈಡ್ ಬೆಳ್ಳಗೆ 9 ಗಂಟೆಯಿAದ ಸಂಜೆ 4 ಗಂಟೆಯವರೆಗೆ ನಡೆಯಲಿದೆ’ ಎಂದು ತಿಳಿಸಿದರು.
- [ಅಡಿಕೆ ಮರಗಳ ಮಾರಣಹೋಮ: ರೈತ ಸಂಘದಿoದಲೂ ಆಕ್ರೋಶ](https://mobiletime.in/2025/12/areca-tree-burning-farmers-union-outraged/): ರೈತನ ಜೀವನಕ್ಕೆ ಆಧಾರವಾಗಿದ್ದ ಅಡಿಕೆ ಮರಗಳನ್ನು ಅರಣ್ಯಾಧಿಕಾರಿಗಳು ಕಟಾವು ಮಾಡಿದಕ್ಕೆ ಎಲ್ಲಡೆ ಆಕ್ರೋಶವ್ಯಕ್ತವಾಗುತ್ತಿದೆ. ಅರಣ್ಯಾಧಿಕಾರಿಗಳ ವಿರುದ್ಧ ಜನ ಸಿಡಿದೆದ್ದಿದ್ದು, ಉಗ್ರ ಸ್ವರೂಪದ ಹೋರಾಟಕ್ಕೆ ಸಜ್ಜಾಗುತ್ತಿದ್ದಾರೆ. ಸಿದ್ದಾಪುರದ ಬಿಳಗಿ ಬಳಿ ಅರಣ್ಯ ಇಲಾಖೆಯವರು ನೂರಾರು ಅಡಿಕೆ ಮರಗಳನ್ನು ಕಡಿದು ನಾಶ ಮಾಡಿದ್ದಾರೆ. ಆತಂಕದಲ್ಲಿರುವ ಆ ಭಾಗದ ಜನ ಕಣ್ಣಲ್ಲಿ ನೀರು ಹಾಕುತ್ತಿದ್ದಾರೆ. ಲಕ್ಷಾಂತರ ರೂ ನಷ್ಟ ಅನುಭವಿಸಿದ ಗಣೇಶ ಹೆಗಡೆ ಅವರು ತಲೆ ಮೇಲೆ ಕೈ ಹೊತ್ತು ಕೂತಿದ್ದು, ಅನೇಕ ಹೋರಾಟಗಾರರು ಅವರಿಗೆ ಧೈರ್ಯ ಹೇಳಿದ್ದಾರೆ. ಅರಣ್ಯ ಇಲಾಖೆಯ ನಡೆಯನ್ನು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ ಅವರು ಖಂಡಿಸಿದ್ದಾರೆ. ಏಕಾಏಕಿ ಬಡ ರೈತನ ತೋಟಕ್ಕೆ ನುಗ್ಗಿ ಫಲ ಕೊಡುವ ಅಡಿಕೆ ಮರಗಳನ್ನು ಅಧಿಕಾರಿಗಳು ಕಡಿದದಕ್ಕೆ ಅವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಅರಣ್ಯ ಇಲಾಖೆ ಅಧಿಕಾರಿಗಳು ಪದೇ ಪದೇ ದೌರ್ಜನ್ಯ ಮಾಡುತ್ತಿದ್ದರೂ ಅದನ್ನು ತಡೆಯುವಲ್ಲಿ ವಿಫಲರಾದ ಜನಪ್ರತಿನಿಧಿಗಳ ವಿರುದ್ಧವೂ ಕರ್ನಾಟಕ ಪ್ರಾಂತ ರೈತ ಸಂಘದವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ತಪ್ಪು ಮಾಡಿರುವ ಅರಣ್ಯ ಸಿಬ್ಬಂದಿ ಮೇಲೆ ಶಿಸ್ತು ಕ್ರಮ ತೆಗೆದುಕೊಳ್ಳಬೇಕು’ ಎಂದು ಶಾಂತಾರಾಮ ನಾಯಕ ಅವರು ಒತ್ತಾಯಿಸಿದ್ದಾರೆ. `ಜನವರಿಯಲ್ಲಿ ನಡೆಯುವ ಜಿಲ್ಲಾ ಸಮ್ಮೇಳನದಲ್ಲಿ ಈ ಬಗ್ಗೆ ಚರ್ಚಿಸಿ ಹೋರಾಟ ರೂಪಿಸಲಾಗುತ್ತದೆ’ ಎಂದವರು ಹೇಳಿದ್ದಾರೆ.
- [ಕರಾವಳಿ ಉತ್ಸವ: ಕಲೆಯ ಆರಾಧನೆ.. ಸಂಸ್ಕೃತಿಯ ಆಸ್ವಾದನೆ](https://mobiletime.in/2025/12/coastal-festival-worship-of-art-enjoyment-of-culture/): ಕಾರವಾರದಲ್ಲಿ ನಡೆಯುತ್ತಿರುವ ಕರಾವಳಿ ಉತ್ಸವ ದಿನದಿಂದ ದಿನಕ್ಕೆ ಮೆರಗುಪಡೆಯುತ್ತಿದ್ದು, ಈ ದಿನ ನಡೆದ ರಂಗೋಲಿ ಹಾಗೂ ಅಡುಗೆ ಸ್ಪರ್ಧೆಯಲ್ಲಿ ಅನೇಕರು ಭಾಗವಹಿಸಿದ್ದಾರೆ. ಜಿಲ್ಲೆಯ ಬೇರೆ ಬೇರೆ ತಾಲೂಕುಗಳಿಂದ ಜನ ಆಗಮಿಸಿ ತಮ್ಮ ಪ್ರತಿಭೆ ಪ್ರದರ್ಶಿಸಿದ್ದಾರೆ. ಉತ್ಸವದ ಅಂಗವಾಗಿ ನಡೆದ ಸ್ಪರ್ಧೆಯಲ್ಲಿ ಕಾಣಿಸಿದ ರಂಗೋಲಿಗಳು ನೋಡುಗರ ಕಣ್ಮನ ಸೆಳೆದವು. ಕರಾವಳಿ ಶೈಲಿಯ ಅಡುಗೆಗಳು ಬಾಯಿ ಚಪ್ಪರಿಸುವಂತೆ ಮಾಡಿದವು. ಜಿಲ್ಲಾಧಿಕಾರಿಗಳ ನೂತನ ಕಚೇರಿಯಲ್ಲಿ ಆಯೋಜಿಸಲಾದ ರಂಗೋಲಿ ಸ್ಪರ್ಧೆಗೆ ಮಹಿಳೆಯರು ಉತ್ಸಾಹದಿಂದ ಆಗಮಿಸಿದ್ದರು. ತಮ್ಮ ನಿಯೋಜಿತ ಸ್ಥಳದಲ್ಲಿ ಬಗೆ ಬಗೆಯ ರಂಗೋಲಿ ಹಾಕಿದ್ದರು. ಹೂವಿನ ದಳಗಳಲ್ಲಿ ಹಾಕಿದ ಬಣ್ಣ ಬಣ್ಣದ ರಂಗೋಲಿ ಜೊತೆ ಧಾನ್ಯಗಳಿಂದ ಶೃಂಗರಿಸಿದ ರಂಗೋಲಿಗಳು ಜನರ ಮನ ಗೆದ್ದವು. 14-18 ವರ್ಷದ ಮಕ್ಕಳಿಗೆ ಆಯೋಜಿಸಿದ್ದ ಪ್ರೀ ಹ್ಯಾಂಡ್ ರಂಗೋಲಿ ಸ್ಪರ್ಧೆಯಲ್ಲಿ ಸದಾಶಿವಗಡದ ಕಣಸಗಿರಿಯ ಧನಶ್ರೀ ರತ್ನಾಕರ ಮಾಳ್ವೇಕರ ಪ್ರಥಮ, ಹಬ್ಬುವಾಡದ ಆರ್ಯಶ್ರೀ ಎ ದುರ್ಗೇಕರ ದ್ವಿತೀಯ, ಹಬ್ಬುವಾಡದ ಸ್ಮೃತಿ ಸಂಜೀವ ವರ್ಣೇಕರ ತೃತೀಯ ಬಹಮಾನಪಡೆದರು. 18 ವರ್ಷ ಮೇಲ್ಪಟ್ಟ ಮಹಿಳೆಯರಿಗೆ ಪ್ರೀ ಹ್ಯಾಂಡ್ ರಂಗೋಲಿ ಸ್ಪರ್ಧೆಯಲ್ಲಿ ಕದ್ರಾದ ಸುಮಾ ಸುರೇಂದ್ರ ಪೆಡ್ನೇಕರ ಪ್ರಥಮ, ಬಾಡದ ಸಂಕ್ರಿವಾಡಾದ ಭಾರತಿ ಅರುಣ ನಾಯ್ಕ ದ್ವಿತೀಯ, ಗುರುಮಠದ ಕೊಮಲ್ ಮಂಜುನಾಥ ಪಾಳಂಕರ ತೃತೀಯ ಬಹುಮಾನಪಡೆದರು. 18 ವರ್ಷ ಮೇಲ್ಪಟ್ಟ ಮಹಿಳೆಯರಿಗೆ ಹೂವಿನ ರಂಗೋಲಿ ಸ್ಪರ್ಧೆಯಲ್ಲಿ ಕೋಡಿಭಾಗದ ರಾಸಿಕಾ ಕೆ ಗೋಕರ್ಣ ಪ್ರಥಮ, ಬಿಣಗಾದ ಅರ್ಪಿತಾ ಅಶೋಕ ಗೌಡ ದ್ವಿತೀಯ, ಅಂಕೋಲಾದ ಪ್ರೇಮಾ ಆರ್ ಗಾಂವಕರ ತೃತೀಯ ಬಹಮಾನ ಪಡೆದರು. ನಗರದ ಮಾಲಾದೇವಿ ಮೈದಾನದಲ್ಲಿ ಕರಾವಳಿ ಶೈಲಿಯ ತರಹೇವಾರು ಅಡುಗೆಗಳು ಗಮನ ಸೆಳೆದವು. ಮಹಿಳೆಯರ ಜೊತೆ ಪುರುಷರು ಸ್ಪರ್ಧೆಗೆ ಬಂದು ಪೈಪೋಟಿ ನೀಡಿದ್ದು, ಬಗೆ ಬಗೆ ಖಾದ್ಯಗಳು ಬಾಯಲ್ಲಿ ನೀರುಣಿಸಿದವು. ಕರಾವಳಿ ಶೈಲಿಯ ಮೀನಿನ ಸಾರು, ಫ್ರೆöÊ, ಮಸಾಲಾ ಬಂಗಡೆ ಹಾಗೂ ಸಸ್ಯಹಾರಿ ಅಡುಗೆಗಳನ್ನು ಸವಿಯಲು ಪ್ರೇಕ್ಷಕರು ಮುಗಿಬಿದ್ದರು. ತಟ್ಟೆಯಲ್ಲಿ ವಿಶೇಷವಾಗಿ ಪ್ರಸ್ತುತ ಪಡಿಸಿದ ಎಲ್ಲಾ ಅಡುಗೆಗಳ ರುಚಿ ನೋಡಿದ ನಿರ್ಣಾಯಕರು ತೀರ್ಪು ನೀಡಿದರು. ಮಾಂಸಹಾರಿ ಅಡುಗೆ ಸ್ಪರ್ಧೆಯಲ್ಲಿ ಅಸ್ನೋಟಿ ಪ್ರಸಾದ ವಿ ಸಾಳುಂಕೆ ಪ್ರಥಮ, ಕಾರವಾರದ ಹೊಸಳಿ ನಜರಿನ ಶೇಖ್ ದ್ವಿತೀಯ, ಶುಭಾಂಗಿ ಮಂಜುನಾಥ ಶಿರೋಡಕರ ತೃತೀಯ ಬಹಮಾನ ಪಡೆದದರು. ಶಾಖಾಹಾರಿ ಅಡುಗೆ ಸ್ಪರ್ಧೆಯಲ್ಲಿ ಕ್ರೀಮ್ಸ್ ಕ್ಯಾಂಪಸ್‌ನ ಶ್ವೇತಾ ಕೆ ಎಸ್ ಪ್ರಥಮ, ಮಾಜಾಳಿಯ ಅಶ್ವಿನಿ ಅಶೋಕ ಕುಲಕರ್ಣಿ ದ್ವಿತೀಯ, ಯಲ್ಲಾಪುರ ಅಂಬೇಡ್ಕರ್ ನಗರದ ರೂಪಾ ಪಟನಕರ ತೃತೀಯ ಬಹಮಾನಪಡೆದರು. ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಮಾಲಾದೇವಿ ಕ್ರೀಡಾಂಗಣದಲ್ಲಿ ನಡೆದ ಅಡುಗೆ ಸ್ಪರ್ಧೆಯಯಲ್ಲಿ ಆಹಾರ ಸವಿದರು.
- [ಶಿರಸಿ | ಜಾತ್ರೆಗೆ ಬಂದ 5 ಕೋಟಿ ಹಣ ಎಲ್ಲಿ?](https://mobiletime.in/2025/12/sirsi-where-is-the-5-crore-money-that-came-from-the-fair/): ಶಿರಸಿ ಜಾತ್ರೆ ವಿಷಯದಲ್ಲಿ ಶಾಸಕ ಭೀಮಣ್ಣ ನಾಯ್ಕ ಅವರು ಸುಳ್ಳು ಹೇಳಿ ಸಿಕ್ಕಿ ಬಿದ್ದಿದ್ದಾರೆ. ಕಳೆದ ಜಾತ್ರೆಗೆ ಸರ್ಕಾರದಿಂದ 5 ಕೋಟಿ ರೂ ಅನುದಾನ ಬಂದಿರುವುದಾಗಿ ಭೀಮಣ್ಣ ನಾಯ್ಕ ಅವರು ಹೇಳಿಕೊಂಡಿದ್ದು, ಇನ್ನೊಂದು ಜಾತ್ರೆ ಘೋಷಣೆ ಆದರೂ `ಸರ್ಕಾರದಿಂದ ಯಾವುದೇ ಅನುದಾನ ಬಂದಿಲ್ಲ’ ಎಂಬ ಸಂಗತಿ ಹೊರಬಿದ್ದಿದೆ. ಮಾಹಿತಿ ಹಕ್ಕು ಕಾಯ್ದೆಯ ದಾಖಲೆಗಳಿಂದ ಈ ಸತ್ಯ ಬಹಿರಂಗವಾಗಿದ್ದು, ಶಾಸಕರು ಆಡಿದ ಸುಳ್ಳಿಗೆ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅಸಮಧಾನವ್ಯಕ್ತಪಡಿಸಿದ್ದಾರೆ. `ಸುಳ್ಳು ಹೇಳಿ ಸಿಕ್ಕಿಬಿದ್ದ ಶಾಸಕರು ಮಾರಿಕಾಂಬೆಯ ಸನ್ನಿಧಾನದಲ್ಲಿ ಪ್ರಾಯಶ್ಚಿತ ಮಾಡಿಕೊಂಡು ಈ ಬಾರಿಯಾದರೂ ಆ ಹಣ ತರಬೇಕು’ ಎಂದು ಅನಂತಮೂರ್ತಿ ಹೆಗಡೆ ಆಗ್ರಹಿಸಿದ್ದಾರೆ. `ಪಾಪ ಕಳೆದುಕೊಳ್ಳಲು ದೇವಸ್ಥಾನಕ್ಕೆ ತೆರಳುತ್ತಾರೆ. ಆದರೆ, ಶಾಸಕ ಭೀಮಣ್ಣ ನಾಯ್ಕ ಅವರು ದೇವಸ್ಥಾನದ ವಿಷಯದಲ್ಲಿ ಸುಳ್ಳು ಹೇಳಿ ದೊಡ್ಡ ಪಾಪ ಮಾಡಿದ್ದಾರೆ. ಶಿರಸಿಯಲ್ಲಿ ಸಾಕಷ್ಟು ಸುಧಾರಣಾ ಕೆಲಸ ಆಗಬೇಕಿದ್ದು, ಜಾತ್ರೆಯ ನೆಪದಲ್ಲಾದರೂ ಈ ಕೆಲಸ ನಡೆಯಬೇಕು’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಸರಕಾರಕ್ಕೆ ಕರಾವಳಿ ಉತ್ಸವದ ಹೆಸರಿನಲ್ಲಿ ಮೋಜು-ಮಸ್ತಿ ಮಾಡಲು ಹಣವಿದೆ. ಆದರೆ, ಶಿರಸಿ ಜಾತ್ರೆಗೆ ನೀಡಲು ಹಣವಿಲ್ಲ’ ಎಂದವರು ಕಿಡಿಕಾರಿದ್ದಾರೆ. `ಕಾಂಗ್ರೆಸ್ ಸರಕಾರದಲ್ಲಿ ಈವರೆಗೆ ಬಸವ ವಸತಿ ಯೋಜನೆ, ಅಂಬೇಡ್ಕರ್ ವಸತಿ ಯೋಜನೆ, ದೇವರಾಜ್ ಅರಸು ವಸತಿ ಯೋಜನೆ ಅಡಿಯಲ್ಲಿ ಒಂದೇ ಒಂದು ಮನೆಯೂ ಶಿರಸಿ ಸಿದ್ದಾಪುರ ಭಾಗದಲ್ಲಿ ಮಂಜೂರಾಗಿಲ್ಲ. ಮನೆಹಾನಿ ಆದ ಸ್ಥಳಗಳಿಗೆ ಭೇಟಿ ನೀಡುವ ಶಾಸಕರು ಶಾಶ್ವತ ಮನೆ ನಿರ್ಮಾಣ ಮಾಡಿಕೊಡುವ ಭರವಸೆ ಮಾತ್ರ ನೀಡಿದ್ದು, ಅದು ಈಡೇರಿಲ್ಲ’ ಎಂದು ಅನಂತಮೂರ್ತಿ ಹೆಗಡೆ ಹೇಳಿದ್ದು, ಆ ಕುರಿತಾದ ದಾಖಲೆಯನ್ನು ಸಹ ಸಂಗ್ರಹಿಸಿದ್ದಾರೆ. `ದೇವನಮನೆ ಗ್ರಾಮದಲ್ಲಿ ಅಂಗನವಾಡಿ ಕಾಮಗಾರಿಗೆ ಕಳೆದ ಮೇ ತಿಂಗಳಲ್ಲಿ ಭೂಮಿ ಪೂಜೆ ನೆರವೇರಿಸಲಾಗಿತ್ತು. ಆದರೆ ಇದುವರೆಗೂ ಕಾಮಗಾರಿ ಆರಂಭವೇ ಆಗಿಲ್ಲ. ಸಂಬAಧ ಪಟ್ಟ ಇಂಜಿನೀಯರ್ ಕೇಳಿದರೆ ಸಮರ್ಪಕ ಉತ್ತರ ದೊರೆಯುತ್ತಿಲ್ಲ. ಮಕ್ಕಳಿಗೆ ಅಂಗನವಾಡಿ ಕಟ್ಟಡ ಇಲ್ಲದೆ ಅವರಿವರ ಮನೆಯಲ್ಲಿ ಅಂಗನವಾಡಿ ನಡೆಸಲಾಗುತ್ತಿದೆ’ ಎಂದು ಮತ್ತಿಘಟ್ಟ ಗ್ರಾ ಪಂ ಸದಸ್ಯ ನಾರಾಯಣ ಮತ್ತಿಘಟ್ಟ ದೂರಿದ್ದಾರೆ. ಕೊಡ್ನಗದ್ದೆ ಗ್ರಾಮ ಪಂಚಾಯತ್ ಅಧ್ಯಕ್ಷ ಪ್ರವೀಣ್ ಹೆಗಡೆ ಸಹ ತಮ್ಮ ಅಸಮಧಾನ ಹೊರಹಾಕಿದ್ದಾರೆ. ಬಿಜೆಪಿ ನಗರ ಮಂಡಲ ಅಧ್ಯಕ್ಷ ಆನಂದ್ ಸಾಲೇರ್, ಪಕ್ಷದ ಪ್ರಧಾನ ಕಾರ್ಯದರ್ಶಿ ನಾಗರಾಜ್ ನಾಯ್ಕ್, ಜಿಲ್ಲಾ ಬಿಜೆಪಿ ಎಸ್ಸಿ ಮೋರ್ಚಾ ಅಧ್ಯಕ್ಷ ಶ್ರೀಕಾಂತ್ ಬಳ್ಳಾರಿ, ಪ್ರಮುಖರಾದ ಜಿ ಎಸ್ ಹೆಗಡೆ ಸಹ ಜಾತ್ರೆ ಹೆಸರಿನಲ್ಲಿ ಶಾಸಕರು ಪುಕ್ಕಟ್ಟೆ ಪ್ರಚಾರಪಡೆದಿದನ್ನು ಖಂಡಿಸಿದ್ದಾರೆ.
- [ಕುಡುಕನ ಕಾಸಿಗೆ ಕೈ ಹಾಕಿದ ಪೊಲೀಸ್: ಅಮಾನತು!](https://mobiletime.in/2025/12/policeman-who-took-a-drunkards-money-suspended/): ಕುಡಿದು ವಾಹನ ಚಲಾಯಿಸಿದವರನ್ನು ಬೆದರಿಸಿ ಹಣಪಡೆದಿದ್ದ ಪೊಲೀಸ್ ಅಧಿಕಾರಿಯೊಬ್ಬರ ತಲೆದಂಡವಾಗಿದೆ. ಪೊಲೀಸ್ ಅಧಿಕಾರಿ ಜೊತೆ ಸಿಬ್ಬಂದಿಯೊಬ್ಬರನ್ನು ಸರ್ಕಾರ ಅಮಾನತು ಮಾಡಿದೆ. ಕೆಲ ದಿನದ ಹಿಂದೆ ಭಟ್ಕಳ ಗ್ರಾಮೀಣ ಠಾಣೆಯ ಪಿಐ ಮಂಜುನಾಥ್ ಲಿಂಗಾರೆಡ್ಡಿ ಅವರು ಮದ್ಯಪಾನ ಮಾಡಿ ವಾಹನ ಚಲಾಯಿಸಿದವರನ್ನು ತಡೆದಿದ್ದರು. ವಾಹನ ಚಾಲಕರಿಂದ 15 ಸಾವಿರ ರೂ ದಂಡ ವಸೂಲಿ ಮಾಡಿದ್ದರು. ಆದರೆ, ಆ ದಂಡವನ್ನು ಸರ್ಕಾರಕ್ಕೆ ಪಾವತಿಸಿರಲಿಲ್ಲ. ಈ ಬಗ್ಗೆ ದೂರು ಸಲ್ಲಿಕೆಯಾಗಿದ್ದು, ಉನ್ನತ ತನಿಖೆಗೆ ಆದೇಶವಾಗಿತ್ತು. ಈ ಬೆನ್ನಲ್ಲೆ ಮಂಜುನಾಥ ಲಿಂಗಾರೆಡ್ಡಿ ಅವರ ವಿರುದ್ಧ ಇನ್ನೂ ಅನೇಕ ಭ್ರಷ್ಟಾಚರ ಆರೋಪಗಳು ಕೇಳಿ ಬಂದಿದ್ದವು. ಮೇಲಧಿಕಾರಿಗಳು ಸಹ ಮಂಜುನಾಥ ಲಿಂಗರೆಡ್ಡಿ ಅವರಿಗೆ ಸಾಕಷ್ಟು ಎಚ್ಚರಿಕೆ ನೀಡಿದ್ದರು. ಆದರೂ, ಸುಧಾರಣೆ ಕಂಡಿರಲಿಲ್ಲ. ಇದೇ ವೇಳೆ ಹಣಪಡೆದ ಆರೋಪ ಎದುರಾಗಿದ್ದು, ಮದ್ಯಪಾನ ಮಾಡಿ ವಾಹನ ಚಲಾಯಿಸಿದ ವ್ಯಕ್ತಿಯಿಂದ ಸ್ವೀಕರಿಸಿದ ಹಣ ಸರ್ಕಾರಕ್ಕೆ ಪಾವತಿಯಾಗದೇ ಇರುವುದು ಗೊತ್ತಾಯಿತು. ಪ್ರಾಥಮಿಕ ತನಿಖೆಯಲ್ಲಿ ಸಹ ಈ ಅಕ್ರಮ ಸಾಭೀತಾಯಿತು. ಈ ಹಿನ್ನಲೆ ಪಿಐ ಮಂಜುನಾಥ ಲಿಂಗರೆಡ್ಡಿ ಅಮಾನತಾದರು. ಇದೇ ಪ್ರಕರಣದಲ್ಲಿ ಪಿಐಗೆ ಸಹಕರಿಸಿದ್ದ ಆರೋಪದ ಅಡಿ ಭಟ್ಕಳ ಗ್ರಾಮೀಣ ಠಾಣೆಯ ಸಿಬ್ಬಂದಿ ಅಶೋಕ ನಾಯ್ಕ ಸಹ ಅಮಾನತು ಆಗಿದ್ದಾರೆ. `ದೂರು ನೀಡಬೇಡಿ’ ಎಂದು ಅಶೋಕ ನಾಯ್ಕ ಬೆದರಿಸಿದ ಕಾರಣ ಅವರನ್ನು ಅಮಾನತು ಮಾಡಲಾಗಿದೆ. ಈ ಇಬ್ಬರ ವಿರುದ್ಧವೂ ತನಿಖೆ ಮುಂದುವರೆದಿದೆ.
- [ಸಾಧಕ ಜೇನು ಕೃಷಿಕನಿಗೆ ಸನ್ಮಾನ](https://mobiletime.in/2025/12/honored-for-a-successful-beekeeper/): ಅನೇಕ ವರ್ಷಗಳಿಂದ ಜೇನು ಕೃಷಿಯಲ್ಲಿ ತೊಡಗಿರುವ ಯಲ್ಲಾಪುರದ ತಿಮ್ಮಣ್ಣ ಭಟ್ಟ ಅವರಿಗೆ `ಉತ್ತಮ ಜೇನು ಕೃಷಿಕ’ ಪ್ರಶಸ್ತಿ ಸಿಕ್ಕಿದೆ. ಯಲ್ಲಾಪುರದ ದೋಣಗಾರದಲ್ಲಿ ತಿಮ್ಮಣ್ಣ ಭಟ್ಟ ಅವರು ಅಡಿಕೆ ಜೊತೆ 25 ವರ್ಷಗಳಿಂದ ಜೇನು ಕೃಷಿ ನಡೆಸುತ್ತಿದ್ದಾರೆ. ವೈಜ್ಞಾನಿಕ ಜೇನು ಕೃಷಿ ವಿಷಯವಾಗಿ ಅವರು ಪರಿಣಿತರಾಗಿದ್ದು, ರಾಜ್ಯದ ನಾನಾ ಭಾಗಗಳಿಗೆ ತೆರಳಿ ರೈತರಿಗೆ ತರಬೇತಿ ನೀಡಿದ್ದಾರೆ. ಜೇನು ಸಾಕಾಣಿಕೆಗೆ ಅಗತ್ಯವಿರುವ ಪರಿಕ್ಕರಗಳನ್ನು ಸಹ ಅವರು ಒದಗಿಸುತ್ತಿದ್ದಾರೆ. ಜೇನು ಸಾಕಾಣಿಕೆಯಿಂದ ಫಸಲು ಹೆಚ್ಚಳವಾಗುವುದನ್ನು ತಿಮ್ಮಣ್ಣ ಭಟ್ಟ ಅವರು ಪ್ರಾಯೋಗಿಕ ವಿಧಾನಗಳ ಮೂಲಕ ಕಂಡುಕೊAಡಿದ್ದಾರೆ. ಈ ಬಗ್ಗೆ ಅವರು ಎಲ್ಲಡೆ ಪ್ರಚಾರ ನಡೆಸಿದ್ದು, ಅವರ ಸೇವೆಯನ್ನು ಕೃಷಿ ಹಾಗೂ ತೋಟಗಾರಿಕಾ ಇಲಾಖೆ ಗಮನಿಸಿ ಗೌರವಿಸಿದೆ. ರಾಜ್ಯದಲ್ಲಿಯೇ ಮೊದಲ ಬಾರಿಗೆ ಆಧುನಿಕ ತಂತ್ರಜ್ಞಾನ ಅಳವಡಿಸಿಕೊಂಡು ಯಂತ್ರದ ಮೂಲಕ ಮೇಣದ ಹಾಳೆ ತಯಾರಿಸುವ ಬಗ್ಗೆ ತಿಮ್ಮಣ್ಣ ಭಟ್ಟ ಅವರು ಮಾಹಿತಿ ನೀಡಿದರು. ಅಗತ್ಯವಿರುವ ಅರ್ಹರಿಗೆ ತೋಟಗಾರಿಕಾ ಇಲಾಖೆ ಮೂಲಕ ತಿಮ್ಮಣ್ಣ ಭಟ್ಟ ಅವರು ಜೇನು ಪೆಟ್ಟಿಗೆಗಳನ್ನು ಪೂರೈಸುತ್ತಿದ್ದಾರೆ.
- [ಅರಣ್ಯಾಧಿಕಾರಿಗಳ ಅಟ್ಟಹಾಸ: ಎಕರೆ ಕ್ಷೇತ್ರದ ಅಡಿಕೆ ಮರ ಸಂಪೂರ್ಣ ನಾಶ!](https://mobiletime.in/2025/12/forest-officials-outrage-areca-trees-in-an-acre-of-land-were-completely-destroyed/): ರಾಜಕಾರಣಿಗಳ ದೊಡ್ಡ ದೊಡ್ಡ ಅರಣ್ಯ ಅತಿಕ್ರಮಣದ ಬಗ್ಗೆ ಅರಿವಿದ್ದರೂ ಮೌನವಾಗಿರುವ ಅರಣ್ಯ ಇಲಾಖೆ ಜೀವನೋಪಾಯಕ್ಕಾಗಿ ಅಡಿಕೆ ಬೆಳೆದವರ ಮೇಲೆ ದಬ್ಬಾಳಿಕೆ ಮಾಡುತ್ತಿದೆ. ಫಸಲು ಕೊಡಲು ಸಿದ್ಧವಾಗಿದ್ದ ಅಡಿಕೆ ಮರವನ್ನು ಅರಣ್ಯಾಧಿಕಾರಿಗಳು ಕಡಿದು ನಾಶ ಮಾಡಿದ್ದಾರೆ. ಸಿದ್ದಾಪುರದ ಬಿಳಗಿ ಬಳಿ 35ಕ್ಕೂ ಅಧಿಕ ಅರಣ್ಯ ಸಿಬ್ಬಂದಿ ಅಡಿಕೆ ತೋಟಕ್ಕೆ ನುಗ್ಗಿದ್ದಾರೆ. ಗಣೇಶ ವೆಂಕಟ್ರಮಣ ಹೆಗಡೆ ಗೊಳಿಕೈ ಅವರು ಮಗುವಿನಂತೆ ಬೆಳೆಸಿದ್ದ ಅಡಿಕೆ ಮರಗಳಿಗೆ ಅರಣ್ಯ ಸಿಬ್ಬಂದಿ ಕೊಡಲಿ ಏಟು ಕೊಟ್ಟಿದ್ದಾರೆ. ಸುಮಾರು ಒಂದು ಎಕರೆ ಪ್ರದೇಶದ ಅಡಿಕೆ ಮರಗಳನ್ನು ಅರಣ್ಯ ಇಲಾಖೆಯವರು ಕಡಿದಿದ್ದಾರೆ. ಗಣೇಶ ಹೆಗಡೆ ಅವರು 1998ರಿಂದಲೂ ಅದೇ ಜಾಗದಲ್ಲಿ ತೋಟ ಮಾಡಿಕೊಂಡಿದ್ದರು. 35 ವರ್ಷಗಳ ಹಿಂದಿನ ಮರವನ್ನು ಬಿಡದೇ ಸಿಬ್ಬಂದಿ ನಾಶ ಮಾಡಿದರು. ಕ್ಯಾದಗಿ ಅರಣ್ಯ ವಲಯದಲ್ಲಿ ಅಡಿಕೆ ಮರ ಇರುವುದಕ್ಕಾಗಿ ಅಧಿಕಾರಿಗಳು ಈ ಕ್ರಮ ಜರುಗಿಸಿದ್ದು, ಫಲ ನೀಡುತ್ತಿದ್ದ ಮರಗಳು ನೆಲಕ್ಕೆ ಉರುಳಿದವು. `ಅಜ್ಜನ ಕಾಲದಿಂಲೂ ಆ ಭೂಮಿಯಲ್ಲಿ ಉಳುಮೆ ಮಾಡಿಕೊಂಡು ಬರಲಾಗುತ್ತಿದೆ. 98ರ ಅವಧಿಯಲ್ಲಿ ಅಡಿಕೆ ನಾಟಿ ಮಾಡಿದ್ದು, ಅದನ್ನು ನಾಶ ಮಾಡಿದ್ದಾರೆ’ ಎಂದು ಕುಟುಂಬದವರು ಅಳಲು ತೋಡಿಕೊಂಡರು. `ಗಿಡ ನೆಡಬೇಕಾದ ಅರಣ್ಯ ಇಲಾಖೆಯವರು ಆ ಜಾಗಕ್ಕೆ ಬೇಲಿ ಹಾಕಬಹುದಿತ್ತು. ಆದರೆ, ಗಿಡಗಳನ್ನು ನಾಶ ಮಾಡಿದ್ದು ಸರಿ ಅಲ್ಲ’ ಎಂದು ಜನ ಆಕ್ರೋಶವ್ಯಕ್ತಪಡಿಸಿದರು. ಹೋರಾಟಗಾರರ ಆಕ್ರೋಶ: ಅನಾಧಿಕಾಲದಿಂದಲೂ ಸಾಗುವಳಿ ಮಾಡುತ್ತಿದ್ದ ಕ್ಷೇತ್ರದಲ್ಲಿನ ಅಡಿಕೆ ಗಿಡ ಕಡಿದ ವಿಷಯ ಅರಿತು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಆತಂಕವ್ಯಕ್ತಪಡಿಸಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿ ರೈತರ ಅಳಲು ಆಲಿಸಿದ ಅವರು `ಗಿಡ ಕಟಾವು ಪ್ರಕ್ರಿಯೆಯಿಂದ ಕಾನೂನು ಉಲ್ಲಂಘನೆ ಆಗಿದೆ’ ಎಂದಿದ್ದಾರೆ. `1998ರಲ್ಲಿ ಅರಣ್ಯವಾಸಿಗಳ ಮೇಲೆ ಕ್ರಿಮಿನಲ್ ಪ್ರಕರಣ ದಾಖಲಾಗಿದೆ. ಜಿಪಿಎಸ್ ಸರ್ವೆ ಮೂಲಕ ಅತಿಕ್ರಮಣ ದೃಢಪಡಿಸಿಕೊಂಡಿದ್ದು, ಹೆಗಡೆ ಅವರು ಅತಿಕ್ರಮಣಕ್ಕೆ ಅರ್ಜಿ ಸಲ್ಲಿಸಿದ್ದು ದಾಖಲೆಯಿದೆ. ಹೀಗಿರುವಾಗ ಜಂಟಿ ಸರ್ವೇ ನಡೆಸದೇ ಒಕ್ಕಲೆಬ್ಬಿಸುವ ವಿಧಾನ ಅನುಸರಿಸಿದ್ದು ಸರಿಯಲ್ಲ’ ಎಂದಿದ್ದಾರೆ. ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ, ಚಂದ್ರ ಶಾನಭಾಗ ಬಂಡಲ್, ರಾಘು ಕವಂಚೂರು, ದಿನೇಶ ನಾಯ್ಕ ಬೇಡ್ಕಣಿ, ಬಾಬು ಮರಾಠಿ, ಯಶವಂತ ನಾಯ್ಕ ಬಂಡಲ್, ಜಗದೀಶ ಶಿರಳಗಿ, ಸಂಕೇತ ನಾಯ್ಕ, ತಿಮ್ಮಪ್ಪ ನಾಯ್ಕ, ಸುಧಾಕರ್ ಮಡಿವಾಳ, ಶೇಖರ್ ನಾಯ್ಕ, ವಾಸು ನಾಯ್ಕ ಹಂಜಗಿ, ಲಕ್ಷಣ ನಾಯ್ಕ ಇತರರು ಅಧಿಕಾರಿಗಳ ಕ್ರಮಕ್ಕೆ ಆಕ್ಷೇಪವ್ಯಕ್ತಪಡಿಸಿದ್ದಾರೆ.
- [ಕನಸಿನ ಚಿತ್ರಕ್ಕೆ `ಡ್ರೀಮ್ಸ್' ಎಂದು ಹೆಸರು!](https://mobiletime.in/2025/12/the-dream-movie-is-called-dreams/): ಉತ್ತರ ಕನ್ನಡ ಜಿಲ್ಲೆಯ ಯಶವಂತ ರಾಯ್ಕರ್ ಅವರು ಬರೆದ ಕಥೆ ಸಿನಿಮಾ ಆಗುತ್ತಿದೆ. `ಡ್ರೀಮ್ಸ್’ ಎಂಬ ಸಿನಿಮಾಗೆ ಯಶ್ವಂತ ರಾಯ್ಕರ್ ಅವರು ಚಿತ್ರಕಥೆ ಬರೆದಿದ್ದು, ಅವರೇ ನಿರ್ದೇಶನವನ್ನು ಮಾಡಿದ್ದಾರೆ. ಯಶವಂತ ರಾಯ್ಕರ್ ಅವರು ಅಂಕೋಲಾದ ಮಂಜಗುಣಿಯವರಾಗಿದ್ದು, ಬಾಲ್ಯದಿಂದಲೂ ಸಿನಿಮಾ ಕ್ಷೇತ್ರದ ಬಗ್ಗೆ ಅಪಾರ ಆಸಕ್ತಿಹೊಂದಿದ್ದಾರೆ. ಯಕ್ಷಗಾನ ಕಲಾವಿರಾಗಿರುವ ಅವರು ರಂಗಭೂಮಿ ಪ್ರವೇಶಿಸಿ ಅಲ್ಲಿಯೂ ವಿವಿಧ ಪಾತ್ರಗಳನ್ನು ನಿಭಾಯಿಸಿದ್ದಾರೆ. ಕಳೆದ ಒಂದು ದಶಕದಿಂದ ಸಿನಿಮಾ ಕ್ಷೇತ್ರದಲ್ಲಿರುವ ಅವರು ಸದ್ಯ ಸ್ವಂತ ನಿರ್ದೇಶನದ ಸಾಹಸಕ್ಕೆ ಕೈ ಹಾಕಿದ್ದಾರೆ. ರಾಯಾ ಆರ್ಟ್ಸ್ ಸಂಸ್ಥೆಯ ಅಡಿ ನಿರ್ಮಾಣಗೊಂಡಿರುವ ‘ಡ್ರೀಮ್ಸ್’ ಎಂಬ ಕಿರುಚಿತ್ರದ ಜವಾಬ್ದಾರಿಯನ್ನು ಯಶವಂತ ರಾಯ್ಕರ್ ಅವರು ಹೊಂದಿದ್ದಾರೆ. ಈ ಚಿತ್ರದ ಟ್ರೇಲರ್ `ರಾಯಾ ಆರ್ಟ್ಸ್’ ಯೂಟೂಬ್ ಮೂಲಕ ಬಿಡುಗಡೆಯಾಗಿದೆ. `ಪ್ರತಿಯೊಬ್ಬರಿಗೂ ಒಂದು ಕನಸಿದೆ. ನಮ್ಮ ಸರಳ ಬದುಕನಲ್ಲಿ ಬದುಕಿನ ಅರ್ಥ ಗೊತ್ತಾದಾಗ ಕನಸಿನ ದಾರಿ ಸ್ಪಷ್ಟವಾಗುತ್ತದೆ’ ಎನ್ನುತ್ತ ಟ್ರೇಲರ್ ಜನರ ಗಮನಸೆಳೆಯುತ್ತದೆ. ಬಾಲ್ಯದ ಕನಸು, ಮೌನದ ಸಂಕಟ, ಆಶಾವಾದ ಹಾಗೂ ನೈಜತೆಯನ್ನು ಬಿಂಬಿಸುವ ಕಥನವನ್ನು `ಡ್ರೀಮ್ಸ್’ ಚಿತ್ರದಲ್ಲಿ ಕಣ್ಣಿಗೆ ಕಟ್ಟುವಂತೆ ಚಿತ್ರಿಸಲಾಗಿದೆ. ಭಾವನಾತ್ಮಕ ಸನ್ನಿವೇಶಗಳು ಚಿತ್ರದ ಪ್ರಮುಖ ಶಕ್ತಿ. ಸಾಮಾನ್ಯ ಬದುಕಿನ ಮಧ್ಯೆಯೂ ಕನಸುಗಳನ್ನು ಬಿಟ್ಟುಕೊಡದ ಒಂದು ಮಗುವಿನ ಪ್ರಯಾಣವೇ ಚಿತ್ರದ ಸಾರಾಂಶ. ಈ ಚಿತ್ರದಲ್ಲಿ ಪೃಥ್ವಿರಾಜ್ ಕೊಪ್ಪ, ಅಗಸ್ತ್ಯ ಪೃಥ್ವಿರಾಜ್ ಮತ್ತು ಆಶಿಷ್ ಕುಮಾರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಸುವರ್ಣಾ ರಾಯ್ಕರ್ ನಿರ್ಮಾಣದಲ್ಲಿ ಚಿತ್ರ ಮೂಡಿಬಂದಿದೆ. ಶಶಿರ್ ಶೃಂಗೇರಿ ಮತ್ತು ಅಶ್ವತ್ ಪೂಜಾರಿ ಅವರ ಛಾಯಾಗ್ರಹಣ, ದಯಾನಂದ ಎಂ ಬಿ ಅವರ ಎಡಿಟಿಂಗ್, DI & VFX ಚಿತ್ರಕ್ಕೆ ತಾಂತ್ರಿಕ ಬೆಂಬಲ ನೀಡಿದೆ. ಅಧ್ವಿಕ್ ಶರ್ಮಾ ಸಂಗೀತ ಸಂಯೋಜನೆ ಚಿತ್ರಕ್ಕೆ ಭಾವನಾತ್ಮಕ ಸ್ಪರ್ಶ ನೀಡುತ್ತದೆ. ಚಿತ್ರದ ಸಹನಿರ್ದೇಶಕರಾಗಿ ಗುರುರಾಜ್, ವೈ ಮಾಧವರಾವ್ ಮತ್ತು ಗೌರಿಶಂಕರ ನಿಂಗಪ್ಪ ಕಾರ್ಯನಿರ್ವಹಿಸಿದ್ದಾರೆ. ಪ್ರಭಾಕರ ಶೆಟ್ಟಿ ಡಬ್ಬಿಂಗ್ ನಿರ್ವಹಿಸಿದ್ದಾರೆ. ಪೋಸ್ಟ್ ಪ್ರೊ ಸ್ಟುಡಿಯೋ ಪಬ್ಲಿಸಿಟಿ ಡಿಸೈನ್ ವಹಿಸಿಕೊಂಡಿದೆ. ಡ್ರೀಮ್ಸ್ ಚಿತ್ರದ ಟ್ರೇಲರ್ ಇಲ್ಲಿ ನೋಡಿ..
- [ಕೈಗಾ ಉದ್ಯೋಗಿಯ ವಿಚಿತ್ರ ವರ್ತನೆ: ಲೈವ್ ವಿಡಿಯೋ ಮೂಲಕ ಆತ್ಮಹತ್ಯೆ!](https://mobiletime.in/2025/12/kaiga-employees-strange-behavior-suicide-via-live-video/): ಕೈಗಾ ಅಣು ವಿದ್ಯುತ್ ಘಟಕದ ಉದ್ಯೋಗಿಯೊಬ್ಬರು ಪತ್ನಿ ಹಾಗೂ ಮಕ್ಕಳಿಗೆ ವಿಡಿಯೋ ಕಾಲ್ ಮಾಡಿ ನೇಣಿಗೆ ಶರಣಾಗಿದ್ದಾರೆ. ಆತ್ಯಹತ್ಯೆಯ ದೃಶ್ಯವಾಳಿಗಳನ್ನು ನೇರವಾಗಿ ನೋಡಿದವರು ದಂಗಾಗಿದ್ದಾರೆ. ಕಾರವಾರದ ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ಸಚ್ಚಿದಾನಂದ ಬೀಕಾಜಿ ವಾಗ್ಳೆಕರ್ (44) ಉದ್ಯೋಗಿಯಾಗಿದ್ದರು. ಮಲ್ಲಾಪುರದ ಮಲ್ಟೀಯಲ್ಲಿ ಅವರು ವಾಸವಾಗಿದ್ದರು. ಅವರ ಮಕ್ಕಳು ಮಂಗಳೂರಿನಲ್ಲಿ ವಾಸವಾಗಿದ್ದು, ಮಕ್ಕಳ ವಿದ್ಯಾಬ್ಯಾಸ ನೋಡಿಕೊಳ್ಳುವುದಕ್ಕಾಗಿ ಸಚ್ಚಿದಾನಂದ ಅವರ ಪತ್ನಿ ಇತಿಶ್ರೀ ಅವರು ಮಂಗಳೂರಿನಲ್ಲಿಯೇ ಇದ್ದರು. ಡಿಸೆಂಬರ್ 22ರ ರಾತ್ರಿ 11.30ಕ್ಕೆ ಸಚ್ಚಿದಾನಂದ ವಾಗ್ಳೆಕರ್ ಅವರು ಪತ್ನಿ ಇತಿಶ್ರೀ ಅವರಿಗೆ ವಿಡಿಯೋ ಕಾಲ್ ಮಾಡಿದ್ದರು. ಪತ್ನಿ ಹಾಗೂ ಮಕ್ಕಳ ಜೊತೆ ಕೆಲ ಕಾಲ ಮಾತನಾಡಿದ ಅವರು `ಈಗ ಏನು ಮಾಡುತ್ತೇನೆ ನೋಡಿ’ ಎಂದು ಹೇಳಿದರು. ಸಚ್ಚಿದಾನಂದ ವಾಗ್ಳೆಕರ್ ಅವರು ಏನು ಮಾಡಬಹುದು? ಎಂದು ಅವರ ಪತ್ನಿ ಹಾಗೂ ಮಕ್ಕಳು ಕಾಯುತ್ತಿದ್ದರು. ವಿಡಿಯೋ ಕಾಲ್ ಮೂಲಕ ಮಾತನಾಡುತ್ತಲೇ ಮನೆಯಲ್ಲಿನ ಕೋಣೆ ಪ್ರವೇಶಿಸಿದ ಸಚ್ಚಿದಾನಂದ ವಾಗ್ಳೆಕರ್ ಅವರು ಸ್ಟೂಲ್ ಹತ್ತಿದರು. ಫ್ಯಾನಿಗೆ ಹಗ್ಗ ಕಟ್ಟಿ ಕೊರಳಿಗೆ ಹಾಕಿಕೊಂಡರು. ಕುಟುಂಬದವರು `ಬೇಡ ಬೇಡ’ ಎಂದರೂ ಕೇಳದೇ ಸ್ಟೂಲಿನಿಂದ ಹಾರಿದರು. ಅಲ್ಲಿಗೆ ಅವರ ಪ್ರಾಣಪಕ್ಷಿಯೂ ಹಾರಿ ಹೋಗಿತ್ತು. `ಆತ್ಮಹತ್ಯೆ ಅಪರಾಧ’
- [ಅಪರಿಚಿತ ಮಹಿಳೆ ಮೇಲೆ ಅನಾಚಾರ: ಉಸಿರುಕಟ್ಟಿಸಿ ಸಾಯಿಸಿದ ಕೊಲೆಗಾರ!](https://mobiletime.in/2025/12/murderer-commits-indecency-on-unknown-woman-strangled-to-death/): ಮೀನು ಮಾರುಕಟ್ಟೆಯ ಬಳಿ ಅರೆನಗ್ನ ರೂಪದಲ್ಲಿ ಮಹಿಳೆಯ ಶವ ಕಾಣಿಸಿದ್ದು, ಅತ್ಯಾಚಾರ ನಡೆಸಿ ಕೊಲೆ ಮಾಡಿರುವ ಅನುಮಾನ ವ್ಯಕ್ತವಾಗಿದೆ. ಕಾರವಾರ ನಗರದ ಹಳೆ ಮೀನು ಮಾರುಕಟ್ಟೆಯ ಹಳೆಯ ಕಟ್ಟಡದ ಸಮೀಪ ಶವ ಕಾಣಿಸಿದೆ. ಅಂದಾಜು 50 ವರ್ಷದ ಮಹಿಳೆ ಶವವಾಗಿದ್ದು, ಸಾವನಪ್ಪಿದವರ ಗುರುತು ಪತ್ತೆಯಾಗಿಲ್ಲ. ಹಾಲಿ ಕಾರವಾರದಲ್ಲಿ ವಾಸವಾಗಿರುವ ಹೊನ್ನಾವರ ಕವಲಕ್ಕಿಯ ನಾಗರಾಜ ಫಣಿಯಪ್ಪ ಶೆಟ್ಟಿ ಅವಯೀ ಶವ ನೋಡಿ, ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ದುರ್ವಾಸನೆ ಬರುತ್ತಿರುವುದನ್ನು ನೋಡಿ ಜನ ಆ ಕಡೆ ತೆರಳಿದಾಗ ಶವ ನೋಡಿ ಹೌಹಾರಿದ್ದಾರೆ. ಪೊಲೀಸರು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದ್ದಾರೆ. ಮೊದಲು ಅಸಹಜ ಸಾವು ಎಂದು ಭಾವಿಸಲಾಗಿದ್ದು, ನಂತರದ ಮರಣೋತ್ತರ ಪರೀಕ್ಷೆಯಲ್ಲಿ ಅಸಹಜ ಸಾವಲ್ಲ ಎಂಬುದು ಗೊತ್ತಾಗಿದೆ. ಮಹಿಳೆಯ ತುಟಿಯ ಮೇಲೆ ಕಚ್ಚಿದ ಗುರುತು ಕಾಣಿಸಿದೆ. ಉಸಿರುಗಟ್ಟಿಸಿ ಕೊಲೆ ಮಾಡಿದ ಬಗ್ಗೆ ಶವ ಪರೀಕ್ಷೆಯಲ್ಲಿ ಗೊತ್ತಾಗಿದೆ. ಶವದ ಮೇಲೆ ಬಟ್ಟೆಗಳಿರದ ಕಾರಣ ಅತ್ಯಾಚಾರದ ಅನುಮಾನವ್ಯಕ್ತವಾಗಿದೆ. ಮಹಿಳೆಯ ಮಾಹಿತಿ ಜೊತೆ ಆರೋಪಿಗಳಿಗಾಗಿಯೂ ಶೋಧ ನಡೆದಿದೆ.  
- [ಮಹೇಶ ಹೆಗಡೆಯೇ ಅಡಿಕೆ ಕಳ್ಳ!](https://mobiletime.in/2025/12/mahesh-hegde-is-a-areca-nut-thief/): ವಿಘ್ನೇಶ್ವರ ಹೆಗಡೆ ಅವರ ತೋಟದಲ್ಲಿದ್ದ ಅಡಿಕೆಯನ್ನು ಮಹೇಶ ಹೆಗಡೆ ಅವರು ಕದ್ದಿದ್ದಾರೆ. ಕದ್ದ ಅಡಿಕೆ ಮರಳಿಸುವಂತೆ ಕೇಳಿದರೂ ಅವರು ಕೊಟ್ಟಿಲ್ಲ. ಯಲ್ಲಾಪುರದ ಹಿತ್ಲಳ್ಳಿ ಹೀರೆಸರದಲ್ಲಿ ವಿಘ್ನೇಶ್ವರ ಗಣಪತಿ ಹೆಗಡೆ ಅವರು ವಾಸವಾಗಿದ್ದಾರೆ. ಕೃಷಿ ಕೆಲಸ ಮಾಡಿಕೊಂಡಿರುವ ಅವರು ತಮ್ಮ ತೋಟದಲ್ಲಿ ಅಡಿಕೆ ಬೆಳೆದಿದ್ದಾರೆ. ಅವರ ಅಡಿಕೆ ತೋಟದಲ್ಲಿದ್ದ 700 ಅಡಿಕೆ ಕೊನೆಗಳು ಕಾಣೆಯಾಗಿದೆ. ಅಲ್ಲಿದ್ದ 47 ಕ್ವಿಂಟಲ್ ಹಸಿ ಅಡಿಕೆಯನ್ನು ವಿಘ್ನೇಶ್ವರ ಹೆಗಡೆ ಅವರ ಚಿಕ್ಕಪ್ಪನ ಮಗ ಮಹೇಶ ಸುಬ್ರಾಯ ಹೆಗಡೆ ಅವರು ಕದ್ದಿದ್ದಾರೆ. ಹಿತ್ಲಳ್ಳಿ ಗ್ರಾಮದ ಬಾಳಗಿಮನೆಯಲ್ಲಿ ಮಹೇಶ ಹೆಗಡೆ ಅವರು ವಾಸವಾಗಿದ್ದು, ಆ ನಂತರ ಮಹೇಶ ಹೆಗಡೆ ಅವರೇ ಅಡಿಕೆ ಕದ್ದಿರುವುದು ಗೊತ್ತಾಗಿದೆ. ಇದರಿಂದ ವಿಘ್ನೇಶ್ವರ ಹೆಗಡೆ ಅವರಿಗೆ 3 ಲಕ್ಷ ರೂ ನಷ್ಟವಾಗಿದೆ. ನವೆಂಬರ್ 14ರಂದು ಅವರ ತೋಟದಲ್ಲಿ ಅಡಿಕೆಯಿದ್ದು, ನವೆಂಬರ್ 20ರಂದು ಅದು ಕಳ್ಳತನವಾಗಿದೆ. ಅಡಿಕೆ ಕದ್ದ ಚಿಕ್ಕಪ್ಪನ ಮಗ ಮಹೇಶ ಹೆಗಡೆ ವಿರುದ್ಧ ವಿಘ್ನೇಶ್ವರ ಹೆಗಡೆ ಅವರು ಸಿಡಿಮಿಡಿಗೊಂಡಿದ್ದಾರೆ. `ಆ ಅಡಿಕೆಯನ್ನು ತನಗೆ ಮರಳಿಸಿಕೊಡಬೇಕು’ ಎಂದು ಅವರು ಪೊಲೀಸ್ ದೂರು ನೀಡಿದ್ದಾರೆ. ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ನದಿ ನೀರು ಮಲೀನ ಮಾಡಿದ ಮಹಿಳೆ: ಸಾವು!](https://mobiletime.in/2025/12/woman-who-polluted-river-water-death/): ನಿತ್ಯವೂ ನದಿಗೆ ಕಸ ಎಸೆಯುತ್ತಿದ್ದ ಮಾಸ್ತಮ್ಮ ನಾಯ್ಕ ಅವರನ್ನು ಆ ನದಿಯೇ ಬಲಿಪಡೆದಿದೆ. ಕಸ ಎಸೆಯುವ ವೇಳೆಯಲ್ಲಿಯೇ ನದಿಗೆ ಕಾಲು ಜಾರಿ ಬಿದ್ದು ಮಾಸ್ತಮ್ಮ ನಾಯ್ಕ ಅವರು ಸಾವನಪ್ಪಿದ್ದಾರೆ. ಭಟ್ಕಳದ ಮಾವಿನಕೂರ್ವಾ ಬಂದರಿನ ಬಳಿ ಮಾಸ್ಪಮ್ಮ ನಾಗಪ್ಪ ನಾಯ್ಕ (48) ಅವರು ವಾಸವಾಗಿದ್ದರು. ಮನೆ ಕೆಲಸ ಮಾಡಿಕೊಂಡಿದ್ದ ಅವರು ಮನೆಯ ಎಲ್ಲಾ ಕಸವನ್ನು ಶರಾಬಿ ನದಿಗೆ ಎಸೆಯುತ್ತಿದ್ದರು. ನಿತ್ಯವೂ ಮನೆಯನ್ನು ಸ್ವಚ್ಚ ಮಾಡಿ ಅಲ್ಲಿನ ತ್ಯಾಜ್ಯವನ್ನು ನದಿಗೆ ಬಿಡುತ್ತಿದ್ದರು. ಡಿಸೆಂಬರ್ 22ರಂದು ಸಹ ಅವರು ಬೆಳಗ್ಗೆ ಮನೆ ಕೆಲಸ ಮುಗಿಸಿದ್ದರು. ಮನೆಯನ್ನು ಸುಂದರವನ್ನಾಗಿಸಿದ ನಂತರ ಮಧ್ಯಾಹ್ನ ಕಸ ಎಸೆಯಲು ನದಿ ಬದಿಗೆ ಹೋದರು. ಕಸ ಎಸೆಯುವ ವೇಳೆಯಲ್ಲಿಯೇ ಅವರು ಕಾಲು ಜಾರಿ ನೀರಿಗೆ ಬಿದ್ದರು. ಎಷ್ಟೇ ಪ್ರಯತ್ನ ಮಾಡಿದರೂ ನೀರಿನಿಂದ ಮೇಲೆ ಬರಲು ಸಾಧ್ಯವಾಗಲಿಲ್ಲ. ಅಲ್ಲಿಯೇ ಮುಳುಗಿ ಅವರು ಕೊನೆಯುಸಿರೆಳೆದರು. ಮಾಸ್ತಮ್ಮ ನಾಯ್ಕ ಅವರ ಮಗ ದೇವಿದಾಸ ನಾಯ್ಕ ಅವರು ಈ ಬಗ್ಗೆ ಮಾಹಿತಿ ನೀಡಿದರು. ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ವಿವರ ಕೇಳಿ, ಪ್ರಕರಣ ದಾಖಲಿಸಿದರು.
- [ಪಾರ್ಟ ಟೈಂ ಉದ್ಯೋಗ: ಮೋಸ!](https://mobiletime.in/2025/12/part-time-job-fraud/): ಮೊದಲ ಬಾರಿ ದಿವ್ಯಾ ಗೌಡ ಅವರು 800ರೂ ಹೂಡಿಕೆ ಮಾಡಿ 200 ರೂ ಲಾಭ ಮಾಡಿದ್ದು, ಎರಡನೇ ಬಾರಿ 3 ಸಾವಿರ ರೂ ಹೂಡಿಕೆ ಮಾಡಿ 900ರೂ ಲಾಭ ಮಾಡಿದ್ದಾರೆ. ಮೂರನೇ ಬಾರಿ 17 ಲಕ್ಷ ರೂ ಹೂಡಿಕೆ ಮಾಡಿ ಮೋಸ ಹೋಗಿದ್ದಾರೆ! ಹೊನ್ನಾವರ ಮಾವಿನಕೂರ್ವಾದದಲ್ಲಿ ದಿವ್ಯಾ ಸುಕ್ರು ಗೌಡ ಅವರು ವಾಸವಾಗಿದ್ದಾರೆ. ಆನ್‌ಲೈನ್ ಮೂಲಕ ಉದ್ಯೋಗ ಹುಡುಕುತ್ತಿರುವ ಅವರಿಗೆ ಇನಸ್ಟಾ ಗ್ರಾಮಿನಲ್ಲಿ ವಾಟ್ಸಪ್ ಸಂಖ್ಯೆಯೊAದು ಕಾಣಿಸಿದೆ. `ಮನೆಯಲ್ಲಿಯೇ ಕುಳಿತು ಹಣಗಳಿಸಿ’ ಎಂಬ ಜಾಹೀರಾತಿಗೆ ಅವರು ಮಾರು ಹೋಗಿದ್ದಾರೆ. ವಾಟ್ಸಪ್ ಮೂಲಕ ಪರಿಚಯ ಆದವರು ವೆಬ್ ಸೈಟ್ ಒಂದನ್ನು ಕಾಣಿಸಿ ಅಲ್ಲಿರುವ ಉತ್ಪನ್ನಗಳಿಗೆ ರೇಟಿಂಗ್ ನೀಡುವಂತೆ ಸೂಚಿಸಿದ್ದಾರೆ. ಅವರ ಸೂಚನೆಯನ್ನು ದಿವ್ಯಾ ಗೌಡ ಅವರು ಪಾಲಿಸಿದ್ದಾರೆ. ಮತ್ತೊಂದು ದಿನ ಇನ್ನೊಂದು ವೆಬ್‌ಸೈಟ್ ಕಾಣಿಸಿ ಅದಕ್ಕೆ ರಿವ್ಯು ಬರೆಯುವಂತೆ ಹೇಳಿದ್ದಾರೆ. ಅದನ್ನು ಸಹ ದಿವ್ಯಾ ಗೌಡ ಅವರು ಮಾಡಿದ್ದಾರೆ. `ನಾವು ಹೇಳಿದ ಕಡೆ ಹಣ ಹೂಡಿಕೆ ಮಾಡಿದರೆ ಲಾಭ ಬರುತ್ತದೆ’ ಎಂದು ವಂಚಕರು ಹೇಳಿದ್ದಾರೆ. ದಿವ್ಯಾ ಗೌಡ ಅವರು ಮೊದಲು 800ರೂ ಹೂಡಿಕೆ ಮಾಡಿ 1 ಸಾವಿರ ರೂ ಗೆದ್ದಿದ್ದಾರೆ. ಮರುದಿನ 3 ಸಾವಿರ ರೂ ಹೂಡಿಕೆ ಮಾಡಿ 3900ರೂಪಡೆದಿದ್ದಾರೆ. ಅದಾದ ನಂತರ 1710921ರೂ ಹೂಡಿಕೆ ಮಾಡಿದ್ದು, ಆ ಹಣವೂ ಬಂದಿಲ್ಲ. ಲಾಭವೂ ಸಿಕ್ಕಿಲ್ಲ!
- [ಲೋಕಾಯುಕ್ತ ವ್ಯಾಪ್ತಿಗೆ ಸಹಕಾರಿ ಸಂಘ: ಭ್ರಷ್ಟ ನೌಕರನಿಗೆ ಸಂಕಟ!](https://mobiletime.in/2025/12/cooperative-society-under-lokayukta-jurisdiction-trouble-for-corrupt-employee/): ಉತ್ತರ ಕನ್ನಡ ಜಿಲ್ಲೆಯ ಮೂರು ಕಡೆ ಮಂಗಳವಾರ ಲೋಕಾಯುಕ್ತ ದಾಳಿ ನಡೆದಿದೆ. ಜಿಲ್ಲೆಯ ಇತಿಹಾಸದಲ್ಲಿಯೇ ಮೊದಲ ಬಾರಿಗೆ ಸಹಕಾರಿ ಸಂಘದ ಅಧಿಕಾರಿ ಮೇಲೆ ಲೋಕಾಯುಕ್ತರು ದಾಳಿ ಮಾಡಿದ್ದಾರೆ. ಸಹಕಾರಿ ಸಂಘಗಳು ಸಾರ್ವಜನಿಕ ಆಸ್ತಿಯಾಗಿದೆ. ಹೀಗಾಗಿ ಅಲ್ಲಿ ಕೆಲಸ ಮಾಡುವ ನೌಕರರು ಸಹ ಲೋಕಾಯುಕ್ತ ಅಧೀನದಲ್ಲಿ ಬರುವ ಬಗ್ಗೆ ಈಚೆಗೆ ನ್ಯಾಯಾಲಯ ಆದೇಶ ಹೊರಡಿಸಿದೆ. ಈ ಹಿನ್ನಲೆ ಲೋಕಾಯುಕ್ತ ಅಧಿಕಾರಿಗಳು ಭ್ರಷ್ಟ ನೌಕರನ ಬಗ್ಗೆ ಮಾಹಿತಿ ಸಂಗ್ರಹಿಸಿದ್ದು, ದಾಳಿ ಮಾಡಿದ್ದಾರೆ. ಸಿದ್ಧಾಪುರ ತಾಲೂಕಿನ ಕೋಲಸಿರ್ಸಿ ಗ್ರೂಪ್ ಗ್ರಾಮ ಸೇವಾ ಸಹಕಾರಿ ಸಂಘದ ಮುಖ್ಯ ಅಧಿಕಾರಿ ಮಾರುತಿ ಯಶವಂತ ಮಾಲ್ವಿ ಅವರ ಮೇಲೆ ಲೋಕಾಯುಕ್ತ ದಾಳಿ ನಡೆದಿದೆ. ಸಿದ್ದಾಪುರ ಹಾಗೂ ಹಳಿಯಾಳದಲ್ಲಿ ಅವರು ಹೊಂದಿದ್ದ ಆಸ್ತಿಗಳ ಮೇಲೆ ಲೋಕಾಯುಕ್ತರು ದಾಳಿ ಮಾಡಿದ್ದು, ವಿವಿಧ ದಾಖಲೆಗಳ ಪರಿಶೀಲನೆ ಮಾಡಿದ್ದಾರೆ. ಮಾರುತಿ ಮಾಲ್ವಿ ಅವರ ಮನೆ, ಕಚೇರಿ ಹಾಗೂ ಅವರ ಒಡೆತನದ ಅಂಗಡಿಗಳ ಮೇಲೆ ದಾಳಿ ನಡೆದಿದ್ದು, ಲೆಕ್ಕಪತ್ರಗಳ ತಪಾಸಣೆ ನಡೆಯುತ್ತಿದೆ. ಮಾರುತಿ ಮಾಲ್ವಿ ಅವರ ಆಸ್ತಿ ಪತ್ರ, ಬ್ಯಾಂಕ್ ದಾಖಲೆಗಳನ್ನು ಲೋಕಾಯುಕ್ತ ಪಿಐ ವಿನಾಯಕ ಬಿಲ್ಲವ ಅವರು ಪರಿಶೀಲಿಸಿದ್ದಾರೆ. ಹಳಿಯಾಳದಲ್ಲಿರುವ ಆಸ್ತಿಗಳನ್ನು ಡಿವೈಎಸ್ಪಿ ಧನ್ಯಾ ನಾಯಕ ಅವರು ತಪಾಸಣೆ ಮಾಡುತ್ತಿದ್ದಾರೆ.
- [ಕಾಲೇಜು ಕಟ್ಟುವ ಕನಸಿಗೆ ಕಿಡಿಗೇಡಿಗಳ ಅಡ್ಡಿ!](https://mobiletime.in/2025/12/miscreants-hinder-the-dream-of-building-a-college/): ಈಶ್ವರ ನಾಯ್ಕ, ಸುರೇಶ ನಾಯ್ಕ ಹಾಗೂ ಗೋವಿಂದ ನಾಯ್ಕ ಸೇರಿ ಸತೀಶ್ ನಾಯ್ಕ ಅವರ ಕನಸಿನ ಯೋಜನೆಗೆ ಕಲ್ಲು ಹೊಡೆದಿದ್ದಾರೆ. ಶಿಕ್ಷಣ ಸಂಸ್ಥೆ ನಿರ್ಮಿಸಬೇಕು ಎಂದು ಸತೀಶ ನಾಯ್ಕ ಅವರು ಖರೀದಿಸಿದ್ದ ಜಾಗದ ವಿಷಯವಾಗಿ ಆ ಮೂವರು ತೊಂದರೆ ಕೊಡುತ್ತಿದ್ದಾರೆ. ಕಾರವಾರದ ಬಾಡದ ಬಳಿಯಿರುವ ಹನವಿವಾಡದಲ್ಲಿ ಸತೀಶ ಮಹಾಬಲೇಶ್ವರ ನಾಯ್ಕ ಅವರು ವಾಸವಾಗಿದ್ದಾರೆ. ಕಾಮದೇನು ಬಿಸಿಎ ಕಾಲೇಜಿನಲ್ಲಿ ಅವರು ಪ್ರಾಚಾರ್ಯರಾಗಿದ್ದಾರೆ. `ತಾನೂ ಒಂದು ವಿದ್ಯಾಸಂಸ್ಥೆ ಕಟ್ಟಬೇಕು’ ಎಂಬುದು ಸತೀಶ ನಾಯ್ಕ ಅವರ ಕನಸು. ಇದಕ್ಕಾಗಿ ಅವರು 13 ವರ್ಷದ ಹಿಂದೆಯೇ 5 ಎಕರೆ ಭೂಮಿ ಖರೀದಿಸಿದ್ದಾರೆ. ಅಂಕೋಲಾದ ಸಕಲಬೇಣದಲ್ಲಿದ್ದ ಸಂತೋಷ ರೇವಣಕರ್ ಅವರ ಭೂಮಿಪಡೆದಿರುವ ಸತೀಶ ನಾಯ್ಕ ಅವರ ವಿರುದ್ಧ ಈಶ್ವರ ನಾಯ್ಕ, ಸುರೇಶ ನಾಯ್ಕ ಹಾಗೂ ಗೋವಿಂದ ನಾಯ್ಕ ಅವರು ಅಸಮಧಾನಿತರಾಗಿದ್ದಾರೆ. `ಖರೀದಿಸಿದ ಭೂಮಿ ಜೊತೆ ಪಕ್ಕದಲ್ಲಿರುವ ತಮ್ಮ ಭೂಮಿಗೂ ಸತೀಶ ನಾಯ್ಕ ಅವರು ಬೇಲಿ ನಿರ್ಮಿಸಿದ್ದಾರೆ’ ಎಂಬುದು ಆ ಮೂವರ ಅಳಲು. ಹೀಗಾಗಿ `ಸರ್ವೇ ಸರಿಯಾಗಿಲ್ಲ’ ಎಂದು ಈಶ್ವರ ನಾಯ್ಕ, ಸುರೇಶ ನಾಯ್ಕ ಹಾಗೂ ಗೋವಿಂದ ನಾಯ್ಕ ತಕರಾರು ಸಲ್ಲಿಸುತ್ತಿದ್ದಾರೆ. ಆದರೆ, ಸತೀಶ ನಾಯ್ಕ ಅವರು ಈ ಮಾತು ನಂಬಿಲ್ಲ. ಸತೀಶ ನಾಯ್ಕ ಅವರು ತಾವು ಖರೀದಿಸಿದ ಭೂಮಿ ಸುತ್ತಲು ಕಪೌಂಡ್ ನಿರ್ಮಿಸಿದ್ದಾರೆ. ಎರಡು ಕಡೆ ಚೀರೆ ಕಲ್ಲು ಹಾಗೂ ಒಂದು ಕಡೆ ಕಬ್ಬಿಣದ ಕಪೌಂಡ್ ನಿರ್ಮಿಸಿ ತಮ್ಮ ಜಾಗವನ್ನು ಭದ್ರಪಡಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಅವರ್ಸಾದ ಈಶ್ವರ ನಾಯ್ಕ ಸುರೇಶ ನಾಯ್ಕ ಹಾಗೂ ಗೋವಿಂದ ನಾಯ್ಕ ಅವರು ತಮ್ಮ ಜಾಗಕ್ಕೂ ಸತೀಶ ನಾಯ್ಕ ಅವರು ಕಪೌಂಡ್ ನಿರ್ಮಿಸಿದ ಬಗ್ಗೆ ಆಕ್ಷೇಪಿಸಿದ್ದು, ಆ ಕಪೌಂಡ್ ಒಡೆದಿದ್ದಾರೆ. ನವೆಂಬರ್ 29ರಂದು ಕಪೌಂಡ್ ಒಡೆದಿದ್ದು ಸತೀಶ ನಾಯ್ಕ ಅವರಿಗೆ ನಂತರ ಗೊತ್ತಾಗಿದೆ. ಕಪೌಂಡ್ ಒಡೆದ ಮೂವರ ವಿರುದ್ಧ ಸತೀಶ ನಾಯ್ಕ ಅವರು ಪೊಲೀಸ್ ದೂರು ಸಲ್ಲಿಸಿದ್ದಾರೆ. ಅವರನ್ನು ವಿಚಾರಣೆಗೆ ಒಳಪಡಿಸಬೇಕು ಎಂದು ಆಗ್ರಹಿಸಿದ್ದಾರೆ.
- [ಕರಾವಳಿ ಉತ್ಸವ: ಕುಣಿದು ಕುಪ್ಪಳಿಸಿದ ಜನ ಸಾಗರ!](https://mobiletime.in/2025/12/coastal-festival-a-sea-of-people-dancing-and-having-fun/): ಕಡಲ ನಗರಿ ಕಾರವಾರದಲ್ಲಿ ನಡೆಯುತ್ತಿರುವ ಕರಾವಳಿ ಉತ್ಸವದ ಮೊದಲ ದಿನ ಖ್ಯಾತ ಗಾಯಕ ಶಂಕರ್ ಮಾದವನ್‌ಗಾಯನ ಪ್ರಸ್ತುತಪಡಿಸಿದ್ದಾರೆ. ತಡರಾತ್ರಿಯವರೆಗೂ ಅದ್ಧೂರಿ ರಸ ಮಂಜರಿ ಕಾರ್ಯಕ್ರಮ ನಡೆದಿದ್ದು, ಭಾಗವಹಿಸಿದ ಜನ ಕುಣಿದು ಕುಪ್ಪಳಿಸಿದ್ದಾರೆ. ರವಿಂದ್ರನಾಥ ಠಾಗೋರ ಕಡಲ ತೀರದ ಮಯೂರ ವರ್ಮ ವೇದಿಕೆಯಲ್ಲಿ ಸೋಮವಾರ ನಡೆದ ಕರಾವಳಿ ಉತ್ಸವದ ಉದ್ಘಾಟನಾ ಕಾರ್ಯಕ್ರಮಕ್ಕೂ ಪೂರ್ವ ಬಗೆ ಬಗೆಯ ಮನರಂಜನಾ ಕಾರ್ಯಕ್ರಮಗಳು ನಡೆದಿವೆ. ಉದ್ಘಾಟನೆ ನಂತರವೂ ಜನ ನೆಚ್ಚಿನ ಗಾಯನಗಳಿಗಾಗಿ ಕಾದು ಕುಳಿತಿದ್ದು, ಗಾನಸುಧೆಯಲ್ಲಿ ಮೈ ಮರೆತಿದ್ದಾರೆ. ಕಾರವಾರದ ರವೀಂದ್ರನಾಥ ಠಾಗೋರ ಕಡಲತೀರದಲ್ಲಿ ನಡೆಯುವ ಕರಾವಳಿ ಉತ್ಸವಕ್ಕೆ ಮಂಗಳವಾರ ರಾತ್ರಿ ಗಾಯಕ ಗುರುಕಿರಣ ಅವರು ಆಗಮಿಸಲಿದ್ದಾರೆ. ಅದಕ್ಕೂ ಮುನ್ನ ಬ್ರಹ್ಮದೇವ್ ಗುಮಟಾ ಪಾಂಗ್ ಕಲಾ ತಂಡ ಸಂಘದಿAದ ಗುಮಟಾ ಪಾಂಗ್ ವಾದ್ಯ ಪ್ರದರ್ಶನ, ಸುನೀಲ್ ಬಾರ್ಕೂರ್ ಕೈಗಾ ಅವರಿಂದ ಸಂಗೀತ ಕಾರ್ಯಕ್ರಮ, ಸುಮಂಗಲಾ ದೇಸಾಯಿ ಮತ್ತು ಸಂಗಡಿಗರರಿoದ ಸುಗಮ ಸಂಗೀತ ಹಾಗೂ ಜಾನಪದ ಗೀತೆ, ಮನೋಜ ಅ ಪಾಲೇಕರ, ಕಲಾ ಭಾರತಿ ಕಲಾ ವೈವಿಧ್ಯ ತಂಡ ಶಿರಸಿ ಅವರಿಂದ ರೂಪಕ ಗೊಂಬೆಯಾಟ ಮಿಮಿಕ್ರಿ, ಸುಜಾತ ಕೆ ಹರಿಕಂತ್ರ ಅವರಿಂದ ಯೋಗ ನೃತ್ಯ ಸ್ವರ ಸಂಗೀತ, ರಸಮಂಜರಿ ತಂಡ ಸಂಗೀತ ರಸಮಂಜರಿ ನಡೆಯಲಿದೆ. ಸೋಮವಾರ ಸಂಜೆ ನಡೆದ ರಾಜ್ಯ ಹಾಗೂ ಸ್ಥಳೀಯ ಕಲಾವಿದರಿಂದ ನಡೆದ ಜಾನಪದ ಮತ್ತು ಸುಗಮ ಸಂಗೀತ ಕಾರ್ಯಕ್ರಮಗಳು ಪ್ರೇಕ್ಷಕರನ್ನು ರಂಜಿಸಿವೆ. ಸಭೆಗೂ ಮುನ್ನ ಶ್ರೀನಿವಾಸ ಮೊಳಕಾಲ್ಮುರ್ ಅವರಿಂದ ಕೊಂಬು ಕಹಳೆ ಪ್ರದರ್ಶನ, ನಾಗೇಶ ತಂಡದಿoದ ಕೋಳಿ ಕುಣಿತ, ಗೋರವ ಕಲೆ ಪ್ರದರ್ಶನ ಹುಬ್ಬಳ್ಳಿಯ ಶಂಕ್ರಪ್ಪ ಅವರ ತಂಡದಿoದ ಜಗ್ಗಲಿಗೆ ಮೇಳ ಪ್ರದರ್ಶನ, ಚಿತ್ರದುರ್ಗದ ಮಹಾಂತೇಶ ತಂಡದಿoದ ಮುಖವಾಡ ಕುಣಿತ, ರಾಯಚೂರಿನ ಮಹಾಲಕ್ಷ್ಮಿ ತಂಡದವರಿoದ ಸುಗಮ ಸಂಗೀತ, ಶಿರಸಿಯ ಸೀಮಾ ಭಾಗ್ವತ್ ತಂಡದಿoದ ಭರತ ನಾಟ್ಯ ಪ್ರದರ್ಶನ ಕಾಯ್ರಕಮ ನಡೆಯಿತು. `ಕರಾವಳಿ ಜನರ ಕಲೆ ಮತ್ತು ಸಂಸ್ಕ್ರತಿ ಯನ್ನು ಉಳಿಸಿ ಬೆಳಸಿ ಪ್ರೋತ್ಸಾಹ ನೀಡುವುದರ ಜೊತೆ ರಾಷ್ಟ್ರ ಮಟ್ಟದ ಕಲಾವಿದರನ್ನು ಕರೆಯಿಸಿ ಮನರಂಜನೆ ಆಯೋಜಿಸಲಾಗಿದೆ’ ಎಂದು ಸಭೆ ಉದ್ಘಾಟಿಸಿದ ಸಚಿವ ಮಂಕಾಳು ವೈದ್ಯ ಹೇಳಿದರು. `ಕರಾವಳಿಯ ಜನರು ಉದ್ಯೋಗ ಬಯಸಿ ಹೊರ ರಾಜ್ಯಗಳಿಗೆ ತೆರಲುವುದನ್ನು ತಪ್ಪಿಸಲು ಹಾಗೂ ಕರಾವಳಿ ಪ್ರವಾಸೋದ್ಯಮ ಅಭಿವೃದ್ಧಿ ಪಡೆಸಿ ಉದ್ಯೋಗ ಸೃಷ್ಠಿಸಲು ಪ್ರವಾಸೋದ್ಯಮಕ್ಕೆ ಪ್ರತ್ಯೇಕ ನೀತಿ ಜಾರಿ ಮಾಡಲಾಗುತ್ತದೆ’ ಎಂದವರು ಘೋಷಿಸಿದರು. `ನಿಸರ್ಗ ಮತ್ತು ಮೀನುಗಾರರಿಗೆ ಯಾವುದೇ ರೀತಿ ಹಾನಿಯಾಗದಂತೆ ಪ್ರವಾಸೋದ್ಯಮ ಅಭಿವೃದ್ಧಿ ಪಡಿಸಲಾಗುತ್ತದೆ’ ಎಂದರು. ಕರ್ನಾಟಕ ರಾಜ್ಯ ಮಾರ್ಕೇಟಿಂಗ್ ಕಮ್ಯೂನಿಕೇಷನ್ ಮತ್ತು ಅಡ್ವರ್ಟೈಸಿಂಗ್ ಲಿಮಿಟೆಡ್ ಅಧ್ಯಕ್ಷ ಹಾಗೂ ಶಾಸಕ ಸತೀಶ್ ಸೈಲ್ ಮಾತನಾಡಿ `8 ವರ್ಷಗಳ ನಂತರ ಸಪ್ತಾಹ ಮೂಲಕ ಕಾರ್ಯಕ್ರಮ ಅಯೋಜನೆ ಮಾಡಲಾಗುತ್ತಿದೆ. ಸರ್ಕಾರ ಪಂಚ ಗ್ಯಾರಂಟಿ ಯೋಜನೆ ಜನ ಸಮಾನ್ಯರ ಏಳಿಗೆಗೆ ಶ್ರಮಿಸುತ್ತಿದೆ’ ಎಂದರು. `ಈಗಾಗಲೇ ಜಿಲ್ಲಾ ಆಸ್ಪತ್ರೆಯಲ್ಲಿ ಥಾರ್ಮ ಸೆಂಟರ್ ತೆರೆಯಲಾಗಿದೆ. ಮುಂದಿನ ದಿನಗಳಲ್ಲಿ ಖಂಡಿತವಾಗಿ ಕಾರವಾರದಲ್ಲಿ ಸೂಪರ್ ಸ್ಪೆಷಲಿಟಿ ಆಸ್ಪತ್ರೆ ಮಾಡಲಾಗುತ್ತದೆ’ ಎಂದರು.  
- [ಬಿಜೆಪಿ | ಪ್ರತಿಭಟನೆಗೆ ಬಂದವರಿಗೆ ಬಿರಿಯಾನಿ ಭೋಜನ!](https://mobiletime.in/2025/12/bjp-biryani-dinner-for-those-who-came-to-protest/): ಬಡ ಜನರಿಂದ ಹಣಪಡೆದು ಸರ್ಕಾರ ಮನೆ ಕೊಡದ ಕಾರಣ ಫಲಾನುಭವಿಗಳು ಯಲ್ಲಾಪುರ ಪಟ್ಟಣ ಪಂಚಾಯತ ಮುಂದೆ ಆಕ್ರೋಶವ್ಯಕ್ತಪಡಿಸಿದ್ದು, ಪ್ರತಿಭಟನೆ ಸಂಘಟಿಸಿದ್ದ ಬಿಜೆಪಿಗರು ನೊಂದವರಿಗೆ ಬಿರಿಯಾನಿ ಕೊಟ್ಟು ಸಮಾಧಾನ ಮಾಡಿದ್ದಾರೆ. ಜೊತೆಗೆ `ಯಲ್ಲಾಪುರ ಜಾತ್ರೆಯ ಒಳಗೆ ಫಲಾನುಭವಿಗಳಿಗೆ ಮನೆ ಕೊಡಿಸುತ್ತೇವೆ’ ಎಂದು ತಹಶೀಲ್ದಾರ್ ಚಂದ್ರಶೇಖರ ಹೊಸ್ಮನಿ ಅವರಿಂದ ಭರವಸೆ ಕೊಡಿಸಿದ್ದಾರೆ. `ಯಲ್ಲಾಪುರದಲ್ಲಿ ಜಿ + 2 ಮನೆ ನಿರ್ಮಿಸಲಾಗಿದ್ದು,  ಆ ಪ್ರದೇಶಕ್ಕೆಸ್ವಾತಂತ್ರ ಹೋರಾಟಗಾರರ ಹೆಸರನ್ನು ಇಡುವ ನಿರೀಕ್ಷೆಯಿತ್ತು. ಆದರೆ ಹೆಬ್ಬಾರ್ ನಗರ ಎಂದು ಹೆಸರಿಡಲಾಗಿದ್ದು, ಹೆಬ್ಬಾರ ನಗರದಲ್ಲಿನ ಮೊದಲನೇ ಯೋಜನೆಯೇ ವಿಫಲವಾಗಿದ್ದು ಶಾಸಕರ ವೈಫಲ್ಯ. ಕಟ್ಟಡ ನಿರ್ಮಾಣ ನಡೆದು ನಾಲ್ಕು ವರ್ಷವಾದರೂ ಮನೆ ಹಸ್ತಾಂತರ ನಡೆದಿಲ್ಲ’ ಎಂದು ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅಸಮಧಾನವ್ಯಕ್ತಪಡಿಸಿದರು. `ಪಟ್ಟಣ ಪಂಚಾಯತ ಹಾಗೂ ಶಾಸಕರ ವೈಪಲ್ಯದಿಂದ ಮನೆ ಹಸ್ತಾಂತರ ನಡೆದಿಲ್ಲ’ ಎಂದು ಪ್ರಸಾದ ಹೆಗಡೆ ದೂರಿದರು. `ಬಡವರಿಗೆ ನೀಡುವ ಮನೆಯಲ್ಲಿ 5 ಅಡಿಯ ಒಬ್ಬ ವ್ಯಕ್ತಿ ಸಹ ಮಲಗಲು ಜಾಗವಿಲ್ಲ. ಮನೆ ಮುಂಬಾಗದಲ್ಲಿಯೇ ಶೌಚಾಲಯವಿರಿಸಿದ್ದು ಸಹ ಸರಿಯಲ್ಲ. ಅವ್ಯವಸ್ಥೆಯಿಂದ ಕೂಡಿದ ಮನೆಯನ್ನು ಹಂಚಿಕೆ ಮಾಡಬಾರದು. ತಕ್ಷಣ ಎಲ್ಲಾ ಫಲಾನುಭವಿಗಳಿಗೆ ಶೇ 18ರ ಬಡ್ಡಿ ಜೊತೆಪಡೆದ ಹಣ ಮರಳಿಸಬೇಕು. ಸುಸಜ್ಜಿತ ಮನೆಯನ್ನು ನೀಡಬೇಕು’ ಎಂದು ಬಿಜೆಪಿ ವಕ್ತಾರ ಹರಿಪ್ರಕಾಶ ಕೋಣೆಮನೆ ಆಗ್ರಹಿಸಿದರು. `ಜಿ+2 ವಸತಿಗೃಹದ ವಿಷಯದಲ್ಲಿ ನಡೆದ ಭ್ರಷ್ಟಾಚಾರ, ಹಗರಣದಿಂದ ಯಲ್ಲಾಪುರದ ಜನ ತಲೆ ತಗ್ಗಿಸುವ ಹಾಗಾಗಿದೆ. ಈ ಅಕ್ರಮಕ್ಕೆ ಕಾರಣರಾದವರ ವಿರುದ್ಧ ಕ್ರಮ ಆಗಬೇಕು. ಇಲ್ಲವಾದರೆ ಬಿಜೆಪಿ ಪ್ರತಿಭಟನೆ ಮುಂದುವರಿಸಲಿದೆ’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. `ನಮ್ಮಿಂದ ಹಣಪಡೆದು ಮನೆ ಕೊಟ್ಟಿಲ್ಲ. ಪ್ರಶ್ನಿಸಿದರೆ 15 ದಿನದಲ್ಲಿ ಕೊಡುತ್ತೇವೆ ಎನ್ನುತ್ತಾರೆ. ಆದರೆ, ಈವರೆಗೂ ಯಾವ ಭರವಸೆಯೂ ಈಡೇರಿಲ್ಲ’ ಎಂದು ಫಲಾನುಭವಿಗಳಿಬ್ಬರು ಆಕ್ರೋಶವ್ಯಕ್ತಪಡಿಸಿದರು. `ಗುತ್ತಿಗೆದಾರರಿಗೆ ಸೂಕ್ತ ಕಾಮಗಾರಿ ನಡೆಸುವಂತೆ ಸೂಚಿಸಲಾಗಿದ್ದು, ಯಲ್ಲಾಪುರ ಜಾತ್ರೆಯೊಳಗೆ ಮನೆ ಹಸ್ತಾಂತರ ನಡೆಯಲಿದೆ’ ಎಂದು ತಹಶೀಲ್ದಾರ್ ಚಂದ್ರಶೇಖರ ಹೊಸ್ಮನಿ ಭರವಸೆ ಕೊಟ್ಟರು. ಆದರೆ, `ಈ ಭರವಸೆ ನಂಬುವAಥಹುದಲ್ಲ’ ಎಂದು ಹರಿಪ್ರಕಾಶ ಕೋಣೆಮನೆ ಮೈಕಿನಲ್ಲಿ ಹೇಳಿದರು. ಜಿ ಪಂ ಮಾಜಿ ಸದಸ್ಯ ಉಮೇಶ ಭಾಗ್ವತ, ರಾಘವೇಂದ್ರ ಭಟ್ಟ ಹಾಸಣಗಿ, ಪ್ರಮುಖರಾದ ರಾಮು ನಾಯ್ಕ, ಗೋಪಾಲಕೃಷ್ಣ ಗಾಂವ್ಕರ, ನಾರಾಯಣ ನಾಯಕ, ಗಜಾನನ ನಾಯ್ಕ ತಳ್ಳಿಕೇರಿ, ಅಮೃತ ಬದ್ದಿ, ಸುನೀತಾ ವೆರ್ಣೆಕರ್, ಸುಬ್ಬಣ್ಣ ಬೋಳ್ಮನೆ, ರಾಮಚಂದ್ರ ಚಿಕ್ಯಾನಮನೆ, ದೀಪಕ ಭಟ್ಟ ಶೀಗೆಕೇರಿ, ರವಿ ದೇವಡಿಗ ಇತರರು ಈ ಪ್ರತಿಭಟನೆಯಲ್ಲಿದ್ದರು. ಪ್ರತಿಭಟನೆ ಮುಗಿದ ನಂತರ ಪಟ್ಟಣ ಪಂಚಾಯತ ಆವರಣಕ್ಕೆ ಬಿಜೆಪಿಗರು ವೆಜ್ ಬಿರಿಯಾನಿ ತರಿಸಿದ್ದು, ಪ್ರತಿಭಟನಾಕಾರರು ಅಲ್ಲಿಯೇ ನಿಂತು ಅದನ್ನು ಸೇವಿಸಿದರು.
- [ಹೊನ್ನಜ್ಜಿಯ ಹೊಡೆದಾಟ: ಶ್ರೀಪಾದ ಹೆಗಡೆಯೂ ಸಾಚಾ ಅಲ್ಲ!](https://mobiletime.in/2025/12/honnajjajes-fight-sridhar-hegde-is-also-not-true/): ಶಿರಸಿಯ ಹೀಪನಳ್ಳಿ ಬಳಿಯ ಹೊನ್ನಜ್ಜೆಯಲ್ಲಿನ ಹೊಡೆದಾಟ ಪ್ರಕರಣ ಹೊಸ ಸ್ವರೂಪಪಡೆದಿದೆ. ತಾಯಿ ಬಗ್ಗೆ ಕೆಟ್ಟದಾಗಿ ನಿಂದಿಸಿ ಮೈ ಮುಟ್ಟಿದ ಕಾರಣ ರಕ್ಷಣೆಗಾಗಿ ಅನುಪಮ ಹೆಗಡೆ ಅವರು ರಕ್ಷಣೆಗಾಗಿ ಧಾವಿಸಿದ್ದು, ಈ ವೇಳೆ ನಡೆದ ನೂಕಾಟದಲ್ಲಿ ಶ್ರೀಧರ ಹೆಗಡೆ ಅವರ ಕೈಯಲ್ಲಿದ್ದ ಕತ್ತಿಯೇ ಅವರ ಮುಖಕ್ಕೆ ಬಡಿದಿದೆ. ರಕ್ತ ಸುರಿದರೂ ಶ್ರೀಪಾದ ಹೆಗಡೆ ಅವರು ತಮ್ಮ ಬೈಗುಳವನ್ನು ನಿಲ್ಲಿಸಿಲ್ಲ. ಶ್ರೀಪಾದ ಹೆಗಡೆ ಅವರು ಅನುರಾಧಾ ಪುರುಷೋತ್ತಮ ಹೆಗಡೆ ಅವರ ಬಳಿ ಅನುಚಿತವಾಗಿ ವರ್ತಿಸಿದ ನಂತರ ಅವರ ಬಗ್ಗೆ ಕೆಟ್ಟದಾಗಿ ನಿಂದಿಸಿದ ವಿಡಿಯೋ ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಸಿಕ್ಕಿದೆ. ಈ ಬಗ್ಗೆ ಅನುರಾಧಾ ಪುರುಷೋತ್ತಮ ಹೆಗಡೆ ಅವರು ತಮಗಾದ ನೋವನ್ನು ತೋಡಿಕೊಂಡಿದ್ದು, ಶ್ರೀಪಾದ ಮಹಾಬಲೇಶ್ವರ ಹೆಗಡೆ ಅವರು ಅನುರಾಧಾ ಹೆಗಡೆ ಅವರ ಮಾಲ್ಕಿ ಜಾಗಕ್ಕೆ ಕತ್ತಿ ಹಿಡಿದು ಪ್ರವೇಶಿಸಿದ ದಾಖಲೆಗಳನ್ನು ಒದಗಿಸಿದ್ದಾರೆ. ಹೊಳೆಯಲ್ಲಿ ಹರಿಯುವ ನೀರನ್ನು ಮಂಡಗಾಲುವೆಯಲ್ಲಿ ಬಿಡುವ ವಿಷಯವಾಗಿ ಶಿರಸಿಯ ಹೀಪನಳ್ಳಿ ಬಳಿಯ ಹೊನ್ನಜ್ಜೆಯಲ್ಲಿನ ವಾತಾವರಣ ಹದಗೆಟ್ಟಿದೆ. ಇದೇ ವಿಷಯವಾಗಿ ಶ್ರೀಪಾದ ಹೆಗಡೆ ಅವರು ವೈಮನಸ್ಸು ಹೊಂದಿದ್ದು, ಡಿಸೆಂಬರ್ 21ರಂದು ಅನುರಾಧಾ ಹೆಗಡೆ ಅವರ ಮನೆ ಅಂಗಳಕ್ಕೆ ಕತ್ತಿ ಹಿಡಿದು ಹೋಗಿ ರಂಪಾಟ ಮಾಡಿದ್ದಾರೆ. `ಕೆಟ್ಟದಾಗಿ ಯಾಕೆ ಬಯ್ಯುವೆ?’ ಎಂದು ಪ್ರಶ್ನಿಸಿದಾಗ ಅನುರಾಧಾ ಹೆಗಡೆ ಅವರ ಬಟ್ಟೆ ಹರಿದಿದ್ದಾರೆ. ಈ ವೇಳೆ ಶ್ರೀಪಾದ ಹೆಗಡೆ ಅವರು ತಾವು ತಂದಿದ್ದ ಕತ್ತಿಯನ್ನು ಅನುರಾಧಾ ಹೆಗಡೆ ಅವರ ಕಡೆ ಬೀಸಿದ್ದು, ಅನುರಾಧಾ ಹೆಗಡೆ ಅವರ ಕೈ ಬೆರಳಿಗೆ ಗಾಯವಾಗಿದೆ. ಈ ವೇಳೆ ಅನುರಾಧಾ ಹೆಗಡೆ ಅವರ ಮಗ ಅನುಪಮ ಹೆಗಡೆ ಅವರು ಕೊಟ್ಟಿಗೆಯಲ್ಲಿ ಕೆಲಸ ಮಾಡುತ್ತಿದ್ದು, ಗಲಾಟೆ ಕೇಳಿ ಅಂಗಳಕ್ಕೆ ಬಂದಿದ್ದಾರೆ. ತಾಯಿ ರಕ್ಷಣೆಗಾಗಿ ಅವರು ಧಾವಿಸಿದಾಗ ಅಲ್ಲಿ ನೂಕಾಟ ನಡೆದಿದ್ದು, ಶ್ರೀಪಾದ ಹೆಗಡೆ ಅವರ ಕೈಯಲ್ಲಿದ್ದ ಕತ್ತಿ ಅವರ ತಲೆಗೆ ಬಡಿದಿದೆ. ಮುಖದಿಂದ ರಕ್ತ ಸುರಿದರೂ ಶ್ರೀಪಾದ ಹೆಗಡೆ ಸುಮ್ಮನಾಗದೇ ಇನ್ನಷ್ಟು ರಂಪಾಟ ಮಾಡಿದ್ದಾರೆ. `ನಾನು ದ್ವೇಷ ಮಾಡುವುದಕ್ಕಾಗಿಯೇ ಬಂದಿದ್ದೇನೆ’ ಎಂಬ ನಿಟ್ಟಿನಲ್ಲಿ ಅವರು ಕೂಗಾಡಿದ್ದಾರೆ. ಗಲಾಟೆಯ ಶಬ್ದ ಕೇಳಿ ಅಕ್ಕ-ಪಕ್ಕದ ಮನೆಯವರು ಆಗಮಿಸಿದ್ದು, ತಂದಿದ್ದ ಕತ್ತಿ ಹಿಡಿದು ಶ್ರೀಪಾದ ಹೆಗಡೆ ಅವರು ಅಲ್ಲಿಂದ ಹೊರಟಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಅಲ್ಲಿದ್ದ ಜನ ವಿಡಿಯೋ ಮಾಡಿದ್ದು, ಅದನ್ನು ಮುಖ್ಯ ಸಾಕ್ಷಿಯನ್ನಾಗಿಸಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಅನುರಾಧಾ ಹೆಗಡೆ ಅವರು ಪೊಲೀಸರ ಮೊರೆ ಹೋಗಿದ್ದು, ಪೊಲೀಸರು ಪ್ರಕರಣ ದಾಖಲಿಸಿ ವಿಚಾರಣೆ ಶುರು ಮಾಡಿದ್ದಾರೆ. ಅನುರಾಧಾ ಹೆಗಡೆ ಕುಟುಂಬಕ್ಕೆ ಬೆದರಿಕೆ ಒಡ್ಡಿದ ಶ್ರೀಪಾದ ಹೆಗಡೆ ಅವರ ವಿಡಿಯೋ ಇಲ್ಲಿ ನೋಡಿ..
- [ನದಿಯನ್ನೇ ತಿರುಗಿಸಿ ಭೂಮಿ ಅತಿಕ್ರಮಿಸಿದ ಮಾದೇವ!](https://mobiletime.in/2025/12/the-god-who-diverted-the-river-and-encroached-on-the-land/): ಧಾರಾಕಾರವಾಗಿ ಹರಿಯುವ ನದಿಯನ್ನು ಬೇರೆ ದಿಕ್ಕಿನಡೆ ತಿರುಗಿಸಿ ನದಿ ಹರಿವಿನ ಭೂಮಿ ಅತಿಕ್ರಮಿಸಲು ಮಾದೇವ ಮರಾಠಿ ಅವರು ಮುಂದಾಗಿದ್ದಾರೆ. ಇದಕ್ಕಾಗಿ ಅವರು ಜೆಸಿಬಿ ಯಂತ್ರಗಳ ಓಡಾಟ ನಡೆಸಿದ್ದು, ನದಿ ನೀರು ಮಣಿಕಂಠ ಮುಕ್ರಿ ಅವರ ಭೂಮಿ ಕಡೆ ಹೋಗುವಂತೆ ಮಾಡಿದ್ದಾರೆ. ನದಿ ನೀರು ತಮ್ಮ ಜಮೀನಿಗೆ ಬರುವುದನ್ನು ನೋಡಿ ಮಣಿಕಂಠ ಮುಕ್ರಿ ಅವರು ಕಂಗಾಲಾಗಿದ್ದಾರೆ. ಕುಮಟಾದ ಯಾಣದ ಬಳಿಯಿರುವ ಕೋಡಂಬೆಳೆಯ ಮಣಿಕಂಠ ಮಾದೇವ ಮುಕ್ರಿ ಹಾಗೂ ಯಾಣ ಹೊಳೆಬೈಲಿನ ಮಾದೇವ ಪುರುಷ ಮರಾಠಿ ಅವರ ಜಮೀನು ನಡುವೆ ಚಂಡಿಕಾ ನದಿ ಹರಿಯುತ್ತದೆ. ಆ ನದಿಯೇ ಅವರಿಬ್ಬರ ಗಡಿ ಗುರುತಾಗಿದ್ದು, ಮಾದೇವ ಮರಾಠಿ ಅವರು ಆ ಗುರುತನ್ನು ಬದಲಿಸುವ ಪ್ರಯತ್ನ ಮಾಡಿದ್ದಾರೆ. ಈ ವಿಷಯವಾಗಿ ಮಾದೇವ ಮರಾಠಿ ಹಾಗೂ ಮಣಿಕಂಠ ಮುಕ್ರಿ ಅವರ ನಡುವೆ ಜಗಳವಾಗಿದೆ. ಆ ಜಗಳ ವಿಕೋಪಕ್ಕೆ ತೆರಳಿದ್ದು, ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಡಿಸೆಂಬರ್ 12ರಂದು ಮಾದೇವ ಮರಾಠಿ ಅವರು ನದಿ ಬಳಿ ಜೆಸಿಬಿ ಓಡಾಟ ನಡೆಸಿದ್ದರು. ನದಿ ನೀರನ್ನು ತಿರುಗಿಸಿ ನದಿ ಹರಿಯುವ ಜಾಗವನ್ನು ತಾವು ಅತಿಕ್ರಮಿಸುವ ಪ್ರಯತ್ನ ಮಾಡಿದ್ದರು. ಈಗಾಗಲೇ ಒಂದಷ್ಟು ಭೂಮಿ ಅತಿಕ್ರಮಿಸಿರುವ ಮಾದೇವ ಮರಾಠಿ ಇನ್ನಷ್ಟು ಜಾಗ ಕಬಳಿಸಲು ಮುಂದಾಗಿರುವುದಕ್ಕೆ ಮಣಿಕಂಠ ಮುಕ್ರಿ ಅವರು ಆಕ್ಷೇಪವ್ಯಕ್ತಪಡಿಸಿದರು. `ನದಿ ನೀರನ್ನು ತಮ್ಮ ಜಮೀನಿನ ಕಡೆ ತಿರುಗಿಸಿದರೆ ನಮಗೆ ಅಪಾಯ’ ಎಂದು ಮಣಿಕಂಠ ಮುಕ್ರಿ ಅವರು ಹೇಳಿದರು. ಆದರೆ, ಇದರಿಂದ ಮಾದೇವ ಮರಾಠಿ ಅವರು ಸಿಟ್ಟಾದರು. ಮಾದೇವ ಮರಾಠಿ ಅವರ ಜೊತೆ ಈಶ್ವರ ಹರಿಹರ ಮರಾಠಿ, ಮಹೇಂದ್ರ ಮಾದೇವ ಮರಾಠಿ, ಸಂಗೀತಾ ಸದಾಶಿವ ಮರಾಠಿ, ಸುಶೀಲ ಕೃಷ್ಣ ಮರಾಠಿ, ಶ್ಯಾಮಲಾ ಶಾಂಬ ಮರಾಠಿ, ಸದಾಶಿವ ಪುರುಷ ಮರಾಠಿ ಹಾಗೂ ಗೀತಾ ಉಮೇಶ ಮರಾಠಿ ಸೇರಿ ಮಣಿಕಂಠ ಮುಕ್ರಿ ಅವರನ್ನು ನಿಂದಿಸಿದರು. ಈ ಬಗ್ಗೆ ಮಣಿಕಂಠ ಮುಕ್ರಿ ಅವರು ಪೊಲೀಸ್ ದೂರು ನೀಡಿದ್ದು, ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಜೊತೆಗೆ ತನಿಖೆ ಶುರು ಮಾಡಿದ್ದಾರೆ.
- [ಕಳಚೆ: ಕ್ರೀಡಾಕೂಟದ ಜೊತೆ ಸಭೆ-ಸಮಾರಂಭ-ಸನ್ಮಾನ](https://mobiletime.in/2025/12/kalche-meeting-ceremony-honouring-with-sports-event/): ಯಲ್ಲಾಪುರದ ಕಳಚೆಯ ಜನ ಉದ್ಯೋಗದ ನಿಮಿತ್ತ ಬೇರೆ ಬೇರೆ ಊರುಗಳಲ್ಲಿ ವಾಸವಾಗಿದ್ದು, ಅವರೆಲ್ಲರನ್ನು ಒಟ್ಟುಗೂಡಿಸುವ ಉದ್ದೇಶದಿಂದ ಕಳಚೆ ಗ್ರಾಮದಲ್ಲಿ ವಿವಿಧ ಚಟುವಟಿಕೆಗಳನ್ನು ಆಯೋಜಿಸಲಾಗುತ್ತದೆ. ಅದರಂತೆ ಕಳಚೆಯ ಸರ್ವೋದಯ ಯುವಕ ಸಂಘದದವರು ಈ ವರ್ಷವೂ ಧಾರ್ಮಿಕ, ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದಾರೆ. ಡಿಸೆಂಬರ್ 27ರಂದು ಸಂಜೆ 4.30ಕ್ಕೆ ಯುವಕ ಸಂಘದ ಸುವರ್ಣ ಮಹೋತ್ಸವದ ಪ್ರಯುಕ್ತ ಹೊರತಂದ `ಸುವರ್ಣ ಸರ್ವೋದಯ’ ಸಂಚಿಕೆ ಲೋಕಾರ್ಪಣೆ ಆಗಲಿದೆ. ಕಳಚೆಯ ಸರ್ವೋದಯ ಸಭಾಮಂಟಪದಲ್ಲಿ ನಡೆಯುವ ಈ ಕಾರ್ಯಕ್ರಮದಲ್ಲಿ ಸಾಧಕರಿಗೆ ಸನ್ಮಾನವನ್ನು ನಡೆಸಲಾಗುತ್ತದೆ. ಸಭಾ ಕಾರ್ಯಕ್ರಮದ ನಂತರ ನೃತ್ಯ ರೂಪಕ, ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ. ಶ್ರೀ ಗಜಾನನ ನಾಟಕ ಮಂಡಳಿ ಹಾಗೂ ಶ್ರೀ ಲಕ್ಷ್ಮೀನರಸಿಂಹ ನಾಟಕ ಮಂಡಳಿಯ ಕಲಾವಿದರಿಂದ `ಬಸ್ ಕಂಡಕ್ಟರ್ ಹಾಗೂ ಧರ್ಮ ತುಂಬಿದ ಮನೆ’ ಎಂಬ ನಾಟಕ ಪ್ರದರ್ಶನ ನಡೆಯಲಿದೆ. ಇದಕ್ಕಿಂತ ಎರಡು ದಿನ ಮೊದಲು `ಕಳಚೆ ಪ್ರೀಮಿಯರ್ ಲೀಗ್’ ಹೆಸರಿನಲ್ಲಿ ಹವ್ಯಕ ತಂಡಗಳ ಕ್ರಿಕೇಟ್ ಪಂದ್ಯಾವಳಿ ನಡೆಯಲಿದೆ. ಸಭೆ ಹಾಗೂ ಸನ್ಮಾನ ಕಾರ್ಯಕ್ರಮಕ್ಕೆ ಶಾಸಕ ಶಿವರಾಮ ಹೆಬ್ಬಾರ, ಸಂಕಲ್ಪ ಸಂಸ್ಥೆ ಅಧ್ಯಕ್ಷ ಪ್ರಮೋದ ಹೆಗಡೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರಿಗೆ ಸಂಘಟನೆಯವರು ಆಮಂತ್ರಣ ನೀಡಿದ್ದು, ಅವರೆಲ್ಲರೂ ಭಾಗವಹಿಸುವ ನಿರೀಕ್ಷೆಯಲ್ಲಿ ಜನರಿದ್ದಾರೆ. ಟಿಎಂಎಸ್ ನಿವೃತ್ತ ಮುಖ್ಯಕಾರ್ಯನಿರ್ವಾಹಕ ಸಿ ಎಸ್ ಹೆಗಡೆ ಅವರನ್ನು ಇಲ್ಲಿ ಸನ್ಮಾನಿಸಲಾಗುತ್ತದೆ. ಈ ಬಗ್ಗೆ ಸುವರ್ಣ ಮಹೋತ್ಸವ ಸಮಿತಿ ಅಧ್ಯಕ್ಷ ಜಿ ಆರ್ ಹೆಗಡೆ, ಸಂಚಾಲಕ ಉಮೇಶ ಭಾಗ್ವತ, ಯುವಕ ಸಂಘದ ಅಧ್ಯಕ್ಷ ರಾಘವೇಂದ್ರ ಭಟ್ಟ ಸೂತ್ರೆ, ಪ್ರಮುಖರಾದ ವೆಂಕಟರಮಣ ಗಾಂವ್ಕರ, ಅನಂತ ಹೆಗಡೆ, ಶ್ರೀಕಾಂತ ಹೆಬ್ಬಾರ ಅವರು ಮಾಹಿತಿ ನೀಡಿದ್ದಾರೆ.
- [ಹೊನ್ನಜ್ಜಿಯಲ್ಲಿ ನೀರಿಗಾಗಿ ಹೊಡೆದಾಟ!](https://mobiletime.in/2025/12/a-wife-who-scared-eight-people-alone/): ಎಂಟು ಜನ ಸೇರಿ ಶ್ರೀಪಾದ ಹೆಗಡೆ ಅವರನ್ನು ಹಗ್ಗದಿಂದ ಕಟ್ಟಿ ಹಾಕಿ ಕತ್ತಿಯಿಂದ ಹೊಡೆದಿದ್ದಾರೆ. ಶ್ರೀಪಾದ ಹೆಗಡೆ ಅವರು ಜೋರಾಗಿ ಕೂಗಿಕೊಂಡಿದ್ದು, ಈ ವೇಳೆ ಅವರ ಪತ್ನಿ ಬರುವುದನ್ನು ನೋಡಿ ಆ ಎಂಟು ಜನ ಅಲ್ಲಿಂದ ಓಡಿ ಪರಾರಿಯಾಗಿದ್ದಾರೆ. ಶಿರಸಿಯ ಹೀಪನಳ್ಳಿ ಹೊನ್ನಜ್ಜಿಯ ಶ್ರೀಪಾದ ಮಹಾಬಲೇಶ್ವರ ಹೆಗಡೆ ಅವರು ವಾಸವಾಗಿದ್ದಾರೆ. ಅದೇ ಊರಿನ ಅನುಪಮ ಪುರುಷೋತ್ತಮ ಹೆಗಡೆ ಹಾಗೂ ಶ್ರೀಪಾದ ಹೆಗಡೆ ನಡುವೆ ಮೊದಲಿನಿಂದಲೂ ವೈಮನಸ್ಸಿದೆ. ಹರಿಯುವ ನೀರಿನ ವಿಷಯವಾಗಿ ಆ ಎರಡು ಕುಟುಂಬದವರು ಕಚ್ಚಾಟ ನಡೆಸುವ ವಿಷಯ ಊರಿಗೆ ತಿಳಿದಿದೆ. ಇದೇ ವಿಷಯವಾಗಿ ಸದ್ಯ ಹೊಡೆದಾಟ ನಡೆದಿದ್ದು, ಶ್ರೀಪಾದ ಹೆಗಡೆ ಅವರಿಗೆ ಹೊಡೆಯಲು ಅನುಪಮ ಹೆಗಡೆ ಅವರ ಜೊತೆ ಮತ್ತೆ ಏಳು ಜನ ಕೈ ಜೋಡಿಸಿದ್ದಾರೆ. ಇದನ್ನೂ ಓದಿ: ಶ್ರೀಪಾದ ಹೆಗಡೆಯೂ ಸಾಚಾ ಅಲ್ಲ! ಡಿಸೆಂಬರ್ 21ರಂದು ಶ್ರೀಪಾದ ಹೆಗಡೆ ಅವರು ಕಾಲುದಾರಿಯ ಮೂಲಕ ತೋಟಕ್ಕೆ ಹೋಗುತ್ತಿದ್ದರು. ಆಗ ಅವರಿಗೆ ಅನುಪಮ ಹೆಗಡೆ ಅವರು ಎದುರಾದರು. ಶ್ರೀಪಾದ ಹೆಗಡೆ ಅವರನ್ನು ಉದ್ದೇಶಿಸಿ ಅನುಪಮ ಹೆಗಡೆ ಅವರು ಬೈಗುಳ ಶುರು ಮಾಡಿದರು. ಶ್ರೀಪಾದ ಹೆಗಡೆ ಅವರನ್ನು ನಿಂದಿಸಿ ಅವರನ್ನು ನೆಲಕ್ಕೆ ದೂಡಿದರು. ಆಗ ಅಲ್ಲಿ ಪುರುಷೋತ್ತಮ ನಾರಾಯಣ ಹೆಗಡೆ ಅವರು ಕತ್ತಿ ಹಿಡಿದುಕೊಂಡು ಬಂದಿದ್ದು, ಅನುಪಮ ಹೆಗಡೆ ಅವರು ಆ ಕತ್ತಿಪಡೆದರು. ಅಲ್ಲಿಯೇ ಇದ್ದ ಅನುರಾಧಾ ಪುರುಷೋತ್ತಮ ಹೆಗಡೆ ಅವರು ಶ್ರೀಪಾದ ಹೆಗಡೆ ಅವರು ತಪ್ಪಿಸಿಕೊಳ್ಳದ ಹಾಗೇ ಕೈ ಹಿಡಿದುಕೊಂಡರು. ಆಗ, ಅನುಪಮ ಹೆಗಡೆ ಅವರು ಬೀಸಿದ ಕತ್ತಿ ಶ್ರೀಪಾದ ಹೆಗಡೆ ಅವರ ತಲೆಗೆ ತಾಗಿತು. ಹಣೆಯಿಂದ ರಕ್ತವೂ ಸುರಿಯಿತು. ಈ ವೇಳೆ ಅದೇ ಭಾಗದ ಗಜಾನನ ಮಂಜುನಾಥ ಹೆಗಡೆ ಅವರು ಹಗ್ಗ ಹಿಡಿದು ಅಲ್ಲಿಗೆ ಬಂದರು. ಅವರ ಜೊತೆಗಿದ್ದ ರಾಹುಲ್ ಗಜಾನನ ಹೆಗಡೆ, ರಾಜೇಶ್ವರಿ ಗಜಾನನ ಹೆಗಡೆ, ಕೃಷ್ಣ ವೆಂಕಟ್ರಮಣ ಹೆಗಡೆ ಹಾಗೂ ಪ್ರಿಯಾ ಕೃಷ್ಣ ಹೆಗಡೆ ಸೇರಿ ಆ ಹಗ್ಗದಿಂದ ಶ್ರೀಧರ ಹೆಗಡೆ ಅವರನ್ನು ಕಟ್ಟಿ ಹಾಕಿದರು. ಎರಡು ಕೈಗಳನ್ನು ಕಟ್ಟಿ ಹಿಂಸಿಸಲು ಶುರು ಮಾಡಿದರು. ಈ ವೇಳೆ ಶ್ರೀಪಾದ ಹೆಗಡೆ ಅವರ ಪತ್ನಿ ಅಲ್ಲಿಗೆ ಧಾವಿಸಿದ್ದು, ಅವರನ್ನು ನೋಡಿದ ಆ ಎಂಟು ಜನ ಅಲ್ಲಿಂದ ಓಡಿದರು. `ಮತ್ತೊಮ್ಮೆ ಒಬ್ಬನೇ ಸಿಕ್ಕರೆ ನಿನಗೆ ಗತಿ ಕಾಣಿಸುವೆ’ ಎಂದು ಅವರೆಲ್ಲರೂ ಬೆದರಿಸಿದ್ದು, ಬೆದರಿಕೆಗೆ ಹೆದರಿದ ಶ್ರೀಪಾದ ಹೆಗಡೆ ಅವರು ಪೊಲೀಸರ ಮೊರೆ ಹೋದರು.
- [ಧನಲಕ್ಷ್ಮಿ ಸ್ವೀಟ್ಸ್ V/S ರಾಮದೇವ ಎಜನ್ಸಿ](https://mobiletime.in/2025/12/dhanalakshmi-sweets-v-s-ramdev-agency/): ಧನಲಕ್ಷ್ಮಿ ಸ್ವೀಟ್ಸ್ ಹಾಗೂ ರಾಮದೇವ ಎಜನ್ಸಿ ಮಾಲಕರ ನಡುವೆ ವೈಮನಸ್ಸು ಉಂಟಾಗಿದ್ದು, ಅದು ಹೊಡೆದಾಟದ ಸ್ವರೂಪಪಡೆದಿದೆ. ತಮಗಾದ ಅನ್ಯಾಯದ ವಿರುದ್ಧ ಎರಡೂ ಕಡೆಯವರು ಪೊಲೀಸರ ಮೊರೆ ಹೋಗಿದ್ದಾರೆ. ಕಾರವಾರದ ಹೆಂಜಾ ನಾಯ್ಕ ಸರ್ಕಲ್ ಬಳಿಯ ಧನಲಕ್ಷ್ಮಿ ಸ್ವೀಟ್ಸ್ ಮಳಿಗೆ ಇದೆ. ಅಲ್ಲಿಯೇ ಪಕ್ಕದಲ್ಲಿ ರಾಮದೇವ ಎಜನ್ಸಿಯೂ ಇದೆ. ಕೆ ಎಚ್ ಬಿ ಕಾಲೋನಿಯ ರಾಜು ಫುಖರಾಜ ಬಾಟಿ ಅವರು ಧನಲಕ್ಷ್ಮಿ ಸ್ವೀಟ್ಸ್ ಮಳಿಗೆ ನಡೆಸುತ್ತಿದ್ದಾರೆ. ಸಂಕ್ರಿವಾಡದ ರಣಚೋರ ರಾಮಾ ಚೌದರಿ ಅವರು ರಾಮದೇವ ಎಜನ್ಸಿ ನಡೆಸುತ್ತಿದ್ದಾರೆ. ಈ ಎರಡು ಮಳಿಗೆಯವರ ನಡುವೆ ಡಿಸೆಂಬರ್ 12ರಂದು ರಾತ್ರಿ ಹೊಡೆದಾಟ ನಡೆದಿದೆ. ಮಾಹಿತಿಗಳ ಪ್ರಕಾರ, ಧನಲಕ್ಷ್ಮಿ ಸ್ವೀಟ್ಸ್ ಅಂಗಡಿಯಲ್ಲಿ ರಾಜು ಅವರು ವ್ಯಾಪಾರ ನಡೆಸುತ್ತಿದ್ದಾಗ ರಣಚೋರ ಚೌದರಿ ಕಡೆಯವರು ಅವರ ಅಂಗಡಿ ಮುಂದೆ ಚಪ್ಪಲಿ ಎಸೆದಿದ್ದಾರೆ. ಈ ವಿಷಯವಾಗಿ ಪ್ರಶ್ನಿಸಿದಾಗ ಮಾತಿಗೆ ಮಾತು ಬೆಳೆದು ಜಗಳವಾಗಿದೆ. ಅದೇ ಹೊಡೆದಾಟಕ್ಕೆ ಕಾರಣವಾಗಿದೆ. `ರಣಚೋರ ರಾಮಾ ಚೌದರಿ ಅವರ ಜೊತೆ ಸಂತೋಷ, ಪದ್ಮರಾಜ ಹಾಗೂ ಪ್ರಕಾಶ ಸೇರಿ ಅಂಗಡಿ ಮುಂದೆ ಚಪ್ಪಲಿ ಅಂಗಡಿ ಹಾಕಿದ್ದು ಇದನ್ನು ಪ್ರಶ್ನಿಸಿದಕ್ಕಾಗಿ ತಂದೆ-ತಾಯಿ ಕೈ ತಿರುಪಿ ಹಲ್ಲೆ ಮಾಡಿದ್ದಾರೆ’ ಎಂದು ರಾಜು ಬಾಟಿ ಅವರು ಪೊಲೀಸ್ ದೂರು ನೀಡಿದ್ದಾರೆ. `ರಾಮದೇವ ಎಜನ್ಸಿಯಲ್ಲಿ ತಾನೂ ವ್ಯಾಪಾರ ಮಾಡುವಾಗ ಫುಖರಾಜ ಬಾಟಿ, ಹಿರಾರಮಾ, ರಾಜು, ಉಷಾ, ಡಿಂಪಲ್ ಸೇರಿ ಹಲ್ಲೆ ಮಾಡಿದ್ದಾರೆ’ ಎಂದು ರಣಚೋರ ಚೌದರಿ ದೂರಿದ್ದಾರೆ. `ಈ ವೇಳೆ ರಾಜು ಅವರು ಕತ್ತರಿಯಿಂದ ಚುಚ್ಚಿದ್ದಾರೆ’ ಎಂದು ರಣಚೋರ ಚೌದರಿ ಹೇಳಿದ್ದಾರೆ. ಕಾರವಾರ ನಗರ ಠಾಣೆ ಪೊಲೀಸರು ಎರಡು ಕಡೆಯವರ ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.
- [ಯಲ್ಲಾಪುರ ಜಾತ್ರೆ: ಎಲ್ಲರೂ ಕಾರು ತರುವುದೇ ಇಲ್ಲಿನ ದೊಡ್ಡ ಸಮಸ್ಯೆ!](https://mobiletime.in/2025/12/yellapur-fair-the-biggest-problem-here-is-that-everyone-brings-a-car/): ಫೆಬ್ರವರಿ 11ರಿಂದ 19ರವರೆಗೆ ಯಲ್ಲಾಪುರದಲ್ಲಿ ಅದ್ಧೂರಿಯಾಗಿ ಜಾತ್ರೆ ನಡೆಯಲಿದ್ದು, ಜಾತ್ರೆಗೆ ಬರುವ ಬಹುತೇಕರು ಕಾರುಗಳಲ್ಲಿ ಆಗಮಿಸುವ ಕಾರಣ ಟ್ರಾಫಿಕ್ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆಗಳಿದೆ. ಕಾರು ತರುವ ಬದಲು ಬೈಕು ಹಾಗೂ ಸರ್ಕಾರಿ ಬಸ್ಸುಗಳನ್ನು ಬಳಸಿದರೆ ಸಂಚಾರ ದಟ್ಟಣೆ ಸಮಸ್ಯೆ ಬಗೆಹರಿಸಲು ಸಾಧ್ಯ ಎನ್ನುವ ಬಗ್ಗೆ ಸೋಮವಾರ ನಡೆದ ಪೂರ್ವಭಾವಿ ಸಭೆಯಲ್ಲಿ ಚರ್ಚೆ ನಡೆದಿದೆ. ಯಲ್ಲಾಪುರ ಪಟ್ಟಣದ ಎಪಿಎಂಸಿ ರೈತಭವನದಲ್ಲಿ ವಾಹನ ದಟ್ಟಣೆ ತಗ್ಗಿಸಲು ಕೈಗೊಳ್ಳಬೇಕಾದ ಕ್ರಮಗಳ ಕುರಿತು ಸಭೆಯಲ್ಲಿ ಸುಧೀರ್ಘ ಚರ್ಚೆ ನಡೆದಿದ್ದು, ಅನೇಕರು ವಿವಿಧ ಸಲಹೆ ನೀಡಿದರು. `ವಾಹನಗಳ ಸಂಚಾರವನ್ನು ಹಂತಹAತವಾಗಿ ಏಕಮುಖವಾಗಿ ಸಂಚರಿಸಲು ವ್ಯವಸ್ಥೆ ಮಾಡಿಕೊಡಿ’ ಎಂದು ಶಿವರಾಮ ಹೆಬ್ಬಾರ್ ಅವರು ಪೊಲೀಸರಿಗೆ ಸೂಚಿಸಿದರು. `ಸಾರ್ವಜನಿಕರು ಸಹ ಕಾರುಗಳಲ್ಲಿ ಬರುವ ಬದಲು ಸಣ್ಣ ಸಣ್ಣ ವಾಹನ ಬಳಸಿದರೆ ಅನುಕೂಲ. ಜಾತ್ರಾ ಪಟ್ಟಣದವರೆಗೂ ವಾಹನ ಒಯ್ಯುವ ಬದಲು 200-300ಮೀಟರ್ ದೂರವಿಟ್ಟರೆ ಒಳಿತು’ ಎಂದು ಶಿವರಾಮ ಹೆಬ್ಬಾರ್ ಅವರು ಸಾರ್ವಜನಿಕರಲ್ಲಿ ಮನವಿ ಮಾಡಿದರು. `ಬೀದಿದೀಪಗಳ ವ್ಯವಸ್ಥೆ ಸಮರ್ಪಕವಾಗಿ ಮಾಡಬೇಕು. ಹೆಚ್ಚುವರಿಯಾಗಿ ಮೊಬೈಲ್ ಶೌಚಗೃಹಗಳ ವ್ಯವಸ್ಥೆ ಮಾಡಿಕೊಡಬೇಕು. ಫೆ 8 ರಿಂದ 22ರವರೆಗೆ ಪ್ರತಿನಿತ್ಯ ಕುಡಿಯುವ ನೀರಿನ ಸರಬರಾಜು ಮಾಡಬೇಕು. ನೀರಿನ ಕೊರತೆಯಾಗದಂತೆ ಮುಂಜಾಗ್ರತೆ ವಹಿಸಬೇಕು’ ಎಂದು ಪಟ್ಟಣ ಪಂಚಾಯತ ಅಧಿಕಾರಿಗಳಿಗೆ ಸೂಚಿಸಿದರು. `ಆರೋಗ್ಯ ಇಲಾಖೆಯವರು ತುರ್ತು ಚಿಕಿತ್ಸೆಗೆ ತಾತ್ಕಾಲಿಕ ಘಟಕ ರಚಿಸಿ, ಅಗತ್ಯ ಸಿಬ್ಬಂದಿ ಹಾಗೂ ವ್ಯವಸ್ಥೆ ಸಿದ್ಧತೆಯಲ್ಲಿರಬೇಕು. ಹೋಟೆಲ್ ಮತ್ತು ಆಹಾರ ಮಳಿಗೆಗಳಲ್ಲಿ ಆಹಾರದ ಗುಣಮಟ್ಟದ ಬಗ್ಗೆ ಸಂಬAಧಿಸಿದ ಅಧಿಕಾರಿಗಳು ಗಮನ ಹರಿಸಬೇಕು’ ಎಂದು ಆರೋಗ್ಯ ಇಲಾಖೆಗೆ ಹೆಬ್ಬಾರ್ ಸೂಚಿಸಿದರು. `ಗ್ರಾಮೀಣ ಭಾಗಗಳಿಗೆ ಅಗತ್ಯವಿರುವಲ್ಲಿ ವಿಶೇಷ ಬಸ್ ಓಡಿಸಬೇಕು. ಹೆಚ್ಚುವರಿ ಬಸ್ ಗಳ ಅಗತ್ಯವಿದ್ದರೆ ಹೊರಗಿನಿಂದ ತರಿಸಿ’ ಎಂದು ಬಸ್ ಘಟಕದ ಅಧಿಕಾರಿಗಳಿಗೆ ತಿಳಿಸಿದರು. `ಅಮ್ಯೂಸ್ ಮೆಂಟ್ ಪಾರ್ಕ್, ಮನರಂಜನೆ ವಿಚಾರದಲ್ಲಿ ಜನರಿಗೆ ತೊಂದರೆಯಾಗದAತೆ ಪಟ್ಟಣ ಪಂಚಾಯಿತಿ ಕ್ರಮ ಕೈಗೊಳ್ಳಬೇಕು. ಜನವರಿ 3 ರಂದು ಮುಂದಿನ ಹಂತದ ಸಿದ್ಧತೆ ಬಗ್ಗೆ ಪಟ್ಟಣ ಪಂಚಾಯಿತಿಯಲ್ಲಿ ಸಭೆ ನಡೆಸಲಾಗುತ್ತದೆ’ ಎಂದರು. `ಜಾತ್ರೆಯಲ್ಲಿ ಭದ್ರತೆಗೆ ಮೊದಲ ಆದ್ಯತೆ ನೀಡಬೇಕು. ಜಾತ್ರೆಯ ಯಶಸ್ಸಿನಲ್ಲಿ ಎಲ್ಲರೂ ಕೈಜೋಡಿಸಬೇಕು. ಪಟ್ಟಣ ಪಂಚಾಯಿತಿ ಹಾಗೂ ಪೊಲೀಸ್ ಇಲಾಖೆಯ ಸಹಾಯವಾಣಿ ಸರಿಯಾಗಿ ಕಾರ್ಯನಿರ್ವಹಿಸಬೇಕು. ಗ್ರಾಮದೇವಿ ದೇವಸ್ಥಾನದ ರಸ್ತೆ ದುರಸ್ತಿಗೆ ಅಗತ್ಯ ಕ್ರಮ ಜರುಗಿಸಬೇಕು’ ಎಂದು ಸೂಚಿಸಿದರು. `ಫುಟ್ ಪಾತ್ ಮೇಲಿನ ಅಂಗಡಿಗಳನ್ನು ನಿರ್ದಾಕ್ಷಿಣ್ಯವಾಗಿ ತೆರವುಗೊಳಿಸಬೇಕು. ಸಂಚಾರ ವ್ಯವಸ್ಥೆಗೆ ಅನುಕೂಲ ಆಗಬೇಕು. ಎಲ್ಲ ಅಧಿಕಾರಿಗಳು, ಸಾರ್ವಜನಿಕರು, ಸಂಘ ಸಂಸ್ಥೆಗಳ ಸಹಕಾರದೊಂದಿಗೆ ಜಾತ್ರೆಯನ್ನು ಯಶಸ್ವಿಗೊಳಿಸಬೇಕು. ಅಧಿಕಾರಿಗಳು ಕಾನೂನು ಪುಸ್ತಕ ಬದಿಗಿಟ್ಟು, ಜನರ ಹಿತದೃಷ್ಟಿಯಿಂದ ಕೆಲಸ ಮಾಡಬೇಕು’ ಎಂದು ಎಚ್ಚರಿಸಿದರು. `ಜಾತ್ರೆಯಲ್ಲಿ ಸಂಚಾರ ಮತ್ತು ಪಾರ್ಕಿಂಗ್ ವ್ಯವಸ್ಥೆಗೆ ಯೋಜನೆ ರೂಪಿಸಲಾಗಿದೆ. ಸಂಜೆಯ ನಂತರ ರಾತ್ರಿಯವರೆಗೂ ರಾಷ್ಟ್ರೀಯ ಹೆದ್ದಾರಿಯಲ್ಲಿ ದೊಡ್ಡ ವಾಹನಗಳ ಸಂಚಾರ ಸ್ಥಗಿತಗೊಳಿಸಲಾಗುವುದು. ಆ ವಾಹನಗಳನ್ನು ಇಡಗುಂದಿ, ಗುಳ್ಳಾಪುರ ಹಾಗೂ ಹಿಟ್ಟಿನಬೈಲ್ ಕಡೆ ನಿಲುಗಡೆ ಮಾಡಲಾಗುವುದು. ಸಣ್ಣ ವಾಹನಗಳಿಗೆ ತಟಗಾರ ಕ್ರಾಸಿನಿಂದ ನಿಸರ್ಗಮನೆ ಮೂಲಕ ಬಿಸಗೋಡ ಕ್ರಾಸಿಗೆ ತಲುಪುವ ಒಳಮಾರ್ಗದಲ್ಲಿ ಸಂಚರಿಸಲು ಪರ್ಯಾಯ ವ್ಯವಸ್ಥೆ ಕಲ್ಪಿಸಲಾಗುವುದು. ಜಾತ್ರೆಗೆ ಬರುವ ವಾಹನಗಳಿಗೆ ಪಟ್ಟಣದ ಮದರ್ ತೆರೆಸಾ ಬಳಿಯ ಮೈದಾನ, ಐಬಿ ರಸ್ತೆ ಪಕ್ಕ, ಹಳೆ ತಹಸೀಲ್ದಾರ ಕಚೇರಿ ಹಿಂಭಾಗ, ಉರ್ದು ಶಾಲೆ ಮೈದಾನ, ಎಪಿಎಂಸಿ ಆವಾರ, ಅರಣ್ಯ ಇಲಾಖೆಯ ಸಸ್ಯೋದ್ಯಾನ ಮುಂತಾದೆಡೆ ಪಾರ್ಕಿಂಗ್ ವ್ಯವಸ್ಥೆ ಕಲ್ಪಿಸಲಾಗುವುದು’ ಎಂದು ಪಿಐ ರಮೇಶ ಹಾನಾಪುರ ಮಾಹಿತಿ ನೀಡಿದರು. ಗ್ರಾಮದೇವಿ ದೇವಸ್ಥಾನದ ಅಧ್ಯಕ್ಷ ರಾಜೇಂದ್ರಪ್ರಸಾದ ಭಟ್ಟ, ಡಿವೈಎಸ್‌ಪಿ ಗೀತಾ ಪಾಟೀಲ, ತಹಸೀಲ್ದಾರ ಚಂದ್ರಶೇಖರ ಹೊಸ್ಮನಿ, ಸಂಕಲ್ಪ ಸಂಸ್ಥೆ ಅಧ್ಯಕ್ಷ ಪ್ರಮೋದ ಹೆಗಡೆ, ಪ್ರಮುಖರಾದ ಹರಿಪ್ರಕಾಶ ಕೋಣೆಮನೆ, ವಿಜಯ ಮಿರಾಶಿ, ವಿ ಎಸ್ ಭಟ್ಟ ಇತರರಿದ್ದರು.
- [ಹೆಬ್ಬಾರ್ ಪರಿವಾರದಲ್ಲಿ ದುಖಃ ಜೀವದ ಗೆಳೆಯ ಇನ್ನಿಲ್ಲ](https://mobiletime.in/2025/12/sadly-the-hebbar-family-no-longer-has-a-lifelong-friend/): ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್ ಅವರ ಬಾಲ್ಯ ಸ್ನೇಹಿತ ಶ್ರೀಧರ ನಾಯ್ಕ ಅವರು ಭೂ ಲೋಕದ ಯಾತ್ರೆ ಮುಗಿಸಿದ್ದಾರೆ. ಅವರ ನಿಧನಕ್ಕೆ ಶಿವರಾಮ ಹೆಬ್ಬಾರ್ ಅವರು ಕಂಬನಿ ಮಿಡಿದಿದ್ದಾರೆ. ಶ್ರೀಧರ ನಾರಾಯಣ ನಾಯ್ಕ ಅವರು ಯಲ್ಲಾಪುರದ ಅರಬೈಲಿನಲ್ಲಿ ವಾಸವಾಗಿದ್ದರು. ಶ್ರಮ ಜೀವಿ ಆಗಿದ್ದ ಅವರು ಅನೇಕರ ಪಾಲಿಗೆ ಆಪತ್ಬಾಂದವರಾಗಿದ್ದರು. ಅರಬೈಲ್ ಘಟ್ಟದಲ್ಲಿ ಅಪಘಾತಗಳು ನಡೆದಾಗ ತಕ್ಷಣ ಭೇಟಿ ನೀಡಿ ಜನರಿಗೆ ನೆರವಾಗುತ್ತಿದ್ದರು. ಅವರ ಸೇವಾ ಗುಣಗಳಿಂದಲೇ ಪ್ರಸಿದ್ದಿಪಡೆದಿದ್ದು, ಸ್ಥಳೀಯ ಗ್ರಾಮ ಪಂಚಾಯತ ಪ್ರತಿನಿಧಿಯಾಗಿಯೂ ಕೆಲಸ ಮಾಡಿದ್ದರು. ಶ್ರೀಧರ ನಾಯ್ಕ ಅವರು ಶಿವರಾಮ ಹೆಬ್ಬಾರ್ ಅವರ ಬಾಲ್ಯದ ಗೆಳೆಯರಾಗಿದ್ದರು. ಶಿವರಾಮ ಹೆಬ್ಬಾರ್ ಅವರು ಲಾರಿ ಚಾಲಕಾಗಿದ್ದ ಅವಧಿಯಿಂದಲೂ ಶ್ರೀಧರ ನಾಯ್ಕ ಅವರು ಹೆಬ್ಬಾರ್ ಅವರ ಜೊತೆ ದುಡಿದಿದ್ದರು. ಈಚೆಗೆ ವಯೋಸಹಜ ಖಾಯಿಲೆಗೆ ತುತ್ತಾಗಿದ್ದ ಅವರು ಭಾನುವಾರ ತಮ್ಮ ಜೀವನದ ಪ್ರಯಾಣ ಮುಗಿಸಿದರು. ಮೂರು ಗಂಡು ಮಕ್ಕಳ ಜೊತೆ ಅಪಾರ ಪ್ರಮಾಣದ ಬಂಧು-ಬಳಗದವರನ್ನು ಶ್ರೀಧರ ನಾಯ್ಕ ಅವರು ಅಗಲಿದ್ದಾರೆ. ಕೆಪಿಸಿಸಿ ಸದಸ್ಯ ವಿವೇಕ್ ಹೆಬ್ಬಾರ್, ಜಿಲ್ಲಾ ಪಂಚಾಯತ ಮಾಜಿ ಸದಸ್ಯ ವಿಜಯ್ ಮಿರಾಶಿ, ಸತೀಶ ನಾಯ್ಕ ಕೊಂಡೆಮನೆ ಸೇರಿ ಅನೇಕರು ಶ್ರೀಧರ ನಾಯ್ಕ ಅವರ ಕುಟುಂಬಕ್ಕೆ ಸಾಂತ್ವಾನ ಹೇಳಿದ್ದಾರೆ.
- [ಅಪರಿಚಿತ ಮಾಡಿದ ಅವಾಂತರ: ಅಪಘಾತಕ್ಕೆ ಬಲಿಯಾದ ಬೈಕ್ ಸವಾರ!](https://mobiletime.in/2025/12/a-stranger-caused-trouble-biker-killed-in-accident/): ಅಪಘಾತದ ನಂತರ ಗಾಯಾಳುವನ್ನು ಚಾಲಕ ಆಸ್ಪತ್ರೆಗೆ ಸಾಗಿಸದೇ ಪರಾರಿಯಾದ ಪರಿಣಾಮ ವ್ಯಕ್ತಿಯೊಬ್ಬರ ಜೀವ ಹೋಗಿದೆ. ರಸ್ತೆ ಅಪಘಾತದಲ್ಲಿ ಗಾಯಗೊಂಡು ನರಳಾಡುತ್ತಿದ್ದ ಸುರೇಶ ಗಾಂವ್ಕರ್ ಅವರು ತಡವಾಗಿ ಆಸ್ಪತ್ರೆ ಸೇರಿದ್ದರಿಂದ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಅಂಕೋಲಾದ ಬೇಳಾಬಂದರಿನಲ್ಲಿ ಸುರೇಶ ಹಿರಿಯಾ ಗಾಂವ್ಕರ್ (61) ಅವರು ವಾಸವಾಗಿದ್ದರು. ಡಿಸೆಂಬರ್ 19ರ ಸಂಜೆ 7.20ರ ವೇಳೆಗೆ ಅವರು ತಮ್ಮ ಬೈಕಿನಲ್ಲಿ ಸಂಚಾರ ನಡೆಸಿದ್ದರು. ಕಾರವಾರ-ಅಂಕೋಲಾ ಮಾರ್ಗದಲ್ಲಿ ಸುರೇಶ ಗಾಂವ್ಕರ್ ಅವರು ಹೊರಟಿರುವಾಗ ಹಿಂದಿನಿAದ ಬಂದ ವಾಹನವೊಂದು ಅವರ ಬೈಕಿಗೆ ಗುದ್ದಿತು. ಬಾಳೆಗುಳಿ ಮೇಲ್ಸೆತುವೆ ಹತ್ತಿರ ಬಿಳಿ ಬಣ್ಣದ ಸಣ್ಣ ವಾಹನ ಗುದ್ದಿದ ರಭಸಕ್ಕೆ ಸುರೇಶ ಗಾಂವ್ಕರ್ ಅವರು ರಸ್ತೆ ಮೇಲೆ ಬಿದ್ದರು. ಅಪಘಾತ ನೋಡಿದ ಬಿಳಿ ವಾಹನದ ಚಾಲಕ ತಕ್ಷಣ ಅಲ್ಲಿಂದ ಪರಾರಿಯಾದರು. ಅಪಘಾತಕ್ಕೆ ಒಳಗಾದವರನ್ನು ಆಸ್ಪತ್ರೆಗೆ ಸೇರಿಸುವ ಕೆಲಸವನ್ನು ಆ ಚಾಲಕ ಮಾಡಲಿಲ್ಲ. ಅಪಘಾತದ ಬಗ್ಗೆ ಪೊಲೀಸರಿಗೆ ಸಹ ಮಾಹಿತಿ ಕೊಡಲಿಲ್ಲ. ಸುರೇಶ ಗಾಂವ್ಕರ್ ಅವರ ತಲೆ, ಕೈ-ಕಾಲಿಗೆ ಗಾಯವಾಗಿ ನರಳಾಡುತ್ತಿದ್ದರು. ಇದನ್ನು ನೋಡಿದ ಕೆಲವರು ಸುರೇಶ ಗಾಂವ್ಕರ್ ಅವರನ್ನು ಅಂಕೋಲಾದ ಆರ್ಯ ಮೆಡಿಕಲ್’ಗೆ ಕಳುಹಿಸಿದರು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಅವರನ್ನು ಅದಾದ ನಂತರ ಉಡುಪಿ ಆದರ್ಶ ಆಸ್ಪತ್ರೆ ಕರೆದೊಯ್ಯಲಾಯಿತು. ಅದಾಗಿಯೂ, ಡಿಸೆಂಬರ್ 20ರಂದು ಅವರು ಸಾವನಪ್ಪಿದರು. ಐ ಆರ್ ಬಿಯಲ್ಲಿ ಕೆಲಸ ಮಾಡುವ ಅವರ್ಸಾ ಸಕಲಬೇಣದ ನವೀನ ಪಡ್ತಿ ಅವರು ಅಪಘಾತದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಸುರೇಶ ಗಾಂವ್ಕರ್ ಅವರು ಸಾವನಪ್ಪಿದ ಬಗ್ಗೆ ಆದರ್ಶ ಆಸ್ಪತ್ರೆಯವರು ತಿಳಿಸಿದರು. `ಅಪಘಾತದ ನಂತರ ಗಾಯಗೊಂಡವರನ್ನು ಆಸ್ಪತ್ರೆಗೆ ಸೇರಿಸುವುದೇ ಧರ್ಮ’  
- [ಹೆದ್ದಾರಿ ಹೊಂಡ ತುಂಬಿದ ಎಸಿಸಿ ಸಿಮೆಂಟ್!](https://mobiletime.in/2025/12/acc-cement-filled-the-highway-pothole/): ಹುಬ್ಬಳ್ಳಿ ಅಂಕೋಲಾ ರಾಷ್ಟ್ರೀಯ ಹೆದ್ದಾರಿ ಮೇಲೆ ಚಲಿಸುತ್ತಿದ್ದ ಸಿಮೆಂಟ್ ತುಂಬಿದ ಲಾರಿ ಯಲ್ಲಾಪುರದಲ್ಲಿ ಪಲ್ಟಿಯಾಗಿದೆ. ಪರಿಣಾಮ ಹೆದ್ದಾರಿ ಪೂರ್ತಿ ಸಿಮೆಂಟ್ ಚೀಲಗಳು ಬಿದ್ದಿವೆ. ಯಲ್ಲಾಪುರದ ಕೆ ಮಿಲಿನ್ ಹೊಟೇಲ್ ಬಳಿ ಭಾನುವಾರ ಸಿಮೆಂಟ್ ಲಾರಿ ಪಲ್ಟಿಯಾಯಿತು. ಪರಿಣಾಮ ತಾಸುಗಳ ಕಾಲ ಸಂಚಾರ ದಟ್ಟಣೆ ಉಂಟಾಗಿದ್ದು, ಇನ್ನಿತರ ವಾಹನ ಸವಾರರು ಸಮಸ್ಯೆ ಅನುಭವಿಸಿದರು. ವಿಷಯ ಅರಿತ ಪೊಲೀಸರು ಸ್ಥಳಕ್ಕೆ ಧಾವಿಸಿ ವಾಹನ ಸವಾರರ ಸಮಸ್ಯೆ ಆಲಿಸಿದರು. ನಂತರ ಒಂದು ಬದಿಯಿಂದ ಇನ್ನಿತರ ವಾಹನ ಸಂಚಾರಕ್ಕೆ ಅವಕಾಶ ಮಾಡಿಕೊಟ್ಟರು. ಬಳ್ಳಾರಿಯಿಂದ ಎಸಿಸಿ ಸಿಮೆಂಟ್ ಚೀಲಗಳನ್ನು ಹೊತ್ತ ಲಾರಿ ಕೇರಳಕ್ಕೆ ಹೋಗಬೇಕಿತ್ತು. ಯಲ್ಲಾಪುರ ಬಳಿಯ ಹೆದ್ದಾರಿ ಹೊಂಡಕ್ಕೆ ಲಾರಿಯ ನಿಯಂತ್ರಣ ತಪ್ಪಿದ್ದು, ಚಾಲಕನ ನಿರ್ಲಕ್ಷದ ಕಾರಣ ಲಾರಿ ಪಲ್ಟಿಯಾಯಿತು. ಅಪಘಾತದ ರಭಸಕ್ಕೆ ಲಾರಿಯೊಳಗಿದ್ದ ಸಿಮೆಂಟ್ ಚೀಲಗಳೆಲ್ಲವೂ ಹೆದ್ದಾರಿ ಮೇಲೆ ಬಿದ್ದವು. ಸ್ಥಳದಲ್ಲಿ ಸಾಕಷ್ಟು ಧೂಳು ಕಾಣಿಸಿದ್ದು, ಸಿಮೆಂಟ್ ಧೂಳು ಸೇವಿಸಿದ ಜನ ಕೆಮ್ಮಿನ ಸಮಸ್ಯೆಯನ್ನು ಅನುಭವಿಸಿದರು. ನಂತರ ಕ್ರೇನ್ ಮೂಲಕ ಲಾರಿಯನ್ನು ಮೇಲೆತ್ತಲಾಗಿದೆ. ಅಪಘಾತದಲ್ಲಿ ಲಾರಿ ಚಾಲಕನ ಕೈಗೆ ಪೆಟ್ಟಾಗಿದೆ. ಪಿಸೈ ಸಿದ್ದಪ್ಪ ಗುಡಿ ತಂಡದ ಪೊಲೀಸರು ಸ್ಥಳದಲ್ಲಿದ್ದು ವಾಹನ ಸಂಚಾರ ಸುಗಮಗೊಳಿಸಿದರು.
- [ದುಡುಕು ನಿರ್ಧಾರ: ಬಾಳಿ ಬದುಕಬೇಕಿದ್ದವನ ಬದುಕು ಅಂತ್ಯ!](https://mobiletime.in/2025/12/a-rash-decision-the-life-of-someone-who-was-meant-to-live-is-over/): ಬಾಳಿ ಬದುಕಬೇಕಿದ್ದ ನಿತಿನ್ ಭಟ್ಟ ಅವರು ದಿಢೀರ್ ಆಗಿ ದುಡುಕು ನಿರ್ಧಾರ ಮಾಡಿದ್ದಾರೆ. 20ನೇ ವಯಸ್ಸಿನಲ್ಲಿಯೇ ಅವರು ತಾವು ವಾಸವಿದ್ದ ಕೊಠಡಿಯಲ್ಲಿಯೇ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ನಿತಿನ್ ಭಟ್ಟ ಅವರು ಅಂಕೋಲಾ ತಾಲೂಕಿನ ಕಲ್ಲೇಶ್ವರದ ರಾಘವೇಂದ್ರ ಭಟ್ಟ ಹಾಗೂ ಸ್ಮಿತಾ ಭಟ್ಟ ದಂಪತಿಯ ಪುತ್ರರಾಗಿದ್ದರು. ಬೆಂಗಳೂರಿನಲ್ಲಿ ಅವರು ಇಂಜಿನಿಯರ್ ಓದುತ್ತಿದ್ದರು. ಮೂರನೇ ಸಮಿಸ್ಟರ್ ಅಧ್ಯಯನಕ್ಕಾಗಿ ಶ್ರಮಿಸುತ್ತಿದ್ದ ಅವರು ದಿಢೀರ್ ಆಗಿ ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ತಾವು ವಾಸವಿದ್ದ ರೂಮಿನಲ್ಲಿಯೇ ಅವರು ನೇಣಿಗೆ ಶರಣಾದರು. ಗುರುವಾರ ರಾತ್ರಿ ಈ ದುರಂತ ನಡೆದಿದ್ದು, ನಿತಿನ್ ಭಟ್ಟ ಅವರ ಸಾವಿನ ನಿರ್ಧಾರಕ್ಕೆ ಈವರೆಗೂ ಕಾರಣ ಗೊತ್ತಾಗಿಲ್ಲ. ಎಲ್ಲರ ಜೊತೆ ಅನ್ಯೋನ್ಯವಾಗಿದ್ದ ನಿತಿನ್ ಭಟ್ಟ ದಿಢೀರ್ ಆಗಿ ದುಡುಕು ನಿರ್ಧಾರ ಮಾಡಿದ ಬಗ್ಗೆ ಅನೇಕರು ಅಚ್ಚರಿವ್ಯಕ್ತಪಡಿಸಿದ್ದಾರೆ. ಜೊತೆಗೆ ಹಲವರು ಕಂಬನಿ ಮಿಡಿದಿದ್ದಾರೆ. ವಿಷಯ ತಿಳಿದ ಕುಟುಂಬದವರು ಬೆಂಗಳೂರಿಗೆ ದೌಡಾಯಿಸಿದ್ದು, ಅಲ್ಲಿನ ಪೊಲೀಸರು ಸಾವಿನ ತನಿಖೆ ಶುರು ಮಾಡಿದ್ದಾರೆ. `ಆತ್ಮಹತ್ಯೆ ಅಪರಾಧ’  
- [ಅನ್ನಪೂರ್ಣ ಮಾರ್ಟಿನಲ್ಲಿ ಐಸ್ ಕ್ರೀಂ ಕಳುವು!](https://mobiletime.in/2025/12/ice-cream-theft-at-annapurna-mart/): ನರಸಿಂಹ ಭಾಗ್ವತ ಅವರ ಅನ್ನಪೂರ್ಣ ಮಾರ್ಟಿಗೆ ನುಗ್ಗಿದ ಕಳ್ಳರು ಐಸ್ ಕ್ರೀಂ ಕದ್ದಿದ್ದಾರೆ. ಅದರ ಜೊತೆ 10 ಸಾವಿರ ರೂ ಹಣ, 5 ಸಾವಿರ ರೂಪಾಯಿಯ ಕಿರಾಣಿ ಸಾಮಗ್ರಿ ಜೊತೆ ನಿತ್ಯ ಬಳಕೆ ವಸ್ತುಗಳನ್ನು ಸಹ ದೋಚಿದ್ದಾರೆ. ಅಂಕೋಲಾದ ಕನಕನಳ್ಳಿಯ ನರಸಿಂಹ ನಾರಾಯಣ ಭಾಗ್ವತ ಅವರು ಅನ್ನಪೂರ್ಣ ಮಾರ್ಟ ಎಂಬ ಕಿರಾಣಿ ಅಂಗಡಿ ನಡೆಸುತ್ತಿದ್ದಾರೆ. ಅವರ ವ್ಯಾಪಾರದ ಮೇಲೆ ಕಳ್ಳರು ಕಣ್ಣು ಹಾಕಿದ್ದು, ರಾತ್ರಿ ವೇಳೆ ಹಿಂದಿನ ಬಾಗಿಲು ಒಡೆದು ಆ ಮಳಿಗೆಗೆ ನುಗ್ಗಿದ್ದಾರೆ. ಅಂಗಡಿಯಲ್ಲಿದ್ದ ಡ್ರಾವರಿಗೆ ಕೈ ಹಾಕಿದ ಕಳ್ಳರಿಗೆ 10 ಸಾವಿರ ರೂ ಹಣ ಸಿಕ್ಕಿದೆ. ಅದಾದ ನಂತರ ವಿವಿಧ ಕಿರಾಣಿ ಹಾಗೂ ನಿತ್ಯದ ಬಳಕೆ ವಸ್ತುಗಳನ್ನು ಕಳ್ಳರು ಕದ್ದಿದ್ದಾರೆ. ಕೊನೆಗೆ ಐಸ್ ಕ್ರೀಂ ಮೇಲೆ ಆಸೆಪಟ್ಟ ಕಳ್ಳರು ಅದನ್ನು ಅಪಹರಿಸಿದ್ದಾರೆ. ಡಿಸೆಂಬರ್ 18ರ ರಾತ್ರಿ ನರಸಿಂಹ ಭಾಗ್ವತ ಅವರು ಅಂಗಡಿಗೆ ಬೀಗ ಹಾಕಿ ಮನೆಗೆ ಹೋದ ನಂತರ ಕಳ್ಳರ ಆಗಮನವಾಗಿದೆ. ಡಿಸೆಂಬರ್ 19ರ ಬೆಳಗ್ಗೆ ಅಂಗಡಿ ಬಾಗಿಲು ತೆರೆದಾಗ ಅಲ್ಲಿದ್ದ ಹಣ ಹಾಗೂ ಸಾಮಗ್ರಿ ಕಾಣೆಯಾಗಿರುವುದು ಭಾಗ್ವತರ ಗಮನಕ್ಕೆ ಬಂದಿದೆ. ಮಳಿಗೆಯ ಹಿಂದಿನ ಬಾಗಿಲಿಗೆ ರಂದ್ರ ಮಾಡಿ, ಲಾಲ್ದಂಡಿ ತೆಗೆದು ಕಳ್ಳರು ಒಳಗೆ ನುಗ್ಗಿರುವುದು ಆ ವೇಳೆ ನರಸಿಂಹ ಭಾಗ್ವತ ಅವರಿಗೆ ಗೊತ್ತಾಗಿದೆ. ಒಂದೇ ರಾತ್ರಿಯಲ್ಲಿ 25 ಸಾವಿರ ರೂ ನಷ್ಟ ಅನುಭವಿಸಿದ ನರಸಿಂಹ ಭಾಗ್ವತ ಅವರು ಕಳ್ಳರ ಕಾಟದ ಬಗ್ಗೆ ಮನೆಯಲ್ಲಿ ಹೇಳಿದ್ದಾರೆ. ಕುಟುಂಬದವರ ಸಲಹೆ ಮೇರೆಗೆ ಅವರು ಅಂಕೋಲಾ ಪೊಲೀಸ್ ಠಾಣೆಗೆ ಹೋಗಿದ್ದು, ಕಳ್ಳತನದ ವರದಿ ಒಪ್ಪಿಸಿದ್ದಾರೆ. ಪೊಲೀಸರು ಕನಕನಳ್ಳಿಗೆ ಬಂದಿದ್ದ ಕಳ್ಳರ ಹುಡುಕಾಟ ನಡೆಸಿದ್ದಾರೆ.
- [ಮೀನು ಖರೀದಿಗೆ ಬಂದವನ ಕೈಚೀಲ ಕಾಣೆ!](https://mobiletime.in/2025/12/the-wallet-of-the-man-who-came-to-buy-fish-is-missing/): ಡಿಸ್ಕೋಂಟ್ ಸೇಲ್’ನಲ್ಲಿ ಅಂಗಿ-ಪ್ಯಾoಟು-ಚೂಡಿದಾರ ಖರೀದಿಸಿದ ವ್ಯಕ್ತಿಯೊಬ್ಬರು ಮೀನು ಖರೀದಿಗಾಗಿ ಮಾರುಕಟ್ಟೆಗೆ ಹೋಗಿದ್ದು, ಅಲ್ಲಿ ಅವರ ಕೈ ಚೀಲ ಕಾಣೆಯಾಗಿದೆ. ಹೀಗಾಗಿ ಆ ಕೈ ಚೀಲ ಹುಡುಕಿಕೊಡುವಂತೆ ಕೋರಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ! ಕಾರವಾರದ ಹಳಗಾದ ಇನಾನ್ಸ ಸಂತಾನ್ ಅಲ್ಪಾನ್ಸೋ ಅವರು ಡಿಸೆಂಬರ್ 20ರಂದು ತಮ್ಮ ಮಗಳನ್ನು ಕಾಲೇಜಿಗೆ ಬಿಡಲು ನಗರಕ್ಕೆ ಬಂದಿದ್ದರು. ಮಗಳನ್ನು ಕಾಲೇಜಿಗೆ ಬಿಟ್ಟ ನಂತರ ಅವರಿಗೆ ಕಾಜುಭಾಗದ ಪೊಲೀಸ್ ಕಲ್ಯಾಣ ಮಂಟಪದಲ್ಲಿ `ಡಿಸ್ಕೋಂಟ್ ಸೇಲ್’ ನಡೆಯುತ್ತಿರುವುದು ಕಾಣಿಸಿತು. ಅಲ್ಲಿಗೆ ಹೋದ ಅವರು 500ರೂ ಕೊಟ್ಟು ಪ್ಯಾಂಟ್ ಖರೀದಿಸಿದರು. 350ರೂಪಾಯಿಯ ಅಂಗಿಯನ್ನು ಖರೀದಿಸಿದರು. ಅಲ್ಲಿದ್ದ ಚೂಡಿದಾರವೊಂದು ಚಂದ ಕಾಣಿಸಿದ್ದು, ಚೌಕಾಸಿ ಮಾಡಿ ಅದನ್ನು 500ರೂಪಾಯಿಗೆ ಖರೀದಿಸಿದರು. ಎರಡು ಬಾಟಲಿಗಳನ್ನು ಜೊತೆಗೆ ತೆಗೆದುಕೊಂಡರು. ಕಡಿಮೆ ಬೆಲೆಗೆ ಸಿಕ್ಕಿತು ಎಂದು ನಾಲ್ಕು ಸ್ಪೇಯರ್ ಖಾಲಿ ಬಾಟಲಿಗಳನ್ನು ತೆಗೆದುಕೊಂಡರು. ಅದಾದ ನಂತರ ಇನಾನ್ಸ ಅಲ್ಪಾನ್ಸೋ ಅವರಿಗೆ `ಮೀನು ತನ್ನಿ’ ಎಂದು ಮನೆಯಲ್ಲಿ ಹೇಳಿದ್ದು ನೆನಪಾಯಿತು. ನೇರವಾಗಿ ಮೀನು ಮಾರುಕಟ್ಟೆಗೆ ಹೋದ ಅವರು ಮಾರುಕಟ್ಟೆ ಹೊರಭಾಗದಲ್ಲಿ ಬೈಕ್ ನಿಲ್ಲಿಸಿದರು. ಡಿಸ್ಕೋಂಟ್ ಸೇಲ್’ನಲ್ಲಿ ತಂದಿದ್ದ ಸಾಮಗ್ರಿಗಳ ಚೀಲವನ್ನು ಬೈಕ್ ಮೇಲೆಯಿರಿಸಿ ಮಾರುಕಟ್ಟೆ ಪ್ರವೇಶಿಸಿದರು. ಬಗೆ ಬಗೆಯ ಮೀನು ಖರೀದಿಸಿ ಹೊರ ಬಂದ ಇನಾನ್ಸ ಅಲ್ಪಾನ್ಸೋ ಅವರಿಗೆ ಬೈಕಿನ ಮೇಲಿದ್ದ ಚೀಲ ಕಾಣಲಿಲ್ಲ. ಅಕ್ಕ-ಪಕ್ಕದ ಅಂಗಡಿಯವರ ಬಳಿ ಅವರು ಆ ಚೀಲದ ಬಗ್ಗೆ ವಿಚಾರಿಸಿದರು. ಸುತ್ತಲು ಹುಡುಕಾಟ ನಡೆಸಿದರು. ಎಲ್ಲಿ ಹುಡುಕಿದರೂ ಅವರ ಆ ಕೈಚೀಲ ಮಾತ್ರ ಸಿಗಲಿಲ್ಲ. ಹೊಸದಾಗಿ ಖರೀದಿಸಿದ ಅಂಗಿ-ಪ್ಯಾoಟು-ಚೂಡಿದಾರವಿದ್ದ ಕೈ ಚೀಲ ಎಗರಿಸಿದ ಕಳ್ಳರ ಬಗ್ಗೆ ಅವರು ಬೈದುಕೊಂಡರು. ಖರೀದಿಸಿದ ಮೀನು ಹಿಡಿದು ಮನೆಗೆ ಹೋದ ಇನಾನ್ಸ ಅಲ್ಪಾನ್ಸೋ ಅವರು ಕೈ ಚೀಲ ಕದ್ದವರ ಬಗ್ಗೆ ಆಳವಾಗಿ ಚಿಂತಿಸಿದರು. ಸಂಜೆ ಮತ್ತೆ ಕಾರವಾರಕ್ಕೆ ಬಂದ ಅವರು ಆ ಕಳ್ಳರಿಗೆ ಬುದ್ದಿ ಕಲಿಸಬೇಕು ಎಂದು ನಿರ್ಧರಿಸಿ ಪೊಲೀಸ್ ಠಾಣೆಗೆ ಹೋದರು. `ಬೈಕ್ ಮೇಲೆ ಇದ್ದ ಕೈ ಚೀಲ ಕಳ್ಳತನವಾಗಿದೆ’ ಎಂದು ಕಾರವಾರ ನಗರಠಾಣೆಯಲ್ಲಿ ದೂರು ದಾಖಲಿಸಿದರು. ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಇನಾನ್ಸ ಅಲ್ಪಾನ್ಸೋ ಅವರ ಕೈ ಚೀಲದ ಹುಡುಕಾಟ ನಡೆಸಿದ್ದಾರೆ.
- [ಕರಾವಳಿ ಉತ್ಸವಕ್ಕೆ ಸಿದ್ಧಗೊಂಡ ಕಡಲ ನಗರಿ!](https://mobiletime.in/2025/12/the-coastal-city-is-ready-for-the-coastal-festival/): ಕಾರವಾರ ಕಡಲತೀರದಲ್ಲಿ 10 ಕೋಟಿ ರೂ ವೆಚ್ಚದಲ್ಲಿ ಅದ್ಧೂರಿಯಾಗಿ `ಕರಾವಳಿ ಉತ್ಸವ’ ನಡೆಸಲು ಜಿಲ್ಲಾಡಳಿತ ನಿರ್ಧರಿಸಿದ್ದು, ಇದಕ್ಕೆ ಎಲ್ಲಾ ಬಗೆಯ ತಯಾರಿಗಳು ಜೋರಾಗಿದೆ. ಡಿಸೆಂಬರ್ 22ರಿಂದ 28ರವರೆಗೆ ಸಪ್ತಾಹದ ಮಾದರಿಯಲ್ಲಿ ಉತ್ಸವ ನಡೆಯಲಿದೆ. ಎಂಟು ವರ್ಷಗಳ ನಂತರ ಕರಾವಳಿ ಉತ್ಸವ ಆಯೋಜಿಸಲಾಗಿದೆ. ಅತ್ಯಂತ ಕಡಿಮೆ ಅವಧಿಯಲ್ಲಿ ಹೆಚ್ಚಿನ ಮುತುವರ್ಜಿಯಿಂದ ಕೆಲಸ ಮಾಡಲಾಗುತ್ತಿದೆ. ಸರ್ಕಾರಿ ಕಚೇರಿ ಗೋಡೆಗಳ ಮೇಲೆ ಚಿತ್ರಕಲೆ, ಸ್ವಾಗತ ಕಮಾನು, ಆಕರ್ಷಕ ಮಂಟಪದ ಜೊತೆ ವಿವಿಧ ಮಳಿಗೆಗಳು ಕರಾವಳಿ ಉತ್ಸವಕ್ಕೆ ಆಗಮಿಸುವವರನ್ನು ಸ್ವಾಗತಿಸುತ್ತಿವೆ. ಖ್ಯಾತ ಕಲಾವಿದರ ಜೊತೆ ಸ್ಥಳೀಯ ಪ್ರತಿಭೆ ಪ್ರದರ್ಶನಕ್ಕೂ ಈ ವೇದಿಕೆಯಲ್ಲಿ ಅವಕಾಶ ನೀಡಲಾಗಿದೆ. ಉತ್ಸವ ಅಂಗವಾಗಿ ನಡೆದ ವಿವಿಧ ಹಂತದ ಸ್ಪರ್ಧೆಗಳು ಯಶಸ್ವಿಯಾಗಿದ್ದು, ಇನ್ನೂ ಅನೇಕ ಬಗೆಯ ಆಟೋಟಗಳು ನಡೆಯಲಿದೆ. ಈ ಬಾರಿಯ ಕರಾವಳಿ ಉತ್ಸವವನ್ನು ಅತ್ಯಂತ ಅಚ್ಚುಕಟ್ಟಾಗಿ ಮಾಡಲು ಜಿಲ್ಲಾಡಳಿತ ಶ್ರಮಿಸುತ್ತಿದೆ. ರಾಜ್ಯ ಹಾಗೂ ಹೊರರಾಜ್ಯದ ಪ್ರವಾಸಿಗರು ಸಹ ಕರಾವಳಿ ಉತ್ಸವಕ್ಕೆ ಆಗಮಿಸುವ ನಿರೀಕ್ಷೆಯಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಕರಾವಳಿ ಉತ್ಸವಕ್ಕೆ ಆಮಂತ್ರಿಸಲಾಗಿದೆ. ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಸೇರಿ ಅನೇಕ ಗಣ್ಯರು ಉತ್ಸವದ ಬಗ್ಗೆ ವಿಡಿಯೋ ಸಂದೇಶ ರವಾನಿಸಿದ್ದಾರೆ. `ಜಿಲ್ಲೆಯಲ್ಲಿ ಅತೀ ದೊಡ್ಡ ಉತ್ಸವವೆಂದರೆ ಅದು ಕರಾವಳಿ ಉತ್ಸವ’ ಎಂದು ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಹೇಳಿದ್ದಾರೆ.
- [ಹುಂಡಿ ಕದ್ದ ಕಳ್ಳ ಬೈಕ್ ಬಿಟ್ಟು ಹೋದ!](https://mobiletime.in/2025/12/the-thief-who-stole-the-bike-left-the-bike/): ದೇವಾಲಯದ ಹುಂಡಿ ಒಡೆದು ಹಣ ದೋಚಿದ ಕಳ್ಳನೊಪ್ಪ ಅಲ್ಲಿಂದ ಪರಾರಿಯಾಗುವ ದಾವಂತದಲ್ಲಿ ಬೈಕ್ ಬಿಟ್ಟು ಹೋಗಿದ್ದು, ಅದೇ ಬೈಕಿನ ಆಧಾರದಲ್ಲಿ ಪೊಲೀಸರು ಕಳ್ಳನನ್ನು ಹಿಡಿದಿದ್ದಾರೆ. ಹಳಿಯಾಳದ ಅಮ್ಮನಕೊಪ್ಪ ಗ್ರಾಮದ ಮೈಲಾರ ದೇವಸ್ಥಾನದಲ್ಲಿ ಹುಂಡಿ ಕಳ್ಳತನವಾಗಿದೆ. ಇಲ್ಲಿನ ಮೈಲಾರ ದೇವಸ್ಥಾನಕ್ಕೆ ರಾತ್ರಿ ವೇಳೆ ನುಗ್ಗಿದ ಕಳ್ಳರು ದೇವಸ್ಥಾನದ ಬಾಗಿಲಿನ ಬೀಗ ಒಡೆದಿದ್ದಾರೆ. ದೇವಾಲಯದ ಹುಂಡಿಯಲ್ಲಿದ್ದ ಸುಮಾರು 7 ಸಾವಿರ ರೂ ಹಣ ಎಗರಿಸಿದ್ದಾರೆ. ಈ ವಿಷಯ ಅರಿತ ಭಕ್ತರು ಆತಂಕಕ್ಕೆ ಒಳಗಾಗಿದ್ದು, ದೇವಾಲಯದ ಬಳಿ ಅನುಮಾನಾಸ್ಪದ ಬೈಕ್ ಕಾಣಿಸಿದೆ. ಆ ಬೈಕಿನ ಆಧಾರದ ಜೊತೆ ಸಿಸಿ ಕ್ಯಾಮರಾ ಮೂಲಕವೂ ಹುಡುಕಾಟ ನಡೆಸಿದಾಗ ದಾವಣಗೆರೆಯ ಪ್ರಸನ್ನಕುಮಾರ ಎಂಬಾತರ ಮೇಲೆ ಅನುಮಾನ ಮೂಡಿದೆ. ಪ್ರಸನ್ನಕುಮಾರ ಅವರನ್ನು ವಿಚಾರಣೆಗೆ ಒಳಪಡಿಸಿದಾಗ ಕಳ್ಳತನದ ಬಗ್ಗೆ ಒಪ್ಪಿಕೊಂಡಿದ್ದು, ತನಿಖೆ ಅವಧಿಯಲ್ಲಿ ಬನವಾಸಿ ಬಳಿಯ ದೇವಾಲಯದಲ್ಲಿಯೂ ಆತ ಕಳ್ಳತನ ಮಾಡಿರುವುದು ದೃಢವಾಗಿದೆ. ಆತನ ಬಳಿಯಿದ್ದ 2500ರೂ ಹಣದ ಜೊತೆ ಬೈಕನ್ನು ಪೊಲೀಸರು ಜಪ್ತು ಮಾಡಿದ್ದಾರೆ.
- [ಯಲ್ಲಾಪುರದಲ್ಲಿಯೂ ತಂಡ ಕಟ್ಟಿದ ಸೂರಜ ಸೋನಿ!](https://mobiletime.in/2025/12/suraj-soni-has-formed-a-team-in-yellapur-too/): ರಾಜಕೀಯ, ಹೋರಾಟದ ಜೊತೆ ಸಾಮಾಜಿಕ ಸಮಸ್ಯೆಗಳಿಗೆ ಸ್ಪಂದಿಸುತ್ತಿರುವ ಕುಮಟಾದ ನಾಯಕ ಸೂರಜ ನಾಯ್ಕ ಸೋನಿ ಅವರು ಯಲ್ಲಾಪುರದಲ್ಲಿಯೂ ಬೆಂಬಲಿಗರನ್ನು ಹೊಂದಿದ್ದು, ಭಾನುವಾರ ಅಭಿಮಾನಿಗಳು ಸೂರಜ ನಾಯ್ಕ ಸೋನಿ ಅವರಿಗೆ ಶಾಲು ಹೊದೆಸಿ ಸನ್ಮಾನಿಸಿದ್ದಾರೆ. ಯಲ್ಲಾಪುರದ ವೇದವ್ಯಾಸ ಕಲ್ಯಾಣ ಮಂಟಪದಲ್ಲಿ ನಡೆದ ಈಡಿಗ ಈಡಿಗ ನಾಮದಾರಿ ಅಭಿವೃದ್ಧಿ ಸಂಘದ ರಜತ ಮಹೋತ್ಸವಕ್ಕೆ ಸೂರಜ ನಾಯ್ಕ ಸೋನಿ ಅವರು ಆಗಮಿಸಿದ್ದರು. ಸೂರಜ ನಾಯ್ಕ ಸೋನಿ ಅವರು ಆ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿದ್ದರು. ಈ ವಿಷಯ ಅರಿತು ಅವರ ಬೆಂಬಲಿಗರು ಅಲ್ಲಿಗೆ ತೆರಳಿದ್ದು, ಅದಾದ ನಂತರ ಪ್ರವಾಸಿ ಮಂದಿರ ಬಳಿಯ ಉದ್ಯಾನವನದಲ್ಲಿ ಒಟ್ಟಿಗೆ ಸೇರಿದರು. ಸೂರಜ ನಾಯ್ಕ ಅವರ ಹೋರಾಟ, ಸಮಾಜಪರ ಚಿಂತನೆಯ ಬಗ್ಗೆ ಅಭಿಮಾನಿಗಳು ಮಾತನಾಡಿದರು. ಅವರ `ರಾಜಕೀಯ ಭವಿಷ್ಯ ಇನ್ನಷ್ಟು ಉಜ್ವಲವಾಗಿರಲಿ’ ಎಂದು ಹಾರೈಸಿದರು. ಸೋಮೇಶ್ವರ ನಾಯ್ಕ, ಗಿರೀಶ ಬೋವಿವಡ್ಡರ್, ಕಾರ್ತಿಕ ನಾಯ್ಕ, ಯೋಗೇಶ ನಾಯ್ಕ, ಮಹೇಶ ಬೋವಿವಡ್ಡರ್, ಮಾಲತೇಶ ಜಲದಿ ಸೇರಿ ಸೂರಜ ನಾಯ್ಕ ಸೋನಿ ಅವರನ್ನು ಗೌರವಿಸಿದರು. `ನೊಂದವರಿಗೆ ನ್ಯಾಯ ಕೊಡಿಸಿದ ಸಮಾಧಾನ ನನಗಿದೆ. ಅಧಿಕಾರ ಇಲ್ಲದಿದ್ದರೂ ನನ್ನ ಸೇವೆ ನಿರಂತರ’ ಎಂದು ಸೂರಜ ನಾಯ್ಕ ಸೋನಿ ಅವರು ಈ ವೇಳೆ ಹೇಳಿದರು. `ಜೀವನದಲ್ಲಿ ಎಲ್ಲರಿಗೂ ಏಕಕಾಲಕ್ಕೆ ಯಶಸ್ಸು ಸಿಗುವುದಿಲ್ಲ. ಆದರೆ, ಒಳ್ಳೆಯ ಮಾರ್ಗದಲ್ಲಿ ಹೋರಾಟ ಹಾಗೂ ಕಷ್ಟಪಟ್ಟ ಪ್ರತಿಯೊಬ್ಬರಿಗೂ ಯಶಸ್ಸು ಖಂಡಿತ’ ಎಂಬ ವಿಶ್ವಾಸವ್ಯಕ್ತಪಡಿಸಿದರು.  
- [ಪ್ರೀತಿಸಿ-ಮುದ್ದಿಸಿದ ಕಾಡುಪ್ರಾಣಿಯೇ ಈಗ ಶತ್ರು!](https://mobiletime.in/2025/12/the-wild-animal-that-we-loved-and-cuddled-is-now-our-enemy/): ಕಾಡು ದಾರಿ ತಪ್ಪಿ ಊರಿಗೆ ಬಂದಿದ್ದ ಕಡವೆಯನ್ನು ಆ ಊರಿನ ಜನ ಪ್ರೀತಿಯಿಂದ ಸ್ವಾಗತಿಸಿದ್ದರು. ಚಿಕ್ಕ ಮಕ್ಕಳಿನಿಂದಹಿಡಿದು ವಯೋವೃದ್ಧರವರೆಗೂ ಎಲ್ಲರೂ ಕಡವೆಯನ್ನು ಮುದ್ದಿಸಿದ್ದರು. ಪುಟ್ಟ ಕಡವೆಗೆ ಮನೆಯಲ್ಲಿ ಮಾಡಿದ ತಿನಿಸುಗಳನ್ನು ಕೊಟ್ಟು ಸಲಹುತ್ತಿದ್ದರು. ಆದರೆ, ಬೆಳೆದು ದೊಡ್ಡದಾದ ಆ ಕಡವೆಯೇ ಇದೀಗ ಜನರ ನಿದ್ದೆಗೆಡಿಸಿದೆ! ಸಿದ್ದಾಪುರದ 16ನೇ ಮೈಲುಗಲ್ ಬಳಿ ಕೆಲ ವರ್ಷದ ಹಿಂದೆ ಕಡವೆ ಕಾಣಿಸಿತ್ತು. ಪುಟ್ಟ ಮರಿಯನ್ನು ನೋಡಿದ ಜನ ಆ ಕಡವೆಗೆ ಆರೈಕೆ ಮಾಡಿದ್ದರು. ಜನರ ಸ್ನೇಹ ಸಂಪಾದಿಸಿದ ಕಡವೆ ಅಲ್ಲಿನ ಮಕ್ಕಳ ಹಾಗೇ ಬೆಳೆಯಿತು. ಜನರ ಭಯವಿಲ್ಲದೇ ಎಲ್ಲಡೆ ಸಂಚರಿಸಲು ಶುರು ಮಾಡಿತು. ಅದೇ ಆ ಊರಿನವರಿಗೆ ದೊಡ್ಡ ತಲೆನೋವಾಗಿದೆ. ರೈತರ ಫಸಲುಗಳನ್ನು ಕಡವೆ ನಾಶ ಮಾಡುತ್ತಿದ್ದು, ಮನೆ ಮಕ್ಕಳು ಮುಂದೆ ಹೋದಾಗ ತನ್ನ ಕೋಡುಗಳಿಂದ ಹಾಯಲು ಬರುತ್ತಿದೆ! ಈಗಾಲೇ ಅನೇಕರ ತೋಟಕ್ಕೆ ನುಗ್ಗಿದ ಆ ಕಡವೆ ಅಲ್ಲಿದ್ದ ಬಾಳೆ ಗಿಡಗಳನ್ನು ನಾಶ ಮಾಡಿದೆ. ಒಣಗಿದ ಅಡಿಕೆಯನ್ನು ಸಹ ಈ ಕಡವೆ ತಿನ್ನುತ್ತಿದ್ದು ಆ ಭಾಗದ ರೈತರ ತಲೆನೋವಿಗೆ ಕಾರಣವಾಗಿದೆ. ಚಿಕ್ಕ ಕಡಿವೆಯಾಗಿದ್ದಾಗ ಚಿಕ್ಕದಾಗಿದ್ದ ಕೋಡುಗಳು ಇದೀಗ ದೊಡ್ಡದಾಗಿ ಬೆಳೆದಿದ್ದು, ಆಗ ತಿಂಡಿ-ತಿನಿಸು ಕೊಟ್ಟು ಮುದ್ದಿಸಿದ ಮಹಿಳೆಯರೇ ಇದೀಗ ಕೋಡುಗಳನ್ನು ನೋಡಿ ಹೆದರುತ್ತಿದ್ದಾರೆ. ಹೀಗಾಗಿ ಆ ಕಡವೆಯ ವಿರುದ್ಧ ಊರಿನವರು ಸರ್ಕಾರಕ್ಕೆ ದೂರು ಕೊಟ್ಟಿದ್ದಾರೆ! ಈ ಎಲ್ಲಾ ಹಿನ್ನಲೆ ಈ ಕಡವೆಯನ್ನು ಊರಿನಿಂದ ಹೊರಗೆ ಸಾಗಿಸಬೇಕು ಎಂದು ಜನ ಅರಣ್ಯ ಇಲಾಖೆಯ ಮೊರೆ ಹೋಗಿದ್ದಾರೆ. ಮೊದಲಿನ ಹಾಗೇ ಇದೀಗ ಕಡವೆ ಜನರ ಕೈಗೆ ಸಿಗುವುದು ಅಪರೂಪವಾಗಿದ್ದು, ತಜ್ಞರೇ ಆಗಮಿಸಿ ಅದಕ್ಕೆ ಬಲೆ ಬೀಸುವ ಸಂದಿಗ್ದತೆೆ ಸೃಷ್ಠಿಯಾಗಿದೆ. ಜನರ ಮನವಿ ಆಲಿಸಿದ ಅರಣ್ಯಾಧಿಕಾರಿಗಳು ಕಡವೆಯನ್ನು ಶಿವಮೊಗ್ಗಕ್ಕೆ ಕಳುಹಿಸುವ ಬಗ್ಗೆ ಚಿಂತಿಸಿದ್ದಾರೆ. ಇದಕ್ಕಾಗಿ ಸರ್ಕಾರಕ್ಕೆ ಅಧಿಕಾರಿಗಳು ಪತ್ರವನ್ನು ಬರೆದಿದ್ದಾರೆ. ಪಶು ತಜ್ಞರ ನೆರವುಪಡೆದು ಕಡವೆಯನ್ನು ಸ್ಥಳಾಂತರಿಸುವ ಚಿಂತನೆ ಮುಂದುವರೆದಿದೆ. ಶಿವಮೊಗ್ಗಕ್ಕೆ ಕಳುಹಿಸಿದ ಕಾಟಿ ಸಾವು! ಸಿದ್ದಾಪುರದ ಕಾನಸೂರು ಬಳಿಯ ಗವಿನಗುಡ್ಡದ ಅಡಿಕೆ ತೋಟದಲ್ಲಿದ್ದ ಕಾಡು ಕೋಣ ಶಿವಮೊಗ್ಗಕ್ಕೆ ಕಳುಹಿಸುವಾಗ ಸಾವನಪ್ಪಿದೆ. ಕಳೆದ ವಾರ ಕಾಡು ಕೋಣ ಕಾಲು ಮುರಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಅದನ್ನು ಅರಣ್ಯ ಇಲಾಖೆಯವರು ರಕ್ಷಿಸುವ ಪ್ರಯತ್ನ ಮಾಡಿದ್ದರು. ಆಹಾರ ಸೇವಿಸಲಾಗದೇ ನರಳಾಡುತ್ತಿದ್ದ ಕಾಡು ಕೋಣಕ್ಕೆ ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ಸಿಗಲಿಲ್ಲ. ಅದಾದ ನಂತರ ಕಾಡು ಕೋಣವನ್ನು ಶಿವಮೊಗ್ಗಕ್ಕೆ ಸಾಗಿಸುವ ಪ್ರಯತ್ನ ನಡೆದಿದ್ದು, ಅದು ಫಲ ಕೊಡದೇ ಸಾವನಪ್ಪಿದೆ.
- [ಮಾರಿಜಾತ್ರೆಗೆ 65 ದಿನ ಮಾತ್ರ ಬಾಕಿ!](https://mobiletime.in/2025/12/only-65-days-left-until-marijatre/): ರಾಜ್ಯದ ಪ್ರಮುಖ ಶಕ್ತಿ ದೇವತೆಗಳಲ್ಲಿ ಒಂದಾದ ಶಿರಸಿಯ ಶ್ರೀ ಮಾರಿಕಾಂಬೆ ಜಾತ್ರೆಗೆ ದಿನಾಂಕ ನಿಗಧಿಯಾಗಿದೆ. ಫೆಬ್ರವರಿ 24ರಿಂದ ಮಾರ್ಚ 4ರವರೆಗೆ ಮಾರಿಕಾಂಬಾ ದೇವಿ ಜಾತ್ರೆ ನಡೆಯಲಿದೆ. ಶಿರಸಿ ಜಾತ್ರೆಗೆ ತನ್ನದೇ ಆದ ಹಿನ್ನಲೆಯಿದೆ. ಅತ್ಯಂತ ಸಾಂಪ್ರದಾಯಕವಾದ ಆಚರಣೆ ಜಾತ್ರೆಯ ಗಮನಸೆಳೆಯುತ್ತದೆ. ಹೀಗಾಗಿ ದೇಶ-ವಿದೇಶಗಳಿಂದ ಭಕ್ತರು ಈ ಜಾತ್ರೆಗೆ ಬರುತ್ತಾರೆ. ನಂಬಿ ಬಂದ ಭಕ್ತರಿಗೆ ಸಕಲ ರೀತಿಯಲ್ಲಿಯೂ ದೇವಿ ಒಳ್ಳೆಯದನ್ನು ಮಾಡುತ್ತದೆ ಎಂಬ ನಂಬಿಕೆಯಿದೆ. ನಿತ್ಯ ಸಾವಿರಾರು ಸಂಖ್ಯೆಯ ಜನ ಶಿರಸಿಗೆ ಬರುತ್ತಾರೆ. ಬಹುತೇಕರು ದೇವಿ ಆಲಯಕ್ಕೆ ಭೇಟಿ ನೀಡಿ ಪವಿತ್ರ ಸನ್ನಿಧಾನದ ಮಹಿಮೆಯನ್ನು ಅನುಭವಿಸುತ್ತಾರೆ. ಪುರಾತನ ವಿನ್ಯಾಸಗಳಿಂದ ಅಲಂಕೃತವಾದ ದೇವಾಲಯವನ್ನು ಕಣ್ತುಂಬಿಕೊAಡ ಭಕ್ತರು ಇಷ್ಟಾರ್ಥ ಸಿದ್ಧಿಗಾಗಿ ಪ್ರಾರ್ಥಿಸುತ್ತಾರೆ. ಶಿರಸಿ ಜಾತ್ರೆಯನ್ನು ಕರ್ನಾಟಕದ ಅತಿ ದೊಡ್ಡ ಜಾತ್ರೆ ಎಂದು ಬಣ್ಣಿಸಲಾಗುತ್ತದೆ. ಅತ್ಯಂತ ಪ್ರಸಿದ್ಧ ಜಾತ್ರೆ ಇದಾಗಿದ್ದು, ಜಾತ್ರೆ ಪೂರ್ವಭಾವಿಯಾಗಿ ಸಭೆ ನಡೆಸಿ ಸಿದ್ಧತೆಗಳ ಬಗ್ಗೆ ಚರ್ಚೆ ನಡೆಯುತ್ತದೆ. ಅದರಂತೆ ಭಾನುವಾರ ಮಾರಿಕಾಂಬಾ ದೇಗುಲದ ಸಭಾ ಮಂಟಪದಲ್ಲಿ ಈ ಸಭೆ ನಡೆದಿದ್ದು, ಈ ಸಭೆಯಲ್ಲಿ ಜಾತ್ರೆ ದಿನಾಂಕವನ್ನು ಅಧಿಕೃತವಾಗಿ ಘೋಷಿಸಲಾಗಿದೆ. ಜಾತ್ರಾ ಮೂಹೂರ್ತದಿಂದ ಹಿಡಿದು ದೇವಿ ಮರು ಪ್ರತಿಷ್ಠೆಯವರೆಗೆ ಸಭೆಯಲ್ಲಿ ವಿವರಿಸಲಾಗಿದೆ. ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳ ಸಮ್ಮುಖದಲ್ಲಿ ಸಭೆ ನಡೆದಿದ್ದು, ಈ ಸಭೆಯಲ್ಲಿಯೇ ದೇಗುಲ ಆಡಳಿತ ಮಂಡಳಿಯವರು ಫೆಬ್ರವರಿ 24ರಿಂದ ಮಾರ್ಚ 4ರವರೆಗೆ ಜಾತ್ರೆ ನಡೆಸುವ ಬಗ್ಗೆ ಘೋಷಿಸಿದ್ದಾರೆ.
- [ಹೊಳೆಗೆ ಬಿದ್ದ ಮೀನುಗಾರ: ರಕ್ತ ಹೆಪ್ಪುಗಟ್ಟಿ ಸಾವು!](https://mobiletime.in/2025/12/fisherman-who-fell-into-the-stream-died-of-blood-clot/): ಬೆಳಗ್ಗೆ ಬೇಗ ಎದ್ದು ಮೀನು ಹಿಡಿಯಲು ಹೋಗಿದ್ದ ಮನೋಹರ ಹರಿಕಂತ್ರ ಅವರು ನೀರಿಗೆ ಬಿದ್ದಿದ್ದು, ಅವರ ರಕ್ತ ಹೆಪ್ಪುಗಟ್ಟಿದೆ. ಐದು ಆಸ್ಪತ್ರೆ ತಿರುಗಾಟ ನಡೆಸಿದರೂ ಅವರನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ. ಕುಮಟಾ ಹಿರೇಗುತ್ತಿಯ ನುಶೀಕೋಟೆಯಲ್ಲಿ ಮನೋಹರ ಹನುಮಾ ಹರಿಕಂತ್ರ (52) ಅವರು ವಾಸವಾಗಿದ್ದರು. ನವೆಂಬರ್ 15ರ ಬೆಳಗ್ಗೆ ನುಶೀಕೋಟೆ ಸಮೀಪದ ಹೊಳೆಯಲ್ಲಿ ಅವರು ಮೀನುಗಾರಿಕೆಗೆ ಹೋಗಿದ್ದರು. ಬಲೆ ಹಾಕಿ ಕಾಯುತ್ತಿದ್ದಾಗ ಆಯ ತಪ್ಪಿ ಅವರು ಹೊಳೆಗೆ ಬಿದ್ದರು. ಅಸ್ವಸ್ಥರಾದ ಮನೋಹರ ಹರಿಕಂತ್ರ ಅವರನ್ನು ಕುಮಟಾ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿಂದ ಅವರನ್ನು ಮಣಿಪಾಲ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ನಂತರ ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿನ ಎಜೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಯಿತು. `ತಲೆಯಲ್ಲಿ ರಕ್ತ ಹೆಪ್ಪುಗಟ್ಟಿದೆ’ ಎಂದ ವೈದ್ಯರು ಅವರನ್ನು ಮತ್ತೆ ಬೇರೆ ಕಡೆ ಕರೆದೊಯ್ಯುವಂತೆ ಸೂಚಿಸಿದರು. ಹೀಗಾಗಿ ಕುಟುಂಬದವರು ಮನೋಹರ ಹರಿಕಂತ್ರ ಅವರನ್ನು ಕಾರವಾರ ಜಿಲ್ಲಾ ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ಕೊಡಿಸಿದರು. ಅಲ್ಲಿಯೂ ಆರೋಗ್ಯದಲ್ಲಿ ಚೇತರಿಕೆ ಕಾಣದ ಕಾರಣ ಮತ್ತೆ ಕುಮಟಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಒಂದುವರೆ ತಿಂಗಳ ಕಾಲ ನರಳಾಟ ನಡೆಸಿದ ಮನೋಹರ ಹರಿಕಂತ್ರ ಅವರು ಡಿಸೆಂಬರ್ 18ರಂದು ಸಾವನಪ್ಪಿದರು. ಕುಮಟಾ ಹಿರೇಗುತ್ತಿಯ ವಿನೋದ ಕೃಷ್ಣ ಹರಿಕಂತ್ರ ಅವರು ಈ ಮಾಹಿತಿ ತಿಳಿಸಿದರು.
- [ದೇಗುಲದ ಹಿಂದೆಯೇ ಅಗ್ನಿಗಾಹುತಿ: ಮಹಿಳೆಯ ಸಜೀವ ದಹನ!](https://mobiletime.in/2025/12/fire-breaks-out-behind-temple-woman-burned-alive/): ಹೊಟ್ಟೆ ನೋವು ಸಹಿಸಿಕೊಳ್ಳಲು ಆಗದ ಮಹಿಳೆಯೊಬ್ಬರು ಮೈಮೇಲೆ ಸೀಮೆ ಎಣ್ಣೆ ಸುರಿದುಕೊಂಡು ಅಗ್ನಿಗೆ ಆಹುತಿಯಾಗಿದ್ದಾರೆ. ಕುಟುಂಬದವರು ನೋಡುವುದರೊಳಗೆ ದೇವಿ ಗೊಂಡ ಅವರು ಬೂದಿಯಾಗಿದ್ದಾರೆ. ಭಟ್ಕಳದ ತೆಂಗಿನಗುoಡಿ ಬಳಿಯ ಜಟಗೇಶ್ವರ ದೇವಾಲಯ ಸಮೀಪ ದೇವಿ ಕೃಷ್ಣ ಗೊಂಡ (52) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಕುಟುಂಬ ಅದೇ ಆದಾಯದಲ್ಲಿ ಕುಟುಂಬ ನಡೆಸುತ್ತಿದ್ದರು. ಈಚೆಗೆ ಅವರಿಗೆ ಹೊಟ್ಟೆ ನೋವು ಕಾಣಿಸಿಕೊಂಡಿದ್ದು, ಎಲ್ಲಿ ತೋರಿಸಿದರೂ ಗುಣಮುಖವಾಗಿರಲಿಲ್ಲ. ಅದೇ ನೋವಿನಲ್ಲಿದ್ದ ದೇವಿ ಗೊಂಡ ಅವರು 15 ದಿನದ ಹಿಂದೆಯೇ ಮನೆ ಮುಂದಿನ ಬಾವಿಗೆ ಹಾರಿದ್ದರು. ತಕ್ಷಣ ಕುಟುಂಬದವರು ಅವರನ್ನು ರಕ್ಷಿಸಿ ಜೀವ ಕಾಪಾಡಿದ್ದರು. ಅದಾದ ನಂತರವೂ ದೇವಿ ಗೊಂಡ ಅವರು ವಿವಿಧ ಬಗೆಯ ಚಿಕಿತ್ಸೆಗೆ ಒಳಗಾಗಿದ್ದರು. ಆದರೆ, ಅವರ ಹೊಟ್ಟೆ ನೋವು ಮಾತ್ರ ಕಡಿಮೆ ಆಗಿರಲಿಲ್ಲ. ಡಿಸೆಂಬರ್ 19ರಂದು ಜಟಗೇಶ್ವರ ದೇವಾಲಯ ಹಿಂದೆ ಹೋದ ದೇವಿ ಗೊಂಡ ಅವರು ಮೈಮೇಲೆ ಸೀಮೆ ಎಣ್ಣೆ ಸುರಿದುಕೊಂಡರು. ಅದಾದ ನಂತರ ಬೆಂಕಿ ಹಚ್ಚಿಕೊಂಡು ನರಳಾಟ ನಡೆಸಿ ಸಾವನಪ್ಪಿದರು. ಅನಪಾಲ್ ಸೂಪರ್ ಮಾರ್ಟನಿಲ್ಲಿ ಕೆಲಸ ಮಾಡುವ ಮಗಳು ಹೇಮಲತ ಗೊಂಡ ಅವರು ಬಂದು ನೋಡುವಷ್ಟರಲ್ಲಿ ದೇವಿ ಗೊಂಡ ಅವರು ಬೂದಿಯಾಗಿದ್ದರು. `ಆತ್ಮಹತ್ಯೆ ಅಪರಾಧ’
- [ಶಿರಸಿ ಸುತ್ತಾಡಿದ ಶಂಕಿತರು!](https://mobiletime.in/2025/12/suspects-roaming-around-sirsi/): ಶಿರಸಿಗೆ ಬಂದಿದ್ದ ಶಂಕಿತರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ವಸತಿಗೃಹದಲ್ಲಿ ವಾಸವಾಗಿದ್ದ ಅವರ ಬಗ್ಗೆ ಜನರಲ್ಲಿಯೂ ಸಾಕಷ್ಟು ಅನುಮಾನ ವ್ಯಕ್ತವಾಗಿದ್ದು, ಪೊಲೀಸರು ಸತ್ಯಾಸತ್ಯತೆಯ ಶೋಧ ನಡೆಸುತ್ತಿದ್ದಾರೆ. ಜಮ್ಮು ಕಾಶ್ಮೀರ ನೋಂದಣಿಯ ವಾಹನವೊಂದು ಶುಕ್ರವಾರ ಶಿರಸಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಓಡಾಡುತ್ತಿತ್ತು. ನಾಲ್ಕೆöÊದು ಜನರ ತಂಡದ ಮೇಲೆ ಜನ ಅನುಮಾನವ್ಯಕ್ತಪಡಿಸಿದರು. ಭಾಷೆ ಬಾರದ ಹಾಗೂ ಸ್ಥಳೀಯರಲ್ಲದವರ ಓಡಾಟದಿಂದ ಜನ ಕಂಗಾಲಾಗಿದ್ದು, ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ವಾಹನ ಬೆನ್ನತ್ತಿದಾಗ ಆ ತಂಡದವರು ಗ್ರಾಮೀಣ ಭಾಗ ಬಿಟ್ಟು ನಗರ ಪ್ರವೇಶಿಸಿದರು. ರಾತ್ರಿ ವೇಳೆ ಆ ವಾಹನ ವಸತಿಗೃಹವೊಂದರ ಮುಂದೆ ಅದು ನಿಂತಿರುವುದು ಗೊತ್ತಾಯಿತು. ವಸತಿಗೃಹ ಪ್ರವೇಶಿಸಿದ ಪೊಲೀಸರು ಅಲ್ಲಿದ್ದವರ ವಿಚಾರಣೆ ನಡೆಸಿದರು. ವಿಚಾರಣೆ ಅವಧಿಯಲ್ಲಿ ಅವರು ತಮ್ಮನ್ನು ವ್ಯಾಪಾರಿಗಳು ಎಂದು ಹೇಳಿಕೊಂಡಿದ್ದಾರೆ. ಈ ನಡುವೆ `ಕಾಶ್ಮಿರದ ಉಗ್ರರು ಶಿರಸಿಗೆ ಬಂದಿದ್ದಾರೆ’ ಎಂಬ ವದಂತಿ ಹಬ್ಬಿದ್ದು, ಅಧಿಕೃತ ಮಾಹಿತಿಗಳು ಅದನ್ನು ಅಲ್ಲಗಳೆದಿವೆ.
- [ಕರಾವಳಿ ಉತ್ಸವ: ಯಾವ ದಿನ? ಯಾವ ಕಾರ್ಯಕ್ರಮ?](https://mobiletime.in/2025/12/coastal-festival-what-day-what-program/): ಕರಾವಳಿ ಉತ್ಸವ 2025ರ ಅಂಗವಾಗಿ ಡಿ 22 ರಂದು ಮಧ್ಯಾಹ್ನ 4 ಗಂಟೆಗೆ ಸುಭಾಷಚಂದ್ರ ವೃತ್ತದಿಂದ ಮಯೂರ ವರ್ಮ ವೇದಿಕೆಯವರೆಗೆ 14 ಕಲಾ ತಂಡಗಳಿoದ ಮೆರವಣಿಗೆ ಹಾಗೂ ಮೀನುಗಾರರ ಲಾಟೀನು ಪ್ರದರ್ಶನ ಹಾಗೂ ಶಂಕರ ಮಹಾದೇವನ್ ಅವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಡಿ 23ರಂದು ಮಧ್ಯಾಹ್ನ 12 ಗಂಟೆಗೆ ಛಾಯಾಚಿತ್ರ ಹಾಗೂ ರೀಲ್ಸ್ ಪ್ರದರ್ಶನ, ಸಂಜೆ 5.30 ಗಂಟೆಯಿoದ ಶ್ರೀ ಬ್ರಹ್ಮದೇವ ಗುಮಟಾ ಪಾಂಗ್ ಕಲಾ ತಂಡದಿAದ ಗುಮಟಾ ಪಾಂಗ್ ವಾದ್ಯ ಪ್ರದರ್ಶನ, ಸುನೀಲ್ ಬಾರ್ಕೂರ ಅವರಿಂದ ಸಂಗೀತ ಕಾರ್ಯಕ್ರಮ, ಸುಮಂಗಲಾ ದೇಸಾಯಿ ಮತ್ತು ಸಂಗಡಿಗರಿAದ ಸುಗಮ ಸಂಗೀತ ಮತ್ತು ಜಾನಪದ ಗೀತೆ, ಕಲಾ ಭಾರತಿ, ಕಲಾ ವೈವಿಧ್ಯ ತಂಡದ ಮನೋಜ ಅ. ಪಾಲೇಕರ ಅವರಿಂದ ರೂಪಕ ಗೊಂಬೆಯಾಟ ಮಿಮಿಕ್ರಿ, ಸುಜಾತಾ ಕೆ ಹರಿಕಂತ್ರ ಅವರಿಂದ ಯೋಗ ನೃತ್ಯ, ಸ್ವರ ಸಂಗೀತ ರಸಮಂಜರಿ ತಂಡದಿoದ ಸಂಗೀತ ರಸಮಂಜರಿ ಹಾಗೂ ಗುರುಕಿರಣ್ ಅವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಡಿ 24ರಂದು ಬೆಳಗ್ಗೆ 9 ಗಂಟೆಗೆ ಹೊಸ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ರಂಗೋಲಿ ಸ್ಪರ್ಧೆ, ಮಾಲಾದೇವಿ ಮೈದಾನದಲ್ಲಿ ಅಡುಗೆ ಸ್ಪರ್ಧೆ ಸಂಜೆ 5.30 ಗಂಟೆಯಿAದ ಎ2 ಮ್ಯೂಸಿಕ್ ಸ್ಟಾರ್ ತಂಡದಿoದ ಸಂಗೀತ ಕಾರ್ಯಕ್ರಮ, ನಾಟ್ಯರಂಭ ನೃತ್ಯ ಸಂಸ್ಥೆಯ ಅಭಿಷೇಕ್ ಜಿ ನೇತ್ರೇಕರ ಅವರಿಂದ ನೃತ್ಯ, ಕುಮಾರ ಮಹಾತ್ಮ ಎಮ್ ಜೈನ್ ಅವರಿಂದ ಪೌರಾಣಿಕ ಕತೆ, ಚಿದಂಬರ್ ರಾಮಪ್ಪ ನಾಯ್ಕ ಅವರಿಂದ ಯಕ್ಷಗಾನ ಪ್ರದರ್ಶನ, ಭಾವೈಕ್ಯತೆ ಡೊಳ್ಳಿನ ಪದ ತಂಡದ ಇಮಾಮಸಾಬ್ ಎಂ ವಲ್ಲಪ್ಪನವರ ಅವರಿಂದ ಡೊಳ್ಳಿನ ಪದ, ಕಲ್ಪನಾ ರಶ್ಮಿ ಕಲಾಲೋಕ ತಂಡದಿAದ ನೃತ್ಯ ಹಾಗೂ ಸೋನು ನಿಗಮ್ ಅವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಡಿ 25ರಂದು ಮಧ್ಯಾಹ್ನ 3 ಗಂಟೆಗೆ ರವೀಂದ್ರನಾಥ ಠಾಗೋರ್ ಕಡಲ ತೀರದಲ್ಲಿ ಗಾಳಿಪಟ ಮತ್ತು ಮರಳು ಕಲೆ, ಸಂಜೆ 5.30 ಗಂಟೆಯಿAದ ನೃತ್ಮಾಮೃತ ಕಲಾ ಕೇಂದ್ರದಿoದ ನೃತ್ಯ, ಮೇದಾ ಭಟ್ಟ ಅವರಿಂದ ಶಾಸ್ತಿಯ ಸಂಗೀತ, ನಾಣ್ಯರಾಣಿ ಭರತನಾಟ್ಯ ನೃತ್ಯ ಕಲಾ ಕೇಂದ್ರ ಸಮಿತಿಯ ನಾಗವೇಣಿ ಎಂ ಹೆಗಡೆ ಅವರಿಂದ ಭರತನಾಟ್ಯ, ವೈಶಾಲಿ ಮಾಂಜ್ರೇಕರ ಅವರಿಂದ ಸಂಗೀತ, ಸ್ಟಾರ್‌ಚಾಯ್ಸ್ ನೃತ್ಯ ಕಲಾ ತಂಡದಿAದ ನೃತ್ಯ, ರಪ್ತಾರ್ ಅವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಡಿ 26ರಂದು ಬೆಳಗ್ಗೆ 7 ಗಂಟೆಗೆ ಕರಾವಳಿ ಉತ್ಸವ ವೇದಿಕೆಯಿಂದ ಮೂರು ವಿಭಾಗಳಲ್ಲಿ 21 ಕಿ.ಮೀ (ಪುರುಷ/ಮಹಿಳೆ), 10 ಕಿ.ಮೀ (ಪುರುಷ/ಮಹಿಳೆ), 5 ಕಿ.ಮೀ (ಪುರುಷ/ಮಹಿಳೆ )ಕರಾವಳಿ ರನ್ ಮ್ಯಾರಾಥನ್, ಸಂಜೆ 5.30 ಗಂಟೆಯಿoದ ಕವಿಗೋಷ್ಠಿ, ಲಾವಣಿ ನೃತ್ಯ ಹಾಗೂ ರಾಜೇಶ ಕೃಷ್ಣನ್‌ಅವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಡಿ 27 ರಂದು ಬೆಳಗ್ಗೆ 9 ಗಂಟೆಗೆ ಮಾಲಾದೇವಿ ಮೈದಾನದಲ್ಲಿ ಶ್ವಾನ ಪ್ರದರ್ಶನ, ಸಂಜೆ 5.30 ಗಂಟೆಯಿAದ ಓಶಿಯನ್ ಹಾರ್ಟ ಬ್ರೇಕರ್ಸ್ ಡಾನ್ಸ್ ಗ್ರೂಪ್ ನ ಜಗದೀಶ ಎಂ ಗೌಡ ಅವರಿಂದ ನೃತ್ಯ ಪ್ರದರ್ಶನ, ದೀಶಾ ಹರಿಕಂತ್ರ ಮತ್ತು ಶಿಲ್ಪಾ ನಾಯ್ಕ ಅವರಿಂದ ನೃತ್ಯ ಪ್ರದರ್ಶನ, ಚಿತ್ರಲೇಖಾ ಮಂಜುನಾಥ ನಾಯ್ಕ ಅವರಿಂದ ಹಿಂದೂಸ್ಥಾನಿ ಶಾಸ್ತಿಯ ಕೊಳಲು ವಾದನ, ದಿಪ್ತಿ ಅರ್ಗೇಕರ ಅವರಿಂದ ಸುಗಮ ಸಂಗೀತ, ಶ್ರೇಯಾ ಅಭಿವೃದ್ಧಿ ಟ್ರಸ್ ಅವರಿಂದ ಯಕ್ಷಗಾನ ನೃತ್ಯ, ದರ್ಶಿನಿ ಪ್ರಶಾಂತ ಶೆಟ್ಟಿ ಮತ್ತು ವರ್ಷಿಣಿ ಪ್ರಶಾಂತ ಶೆಟ್ಟಿ ಅವರಿಂದ ಸುಗಮ ಸಂಗೀತ ಹಾಗೂ ಮಹಮ್ಮದ್ ದಾನೀಶ್ ಅವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಡಿ 28ರಂದು ಬೆಳಗ್ಗೆ 9 ಗಂಟೆಗೆ ರವೀಂದ್ರನಾಥ ಠಾಗೋರ್ ಕಡಲ ತೀರದಲ್ಲಿ ಹಗ್ಗ ಜಗ್ಗಾಟ, ವಾಲಿಬಾಲ್ ಪಂದ್ಯಾವಳಿ ಮತ್ತು ಮದ್ಯಾಹ್ನ 3 ಗಂಟೆಗೆ ಅಲಿಗದ್ದಾ ತೀರದಿಂದ ರವೀಂದ್ರನಾಥ ಠಾಗೋರ್ ಕಡಲ ತೀರದ ವರೆಗೆ ದೋಣಿ ಸ್ಪರ್ಧೆ, ಸಂಜೆ ಕಾರ್ಯಕ್ರಮದ ಸಮಾರೋಪ ಸಮಾರಂಭ ಹಾಗೂ ದಲೇರ್ ಮೆಹಂದಿ ಅವರಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ.
- [ಸ್ಕೋಡ್ ವೆಸ್'ನಿಂದ ಆರೋಗ್ಯ ಮೇಳ](https://mobiletime.in/2025/12/health-fair-from-schod-wes/): ಮಕ್ಕಳ ಆರೋಗ್ಯ ಕಾಪಾಡುವ ನಿಟ್ಟಿನಲ್ಲಿ ಶಿರಸಿಯ ಸ್ಕೋಡ್‌ವೆಸ್ ಸಂಸ್ಥೆ ಬಾಲ ಆರೋಗ್ಯ ಮೇಳ ನಡೆಸಿದೆ. ಅದರ ಅಂಗವಾಗಿ ಮಕ್ಕಳಿಗೆ ಆಟ,  ಓಟ,ದ ಸ್ಪರ್ಧೆಯನ್ನು ಮಾಡಿದೆ. ಶಿರಸಿ ನಗರದ ಎಮ್ ಇ ಎಸ್ ಪ್ರೌಢಶಾಲೆಯಲ್ಲಿ ಸ್ಕೊಡ್‌ವೆಸ್ ಸಂಸ್ಥೆ ಹಾಗೂ ಗುಜರಾತ್ ದೇಸಾಯಿ ಫೌಂಡೇಶನ್ ಟ್ರಸ್ಟ್ ಸಹಯೋಗದಲ್ಲಿ ನಡೆದ ಬಾಲ ಆರೋಗ್ಯ ಮೇಳವನ್ನು ಹಂಪಿ ಕನ್ನಡ ವಿಶ್ವ ವಿದ್ಯಾಲಯದ ವಿಶ್ರಾಂತ ಕುಲಪತಿ ಹಿ ಚಿ ಬೋರಲಿಂಗಯ್ಯ ಅವರು ಉದ್ಘಾಟಿಸಿದ್ದಾರೆ. `ಆರೋಗ್ಯವಂತ ಮಕ್ಕಳೇ ಉತ್ತಮ ಸಮಾಜದ ಆಸ್ತಿ’ ಎಂದವರು ಅಭಿಪ್ರಾಯಪಟ್ಟಿದ್ದಾರೆ. `ಅತೀ ಹೆಚ್ಚು ಮೊಬೈಲ್ ಬಳಕೆಯಿಂದ ಮಕ್ಕಳಲ್ಲಿ ಸೃಜನಶೀಲ ವ್ಯಕ್ತಿತ್ವ ಕ್ಷೀಣಿಸುತ್ತಿದೆ. ಮಕ್ಕಳು ಗಂಭೀರವಾದ ಮನೋದೈಹಿಕ ಖಾಯಿಲೆಗಳಿಗೆ ತುತ್ತಾಗುತ್ತಿದ್ದಾರೆ. ಒತ್ತಡವಿಲ್ಲದ ಶಿಕ್ಷಣ ಮಾನಸಿಕ, ದೈಹಿಕ ಸದೃಢತೆಗೆ ಅಗತ್ಯವಿರುವ ಕ್ರೀಡೆ ಹಾಗೂ ಸಕಾಲದಲ್ಲಿ ಅಗತ್ಯವಿರುವ ಆರೋಗ್ಯ ಸೌಲಭ್ಯಗಳನ್ನು ಒದಗಿಸುತ್ತದೆ’ ಎಂದವರು ಹೇಳಿದ್ದಾರೆ. ಎಂ ಇ ಎಸ್ ಶಾಲೆಯ ಮುಖ್ಯೋಪಾಧ್ಯಾಪಕಿ ಜ್ಯೋತಿ ಪೆಡ್ನೆಕರ್, ಸ್ಕೊಡ್‌ವೇಸ್ ಸಂಸ್ಥೆಯ ಕಾರ್ಯಕ್ರಮ ಅಧಿಕಾರಿ ನಾರಾಯಣ ಹೆಗಡೆ ಹಾಗೂ ವೈದ್ಯಾಧಿಕಾರಿ ಡಾ ರಿತಿಕ್ ಅವರು ಕಾರ್ಯಕ್ರಮದಲ್ಲಿ ಮಾತನಾಡಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯದರ್ಶಿ ಸರಸ್ವತಿ ಎನ್ ರವಿ ಅವರು ಅಧ್ಯಕ್ಷತೆವಹಿಸಿದ್ದು, ಮಕ್ಕಳ ಜೊತೆ ಅವರು ಬೆರೆತರು. ಆರೋಗ್ಯ ಮೇಳದಲ್ಲಿ ಎಂ ಇ ಎಸ್ ಶಾಲೆಯ ವಿದ್ಯಾರ್ಥಿಗಳ ಜೊತೆ ತೇಲಂಗ ಪ್ರೌಢಶಾಲೆಯ ವಿದ್ಯಾರ್ಥಿಗಳು, ಶಾಸಕರ ಮಾದರಿ ಶಾಲೆ ನಂ 3 ಶಾಲೆಯ ವಿದ್ಯಾರ್ಥಿಗಳು ಸೇರಿ 700ಕ್ಕೂ ಅಧಿಕ ಜನ ಭಾಗವಹಿಸಿದ್ದರು. ಆರೋಗ್ಯ ಮೇಳದಲ್ಲಿ ವಿಜ್ಞಾನ ವಸ್ತು ಪ್ರದರ್ಶನ, ವಿವಿಧ ಕ್ರೀಡಾ ಸ್ಫರ್ಧೆಗಳು ಮನಸೆಳೆದವು. ಶಾಲಾ ವಿದ್ಯಾರ್ಥಿಗಳಿಗೆ ನುರಿತ ವೈದ್ಯರಿಂದ ಹಿಮೋಗ್ಲೋಬಿನ್ ಪರೀಕ್ಷೆ ಹಾಗೂ ಸಾಮಾನ್ಯ ಆರೋಗ್ಯ ತಪಾಸಣೆ ನಡೆಯಿತು.
- [ಹಂಗಾಮಿ ಲಾಗಣಿಗೆ ಹಕ್ಕಿಲ್ಲ!](https://mobiletime.in/2025/12/no-right-to-temporary-employment/): ಕೃಷಿ ಹಾಗೂ ಅರಣ್ಯೇತರ ಉದ್ದೇಶಕ್ಕಾಗಿ ಸರ್ಕಾರ ನೀಡಿದ ಹಂಗಾಮಿ ಲಾಗಣಿ ಮೇಲೆ ರೈತರಿಗೆ ಇನ್ಮುಂದೆ ಯಾವುದೇ ಹಕ್ಕಿಲ್ಲ. ಹೀಗಾಗಿ ಆ ಭೂಮಿಯನ್ನು ಅವರು ಸರ್ಕಾರಕ್ಕೆ ಮರಳಿಸುವುದು ಅನಿವಾರ್ಯವಾಗಿದ್ದು, ಆ ಪ್ರದೇಶದಲ್ಲಿ ಗಿಡ ನಾಟಿ ಮಾಡುವಂತೆ ಸುಪ್ರೀಂ ಕೋರ್ಟು ಸೂಚಿಸಿದೆ. ಅರಣ್ಯ ಸಂರಕ್ಷಣಾ ಕಾಯಿದೆ 1980 ಜಾರಿಗೆ ಬರುವ ಪೂರ್ವದಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಹಸ್ರಾರು ಅರಣ್ಯವಾಸಿಗಳ ಕುಟುಂಬಕ್ಕೆ ಕೃಷಿ ಚಟುವಟಿಕೆಗೆ ಉದ್ದೇಶಿಸಿ ಹಂಗಾಮಿ ಲಾಗಣಿ ಭೂಮಿ ನೀಡಲಾಗಿತ್ತು. ಆ ವೇಳೆ ಕೆಲವು ವರ್ಷಕ್ಕೆ ಮಾತ್ರ ಲಾಗಣಿ ನೀಡಲಾಗಿದ್ದು, ಅವಧಿ ಮುಗಿದ ನಂತರವೂ ಅಲ್ಲಿ ಜನ ಸಾಗುವಳಿ ಮಾಡಿಕೊಂಡಿದ್ದರು. ಅರಣ್ಯ ಸಂರಕ್ಷಣಾ ಕಾಯಿದೆ ಜಾರಿಗೆ ಬಂದ ನಂತರ ರಾಜ್ಯ ಸರ್ಕಾರ ಕೇಂದ್ರ ಸರ್ಕಾರ ಪೂರ್ವಾನುಮತಿ ಪಡೆಯದೇ ಇರುವುದು ಹಾಗೂ ಲಾಗಣಿ ಅವಧಿ ಮುಗಿದ ನಂತರವೂ ಸಾಗುವಳಿ ನಡೆದಿರುವುದನ್ನು ಸುಪ್ರೀಂ ಕೋರ್ಟು ಗಮನಿಸಿದೆ. ಈ ಹಿನ್ನಲೆ `ಕೇಂದ್ರ ಸರ್ಕಾರದ ಅನುಮತಿ ಇಲ್ಲದೇ ಹಂಗಾಮಿ ಲಾಗಣಿ ಭೂಮಿಯಲ್ಲಿ ಸಾಗುವಳಿ ಮಾಡುವುದು ಕಾನೂನುಬಾಹಿರ’ ಎಂದು ಸುಪ್ರೀಂ ಕೋರ್ಟ ಆದೇಶ ನೀಡಿದೆ. ಸುಪ್ರಿಂ ಕೊರ್ಟನ ನ್ಯಾಯಮೂರ್ತಿ ವಿಕ್ರಮ್ ನಾಥ ಮತ್ತು ಸಂದೀಪ್ ಮೆಹತಾ ಅವರ ದ್ವೀ ಸದಸ್ಯತ್ವ ಪೀಠ ಡಿ 18ರಂದು ಕಲಘಟಗಿಯ ಗಾಂಧಿ ಜೀವನ್ ಸಾಮುಹಿಕ ಕೃಷಿ ಸಹಕಾರಿ ಸಂಘಕ್ಕೆ ಕೃಷಿ ಚಟುವಟಿಕೆಗೆ ಅರಣ್ಯ ಭೂಮಿ ಹಂಗಾಮಿ ಲಾಗಣಿ ನೀಡಿದ ವಿಷಯವಾಗಿ ಈ ಆದೇಶ ಮಾಡಿದೆ. ಕೃಷಿ ಸಾಗುವಳಿಗೆ ಮುಂದುವರೆಸುವ ಕುರಿತು ಸಲ್ಲಿಸಿದ ಮೇಲ್ಮನವಿ ಅರ್ಜಿಯನ್ನು ವಜಾ ಮಾಡಿದೆ. `ಅರಣ್ಯ ಭೂಮಿಯನ್ನು ಕೃಷಿ ಮತ್ತು ಅರಣ್ಯೇತರ ಉದ್ದೇಶಗಳಿಗೆ ಬಳಸಲು ಸಾಧ್ಯವಿಲ್ಲ’ ಎಂದು ಸುಪ್ರೀಂ ಕೊರ್ಟ ಪುನರುಚ್ಚರಿಸಿದೆ. `ಅರಣ್ಯ ಭೂಮಿಯನ್ನು ಕೃಷಿ ಚಟುವಟಿಕೆ ನೀಡುವುದು ಸರಿಯಲ್ಲ. ಇದರಿಂದ ಅರಣ್ಯ ಸಾಂದ್ರತೆ ಕಡಿಮೆ ಆಗಲಿದೆ’ ಎಂದು ನ್ಯಾಯಾಲಯ ಹೇಳಿದೆ. ಈ ಬಗ್ಗೆ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಮಾಹಿತಿ ನೀಡಿದ್ದು, `ಕಲಘಟಗಿ ತಾಲೂಕಿನ ಬೆಣಚಿ ಮತ್ತು ತಮಾರಿಕೊಪ್ಪ ಗ್ರಾಮದಲ್ಲಿ 1976ರಲ್ಲಿ 134 ಎಕರೆ ಅರಣ್ಯ ಭೂಮಿಯನ್ನು 10 ವರ್ಷಕ್ಕೆ ಗಾಂಧಿ ಜೀವನ್ ಸಮೂಹ ರೈತರ ಸಂಸ್ಥೆಗೆ ನೀಡಲಾಗಿತ್ತು. ಆ ಭೂಮಿಯ ಗುತ್ತಿಗೆ ಮುಂದುವರೆಸಬೇಕೆoಬ ಪ್ರಕರಣದಲ್ಲಿ ಸರ್ಕಾರ ಈ ಆದೇಶ ಮಾಡಿದೆ’ ಎಂದು ವಿವರಿಸಿದ್ದಾರೆ. ಇದರಿಂದ ಅರಣ್ಯವಾಸಿಗಳಿಗೆ ಇನ್ನಷ್ಟು ಆತಂಕ ಎದುರಾಗಿದೆ ಎಂದವರು ಹೇಳಿದ್ದಾರೆ.
- [ಕಾಲೇಜು ಕ್ಯಾಂಟೀನ್: ಬನ್ಸು-ಬಾಜಿಗೆ ಮನಸೋತ ಶಾಸಕ!](https://mobiletime.in/2025/12/college-canteen-mla-loses-his-mind-over-bansu-baji/): ಕುಮಟಾ ಶಾಸಕ ದಿನಕರ ಶೆಟ್ಟಿ ಅವರು ನೆಲ್ಲಿಕೇರಿಯಲ್ಲಿರುವ ಹನುಮಂತ ಬೆಣ್ಣೆ ಸರ್ಕಾರಿ ಪಿಯು ಕಾಲೇಜಿಗೆ ಭೇಟಿ ನೀಡಿದ್ದು, ಅಲ್ಲಿನ ಕ್ಯಾಂಟೀನಿನಲ್ಲಿ ಬನ್ಸು-ಬಾಜಿ ಸೇವಿಸಿದ್ದಾರೆ. ಕಾಲೇಜಿನಲ್ಲಿ ಶನಿವಾರ ನೂತನವಾಗಿ ಕ್ಯಾಂಟೀನ್ ಶುರು ಮಾಡಲಾಗಿದ್ದು, ಅದನ್ನು ದಿನಕರ ಶೆಟ್ಟಿ ಅವರು ಉದ್ಘಾಟಿಸಿದರು. ಅದಾದ ನಂತರ ಅಲ್ಲಿ ತಯಾರಿಸಿದ ತಿಂಡಿಗಳನ್ನು ಗಮನಿಸಿ ಬನ್ಸು-ಬಾಜಿ ಆರ್ಡರ್ ಮಾಡಿದರು. ಇದಕ್ಕೂ ಮುನ್ನ ದಿನಕರ ಶೆಟ್ಟಿ ಮಕ್ಕಳಿಗೆ ತಿನಿಸುಗಳನ್ನು ಕೊಟ್ಟರು. `1800 ವಿದ್ಯಾರ್ಥಿಗಳಿರುವ ಕಾಲೇಜಿಗೆ ಕ್ಯಾಂಟೀನ್ ಅಗತ್ಯವಿರುವ ಬಗ್ಗೆ ಪ್ರಾಚಾರ್ಯರು ಹೇಳಿದ್ದರು. ದೂರ ದೂರ ಪ್ರದೇಶದಿಂದ ಮಕ್ಕಳು ಇಲ್ಲಿ ಬರುತ್ತಿದ್ದು, ಅವರಿಗೆ ಈ ಕ್ಯಾಂಟೀನ್ ಅನುಕೂಲ ಆಗಲಿದೆ’ ಎಂದು ದಿನಕರ ಶೆಟ್ಟಿ ಅವರು ಹೇಳಿದರು. `ಕೃಷಿ ಇಲಾಖೆ ಕಟ್ಟಡ ಕಾಲಿಯಿರುವುದನ್ನು ಗಮನಿಸಿ ಅಲ್ಲಿ ಕ್ಯಾಂಟೀನ್ ಶುರು ಮಾಡಲಾಗಿದೆ. ಹಸಿದ ಹೊಟ್ಟೆಯಲ್ಲಿ ಕಲಿಕೆ ಸಾಧ್ಯವಿಲ್ಲ ಎಂದು ಅರಿತು ಉಪಹಾರ ವ್ಯವಸ್ಥೆ ಶುರು ಮಾಡಲಾಗಿದ್ದು, ಗುಣಮಟ್ಟದ ತಿಂಡಿ-ತಿನಿಸುಗಳು ಇಲ್ಲಿ ಸಿಗಬೇಕು’ ಎಂದವರು ತಾಕೀತು ಮಾಡಿದರು. ಕಾಲೇಜಿನ ಪ್ರಾಚಾರ್ಯ ಸತೀಶ ನಾಯ್ಕ, ಸಮಿತಿ ಉಪಾಧ್ಯಕ್ಷ ನಿತ್ಯಾನಂದ ನಾಯ್ಕ ಇತರರು ಶಾಸಕರ ಜೊತೆ ತಿಂಡಿ ಸೇವಿಸಿದರು.
- [ಆಹಾರ ಸೇವಿಸದೇ ಸಾವನಪ್ಪಿದ ಜಿಪಿಎಸ್ ಹಕ್ಕಿ!](https://mobiletime.in/2025/12/gps-bird-dies-from-starvation/): ಜಿಪಿಎಸ್ ಹೊತ್ತು ಕಾರವಾರ ಕಡಲತೀರದ ಕಡೆ ಬಂದಿದ್ದ ಹಕ್ಕಿ ಗಾಯದ ನೋವು ಸಹಿಸಲಾಗದೇ ಸಾವನಪ್ಪಿದೆ. ಆ ಹಕ್ಕಿಯ ಜೀವ ಉಳಿಸುವ ಕಸರತ್ತು ನಡೆಯಿತಾದರೂ ಅದು ಪ್ರಯೋಜನಕ್ಕೆ ಬಂದಿಲ್ಲ. ಚಳಿಗಾಲದ ಅವಧಿಯಲ್ಲಿ ಭಾರತದ ಕರಾವಳಿ ಪ್ರದೇಶಕ್ಕೆ ಸೀಗಲ್ ಹಕ್ಕಿ ವಲಸೆ ಬರುತ್ತದೆ. ಮೊನ್ನೆ ಕಾರವಾರಕ್ಕೆ ಬಂದ ಹಕ್ಕಿಯ ಬೆನ್ನಿನ ಮೇಲೆ ಜಿಪಿಎಸ್ ಪತ್ತೆಯಾಗಿದ್ದು, ಜನ ಆತಂಕಕ್ಕೆ ಒಳಗಾಗಿದ್ದರು. ನಂತರ ಅಧ್ಯಯನಕ್ಕಾಗಿ ಅದಕ್ಕೆ ಜಿಪಿಎಸ್ ಅಳವಡಿಸಿದ್ದು ಗೊತ್ತಾಗಿತ್ತು. ಗಾಯಗೊಂಡ ಆ ಹಕ್ಕಿಯನ್ನು ಹಿಡಿದು ದಾಂಡೇಲಿ ವನ್ಯಜೀವಿ ಪುರ್ನವಸತಿ ಕೇಂದ್ರದಲ್ಲಿ ಚಿಕಿತ್ಸೆ ನೀಡುವ ಪ್ರಯತ್ನ ನಡೆಯಿತು. ಆದರೆ, ಆ ಹಕ್ಕಿ ಚೇತರಿಸಿಕೊಳ್ಳಲಿಲ್ಲ. ಆಹಾರ ಸೇವಿಸಲು ಸಾಧ್ಯವಾಗದೇ ಹಕ್ಕಿ ಕೊನೆಯುಸಿರೆಳೆಯಿತು. ಮಾರ್ಚ ತಿಂಗಳ ಅವಧಿಯಲ್ಲಿ ಆ ಹಕ್ಕಿಗೆ ಜಿಪಿಎಸ್ ಟ್ರಾಕರ್ ಅಳವಡಿಸಿದ್ದು ಅರಿವಿಗೆ ಬಂದಿದೆ. ಆ ನಂತರ ಸೈಬಿರಿಯಾದತ್ತ ಪ್ರಯಾಣಿಸಿದ್ದ ಸೀಗಲ್ ಹಕ್ಕಿ ಆರ್ಕ್ಟಿಕ್’ನವರೆಗೆ ಸಾಗಿ ನಂತರ ಅಲ್ಲಿ ಸಂತಾನೋತ್ಪತ್ತಿಯಲ್ಲಿ ತೊಡಗಿಸಿಕೊಂಡು ಶ್ರೀಲಂಕಾ ಕಡೆ ಹೊರಟಿತ್ತು. ಈ ನಡುವೆ ಮಾರ್ಗ ಮಧ್ಯೆ ಕಾರವಾರದ ತೀರದಲ್ಲಿ ಹಾರಾಟ ಸ್ಥಗಿತಗೊಳಿಸಿತ್ತು ಎಂದು ಕೊಲಂಬೊದ ಸಂಸ್ಥೆ ಮಾಹಿತಿ ನೀಡಿದೆ.
- [ಸದೃಢ ಸಹಕಾರಿಗೆ ವಿಶ್ವದರ್ಶನ ಪ್ರಶಸ್ತಿ](https://mobiletime.in/2025/12/vishwadarshan-award-for-strong-cooperative/): ವಿಶ್ವದರ್ಶನ ದಿನ ಪತ್ರಿಕೆ ಕೊಡುವ `ನ್ಯಾಷನಲ್ ಐಕಾನ್ ಅವಾರ್ಡ್’ಗೆ ಶಿರಸಿಯ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ಆಯ್ಕೆಯಾಗಿದ್ದಾರೆ. ವಿಶ್ವದರ್ಶನ ದಿನಪತ್ರಿಕೆ ಸಂಪಾದಕ ಎಸ್ ಎಸ್ ಪಾಟೀಲ್ ಅವರು ಈ ಮಾಹಿತಿ ಹಂಚಿಕೊAಡಿದ್ದು, `ಹಲವು ದಶಕದಿಂದ ಸಾಮಾಜಿಕ ಸೇವೆಯಲ್ಲಿ ತೊಡಗಿರುವ ವಿನಾಯಕ ಶೆಟ್ಟಿ ಅವರ ಕಾರ್ಯ ಗುರುತಿಸಿ ಈ ಪ್ರಶಸ್ತಿ ಕೊಡಲಾಗುತ್ತಿದೆ’ ಎಂದಿದ್ದಾರೆ. `ಸಾಮಾಜಿಕ ಕ್ಷೇತ್ರದಲ್ಲಿ ವಿನಾಯಕ ಶೆಟ್ಟಿ ಅವರು ಮಾಡಿದ ಸಾಧನೆಯನ್ನು ವಿಶ್ವದರ್ಶನ ಪತ್ರಿಕೆ ಗಮನಿಸಿ ಗೌರವಿಸುತ್ತಿದೆ. ವಿನಾಯಕ ಶೆಟ್ಟಿ ಅವರು ಗಣೇಶೋತ್ಸವ ಸಂಘಟನೆ, ಶಿಕ್ಷಣ, ಸಾಮಾಜಿಕ ಸೇವೆಯಲ್ಲಿಯೂ ಸಕ್ರೀಯರಾಗಿದ್ದಾರೆ’ ಎಂದವರು ಸ್ಮರಿಸಿದ್ದಾರೆ. ವಸಂತ ಶೆಟ್ಟಿ ಅವರಿಂದ ಸ್ಥಾಪನೆಯಾಗಿರುವ ಭೂತೇಶ್ವರ ಪತ್ತಿನ ಸಹಕಾರಿ ಸಂಘ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಧೃಡ ಸಂಸ್ಥೆಯಾಗಿ ಬೆಳೆದಿದೆ. ಅದಕ್ಕೆ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ಕಾರಣರಾಗಿದ್ದಾರೆ. ಅವರ ಸಹಕಾರ ಸೇವೆಯನ್ನು ವಿಶ್ವದರ್ಶನ ಪತ್ರಿಕೆ ಸ್ಮರಿಸಿದೆ. ಡಿಸೆಂಬರ್ 27ರಂದು ದಾವಣಗೆರೆಯಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತಿದೆ.
- [ಶಿರಸಿ ನಗರಸಭೆ | ಘರ್ಜಿಸಿದ ಗುರು: ಗರಂ ಆದ ಪರಂ!](https://mobiletime.in/2025/12/sirsi-municipal-council-the-guru-roared-the-most-glorious/): ಶಿರಸಿ ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷರಾಗಿ ಅಧಿಕಾರವಹಿಸಿಕೊಂಡ ಗುರು ಅಡಿ ನಗರಸಭೆಯ ಸಭೆಯಲ್ಲಿ ಗರಂ ಆಗಿದ್ದಾರೆ. `ವಿದೇಶಿ ಪ್ರವಾಸ ಮಾಡಿ ಬಂದ ನಗರಸಭೆ ಅಧಿಕಾರಿ-ಸಿಬ್ಬಂದಿ ಇಲ್ಲಿನ ಆಡಳಿತವನ್ನು ಇನ್ನಷ್ಟು ಹದಗೆಡಿಸಿದ್ದಾರೆ’ ಎಂಬ ನಿಟ್ಟಿನಲ್ಲಿ ಗುರು ಅಡಿ ಮಾತನಾಡಿದ್ದಾರೆ. ಹಿರಿಯ ಪತ್ರಕರ್ತ ಪರಮಾನಂದ ಹೆಗಡೆ ಅವರು ಆಡಳಿತ ವೈಖರಿ ವಿರುದ್ಧ ಅಸಮಧಾನವ್ಯಕ್ತಪಡಿಸಿದ್ದಾರೆ. ಶನಿವಾರ ಶಿರಸಿ ನಗರಸಭೆ ಬಜೆಟ್ ಪೂರ್ವಭಾವಿ ಸಭೆಯಲ್ಲಿ ಜನ ಆಡಳಿತದ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಸಮಸ್ಯೆ ಹೇಳಿದರೂ ಅದನ್ನು ಬಗೆಹರಿಸುವವರಿಲ್ಲ’ ಎಂದು ಅನೇಕರು ಹೇಳಿದ್ದಾರೆ. `ನಗರಸಭೆಯವರು ಪತ್ರಕರ್ತರಿಂದ ಸಲಹೆಪಡೆಯುತ್ತಾರೆ. ಆದರೆ, ಆ ಸಲಹೆಯ ಪೈಕಿ ಒಂದನ್ನೂ ಅನುಷ್ಠಾನಕ್ಕೆ ತರುವುದಿಲ್ಲ’ ಎಂದು ಗುರು ಅಡಿ ಕಿಡಿಕಾರಿದರು. `ಕೋಟಿ ರೂ ಖರ್ಚು ಮಾಡಿ ವಿದೇಶಕ್ಕೆ ಹೋಗಿ ಅಲ್ಲಿನ ಆಡಳಿತ ನೋಡಿದವರು ಇಲ್ಲಿ ಮಾಡಿದ್ದೇನು?’ ಎಂದು ಪ್ರಶ್ನಿಸಿದರು. `ಶಿರಸಿ ನಗರ ಪ್ರವೇಶಿಸುತ್ತಲೇ ರಸ್ತೆ ಪಕ್ಕ ಕಸದ ರಾಶಿ ಕಾಣುತ್ತಿದೆ. ಕಸ ಚೆಲ್ಲಿದವರಿಗೆ ದಂಡ ವಿಧಿಸಿ’ ಎಂದು ತಾಕೀತು ಮಾಡಿದರು. `ಕಸದಿಂದ ರಸ ತೆಗೆದು ನಗರಸಭೆ ಆದಾಯ ವೃದ್ಧಿ ಮಾಡುವ ಯೋಜನೆ ಇಲ್ಲ. ನೀರಿನ ನಲ್ಲಿ ಮಾಪನದ ಬಗ್ಗೆ ನಗರಸಭೆಯವರಿಗೆ ಗೊತ್ತಿಲ್ಲ. ನಲ್ಲಿ ನೀರಿನಲ್ಲಿ ಕೊಳಚೆ ನೀರು ಬಂದರೆ ಏನು? ಎನ್ನುವದರ ಬಗ್ಗೆ ಉತ್ತರವಿಲ್ಲ. ಬೀದಿ ದೀಪಗಳು ಸರಿಯಾಗಿಲ್ಲ’ ಎಂಬ ವಿಷಯ ಬಿಚ್ಚಿಟ್ಟರು. `ವಿವಿಧ ಹೊಟೇಲುಗಳಲ್ಲಿ ಟೇಸ್ಟಿಂಗ್ ಪೌಡರ್ ಬಳಕೆ ನಡೆಯುತ್ತಿದೆ. ಜನರ ಆರೋಗ್ಯಕ್ಕೆ ದುಷ್ಪರಿಣಾಮವಾಗುವ ಕೆಮಿಕಲ್ ಬಳಸುತ್ತಿದ್ದಾರೆ. ಮಳೆಗಾಲದಲ್ಲಿ ಮಳೆ ನೀರನ್ನು ಹಿಡಿದು ಅಡುಗೆ ಮಾಡುವವರಿದ್ದಾರೆ. ದುಡ್ಡು ಕೊಟ್ಟು ಬರುವ ಜನರಿಗೆ ಎಂಜಲು ಊಟ ಬಡಿಸುತ್ತಾರೆ. ಆದರೆ, ನಗರಸಭೆ ಮಾತ್ರ ಅಂಥವರ ವಿರುದ್ಧ ಕ್ರಮ ಜರುಗಿಸುತ್ತಿಲ್ಲ’ ಎಂದು ಕೂಗಾಡಿದರು. ಸ್ವಾಮಿ ಎಂಬ ಕುಂಬೇರಪ್ಪನ ಅಪರಾತಪರದ ಬಗ್ಗೆ ಮಾತನಾಡಿದ ಪತ್ರಕರ್ತ ಪರಮಾನಂದ ಹೆಗಡೆ ನಗರಸಭೆ ಭ್ರಷ್ಟಾಚಾರದ ಬಗ್ಗೆಯೂ ಪ್ರಸ್ತಾಪಿಸಿದರು. `ದೇವಿಕೇರೆ ಬಳಿ ಅಂಗಡಿ ತೆರವು ವಿಚಾರವಾಗಿ ಒಬ್ಬರಿಗೆ ಒಂದು ನ್ಯಾಯ ಇನ್ನೊಬ್ಬರಿಗೆ ಇನ್ನೊಂದು ನ್ಯಾಯಯಾದ ಬಗ್ಗ ನನಗೆ ಫೋನ್ ಬರುತ್ತಿದೆ. ಗಣೇಶ ನಗರ ರಸ್ತೆ ಕಾಮಗಾರಿಯ ಗುತ್ತಿಗೆದಾರ ನಾಪತ್ತೆ ಎಂಬ ಸುದ್ದಿಯಿದೆ. ಅಲ್ಲಿರುವ ಪೈಪ್‌ಲೈನ್ ಅವೈಜ್ಞಾನಿಕವಾಗಿದ್ದು, ಅದನ್ನು ಗಮನಿಸುವವರಿಲ್ಲ’ ಎಂದು ಪರಮಾನಂದ ಹೆಗಡೆ ಆಕ್ರೋಶವ್ಯಕ್ತಪಡಿಸಿದರು. `ದೇವಿಕೇರಿ, ಕೋಟೆಕೆರೆಯಲ್ಲಿ ಸಂಘ-ಸAಸ್ಥೆಗಳು ನೀಡಿದ ಉಪಕರಣವೂ ಹಾಳಾಗುತ್ತಿದೆ. ನಗರಸಭೆ ಜವಾಬ್ದಾರಿ ಏಕೆ ತೆಗೆದುಕೊಂಡಿಲ್ಲ? ಎಂದು ಪರಮಾನಂದ ಹೆಗಡೆ ಪ್ರಶ್ನೆ ಮಾಡಿದರು. `ಬೀಡಾಡಿ ದನ ರಕ್ಷಣೆಗೆ ಕೊಂಡೆವಾಡಿ ಕಟ್ಟಿ ಹಣ ಮಾತ್ರ ಖರ್ಚು ಮಾಡಲಾಗಿದೆ. ನಾಯಿ ಆಪರೇಶನ್ ಏನಾಯಿತು? ಎನ್ನುವುದರ ಬಗ್ಗೆ ಮಾಹಿತಿ ಇಲ್ಲ. ಆಸ್ಪತ್ರೆ ಎದುರೇ ಧೂಳು ಹೆಚ್ಚಾದರೂ ಯಾರೂ ತಲೆಕೆಡಿಸಿಕೊಂಡಿಲ್ಲ. ಇಲ್ಲಿನ ಅವ್ಯವಸ್ಥೆ ನೋಡಿ ಅತಿಕ್ರಮಣಗಳ ತವರು ಹಾಗೂ ಹೊಂಡೆಗುoಡಿ ಎಂದು ಶಿರಸಿಗೆ ಬಿರುದು ಕೊಟ್ಟಿದ್ದಾರೆ’ ಎಂದು ತಮ್ಮ ಅಸಮಧಾನಹೊರ ಹಾಕಿದರು. ಮನೆಗಳಿಗೆ ನೀರು ನುಗ್ಗುವುದು, ಆರೋಗ್ಯದ ಸಮಸ್ಯೆ, ಪಾರ್ಕಿಂಗ್ ತೊಂದರೆ ಬಗ್ಗೆ ಅನೇಕರು ಅಸಮಧಾನವ್ಯಕ್ತಪಡಿಸಿದರು. ಕಚೇರಿ ಅವಧಿಯಲ್ಲಿ ಅಧಿಕಾರಿಗಳು ಸಿಗುವುದಿಲ್ಲ ಎಂದು ಸಹ ಜನ ಆಕ್ರೋಶವ್ಯಕ್ತಪಡಿಸಿದರು.
- [ತಹಶೀಲ್ದಾರ್ ಕಚೇರಿ: ಒಂದುವರೆ ಲಕ್ಷ ಕೊಟ್ಟರೂ ಸಿಗದ ಕಂಪ್ಯುಟರ್ ಹುದ್ದೆ!](https://mobiletime.in/2025/12/tahsildars-office-computer-post-not-available-even-after-paying-rs-1-5-lakh/): ಖಾಸಗಿ ಕಂಪನಿಯಲ್ಲಿ ಒಳ್ಳೆಯ ಉದ್ಯೋಗವಿದ್ದರೂ ಸರ್ಕಾರಿ ಕಚೇರಿಯಲ್ಲಿನ ಕಂಪ್ಯುಟರ್ ಆಪರೇಟರ್ ಹುದ್ದೆಗೆ ಕ್ವಿನಿ ಡಿಸೋಜಾ ಅವರು ಆಸೆಪಟ್ಟಿದ್ದಾರೆ. ಈ ಹುದ್ದೆ ಗಿಟ್ಟಿಸಿಕೊಳ್ಳುವುದಕ್ಕಾಗಿ ಅವರು ಒಂದುವರೆ ಲಕ್ಷ ರೂ ಖರ್ಚು ಮಾಡಿದ್ದಾರೆ. ಆದರೆ, ಆ ಕೆಲಸ ಮಾತ್ರ ಅವರಿಗೆ ಸಿಕ್ಕಿಲ್ಲ! ಹಳಿಯಾಳದ ಗರಡೊಳ್ಳಿಯಲ್ಲಿ ಕ್ವಿನಿ ಡಿಸೋಜಾ (25) ಅವರು ವಾಸವಾಗಿದ್ದಾರೆ. ಖಾಸಗಿ ಕಂಪನಿ ಉದ್ಯೋಗಿಯಾಗಿರುವ ಅವರಿಗೆ ಕೈ ತುಂಬಾ ಸಂಬಳ ಸಿಗುತ್ತಿದೆ. ಅದಾಗಿಯೂ ಸರ್ಕಾರಿ ಕಚೇರಿಯಲ್ಲಿ ಕೆಲಸ ಮಾಡಬೇಕು ಎಂಬುದು ಅವರ ಕನಸಾಗಿತ್ತು. ಹೀಗಾಗಿ ಅವರು ತಮ್ಮ ಬಯಕೆಯನ್ನು ತಂದೆಯ ಬಳಿ ಹೇಳಿಕೊಂಡಿದ್ದು, ಕ್ವಿನಿ ಡಿಸೋಜಾ ಅವರ ತಂದೆ ಇಶಾಂತ ಡಿಸೋಜಾ ಅವರು ಸಹ ಮಗಳ ಉದ್ಯೋಗದ ಕನಸು ಈಡೇರಿಕೆಗಾಗಿ ದುಡ್ಡು ಬಿಚ್ಚಿದ್ದಾರೆ. ಹಳಿಯಾಳ ಇಂದಿರಾ ನಗರದ ಮಂಜುಳಾ ಈರಣ್ಣ ಮಾದರ್ ಹಾಗೂ ಆಕಾಶ ಪ್ರಭಾಕರ ಗಜಕೋಶ ಸೇರಿ `ಹಳಿಯಾಳ ತಹಶೀಲ್ದಾರ್ ಕಚೇರಿಯಲ್ಲಿ ಡಾಟಾ ಆಪರೇಟರ್ ಹುದ್ದೆ ಖಾಲಿ ಇದೆ’ ಎಂದು ಕ್ವಿನಿ ಡಿಸೋಜಾ ಅವರಿಗೆ ಹೇಳಿದ್ದಾರೆ. `ಈ ಹುದ್ದೆ ಕೊಡಿಸಲು ಹಣ ಕೊಡಬೇಕಾಗುತ್ತದೆ’ ಎಂದು ನಂಬಿಸಿದ್ದಾರೆ. ಇದನ್ನು ನಂಬಿದ ಕ್ವಿನಿ ಡಿಸೋಜಾ ಅವರು ತಮ್ಮ ಬ್ಯಾಂಕ್ ಖಾತೆಯಲ್ಲಿದ್ದ ಹಣವನ್ನು ಅವರ ಖಾತೆಗೆ ವರ್ಗಾಯಿಸಿದ್ದಾರೆ. ಹಣ ಕಡಿಮೆ ಬಿದ್ದಾಗ ತಂದೆಯ ಮೊರೆ ಹೋಗಿದ್ದು, ಇಶಾಂತ ಡಿಸೋಜಾ ಅವರ ಬ್ಯಾಂಕ್ ಖಾತೆ ಹಣವನ್ನು ಖರ್ಚು ಮಾಡಿದ್ದಾರೆ. 2024ರ ಸೆಪ್ಟೆಂಬರ್ 9ರಿಂದ 2025ರ ಅಕ್ಟೊಬರ್ 3ರವರೆಗಿನ ಅವಧಿಯಲ್ಲಿ ಮಂಜುಳಾ ಮಾದರ್ ಹಾಗೂ ಆಕಾಶ ಗಜಕೋಶ ಸೇರಿ 151000ರೂ ವಸೂಲಿ ಮಾಡಿದ್ದಾರೆ. ಅದಾದ ನಂತರ ಮತ್ತೆ 80 ಸಾವಿರಕ್ಕೆ ಬೇಡಿಕೆ ಇಟ್ಟಿದ್ದು, ಆ ವೇಳೆ ಕ್ವಿನಿ ಡಿಸೋಜಾ ಅವರು `ತನಗೆ ಆ ಉದ್ಯೋಗ ಬೇಡ. ಹಣ ಮರಳಿಸಿ’ ಎಂದಿದ್ದಾರೆ. ಆದರೆ, ಅವರು ಹಣವನ್ನು ಮರಳಿಸಿಲ್ಲ. ಉದ್ಯೋಗವನ್ನು ಸಹ ಕೊಟ್ಟಿಲ್ಲ. ಪೆಚ್ಚುಮೋರೆ ಹಾಕಿದ ಕ್ವಿನಿ ಡಿಸೋಜಾ ಅವರು ತಮಗಾದ ಅನ್ಯಾಯವನ್ನು ತಂದೆಯ ಬಳಿ ಹೇಳಿದ್ದು, ಇಶಾಂತ ಡಿಸೋಜಾ ಅವರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. `ಸರ್ಕಾರಿ ಉದ್ಯೋಗ ಮಾರಾಟಕ್ಕಿಲ್ಲ. ಕಾಸುಕೊಟ್ಟು ಮೋಸ ಹೋಗುವ ಮುನ್ನ ಎಚ್ಚರ’
- [ಮೂರು ಮಂಗಗಳ ಮರಣ](https://mobiletime.in/2025/12/death-of-three-monkeys/): ಸಿದ್ದಾಪುರದ ಗಣಪತಿ ಗಲ್ಲಿಯಲ್ಲಿ ಮೂರು ಮಂಗಗಳು ಸಾವನಪ್ಪಿದೆ. ಏಕಕಲಕ್ಕೆ ಮೂರು ಮಂಗ ಸಾವನಪ್ಪಿರುವುದು ಜನರ ಆತಂಕಕ್ಕೆ ಕಾರಣವಾಗಿದೆ. ಪಟ್ಟಣದ ಉದಯ ರಂಗೈನ್ ಹಾಗೂ ಅಶೋಕ ಪ್ರಭು ಅವರ ಮನೆಯ ಹಿಂಭಾಗದಲ್ಲಿ ಮೂರು ಮಂಗಗಳು ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿವೆ. ವಿಷಯ ತಿಳಿಯುತ್ತಿದ್ದಂತೆಯೇ ಪಟ್ಟಣ ಪಂಚಾಯತ್ ಸದಸ್ಯ ಗುರುರಾಜ ಶಾನಭಾಗ ಅವರು ಸ್ಥಳಕ್ಕೆ ಧಾವಿಸಿದ್ದಾರೆ. ಪರಿಸ್ಥಿತಿಯ ಗಂಭೀರತೆಯನ್ನು ಅರಿತು ತಕ್ಷಣವೇ ಆರೋಗ್ಯ, ಪಶು ಸಂಗೋಪನೆ, ಅರಣ್ಯ ಇಲಾಖೆ ಹಾಗೂ ಪಟ್ಟಣ ಪಂಚಾಯತ್ ಅಧಿಕಾರಿಗಳಿಗೆ ಅವರು ಮಾಹಿತಿ ನೀಡಿದ್ದಾರೆ. ತಾಲೂಕು ಪಶುವೈದ್ಯಾಧಿಕಾರಿಗಳು ಮೃತ ಮಂಗಗಳ ಮರಣೋತ್ತರ ಪರೀಕ್ಷೆ ನಡೆಸಿ, ಅಂಗಾAಶಗಳ ಮಾದರಿಯನ್ನು ಸಂಗ್ರಹಿಸಿ ತಪಾಸಣೆಗಾಗಿ ಪುಣೆ ಮತ್ತು ಶಿವಮೊಗ್ಗದ ಸಂಶೋಧನಾಲಯಗಳಿಗೆ ಕಳುಹಿಸಿದ್ದಾರೆ. ಪಟ್ಟಣ ಪಂಚಾಯತಿಯಿAದ ಆ ಪ್ರದೇಶದಲ್ಲಿ ಕ್ರಿಮಿನಾಶಕ ಸಿಂಪಡಿಸಿ ಶುಚಿಗೊಳಿಸಲಾಗಿದೆ. `ಮಂಗನ ಕಾಯಿಲೆ ಆತಂಕದ ಹಿನ್ನಲೆ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಲಾಗಿದೆ’ ಎಂದು ಅಧಿಕಾರಿಗಳು ಹೇಳಿದ್ದಾರೆ.
- [ಕರಾವಳಿ ಉತ್ಸವದ ಕರೆಯೋಲೆ](https://mobiletime.in/2025/12/coastal-festival-call/): ಕಾರವಾರದ ರವೀಂದ್ರನಾಥ ಕಡಲತೀರದಲ್ಲಿನ ಮಯೂರವರ್ಮ ವೇದಿಕೆಯಲ್ಲಿ 8 ವರ್ಷದ ನಂತರ `ಕರಾವಳಿ ಉತ್ಸವ’ ನಡೆಸಲು ನಿರ್ಧರಿಸಲಾಗಿದೆ. ಡಿಸೆಂಬರ್ 22ರಿಂದ 28ರವರೆಗೆ ನಡೆಯುವ ಉತ್ಸವದ ಕರೆಯೋಲೆಯನ್ನು ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಬಿಡುಗಡೆ ಮಾಡಿದ್ದಾರೆ. `ಕರಾವಳಿ ಉತ್ಸವವನ್ನು ರಾಜ್ಯದ ಮುಖ್ಯಮಂತ್ರಿಗಳಾದ ಸಿದ್ದರಾಮಯ್ಯ ಅವರು ಉದ್ಘಾಟಿಸಲಿದ್ದು, ಉಪ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಸೇರಿದಂತೆ ವಿವಿಧ ಸಚಿವರು ಭಾಗವಹಿಸಲಿದ್ದಾರೆ. ಕಾರ್ಯಕ್ರಮಕ್ಕೆ ರಾಜ್ಯ ಹಾಗೂ ಹೊರ ರಾಜ್ಯದ ಜನರು ಭಾಗವಹಿಸುವ ನಿರೀಕ್ಷೆಯಿದ್ದು, ರಾಜ್ಯ ಹಾಗೂ ಹೊರ ರಾಜ್ಯದ ಕಲಾವಿದರು ಪ್ರದರ್ಶನ ನೀಡಲಿದ್ದಾರೆ’ ಎಂದು ಮಂಕಾಳು ವೈದ್ಯ ಅವರು ಹೇಳಿದ್ದಾರೆ. `ಕಾರ್ಯಕ್ರಮ ಆಯೋಜನೆಗೆ ಸರ್ಕಾರದಿಂದ 5 ಕೋಟಿ ರೂ ಹಣ ಬಿಡುಗಡೆಯಾಗಿದ್ದು, ಕಾರ್ಯಕ್ರಮಕ್ಕೆ 10 ಕೋಟಿ ರೂ ವೆಚ್ಚದ ಬಗ್ಗೆ ಅಂದಾಜಿಸಲಾಗಿದೆ’ ಎಂದವರು ತಿಳಿಸಿದ್ದಾರೆ. `ಕಳೆದ ಒಂದು ತಿಂಗಳಿನಿAದ ಉತ್ಸವದ ಸಿದ್ಧತೆ ನಡೆಯುತ್ತಿದೆ. ಕಾರ್ಯಕ್ರಮದ ಯಶಸ್ವಿಗೆ ಮಾಧ್ಯಮದವರು ಸೇರಿದಂತೆ ಜಿಲ್ಲೆಯ ಸಂಘ ಸಂಸ್ಥೆಗಳು ತಮ್ಮ ಸಹಕಾರ ನೀಡಬೇಕು’ ಎಂದವರು ಮನವಿ ಮಾಡಿದರು. ಈ ಸಂದರ್ಭದಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ, ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಜಿಲ್ಲಾ ಗ್ಯಾರಂಟಿ ಅನುಷ್ಠಾನ ಪ್ರಾಧಿಕಾರದ ಅಧ್ಯಕ್ಷ ಸತೀಶ ಪಿ ನ್ಯಾಯ್ಕ, ತಹಶೀಲ್ದಾರ ಶ್ರೀಕೃಷ್ಣ ಕಾಮಕರ್ ಇದ್ದರು.
- [ಇಲಿ ಮದ್ದು ಸೇವಿಸಿದ ಚಾಲಕ: ಸಾವು!](https://mobiletime.in/2025/12/driver-dies-after-consuming-rat-poison/): ಇಲಿ ಪಾಷಣ ಸೇವಿಸಿದ್ದ ಮಹೇಂದ್ರ ನಾಯ್ಕ ಅವರು ಮಂಗಳೂರಿನ ವೆನ್‌ಲಾಕ್ ಆಸ್ಪತ್ರೆಯಲ್ಲಿ ಸಾವನಪ್ಪಿದ್ದಾರೆ. ಹೊನ್ನಾವರದ ನವಿಲುಗೋಣ ಕಲ್ಲಟ್ಟಿಯಲ್ಲಿ ಮಹೇಂದ್ರ ಮಂಜುನಾಥ ನಾಯ್ಕ ಅವರು ವಾಸವಾಗಿದ್ದರು. ಚಾಲಕರಾಗಿದ್ದ ಅವರು ಜೀವನದಲ್ಲಿ ಬೇಸರ ಎನ್ನುತ್ತಿದ್ದರು. ಅದೇ ನೋವಿನಲ್ಲಿ ಡಿಸೆಂಬರ್ 10ರಂದು ಅವರು ಮನೆಯಲ್ಲಿದ್ದ ಇಲಿ ಪಾಷಣ ಸೇವಿಸಿದ್ದರು. ಕುಟುಂಬದವರು ಮಹೇಂದ್ರ ನಾಯ್ಕ ಅವರನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದರು. ಹೆಚ್ಚಿನ ಚಿಕಿತ್ಸೆಗಾಗಿ ಅವರನ್ನು ಮಂಗಳೂರಿಗೆ ದಾಖಲಿಸಲಾಗಿದ್ದು, ವೆನ್ಲಾಕ್ ಆಸ್ಪತ್ರೆಯಲ್ಲಿ ಅವರು ಕೊನೆಯುಸಿರೆಳೆದರು. ಈ ಬಗ್ಗೆ ಆಸ್ಪತ್ರೆಯವರು ಮಹೇಂದ್ರ ನಾಯ್ಕ ಅವರ ತಮ್ಮ ಅಕ್ಷಯ ನಾಯ್ಕ ಅವರಿಗೆ ತಿಳಿಸಿದ್ದು, ಅವರ ತಂದೆ ಮಂಜುನಾಥ ತಿಮ್ಮಯ್ಯ ನಾಯ್ಕ ಅವರು ಪೊಲೀಸರಿಗೆ ವಿವರಿಸಿದರು.
- [RTO ಕಚೇರಿಯಲ್ಲಿ ಕಡತ ಕಳ್ಳತನ!](https://mobiletime.in/2025/12/file-theft-at-rto-office/): ಕಾರವಾರದ ಆರ್ ಟಿ ಓ ಕಚೇರಿಯಲ್ಲಿನ ಕಡತಗಳು ಕಾಣೆಯಾಗಿವೆ. ಮುಖ್ಯ ದಾಖಲೆಗಳು ಅಲ್ಲಿನ ಅಧಿಕಾರಿಗಳ ಕೈಗೆ ಸಿಗುತ್ತಿಲ್ಲ. ಇದರಿಂದ ಜನ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಕಳೆದ ಮೂರು ತಿಂಗಳ ಹಿಂದೆಯೇ ಕಡತ ಕಳ್ಳತನವಾದ ಅನುಮಾನ ಶುರುವಾಗಿದೆ. ಕಡತ ಕಾಣೆಯಾಗಿದ್ದರೂ ಅಧಿಕಾರಿಗಳು ದೂರು ದಾಖಲಿಸದೇ ಇರುವುದು ಇನ್ನಷ್ಟು ಅನುಮಾನ ಹುಟ್ಟಿಸಿದೆ. ಈ ಬಗ್ಗೆ ಪ್ರಶ್ನಿಸಿದರೂ ಅಧಿಕಾರಿಗಳು ಸರಿಯಾಗಿ ಮಾತನಾಡುತ್ತಿಲ್ಲ. ಸಮಸ್ಯೆಗೆ ಸ್ಪಂದಿಸುವ ಕೆಲಸವನ್ನು ಮಾಡುತ್ತಿಲ್ಲ. ಕಡತ ಕಣ್ಮರೆಯ ವಿಷಯ ಅರಿತು ಶುಕ್ರವಾರ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಸ್ಥಳ ಭೇಟಿ ಮಾಡಿದರು. ಮಾಧವ ನಾಯಕ ಅವರ ಪ್ರಶ್ನೆಗೆ ಅಧಿಕಾರಿಗಳು ತಬ್ಬಿಬ್ಬಾದರು. ವಿವಿಧ ಸೇವೆಗಳಿಗೆ ಅರ್ಜಿ ಸಲ್ಲಿಸಿದವರ ಅರ್ಜಿ ಜೊತೆ ಅವರ ವೈಯಕ್ತಿಕ ಕಡತಗಳು ಕಾಣೆಯಾಗಿದ್ದರಿಂದ ಅದರ ದುರುಪಯೋಗದ ಅನುಮಾನವೂ ಜನರನ್ನು ಕಾಡುತ್ತಿದೆ. `ಸಾರಿಗೆ ಇಲಾಖೆ ಕಚೇರಿಯಲ್ಲಿ ದುಡ್ಡಿಲ್ಲದೇ ಯಾವ ಕೆಲಸವೂ ನಡೆಯುವುದಿಲ್ಲ ಎಂಬ ಆರೋಪವಿದೆ. ಈ ನಡುವೆ ಕಡತ ಕಾಣೆಯಾಗಿರುವುದು ಅಧಿಕಾರಿಗಳ ಬೇಜವಬ್ದಾರಿಗೆ ಉದಾಹರಣೆ’ ಎಂದು ಮಾಧವ ನಾಯಕ ಅವರು ಗುಡುಗಿದರು. `ಕಡತ ಕಾಣೆಯಾದ ಬಗ್ಗೆ ಮಾಹಿತಿ ಸಿಕ್ಕಿದೆ. ಭಾನುವಾರ ವಿವಿಧ ಅಧಿಕಾರಿಗಳನ್ನು ಕರೆಯಿಸಿ ಕಡತಗಳ ಹುಡುಕಾಟ ನಡೆಸಲಾಗುತ್ತದೆ. ಅದಾಗಿಯೂ ಸಿಗದಿದ್ದರೆ ಪೊಲೀಸ್ ದೂರು ನೀಡುವೆ’ ಎಂದು ಆರ್ ಟಿ ಓ ಜಾನ್ ಮಿಸ್ಕಿನ್ ಪ್ರತಿಕ್ರಿಯಿಸಿದರು. ಕಡತ ಕಳ್ಳತನದ ಬಗ್ಗೆ ಮಾಧವ ನಾಯಕ ಪ್ರಶ್ನಿಸಿದ್ದೇನು? ಹೇಳಿದ್ದೇನು? ವಿಡಿಯೋ ಇಲ್ಲಿ ನೋಡಿ..
- [ಮುಖ್ಯಮಂತ್ರಿ ಖುರ್ಚಿಗಾಗಿ ದೇವರ ಮೊರೆ!](https://mobiletime.in/2025/12/pray-to-god-for-the-chief-ministers-chair/): ಮುಖ್ಯಮಂತ್ರಿ ಸ್ಥಾನದ ಆಕಾಂಕ್ಷಿಯಾಗಿರುವ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಶುಕ್ರವಾರ ಉತ್ತರ ಕನ್ನಡ ಪ್ರವಾಸ ಮಾಡಿದ್ದು, ವಿವಿಧ ದೇವಾಲಯಗಳಲ್ಲಿ ವಿಶೇಷ ಪೂಜೆ ಮಾಡಿದ್ದಾರೆ. ಅದರೊಂದಿಗೆ ಅಂಕೋಲಾದ ಆಂದ್ಲೆಯಲ್ಲಿರುವ ದೇವಿ ಜಗದೀಶ್ವರಿ ದೇಗುಲದಲ್ಲಿ ಒಂದುವರೆ ತಾಸುಗಳ ಕಾಲ ಏಕಾಂತ ಪೂಜೆ ನಡೆಸಿದ ಅವರು ನಂತರ ದೇವಿಯಲ್ಲಿ ತಮ್ಮ ಭವಿಷ್ಯದ ರಾಜಕೀಯದ ಬಗ್ಗೆ ಪ್ರಶ್ನೆ ಕೇಳಿದ್ದಾರೆ. ಇದಕ್ಕೂ ಮುನ್ನ ಗೋಕರ್ಣದ ತಾಮಗ್ರಗೌರಿ ಮಂದಿರದಲ್ಲಿ ರಾಮಚಂದ್ರ ನಿರ್ವಾಣೇಶ್ವರ ಅವರು ಸ್ವಾಗತ ಪೂಜೆ ನೆರವೇರಿಸಿದ್ದು, `ಡಿಕೆ ಶಿವಕುಮಾರ ಅವರಿಗೆ ಮುಖ್ಯಮಂತ್ರಿ ಪಟ್ಟ ದೊರೆಯಲಿ’ ಎಂದು ಆಶಿಸಿದರು. ಮಹಾಗಣಪತಿ ಮಂದಿರದಲ್ಲಿ ಪೂಜೆ ನೇರವೇರಿಸುತ್ತಿರುವ ವೇಳೆ ಗಣೇಶನಿಗೆ ಅರ್ಪಿಸಿದ ಹೂವು ಬಲಗಡೆಯಿಂದ ಕಳೆಗೆ ಬಿದ್ದು ಪ್ರಸಾದವಾಗಿದ್ದನ್ನು ನೋಡಿದ ಜನ `ಡಿಕೆ ಶಿವಕುಮಾರ ಅವರಿಗೆ ದೇವರ ಅಭಯ ದೊರೆತಿದೆ’ ಎಂದು ಭಾವಿಸಿದರು. ಅದಾದ ನಂತರ `ಡಿಕೆ ಶಿವಕುಮಾರ್ ಮುಂದಿನ ಮುಖ್ಯಮಂತ್ರಿ’ ಎಂದು ಅವರ ಬೆಂಬಲಿಗರು ಘೋಷಣೆ ಕೂಗಿದರು. ಅಂಕೋಲಾದ ದೇವಿಯ ಸನ್ನಿಧಿಯಲ್ಲಿ ಕುಳಿತು ಗಂಭೀರವಾಗಿ `ಪ್ರಶ್ನಾಕಾರ್ಯ’ದಲ್ಲಿ ತೊಡಗಿದ್ದು ಅಲ್ಲಿ ಅವರು ನಾಗದೇವತೆ ಹಾಗೂ ತುಳಸಿಗೂ ವಿಶೇಷ ಪೂಜೆ ಸಲ್ಲಿಸಿದರು. ಪೂಜಾ ಕಾರ್ಯ ಮುಗಿದ ನಂತರ ಮಾಧ್ಯಮದವರೊಂದಿಗೆ ಮಾತನಾಡಿದ ಡಿ ಕೆ ಶಿವಕುಮಾರ್, ತಮ್ಮ ಭೇಟಿಯ ಉದ್ದೇಶವನ್ನು ಬಿಚ್ಚಿಟ್ಟರು. `ಐದು ವರ್ಷಗಳ ಹಿಂದೆ ಕುಟುಂಬದ ಕೆಲಸದ ನಿಮಿತ್ತ ಈ ಪುಣ್ಯ ಕ್ಷೇತ್ರಕ್ಕೆ ಬಂದು ಪ್ರಾರ್ಥನೆ ಮಾಡಿದ್ದೆ. ತಾಯಿಯ ದಯೆಯಿಂದ ಆ ಕೆಲಸ ಈಗ ಈಡೇರಿದೆ. ಅಂದೇ ಮತ್ತೆ ಇಲ್ಲಿಗೆ ಬರುತ್ತೇನೆ ಎಂದು ಹರಕೆ ಹೊತ್ತಿದ್ದೆ. ಅದರಂತೆ ಇಂದು ಬಂದು, ಮತ್ತೆ ಆಶೀರ್ವಾದ ಮಾಡುವಂತೆ ತಾಯಿಯಲ್ಲಿ ಕೇಳಿಕೊಂಡಿದ್ದೇನೆ’ ಎಂದು ಹೇಳಿದರು. `ಮುಖ್ಯಮಂತ್ರಿ ಸ್ಥಾನದ ಇಚ್ಛೆ ಹಾಗೂ ಅಧಿಕಾರ ಹಸ್ತಾಂತರದ ದಿನಾಂಕ ನಿಗದಿ ಆಗಿದೆಯೇ?’ ಎಂಬ ಮಾಧ್ಯಮದವರ ಪ್ರಶ್ನೆಗೆ ಡಿಕೆಶಿ ಯಾವುದೇ ಉತ್ತರ ನೀಡಲಿಲ್ಲ. ಡಿಕೆಶಿಯೇ ಮುಖ್ಯಮಂತ್ರಿ! `ಉಪಮುಖ್ಯಮoತ್ರಿ ಡಿ.ಕೆ.ಶಿವಕುಮಾರ್ ಅವರು ಮುಖ್ಯಮಂತ್ರಿಯಾಗುವುದನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ’ ಎಂದು ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಸಹ ಹೇಳಿದರು. `ಡಿಕೆ ಶಿವಕುಮಾರ ಅವರು ಸಿಎಂ ಅಲ್ಲ ಎನ್ನಲು ನಾವ್ಯಾರು? ಹೈಕಮಾಂಡ್ ಏನು ನಿಶ್ಚಯ ಮಾಡಿದೆಯೋ ಅದರಂತೆ ಎಲ್ಲವೂ ನಡೆಯುತ್ತದೆ. ಡಿಕೆಶಿ ಅವರು ಗೋಕರ್ಣದಲ್ಲಿ ಮಹಾಬಲೇಶ್ವರ ಮತ್ತು ವಿಘ್ನೇಶ್ವರನ ದರ್ಶನ ಪಡೆದಿದ್ದಾರೆ. ನಾವು ದೇವರನ್ನು ನಂಬಿ ಕೆಲಸ ಮಾಡುವವರು, ದೇವರ ಆಶೀರ್ವಾದದ ಮೇಲೆ ನಂಬಿಕೆ ಇಟ್ಟವರು. ಆದರೆ ಬಿಜೆಪಿಗರು ಕೇವಲ ದೇವರನ್ನು ರಾಜಕೀಯಕ್ಕೆ ಬಳಸಿಕೊಳ್ಳುವವರು’ ಎಂದು ಮಂಕಾಳು ವೈದ್ಯ ಅವರು ಹೇಳಿದರು.
- [ಮ್ಯಾಟ್ರುಮುನಿ: ಮದುವೆ ಅಲ್ಲ.. ಮೋಸ!](https://mobiletime.in/2025/12/matrumuni-not-marriage-cheating/): AI ತಂತ್ರಜ್ಞಾನದ ಮೂಲಕ ಹುಡುಗಿಯರನ್ನು ಹುಟ್ಟಿಸುವ ಮ್ಯಾಟ್ರುಮುನಿಗಳು ಶಿರಸಿ-ಯಲ್ಲಾಪುರ-ಕಾರವಾರ ಎಂಬ ಊರುಗಳ ಹೆಸರಿನೊಂದಿಗೆ ಮದುವೆ ಆಗದೇ ನೊಂದಿರುವವರನ್ನು ಯಾಮಾರಿಸುತ್ತಿದ್ದಾರೆ. ಚಂದದ ಹುಡುಗಿಯ ಫೋಟೋ ನೋಡಿದ ಯುವಕರು ತಮ್ಮ ಜಾತಕದ ಜೊತೆ ಮನದಾಳ ಹಂಚಿಕೊಳ್ಳುತ್ತಿದ್ದು, ಮದುವೆ ಆಗದವರ ಖಾಸಗಿ ಮಾಹಿತಿ ಸಂಗ್ರಹಿಸುವ ನಕಲಿ ಸೈಟುಗಳು ಹೆಣ್ಣು ತೋರಿಸುವ ನೆಪದಲ್ಲಿ ಕಾಸು ಕೀಳುತ್ತಿವೆ. ನÀಮ್ಮ ಸಮಾಜದಲ್ಲಿ ಮನೆ-ಮನಗಳನ್ನು ಜೋಡಿಸುವ ಮಹತ್ತರ ಸಂಧಿ. ಕಾಲ ಬದಲಾಗುತ್ತಾ ಬಂದAತೆ ಈ ಸಂಬAಧಗಳ ಹುಡುಕಾಟವೂ ಪರಂಪರೆ, ಶಿಷ್ಠಾಚಾರಗಳಿಂದ ಹೊರಬಂದು, ಆನ್ಲೈನ್ ಮ್ಯಾಟ್ರಮೋನಿಯಲ್ ಸೈಟುಗಳ ಕಡೆ ಸಾಗಿದೆ. ಮದುವೆಗಾಗಿ ಸಂಗಾತಿಯನ್ನು ಹುಡುಕುವ ಅಮಾಯಕರು, ಸುಳ್ಳು ಪ್ರೊಫೈಲುಗಳ ಮೋಸಕ್ಕೊಳಗಾಗಿ ಲಕ್ಷಾಂತರ ರೂ ಹಣ ಕಳೆದುಕೊಳ್ಳುತ್ತಿರುವ ಸಂದರ್ಭಗಳೇ ಹೆಚ್ಚುತ್ತಿವೆ. ಮದುವೆ ಮಾಡಿಸುವುದಾಗಿ ಜನರನ್ನು ನಂಬಿಸುವ ನಕಲಿ ವೆಬ್‌ಸೈಟುಗಳ ಸಂಖ್ಯೆ ಮಿತಿ ಮೀರಿದೆ. ಬೇಸರವಾದಾಗ ಹುಡುಗಿಯರ ಜೊತೆ ಮಾತನಾಡುವುದಕ್ಕೆ ಸಹ ಅನೇಕ ಸೈಟುಗಳು ತೆರೆದುಕೊಂಡಿದ್ದು, ರಾತ್ರಿ ಬೆಳಗಾಗುವುದರೊಳಗೆ ಹುಟ್ಟುವ ನಕಲಿ ಪ್ರೋಪೈಲುಗಳು ಗಣ್ಯರನ್ನು ಸಹ ಬುಟ್ಟಿಗೆ ಹಾಕಿಕೊಳ್ಳುತ್ತಿವೆ. ಮ್ಯಾಟ್ರುಮುನಿಯ ಡಿಜಿಟಲ್ ಹಾದಿಯೂ ಈಗ ಕತ್ತಲ ಕೊಣೆಯಂತೆ ಕಾಣುತ್ತಿದ್ದು, ಕೇಂದ್ರ ಗೃಹ ಸಚಿವಾಲಯವೇ ನೇರ ಎಚ್ಚರಿಕೆ ಜಾರಿ ಮಾಡುವಷ್ಟು ಗಂಭೀರ ಹಂತಕ್ಕೆ ಮ್ಯಾಟ್ರಮೋನಿಯಲ್ ಅಪರಾಧ ನಡೆಯುತ್ತಿದೆ. ಮದುವೆಯಲ್ಲ, ಮಹಾ ಮೋಸ! ಮನೆಗಳಲ್ಲಿ ನಡೆಯುತ್ತಿದ್ದ ವರ-ವಧು ಹುಡುಕಾಟ, ಜಾತಕ-ಕುಲ-ಕುಟುಂಬ ಮಾಹಿತಿ ಪರಿಶೀಲನೆಯ ಹಾದಿ ಈಗ ಮೊಬೈಲ್ ಆಪ್ಲಿಕೇಶನ್ ಪರದೆಗೆ ಸರಿದುಬಿಟ್ಟಿದೆ. ಪರಿಪೂರ್ಣ ಹೊಂದಾಣಿಕೆಯ ಸಂಗಾತಿಯನ್ನು ಕಂಡುಕೊಳ್ಳುವ ಹಾದಿಯೇನೋ ಸುಗಮವಾಗಿದೆಯೆನ್ನಿಸುವಂತೆ ಕಾಣುತ್ತದೆ. ಆದರೆ, ಇದೇ ಜಾಲದಲ್ಲಿ ಈಗ ಅಪಾಯಕಾರಿ ನೆರಳು ದಿನೇ ದಿನೇ ಹೆಚ್ಚುತ್ತಿದೆ. ಸುಳ್ಳು ಪ್ರೊಫೈಲ್, ಡೀಪ್ ಫೇಕ್ ವೀಡಿಯೊಗಳು, ಮಧುರವಾದ ಮಾತುಗಳ ಹಿಂದಿರುವ ಮೋಸಗಾರರ ಕಾರ್ಯವೈಖರಿ ವ್ಯಾಪಕವಾಗಿಬಿಟ್ಟಿದೆ. ಸಂಗಾತಿಯನ್ನು ಹುಡುಕಲು ಲಾಗಿನ್ ಆದ ಕೆಲವೇ ದಿನಗಳಲ್ಲಿ ಪರಿಚಯ, ಮಧುರ ಮಾತು, ಆತ್ಮೀಯತೆ, ನೂರಾರು ಮೆಸೆಜ್ ಬರುತ್ತದೆ. `ನಿನ್ನಂತವರು ಜೀವನದಲ್ಲಿ ಸಿಗುವುದೇ ಇಲ್ಲ’ ಎಂಬOತೆ ಭಾವನಾತ್ಮಕ ಬಲೆ, ಸುಂದರ ಚಿತ್ರಗಳು, ವಿದೇಶದ ಬ್ಯಾಗ್ರೌಂಡ್, ಯುಕೆ ಡಾಕ್ಟರ್, ದುಬೈ ಇಂಜಿನಿಯರ್, ಅಮೆರಿಕ ಐಟಿ ಪ್ರೊಫೆಷನಲ್ ಎಂಬ ಹೆಸರಿನ ಹಿಂದೆ ನಿಜವಾದ ವ್ಯಕ್ತಿಯೇ ಇರುವುದಿಲ್ಲ. ಒಮ್ಮೆ ಭಾವನೆ ಗಟ್ಟಿಯಾದ ನಂತರವೇ ನಾಟಕ ಶುರುವಾಗುತ್ತದೆ. `ನಿನಗಾಗಿ ವಿಶೇಷ ಗಿಫ್ಟ್ ಕಳುಹಿಸಿದ್ದೇನೆ. ಕಸ್ಟಮ್ಸ್ನಲ್ಲಿ ಸಿಲುಕಿದೆ, ವಿಮಾನ ನಿಲ್ದಾಣದಲ್ಲಿ ಲಗೇಜ್ ಜಪ್ತಿ ಮಾಡಿದ್ದಾರೆ. ದಂಡ ತುಂಬಬೇಕಿದೆ’ ಇತ್ಯಾದಿ ಈ ಮಾತುಗಳಲ್ಲಿ ಒಂದಾದರೂ ಬರುತ್ತದೆ. ಹಣ ಕಳುಹಿಸಿದ ಕ್ಷಣದಲ್ಲೇ ಪ್ರೊಫೈಲ್ ನಾಪತ್ತೆ, ನಂಬರ್ ಸ್ವಿಚ್ ಆಫ್! ಇನ್ನೂ ಸುಳ್ಳು ಪ್ರೊಫೈಲುಗಳಿಂದ ಜನರನ್ನು ಸೆಳೆಯುವ, ಭಾವನಾತ್ಮಕ ಅವಲಂಬನೆ ನಿರ್ಮಿಸಿ, ನಂತರ ಹಣದ ಬೇಡಿಕೆಯೊಂದಿಗೆ ಬಲೆಗೆ ಎಳೆಯುವ ವಿಧಾನಗಳು ಈಗ ಮ್ಯಾಟ್ರಮೋನಿಯಲ್ ಮೋಸಗಳ ಸಾಮಾನ್ಯ ಮುಖವಾಗಿಬಿಟ್ಟಿದೆ. ವಿಷಾದವೆಂದರೆ, ಈ ಮೋಸದ ಜಾಲಕ್ಕೆ ಬಲಿಯಾಗುತ್ತಿರುವವರೂ ಶಿಕ್ಷಣವಂತರೇ ಆಗಿದ್ದಾರೆ. ನಮ್ಮ ಸಮಾಜದಲ್ಲಿ ಮದುವೆ ಕೇವಲ ಸಂಬAಧವಲ್ಲ, ಅದು ಭವಿಷ್ಯ ಕಟ್ಟುವ ಹಂತ. ಆ ಹಂತಕ್ಕೆ ಕಾಲಿಡುವ ಮುನ್ನ ಯಾರಿಗಾದರೂ ಹೆಚ್ಚು ನಂಬಿಕೆ ಮೂಡುವುದು ಸಹಜ. ಅದೇ ನಂಬಿಕೆಯನ್ನು ದುರುಪಯೋಗಪಡಿಸಿಕೊಳ್ಳುವುದು ಈ ಅಪರಾಧಿಗಳ ಕುಶಲತೆ. `ಮುಖತಃ ಭೇಟಿಯಾಗದೇ, ಸರಿಯಾದ ಪರಿಶೀಲನೆ ಮಾಡದೇ, ಯಾರ ಮೇಲೂ ಆರ್ಥಿಕ ನಂಬಿಕೆ ಇರಬಾರದು. ಮ್ಯಾಟ್ರಮೋನಿಯಲ್ ಸೈಟ್ ವೆರಿಫೈಡ್ ಎಂದರೂ ಅದನ್ನೇ ಅಂತಿಮ ಸತ್ಯವೆಂದು ಪರಿಗಣಿಸಬಾರದು. ಯಾರೇ ಆಗಲಿ, ಎಷ್ಟೇ ಸೊಬಗು, ಎಷ್ಟೇ ಸಿಹಿ ಮಾತು, ಎಷ್ಟೇ ಕಥೆ ಹೇಳಿ ಹಣ ಕೇಳಿದ ಕ್ಷಣದಲ್ಲಿ ಅದು ನಂಬಿಕೆಗೆ ಅರ್ಹವಲ್ಲ. ನಿಜವಾದ ಸಂಬOಧ ಹಣ ಕೇಳುವುದರಿಂದ ಆರಂಭವಾಗುವುದಿಲ್ಲ. ಎಚ್ಚರಿಕೆ ಹೆಚ್ಚಿಸುವ ಅಗತ್ಯ’ ಎಂಬುದು ಸೈಬರ್ ತಜ್ಞರ ಮಾತು. `ಇಂದಿನ ಕಾಲದಲ್ಲಿ ಪ್ರೀತಿ ಮತ್ತು ವಂಚನೆ ಒಂದೇ ನಾಣ್ಯದ ಎರಡು ಮಗ್ಗಲುಗಳಂತಿರುವಾಗ, ಜಾಗರೂಕತೆ ಎಂಬುದು ಸಂಬAಧದ ಮೊದಲ ಹೆಜ್ಜೆಯಾಗಬೇಕು. ಲಿಸಿ. ಭಾವನೆ ಇರಲಿ, ಆದರೆ ಜಾಗ್ರತೆ ಕಳೆದುಕೊಳ್ಳಬೇಡಿ’ ಎನ್ನುತ್ತಾರೆ ಸೈಬರ್ ಅಪರಾಧಗಳ ಬಗ್ಗೆ ಅರಿವು ಮೂಡಿಸುತ್ತಿರುವ ಸತೀಶ ಮಾಗೋಡು.
- [ಸಮುದ್ರಕ್ಕಿಳಿದ ಸಹೋದರರ ಸಾವು!](https://mobiletime.in/2025/12/brothers-die-after-falling-into-the-sea/): ಅರಬ್ಬಿ ಸಮುದ್ರದ ಅಲೆಗೆ ಸಿಲುಕಿ ಸಹೋದರರು ಸಾವನಪ್ಪಿದ್ದಾರೆ. ಒಬ್ಬರನ್ನು ರಕ್ಷಿಸಲು ಹೋಗಿ ಮತ್ತೊಬ್ಬರು ಅಪಾಯಕ್ಕೆ ಸಿಲುಕಿದ್ದು, ಕೊನೆಗೆ ಇಬ್ಬರೂ ಕೊನೆಯುಸಿರೆಳೆದಿದ್ದಾರೆ. ಹೊನ್ನಾವರದ ಮಂಕಿ ಬಳಿಯ ದೇವರಗದ್ದೆಯಲ್ಲಿ ನಾರಾಯಣ ಖಾರ್ವಿ ಅವರು ವಾಸವಾಗಿದ್ದಾರೆ. ಅವರ ಮಕ್ಕಳಾದ ಸುಜನ ಖಾರ್ವಿ (15) ಹಾಗೂ ಮದನ್ ಖಾರ್ವಿ (17) ಅವರು ಗುರುವಾರ ಸಂಜೆ ಸಮುದ್ರಕ್ಕೆ ಹೋಗಿದ್ದರು. ನಿತ್ಯದ ರೂಢಿಯಂತೆ ಅವರು ಅಲ್ಲಿ ಕಬ್ಬಡ್ಡಿ ಆಟ ಆಡಿದ್ದರು. ಅದಾದ ನಂತರ ಮಂಕಿ ಮಡಿ ಸಮುದ್ರ ದಡೆಯಿಂದ ಮೀನು ಹಿಡಿಯುವುದಕ್ಕಾಗಿ ಹೊರಟರು. 100ಮೀ ಸಾಗುವಷ್ಟರಲ್ಲಿ ದೊಡ್ಡ ಅಲೆಯೊಂದು ಬಂದಿತು. ಆ ಅಲೆಯ ರಭಸಕ್ಕೆ ಅವರಿದ್ದ ಪಾತಿದೋಣಿ ಮುಳುಗಿತು. ಈ ವೇಳೆ ಸುಜನ ಖಾರ್ವಿ ಅವರು ಕೊಚ್ಚಿ ಹೋಗಿದ್ದು, ಅವರನ್ನು ರಕ್ಷಿಸಲು ಹೋದ ಮದನ್ ಖಾರ್ವಿ ಸಹ ನೀರು ಪಾಲಾದರು. ಪಾತಿದೋಣಿ ಸಹ ಆ ವೇಳೆ ಕಣ್ಮರೆಯಾಯಿತು. ನೀರಿನಲ್ಲಿ ಮುಳುಗಿದವರು ಮೇಲೆ ಬರಲಾರದೇ ಸಾವನಪ್ಪಿದರು. ಸಾಕಷ್ಟು ಹುಡುಕಾಟ ನಡೆಸಿದ ನಂತರ ರಾತ್ರಿ ವೇಳೆ ಅವರ ಶವ ಸಿಕ್ಕಿತು. ಸೂರಜ ಜನ್ನಾ ಖಾರ್ವಿ ಅವರು ಈ ವಿಷಯದ ಬಗ್ಗೆ ಮಾಹಿತಿ ನೀಡಿದರು. ಮಂಕಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು. ಸಾವನಪ್ಪಿದ ಸಹೋದರರ ಮತ್ತೊಬ್ಬ ಸಹೋದರ ಅಂಗವೈಕಲ್ಯದಿoದ ಬಳಲುತ್ತಿದ್ದು, ಇಡೀ ಕುಟುಂಬ ಶೋಕದಲ್ಲಿ ಮುಳುಗಿದೆ.  
- [ಮುರುಡೇಶ್ವರ: ಕೀರ್ತಿ ಲಾಡ್ಜು.. ರೂಂ ನಂ 206!](https://mobiletime.in/2025/12/murudeshwar-kirti-lodge-room-no-206/): ಕೀರ್ತಿ ಲಾಡ್ಜಿಗೆ ಭೇಟಿ ಕೊಟ್ಟ ಸಿಪಿಐ ಜಗದೀಶ ಹಂಚನಾಳ ಅವರು ರೂಂ ನಂ 206ರ ಬಾಗಿಲು ಬಡಿದಿದ್ದಾರೆ. ಆ ವೇಳೆ ಅಲ್ಲಿ ಕಾನೂನುಬಾಹಿರ ಕ್ರೀಡೆಯಲ್ಲಿ ಮಗ್ನರಾಗಿದ್ದ 11 ಜನ ಸಿಕ್ಕಿಬಿದ್ದಿದ್ದಾರೆ. ಭಟ್ಕಳದ ಮುರುಡೇಶ್ವರದ ಉತ್ತರಕೊಪ್ಪ ರಸ್ತೆ ಬಳಿಯಿರುವ ಕೀರ್ತಿ ಲಾಡ್ಜಿನಲ್ಲಿ ಜೂಜಾಟ ನಡೆಯುತ್ತಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿದೆ. ಈ ಹಿನ್ನಲೆ ಡಿಸೆಂಬರ್ 18ರಂದು ಪೊಲೀಸರು ಲಾಡ್ಜಿನ ಮೇಲೆ ದಾಳಿ ಮಾಡಿದ್ದಾರೆ. ಆಗ, ಮುರುಡೇಶ್ವರದ ಗುಮ್ಮನಹಕ್ಲು ಬಳಿಯ ಟೇಲರಿಂಗ್ ಕೆಲಸ ಮಾಡುವ ಸುಬ್ರಹ್ಮಣ್ಯ ಜಟ್ಟಾ ನಾಯ್ಕ, ತೆರ್ನಮಕ್ಕಿಯ ಹಮಾಲಿ ನಾರಾಯಣ ಮಂಜಪ್ಪ ನಾಯ್ಕ, ಕಾಯ್ಕಿಣಿ ಬಿದ್ರೆಮನೆಯ ಶಿಲ್ಪಿ ಕೃಷ್ಣ ಮಂಜುನಾಥ ನಾಯ್ಕ, ಅದೇ ಊರಿನ ಮತ್ತೊಬ್ಬ ಶಿಲ್ಪಿ ರಮೇಶ ನಾಗಪ್ಪ ನಾಯ್ಕ ಅವರು ಎದುರಾಗಿದ್ದಾರೆ. ಅವರ ಜೊತೆ ಬಿದ್ರೆಮನೆಯ ಹೊಟೇಲ್ ಕಾರ್ಮಿಕ ಗೋಪಾಲ ನಾರಾಯಣ ನಾಯ್ಕ, ತೆರ್ನಮಕ್ಕಿ ಸಭಾತಿಯ ಫೋಟೋಗ್ರಾಫರ್ ಮಹೇಶ ಗಣಪತಿ ನಾಯ್ಕ, ಭಟ್ಕಳ ಹರಾಡಿಯ ಶಿಲ್ಪಿ ಶ್ರೀನಿವಾಸ ಮಂಜುನಾಥ ನಾಯ್ಕ, ತೆರ್ನಮಕ್ಕಿ ಸಭಾತಿಯ ಕೂಲಿ ಕಾರ್ಮಿಕ ನಾಗರಾಜ ಮಂಜುನಾಥ ನಾಯ್ಕ, ಅದೇ ಊರಿನ ಶಿಲ್ಪಿ ಭಾಸ್ಕರ್ ಮಂಜುನಾಥ ನಾಯ್ಕ, ಮುರುಡೇಶ್ವರ ತೆರ್ನಮಕ್ಕಿಯ ಚಾಲಕ ರಾಜೇಶ ಮಾದೇವ ನಾಯ್ಕ ಅವರು ಇಸ್ಪೀಟ್ ಆಟದಲ್ಲಿ ಮಗ್ನರಾಗಿದನ್ನು ಪೊಲೀಸರು ಗಮನಿಸಿದ್ದಾರೆ. ಮುರುಡೇಶ್ವರ ಪಿಎಸ್‌ಐ ಹಣಮಂತ ಬೀರಾದರ್, ಮಂಕಿ ಪಿಎಸ್‌ಐ ಭರತಕುಮಾರ ಸೇರಿ ಈ ಕಾರ್ಯಾಚರಣೆ ನಡೆಸಿದ್ದು, ಅಲ್ಲಿ ಸಿಕ್ಕ 7750ರೂ ಹಣವನ್ನು ವಶಕ್ಕೆಪಡೆದಿದ್ದಾರೆ. ಜೊತೆಗೆ ಆರೋಪಿತರ ಬಳಿಯಿದ್ದ 11 ಮೊಬೈಲುಗಳನ್ನು ಜಪ್ತು ಮಾಡಿದ್ದಾರೆ. ಅದಾದ ನಂತರ ಈ 11 ಜನರ ಜೊತೆ ಕೀರ್ತಿ ಲಾಡ್ಜಿನ ಮ್ಯಾನೇಜರ್ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [Myntra ಶಾಫಿಂಗ್ ಮಾಡಿದವನಿಗೆ ಮೋಸ!](https://mobiletime.in/2025/12/cheating-on-a-myntra-shopper/): ಕಡಿಮೆ ಬೆಲೆಗೆ ಬಟ್ಟೆ ಸಿಗುತ್ತದೆ ಎಂದು ಮೈಂತ್ರಾ ಎಂಬ ಆನ್ಲೆöÊನ್ ಮಳಿಗೆ ಮೊರೆ ಹೋಗಿದ್ದ ಸಚಿನ್ ದುರ್ಗೇಕರ್ ಅವರಿಗೆ ಲಕ್ಷ ರೂ ನಷ್ಟವಾಗಿದೆ. ಬಟ್ಟೆ ಖರೀದಿ ನಂತರ ಅವರ ಖಾಸಗಿ ಮಾಹಿತಿ ಸೋರಿಕೆಯಾಗಿದ್ದು, ಆಫರ್ ಹೆಸರಿನಲ್ಲಿ ವಂಚಕರು ಮೋಸ ಮಾಡಿದ್ದಾರೆ. ಕಾರವಾರದ ಮುದುಗಾ ಸೀಬರ್ಡ ಕಾಲೋನಿಯ ಸಚಿನ್ ಪ್ರಕಾಶ ದುರ್ಗೇಕರ್ ಅವರು ಗ್ರಾಸೀಂ ಕಂಪನಿಯ ನೌಕರರಾಗಿದ್ದಾರೆ. ಅಕ್ಟೊಬರ್ 25ರಂದು ಅವರು ಮೈಂತ್ರಾ ಎಂಬ ವೆಬ್‌ಸೈಟ್ ಮೂಲಕ ವಿವಿಧ ಬಟ್ಟೆಗಳನ್ನು ಆರ್ಡರ್ ಮಾಡಿದ್ದಾರೆ. ಅಕ್ಟೊಬರ್ 29ರಂದು ಆ ಬಟ್ಟೆಗಳು ಅವರಿಗೆ ತಲುಪಿದೆ. ಅದಾದ ನಂತರ ಸಚಿನ್ ದುರ್ಗೇಕರ್ ಅವರ ಹೆಸರು, ವಿಳಾಸದ ಜೊತೆ ಮೊಬೈಲ್ ನಂ ಸೋರಿಕೆಯಾಗಿದೆ. ಅಕ್ಟೊಬರ್ 30ರಂದು ಸಚಿನ್ ದುರ್ಗೇಕರ್ ಅವರಿಗೆ ವಾಟ್ಸಪ್ ಮೂಲಕ ಕರೆಯೊಂದು ಬಂದಿದೆ. ಮೈಂತ್ರಾ ಎಂಬ ಹೆಸರಿನಲ್ಲಿ ಫೋನ್ ಬಂದ ಕಾರಣ ಅದನ್ನು ಸಚಿನ್ ದುರ್ಗೇಕರ್ ಅವರು ಸ್ವೀಕರಿಸಿದ್ದಾರೆ. `ಮೈಂತ್ರಾದಲ್ಲಿ ಇನ್ನಷ್ಟು ಆಫರ್ ಇದೆ’ ಎಂದು ಕರೆ ಮಾಡಿದ ವ್ಯಕ್ತಿ ಹೇಳಿದ್ದು, ಅದನ್ನು ಸಚಿನ್ ದುರ್ಗೇಕರ್ ಅವರು ನಂಬಿದ್ದಾರೆ. ಆ ಆಫರ್ ಪಡೆಯುವುದಕ್ಕಾಗಿ ತಮ್ಮ ಬ್ಯಾಂಕ್ ಖಾತೆ ವಿವರವನ್ನು ಹಂಚಿಕೊoಡಿದ್ದಾರೆ. ಅಪರಿಚಿತ ನೀಡಿದ ಲಿಂಕ್ ಕ್ಲಿಕ್ಕಿಸಿ ಅಲ್ಲಿ ತಮ್ಮ ಬ್ಯಾಂಕ್ ಖಾತೆ ವಿವರ ಹಂಚಿಕೊoಡ ತರುವಾಯ ಸಚಿನ್ ದುರ್ಗೇಕರ್ ಅವರ ಖಾತೆಯಲ್ಲಿದ್ದ ಹಣ ಕಡಿತವಾಗಿದೆ. ಅವರ ಯೂನಿಯನ್ ಬ್ಯಾಂಕ್ ಖಾತೆಯಲ್ಲಿದ್ದ 97 ಸಾವಿರ ತಕ್ಷಣ ಖಾಲಿಯಾಗಿದೆ. ಜೊತೆಗೆ ಎಚ್ ಡಿ ಎಫ್ ಸಿ ಬ್ಯಾಂಕಿನ ಖಾತೆಯಲ್ಲಿದ್ದ 40 ಸಾವಿರ ರೂ ಕಡಿತವಾಗಿದೆ. 1.37 ಲಕ್ಷ ರೂ ಕಳೆದುಕೊಂಡ ಸಚಿನ್ ದುರ್ಗೇಕರ್ ಅವರು ಪೊಲೀಸರ ಮೊರೆ ಹೋಗಿದ್ದು, ಸೈಬರ್ ಅಪರಾಧ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಹಸಿ ಅಡಿಕೆ: ಗೊಂದಲದ ನಡುವೆಯೂ ದಾಖಲೆ!](https://mobiletime.in/2025/12/raw-areca-nut-a-record-despite-the-confusion/): ಹಸಿ ಅಡಿಕೆ ಮಾರಾಟ ವಿಷಯವಾಗಿ TSS ಹಾಗೂ ವ್ಯಾಪಾರಸ್ಥರ ನಡುವೆ ಹಗ್ಗ ಜಗ್ಗಾಟ ನಡೆದಿದೆ. ಆ ನಡುವೆಯೂ ದಾಖಲೆ ಪ್ರಮಾಣದಲ್ಲಿ ಹಸಿ ಅಡಿಕೆ ಟೆಂಡರಿಗೆ ಬರುತ್ತಿದ್ದು, ದರವೂ ತೀರಾ ಏರುಪೇರಾಗಿಲ್ಲ. `ಹಸಿ ಅಡಿಕೆ ಟೆಂಡರ್ ವೇಳೆ ಅಡಿಕೆ ಜೊತೆಗಿರುವ ಜಂಗಿನ ತೂಕ ಬಿಡಬೇಕು’ ಎಂಬುದು ವ್ಯಾಪಾರಸ್ಥರ ವಾದ. `ಟಿಎಸ್‌ಎಸ್ ಸಂಸ್ಥೆಯವರು ಜಂಗಿನ ತೂಕವನ್ನು ಸೇರಿ ಕಮಿಷನ್ ವಿಧಿಸುತ್ತಿದ್ದು, ಅದರಿಂದ ವ್ಯಾಪಾರಸ್ಥರಿಗೆ ಅನ್ಯಾಯವಾಗುತ್ತಿದೆ’ ಎಂಬುದು ಅವರ ಅಳಲು. ಆದರೆ, `ಮೊದಲಿನಿಂದಲೂ ಇದೇ ಪದ್ಧತಿಯಿದೆ. ಅದರ ಬದಲಾವಣೆ ಅಸಾಧ್ಯ. `ಸಹಕಾರಿ ಸಂಘವೂ ಟೆಂಡರಿನಲ್ಲಿ ಭಾಗವಹಿಸುತ್ತಿದೆ’ ಎಂಬುದು ಟಿಎಸ್‌ಎಸ್ ಮಾತು. `ಈ ಗೊಂದಲ ಸರಿಯಾಗುವವರೆಗೂ ಟೆಂಡರ್ ಬರೆಯುವುದಿಲ್ಲ’ ಎಂದು ವ್ಯಾಪಾರಸ್ಥರು ಪಟ್ಟು ಹಿಡಿದಿದ್ದು, ಬುಧವಾರದಿಂದಲೇ ಬಹುತೇಕ ವ್ಯಾಪಾರಿಗಳು ಟಿ ಎಸ್ ಎಸ್ ಅಂಗಳದಿOದ ದೂರ ಸರಿದಿದ್ದಾರೆ. ಅದಾಗಿಯೂ ಟಿ ಎಸ್ ಎಸ್ ಅಂಗಳಕ್ಕೆ ಹಸಿ ಅಡಿಕೆ ಬರುವ ಪ್ರಮಾಣ ಕಡಿಮೆ ಆಗಿಲ್ಲ. ದರದಲ್ಲಿಯೂ ದೊಡ್ಡ ಪ್ರಮಾಣದಲ್ಲಿ ಏರಿಳಿತ ಕಂಡಿಲ್ಲ. ಈ ನಡುವೆ `ಹಸಿ ಅಡಕೆ ಖರೀದಿಸುವ ವೇಳೆ ಉಂಟಾಗುತ್ತಿರುವ ಸಮಸ್ಯೆಯನ್ನು ಬಗೆಹರಿಸಿ’ ಎಂದು ಹಸಿ ಅಡಕೆ ಖರೀದಿದಾರರು ಗುರುವಾರ ಎಪಿಎಂಸಿ ಅಧಿಕಾರಿಗಳಿಗೆ ಮನವಿ ಕೊಟ್ಟಿದ್ದಾರೆ. `ಪ್ರಸಕ್ತ ಸಾಲಿನಲ್ಲಿ ಅಡಿಕೆ ಕೊನೆಯಲ್ಲಿ ಜಿಂಗಿನ ಪ್ರಮಾಣ ಜಾಸ್ತಿ ಬರುತ್ತಿದೆ. ಈ ಮೊದಲು ಹಸಿ ಅಡಿಕೆ ಜೊತೆ ಜಂಗನ್ನು ಖರೀದಿಸಿದ್ದರಾದರೂ ಈ ವರ್ಷ ಜಂಗಿನ ಪ್ರಮಾಣ ಹೆಚ್ಚಿರುವ ಕಾರಣ ನಷ್ಟವಾಗುತ್ತಿದೆ’ ಎಂದವರು ತಮ್ಮ ಸಮಸ್ಯೆ ವಿವರಿಸಿದರು. `ಪ್ರತಿ ಕ್ವಿಂಟಾಲ್ ಹಸಿ ಅಡಿಕೆಗೆ 10 ಕೆಜಿ ಜಿಂಗಿನ ತೂಕ, 1 ಕೆಜಿ ವೇಸ್ಟೇಜ್ ಕಡಿಮೆ ಮಾಡಬೇಕು. ನಾವು ಖರೀದಿ ಮಾಡಿದ ಅಡಕೆಗೆ ಶೇ 2.85 5ರಿಂದ ಶೇ 3.5ರಷ್ಟು ಕಮಿಷನ್ ನೀಡುತ್ತಿದ್ದು, ಅದನ್ನು ಪರಿಶೀಲಿಸಬೇಕು’ ಎಂದು ಒತ್ತಾಯಿಸಿದರು. `ಸಂಘ-ಸ0ಸ್ಥೆ, ರೈತರು ಹಾಗೂ ವ್ಯಾಪಾರಸ್ಥರ ಹಿತಾಸಕ್ತಿಯನ್ನು ಕಾಪಾಡಲು ಪ್ರಾಮಾಣಿಕ ಪ್ರಯತ್ನ ಮಾಡಲಿದ್ದು ಹಸಿ ಅಡಿಕೆ ವ್ಯಾಪಾರದಲ್ಲಿ ರೈತರಿಗೆ ಬೆಲೆ-ತೂಕದಲ್ಲಿ ಅನ್ಯಾಯವಾಗದಂತೆ ಹಾಗೂ ವ್ಯಾಪಾರಸ್ಥರಿಗೂ ಹಾನಿಯಾಗದಂತೆ ಅನುಸರಿಸುವ ಮಾರ್ಗದ ಬಗ್ಗೆ ಚಿಂತಿಸಲಾಗುತ್ತದೆ. ಈ ಬಗ್ಗೆ ವರ್ತಕರು, ಸಂಘ ಸಂಸ್ಥೆಗಳು ಮತ್ತು ರೈತರನ್ನೊಳಗೊಂಡು ಚರ್ಚೆ ನಡೆಸುತ್ತೇವೆ’ ಎಂದು ಶಿರಸಿ ಎಪಿಎಂಸಿ ಜಂಟಿ ನಿರ್ದೇಶಕ ಸಿ ಎಚ್ ಮೋಹನ ಅವರು ಪ್ರತಿಕ್ರಿಯಿಸಿದರು.
- [ಬಿಜೆಪಿ ಕಚೇರಿಗೆ ಕಾಂಗ್ರೆಸ್ ಮುತ್ತಿಗೆ!](https://mobiletime.in/2025/12/congress-lays-siege-to-bjp-office/): ಸೋನಿಯಾ ಗಾಂಧೀ ಹಾಗೂ ರಾಹುಲ್ ಗಾಂಧೀ ವಿರುದ್ಧ ಬಿಜೆಪಿಗರು ಪದೇ ಪದೇ ಆರೋಪ ಮಾಡುತ್ತಿರುವುದನ್ನು ಖಂಡಿಸಿ ಕಾಂಗ್ರೆಸ್ಸಿಗರು ಬಿಜೆಪಿ ಕಚೇರಿಗೆ ಮುತ್ತಿಗೆ ಹಾಕಿದ್ದಾರೆ. ಬಿಜೆಪಿ ವಿರುದ್ಧ ಜಿಲ್ಲಾ ಕಾಂಗ್ರೆಸ್ಸಿಗರು ಪ್ರತಿಭಟಿಸಿದ್ದಾರೆ. ಶಿರಸಿಯ ಕಾಂಗ್ರೆಸ್ ಕಾರ್ಯಾಲಯದಿಂದ ಬಿಜೆಪಿ ಕಚೇರಿಯವರೆಗೆ ಕಾಂಗ್ರೆಸ್ ಕಾರ್ಯಕರ್ತರು ಪಾದಯಾತ್ರೆ ಮಾಡಿದರು. ನಂತರ ಬಿಜೆಪಿ ಕಚೇರಿಗೆ ಮುತ್ತಿಗೆ ಹಾಕಿ ಆಕ್ರೋಶವ್ಯಕ್ತಪಡಿಸಿದರು. ಪ್ರಧಾನಿ ನರೇಂದ್ರ ಮೋದಿ ಹಾಗೂ ಬಿಜೆಪಿ ವಿರುದ್ಧ ಧಿಕ್ಕಾರ ಕೂಗಿದರು. `ಕೇಂದ್ರದ ಬಿಜೆಪಿ ಸರ್ಕಾರ ಅಮಾಯಕರ ಮೇಲೆ ಅನಗತ್ಯ ಮೊಕದ್ದಮೆ ದಾಖಲಿಸುತ್ತಿದೆ. ವಿರೋಧ ಪಕ್ಷದ ನಾಯಕರನ್ನು ಗುರಿ ಮಾಡಿ ಪ್ರಕರಣ ದಾಖಲಿಸುತ್ತಿದೆ’ ಎಂದು ದೂರಿದರು. `ನ್ಯಾಶನಲ್ ಹೆರಾಲ್ಡ್ ಪತ್ರಿಕೆಯ ಆಸ್ತಿ ಮತ್ತು ಹಣ ವರ್ಗಾವಣೆಯಾಗಿಲ್ಲ ಎಂದು ನ್ಯಾಯಾಲಯ ತೀರ್ಪು ನೀಡಿದೆ. ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರ ಸ್ವಾಯತ್ತ ತನಿಖಾ ಸಂಸ್ಥೆಗಳನ್ನು ದುರುಪಯೋಗಪಡಿಸಿಕೊಂಡು ರಾಷ್ಟ್ರೀಯ ನಾಯಕರಾದ ಸೋನಿಯಾ ಗಾಂಧಿ ಹಾಗೂ ರಾಹುಲ್ ವಿರುದ್ಧ ಆರೋಪ ಮಾಡುತ್ತಿದ್ದಾರೆ’ ಎಂದು ಕಿಡಿಕಾರಿದರು. `ನ್ಯಾಶನಲ್ ಹೆರಾಲ್ಡ್ ಪತ್ರಿಕೆಯ ಯಾವುದೇ ಹಣ ಹಾಗೂ ಆಸ್ತಿಯನ್ನು ಸೋನಿಯಾ ಗಾಂಧಿ ಹಾಗೂ ರಾಹುಲ್ ಗಾಂಧಿ ದುರುಪಯೋಗಪಡಿಸಿಕೊಂಡಿಲ್ಲ ಎಂದು ನ್ಯಾಯಾಲಯವು ಕಾಂಗ್ರೆಸ್ ಪರ ತೀರ್ಪು ನೀಡಿದೆ. ಇದರಿಂದ ಬಿಜೆಪಿ ನಾಯಕರು ಕೇಂದ್ರ ಸರ್ಕಾರದ ಅಧಿಕಾರವನ್ನು ಬಳಸಿಕೊಂಡು ಕಾಂಗ್ರೆಸ್ ನಾಯಕರ ವ್ಯಕ್ತಿತ್ವದ ತೇಜೋವಧೆ ಮಾಡುತ್ತಿರುವುದು ಸ್ಪಷ್ಟವಾಗಿದೆ’ ಎಂದರು.
- [ಅ ಆ ಇ ಈ ಜೊತೆ ABCD: ಅಂಗನವಾಡಿ ಮಕ್ಕಳಿಗೂ ಇಂಗ್ಲೀಷ್ ಪಾಠ!](https://mobiletime.in/2025/12/abcd-with-abcd-english-lessons-for-anganwadi-children-too/): ಅಂಗನವಾಡಿಗೆ ಬರುವ ಮಕ್ಕಳಿಗೂ ಇಂಗ್ಲೀಷ್ ಪಾಠ ಮಾಡಲು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಆಸಕ್ತಿವಹಿಸಿದೆ. ಜಿಲ್ಲೆಯ 75 ಅಂಗನವಾಡಿಗಳಲ್ಲಿ ಮೊದಲ ಹಂತವಾಗಿ LKG ಹಾಗೂ UKG ಮಾದರಿಯ ತರಗತಿಗಳನ್ನು ಶುರು ಮಾಡಲಾಗಿದೆ. ಅಂಗನವಾಡಿ ಕೇಂದ್ರದಲ್ಲಿ ಮಕ್ಕಳ ದಾಖಲಾತಿ ಹೆಚ್ಚಿಸಲು ಸರ್ಕಾರ ನಾನಾ ಬಗೆಯ ಕಸರತ್ತು ನಡೆಸುತ್ತಿದೆ. ಪಾಲಕರು ಆಂಗ್ಲ ಮಾಧ್ಯಮದ ಕಡೆ ಆಕರ್ಷಿತರಾಗುತ್ತಿರುವ ಹಿನ್ನಲೆ ಅಂಗನವಾಡಿ ಕೇಂದ್ರಗಳಲ್ಲಿಯೂ ಮಾಂಟೆಸರಿ ಮಾದರಿ ಅಂಗನವಾಡಿ ಕೇಂದ್ರಗಳಲ್ಲಿ ಆಂಗ್ಲ ಕಲಿಕೆ ಶುರು ಮಾಡಲಾಗುತ್ತಿದೆ. ಕ್ರಮೇಣ ಇದನ್ನು ಎಲ್ಲಾ ಅಂಗನವಾಡಿಗೂ ವಿಸ್ತರಿಸುವ ಯೋಜನೆ ಸರ್ಕಾರದ ಮುಂದಿದೆ. ಇದರೊಂದಿಗೆ ಸಕ್ಷಮ ಅಂಗನವಾಡಿ ಯೋಜನೆ ಅಡಿ ಶಾಲಾ ಪೂರ್ವ ಶಿಕ್ಷಣದ ಅನುಕೂಲಕ್ಕೆ ಅಂಗನವಾಡಿಗಳಿಗೆ ಟಿವಿಗಳನ್ನು ಕೊಡಲಾಗುತ್ತದೆ. ಈಗಾಗಲೇ 448 ಅಂಗನವಾಡಿಗಳಿಗೆ ಸ್ಮಾರ್ಟ ಟಿವಿ ಪೂರೈಕೆಯಾಗಿದೆ. ಅಂಗನವಾಡಿ ಶಿಕ್ಷಕರಿಗೆ ಸಹ ವಿಶೇಷ ತರಬೇತಿ ನೀಡಿದ್ದು, ಅಪೌಷ್ಠಿಕತೆಯಿಂದ ಬಳಲುತ್ತಿರುವ ಮಕ್ಕಳ ಪೌಷ್ಠಿಕಾಂಶ ಹೆಚ್ಚಳಕ್ಕೆ ವಾರದಲ್ಲಿ 5 ದಿನ ಮೊಟ್ಟೆ ಹಾಗೂ 5 ದಿನ ಹಾಲು ವಿತರಣೆ ನಡೆಯುತ್ತಿದೆ. ಪೌಷ್ಠಿಕವಾಗಿರುವ ಮಕ್ಕಳಿಗೂ ವಾರದಲ್ಲಿ 2 ದಿನ ಮೊಟ್ಟೆ ಹಾಗೂ ಹಾಲು ವಿತರಣೆ ನಡೆದಿದೆ. ಅಂಗನವಾಡಿಗಳಲ್ಲಿ ಶೌಚಾಲಯ, ಶುದ್ಧ ಕುಡಿಯುವ ನೀರು, ಫ್ಯಾನ್ ಸಂಪರ್ಕಕ್ಕೆ ಒತ್ತು ಕೊಡಲಾಗುತ್ತದೆ. ಈ ಎಲ್ಲದರ ಜೊತೆ ಅಂಗನವಾಡಿಗೆ ಸುಣ್ಣ-ಬಣ್ಣ ಬಡಿಯಲಾಗಿದ್ದು ಮಕ್ಕಳನ್ನು ಆಕರ್ಷಿಸುವ ಪ್ರಯತ್ನ ನಡೆದಿದೆ.
- [ವಿದ್ಯುತ್ ಕಳ್ಳತನ ಅಪರಾಧ.. ವಿದ್ಯುತ್ ತಂತಿ ಕಳ್ಳತನ ಗಂಭೀರ ಅಪರಾಧ!](https://mobiletime.in/2025/12/electricity-theft-is-a-crime-theft-of-electric-wires-is-a-serious-crime/): ಭಾಸ್ಕರ ಮರಾಠಿ ಅವರ ತೋಟದಿಂದ ಗೋಪಾಲ ಸಿದ್ದಿ ಅವರ ಮನೆ ಸಮೀಪದವರೆಗೆ ಹಾದುಹೋಗಿದ್ದ ವಿದ್ಯುತ್ ತಂತಿಯನ್ನು ಕಳ್ಳರು ಕೊಂಡೊಯ್ದಿದ್ದಾರೆ. ಹೆಸ್ಕಾಂ ಸಿಬ್ಬಂದಿ ಎರಡು ದಿನ ಕಳ್ಳರ ಹುಡುಕಾಟ ನಡೆಸಿದರೂ ಅವರು ಸಿಗದ ಕಾರಣ ಪೊಲೀಸರ ಮೊರೆ ಹೋಗಿದ್ದಾರೆ. ಯಲ್ಲಾಪುರದ ಕಿರವತ್ತಿ ವ್ಯಾಪ್ತಿಯಲ್ಲಿ ಈ ವಿದ್ಯುತ್ ತಂತಿ ಕಳ್ಳತನ ನಡೆದಿದೆ. ಜನಶೆಟ್ಟಿಕೊಪ್ಪದ ಭಾಸ್ಕರ ಮರಾಠಿ ಅವರ ತೋಟದಿಂದ ಕೈರಗಾಳಿ ಗ್ರಾಮದ ಟಿಸಿವರೆಗೆ ಹಾದು ಹೋಗಿದ್ದ 3 ಲೈನ್ ವಿದ್ಯುತ್ ತಂತಿಯನ್ನು ಕಳ್ಳರು ಕದ್ದಿದ್ದಾರೆ. ಇಲ್ಲಿ 484ಮೀಟರ್ ಉದ್ದದ ವಿದ್ಯುತ್ ಮಾರ್ಗ ಕಳ್ಳತನವಾಗಿದೆ. ಇದರೊಂದಿಗೆ ಕೈರಗಾಳಿ ಟಿಸಿಯಿಂದ ಅದೇ ಊರಿನ ಗೋಪಾಲ ಸಿದ್ದಿ ಅವರ ಮನೆಯವರೆಗಿನ ಎರಡು ಲೈನ್ ವಿದ್ಯುತ್ ತಂತಿಯನ್ನು ಕಳ್ಳರು ಕೊಂಡೊಯ್ದಿದ್ದಾರೆ. ಇಲ್ಲಿಯೂ 210 ಮೀಟರ್ ವಿದ್ಯುತ್ ತಂತಿ ಮಾಯವಾಗಿದೆ. ಒಂದು ಕಡೆಯಿಂದ ವಿದ್ಯುತ್ ಪ್ರಸಾರ ಸಮಸ್ಯೆ ಆದರೆ ಇನ್ನೊಂದು ಕಡೆಯಿಂದ ವಿದ್ಯುತ್ ಪೂರೈಸಲು ಈ ಭಾಗದಲ್ಲಿ ಪ್ರತ್ಯೇಕ ತಂತಿ ಅಳವಡಿಸಲಾಗಿತ್ತು. ಸದ್ಯ ಆ ಪ್ರತ್ಯೇಕ ಲೈನಿನ ತಂತಿ ಕಳ್ಳರ ಪಾಲಾಗಿದೆ. ಅಪಾಯಕಾರಿಯಾದ ವಿದ್ಯುತ್ ಕಂಬ ಏರಿ ಕಳ್ಳರು ಅಲ್ಲಿದ್ದ ತಂತಿ ಕದ್ದಿದ್ದಾರೆ. ಕಳ್ಳತನಕ್ಕಾಗಿ ಅವರು ವಿದ್ಯುತ್ ತಂತಿ ತುಂಡು ಮಾಡಿದ್ದು, ಈ ಅವಧಿಯಲ್ಲಿ ವಿದ್ಯುತ್ ಕಂಬವೊAದು ಮುರಿದಿದೆ. ಡಿಸೆಂಬರ್ 12ರಿಂದ 15ರವರೆಗಿನ ಅವಧಿಯಲ್ಲಿ ಈ ಕಳ್ಳತನ ನಡೆದಿರುವ ಅನುಮಾನಗಳಿವೆ. ಒಂದೇ ಮಾರ್ಗದ ಎರಡು ಕಡೆ ಸೇರಿ ಒಟ್ಟು 1872 ಮೀಟರ್ ವಿದ್ಯುತ್ ತಂತಿ ಕಳ್ಳರಿಗೆ ಸಿಕ್ಕಿದ್ದು, ಈ ಕಳ್ಳತನದಿಂದ ಹೆಸ್ಕಾಂ’ಗೆ 98 ಸಾವಿರ ರೂ ನಷ್ಟವಾಗಿದೆ. ವಿದ್ಯುತ್ ತಂತಿ ಕಳ್ಳತನದ ಬಗ್ಗೆ ಅರಿತ ಕಿರವತ್ತಿಯ ಹೆಸ್ಕಾಂ ಅಧಿಕಾರಿ ವಿಶಾಲ ಹೈಗಾರ್ ಅವರು ಮೊದಲು ಕಳ್ಳರ ಹುಡುಕಾಟ ಮಾಡಿದ್ದಾರೆ. ಅದಾದ ನಂತರ ಸಹಾಯಕ ಕಾರ್ಯನಿವಾಹಕ ಇಂಜೀನಿಯರ್ ಅವರಿಗೆ ವಿಷಯ ಮುಟ್ಟಿಸಿದ್ದಾರೆ. ಕಳ್ಳರು ಸಿಗದೇ ಇದ್ದಾಗ ಪೊಲೀಸರ ಮೊರೆ ಹೋಗಿದ್ದು, ಪ್ರಕರಣ ದಾಖಲಿಸಿದ ಯಲ್ಲಾಪುರ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಬಾಲಕಿ ಮುಂದೆ ಘರ್ಜನೆ: ಬೋನಿಗೆ ಬಿದ್ದ ನಕಲಿ ಸಿಂಹ!](https://mobiletime.in/2025/12/a-fake-lion-roared-in-front-of-a-girl-it-fell-into-a-trap/): ಗೋವಾ ನೋಂದಣಿಯ ಕಾರಿಗೆ `ಕನ್ನಡಿಗರ ರಕ್ಷಣಾ ವೇದಿಕೆ’ ಹೆಸರು ಹಾಕಿಕೊಂಡಿದ್ದ ಕೃಷ್ಣ ಹುಲಸ್ವಾರ್ ಅವರು `ಸಿಂಹ ಘರ್ಜನೆ’ ರಾಜ್ಯಧ್ಯಕ್ಷ ಎಂದು ಹೇಳಿ ಬಾಲಕಿಯೊಬ್ಬರಿಗೆ ಕಾಟ ಕೊಟ್ಟಿದ್ದಾರೆ. ಸಂತ್ರಸ್ತ ಬಾಲಕಿ ರಕ್ಷಣೆಗಾಗಿ ಪಾಲಕರ ಜೊತೆ ಸೇರಿ ಪೊಲೀಸರ ಮೊರೆ ಹೋಗಿದ್ದಾರೆ. ಹಳಿಯಾಳದ ತತ್ವಣಗಿ ಗ್ರಾಮದ ಕೃಷ್ಣ ಮಾರುತಿ ಹುಲಸ್ವಾರ ಅವರು ವಿಶ್ವ ಕನ್ನಡಿಗರ ರಕ್ಷಣಾ ವೇದಿಕೆ (ಸಿಂಹ ಘರ್ಜನೆ) ಸಂಸ್ಥಾಪಕ ರಾಜ್ಯಾಧ್ಯಕ್ಷ ಎಂಬ ಪದವಿಹೊಂದಿದ್ದಾರೆ. ತಮ್ಮ ಸಾಮಾಜಿಕ ಪುಟಗಳಲ್ಲಿ ಅವರು ಅನೇಕ ಬಗೆಯ ಹೋರಾಟದ ವಿಡಿಯೋಗಳನ್ನು ಹಾಕಿದ್ದಾರೆ. ಈ ಎಲ್ಲದರ ನಡುವೆ ಶಾಲೆಗೆ ಹೋಗುವ ಬಾಲಕಿಯನ್ನು ಅವರು ಹಿಂಬಾಲಿಸಿ, ಹಿಂಸೆ ಕೊಟ್ಟಿದ್ದಾರೆ. ಆ ಬಾಲಕಿಯ ವಿಡಿಯೋ ಮಾಡಿ ಹೆದರಿಸಿದ್ದಾರೆ. ಬಾಲಕಿ ಸ್ನೇಹಿತರ ಜೊತೆ ಊಟಕ್ಕಾಗಿ ಉದ್ಯಾನವನದ ಕಡೆ ಹೋದಾಗ ಕೃಷ್ಣ ಹುಲಸ್ವಾರ್ ಬೆನ್ನು ಬಿದ್ದಿದ್ದಾರೆ. ಈ ಬಗ್ಗೆ ಬಾಲಕಿಯ ಪಕ್ಕದ ಮನೆಯ ಪ್ರವೀಣ ಭಜಂತ್ರಿ ಅವರು ಫೋನ್ ಮಾಡಿ ವಿಚಾರಿಸಿದಾಗ ಕೃಷ್ಣ ಹುಲಸ್ವಾರ್ ಬೆದರಿಕೆ ಒಡ್ಡಿದ್ದಾರೆ. . ಬಾಲಕಿ ತಂದೆ ಪರಶುರಾಮ ಮೂಲಿಮನಿ ಅವರು ನೀಡಿದ ಪ್ರಕಾರ ಕೃಷ್ಣ ಹುಲಸ್ವಾರ್ ಅವರ ವಿರುದ್ಧ ಹಳಿಯಾಳ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಕತ್ತಲೆಯಲ್ಲಿ ಬಂದ ಕಾರಿನಲ್ಲಿ ಸಾಗವಾನಿ ತುಂಡು!](https://mobiletime.in/2025/12/a-piece-of-luggage-in-a-car-that-arrived-in-the-dark/): ಕತ್ತಲೆಯ ದಾರಿಯಲ್ಲಿ ಜೋರಾಗಿ ಬರುತ್ತಿದ್ದ ಕಾರಿಗೆ ಅಡ್ಡಲಾಗಿ ಅಧಿಕಾರಿಗಳು ಕೈ ಮಾಡಿದ್ದಾರೆ. ಆ ವೇಳೆ ಆ ಕಾರಿನಲ್ಲಿ ಬೆಲೆ ಬಾಳುವ ಸಾಗವಾನಿ ಮರದ ತುಂಡುಗಳು ಸಿಕ್ಕಿದೆ. ಹಳಿಯಾಳ – ಯಲ್ಲಾಪುರ ಮುಖ್ಯ ರಸ್ತೆಯಲ್ಲಿ ಕಾರು ಸಿಕ್ಕಿ ಬಿದ್ದಿದೆ. ಸಾಂಬ್ರಾಣಿ ವಲಯದ ಅರಣ್ಯಾಧಿಕಾರಿಗಳು ಈ ಕಾರ್ಯಾಚರಣೆ ಮಾಡಿದ್ದಾರೆ. ವಲಯ ಅರಣ್ಯಾಧಿಕಾರಿ ಸಂಗಮೇಶ ಪಾಟೀಲ ಅವರಿಗೆ ಸಿಕ್ಕ ಮುನ್ಸೂಚನೆ ಆಧಾರದಲ್ಲಿ ಅವರ ತಂಡದವರು ಟಾಟಾ ಇಂಡಿಕಾ ವಿಸ್ಟಾ ಕಾರನ್ನು ವಶಕ್ಕೆಪಡೆದಿದ್ದಾರೆ. ಯಾವುದೇ ಪರವಾನಿಗೆ ಇಲ್ಲದೇ ಸಾಗಿಸುತ್ತಿದ್ದ ಸಾಗವಾನಿ ನಾಟಾಗಳು ಅಲ್ಲಿ ದೊರೆತಿದೆ. ಕಾರನ್ನು ನಿಲ್ಲಿಸಿದ ಚಾಲಕ ಕತ್ತಲಿನಲ್ಲಿ ಚಾಣಾಕ್ಷತನದಿಂದ ಪರಾರಿಯಾಗಿದ್ದು, ಅರಣ್ಯ ಅಧಿಕಾರಿಗಳಿಂದ ಆ ಕಳ್ಳನನ್ನು ಹಿಡಿಯಲು ಸಾಧ್ಯವಾಗಿಲ್ಲ. ಸುತ್ತಲಿನ ಅನೇಕ ಹಳ್ಳಿಗಳಲ್ಲಿ ಅರಣ್ಯ ಸಿಬ್ಬಂದಿ ಮರಗಳ್ಳತನ ನಡೆಸಿದವನಿಗಾಗಿ ಶೋಧ ಶುರು ಮಾಡಿದ್ದಾರೆ. ಸದ್ಯ ಕಾರಿನ ಜೊತೆ ಮರದ ತುಂಡುಗಳನ್ನು ಅಧಿಕಾರಿಗಳು ಜಪ್ತು ಮಾಡಿದ್ದಾರೆ.
- [ಬಂಗಾರ ಕದ್ದು ಸಿನಿಮಾ ಮಾಡಿದ ನಿರ್ಮಾಪಕ!](https://mobiletime.in/2025/12/producer-who-stole-gold-and-made-a-movie/): ಅಲ್ಲಿ-ಇಲ್ಲಿ ಕಳ್ಳತನ ಮಾಡಿದ ದುಡ್ಡನ್ನು ಸಿನಿಮಾ ನಿರ್ಮಾಣಕ್ಕೆ ಬಳಸುತ್ತಿದ್ದ ಹರ್ಷವರ್ಧನ ಅವರನ್ನು ಪೊಲೀಸರು ಬಂಧಿಸಿದ್ದು, ಬಂಧನದ ಬೆನ್ನಲ್ಲೆ ಅವರ ವಿರುದ್ಧ ಸಿನಿಮಾ ನಟಿಯೊಬ್ಬರನ್ನು ಅಪಹರಿಸಿದ ಆರೋಪ ಕೇಳಿ ಬಂದಿದೆ. 2017ರಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರದ ಹಲಗೇರಿ ಸಮೀಪದ ಕುಂಬಾರಕುಳಿಯಲ್ಲಿ ಮನೆ ಕಳ್ಳತನ ನಡೆದಿತ್ತು. ಆ ಪ್ರಕರಣ ಬೆನ್ನತ್ತಿದ ಪೊಲೀಸರು ಬೆಂಗಳೂರಿನಲ್ಲಿ ವಾಸವಾಗಿದ್ದ ಹಾಸನ ಮೂಲದ ಹರ್ಷವರ್ಧನ್ ಎಂಬಾತರನ್ನು ಬಂಧಿಸಿದ್ದರು. ಹರ್ಷವರ್ಧನ್ ಅವರು ಜಾಮೀನುಪಡೆದು ಪರಾರಿಯಾಗಿದ್ದು, ನಂತರ ನ್ಯಾಯಾಲಯಕ್ಕೆ ಹಾಜರಾಗಿರಲಿಲ್ಲ. ಅದಾದ ನಂತರ ಬೆಂಗಳೂರು, ಉಡುಪಿ, ಮೈಸೂರು ಸೇರಿ ಅನೇಕ ಕಡೆ ಕಳ್ಳತನ ಪ್ರಕರಣದಲ್ಲಿ ಭಾಗಿಯಾಗಿದ್ದ ಹರ್ಷವರ್ಧನ್ ಆ ಹಣವನ್ನು ಸಿನಿಮಾ ನಿರ್ಮಾಣಕ್ಕೆ ಬಳಸಿದ್ದರು. 10ಕ್ಕೂ ಅಧಿಕ ಸಲ ವಾರೆಂಟ್ ಆದರೂ ಹರ್ಷವರ್ಧನ್ ಸಿಕ್ಕಿರಲಿಲ್ಲ. ಡಿಸೆಂಬರ್ 12ರಂದು ಸಿದ್ದಾಪುರ ಪೊಲೀಸರು ಹರ್ಷವರ್ಧನ್ ಅವರು ಬೆಂಗಳೂರಿನ ಬ್ಯಾಟರಾಯನಪುರದಲ್ಲಿರುವ ಮಾಹಿತಿ ಆಧರಿಸಿ ಬಂಧಿಸಿದರು. ಸಿದ್ದಾಪುರ ನ್ಯಾಯಾಲಯದಿಂದ ಮತ್ತೆ ಜಾಮೀನುಪಡೆದು ಹರ್ಷವರ್ಧನ್ ಬೆಂಗಳೂರು ತಲುಪಿದ್ದು, ಅಲ್ಲಿನ ಪೊಲೀಸರು ಅಪಹರಣ ಪ್ರಕರಣದಲ್ಲಿ ಮತ್ತೆ ಅವರನ್ನು ವಶಕ್ಕೆಪಡೆದಿದ್ದಾರೆ. ಹರ್ಷವರ್ಧನ್ ಅವರು `ವರ್ಧನ್ ಸಿನಿಮಾಸ್ ಕಂಪನಿ’ ಮಾಲಕರಾಗಿದ್ದಾರೆ. ಅವರು `ನಿನ್ನಲ್ಲೇನೋ ಹೇಳಬೇಕು’ ಎಂಬ ಚಿತ್ರ ನಿರ್ಮಾಣ ಮಾಡಿದ್ದರು. ಆ ಚಿತ್ರದಲ್ಲಿ ನಟಿಸಿದ್ದ ಚೈತ್ರಾ ಎಂಬ ನಟಿಯನ್ನು ಪ್ರೀತಿಸಿ ಮದುವೆ ಆಗಿದ್ದರು. ಚೈತ್ರಾ ಅವರು ಕಿರುತೆರೆಯಲ್ಲಿ ವಿವಿಧ ಧಾರಾವಾಹಿಗಳಲ್ಲಿಯೂ ನಟನೆ ಮಾಡಿದ್ದು, ಆ ದಂಪತಿಗೆ ಒಬ್ಬ ಮಗುವಿದೆ. ಈ ನಡುವೆ ಹರ್ಷವರ್ಧನ್ ಹಾಗೂ ಚೈತ್ರಾ ನಡುವೆ ಬಿರುಕು ಮೂಡಿತು. ಹೀಗಾಗಿ ಚೈತ್ರಾ ಅವರು ಹರ್ಷವರ್ಧನರ ಸಹವಾಸದಿಂದ ದೂರವಾಗಿದ್ದು, ಮಗಳನ್ನು ತಮ್ಮೊಡನೆ ಕರೆದೊಯ್ದಿದ್ದರು. `ಮಗಳನ್ನು ನೋಡಲು ಪತ್ನಿ ಅವಕಾಶ ನೀಡುವುದಿಲ್ಲ’ ಎಂಬ ಕಾರಣಕ್ಕೆ ಹರ್ಷವರ್ಧನ್ ಅವರು ಚೈತ್ರಾ ಅವರನ್ನು ಅಪಹರಿಸಿದ್ದರು. ಅದಾದ ನಂತರ ಚೈತ್ರಾಳ ತಾಯಿಗೆ ಕರೆ ಮಾಡಿ `ನಿನ್ನ ಮಗಳು ಬೇಕಿದ್ದರೆ ನನ್ನ ಮಗಳನ್ನು ತಂದು ಒಪ್ಪಿಸು’ ಎಂದು ಬೆದರಿಕೆ ಹಾಕಿದ್ದರು. ಚೈತ್ರಾಳ ಸಹೋದರಿ ಲೀಲಾ ಬ್ಯಾಟರಾಯನಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಸಿದ್ದಾಪುರದಿಂದ ಜಾಮೀನುಪಡೆದು ಬೆಂಗಳೂರು ಪ್ರವೇಶಿಸಿದ್ದ ಹರ್ಷವರ್ಧನ್ ಅವರನ್ನು ಅಲ್ಲಿನ ಪೊಲೀಸರು ವಶಕ್ಕೆಪಡೆದರು.
- [ಅಧ್ಯಕ್ಷರ ಮೇಲಿನ ಸಿಟ್ಟಿಗೆ ಸಿಬ್ಬಂದಿಗೆ ಹಿಂಸೆ!](https://mobiletime.in/2025/12/presidents-infidelity-safe-star-society-staff-have-no-safety/): ಸೇಫ್ ಸ್ಟಾರ್ ಸೊಸೈಟಿ ಅಧ್ಯಕ್ಷ ಜಿ ಜಿ ಶಂಕರ್ ಅವರು 25ಕ್ಕೂ ಅಧಿಕ ಜನರ ತಂಡ ಕಟ್ಟಿಕೊಂಡು ಕೂಲಿ ಕಾರ್ಮಿಕರ ಮೇಲೆ ಹಲ್ಲೆ ಮಾಡಿದ್ದಾರೆ. ಜಾಗದ ವಿಷಯವಾಗಿ ಗಲಾಟೆ ನಡೆದ ನಂತರ ಜಿ ಜಿ ಶಂಕರ್ ಅವರು ಆ ಕಾರ್ಮಿಕರ ತಂಡಕ್ಕೆ ಸಿಗದೇ ತಪ್ಪಿಸಿಕೊಳ್ಳುತ್ತಿದ್ದು, ಅದೇ ಸಿಟ್ಟಿಗೆ ಜಾಗದ ಮಾಲಕ ಪೀಟರ್ ಹಾಗೂ ಕಾರ್ಮಿಕ ಜೋಯವಿನ್ ತಂಡದವರು ಸೇಫ್ ಸ್ಟಾರ್ ಸೊಸೈಟಿ ಸಿಬ್ಬಂದಿಗೆ ಬೆದರಿಕೆ ಒಡ್ಡುತ್ತಿದ್ದಾರೆ. ಜಿ ಜಿ ಶಂಕರ್ ಅವರು ಕೂಲಿ ಕಾರ್ಮಿಕರ ಮೇಲೆ ಹಲ್ಲೆ ಮಾಡಿದ ತಪ್ಪಿಗೆ ಅವರ ಸೇಫ್ ಸ್ಟಾರ್ ಸೊಸೈಟಿಯಲ್ಲಿ ಕೆಲಸ ಮಾಡುವ ಸಿಬ್ಬಂದಿ ಕಷ್ಟ ಅನುಭವಿಸುತ್ತಿದ್ದಾರೆ. ಸೇಫ್ ಸ್ಟಾರ್ ಸೊಸೈಟಿಯ ಉದ್ಯೋಗಿಯಾಗಿರುವ ನಾಗರತ್ನ ಹಳ್ಳೇರ್ ಹಾಗೂ ಶ್ಯಾಮಲಾ ನಾಯ್ಕ ಅವರಿಗೆ ಜೀವ ಬೆದರಿಕೆ ಬಂದಿದೆ. ಅದರಲ್ಲಿಯೂ ಶ್ಯಾಮಲಾ ನಾಯ್ಕ ಅವರಿಗೆ ಅಪರಿಚಿತರು `ಟಿಪ್ಪರ್ ಹಾಯಿಸಿ ಕೊಲೆ ಮಾಡುವೆ‘ ಎಂದು ಹೆದರಿಸಿದ್ದಾರೆ. ಡಿಸೆಂಬರ್ 9ರಂದು ಹೊನ್ನಾವರ ಮಾವಿನಕೂರ್ವಾ ಬಳಿಯ ಮಂಡಲಕೂರ್ವದ ಜೊಯವಿನ್ ಬಸ್ತೇಂವ್ ಮೆಂಡೋನ್ಸಾ ಅವರು ಪೀಟರ್ ಎಂಬಾತರ ಸೂಚನೆ ಮೇರೆಗೆ ಕೂಲಿ ಕೆಲಸಕ್ಕೆ ಹೋಗಿದ್ದರು. ಜೊಯವಿನ್ ಅವರ ಜೊತೆ ಅವರ ತಂದೆ ಬಸ್ತೇಂವ್ ಮೆಂಡೋನ್ಸಾ, ಪಾವ್ಲು ಡಿಕೋಸ್ತಾ ಸಹ ಇದ್ದರು. ಅವರೆಲ್ಲರೂ ಸೇರಿ ತಾರಿಬಾಗಿಲ ಬಳಿಯಿರುವ ಚರ್ಚಿನ ಬಳಿ ಅವರು ಕೆಲಸ ಮಾಡುತ್ತಿದ್ದರು. ಅಲ್ಲಿದ್ದ ಖಾಲಿ ಜಾಗವೊಂದನ್ನು ಸ್ವಚ್ಛ ಮಾಡುತ್ತಿರುವಾಗ ಅಲ್ಲಿ ಜಿ ಜಿ ಶಂಕರ್ ಅವರು ಆಗಮಿಸಿದರು. ಜಿ ಜಿ ಶಂಕರ್ ಅವರ ಜೊತೆ ಅಂಗಡಿ ಹಿತ್ತಲದ ಮೋಹನ ತಿಮ್ಮಪ್ಪ ಗೌಡ, ಅರುಣ ಮಂಜುನಾಥ ಗೌಡ, ದುರ್ಗಾಕೇರಿಯ ಕಿರಣ ಆರ್ ಹೊನ್ನಾವರಕರ್, ಹೊಂಡಗದ್ದೆಯ ಸತೀಶ ಗೋವಿಂದ ಗೌಡ ಬಂದಿದ್ದರು. ಕಾರಿನಲ್ಲಿ ಬಂದ ಅವರೆಲ್ಲರೂ ಏಕಾಏಕಿ ಕೆಲಸ ಮಾಡುತ್ತಿದ್ದವರನ್ನು ದಬಾಯಿಸಿದರು. ಸ್ವಚ್ಚತಾ ಕೆಲಸಕ್ಕೆ ಅಡ್ಡಿಪಡಿಸಿದ ಅವರೆಲ್ಲರೂ ಜಿ ಜಿ ಶಂಕರ್ ಅವರ ಜೊತೆಗೂಡಿ ಅಲ್ಲಿದ್ದವರ ಮೇಲೆ ದಾಳಿ ಮಾಡಿದರು. ಅದಾದ ನಂತರ ಜಿ ಜಿ ಶಂಕರ್ ಅವರು ಮತ್ತೆ 25 ಜನರನ್ನು ಫೋನ್ ಮಾಡಿ ಕರೆಯಿಸಿಕೊಂಡರು. ಅವರೆಲ್ಲರೂ ಸೇರಿ ಅಲ್ಲಿದ್ದ ಪಾವ್ಲು ಅವರಿಗೆ ಹೊಡೆಯಲು ಶುರು ಮಾಡಿದರು. ಮೋಹನ ಗೌಡ ಅವರು ಪಾವ್ಲು ಅವರ ಕುತ್ತಿಗೆಯನ್ನು ಗಟ್ಟಿಯಾಗಿ ಹಿಡಿದುಕೊಂಡ ಕಾರಣ ಅವರ ಕತ್ತು ಊದಿಕೊಂಡಿದ್ದು, ಪಾವ್ಲು ಅವರನ್ನು ತಪ್ಪಿಸಲು ಹೋದ ಜೊಯವಿನ್ ಅವರಿಗೂ ಅಲ್ಲಿದ್ದವರು ಥಳಿಸಿದರು. ಕೊನೆಗೆ ಅಲ್ಲಿ ಕೆಲಸ ಮಾಡುತ್ತಿದ್ದವರೆಲ್ಲರೂ ಹಾಗೂ ಹೀಗೋ ಮಾಡಿ ತಪ್ಪಿಸಿಕೊಂಡು ಆಸ್ಪತ್ರೆ ಸೇರಿದರು. ನಂತರ ರಕ್ಷಣೆ ಕೋರಿ ಪೊಲೀಸರ ಮೊರೆ ಹೋಗಿದ್ದು, ಬಿಜೆಪಿ ಮುಖಂಡರೂ ಆಗಿರುವ ಸೇಫ್ ಸ್ಟಾರ್ ಸೊಸೈಟಿ ಅಧ್ಯಕ್ಷ ಜಿ ಜಿ ಶಂಕರ್ ಜೊತೆ ಇನ್ನಿತರರ ವಿರುದ್ಧ ದೂರು ಸಲ್ಲಿಸಿದರು. ಅದಾದ ನಂತರ ಜಿ ಜಿ ಶಂಕರ್ ಅವರು ಜೋಯವಿನ್ ಅವರ ಕೈಗೆ ಸಿಗಲಿಲ್ಲ. ಆದರೆ, ನಿತ್ಯವೂ ಕಚೇರಿಗೆ ಬರುತ್ತಿದ್ದ ಸೇಫ್ ಸ್ಟಾರ್ ಸೊಸೈಟಿ ಉದ್ಯೋಗಿಗಳು ಜೋಯವಿನ್ ಕಡೆಯವರ ಕಣ್ಣಿಗೆ ಬಿದ್ದರು. ಜಿ ಜಿ ಶಂಕರ್ ಅವರ ಮೇಲಿನ ಸಿಟ್ಟಿಗೆ ಜೋಯವಿನ್ ಕಡೆಯವರು ಸೇಫ್ ಸ್ಟಾರ್ ಸೊಸೈಟಿ ಸಿಬ್ಬಂದಿಗೆ ಕಾಟ ಕೊಡಲು ಶುರು ಮಾಡಿದರು. ಹೊನ್ನಾವರ ಮೂಡ್ಕಣಿಯ ನಾಗರತ್ನ ಗಣಪತಿ ಹಳ್ಳೇರ್ ಅವರು ಸೇಫ್ ಸ್ಟಾರ್ ಸೊಸೈಟಿಯಲ್ಲಿ ಕೆಲಸ ಮಾಡುತ್ತಿರುವುದನ್ನು ಅರಿತ ಜೋಯವಿನ್ ಮಂಡೋನ್ಸಾ ಹಾಗೂ ಪೀಟರ್ ಮಂಡೋನ್ಸಾ ಅವರು ನಾಗರತ್ನ ಹಳ್ಳೇರ್ ಅವರನ್ನು ಕಾಡಿಸಿದರು. ಅನಾರೋಗ್ಯದಿಂದ ಬಳಲುತ್ತಿರುವ ನಾಗರತ್ನ ಅವರಿಗೆ ಅವರಿಬ್ಬರು ಬೆದರಿಕೆ ಒಡ್ಡಿದರು. ನಾಗರತ್ನ ಹಳ್ಳೇರ್ ಅವರು ಸಾಲ ವಸೂಲಿಗಾಗಿ ಪ್ರಭಾತನಗರದ ಅಮೋಘ ಸೇಫ್ ಸ್ಟಾರ್ ಜಂಟಿ ಭದ್ರತಾ ಸಂಘದ ಬಳಿ ಹೊರಟಾಗ ಅವರನ್ನು ಹಿಂಬಾಲಿಸಿದರು. ನಾಗರತ್ನ ಹಳ್ಳೇರ್ ಅವರು ಸಾಲ ವಸೂಲಾತಿ ಮುಗಿಸಿ ಕೆಳಗಿನಪಾಳ್ಯ ಮಜಿರೆಯಲ್ಲಿದ್ದ ಜಿ ಜಿ ಶಂಕರ್ ಅವರನ್ನು ಮಾತನಾಡಿಸಲು ಹೋದಾಗ ಅಲ್ಲಿ ಜಗಳ ಶುರು ಮಾಡಿದರು. ನಾಗರತ್ನ ಹಳ್ಳೇರ್ ಅವರು `ಏಕೆ ಜಗಳ ಮಾಡುತ್ತೀರಿ?’ ಎಂದು ಪ್ರಶ್ನಿಸಿದ ಕಾರಣ ಜೋಯವಿನ್ ಮಂಡೋನ್ಸಾ ಅವರು ಮುಗಿಬಿದ್ದರು. ಪೀಟರ್ ಮಂಡೋನ್ಸಾ ಅವರು ನಾಗರತ್ನ ಅವರ ಕೂದಲು ಹಿಡಿದು ಎಳೆದಾಡಿದರು. ಜನ ಈ ಜಗಳ ತಪ್ಪಿಸಿದರು. ಅದಾದ ನಂತರ ಜೋಯವಿನ್ ಮಂಡೋನ್ಸಾ ಕಡೆಯವರು ಸೇಫ್ ಸ್ಟಾರ್ ಸೊಸೈಟಿಯ ಅಳ್ಳಂಕಿ ಶಾಖೆಯ ಫಿಲ್ಡ್ ಆಫೀಸರ್ ಶ್ಯಾಮಲಾ ಮಂಜುನಾಥ ನಾಯ್ಕ ಅವರನ್ನು ಹಿಂಬಾಲಿಸಿದರು. ಜಲವಳ್ಳಿ ಹಿರೆಹಿತ್ಲದಲ್ಲಿ ವಾಸವಾಗಿರುವ ಶ್ಯಾಮಲಾ ನಾಯ್ಕ ಅವರಿಗೂ ಬೆದರಿಕೆ ಒಡ್ಡಿದರು. ಡಿಸೆಂಬರ್ 11ರಂದು ಶ್ಯಾಮಲಾ ನಾಯ್ಕ ಅವರು ದಿಬ್ಬಣಗಲ್ ಕಡೆಯಿಂದ ಆಳಂಕಿ ಕಡೆ ಸ್ಕೂಟಿ ಮೇಲೆ ಹೋಗುವಾಗ ಅಪರಿಚಿತರು ಅವರನ್ನು ಅಡ್ಡಗಟ್ಟಿದರು. ಕವಲಕೇರಿಯ ನಿರ್ಜನ ಪ್ರದೇಶದಲ್ಲಿ ಮುಖಕ್ಕೆ ಬಟ್ಟೆ ಕಟ್ಟಿಕೊಂಡು ಬಂದಿದ್ದ ಇಬ್ಬರು ಶ್ಯಾಮಲಾ ಅವರನ್ನು ಕೆಟ್ಟದಾಗಿ ನಿಂದಿಸಿದರು. `ಜೋಯವಿನ್ ಹಾಗೂ ಪೀಟರ್ ವಿರುದ್ಧ ಸಾಕ್ಷಿ ಹೇಳುತ್ತೀಯಾ?’ ಎಂದು ಪ್ರಶ್ನಿಸಿದ ಆ ಆಗಂತುಕರು `ಈ ದೂರು ಹಿಂಪಡೆಯದೇ ಇದ್ದರೆ ಜೀವ ತೆಗೆಯುವೆ’ ಎಂದು ಬೆದರಿಸಿದರು. `ಟಿಪ್ಪರ್ ಲಾರಿ ಹಾಯಿಸಿ ಕೊಲೆ ಮಾಡುವೆ’ ಎಂಬ ಎಚ್ಚರಿಕೆ ನೀಡಿದರು. ಸದ್ಯ ಈ ಪ್ರಕರಣ ಪೊಲೀಸ್ ತನಿಖೆಯಲ್ಲಿದ್ದು, ಎರಡು ಕಡೆಯವರನ್ನು ಪೊಲೀಸರು ವಿಚಾರಣೆ ಶುರು ಮಾಡಿದ್ದಾರೆ.
- [ನವ ಉದ್ದಿಮೆಗಳ ಆಶಾಕಿರಣ ನವೋದಿತಾ!](https://mobiletime.in/2025/12/navoditha-the-ray-of-hope-for-new-businesses/): ವ್ಯಾಪಾರ-ವಹೀವಾಟುಗಳನ್ನು ಇನ್ನಷ್ಟು ಎತ್ತರಕ್ಕೆ ಏರಿಸಬೇಕು ಎಂಬುದು ಪ್ರತಿಯೊಬ್ಬ ಉದ್ದಿಮೆದಾರನ ಕನಸು. ಈ ಕನಸು ನನಸು ಮಾಡುವುದಕ್ಕಾಗಿ `ನವೋದಿತಾ’ ಸಂಸ್ಥೆ ಶ್ರಮಿಸುತ್ತಿದೆ. ಡಿಜಿಟಲ್ ಇಂಡಿಯಾ ಪರಿಕಲ್ಪನೆಯ ಅಡಿ `ನವೋದಿತಾ’ ಸಂಸ್ಥೆ ಹುಟ್ಟಿಕೊಂಡಿತು. ಡಿಜಿಟಲ್ ಎಜನ್ಸಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಈ ಸಂಸ್ಥೆ ವ್ಯಾಪಾರವಹಿವಾಟು ನಡೆಸುತ್ತಿರುವವರಿಗೆ ಡಿಜಿಟಲ್ ಸ್ಪರ್ಶದ ಅರಿವು ಮೂಡಿಸಿತು. ಸಾಂಪ್ರದಾಯಿಕ ಶೈಲಿಯಲ್ಲಿ ವಹಿವಾಟು ನಡೆಸುತ್ತಿರುವ ಉದ್ದಿಮೆದಾರರನ್ನು ಸ್ಪರ್ಧಾತ್ಮಕ ಯುಗದ ಮುಖ್ಯವಾಹಿನಿಗೆ ತರುವುದಕ್ಕಾಗಿ ಸಂಸ್ಥೆ ಶ್ರಮಿಸಿತು. ಡಿಜಿಟಲ್ ವ್ಯವಹಾರಕ್ಕೆ ವ್ಯವಹಾರಕ್ಕೆ ಅಗತ್ಯವಿರುವ ಜ್ಞಾನವನ್ನು ಉದ್ದಿಮೆದಾರರಿಗೆ ಕೊಡುವುವುದರ ಜೊತೆ ಮಾರುಕಟ್ಟೆ ವ್ಯವಸ್ಥೆಯಲ್ಲಿ ಸರಳ ವಿಧಾನಗಳನ್ನು ಅನುಸರಿಸುವ ನಿಟ್ಟಿನಲ್ಲಿ ನವೋದಿತಾ ಕೆಲಸ ಮಾಡುತ್ತಿದೆ. ಶಿರಸಿಯನ್ನು ಕೇಂದ್ರಸ್ಥಾನವನ್ನಾಗಿಸಿಕೊ0ಡಿರುವ ನವೋದಿತಾ ಸಂಸ್ಥೆ ಬೆಂಗಳೂರಿನಲ್ಲಿಯೂ ಕಚೇರಿ ಹೊಂದಿದೆ ಉತ್ಪನ್ನಗಳ ಕುರಿತು ಆಕರ್ಷಕ ಡಿಸೈನ್, ಅಗತ್ಯವಿರುವ ಬ್ರಾಂಡಿOಗ್, ಜನಸ್ನೇಹಿ ಉದ್ದಿಮೆಗೆ ಬೇಕಿರುವ ಡಿಜಿಟಲ್ ಸ್ಪರ್ಶ ನೀಡುವುದು `ನವೋದಿತಾ’ ಸಂಸ್ಥೆಯ ಗುರಿ. ಹೊಸದಾಗಿ ಉದ್ದಿಮೆ ಶುರು ಮಾಡಿದವರಿಗೆ, ಸಣ್ಣ ಮತ್ತು ಮಧ್ಯಮ ಉದ್ದಿಮೆಗಳಿಗೆ ಹಾಗೂ ಉತ್ಪಾದನಾ ಸಂಸ್ಥೆಗಳಿಗೆ ನವೋದಿತಾದ ನೆರವು ಸಹಕಾರಿ. ಉತ್ಪನ್ನಗಳ ಮಾರಾಟಕ್ಕೆ ಅತಿ ಅಗತ್ಯವಾಗಿ ಬೇಕಿರುವ ಲೋಗೋ ಡಿಸೈನ್, ವೆಬ್ ಸೈಟು, ಕರಪತ್ರಗಳ ನಿರ್ವಹಣೆ, ಉತ್ಪನ್ನಗಳ ಪ್ಯಾಕಿಂಗ್, ಸೋಶಿಯಲ್ ಮಿಡಿಯಾ ಮಾರುಕಟ್ಟೆ, ಜಾಹೀರಾತು ಸೇವೆಯ ಜವಾಬ್ದಾರಿಯನ್ನು ನವೋದಿತಾ ಸಂಸ್ಥೆವಹಿಸಿಕೊಳ್ಳುತ್ತದೆ. ನವೋದಿತಾ ಸಂಸ್ಥೆಯ ಅಡಿ ಈ ಎಲ್ಲಾ ಸೇವೆಗಳನ್ನು ಒಂದೇ ಸೂರಿನಡಿ ತರುವುದಕ್ಕಾಗಿ ವಿನಯ ಹೆಗಡೆ ಹಾಗೂ ಶಾಂಭವಿ ಹೆಗಡೆ ಅವರ ಪ್ರಯತ್ನ ನಿರಂತರ. ಸಮಸ್ಯೆಗಳನ್ನು ಅರ್ಥಮಾಡಿಕೊಂಡು ಬಗೆಹರಿಸುವಲ್ಲಿ ಅವರ 5 ವರ್ಷಗಳ ಅನುಭವ ಹೊರ ರಾಜ್ಯದ ಗ್ರಾಹಕರನ್ನು ಆಕರ್ಷಿಸುತ್ತಿದೆ. ನವೋದಿತಾ ವೆಬ್‌ಸೈಟ್ ವೀಕ್ಷಣೆಗೆ ಇಲ್ಲಿ ಕ್ಲಿಕ್ಕಿಸಿ: https://navodita.com/ ನಿಮ್ಮ ವ್ಯಾಪಾರ ವೃದ್ಧಿಗಾಗಿ ಇಲ್ಲಿ ಫೋನ್ ಮಾಡಿ: 9019876973 ಇನ್ನಷ್ಟು ಮಾಹಿತಿ ತಿಳಿಯಲು ಇಲ್ಲಿ ಭೇಟಿ ನೀಡಿ: ಮೊದಲನೇ ಮಹಡಿ, ಕದಂಬ ಮಾರ್ಕೇಟ್ ಯಾರ್ಡ, ಶಿರಸಿ ಟೆಕ್ ಪಾರ್ಕ, ಶಿರಸಿ – – 581402 #Sponsored
- [ಉಪಮುಖ್ಯಮಂತ್ರಿ ಪ್ರವಾಸ: ಸುಗಂಧರಾಜನಿಗೆ ಪ್ರವೇಶ ನಿಷಿದ್ಧ!](https://mobiletime.in/2025/12/deputy-chief-ministers-tour-sugandharaja-denied-entry/): ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ಶುಕ್ರವಾರ ಉತ್ತರ ಕನ್ನಡ ಜಿಲ್ಲೆಗೆ ಬರುತ್ತಿದ್ದಾರೆ. ಯಾರೂ ಅವರಿಗೆ ಸುಗಂಧರಾಜ ಹೂವಿನ ಹಾರ ಹಾಕದಂತೆ ಸರ್ಕಾರ ಸೂಚನೆ ನೀಡಿದೆ! ಸಾಮಾನ್ಯವಾಗಿ ಜಿಲ್ಲೆಗೆ ಯಾರೇ ಗಣ್ಯರು ಭೇಟಿ ನೀಡಿದರೂ ಅಭಿಮಾನಿಗಳು ಅವರಿಗೆ ಹೂಮಾಲೆ ಹಾಕಿ ಸ್ವಾಗತಿಸುತ್ತಾರೆ. ಜೊತೆಗೆ ಶಾಲು ಹೊದೆಸಿ ಗೌರವಿಸುತ್ತಾರೆ. ಆದರೆ, ಡಿ ಕೆ ಶಿವಕುಮಾರ ಅವರು ಈ ಶಾಲು-ಸನ್ಮಾನದಿಂದ ಕೊಂಚ ದೂರ ಉಳಿದಿದ್ದಾರೆ. ಅದಾಗಿಯೂ, ಅವರ ಬೆಂಬಲಿಗರು ಹೂವಿನ ಮಾಲೆ ಹಾಕಿ ಸಂಭ್ರಮಿಸುತ್ತಾರೆ. ಬೇರೆ ಬೇರೆ ಹೂವಿನ ಮಾಲೆ ಹಾಕಿದರೆ ಸುಮ್ಮನಿರುವ ಅವರು ಸುಗಂಧ ರಾಜ ಹೂವು ಕಂಡರೆ ಸಿಡಿಮಿಡಿಯಾಗುತ್ತಾರೆ! ಸುಗಂಧ ರಾಜ ಹೂವಿನ ಸುವಾಸನೆ ಎಂದರೆ ಡಿಕೆ ಶಿವಕುಮಾರ ಅವರಿಗೆ ಅಲರ್ಜಿ. ಹೀಗಾಗಿ ಅವರ ಪ್ರವಾಸದ ಪಟ್ಟಿಯಲ್ಲಿಯೇ ಆ ಹೂವಿನ ಮಾಲೆ ಹಾಕದಂತೆ ಸರ್ಕಾರವೇ ಸೂಚಿಸಿದೆ. ಅದಾಗಿಯೂ, ಭದ್ರತಾ ಪಡೆಯವರು ಆ ಹೂವಿನ ಮಾಲೆ ಬರದಂತೆ ಎಚ್ಚರಿಕೆವಹಿಸಲಿದ್ದು, ಡಿ ಕೆ ಶಿವಕುಮಾರ ಅವರ ಪ್ರವಾಸದ ವೇಳೆ ಅವರ ಅಭಿಮಾನಿಗಳು ಸುಗಂಧ ರಾಜ ಹೂವಿನಿಂದ ದೂರವಿರುವುದು ಒಳಿತು. ಡಿಕೆ ಶಿವಕುಮಾರ ಅವರು ಹೆಲಿಕಾಪ್ಟರ್ ಮೂಲಕ ಉತ್ತರ ಕನ್ನಡ ಜಿಲ್ಲೆಗೆ ಬರಲಿದ್ದಾರೆ. ಕುಮಟಾ ತಾಲೂಕು ಆಡಳಿತ ಅವರ ಆಗಮನಕ್ಕೆ ಸಿದ್ಧತೆ ನಡೆಸಿದೆ. ಗೋಕರ್ಣದ ಗೋಗರ್ಭ ಕ್ರೀಡಾಂಗಣದಲ್ಲಿ ಹೆಲಿಕಾಪ್ಟರ್ ನಿಲ್ಲಲಿದ್ದು, ಬುಧವಾರ ಕುಮಟಾ ತಹಶೀಲ್ದಾರ ಶ್ರೀಕೃಷ್ಣ ಕಾಮಕರ್ ಅಲ್ಲಿ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ. ಗೋಕರ್ಣ ನಂತರ ಅವರು ಅಂಕೋಲಾ ಭೇಟಿ ಮಾಡಲಿದ್ದು, ತಮ್ಮ ಪೂರ್ವ ನಿಗಧಿತ ಕಾರ್ಯಕ್ರಮ ಮುಕ್ತಾಯದ ನಂತರ ಬೆಳಗಾವಿಗೆ ಮರಳಲಿದ್ದಾರೆ.
- [ರೈಲಿನಲ್ಲಿ ಸಿಕ್ಕಿಬಿದ್ದ ಲಾಪ್‌ಟಾಪ್ ಕಳ್ಳ!](https://mobiletime.in/2025/12/laptop-thief-caught-on-train/): ರೈಲಿನ ಪ್ರಯಾಣಿಕರನ್ನು ದರೋಡೆ ಮಾಡುವದನ್ನೇ ಕೆಲಸವನ್ನಾಗಿಸಿಕೊಂಡಿದ್ದ ಜೋಶಿ ನಾಯ್ಕ ಹಾಗೂ ಪ್ರಹ್ಲಾದ ಪೂಜಾರಿ ಅವರು ಸಿಕ್ಕಿಬಿದ್ದಿದ್ದಾರೆ. ಕೊಂಕಣ ರೈಲ್ವೆ ಪೊಲೀಸರು ಆ ಕಳ್ಳರಿಬ್ಬರನ್ನು ಕಾರವಾರ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಬುಧವಾರ ಬೆಳಗ್ಗೆ ಕಾರವಾರದ ಶಿರವಾಡ ರೈಲು ನಿಲ್ದಾಣಕ್ಕೆ ಮಂಗಳ ಎಕ್ಸಪ್ರೆಸ್ ರೈಲು ಆಗಮಿಸಿತು. ರೈಲ್ವೇ ಪೊಲೀಸರು ತಪಾಸಣೆ ನಡೆಸುತ್ತಿರುವಾಗ ಇಬ್ಬರು ಅನುಮಾನಾಸ್ಪದವಾಗಿ ವರ್ತಿಸಿದರು. ಅವರನ್ನು ವಿಚಾರಣೆಗೆ ಒಳಪಡಿಸಿದಾಗ ಅವರಿಬ್ಬರು ಕಳ್ಳತನ ಮಾಡುವುದಕ್ಕಾಗಿಯೇ ರೈಲು ಪ್ರಯಾಣ ಮಾಡುತ್ತಿರುವುದು ಗೊತ್ತಾಯಿತು. ಕೊಂಕಣ ರೈಲ್ವೆ ಪೊಲೀಸ್ ಅಧಿಕಾರಿ ರಂಜAತ್ ಮರಾಂಡೆ ಅವರು ಬಳ್ಳಾರಿಯ ಜೋಶಿ ನಾಯ್ಕ ಹಾಗೂ ಕುಂದಾಪುರದ ಪ್ರಹ್ಲಾದ ಪೂಜಾರಿ ಅವರನ್ನು ವಶಕ್ಕೆಪಡೆದರು. ತಪಾಸಣೆ ನಡೆಸಿದಾಗ ಅವರ ಬಳಿ ಲಾಪ್‌ಟಾಪ್, ಐಫೋನ್ ಹಾಗೂ 3500ರೂ ಹಣ ಸಿಕ್ಕಿತು. ಡಿಸೆಂಬರ್ 2ರಂದು ಉದನಾ ಎಕ್ಸಪ್ರೆಸ್ ರೈಲಿನಲ್ಲಿ ಇದನ್ನು ಕದ್ದಿರುವುದಾಗಿ ಅವರಿಬ್ಬರು ಒಪ್ಪಿಕೊಂಡರು. ಹಳೆ ದಾಖಲೆಗಳನ್ನು ಪರಿಶೀಲನೆ ನಡೆಸಿದಾಗ ಸೌಜನ್ಯ ಶೆಟ್ಟಿ ಅವರು ಅದೇ ದಿನ 3.50 ಲಕ್ಷ ರೂ ಮೌಲ್ಯದ ಸಾಮಗ್ರಿ ಕಳ್ಳತನವಾದ ಬಗ್ಗೆ ದೂರು ನೀಡಿರುವುದು ಕಾಣಿಸಿತು. ಈ ಹಿನ್ನಲೆ ರಂಜ ಮರಾಂಡೆ ಅವರು ಆ ಕಳ್ಳರಿಬ್ಬರನ್ನು ಕಾರವಾರ ಗ್ರಾಮೀಣ ಠಾಣೆಗೆ ಒಪ್ಪಿಸಿದರು. ಜೊತೆಗೆ ಅವರ ವಿರುದ್ಧ ದೂರು ನೀಡಿದರು.
- [ಟೈಯರ್ ಪಂಚರ್ ಮಾಡುವ ಹಾಳಾದ ಹಂಪ್ಸ್ ಮೊಳೆ!](https://mobiletime.in/2025/12/the-damn-humps-nail-that-punctures-the-tire/): ಕಾರವಾರದ ಕೋಡಿಭಾಗ ರಸ್ತೆಗೆ ಅಳವಡಿಸಿದ್ದ ಹಂಪ್ಸ್ ಹಾಳಾಗಿ ವರ್ಷ ಕಳೆದರೂ ನಗರಸಭೆ ಅದನ್ನು ಸರಿಪಡಿಸಿಲ್ಲ. ಹೀಗಾಗಿ ನಗರಸಭೆ ಈ ನಡೆಗೆ ಜಯಕರ್ನಾಟಕ ಜನಪರ ವೇದಿಕೆ ಆಕ್ರೋಶವ್ಯಕ್ತಪಡಿಸಿದೆ. `ನಾಲ್ಕು ವರ್ಷದ ಹಿಂದೆ ಅಳವಡಿಸಿದ ಹಂಪ್ಸ್ ಹಾಳಾಗಿ ವರ್ಷ ಕಳೆದಿದೆ. ಆದರೆ, ನಗರಸಭೆ ಅಪಘಾತ ಪ್ರಮಾಣ ತಗ್ಗಿಸಲು ಮುನ್ನಚ್ಚರಿಕೆವಹಿಸಿಲ್ಲ’ ಎಂದು ಸಂಘಟನೆ ಜಿಲ್ಲಾಧ್ಯಕ್ಷ ದಿಲೀಪ ಅರ್ಗೇಕರ್ ಅಸಮಧಾನವ್ಯಕ್ತಪಡಿಸಿದ್ದಾರೆ. `ಶಾಲೆ-ಕಾಲೇಜುಗಳಿರುವ ಈ ಪ್ರದೇಶದಲ್ಲಿ ಹೆಚ್ಚಿನ ಅವಘಡ ನಡೆಯುತ್ತಿದೆ. ಸುರಕ್ಷತೆಗಾಗಿ ಇಲ್ಲಿ ತುರ್ತಾಗಿ ಹಂಪ್ಸ್ ಅಳವಡಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಹಂಪ್ಸಿಗೆ ಇದ್ದ ಮೊಳೆಗಳು ಇದೀಗ ಹೊರ ಬಿದ್ದಿದೆ. ಅವರು ವಾಹನದ ಚಕ್ರಕ್ಕೆ ತಾಗಿ ಪದೇ ಪದೇ ಪಂಚರ್ ಆಗುತ್ತಿದೆ. ನಗರಸಭೆ ಆಯುಕ್ತರಿಗೆ ಈ ಬಗ್ಗೆ ಗಮನಕ್ಕೆ ತಂದರೂ ಕ್ರಮ ಜರುಗಿಸಿಲ್ಲ. ನಗರಸಭೆಯಲ್ಲಿ ಹಂಪ್ಸ ಸರಿಪಡಿಸಲು ಆರ್ಥಿಕ ಸಮಸ್ಯೆ ಇದೆಯೇ?’ ಎಂದವರು ಪ್ರಶ್ನಿಸಿದ್ದಾರೆ. `ನಗರಸಭೆಯ ಆಡಳಿತಾಧಿಕಾರಿಯೂ ಆಗಿರುವ ಜಿಲ್ಲಾಧಿಕಾರಿಗಳು ಈ ಬಗ್ಗೆ ಗಮನಿಸಬೇಕು. ಇಲ್ಲವಾದಲ್ಲಿ ಪ್ರತಿಭಟನೆ ಅನಿವಾರ್ಯ’ ಎಂದು ಸಂಘಟನೆ ಪ್ರಮುಖರಾದ ರೋಷನ್ ಹರಿಕಂತ್ರ, ಸುನಿಲ್ ತಾಂಡೇಲ್, ಪ್ರದೀಪ್ ಶೆಟ್ಟಿ, ರಫೀಕ್ ಉದ್ದಾರ್, ಸುದೇಶ್ ನಾಯ್ಕ್, ರಾಹುಲ್ ತಾಂಡೇಲ್, ಮೋಹನ್ ಉಳ್ಳೇಕರ್, ವಿನಯ್ ನಾಯ್ಕ್ ಎಚ್ಚರಿಸಿದ್ದಾರೆ.
- [ಅಡಿಕೆಗೆ ಹೋದ ಮಾನ!](https://mobiletime.in/2025/12/the-honor-of-going-to-the-areca-nut/): ಹಸಿ ಅಡಿಕೆ ಮಾರಾಟದ ವಿಷಯದಲ್ಲಿ ಅಡಿಕೆ ಜೊತೆ ಅದರ ಜಂಗನ್ನೂ ತೂಕಕ್ಕೆ ಹಾಕಲಾಗುತ್ತಿದ್ದು, ಅನುಪಯುಕ್ತ ಜಂಗಿನ ತೂಕಕ್ಕೂ ಸಹ ವ್ಯಾಪಾರಸ್ಥರು ಸಹಕಾರಿ ಸಂಸ್ಥೆಗೆ ಕಮಿಶನ್ ನೀಡುತ್ತಿದ್ದಾರೆ. ಹೀಗಾಗಿ ಜಂಗಿನ ತೂಕವನ್ನು ಬಿಡಬೇಕು ಎಂದು ವ್ಯಾಪಾರಸ್ಥರು ಆಗ್ರಹಿಸಿ ಶಿರಸಿ ಟಿಎಸ್‌ಎಸ್ ಅಂಗಳದಲ್ಲಿ ಹಸಿ ಅಡಿಕೆ ಟೆಂಡರ್ ಬರೆಯುವುದನ್ನೇ ನಿಲ್ಲಿಸಿದ್ದಾರೆ! `ಪ್ರತಿ ಕ್ವಿಂಟಲ್ ಅಡಿಕೆಗೆ 10 ಕೆಜಿ ಜಿಂಗ್ ತೂಕ ಬಿಡಬೇಕು. ವ್ಯಾಪಾರಸ್ಥರು ಚೆಕ್ ನೀಡಿದರೂ ಸಹ ಅದನ್ನು ಟಿಎಸ್‌ಎಸ್ ಸಂಸ್ಥೆಯವರು ಪರಿಗಣಿಸಬೇಕು. ತೂಕದ ವಿಷಯದಲ್ಲಿ ಪಾರದರ್ಶಕತೆ ಕಾಪಾಡಿಕೊಳ್ಳಬೇಕು’ ಎಂದು ವ್ಯಾಪಾರಸ್ಥರು ಆಗ್ರಹಿಸಿದ್ದಾರೆ. `ಈ ಬಗ್ಗೆ ಮನವಿ ಕೊಡಲು ಹೋದಾಗ ವ್ಯಾಪಾರಸ್ಥರ ಮೇಲೆ ಹಲ್ಲೆ ನಡೆಯುವ ಪ್ರಯತ್ನ ನಡೆದಿದೆ’ ಎಂದು ದೂರಿದ್ದಾರೆ. ಆದರೆ, ಹಲ್ಲೆ ಆರೋಪಕ್ಕೆ ಸಂಬoಧಿಸಿ ವ್ಯಾಪಾರಿಗಳಿಂದ ಕಾನೂನು ಹೋರಾಟ ನಡೆದಿಲ್ಲ. ಅಡಿಕೆ ವ್ಯಾಪಾರಸ್ಥರು ಹಾಗೂ ಟಿಎಸ್‌ಎಸ್ ನಡುವಿನ ಜಟಾಪಟಿಯಿಂದಾಗಿ ಬುಧವಾರ ಟಿಎಸ್‌ಎಸ್ ಅಂಗಳ ಗೊಂದಲದ ಗೂಡಾಗಿತ್ತು. ಹಸಿ ಅಡಿಕೆ ಟೆಂಡರ್ ವಿಷಯವಾಗಿ ಮಾತಿಗೆ ಮಾತು ಬೆಳೆದಿದ್ದು, ಆಕ್ರೋಶದ ನುಡಿಗಳು ಕೇಳಿಸಿದವು. `ಜಂಗಿನ ತೂಕಕ್ಕೂ ಕಮಿಷನ್ ನೀಡಬೇಕಾದ ಸ್ಥಿತಿಯಿರುವುದರಿಂದ ವ್ಯಾಪಾರಸ್ಥರು ಅನಗತ್ಯವಾಗಿ 12-13 ಸಾವಿರ ರೂ ಹೆಚ್ಚುವರಿಯಾಗಿ ಸಂಘಕ್ಕೆ ಪಾವತಿಸಬೇಕಾಗಿದೆ’ ಎಂದು ವ್ಯಾಪಾರಸ್ಥರು ಅಳಲು ತೋಡಿಕೊಂಡರು. `ಮಧ್ಯಾಹ್ನ 1.30ರ ವೇಳೆಗೆ ಟೆಂಡರ್ ಘೋಷಣೆ ಆಗುತ್ತದೆ. ಆ ಅವಧಿಯಲ್ಲಿ 4-5 ಲಕ್ಷ ರೂ ನಗದು ತಂದು ಕೊಡಲು ವ್ಯಾಪಾರಸ್ಥರಿಂದ ಸಾಧ್ಯವಾಗುವುದಿಲ್ಲ. ಹೀಗಾಗಿ ಚೆಕ್ ನೀಡಲು ಮುಂದಾದರೆ ಅದನ್ನು ಸಂಸ್ಥೆಯವರು ಪಡೆಯುತ್ತಿಲ್ಲ’ ಎಂದು ವ್ಯಾಪಾರಸ್ಥರು ದೂರಿದರು. `ಹಸಿ ಅಡಿಕೆ ತೂಕವನ್ನು ಬೇರೆ ಕಡೆ ನಡೆಸಲಾಗುತ್ತಿದೆ. ಅದರಲ್ಲಿ ಪಾರದರ್ಶಕತೆ ಇಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಈಚೆಗೆ ವ್ಯಾಪಾರಸ್ಥರು 1 ಲಕ್ಷ ರೂ ಠೇವಣಿ ಕೊಡಬೇಕು ಎಂದು ಸೂಚಿಸಲಾಗಿದೆ. ಯಾವ ಉದ್ದೇಶಕ್ಕೆ ಠೇವಣಿ ಎಂದು ಕೇಳಿದರೂ ಉತ್ತರವಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಟೆಂಡರ್ ವಿಷಯದಲ್ಲಿ ಎಷ್ಟೇ ಸಮಸ್ಯೆ ಇದ್ದರೂ ಅದನ್ನು ಸಹಿಸಿಕೊಂಡಿದ್ದೇವು. ಆದರೆ, ಮನವಿ ಕೊಟ್ಟರೂ ಸ್ಪಂದಿಸದ ಕಾರಣ ಅಡಿಕೆ ಟೆಂಡರ್ ಬರೆಯುವ ಪ್ರಕ್ರಿಯೆಯಿಂದ ಹೊರ ಬಂದಿದ್ದೇವೆ’ ಎಂದು ವ್ಯಾಪಾರಸ್ಥರು ವಿವರಿಸಿದರು. `ವ್ಯವಸ್ಥೆ ಸರಿಯಾಗುವವರೆಗೂ ಟೆಂಡರ್ ಬರೆಯುವುದಿಲ್ಲ’ ಎಂದು ಪಟ್ಟುಹಿಡಿದರು. ಈ ಎಲ್ಲದರ ನಡುವೆ `ಕೆಲ ವರ್ಷಗಳಿಂದ ಹಸಿ ಅಡಿಕೆ ಟೆಂಡರ್ ಯಶಸ್ವಿಯಾಗಿ ನಡೆಯುತ್ತಿದ್ದು, ಕೆಲವರು ಅನಗತ್ಯ ಗೊಂದಲ ಮಾಡುತ್ತಿದ್ದಾರೆ. ಹಸಿ ಅಡಿಕೆ ಟೆಂಡರ್ ರೈತ ಸ್ನೇಹಿಯಾಗಿದೆ. ಟಿಎಸ್‌ಎಸ್ ಸಹ ರೈತರ ಹಿತ ಕಾಯಲು ಬದ್ಧವಾಗಿದ್ದು, ಜನ ಯಾವುದೇ ಒತ್ತಡ ಹಾಗೂ ಅಪಪ್ರಚಾರಕ್ಕೆ ಒಳಗಾಗಬಾರದು’ ಎಂದು ಟಿಎಸ್‌ಎಸ್ ಪ್ರಕಟಣೆ ಹೊರಡಿಸಿದೆ. ಈ ನಡುವೆ ಬುಧವಾರ ಹಸಿ ಅಡಿಕೆ ಕ್ವಿಂಟಾಲಿಗೆ 5579ರೂಪಾಯಿವರೆಗೆ ಮಾರಾಟವಾಗಿದೆ.
- [ಸಾಲಗಾರರಿಗೆ ದಂಡದ ಹೊರೆ!](https://mobiletime.in/2025/12/the-burden-of-penalties-for-borrowers/): ಸಾಲ ಮಾಡಿ ಅದನ್ನು ತೀರಿಸದೇ ತಿರುಗಾಡುತ್ತಿದ್ದ ವ್ಯಕ್ತಿಗಳಿಬ್ಬರಿಗೆ ನ್ಯಾಯಾಲಯ ದಂಡ ವಿಧಿಸಿದೆ. ಶಿರಸಿಯ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದಲ್ಲಿ ಶಿವಪ್ರಸಾದ ಗೌಡ ಅವರು 1.25 ಲಕ್ಷ ರೂ ಸಾಲಪಡೆದಿದ್ದರು. ಆದರೆ, ಆ ಸಾಲವನ್ನು ಸಕಾಲದಲ್ಲಿ ಮರು ಪಾವತಿ ಮಾಡಿರಲಿಲ್ಲ. ಹೀಗಾಗಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ನ್ಯಾಯಾಲಯದ ಮೊರೆ ಹೋಗಿದ್ದರು. ಸಂಘಕ್ಕೆ ನೀಡಿದ್ದ ಚೆಕ್ ಅಮಾನ್ಯವಾದ ಬಗ್ಗೆ ಅವರು ದೂರಿದ್ದರು. ವಿಚಾರಣೆ ನಡೆಸಿದ ನ್ಯಾಯಾಲಯ 1.25 ಲಕ್ಷ ರೂ ಸಾಲಪಡೆದಿದ್ದ ವ್ಯಕ್ತಿಗೆ 1 ಲಕ್ಷ ರೂ ದಂಡ ಪಾವತಿಸುವಂತೆ ಸೂಚಿಸಿದೆ. ಆ ದಂಡದ ಜೊತೆ ಸಾಲವನ್ನು ಪಾವತಿ ಮಾಡುವುದು ಸಾಲಗಾರನಿಗೆ ಅನಿವಾರ್ಯವಾಗಿದೆ. ಮತ್ತೊಂದು ಪ್ರಕರಣದಲ್ಲಿಯೂ ನ್ಯಾಯಾಲಯ ಇದೇ ಬಗೆಯ ಆದೇಶ ಮಾಡಿದೆ. ಶಿರಸಿಯಲ್ಲಿ ಸಿಮೆಂಟ್ ಕಂಬ, ರಿಂಗ್ ಮಾಡುವ ಪರಮೇಶ್ವರ ನಾಯ್ಕ ಅವರು ಗಂಗಾಧರ ನಾಯ್ಕ ಅವರಿಂದ ಸಾಲಪಡೆದಿದ್ದರು. ಅವರು ಸಹ ಸಾಲ ಮರು ಪಾವತಿ ಮಾಡಿರಲಿಲ್ಲ. ಸಾಲ ಮರುಪಾವತಿಗೆ ನೀಡಿದ ಚೆಕ್ ಅಮಾನ್ಯವಾಗಿದ್ದರಿಂದ ಗಂಗಾಧರ ನಾಯ್ಕ ಅವರು ಕೋರ್ಟಿನ ಮೊರೆ ಹೋಗಿದ್ದರು. 2023ರಲ್ಲಿ ಕೊಟ್ಟ ಸಾಲ ಬಾರದ ಕಾರಣ ಗಂಗಾಧರ ನಾಯ್ಕ ಅವರು ಅಳಲು ತೋಡಿಕೊಂಡಿದ್ದರು. ಈ ಪ್ರಕರಣದಲ್ಲಿ ನ್ಯಾಯಾಲಯ ಪರಮೇಶ್ವರ ನಾಯ್ಕ ಅವರಿಗೆ 1.1 ಲಕ್ಷ ರೂ ದಂಡ ವಿಧಿಸಿದೆ.
- [ಹೋರಾಟ ನಿಲ್ಲಿಸಿದ ಶಾಸಕರ ಪತ್ರ!](https://mobiletime.in/2025/12/letter-from-mlas-who-stopped-fighting/): ಅಭಿವೃದ್ಧಿಗಾಗಿ ಆಗ್ರಹಿಸಿ 65ಕಿಮೀ ದೂರದ ಪಾದಯಾತ್ರೆ ನಡೆಸಲು ಉದ್ದೇಶಿಸಿದ್ದ ಹೋರಾಟವನ್ನು ಶಾಸಕರ ಪತ್ರವೊಂದು ಹತ್ತಿಕ್ಕಿದೆ.. 1.5ಕಿಮೀ ಸಂಚಾರ ನಡೆಸುವುದರೊಳಗೆ ಆ ಪತ್ರ ಬಂದಿದ್ದು, ಅಧಿಕಾರಿಗಳು ಸಹ ದೌಡಾಯಿಸಿ ಪಾದಯಾತ್ರೆಯನ್ನು ಅರ್ದಕ್ಕೆ ನಿಲ್ಲಿಸಿದ್ದಾರೆ. ಜೊಯಿಡಾದ ಸಮಗ್ರ ಅಭಿವೃದ್ಧಿಗೆ ಆಗ್ರಹಿಸಿ ಕರ್ನಾಟಕ ಪ್ರಾಂತ ರೈತ ಸಂಘದವರು ಪಾದಯಾತ್ರೆಗೆ ಕರೆ ನೀಡಿದ್ದರು. ಆ ಪಾದಯತ್ರೆ ಜೊಯಿಡಾದಿಂದ ಶುರುವಾಗಿ 1.5ಕಿಮೀ ಮುಂದುವರೆದಿತ್ತು. ಆಗ, ಕ್ಷೇತ್ರದ ಶಾಸಕ ಆರ್ ವಿ ದೇಶಪಾಂಡೆ ಅವರು ಪತ್ರವೊಂದನ್ನು ರವಾನಿಸಿದರು. ಪಾದಯಾತ್ರೆಯನ್ನು ಮೊಟಕುಗೊಳಿಸಿ ಎಂದು ಅವರು ಮನವಿ ಮಾಡಿದರು. ವಿವಿಧ ಹಂತದ ಅಧಿಕಾರಿಗಳು ಸಹ ಆಗಮಿಸಿ ಪಾದಯಾತ್ರೆಯನ್ನು ಅಲ್ಲಿಗೆ ತಡೆದರು. ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳ ಮಾತಿಗೆ ಬೆಲೆ ಕೊಟ್ಟು ಪ್ರತಿಭಟನಾಕಾರರು ತಮ್ಮ ಹೋರಾಟವನ್ನು ಸದ್ಯದ ಮಟ್ಟಿಗೆ ಹಿಂಪಡೆದರು. ರೈತರು, ಕೂಲಿ ಕಾರ್ಮಿಕರ ಜೊತೆ ಕರ್ನಾಟಕ ಪ್ರಾಂತ ರೈತ ಸಂಘದವರು ಈ ನಡಿಗೆಯಲ್ಲಿ ಭಾಗವಹಿಸಿ, ಭಾಷಣ ಮಾಡಿದರು. ನಂತರ ವಿವಿಧ ಬೇಡಿಕೆಗಳ ಪಟ್ಟಿಯನ್ನು ಪ್ರತಿಭಟನಾಕಾರರು ಸರ್ಕಾರಕ್ಕೆ ಸಲ್ಲಿಸಿದರು. ಬೇಡಿಕೆಗಳ ಈಡೇರಿಕೆಗಾಗಿ ಸಭೆ ನಡೆಸುವಂತೆ ಪ್ರತಿಭಟನಾಕಾರರು ಆಗ್ರಹಿಸಿದ್ದು, ಇದಕ್ಕೆ ದಿನಾಂಕ ನಿಗದಿ ಮಾಡುವಂತೆ ಪಟ್ಟುಹಿಡಿದರು. ಡಿಸೆಂಬರ್ 20ರಂದು ಸಭೆ ನಡೆಸುವುದಾಗಿ ಅಧಿಕಾರಿಗಳು ಘೋಷಿಸಿದರು. ಕರ್ನಾಟಕ ಪ್ರಾಂತ ರೈತ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಟಿ ಯಶವಂತ, ಜಿಲ್ಲಾ ಸಮಿತಿ ಕಾರ್ಯದರ್ಶಿ ಶ್ಯಾಮನಾಥ ನಾಯ್ಕ, ಜೋಯಿಡಾ ತಾಲೂಕು ಅಧ್ಯಕ್ಷ ಪ್ರೇಮಾನಂದ ವೆಳೀಪ, ತಾಲೂಕು ಕಾರ್ಯದರ್ಶಿ ರಾಜೇಶ ಗಾವಡಾ, ಕಾರ್ಮಿಕ ಮುಖಂಡರಾದ ಯಮುನಾ ಗಾಂವ್ಕರ ಅವರು ಇದಕ್ಕೆ ಒಪ್ಪಿದರು. ಈ ಎಲ್ಲರೂ ಸೇರಿ ಹೋರಾಟ ತಾತ್ಪೂರ್ತಿಕ ಹಿಂಪಡೆಯುವದರ ಜೊತೆ ಸಭೆಯಲ್ಲಿ ಹಕ್ಕೊತ್ತಾಯ ಮಾಡಲು ನಿರ್ಣಯಿಸಿದರು. ಪ್ರಮುಖರಾದ ಗಣೇಶ ರಾಠೋಡ್, ಚಂದ್ರು ಸಾವಂತ, ಪ್ರಕಾಶ ವೆಳಿಪ, ಶಾಂತಾ ವೆಳಿಪ್, ಉಮೇಶ ವೆಳಿಪ, ಮಾದೇವ ಸಾವಂತ, ಗಣಪತಿ ಕುಂಡಲ, ರವಿ ಮಿರಾಶಿ ದೇವಿದಾಸ ಮಿರಾಸಿ , ವೆಲಿಕಾ ಸಾವಂತ, ಗೌರವಿ ಸಾವಂತ ಸಹ ಇದಕ್ಕೆ ಸಮ್ಮತಿ ಸೂಚಿಸಿದರು.
- [ಅರಣ್ಯಾಧಿಕಾರಿಗೆ ಬೆವರಿಳಿಸಿದ ಅತಿಕ್ರಮಣದಾರ!](https://mobiletime.in/2025/12/encroachment-made-the-forest-officer-sweat/): ಅತಿಕ್ರಮಣದಾರರಿಗೆ ಪದೇ ಪದೇ ನೋಟಿಸ್ ನೀಡುತ್ತಿದ್ದ ಕುಮಟಾ ಎಸಿಎಫ್ ಕೃಷ್ಣ ಗೌಡ ಅವರ ಕಚೇರಿಗೆ ಅರಣ್ಯವಾಸಿಗಳು ದಾಳಿ ಮಾಡಿದ್ದಾರೆ. ಅನಗತ್ಯ ಕಿರುಕುಳ ನೀಡುತ್ತಿರುವುದಕ್ಕೆ ಅಸಮಧಾನವ್ಯಕ್ತಪಡಿಸಿದ್ದಾರೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ಮಂಜುನಾಥ ಮರಾಠಿ ಅವರು ಅಧಿಕಾರಿಗಳು ಹಿಂಸೆ ನೀಡುತ್ತಿರುವುದನ್ನು ಖಂಡಿಸಿದ್ದಾರೆ. ಈ ವೇಳೆ `ಅರಣ್ಯ ಹಕ್ಕು ಕಾಯಿದೆಯಡಿಯಲ್ಲಿ ಇತ್ಯರ್ಥವಾಗದ ಅರ್ಜಿಗಳನ್ನ ಒಕ್ಕಲೆಬ್ಬಿಸುವ ಪ್ರಕ್ರಿಯೆಯನ್ನು ಸ್ಥಗಿತಗೊಳಿಸಲಾಗುತ್ತದೆ’ ಎಂದು ಎಸಿಎಫ್ ಕೃಷ್ಣ ಗೌಡ ಅವರು ಭರವಸೆ ನೀಡಿ ಅತಿಕ್ರಮಣದಾರರನ್ನು ಸಮಾಧಾನ ಮಾಡಿದ್ದಾರೆ. ಕತಗಾಲ ಬಳಿಯ ಕೃಷ್ಣ ದೇವಪ್ಪ ನಾಯ್ಕ, ಈಶ್ವರ ನಾರಾಯಣ ನಾಯ್ಕ. ಈಶ್ವರ್ ದೇವಪ್ಪ ನಾಯ್ಕ, ದುರ್ಗಿ ಕೃಷ್ಣ ನಾಯ್ಕ ಕಡ್ಣೀರ್, ಮಾದೇವ ಸುಬ್ಬ ನಾಯ್ಕ ಅಳವಳ್ಳಿ, ಗಣಪತಿ ಜಟ್ಟಿ ದೇಶಭಂಡಾರಿ ಹರವಳ್ಳಿ ಅವರಿಗೆ ಅಧಿಕಾರಿಗಳು ನೋಟಿಸ್ ನೀಡಿದ್ದರು. ವಿಚಾರಣೆಗೆ ಹಾಜರಾಗದೇ ಇದ್ದರೆ ಕಾನೂನು ಕ್ರಮ ಜರುಗಿಸುವುದಾಗಿ ಎಚ್ಚರಿಸಿದ್ದರು. ಈ ಹಿನ್ನಲೆ ಎಲ್ಲರೂ ಸೇರಿ ಒಗ್ಗಟ್ಟಿನಿಂದ ಸರ್ಕಾರಿ ಕಚೇರಿಗೆ ಮುತ್ತಿಗೆ ಹಾಕಿ ಆಕ್ರೋಶವ್ಯಕ್ತಪಡಿಸಿದರು.
- [ಮುರುಡೇಶ್ವರದ ಹೆಸರಿನಲ್ಲಿ ಮತ್ತೆ ಮೋಸ!](https://mobiletime.in/2025/12/cheating-again-in-the-name-of-murudeshwara/): ಉತ್ತರ ಕನ್ನಡ ಜಿಲ್ಲೆಯ ಪುಣ್ಯ ಹಾಗೂ ಪ್ರಸಿದ್ಧ ಪ್ರವಾಸಿ ಕ್ಷೇತ್ರವಾದ ಮುರುಡೇಶ್ವರದ ಹೆಸರಿನಲ್ಲಿ ವಂಚನೆ ನಡೆಯುತ್ತಿದೆ. ಭಕ್ತರು ನಂಬಿಕೆಯಿoದ ನೀಡಿದ ಹಣ ಇರ್ಷಾದ್ ಎಂಬಾತರ ಖಾತೆ ಸೇರುತ್ತಿದೆ. ಮುರುಡೇಶ್ವರ ದೇವಸ್ಥಾನದಿಂದ ಯಾವುದೇ ಬಗೆಯ `ಲಕ್ಕಿ ಡ್ರಾ’ ಯೋಜನೆಗಳಿಲ್ಲ. ಅದಾಗಿಯೂ, ಜಾಲತಾಣಗಳಲ್ಲಿ `ಮುರುಡೇಶ್ವರ ದೇವಸ್ಥಾನ ಅದೃಷ್ಟ ಡ್ರಾ’ ಎಂಬ ಪೋಸ್ಟರ್ ಹರಿದಾಡುತ್ತಿದೆ. ಇರ್ಷಾದ್ ಎಂಬಾತರ ಖಾತೆಗೆ 299ರೂ ಪಾವತಿಸಿದರೆ ಬಗೆ ಬಗೆಯ ಉಡುಗರೆ ನೀಡುವುದಾಗಿ ಘೋಷಿಸಿ ಮೋಸ ಮಾಡಲಾಗುತ್ತಿದೆ. ಮುರುಡೇಶ್ವರದ ಹೆಸರಿನಲ್ಲಿ ನಡೆಯುತ್ತಿರುವ ಮೋಸ ಇದೇ ಮೊದಲಲ್ಲ. ಮುರುಡೇಶ್ವರ ದೇಗುಲ ಸಮಿತಿಯವರೇ ದೇವಾಲಯದ ಹೆಸರು ದುರುಪಯೋಗದ ಬಗ್ಗೆ ಪೊಲೀಸ್ ದೂರು ಸಹ ನೀಡಿದ್ದಾರೆ. ಆದರೆ, ಈವರೆಗೂ ವಂಚಕರ ಪತ್ತೆ ಸಾಧ್ಯವಾಗಿಲ್ಲ. ದೇವಾಲಯದ ಹೆಸರಿನಲ್ಲಿ ಜನರನ್ನು ಮೋಸ ಮಾಡುವ ಕೆಲಸವೂ ನಿಂತಿಲ್ಲ. ಸದ್ಯ `ಡಿಸೆಂಬರ್ 17ರ ಸಂಜೆ 7 ಗಂಟೆಗೆ ದೇವಾಲಯದಲ್ಲಿ ಪೂಜೆ ಸಲ್ಲಿಸಿ ಲಕ್ಕಿ ಡ್ರಾ ಹೆಸರನ್ನು ಘೋಷಣೆ ಮಾಡಲಾಗುತ್ತದೆ’ ಎಂಬ ನಿಟ್ಟಿನಲ್ಲಿ ಪೋಸ್ಟರ್ ಹರಿದಾಡುತ್ತಿದೆ. ಕಾರು, ಟ್ರಕ್, ಟಾಕ್ಟರ್, ಬೈಕುಗಳ ಜೊತೆ ಟಿವಿ ಪ್ರಿಜ್ಜುಗಳನ್ನು ಉಡುಗರೆಯಾಗಿ ನೀಡುವುದಾಗಿ ಘೋಷಿಸಲಾಗಿದೆ. ಮಾಹಿತಿಗಾಗಿ ಮೊಬೈಲ್ ಸಂಖ್ಯೆಯನ್ನು ಸಹ ನೀಡಲಾಗಿದ್ದು, ಅಲ್ಲಿ ಸಂಪರ್ಕಿಸಿದವರಿಗೆ 299ರೂ ಪಾವತಿಸುವಂತೆ ಸೂಚಿಸಲಾಗುತ್ತಿದೆ. ಒಟ್ಟು 17 ಬಗೆಯ ಉಡುಗರೆಗಳನ್ನು ಪೋಸ್ಟರ್ ಮೂಲಕ ಕಾಣಿಸಲಾಗಿದ್ದು, ದೇವಾಲಯದಿಂದಲೇ `ಲಕ್ಕಿ ಡ್ರಾ’ ನಡೆಯುತ್ತಿರುವ ಬಗ್ಗೆ ಭಾವಿಸಿ ಜನ ಹಣ ಪಾವತಿಸುತ್ತಿದ್ದಾರೆ. `ವಂಚಕರು ಬೇರೆ ಬೇರೆ ಮೊಬೈಲ್ ಸಂಖ್ಯೆ ಹಾಗೂ ಬೇರೆ ಬೇರೆ ಬ್ಯಾಂಕ್ ಖಾತೆ ಮೂಲಕ ದೇವಾಲಯದ ಹೆಸರು ಬಳಕೆ ಮಾಡುತ್ತಿದ್ದಾರೆ. ಮುರುಡೇಶ್ವರದ ಜೊತೆ ಇನ್ನಿತರ ದೇವಾಲಯಗಳ ಹೆಸರು ದುರ್ಬಳಕೆ ಆಗುತ್ತಿದ್ದು, ಜನರಲ್ಲಿ ನಿರಂತರವಾಗಿ ಜಾಗೃತಿ ಮೂಡಿಸುವ ಕೆಲಸ ನಡೆಯುತ್ತಿದೆ’ ಎಂದು ಮುರುಡೇಶ್ವರ ಪಿಎಸೈ ಹಣಮಂತ ಬೀರಾದರ್ ಅವರು ತಿಳಿಸಿದರು. `ಮುರುಡೇಶ್ವರ ದೇವಾಲಯದಿಂದ ಯಾವುದೇ ಲಕ್ಕಿ ಡ್ರಾ ಯೋಜನೆಗಳಿಲ್ಲ. ವಂಚಕರ ಬಗ್ಗೆ ಈಗಾಗಲೇ ಪೊಲೀಸ್ ದೂರು ಸಹ ನೀಡಲಾಗಿದ್ದು, ಭಕ್ತರು ಮೋಸ ಹೋಗಬಾರದು’ ಎಂದು ದೇಗುಲದ ವ್ಯವಸ್ಥಾಪಕ ಮಂಜುನಾಥ ಶೆಟ್ಟಿ ಮನವಿ ಮಾಡಿದರು.
- [ಚೀನಾ ಹಕ್ಕಿಗೆ ಜಿಪಿಎಸ್ ಕಣ್ಣು!](https://mobiletime.in/2025/12/gps-eyes-on-a-chinese-bird/): ಚಳಿಗಾಲದ ಅವಧಿಯಲ್ಲಿ ವಲಸೆ ಬರುವ ಹಕ್ಕಿಯೊಂದರ ಬೆನ್ನಿನ ಮೇಲೆ ಜಿಪಿಎಸ್ ಟ್ರಾಕರ್ ಕಾಣಿಸಿದೆ. ಈ ಹಕ್ಕಿ ಚೀನಾ ದೇಶದಿಂದ ಬಂದಿರುವ ಮಾಹಿತಿ ಸಿಕ್ಕಿದ್ದು, ಅರಣ್ಯ ಇಲಾಖೆಯವರು ಆ ಹಕ್ಕಿಯನ್ನು ಬಂಧಿಸಿದ್ದಾರೆ. ಅತ್ಯoತ ಸೂಕ್ಷ್ಮ ಪ್ರದೇಶಗಳನ್ನು ಹೊಂದಿದ ಉತ್ತರ ಕನ್ನಡ ಜಿಲ್ಲೆಗೆ ಚೀನಾ ದೇಶದ ಹಕ್ಕಿ ಜಿಪಿಎಸ್ ಹೊತ್ತು ಬಂದಿರುವ ಸುದ್ದಿ ಕೇಳಿ ಜನ ಕಂಗಾಲಾಗಿದ್ದಾರೆ. 2024ರ ನವೆಂಬರ್ 11ರಂದು ಸಹ ಕಾರವಾರದಲ್ಲಿ ಕ್ಯಾಮರಾ ಕಣ್ಣು ಹೊಂದಿದ ಜಿಪಿಎಸ್ ಹಕ್ಕಿ ಕಾಣಿಸಿತ್ತು. ಅನೇಕರು ಹಕ್ಕಿಯ ನಡತೆ ಬಗ್ಗೆ ಅನುಮಾನವ್ಯಕ್ತಪಡಿಸಿದ್ದರು. ಆ ವೇಳೆ `ಮಹಾರಾಷ್ಟ್ರದ ಅರಣ್ಯ ಇಲಾಖೆಯವರು ಅಧ್ಯಯನಕ್ಕಾಗಿ ರಣಹದ್ದಿನ ಮೇಲೆ ಜಿಪಿಎಸ್ ಹಾಗೂ ಸೋಲಾರ್ ಪ್ಲೇಟ್ ಅಳವಡಿಸಿದ್ದಾರೆ’ ಎಂಬುದು ದೃಢವಾಗಿತ್ತು. ಅದರಿಂದ ಜನರ ಆತಂಕ ದೂರವಾಗಿತ್ತು. ಆದರೆ, ಈ ದಿನ ಚೀನಾ ದೇಶದಿಂದ ಸೀಬರ್ಡ ಹಕ್ಕಿ ಕಾರವಾರ ಕಡಲತೀರ ಪ್ರವೇಶಿಸಿದೆ. ಈ ಹಕ್ಕಿಯ ಬೆನ್ನಿನ ಮೇಲೆಯೂ ಸೋಲಾರ್ ಪ್ಲೇಟ್ ಮಾದರಿ ಹಾಗೂ ಜಿಪಿಎಸ್ ಟ್ರಾಕರ್ ಕಾಣಿಸುತ್ತಿದೆ. ಕಾರವಾರದ ಕಡಲ ತೀರಕ್ಕೆ ವಲಸೆ ಬಂದ ಸೀಗಲ್ ಹಕ್ಕಿಯೊಂದರಲ್ಲಿ ಜಿಪಿಎಸ್ ಟ್ರ‍್ಯಾಕರ್ ಕಾಣಿಸುತ್ತಿದೆ. ಮಂಗಳವಾರ ಬೆಳಗ್ಗೆ ಸಾಲುಮರದ ತಿಮ್ಮಕ್ಕ ಉದ್ಯಾನವನ ಹಿಂಬದಿಯಲ್ಲಿ ಕೂತಿದ್ದ ಸೀಗಲ್ ಹಕ್ಕಿಯನ್ನು ನೋಡಿದ ಜನ ಅರಣ್ಯ ಇಲಾಖೆಗೆ ಫೋನ್ ಮಾಡಿದ್ದಾರೆ. ಅರಣ್ಯ ಅಧಿಕಾರಿಗಳು ಮರೈನ್ ವಿಭಾಗದ ಅಧಿಕಾರಿಗಳಿಗೆ ಮಾಹಿತಿ ರವಾನಿಸಿದ್ದು, ಸ್ಥಳಕ್ಕೆ ಬಂದ ತಜ್ಞರು ಹಕ್ಕಿಯನ್ನು ಹಿಡಿದಿದ್ದಾರೆ. ಹಕ್ಕಿಯ ಬೆನ್ನಿನಲ್ಲಿದ್ದ ಜಿಪಿಎಸ್ ನಲ್ಲಿ ಚೈನೀಸ್ ವಿಜ್ಞಾನ ಅಕಾಡೆಮಿಯ ರಿಸರ್ಚ್ ಸೆಂಟರ್ ಫಾರ್ ಇಕೋ-ಎನ್ವಿರಾನ್ಮೆಂಟಲ್ ಸೈನ್ಸ್ ಎಂಬ ವಿಳಾಸವಿದೆ. `ಸೀಗಲ್ ಹಕ್ಕಿಗಳ ಚಲನ ವಲನ, ಆಹಾರ ಹಾಗೂ ವಲಸೆಯನ್ನು ಗುರುತಿಸಲು ಜಿಪಿಎಸ್ ಟ್ರ‍್ಯಾಕರ್ ಬಳಸಲಾಗಿದೆ’ ಎಂದು ಅರಣ್ಯ ಇಲಾಖೆಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಸದ್ಯ ಅಧಿಕಾರಿಗಳು ಅಕಾಡೆಮಿಯ ಸಂಪರ್ಕಕ್ಕೆ ಪ್ರಯತ್ನಿಸುತ್ತಿದ್ದು, ಹಕ್ಕಿಯನ್ನು ಮರೈನ್ ಅರಣ್ಯ ವಿಭಾಗದ ಕಚೇರಿಯಲ್ಲಿ ಬಂಧಿಸಿಡಲಾಗಿದೆ.
- [ವಾಲ್ಮೀಕಿ ಸಂಘಕ್ಕೆ ನಾಗರಾಜನೇ ಅಧ್ಯಕ್ಷ!](https://mobiletime.in/2025/12/nagaraj-is-the-president-of-the-valmiki-sangha/): ಉತ್ತರ ಕನ್ನಡ ಜಿಲ್ಲಾ ಮಹರ್ಷಿ ವಾಲ್ಮೀಕಿ ನಾಯಕ ಪರಿಶಿಷ್ಟ ಪಂಗಡ ಹಿತರಕ್ಷಣಾ ಸಂಘದ ಜಿಲ್ಲಾಧ್ಯಕ್ಷರಾಗಿ ನಾಗರಾಜ ತಳವಾರ್ ಅವರು ಪುನರಾಯ್ಕೆ ಆಗಿದ್ದಾರೆ. ನಾಗರಾಜ ತಳವಾರ್ ಅವರು ಗುತ್ತಿಗೆದಾರರಾಗಿ ಬದುಕು ಕಟ್ಟಿಕೊಂಡಿದ್ದಾರೆ. ಅದರ ಜೊತೆ ವಿವಿಧ ಸಂಘ-ಸAಸ್ಥೆಗಳಲ್ಲಿ ಅವರು ಸಕ್ರೀಯರಾಗಿದ್ದಾರೆ. ಸಮುದಾಯ ಸಂಕಷ್ಟಕ್ಕೆ ಸಿಲುಕಿದಾಗ ಗಟ್ಟಿ ಧ್ವನಿಯಾಗುವ ಅವರು ಸಂಘಟನೆ ವಿಷಯದಲ್ಲಿ ಚುರುಕಾಗಿ ಕೆಲಸ ಮಾಡಿಕೊಂಡಿದ್ದಾರೆ. ಈ ಎಲ್ಲಾ ಹಿನ್ನಲೆ ಸಂಘಟನೆಯ ಜಿಲ್ಲಾಧ್ಯಕ್ಷರನ್ನಾಗಿ ಅವರನ್ನು ಮತ್ತೆ ಆಯ್ಕೆ ಮಾಡಲಾಗಿದೆ. ಪ್ರಗತಿಪರ ಚಿಂತಕರಾಗಿರುವ ನಾಗರಾಜ ತಳವಾರ್ ಅವರು ನ್ಯಾಯದ ಪರ ಹೋರಾಟ ನಡೆಸಿದ್ದಾರೆ. ಅನ್ಯಾಯಕ್ಕೆ ಒಳಗಾದವರನ್ನು ಸಂತೈಸಿ ಅವರ ಪರ ನಿಲ್ಲುವ ವೈಚಾರಿಕ ಪ್ರಜ್ಞೆ ಹೊಂದಿದವರಾಗಿದ್ದಾರೆ. ಅವರ ಈ ಎಲ್ಲಾ ಸಮಾಜಮುಖಿ ಸೇವೆಯನ್ನು ಮಹರ್ಷಿ ವಾಲ್ಮೀಕಿ ನಾಯಕ ಪರಿಶಿಷ್ಟ ಪಂಗಡ ಹಿತರಕ್ಷಣಾ ಸಂಘದವರು ಗೌರವಿಸಿದ್ದಾರೆ. `ಜನಪರ ನಿಲುವು ಹೊಂದಿರುವ ನಾಗರಾಜ ತಳವಾರ್ ಅವರಿಗೆ ಜಿಲ್ಲಾಧ್ಯಕ್ಷ ಸ್ಥಾನ ಸಿಕ್ಕಿರುವುದು ಖುಷಿಯ ವಿಚಾರ. ಅವರ ಆಡಳಿತ ಅವಧಿಯಲ್ಲಿ ಸಂಘಟನೆ ಕೆಲಸ ಇನ್ನಷ್ಟು ಹೆಚ್ಚಾಗಲಿ’ ಎಂದು ಕರ್ನಾಟಕ ರಾಜ್ಯ ಪರಿಶಿಷ್ಟ ಪಂಗಡ ನೌಕರರ ಬೆಳಗಾವಿ ವಿಭಾಗದ ವಿಭಾಗಿಯ ಅಧ್ಯಕ್ಷ ಪರಸಪ್ಪ ನಾಯಕ ಹಾಗೂ ಸಂಘಟನೆಯ ಕಾರವಾರ ಜಿಲ್ಲಾ ಅಧ್ಯಕ್ಷರಾದ ಗಣೇಶ ಬೀಷ್ಠಣ್ಣನವರ್ ಅವರು ಹಾರೈಸಿದ್ದಾರೆ.
- [ಮಕ್ಕಳ ಸಂತೆಗೆ ಮನಸೋತ ಜನ](https://mobiletime.in/2025/12/people-who-are-lost-in-the-childrens-festival/): ಕುಮಟಾದ ಕೋಡ್ಕಣಿ ಶಾಲೆಯಲ್ಲಿ ನಡೆದ ಮಕ್ಕಳ ಸಂತೆಗೆ ಬರಪೂರ ಜನ ಬಂದಿದ್ದು, ಶಾಲಾ ವಿದ್ಯಾರ್ಥಿಗಳು ಸೊಪ್ಪು-ತರಕಾರಿಗಳ ಜೊತೆ ವಿವಿಧ ಖಾದ್ಯಗಳನ್ನು ಮಾರಾಟ ಮಾಡಿದ್ದಾರೆ. ಮಕ್ಕಳಲ್ಲಿ ಪ್ರಾಯೋಗಿಕ ಕಲಿಕೆ, ವ್ಯವಹಾರ ಜ್ಞಾನ ಮತ್ತು ಗಣಿತದ ಆಳ ಅಧ್ಯಯನ ವೃದ್ಧಿಸುವ ಉದ್ದೇಶದಿಂದ ಆಯೋಜಿಸಿದ ಈ ಕಾರ್ಯಕ್ರಮದಲ್ಲಿ ಪುಟಾಣಿ‌ ಮಕ್ಕಳು ಉತ್ಸಾಹದಿಂದ ಪಾಲ್ಗೊಂಡರು.ಕೋಡ್ಕಣಿ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯ ಆವರಣ ಜನರಿಂದ ತುಂಬಿದ್ದು ನೆರೆದಿದ್ದವರು ಮಕ್ಕಳ ವ್ಯಾಪಾರ-ವಹೀವಾಟು ವೃದ್ಧಿಗೆ ಕೈ ಜೋಡಿಸಿದರು. ​ವಿದ್ಯಾರ್ಥಿಗಳು ತಮ್ಮ ಮನೆಯಿಂದ ತಂದಿದ್ದ ತಾಜಾ ತರಕಾರಿಗಳು, ಸೊಪ್ಪು, ಹಣ್ಣುಗಳು, ಮನೆಯಲ್ಲೇ ತಯಾರಿಸಿದ ತಿಂಡಿ-ತಿನಿಸುಗಳು, ಮಂಡಕ್ಕಿ, ಕರಕುಶಲ ವಸ್ತುಗಳು ಹಾಗೂ ಇನ್ನಿತರ ಸಾಮಗ್ರಿಗಳನ್ನು ಪ್ರದರ್ಶನ ನಡೆಸಿದರು. ‘ಬನ್ನಿ, ಬನ್ನಿ, ತಾಜಾ ತರಕಾರಿ ತಗೊಳ್ಳಿ’ ಎಂದು ಕೂಗುವಿದನ್ನು ನೋಡಿ‌ ಜನ ಮರುಳಾದರು. ‘ಪುಸ್ತಕದ ಅರಿವಿನ ಜೊತೆಗೆ ಜೀವನದ ಕೌಶಲ್ಯಗಳನ್ನು ಕಲಿಸುವುದು ಇಂದಿನ ಅಗತ್ಯವಾಗಿದೆ. ಮಕ್ಕಳು ಹಣದ ಮೌಲ್ಯ ಮತ್ತು ದುಡಿಮೆಯ ಮಹತ್ವವನ್ನು ಅರಿಯಲು ಇಂತಹ ಕಾರ್ಯಕ್ರಮಗಳು ಸಹಕಾರಿ’ ಎಂದು ಆಯೋಜಕರು ವಿವರಿಸಿದರು. ಶಾಲಾ ಶಿಕ್ಷಕರು, ಎಸ್‌ಡಿಎಂಸಿ ಸದಸ್ಯರ ಜೊತೆ ಪೋಷಕರು ಹಾಗೂ ಊರ ನಾಗರಿಕರು ಸೇರಿ ಸಂತೆ ಯಶ್ಸಸ್ಸಿಗೆ ಕಾರಣರಾದರು.
- [ರಂಗೋಲಿ ಬಿಡಿಸಿ.. ಅಡುಗೆ ಉಣಬಡಿಸಿ!](https://mobiletime.in/2025/12/draw-a-rangoli-cook-and-serve/): ಕರಾವಳಿ ಉತ್ಸವದ ಅಂಗವಾಗಿ ಜಿಲ್ಲಾಡಳಿತ ರಂಗೋಲಿ ಹಾಗೂ ಅಡುಗೆ ಸ್ಪರ್ಧೆ ಆಯೋಜಿಸಿದೆ. ಡಿಸೆಂಬರ್ 24ರ ಬೆಳಗ್ಗೆ 10ಗಂಟೆಯಿoದ 1ಗಂಟೆಯವರೆಗೂ ಈ ಸ್ಪರ್ಧೆ ನಡೆಯಲಿದೆ. ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿಯೇ ಸ್ಪರ್ಧೆಗೆ ಅವಕಾಶ ಮಾಡಿಕೊಡಲಾಗಿದೆ. ರಂಗೋಲಿ ಸ್ಪರ್ಧೆಗೆ ಅರ್ಹತೆ: ಫ್ರೀ ಹ್ಯಾಂಡ್ ರಂಗೋಲಿ ಸ್ಪರ್ಧೆಗೆ 14-18 ವರ್ಷ ವಯೋಮಾನದನ ಮಕ್ಕಳು ( ಗಂಡು/ಹೆಣ್ಣು) ಮತ್ತು 18 ವರ್ಷ ಮೇಲ್ಪಟ್ಟ ಮಹಿಳೆಯರು ಭಾಗವಹಿಸಬಹುದಾಗಿದೆ. ಹೂವಿನ ರಂಗೋಲಿ ಸ್ಪರ್ಧೆಗೆ 18 ವರ್ಷ ಮೇಲ್ಪಟ್ಟ ಮಹಿಳೆಯರು ಭಾಗವಹಿಸಲು ಅರ್ಹರು. `ರಂಗೋಲಿ ಹಾಕಲು ಅಗತ್ಯವಾಗಿ ಬೇಕಾಗಿರುವ ಬಣ್ಣದ ಪುಡಿ, ಹೂ ಹಾಗೂ ಇತರೆ ಪರಿಕರಗಳನ್ನು ಸ್ಪರ್ಧಾಳುಗಳೇ ತರಬೇಕು. ದೇವರ ಧಾರ್ಮಿಕ ಚಿತ್ರಗಳನ್ನು, ಕೋಮು ಭಾವನೆಗಳನ್ನು ಬಿಂಬಿಸುವoತಹ ಚಿತ್ರಗಳನ್ನು ಬಿಡಿಸತಕ್ಕದ್ದಲ್ಲ. ಕರಾವಳಿ ಉತ್ಸವ ಸಮಿತಿಯವರು ನಿಗದಿಪಡಿಸಿದ ಸ್ಥಳದಲ್ಲಿಯೇ ರಂಗೋಲಿಯನ್ನು ಬಿಡಿಸಬೇಕು. ವಯಸ್ಸಿನ ದೃಢಕರಣವನ್ನು ಕಡ್ಡಾಯ’ ಎಂಬ ನಿಯಮಗಳಿವೆ. ಡಿಸೆಂಬರ್ 23ರ ಮಧ್ಯಾಹ್ನ 12ಗಂಟೆಯೊಳಗೆ ಅರ್ಜಿ ಸಲ್ಲಿಸಿ. ಈ ಸ್ಪರ್ಧೆಯಲ್ಲಿ ಭಾಗವಹಿಸಲು `ರಂಗೋಲಿ ಸ್ಪರ್ಧೆಗೆ ಅರ್ಜಿ’ ಎಂಬ ಪದ ಕ್ಲಿಕ್ ಮಾಡಿ ಅರ್ಜಿ ಸಲ್ಲಿಸಿ: ರಂಗೋಲಿ ಸ್ಪರ್ಧೆಗೆ ಅರ್ಜಿ’ ಇನ್ನೂ ಗೊಂದಲಗಳಿದ್ದರೆ ಇಲ್ಲಿ ಫೋನ್ ಮಾಡಿ: 7760372068 ಅಡುಗೆ ಸ್ಪರ್ಧೆಗೆ ಅರ್ಹತೆ:  ಅಡುಗೆ ಸ್ಪರ್ಧೆಗೆ18 ವರ್ಷ ಮೇಲ್ಪಟ್ಟ ಎಲ್ಲರೂ ಅರ್ಹರು. `ಸ್ಪರ್ಧೆಯಲ್ಲಿ ಭಾಗವಹಿಸುವವರು ಅಡುಗೆ ತಯಾರಿಸಲು ಬೇಕಾಗುವ ಪಾತ್ರೆಗಳನ್ನು ಹಾಗೂ ಸಾಂಬಾರ ಪದಾರ್ಥಗಳನ್ನು ತಾವೇ ತಂದುಕೊಳ್ಳಬೇಕು. ಕರಾವಳಿ ಉತ್ಸವ ಸಮಿತಿಯಿಂದ ಗ್ಯಾಸ್, ಸ್ಟೋವ್, ಅಡುಗೆಗೆ ನೀರು, ಒಂದು ಟೇಬಲ್, ಖುರ್ಚಿ ಹಾಗೂ ಪಾತ್ರೆ ತೊಳೆಯಲು ನೀರನ್ನು ಮಾತ್ರ ಕೊಡಲಾಗುತ್ತದೆ. ಸಸ್ಯಹಾರಿ ಅಡುಗೆ ಸ್ಪರ್ಧೆಯಲ್ಲಿ ಭಾಗವಹಿಸುವವರು ಬದನೆ, ಅಣಬೆ, ಹೀರೆಕಾಯಿ, ಹೂಕೋಸು ಹಾಗೂ ಬೆಂಡೆಕಾಯಿಗಳಲ್ಲಿ ಯಾವುದಾದರೂ ಎರಡು ತರಕಾರಿ ಬಳಸಿ ಅಡುಗೆ ಸಿದ್ಧಪಡಿಸಬೇಕು. ಮಾಂಸಹಾರಿ ಅಡುಗೆ ಸ್ಪರ್ಧೆಯಲ್ಲಿ ಭಾಗವಹಿಸುವವರು ಬಂಗಡೆ ಮೀನು, ಸಿಗಡಿ, ಅಂಜಲ್(ಇಸ್ವಾನ್) ಈ ಮೂರರಲ್ಲಿ ಯಾವುದಾದದರೂ ಒಂದು ಪ್ರಕಾರವನ್ನು ಮಾತ್ರ ಉಪಯೋಗಿಸಬೇಕು’ ಎಂಬ ನಿಯಮವಿದೆ. ಅಡುಗೆ ಸ್ಪರ್ಧೆಗೆ ಹೆಸರು ನೋಂದಾಯಿಸಲು ಡಿ 23 ಕೊನೆ ದಿನ. ಆ ದಿನ ಮಧ್ಯಾಹ್ನ 12ಗಂಟೆಯವರೆಗೂ ಅರ್ಜಿ ಸ್ವೀಕಾರ ನಡೆಯಲಿದೆ. ಅಡುಗೆ ಸ್ಪರ್ಧೆಗೆ ಹೆಸರು ನೋಂದಾಯಿಸಲು ಅಡುಗೆ ಸ್ಪರ್ಧೆಗೆ ನೋಂದಣಿ ಎಂಬ ಪದ ಕ್ಲಿಕ್ ಮಾಡಿ: ಅಡುಗೆ ಸ್ಪರ್ಧೆಗೆ ನೋಂದಣಿ ಇನ್ನೂ ಏನಾದರೂ ಗೊಂದಲವಿದ್ದರೆ ಇಲ್ಲಿ ಫೋನ್ ಮಾಡಿ: 7349113913
- [ಅಪಘಾತ: ಕಾಡು ಸೇರಿದ ಕಾರು!](https://mobiletime.in/2025/12/accident-the-car-belonging-to-the-jungle/): ವೇಗವಾಗಿ ಬರುತ್ತಿದ್ದ ಕಾರಿಗೆ ಲಾರಿ ಗುದ್ದಿದೆ. ಲಾರಿ ಗುದ್ದಿದ ರಭಸಕ್ಕೆ ಕಾರು ರಸ್ತೆ ಬಿಟ್ಟು ಕಾಡು ಸೇರಿದೆ. ದಾಂಡೇಲಿ ಪ್ರವಾಸಕ್ಕೆ ಬಂದಿದ್ದ ವಿಜಯಪುರದ ಜನರಿದ್ದ ಕಾರಿಗೆ ಲಾರಿ ಡಿಕ್ಕಿಯಾಗಿದೆ. ದಾಂಡೇಲಿ ಹಳಿಯಾಳ ರಸ್ತೆ ಮಾರ್ಗದಲ್ಲಿ ಮಂಗಳವಾರ ಈ ಅಪಘಾತ ನಡೆದಿದೆ. ಶ್ರೇಯಸ್ ಪೇಪರ್ ಮಿಲ್ ಸಮೀಪ ಈ ಅವಘಡ ನಡೆದಿದೆ. ಡಿಕ್ಕಿಯ ತೀವ್ರತೆಗೆ ಕಾರು ರಸ್ತೆ ಬಿಟ್ಟು 20 ಮೀಟರ್ ದೂರ ಚಲಿಸಿದೆ. ಅಲ್ಲಿನ ಅರಣ್ಯ ಪ್ರದೇಶದಲ್ಲಿ ಕಾರು ನಿಂತಿದೆ. ಅಪಘಾತದಲ್ಲಿ ಕಾರಿನ ಮುಂದಿನ ಭಾಗ ಸಂಪೂರ್ಣವಾಗಿ ಜಖಂಗೊAಡಿದೆ. ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಪ್ರವಾಸಿಗರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಪೇಪರ್ ಮಿಲ್ ಹತ್ತಿರ ಲಾರಿ ಬಸ್ಸಿಗೆ ಗುದ್ದುವ ಸನ್ನಿವೇಶ ಎದುರಾಗಿದ್ದು, ಬಸ್ಸಿಗೆ ಗುದ್ದುವುದನ್ನು ತಪ್ಪಿಸುವ ದಾವಂತದಲ್ಲಿ ಲಾರಿ ಕಾರಿಗೆ ಡಿಕ್ಕಿಯಾಗಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.
- [ಕಾಡು ಪ್ರಾಣಿ ಕಾಟಕ್ಕೆ ಬೈಕ್ ಸವಾರ ಸುಸ್ತು!](https://mobiletime.in/2025/12/biker-tired-after-being-hit-by-wild-animals/): ರಾತ್ರಿ ಸಂಚಾರದ ವೇಳೆ ಕಾಡುಪ್ರಾಣಿ ಅಡ್ಡ ಬಂದ ಪರಿಣಾಮ ಸುರೇಶ ಪವಾರ್ ಅವರು ದಿಢೀರ್ ಆಗಿ ಬೈಕಿಗೆ ಬ್ರೆಕ್ ಹಾಕಿದ್ದು, ಬೈಕಿನ ಹಿಂದೆ ಕೂತಿದ್ದ ಅಜಯ ಪವಾರ್ ಅವರು ಹಾರಿ ಕೆಳಗೆ ಬಿದ್ದಿದ್ದಾರೆ. ಯಲ್ಲಾಪುರದ ಸಹಸ್ರಳ್ಳಿ ಬಳಿಯ ಹೊಸಗದ್ದೆಯಲ್ಲಿ ಅಭಿಲಾಷ ಸುರೇಶ ಪವಾರ್ (19) ಅವರು ವಾಸವಾಗಿದ್ದಾರೆ. ಡಿಸೆಂಬರ್ 16ರ ನಸುಕಿನಲ್ಲಿ ಅವರು ತಮ್ಮ ಅಣ್ಣ ಅಜಯ ಸುರೇಶ ಪವಾರ್ ಅವರ ಜೊತೆ ಬೈಕಿನಲ್ಲಿ ಹೋಗುತ್ತಿದ್ದರು. ಮುಂಡಗೋಡು-ಯಲ್ಲಾಪುರ ರಸ್ತೆಯಲ್ಲಿ ಅವರು ವೇಗವಾಗಿ ಬೈಕ್ ಓಡಿಸಿಕೊಂಡು ಹೋಗಿದ್ದು, ಲಿಂಗನಕೊಪ್ಪ ಶಾಲೆಯಿಂದ 1ಕಿಮೀ ದೂರದಲ್ಲಿ ಏಕಾಏಕಿ ಕಾಡು ಪ್ರಾಣಿಯೊಂದು ಬೈಕಿಗೆ ಅಡ್ಡ ಬಂದಿತು. ಇದರಿoದ ಗಲಿಬಿಲಿಗೊಂಡ ಅಭಿಲಾಷ ಪವಾರ್ ಅವರು ದಿಢೀರ್ ಆಗಿ ಬೈಕಿನ ಬ್ರೆಕ್ ಅದುಮಿದರು. ಹಿಂದೆ ಕೂತಿದ್ದ ಅಜಯ ಪವಾರ್ ಅವರು ಕಂಗಾಲಾಗಿ ಬೈಕಿನಿಂದ ಹಾರಿ ಡಾಂಬರ್ ರಸ್ತೆ ಮೇಲೆ ಬಿದ್ದರು. ಪರಿಣಾಮ ಅಜಯ ಪವಾರ್ ಅವರ ಹಣೆ, ಕೈ-ಕಾಲುಗಳಿಗೆ ಗಾಯವಾಯಿತು. ಬೈಕ್ ಸಹ ಬಿದ್ದು ಜಖಂ ಆಯಿತು. ಈ ಎಲ್ಲಾ ವಿಷಯದ ಬಗ್ಗೆ ಸಹಸ್ರಳ್ಳಿ ರಾಮನಕೊಪ್ಪದ ರವಿ ಬಾರ್ಕೇಲ್ಯ ಮರಾಠಿ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು.
- [ಬಟ್ಟೆ ವ್ಯಾಪಾರಿಯ ಸಂಕಷ್ಟ: ಕಾಡಿನಲ್ಲಿ ಕಟ್ಟಿಹಾಕಿ ಥಳಿತ!](https://mobiletime.in/2025/12/the-plight-of-a-cloth-merchant-tied-up-and-beaten-in-the-forest/): ಬಟ್ಟೆ ವ್ಯಾಪಾರ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದ ಪಾಂಡುರoಗ ಮೂಲೆ ಅವರನ್ನು ಅಡಿವೆಪ್ಪ ಮುಡಸಾಲಿ ಅವರು ಕಾಡಿನಲ್ಲಿ ಕಟ್ಟಿ ಹಾಕಿದ್ದಾರೆ. ಅದಾದ ನಂತರ ಪಾಂಡುರoಗ ಅವರಿಗೆ ಹಿಗ್ಗಾಮುಗ್ಗ ಥಳಿಸಿದ್ದು, ಪ್ರಾಣ ಉಳಿಸಿಕೊಂಡು ಬಂದ ಅವರು ಆಸ್ಪತ್ರೆ ಸೇರಿ ಚಿಕಿತ್ಸೆಪಡೆದಿದ್ದಾರೆ. ಮುಂಡಗೋಡದ ಅಲ್ಲಳ್ಳಿಯಲ್ಲಿ ಪಾಂಡುರoಗ ಪುಂಡಳಿಕಪ್ಪ ಮೂಲೆ ಅವರು ವಾಸವಾಗಿದ್ದಾರೆ. ಬೈಕಿನ ಮೇಲೆ ಊರುರು ಅಲೆದಾಟ ನಡೆಸಿ ಅವರು ಬಟ್ಟೆ ವ್ಯಾಪಾರ ಮಾಡುತ್ತಾರೆ. ಡಿಸೆಂಬರ್ 13ರಂದು ಬಟ್ಟೆ ವ್ಯಾಪಾರಕ್ಕಾಗಿ ಅವರು ಮನೆಯಿಂದ ಹೊರಟಿದ್ದರು. ಆಲಳ್ಳಿಯಿಂದ ಬೊಮ್ಮನಳ್ಳಿ ಕಡೆ ಬೈಕಿನಲ್ಲಿ ಹೋಗುತ್ತಿದ್ದ ಪಾಂಡುರoಗ ಅವರಿಗೆ ಬ್ರಹ್ಮ ದೇವಸ್ಥಾನದ ಬಳಿ ಅಲ್ಲಳ್ಳಿಯ ಅಡಿವೆಪ್ಪ ಹನುಮಂತ ಮುಡಸಾಲಿ ಅವರು ಎದುರಾದರು. ಅಡಿವೆಪ್ಪ ಮುಡಸಾಲಿ ಅವರು ಬೈಕಿಗೆ ಅಡ್ಡಲಾಗಿ ಕೈ ಮಾಡಿದರು. ಪಾಂಡುರoಗ ಮೂಲೆ ಅವರು ಬೈಕ್ ನಿಲ್ಲಿಸಿದಾಗ `ಕಾಡಿನಲ್ಲಿ ಕಟ್ಟಿಗೆ ಕೊಯ್ದಿಟ್ಟಿದ್ದೇನೆ. ತಲೆ ಮೇಲೆ ಹೋರಿಸು’ ಎಂದು ಅಡಿವೆಪ್ಪ ಮುಡಸಾಲಿ ಅವರು ಮನವಿ ಮಾಡಿದರು. ಅದನ್ನು ನಂಬಿ ಪಾಂಡುರoಗ ಅವರು ಕಾಡಿನ ಕಡೆ ಹೆಜ್ಜೆ ಹಾಕಿದರು. ಆದರೆ, ಪೂರ್ವ ತಯಾರಿಯ ಪ್ರಕಾರ ಅಡಿವೆಪ್ಪ ಮುಡಸಾಲಿ ಅವರು ಪಾಂಡುರoಗ ಮೂಲೆ ಅವರನ್ನು ಹಗ್ಗದಿಂದ ಕಟ್ಟಿ ಹಾಕಿದರು. `ನಿನ್ನ ಹಾರಾಟ ಜಾಸ್ತಿ ಆಗಿದೆ’ ಎಂದು ಬೈಗುಳ ಶುರು ಮಾಡಿದರು. ಅಡಿವೆಪ್ಪ ಮುಡಸಾಲಿ ಅವರು ಪಾಂಡುರoಗ ಮೂಲೆ ಅವರ ಕಪಾಳಕ್ಕೆ ಬಾರಿಸಿದರು. ಅದಾದ ನಂತರ ಅಲ್ಲಿದ್ದ ಕಟ್ಟಿಗೆ ಕಾವಿನಿಂದಲೂ ಪಾಂಡುರAಗ ಮೂಲೆ ಅವರಿಗೆ ಅಡಿವೆಪ್ಪ ಮೂಡಸಾಲಿ ಅವರು ಥಳಿಸಿದರು. ಕುತ್ತಿಗೆಗೆ ಹಗ್ಗ ಹಾಕಿ `ಕೊಂದೇ ಬಿಡುವೆ’ ಎಂದು ಬೆದರಿಸಿದರು. ಅಲ್ಲಿಂದ ತಪ್ಪಿಸಿಕೊಂಡು ಬಂದ ಪಾಂಡುರAಗ ಮೂಲೆ ಅವರು ಆಸ್ಪತ್ರೆಗೆ ಸೇರಿ ಸುಧಾರಿಸಿಕೊಂಡರು. ಅದಾದ ನಂತರ ಪೊಲೀಸ್ ಠಾಣೆಗೆ ತೆರಳಿ ತಮಗಾದ ಕೆಟ್ಟ ಅನುಭವ ವಿವರಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದರು.
- [ಶ್ರೀಕುಮಾರನದು ತಪ್ಪಿಲ್ಲ.. ಆತ ಯಾರಿಗೂ ದುಡ್ಡು ಕೊಡಲ್ಲ!](https://mobiletime.in/2025/12/there-is-nothing-wrong-with-srikumar-he-doesnt-give-money-to-anyone/): ಶಿರಸಿಯಲ್ಲಿ ಪೆಟ್ರೋಲ್ ಬಂಕನ್ನು ಹೊಂದಿರುವ ಶ್ರೀಕುಮಾರ ಸಮೂಹ ಸಂಸ್ಥೆಯವರು ಅರಣ್ಯ ಅತಿಕ್ರಮಣ ಮಾಡಿದ ಬಗ್ಗೆ ಜಾಲತಾಣದಲ್ಲಿ ಸುದ್ದಿ ಹರಿದಾಡುತ್ತಿದೆ. ಆದರೆ, `ಆ ಆರೋಪ ಸತ್ಯವಲ್ಲ’ ಎಂದು ಶ್ರೀಕುಮಾರ ಸಮೂಹ ಸಂಸ್ಥೆ ಮಾಲಕ ವೆಂಕಟರಮಣ ಹೆಗಡೆ ಕವಲಕ್ಕಿ ಹೇಳಿದ್ದಾರೆ. ಶಿರಸಿಯ ಇಸಳೂರಿನಲ್ಲಿರುವ ಶ್ರೀಕುಮಾರ ಸಮೂಹ ಸಂಸ್ಥೆಯ ಪೆಟ್ರೋಲ್ ಬಂಕಿನ ಬಳಿ ಅರಣ್ಯ ಇಲಾಖೆ ಜಾಗ ಅತಿಕ್ರಮಣವಾದ ಬಗ್ಗೆ ಜಾಲತಾಣದಲ್ಲಿ ಸುದ್ದಿ ಹರಿದಾಡುತ್ತಿದೆ. `ಅರಣ್ಯ ಇಲಾಖೆಯವರು ತಮ್ಮ ಜಾಗದ ಸುತ್ತ ಕಾಲುವೆ ತೆಗೆದಿದ್ದಾರೆ. ಪೆಟ್ರೋಲ್ ಬಂಕಿನವರಿAದ ಅರಣ್ಯ ಅತಿಕ್ರಮಣ ನಡೆದಿಲ್ಲ’ ವೆಂಕಟರಮಣ ಹೆಗಡೆ ಹೇಳಿದ್ದಾರೆ. `ಎರಡು ವರ್ಷದ ಹಿಂದೆ ಕೆಲವರು ಪೆಟ್ರೋಲ್ ಬಂಕ್ ಅರಣ್ಯ ಇಲಾಖೆಯ ಜಾಗದಲ್ಲಿದೆ ಎಂಬ ಸುದ್ದಿ ಹರಿಬಿಟ್ಟು ಬೆದರಿಕೆ ಹಾಕಿ ಹಣಕ್ಕೆ ಬೇಡಿಕೆಯಿಟ್ಟಿದ್ದರು. ಪೆಟ್ರೋಲ್ ಬಂಕ್ ಅಧಿಕೃತ ಜಾಗದಲ್ಲಿರುವ ಕಾರಣ ನಾನೂ ಅವರ ಬೆದರಿಕೆಗೆ ನಾನು ಬಗ್ಗಿಲ್ಲ. ಈಗ ಮತ್ತೆ ಅದೇ ಕೆಲಸ ನಡೆದಿದೆ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಪೆಟ್ರೋಲ್ ಬಂಕ್ ಅಧಿಕೃತ ಜಾಗದಲ್ಲಿದೆ. ನಾನು ಯಾವುದೇ ಕಾರಣಕ್ಕೂ ಹಣ ಕೊಡಲ್ಲ’ ಎಂದರು. `ಪೆಟ್ರೋಲ್ ಬಂಕ್ ಸ್ಥಾಪಿಸಲು 16 ಇಲಾಖೆಯ ಅನುಮತಿ ಪತ್ರ ಅವಶ್ಯವಿದ್ದು, ಪೆಟ್ರೋಲ್ ಬಂಕ್ ನಿರ್ಮಾಣವಾಗುವ ಸ್ಥಳಕ್ಕೆ ಜಿಲ್ಲಾಧಿಕಾರಿ ಹಾಗೂ ಸಂಬAಧಪಟ್ಟ ಇಲಾಖೆಯವರು ಪರಿಶೀಲನೆ ನಡೆಸಿದ ನಂತರವೇ ಪೆಟ್ರೋಲ್ ಬಂಕ್ ಆರಂಭಿಸಲಾಗಿದೆ. ಸಂಸ್ಥೆಯಿAದ ಹಣ ವಿನಿಯೋಗಿಸಿದರೂ ಕೇಂದ್ರ ಸರ್ಕಾರದ ಪೆಟ್ರೋಲಿಯಂ ಖಾತೆ ಅಧಿನದಲ್ಲಿ ಬರುವುದರಿಂದ ಅದು ಸಾರ್ವಜನಿಕರ ಆಸ್ತಿಯಾಗಿರುತ್ತದೆ’ ಎಂದವರು ಹೇಳಿದ್ದಾರೆ. `ಪೆಟ್ರೋಲ್ ಬಂಕ್ ಅಧಿಕೃತ ಭೂ ಪರಿವರ್ತನೆ ಆದ ಜಾಗದಲ್ಲಿದೆ. ಆ ಜಾಗದ ಎದುರಿನಲ್ಲಿರುವುದು ಅರಣ್ಯ ಇಲಾಖೆಯ ಜಾಗವಾಗಿದ್ದು, ಅದಕ್ಕೆ ಅವರು ರಕ್ಷಣೆ ಮಾಡಿಕೊಂಡರೆ ನಾನು ತಕರಾರು ಸಲ್ಲಿಸುವುದಿಲ್ಲ. ಅರಣ್ಯ ಇಲಾಖೆಯವರು ಸಹ `ಶ್ರೀಕುಮಾರದವರು ಜಾಗ ಅತಿಕ್ರಮಿಸಿದ್ದಾರೆ’ ಎಂದು ನೋಟಿಸ್ ನೀಡಿಲ್ಲ’ ಎಂದವರು ಸ್ಪಷ್ಠಪಡಿಸಿದರು. `ಪ್ರಯಾಣಿಕರಿಗೆ ಹಾಗೂ ಸಾರ್ವಜನಿಕರಿಗೆ ಅನುಕೂಲವಾಗುವ ದೃಷ್ಟಿಯಿಂದ ಪೆಟ್ರೋಲ್ ಬಂಕ್ ಪಕ್ಕದಲ್ಲಿರುವ ಸಂಸ್ಥೆಯ ಜಾಗದಲ್ಲಿ 10 ಸ್ನಾನ ಹಾಗೂ ಶೌಚಗೃಹಗಳನ್ನು ನಿರ್ಮಾಣ ಮಾಡಲಾಗಿದ್ದು, ಪೆಟ್ರೋಲ್ ಬಂಕ್‌ನ ಎದುರಿನ ಖಾಲಿ ಸಾರ್ವಜನಿಕ ಬಸ್ಸುಗಳು ನಿಲುಗಡೆ ಮಾಡುತ್ತವೆಯೇ ಹೊರತು ಸಂಸ್ಥೆಯ ಬಸ್ಸುಗಳು ಖಾಯಂ ನಿಲುಗಡೆಯಾಗುವುದಿಲ್ಲ’ ಎಂದು ತಿಳಿಸಿದರು.
- [ನೀರಿಗೆ ಬಂದ ನಾರಿ ಮೇಲೆ ದೌರ್ಜನ್ಯ!](https://mobiletime.in/2025/12/violence-against-a-woman-who-came-to-the-water/): ನೀರು ತರಲು ಹೋಗಿದ್ದ ರೋಹಿಣಿ ನಾಯ್ಕ ಅವರ ಮೇಲೆ ರಾಘು ನಾಯ್ಕ ಅವರು ಆಕ್ರಮಣ ಮಾಡಿದ್ದಾರೆ. ರೋಹಿಣಿ ನಾಯ್ಕ ಅವರ ಜೊತೆ ಅವರ ಮಗ ಸುಭಾಶ ನಾಯ್ಕ ಅವರನ್ನು ಕೊಲೆ ಮಾಡುವುದಾಗಿ ಬೆದರಿಸಿದ್ದಾರೆ. ಅಂಕೋಲಾದ ಹೊನ್ನೇಕೇರಿಯಲ್ಲಿ ರೋಹಿಣಿ ಗಂಗಾಧರ ನಾಯ್ಕ (62) ಅವರು ವಾಸವಾಗಿದ್ದಾರೆ. ಡಿಸೆಂಬರ್ 15ರಂದು ಅವರು ತಮ್ಮ ಜಾಗದಲ್ಲಿರುವ ಬಾವಿಯಿಂದ ನೀರು ತರಲು ಹೋದಾಗ ಕೇಣಿಯ ರಾಘು ಅಶೋಕ ನಾಯ್ಕ ಅವರು ಅದಕ್ಕೆ ಅಡ್ಡಿಪಡಿಸಿದ್ದಾರೆ. `ಈ ಜಾಗ ನನ್ನದು’ ಎಂದು ರಾಘು ನಾಯ್ಕ ಅವರು ಬೆದರಿಸಿದ್ದಾರೆ. ಆಗ, ರೋಹಿಣಿ ನಾಯ್ಕ ಅವರು `ಈ ಜಾಗ ನನ್ನ ಮಗನ ಹೆಸರಿನಲ್ಲಿದೆ’ ಎಂದಿದ್ದಾರೆ. ಆಗ ಸಿಟ್ಟಾದ ರಾಘು ನಾಯ್ಕ ಅವರು ರೊಹಿಣಿ ಅವರ ಕೂದಲು ಹಿಡಿದು ಎಳೆದಾಡಿದ್ದಾರೆ. ಅವರ ಸೀರೆ ಹರಿದು ಅವಮಾನ ಮಾಡಿದ್ದಾರೆ. ಈ ವೇಳೆ ಊರಿನ ಜನ ಅಲ್ಲಿಗೆ ಬಂದಿದ್ದು, `ನಿನ್ನ ಜೊತೆ ನಿನ್ನ ಮಗನನ್ನು ಕೊಲೆ ಮಾಡುವೆ’ ಎಂದು ರಾಘು ನಾಯ್ಕ ಅವರು ಬೆದರಿಸಿದ್ದಾರೆ. ಅದಾದ ನಂತರ ರಾಘು ನಾಯ್ಕ ಅವರು ಅಲ್ಲಿಂದ ಪರಾರಿಯಾಗಿದ್ದಾರೆ. ತಮಗಾದ ಅನ್ಯಾಯದ ಬಗ್ಗೆ ರೋಹಿಣಿ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದು, ಅಂಕೋಲಾ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಕೋಣನ ಕಂಡು ಓಡಿದ ಹುಲಿ!](https://mobiletime.in/2025/12/the-tiger-ran-away-after-seeing-the-corner/): ಪ್ರವಾಸಿಗರು ಸಂಚರಿಸುತ್ತಿದ್ದ ರಸ್ತೆಯ ಮೇಲೆ ಕಾಡುಕೋಣ ಕಾಣಿಸಿದೆ. ಕಾಡು ಕೋಣದ ವಿಡಿಯೋ ಮಾಡುತ್ತಿದ್ದಾಗ ಹುಲಿಯೂ ಗೋಚರಿಸಿದೆ! ರಸ್ತೆ ಮದ್ಯೆ ನಿಂತಿದ್ದ ಕಾಡುಕೋಣ ನೋಡಿದ ಹುಲಿ ಆ ಪ್ರಾಣಿಗೆ ಹೆದರಿ ಕಾಡು ಸೇರಿದೆ. ಅದಾದ ನಂತರ ಹುಲಿಯ ಮರಿ ಸಹ ತಾಯಿಯನ್ನು ಹಿಂಬಾಲಿಸಿದೆ. ಜೊಯಿಡಾಗೆ ಬಂದಿದ್ದ ಪ್ರವಾಸಿಗರು ಈ ವಿಡಿಯೋ ಚಿತ್ರಿಕರಿಸಿದ್ದಾರೆ. ಜೋಯಿಡಾ ತಾಲೂಕಿನ ಕುಳಗಿಯ ಕಾಳಿ ಹುಲಿ ರಕ್ಷಿತ ಪ್ರದೇಶದಲ್ಲಿ ತಾಯಿ ಹುಲಿ ಬೇಟೆ ಅರೆಸಿ ಹೋರಟಿತ್ತು. ಎದುರಿಗೆ ಕಾಡುಕೋಣ ಕಂಡರೂ ಆ ಹುಲಿ ಕೋಣನನ್ನು ಭಕ್ಷಿಸಲಿಲ್ಲ. ಕೋಣವೇ ಬುಸುಗುಟ್ಟು ಹುಲಿಯನ್ನು ಹೆದರಿಸಿತು. ಹುಲಿಯ ಜೊತೆ ಮರಿಯೂ ಇದ್ದ ಕಾರಣ ಮರಿಯನ್ನು ರಕ್ಷಿಸಲು ತಾಯಿ ಮುಂದಾಯಿತು. ಈ ವೇಳೆ ಕಾಡುಕೋಣದ ಸಮೀಪದಿಂದಲೇ ಹುಲಿ ಕಾಡು ಸೇರಿತು. ತಾಯಿ ಹುಲಿಯನ್ನು ಮರಿಯೂ ಹಿಂಬಾಲಿಸಿತು. ಕಾಡುಕೋಣದ ಹಿಂದೆ ನಿಂತಿದ್ದ ಪ್ರವಾಸಿಗರು ಖುಷಿ ಅನುಭವಿಸಿದರು. ಹುಲಿ ಬೆದರಿದ ವಿಡಿಯೋ ಇಲ್ಲಿ ನೋಡಿ..
- [ಆಸ್ಪತ್ರೆ ವಿಷಯ: ಅಧಿವೇಶನದ ಹೊರಗೆ ಅನಂತಮೂರ್ತಿ ಘರ್ಜನೆ!](https://mobiletime.in/2025/12/hospital-issue-ananthamurthy-roars-outside-the-session/): ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು ಬೆಳಗಾವಿಯಲ್ಲಿ ನಡೆಯುತ್ತಿರುವ ಚಳಿಗಾಲದ ಅಧಿವೇಶನಕ್ಕೆ ಹೋಗಿದ್ದಾರೆ. ಸುವರ್ಣಸೌಧದ ಹೊರಭಾಗ ಅವರು ಹೋರಾಟ ಶುರು ಮಾಡಿದ್ದು, ಶಿರಸಿಯ ಸಾರ್ವಜನಿಕ ಪಂಡಿತ್ ಆಸ್ಪತ್ರೆಗಾಗಿ ಪಟ್ಟುಹಿಡಿದಿದ್ದಾರೆ. `ಕಳೆದ ಐದು ವರ್ಷಗಳಿಂದ ಶಿರಸಿಯಲ್ಲಿ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಯ ಕಾಮಗಾರಿ ನಡೆಯುತ್ತಿದೆ. ತಜ್ಞ ವೈದ್ಯರ ನೇಮಕಾತಿ, ವೈದ್ಯಕೀಯ ಯಂತ್ರೋಪಕರಣ ಖರೀದಿ ನಡೆದಿಲ್ಲ. ಶೇ 80ರಷ್ಟು ಕಾಮಗಾರಿ ಮುಗಿದರೂ ಆಸ್ಪತ್ರೆಯ ಕೆಲಸ ವೇಗಪಡೆಯುತ್ತಿಲ್ಲ’ ಎಂದು ಅನಂತಮೂರ್ತಿ ಹೆಗಡೆ ಆಕ್ರೋಶದ ಭಾಷಣ ಮಾಡಿದ್ದಾರೆ. ಅವರ ಭಾಷಣ ಕೇಳಿ ಸ್ಥಳಕ್ಕೆ ಸಚಿವ ಶಿವರಾಜ ತಂಗಡಗಿ ಅವರು ಆಗಮಿಸಿದ್ದು, ಹೋರಾಟದಲ್ಲಿ ಮಗ್ನರಾಗಿದ್ದ ಅನಂತಮೂರ್ತಿ ಅವರನ್ನು ಸಮಾಧಾನ ಮಾಡಿದ್ದಾರೆ. `2020ರಲ್ಲಿ ಸರ್ಕಾರ 250 ಹಾಸಿಗೆಯ ಆಸ್ಪತ್ರೆಗೆ ಆದೇಶ ಹೊರಡಿಸಿದ್ದು, ಇದಕ್ಕಾಗಿ 112 ಕೋಟಿ ರೂಪಾಯಿ ಬಿಡುಗಡೆ ಮಾಡಿದೆ. ಯಂತ್ರೋಪಕರಣ ಖರೀದಿಗೆ 30 ಕೋಟಿ ರೂಪಾಯಿ ಪ್ರತ್ಯೇಕವಾಗಿ ಕೊಡಲಾಗಿದೆ. ಕಳೆದ ಒಂದು ವರ್ಷದಿಂದ ಆಸ್ಪತ್ರೆ ಕಾಮಗಾರಿ ನಿಧಾನವಾಗಿದ್ದು, ಯಂತ್ರೋಪಕರಣ ಪೂರೈಕೆ ನಡೆದಿಲ್ಲ. ವೈದ್ಯರ ನೇಮಕಾತಿ ಆಗಿಲ್ಲ’ ಎಂದು ಅನಂತಮೂರ್ತಿ ಹೆಗಡೆ ಅಸಮಧಾನವ್ಯಕ್ತಪಡಿಸಿದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಪಘಾತಗಳಿಗೆ ಒಳಗಾಗಿ ಸಾವನಪ್ಪುವವರ ಸಂಖ್ಯೆ ಹೆಚ್ಚಾಗಿದೆ. ಜಿಲ್ಲೆಯಲ್ಲಿ ಒಬ್ಬರೇ ಒಬ್ಬ ನ್ಯೂರೋ ಸರ್ಜನ್ ವೈದ್ಯರು ಇಲ್ಲ. ಹಾರ್ಟ್ ಆಪರೇಷನ್ ಮಾಡುವ ಆಸ್ಪತ್ರೆಗಳೂ ಇಲ್ಲ. ನಮ್ಮ ಜಿಲ್ಲೆಯಲ್ಲಿ ಮಲ್ಟಿ ಸ್ಪೆಷಾಲಿಟಿ ಇಲ್ಲ’ ಎಂಬ ಸಮಸ್ಯೆಗಳನ್ನು ವಿವರಿಸಿದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕ್ಯಾನ್ಸರ್ ರೋಗಿಗಳ ಸಂಖ್ಯೆ ಹೆಚ್ಚುತ್ತಿರುವುದು ಸಹ ಆತಂಕ ಸಂಗತಿ’ ಎಂಬ ಕಳವಳವ್ಯಕ್ತಪಡಿಸಿದರು. ಈ ಎಲ್ಲ ವಿಷಯ ಆಲಿಸಿದ ಸಚಿವರು `ಶಿರಸಿ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಗೆ ತುರ್ತಾಗಿ ವೈದ್ಯಕೀಯ ಉಪಕರಣ ಖರೀದಿಗೆ ಟೆಂಡರ್ ಕರೆಯಲು ಆರೋಗ್ಯ ಇಲಾಖೆಗೆ ಸೂಚಿಸುತ್ತೇವೆ. ತಜ್ಞ ವೈದ್ಯರ ನೇಮಕಾತಿಗೆ ಕೂಡಲೇ ಆದೇಶಿಸಲು ಸೂಕ್ತ ಸಚಿವಾಲಯಕ್ಕೆ ಮಾಹಿತಿ ನೀಡುತ್ತೇವೆ’ ಎಂಬ ಭರವಸೆ ನೀಡಿದರು. ಜಿಪಂ ಮಾಜಿ ಸದಸ್ಯೆ ಉಷಾ ಹೆಗಡೆ, ಪ್ರಮುಖರಾದ ನಾರಾಯಣ ಹೆಗಡೆ, ಚಿದಾನಂದ ಹರಿಜನ ಮುಂಡಗೋಡು, ಮಂಜುನಾಥ ಕುಪ್ಪಗಡ್ಡೆ, ಅಂಕಿತ್ ಶಿರಸಿ, ಭೀಮಶಿ ವಾಲ್ಮೀಕಿ, ಬಸವರಾಜ ಹಸ್ಲರ್, ಶಂಕರಪ್ಪ, ನೂರ್ ಅಹಮದ್ ಜೊತೆಗಿದ್ದರು,  
- [ಅರಣ್ಯ ಹಕ್ಕು ಗೊಂದಲ: ಉನ್ನತ ಅಧಿಕಾರಿಗಳ ಜೊತೆ ಹೋರಾಟಗಾರರ ಸಭೆ ಅಗತ್ಯ](https://mobiletime.in/2025/12/forest-rights-confusion-a-meeting-of-activists-with-peoples-representatives-is-necessary/): ಅರಣ್ಯ ಹಕ್ಕು ಗೊಂದಲದ ಬಗ್ಗೆ ಶಾಸಕ ಶಿವರಾಮ ಹೆಬ್ಬಾರ್ ಅಧಿವೇಶನದಲ್ಲಿ ಮಾತನಾಡಿದ್ದು, `ಅರಣ್ಯ ಹಕ್ಕು ಕಾಯ್ದೆಯ ಅನುಷ್ಠಾನ ಕುರಿತಾದ ಗೊಂದಲ ಬಗೆಹರಿಸಲು ಶಾಸಕರು ಹಾಗೂ ಅರಣ್ಯ ಹಕ್ಕು ಹೋರಾಟ ಸಂಘಟನೆಗಳ ಜೊತೆ ಸಭೆ ಆಯೋಜಿಸಬೇಕು’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟ ಒಕ್ಕೂಟಗಳ ರಾಜ್ಯ ಸಮಿತಿ ಸಂಚಾಲಕ ಚಂದ್ರಕಾoತ ಕೊಚರೇಕರ ಅವರು ಆಗ್ರಹಿಸಿದ್ದಾರೆ. `ರಾಜ್ಯದ ಕರಾವಳಿ, ಮಲೆನಾಡು ಭಾಗದ ಶಾಸಕರು ಮತ್ತು ಅರಣ್ಯ ಹಕ್ಕು ಹೋರಾಟ ಸಂಘಟನೆಗಗಳ ಜೊತೆ ಉನ್ನತಾಧಿಕಾರ ಮಟ್ಟದ ಜಂಟಿ ಸಂವಾದ ಸಭೆ ನಡೆಯಬೇಕು. 2005ರ ಪೂರ್ವದಿಂದ ಅರಣ್ಯ ಭೂಮಿಯಲ್ಲಿ ಬದುಕು ಕಟ್ಟಿಕೊಂಡವರಿಗೆ ಭೂಮಿಯ ಹಕ್ಕು ನೀಡಲು ಪರಿಗಣಿಸಬೇಕು’ ಎಂದವರು ಒತ್ತಾಯಿಸಿದ್ದಾರೆ. `ಶಾಸಕ ಶಿವರಾಮ ಹೆಬ್ಬಾರ್ ಅವರ ಪ್ರಶ್ನೆಗೆ ಅರಣ್ಯ ಸಚಿವ ಈಶ್ವರ ಖಂಡ್ರೆ ಅವರ ಉತ್ತರ ಹಾಗೂ ಉತ್ತರ ಕನ್ನಡ ಜಿಲ್ಲೆಯಲ್ಲಿ ನಡೆಯುತ್ತಿರುವ ಅನುಷ್ಠಾನ ಪ್ರಕ್ರಿಯೆ ನಡುವೆ ಸಾಕಷ್ಟು ವ್ಯತ್ಯಾಸವಿದೆ. ಇಲ್ಲಿ ಅರಣ್ಯ ಹಕ್ಕುಗಳನ್ನು ಮಾನ್ಯ ಮಾಡಲು ಸ್ವಾತಂತ್ರ‍್ಯ ಪೂರ್ವದ ದಾಖಲೆಗಳಿಗಾಗಿ ಒತ್ತಾಯ ಪಡಿಸಲಾಗುತ್ತಿದೆ’ ಎಂಬ ಅಂಶವನ್ನು ಚಂದ್ರಕಾoತ ಕೋಚ್ರೇಕರ್ ಅವರು ಪುನರುಚ್ಚರಿಸಿದ್ದಾರೆ. `ಅರಣ್ಯಾಧಿಕಾರಿಗಲ ನಡೆ 2012ರ ತಿದ್ದುಪಡಿ ನಿಯಮ ಮತ್ತು ಕೇಂದ್ರ ಬುಡಕಟ್ಟು ಸಚಿವಾಲಯದ ನಿರ್ದೇಶನಗಳಿಗೆ ವಿರುದ್ಧವಾಗಿದೆ. ಈ ನಡೆಯಿಂದ ವಸತಿ ಮತ್ತು ಜೀವನೋಪಾಯಕ್ಕೆ ಅರಣ್ಯ ಭೂಮಿಯನ್ನು ಅವಲಂಬಿಸಿರುವ ರಾಜ್ಯದ ಲಕ್ಷಾಂತರ ಅರ್ಹ ಜನರು ಭೂಮಿಯ ಹಕ್ಕಿನಿಂದ ವಂಚಿತರಾಗುವ ಅಪಾಯ ಎದುರಾಗಿದೆ. ಒಂದು ಕಡೆ ಅರಣ್ಯ ಹಕ್ಕುಗಳ ಪರಿಶೀಲನೆ ಮತ್ತು ಹಕ್ಕುಗಳನ್ನು ಮಾನ್ಯ ಮಾಡುವಲ್ಲಿ ಕ್ಷೇತ್ರ ಮಟ್ಟದಲ್ಲಿ ತೊಂದರೆಗಳಿದ್ದು, ಅವುಗಳನ್ನು ಬಗೆಹರಿಸಲು ಮುಖ್ಯ ಕಾರ್ಯದರ್ಶೀಯವರ ಅಧ್ಯಕ್ಷತೆಯ ರಾಜ್ಯ ಮಟ್ಟದ ಮೇಲ್ವಿಚಾರಣಾ ಸಮಿತಿಗೆ ಅಧಿಕಾರವಿರುವ ಬಗ್ಗೆ ಕಾಯ್ದೆಯಲ್ಲಿದೆ. ಈ ಬಗ್ಗೆ ಅರಣ್ಯ ಸಚಿವರೇ ವಿಧಾನಸಭೆಯಲ್ಲಿ ಶಾಸಕರಿಗೆ ಲಿಖಿತ ಉತ್ತರ ನೀಡಿದ್ದಾರೆ’ ಎಂದವರು ವಿವರಿಸಿದರು. `ಈ ಎಲ್ಲದರ ನಡುವೆ ರಾಜ್ಯದ ಪ್ರಸ್ತಾಪವನ್ನು ಕೇಂದ್ರ ಸರ್ಕಾರ ಈಗಾಗಲೇ ತಿರಸ್ಕರಿಸಿದೆ. ಇಂತಹ ದ್ವಂದ್ವ ಮತ್ತು ಗೊಂದಲಗಳಿAದ ಹಾಗೂ ಇಚ್ಛಾಶಕ್ತಿಯ ಕೊರತೆಯಿಂದಾಗಿ ರಾಜ್ಯದಲ್ಲಿ ಲಕ್ಷಾಂತರ ಇತರ ಪಾರಂಪರಿಕ ಅರಣ್ಯವಾಸಿಗಳ ಬದುಕು ಬೀದಿಗೆ ಬರುವ ಅಪಾಯ ಎದುರಾಗಿz’ ಎಂದವರು ಕಳವಳವ್ಯಕ್ತಪಡಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅನಗತ್ಯ ಯೋಜನೆಗಳಿಗೆ ಅರಣ್ಯ ಭೂಮಿ ನೀಡಲಾಗುತ್ತಿದೆ. ಆದರೆ, ಜೀವನೋಪಾಯಕ್ಕಾಗಿ ಅರಣ್ಯ ಭೂಮಿ ಅತಿಕ್ರಮಿಸಿದವರಿಗೆ ಅನಗತ್ಯ ತೊಂದರೆ ನೀಡಲಾಗುತ್ತಿದೆ. ಇದನ್ನು ಬಗೆಹರಿಸುವುದಕ್ಕಾಗಿ ಮುಖ್ಯಮಂತ್ರಿಗಳು, ಸಚಿವರ ಮಟ್ಟದಲ್ಲಿ ಸಭೆ ನಡೆಯಬೇಕು’ ಎಂದವರು ಆಗ್ರಹಿಸಿದ್ದಾರೆ.
- [ಹೂವಿನ ಗಿಡದಲ್ಲಿ ಅಡಗಿದ್ದ ಹಾವು: ಗೃಹಿಣಿ ಸಾವು!](https://mobiletime.in/2025/12/snake-hiding-in-flower-plant-housewife-dies/): ಹೂವಿನ ಗಿಡದಲ್ಲಿ ಅಡಗಿದ್ದ ವಿಷಕಾರಿ ಹಾವು ಯಶೋಧಾ ವೈದ್ಯ ಅವರಿಗೆ ಕಚ್ಚಿದೆ. ಆಸ್ಪತ್ರೆ ಸೇರುವ ಮುನ್ನವೇ ಅವರು ಬದುಕಿನ ಪಯಣ ಮುಗಿಸಿದ್ದಾರೆ. ಅಂಕೋಲಾ ತಾಲೂಕಿನ ರಾಮನಗುಳಿ ಬಳಿಯ ಕಂಡ್ರಮನೆಯಲ್ಲಿ ಯಶೋಧಾ ವೈದ್ಯ (39) ಅವರು ವಾಸವಾಗಿದ್ದರು. ಕೃಷಿ ಕುಟುಂಬದ ಅವರು ಹೂವಿನ ಗಿಡಗಳನ್ನು ಬೆಳಸುವಲ್ಲಿ ಅಪಾರ ಆಸಕ್ತಿಹೊಂದಿದ್ದರು. ಡಿಸೆಂಬರ್ 15ರಂದು ತಮ್ಮ ಪತಿ ಶೇಖರ ವೈದ್ಯ ಅವರ ಜೊತೆ ತೋಟದ ಕಡೆ ಹೆಜ್ಜೆ ಹಾಕಿದ್ದರು. ಅಲ್ಲಿದ್ದ ಗಿಡದ ಮೇಲೆ ವಿಷಜಂತು ಕೂತಿದ್ದು, ಅದು ಆ ದಂಪತಿಗೆ ಕಾಣಲಿಲ್ಲ. ಹೂವಿನ ಗಿಡದ ಬುಡಕ್ಕೆ ಬಂದ ಆ ಹಾವು ಯಶೋಧಾ ವೈದ್ಯ ಅವರ ಕಾಲಿಗೆ ಕಚ್ಚಿತು. ಎಡಗಾಲಿನ ಪಾದ ಊದಿಕೊಂಡಿದ್ದು, ನೋವಿನಿಂದ ಬಳಲಿದ ಯಶೋಧಾ ವೈದ್ಯ ಅವರನ್ನು ರಾಮನಗುಳಿಯ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ತರಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಆಂಬುಲೆನ್ಸಿನ ಮೂಲಕ ಯಶೋಧಾ ವೈದ್ಯ ಅವರನ್ನು ಯಲ್ಲಾಪುರದ ಕಡೆ ಕರೆದೊಯ್ಯಲಾಯಿತು. ಆದರೆ, ಅರ್ದ ದಾರಿಯಲ್ಲಿಯೇ ಅವರು ಉಸಿರಾಟ ನಿಲ್ಲಿಸಿದರು. ಆಸ್ಪತ್ರೆಗೆ ಬಂದಾಗ ವೈದ್ಯರು ಯಶೋಧಾ ವೈದ್ಯ ಅವರ ಸಾವನ್ನು ದೃಢಪಡಿಸಿದರು. `ಹೂ ಗಿಡಗಳ ಬಳಿ ತೆರಳುವಾಗ ಎಚ್ಚರ’
- [ಸಿಲೆಂಡರ್ ಸ್ಪೋಟ: ಎರಡು ಕಾರಿನ ಜೊತೆ ಆಟೋ ಅಗ್ನಿಗಾಹುತಿ!](https://mobiletime.in/2025/12/cylinder-explosion-auto-fire-with-two-cars/): ಸಿಲೆಂಡರ್ ಸ್ಪೋಟದ ತೀವೃತೆಗೆ ಮೂರು ವಾಹನಗಳು ಸುಟ್ಟು ಕರಕಲಾಗಿದೆ. ಎರಡು ಕಾರಿನ ಜೊತೆ ಆಟೋವೊಂದು ಭಸ್ಮವಾಗಿದೆ. ಕಾರವಾರದ ಅಮದಳ್ಳಿಯಲ್ಲಿ ಮಂಗಳವಾರ ನಸುಕಿನಲ್ಲಿ ಈ ದುರಂತ ನಡೆದಿದೆ. ಆಟೋದಲ್ಲಿದ್ದ ಸಿಲೆಂಡರ್ ಸ್ಪೋಟದ ತೀವೃತೆಗೆ ಪಕ್ಕದಲ್ಲಿದ್ದ ಎರಡು ಕಾರುಗಳು ಬೆಂಕಿಗೆ ಆಹುತಿಯಾಗಿದೆ. ಸುಪ್ರೀನ್ ಫರ್ನಾಂಡಿಸ್ ಹಾಗೂ ಥಾಮಸ್ ಫರ್ನಾಂಡಿಸ್ ಎಂಬಾತರಿಗೆ ಸೇರಿದ ವಾಹನಗಳು ಇದಾಗಿದ್ದು, ಅಗ್ನಿಶಾಮಕ ಸಿಬ್ಬಂದಿ ಆಗಮಿಸುವುದರೊಳಗೆ ಕಾರು ಕರಕಲಾಗಿದೆ. ದಿಢೀರ್ ಆಗಿ ಬೆಂಕಿ ತಗುಲಿದ್ದರಿಂದ ಅಲ್ಲಿದ್ದವರಿಗೆ ಏನು ಮಾಡಬೇಕು? ಎಂದೇ ಗೊತ್ತಾಗಿಲ್ಲ. ಬೆಂಕಿ ಆರಿಸುವ ಪ್ರಯತ್ನ ನಡೆದರೂ ಅದು ಫಲ ಕೊಡಲಿಲ್ಲ. ಈ ವೇಳೆ ವ್ಯಕ್ತಿಯೊಬ್ಬರು ಪೊಲೀಸರಿಗೆ ಹಾಗೂ ಅಗ್ನಿಶಾಮಕ ಸಿಬ್ಬಂದಿಗೆ ಫೋನ್ ಮಾಡಿದ್ದು, ಅವರು ಬರುವುದರೊಳಗೆ ಮೂರು ವಾಹನಗಳು ನಾಶವಾಗಿದ್ದವು. ಅದಾಗಿಯೂ, ಅಗ್ನಿ ಅವಘಡ ವಿಸ್ತರಿಸದ ಹಾಗೇ ಅಗ್ನಿಶಾಮಕ ಸಿಬ್ಬಂದಿ ತಡೆದರು. ಮೂರು ವಾಹನ ಸಂಪೂರ್ಣವಾಗಿ ಸುಟ್ಟಿದ್ದರಿಂದ ಕಬ್ಬಿಣದ ತುಂಡುಗಳು ಮಾತ್ರ ಸ್ಥಳದಲ್ಲಿವೆ. ಬೆಂಕಿ ಜ್ವಾಲೆ ನೋಡಿದ ಜನ ಆತಂಕಕ್ಕೆ ಒಳಗಾಗಿದ್ದು, ತುರ್ತು ಕಾರ್ಯಾಚರಣೆಯಿಂದ ಅಲ್ಲಿದ್ದ ಮನೆಗಳಿಗೆ ಬೆಂಕಿ ತಗಲುವುದು ತಪ್ಪಿದೆ. ರಿಕ್ಷಾದ ಒಳಗಿದ್ದ ಸಿಲೆಂಡರ್ ಸೋರಿಕೆ ಅನಾಹುತಕ್ಕೆ ಕಾರಣ ಎನ್ನುವ ಬಗ್ಗೆ ಅಂದಾಜಿಸಲಾಗಿದ್ದು, ತನಿಖೆ ಮುಂದುವರೆದಿದೆ.
- [ತಹಶೀಲ್ದಾರ್ ಕಚೇರಿಗೆ ಬಾಂಬ್ ಬೆದರಿಕೆ!](https://mobiletime.in/2025/12/bomb-threat-to-tahsildars-office/): ಉತ್ತರ ಕನ್ನಡ ಜಿಲ್ಲೆಯ ಎರಡು ಸರ್ಕಾರಿ ಕಚೇರಿಗೆ ಬಾಂಬ್ ಬೆದರಿಕೆ ಬಂದಿದೆ. ಕಚೇರಿಯನ್ನು ಸ್ಪೋಟಿಸುವುದಾಗಿ ದುಷ್ಕರ್ಮಿಗಳು ಬೆದರಿಕೆ ಒಡ್ಡಿದ್ದಾರೆ. ಕಾರವಾರ ಹಾಗೂ ಭಟ್ಕಳದ ತಹಶೀಲ್ದಾರ್ ಕಚೇರಿಗೆ ಮಂಗಳವಾರ ಬೆಳಗ್ಗೆ ಇಮೇಲ್ ಬಂದಿದೆ. ಆ ಇಮೇಲ್ ಸಂದೇಶದಲ್ಲಿ ಸರ್ಕಾರಿ ಕಚೇರಿಯನ್ನು ಸ್ಪೋಟಿಸುವ ಬಗ್ಗೆ ವಿವರಿಸಲಾಗಿದೆ. ಅಧಿಕಾರಿಗಳು ನೀಡಿದ ಮಾಹಿತಿ ಅನ್ವಯ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದು, ಸರ್ಕಾರಿ ಕಚೇರಿಗೆ ಬಿಗಿ ಭದ್ರತೆ ಒದಗಿಸಿದ್ದಾರೆ. ಬೆಳಗ್ಗೆ 7.20ರ ಅವಧಿಯಲ್ಲಿ ಈ ಸಂದೇಶ ರವಾನೆಯಾಗಿದೆ. ಶೀಘ್ರದಲ್ಲಿಯೇ ಪ್ರಭಲವಾದ ಬಾಂಬ್ ಸ್ಪೋಟಿಸಲಿದೆ ಎಂದು ಇಮೇಲ್ ಮೂಲಕ ತಿಳಿಸಲಾಗಿದೆ. ಬಾಂಬ್ ನಿಷ್ಕಿçÃಯ ದಳದವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಕಚೇರಿ ಒಳಗೆ ಹಾಗೂ ಹೊರಗೆ ತೀವೃತರವಾದ ಶೋಧನಡೆಸಲಾಗಿದ್ದು, ಎಲ್ಲಿಯೂ ಬಾಂಬ್ ಪತ್ತೆ ಆಗಿಲ್ಲ. ಈ ಮೊದಲು ಭಟ್ಕಳ ಪೊಲೀಸ್ ಠಾಣೆಯನ್ನು ಸಹ ಸ್ಪೋಟಿಸುವುದಾಗಿ ಬೆದರಿಕೆ ಬಂದಿತ್ತು. ಬೆದರಿಕೆ ಒಡ್ಡಿದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದರು. ಸದ್ಯ ಎರಡು ಕಡೆ ತಹಶೀಲ್ದಾರ್ ಕಚೇರಿಗೆ ಬಾಂಬ್ ಬೆದರಿಕೆ ಬಂದಿದ್ದು, ಅದರತನಿಖೆ ನಡೆಯುತ್ತಿದೆ. ಭಟ್ಕಳ ತಹಶೀಲ್ದಾರ್ ಕಚೇರಿಗೆ ಬಂದ ಮಾದರಿಯಲ್ಲಿಯೇ ಕಾರವಾರ ತಹಶೀಲ್ದಾರ್ ಕಚೇರಿಗೂ ಇಮೇಲ್ ಬಂದಿದ್ದು, ಮಾನಸಿಕವಾಗಿ ಕುಗ್ಗಿರುವ ವ್ಯಕ್ತಿ ಈ ಕೃತ್ಯ ನಡೆಸಿದ ಅನುಮಾನಗಳಿವೆ. ಬಾಂಬ್ ಬೆದರಿಕೆಯ ಬಗ್ಗೆ SP  ದೀಪನ್ ಹೇಳಿದ್ದೇನು? ವಿಡಿಯೋ ಇಲ್ಲಿ ನೋಡಿ..
- [ವರದಕ್ಷಿಣೆ ತರದ ವಧು: ಕಿರುಕುಳ!](https://mobiletime.in/2025/12/bride-who-doesnt-bring-dowry-harassment/): ನಗೀನಾ ಅವರು ಮೊಹಮದ್ ಅವರನ್ನು ಮದುವೆ ಆಗಿ ಚಿತ್ರಹಿಂಸೆ ಅನುಭವಿಸುತ್ತಿದ್ದಾರೆ. ಮೊಹಮದ್ ಅವರ ಜೊತೆ ಅವರ ಕುಟುಂಬದವರು ಸಹ ವರದಕ್ಷಿಣೆಗಾಗಿ ನಗೀನಾ ಅವರನ್ನು ಕಾಡಿಸುತ್ತಿದ್ದಾರೆ. ಯಲ್ಲಾಪುರದ ಮಂಚಿಕೇರಿ ಬಳಿಯ ಹಲಸಿನಕೊಪ್ಪದಲ್ಲಿ ವಾಸವಾಗಿರುವ ಮೊಹಮದ್ ಮುಜಮ್ಮಿಲ್ ಶೇಖ್ ಅವರನ್ನು ನಗೀನಾ ಅವರು ಮದುವೆ ಆಗಿದ್ದಾರೆ. ಆದರೆ, ನಗೀನಾ ಅವರು ವರದಕ್ಷಿಣೆ ಕೊಡದ ಕಾರಣ ಮೊಹಮದ್ ಅವರ ಕುಟುಂಬದವರು ಬೇಸರದಲ್ಲಿದ್ದಾರೆ. ವರದಕ್ಷಿಣೆ ಕೊಡುವಂತೆ ಮೊಹಮದ್ ಕುಟುಂಬದವರು ಕಾಡಿಸುತ್ತಿದ್ದು, ನಗೀನಾ ಅವರ ಮೇಲೆ ದೈಹಿಕ ಹಲ್ಲೆಯನ್ನು ಮಾಡಿದ್ದಾರೆ. ನಗೀನಾ ಅವರ ಮೇಲೆ ಪತಿ ಮಹಮದ್ ಅವರ ಜೊತೆ ಅತ್ತೆ ಜಾಹೀರಾಬಿ ಶೇಖ್, ಮೈದುನರಾದ ಮಸ್ತಾಪ ಶೇಖ್, ಮಹಮದ್ ರಫೀಕ್ ಶೇಕ್, ಖಾಜಾ ಖರೀಂ ಶೇಖ್, ಮಹಮದ್ ಸಲಿಂ ಶೇಖ್, ಮಹಮದ್ ಗೌಸ್ ಶೇಖ್ ಸೇರಿ ದಬ್ಬಾಳಿಕೆ ನಡೆಸಿದ್ದಾರೆ. 2024ರ ಫೆಬ್ರವರಿ 23ರಿಂದಲೂ ಅವರೆಲ್ಲರೂ ಸೇರಿ ಹಿಂಸೆ ನೀಡುತ್ತಿದ್ದಾರೆ. ಇಷ್ಟು ದಿನಗಳ ಕಾಲ ಅದನ್ನು ಸಹಿಸಿಕೊಂಡಿದ್ದ ನಗೀನಾ ಅವರು ಇದೀಗ ಪತಿ ಹಾಗೂ ಅವರ ಕುಟುಂಬದ ವಿರುದ್ಧ ಸಿಡಿದೆದ್ದಿದ್ದಾರೆ. ನವೆಂಬರ್ 7ರಂದು ಆ ಏಳು ಜನ ಸೇರಿ ನಗೀನಾ ಅವರನ್ನು ಪೀಡಿಸಿದ್ದಾರೆ. ವರದಕ್ಷಿಣೆ ತರದ ಕಾರಣ ಮೈ ಮುಟ್ಟಿ ಮಾತನಾಡಿಸಿದ್ದಾರೆ. ಜೊತೆಗೆ ಜೀವ ಬೆದರಿಕೆಯನ್ನು ಒಡ್ಡಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ನಗೀನಾ ಅವರು ತಂದೆ-ತಾಯಿಗೆ ಹೇಳಿದ್ದು, ಅವರ ಸಲಹೆ ಮೇರೆಗೆ ಗಂಡನ ಜೊತೆ ಅವರ ಕುಟುಂಬದವರ ವಿರುದ್ಧವೂ ದೂರು ನೀಡಿದ್ದಾರೆ. ಮಹಿಳೆಯ ರಕ್ಷಣೆಗಿರುವ ಸಹಾಯವಾಣಿ ಸಂಖ್ಯೆ: 181
- [ದುಬಾರಿ ದರ-ದುರುಪಯೋಗದ ಪ್ರಭಾವ: ಕೆಲಸವಿಲ್ಲದೇ ಖಾಲಿ ಹೊಡೆಯುವ ಆಟೋ!](https://mobiletime.in/2025/12/impact-of-high-fares-and-abuse-autos-that-run-empty-without-work/): ಉತ್ತರ ಕನ್ನಡ ಜಿಲ್ಲೆಯಲ್ಲಿ 7 ಸಾವಿರಕ್ಕೂ ಅಧಿಕ ಆಟೋ ರಿಕ್ಷಾಗಳಿದ್ದು, ಅನೇಕ ಆಟೋ ಚಾಲಕರಿಗೆ ಸರಿಯಾದ ಬಾಡಿಗೆ ಸಿಗುತ್ತಿಲ್ಲ. ಕೆಲವರು ಎರಡಕ್ಕಿಂತ ಅಧಿಕ ಆಟೋ ಪರವಾನಿಗೆಪಡೆದಿದ್ದು, ಅದನ್ನು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ಉತ್ತರಕನ್ನಡ ಜಿಲ್ಲಾ ಆಟೋ ಚಾಲಕ ಹಾಗೂ ಮಾಲಕರ ಕ್ಷೇಮಾಭಿವೃದ್ಧಿ ಸಂಘದ ಜಿಲ್ಲಾಧ್ಯಕ್ಷ ವಿಶ್ವನಾಥ ಎಸ್ ಗೌಡ ಶಿರಸಿ ಅವರು ಮಾಹಿತಿ ನೀಡಿದ್ದು, `ಜನಸಂಖ್ಯೆಗೆ ಅನುಗುಣವಾಗಿ ಆಟೋ ಸಂಖ್ಯೆಯಿರಬೇಕಿದ್ದು, ಕೆಲ ತಾಲೂಕುಗಳಲ್ಲಿ ಅದನ್ನು ಮೀರಿ ಆಟೋಗಳಿವೆ. ಇದರಿಂದ ಆಟೋ ನಿಲ್ದಾಣದಲ್ಲಿ ಸ್ಥಳಾವಕಾಶ ಕೊರತೆ, ಟ್ರಾಫಿಕ್ ಕಿರಿಕಿರಿ ಹೆಚ್ಚಾಗಿದೆ’ ಎಂದವರು ವಿವರಿಸಿದ್ದಾರೆ. `ಮುಂದಿನ ಐದು ವರ್ಷದವರೆಗೆ ಆಟೋ ಪರವಾನಿಗೆ ನೀಡುವುದನ್ನು ಸ್ಥಗಿತಗೊಳಿಸಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಆಟೋ ರಿಕ್ಷಾಗಳ ಸಂಖ್ಯೆ ಹೆಚ್ಚಳವಾಗಿದ್ದರಿಂದ ಆದ ಸಮಸ್ಯೆ ಬಗ್ಗೆ ಅವರು ವಿವರಿಸಿದ್ದಾರೆ. `ಆಟೋ ಸಂಚರಿಸುವ ಪರ್ಮಿಟ್ ವ್ಯಾಪ್ತಿಯನ್ನು ಕನಿಷ್ಠ 50 ಕಿಲೋ ಮೀಟರ್‌ವರೆಗೆ ವಿಸ್ತರಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಕೆಲವರು ಲಾಭದಾಸೆಗೆ ಬಿದ್ದು ಆಟೋ ಖರೀದಿ ಮಾಡಿ ಹೆಚ್ಚಿನ ದರಕ್ಕೆ ಮಾರಾಟ ಮಾಡುತ್ತಿದ್ದಾರೆ.ಈ ಹಿನ್ನೆಲೆಯಲ್ಲಿ ಎರಡು ಪರ್ಮಿಟ್‌ಗಿಂತ ಹೆಚ್ಚು ಹೊಂದಿರುವ ಮಾಲಕರ ಮೇಲೆ ಕ್ರಮ ಕೈಗೊಳ್ಳಬೇಕು’ ಎಂದವರು ಒತ್ತಾಯಿಸಿದ್ದಾರೆ. `ಹಲವು ಜಿಲ್ಲೆಗಳಲ್ಲಿ ಪರ್ಮಿಟ್ ತಾತ್ಕಾಲಿಕ ನಿಷೇಧ ಜಾರಿಯಲ್ಲಿದೆ. ಅದರಂತೆ, ಉತ್ತರ ಕನ್ನಡದಲ್ಲೂ ಕನಿಷ್ಠ ಐದು ವರ್ಷಗಳ ಕಾಲ ಹೊಸ ಪರ್ಮಿಟ್ ನೀಡುವುದನ್ನು ಸ್ಥಗಿತಗೊಳಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಪರ್ಮಿಟ್ ನೀಡುವಾಗ ನಗರಸಭೆ, ಪಟ್ಟಣ ಪಂಚಾಯತ್ ಹಾಗೂ ಗ್ರಾಮ ಪಂಚಾಯತ್‌ನ ಪರವಾನಿಗೆಯನ್ನು ಕಡ್ಡಾಯಗೊಳಿಸಬೇಕು. ಹಳೆಯ ಜಿಲ್ಲಾ ಕೇಂದ್ರಗಳಲ್ಲಿಯೇ ಪರ್ಮಿಟ್ ನೀಡುವ ಪದ್ಧತಿಯನ್ನು ಪುನರುಜ್ಜೀವನಗೊಳಿಸಬೇಕು. ನಗರ ಪ್ರದೇಶಗಳಲ್ಲಿ 7 ಕಿಮೀ ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ 3ಕಿಮೀ ಮಾತ್ರ ಸಂಚರಿಸುವ ಪರವಾನಿಗೆ ನೀಡಲಾಗಿದ್ದು, ಅದನ್ನು ಕನಿಷ್ಟ 50ಕಿಮೀ ದೂರಕ್ಕೆ ವಿಸ್ತರಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಪ್ರವಾಸಿ ತಾಣ ಮುರ್ಡೇಶ್ವರ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಬರುವುದರಿಂದ ಅಲ್ಲಿ 300ಕ್ಕೂ ಹೆಚ್ಚು ಆಟೋಗಳಿದ್ದರೂ ಕೇವಲ 3ಕಿಮೀ ಸಂಚಾರ ಮಿತಿ ಇದೆ. ಪ್ರಾದೇಶಿಕ ಸಾರಿಗೆ ಕಚೇರಿ 27 ಕಿಮೀ ದೂರದಲ್ಲಿದ್ದು, ಗ್ಯಾಸ್ ತುಂಬಿಸಲು 15ಕಿಮೀ ದೂರದ ಭಟ್ಕಳ ಅಥವಾ 25ಕಿಮೀ ದೂರದ ಹೊನ್ನಾವರಕ್ಕೆ ತೆರಳುವುದು ಅನಿವಾರ್ಯ’ ಎಂದವರು ಹೇಳಿದರು. `ಬೇರೆ ಜಿಲ್ಲೆಯ ನೋಂದಣಿಯ ಆಟೋಗಳಿಗೆ ಸಹ ಇಲ್ಲಿ ಪರ್ಮಿಟ್ ಕೊಡಬಾರದು’ ಎಂದು ಆಗ್ರಹಿಸಿದರು.
- [ಪ್ರಶಾಂತ-ಅಭಿಷೇಕರ ನಡುವೆ ಮುಷ್ಠಿಯುದ್ಧ!](https://mobiletime.in/2025/12/fist-fight-between-prashanth-and-abhishek/): ಕಾರವಾರದ ಅಭಿಷೇಕ ಕಲ್ಗುಟ್ಕರ್ ಹಾಗೂ ಪ್ರಶಾಂತ ಗೋವೇಕರ್ ಅವರ ನಡುವೆ ಹೊಡೆದಾಟ ನಡೆದಿದೆ. ಪ್ರಶಾಂತ ಗೋವೇಕರ್ ಅವರ ಏಟಿಗೆ ಅಭಿಷೇಕ ಕಲ್ಗುಟ್ಕರ್ ಅವರು ಆಸ್ಪತ್ರೆ ಸೇರಿದ್ದಾರೆ. ನಂದನಗದ್ದಾ ಚಿಪ್ಕರವಾಡದ ಅಭಿಷೇಕ ಸುರೇಶ ಕಲ್ಗುಟ್ಕರ್ ಅವರು ಕಿನ್ನರ ಸಿದ್ಧವಾಡದ ಪ್ರಶಾಂತ ದತ್ತಾರಾಮ ಗೋವೇಕರ್ ಅವರು ಅನಗತ್ಯವಾಗಿ ಹೊಡೆದ ಬಗ್ಗೆ ಪೊಲೀಸರಿಗೆ ದೂರಿದ್ದಾರೆ. ಡಿಸೆಂಬರ್ 6 ಸಂಜೆ ತಮ್ಮ ಮೇಲೆ ಹಲ್ಲೆ ನಡೆದಿರುವುದಾಗಿಯೂ ಅವರು ವಿವರಿಸಿದ್ದಾರೆ. ಕಾರವಾರದ ಅಜ್ವೀ ಓಷಿಯನ್ ಬಳಿ ಈ ಹೊಡೆದಾಟ ನಡೆದಿದೆ. ಅಭಿಷೇಕ ಕಲ್ಗುಟ್ಕರ್ ಅವರು ಕಾರಿನಲ್ಲಿ ಹೋಗುತ್ತಿದ್ದಾಗ ಪ್ರಶಾಂತ ಗೋವೇಕರ್ ಅವರು ಆ ಕಾರಿಗೆ ಕೈ ಮಾಡಿದ್ದಾರೆ. ಅಭಿಷೇಕ್ ಕಲ್ಗುಟ್ಕರ್ ಅವರು ಕಾರು ಬಾಡಿಗೆಗೆ ಹೋಗಿದ್ದು, ಬಾಡಿಗೆಗೆ ಬಂದಿದ್ದ ವ್ಯಕ್ತಿಯ ಮುಂದೆಯೇ ಪ್ರಶಾಂತ ಗೋವೇಕರ್ ಅವರು ಅಭಿಷೇಕ ಕಲ್ಗುಟ್ಕರ್ ಅವರ ಮೇಲೆ ಕೈ ಮಾಡಿದ್ದಾರೆ. ಪ್ರಶಾಂತ ಗೋವೇಕರ್ ಅವರು ಕೆನ್ನೆಗೆ ಬಾರಿಸಿದ ಪರಿಣಾಮ ಅಭಿಷೇಕ ಕಲ್ಗುಟ್ಕರ್ ಅವರು ಆಸ್ಪತ್ರೆ ಸೇರಿದ್ದಾರೆ. ಈ ಬಗ್ಗೆ ಅಭಿಷೇಕ ಕಲ್ಗುಟ್ಕರ್ ಅವರು ಅದೇ ದಿನ ಪೊಲೀಸರಿಗೆ ವರದಿ ಒಪ್ಪಿಸಿದ್ದಾರೆ. ಅದಾದ ನಂತರ ನ್ಯಾಯಾಲಯಕ್ಕೆ ಹೋಗಿ ನ್ಯಾಯಾಧೀಶರ ಮುಂದೆ ಪ್ರಶಾಂತ ಗೋವೇಕರ್ ಅವರ ವಿರುದ್ಧ ದೂರಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಕಾರವಾರ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಕಾರವಾರ-ಕುಮಟಾ-ಹೊನ್ನಾವರ: ಒಂದೇ ದಿನ ಮೂರು ಕಡೆ ವಿದ್ಯುತ್ ಕಡಿತ!](https://mobiletime.in/2025/12/karwar-kumata-honnavar-power-outage-in-three-places-on-the-same-day/): ವಿದ್ಯುತ್ ತಂತಿ ಮಾರ್ಗ ದುರಸ್ಥಿ ಹಿನ್ನಲೆ ಕಾರವಾರ, ಕುಮಟಾ ಹಾಗೂ ಹೊನ್ನಾವರದಲ್ಲಿ ಒಂದೇ ದಿನ ವಿದ್ಯುತ್ ಸರಬರಾಜು ಸ್ಥಗಿತಗೊಳಿಸಲು ಹೆಸ್ಕಾಂ ನಿರ್ಧರಿಸಿದೆ. ಕುಮಟಾ ಉಪವಿಭಾಗದ ಮುರೂರ 11 ಕೆ.ವಿ ಮಾರ್ಗದ ಕೇಬಲ್ ಬಿಚ್ಚಿ ಅಳವಡಿಸುವ ಕಾಮಗಾರಿ ಹಿನ್ನಲೆ ಡಿಸೆಂಬರ್ 17ರಂದು ವಿದ್ಯುತ್ ಸರಬರಾಜು ಇರುವುದಿಲ್ಲ. ಕುಮಟಾ ನಗರ ಶಾಖೆಯ 11 ಕೆವಿ ಇಂಡಸ್ಟಿಯಲ್ ಮಾರ್ಗ ಮತ್ತು 11 ಕೆವಿ ವಾಲ್ಗಳ್ಳಿ ಮಾರ್ಗದ ಎಲ್ಲಾ ಭಾಗಗಳಲ್ಲಿ ಆ ದಿನ ವಿದ್ಯುತ್ ಕಡಿತ ಆಗಲಿದೆ. ಕುಮಟಾ ಉಪವಿಭಾಗದ 33 ಕೆ.ವಿ ಗೋಕರ್ಣ ಉಪಕೇಂದ್ರದಲ್ಲಿಯೂ ತುರ್ತು ನಿರ್ವಹಣಾ ಕಾಮಗಾರಿ ಇರುವುದರಿಂದ ಗೋಕರ್ಣ, ಬಂಕಿಕೊಡ್ಲ, ಓಂ ಬೀಚ್, ಬಿಜ್ಜೂರು, ಮಾದನಗೇರಿ, ಗಂಗಾವಳಿ, ತದಡಿಯ ಎಲ್ಲಾ ಭಾಗಗಳಲ್ಲಿ ಬೆಳಗ್ಗೆ 10 ಗಂಟೆಯಿAದ ಸಂಜೆ 5 ಗಂಟೆಯವರೆಗೆ ವಿದ್ಯುತ್ ಸರಬರಾಜು ಸ್ಥಗಿತವಾಗಲಿದೆ. ಕಾರವಾರ ಉಪವಿಭಾಗದ ವ್ಯಾಪ್ತಿಯಲ್ಲಿ ವಾಹಕ ಬದಲಾವಣೆ ಕಾಮಗಾರಿ ಹಿನ್ನಲೆ ನಂದನಗದ್ದಾ ಮತ್ತು ಸುಂಕೇರಿ ಫೀಡರಿನ ವಿವಿಧ ಪ್ರದೇಶಗಳಲ್ಲಿ ಡಿ 17ರಂದು ಬೆಳಗ್ಗೆ 9.30ರಿಂದ ಸಂಜೆ 6 ಗಂಟೆಯವರೆಗೆ ವಿದ್ಯುತ್ ವ್ಯತ್ಯಯವಾಗಲಿದೆ. ಇದೇ ದಿನ ಹೊನ್ನಾವರ 110 ಕೆವಿ ವಿದ್ಯುತ್ ವಿತರಣಾ ಕೇಂದ್ರದ 10ಎಮ್‌ವಿಎ ವಿದ್ಯುತ್ ವಿತರಣಾ ಕೇಂದ್ರದ ತುರ್ತು ನಿರ್ವಹಣಾ ಕೆಲಸವೂ ನಡೆಯಲಿದೆ. ಹೀಗಾಗಿ ಹೊನ್ನಾವರ ತಾಲೂಕಿನ ಪಟ್ಟಣ ಶಾಖೆಯ ಬಂದರು ರೋಡ್, ಕೆ ಹೆಚ್ ಬಿ ಕಾಲೋನಿ, ಎಲ್ ಐ ಸಿ ಮತ್ತು ಕರ್ಕಿ ಫೀಡರ್‌ಗಳ ವ್ಯಾಪ್ತಿಯಲ್ಲಿ ಡಿ 17ರಂದು ಬೆಳಗ್ಗೆ 10 ಗಂಟೆಯಿAದ ಮಧ್ಯಾಹ್ನ 3 ಗಂಟೆಯವರೆಗೆ ವಿದ್ಯುತ್ ಸರಬರಾಜು ಸ್ಥಗಿತವಾಗಲಿದೆ.
- [ಕಾಣೆಯಾದವ ಸಿಕ್ಕಿಲ್ಲ.. ಪೊಲೀಸ್ ಪ್ರಯತ್ನ ಸಾಕಾಗಿಲ್ಲ!](https://mobiletime.in/2025/12/the-missing-person-has-not-been-found-police-efforts-are-not-enough/): ಕುಮಟಾದ ಈಶ್ವರ ಮುಕ್ರಿ ಅವರು ಕಾಣೆಯಾಗಿ ಐದು ತಿಂಗಳಾಗಿದ್ದು, ಈವರೆಗೂ ಅವರ ಸುಳಿವು ಸಿಕ್ಕಿಲ್ಲ. `ಪೊಲೀಸ್ ದೂರು ನೀಡಿದರೂ ಮಗನನ್ನು ಹುಡುಕುವ ಕಾರ್ಯ ನಡೆದಿಲ್ಲ’ ಎಂದು ಈಶ್ವರ ಮುಕ್ರಿ ಅವರ ತಾಯಿ ಮಾದೇವಿ ಮುಕ್ರಿ ಅವರು ಆರೋಪಿಸಿದ್ದಾರೆ. ಕುಮಟಾದ ಬಗ್ಗೋಣದಲ್ಲಿ ಮಾದೇವಿ ನಾಗು ಮುಕ್ರಿ ಅವರು ವಾಸವಾಗಿದ್ದಾರೆ. ಅವರ ಮಗ ಈಶ್ವರ ಮುಕ್ರಿ ಅವರು ಜೂನ್ 15ರ ಮಧ್ಯಾಹ್ನ 1 ಗಂಟೆ ಅವಧಿಯಲ್ಲಿ ಮನೆ ತೊರೆದಿದ್ದು, ನಂತರ ಮರಳಿಲ್ಲ. `ಪತ್ನಿ ಬಿಟ್ಟಿರುವ ನೋವಿನಲ್ಲಿ ಈಶ್ವರ ಮುಕ್ರಿ ಅವರು ಮನೆ ತೊರೆದಿರುವ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆದರೆ, ಈಶ್ವರ ಮುಕ್ರಿ ಅವರು ರಘುಪತಿ ಮುಕ್ರಿ ಅವರ ಜೊತೆಗಿರುತ್ತಿದ್ದು, ಅವರ ಮೇಲೆ ತಮಗೆ ಅನುಮಾನವಿದೆ’ ಎಂದು 70 ವರ್ಷದ ಮಾದೇವಿ ಮುಕ್ರಿ ಅವರು ಹೇಳಿದ್ದಾರೆ. `ಪೊಲೀಸ್ ಠಾಣೆಗೆ ಹೋದರೆ ಅಲ್ಲಿ ತಮ್ಮನ್ನು ಕೆಟ್ಟದಾಗಿ ನಡೆಸಿಕೊಳ್ಳುತ್ತಾರೆ. ಮಗನನ್ನು ಹುಡುಕಿಕೊಡುವಂತೆ ಪೊಲೀಸ್ ಅಧೀಕ್ಷಕರಿಗೂ ಮನವಿ ಮಾಡಿದ್ದೇನೆ’ ಎಂದು ಮಾದೇವಿ ಮುಕ್ರಿ ಅವರು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರಲ್ಲಿ ವಿವರಿಸಿದ್ದಾರೆ. ಕರ್ತವ್ಯಕೋಪ ಎಸಗಿದ ಪೊಲೀಸರ ವರ್ಗಾವಣೆಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಒತ್ತಾಯಿಸಿದ್ದಾರೆ. ಜೊತೆಗೆ ಕಾಣೆಯಾದ ಈಶ್ವರ ಮುಕ್ರಿ ಅವರನ್ನು ಹುಡುಕಿಕೊಡುವಂತೆ ನಾಗು ಮುಕ್ರಿ, ಜಟ್ಟಿ ಮುಕ್ರಿ, ಭಾಸ್ಕರ್ ಮುಕ್ರಿ, ಗಣೇಶ್ ಮುಕ್ರಿ ಹಾಗೂ ಸುಧಾಕರ ನಾಯ್ಕ ಅವರು ಆಗ್ರಹಿಸಿದ್ದಾರೆ.
- [ಗಟಾರಕ್ಕೆ ಬಿದ್ದ ಬೈಕು!](https://mobiletime.in/2026/01/a-bike-that-fell-into-the-gutter/): ದಾಂಡೇಲಿಯ ಜಿ ಎನ್ ರಸ್ತೆಯಲ್ಲಿನ ಗಟಾರಕ್ಕೆ ಬೈಕ್ ಬಿದ್ದಿದೆ. ಪರಿಣಾಮ ಸವಾರರಿಬ್ಬರು ಗಾಯಗೊಂಡಿದ್ದಾರೆ. ಮಳೆಗಾಲದ ದುರಸ್ಥಿಗಾಗಿ ಗಟಾರ ತೆಗೆಯಲಾಗಿದ್ದು, ಮಳೆ ಮುಗಿದು ಮೂರು ತಿಂಗಳು ಕಳೆದರೂ ಗಟಾರ ಸರಿಪಡಿಸಿಲ್ಲ. ಹೀಗಾಗಿ ಈ ಭಾಗದಲ್ಲಿ ಪದೇ ಪದೇ ಅಪಘಾತವಾಗುತ್ತಿದೆ. ನಿತ್ಯ ನೂರಾರು ವಾಹನ ಈ ಮಾರ್ಗದಲ್ಲಿ ಸಂಚರಿಸುತ್ತಿದ್ದು ಬಾಯ್ತೆರೆದಿರುವ ಗಟಾರದಿಂದ ಜನ ಸಮಸ್ಯೆಗೆ ಸಿಲುಕಿದ್ದಾರೆ. ಸೋಮವಾರ ಸಂಜೆ ಈ ದಾರಿಯಲ್ಲಿ ಸಂಚರಿಸುತ್ತಿದ್ದ ಬೈಕು ಗಟಾರದಲ್ಲಿ ಪಲ್ಟಿಯಾಗಿದೆ. ಅಪಘಾತದಲ್ಲಿ ಬೈಕ್ ಸವಾರರಿಗೆ ಪೆಟ್ಟಾಗಿದೆ. ನಗರಾಡಳಿತದ ನಿರ್ಲಕ್ಷ್ಯಕ್ಕೆ ಸಾರ್ವಜನಿಕರಿಂದ ತೀವ್ರ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಜೊತೆಗೆ ತಕ್ಷಣ ಗಟಾರ ದುರಸ್ತಿ ಮಾಡಿ ಸುಗಮ ಸಂಚಾರಕ್ಕೆ ಅವಕಾಶ ಕಲ್ಪಿಸಬೇಕು ಎಂದು ಆಗ್ರಹಿಸಿದ್ದಾರೆ.
- [ಮೊಬೈಲ್ ಹ್ಯಾಕ್!](https://mobiletime.in/2026/01/mobile-hack/): ಕುಮಟಾದ ವಾಸುದೇವ್ ಶಾನಭಾಗ ಅವರ ಮೊಬೈಲ್ ಹ್ಯಾಕ್ ಆಗಿದೆ. ಪರಿಣಾಮ ಅವರ ಬ್ಯಾಂಕ್ ಖಾತೆಯಲ್ಲಿದ್ದ 2 ಲಕ್ಷ ರೂ ಹಣ ಕಣ್ಮರೆಯಾಗಿದೆ. ಕುಮಟಾದ ಮೂರುಕಟ್ಟೆಯ ಹಳೆ ಪೋಸ್ಟ್ ಆಫೀಸ್ ಸಮೀಪ ವಾಸುದೇವ ದಾಮೋದರ ಶಾನಭಾಗ ಅವರು ವಾಸವಾಗಿದ್ದಾರೆ. ವ್ಯಾಪಾರ-ವಹೀವಾಟು ನಡೆಸುವ ಅವರು ಯೂನಿಯನ್ ಬ್ಯಾಂಕಿನಲ್ಲಿ ಖಾತೆ ಹೊಂದಿದ್ದಾರೆ. ಇದನ್ನು ಅರಿತ ವಂಚಕರು ಡಿಸೆಂಬರ್ 19ರಂದು ಅವರಿಗೆ ಫೋನ್ ಮಾಡಿದ್ದಾರೆ. ಫೋನ್ ಮಾಡಿದವರು ತಮ್ಮನ್ನು ಯುನಿಯನ್ ಬ್ಯಾಂಕ್ ಅಧಿಕಾರಿಗಳು ಎಂದು ಪರಿಚಯಿಸಿಕೊಂಡಿದ್ದಾರೆ. ಅದಾದ ನಂತರ ವಾಸುದೇವ ಶಾನಭಾಗ ಅವರಿಗೆ ಲಿಂಕ್ ಒಂದನ್ನು ಕಳುಹಿಸಿದ್ದು, ಆ ಲಿಂಕ್ ಮೂಲಕವೇ ಅವರ ಮೊಬೈಲ್ ಹ್ಯಾಕ್ ಮಾಡಿದ್ದಾರೆ. ವಾಸುದೇವ ಶಾನಭಾಗ ಅವರ ಬ್ಯಾಂಕ್ ಖಾತೆಯಲ್ಲಿದ್ದ 2 ಲಕ್ಷ ರೂ ಹಣವನ್ನು ಆ ಅಪರಿಚಿತರು ಎಗರಿಸಿದ್ದಾರೆ. ಮೊಬೈಲ್ ಹ್ಯಾಕ್ ಆಗಿದ್ದು ಹೇಗೆ? ಹಣ ಕಾಣೆಯಾಗಿದ್ದು ಹೇಗೆ? ಎಂದು ವಾಸುದೇವ್ ಶಾನಭಾಗ ಅವರಿಗೆ ಗೊತ್ತೇ ಆಗಲಿಲ್ಲ. ಬ್ಯಾಂಕಿನವರಿಗೆ ಹೋಗಿ ಕೇಳಿದರೂ ಅವರು ಹಣ ಮರಳಿಸುವ ಬಗ್ಗೆ ಗ್ಯಾರಂಟಿ ಕೊಡಲಿಲ್ಲ. ಹೀಗಾಗಿ ವಾಸುದೇವ ಶಾನಭಾಗ ಅವರು ಪೊಲೀಸರ ಮೊರೆ ಹೋಗಿದ್ದು, ಕುಮಟಾ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
- [ಶಾಸಕರ ಸಭೆಯಲ್ಲಿ ಗೊರಕೆ ಸದ್ದು!](https://mobiletime.in/2026/01/snoring-noise-in-the-mla-meeting/): ಜ್ವಲಂತ ಸಮಸ್ಯೆಗಳ ಬಗ್ಗೆ ಚರ್ಚಿಸಲು ಕುಮಟಾ ಶಾಸಕ ದಿನಕರ ಶೆಟ್ಟಿ ಗಂಭೀರ ಸಭೆ ನಡೆಸಿದ್ದು, ಆ ಸಭೆಗೆ ಹಾಜರಾಗಿದ್ದ ಕೆಲ ಅಧಿಕಾರಿಗಳು ನಿದ್ದೆ ಮಾಡಿದ್ದಾರೆ. ಇನ್ನೂ ಕೆಲ ಅಧಿಕಾರಿಗಳು ಸಭೆಯಲ್ಲಿ ಆಕಳಿಸುತ್ತಿದ್ದು, ಬಹುತೇಕ ಅಧಿಕಾರಿಗಳು ಮೊಬೈಲ್ ಮಾಯೆಯೊಳಗೆ ಮಗ್ನರಾಗಿರುವುದು ಕಾಣಿಸಿತು. ಕುಮಟಾದ ತಾಲೂಕು ಪಂಚಾಯತ ಸಭಾ ಭವನದಲ್ಲಿ ಮಂಗಳವಾರ ಶಾಸಕ ದಿನಕರ ಶೆಟ್ಟಿ ಅಧಿಕಾರಿಗಳ ಸಭೆ ನಡೆಸಿದರು. ಈ ತ್ರೈಮಾಸಿಕ ಸಭೆಗೆ ಅಧಿಕಾರಿಗಳು ಒಲ್ಲದ ಮನಸ್ಸಿನಿಂದಲೇ ಆಗಮಿಸಿದ್ದರು. ಹೀಗಾಗಿ ಸಭೆ ಶುರುವಾಗುತ್ತಲೇ ಆಕಳಿಕೆ ಶಬ್ದ ಕೇಳಿದ್ದು, ಕೆಲ ಸಮಯದ ನಂತರ ಗೊರಕೆ ಸದ್ದು ಸಹ ಶುರುವಾಯಿತು. ಸಮವಸ್ತ್ರದಲ್ಲಿದ್ದ ಮಹಿಳಾ ಅಧಿಕಾರಿಯೊಬ್ಬರು ಗಾಡವಾದ ನಿದ್ದೆಗೆ ಹೋಗಿದ್ದರು. ಅವರ ಕೈಯಲ್ಲಿದ್ದ ಫೈಲು-ಪೆನ್ನು ಒಮ್ಮೆ ಜಾರಿದ್ದು, ಅದನ್ನು ಸರಿಪಡಿಸಿಕೊಂಡು ಮತ್ತೆ ನಿದ್ದೆಗೆ ಜಾರಿದರು. ಅವರ ಹಿಂದಿನ ಸಾಲಿನಲ್ಲಿದ್ದ ಅಧಿಕಾರಿಯೂ ಸಹ ನಿದ್ದೆಯ ಮಂಪರಿನಲ್ಲಿದ್ದರು. ಅವರನ್ನು ನೋಡಿದ ಇನ್ನಷ್ಟು ಅಧಿಕಾರಿಗಳು ಸಭೆಯ ಬಗ್ಗೆ ಗಮನಹರಿಸಿದೇ ತಮ್ಮ ಪಾಡಿಗೆ ತಾವಿದ್ದರು. ತಾವು ಪ್ರತಿನಿಧಿಸುವ ಇಲಾಖೆ ವಿಷಯ ಬಂದಾಗ ಮಾತ್ರ ನಿದ್ದೆಯಲ್ಲಿದ್ದ ಅಧಿಕಾರಿಗಳು ಎಚ್ಚರವಾಗಿ ಮಾತನಾಡಿದ್ದು, ಇಲಾಖೆಗಳ ನಡುವೆ ಸಮನ್ವಯ ಸಾಧಿಸಿ ಕಾರ್ಯಗತವಾಗಬೇಕಾದ ವಿಷಯಗಳು ಗಾಳಿಯಲ್ಲಿ ಹಾರಿ ಹೋದವು. ಅಕ್ರಮ ಮದ್ಯ ಮಾರಾಟ ಸೇರಿ ಇನ್ನಿತರ ಕಾರ್ಯಾಚರಣೆ ನಡೆಸುವ ಹೊಣೆಹೊತ್ತಿದ್ದ ಅಬಕಾರಿ ಇಲಾಖೆ ಇನ್ಸಪೆಕ್ಟರ್ ಜ್ಯೋತಿಶ್ರೀ ಅವರು ಸಭೆಗೆ ಆಗಮಿಸಿದ ಕೆಲವೇ ಕ್ಷಣದಲ್ಲಿ ನಿದ್ದೆಗೆ ಜಾರಿದರು. ಅಕ್ಕಪಕ್ಕದಲ್ಲಿದ್ದವರು ಎರಡು ಬಾರಿ ಅವರನ್ನು ಎಬ್ಬಿಸಿದರೂ ಸಹ ಕೆಲ ಸಮಯ ಕಣ್ಣು ತೆರೆದ ಅವರು ಮತ್ತೆ ಕಣ್ಮುಚ್ಚಿ ಧೀರ್ಘವಾದ ಉಸಿರಾಟ ನಡೆಸಿದರು. ಹಿಂದಿನ ಸಾಲಿನಲ್ಲಿ ಕೂತಿದ್ದ ಹಿಂದುಳಿದ ವರ್ಗಗಳ ಇಲಾಖೆಯ ಗಜಾನನ ಭಟ್ಟ ಅವರು ಸಭೆಗೆ ಬರುವಾಗ ಆಕಳಿಸುತ್ತಿದ್ದು, ಸಭೆಯಲ್ಲಿ ಕಣ್ಮುಚ್ಚಿ ಕುಳಿತಿದ್ದರು. ಅದೇ ಸಾಲಿನಲ್ಲಿದ್ದ ಮತ್ತಿಬ್ಬರು ಅಧಿಕಾರಿಗಳು ಪದೇ ಪದೇ ಮೊಬೈಲ್ ನೋಡುತ್ತಿರುವುದು ಕಾಣಿಸಿತು. ಒತ್ತಡದಿಂದ ಕೆಲಸ ಮಾಡುವ ಅಧಿಕಾರಿಗಳು ಆಯಾಸವಾಗಿ ನಿದ್ರೆಗೆ ಜಾರಿದರೂ ಶಾಸಕ ದಿನಕರ ಶೆಟ್ಟಿ ಅವರನ್ನು ತರಾಟೆಗೆ ತೆಗೆದುಕೊಳ್ಳಲಿಲ್ಲ. ಸಭೆಯ ಶಿಸ್ತು ಕಾಪಾಡದ ಅಧಿಕಾರಿಗಳ ವಿರುದ್ಧ ತಹಶೀಲ್ದಾರ್ ಶ್ರೀಕೃಷ್ಣ ಕಾಮುಕರ್ ಅವರು ಸಹ ಅಸಮಧಾನಹೊರಹಾಕಲಿಲ್ಲ. ವೇದಿಕೆಯಲ್ಲಿದ್ದ ತಾ ಪಂ ಕಾರ್ಯನಿರ್ವಹಣಾಧಿಕಾರಿ ರಾಜೇಂದ್ರ ಭಟ್ಟ ಅವರು ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಲಿಲ್ಲ. ತಾ.ಪಂ ಆಡಳಿತಾಧಿಕಾರಿ ಪ್ರಕಾಶ ಹಾಲಮ್ಮನವರ್ ಸಹ ಈ ವಿಷಯ ನೋಡಿಯೂ ಸುಮ್ಮನಿದ್ದರು. `ಕರಾವಳಿ ಭಾಗದಲ್ಲಿ ಕಿಡ್ನಿ ಸಮಸ್ಯೆಯಿಂದ ಬಳಲುತ್ತಿರುವವರ ಸಂಖ್ಯೆ ಹೆಚ್ಚಾಗಿದೆ. ಈ ಬಗ್ಗೆ ಸಮಗ್ರ ಅಧ್ಯಯನ ಅಗತ್ಯ’ ಎಂದು ಸಭೆಯಲ್ಲಿ ಶಾಸಕ ದಿನಕರ ಶೆಟ್ಟಿ ಅವರು ಸೂಚಿಸಿದರು. `ಈ ಬಗ್ಗೆ ತಜ್ಷರಿಂದ ಅಧ್ಯಯನ ನಡೆಸಿ ಸರ್ಕಾರಕ್ಕೆ ವರದಿ ಸಲ್ಲಿಸಿ’ ಎಂದು ದಿನಕರ ಶೆಟ್ಟಿ ಆರೋಗ್ಯ ಅಧಿಕಾರಿಗಳಿಗೆ ಸೂಚಿಸಿದರು. ಡಯಾಲಿಸೀಸ್ ಮಾಡಿಸಿಕೊಳ್ಳಲು ಬರುವವರ ಅಂಕಿ-ಸAಖ್ಯೆ ಪರಿಶೀಲನೆ ಮಾಡಿದ ಅವರು ಆಸ್ಪತ್ರೆಯ ಆಡಳಿತಾಧಿಕಾರಿ ಗಣೇಶ ನಾಯ್ಕ ಅವರಿಂದ ಇನ್ನಷ್ಟು ಮಾಹಿತಿಪಡೆದರು. `ಹೃದಯ ರೋಗ ಸಮಸ್ಯೆ ಸಹ ಕರಾವಳಿ ಭಾಗದಲ್ಲಿ ಹೆಚ್ಚಾಗಿದೆ’ ಎಂದು ಗಣೇಶ ನಾಯ್ಕ ಅವರು ಮಾಹಿತಿ ನೀಡಿದರು. ಪಶು ಸಿಬ್ಬಂದಿ ಕೊರತೆ, ಕೆಎಸ್‌ಆರ್‌ಟಿಸಿ ಓಡಿಸುವ ಡಕೋಟಾ ಬಸ್ಸು, ಬೆಂಗಳೂರಿನಿoದ ಬರುವ ಖಾಸಗಿ ಬಸ್ಸುಗಳಲ್ಲಿ ಲಗೇಜ್ ಭರ್ತಿ ಮಾಡುವಿಕೆ, ಮನೆ ಮನೆಗೆ ವಿದ್ಯುತ್ ಸಂಪರ್ಕ, ಅರಣ್ಯ, ಕೃಷಿ, ಲೋಕೋಪಯೋಗಿ, ತೋಟಗಾರಿಕೆ ಸೇರಿ ಇನ್ನಿತರ ವಿಷಯಗಳ ಬಗ್ಗೆ ಚರ್ಚೆ ನಡೆಯಿತು.
- [ಕುಡಿಯಲು ನೀರಿಲ್ಲದೇ ಪರದಾಟ: ಪ್ರತಿಭಟನೆ](https://mobiletime.in/2026/01/protest-struggling-without-drinking-water/): ಕುಮಟಾದ ದೀವಗಿ ಬಳಿಯ ಜನತಾ ಕಾಲೋನಿಗೆ ಕುಡಿಯುವ ನೀರು ಸರಿಯಾಗಿ ಸರಬರಾಜು ಆಗುತ್ತಿಲ್ಲ. ಹೀಗಾಗಿ ಆ ಭಾಗದ ಜನ ದೀವಗಿ ಗ್ರಾಮ ಪಂಚಾಯತ ಕಚೇರಿಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಿದ್ದಾರೆ. `ಕಳೆದ ಎರಡು ತಿಂಗಳಿನಿAದ ಸರಿಯಾಗಿ ನೀರು ಪೂರೈಕೆ ಆಗುತ್ತಿಲ್ಲ. ಗ್ರಾಮ ಪಂಚಾಯತ ಅಧಿಕಾರಿಗಳಿಗೆ ಹಲವು ಬಾರಿ ತಿಳಿಸಿದರೂ ಯಾವುದೇ ಕ್ರಮ ಜರುಗಿಸಿಲ್ಲ’ ಎಂದು ಆ ಭಾಗದ ಜನ ದೂರಿದರು. ಕರಾವಳಿ ಕನ್ನಡ ಸಂಘದ ಅಧ್ಯಕ್ಷ ಭಾಸ್ಕರ ಪಟಗಾರ ಅವರು ಪ್ರತಿಭಟನಾಕಾರರಿಗೆ ಬೆಂಬಲ ನೀಡಿದ್ದು, ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡರು. `ಜೆಜೆಎ ಕಾಮಗಾರಿಯಿಂದ ಕುಡಿಯುವ ನೀರಿನ ಸರಬರಾಜಾಗುತ್ತಿದ್ದ ಕೊಳವೆಗಳನ್ನು ತೆರವು ಮಾಡಿದ್ದರಿಂದ ನೀರಿನ ಸರಬರಾಜಿನ ನಿರ್ವಹಣೆಗೆ ಸಮಸ್ಯೆಯಾಗಿದೆ’ ಎಂದು ಅಧಿಕಾರಿಗಳು ಹೇಳಿದರು. ಆದರೆ, ಆ ಸಮಜಾಯಿಶಿಗೆ ಒಪ್ಪದ ಗ್ರಾಮಸ್ಥರು ವಾಗ್ವಾದ ನಡೆಸಿದರು. ಬಳಿಕ ಗ್ರಾಪಂ ಅಧಿಕಾರಿಗಳು ನಾಳೆಯಿಂದ ನೀರು ಬಿಡುವುದಾಗಿ ಭರವಸೆ ನೀಡಿದ್ದು, ಜನ ಪ್ರತಿಭಟನೆ ಹಿಂಪಡೆದರು. `ಜೆಜೆಎ ಅಸಮರ್ಪಕ ಕಾಮಗಾರಿಯಿಂದ ಗ್ರಾಮೀಣ ಭಾಗದ ಕುಡಿಯುವ ನೀರಿನ ಸರಬರಾಜು ವ್ಯವಸ್ಥೆ ಅಸ್ತವ್ಯಸ್ಥವಾಗಿದೆ. ಹಳೇ ಯೋಜನೆಯ ಕೊಳವೆಯನ್ನು ಬಳಸಿಕೊಂಡು ಜೆಜೆಎಂ ಯೋಜನೆಗೆ ಮಾಡುತ್ತಿರುವ ಆರೋಪ ಇದೆ. ಅಧಿಕಾರಿಗಳು ನೀರಿನ ಪೈಪ್ ದುರಸ್ತಿಯನ್ನು ಜೆಜೆಎಂ ಗುತ್ತಿಗೆದಾರರಿಂದ ಮಾಡಿಸುತ್ತಿರುವ ಆರೋಪವೂ ಇದೆ. ನೀರಿನ ವ್ಯವಸ್ಥೆ ಸರಿಯಾಗದಿದ್ದರೆ ಈ ಬಗ್ಗೆ ಜಿಲ್ಲಾಧಿಕಾರಿ ಅವರಿಗೆ ಮತ್ತು ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯರಿಗೂ ದೂರು ನೀಡಲಾಗುತ್ತದೆ’ ಎಂದು ಭಾಸ್ಕರ ಪಟಗಾರ ಅವರು ಎಚ್ಚರಿಸಿದರು. ಈ ಪ್ರತಿಭಟನೆಯಲ್ಲಿ ಗ್ರಾಮಸ್ಥರಾದ ವಿಠೋಬಾ ಭಂಡಾರಿ, ಪ್ರವೀಣ್ ಅಂಬಿಗ್, ಪ್ರದೀಪ್ ಭಂಡಾರಿ, ನಾಗವೇಣಿ ಅಂಬಿಗ, ಸುಷ್ಮಾ ಭಂಡಾರಿ, ಪುಷ್ಪ ನಾಯ್ಕ, ಚರಣ್ ಬಂಡಾರಿ, ನಾಗವೇಣಿ ಅಂಬಿಗ, ಸಾಯಿನಾಥ್ ಭಂಡಾರಿ, ಶಶಿಕಲಾ ಅಂಬಿಗ, ಮಂಗಲ್ ಅಂಬಿಗ, ವಿದ್ಯಾಧರ ಅಂಬಿಗ್, ಮಮತಾ ಭಂಡಾರಿ, ಸುನೀತಾ ಭಂಡಾರಿ, ಪ್ರೇಮ ಬಂಡಾರಿ, ಪ್ರೇಮ ಭಂಡಾರಿ, ಗಿರಿಜಾ ಅಂಬಿಗ, ರಾಮಚಂದ್ರ ಅಂಬಿಗ, ಲಕ್ಷ್ಮಿ ಅಂಬಿಗ, ಸೀತಾ ಅಂಬಿಗ, ಗುಲಾಬಿ ಭಂಡಾರಿ, ವಾಸಂತಿ ಅಂಬಿಗ, ಕಲ್ಪನಾ ಭಂಡಾರಿ, ರಾಮಚಂದ್ರ ಬಂಡಾರಿ, ಮಾದೇವಿ ಅಂಬಿಗ, ಗೋಪಿ ಅಂಬಿಗ ಇದ್ದರು.
- [ಅಣ್ಣನಿಗೆ ಕತ್ತಿ ಬೀಸಿದ ತಮ್ಮ!](https://mobiletime.in/2026/01/the-younger-brother-who-brandished-a-sword-at-his-older-brother/): ಯಲ್ಲಾಪುರದ ಮಹಾಬಲೇಶ್ವರ ಭಟ್ಟ ಅವರಿಗೆ ಅಂಕೋಲಾದ ಕೃಷ್ಣ ಭಟ್ಟ ಅವರು ಕತ್ತಿ ಬೀಸಿದ್ದಾರೆ. ಮಹಾಬಲೇಶ್ವರ ಭಟ್ಟ ಹಾಗೂ ಕೃಷ್ಣ ಭಟ್ಟ ಅವರು ಅಣ್ಣ-ತಮ್ಮಂದಿರಾಗಿದ್ದು, ಜಮೀನಿನ ವಿಷಯವಾಗಿ ಕಾದಾಟ ನಡೆಸಿದ್ದಾರೆ. ಯಲ್ಲಾಪುರದ ಚಂದ್ಗುಳಿಯಲ್ಲಿ ಮಹಾಬಲೇಶ್ವರ ವಿಶ್ವೇಶ್ವರ ಭಟ್ಟ ಅವರು ವೈದಿಕರಾಗಿದ್ದಾರೆ. ಅಂಕೋಲಾದ ಹೆಗ್ಗಾರಿನಲ್ಲಿಯೂ ಮಹಾಬಲೇಶ್ವರ ಭಟ್ಟ ಅವರಿಗೆ ಜಮೀನಿದ್ದು, ಆ ಜಮೀನಿಗೆ ಹೋಗಲು ಅವರ ತಮ್ಮ ಕೃಷ್ಣ ವಿಶ್ವೇಶ್ವರ ಭಟ್ಟ ಅವರು ಬಿಡುತ್ತಿಲ್ಲ. ಅಣ್ಣ-ತಮ್ಮರ ನಡುವೆ ಮೂಡಿದ ವೈಮನಸ್ಸು ಒಂದು ವರ್ಷದ ಈಚೆಗೆ ತಾರಕಕ್ಕೇರಿದ್ದು, ಅದೇ ಇದೀಗ ಕತ್ತಿ ಬೀಸುವಷ್ಟರ ಮಟ್ಟಿಗೆ ಮುಂದುವರೆದಿದೆ. ಒoದು ವರ್ಷದಿಂದ ಜಮೀನಿನಲ್ಲಿ ಬೆಳೆ ತೆಗೆಯಲು ಸಾಧ್ಯವಾಗದ ಕಾರಣ 62 ವರ್ಷದ ಮಹಾಬಲೇಶ್ವರ ಭಟ್ಟ ಅವರು ನೊಂದಿದ್ದು, ಜನವರಿ 3ರಂದು ಅವರು ತೋಟ ಸುತ್ತಾಟಕ್ಕಾಗಿ ಹೆಗ್ಗಾರಿಗೆ ಹೋಗಿದ್ದರು. ತೋಟ ತಿರುಗಾಟದ ನಂತರ ಅವರು ಅಲ್ಲಿಯೇ ವಿಶ್ರಾಂತಿ ಪಡೆದರು. ಆ ವೇಳೆ ಅಲ್ಲಿ 52 ವರ್ಷದ ಅವರ ತಮ್ಮ ಕೃಷ್ಣ ಭಟ್ಟರು ಬಂದರು. ಕೈಯಲ್ಲಿ ಕತ್ತಿ ಹಿಡಿದು ಬಂದಿದ್ದ ಅವರು ಅಣ್ಣನ ಕುತ್ತಿಗೆಯ ಕಡೆ ಅದನ್ನು ಬೀಸಿದರು. ತಕ್ಷಣ ವಿಶ್ವೇಶ್ವರ ಭಟ್ಟರು ಕುತ್ತಿಗೆಗೆ ಅಡ್ಡಲಾಗಿ ಕೈ ಹಿಡಿದಿದ್ದು, ಆ ಕತ್ತಿ ಅವರ ಕೈಗೆ ತಾಗಿತು. ಕೈಯಿಂದ ರಕ್ತ ಸುರಿದಿದ್ದು, ವಿಶ್ವೇಶ್ವರ ಭಟ್ಟ ಅವರು ನೆಲಕ್ಕೆ ಬಿದ್ದರು. ಆಗ, ಕೃಷ್ಣ ಭಟ್ಟರು ತಮ್ಮ ಕಾಲಿನಿಂದ ವಿಶ್ವೇಶ್ವರ ಭಟ್ಟರನ್ನು ತುಳಿದರು. `ಈ ಜಾಗಕ್ಕೆ ನೀ ಬರುವ ಹಾಗಿಲ್ಲ’ ಎಂದು ಕೃಷ್ಣ ಭಟ್ಟರು ತಾಕೀತು ಮಾಡಿದರು. `ನನ್ನ ಜಾಗಕ್ಕೆ ನಾನು ಬರುವೆ’ ಎಂದು ವಿಶ್ವೇಶ್ವರ ಭಟ್ಟರು ಇನ್ನಷ್ಟು ಗಟ್ಟಿಯಾಗಿ ಅಬ್ಬರಿಸಿದರು. ಹೀಗಾಗಿ ಕೃಷ್ಣ ಭಟ್ಟರ ಸಿಟ್ಟು ಮತ್ತೆ ಹೆಚ್ಚಾಗಿದ್ದು, ಇನ್ನಷ್ಟು ಥಳಿಸಿದರು. `ಮತ್ತೆ ಬಂದರೆ ಇದೇ ಕತ್ತಿಯಿಂದ ಕೊಚ್ಚಿ ಹಾಕುವೆ’ ಎಂದು ಕೃಷ್ಣ ಭಟ್ಟರು ಬೆದರಿಸಿದರು. ತಮ್ಮನಿಂದಲೇ ಪೆಟ್ಟು ತಿಂದ ವಿಶ್ವೇಶ್ವರ ಭಟ್ಟರು ತಮ್ಮ ಮೇಲಿನ ದಾಳಿಯ ಬಗ್ಗೆ ಅಳಲು ತೋಡಿಕೊಂಡರು. ನ್ಯಾಯ ಕೊಡಿಸಿ ಎಂದು ಪೊಲೀಸರ ಮೊರೆ ಹೋದರು.
- [ಹಾರ್ಡವೇರ್ ವ್ಯಾಪಾರಿಗೆ ಮೋಸ!](https://mobiletime.in/2026/01/hardware-dealer-cheated/): ಕಡಿಮೆ ದರಕ್ಕೆ ಒಳ್ಳೆಯ ಸಾಮಗ್ರಿ ಸಿಗುತ್ತದೆ ಎಂದು ನಂಬಿದ ಶಿರಸಿಯ ವ್ಯಾಪಾರಿಯೊಬ್ಬರು 3.60 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಸಾಮಗ್ರಿ ಕಳುಹಿಸುವುದಾಗಿ ನಂಬಿಸಿದವರ ಫೋನ್ ಸ್ವಿಚ್ ಆಫ್ ಆಗಿದ್ದು, ಬೆಂಗಳೂರಿಗೆ ಹೋಗಿ ಹುಡುಕಿದರೂ ಹಣಪಡೆದವ ಸಿಕ್ಕಿಲ್ಲ. ಶಿರಸಿಯ ಬನವಾಸಿ ಬಳಿಯ ಪಂಪವನ ಹತ್ತಿರ ವಾಸಿಸುವ ವಿನಿತ್ ಪರಮೇಶ್ವರ ಕೆಳಗಿನಮನೆ ಅವರು ಸೊರಬಾ ರಸ್ತೆಯಲ್ಲಿ ಹಾರ್ಡವೇರ್ ಮಳಿಗೆ ನಡೆಸುತ್ತಾರೆ. ಕದಂಬ ಬಿಲ್ಡಿಂಗ್ ಸಲ್ಯುಶನ್ ಎಂಬ ಅಂಗಡಿಯ ಮೂಲಕ ಅವರು ವಿವಿಧ ಕಬ್ಬಿಣದ ಸಾಮಗ್ರಿಗಳ ಮಾರಾಟ ಮಾಡುತ್ತಾರೆ. ಕಳೆದ ಮೂರು ವರ್ಷಗಳಿಂದ ವಿನಿತ್ ಅವರು ಮಳಿಗೆಗೆ ಬೇಕಾಗಿರುವ ಎಲ್ಲಾ ಬಗೆಯ ಸ್ಟೀಲುಗಳನ್ನು ಹೈದರಾಬಾದ್, ತಮಿಳುನಾಡು, ಪೂನಾ, ಬೆಂಗಳೂರು, ಹುಬ್ಬಳ್ಳಿಯಿಂದ ಖರೀದಿಸುತ್ತಿದ್ದಾರೆ. ಡಿಸೆಂಬರ್ 9ರಂದು ವಿನಿತ ಅವರ ಅಣ್ಣ ಶಿವರಾಜರ ಮೊಬೈಲಿಗೆ ಫೋನ್ ಒಂದು ಬಂದಿದ್ದು, ಶ್ರೀನಿವಾಸ ಎಂದು ಪರಿಚಯಿಸಿಕೊಂಡ ವ್ಯಕ್ತಿ ಕಡಿಮೆ ದರದಲ್ಲಿ ಜಿಐ ಪೈಪ್ ರವಾನಿಸುವುದಾಗಿ ಹೇಳಿದ್ದಾರೆ. . ಬೆಂಗಳೂರಿನ ಯಲಹಂಕಾ ಬಳಿಯಿರುವ ಶ್ರೀ ಗಣೇಶ ಎಂಟರ್ಪ್ರೈಸ್ ಎಂದು ಪರಿಚಯಿಸಿಕೊಂಡ ಶ್ರೀನಿವಾಸ ಅವರು 15 ಟನ್ ಜಿಐ ಪೈಪ್ ರವಾನೆಗೆ ಮುಂಗಡವಾಗಿ 4 ಲಕ್ಷ ಕೇಳಿದ್ದಾರೆ. ಎಲ್ಲರೂ ಕೊಡುವುದಕ್ಕಿಂತ ಕಡಿಮೆ ದುಡ್ಡಿಗೆ ಸಿಗುತ್ತದೆ ಎಂದು ನಂಬಿದ ವಿನಿತ ಅವರು ಶ್ರೀನಿವಾಸ ಅವರು ಸೂಚಿಸಿದ ಖಾತೆಗೆ 3.60 ಲಕ್ಷ ರೂ ಹಣ ಹಾಕಿದ್ದಾರೆ. ಆದರೆ, ಅಗತ್ಯವಿರುವ ಜಿಐ ಪೈಪ್ ಶಿರಸಿಗೆ ಬಂದಿಲ್ಲ. ಈ ಬಗ್ಗೆ ಪ್ರಶ್ನಿಸಲು ಶ್ರೀನಿವಾಸ ಅವರಿಗೆ ಫೋನ್ ಮಾಡಿದಾಗ ಆ ನಂ ಸ್ವಿಚ್ ಆಫ್ ಆಗಿದೆ. ಬೆಂಗಳೂರಿಗೆ ಹೋಗಿ ಹುಡುಕಾಟ ನಡೆಸಿದರೂ ಗಣೇಶ ಎಂಟರ್ಪ್ರೈಸ್ ಎಂಬ ಮಳಿಗೆ ಕಾಣಿಸಿಲ್ಲ. ಮೋಸ ಹೋದ ಬಗ್ಗೆ ಅರಿತ ವಿನಿತ್ ಅವರು ಫೋನ್ ಮಾಡಿದ ವ್ಯಕ್ತಿಯ ಮೊಬೈಲ್ ಸಂಖ್ಯೆ ಆಧಾರದಲ್ಲಿ ಪೊಲೀಸರ ಮೊರೆ ಹೋಗಿದ್ದಾರೆ. ಬನವಾಸಿ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಂಚಕರ ಶೋಧ ನಡೆಸಿದ್ದಾರೆ.
- [ವೈಮನಸ್ಸು: ಗಂಗಾವಳಿ ಕೊಳ್ಳದ ಬಳಿ ಕೋಲಾಹಲ!](https://mobiletime.in/2026/01/enmity-riot-near-gangavali-valley/): ಗೋಕರ್ಣ ಬಳಿಯ ಗಂಗಾವಳಿ ಬಳಿ ರೆಸಾರ್ಟಿಗೆಪಡೆದ ವಿದ್ಯುತ್ ಲೈನ್ ವಿಚಾರವಾಗಿ ವೈಮನಸ್ಸು ಉಂಟಾಗಿದೆ. ಆ ದ್ವೇಷ ಹೊಡೆದಾಟಕ್ಕೆ ಕಾರಣವಾಗಿದೆ. ಗಂಗಾವಳಿಯ ವ್ಯಾಪಾರಿ ಗಣಪತಿ ನಾರಾಯಣ ನಾಯ್ಕ ಅವರ ಮೇಲೆ ನಾಲ್ವರು ಸೇರಿ ಆಕ್ರಮಣ ನಡೆಸಿದ್ದಾರೆ. ಕುಮಟಾ ಬಾವಿಕೊಡ್ಲದ ಮನೋಹರ ಸುರೇಶ ಗೌಡ, ಸುರೇಶ ಗೌಡ, ಈಶ್ವರ ವೆಂಕಟ್ರಮಣ ಗೌಡ, ಪ್ರಶಾಂತ ಗೌಡ ಅವರು ಗಣಪತಿ ನಾಯ್ಕ ಅವರನ್ನು ಹಿಡಿದು ಥಳಿಸಿದ್ದಾರೆ. ಗಣಪತಿ ನಾಯ್ಕ ಹಾಗೂ ಮನೋಹರ ಗೌಡ ಅವರ ನಡುವೆ ನಕ್ಷತ್ರ ಬೀಚ್ ಸ್ಟೇಗೆ ವಿದ್ಯುತ್ ಲೈನ್ ಪಡೆದ ವಿಚಾರದಲ್ಲಿ ತಕರಾರು ಶುರುವಾಗಿದ್ದೇ ಈ ಹೊಡೆದಾಟಕ್ಕೆ ಕಾರಣ. ಗಣಪತಿ ನಾಯ್ಕ ಅವರ ದೂರಿನ ಪ್ರಕಾರ, ಜನವರಿ 3ರ ರಾತ್ರಿ ನಕ್ಷತ್ರ ಬೀಚ್ ಸ್ಟೇ ಆವರಣೆಗೆ ನುಗ್ಗಿದ ಆಗಂತುಕರು ಅವರ ಮೇಲೆ ಕೈ ಮಾಡಿದ್ದಾರೆ. ಈಶ್ವರ ಗೌಡ ಅವರು ಮೊದಲು ಕೈ ಮಾಡಿದ್ದು, ಅದಾದ ನಂತರ ಉಳಿದವರು ಸೇರಿ ಗಣಪತಿ ನಾಯ್ಕ ಅವರನ್ನು ಥಳಿಸಿದ್ದಾರೆ. ಹಲ್ಲೆಗೆ ಒಳಗಾದ ಗಣಪತಿ ನಾಯ್ಕ ಅವರು ಗೋಕರ್ಣ ಪೊಲೀಸರ ಬಳಿ ತಮಗಾದ ಅನ್ಯಾಯ ವಿವರಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಮರಕ್ಕೆ ಗುದ್ದಿದ ಬೈಕು: ಅಂತ್ಯವಾದ ಸವಾರನ ಬದುಕು!](https://mobiletime.in/2026/01/bike-hits-tree-riders-life-ends/): ಶಿರಸಿಯ ಉಮೇಶ ನಾಯ್ಕ ಅವರ ಮಾಲಿಕತ್ವದ ತೋಟಕ್ಕೆ ಕಳೆ ಹೊಡೆಯಲು ಹೊರಟಿದ್ದ ರಾಘವೇಂದ್ರ ಪೂಜಾರಿ ಅವರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಪಂಡೀತ್ ಆಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿ, ಹೆಚ್ಚಿನ ಚಿಕಿತ್ಸೆಗೆ ಟಿ ಎಸ್ ಎಸ್ ಆಸ್ಪತ್ರೆಗೆ ದಾಖಲಿಸುವ ಪ್ರಯತ್ನ ನಡೆದರೂ ಪ್ರಯೋಜನವಾಗಲಿಲ್ಲ. ಶಿರಸಿಯ ಹುಲೆಕಲ್ ಬಳಿಯ ಬೆಳ್ಳದ್ದದಲ್ಲಿ ರಾಘವೇಂದ್ರ ಸೀನಾ ಪೂಜಾರಿ (43) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಬೇರೆ ಬೇರೆ ಊರುಗಳಿಗೆ ಸಂಚರಿಸಿ ನಿತ್ಯದ ದುಡಿಮೆ ಮಾಡುತ್ತಿದ್ದರು. ಅದರಂತೆ ಜನವರಿ 3ರಂದು ಉಮೇಶ ನಾಯ್ಕ ಅವರ ಹೊಲಕ್ಕೆ ಕಳೆ ಹೊಡೆಯಲು ಅವರು ಬೈಕ್ ಮೇಲೆ ಹೊರಟಿದ್ದರು. ಸೋಂದಾ ಪಂಚಾಯತ ವ್ಯಾಪ್ತಿಯ ಬೆಳ್ಳದ್ದ ಕರ್ಕೊಳ್ಳಿ ಕಚ್ಚಾ ರಸ್ತೆಯ ಕಡೆಗುಂಟಾ ಮಾರ್ಗವಾಗಿ ರಾಘವೇಂದ್ರ ಪೂಜಾರಿ ಅವರು ಸಂಚರಿಸುತ್ತಿದ್ದರು. ಬಹುಬೇಗ ಕೆಲಸದ ಸ್ಥಳ ಸೇರಬೇಕು ಎಂಬ ನಿಟ್ಟಿನಲ್ಲಿ ರಾಘವೇಂದ್ರ ಪೂಜಾರಿ ಅವರು ವೇಗವಾಗಿ ಬೈಕ್ ಓಡಿಸಿದ್ದು, ಆ ಬೈಕ್ ನಿಯಂತ್ರಣ ತಪ್ಪಿತು. ಪರಿಣಾಮ ರಾಘವೇಂದ್ರ ಪೂಜಾರಿ ಅವರಿದ್ದ ಬೈಕು ಅಲ್ಲಿದ್ದ ಅನೇಕ ಮರಗಳಿಗೆ ಬಡಿಯಿತು. ಇದರಿಂದ ರಾಘವೇಂದ್ರ ಪೂಜಾರಿ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ಅಪಘಾತ ನೋಡಿದ ಜನ ಅವರನ್ನು ಪಂಡೀತ್ ಸಾರ್ವಜನಿಕ ಆಸ್ಪತ್ರೆಗೆ ಸೇರಿಸಿದರು. ಅಲ್ಲಿನ ವೈದ್ಯರು ಪ್ರಾಥಮಿಕ ಚಿಕಿತ್ಸೆ ನೀಡಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ರಾಘವೇಂದ್ರ ಪೂಜಾರಿ ಅವರನ್ನು ಟಿ ಎಸ್ ಎಸ್ ಆಸ್ಪತ್ರೆಗೆ ಕರೆತರಲಾಯಿತು. ಆದರೆ, ಆಸ್ಪತ್ರೆಗೆ ಬರುವ ಮುನ್ನವೇ ಅವರು ಕೊನೆಯುಸಿರೆಳೆದಿದ್ದರು. ರಾಘವೇಂದ್ರ ಪೂಜಾರಿ ಅವರ ಸಹೋದರ ಸತೀಶ ಪೂಜಾರಿ ಅವರು ಈ ವಿಷಯ ವಿವರಿಸಿದರು. `ಸಂಚಾರಿ ನಿಯಮ ಪಾಲಿಸಿ. ಸುರಕ್ಷಿತವಾಗಿ ವಾಹನ ಓಡಿಸಿ’
- [ಸ್ವೀಟ್ ಅಂಗಡಿಯಲ್ಲಿ ಸಿಗದ ಸಿಗರೇಟು: ಟಿವಿ-ಗಾಜು ಪುಡಿ ಪುಡಿ!](https://mobiletime.in/2026/01/cigarettes-not-available-in-sweet-shops-tv-glass-powder-powder/): ಶಿರಸಿಯ ಸ್ವೀಟ್ ಅಂಗಡಿಯಲ್ಲಿ ಸಿಗರೇಟು ಸಿಗದ ಕಾರಣ ಆಕ್ರೋಶಗೊಂಡ ಗ್ರಾಹಕರು ಆ ಅಂಗಡಿಯ ಗಾಜು ಒಡೆದಿದ್ದಾರೆ. ಜೊತೆಗೆ ಅಂಗಡಿ ಒಳಗೆ ನುಗ್ಗಿ ಅಲ್ಲಿದ್ದ ಟಿವಿಯನ್ನು ಧ್ವಂಸ ಮಾಡಿದ್ದಾರೆ. ರಾಜಸ್ಥಾನದ ರಮೇಶ ಮಾಂಗಿಲಾಲ್ ಅವರು ಶಿರಸಿ ಗಡೇಹಳ್ಳಿ ಸುಬ್ರಾಯ ನಾಯ್ಕ ಅಂಗಡಿ ಮಳಿಗೆಯಲ್ಲಿ ಜೈ ಮಾತಾ ಸ್ವೀಟ್ಸ್ ಎಂಬ ಮಳಿಗೆ ನಡೆಸುತ್ತಿದ್ದಾರೆ. ಡಿ 31ರಂದು ಅರೆಕೊಪ್ಪದ ಅಮಾನ್ ಹನೀಪ ಶೇಖ್ ಹಾಗೂ ಬನವಾಸಿ ರಸ್ತೆಯ ರಕ್ಷಿತ ರಾಮು ಬೆಳಗಾವ್ ಅವರು ಆ ಅಂಗಡಿಗೆ ಬಂದು ಸಿಗರೇಟು ಕೇಳಿದ್ದಾರೆ. ಆಗ, ರಮೇಶ್ ಅವರು `ನಾವು ಇಲ್ಲಿ ಸಿಗರೇಟು ಮಾರುವುದಿಲ್ಲ’ ಎಂದಿದ್ದಾರೆ. ಅದರಿಂದ ಆ ಇಬ್ಬರು ಸಿಟ್ಟಾಗಿ ಬೈದು ಅಲ್ಲಿಂದ ಹೋಗಿದ್ದಾರೆ. ಅದೇ ದಿನ ಮಧ್ಯಾಹ್ನ ಮತ್ತೆ ಕಾರಿನಲ್ಲಿ ಬಂದ ಅಮಾನ್ ಶೇಖ್ ಹಾಗೂ ರಕ್ಷಿತ ಬೆಳಗಾವ್ ಅವರು ಮತ್ತೆ ಬೈಗುಳ ಶುರು ಮಾಡಿದ್ದಾರೆ. ಅಂಗಡಿಗೆ ತಾಡಪಲ್ ಹಾಸಿ ಒಳಗೆ ಮಲಗಿದ್ದ ರಮೇಶ ಮಾಂಗಿಲಾಲ್ ಅವರನ್ನು ಎಬ್ಬಿಸಿ ನಿಂದಿಸಿದ್ದಾರೆ. `ಹೊರಗಿನಿಂದ ಬಂದು ನಮ್ಮ ಏರಿಯಾದಲ್ಲಿ ವ್ಯಾಪಾರ ಮಾಡುತ್ತೀಯಾ. ಸಿಗರೇಟು ಕೇಳಿದರೆ ಕೊಡುವುದಿಲ್ಲವಾ?’ ಎಂದು ದಬಾಯಿಸಿದ್ದಾರೆ. ಅದಾದ ನಂತರ ದೊಡ್ಡ ದೊಡ್ಡ ಕಲ್ಲುಗಳನ್ನು ಅಂಗಡಿ ಮೇಲೆ ಎಸೆದಿದ್ದಾರೆ. ಆಗ ಅಂಗಡಿಯ ಹೊರಭಾಗದಲ್ಲಿ ಗಾಜು ಪುಡಿಪುಡಿಯಾಗಿದ್ದು, ಅದಾದ ನಂತರ ಅಂಗಡಿ ಒಳಗೆ ನುಗ್ಗಿ ಟಿವಿಯನ್ನು ಧ್ವಂಸ ಮಾಡಿದ್ದಾರೆ. ಇದರಿಂದ ವ್ಯಾಪಾರಿ ರಮೇಶ ಮಾಂಗಿಲಾಲ್ ಅವರಿಗೆ 45 ಸಾವಿರ ರೂ ನಷ್ಟವಾಗಿದೆ. ತಮ್ಮ ಅಂಗಡಿಗೆ ನುಗ್ಗಿ ದಾಂಧಲೆ ಮಾಡಿದರ ವಿರುದ್ಧ ಕಾನೂನು ಕ್ರಮ ಜರುಗಿಸುವಂತೆ ರಮೇಶ ಮಾಂಗಿಲಾಲ್ ಅವರು ಪೊಲೀಸ್ ದೂರು ನೀಡಿದ್ದಾರೆ. ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿಚಾರಣೆ ನಡೆಸಿದ್ದಾರೆ.
- [ಜಗಳ: ವಿಡಿಯೋ ಮಾಡಿದಕ್ಕಾಗಿ ಹೊಡೆದಾಟ!](https://mobiletime.in/2026/01/fight-fight-over-making-a-video/): ಪಕ್ಕದ ಮನೆಯಲ್ಲಿ ಜಗಳ ನಡೆದ ಜಗಳವನ್ನು ವಿಡಿಯೋ ಮಾಡಿದ ಕಾರಣ ಅಂಕೋಲಾದ ಅಪೇಕ್ಷಾ ನಾಯಕ ಅವರು ಪೆಟ್ಟು ತಿಂದಿದ್ದಾರೆ. ಅಪೇಕ್ಷಾ ನಾಯಕ ಅವರನ್ನು ಸಮರ್ಥಿಸಿಕೊಳ್ಳಲು ಹೋದ ಅವರ ಪತಿ ಗರೀಶ ನಾಯಕ ಅವರಿಗೂ ಮಂಜುನಾಥ ನಾಯಕ ಅವರು ಹೊಡೆದು ಕಳುಹಿಸಿದ್ದಾರೆ. ಇದರಿಂದ ಸಿಟ್ಟಾದ ಮಂಜುನಾಥ ನಾಯಕ ಅವರು ಗುಂಪು ಕಟ್ಟಿಕೊಂಡು ಬಂದು ಅಪೇಕ್ಷಾ ನಾಯಕ ಅವರ ಕುಟುಂಬದವರ ಮೇಲೆ ಆಕ್ರಮಣ ಮಾಡಿದ್ದಾರೆ. ಜನವರಿ 4ರಂದು ಅಂಕೋಲಾದ ಹಿಲ್ಲೂರು ಬಳಿಯ ಮರಾಕಲ್’ನ ಮಂಜುನಾಥ ಬೊಮ್ಮಯ್ಯ ನಾಯಕ ಹಾಗೂ ಲಕ್ಷಿö್ಮÃಧರ ಅವರ ನಡುವೆ ಜಗಳ ನಡೆಯುತ್ತಿತ್ತು. ಆ ಜಗಳವನ್ನು ಅದೇ ಊರಿನ ಅಪೇಕ್ಷಾ ನಾಯಕ ಅವರು ವಿಡಿಯೋ ಮಾಡಿದ್ದರು. ಜಮೀನು ವಿಷಯವಾಗಿ ಅಪೇಕ್ಷಾ ನಾಯಕ ಅವರ ಕುಟುಂಬದ ವಿರುದ್ಧ ಸಿಟ್ಟಾಗಿದ್ದ ಮಂಜುನಾಥ ನಾಯಕ ಅವರು ಜಗಳದ ವಿಡಿಯೋ ಮಾಡಿದ ಕಾರಣ ರೊಚ್ಚಿಗೆದ್ದರು. `ಸಂಬAಧವಿಲ್ಲದ ವಿಷಯ ವಿಡಿಯೋ ಏಕೆ ಮಾಡುವೆ?’ ಎಂದು ಪ್ರಶ್ನೆ ಮಾಡಿ ಅಪೇಕ್ಷಾ ನಾಯಕ ಅವರನ್ನು ದಬಾಯಿಸಿದರು. ಅಪೇಕ್ಷಾ ನಾಯಕ ಅವರ ಎದೆಗೆ ಕೈ ಹಾಕಿ ದೂಡಿದರು. ನೆಲಕ್ಕೆ ಬಿದ್ದ ಅಪೇಕ್ಷಾ ನಾಯಕ ಅವರಿಗೆ ನೋವಾಯಿತು. ಅಪೇಕ್ಷಾ ನಾಯಕ ಅವರು ಈ ವಿಷಯವನ್ನು ಆಟೋ ಚಾಲಕರಾಗಿರುವ ತಮ್ಮ ಪತಿ ಗಿರೀಶ ನಾಯಕ ಅವರಿಗೆ ತಿಳಿಸಿದರು. ಮಂಜುನಾಥ ನಾಯಕ ಅವರ ಬಳಿ ತೆರಳಿದ ಗಿರೀಶ ನಾಯಕ `ನನ್ನ ಹೆಂಡತಿಗೆ ಬೈಯುವೆಯಾ? ಹಿಲ್ಲೂರಿಗೆ ಬಾ ಗತಿ ಕಾಣಿಸುವೆ’ ಎಂದು ಎಚ್ಚರಿಸಿದರು. ಅದೇ ದಿನ ಸಂಜೆ ಮಂಜುನಾಥ ನಾಯಕ ಅವರು ತಮ್ಮ ಪತ್ನಿ ಸಂಧ್ಯಾ ನಾಯಕ ಅವರ ಜೊತೆ ಸೇರಿ ಹಿಲ್ಲೂರಿಗೆ ಹೋದರು. ಅಲ್ಲಿ ಗಿರೀಶ ನಾಯಕ ಅವರ ಜೊತೆ ಅಪೇಕ್ಷಾ ನಾಯಕ ಅವರು ಸಂಧ್ಯಾ ನಾಯಕ ಹಾಗೂ ಮಂಜುನಾಥ ನಾಯಕ ಅವರನ್ನು ಅಡ್ಡಗಟ್ಟಿದರು. ಹಿಲ್ಲೂರಿನ ಗಣಪತಿ ಕೃಷ್ಣ ನಾಯಕ, ರವಿ ಗಣಪತಿ ನಾಯಕ ಅವರು ಸಹ ಮಂಜುನಾಥ ನಾಯಕ ಹಾಗೂ ಸಂಧ್ಯಾ ನಾಯಕ ದಂಪತಿ ಮೇಲೆ ಮುಗಿಬಿದ್ದರು. `ನನ್ನ ಹೆಂಡತಿ ಜೊತೆ ಜಗಳ ಮಾಡುವೆಯಾ?’ ಎಂದು ಬೈದ ಗಿರೀಶ ನಾಯಕ ಅವರು ಮಂಜುನಾಥ ನಾಯಕ ಅವರನ್ನು ದೊಣ್ಣೆಯಿಂದ ಹೊಡೆದು ಥಳಿಸಿದರು. ಉಳಿದ ಮೂವರು ಗಿರೀಶ ನಾಯಕ ಅವರಿಗೆ ಹೊಡೆಯಲು ಬಂದಾಗ ಸಂಧ್ಯಾ ನಾಯಕ ಅವರು ಅದನ್ನು ತಪ್ಪಿಸುವ ಪ್ರಯತ್ನ ಮಾಡಿದರು. ಆದರೆ, ಅಡ್ಡಬಂದ ಕಾರಣ ಸಂಧ್ಯಾ ನಾಯಕ ಅವರು ಪೆಟ್ಟು ತಿಂದರು. ಈ ವೇಳೆ ಸಿಟ್ಟಿನಲ್ಲಿದ್ದ ಗಿರೀಶ ನಾಯಕ ಅವರು ಸಂಧ್ಯಾ ನಾಯಕ ಅವರಿಗೆ ಚಪ್ಪಲಿಯಿಂದ ಹೊಡೆದರು. `ಸಂದೀಪ ನಾಯಕ ಅವರ ಮನೆಗೆ ಬಾ. ಹಿರಿಯರ ಮುಂದೆ ನಿರ್ಣಯವಾಗಲಿ’ ಎಂದ ಅಪೇಕ್ಷಾ ನಾಯಕ ಈ ವೇಳೆ ಹೇಳಿದರು. `ನಾನು ಮೊಬೈಲ್ ನೋಡುತ್ತಿದ್ದೆ. ವಿಡಿಯೋ ಮಾಡಿಲ್ಲ’ ಎಂದು ಅಪೇಕ್ಷಾ ನಾಯಕ ಆ ವೇಳೆ ಸಮರ್ಥಿಸಿಕೊಂಡರು. ಅದಾದ ನಂತರ ಈ ಎರಡು ಕಡೆಯವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದು, ಆದ ವಿದ್ಯಮಾನಗಳ ಬಗ್ಗೆ ವಿವರಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದರು.  
- [ಊಟಕ್ಕೆ ಹೋಗಿ ಹೊಡೆತ ತಿಂದ ಜೊಮೆಟೋ ಬಾಯ್!](https://mobiletime.in/2026/01/zomato-boy-gets-beaten-up-for-going-out-for-dinner/): ಕಾರವಾರದ ಸರ್ವೋದಯ ನಗರದಲ್ಲಿ ಎರಡು ಗುಂಪುಗಳ ನಡುವೆ ಮಾರಾಮಾರಿ ನಡೆದಿದೆ. ಕೆ ಎಚ್ ಬಿ ಕಾಲೋನಿಯ ಜೊಮೆಟೋ ಡಿಲೆವರಿ ಬಾಯ್ ಹೃದಯ ಮಡ್ಲೇರಿ ಅವರು ಈ ಹೊಡೆದಾಟದಲ್ಲಿ ಪೆಟ್ಟು ತಿಂದಿದ್ದು, ಪ್ರತಿಯಾಗಿ ಅವರು ಸಹ ಮೂವರ ಮೇಲೆ ಆಕ್ರಮಣ ಮಾಡಿದ್ದಾರೆ. ಎರಡು ವರ್ಷದ ಹಿಂದೆ ಕಾರವಾರ ಬಸ್ ನಿಲ್ದಾಣದ ಬಳಿ ಹೃದಯ ಮಲ್ಲೇಶ ಮೇಡ್ಲರಿ ಹಾಗೂ ಪುನೀತ ಅಂಬಿಗ ಅವರ ನಡುವೆ ಜಟಾಪಟಿ ನಡೆದಿತ್ತು. ಅದೇ ದ್ವೇಷದ ಮುಂದುವರೆದ ಭಾಗವಾಗಿ ಜನವರಿ 4ರಂದು ಸರ್ವೋದಯ ನಗರದ ಆಕಾಶ ಅವರ ಮನೆ ಮುಂದೆ ಮಾರಾಮಾರಿ ನಡೆದಿದೆ. ಸರ್ವೋದಯ ನಗರದಲ್ಲಿರುವ ಆಕಾಶ ಅವರ ಮನೆಗೆ ಊಟಕ್ಕೆ ಹೋಗಿದ್ದ ಹೃದಯ ಮಡ್ಲೇರಿ ಅವರಿಗೆ ನಾಲ್ವರು ಹಿಡಿದು ಥಳಿಸಿದ್ದಾರೆ. ಅದಕ್ಕೆ ಪ್ರತಿಯಾಗಿ ಹೃದಯ ಮಡ್ಲೇರಿ ಕಡೆಯವರು ಸಹ ಮೂವರನ್ನು ಹಿಡಿದು ಹೊಡೆದಿದ್ದಾರೆ. ಹೃದಯ ಮಡ್ಲೇರಿ ಅವರ ದೂರಿನ ಪ್ರಕಾರ, ಕೊಂಕಣ ಖಾರ್ವಿವಾಡದ ಅಮೀನ ನರಸಿಂಹ ಕುಡ್ತಿಳಕರ್, ತರುಣ ಭಾನಾವಳಿಕರ್, ಗುರುಪ್ರಸಾದ ಸುರಂಗೇಕರ್ ಹಾಗೂ ಸನೀದ ಭಾನಾವಳಿಕರ್ ಸೇರಿ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಅಮೀನ ಕುಡ್ತಳ್ಳಿಕರ್ ಅವರ ದೂರಿನ ಪ್ರಕಾರ, ಕೆ ಎಚ್ ಬಿ ಕಾಲೋನಿಯ ಹೃದಯ ಮಡ್ಲೇರಿ, ಕಳಸವಾಡದ ಸೂರ್ಯಕಾಂತ ಕಳಸ್, ಮಾರಿಯಾ ನಗರದ ರಜತ ಗಣೇಶ ಆಚಾರಿ ಸೇರಿ ಅಮೀನ ಕುಡ್ತಳ್ಳಿಕರ್ ಅವರ ಮೇಲೆ ದಾಳಿ ಮಾಡಿದ್ದಾರೆ. ಈ ಎರಡು ಗುಂಪಿನವರು ಚಾಕು-ಚೂರಿ ಹಿಡಿದು ಹೊಡೆದಾಡಿಕೊಂಡಿದ್ದು, ಗಾಯಗೊಂಡವರು ಆಸ್ಪತ್ರೆ ಸೇರಿದ್ದಾರೆ. ಈ ಎರಡೂ ಕಡೆಯವರು ಕಾರವಾರ ನಗರ ಪೊಲೀಸ್ ಠಾಣೆಗೆ ಆಗಮಿಸಿ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ ವಿಚಾರಣೆ ನಡೆಸುತ್ತಿದ್ದಾರೆ.
- [ಹುಲ್ಲಿನ ವಾಹನಕ್ಕೆ ಬೆಂಕಿ](https://mobiletime.in/2026/01/fire-in-a-grass-vehicle/): ಹೊನ್ನಾವರದಲ್ಲಿ ಹುಲ್ಲು ಸಾಗಿಸುತ್ತಿದ್ದ ಬುಲೇರೋ ವಿದ್ಯುತ್ ಕಂಬಕ್ಕೆ ಡಿಕ್ಕಿಯಾಗಿದೆ. ಪರಿಣಾಮ ವಿದ್ಯುತ್ ಸ್ಪರ್ಶದಿಂದ ಬೆಂಕಿ ತಗುಲಿದ್ದು, ವಾಹನದಲ್ಲಿದ್ದ ಹುಲ್ಲು ಹೊತ್ತಿ ಉರಿದಿದೆ. ಸಾಗರದಿಂದ ಹುಲ್ಲು ತುಂಬಿಕೊAಡು ಬಂದ ಬುಲೆರೋ ಸಾಲ್ಕೋಡ ಗ್ರಾಮದ ಜನತಾ ಕಾಲೋನಿ ರಸ್ತೆಯಲ್ಲಿ ಅಪಘಾತಕ್ಕೀಡಾಗಿದೆ. ಈ ಅವಘಡದಲ್ಲಿ ಬುಲೆರೋ ವಾಹನವೂ ಬೆಂಕಿಗೆ ಆಹುತಿಯಾಗಿದೆ. ಆ ವಾಹನದಲ್ಲಿದ್ದ ವಿವಿಧ ದಾಖಲೆಗಳ ಜೊತೆ ಮೊಬೈಲ್ ಫೋನ್ ಸಹ ಸುಟ್ಟಿದೆ. ವಿಷಯ ಅರಿತ ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿದ್ದಾರೆ. ಬೆಂಕಿ ಆರಿಸುವ ಪ್ರಯತ್ನವನ್ನು ಮಾಡಿದ್ದಾರೆ. ಅರಣ್ಯ ಪ್ರದೇಶಕ್ಕೆ ಬೆಂಕಿ ಆವರಿಸುವ ಸಾಧ್ಯತೆಯಿದ್ದು, ಅಗ್ನಿಶಾಮಕ ಸಿಬ್ಬಂದಿ ಅದನ್ನು ತಡೆದಿದ್ದಾರೆ. ವಾಹನದಲ್ಲಿದ್ದ ಚಾಲಕ ಹಾಗೂ ಮತ್ತೊಬ್ಬ ಅಲ್ಲಿಂದ ಹಾರಿ ಜೀವ ಉಳಿಸಿಕೊಂಡಿದ್ದಾರೆ.
- [ಊಟಕ್ಕೆ ಬಂದವ ಸ್ನೇಹಿತರಿಗೆ ಚಾಕು ಚುಚ್ಚಿದ!](https://mobiletime.in/2026/01/a-man-who-came-for-dinner-stabbed-his-friend/): ಕಾರವಾರದ ಕೂರ್ಮಗಡ ಜಾತ್ರೆಗೆ ಹೋಗಿ ಬಂದವರ ನಡುವೆ ಕ್ಷುಲ್ಲಕ ಕಾರಣಕ್ಕೆ ಜಗಳ ನಡೆದಿದ್ದು, ಸೂರ್ಯಕಾಂತ ಕಳಸ ಎಂಬಾತರು ಮೂವರಿಗೆ ಚಾಕು ಚುಚ್ಚಿ ಪರಾರಿಯಾಗಿದ್ದಾರೆ. ಕಾರವಾರದ ಕೋಡಿಬಾಗ ಬಳಿಯ ಸರ್ವೋದಯ ನಗರದಲ್ಲಿ ಶನಿವಾರ ರಾತ್ರಿ ಗಲಾಟೆ ನಡೆದಿದೆ. ಸೂರ್ಯಕಾಂತ ಕಳಸ ಅವರು ತನ್ನ ಸಹಚರರ ಜೊತೆ ನರಸಿಂಹ ದೇವರ ಜಾತ್ರೆಗೆ ಹೋಗಿದ್ದರು. ಅದಾದ ನಂತರ ಜಾತ್ರೆ ಹಿನ್ನಲೆ ಸ್ನೇಹಿತರ ಮನೆಗೆ ಊಟಕ್ಕೆ ಹೋಗಿದ್ದರು. ಆ ವೇಳೆಯಲ್ಲಿ ಮಾತಿಗೆ ಮಾತು ಬೆಳೆದಿದ್ದು, ಚೂರಿ-ಚಾಕು ಸದ್ದಾಗಿದೆ. ಸೂರ್ಯಕಾಂತ ಕಳಸ ಅವರು ತಮ್ಮೊಂದಿಗೆ ಇದ್ದ ಸಹಚರರಿಗೆ ಚಾಕು ಚುಚ್ಚಿದ್ದಾರೆ. ಮೂವರಿಗೆ ಗಾಯವಾಗಿದ್ದು, ಗಾಯಗೊಂಡವರನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಸೂರ್ಯಕಾಂತ ಕಳಸ ತಲೆಮರೆಸಿಕೊಂಡಿದ್ದರಿAದ ಪೊಲೀಸರು ಶೋಧ ಶುರು ಮಾಡಿದ್ದಾರೆ.
- [ಗೇಟಿಗೆ ಬೀಗ ಹಾಕಿ ಚೀಟಿ ಬರೆದ: ಮಹಿಳೆ ಮೈ ಮುಟ್ಟಿ ಪೆಟ್ಟು ತಿಂದ!](https://mobiletime.in/2026/01/locked-the-gate-and-wrote-a-note-woman-got-hit-by-a-car/): ದಾoಡೇಲಿಯ ಪ್ರಶಾಂತ ರೇವಣಕರ್ ಅವರ ಮಾಲಿಕತ್ವದ ರೆಸಾರ್ಟಿಗೆ ಪಕ್ಕದ ಜಮೀನಿನ ರಾಮಾ ಚರಾಟಕರ್ ಅವರು ಬೀಗ ಹಾಕಿದ್ದಾರೆ. ಅದಾದ ನಂತರ `ಬೀಗ ತೆಗೆಯಬೇಕು ಎಂದಾದರೆ ನೀ ನಾ ಹೇಳಿದ ಹಾಗೇ ಕೇಳಬೇಕು’ ಎಂದು ಪ್ರಶಾಂತ ಅವರ ಪತ್ನಿ ಪ್ರತಿಮಾ ರೇವಣಕರ್ ಅವರಿಗೆ ರಾಮಾ ಚರಾಕರ್ ಸೂಚಿಸಿದ್ದಾರೆ. ಅದೇ ವೇಳೆ ಪ್ರತಿಮಾ ರೇವಣಕರ್ ಅವರ ಮೈ ಮೇಲೆ ಕೈ ಹಾಕಿ ಪೆಟ್ಟು ತಿಂದಿದ್ದಾರೆ. ದಾoಡೇಲಿಯ ಅಂಬಿಕಾನಗರದಲ್ಲಿ ಪ್ರಶಾಂತ ರೇವಣಕರ್ ಅವರು ಫಾರ್ಮ ಹೌಸ್ ಹೊಂದಿದ್ದಾರೆ. ಫಾರ್ಮ ಹೌಸ್ ಸುತ್ತ ಕಪೌಂಡ್ ನಿರ್ಮಿಸಿ ಅವರು ಅದಕ್ಕೆ ಬೀಗ ಹಾಕುತ್ತಾರೆ. ಆಗಾಗ ಅವರು ಅಲ್ಲಿ ಕುಟುಂಬಸಹಿತವಾಗಿ ಆಗಮಿಸಿ ಪಾರ್ಟಿ ಮಾಡುತ್ತಾರೆ. ಜನವರಿ 1ರಂದು ಸಹ ಅವರು ಅಲ್ಲಿಗೆ ಹೋಗಿದ್ದು, ಆ ವೇಳೆ ಪಕ್ಕದ ಜಮೀನಿನವರ ಜೊತೆ ಜಗಳವಾಗಿದೆ. ಬೊಮ್ಮನಳ್ಳಿಯ ರಾಮಾ ಚರಾಟಕರ್ ಅವರು ಕೇಗದಾಳದ ಪ್ರಶಾಂತ ರೇವಣಕರ್ ಹಾಗೂ ಅವರ ಪತ್ನಿ ಪ್ರತಿಮಾ ರೇವಣಕರ್ ಅವರ ತಂಟೆಗೆ ಹೋಗಿ ಆಸ್ಪತ್ರೆ ಸೇರಿದ್ದಾರೆ. ಜನವರಿ 1ರಂದು ಪ್ರಶಾಂತ ರೇವಣಕರ್ ಅವರ ರೆಸಾರ್ಟ ಗೇಟಿಗೆ ರಾಮಾ ಚರಾಟಕರ್ ಅವರು ಬೀಗ ಹಾಕಿದ್ದಾರೆ. ಅದಾದ ನಂತರ `ಚಾವಿ ಬೇಕಾದರೆ ನನ್ನನ್ನು ಸಂಪರ್ಕಿಸಿ’ ಎಂದು ಅಲ್ಲಿ ಚೀಟಿಯನ್ನು ಬರೆದಿದ್ದಾರೆ. ತಾವು ರೆಸಾರ್ಟ ಒಳಗಿದ್ದಾಗ ಹೊರಗಿನಿಂದ ಬೀಗ ಹಾಕಿದನ್ನು ನೋಡಿದ ಪ್ರತಿಮಾ ರೇವಣಕರ್ ಅವರು ರಾಮಾ ಚರಾಟಕರ್ ಅವರಿಗೆ ಫೋನ್ ಮಾಡಿದ್ದಾರೆ. ಚಾವಿ ಹಿಡಿದು ಬಂದ ರಾಮಾ ಚರಾಟಕರ್ ಅವರು ಪ್ರತಿಮಾ ರೇವಣಕರ್ ಅವರ ಮೈ ಮುಟ್ಟಿದ್ದು, ಈ ವೇಳೆ ಅಲ್ಲಿಗೆ ಬಂದ ಪ್ರಶಾಂತ ರೇವಣಕರ್ ಇದನ್ನು ಖಂಡಿಸಿದರು. ಈ ವೇಳೆ ವಾಗ್ವಾದ ನಡೆದಿದ್ದು, ಹೊಡೆದಾಟ ನಡೆದಿದೆ. ರಾಮಾ ಚರಾಟಕರ್ ಅವರಿಗೆ ಬಾಸುಂಡೆ ಬರುವ ರೀತಿ ಪೆಟ್ಟು ಬಿದ್ದಿದೆ. ಪ್ರಶಾಂತ ರೇವಣಕರ್ ಹಾಗೂ ಅವರ ಕುಟುಂಬದವರು ಬೂಟು ಗಾಲಿನಿಂದ ರಾಮಾ ಚರಾಟಕರ್ ಅವರನ್ನು ತುಳಿದು ನೋವುಂಟು ಮಾಡಿದ್ದಾರೆ. `ಪ್ರಶಾಂತ ರೇವಣಕರ್ ಅವರು ಗೇಟಿಗೆ ಬೀಗ ಹಾಕಿರಲಿಲ್ಲ. ಇದರಿಂದ ನಾವು ಸಾಕಿದ ದನ ಅವರ ರೆಸಾರ್ಟಿಗೆ ನುಗ್ಗಿದ್ದರಿಂದ ಬೇರೆ ಬೀಗ ಹಾಕಿದ್ದೇನೆ’ ಎಂದು ರಾಮಾ ಚರಾಟಕರ್ ಅವರು ತಮ್ಮನ್ನು ಸಮರ್ಥಿಸಿಕೊಂಡಿದ್ದಾರೆ. ಅಂಬಿಕಾನಗರದ ಪೊಲೀಸರು ಎರಡು ಕಡೆಯವರ ಮಾತು ಆಲಿಸಿ ಪ್ರಕರಣ ದಾಖಲಿಸಿದ್ದಾರೆ.
- [ಬೈಕಿಗೆ ಗುದ್ದಿದ ಟಾಕ್ಟರ್: ಸವಾರ ಸಾವು](https://mobiletime.in/2026/01/tractor-hits-bike-rider-dies/): ಭಾನುವಾರ ಬೆಳಗ್ಗೆ ಹಳಿಯಾಳದಲ್ಲಿ ಟಾಕ್ಟರ್ ಬೈಕಿಗೆ ಗುದ್ದಿದೆ. ಪರಿಣಾಮ ವಿಶಾಲ ಸರೋಜಿ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಕಾವಲವಾಡ ಗ್ರಾಮದ ಸಮೀಪ ಈ ಅವಘಡ ನಡೆದಿದೆ. ವಿಶಾಲ ಸುರೋಜಿ (28) ಹಳಿಯಾಳದಿಂದ ಕಲಘಟಗಿಗೆ ಬೈಕಿನಲ್ಲಿ ಹೋಗುತ್ತಿದ್ದರು. ಆಗ, ಎದುರಿನಿಂದ ಬಂದ ಟಾಕ್ಟರ್ ಅವರಿಗೆ ಡಿಕ್ಕಿ ಹೊಡೆದಿದೆ. ತಲೆಗೆ ಗಂಭೀರ ಗಾಯವಾಗಿದ್ದರಿಂದ ವಿಶಾಲ ಸರೋಜಿ ಸಾವನಪ್ಪಿದ್ದಾರೆ. ಟಾಕ್ಟರ್ ಅತಿ ವೇಗವೇ ಅಪಘಾತಕ್ಕೆ ಕಾರಣವಾಗಿದೆ. ಅಪಘಾತದ ಶಬ್ದ ಕೇಳಿದ ಸ್ಥಳೀಯರು ತಕ್ಷಣ ಸ್ಥಳಕ್ಕೆ ಧಾವಿಸಿದ್ದು, ರಕ್ಷಣೆಗೆ ಹರಸಾಹಸ ನಡೆಸಿದರು. ಆದರೆ, ಅದರಿಂದ ಪ್ರಯೋಜನವಾಗಲಿಲ್ಲ. ಅಪಘಾತದಲ್ಲಿ ಬೈಕ್ ಜಖಂ ಆಗಿದೆ. ಕೆಲ ಕಾಲ ರಸ್ತೆ ಸಂಚಾರ ಅಸ್ತವ್ಯಸ್ಥಗೊಂಡಿದ್ದು ವಾಹನಗಳು ಸಾಲಾಗಿ ನಿಂತ ದೃಶ್ಯ ಕಾಣಿಸಿತು. ಶವವನ್ನು ಮರಣೋತ್ತರ ಪರೀಕ್ಷೆಗೆ ಹಳಿಯಾಳ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತು.
- [ಸಿಲೆಂಡರ್ ಸ್ಪೋಟ: ಮಗು ಸೇರಿ ಆರು ಜನರಿಗೆ ಗಾಯ!](https://mobiletime.in/2026/01/cylinder-explosion-six-people-ncluding-a-child-injured/): ಅಂಕೋಲಾದಲ್ಲಿ ಅಡುಗೆಗೆ ಬಳಸುವ ಸಿಲೆಂಡರ್ ಸ್ಪೋಟವಾಗಿದ್ದು, ಐದು ವರ್ಷದ ಬಾಲಕ ಸೇರಿ ಆರು ಜನರಿಗೆ ಗಾಯವಾಗಿದೆ. ಅಂಕೋಲಾದ ಕೇಣಿಯ ಗ್ರಾಮದ ಗಾಂವ್ಕರವಾಡದ ಗೌರೀಶ ನಾಯಕ ಅವರ ಮನೆಯಲ್ಲಿ ಸಿಲೆಂಡರ್ ಸ್ಪೋಟವಾಗಿದೆ. ಈ ಮನೆಯನ್ನು ಸುದರ್ಶನ ನಾಯ್ಕ ಎಂಬಾತರು ಬಾಡಿಗೆಗೆಪಡೆದಿದ್ದು, ಸಿಲೆಂಡರ್ ಸೋರಿಕೆ ಪರಿಣಾಮ ಮನೆಯವರು ಕಂಪನಿಗೆ ಮಾಹಿತಿ ನೀಡಿದ್ದರು. ಸಿಲೆಂಡರ್ ಕಂಪನಿ ಸಿಬ್ಬಂದಿ ಶ್ರವಣ ಬಂಟ್ ಅವರು ದುರಸ್ಥಿ ಕಾರ್ಯದಲ್ಲಿ ತೊಡಗಿರುವಾಗಲೇ ಸ್ಪೋಟ ಸಂಭವಿಸಿತು. ಸ್ಪೋಟದ ವೇಳೆ ಭಾರೀ ಪ್ರಮಾಣದ ಸದ್ದು ಕೇಳಿಸಿತು. ಈ ವೇಳೆ ಅಲ್ಲಿಯೇ ಆಟವಾಡುತ್ತಿದ್ದ ಗೌರೀಶ ನಾಯಕರ ಮೊಮ್ಮಗ ಕೃಷ್ಣ ನಾಯಕ (5), ಬಾಡಿಗೆದಾರ ಸುದರ್ಶನ ನಾಯ್ಕ ಹಾಗೂ ದುರಸ್ತಿಗೆ ಬಂದಿದ್ದ ಶ್ರವಣ ಬಂಟ್ ಅವರಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾದವು. ಗಾಯಗೊಂಡವರನ್ನು ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ವೇಳೆ ಮನೆಯಲ್ಲಿದ್ದ ಇನ್ನಿತರರಿಗೂ ಗಾಯವಾಗಿದೆ. ಪಿಸೈ ವಿಶ್ವನಾಥ್ ನಿಂಗೊಳ್ಳಿ ಹಾಗೂ ಸುನೀಲ್ ಹುಳ್ಳೊಳ್ಳಿ ಜೊತೆ ಅಗ್ನಿ ಶಾಮಕ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.  
- [ಬಿಜೆಪಿಯಿಂದ ಸಾಂತ್ವಾನ.. ಕಾಂಗ್ರೆಸ್ಸಿನಿoದ ಸಮಾಧಾನ](https://mobiletime.in/2026/01/consolation-from-bjp-congresss-relief/): ರಫೀಕ್ ನೀಡಿದ ಕಾಟ ವಿರೋಧಿಸಿದ ಕಾರಣ ಕೊಲೆಯಾದ ರಂಜಿತಾ ಕುಟುಂಬಕ್ಕೆ ಬಿಜೆಪಿ 5 ಲಕ್ಷ ರೂ ಪರಿಹಾರ ಕೊಟ್ಟಿದೆ. ಕಾಂಗ್ರೆಸ್ ಸರ್ಕಾರವೂ ಸಂತ್ರಸ್ತ ಕುಟುಂಬಕ್ಕೆ 8.25 ಲಕ್ಷ ರೂ ನೆರವು ನೀಡಿದೆ. ಬಿಜೆಪಿ ರಾಜ್ಯಾಧ್ಯಕ್ಷ ಬಿವೈ ವಿಜಯೇಂದ್ರ ಅವರು ಭಾನುವಾರ ಯಲ್ಲಾಪುರಕ್ಕೆ ಆಗಮಿಸಿದ್ದಾರೆ. ರಂಜಿತಾ ಅವರ ಮನೆಗೆ ಭೇಟಿ ನೀಡಿದ ಅವರು ಪಕ್ಷದ ನಿಧಿಯಿಂದ ಹಣಕಾಸು ಸಹಾಯ ಮಾಡಿದ್ದಾರೆ. ನಂತರ ಮಾತನಾಡಿದ ಅವರು `ಸಂತ್ರಸ್ತ ಕುಟುಂಬಕ್ಕೆ ಸರ್ಕಾರ 50 ಲಕ್ಷ ರೂ ಪರಿಹಾರ ನೀಡಬೇಕು. ಜೊತೆಗೆ 2 ಎಕರೆ ಕೃಷಿ ಭೂಮಿ ಕೊಡಬೇಕು’ ಎಂದು ಆಗ್ರಹಿಸಿದ್ದಾರೆ. `ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಸಂಪೂರ್ಣ ಹದಗೆಟ್ಟಿದೆ. ಗೃಹ ಸಚಿವರು ಸಿದ್ಧ ಉತ್ತರ ಕೊಡಲು ಮಾತ್ರ ಸೀಮಿತರಾಗಿದ್ದಾರೆ. ತನಿಖೆಗೂ ಪೂರ್ವದಲ್ಲಿಯೇ ಲವ್ ಜಿಹಾದ್ ಅಲ್ಲ ಎಂದು ಆಡಳಿತ ಪಕ್ಷ ಹೇಳುತ್ತಿದ್ದು, ಹಿಂದು ಮಹಿಳೆಯ ಪರ ಧ್ವನಿ ಎತ್ತುವ ಬಿಜೆಪಿಯನ್ನು ಕೋಮುವಾದಿ ಎಂದು ಬಿಂಬಿಸಲಾಗುತ್ತಿದೆ’ ಎಂದು ಅಸಮಧಾನವ್ಯಕ್ತಪಡಿಸಿದರು. ಸಂತ್ರಸ್ತ ಕುಟುಂಬಕ್ಕೆ ಸರ್ಕಾರದ ಪರವಾಗಿ ಶಾಸಕ ಶಿವರಾಮ ಹೆಬ್ಬಾರ್ 8.25 ಲಕ್ಷ ರೂ ಪರಿಹಾರ ವಿತರಿಸಿದ್ದಾರೆ. ಸಮಾಜ ಕಲ್ಯಾಣ ಇಲಾಖೆ ಮೂಲಕ ಈ ಹಣ ನೀಡಲಾಗಿದ್ದು, ಕುಟುಂಬದವರಿಗೂ ಅವರು ಧೈರ್ಯ ಹೇಳಿದ್ದಾರೆ. `ದಲಿತ ಮಹಿಳೆ ಹತ್ಯೆ ಪ್ರಕರಣದಿಂದ ನಾಗರಿಕ ಸಮಾಜ ತಲೆ ತಗ್ಗಿಸುವ ಹಾಗಾಗಿದೆ. ಇಂಥ ಕೃತ್ಯ ಎಂದಿಗೂ ಮರುಕಳಿಸಬಾರದು’ ಎಂದು ಶಿವರಾಮ ಹೆಬ್ಬಾರ್ ಹೇಳಿದ್ದಾರೆ. ಉತ್ತರ ಕನ್ನಡ ಜಿಲ್ಲಾ ಪೋಲಿಸ್ ಅಧಿಕಾರ ದೀಪನ್ ಎಂ ಎನ್, ಶಿರಸಿ ಉಪವಿಭಾಗಾಧಿಕಾರಿ ಕಾವ್ಯರಾಣಿ, ತಹಶಿಲ್ದಾರ ಚಂದ್ರಶೇಖರ ಹೊಸ್ಮನಿ ಇನ್ನಿತರರು ಸರ್ಕಾರಿ ನೆರವು ನೀಡುವ ವೇಳೆ ಇದ್ದರು.
- [ಹಳೆ ಫೋಟೋ: ರಂಜಿತಾ ಸಹೋದರನ ಜೊತೆ ರಫೀಕ್ ಪಾರ್ಟಿ!](https://mobiletime.in/2026/01/rafiq-party-with-ranjitas-brother/): ಯಲ್ಲಾಪುರದ ರಂಜಿತಾ ಕೊಲೆ ಹಾಗೂ ರಫೀಕ್ ಆತ್ಮಹತ್ಯೆ ಪ್ರಕರಣಕ್ಕೆ ಮತ್ತೊಂದು ತಿರುವು ಸಿಕ್ಕಿದೆ. ರಂಜಿತಾ ಜೊತೆ ಅನ್ಯೋನ್ಯವಾಗಿದ್ದ ರಫೀಕ್ ಅವರ ಕುಟುಂಬದವರ ಜೊತೆಯೂ ಉತ್ತಮ ಒಡನಾಟಹೊಂದಿದ್ದು, ಇದಕ್ಕೆ ಸಾಕ್ಷಿಯಾಗಿ ರಫೀಕ್ ಹಾಗೂ ರಂಜಿತಾ ಸಹೋದರ ಒಟ್ಟಿಗೆ ಪಾರ್ಟಿ ಮಾಡಿದ ಫೋಟೋ mobiletime.inಗೆ ಸಿಕ್ಕಿದೆ. ರಫೀಕ್ ಹಾಗೂ ರಂಜಿತಾ ಬಾಲ್ಯದಿಂದಲೂ ಪರಿಚಯಸ್ಥರಾಗಿದ್ದರು. ಹೀಗಾಗಿ ರಂಜಿತಾ ಅವರ ಕುಟುಂಬದವರು ರಫೀಕ್ ಅವರನ್ನು ನಂಬಿದ್ದರು. ಸಂಘದ ಸಾಲ ವಸೂಲಿ ವಿಷಯವಾಗಿ ರಫೀಕ್ ಆಗಾಗ ರಂಜಿತಾ ಅವರ ಮನೆಗೆ ಬರುತ್ತಿದ್ದರು. ರಂಜೀತಾ ಅವರು ವಿವಾಹ ವಿಚ್ಚೇದಿತರಾಗಿರುವ ವಿಷಯ ಅರಿತು ರಫೀಕ್ ಆ ಕುಟುಂಬಕ್ಕೆ ಇನ್ನಷ್ಟು ಹತ್ತಿರವಾದರು. ಸಾಲ ವಸೂಲಾತಿ ವಿಷಯವಾಗಿ ಬಂದಾಗಲೇ ರಂಜಿತಾರ ಮೊಬೈಲ್ ಸಂಖ್ಯೆ ಪಡೆದಿದ್ದ ರಫೀಕ್ ಪದೇ ಪದೇ ಫೋನ್ ಮಾಡಲು ಶುರು ಮಾಡಿದ್ದರು. ರಂಜಿತಾ ಅವರ ಸಹೋದರ ವೀರಭದ್ರ ಬನ್ಸೊಡೆ ಅವರ ಸ್ನೇಹವನ್ನು ರಫೀಕ್ ಸಂಪಾದಿಸಿದ್ದರು. ಅದೇ ಸ್ನೇಹದ ಆಧಾರದಲ್ಲಿ ರಫೀಕ್ ಹಾಗೂ ವೀರಭದ್ರ ಅನೇಕ ಸಲ ಒಟ್ಟಿಗೆ ಊಟ ಮಾಡಿದ್ದರು. ಅದಾದ ನಂತರ ಸ್ನೇಹಿತನ ಸಹೋದರಿ ಮೇಲೆ ರಫೀಕ್ ಕಣ್ಣು ಹಾಕಿದ್ದು, ವೀರಭದ್ರ ಅವರ ನಂಬಿಕೆಯನ್ನು ರಫೀಕ್ ಹುಸಿಯಾಗಿಸಿದ್ದಾರೆ. ರಫೀಕ್ ಅನೇಕ ಸಲ ರಂಜಿತಾ ಅವರ ಮನೆಗೆ ಭೇಟಿ ನೀಡಿ ಅಲ್ಲಿಯೂ ಊಟ ಮಾಡುತ್ತಿದ್ದರು. ಕಾಳಮ್ಮ ನಗರದ ಆಶ್ರಯ ಕಾಲೋನಿ ಸುತ್ತಲು ರಫೀಕ್ ಓಡಾಟ ಸಹಜವಾಗಿದ್ದು, ಯಾರೂ ಆ ಬಗ್ಗೆ ಹೆಚ್ಚಿಗೆ ತಲೆಕೆಡಿಸಿಕೊಂಡಿರಲಿಲ್ಲ. ಆದರೆ ಕಳೆದ ದೀಪಾವಳಿ ಹಬ್ಬದ ಅವಧಿಯಲ್ಲಿ ರಫೀಕ್, ರಚಿತಾ ಅವರ ಬೆನ್ನು ಬಿದ್ದು ಪೀಡಿಸಲು ಶುರು ಮಾಡಿದ್ದರು. ರಂಜಿತಾ ಅವರ ಸಹೋದರಿ ಅಕ್ಷತಾ ಅವರು ಸಹ ಇದನ್ನು ಖಂಡಿಸಿ ರಫೀಕ್’ಗೆ ಬೈದು ಬುದ್ದಿ ಹೇಳಿದ್ದರು. ಅದಾದ ನಂತರವೂ ಬೇರೆ ಬೇರೆ ಮೊಬೈಲ್ ಸಂಖ್ಯೆಯಿAದ ರಫೀಕ್ ಫೋನ್ ಮಾಡುತ್ತಿದ್ದು, ರಂಜಿತಾ ಅವರ ಸಹೋದರ ವೀರಭದ್ರ ಅವರು ಸಹ ರಫೀಕ್’ಗೆ ಬೈದಿದ್ದರು. ಇದೇ ವಿಷಯವಾಗಿ ರಫೀಕ್ ಸಿಟ್ಟಾಗಿದ್ದು, ರಂಜಿತಾ ಅವರಲ್ಲಿ `ಮದುವೆ ಆಗೋಣ’ ಎಂಬ ಪ್ರಸ್ತಾಪ ಮಾಡಿದ್ದರು. ಅದನ್ನು ವಿರೋಧಿಸಿದ ಕಾರಣ ಶನಿವಾರ ಕಾಳಮ್ಮ ನಗರದ ಅಂಗಡಿಯ ಬಳಿ ಎರಡು ತಾಸು ಕಾದು ಕುಳಿತ ರಫೀಕ್, ರಂಜಿತಾ ಅವರ ಕುತ್ತಿಗೆಗೆ ಚಾಕು ಚುಚ್ಚಿದ್ದಾರೆ. ಅದಾದ ನಂತರ ರಫೀಕ್ ಸಹ ಕಾಡಿಗೆ ತೆರಳಿದ್ದು, ನಶೆಯ ಗುಂಗಿನಲ್ಲಿರುವಾಗಲೇ ನೇಣಿಗೆ ಶರಣಾಗಿದ್ದಾರೆ.  
- [ಕೊಲೆಗೆ ಖಂಡಿಸಿ ಪ್ರತಿಭಟನೆ: ಯಲ್ಲಾಪುರ ಬಂದ್ ಯಶಸ್ವಿ!](https://mobiletime.in/2026/01/protest-condemning-the-murder-yellapur-bandh-a-success/): ಹಿಂದು ಸಂಘಟನೆಗಳು ಕರೆ ನೀಡಿದ್ದ ಯಲ್ಲಾಪುರ ಬಂದ್ ಯಶಸ್ವಿಯಾಗಿದೆ. ರಂಜಿತಾ ಕೊಲೆ ಖಂಡಿಸಿ 500ಕ್ಕೂ ಅಧಿಕ ಜನ ಮೌನಾಚರಣೆ ಮಾಡಿದ್ದು, ಕೃತ್ಯವನ್ನು ಖಂಡಿಸಿದ್ದಾರೆ. ಯಲ್ಲಾಪುರದ ಬಸವೇಶ್ವರ ವೃತ್ತದಲ್ಲಿ ಸೇರಿದ ಜನ ಶೋಕವ್ಯಕ್ತಪಡಿಸಿದರು. ರಂಜಿತಾರನ್ನು ಕೊಂದ ರಫೀಕ್ ನಿಲುವನ್ನು ಖಂಡಿಸಿದರು. ಆ ವೇಳೆಗಾಗಲೇ ರಫೀಕ್ ಆತ್ಮಹತ್ಯೆಗೆ ಶರಣಾದ ಸುದ್ದಿ ಬಂದಿದ್ದರೂ ಜನ ಪ್ರತಿಭಟನೆ ಹಿಂಪಡೆಯಲಿಲ್ಲ. `ಭವಿಷ್ಯದಲ್ಲಿ ಈ ಬಗೆಯ ಕೃತ್ಯ ಮರುಕಳಿಸದ ಹಾಗೇ ಕಠಿಣ ಕಾನೂನು ಬರಬೇಕು’ ಎಂದು ಆಗ್ರಹಿಸಿ ಜನ ಧರಣಿ ನಡೆಸಿದರು. ಪಟ್ಟಣದ ಬಹುತೇಕ ಅಂಗಡಿ ಮುಂಗಟ್ಟುಗಳು ಬಂದ್ ಆಗಿದ್ದವು. ವ್ಯಾಪಾರಸ್ಥರು ಸ್ವಯಂ ಪ್ರೇರಣೆಯಿಂದ ಅಂಗಡಿಯ ಬಾಗಿಲು ಮುಚ್ಚಿದ್ದರು. ಪ್ರತಿಭಟನೆಯ ವೇಳೆ ಮೀನು ಮಾರುಕಟ್ಟೆಯಲ್ಲಿ ವ್ಯಾಪಾರ ನಡೆಯುತ್ತಿರುವ ವಿಷಯ ಬಂದಿದ್ದು, ಪ್ರತಿಭಟನಾಕಾರರು ಅದನ್ನು ವಿರೋಧಿಸಿದರು. ಅದಾದ ಕೆಲ ಕ್ಷಣದಲ್ಲಿ ಮೀನು ಮಾರುಕಟ್ಟೆಯೂ ಬಂದ್ ಆಯಿತು. ಪ್ರತಿಭಟನೆಯ ಕಾವು ಏರಿದ್ದರೂ ವಾಹನ ಸಂಚಾರಕ್ಕೆ ಸಮಸ್ಯೆ ಆಗಲಿಲ್ಲ. ಶಾಂತಿಯುತ ಪ್ರತಿಭಟನೆಗೆ ಪೊಲೀಸರು ಅವಕಾಶ ನೀಡಿದ್ದು, ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ನೇತ್ರತ್ವದಲ್ಲಿ ನೂರಾರು ಪೊಲೀಸರು ಭದ್ರತೆಯಲ್ಲಿದ್ದರು. ಪ್ರತಿಭಟನೆಯಲ್ಲಿ ಭಾಷಣ ಮಾಡಿದ ಕೆಲ ಮುಖಂಡರು ಈ ಘಟನೆಗೆ ರಾಜಕೀಯ ಬಣ್ಣ ಲೇಪಿಸಿದರು. ಬಿಜೆಪಿ ಪ್ರಮುಖರು ಕಾಂಗ್ರೆಸ್ ಸರ್ಕಾರದ ವಿರುದ್ಧ ವಾಗ್ದಾಳಿ ಮಾಡಿದರು. `ಕಾಂಗ್ರೆಸ್ ಆಡಳಿತ ಬಂದ ನಂತರ ಇಂಥ ಘಟನಾವಳಿಗಳು ಹೆಚ್ಚಾಗಿದೆ’ ಎಂದು ಭಾಷಣಕಾರರು ದೂರಿದರು. ಕೆಲವರು ಈ ಮಾತನ್ನು ಒಪ್ಪಿದರು. ಇನ್ನೂ ಕೆಲವರು ಸಾವಿನ ವಿಷಯದಲ್ಲಿ ರಾಜಕೀಯ ಬೇಡ ಎನ್ನುತ್ತಿದ್ದರು. `ಹಿಂದು ಧರ್ಮದ ಮೇಲೆ ನಡೆಯುವ ಆಕ್ರಮಣ ನಿಲ್ಲಬೇಕು’ ಎಂದು ಪ್ರತಿಭಟನಾಕಾರರು ಧ್ವನಿಗೂಡಿಸಿದರು. `ಬಿಜೆಪಿ ರಾಜ್ಯ ಅಧ್ಯಕ್ಷರು ರಂಜಿತಾ ಅವರ ಮನೆಗೆ ಭೇಟಿ ನೀಡಲಿದ್ದು, ಕಾಂಗ್ರೆಸ್ ಪ್ರಮುಖರು ಬಂದು ನ್ಯಾಯ ಒದಗಿಸಬೇಕು’ ಎಂದು ಬಿಜೆಪಿಗರು ಆಗ್ರಹಿಸಿದರು. ಭಾನುವಾರ ಯಲ್ಲಾಪುರದಲ್ಲಿ ನಡೆಯಬೇಕಿದ್ದ ಸಂತೆಯೂ ದಿಢೀರ್ ಆಗಿ ರದ್ದಾಗಿದ್ದು, ವ್ಯಾಪಾರಿಗಳು ಪಟ್ಟಣದ ಹೊರಭಾಗದಲ್ಲಿ ವ್ಯಾಪಾರ ಮಾಡಿದರು. ಹಳಿಯಾಳ ಕ್ರಾಸಿನ ಬಳಿ ಕೆಲವರು ತರಕಾರಿ ಮಾರಾಟ ಮಾಡಿ ಮನೆ ಸೇರಿದರು.
- [ರಫೀಕ್ ಶವ ಹುಡುಕಿದ್ದು ಇದೇ ನಾಯಿ!](https://mobiletime.in/2026/01/this-is-the-dog-that-found-rafiqs-body/): ಯಲ್ಲಾಪುರದ ರಂಜಿತಾ ಅವರನ್ನು ಕೊಲೆ ಮಾಡಿದ ರಫೀಕ್ ಕಾಡಿನ ಕಡೆ ಓಡಿದ್ದು, ಶನಿವಾರ ರಾತ್ರಿಯಿಡೀ ಪೊಲೀಸರು ಕಾಡು ಸುತ್ತಿದರೂ ಆರೋಪಿ ಸುಳಿವು ಸಿಕ್ಕಿರಲಿಲ್ಲ. ಭಾನುವಾರ ಬೆಳಗ್ಗೆ ಕಾರ್ಯಾಚರಣೆಗಿಳಿದ ಅಖೇರಾ ಎಂಬ ಶ್ವಾನ ಒಂದುವರೆ ತಾಸಿನೊಳಗೆ ರಫೀಕ್ ಇದ್ದ ಸ್ಥಳ ಪತ್ತೆ ಮಾಡಿದೆ. ಎರಡುವರೆ ವರ್ಷದ ಹಿಂದೆ ಅಖೀರಾ ಎಂಬ ಶ್ವಾನ ಪೊಲೀಸ್ ಇಲಾಖೆಯನ್ನು ಸೇರಿತು. ಕಾಳಿ ಎಂಬ ಶ್ವಾನಕ್ಕೆ ತರಬೇತಿ ನೀಡಿ ಪಳಗಿಸಿದ್ದ ಪೊಲೀಸ್ ಸಿಬ್ಬಂದಿ ಗೋಪಾಲಕೃಷ್ಣ ನಾಯ್ಕ ಅವರು ಅಖೀರಾ ಅವರಿಗೆ ತರಬೇತಿ ಶುರು ಮಾಡಿದ್ದರು. ಅತ್ಯಂತ ಚುರುಕು ಸ್ವಭಾವದ ಈ ಶ್ವಾನ ಬಹುಬೇಗ ತನಿಖಾ ವಿದ್ಯೆ ಕಲಿತಿದ್ದು, ಅನೇಕ ಅಪರಾಧ ಪ್ರಕರಣಗಳಲ್ಲಿ ಪೊಲೀಸರಿಗೆ ನೆರವಾಗಿದೆ. ಕರಾವಳಿ ಉತ್ಸವದ ಅವಧಿಯಲ್ಲಿಯೂ ಅಖೀರಾ ಅತ್ಯುತ್ತಮ ಪ್ರದರ್ಶನ ನೀಡಿದ್ದು, ಅಖೀರಾ ಮಾಡಿದ ಸಾಹಸಗಳನ್ನು ಜನ ಕಣ್ತುಂಬಿಕೊoಡಿದ್ದರು. ಆ ಅವಧಿಯಲ್ಲಿ ಅಖೀರಾವನ್ನು ಒಳಗೊಂಡ ಶ್ವಾನದಳಕ್ಕೆ ಪೊಲೀಸ್ ಅಧೀಕ್ಷಕರು 10 ಸಾವಿರ ರೂ ಬಹುಮಾನ ನೀಡಿದ್ದರು. ರಂಜೀತಾ ಕೊಲೆ ಪ್ರಕರಣ ಗಂಭೀರ ಸ್ವರೂಪಪಡೆದಿದ್ದರಿಂದ ಈ ಕಾರ್ಯಾಚರಣೆಗೆ ಅಖೀರಾ ನೆರವುಪಡೆಯಲು ನಿರ್ಧರಿಸಲಾಗಿತ್ತು. ಆರೋಪಿ ರಫೀಕ್ ಆನಗೋಡು ಭಾಗದ ಅರಣ್ಯ ಪ್ರದೇಶಕ್ಕೆ ಹೋದ ಬಗ್ಗೆ ಮಾಹಿತಿಯಿತ್ತು. ಆದರೆ, ಎಲ್ಲಿ ಅವಿತಿದ್ದಾರೆ? ಎಂದು ಗೊತ್ತಾಗಿರಲಿಲ್ಲ. ಹೀಗಾಗಿ ಯಲ್ಲಾಪುರದಲ್ಲಿ ನಡೆದ ರಂಜಿತಾ ಕೊಲೆ ಪ್ರಕರಣರದಲ್ಲಿಯೂ ಆರೋಪಿ ರಫೀಕ್ ಹುಡುಕಾಟಕ್ಕೆ ಅಖೀರಾ ಆಗಮಿಸಿದ್ದು ಕಾರ್ಯಾಚರಣೆ ನಡೆಸದ ಒಂದುವರೆ ತಾಸಿನಲ್ಲಿ ರಫೀಕ್ ಸುಳಿವು ಸಿಕ್ಕಿತು. ಆದರೆ, ಪೊಲೀಸರು ಕಾಜುವಾಡದ ಅರಣ್ಯ ಪ್ರದೇಶಕ್ಕೆ ಹೋಗುವಷ್ಟರೊಳಗೆ ರಫೀಕ್ ಶವವಾಗಿದ್ದರು.
- [ಕೈ ಕೊಟ್ಟ ತುರ್ತು ಸೇವೆ.. ಸಕಾಲಕ್ಕೆ ಸ್ಪಂದಿಸಿದ ಆಟೋ ಆಂಬುಲೆನ್ಸ್!](https://mobiletime.in/2026/01/emergency-service-that-gave-a-hand-auto-ambulance-that-responded-on-time/): ರಫೀಕ್ ದಾಳಿಯಿಂದ ತತ್ತರಿಸಿದ್ದ ರಂಜಿತಾ ರಕ್ತದ ಮಡುವಿನಲ್ಲಿ ಬಿದ್ದಿದ್ದರೂ ಅವರ ಸಹಾಯಕ್ಕೆ ಯಾರೂ ಬಂದಿರಲಿಲ್ಲ. ಆಗ, ಅದೇ ಊರಿನ ಚಂದ್ರಣ್ಣ ತಮ್ಮ ಆಟೋವನ್ನು ಆಂಬುಲೆನ್ಸ್ ಆಗಿ ಪರಿವರ್ತಿಸಿ ರಂಜಿತಾ ಅವರನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಚಂದ್ರಶೇಖರ ಬೋವಿವಡ್ಡರ್ ಅವರು ಯಲ್ಲಾಪುರ ಬಸ್ ನಿಲ್ದಾಣ ಬಳಿಯ ಆಟೋ ಸ್ಟಾಂಡಿನ ಉಪಾಧ್ಯಕ್ಷರಾಗಿದ್ದಾರೆ. ಚಂದ್ರಶೇಖರ್ ಬೋವಿವಡ್ಡರ್ ಅವರು ಅಧ್ಯಕ್ಷರಾಗಿರುವ ರಾಮಾಪುರ ಸರ್ಕಾರಿ ಶಾಲೆಯಲ್ಲಿಯೇ ರಂಜಿತಾ ಬನ್ಸೋಡೆ ಅವರು ಅಡಿಗೆ ಸಹಾಯಕಿ ಆಗಿ ಕೆಲಸ ಮಾಡುತ್ತಿದ್ದರು. ರಂಜಿತಾ ಬನ್ಸೋಡೆ ಹಾಗೂ ಚಂದ್ರಶೇಖರ್ ಬೋವಿವಡ್ಡರ್ ಅವರ ಮನೆ ಅಕ್ಕಪಕ್ಕದಲ್ಲಿಯೇ ಇದ್ದು, ಘಟನೆ ನಡೆದ ವೇಳೆ ಚಂದ್ರಶೇಖರ್ ಬೋವಿವಡ್ಡರ್ ಅವರು ಶಾಲೆಯಿಂದ ಮನೆಗೆ ಮರಳುತ್ತಿದ್ದರು. ಈ ವೇಳೆ ರಂಜಿತಾ ಅವರು ರಕ್ತದ ಮೊಡವಿನಲ್ಲಿ ಬಿದ್ದಿರುವ ಬಗ್ಗೆ ಚಂದ್ರಶೇಖರ್ ಬೋವಿವಡ್ಡರ್ ಅವರಿಗೆ ಫೋನ್ ಬಂದಿದ್ದು, ತಕ್ಷಣ ಅವರು ಆಸ್ಪತ್ರೆಯ ಕಡೆ ಆಟೋ ತಿರುಗಿಸಿದರು. ಎರಡು ತಾಸು ಕಾದು ಕೊಲೆ ಮಾಡಿದ: ಸಂಘದ ಸಾಲ ವಸೂಲಿಗೆ ರಂಜಿತಾರ ಮನೆ ಕಡೆ ಬರುತ್ತಿದ್ದ ರಫೀಕ್ ಆ ಕುಟುಂಬದವರ ಜೊತೆಯೂ ಆತ್ಮೀಯ ಸಂಬoಧ ಹೊಂದಿದ್ದರು. ಜಿಂಕೆ ಕೊಂದ ಪ್ರಕರಣದಲ್ಲಿಯೂ ಆರೋಪಿಯಾಗಿದ್ದು, ವಿಪರೀತ ಪ್ರಮಾಣದಲ್ಲಿ ವಿವಿಧ ವ್ಯಸನಹೊಂದಿದ್ದರು. ವ್ಯಸನಕ್ಕೆ ಬೇಸತ್ತು ರಂಜಿತಾ ರಫೀಕ್ ಅವರಿಂದ ದೂರವಾಗಿದ್ದರು. ರಂಜಿತಾ ದೂರವಾದ ಕಾರಣ ರಫೀಕ್ ಸಿಟ್ಟಾಗಿದ್ದು, ಮದುವೆ ಆಗುವಂತೆ ಪೀಡಿಸುತ್ತಿದ್ದರು. ಮದುವೆಗೆ ಒಪ್ಪದ ಕಾರಣ ಕೊಲೆ ಮಾಡುವ ನಿರ್ಧಾರಕ್ಕೆ ಬಂದಿದ್ದರು. ಕೊಲೆ ಮಾಡುವುದಕ್ಕೆ ಸಂಚು ರೂಪಿಸಿಯೇ ಬಂದಿದ್ದ ರಫೀಕ್, ರಂಜಿತಾರಿಗೆ ಹಿಂಸಿಸಲು ಎರಡು ತಾಸು ಕಾದಿದ್ದರು. ರಂಜಿತಾ ಅವರ ಮನೆ ಬಳಿಯಿರುವ ಗೂಡಂಗಡಿಯಲ್ಲಿ ರಫೀಕ್ ಕಾಯುತ್ತಿರುವುದನ್ನು ಜನ ಗಮನಿಸಿದ್ದರು. ಬೆಳಗ್ಗೆ 11.30ರ ಸುಮಾರಿಗೆ ಅಂಗಡಿ ಬಳಿ ಬಂದಿದ್ದ ರಫೀಕ್ ಅವರನ್ನು ಅದೇ ಭಾಗದ ಸಂತೋಷ ಭಾಗವತಕರ್ ಅವರು ಮಾತನಾಡಿಸಿದ್ದರು. ಆದರೆ, ಆಗಾಗ ಅಲ್ಲಿ ಬರುತ್ತಿದ್ದ ರಫೀಕ್ ಈ ಬಾರಿ ರಂಜಿತಾ ಅವರನ್ನು ಕೊಲೆ ಮಾಡುವ ಬಗ್ಗೆ ಯಾರೂ ಊಹಿಸಿರಲಿಲ್ಲ. ರಂಜಿತಾ ಅವರು ರಕ್ತದ ಮೊಡವಿನಲ್ಲಿ ಬಿದ್ದಿರುವ ಬಗ್ಗೆ ಕುಟುಂಬದವರು ಆಂಬುಲೆನ್ಸಿಗೆ ಫೋನ್ ಮಾಡಿದರೂ ಸಕಾಲದಲ್ಲಿ ಆಂಬುಲೆನ್ಸ ಸಿಗಲಿಲ್ಲ. 20 ನಿಮಿಷ ಕಳೆದರೂ ಆಂಬುಲೆನ್ಸ ಬಾರದ ವಿಷಯ ತಿಳಿದ ಸಂತೋಷ ಭಾಗವತಕರ್ ಅವರು ಅಲ್ಲಿಗೆ ದೌಡಾಯಿಸಿದ್ದು, ಆ ವೇಳೆ ಅಲ್ಲಿಗೆ ಬಂದಿದ್ದ ಚಂದ್ರಶೇಖರ ಬೋವಿವಡ್ಡರ್ ಅವರ ಆಟೋ ಒಳಗೆ ರಂಜಿತಾ ಅವರನ್ನು ಕೂರಿಸಿದರು. ಆ ವೇಳೆಗಾಗಲೇ ಪೇಟೆಗೆ ಹೋಗಿದ್ದ ರಂಜಿತಾ ಅವರ ಅಣ್ಣ ವೀರಭದ್ರ, ಅವರ ತಾಯಿ ಭಾಗೀರಥಿ, ತಂಗಿ ಅಕ್ಷತಾ ಸಹ ಆಟೋ ಮೇಲೆರಿದ್ದು ಚಂದ್ರಣ್ಣ ಅವರು ಗಾಯಾಳುವನ್ನು ಆಸ್ಪತ್ರೆಗೆ ಕರೆದೊಯ್ದರು. `ರಂಜಿತಾ ಅವರನ್ನು ಬದುಕಿಸಿಕೊಳ್ಳಲು ಸಾಕಷ್ಟು ಶ್ರಮವಹಿಸಿದರೂ ಪ್ರಯೋಜನವಾಗಲಿಲ್ಲ. ತಕ್ಷಣಕ್ಕೆ ಆಂಬುಲೆನ್ಸ ಸಿಗದಿರುವುದು ಸಮಸ್ಯೆಯಾಯಿತು’ ಎಂದು ಚಂದ್ರಶೇಖರ ಬೋವಿವಡ್ಡರ್ ಹಾಗೂ ಸಂತೋಷ ಭಾಗವತಕರ್ ಅವರು ವಿವರಿಸಿದರು.
- [ರಂಜಿತಾ ಕೊಂದ ರಫೀಕ್ ಇನ್ನಿಲ್ಲ!](https://mobiletime.in/2026/01/rafiq-who-killed-ranjitha-is-no-more/): ಮದುವೆ ಆಗದ ಕಾರಣ ರಂಜಿತಾ ಅವರ ಕತ್ತು ಕೊಯ್ದು ಕೊಲೆ ಮಾಡಿದ್ದ ರಫೀಕ್ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕೊಲೆ ನಂತರ ಕಾಡಿಗೆ ಪರಾರಿಯಾಗಿದ್ದ ರಫೀಕ್ ಕಾಜಲವಾಡದ ಬಳಿ ಸಾವನಪ್ಪಿದ್ದಾರೆ. ಯಲ್ಲಾಪುರದ ರಾಮಾಪುರ ಶಾಲೆಯ ಬಿಸಿಯೂಟ ಸಿಬ್ಬಂದಿ ಆಗಿದ್ದ ರಂಜಿತಾ ಅವರನ್ನು ರಫಿಕ್ ಕೊಲೆ ಮಾಡಿದ್ದರು. ಶನಿವಾರ ಮಧ್ಯಾಹ್ನ ಶಾಲೆಯಿಂದ ಮನೆಗೆ ಬರುತ್ತಿದ್ದ ರಂಜಿತಾ ಅವರನ್ನು ಮದುವೆ ಆಗುವಂತೆ ರಫೀಕ್ ಪೀಡಿಸಿದ್ದು, ಒಪ್ಪದ ಕಾರಣ ಕುತ್ತಿಗೆಗೆ ಚಾಕು ಚುಚ್ಚಿದ್ದರು. ಅದಾದ ನಂತರ ರಫೀಕ್ ಕಾಡಿನ ಕಡೆ ಓಡಿದ್ದು, ರಫೀಕ್ ಹುಡುಕಾಟಕ್ಕೆ ಪೊಲೀಸರು ವಿಶೇಷ ತಂಡ ರಚಿಸಿದ್ದರು. ಆದರೆ, ರಫೀಕ್ ಮಾತ್ರ ಯಾರ ಕೈಗೂ ಸಿಕ್ಕಿರಲಿಲ್ಲ. ರಂಜಿತಾ ಅವರು ಮದುವೆ ಆಗಿ ಗಂಡನಿAದ ಬೇರೆಯಾಗಿದ್ದು, ಮತ್ತೊಂದು ಮದುವೆಗೆ ಮನಸ್ಸು ಮಾಡಿರಲಿಲ್ಲ. ಆದರೆ, ರಫೀಕ್ ಮದುವೆ ಆಗುವಂತೆ ಪೀಡಿಸುವುದನ್ನು ಬಿಟ್ಟಿರಲಿಲ್ಲ. ಮದುವೆ ಆಗಲು ಒಪ್ಪದ ರಂಜಿತಾ ಅವರು ರಫೀಕ್ ಜೊತೆ ಮಾತನಾಡುವುದನ್ನು ನಿಲ್ಲಿಸಿದ್ದರಿಂದ ಆಕ್ರೋಶಗೊಂಡ ರಫೀಕ್, ರಂಚಿತಾ ಅವರ ಕೊಲೆ ಮಾಡಿ ಪರಾರಿಯಾಗಿದ್ದರು. ಭಾನುವಾರ ಬೆಳಗ್ಗೆ ರಫೀಕ್ ಶವವಾಗಿದ್ದಾರೆ.
- [ಕಾಡಿನ ಕಡೆ ಓಡಿದ ಕೊಲೆಗಾರ!](https://mobiletime.in/2026/01/the-murderer-ran-towards-the-forest/): ಪ್ರೀತಿ-ಪ್ರೇಮ ಎಂದು ದುಂಬಾಲು ಬಿದ್ದು ಮದುವೆಗೆ ಒಪ್ಪದ ಕಾರಣ ರಂಜಿತಾ ಅವರಿಗೆ ಚಾಕು ಇರಿದ ರಫೀಕ್ ಕಾಡು ಸೇರಿದ್ದಾರೆ. ಮಾಹಿತಿಗಳ ಪ್ರಕಾರ ಯಲ್ಲಾಪುರದ ಆನಗೋಡು ಭಾಗದ ಕಾಡಿನ ಕಡೆ ರಫೀಕ್ ಓಡಿದ್ದಾರೆ. ಶನಿವಾರ ಮಧ್ಯಾಹ್ನ ಕಾಳಮ್ಮ ನಗರಕ್ಕೆ ಬಂದಿದ್ದ ರಫೀಕ್ ಆಶ್ರಯ ಕಾಲೋನಿ ಬಳಿ ರಂಜಿತಾ ಅವರ ಕುತ್ತಿಗೆಗೆ ಚಾಕು ಚುಚ್ಚಿದ್ದಾರೆ. ಅದಾದ ನಂತರ ಅಲ್ಲಿಂದ ಓಡಿ ಪರಾರಿಯಾಗಿದ್ದಾರೆ. ಕಾಳಮ್ಮ ನಗರದ ಗದ್ದೆ ದಾಟಿದ ರಫಿಕ್ ಕಾಜಲವಾಡ ಪ್ರವೇಶಿಸಿ ಅದಾದ ನಂತರ ಆನಗೋಡು ಭಾಗದ ಕಾಡಿನ ಕಡೆ ಪ್ರಯಾಣ ಮಾಡಿದ್ದಾರೆ. ಶನಿವಾರ ರಾತ್ರಿ 10ಗಂಟೆಯವರೆಗೂ ರಫಿಕ್ ಪತ್ತೆ ಆಗಿಲ್ಲ. ಆರೋಪಿ ರಫಿಕ್ ಬಂಧನಕ್ಕಾಗಿ ಅನೇಕರು ಆಗ್ರಹಿಸುತ್ತಿದ್ದಾರೆ. ಕಾಡು ಪ್ರದೇಶದಲ್ಲಿ ರಫಿಕ್ ಹುಡುಕಾಟ ಮುಂದುವರೆದಿದೆ. ರಫಿಕ್ ಕೊನೆಯದಾಗಿ ಕಪ್ಪು ಬಣ್ಣದ ಅಂಗಿ ಧರಿಸಿದ್ದು, ಆರೋಪಿಯ ಫೋಟೋವನ್ನು ಪೊಲೀಸರು ಹಂಚಿಕೊAಡಿದ್ದಾರೆ. ಸಾರ್ವಜನಿಕರ ಸಹಾಯವನ್ನು ಕೋರಿದ್ದು, ಶೋಧ ಕಾರ್ಯ ಜೋರಾಗಿದೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಸೇರಿದಂತೆ ಅನೇಕ ಹಿರಿಯ ಅಧಿಕಾರಿಗಳು ಯಲ್ಲಾಪುರದಲ್ಲಿ ಬೀಡು ಬಿಟ್ಟಿದ್ದಾರೆ. ಆರೋಪಿ ಬಂಧಿಸುವ ಜೊತೆ ಶಾಂತಿ ಸುವ್ಯವಸ್ಥೆ ಕಾಪಾಡುವ ನಿಟ್ಟಿನಲ್ಲಿಯೂ ಪೊಲೀಸರು ಹರಸಾಹಸ ಮಾಡುತ್ತಿದ್ದಾರೆ.
- [ಅಡುಗೆ ಸಿಬ್ಬಂದಿ ಹತ್ಯೆ: ಹಲವರ ಹೇಳಿಕೆ - ಹೋರಾಟ!](https://mobiletime.in/2026/01/murder-of-kitchen-staff-many-peoples-statements-fight/): ಯಲ್ಲಾಪುರದ ರಾಮನಗರದ ಸರ್ಕಾರಿ ಶಾಲೆಯಲ್ಲಿ ಅಡುಗೆ ಸಹಾಯಕಿಯಾಗಿದ್ದ ರಂಜಿತಾ ಬನಸೋಡೆ ಅವರ ಹತ್ಯೆಯನ್ನು ಅನೇಕರು ಖಂಡಿಸಿದ್ದಾರೆ. ಶಾಸಕ ಶಿವರಾಮ ಹೆಬ್ಬಾರ್ ಅವರು ಇದೇ ವಿಷಯವಾಗಿ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರ ಜೊತೆ ಸಭೆ ನಡೆಸಿದ್ದಾರೆ. `ಯಲ್ಲಾಪುರ ಪಟ್ಟಣದ ಕಾಳಮ್ಮನಗರದಲ್ಲಿ ರಂಜಿತಾ ಬನಸೋಡೆ ಅವರ ಭೀಕರ ಹತ್ಯೆ ನಡೆದಿರುವುದು ಅತ್ಯಂತ ಖಂಡನೀಯ’ ಎಂದು ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಹೇಳಿದ್ದಾರೆ. `ಈ ವಿದ್ಯಮಾನ ನಾಗರಿಕ ಸಮಾಜ ತಲೆತಗ್ಗಿಸುವಂತಹ ಅಮಾನವೀಯ ಕೃತ್ಯವಾಗಿದೆ’ ಎಂದವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಆರೋಪಿಯನ್ನು ತಕ್ಷಣ ಬಂಧಿಸಿ ಕಠಿಣ ಕ್ರಮ ಜರುಗಿಸಬೇಕು’ ಎಂದವರು ಸೂಚಿಸಿದ್ದಾರೆ. `ಯಾವುದೇ ರಾಜಿ, ವಿಳಂಬ ಅಥವಾ ಸಡಿಲಿಕೆಸಹಿಸಿಕೊಳ್ಳುವುದಿಲ್ಲ’ ಎಂದು ಅವರು ಎಚ್ಚರಿಸಿದ್ದಾರೆ. `ಯಲ್ಲಾಪುರದ ಸಾರ್ವಜನಿಕರು ಶಾಂತಿ ಮತ್ತು ಸಂಯಮವನ್ನು ಕಾಪಾಡಿಕೊಳ್ಳಬೇಕು. ಪೊಲೀಸ್ ಇಲಾಖೆ ಈಗಾಗಲೇ ಆರೋಪಿಯನ್ನು ಬಂಧಿಸುವ ಕಾರ್ಯದಲ್ಲಿ ಸಂಪೂರ್ಣ ತೊಡಗಿಸಿಕೊಂಡಿದ್ದು, ಯಾರೂ ಭಯಪಡುವ ಅಗತ್ಯವಿಲ್ಲ’ ಎಂದು ಶಿವರಾಮ ಹೆಬ್ಬಾರ್ ಹೇಳಿದ್ದಾರೆ. ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಹಾಗೂ ಕಾಂಗ್ರೆಸ್ ಜಿಲ್ಲಾ ಸಮಿತಿ ಸದಸ್ಯ ಕೈಸರ್ ಸಯ್ಯದ್ ಅಲಿ ಅವರು ಈ ವಿದ್ಯಮಾನವನ್ನು ತೀವೃವಾಗಿ ಖಂಡಿಸಿದ್ದಾರೆ. `ಕೊಲೆ ಆರೋಪಿಯನ್ನು ಕೂಡಲೇ ಬಂಧಿಸಬೇಕು. ಸಂತ್ರಸ್ತರ ಕುಟುಂಬಕ್ಕೆ ಸರ್ಕಾರ ಗರಿಷ್ಠ ಪರಿಹಾರ ಕೊಡಬೇಕು. ಸಮಾಜದಲ್ಲಿ ಇಂಥ ಕೆಲಸ ಆಗುವುದನ್ನು ತಡೆಯಲು ಕಟ್ಟುನಿಟ್ಟಿನ ನಿಯಮಗಳು ಬರಬೇಕು’ ಎಂದು ಕೈಸರ್ ಸಯ್ಯದ್ ಅಲಿ ಅವರು ಹೇಳಿದ್ದಾರೆ. ಬಿಜೆಪಿ ಮುಖಂಡ ಅನಂತಮೂರ್ತಿ ಹೆಗಡೆ ಅವರು ಯಲ್ಲಾಪುರದ ಮಹಿಳೆಯ ಕೊಲೆಯ ಬಗ್ಗೆ ವಿಷಾಧವ್ಯಕ್ತಪಡಿಸಿದ್ದಾರೆ. `ರಾಜ್ಯ ಸರ್ಕಾರದ ಕುಮ್ಮಕ್ಕಿನಿಂದಲೇ ಮತಾಂಧರು ಈ ರೀತಿ ಮುಂದುವರೆದಿದ್ದಾರೆ. ಪೊಲೀಸರು ಆರೋಪಿಯನ್ನು ತಕ್ಷಣ ಬಂಧಿಸಿ ಗಲ್ಲಿಗೇರಿಸಬೇಕು. ಈ ಸರ್ಕಾರದಲ್ಲಿ ಜನಸಾಮಾನ್ಯರಿಗೆ ರಕ್ಷಣೆಯೇ ಇಲ್ಲ’ ಎಂದು ಅನಂತಮೂರ್ತಿ ಹೆಗಡೆ ಹೇಳಿದ್ದಾರೆ. `ದಲಿತ ಮಹಿಳೆಯನ್ನು ಬರ್ಬರವಾಗಿ ಹತ್ಯೆ ಮಾಡಿರುವ ವಿಷಯ ಕೇಳಿ ಆಘಾತವಾಗಿದೆ. ಇಂಥ ಘಟನೆ ಮರುಕಳಿಸದ ಹಾಗೇ ತಡೆಯುವುದು ಅನಿವಾರ್ಯ. ಪೊಲೀಸರು ಈ ಪ್ರಕರಣ ಗಂಭೀರವಾಗಿ ಪರಿಗಣಿಸಬೇಕು. ಸಂತ್ರಸ್ತ ಕುಟುಂಬಕ್ಕೆ ನ್ಯಾಯ ಒದಗಿಸಬೇಕು’ ಎಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. `ಆರೋಪಿ ಬಂಧನ ಆಗುವವರೆಗೂ ಶವ ಸಂಸ್ಕಾರ ನಡೆಯಬಾರದು. ಮಹಿಳೆ ಮೇಲಿನ ದೌರ್ಜನ್ಯವನ್ನು ಎಲ್ಲರೂ ಖಂಡಿಸಬೇಕು’ ಎಂದು ಹಿಂದು ಸಂಘಟನೆ ಪ್ರಮುಖ ಪ್ರಮೋದ ಮುತಾಲಿಕ್ ಹೇಳಿದ್ದಾರೆ.
- [ಕ್ಲಾಸ್‌ಮೇಟ್ ಜೊತೆ ಮಾತು ಮುರಿದಿದ್ದೇ ಕೊಲೆಗೆ ಕಾರಣ!](https://mobiletime.in/2026/01/a-quarrel-with-a-classmate-was-the-reason-for-the-murder/): ರಫೀಕ್ ಹಾಗೂ ರಂಜಿತಾ ನಿತ್ಯವೂ ಫೋನಿನಲ್ಲಿ ಮಾತನಾಡುತ್ತಿದ್ದು, ರಫೀಕ್ ಜೊತೆ ಮಾತು ಬಿಟ್ಟಿರುವುದೇ ಕೊಲೆಗೆ ಕಾರಣ ಎಂಬ ಸಂಗತಿ ಹೊರಬಿದ್ದಿದೆ. ಯಲ್ಲಾಪುರದ ಆಶ್ರಯ ಕಾಲೋನಿ ಬಳಿ ವಾಸವಾಗಿರುವ ರಂಜಿತಾ ಬನಸೋಡೆ ಅವರು 12 ವರ್ಷದ ಹಿಂದೆ ಸೊಲ್ಲಾಪುರದ ಸಚೀನ್ ಕಾಟೇರ್ ಅವರನ್ನು ಮದುವೆ ಆಗಿದ್ದರು. ಅವರ ದಾಂಪತ್ಯಕ್ಕೆ ಮಗು ಹುಟ್ಟಿದ್ದು, ಆ ಮುಗುವಿಗೆ ಐದು ವರ್ಷವಾದಾಗ ರಂಜಿತಾ ಅವರು ಸಚೀನ್ ಅವರಿಂದ ದೂರವಾಗಿದ್ದರು. ಅದಾದ ನಂತರ ವಿವಾಹ ವಿಚ್ಚೇದನವನ್ನುಪಡೆದಿದ್ದರು. ಈ ನಡುವೆ ರಂಜಿತಾ ಅವರು ರಾಮಾಪುರ ಶಾಲೆಯ ಬಿಸಿಯೂಟ ಸಿಬ್ಬಂದಿ ಆಗಿ ನೇಮಕವಾದರು. ಅಡುಗೆ ಸಹಾಯಕಿ ಆಗಿ ಅವರು ಕೆಲಸ ಮಾಡಿಕೊಂಡಿದ್ದರು. ಆ ಅವಧಿಯಲ್ಲಿಯೇ ಕಾಳಮ್ಮ ನಗರದ ಬಾಲ್ಯದ ಗೆಳೆಯ ರಫೀಕ್ ಇಮಾಮಸಾಬ್ ಯಳ್ಳೂರು ಅವರು ರಂಜಿತಾ ಬನಸೋಡೆ ಅವರ ಸಂಪರ್ಕಕ್ಕೆ ಬಂದರು. ರಫೀಕ್ ಅವರು ರಂಜಿತಾ ಅವರ ಕ್ಲಾಸ್‌ಮೇಟ್ ಆಗಿದ್ದು, ರಂಜಿತಾ ಅವರ ವಿವಾಹ ವಿಚ್ಚೇದನವನ್ನು ರಫೀಕ್ ಅರಿತಿದ್ದರು. ರಂಜಿತಾ ಅವರು ಪ್ರತಿ ದಿನ ಬೆಳಗ್ಗೆ 9 ಗಂಟೆಗೆ ಶಾಲೆಯ ಅಡುಗೆ ಕೆಲಸಕ್ಕೆ ಹೋಗುವುದು ರಫೀಕ್ ಅವರಿಗೆ ಗೊತ್ತಿತ್ತು. ಮಧ್ಯಾಹ್ನ ಮನೆಗೆ ಬರುವ ಸಮಯ ಸಹ ರಫೀಕ್ ಅವರಿಗೆ ತಿಳಿದಿತ್ತು. ರಂಚಿತಾ ಅವರ ಬಗ್ಗೆ ಎಲ್ಲಾ ಮಾಹಿತಿಯನ್ನು ಸಂಗ್ರಹಿಸಿದ್ದ ರಫೀಕ್ ಪ್ರೀತಿ ಮಾಡುವಂತೆ ದುಂಬಾಲು ಬಿದ್ದಿದ್ದರು. ರಂಜಿತಾ ಅವರು ಸಹ ರಫೀಕ್ ಅವರ ಪ್ರೀತಿಗೆ ಬಿದ್ದಿದ್ದು, ರಂಜಿತಾ ಅವರ ಮನೆಗೆ ಸಹ ರಫೀಕ್ ಆಗಾಗ ಭೇಟಿ ನೀಡುತ್ತಿದ್ದರು. ಆದರೆ, ಮದುವೆ ವಿಷಯದಲ್ಲಿ ಈಗಾಗಲೇ ಕೆಟ್ಟ ಅನುಭವಹೊಂದಿದ್ದ ರಂಜಿತಾ ಮತ್ತೊಂದು ಮದುವೆಗೆ ಆಸಕ್ತಿವಹಿಸಿರಲಿಲ್ಲ. ಹೀಗಾಗಿ ರಂಜಿತಾ ಅವರಿಗೆ ರಫೀಕ್ ಅವರನ್ನು ಮದುವೆ ಆಗಲು ಇಷ್ಟವಿರಲಿಲ್ಲ. `ಮದುವೆ ಆಗುವುದು ಬೇಡ’ ಎಂದರೂ ರಫೀಕ್ ಸುಮ್ಮನೆ ಇರುತ್ತಿರಲಿಲ್ಲ. ಪದೇ ಪದೇ ರಂಜಿತಾಗೆ ಫೋನ್ ಮಾಡುತ್ತಿದ್ದ ರಫೀಕ್ `ಮದುವೆ ಆಗೋಣ.. ಮೀಟ್ ಆಗೋಣ’ ಎನ್ನುತ್ತಿದ್ದರು. ದೀಪಾವಳಿ ಹಬ್ಬದ ಅವಧಿಯಲ್ಲಿ ಈ ವಿಷಯವನ್ನು ರಂಜಿತಾ ಅವರು ತಮ್ಮ ಸಹೋದರಿ ಅಕ್ಷತಾ ಅವರ ಬಳಿ ಹೇಳಿದ್ದು, ಅಕ್ಷತಾ ಅವರು ಸಹ ರಫೀಕ್ ಅವರನ್ನು ಕರೆದು ಮಾತನಾಡಿದ್ದರು. `ಅಕ್ಕನಿಗೆ ಹಿಂಸೆ ಕೊಡಬೇಡ’ ಎಂದು ಅಕ್ಷತಾ ಬೈದು ಕಳುಹಿಸಿದ್ದರು. `ರಫೀಕ್ ಜೊತೆ ಮಾತನಾಡಬೇಡ’ ಎಂದು ಅಕ್ಷತಾ ಸಹ ಅಕ್ಕನಿಗೆ ಬುದ್ದಿ ಹೇಳಿದ್ದರು. ಅದಾದ ನಂತರ ರಫೀಕ್ ಮನೆ ಕಡೆ ಬರುವುದನ್ನು ಬಿಟ್ಟಿದ್ದರು. ಏಕಾಏಕಿ ರಂಜಿತಾ ಮಾತು ಬಿಟ್ಟ ಕಾರಣ ರಫೀಕ್ ಸಿಟ್ಟಾಗಿದ್ದರು. ಶನಿವಾರ ಮಧ್ಯಾಹ್ನ ರಂಜಿತಾ ಶಾಲೆಯಿಂದ ಮನೆಗೆ ಬರುವಾಗ ರಫೀಕ್ ಅಡ್ಡಗಟ್ಟಿದರು. ಅಲ್ಲಿ ವಾಗ್ವಾದ ನಡೆದಿದ್ದು, ರಫೀಕ್ ಮೊನಚಾದ ಚಾಕುವಿನಿಂದ ರಂಜಿತಾರ ಕತ್ತಿಗೆ ಚುಚ್ಚಿದರು. ಅದೇ ನೋವಿನಲ್ಲಿ ರಂಜಿತಾ ಕೊನೆಯುಸಿರೆಳೆದರು. ಈ ಎಲ್ಲಾ ವಿಷಯವನ್ನು ರಂಜಿತಾರ ಸಹೋದರಿ ರಕ್ಷತಾ ಅವರು ಪೊಲೀಸರಿಗೆ ವಿವರಿಸಿದ್ದು, ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಸಂತೆಯೂ ಇಲ್ಲ.. ಸಾಮಗ್ರಿಯೂ ಸಿಗಲ್ಲ: ಭಾನುವಾರ ಯಲ್ಲಾಪುರ ಬಂದ್!](https://mobiletime.in/2026/01/no-luck-no-supplies-available-yellapur-bandh-on-sunday/): ಮದುವೆಗೆ ಒಪ್ಪದ ರಂಜಿತಾ ಅವರನ್ನು ರಫೀಕ್ ಅವರು ಕೊಲೆ ಮಾಡಿರುವುದನ್ನು ಖಂಡಿಸಿ ಭಾನುವಾರ ಯಲ್ಲಾಪುರ ಬಂದ್’ಗೆ ಕರೆ ನೀಡಲಾಗಿದೆ. ಸ್ವಯಂ ಪ್ರೇರಿತ ಬಂದ್ ಕರೆಗೆ ಹಿಂದು ಸಂಘಟನೆಯವರು ಮನವಿ ಮಾಡಿದ್ದು, ಭಾನುವಾರದ ಸಂತೆಯೂ ದಿಢೀರ್ ಆಗಿ ರದ್ಧಾಗುವ ಸಾಧ್ಯತೆಗಳಿವೆ. ಶನಿವಾರ ಮಧ್ಯಾಹ್ನ ರಂಜೀತಾ ಅವರ ಕುತ್ತಿಗೆಗೆ ರಫೀಕ್ ಚಾಕು ಇರಿದಿದ್ದಾರೆ. ತಕ್ಷಣ ಸರ್ಕಾರಿ ಆಸ್ಪತ್ರೆಗೆ ರಂಜಿತಾ ಅವರನ್ನು ದಾಖಲಿಸಲಾಗಿದ್ದು, ತುರ್ತು ಚಿಕಿತ್ಸೆ ನೀಡಿ ಹುಬ್ಬಳ್ಳಿಗೆ ಕಳುಹಿಸಿದರೂ ರಂಜಿತಾ ಅವರು ಬದುಕಲಿಲ್ಲ. ರಂಚಿತಾ ಅವರ ಸಾವಿನ ಸುದ್ದಿ ಕೇಳಿ ನೂರಾರು ಜನ ಯಲ್ಲಾಪುರ ಪೊಲೀಸ್ ಠಾಣೆಗೆ ಮುತ್ತಿಗೆ ಹಾಕಿದ್ದಾರೆ. `ಕೊಲೆಗಾರರನ್ನು ಕೂಡಲೇ ಬಂಧಿಸಬೇಕು’ ಎಂದು ಅನೇಕರು ಆಗ್ರಹಿಸಿದ್ದಾರೆ. `ಹಿಂದೂಗಳ ಮೇಲೆ ನಿರಂತರ ದಾಳಿ ನಡೆಯುತ್ತಿದೆ. ಆದರೆ, ಶಿಕ್ಷೆ ಆಗಿದ್ದು ಮಾತ್ರ ವಿರಳ. ಯಲ್ಲಾಪುರದ ರಂಜಿತಾ ಪ್ರಕರಣವನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಬೇಕು’ ಎಂದು ಯಲ್ಲಾಪುರ ಪೊಲೀಸ್ ಠಾಣೆ ಎದುರು ಜನ ಆಕ್ರೋಶದಿಂದ ಮಾತನಾಡಿದರು. `ಕೊಲೆ ನಡೆದು ಐದು ತಾಸು ನಡೆದರೂ ಆರೋಪಿ ಬಂಧನ ನಡೆದಿಲ್ಲ. ಆರೋಪಿ ಯಲ್ಲಾಪುರದಲ್ಲಿಯೇ ಅಡಿಗಿದ್ದರೂ ಪತ್ತೆ ಕಾರ್ಯ ನಡೆದಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಆರೋಪಿ ಬಂಧನ ಆಗುವವರೆಗೂ ಪೊಲೀಸ್ ಠಾಣೆ ಬಿಟ್ಟು ಹೊರಡುವುದಿಲ್ಲ’ ಎಂದು ಜನ ಪಟ್ಟು ಹಿಡಿದರು. `ಪದೇ ಪದೇ ಹಿಂದುಗಳ ಮೇಲೆ ದಬ್ಬಾಳಿಕೆ ನಡೆಯುತ್ತಿದೆ. ಆಡಳಿತ ವ್ಯವಸ್ಥೆ ಕುಸಿದಿದೆ’ ಎಂದು ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ದೂರಿದರು. `ಮಾಹಿತಿ ಬಂದ ತಕ್ಷಣ ಬಂದಿದ್ದೇವೆ. ಕೂಡಲೇ ಕಾನೂನು ಕ್ರಮ ಜರುಗಿಸುತ್ತೇವೆ’ ಎಂದು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಪ್ರತಿಭಟನಾಕಾರರಿಗೆ ಭರವಸೆ ನೀಡಿದರು. ಅದಾಗಿಯೂ, ಭಾನುವಾರ ಯಲ್ಲಾಪುರ ಬಂದ್ ಮಾಡಿ ಸರ್ಕಾರವನ್ನು ಒತ್ತಾಯಿಸಲು ಹಿಂದು ಸಂಘಟನೆಯವರು ನಿರ್ಧರಿಸಿದ್ದಾರೆ. ವಿಶ್ವಹಿಂದೂ ಪರಿಷತ್, ದಲಿತ ಸಂಘಟನೆ ಹಾಗೂ ವಿವಿಧ ಸಂಘಟನೆಯವರು ಬಂದ್ ಕರೆ ನೀಡಿದ್ದಾರೆ. ಬೆಳಗ್ಗೆ 9 ಗಂಟೆಗೆ ಪಟ್ಟಣದಲ್ಲಿ ಪ್ರತಿಭಟನೆಗೂ ಉದ್ದೇಶಿಸಲಾಗಿದ್ದು, ಅಹಿತಕರ ಘಟನೆ ನಡೆಯದಂತೆ ಕಟ್ಟೆಚ್ಚರವಹಿಸಲಾಗಿದೆ.
- [ಮದುವೆಗೆ ಒಪ್ಪದ ರಂಜಿತಾ: ಚಾಕು ಚುಚ್ಚಿದ ರಫೀಕ!](https://mobiletime.in/2026/01/ranjitha-did-not-agree-to-the-marriage-rafiq-stabbed-her-with-a-knife/): ಯಲ್ಲಾಪುರದ ಶಾಲೆಯೊಂದರಲ್ಲಿ ಬಿಸಿಯೂಟ ಸಿಬ್ಬಂದಿಯಾಗಿದ್ದ ರಂಜಿತಾ ಅವರ ಕೊಲೆಯಾಗಿದೆ. ಮದುವೆಗೆ ಒಪ್ಪದ ಕಾರಣ ರಫೀಕ್ ಅವರು ರಂಚಿತಾ ಅವರ ಕತ್ತು ಕೊಯ್ದು ಕೊಲೆ ಮಾಡಿದ್ದಾರೆ. ಯಲ್ಲಾಪುರದ ಕಾಳಮ್ಮ ನಗರದಲ್ಲಿ ರಂಜಿತಾ ಮಲ್ಲಪ್ಪ ಬನ್ಸೋಡೆ ಅವರು ವಾಸವಾಗಿದ್ದರು. ರಾಮಾಪುರದ ಸರ್ಕಾರಿ ಶಾಲೆಯಲ್ಲಿ ಅವರು ಅಡುಗೆ ಸಹಾಯಕಿ ಆಗಿದ್ದರು. ಯಲ್ಲಾಪುರದ ಕಾಳಮ್ಮ ನಗರದಲ್ಲಿ ರಂಜಿತಾ ಅವರು ತಂದೆ, ತಾಯಿ ಹಾಗೂ ಅಣ್ಣನ ಜೊತೆ ವಾಸವಾಗಿದ್ದರು. ರಂಜಿತಾ ಅವರಿಗೆ ಮದುವೆ ಆಗಿದ್ದು,5 ವರ್ಷದ ಹಿಂದೆಯೇ ಅವರು ಪತಿಯಿಂದ ದೂರವಾಗಿದ್ದರು. ರಂಜಿತಾ ಅವರಿಗೆ ಮಗನಿದ್ದು, ರಫಿಕ್ ಯಳ್ಳೂರು ಅವರ ಸ್ನೇಹ ಬೆಳೆಸಿದ್ದರು. ಆ ಸ್ನೇಹ ಪ್ರೀತಿಯಾಗಿ ತಿರುವುಪಡೆದಿತ್ತು. ರಂಜಿತಾ ಅವರು ಸಹ ರಫಿಕ್ ಅವರ ಪ್ರೀತಿಗೆ ತಲೆಭಾಗಿದ್ದರು. ರಂಜಿತ್ ಹಾಗೂ ರಫಿಕ್ ಅವರ ಕುಟುಂಬದ ನಡುವೆಯೂ ಅನ್ಯೋನ್ಯತೆ ಇತ್ತು. ಹೀಗಾಗಿ ರಫಿಕ್ ಸಹ ಆಗಾಗ ರಂಜಿತಾ ಅವರ ಮನೆಗೆ ಬರುತ್ತಿದ್ದರು. ಅಲ್ಲಿಯೇ ಊಟ ಮಾಡಿ ಮರಳುತ್ತಿದ್ದರು. ಈ ನಡುವೆ ರಫಿಕ್ ಪದೇ ಪದೇ ರಂಜಿತಾ ಅವರಿಗೆ ಮದುವೆ ಆಗುವಂತೆ ಒತ್ತಾಯಿಸುತ್ತಿದ್ದರು. `ಈಗಾಗಲೇ ಮದುವೆ ಆಗಿ ಸಾಕಷ್ಟು ಅನುಭವಿಸಿದ್ದೇನೆ. ನಾವು ಹೀಗೇ ಇರೋಣ’ ಎಂದು ರಂಜಿತಾ ಹೇಳಿದ್ದರು. ಆದರೆ, ಇದಕ್ಕೆ ಒಪ್ಪದ ರಫಿಕ್ ಮದುವೆಗಾಗಿ ಕಾಡಿಸುತ್ತಿದ್ದರು. ಶನಿವಾರ ಮಧ್ಯಾಹ್ನ ರಂಜಿತಾ ಅವರು ಶಾಲೆಯಿಂದ ಮರಳುವಾಗ ರಫೀಕ್ ಅವರನ್ನು ಅಡ್ಡಗಟ್ಟಿದರು. `ಮದುವೆ ಆಗುವೆಯಾ?’ ಎಂದು ಮತ್ತೆ ಪ್ರಶ್ನಿಸಿದರು. `ಮದುವೆ ಬೇಡ’ ಎಂದು ರಂಜಿತಾ ಹೇಳಿದ್ದರಿಂದ ರಫೀಕ್ ಸಿಟ್ಟಾದರು. `ನಮ್ಮ ಸಂಭAದ ಹೀಗೆ ಇರಲಿ. ಮದುವೆ ಮಾತ್ರ ಬೇಡ’ ಎಂದು ರಂಜಿತಾ ಹೇಳಿದ್ದರಿಂದ ಕೋಪಗೊಂಡ ರಫೀಕ್ ಅಲ್ಲಿಯೇ ಚಾಕು ಚುಚ್ಚಿದರು. ರಂಜಿತಾ ಅವರ ಕುತ್ತಿಗೆಗೆ ಚಾಕು ಆಳವಾಗಿ ಇಳಿದಿದ್ದು, ಅವರನ್ನು ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಗೆ ತರಲಾಯಿತು. ಡಾ ಸುಶಿಷ್ಟ ಗಣಾಚಾರಿ ಅವರು ಗಂಟಲಿಗೆ ಹೊಲಿಗೆ ಹಾಕಿ ಹುಬ್ಬಳ್ಳಿ ಆಸ್ಪತ್ರೆಗೆ ಕಳುಹಿಸಿದರು. ಆದರೂ, ಚಿಕಿತ್ಸೆಗೆ ಸ್ಪಂದಿಸದೇ ರಂಜಿತಾ ಸಾವನಪ್ಪಿದರು. ರಫೀಕ್ ತಲೆಮರೆಸಿಕೊಂಡಿದ್ದು, ಪೊಲೀಸರು ಹುಡುಕುತ್ತಿದ್ದಾರೆ.
- [ನಾಲ್ಕು ವರ್ಷ ಕಾಡಿಸಿದವ ಕೊನೆಗೂ ಸಿಕ್ಕಿಬಿದ್ದ!](https://mobiletime.in/2026/01/the-person-who-had-been-stalking-for-four-years-was-finally-caught/): ನಾಲ್ಕು ವರ್ಷದ ಹಿಂದೆ ಹಳಿಯಾಳದಲ್ಲಿ ಕಳ್ಳತನ ಮಾಡಿ ತಪ್ಪಿಸಿಕೊಂಡಿದ್ದ ಕಳ್ಳನನ್ನು ಪೊಲೀಸರು ಹಿಡಿದಿದ್ದಾರೆ. ಜೈಲು ಸೇರಿದರೂ ಜಾಮೀನುಪಡೆದು ಪರಾರಿಯಾಗಿದ್ದ ಧಾರವಾಡದ ಮಹಮದ್ ಇಸಾಕ್ ಅಬ್ದುಲ್ ರೇಹಮಾನ್ ಸೌಧಾಗರ ಇದೀಗ ಮತ್ತೆ ಜೈಲು ಪಾಲಾಗಿದ್ದಾರೆ. ಧಾರವಾಡ ಜಿಲ್ಲೆಯ ಅಳ್ನಾವರದ ಮಹಮದ್ ಇಸಾಕ್ ಅಬ್ದುಲ್ ರೇಹಮಾನ್ ಸೌಧಾಗರ ಮನೆಯೊಂದಕ್ಕೆ ನುಗ್ಗಿ ಚಿನ್ನಾಭರಣ ದೋಚಿದ್ದರು. ಪೊಲೀಸರು ಆ ವೇಳೆಯಲ್ಲಿಯೇ ಕಳ್ಳನನ್ನು ಬಂಧಿಸಿದ್ದು, ನ್ಯಾಯಾಲಯದಿಂದ ಜಾಮೀನುಪಡೆದು ಪರಾರಿಯಾಗಿದ್ದರು. ಸಾಕಷ್ಟು ಪ್ರಯತ್ನ ನಡೆಸಿದರೂ ಪೊಲೀಸರಿಗೆ ಮಹಮದ್ ಸಿಕ್ಕಿಬಿದ್ದಿರಲಿಲ್ಲ. ಹೀಗಾಗಿ ಹಳಿಯಾಳ ಪೊಲೀಸರು ವಿಶೇಷ ತಂಡ ರಚಿಸಿ ಹುಡುಕಾಟ ನಡೆಸಿದರು. ಅಲ್ಲಿ ಇಲ್ಲಿ ಅಲೆದಾಡುತ್ತಿದ್ದ ಕಳ್ಳ ಹುಟ್ಟೂರಾದ ಆಳ್ನಾವರಕ್ಕೆ ಬರುವ ಮಾಹಿತಿ ಆಧರಿಸಿ ಪೊಲೀಸರು ಕಾರ್ಯಾಚರಣೆ ನಡೆಸಿದರು. ಸಿಕ್ಕಿಬಿದ್ದ ಕಳ್ಳನನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಸಿಪಿಐ ಜಯಪಾಲ್ ಪಾಟೀಲ್ ನೇತೃತ್ವದಲ್ಲಿ ಪಿಎಸ್‌ಐ ಬಸವರಾಜ ಮಬನೂರ ಹಾಗೂ ಕೃಷ್ಣಾ ಅರಕೇರಿ ಜೊತೆ ಸಿಬ್ಬಂದಿ ಶ್ರೀಶೈಲ್ ಜಿ ಎಂ, ಲಕ್ಷö್ಮಣ ಪೂಜಾರಿ, ಅರವಿಂದ ಭಜಂತ್ರಿ, ವಿನೋದ್ ಜಿ ಬಿ ಮತ್ತು ರಾಘವೇಂದ್ರ ಕೆರವಾಡ ಕಾರ್ಯಾಚರಣೆಯಲ್ಲಿದ್ದರು.
- [ತಾಯಿ ಸಾವಿನ ನೋವು: ಮಗನೂ ಆತ್ಮಹತ್ಯೆಗೆ ಶರಣು!](https://mobiletime.in/2026/01/pain-of-mothers-death-son-also-commits-suicide/): ಶಿರಸಿಯಲ್ಲಿ ಸೈಬರ್ ಕಫೆ ನಡೆಸುತ್ತಿದ್ದ ಮೇಘನ ನಾಯ್ಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ತಾಯಿ ಸಾವಿನ ನಂತರ ಮಂಕಾಗಿದ್ದ ಅವರು ತಾಯಿಯ ಅಗಲುವಿಕೆ ಸಹಿಸಲಾಗದೇ ಪ್ರಾಣ ಬಿಟ್ಟಿದ್ದಾರೆ. ಶಿರಸಿಯ ಗಾಂಧೀನಗರದ ಭಾಸ್ಕರ ಧಾಮೋಧರ ನಾಯ್ಕ ಅವರಿಗೆ ಮೂವರು ಮಕ್ಕಳು. ಆ ಪೈಕಿ ಅರ್ಚನಾ ನಾಯ್ಕ ಅವರು ಶಿರಸಿಯಲ್ಲಿ ಬಾಡಿಗೆ ಮನೆ ಮಾಡಿಕೊಂಡು ವಾಸವಾಗಿದ್ದಾರೆ. ಮೇಘನ ನಾಯ್ಕ ಅವರು ಸೈಬರ್ ಸೆಂಟರ್ ನಡೆಸಿ ಬದುಕು ಕಟ್ಟಿಕೊಂಡಿದ್ದು, ಮೇಘನ ನಾಯ್ಕ ಅವರು ಮೂಲ ಮನೆಯಲ್ಲಿ ಒಂಟಿಯಾಗಿ ವಾಸವಾಗಿದ್ದರು. ಮೇಘನ ನಾಯ್ಕ ಅವರು ಮನೆಯಲ್ಲಿಯೇ ಸೈಬರ್ ಸೆಂಟರ್ ನಡೆಸಿ ಬದುಕು ಕಟ್ಟಿಕೊಂಡಿದ್ದರು. 2025ರ ನವೆಂಬರ್ 24ರಂದು ಭಾಸ್ಕರ ನಾಯ್ಕ ಅವರ ಪತ್ನಿ ಸಾವನಪ್ಪಿದರು. ತಾಯಿ ಸಾವಿನ ನಂತರ ಮೇಘನ ನಾಯ್ಕ ಅವರು ತೀರಾ ಮಂಕಾದರು. ಸದಾ ತಾಯಿ ಬಗ್ಗೆ ಚಿಂತೆ ಮಾಡುತ್ತಿದ್ದ ಮೇಘನ ನಾಯ್ಕ ಅವರು ಮಾನಸಿಕವಾಗಿ ಕುಗ್ಗಿದರು. ಮೇಘನ ನಾಯ್ಕ ಅವರು ಮೊದಲಿನಂತೆ ಮಾತನಾಡುತ್ತಿರಲಿಲ್ಲ. ಯಾರ ಬಳಿಯೂ ಹೆಚ್ಚು ಹೊತ್ತು ಸಮಯ ಕಳೆಯುತ್ತಿರಲಿಲ್ಲ. ಒಂಟಿತನವನ್ನು ಹೆಚ್ಚಾಗಿ ಇಷ್ಟಪಡುತ್ತಿದ್ದ ಮೇಘನ ನಾಯ್ಕ ಅವರನ್ನು ಕುಟುಂಬದವರು ಹಾಗೇ ಇರಲು ಬಿಟ್ಟಿದ್ದರು. ಡಿಸೆಂಬರ್ 31ರ ಬೆಳಗ್ಗೆ ಮೇಘನ ನಾಯ್ಕ ಅವರ ಅಕ್ಕ ಅರ್ಚನಾ ನಾಯ್ಕ ಅವರು ನೀರು ತುಂಬಲು ಮೂಲ ಮನೆಗೆ ಬಂದಿದ್ದು, ಆಗ ಮೇಘನ ನಾಯ್ಕ ಅವರ ಬಳಿ ಕೊನೆಯದಾಗಿ ಮಾತನಾಡಿದ್ದರು. ಜನವರಿ 1ರಂದು ಬೆಳಗ್ಗೆ ಮತ್ತೆ ನೀರು ತುಂಬಲು ಮನೆಗೆ ಬಂದಾಗ ಮೇಘನ ನಾಯ್ಕ ಅಲ್ಲಿದ್ದ ಫ್ಯಾನಿಗೆ ನೇತಾಡುತ್ತಿದ್ದರು. ಮೇಘನ ನಾಯ್ಕ ಕೊನೆಯುಸಿರೆಳೆದ ಬಗ್ಗೆ ಅರ್ಚನಾ ನಾಯ್ಕ ಅವರು ಕೂಡಲೇ ತಂದೆ ಭಾಸ್ಕರ ನಾಯ್ಕ ಅವರಿಗೆ ಫೋನ್ ಮಾಡಿದರು. ಮಗಳ ಮನೆಯಲ್ಲಿದ್ದ ಭಾಸ್ಕರ ನಾಯ್ಕ ಅವರು ಅಲ್ಲಿಂದ ಓಡೋಡಿ ಬಂದಿದ್ದು, ಮಗನ ಶವ ನೋಡಿ ಬಿಕ್ಕಿ ಬಿಕ್ಕಿ ಅತ್ತರು. ತಾಯಿ ಸಾವನಪ್ಪಿದ ಆಘಾತದಲ್ಲಿಯೇ ಮೇಘನ ನಾಯ್ಕ ಅವರು ಕೊನೆಯುಸಿರೆಳೆದದನ್ನು ಭಾಸ್ಕರ ನಾಯ್ಕ ಅವರು ಖಚಿತಪಡಿಸಿದರು.
- [ಬಿಜೆಪಿ ಬೆಂಬಲಿಸಿದ ವಕೀಲ](https://mobiletime.in/2026/01/advocate-supported-by-bjp/): ತಮ್ಮ ವಿಭಿನ್ನ ಶೈಲಿಯ ಮೂಲಕ ಗಮನಸೆಳೆಯುವ ಯಲ್ಲಾಪುರದ ನ್ಯಾಯವಾದಿ ಗಣೇಶ ಪಾಠಣಕರ್ ಅವರು ಬಿಜೆಪಿ ಸೇರಿದ್ದಾರೆ. ಶುಕ್ರವಾರ ಬಿಜೆಪಿಯ ಶಾಲು ಹೊದ್ದು ಅವರು ಮಾಧ್ಯಮದವರ ಮುಂದೆ ಕಾಣಿಸಿಕೊಂಡಿದ್ದಾರೆ. ಇದೇ ವೇಳೆ ಕಾಂಗ್ರೆಸ್ ವಿರುದ್ಧ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಕಿಡಿಕಾರಿದ್ದಾರೆ. `ಪಟ್ಟಣ ಪಂಚಾಯಿತಿಯಲ್ಲಿ ಕಾಂಗ್ರೆಸ್ ದುರಾಡಳಿತದ ಬಗ್ಗೆ ಪಟ್ಟಣದ ಮನೆ ಮನೆಗೆ ತೆರಳಿ ಜನರಿಗೆ ಮನವರಿಕೆ ಮಾಡಿಕೊಡಲಾಗುತ್ತದೆ. ಈ ಬಗ್ಗೆ ಅಭಿಯಾನ ನಡೆಸಲು ನಿರ್ಧರಿಸಲಾಗಿದೆ’ ಎಂದು ಪ್ರಸಾದ ಹೆಗಡೆ ಘೋಷಿಸಿದ್ದಾರೆ. ಅಭಿಯಾನದ ಕರಪತ್ರ ಬಿಡುಗಡೆ ಮಾಡಿದ ಅವರು `ಕಾಂಗ್ರೆಸ್ ಆಡಳಿತದಲ್ಲಿ ಪಟ್ಟಣದ ವ್ಯವಸ್ಥೆ ಸಂಪೂರ್ಣ ಹದಗೆಟ್ಟಿದೆ. ಈ ಬಗ್ಗೆ ಮನೆ ಮನೆಗೆ ಹೋಗಿ ಜನರಿಗೆ ತಿಳಿಸುವ ಜೊತೆಗೆ ಮೋದಿ ಸರ್ಕಾರದ ಸಾಧನೆಗಳ ಬಗ್ಗೆಯೂ ಮಾಹಿತಿ ನೀಡಲಾಗುತ್ತದೆ’ ಎಂದಿದ್ದಾರೆ. `ಕೆರೆಗಳ ಅಭಿವೃದ್ಧಿಗೆ ಪ ಪಂ ಆಡಳಿತ ಮುಂದಾಗಿಲ್ಲ. ಹಿಂದು ರುದ್ರಭೂಮಿಯನ್ನು ಕಡೆಗಣಿಸಲಾಗಿದೆ. ಹಂದಿ, ಬೀದಿ ನಾಯಿಗಳ ಕಾಟ ಹೆಚ್ಚಿದೆ. ಕುಡಿಯುವ ನೀರಿನ ವ್ಯವಸ್ಥೆ ಸಮರ್ಪಕವಾಗಿಲ್ಲ. ಟ್ರಾಫಿಕ್ ವ್ಯವಸ್ಥೆ ಸರಿಯಾಗಿಲ್ಲ. ಬೀದಿಗಳಲ್ಲಿ ಮೀನು ಮಾರಾಟ ನಡೆಯುತ್ತಿದೆ. ಪ.ಪಂ ಆಡಳಿತದಲ್ಲಿ ಭ್ರಷ್ಟಾಚಾರ ಹೆಚ್ಚಿದೆ. ಜಿ+2 ಮನೆಗಳ ಹಂಚಿಕೆಯಾಗಿಲ್ಲ’ ಎಂದು ಬಿಜೆಪಿಗರು ದೂರಿದ್ದಾರೆ. ಪ ಪಂ ಮಾಜಿ ಉಪಾಧ್ಯಕ್ಷೆ ಶ್ಯಾಮಿಲಿ ಪಾಟಣಕರ್, ಪಕ್ಷದ ಮುಖಂಡ ರಾಮು ನಾಯ್ಕ, ಪಕ್ಷದ ಪದಾಧಿಕಾರಿಗಳಾದ ಶ್ರೀನಿವಾಸ ಗಾಂವ್ಕರ, ರಜತ ಬದ್ದಿ, ರಜನಿ ಚಂದ್ರಶೇಖರ, ತುಳಸಿದಾಸ ನಾಯ್ಕ, ರವಿ ದೇವಡಿಗ, ಬಾಬಣ್ಣ ದೇಸಾಯಿ, ವಿನಾಯಕ ಪತ್ತರ್, ಉಲ್ಲಾಸ ಕೊಂಡೆಮನೆ, ನಯನ ಇಂಗಳೆ, ಆದಿತ್ಯ ಗುಡಿಗಾರ, ಗಜಾನನ ನಾಯ್ಕ ತಳ್ಳಿಕೇರಿ ಸಹ ಕಾಂಗ್ರೆಸ್ ಆಡಳಿತದ ಬಗ್ಗೆ ಬೇಸರಿಸಿದ್ದಾರೆ.
- [ಕಾರಣವಿಲ್ಲದೇ ಕಲ್ಲು ತೂರಾಟ!](https://mobiletime.in/2026/01/stone-throwing-for-no-reason/): ಯಲ್ಲಾಪುರದ ದಿನಕರ ಶೆಟ್ಟಿ ಅವರಿಗೆ ನಾಗರಾಜ ನಾಯ್ಕ ಹಾಗೂ ಈಶ್ವರ ನಾಯ್ಕ ಅವರು ಸೇರಿ ಕಲ್ಲಿನಿಂದ ಹೊಡೆದಿದ್ದಾರೆ. ದಿನಕರ ಶೆಟ್ಟಿ ಅವರ ತಲೆಗೆ ಕಲ್ಲು ತಾಗಿದ್ದು, ಚಿಕಿತ್ಸೆಗಾಗಿ ಅವರು ಆಸ್ಪತ್ರೆ ಸೇರಿದ್ದಾರೆ. ಯಲ್ಲಾಪುರದ ಶಿರನಾಳ ಬಳಿಯ ಅಂಬೇಬೇಣದ ದಿನಕರ ಕೃಷ್ಣ ಶೆಟ್ಟಿ (60) ಅವರು ವಾಸವಾಗಿದ್ದಾರೆ. ಮುಳಕನಜಡ್ಡಿಯ ನಾಗರಾಜ ಈಶ್ವರ ನಾಯ್ಕ (23) ಹಾಗೂ ಪ್ರಶಾಂತ ಈಶ್ವರ ನಾಯ್ಕ (26) ಅವರೊಂದಿಗೆ ದಿನಕರ ಶೆಟ್ಟಿ ಅವರು ವೈಮನಸ್ಸು ಹೊಂದಿದ್ದಾರೆ. ಡಿಸೆಂಬರ್ 31ರ ರಾತ್ರಿ ದಿನಕರ ಶೆಟ್ಟಿ ಅವರು ನಾಗರಾಜ ನಾಯ್ಕ ಅವರಿಗೆ ಒಂಟಿಯಾಗಿ ಸಿಕ್ಕಿದ್ದು, ಈ ವೇಳೆ ಪ್ರಶಾಂತ ನಾಯ್ಕರ ಜೊತೆಗೂಡಿ ಅವರು ದಾಳಿ ನಡೆಸಿದ್ದಾರೆ. ನಾಗರಾಜ ನಾಯ್ಕ ಅವರು ಮೊದಲು ದಿನಕರ ಶೆಟ್ಟಿ ಅವರಿಗೆ ಕೆಟ್ಟದಾಗಿ ಬೈದಿದ್ದು, ಇದಕ್ಕೆ ದಿನಕರ ಶೆಟ್ಟಿ ಅವರು ತಿರುಗೇಟು ನೀಡಿದ್ದಾರೆ. ಇದರಿಂದ ಸಿಟ್ಟಾದ ನಾಗರಾಜ ನಾಯ್ಕ ಅವರು ಕಲ್ಲು ಬೀಸಿದ್ದಾರೆ. ಪ್ರಶಾಂತ ನಾಯ್ಕ ಅವರು ಸಹ ಹೊಡೆದಾಟಕ್ಕೆ ಕೈ ಜೋಡಿಸಿದ್ದಾರೆ. ಈ ವೇಳೆ ದಿನಕರ ಶೆಟ್ಟಿ ಅವರ ತಲೆಗೆ ಕಲ್ಲು ತಾಗಿದೆ. ಹಣೆಯಿಂದ ರಕ್ತ ಬಂದ ಕಾರಣ ದಿನಕರ ಶೆಟ್ಟಿ ಅವರು ಆಸ್ಪತ್ರೆ ಕಡೆ ಓಡಿದ್ದಾರೆ. ಯಲ್ಲಾಪುರ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದ ನಂತರ ಪಿಐ ರಾಜಶೇಖರ ವಂದಲಿ ಅವರನ್ನು ಭೇಟಿ ಆಗಿದ್ದಾರೆ. ತಮ್ಮ ಮೇಲಾದ ಆಕ್ರಮಣದ ಬಗ್ಗೆ ವಿವರಿಸಿ, ಪೊಲೀಸ್ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಆ ಸಿಗರೇಟ್ ಬದಲು E-ಸಿಗರೇಟ್ ಮಾರಾಟ!](https://mobiletime.in/2026/01/sell-e-cigarettes-instead-of-those-cigarettes/): ಭಟ್ಕಳದ ದುಬೈ ಮಾರ್ಕೇಟಿನಲ್ಲಿ ನಿಷೇಧಿತ ಇ-ಸಿಗರೇಟ್ ಮಾರಾಟ ಮಾಡುತ್ತಿರುವುದನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಹೂವಿನ ಚೌಕ ಸಮೀಪ ದಾಳಿ ನಡೆಸಿದ ಪೊಲೀಸರು ಇ-ಸಿಗರೇಟ್ ಜೊತೆ ಅದರ ಒಳಗೆ ತುಂಬುವ ನಿಕೋಟಿನ್’ನ್ನು ವಶಕ್ಕೆಪಡೆದಿದ್ದಾರೆ. ಭಟ್ಕಳದ ಕಾರಗದ್ದೆಯ ಸಿದ್ದಿಕ್ ಅಬ್ದುಲ್ ರೆಹಮಾನ್ @ ಮಸ್ತಾನ್ ತಂದೆ ಸಿದ್ದಿಕ್ ಖಾದಿರ ಮೀರಾ (58) ಅವರು ಈ ಪ್ರದೇಶದಲ್ಲಿ ರಾಜಾರೋಷವಾಗಿ ಇ-ಸಿಗರೇಟ್ ಮಾರಾಟ ಮಾಡುತ್ತಿದ್ದರು. ಅದರ ಮಾರಾಟ ಅಪರಾಧ ಎಂದು ಅರಿವಿದ್ದರೂ ಆ ಬಗ್ಗೆ ಸಿದ್ದಿಕ್ ಅವರು ತಲೆಕೆಡಿಸಿಕೊಂಡಿರಲಿಲ್ಲ. ಜನವರಿ 1ರಂದು ರಾತ್ರಿ 10.3ಕ್ಕೆ ಪೊಲೀಸರು ಅವರ ಅಂಗಡಿ ಬಳಿ ತೆರಳಿದ್ದು, ನಿಷೇಧಿತ ವಸ್ತುಗಳನ್ನು ವಶಕ್ಕೆಪಡೆದರು. 76 ಸಾವಿರ ರೂ ಮೌಲ್ಯದ 38 ಎಲೆಕ್ಟ್ರಾನಿಕ್ ಸಿಗರೇಟಿನ ಜೊತೆ 62500 ರೂ ಮೌಲ್ಯದ ನಿಕೋಟಿನ್ ದೃವಗಳು ಅಲ್ಲಿ ಸಿಕ್ಕಿದವು. ಒಟ್ಟು 1,38,500 ರೂಪಾಯಿ ಮೌಲ್ಯದ ವಸ್ತುಗಳನ್ನು ಪೊಲೀಸರು ಜಪ್ತು ಮಾಡಿದರು. ಭಟ್ಕಳ ಪೋಲಿಸ್ ಉಪಾಧೀಕ್ಷಕ ಮಹೇಶ ಎಂ ಕೆ ಅವರಿಗೆ ಬಂದ ಮಾಹಿತಿ ಆಧಾರದಲ್ಲಿ ಈ ಕಾರ್ಯಾಚರಣೆ ನಡೆದಿದ್ದು, ಪಿಐ ದಿವಾಕರ ಪಿ ಎಂ ಅವರ ಜೊತೆ ಪಿಸೈ ನವೀನ ನಾಯ್ಕ ಮತ್ತು ಸಿಬ್ಬಂದಿ ಉದಯ ನಾಯ್ಕ, ದೀಪಕ ನಾಯ್ಕ, ಮಹಾಂತೇಶ ಹಿರೇಮಠ, ಕಾಶಿನಾಥ ಕೊಟಗೊಣಸಿ, ಸುರೇಶ ರೇವಣಸಿದ್ದಪ್ಪ ಮಾಗಿ, ಜಗದೀಶ ನಾಯ್ಕ ಮತ್ತು ಸುರೇಶ ಮರಾಠಿ ಕಾರ್ಯಾಚರಣೆಯಲ್ಲಿದ್ದರು.
- [ಸಿಲೆಂಡರ್ ಸೋರಿಕೆ: ಬಾಯ್ಲರ್ ಸ್ಪೋಟ!](https://mobiletime.in/2026/01/cylinder-leak-boiler-explosion/): ಹುಬ್ಬಳ್ಳಿ-ಅಂಕೋಲಾ ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿ ಕಾಮಗಾರಿ ವೇಳೆ ಯಲ್ಲಾಪುರದಲ್ಲಿ ಬಾಯ್ಲರ್ ಸ್ಪೋಟವಾಗಿದೆ. ಆರತಿಬೈಲ್ ಘಟ್ಟ ಪ್ರದೇಶದಲ್ಲಿ ಈ ಅವಘಡ ನಡೆದಿದೆ. ಹೆದ್ದಾರಿಯ ಎಲ್ಲಾ ಕಡೆ ಹೊಂಡಗಳಿoದ ಕೂಡಿದ್ದು, ಸದ್ಯ ಅದರ ದುರಸ್ಥಿ ಕೆಲಸ ನಡೆದಿದೆ. ಪ್ಯಾಚ್‌ವರ್ಕ ಕೆಲಸ ಮುಕ್ತಾಯದ ನಂತರ ಹೆದ್ದಾರಿಯ ಉದ್ದಕ್ಕೂ ಬಿಳಿ ಬಣ್ಣದ ಪಟ್ಟಿಗಳನ್ನು ಎಳೆಯಬೇಕಿದೆ. ಈ ಬಣ್ಣ ಬಡಿಯುವ ಕೆಲಸವನ್ನು ಗದಗದ ಅನಂತ ಆರ್ಟ ಎಂಬ ಕಂಪನಿಗೆ ಗುತ್ತಿಗೆ ನೀಡಲಾಗಿದೆ. ಅದರ ಪ್ರಕಾರ, ಅನಂತ ಆರ್ಟ ಕಂಪನಿಯ ಸಿಬ್ಬಂದಿ ಭಾರತ್ ಗ್ಯಾಸ್ ಸಿಲೆಂಡರ್ ಹಾಗೂ ಬಾಯ್ಲರ್ ಬಳಕೆ ಮಾಡಿ ರಸ್ತೆಗೆ ಬಿಳಿ ಬಣ್ಣದ ಪಟ್ಟಿ ಬಡಿಯುತ್ತಿದ್ದಾರೆ. ಈ ವೇಳೆ ಸಣ್ಣ ಪ್ರಮಾಣದಲ್ಲಿ ಗ್ಯಾಸ್ ಸೋರಿಕೆಯಾಗಿದ್ದು ಸಿಲೆಂಡರ್ ಸ್ಪೋಟಿಸಿದೆ. ಅದೇ ವೇಳೆ ಬಾಯ್ಲರ್ ಬಳಿ ಬೆಂಕಿ ತಾಗಿದ್ದು, ಬಿಸಿಯ ತೀವೃತೆಗೆ ಬಾಯ್ಲರ್ ಸ್ಪೋಟವಾಗಿದೆ. ಲಾರಿಯೊಂದರಲ್ಲಿ ಬಾಯ್ಲರ್ ನಿಲ್ಲಿಸಲಾಗಿದ್ದು, ಸ್ಪೋಟದಿಂದ ಬಾಯ್ಲರ್ ಜೊತೆ ಲಾರಿಗೂ ಅಲ್ಲಲ್ಲಿ ಹಾನಿಯಾಗಿದೆ. ಅಲ್ಲಿದ್ದ ಸಿಬ್ಬಂದಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
- [ಕಾಟ ಕೊಡುವುದೇ ಆತನ ಕಾಯಕ: ಕುಡುಕನ ಮೇಲೆ ಕೇಸು!](https://mobiletime.in/2026/01/his-job-is-to-cause-trouble-sue-the-drunkard/): ಮೂರು ಬಿಯರ್ ಖಾಲಿ ಮಾಡಿದಲ್ಲದೇ ಮತ್ತೊಂದು ಬಿಯರ್ ಹಿಡಿದು ತೂರಾಡುತ್ತಿದ್ದ ವ್ಯಕ್ತಿ ವಿರುದ್ಧ ಗೋಕರ್ಣ ಪೊಲೀಸರು ಕೇಸು ಹಾಕಿದ್ದಾರೆ! ಮಹಾರಾಷ್ಟದ ಶೋನ್ ಕುಹಾರ್ಡೆ ಅವರು ವಿಪರೀತ ಪ್ರಮಾಣದಲ್ಲಿ ಮದ್ಯ ಸೇವನೆ ಮಾಡಿದ್ದಾರೆ. ಜೊತೆಗೆ ಕುಡಿದ ನಶೆಯಲ್ಲಿ ಸಾರ್ವಜನಿಕರಿಗೆ ಕಿರಿಕಿರಿಯಾಗುವಂತೆ ಮಾಡಿದ್ದಾರೆ. ಓಂ ಬೀಚ್ ರಸ್ತೆಯ ಬಂಗ್ಲೆಗುಡ್ಡದ ಬಳಿ ವಾಸವಾಗಿರುವ ಅವರು ಜನವರಿ 1ರಂದು ಜಂಗಲ್ ಬಾಯ್ ಸುಪ್ರೀಂ ಹಾಸ್ಟೇಲ್ ಬಳಿ ತೂರಾಡುತ್ತಿರುವುದನ್ನು ನೋಡಿದ ಜನ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಗೋಕರ್ಣ ಪಿಸೈ ಶಶಿಧರ ಕೆ ಎಚ್ ಅವರು ಬಂಗ್ಲೆಗುಡ್ಡದ ಬಳಿ ತೆರಳಿದ್ದು, ಆಗ ಶೋನ್ ಕುಹಾರ್ಡೆ ಅವರು ಅಲ್ಲಿ ಗಲಾಟೆ ಮಾಡುತ್ತಿರುವುದನ್ನು ನೋಡಿದ್ದಾರೆ. 650ಮಿಲಿಯ ಮೂರು ಬಿಯರ್ ಬಾಟಲಿ ಖಾಲಿ ಮಾಡಿದ್ದ ಶೋನ್ ಕುರ್ಹಾಡೆ ಮತ್ತೊಂದು ಬಿಯರ್ ಬಾಟಲಿ ಹಿಡಿದು ರಂಪಾಟ ನಡೆಸಿದ್ದಾರೆ. ಸಾರ್ವಜನಿಕ ಸ್ಥಳದಲ್ಲಿ ಕುಡಿದು ಗಲಾಟೆ ಮಾಡಿದ ಕಾರಣ ಪೊಲೀಸರು ಶೋನ್ ಕುಹಾರ್ಡೆ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಆ ಬಗ್ಗೆ ಮೇಲಧಿಕಾರಿಗಳಿಗೆ ವರದಿ ಒಪ್ಪಿಸಿದ್ದಾರೆ.
- [ಸಹಕಾರಿ ಸಂಘಕ್ಕೆ ಸಿಕ್ಕಿತು ಸಾಧಕ ಪ್ರಶಸ್ತಿ](https://mobiletime.in/2026/01/cooperative-society-receives-achievement-award/): `ಲೋಕಧ್ವನಿ’ ಪತ್ರಿಕೆ ನೀಡುವ `ಹೆಮ್ಮೆಯ ಸಾಧಕ’ ಪ್ರಶಸ್ತಿಗೆ ಶಿರಸಿಯ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘಕ್ಕೆ ಸಿಕ್ಕಿದೆ. ಗ್ರಾಹಕ ಸ್ನೇಹಿಯಾಗಿ ಕಾರ್ಯ ನಿರ್ವಹಿಸುತ್ತಿರುವ ಕಾರಣ ಈ ಪ್ರಶಸ್ತಿಗೆ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘವನ್ನು ಆಯ್ಕೆ ಮಾಡಲಾಗಿದೆ. ಕಳೆದ 25 ವರ್ಷಗಳಿಂದ ಯಶಸ್ವಿಯಾಗಿ ಸಂಘ ಕಾರ್ಯನಿರ್ವಹಿಸುತ್ತಿರುವುದನ್ನು ಗಮನಿಸಲಾಗಿದ್ದು, ಸಂಘದ ಕಾರ್ಯ ಚಟುವಟಿಕೆಯ ಬಗ್ಗೆ ಲೋಕಧ್ವನಿ ಪತ್ರಿಕೆ ಬೆಳಕು ಚೆಲ್ಲಲಿದೆ. ಇದರೊಂದಿಗೆ ಸಂಘಕ್ಕೆ `ಲೋಕಧ್ವನಿ ಹೆಮ್ಮೆಯ ಸಾಧಕ ‘ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತಿದೆ. ಕೆಡಿಸಿಸಿ ಬ್ಯಾಂಕ್ ವಿಭಾಗೀಯ ಅಧಿಕಾರಿಯಾಗಿದ್ದ ವಸಂತ ಶೆಟ್ಟಿ ಅವರು ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಸ್ಥಾಪಕರಾಗಿದ್ದು, ಅವರು ಕೆಡಿಸಿಸಿ ಬ್ಯಾಂಕ್ ನೌಕರರ ಒಕ್ಕೂಟ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು. ಅವರ ಮರಣದ ನಂತರ ವಸಂತ ಶೆಟ್ಟಿ ಅವರ ಮಗ ವಿನಾಯಕ ಶೆಟ್ಟಿ ಅವರು ಸೊಸೈಟಿಯನ್ನು ಮುನ್ನಡೆಸುತ್ತಿದ್ದಾರೆ. ಶ್ರೀಧರ ಮೊಗೇರ್ ಅವರ ದೂರದೃಷ್ಠಿ ಹಾಗೂ ರಾಘವೇಂದ್ರ ಶೆಟ್ಟಿ ಅವರ ಪ್ರಾಮಾಣಿಕ ಪ್ರಯತ್ನ ಹಾಗೂ ಎಮ್ ಡಿ ಪ್ರಕಾಶ ಮುದ್ಗುಣಿ ಅವರ ಸಲಹೆಯಿಂದ ಸಂಘ ಶಿಸ್ತಿನಿಂದ ನಡೆಯುತ್ತಿದೆ. ಈ ಎಲ್ಲಾ ವಿಷಯ ಗಮನಿಸಿ ಲೋಕಧ್ವನಿ ಪತ್ರಿಕೆ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘಕ್ಕೆ ವಿಶೇಷ ಮಾನ್ಯತೆ ನೀಡಿದೆ. ಬೆಂಗಳೂರಿನಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರು ಈ ಪ್ರಶಸ್ತಿ ನೀಡಿ ಗೌರವಿಸಲಿದ್ದಾರೆ.
- [ಕಂಠಪೂರ್ತಿ ಕುಡಿದು ಕಡಲತೀರ ಪ್ರವೇಶ: ಆ ಪ್ರವಾಸಿಗನ ಪಾಲಿಗೆ ಇಂದೇ ಪುಣ್ಯ ದಿನ!](https://mobiletime.in/2026/01/entering-the-beach-drunk-today-is-a-blessed-day-for-that-tourist/): ಕಂಠಪೂರ್ತಿ ಕುಡಿದು ಕಡಲ ತೀರಕ್ಕೆ ಬಂದಿದ್ದ ಪ್ರಸನ್ನ ಅವರು ಅರಬ್ಬಿ ಸಮುದ್ರದಲ್ಲಿ ಕೊಚ್ಚಿ ಹೋಗಿದ್ದು, ಮುರುಡೇಶ್ವರದ ಓಸೀಯನ್ ಅಡ್ವೆಂಚರ್ ಸಿಬ್ಬಂದಿಯ ಸಮಯ ಪ್ರಜ್ಞೆಯಿಂದ ಪ್ರಸನ್ನ ಅವರ ಪ್ರಾಣ ಉಳಿದಿದೆ. ಬೆಳಗಾವಿ ಮೂಲದ ಪ್ರಸನ್ನ ಅವರು ಶುಕ್ರವಾರ ಮುರುಡೇಶ್ವರಕ್ಕೆ ಬಂದಿದ್ದರು. ಎಲ್ಲೆಂದರಲ್ಲಿ ಒಂಟಿಯಾಗಿ ಸಂಚರಿಸುವ ಅವರು ಅಲ್ಲಿಯೇ ಬಾರ್ ಪ್ರವೇಶಿಸಿ ಮದ್ಯ ಸೇವಿಸಿದ್ದರು. ಕುಡಿದ ನಶೆಯಲ್ಲಿಯೇ ತೂರಾಡುತ್ತ ಕಡಲ ತೀರಕ್ಕೆ ಬಂದರು. ಅಲೆಗಳ ಅಬ್ಬರದ ಬಗ್ಗೆ ಅರಿವಿಲ್ಲದೇ ಅವರು ಸಮುದ್ರದ ಕಡೆ ಹಾರಿದರು. ಈಜು ಬಾರದಿದ್ದರೂ ಆಳ ಸಮುದ್ರದ ಕಡೆ ನಡೆದು ಹೋಗುತ್ತಿದ್ದ ಪ್ರಸನ್ನ ಅವರಿಗೆ ಅಲೆಯೊಂದು ಅಬ್ಬರಿಸಿತು. ಅದರ ರಭಸಕ್ಕೆ ಅವರು ನೀರಿನ ಆಳಕ್ಕೆ ಕೊಚ್ಚಿ ಹೋದರು. ನೀರಿನಿಂದ ಮೇಲೆ ಬರಲಾಗದೇ ಸಮಸ್ಯೆಗೆ ಸಿಲುಕಿದ್ದ ಪ್ರಸನ್ನ ಅವರು ಅಲ್ಲಿಯೇ ಇದ್ದ ಓಸೀಯನ್ ಅಡ್ವೆಂಚರ್ ಸಿಬ್ಬಂದಿ ವಿಘ್ನೇಶ್ವರ ಹರಿಕಂತ್ರ ಅವರ ಕಣ್ಣಿಗೆ ಬಿದ್ದರು. ತಕ್ಷಣ ವಾಟರ್ ಬೈಕ್ ಮೂಲಕ ಸಮುದ್ರದ ಕಡೆ ತೆರಳಿದ ಅವರು ರಾಜೇಶ ಹರಿಕಂತ್ರ ಅವರ ಜೊತೆಗೂಡಿ ಪ್ರಸನ್ನ ಅವರ ಜುಟ್ಟು ಹಿಡಿದು ಮೇಲೆತ್ತಿದರು. ಸಾಕಷ್ಟು ಪ್ರಮಾಣದಲ್ಲಿ ನೀರು ಕುಡಿದಿದ್ದ ಪ್ರಸನ್ನ ಅವರನ್ನು ನೀರಿನಿಂದ ಮೇಲೆ ಕರೆತಂದು ಅವರ ಜೀವ ಕಾಪಾಡಿದರು. ಅದಾದ ನಂತರ ಓಸೀಯನ್ ಅಡ್ವೆಂಚರ್ ಸಿಬ್ಬಂದಿ ಪೊಲೀಸರನ್ನು ಕರೆದು ವಿಷಯ ತಿಳಿಸಿದರು. ಪೊಲೀಸರು ಪ್ರಸನ್ನ ಅವರಿಗೂ ಎಚ್ಚರಿಕೆ ನೀಡಿ ಕಳುಹಿಸಿದರು. `ಕುಡಿದು ಕಡಲ ತೀರಕ್ಕೆ ಬರಬೇಡಿ. ಕುಡಿಯುವುದಕ್ಕಾಗಿಯೂ ಕಡಲ ತೀರಕ್ಕೆ ಬರಬೇಡಿ’
- [ಒಂದಲ್ಲ.. ಎರಡಲ್ಲ.. 22 ವರ್ಷ ಭೂಗತನಾಗಿದ್ದ ಭೂಪ ಆ ನೀಲಪ್ಪ!](https://mobiletime.in/2026/01/not-one-not-two-that-nilappa-the-man-who-had-been-underground-for-22-years/): ಮಹಿಳೆಯೊಬ್ಬರ ಮಾನಭಂಗಕ್ಕೆ ಯತ್ನಿಸಿ ಪರಾರಿಯಾಗಿದ್ದ ವ್ಯಕ್ತಿಯೊಬ್ಬ 22 ವರ್ಷಗಳ ನಂತರ ಸಿಕ್ಕಿಬಿದ್ದಿದ್ದು, ಆತನನ್ನು ಶಿರಸಿ ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ಆರೋಪಿ ನೀಲಪ್ಪ ಅಗಸೆಬಾಗಿಲು ಅವರು ಹಣಕಾಸು ವಂಚನೆ ಪ್ರಕರಣದಲ್ಲಿಯೂ ಜೈಲು ಸೇರಿದ್ದಾರೆ. ಶಿರಸಿ ಎಕ್ಕಂಬಿಯ ನೀಲಪ್ಪ ಮಲ್ಲಪ್ಪ ಅಗಸೆಬಾಗಿಲು ಅವರು 2003ರಲ್ಲಿ ಮಹಿಳೆಯೊಬ್ಬರ ಮೇಲೆ ಕೈ ಮಾಡಿದ್ದರು. ಮಹಿಳೆ ಜೊತೆ ಅನುಚಿತವಾಗಿ ವರ್ತಿಸಿದ್ದರು. ಜೊತೆಗೆ ಅವರ ಮಾನಭಂಗದ ಪ್ರಯತ್ನ ಮಾಡಿದ್ದರು. ಈ ಹಿನ್ನಲೆ ಸಂತ್ರಸ್ತೆ ಪೊಲೀಸರ ಮೊರೆ ಹೋಗಿದ್ದು, ಆ ವೇಳೆಯಲ್ಲಿಯೇ ಪೊಲೀಸರು ನೀಲಪ್ಪ ಅಗಸೆಬಾಗಿಲು ಅವರನ್ನು ಬಂಧಿಸಿದ್ದರು. ನ್ಯಾಯಾಲಯದಿಂದ ಜಾಮೀನುಪಡೆದು ಹೊರ ಬಂದಿದ್ದ ನೀಲಪ್ಪ ಅಗಸೆಬಾಗಿಲು ಅವರು ಅದಾದ ನಂತರ ಚೆಕ್ ಬೌನ್ಸ ಪ್ರಕರಣವೊಂದರಲ್ಲಿಯೂ ನ್ಯಾಯಾಲಯದ ಮೆಟ್ಟಿಲೇರಿದ್ದರು. ಆ ಅವಧಿಯಲ್ಲಿಯೂ ಜಾಮೀನುಪಡೆದು ಹೊರಬಂದ ಅವರು ನಂತರ ನ್ಯಾಯಾಲಯದ ಕಡೆ ಮುಖ ಹಾಕಿರಲಿಲ್ಲ. ಮಹಿಳಾ ದೌರ್ಜನ್ಯ ಹಾಗೂ ಚೆಕ್ ಬೌನ್ಸ್ ಪ್ರಕರಣದ ವಿಷಯವಾಗಿ ನ್ಯಾಯಾಲಯ ಸಾಕಷ್ಟು ಬಾರಿ ವಾರೆಂಟ್ ಹೊರಡಿಸಿತ್ತು. ಆದರೆ, ನೀಲಪ್ಪ ಅಗಸೆಬಾಗಿಲು ಅವರು ಪೊಲೀಸರ ಕೈಗೆ ಸಿಕ್ಕಿರಲಿಲ್ಲ. 22 ವರ್ಷಗಳಿಂದ ಪೊಲೀಸರು ನೀಲಪ್ಪ ಅವರ ಹುಡುಕಾಟ ನಡೆಸಿದ್ದು, ಡಿಸೆಂಬರ್ 31ರಂದು ಶಿರಸಿ ಮಾರುಕಟ್ಟೆ ಪಿಸೈ ಬಸವರಾಜ ಕನಶೆಟ್ಟಿ ಅವರಿಗೆ ನೀಲಪ್ಪ ಅಗಸೆಬಾಗಿಲು ಅವರು ಬೆಂಗಳೂರಿನಲ್ಲಿರುವ ವಿಷಯ ಗೊತ್ತಾಯಿತು. ಪೊಲೀಸ್ ಇಲಾಖೆಯ ತಾಂತ್ರಿಕ ಸಿಬ್ಬಂದಿ ಬಬನ ಕದಂ ಹಾಗೂ ಉದಯ ಗುನಗಾ ಅವರ ಸಹಾಯಪಡೆದು ಪಿಸೈ ಬಸವರಾಜ ಕನಶೆಟ್ಟಿ ಅವರು ವಿಶೇಷ ಕಾರ್ಯಾಚರಣೆ ನಡೆಸಿದರು. ಪೊಲೀಸ್ ಸಿಬ್ಬಂದಿ ವಿಶ್ವನಾಥ ಭಂಡಾರಿ, ಸಂದೀಪ ನಿಂಬಾಯಿ, ರಮೇಶ ಮುಚ್ಚಂಡಿ ಜೊತೆ ಸೇರಿ ನೀಲಪ್ಪ ಅಗಸೆಬಾಗಿಲು ಅವರ ಹುಡುಕಾಟಕ್ಕೆ ಬಲೆ ಬೀಸಿದರು. ಆ ಬಲೆಗೆ ಬಿದ್ದ ಆರೋಪಿಯನ್ನು ಶಿರಸಿಗೆ ಕರೆತಂದು ಜನವರಿ 1ರಂದು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ಆ ಮೂಲಕ `ತಪ್ಪು ಮಾಡಿದ ಯಾರೂ ಕಾನೂನಿನ ಕಣ್ಣಿನಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ’ ಎಂದು ಪೊಲೀಸರು ಸಂದೇಶ ಸಾರಿದ್ದಾರೆ.
- [ಹೊಸ ವರ್ಷ: ಪಾರ್ಟಿ ಮಾಡುವಾಗ ಮಾರಾಮಾರಿ!](https://mobiletime.in/2026/01/new-year-brawl-while-partying/): ಹೊಸ ವರ್ಷದ ಸಂಭ್ರಮದಲ್ಲಿದ್ದವರ ನಡುವೆ ಕಾರವಾರದಲ್ಲಿ ಹೊಡೆದಾಟ ನಡೆದಿದೆ. ಈ ಹೊಡೆದಾಟದಲ್ಲಿ ಏಳು ಜನರಿಗೆ ಗಾಯವಾಗಿದೆ. ಕಾರವಾರದ ಕಿನ್ನರ ಗುಣಸುಭಾದ ಸಚೀನ ಚಂದೋಬಾ ನಾಗೇಕರ್, ಅವರ ಅಣ್ಣ ಹರೀಶ ನಾಗೇಕರ್, ಅವರ ತಮ್ಮ ಸುನೀಲ ನಾಗೇಕರ್ ಜೊತೆ ಅವರ ಮಗ ಸರ್ವೇಶ ನಾಗೇಕರ್ ಹೊಡೆದಾಟದಲ್ಲಿ ಭಾಗಿಯಾಗಿದ್ದಾರೆ. ಅವರ ಜೊತೆ ಕಿನ್ನರ ಗುಣಸಭಾದ ಉದ್ಧಾಸ ಮೋಹನ ಗೋವೇಕರ್, ಅವರ ಹೆಂಡತಿ ಸಂಗೀತಾ ಗೋವೇಕರ್ ಹಾಗೂ ಸಂಬAಧಿ ಸೈರೋಬಾ ಗೋವೇಕರ್ ಸಹ ಹೊಡೆದಾಟಕ್ಕೆ ಕೈ ಜೋಡಿಸಿದ್ದಾರೆ. ಡಿಸೆಂಬರ್ 31ರ ರಾತ್ರಿ 12 ಗಂಟೆ ಅವಧಿಯಲ್ಲಿ ಈ ಎರಡು ಗುಂಪಿನ ನಡುವೆ ಮಾರಾಮಾರಿ ನಡೆದಿದೆ. ಎರಡು ಗುಂಪಿನವರು ಬೆಂಕಿಯ ಉಂಡೆಗನ್ನು ಚೆಲ್ಲಿ ನೋವು ಮಾಡಿಕೊಂಡಿದ್ದಾರೆ. ಪೊಳಿಪಾತಿನ ಸೈರೋಬಾ ಗೋವೇಕರ್ ಅವರ ಮನೆ ಮುಂದೆ ಪಾರ್ಟಿ ನಡೆಯುತ್ತಿದ್ದು, ರಾತ್ರಿ 12.30ರ ನಂತರವೂ ರಸ್ತೆ ಮೇಲೆ ಪಾರ್ಟಿ ನಡೆಸಿರುವುದೇ ಈ ಹೊಡೆದಾಟಕ್ಕೆ ಮೂಲ ಕಾರಣವಾಗಿದೆ. ಆ ದಿನ ರಾತ್ರಿ ಸಚೀನ ನಾಗೇಕರ್ ಅವರು ಸಹೋದರರ ಜೊತೆ ಸಂಬAಧಿಕರ ಮನೆಗೆ ಊಟಕ್ಕೆ ಹೋಗಿದ್ದು, ಮರಳಿ ಬರುವಾಗ ಪೊಳಿಪಾತ್ ಬಳಿ ಕಿನ್ನರ ಮಾಳಿಪೋತಿನಲ್ಲಿ ಪಾರ್ಟಿ ನಡೆಯುವುದನ್ನು ನೋಡಿದರು. ಉದ್ಧಾಸ ಗೋವೇಕರ್ ಅವರು ರಸ್ತೆಯಲ್ಲಿ ಬೆಂಕಿ ಹಾಕಿಕೊಂಡಿರುವುದನ್ನು ಅವರು ಪ್ರಶ್ನಿಸಿದರು. `ರಸ್ತೆ ಪಕ್ಕ ಕಾರು ನಿಲ್ಲಿಸಿ ಬೆಂಕಿ ಹಾಕಲು ಈ ರಸ್ತೆ ನಿಮ್ಮ ಅಪ್ಪನದಾ?’ ಎಂದು ಸಚೀನ್ ನಾಗೇಕರ್ ಜೋರಾದರು. ಇದರಿಂದ ಉಲ್ಲಾಸ ಗೋವೇಕರ್ ಸಿಟ್ಟಾಗಿ ಸಚಿನ್ ನಾಗೇಕರ್ ಇದ್ದ ಬೈಕಿಗೆ ಖುರ್ಚಿ ಎಸೆದರು. ಅದಾದ ನಂತರ ನಡೆದ ಹೊಡೆದಾಟದಲ್ಲಿ ಸಚಿನ್ ನಾಗೇಕರ್ ಅವರು ಅಲ್ಲಿದ್ದ ಬೆಂಕಿಗೆ ಬಿದ್ದರು. ಪರಿಣಾಮ ಅವರ ಕೈ-ಕಾಲಿಗೆ ಗಾಯವಾಯಿತು. ಸಚಿನ್ ನಾಗೇಕರ್ ಕಡೆಯವರಿಗೆ ಉದ್ಧಾಸ ಗೋವೇಕರ್ ಕಡೆಯವರು ಹೊಡೆಯಲು ಶುರು ಮಾಡಿದರು. ಇದಕ್ಕೆ ಪ್ರತಿಯಾಗಿ ಸಚಿನ್ ನಾಗೇಕರ್ ಅವರು ಸಹ ಅಲ್ಲಿದ್ದ ಬೆಂಕಿಯ ಚಂಡು ಬೀಸಿದರು. ಬೆಂಕಿ ಹೊತ್ತಿದ ಕಟ್ಟಿಗೆ ತೆಗೆದುಕೊಂಡು ಉದ್ಧಾಸ ಗೋವೇಕರ್ ಅವರ ಬೆನ್ನಿಗೆ ಹೊಡೆದರು. ಸುನೀಲ ನಾಗೇಕರ್ ಹಾಗೂ ಹರೀಶ ನಾಗೇಕರ್ ಸಹ ಈ ಹೊಡೆದಾಟದಲ್ಲಿ ಭಾಗವಹಿಸಿದ್ದು, ಸಂಗೀತಾ ಗೋವೇಕರ್ ಹಾಗೂ ಸೈರೋಬಾ ಗೋವೇಕರ್ ಅವರು ತಮ್ಮ ಶಕ್ತಿ ಪ್ರದರ್ಶನ ಮಾಡಿದರು. ಈ ಗುಂಪು ಘರ್ಷಣೆಯಲ್ಲಿ ಅಲ್ಲಿದ್ದ ಏಳು ಜನ ನೋವು ತಿಂದರು.
- [ಹೊಸ ವರ್ಷ: ಮೊದಲ ದಿನವೇ ಪ್ರವಾಸಿಗನ ಬಲಿ!](https://mobiletime.in/2026/01/new-year-tourist-killed-on-the-first-day/): ಗೋಕರ್ಣ ಕಡಲತೀರಕ್ಕೆ ಬಂದಿದ್ದ ಪ್ರವಾಸಿಗರೊಬ್ಬರು ಸಮುದ್ರಕ್ಕೀಳಿಯುವ ಮುನ್ನವೇ ಕೊನೆಯುಸಿರೆಳೆದಿದ್ದಾರೆ. ಗುರುವಾರ ಮಧ್ಯಾಹ್ನದ ಅವಧಿಯಲ್ಲಿ ಈ ಸಾವು ಸಂಭವಿಸಿದೆ. ಗೋಕರ್ಣದ ಮಿಡ್ಲ ಕಡಲತೀರಕ್ಕೆ ಆಗಮಿಸಿದ್ದ ತಮಿಳುನಾಡಿನ ಆರ್ ಕುಮಾರ್ ಅವರು ಅಲ್ಲಿಯೇ ಕುಸಿದು ಬಿದ್ದಿದ್ದಾರೆ. ಹೊಸ ವರ್ಷ ಆಚರಣೆ ಬಂದಿದ್ದ ಅವರ ಬದುಕು ಅಲ್ಲಿಯೇ ಕೊನೆಯಾಗಿದೆ. ಸಮುದ್ರದಲ್ಲಿ ಈಜುವುದಕ್ಕಾಗಿ ಆರ್ ಕುಮಾರ್ ಅವರು ನೀರಿಗಿಳಿಯುವ ಪ್ರಯತ್ನ ಮಾಡಿದ್ದರು. ಅಷ್ಟರಲ್ಲಿ ಅವರು ಕುಸಿದು ಬಿದ್ದಿದನ್ನು ಆ ಭಾಗದ ರೆಸಾರ್ಟ ಸಿಬ್ಬಂದಿ ನೋಡಿದರು. ಜೀವ ರಕ್ಷಕ ಸಿಬ್ಬಂದಿ ಅವರನ್ನು ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕಳುಹಿಸಿದರು. ಆದರೆ, ಅಷ್ಟರೊಳಗೆ ಕುಮಾರ್ ಅವರು ಕೊನೆಯುಸಿರೆಳೆದಿದ್ದರು. ಸದ್ಯ ಕುಮಾರ ಅವರ ಶವವನ್ನು ಜಿಲ್ಲಾಸ್ಪತ್ರೆಗೆ ಸಾಗಿಸಲಾಗಿದೆ. ಪೊಲೀಸರು ಸ್ಥಳ ಭೇಟಿ ನಡೆಸಿ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಜಾಗೃತ ಸಮಿತಿ ಸಭೆ: ವಿವಿಧ ವಿಷಯಗಳ ಬಗ್ಗೆ ಚರ್ಚೆ](https://mobiletime.in/2026/01/vigilance-committee-meeting-discussion-on-various-issues/): ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ನಡೆಸಿದ ಜಾಗೃತ ಮತ್ತು ಉಸ್ತುವಾರಿ ಸಮಿತಿ ಸಭೆ ನಡೆಸಿದ್ದು, ಸಮಿತಿ ಸದಸ್ಯರು ವಿವಿಧ ವಿಷಯಗಳ ಬಗ್ಗೆ ಚರ್ಚಿಸಿದ್ದಾರೆ. `ದೌರ್ಜನ್ಯ ಪ್ರಕರಣಗಳಲ್ಲಿ ನೊಂದವರಿಗೆ ತಕ್ಷಣ ಪರಿಹಾರ ವಿತರಣೆ ಮಾಡಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸೂಚನೆ ನೀಡಿದ್ದಾರೆ. `ದೌರ್ಜನ್ಯ ಪ್ರಕರಣದಲ್ಲಿ ಮೃತಪಟ್ಟಿರುವ ವ್ಯಕ್ತಿಯ ಕುಟುಂಬದ ಸದಸ್ಯರಿಗೆ ದಾಖಲೆಗಳ ಕೊರತೆಯಿಂದ ಅನುಕಂಪ ಆಧಾರದ ನೌಕರಿ ನೀಡುವಲ್ಲಿ ವಿಳಂಬವಾಗುತ್ತಿದೆ. ದಾಖಲೆಗಳನ್ನು ದೊರಕಿಸುವ ಬಗ್ಗೆ ಸಮಾಜ ಕಲ್ಯಾಣ ಇಲಾಖೆಯ ಅಧಿಕಾರಿಗಳೇ ಮತುವರ್ಜಿ ವಹಿಸಿ, ಒಂದು ತಿಂಗಳ ಒಳಗೆ ಈ ಪ್ರಕರಣವನ್ನು ಇತ್ಯರ್ಥ ಪಡಿಸಸಬೇಕು’ ಎಂದವರು ಸೂಚಿಸಿದ್ದಾರೆ. ಮುಖ್ಯವಾಗಿ ಜಿಲ್ಲೆಯ ಜ್ವಲಂತ ಸಮಸ್ಯೆಗಳ ಬಗ್ಗೆ ಸಮಿತಿ ಸದಸ್ಯರು ಮಾತನಾಡಿದ್ದಾರೆ. `ಬೆಳೆ ರಕ್ಷಣೆಗೆ ರೈತರಿಗೆ ಬಂದೂಕು ಅಗತ್ಯವಿದ್ದು, ಮೂರು ತಿಂಗಳ ಒಳಗೆ ಪರವಾನಿಗೆ ಕೊಡಬೇಕು. ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿ ಸ್ಮಶಾನ ಭೂಮಿಗೆ ಜಾಗ ಮೀಸಲಿಡಬೇಕು. ಸಿದ್ದಾಪುರದಲ್ಲಿ ರೈತರ ಅಡಿಕೆ ಮರ ಕಟಾವು ನಡೆದಿದ್ದು, ಸಂತ್ರಸ್ತರಿಗೆ ನ್ಯಾಯ ಒದಗಿಸಬೇಕು. ಕುಮಟಾದಲ್ಲಿರುವ ಹಕ್ಕಿ-ಪಿಕ್ಕಿ ಜನಾಂಕದವರಿಗೆ ಸರ್ಕಾರಿ ಸೌಲಭ್ಯ ಸಿಗದ ಬಗ್ಗೆ ಗಮನಿಸಬೇಕು. ಅಂಕೋಲಾ ತಾಲೂಕಿನ ವಾಲ್ಮೀಕಿ ಸಮುದಾಯದ ಭವನ ಶೀಘ್ರದಲ್ಲಿ ಉದ್ಘಾಟನೆ ಆಗಬೇಕು. ಫಸಲ್ ಭೀಮಾ ಯೋಜನೆ ಹಣ ಅತಿಕ್ರಮಣದಾರರಿಗೂ ಸಿಗಬೇಕು’ ಎಂದು ಸಮಿತಿ ಸದಸ್ಯ ಸುರೇಶ ಸಿದ್ದಿ ಅವರು ಸಭೆಯ ಗಮನಕ್ಕೆ ತಂದಿದ್ದಾರೆ. ಸಮಿತಿ ಸದಸ್ಯರ ಗುರುತಿನ ಚೀಟಿ, ಜಾತಿ ನಿಂದನೆ ವಿಷಯವಾಗಿ ದಾಖಲಾಗುವ ಸುಳ್ಳು ಪ್ರಕರಣ, ಅಕ್ರಮ ಮರಳುಗಾರಿಕೆ, ಗ್ರಾಮ ಪಂಚಾಯತದ ಶೇ 2ರ ಮೀಸಲು ಅನುದಾನದಲ್ಲಿ ಕ್ರೀಡಾ ಉಪಕರಣ ಖರೀದಿ, ದಲಿತರ ಜಮೀನು ಮಾರಾಟ ವಿಷಯವಾಗಿ ಸಭೆಯಲ್ಲಿ ಚರ್ಚೆ ನಡೆಯಿತು. ಈ ಸಭೆಯಲ್ಲಿ ಜಿ ಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಜಿಲ್ಲಾ ಸಮಾಜ ಕಲ್ಯಾಣಾಧಿಕಾರಿ ಉಮೇಶ್ ಹಾಗೂ ಸಮಿತಿಯ ಸದಸ್ಯರಾದ ವಿಶ್ವನಾಥ ಹೆಗಡೆ ಕೂಜಳ್ಳಿ, ಮಾರುತಿ ನಿಂಗಪ್ಪ ಗವಾಡಿ, ರಾಘವೇಂದ್ರ ಜಟ್ಟಿ ಮುಕ್ರಿ, ಪಾತಿಂಬಿ ಫ ಮಾಂಡೇಕರ, ಸುಭಾಷ ಈಶ್ವರ ನಾಯ್ಕ, ರವಿಕುಮಾರ್ ದ ಮಾಳಕರಿ ಇತರರಿದ್ದರು.
- [ಹಣಕಾಸು ಅಪರಾತಪರ: ಸಾವಿನ ನಂತರವೂ ಹೊರಬಾರದ ಸತ್ಯ!](https://mobiletime.in/2026/01/financial-crimes-the-truth-that-shouldnt-be-revealed-even-after-death/): ಕಾರವಾರದ ಚಿತ್ತಾಕುಲ ಗ್ರಾಮ ಪಂಚಾಯತದಲ್ಲಿ ಅಧಿಕಾರಿಗಳು ಮಾಡಿದ ಅಪರಾತಪರಾದ ತನಿಖೆ ಹಳ್ಳ ಹಿಡಿದಿದೆ. ದೂರುದಾರರಾಗಿದ್ದ ಗ್ರಾ ಪಂ ಅಧ್ಯಕ್ಷರಾಗಿದ್ದ ರಾಜು ತಾಂಡೇಲ ಅವರ ಮರಣದ ನಂತರ ಆ ಪ್ರಕರಣವನ್ನು ಮುಚ್ಚಿ ಹಾಕುವ ಪ್ರಯತ್ನ ನಡೆದ ಅನುಮಾನವ್ಯಕ್ತವಾಗಿದೆ. ಈ ಬಗ್ಗೆ ಅಧಿಕೃತ ಮಾಹಿತಿ ಕೇಳಿದರೂ ಅದನ್ನು ರಹಸ್ಯವಾಗಿರಿಸಿದ್ದು, ತನಿಖಾಧಿಕಾರಿಗಳ ಮೇಲೆಯೇ ಅನುಮಾನ ಹುಟ್ಟುತ್ತಿದೆ. ಎರಡು ವರ್ಷದ ಹಿಂದೆ ಚಿತ್ತಾಕುಲ ಗ್ರಾಮ ಪಂಚಾಯತದಲ್ಲಿ ಹಣಕಾಸಿನ ಅಪರಾತಪರ ನಡೆದಿತ್ತು. ರಾತ್ರಿ ವೇಳೆ ಗ್ರಾಮ ಪಂಚಾಯತ ಬಾಗಿಲು ತೆರೆದ ಅಧಿಕಾರಿಗಳು ಆಗದ ಕೆಲಸಕ್ಕೆ ಬಿಲ್ ಪಾವತಿಯ ಪ್ರಯತ್ನ ಮಾಡಿದ್ದರು. ಗ್ರಾಮ ಪಂಚಾಯತದ ಮಾಜಿ ಅಧ್ಯಕ್ಷೆ ಜೊತೆ ಕೆಲ ಸದಸ್ಯರು ಸೇರಿ ರಾತ್ರಿ ವೇಳೆ ಕಚೇರಿಗೆ ಆಗಮಿಸಿದ್ದು, ಪಿಡಿಓ ಸಹಕಾರದಲ್ಲಿ ಗುತ್ತಿಗೆದಾರನ ಹೆಸರಿಗೆ ಚೆಕ್ ಬರೆದಿದ್ದರು. ಅದೇ ದಿನ ಚಿತ್ತಾಕುಲ ಗ್ರಾಮ ಪಂಚಾಯತಗೆ ರಾಜು ತಾಂಡೇಲ್ ಅವರು ಅಧ್ಯಕ್ಷರಾಗಿ ಆಯ್ಕೆ ಆಗಿದ್ದರು. ಉಪಾಧ್ಯಕ್ಷರಾಗಿ ಸೂರಜ ದೇಸಾಯಿ ಅವರು ಆಯ್ಕೆಯಾಗಿದ್ದು ಅವರಿಬ್ಬರೂ ಸೇರಿ ಗ್ರಾಮ ಪಂಚಾಯತ ಹೊರಗಡೆ ರಾತ್ರಿ ವೇಳೆ ಸಂಭ್ರಮ ಹಂಚಿಕೊಳ್ಳುತ್ತಿದ್ದರು. ಆಗ ಸರ್ಕಾರಿ ಕಚೇರಿಯಲ್ಲಿ ದೀಪ ಬೆಳಗುತ್ತಿರುವುದನ್ನು ಗಮನಿಸಿದರು. ರಾತ್ರಿ 9.40ರ ವೇಳೆಗೆ ದೀಪ ನೋಡಿದ ರಾಜು ತಾಂಡೇಲ್ ಅವರು ಗ್ರಾಮ ಪಂಚಾಯತ ಕಚೇರಿ ಪ್ರವೇಶಿಸಿದರು. ಆಗ, ಅಲ್ಲಿ ಪಿಡಿಓ ರಾಜೇಶ ನಾಯ್ಕ ಅವರು ಚೆಕ್ ಬರೆಯುತ್ತಿರುವುದನ್ನು ಗಮನಿಸಿದರು. ಗ್ರಾಮ ಪಂಚಾಯತ ಮಾಜಿ ಅಧ್ಯಕ್ಷರು ಆ ಚೆಕ್’ಗೆ ಸಹಿ ಹಾಕುವವರಿದ್ದು, `ಆಗದ ಕೆಲಸಕ್ಕೆ ಚೆಕ್ ಏಕೆ ಬರೆಯಲಾಗುತ್ತಿದೆ?’ ಎಂದು ಪ್ರಶ್ನಿಸಿದರು. ಇದರಿಂದ ಅಲ್ಲಿದ್ದವರು ತಬ್ಬಿಬ್ಬಾದರು. `ರಾತ್ರಿ ವೇಳೆ ಸರ್ಕಾರಿ ಕಚೇರಿ ಬಾಗಿಲು ತೆರೆಯುವುದು ಅಪರಾಧ. ಆ ಅವಧಿಯಲ್ಲಿ ಹಣಕಾಸಿನ ವ್ಯವಹಾರ ನಡೆಸುವುದು ಇನ್ನಷ್ಟು ಗಂಭೀರ ಪ್ರಮಾಣದ ಅಪರಾಧ’ ಎಂದು ರಾಜು ತಾಂಡೇಲ್ ಅವರು ಅಸಮಧಾನವ್ಯಕ್ತಪಡಿಸಿದರು. ಈ ವೇಳೆ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದರು. ಗ್ರಾಮ ಪಂಚಾಯತಗೆ ಭದ್ರತೆ ಒದಗಿಸಿದರು. ಅಕ್ರಮದ ಬಗ್ಗೆ ಅವರು ಸರ್ಕಾರಕ್ಕೆ ದೂರು ಸಲ್ಲಿಸಿದ್ದು, ಜಲ್ಲಾ ಪಂಚಾಯತವೂ ತನಿಖೆಗೆ ಆದೇಶಿಸಿತು. ಅದಾಗಿ ಸುಮಾರು ಒಂದು ವರ್ಷದ ನಂತರ ರಾಜು ತಾಂಡೇಲ್ ಅವರು ಸಾವನಪ್ಪಿದ್ದು, ಅವರು ಕೊಟ್ಟ ದೂರಿನ ತನಿಖೆ ಮಾತ್ರ ಇನ್ನೂ ಮುಗಿದಿಲ್ಲ. ರಾಜು ತಾಂಡೇಲ್ ಅವರ ಸಾವಿನ ಜೊತೆಯೇ ಆ ಅಕ್ರಮದ ಸತ್ಯವೂ ಮುಚ್ಚಿ ಹೋಗುವ ಲಕ್ಷಣಗಳು ಹೆಚ್ಚಾಗಿದೆ. ತನಿಖೆಯ ಬಗ್ಗೆ ಮಾಹಿತಿ ಕೇಳಿ ಮಾಹಿತಿ ಹಕ್ಕು ಕಾಯ್ದೆ ಅಡಿ ಅರ್ಜಿ ಸಲ್ಲಿಸಿದಾಗ `ಕಲಂ 8(1)ಜೆ ಪ್ರಕಾರ ಮಾಹಿತಿ ನೀಡಲು ಬರುವುದಿಲ್ಲ’ ಎಂದು ಜಿಲ್ಲಾ ಪಂಚಾಯತ ಉಪಕಾರ್ಯದರ್ಶಿಗಳು ಉತ್ತರಿಸಿದ್ದು ಸಹ ಅನುಮಾನಕ್ಕೆ ಕಾರಣವಾಗಿದೆ. ದೇಶದ ಸಮಗ್ರತೆ ಮತ್ತು ಸೌರ್ವಭೌಮತ್ವಕ್ಕೆ ಧಕ್ಕೆ ಬರುವ ಹಾಗೂ ವಿದೇಶಿ ಸಂಬoಧಕ್ಕೆ ತೊಂದರೆ ಆಗುವ ಮಾಹಿತಿಯನ್ನು ಈ ನಿಯಮದ ಅಡಿ ನೀಡಲು ಬರುವುದಿಲ್ಲ ಎಂಬುದು ಎಲ್ಲರಿಗೂ ಗೊತ್ತಿರುವ ಸತ್ಯ. ಆದರೆ, ತನಿಖೆಯ ಅಂಶಗಳು ಯಾರ ಜೀವಕ್ಕೆ ಅಪಾಯ ಆಗುವ ಸಂಗತಿ ಅಲ್ಲ. ವೈಯಕ್ತಿಕ ವಿಚಾರಗಳು ಸಹ ಅಲ್ಲ. ಬೌದ್ಧಿಕ ಹಕ್ಕುಗಳಿಗೆ ಸಹ ಈ ಮಾಹಿತಿ ಬಹಿರಂಗಪಡಿಸುವುದರಿAದ ಸಮಸ್ಯೆ ಇಲ್ಲ. ಅದಾಗಿಯೂ, ಅಧಿಕಾರಿಗಳು ಮಾಹಿತಿ ಬಚ್ಚಿಡುತ್ತಿರುವುದರಿಂದ ತನಿಖಾಧಿಕಾರಿಗಳ ಮೇಲೆಯೇ ಅನುಮಾನ ಹುಟ್ಟಿದೆ.
- [ಕರಾವಳಿ ಪ್ರವಾಸೋದ್ಯಮಕ್ಕೆ ಹೊಸ ಆಯಾಮ](https://mobiletime.in/2026/01/a-new-dimension-for-coastal-tourism/): ಕರಾವಳಿ ಭಾಗದ ಪ್ರವಾಸೋದ್ಯಮ ಅಭಿವೃದ್ಧಿಗೆ ಸರ್ಕಾರ ಆಸಕ್ತಿವಹಿಸಿದ್ದು, ಇದಕ್ಕಾಗಿ ಜನವರಿ 10ರಂದು ಮಂಗಳೂರಿನಲ್ಲಿ ವಿಶೇಷ ಸಭೆ ನಡೆಯಲಿದೆ. ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ಸಭೆ ನಡೆಸಲಿದ್ದು ಮೂರು ಜಿಲ್ಲೆಯ ಶಾಸಕರು-ಸಂಸದರ ಜೊತೆ ಇನ್ನಿತರ ಜನಪ್ರತಿನಿಧಿಗಳು ಹಾಗೂ ಉದ್ದಿಮೆದಾರರಿಗೂ ಆಮಂತ್ರಿಸಲಾಗಿದೆ. ಮೀನುಗಾರಿಕೆ, ಬಂದರು ಮತ್ತು ಒಳನಾಡು ಜಲಸಾರಿಗೆ ಸಚಿವ ಮಂಕಾಳ ಎಸ್ ವೈದ್ಯ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. `ರಾಜ್ಯದಲ್ಲಿ ಗೋವಾದ ಗಡಿಯಿಂದ ಮಂಗಳೂರಿನ ಗಡಿಯವರೆಗೆ 344 ಕಿಮೀ ಕಡಲ ತೀರವಿದೆ. ಇಲ್ಲಿನ ಜನತೆ ಉದ್ಯೋಗ ಅರಸಿ, ಇತರೆ ಜಿಲ್ಲೆ, ರಾಜ್ಯಗಳಿಗೆ ತೆರಳದೇ ಅವರಿಗಾಗಿ ಪ್ರವಾಸೋದ್ಯಮ ಅಭಿವೃದ್ಧಿಯ ಮೂಲಕ ಇಲ್ಲಿಯೇ ಉದ್ಯೋಗ ಸೃಷ್ಠಿಸಿ, ಆದಾಯದ ಮೂಲಗಳನ್ನು ಸೃಷ್ಠಿಸುವ ಮೂಲಕ ಜಿಲ್ಲೆಗಳನ್ನು ಸಮಗ್ರವಾಗಿ ಅಭಿವೃದ್ಧ್ದಿಪಡಿಸುವ ಉದ್ದೇಶದಿಂದ ಕರಾವಳಿಯಲ್ಲಿ ಪ್ರವಾಸೋದ್ಯಮ ಅಭಿವೃದ್ಧಿ ನೀತಿಯನ್ನು ರಚಿಸಲಾಗುತ್ತಿದೆ’ ಎಂದವರು ಮಾಹಿತಿ ನೀಡಿದ್ದಾರೆ. `ಕರಾವಳಿ ಜಿಲ್ಲೆಗಳಲ್ಲಿ ಪ್ರವಾಸೋದ್ಯಮ ಅಭಿವೃದ್ಧಿಗಾಗಿ ಕೇರಳ ಮತ್ತು ಗೋವಾ ಮಾದರಿಯಲ್ಲಿ ಸಿ ಆರ್ ಝಡ್ ನಿಯಮಗಳಲ್ಲಿ ರಿಯಾಯತಿ ನೀಡುವ ಕುರಿತಂತೆ ಈ ಸಭೆಯಲ್ಲಿ ಚರ್ಚಿಸಿ, ಅಗತ್ಯವಿದ್ದಲ್ಲಿ ಕೇಂದ್ರ ಸರ್ಕಾರಕ್ಕೆ ರಿಯಾಯತಿ ಕೋರಿ ಪತ್ರ ಬರೆಯಲಾಗುತ್ತದೆ. ಗೋವಾ ಪ್ರವಾಸೋದ್ಯಮ ಸಚಿವರನ್ನೂ ಸಹ ಸಭೆಗೆ ಆಹ್ವಾನಿಸಲಾಗಿದೆ’ ಎಂದವರು ಹೇಳಿದ್ದಾರೆ. `ಕರಾವಳಿ ಪ್ರದೇಶದಲ್ಲಿನ ಪರಿಸರ, ಮೀನುಗಾರಿಕೆ, ರೈತರು ಮತ್ತು ಸಾರ್ವಜನಿಕರಿಗೆ ತೊಂದರೆಯಾಗದAತೆ ಪ್ರವಾಸೋದ್ಯಮವನ್ನು ಅಭಿವೃದ್ಧಿ ಪಡಿಸುವ ಕುರಿತಂತೆ ಬಂಡವಾಳ ಹೂಡಿಕೆದಾರರನ್ನು ಸಭೆಗೆ ಆಹ್ವಾನಿಸಲಾಗಿದೆ, ಇಲ್ಲಿ ಬಂಡವಾಳ ಹೂಡುವವರಿಗೆ ರಿಯಾಯತಿ ದರದಲ್ಲಿ ಭೂಮಿ, ವಿದ್ಯುತ್, ನೀರು ಸೇರಿದಂತೆ ಸರ್ಕಾರದಿಂದ ಅಗತ್ಯವಿರುವ ಎಲ್ಲಾ ಮೂಲಭೂತ ಸೌಕರ್ಯಗಳನ್ನು ಒದಗಿಸಲಾಗುವುದು’ ಎಂದರು. ಕರಾವಳಿ ಪ್ರವಾಸೋದ್ಯಮ ಅಭಿವೃದ್ಧಿ ಕುರಿತಂತೆ ಪ್ರವಾಸಿ ಕ್ಷೇತ್ರದ ಪರಿಣಿತರು, ಸಾರ್ವಜನಿಕರು ತಮ್ಮ ಸಲಹೆ, ಯೋಜನೆಗಳು ಮತ್ತು ಸೂಚನೆಗಳನ್ನು ನೀಡುವಂತೆ ಸಚಿವರು ತಿಳಿಸಿದರು. ಶಾಸಕ ಸತೀಶ್ ಸೈಲ್ ಮಾತನಾಡಿ `ಕರಾವಳಿ ಭಾಗದಲ್ಲಿ ಸಿ ಆರ್ ಝಡ್ ನಿಯಮಗಳಲ್ಲಿ ಸಡಿಲಿಕೆ, ಬಂಡವಾಳ ಹೂಡಿಕೆದಾರರಿಗೆ ತೆರಿಗೆ ಮತ್ತು ವಿದ್ಯುತ್ ರಿಯಾಯತಿ ಸೇರಿದಂತೆ ಅಗತ್ಯ ಮೂಲ ಸೌಕರ್ಯಗಳನ್ನು ಒದಗಿಸಿದಲ್ಲಿ ಹೆಚ್ಚಿನ ಹೂಡಿಕೆದಾರರು ಆಗಮಿಸಲಿದ್ದಾರೆ’ ಎಂದು ತಿಳಿಸಿದರು. ಶಾಸಕ ಭೀಮಣ್ಣ ನಾಯ್ಕ ಮಾತನಾಡಿ `ಮಲೆನಾಡು ಭಾಗದಲ್ಲಿನ ಜಲಪಾತಗಳ ವೀಕ್ಷಣೆಗೆ ಮುಕ್ತ ಅವಕಾಶ ಹಾಗೂ ರಸ್ತೆಗಳ ದುರಸ್ತಿ ಮತ್ತು ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಳ್ಳಬೇಕು’ ಎಂದರು. `ಪ್ರವಾಸಿ ಸ್ಥಳಗಳಲ್ಲಿ ಸೂಕ್ತ ಪಾರ್ಕಿಂಗ್ ವ್ಯವಸ್ಥೆ, ಹೋಟೆಲ್ ಗಳು, ಮುಖ್ಯ ಸ್ಥಳಗಳಲ್ಲಿ ಧ್ವನಿ ಮತ್ತು ಬೆಳಕು ಪ್ರದರ್ಶನ ವ್ಯವಸ್ಥೆ, ಕುಟುಂಬ ಸಮೇತ ಪ್ರವಾಸಕ್ಕೆ ಬಂದು ಆನಂದಿಸಲು ಅಗತ್ಯವಿರುವ ಸೌಲಭ್ಯಗಳನ್ನು ಒದಗಿಸಬೇಕು. ಹೋಂ ಸ್ಟೇ ಗಳಿಗೆ ಅಗತ್ಯ ಅನುಮತಿಯನ್ನು ನೀಡಬೇಕು. ಜಿಲ್ಲೆಯಲ್ಲಿ ವಿವಿಧ ರೀತಿಯ 15 ಬಗೆಯ ಟೂರಿಸಂ ಸರ್ಕಿಟ್‌ಗಳಿದ್ದು ಅವುಗಳನ್ನು ಅಭಿವೃದ್ಧಿಪಡಿಸಬೇಕು’ ಎಂದು ಸಭೆಯಲ್ಲಿ ಹಾಜರಿದ್ದ ಪ್ರವಾಸ ಕ್ಷೇತ್ರದ ಪರಿಣಿತರು ತಿಳಿಸಿದರು. ಸಭೆಯಲ್ಲಿ ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ್, ಜಿಲ್ಲಾಧಿಕಾರಿ ಕೆ ಲಕ್ಷಿö್ಮÃಪ್ರಿಯಾ, ಜಿ ಪಂ. ಸಿಇಓ ದಿಲೀಷ್ ಶಶಿ, ಎಸ್ಪಿ ದೀಪನ್ ಎಂ ಎನ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಉಪವಿಭಾಗಾಧಿಕಾರಿ ಶ್ರವಣ ಕುಮಾರ್, ತರಬೇತಿ ನಿರತ ಪ್ರೋಬೇಷನರಿ ಅಧಿಕಾರಿ ಝೂಪಿಶಾನ್ ಹಕ್ ಇತರರಿದ್ದರು.  
- [ಕೆಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ಕಾಮುಕ!](https://mobiletime.in/2025/12/sex-on-a-ksrtc-bus/): ಅಂಕೋಲಾದಿಂದ ಕಾರವಾರ ಕಡೆ ಪ್ರಯಾಣಿಸುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್ಸಿನಲ್ಲಿ ಕಾಮುಕನೊಬ್ಬ ಪ್ರವೇಶಿಸಿದ್ದು, ಮೈ ಮೇಲೆ ಕೈ ಹಾಕಿದನ್ನು ಕಾಮುಕನಿಗೆ ಯುವತಿಯೊಬ್ಬರು ಸರಿಯಾಗಿ ಬುದ್ದಿ ಕಲಿಸಿದ್ದಾರೆ. ಕಾಮುಕನಿಗೆ ಎರಡು ಏಟು ಕೊಟ್ಟಿದ್ದಲ್ಲದೇ ಅದನ್ನು ವಿಡಿಯೋ ಮಾಡಿ ಆತನ ಮಾನ ಹರಾಜು ಹಾಕಿದ್ದಾರೆ. ಯುವತಿ ಮಾಡಿದ ಧೈರ್ಯಕ್ಕೆ ಎಲ್ಲಡೆ ಮೆಚ್ಚುಗೆವ್ಯಕ್ತವಾಗಿದೆ. ಅಂಕೋಲಾದ ನಿಶಿಕಾ ಕಾನಡೆ ಅವರು ತಮ್ಮನ ಜೊತೆ ಮಂಗಳವಾರ ಸಂಜೆ ಅಂಕೋಲಾದಿoದ ಕಾರವಾರ ಬಸ್ ಹತ್ತಿದ್ದರು. ಬಸ್ಸಿನಲ್ಲಿ ಕುಳಿತ ಅವರು ನಿದ್ರೆಗೆ ಜಾರಿದ್ದರು. ಆಗ, ಅಮರ ಗುನಗಾ ಎಂಬಾತರು ಅದೇ ಬಸ್ಸು ಏರಿದ್ದು, ನಿಶಿಕಾ ಅವರ ಮೈ ಮುಟ್ಟಲು ಶುರು ಮಾಡಿದರು. ನಿದ್ರೆಯಿಂದ ಎದ್ದ ನಿಶಿಕಾ ಕಾನಡೆ ಮೈ ಮುಟ್ಟಿದವನನ್ನು ಪ್ರಶ್ನಿಸಿದರು. ಆತ ಇನ್ನಷ್ಟು ಉದ್ದಟತನದಿಂದ ಮಾತನಾಡಿದಾಗ ಆತನ ತಲೆಗೆ ಎರಡು ಬಿಟ್ಟರು. ಈ ವೇಳೆ ನಡೆದ ವಿದ್ಯಮಾನಗಳ ಬಗ್ಗೆ ನಿಶಿಕಾ ಕಾನಡೆ ವಿಡಿಯೋ ಮಾಡಿಕೊಂಡರು. ನಿಶಿಕಾ ಕಾನಡೆ ಅವರು ವಿಡಿಯೋದಲ್ಲಿ ಹೇಳಿಕೊಂಡಿರುವ ಹಾಗೇ, ಕಿಟಕಿ ಬದಿಯ ಸೀಟಿನಲ್ಲಿ ನಿಶಿಕಾ ಅವರ ತಮ್ಮ ಕುಳಿತಿದ್ದರು. ನಿಶಿಕಾ ಅವರು ಮಧ್ಯದ ಆಸನದಲ್ಲಿದ್ದರು. ಈ ವೇಳೆ ಪಕ್ಕದ ಖಾಲಿ ಸೀಟಿನಲ್ಲಿ ಬಂದು ಕುಳಿತ ಅಮರ ಗುನಗಾ ತಮ್ಮ ಕೈ ಚಳಕ ಪ್ರದರ್ಶಿಸಲು ಶುರು ಮಾಡಿದ್ದು, ನಿಶಿಕಾ ಅವರ ಜೊತೆ ಅಸಭ್ಯವಾಗಿ ವರ್ತಿಸಿದರು. ನಿದ್ರೆಯಿಂದ ನಿಶಿಕಾ ಅವರು ಎದ್ದಾಗ ಅವರ ಎದೆ ಮೇಲೆ ಅಮರ ಗುನಗಾ ಅವರ ಕೈ ಹಾಕಿದನ್ನು ಗಮನಿಸಿದರು. ಈ ವೇಳೆ ಆಘಾತಕ್ಕೆ ಒಳಗಾದ ನಿಶಿಕಾ ಅವರು ಧೈರ್ಯದಿಂದ ಅಮರ ಗುನಗಾ ಅವರನ್ನು ತರಾಠೆಗೆ ತೆಗೆದುಕೊಂಡರು. ಅಮರ ಗುನಗಾ ಕಾರವಾರದಲ್ಲಿ ಬಸ್ ಇಳಿಯುವುದನ್ನು ಸಹ ಚಿತ್ರಿಸಿ ಅದನ್ನು ವೈರಲ್ ಮಾಡಿದರು. `ಅಮರ್ ಗುನಗಾ ಅವರನ್ನು ತರಾಠೆಗೆ ತೆಗೆದುಕೊಂಡ ನಿಶಿಕಾ ಕಾನಡೆ ಅವರು `ನಮ್ಮ ರಕ್ಷಣೆಗೆ ನಾವೇ ಮುಂದಾಗಬೇಕು’ ಎಂಬ ಸಂದೇಶ ಸಾರಿದ್ದಾರೆ. `ಯಾವ ಮಹಿಳೆಯರು ಅನ್ಯಾಯ ಸಹಿಸಬಾರದು’ ಎಂದು ಅವರು ಕರೆ ನೀಡಿದ್ದಾರೆ. ಜೊತೆಗೆ ಈ `ವಿಡಿಯೋ ಅಮರ ಗುನಗಾ ಅವರ ಕುಟುಂಬಕ್ಕೆ ತಲುಪುವವರೆಗೂ ಶೇರ್ ಮಾಡಿ’ ಎಂದು ಮನವಿ ಮಾಡಿದ್ದಾರೆ. ನಿಶಿಕಾ ಅವರ ಧೈರ್ಯದ ಬಗ್ಗೆ ಎಲ್ಲಡೆ ಮೆಚ್ಚುಗೆವ್ಯಕ್ತವಾಗಿದೆ. ವೈರಲ್ ಆದ ಯುವತಿ ಹೇಳಿಕೆಯ ವಿಡಿಯೋ ಇಲ್ಲಿ ನೋಡಿ..
- [ಅಪಾಯಕ್ಕೆ ಆಹ್ವಾನಿಸಿದ ನದಿ ಅಂಚಿನ ನಡಿಗೆ!](https://mobiletime.in/2025/12/a-walk-along-the-riverside-invites-danger/): ದಾಂಡೇಲಿಯ ಕೊಳಗಿಬನ ನದಿ ದಂಡೆ ಮೇಲೆ ನಡೆಯುತ್ತಿದ್ದ ಮರಿಯಪ್ಪ ಮಾದರ್ ಅವರು ನೀರಿಗೆ ಬಿದ್ದು ಪ್ರಾಣಬಿಟ್ಟಿದ್ದಾರೆ. ಮರಿಯಪ್ಪ ಗದಗೆಪ್ಪ ಮಾದರ್ ಅವರು ದಾಂಡೇಲಿ ಕೊಳಗಿಬನದ ಮೋಮಿನಗಲ್ಲಿಯಲ್ಲಿ ವಾಸವಾಗಿದ್ದರು. ಎರಡು ವರ್ಷದ ಹಿಂದೆ ಅವರಿಗೆ ಪಾರ್ಶವಾಯು ಬಡಿದಿದ್ದು, ಕಾಲು ಸ್ವಾಧೀನ ಕಳೆದುಕೊಂಡಿತ್ತು. ಅದಾಗಿಯೂ ಕೋಲಿನ ಸಹಾಯದಿಂದ ಅವರು ನಡೆದಾಟ ನಡೆಸುತ್ತಿದ್ದರು. ಹೀಗಿರುವಾಗ ಡಿಸೆಂಬರ 30ರಂದು ಅವರು ಕೊಳಗಿಬನ ನದಿ ದಂಡೆ ಮೇಲೆ ನಡೆದಾಡುತ್ತಿದ್ದರು. ಆ ವೇಳೆ ಆಯತಪ್ಪಿ ಅವರು ನೀರಿಗೆ ಬಿದ್ದರು. ಇದನ್ನು ನೋಡಿದ ಸ್ಥಳೀಯರು ಅವರನ್ನು ನೀರಿನಿಂದ ಮೇಲೆತ್ತಿದರು. ಆದರೆ, ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಅದಾಗಿಯೂ ಕುಟುಂಬದವರು ಅವರನ್ನು ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಇದರಿಂದ ಪ್ರಯೋಜನವಾಗಲಿಲ್ಲ. ವೈದ್ಯರು ಸಾವನ್ನು ದೃಢಪಡಿಸಿದ್ದು, ತಂದೆಯ ಸಾವಿನ ಬಗ್ಗೆ ಹಣ್ಣಿನ ವ್ಯಾಪಾರ ಮಾಡುವ ಮನೋಹರ ಮಾದರ್ ಅವರು ಮಾಹಿತಿ ನೀಡಿದರು. `ಅಪಾಯಕಾರಿ ಸ್ಥಳಗಳಿಗೆ ಹೋಗಬೇಡಿ’
- [ಮದುವೆಗೆ ಹೋದವನ ಮನೆಯಲ್ಲಿ ಕಳ್ಳರ ಕೈಚಳಕ!](https://mobiletime.in/2025/12/thieves-break-into-a-mans-house-for-a-wedding/): ಭಟ್ಕಳದ ಫ್ರಾನ್ಸಿಸ್ ಬಸ್ತಾಂವ ಡಿಸೋಜಾ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಅವರು ಮದುವೆಗೆ ಹೋಗಿರುವುದನ್ನು ನೋಡಿದ ಕಳ್ಳರು ಮನೆಗೆ ನುಗ್ಗಿ ಕನ್ನ ಹಾಕಿದ್ದಾರೆ. ಭಟ್ಕಳ ನಗರದ ಪುರವರ್ಗದ 3ನೇ ಕ್ರಾಸ್ ಚರ್ಚ್ ಹಿಂದಿನ ವಸತಿ ಪ್ರದೇಶದಲ್ಲಿ ಫ್ರಾನ್ಸಿಸ್ ಡಿಸೋಜಾ ಅವರು ವಾಸವಾಗಿದ್ದರು. ಪತ್ರಿಕಾ ವಿತರಕರಾಗಿ ಅವರು ಉಪಜೀವನ ನಡೆಸುತ್ತಿದ್ದರು. ಮಂಗಳವಾರ ಮದುವೆಗಾಗಿ ಅವರು ಮಂಗಳೂರಿಗೆ ಹೋಗಿದ್ದರು. ಆ ವೇಳೆ ಅವರ ಮನೆಗೆ ಕಳ್ಳರು ನುಗ್ಗಿದ್ದು, ಚಿನ್ನಾಭರಣ ದೋಚಿ ಪರಾರಿಯಾದರು. ಡಿಸೋಜಾ ಕುಟುಂಬದವರು ಮಂಗಳೂರಿನಲ್ಲಿ ನಡೆದ ಮದುವೆ ಮುಗಿಸಿ ಖುಷಿಯಿಂದ ಮನೆಗೆ ಮರಳಿದರು. ಆಗ, ಕಳ್ಳರು ಮನೆ ಮುಂದಿನ ಬಾಗಿಲು ಒಡೆದು ಒಳಗೆ ನುಗ್ಗಿರುವುದು ಕಾಣಿಸಿತು. ಕೋಣೆಯ ಕಪಾಟಿನಲ್ಲಿ ಇಟ್ಟಿದ್ದ ಸುಮಾರು 3.30 ಲಕ್ಷ ರೂ ಮೌಲ್ಯದ, ಒಟ್ಟು 55 ಗ್ರಾಂ ತೂಕದ ಬಂಗಾರದ ಆಭರಣ ಕಾಣೆಯಾಗಿರುವು ಗಮನಕ್ಕೆ ಬಂದಿತು.
- [ಬಂಧನದ ಭೀತಿಗೆ ಕೋಟಿ ರೂ ಕಳೆದ ಶಿಕ್ಷಕ: ಉಗ್ರವಾದಿಗಿಂತಲೂ ಉಗ್ರ ಈ ನಕಲಿ ಪೊಲೀಸ್!](https://mobiletime.in/2025/12/teacher-who-spent-crores-of-rupees-fearing-arrest-this-fake-policeman-is-more-dangerous-than-a-terrorist/): `ನಿಮ್ಮನ್ನು ಅರೆಸ್ಟ್ ಮಾಡುತ್ತೇವೆ’ ಎಂದು ಬಂದ ಫೋನಿಗೆ ಬೆದರಿದ ಮುಂಡಗೋಡಿನಲ್ಲಿರುವ ನಿವೃತ್ತ ಶಿಕ್ಷಕರೊಬ್ಬರು ಆ ಬಂಧನದಿoದ ತಪ್ಪಿಸಿಕೊಳ್ಳುವುದಕ್ಕಾಗಿ ಒಂದುವರೆ ಕೋಟಿ ರೂ ಖರ್ಚು ಮಾಡಿದ್ದಾರೆ. ಅದಾದ ನಂತರ ಆ ಶಿಕ್ಷಕರಿಗೆ ಮೋಸ ಹೋಗಿರುವುದು ಅರಿವಾಗಿದೆ. ಮುಂಡಗೋಡಿನ ಟಿಬೇಟಿಯನ್ ಕಾಲೋನಿಯಲ್ಲಿ ನಿವೃತ್ತ ಶಿಕ್ಷಕ ಪಾಲ್ಡೆನ್ ಚೋದಕ್ ಅವರು ವಾಸವಾಗಿದ್ದಾರೆ. 72 ವರ್ಷದ ಅವರಿಗೆ ನವೆಂಬರ್ 29ರಂದು ವಾಟ್ಸಪ್ ಮೂಲಕ ಫೋನ್ ಬಂದಿದೆ. ಫೋನ್ ಮಾಡಿದ ವ್ಯಕ್ತಿ ತನ್ನನ್ನು ಪೊಲೀಸ್ ಎಂದು ಪರಿಚಯಿಸಿಕೊಂಡಿದ್ದಾರೆ. ಮಹಾರಾಷ್ಟçದ ಕೊಲಬಾ ಪೊಲೀಸ್ ಸ್ಟೇಶನಿನಿಂದ ಫೋನ್ ಮಾಡಿರುವುದಾಗಿಯೂ ಹೇಳಿದ್ದಾರೆ. ಅದಾದ ನಂತರ ಆ ನಕಲಿ ಪೊಲೀಸ್ ವಿಡಿಯೋ ಕಾಲ್ ಮಾಡಿ ತಾನು ಯುನಿಪಾರಂ ಧರಿಸಿರುವುದನ್ನು ಕಾಣಿಸಿದ್ದಾರೆ. `ಅಬ್ದುಲ್ ಸಲಾಂ ಎಂಬ ಉಗ್ರವಾದಿಯನ್ನು ಮುಂಬೈನಲ್ಲಿ ಬಂಧಿಸಿದ್ದೇವೆ. ಆತನಿಂದ 242 ಎಟಿಎಂ ಕಾರ್ಡ ವಶಕ್ಕೆಪಡೆದಿದ್ದು, ಅದರಲ್ಲಿ ನಿಮ್ಮ ಕೆನರಾ ಬ್ಯಾಂಕ್ ಎಟಿಎಂ ಕಾರ್ಡ ಸಹ ಇದೆ. ಆ ಕಾರ್ಡಿನ ಮೂಲಕ ಕೋಟ್ಯಂತರ ರೂ ಅವ್ಯವಹಾರ ನಡೆದಿದೆ. ನಿಮ್ಮನ್ನು ಈಗ ಅರೆಸ್ಟ್ ಮಾಡುತ್ತೇವೆ’ ಎಂದು ವಿಡಿಯೋ ಕಾಲ್ ಮೂಲಕವೇ ಆ ನಕಲಿ ಪೊಲೀಸ್ ಬೆದರಿಸಿದ್ದಾರೆ. `ತಾನೂ ತಪ್ಪು ಮಾಡಿಲ್ಲ. ಅವ್ಯವಹಾರ ನಡೆಸಿಲ್ಲ’ ಎಂದು ಪಾಲ್ಡೆನ್ ಚೋದಕ್ ಅವರು ಹೇಳಿದರೂ ನಕಲಿ ಪೊಲೀಸ್ ನಂಬಿಲ್ಲ. ಹಣ ವರ್ಗಾವಣೆ ಆದ ಬಗ್ಗೆ ಬ್ಯಾಂಕ್ ಸ್ಟೇಟ್‌ಮೆಂಟ್ ರವಾನಿಸಿದ ನಕಲಿ ಪೊಲೀಸ್, `ಸದ್ಯ ನಿಮ್ಮ ಬ್ಯಾಂಕ್ ಖಾತೆಯಲ್ಲಿರುವ ಎಲ್ಲಾ ಹಣವನ್ನು ನ್ಯಾಶನಲ್ ಫಂಡಿಗೆ ಕಳುಹಿಸಬೇಕು. ನೀವು ತಪ್ಪು ಮಾಡದಿದ್ದರೆ ಆ ಹಣ ಮರಳಿಸುತ್ತೇವೆ’ ಎಂದು ನಂಬಿಕೆ ಹುಟ್ಟಿಸಿದ್ದಾರೆ. ಈ ವೇಳೆ `ನನ್ನ ಎಲ್ಲಾ ಹಣ ಪಿಕ್ಸ್ ಡಿಪೋಜಿಟ್ ಆಗಿದೆ’ ಎಂದು ಪಾಲ್ಡೆನ್ ಚೋದಕ್ ಅವರು ಹೇಳಿದ್ದಾರೆ. `ಹಣ ವರ್ಗಾಯಿಸಲು ಸಮಯ ಬೇಕು’ ಎಂದು ಮನವಿ ಮಾಡಿದ್ದಾರೆ. ಆಗ, `ಯಾವುದೇ ಕಾರಣಕ್ಕೂ ಫೋನ್ ಬಂದ್ ಮಾಡುವ ಹಾಗಿಲ್ಲ. ಫೋನ್ ಚಾಲು ಇರುವುದನ್ನು ಖಚಿತಪಡಿಸಲು ಪ್ರತಿ 2 ತಾಸಿಗೆ ಒಮ್ಮೆ ನಮಗೆ ಮೆಸೆಜ್ ಮಾಡಬೇಕು. ಈ ವಿಷಯ ಯಾರಿಗೂ ಹೇಳುವ ಹಾಗಿಲ್ಲ’ ಎಂದು ನಕಲಿ ಪೊಲೀಸ್ ಅಧಿಕಾರಿ ಸೂಚಿಸಿದ್ದಾರೆ. ಆ ಮಾತು ಆಲಿಸಿದ ಪಾಲ್ಡೆನ್ ಚೋದಕ್ ಅವರು ಬ್ಯಾಂಕಿಗೆ ಹೋಗಿ ತಮ್ಮಲ್ಲಿದ್ದ ಎಲ್ಲಾ ಹಣ ವರ್ಗಾಯಿಸಿದ್ದಾರೆ. ಅದಾದ ನಂತರ ಸ್ನೇಹಿತರಿಂದ ಸಾಲ ಮಾಡಿಯೂ ಹಣ ವರ್ಗಾಯಿಸಿದ್ದಾರೆ. ಒಟ್ಟು 1,61,00,047 ರೂ ವರ್ಗಾವಣೆ ನಂತರ ತಾವು ಮೋಸ ಹೋಗಿರುವುದು ಪಾಲ್ಡೆನ್ ಚೋದಕ್ ಅವರಿಗೆ ಗೊತ್ತಾಗಿದೆ. ಅದಾದ ನಂತರ ಕಾರವಾರಕ್ಕೆ ಹೋಗಿ ಸೈಬರ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ತಮಗಾದ ಅನ್ಯಾಯದ ಬಗ್ಗೆ ದೂರಿದ್ದಾರೆ. `ನಕಲಿ ಪೊಲೀಸರಿಂದ ಫೋನ್ ಬಂದರೆ ಅಸಲಿ ಪೊಲೀಸರಿಗೆ ಫೋನ್ ಮಾಡಿ’
- [ಹೊಸ ವರ್ಷಕ್ಕೆ ಹಲವು ನಿಯಮ!](https://mobiletime.in/2025/12/many-rules-for-the-new-year/): ಹೊಸ ವರ್ಷದ ಹಿನ್ನಲೆ ಸಮುದ್ರ ತೀರಗಳಲ್ಲಿ ಮೋಜು-ಮಸ್ತಿ ಮಾಡುವುದಕ್ಕೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಕಡಿವಾಣ ಹಾಕಿದ್ದಾರೆ. ರಾತ್ರಿ 12.30ರ ನಂತರ ಸಂಭ್ರಮಾಚರಣೆ ನಡೆಸದಂತೆಯೂ ಅವರು ಸೂಚಿಸಿದ್ದಾರೆ. `ಡಿಸೆಂಬರ್ 31ರಂದು ಹೊಸ ವರ್ಷ ಆಚರಣೆ ಸಂದರ್ಭದಲ್ಲಿ ಸಾರ್ವಜನಿಕರು ಅಗತ್ಯ ಮುನ್ನೆಚ್ಚರಿಕೆ ವಹಿಸಬೇಕು. ಸುರಕ್ಷಿತ ರೀತಿಯಲ್ಲಿ ಹೊಸ ವರ್ಷವನ್ನು ಆಚರಣೆ ಮಾಡಬೇಕು’ ಎಂದವರು ಹೇಳಿದ್ದಾರೆ. ಡಿಸೆಂಬರ್ 31ರ ಸಂಜೆ 6 ಗಂಟೆ ನಂತರ ಸಮುದ್ರಕ್ಕೆ ಇಳಿಯದಂತೆ ಕಟ್ಟೆಚ್ಚರವಹಿಸಿದ್ದು, ಸಮುದ್ರ ಸ್ನಾನ ಮಾಡುತ್ತಿರುವವರಿಗೆ ತಿಳುವಳಿಕೆ ನೀಡಲಾಗುತ್ತಿದೆ. ಈ ಬಾರಿಯ ಹೊಸ ವರ್ಷಕ್ಕೆ ಕಡಲತೀರದಲ್ಲಿ ಸಭೆ-ಸಮಾರಂಭ ನಡೆಸಲು ಸಹ ಅವಕಾಶ ಇಲ್ಲ. ಎಂದಿನAತೆ, ಸಾರ್ವಜನಿಕ ಸ್ಥಳದಲ್ಲಿ ಮದ್ಯಪಾನ ಮಾಡಿದರೂ ಕಾನೂನು ಕ್ರಮ ಜರುಗಿಸಲಾಗುತ್ತದೆ. ರಾತ್ರಿ 12.30ರ ನಂತರ ಕಡಲತೀರಗಳ ಪ್ರವೇಶವನ್ನು ನಿಷೇಧಿಸಲಾಗಿದೆ. ಜೊತೆಗೆ ವಿವಿಧ ಹೊಟೇಲ್, ರೆಸಾರ್ಟ ಹಾಗೂ ಹೋಂ ಸ್ಟೇಗಳಲ್ಲಿ ಸಹ ರಾತ್ರಿ 12.30ರ ನಂತರ ಯಾವುದೇ ಚಟುವಟಿಕೆ ನಡೆಸದಂತೆ ಡೀಸಿ ಸೂಚಿಸಿದ್ದಾರೆ.
- [ಟಾಟಾ ಸ್ಕೈ: ಡಿಶ್ ಕೂರಿಸಲು ಹೋದವನ ಬದುಕು ಅಂತ್ಯ!](https://mobiletime.in/2025/12/tata-sky-the-life-of-the-person-who-went-to-install-the-dish-is-over/): ಭಟ್ಕಳದ ಅರುಣ ನಾಯ್ಕ ಅವರ ಮನೆಗೆ ಟಿವಿ ಡಿಶ್ ಕೂರಿಸಲು ಹೋಗಿದ್ದ ಸಂತೋಷ ನಾಯ್ಕ ಅವರು ಮನೆ ಮಹಡಿಯಿಂದ ಬಿದ್ದು ಸಾವನಪ್ಪಿದ್ದಾರೆ. ಭಟ್ಕಳದ ಗೊರಟೆ ಹೊನ್ನೆಮುಡಿ ಬಳಿಯ ಶಿರಜ್ಜಿಮನೆಯಲ್ಲಿ ಸಂತೋಷ ರಾಮಾ ನಾಯ್ಕ (35) ಅವರು ವಾಸವಾಗಿದ್ದರು. ಎಲೆಕ್ಟಿçಯಿಶನ್ ಆಗಿದ್ದ ಅವರು ಟಾಟಾ ಸ್ಕೈ ಕಂಪನಿಯ ಡಿಶ್ ಕೂರಿಸುವ ಕೆಲಸ ಮಾಡುತ್ತಿದ್ದರು. ಡಿಸೆಂಬರ್ 30ರ ಸಂಜೆ ಸಂತೋಷ ನಾಯ್ಕ ಅವರನ್ನು ಬೆಳಕೆ ಕಟಕೇರಿಯ ಆಟೋ ಚಾಲಕ ಅರುಣ ಈರಪ್ಪ ನಾಯ್ಕ ಅವರು ಮನೆಗೆ ಆಮಂತ್ರಿಸಿದ್ದರು. ಅರುಣ ನಾಯ್ಕ ಅವರ ಮನೆಯಲ್ಲಿದ್ದ ಟಿವಿಗೆ ಕೇಬಲ್ ಕನೆಕ್ಷನ್ ನೀಡಿದ್ದ ಸಂತೋಷ ನಾಯ್ಕ ಅವರು ಮನೆ ಮಹಡಿ ಏರಿ ಡಿಶ್ ಕೂರಿಸುತ್ತಿದ್ದರು. ಆ ಅವಧಿಯಲ್ಲಿ ಸಂತೋಷ ನಾಯ್ಕ ಅವರ ಕಾಲು ಜಾರಿದ್ದು, ಮಹಡಿ ಮೇಲಿಂದ ನೆಲಕ್ಕೆ ಬಿದ್ದರು. ಬಿದ್ದ ರಭಸಕ್ಕೆ ಸಂತೋಷ ನಾಯ್ಕ ಅವರ ತಲೆಗೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ಸಂತೋಷ ನಾಯ್ಕ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುವ ಕೆಲಸವೂ ನಡೆಯಿತು. ಆದರೆ, ಆಸ್ಪತ್ರೆ ಸೇರುವ ಮೊದಲೇ ಸಂತೋಷ ನಾಯ್ಕ ಅವರು ಕೊನೆಯುಸಿರೆಳೆದರು. ತಮ್ಮನ ಸಾವಿನ ಬಗ್ಗೆ ನಾಗೇಶ ರಾಮ ನಾಯ್ಕ ಅವರು ಮಾಹಿತಿ ನೀಡಿದರು. `ಡಿಶ್ ಕೂರಿಸುವ ತಮ್ಮ ಪರಿಚಯಸ್ಥರಿಗೆ ಈ ಸುದ್ದಿ ಕಳುಹಿಸಿ. ಕೆಲಸದ ಅವಧಿಯಲ್ಲಿ ಮುನ್ನಚ್ಚರಿಕೆವಹಿಸುವಂತೆ ಸೂಚಿಸಿ’
- [ಅಡಿಕೆ ತೋಟಕ್ಕೆ ಕಳ್ಳರ ಕಾಟ!](https://mobiletime.in/2025/12/thieves-threaten-the-areca-nut-plantation/): ಎಲೆಚುಕ್ಕಿ ರೋಗ, ಫಸಲಿನಲ್ಲಿನ ಏರಿಳಿತದ ನಡುವೆ ಅಡಿಕೆ ಬೆಳೆ ಉಳಿಸಿಕೊಂಡಿದ್ದ ರೈತರಿಗೆ ಕಳ್ಳರ ಕಾಟ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಯಲ್ಲಾಪುರದ ವಿಶ್ವೇಶ್ವರ ಹೆಗಡೆ ಅವರ ತೋಟಕ್ಕೆ ನುಗ್ಗಿದ ಕಳ್ಳರು ಹಸಿ ಅಡಿಕೆಯನ್ನು ಕದ್ದು ಪರಾರಿಯಾಗಿದ್ದಾರೆ. ಯಲ್ಲಾಪುರದ ಮಂಚಿಕೇರಿ ಬಳಿಯ ಕಂಪ್ಲಿಯಲ್ಲಿ ವಿಶ್ವೇಶ್ವರ ಗಜಾನನ ಹೆಗಡೆ ಅವರು ವಾಸವಾಗಿದ್ದಾರೆ. 58 ವರ್ಷದ ಅವರು ಅಡಿಕೆ ಮರಗಳ ಬಗ್ಗೆ ಅಪಾರ ಕಾಳಜಿಹೊಂದಿದ್ದು, ಆ ಮರಗಳ ಆರೈಕೆಯಿಂದಲೇ ಬದುಕು ಕಟ್ಟಿಕೊಂಡಿದ್ದಾರೆ. ಸೊಪ್ಪು-ಗೊಬ್ಬರ ಹಾಕಿ ಅವರು ಪೋಷಿಸಿದ್ದ ಅಡಿಕೆ ಮರ ಏರಿದ ಕಳ್ಳರು ಅಲ್ಲಿದ್ದ ಅಡಿಕೆ ಅಪಹರಿಸಿದ್ದಾರೆ. ಡಿಸೆಂಬರ್ 27ರ ಸಂಜೆ 7 ಗಂಟೆಯವರೆಗೂ ವಿಶ್ವೇಶ್ವರ ಹೆಗಡೆ ಅವರು ತೋಟ ಸುತ್ತಾಟ ನಡೆಸಿದ್ದು, ಅದಾದ ನಂತರ ಕಳ್ಳತನ ನಡೆದಿದೆ. ಡಿಸೆಂಬರ 28ರ ಸಂಜೆ 4 ಗಂಟೆಗೆ ಮತ್ತೆ ತೋಟಕ್ಕೆ ಹೋದಾಗ ಅಲ್ಲಿದ್ದ ಅಡಿಕೆ ಮರದಲ್ಲಿದ್ದ ಫಸಲು ಕಾಣೆಯಾಗಿದೆ. ಸುಮಾರು 30 ಮರಗಳನ್ನು ಬೋಳಿಸಿದ ಕಳ್ಳರು 2.40 ಕ್ವಿಂಟಾಲ್ ಹಸಿ ಅಡಿಕೆ ದೋಚಿದ್ದಾರೆ. ಕಳ್ಳರ ಕಾಟದಿಂದ 14 ಸಾವಿರ ರೂ ನಷ್ಟವಾದ ಬಗ್ಗೆ ವಿಶ್ವೇಶ್ವರ ಹೆಗಡೆ ಅವರು ಹೇಳಿದ್ದಾರೆ. ಕಳ್ಳರನ್ನು ಹುಡುಕಿ ಶಿಕ್ಷಿಸಬೇಕು ಎಂದು ಅವರು ಪೊಲೀಸ್ ದೂರು ನೀಡಿದ್ದು, ಯಲ್ಲಾಪುರ ಪೊಲೀಸರು ಕಳ್ಳರ ಶೋಧ ನಡೆಸಿದ್ದಾರೆ.
- [ಕುಮಟಾ: ಕಟ್ಟಡ ಕಾರ್ಮಿಕನನ್ನು ಕೊಂದ ಕುಂಬಾರ ಹುಳ!](https://mobiletime.in/2025/12/kumata-a-construction-worker-was-killed-by-a-potters-worm/): ಕಟ್ಟಡ ನಿರ್ಮಾಣ ಕೆಲಸಕ್ಕೆ ಹೋಗಿದ್ದ ಗಣೇಶ ಪಟಗಾರ ಅವರಿಗೆ ಕುಂಬಾರ ಹುಳ ಕಚ್ಚಿದ್ದು, ಅವರು ಅದೇ ನೋವಿನಲ್ಲಿ ಸಾವನಪ್ಪಿದ್ದಾರೆ. ಕುಮಟಾದ ಮಾಸೂರಿನಲ್ಲಿ ಗಣೇಶ ಹನುಮಂತ ಪಟಗಾರ (46) ಅವರು ವಾಸವಾಗಿದ್ದರು. ಕಟ್ಟಡ ಕಾರ್ಮಿಕರಾಗಿ ಅವರು ಬದುಕು ಕಟ್ಟಿಕೊಂಡಿದ್ದರು. ಗಾರೆ ಕೆಲಸವನ್ನು ಅವರು ಅಚ್ಚುಕಟ್ಟಾಗಿ ಮಾಡುತ್ತಿದ್ದರು. ಹೀಗಾಗಿ ಸುತ್ತಲಿನ ಅನೇಕರು ಅವರನ್ನು ಕೆಲಸಕ್ಕೆ ಕರೆಯುತ್ತಿದ್ದರು. ಡಿಸೆಂಬರ್ 30ರಂದು ಮಂಜುನಾಥ ಗುನಗಾ ಅವರ ಜೊತೆ ಗಣೇಶ ಪಟಗಾರ ಅವರು ಕೆಲಸಕ್ಕೆ ಹೋಗಿದ್ದರು. ಗುಂದದ ರಾಜು ನಾಯ್ಕ ಅವರು ಕಪೌಂಡ್ ಕಟ್ಟುವ ಕೆಲಸದಲ್ಲಿ ಅವರು ತಮ್ಮನ್ನು ತೊಡಗಿಸಿಕೊಂಡಿದ್ದರು. ಆ ವೇಳೆ ಕುಂಬಾರ ಹುಳವೊಂದು ದಾಳಿ ಮಾಡಿತು. ಆ ಹುಳ ಗಣೇಶ ಪಟಗಾರ ಅವರ ಕೈ ಹಾಗೂ ತುಟಿಗೆ ಕಚ್ಚಿ ಗಾಯಗೊಳಿಸಿತು. ಹುಳ ಕಚ್ಚಿದ ನೋವಿಗೆ ಗಣೇಶ ಪಟಗಾರ ಅವರು ಅಲ್ಲಿಯೇ ಕುಸಿದು ಬಿದ್ದರು. ಅವರನ್ನು ಆಂಬುಲೆನ್ಸಿನ ಮೂಲಕ ಆಸ್ಪತ್ರೆಗೆ ಕರೆದೊಯ್ಯುವ ಕೆಲಸ ನಡೆಯಿತು. ಆದರೆ, ಅದು ಪರಿಣಾಮ ಬೀರಲಿಲ್ಲ. ಗುಡಿಗಾರ ಗಲ್ಲಿಯ ಬಳಿ ಗಣೇಶ ಪಟಗಾರ ಅವರು ಸಾವನಪ್ಪಿದರು. ಅವರ ಅಣ್ಣ ಮಹದೇವ ಪಟಗಾರ ಅವರು ಈ ಬಗ್ಗೆ ಮಾಹಿತಿ ನೀಡಿದರು.
- [ಅಡಿಕೆ ಮರಗಳ ಮರಣ: ಅತಿಕ್ರಮಣದಾರರಿಂದ ಅರಣ್ಯ ಕಚೇರಿಗೆ ಮುತ್ತಿಗೆ!](https://mobiletime.in/2025/12/death-of-areca-trees-encroachers-lay-siege-to-the-forest-office/): ಸಿದ್ದಾಪುರದಲ್ಲಿ ನೂರಾರು ಅಡಿಕೆ ಮರಗಳನ್ನು ಮಾರಣ ಹೋಮ ನಡೆಸಿದ ಅರಣ್ಯಾಧಿಕಾರಿಗಳ ವಿರುದ್ಧ ಅತಿಕ್ರಮಣದಾರರು ಸಿಡಿದೆದ್ದಿದ್ದಾರೆ. ಬುಧವಾರ ಕ್ಯಾದಗಿ ಅರಣ್ಯ ಕಛೇರಿಗೆ ಅತಿಕ್ರಮಣದಾರರು ಮುತ್ತಿಗೆ ಹಾಕಿ ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಅಡಿಕೆ ಮರ ನಾಶ ಮಾಡಿದ ಅರಣ್ಯ ಸಿಬ್ಬಂದಿಯನ್ನು ಹಾಜರುಪಡಿಸಿ’ ಎಂದು ಪ್ರತಿಭಟನಾಕಾರರು ಪಟ್ಟು ಹಿಡಿದರು. ಆ ಅರಣ್ಯ ಸಿಬ್ಬಂದಿ ಕಾಣಿಸದ ಕಾರಣ ಕಚೇರಿಗೆ ನುಗ್ಗುವ ಪ್ರಯತ್ನ ಮಾಡಿದರು. `ಅರಣ್ಯ ಇಲಾಖೆಯ ತಪ್ಪು ನೀತಿ-ನಿಯಮಗಳಿಂದ ಜನ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಮಾನವೀಯತೆ ಮರೆತು ಅಧಿಕಾರಿಗಳು ವರ್ತಿಸಿದ್ದಾರೆ’ ಎಂದು ಪ್ರತಿಭಟನಾಕಾರರು ಆಕ್ರೋಶವ್ಯಕ್ತಪಡಿಸಿದರು. `ಕಾನೂನು ವಿಧಿ-ವಿಧಾನ ಅನುಸರಿಸದೇ ಅತಿಕ್ರಮಣ ತೆರವು ಮಾಡಲಾಗಿದೆ. ಅರ್ಜಿ ಪುನರ್ ಪರಿಶೀಲನೆ ಹಂತದಲ್ಲಿರುವಾಗ ಒಕ್ಕಲೆಬ್ಬಿಸುವ ಪ್ರಕ್ರಿಯೆ ನಡೆದಿದೆ’ ಎಂದು ಅಸಮಧಾನವ್ಯಕ್ತಪಡಿಸಿದರು. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡರು. ಎಸಿಎಫ್ ಪವಿತ್ರಾ ಮತ್ತು ಆರ್ ಎಫ್ ಓ ಮಹೇಶ್ ದೇವಡಿಗ ಅವರು ಜನರ ಪ್ರಶ್ನೆಗೆ ಉತ್ತರಿಸಲಾಗದೇ ತತ್ತರಿಸಿದ್ದು, ತಹಶೀಲ್ದಾರ ಎಮ್ ಆರ್ ಕುಲಕರ್ಣಿ ಮತ್ತು ಸಿಪಿಐ ಸೀತಾರಾಮ ಅವರು ಪ್ರತಿಭಟನಾಕಾರರನ್ನು ಸಮಾಧಾನ ಮಾಡುವ ಪ್ರಯತ್ನ ಮಾಡಿದರು. ಮುಂದಿನ 15 ದಿನದಲ್ಲಿ ಅರಣ್ಯವಾಸಿಗಳ ಸಭೆ ನಡೆಸುವುದಾಗಿ ಅಧಿಕಾರಿಗಳು ಭರವಸೆ ನೀಡಿದರು. ಪ್ರಮುಖರಾದ ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ ಕೆ ಟಿ ನಾಯ್ಕ ಕ್ಯಾದಗಿ, ಇಬ್ರಾಹೀಂ ಗೌಡಳ್ಳಿ, ಮಹೇಶ ನಾಯ್ಕ ಕಾನಕ್ಕಿ, ಬಿಡಿ ನಾಯ್ಕ ಹರಕನಳ್ಳಿ, ರಾಮಕೃಷ್ಣ ನಾಯ್ಕ ತ್ಯಾಗಲಿಮನೆ, ದಿನೇಶ ನಾಯ್ಕ ಬೇಡ್ಕಣಿ, ಸುನೀಲ ನಾಯ್ಕ ಸಂಪಖoಡ, ನೆಹರು ನಾಯ್ಕ, ಶಿವಾನಂದ ಜೋಗಿ, ಚಂದ್ರ ಶಾನಭಾಗ,ರಪೀಕ್ ಗೌಡಳ್ಳಿ, ಹರಿ ನಾಯ್ಕ ಓಂಕಾರ, ಮೋಹನ ಕಾನಳ್ಳಿ, ಉಮೇಶ ಬೇಡ್ಕಣಿ, ಗೋವಿಂದ ಗೌಡ, ಶಿವಪ್ಪ ನಾಯ್ಕ, ಧನಂಜಯ ನಾಯ್ಕ, ಸಂಕೇತ ಹಲಗೇರಿ, ನಾಗರಾಜ ಮರಾಠಿ ಪ್ರತಿಭಟನೆಯಲ್ಲಿದ್ದರು.
- [ಸರ್ಕಾರಿ ಶಾಲೆಯಲ್ಲಿ ಆರೋಗ್ಯ ಮೇಳ](https://mobiletime.in/2025/12/health-fair-at-government-school/): `ಮಕ್ಕಳ ಮನೋದೈಹಿಕ ಆರೋಗ್ಯವು ಭವಿಷ್ಯ ನಿರ್ಮಾಣದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ’ ಎಂದು ಶಿರಸಿ ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯದರ್ಶಿ ಸರಸ್ವತಿ ಎನ್ ರವಿ ಅವರು ಹೇಳಿದ್ದಾರೆ. ಸ್ಕೊಡ್‌ವೆಸ್ ಹಾಗೂ ದೇಸಾಯಿ ಫೌಂಡೇಶನ್ ಸಹಯೋಗದಲ್ಲಿ ಶಿರಸಿಯ ಕೆ ಎಚ್ ಬಿ ಕಾಲೋನಿಯ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಆಯೋಜಿಸಿದ್ದ ಬಾಲ ಆರೋಗ್ಯ ಮೇಳ ಉದ್ಘಾಟಿಸಿದರು. ನಂತರ ಮಾತನಾಡಿದ ಅವರು `ಮಕ್ಕಳ ಆರೋಗ್ಯದ ಬಗ್ಗೆ ಅರಿವು ಮೂಡಿಸುವ ಸಲುವಾಗಿ ಬಾಲ ಆರೋಗ್ಯ ಮೇಳವನ್ನು ಆಯೋಜಿಸಲಾಗಿದೆ’ ಎಂದರು,. `ಈ ಕಾರ್ಯಕ್ರಮದಲ್ಲಿ ಆರೋಗ್ಯ ತಪಾಸಣೆ, ವಯಕ್ತಿಕ ಶುಚಿತ್ವ, ಮಾನಸಿಕ ಆರೋಗ್ಯಕ್ಕಾಗಿ ವಿವಿಧ ಮನರಂಜನಾ ಕ್ರೀಡಾ ಚಟುವಟಿಕೆ ನಡೆಸಲಾಗುತ್ತದೆ. ಪೌಷ್ಠಿಕ ಆಹಾರದ ಮಹತ್ವವನ್ನು ತಿಳಿಸುವ ಕಾರ್ಯಕ್ರಮ ಇದಾಗಿದೆ’ ಎಂದರು. ಪ್ರಮುಖರಾದ ಶ್ರೀಮತಿ ಭಟ್, ವೈದ್ಯಾಧಿಕಾರಿ ಡಾ ರಿತಿಕ್, ಉಮೇಶ ಮರಾಠಿ ಹಾಗೂ ಶಾಲಾ ಆಡಳಿತ ಮಂಡಳಿಯವರು ಇದ್ದರು.
- [ಶಿರಸಿ ಕ್ಷೇತ್ರ: ಅಕ್ರಮ ಮದ್ಯ ಮಾರಾಟದಿಂದಲೇ ಆದಾಯ ಹೆಚ್ಚಳ!](https://mobiletime.in/2025/12/sirsi-constituency-income-increased-from-illegal-liquor-sales/): `ಶಿರಸಿ-ಸಿದ್ದಾಪುರ ಕ್ಷೇತ್ರದಲ್ಲಿ ಅಕ್ರಮ ಮದ್ಯ ಮಾರಾಟ ಜೋರಾಗಿದ್ದು, ಈ ಬಗ್ಗೆ ಶಾಸಕ ಭೀಮಣ್ಣ ನಾಯ್ಕ ಅವರು ಮಾತನಾಡುತ್ತಿಲ್ಲ. ಅಕ್ರಮ ಮದ್ಯದಿಂದ ಆದಾಯ ಬರುವ ಕಾರಣ ಅವರು ಮೌನವಾಗಿದ್ದಾರೆ’ ಎಂಬ ಅರ್ಥದಲ್ಲಿ ಜೆಡಿಎಸ್ ಮುಖಂಡ ಉಪೇಂದ್ರ ಪೈ ಹೇಳಿಕೆ ನೀಡಿದ್ದಾರೆ! `ಶಿರಸಿ-ಸಿದ್ದಾಪುರ ಕ್ಷೇತ್ರದಲ್ಲಿ ಅಭಿವೃದ್ಧಿ ಕೆಲಸಗಳು ನಡೆಯುತ್ತಿಲ್ಲ. ಬಡ ಅತಿಕ್ರಮಣದಾರರನ್ನು ಒಕ್ಕಲೆಬ್ಬಿಸುವ ಪ್ರಕ್ರಿಯೆ ನಿಂತಿಲ್ಲ. 30 ವರ್ಷ ಹಿಂದಿನ ಅಡಿಕೆ ಮರಗಳ ನಾಶ ನಡೆದರೂ ಶಾಸಕ ಭೀಮಣ್ಣ ನಾಯ್ಕ ಅವರು ಮಾತನಾಡುತ್ತಿಲ್ಲ’ ಎಂದು ಉಪೇಂದ್ರ ಪೈ ಅವರು ಅಸಮಧಾನಹೊರಹಾಕಿದ್ದಾರೆ. `ಪ್ರತಿ ದಿನ ಸಂಜೆ 6 ಗಂಟೆ ನಂತರ ಅಕ್ರಮ ಮದ್ಯ ಸರಬರಾಜು ಹೆಚ್ಚಾಗುತ್ತಿದೆ. ಕಂಡ ಕಂಡ ಹೊಟೇಲುಗಳಲ್ಲಿ ಮದ್ಯ ಮಾರಾಟ ನಡೆಯುತ್ತಿದೆ. ಮದ್ಯದ ಹೊಳೆಯೇ ಹರಿಯುತ್ತಿದ್ದರೂ ಶಾಸಕರು ಗಮನಹರಿಸಿಲ್ಲ. ಅಕ್ರಮ ಮದ್ಯ ಮಾರಾಟ ತಡೆಗೂ ಮುಂದಾಗಿಲ್ಲ. ಇದರಿಂದ ಹೇಗೂ ಆದಾಯ ಬರುತ್ತದೆ ಎಂಬ ನಿಟ್ಟಿನಲ್ಲಿ ಅವರು ಕಣ್ಮುಚ್ಚಿ ಕುಳಿತಿರುವ ಹಾಗೇ ಭಾಸವಾಗುತ್ತಿದೆ’ ಎಂದು ಉಪೇಂದ್ರ ಪೈ ಅವರು ಹೇಳಿದ್ದಾರೆ. `ಕಳೆದ ಜಾತ್ರೆ ಅವಧಿಯಲ್ಲಿ 5 ಕೋಟಿ ರೂ ಹಣ ಬಂದ ಬಗ್ಗೆ ಹೇಳಿದ್ದರು. ಆದರೆ, ಆ ಹಣದ ಬಗ್ಗೆ ಈಗ ಪ್ರಶ್ನಿಸಿದರೆ ಉತ್ತರವಿಲ್ಲ. ಶಾಸಕರು ಗುದ್ದಲಿ ಪೂಜೆಗೆ ಮಾತ್ರ ಸೀಮಿತವಾಗಿದ್ದು, ಅಭಿವೃದ್ಧಿ ಕೆಲಸ ಒಂದೂ ಆಗುತ್ತಿಲ್ಲ. ಹೀಗಿರುವಾಗ ಈ ಜಾತ್ರೆಗಾದರೂ ಶಾಸಕರು ಎಷ್ಟು ಹಣ ತರುತ್ತಾರೆ? ಅದನ್ನು ಹೇಗೆ ಬಳಸುತ್ತಾರೆ? ಎಂದು ಮಾಹಿತಿ ಕೊಡಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಮೊನ್ನೆಯೂ ಶಾಸಕರ ಪಟಾಲಂಗರು ಪತ್ರಿಕೆ ಮೂಲಕ ಸುಳ್ಳು ಘೋಷಣೆ ಕೊಟ್ಟಿದ್ದಾರೆ. ನಗರಸಭೆ ಮಾಜಿ ಅಧ್ಯಕ್ಷರ ವರ್ತನೆಯನ್ನು ನೋಡಿದ್ದು, ಈ ಕ್ಷೇತ್ರದಲ್ಲಿ ಗೂಂಡಾಗಿರಿ ನಡೆಯುವುದಿಲ್ಲ’ ಎಂದು ಎಚ್ಚರಿಕೆ ನೀಡಿದ್ದಾರೆ. `ನಗರಸಭೆಯ ಬಗ್ಗೆ ಮಾತನಾಡಿದಾಗ ಅಲ್ಲಿನ ಸದಸ್ಯರು ಆಕ್ಷೇಪವ್ಯಕ್ತಪಡಿಸಿದ್ದರು. ಕ್ಷಮೆ ಕೇಳಬೇಕು ಎಂದು ಆಗ್ರಹಿಸಿದ್ದರು. ಆದರೆ, ಅದಾದ ನಂತರ ಇದೇ ನಗರಸಭೆಯ ಭ್ರಷ್ಟಾಚಾರ, ಲಂಚದ ಆರೋಪಗಳು ಬೆಳಕಿಗೆ ಬಂದಿದೆ’ ಎಂದು ಹಳೆಯ ವಿಷಯವನ್ನು ನೆನಪಿಸಿದ್ದಾರೆ.
- [ಪೊಲೀಸ್ ಖಾತೆಗೆ ಕನ್ನ ಹಾಕಿದ ಪೆಟ್ರೋ ಕಾರ್ಡ!](https://mobiletime.in/2025/12/petro-card-that-stole-the-police-account/): ಉತ್ತರ ಕನ್ನಡ ಜಿಲ್ಲೆಯನ್ನು ಸೇರಿ ರಾಜ್ಯದ ಅನೇಕ ಪೊಲೀಸ್ ವಾಹನಗಳಿಗೆ ಪೆಟ್ರೋಲ್ ತುಂಬಿಸುವ ವಿಷಯದಲ್ಲಿ ಅಪರಾತಪರ ನಡೆದಿದೆ. ಸರ್ಕಾರಿ ಅಧೀನದಲ್ಲಿರುವ ಎಲ್ಲಾ ಪೊಲೀಸ್ ಠಾಣೆಯ ವಾಹನಗಳಿಗೂ ಇಂಧನ ತುಂಬಿಸುವ ಹೊಣೆಯನ್ನು ಇಂಡಿಯನ್ ಆಯಿಲ್ ಕಾರ್ಪೋರೇಶನ್ ಸಂಸ್ಥೆಗೆ ಗುತ್ತಿಗೆ ನೀಡಲಾಗಿದೆ. ಆ ಗುತ್ತಿಗೆ ಷರತ್ತಿನ ಪ್ರಕಾರ ಇಂಧನ ಪಾವತಿ ನಂತರ ಪಾವತಿ ಮೊತ್ತದ ಶೇ 0.75ರಷ್ಟು ಹಣವನ್ನು ಇಂಡಿಯನ್ ಆಯಿಲ್ ಕಾರ್ಪೋರೇಶನ್ ಸಂಸ್ಥೆ ಪೊಲೀಸ್ ಖಾತೆಗೆ ಪ್ರೋತ್ಸಾಹಧನ ನೀಡಬೇಕು ಎಂಬ ಷರತ್ತು ವಿಧಿಸಲಾಗಿದೆ. ಆದರೆ, 2016ರಿಂದಲೂ ಈ ಪ್ರೋತ್ಸಾಹಧನ ಸರಿಯಾಗಿ ಪಾವತಿ ಆಗಿಲ್ಲ. ಕೆಲವೊಮ್ಮೆ ಪಾವತಿಸಿದ ದಾಖಲೆಗಳಿದ್ದರೂ ಇಂಧನಕ್ಕಾಗಿ ನೀಡಿದ ಹಣಕ್ಕೆ ಅದು ತಾಳೆ ಆಗುತ್ತಿಲ್ಲ. 2016ರ ಏಪ್ರಿಲಿನಿಂದ 2017ರ ಮಾರ್ಚ 31ರವರೆಗೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ 194 ಪೊಲೀಸ್ ವಾಹನಗಳಿದ್ದವು. 2017ರಿಂದ 2018ರವರೆಗೆ 184 ಹಾಗೂ 2018ರಿಂದ 2019ರವರೆಗೆ 202 ವಾಹನಗಳಿದ್ದವು. ಈ ಎಲ್ಲಾ ವಾಹನಗಳಿಗೆ ಇಂಧನ ಪಾವತಿಗಾಗಿ ಸರ್ಕಾರವೇ ಪೆಟ್ರೋ ಕಾರ್ಡ ಸೌಲಭ್ಯ ಕಲ್ಪಿಸಿತ್ತು. ಆ ಪೆಟ್ರೋ ಕಾರ್ಡ ಬಳಸಿ ಪೊಲೀಸ್ ವಾಹನಗಳಿಗೆ ಇಂಧನ ಭರ್ತಿ ಮಾಡಲಾಗುತ್ತಿದ್ದು, ಚುನಾವಣೆ ಹಾಗೂ ಇನ್ನಿತರ ಸನ್ನಿವೇಶಗಳ ಅವಧಿಯಲ್ಲಿ ಖಾಸಗಿ ವಾಹಹನಗಳನ್ನು ಸಹ ಬಾಡಿಗೆಗೆಪಡೆದು ಇಂಧನ ಪಾವತಿ ಮಾಡಲಾಗಿದೆ. ಆದರೆ, ಇಂಧನ ಪಾವತಿ ವಿಷಯವಾಗಿ ಸರ್ಕಾರಿ ಖಜಾನೆಯಿಂದ ಇಂಡಿಯನ್ ಆಯಿಲ್ ಕಾರ್ಪೋರೇಶನ್ ಸಂಸ್ಥೆಗೆ ಹಣ ಪಾವತಿ ಆಗಿದ್ದರೂ, ಇಂಡಿಯನ್ ಆಯಿಲ್ ಕಾರ್ಪೋರೇಶನ್ ಸಂಸ್ಥೆಯಿAದ ಪೆಟ್ರೋ ಕಾರ್ಡ ಖಾತೆಗೆ ಬರಬೇಕಿದ್ದ ಪ್ರೋತ್ಸಾಹಧನ ಸರಿಯಾಗಿ ಬಂದಿಲ್ಲ. 2016ರ ಏಪ್ರಿಲ್ ತಿಂಗಳಿನಿAದ 2019ರ ಮಾರ್ಚಿನವರೆಗೆ ಇಂಧನಕ್ಕಾಗಿ ಪಾವತಿಸಿದ ಮೊತ್ತ ಹಾಗೂ ಗುತ್ತಿಗೆ ಸಂಸ್ಥೆಯಿAದ ಪೊಲೀಸ್ ಪೆಟ್ರೋ ಕಾರ್ಡಿಗೆ ಬಂದ ಪ್ರೋತ್ಸಾಹ ಹೊಂದಾಣಿಕೆ ಆಗುತ್ತಿಲ್ಲ ಎಂದು ಲೆಕ್ಕಪರಿಶೋಧನಾ ವರದಿಯಲ್ಲಿ ಪತ್ತೆಯಾಗಿದೆ. `ದಿ ಫೈಲ್’ ಪ್ರಕಟಿಸಿದ ತನಿಖಾ ವರದಿಯಲ್ಲಿ ರಾಜ್ಯದ ಎಲ್ಲಾ ಜಿಲ್ಲೆಗಳ ಅಂಕಿ-ಅoಶಗಳನ್ನು ವಿವರವಾಗಿ ಪ್ರಕಟಿಸಲಾಗಿದೆ. ಅದರ ಪ್ರಕಾರ ಇಂಡಿಯನ್ ಆಯಿಲ್ ಕಾರ್ಪೋರೇಶನ್ ಸಂಸ್ಥೆಯಿAದ ರಾಜ್ಯ ಪೊಲೀಸ್ ಇಲಾಖೆಗೆ 24.61 ಲಕ್ಷ ರೂ ಬರಬೇಕಿದ್ದಯ, ಉತ್ತರ ಕನ್ನಡ ಪೊಲೀಸ್ ಘಟಕದ ಹಣಕಾಸು ವಿಷಯದಲ್ಲಿಯೂ 93311ರೂ ವ್ಯತ್ಯಾಸ ಬರುತ್ತಿದೆ. ಇದರೊಂದಿಗೆ ಹೆಚ್ಚುವರಿ ಪೆಟ್ರೋ ಕಾರ್ಡ ಬಗ್ಗೆ ಲೆಕ್ಕ ಪರಿಶೋಧನೆಯಲ್ಲಿಯೂ ಮಾಹಿತಿ ಸಿಕ್ಕಿಲ್ಲ. ಪೊಲೀಸ್ ಇಲಾಖೆಯ ವಾಹನಗಳಿಗೆ ಇಂಧನ ತುಂಬಿಸಿದ ನಂತರ ಬರಬೇಕಾದ ಕ್ಯಾಶ್ ಬ್ಯಾಕ್ ವಿಷಯದಲ್ಲಿ ಹಲವು ಬಗೆಯ ಉಲ್ಲಂಘನೆ, ಲೋಪ, ನಿಗದಿಪಡಿಸಿದಕ್ಕಿಂತಲೂ ಕಡಿಮೆ ಮೊತ್ತ ಪಾವತಿಯಾಗಿದ್ದರೂ ಸರ್ಕಾರ ಆ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ.
- [ವಸೂಲಿ ವಿಷಯ: ಅನಗತ್ಯ ಹಸ್ತಕ್ಷೇಪದ ಆರೋಪ!](https://mobiletime.in/2025/12/recovery-matter-accusation-of-unnecessary-interference/): ಯಲ್ಲಾಪುರ ಪಟ್ಟಣ ಪಂಚಾಯತದ ಮಾರುಕಟ್ಟೆ ಶುಲ್ಕ ವಸೂಲಿಗೆ ಮಂಗಳವಾರ ಟೆಂಡರ್ ನಡೆದಿದ್ದು, ಟೆಂಡರ್ ಪ್ರಕ್ರಿಯೆಯಲ್ಲಿ ಪ ಪಂ ಮಾಜಿ ಸದಸ್ಯರಿಬ್ಬರು ಹಸ್ತಕ್ಷೇಪ ಮಾಡಿದ ಆರೋಪವ್ಯಕ್ತವಾಗಿದೆ. ಪಟ್ಟಣದ ಬೀದಿ ಬೀದಿ ವ್ಯಾಪಾರಿಗಳಿಂದ ಶುಲ್ಕ ವಸೂಲಿಗಾಗಿ ಪಟ್ಟಣ ಪಂಚಾಯತ ಟೆಂಡರ್ ಕರೆಯುತ್ತದೆ. ನಿಗದಿತ ಶುಲ್ಕ ವಸೂಲಿಗಾಗಿ ಅನೇಕರು ಪೈಪೋಟಿ ನೀಡುತ್ತಾರೆ. ಅದರಂತೆ ಮಂಗಳವಾರ ಈ ಶುಲ್ಕ ವಸೂಲಾತಿಗೆ ಟೆಂಡರ್ ಕರೆಯಲಾಗಿದ್ದು, ಆ ಅವಧಿಯಲ್ಲಿ ಪಟ್ಟಣ ಪಂಚಾಯತದ ಮಾಜಿ ಸದಸ್ಯರಿಬ್ಬರು ಹಸ್ತಕ್ಷೇಪ ನಡೆಸಿದ ಆರೋಪ ಎದುರಿಸುತ್ತಿದ್ದಾರೆ. ಸದ್ಯ ಪಟ್ಟಣ ಪಂಚಾಯತದ ಜನಪ್ರತಿನಿಧಿಗಳ ಆಡಳಿತ ಅವಧಿ ಮುಕ್ತಾಯವಾಗಿದ್ದು, ತಹಶೀಲ್ದಾರ್ ಆಡಳಿತಾಧಿಕಾರಿಯಾಗಿದ್ದಾರೆ. ಹೀಗಿದ್ದರೂ `ಟೆಂಡರ್ ಪ್ರಕ್ರಿಯೆ ನಡೆಯುವಾಗ ಪಟ್ಟಣ ಪಂಚಾಯತ ಸ್ಥಾಯಿ ಸಮಿತಿ ಮಾಜಿ ಅಧ್ಯಕ್ಷ ಅಬ್ದುಲ್ ಅಲಿ ಹಾಗೂ ಮಾಜಿ ಸದಸ್ಯ ಸತೀಶ ನಾಯ್ಕ ಅವರು ಅಲ್ಲಿ ಆಸನರಾಗಿದ್ದರು. ಅವರಿಬ್ಬರು ಟೆಂಡರ್ ಪ್ರಕ್ರಿಯೆಯಲ್ಲಿ ಹಸ್ತಕ್ಷೇಪ ಮಾಡಿದ್ದಾರೆ’ ಎಂದು ಸಾಮಾಜಿಕ ಕಾರ್ಯಕರ್ತ ಸುಜಯ ಮರಾಠಾ ಅವರು ಆರೋಪಿಸಿದ್ದಾರೆ. ಈ ಬಗ್ಗೆ ಸುಜಯ ಮರಾಠಾ ಅವರು ತಹಶೀಲ್ದಾರ್ ಚಂದ್ರಶೇಖರ ಹೊಸ್ಮನಿ ಅವರಿಗೆ ಮೌಖಿಕ ದೂರು ನೀಡಿದ್ದಾರೆ. ಟೆಂಡರ್ ಪ್ರಕ್ರಿಯೆಯ ವಿಡಿಯೋ ಚಿತ್ರಿಕರಣವನ್ನು ಗಮನಿಸಿ ಕ್ರಮ ಜರುಗಿಸುವುದಾಗಿ ಚಂದ್ರಶೇಖರ್ ಹೊಸ್ಮನಿ ಅವರು ಭರವಸೆ ನೀಡಿದ್ದಾರೆ. `ಪಟ್ಟಣ ಪಂಚಾಯತ ಮಾರುಕಟ್ಟೆ ಕರ ವಸೂಲಿ ಟೆಂಡರ್ ಪಾರದರ್ಶಕವಾಗಿ ನಡೆಯಬೇಕು. ಇದಕ್ಕಾಗಿ ಮರು ಟೆಂಡರ್ ಕರೆಯಬೇಕು’ ಎಂದು ಸುಜಯ ಮರಾಠಾ ಅವರು ಆಗ್ರಹಿಸಿದ್ದಾರೆ.
- [ಆ ಶಾಲೆಯ ವಿದ್ಯಾರ್ಥಿಗಳಿಗೆ ಕಾರು ತೊಳೆಯುವುದೇ ಕೆಲಸ!](https://mobiletime.in/2025/12/for-the-students-of-that-school-washing-cars-is-the-only-job/): ಶಿಕ್ಷಕ ಉದಯ ಅವರು ಇಷ್ಟಪಟ್ಟು ಖರೀದಿಸಿದ ಕಾರನ್ನು ಆ ಶಾಲೆಯ ಮಕ್ಕಳು ಕಷ್ಟಪಟ್ಟು ತೊಳೆಯುತ್ತಿದ್ದಾರೆ. `ಕಾರಿಗೆ ಕೊಂಚವೂ ದೂಳು ಬಾರದಂತೆ ನೋಡಿಕೊಳ್ಳಬೇಕು’ ಎಂದು ಉದಯ ಅವರು ತಾಕೀತು ಮಾಡಿದ್ದು, ಮಕ್ಕಳು ಅದನ್ನು ಕಡ್ಡಾಯವಾಗಿ ಪಾಲಿಸುತ್ತಿದ್ದಾರೆ! ಹಳಿಯಾಳದ ಬಿ ಕೆ ಹಳ್ಳಿ ಶಾಲೆಯಲ್ಲಿ ಉದಯ ಅವರು ಶಿಕ್ಷಕರಾಗಿದ್ದಾರೆ. ನಿತ್ಯವೂ ಅವರು ಕಾರಿನಲ್ಲಿ ಶಾಲೆಗೆ ಬರುತ್ತಾರೆ. ಅವರ ಆಗಮನದ ನಂತರ ಆ ಕಾರು ತೊಳೆಯುವುದು ನಿತ್ಯದ ಸಂಪ್ರದಾಯ. ಶಾಲಾ ಅವಧಿಯಲ್ಲಿಯೇ ಪಾಠ ಬಿಟ್ಟು ಮಕ್ಕಳು ಕಾರು ತೊಳೆಯಲು ಹೋಗುತ್ತಾರೆ. ಶಿಕ್ಷಕರ ಈ ಉದ್ದಟತನದಿಂದ ಮಕ್ಕಳ ಕಲಿಕೆಗೆ ಹಿನ್ನಡೆಯಾಗಿದೆ ಎಂಬುದು ಅಲ್ಲಿನವರ ದೂರು. ತಮ್ಮ ಖಾಸಗಿ ಕೆಲಸ ಮಾಡಿಸಿಕೊಳ್ಳುವ ಶಿಕ್ಷಕನ ವಿರುದ್ಧ ವ್ಯಕ್ತಿಯೊಬ್ಬರು ದೂರು ನೀಡಿದ್ದಾರೆ. ಅದೇ ದೂರಿನ ಆಧಾರದಲ್ಲಿ ಬಿಇಓ ಪ್ರಮೋದ ಮಹಾಲೆ ಅವರು ನೋಟಿಸ್ ಜಾರಿ ಮಾಡಿದ್ದಾರೆ. ಜೊತೆಗೆ ದೂರು ನೀಡಿದವರು ಸಾಕ್ಷಿಗಾಗಿ ಫೋಟೋವನ್ನು ಹರಿಬಿಟ್ಟಿದ್ದಾರೆ.
- [ನಕಲಿ ವೈದ್ಯರಿಗೆ ನಡುಕ!](https://mobiletime.in/2025/12/fear-the-fake-doctor/): `ಖಾಸಗಿ ವೈದ್ಯಕೀಯ ಸಂಸ್ಥೆಗಳಲ್ಲಿ ನಕಲಿ ವೈದ್ಯರ ನೇಮಕ ಮಾಡಿದ್ದರೆ ಅಂಥವುಗಳನ್ನು ಪತ್ತೆ ಮಾಡಿ ಆಸ್ಪತ್ರೆ ವಿರುದ್ಧ ಕ್ರಮ ಜರುಗಿಸಿ’ ಎಂದು ಆರೋಗ್ಯ ಇಲಾಖೆಯ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯ ಸೂಚನೆ ನೀಡಿದ್ದಾರೆ. ಅವರು ಮಂಗಳವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ನಡೆದ ಕೆಪಿಎಂಇ ನೊಂದಣಿ ಮತ್ತು ಕುಂದುಕೊರತೆ ನಿವಾರಣಾ ಪ್ರಾಧಿಕಾರದ ಸಭೆ ನಡೆಸಿದ ಅವರು `ಖಾಸಗಿ ನರ್ಸಿಂಗ್ ಕೇಂದ್ರಗಳು ತಮ್ಮಲ್ಲಿ ನೇಮಕ ಮಾಡಿಕೊಳ್ಳುವ ವೈದ್ಯರ ನೈಜ ದಾಖಲೆಗಳನ್ನು ಪರಿಶೀಲಿಸದೇ ನಕಲಿ ವೈದ್ಯರು ಕಾರ್ಯನಿರ್ವಹಿಸಲು ಅವಕಾಶ ಮಾಡಿಕೊಟ್ಟಲ್ಲಿ ಅಂತಹ ಸಂಸ್ಥೆಗಳ ವಿರುದ್ಧ ಮೊದಲ ಬಾರಿಗೆ ನಿಯಮಾನುಸಾರ ದಂಢ ವಿಧಿಸಬೇಕು. ಪುನ: ಅಂಥವು ಮುಂದುವರೆದಲ್ಲಿ ದಂಡ ಮತ್ತು ಜೈಲುಶಿಕ್ಷೆ ವಿಧಿಸುವುದಕ್ಕಾಗಿ ಪ್ರಕರಣ ದಾಖಲು ಮಾಡಬೇಕು’ ಎಂದು ಸೂಚಿಸಿದರು. ನಕಲಿ ವೈದ್ಯರ ವಿರುದ್ದ ಕೂಡಾ ಕಠಿಣ ಕ್ರಮಗಳನ್ನು ಕೈಗೊಳ್ಳುವಂತೆ ತಿಳಿಸಿದ ಅವರು `ಒಮ್ಮೆ ಪತ್ತೆಯಾದ ನಕಲಿ ವೈದ್ಯರು ನಂತರದಲ್ಲಿ ತಮ್ಮ ಕೇಂದ್ರದ ಹೆಸರು ಮತ್ತು ವಿಳಾಸ ಬದಲಿಸಿಕೊಂಡು ಜಿಲ್ಲೆಯ ಇತರೇ ಭಾಗದಲ್ಲಿ ಕಾರ್ಯನಿರ್ವಹಿಸುವ ಸಾಧ್ಯತೆ ಅಧಿಕವಾಗಿದೆ. ಈ ಬಗ್ಗೆ ವ್ಯಾಪಕ ತಪಾಸಣೆಗಳನ್ನು ಕೈಗೊಂಡು, ಜಿಲ್ಲೆಯಲ್ಲಿ ನಕಲಿ ವೈದ್ಯರು ಕಂಡು ಬಾರದಂತೆ ಎಚ್ಚರವವಹಿಸಬೇಕು’ ಎಂದು ನಿರ್ದೇಶನ ನೀಡಿದರು. `ಪ್ರಸ್ತುತ ಜಿಲ್ಲೆಯಲ್ಲಿ ನೊಂದಣಿಯಾಗಿರುವ ಖಾಸಗಿ ವೈದ್ಯಕೀಯ ಸಂಸ್ಥೆಗಳನ್ನು ನವೀಕರಣ ಮಾಡುವ ಸಂದರ್ಭದಲ್ಲಿ ದಾಖಲೆಗಳನ್ನು ಸಮಗ್ರವಾಗಿ ಪರಿಶೀಲಿಸುವಂತೆ ಮತ್ತು ಹೊಸದಾಗಿ ಅನುಮತಿ ಕೋರುವ ಸಂಸ್ಥೆಗಳ ದಾಖಲೆಗಳನ್ನು ಸಮಗ್ರವಾಗಿ ಪರಿಶೀಲಿಸಿ, ಎಲ್ಲಾ ಷರತ್ತುಗಳನ್ನು ಪೂರೈಸಿರುವುದನ್ನು ಖಚಿತಪಡಿಸಿಕೊಂಡು ಅನುಮತಿಯನ್ನು ನೀಡಬೇಕು’ ಎಂದು ತಿಳಿಸಿದರು. ಸಭೆಯಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ನೀರಜ್ ಬಿ ವಿ, ಜಿಲ್ಲಾ ಆಯುಷ್ ಅಧಿಕಾರಿ ಡಾ ಪ್ರವೀಣ್, ಜಿಲ್ಲಾ ಕುಟುಂಬ ಕಲ್ಯಾಣಾಧಿಕಾರಿ ಡಾ ಅಶ್ವಿನಿ ಬೋರ್ಕರ್, ಐಎಂಎ ಅಧ್ಯಕ್ಷ ಡಾ ಸುರೇಶ್ ಭಟ್, ಮಹಿಳಾ ಸಾಮಾಜಿಕ ಕಾರ್ಯಕರ್ತೆ ಯಶೋಧಾ ಹೆಗಡೆ ಹಾಗೂ ಆರೋಗ್ಯ ಇಲಾಖೆಯ ವಿವಿಧ ತಾಲೂಕುಗಳ ವೈದ್ಯರು ಉಪಸ್ಥಿತರಿದ್ದರು.
- [ಶಿಖಾರಿ ಶೂರರಿಗೆ ಸೆರೆಮನೆವಾಸ!](https://mobiletime.in/2025/12/prison-sentence-for-shikhari-warriors/): ವನ್ಯಜೀವಿ ಹತ್ಯೆಗೆ ಸಂಚು ರೂಪಿಸಿದ್ದ ನಾಲ್ವರನ್ನು ಯಲ್ಲಾಪುರದ ಮಂಚಿಕೇರಿ ಅರಣ್ಯ ಸಿಬ್ಬಂದಿ ಪತ್ತೆ ಮಾಡಿದ್ದಾರೆ. ಆ ಪೈಕಿ ಮೂವರು ಸಿಕ್ಕಿಬಿದ್ದಿದ್ದು, ಮತ್ತೊಬ್ಬರು ತಲೆಮರೆಸಿಕೊಂಡಿದ್ದಾರೆ. ಶಿರಸಿ ಸೋಂದಾ ಕ್ರಾಸಿನ ಹಸನ್ ಖಾನ್ ಇಬ್ರಾಹಿಂ ಖಾನ್, ಮಜಿನುರ್ ರೆಹಮಾನ್ ಅಬ್ದುಲ್ ಮತಲಿಬ್, ಸೋದೆಪೇಟೆಯ ಅಬ್ದುಲ್ ಜಬ್ಬಾರ್ ಹಬೀಬು ರೆಹಮಾನ್ ಸಾಬ್ ಹಾಗೂ ಹೆಗಡೆಕಟ್ಟಾದ ಅಬ್ದುಲ್ ಹನನ್ ಮಹಮದ್ ಸಾಬ್ ಅವರು ಕಾರಿನಲ್ಲಿ ಮಂಚಿಕೇರಿ ಬಳಿ ಬಂದಿದ್ದರು. ಅವರೆಲ್ಲರೂ ಶಿಖಾರಿ ಶೂರರಾಗಿದ್ದು, ಆಗಾಗ ಕಾಡುಪ್ರಾಣಿ ಬೇಟೆಗಾಗಿ ಅಲ್ಲಿ ಇಲ್ಲಿ ತಿರುಗಾಡುತ್ತಿದ್ದರು. ಡಿಸೆಂಬರ್ 30ರಂದು ನಸುಕಿನಲ್ಲಿ ಆ ನಾಲ್ಕು ಜನ ಚಕ್ಕೊತ್ತಿ ಅರಣ್ಯ ಪ್ರದೇಶಕ್ಕೆ ನುಗ್ಗಿದ್ದರು. ಆ ಪೈಕಿ ಅಬ್ದುಲ್ ಹನನ್ ಮಹಮದ್ ಸಾಬ್ ಅವರ ಕೈಯಲ್ಲಿ ಬಂದೂಕು ಇತ್ತು. ಉಳಿದವರು ದೊಡ್ಡದಾದ ಕತ್ತಿ, ಚಾಕುಗಳನ್ನು ಹೊಂದಿದ್ದರು. ಎಲ್ಲರೂ ಸೇರಿ ಕಾಡು ಪ್ರಾಣಿ ಹುಡುಕಾಟ ನಡೆಸುವಾಗ ಅರಣ್ಯ ಸಿಬ್ಬಂದಿ ಅವರನ್ನು ನೋಡಿದರು. ಅರಣ್ಯ ಸಿಬ್ಬಂದಿ ಬೆನ್ನತ್ತಿರುವುದನ್ನು ಗಮನಿಸಿ ಅವರೆಲ್ಲರೂ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದರು. ಆದರೆ, ಅದುಪ್ರಯೋಜನಕ್ಕೆ ಬರಲಿಲ್ಲ. ಹಸನ್ ಖಾನ್ ಇಬ್ರಾಹಿಂ ಖಾನ್, ಮಜಿನುರ್ ರೆಹಮಾನ್ ಅಬ್ದುಲ್ ಮತಲಿಬ್, ಸೋದೆಅಬ್ದುಲ್ ಜಬ್ಬಾರ್ ಹಬೀಬು ರೆಹಮಾನ್ ಸಾಬ್ ಅವರನ್ನು ಅರಣ್ಯ ಸಿಬ್ಬಂದಿ ಬಂಧಿಸಿದರು. ಬಂದೂಕು ಹಿಡಿದಿದ್ದ ಅಬ್ದುಲ್ ಹನನ್ ಮಹಮದ್ ಸಾಬ್ ಓಡಿ ತಪ್ಪಿಸಿಕೊಂಡರು. ಕಾರ್ಯಾಚರಣೆ ನಡೆಸಿದ ಮಂಚಿಕೇರಿ ವಲಯ ಅರಣ್ಯಾಧಿಕಾರಿ ಬಸವರಾಜ ಬಚ್ಚೋಳ್ಳಿ ಅವರು ಆ ಎಲ್ಲರನ್ನು ಜೈಲಿಗೆ ಕಳುಹಿಸಿದರು. ಡಿಎಫ್‌ಓ ಹರ್ಷಭಾನು ಅವರು ಈ ಮಾಹಿತಿ ನೀಡಿದರು.  
- [ಶಿರಸಿ ಜಾತ್ರೆ: ಸರ್ಕಾರಿ ಲೆಕ್ಕದ ಬಗ್ಗೆಯೇ ಎಲ್ಲರಿಗೂ ಚಿಂತೆ!](https://mobiletime.in/2025/12/sirsi-fair-everyone-is-worried-about-the-government-accounts/): ಶಿರಸಿ ಮಾರಿಕಾಂಬಾ ಜಾತ್ರೆಗೆ ಶಾಸಕ ಭೀಮಣ್ಣ ನಾಯ್ಕ ಅವರು ವಿಶೇಷ ಅನುದಾನ ತಂದಿರುವುದಾಗಿ ಹೇಳಿದ್ದು, ಆ ವಿಷಯದ ಬಗ್ಗೆ ಬಿಜೆಪಿ ಮುಖಂಡ ಅನಂತಮೂರ್ತಿ ಹೆಗಡೆ ಮತ್ತೆ ಮಾತನಾಡಿದ್ದಾರೆ. `ಜಾತ್ರೆಗೆ ಸಂಬoಧಿಸಿ ಸರ್ಕಾರದಿಂದ ಯಾವುದೇ ಹೆಚ್ಚುವರಿ ಅನುದಾನ ಬಂದಿಲ್ಲ. ಅದಾಗಿಯೂ, ಕಾಂಗ್ರೆಸ್ಸಿನವರು ಸುಳ್ಳು ಹೇಳುತ್ತಿದ್ದಾರೆ’ ಎಂದು ಅನಂತಮೂರ್ತಿ ಹೆಗಡೆ ದೂರಿದ್ದಾರೆ. ಶಿರಸಿಗೆ ಬರುವ ಅನುದಾನ ಬೇರೆ, ಸಿದ್ದಾಪುರಕ್ಕೆ ಬರುವ ಅನುದಾನ ಬೇರೆ. ಆದರೆ, ಜಾತ್ರೆಗೆ ಬಂದ ಅನುದಾನ ಸಿದ್ದಾಪುರದಲ್ಲಿ ಅಭಿವೃದ್ಧಿ ಮಾಡಿರುವ ಬಗ್ಗೆ ಕಾಂಗ್ರೆಸ್ಸಿಗರು ಹೇಳಿದ್ದು, ಇದರಿಂದ ನಾವೆಲ್ಲರೂ ನಂಬಿರುವ ಶ್ರೀ ಮಾರಿಕಾಂಬಾ ದೇವಿಗೆ ಅಪಚಾರ ಮಾಡಿದ ಹಾಗಾಗಿದೆ’ ಎಂದವರು ಹೇಳಿದ್ದಾರೆ. `ಭೀಮಣ್ಣ ನಾಯ್ಕ ಅವರು ಮಾರಿಕಾಂಬಾ ದೇವಿಗೆ ತಪ್ಪುಗಾಣಿಕೆ ಅರ್ಪಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಕಳೆದ ಜಾತ್ರೆಗೆಂದು ಶಾಸಕ ಭೀಮಣ್ಣನವರು 5 ಕೋಟಿ ಕೇಳಿದ್ದರು. ಅದರಲ್ಲಿ 3.5 ಕೋಟಿ ರೂಪಾಯಿ ರಾಜ್ಯ ಸರಕಾರದಿಂದ ಬಿಡುಗಡೆಯಾಗಿದೆ ಎಂದು ಕಾಂಗ್ರೆಸಿನವರು ಹೇಳಿದ್ದಾರೆ. ಆದರೆ, ಮಾಹಿತಿ ಹಕ್ಕು ಕಾಯ್ದೆ ಅಡಿ ಕೇಳಿದಾಗ ಜಾತ್ರೆಗೆ ಅನುದಾನ ಬಂದಿಲ್ಲ ಎಂದು ಗೊತ್ತಾಗಿದೆ. ಜಾತ್ರೆ ಹೆಸರಿನಲ್ಲಿ ಅನುದಾನ ತಂದಿರುವುದಾಗಿ ಫ್ಲೆಕ್ಸ್ ಹಾಕಿಸಿ ಭೀಮಣ್ಣ ನಾಯ್ಕ ಅವರು ಆ ಅವಧಿಯಲ್ಲಿ ಪ್ರಚಾರ ಪಡೆದಿದ್ದು ಸರಿಯಲ್ಲ’ ಎಂದರು. ನಗರಸಭೆ ಮಾಜಿ ಅಧ್ಯಕ್ಷ ಪ್ರದೀಪ ಶೆಟ್ಟಿ ವಿರುದ್ಧವೂ ಅನಂತಮೂರ್ತಿ ಹೆಗಡೆ ವಾಗ್ದಾಳಿ ನಡೆಸಿದರು. `ಪ್ರದೀಪ ಶೆಟ್ಟಿಯವರು ಶಿಕ್ಷಿತರು. ಯಾರ ಬಳಿ ಹೇಗೆ ಮಾತನಾಡಬೇಕು ಎಂಬುದನ್ನು ಕಲಿತುಕೊಂಡರೆ ಒಳ್ಳೆಯದು’ ಎಂದು ಸಲಹೆ ನೀಡಿದರು. `ಜನಹಿತಕ್ಕಾಗಿ ಹೋರಾಟ ಮಾಡುವವರ ಮೇಲೆ ಅನಗತ್ಯ ಆರೋಪ ಮಾಡುವುದು ಪ್ರದೀಪ ಶೆಟ್ಟಿ ಅವರಿಗೆ ಒಳ್ಳೆಯದಲ್ಲ. ಅಧಿಕೃತ ದಾಖಲೆ ಇಲ್ಲದೇ ನಾನು ಯಾವ ಆರೋಪವನ್ನು ಮಾಡುವುದಿಲ್ಲ’ ಎಂದು ಅನಂತಮೂರ್ತಿ ಹೆಗಡೆ ಸ್ಪಷ್ಟಪಡಿಸಿದರು. `ಭೀಮಣ್ಣ ನಾಯ್ಕ ಅವರ ಮಾತನ್ನು ಅರಣ್ಯ ಸಿಬ್ಬಂದಿ ಸಹ ಕೇಳುತ್ತಿಲ್ಲ. ರೈತರ ತೋಟ ನಾಶ ಮಾಡಿದರೂ ಅದಕ್ಕೆ ಭೀಮಣ್ಣ ನಾಯ್ಕ ಅವರು ಕ್ರಮ ಜರುಗಿಸಿಲ್ಲ. ಅಧಿಕಾರಿಗಳ ಮೇಲಿನ ಹಿಡಿತವನ್ನು ಶಾಸಕರು ಕಳೆದುಕೊಂಡಿದ್ದಾರೆ’ ಎಂದರು. `ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಬೇಡ್ತಿ ಯೋಜನೆ ಬಗ್ಗೆ ಮಾತನಾಡಿದರೂ, ಪಕ್ಕದಲ್ಲಿದ್ದ ಭೀಮಣ್ಣ ನಾಯ್ಕ ಅದನ್ನು ವಿರೋಧಿಸಲಿಲ್ಲ’ ಎಂದು ಕುಟುಕಿದರು.
- [ಹೊಗೆ ಉಗುಳುವ ಬಸ್ಸುಗಳೇ KSRTCಯ ಆಸ್ತಿ!](https://mobiletime.in/2025/12/smoke-emitting-buses-are-the-property-of-ksrtc/): ಶಿರಸಿ – ಯಲ್ಲಾಪುರ ಮಾರ್ಗದಲ್ಲಿ ಸಂಚರಿಸುವ ಬಹುತೇಕರಿಗೆ ಹೊಗೆ ಉಗುಳುವ ಬಸ್ಸುಗಳು ಹಿಂಸೆ ನೀಡುತ್ತಿದೆ. ಈ ಮಾರ್ಗದಲ್ಲಿ ಚಲಿಸುವ ಅನೇಕ ಬಸ್ಸುಗಳು ಹೊಗೆ ಉಗುಳುತ್ತಿದ್ದು, ಜನ ತೊಂದರೆ ಅನುಭವಿಸುತ್ತಿದ್ದಾರೆ. ಶಿರಸಿ-ಯಲ್ಲಾಪುರ ರಸ್ತೆ ಮೂರು ಕಡೆ ಹದಗೆಟ್ಟಿದೆ. ಆ ಭಾಗದಲ್ಲಿ ದ್ವಿಚಕ್ರ ವಾಹನದಲ್ಲಿ ಸಂಚರಿಸುವವರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಇದರೊಂದಿಗೆ ಈ ಮಾರ್ಗವಾಗಿ ಸಂಚರಿಸುವ ಸ್ಥಳೀಯ ಬಸ್ಸುಗಳು ಜನರ ಆರೋಗ್ಯ ಹಾಳು ಮಾಡುತ್ತಿವೆ. ಅಪಾರ ಪ್ರಮಾಣದಲ್ಲಿ ಹೊಗೆ ಉಗುಳುತ್ತಿದ್ದರೂ ಅದನ್ನು ಪ್ರಶ್ನಿಸುವವರಿಲ್ಲ. `ಮೊದಲು ಈ ಮಾರ್ಗದಲ್ಲಿ ಸಂಚರಿಸುವವರು ಧೂಳು ಸೇವಿಸಬೇಕಿತ್ತು. ಇದೀಗ ಹೊಗೆ ಸೇವಿಸಬೇಕಿದೆ. ಪ್ರಯಾಣಿಕರ ಆರೋಗ್ಯದ ಬಗ್ಗೆ ಕಾಳಜಿವಹಿಸುವವರೂ ಇಲ್ಲ’ ಎಂದು ಬೈಕ್ ಸವಾರರು ಆಕ್ರೋಶದ ಮಾತುಗಳನ್ನಾಡಿದ್ದಾರೆ. ಮಂಚಿಕೇರಿವರೆಗೆ ತೆರಳಿ ಬರುವ ಬಸ್ಸಿನ ಜೊತೆ ಶಿರಸಿಗೆ ಹೋಗಿ ಬರುವ ಬಸ್ಸು ಸಹ ಸಾಕಷ್ಟು ಪ್ರಮಾಣದಲ್ಲಿ ವಾಯು ಮಾಲಿನ್ಯ ಮಾಡುತ್ತಿದೆ. ಆ ಬಸ್ಸಿನ ಹಿಂದೆ ಹೋಗುವವರಿಗೆ ಅಲ್ಲಿರುವ ಹೊಗೆ ಮೋಡದ ಹಾಗೇ ಭಾಸವಾಗುತ್ತಿದೆ. ಹೊಗೆಯ ದುರ್ವಾಸನೆಗೆ ಉಸಿರುಗಟ್ಟುವ ವಾತಾವರಣ ನಿರ್ಮಾಣವಾಗುತ್ತಿದೆ. ಅದಾಗಿಯೂ ಕೆಟ್ಟ ಬಸ್ಸುಗಳನ್ನು ಗುಜುರಿಗೆ ಕಳುಹಿಸುವ ಕೆಲಸ ನಡೆದಿಲ್ಲ.
- [ಕಾಲೇಜು ಮಕ್ಕಳ ಬಸ್ ಪಲ್ಟಿ: ಪ್ರವಾಸಕ್ಕೆ ಬಂದವರಿಗೆ ಪ್ರಯಾಸ!](https://mobiletime.in/2025/12/bus-carrying-college-students-overturns-trouble-for-those-on-a-trip/): ಕಾಲೇಜು ವಿದ್ಯಾರ್ಥಿಗಳನ್ನು ಕರೆದೊಯ್ಯುತ್ತಿದ್ದ ಬಸ್ಸು ಯಾಣದ ಬಳಿ ಪಲ್ಟಿಯಾಗಿದೆ. ಅಪಘಾತದಲ್ಲಿ 12 ಮಕ್ಕಳಿಗೆ ಗಾಯವಾಗಿದೆ. ದಾವಣಗೆರೆಯ ಜೈನ್ ಪಿಯು ಕಾಲೇಜಿನ ವಿದ್ಯಾರ್ಥಿಗಳು ಮಂಗಳವಾರ ಪ್ರವಾಸಕ್ಕೆ ಬಂದಿದ್ದರು. ಶಿರಸಿಗೆ ಬಂದ ವಿದ್ಯಾರ್ಥಿಗಳು ದೇವಿ ದರ್ಶನ ಮಾಡಿ ಮುಂದಿನ ಪ್ರವಾಸಕ್ಕೆ ಅಣಿಯಾಗಿದ್ದರು. ಅದರ ಪ್ರಕಾರ ಎಲ್ಲರೂ ಸೇರಿ ಯಾಣದ ಕಡೆ ಹೊರಟಿದ್ದರು. ವಿದ್ಯಾರ್ಥಿಗಳಿದ್ದ ಆ ಬಸ್ಸು ಯಾಣ ಸಮೀಪಿಸುತ್ತಿರುವಾಗ ಚಾಲಕನ ನಿಯಂತ್ರಣ ತಪ್ಪಿತು. ಪರಿಣಾಮ ಬಸ್ಸು ಪಲ್ಟಿಯಾಯಿತು. ಆ ಬಸ್ಸಿನಲ್ಲಿ 50 ವಿದ್ಯಾರ್ಥಿಗಳಿದ್ದರು. ಮೂವರು ಶಿಕ್ಷಕರು ಜೊತೆಗಿದ್ದರು. 20 ವಿದ್ಯಾರ್ಥಿನಿಯರು ಮತ್ತು 27 ವಿದ್ಯಾರ್ಥಿಗಳ ಪೈಕಿ ಒಟ್ಟಾರೆ 12 ಮಕ್ಕಳಿಗೆ ಅಪಘಾತದಲ್ಲಿ ಗಾಯವಾಯಿತು. ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ.
- [ಸಿಲೆಂಡರ್ ಸ್ಪೋಟಕ್ಕೆ ರಿಕ್ಷಾ ಕರಕಲು](https://mobiletime.in/2025/12/a-rickshaw-to-start-the-cylinder-sputtering/): ಮುಂಡಗೋಡಿನಲ್ಲಿ ಮನೆ ಮುಂದೆ ನಿಲ್ಲಿಸಿದ್ದ ರಿಕ್ಷಾವೊಂದು ಸುಟ್ಟು ಕರಕಲಾಗಿದೆ. ಸಿಲೆಂಡರ್ ಸ್ಪೋಟದ ಪರಿಣಾಮ ರಿಕ್ಷಾ ಸಂಪೂರ್ಣವಾಗಿ ಸುಟ್ಟು ಹೋಗಿದೆ. ವೀರಭದ್ರ ಹಡಪದ್ ಅವರಿಗೆ ಸೇರಿದ ರಿಕ್ಷಾ ಸುಟ್ಟಿದೆ. ಹುನುಗುಂದದ ಬಳಿ ಈ ಅವಘಡ ನಡೆದಿದೆ. ರಿಕ್ಷಾ ಹೊತ್ತಿ ಉರಿದ ರಭಸಕ್ಕೆ ಪಕ್ಕದಲ್ಲಿದ್ದ ಮನೆಗೂ ಬೆಂಕಿ ತಗುಲಿದೆ. ತಕ್ಷಣ ಮನೆಯಲ್ಲಿದ್ದವರು ಬೆಂಕಿ ಆರಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ರಿಕ್ಷಾಗೆ ಹೊತ್ತಿದ ಬೆಂಕಿ ಆರಿಸಲು ಸಾಧ್ಯವಾಗಿಲ್ಲ. ನಿರಂತರ ನೀರು ಹಾಯಿಸಿ ಮನೆಗೆ ಹತ್ತಿದ್ದ ಬೆಂಕಿಯನ್ನು ಹತೋಟಿಗೆ ತಂದಿದ್ದಾರೆ. ಅದಾಗಿಯೂ ಮನೆಯಲ್ಲಿನ ಕೆಲ ಸಾಮಗ್ರಿಗಳು ಸುಟ್ಟು ಕರಕಲಾಗಿದೆ. ರಿಕ್ಷಾದ ಒಳಗಿದ್ದ ಸಿಲೆಂಡರಿನಲ್ಲಿನ ಸೋರಿಕೆ ಅನಾಹುತಕ್ಕೆ ಕಾರಣ ಎನ್ನುವ ಮಾಹಿತಿಯಿದೆ.
- [ಕೆರೆಗೆ ಬಿದ್ದ ಬಾಲಕ: ಕೊನೆಯುಸಿರು!](https://mobiletime.in/2025/12/boy-who-fell-into-the-lake-last-breath/): ಸಿದ್ದಾಪುರದ ತೋಟವೊಂದರಲ್ಲಿ ಬಾಲಕನೊಬ್ಬ ಅಲ್ಲಿದ್ದ ಕೆರೆಗೆ ಬಿದ್ದು ಸಾವನಪ್ಪಿದ್ದು, ಕುಟುಂಬದ ಆಕಂದ್ರನ ಮುಗಿಲು ಮುಟ್ಟಿದೆ. ಸಿದ್ದಾಪುರದ ಮನಮನೆ ಗ್ರಾಮದ ಹೊನ್ನುಕಾರ ಕೆರೆಗೆ ಬಿದ್ದು ಆರು ವರ್ಷದ ಬಾಲಕನ ಬದುಕು ಅಂತ್ಯವಾಗಿದೆ. ಸೋಮವಾರ ಸಂಜೆಯವರೆಗೂ ತೋಟದಲ್ಲಿ ಆಡುತ್ತಿದ್ದ ಜಮಾಲಸಾಬ ದುದ್ದುಸಾಬ ಜಾಲಡಗಿ ಆಗಸ್ಮಿಕವಾಗಿ ಕೆರೆಗೆ ಬಿದ್ದಿದ್ದಾರೆ. ಕಾಲು ಜಾರಿ ನೀರಿಗಿಳಿದ ಅವರಿಗೆ ಮೇಲೆ ಬರಲು ಸಾಧ್ಯವಾಗಿಲ್ಲ. ಅಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಜಮಾಲಸಾಬ ಜಾಲಡಗಿ ಅವರು ಗದಗ ಜಿಲ್ಲೆಯ ಲಕ್ಷ್ಮೀಶ್ವರ ನಿವಾಸಿಯಾಗಿದ್ದರು. ಗಣೇಶ ನಾಯ್ಕ ಅವರ ಅಡಿಕೆ ತೋಟದಲ್ಲಿ ದುದ್ದುಸಾಬ ಜಾಲಡಗಿ ಕುಟುಂಬದವರು ಕೂಲಿ ಕೆಲಸಕ್ಕೆ ಬಂದಿದ್ದರು. ಆ ವೇಳೆ ಆರು ವರ್ಷದ ಮಗನನ್ನು ಅವರು ಕರೆತಂದಿದ್ದು, ದುರಂತಕ್ಕೆ ಕಾರಣವಾಗಿದೆ.
- [ಪೂಜಾರಿ ತಲೆ ಒಡೆದ ತೆಂಗಿನಕಾಯಿ!](https://mobiletime.in/2025/12/the-priests-head-was-smashed-by-a-coconut/): ದೇವಾಲಯದಲ್ಲಿ ಪೂಜೆ ಮಾಡುವ ವಿಷಯವಾಗಿ ಅರ್ಚಕರಿಬ್ಬರ ನಡುವೆ ಹೊಡೆದಾಟ ನಡೆದಿದೆ. ಆ ಅರ್ಚಕರು ಪೂಜೆಗೆ ತಂದಿದ್ದ ತೆಂಗಿನಕಾಯಿಯಿoದ ಹೊಡೆದಾಡಿಕೊಂಡಿದ್ದಾರೆ. ದಾಂಡೇಲಿ ಬಳಿಯ ಕರ್ಕಾ ಚೆಕ್ ಪೋಸ್ಟಿನ ಬಳಿಯಿರುವ ದೊಂಬರಾಣಿ ದೇವಾಲಯದಲ್ಲಿ ಪೂಜೆ ಮಾಡುವ ವಿಷಯ ವಿವಾದಕ್ಕೆ ಕಾರಣವಾಗಿದೆ. ಅಲ್ಲಿ ಯಾರು ಪೂಜೆ ಮಾಡಬೇಕು? ಎನ್ನುವ ನಿಟ್ಟಿನಲ್ಲಿ ಗೊಂದಲ ಉಂಟಾಗಿದೆ. ಹಳಿಯಾಳದ ಹಂದಲಿಯ ಮಹಾದೇವ ಬಾಬು ಪಾಟೀಲ ಹಾಗೂ ಅದೇ ಊರಿನ ಹನುಮಂತ ಮಾದೇವ ಮಿರಾಶಿ ಅವರು ಪೂಜೆಯ ಹಕ್ಕಿಗಾಗಿ ಹೊಡೆದಾಟ ಮಾಡಿದ್ದಾರೆ. ಡಿಸೆಂಬರ 26ರಂದು ಮಹಾದೇವ ಪಾಟೀಲ ಅವರು ಇಲ್ಲಿ ಪೂಜೆ ಮಾಡುತ್ತಿದ್ದರು. ಹೊರಗಿನ ಕಟ್ಟೆ ಮೇಲೆ ಕೂತಿದ್ದ ಹನುಮಂತ ಮಿರಾಶಿ ಅವರು ಇದರಿಂದ ಸಿಟ್ಟಾದರು. `ದೇವಸ್ಥಾನ ಕಟ್ಟಿದ್ದು ನಾವು. ಮೂರ್ತಿ ಸ್ಥಾಪನೆ ಮಾಡಿದ್ದು ನಾವು. ನಿನಗೆ ಇಲ್ಲಿ ಪೂಜೆ ಹಕ್ಕಿಲ್ಲ’ ಎಂದು ಹನುಮಂತ ಮಿರಾಶಿ ಅವರು ಕೂಗಾಟ ನಡೆಸಿದರು. ಈ ವೇಳೆ ಮಹಾದೇವ ಪಾಟೀಲ್ ಅವರು ಪ್ರತಿ ಮಾತನಾಡಿದ್ದು ಜಗಳಕ್ಕೆ ಕಾರಣವಾಯಿತು. `ನೀನು ದೇವಾಲಯದ ದುಡ್ಡು ತಿಂದಿದ್ದೀಯ. ಇಲ್ಲಿ ನನಗೆ ಪೂಜೆ ಮಾಡಲು ನೇಮಿಸಿದ್ದಾರೆ’ ಎಂದು ಹನುಮಂತ ಮಿರಾಶಿ ಹೇಳಿದ್ದು, ಮಹಾದೇವ ಪಾಟೀಲ ಅವರ ಬೆನ್ನಿಗೆ ಗುದ್ದಿದರು. ಅದಾದ ನಂತರ ಅಲ್ಲಿದ್ದ ತೆಂಗಿನ ಕಾಯಿ ತೆಗೆದು ತಲೆಯ ಕಡೆ ಹೊಡೆದರು. ಪರಿಣಾಮ ಮಹಾದೇವ ಪಾಟೀಲ ಅವರ ಮುಖಕ್ಕೆ ಕಾಯಿ ತಾಗಿ ಕಣ್ಣಿಗೆ ಪೆಟ್ಟಾಯಿತು. `ದೇವಾಲಯದ ಒಳಗೆ ಕಾಲಿಟ್ಟರೆ ಕೊಲೆ ಮಾಡುವೆ’ ಎಂದು ಹನುಮಂತ ಮಿರಾಶಿ ಬೆದರಿಸಿದ ಬಗ್ಗೆ ಮಹಾದೇವ ಪಾಟೀಲ ಅವರು ಪೊಲೀಸ್ ದೂರು ನೀಡಿದರು. ದಾಂಡೇಲಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಕರಾವಳಿ ಉತ್ಸವದಲ್ಲಿ ಕಳ್ಳತನ: ಪಜೀತಿಗೆ ಸಿಲುಕಿದ ಪೊಲೀಸ್!](https://mobiletime.in/2025/12/theft-at-the-coastal-festival-policeman-caught-in-the-act/): 1.5 ಲಕ್ಷ ರೂ ಮೌಲ್ಯದ ಚಿನ್ನದ ಸರದ ಜೊತೆ ತಿರುಗುತ್ತಿದ್ದ ಪೊಲೀಸ್ ಸಿಬ್ಬಂದಿ ರಮೇಶ ನಾಯ್ಕ ಅವರ ಮೇಲೆ ಕಳ್ಳರು ಕಣ್ಣಾಡಿಸಿದ್ದಾರೆ. ಅದರ ಪರಿಣಾಮ ಕರಾವಳಿ ಉತ್ಸವದ ಅವಧಿಯಲ್ಲಿ ಅವರ ಸರ ಕಣ್ಮರೆಯಾಗಿದೆ! ಚಿಕ್ಕಮಗಳೂರಿನ ರಮೇಶ ನಾಯ್ಕ ಅವರು ಕಾರವಾರದಲ್ಲಿ ಪೊಲೀಸ್ ಸಿಬ್ಬಂದಿಯಾಗಿದ್ದಾರೆ. ಪೊಲೀಸ್ ವಸತಿಗೃಹದಲ್ಲಿ ವಾಸವಾಗಿರುವ ಅವರು ಡಿಸೆಂಬರ್ 27ರಂದು ಕರ್ತವ್ಯಕ್ಕೆ ಹಾಜರಾಗಿದ್ದರು. ಕರ್ತವ್ಯದ ಅವಧಿ ಮುಗಿದ ನಂತರ ಸಂಜೆ ಕರಾವಳಿ ಉತ್ಸವ ನೋಡಲು ಹೋಗಿದ್ದರು. ಆ ದಿನ ಸಂಜೆ ಗೇಟ್ ನಂ 2ರಲ್ಲಿ ಭಾರೀ ಪ್ರಮಾಣದ ನೂಕು ನುಗ್ಗಲು ಉಂಟಾಗಿದ್ದು, ಇನ್ನಿತರ ಪೊಲೀಸ್ ಸಿಬ್ಬಂದಿ ಜೊತೆ ಅವರು ಮುನ್ನುಗ್ಗಲು ಪ್ರಯತ್ನಿಸಿದ್ದರು. ರಾತ್ರಿ 8 ಗಂಟೆ ಅವಧಿಗೆ ರಮೇಶ ನಾಯ್ಕ ಅವರು ತಮ್ಮ ಜೇಬಿಗೆ ಕೈ ಹಾಕಿದರು. ಮನೆಯಿಂದ ಬರುವಾಗ ಆ ಜೇಬಿನಲ್ಲಿದ್ದ ಬಂಗಾರದ ಸರ ಕಾಣಲಿಲ್ಲ. 23 ಗ್ರಾಂ ತೂಕದ ಚಿನ್ನದ ಸರ ಕಾಣೆಯಾಗಿದ್ದರಿಂದ ಅವರು ಕಂಗಾಲಾದರು. ಅಲ್ಲಿದ್ದ ಸಾರ್ವಜನಿಕರನ್ನು ವಿಚಾರಿಸಿದರು. ಆದರೆ, ಬಂಗಾರದ ಸರ ಮಾತ್ರ ಸಿಗಲಿಲ್ಲ. ಮನೆಯಲ್ಲಿಯೇ ಬಂಗಾರ ಬಿಟ್ಟು ಬಂದಿರುವ ಅನುಮಾನದ ಹಿನ್ನಲೆ ವಸತಿಗೃಹಕ್ಕೆ ತೆರಳಿದ ಅವರು ಅಲ್ಲಿಯೂ ಎಲ್ಲಾ ಕಡೆ ಹುಡುಕಾಟ ನಡೆಸಿದರು. ಆದರೆ, ಅಲ್ಲಿಯೂ ಆ ಸರ ಕಾಣಲಿಲ್ಲ. ಕರಾವಳಿ ಉತ್ಸವದ ಅವಧಿಯಲ್ಲಿ ಚಿನ್ನ ಕಳೆದಿರುವ ಬಗ್ಗೆ ಅವರು ಕಾರವಾರ ನಗರಠಾಣೆಗೆ ದೂರು ನೀಡಿದ್ದು, ಕಳ್ಳನನ್ನು ಹುಡುಕಿ ಕೊಡುವಂತೆ ಅಲ್ಲಿನ ಪೊಲೀಸರಿಗೆ ಮನವಿ ಮಾಡಿದರು.  
- [ಅಕ್ರಮ ಗಣಿಗಾರಿಕೆಗೆ ಅರಣ್ಯ ರಸ್ತೆ: ಅಧಿಕಾರಿ ವಿರುದ್ಧ ಆಕ್ರೋಶ!](https://mobiletime.in/2025/12/forest-road-for-illegal-mining-outrage-against-officer/): ಅಕ್ರಮ ಗಣಿಗಾರಿಕೆ ನಡೆಸಲು ಅನುವು ಮಾಡಿಕೊಟ್ಟ ಅರಣ್ಯ ಅಧಿಕಾರಿ ವಿರುದ್ಧ ಅಂಕೋಲಾದ ಜನ ಸಿಡಿದೆದ್ದಿದ್ದಾರೆ. ಅಕ್ರಮ ನಡೆಸುವವರಿಗೆ ಅರಣ್ಯದಲ್ಲಿ ರಸ್ತೆ ನಿರ್ಮಿಸಲು ಅವಕಾಶ ನೀಡಿದ ಕಾರಣ ದೇವಿಗದ್ದೆ ಗ್ರಾಮಸ್ಥರು ಹಿರಿಯ ಅರಣ್ಯಾಧಿಕಾರಿಗಳಿಗೆ ಮುತ್ತಿಗೆ ಹಾಕಿದ್ದಾರೆ. ಅಂಕೋಲಾದ ಸಗಡಗೇರಿ ಗ್ರಾಪಂ ವ್ಯಾಪ್ತಿಯ ದೇವಿಗದ್ದೆಯಲ್ಲಿ ಕಳೆದ 4 ವರ್ಷಗಳಿಂದ ಕಟ್ಟಡ ಕಲ್ಲು ಗಣಿಗಾರಿಗೆ ನಡೆಯುತ್ತಿದೆ. ಗಣಿಗಾರಿಕೆ ವೇಳೆ ಭಾರೀ ಪ್ರಮಾಣದ ಸ್ಪೋಟ ಸಂಭವಿಸುತ್ತಿದ್ದು, ಅದರ ಪರಿಣಾಮ ಮನೆಗಳಿಗೆ ಹಾನಿಯಾಗಿದೆ. ಸ್ಪೋಟದ ತೀವೃತೆಗೆ ಜಾನುವಾರುಳು ಸಹ ಸಾವನಪ್ಪಿವೆ. ಇದನ್ನು ವಿರೋಧಿಸಿ ಕಳೆದ ವರ್ಷ ಜನ ಪ್ರತಿಭಟಿಸಿದ್ದು, ಅದರ ಪರಿಣಾಮ ಗಣಿಗಾರಿಕೆ ನಿಂತಿದೆ. ಇದೆಲ್ಲದರ ನಡುವೆ ಕಳೆದ ಎರಡು ತಿಂಗಳಿನಿAದ ಮತ್ತೆ ಗಣಿ ದಣಿಗಳು ಅಲ್ಲಿಗೆ ಬಂದಿದ್ದಾರೆ. ನಿಯಮಬಾಹಿರವಾಗಿ ಕಲ್ಲುಗಳನ್ನು ಒಡೆಯುತ್ತಿದ್ದಾರೆ. ಗಣಿಗಾರಿಕೆ ಉದ್ದೇಶದಿಂದಲೇ ಅರಣ್ಯದಲ್ಲಿ ರಸ್ತೆ ಮಾಡಲಾಗಿದೆ. ಅದೇ ರಸ್ತೆ ಮೂಲಕ ಭಾರೀ ಪ್ರಮಾಣದಲ್ಲಿ ಕಲ್ಲು ಸಾಗಾಟ ನಡೆಯುತ್ತಿದೆ. ಅರಣ್ಯ ರಸ್ತೆಯಿಂದ ಗಣಿಗಾರಿಕೆಯ ವಾಹನ ಸಾಗಾಟ ಮಾಡಲು ಅವಕಾಶ ನೀಡದಿರಲು ಎಸಿಎಫ್ ಜಯೇಶ ಹಾಗೂ ಆರ್ ಎಫ್ ಓ ದೀಪಕ ನಾಯ್ಕ ಅವರಲ್ಲಿ ಗ್ರಾಮಸ್ಥರು ಒತ್ತಾಯ ಮಾಡಿ ಮನವಿ ಸಲ್ಲಿಸಿದರೂ ಯಾವುದೇ ಕ್ರಮ ಆಗಿಲ್ಲ. ಹೀಗಾಗಿ ಗ್ರಾಮದ ಜನ ಅರಣ್ಯ ಇಲಾಖೆಯ ಅಧಿಕಾರಿಗಳ ವಿರುದ್ದ ಲೋಕಾಯುಕ್ತ ಹಾಗೂ ಅರಣ್ಯ ಸಚಿವರಲ್ಲಿ ತಮ್ಮ ದೂರು ನೀಡಿದ್ದು, ಸ್ಥಳ ಪರಿಶೀಲನೆಗೆ ಬಂದ ಡಿಸಿಎಫ್ ರವಿಶಂಕರ ಅವರನ್ನು ಘೇರಾವ ಹಾಕಿ ಪ್ರತಿಭಟನೆ ನಡೆಸಿದ್ದಾರೆ. `ಬದುಕಲು ಸಣ್ಣ ಪುಟ್ಟ ಅರಣ್ಯ ಅತಿಕ್ರಮಣ ಮಾಡಿದರೆ ದರ್ಪದಿಂದ ತೆರವುಗೊಳಿಸುವ ಅರಣ್ಯ ಇಲಾಖೆಯವರು ಗಣಿಗಾರಿಕೆಗೆ ಮಾತ್ರ ತಮ್ಮದೇ ಜಾಗವನ್ನು ನೀಡುತ್ತಿದ್ದಾರೆ’ ಎಂದು ಜನ ದೂರಿದ್ದಾರೆ.
- [ಕಿಮ್ಸ್ ಅವ್ಯವಸ್ಥೆ ಬಗ್ಗೆ ಕಾರ್ಯದರ್ಶಿಗೆ ದೂರು](https://mobiletime.in/2025/12/complaint-to-secretary-about-kims-mess/): `ಕಾರವಾರಕ್ಕೆ ಸರ್ಕಾರಿ ವೈದ್ಯಕೀಯ ಕಾಲೇಜು ಸ್ಥಾಪನೆಯಾಗಿ 12 ವರ್ಷ ಕಳೆದರೂ ತಜ್ಞ ವೈದ್ಯರಿಲ್ಲದೇ ರೋಗಿಗಳು ತೊಂದರೆ ಅನುಭವಿಸುತ್ತಿದ್ದಾರೆ. ನೂರಾರು ಕೋಟಿ ರೂ ವೆಚ್ಚದಲ್ಲಿ ಸುಸಜ್ಜಿತ ಆಸ್ಪತ್ರೆ ಎಂದು ಕಟ್ಟಡ ನಿರ್ಮಿಸುವ ಬದಲು ತಜ್ಞ ವೈದ್ಯರ ನೇಮಕಾತಿಗೆ ಮೊದಲ ಆದ್ಯತೆ ಕೊಡಬೇಕು’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಅವರು ವೈದ್ಯಕೀಯ ಶಿಕ್ಷಣ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಮೊಹಮ್ಮದ್ ಮೊಹಸೀನ್ ಅವರಿಗೆ ಅರ್ಜಿ ಸಲ್ಲಿಸಿದ್ದಾರೆ. `ಕಿಮ್ಸ್ ಪ್ರಭಾರಿ ನಿರ್ದೇಶಕಿ ಡಾ ಪೂರ್ಣಿಮಾರನ್ನು ಬದಲಿಸಿ ಅನುಭವಿ ಸಮರ್ಥ ನಿರ್ದೇಶಕರನ್ನು ನೀಡಬೇಕು’ ಎಂದು ಪಟ್ಟುಹಿಡಿದಿರುವ ಅವರು 450 ಹಾಸಿಗೆಯ ಹೊಸ ಕಟ್ಟಡದ ಮೇಲ್ಛಾವಣಿ ಕುಸಿದು ಬಿದ್ದಿರುವುದನ್ನು ಗಮನಕ್ಕೆ ತಂದಿದ್ದಾರೆ. ಇದರೊಂದಿಗೆ ಕಿಮ್ಸ್ ಅವ್ಯವಸ್ತೆಗಳ ಬಗ್ಗೆ ಅವರು ಪ್ರಧಾನ ಕಾರ್ಯದರ್ಶಿಗಳಿಗೆ ಮಾಹಿತಿ ನೀಡಿದ್ದಾರೆ. ಇದರೊಂದಿಗೆ `ಬಿಪಿಎಲ್ ಕಾರ್ಡ್ ಹೊಂದಿದವರಿಗೆ ಉಚಿತ ಆಂಬುಲೆನ್ಸ ನೀಡಬೇಕು. ಹೆರಿಗೆ ಕೋಣೆಯಲ್ಲಿ ಶೌಚಾಲಯ ಹಾಗೂ ನೀರಿನ ಕೋಣೆ ಇಲ್ಲದಿರುವುದನ್ನು ಗಮನಿಸಿ ಸೌಕರ್ಯ ಒದಗಿಸಬೇಕು. ಅಗತ್ಯ ತಜ್ಞರ ನೇಮಕಾತಿ ನಡೆಸಬೇಕು. ಅನಗತ್ಯ ಕಟ್ಟಡ ನಿರ್ಮಾಣದ ಬದಲು ಅಗತ್ಯ ಸೇವೆ ಒದಗಿಸಬೇಕು’ ಎಂದು ಆಗ್ರಹಿಸಿದರು. ಮಾಧವ ನಾಯಕ ಅವರು ಮಾತನಾಡಿದ್ದೇನು? ವಿಡಿಯೋ ಇಲ್ಲಿ ನೋಡಿ..
- [ಸರ್ಕಾರಿ ವೈದ್ಯರಿಗೆ ಖಾಸಗಿ ಆಸ್ಪತ್ರೆಯ ಮೋಹ: ಕಠಿಣ ಕ್ರಮಕ್ಕೆ ಸೂಚನೆ!](https://mobiletime.in/2025/12/government-doctors-fascination-with-private-hospitals-warning-for-strict-action/): `ರೋಗಿಗಳಿಗೆ ಚಿಕಿತ್ಸೆ ಹಾಗೂ ಕರ್ತವ್ಯದ ವಿಷಯದಲ್ಲಿ ನಿರ್ಲಕ್ಷ್ಯ ತೋರುವ ವೈದ್ಯರ ವಿರುದ್ದ ಕಠಿಣ ಕ್ರಮ ಜರುಗಿಸುವೆ’ ಎಂದು ವೈದ್ಯಕೀಯ ಶಿಕ್ಷಣ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಮೊಹಮದ್ ಮೊಹಿಸೀನ್ ಅವರು ಎಚ್ಚರಿಕೆ ನೀಡಿದ್ದಾರೆ. ಸೋಮವಾರ ಕಾರವಾರದ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಗೆ ಭೇಟಿ ನೀಡಿದ ಅವರು `ವೈದ್ಯಕೀಯ ಉಪಕರಣಗಳ ಗುಣಮಟ್ಟದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳುವ ಹಾಗಿಲ್ಲ’ ಎಂದು ಸೂಚನೆ ನೀಡಿದ್ದಾರೆ. `ಸರ್ಕಾರಿ ಆಸ್ಪತ್ರೆಯಲ್ಲಿ ಎಲ್ಲಾ ಸೌಲಭ್ಯವಿದ್ದರೂ ರೋಗಿಗಳನ್ನು ಖಾಸಗಿ ಆಸ್ಪತ್ರೆಗೆ ಶಿಫಾರಸ್ಸು ಮಾಡುವ ವೈದ್ಯರನ್ನು ಅಮಾನತು ಮಾಡಲಾಗುತ್ತದೆ’ ಎಂದು ಎಚ್ಚರಿಸಿದರು. `ರೋಗಿಗಳ ಚಿಕಿತ್ಸೆಗೆ ಖರೀದಿಸುವ ವೈದ್ಯಕೀಯ ಉಪಕರಣಗಳು ನಿಗಧಿತ ಮಾನದಂಡಗಳನ್ನು ಹೊಂದಿರುವ ಬಗ್ಗೆ ಪರಿಶೀಲಿಸಬೇಕು. ಅತ್ಯಾಧುನಿಕವಾದ ಮತ್ತು ಧೀರ್ಘ ಕಾಲದ ಬಳಕೆಗೆ ಯೋಗ್ಯವಾಗಬಹುದಾದ ಉಪಕರಣಗಳನ್ನು ಖರೀದಿಸುವ ಮೂಲಕ ರೋಗಿಗಳ ಉತ್ತಮ ವೈದ್ಯಕೀಯ ಸೌಲಭ್ಯಗಳು ದೊರೆಯುವಂತೆ ಮಾಡಬೇಕು’ ಎಂದವರು ಹೇಳಿದರು. `ಆಸ್ಪತ್ರೆಗೆ ಆಗಮಿಸುವ ರೋಗಿಗಳಿಗೆ ಉತ್ತಮ ರೀತಿಯ ಆರೈಕೆ ಮತ್ತು ಚಿಕಿತ್ಸೆ ದೊರೆಯುವಂತೆ ನೋಡಿಕೊಳ್ಳಬೇಕು. ಆಸ್ಪತ್ರೆ ಆವರಣದಲ್ಲಿ ಸ್ವಚ್ಛತೆಗೆ ಹೆಚ್ಚಿನ ಅದ್ಯತೆ ನೀಡಿ, ವೈದ್ಯಕೀಯ ತ್ಯಾಜ್ಯಗಳನ್ನು ಸಮರ್ಪಕ ರೀತಿಯಲ್ಲಿ ನಿಗಧಿತ ಅವಧಿಯೊಳಗೆ ವಿಲೇವಾರಿ ಮಾಡಬೇಕು’ ಎಂದು ಸೂಚಿಸಿದರು. `ಪ್ರಸ್ತುತ ಹೊಸ ಕಟ್ಟಡದಲ್ಲಿ ಕೆಲವು ವಿಭಾಗಗಳು ಕಾರ್ಯನಿರ್ವಹಿಸುತ್ತಿದ್ದು, ಎಲ್ಲಾ ವಿಭಾಗಗಳನ್ನು ಸ್ಥಳಾಂತರಿಸಲು ಕ್ರಮ ಕೈಗೊಳ್ಳಬೇಕು’ ಎಂದು ಸೂಚಿಸಿದರು.  
- [ಕರಾವಳಿ ಉತ್ಸವ: ಕಣ್ತುಂಬಿಕೊoಡ ಜನ ಸಾಗರ!](https://mobiletime.in/2025/12/coastal-utsav-dazzling-peoples-ocean/): ಕಾರವಾರ ಕಡಲತೀರದಲ್ಲಿ ಏಳು ದಿನಗಳ ಕಾಲ ಅದ್ಧೂರಿ ಕರಾವಳಿ ಉತ್ಸವ ನಡೆದಿದ್ದು, ಲಕ್ಷಾಂತರ ಜನ ಗಾನಸುಧೆಯಲ್ಲಿ ಕುಣಿದು ಕುಪ್ಪಳಿಸಿದ್ದಾರೆ. ಏಳು ವರ್ಷಗಳ ನಂತರ ಜಿಲ್ಲಾಡಳಿತ ಕರಾವಳಿ ಉತ್ಸವ ಆಯೋಜಿಸಿದ್ದು, ರಾಜ್ಯ, ರಾಷ್ಟ ಮತ್ತು ಸ್ಥಳೀಯ ಕಲಾವಿದರು ತಮ್ಮ ಪ್ರತಿಭೆ ಅನಾವರಣಗೊಳಿಸಿದ್ದಾರೆ. ಡಿಸೆಂಬರ್ 22ರಿಂದ ಶುರುವಾದ ಕರಾವಳಿ ಉತ್ಸವದಲ್ಲಿ ರಾಷ್ಟ ಮತ್ತು ರಾಜ್ಯದ ಪ್ರಖ್ಯಾತ ಗಾಯಕರಾದ ಶಂಕರ್ ಮಹಾದೇವನ್, ಸೋನು ನಿಗಮ್, ರಫ್ತಾರ್, ದಲೇರ್ ಮೆಹಂದಿ. ಮೊಹಮದ್ ದಾನೀಷ್, ರಾಜೇಶ್ ಕೃಷ್ಣನ್, ಗುರುಕಿರಣ್ ಅವರು ತಮ್ಮ ಗಾಯನ ಪ್ರಸ್ತುಪಡಿಸಿದರು. ಉತ್ಸವದ ಅಂಗವಾಗಿ ನಡೆದ ಕವಿಗೋಷ್ಠಿ, ಗೋಡೆ ಮೇಲೆ ಚಿತ್ರ ಬಿಡಿಸುವ ಸ್ಪರ್ಧೆ, ಛಾಯಾಚಿತ್ರ ಮತ್ತು ರೀಲ್ಸ್ ಪ್ರದರ್ಶನ ಹಾಗೂ ಸ್ಪರ್ಧೆ, ರಂಗೋಲಿ ಮತ್ತು ಅಡುಗೆ ಸ್ಪರ್ಧೆ, ಗಾಳಿಪಟ ಉತ್ಸವ, ಮರಳು ಕಲೆ, ಕರಾವಳಿ ರನ್ ಮ್ಯಾರಾಥಾನ್, ಶ್ವಾನ ಪ್ರದರ್ಶನ, ಹಗ್ಗ ಜಗ್ಗಾಟ, ವಾಲಿಬಾಲ್, ಕಬಡ್ಡಿ, ಮೀನುಗಾರರ ದೋಣಿ ಸ್ಪರ್ಧೆಗಳು ಅನೇಕರನ್ನು ಆಕರ್ಷಿಸಿದವು. ಸಮಾರೋಪದ ಅಂತಿಮದಲ್ಲಿ ಆಕರ್ಷಕ ಸಿಡಿಮದ್ದು ಪ್ರದರ್ಶನ ನಡೆಯಿತು. ಪ್ರವಾಸೋದ್ಯಮಕ್ಕೆ ಹೊಸ ನೀತಿ! ಸಮಾರೋಪ ಸಮಾರಂಭಕ್ಕೆ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ಆಗಮಿಸಿದ್ದು, `ಮಂಗಳೂರು, ಉಡುಪಿ, ಉತ್ತರ ಕನ್ನಡ ಜಿಲ್ಲೆಯ ಕರಾವಳಿ ಪ್ರದೇಶಗಳ ಅಭಿವೃದ್ಧಿಗೆ ಹೊಸ ಪ್ರವಾಸೋದ್ಯಮ ನೀತಿ ಮಾಡುವೆ’ ಎಂದು ಅವರು ಘೋಷಿಸಿದರು. `ಕರಾವಳಿ ಪ್ರದೇಶಗಳ ಅಭಿವೃದ್ಧಿಗೆ ಹೊಸ ಪ್ರವಾಸೋದ್ಯಮ ನೀತಿ ರಚಿಸುವ ಕುರಿತಂತೆ ಜನವರಿ 10 ರಂದು 3 ಜಿಲ್ಲೆಗಳ ಜಿಲ್ಲಾಧಿಕಾರಿಗಳು ಮಂಗಳೂರಿನಲ್ಲಿ ಸಭೆ ನಡೆಸಲಾಗುತ್ತದೆ. `ಪಶ್ಚಿಮ ಘಟ್ಟಕ್ಕೆ ಮತ್ತು ಮಲೆನಾಡಿಗೆ ಪ್ರತ್ಯೇಕವಾದ ಪ್ರವಾಸಿ ನೀತಿಯನ್ನು ಮಾಡಿ, ಹೊರಗಡೆಯಿಂದ ಉದ್ದಿಮೆದಾರರು ಬಂದು ಇಲ್ಲಿಯೇ ಬಂಡವಾಳ ಹೂಡವ ರೀತಿ ಮಾಡಲಾಗುತ್ತದೆ. ಇಲ್ಲಿನ ಯುವಕರು ಬೆಂಗಳೂರು, ಮುಂಬೈ, ಸೌದಿ, ಗೋವಾ ಹೊರ ರಾಜ್ಯ, ಜಿಲ್ಲೆಗಳಿಗೆ ವಲಸೆ ಹೋಗುವುದನ್ನು ತಪ್ಪಿಸಿ ಮನೆ ಬಾಗಲಿಗೆ ಉದ್ಯೋಗವನ್ನು ಸೃಷ್ಠಿಮಾಡಸಬೇಕು ಎಂಬ ಕನಸಿದೆ’ ಎಂದವರು ವಿವರಿಸಿದರು. `ಸಮುದ್ರ ಎಂದರೇ ಒಂದು ದೊಡ್ಡ ಶಕ್ತಿ, ಮೀನುಗಾರಿಗೆ ಇಲ್ಲಿನ ಬದುಕಿಗೆ ದೊಡ್ಡ ಆಧಾರ, ಇಲ್ಲಿ ಪ್ರವಾಸಿಗರ ಸ್ವರ್ಗವನ್ನು ಕಾಣಬಹುದು. ಇಲ್ಲಿನ ಜನ ಸಾಮಾನ್ಯರ ಸಂತೋಷದ ದೃಷ್ಠಿಯಿಂದ, ಜಿಲ್ಲೆಯ ಕಲಾವಿದರಿಗೆ, ಇಲ್ಲಿನ ಸಂಪ್ರದಾಯ, ಆಚಾರ ವಿಚಾರಗಳನ್ನು ಪ್ರಚಾರ ಮಾಡುವುದಕ್ಕಾಗಿ ಕರಾವಳಿ ಉತ್ಸವದಂತಹ ದೊಡ್ಡ ಕಾರ್ಯಕ್ರಮ ಮಾಡಿ ಸಚಿವರು ಇಡೀ ಸರ್ಕಾರಕ್ಕೆ ಗೌರವವನ್ನು ತಂದಿದ್ದಾರೆ’ ಎಂದರು. `ಸಮುದ್ರ ಅಂದರೆ ಸಂಪತ್ತು ಮತ್ತು ಜ್ಞಾನದ ಬಲ, ಬದುಕಿಗೆ ಒಂದು ಆದರ್ಶವನ್ನು ಇಟ್ಟುಕೊಳ್ಳಬೇಕು. ಸಾಧನೆಗೆ ಒಂದು ಗುರಿಯನ್ನು ಇಟ್ಟುಕೊಳ್ಳಬೇಕು. ಇಂತಹ ಕಾರ್ಯಕ್ರಮವು ಸಾವಿರಾರು ಯುವಕರ ತಮ್ಮಲ್ಲಿ ಅಡಗಿರುವ ಚಿತ್ರಕಲೆ, ಕ್ರೀಡೆ, ಜನಪದ ಲೋಕ, ಸಾಹಿತ್ಯ, ಸಂಸ್ಕೃತಿ ಮುಂತಾದ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿ ರಾಜ್ಯಕ್ಕೆ, ರಾಷ್ಟçಕ್ಕೆ ಮಟ್ಟದಲ್ಲಿ ಬಿಂಬಿಸಿಕೊಳ್ಳಲು ಇಂತಹ ವೇದಿಕೆಗಳು ದಾರಿಯಾಗಲಿವೆ’ ಎಂದರು. `ಅನಾರೋಗ್ಯದಿoದ ಬಳಲುತ್ತಿರುವ ರೋಗಿಗಳಿಗೆ ಹೆಚ್ಚಿನ ಚಿಕಿತ್ಸೆಗೆ ಗೋವಾ, ಮಂಗಳೂರು, ಉಡುಪಿ ಜಿಲ್ಲೆಗಳ ಮೊರೆ ಹೋಗಬೇಕು ಆದ್ದರಿಂದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಲ್ಟಿ ಸ್ಪೇಷಾಲಿಟಿ ಆಸ್ಪತ್ರೆಯನ್ನು ಮಾಡಬೇಕು ಎಂಬ ಸತೀಶ್ ಸೈಲ್ ಅವರು ಬೇಡಿಕೆಗೆ ನಾನು ಕೂಡ ಬೆಂಬಲ ನೀಡುತ್ತೇನೆ’ ಎಂದರು.
- [ಶಿರಸಿ-ಕುಮಟಾ: ಹೊಸ ವರ್ಷಕ್ಕೂ ಮೊದಲೇ  ಹೊಸ ರಸ್ತೆ!](https://mobiletime.in/2025/12/sirsi-kumata-a-new-road-for-the-new-year/): ಹೊಸ ವರ್ಷಕ್ಕೂ ಮೊದಲೇ ಕುಮಟಾ-ಶಿರಸಿ ಮಾರ್ಗದಲ್ಲಿ ಸರ್ಕಾರಿ ಬಸ್ ಸಂಚಾರ ಶುರುವಾಗಲಿದೆ. 2025ರ ಡಿಸೆಂಬರ್ 30ರಿಂದ 20ಕಿಮೀ ವೇಗದಲ್ಲಿ ಬಸ್ ಓಡಾಟಕ್ಕೆ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಅನುಮತಿ ನೀಡಿದ್ದಾರೆ. ಶಿರಸಿ ಜಾತ್ರೆ ಹಿನ್ನಲೆ ಈ ಮಾರ್ಗದ ಬಸ್ ಓಡಾಟಕ್ಕೆ ಅವಕಾಶ ನೀಡಲಾಗಿದೆ. ಪೊಲೀಸ್ ಅಧೀಕ್ಷಕರು, ಹೆದ್ದಾರಿ ಪ್ರಾಧಿಕಾರದವರ ವರದಿ ಆಧಾರಿಸಿ ಈ ರಸ್ತೆಯನ್ನು ಸಾರ್ವಜನಿಕ ಬಳಕೆಗೆ ಬಿಟ್ಟು ಕೊಡಲಾಗಿದೆ. ಬಸ್ ಬಿಟ್ಟು ಭಾರೀ ಗಾತ್ರದ ಬೇರೆ ವಾಹನಗಳ ಓಡಾಟಕ್ಕೆ ಅವಕಾಶವಿಲ್ಲ. ಸೂಚಿಸಿದಕ್ಕಿಂತ ಹೆಚ್ಚಿನ ವೇಗವಾಗಿ ವಾಹನ ಓಡಿಸುವ ಹಾಗೂ ಇಲ್ಲ. ಇದಕ್ಕಾಗಿ `ಪೊಲೀಸರು ಅಗತ್ಯವಿರುವ ಕಡೆ ಬ್ಯಾರಿಕೇಡ್ ಅಳವಡಿಸಬೇಕು. ಸಂಚಾರ ದಟ್ಟಣೆ ಆಗದ ರೀತಿ ಎಚ್ಚರಿಕೆವಹಿಸಬೇಕು’ ಎಂದು ಡೀಸಿ ಸೂಚಿಸಿದ್ದಾರೆ. `ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದವರು ಅಗತ್ಯವಿರುವ ಕಡೆಗಳಲ್ಲಿ ವೇಗದ ಮಿತಿ ಫಲಕ, ರಸ್ತೆ ತಿರುವು ಪ್ರದೇಶದಲ್ಲಿ ಅಗತ್ಯ ಸೂಚನಾ ಫಲಕ ಅಳವಡಿಸಬೇಕು. ಅಗತ್ಯ ಸರಕ್ಷಾ ಕ್ರಮಗಳನ್ನು ಕೈಗೊಳ್ಳಬೇಕು’ ಎಂದು ಆದೇಶಿಸಿದ್ದಾರೆ.
- [ಜಾಗ ತೆರವು ಮುನ್ನ ಜೀವ ತೆಗೆಯಿರಿ!](https://mobiletime.in/2025/12/take-your-life-before-the-space-is-cleared/): ಜನ ವಿರೋಧ ಹಾಗೂ ಆತಂಕದ ನಡುವೆಯೂ ಅತಿಕ್ರಮಣದಾರರನ್ನು ಒಕ್ಕಲೆಬ್ಬಿಸುವುದಕ್ಕಾಗಿ ಅರಣ್ಯ ಅಧಿಕಾರಿಗಳು ಆಸಕ್ತರಾಗಿದ್ದು, ಅರಣ್ಯವಾಸಿಗಳಿಗೆ ಮತ್ತೆ ಮತ್ತೆ ನೋಟಿಸ್ ನೀಡುತ್ತಿದ್ದಾರೆ. ಹತ್ತು ಹಲವು ಎಕರೆ ಅತಿಕ್ರಮಣ ಮಾಡಿದ ರಾಜಕಾರಣಿಗಳನ್ನು ಬಿಟ್ಟು ಅಸಹಾಯಕ ವೃದ್ಧ ಕುಟುಂಬವನ್ನು ಗುರಿಯಾಗಿರಿಸಿಕೊಂಡು ಅರಣ್ಯಾಧಿಕಾರಿಗಳು ಕಿರುಕುಳ ನೀಡುತ್ತಿದ್ದಾರೆ. ಅರಣ್ಯ ಅಧಿಕಾರಿಗಳು ನೀಡಿದ ನೋಟಿಸ್ ಸ್ವೀಕರಿಸಿದ ಸಿದ್ದಾಪುರದ ರಾಮಚಂದ್ರ ನಾಯ್ಕ ಅವರು `ನಮ್ಮ ಭೂಮಿ ಮಾತ್ರವಲ್ಲ. ನಮ್ಮ ಜೀವವನ್ನು ತೆಗೆದುಕೊಂಡು ಹೋಗಿ’ ಎಂದು ಹತಾಶೆಯ ಮಾತುಗಳನ್ನಾಡಿದ್ದಾರೆ. ಕ್ಯಾದಗಿ ವಲಯ ಅರಣ್ಯಾಧಿಕಾರಿ ಕಚೇರಿಯಿಂದ ಮಾವಿನಕೊಡ ಗ್ರಾಮದ ರಾಮಚಂದ್ರ ತಿಮ್ಮ ನಾಯ್ಕ ಬಿಳ್ಳುಮನೆ ಅವರಿಗೆ ನೋಟಿಸ್ ಬಂದಿದೆ. `ಜೀವ ಹೋಗುವ ಪರಿಸ್ಥಿತಿಯಲ್ಲಿರುವಾಗ ಜೀವನ ಪರ್ಯಂತ ಸಾಗುವಳಿ ಮಾಡಿದ ಭೂಮಿಯನ್ನು ಬಿಡುಕೊಡಬೇಕು’ ಎಂಬ ಆತಂಕದಲ್ಲಿ ರಾಮಚಂದ್ರ ನಾಯ್ಕ ಅವರು ಕಣ್ಣೀರು ಸುರಿಸಿದ್ದಾರೆ. `ಅನಾಧಿಕಾಲದಿಂದಲೂ 3 ಎಕರೆ ಭೂಮಿಯನ್ನು ಸಾಗುವಳಿ ಮಾಡಿಕೊಂಡು ಬಂದಿದ್ದು, ಅದನ್ನು ಒಕ್ಕಲೆಬ್ಬಿಸುವ ಪ್ರಯತ್ನ ನಡೆದಿದೆ. ಒಂದು ವಾರದಲ್ಲಿ ಜಾಗ ಖಾಲಿ ಮಾಡುವಂತೆ ಅಧಿಕಾರಿಗಳು ನೋಟಿಸ್ ನೀಡಿದ್ದಾರೆ. ಕಷ್ಟಪಟ್ಟು ಬೆಳೆಸಿರುವ ಅಡಿಕೆ, ತೆಂಗು ಮರಗಳನ್ನು ನಾಶ ಮಾಡುವುದನ್ನು ಕಣ್ಣಿನಿಂದ ನೋಡಲು ಸಾಧ್ಯವಿಲ್ಲ. ಹೀಗಾಗಿ ಆ ಗಿಡ ನಾಶ ಮಾಡುವ ಮುನ್ನ ನಮ್ಮನ್ನು ಕೊಂದುಬಿಡಿ’ ಎಂದು ರಾಮಚಂದ್ರ ನಾಯ್ಕ ಅವರು ಅಳಲು ತೋಡಿಕೊಂಡಿದ್ದಾರೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರ ಜೊತೆ ಮಾಬ್ಲೇಶ್ವರ ನಾಯ್ಕ, ಜಗದೀಶ್ ನಾಯ್ಕ, ರವಿ ನಾಯ್ಕ ಅರಳಿಮಕ್ಕಿ, ಚೌಡಾ ಗೌಡ ಕಿತ್ತಳ್ಳಿ ಅವರು ರಾಮಚಂದ್ರ ನಾಯ್ಕ ಅವರನ್ನು ಸಮಾಧಾನ ಮಾಡಿದ್ದಾರೆ.
- [ಅಂಗವಿಕಲರ ಕುಟುಂಬಕ್ಕೆ ನೆರವು](https://mobiletime.in/2025/12/assistance-to-families-of-disabled-people/): ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಹಳಕಾರದ ಹನುಮಂತ ಮುಕ್ರಿ ಅವರ ಮನೆಗೆ ಭೇಟಿ ನೀಡಿದ್ದು, ಅವರಿಗೆ ಅಗತ್ಯವಿರುವ ಆಹಾರ ಸಾಮಗ್ರಿ ವಿತರಿಸಿದ್ದಾರೆ. ಹನುಮಂತ ಮುಕ್ರಿ ಅವರ ಪತ್ನಿ ಹಾಗೂ ಮಗ ಅಂಗವಿಕಲರಾಗಿದ್ದು, ಅವರ ಸಮಸ್ಯೆಯನ್ನು ಕೇಂದ್ರದವರು ಆಲಿಸಿದ್ದಾರೆ. ಹನುಮಂತ ಮುಕ್ರಿ ಅವರು ಚಾಲಕರಾಗಿದ್ದು, ಅಪಘಾತದ ಅವಧಿಯಲ್ಲಿ ಬೆನ್ನಿಗೆ ಪೆಟ್ಟಾಗಿರುವುದರಿಂದ ಜೀವನ ನಿರ್ವಹಣೆ ಕಷ್ಟವಾಗಿರುವ ಬಗ್ಗೆ ವಿವರಿಸಿದ್ದಾರೆ. `ಸರ್ಕಾರದಿಂದ ಈ ಕುಟುಂಬಕ್ಕೆ ಸಿಗುವ ಪಿಂಚಣಿ ಹೆಚ್ಚಾಗಬೇಕು. ಆ ಕುಟುಂಬದ ವಸತಿಗೆ ಯೋಗ್ಯ ಮನೆ ನಿರ್ಮಿಸಿಕೊಡಬೇಕು. ಅಂಗವಿಕಲರಿಗೆ ಅಗತ್ಯವಿರುವ ಸೌಕರ್ಯವನ್ನು ಸಹ ಈ ಕುಟುಂಬಕ್ಕೆ ಒದಗಿಸಬೇಕು’ ಎಂದು ಆಗ್ನೇಲ್ ರೋಡ್ರಿಗಸ್ ಅವರು ಆಗ್ರಹಿಸಿದ್ದಾರೆ. ಇದರೊಂದಿಗೆ `ಸ್ವ ಉದ್ಯೋಗಕ್ಕೆ ಪ್ರೋತ್ಸಾಹ, ಅಂಗವೈಕಲ್ಯಕ್ಕೆ ಅಗತ್ಯವಿರುವ ಚಿಕಿತ್ಸೆ ಒದಗಿಸಬೇಕು’ ಎಂದು ಪ್ರಮುಖರಾದ ಸುಧಾಕರ್ ನಾಯ್ಕ್, ಹನುಮಂತ್ ಮುಕ್ರಿ, ಮಹಾಲಕ್ಷ್ಮಿ ಮುಕ್ರಿ, ಶಿವಿ ಮುಕ್ರಿ ಅವರು ಆಗ್ರಹಿಸಿದ್ದಾರೆ.
- [ಗಮನ ಸೆಳೆದ ಸ್ಪರ್ಧೆ](https://mobiletime.in/2025/12/attention-grabbing-competition/): ಶಿರಸಿಯ ಶ್ರೀಭೂತೇಶ್ವರ ಪತ್ತಿನ ಸಹಕಾರಿ ಸಂಘದವರ ಸಹಕಾರದಲ್ಲಿ ಗಾಣಿಗ ಸಮಾಜ ಯವಕ ಮಂಡಳಿಯಿoದ ವಿವಿಧ ಕಾರ್ಯಕ್ರಮ ನಡೆದಿದ್ದು, ಜನ ಉತ್ಸಾಹದಿಂದ ಭಾಗವಹಿಸಿದ್ದಾರೆ. ಯಲ್ಲಾಪುರ ನಾಕಾ ಬಳಿಯ ಗಾಣಿಗ ಸಮಾಜ ಭವನದಲ್ಲಿ ನಡೆದ ಚಿತ್ರಕಲೆ, ಫ್ಯಾನ್ಸಿ ಡ್ರೆಸ್, ಹಾಗೂ ನೃತ್ಯ ಸ್ಪರ್ಧೆಯಲ್ಲಿ ಮಕ್ಕಳು ಆಸಕ್ತಿವಹಿಸಿದ್ದರು. ಮಹಿಳೆಯರಿಗಾಗಿ ನಡೆದ ರಂಗೋಲಿ ಸ್ಪರ್ಧೆ ಗಮನಸೆಳೆಯಿತು. ಈ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ನಿರ್ದೇಶಕ ಉಮಾಕಾಂತ ಶೆಟ್ಟಿ ಹಾಗೂ ವಸಂತ ಶೆಟ್ಟಿ ಹಾಗೂ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ಬಹುಮಾನ ವಿತರಿಸಿದರು. ಸಮಾಜದ ಪ್ರಮುಖರು, ಯುವಕ ಮಂಡಳಿಯ ಪದಾಧಿಕಾರಿಗಳು ಮತ್ತಿತರರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ರಾಘವೇಂದ್ರ ಶ್ರೀಧರ ಶೆಟ್ಟಿ, ಗಜಾನನ ಸುರೇಶ ಶೆಟ್ಟಿ, ಸುನೀಲ್ ಜಗದೀಶ ಶೆಟ್ಟಿ ಕಾರ್ಯಕ್ರಮದ ಜವಾಬ್ದಾರಿ ನಿಭಾಯಿಸಿದರು.
- [ಗಮನ ಸೆಳೆದ ಆಲ್ಫಾ ಚಿತ್ರದ  "ರಾವ ರಾವ" ಹಾಡು](https://mobiletime.in/2025/12/the-song-rava-rava-from-the-movie-alpha-attracted-attention/): “ಗೀತ”  ಹೊಯ್ಸಳ  ಚಿತ್ರಗಳ ಬಳಿಕ ನಿರ್ದೇಶಕ ವಿಜಯ್  ಆಕ್ಷನ್ ಕಟ್ ಹೇಳಿರುವ  ʼಆಲ್ಫಾ”  ಮೆನ್ ಲವ್ ವೈಲೆನ್ಸ್ ಚಿತ್ರದ ” ರಾವ ರಾವ” ಹಾಡು ಬಿಡುಗಡೆಯಾಗಿದ್ದು ಗಮನ ಸೆಳೆದಿದೆ.‌ನಾಯಕ ಹೇಮಂತ್ ಹಾಡಿನಲ್ಲಿ ಕಾಣಿಸಿಕೊಂಡಿದ್ದು ಹಾಡು ಅದ್ದೂರಿ ಮತ್ತು ಶ್ರೀಮಂತಿಕೆಯಿಂದ ಮೂಡಿಬಂದಿದೆ. ಇದು ಚಿತ್ರದ ಬಗೆಗಿನ‌ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿದೆ ನಾಯಕ ಹೇಮಂತ್‌ ಕುಮಾರ್  ರಗಡ್ ಲುಕ್ ನಲ್ಲಿ ಕಾಣಿಸಿಕೊಂಡಿರುವ ಅಲ್ಪಾ’ ಚಿತ್ರದ ಮೊದಲ ಹಾಡು ‘ ರಾವ ರಾವ” ಗೀತೆಗೆ  ರಾಗನಿಧಿ ಅನೂಪ್ ಸೀಳಿನ್  ಸಂಗೀತ ನೀಡಿದ್ದಾರೆ.  ರಾವ ರಾವ’ ಹಾಡಿಗೆ ಯವ ಪ್ರತಿಭಾನ್ವಿತ ಗೀತ ರಚನೆಕಾರ ನಾಗಾರ್ಜುನ ಶರ್ಮಾ ಪದ ಪೋಣಿಸಿದ್ದು . ಅನೂರಾಗ ಕುಲಕರ್ಣಿ ಹಾಡಿದ್ದಾರೆ. ಚಿತ್ರದ ಫಸ್ಟ್ ಲುಕ್ ಪೋಸ್ಟರ್  ಬಿಡುಗಡೆಯಾಗಿದ್ದು ಗಮನ ಸೆಳೆದಿದೆ.’ಆಲ್ಫಾ  ಸಿನಿಮಾ ಆಕ್ಷನ್ ಸಿ ಜತೆಗೆ ಅಪ್ಪ ಮತ್ತು ಮಗನ  ಭಾವನಾತ್ಮಕ ಸಂಬಂಧ ಚಿತ್ರದ ಹೈಲೈಟ್. ಚಿತ್ರದ ಮೂಲಕ ಹೇಮಂತ್ ಕುಮಾರ್ ಕನ್ನಡ ಚಿತ್ರರಂಗಕ್ಕೆ  ಪರಿಚಯವಾಗುತ್ತಿದ್ದಾರೆ. ನಿರ್ದೇಶಕ ವಿಜಯ್ ಮಾತನಾಡಿ ಆಕ್ಷನ್ ಮತ್ತು ಕ್ರೈಂನ ಭಯಾನಕತೆ ಎಷ್ಟಿರುತ್ತೆ ಎನ್ನುವುದು  ಚಿತ್ರದ ಪೋಸ್ಟರ್ ನಲ್ಲಿ ಕಾಣಿಸಿಕೊಂಡಿದೆ. ಸಿನಿಮಾದಲ್ಲಿ ಮೂರು ಪಾತ್ರಗಳು ಚಿತ್ರದಲ್ಲಿ ಪ್ರಮುಖವಾಗಿ ಕಾಣಿಸಿಕೊಂಡಿವೆ .ಚಿತ್ರದ ಶೀರ್ಷಿಕೆ ಜತೆಗೆ ಮೆನ್ ಲವ್ ವೈಲನ್ಸ್ ಸಬ್ ಟೈಟಲ್ ಕೂಡ ಗಮನ ಸೆಳೆಯುತ್ತಿದೆ  ಎಣಮದು ಮಾಹಿತಿ ನೀಡಿದ್ದಾರೆ ಚಿತ್ರದ  ಮೂಲಕ ಆನಂದ್ ಕುಮಾರ್ ನಿರ್ಮಾಪಕರಾಗಿ  ಚಿತ್ರರಂಗಕ್ಕೆ ಪರಿಚಯವಾಗುತ್ತಿದ್ದು ‘ಎಲ್ ಎ’ ಬ್ಯಾನರ್‌ನಲ್ಲಿ ಆಲ್ಫಾ ಸಿನಿಮಾ ಮೂಡಿಬರುತ್ತಿದೆ.  ನಾಯಕ ಹೇಮಂತ್ ಕುಮಾರ್ ಸಿನಿಮಾಗಾಗಿ ಭರ್ಜರಿ ತಯಾರಿ ಮಾಡಿಕೊಂಡು ಬಂದಿದ್ದಾರೆ. ನಿರ್ದೇಶಕ ಮತ್ತು ನಟ ರಾಘು ಶಿವಮೊಗ್ಗ ಅವರ ಬಳಿ ನಟನಾ  ತಯಾರಿ ನಡೆಸಿದ್ದಾರೆ. ಅರ್ಜುನ್ ಜತೆ ಸಾಹಸ ಅಭ್ಯಾಸ ಮಾಡಿದ್ರೆ, ಭೂಷಣ್  ಪತ್ನಿ ಬಳಿ ಡಾನ್ಸ್ ಕಲಿತಿದ್ದಾರೆ. ನಟನೆ, ಫೈಟ್, ಡಾನ್ಸ್ ಜತೆಗೆ ಮಾರ್ಶಲ್ ಆರ್ಟ್ ಕಲಿತು ನಾಯಕನಾಗಲು ಬೇಕಾಗುವ ಎಲ್ಲಾ ಕಲೆಯನ್ನು ಕರಗತ ಮಾಡಿಕೊಂಡಿದ್ದಾರೆ. ಚಿತ್ರಕ್ಕೆ  ಕಾರ್ತಿಕ್  ಛಾಯಾಗ್ರಹಣ,ಅನೂಪ್ ಸೀಳಿನ್ ಸಂಗೀತ ಮತ್ತು ಮಾಸ್ತಿ  ಸಂಭಾಷಣೆ ಇದೆ.  ಹೇಮಂತ್‌ಗೆ ನಾಯಕಿಯಾಗಿ ಯಾರು ಕಾಣಿಸಿಕೊಳ್ಳಲಿದ್ದಾರೆ, ಉಳಿದಂತೆ ಪಾತ್ರವರ್ಗ ಏನೆಲ್ಲ ಇರಲಿದೆ ಎನ್ನುವುದು ಸದ್ಯದಲ್ಲೇ ಗೊತ್ತಾಗಲಿದೆ.
- [ನದಿ ಜೋಡಣೆ ಗ್ಯಾರಂಟಿ: ಉಡಾಫೆ ಉತ್ತರ ನೀಡಿದ ಉಪಮುಖ್ಯಮಂತ್ರಿ!](https://mobiletime.in/2025/12/river-linking-guaranteed-deputy-chief-ministers-bold-answer/): ಕರಾವಳಿ ಉತ್ಸವಕ್ಕೆ ಆಗಮಿಸಿರುವ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಸಾಕಷ್ಟು ಪ್ರಮಾಣದಲ್ಲಿ ಉಡಾಫೆ ಮಾತನಾಡಿದ್ದಾರೆ. ನದಿ ಜೋಡಣೆ ವಿಷಯಕ್ಕೆ ವಿರೋಧವ್ಯಕ್ತವಾಗಿರುವುದನ್ನು ಅವರು ಗ್ಯಾರಂಟಿ ಯೋಜನೆಗೆ ಹೋಲಿಕೆ ಮಾಡಿದ್ದಾರೆ. `ಗ್ಯಾರಂಟಿ ಯೋಜನೆಯನ್ನು ಜನ ವಿರೋಧ ಮಾಡಿದ್ದರು. ಆದರೆ, ಈಗ ಎಲ್ಲರೂ ಅದನ್ನು ಬಳಸುತ್ತಿಲ್ಲವಾ? ಗ್ಯಾರಂಟಿ ಎಲ್ಲವನ್ನು ವಾಪಸ್ಸು ಕೊಟ್ಟುಬಿಡಲಿ, ನೋಡೋಣ’ ಎಂದು ಡಿ ಕೆ ಶಿವಕುಮಾರ ಸವಾಲು ಹಾಕಿದರು. ಕಾರವಾರದಲ್ಲಿ ಪತ್ರಕರ್ತರ ಜೊತೆ ಮಾತನಾಡಿದ ಅವರು `ವ್ಯರ್ಥವಾಗಿ ಹರಿಯುವ ನೀರನ್ನು ಸರ್ಕಾರ ಸದ್ಬಳಕೆ ಮಾಡಲಿದೆ. ಯಾರು ಎಷ್ಟೇ ವಿರೋಧ ಮಾಡಿದರೂ ರೈತರು ಹಾಗೂ ಜನರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಈ ಯೋಜನೆ ಮಾಡಲಿದ್ದೇವೆ. ಕೇಂದ್ರ ಸರ್ಕಾರದ ಶೇ 90ರಷ್ಟು ಹಾಗೂ ರಾಜ್ಯ ಸರ್ಕಾರದ ಶೇ 10ರಷ್ಟು ಅನುಧಾನದ ಅಡಿ ಈ ಕೆಲಸ ಕಾರ್ಯಗತವಾಗುವ ಒಪ್ಪಂದ ನಡೆದಿದೆ’ ಎಂದು ಡಿಕೆ ಶಿವಕುಮಾರ ಗಟ್ಟಿಯಾಗಿ ಹೇಳಿದರು. ಶರಾವತಿ ಭೂಗತ ಯೋಜನೆ ಕುರಿತು ಮಾತನಾಡಿದ ಅವರು `ವಿದ್ಯುತ್ ಸಹ ಪ್ರೀ ಕೊಡುತ್ತಿದ್ದೇವೆ. ಅದನ್ನು ಹೇಗೆ ಕೊಡಲು ಸಾಧ್ಯ? ಶರಾವತಿ ಯೋಜನೆ ರಾಜ್ಯಕ್ಕೆ ದೊಡ್ಡ ಕೊಡುಗೆಯಾಗಿದ್ದು, ಅದಕ್ಕೂ ವಿರೋಧ ಸರಿಯಲ್ಲ’ ಎಂದರು. `ರಸ್ತೆ ಅಗಲೀಕರಣಕ್ಕೂ ವಿರೋಧ ಮಾಡುತ್ತಾರೆ. ಕಾರ್ಖಾನೆ ತೆರೆದರೂ ವಿರೋಧ ಮಾಡುತ್ತಾರೆ. ಯೋಜನೆಯ ಡಿಪಿಆರ್ ತಯಾರು ಮಾಡಲು ಅಧಿಕಾರಿಗಳಿಗೆ ಅನುಮತಿ ಕೊಟ್ಟಿದ್ದೇನೆ. ಎಷ್ಟು ನೀರನ್ನು ಉಪಯೋಗಿಸಲು ಸಾಧ್ಯವೋ ಅಷ್ಟನ್ನು ಸರಿಯಾಗಿ ಬಳಸಿಕೊಳ್ಳಲಾಗುತ್ತದೆ’ ಎಂದರು. ನದಿ ಜೋಡಣೆಗೆ ಸ್ಥಳೀಯರ ವಿರೋಧವಿರುವ ಬಗ್ಗೆ ಪತ್ರಕರ್ತರು ಪ್ರಶ್ನಿಸಿದ್ದು, `ಏನೇ ಮಾಡಿದರೂ ವಿರೋಧ ಮಾಡುವವರಿದ್ದಾರೆ. ವಿರೋಧ ದೊಡ್ಡದಲ್ಲ. ಯೋಜನೆಯಿಂದ ಹಾನಿ ಆದವರಿಗೆ ಪರಿಹಾರ ಕೊಡಲು ಕಾನೂನಿನಲ್ಲಿ ಅವಕಾಶವಿದೆ. ಕಾನೂನಿನ ಪ್ರಕಾರ ನಡೆದುಕೊಳ್ಳುತ್ತೇವೆ’ ಎಂದು ತಿಳಿಸಿದರು. ಸೇತುವೆ ವಿಷಯದಲ್ಲಿಯೂ ಉಡಾಫೆ ಉತ್ತರ! `ಗೋಕರ್ಣ-ಗಂಗಾವಳಿ ಸೇತುವೆ ಉದ್ಘಾಟನೆಗೆ ಸಿದ್ಧವಾಗಿದ್ದರೂ ಉದ್ಘಾಟನೆ ನಡೆದಿಲ್ಲ. ಉದ್ಘಾಟನೆ ನಡೆಯದ ಕಾರಣ ಬಸ್ಸುಗಳನ್ನು ಬಿಡುತ್ತಿಲ್ಲ’ ಎಂದು ಪತ್ರಕರ್ತರು ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರ ಗಮನಸೆಳೆದರು. `ಸೇತುವೆಗಾಗಿ 45 ವರ್ಷ ಕಾದಿದ್ದೀರಿ. ಇನ್ನೂ ಕೆಲ ದಿನ ಕಾಯಲು ಏನು ಸಮಸ್ಯೆ? ಎಂಬ ನಿಟ್ಟಿನಲ್ಲಿ ಈ ವೇಳೆಯಲ್ಲಿಯೂ ಡಿಕೆ ಶಿವಕುಮಾರ ಅವರು ಉಡಾಫೆಯಾಗಿ ಮಾತನಾಡಿದರು. ನಂತರ `ಸಂಜೆ ಆದ ಕಾರಣ ಉದ್ಘಾಟನೆ ಬೇಡ ಎಂದು ನಿರ್ಣಯಿಸಿದ್ದು, ಸೇತುವೆ ಉದ್ಘಾಟನೆಗೆ ಮತ್ತೆ ಬರುವೆ’ ಎಂದು ಸ್ಪಷ್ಟಪಡಿಸಿದರು. ಶರಾವತಿ ಯೋಜನೆ ದೊಡ್ಡ ಆಸ್ತಿ! `ನಾನು ಪವರ್ ಮಿನಿಸ್ಟರ್ ಆಗಿದ್ದೆ. ವಿದೇಶಗಳಿಗೆ ಹೋಗಿ ನೋಡಿದ್ದೇನೆ. ಶರಾವತಿ ಯೋಜನೆಯಿಂದ ಯಾರಿಗೂ ಹಾನಿ ಇಲ್ಲ. ಈಗ ವಿದ್ಯುತ್ ಪ್ರೀ ಕೊಡುತ್ತಿದ್ದೇವೆ. ಅದನ್ನು ಎಲ್ಲಿಂದ ಕೊಡಲು ಸಾಧ್ಯ? ಅದೊಂದು ವಿಶೇಷವಾದ ಯೋಜನೆ. ಅದಕ್ಕೆ ವಿರೋಧ ಮಾಡುವ ಅಗತ್ಯವಿಲ್ಲ’ ಎಂದರು.
- [ಸಾಗರದ ಆಳದಲ್ಲಿ ರಾಷ್ಟ್ರಪತಿಯ ಶೌರ್ಯಯಾನ: ದ್ರೌಪದಿಗೆ ಕೇಳಿಸಿತೇ ನಿರಾಶ್ರೀತರ ಕೂಗು?!](https://mobiletime.in/2025/12/the-presidents-heroic-journey-in-the-depths-of-the-ocean-did-draupadi-hear-the-cries-of-the-refugees/): ನೌಕಾನೆಲೆಯ ಸ್ಥಾಪನೆಯಿಂದಾಗಿ ಭೂಮಿ ಕಳೆದುಕೊಂಡ ಸಾವಿರಾರು ನಿರಾಶ್ರಿತರ ಸಮಸ್ಯೆ ಇಂದಿಗೂ ಸಂಪೂರ್ಣವಾಗಿ ಬಗೆಹರಿದಿಲ್ಲ. ದಶಕಗಳ ಹಿಂದೆ ತಮ್ಮ ಸರ್ವಸ್ವವನ್ನೂ ದೇಶದ ರಕ್ಷಣೆಗಾಗಿ ತ್ಯಾಗ ಮಾಡಿದ ಕುಟುಂಬದವರು ಸರಿಯಾದ ಪುನರ್ವಸತಿ ಮತ್ತು ಉದ್ಯೋಗದ ಭರವಸೆಗಳಿಗಾಗಿ ಕಾಯುತ್ತಿದ್ದಾರೆ. ಹೀಗಿರುವಾಗ ರಾಷ್ಟ್ರಪತಿಗಳೇ ಸಶಸ್ತ್ರ ಪಡೆಗಳ ಮುಖ್ಯಸ್ಥರಾಗಿದ್ದು, ಅವರ ಭೇಟಿ ನಿರಾಶ್ರಿತರ ಪಾಲಿಗೆ ಆಸೆ ಹುಟ್ಟಿಸಿದೆ. ಭಾರತದ ಸಶಸ್ತ್ರ ಪಡೆಗಳ ಸರ್ವೋಚ್ಚ ದಂಡನಾಯಕಿ, ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಕಾರವಾರದಲ್ಲಿರುವ `ಐಎನ್‌ಎಸ್ ಕದಂಬ’ ನೌಕಾನೆಲೆಗೆ ನೀಡಿದ ಭೇಟಿಯು ಭಾರತದ ರಕ್ಷಣಾ ಇತಿಹಾಸದಲ್ಲಿ ಒಂದು ಸುವರ್ಣ ಅಧ್ಯಾಯ. ಅರಬ್ಬಿ ಸಮುದ್ರದ ಆಳದಲ್ಲಿ ಭಾರತೀಯ ನೌಕಾಪಡೆಯ ಕಲ್ವರಿ ದರ್ಜೆಯ `ಐಎನ್‌ಎಸ್ ವಾಗ್ಶೀರ್’ ಜಲಂತರಗಾಮಿಯಲ್ಲಿ ಅವರು ನಡೆಸಿದ ಐತಿಹಾಸಿಕ ಯಾನವು ಕೇವಲ ಒಂದು ಸಾಹಸವಲ್ಲ. ಬದಲಿಗೆ ಅದು ಭಾರತದ `ನೌಕಾ ಶಕ್ತಿ’ಯ ಜಾಗತಿಕ ಪ್ರದರ್ಶನವೂ ಹೌದು. ಮಾಜಿ ರಾಷ್ಟ್ರಪತಿ ಅಬ್ದುಲ್ ಕಲಾಂ ಅವರ ನಂತರ ಸುಮಾರು ಎರಡು ದಶಕಗಳ ಬಳಿಕ ಪ್ರಥಮ ಪ್ರಜೆಯೊಬ್ಬರು ಜಲಂತರಗಾಮಿಯಾಗಿ ಆಳಕ್ಕೆ ಇಳಿದಿರುವುದು ನೌಕಾಪಡೆಯ ಆತ್ಮವಿಶ್ವಾಸವನ್ನು ದ್ವಿಗುಣಗೊಳಿಸಿದೆ. ಪ್ರಸ್ತುತ ಭೇಟಿಯು ಮುಖ್ಯ ಉದ್ದೆಶ, ಕಾರವಾರದ ನೌಕಾನೆಲೆಯನ್ನು ಏಷ್ಯಾದಲ್ಲೇ ಅತಿದೊಡ್ಡ ಮತ್ತು ವಿಶ್ವದರ್ಜೆಯ ರಕ್ಷಣಾ ಕೇಂದ್ರವಾಗಿ ರೂಪಿಸುವುದಾಗಿದೆ. ಅದು ಭಾರತದ ದೃಢ ಸಂಕಲ್ಪಕ್ಕೆ ಸಾಕ್ಷಿಯಾಗಲಿದೆ. ಇಂದು ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಅವರು ರಾಜ್ಯದ ಪರವಾಗಿ ರಾಷ್ಟ್ರಪತಿಗಳನ್ನು ಬರಮಾಡಿಕೊಂಡಿದ್ದು, ಈ ಭೇಟಿಗೆ ಸಾಂವಿಧಾನಿಕ ಘನತೆಯನ್ನು ತುಂಬಿತು. ರಾಜ್ಯ ಸರ್ಕಾರದ ಪ್ರತಿನಿಧಿಯಾಗಿ ಅವರು ನೌಕಾನೆಲೆಯ ಅಭಿವೃದ್ಧಿಗೆ ರಾಜ್ಯದ ಸಂಪೂರ್ಣ ಸಹಕಾರದ ಭರವಸೆ ನೀಡಿದ್ದು, ಕೇಂದ್ರ ಮತ್ತು ರಾಜ್ಯಗಳ ನಡುವಿನ ರಕ್ಷಣಾ ಸಮನ್ವಯಕ್ಕೆ ಕನ್ನಡಿ ಹಿಡಿದಿದೆ. ಆದರೆ, ಈ ರಾಷ್ಟ್ರೀಯ ಹೆಮ್ಮೆಯ ನಡುವೆ ಕಾರವಾರದ ಸ್ಥಳೀಯರ ದಶಕಗಳ ನೋವು ಮತ್ತು ನಿರೀಕ್ಷೆಗಳೂ ರಾಷ್ಟ್ರಪತಿಗಳ ಭೇಟಿಯ ಸಂದರ್ಭದಲ್ಲಿ ಮತ್ತೊಮ್ಮೆ ಮುನ್ನೆಲೆಗೆ ಬಂದಿವೆ. ನೌಕಾನೆಲೆಯ ವಿಸ್ತರಣೆಯ ಭಾಗವಾಗಿ ನಾಗರಿಕ ವಿಮಾನ ನಿಲ್ದಾಣದ ಬೇಡಿಕೆಯೂ ಪ್ರಮುಖವಾಗಿದೆ. ಕಾರವಾರದಲ್ಲಿ ಸುಸಜ್ಜಿತ ವಿಮಾನ ನಿಲ್ದಾಣ ನಿರ್ಮಾಣವಾದರೆ, ಅದು ಕೇವಲ ರಕ್ಷಣಾ ವಲಯಕ್ಕಷ್ಟೇ ಅಲ್ಲದೆ, ಈ ಭಾಗದ ಪ್ರವಾಸೋದ್ಯಮ ಮತ್ತು ಆರ್ಥಿಕ ಪ್ರಗತಿಗೂ ದೊಡ್ಡ ಶಕ್ತಿ ನೀಡಲಿದೆ. ರಾಷ್ಟ್ರಪತಿಗಳ ಈ ಭೇಟಿಯು ದೆಹಲಿಯ ಮಟ್ಟದಲ್ಲಿ ಕಾರವಾರದ ಈ ಮೂಲಭೂತ ಸಮಸ್ಯೆಗಳಿಗೆ ಮತ್ತು ವಿಮಾನ ನಿಲ್ದಾಣದಂತಹ ಕನಸಿನ ಯೋಜನೆಗಳಿಗೆ ಹೊಸ ಚೈತನ್ಯ ನೀಡುವ ನಿರೀಕ್ಷೆ ಇದೆ. ಉತ್ತರ ಕನ್ನಡ ಜಿಲ್ಲೆಯ ಅಭಿವೃದ್ಧಿಗೆ `ಸೀ ಬರ್ಡ್’ ಯೋಜನೆ ಪೂರಕವಾಗಬೇಕೆಂದರೆ, ಅದು ಸ್ಥಳೀಯ ಜನಜೀವನದೊಂದಿಗೆ ಬೆರೆಯಬೇಕು. ರಕ್ಷಣಾ ಇಲಾಖೆಯು ಸ್ಥಳೀಯ ಯುವಕರಿಗೆ ತಾಂತ್ರಿಕ ತರಬೇತಿ ಮತ್ತು ಉದ್ಯೋಗದಲ್ಲಿ ಆದ್ಯತೆ ನೀಡುವ ಮೂಲಕ ನೌಕಾನೆಲೆಯ ಶಕ್ತಿಯನ್ನು ಜನಸಾಮಾನ್ಯರಿಗೂ ತಲುಪಿಸಬೇಕಿದೆ. ಈ ಐತಿಹಾಸಿಕ ಯಾನವು ಕೇವಲ ಸಾಗರದ ಆಳದ ಅರಿವಷ್ಟೇ ಅಲ್ಲದೆ, ಭೂಮಿಯ ಮೇಲಿನ ಸ್ಥಳೀಯರ ಸಂಕಷ್ಟಗಳಿಗೂ ಮದ್ದು ನೀಡಲಿ ಎಂಬುದು ಎಲ್ಲರ ಆಶಯವಾಗಿದೆ. ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಈ ಭೇಟಿಯು ಭಾರತದ ಕಡಲ ಗಡಿಯನ್ನು ಭದ್ರಪಡಿಸುವ ಸಂಕಲ್ಪದೊAದಿಗೆ, ಕಾರವಾರದಂತಹ ಆಯಕಟ್ಟಿನ ಪ್ರದೇಶದ ಸರ್ವತೋಮುಖ ಅಭಿವೃದ್ಧಿಗೆ ಮುನ್ನುಡಿಯಾಗಲಿ. ದೇಶದ ಪ್ರಥಮ ಪ್ರಜೆ ಸಮುದ್ರದ ಆಳಕ್ಕೆ ಇಳಿದ ಈ ಘಟನೆ, ಭಾರತದ ರಕ್ಷಣಾ ಪಡೆಗಳ ಮತ್ತು ಜನರ ನಡುವಿನ ಅಂತರವನ್ನು ಕಡಿಮೆ ಮಾಡುವಲ್ಲಿ ಯಶಸ್ವಿಯಾಗಿದೆ. ಕಾರವಾರದ ‘ಸೀ ಬರ್ಡ್’ ಯೋಜನೆಯಡಿ ಅಭಿವೃದ್ಧಿ ಹೊಂದುತ್ತಿರುವ ಈ ನೌಕಾನೆಲೆಯು ಜಾಗತಿಕ ಮಟ್ಟದಲ್ಲಿ ಭಾರತದ ರಕ್ಷಣಾ ನೀತಿಯ ಕೇಂದ್ರಬಿAದುವಾಗಿದೆ. ರಾಷ್ಟ್ರಪತಿಗಳ ಭೇಟಿಯು ಈ ನೆಲೆಯನ್ನು ವಿಶ್ವದರ್ಜೆಯ ಅತ್ಯಾಧುನಿಕ ತಂತ್ರಜ್ಞಾನದ ಹಬ್ ಆಗಿ ಪರಿವರ್ತಿಸುವ ಸಂದೇಶವನ್ನು ಜಗತ್ತಿಗೆ ನೀಡಿದೆ. ಶತ್ರು ದೇಶಗಳ ಕಣ್ಣು ಬಿದ್ದಿರುವ ಹಿಂದೂ ಮಹಾಸಾಗರ ವಲಯದಲ್ಲಿ ಭಾರತದ ಪಾರುಪತ್ಯವನ್ನು ಸ್ಥಾಪಿಸಲು ಇದು ಪ್ರಮುಖವಾಗಿದೆ. `ಆತ್ಮನಿರ್ಭರ ಭಾರತ’ದಡಿ ನಿರ್ಮಾಣವಾದ ಜಲಂತರಗಾಮಿಗಳು ಭಾರತೀಯ ನೌಕಾಪಡೆಯು ಸಾಗರದೊಳಗೆ ಯಾವುದೇ ಸವಾಲನ್ನು ಎದುರಿಸಲು ಸಿದ್ಧವಿದೆ ಎಂಬ ಭರವಸೆ ಮೂಡಿಸಿವೆ. ಇದು ಜಾಗತಿಕ ವೇದಿಕೆಯಲ್ಲಿ ಭಾರತದ ಮಿಲಿಟರಿ ರಾಯಭಾರತ್ವವನ್ನು ಎತ್ತಿ ಹಿಡಿಯುತ್ತದೆ. ರಾಷ್ಟ್ರಪತಿಗಳ ಭೇಟಿಯ ಬೆನ್ನಲ್ಲೇ ಕಾರವಾರದ ಅಭಿವೃದ್ಧಿಯ ಚರ್ಚೆಗಳು ವೇಗ ಪಡೆದಿವೆ. ನೌಕಾನೆಲೆಯ ವ್ಯಾಪ್ತಿಯಲ್ಲಿ ಉದ್ದೇಶಿತ ನಾಗರಿಕ ವಿಮಾನ ನಿಲ್ದಾಣದ ಕಾರ್ಯಾರಂಭವಾದರೆ ಉತ್ತರ ಕನ್ನಡ ಜಿಲ್ಲೆಯ ಚಿತ್ರಣವೇ ಬದಲಾಗಲಿದೆ. ಇದು ಪ್ರವಾಸೋದ್ಯಮದ ಮೂಲಕ ಲಕ್ಷಾಂತರ ಜನರಿಗೆ ಉದ್ಯೋಗ ನೀಡಬಲ್ಲದು. ಆದರೆ, ಈ ಪ್ರಗತಿಯ ಹಾದಿಯಲ್ಲಿ ಭೂಮಿ ನೀಡಿದ ನಿರಾಶ್ರಿತ ಕುಟುಂಬಗಳ ನ್ಯಾಯಯುತ ಬೇಡಿಕೆಗಳನ್ನು ಸರ್ಕಾರ ಮರೆಯಬಾರದು ಎಂಬುದು ಸ್ಥಳೀಯರ ಆಗ್ರಹ. ರಾಜ್ಯ ಸರ್ಕಾರವು ಕೇಂದ್ರದೊAದಿಗೆ ಸಮನ್ವಯ ಸಾಧಿಸಿ, ನಿರಾಶ್ರಿತರಿಗೆ ಕಾಯಂ ಪುನರ್ವಸತಿ ಪತ್ರಗಳು ಮತ್ತು ಸ್ಥಳೀಯ ಯುವಕರಿಗೆ ನೌಕಾನೆಲೆಯಲ್ಲಿ ಹೆಚ್ಚಿನ ಉದ್ಯೋಗ ಮೀಸಲಾತಿ ನೀಡುವ ಮೂಲಕ ‘ರಕ್ಷಣೆ ಮತ್ತು ಪ್ರಗತಿ’ ಎರಡನ್ನೂ ಸಮಾನವಾಗಿ ಕೊಂಡೊಯ್ಯಬೇಕಿದೆ. ಲೇಖಕರು: ಶ್ರೀನಾಥ್ ಜೋಶಿ, ಸಿದ್ದರ. ಹಿರಿಯ ಪತ್ರಕರ್ತರು( 9060188081 )
- [ಆಯುರ್ವೇದ ಚಿಕಿತ್ಸೆಗೆ ಆಸಕ್ತಿವಹಿಸಿದ್ದ ಯೋಗ ಶಿಕ್ಷಕ: ಸಾವು!](https://mobiletime.in/2025/12/yoga-teacher-interested-in-ayurvedic-treatment-death/): ಶಿರಸಿ ಬಳಿಯ ನಿಸರ್ಗಮನೆಯಲ್ಲಿ ಆಯುರ್ವೇದಿಕ್ ಚಿಕಿತ್ಸೆಗೆ ಒಳಗಾಗಬೇಕಿದ್ದ ಯೋಗ ಶಿಕ್ಷಕರೊಬ್ಬರು ದಿಢೀರ್ ಆಗಿ ಕುಸಿದು ಬಿದ್ದಿದ್ದು, ಅಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ವಿಜಯನಗರ ಹರಪ್ಪನಳ್ಳಿಯ ಸೂರ್ಯ ಪಲ್ಲಾಗಟ್ಟಿ (66) ಅವರು ಖಾಸಗಿ ಸಂಸ್ಥೆಯೊAದರಲ್ಲಿ ಯೋಗ ಶಿಕ್ಷಕರಾಗಿದ್ದರು. ಕೆಲ ವರ್ಷದ ಹಿಂದೆ ಅವರು ನಿವೃತ್ತರಾಗಿದ್ದು, ಅವರ ಕುಟುಂಬದವರು ಬೆಂಗಳೂರಿನಲ್ಲಿ ವಾಸವಾಗಿದ್ದರು. ಸೂರ್ಯ ಪಲ್ಲಾಗಟ್ಟಿ ಅವರು ಹರಪನಳ್ಳಿಯ ಆಚಾರ್ಯ ಲೇಔಟಿನಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದರು. ಸೂರ್ಯ ಪಲ್ಲಾಗಟ್ಟಿ ಅವರಿಗೆ ಈಚೆಗೆ ಗ್ಯಾಸ್ಟಿಕ್ ಸಮಸ್ಯೆ ಕಾಣಿಸಿಕೊಂಡಿತ್ತು. ಅದಕ್ಕಾಗಿ ಅವರು ಶಿರಸಿಯ ನಿಸರ್ಗಮನೆಯಲ್ಲಿ ಆಯುರ್ವೇದಿಕ್ ಚಿಕಿತ್ಸೆಪಡೆಯಲು ನಿರ್ಧರಿಸಿದ್ದರು. ಈ ಬಗ್ಗೆ ಪತ್ನಿ ರಾಣಿ ಎಸ್ಪಿ ಅವರಿಗೆ ಫೋನ್ ಮಾಡಿದ್ದರು. ಚಿಕಿತ್ಸೆಗಾಗಿ ಅವರು ಶಿರಸಿಗೆ ಬಂದಿದ್ದರು. ಡಿ 26ರ ರಾತ್ರಿ 11.40ಕ್ಕೆ ಶಿರಸಿಯ ಶಿವಾಜಿ ಚೌಕ ಬಳಿಯ ಪರಾಗ ಲಾಡ್ಜಿನಲ್ಲಿ ವಸತಿ ಹೂಡಲು ಅವರು ನಿರ್ಧರಿಸಿದ್ದರು. ಆದರೆ, ಪರಾಗ ಲಾಡ್ಜ ಪ್ರವೇಶಿಸುತ್ತಲೇ ಅವರು ಕುಸಿದು ಬಿದ್ದರು. ಅವರನ್ನು ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ಕೊಡಿಸುವ ಪ್ರಯತ್ನ ನಡೆದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ಡಿಸೆಂಬರ್ 27ರಂದು ಕುಟುಂಬದವರು ಸೂರ್ಯ ಪಲ್ಲಾಗಟ್ಟಿ ಅವರ ಮೊಬೈಲಿಗೆ ಫೋನ್ ಮಾಡಿದಾಗ ಪೊಲೀಸರು ಆ ಕರೆ ಸ್ವೀಕರಿಸಿದರು. ಸೂರ್ಯ ಪಲ್ಲಾಗಟ್ಟಿ ಅವರು ಕೊನೆಯುಸಿರೆಳೆದ ವಿಷಯ ತಿಳಿಸಿದರು. ಬೆಂಗಳೂರಿನಲ್ಲಿದ್ದ ರಾಣಿ ಎಸ್ಪಿ ಅವರು ಶಿರಸಿಗೆ ಆಗಮಿಸಿದ್ದು, ವಯೋ ಸಹಜ ಕಾರಣದಿಂದ ಸೂರ್ಯ ಪಲ್ಲಾಗಟ್ಟಿ ಅವರು ಸಾವನಪ್ಪಿರುವ ಬಗ್ಗೆ ಅಂದಾಜಿಸಿದರು. ಅದಾಗಿಯೂ, ಅವರ ಸಾವಿನ ಬಗ್ಗೆ ನಿಖರ ಕಾರಣ ಗೊತ್ತಾಗುವುದಕ್ಕಾಗಿ ಮರಣೋತ್ತರ ಪರೀಕ್ಷೆ ಬಯಸಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.
- [ಅಕ್ರಮ ಅದಿರು ರಪ್ತು: ಸಿಬಿಐಗೆ ಭಾರೀ ಹಿನ್ನಡೆ!](https://mobiletime.in/2025/12/illegal-ore-export-huge-setback-for-cbi/): ಬೇಲಿಕೇರಿ ಅದಿರನ್ನು ಅಕ್ರಮವಾಗಿ ರಪ್ತು ಮಾಡಿದ ಪ್ರಕರಣದಲ್ಲಿ ತನಿಖಾ ಸಂಸ್ಥೆಗೆ ಹಿನ್ನಡೆ ಆಗಿದೆ. ಎಂಎಸ್‌ಪಿಎಲ್ ಲಿಮಿಟೆಡ್ ಹಾಗೂ ಅದರ ನಿರ್ದೇಶಕರ ವಿರುದ್ಧ ದಾಖಲಿಸಿದ್ದ ಕ್ರಿಮಿನಲ್ ಪ್ರಕರಣವನ್ನು ಹೈಕೋರ್ಟ ರದ್ಧುಪಡಿಸಿದೆ. ಬಳ್ಳಾರಿ ಬಳಿಯ ಹೊಸಪೇಟೆಯಲ್ಲಿನ ಅಕ್ರಮ ಗಣಿಗಾರಿಕೆಗೆ ಸಂಬAಧಿಸಿದAತೆ ಸಮಾಜ ಪರಿವರ್ತನಾ ಸಮುದಾಯ ಮತ್ತು ಇತರರು 2009ರಲ್ಲಿ ಸಲ್ಲಿಸಿದ್ದ ಅರ್ಜಿಗಳನ್ನು ವಿಚಾರಣೆ ನಡೆಸಿದ ಸುಪ್ರೀಂ ಕೋರ್ಟ ಅದರ ತನಿಖೆಗೆ ಸಮಿತಿ ನೇಮಿಸಿತ್ತು. 2009ರ ಜನವರಿಯಿಂದ 2010ರ ಮೇ 31ರವರೆಗೆ ಬೆಲೆಕೇರಿ ಬಂದರಿನ ಮೂಲಕ ರಫ್ತು ಮಾಡಿದ್ದ 32.27 ಲಕ್ಷ ಟನ್ ಕಬ್ಬಿಣದ ಅಧಿರಿನ ತನಿಖೆ ನಡೆಸಲು ಕೋರ್ಟು ಸಿಬಿಐಗೆ ನಿರ್ದೇಶನ ನೀಡಿತ್ತು. ಆ ಆಧಾರದಲ್ಲಿ ಸಿಬಿಐ ತನಿಖಾ ತಂಡದವರು ಎಂಎಸ್‌ಪಿಎಲ್ ಹಾಗೂ ಅದರ ನಿರ್ದೇಶಕರ ವಿರುದ್ಧ ಪ್ರಕರಣ ದಾಖಲಿಸಿದ್ದರು. 9 ವರ್ಷದ ತನಿಖೆ ನಂತರ 2022ರಲ್ಲಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಕೆಯಾಗಿತ್ತು. ಎಂಎಸ್‌ಪಿಎಲ್ ಮತ್ತು ಅದರ ನಿರ್ದೇಶಕರಾದ ನರೇಂದ್ರ ಕುಮಾರ್, ಬಲ್ಡೋಟಾ ಮತ್ತು ರಾಹುಲ್ ಕುಮಾರ್ ಅವರು ಗಣಿ ಇಲಾಖೆ ಪರವಾನಿಗೆ ಇಲ್ಲದೇ ಅದಿರು ಖರೀದಿಸಿದ ಬಗ್ಗೆ ದೂರಲಾಗಿತ್ತು. ಇದನ್ನು ಪ್ರಶ್ನಿಸಿ ಆರೋಪಿತರು ಹೈಕೋರ್ಟಿನ ಮೊರೆ ಹೋಗಿದ್ದರು. ವಿಚಾರಣೆ ನಡೆಸಿದ ಹೈಕೋರ್ಟ ಆರೋಪಕ್ಕೆ ಸಂಬAಧಿಸಿದ ಸಾಕ್ಷಿ ಇಲ್ಲದ ಕಾರಣ ಪ್ರಕರಣ ವಜಾ ಮಾಡಿತ್ತು. `ಅರ್ಜಿದಾರರ ವಿರುದ್ಧ 39 ಸಾವಿರ ಮೆಟ್ರಿಕ್ ಟನ್ ಅಕ್ರಮ ಅದಿರು ಸಾಗಾಟ ಆರೋಪವಿದೆ. ಅದು ರಾಜ್ಯ ತನಿಖಾ ವ್ಯಾಪ್ತಿಗೆ ಬರುತ್ತಿದ್ದ ಕಾರಣ ನೀಡಿ ಪ್ರಕರಣವನ್ನು 2024ರಲ್ಲಿ ವಜಾಗೊಳಿಸಿತ್ತು. ಇದನ್ನು ಸಿಬಿಐ ಸುಪ್ರೀಂಕೋರ್ಟಿನ ಮೊರೆ ಹೋಗಿದ್ದು, ಸುಪ್ರೀಂ ಕೋರ್ಟ ಮತ್ತೆ ಮೆರಿಟ್ ಆಧಾರದಲ್ಲಿ ವಿಚಾರಣೆ ನಡೆಸುವಂತೆ ಹೈಕೋರ್ಟಿಗೆ ನಿರ್ದೇಶನ ನೀಡಿತ್ತು. ಪ್ರಾಥಮಿಕ ವಿಚಾರಣೆಗೆ ಒಳಪಟ್ಟಿದ್ದ ಮತ್ತು ಅಧಿಕೃತ ಪರವಾನಗಿ ಇಲ್ಲದೆ 50 ಸಾವಿರ ಮೆಟ್ರಿಕ್ ಟನ್‌ಗಿಂತ ಹೆಚ್ಚಿನ ಕಬ್ಬಿಣದ ಅದಿರನ್ನು ರಫ್ತು ಮಾಡಿದ ರಫ್ತುದಾರರ ವಿರುದ್ಧ ಮಾತ್ರ ಕ್ರಿಮಿನಲ್ ಪ್ರಕರಣ ದಾಖಲಿಸಲು ಸಿಬಿಐಗೆ 2013ರಲ್ಲಿ ನ್ಯಾಯಾಲಯ ಅನುಮತಿ ನೀಡಿತ್ತು. 50 ಸಾವಿರ ಮೆಟ್ರಿಕ್ ಟನ್‌ಗಿಂತ ಕಡಿಮೆ ಇರುವ ಪ್ರಕರಣಗಳ ತನಿಖೆಯನ್ನು ರಾಜ್ಯಮಟ್ಟದಲ್ಲಿ ನಡೆಸಬೇಕು ಎಂದು ಸುಪ್ರೀಂ ಕೋರ್ಟ ಸೂಚಿಸಿತ್ತು. `ರಾಜಧನ ಮತ್ತು ಅರಣ್ಯ ಅಭಿವೃದ್ಧಿ ತೆರಿಗೆ ಪಾವತಿಸದೆ ಸರ್ಕಾರಕ್ಕೆ ನಷ್ಟ ಉಂಟು ಮಾಡಲಾಗಿದೆ. ಪರವಾನಿಗೆ ಇಲ್ಲದೆ ಅದಿರು ಗಣಿಗಾರಿಕೆ ಮಾಡಲಾಗಿದೆ ಎಂದು ಸಿಬಿಐ ವಾದಿಸಿತ್ತು. ಇದನ್ನು ವಿರೋಧಿಸಿದ ಎಂಎಸ್‌ಪಿಎಲ್ `ಗಣಿಗಾರಿಕೆಗೆ ಪರವಾನಿಗೆಗಳನ್ನು ಪಡೆಯುವ ಜವಾಬ್ದಾರಿ ಖರೀದಿದಾರರದಲ್ಲ. ನಮ್ಮ ಖರೀದಿ ಒಪ್ಪಂದಗಳಲ್ಲಿ ಅದಿರು ಪೂರೈಕೆದಾರರು ಅಧಿಕೃತ ಪರವಾನಿಗೆಗಳನ್ನು ಪಡೆದಿರಬೇಕು’ ಎಂದು ವಾದಿಸಿತ್ತು. ಈ ವಾದಗಳನ್ನು ಪರಿಗಣಿಸಿದ ನ್ಯಾಯಾಲಯ `ಸಿಬಿಐ ತನ್ನ ವಾದಗಳಿಗೆ ಪುರಾವೆಗಳನ್ನು ಒದಗಿಸಿಲ್ಲ. ಅಕ್ರಮ ನಡೆಸಲು ಪಿತೂರಿ ನಡೆಸಿದ್ದಾರೆ ಎಂದು ಸಾಬೀತಾಗದ ಹೊರತು ಅದಿರು ಪೂರೈಕೆದಾರರ ತಪ್ಪಿಗೆ ಖರೀದಿದಾರರನ್ನು ಹೊಣೆ ಮಾಡಲು ಸಾಧ್ಯವಿಲ್ಲ; ಎಂದು ಹೇಳಿದೆ. `ಕ್ರಿಮಿನಲ್ ಚಟುವಟಿಕೆಗೆ ಪೂರಕವಾಗಿ ಸಿಬಿಐ ಸಾಕ್ಷಿ ಒದಗಿಸಿಲ್ಲ’ ಎಂಬ ಕಾರಣಕ್ಕೆ ಕ್ರಿಮಿನಲ್ ಪ್ರಕರಣದ ಮೊಕದ್ದಮೆಯನ್ನು ನ್ಯಾಯಾಲಯ ರದ್ಧು ಮಾಡಿದೆ.
- [ನವ ವಿವಾಹಿತೆಗೆ ಗೃಹ ಬಂಧನ: 10 ಲಕ್ಷದ ಮದುವೆಗೆ ಒಂದುವರೆ ವರ್ಷ ವಾಯಿದೆ!](https://mobiletime.in/2025/12/newlywed-faces-domestic-confinement-one-and-a-half-years-of-delay-for-a-wedding-costing-10-lakh/): ಶಿರಸಿಯ ಕೀರ್ತಿ ನಾಯಕ ಅವರಿಗೆ ಮದುವೆಯಾದ ಗಂಡನೇ ಚಿತ್ರಹಿಂಸೆ ಕೊಟ್ಟಿದ್ದಾರೆ. 10 ಲಕ್ಷ ರೂ ಮೌಲ್ಯದ ಬಂಗಾರದ ಒಡವೆ ಕೊಟ್ಟು ಮದುವೆ ಮಾಡಿದ್ದರೂ ಇನ್ನಷ್ಟು ಹಪಾಹಪಿತನಕ್ಕೆ ಬಿದ್ದ ಮಧುಕರ ನಾಯಕ ಅವರು ಕೀರ್ತಿ ನಾಯಕ ಅವರನ್ನು ಪೀಡಿಸುತ್ತಿದ್ದಾರೆ. ಶಿರಸಿಯ ಮೇಲಿನ ಓಣಿಕೇರಿಯಲ್ಲಿ ಕೀರ್ತಿ ನಾಯಕ ಅವರು ವಾಸವಾಗಿದ್ದಾರೆ. 2024ರ ಮೇ 5ರಂದು ಅವರು ಕೊಪ್ಪಳದ ಬ್ಯಾಂಕ್‌ವೊAದರ ನೌಕರ ಮಧುಕರ ನಾಯಕ ಅವರನ್ನು ಮದುವೆ ಆಗಿದ್ದಾರೆ. ಅವರ ವಿವಾಹ ನೋಂದಣಿಯೂ ಆಗಿದೆ. ಮದುವೆ ಅವಧಿಯಲ್ಲಿ ಕೀರ್ತಿ ನಾಯಕ ಅವರ ಪಾಲಕರು 10 ಲಕ್ಷ ರೂ ಮೌಲ್ಯದ ಬಂಗಾರದ ಒಡವೆಯನ್ನು ಮಾಡಿಸಿಕೊಟ್ಟಿದ್ದಾರೆ. ಅದಕ್ಕೆ ತೃಪ್ತಿಯಾಗದ ಮಧುಕರ ನಾಯಕ ಅವರು ಇನ್ನಷ್ಟು ವರದಕ್ಷಿಣೆ ತರುವಂತೆ ಕೀರ್ತಿ ನಾಯಕ ಅವರನ್ನು ಕಾಡಿಸುತ್ತಿದ್ದಾರೆ. ಮಧುಕರ ನಾಗಪ್ಪ ನಾಯಕ ಅವರು ಕೊಪ್ಪಳದ ಹಮಾಲರ ಕಾಲೋನಿಯಲ್ಲಿ ವಾಸವಾಗಿದ್ದಾರೆ. ಮದುವೆ ಆದ ಹೊಸತರಲ್ಲಿ ಪತ್ನಿಯನ್ನು ಚನ್ನಾಗಿಯೇ ನೋಡಿಕೊಂಡ ಮಧುಕರ ನಾಯಕ ಅವರು ನಂತರ ಹಣದ ಹಪಾಹಪಿತನಕ್ಕೆ ಒಳಗಾಗಿದ್ದಾರೆ. ಕೀರ್ತಿ ನಾಯಕ ಅವರ ಮೇಲೆ ಮಧುಕರ ನಾಯಕ ಅವರಿಗೆ ಅನುಮಾನ. ಹೀಗಾಗಿ ಕೀರ್ತಿ ನಾಯಕ ಅವರನ್ನು ಮಧುಕರ ನಾಯಕ ಅವರು ಗೃಹ ಬಂಧನದಲ್ಲಿರಿಸಿದ್ದು, ಅವರು ಅಲ್ಲಿಂದ ತಪ್ಪಿಸಿಕೊಂಡು ತವರು ಮನೆಗೆ ಬಂದಿದ್ದಾರೆ. ಕೀರ್ತಿ ನಾಯಕ ಹಾಗೂ ಮಧುಕರ ನಾಯಕ ಅವರ ದಾಂಪತ್ಯಕ್ಕೆ ಸಾಕ್ಷಿಯಾಗಿ ಅಗಸ್ಟ 7ರಂದು ಹೆಣ್ಣು ಮಗುವೊಂದು ಜನಿಸಿದ್ದು, ಆ ಮಗುವಿನ ಮುಖ ನೋಡಲು ಸಹ ಮಧುಕರ ನಾಯಕ ಅವರು ಬರುತ್ತಿಲ್ಲ. ನವೆಂಬರ್ 23ರಂದು ಕೀರ್ತಿ ನಾಯಕ ಅವರು ತವರು ಮನೆ ಸೇರಿದ್ದು, ಮಧುಕರ ನಾಯಕ ಅವರು ಪದೇ ಪದೇ ಕೀರ್ತಿ ನಾಯಕ ಅವರಿಗೆ ಫೋನ್ ಮಾಡಿ ವರದಕ್ಷಿಣೆ ತರುವಂತೆ ದುಂಬಾಲು ಬಿದ್ದಿದ್ದಾರೆ. ವರದಕ್ಷಿಣೆ ಕೊಡದ ಕಾರಣ ಸಿಟ್ಟಿಗೆದ್ದ ಮಧುಕರ ನಾಯಕ ಅವರು ನವೆಂಬರ್ 25ರಂದು ಶಿರಸಿಗೆ ಬಂದಿದ್ದಾರೆ. ತಮ್ಮೊಂದಿಗೆ ಇನ್ನಷ್ಟು ಜನರನ್ನು ಕರೆದುಕೊಂಡು ಬಂದಿದ್ದ ಮಧುಕರ ನಾಯಕ ಅವರು ಮೇಲಿನ ಓಣಿಕೇರಿಗೆ ತೆರಳಿದ್ದಾರೆ. ಕೀರ್ತಿ ನಾಯಕ ಅವರಿದ್ದ ಮನೆ ಬಾಗಿಲು ಬಡಿದು ರಂಪಾಟ ಮಾಡಿದ್ದಾರೆ. ಕೀರ್ತಿ ನಾಯಕ ಅವರ ತಾಯಿ ಬಾಗಿಲು ತೆರೆದಾಗ ಕೆಟ್ಟದಾಗಿ ಬೈದು ನಿಂದಿಸಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಕೀರ್ತಿ ನಾಯಕ ಅವರು ನ್ಯಾಯಾಲಯದ ಮೊರೆ ಹೋಗಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.  ಅನ್ಯಾಯ, ದೌರ್ಜನ್ಯ ಸೇರಿ ಯಾವುದೇ ಬಗೆಯ ಸಹಾಯಕ್ಕಾಗಿ ಮಹಿಳೆಯರು 181ಗೆ ಫೋನ್ ಮಾಡಿ
- [ಜಲಾಂರ್ತಗಾಮಿ ನೌಕೆಯಲ್ಲಿ ರಾಷ್ಟ್ರಪತಿ ಸಂಚಾರ](https://mobiletime.in/2025/12/presidents-trip-on-a-submarine/): ಭಾರತದ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಭಾನುವಾರ ಕಾರವಾರಕ್ಕೆ ಭೇಟಿ ನೀಡಿದ್ದಾರೆ. ಇಲ್ಲಿನ ಕದಂಬ ನೌಕಾನೆಲೆಗೆ ಆಗಮಿಸಿದ ಅವರು ಜಲಾಂರ್ತಗಾಮಿ ನೌಕೆಯಲ್ಲಿ ಸಂಚಾರ ಮಾಡಿದ್ದಾರೆ. ಭಾರತೀಯ ಯುದ್ಧನೌಕೆಗಳನ್ನು ಅವರು ಹತ್ತಿರದಿಂದ ಗಮನಿಸಿದ್ದಾರೆ. ಯುದ್ಧನೌಕೆಯ ಮೂಲಕ ಆಳ ಸಮುದ್ರಕ್ಕೆ ತೆರಳಿದ ಅವರು ರಕ್ಷಣಾ ಸಾಮರ್ಥ್ಯಗಳ ಪರಿಶೀಲನೆ ನಡೆಸಿದ್ದಾರೆ. ನೌಕಾಪಡೆಯ ಐ ಎನ್‌ಎಸ್ ವಾಗ್‌ಶೀರ್ ಜಲಾಂರ್ತಗಾಮಿ ನೌಕೆಯಲ್ಲಿ ದ್ರೌಪದಿ ಮುರ್ಮು ಅವರು ಸಂಚಾರ ಮಾಡಿದ್ದು, ಯುದ್ಧ ನೌಕೆಯ ಬಗ್ಗೆ ಅವರು ಅಧಿಕಾರಿಗಳಿಂದ ಮಾಹಿತಿಪಡೆದಿದ್ದಾರೆ. ಕಾರವಾರದ ಕದಂಬ ನೌಕಾನೆಲೆಗೆ ಭಾನುವಾರ ಆಗಮಿಸಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರನ್ನು ರಾಜ್ಯಪಾಲ ಥಾವರ್ ಚಂದ್ ಗೆಹಲೋಟ್, ಮೀನುಗಾರಿಕೆ, ಬಂದರು ಮತ್ತು ಒಳನಾಡು ಜಲ ಸಾರಿಗೆ ಸಚಿವ ಮಂಕಾಳು ವೈದ್ಯ ಅವರು ಸ್ವಾಗತಿಸಿದ್ದಾರೆ. ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ, ಎಡಿಜಿಪಿ ಹಿತೇಂದ್ರ, ಐಜಿಪಿ ಅಮಿತ್ ಸಿಂಗ್, ಎಸ್ಪಿ ದೀಪನ್ ಎಂ ಎನ್ ಹಾಗೂ ಚೀಫ್ ಆಫ್ ದ ನೇವಲ್ ಸ್ಟಾಫ್ ಅಡ್ಮಿರಲ್ ದಿನೇಶ್ ಕುಮಾರ್ ತ್ರಿಪಾಟಿ, ಕಾರವಾರ ನೆವಲ್ ಬೇಸ್ ನ ಫ್ಲಾಗ್ ಆಫೀಸರ್ ಕಮಾಂಡಿoಗ್ ರಿಯರ್ ಅಡ್ಮಿರಲ್ ವಿಕ್ರಂ ಮೆನನ್ ಸಹ ದ್ರೌಪದಿ ಮುರ್ಮು ಅವರನ್ನು ಅದ್ಧೂರಿಯಾಗಿ ಬರಮಾಡಿಕೊಂಡಿದ್ದಾರೆ.
- [ಉಗ್ರ ಹೋರಾಟ | ಸ್ವ ಪಕ್ಷದವರ ವಿರುದ್ಧವೇ ಕಾಗೇರಿ ಕಿಡಿ!](https://mobiletime.in/2025/12/fierce-struggle-a-firestorm-against-ones-own-party/): ಬೇಡ್ತಿ-ವರದಾ ನದಿ ಜೋಡಣೆಗೆ ಮಾಜಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ನಿರಂತರ ಪ್ರಯತ್ನ ಮಾಡುತ್ತಿದ್ದು, ಬಿಜೆಪಿ ಪಕ್ಷದಿಂದ ಆಯ್ಕೆಯಾದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಯೋಜನೆ ವಿರುದ್ಧ ತಿರುಗಿ ಬಿದ್ದಿದ್ದಾರೆ. `ಯಾವುದೇ ಕಾರಣಕ್ಕೂ ಪಶ್ಚಿಮ ಘಟ್ಟದ ಸೂಕ್ಷ್ಮ ಪರಿಸರದ ಮೇಲೆ ಅವೈಜ್ಞಾನಿಕ ಯೋಜನೆ ಪ್ರಭಾವ ಬೀರಲು ಬಿಡುವುದಿಲ್ಲ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. `ಕೆಲವರು ತಪ್ಪು ಕಲ್ಪನೆಯಿಂದ ನದಿ ಜೋಡಣೆಗೆ ವಿರೋಧ ಮಾಡುತ್ತಿದ್ದಾರೆ’ ಎಂದು ಬಿಜೆಪಿ ಮುಖಂಡ ಬಸವರಾಜ ಬೊಮ್ಮಾಯಿ ಅವರು ಹೇಳಿದ್ದಾರೆ. ಕಾಂಗ್ರೆಸ್ ಸರ್ಕಾರದ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಸಹ ನದಿ ಜೋಡಣೆಗೆ ಆಸಕ್ತಿವಹಿಸಿದ್ದಾರೆ. ಆದರೆ, ಉತ್ತರ ಕನ್ನಡ ಜಿಲ್ಲೆಯ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಈ ಯೋಜನೆಯನ್ನು ವಿರೋಧಿಸಿದ್ದು, ಮುಂದುವರೆದರೆ ಉಗ್ರ ಹೋರಾಟದ ಎಚ್ಚರಿಕೆ ನೀಡಿದ್ದಾರೆ. `ಕೇಂದ್ರ ಸರ್ಕಾರ ನೀಡುವ ಜಲ ಸಂಪನ್ಮೂಲ ಯೋಜನೆಯ ಅನುದಾನದ ಆಸೆಗಾಗಿ ಅಮೂಲ್ಯ ಕೃಷಿ ಹಾಗೂ ಅರಣ್ಯ ಸಂಪತ್ತು ಬಲಿಕೊಡುವುದು ಅಕ್ಷಮ್ಯ ಅಪರಾಧ’ ಎಂದು ಕಾಗೇರಿ ಹೇಳಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಜೀವನಾಡಿಗಳ ಮೇಲೆ ನೇರ ಪರಿಣಾಮ ಬೀರುವ ಬೇಡ್ತಿ-ವರದಾ ನದಿ ಜೋಡಣೆ ಯೋಜನೆಗೆ ವಿಸ್ತೃತ ಯೋಜನಾ ವರದಿ ಸಿದ್ಧಪಡಿಸಲು ಮುಂದಾಗಿರುವುದು ಅವಿವೇಕದ ನಿರ್ಧಾರ. ಜನಜೀವನ ಮತ್ತು ಇಡೀ ಪರಿಸರವನ್ನು ನಾಶಮಾಡುವ ಈ ಯೋಜನೆ ಕಾರ್ಯಸಾಧುವಲ್ಲ ಎಂದು ತಿರಸ್ಕರಿಸುವ ಬದಲು ರಾಜ್ಯ ಸರ್ಕಾರವು ಇದಕ್ಕೆ ಮನ್ನಣೆ ನೀಡುತ್ತಿರುವುದು ಸಂಶಯಕ್ಕೆ ಕಾರಣ’ ಎಂದವರು ಹೇಳಿದ್ದಾರೆ. `ನೈಸರ್ಗಿಕವಾಗಿ ಬೀಳುವ ಮಳೆಯಿಂದಲೇ ಇಲ್ಲಿನ ರೈತರು ಹಾಗೂ ಪರಿಸರ ಬದುಕುತ್ತಿದ್ದು, ಬೇಸಿಗೆಯ ಅವಧಿಯಲ್ಲಿ ಈ ಭಾಗದಲ್ಲಿಯೇ ತೀವ್ರ ನೀರಿನ ಕೊರತೆ ಇರುತ್ತದೆ. ಇಲ್ಲಿನ ಜನರಿಗೆ ನೀರಿನ ಅವಶ್ಯಕತೆಯಿರುವಾಗ ಇಲ್ಲಿನ ನೀರನ್ನು ತೆಗೆದುಕೊಂಡು ಹೋಗಿ ವರದಾ ನದಿಗೆ ಸೇರಿಸುವುದು ಅವೈಜ್ಞಾನಿಕ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ವಿವರ ನೀಡಿದ್ದಾರೆ. `ಜಿಲ್ಲೆಯ ನೈಸರ್ಗಿಕ ಸಂಪತ್ತನ್ನು ಬಲಿಗೊಟ್ಟು ಪಡೆಯುವ ಯಾವುದೇ ಅಭಿವೃದ್ಧಿ ನಮಗೆ ಬೇಕಿಲ್ಲ. ಜನವಿರೋಧಿ ಯೋಜನೆಯನ್ನು ಮುಂದುವರಿಸಿದರೆ ನಾವು ಕೈಕಟ್ಟಿ ಕುಳಿತುಕೊಳ್ಳುವುದಿಲ್ಲ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಎಚ್ಚರಿಕೆ ನೀಡಿದ್ದಾರೆ.
- [ಹೊಡೆದಾಟ: ಸೇಫ್ ಸ್ಟಾರ್ ಅಧ್ಯಕ್ಷರಿಗೆ ಬಿಜೆಪಿ ಬೆಂಬಲ!](https://mobiletime.in/2025/12/fight-bjp-supports-safe-star-president/): ಸೇಫ್ ಸ್ಟಾರ್ ಸೊಸೈಟಿ ಅಧ್ಯಕ್ಷ ಜಿ ಜಿ ಶಂಕರ್ ಅವರ ವಿರುದ್ಧ ದಾಖಲಾದ ಕೊಲೆ ಯತ್ನ ಪ್ರಕರಣ ರಾಜಕೀಯ ತಿರುವುಪಡೆದಿದೆ. ಕುಮಟಾ ಕ್ಷೇತ್ರದ ಬಿಜೆಪಿ ಶಾಸಕ ದಿನಕರ ಶೆಟ್ಟಿ ಹಾಗೂ ಮಾಜಿ ಶಾಸಕ ಸುನೀಲ ನಾಯ್ಕ ಅವರು ಜಿ ಜಿ ಶಂಕರ್ ಅವರ ಬೆಂಬಲಕ್ಕೆ ನಿಂತಿದ್ದಾರೆ. ಅವರಿಬ್ಬರು ಸೇರಿ `ರಾಜಕೀಯ ಕಾರಣಕ್ಕಾಗಿ ಬಿಜೆಪಿ ಮುಖಂಡ ಜಿ ಜಿ ಶಂಕರ್ ಅವರ ವಿರುದ್ಧ ಕಾಂಗ್ರೆಸ್ ಸರ್ಕಾರ ಪ್ರಕರಣ ದಾಖಲಿಸಿದೆ’ ಎಂದು ದೂರಿದ್ದಾರೆ. `ನಾನು ನನ್ನ ಉದ್ಯಮ ನಡೆಸಿ ಬಂದವನು. ಇಸ್ಪೀಟ್, ಓಸಿ, ಕೋಳಿ ಅಂಕ, ಜೂಜು ನಡೆಸುವವನಲ್ಲ. ಅದಾಗಿಯೂ ನನ್ನ ಹತ್ತಿಕ್ಕುವ ಪ್ರಯತ್ನ ನಡೆದಿದೆ’ ಎಂದು ಬಿಜೆಪಿ ಮುಖಂಡರೂ ಆಗಿರುವ ಜಿ ಜಿ ಶಂಕರ್ ಅವರು ಅಳಲು ತೋಡಿಕೊಂಡಿದ್ದಾರೆ. `ಕಾಂಗ್ರೆಸ್ ಸರ್ಕಾರ ಪೊಲೀಸರನ್ನು ಬಳಸಿಕೊಂಡು ಬಿಜೆಪಿಗರ ವಿರುದ್ಧ ಸೇಡಿನ ರಾಜಕಾರಣ ಮಾಡುತ್ತಿದೆ. ಜಾಗದ ವಿಷಯವಾಗಿ ನಡೆದ ಗಲಾಟೆಯನ್ನು ತಿರುಚಿ ಜಿ ಜಿ ಶಂಕರ್ ಅವರ ವಿರುದ್ಧ ರಾಜಕೀಯ ದ್ವೇಷದಿಂದ ಕೊಲೆ ಯತ್ನ ಪ್ರಕರಣ ದಾಖಲಿಸಲಾಗಿದೆ’ ಎಂದು ದಿನಕರ ಶೆಟ್ಟಿ ಹಾಗೂ ಸುನೀಲ ನಾಯ್ಕ ಅವರು ಒಮ್ಮತದಿಂದ ಮಾತನಾಡಿದ್ದಾರೆ. `ಅದರಲ್ಲಿಯೂ ಭಟ್ಕಳ-ಹೊನ್ನಾವರ ಕ್ಷೇತ್ರದಲ್ಲಿ ಬಿಜೆಪಿ ಕಾರ್ಯಕರ್ತರಿಗೆ ಉಸಿರುಗಟ್ಟಿಸುವ ವಾತಾವರಣವಿದೆ. ಜಿ ಜಿ ಶಂಕರ್ ಅವರ ವಿರುದ್ಧ ದಾಖಲಾದ ಪ್ರಕರಣದಲ್ಲಿ ಸಚಿವರ ಸಂಚಿದೆ’ ಎಂದು ಸುನೀಲ ನಾಯ್ಕ ಅವರು ಹೇಳಿದ್ದಾರೆ. `ನನ್ನ ಕ್ಷೇತ್ರದಲ್ಲಿ ಕಾಂಗ್ರೆಸ್‌ನ ಗುಂಡಾಗಿರಿಗೆ ಅವಕಾಶ ನೀಡುವುದಿಲ್ಲ. ಅಮಾಯಕ ಉದ್ಯಮಿಗಳು ಮತ್ತು ಕಾರ್ಯಕರ್ತರಿಗೆ ತೊಂದರೆ ನೀಡಿದರೆ ಸಹಿಸುವುದಿಲ್ಲ’ ಎಂದು ಶಾಸಕ ದಿನಕರ ಶೆಟ್ಟಿ ಎಚ್ಚರಿಕೆ ನೀಡಿದ್ದಾರೆ. `ಹಿಂದಿನ ಶಾಸಕರಾದ ಶಿವಾನಂದ ನಾಯ್ಕ ಅಥವಾ ಜೆ. ಡಿ ನಾಯ್ಕ ಅವರ ಕಾಲದಲ್ಲಿ ಇಂಥ ದ್ವೇಷದ ರಾಜಕಾರಣ ನಡೆದಿರಲಿಲ್ಲ. ಮಂಕಿ ಪಟ್ಟಣ ಪಂಚಾಯತ ಚುನಾವಣೆಯಲ್ಲಿ ಜನರು ಅಹಂಕಾರದ ರಾಜಕಾರಣಕ್ಕೆ ಈಗಾಗಲೇ ಉತ್ತರ ನೀಡಿದ್ದಾರೆ. ಪೊಲೀಸರು ಇದೇ ರೀತಿ ಮುಂದುವರಿದರೆ ಸಾವಿರಾರು ಕಾರ್ಯಕರ್ತರೊಂದಿಗೆ ಪೊಲೀಸ್ ಠಾಣೆಗೆ ಮುತ್ತಿಗೆ ಹಾಕಲಾಗುತ್ತದೆ’ ಎಂದು ಎಚ್ಚರಿಸಿದ್ದಾರೆ. `ಪೊಲೀಸರು ತನ್ನೊಂದಿಗೂ ಅನುಚಿತವಾಗಿ ವರ್ತಿಸಿದ್ದಾರೆ. ದೂರು ನೀಡಲು ಹೋದಾಗ ಪೊಲೀಸರು ಹಗುರವಾಗಿ ಮಾತನಾಡಿಸಿ, ರಾತ್ರಿಯಿಡೀ ಠಾಣೆಯಲ್ಲಿ ಕೂಡಿಸಿ ದೂರು ಸ್ವೀಕರಿಸದೆ ಮಾನಸಿಕ ಹಿಂಸೆ ನೀಡಿದ್ದಾರೆ’ ಎಂದು ಸೇಫ್ ಸ್ಟಾರ್ ಸೊಸೈಟಿಯಲ್ಲಿ ಕೆಲಸ ಮಾಡುವ ನಾಗರತ್ನ ಹಳ್ಳೇರ ಅವರು ದೂರಿದ್ದಾರೆ. ಡಿಸೆಂಬರ್ 9ರಂದು ಹೊನ್ನಾವರ ಮಾವಿನಕೂರ್ವಾ ಬಳಿಯ ಮಂಡಲಕೂರ್ವದ ಜೊಯವಿನ್ ಬಸ್ತೇಂವ್ ಮೆಂಡೋನ್ಸಾ ಅವರು ಪೀಟರ್ ಎಂಬಾತರ ಸೂಚನೆ ಮೇರೆಗೆ ಕೂಲಿ ಕೆಲಸಕ್ಕೆ ಹೋಗಿದ್ದಾಗ ಅವರ ಮೇಲೆ ಹಲ್ಲೆ ನಡೆದಿತ್ತು. ಜೊಯವಿನ್ ಅವರ ಜೊತೆ ಅವರ ತಂದೆ ಬಸ್ತೇಂವ್ ಮೆಂಡೋನ್ಸಾ, ಪಾವ್ಲು ಡಿಕೋಸ್ತಾ ಅವರ ಮೇಲೆಯೂ ದಾಳಿ ನಡೆದಿತ್ತು. 25ಕ್ಕೂ ಅಧಿಕ ಜನ ಸೇರಿ ಜೊಯವಿನ್ ಅವರ ಮೇಲೆ ದಾಳಿ ನಡೆಸಿದ್ದು, ಇದರಲ್ಲಿ ಜಿ ಜಿ ಶಂಕರ್ ಅವರ ಕೈವಾಡವಿರುವ ಆರೋಪವ್ಯಕ್ತವಾಗಿತ್ತು. ಜಿ ಜಿ ಶಂಕರ್ ಅವರ ಜೊತೆ ಅಂಗಡಿ ಹಿತ್ತಲದ ಮೋಹನ ತಿಮ್ಮಪ್ಪ ಗೌಡ, ಅರುಣ ಮಂಜುನಾಥ ಗೌಡ, ದುರ್ಗಾಕೇರಿಯ ಕಿರಣ ಆರ್ ಹೊನ್ನಾವರಕರ್, ಹೊಂಡಗದ್ದೆಯ ಸತೀಶ ಗೋವಿಂದ ಗೌಡ ಅವರು ಇನ್ನೂ 25 ಜನರ ಜೊತೆ ಸೇರಿ ಆಕ್ರಮಣ ನಡೆಸಿದ ಬಗ್ಗೆ ದೂರು ದಾಖಲಾಗಿದ್ದು, ಇದಕ್ಕೆ ಪ್ರತಿಯಾಗಿ ಸೇಫ್ ಸ್ಟಾರ್ ಸೊಸೈಟಿಯಲ್ಲಿ ಕೆಲಸ ಮಾಡುವ ಹೊನ್ನಾವರ ಮೂಡ್ಕಣಿಯ ನಾಗರತ್ನ ಗಣಪತಿ ಹಳ್ಳೇರ್ ಅವರು ತಮಗೆ ಬೆದರಿಕೆಯಿರುವ ಬಗ್ಗೆ ದೂರಿದ್ದರು. ಜೋಯವಿನ್ ಮಂಡೋನ್ಸಾ ಹಾಗೂ ಪೀಟರ್ ಮಂಡೋನ್ಸಾ ಅವರ ವಿರುದ್ಧ ನಾಗರತ್ನ ಹಳ್ಳೇರ್ ಅವರು ಆರೋಪಿಸಿದ್ದರು. ಅದರ ಬೆನ್ನಲ್ಲೆ ಜೋಯವಿನ್ ಮಂಡೋನ್ಸಾ ಕಡೆಯವರು ಡಿಸೆಂಬರ್ 11ರಂದು ಸೇಫ್ ಸ್ಟಾರ್ ಸೊಸೈಟಿಯ ಅಳ್ಳಂಕಿ ಶಾಖೆಯ ಫಿಲ್ಡ್ ಆಫೀಸರ್ ಶ್ಯಾಮಲಾ ಮಂಜುನಾಥ ನಾಯ್ಕ ಅವರನ್ನು ಬೆದರಿಸಿದ ಬಗ್ಗೆ ಪೊಲೀಸ್ ಪ್ರಕರಣ ದಾಖಲಾಗಿತ್ತು. ಈ ಎಲ್ಲದರ ನಡುವೆ ಶಾಸಕ ದಿನಕರ ಶೆಟ್ಟಿ ಹಾಗೂ ಮಾಜಿ ಶಾಸಕ ಸುನೀಲ ನಾಯ್ಕ ಅವರು ಜಿ ಜಿ ಶಂಕರ್ ಅವರ ಪರವಾಗಿ ಮಾತನಾಡಿದ್ದು, ಬಿಜೆಪಿಗರನ್ನು ಗುರಿಯನ್ನಾಗಿಸಿ ಕಾಂಗ್ರೆಸ್ ದ್ವೇಷ ಸಾಧಿಸುತ್ತಿರುವ ಬಗ್ಗೆ ಹೇಳಿಕೆ ನೀಡಿದ್ದಾರೆ.
- [`ಮಕ್ಕಳ ಆರೋಗ್ಯ - ಮುತುವರ್ಜಿ ಅಗತ್ಯ'](https://mobiletime.in/2025/12/childrens-health-mutual-protection-is-necessary/): `ಮಕ್ಕಳ ಆರೋಗ್ಯದ ವಿಷಯದಲ್ಲಿ ಪಾಲಕರು ಹೆಚ್ಚಿನ ಮುತುವರ್ಜಿವಹಿಸಬೇಕು’ ಎಂದು ಸಿದ್ದಾಪುರ ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ ಎಚ್ ನಾಯ್ಕ ಅವರು ಹೇಳಿದ್ದಾರೆ. `ಮಕ್ಕಳ ಮನೋದೈಹಿಕ ಆರೋಗ್ಯ ಭವಿಷ್ಯ ರೂಪಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ’ ಎಂದವರು ಮಾಹಿತಿ ನೀಡಿದ್ದಾರೆ. ಶನಿವಾರ ಶಿರಸಿಯ ಸ್ಕೋಡ್‌ವೆಸ್, ದೇಸಾಯಿ ಫೌಂಡೇಶನ್ ಹಾಗೂ ಶಿಕ್ಷಣ ಇಲಾಖೆ ಸಹಯೋಗದಲ್ಲಿ ಪ್ರಶಾಂತಿ ಶಿಕ್ಷಣ ಸಂಸ್ಥೆ ಆವಾರದಲ್ಲಿ ಬಾಲ ಆರೋಗ್ಯ ಮೇಳ ನಡೆಯಿತು. ಈ ಮೇಳ ಉದ್ಘಾಟಿಸಿದ ಶಿಕ್ಷಣಾಧಿಕಾರಿ ಎಂ ಎಚ್ ನಾಯ್ಕ ಅವರು `ಬಾಲ್ಯದಲ್ಲಿಯೇ ವಯಕ್ತಿಕ ಆರೋಗ್ಯ, ಪೌಷ್ಠಿಕ ಆಹಾರ, ದೈಹಿಕ ಬೆಳವಣಿಗೆ ಬೇಕಾದ ಎಲ್ಲಾ ಅವಶ್ಯಕತೆಗಳನ್ನು ಪಾಲಕರು ಸಮರ್ಪಕವಾಗಿ ಒದಗಿಸಬೇಕು’ ಎಂದು ಕರೆ ನೀಡಿದರು. ಸ್ಕೋಡ್ ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ್ ನಾಯ್ಕ ಅವರು ಮಾತನಾಡಿ `ಗ್ರಾಮೀಣ ಮಕ್ಕಳ ಸರ್ವತೋಮುಖ ಅಭಿವೃದ್ಧಿಗೆ ಸ್ಕೋಡ್ ವೆಸ್ ಸಂಸ್ಥೆ ಹಲವಾರು ಕಾರ್ಯಕ್ರಮಗಳನ್ನು ಆಯೋಜಿಸಿದೆ. ಬಾಲ ಆರೋಗ್ಯ ಮೇಳದಲ್ಲಿ ವಯಕ್ತಿಕ ಶುಚಿತ್ವ, ಮಾನಸಿಕ ಆರೋಗ್ಯಕ್ಕಾಗಿ ವಿವಿಧ ಮನರಂಜನಾ ಕ್ರೀಡಾ ಚಟುವಟಿಕೆಗಳು, ಆರೋಗ್ಯ ತಪಾಸಣೆ, ಪೌಷ್ಠಿಕ ಆಹಾರದ ಮಹತ್ವ, ವಿಜ್ಞಾನ ವಸ್ತುಪ್ರದರ್ಶನ ಮುಂತಾದ ಚಟುವಟಿಕೆ ನಡೆಯಲಿದೆ’ ಎಂದು ತಿಳಿಸಿದರು. ಪ್ರಶಾಂತಿ ಪ್ರೌಢಶಾಲೆ ಮುಖ್ಯೋಧ್ಯಾಪಕ ದಿನೇಶ ಶೆಟ್ಟಿ, ದೈಹಿಕ ಶಿಕ್ಷಕ ಎಂ ವಿ ನಾಯ್ಕ, ಸಮನ್ವಯ ಅಧಿಕಾರಿ ಶೋಭಾ ಡಿಸಿ, ಪ್ರಶಾಂತಿ ಹಿರಿಯ ಪ್ರಾಥಮಿಕ ಶಾಲೆ ಮುಖ್ಯಾಧ್ಯಾಪಕ ರಾಘವೇಂದ್ರ ಬೇಡ್ಕಣಿ, ಸಂಸ್ಥೆಯ ಸಿಬ್ಬಂದಿ ಉಮೇಶ ಮರಾಠಿ ಕಾರ್ಯಕ್ರಮದಲ್ಲಿದ್ದರು.
- [ಕುಡಿದು ಕುಡಿದು ಕೊನೆಯುಸಿರೆಳೆದ ಕೂಲಿಯಾಳು!](https://mobiletime.in/2025/12/a-drunken-laborer-who-died/): ಕುಡಿತದ ಚಟಕ್ಕೆ ಒಳಗಾಗಿದ್ದ ಹೊನ್ನಾವರದ ರಾಘವೇಂದ್ರ ನಾಯ್ಕ ಅವರು ತಮ್ಮ ವ್ಯಸನ ಹೆಚ್ಚಾದ ಪರಿಣಾಮ ಸಾವನಪ್ಪಿದ್ದಾರೆ. ಅಸ್ವಸ್ಥರಾಗಿ ಕುಸಿದು ಬಿದ್ದ ಅವರನ್ನು ಮೂರು ಆಸ್ಪತ್ರೆಗೆ ಕರೆದೊಯ್ದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಹೊನ್ನಾವರ ಕುದ್ರಗಿಯಲ್ಲಿ ರಾಘವೇಂದ್ರ ಶಂಕರ ನಾಯ್ಕ (40) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದು, ದುಡಿಮೆಯ ಹಣವನ್ನು ಸರಾಯಿ ಅಂಗಡಿಗೆ ಸುರಿಯುತ್ತಿದ್ದರು. ಅವರ ಕುಡಿತದ ಚಟ ಮಿತಿ ಮೀರಿದ್ದು, ಯಾರಿಂದಲೂ ಅದನ್ನು ನಿಯಂತ್ರಣಕ್ಕೆ ತರಲು ಸಾಧ್ಯವಾಗಿರಲಿಲ್ಲ. ಕುಟುಂಬದವರು ಹೇಳಿದರೂ ಸಹ ರಾಘವೇಂದ್ರ ನಾಯ್ಕ ಅವರು ಕುಡಿಯುವುದನ್ನು ಮಾತ್ರ ಬಿಡುತ್ತಿರಲಿಲ್ಲ. ಡಿಸೆಂಬರ್ 24ರಂದು ಮದ್ಯದ ನಶೆಯಲ್ಲಿರುವಾಗಲೇ ಅವರು ಅಸ್ವಸ್ಥರಾದರು. ಮನೆ ಗೇಟಿನ ಬಳಿ ಏಕಾಏಕಿ ಕುಸಿದು ಬಿದ್ದರು. ರಾಘವೇಂದ್ರ ನಾಯ್ಕ ಅವರನ್ನು ಕುಟುಂಬದವರು ಹೊನ್ನಾವರ ಆಸ್ಪತ್ರೆಗೆ ಕರೆದೊಯ್ದರು. ನಂತರ ಕಾರವಾರ ಆಸ್ಪತ್ರೆಗೆ ದಾಖಲಿಸಿದರು. ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿನ ವೆನ್ ಲಾಕ್ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದರು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಡಿಸೆಂಬರ್ 25ರ ರಾತ್ರಿ ರಾಘವೇಂದ್ರ ನಾಯ್ಕ ಅವರು ಆಸ್ಪತ್ರೆಯಲ್ಲಿಯೇ ಸಾವನಪ್ಪಿದರು. ಚಿಕ್ಕಪ್ಪನ ಸಾವಿನ ಬಗ್ಗೆ ಆಟೋ ಚಾಲಕ ವಿನಾಯಕ ಮಂಜುನಾಥ ನಾಯ್ಕ ಅವರು ಮಾಹಿತಿ ನೀಡಿದ್ದು, ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದರು. `ಮದ್ಯಪಾನ ಆರೋಗ್ಯಕ್ಕೆ ಹಾನಿಕಾರಕ’
- [ಸಮಯಕ್ಕೆ ಸಿಗದ ಆಂಬುಲೆನ್ಸ್ ಸೇವೆ: ಸಾವು!](https://mobiletime.in/2025/12/ambulance-service-not-available-on-time-death/): ಸಮಯಕ್ಕೆ ಸರಿಯಾಗಿ ಆಂಬುಲೆನ್ಸ್ ಸಿಗದ ಕಾರಣ ವಿಜಯ ಹೊಸ್ಕಟ್ಟಾ ಅವರನ್ನು ಆಸ್ಪತ್ರೆಗೆ ದಾಖಲಿಸಲು ಸಮಸ್ಯೆಯಾಗಿದ್ದು, ಅರ್ದ ಆಯಸ್ಸಿಗೆ ಅವರು ಜೀವ ಬಿಟ್ಟಿದ್ದಾರೆ. ಕುಮಟಾದ ಗೋಕರ್ಣ ಬಳಿಯ ಮೊಗೇರಿಕಟ್ಟೆಯಲ್ಲಿ ವಿಜಯ ಹೊಸ್ಕಟ್ಟಾ (46) ಅವರು ವಾಸವಾಗಿದ್ದರು. ಇಲೆಕ್ಟಿçಷಿಯನ್ ಆಗಿ ಕೆಲಸ ಮಾಡಿಕೊಂಡಿದ್ದ ಅವರು ಗ್ರಾಮ ಪಂಚಾಯತದ ಬೀದಿ ದೀಪ ನಿರ್ವಹಣೆ ಕೆಲಸವನ್ನು ಮಾಡಿಕೊಂಡಿದ್ದರು. ವಿಜಯ ಹೊಸ್ಕಟ್ಟಾ ಅವರಿಗೆ ಈಚೆಗೆ ಮೆದುಳು ಸಂಬAಧಿಸಿದ ಸಮಸ್ಯೆ ಕಾಣಿಸಿಕೊಂಡಿತ್ತು. ಅದಕ್ಕೆ ಅವರು ಚಿಕಿತ್ಸೆಪಡೆಯುತ್ತಿದ್ದರು. ವಾರದ ಹಿಂದೆ ವಿಜಯ ಹೊಸ್ಕಟ್ಟಾ ಅವರಿಗೆ ಹಠಾತ್ ಆಗಿ ತಲೆನೋವು ಕಾಣಿಸಿಕೊಂಡಿತು. ದಿಢೀರ್ ಆಗಿ ಅವರು ಕುಸಿದು ಬಿದ್ದಿದ್ದು, ಕುಟುಂಬದವರು 108ಗೆ ಫೋನ್ ಮಾಡಿದರು. ಅವರ ಮನೆಯಿಂದ 1ಕಿಮೀ ದೂರದಲ್ಲಿ 108 ಆಂಬುಲೆನ್ಸ ನಿಲುಗಡೆಯಿದ್ದರೂ 45 ನಿಮಿಷದ ನಂತರ ಆಂಬುಲೆನ್ಸ್ ಬಂದಿತು. ವಿಜಯ ಹೊಸ್ಕಟ್ಟಾ ಅವರನ್ನು ಗೋಕರ್ಣ ಆಸ್ಪತ್ರೆಗೆ ಕರೆದೊಯ್ದು, ನಂತರ ಅಂಕೋಲಾ ಆಸ್ಪತ್ರೆಗೆ ಬಿಡಲಾಯಿತು. ನಂತರ ಅವರನ್ನು ಬೇರೆ ಆಂಬುಲೆನ್ಸಿನ ಮೂಲಕ ಕಾರವಾರಕ್ಕೆ ಕರೆದೊಯ್ಯಲಾಯಿತು. ಮೆದುಳಿನ ರಕ್ತಸ್ರಾವ ಹೆಚ್ಚಾದ ಕಾರಣ ನಂತರ ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಲಾಯಿತು. `ಸಮಯಕ್ಕೆ ಸರಿಯಾಗಿ ಆಂಬುಲೆನ್ಸ್ ಸಿಗಲಿಲ್ಲ. ಹೀಗಾಗಿ ಪ್ರಾಥಮಿಕ ಚಿಕಿತ್ಸೆ ಕೊಡುವಲ್ಲಿ ತಡವಾಗಿದೆ’ ಎಂದು ಸಮೀಪದ ನಿವಾಸಿ ಸೂರ್ಯ ನಾಯಕ ಅವರು ವಿವರಿಸಿದರು. 20 ಸಾವಿರಕ್ಕೂ ಅಧಿಕ ಜನ ವಸತಿಯಿರುವ ಗೋಕರ್ಣದಲ್ಲಿ ಆರೋಗ್ಯ ಸೇವೆ ಸರಿಯಾಗಿಲ್ಲ. ಆರೋಗ್ಯ ಸೇವೆ ಸರಿಯಾಗಿದ್ದಿದ್ದರೆ ವಿಜಯ ಹೊಸ್ಕಟ್ಟಾ ಅವರನ್ನು ಬದುಕಿಸಬಹುದಿತ್ತು’ ಎಂದವರು ವಿವರಿಸಿದರು. ಕರಾವಳಿ ಉತ್ಸವದ ಹಿನ್ನಲೆ ಆಂಬುಲೆನ್ಸ್’ಗಳನ್ನು ಕಾರವಾರಕ್ಕೆ ಹೆಚ್ಚುವರಿಯಾಗಿ ನಿಯೋಜಿಸಿದ್ದರಿಂದ ಸಮಯಕ್ಕೆ ಸರಿಯಾಗಿ ಆಂಬುಲೆನ್ಸ್ ಸಿಗುತ್ತಿಲ್ಲ ಎಂದು ಜನ ದೂರಿದರು.
- [ಒಂದೇ ವಾರದಲ್ಲಿ ಜಾಗ ಖಾಲಿ ಮಾಡಿ!](https://mobiletime.in/2025/12/clear-the-space-in-one-week/): 60 ವರ್ಷಗಳಿಂದ ಅದೇ ನೆಲದಲ್ಲಿ ಬದುಕು ಕಟ್ಟಿಕೊಂಡಿರುವ ಲಿಂಗ ನಾಯ್ಕ ಅವರ ಕುಟುಂಬಕ್ಕೆ `ಆ ಜಾಗವನ್ನು ಖಾಲಿ ಮಾಡಿ’ ಎಂದು ಅಧಿಕಾರಿಗಳು ನೋಟಿಸ್ ನೀಡಿದ್ದಾರೆ. `ಬೆಳೆದು ನಿಂತ ಅಡಿಕೆ ಮರಗಳ ಜೊತೆ ಮನೆಯನ್ನು ತೆರವು ಮಾಡಿ’ ಎಂದು ಸೂಚಿಸಿದ್ದಾರೆ. `ಒಂದು ವಾರದ ಒಳಗೆ ತೆರವು ಮಾಡದೇ ಇದ್ದರೆ ಒಕ್ಕಲೆಬ್ಬಿಸುತ್ತೇವೆ’ ಎಂದು ಎಚ್ಚರಿಸಿದ್ದಾರೆ. ಸಿದ್ದಾಪುರದ ಇಟಗಿ ಬಳಿಯ ಸುತ್ತಲಮನೆ ಸಮೀಪದ ಗಾಲಮಾಂವದಲ್ಲಿ ಲಿಂಗ ಪುಟ್ಟ ನಾಯ್ಕ ಅವರು ಆರು ದಶಕದಿಂದ ವಾಸವಾಗಿದ್ದಾರೆ. ಅಲ್ಲಿಯೇ ಅವರು ಅಡಿಕೆ-ತೆಂಗಿನ ತೋಟ ನಿರ್ಮಿಸಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ. ಆದರೆ, ಕ್ಯಾದಗಿ ವಲಯದ ಅರಣ್ಯಾಧಿಕಾರಿಗಳು ಇದೀಗ ಏಕಾಏಕಿ ಅವರನ್ನು ಅಲ್ಲಿಂದ ತೆರವು ಮಾಡಲು ಮುಂದಾಗಿದ್ದಾರೆ. `ಜಾಗ ಖಾಲಿ ಮಾಡಿ’ ಎಂದು ಲಿಂಗ ನಾಯ್ಕ ಅವರಿಗೆ ನೋಟಿಸ್ ನೀಡಿದ್ದು, ಲಿಂಗ ನಾಯ್ಕ ಅವರ ಪತ್ನಿ ಲೀಲಾವತಿ ನಾಯ್ಕ ಅವರು ದಿಕ್ಕೇ ತೋಚದ ಹಾಗೇ ಕೂತಿದ್ದಾರೆ. ಲಿಂಗ ನಾಯ್ಕ ಅವರು ಹೆಚ್ಚಿಗೆ ಓದಿದವರಲ್ಲ. ಸರ್ಕಾರದ ಆದೇಶ-ಸುತ್ತೋಲೆ ಬಗ್ಗೆ ಅವರಿಗೆ ಅರಿವಿಲ್ಲ. 1978ರ ಪೂರ್ವದಿಂದಲೂ ಅವರು ಅರಣ್ಯ ಅತಿಕ್ರಮಣ ಪ್ರದೇಶದಲ್ಲಿ ವಾಸವಾಗಿದ್ದು, ಅಜ್ಞಾನದಿಂದಾಗಿ ಅವರು ಆ ಅವಧಿಯಲ್ಲಿ ಅರ್ಜಿ ಸಲ್ಲಿಸಿರಲಿಲ್ಲ. ನಂತರ ಅರಣ್ಯ ಹಕ್ಕು ಕಾಯ್ದೆ ಅಡಿ ಅವರು ಅರ್ಜಿ ಸಲ್ಲಿಸಿದ್ದರೂ ಅದನ್ನು ಅಧಿಕಾರಿಗಳು ಪರಿಗಣಿಸುತ್ತಿಲ್ಲ. 50 ವರ್ಷದ ಮರಗಳ ಜೊತೆ ವಾಸದ ಮನೆಯನ್ನು ತೆರವು ಮಾಡುವಂತೆ ನೋಟಿಸ್ ನೀಡಿದ್ದಾರೆ. `ಎಲ್ಲವನ್ನು ಬಿಟ್ಟು ಹೋಗುವುದೆಲ್ಲಿ?’ ಎಂದು ಆ ಕುಟುಂಬದವರು ಕಣ್ಣೀರು ಹಾಕುತ್ತಿದ್ದಾರೆ. ಶನಿವಾರ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಸ್ಥಳಕ್ಕೆ ಭೇಟಿ ನೀಡಿದರು. ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ, ರಾಮಚಂದ್ರ ನಾಯ್ಕ ತ್ಯಾಗಲಿಮನೆ, ಕೆ ಬಿ ನಾಯ್ಕ ಸುತ್ತಮನೆ, ನಾರಾಯಣ ನಾಯ್ಕ ಗಾಳುಮನೆ, ರಾಮಚಂದ್ರ ನಾಯ್ಕ ಮುಂಡಗೇತಗ್ಗು, ರವಿ ನಾಯ್ಕ, ಗೋವಿಂದ ಗೌಡ ಕಿಲವಳ್ಳೀ, ಗಣಪತಿ ಗೌಡ ಮಕ್ಕಿಗದ್ದೆ ಮುಂತಾದವರು ಲಿಂಗ ನಾಯ್ಕ ಅವರ ಕುಟುಂಬಕ್ಕೆ ಸಮಾಧಾನ ಮಾಡಿದರು. `ನಿಮ್ಮೊಂದಿಗೆ ನಾವಿದ್ದೇವೆ’ ಎಂದು ಧೈರ್ಯ ಹೇಳಿದರು.
- [ನಿಯತ್ತಿನ ನಾಯಿಗೆ 25 ಸಾವಿರ ಬಹುಮಾನ!](https://mobiletime.in/2025/12/25-thousand-reward-for-the-lucky-dog/): ಕರಾವಳಿ ಉತ್ಸವದ ಅಂಗವಾಗಿ ಕಾರವಾರದ ಮಾಲಾದೇವಿ ಮೈದಾನದಲ್ಲಿ ನಡೆದ ಶ್ವಾನ ಪ್ರದರ್ಶನದಲ್ಲಿ ನಾನಾ ಭಾಗದ ನಾಯಿಗಳು ಬಂದಿದ್ದು, ಅವುಗಳ ಜಾಣ್ಮೆ, ಚುರುಕುತನ ಹಾಗೂ ಸಾಹಸಕ್ಕೆ ಜನ ಹುಬ್ಬೇರಿಸಿದ್ದಾರೆ. ಲ್ಯಾಬ್ರಾಡರ್, ಜರ್ಮನ್ ಶೆಪರ್ಡ್, ಗೋಲ್ಡನ್ ರಿಟ್ರಿವರ್, ಮುಧೋಳ ಹೌಂಡ್, ಪೊಮೇರಿಯನ್, ವೇನಸ್ ಕಾರ್ಗಿ, ರಾಜ ಪಾಳ್ಯಮ್, ಬೆಲ್ಜಿಯನ್ ಮೆಲಿನಯ್ಸ್ ಸೇರಿ ವಿವಿಧ ತಳಿಯ ನಾಯಿಗಳು ಸಹ ಈ ಉತ್ಸವದಲ್ಲಿ ಪ್ರತಿಭಾ ಪ್ರದರ್ಶನ ಮಾಡಿವೆ. ಜಿಲ್ಲಾ ಪೊಲೀಸ್ ಇಲಾಖೆ ಮತ್ತು ಕೈಗಾದ ಕೈಗಾರಿಕಾ ಭದ್ರತಾ ಪಡೆಯ ಶ್ವಾನಗಳು ತಮ್ಮ ಸಾಹಸ, ಬುದ್ದಿವಂತಿಕೆ ಮತ್ತು ಕೌಶಲ್ಯವನ್ನು ಪ್ರದರ್ಶಿಸಿವೆ. ಪೊಲೀಸ್ ಇಲಾಖೆಯ ಶೈನಿ, ಮಾರ್ವೆಲ್ ಮತ್ತು ಅಖಿರ ಹೆಸರಿನ ಶ್ವಾನಗಳು ಶಿಸ್ತಿನ ಆದೇಶಗಳನ್ನು ಪ್ರದರ್ಶಿಸಿದವು. ಕೈಗಾರಿಕಾ ಭದ್ರತಾ ಪಡೆಯ ಐರಾ, ಅಭಯ್ ಮತ್ತು ಭೈರವ ಶ್ವಾನಗಳು ರೋಮಾಂಚಕ ಸಾಹಸ ಚಟುವಟಿಕೆ ನಡೆಸಿದವು. ಈ ಎರಡೂ ಇಲಾಖೆಗಳ ಶ್ವಾನಗಳಿಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಅವರು 10 ಸಾವಿರ ರೂ ಬಹುಮಾನ ಕೊಟ್ಟರು. ಬೆಂಗಳೂರಿನಿAದ ಆಗಮಿಸಿದ್ದ ಕುಮಾರ್ ಅವರ 2 ಶ್ವಾನಗಳು ವಿವಿಧ ಆಕರ್ಷಕ ಬುದ್ದಿವಂತ ಚಟುವಟಿಕೆಗಳನ್ನು ಪ್ರದರ್ಶಿಸುವ ಮೂಲಕ ಸಾರ್ವಜನಿಕರ ಪ್ರಶಂಸೆಗೆ ಪಾತ್ರವಾದವು. ಶ್ವಾನ ಪ್ರದರ್ಶನದಲ್ಲಿ ಜಿಲ್ಲೆಯ ಮತ್ತು ಹೊರ ಜಿಲ್ಲೆಯ ಶ್ವಾನಗಳು ಭಾಗವಹಿಸಿದ್ದು, ಚಾಂಪಿಯನ್ ವಿಭಾಗದಲ್ಲಿ ವಿಜೇತವಾದ ಶ್ವಾನಗಳಿಗೆ ಮತ್ತು ಪ್ರತಿ ವಿಭಾಗದಲ್ಲೂ ವಿಜೇತವಾದ ಶ್ವಾನಗಳಿಗೆ ಬಹುಮಾನ ವಿತರಿಸಲಾಯಿತು. ಈ ಶ್ವಾನ ಸ್ಪರ್ಧೆಯಲ್ಲಿ ಸುನೀಲ್ ಉಡಾಡಿ ಅವರ ಜರ್ಮನ್ ಶೆಫರ್ಡ್ ಪ್ರಥಮ ಬಹುಮಾನ ಪಡೆದಿದ್ದು, 25 ಸಾವಿರ ರೂ ತನ್ನದಾಗಿಸಿಕೊಂಡಿತು. ವೆಂಕಪ್ಪ ನವಲಗಿ ಮುಧೋಳ ಅವರ ಮುಧೋಳ ತಳಿ ಶ್ವಾನಕ್ಕೆ ದ್ವಿತೀಯ ಬಹುಮಾನ 15,000ರೂ ಮತ್ತು ಸುಹಾಸ್ ದಾವಣಗೆರೆ ಅವರ ಬೀಗಲ್ ತಳಿ ಶ್ವಾನಕ್ಕೆ ತೃತೀಯ ಬಹುಮಾನವಾಗಿ 10,000 ರೂ ಸಿಕ್ಕಿತು.
- [ಕರಾವಳಿ ಉತ್ಸವ: ನಕಲಿ ಪಾಸುಗಳ ಕಾರುಬಾರು!](https://mobiletime.in/2025/12/coastal-festival-a-carload-of-fake-passes/): ಕರಾವಳಿ ಉತ್ಸವಕ್ಕೆ ಬರುವ ಗಣ್ಯರಿಗಾಗಿ ಜಿಲ್ಲಾಡಳಿತ ವಿಐಪಿ ಪಾಸುಗಳನ್ನು ನೀಡಿದ್ದು, ಗಣ್ಯರ ಸಾಲಿನಲ್ಲಿ ಕೂರಲು ಅನೇಕರು ನಕಲಿ ಪಾಸುಗಳ ಮೊರೆ ಹೋಗಿದ್ದಾರೆ. ಗಣ್ಯರಿಗೆ ನೀಡಿದ ಪಾಸುಗಳನ್ನು ಕಲರ್ ಜರಾಕ್ಸ್ ಮಾಡಿಸಿ ಮುಂದಿನ ಸಾಲಿನ ಪ್ರವೇಶ ಪಡೆಯುತ್ತಿದ್ದಾರೆ! ಕರಾವಳಿ ಉತ್ಸವ ದಿನದಿಂದ ದಿನಕ್ಕೆ ರಂಗುಪಡೆಯುತ್ತಿದೆ. ಸ್ಥಳೀಯ ಕಲಾವಿದರ ಜೊತೆ ರಾಷ್ಟçಮಟ್ಟದ ಕಲಾವಿದರು ಆಗಮಿಸಿ ಗಾಯನ ಪ್ರಸ್ತುತಪಡಿಸುತ್ತಿದ್ದಾರೆ. ಕಾರ್ಯಕ್ರಮ ವೀಕ್ಷಣೆಗೆ 12 ಸಾವಿರ ಆಸನಗಳ ವ್ಯವಸ್ಥೆ ಮಾಡಿದ್ದು, ಅದು ಸಾಲುತ್ತಿಲ್ಲ. ಅನೇಕರು ದೂರದಿಂದಲೇ ನಿಂತು ಕಾರ್ಯಕ್ರಮ ನೋಡುತ್ತಿದ್ದು ವೇದಿಕೆ ಸಮೀಪ ತೆರಳಲು ಹಲವರು ಅಡ್ಡದಾರಿ ಹಿಡಿದಿದ್ದಾರೆ. ಗಣ್ಯರು ಹಾಗೂ ಅತಿ ಗಣ್ಯರಿಗಾಗಿ ಜಿಲ್ಲಾಡಳಿತ ಅನೇಕ ಆಸನಗಳನ್ನು ಮೀಸಲಿರಿಸಿದೆ. ಆ ಆಸನಗಳಲ್ಲಿ ಪಕ್ಷವೊಂದರ ಕಾರ್ಯಕರ್ತರು ಆಸೀನರಾಗಿದ್ದಾರೆ. ಇದರೊಂದಿಗೆ ಹೂ-ಹಣ್ಣು, ತರಕಾರಿ ವ್ಯಾಪಾರಿಗಳ ಬಳಿಯೂ ಗಣ್ಯರ ಪಾಸುಗಳಿದ್ದು, ವಿತರಣೆ ಆದ ಪಾಸುಗಳಿಗಿಂತಲೂ ಹೆಚ್ಚಿನ ಸಂಖ್ಯೆಯ ಪಾಸುಗಳು ಉತ್ಸವದ ವೇದಿಕೆ ಕಡೆ ಬರುತ್ತಿದೆ. ಪಾಸುಗಳನ್ನು ಕಲರ್ ಜರಾಕ್ಸ್ ಮಾಡಿ ಗಣ್ಯರ ಪ್ರವೇಶ ದ್ವಾರದ ಬಳಿ ಬರುವವರ ಸಂಖ್ಯೆ ಹೆಚ್ಚಾಗಿದೆ. ರಾತ್ರಿ ವೇಳೆ ಏಕಾಏಕಿ ಜನ ನುಗ್ಗುವುದರಿಂದ ಪಾಸುಗಳನ್ನು ಸೂಕ್ಷö್ಮವಾಗಿ ಪರಿಶೀಲಿಸಲು ಪೊಲೀಸರಿಂದ ಸಾಧ್ಯವಾಗುತ್ತಿಲ್ಲ. ಅದಾಗಿಯೂ, ಪೊಲೀಸರು ನಕಲಿ ಪಾಸುಹೊಂದಿದವರನ್ನು ಹೊರಗೆ ಕಳುಹಿಸುವ ಪ್ರಯತ್ನ ಮಾಡಿದರೆ ವೇದಿಕೆಯ ಮುಂದೆಯೇ ವಾಗ್ವಾದ ಶುರುವಾಗುತ್ತದೆ. ಹೀಗಾಗಿ ನಕಲಿ ಪಾಸ್ ಹಾವಳಿ ತಡೆಯಲು ಜಿಲ್ಲಾಡಳಿತ ಹೆಚ್ಚುವರಿ ಭದ್ರತಾ ಸಿಬ್ಬಂದಿ ನಿಯೋಜಿಸಲು ಸಿದ್ಧತೆ ನಡೆಸಿದೆ.
- [ಶಿರಸಿ-ಕುಮಟಾ: ಕದ್ದು ಮುಚ್ಚಿ ಹೋಗುವವರಿಗೆ ಇಲ್ಲ ನಿರ್ಬಂಧ!](https://mobiletime.in/2025/12/sirsi-kumata-there-is-no-restriction-on-those-who-steal-and-hide/): ಶಿರಸಿ-ಕುಮಟಾ ರಸ್ತೆಯಲ್ಲಿ ರಾತ್ರಿ ವೇಳೆ ರಾಜಾರೋಷವಾಗಿ ಮರಳು ಲಾರಿಗಳ ಓಡಾಟ ನಡೆದಿದೆ. ಆದರೆ, ಜನ ಸಾಮಾನ್ಯರಿಗೆ ಅನುಕೂಲವಾಗಬೇಕಾದ ಸ್ಥಳೀಯ ಬಸ್ಸುಗಳ ಓಡಾಟಕ್ಕೆ ಮಾತ್ರ ಅವಕಾಶ ಸಿಗುತ್ತಿಲ್ಲ! ಹೊನ್ನಾವರದಿಂದ ಶಿರಸಿಗೆ ಮರಳು ಸಾಗಾಟ ನಡೆಯುತ್ತಿದೆ. ಭಾರೀ ವಾಹನಗಳ ಓಡಾಟಕ್ಕೆ ನಿಷೇಧವಿರುವ ಶಿರಸಿ-ಕುಮಟಾ ಮಾರ್ಗವಾಗಿಯೇ ಮರಳು ಲಾರಿಗಳು ಚಲಿಸುತ್ತಿವೆ. ರಾತ್ರಿ ವೇಳೆ ಇಲ್ಲಿ ಆ ಪ್ರಮಾಣದಲ್ಲಿ ಲಾರಿ ಸಂಚಾರ ನಡೆದರೂ ಅದನ್ನು ಕೇಳುವವರಿಲ್ಲ. ಆದರೆ, ಸಾರ್ವಜನಿಕರಿಗೆ ಅನುಕೂಲಕರವಾಗಿರುವ ಸರ್ಕಾರಿ ಬಸ್ಸುಗಳ ಓಡಾಟಕ್ಕೆ ಮಾತ್ರ ಇಲ್ಲಿ ಅವಕಾಶವೇ ಸಿಗುತ್ತಿಲ್ಲ. ಶಿರಸಿ: ಕುಮಟಾ- ಶಿರಸಿ ಹೆದ್ದಾರಿ ನಿರ್ಮಾಣ ಶೇ 85 ರಷ್ಟು ಕಾಮಗಾರಿ ಪೂರ್ಣಗೊಂಡಿದ್ದರೂ ಜಿಲ್ಲಾಡಳಿತ ಅಧಿಕೃತವಾಗಿ ವಾಹನ ಸಂಚಾರ ಮುಕ್ತಗೊಳಿಲ್ಲ. ಶಿರಸಿ ಜಾತ್ರೆ ಸಮೀಪಿಸಿದ್ದರಿಂದ ಓಡಾಟಕ್ಕೆ ಅವಕಾಶ ನೀಡಬೇಕು ಎಂದು ಸರ್ಕಾರದ ನಡುವೆ ಪತ್ರ ವಹಿವಾಟು ಶುರುವಾಗಿದ್ದು, ಜನವರಿ 1ರಿಂದ ಬಸ್ ಓಡಾಟ ನಡೆಸುವುದಾಗಿ ಸಂಸದರು ಸಹ ಹೇಳಿದ್ದಾರೆ. ಆದರೆ, ಅದು ಪಕ್ಕಾ ಆಗಿಲ್ಲ. ಸಾಗರಮಾಲಾ ಯೋಜನೆಯ ಕುಂಟುತ್ತ ಸಾಗಿರುವ ಶಿರಸಿ-ಕುಮಟಾ ರಸ್ತೆ ಕಾಮಗಾರಿ ಅಂತೂ ಇಂತೂ ಕೊನೆಯ ಹಂತ ತಲುಪಿದೆ. ಭೂಸ್ವಾಧೀನವಾಗದ ಪ್ರದೇಶಗಳನ್ನುಳಿದು ಇನ್ನುಳಿದ ರಸ್ತೆ ಬಹುತೇಕ ಪೂರ್ಣವಾಗಿದೆ. ಹಾರೂಗಾರ ಸಮೀಪದ ಸೇತುವೆ ಹೊರತುಪಡಿಸಿ ಉಳಿದ ಸೇತುವೆಗಳ ಸಣ್ಣಪುಟ್ಟ ಕೆಲಸಗಳು ಮಾತ್ರ ಬಾಕಿ ಇವೆ. ದೇವಿಮನೆ ಘಟ್ಟದಲ್ಲಿ ಒಂದೂವರೆ ಕಿಲೋಮೀಟರ್ ಕಾಂಕ್ರೀಟ್ ಹಾಕುವುದು ಬಾಕಿ ಇದೆ. ಇವು ಯಾವುದೂ ರಸ್ತೆ ಬಂದ್ ಮಾಡಿಕೊಂಡು ಮಾಡುವ ಕೆಲಸವಲ್ಲ. ಆದಾಗಿಯೂ ಜಿಲ್ಲಾಡಳಿತ ರಸ್ತೆ ಸಂಚಾರವನ್ನು ಮುಕ್ತವಾಗಿಸುವಲ್ಲಿ ಕ್ರಮ ಕೈಗೊಳ್ಳದಿರುವುದು ಜನರಿಗೆ ಬೇಸರ ತರಿಸಿದೆ. ಕರಾವಳಿ ಮತ್ತು ಮಲೆನಾಡು, ಬಯಲುಸೀಮೆಯನ್ನು ಬೆಸೆಯುವ ಸಮೀಪದ ಮತ್ತು ಪ್ರಮುಖ ರಸ್ತೆ ಬಂದ್ ಆಗಿದ್ದರಿಂದ ಜನ ಸಂಚಾರಕ್ಕೆ ಹೆಚ್ಚು ಸಮಯ ಮತ್ತು ಹಣವನ್ನು ಖರ್ಚು ಮಾಡುತ್ತಿದ್ದಾರೆ. ಬದಲಿ ರಸ್ತೆಗಳಲ್ಲಿ ಹೆಚ್ಚು ದೂರ ಸಾಗಬೇಕಾಗಿರುವುದರಿಂದ ಸಾರಿಗೆ ಬಸ್ ದರವನ್ನೂ ಹೆಚ್ಚು ಮಾಡಲಾಗಿದೆ. ಉತ್ತರ ಕರ್ನಾಟಕದಿಂದ ಶಿರಸಿ ಮೂಲಕ ಸಾಗುತ್ತಿದ್ದ ಅನೇಕ ಬಸ್ಸುಗಳು ಯಲ್ಲಾಪುರ ಮೂಲಕ ಸಂಚರಿಸುತ್ತಿವೆ. ಇದರಿಂದಾಗಿ ಕುಮಟಾದವರಿಗೆ ಶಿರಸಿ, ಶಿರಸಿಯವರಿಗೆ ಕುಮಟಾ ಹೋಗುವುದಕ್ಕಾಗಿ ದಿನವಿಡೀ ಪ್ರಯಾಣ ಮಾಡಬೇಕಾಗುತ್ತದೆ. ರಸ್ತೆ ಕಾಮಗಾರಿ ನಡೆಯುತ್ತಿರುವುದರಿಂದ ಮುಂದಾದರೂ ಒಳ್ಳೆಯ ರಸ್ತೆಯಲ್ಲಿ ಕಡಿಮೆ ಸಮಯದಲ್ಲಿ ಸಾಗಬಹುದು ಎಂಬ ಕಾರಣದಿಂದ ಇದನ್ನೆಲ್ಲ ಜನ ಸಹಿಸಿಕೊಂಡು ಸುಮ್ಮನಿದ್ದಾರೆ. ಆದರೆ ನಿಗದಿತ ಸಮಯ ಮುಗಿದರೂ ಕಾಮಗಾರಿ ಮುಗಿದಿಲ್ಲ! ಇನ್ನೂ ಕುಮಟಾ ತಾಲೂಕಿನಲ್ಲಿ ಕತಗಾಲ ಮತ್ತು ದೇವಿಮನೆ ಘಟ್ಟ ಸೇರಿದಂತೆ ಒಟ್ಟೂ ಐದು ಕಿಲೋಮೀಟರ್ ಭೂಸ್ವಾಧೀನ ಬಾಕಿಯಿದೆ. ಶಿರಸಿ ಮತ್ತು ಸಂಪಖAಡ ಹಾಗೂ ಒಂದು ಸೇತುವೆ ಸ್ಥಳ ಸಂಬoಧಿಸಿದoತೆ ಮೂರು ಕಿಲೋಮೀಟರ್, ಹೀಗೆ ಒಟ್ಟೂ ಎಂಟು ಕಿಲೋಮೀಟರ್ ಭೂಸ್ವಾಧೀನ ಬಾಕಿಯಿದೆ. ಖಾಸಗಿ ಜಮೀನು ಇರುವಲ್ಲಿ ಕೆಲವು ಕುಟುಂಬದ ಸದಸ್ಯರಲ್ಲಿನ ಗೊಂದಲದಿoದಾಗಿ ಸಮಸ್ಯೆ ಪರಿಹಾರವಾಗಿಲ್ಲ.
- [ಸೇವೆಗೆ ಸಂದ ಗೌರವ: ಸಹಕಾರಿಗೆ ದೊರೆತ ಪುರಸ್ಕಾರ](https://mobiletime.in/2025/12/honor-for-service-award-received-by-cooperative/): ಶಿರಸಿಯ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರಿಗೆ ವಿಶ್ವದರ್ಶನ ಪತ್ರಿಕೆ ನೀಡುವ `ನ್ಯಾಷನಲ್ ಐಕಾನ್ ಅವಾರ್ಡ್’ ದೊರೆತಿದೆ. ವಿನಾಯಕ ಶೆಟ್ಟಿ ಅವರು ಸಹಕಾರಿ ವಲಯದಲ್ಲಿ ಮುಂಚೂಣಿಯಲ್ಲಿದ್ದಾರೆ. ಅದರ ಜೊತೆ ಸಾಮಾಜಿಕ ಕ್ಷೇತ್ರದಲ್ಲಿಯೂ ತಮ್ಮದೇ ಆದ ಕೊಡುಗೆ ನೀಡುತ್ತಿದ್ದಾರೆ. ಅವರ ಈ ಸೇವೆಯನ್ನು ವಿಶ್ವದರ್ಶನ ಪತ್ರಿಕೆಯವರು ಗುರುತಿಸಿ ಗೌರವಿಸಿದ್ದಾರೆ. ಶನಿವಾರ ದಾವಣಗೆರೆಯಲ್ಲಿ ನಡೆದ ಸಮಾರಂಭದಲ್ಲಿ ವಿನಾಯಕ ಶೆಟ್ಟಿ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಶೈಕ್ಷಣಿಕ ಹಾಗೂ ಧಾರ್ಮಿಕ ಕ್ಷೇತ್ರದಲ್ಲಿ ವಿನಾಯಕ ಶೆಟ್ಟಿ ಅವರ ಸೇವೆಯನ್ನು ಪತ್ರಕರ್ತ ಎಸ್ ಎಸ್ ಪಾಟೀಲ ಅವರು ಸ್ಮರಿಸಿದ್ದಾರೆ. ಧಾರ್ಮಿಕ ನಾಯಕರು ಹಾಗೂ ಅನೇಕ ಗಣ್ಯರ ಸಮ್ಮುಖದಲ್ಲಿ ಈ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆದಿದೆ.
- [ಸಿಲೆಂಡರ್ ಸ್ಪೋಟಕ್ಕೆ ಮನೆ ಧ್ವಂಸ!](https://mobiletime.in/2025/12/home-to-cylinder-sputtering/): ಕಾರವಾರದಲ್ಲಿ ಸಿಲೆಂಡರ್ ಸ್ಪೋಟವಾಗಿದೆ. ಸ್ಪೋಟದ ತೀವೃತೆಗೆ ಮನೆಯೊಂದು ಬೆಂಕಿಗೆ ಆಹುತಿಯಾಗಿದೆ. ಶುಕ್ರವಾರ ರಾತ್ರಿ ಈ ಸ್ಪೋಟ ಸಂಭವಿಸಿದೆ. ಕಾರವಾರದ ಬ್ರಹ್ಮಕಟ್ಟಾ ಬಳಿಯ ವಾಳ್ಳೇವಾಡದಲ್ಲಿ ಅವಘಡ ಉಂಟಾಗಿದೆ. ಇಲ್ಲಿನ ಲತಾ ದಯಾನಂದ ನಾಯ್ಕ ಅವರ ಮನೆಯಲ್ಲಿ ಸಿಲೆಂಡರ್ ಸ್ಪೋಟಿಸಿದೆ. ಸಿಲೆಂಡರ್ ಮೇಲಿದ್ದ ಸೇಪ್ಟಿ ವಾಲ್ ತೆರೆದು ಆಕಾಶದ ಕಡೆ ಹಾರಿದೆ. ಪರಿಣಾಮ ಗ್ಯಾಸ್ ಸೋರಿಕೆಯಾಗಿದೆ. ಈ ವೇಳೆ ಬೆಂಕಿಯೂ ಹತ್ತಿಕೊಂಡಿದ್ದು, ಲತಾ ನಾಯ್ಕ ಅವರ ಮನೆಯ ಮೇಲ್ಚಾವಣಿ ಕಿತ್ತು ಹೋಗಿದೆ. ಅವರ ಹಂಚಿನ ಮನೆಗೆ ಭಾರೀ ಪ್ರಮಾಣದಲ್ಲಿ ಹಾನಿಯಾಗಿದೆ. ಸಿಲೆಂಡರ್ ಸ್ಪೋಟದ ವೇಳೆ ಭಾರೀ ಪ್ರಮಾಣದ ಸದ್ದು ಕೇಳಿಸಿದೆ. ಇದರಿಂದ ಅಕ್ಕ-ಪಕ್ಕದ ಜನ ಆತಂಕಕ್ಕೆ ಒಳಗಾಗಿದ್ದಾರೆ. ಸ್ಪೋಟದ ವೇಳೆ ಮನೆಯಲ್ಲಿ ವೃದ್ಧೆಯೊಬ್ಬರಿದ್ದು, ಅವರು ಮನೆಯಿಂದ ಹೊರಬಂದು ಪ್ರಾಣ ಉಳಿಸಿಕೊಂಡಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಬೆಂಕಿ ನಂದಿಸುವ ಕಾರ್ಯ ನಡೆದಿದೆ. ಅಗ್ನಿಶಾಮಕ ಅಧಿಕಾರಿಗಳ ಮಾಹಿತಿ ಪ್ರಕಾರ, ವಿದ್ಯುತ್ ಶಾರ್ಟ ಸರ್ಕೀಟಿನಿಂದ ಮನೆಯಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಅದೇ ಬೆಂಕಿ ಸಿಲೆಂಡರ್ ಬಳಿ ತಲುಪಿದೆ. ಈ ವೇಳೆ ಸಿಲೆಂಡರ್ ಸೇಪ್ಟಿವಾಲ್’ಗೆ ಬೆಂಕಿ ಆಗಿ ಸೇಪ್ಟಿ ವಾಲ್ ಹಾರಿದೆ. ಆಗ ಸಿಲೆಂಡರ್ ಒಳಗಿದ್ದ ಗ್ಯಾಸ್ ಸೋರಿಕೆ ಆಗಿದೆ.
- [ಕರಾವಳಿ ಉತ್ಸವ: ಪೊಲೀಸರ ಎದುರೇ ಮಾರಾಮಾರಿ!](https://mobiletime.in/2025/12/coastal-festival-fight-in-front-of-the-police/): ಕಾರವಾರದಲ್ಲಿ ನಡೆಯುತ್ತಿರುವ ಕರಾವಳಿ ಉತ್ಸವ ನೋಡಲು ಬಂದ ಸತೀಶ ನಾಯ್ಕ ಹಾಗೂ ಗ್ಲಾಡಸನ್ ಬ್ಯಾರಟೋ ನಡುವೆ ಹೊಡೆದಾಟ ನಡೆದಿದೆ. ಜಿಲ್ಲಾಧಿಕಾರಿ ಕಚೇರಿ ಎದುರೇ ಅವರಿಬ್ಬರು ಹೊಡೆದಾಡಿಕೊಂಡಿದ್ದಾರೆ. ಡಿಸೆoಬರ್ 25ರ ರಾತ್ರಿ ಅಂಕೋಲಾ ಪೊಲೀಸ್ ನಿರೀಕ್ಷಕ ಚಂದ್ರಶೇಖರ ಮಠಪತಿ ಅವರು ಕರಾವಳಿ ಉತ್ಸವದ ಭದ್ರತೆಯಲ್ಲಿದ್ದು, ಅವರ ಮುಂದೆಯೇ ಸತೀಶ ನಾಯ್ಕ ಹಾಗೂ ಗ್ಲಾಡಸನ್ ಬ್ಯಾರಟೋ ಕುಸ್ತಿ ಹೊಡೆದಿದ್ದಾರೆ. ಕಾರವಾರದ ಕಡವಾಡದ ಗ್ಲಾಡಸನ್ ಪಾಸ್ಕಲ್ ಬ್ಯಾರಟ್ಟೋ ಹಾಗೂ ಹೊಸಾಳಿ ದುಮ್ಮನಶಟ್ಟಾದ ಸತೀಶ ಕೃಷ್ಣಾನಂದ ನಾಯ್ಕ ನಡುವೆ ಮೊದಲಿನಿಂದಲೂ ವೈಯಕ್ತಿಕ ದ್ವೇಷವಿದ್ದು, ಕರಾವಳಿ ಉತ್ಸವದ ಅವಧಿಯಲ್ಲಿಯೇ ಅವರು ದ್ವೇಷ ಸಾಧನೆಗೆ ಮುಂದಾಗಿದ್ದಾರೆ. ಪೊಲೀಸರು ಭದ್ರತಾ ಕರ್ತವ್ಯದಲ್ಲಿದ್ದರೂ ಅದನ್ನು ನಿರ್ಲಕ್ಷಿಸಿ ಅವರಿಬ್ಬರು ಮಾರಾಮಾರಿ ನಡೆಸಿದ್ದಾರೆ. ಪೊಲೀಸರು ತಡೆದರೂ ಸಹ ಸುಮ್ಮನಾಗದೇ ಹೊಡೆದಾಟ ಮುಂದುವರೆಸಿದ್ದಾರೆ. ಉತ್ಸವ ನೋಡಲು ಬಂದ ಅನೇಕರು ಈ ಹೊಡೆದಾಟ ನೋಡಿದ್ದು, ಶಾಂತಿ ಭಂಗವಾಗುವ ರೀತಿ ಶ ನಾಯ್ಕ ಹಾಗೂ ಗ್ಲಾಡಸನ್ ಬ್ಯಾರಟೋ ವರ್ತಿಸಿದ್ದಾರೆ. ಈ ಎಲ್ಲಾ ಹಿನ್ನಲೆ ಚಂದ್ರಶೇಖರ ಮಠಪತಿ ಅವರು ಆ ಇಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ನಾವೆಲ್ಲರೂ ಹಿಂದು: ನಾವೆಲ್ಲರೂ ಒಂದು!](https://mobiletime.in/2025/12/we-are-all-hindus-we-are-all-one/): ಹಳಿಯಾಳದಲ್ಲಿ ನಡೆದ ವಿರಾಟ್ ಹಿಂದು ಸಮಾವೇಶದಲ್ಲಿ ಸಾವಿರಾರು ಜನ ಭಾಗವಹಿಸಿದ್ದಾರೆ. ಭವ್ಯ ಶೋಭಾಯಾತ್ರೆಯಲ್ಲಿ ಮಹಿಳೆಯರು ಪೂರ್ಣಕುಂಭಹಿಡಿದು ಸಂಚರಿಸಿದ್ದು, ಪುರುಷರು ಭಗವಾಧ್ವಜ ಪ್ರದರ್ಶನ ಮಾಡಿದ್ದಾರೆ. ಮಹಾಗಣಪತಿ ದೇವಸ್ಥಾನದಿಂದ ಗ್ರಾಮದೇವಿ ಮೈದಾನದವರೆಗೆ ನಡೆದ ಯಾತ್ರೆಯಲ್ಲಿ ಸಾವಿರಾರು ಜನ ಭಜನೆಗಳನ್ನು ಹಾಡಿದ್ದಾರೆ. ಬಸ್ ನಿಲ್ದಾಣ ರಸ್ತೆ, ಸಂಗೊಳ್ಳಿ ರಾಯಣ್ಣ ವೃತ್ತ, ಶಿವಾಜಿ ವೃತ್ತದ ಮೂಲಕ ಸಾಗಿದ ಮೆರವಣಿಗೆಯನ್ನು ಅನೇಕರು ಕಣ್ತುಂಬಿಕೊAಡಿದ್ದಾರೆ. `ಹಿoದೂ ಸಮಾಜವು ಕೇವಲ ಬೌದ್ಧಿಕವಾಗಿ ಬೆಳೆದರೆ ಸಾಲದು, ವ್ಯವಹಾರಿಕವಾಗಿಯೂ ಜಾಣ್ಮೆ ಹೊಂದಿರಬೇಕು. ತುಂಡುಡುಗೆಗಳ ವ್ಯಾಮೋಹದಿಂದ ನಮ್ಮ ಸಾಂಸ್ಕೃತಿಕ ಪರಂಪರೆ ನಾಶವಾಗುತ್ತಿದ್ದು, ಮಕ್ಕಳು ದಾರಿ ತಪ್ಪುವುದನ್ನು ಹಿರಿಯರು ತಡೆಯಬೇಕು’ ಎಂದು ಮೆರವಣಿಗೆಯಲ್ಲಿ ಭಾಗವಹಿಸಿದ್ದ ಆರ್ ಎಸ್ ಎಸ್ ಕಲಬುರ್ಗಿ ವಿಭಾಗದ ಪ್ರಾಂತ ಪ್ರಮುಖ ಶ್ರೀನಿವಾಸ್ ಅವರು ಕರೆ ನೀಡಿದ್ದಾರೆ. `ಜಾತಿ ವ್ಯವಸ್ಥೆಯ ಭೇದಭಾವಗಳು ಹಿಂದೂ ಸಮಾಜದ ಹಿನ್ನಡೆಗೆ ಕಾರಣವಾಗಿವೆ. ಮೇಲ್ವರ್ಗ-ಕೆಳವರ್ಗ ಎನ್ನುವ ತಾರತಮ್ಯ ತೊಲಗಬೇಕು. ಸ್ವದೇಶಿ ವಸ್ತುಗಳ ಬಳಕೆಯನ್ನು ರೂಢಿಸಿಕೊಳ್ಳಬೇಕು’ ಎಂದು ಅವರು ಹೇಳಿದ್ದಾರೆ. ಕೆ ಕೆ ಹಳ್ಳಿ ಮಠದ ನಿತ್ಯಾನಂದ ಸ್ವಾಮೀಜಿ `ಧರ್ಮದ ಮೇಲೆ ಎಷ್ಟೇ ದಾಳಿಯಾದರೂ ಅದು ನಶಿಸುವುದಿಲ್ಲ. ಸಕಲ ಜೀವರಾಶಿಗಳಲ್ಲಿ ದೇವರನ್ನು ಕಾಣುವ ದೈವಿ ಧರ್ಮ ನಮ್ಮದಾಗಿದೆ’ ಎಂದಿದ್ದಾರೆ. ಕಾರ್ಯಕ್ರಮದ ಪ್ರಾರಂಭದಲ್ಲಿ ಜನ ಸ್ವಾಮೀಜಿಗಳ ಪಾದಪೂಜೆ ನೆರವೇರಿಸಿದ್ದು, ಉಮಾಶಂಕರ ಮದ್ನಳ್ಳಿಮಠ ಪೂಜಾ ವಿಧಿ ವಿಧಾನಗಳನ್ನು ಮಾಡಿದ್ದಾರೆ.
- [ಮಹಿಳೆ ಮಾತಿಗೆ ಅಕ್ಕಸಾಲಿಗ ಮರಳು: ಬುರ್ಕಾ ಧರಿಸಿ ಬಂದವರೇ ಆಭರಣ ಕಳ್ಳರು!](https://mobiletime.in/2025/12/jeweler-rejects-womans-words-those-who-came-wearing-burqas-are-the-jewel-thieves/): ಶಿರಸಿ ನಟರಾಜ ರಸ್ತೆಯಲ್ಲಿರುವ `ಶ್ರೀ ದುರ್ಗಾ ಜ್ಯುವೆಲರಿ ವರ್ಕ’ ಮಳಿಗೆಗೆ ಕಳ್ಳರು ನುಗ್ಗಿದ್ದಾರೆ. `ಅದು ತೋರಿಸಿ.. ಇದು ತೋರಿಸಿ’ ಎಂದು ರಾಜೇಶ ಶೇಟ್ ಅವರನ್ನು ಮರಳು ಮಾಡಿ 13 ಲಕ್ಷ ರೂ ಮೌಲ್ಯದ ಒಡವೆ ದೋಚಿದ್ದಾರೆ. ಶಿರಸಿಯ ದೇವಿಕೆರೆ ಪಡ್ತಿಗಲ್ಲಿಯಲ್ಲಿ ರಾಜೇಶ ಗಣಪತಿ ಶೇಟ್ ಅವರು ವಾಸವಾಗಿದ್ದಾರೆ. ಅವರು ಅಕ್ಕಸಾಲಿಗರಾಗಿದ್ದು, ಚಿನ್ನಾಭರಣಗಳನ್ನು ವ್ಯಾಪಾರ ಮಾಡಿ ಬದುಕು ಕಟ್ಟಿಕೊಂಡಿದ್ದಾರೆ. ಕಳೆದ 21 ವರ್ಷಗಳಿಂದ ರಾಜೇಶ ಶೇಟ್ ಅವರು ಶಿರಸಿ ನಟರಾಜ ರಸ್ತೆಯ ಚಿಲುಮೆಕೆರೆ ಎದುರು ಜ್ಯುವೆಲರಿ ಮಳಿಗೆ ನಡೆಸುತ್ತಿದ್ದಾರೆ. `ಶ್ರೀ ದುರ್ಗಾ ಜ್ಯುವೆಲರಿ ವರ್ಕ’ ಎಂಬ ಮಳಿಗೆಹೊಂದಿರುವ ರಾಜೇಶ ಶೇಟ್ ಅವರು ಅಲ್ಲಿ ಬಗೆ ಬಗೆಯ ಚಿನ್ನಾಭರಣಗಳನ್ನು ಇರಿಸಿದ್ದಾರೆ. ಆ ಚಿನ್ನಾಭರಣಗಳನ್ನು ನೋಡಿದ ಮೂವರು ಮಹಿಳೆಯರು ಮಾತಿನ ಮೋಡಿ ಮಾಡಿ ರಾಜೇಶ ಶೇಟ್ ಅವರಿಗೆ ಮೋಸ ಮಾಡಿದ್ದಾರೆ. ಡಿಸೆಂಬರ್ 16ರಂದು ರಾಜೇಶ ಶೇಟ್ ಅವರು ಎಂದಿನAತೆ ಅಂಗಡಿ ತೆಗೆದು ವ್ಯವಹಾರ ಮಾಡಿಕೊಂಡಿದ್ದರು. ಸಂಜೆ 5 ಗಂಟೆಗೆ ಬುರ್ಕಾ ಧರಿಸಿದ ಮೂವರು ಅವರ ಅಂಗಡಿಗೆ ಬಂದರು. ಅವರೆಲ್ಲರೂ ಚನ್ನಾಗಿ ಮಾತನಾಡಿದ್ದರಿಂದ ರಾಜೇಶ ಶೇಟ್ ಅವರು ಮರುಳಾದರು. ಬಂಗಾರದ ಆಭರಣ ತೋರಿಸುವಂತೆ ಅವರು ಹೇಳಿದ ಪ್ರಕಾರ ಬಗೆ ಬಗೆಯ ಆಭರಣಗಳನ್ನು ಪ್ರದರ್ಶಿಸಿದರು. `ಚುಮುಕಿ ತೋರಿಸಿ, ಬಳೆ ತೋರಿಸಿ’ ಎಂದು ನಯವಾಗಿ ಮಾತನಾಡುತ್ತಿದ್ದ ಆ ಮಹಿಳೆಯರು ರಾಜೇಶ ಶೇಟ್ ಅವರ ಗಮನವನ್ನು ಬೇರೆ ಬೇರೆ ಕಡೆ ಸೆಳೆದರು. ರಾಜೇಶ್ ಶೇಟ್ ಅವರಿಗೆ ಅರಿವಿಗೆ ಬಾರದಂತೆ ಅಲ್ಲಿದ್ದ ಬಂಗಾರದ ಆಭರಣಗಳನ್ನು ಅವರು ಅಪಹರಿಸಿದರು. ಒಟ್ಟು 13,38000ರೂ ಮೌಲ್ಯದ ಒಡವೆ ಕಾಣೆಯಾದ ಬಗ್ಗೆ ಆ ನಂತರ ರಾಜೇಶ ಶೇಟ್ ಅವರಿಗೆ ಅರಿವಾಯಿತು. ಬುರ್ಕಾ ಧರಿಸಿ ಬಂದಿದ್ದ ಮಹಿಳೆಯರ ಮಾತಿಗೆ ಮರುಳಾದ ಕಾರಣ ಆದ ನಷ್ಟ ಅರಿತ ಅವರು ತಮಗಾದ ಅನ್ಯಾಯದ ಬಗ್ಗೆ ಪೊಲೀಸರ ಮೊರೆ ಹೋದರು. ಹೆಸರು-ವಿಳಾಸ ಗೊತ್ತಿಲ್ಲದ ಬುರ್ಕಾದಾರಿ ಮಹಿಳೆಯರ ವಿರುದ್ಧ ಅವರು ಪೊಲೀಸ್ ದೂರು ನೀಡಿದರು. ಶಿರಸಿ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಆ ಅಪರಿಚಿತ ಮಹಿಳೆಯರ ಹುಡುಕಾಟ ನಡೆಸಿದ್ದಾರೆ.
- [ಕೊಟ್ಟ ಕಾಸು ಮರಳಿ ಕೇಳಿದ್ದೇ ಆ ಚಾಲಕನ ತಪ್ಪು!](https://mobiletime.in/2025/12/it-was-the-drivers-fault-for-asking-for-his-money-back/): ಶಿರಸಿಯ ಅಬ್ದುಲ್ ಬ್ಯಾರಿ ಅವರು ಪರಮೇಶ್ವರ ಕೋಣನ್ನವರ್ ಅವರಿಗೆ 45 ಸಾವಿರ ರೂ ಕೊಡಬೇಕಿದೆ. ಆ ಹಣ ಕೇಳಿದಕ್ಕಾಗಿ ಅಬ್ದುಲ್ ಬ್ಯಾರಿ ಅವರು ಪರಮೇಶ್ವರ್ ಕೋಣನ್ನನವರ್ ಅವರ ಉದ್ಯೋಗಕ್ಕೂ ಸಮಸ್ಯೆ ಮಾಡುತ್ತಿದ್ದಾರೆ. ಶಿರಸಿಯ ಚೌಡಿಕಟ್ಟೆ ಕಸ್ತೂರಿಬಾ ನಗರದ 11ನೇ ಕ್ರಾಸಿನಲ್ಲಿ ಪರಮೇಶ್ವರ ಶಿವರುದ್ರಪ್ಪ ಕೋಣನ್ನವರ್ ಅವರು ವಾಸವಾಗಿದ್ದಾರೆ. ಚಾಲಕರಾಗಿ ಬದುಕು ಕಟ್ಟಿಕೊಂಡಿರುವ ಅವರು ಟಿಪ್ಪರ್ ಮೂಲಕ ಕಲ್ಲು ಸಾಗಾಟ ಮಾಡುತ್ತಿದ್ದಾರೆ. ಆದರೆ, ಗೌಡಳ್ಳಿಯ ಅಬ್ದುಲ್ ಬ್ಯಾರಿ ಮಹಮದ್ ಶೇಖ್ ಇಸಾಕ್ ಅವರು ಕಲ್ಲು ಸಾಕಾಣಿಕೆ ಕೆಲಸಕ್ಕೆ ಅಡ್ಡಿಪಡಿಸುತ್ತಿದ್ದಾರೆ. `ನನ್ನ ಏರಿಯಾದಲ್ಲಿ ನೀನು ಜಲ್ಲಿ ಕಲ್ಲು ಖಾಲಿ ಮಾಡುವ ಹಾಗಿಲ್ಲ’ ಎಂದು ಅಬ್ದುಲ್ ಬ್ಯಾರಿ ಅವರು ಪರಮೇಶ್ವರ ಕೋಣನ್ನವರ್ ಅವರಿಗೆ ಬೆದರಿಸುತ್ತಿದ್ದಾರೆ. ಪರಮೇಶ್ವರ ಕೋಣನ್ನನವರಿಗೆ ಅಬ್ದುಲ್ ಬ್ಯಾರಿ ಅವರು 45 ಸಾವಿರ ರೂ ಹಣವನ್ನು ಕೊಡಬೇಕಿದ್ದು, ಅದನ್ನು ಮರಳಿಸುವಂತೆ ಕೇಳಿದ ಕಾರಣ ಇನ್ನಷ್ಟು ತೊಂದರೆ ಮಾಡುತ್ತಿದ್ದಾರೆ. ನವೆಂಬರ್ 29ರಂದು ಸಹ ಪರಮೇಶ್ವರ್ ಕೋಣನ್ನವರ್ ಅವರು ಗೌಡಳ್ಳಿಗೆ ಟಿಪ್ಪರ್ ತೆಗೆದುಕೊಂಡು ಹೋಗಿದ್ದು, ಆ ವೇಳೆ ಅಬ್ದುಲ್ ಬ್ಯಾರಿ ಅವರು ಅದನ್ನು ಅಡ್ಡಗಟ್ಟಿದ್ದಾರೆ. ಈ ವಿಷಯದ ಬಗ್ಗೆ ಪರಮೇಶ್ವರ ಕೋಣನ್ನವರ್ ಅವರು ಪೊಲೀಸರಿಗೆ ಹೇಳಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ಅಬ್ದುಲ್ ಬ್ಯಾರಿ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.  
- [ಸ್ವಾಮಿ ಶರಣಂ: ಅಯ್ಯಪ್ಪ ಸನ್ನಿಧಿಯಲ್ಲಿ ಅನ್ನದಾನ](https://mobiletime.in/2025/12/swami-sharanam-offering-food-in-the-presence-of-lord-ayyappa/): ಶಿರಸಿಯ ಅಯ್ಯಪ್ಪ ನಗರದಲ್ಲಿರುವ ಅಯ್ಯಪ್ಪ ಸ್ವಾಮಿ ದೇವಾಲಯದಲ್ಲಿ ಮೂರು ದಿನಗಳ ಅನ್ನದಾನ ಸೇವೆಗೆ ಶುಕ್ರವಾರ ಚಾಲನೆ ಸಿಕ್ಕಿದೆ. ಹುಬ್ಬಳ್ಳಿ ರಸ್ತೆಯ ಅಯ್ಯಪ್ಪನಗರದಲ್ಲಿರುವ ಅಯ್ಯಪ್ಪ ಸ್ವಾಮಿ ದೇವಸ್ಥಾನಕ್ಕೆ ಭಕ್ತರು ಆಗಮಿಸಿ ಪ್ರಸಾದ ಸ್ವೀಕರಿಸುತ್ತಿದ್ದಾರೆ. ಅಯ್ಯಪ್ಪ ಸ್ವಾಮಿ ಸೇವಾ ಸಮಿತಿಯವರು `ಅಯ್ಯಪ್ಪ ಸ್ವಾಮಿ ಮಂಡಳ ಉತ್ಸವ’ ಹಾಗೂ ಮಹಾ ಅನ್ನದಾನ ಕಾರ್ಯಕ್ರಮ ಆಯೋಜಿಸಿದ್ದಾರೆ. ಶುಕ್ರವಾರ ಬೆಳಗ್ಗೆ 6ಗಂಟೆಗೆ ಗಣಹೋಮ, ಹಣ್ಣುಕಾಯಿ ಸಮರ್ಪಣೆಯೊಂದಿಗೆ ಉತ್ಸವಕ್ಕೆ ಚಾಲನೆ ದೊರೆತಿದೆ. ನಗರಸಭೆ ಅಧ್ಯಕ್ಷೆ ಶರ್ಮಿಳಾ ಮಾದನಗೇರಿ ಅವರ ದಂಪತಿಸಹಿತ ಗಣಹೋಮದ ಪೂಜೆ ಮಾಡಿದ್ದಾರೆ. ಮಧ್ಯಾಹ್ನ 3 ಗಂಟೆಯವರೆಗೆ ಅನ್ನದಾನ ನಡೆದಿದ್ದು, ಭೂಶ್ವರ ಪತ್ತಿನ ಸಹಕಾರಿ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ತಮ್ಮ ತಂದೆ ವಸಂತ ಶೆಟ್ಟಿ ಅವರ ನೆನಪಿನಲ್ಲಿ ಅನ್ನದಾನಕ್ಕೆ ಕೈ ಜೋಡಿಸಿದ್ದಾರೆ. ಮೊದಲ ದಿನ 15 ಸಾವಿರಕ್ಕೂ ಅಧಿಕ ಭಕ್ತರು ಇಲ್ಲಿ ಪ್ರಸಾದ ಭೋಜನ ಸ್ವೀಕರಿಸಿದ್ದಾರೆ. ಶಿರಸಿ-ಸಿದ್ದಾಪುರ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ವಿಶೇಷ ಮೆರವಣಿಗೆ ಮತ್ತು ದೀಪೋತ್ಸವ: ಡಿಸೆಂಬರ್ 27ರ ಶನಿವಾರ ಸಾಯಂಕಾಲ 7 ಗಂಟೆಗೆ ಶ್ರೀ ಅಯ್ಯಪ್ಪ ಸ್ವಾಮಿಯ ಉತ್ಸವಮೂರ್ತಿಯ ಭವ್ಯ ಮೆರವಣಿಗೆ ನಡೆಯಲಿದೆ. ನಗರದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಸಂಚರಿಸಲಿದೆ. ಈ ವೇಳೆ ಭಕ್ತಿಪೂರ್ವಕವಾಗಿ `41 ದೀಪೋತ್ಸವ’ ಜರುಗಲಿದ್ದು, ಶಿರಸಿಯಪ್ರೇಮಾ ಮತ್ತು ಗೋವಿಂದ ನೀಲೇಕಣಿ ದಂಪತಿ ಇದನ್ನು ಉದ್ಘಾಟಿಸಲಿದ್ದಾರೆ. ಡಿಸೆಂಬರ್ 28ರ ರವಿವಾರ ಸಂಜೆ ಅಯ್ಯಪ್ಪ ನಗರದಲ್ಲಿ ಪಲ್ಲಕ್ಕಿ ಉತ್ಸವದೊಂದಿಗೆ ಮಂಡಳ ಉತ್ಸವ ಸಂಪನ್ನಗೊಳ್ಳಲಿದೆ. ಗುರುಸ್ವಾಮಿಗಳಾದ ಸಂದೀಪ ಎಂ ಸಿರಸಿಕರ್ ನೇತೃತ್ವದಲ್ಲಿ ಧಾರ್ಮಿಕ ವಿಧಿವಿಧಾನಗಳು ನಡೆಯುತ್ತಿದ್ದು, ಅನೇಕರು ಈ ಪುಣ್ಯ ಕಾರ್ಯಕ್ಕೆ ಸಹಕಾರ ನೀಡಿದ್ದಾರೆ. ಸೇವಾ ಸಮಿತಿ ಅಧ್ಯಕ್ಷ ಅರುಣ ಪ್ರಭು ಈ ಕಾರ್ಯಕ್ರಮದ ಉಸ್ತುವಾರಿವಹಿಸಿದ್ದಾರೆ.
- [ಡೀಸಿ ಒಳ್ಳೆಯವರಾಗಿದ್ದೇ ಎಲ್ಲರಿಗೂ ಸಮಸ್ಯೆ!](https://mobiletime.in/2025/12/everyones-problem-is-that-dicey-is-good/): ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರನ್ನು ಸೇರಿ ಮೂವರು ಅಧಿಕಾರಿಗಳ ವರ್ಗಾವಣೆಗೆ ಜನಶಕ್ತಿ ವೇದಿಕೆಯವರು ಆಗ್ರಹಿಸಿದ್ದಾರೆ. `ಡೀಸಿ ಲಕ್ಷ್ಮೀಪ್ರಿಯಾ ಅವರು ತುಂಬಾ ಒಳ್ಳೆಯವರಾಗಿದ್ದು, ಅವರ ಸೌಮ್ಯ ಸ್ವಭಾವದಿಂದಾಗಿ ಸಾರ್ವಜನಿಕ ಕೆಲಸಗಳು ಸರಿಯಾಗಿ ಆಗುತ್ತಿಲ್ಲ. ಅವರಿಗೆ ಅಧೀನ ಅಧಿಕಾರಿಗಳ ಮೇಲೆ ಹಿಡಿತವಿಲ್ಲದ ಕಾರಣ ಭ್ರಷ್ಟಾಚಾರದ ಬಗ್ಗೆ ದೂರು ನೀಡಿದರೂ ಆ ಬಗ್ಗೆ ತನಿಖೆ ನಡೆದಿಲ್ಲ’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಹೇಳಿದ್ದಾರೆ. ಇದರೊಂದಿಗೆ ಕಾರವಾರ ವೈದ್ಯಕೀಯ ವಿಜ್ಞಾನ ಕೇಂದ್ರದ ನಿರ್ದೇಶಕಿ ಡಾ ಪೂರ್ಣಿಮಾ, ಪ್ರಾದೇಶಿಕ ಸಾರಿಗೆ ಇಲಾಖೆ ಅಧಿಕಾರಿ ಜಾನ್ ಮಿಸ್ಕತ್ ಅವರ ವರ್ಗಾವಣೆಗಾಗಿಯೂ ಮಾಧವ ನಾಯಕ ಅವರು ಆಡಳಿತ ಸುಧಾರಣಾ ಆಯೋಗದ ಅಧ್ಯಕ್ಷ ಆರ್ ವಿ ದೇಶಪಾಂಡೆ ಅವರ ಮೊರೆ ಹೋಗಿದ್ದಾರೆ. ಆರ್‌ಟಿಓ ಅಧಿಕಾರಿ ಜಾನ್ ಮಿಸ್ಕತ್ ಅವರ ಭ್ರಷ್ಟಾಚಾರ ಹಾಗೂ ಕಿಮ್ಸ್ ನಿರ್ದೇಶಕಿ ಡಾ ಪೂರ್ಣಿಮಾ ಅವರ ಕರ್ತವ್ಯಲೋಪ, ಬೇಜವಬ್ದಾರಿ ವರ್ತನೆಯ ಬಗ್ಗೆ ವಿವರವಾಗಿ ಮಾಹಿತಿ ನೀಡಿದ್ದಾರೆ. `ಕಾರವಾರದ ಶಿರವಾಡ ಗ್ರಾಮ ಪಂಚಾಯತ ವ್ಯಾಪ್ತಿಯ ಮಕೇರಿಯಲ್ಲಿ ಸಣ್ಣ ನೀರಾವರಿ ಇಲಾಕೆ 1.5 ಕೋಟಿ ರೂ ವೆಚ್ಚದಲ್ಲಿ ಕಾಮಗಾರಿ ನಡೆಸಲು ನಿರ್ಧರಿಸಿದ್ದು, ಕಾಮಗಾರಿ ಪೂರ್ವದಲ್ಲಿಯೇ ಗುತ್ತಿಗೆದಾರರಿಗೆ 93 ಲಕ್ಷ ರೂ ಪಾವತಿಯಾಗಿದೆ. ಈ ಬಗ್ಗೆ ಜಿಲ್ಲಾಧಿಕಾರಿಗಳಿಗೆ ದೂರು ನೀಡಿ ಐದು ತಿಂಗಳಾದರೂ ತನಿಖೆ ನಡೆದಿಲ್ಲ. ಅವರ ಸೌಮ್ಯ ಸ್ವಭಾವ ಹಾಗೂ ಒಳ್ಳೆಯತನವೇ ಅಭಿವೃದ್ಧಿಗೆ ಅಡ್ಡಿಯಾಗಿದ್ದು, ಅನಗತ್ಯ ವಿಳಂಬ ನೀತಿಯಿಂದ ಜನ ಬೇಸತ್ತಿದ್ದಾರೆ. ಆರ್ ವಿ ದೇಶಪಾಂಡೆ ಅವರು ಉಸ್ತುವಾರಿ ಸಚಿವರಾಗಿದ್ದಾಗ ಇದ್ದ ಹಿಡಿತ ಈಗಿಲ್ಲ. ಹೀಗಾಗಿ ಕೆಲಸ ಮಾಡದ ಅಧಿಕಾರಿಗಳ ವರ್ಗಾವಣೆ ಅನಿವಾರ್ಯ’ ಎಂದು ಮಾಧವ ನಾಯಕ ಅವರು ಪ್ರತಿಪಾದಿಸಿದ್ದಾರೆ. `ಡಾ ಪೂರ್ಣಿಮಾ ಅವರು ಕಿಮ್ಸ್ ನಿರ್ದೇಶಕರಾಗಿ ಅಧಿಕಾರವಹಿಸಿಕೊಂಡ ನಂತರ ಅಲ್ಲಿನ ಆಡಳಿತ ವ್ಯವಸ್ಥೆ ಹದಗೆಟ್ಟಿದೆ. ಆಡಳಿತ ಅನುಭವ ಕೊರತೆಯಿಂದ ಕಾಲೇಜು ಬಡವಾಗುತ್ತಿದೆ. ವೈದ್ಯಕೀಯ ವಿದ್ಯಾರ್ಥಿಗಳ ಮೇಲೆ ನಿರ್ದೇಶಕರಿಗೆ ಹಿಡಿತವಿಲ್ಲ. ತುರ್ತು ಚಿಕಿತ್ಸಾ ವಿಭಾಗದಲ್ಲಿ ಕೆಲಸ ಮಾಡುವ ವೈದ್ಯರು ಸಹ ನಿರ್ದೇಶಕರ ಮಾತು ಕೇಳುತ್ತಿಲ್ಲ. ಹೀಗಾಗಿ ಅನೇಕ ಸಾವು-ನೋವು ಸಂಭವಿಸುತ್ತಿದ್ದು, ವೈದ್ಯಕೀಯ ವಿದ್ಯಾರ್ಥಿಗಲೇ ತಡರಾತ್ರಿ ಗೋವಾಗೆ ಹೋಗಿ ಬರುವಾಗ ಅಪಘಾತದಲ್ಲಿ ಸಾವನಪ್ಪಿದ್ದಾರೆ’ ಎನ್ನುವುದರ ಬಗ್ಗೆ ಮಾಧವ ನಾಯಕ ಅವರು ವಿವರಿಸಿದ್ದಾರೆ. ಇನ್ನೂ ಕಾರವಾರದ ಪ್ರಾದೇಶಿಕ ಸಾರಿಗೆ ಅಧಿಕಾರಿಯಾಗಿರುವ ಜಾನ್ ಮಿಸ್ಕತ್ ಅವರು ಅತ್ಯಂತ ಬೇಜವಬ್ದಾರಿಯಿಂದ ವರ್ತಿಸುತ್ತಾರೆ. ಕಚೇರಿಗೆ ಸರಿಯಾಗಿ ಬರುವುದಿಲ್ಲ. ಬಂದರೂ ಕಾಸು ಕೊಡದೇ ಕೆಲಸ ಮಾಡುವುದಿಲ್ಲ. ಕಚೇರಿಯಲ್ಲಿದ್ದ ಸಾರ್ವಜನಿಕ ದಾಖಲೆಗಳು ಕಣ್ಮರೆಯಾಗಿದ್ದರೂ ಕ್ರಮ ಜರುಗಿಸಿಲ್ಲ’ ಎಂದವರು ಆಕ್ರೋಶವ್ಯಕ್ತಪಡಿಸಿದರು. ಈ ಎಲ್ಲಾ ಹಿನ್ನಲೆ ಈ ಮೂವರು ಅಧಿಕಾರಿಗಳನ್ನು ವರ್ಗಾವಣೆ ಮಾಡಬೇಕು ಎಂದು ಆಡಳಿತ ಸುಧಾರಣಾ ಆಯೋಗದ ಅಧ್ಯಕ್ಷರಿಗೆ ಮನವಿ ಸಲ್ಲಿಸಿದರು.
- [ರಾಷ್ಟ್ರಧ್ವಜಕ್ಕೆ ಅಪಮಾನ: 2 ಸಾವಿರ ರೂ ದಂಡ!](https://mobiletime.in/2025/12/insult-to-the-national-flag-rs-2000-fine/): ಭಾರತೀಯ ರಾಷ್ಟ್ರಧ್ವಜಕ್ಕೆ ಅಪಮಾನ ಮಾಡಿದ ಸಿಮ್ರಾನ್ ತಂಬೋಲಿ ಅವರಿಗೆ ನ್ಯಾಯಾಲಯ 2 ಸಾವಿರ ರೂ ದಂಡ ವಿಧಿಸಿದೆ. 2023ರ ಸೆಪ್ಟೆಂಬರ್ 28ರಂದು ಎಲ್ಲಡೆ ಈದ್ ಮಿಲಾದ್ ಆಚರಣೆ ನಡೆಯುತ್ತಿತ್ತು. ಯಲ್ಲಾಪುರದಲ್ಲಿಯೂ ಈದ್ ಮಿಲಾದ್ ಹಬ್ಬದ ಮೆರವಣಿಗೆಯನ್ನು ಆಯೋಜಿಸಲಾಗಿತ್ತು. ಸಾವಿರ ಸಂಖ್ಯೆಯಲ್ಲಿ ಜನ ಸೇರಿದ್ದ ಈ ಮೆರವಣಿಗೆಯಲ್ಲಿ ಕೇಸರಿ, ಬಿಳಿ, ಹಸಿರಿನ ಧ್ವಜ ಕಾಣಿಸಿತು. ಆದರೆ, ಆ ಧ್ವಜದಲ್ಲಿ ಅಶೋಕ ಚಕ್ರದ ಬದಲು ಅರ್ದ ಚಂದ್ರಾಕೃತಿ ಹಾಗೂ ಅದರೊಳಗೆ 3 ನಕ್ಷತ್ರಗಳ ಚಿತ್ರವನ್ನು ಬಿಡಿಸಲಾಗಿತ್ತು. ಯಲ್ಲಾಪುರದ ಶಾರದಾಗಲ್ಲಿಯಸಿಮ್ರಾನ್ ತಂಬೋಲಿ (30 ವರ್ಷ) ಅವರು ಆ ಧ್ವಜ ಹಿಡಿದಿದ್ದರು. ಆ ಧ್ವಜವನ್ನು ಎತ್ತರಕ್ಕೆ ಹಿಡಿದು ಹಾರಿಸಿದ ಅವರು ರಾಷ್ಟ್ರಧ್ವಜಕ್ಕೆ ಅಪಮಾನ ಮಾಡಿದ್ದರು. ಈ ಹಿನ್ನಲೆ ಪೊಲೀಸರು ಪ್ರಕರಣ ದಾಖಲಿಸಿದರು. ಆಗಿನ ಪಿಐ ರಂಗನಾಥ ನೀಲಮ್ಮನವರ್ ತನಿಖೆ ನಡೆಸಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು. ಎರಡು ವರ್ಷಗಳ ಕಾಲ ವಿಚಾರಣೆ ನಡೆಸಿದ ನ್ಯಾಯಾಲಯವೂ ಸಿಮ್ರಾನ್ ತಂಬೋಲಿ ಅವರು ರಾಷ್ಟ್ರಧ್ವಜಕ್ಕೆ ಅಪಮಾನ ಮಾಡಿರುವುದನ್ನು ಖಚಿತಪಡಿಸಿಕೊಂಡಿತು. ಸರ್ಕಾರಿ ಅಭಿಯೋಜಕಿ ಝೀನತಭಾನು ಇಬ್ರಾಹಿಂಸಾಬ್ ಅವರು ರಾಷ್ಟ್ರಧ್ವಜಕ್ಕೆ ಆದ ಅಪಮಾನದ ಬಗ್ಗೆ ನ್ಯಾಯಾಧೀಶರ ಗಮನಸೆಳೆದರು. ಮಾಡಿದ ತಪ್ಪಿಗೆ ಸೂಕ್ತ ಶಿಕ್ಷೆ ವಿಧಿಸಬೇಕು ಎಂದು ಅವರು ವಾದಿಸಿದರು. ಅವರ ವಾದ ಮನ್ನಿಸಿದ ನ್ಯಾಯಾಧೀಶೆ ಅನಿತಾಕುಮಾರಿ ಎಸ್ ಅವರು ಆರೋಪಿ ಸಿಮ್ರಾನ್ ತಂಬೋಲಿ ಅವರಿಗೆ 2 ಸಾವಿರ ರೂ ದಂಡ ವಿಧಿಸಿದರು.
- [ಗುಂಟೆ ಲೆಕ್ಕದ ಭೂಮಿಯಲ್ಲಿ ಲಕ್ಷ ಲಕ್ಷ ದುಡ್ಡು!](https://mobiletime.in/2025/12/millions-of-dollars-in-a-piece-of-land/): ಪರಮೇಶ್ವರ ನಾಯ್ಕ, ಚಂದ್ರು ನಾಯ್ಕ ಹಾಗೂ ರಘು ನಾಯ್ಕ ಅವರು 10-15 ಗುಂಟೆ ಜಾಗದಲ್ಲಿ ಲಕ್ಷಾಂತರ ರೂ ದುಡಿದಿದ್ದಾರೆ. ಆದರೆ, ಅದು ಸಕ್ರಮವಾಗಲ್ಲ! ಭಟ್ಕಳದ ಬೆಣಂದೂರಿನ ಪರಮೇಶ್ವರ ಜಟ್ಟಾ ನಾಯ್ಕ, ಮುಂಡಳ್ಳಿ ಚೌತನಿಯ ಚಂದ್ರ ನಾರಾಯಣ ನಾಯ್ಕ ಹಾಗೂ ಬೆಳಕೆ ಹಡೀನದ ರಘು ನಾರಾಯಣ ನಾಯ್ಕ ಅವರು ಸರ್ಕಾರಕ್ಕೆ ಮೋಸ ಮಾಡಿದ್ದಾರೆ. ಮಂಡಳ್ಳಿ ಗ್ರಾಮದ ಸರ್ವೇ ನಂ 207ರಲ್ಲಿ ಕಾನೂನುಬಾಹಿರವಾಗಿ ಗಣಿಕಾರಿಕೆ ಮಾಡಿದ್ದಾರೆ. ಪರಮೇಶ್ವರ ನಾಯ್ಕ ಅವರ ಜೊತೆ ಸೇರಿ ಚಂದ್ರು ನಾಯ್ಕ ಹಾಗೂ ರಘು ನಾಯ್ಕ ಸೇರಿ ಚೀರೆಕಲ್ಲು ಕಳ್ಳ ಸಾಗಾಣಿಕೆ ಮಾಡಿದ್ದಾರೆ. ಆ ಮೂಲಕ ಅವರು ಪರಿಸರಕ್ಕೆ ಹಾನಿ ಮಾಡಿ ಲಕ್ಷಾಂತರ ರೂ ಸಂಪಾದಿಸಿದ್ದಾರೆ. ಪರಮೇಶ್ವರ ನಾಯ್ಕ ಅವರು 15 ಗುಂಟೆ ಕ್ಷೇತ್ರದಲ್ಲಿ 2300 ಮೆಟ್ರಿಕ್ ಟನ್ ಚೀರೆಕಲ್ಲು ತೆಗೆದಿದ್ದಾರೆ. ಚಂದ್ರು ನಾಯ್ಕ ಅವರು 10 ಗುಂಟೆ ಜಾಗದಲ್ಲಿ 1500 ಮೆಟ್ರಿಕ್ ಟನ್ ಚೀರೆಕಲ್ಲು ತೆಗೆದಿದ್ದಾರೆ. ರಾಘು ನಾಯ್ಕ ಅವರು ಸಹ 10 ಗುಂಟೆ ಜಾಗದಲ್ಲಿ 1500 ಮೆಟ್ರಿಕ್ ಟನ್ ಚಿರೇಕಲ್ಲು ತೆಗೆದಿದ್ದಾರೆ. ಇದಕ್ಕೆ ಅವರು ಸರ್ಕಾರದಿಂದ ಪರವಾನಿಗೆ ಪಡೆದಿಲ್ಲ. ರಾಜಧನ ಪಾವತಿ ಮಾಡಿಲ್ಲ. ಪರಿಸರಕ್ಕೆ ಆಗುವ ಹಾನಿ ಬಗ್ಗೆ ಅರಿವಿದ್ದರೂ ಆ ಬಗ್ಗೆ ಯೋಚಿಸಿಲ್ಲ. ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಭೂ ವಿಜ್ಞಾನಿ ಸುಭಾಶ್ಚಂದ್ರ ಅವರು ಈ ಗಣಿ ಪ್ರದೇಶಗಳಿಗೆ ಭೇಟಿ ನೀಡಿದ್ದಾರೆ. ಆ ಮೂವರು ಸೇರಿ ನಡೆಸಿದ ಅಕ್ರಮಗಳನ್ನು ನೋಡಿ ಕಂಗಾಲಾಗಿದ್ದಾರೆ. 3.71 ಲಕ್ಷ ರೂ ಮೋಸವಾಗಿರುವ ಬಗ್ಗೆ ಅವರು ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿ, ಆ ಮೂವರ ವಿರುದ್ಧವೂ ಪ್ರಕರಣ ದಾಖಲಿಸಿದ್ದಾರೆ.
- [ಕೂಗಾಟ: ಅಕ್ಕಪಕ್ಕದವರ ನಡುವೆ ಹೊಡೆದಾಟ!](https://mobiletime.in/2025/12/shout-fight-between-neighbors/): ಸುರೇಶ ನಾಯ್ಕ ಅವರ ಕುಟುಂಬದವರ ಮೇಲೆ ನಾರಾಯಣ ನಾಯ್ಕ ಕಡೆಯವರು ಮಾರಕಾಸ್ತ್ರಗಳಿಂದ ದಾಳಿ ಮಾಡಿದ್ದಾರೆ. ಪರಿಣಾಮ ಸುರೇಶ ನಾಯ್ಕ ಅವರ ಜೊತೆ ಅವರ ತಂದೆ ಮಂಜುನಾಥ ನಾಯ್ಕ ಹಾಗೂ ಅವರ ತಾಯಿ ಮಾದೇವಿ ನಾಯ್ಕ ಅವರು ಆಸ್ಪತ್ರೆ ಸೇರಿದ್ದಾರೆ. ಹೊನ್ನಾವರ ಹುಡಗೋಡ ಬಳಿಯ ಮುಟ್ಟಾದದಲ್ಲಿ ಸುರೇಶ ಮಂಜುನಾಥ ನಾಯ್ಕ ಅವರು ವಾಸವಾಗಿದ್ದಾರೆ. ತಂದೆ, ತಾಯಿ, ತಂಗಿ ಜೊತೆ ವಾಸವಾಗಿರುವ ಅವರು ತಮ್ಮದೇ ಆದ ವ್ಯಾಪಾರ ಮಾಡಿ ಬದುಕು ಕಟ್ಟಿಕೊಂಡಿದ್ದಾರೆ. ಮಂಜುನಾಥ ನಾಯ್ಕ ಅವರ ತಾಯಿ ಮಾದೇವಿ ನಾಯ್ಕ ಅವರು ಕೊಟ್ಟಿಗೆ ಕೆಲಸ ನೋಡಿಕೊಳ್ಳುತ್ತಿದ್ದು, ಅವರು ಹೈನುಗಾರಿಕೆ ಮಾಡಿಕೊಂಡಿದ್ದಾರೆ. ಹೀಗಿರುವಾಗ ಡಿಸೆಂಬರ್ 22ರಂದು ರಾತ್ರಿ ಮಾದೇವಿ ನಾಯ್ಕ ಅವರು ಕೊಟ್ಟಿಗೆ ಕೆಲಸಕ್ಕೆ ಹೊಗಿದ್ದರು. ಕೊಟ್ಟಿಗೆಯ ಬಾಗಿಲು ಒಡೆದಿರುವುದನ್ನು ಅವರು ನೋಡಿದರು. ಬಾಗಿಲು ಒಡೆದ ಕಿಡಿಗೇಡಿಗಳ ವಿರುದ್ಧ ಸಿಟ್ಟಾದ ಮಾದೇವಿ ನಾಯ್ಕ ಅವರು ದೊಡ್ಡದಾಗಿ ಗಲಾಟೆ ಮಾಡಿದರು. ಅವರ ಗಲಾಟೆಗೆ ಅಕ್ಕಪಕ್ಕದ ಮನೆಯವರು ಅಲ್ಲಿಗೆ ಆಗಮಿಸಿದರು. ಪಕ್ಕದ ಮನೆಯ ನಾರಾಯಣ ಮಾಳಪ್ಪ ನಾಯ್ಕ, ಅವರ ಮಗ ಮಂಜುನಾಥ ನಾರಾಯಣ ನಾಯ್ಕ ಹಾಗೂ ನಿರ್ಮಲಾ ಮಂಜುನಾಥ ನಾಯ್ಕ ಅವರು `ಏಕೆ ಕೂಗಾಡುವಿರಿ?’ ಎಂದು ಪ್ರಶ್ನೆ ಮಾಡಿದರು. ಆಗ, ಸುರೇಶ ನಾಯ್ಕ ಅವರು `ನೀವೇಕೆ ಸಿಟ್ಟಾಗುತ್ತೀರಿ? ನಿಮಗೆ ಏನು ಹೇಳಿದಲ್ಲ’ ಎಂದರು. ಇದರಿಂದ ಇನ್ನಷ್ಟು ಕೋಪಿತರಾದ ನಾರಾಯಣ ನಾಯ್ಕ ಅವರು ಕಬ್ಬಿಣದ ರಾಡು ತಂದು ಸುರೇಶ ನಾಯ್ಕ ಅವರ ತಂದೆ ಮಂಜುನಾಥ ನಾಯ್ಕ ಅವರ ಮೇಲೆ ಹೊಡೆಯಲು ಶುರು ಮಾಡಿದರು. ತಪ್ಪಿಸಲು ಬಂದ ಸುರೇಶ ನಾಯ್ಕ ಅವರಿಗೂ ಎರಡು ಏಟು ಕೊಟ್ಟರು. ನಿರ್ಮಲಾ ನಾಯ್ಕ ಅವರು ಮಾದೇವಿ ನಾಯ್ಕ ಅವರಿಗೆ ಬಡಿಗೆ ತೆಗೆದುಕೊಂಡು ಹೊಡೆದರು. ಮಂಜುನಾಥ ನಾರಾಯಣ ನಾಯ್ಕ ಅವರು ಸಹ ಸುಮ್ಮನೆ ಕೂರುವ ಬದಲು ಈ ಹೊಡೆದಾಟಕ್ಕೆ ಕೈ ಜೋಡಿಸಿದರು. ಸುರೇಶ ನಾಯ್ಕ ಅವರ ಸಂಬoಧಿ ಅಣ್ಣಪ್ಪ ಮಂಜುನಾಥ ನಾಯ್ಕ, ಸಂಗೀತಾ ಮಂಜುನಾಥ ನಾಯ್ಕ ಹಾಗೂ ಅಕ್ಕಪಕ್ಕದವರು ಬಂದು ಈ ಹೊಡೆದಾಟ ತಪ್ಪಿಸಿದರು. ಅದಾಗಿಯೂ, ಸುರೇಶ ನಾಯ್ಕ ಅವರ ಕುಟುಂಬಕ್ಕೆ ನೋವಾಯಿತು. ಸುರೇಶ ನಾಯ್ಕ ಅವರ ತಂದೆಯ ತಲೆಭಾಗದಿಂದ ರಕ್ತ ಸುರಿಯಿತು. ಮಾದೇವಿ ನಾಯ್ಕ ಅವರ ಬೆನ್ನಿಗೆ ಗಾಯವಾಯಿತು. ಆ ಕುಟುಂಬದವರೆಲ್ಲರೂ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದರು. ಅದಾದ ನಂತರ ಹೊಡೆದಾಟದ ಬಗ್ಗೆ ಹೊನ್ನಾವರ ಪೊಲೀಸರಿಗೆ ಹೇಳಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕೆಲಸಕ್ಕೆ ಬಂದಿದ್ದ ಕೂಲಿಯ ಮರಣ](https://mobiletime.in/2026/01/death-of-a-laborer-who-had-come-to-work/): ಭಟ್ಕಳದ ಶ್ರೀಧರ ನಾಯ್ಕ ಅವರ ತೋಟದ ಕೆಲಸಕ್ಕೆ ಹೋಗಿದ್ದ ಮೋಹನ ನಾಯ್ಕ ಅವರು ಅಲ್ಲಿಯೇ ಕುಸಿದು ಬಿದ್ದು ಸಾವನಪ್ಪಿದ್ದಾರೆ. ಭಟ್ಕಳದ ಮುಂಡಳ್ಳಿ ಡಿ ಪಿ ಕಾಲೋನಿಯಲ್ಲಿ ಮೋಹನ ನಾರಾಯಣ ನಾಯ್ಕ (55) ಅವರು ವಾಸವಾಗಿದ್ದರು. ಅವರಿವರ ಮನೆಯ ಕೂಲಿ ಕೆಲಸಕ್ಕೆ ಹೋಗಿ ಅವರು ಬದುಕು ಕಟ್ಟಿಕೊಂಡಿದ್ದರು. ಜನವರಿ 17ರ ಬೆಳಗ್ಗೆ 8 ಗಂಟೆಗೆ ಮೋಹನ ನಾಯ್ಕ ಅವರು ಶ್ರೀಧರ ಶನಿಯಾರ ನಾಯ್ಕ ಅವರ ತೋಟಕ್ಕೆ ಹೋಗಿದ್ದರು. ಶ್ರೀಧರ ನಾಯ್ಕ ಅವರ ಸೂಚನೆ ಮೇರೆಗೆ ಅಲ್ಲಿ ಅಡಿಕೆ ಹಾಗೂ ತೆಂಗಿನ ಮರದ ಬುಡ ಸರಿಪಡಿಸುವ ಕೆಲಸ ಮಾಡುತ್ತಿದ್ದರು. ಕೆಲ ಸಮಯದ ನಂತರ ಮೋಹನ ನಾಯ್ಕ ಅವರು ದಿಢೀರ್ ಆಗಿ ಕುಸಿದು ಬಿದ್ದರು. ಅಲ್ಪ ಪ್ರಮಾಣದಲ್ಲಿ ಉಪಚಾರ ಮಾಡಿ ಅವರನ್ನು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ಕರೆತರಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ವೈದ್ಯರು ಪರಿಕ್ಷಿಸುವುದರೊಳಗೆ ಮೋಹನ ನಾಯ್ಕ ಅವರು ಸಾವನಪ್ಪಿದ್ದರು. ಮೋಹನ ನಾಯ್ಕ ಅವರ ಪುತ್ರ ಲೋಕನಾಥ ನಾಯ್ಕ ಅವರು ಈ ಬಗ್ಗೆ ಮಾಹಿತಿ ನೀಡಿದರು.
- [ದೇಗುಲ ಆಡಳಿತಕ್ಕೆ ಡಿಜಿಟಲ್ ಸ್ಪರ್ಶ](https://mobiletime.in/2026/01/digital-touch-for-temple-administration/): ಶಿರಸಿ ನಗರದ ಯಲ್ಲಾಪುರ ಮಹಾಸತಿ ವೃತ್ತದ ಬಳಿಯ ಶ್ರೀ ಕೊಪ್ಪರಗೆ ಕೆಂಡ ಮಹಾಸತಿ ದೇವಸ್ಥಾನದಲ್ಲಿ ಹೊಸದಾಗಿ ಕಂಪ್ಯೂಟರ್ ಆಧಾರಿತ ಸೇವಾ ಕೌಂಟರ್ ಶುರುವಾಗಿದೆ. ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ವಸಂತ ಶೆಟ್ಟಿ ಅವರು ಈ ಕೇಂದ್ರವನ್ನು ಉದ್ಘಾಟಿಸಿದ್ದಾರೆ. ಈ ವೇಳೆ ಸಂಘದ ಪರವಾಗಿ ಅವರು ದೇವಸ್ಥಾನಕ್ಕೆ ಪ್ರಿಂಟರ್ ಹಾಗೂ ಮೋನಿಟರ್ ಕೊಡುಗೆ ನೀಡಿದ್ದಾರೆ. ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಸ್ಥಾಪಕರಾಗಿದ್ದ ವಸಂತ ಶೆಟ್ಟಿ ಅವರು ತಮ್ಮ ಜೀವಿತ ಅವಧಿಯಲ್ಲಿ ನಡೆಸಿದ ಧಾರ್ಮಿಕ ಹಾಗೂ ಸಾಮಾಜಿಕ ಕಾಳಜಿಯನ್ನು ದೇವಸ್ಥಾನದ ಅಧ್ಯಕ್ಷ ಆಯ್ ಎಮ್ ಹೆಗಡೆ ಅವರು ಸ್ಮರಿಸಿದರು. ದೇಗುಲಕ್ಕೆ ಕೊಡುಗೆ ನೀಡಿದ ವಿನಾಯಕ ಶೆಟ್ಟಿ ಅವರನ್ನು ಆಡಳಿತ ಮಂಡಳಿಯವರು ಸನ್ಮಾನಿಸಿದರು. `ದೇವರ ಸೇವೆ ಮಾಡಲು ಅವಕಾಶ ಸಿಕ್ಕಿದ್ದರಿಂದ ಕೃತಜ್ಞನಾಗಿರುವೆ’ ಎಂದು ವಿನಾಯಕ ಶೆಟ್ಟಿ ಅವರು ಹೇಳಿದರು. ಆಡಳಿತ ಮಂಡಳಿ ಸದಸ್ಯರು, ಭಕ್ತರು ಹಾಗೂ ಕೆಂಡ ಮಹಾಸತಿ ಯುವಕ ಮಂಡಳಿಯ ಸದಸ್ಯರು ಈ ವೇಳೆ ಹಾಜರಿದ್ದರು.
- [ಅಕ್ಕಸಾಲಿಗನ ಮನೆಯಲ್ಲಿ ಕಳ್ಳತನ](https://mobiletime.in/2026/01/theft-in-the-goldsmiths-house/): ಶಿರಸಿ ಬನವಾಸಿ ರಸ್ತೆಯ ಕೆನರಾ ಬ್ಯಾಂಕ್ ಎದುರು ಕಳ್ಳತನ ನಡೆದಿದೆ. ಮಂಜುನಾಥ ಕುಡ್ತರಕರ್ ಅವರ ಮನೆಗೆ ನುಗ್ಗಿದ ಕಳ್ಳರು ಬೆಲೆ ಬಾಳುವ ಒಡವೆ ಹಾಗೂ ಹಣ ದೋಚಿ ಪರಾರಿ ಆಗಿದ್ದಾರೆ. ಕೆನರಾ ಬ್ಯಾಂಕ್ ಎದುರಿಗಿನ ಯಮೂನಾ ಲಕ್ಷö್ಮಣ ನಿವಾಸದಲ್ಲಿ ಮಂಜುನಾಥ ಕುಡ್ತರಕರ್ ಅವರು ವಾಸವಾಗಿದ್ದಾರೆ. ಅವರು ಅಕ್ಕಸಾಲಿಗರಾಗಿ ಕೆಲಸ ಮಾಡಿಕೊಂಡಿದ್ದು, ಮನೆಯಲ್ಲಿ ಆಭರಣಗಳಿರಿಸಿದನ್ನು ಕಳ್ಳರು ಅರಿತಿದ್ದಾರೆ. ಜನವರಿ 14ರ ಮಧ್ಯಾಹ್ನ ಮಂಜುನಾಥ ಕುಡ್ತರಕರ್ ಅವರು ಮುಂಬೈಗೆ ಹೋಗಿದ್ದು, ಮರಳಿ ಬರುವಷ್ಟರಲ್ಲಿ ಕಳ್ಳರು ಅವರ ಮನೆಗೆ ನುಗ್ಗಿ ಕಳ್ಳತನ ಮಾಡಿದ್ದಾರೆ. ಜನವರಿ 15ರಂದು ಮಂಜುನಾಥ ಕುಡ್ತಕರ್ ಅವರು ಮನೆಗೆ ಬಂದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ದೇವರ ಮನೆ ಬೀಗ ಒಡೆದ ಕಳ್ಳರು ಅಲ್ಲಿನ ಕಪಾಟಿನಲ್ಲಿದ್ದ 93 ಸಾವಿರ ರೂ ಮೌಲ್ಯದ ಬೆಳ್ಳಿ ಸಾಮಗ್ರಿ ಕದ್ದಿದ್ದಾರೆ. 53 ಸಾವಿರ ರೂ ಹಣವನ್ನು ದೋಚಿದ್ದಾರೆ.  
- [ಕಾಟ ಕೊಟ್ಟ ಕಾಮುಕರ ಸೆರೆ](https://mobiletime.in/2026/01/arrest-of-wild-lovers/): ಬನವಾಸಿ ಬಳಿಯ ಬಾಲಕಿಗೆ ಕಾಟ ಕೊಟ್ಟಿದ್ದ ವಸಂತ ಕಮಾಟಿ ಹಾಗೂ ಅಣ್ಣಪ್ಪ ಮೇದಾರ್ ಎಂಬಾತರನ್ನು ಪೊಲೀಸರು ಹಿಡಿದಿದ್ದಾರೆ. ಶಿರಸಿ ದಾಸನಕೊಪ್ಪ ಗ್ರಾಮದ ವಸಂತ ಹನುಮಂತ ಕಮಾಟಿ ಹಾಗೂ ಅಣ್ಣಪ್ಪ ಮೇದಾರ ಸೇರಿ ಬನವಾಸಿ ಬಳಿಯ ಬಾಲಕಿಯೊಬ್ಬರಿಗೆ ಬಗೆ ಬಗೆಯ ಆಮೀಷ ಒಡ್ಡಿದ್ದರು. ಅದಾದ ನಂತರ ಆಕೆಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದರು. ಅದಾದ ನಂತರ ಅವರಿಬ್ಬರು ಪರಾರಿಯಾಗಿದ್ದು, ಪೊಲೀಸರು ಸಾಕಷ್ಟು ಹುಡುಕಾಟ ನಡೆಸಿ ಕಾಮುಕರನ್ನು ಸೆದೆಬಡಿದಿದ್ದಾರೆ. ಬಾಲಕಿ ಮೇಲೆ ನಡೆದ ದೌರ್ಜನ್ಯದ ಬಗ್ಗೆ ಬಾಲಕಿಯ ತಾಯಿ ದೂರು ನೀಡಿದ್ದರು. ಪ್ರಕರಣದ ಗಂಭೀರತೆ ಅರಿತ ಪೊಲೀಸರು ವಿಶೇಷ ತಂಡ ರಚಿಸಿ ಅವರಿಬ್ಬರ ಹುಡುಕಾಟ ನಡೆಸಿದರು. ಊರು ಬಿಟ್ಟು ಓಡಿ ಹೋದವರು ಪೊಲೀಸರ ಕೈಗೆ ಸಿಕ್ಕಿಬಿದ್ದರು. ಸದ್ಯ ವಸಂತ ಕಮಾಟಿ ಹಾಗೂ ಅಣ್ಣಪ್ಪ ಮೇದಾರ್’ರನ್ನು ಬಂಧಿಸಿದ ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ.
- [ಹೋರಿ ಹಾಯ್ದು ಪಾದಚಾರಿ ಸಾವು!](https://mobiletime.in/2026/01/pedestrian-dies-after-being-run-over-by-bull/): ಶಿರಸಿಯಲ್ಲಿರುವ ಬೀಡಾಡಿ ದನಗಳ ನಿಯಂತ್ರಣಕ್ಕೆ ಶಾಸಕ ಹಾಗೂ ಸಚಿವರು ಜಂಟಿ ಸಭೆ ನಡೆಸಿದರೂ ಅದರಿಂದ ದೊಡ್ಡ ಪ್ರಮಾಣದ ಪ್ರಯೋಜನ ಆಗಲಿಲ್ಲ. ಬೀಡಾಡಿ ಜಾನುವಾರು ಗುದ್ದಿದ ಪರಿಣಾಮ ಪಾದಚಾರಿಯೊಬ್ಬರ ಪ್ರಾಣ ಹೋಗಿದ್ದರೂ ಸರ್ಕಾರ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಶಿರಸಿ ಟಿಎಸ್‌ಎಸ್ ರಸ್ತೆಯ ಜೊಸೆಫ್ ಡಯಾಸ್ (62) ಅವರು ಬೀಡಾಡಿ ಜಾನುವಾರು ಕಾಟಕ್ಕೆ ಪ್ರಾಣ ಬಿಟ್ಟಿದ್ದಾರೆ. ಹೋರಿಯೊಂದು ಅವರ ಹೊಟ್ಟೆಗೆ ಗುದ್ದಿದ್ದು ಆ ನೋವಿಗೆ ಜೊಸೆಫ್ ಡಯಾಸ್ ಅವರು ಸಾವನಪ್ಪಿದ್ದಾರೆ. ಶುಕ್ರವಾರ ಕೆಲಸಕ್ಕಾಗಿ ಮನೆಯಿಂದ ಹೊರಟ ಅವರಿಗೆ ದಿಢೀರ್ ಆಗಿ ಹೋರಿ ಒಂದು ಎದುರಾಗಿದೆ. ಜೊಸೆಫ್ ಡಯಾಸ್ ಅವರ ಮೇಲೆ ಆ ಹೋರಿ ದಾಳಿ ಮಾಡಿದೆ. ರಸ್ತೆ ಮೇಲೆ ಬಿದ್ದು ಅವರು ಪೆಟ್ಟು ಮಾಡಿಕೊಂಡಿದ್ದರು. ಶಿರಸಿ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿದ ನಂತರ ಜೊಸೆಫ್ ಡಯಾಸ್ ಅವರನ್ನು ಹುಬ್ಬಳ್ಳಿಗೆ ಕರೆದೊಯ್ಯಲಾಯಿತು. ಆದರೆ, ಅಲ್ಲಿಯೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಶಿರಸಿ ನಗರದಲ್ಲಿ ಬೀಡಾಡಿ ಜಾನುವಾರು ಸಮಸ್ಯೆ ದಿನದಿಂದ ದಿನಕ್ಕೆ ಉಲ್ಬಣವಾಗುತ್ತಿದ್ದು, ಅವುಗಳ ನಿಯಂತ್ರಣಕ್ಕಾಗಿ ಜನ ಪಟ್ಟು ಹಿಡಿದಿದ್ದಾರೆ.
- [ಮಕ್ಕಳಿದ್ದ ವಾಹನ ಅಪಘಾತ: ಐವರಿಗೆ ಗಾಯ](https://mobiletime.in/2026/01/five-injured-in-vehicle-accident-involving-children/): ಕುಮಟಾದ ಎ ವಿ ಬಾಳಿಗಾ ಆಂಗ್ಲ ಮಾಧ್ಯಮ ಶಾಲೆಯ ವಿದ್ಯಾರ್ಥಿಗಳಿದ್ದ ಓಮಿನಿ ಅಪಘಾತಕ್ಕೀಡಾಗಿದೆ. ನಾಲ್ವರು ಮಕ್ಕಳ ಜೊತೆ ಓಮಿನಿ ಓಡಿಸುತ್ತಿದ್ದವರು ಗಾಯಗೊಂಡಿದ್ದಾರೆ. ಶನಿವಾರ ಶಾಲೆ ಮುಗಿಸಿ ಬಂದ ಮಕ್ಕಳನ್ನು ಓಮಿನಿ ಅವರವರ ಮನೆಗೆ ಕರೆದೊಯ್ಯುತ್ತಿತ್ತು. ಹಳೆ ಬಸ್ ನಿಲ್ದಾಣದ ಬಳಿ ಓಮಿನಿ ಚಾಲಕನ ನಿಯಂತ್ರಣ ತಪ್ಪಿದ್ದು ಬುಲೆರೋಗೆ ಡಿಕ್ಕಿ ಹೊಡೆಯಿತು. ತನಿಷ್ಕ (15), ಅದ್ವಿತ್ (12), ಅರ್ಜುನ್ (13), ಆಯಿರಾ (10) ಎಂಬ ವಿದ್ಯಾರ್ಥಿಗಳು ಅಪಘಾತದಲ್ಲಿ ಗಾಯಗೊಂಡರು. ಓಮಿನಿ ವಾಹನದ ಚಾಲಕ ಜಟ್ಟಿ ಮುಕ್ರಿ ಅವರು ಸಹ ಪೆಟ್ಟು ಮಾಡಿಕೊಂಡರು. ಸದ್ಯ ಎಲ್ಲ ಗಾಯಾಳುಗಳನ್ನು ಕುಮಟಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಶಾಲೆಯಿಂದ ಮಕ್ಕಳನ್ನು ಮನೆಗೆ ಕರೆದೊಯ್ಯುವ ವೇಳೆ ಓಮಿನಿ ಚಾಲಕನಿಗೆ ತಲೆ ಸುತ್ತು ಬಂದ ಕಾರಣ ವಾಹನದ ನಿಯಂತ್ರಣ ತಪ್ಪಿದೆ. ಓಮಿನಿ ವಾಹನದ ಮುಂಭಾಗ ಸಂಪೂರ್ಣವಾಗಿ ಜಖಂ ಆಗಿದೆ. ಸ್ಥಳೀಯರು ಸಾಕಷ್ಟು ಪ್ರಮಾಣದಲ್ಲಿ ಸಹಕಾರ ನೀಡಿದ್ದು, ಗಾಯಾಳುಗಳ ಆರೈಕೆ ಮಾಡಿದ್ದಾರೆ.
- [ಕೋಣೆಮನೆಗೆ ನಾಚಿಕೆ ಇಲ್ಲ.. ಪ್ರಸಾದ ಹೆಗಡೆಗೆ ಬುದ್ದಿ ಇಲ್ಲ.!](https://mobiletime.in/2026/01/the-housekeeper-has-no-shame-prasad-hegde-has-no-brains/): `ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರ ಮಾಲಿಕತ್ವದ ನಿಸರ್ಗಮನೆಯಲ್ಲಿ ಏನೇನು ನಡೆಯುತ್ತಿದೆ? ಎಂಬುದು ಎಲ್ಲರಿಗೂ ಗೊತ್ತಿದೆ. ಅವರಿವರಿಗೆ ವಂಚಿಸಿ ಶಿಕ್ಷಣವನ್ನು ವ್ಯಾಪಾರವನ್ನಾಗಿಸಿದ ಬಿಜೆಪಿ ರಾಜ್ಯ ವಕ್ತಾರ ಹರಿಪ್ರಕಾಶ ಕೋಣೆಮನೆ ಅವರಿಂದಲೂ ಶಿವರಾಮ ಹೆಬ್ಬಾರ್ ನೈತಿಕತೆ ಹಾಗೂ ಬದ್ಧತೆಯ ಪಾಠ ಕಲಿಯಬೇಕಿಲ್ಲ’ ಎಂದು ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್ ಅವರ ಬೆಂಬಲಿಗರು ಹೇಳಿದ್ದಾರೆ. ಹಾವೇರಿಯಲ್ಲಿರುವ ಕಾರ್ಖಾನೆ ಉಳಿಸಿಕೊಳ್ಳುವುದಕ್ಕಾಗಿ ಶಿವರಾಮ ಹೆಬ್ಬಾರ್ ಅವರು ನದಿ ತಿರುವು ಯೋಜನೆ ಪರ ಒಲವು ಹೊಂದಿದ್ದಾರೆ ಎಂದು ಬಿಜೆಪಿಗರು ದೂರಿದ್ದರು. ಈ ಆರೋಪಕ್ಕೆ ಶಿವರಾಮ ಹೆಬ್ಬಾರ್ ಬೆಂಬಲಿಗರು ತಿರುಗೇಟು ನೀಡಿದ್ದಾರೆ. ಶಿವರಾಮ ಹೆಬ್ಬಾರ್ ಅವರ ಉದ್ದಿಮೆಯ ಬಗ್ಗೆ ಮಾತನಾಡಿದ ಪ್ರಸಾದ ಹೆಗಡೆ ಹಾಗೂ ಹರಿಪ್ರಕಾಶ ಕೋಣೆಮನೆ ಅವರ ವ್ಯವಹಾರಗಳ ಬಗ್ಗೆಯೂ ಹೆಬ್ಬಾರ್ ಬೆಂಬಲಿಗರು ಪ್ರಶ್ನಿಸಿದ್ದಾರೆ. ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ವಿ ಎಸ್ ಭಟ್ಟ, ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರವಿ ಭಟ್ಟ ಬರಗದ್ದೆ, ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗಗಳ ವಿಭಾಗದ ಉಪಾಧ್ಯಕ್ಷ ಪ್ರೇಮಾನಂದ ನಾಯ್ಕ ಈ ಕುರಿತು ಪ್ರಕಟಣೆ ನೀಡಿದ್ದು, ಪ್ರಸಾದ ಹೆಗಡೆ ಹಾಗೂ ಹರಿಪ್ರಕಾಶ ಕೋಣೆಮನೆ ಅವರ ನಡೆಯನ್ನು ಪ್ರಮುಖರಾದ ಲಾರೇನ್ಸ್ ಸಿದ್ದಿ, ನರಸಿಂಹ ನಾಯ್ಕ, ಗೋಪಾಲ ಸಿದ್ದಿ, ಗಜಾನನ ಭಟ್ಟ, ಕುಪ್ಪಯ್ಯ ಪೂಜಾರಿ ಹಾಗೂ ಗಣೇಶ ಹೆಗಡೆ ಪಣತಗೇರಿ ಖಂಡಿಸಿದ್ದಾರೆ. `ಪ್ರಸಾದ ಹೆಗಡೆ ಬೇರೆಯವರ ಬಗ್ಗೆ ಮಾತನಾಡುವ ಬದಲು ತಮ್ಮ ರಾಜಕೀಯ ಹಾಗೂ ವೈಯಕ್ತಿಕ ಹಿನ್ನಲೆ ಬಗ್ಗೆ ಅರಿತುಕೊಳ್ಳಬೇಕು’ ಎಂದು ಅವರೆಲ್ಲರೂ ಸಲಹೆ ನೀಡಿದ್ದಾರೆ. `ಹರಿಪ್ರಕಾಶ ಕೋಣೆಮನೆ ಬೇರೆಯವರ ದುಡ್ಡಿನಲ್ಲಿ ಸುದ್ದಿ ಸಂಸ್ಥೆ ಮಾಡಿ ಅದನ್ನು ದಿವಾಳಿಯಾಗಿಸಿದ್ದಾರೆ. ಬೇರೆಯವರು ಕಟ್ಟಿದ ಶಿಕ್ಷಣ ಸಂಸ್ಥೆಯನ್ನು ಬೇರೆಯವರ ಹಣದಲ್ಲಿ ಖರೀದಿ ಮಾಡಿ, ಹಣ ನೀಡಿದವರಿಗೆ ಮೋಸ ಮಾಡಿದ್ದಾರೆ. ಅವರಿಗೆ ಹಣ ಕೊಟ್ಟ ಅನೇಕರು ಕೋರ್ಟ ಮೆಟ್ಟಿಲೇರಿದರೂ ಹರಿಪ್ರಕಾಶ ಕೋಣೆಮನೆ ಶಿಕ್ಷಣವನ್ನು ವ್ಯಾಪಾರವನ್ನಾಗಿಸಿಕೊಂಡಿರುವ ವಿಚಾರ ಎಲ್ಲರಿಗೂ ತಿಳಿದಿದೆ. ರಾಜಕೀಯ ಹಂಬಲಕ್ಕಾಗಿ ನಿನ್ನೆ-ಮೊನ್ನೆ ಯಲ್ಲಾಪುರಕ್ಕೆ ಕಾಲಿಟ್ಟಿರುವ ಕೋಣೆಮನೆ ಅವರು ನಾಲ್ಕು ದಶಕದಿಂದ ಯಲ್ಲಾಪುರದ ಜನರ ಜೊತೆಯಿರುವ ಶಿವರಾಮ ಹೆಬ್ಬಾರ್ ಅವರ ಬಗ್ಗೆ ಮಾತನಾಡುವುದು ಹಾಸ್ಯಾಸ್ಪದ’ ಎಂದು ಹೇಳಿದ್ದಾರೆ. `ಶಿವರಾಮ ಹೆಬ್ಬಾರ್.ಅವರು ಸಚಿವರಾಗಿದ್ದ ಅವಧಿಯಲ್ಲಿ ಬೇಡ್ತಿ-ವರದಾ ನದಿ ಜೋಡಣೆ ಬಗ್ಗೆ ವಿರೋಧಿಸಿದ್ದರು. ಶಿಗ್ಗಾವಿಯಲ್ಲಿ ಶಿವರಾಮ ಹೆಬ್ಬಾರ್ ಒಡೆತನದ ಕಾರ್ಖಾನೆ ಆಧುನಿಕ ತಂತ್ರಜ್ಞಾನದಲ್ಲಿ ನಿರ್ಮಾಣವಾಗಿದ್ದು, ನೀರನ್ನು ಅವಲಂಭಿಸಿ ಅವರು ಆ ಉದ್ದಿಮೆ ಕಟ್ಟಿಲ್ಲ. ಬೋರ್‌ವೆಲ್ ಹಾಗೂ ಇನ್ನಿತರ ಜಲಮೂಲಗಳಿಂದ ಕಾರ್ಖಾನೆ ನಡೆಯುತ್ತಿದ್ದು, ತಾಂತ್ರಿಕ ವಿಷಯದ ಬಗ್ಗೆ ಮಾಹಿತಿ ಇಲ್ಲದೇ ಅವರಿಬ್ಬರು ಮಾತನಾಡುವುದು ಸರಿಯಲ್ಲ’ ಎಂದು ಹೇಳಿದ್ದಾರೆ. `ಪ್ರಸಾದ ಹೆಗಡೆ ಹಾಗೂ ಹರಿಪ್ರಕಾಶ ಕೋಣೆಮನೆ ಇಬ್ಬರೂ ರಾಜಕೀಯ ತೆವಲಿಗಾಗಿ ಇಂಥ ಹೇಳಿಕೆ ನೀಡುವುದನ್ನು ಬಿಡಬೇಕು. `ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರ ಹೇಳಿಕೆಯನ್ನು ತಪ್ಪಾಗಿ ಅರ್ಥೈಸಿ ರಾಜಕೀಯ ಬೇಳೆ ಬೇಯಿಸಿಕೊಳ್ಳುವ ಪ್ರಯತ್ನದಿಂದ ಹೊರಬರಬೇಕು’ ಎಂದು ಹೇಳಿದ್ದಾರೆ. `ಸ್ವರ್ಣವಲ್ಲಿಯ ಗಂಗಾಧರೇoದ್ರ ಸರಸ್ವತಿ ಸ್ವಾಮೀಜಿ ಅವರ ನೇತ್ರತ್ವದಲ್ಲಿ ಬೇಡ್ತಿ-ವರದಾ ನದಿ ಜೋಡಣೆಯ ವಿರುದ್ಧ ಹೋರಾಟ ನಡೆಯುತ್ತಿದೆ. ಶಿವರಾಮ ಹೆಬ್ಬಾರ್ ಬೆಂಬಲಿಗರೆಲ್ಲರೂ ಯೋಜನೆ ವಿರುದ್ಧ ಸ್ವಾಮೀಜಿಗಳ ಪರವಾಗಿದ್ದಾರೆ. ನೆಲ, ಜಲ ಮತ್ತು ಭಾಷೆಯ ಪ್ರಶ್ನೆ ಬಂದಾಗ ನಾವು ರಾಜಕೀಯ ಮಾಡಲು ಸಿದ್ದರಿಲ್ಲ. ನೈತಿಕತೆ ಹಾಗೂ ಬದ್ಧತೆಯ ಪಾಠ ಮಾಡುವ ಬದಲು ಬಿಜೆಪಿ ಪ್ರಮುಖರು ಹಾವೇರಿ ಸಂಸದರಾದ ಬಸವರಾಜ ಬೊಮ್ಮಾಯಿ ಅವರ ಪ್ರಯತ್ನವನ್ನು ತಡೆಯಲಿ’ ಎಂದು ಸವಾಲು ಹಾಕಿದ್ದಾರೆ.
- [ಕೊಡಲಿ ಹಿಡಿದ ಶಿವನ ಸೆರೆ!](https://mobiletime.in/2026/01/dead-body-caught-holding-an-axe/): ಮುಂಡಗೋಡಿನ ಶಿವಾನಂದರ ಮೇಲೆ ಕೊಡಲಿ ಬೀಸಿದ್ದ ಶಿವಾನಂದರ ಅವರ ಮೂರನೇ ಹೆಂಡತಿಯ ಮೊದಲೇ ಗಂಡನ ಮಗನಾದ ಶಿವರಾಜ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ತoದೆಯ ಹತ್ಯೆಗೆ ಪ್ರಯತ್ನಿಸಿದ ನಂತರ ಶಿವರಾಜ ರಾಣೆಬೆನ್ನೂರಿಗೆ ಓಡಿ ಹೋಗಿದ್ದು, ವಿವಿಧ ತಂತ್ರಜ್ಞಾನಗಳ ಆಧಾರದಲ್ಲಿ ಪೊಲೀಸರು ಆರೋಪಿಯನ್ನು ಹುಡುಕಿ ಹೆಡೆಮುರಿ ಕಟ್ಟಿದ್ದಾರೆ. ಮುಂಡಗೋಡದ ತಾಲೂಕಿನ ತಟ್ಟಿಹಳ್ಳಿಯಲ್ಲಿ ಗುರುವಾರ ಶಿವಾನಂದರ ಹತ್ಯೆ ಪ್ರಯತ್ನ ನಡೆದಿತ್ತು. ಶಿವಾನಂದರ ಮೇಲೆ ಅವರ ಮಗ ಶಿವರಾಜ ಕತ್ತಿ ಬೀಸಿ ಪರಾರಿಯಾಗಿದ್ದರು. ತಾಯಿಗೆ ಕಿರುಕುಳ ನೀಡುತ್ತಿರುವುದನ್ನು ಸಹಿಸದೇ ಶಿವರಾಜ್ ತಂದೆ ಮೇಲೆ ಹಲ್ಲೆ ಮಾಡಿದ ಬಗ್ಗೆ ಮಾಹಿತಿಯಿದ್ದು, ಪೊಲೀಸರು ಇದೀಗ ತಾಯಿ ನೀಡಿದ ಮಾಹಿತಿಯನ್ನು ಬಳಸಿಕೊಂಡು ಆರೋಪಿಯನ್ನು ಹುಡುಕಿದ್ದಾರೆ. ಶಿವಾನಂದ ಹಾಗೂ ಶಿವರಾಜ ನಡುವೆ ಮಾತಿಗೆ ಮಾತು ಬೆಳೆದಿದ್ದು, ಕೊಡಲಿ ಏಟಿಗೆ ಕಾರಣವಾಗಿತ್ತು.
- [ಬೆಂಗಳೂರಿನ ಕಂಪನಿಗಳಿಗೆ ಉತ್ತರ ಕನ್ನಡದ ಅಧ್ಯಕ್ಷ!](https://mobiletime.in/2026/01/uttara-kannada-president-for-bengaluru-companies/): ಬೆಂಗಳೂರಿನ ಕಂಪನಿ ಕಾರ್ಯದರ್ಶಿಗಳ ಶಾಖೆಯ ಅಧ್ಯಕ್ಷರಾಗಿ ಉತ್ತರ ಕನ್ನಡದ ವಿಶ್ವಾಸ ಹೆಗಡೆ ಅವರು ಆಯ್ಕೆಯಾಗಿದ್ದಾರೆ. ವಿಶ್ವಾಸ ಶಂಕರ ಹೆಗಡೆ ಅವರು ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತಾಲೂಕಿನ ಹೆಗಡೆ ಗ್ರಾಮದ ನಿವಾಸಿಯಾಗಿದ್ದಾರೆ. ಅವರು ವಾಣಿಜ್ಯ, ಆಡಳಿತ ಹಾಗೂ ಕಾನೂನು ವಿಭಾಗಗಳಲ್ಲಿ ಪದವೀಧರರಾಗಿದ್ದು, 2015ರಲ್ಲಿ ಕಂಪನಿ ಕಾರ್ಯದರ್ಶಿಯಾಗಿ ಅರ್ಹತೆ ಪಡೆದಿದ್ದಾರೆ. ಸುಮಾರು ಹತ್ತು ವರ್ಷಗಳಿಗಿಂತ ಹೆಚ್ಚಿನ ವೃತ್ತಿಪರ ಅನುಭವ ಹೊಂದಿರುವ ಅವರು ಪ್ರಸ್ತುತ ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ನಿಯಮಿತದಲ್ಲಿ ಡೆಪ್ಯುಟಿ ಕಂಪನಿ ಕಾರ್ಯದರ್ಶಿಯಾಗಿದ್ದಾರೆ. ಬೆಂಗಳೂರು ಶಾಖೆಯು 4,000ಕ್ಕೂ ಹೆಚ್ಚು ಕಂಪನಿ ಕಾರ್ಯದರ್ಶಿಗಳನ್ನು ಒಳಗೊಂಡಿದ್ದು, ದೇಶದ ಮೂರನೇ ಅತಿದೊಡ್ಡ ಶಾಖೆಯಾಗಿದೆ. ಇನ್ಸ್ಟಿಟ್ಯೂಟ್ ಆಫ್ ಕಂಪನಿ ಸೆಕ್ರೆಟರೀಸ್ ಆಫ್ ಇಂಡಿಯಾ ಎಂಬುದು ಸಂಸತ್ತಿನ ಕಾಯ್ದೆಯಡಿ ಸ್ಥಾಪಿತಗೊಂಡ ಪ್ರಮುಖ ವೃತ್ತಿಪರ ಸಂಸ್ಥೆಯಾಗಿದ್ದು, ಕಂಪನಿ ಕಾರ್ಯದರ್ಶಿಗಳ ವೃತ್ತಿಯನ್ನು ನಿಯಂತ್ರಿಸುವ ಹಾಗೂ ಅಭಿವೃದ್ಧಿಪಡಿಸುವ ಉದ್ದೇಶ ಹೊಂದಿದೆ. ಈ ಸಂಸ್ಥೆಯು ಭಾರತ ಸರ್ಕಾರದ ಕಾರ್ಪೊರೇಟ್ ವ್ಯವಹಾರಗಳ ಸಚಿವಾಲಯದ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಸಿಎಸ್ ಕೋರ್ಸ್ನ ವಿದ್ಯಾರ್ಥಿಗಳಿಗೆ ಉನ್ನತ ಮಟ್ಟದ ಶಿಕ್ಷಣ ಹಾಗೂ ಸದಸ್ಯರಿಗೆ ವೃತ್ತಿಪರ ಮಾನದಂಡಗಳನ್ನು ಒದಗಿಸುವಲ್ಲಿ ಐಸಿಎಸ್‌ಐ ಪ್ರಮುಖ ಪಾತ್ರವಹಿಸುತ್ತದೆ. ನವದೆಹಲಿಯಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಐಸಿಎಸ್‌ಐ ನವದೆಹಲಿ, ಚೆನ್ನೈ, ಕೋಲ್ಕತ್ತಾ ಹಾಗೂ ಮುಂಬೈನಲ್ಲಿ ನಾಲ್ಕು ಪ್ರಾದೇಶಿಕ ಕಚೇರಿಗಳನ್ನು ಹೊಂದಿದ್ದು, ದೇಶಾದ್ಯಂತ 73 ಶಾಖಾ ಕಚೇರಿಗಳಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಅಲ್ಲದೇ, ಮುಂಬೈ, ಹೈದರಾಬಾದ್ ಮತ್ತು ಕೋಲ್ಕತ್ತಾದಲ್ಲಿ ಕಾರ್ಪೊರೇಟ್ ಆಡಳಿತ, ಸಂಶೋಧನೆ ಮತ್ತು ತರಬೇತಿ ಕೇಂದ್ರಗಳು (ಅಅಉಖಖಿ) ಸ್ಥಾಪಿತವಾಗಿವೆ. ಆಸ್ಟ್ರೇಲಿಯಾ, ಕೆನಡಾ, ಸಿಂಗಾಪುರ, ಯುಎಇ, ಯುಕೆ ಹಾಗೂ ಯುಎಸ್‌ಎಗಳಲ್ಲಿ ವಿದೇಶಿ ಕೇಂದ್ರಗಳನ್ನು ಹೊಂದಿದೆ. ಅಷ್ಟೇ ಅಲ್ಲದೇ, 75,000ಕ್ಕೂ ಹೆಚ್ಚು ಸದಸ್ಯರನ್ನು ಒಳಗೊಂಡಿದ್ದು ವಿಶ್ವದಲ್ಲೇ ಅತಿ ಹೆಚ್ಚು ಸದಸ್ಯರನ್ನು ಒಳಗೊಂಡ ಕಂಪನಿ ಕಾರ್ಯದರ್ಶಿಗಳ ವೃತ್ತಿಯನ್ನು ನಿಯಂತ್ರಿಸುವ ಹಾಗೂ ಅಭಿವೃದ್ಧಿಗೊಳಿಸುವ ಶಾಖೆಯಾಗಿದೆ. ಈ ಹಿಂದೆ ಡಿಸೆಂಬರ್ 2022ರಲ್ಲಿ ನಡೆದಿದ್ದ ಬೆಂಗಳೂರು ಶಾಖೆಯ ಆಡಳಿತ ಮಂಡಳಿಯ ಚುನಾವಣೆಯ ಮತಗಳಿಕೆಯಲ್ಲಿ ವಿಶ್ವಾಸ ಹೆಗಡೆ ಅವರು ಮೂರನೇ ಸ್ಥಾನ ಪಡೆದುಕೊಂಡಿದ್ದರು. ಅಂದಿನ ಮೊದಲ ಅವಧಿಯಲ್ಲಿ ಖಜಾಂಚಿಯಾಗಿ ಕಾರ್ಯನಿರ್ವಹಿಸಿದ್ದ ಅವರು, ನಂತರ ಕಾರ್ಯದರ್ಶಿ ಹಾಗೂ ಉಪಾಧ್ಯಕ್ಷರಾಗಿಯೂ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸಿದ್ದರು.
- [ಕಾಳಿ ನದಿ ಮೇಲೆ ಕಳ್ಳರ ಕಣ್ಣು!](https://mobiletime.in/2026/01/thieves-eyes-on-the-kali-river/): ಕಾರವಾರದ ಕಾರ್ತಿಕ ಗೌಡ ಹಾಗೂ ಅನುಫ ಮಾಳ್ಸೆಕರ್ ಸೇರಿ ಕಳ್ಳತನ ಶುರು ಮಾಡಿದ್ದಾರೆ. ಕಾಳಿ ನದಿಯ ಖನಿಜವನ್ನು ಅವರು ಕದ್ದು ಸಾಗಿಸುತ್ತಿದ್ದಾರೆ. ಕಾರವಾರದ ಕಿನ್ನರದಲ್ಲಿ ಹರಿಯುವ ಕಾಳಿ ನದಿಯಲ್ಲಿ ಸದಾಶಿವಗಡ ಅರ್ಜುನಕೋಟದ ಕಾರ್ತಿಕ ರವಿ ಗೌಡ ಹಾಗೂ ನಂದನಗದ್ದಾ ತೆಲಂಗ ರಸ್ತೆಯ ಅನುಫ್ ಧನವಂತ ಮಾಳ್ಸೆಕರ್ ಸೇರಿ ಮರಳು ತೆಗೆದಿದ್ದು, ಅದನ್ನು ಕಾನೂನುಬಾಹಿರವಾಗಿ ಸಾಗಾಟ ಮಾಡುತ್ತಿದ್ದಾರೆ. ಈ ಅಪರಾಧ ಕೃತ್ಯಕ್ಕೆ ಕಾಂಗ್ರೆಸ್ ಪ್ರಮುಖರೊಬ್ಬರು ಬೆನ್ನೆಲುಬಾಗಿದ್ದಾರೆ ಎಂಬ ಆರೋಪವ್ಯಕ್ತವಾಗಿದೆ. ಶುಕ್ರವಾರ ನಸುಕಿನಲ್ಲಿ ಮೂರು ಲಾರಿಗಳಲ್ಲಿ ಅಕ್ರಮ ಮರಳು ಸಾಗಾಟ ನಡೆದಿದ್ದು, ಹುಬ್ಬಳ್ಳಿ ಹಾಗೂ ಗೋವಾಗೆ ಹೋಗುತ್ತಿದ್ದ ಮರಳು ಲಾರಿಯನ್ನು ಆ ಭಾಗದ ಜನರೇ ತಡೆದಿದ್ದಾರೆ. ಅಲ್ಲಿನವರು ನೀಡಿದ ಮಾಹಿತಿ ಪ್ರಕಾರ, ಪ್ರಭಾವಿಯೊಬ್ಬರು ಬಂದು ಎರಡು ಲಾರಿಗಳನ್ನು ಬಿಟ್ಟು ಕಳುಹಿಸಿದ್ದು, ಅದಾದ ನಂತರ ಪೊಲೀಸರು ಒಂದು ಲಾರಿಯನ್ನು ವಶಕ್ಕೆಪಡೆದಿದ್ದಾರೆ. ಸರ್ಕಾರಕ್ಕೆ ತೆರಿಗೆಯನ್ನು ಕಟ್ಟದೇ ಪರಿಸರಕ್ಕೆ ಹಾನಿ ಆಗುವ ರೀತಿ ಮರಳುಗಾರಿಕೆ ನಡೆಯುತ್ತಿದ್ದರೂ ಅದನ್ನು ತಡೆಯುವ ಕೆಲಸ ನಡೆದಿಲ್ಲ. ಬಡ ಜನ ಮನೆ ನಿರ್ಮಾಣಕ್ಕೂ ಮರಳು ಸಿಗದೇ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಆದರೆ, ಪ್ರಭಾವಿಗಳು ಮರಳನ್ನು ಕದ್ದು ಸಾಗಿಸಿ ಕಾಸು ಮಾಡುತ್ತಿದ್ದಾರೆ. ಕಳೆದ ವರ್ಷ ಅಕ್ರಮ ಮರಳು ಸಾಗಾಟ ನಡೆಯದ ಹಾಗೇ ನದಿ ಪ್ರದೇಶದ ರಸ್ತೆಗಳಿಗೆ ಅಡ್ಡಲಾಗಿ ಕಾಲುವೆ ತೆಗೆದಿದ್ದು, ಈ ವರ್ಷ ಕಾಲುವೆ ತೆಗೆಯುವ ಕೆಲಸವೂ ನಡೆದಿಲ್ಲ.
- [ಪುಣ್ಯಕ್ಷೇತ್ರದಲ್ಲಿ ಪಾಪದ ಕೆಲಸ!](https://mobiletime.in/2026/01/sinful-act-in-the-holy-field/): ಹೊನ್ನಾವರದ ಪುಣ್ಯ ಕ್ಷೇತ್ರಗಳಲ್ಲಿ ಒಂದಾದ ರಾಮತೀರ್ಥವನ್ನು ಕೆಲವರು `ತೀರ್ಥ’ ಸೇವನೆಗೆ ಬಳಸುತ್ತಿದ್ದಾರೆ. ಆ ಪ್ರದೇಶದಲ್ಲಿ ಎಲ್ಲೆಂದರಲ್ಲಿ ಸರಾಯಿ ಬಾಟಲಿಗಳು ಬಿದ್ದಿವೆ. ಪ್ರತಿ ದಿನ ಸಂಜೆ ಇಲ್ಲಿ ಯುವಕರ ಗುಂಪೊAದು ಬರುತ್ತದೆ. ಮಾದಕ ವ್ಯಸನದಲ್ಲಿ ತೊಡಗುವ ಆ ಗುಂಪಿನ ಸದಸ್ಯರು ರಾಮತೀರ್ಥವನ್ನು ಗಲೀಜು ಮಾಡಿ ಹೋಗುತ್ತಾರೆ. ಅದರ ಪರಿಣಾಮ ರಾಮತೀರ್ಥದ ಸುತ್ತಲು ಬಿಯರ್ ಬಾಟಲಿ, ಸಿಗರೇಟಿನ ತುಂಡು, ಸರಾಯಿ ಪ್ಯಾಕೇಟ್ ಹಾಗೂ ಶೆಂಗಾ ಕೊಟ್ಟೆಗಳು ಬಿದ್ದಿವೆ. ನಿತ್ಯ ಪೂಜೆಗೆ ಅಲ್ಲಿ ಬರುವ ಭಟ್ಟರಿಗೂ ಹೇಸಿಗೆ ಆಗುವಷ್ಟರ ಮಟ್ಟಿಗೆ ಆ ಪ್ರದೇಶ ಗಬ್ಬೆದ್ದಿದೆ. ರಾಮತೀರ್ಥ ಪ್ರದೇಶದಲ್ಲಿ ಅಳವಡಿಸಲಾದ ವಿದ್ಯುತ್ ದೀಪಗಳು ಹಾಳಾಗಿದೆ. ಅಲ್ಲಿನ ಶೌಚಾಲಯದ ಬಾಗಿಲು ಮುರಿದು ವರ್ಷ ಕಳೆದಿದೆ. ಇಂಥ ಅವ್ಯವಸ್ಥೆಗಳು ಪುಂಡಪೋಕರಿಗಳಿಗೆ ವರದಾನವಾಗಿದೆ. ದೇವರ ದರ್ಶನಕ್ಕೆ ಬರುವವರಿಗೆ ಮೊದಲು ಅಲ್ಲಿನ ಗಬ್ಬು ಪ್ರದೇಶದ ದರ್ಶನವಾಗುತ್ತಿದೆ. ಈ ಬಗ್ಗೆ ಮಾಹಿತಿಯಿದ್ದರೂ ಯಾರೂ ತಲೆಕೆಡಿಸಿಕೊಂಡಿಲ್ಲ. ಶುಕ್ರವಾರ ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ ಹಾಗೂ ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ ಅವರು ಈ ಪ್ರದೇಶಕ್ಕೆ ಭೇಟಿ ನೀಡಿದ್ದು, ಅವ್ಯವಸ್ಥೆಗಳ ವಿರುದ್ಧ ಅಸಮಧಾನವ್ಯಕ್ತಪಡಿಸಿದರು. `ಈ ಭಾಗದಲ್ಲಿ ಪೊಲೀಸರು ಬೀಟ್ ವ್ಯವಸ್ಥೆ ಬಿಗಿಗೊಳಿಸಬೇಕು. ಅಕ್ರಮ ಚಟುವಟಿಕೆಗಳನ್ನು ತಡೆಯಬೇಕು’ ಎಂದು ಆಗ್ರಹಿಸಿದರು. ಅವ್ಯವಸ್ಥೆಗಳ ಬಗ್ಗೆ ಅಲ್ಲಿನ ಸುಬ್ರಾಯ ಹೆಬ್ಬಾರ ಅವರು ಆಕ್ರೋಶವ್ಯಕ್ತಪಡಿಸಿದರು.
- [ಪಾಠ ಮಾಡಲು ಹೋದ ಕಾಮುಕನಿಗೆ ಕಪಾಳಮೋಕ್ಷ!](https://mobiletime.in/2026/01/a-slap-in-the-face-to-a-lover-who-went-to-teach/): ದಾಂಡೇಲಿಯ ಕನ್ಯಾ ವಿದ್ಯಾಲಯದಲ್ಲಿನ ಕನ್ಯೆಯರಿಗೆ ಕಿರುಕುಳ ನೀಡಿ ಅಮಾನತು ಆಗಿದ್ದ ಪ್ರಾಚಾರ್ಯ ಹನುಮಂತ ಕುಂಬಾರ್ ಅವರು ನ್ಯಾಯಾಲಯಕ್ಕೆ ಹೋಗಿ ತಮ್ಮ ಅಮಾನತು ಆದೇಶಕ್ಕೆ ತಡೆ ತಂದಿದ್ದಾರೆ. ಆ ಆದೇಶ ಪ್ರತಿಯೊಂದಿಗೆ ಕಾಲೇಜು ಪ್ರವೇಶಿಸಿದ ಹನುಮಂತ ಕುಂಬಾರ್ ಅವರು ಅಲ್ಲಿನ ಆಡಳಿತ ಮಂಡಳಿಯವರಿಂದ ಪೆಟ್ಟು ತಿಂದಿದ್ದಾರೆ! ದಾoಡೇಲಿಯ ಕನ್ಯಾ ಪಿಯು ಕಾಲೇಜಿನಲ್ಲಿ ಪ್ರಾಚಾರ್ಯರಾಗಿದ್ದ ಹನುಮಂತ ಕುಂಬಾರ್ ಅವರು ಆ ಹುದ್ದೆಯನ್ನು ದುರುಪಯೋಗಪಡಿಸಿಕೊಂಡಿದ್ದರು. ವಿದ್ಯಾರ್ಥಿನಿಯರ ಮೈ ಮುಟ್ಟುವ ಮೂಲಕ ಕಾಲೇಜಿನ ಪ್ರಾಚಾರ್ಯ ಸ್ಥಾನಕ್ಕೆ ಅವರು ಧಕ್ಕೆ ತಂದಿದ್ದರು. ಪಾಠ ಮಾಡುವ ವೇಳೆ ಮಕ್ಕಳ ಮೈ ಮುಟ್ಟುವುದು, ಹೆಣ್ಣು ಮಕ್ಕಳನ್ನು ಉದ್ದೇಶಿಸಿ ಅಶ್ಲೀಲ ಶಬ್ದಗಳ ಪ್ರಯೋಗ ಮಾಡುವ ಆರೋಪವನ್ನು ಅವರು ಎದುರಿಸಿದ್ದರು. ತಮ್ಮ ಮಾತು ಒಪ್ಪಿಕೊಳ್ಳದ ವಿದ್ಯಾರ್ಥಿನಿಯರಿಗೆ ನಿಂದಿಸುವ ಅವರ ಸ್ವಭಾವದ ಖಂಡಿಸಿ ಅಲ್ಲಿನ ವಿದ್ಯಾರ್ಥಿನಿಯರೇ ಸಿಡಿದೆದ್ದಿದ್ದರು. ಆ ಅಯೋಗ್ಯ ಪ್ರಾಚಾರ್ಯರ ವಿರುದ್ಧ ವಿದ್ಯಾರ್ಥಿಗಳು ಅಸಮಧಾನವ್ಯಕ್ತಪಡಿಸಿದ್ದರು. ಕಾಲೇಜು ಆವರಣದಲ್ಲಿ ಮಕ್ಕಳು ಪ್ರತಿಭಟಿಸಿದ್ದು ದೊಡ್ಡ ಪ್ರಮಾಣದಲ್ಲಿ ಪ್ರಭಾವ ಬೀರಿತ್ತು. ಪ್ರತಿಭಟನೆಯಲ್ಲಿ ವಿದ್ಯಾರ್ಥಿನಿಯರು ತಮಗಾದ ಕೆಟ್ಟ ಅನುಭವಗಳ ಬಗ್ಗೆ ವಿವರಿಸಿದಲ್ಲದೇ ಅದನ್ನು ಲಿಖಿತವಾಗಿಯೂ ನೀಡಿದ್ದರು. ಹನುಮಂತ ಕುಂಬಾರ್ ವಿರುದ್ಧ ದಾಂಡೇಲಿ ವೆಲ್ ಪೆರ್ ಸೊಸೈಟಿಯವರು ಪೊಲೀಸ್ ದೂರು ಸಹ ನೀಡಿದ್ದು, ಈ ಎಲ್ಲಾ ಹಿನ್ನಲೆ ಹನುಮಂತ ಕುಂಬಾರ್ ಅವರು ಸೇವೆಯಿಂದ ಅಮಾನತಾಗಿದ್ದರು. ಹನುಮಂತ ಕುಂಬಾರ ಅವರ ವಿರುದ್ಧ ಪೋಕ್ಸೋ ಕಾಯ್ದೆ ಅಡಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸಿದ್ದರು. ಆದರೆ, ಈ ಎಲ್ಲಾ ಘಟನಾವಳಿಗಳ ಬೆನ್ನಲ್ಲೆ ಹನುಮಂತ ಕಂಬಾರ್ ಅವರು ಧಾರವಾಡದ ಉಚ್ಛ ನ್ಯಾಯಾಲಯದ ಮೊರೆ ಹೋದರು. ಅಮಾನತು ಆದೇಶದ ವಿರುದ್ಧ ತಡೆಯಾಜ್ಞೆಯನ್ನು ತಂದರು. ಮತ್ತೆ ಪ್ರಾಚಾರ್ಯ ಹುದ್ದೆ ಗಿಟ್ಟಿಸಿಕೊಳ್ಳುವುದಕ್ಕಾಗಿ ಅವರು ಕಾಲೇಜು ಪ್ರವೇಶಿಸಿದ್ದು, ಅದನ್ನು ಆಡಳಿತ ಮಂಡಳಿಯುವರು ಸಹಿಸಲಿಲ್ಲ. ಆ ದಿನದ ಈ ಸುದ್ದಿ ನೀವು ಓದಿಲ್ಲವೇ? ಇದನ್ನು ಓದಿ: ಆತ ಉಪನ್ಯಾಸಕ ಅಲ್ಲ.. ಕಾಮುಕ! ಜನವರಿ 12ರಂದು ಕಾಲೇಜು ಪ್ರವೇಶಿಸಿದ ಹನುಮಂತ ಕುಂಬಾರ್ ಅವರನ್ನು ಕಾಲೇಜು ಕಾರ್ಯದರ್ಶಿ ರಾಜೇಂದ್ರ ಕೋಡ್ಕಣಿ ಅವರು ತಡೆದರು. ಕಾಲೇಜು ಖಜಾಂಚಿ ಅರುಣಾಧಿ ರಾವ್ ಅವರು ಹನುಮಂತ ಕುಂಬಾರ್ ಮತ್ತೆ ಕಾಲೇಜಿಗೆ ಬಂದಿದನ್ನು ವಿರೋಧಿಸಿದರು. ಮಕ್ಕಳ ಜೊತೆ ಅಸಭ್ಯವಾಗಿ ವರ್ತಿಸುತ್ತಿದ್ದ ಹನುಮಂತ ಕುಂಬಾರ್ ಅವರನ್ನು ಮತ್ತೆ ಪಾಠ ಮಾಡಲು ಬಿಡಲಿಲ್ಲ. ಆಗ, ಅನಗತ್ಯ ರಂಪಾಟ ನಡೆಸಿದ ಹನುಮಂತ ಕುಂಬಾರ್ ಅವರನ್ನು ಕಾಲೇಜು ಕೊಠಡಿಯೊಳಗೆ ಕೂಡಿ ಹಾಕಿದರು. ಇನ್ನಷ್ಟು ಉಗ್ರವಾದ ಹನುಮಂತ ಕುಂಬಾರ ಅವರನ್ನು ಸಮಾಧಾನ ಮಾಡಲು ರಾಜೇಂದ್ರ ಕೋಡ್ಕಣಿ ಹಾಗೂ ಅರುಣಾಧಿ ರಾವ್ ಸೇರಿ ಕೆನ್ನೆಗೆ ಬಾರಿಸಿದರು. ಗಂಡನ ರಕ್ಷಣೆಗೆ ಹೋದ ವಿಜಯಲಕ್ಷಿ ಕುಂಬಾರ್ ಅವರು ಈ ವೇಳೆ ಪೆಟ್ಟು ತಿಂದರು.
- [ಬಾಲಕನ ಬದುಕು ಕಸಿದ ಸಂಕ್ರಾoತಿ ರಜೆ!](https://mobiletime.in/2026/01/a-boys-life-was-taken-away-during-the-sankranti-holiday/): ಕಾರವಾರದಲ್ಲಿ 8ನೇ ತರಗತಿ ಓದುತ್ತಿದ್ದ ಸೋನಾಲ ಅರ್ಗೇಕರ್ ಸಮುದ್ರಕ್ಕೆ ಬಿದ್ದು ಸಾವನಪ್ಪಿದ್ದಾರೆ. ಸಂಕ್ರಾoತಿ ರಜೆ ಹಿನ್ನಲೆ ಸಮುದ್ರದ ಬಳಿ ಆಡಲು ಹೋಗಿದ್ದ ಸೋನಾಲ ಅರ್ಗೇಕರ್ ಅಲೆಗಳ ರಭಸಕ್ಕೆ ಸಿಲುಕಿ ಕೊನೆಯುಸಿರೆಳೆದಿದ್ದಾರೆ. ಮುದಗಾದ ನೌಕಾನೆಲೆ ನಿರಾಶ್ರಿತರ ಕಾಲೋನಿಯಲ್ಲಿ ಸೋನಾಲ ಅರ್ಗೇಕರ್ (12) ವಾಸವಾಗಿದ್ದರು. ಗುರುವಾರ ಶಾಲೆಗೆ ರಜೆ ಇದ್ದ ಹಿನ್ನಲೆ ಅವರು ಸ್ನೇಹಿತರ ಜೊತೆ ಆಟಕ್ಕೆ ಹೋಗಿದ್ದರು. ಸಂಜೆ ಎಲ್ಲರೂ ಸೇರಿ ಸಮೀಪದ ಸಮುದ್ರಕ್ಕೆ ಹೋಗಿದ್ದು, ಅಲ್ಲಿ ಅವಘಡ ನಡೆದಿದೆ. ಆಟವಾಡುತ್ತಲೇ ಸಮುದ್ರಕ್ಕೆ ಹೋದ ಸೋನಾಲ್ ಅರ್ಗೇಕರ್ ಅಲ್ಲಿನ ರಭಸ ಅಲೆಗಳಿಗೆ ಸಿಕ್ಕದ್ದು, ಬಲವಾಗಿ ಅಪ್ಪಳಿಸಿದ ಅಲೆ ಸೋನಾಲ್ ಅರ್ಗೇಕರ್ ಅವರನ್ನು ಬಹುದೂರದವರೆಗೆ ಕರೆದೊಯ್ದಿದೆ. ಈ ವೇಳೆ ನೀರಿನಲ್ಲಿ ಮುಳುದಿದ್ದು, ಜೊತೆಗಿದ್ದ ಸ್ನೇಹಿತರು ದೊಡ್ಡದಾಗಿ ಕೂಗಿದ್ದಾರೆ. ಆಗ, ಸ್ಥಳೀಯರು ಬಂದು ಹುಡುಕಾಟ ನಡೆಸಿದರೂ ಸೋನಾಲ್ ಅರ್ಗೇಕರ್ ಸಿಕ್ಕಿಲ್ಲ. ಕೆಲ ಸಮಯದ ನಂತರ ಬಾಲಕನ ಶವ ದಡಕ್ಕೆ ತೇಲಿ ಬಂoದಿದೆ.
- [ನದಿ ಜೋಡಣೆ: ಶಾಸಕ ಹೆಬ್ಬಾರ್'ಗೆ ಕಾರ್ಖಾನೆ ಉಳಿಸಿಕೊಳ್ಳುವುದೇ ಸವಾಲು!](https://mobiletime.in/2026/01/river-linking-mla-hebbars-challenge-is-to-save-the-factory/): `ಹಾವೇರಿಯಲ್ಲಿ ಕಾರ್ಖಾನೆ ಹೊಂದಿರುವ ಯಲ್ಲಾಪುರ ಕ್ಷೇತ್ರ ಶಾಸಕ ಶಿವರಾಮ ಹೆಬ್ಬಾರ್ ಅವರು ತಮ್ಮ ಉದ್ದಿಮೆ ರಕ್ಷಣೆಗಾಗಿ ಬೇಡ್ತಿ-ಅಘನಾಶಿನಿ ನದಿ ತಿರುವು ಯೋಜನೆಗೆ ಆಸಕ್ತಿವಹಿಸಿದ್ದಾರೆ’ ಎಂದು ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಹೇಳಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಈ ಯೋಜನೆಗೆ ಶಿವರಾಮ ಹೆಬ್ಬಾರ್ ಅವರ ಬೆಂಬಲವಿರುವ ಬಗ್ಗೆ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರೇ ಬಹಿರಂಗವಾಗಿ ಹೇಳಿದ್ದಾರೆ. ಶಾಸಕ ಶಿವರಾಮ ಹೆಬ್ಬಾರರ ದ್ವಿಮುಖ ನೀತಿ ಕರಾವಳಿ ಉತ್ಸವದ ಅವಧಿಯಲ್ಲಿ ಡಿ ಕೆ ಶಿವಕುಮಾರ ಅವರ ಮಾತಿನ ಮೂಲಕ ಬಹಿರಂಗವಾಗಿದೆ’ ಎಂದು ಹೇಳಿದ್ದಾರೆ. `ತಮ್ಮ ಉದ್ಯಮದ ರಕ್ಷಣೆಗಾಗಿ ಹಾವೇರಿ ಮೇಲೆ ಹೆಬ್ಬಾರ ಅವರಿಗೆ ವಿಶೇಷ ಪ್ರೀತಿ ಇರುವಂತೆ ಕಾಣುತ್ತಿದೆ. ಆದರೆ, ಯೋಜನೆಗಾಗಿ ತ್ಯಾಗ ಮಾಡಿ ಸರ್ಕಾರ ನೀಡುವ ಪರಿಹಾರ ತೆಗೆದುಕೊಂಡು ಸುಮ್ಮನಾಗಲು ಜಿಲ್ಲೆಯ ಜನತೆ ಭಿಕ್ಷುಕರಲ್ಲ’ ಎಂದು ಪ್ರಸಾದ ಹೆಗಡೆ ಹೇಳಿದ್ದಾರೆ. `ನದಿ ತಿರುವು ವಿಷಯವಾಗಿ ತಮ್ಮ ನಿಲುವು ಏನು ಎಂಬುದನ್ನು ಶಾಸಕರು ಸ್ಪಷ್ಟಪಡಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಬಿಜೆಪಿ ಸರ್ಕಾರದಲ್ಲಿ ಕಾಗೇರಿ ವಿಧಾನಸಭಾಧ್ಯಕ್ಷರಾಗಿದ್ದರು ಎಂಬುದು ಸತ್ಯ. ಆದರೆ, ಆ ಅವಧಿಯಲ್ಲಿ ಶಾಸಕ ಶಿವರಾಮ ಹೆಬ್ಬಾರ್ ಅವರು ಉಸ್ತುವಾರಿ ಸಚಿವರಾಗಿದ್ದರು. ಆಗಲೇ, ಹೆಬ್ಬಾರ್ ಅವರು ವಿರೋಧದ ಧ್ವನಿ ಎತ್ತಿದ್ದರೆ ಈ ಸ್ಥಿತಿ ಬರುತ್ತಿರಲಿಲ್ಲ. ಶಿವರಾಮ ಹೆಬ್ಬಾರ್ ಅವರು ಪಕ್ಷ ಬದಲಾಯಿಸಿದ ಮಾತ್ರಕ್ಕೆ ನೈತಿಕ ಹೊಣೆ ಬದಲಾಗಲು ಸಾಧ್ಯವಿಲ್ಲ’ ಎಂದು ಬಿಜೆಪಿ ರಾಜ್ಯ ವಕ್ತಾರ ಹರಿಪ್ರಕಾಶ ಕೋಣೆಮನೆ ಹೇಳಿದ್ದಾರೆ. `ಬೇಡ್ತಿ-ವರದಾ, ಅಘನಾಶಿನಿ-ವೇದಾವತಿ ನದಿ ಜೋಡಣೆ ಯೋಜನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಸಂಸದರ ನೇತೃತ್ವದಲ್ಲಿ ಕೇಂದ್ರದ ಬಳಿ ನಿಯೋಗದೊಂದಿಗೆ ಹೋಗಿ ಕೇಂದ್ರಕ್ಕೆ ಮನವರಿಕೆ ಮಾಡಿಕೊಡಲಾಗುತ್ತದೆ. ಅಗತ್ಯ ಬಿದ್ದಲ್ಲಿ ಪ್ರಧಾನ ಮಂತ್ರಿಗಳನ್ನೂ ಭೇಟಿ ಮಾಡಿ ಯೋಜನೆ ಕೈ ಬಿಡಲು ವಿನಂತಿಸಲಾಗುತ್ತದೆ’ ಎಂದು ಹರಿಪ್ರಕಾಶ ಕೋಣೆಮನೆ ಹೇಳಿದ್ದಾರೆ.
- [ಕಳ್ಳರ ಕಾಟಕ್ಕೆ ಜನ ಸುಸ್ತು!](https://mobiletime.in/2026/01/people-are-tired-of-the-menace-of-thieves/): ಅಂಕೋಲಾ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಕಳ್ಳರ ಕಾಟ ಹೆಚ್ಚಾಗಿದೆ. ಹಿರೇಗುತ್ತಿಯಲ್ಲಿ ಪೊಲೀಸ್ ಮನೆಗೆ ನುಗ್ಗಿದ ಕಳ್ಳರು ಹಣ-ಒಡವೆ ದೋಚಿದ್ದು, ಅದಾದ ನಂತರ ಸುಂಕಸಾಳದ ಬ್ಯಾಂಕ್ ದರೋಡೆಗೆ ಯತ್ನಿಸಿದ್ದರು. ಅದರ ಬೆನ್ನಲ್ಲೆ ಮತ್ತೆ ಮೂರು ಕಡೆ ಕಳ್ಳರು ಕೈ ಚಳಕ ಪ್ರದರ್ಶಿಸಿದ್ದಾರೆ. ಅಂಕೋಲಾದ ಅಗಸೂರಿನ ಬಳಿ ಒಂದೇ ರಾತ್ರಿ ಮೂರು ಕಡೆ ಕಳ್ಳರು ಮನೆಯ ಬೀಗ ಒಡೆದಿದ್ದಾರೆ. ಸರಳೆಬೈಲಿನ ಎರಡು ಮನೆ ಜೊತೆ ಅಗಸೂರು ಮುಖ್ಯ ರಸ್ತೆಯಲ್ಲಿ ಒಂದು ಮನೆಗೆ ಕಳ್ಳರು ನುಗ್ಗಿದ್ದಾರೆ. ಸರಳೆಬೈಲಿನ ನಿವೃತ್ತ ನೌಕರರ ಮನೆಯಲ್ಲಿ ಕಳ್ಳರಿಗೆ ಬೆಲೆಬಾಳುವ ಲಾಪ್‌ಟಾಪ್ ಸಿಕ್ಕಿದೆ. ಇನ್ನೆರಡು ಮನೆಯಲ್ಲಿ ಏನೂ ಸಿಗದ ಕಾರಣ ಹಾಗೇ ಮರಳಿದ್ದಾರೆ. ಜನರಿಲ್ಲದ ಮನೆ ಗುರುತಿಸುವ ಕಳ್ಳರು ಹಗಲು – ರಾತ್ರಿ ಎನ್ನದೇ ಸಮಯ ಸಾಧಿಸಿ ಕಳ್ಳತನ ಮಾಡುತ್ತಿದ್ದಾರೆ. ಹೊರ ರಾಜ್ಯ ನೋಂದಣಿಯ ವಿವಿಧ ವಾಹನಗಳು ಈ ಭಾಗದಲ್ಲಿ ಓಡಾಟ ನಡೆಸುತ್ತಿರುವ ಬಗ್ಗೆ ಜನ ಹೇಳಿದ್ದಾರೆ. ರಾತ್ರಿ ವೇಳೆ ಬೀದಿ ದೀಪ ಸರಿಯಾಗಿಲ್ಲದಿರುವುದು ಸಹ ಕಳ್ಳರ ಪಾಲಿಗೆ ವರ ನೀಡಿದ ಹಾಗಾಗಿದೆ. ಕಳ್ಳರ ಹೆಡೆಮುರಿ ಕಟ್ಟಲು ಪೊಲೀಸರು ಶ್ರಮಿಸಬೇಕು ಎಂದು ಜನ ಒತ್ತಾಯಿಸಿದ್ದಾರೆ. `ಅಪರಿಚಿತರ ಬಗ್ಗೆ ನಿಗಾವಹಿಸಿ’
- [ಜಲ ಸಾಹಸದಲ್ಲಿರುವಾಗಲೇ ಜೀವ ಹಾನಿ!](https://mobiletime.in/2026/01/life-lost-while-on-a-water-adventure/): ಗೋಕರ್ಣದಲ್ಲಿ ಬೋಟಿಂಗ್ ಚಟುವಟಿಕೆಗೆ ತೆರಳಿದ್ದ ಮಹಿಳೆಯೊಬ್ಬರು ಸಾವನಪ್ಪಿದ್ದಾರೆ. ಪ್ಯಾರಾಡೈಸ್ ತೀರದಲ್ಲಿ ಮಹಿಳೆ ಕುಸಿದು ಬಿದ್ದಿದ್ದು, ಅಲ್ಲಿಯೇ ಬದುಕಿನ ಪಯಣ ಮುಗಿಸಿದ್ದಾರೆ. ತಮಿಳುನಾಡು ಸತ್ಯಮಂಗಲo ಜಿಲ್ಲೆಯ ನಾಗರತಿನಂ (51) ಅವರು ಕುಟುಂಬದ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಎಲ್ಲರೂ ಸೇರಿ ಗುರುವಾರ ಸಂಜೆ ವಾಯು ವಿಹಾರಕ್ಕೆ ಹೋಗಿದ್ದರು. ಅಲ್ಲಿ ಬೋಟಿಂಗ್ ಮಾಡಲು ನಿರ್ಧರಿಸಿದ್ದು, ಬೋಟ್ ಹತ್ತಿ ಕೆಲ ದೂರ ಕ್ರಮಿಸಿದ ನಂತರ ನಾಗರತಿನಂ ಅವರ ಆರೋಗ್ಯದಲ್ಲಿ ಏರುಪೇರಾಯಿತು. ಅಲ್ಲಿಯೇ ಅವರು ಕುಸಿದು ಬಿದ್ದರು. ತಕ್ಷಣ ಅವರನ್ನು ತಡಕ್ಕೆ ತಂದು ಆಸ್ಪತ್ರೆಗೆ ಸಾಗಿಸುವ ಕಾರ್ಯ ನಡೆಯಿತು. ಬೋಟಿನವರು ಖಾಸಗಿ ಆಂಬುಲೆನ್ಸಿಗೆ ಫೋನ್ ಮಾಡಿ ಮಹಿಳೆಯನ್ನು ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಅಷ್ಟರೊಳಗೆ ಅವರು ಸಾವನಪ್ಪಿದ್ದರು.
- [ಅವರೆಲ್ಲರೂ ಕಳ್ಳರು!](https://mobiletime.in/2026/01/they-are-all-thieves/): ಶಿರಸಿ ಸರಗುಪ್ಪಾದಲ್ಲಿ ಕೊಟ್ಟಿಗೆಗೆ ನುಗ್ಗಿ ಅಲ್ಲಿದ್ದ ದನಗಳನ್ನು ಕದ್ದಿದ್ದ ಕಳ್ಳರನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಅವರೆಲ್ಲರನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದಾರೆ. ಶಿರಸಿ ಬಳಗೇರಿಯ ಸಿರಗುಪ್ಪಾದ ರಾಮಚಂದ್ರ ಗೌಡ ಹಾಗೂ ಅವರ ಸಹೋದರರು ಸಾಕಿದ್ದ ಜಾನುವರುಗಳನ್ನು ಕಳ್ಳರು ಅಪಹರಿಸಿದ್ದರು. ಹೊಲದಲ್ಲಿದ್ದ ಜಾನುವಾರುಗಳ ಜೊತೆ ಕೊಟ್ಟಿಗೆಯಲ್ಲಿದ್ದ ದನಗಳನ್ನು ಕಳ್ಳರು ಕದ್ದೊಯ್ದಿದ್ದರು. ನಾಲ್ಕು ಎತ್ತು ಹಾಗೂ ಮೂರು ಹೋರಿ ಕಳ್ಳತನವಾದ ಬಗ್ಗೆ ಕುಟುಂಬದವರು ಪೊಲೀಸರಲ್ಲಿ ಅಳಲು ತೋಡಿಕೊಂಡಿದ್ದರು. ಶಿರಸಿ ಗ್ರಾಮೀಣ ಠಾಣಾ ಪೊಲೀಸರು ಕಳ್ಳರ ಹುಡುಕಾಟಕ್ಕೆ ಮೂರು ತಂಡ ರಚಿಸಿದ್ದರು. ಅವರು ನಡೆಸಿದ ಶೋಧ ಕಾರ್ಯಾಚರಣೆಯಲ್ಲಿ ಹಾವೇರಿ ಜಿಲ್ಲೆಯ ಹಾನಗಲ್ ತಾಲೂಕಿನ ಹಿರೂರು ಗೊಲ್ಲರ ಬಿಡಾರದ ಮೋಹನ ಶೇಖಪ್ಪ ಗೊಲ್ಲರ (22), ಬಸವರಾಜ ಅಮ್ಮಣ್ಣಪ್ಪ ಗೊಲ್ಲರ(39), ಅವಿನಾಶ ರುದ್ದಪ್ಪ ಗೊಲ್ಲರ್ (22), ಸುರೇಶ್ ಪಕೀರಪ್ಪ ಗೊಲ್ಲರ (38) ಬಸವರಾಜ ಪಕೀರಪ್ಪ ಗೊಲ್ಲರ (47) ಹಾಗೂ ಹಾನಗಲ್ ತಾಲೂಕ ಅಕ್ಕಿಆಲೂರಿನ ಅಯೂಬ್ ಅನೀಮ್ ಸಾಬ್ (54) ಅವರು ಸಿಕ್ಕಿಬಿದ್ದರು. ಅವರೇ ಜಾನುವಾರು ಕಳ್ಳತನ ಮಾಡಿರುವುದು ಸಹ ತನಿಖೆಯಿಂದ ದೃಢವಾಯಿತು. ಗುರುವಾರ ಆ ಎಲ್ಲರನ್ನು ಪೊಲೀಸರು ವಶಕ್ಕೆಪಡೆದರು. ಜೊತೆಗೆ ಕಳ್ಳತನಕ್ಕೆ ಬಳಸಿದ್ದ ಮಹೇಂದ್ರ ಪಿಕಪ್ ಹಾಗೂ ಬೈಕನ್ನು ಜಪ್ತು ಮಾಡಿದರು. ಶಿರಸಿ ಗ್ರಾಮೀಣ ಠಾಣೆ ಪೊಲೀಸ್ ನಿರೀಕ್ಷಕ ರಮೇಶ ಎಂ ಹೂಗಾರ ಕಾರ್ಯಾಚರಣೆ ಮುಂದಾಳತ್ವವಹಿಸಿದ್ದು, ಪಿಸೈ ಸಂತೋಷ್ ಕುಮಾರ್, ಅಶೋಕ ರಾಥೋಡ್ ಮತ್ತು ಎ ಎಸ್ ಐ ಸಂತೋಷ ಕಮಟಗೇರಿ, ಪ್ರದೀಪ ಎಂ ರೇವಣಕರ ಕಳ್ಳರನ್ನು ಹಿಡಿಯುವಲ್ಲಿ ಪ್ರಮುಖ ಪಾತ್ರ ನಿಭಾಯಿಸಿದ್ದರು.  
- [ಅಪ್ಪನಿಗೆ ಕತ್ತಿ ಬೀಸಿದ ಮಗ!](https://mobiletime.in/2026/01/a-son-who-stabbed-his-father/): ಮುಂಡಗೋಡಿನಲ್ಲಿ ಅಪ್ಪ-ಮಗನ ನಡುವೆ ಕೌಟುಂಬಿಕ ಕಲಹ ನಡೆದಿದ್ದು, ಈ ವೇಳೆ ಸಿಟ್ಟಾದ ಶಿವರಾಜ ಅವರು ತಂದೆ ಶಿವಾನಂದ ಅವರ ಮೇಲೆ ಕತ್ತಿ ಬೀಸಿದ್ದಾರೆ. ಮುಂಡಗೋಡ ತಾಲೂಕಿನ ತಟ್ಟಿಹಳ್ಳಿಯಲ್ಲಿ ಗುರುವಾರ ಈ ದುರಂತ ನಡೆದಿದೆ. ಶಿವಾನಂದ ಎಂಬಾತರ ಮೇಲೆ ಕತ್ತಿ ಪ್ರಯೋಗ ನಡೆದಿದೆ. ಅವರ ಮಗ ಶಿವರಾಜ ಎಂಬಾತರು ಕತ್ತಿ ಬೀಸಿದ್ದು, ದಾಳಿಗೆ ತುತ್ತಾದ ಶಿವಾನಂದ ಅವರು ಸದ್ಯ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾರೆ. 42 ವರ್ಷದ ಶಿವಾನಂದ ಹಾಗೂ ಅವರ ಪುತ್ರನ ನಡುವೆ ಮೊದಲಿನಿಂದಲೂ ವೈಮನಸ್ಸಿತ್ತು. ಗುರುವಾರ ಅವರಿಬ್ಬರ ನಡುವಿನ ದ್ವೇಷ ತಾರಕಕ್ಕೇರಿತು. ಪರಿಣಾಮ ಶಿವಾನಂದ ಅವರ ಮೇಲೆ ಅವರ ಪುತ್ರ ಕತ್ತಿಯಿಂದ ಹಲ್ಲೆ ಮಾಡಿದರು. ಅದಾದ ನಂತರ ಶಿವರಾಜ ಸ್ಥಳದಿಂದ ಪರಾರಿಯಾಗಿದ್ದಾರೆ. ಶಿವಾನಂದ ಅವರ ಕುತ್ತಿಗೆಯ ಮೇಲೆ ಕತ್ತಿಯಿಂದ ಏಟು ಬಿದ್ದಿದೆ. ಕೊಲೆ ಮಾಡುವ ಉದ್ದೇಶದಿಂದಲೇ ಶಿವರಾಜ ಅವರು ಕತ್ತಿ ಬೀಸಿದ ಅನುಮಾನವಿದೆ. ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಶಿವಾನಂದ ಅವರನ್ನು ಸದ್ಯ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.
- [ಕಾನ್ಸರ್ ಗೆಲ್ಲಲು ಆಗದವ ಜೀವನದಲ್ಲಿ ಸೋತ!](https://mobiletime.in/2026/01/the-one-who-cannot-beat-cancer-has-lost-in-life/): ಗಂಟಲು ಕಾನ್ಸರಿನಿಂದ ನೋವು ಅನುಭವಿಸುತ್ತಿದ್ದ ಭಟ್ಕಳದ ತಿಮ್ಮಪ್ಪ ಗೊಂಡ ಅವರು ರಾಗಿ ಗಂಜಿಯಲ್ಲಿ ವಿಷ ಬೆರೆಸಿ ಕುಡಿದಿದ್ದಾರೆ. ನಿರಂತರ 17 ತಾಸು ಚಿಕಿತ್ಸೆ ಮಾಡಿದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಭಟ್ಕಳದ ಜಾಲಿಯಲ್ಲಿ ತಿಮ್ಮಪ್ಪ ಮಂಗಳ ಗೊಂಡ (51) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ನಡೆಸುತ್ತಿದ್ದರು. ವರ್ಷದ ಹಿಂದೆ ಅವರಿಗೆ ಕಾನ್ಸರ್ ಕಾಣಿಸಿಕೊಂಡಿತು. ಗಂಟಲು ಕಾನ್ಸರ್ ಸಮಸ್ಯೆ ಅನುಭವಿಸಿದ ತಿಮ್ಮಪ್ಪ ಗೊಂಡ ಅವರು ಮಂಗಳೂರು ಹಾಗೂ ಮಣಿಪಾಲ್’ಗೆ ಹೋಗಿ ಚಿಕಿತ್ಸೆಪಡೆಯುತ್ತಿದ್ದರು. ಪರಿಣಾಮ ಅವರು ದುಡಿದ ಹಣ ಖಾಲಿಯಾಯಿತೇ ವಿನಃ ಕಾನ್ಸರ್ ದೂರವಾಗಲಿಲ್ಲ. ತಿಮ್ಮಪ್ಪ ಗೊಂಡ ಅವರು ಅಪಾರ ಪ್ರಮಾಣದಲ್ಲಿ ಗಂಟಲು ನೋವು ಅನುಭವಿಸಿದರು. ಆ ನೋವು ಸಹಿಸಲಾಗದೇ ಜೀವನದಲ್ಲಿಯೂ ಬೇಸರಗೊಂಡಿದ್ದರು. ಜನವರಿ 14ರ ಸಂಜೆ ಅವರು ತಾವು ಸೇವಿಸುವ ರಾಗಿ ಗಂಜಿಯಲ್ಲಿ ಇಲಿ ಪಾಷಣದ ಪೇಸ್ಟ್ ಬೆರೆಸಿದರು. ಅದನ್ನು ಅವರು ಸೇವಿಸಿ ಅಸ್ವಸ್ಥರಾದರು. ತಿಮ್ಮಪ್ಪ ಗೊಂಡ ಅವರನ್ನು ಕುಟುಂಬದವರು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಅಲ್ಲಿ ಅವರನ್ನು ಬದುಕಿಸುವ ಪ್ರಯತ್ನ ನಡೆದರೂ ಪ್ರಯೋಜನಕ್ಕೆ ಬರಲಿಲ್ಲ. ಈ ವಿಷಯದ ಬಗ್ಗೆ ತಿಮ್ಮಪ್ಪ ಗೊಂಡ ಅವರ ಪುತ್ರ ಮಹೇಶ ಗೊಂಡ ಅವರು ಮಾಹಿತಿ ನೀಡಿದರು. `ಆತ್ಮಹತ್ಯೆ ಅಪರಾಧ’
- [ಸ್ನಾನಕ್ಕೆ ಹೋದವನನ್ನು ಸಾಯಿಸಿದ ಕಾಳಿ ನದಿ!](https://mobiletime.in/2026/01/the-kali-river-killed-a-man-who-went-to-bathe/): ದಾಂಡೇಲಿಯಲ್ಲಿ ಹರಿಯುವ ಕಾಳಿ ನದಿಯಲ್ಲಿ ಸ್ನಾನಕ್ಕೆ ಹೋಗಿದ್ದ ನವಾಜ್ ಅವರು ನದಿಯ ನೀರು ಕುಡಿದು ಸಾವನಪ್ಪಿದ್ದಾರೆ. ದಾಂಡೇಲಿ ಗಾಂಧೀನಗರದ ನವಾಜ್ ಅವರಿಗೆ ಈಗಿನ್ನೂ 18 ವರ್ಷ. ಅದಾಗಲೇ ಅವರು ಈ ಲೋಕದ ಯಾತ್ರೆ ಮುಗಿಸಿದ್ದಾರೆ. ಗುರುವಾರ ಮಧ್ಯಾಹ್ನ ನವಾಜ್ ಅವರು ಸ್ನೇಹಿತರ ಜೊತೆ ಮೌಳಂಗಿ ಪ್ರದೇಶಕ್ಕೆ ಹೋಗಿದ್ದರು. ನದಿ ಸಂಗಮದಲ್ಲಿ ಅವರು ನೀರಿಗೆ ಇಳಿದಿದ್ದರು. ಅಲ್ಲಿಂದ ಮೇಲೆ ಬರಲು ಸಾಧ್ಯವಾಗದೇ ಅಲ್ಲಿಯೇ ಕೊನೆಯುಸಿರೆಳೆದರು. ನದಿ ನೀರಿನಲ್ಲಿ ಸ್ನಾನ ಮಾಡುವಾಗ ನೀರಿನ ಹರಿವು ಏರಿಕೆಯಾಗಿದ್ದು, ನವಾಜ್ ಅವರು ನೀರಿನಲ್ಲಿ ಕೊಚ್ಚಿ ಹೋದರು. ಈ ವಿಷಯ ಅರಿತು ಪೊಲೀಸರು ಸಾಕಷ್ಟು ಹುಡುಕಾಟ ನಡೆಸಿದರು. ಅರಣ್ಯ ಇಲಾಖೆ ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಸಹ ನೀರಿನ ಆಳದಲ್ಲಿ ಸಾಹಸ ಮಾಡಿದರು. ರಾಪ್ಟಿಂಗ್ ತಂಡದವರು ಸಹ ಕಾರ್ಯಾಚರಣೆಗೆ ಕೈ ಜೋಡಿಸಿದರು. ಆದರೆ, ಸಂಜೆ ವೇಳೆ ನವಾಜ್ ಅವರು ಶವವಾಗಿ ಸಿಕ್ಕಿದರು. ಸದ್ಯ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. `ಅಪಾಯಕಾರಿ ಪ್ರದೇಶಗಳಿಗೆ ಹೋಗಬೇಡಿ’
- [ಅದು ಏಳೇಳು ಜನ್ಮದ ಲವ್!](https://mobiletime.in/2026/01/thats-love-for-seven-lives/): `ಜೆಡಿಎಸ್ ಮುಖಂಡೆ ಚೈತ್ರಾ ಕೋಠಾರಕರ್ ಅವರ ಪುತ್ರ ಚಿರಾಗ ಕೋಠಾರಕರ್ ಹಾಗೂ ಕಾಂಗ್ರೆಸ್ ಕಾರ್ಯಕರ್ತೆ ರೀನಾ ಡಿಸೋಜಾ ಅವರ ಪುತ್ರಿ ರೀಶಲ್ ಡಿಸೋಜಾ ಪರಸ್ಪರ ಪ್ರೀತಿಸುತ್ತಿದ್ದು, ಆ ಪ್ರೀತಿಗೆ ವಿರೋಧವಾಗಿದ್ದೇ ರೀಶಲ್ ಡಿಸೋಜಾ ಅವರ ಸಾವಿಗೆ ಕಾರಣ’ ಎಂದು ಕೋಠಾರಕರ್ ಕುಟುಂಬದವರು ಹೇಳಿದ್ದಾರೆ. `ಕಾರವಾರದ ಚಿರಾಗ್ ಹಾಗೂ ಕದ್ರಾದ ರೀಶೆಲ್ ನಡುವೆ ಪ್ರೀತಿ ಅಪಾರವಾದ ಪ್ರೀತಿ ಇತ್ತು. ಅದು ಪವಿತ್ರವಾದ ಪ್ರೀತಿಯಾಗಿತ್ತೇ ವಿನಃ ಅದರಲ್ಲಿ ಬೇರೆ ಏನೂ ಇರಲಿಲ್ಲ. ರಿಶೇಲ್ ಹಾಗೂ ಚಿರಾಗ್ ನಡುವೆ ಪ್ರೀತಿ-ಪ್ರೇಮ ನಡೆದಿರುವುದು ಎರಡೂ ಕುಟುಂಬಕ್ಕೆ ತಿಳಿದಿತ್ತು. ರೀಶಾಲ್ ಸಹ ಅನೇಕ ಬಾರಿ ಚಿರಾಗ್ ಮನೆಗೆ ಬರುತ್ತಿದ್ದರು. ಅನೇಕ ಕಾರ್ಯಕ್ರಮಕ್ಕೆ ರಿಶೇಲ್ ಹಾಗೂ ಚಿರಾಗ್ ಒಟ್ಟಿಗೆ ಬಂದಿದ್ದರು. ಆದರೆ, ರೀಶೇಲ್ ಅವರ ತಾಯಿ ಆ ಪ್ರೀತಿಯನ್ನು ವಿರೋಧಿಸಿದ್ದರು. ಆ ವಿರೋಧವೇ ರೀಶೆಲ್ ಅವರ ಸಾವಿಗೆ ಕಾರಣ’ ಎಂದು ಚಿರಾಗ ಕೋಠಾರಕರ್ ಅವರ ಚಿಕ್ಕಮ್ಮನೂ ಆಗಿರುವ ಕಿನ್ನರ ಗ್ರಾಮದ ಸೀಮಾ ಕೊಠಾರಕರ್ ಅವರು ಹೇಳಿದ್ದಾರೆ. `ಕಾರವಾರದ ಕದ್ರಾ ಗ್ರಾಮದ ರಿಶೇಲ್ ಸಾವಿನ ವಿಚಾರವನ್ನ ರಾಜಕೀಯ ದ್ವೇಷ ಸಾಧನೆಗೆ ಬಳಸಿಕೊಳ್ಳಲಾಗುತ್ತಿದೆ. ಆದರೆ, ರೀಶೆಲ್ ಅವರಿಗೆ ಅವರ ತಾಯಿಯೇ ಕಿರುಕುಳ ನೀಡಿದ್ದು, ಅದೇ ನೋವಿನಲ್ಲಿ ರೀಶೆಲ್ ಸಾವನಪ್ಪಿದ್ದಾರೆ’ ಎಂದವರು ದೂರಿದ್ದಾರೆ. `ರಿಶೇಲ್ ಆತ್ಮಹತ್ಯೆಯ ನಂತರ ಚಿರಾಗ್ ಮಾನಸಿಕವಾಗಿ ಕುಗ್ಗಿದ್ದಾನೆ. ಪ್ರೀತಿ ಮಾಡುತ್ತಿದ್ದ ಹುಡಗಿ ಆತ್ಮಹತ್ಯೆ ಮಾಡಿಕೊಂಡಿರುವುದು ಆತನ ಮನಸ್ಸಿಗೆ ಗಾಸಿಯಾಗಿದೆ. ರಿಶೇಲ್ ಸಾವಿನ ದುರುಪಯೋಗ ಪಡೆಯಲು ಕೇವಲ ದುಷ್ಟ ಶಕ್ತಿಗಳು ಪ್ರಯತ್ನಿಸುತ್ತಿದೆ. ಇದಕ್ಕೆ ಜಾತಿಯ ಬಣ್ಣವನ್ನ ಸಹ ಕೊಡಲಾಗುತ್ತಿದೆ’ ಎಂದು ದೂರಿದರು. `ಚಿರಾಗ ಅತ್ಯಂತ ಮುಗ್ದನಾಗಿದ್ದು, ಆತ ಮುಗ್ದ ಎಂದು ತೋರಿಸಲು ಅನೇಕ ಸಾಕ್ಷಾಧಾರಗಳಿವೆ. ಅದನ್ನು ಪೊಲೀಸ್ ತನಿಖೆ ವೇಳೆ ನೀಡಲಾಗುತ್ತದೆ. ಚಿರಾಗ್ ಅವರ ಪ್ರೇಯಸಿ ರೀಶಲ್ ಸಾವಿನ ವಿಷಯವಾಗಿ ಅನಗತ್ಯವಾಗಿ ಚೈತ್ರಾ ಕೋಠಾರಕರ್ ಅವರ ಫೋಟೋ ಬಳಸಲಾಗುತ್ತಿದ್ದು, ಕಾನೂನು ಕ್ರಮ ಜರುಗಿಸುವುದು ಅನಿವಾರ್ಯ’ ಎಂದು ಎಚ್ಚರಿಸಿದರು. ಕಿನ್ನರ ಗ್ರಾಮ ಪಂಚಾಯಿತಿಯ ಮಾಜಿ ಅಧ್ಯಕ್ಷ ಮುನ್ನಾ ಕೊಠಾರಕರ್, ವೀಣಾ ಕೊಠಾರಕರ್, ಶೈಲಾ ಚಿಂಚ್ರೇಕರ್, ಪ್ರಶಾಂತ್ ನಾಯ್ಕ, ಮಾನ್ಯ ಕೊಠಾರಕರ್, ಸುನೀಲ್ ಅನ್ವೇಕರ್, ಪ್ರಮೋದ್ ತಳೇಕರ್, ಸಂತೋಷ್ ಕಲ್ಗುಟ್ಕರ್, ಮಂಜುನಾಥ್ ಅನ್ವೇಕರ್, ಸಂಗೀತ ಗೋವೆಕರ್ ಅವರು `ಚಿರಾಗ್ ಕೋಠಾರಕರ್ ಅವರ ತಪ್ಪಿಲ್ಲ’ ಎಂದು ಸಮರ್ಥಿಸಿಕೊಂಡರು.
- [ಕೈ ಕೊಟ್ಟ ಪೂಜಾ.. ಕ್ರಿಮಿನಾಶಕ ಸೇವಿಸಿದ ಚೇತನ!](https://mobiletime.in/2026/01/pooja-who-gave-her-hand-a-spirit-who-consumed-pesticide/): ಮುಂಡಗೋಡಿನ ಚೇತನ ಕುಡಾಳಕರ್ ಅವರು ಯಲ್ಲಾಪುರದ ಪೂಜಾ ಅವರನ್ನು ಪ್ರೀತಿಸಿದ್ದು, ಪೂಜಾ ಅವರು ಮದುವೆ ನಿರಾಕರಿಸಿದ ಕಾರಣ ಚೇತನ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮುಂಡಗೋಡದ ಆನಂದನಗರದಲ್ಲಿ ಚೇತನ ನಾಗರಾಜ ಕುಡಾಳಕರ್ (24) ಅವರು ವಾಸವಾಗಿದ್ದರು. ವಾಹನ ಚಾಲಕರಾಗಿ ಚೇತನ ಕುಡಾಳಕರ್ ಅವರು ಬದುಕು ಕಟ್ಟಿಕೊಂಡಿದ್ದರು. ಚೇತನ ಕುಡಾಳಕರ್ ಅವರು ತಮ್ಮ ಮಾವನ ಮಗಳಾದ ಪೂಜಾ ಅವರನ್ನು ಪ್ರೀತಿಸುತ್ತಿದ್ದರು. ಅಂಬೇಡ್ಕರ ನಗರದಲ್ಲಿರುವ ಪೂಜಾ ಅವರ ಮನೆಗೂ ಅವರು ಆಗಾಗ ಭೇಟಿ ನೀಡುತ್ತಿದ್ದರು. ಪೂಜಾ ಅವರು ಸಹ ಚೇತನ ಅವರನ್ನು ಪ್ರೀತಿಸಿದ್ದು, ಅವರಿಬ್ಬರು ಕಳೆದ ನಾಲ್ಕು ವರ್ಷಗಳಿಂದ ಅನ್ಯೋನ್ಯವಾಗಿಯೇ ಇದ್ದರು. ಈ ನಡುವೆ ಚೇತನ ಕುಡಾಳಕರ್ ಅವರು ಪೂಜಾ ಅವರಲ್ಲಿ ಮದುವೆ ಪ್ರಸ್ತಾಪ ಮಾಡಿದರು. ಅದನ್ನು ಪೂಜಾ ಅವರು ನಿರಾಕರಿಸಿದ ಕಾರಣ ಜನವರಿ 9ರಂದು ಚೇತನ ಅವರು ಕೀಟನಾಶಕ ಸೇವಿಸಿದರು. ಮಾವನ ಮನೆಗೆ ಬಂದು ಕೀಟನಾಶಕ ಸೇವಿಸಿದ ಚೇತನ್ ಅವರನ್ನು ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ವಿಷ ಸೇವಿಸಿದ ನಂತರವೂ ಐದು ದಿನಗಳ ಕಾಲ ಬದುಕುಳಿದ ಚೇತನ ಕುಡಾಳಕರ್ ಅವರು ಮಂಗಳವಾರ ತಮ್ಮ ಉಸಿರು ನಿಲ್ಲಿಸಿದರು. ಬೆಂಗಳೂರಿನ ಐಫೋನ್ ಕಂಪನಿಯಲ್ಲಿ ಕೆಲಸ ಮಾಡುವ ಕಾವ್ಯ ಕುಡಾಳಕರ್ ಅವರು ಸಹೋದರನ ಸಾವಿನ ಬಗ್ಗೆ ಅರಿತು ಊರಿಗೆ ಬಂದರು. ಪ್ರೀತಿಯಲ್ಲಿ ಆದ ಮೋಸದಿಂದ ಚೇತನ ಕುಡಾಳಕರ್ ಅವರು ಸಾವನಪ್ಪಿದ ಬಗ್ಗೆ ಅವರು ಮಾಹಿತಿ ನೀಡಿದರು.
- [ಗೋಕರ್ಣ ಸಮುದ್ರ: ಅವರಿಗೆ ಹಾರುವ ಕೆಲಸ.. ಇವರಿಗೆ ರಕ್ಷಿಸುವುದೇ ಕಾಯಕ!](https://mobiletime.in/2026/01/gokarna-sea-their-job-is-to-fly-theirs-is-to-protect/): ಗೋಕರ್ಣಕ್ಕೆ ಬರುವ ಅನೇಕ ಪ್ರವಾಸಿಗರು ಪದೇ ಪದೇ ಸಮುದ್ರಕ್ಕೆ ಹಾರುತ್ತಿದ್ದು, ಜೀವನ್ಮರಣದ ನಡುವೆ ಹೋರಾಡುತ್ತಿದ್ದವರನ್ನು ರಕ್ಷಿಸುವುದೇ ಅಲ್ಲಿನ ಜೀವ ರಕ್ಷಕ ಸಿಬ್ಬಂದಿಗೆ ಸವಾಲಾಗಿದೆ. ಗುರುವಾರ ಸಹ ಸಮುದ್ರ ಪಾಲಾಗುತ್ತಿದ್ದ ವ್ಯಕ್ತಿಯೊಬ್ಬರನ್ನು ಅಲ್ಲಿನ ಸಿಬ್ಬಂದಿ ರಕ್ಷಿಸಿದ್ದಾರೆ. ಗೋಕರ್ಣ ಮುಖ್ಯ ಕಡಲತೀರಕ್ಕೆ ಬಂದಿದ್ದ ದಾವಣಗೆರೆಯ ಪರಶುರಾಮ ರಾಜಪ್ಪ (21) ಅವರು ಎಲ್ಲಾ ನಿಯಮಗಳನ್ನು ಮೀರಿ ಸಮುದ್ರಕ್ಕೆ ಹಾರಿದ್ದಾರೆ. ಆಳ ಸಮುದ್ರದವರೆಗೂ ಹೋದ ಅವರು ಅಲ್ಲಿ ನೀರು ಕುಡಿದಿದ್ದು, ಜೀವ ಉಳಿಸಿಕೊಳ್ಳಲು ಪರದಾಡುತ್ತಿದ್ದ ಅವರನ್ನು ನೋಡಿದ ರಕ್ಷಣಾ ಸಿಬ್ಬಂದಿ ತುರ್ತು ಕಾರ್ಯಾಚರಣೆ ನಡೆಸಿ ಅವರನ್ನು ರಕ್ಷಿಸಿದ್ದಾರೆ. ಆರು ಜನ ಪ್ರವಾಸಿಗರ ಜೊತೆ ಪರಶುರಾಮ ರಾಜಪ್ಪ ಅವರು ಗೋಕರ್ಣಕ್ಕೆ ಆಗಿಮಿಸಿದ್ದರು. ತಮಗೆ ಈಜು ಬಾರದಿದ್ದರೂ ಸಮುದ್ರಕ್ಕೆ ಇಳಿದಿದ್ದರು. ಅವರು ಅಪಾಯಕ್ಕೆ ಸಿಲುಕಿರುವುದನ್ನು ಲೋಕೇಶ ಹರಿಕಂತ್ರ, ಶಿವಪ್ರಸಾದ್ ಅಂಬಿಗ, ರೋಷನ್ ಖಾರ್ವಿ, ಮೋಹನ ಅಂಬಿಗ ಗಮನಿಸಿದರು. ರವಿ ನಾಯ್ಕ ಹಾಗೂ ಶೇಖರ್ ಹರಿಕಂತ್ರ ಅವರ ಜೊತೆ ಅಶೋಕ್ ಹೊಸಕಟ್ಟ, ಕಮಲಾಕರ್ ಹೊಸ್ಕಟ್ಟ, ದರ್ಶನ್ ಲಕ್ಕುಮನೆ, ದೀಪಕ್ ಗೌಡ ಹಾಗೂ ಲಿಂಗರಾಜ ಗೌಡ ನೆರವಿನಿಂದ ಪರಶುರಾಮ ಅವರು ಜೀವ ಉಳಿಸಿಕೊಂಡರು.
- [ಗಣಿ ದಣಿಗಳಿಗೆ ಅಧಿಕಾರಿಗಳೇ ಶರಣು!](https://mobiletime.in/2026/01/officials-surrender-to-mine-owners/): `ಕಂದಾಯ, ಪೊಲೀಸ್ ಹಾಗೂ ಗಣಿ ಇಲಾಖೆ ಅಧಿಕಾರಿಗಳ ಹೆಸರು ದುರುಪಯೋಗಪಡಿಸಿಕೊಂಡು ಅನೇಕರು ಅಕ್ರಮ ಮರಳುಗಾರಿಕೆ ನಡೆಸುತ್ತಿದ್ದಾರೆ. ಅಕ್ರಮದ ವಿರುದ್ಧ ದೂರು ನೀಡಿದರೂ ಅಧಿಕಾರಿಗಳು ಕ್ರಮ ಜರುಗಿಸದಿರುವುದು ಅನುಮಾನಕ್ಕೆ ಕಾರಣ’ ಎಂದು ಯಲ್ಲಾಪುರ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಹೇಳಿದ್ದಾರೆ. `ಯಲ್ಲಾಪುರ ತಾಲೂಕಿನಲ್ಲಿ ಎಲ್ಲೆಂದರಲ್ಲಿ ಮರಳು ಗುಡ್ಡೆ ಕಾಣಿಸುತ್ತಿದೆ. ಕರಾವಳಿ ಭಾಗದಿಂದ ರಾತ್ರಿ ವೇಳೆ ಮರಳು ಬರುತ್ತಿದೆ. ನಸುಕಿನ ಅವಧಿಯಲ್ಲಿ ಮರಳು ಲಾರಿಗಳು ಯಲ್ಲಾಪುರ ಪ್ರವೇಶಿಸುತ್ತಿದ್ದು, ಈ ಬಗ್ಗೆ ಮಾಹಿತಿ ನೀಡಿದರೂ ಅಧಿಕಾರಿಗಳು ಲಾರಿ ಹಿಡಿದಿಲ್ಲ. ಮರಳು ಮಾರಾಟಗಾರರು ಸಹ ಪೊಲೀಸ್, ಕಂದಾಯ ಹಾಗೂ ಗಣಿ ಇಲಾಖೆ ಅಧಿಕಾರಿಗಳ ಹೆಸರು ಹೇಳಿ ಗ್ರಾಹಕರಿಂದ ಹಣ ವಸೂಲಿ ಮಾಡುತ್ತಿದ್ದಾರೆ. 15-17 ಸಾವಿರ ರೂಪಾಯಿಗೆ ಸಿಗಬೇಕಿದ್ದ ಮರಳನ್ನು 30-35 ಸಾವಿರ ರೂಪಾಯಿಗೆ ಮಾರಾಟ ಮಾಡಲಾಗುತ್ತಿದೆ’ ಎಂದವರು ಆರೋಪಿಸಿದ್ದಾರೆ. `ಕಟ್ಟಡ ನಿರ್ಮಾಣ ಕೆಲಸಕ್ಕಾಗಿ ಬಡವರು ಮರಳು ಬಯಸುತ್ತಿದ್ದು, ಕೆಲವರು ಅದನ್ನೇ ಬಂಡವಾಳವನ್ನಾಗಿಸಿಕೊoಡಿದ್ದಾರೆ. ಅಧಿಕಾರಿಗಳ ಹೆಸರಿನಲ್ಲಿ ದುಡ್ಡು ಹೋಗುತ್ತಿದ್ದರೂ ಅದನ್ನು ಕೇಳುವವರಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಅಕ್ರಮ ಮರಳುಗಾರಿಕೆಯ ಸಮಸ್ಯೆಗಳ ಬಗ್ಗೆ ತಹಶೀಲ್ದಾರ್ ಗಮನಕ್ಕೆ ತರಲಾಗಿದೆ. ಪೊಲೀಸರಿಗೆ ಸಹ ಮಾಹಿತಿ ಕೊಡಲಾಗಿದೆ. ಅದಾಗಿಯೂ ಯಾವುದೇ ಕ್ರಮವಾಗಿಲ್ಲ’ ಎಂದು ಸೋಮೇಶ್ವರ ನಾಯ್ಕ ಅಸಮಧಾನಹೊರ ಹಾಕಿದ್ದಾರೆ.  ಇನ್ನೂ ಒಂದು ವಾರದ ಒಳಗೆ ಅಕ್ರಮ ಮರಳುಗಾರಿಕೆ ತಡೆಯದೇ ಇದ್ದರೆ ತಹಶೀಲ್ದಾರ್ ಕಚೇರಿ ಎದುರು ಪ್ರತಿಭಟನೆ ನಡೆಸುವುದಾಗಿಯೂ ಸೋಮೇಶ್ವರ ನಾಯ್ಕ ಅವರು ಎಚ್ಚರಿಸಿದ್ದಾರೆ.  
- [ಕಳ್ಳರ ಕೈ ಸೇರಿದ ಮಾಜಿ ಶಾಸಕರ ಪಿಸ್ತೂಲು!](https://mobiletime.in/2026/01/ex-lawmakers-pistol-belonging-to-thieves/): ಯಲ್ಲಾಪುರ-ಮುಂಡಗೋಡು ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕ ವಿ ಎಸ್ ಪಾಟೀಲ್ ಅವರ ರಕ್ಷಣೆಗಿದ್ದ ಬಂದೂಕು ಕಳ್ಳತನವಾಗಿದೆ. ವಿ ಎಸ್ ಪಾಟೀಲ್ ಅವರ ಮನೆಗೆ ನುಗ್ಗಿ ಕಳ್ಳರು ಬಂದೂಕು ಕದ್ದಿದ್ದಾರೆ. ಯಲ್ಲಾಪುರ ವಿಧಾನಸಭಾ ಕ್ಷೇತ್ರ ರಚನೆ ಆದಾಗ ವಿ ಎಸ್ ಪಾಟೀಲ್ ಅವರು ಬಿಜೆಪಿಯಿಂದ ಸ್ಪರ್ಧಿಸಿದ್ದರು. ಮೊದಲ ಚುನಾವಣೆಯಲ್ಲಿಯೇ ಅವರು ಜಯಬೀರಿ ಬಾರಿಸಿದ್ದರು. ಆ ಅವಧಿಯಲ್ಲಿಯೇ ಅವರು ತಮ್ಮ ರಕ್ಷಣೆಗಾಗಿ ಬಂದೂಕು ಪರವಾನಿಗೆ ಹೊಂದಿದ್ದರು. ಡಬಲ್ ಬ್ಯಾರಲ್ ಬಂದೂಕನ್ನು ಸಹ ವಿ ಎಸ್ ಪಾಟೀಲ್ ಅವರು ಖರೀದಿಸಿದ್ದರು. ಅದೇ ಬಂದೂಕು ಇದೀಗ ಕಳ್ಳತನವಾಗಿದೆ. ಮಾಜಿ ಶಾಸಕ ವಿ ಎಸ್ ಪಾಟೀಲ ಅವರು ಮುಂಡಗೋಡಿನ ಅಂದಲಗಿಯಲ್ಲಿ ಅವರಿಗೆ 9 ಎಕರೆ ಕೃಷಿಭೂಮಿಹೊಂದಿದ್ದಾರೆ. ಅಲ್ಲಿಯೇ ಅವರು ವಾಸವಾಗಿದ್ದಾರೆ. ಸದ್ಯ ಕಾಂಗ್ರೆಸ್ ಪಕ್ಷದ ಪ್ರಮುಖ ನಾಯಕರಾಗಿರುವ ಅವರು ರಾಜಕಾರಣದ ಜೊತೆ ಕೃಷಿ ಕಾಯಕದಲ್ಲಿಯೂ ಸಕ್ರೀಯರಾಗಿದ್ದಾರೆ. ಹೀಗಿರುವಾಗ ಅವರು ತಮ್ಮ ಸ್ವ ರಕ್ಷಣೆಗಾಗಿ ಹೊಂದಿದ್ದ ಬಂದೂಕನ್ನು ಕಳೆದುಕೊಂಡಿದ್ದಾರೆ. ವಿ ಎಸ್ ಪಾಟೀಲ್ ಅವರು ತಮ್ಮ ಜಮೀನಿನಲ್ಲಿರುವ ಬೋರಿನ ಮನೆಯಲ್ಲಿ ಬಂದೂಕು ಇಡುತ್ತಿದ್ದರು. 2025ರ ಡಿಸೆಂಬರ್ 31ರ ಸಂಜೆ ಅವರು ಕೊನೆಯದಾಗಿ ಬಂದೂಕು ಬಳಸಿದ್ದರು. ಜನವರಿ 1ರ ಬೆಳಗ್ಗೆ 10 ಗಂಟೆ ಅವಧಿಗೆ ಬೋರಿನ ಮನೆ ಕಡೆ ಹೋದಾಗ ಅಲ್ಲಿ ಬಂದೂಕು ಕಾಣಲಿಲ್ಲ. 40 ಸಾವಿರ ರೂ ಮೌಲ್ಯದ ಡಬಲ್ ಬ್ಯಾರೆಲ್ ಬಂದೂಕು ಕಾಣದ ಕಾರಣ ಅವರು ಆತಂಕಕ್ಕೆ ಒಳಗಾದರು. ಕುಟುಂಬದವರು ಹಾಗೂ ಸಂಬoಧಿಕರ ಬಳಿಯೂ ಚರ್ಚಿಸಿದರು. ಆದರೆ, ಯಾರೂ ಅವರ ಬಂದೂಕಿನ ಬಗ್ಗೆ ಸುಳಿವು ಕೊಡಲಿಲ್ಲ. ಕಳೆದು ಹೋದ ಬಂದೂಕನ್ನು 15 ದಿನಗಳ ಕಾಲ ವಿ ಎಸ್ ಪಾಟೀಲ ಅವರು ಹುಡುಕಾಡಿದ್ದಾರೆ. ಆದರೆ, ಎಲ್ಲಿಯೂ ಆ ಬಂದೂಕು ಸಿಕ್ಕಿಲ್ಲ. ಅದನ್ನು ಕದ್ದ ಕಳ್ಳನ ಬಗ್ಗೆಯೂ ಗೊತ್ತಾಗಲಿಲ್ಲ. ಈ ಎಲ್ಲಾ ಹಿನ್ನಲೆ ವಿ ಎಸ್ ಪಾಟೀಲ ಅವರು ಮುಂಡಗೋಡು ಪೊಲೀಸ್ ಠಾಣೆಗೆ ಆಗಮಿಸಿದ್ದು, ಸ್ವ ರಕ್ಷಣೆಗಾಗಿಪಡೆದಿದ್ದ ಬಂದೂಕು ಕಳ್ಳತನದ ಬಗ್ಗೆ ಪೊಲೀಸರಿಗೆ ದೂರಿದರು. ಸದ್ಯ ಮುಂಡಗೋಡು ಪೊಲೀಸರು ಆ ಬಂದೂಕಿನ ಹುಡುಕಾಟ ನಡೆಸಿದ್ದಾರೆ.
- [ವಾಟ್ಸಪ್ ಚಾಟ್ ರಹಸ್ಯ: ಸಾವಿನ ಹಿಂದಿನ ಸತ್ಯ ಏನು?](https://mobiletime.in/2026/01/whatsapp-chat-evidence-what-is-the-truth-behind-the-death/): ಜಿಲ್ಲಾ ಪಂಚಾಯತ ಮಾಜಿ ಸದಸ್ಯೆ ಚೈತ್ರಾ ಕೋಠಾರಕರ್ ಅವರ ಪುತ್ರ ಚಿರಾಗ ಕೋಠಾರಕರ್ ಅವರ ಕಾಟ ಸಹಿಸಲಾಗದೇ  ಆತ್ಮಹತ್ಯೆಗೆ ಶರಣಾದ ರಿಶೀಲ್ ಡಿಸೋಜಾ ಅವರ ಜೊತೆ ವಾಟ್ಸಪ್ ಚಾಟ್ ಬಹಿರಂಗವಾಗಿದೆ. ಚಿರಾಗ್ ಕೋಠಾರಕರ್ ಅವರು ರಿಶೀಲ್ ಡಿಸೋಜಾ ಅವರನ್ನು ಕೆಟ್ಟದಾಗಿ ಬೈದು ನಿಂದಿಸಿರುವ ಹಾಗೇ ಕಾಣುತ್ತಿದೆ. ಕಾರವಾರದ ಕದ್ರಾದಲ್ಲಿ ಈಚೆಗೆ ರಿಶೇಲ್ ಡಿಸೋಜಾ ಅವರು ಆತ್ಮಹತ್ಯೆಗೆ ಶರಣಾಗಿದ್ದರು. ಚಿರಾಗ ಕೋಠಾರಕರ್ ಅವರ ಹಿಂಸೆ ಸಹಿಸಲಾಗದೇ ರಿಶೇಲ್ ಡಿಸೋಜಾ ಅವರು ಆತ್ಮಹತ್ಯೆಗೆ ಶರಣಾಗಿರುವ ಅನುಮಾನವ್ಯಕ್ತವಾಗಿತ್ತು. ಇದಕ್ಕೆ ಪೂರಕವಾಗಿ ರಿಶೇಲ್ ಡಿಸೋಜಾ ಅವರ ಕುಟುಂಬದವರು ಚಿರಾಗ ಕೋಠಾರಕರ್ ವಿರುದ್ಧ ಅನೇಕ ಆರೋಪ ಮಾಡಿದ್ದರು. ಚಿರಾಗ ಕೋಠಾರಕರ್ ಅತ್ಯಾಚಾರವೆಸರಿಗಿದ ಬಗ್ಗೆಯೂ ಅನುಮಾನವ್ಯಕ್ತಪಡಿಸಿದ್ದರು. ಈ ಬೆನ್ನಲ್ಲೇ ಚಿರಾಗ ಕೋಠಾರಕರ್ ಹಾಗೂ ರಿಶೇಲ್ ಡಿಸೋಜಾ ನಡುವೆ ನಡೆದ ವಾಟ್ಸಪ್ ಚಾಟ್ ಬಹಿರಂಗವಾಗಿದೆ. ಚಿರಾಗ ಕೋಠಾರಕರ್ ಅವರು ಅಸಭ್ಯವಾಗಿ ಚಾಟ್ ಮಾಡಿದ ದಾಖಲೆಗಳನ್ನು ರಿಶೀಲ್ ಡಿಸೋಜಾ ಅವರ ಕುಟುಂಬದವರು ಬಿಡುಗಡೆ ಮಾಡಿದ್ದಾರೆ. ರಿಶೀಲ್ ಡಿಸೋಜಾ ಅವರ ಆತ್ಮಹತ್ಯೆಗೆ ಚಿರಾಗ ಕೋಠಾರಕರ್ ಅವರೇ ಕಾರಣರಾಗಿದ್ದು, ಪೊಲೀಸ್ ತನಿಖೆಯ ಬಗ್ಗೆಯೂ ಅಸಮಧಾನವ್ಯಕ್ತಪಡಿಸಿದ್ದಾರೆ. ಈ ಪ್ರಕರಣದ ಪ್ರಮುಖ ಆರೋಪಿ ಚಿರಾಗ ಕೋಠಾರ್ಕರ ಎಂಬಾತನನ್ನು ಬಂಧಿಸಲು ಒತ್ತಾಯಿಸಿ ಬುಧವಾರ ಕಾರವಾರದಲ್ಲಿ ಕ್ರೈಸ್ತ ಸಮುದಾಯದ ಸದಸ್ಯರು ಸುದ್ದಿಗೋಷ್ಠಿ ನಡೆಸಿ ಒತ್ತಾಯಿಸಿದ್ದಾರೆ. ಈ ತನಿಖೆಯಲ್ಲಿ ರಾಜಕೀಯ ಒತ್ತಡಗಳಿರುವ ಬಗ್ಗೆಯೂ ಆರೋಪಿಸಿದ್ದಾರೆ. ಪ್ರಮುಖರಾದ ಮಾಬೇಲ್ ಪಿಂಟೋ ಅವರು ಮಾತನಾಡಿ `ಆರೋಪಿಯನ್ನು ಬಂಧಿಸದ ಕಾರಣ ಸಾಕ್ಷಿ ನಾಶವಾಗುವ ಸಾಧ್ಯತೆಯಿದೆ’ ಎಂದಿದ್ದಾರೆ. ಕಾರವಾರ ಅಂಕೋಲಾ ಕ್ರಿಶ್ಚಿಯನ್ ಫೋರಮ್‌ನ ಅಧ್ಯಕ್ಷ ಲಿಯೋ ಲೂಯಿಸ್ ಮಾತನಾಡಿ `ರಿಶೇಲ್ ಡಿಸೋಜಾ ಅವರ ದೇಹದಲ್ಲಿ ಕಂಡುಬAದಿದ್ದೆAದು ಹೇಳಲಾಗುತ್ತಿರುವ ಕೆಲವು ಶಾರೀರಿಕ ಗುರುತುಗಳ ಬಗ್ಗೆ ತಕ್ಷಣವೇ ಫಾರೆನ್ಸಿಕ್ ಪರೀಕ್ಷೆಗೆ ಒಳಪಡಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಆರೋಪಿತ ವ್ಯಕ್ತಿಯ ಸಂಬoಧಿಯೊಬ್ಬರು ಪೊಲೀಸ್ ಇಲಾಖೆಯಲ್ಲಿ ಕೆಲಸ ಮಾಡುತ್ತಿದ್ದು ಈ ತನಿಖೆಗೆ ಸಂಬAಧಿಸಿದ ಮಾಹಿತಿಯನ್ನು ಕುಟುಂಬಕ್ಕೆ ಸೋರಿಕೆ ಮಾಡುತ್ತಿದ್ದಾರೆ’ ಎಂದು ಸುದ್ದಿಗೋಷ್ಠಿಯಲ್ಲಿದ್ದವರು ಹೇಳಿದ್ದಾರೆ. ಪ್ರಮುಖರಾದ ಸ್ಯಾಮಸನ್ ಡಿಸೌಝಾ, ಕೆರೋಲಿನ ಫರ್ನಾಂಡಿಸ್, ಫ್ರಾಂಕಿ ಗುಡಿನ್ಹೋ, ಕ್ಲೆಮೆಂಟ್ ಗುಡಿನ್ಹೋ, ವಿಲ್ಸನ್ ಫರ್ನಾಂಡಿಸ್, ಜೂಜೆ ಫರ್ನಾಂಡಿಸ್, ಅಕ್ವಿಲ್ ಫರ್ನಾಂಡಿಸ್, ನಿರ್ಮಲಾ ಅಲ್ಫಾನ್ಸೋ, ಜೂಲಿಯಟ್ ಡಯಾಸ್, ಜೋನ್ಹಿ ಲೋಪೇಝ್, ಅಗಸ್ಟಿನ್ ನರೋನ್ಹಾ, ಪೆರ್ಪೆಟ್ ಡಿಸೌಝಾ, ಹಿಲ್ಡಾ ಕಾರ್ಡೊಝಾ, ಮಾಯಾ ಫರ್ನಾಂಡಿಸ್, ಝ್ಸೆವಿಯರ್, ಸೀಮಾ ಪಾಟಿಲ, ಅಂಥೋನಿ ಡಿಕೋಸ್ಟಾ, ದಿಲ್ಶಾದ್ ಕುಟ್ಟಿ, ಸ್ನೇಹಾ ಹಲ್ದನಕರ್ ಇನ್ನಿತರರು ವಿವಿಧ ಆರೋಪ ಮಾಡಿದ್ದಾರೆ.  
- [ಟ್ಯಾಂಕರ್ ಚಕ್ರಕ್ಕೆ ಸಿಲುಕಿದ ಬೈಕ್ ಸವಾರ: ಸಾವು!](https://mobiletime.in/2026/01/biker-hit-by-tanker-truck-death/): ಹೊನ್ನಾವರದ ಶರಾವತಿ ಸೇತುವೆ ಮೇಲೆ ನಡೆದ ಅಪಘಾತದಲ್ಲಿ ಮೀನು ವ್ಯಾಪಾರಿಯೊಬ್ಬರು ಸಾವನಪ್ಪಿದ್ದಾರೆ. ಅತಿ ವೇಗ ಅಪಘಾತಕ್ಕೆ ಕಾರಣ. ಹೊನ್ನಾವರದ ಗುಂಡುಬಾಳ ಬಳಿಯ ಮುಟ್ಟಾದ ಜಾನ್ ಲುವಿಸ್ (61) ಅವರು ಮೀನು ವ್ಯಾಪಾರ ಮಾಡಿ ಬದುಕು ಕಟ್ಟಿಕೊಂಡಿದ್ದರು. ಬುಧವಾರ ಅವರು ಕಾಸರಕೋಡಿನಿಂದ ಮೀನು ತರುತ್ತಿದ್ದರು. ಶರಾವತಿ ಸೇತುವೆ ಬಳಿ ಅವರು ಮುಂದಿದ್ದ ಟ್ಯಾಂಕರ್ ಹಿಂದಿಕ್ಕುವುದಕ್ಕಾಗಿ ತಮ್ಮ ಬೈಕಿನ ವೇಗ ಹೆಚ್ಚಿಸಿದರು. ಈ ವೇಳೆ ಟ್ಯಾಂಕರ್ ಚಕ್ರಕ್ಕೆ ಸಿಲುಕಿ ಅವರು ನೆಲಕ್ಕೆ ಅಪ್ಪಳಿಸಿದ್ದು, ಅದೇ ನೋವಿನಲ್ಲಿ ಕೊನೆಯುಸಿರೆಳೆದರು. ಅಪಘಾತದಲ್ಲಿ ಜಾನ್ ಲುವಿಸ್ ಅವರ ಕಾಲು ತುಂಡಾಗಿದ್ದು, ರಕ್ತ ಸೋರುತ್ತಿತ್ತು. ಅವರನ್ನು ಆಸ್ಪತ್ರೆಗೆ ಸೇರಿಸುವ ಪ್ರಯತ್ನ ನಡೆದರೂ ಪ್ರಯೋಜನವಾಗಲಿಲ್ಲ.
- [ಒಂದು ಸಾವು: ಹಲವು ಶಂಕೆ!](https://mobiletime.in/2026/01/one-death-many-suspicions/): ಸಿದ್ದಾಪುರ ಗರಿಗಡ್ಡೆಯಲ್ಲಿ ಮಹೇಶ ನಾಯ್ಕ ಅವರ ಶವ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಅವರ ಸಾವಿನಲ್ಲಿ ಅನೇಕ ಅನುಮಾನಗಳುವ್ಯಕ್ತವಾಗಿದೆ. ಸಿದ್ದಾಪುರದ ನೆಲ್ಲಿಮಡ್ಕಿ ಬಳಿ ಮಹೇಶ ವೆಂಕಟ್ರಮಣ ನಾಯ್ಕ (33) ಅವರು ವಾಸವಾಗಿದ್ದರು. ಬುಧವಾರ ಬೆಳಗ್ಗೆ ಹಳ್ಳಿಕಾನದಿಂದ ನೆಲ್ಲಿಮಡ್ಕಿಯ ಮನೆ ಕಡೆ ಅವರು ಬೈಕಿನಲ್ಲಿ ಬರುತ್ತಿದ್ದರು. ಗಿರಗಡ್ಡೆ ರಸ್ತೆ ಮದ್ಯೆ ಅವರ ಬೈಕ್ ಬಿದ್ದಿರುವುದನ್ನು ನೋಡಿದ ಜನ ಕಾಡಿನ ಕಡೆ ಕಣ್ಣಾಯಿಸಿದರು. ಗುಡ್ಡದ ಮೇಲಿರುವ ವಿದ್ಯುತ್ ಕಂಬಕ್ಕೆ ಮಹೇಶ ನಾಯ್ಕ ಅವರು ನೇತಾಡುತ್ತಿರುವುದು ಕಾಣಿಸಿತು. ಮಹೇಶ ನಾಯ್ಕ ಅವರ ಮೈ ಮೇಲೆ ಪೂರ್ಣ ಪ್ರಮಾಣದಲ್ಲಿ ಬಟ್ಟೆಗಳಿರಲಿಲ್ಲ. ಮಹೇಶ ನಾಯ್ಕ ಅವರು ಹೀಗೆ ಆತ್ಮಹತ್ಯೆಗೆ ಶರಣಾಗುವ ಚಂಚಲ ಮನಸ್ಸಿನವರು ಸಹ ಆಗಿರಲಿಲ್ಲ. ಅದರಲ್ಲಿಯೂ ಮನೆಗೆ ಮರಳುತ್ತಿದ್ದ ಮಹೇಶ ನಾಯ್ಕ ಅವರ ಬೈಕ್ ರಸ್ತೆ ಮೇಲೆ ಬಿದ್ದಿರುವುದು ಹಾಗೂ ಅವರು ವಿದ್ಯುತ್ ಕಂಬಕ್ಕೆ ನೇತಾಡುತ್ತಿರುವುದು ಸಂಶಯಕ್ಕೆ ಕಾರಣವಾಯಿತು. ಹೀಗಾಗಿ ಕುಟುಂಬದವರು ಈ ಸಾವಿನ ಬಗ್ಗೆ ಅನುಮಾನವ್ಯಕ್ತಪಡಿಸಿದರು. ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್, ಸಿದ್ದಾಪುರ ಪಿಐ ಸೀತಾರಾಮ ಬಿ ಜೆ ಹಾಗೂ ಪಿಸೈ ಶಾಂತಿನಾಥ ಪಾಸಾನೆ ಸದ್ಯ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಸಾವಿನ ಬಗ್ಗೆ ತನಿಖೆ ಶುರುವಾಗಿದೆ.
- [ಹಳೆ ದ್ವೇಷಕ್ಕೆ ಹೊಸ ವಿಷಯ: ನಡು ರಸ್ತೆಯಲ್ಲಿ ಮಾರಾಮಾರಿ!](https://mobiletime.in/2026/01/a-new-topic-for-an-old-feud-a-fight-in-the-middle-of-the-road/): ಯಲ್ಲಾಪುರದ `ಮಹಾಗಣಪತಿ ಆಟೋ ವರ್ಕ’ ಗ್ಯಾರೇಜಿನಲ್ಲಿ ಗಲಾಟೆ ನಡೆದಿದೆ. ಅಲ್ಲಿದ್ದ ಸ್ಪಾನರ್-ರಾಡ್ ತೆಗೆದುಕೊಂಡು ಸತೀಶ ಹೆಗಡೆ ಹಾಗೂ ಗೋಪಾಲಕೃಷ್ಣ ಭಟ್ಟ ಹೊಡೆದಾಡಿಕೊಂಡಿದ್ದಾರೆ. ಯಲ್ಲಾಪುರದ ಉಮ್ಮಚ್ಗಿ ಬಳಿಯ ಕುಂದರಗಿ ಸಮೀಪದ ಹಿತ್ಲಳ್ಳಿ ಹೀರೆಸರದಲ್ಲಿ ಸತೀಶ ನಾರಾಯಣ ಹೆಗಡೆ ಅವರು ವಾಸವಾಗಿದ್ದಾರೆ. ಅದೇ ಭಾಗದ ತೋಟದ ಕಲ್ಲಳ್ಳಿಯ ಗೋಪಾಲಕೃಷ್ಣ ಉದಯ ಭಟ್ಟ ಅವರು ವಾಸವಾಗಿದ್ದಾರೆ. ಸತೀಶ ಹೆಗಡೆ ಅವರು ಕೃಷಿಕರಾಗಿದ್ದು, ಗೋಪಾಲಕೃಷ್ಣ ಭಟ್ಟ ಅವರು ಉಮ್ಮಚ್ಗಿಯ ಮಹಾಗಣಪತಿ ಆಟೋ ವರ್ಕನಲ್ಲಿ ಕೆಲಸ ಮಾಡುತ್ತಾರೆ. ಸತೀಶ ಹೆಗಡೆ ಹಾಗೂ ಗೋಪಾಲಕೃಷ್ಣ ಭಟ್ಟ ಸಂಬoಧಿಕರಾಗಿದ್ದಾರೆ. ಆದರೆ, ಅವರಿಬ್ಬರ ನಡುವೆ ಆಸ್ತಿ ವಿಷಯವಾಗಿ ಕಲಹ ನಡೆಯುತ್ತಿದೆ. ಅದೇ ಅವರಿಬ್ಬರ ನಡುವಿನ ವೈಮನಸ್ಸಿಗೂ ಕಾರಣವಾಗಿದೆ. ಆ ದ್ವೇಷದ ಮುಂದುವರೆದ ಭಾಗವಾಗಿ ಜನವರಿ 14ರಂದು ಅವರಿಬ್ಬರು ಪರಸ್ಪರ ಹೊಡೆದಾಟ ನಡೆಸಿದ್ದಾರೆ. ಸತೀಶ ಹೆಗಡೆ ಅವರ ಜಮೀನು ವಿಷಯವಾಗಿ ಗೋಪಾಲಕೃಷ್ಣ ಭಟ್ಟರು ತಂಟೆ-ತಕರಾರು ಮಾಡುತ್ತಿದ್ದಾರೆ. ಇದಕ್ಕೆ ಪ್ರತಿಯಾಗಿ ಮೊನ್ನೆ ಗೋಪಾಲಕೃಷ್ಣರ ಭಟ್ಟರ ತಂದೆ ಉದಯ ಭಟ್ಟರ ಮೇಲೆ ಸತೀಶ ಹೆಗಡೆ ಅವರು ಕಳ್ಳತನದ ಆರೋಪ ಮಾಡಿದ್ದಾರೆ. ಅದೇ ಊರಿನ ವಿನಾಯಕ ಎಂಬಾತರ ಮುಂದೆ ಸತೀಶ ಹೆಗಡೆ ಅವರು `ಉದಯ ಭಟ್ಟರು ಬಟ್ಟೆ ಕಳ್ಳತನ ಮಾಡಿದ್ದಾರೆ. ಹಂಚುಗಳನ್ನು ಸಹ ಕದ್ದಿದ್ದಾರೆ’ ಎಂದು ಹೇಳಿದ್ದಾರೆ. ಆ ವಿಷಯವನ್ನು ಅಲ್ಲಿಗೆ ಬಿಡದ ವಿನಾಯಕ ಅವರು ಗೋಪಾಲಕೃಷ್ಣ ಭಟ್ಟರಿಗೆ ಸುದ್ದಿ ಮುಟ್ಟಿಸಿದ್ದಾರೆ. ಹೀಗಾಗಿ ಅವರಿಬ್ಬರ ನಡುವಿನ ದ್ವೇಷ ಇನ್ನಷ್ಟು ಹೆಚ್ಚಾಗಿದೆ. ಬುಧವಾರ ಬೆಳಗ್ಗೆ ಸತೀಶ ಹೆಗಡೆ ಅವರು ಜೋಳದ ಹಿಟ್ಟು ಮಾಡಿಸಲು ಉಮ್ಮಚ್ಗಿಗೆ ಬಂದಿದ್ದರು. ಅವರ ಬೈಕಿನ ಟೈಯರ್’ಗೆ ಗಾಳಿ ಕಡಿಮೆ ಇದ್ದ ಕಾರಣ ಮಹಾಗಣಪತಿ ಆಟೋ ವರ್ಕ ಗ್ಯಾರೇಜಿಗೆ ಹೋಗಿದ್ದರು. ಅಲ್ಲಿ ಸತೀಶ ಹೆಗಡೆ ಅವರನ್ನು ನೋಡಿದ ಗೋಪಾಲಕೃಷ್ಣ ಭಟ್ಟ `ನೀ ಯಾಕೆ ಈ ಗ್ಯಾರೇಜಿಗೆ ಬಂದೆ?’ ಎಂದು ಪ್ರಶ್ನಿಸಿದರು. `ಬಟ್ಟೆ ಹಾಗೂ ಹಂಚು ಕಳ್ಳತನ ಮಾಡಿದವ’ ಎಂದು ಊರ ತುಂಬ ಸುದ್ದಿ ಮಾಡಿದ ವಿಷಯ ಪ್ರಸ್ತಾಪಿಸಿದರು. ಈ ವೇಳೆ ಅವರಿಬ್ಬರ ನಡುವೆ ವಾಗ್ವಾದ ನಡೆದಿದ್ದು, ಅದು ಹೊಡೆದಾಟದ ಸ್ವರೂಪಪಡೆಯಿತು. ಗ್ಯಾರೇಜಿನಲ್ಲಿದ್ದ ಸೈಕಲ್ ಸೇಪ್ಟಿ ಗಾರ್ಡಿನಿಂದ ಗೋಪಾಲಕೃಷ್ಣ ಭಟ್ಟರು ಸತೀಶ ಹೆಗಡೆ ಅವರಿಗೆ ಹೊಡೆದರು. ಅಲ್ಲಿಯೇ ಇದ್ದ ಕಬ್ಬಿಣದ ಸ್ಪಾನರಿನಿಂದ ಸತೀಶ ಹೆಗಡೆ ಅವರು ಗೋಪಾಲಕೃಷ್ಣ ಭಟ್ಟ ಅವರಿಗೆ ಬಾರಿಸಿದರು. ಸತೀಶ ಹೆಗಡೆ ಅವರ ತಲೆ ಹಾಗೂ ಎಡಬುಜಕ್ಕೆ ಭಾರೀ ಪ್ರಮಾಣದಲ್ಲಿ ನೋವಾಗಿದ್ದು, ಅವರು ಯಲ್ಲಾಪುರ ಆಸ್ಪತ್ರೆ ಸೇರಿದರು. ಗೋಪಾಲಕೃಷ್ಣ ಭಟ್ಟರ ದವಡೆ ಹಾಗೂ ಮೂಗಿಗೆ ಗಾಯವಾಗಿ ರಕ್ತ ಬಂದಿದ್ದು, ಅವರು ಸಹ ಚಿಕಿತ್ಸೆಗೆ ಒಳಗಾದರು. ಈ ಹೊಡೆದಾಟದ ವಿಷಯ ಕೇಳಿ ಯಲ್ಲಾಪುರ ಪಿಐ ರಮೇಶ ಹಾನಾಪುರ, ಪಿಸೈ ಶೇಡ್ ಜಿ ಚೌಹಾಣ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ಅವರಿಬ್ಬರ ಮಾತು ಆಲಿಸಿದ ಪೊಲೀಸರು ಇಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ಶುರು ಮಾಡಿದ್ದಾರೆ.
- [SSLC: ಈ ಬಾರಿ ಒಬ್ಬರೂ ಫೇಲ್ ಆಗುವ ಹಾಗಿಲ್ಲ!](https://mobiletime.in/2026/01/sslc-no-one-should-fail-this-time/): `ಈ ಬಾರಿಯ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಒಬ್ಬ ವಿದ್ಯಾರ್ಥಿಯೂ ಅನುತ್ತೀರ್ಣ ಆಗುವ ಹಾಗಿಲ್ಲ. ಆ ನಿಟ್ಟಿನಲ್ಲಿ ಶಿಕ್ಷಣ ಅಧಿಕಾರಿಗಳು ಜವಾಬ್ದಾರಿಯಿಂದ ಕೆಲಸ ಮಾಡಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಸೂಚಿಸಿದ್ದಾರೆ. `ಅರ್ಧ ವಾರ್ಷಿಕ ಪರೀಕ್ಷೆ ಮತ್ತು ಮೊದಲ ಪ್ರಿಪರೇಟರಿ ಫಲಿತಾಂಶವನ್ನು ವಿಶ್ಲೇಷಣೆ ಮಾಡಬೇಕು. ಆ ಮೂಲಕ ಕಲಿಕೆಯಲ್ಲಿ ಹಿಂದುಳಿದಿರುವ ಮಕ್ಕಳ ಬಗ್ಗೆ ವಿಶೇಷ ಕಾಳಜಿ ವಹಿಸಬೇಕು. ಅವರ ಬಗ್ಗೆ ವೈಯಕ್ತಿಕವಾಗಿ ಗಮನಹರಿಸಿ ಅವರು ಉತ್ತೀರ್ಣರಾಗುವಂತೆ ಮಾಡಬೇಕು’ ಎಂದು ಅವರು ಶಿಕ್ಷಕರಿಗೆ ಸೂಚನೆ ನೀಡಿದ್ದಾರೆ. `ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಪಾಸಾದ ಮಕ್ಕಳು ತಮ್ಮ ಮುಂದಿನ ಭವಿಷ್ಯವನ್ನು ಸರಿಯಾಗಿ ರೂಪಿಸಿಕೊಳ್ಳುತ್ತಾರೆ. ಹೀಗಾಗಿ ಶಿಕ್ಷಕರು ತಮ್ಮ ಎಲ್ಲಾ ಅನುಭವಗಳನ್ನು ಧಾರೆಯೆರೆದು ವಿದ್ಯಾರ್ಥಿಗಳು ಅತ್ಯುತ್ತಮ ಅಂಕಗಳೊAದಿಗೆ ಉತ್ತೀರ್ಣರಾಗುವ ಹಾಗೇ ಮಾಡಬೇಕು’ ಎಂದು ಹೇಳಿದ್ದಾರೆ. ಬುಧವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಎಸ್ ಎಸ್ ಎಲ್ ಸಿ ಫಲಿತಾಂಶ ವೃದ್ಧಿಗೆ ಕೈಗೊಂಡಿರುವ ಕ್ರಮದ ಕುರಿತು ಶಾಲಾ ಮುಖ್ಯಾಧ್ಯಾಪಕರು ಹಾಗೂ ಶಿಕ್ಷಣಾಧಿಕಾರಿಗಳ ಸಭೆ ನಡೆಸಿದ ಅವರು ಅನೇಕ ಸಲಹೆಗಳನ್ನು ನೀಡಿದ್ದಾರೆ. `ಶಾಲೆಗಳಿಗೆ ನಿರಂತರವಾಗಿ ಗೈರಾಗುತ್ತಿರುವ ಮಕ್ಕಳನ್ನು ಗುರುತಿಸಿ ಅವರ ಬಗ್ಗೆ ವಿಶೇಷ ಗಮನ ಹರಿಸಬೇಕು. ಪೋಷಕರ ಮತ್ತು ವಿದ್ಯಾರ್ಥಿಯ ಮನವೊಲಿಸಿ ಶಾಲೆಗೆ ಬರುವಂತೆ ಮಾಡಬೇಕು. ಕಲಿಕೆಯಲ್ಲಿ ಹಿಂದುಳಿದ ವಿದ್ಯಾರ್ಥಿಗಳು ಉತ್ತೀರ್ಣರಾಗುವಂತೆ ಮಾಡುವ ಜವಾಬ್ದಾರಿವಹಿಸಿಕೊಳ್ಳಬೇಕು. ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ಮಂಡಳಿಯು ಸಿದ್ದಪಡಿಸಿರುವ ಮಾದರಿ ಪ್ರಶ್ನೆ ಪತ್ರಿಕೆಗಳನ್ನು ಹಾಗೂ ಡಯಟ್ ಮೂಲಕ ಸಿದ್ದಪಡಿಸಿರುವ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಿಸಬೇಕು’ ಎಂದು ತಿಳಿಸಿದರು. `ಜಿಲ್ಲೆಯ ಒಟ್ಟಾರೆ ಫಲಿತಾಂಶದಲ್ಲಿ ರ‍್ಯಾಂಕ್ ಬರುವುದು ಮುಖ್ಯವಲ್ಲ. ವಿದ್ಯಾರ್ಥಿಗಳು ಅತ್ಯುತ್ತಮ ಅಂಕಗಳೊAದಿಗೆ ಪ್ರತಿಯೊಬ್ಬರೂ ಉತ್ತೀರ್ಣರಾಗಬೇಕಾಗಿರುವುದು ಮುಖ್ಯ’ ಎಂದು ಸೂಚಿಸಿದರು. `ಶಾಲಾ ಪರೀಕ್ಷೆಯಲ್ಲಿ ಅನುತ್ತೀರ್ಣರಾಗುವ ವಿದ್ಯಾರ್ಥಿಗಳಿಗಾಗಿ ಶಿಕ್ಷಕರು ಹೆಚ್ಚುವರಿ ಸಮಯವನ್ನು ಮೀಸಲಿಟ್ಟು ಕಲಿಕೆಯಲ್ಲಿ ಹಿಂದುಳಿದಿರುವ ವಿಷಯಗಳನ್ನು ಬೋಧಿಸಬೇಕು. ವಿದ್ಯಾರ್ಥಿಗಳು ಪ್ರಶ್ನೆ ಪತ್ರಿಕೆಯಲ್ಲಿ ಎಲ್ಲಾ ಪ್ರಶ್ನೆಗಳಿಗೂ ಉತ್ತರಿಸಬೇಕು. ಯಾವುದೇ ಪ್ರಶ್ನೆಗೂ ಉತ್ತರವನ್ನು ಖಾಲಿ ಬಿಡದೇ, ಸಾಧ್ಯವಾದಷ್ಟು ಉತ್ತರ ಬರೆಯಲು ಪ್ರಯತ್ನಿಸುವ ಬಗ್ಗೆ ಶಿಕ್ಷಕರು ತಿಳಿಸಬೇಕು. ಫಲಿತಾಂಶ ವೃದ್ಧಿಗೆ ಈಗಾಗಲೇ ರೂಪಿಸಿರುವ 29 ಅಂಶಗಳ ಅನುಷ್ಠಾನ ಮಾತ್ರವಲ್ಲದೇ, ಶಿಕ್ಷಕರು ಮತ್ತು ಪೋಷಕರು ಹಾಗೂ ಅಧಿಕಾರಿಗಳು ಸಂಘಟಿತ ಪ್ರಯತ್ನದ ಮೂಲಕ ಉತ್ತಮ ಫಲಿತಾಂಶ ಬರುವಂತೆ ಕಾರ್ಯನಿರ್ವಹಿಸಬೇಕು’ ಎಂದು ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಸೂಚಿಸಿದರು. ಕಾರವಾರ ಶೈಕ್ಷಣಿಕ ಜಿಲ್ಲೆಯ ಉಪ ನಿರ್ದೇಶಕಿ ಲತಾ ನಾಯ್ಕ, ಡಯಟ್ ಪ್ರಾಂಶುಪಾಲ ಎನ್ ಆರ್ ಹೆಗಡೆ, ಕಾರವಾರ, ಅಂಕೋಲಾ, ಕುಮಟಾ, ಹೊನ್ನಾವರ, ಭಟ್ಕಳ ತಾಲೂಕು ಶಿಕ್ಷಣಾಧಿಕಾರಿಗಳು ಹಾಗೂ ವಿವಿಧ ಶಾಲೆಗಳ ಮುಖ್ಯೋಪಾಧ್ಯಾಯರು ಸಭೆಯಲ್ಲಿದ್ದರು.
- [ಕರಿಮಣಿ ಮಾಲಕ ನೀನಲ್ಲ!](https://mobiletime.in/2026/01/you-are-not-the-owner-of-the-black-pearl/): ಹೊನ್ನಾವರದ ವೈದ್ಯೆ ರಮ್ಯ ನಾಯ್ಕ ಅವರನ್ನು ಕಿರಣ ನಾಯ್ಕ ಅವರು ಅಪಹರಿಸಿ ಮದುವೆ ಆಗಿದ್ದಾರೆ. ಈ ವಿವಾಹ ನೋಂದಣಿ ರದ್ಧುಪಡಿಸುವಂತೆ ರಮ್ಯ ನಾಯ್ಕ ಅವರು ಹೋರಾಟ ಶುರು ಮಾಡಿದ್ದಾರೆ. ಹೊನ್ನಾವರ ಮಾಗೋಡು ಬಜ್ಜಿಕೇರಿಯಲ್ಲಿ ಕಿರಣ ಮಂಜುನಾಥ ನಾಯ್ಕ ಅವರು ವಾಸವಾಗಿದ್ದಾರೆ. 2020ರಲ್ಲಿ ಅದೇ ಊರಿನ ರಮ್ಯ ಶಾಂತರಾಮ ನಾಯ್ಕ ಅವರ ಸ್ನೇಹ ಬೆಳೆಸಿದ ಕಿರಣ ನಾಯ್ಕ ಪ್ರೀತಿಯ ಪ್ರಸ್ತಾಪ ಮಾಡಿದ್ದಾರೆ. ಪ್ರೀತಿ ಒಪ್ಪದ ರಮ್ಯಾ ನಾಯ್ಕ ಸ್ನೇಹಕ್ಕೆ ಸಮ್ಮತಿ ನೀಡಿದ್ದು, ಅದಾದ ನಂತರವೂ ಕಿರಣ ನಾಯ್ಕ ಹಾಗೂ ರಮ್ಯ ನಾಯ್ಕ ಅವರು ಅನೇಕ ಕಡೆ ಒಟ್ಟಿಗೆ ಓಡಾಟ ನಡೆಸಿದ್ದಾರೆ. 2024ರ ಅವಧಿಯಲ್ಲಿ ಕಿರಣ ನಾಯ್ಕ ರಮ್ಯಾ ನಾಯ್ಕ ಅವರ ಮನೆಗೆ ಬಂದು ಮದುವೆ ಪ್ರಸ್ತಾಪ ಮಾಡಿದ್ದಾರೆ. `ಮದುವೆ ಆಗದೇ ಇದ್ದರೆ ಫೋಟೋ ವೈರಲ್ ಮಾಡುವೆ’ ಎಂದು ಬೆದರಿಸಿದ್ದಾರೆ. ರಮ್ಯ ನಾಯ್ಕ ಅವರನ್ನು ಹೆದರಿಸಿದ ಕಿರಣ ನಾಯ್ಕ ಅವರನ್ನು ಕುಂದಾಪುರಕ್ಕೆ ಕರೆದೊಯ್ದು ಫೋಟೋ ಶೂಟ್ ಮಾಡಿಸಿದ್ದಾರೆ. ಅಲ್ಲಿನ ಸ್ಟೂಡಿಯೋ ಒಂದರಲ್ಲಿ ಕರಿಮಣಿ ಕಟ್ಟಿ ಮದುವೆಯ ಫೋಟೋ ತೆಗೆಸಿದ್ದಾರೆ. 2025ರ ಸೆಪ್ಟೆಂಬರ್ 25ರಂದು ರಮ್ಯಾ ನಾಯ್ಕ ಅವರು ಮಂಗಳೂರಿನಿAದ ಬಸ್ಸಿನಲ್ಲಿ ಬರುವಾಗ ಅವರಿಗೆ ಫೋನ್ ಮಾಡಿದ ಕಿರಣ ನಾಯ್ಕ ಭಟ್ಕಳದಲ್ಲಿಯೇ ಇಳಿಯುವಂತೆ ಸೂಚಿಸಿದ್ದಾರೆ. ಭಟ್ಕಳಕ್ಕೆ ಕಾರು ತೆಗೆದುಕೊಂಡು ಹೋಗಿದ್ದ ಕಿರಣ ನಾಯ್ಕ ಅದರಲ್ಲಿ ರಮ್ಯಾ ನಾಯ್ಕ ಅವರನ್ನು ಇಡಗುಂಜಿ ಕಡೆ ಕರೆ ತಂದಿದ್ದಾರೆ. ಮುಂದೆ ಮಾಗೋಡು ಕಡೆ ಹೋಗುವ ಬದಲು ಹೊನ್ನಾವರದ ಕಡೆ ಕಾರು ಓಡಿಸಿದ್ದಾರೆ. ಅಲ್ಲಿದ್ದ ಕಿರಣ ನಾಯ್ಕ ಅವರ ಸ್ನೇಹಿತ ಮನೋಜ ಮಾದೇವ ನಾಯಕ ವಿವಿಧ ಕಾಗದ ಪತ್ರಗಳ ಮೇಲೆ ರಮ್ಯಾ ನಾಯ್ಕ ಅವರ ಸಹಿ ಮಾಡಿಸಿದ್ದಾರೆ. ಸಹಿ ಮಾಡಲು ಒಪ್ಪದೇ ಇದ್ದಾಗ ಕೆನ್ನೆಗೆ ಬಾರಿಸಿದ್ದಾರೆ. ಅದಾದ ನಂತರ ರಮ್ಯಾ ನಾಯ್ಕ ಅವರ ಮೊಬೈಲಿಗೆ ಓಟಿಪಿ ಒಂದು ಬಂದಿದ್ದು, ಮೊಬೈಲ್ ಕಸಿದ ಮನೋಜ ನಾಯ್ಕ ಮತ್ತೊಬ್ಬರಿಗೆ ಫೋನ್ ಮಾಡಿ ಆ ಓಟಿಪಿಯನ್ನು ಓದಿ ಹೇಳಿದ್ದಾರೆ. ಸ್ಟೂಡಿಯೋದಲ್ಲಿ ತೆಗೆದ ಮದುವೆ ಆದ ಫೋಟೋ, ಕಾಗದಪತ್ರಗಳ ಮೇಲೆ ಮಾಡಿದ ಸಹಿ ಹಾಗೂ ಓಟಿಪಿ ಹೇಳಿದ ತಕ್ಷಣ ವಿವಾಹ ನೋಂದಣಿ ಕಚೇರಿ ಮೂಲಕ ರಮ್ಯಾ ನಾಯ್ಕ ಹಾಗೂ ಕಿರಣ ನಾಯ್ಕ ಅವರ ವಿವಾಹ ನೋಂದಣಿ ಆಗಿದೆ. ವಿವಾಹ ನೋಂದಣಿ ಪ್ರತಿಯನ್ನು ಕಿರಣ ನಾಯ್ಕ ಅವರು ರಮ್ಯಾ ನಾಯ್ಕ ಅವರ ತಂದೆ ಶಾಂತರಾಮ ನಾಯ್ಕ ಅವರಿಗೆ ವಾಟ್ಸಪ್ ಮಾಡಿದ್ದಾರೆ. ರಮ್ಯಾ ನಾಯ್ಕ ಅವರು ಈ ನಡುವೆ ಮಂಕಿಯಲ್ಲಿ ಕರ್ತವ್ಯ ನಿಭಾಯಿಸುತ್ತಿದ್ದು, ಅದಕ್ಕೂ ಕಿರಣ ನಾಯ್ಕ ಅಡ್ಡಿಪಡಿಸಿದ್ದಾರೆ. ಅಲ್ಲಿನ ವೈದ್ಯರ ಮೇಲೆ ಅನುಮಾನವ್ಯಕ್ತಪಡಿಸಿದ ಕಿರಣ ನಾಯ್ಕ ಅವರು ರಮ್ಯಾ ನಾಯ್ಕ ಅವರಿಗೆ ಹೊನ್ನಾವರದಲ್ಲಿಯೇ ಕರ್ತವ್ಯ ನಿಭಾಯಿಸುವಂತೆ ತಾಕೀತು ಮಾಡಿದ್ದಾರೆ. ಅಪಹರಿಸಿ ವಿವಾಹ ಆಗಿದಲ್ಲದೇ, ಮೋಸದಿಂದ ವಿವಾಹ ನೋಂದಣಿ ಮಾಡಿಸಿದ ಕಿರಣ ನಾಯ್ಕ ಹಾಗೂ ಅವರ ಸ್ನೇಹಿತ ಮನೋಜ ನಾಯ್ಕ ವಿರುದ್ಧ ರಮ್ಯಾ ನಾಯ್ಕ ಅವರು ಸಿಡಿದೆದ್ದಿದ್ದಾರೆ. ಕಿರಣ ನಾಯ್ಕ ಅವರು ದೈಹಿಕ ಹಾಗೂ ಮಾನಸಿಕ ಹಿಂಸೆ ನೀಡಿದ ಬಗ್ಗೆ ಅವರು ದೂರಿದ್ದಾರೆ.
- [ಮರಗಳ್ಳನ ಮನೆ ಮೇಲೆ ದಾಳಿ!](https://mobiletime.in/2026/01/attack-on-the-house-of-a-wood-thief/): ಕಾಡಿನಲ್ಲಿದ್ದ ಮರಗಳನ್ನು ಕಡಿದು ಅದನ್ನು ಮಾರಾಟ ಮಾಡುತ್ತಿದ್ದ ಕಿರಣ ನಾಯ್ಕ ವಿರುದ್ಧ ಸಿದ್ದಾಪುರ ಅರಣ್ಯ ಅಧಿಕಾರಿಗಳು ಕಾನೂನು ಕ್ರಮ ಜರುಗಿಸಿದ್ದಾರೆ. ಕಿರಣ ನಾಯ್ಕ ತಪ್ಪಿಸಿಕೊಂಡಿದ್ದರೂ ನಾಟಾ ಸಾಗಿಸಲು ಬಳಸಿದ್ದ ವಾಹನವನ್ನು ಜಪ್ತು ಮಾಡಿದ್ದು, ವಾಹನ ಮಾಲಕನನ್ನು ಬಂಧಿಸಿದ್ದಾರೆ. ಸಿದ್ದಾಪುರದ ಕ್ಯಾದಗಿ ವಲಯದ ಹಸ್ವಿಗುಳಿಯಲ್ಲಿ ಕಿರಣ ರಾಮಾ ನಾಯ್ಕ ಎಂಬಾತರು ಮರ ಕಟಾವು ಮಾಡಿದ್ದರು. ಅದನ್ನು ಅಲ್ಲಿಯೇ ದಾಸ್ತಾನು ಮಾಡಿದ್ದ ಅವರು ನಂತರ ತಮ್ಮ ಮನೆ ಬಳಿ ಸಾಗಿಸಿದ್ದರು. ಭರಣಿ ಜಾತಿಗೆ ಸೇರಿದ ಮರಗಳನ್ನು ತುಂಡರಿಸಿ ಅಗತ್ಯ ಅಳತೆಗಳನ್ನು ಮಾಡಿಕೊಂಡಿದ್ದರು. ಖಚಿತ ಮಾಹಿತಿ ಆಧರಿಸಿ ಅರಣ್ಯ ಅಧಿಕಾರಿಗಳು ಅಲ್ಲಿ ದಾಳಿ ಮಾಡಿದರು. ಆಗ, ಅಲ್ಲಿ ನಾಟಾ ಸಾಗಾಟಕ್ಕೆ ಬಳಸಿದ ವಾಹನ ಹಾಗೂ ವಾಹನದ ಮಾಲಕ ಸಿಕ್ಕಿಬಿದ್ದರು. ಅರಣ್ಯಾಧಿಕಾರಿಗಳ ಆಗಮನ ಅರಿತು ಕಿರಣ ನಾಯ್ಕ ಪರಾರಿಯಾದರು. ವಾಹನ ಹಾಗೂ ವಾಹನ ಮಾಲಕನನ್ನು ವಶಕ್ಕೆಪಡೆದ ಅಧಿಕಾರಿಗಳು ಆರೋಪಿ ಕಿರಣ ನಾಯ್ಕ ವಿರುದ್ಧ ಪ್ರಕರಣ ದಾಖಲಿಸಿದರು. ಜೊತೆಗೆ ಶೋಧ ಕಾರ್ಯ ಮುಂದುವರೆಸಿದರು. 3.820ಕ್ಯೂಬಿಕ್ ಮೀಟರ್ ನಾಟಾ ದಾಳಿಯಲ್ಲಿ ಸಿಕ್ಕಿದೆ.
- [ಉತ್ತರ ಕನ್ನಡ: ರಾಷ್ಟ್ರೀಯ ಯೋಜನೆಗೆ ಬಲಿಯಾಗಿದ್ದು 64 ಸಾವಿರ ಹೆಕ್ಟೇರ್ ಅರಣ್ಯ!](https://mobiletime.in/2026/01/uttara-kannada-64-thousand-hectares-of-forest-have-been-lost-to-the-national-project/): ವಿವಿಧ ಯೋಜನೆಗಳಿಗಾಗಿ ಉತ್ತರ ಕನ್ನಡ ಜಿಲ್ಲೆಯ 64 ಸಾವಿರ ಹೆಕ್ಟೇರ್ ಅರಣ್ಯ ಭೂಮಿಯನ್ನು ಸರ್ಕಾರ ಬಳಕೆ ಮಾಡಿಕೊಂಡಿದ್ದು, ಸದ್ಯ ನದಿ ಜೋಡಣೆಗಾಗಿ ಇನ್ನಷ್ಟು ಭೂಮಿ ಕಬಳಿಕೆ ಮಾಡಲು ಮುಂದಾಗಿದೆ. ಆದರೆ, ಅನಾಧಿಕಾಲದಿಂದಲೂ ಇಲ್ಲಿಯೇ ವಾಸವಾಗಿರುವ 80 ಸಾವಿರ ಅತಿಕ್ರಮಣದಾರರಿಗೆ ಮಾತ್ರ ಸರ್ಕಾರ ಅವರವರ ಭೂಮಿಗೆ ಹಕ್ಕು ಪತ್ರ ನೀಡುತ್ತಿಲ್ಲ! ಕಳೆದ 70 ವರ್ಷದ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ 64,365 ಹೇಕ್ಟೇರ್ ಅರಣ್ಯ ಪ್ರದೇಶ ವಿವಿಧ ಯೋಜನೆಗಳಿಗೆ ಬಲಿಯಾಗಿದೆ. ಮಾಹಿತಿಗಳ ಪ್ರಕಾರ ಮುಂಡಗೋಡದಲ್ಲಿ 1600 ಹೆಕ್ಟರ್ ಭೂಮಿಯನ್ನ ಟೀಬೇಟಿಯನ್ ಕಾಲೋನಿಗೆ ನೀಡಲಾಗಿದೆ. ಇದರೊಂದಿಗೆ ಕಾಳಿ ಹೈಡ್ರೋ ಪ್ರೋಜೆಕ್ಟ್’ಗೆ 15205.365 ಹೆಕ್ಟೇರ್, ಶರವಾತಿ ಟೇಲರೆಸ್ 700 ಹೆಕ್ಟೇರ್, ಕೈಗಾ ಅನುಸ್ಥಾವರಕ್ಕೆ 732ಹೆಕ್ಟೇರ್, ನೌಕಾನೆಲೆಗೆ 2259ಹೆಕ್ಟೇರ್, ಕೋಕಣ ರೈಲ್ವೇಗೆ 272.140ಹೆಕ್ಟೇರ್, ಹುಬ್ಬಳ್ಳಿ ಅಂಕೋಲ ರೈಲ್ವೇ ಯೋಜನೆಗೆ ಪರಿಸರ ಸೂಕ್ಷö್ಮ ಪ್ರದೇಶ ಹೊರತಾಗಿ 600ಹೆಕ್ಟೇರ್ ಭೂಮಿ ಕೊಡಲಾಗಿದೆ. ಇದರೊಂದಿಗೆ ನಿಯೋಜಿತ ಶರಾವತಿ ಪಂಪ್ ಸ್ಟೋರೆಜ್ ಯೋಜನೆಗೆ 193.34ಹೆಕ್ಟೇರ್, ಅಂಕೋಲಾ ಹುಬ್ಬಳ್ಳಿ ರಸ್ತೆ ಅಗಲೀಕರಕ್ಕೆ 49.431ಹೆಕ್ಟೇರ್, ಕಾಳಿ ಮತ್ತು ಕೈಗಾ ಪುನರ್ ವಸತಿ ಯೋಜನೆಗೆ 316.410ಹೆಕ್ಟೇರ್, ಕೈಗಾ 400 ಕೆಪಿಡಿಸಿ ಪರ್ಯಾಯ ವಿದ್ಯುತ್ ಪ್ರಸರಣಾ ಮಾರ್ಗ ನಿರ್ಮಾಣಕ್ಕೆ 330ಹೆಕ್ಟೇರ್, ನೌಕಾನೆಲೆ ಎರಡನೇ ಹಂತದ ವಿಸ್ತೀರ್ಣಕ್ಕೆ ಅಂದಾಜು 5684ಹೆಕ್ಟೇರ್, ಸಿವಿಲ್ ಏಪ್ ಪೋಟ್, ಬೇಡ್ತಿ ಎತ ನೀರಾವರಿ ಮುಂತಾದ ರಾಷ್ಟಿçÃಯ ಯೋಜನೆ ಮತ್ತು ಮೂಲ ಸೌಕರ್ಯಕ್ಕಾಗಿ ಸುಮಾರು 64365ಹೆಕ್ಟೇರ್ ಅರಣ್ಯ ಭೂಮಿಯ ಬಳಕೆ ನಡೆದಿದೆ. ವಿವಿಧ ಯೋಜನೆಗಳಿಗಾಗಿ ಇಷ್ಟು ಪ್ರಮಾಣದಲ್ಲಿ ಅರಣ್ಯ ಭೂಮಿ ಬಳಕೆಯಾಗಿರುವಾಗ ಜಿಲ್ಲೆಯ 80 ಸಾವಿರ ಅರಣ್ಯವಾಸಿ ಕುಟುಂಬಗಳಿಗೆ 19 ಸಾವಿರ ಹೆಕ್ಟೇರ್ ಭೂಮಿ ಮಂಜೂರಿ ನೀಡಲು ಸಮಸ್ಯೆ ಏನು? ಎಂಬ ಪ್ರಶ್ನೆ ಉದ್ಬವಿಸಿದೆ. 1973ರ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಶೇ 72.26ರಷ್ಟು ಅರಣ್ಯ ಪ್ರಮಾಣವಿದ್ದು, ಸರ್ಕಾರದ ತಪ್ಪು ನೀತಿಯಿಂದಾಗಿ 2013ರಲ್ಲಿ ಶೇ 59.70ರಷ್ಟು ಮಾತ್ರ ಅರಣ್ಯ ಉಳಿದಿದೆ. ಹೀಗಾಗಿ `ಯೋಜನೆಗಳಿಗೆ ಭೂಮಿ ಕೊಟ್ಟಿದ್ದು ಸಾಕು. ಇನ್ಮುಂದೆ ಜೀವನಕ್ಕಾಗಿ ಭೂಮಿ ಕೊಡಿ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಆಗ್ರಹಿಸಿದ್ದಾರೆ. ರಾಷ್ಟಿçÃಯ ಯೋಜನೆಗಳಿಗೆ ದಾರಾಳವಾಗಿ ಅರಣ್ಯ ಭೂಮಿ ನೀಡುವ ಸರ್ಕಾರ ಜೀವನಕ್ಕಾಗಿ ಭೂÄ ನೀಡದಿರುವುದು ಸರಿಯಲ್ಲ. ಪರಿಸರ ವಿರೋಧ ಯೋಜನೆಗೆ ಜನರು ಪ್ರತಿಭಟಿಸಿದರೂ ಅರಣ್ಯ ಭೂಮಿ ನೀಡುವುದು ಖಂಡನಾರ್ಹ’ ಎಂದವರು ಹೇಳಿದ್ದಾರೆ.
- [ಶಿಕ್ಷಣಾಧಿಕಾರಿಗೆ ಸನ್ಮಾನ-ಸ್ವಾಗತ](https://mobiletime.in/2026/01/honorary-welcome-to-the-education-officer/): ಯಲ್ಲಾಪುರ ಕ್ಷೇತ್ರ ಶಿಕ್ಷಣಾಧಿಕಾರಿಯಾಗಿ ಅಧಿಕಾರವಹಿಸಿಕೊಂಡಿರುವ ರೇಖಾ ನಾಯ್ಕ ಅವರನ್ನು ಅನುದಾನಿತ ಶಿಕ್ಷಕರ ಸಂಘದ ಸದಸ್ಯರು ಸನ್ಮಾನಿಸಿ, ಸ್ವಾಗತಿಸಿದ್ದಾರೆ. ಶಿಕ್ಷಕರ ಸಮಸ್ಯೆಗೆ ಸ್ಪಂದಿಸುವoತೆ ಮನವಿಯನ್ನು ಮಾಡಿದ್ದಾರೆ. ವೈ ಟಿ ಎಸ್ ಎಸ್ ಆವರಣದಲ್ಲಿ ನಡೆದ ಸಮಾರಂಭದಲ್ಲಿ ಅನುದಾನಿತ ಶಿಕ್ಷಕರ ಸಂಘದವರು ಶಿಕ್ಷಣಾಧಿಕಾರಿ ರೇಖಾ ನಾಯ್ಕ ಅವರನ್ನು ಭೇಟಿ ಮಾಡಿದರು. ಸರ್ಕಾರದ ಕಾರ್ಯಕ್ರಮಗಳ ಯಶಸ್ಸಿಗೆ ಶಿಕ್ಷಕರು ಶ್ರಮಿಸುತ್ತಿರುವ ವಿಧಾನಗಳ ಬಗ್ಗೆ ವಿವರಿಸಿದರು. 60 ಶಿಕ್ಷಕರು ಸೇರಿ ಶಿಕ್ಷಣಾಧಿಕಾರಿಗಳನ್ನು ಗೌರವಿಸಿದರು. `ಯಲ್ಲಾಪುರದ ಅಭಿವೃದ್ಧಿಗೆ ಅನುದಾನಿತ ಶಾಲೆಗಳ ಕೊಡುಗೆ ಅಪಾರವಾಗಿದೆ. ಶಿಸ್ತು ಬದ್ಧ ಸಂಘಟನೆಗೆ ಅನುದಾನಿತ ಶಿಕ್ಷಕರು ಮಾದರಿಯಾಗಿದ್ದು, ಪರೀಕ್ಷಾ ಫಲಿತಾಂಶ ಹೆಚ್ಚಳದಲ್ಲಿಯೂ ಶಿಕ್ಷಕರು ಕೊಡುಗೆ ನೀಡುತ್ತಿದ್ದಾರೆ’ ಎಂದು ಶಿಕ್ಷಣಾಧಿಕಾರಿ ರೇಖಾ ನಾಯ್ಕ ಅವರು ಹೇಳಿದರು. `ವಿದ್ಯಾರ್ಥಿಗಳಲ್ಲಿ ಸ್ಪರ್ಧಾತ್ಮಕ ಶಿಕ್ಷಣ ನೀಡಲು ವಿವಿಧ ಕಾರ್ಯಕ್ರಮ ಆಯೋಜಿಸಲಾಗುತ್ತದೆ. ಅನುದಾನಿತ ಶಿಕ್ಷಕರ ಸಮಸ್ಯೆಗಳಿಗೂ ಶಿಕ್ಷಣ ಇಲಾಖೆ ಸ್ಪಂದಿಸಲಿದೆ’ ಎಂಬ ಭರವಸೆ ನೀಡಿದರು. `ವಿಜ್ಞಾನ, ಸಾಂಸ್ಕೃತಿಕ, ಪ್ರತಿಭಾ ಕಾರಂಜಿ, ಕ್ರೀಡೆಯಂಥ ವಿವಿಧ ಕಾರ್ಯಕ್ರಮಗಳಲ್ಲಿ ಅನುದಾನಿತ ಶಾಲೆಗಳ ಶಿಕ್ಷಕರ ಹಾಗೂ ಸಂಸ್ಥೆಗಳ ಪಾತ್ರ ಬಹಳ ಮಹತ್ವದ್ದಾಗಿದೆ’ ಎಂದು ದೈಹಿಕ ಶಿಕ್ಷಣ ಪರಿವೀಕ್ಷಕ ಪ್ರಕಾಶ ತಾರೀಕೋಪ್ಪ ಅವರು ಹೇಳಿದರು.  
- [10 ಲಕ್ಷದ ಸಾಲ.. 17 ಲಕ್ಷ ಪರಿಹಾರ.. 20 ಸಾವಿರ ರೂ ದಂಡ!](https://mobiletime.in/2026/01/loan-of-10-lakhs-compensation-of-17-lakhs-fine-of-20-thousand-rupees/): ಕಷ್ಟ ಕಾಲದಲ್ಲಿ ಸಾಲಪಡೆದು ನಂತರ ಅದನ್ನು ತೀರಿಸದೇ ವಂಚಿಸಲು ಪ್ರಯತ್ನಿಸಿದ ಕಮಲಾಕರ ಭಂಡಾರಿ ಅವರಿಗೆ ಶಿರಸಿ ನ್ಯಾಯಾಲಯ ದಂಡ ವಿಧಿಸಿದೆ. 10 ಲಕ್ಷ ರೂ ಸಾಲ ಮಾಡಿದ್ದ ವ್ಯಕ್ತಿಗೆ 17 ಲಕ್ಷ ರೂ ಪರಿಹಾರದ ಜೊತೆ 20 ಸಾವಿರ ರೂ ದಂಡ ಪಾವತಿ ಮಾಡುವಂತೆ ನ್ಯಾಯಾಲಯ ಆದೇಶಿಸಿದೆ. ಕಮಲಾಕರ್ ನರಸಿಂಹ ಭಂಡಾರಿ ಎಂಬಾತರು 2019ರಲ್ಲಿ ಶಿರಸಿ ನಗರದ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದಲ್ಲಿ ಸಾಲ ಮಾಡಿದ್ದರು. ಕಷ್ಟ ಎಂದು ಬಂದ ವ್ಯಕ್ತಿಯ ಮೇಲೆ ಕರುಣೆ ತೋರಿದ ಬ್ಯಾಂಕ್ ಅಧಿಕಾರಿಗಳು ಅವರ ಅಗತ್ಯಕ್ಕೆ ಅನುಗುಣವಾಗಿ ಸಾಲ ನೀಡಿದ್ದರು. 10 ಲಕ್ಷ ರೂ ಸಾಲಪಡೆದಿದ್ದ ಕಮಲಾಕರ ಭಂಡಾರಿ ಅವರು ಕಂತು ಪಾವತಿ ಮಾಡಿರಲಿಲ್ಲ. ಪಡೆದ ಸಾಲ ತೀರಿಸುವುದನ್ನು ಸಹ ಅವರು ಮರೆತಿದ್ದರು. ಸೊಸೈಟಿ ಸಿಬ್ಬಂದಿ ಸಾಲ ವಸೂಲಾತಿಗೆ ಹೋದಾಗ ಬಡ್ಡಿ ಸೇರಿ 13.27 ಲಕ್ಷ ರೂ ಮೌಲ್ಯದ ಚೆಕ್ ನೀಡಿದ್ದರು. ಆದರೆ, ಬ್ಯಾಂಕಿಗೆ ಹಾಕಿದ ಆ ಚೆಕ್ ಸಹ ಅಮಾನ್ಯವಾಗಿತ್ತು. ಸಾಕಷ್ಟು ಬಾರಿ ಕೇಳಿದರೂ ಕಮಲಾಕರ ಭಂಡಾರಿ ಸಾಲ ಮರು ಪಾವತಿಗೆ ಪ್ರಯತ್ನಿಸಿರಲಿಲ್ಲ. ಹೀಗಾಗಿ ಸಹಕಾರಿ ಸಂಘದವರು ಅನಿವಾರ್ಯವಾಗಿ ಕಾನೂನು ಹೋರಾಟ ಶುರು ಮಾಡಿದರು. ಚೆಕ್ ಬೌನ್ಸ್ ಆಧಾರದಲ್ಲಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ಕಮಲಾಕರ ಭಂಡಾರಿ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು. ಶಿರಸಿ 1ನೇ ಹೆಚ್ಚುವರಿ ಜೆ ಎಂ ಎಫ್ ಸಿ ನ್ಯಾಯಾಲಯದಲ್ಲಿ ಚೆಕ್ ಬೌನ್ಸ ದಾವೆ ಪ್ರಕರಣ ವಿಚಾರಣೆ ನಡೆಯಿತು. `ಕಷ್ಟ ಕಾಲದಲ್ಲಿ ಸಾಲ ನೀಡುವ ಸಹಕಾರಿ ಸಂಘಕ್ಕೆ ವಂಚನೆ ಮಾಡುವುದು ಸರಿಯಲ್ಲ. ಸಹಕಾರಿ ಸಂಘದ ಏಳಿಗೆಗೆ ಸಾಲಗಾರರು ಕಂತು ಪಾವತಿ ಮಾಡುವುದು ಅತಿ ಮುಖ್ಯವಾಗಿದ್ದು, ಚೆಕ್ ಬೌನ್ಸ್ ಆರೋಪಿಗೆ ಶಿಕ್ಷೆ ವಿಧಿಸಬೇಕು’ ಎಂದು ವಕೀಲ ಪ್ರಶಾಂತ್ ವಿ ನಾಯ್ಕ ವಾದ ಮಂಡಿಸಿದರು. ಈ ವಾದ ಆಲಿಸಿದ ನ್ಯಾಯಾಧೀಶ ಅಲ್ತಾಫ್ ಹುಸೇನಸಾಬ್ ಖನಗಾಂವಿ ಅವರು ಕಮಲಾಕರ ಭಂಡಾರಿ ಅವರಿಗೆ ದಂಡ ವಿಧಿಸಿದರು. `ಸಾಲಪಡೆದು ವಂಚಿಸಲು ಪ್ರಯತ್ನಿಸಿದ ಕಮಲಾಕರ ಭಂಡಾರಿ ಅವರು ಸಾಲ ನೀಡಿದ ಸಂಘಕ್ಕೆ ಪರಿಹಾರವಾಗಿ ಕಮಲಾಕರ ಭಂಡಾರಿ ಅವರು 17 ಲಕ್ಷ ರೂ ಪಾವತಿಸಬೇಕು. 20 ಸಾವಿರ ರೂಪಾಯಿಯನ್ನು ಸರ್ಕಾರಕ್ಕೆ ದಂಡವಾಗಿ ಪಾವತಿಸಬೇಕು. ಇದನ್ನು ತಪ್ಪಿದರೆ 6 ತಿಂಗಳು ಕಾರಾಗೃಹವಾಸ ಅನುಭವಿಸಬೇಕು’ ಎಂದು ಆದೇಶಿಸಿದರು.
- [ಶಿರಸಿಗೆ ಹೋಗಿದ್ದ ಯಲ್ಲಾಪುರದ ಯುವಕ: ಸಾವು!](https://mobiletime.in/2026/01/a-young-man-from-yellapur-who-had-gone-to-sirsi-death/): ಶಿರಸಿಯಲ್ಲಿ ನಡೆದ ಅಪಘಾತದಲ್ಲಿ ಯಲ್ಲಾಪುರದ ಯುವಕನೊಬ್ಬ ಸಾವನಪ್ಪಿದ್ದು, ಮತ್ತೊಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಶಿರಸಿ-ಕುಮಟಾ ರಸ್ತೆಯಲ್ಲಿ ಮಂಗಳವಾರ ರಾತ್ರಿ ಈ ಅವಘಡ ನಡೆದಿದೆ. ಶಿರಸಿ ತಾಲೂಕಿನ ಹಾರುಗಾರ ಸೇತುವೆ ಬಳಿ ಬೈಕ್ ಪಲ್ಟಿಯಾಗಿದೆ. ಪರಿಣಾಮ ಬೈಕಿನಲ್ಲಿ ಸಂಚರಿಸುತ್ತಿದ್ದ ವ್ಯಕ್ತಿಯೊಬ್ಬರು ಅಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಜೊತೆಗಿದ್ದ ಮತ್ತೊಬ್ಬ ಪ್ರಯಾಣಿಕರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಯಲ್ಲಾಪುರದ ಕಣ್ಣಿಗೇರಿ ಬಳಿಯ ಅಂತಿಗೇರಿಯಲ್ಲಿ ಸಂಕೇತ ನೀಲಕಂಠ ದೇಸಾಯಿ (25) ಅವರು ವಾಸವಾಗಿದ್ದರು. ಕಟ್ಟಡ ಕಾರ್ಮಿಕರಾಗಿದ್ದ ಅವರು ಗೌಂಡಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಜನವರಿ 13ರ ಸಂಜೆ ಶಿರಸಿಗೆ ಹೋಗಿದ್ದರು. ಅಲ್ಲಿಂದ ಕುಮಟಾ ಮಾರ್ಗವಾಗಿ ಅವರು ಬೈಕ್ ಓಡಿಸುತ್ತಿದ್ದರು. ಆ ಬೈಕಿನಲ್ಲಿ ಯಲ್ಲಾಪುರದ ಬಿಜನಕೊಪ್ಪದ ನಾಗರಾಜ ಹರಿಶ್ಚಂದ್ರ ಪಾಟೀಲ ಅವರು ಹಿಂದೆ ಕೂತಿದ್ದರು. ಹಾರುಗಾರ ಸೇತುವೆ ಬಳಿ ಬೈಕಿನ ವೇಗ ಹೆಚ್ಚಾಯಿತು. ಆ ಬಯಕು ಸಂಕೇತ ದೇಸಾಯಿ ಅವರ ನಿಯಂತ್ರಣ ತಪ್ಪಿತು. ಪರಿಣಾಮ ಬೈಕ್ ರಸ್ತೆ ಮೇಲೆ ಬಿದ್ದಿದ್ದು, ಆ ರಭಸಕ್ಕೆ ಸಂಕೇತ ದೇಸಾಯಿ ಅವರ ತಲೆ ಒಡೆಯಿತು. ಹಿಂಬದಿ ಸವಾರರಾಗಿದ್ದ ನಾಗರಾಜ ಪಾಟೀಲ ಅವರ ತಲೆ, ಸೊಂಟ, ಕಾಲುಗಳಿಗೂ ಪೆಟ್ಟಾಯಿತು. ಈ ಅಪಘಾತದಲ್ಲಿ ಸಂಕೇತ ದೇಸಾಯಿ ಅವರು ಅಲ್ಲಿಯೇ ಸಾವನಪ್ಪಿದರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ನಾಗರಾಜ ಪಾಟೀಲ್ ಅವರು ಶಿರಸಿ ಸರ್ಕಾರಿ ಆಸ್ಪತ್ರೆಗೆ ದಾಖಲಾದರು. `ನಿಧಾನವಾಗಿ ಬೈಕ್ ಓಡಿಸಿ.. ಸುರಕ್ಷಿತ ಪ್ರಯಾಣಕ್ಕೆ ಹೆಲ್ಮೇಟ್ ಧರಿಸಿ’
- [ಅಧ್ಯಕ್ಷನಿಂದಲೇ ಅಕ್ರಮ: ಅರೆಸ್ಟ್!](https://mobiletime.in/2026/01/illegality-from-the-president-himself-arrest/): ಜೊಯಿಡಾದ ಶಿಗ್ಗರಗಾಂವ್ ಗ್ರಾಮ ಪಂಚಾಯತ ಅಧ್ಯಕ್ಷ ಶ್ಯಾಮ್ ಮಂಡೋಸ್ ಅವರು ಅಕ್ರಮ ಮರಳುಗಾರಿಕೆ ನಡೆಸುತ್ತಿದ್ದಾರೆ. ಅವರ ಮರಳು ಲಾರಿಯನ್ನು ಅರಣ್ಯಾಧಿಕಾರಿಗಳು ತಡೆದಿದ್ದಾರೆ. ಜೊತೆಗೆ ಶ್ಯಾಮ್ ಮಂಡೋಸ್ ಅವರನ್ನು ಬಂಧಿಸಿದ್ದಾರೆ. ಜೊಯಿಡಾದ ಅಮಸೇತ್ ಗ್ರಾಮದ ಶ್ಯಾಮ್ ಜೋನ್ ಮಂಡೋಸ್ ಅವರು ಜೊಯಿಡಾದ ಶಿಗ್ಗರಗಾಂವ್ ಗ್ರಾಮ ಪಂಚಾಯತ ಅಧ್ಯಕ್ಷರಾಗಿದ್ದಾರೆ. ಅವರು ತಮ್ಮ ಲಾರಿ ಮೂಲಕ ಅಕ್ರಮ ನಡೆಸಿದ್ದು, ಮರಳುಗಾರಿಕೆ ನಡೆಸುವಾಗ ಸಿಕ್ಕಿ ಬಿದ್ದಿದ್ದಾರೆ. ಜೊಯಿಡಾದ ಬರ್ಚಿಯಲ್ಲಿ ಅರಣ್ಯಾಧಿಕಾರಿಗಳು ಕಾರ್ಯಾಚರಣೆ ಮಾಡಿದ್ದಾರೆ. ದಾಂಡೇಲಿ ಮಾರ್ಗವಾಗಿ ಮರಳು ಸಾಗಾಟವಾಗುತ್ತಿರುವುದನ್ನು ತಡೆದಿದ್ದಾರೆ. ಅಮಸೇತ್ ಗ್ರಾಮದಿಂದ ದಾಂಡೇಲಿ ಕಡೆ ಮರಳು ಸಾಗಾಟ ಮಾಡುವಾಗಲೇ ಅರಣ್ಯಾಧಿಕಾರಿಗಳು ದಾಳಿ ಮಾಡಿದ್ದಾರೆ. ಲಾರಿಯನ್ನು ವಶಕ್ಕೆಪಡೆದ ಅಧಿಕಾರಿಗಳು ದಾಖಲೆಗಳ ಪರಿಶೀಲನೆ ಮಾಡಿದ್ದಾರೆ. ನಿಸರ್ಗಕ್ಕೆ ಹಾನಿ ಆಗುವ ರೀತಿ ಮರಳು ತೆಗೆದು ಸಾಗಾಟ ಮಾಡಿದ ಕಾರಣ ಜೋನ್ ಮಂಡೋಸ್ ವಿರುದ್ಧ ಕ್ರಮ ಜರುಗಿಸಿದ್ದಾರೆ. ಜಾನ್ ಮಂಡೋಸ್ ಅವರನ್ನು ಅರಣ್ಯಾಧಿಕಾರಿಗಳು ದಾಂಡೇಲಿ ಪೊಲೀಸರಿಗೆ ಒಪ್ಪಿಸಿದ್ದಾರೆ.
- [ವಿದ್ಯುತ್ ಸ್ಪರ್ಶ: ದುಡಿಯಲು ಬಂದಿದ್ದ ಕಾರ್ಮಿಕನ ಕೊನೆಯುಸಿರು!](https://mobiletime.in/2026/01/electric-shock-worker-dies-after-coming-to-work/): ಶಿರಸಿಯ ಬಂಡಲ್-ಕಸಗೆ ರಸ್ತೆ ನಿರ್ಮಾಣದ ವೇಳೆ ವ್ಯಕ್ತಿಯೊಬ್ಬರ ಸಾವಾಗಿದೆ. ಹೊಸದಾಗಿ ನಿರ್ಮಿಸಿದ ರಸ್ತೆಗೆ ಅಡಿಕೆ ಸಿಪ್ಪೆ ಸುರಿಯುತ್ತಿದ್ದ ಅಜಿತಕುಮಾರ ಪಲ್ಲಿಗಟ್ಟಿ ವಿದ್ಯುತ್ ಸ್ಪರ್ಶಕ್ಕೆ ಒಳಗಾಗಿ ಕೊನೆಯುಸಿರೆಳೆದಿದ್ದಾರೆ. ಆಂದ್ರ ಪ್ರದೇಶದ ಅಜಿತಕುಮಾರ ಪಲ್ಲಿಗಟ್ಟಿ (27) ಅವರು ಶಿರಸಿ ಬಂಡಲದಲ್ಲಿ ವಾಸವಾಗಿದ್ದರು. ಅಲ್ಲಿನ ರಸ್ತೆ ನಿರ್ಮಾಣ ಕೆಲಸಕ್ಕಾಗಿ ಅವರು ದುಡಿಯುತ್ತಿದ್ದರು. ಜನವರಿ 11ರಂದು ಹೊಸದಾಗಿ ನಿರ್ಮಿಸಿದ ರಸ್ತೆಗೆ ಅವರು ಅಡಿಕೆ ಸಿಪ್ಪೆ ಹೊಯ್ಯುತ್ತಿದ್ದರು. ಟಿಪ್ಪರಿನಲ್ಲಿ ಅಡಿಕೆ ಸಿಪ್ಪೆ ತಂದ ಅಜಿತಕುಮಾರ ಪಲ್ಲಿಗಟ್ಟಿ ಅವರು ಟಿಪ್ಪರ ಹಿಂಭಾಗ ಕಬ್ಬಿಣದ ಹಿಡಿಕೆ ಹಿಡಿದು ಅದನ್ನು ರಸ್ತೆ ಮೇಲೆ ಚಲ್ಲುತ್ತಿದ್ದರು. ಆ ರಸ್ತೆ ಮೇಲ್ಬಾಗ ವಿದ್ಯುತ್ ಲೈನ್ ಹಾದು ಹೋಗಿದ್ದು, ಅದನ್ನು ಅಜಿತಕುಮಾರ ಪಲ್ಲಿಗಟ್ಟಿ ಅವರು ಗಮನಿಸಲಿಲ್ಲ. ಅಲ್ಲಿ ವಿದ್ಯುತ್ ತಂತಿಯಿರುವುದು ಟಿಪ್ಪರ್ ಚಾಲಕನ ಅರಿವಿಗೂ ಬರಲಿಲ್ಲ. ಟಿಪ್ಪರ್ ಮುಂದೆ ಸಾಗುತ್ತಲೇ ಅದರ ಹಿಂದಿನ ಭಾಗವನ್ನು ಮೇಲೆತ್ತುವಾಗ ಟಿಪ್ಪರಿಗೆ ವಿದ್ಯುತ್ ತಂತಿ ಸ್ಪರ್ಶಿಸಿತು. ಪರಿಣಾಮ ಅಜಿತಕುಮಾರ ಪಲ್ಲಿಗಟ್ಟಿ ಅಲ್ಲಿಯೇ ಕೊನೆಯುಸಿರೆಳೆದರು.
- [ಹೆಜ್ಜೇನು ದಾಳಿ: ಕೊನೆಯುಸಿರೆಳೆದ ಕೃಷಿಕ!](https://mobiletime.in/2026/01/honey-bee-attack-farmer-dies/): ಹೊನ್ನಾವರದ ಜನತಾ ವಿದ್ಯಾಲಯ ಹಿಂದಿನ ಕಾಡಿನಲ್ಲಿ ಜೇನು ಗೂಡು ಕಟ್ಟಿದ್ದು, ಅಲ್ಲಿದ್ದ ದುಂಬಿಗಳ ಆಕ್ರಮಣಕ್ಕೆ ಮಂಜುನಾಥ ಅಂಬಿಗ ಅವರು ಸಾವನಪ್ಪಿದ್ದಾರೆ. ಹೊನ್ನಾವರ ಅನಿಲಗೋಡದ ಹೊಳೆ ಬದಿಕೇರಿಯಲ್ಲಿ ಮಂಜುನಾಥ ಗಣಪ ಅಂಬಿಗ (53) ಅವರು ವಾಸವಾಗಿದ್ದರು. ಕೃಷಿ ಕೆಲಸ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದರು. ಜನವರಿ 13ರ ಬೆಳಗ್ಗೆ ಮಂಜುನಾಥ ಅಂಬಿಗ ಅವರು ಕೃಷಿ ಕೆಲಸಕ್ಕಾಗಿ ಬೇರಂಕಿ ಗ್ರಾಮಕ್ಕೆ ಹೊರಟಿದ್ದರು. ಆ ವೇಳೆಯಲ್ಲಿ ಅನಿಲಗೋಡಿನ ಜನತಾ ವಿದ್ಯಾಲಯ ಬಳಿಯ ಹೆಜೇನು ನೊಣಗಳು ಅವರ ಮೇಲೆ ದಾಳಿ ನಡೆಸಿದವು. ಅರಣ್ಯ ಪ್ರದೇಶದ ಮಣ್ಣಿನ ರಸ್ತೆಯಲ್ಲಿ ಸಾಗುತ್ತದ್ದ ಮಂಜುನಾಥ ಅಂಬಿಗ ಅವರಿಗೆ ಜೇನು ನೊಣಗಳಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಒಮ್ಮೆಗೆ ಮುತ್ತಿಗೆ ಹಾಕಿದ ದುಂಬಿಗಳು ಅವರ ತಲೆ, ಮೈ-ಕೈಗೆ ಕಚ್ಚಿ ಗಾಯಗೊಳಿಸಿದವು. ಇದರಿಂದ ಮಂಜುನಾಥ ಅಂಬಿಗ ಅವರು ಅಸ್ವಸ್ಥರಾಗಿದ್ದು, ಅವರನ್ನು ಆಸ್ಪತ್ರೆಗೆ ಸೇರಿಸಲಾಯಿತು. ಆದರೆ, ಮಂಜುನಾಥ ಅಂಬಿಗ ಅವರ ಆರೋಗ್ಯದಲ್ಲಿ ಚೇತರಿಕೆ ಕಾಣಲಿಲ್ಲ. 10.45ರ ಅವಧಿಗೆ ಅವರು ಕೊನೆಯುಸಿರೆಳೆದಿದ್ದು, ವೈದ್ಯರು ಸಾವನ್ನು ದೃಢಪಡಿಸಿದರು. ಮಂಜುನಾಥ ಅಂಬಿಗ ಅವರ ಜೊತೆ ಕೆಲಸಕ್ಕೆ ಹೋಗಿದ್ದ ಜನಾರ್ಧನ ಲಕ್ಷö್ಮಣ ನಾಯ್ಕ ಅವರು ಪ್ರಾಣ ಉಳಿಸಿಕೊಂಡಿದ್ದು, ಅವರೇ ಈ ಬಗ್ಗೆ ಮಾಹಿತಿ ನೀಡಿದರು.
- [ಮರ ಹತ್ತಿದ ಯುವಕನಿಗೆ ವಿದ್ಯುತ್ ಸ್ಪರ್ಶ: ಸಾವು](https://mobiletime.in/2026/01/young-man-dies-after-being-electrocuted-while-climbing-a-tree/): ಅಂಕೋಲಾದ ಮಂಜುನಾಥ ನಾಯ್ಕ ಅವರ ಮನೆ ಬಳಿ ತೆಂಗಿನ ಮರ ಏರಿದ್ದ ರಾಜು ಗೌಡ ಅವರಿಗೆ ವಿದ್ಯುತ್ ತಂತಿ ತಗುಲಿದೆ. ಪರಿಣಾಮ ಅವರು ಮರದಿಂದ ಬಿದ್ದು ಸಾವನಪ್ಪಿದ್ದಾರೆ. ಅಂಕೋಲಾದ ಹೊಸಗದ್ದೆಯಲ್ಲಿ ರಾಜು ಖೇಮು ಗೌಡ (32) ಅವರು ಸೆಂಟ್ರಿAಗ್ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದರು. ಬಿಡುವಿನ ವೇಳೆ ಅವರು ತೆಂಗಿನ ಕಾಯಿ ಕೊಯ್ಯುವ ಕೆಲಸಕ್ಕೂ ಹೋಗುತ್ತಿದ್ದರು. ಜನವರಿ 12ರಂದು ಅವರು ಹೊಸಗದ್ದೆ ಗ್ರಾಮದಲ್ಲಿರುವ ಮಂಜುನಾಥ ಮಾದೇವ ನಾಯ್ಕ ಅವರ ಮನೆ ಬಳಿ ಹೋಗಿದ್ದರು. ಅಲ್ಲಿದ್ದ ತೆಂಗಿನ ಮರ ಏರಿ ಕಾಯಿ ಕೊಯ್ದಿದ್ದ ರಾಜು ಗೌಡ ಅವರು ತೆಂಗಿನ ಗರಿಗಳನ್ನು ಸ್ವಚ್ಛ ಮಾಡುತ್ತಿದ್ದರು. ಈ ವೇಳೆ ಆ ತೆಂಗಿನ ಹೆಡೆಗೆ ವಿದ್ಯುತ್ ತಂತಿ ತಗುಲಿತು. ಹಸಿ ಹೆಡೆಯ ಮೂಲಕ ಆ ವಿದ್ಯುತ್ ರಾಜು ಗೌಡ ಅವರನ್ನು ಸ್ಪರ್ಶಿಸಿತು. ಗಟ್ಟಿಯಾಗಿ ಮರ ಹಿಡಿದುಕೊಂಡಿದ್ದ ರಾಜು ಗೌಡ ಅವರು ವಿದ್ಯುತ್ ಆಘಾತಕ್ಕೆ ಕೈ ಸಡಿಲಗೊಳಿಸಿದರು. ಕೆಳಗಿದ್ದ ಹೂವಿನ ಗಿಡಗಳ ಮೇಲೆ ಅವರು ಬಿದ್ದು ಪೆಟ್ಟು ಮಾಡಿಕೊಂಡರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ರಾಜು ಗೌಡ ಅವರನ್ನು ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ, ಅಷ್ಟರೊಳಗೆ ರಾಜು ಗೌಡ ಅವರು ಕೊನೆಯುಸಿರೆಳೆದಿದ್ದರು. ಅಂಕೋಲಾ ಆಸ್ಪತ್ರೆಗೆ ಭೇಟಿ ನೀಡಿದ್ದ ಪೊಲೀಸ್ ಸಿಬ್ಬಂದಿ ಸುಧಾಕರ ನಾಯ್ಕ ಅವರಿಗೆ ರಾಜು ಗೌಡ ಅವರ ಸಹೋದರ ಸಂದೀಪ ಗೌಡ ಅವರು ಈ ವಿಷಯ ವಿವರಿಸಿದರು. ಸುಧಾಕರ ನಾಯ್ಕ ಅವರು ಪಿಸೈ ಗುರುನಾಥ ಹಾದಿಮನಿ ಅವರಿಗೆ ತಿಳಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗೋವಾದಿಂದ ಹುಬ್ಬಳ್ಳಿಗೆ ಹೊರಟ ಸರಾಯಿ: ತಡೆ!](https://mobiletime.in/2026/01/sarai-leaving-goa-for-hubballi-stop/): ಕಡಿಮೆ ಬೆಲೆಗೆ ಸರಾಯಿ ಖರೀದಿಸಿ ಅದನ್ನು ದುಬಾರಿ ಬೆಲೆಗೆ ಮಾರಲು ಯತ್ನಿಸಿದ್ದ ನಾರಾಯಣ ದಲಬಂಜನ್ ಅವರ ಯೋಜನೆ ಉಲ್ಟಾ ಆಗಿದೆ. ಗೋವಾದಿಂದ ಹುಬ್ಬಳ್ಳಿಗೆ ಸರಾಯಿ ಸಾಗಿಸುತ್ತಿದ್ದ ವೇಳೆ ನಾರಾಯಣ ದಲಬಂಜನ್ ಅವರು ಸಿಕ್ಕಿಬಿದ್ದಿದ್ದಾರೆ. ಹುಬ್ಬಳ್ಳಿಯ ಗೋಕುಲ ರಸ್ತೆ ಸಮೀಪದ ನೆಹರು ನಗರದಲ್ಲಿ ನಾರಾಯಣ ದಲಬಂಜನ್ ಅವರು ವಾಸವಾಗಿದ್ದಾರೆ. ಜನವರಿ 12ರಂದು ಸ್ಕಾರ್ಪಿಯೋದಲ್ಲಿ ಗೋವಾಗೆ ಹೋಗಿದ್ದ ಅವರು ಅಲ್ಲಿ ಬಗೆ ಬಗೆಯ ಮದ್ಯದ ಬಾಟಲಿಗಳನ್ನು ಖರೀದಿಸಿದ್ದಾರೆ. 1.26 ಲಕ್ಷ ರೂ ಮೌಲ್ಯದ ಸರಾಯಿ ಖರೀದಿಸಿದ ಅವರು ಆ ಸರಾಯಿಯನ್ನು ಹುಬ್ಬಳ್ಳಿಯಲ್ಲಿ ದುಪ್ಪಟ್ಟು ಬೆಲೆಗೆ ಮಾರಾಟ ಮಾಡಲು ನಿರ್ಧರಿಸಿದ್ದಾರೆ. ತಮ್ಮ ವಾಹನದ ತುಂಬ ಸರಾಯಿ ಬಾಟಲಿ ಹಾಕಿಕೊಂಡು ಅವರು ಅದೇ ದಿನ ರಾತ್ರಿ ಗೋವಾ ಗಡಿ ದಾಟಿದ್ದಾರೆ. ಖಚಿತ ಮಾಹಿತಿ ಆಧಾರದಲ್ಲಿ ಕಾಯುತ್ತಿದ್ದ ಪೊಲೀಸರು ಮೂಡಗೇರಿಯಿಂದ ಸದಾಶಿವಗಡ ಚಿಂಚೆವಾಡ ಬರುವ ಮಾರ್ಗದಲ್ಲಿ ಬರುತ್ತಿದ್ದ ಸ್ಕಾರ್ಪಿಯೋಗೆ ಅಡ್ಡಲಾಗಿ ಕೈ ಮಾಡಿದ್ದಾರೆ. ಇಲ್ಲಿನ ಹಳೆ ಐಸ್ ಪಾಕ್ಟರಿ ಹತ್ತಿರ ಆ ವಾಹನವನ್ನು ನಿಲ್ಲಿಸಿದ್ದಾರೆ. ಪಿಸೈ ಪರಶುರಾಮ ಮಿರ್ಜಗಿ ವಾಹನ ತಪಾಸಣೆ ನಡೆಸಿದಾಗ ಅವರಿಗೆ ಬಂದ ಮಾಹಿತಿಯಂತೆ ಅಲ್ಲಿ ಸರಾಯಿ ಬಾಟಲಿಗಳು ಕಾಣಿಸಿವೆ. ಗೋವಾದಲ್ಲಿ ಮಾತ್ರ ಮಾರಾಟಕ್ಕೆ ಸಿಗುವ ಸರಾಯಿ ಬಾಟಲಿಯನ್ನು ಅಕ್ರಮವಾಗಿ ಕರ್ನಾಟಕಕ್ಕೆ ತಂದ ಕಾರಣ ಅದೆಲ್ಲವನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಭಾರೀ ಪ್ರಮಾಣದಲ್ಲಿ ಕಾರ್ಯಾಚರಣೆ ನಡೆಸಿದ ಪೊಲೀಸರ ಕಾರ್ಯವನ್ನು ಎಸ್ಪಿ ದೀಪನ್ ಎಂ ಎನ್, ಹೆಚ್ಚುವರಿ ಎಸ್ಪಿ ಕೃಷ್ಣಮೂರ್ತಿ ಜಿ, ಜಗದೀಶ ಎಂ, ಡಿವೈಎಸ್ಪಿ ಗಿರೀಶ ಎಸ್ ವಿ ಹಾಗೂ ಕದ್ರಾ ಸಿಪಿಐ ಪ್ರಭಾಕರ ಧರ್ಮಟ್ಟಿ ಶ್ಲಾಘಿಸಿದ್ದಾರೆ. ಎಸೈ ಸಂತೋಷ ನಾಯ್ಕ, ಗೌಥಮ ರೊಡ್ಡನ್ನನವರ್, ವಿನಯ ಕಾಣಕೋಣಕರ್, ಬಸಪ್ಪಾ ಕಿತ್ತೂರ, ಅಭಿಜಿತ್ ಆರ್ ಎಲ್ ಹಾಗೂ ಪ್ರದೀಪ ಈ ಕಾರ್ಯಾಚರಣೆ ನಡೆಸಿದವರಾಗಿದ್ದಾರೆ.
- [SBI: ಬ್ಯಾಂಕ್ ಖಾತೆ ಹಣವೂ ಸೇಫ್ ಅಲ್ಲ!](https://mobiletime.in/2026/01/sbi-even-bank-account-money-is-not-safe/): ಗ್ರಾಮ ಪಂಚಾಯತ ಕಾರ್ಯದರ್ಶಿ ಬ್ಯಾಂಕ್ ಖಾತೆಯಲ್ಲಿ ಲಕ್ಷಾಂತರ ರೂ ದುಡ್ಡಿರುವುದನ್ನು ಅರಿತ ಕಳ್ಳರು ಆ ಖಾತೆಗೆ ಕನ್ನ ಹಾಕಿದ್ದಾರೆ. ಭಟ್ಕಳದಲ್ಲಿ ಸರ್ಕಾರಿ ನೌಕರರಾಗಿರುವ ಮಂಜುನಾಥ ಶೆಟ್ಟಿಮನೆ ಅವರು ಬ್ಯಾಂಕ್ ಖಾತೆಯಲ್ಲಿದ್ದ 8 ಲಕ್ಷ ರೂ ಹಣ ಕಳೆದುಕೊಂಡಿದ್ದಾರೆ! ಭಟ್ಕಳದ ಮುರುಡೇಶ್ವರ ಬಳಿಯ ಬೇಂಗ್ರೇ ಮಾವಿನತೋಳದ ಮಂಜುನಾಥ ಶೆಟ್ಟಿಮನೆ ಅವರು ಗ್ರಾಮ ಪಂಚಾಯತದಲ್ಲಿ ಕಾರ್ಯದರ್ಶಿಯಾಗಿದ್ದಾರೆ. ಎಸ್‌ಬಿಐ ಬ್ಯಾಂಕಿನಲ್ಲಿ ಅವರು ಖಾತೆ ಹೊಂದಿದ್ದಾರೆ. 2025ರ ಡಿಸೆಂಬರ್ 24ರಂದು ಅವರ ಬ್ಯಾಂಕ್ ಖಾತೆಯನ್ನು ಸೈಬರ್ ಕಳ್ಳರು ಹ್ಯಾಕ್ ಮಾಡಿದ್ದಾರೆ. ಮೊದಲ ಸಲ 900ರೂಪಾಯಿಗಳಂತೆ ಎರಡು ಬಾರಿ ಹಣ ಕದ್ದಿದ್ದಾರೆ. 2700ರೂ ಹಣ ಕಡಿತವಾದ ಬಗ್ಗೆ ಅರಿತ ಮಂಜುನಾಥ ಶೆಟ್ಟಿಮನೆ ತಮ್ಮ ಬ್ಯಾಂಕ್ ಖಾತೆಯನ್ನು ನಿಷ್ಕ್ರಿಯಗೊಳಿಸಿದ್ದಾರೆ. ಡಿಸೆಂಬರ್ 26ರಂದು ನಿಷ್ಕ್ರಿಯಗೊಳಿಸಿದ್ದ ಬ್ಯಾಂಕ್ ಖಾತೆಯನ್ನು ಮತ್ತೆ ಚಾಲು ಸ್ಥಿತಿಗೆ ತಂದಿದ್ದಾರೆ. ಅದೇ ದಿನ ಸಂಜೆ ಅವರ ಅದೇ ಬ್ಯಾಂಕ್ ಖಾತೆಯಿಂದ 1.94 ಲಕ್ಷ ರೂ ಮಾಯವಾಗಿದೆ. ಅದಾದ ಕೆಲ ಸಮಯದ ನಂತರ ಮತ್ತೆ 1.95 ಲಕ್ಷ ರೂ ಕಡತವಾಗಿದೆ. ಮೂರನೇ ಬಾರಿ ಮತ್ತೆ 68 ಸಾವಿರ ರೂ ಕಳ್ಳತನವಾಗಿದೆ. ಆ ದಿನ ಒಟ್ಟು 457000ರೂ ನಾಪತ್ತೆ ಆಗಿದ್ದರಿಂದ ಮಂಜುನಾಥ ಶೆಟ್ಟಿಮನೆ ಅವರು ಆತಂಕಕ್ಕೆ ಒಳಗಾಗಿದ್ದಾರೆ. ಅದಾದ ನಂತರ ಅವರ ಬ್ಯಾಂಕ್ ಖಾತೆಗೆ 8 ಲಕ್ಷ ರೂ ಜಮಾ ಆಗಿದ್ದು, ಆ ವೇಳೆಯಲ್ಲಿಯೂ ಕಳ್ಳರು ಕ್ರಮವಾಗಿ 185000ರೂ ಹಾಗೂ 158000ರೂ ಎಗರಿಸಿದ್ದಾರೆ. ಇದರಿಂದ ಮಂಜುನಾಥ ಶೆಟ್ಟಿಮನೆ ಅವರಿಗೆ ಒಟ್ಟಾರೆಯಾಗಿ 802,700ರೂ ನಷ್ಟವಾಗಿದೆ. ದುಷ್ಕರ್ಮಿಗಳು ಕಂಪ್ಯುಟರ್ ಸಾಧನ ಬಳಸಿ ಮಂಜುನಾಥ ಶೆಟ್ಟಿಮನೆ ಅವರ ಹಾಗೇ ಕಂಪ್ಯುಟರ್ ಮುಂದೆ ನಟಿಸಿ ಹಣ ದೋಚಿದ್ದಾರೆ. ಮಂಜುನಾಥ ಶೆಟ್ಟಿಮನೆ ಅವರ ಎಲೆಕ್ಟಾçನಿಕ್ ಸಹಿ ದುರುಪಯೋಗಪಡಿಸಿ ಹಣ ಕೊಳ್ಳೆಹೊಡೆದ ಅನುಮಾನಗಳಿವೆ.
- [ಬದುಕಿತು ಬಡ ಜೀವ!](https://mobiletime.in/2026/01/poor-life-lived/): ಗೋಕರ್ಣ ಸಮುದ್ರಕ್ಕೆ ಹಾರಿ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದ ಇಬ್ಬರನ್ನು ಅಲ್ಲಿನ ಜೀವ ರಕ್ಷಕ ಸಿಬ್ಬಂದಿ ಕಾಪಾಡಿದ್ದಾರೆ. ಸಮುದ್ರವನ್ನೇ ನೋಡದ ಗುಲ್ಬರ್ಗಾ ಹಾಗೂ ಬೀದರಿನ ಪ್ರವಾಸಿಗರಿಬ್ಬರು ಆಳ-ಅಗಲ ಅರಿಯದೇ ನೀರಿಗೆ ಹಾರಿದ್ದು, ಜೀವ ರಕ್ಷಕ ಸಿಬ್ಬಂದಿಯ ಸಮಯ ಪ್ರಜ್ಞೆಯಿಂದ ಅವರು ಬದುಕುಳಿದಿದ್ದಾರೆ. ಗುಲ್ಬರ್ಗಾದ ಸಂಗಮೇಶ್ ರಾಜಪ್ಪ ಪಾಟೀಲ್ (23) ಹಾಗೂ ಬೀದರಿನ ಜಯಪ್ರಕಾಶ್ (23) ಎಂಬಾತರು ಬೆಂಗಳೂರಿನ ಖಾಸಗಿ ಕಂಪನಿ ಉದ್ಯೋಗಿಗಳಾಗಿದ್ದಾರೆ. 10 ಸ್ನೇಹಿತರ ಜೊತೆ ಅವರು ಮಂಗಳವಾರ ಗೋಕರ್ಣಕ್ಕೆ ಬಂದಿದ್ದು, ನೀರು ಕಂಡ ತಕ್ಷಣ ಸಮುದ್ರಕ್ಕೆ ಹಾರಿದ್ದಾರೆ. ಈಜು ಬಾರದಿದ್ದರೂ ಈಜುವ ಸಾಹಸ ಮಾಡಿದ್ದು, ಅದು ವಿಫಲವಾಗಿದೆ. ಹೀಗಾಗಿ ಆಳ ಸಮುದ್ರದ ಕಡೆ ಹೋದ ಅವರು ನೀರಿನಲ್ಲಿ ಮುಳುಗಿದ್ದಾರೆ. ಕಡಲತೀರದಿಂದಲೇ ಇದನ್ನು ನೋಡಿದ ರೋಷನ್ ಖಾರ್ವಿ, ಶಿವಪ್ರಸಾದ ಅಂಬಿಗ ಅವರು ಕಾರ್ಯಾಚರಣೆ ನಡೆಸಿದ್ದಾರೆ. ಮೋಹನ ಅಂಬಿಗ, ಲೊಕೇಶ ಹರಿಕಂತ್ರ, ರವಿ ನಾಯ್ಕ್, ಶೇಖರ್ ಹರಿಕಂತ್ರ, ಗಜೇಂದ್ರ ಗೌಡ ಕೂಡಲೇ ಸಮುದ್ರಕ್ಕೆ ಹಾರಿದ್ದಾರೆ. ಸಮುದ್ರದಲ್ಲಿ ಮುಳುಗುತ್ತಿದ್ದ ಇಬ್ಬರ ಜುಟ್ಟು ಹಿಡಿದು ದಡಕ್ಕೆ ತಂದಿದ್ದಾರೆ. ಬೀಚ್ ವಾಟರ್ ಸ್ಪೋರ್ಟ್ಸ್ ಸಿಬ್ಬಂದಿ ಜಗ್ಗು ಹರಿಕಂತ್ರ, ಮಹೇಶ್ ಹರಿಕಂತ್ರ, ಕಮಲಾಕರ ಹೊಸಕಟ್ಟ, ಸಚಿನ್ ಹರಿಕಂತ್ರ, ಮಹಾಬಲೇಶ್ವರ ಹರಿಕಾಂತ್ರ ಜೊತೆ ಗೃಹರಕ್ಷಕ ಸಿಬ್ಬಂದಿ ಗಜಾನನ್ ನಾಗೇಕರ್ ಸಹ ಅವರಿಬ್ಬರ ಜೀವ ಉಳಿಸುವಲ್ಲಿ ಶ್ರಮಿಸಿದ್ದಾರೆ.
- [ಆ ಆಹಾರ ಸೇವಿಸಲೇ ಬೇಡಿ!](https://mobiletime.in/2026/01/dont-eat-that-food/): `ರೆಡಿಮೇಡ್ ಹಾಗೂ ಜಂಕ್ ಫುಡ್ ಬಳಕೆಯಿಂದ ಸಹಜವಾಗಿ ರೋಗ ನಿರೋಧಕ ಶಕ್ತಿ ಕ್ಷೀಣಿಸಲಿದೆ. ಹೀಗಾಗಿ ಪ್ರತಿಯೊಬ್ಬರು ದಿನನಿತ್ಯ ಸಾವಯವ ಸಿರಿ ಧಾನ್ಯ ಆಹಾರವನ್ನು ಮಾತ್ರ ಬಳಸಬೇಕು’ ಎಂದು ಶಿರಸಿ-ಸಿದ್ದಾಪುರ ಕ್ಷೇತ್ರ ಶಾಸಕ ಭೀಮಣ್ಣ ನಾಯ್ಕ ಅವರು ಮನವಿ ಮಾಡಿದ್ದಾರೆ. `ಸಾವಯವ ಆಹಾರಗಳಿಂದ ಮಾತ್ರ ಸುಸ್ಥಿರ ಆರೋಗ್ಯ ಹೊಂದಲು ಸಾಧ್ಯ’ ಎಂದವರು ಪ್ರತಿಪಾದಿಸಿದ್ದಾರೆ. `ಬದಲಾಗುತ್ತಿರುವ ಆಧುನಿಕ ಜೀವನ ಶೈಲಿಯಲ್ಲಿ ರೆಡಿಮೇಡ್ ಹಾಗೂ ಜಂಕ್ ಫುಡ್‌ಗಳ ಬಳಕೆ ಹೆಚ್ಚಾಗುತಿರುವುದು ಕಳವಳಕಾರಿ. ಅಂಥ ಆಹಾರ ಬಳಸುವುದರಿಂದ ಮಾನವನ ಸಾಮರ್ಥ್ಯ ಕುಸಿಯುವುದರಿಂದ ದೇಶದ ಅಭಿವೃದ್ಧಿಯಲ್ಲಿ ಸಮರ್ಪಕ ಮಾನವ ಸಂಪನ್ಮೂಲದ ಬಳಕೆಗೆ ತಡೆ ಉಂಟಾಗುತ್ತದೆ’ ಎಂದವರು ಹೇಳಿದ್ದಾರೆ. `ಸಾವಯವ ಸಿರಿ ಧಾನ್ಯ ಆಹಾರ ಎಲ್ಲರಿಗೂ ಕ್ಷೇಮ. ಆರೋಗ್ಯಕ್ಕೂ ಸಹಕಾರಿ. ಹೀಗಾಗಿ ಎಲ್ಲರೂ ಸಾವಯವ ಸಿರಿ ಧಾನ್ಯಗಳ ಬಳಕೆ ಹೆಚ್ಚು ಮಾಡಬೇಕು’ ಎಂದವರು ಕರೆ ನೀಡಿದ್ದಾರೆ. ಉತ್ತರ ಕನ್ನಡ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಕೃಷಿ ಇಲಾಖೆ ಹಾಗೂ ಸಂಘ-ಸAಸ್ಥೆಗಳ ಸಹಯೋಗದಲ್ಲಿ ಅಂತರರಾಷ್ಟಿಯ ಸಿರಿಧಾನ್ಯ ಮತ್ತು ಸಾವಯವ ವಾಣಿಜ್ಯ ಮೇಳಕ್ಕೆ ಭೀಮಣ್ಣ ನಾಯ್ಕ ಅವರು ಚಾಲನೆ ನೀಡಿದ್ದು, ಅದಾದ ನಂತರ ತಮ್ಮ ಸಂದೇಶ ರವಾನಿಸಿದರು. ಸಾವಯವ ಸಿರಿಧಾನ್ಯ ವಾಕಥಾನ್ ಜಾಥಾದಲ್ಲಿ ಭಾಗವಹಿಸಿದ ಜಂಟಿ ಕೃಷಿ ನಿರ್ದೇಶಕ ಶಿವಪ್ರಸಾದ ಗಾಂವಕರ್ ಅವರು ಸಾವಯವ ಹಾಗೂ ಸಿರಿಧಾನ್ಯಗಳ ಕುರಿತಾದ ಮಹತ್ವವನ್ನು ವಿವರಿಸಿದರು. ಈ ವಾಕಥಾನ್ ಜಾಥಾದಲ್ಲಿ ತೋಟಗಾರಿಕಾ ಇಲಾಖೆ ಜಂಟಿ ನಿರ್ದೇಶಕರಾದ ಬಿ.ಪಿ. ಸತೀಶ್, ಉತ್ತರ ಕನ್ನಡ ಜಿಲ್ಲಾ ಸಾವಯವ ಕೃಷಿ ಒಕ್ಕೂಟದ ಅಧ್ಯಕ್ಷ ವಿಶ್ವೇಶ್ವರ ಭಟ್, ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ, ಅರಣ್ಯ ಮಹಾವಿದ್ಯಾಲಯದ ಡೀನ್ ಆರ್ ವಾಸುದೇವ, ಕೃಷಿ ವಿಜ್ಞಾನ ಕೇಂದ್ರದ ಮುಖ್ಯಸ್ಥೆ ರೂಪಾ ಪಾಟೀಲ್, ತೋಟಗಾರಿಕಾ ಮಹಾವಿದ್ಯಾಲಯದ ಎಮ್ ಹೆಚ್ ತಟಗಾರ, ಶಿರಸಿ ತಾಲೂಕಾ ಪಂಚಾಯತ್‌ನ ಕಾರ್ಯನಿರ್ವಾಹಕ ಅಧಿಕಾರಿ ಚನ್ನಬಸಪ್ಪ ಹಾವಣಗಿ ಇತರರಿದ್ದರು. ದಿನೇಶ ಹೆಗಡೆ ಅವರು ಕಾರ್ಯಕ್ರಮಕ್ಕೆ ಸಾಕಷ್ಟು ಸಿದ್ಧತೆ ಮಾಡಿದ್ದರು. ಶಿರಸಿ ಮಾರಿಕಾಂಬಾ ದೇವಸ್ಥಾನ, ಶಿವಾಜಿ ವೃತ್ತ, ಪೋಸ್ಟ್ ಆಫೀಸ್ ಸರ್ಕಲ್, ಸಿ ಪಿ ಬಝಾರ್, ಝೂ ಸರ್ಕಲ್ ಮೂಲಕ ರಾಘವೇಂದ್ರ ಮಠದವರೆಗೆ ಜಾಗೃತಿ ಜಾಥಾ ಸಂಚರಿಸಿತು. ವಾಕ್‌ಥಾನ್ ಉದ್ದಕ್ಕೂ ಸಾವಯವ, ಸಿರಿಧಾನ್ಯಗಳ ಬಗ್ಗೆ ಘೋಷಣೆಗಳನ್ನು ಕೂಗುತ್ತಾ, ಕರಪತ್ರಗಳನ್ನು ಹಂಚುತ್ತಾ ಅರಿವು ಮೂಡಿಸಲಾಯಿತು. ವಾಕಥಾನ್‌ನ ಆರಂಭದಲ್ಲಿ ಕೃಷಿ ನಿರ್ದೇಶಕ ಪಾಂಡು ಕೆ ಹೆಚ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಹಾಯಕ ಕೃಷಿ ನಿರ್ದೇಶಕ ಮಧುಕರ ನಾಯ್ಕ ಕಾರ್ಯಕ್ರಮವನ್ನು ನಿರ್ವಹಿಸಿದರು.
- [ಮಾಹಿತಿ ನೀಡದ ಪೊಲೀಸ್ ಅಧಿಕಾರಿ!](https://mobiletime.in/2026/01/a-police-officer-who-did-not-provide-information/): ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ದಾಖಲಾದ ಪ್ರಕರಣಗಳ ವಿವರ ಕೋರಿ ಸಾಮಾಜಿಕ ಕಾರ್ಯಕರ್ತ ಆಗ್ನೇಲ್ ರೋಡ್ರಿಗ್ರಸ್ ಅರ್ಜಿ ಸಲ್ಲಿಸಿದ್ದಾರೆ. ಆದರೆ, ಪೊಲೀಸರು ಆ ಮಾಹಿತಿ ನೀಡಿಲ್ಲ. ಅರ್ಜಿ ಸಲ್ಲಿಸಿ 63 ದಿನ ಕಳೆದರೂ ಮಾಹಿತಿ ನೀಡಿದ ಅಧಿಕಾರಿಗಳ ವಿರುದ್ಧ ಅರ್ಜಿದಾರರು ಅಸಮಧಾನವ್ಯಕ್ತಪಡಿಸಿದ್ದಾರೆ. 2025ರ ಜುಲೈ, ಅಗಸ್ಟ, ಸೆಪ್ಟೆಂಬರ್ ಹಾಗೂ ಅಕ್ಟೊಬರ್ ಅವಧಿಯಲ್ಲಿನ ಮಾಹಿತಿಗಾಗಿ ಆಗ್ನೇಲ್ ರೋಡ್ರಿಗಸ್ ಅರ್ಜಿ ಸಲ್ಲಿಸಿದ್ದಾರೆ. ಕಳ್ಳತನ ಪ್ರಕರಣಗಳ ಮಾಹಿತಿ ಅಗತ್ಯವಿರುವ ಕಾರಣ ಅವರು ಈ ಅರ್ಜಿ ಸಲ್ಲಿಸಿದ್ದಾರೆ. ಸಮಯಕ್ಕೆ ಸರಿಯಾಗಿ ಮಾಹಿತಿ ಸಿಗದ ಕಾರಣ ಪ್ರಥಮ ಮೇಲ್ಮನವಿ ಸಲ್ಲಿಸಿದ್ದಾರೆ. ಆದರೆ, ಪ್ರಥಮ ಮೇಲ್ಮನವಿ ಸಲ್ಲಿಸಿದ ನಂತರವೂ ಅವರಿಗೆ ಅಗತ್ಯ ದಾಖಲೆ ಸಿಕ್ಕಿಲ್ಲ. ಹೀಗಾಗಿ ಕಾನೂನು ಹೋರಾಟ ಮುಂದುವರೆಸುವುದಾಗಿ ಅವರು ಹೇಳಿದ್ದಾರೆ. `ನಿಯಮಗಳ ಪ್ರಕಾರ 30 ದಿನದಲ್ಲಿ ದಾಖಲೆ ಒದಗಿಸಬೇಕು. ಆದರೆ, ಆ ನಿಯಮ ಪಾಲನೆ ಆಗುತ್ತಿಲ್ಲ. ಈ ಬಗ್ಗೆ ಪ್ರಶ್ನಿಸಲು ಠಾನೆಗೆ ಹೋದರೂ ಅಧಿಕಾರಿಗಳು ಸಿಕ್ಕಿಲ್ಲ’ ಎಂದವರು ದೂರಿದ್ದಾರೆ. `ಮಾಹಿತಿ ನೀಡದ ಅಧಿಕಾರಿಗಳಿಗೆ ದಂಡ ವಿಧಿಸುವ ಬಗ್ಗೆ ಕಾನೂನು ಹೇಳಿದ್ದು, ಈ ಬಗ್ಗೆ ದೂರು ಸಲ್ಲಿಸಲಾಗುತ್ತದೆ ಎಂದವರು ಮಾಹಿತಿ ನೀಡಿದ್ದಾರೆ.
- [ವಕೀಲನ ಕೊಂದವನಿಗೆ ಜೀವನವಿಡೀ ಜೈಲು!](https://mobiletime.in/2026/01/life-imprisonment-for-the-lawyers-killer/): ನ್ಯಾಯವಾದಿ ಅಜೀತ ನಾಯ್ಕರನ್ನು ನಡುರಸ್ತೆಯಲ್ಲಿ ಕೊಲೆ ಮಾಡಿದ ಪಾಂಡುರoಗ ಕಾಂಬ್ಳೆಗೆ ಜೀವನಪೂರ್ತಿ ಜೈಲುವಾಸ ಅನುಭವಿಸುವಂತೆ ನ್ಯಾಯಾಲಯ ಆದೇಶಿಸಿದೆ. 2018ರಲ್ಲಿ ಅಜೀತ ನಾಯ್ಕ ಅವರ ಕೊಲೆ ನಡೆದಿತ್ತು. ವಾದ ಆಲಿಸಿದ ನ್ಯಾಯಾಲಯ ಪಾಂಡುರoಗ ಕಾಂಬ್ಳೆ ಕೊಲೆ ಮಾಡಿದನ್ನು ದೃಢಪಡಿಸಿತ್ತು. `ಕಕ್ಷಿದಾರರ ಪರ ವಾದ ಮಂಡಿಸಿದ ಕಾರಣ ವಕೀಲರನ್ನು ಕೊಲೆ ಮಾಡುವ ಹಂತಕ್ಕೆ ತಲುಪಿದ ಅಪರಾಧಿಗೆ ಗಲ್ಲು ಶಿಕ್ಷೆ ನೀಡಬೇಕು’ ಎಂದು ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ವಾದಿಸಿದ್ದರು. ಅಪರಾಧಿಗೆ ಮರಣ ದಂಡನೆ ಅಥವಾ ಜೀವಾವಧಿ ಶಿಕ್ಷೆ ನೀಡುವ ವಿಷಯವಾಗಿ ತೀರ್ಪು ನೀಡಲು ನ್ಯಾಯಾಧೀಶ ಕಿರಣ ಕಿಣಿ ಅವರು ಜನವರಿ 13ಕ್ಕೆ ದಿನಾಂಕ ನಿಗದಿ ಮಾಡಿದ್ದರು. ಅದರ ಪ್ರಕಾರ, ಈ ದಿನ ನ್ಯಾಯಾಧೀಶ ಕಿರಣ ಕಿಣಿ ಅವರು ಶಿಕ್ಷೆಯ ಪ್ರಮಾಣ ಪ್ರಕಟಿಸಿದರು. ದಾಂಡೇಲಿಯ ವಕೀಲ ಅಜೀತ ನಾಯ್ಕ ಅವರನ್ನು ಪಾಂಡುರoಗ ಕಾಂಬಳೆ ಅವರು ಕೊಚ್ಚಿ ಕೊಲೆ ಮಾಡಿದ್ದು ಸಾಭೀತಾದ್ದು, `ಮಾಡಿದ ತಪ್ಪಿಗೆ ಪಾಂಡುರoಗ ಕಾಂಬಳೆ ಜೀವನ ಪೂರ್ತಿ ಜೈಲು ಶಿಕ್ಷೆ ಅನುಭವಿಸಬೇಕು’ ಎಂದು ತೀರ್ಪು ಪ್ರಕಟಿಸಿದರು. ಇದರೊಂದಿಗೆ 25 ಸಾವಿರ ರೂ ದಂಡ ವಿಧಿಸಿದ್ದು, ಸಂತ್ರಸ್ತ ಕುಟುಂಬಕ್ಕೆ 50 ಸಾವಿರ ರೂ ಪರಿಹಾರ ನೀಡಬೇಕು ಎಂದು ಆದೇಶಿಸಿದರು. ಪ್ರಕರಣದ ಹಿನ್ನಲೆ: 2018ರ ಜುಲೈ 27ರಂದು ದಾಂಡೇಲಿ ಅಯ್ಯಂಗಾರ್ ಬೇಕರಿ ಎದುರು ವಕೀಲ ಅಜೀತ ನಾಯ್ಕ ಅವರ ಬರ್ಬರ ಹತ್ಯೆಯಾಗಿತ್ತು. ಪಟೇಲ್ ಸರ್ಕಲ್ ಬದಿಯಿಂದ ದಾಂಡೇಲ್ ಬಸ್ ನಿಲ್ದಾಣ ಬಳಿ ಬರುವ ರಸ್ತೆಯಲ್ಲಿ ಅಜೀತ ನಾಯ್ಕ ಅವರ ಮೇಲೆ ದಾಳಿ ನಡೆದಿತ್ತು. ಭೂ ವಿವಾದದ ಪ್ರಕರಣವೊಂದರಲ್ಲಿ ಅಜೀತ ನಾಯ್ಕ ಅವರು ವಕಾಲತ್ತುವಹಿಸಿದನ್ನು ಪಾಂಡುರoಗ ಕಾಂಬಳೆ ಸಹಿಸಿರಲಿಲ್ಲ. ಹೀಗಾಗಿ ವಿನಾಯಕ ಕರ್ನಿಂಗ್, ಈ ಎಲ್ ಮಂಜುನಾಥ, ನಜೀರ ಅಹ್ಮದ್ ಲಾಲುಸಾಬ್ ಜಮಾಲಿ ಹಾಗೂ ಈಶ್ವರ ಶೆಟ್ಟಿಯಾರ್ ಎಂಬಾತರ ಜೊತೆ ಸೇರಿ ವಕೀಲ ಅಜಿತ ನಾಯ್ಕ ಅವರನ್ನು ಕೊಲೆ ಮಾಡಲು ಪಾಂಡುರoಗ ಕಾಂಬಳೆ ನಿರ್ಧರಿಸಿದ್ದರು. ಆ ದಿನ ನೀಲಿ ಬಣ್ಣದ ಜರ್ಕೀನ್ ಧರಿಸಿ ಅದರೊಳಗೆ ಆಯುಧ ಅಡಗಿಸಿಟ್ಟುಕೊಂಡಿದ್ದ ಪಾಂಡುರoಗ ಕಾಂಬಳೆ, ಅಜಿತ ನಾಯ್ಕ ಅವರು ತಮ್ಮ ಕಚೇರಿಯಿಂದ ಹೊರ ಬರುವುದನ್ನು ಕಾಯುತ್ತಿದ್ದರು. ರಮೇಶ ನಾಯ್ಕ ಹಾಗೂ ಹನುಮಂತ ಕುಂಬಾರ ಅವರ ಜೊತೆ ದಾಂಡೇಲಿ ನಗರದ ಸಂಡೆ ಮಾರ್ಕೇಟ್ ಬಳಿ ಕಚೇರಿಯಿಂದ ಅಜಿತ್ ನಾಯ್ಕ ಅವರು ಹೊರ ಬರುತ್ತಿರುವಾಗಲೇ ಅವರ ಮೇಲೆ ದಾಳಿ ನಡೆಸಿದ್ದರು. ಅಜೀತ್ ನಾಯ್ಕ ಕೊಲೆ ನಂತರ ಜರ್ಕೀನ್ ಅನ್ನು ಹಾಳಾದ ಕಾರಿನ ಅಡಿ ಹುದುಗಿಸಿ, ಮೀನು ಮಾರುಕಟ್ಟೆ ಬಳಿಯಿದ್ದ ಬೈಕಿನಲ್ಲಿ ಆರೋಪಿ ಪರಾರಿ ಆಗಿದ್ದರು. ಹತ್ಯೆ ನಂತರವೂ ಆರೋಪಿತರು ಜೈಲಿನಲ್ಲಿಯೇ ಕುಳಿತು ಕಾಳಿ ನದಿ ದಂಡೆ ಮೇಲಿರುವ ಜಮೀನನ್ನು ಪ್ರವಾಸೋಧ್ಯಮಿಯೊಬ್ಬರಿಗೆ ಮಾರಾಟಕ್ಕೆ ಯತ್ನಿಸಿದ್ದರು. ಈ ಪ್ರಕರಣದ ಬಗ್ಗೆ ಆಗಿನ ಪಿಐ ಎ ಎ ಮುಜಾವರ್ ತನಿಖೆ ನಡೆಸಿದ್ದರು. ಪಿ ಸಿ ಮಂಜುನಾಥ ಎಚ್ ಶೆಟ್ಟಿ ಸಹಾಯಕ ತನಿಖಾಧಿಕಾರಿಯಾಗಿ ಕೆಲಸ ಮಾಡಿದರು. ನಂತರ ಅವರು ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದು, ಈ ಪ್ರಕರಣ ಸಿಐಡಿ ತನಿಖೆಯವರೆಗೂ ಹೋಗಿತ್ತು. ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಪ್ರಕರಣದ ವಾದ ಶುರು ಮಾಡಿದರು. ಕೊಲೆ ಕುರಿತಾಗಿ ನಡೆಸಿದ ಸಂಚು, ಈ ಹಿಂದೆಯೂ ಆರೋಪಿತರು ವಕೀಲರ ಜೊತೆ ನಡೆಸಿದ ವಾಗ್ವಾದ, ಕೊಲೆಗೆ ಇದ್ದ ಕಾರಣದ ಬಗ್ಗೆ ರಾಜೇಶ ಮಳಗಿಕರ್ ಅವರು ನ್ಯಾಯಾಲಯಕ್ಕೆ ವಿವರಿಸಿದರು. ಆದರೆ, ಅಜೀತ ನಾಯ್ಕ ಅವರ ಕೊಲೆ ಪ್ರಕರಣದಲ್ಲಿ ಸಾಕ್ಷಿ ಹೇಳಲು ಸಾಕ್ಷಿದಾರರು ಹಿಂದೇಟು ಹಾಕಿದ್ದರು. ಕೊಲೆ ಆಗಿರುವುದನ್ನು ಕಣ್ಣಾರೆ ಕಂಡವರಿದ್ದರೂ ಅವರು ನ್ಯಾಯಾಲಯದ ಮುಂದೆ ಬರಲಿಲ್ಲ. ಅದಾಗಿಯೂ, ವಕೀಲರ ಮೇಲೆ ನಡೆದ ದಾಳಿಯನ್ನು ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಸವಾಲಾಗಿ ಸ್ವೀಕರಿಸಿದ್ದು, ಸಾಂದರ್ಭಿಕ ಸಾಕ್ಷಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. `ವಕೀಲರ ಮೇಲೆ ದಾಳಿ ಮಾಡಿ ಅವರ ಕೊಲೆಗೆ ಕಾರಣರಾದ ಆರೋಪಿಗೆ ಮರಣ ದಂಡನೆ ಶಿಕ್ಷೆ ವಿಧಿಸಬೇಕು’ ಎಂದು ರಾಜೇಶ ಮಳಗಿಕರ್ ಅವರು ನ್ಯಾಯಾಲಯಕ್ಕೆ ಮನವಿ ಮಾಡಿದರು. ಈ ವಾದ ಆಲಿಸಿದ ನ್ಯಾಯಾಲಯ ಪ್ರಮುಖ ಆರೋಪಿ ಪಾಂಡುರoಗ ಮಾರುತಿ ಕಾಂಬಳೆ ವಿರುದ್ಧ ಆರೋಪ ಸಾಬೀತಾಗಿದೆ ಎಂದು ಘೋಷಿಸಿತು. ಶಿಕ್ಷೆಯ ಪ್ರಮಾಣವನ್ನು ಜನವರಿ 13ರಂದು ಪ್ರಕಟಿಸಲು ನಿರ್ಧರಿಸಿದ್ದು, ಈ ದಿನ ಶಿಕ್ಷೆ ಪ್ರಮಾಣ ಪ್ರಕಟಿಸಿತು. ಉಳಿದ ನಾಲ್ವರು ಆರೋಪಿಗಳನ್ನು ಸಾಕ್ಷಿ ಕೊರತೆಯಿಂದ ನ್ಯಾಯಾಲಯ ಖುಲಾಸೆಗೊಳಿದೆ. ಅದಾಗಿಯೂ, ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು `ಈ ಪ್ರಕರಣದಲ್ಲಿ ಉಳಿದ ನಾಲ್ವರು ಆರೋಪಿತರಿಗೂ ಶಿಕ್ಷೆ ಆಗಬೇಕಿತ್ತು. ಈ ಬಗ್ಗೆ ಸರ್ಕಾರಕ್ಕೆ ಮೇಲ್ಮನವಿ ಸಲ್ಲಿಸುವದಕ್ಕೆ ಪತ್ರ ಬರೆಯಲಾಗುತ್ತದೆ’ ಎಂದು ಹೇಳಿದ್ದಾರೆ.
- [ಕೊಡುಗೈ ದಾನಿಗೆ ಸಿಕ್ಕಿತು ಸನ್ಮಾನ-ಪುರಸ್ಕಾರ!](https://mobiletime.in/2026/01/the-generous-donor-received-an-honor-and-award/): ಕನ್ನಡ ಮಾಧ್ಯಮ ಶಾಲೆಯಲ್ಲಿ ಓದಿ ಉನ್ನತ ಹುದ್ದೆಯಲ್ಲಿ ಕಾರ್ಯನಿರ್ವಹಿಸಿದಲ್ಲದೇ ಗುಡ್ಡಗಾಡು ಮಕ್ಕಳ ಶೈಕ್ಷಣಿಕ ಸೇವೆ ಮಾಡುತ್ತಿರುವ ಕಾರವಾರದ ದಿನಕರ ಸಾಳುಂಕೆ ಅವರಿಗೆ `ಆದಿ ಲೋಕೋತ್ಸವ ಪ್ರಶಸ್ತಿ’ ದೊರೆತಿದೆ. ಕಾರವಾರದ ಅಸ್ನೋಟಿಯ ಕೊಳಗೆ ಗ್ರಾಮದವರಾದ ದಿನಕರ ಸಾಳುಂಕೆ ಅವರು ತಮ್ಮ ಬಾಲ್ಯವನ್ನು ದಾಂಡೇಲಿಯಲ್ಲಿ ಕಳೆದಿದ್ದರು. ಅಲ್ಲಿನ ಜನತಾ ವಿದ್ಯಾಲಯದಲ್ಲಿ ಓದಿದ ಅವರು ಗುಡ್ಡಗಾಡು ಮಕ್ಕಳ ಕಷ್ಟವನ್ನು ಹತ್ತಿರದಿಂದ ನೋಡಿದ್ದರು. ಸಾಮಾನ್ಯ ಕುಟುಂಬದಲ್ಲಿ ಜನಿಸಿದ ಅವರು ತಮ್ಮ ಪ್ರತಿಭೆ ಹಾಗೂ ಶ್ರಮದ ಫಲವಾಗಿ ಡಿಪ್ಲೋಮಾ ಸಿವಿಲ್ ಪೂರೈಸಿದರು. ಕಾರವಾರ ಬಂದರುವಿನಲ್ಲಿ ಕೆಲಸ ಶುರು ಮಾಡಿದ ಅವರಿಗೆ ಮಹಾರಾಷ್ಟ ಸರ್ಕಾರ ಉದ್ಯೋಗ ನೀಡಿತು. ಮೂರು ವರ್ಷದ ಸರ್ಕಾರಿ ಸೇವೆ ನಂತರ ಇಂಜಿನಿಯರ್ ಹುದ್ದೆ ತ್ಯಜಿಸಿದ ಅವರು ಸ್ವಂತ ಕಂಪನಿ ಕಟ್ಟಿದರು. ಪ್ರೀಮಿಯರ್ ಹಾಸ್ಪಿಟಾಲಿಟಿಸ್ & ಡೇವಲಪರ್ಸ ಇಂಡಿಯಾ ಪೈ ಲಿ ಹಾಗೂ ಪ್ರೀಮಿಯರ್ ಲೈಫ್ ಸ್ಟೈಲ್ ಬಿಲ್ಡರ್ಸ ಮೂಲಕ ಅವರು ಸಾಕಷ್ಟು ಕೆಲಸ ಮಾಡಿದ್ದಾರೆ. ಕರ್ನಾಟಕ, ಗೋವಾ ಹಾಗೂ ಮಹಾರಾಷ್ಟದಲ್ಲಿ ಜಲ ವಿದ್ಯುತ್, ರಸ್ತೆ ಸೇರಿ ಅನೇಕ ಬಗೆಯ ಕಾಮಗಾರಿಗಳ ಗುತ್ತಿಗೆ ಕಾರ್ಯ ನಿರ್ವಹಿಸಿದ್ದಾರೆ. ಈ ಎಲ್ಲದರ ಜೊತೆ ಜೊಯಿಡಾ ಗ್ರಾಮೀಣ ಭಾಗದ ವಿದ್ಯಾರ್ಥಿಗಳ ಓದಿಗೆ ತಮ್ಮದೇ ಆದ ಕೊಡುಗೆ ನೀಡುತ್ತಿದ್ದಾರೆ. ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರದ ಹಾಸ್ಟೇಲ್ ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ಅವರು ನೆರವಾಗಿದ್ದಾರೆ. ದಿನಕರ ಸಾಳುಂಕೆ ಅವರ ಈ ಎಲ್ಲಾ ಸಾಧನೆ ಗಮನಿಸಿ ಗೋವಾ ಸರ್ಕಾರದ ಸಚಿವ ರಮೇಶ ಬಿ ತಾವಡ್ಕರ ಅವರು `ಆದಿ ಲೋಕೋತ್ಸವ ಪ್ರಶಸ್ತಿ’ ನೀಡಿ ಗೌರವಿಸಿದ್ದಾರೆ. ಕಾರವಾರದ ರಾಘವೇಂದ್ರ ಗಾಂವಕರ ಇತರರು ಈ ಪ್ರಶಸ್ತಿ ವಿತರಣೆಗೆ ಸಾಕ್ಷಿಯಾಗಿದ್ದರು. ದಿನಕರ ಸಾಳುಂಕೆ ಅವರಿಗೆ ಭಾರತೀಯ ವಿಕಾಸ ರತ್ನ ಅವಾರ್ಡ್, ಅಚಿವರ್ಸ ಆಫ್ ಕರ್ನಾಟಕ ಅವಾರ್ಡ್ ಹಾಗೂ ಶಿಕ್ಷಣ ಸೇವಾ ರತ್ನ ಪ್ರಶಸ್ತಿಗಳು ಸಹ ಸಂದಿವೆ.
- [ಸುಂದರಿಯ ಶವದ ಮೇಲೆ ಅನುಮಾನಾಸ್ಪದ ಕುರುಹು!](https://mobiletime.in/2026/01/suspicious-marks-on-the-body-of-a-beautiful-woman/): ಕಾರವಾರದ ಜೆಡಿಎಸ್ ಮುಖಂಡೆ ಚೈತ್ರಾ ಕೋಠಾರಕರ್ ಅವರ ಪುತ್ರ ಚಿರಾಗ ಕೋಠಾರಕರ್ ಕಾಟಕ್ಕೆ ಬೇಸತ್ತು ಸಾವಿಗೆ ಶರಣಾಗಿರುವ ರೀಶಲ್ ಡಿಸೋಜಾ ಅವರ ದೇಹದ ಮೇಲೆ ಅನುಮಾನಾಸ್ಪದ ಕುರುಹುಗಳು ಪತ್ತೆಯಾಗಿದೆ. ರೀಶಲ್ ಡಿಸೋಜಾ ಅವರ ಮೇಲೆ ಚಿರಾಗ ಕೋಠಾರಕರ್ ಅತ್ಯಾಚಾರವೆಸಗಿದ ಅನುಮಾನ ಅವರ ಕುಟುಂಬವನ್ನು ಕಾಡುತ್ತಿದೆ. ಕಾರವಾರದ ಕದ್ರಾದಲ್ಲಿ ರೀಶಲ್ ಡಿಸೋಜಾ ಅವರು ವಾಸವಾಗಿದ್ದರು. ರೀಶಲ್ ಡಿಸೋಜಾ ಅವರು ಗಗನ ಸಖಿ ಆಗುವ ಕನಸು ಕಂಡಿದ್ದರು. ರೀಶಲ್ ಡಿಸೋಜಾ ಅವರ ಕನಸಿಗೆ ಅವರ ಕುಟುಂಬದವರು ಸಹಕಾರ ನೀಡಿದ್ದು, ಕದ್ರಾ ಗ್ರಾಮ ಪಂಚಾಯತ ಸದಸ್ಯರಾಗಿರುವ ರೀನಾ ಡಿಸೋಜಾ ಅವರು ಮಗಳನ್ನು ಮುದ್ದಾಗಿ ಬೆಳೆಸಿದ್ದರು. ಮಗಳ ಆಸೆಯಂತೆ ರೀಶಲ್ ಡಿಸೋಜಾ ಅವರನ್ನು ಬೆಂಗಳೂರಿನ ಡಾನ್ ಬಸ್ಕೋ ಕಾಲೇಜಿಗೆ ದಾಖಲಿಸಿದ್ದರು. 2021-22ರ ಅವಧಿಯಲ್ಲಿ ರೀಶಲ್ ಡಿಸೋಜಾ ಅವರು ಕಾರವಾರದ ಸೆಂಟ್ ಜೋಸೆಪ್ ವಿದ್ಯಾಲಯದಲ್ಲಿ ಓದುತ್ತಿದ್ದರು. ಆಗ, ಅದೇ ವಿದ್ಯಾಲಯದಲ್ಲಿ ಕಲಿಕೆಗೆ ಬಂದಿದ್ದ ಚಿರಾಗ ಕೋಠಾರಕರ್ ಅವರು ರೀಶಲ್ ಡಿಸೋಜಾ ಅವರಿಗೆ ಪರಿಚಯವಾಗಿದ್ದರು. ಚಿರಾಗ ಕೋಠಾರಕರ್ ಅವರು ಜಿಲ್ಲಾ ಪಂಚಾಯತ ಮಾಜಿ ಸದಸ್ಯೆ ಚೈತ್ರಾ ಕೋಠಾರಕರ್ ಅವರ ಪುತ್ರರಾಗಿದ್ದು, ಅಲ್ಪ ಪ್ರಮಾಣದಲ್ಲಿ ರಾಜಕೀಯ ಪ್ರಭಾವವನ್ನು ಹೊಂದಿದ್ದರು. ಚಿರಾಗ ಕೋಠಾರಕರ್ ಅವರ ತಂದೆ ಚಂದ್ರಹಾಸ ಕೋಠಾರಕರ್ ಅವರು ಸಹ ರಾಜಕಾರಣಿಗಳ ಜೊತೆ ನಿಕಟ ಸಂಪರ್ಕದಲ್ಲಿದ್ದರು. ಹೀಗಿರುವಾಗ ಚಿರಾಗ ಕೋಠಾರಕರ್ ಅವರು ರೀಶಲ್ ಡಿಸೋಜಾ ಅವರಿಗೆ ಪ್ರೀತಿಯ ಸಂದೇಶ ರವಾನಿಸಿದ್ದರು. `ತನ್ನನ್ನು ಪ್ರೀತಿಸು’ ಎಂದು ದುಂಬಾಲು ಬಿದ್ದಿದ್ದರು. ಪ್ರೀತಿ ನಿರಾಕರಿಸಿದ ಕಾರಣ ಪೀಡಿಸಲು ಶುರು ಮಾಡಿದ್ದರು. ಚಿರಾಗ ಕೋಟಾರಕರ್ ಕಾಟದ ಬಗ್ಗೆ ರೀಶಲ್ ಡಿಸೋಜಾ ಅವರು ತಾಯಿ ಬಳಿ ಹೇಳಿಕೊಂಡಿದ್ದರು. `ಪ್ರೀತಿ ಪ್ರೇಮದ ಬಗ್ಗೆ ಚಿಂತಿಸದೇ ಭವಿಷ್ಯದ ಬಗ್ಗೆ ಯೋಚಿಸು’ ಎಂದು ರೀನಾ ಡಿಸೋಜಾ ಅವರು ಮಗಳಿಗೆ ಬುದ್ದಿ ಹೇಳಿದ್ದರು. ಆ ಮೂಲಕ ಮಗಳಿಗೆ ಭವಿಷ್ಯದ ಕನಸುಗಳ ಬಗ್ಗೆ ರೀನಾ ಡಿಸೋಜಾ ಅವರು ಸ್ಪಷ್ಟವಾದ ಕಲ್ಪನೆ ನೀಡಿದ್ದರು. ಅದರ ಪ್ರಕಾರವೇ ರೀಶಲ್ ಡಿಸೋಜಾ ಓದಿಕೊಂಡಿದ್ದು, ಗಗನ ಸಖಿ ಆಗಬೇಕು ಎಂದು ಕನಸು ಕಂಡಿದ್ದರು. ಈ ನಡುವೆ 20205 ಏಪ್ರಿಲ್ ಅವಧಿಯಲ್ಲಿ ಚಿರಾಗ ಕೋಠಾರಕರ್ ಅವರ ಸಹೋದರ ಸಂಬoಧಿಯಿoದ ರೀನಾ ಡಿಸೋಜಾ ಅವರಿಗೆ ಫೋನ್ ಬಂದಿತು. `ಎಷ್ಟು ಫೋನ್ ಮಾಡಿದರೂ ರೀಶಲ್ ಡಿಸೋಜಾ ಫೋನ್ ಸ್ವೀಕರಿಸುತ್ತಿಲ್ಲ. ಚಿರಾಗ್ ಕೋಠಾರಕರ್ ಫೋನ್ ಸ್ವೀಕರಿಸದೇ ಇದ್ದರೆ ಸರಿಯಿರುವುದಿಲ್ಲ’ ಎಂದು ಫೋನ್ ಮಾಡಿದವರು ಎಚ್ಚರಿಕೆ ನೀಡಿದ್ದರು. ಆ ಕ್ಷಣಕ್ಕೆ ಹೆದರಿದ್ದ ರೀನಾ ಡಿಸೋಜಾ ಆ ಫೋನ್ ಕರೆ ಕಟ್ ಮಾಡಿದ್ದರು. ಬೆದರಿಕೆಯ ಫೋನ್ ಬಂದ ಬಗ್ಗೆ ಯಾರಲ್ಲಿಯೂ ಹೇಳಿರಲಿಲ್ಲ. ಕಳೆದ ನಾಲ್ಕು ತಿಂಗಳಿನಿoದ ರೀಶಲ್ ಡಿಸೋಜಾ ಅವರ ನಡುವಳಿಕೆಯಲ್ಲಿ ಬದಲಾವಣೆ ಆಗಿರುವುದನ್ನು ರೀನಾ ಡಿಸೋಜಾ ಅವರು ಗಮನಿಸಿದ್ದರು. ಸದಾ ಲವಲವಿಕೆಯಿಂದಿರುತ್ತಿದ್ದ ರೀಶಲ್ ಡಿಸೋಜಾ ಈಚೆಗೆ ಮಂಕಾಗಿದ್ದರು. ಚಿರಾಗ ಕೋಠಾರಕರ್ ಅವರ ಮಾನಸಿಕ ಹಿಂಸೆಯೇ ಇದಕ್ಕೆ ಕಾರಣ ಎಂಬುದು ರೀನಾ ಡಿಸೋಜಾ ಅವರಿಗೆ ನಂತರ ಅರ್ಥವಾಯಿತು. ಮೊನ್ನೆ ಏರ್‌ಫೋನ್ ಹಾಕಿಕೊಂಡು ಮಾತನಾಡುತ್ತಿರುವಾಗಲೇ ರೀಶಲ್ ಡಿಸೋಜಾ ನೇಣು ಹಾಕಿಕೊಂಡರು. ಅವರು ಸಾವನಪ್ಪಿದ ನಂತರ ಶವದ ಮೇಲೆ ಗಾಯದ ಗುರುತಿರುವುದನ್ನು ರೀನಾ ಡಿಸೋಜಾ ಅವರು ಗಮನಿಸಿದರು. ಈ ಹಿನ್ನಲೆ ಚಿರಾಗ ಕೋಠಾರಕರ್ ಅವರು ರೀಶಲ್ ಅವರ ಮೇಲೆ ಅತ್ಯಾಚಾರವೆಸಗಿ, ಬ್ಲಾಕ್ ಮೇಲ್ ಮಾಡುತ್ತಿದ್ದು ಅದೇ ನೋವಿನಲ್ಲಿ ರೀಶಲ್ ಸಾವನಪ್ಪಿರುವ ಶಂಕೆವ್ಯಕ್ತಪಡಿಸಿದರು. ಈ ಬಗ್ಗೆ ಸಮಗ್ರ ತನಿಖೆಗಾಗಿ ಅವರು ಒತ್ತಾಯಿಸಿದರು. ಸದ್ಯ ಈ ಎಲ್ಲಾ ವಿಷಯದ ಬಗ್ಗೆ ರೀಶಲ್ ಡಿಸೋಜಾ ಅವರ ತಾಯಿ ರೀನಾ ಡಿಸೋಜಾ ಅವರು ಪೊಲೀಸ್ ಅಧೀಕ್ಷಕರಿಗೆ ಪತ್ರ ಬರೆದಿದ್ದು, ಅದರಲ್ಲಿ ತಮ್ಮ ಅಂತರಾಳದ ನೋವು ತೋಡಿಕೊಂಡಿದ್ದಾರೆ.
- [ಕೋಲ್ಡ್ ಡ್ರಿಂಕ್ಸ್ ಕುಡಿದವನ ಮೇಲೆ ಸರಾಯಿ ಕುಡಿದವನಿಂದ ಹಲ್ಲೆ!](https://mobiletime.in/2026/01/a-man-who-drank-cold-drinks-was-attacked-by-a-man-who-drank-liquor/): ಕುಮಟಾದ ಬಾಲಚಂದ್ರ ಪಟಗಾರ ಹಾಗೂ ಮಹೇಶ ಪಟಗಾರ ಅವರ ನಡುವೆ ಹೊಡೆದಾಟ ನಡೆದಿದೆ. ಕೋಲ್ಡ್ ಡ್ರಿಂಕ್ಸ ಕುಡಿದು ಬರುತ್ತಿದ್ದ ಕುಪ್ಪಯ್ಯ ಪಟಗಾರ ಅವರಿಗೆ ಸರಾಯಿ ಕುಡಿದು ಬಂದಿದ್ದ ಮಹೇಶ ಪಟಗಾರ ಅವರು ಬಡಿಗೆ ತೆಗೆದುಕೊಂಡು ಬಡಿದಿದ್ದಾರೆ! ಕುಮಟಾದ ಮಾಸೂರಿನಲ್ಲಿ ಬಾಲಚಂದ್ರ ಕುಪ್ಪಯ್ಯ ಪಟಗಾರ ಅವರು ಕೂಲಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ. ಅದೇ ಊರಿನ ಮಹೇಶ ಹೊನ್ನಪ್ಪ ಪಟಗಾರ ಸಹ ಕೂಲಿ ಕಾರ್ಮಿಕರಾಗಿದ್ದಾರೆ. ಬಾಲಚಂದ್ರ ಪಟಗಾರ ಅವರು ತಾವು ದುಡಿದ ಹಣವನ್ನು ಮಾರಿಮನೆ ರಸ್ತೆ ಬಳಿಯ ಮಂಜುನಾಥ ಪಟಗಾರ ಅವರ ಅಂಗಡಿಗೆ ಕೊಟ್ಟು, ಅಲ್ಲಿಯೇ ಕೋಲ್ಡ್ ಡ್ರಿಂಕ್ಸ್ ಸೇವಿಸುತ್ತಾರೆ. ಮಹೇಶ ಪಟಗಾರ ಅವರು ತಾವು ದುಡಿದ ಹಣವನ್ನು ಸರಾಯಿ ಅಂಗಡಿಗೆ ಕೊಟ್ಟು ನಶೆಯೇರಿಸಿಕೊಳ್ಳುತ್ತಾರೆ. ಹೀಗಿರುವಾಗ ಜನವರಿ 9ರ ಮಧ್ಯಾಹ್ನ ಬಾಲಚಂದ್ರ ಪಟಗಾರ ಅವರು ಎಂದಿನAತೆ ಮಂಜುನಾಥ ಪಟಗಾರ ಅವರ ಅಂಗಡಿಗೆ ಹೋಗಿದ್ದರು. ಅಲ್ಲಿ ತಮ್ಮ ಇಷ್ಟದ ತಂಪು ಪಾನೀಯ ಕುಡಿದು ಮನೆಗೆ ಮರಳುತ್ತಿದ್ದರು. ಕೋಲ್ಡ್ ಡ್ರಿಂಕ್ಸ್ ಕುಡಿದು ಬರುತ್ತಿದ್ದ ಬಾಲಚಂದ್ರ ಪಟಗಾರ ಅವರನ್ನು ಮಹೇಶ ಪಟಗಾರ ಅವರು ನೋಡಿ ಗುರಾಯಿಸಿದರು. `ಯಾಕೆ ಗುರಾಯಿಸುವೆ?’ ಎಂದು ಬಾಲಚಂದ್ರ ಪಟಗಾರ ಅವರು ಕೇಳಿದ್ದು, ಮದ್ಯದ ನಶೆಯಲ್ಲಿದ್ದ ಮಹೇಶ ಪಟಗಾರ ಅಲ್ಲಿಯೇ ಇದ್ದ ಬಡಿಗೆಯನ್ನು ತೆಗೆದುಕೊಂಡರು. ಬಾಲಚಂದ್ರ ಪಟಗಾರ ಅವರನ್ನು ಬೆನ್ನತ್ತಿ ಹೊಗಿ ಹೊಡೆಯಲು ಶುರು ಮಾಡಿದರು. ಬಾಲಚಂದ್ರ ಪಟಗಾರ ಅವರು ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದರೂ ಮಹೇಶ ಪಟಗಾರ ಅವರನ್ನು ಬಿಡಲಿಲ್ಲ. ಅಡ್ಡಗಟ್ಟಿ ಇನ್ನಷ್ಟು ಏಟು ಕೊಟ್ಟರು. ಇದರಿಂದ ಬಾಲಚಂದ್ರ ಪಟಗಾರ ಅವರ ಕಾಲು, ತೊಡೆ, ಕೈ, ಕಿವಿಗೆ ನೋವಾಯಿತು.
- [ಕಾಳಿ ನದಿಯಲ್ಲಿ ಖನೀಜ ಲೂಟಿ!](https://mobiletime.in/2026/01/mineral-looting-in-the-kali-river/): ಕಾರವಾರದ ಕಾಳಿ ನದಿಯಲ್ಲಿ ಅಕ್ರಮ ಮರಳುಗಾರಿಕೆ ನಡೆಯುತ್ತಿದೆ. ಕಾರವಾರದ ಕಿನ್ನರದಲ್ಲಿ ಕಾಳಿ ನದಿ ಹಿನ್ನೀರು ಪ್ರದೇಶದಲ್ಲಿ ಅಕ್ರಮ ಮರಳುಗಾರಿಕೆ ನಡೆಯುತ್ತಿದೆ. ಹುಬ್ಬಳ್ಳಿ ನೋಂದಣಿಯ ಲಾರಿ ಮೂಲಕ ಅಕ್ರಮ ಮರಳುಗಾರಿಕೆ ನಡೆಯುತ್ತಿದೆ. ಈ ಮೂವರು ಮರಳು ತೆಗೆಯಲು ಪರವಾನಿಗೆಪಡೆದಿಲ್ಲ. ಸಾಗಾಟಕ್ಕೆ ಅಗತ್ಯ ಅನುಮತಿ ತೆಗೆದುಕೊಂಡಿಲ್ಲ. ಪರಿಸರಕ್ಕೆ ಹಾನಿ ಆಗದ ರೀತಿ ಮರಳುಗಾರಿಕೆ ನಡೆಸುವ ಮುನ್ನಚ್ಚರಿಕೆವಹಿಸಿಲ್ಲ. ರಾಜಧನವನ್ನು ಸಹ ಪಾವತಿಸಿಲ್ಲ. ತಮ್ಮ ಸ್ವಂತ ಲಾಭದ ಬಗ್ಗೆ ಮಾತ್ರ ಯೋಚಿಸಿರುವ ಗಣಿ ದಣಿಗಳು ರಾತ್ರಿ ವೇಳೆ ನದಿ ತೀರಕ್ಕೆ ಹೋಗಿ ಸರ್ಕಾರಿ ಸ್ವತ್ತನ್ನು ದೋಚುತ್ತಿದ್ದಾರೆ. ಪರಿಸರಕ್ಕೆ ಹಾನಿ ಆಗುವ ರೀತಿ ಮರಳುಗಾರಿಕೆ ನಡೆಸುತ್ತಿದ್ದಾರೆ. ಕಿನ್ನರದ ವಾಣಿವಾಡ ರಸ್ತೆಯಿಂದ ಕಾರವಾರದ ಕಡೆ ಆ ರೇತಿ ತುಂಬಿದ ಲಾರಿಗಳ ಓಡಾಟ ನಡೆಯುತ್ತಿದೆ. ಪುಕ್ಕಟ್ಟೆ ಸಿಗುವ ಆ ಮರಳನ್ನು ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿದ್ದಾರೆ. ಜನವರಿ 10ರಂದು ರಾತ್ರಿ ರಾಜ್ಯ ಹೆದ್ದಾರಿ ಮೇಲೆ ಕಾರವಾರ ಗ್ರಾಮೀಣ ಠಾಣೆ ಪಿಸೈ ನೇಹಲ್ ಖಾನ್ ಅವರು ನಿಂತಿದ್ದು, ಅವರ ಎದುರಿನಲ್ಲಿಯೇ ಅಕ್ರಮ ಮರಳು ಸಾಗಾಟದ ಲಾರಿ ಹೋಗಿದೆ. ತಕ್ಷಣ ನೇಹಲ್ ಖಾನ್ ಅವರು ಆ ಲಾರಿ ಬೆನ್ನತ್ತಿ ಹಿಡಿದಿದ್ದು, ಆ ವೇಳೆ ಲಾರಿ ಒಳಗಿದ್ದವರನ್ನು ಹಿಡಿದಿದ್ದಾರೆ. ಲಾರಿಯಲ್ಲಿದ್ದ 30 ಸಾವಿರ ರೂ ಮೌಲ್ಯದ 3 ಬರಾಸ್ ರೇತಿಯನ್ನು ಜಪ್ತು ಮಾಡಿದ್ದಾರೆ.
- [ವರ್ಕ ಪ್ರಂ ಹೋಂ: ಕೆಲಸ ಮಾಡಿ ಕಾಸು ಕಳೆದುಕೊಂಡ!](https://mobiletime.in/2026/01/work-from-home-lost-money-while-working/): ವಕ್ ಪ್ರಂ ಹೋಂ ಕೆಲಸಕ್ಕೆ ಸೇರಿದ ದಿನವೇ 500ರೂ ಸಂಪಾದಿಸಿದ ಮುಂಡಗೋಡಿನ ಅಕ್ಷಯ ರೇವಣಕರ್ ಅವರು ಅದಾದ ನಂತರ ಆಮೀಷಕ್ಕೆ ಒಳಗಾಗಿ 1.57 ಲಕ್ಷ ರೂ ಕಳೆದುಕೊಂಡಿದ್ದಾರೆ! ಮುoಡಗೋಡದ ಮಳಗಿಯಲ್ಲಿ ಅಕ್ಷಯ ಸುರೇಶ ರೇವಣಕರ್ ಅವರು ವಾಸವಾಗಿದ್ದಾರೆ. ಡಿಸೆಂಬರ್ 30ರಂದು ಅವರು ಟೆಲಿಗ್ರಾಂ ಬಳಸುವಾಗ `ವರ್ಕ ಪ್ರಂ ಹೋಂ’ ಎಂಬ ಜಾಹೀರಾತು ನೋಡಿದ್ದಾರೆ. ಆ ಬಗ್ಗೆ ಅವರು ವಿಚಾರಿಸಿದಾಗ ನಿಶಾ ಮೇತ್ರಾ ಎಂಬಾತರು ನಯವಾಗಿ ಮಾತನಾಡಿದ್ದಾರೆ. ನಿಶಾ ಮೇತ್ರಾ ಅವರು ಸುರೇಶ ಮೆಲ್ತೋರಾ ಎಂಬಾತರನ್ನು ಪರಿಚಯಿಸಿದ್ದು, ಅವರ ಸೂಚನೆ ಮೇರೆಗೆ ಅಕ್ಷಯ ರೇವಣಕರ್ ಅವರು `ವರ್ಕ ಪ್ರಂ ಹೋಂ’ ಕೆಲಸ ಶುರು ಮಾಡಿದ್ದಾರೆ. ಕೆಲಸಕ್ಕೆ ಸೇರಿದ ಮೊದಲ ದಿನ ಅಕ್ಷಯ ರೇವಣಕರ್ ಅವರಿಗೆ ವೆಬ್‌ಸೈಟಿನಲ್ಲಿರುವ ಉತ್ಪನ್ನಗಳ ಬಗ್ಗೆ ರಿವ್ಯು ಬರೆಯುವ ಸೂಚನೆ ಬಂದಿದೆ. ಆ ಕೆಲಸವನ್ನು ಅಚ್ಚುಕಟ್ಟಾಗಿ ಪೂರೈಸಿದ ಕಾರಣ ಅಕ್ಷಯ ರೇವಣಕರ್ ಅವರ ಖಾತೆಗೆ 500ರೂ ಜಮಾ ಆಗಿದೆ. ಅದಾದ ನಂತರ ನಿಶಾ ಮೇತ್ರಾ ಅವರು `ತಾವು ಹೇಳಿದ ಕಡೆ ಹಣ ಹೂಡಿಕೆ ಮಾಡಿದರೆ ಒಳ್ಳೆಯ ಲಾಭ ಸಿಗಲಿದೆ’ ಎಂದು ನಂಬಿಸಿದ್ದಾರೆ. ಆ ಮಾತು ನಂಬಿದ ಅಕ್ಷಯ ರೇವಣಕರ್ ಅವರು 700ರೂ ಹೂಡಿಕೆ ಮಾಡಿದ್ದು, ಅದಕ್ಕೆ ಪ್ರತಿಯಾಗಿ ಅವರಿಗೆ 920ರೂ ಸಿಕ್ಕಿದೆ. ಹಣ ಸಿಕ್ಕಿದ ನಂಬಿಕ ಆಧಾರದಲ್ಲಿಯೇ ಅಕ್ಷಯ ರೇವಣಕರ್ ಅವರು 157,800ರೂ ಹೂಡಿಕೆ ಮಾಡಿದ್ದಾರೆ. ಆದರೆ, ಆಗ ಆ ಹಣವೂ ಮರಳಿ ಬಂದಿಲ್ಲ. ಲಾಭವೂ ಸಿಕ್ಕಿಲ್ಲ. ಮೋಸ ಹೋಗಿರುವುದನ್ನು ಅರಿತ ಅವರು ಸೈಬರ್ ಅಪರಾಧ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಸಾಕಷ್ಟು ಜಾಗೃತಿ ಮೂಡಿಸಿದರೂ ಮೋಸ ಹೋದ ಅಕ್ಷಯ ಅವರ ಬಗ್ಗೆ ಅನೇಕರು ಮರುಕವ್ಯಕ್ತಪಡಿಸಿದ್ದಾರೆ. `ಆಮೀಷಕ್ಕೆ ಒಳಗಾಗಬೇಡಿ. ಮೋಸ ಹೋಗಬೇಡಿ’
- [ಕಳ್ಳರ ಕೈಚಳಕ: ಬ್ಯಾಂಕ್ ಬರೋಡಾಗೆ ಮತ್ತೊಂದು ಬಾಗಿಲು!](https://mobiletime.in/2026/01/thieves-cunning-another-door-to-the-bank-of-baroda/): ಅಂಕೋಲಾದ ಸುಂಕಸಾಳದಲ್ಲಿರುವ ಬ್ಯಾಂಕ್ ಆಫ್ ಬರೋಡಾಗೆ ಕಳ್ಳರು ನುಗ್ಗಿದ್ದಾರೆ. ಬ್ಯಾಂಕಿನ ಶೌಚಾಲಯದ ಪಕ್ಕ ಮತ್ತೊಂದು ಬಾಗಿಲು ಕೊರೆದು ಕಳ್ಳರು ದರೋಡೆಗೆ ಪ್ರಯತ್ನಿಸಿದ್ದಾರೆ. ಶನಿವಾರ ಬ್ಯಾಂಕ್ ಸಿಬ್ಬಂದಿ ಕೆಲಸ ಮುಗಿಸಿ ಮನೆಗೆ ಮರಳಿದ್ದರು. ಭಾನುವಾರ ರಜೆ ಮುಗಿಸಿ ಸೋಮವಾರ ಬ್ಯಾಂಕ್ ಪ್ರವೇಶಿಸಿದಾಗ ಕಳ್ಳತನಕ್ಕೆ ಕೈ ಹಾಕಿರುವುದು ಕಾಣಿಸಿದೆ. ಬ್ಯಾಂಕಿಗೆ ನುಗ್ಗಿದ್ದ ಕಳ್ಳರಿಗೆ ಏನೂ ಸಿಕ್ಕಿಲ್ಲ. ಭದ್ರ ಲಾಕರ್ ಇದ್ದ ಗೋಡೆಯನ್ನು ಅರ್ದ ಕೊರೆದ ನಂತರ ಅವರು ಅಲ್ಲಿಂದ ಪರಾರಿಯಾಗಿದ್ದಾರೆ. ಹೆದ್ದಾರಿ ಪಕ್ಕದಲ್ಲಿಯೇ ಬ್ಯಾಂಕ್ ಇದ್ದು, ಜನ ಬರುವುದನ್ನು ನೋಡಿ ಕಳ್ಳರು ಓಡಿರುವ ಅನುಮಾನವ್ಯಕ್ತವಾಗಿದೆ. ದರೋಡೆಕೋರರು ಬ್ಯಾಂಕಿನ ಶೌಚಾಲಯದ ಗೋಡೆ ಕೆಳಭಾಗದಲ್ಲಿ ಮತ್ತೊಂದು ದ್ವಾರ ಸೃಷ್ಟಿಸಿದ್ದಾರೆ. ಅದರ ಮೂಲಕವೇ ಬ್ಯಾಂಕ್ ಒಳಗೆ ಪ್ರವೇಶಿಸಿ ಎಲ್ಲಾ ಕಡೆ ಹುಡುಕಾಟ ನಡೆಸಿದ್ದಾರೆ. ಬ್ಯಾಂಕ್ ಒಳ ಆವರಣದಲ್ಲಿ ಏನೂ ಸಿಗದ ಕಾರಣ ಲಾಕರ್ ಕಡೆ ಹೋಗಿದ್ದಾರೆ. ಬ್ಯಾಂಕ್ ಶೌಚಾಲಯ ಒಡೆದ ಮಾದರಿಯಲ್ಲಿಯೇ ಹಿಂದಿನಿAದ ಲಾಕರ್ ಒಡೆಯುವ ಪ್ರಯತ್ನವನ್ನು ಮಾಡಿದ್ದು, ಕಳ್ಳರ ಪಾಲಿಗೆ ಅದು ಫಲ ಕೊಡಲಿಲ್ಲ. ಬ್ಯಾಂಕಿನಲ್ಲಿ ಕಳ್ಳತನ ಪ್ರಯತ್ನ ನಡೆದ ಬಗ್ಗೆ ಅಲ್ಲಿನ ಸಿಬ್ಬಂದಿ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಉತ್ತರ ಕನ್ನಡ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಮತ್ತು ಡಿವಾಯ್‌ಎಸ್ಪಿ ಗಿರೀಶ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಅಂಕೋಲಾ ಠಾಣೆಯ ಸಿಪಿಐ ಚಂದ್ರಶೇಖರ ಮಠಪತಿ, ಪಿಎಸ್‌ಐ ಗುರುನಾಥ ಹಾದಿಮನೆ, ವಿಶ್ವನಾಥ ಹಾಗೂ ಸುಂಕಸಾಳ ಹೊರಠಾಣೆಯ ಸಂತೋಷ ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ಶ್ವಾನದಳ, ಬೆರಳಚ್ಚು ತಜ್ಞರು ಸಹ ಸ್ಥಳ ಭೇಟಿ ಮಾಡಿದ್ದಾರೆ. ಪೊಲೀಸರು ಸುತ್ತಲು ಇರುವ ಸಿಸಿಟಿವಿ ದೃಶ್ಯಾವಳಿಗಳ ಪರಿಶೀಲನೆ ಆರಂಭಿಸಲಾಗಿದೆ. ಶೀಘ್ರದಲ್ಲಿಯೇ ದರೋಡೆಕೋರರ ಹೆಡೆಮುರಿ ಕಟ್ಟುವುದಾಗಿ ಪೊಲೀಸರು ವಿಶ್ವಾಸವ್ಯಕ್ತಪಡಿಸಿದ್ದಾರೆ.
- [ವ್ಯಸನದ ವಿರುದ್ಧ ಜಾಗೃತಿಯ ಓಟ!](https://mobiletime.in/2026/01/awareness-race-against-addiction/): `ಮಾದಕ ವಸ್ತು ಮುಕ್ತ ಭಾರತ’ ಎಂಬ ಸಂದೇಶ ಹೊತ್ತು ಶಿರಸಿಯ ಭಗತಸಿಂಗ್ ಬ್ರಿಗೇಡ್ ಆಂದೋಲನ ನಡೆಸಿದೆ. ಮಾದಕ ವಸ್ತುಗಳಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಅರಿವು ಮೂಡಿಸಲು ಮ್ಯಾರಥಾನ್ ಓಟವನ್ನು ಆಯೋಜಿಸಿದೆ. ಭಾನುವಾರ ನಡೆದ ಈ ಮ್ಯಾರಥಾನ್’ಗೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಚಾಲನೆ ನೀಡಿದ್ದಾರೆ. ಮಾದಕ ವಸ್ತುಗಳ ಸೇವನೆಯಿಂದ ಆಗುವ ಹಾನಿಯ ಬಗ್ಗೆ ಅವರು ಜನರಲ್ಲಿ ಅರಿವು ಮೂಡಿಸಿದ್ದಾರೆ. `ವಿವೇಕಾನಂದರ ತತ್ವ ಆದರ್ಶಗಳನ್ನು ಅನುಸರಿಸಿ ಯುವ ಜನಾಂಗದವರು ಜೀವಿಸಬೇಕು. ಭಾರತೀಯರಾದ ನಾವೆಲ್ಲರೂ ವ್ಯಸನಗಳಿಂದ ದೂರವಿರಬೇಕು’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಕರೆ ನೀಡಿದ್ದಾರೆ. `ಉತ್ತಮ ಆರೋಗ್ಯ ಇದ್ದಾಗ ಮಾತ್ರ ಎಲ್ಲರೂ ಕ್ರಿಯಾಶೀಲರಾಗಲಿರಲು ಸಾಧ್ಯವಿದೆ. ಶಿರಸಿಯನ್ನು ಡ್ರಗ್ಸ್ ಮುಕ್ತ ಪ್ರದೇಶವನ್ನಾಗಿಸಲು ಪ್ರತಿಯೊಬ್ಬರು ಪಣತೊಡಬೇಕಿದೆ’ ಎಂದವರು ಹೇಳಿದರು. ಮರಾಠಿಕೊಪ್ಪದಿಂದ 7ಕಿಮೀ ಓಟ ಸ್ಪರ್ಧೆ ಶುರುವಾಗಿದ್ದು, ರಾಜ್ಯದ ನಾನಾ ಭಾಗಗಳಿಂದ ಬಂದಿದ್ದ 500ಕ್ಕೂ ಅಧಿಕ ಜನ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. 350 ಸ್ಪರ್ಧಾಳುಗಳು ಕೊನೆಯವರೆಗೂ ಓಡಿ ತಲುಪಿ ಗುರಿ ಸಾಧಿಸಿದರು. ಪುರುಷರ ವಿಭಾಗದಲ್ಲಿ ಸಿದ್ದಾಪುರ ದಿಲೀಪ ನಾಯ್ಕ ಹಾಗೂ ಮಹಿಳೆಯರ ವಿಭಾಗದಲ್ಲಿ ಬೆಂಗಳೂರಿನ ಭವಿಷ್ಯ ಕೆ ಪಿ ಅವರು ಪ್ರಥಮ ಬಹುಮಾನಪಡೆದರು. ಭಗತಸಿಂಗ್ ಬ್ರಿಗೇಡ ಅಧ್ಯಕ್ಷ ಹಾಗೂ ರನ್ ಶಿರಸಿ ರನ್ ಸಂಘಟಕ ಸುಭಾಷ್ ಈಶ್ವರ್ ನಾಯ್ಕ ಬಹುಮಾನ ಘೋಷಿಸಿದರು. ನಗರಸಭೆ ಮಾಜಿ ಅಧ್ಯಕ್ಷೆ ಶರ್ಮಿಳಾ ಮಾದನಗೇರಿ, ನಗರ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ನಂದನ ಸಾಗರ, ನಗರಸಭಾ ಮಾಜಿ ಸದಸ್ಯ ಶ್ರೀಧರ ಮೊಗೇರ, ಪ್ರಮುಖರಾದ ವಿನಾಯಕ ವಸಂತ್ ಶೆಟ್ಟಿ, ರಾಘು ಶೆಟ್ಟಿ, ರವಿ ಗೌಳಿ, ರವಿ ಶೆಟ್ಟಿ ಇತರರು ಇದ್ದರು.
- [ಹವಾಮಾನ ಅಳತೆಯೂ ಗ್ರಾಮ ಲೆಕ್ಕಾಧಿಕಾರಿ ಹೊಣೆ!](https://mobiletime.in/2026/01/the-village-accountant-is-also-responsible-for-weather-measurements/): `ಉತ್ತರ ಕನ್ನಡ ಜಿಲ್ಲೆಯಲ್ಲಿನ ಎಲ್ಲ ಮಳೆ ಮಾಪಕ ಹಾಗೂ ಹವಾಮಾನ ಮಾಪಕ ಕೇಂದ್ರಗಳ ಬಗ್ಗೆ ನಿರಂತರ ತಪಾಸಣೆ ನಡೆಸಬೇಕು’ ಎಂದು ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಸೂಚಿಸಿದ್ದಾರೆ. ಮಾಪನ ಕೇಂದ್ರಗಳ ನಿರ್ವಹಣೆ ಮತ್ತು ಮೇಲ್ವಿಚಾರಣೆ ಕುರಿತ ಸಭೆ ನಡೆಸಿದ ಅವರು `ಉತ್ತರ ಕನ್ನಡ ಜಿಲ್ಲೆಯ ವಿವಿಧ ತಾಲೂಕು ಹಾಗೂ ಹೋಬಳಿ ಮಟ್ಟದಲ್ಲಿ 39 ಟೆಲಿಮೆಟ್ರಿಕ್ ಹವಾಮಾನ ಮಾಪನ ಕೇಂದ್ರಗಳಿವೆ. ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ 253 ಟೆಲಿಮೆಟ್ರಿಕ್ ಮಳೆಮಾಪಕ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ. ಅವುಗಳಿಂದ ಮಳೆ, ತಾಪಮಾನ, ಆದ್ರ‍್ರತೆ, ಗಾಳಿಯ ವೇಗ ಮತ್ತು ದಿಕ್ಕುಗಳಿಗೆ ಸಂಬoಧಿಸಿದ ಮಾಹಿತಿಯೂ ಕೃಷಿ, ತೋಟಗಾರಿಕೆ, ಜಲಸಂಪನ್ಮೂಲ ಹಾಗೂ ವಿಪತ್ತು ನಿರ್ವಹಣೆಗೆ ಅತ್ಯಂತ ಅಗತ್ಯವಾಗಿದೆ. ಹೀಗಾಗಿ ಅವುಗಳ ಮೇಲ್ವಿಚಾರಣೆ ಸರಿಯಾಗಿರಬೇಕು’ ಎಂದು ಸೂಚಿಸಿದ್ದಾರೆ. `ಈ ಯಂತ್ರಗಳ ಕಾರ್ಯನಿರ್ವಹಣೆಯಲ್ಲಿ ದೋಷ ಕಂಡುಬAದಲ್ಲಿ ತಕ್ಷಣವೇ ವರದಿ ಸಲ್ಲಿಸಬೇಕು. ಸೂಚಿಸಿದ ಏಜೆನ್ಸಿಗಳ ಮೂಲಕ ದುರಸ್ತಿ ಕಾರ್ಯ ಕೈಗೊಳ್ಳಬೇಕು. ತಹಶೀಲ್ದಾರರು, ಗ್ರಾಮ ಆಡಳಿತಾಧಿಕಾರಿಗಳು ಹಾಗೂ ಜಿಲ್ಲಾ ವಿಪತ್ತು ನಿರ್ವಹಣಾ ಪರಿಣಿತರು ತಮ್ಮ ಕರ್ತವ್ಯ ಮತ್ತು ಜವಾಬ್ದಾರಿಗಳನ್ನು ಸಂಪೂರ್ಣವಾಗಿ ಅರಿತು ಕೆಲಸ ಮಾಡಬೇಕು. ಪ್ರತಿ ಗ್ರಾಮ ಆಡಳಿತಾಧಿಕಾರಿಗಳುತಮ್ಮ ವ್ಯಾಪ್ತಿಯ ಟೆಲಿಮೆಟ್ರಿಕ್ ಮಳೆಮಾಪಕ ಕೇಂದ್ರಗಳ ದಿನನಿತ್ಯದ ಮೇಲ್ವಿಚಾರಣೆ ಮಾಡಲು ಜವಾಬ್ದಾರರಾಗಿದ್ದಾರೆ’ ಎಂದರು. ಜಿಲ್ಲಾ ವಿಪತ್ತು ನಿರ್ವಹಣಾ ಪರಿಣಿತರು ಪ್ರತಿವಾರ ಕನಿಷ್ಠ 10 ಟೆಲಿಮೆಟ್ರಿಕ್ ಮಳೆಮಾಪನ ಕೇಂದ್ರಗಳಿಗೆ ಭೇಟಿ ನೀಡಿ, ಅವುಗಳ ಕಾರ್ಯನಿರ್ವಹಣೆಯ ಸ್ಥಿತಿಗತಿಗಳನ್ನು ಪರಿಶೀಲಿಸಬೇಕು’ ಎಂದರು. ಕೃಷಿ ಇಲಾಖೆ ಜಂಟಿ ನಿರ್ದೇಶಕ ಶಿವ ಪ್ರಸಾದ್ ಗಾಂವಕರ್, ತೋಟಗಾರಿಕಾ ಇಲಾಖೆ ಉಪನಿರ್ದೇಶಕ ಸತೀಶ್ ಹಾಗೂ ಜಿಲ್ಲೆಯ ಎಲ್ಲಾ ತಹಶೀಲ್ದಾರರು ಮತ್ತು ಗ್ರಾಮ ಆಡಳಿತಾಧಿಕಾರಿಗಳು ಈ ಸಭೆಯಲ್ಲಿದ್ದರು.
- [ವೃದ್ಧೆಯ ಮೈ ಮುಟ್ಟಿದ ನೀಚ: ತಪ್ಪಿಸಲು ಬಂದವನಿಗೆ ಥಳಿತ!](https://mobiletime.in/2026/01/a-mean-person-touched-an-old-womans-body-the-one-who-came-to-avoid-it-was-beaten-up/): ಕೇಶವ ಸಿದ್ದಿ ಹಾಗೂ ವಿನಾಯಕ ಸಿದ್ದಿ ಸೇರಿ ಯಲ್ಲಾಪುರದ ಅರಬೈಲ್ ಬಳಿ ಅಲೆದಾಡುತ್ತಿದ್ದ ವೃದ್ಧೆ ಮಹಿಳೆಯ ಮೈ ಮುಟ್ಟಿದ್ದಾರೆ. ಇದನ್ನು ತಡೆಯಲು ಬಂದ ಗಣೇಶ ಸಿದ್ದಿ ಅವರಿಗೆ ಅವರಿಬ್ಬರು ಬೈದು ಹೊಡೆದಿದ್ದಾರೆ. ಯಲ್ಲಾಪುರದ ಅರಬೈಲ್ ಬಳಿ ಶಿವಾಲಕ್ಕಿ ಎಂಬ ಮಹಿಳೆಯೊಬ್ಬರು ಅಲೆದಾಡುತ್ತಿದ್ದರು. ಗೊತ್ತು ಗುರಿಯಿಲ್ಲದ ಆ ವೃದ್ಧೆಯನ್ನು ತಾಳಿಕುಂಬ್ರಿಯ ಕೇಶವ ಸಿದ್ದಿ ಹಾಗೂ ಉಪಳೇಶ್ವರ ಜೂಜಿನಬೈಲಿನ ವಿನಾಯಕ ಸಿದ್ದಿ ಕಾಡಿಸುತ್ತಿದ್ದರು. ಜನವರಿ 7ರ ಸಂಜೆ 6.30ರ ವೇಳೆಗೆ ಅವರಿಬ್ಬರು ಸೇರಿ ಆ ವೃದ್ಧೆಯ ಮೈ ಮುಟ್ಟಿದ್ದರು. ಅಲ್ಲಿನ ಮಾರುತಿ ಗದ್ದೆ ಬಳಿ ಇದ್ದ ವೃದ್ಧೆಯ ಮಾನಕ್ಕೆ ಅವಮಾನ ಆಗುವ ರೀತಿ ಅವರಿಬ್ಬರು ವರ್ತಿಸುತ್ತಿದ್ದರು. ಈ ವೇಳೆ ಅರಬೈಲ್ ಸಿದ್ದಿ ಕಾಲೋನಿಯ ಗಣೇಶ ಮುನಿಯಪ್ಪ ಸಿದ್ದಿ ಅವರು ತಮ್ಮ ಚಿಕ್ಕಮ್ಮ ಲಲಿತಾ ಸಿದ್ದಿ ಅವರ ಜೊತೆ ಅದೇ ಮಾರ್ಗದಲ್ಲಿ ಹೋಗುತ್ತಿದ್ದರು. ದನಕರುಗಳನ್ನು ನೋಡಿ ಬರಲು ಮೊಗದ್ದೆಯಲ್ಲಿರುವ ತಮ್ಮ ಜಮೀನು ಕಡೆ ಹೊರಟಿದ್ದರು. ಆ ವೇಳೆ ಗಣೇಶ ಸಿದ್ದಿ ಹಾಗೂ ಲಲಿತಾ ಸಿದ್ದಿ ಅವರಿಗೆ ಕೇಶವ ಸಿದ್ದಿ ಹಾಗೂ ವಿನಾಯಕ ಸಿದ್ದಿ ಕಾಣಿಸಿದರು. ಅವರಿಬ್ಬರು ಸೇರಿ ವೃದ್ಧೆಯ ಜೊತೆ ಅನುಚಿತವಾಗಿ ವರ್ತಿಸುತ್ತಿರುವುದನ್ನು ನೋಡಿದರು. ಇದರಿಂದ ಸಿಟ್ಟಾದ ಗಣೇಶ ಸಿದ್ದಿ ಆ ಇಬ್ಬರನ್ನು ತರಾಟೆಗೆ ತೆಗೆದುಕೊಂಡು ವೃದ್ಧೆಯನ್ನು ರಕ್ಷಿಸುವ ಪ್ರಯತ್ನ ಮಾಡಿದರು. ಈ ವೇಳೆ ಕೇಶವ ಸಿದ್ದಿ ಹಾಗೂ ವಿನಾಯಕ ಸಿದ್ದಿ ಸೇರಿ ಗಣೇಶ ಸಿದ್ದಿ ಅವರ ವಿರುದ್ಧ ತಿರುಗಿ ಬಿದ್ದರು. ವೃದ್ಧೆ ಮೈ ಮುಟ್ಟುವಾಗ ತಡೆದ ಕಾರಣ ಗಣೇಶ ಸಿದ್ದಿ ಅವರಿಗೆ ಕೇಶವ ಸಿದ್ದಿ ಹೊಡೆದರು. ಈ ವೇಳೆ ಅಲ್ಲಿದ್ದ ಮಂಜು ನಾಯ್ಡು ಅವರು ಜೋರಾಗಿ ಬೊಬ್ಬೆ ಹೊಡೆಯುತ್ತ ಬಂದಿದ್ದು, ಅವರನ್ನು ನೋಡಿದ ಕೇಶವ ಸಿದ್ದಿ ಹಾಗೂ ವಿನಾಯಕ ಸಿದ್ದಿ ಓಡಿ ಪರಾರಿಯಾದರು. ಈ ಎಲ್ಲಾ ವಿಷಯಗಳ ಬಗ್ಗೆ ಗಣೇಶ ಸಿದ್ದಿ  ಮಾಹಿತಿ ನೀಡಿದರು.
- [ಪೊಲೀಸ್ ಮನೆಯಲ್ಲಿಯೇ ಕಳ್ಳತನ!](https://mobiletime.in/2026/01/theft-at-the-police-station/): ಕುಮಟಾ ಹಿರೆಗುತ್ತಿಯ ಚಂದ್ರಕಾoತ್ ಮಸಾಕಲ್ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಚಂದ್ರಕಾoತ್ ಮಸಾಕಲ್ ಅವರು ಪೊಲೀಸ್ ಸಿಬ್ಬಂದಿ ಆಗಿದ್ದು, ಕಳ್ಳರು ಅವರ ಮನೆಗೆ ನುಗ್ಗಿ 6 ಲಕ್ಷ ರೂ ಮೌಲ್ಯದ ಚಿನ್ನಾಭರಣ ದೋಚುವ ಧೈರ್ಯ ಮಾಡಿದ್ದಾರೆ. ಜನವರಿ 10ರಂದು ಚಂದ್ರಕಾoತ್ ಮಸಾಕಲ್ ಅವರು ಮನೆಯಲ್ಲಿರಲಿಲ್ಲ. ಅವರ ಮನೆಯಲ್ಲಿ ಆ ಅವಧಿಯಲ್ಲಿ ಯಾರೂ ಇರಲಿಲ್ಲ. ಈ ವಿಷಯ ಅರಿತ ಕಳ್ಳರು ಅವರ ಮನೆ ಬಾಗಿಲು ಮುರಿದು ತಮ್ಮ ಕೈ ಚಳಕ ಪ್ರದರ್ಶಿಸಿದ್ದಾರೆ. ಬೆಳಗ್ಗೆ 9ರಿಂದ 12 ಗಂಟೆ ಅವಧಿಯಲ್ಲಿ ಈ ಕಳ್ಳತನ ನಡೆದಿದ್ದರೂ ಆ ಅವಧಿಯಲ್ಲಿ ಯಾರಿಗೂ ಗೊತ್ತಾಗಲಿಲ್ಲ. ಪೊಲೀಸ್ ಸಿಬ್ಬಂದಿ ಮನೆಗೆ ನುಗ್ಗಿದ ಕಳ್ಳರಿಗೆ 2.80 ಲಕ್ಷ ರೂ ಮೌಲ್ಯದ ಬಂಗಾರದ ಬಳೆ, 3 ಲಕ್ಷ ರೂ ಮೌಲ್ಯದ ಚಿನ್ನದ ಕರಿಮಣಿ ಸರ, 80 ಸಾವಿರ ರೂ ಮೌಲ್ಯದ ಕಿವಿಯೋಲೆ ಸಿಕ್ಕಿದೆ. ಮನೆ ಕಳ್ಳತನಕ್ಕಾಗಿ ಬಂದಿದ್ದ ಆ ಕಳ್ಳರು ಮನೆಯ ಪ್ರಧಾನ ಬಾಗಿಲಿಗೂ ಹಾನಿ ಮಾಡಿದ್ದಾರೆ. ಬೆಡ್ ರೂಮಿನ ಸೇಫ್ ಲಾಕರಿನಲ್ಲಿರಿಸಿದ್ದ ಚಿನ್ನವನ್ನು ಕಳ್ಳರು ದೋಚಿದ್ದಾರೆ. ಆ ಅಪರಿಚಿತ ಕಳ್ಳರ ವಿರುದ್ಧ ಚಂದ್ರಕಾAತ್ ಮಸಾಕಲ್ ಅವರು ದೂರು ನೀಡಿದ್ದಾರೆ. ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ. ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಜಗದೀಶ, ಡಿವೈಎಸ್‌ಪಿ ಮಹೇಶ ಎಂ ಕೆ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಶ್ವಾನದಳವೂ ಆಗಮಿಸಿ ಶೋಧ ನಡೆಸಿದೆ. ಗೋಕರ್ಣ ಪಿಐ ಶ್ರೀಧರ ಎಸ್. ಆರ್ ಹಾಗೂ ಪಸೈ ಖಾದರ್ ಬಾಷಾ, ಶಶಿಧರ ಕಳ್ಳರ ಹುಡುಕಾಟ ಶುರು ಮಾಡಿದ್ದಾರೆ. `ಕಳ್ಳತನ ತಡೆಗೆ ಸಿಸಿ ಕ್ಯಾಮರಾ ಅಳವಡಿಸಿ’
- [ವಕೀಲರ ವಿರುದ್ಧವೇ ಪೊಲೀಸ್ ಕೇಸು!](https://mobiletime.in/2026/01/police-case-against-lawyers/): `ಅಂಕೋಲಾದ ವಕೀಲ ನಾರಾಯಣ ನಾಯಕ ಅವರಿಂದ 4 ಲಕ್ಷ ರೂ ನಷ್ಟವಾಗಿದೆ’ ಎಂದು 70 ವರ್ಷದ ಶಾಲಿನಿ ಗೋಳಿಕಟ್ಟಿ ದೂರಿದ್ದಾರೆ. `ಆ ಮಹಿಳೆ ಹಾಗೂ ಅವರ ಪುತ್ರಿ ಸ್ಪೂರ್ತಿ ಎಸ್ ಆರ್ ಅವರಿಂದ ತಮಗೂ 2 ಲಕ್ಷ ರೂ ಹಾನಿ ಆಗಿದೆ’ ಎಂದು ನಾರಾಯಣ ನಾಯಕ ಅವರು ಆರೋಪಿಸಿದ್ದಾರೆ. ಅಂಕೋಲಾದ ಸೂರ್ವೆಯ ನಾರಾಯಣ ರಾಮಕೃಷ್ಣ ನಾಯಕ ಅವರು ಆ ಭಾಗದಲ್ಲಿ ಪ್ರಸಿದ್ಧ ವಕೀಲರಾಗಿದ್ದಾರೆ. ಅವರ ವಿರುದ್ಧ ಇದೀಗ ನಿವೃತ್ತ ಸರ್ಕಾರಿ ನೌಕರರಾದ ಶಾಲಿನಿ ಗಣಪತಿ ಗೋಳಿಕಟ್ಟಿ ಅವರು ತಿರುಗಿ ಬಿದ್ದಿದ್ದಾರೆ. `ತಮ್ಮ ಹಿಡಿತದಲ್ಲಿರುವ ಜಮೀನಿಗೆ ನುಗ್ಗಿ ವಕೀಲರು ದಾಂಧಲೆ ನಡೆಸಿದ್ದಾರೆ’ ಎಂಬುದು ಬೆಳಗಾವಿಯಲ್ಲಿ ವಾಸವಾಗಿರುವ ಶಾಲಿನಿ ಗೋಳಿಕಟ್ಟಿ ಅವರ ಆರೋಪ. `ಶಾಲಿನಿ ಹಾಗೂ ಸ್ಪೂರ್ತಿ ಸೇರಿ ಇತನ್ನ ಜಮೀನಿಗೂ ನುಗ್ಗಿ ಕಪೌಂಡ್ ಒಡೆದಿದ್ದಾರೆ’ ಎಂಬುದು ನಾರಾಯಣ ನಾಯಕ ಅವರ ದೂರು. ಅಂಕೋಲಾದ ಸೂರ್ವೆಯಲ್ಲಿ ನಾರಾಯಣ ನಾಯಕ ಅವರ ಜಮೀನಿದೆ. ಅದರ ಸಮೀಪವೇ ಸ್ಪೂರ್ತಿ ಅವರ ಹೆಸರಿನಲ್ಲಿಯೂ ಭೂಮಿಯಿದೆ. ಡಿಸೆಂಬರ್ 25ರಂದು ಸ್ಪೂರ್ತಿ ಎಸ್ ಆರ್ ಅವರ ಹೆಸರಿನ ಜಮೀನಿಗೆ ನಾರಾಯಣ ನಾಯಕ ಅವರು ನುಗ್ಗಿದ್ದು, ಜೆಸಿಬಿ ಯಂತ್ರಗಳನ್ನು ಬಳಸಿ ಆ ಜಮೀನಿನ ರೂಪ ಬದಲಿಸಿದ್ದಾರೆ. ತೋಟದ ಸುತ್ತಲಿನ ಕಪೌಂಡ್ ಒಡೆದ ಕಾರಣ ಸ್ಪೂರ್ತಿ ಎಸ್ ಆರ್ ಅವರಿಗೆ 4 ಲಕ್ಷ ರೂ ಹಾನಿಯಾಗಿದೆ. ಇದನ್ನು ಪ್ರಶ್ನಿಸಿದ ಸ್ಪೂರ್ತಿ ಅವರ ತಾಯಿ ಶಾಲಿನಿ ಗೋಳಿಕಟ್ಟಿ ಅವರಿಗೆ ನಿಂದಿಸಿದ್ದಾರೆ. `ಇದು ನನ್ನ ಜಾಗ, ಏನೂ ಬೇಕಾದರೂ ಮಾಡುವೆ’ ಎಂದು ನಾರಾಯಣ ನಾಯಕ ಅವರು ಹೇಳಿದ್ದು, ಅದರಿಂದ ಆ ವೇಳೆ ಶಾಲಿನಿ ಗೋಳಿಕಟ್ಟಿ ಅವರು ಬೆದರಿದ್ದಾರೆ. ನಾರಾಯಣ ನಾಯಕ ಅವರ ಬೈಗುಳವನ್ನು ಶಾಲಿನಿ ಗೋಳಿಕಟ್ಟಿ ಅವರಿಂದ ಸಹಿಸಲಾಗಲಿಲ್ಲ. ಹೀಗಾಗಿ ಅವರು ಸಹ ನಾರಾಯಣ ನಾಯಕ ಅವರಿಗೆ ಬುದ್ದಿ ಕಲಿಸಲು ಮುಂದಾಗಿದ್ದು, ಜನವರಿ 6ರಿಂದ 8ರ ಅವಧಿಯಲ್ಲಿ ಶಾಲಿನಿ ನಾಯಕ ಅವರು ಆ ಭೂಮಿ ಬಳಿ ಜೆಸಿಬಿ ಸದ್ದು ಮಾಡಿಸಿದ್ದಾರೆ. ತಮ್ಮ ಆಳುಗಳನ್ನು ಬಿಟ್ಟು ನಾರಾಯಣ ನಾಯಕ ಅವರ ಜಮೀನಿನ ಕಪೌಂಡ್ ಒಡೆದು ಹಾಕಿದ್ದಾರೆ. ಪಶ್ಚಿಮ ದಿಕ್ಕಿನಲ್ಲಿರುವ ಪಗಾರ್ ಬಿಟ್ಟು ಉಳಿದವೆಲ್ಲವನ್ನು ನೆಲಸಮ ಮಾಡಿಸಿದ್ದಾರೆ. ಇದರಿಂದ ನಾರಾಯಣ ನಾಯಕ ಅವರಿಗೂ 2 ಲಕ್ಷ ರೂ ನಷ್ಟವಾಗಿದೆ. ಸದ್ಯ ನಾರಾಯಣ ನಾಯಕ ಅವರ ತಪ್ಪಿನ ಬಗ್ಗೆ ಶಾಲಿನಿ ಗೋಳಿಕಟ್ಟಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಶಾಲಿನಿ ಗೋಳಿಕಟ್ಟಿ ಹಾಗೂ ಅವರ ಪುತ್ರಿ ಸ್ಪೂರ್ತಿ ಸೇರಿ ಮಾಡಿದ ಅವಾಂತರದ ಬಗ್ಗೆ ನಾರಾಯಣ ನಾಯಕ ಅವರು ದೂರಿದ್ದಾರೆ. ಎರಡು ಕಡೆಯವರ ಮಾತು ಆಲಿಸಿದ ಅಂಕೋಲಾ ಪೊಲೀಸರು, ಇಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದಾರೆ.
- [ಜೀವ ಜಲಕ್ಕಾಗಿ ಜನ ಸಾಗರ: ನೀರು ಕೊಡಲ್ಲ.. ಹೋರಾಟ ಹಿಂಪಡೆಯಲ್ಲ!](https://mobiletime.in/2026/01/peoples-ocean-for-living-water-water-is-not-given-the-struggle-is-not-withdrawal/): ಬೇಡ್ತಿ ಹಾಗೂ ಅಘನಾಶಿನಿ ನದಿ ತಿರುವು ಯೋಜನೆಯ ವಿರುದ್ಧದ ಹೋರಾಟ ಜೋರಾಗಿದೆ. ನಿಸರ್ಗವನ್ನು ಉಳಿಸುವ ನಿಟ್ಟಿನಲ್ಲಿ ಜಿಲ್ಲೆಯ ಉತ್ತರ ಕನ್ನಡ ಜನ ಒಂದಾಗಿದ್ದು, ಅವೈಜ್ಞಾನಿಕ ಯೋಜನೆಯ ವಿರುದ್ಧ ಸಾವಿರ ಸಾವಿರ ಸಂಖ್ಯೆಯಲ್ಲಿ ಆಂದೋಲನ ನಡೆಸಿದ್ದಾರೆ. ಭಾನುವಾರ ಮಧ್ಯಾಹ್ನ ಶಿರಸಿಯಲ್ಲಿ ನಡೆದ ಸಮಾವೇಶದಲ್ಲಿ ಜನ ಒಕ್ಕೂರಲಿನಿಂದ ನದಿ ತಿರುವು ಯೋಜನೆ ವಿರೋಧಿಸಿದ್ದಾರೆ. ಸೋಂದಾ ಸ್ವರ್ಣವಲ್ಲಿ ಸಂಸ್ಥಾನದ ಗಂಗಾಧರೇoದ್ರ ಸರಸ್ವತೀ ಸ್ವಾಮೀಜಿ ಅವರ ನೇತ್ರತ್ವದಲ್ಲಿ ಯೋಜನೆ ವಿರುದ್ಧ ಹೋರಾಟ ನಡೆಯುತ್ತಿದೆ. `ಪರಿಸರ ಉಳಿಸಲು ಹೋರಾಟ ಅನಿವಾರ್ಯವಾಗಿದ್ದು, ಜನರ ಭಾವನೆಗೆ ಸರ್ಕಾರ ಸ್ಪಂದಿಸದೇ ಇದ್ದರೆ ಚುನಾವಣೆ ಬಹಿಷ್ಕಾರ ಅನಿವಾರ್ಯ’ ಎಂದು ಸೋಂದಾ ಶ್ರೀಗಳು ಹೇಳಿದ್ದಾರೆ. ಈ ಜನಾಕ್ರೋಶ ಅರಿತ ಜಿಲ್ಲೆಯ ಕೆಲ ಜನಪ್ರತಿನಿಧಿಗಳು ಇದೀಗ ತಮ್ಮ ನಿಲುವು ಬದಲಿಸಿದ್ದಾರೆ. ಆಂತರಿಕವಾಗಿ ಯೋಜನೆ ಪರವಾಗಿದ್ದ ಮುಖಂಡರು ಸಹ ಇದೀಗ ಬಹಿರಂಗವಾಗಿ ಅವೈಜ್ಞಾನಿಕ ಯೋಜನೆಯನ್ನು ವಿರೋಧಿಸಲು ಶುರು ಮಾಡಿದ್ದಾರೆ. ಸಹಸ್ರ ಸಹಸ್ರ ಸಂಖ್ಯೆಯಲ್ಲಿ ಸೇರಿದ ಜನರನ್ನು ನೋಡಿದ ಜನಪ್ರತಿನಿಧಿಗಳು ಈ ಹೋರಾಟಕ್ಕೆ ಬೆಂಬಲವ್ಯಕ್ತಪಡಿಸಿದ್ದು, `ಯಾವುದೇ ಕಾರಣಕ್ಕೂ ನದಿ ನೀರು ತಿರುವು ಯೋಜನೆಯನ್ನು ಬೆಂಬಲಿಸುವುದಿಲ್ಲ’ ಎಂದು ಶ್ರೀಗಳ ಮುಂದೆ ಪ್ರಮಾಣ ಮಾಡಿದ್ದಾರೆ. ಶಾಸಕ-ಸಚಿವ-ಸಂಸದರು ಸೇರಿ ಈ ಜನಧ್ವನಿಯನ್ನು ಸರ್ಕಾರಕ್ಕೆ ಮುಟ್ಟಿಸಿದರೆ ಮಾತ್ರ ಯೋಜನೆ ಸ್ಥಗಿತವಾಗುವ ಸಾಧ್ಯತೆಯಿದ್ದು, ಈ ಎಲ್ಲಾ ನಾಯಕರು ಕೊಟ್ಟ ಮಾತು ಉಳಿಸಿಕೊಳ್ಳುತ್ತಾರೆಯೇ? ಎನ್ನುವುದರ ಬಗ್ಗೆ ಮುಂದಿನ ಚರ್ಚೆ ಶುರುವಾಗಿದೆ. `ನದಿಗಳಿಗೆ ಸಹ ಬದುಕುವ ಹಕ್ಕಿದೆ. ನೈಸರ್ಗಿಕವಾಗಿ ಹರಿಯುವ ನದಿಯನ್ನು ಬೇರೆ ದಿಕ್ಕಿನ ಕಡೆ ತಿರುಚುವುದು ಸರಿಯಲ್ಲ. ನದಿಗಳ ಸಹಜ ಅರಿವಿಗೆ ಅಡ್ಡಿಪಡಿಸುವುದು ಅಪರಾಧ’ ಎಂದು ಸ್ವರ್ಣವಲ್ಲಿ ಶ್ರೀಗಳು ಪ್ರತಿಪಾದಿಸಿದ್ದಾರೆ. `ಕುಡಿಯುವ ನೀರಿನ ಯೋಜನೆ ಹೆಸರಿನಲ್ಲಿ ಬೇರೆ ಹುನ್ನಾರ ನಡೆಯುವ ಅನುಮಾನ ಕಾಡುತ್ತಿದೆ. ಜಿಲ್ಲೆಯ ಸಂಪತ್ತು ಲೂಟಿ ಮಾಡುವ ಯೋಜನೆಯನ್ನು ಎಲ್ಲರೂ ಸೇರಿ ವಿರೋಧಿಸಬೇಕು’ ಎಂದು ಶಿರಳಗಿಯ ಚೈತನ್ಯ ರಾಜಾರಾಮ ಆಶ್ರಮದ ಬ್ರಹ್ಮಾನಂದ ಭಾರತೀ ಸ್ವಾಮೀಜಿ ಹೇಳಿದ್ದಾರೆ. `ಸ್ವರ್ಣವಲ್ಲಿ ಶ್ರೀಗಳು ತೆಗೆದುಕೊಳ್ಳುವ ನಿರ್ಧಾರಗಳಿಗೆ ನಾವು ಬದ್ಧ. ನೀರಿನ ವಿಷಯದಲ್ಲಿ ಪ್ರತಿಯೊಬ್ಬರು ಸಾತ್ವಿಕ ಹೋರಾಟ ನಡೆಸುತ್ತಿದ್ದು, ಸರ್ಕಾರ ಜನರ ಭಾವನೆ ಅರ್ಥ ಮಾಡಿಕೊಳ್ಳಬೇಕು’ ಎಂದು ಜಡೆ ಸಂಸ್ಥಾನದ ಮಹಾಂತ ಮಹಾಸ್ವಾಮೀಜಿ ಹೇಳಿದ್ದಾರೆ. `ನದಿ ತಿರುವು ಎಂಬುದು ಪೃಕೃತಿ ಮೇಲಿನ ಹಿಂಸಾಚಾರ. ಪಶ್ಚಿಮಘಟ್ಟಕ್ಕೆ ಗಾಯ ಆದರೆ ಅದರ ನೋವನ್ನು ಜಗತ್ತೇ ಅನುಭವಿಸಲಿದೆ’ ಎಂದು ನೆಲಮಾವು ಮಠದ ಮಾಧವಾನಂದ ಸ್ವಾಮೀಜಿ ಎಚ್ಚರಿಕೆ ನೀಡಿದ್ದಾರೆ. ಈಗಾಗಲೇ ನಡೆದ ಪ್ರಕೃತಿ ವಿಕೋಪಗಳ ಬಗ್ಗೆಯೂ ಅವರು ವಿವಿಧ ನಿದರ್ಶನಗಳನ್ನು ನೀಡಿದ್ದಾರೆ. `ನಾಗರಿಕತೆಯ ಉಳಿಯುವಿಕೆಗೆ ನದಿ ಸಂರಕ್ಷಣೆ ಅನಿವಾರ್ಯ. ನದಿಗಳಿಗೆ ತೊಂದರೆ ನೀಡಲು ಮುಂದಾದರೆ ಅದನ್ನು ಎಂದಿಗೂ ಸಹಿಸುವುದಿಲ್ಲ’ ಎಂದು ಸೋಂದಾ ಸ್ವಾದಿ ಜೈನ ಮಠದ ಬಟ್ಟಕಳಂಕ ಪಟ್ಟಾಚಾರ್ಯವರ್ಯ ಸ್ವಾಮೀಜಿ ಹೇಳಿದ್ದಾರೆ. `ನದಿಗಳಿಗೆ ಹಿಂಸೆ ನೀಡುವ ಇಂಥ ಯೋಜನೆ ಕೂಡಲೇ ನಿಲ್ಲಿಸಬೇಕು’ ಎಂದು ಸರ್ಕಾರದ ನಿಲುವನ್ನು ಅವರು ಕಟುವಾಗಿ ಟೀಕಿಸಿದ್ದಾರೆ. `ನಿಮ್ಮೆಲ್ಲರ ಹಾಗೇ ನಾನು ಸಹ ಕೃಷಿಕ. ರೈತರು ಜಮೀನು ಕಳೆದುಕೊಂಡಾಗ ಆಗುವ ನೋವು ನನಗೆ ಅರಿವಿದೆ. ರೈತರ ಜೀವನದ ಜೊತೆ ಆಟವಾಡುವ ಯೋಜನೆ ಬರಲು ಬಿಡುವುದಿಲ್ಲ’ ಎಂದು ಶಿರಸಿ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ವಾಗ್ದಾನ ಮಾಡಿದ್ದಾರೆ. `ಜಿಲ್ಲೆಯ ಜನ ಈಗಾಗಲೇ ಸಾಕಷ್ಟು ತ್ಯಾಗ ಮಾಡಿದ್ದಾರೆ. ಮತ್ತೆ ಕೊಡುವುದಕ್ಕೆ ಜನರಲ್ಲಿ ಏನೂ ಉಳಿದಿಲ್ಲ. ನಮ್ಮ ಪಾಡಿಗೆ ನಮ್ಮನ್ನು ಬದುಕಲು ಬಿಡಿ’ ಎಂದು ಯಲ್ಲಾಪುರ ಕ್ಷೇತ್ರ ಶಾಸಕ ಶಿವರಾಮ ಹೆಬ್ಬಾರ್ ಹೇಳಿದ್ದಾರೆ. `ಸರ್ಕಾರ ಜನಾಭಿಪ್ರಾಯಕ್ಕೆ ಮನ್ನಣೆ ನೀಡಬೇಕು. ಯೋಜನೆಯನ್ನು ಕೂಲಂಕುಶವಾಗಿ ಅಧ್ಯಯನ ಮಾಡಬೇಕು. ಸ್ಥಳೀಯರ ಅಭಿಪ್ರಾಯಗಳಿಗೆ ಮನ್ನಣೆ ನೀಡಬೇಕು’ ಎಂದು ವಿಧಾನ ಪರಿಷತ್ ಸದಸ್ಯ ಶಾಂತರಾಮ ಸಿದ್ದಿ ಆಗ್ರಹಿಸಿದ್ದಾರೆ. `ಪರಿಸರ ಧಾರಣಾ ಸಾಮರ್ಥ್ಯ ಅರಿಯದೇ ಯೋಜನೆ ರೂಪಿಸುವುದು ಸರಿಯಲ್ಲ. ನದಿ ತಿರುವು ವಿರುದ್ಧ ನನ್ನ ನಿಲುವಿನಲ್ಲಿ ಯಾವುದೇ ಬದಲಾವಣೆಗಳಿಲ್ಲ. ಮುಂದಿನ ಪೀಳಿಗೆಯ ರಕ್ಷಣೆಗಾಗಿ ಯೋಜನೆ ವಿರೋಧಿಸುವುದು ಅನಿವಾರ್ಯ’ ಎಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಜನರಿಗೆ ಬೇಡವಾದ ಹಾಗೂ ಪರಿಸರಕ್ಕೆ ಮಾರಕವಾದ ಯೋಜನೆಗೆ ಸರ್ಕಾರವೂ ಆಸಕ್ತಿವಹಿಸಿಲ್ಲ. ಜಿಲ್ಲೆಯ ಜನರ ಹಿತಾಸಕ್ತಿ ಕಾಪಾಡುವುದೇ ನಮ್ಮ ಧ್ಯೇಯ’ ಎಂದು ಉತ್ತರ ಕನ್ನಡ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಹೇಳಿದ್ದಾರೆ. `ಜಿಲ್ಲೆಯ ಜನ ಕೇಳದಿದ್ದರೂ ಸರ್ಕಾರದವರು ಇಲ್ಲಿ ಅಣು ಸ್ಥಾವರ, ನೌಕಾನೆಲೆ ಕೊಟ್ಟಿದ್ದಾರೆ. ಆದರೆ, ಜನ ಕೇಳಿದ ಉತ್ತಮ ಆಸ್ಪತ್ರೆಯನ್ನು ಕೊಡಲು ಸಾಧ್ಯವಾಗಲಿಲ್ಲ. ಇದೀಗ ನೀರಾವರಿ ನೆಪವೊಡ್ಡಿ ನದಿ ಅಪಹರಣಕ್ಕೆ ಮುಂದಾಗಿರುವುದು ನಾಚಿಕೆಗೇಡು’ ಎಂದು ಪರಿಸರ ತಜ್ಞ ಬಿ ಎಂ ಕುಮಾರಸ್ವಾಮಿ ಆಕ್ರೋಶದ ಮಾತನಾಡಿದ್ದಾರೆ.
- [ಪಾಗಲ್ ಪ್ರೇಮಿ ಕಾಟಕ್ಕೆ ಪ್ರೇಯಸಿ ಸಾವು!](https://mobiletime.in/2026/01/the-death-of-his-mistress-due-to-the-misadventure-of-a-crazy-lover/): ಕಾರವಾರದ ಚಿರಾಗ್ ಕೋಠಾರಕರ್ ಅವರು ಕದ್ರಾದ ರೀಶೆಲ್ ಡಿಸೋಜಾ ಅವರನ್ನು ಪ್ರೀತಿಸುವಂತೆ ಬೆನ್ನು ಬಿದ್ದಿದ್ದು, ಚಿರಾಗ ಕೋಠಾರಕರ್ ಅವರ ಕಾಟ ಸಹಿಸಲಾಗದೇ ರೀಶೆಲ್ ಡಿಸೋಜಾ ಅವರು ಸಾವಿಗೆ ಶರಣಾಗಿದ್ದಾರೆ. ಕಾರವಾರದ ಬಾಡ ನಂದನಗದ್ದಾದಲ್ಲಿ ಚಿರಾಗ ಚಂದ್ರಹಾಸ ಕೋಠಾರಕರ್ ಅವರು ವಾಸವಾಗಿದ್ದಾರೆ. ಚಿರಾಗ ಕೋಟಾರಕರ್ ಅವರು ಕಾರವಾರ ಕದ್ರಾದ ರೀಶೆಲ್ ಡಿಸೋಜಾ (20) ಅವರನ್ನು ಪ್ರೀತಿಸುತ್ತಿದ್ದರು. ರೀಶೆಲ್ ಡಿಸೋಜಾ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಅವರು ಕಾಲೇಜಿಗೆ ಹೋಗಿ ಬರುವಾಗಲೆಲ್ಲ ಚಿರಾಗ ಕೋಟಾರಕರ್ ಅಡ್ಡಗಟ್ಟಿ ಪ್ರೀತಿಸುವಂತೆ ಕಾಡಿಸುತ್ತಿದ್ದರು. ಆದರೆ, ಆ ಪ್ರೀತಿಯನ್ನು ರೀಶೆಲ್ ಡಿಸೋಜಾ ಅವರು ಮನ್ನಿಸಿರಲಿಲ್ಲ. ಅದಾಗಿಯೂ, ಚಿರಾಗ ಕೋಠಾರಕರ್ ಅವರು ರೀಶೆಲ್ ಡಿಸೋಜಾ ಅವರನ್ನು ಬಿಟ್ಟಿರಲಿಲ್ಲ. ರೀಶೆಲ್ ಡಿಸೋಜಾ ಅವರಿಗೆ ಚಿರಾಗ ಕೋಠಾಕರ್ ಅವರು ಪದೇ ಪದೇ ಫೋನ್ ಮಾಡುತ್ತಿದ್ದರು. ರೀಶೆಲ್ ಡಿಸೋಜಾ ಅವರ ಮನೆಯವರೆಗೂ ಬಂದು ಸುತ್ತಾಡುತ್ತಿದ್ದರು. ರೀಶೆಲ್ ಡಿಸೋಜಾ ಅವರನ್ನು ಅನಗತ್ಯವಾಗಿ ಕಾಡಿಸುತ್ತಿದ್ದರು. ಆದರೆ, ಚಿರಾಗ ಕೋಠಾರಕರ್ ಅವರ ಬಗ್ಗೆ ಒಳ್ಳೆಯ ಅಭಿಪ್ರಾಯ ಇಲ್ಲದ ಕಾರಣ ರೀಶೆಲ್ ಡಿಸೋಜಾ ಆ ಪ್ರೀತಿಯನ್ನು ನಿರಾಕರಿಸಿದ್ದರು. ಚಿರಾಗ ಕೋಠಾರಕರ್ ಅವರಿಂದ ಆಗುವ ಹಿಂಸೆಯ ಬಗ್ಗೆ ತಂದೆ ಕಿಸ್ಟೋಡ್ ಡಿಸೋಜಾ ಅವರ ಬಳಿಯೂ ಹೇಳಿಕೊಂಡಿದ್ದರು. ಪ್ರೀತಿ ನಿರಾಕರಿಸಿದ ರೀಶೆಲ್ ಡಿಸೋಜಾ ಅವರಿಗೆ ಚಿರಾಗ ಕೋಠಾರಕರ್ ಅತ್ಯಂತ ಕೆಟ್ಟದಾಗಿ ನಿಂದಿಸಿದರು. `ನೀ ಬದುಕಿ ಪ್ರಯೋಜನವೇ ಇಲ್ಲ. ಬದುಕುವುದಕ್ಕಿಂತ ಸತ್ತರೆ ಒಳಿತು’ ಎಂದು ಬೈದಿದ್ದರು. ಚಿರಾಗ ಕೋಠಾರಕರ್ ಅವರ ಬೈಗುಳದಿಂದ ಬೇಸತ್ತ ರೀಶೆಲ್ ಡಿಸೋಜಾ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಜನವರಿ 9ರಂದು ಬೆಡ್ ರೂಮಿನ ಒಳಗೆ ಪ್ರವೇಶಿದ ಅವರು ಫ್ಯಾನಿಗೆ ನೇಣು ಹಾಕಿಕೊಂಡು ಕೊನೆಯುಸಿರೆಳೆದರು. ಈ ಎಲ್ಲಾ ವಿದ್ಯಮಾನಗಳ ಬಗ್ಗೆ ಕಿಸ್ಟೋಡ್ ಡಿಸೋಜಾ ಅವರು ಮಾಹಿತಿ ನೀಡಿದರು.
- [ನೌಕಾನೆಲೆಯಲ್ಲಿಯೂ ಲಂಚದ ಹಾವಳಿ!](https://mobiletime.in/2026/01/bribery-is-rampant-even-at-the-naval-base/): `ಕಾರವಾರದ ಕದಂಬ ನೌಕಾನೆಲೆಯಲ್ಲಿ ಲಂಚದ ಹಾವಳಿ ವಿಪರೀತವಾಗಿದೆ’ ಎಂದು ಮೀನುಗಾರ ಮುಖಂಡ ಗಣಪತಿ ಮಾಂಗ್ರೇ ಹೇಳಿದ್ದಾರೆ. `ಅಲ್ಲಿನ ಅಧಿಕಾರಿಗಳ ಹಪಾಹಪಿತನದಿಂದ ನಿರಾಶ್ರಿತರು ಸಮಸ್ಯೆಗೆ ಒಳಗಾಗಿದ್ದಾರೆ’ ಎಂದವರು ಅಳಲು ತೋಡಿಕೊಂಡಿದ್ದಾರೆ. `ನೌಕಾನೆಲೆಯಿAದ ಸ್ಥಳೀಯರಿಗೆ ಹಾಗೂ ರೈತರಿಗೆ ಯಾವುದೇ ತೊಂದರೆಯಾಗುವುದಿಲ್ಲ ಎಂದು ಭರವಸೆ ನೀಡಿದ್ದರು. ಆದರೆ ಪ್ರಸ್ತುತ ಪರಿಸ್ಥಿತಿ ತದ್ವಿರುದ್ಧವಾಗಿದೆ. ಉದ್ಯೋಗದ ವಿಷಯದಲ್ಲಿ ಸ್ಥಳೀಯರಿಗೆ ಅನ್ಯಾಯವಾಗಿದ್ದು, ಅರ್ಹ ಸ್ಥಳೀಯರಿಗೆ ಕೆಲಸ ಸಿಗುತ್ತಿಲ್ಲ. ಲಂಚಪಡೆದು ಬೇರೆ ಬೇರೆಯವರಿಗೆ ಉದ್ಯೋಗ ನೀಡಲಾಗುತ್ತಿದೆ. ಶೇ 60ರಷ್ಟು ಸ್ಥಳೀಯರನ್ನು ನೇಮಿಸಿಕೊಳ್ಳುವ ಬದಲು ಲಂಚ ನೀಡಿದವರಿಗೆ ಉದ್ಯೋಗ ನೀಡಲಾಗುತ್ತಿದೆ’ ಎಂದವರು ದೂರಿದರು. `ಒಡಿಶಾ ಮತ್ತು ಆಂಧ್ರಪ್ರದೇಶದ ನೂರಾರು ಯುವಕರಿಗೆ ತರಬೇತಿ ನೀಡಿ ಅವರನ್ನು ಇಲ್ಲಿ ಖಾಯಂ ಉದ್ಯೋಗಿಯನ್ನಾಗಿ ನೇಮಿಸಲಾಗಿದೆ. ನೌಕಾನೆಲೆಯ ಕೆಲವು ಅಧಿಕಾರಿಗಳು ಹಾಗೂ ಸಂಘಟನೆಗಳು ಕೈಜೋಡಿಸಿ ಸ್ಥಳೀಯರ ಹಕ್ಕನ್ನು ಕಸಿದುಕೊಳ್ಳುತ್ತಿವೆ. ಅಲ್ಲಿ ಕೆಲಸ ಮಾಡುತ್ತಿರುವ ಕೆಲವೇ ಕೆಲವು ಸ್ಥಳೀಯ ನೌಕರರನ್ನು ಅವರ ಜಾತಿ ಮತ್ತು ಭೂಮಿ ಕಳೆದುಕೊಂಡವರು ಎಂಬ ಕಾರಣಕ್ಕೆ ಅವಮಾನಿಸುವ, ಹೀಗಳೆಯುವ ಅನಿಷ್ಠ ಪದ್ಧತಿ ನೌಕಾನೆಲೆಯ ಒಳಗೆ ನಡೆಯುತ್ತಿದೆ. ಜಮೀನು ನೀಡಿ ಬೀದಿ ಪಾಲಾದವರನ್ನು ಕೀಳುಮಟ್ಟದ ದೃಷ್ಟಿಯಿಂದ ನೋಡುವ ಅಧಿಕಾರಿಗಳ ವರ್ತನೆಯು ಅಮಾನವೀಯವಾಗಿದೆ’ ಎಂದವರು ಆಕ್ರೋಶವ್ಯಕ್ತಪಡಿಸಿದರು. `9 ವರ್ಷಗಳ ಹಿಂದೆ ನೀಡಿದ ಭರವಸೆಯಂತೆ ನೌಕಾನೆಲೆಯ ವ್ಯಾಪ್ತಿಯಲ್ಲಿ ಮೀನುಗಾರಿಕೆಗೆ ಅವಕಾಶ ನೀಡುತ್ತಿಲ್ಲ. ಕಾನೂನಿನಲ್ಲಿ ಅವಕಾಶವಿದ್ದರೂ ಅಧಿಕಾರಿಗಳು ಮೀನುಗಾರರನ್ನು ಒಳಗೆ ಬಿಡದೆ ಕಿರುಕುಳ ನೀಡುತ್ತಿದ್ದಾರೆ. ನೌಕಾನೆಲೆಯ ಒಳಭಾಗದಲ್ಲಿ ಸಣ್ಣ ಮೀನುಗಳು ಈಗ ದೈತ್ಯ ಗಾತ್ರಕ್ಕೆ ಬೆಳೆದಿವೆ. ಆದರೆ ಅವುಗಳನ್ನು ಹಿಡಿಯಲು ಸ್ಥಳೀಯ ಮೀನುಗಾರರಿಗೆ ಸಾಧ್ಯವಾಗುತ್ತಿಲ್ಲ’ ಎಂದು ವಿನೋದ ಕುಡ್ತಲಕರ್ ಅವರು ವಿವರಿಸಿದರು. `ನೌಕಾನೆಲೆಯಲ್ಲಿ ನಡೆಯುವ ಗುತ್ತಿಗೆ ಕಾಮಗಾರಿಗಳಲ್ಲೂ ಸ್ಥಳೀಯ ಗುತ್ತಿಗೆದಾರರಿಗೆ ಅವಕಾಶ ನೀಡದೇ ಎಲ್ಲಾ ಗುತ್ತಿಗೆಗಳನ್ನು ಹೊರರಾಜ್ಯದವರಿಗೇ ನೀಡಲಾಗುತ್ತಿದೆ. ಭೂಮಿ ಕಳೆದುಕೊಂಡ ಕುಟುಂಬಗಳ ಜೀವನೋಪಾಯಕ್ಕೆ ಭಾರಿ ಹಿನ್ನಡೆಯಾಗಿದ್ದು, ವಯೋಮಿತಿ ಮೀರಿದ ನಿರಾಶ್ರಿತರಿಗೂ ಉದ್ಯೋಗ ನೀಡುವ ಬಗ್ಗೆ ಸರ್ಕಾರ ವಿಶೇಷ ಗಮನ ಹರಿಸಬೇಕು’ ಎಂದು ಆಗ್ರಹಿಸಿದರು. ವಿನೋದ ನಾಯ್ಕ ಹಾಗೂ ಪವನ್ ದುರ್ಗೇಕರ್ ಅವರು ಹೋರಾಟದ ಎಚ್ಚರಿಕೆ ನೀಡಿದರು.
- [ಸಮೃದ್ಧ ಜೀವನ: ಹೂಡಿಕೆದಾರರ ಬದುಕು ಅಧ್ವಾನ!](https://mobiletime.in/2026/01/prosperous-life-investors-money-is-in-the-air/): `ಸಮೃದ್ಧ ಜೀವನ’ ಎಂಬ ಯೋಜನೆ ಅಡಿ ಹೂಡಿಕೆ ಮಾಡಿದ ಅನೇಕರು ಕಾಸು ಕಳೆದುಕೊಂಡಿದ್ದಾರೆ. ತಮ್ಮ ಹಣ ತಮಗೆ ಮರಳಿಸಿ ಎಂದು ಅವರು ಪಟ್ಟುಹಿಡಿದಿದ್ದು, ಹಣಪಡೆದವರಾರೂ ಕೈಗೆ ಸಿಗುತ್ತಿಲ್ಲ! ಸಮೃದ್ಧ ಜೀವನ ಮಲ್ಟಿಸ್ಟೇಟ್ ಮಲ್ಟಿ ಪರ್ಪೋಸಸ್ ಕೋ-ಆಪ್ರೇಟಿವ್ ಸೊಸೈಟಿ ಹಾಗೂ ಪುಣೆಯ ಸಮೃದ್ಧ ಜೀವನ ಅಗ್ರೋ ಪ್ರಾಪರ್ಟಿ ಕಂಪನಿ ಲಿಮಿಟೆಡ್ ಸಹಯೋಗದಲ್ಲಿ ಜನರಿಗೆ ಅನ್ಯಾಯ ನಡೆದಿದೆ. ಭಾರತದ ಎಲ್ಲಡೆ ಶಾಖೆ ಹೊಂದಿರುವುದಾಗಿ ನಂಬಿಸಿದ ಈ ಕಂಪನಿ ಜನರಿಂದ ಹಣ ಸಂಗ್ರಹಿಸಿ ಮೋಸ ಮಾಡಿದೆ. ಆರ್‌ಡಿ, ಎಫ್‌ಡಿ, ಎಸ್ ಐ ಪಿ ಸೇರಿ ಹಲವು ಯೋಜನೆಗಳ ಹೆಸರಿನಲ್ಲಿ ಜನರನ್ನು ಯಾಮಾರಿಸಿದೆ. ಲಕ್ಷಾಂತರ ಜನ ಈ ವಂಚನೆಗೆ ಒಳಗಾಗಿದ್ದು, ಸಾಕಷ್ಟು ಹೋರಾಟ ನಡೆಸಿದರೂ ಅವರ ಹಣ ಮಾತ್ರ ಮರಳಿ ಸಿಕ್ಕಿಲ್ಲ ಕೂಲಿ ಕಾರ್ಮಿಕರು, ನಿವೃತ್ತ ನೌಕರರು, ಮಹಿಳೆಯರು ಸೇರಿ ಬಡವರನ್ನು ಗುರಿಯಾಗಿರಿಸಿಕೊಂಡು ಈ ಸಂಸ್ಥೆ ಹಣ ಸಂಗ್ರಹಿಸಿದೆ. 1600 ಕೋಟಿ ರೂಪಾಯಿಗೂ ಅಧಿಕ ಮೊತ್ತದ ಅವ್ಯವಹಾರ ನಡೆಸಿದೆ. ಸಂಸ್ಥೆ ಮುಖ್ಯಸ್ಥರೇ ಈ ಅಪರಾತಪರ ನಡೆಸಿದ್ದು, ಅವರು ಬಡವರ ಕೈಗೆ ಸಿಗದೇ ತಪ್ಪಿಸಿಕೊಂಡಿದ್ದಾರೆ. ಆ ಕಂಪನಿ ಆಸ್ತಿ ಮುಟ್ಟುಗೋಲು ಹಾಕಿ ಸಂತ್ರಸ್ತರ ಹಣ ಮರಳಿಸುವಂತೆ ಒತ್ತಾಯಿಸಿದರೂ ಆ ಕೆಲಸ ನಡೆದಿಲ್ಲ. ಈ ಎಲ್ಲಾ ಹಿನ್ನಲೆ ಉತ್ತರ ಕನ್ನಡ ಜಿಲ್ಲಾ ಅಂಗವಿಕಲರ ಹಾಗೂ ಪಾಲಕರ ಒಕ್ಕೂಟದವರು ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟಿಸಿದ್ದಾರೆ.
- [ಪಿಕಳೆ ಕುಟುಂಬದ ವಿರುದ್ಧ ಅಪಪ್ರಚಾರ!](https://mobiletime.in/2026/01/slander-against-the-pikale-family/): ಸಾವಿರಾರು ಜನರ ಜೀವ ಕಾಪಾಡಿದ ಕಾರವಾರದ ಡಾ ಪಿಕಳೆ ಕುಟುಂಬದ ವಿರುದ್ಧ ಜಾಲತಾಣದಲ್ಲಿ ಅಪಪ್ರಚಾರ ನಡೆಯುತ್ತಿದೆ. ವೈದ್ಯಕೀಯ ಸೌಲಭ್ಯಗಳು ಸರಿಯಾಗಿ ಇಲ್ಲದ ಅವಧಿಯಲ್ಲಿ ಎಸ್ ಆರ್ ಪಿಕಳೆ ಅವರು ಕಾರವಾರದಲ್ಲಿ ಸೇವೆ ಶುರು ಮಾಡಿದ್ದರು. ಬಡವರ ಸೇವೆಗಾಗಿ ಅವರು ತಮ್ಮ ಜೀವನವನ್ನು ಮೀಸಲಿಟ್ಟಿದ್ದರು. ತಂದೆ ನಡೆದ ಹಾದಿಯಲ್ಲಿಯೇ ನಿತಿನ್ ಪಿಕಳೆ ಹಾಗೂ ಸಂಜಯ ಪಿಕಳೆ ಅವರು ಮುಂದುವರೆದಿದ್ದು, ಸಮಾಜ ಸೇವೆಯ ಜೊತೆ ವೈದ್ಯಕೀಯ ಸೇವೆಯನ್ನು ಅವರು ಮುಂದುವರೆಸಿದ್ದಾರೆ. ಈ ಕುಟುಂಬದ ಡಾ ಅನುರಾಧಾ, ಡಾ ಅರ್ಚನಾ ಅವರು ಸಹ ವೈದ್ಯಕೀಯ ಕ್ಷೇತ್ರದಲ್ಲಿ ಸಾಕಷ್ಟು ಸಾಧನೆ ಮಾಡಿದ್ದಾರೆ. ಡಾ ಪಿಕಳೆ ಪರಿವಾರದವರು ಹಗಲು-ರಾತ್ರಿ ಎನ್ನದೇ ವೈದ್ಯಕೀಯ ಸೇವೆಯಲ್ಲಿದ್ದಾರೆ. ತುರ್ತು ಸನ್ನಿವೇಶದ ಅವಧಿಯಲ್ಲಿ ಬಂದ ರೋಗಿಯನ್ನು ಸಹ ಅವರು ಬದುಕಿಸಿದ ಸಾಕಷ್ಟು ನಿದರ್ಶನಗಳಿವೆ. ರಾತ್ರಿ ವೇಳೆ ವೈದ್ಯರು ಮನೆಯಲ್ಲಿ ವಿಶ್ರಾಂತಿಪಡೆಯುತ್ತಿದ್ದರೂ ತುರ್ತು ಕರೆ ಬಂದಾಗ ನಿದ್ದೆಯಿಂದ ಎದ್ದು ಬಂದು ಜನರ ಜೀವ ಕಾಪಾಡಿದ ಉದಾಹರಣೆಗಳಿವೆ. ಹೀಗಿದ್ದರೂ ಆ ಬಗ್ಗೆ ಅರಿಯದ ಕೆಲವರು ಡಾ ಪಿಕಳೆ ಪರಿವಾರದ ವಿರುದ್ಧ ಅಪಪ್ರಚಾರ ನಡೆಸುತ್ತಿದ್ದಾರೆ. ಪಿಕಳೆ ಆಸ್ಪತ್ರೆಯಲ್ಲಿನ ಸಿಬ್ಬಂದಿಯೊಬ್ಬರು ಕಣ್ತಪ್ಪಿನಿಂದ ರೋಗಿಗೆ ಅವಧಿ ಮುಗಿದ ಔಷಧಿ ನೀಡಿದ್ದಾರೆ. ತಮ್ಮಿಂದ ತಪ್ಪಾಗಿರುವುದನ್ನು ಸಹ ಆ ಸಿಬ್ಬಂದಿ ಒಪ್ಪಿಕೊಂಡಿದ್ದಾರೆ. ಬದಲಿ ಔಷಧಿ ನೀಡಿ ಕ್ಷಮೆ ಕೋರಿದ್ದಾರೆ. ಈ ವಿಷಯವನ್ನು ವ್ಯಕ್ತಿಯೊಬ್ಬರು ವಿಡಿಯೋ ಮಾಡಿದ್ದು, ಆಸ್ಪತ್ರೆ ಸಿಬ್ಬಂದಿಯಿOದ ಆದ ಅಚಾತುರ್ಯಕ್ಕೆ ವೈದ್ಯರ ಹೆಸರು ಕೆಡಿಸುವ ಕೆಲಸ ಮಾಡಿದ್ದಾರೆ. ಗೊತ್ತುಗುರಿಯಿಲ್ಲದ ಅನೇಕರು ಅದೇ ವಿಡಿಯೋ ಆಧಾರದಲ್ಲಿ ಡಾ ಪಿಕಳೆ ವೈದ್ಯ ಕುಟುಂಬದ ವಿರುದ್ಧ ಸದ್ಯ ಜಾಲತಾಣದಲ್ಲಿ ಅನಗತ್ಯ ಆರೋಪ ಮಾಡುತ್ತಿದ್ದಾರೆ. ಜನರ ಸೇವೆಗಾಗಿ ತಮ್ಮ ವೈಯಕ್ತಿಕ ಜೀವನವನ್ನು ಕಳೆದುಕೊಂಡ ಇಡೀ ಪರಿವಾರಗಳಿಸಿದ ಹೆಸರನ್ನು ಒಂದೇ ಒಂದು ವಿಡಿಯೋ ತುಣುಕು ಹಾಳು ಮಾಡುತ್ತಿರುವ ಬಗ್ಗೆ ಜನ ಅಸಮಧಾನವ್ಯಕ್ತಪಡಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ವೈದ್ಯಕೀಯ ಕ್ಷೇತ್ರದಲ್ಲಿ ತನ್ನದೇ ಆದ ವಿಶಿಷ್ಟ ಛಾಪು ಮೂಡಿಸಿದಲ್ಲದೇ ಸಾವಿರಾರು ಬಡ ಕುಟುಂಬಗಳಿಗೆ ಆಸರೆಯಾಗಿರುವ ಪಿಕಳೆ ಆಸ್ಪತ್ರೆಯ ವಿರುದ್ಧ ವ್ಯವಸ್ಥಿತ ಸಂಚು ನಡೆಯುತ್ತಿರುವುದು ವಿಷಾದನೀಯ’ ಎಂದು ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಅವರು ಹೇಳಿದ್ದಾರೆ. `ಪಿಕಳೆ ಕುಟುಂಬವು ಎಂದಿಗೂ ರೋಗಿಗಳ ಪ್ರಾಣದ ಜೊತೆ ಆಟವಾಡುವವರಲ್ಲ. ಅವರ ನಿಸ್ವಾರ್ಥ ಸೇವೆಗೆ ಕಾರವಾರದ ಜನತೆ ಸದಾ ಚಿರಋಣಿಯಾಗಿರಬೇಕು’ ಎಂದು ಅವರು ಹೇಳಿದ್ದಾರೆ. `ಹಾಳಾದ ಔಷಧಿ ನೀಡಿದ್ದರೆ ಆ ಬಗ್ಗೆ ಕಾನೂನು ಹೋರಾಟ ನಡೆಸಬೇಕು. ಅದರ ಬದಕು ಕಾರವಾರದ ಜನರ ಭಾವನೆಯೊಂದಿಗೆ ಬೆಸೆದುಕೊಂಡಿರುವವರ  ವಿರುದ್ಧ ಇಲ್ಲಸಲ್ಲದ ಆರೋಪ ಮಾಡಿರುವ ಹಿಂದೆ ಹೆಸರಿಗೆ ಮಸಿ ಬಡಿಯುವ ಪ್ರಯತ್ನದ ಶಂಕೆಯಿದೆ’ ಎಂದು ಮಾಧವ ನಾಯಕ ಅವರು ಹೇಳಿದ್ದಾರೆ.
- [ಗಡಿ ಜಗಳ: ಕೋರ್ಟಿನ ಮಾತಿಗೂ ಬೆಲೆ ಇಲ್ಲ!](https://mobiletime.in/2026/01/border-dispute-even-the-courts-word-is-worthless/): ಸಿದ್ದಾಪುರದ ನಿರಂಜನ ಹೆಗಡೆ ಅವರು ತೋಟದ ಸುತ್ತ ನಿರ್ಮಿಸಿದ್ದ ಬೇಲಿಯನ್ನು ನರಸಿಂಹ ಹೆಗಡೆ ಅವರು ಕಿತ್ತೊಗೆದಿದ್ದಾರೆ. ಇದನ್ನು ಪ್ರಶ್ನಿಸಿದ ನಿರಂಜನ ಹೆಗಡೆ ಅವರ ಮಾವ ಕೃಷ್ಣಮೂರ್ತಿ ಭಟ್ಟ ಅವರಿಗೆ ನರಸಿಂಹ ಹೆಗಡೆ ಅವರು ನಿಂದಿಸಿದ್ದಾರೆ. ಸಿದ್ದಾಪುರದ ತ್ಯಾಗಲಿ ಗ್ರಾಮದಲ್ಲಿ ನಿರಂಜನ ಹೆಗಡೆ ಅವರ ಭೂಮಿಯಿದೆ. ಹಣಜಿಬೈಲಿನ ಕೃಷ್ಣಮೂರ್ತಿ ಗಂಗಾಧರ ಭಟ್ಟ ಅವರು ತಮ್ಮ ಅಳಿಯ ಅಳಿಯ ನಿರಂಜನ್ ಹೆಗಡೆ ಅವರಿಂದ ಆ ಭೂಮಿಯ ವಿಷಯವಾಗಿ ಪವರ್ ಆಫ್ ಅಟಾರ್ನಿ ಅಧಿಕಾರಪಡೆದಿದ್ದಾರೆ. ಆದರೆ, ಆ ಭೂಮಿಯ ವಹಿವಾಟಿಗೆ ಮೊದಲಿನಿಂದಲೂ ಮಂತಿಗೆಮನೆಯ ನರಸಿಂಹ ಗಣಪತಿ ಹೆಗಡೆ ಅವರು ಅಡ್ಡಿಪಡಿಸುತ್ತಿದ್ದಾರೆ. ಇದೇ ವಿಷಯವಾಗಿ ನಿರಂಜನ ಹೆಗಡೆ ಅವರು ನ್ಯಾಯಾಲಯದ ಮೆಟ್ಟಿಲೇರಿದ್ದು, 2022ರಲ್ಲಿ ನ್ಯಾಯಾಲಯವೂ ನರಸಿಂಹ ಹೆಗಡೆ ಅವರಿಗೆ ಅನಗತ್ಯ ತಂಟೆ-ತಕರಾರಿಗೆ ಹೋಗದಂತೆ ಸೂಚನೆ ನೀಡಿದೆ. ಅದಾಗಿಯೂ 2025ರ ಡಿಸೆಂಬರ್ 31ರಂದು ನರಸಿಂಹ ಹೆಗಡೆ ಅವರು ತಮ್ಮ ಕಿಡಿಗೇಡಿತನ ಮುಂದುವರೆಸಿದ್ದಾರೆ. ಆ ದಿನ ಐದು ಜನ ಆಳುಗಳ ಜೊತೆ ನಿರಂಜನ ಹೆಗಡೆ ಅವರ ತೋಟಕ್ಕೆ ಬಂದ ನರಸಿಂಹ ಹೆಗಡೆ ಅವರು ಅಲ್ಲಿದ್ದ ಬೇಲಿಯನ್ನು ಕಿತ್ತು ಹಾಕಿದ್ದಾರೆ. ಇದನ್ನು ಪ್ರಶ್ನಿಸಿದ ಕೃಷ್ಣಮೂರ್ತಿ ಭಟ್ಟ ಅವರಿಗೆ ಬೈದಿದ್ದಾರೆ. ಇದರಿಂದ ನೊಂದ ಕೃಷ್ಣಮೂರ್ತಿ ಭಟ್ಟ ಅವರು ಪೊಲೀಸರ ಬಳಿ ತಮ್ಮ ಅಳಲು ತೋಡಿಕೊಂಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಆನ್‌ಲೈನ್ ಉದ್ಯೋಗ: ಮೋಸ!](https://mobiletime.in/2026/01/online-employment-fraud/): ಆನ್‌ಲೈನ್ ಉದ್ಯೋಗಕ್ಕೆ ಆಸೆಪಟ್ಟ ಕಾರವಾರದ ಅಮೃತ ಕೋಳಂಬಕರ್ ಅವರು 26 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಅವರಿಗೆ ಉದ್ಯೋಗವೂ ಸಿಕ್ಕಿಲ್ಲ. ಕೊಟ್ಟ ಕಾಸನ್ನು ಹಿಂಪಡೆಯಲು ಸಾಧ್ಯವಾಗಿಲ್ಲ. ಕಾರವಾರದಬಾಡ ನಂದನಗದ್ದಾದ ಪಾದ್ರಿಭಾಗ ಕ್ರಾಸಿನ ಬಳಿ ಅಮೃತ ಕೋಳಂಬಕರ್ ಅವರು ವಾಸವಾಗಿದ್ದಾರೆ. ಅವರು ಆನ್‌ಲೈನ್ ಮೂಲಕ ಉದ್ಯೋಗ ಹುಡುಕಾಟದಲ್ಲಿದ್ದಾಗ ಅದೇ ವಿಷಯದ ಜಾಹೀರಾತೊಂದು ಅವರಿಗೆ ಕಾಣಿಸಿದೆ. ಆ ಬಗ್ಗೆ ಅವರು ಆಸಕ್ತರಾಗಿ ಜಾಹೀರಾತು ಬಗ್ಗೆ ವಿಚಾರಿಸಿದ್ದಾರೆ. 2025ರ ಸೆಪ್ಟೆಂಬರ್ 10ರಂದು ವಾಟ್ಸಪ್ ಮೂಲಕ ವಂಚಕರು ಅಮೃತ ಕೋಳಂಬಕರ್ ಅವರನ್ನು ಸಂಪರ್ಕಿಸಿದ್ದಾರೆ. ಆನ್ ಲೈನ್ ಮೂಲಕ ಪಾರ್ಟ ಟೈಂ ಉದ್ಯೋಗ ಮಾಡಿ ಹಣ ಸಂಪಾದಿಸಲು ಸಾಧ್ಯ ಎಂದವರು ವಿವರಿಸಿದ್ದಾರೆ. `ಆನ್ ಲೈನ್ ಮೂಲಕ ವಿವಿಧ ಉತ್ಪನ್ನಗಳಿಗೆ ರಿವ್ಯು ಬರೆದರೆ ಹಣ ಕೊಡುತ್ತೇವೆ’ ಎಂದು ನಂಬಿಸಿದ್ದಾರೆ. ಅಮೃತ ಕೋಳಂಬಕರ್ ಅವರಿಗೆ ಈ ವೇಳೆ ಆನ್‌ಲೈನ್ ಮೂಲಕವೇ ಕಾವ್ಯ ಹಾಗೂ ಗಿರೀಶ್ ರಾಮಕೃಷ್ಣ ಎಂಬಾತರು ಪರಿಚಿತರಾಗಿದ್ದು, ಅವರು ಹೇಳಿದಂತೆ ಅಮೃತ ಕೋಳಂಬಕರ್ ಕೆಲಸ ಮಾಡಿದ್ದಾರೆ. ಇದಕ್ಕಾಗಿ ಅಮೃತ ಕೋಳಂಬಕರ್ ಅವರ ಖಾತೆಗೆ 1500ರೂ ಹಣ ಜಮಾ ಆಗಿದೆ. ಅದಾದ ನಂತರ `ನಾವು ಹೇಳಿದ ಕಡೆ ಹಣ ಹೂಡಿಕೆ ಮಾಡಿದರೆ ದುಪ್ಪಟ್ಟು ಲಾಭ ಕೊಡುತ್ತೇವೆ’ ಎಂದು ಕಾವ್ಯ ಎಂಬಾತರು ನಂಬಿಸಿದ್ದಾರೆ. ಆ ಮಾತು ಕೇಳಿ ಅಮೃತ ಕೋಳಂಬಕರ್ ಅವರು 10 ಸಾವಿರ ರೂ ಹೂಡಿಕೆ ಮಾಡಿದ್ದಾರೆ. ಅದಕ್ಕೆ ಅವರಿಗೆ 15 ಸಾವಿರ ರೂ ದೊರೆತಿದೆ. ಅದಾದ ನಂತರ 26 ಲಕ್ಷ ರೂ ಹೂಡಿಕೆ ಮಾಡಿದ್ದಾರೆ. ಆ ವೇಳೆ ಅವರಿಗೆ ಲಾಭವೂ ಸಿಕ್ಕಿಲ್ಲ. ಕೊಟ್ಟ ಹಣವೂ ಮರಳಿ ಬಂದಿಲ್ಲ.
- [ಅಸಹಜ ಸಾವಿನಲ್ಲಿ ಇನ್ನಷ್ಟು ಅನುಮಾನ!](https://mobiletime.in/2026/01/more-suspicions-in-unnatural-death/): ಅಂಕೋಲಾದಲ್ಲಿ ಟೈಲ್ಸ ಕೆಲಸ ಮಾಡುತ್ತಿದ್ದ ನಾರಾಯಣ ಹುಲಸ್ವಾರ್ ಅವರು ಅನುಮಾನಾಸ್ಪದ ರೀತಿಯಲ್ಲಿ ಸಾವನಪ್ಪಿದ್ದಾರೆ. ಮರಕ್ಕೆ ನೇಣು ಹಾಕಿಕೊಂಡ ಸ್ಥಿತಿಯಲ್ಲಿ ಅವರ ಶವ ಪತ್ತೆಯಾಗಿದೆ. ಅದಾಗಿಯೂ, ಅವರ ಸಾವಿನ ಸಮಗ್ರ ತನಿಖೆಗೆ ಕುಟುಂಬದವರು ಆಗ್ರಹಿಸಿದ್ದಾರೆ. ಅಂಕೋಲಾ ಶಿರಕುಳಿ ಅಸ್ಲಗದ್ದೆಯ ನಾರಾಯಣ ಪಾಂಡು ಹುಲಸ್ವಾರ್ (31) ಅವರು ಟೈಲ್ಸ ಕೆಲಸ ಮಾಡಿಕೊಂಡಿದ್ದರು. ಜನವರಿ 4ರಂದು ಅವರು `ಕೆಲಸಕ್ಕೆ ಹೋಗಿ ಬರುತ್ತೇನೆ’ ಎಂದು ಹೇಳಿ ಮನೆಯಿಂದ ಹೊರಟಿದ್ದರು. ಆದರೆ, ಎಷ್ಟು ಹೊತ್ತಾದರೂ ಮನೆಗೆ ಮರಳಿರಲಿಲ್ಲ. ಜನವರಿ 9ರಂದು ಅರಣ್ಯ ಪ್ರದೇಶದಲ್ಲಿ ನಾರಾಯಣ ಹುಲಸ್ವಾರ್ ಅವರು ಶವವಾಗಿದ್ದರು. ವಿಠ್ಠಲಘಾಟ್ ಬಳಿಯ ಕಾಡಿನಲ್ಲಿದ್ದ ಗೇರು ಮರಕ್ಕೆ ಅವರು ನೇಣು ಹಾಕಿಕೊಂಡ ಸ್ಥಿತಿಯಲ್ಲಿದ್ದರು. ಐದಾರು ದಿನದ ಹಿಂದೆಯೇ ನಾರಾಯಣ ಹುಲಸ್ವಾರ್ ಅವರು ಸಾವನಪ್ಪಿದ ಶಂಕೆಯನ್ನು ಅಲ್ಲಿನವರು ವ್ಯಕ್ತಪಡಿಸಿದರು. ಕೊಳೆತ ವಾಸನೆ ಆಧಾರದಲ್ಲಿ ಅಲ್ಲಿ ಹೋದವರಿಗೆ ಶವ ಕಾಣಿಸಿದ್ದು, ತಮ್ಮನ ಸಾವಿನಲ್ಲಿ ಸಂಶಯವಿರುವುದಾಗಿ ಮಂಜುನಾಥ ಹುಲಸ್ವಾರ್ ಅವರು ಹೇಳಿದರು. ಈ ಹಿನ್ನಲೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ನದಿ ಜೋಡಣೆ: ಮೌನ ಮುರಿದ ಶಿರಸಿ ಶಾಸಕ!](https://mobiletime.in/2026/01/river-linking-sirsi-mla-breaks-silence/): ನದಿ ಜೋಡಣೆ ಯೋಜನೆ ಪರ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ಮಾತನಾಡಿದಾಗ ಮೌನವಾಗಿದ್ದ ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರು ಶುಕ್ರವಾರ ಅದೇ ವಿಷಯವಾಗಿ ಬಸವರಾಜ ಬೊಮ್ಮಾಯಿ ಅವರ ವಿರುದ್ಧ ಕಿಡಿಕಾರಿದ್ದಾರೆ. `ನದಿ ಜೋಡಣೆ ವಿಚಾರವಾಗಿ ಜಿಲ್ಲೆಗೆ ಕಾಲಿಟ್ಟರೆ ಹುಷಾರ್!’ ಎಂದು ಭೀಮಣ್ಣ ನಾಯ್ಕ ಬಸವರಾಜ ಬೊಮ್ಮಾಯಿ ಅವರಿಗೆ ಎಚ್ಚರಿಕೆ ನೀಡಿದ್ದಾರೆ. ಕೆಲ ದಿನದ ಹಿಂದೆ ಕಾರವಾರಕ್ಕೆ ಭೇಟಿ ನೀಡಿದ್ದ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು `ಯಾರು ಎಷ್ಟೇ ವಿರೋಧ ಮಾಡಿದರೂ ನದಿ ಜೋಡಣೆ ಯೋಜನೆ ಹಿಂಪಡೆಯುವುದಿಲ್ಲ’ ಎಂದು ಹೇಳಿಕೆ ನೀಡಿದ್ದರು. ಆ ವೇಳೆ ಶಿರಸಿ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ಡಿ ಕೆ ಶಿವಕುಮಾರ ಅವರ ಪಕ್ಕದಲ್ಲಿಯೇ ಇದ್ದರು. ಡಿ ಕೆ ಶಿವಕುಮಾರ ಅವರು ಆ ದಿನ ಸಾಕಷ್ಟು ಉಡಾಫೆಯಾಗಿ ಮಾತನಾಡಿದ್ದರು. ಆದರೆ, ಆ ವೇಳೆ ಭೀಮಣ್ಣ ನಾಯ್ಕ ಅವರು ಡಿ ಕೆ ಶಿವಕುಮಾರ ಅವರ ಮಾತಿಗೆ ಕಿಂಚಿತ್ತು ವಿರೋಧವ್ಯಕ್ತಪಡಿಸಿರಲಿಲ್ಲ. ಇದನ್ನು ಓದಿ: ನದಿ ಜೋಡಣೆ ಗ್ಯಾರಂಟಿ: ಉಪಮುಖ್ಯಮಂತ್ರಿಯಿoದ ಉಡಾಫೆ ಉತ್ತರ! ಆದರೆ, ಶುಕ್ರವಾರ ಸುದ್ದಿಗಾರರ ಜೊತೆ ಮಾತನಾಡಿದ ಭೀಮಣ್ಣ ನಾಯ್ಕ ಅವರು ನದಿ ಜೋಡಣೆ ವಿಚಾರವಾಗಿ ಮಾಜಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರಿಗೆ ಎಚ್ಚರಿಕೆ ನೀಡಿದ್ದಾರೆ. ಬೇಡ್ತಿ ಅಘನಾಶಿನಿ ಕೊಳ್ಳ ಸಂರಕ್ಷಣಾ ಸಮಿತಿ ಆಯೋಜಿಸಿರುವ ಜನ ಸಮಾವೇಶಕ್ಕೆ ಬೆಂಬಲ ನೀಡುವುದಾಗಿ ಅವರು ಘೋಷಿಸಿದ್ದಾರೆ. `ನದಿ ಜೋಡಣೆ ವಿಷಯದ ವಾಸ್ತವ ಭೀಕರವಾಗಿದೆ. ಗದಗ ಹಾವೇರಿ ಜನರ ದಾರಿ ತಪ್ಪಿಸಲು ಈ ಯೋಜನೆ ಮುನ್ನಲೆಗೆ ತರಲಾಗುತ್ತಿದ್ದು, ಪರಿಸರಕ್ಕೆ ಮಾರಕವಾದ ಯೋಜನೆ’ ಎಂದು ಭೀಮಣ್ಣ ನಾಯ್ಕ ಅವರು ಹೇಳಿದ್ದಾರೆ. `ಪಶ್ಚಿಮ ಘಟ್ಟದ ಅತ್ಯಂತ ಸೂಕ್ಷ್ಮ ಪ್ರದೇಶದಲ್ಲಿ ಬೇಡ್ತಿ ನದಿ ಹರಿಯುತ್ತಿದೆ. ಈ ಯೋಜನೆಗಾಗಿ ಸಾವಿರಾರು ಎಕರೆ ಅರಣ್ಯ ನಾಶವಾಗಲಿದ್ದು, ಈಗಾಗಲೇ ಗುಡ್ಡ ಕುಸಿತವಾಗುತ್ತಿರುವ ಪ್ರದೇಶದಲ್ಲಿ ಇಂಥ ಯೋಜನೆ ಅಪಾಯಕಾರಿ. ಪರಿಸರಕ್ಕೆ ಹಾನಿಯಾಗದಂತೆ ಯೋಜನೆ ರೂಪಿಸುತ್ತೇವೆ ಎಂಬುದು ಅಸಾಧ್ಯ’ ಎಂದು ಭೀಮಣ್ಣ ನಾಯ್ಕ ಅವರು ಹೇಳಿದ್ದಾರೆ. `ನದಿ ನೀರು ಸಮುದ್ರಕ್ಕೆ ಸೇರುವುದು ವ್ಯರ್ಥವಲ್ಲ. ಸಿಹಿ ನೀರು ಸಮುದ್ರಕ್ಕೆ ಸೇರಿದಾಗ ಮಾತ್ರ ಅಲ್ಲಿನ ಮೀನುಗಾರಿಕೆ ಮತ್ತು ಜಲಚರಗಳು ಬದುಕಲು ಸಾಧ್ಯ’ ಎಂದು ವೈಜ್ಞಾನಿಕ ಮಾತುಗಳನ್ನು ಆಡಿದ್ದಾರೆ. ಆದರೆ, `ನದಿ ನೀರು ವ್ಯರ್ಥವಾಗಲು ಬಿಡುವುದಿಲ್ಲ’ ಎಂದು ಡಿ ಕೆ ಶಿವಕುಮಾರ ಅವರು ಹೇಳಿದಾಗ ಭೀಮಣ್ಣ ನಾಯ್ಕ ಅವರು ಮಾತನಾಡಿರಲಿಲ್ಲ. `ಪರಿಸರ ನಾಶ ಆಗದ ಹಾಗೇ ಯೋಜನೆ ರೂಪಿಸುತ್ತೇವೆ’ ಎಂದು ಡಿ ಕೆ ಶಿವಕುಮಾರ ಅವರು ಹೇಳಿದಾಗ ಸಹ ಭೀಮಣ್ಣ ನಾಯ್ಕ ಅವರು ಪಕ್ಕದಲ್ಲಿಯೇ ಇದ್ದರೂ ಅದಕ್ಕೆ ಚಕಾರ ಎತ್ತಿರಲಿಲ್ಲ. ಹೀಗಾಗಿ ಸದ್ಯ ಭೀಮಣ್ಣ ನಾಯ್ಕ ಅವರ ನಿಲುವಿನ ಬಗ್ಗೆ ಪ್ರಶ್ನೆ ಎದ್ದಿದ್ದು, ಆ ಬಗ್ಗೆ ಚರ್ಚೆ ಶುರುವಾಗಿದೆ.
- [ತೋಟದ ಕಾಲುವೆ ವಿಷಯ: ಭಟ್ಟ-ಹೆಗಡೆರ ನಡುವೆ ಹೊಡೆದಾಟ!](https://mobiletime.in/2026/01/garden-canal-issue-fight-between-bhatta-hegad/): ಅಡಿಕೆ ತೋಟದಲ್ಲಿರುವ ಕಾಲುವೆ ವಿಷಯವಾಗಿ ಶಿರಸಿಯ ತಿರುಮಲೇಶ್ವರ ಹೆಗಡೆ ಹಾಗೂ ರಘುಪತಿ ಭಟ್ಟ ಅವರ ನಡುವೆ ಹೊಡೆದಾಟ ನಡೆದಿದೆ. ಶಿರಸಿಯ ಇಸಳೂರು ಬಳಿಯ ಬೋಪನಳ್ಳಿಯಲ್ಲಿ ತಿರುಮಲೇಶ್ವರ ಸತ್ಯನಾರಾಯಣ ಹೆಗಡೆ ಅವರು ವಾಸವಾಗಿದ್ದಾರೆ. ಅವರಿಗೆ ಅಲ್ಲಿ 2.10 ಎಕರೆ ಕ್ಷೇತ್ರದ ಭೂಮಿಯಿದ್ದು, ಅಲ್ಲಿ ಅವರು ಅಡಿಕೆ ಬೆಳೆದಿದ್ದಾರೆ. ಅವರ ತೋಟದ ಪಕ್ಕ ಬೋಪ್ಪನಳ್ಳಿ ಜಂಬೆಕೊಪ್ಪದ ರಘುಪತಿ ಗೋಪಾಲ ಭಟ್ಟ ಅವರ ತೋಟವಿದೆ. ಈ ಎರಡು ತೋಟಗಳ ನಡುವೆ ಮಳೆಗಾಲದಲ್ಲಿ ನೀರು ಹರಿಯುವ ಕಾಲುವೆಯಿದೆ. ರಘುಪತಿ ಭಟ್ಟ ಅವರು ಆ ಕಾಲುವೆ ನೀರನ್ನು ಬೇರೆ ಕಡೆ ತಿರುಗಿಸಿದ್ದಾರೆ. ಕಾಲುವೆ ಮೂಲಕ ಹರಿಯುವ ನೀರನ್ನು ರಘುಪತಿ ಭಟ್ಟ ಅವರು ತಿರುಮಲೇಶ್ವರ ಅವರ ತೋಟದ ಕಡೆ ಬಿಟ್ಟಿದ್ದು ಅವರಿಬ್ಬರ ನಡುವಿನ ವೈಮನಸ್ಸಿಗೆ ಕಾರಣವಾಗಿದೆ. ಕಾಲುವೆ ನೀರು ತೋಟಕ್ಕೆ ನುಗ್ಗಿದ ಕಾರಣ ತಿರುಮಲೇಶ್ವರ ಅವರ ಅಡಿಕೆ ಫಸಲಿಗೆ ಹಾನಿಯಾಗಿದೆ. ಆ ಹಾನಿ ತಪ್ಪಿಸುವುದಕ್ಕಾಗಿ ಅವರು ನೀರಿನಿಂದ ಹೊಂಡ ಬಿದ್ದ ಪ್ರದೇಶಕ್ಕೆ ಮಣ್ಣು ತುಂಬಿಸುವ ಕೆಲಸ ಮಾಡಿದ್ದಾರೆ. ಆದರೆ, ಇದನ್ನು ಸಹಿಸದ ರಘುಪತಿ ಭಟ್ಟರು ಜನವರಿ 1ರ ಸಂಜೆ ಅಲ್ಲಿಗೆ ಬಂದು `ಕಾಲುವೆ ಏಕೆ ಮುಚ್ಚುವೆ?’ ಎಂದು ಪ್ರಶ್ನಿಸಿದ್ದಾರೆ. `ತಮ್ಮ ತೋಟಕ್ಕೆ ಹಾನಿ ಆಗುತ್ತಿದೆ’ ಎಂದು ತಿರುಮಲೇಶ್ವರ ಹೆಗಡೆ ಅವರು ಹೇಳಿದ್ದಾರೆ. ಈ ವೇಳೆ ಅವರಿಬ್ಬರ ನಡುವೆ ಮಾತಿನ ಚಕಾಮಕಿ ನಡೆದಿದ್ದು, ಅದೇ ಹೊಡೆದಾಟದ ಸ್ವರೂಪಪಡೆದಿದೆ. ಈ ವೇಳೆ ರಘುಪತಿ ಭಟ್ಟರು ತಿರುಮಲೇಶ್ವರ ಹೆಗಡೆ ಅವರಿಗೆ ಹೊಡೆದಿದ್ದಾರೆ. ಆ ನೋವು ಸಹಿಸದ ತಿರುಮಲೇಶ್ವರ ಹೆಗಡೆ ಅವರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. `ದ್ವೇಷ ಬೆಳೆಯುವ ಮುನ್ನ ಬಗೆಹರಿಸಿಕೊಳ್ಳುವುದು ಒಳಿತು’
- [ಎಲ್ಲಿ ಹೋದರು ಅವರಿಬ್ಬರು?](https://mobiletime.in/2026/01/where-did-they-both-go/): ಹಳಿಯಾಳದ ಯುವತಿಯರಿಬ್ಬರು ಈಚೆಗೆ ಕಾಣೆಯಾಗಿದ್ದಾರೆ. ಎಲ್ಲಾ ಕಡೆ ಹುಡುಕಿದರೂ ಅವರ ಸುಳಿವು ಸಿಗುತ್ತಿಲ್ಲ. ಹಳಿಯಾಳದ ಗುಂಡೋಳಿಯ ಸೋನಾಲ ನಾರಾಯಣ ಸಾಳುಂಕೆ (25) ಅವರು 2025ರ ನವೆಂಬರ್ 7ರಂದು ಕಾಣೆ ಆಗಿದ್ದಾರೆ. ಮಧ್ಯಾಹ್ನ 1 ಗಂಟೆಯವರೆಗೆ ಮನೆಯಲ್ಲಿದ್ದ ಅವರು ಅದಾದ ನಂತರ ಯಾರಿಗೂ ಹೇಳದೇ ಮನೆ ಬಿಟ್ಟು ಹೋಗಿದ್ದಾರೆ. ಸಂಬoಧಿಕರ ಮನೆಯಲ್ಲಿ ಹುಡುಕಿದರೂ ಅವರು ಸಿಕ್ಕಿಲ್ಲ. ಹಳಿಯಾಳದ ಮುಗದಕೊಪ್ಪದ ಸ್ಪೂರ್ತಿ ಹನಮಂತ ಜಾಲಗಾರ(19) ಅವರು ಸಹ ದಿಢೀರ್ ಆಗಿ ನಾಪತ್ತೆ ಆಗಿದ್ದಾರೆ. 2025ರ ಡಿಸೆಂಬರ್ 27ರಂದು ಅವರು ಕಂಪ್ಯುಟರ್ ಕ್ಲಾಸಿಗೆ ಹೋಗಿ ಬರುವುದಾಗಿ ಹೊರಟಿದ್ದು, ಅದಾದ ನಂತರ ಮನೆಗೆ ಮರಳಿಲ್ಲ. ಈ ಇಬ್ಬರಿಗಾಗಿ ಪೊಲೀಸರು ಹುಡುಕಾಡುತ್ತಿದ್ದಾರೆ. ಫೋಟೋದಲ್ಲಿರುವವರು ಕಂಡರೆ ಇಲ್ಲಿ ಫೋನ್ ಮಾಡಿ: 9480805265
- [ಇ-ಸ್ಟಾಂಪಿoಗ್: ತಜ್ಞರಿಂದ ತರಬೇತಿ](https://mobiletime.in/2026/01/e-stampiog-training-from-experts/): ಇ-ಸ್ಟಾಂಪಿoಗ್ ತಂತ್ರಾoಶ ಬಳಕೆ ವಿಧಾನಗಳ ಬಗ್ಗೆ ಉಪನೋಂದಣಾಧಿಕಾರಿ ಕಚೇರಿ ಸಿಬ್ಬಂದಿ, ವಕೀಲರು ಹಾಗೂ ದಸ್ತಾವೇಜು ಬರಹಗಾರರಿಗೆ ಸರ್ಕಾರ ತರಬೇತಿ ನೀಡುತ್ತಿದೆ. ಯಲ್ಲಾಪುರದ ಉಪನೋಂದಣಾಧಿಕಾರಿ ಕಚೇರಿಯಲ್ಲಿಯೂ ಈ ತರಬೇತಿ ನಡೆದಿದೆ. ಕಾವೇರಿ ತಂತ್ರಾoಶ ಬಳಕೆ ವಿಧಾನದ ಬಗ್ಗೆ ತಜ್ಞ ಹಜರತ್ ಅಲಿ ಅವರು ಮಾಹಿತಿ ನೀಡಿದ್ದಾರೆ. ಜೊತೆಗೆ ಡಿಜಿಟಲ್ ಇ-ಸ್ಟಾಂಪ್ ಕುರಿತು ಅವರು ಅರಿವು ಮೂಡಿಸಿದ್ದಾರೆ. ವಕೀಲರಾದ ಪ್ರಕಾಶ ಭಟ್ಟ, ಎನ್ ಕೆ ಭಾಗ್ವತ್ ಹಾಗೂ ಸುಭಾಶ ಭಟ್ಟ ಅವರು ಈ ತರಬೇತಿಪಡೆದಿದ್ದಾರೆ. ಕೆಲ ಸಾರ್ವಜನಿಕರು ಸಹ ಈ ತರಬೇತಿಯಲ್ಲಿ ಭಾಗವಹಿಸಿದ್ದು, ತಮ್ಮ ಜ್ಞಾನ ವೃದ್ಧಿಸಿಕೊಂಡಿದ್ದಾರೆ. ಕಚೇರಿ ಸಿಬ್ಬಂದಿ ಹಣವಂತಕುಮಾರ ಸುರೆಬಾನ್ ಹಾಗೂ ಸುವರ್ಣ ಕಾಮತ್ ಅವರು ತಂತ್ರಾoಶ ಅಳವಡಿಕೆ ವಿಧಾನಗಳ ಬಗ್ಗೆ ಮಾಹಿತಿಪಡೆದಿದ್ದಾರೆ. ಅಗತ್ಯ ದಾಖಲೆಗಳ ಕ್ರೂಢೀಕರಣ, ದಾಖಲೆಗಳನ್ನು ಅಪ್ಲೋಡ್ ಮಾಡುವಿಕೆ, ಹಣ ಪಾವತಿ ಹಾಗೂ ಇನ್ನಿತರ ವಿಷಯಗಳ ವಿಚಾರವಾಗಿ ತಜ್ಞರು ಮಾತನಾಡಿದ್ದಾರೆ. ಮುದ್ರಾಂಕ ಇಲಾಖೆಯೂ ಈ ತರಬೇತಿ ಕಾರ್ಯಾಗಾರ ಆಯೋಜಿಸಿದ್ದು, ಡಿಜಿಟಲ್ ಇ-ಸ್ಟಾಂಪ್ ಪ್ರಯೋಜನಗಳ ಬಗ್ಗೆ ವಿವರಿಸಿದ್ದಾರೆ. ತಂತ್ರಾoಶದಲ್ಲಿ ಎದುರಾಗುವ ಸಮಸ್ಯೆ ಹಾಗೂ ಅದನ್ನು ಬಗೆಹರಿಸುವ ವಿಧಾನಗಳ ಬಗ್ಗೆ ತರಬೇತಿ ಕಾರ್ಯಾಗಾರದಲ್ಲಿ ವಿವರಿಸಲಾಗಿದೆ. ಉಪನೋಂದಣಾಧಿಕಾರಿ ಕಲಾವತಿ ಬೋರ್ಗಾಂವ್ ಇದ್ದರು.
- [ಅರಣ್ಯಾಧಿಕಾರಿ ಕೊಂದವನಿಗೆ 10 ವರ್ಷ ಜೈಲು!](https://mobiletime.in/2026/01/man-who-killed-forest-officer-gets-10-years-in-prison/): ACF ಮಧನ ನಾಯಕ ಅವರನ್ನು ಕಲ್ಲಿನಿಂದ ಹೊಡೆದು ಸಾಯಿಸಿದ ಪ್ರಶಾಂತ ಲಮಾಣಿಗೆ 10 ವರ್ಷ ಜೈಲು ಹಾಗೂ 11 ಸಾವಿರ ರೂ ದಂಡ ವಿಧಿಸಿ ನ್ಯಾಯಾಲಯ ಆದೇಶಿಸಿದೆ. 2012ರ ಅವಧಿಯಲ್ಲಿ ಮಧನ ನಾಯಕ ಅವರು ದಾಂಡೇಲಿಯಲ್ಲಿ ಅರಣ್ಯಾಧಿಕಾರಿಯಾಗಿ ಕೆಲಸ ನಿರ್ವಹಿಸುತ್ತಿದ್ದರು. ಅವರು ಕುಟುಂಬಸಹಿತ ದಾಂಡೇಲಪ್ಪ ದೇಗುಲಕ್ಕೆ ಹೋಗಿದ್ದು, ಆ ಅವಧಿಯಲ್ಲಿ ಒಂದಷ್ಟು ಜನ ಮೊಸಳೆಗೆ ಮಾಂಸ ಎಸೆಯುತ್ತಿರುವುದನ್ನು ನೋಡಿದ್ದರು. ಮೊಸಳೆಗೆ ಮಾಂಸ ಎಸೆಯದಂತೆ ಮಧನ ನಾಯಕ ಅವರು ಪ್ರವಾಸಿಗರಿಗೆ ತಡೆದಿದ್ದು, ಇದನ್ನು ಸಹಿಸದ ಪ್ರವಾಸಿಗರು ಮಧನ ನಾಯಕ ಹಾಗೂ ಅವರ ಕುಟುಂಬದ ಮೇಲೆ ದಾಳಿ ಮಾಡಿದ್ದರು. ದಾಳಿ ನಂತರ ಮಧನ ನಾಯಕ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡು ಆಸ್ಪತ್ರೆಗೆ ಸೇರಿದ್ದರು. ಆಕ್ರಮಣಕಾರರ ಬೆದರಿಕೆಗೆ ಹೆದರಿದ ಮಧನ ನಾಯಕ ಅವರು ಶೌಚಾಲಯದಲ್ಲಿ ಬಿದ್ದು ಪೆಟ್ಟು ಮಾಡಿಕೊಂಡಿರುವ ಬಗ್ಗೆ ಹೇಳಿಕೆ ನೀಡಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ಮಧನ ನಾಯಕ ಅವರು ಸಾವನಪ್ಪಿದ್ದರು. ಅದಾಗಿಯೂ, ವಿವಿಧ ಸಾಕ್ಷಿಗಳನ್ನು ಪರಿಗಣಿಸಿ ನ್ಯಾಯಾಲಯ ಕಲ್ಲು ತೂರಾಟ ನಡೆಸಿದ ಪ್ರಶಾಂತ ಲಮಾಣಿಗೆ ಶಿಕ್ಷೆ ಪ್ರಕಟಿಸಿದೆ. ಉಳಿದ ಆರೋಪಿತರಿಗೆ ದಂಡ ವಿಧಿಸಿದೆ. 2012ರ ಮೇ 6ರಂದು ಆನಂದ ರೂಪಸಿಂಗ ನಾಯಕ, ಸುರೇಶ ಶಂಕ್ರಪ್ಪ ನಾಯಕ, ಶೈಲಜಾ ಅರವಿಂದ ಬಾಬು ಚೌಹಾಣ, ಅರವಿಂದ ಬಾಬು ಕೃಷ್ಣಪ್ಪ ಚೌಹಾಣ, ಧನಬಾಯಿ ರೂಪಸಿಂಗ್ ನಾಯಕ್, ಕೆ ಮಾದುರಿ ಜಯಸಿಂಗ್ ರಾತೋಡ್, ರಾಧಾ ಸುರೇಶ ನಾಯಕ ಎಂಬಾತರು ದಾಂಡೇಲಿಗೆ ಬಂದಿದ್ದರು. ಅವರೆಲ್ಲರೂ ದಾಂಡೇಲಪ್ಪ ದೇವಸ್ಥಾನಕ್ಕೆ ಪೂಜೆ ಸಲ್ಲಿಸಿದ್ದು, ಕಾಳಿ ನದಿ ಅಂಚಿನ ಶಿವರಾಮ ಅಪ್ಪಾಜಿ ಪಾಟೀಲ ಅವರ ಶೆಡ್ಡಿನಲ್ಲಿ ಅಡುಗೆ ತಯಾರಿಸಿದ್ದರು. ಅಲ್ಲಿ ಊಟ ಮಾಡಿದ ನಂತರ ಮಾಂಸದ ತುಂಡುಗಳನ್ನು ಅಲ್ಲಿದ್ದ ಮೊಸಳೆಗಳಿಗೆ ಆಹಾರವಾಗಿ ನೀಡುತ್ತಿದ್ದರು. ಅದೇ ವೇಳೆ ಎಸಿಎಫ್ ಮಧನ ನಾಯಕ ಅವರು ಪತ್ನಿ ಸುಮತಿ ನಾಯಕ್ ಹಾಗೂ ಮಕ್ಕಳಾದ ಶಿಶಿರ ನಾಯಕ, ಮೇಘ ನಾಯಕ ಅವರ ಜೊತೆ ಅಲ್ಲಿಗೆ ಬಂದಿದ್ದು, ಮೊಸಳೆಗೆ ಆಹಾರ ನೀಡುವುದನ್ನು ತಡೆದರು. ಈ ವೇಳೆ ಶಿಶಿರ ನಾಯಕ ಅವರು ಫೋಟೋ ತೆಗೆದಿದ್ದು, ಆರೋಪಿತರು ಇದರಿಂದ ರೊಚ್ಚಿಗೆದ್ದರು. ಆನಂದ ನಾಯಕ ಹಾಗೂ ಶೈಲಜಾ ನಾಯಕ ಸೇರಿ ಶಿಶಿರ ನಾಯಕ ಅವರನ್ನೇ ಮೊಸಳೆಗೆ ಆಹಾರವನ್ನಾಗಿ ನೀಡುವ ಬಗ್ಗೆ ಮಾತನಾಡಿದರು. ಕಾರಿನಲ್ಲಿ ಕೂರಲು ಹೊರಟ ಮಧನ ನಾಯಕ ಅವರನ್ನು ಎಳೆದು ತಂದು ಅವರ ಮೇಲೆ ಆಕ್ರಮಣ ನಡೆಸಿದರು. ಅವರನ್ನು ಬಿಡಿಸಲು ಹೋದ ಪತ್ನಿ ಸುಮತಿ ನಾಯಕ್ ಹಾಗೂ ಮೇಘಾ ನಾಯಕ ಅವರ ಮೇಲೆಯೂ ಧನಬಾಯಿ ನಾಯಕ ದಾಳಿ ಮಾಡಿದರು. ಅವರಿಬ್ಬರ ಜುಟ್ಟು ಹಿಡಿದು ಎಳೆದಾಡಿದ್ದರು. ಸುರೇಶ ನಾಯಕ ಅವರು ಮೇಘಾ ನಾಯಕ ಅವರನ್ನು ಹಿಡಿದು ಥಳಿಸಿದ್ದರು. ಅಲ್ಲಿಯೇ ಇದ್ದ ಶಿಶಿರ ನಾಯಕ ಅವರಿಗೆ ಆನಂದ ನಾಯಕ ಎಂಬಾತರು ಕೈ ಮಾಡಿದ್ದರು. ಕೆ ಮಾದುರಿ ಜಯಸಿಂಗ್ ರಾತೋಡ್, ರಾಧಾ ಸುರೇಶ ನಾಯಕ ಸಹ ಹೊಡೆದಾಟಕ್ಕೆ ಕೈ ಜೋಡಿಸಿದ್ದರು. ಈ ಗಲಾಟೆಯಲ್ಲಿ ಪ್ರಶಾಂತ ಲಮಾಣಿ ಹಾಗೂ ಮಲ್ಲಿಕಾರ್ಜುನ ಚೌಹಾಣ್ ಸೇರಿ ಮಧನ ನಾಯಕ ಅವರ ಕಡೆ ಕಲ್ಲು ಬೀಸಿದ್ದರು. ಆ ಕಲ್ಲು ಮಧನ ನಾಯಕ ಅವರ ತಲೆಗೆ ತಾಗಿ ಅವರಿಗೆ ತಲೆ ಒಳಗೆ ಗಂಭೀರ ಪ್ರಮಾಣದಲ್ಲಿ ನೋವಾಗಿತ್ತು. ಈ ಹೊಡೆದಾಟ ಪ್ರಕರಣದಲ್ಲಿ ಆರೋಪಿಯಾಗಿರುವ ಇಬ್ಬರು ಸರ್ಕಾರಿ ನೌಕರರಾಗಿದ್ದು, ಅವರು ಮಧನ ನಾಯಕ ಕುಟುಂಬದವರನ್ನು ಬೆದರಿಸಿದ್ದರು. ಸುಳ್ಳು ದೂರು ನೀಡುವುದಾಗಿ ಹೆದರಿಸಿದ್ದರು. ಹೀಗಾಗಿ ಚಿಕಿತ್ಸೆಗಾಗಿ ಧಾರವಾಡದ ಎಸ್ ಡಿ ಎಂ ಆಸ್ಪತ್ರೆಗೆ ದಾಖಲಾಗಿದ್ದ ಮಧನ ನಾಯಕ ಅವರು `ಶೌಚಾಲಯದಿಂದ ಜಾರಿ ಬಿದ್ದು ನೋವಾಗಿದೆ’ ಎಂದು ಸುಳ್ಳು ಹೇಳಿದ್ದರು. 2012ರ ಡಿಸೆಂಬರ್ 6ರಂದು ಮಧನ ನಾಯ್ಕ ಅವರ ತಲೆಗೆ ಶಸ್ತçಚಿಕಿತ್ಸೆ ನಡೆಯಿತು. ಆದರೆ, ಅದನ್ನು ಅರಗಿಸಿಕೊಳ್ಳಲಾಗದೇ ಮೇ 8ರಂದು ರಾತ್ರಿ ಅವರು ಸಾವನಪ್ಪಿದರು. ಈ ಪ್ರಕರಣ ಸಿಐಡಿ ತನಿಖೆಗೆ ಆದೇಶವಾಗಿದ್ದು, ಡಿವೈಎಸ್ಪಿ ಬಿಬಿ ಅಶೋಕಕುಮಾರ ಅವರು ತನಿಖಾಧಿಕಾರಿ ಆಗಿದ್ದರು. ಹೆಡ್ ಕಾನ್ಸಟೇಬಲ್ ಮಂಜು ಶೆಟ್ಟಿ ಅವರು ಸಾಕ್ಷಿದಾರರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ಶಿರಸಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ನ್ಯಾಯಾಧೀಶ ಕಿರಣ ಕಿಣಿ ಅವರು ಯಲ್ಲಾಪುರ ನ್ಯಾಯಾಲಯದಲ್ಲಿ ಪ್ರಕರಣದ ವಿಚಾರಣೆ ನಡೆಸಿದರು. ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಪ್ರಕರಣದಲ್ಲಿ ಸುಧೀರ್ಘವಾಗಿ ವಾದ ಮಂಡಿಸಿದರು. ಮಧನ ನಾಯಕ ಅವರ ಪುತ್ರಿ ಮೇಘಾ ನಾಯಕ ಅವರು ಜರ್ಮನಿಯಲ್ಲಿದ್ದು, ನ್ಯಾಯಾಧೀಶರು ವಿಡಿಯೋ ಕಾನ್ಪರೆನ್ಸ ಮೂಲಕ ಅವರ ಹೇಳಿಕೆಪಡೆದರು. 13 ವರ್ಷಗಳ ಕಾಲ ಪ್ರಕರಣದ ವಿಚಾರಣೆ ನಡೆದಿದ್ದು, ಶುಕ್ರವಾರ ತಮ್ಮ ಆದೇಶ ಪ್ರಕಟಿಸಿದರು. ಕಲ್ಲಿನಿಂದ ಹೊಡೆದವರ ಪೈಕಿ ಈಗಾಗಲೇ ಒಬ್ಬರು ಸಾವನಪ್ಪಿದ್ದು, ಬದುಕಿರುವ ಪ್ರಶಾಂತ ಲಮಾಣಿಗೆ 11 ವರ್ಷ ಜೈಲು ಶಿಕ್ಷೆ ಹಾಗೂ 11 ಸಾವಿರ ರೂ ದಂಡ ಪಾವತಿಗೆ ಸೂಚಿಸಿದರು. ಅದರೊಂದಿಗೆ ಸಂತ್ರಸ್ತ ಕುಟುಂಬಕ್ಕೂ 50 ಸಾವಿರ ರೂ ಪರಿಹಾರ ನೀಡಬೇಕು ಎಂದು ಆದೇಶಿಸಿದರು. ಉಳಿದ ಆರೋಪಿತರಿಗೆ ತಲಾ 1 ಸಾವಿರ ರೂ ದಂಡ ವಿಧಿಸಿದರು. ವಾದ ಮಂಡಿಸಿದವರಿಗೆ ಅಭಿನಂದನೆ ಅರಣ್ಯಾಧಿಕಾರಿ ಹತ್ಯೆ ಮಾಡಿದವರಿಗೆ ಶಿಕ್ಷೆ ದೊರೆತದಕ್ಕೆ ಅರಣ್ಯ ಇಲಾಖೆ ಅಧಿಕಾರಿ-ಸಿಬ್ಬಂದಿ ನ್ಯಾಯಾಲಯಕ್ಕೆ ಆಗಮಿಸಿ ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರನ್ನು ಸನ್ಮಾನಿಸಿದರು. `ಅರಣ್ಯಾಧಿಕಾರಿಗಳು ಬಹಳ ಎಚ್ಚರಿಕೆಯಿಂದ ಕೆಲಸ ಮಾಡಬೇಕು. ಸವಾಲುಗಳನ್ನು ಮೆಟ್ಟಿ ನಿಂತು ಮುನ್ನಡೆಯಬೇಕು’ ಎಂದು ರಾಜೇಶ ಮಳಗಿಕರ್ ಅವರು ಸಲಹೆ ನೀಡಿದರು. ಮಧನ ನಾಯಕ ಅವರ ಪತ್ನಿ ಸುಮತಿ ನಾಯಕ ಹಾಗೂ ಪುತ್ರ ಶಶೀರ ನಾಯಕ ಸಹ ಸರ್ಕಾರಿ ಅಭಿಯೋಜಕರಿಗೆ ಕೃತಜ್ಞತೆ ಸಲ್ಲಿಸಿ ಭಾವುಕರಾದರು.    
- [ವಕೀಲನ ಕೊಂದ ಈತನಿಗೆ ಶಿಕ್ಷೆ ಖಚಿತ!](https://mobiletime.in/2026/01/the-man-who-killed-the-lawyer-is-certain-to-be-punished/): ರಾಜ್ಯವನ್ನೇ ಬೆಚ್ಚಿ ಬೀಳಿಸಿದ್ದ ದಾಂಡೇಲಿಯ ವಕೀಲ ಅಜೀತ ನಾಯ್ಕ ಅವರನ್ನು ಪಾಂಡುರoಗ ಕಾಂಬಳೆ ಅವರು ಕೊಚ್ಚಿ ಕೊಲೆ ಮಾಡಿದ್ದು ಸಾಭೀತಾಗಿದೆ. ಶಿರಸಿಯ 1ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ನ್ಯಾಯಾಧೀಶ ಕಿರಣ ಕಿಣಿ ಅವರು ಯಲ್ಲಾಪುರ ಪೀಠದಿಂದ ತೀರ್ಪು ನೀಡಿದ್ದಾರೆ. ಆರೋಪಿಗೆ ಮರಣ ದಂಡನೆ ಅಥವಾ ಜೀವಾವಧಿ ಜೈಲು ಶಿಕ್ಷೆ ನೀಡಲು ನ್ಯಾಯಾಧೀಶರು ನಿರ್ಧರಿಸಿದ್ದಾರೆ. 2018ರ ಜುಲೈ 27ರಂದು ದಾಂಡೇಲಿ ಅಯ್ಯಂಗಾರ್ ಬೇಕರಿ ಎದುರು ವಕೀಲ ಅಜೀತ ನಾಯ್ಕ ಅವರ ಬರ್ಬರ ಹತ್ಯೆಯಾಗಿತ್ತು. ಪಟೇಲ್ ಸರ್ಕಲ್ ಬದಿಯಿಂದ ದಾಂಡೇಲ್ ಬಸ್ ನಿಲ್ದಾಣ ಬಳಿ ಬರುವ ರಸ್ತೆಯಲ್ಲಿ ಅಜೀತ ನಾಯ್ಕ ಅವರ ಮೇಲೆ ದಾಳಿ ನಡೆದಿತ್ತು. ಭೂ ವಿವಾದದ ಪ್ರಕರಣವೊಂದರಲ್ಲಿ ಅಜೀತ ನಾಯ್ಕ ಅವರು ವಕಾಲತ್ತುವಹಿಸಿದನ್ನು ಪಾಂಡುರoಗ ಕಾಂಬಳೆ ಸಹಿಸಿರಲಿಲ್ಲ. ಹೀಗಾಗಿ ವಿನಾಯಕ ಕರ್ನಿಂಗ್, ಇ ಎಲ್ ಮಂಜುನಾಥ, ನಜೀರ ಅಹ್ಮದ್ ಲಾಲುಸಾಬ್ ಜಮಾಲಿ ಹಾಗೂ ಈಶ್ವರ ಶೆಟ್ಟಿಯಾರ್ ಎಂಬಾತರ ಜೊತೆ ಸೇರಿ ವಕೀಲ ಅಜಿತ ನಾಯ್ಕ ಅವರನ್ನು ಕೊಲೆ ಮಾಡಲು ಪಾಂಡುರoಗ ಕಾಂಬಳೆ ನಿರ್ಧರಿಸಿದ್ದರು. ಆ ದಿನ ನೀಲಿ ಬಣ್ಣದ ಜರ್ಕೀನ್ ಧರಿಸಿ ಅದರೊಳಗೆ ಆಯುಧ ಅಡಗಿಸಿಟ್ಟುಕೊಂಡಿದ್ದ ಪಾಂಡುರoಗ ಕಾಂಬಳೆ, ಅಜಿತ ನಾಯ್ಕ ಅವರು ತಮ್ಮ ಕಚೇರಿಯಿಂದ ಹೊರ ಬರುವುದನ್ನು ಕಾಯುತ್ತಿದ್ದರು. ರಮೇಶ ನಾಯ್ಕ ಹಾಗೂ ಹನುಮಂತ ಕುಂಬಾರ ಅವರ ಜೊತೆ ದಾಂಡೇಲಿ ನಗರದ ಸಂಡೆ ಮಾರ್ಕೇಟ್ ಬಳಿ ಕಚೇರಿಯಿಂದ ಅಜಿತ್ ನಾಯ್ಕ ಅವರು ಹೊರ ಬರುತ್ತಿರುವಾಗಲೇ ಅವರ ಮೇಲೆ ದಾಳಿ ನಡೆಸಿದ್ದರು.  ಅಜೀತ್ ನಾಯ್ಕ ಕೊಲೆ ನಂತರ ಜರ್ಕೀನ್ ಅನ್ನು ಹಾಳಾದ ಕಾರಿನ ಅಡಿ ಹುದುಗಿಸಿ, ಮೀನು ಮಾರುಕಟ್ಟೆ ಬಳಿಯಿದ್ದ ಬೈಕಿನಲ್ಲಿ ಆರೋಪಿ ಪರಾರಿ ಆಗಿದ್ದರು. ಹತ್ಯೆ ನಂತರವೂ ಆರೋಪಿತರು ಜೈಲಿನಲ್ಲಿಯೇ ಕುಳಿತು ಕಾಳಿ ನದಿ ದಂಡೆ ಮೇಲಿರುವ ಜಮೀನನ್ನು ಪ್ರವಾಸೋಧ್ಯಮಿಯೊಬ್ಬರಿಗೆ ಮಾರಾಟಕ್ಕೆ ಯತ್ನಿಸಿದ್ದರು. ಈ ಪ್ರಕರಣದ ಬಗ್ಗೆ ಆಗಿನ ಪಿಐ ಎ ಎ ಮುಜಾವರ್ ತನಿಖೆ ನಡೆಸಿದ್ದರು. ಪಿ ಸಿ ಮಂಜುನಾಥ ಎಚ್ ಶೆಟ್ಟಿ ಸಹಾಯಕ ತನಿಖಾಧಿಕಾರಿಯಾಗಿ ಕೆಲಸ ಮಾಡಿದರು. ನಂತರ ಅವರು ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದು, ಈ ಪ್ರಕರಣ ಸಿಐಡಿ ತನಿಖೆಯವರೆಗೂ ಹೋಗಿತ್ತು. ಪ್ರಕರಣ ನ್ಯಾಯಾಲಯಕ್ಕೆ ಬಂದಾಗ ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಪ್ರಕರಣದ ವಾದ ಶುರು ಮಾಡಿದರು. ಕೊಲೆ ಕುರಿತಾಗಿ ನಡೆಸಿದ ಸಂಚು, ಈ ಹಿಂದೆಯೂ ಆರೋಪಿತರು ವಕೀಲರ ಜೊತೆ ನಡೆಸಿದ ವಾಗ್ವಾದ, ಕೊಲೆಗೆ ಇದ್ದ ಕಾರಣದ ಬಗ್ಗೆ ರಾಜೇಶ ಮಳಗಿಕರ್ ಅವರು ನ್ಯಾಯಾಲಯಕ್ಕೆ ವಿವರಿಸಿದರು. ಆದರೆ, ಅಜೀತ ನಾಯ್ಕ ಅವರ ಕೊಲೆ ಪ್ರಕರಣದಲ್ಲಿ ಸಾಕ್ಷಿ ಹೇಳಲು ಸಾಕ್ಷಿದಾರರು ಹಿಂದೇಟು ಹಾಕಿದ್ದರು. ಕೊಲೆ ಆಗಿರುವುದನ್ನು ಕಣ್ಣಾರೆ ಕಂಡವರಿದ್ದರೂ ಅವರು ನ್ಯಾಯಾಲಯದ ಮುಂದೆ ಬರಲಿಲ್ಲ. ಅದಾಗಿಯೂ, ವಕೀಲರ ಮೇಲೆ ನಡೆದ ದಾಳಿಯನ್ನು ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಸವಾಲಾಗಿ ಸ್ವೀಕರಿಸಿದ್ದು, ಸಾಂದರ್ಭಿಕ ಸಾಕ್ಷಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. `ವಕೀಲರ ಮೇಲೆ ದಾಳಿ ಮಾಡಿ ಅವರ ಕೊಲೆಗೆ ಕಾರಣರಾದ ಆರೋಪಿಗೆ ಮರಣ ದಂಡನೆ ಶಿಕ್ಷೆ ವಿಧಿಸಬೇಕು’ ಎಂದು ರಾಜೇಶ ಮಳಗಿಕರ್ ಅವರು ನ್ಯಾಯಾಲಯಕ್ಕೆ ಮನವಿ ಮಾಡಿದರು. ಈ ವಾದ ಆಲಿಸಿದ ನ್ಯಾಯಾಲಯ ಪ್ರಮುಖ ಆರೋಪಿ ಪಾಂಡುರAಗ ಮಾರುತಿ ಕಾಂಬಳೆ ವಿರುದ್ಧ ಆರೋಪ ಸಾಬೀತಾಗಿದೆ ಎಂದು ಘೋಷಿಸಿತು. ಶಿಕ್ಷೆಯ ಪ್ರಮಾಣವನ್ನು ಜನವರಿ 13ರಂದು ಪ್ರಕಟಿಸಲು ನಿರ್ಧರಿಸಿತು. ಉಳಿದ ನಾಲ್ವರು ಆರೋಪಿಗಳನ್ನು ಸಾಕ್ಷಿ ಕೊರತೆಯಿಂದ ಖುಲಾಸೆಗೊಳಿಸಿತು. ಪೊಲೀಸರಿಂದ ಅಭಿನಂದನೆ ಸಮರ್ಥವಾಗಿ ವಾದ ಮಂಡಿಸಿ ಕೊಲೆಗಾರನಿಗೆ ಶಿಕ್ಷೆ ವಿಧಿಸಿದ ರಾಜೇಶ ಮಳಗಿಕರ್ ಅವರಿಗೆ ದಾಂಡೇಲಿ ಪೊಲೀಸರು ಅಭಿನಂದಿಸಿದರು. ಶಾಲು ಹೊದೆಸಿ ಸನ್ಮಾನಿಸಿದರು. ವಕೀಲರ ಮೇಲೆ ದಾಳಿನಡೆಸಿ ಅವರ ಹತ್ಯೆಗೆ ಕಾರಣರಾದವನಿಗೆ ಶಿಕ್ಷೆಯಾಗುವಂತೆ ಮಾಡಿದ ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರನ್ನು ವಕೀಲರ ಸಂಘದವರು ಅಭಿನಂದಿಸಿದರು. `ಈ ಪ್ರಕರಣದಲ್ಲಿ ಉಳಿದ ನಾಲ್ವರು ಆರೋಪಿತರಿಗೂ ಶಿಕ್ಷೆ ಆಗಬೇಕಿತ್ತು. ಈ ಬಗ್ಗೆ ಸರ್ಕಾರಕ್ಕೆ ಮೇಲ್ಮನವಿ ಸಲ್ಲಿಸುವದಕ್ಕೆ ಪತ್ರ ಬರೆಯಲಾಗುತ್ತದೆ’ ಎಂದು ರಾಜೇಶ ಮಳಗಿಕರ್ ಅವರು ಮಾಹಿತಿ ನೀಡಿದರು.
- [ಯಲ್ಲಾಪುರ: ಎಲ್ಲಾ ಕಡೆ ಅಕ್ರಮ ಮರಳು ಗುಡ್ಡೆ!](https://mobiletime.in/2026/01/yallapur-illegal-sand-hill-everywhere/): ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಕಡೆ ಅಧಿಕಾರಿಗಳು ಅಕ್ರಮ ಮರಳು ಸಾಗಾಟ ಲಾರಿಗಳ ಬೆನ್ನು ಬಿದ್ದಿದ್ದಾರೆ. ಪೊಲೀಸ್, ಕಂದಾಯ ಹಾಗೂ ಗಣಿ ಇಲಾಖೆ ಅಧಿಕಾರಿಗಳಿಗೆ ಅಕ್ರಮ ಮರಳುಗಾರಿಕೆ ತಡೆಯುವ ಅಧಿಕಾರವಿದ್ದರೂ ಯಲ್ಲಾಪುರದಲ್ಲಿ ಮಾತ್ರ ಈ ವರ್ಷ ಒಂದೂ ಲಾರಿ ಸಿಕ್ಕಿ ಬಿದ್ದಿಲ್ಲ! ಹುಬ್ಬಳ್ಳಿ-ಅಂಕೋಲಾ ಹೆದ್ದಾರಿ ನವೀಕರಣ ಕಾರ್ಯ ನಡೆಯುತ್ತಿದ್ದು, ಕುಮಟಾ-ಹೊನ್ನಾವರ ಭಾಗದಿಂದ ಅಕ್ರಮವಾಗಿ ಬರುವ ಮರಳು ಲಾರಿಗಳು ಹೆದ್ದಾರಿಯನ್ನು ಹದಗೆಡಿಸುತ್ತಿವೆ. ಅತಿಭಾರ ಹೊತ್ತು ಸಾಗುವ ಅಕ್ರಮ ಮರಳುಗಾರಿಕೆ ಲಾರಿಗಳು ಪಟ್ಟಣ ಹಾಗೂ ಗ್ರಾಮೀಣ ರಸ್ತೆಗಳಿಗೂ ಮಾರಕವಾಗಿದೆ. ಪಟ್ಟಣದಲ್ಲಿ ಎಲ್ಲೆಂದರಲ್ಲಿ ಮರಳು ಗುಡ್ಡೆಗಳು ಕಾಣಿಸುತ್ತಿವೆ. ಸದ್ಯ ಮರಳುಕಾರಿಕೆಗೆ ಅನುಮತಿ ಇಲ್ಲದ ಕಾರಣ ದಂಧೆಕೋರರಲು ಅಕ್ರಮ ಮರಳುಗಾರಿಕೆಯ ದಾರಿ ಹಿಡಿದಿದ್ದು, ನಸುಕಿನ ನಿದ್ದೆಯಲ್ಲಿರುವ ಅಧಿಕಾರಿಗಳು ಅಕ್ರಮದ ಬಗ್ಗೆ ಅರಿವಿದ್ದರೂ ಅದನ್ನು ಪ್ರಶ್ನಿಸುತ್ತಿಲ್ಲ. ಪರಿಸರಕ್ಕೆ ಹಾನಿ ಆಗುವ ರೀತಿ ಮರಳುಗಾರಿಕೆ ಮಾಡಲಾಗುತ್ತದೆ. ಜನ ಜೀವನಕ್ಕೆ ತೊಂದರೆ ಆಗುವ ರೀತಿ ಆ ಮರಳನ್ನು ಸಾಗಿಸಲಾಗುತ್ತಿದೆ. ಅದಾದ ನಂತರವೂ ಸಾರ್ವಜನಿಕ ಸಂಚಾರಕ್ಕೆ ಅಡ್ಡಿ ಆಗುವ ರೀತಿ ಮರಳು ದಾಸ್ತಾನು ಮಾಡಲಾಗುತ್ತಿದೆ. ಈ ಎಲ್ಲಾ ವಿಷಯಗಳ ಬಗ್ಗೆ ಅರಿವಿದ್ದರೂ ಅಕ್ರಮ ದಂಧೆಕೋರರ ವಿರುದ್ಧ ಕ್ರಮ ಆಗುತ್ತಿಲ್ಲ. ಕಾರವಾರ, ಅಂಕೋಲಾ, ಕುಮಟಾ, ಶಿರಸಿ ಸೇರಿ ಬೇರೆ ಬೇರೆ ಪ್ರದೇಶದಲ್ಲಿ ಮರಳು ಲಾರಿಗಳನ್ನು ಪೊಲೀಸರು ತಡೆದಿದ್ದಾರೆ. ಆದರೆ, ರಾಜಾರೋಷವಾಗಿ ಮರಳು ಬಂದರೂ ಯಲ್ಲಾಪುರದಲ್ಲಿ ಅದನ್ನು ಹಿಡಿಯುವವರಿಲ್ಲ. ಯಲ್ಲಾಪುರದ ಕೆಲ ಲಾರಿ ಮಾಲಕರ ಜೊತೆ ಬೇರೆ ಬೇರೆ ಭಾಗದವರು ಸಹ ಈ ದಂಧೆಯಲ್ಲಿ ತೊಡಗಿದ್ದು, ಅಧಿಕಾರಿಗಳ ಹೆಸರು ಹೇಳಿ ಅವರು ದುಡ್ಡು ಮಾಡುತ್ತಿದ್ದಾರೆ. ಸರಿ ಸುಮಾರು 5 ಸಾವಿರ ರೂ ವೆಚ್ಚದಲ್ಲಿ ಅಕ್ರಮ ಮರಳು ಲಾರಿಗೆ ಭರ್ತಿಯಾಗುತ್ತದೆ. ಚಾಲಕರ ವೇತನ, ಭತ್ಯೆ ಸೇರಿ ಸುಮಾರು 10 ಸಾವಿರ ರೂ ಸಾಗಾಣಿಕಾ ವೆಚ್ಚ ಬರುತ್ತದೆ. ಅದಾಗಿಯೂ ದಂಧೆಕೋರರು 30ರಿಂದ 35 ಸಾವಿರ ರೂ ವಸೂಲಿ ಮಾಡುತ್ತಿದ್ದು, ಪ್ರಶ್ನಿಸಿದರೆ `ಅವರಿಗೆ ಕೊಡಬೇಕು.. ಇವರಿಗೆ ಕೊಡಬೇಕು’ ಎನ್ನುತ್ತಿದ್ದಾರೆ. `ಅಧಿಕಾರಿಗಳಿಗೆ ಕೊಡುವುದಕ್ಕಾಗಿಯೇ ಪ್ರತಿ ತಿಂಗಳು 1.70 ಲಕ್ಷ ರೂ ಖರ್ಚಾಗುತ್ತಿದೆ. 35 ಸಾವಿರ ರೂ ವಸೂಲಿ ಮಾಡಿದರೂ ನಮಗೆ ಏನೂ ಉಳಿಯುತ್ತಿಲ್ಲ’ ಎಂಬುದು ಮರಳು ದಂಧೆಕೋರರು ಗ್ರಾಹಕರ ಬಳಿ ಹೇಳುವ ಮಾತು. ಅಕ್ರಮ ಮರಳು ಲಾರಿ ಸಾಗಾಟದಿಂದ ರಸ್ತೆ ಹಾಳಾಗುತ್ತಿರುವ ಬಗ್ಗೆ ಸಾರ್ವಜನಿಕರು ದೂರಿದ್ದಾರೆ. ಪಟ್ಟಣದ ಎಲ್ಲಡೆ ರಸ್ತೆ ಮೇಲೆ ರಾಶಿ ರಾಶಿ ಮರಳು ಬಿದ್ದರೂ ಅದರ ವಿರುದ್ಧ ಕ್ರಮಜರುಗಿಸುವವರಿಲ್ಲ ಎಂದು ಅಸಮಧಾನವ್ಯಕ್ತಪಡಿಸುತ್ತಿದ್ದಾರೆ. ಅಪಘಾತಕ್ಕೆ ಆಹ್ವಾನ ನೀಡುವ ಹಾಗೇ ಮರಳು ಲಾರಿಗಳು ಸಂಚರಿಸುತ್ತಿದ್ದರೂ ಅದನ್ನು ತಡೆಯುವ ಧೈರ್ಯ ಯಾರಿಗೂ ಇಲ್ಲವೇ? ಎಂದು ಜನ ಪ್ರಶ್ನಿಸುತ್ತಿದ್ದಾರೆ. ಸರ್ಕಾರಿ ಅಧಿಕಾರಿಗಳ ಹೆಸರು ಹೇಳಿ ಗಣಿದಣಿಗಳು ದುಡ್ಡು ಮಾಡುತ್ತಿದ್ದರೂ ಅಧಿಕಾರಿಗಳು ಮಾತ್ರ ಮೌನವಾಗಿದ್ದಾರೆ.
- [ಕೋರ್ಟಿನ ಮೇಲೆಯೂ ಕಳ್ಳರ ಕಣ್ಣು!](https://mobiletime.in/2026/01/thieves-eyes-are-on-the-court-too/): ಕಾರವಾರ ಕೋರ್ಟ ಆವರಣದಲ್ಲಿಯೇ ಕಳ್ಳತನ ನಡೆದಿದೆ. ಅಲ್ಲಿದ್ದ ಬ್ಯಾಟರಿಯನ್ನು ಕಳ್ಳರು ಅಪಹರಿಸಿದ್ದಾರೆ. ಕಾರವಾರದ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದಲ್ಲಿ ತುರ್ತು ಅಗತ್ಯಕ್ಕೆ ಅನುಗುಣವಾಗಿ ಜನರೇಟರ್ ಅಳವಡಿಸಲಾಗಿದೆ. ಆ ಜನರೇಟರ್ 17 ಸಾವಿರ ರೂ ಮೌಲ್ಯದ ಬ್ಯಾಟರಿಯನ್ನು ಹೊಂದಿದ್ದು, ಆ ಬ್ಯಾಟರಿಯೇ ಇದೀಗ ಕಾಣೆಯಾಗಿದೆ. ಜನವರಿ 6ರ ರಾತ್ರಿಯವರೆಗೂ ಅಲ್ಲಿನ ಸಿಬ್ಬಂದಿ ಬ್ಯಾಟರಿ ನೋಡಿದ್ದಾರೆ. ಜನವರಿ 7ರಂದು ನೋಡಿದಾಗ ಅಲ್ಲಿ ಬ್ಯಾಟರಿ ಕಾಣಲಿಲ್ಲ. ಕೋರ್ಟ ಆವರಣದ ಎಲ್ಲಾ ಕಡೆ ಹುಡುಕಿದರೂ ಬ್ಯಾಟರಿ ಸಿಕ್ಕಿಲ್ಲ. ಹೀಗಾಗಿ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ಮುಖ್ಯ ಆಡಳಿತಾಧಿಕಾರಿ ರವೀಂದ್ರ ನಾಯ್ಕ ಅವರು ಈ ಬಗ್ಗೆ ವಿಚಾರಿಸಿದ್ದಾರೆ. ಆ ದಿನ ರಾತ್ರಿ ಪಾಳಿಯಲ್ಲಿದ್ದ ಸಿಬ್ಬಂದಿಯನ್ನು ಮಾತನಾಡಿಸಿ ಬ್ಯಾಟರಿ ಬಗ್ಗೆ ಪ್ರಶ್ನಿಸಿದ್ದಾರೆ. ಆದರೆ, ಕಾವಲು ಸಿಬ್ಬಂದಿಗೆ ಸಹ ಅರಿವಿಗೆ ಬಾರದ ಹಾಗೇ ಕಳ್ಳರು ಬ್ಯಾಟರಿ ಕದ್ದಿದ್ದಾರೆ. ಈ ಎಲ್ಲಾ ಹಿನ್ನಲೆ ರವೀಂದ್ರ ನಾಯ್ಕ ಅವರು ಬ್ಯಾಟರಿ ಪತ್ತೆಗಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಕಾರವಾರ ಶಹರ ಠಾಣೆ ಪೊಲೀಸರು ಬ್ಯಾಟರಿ ಕಳ್ಳರ ಹುಡುಕಾಟ ಶುರು ಮಾಡಿದ್ದಾರೆ.
- [ಮ್ಯಾನೇಜರ್ ಸಾವಿನಲ್ಲಿಯೂ ಅನುಮಾನ!](https://mobiletime.in/2026/01/suspicion-also-exists-in-the-managers-death/): ಶಿರಸಿಯ ರಾಮರಾಜ ಬಟ್ಟೆ ಅಂಗಡಿಯಲ್ಲಿ ಅಸಿಸ್ಟೆಂಟ್ ಮ್ಯಾನೇಜರ್ ಆಗಿದ್ದ ಮುಖೇಶ ಶೆಟ್ಟಿ ಅವರು ಅನುಮಾನಾಸ್ಪದ ರೀತಿಯಲ್ಲಿ ಸಾವನಪ್ಪಿದ್ದಾರೆ. ರಾತ್ರಿ 11.30ರವರೆಗೂ ಸ್ನೇಹಿತರ ಜೊತೆಯಿರುವುದಾಗಿ ಹೇಳಿದ್ದ ಮುಖೇಶ ಶೆಟ್ಟಿ ಮರುದಿನ ಶವವಾಗಿದ್ದು, ಸಾವಿನ ಸಮಗ್ರ ತನಿಖೆಗಾಗಿ ಅವರ ಕುಟುಂಬದವರು ಒತ್ತಾಯಿಸಿದ್ದಾರೆ. ಜನವರಿ 6ರಂದು ಸಂಜೆ ಮುಖೇಶ ಯಶ್ವಂತ ಶೆಟ್ಟಿ (29) ಅವರು ಮನೆಯಿಂದ ಹೊರ ಹೋಗಿದ್ದರು. `ಸ್ವಲ್ಪ ಕೆಲಸ ಇದೆ. ಹೋಗಿ ಬರುವೆ’ ಎಂದು ಅಮ್ಮನ ಬಳಿ ಹೇಳಿದ್ದರು. ಕತ್ತಲು ಕವಿದರೂ ಮಗ ಬಾರದ ಕಾರಣ ಅವರ ಅಮ್ಮ ಜಯಶ್ರೀ ಶೆಟ್ಟಿ ಅವರು ಫೋನ್ ಮಾಡಿದ್ದರು. ಆಗ, `ಸ್ನೇಹಿತರ ಜೊತೆ ಇದ್ದೇನೆ. ಆಮೇಲೆ ಬರುತ್ತೇನೆ’ ಎಂದಿದ್ದರು. ಅನೇಕ ಬಾರಿ ಫೋನ್ ಮಾಡಿದರೂ ಅದೇ ಮಾತನ್ನು ಪುನರುಚ್ಚರಿಸಿದ್ದರು. ಆ ದಿನ ರಾತ್ರಿ 11.30ಕ್ಕೆ ಜಯಶ್ರೀ ಶೆಟ್ಟಿ ಅವರು ಕೊನೆಯದಾಗಿ ಮಗನ ಬಳಿ ಫೋನಿನಲ್ಲಿ ಮಾತನಾಡಿದ್ದರು. ಅದಾದ ನಂತರ ಅನೇಕ ಬಾರಿ ಫೋನ್ ಮಾಡಿದರೂ ಕರೆ ಸ್ವೀಕರಿಸಲಿಲ್ಲ. ಮರುದಿನ ಶಿರಸಿ ಕೋಟೆಕೆರೆಯಲ್ಲಿ ಮುಖೇಶ ಶೆಟ್ಟಿ ಅವರು ಶವವಾಗಿದ್ದರು. ಜನವರಿ 7ರ ಮಧ್ಯಾಹ್ನ ಈ ವಿಷಯ ಜಯಶ್ರೀ ಶೆಟ್ಟಿ ಅವರಿಗೆ ಗೊತ್ತಾಯಿತು. ಮಗ ಕಾಲು ಜಾರಿ ನೀರಿಗೆ ಬಿದ್ದರಾ? ಅಥವಾ ಆತ್ಮಹತ್ಯೆ ಮಾಡಿಕೊಂಡರಾ? ಎಂದು ಜಯಶ್ರೀ ಶೆಟ್ಟಿ ಅವರಿಗೆ ಗೊತ್ತೇ ಆಗಲಿಲ್ಲ. `ಈ ಸಾವಿನ ತನಿಖೆ ನಡೆಯಬೇಕು. ಸತ್ಯ ಹೊರಬರಬೇಕು’ ಎಂದು ಜಯಶ್ರೀ ಶೆಟ್ಟಿ ಅವರು ಆಗ್ರಹಿಸಿದರು. ಅವರ ದೂರು ಸ್ವೀಕರಿಸಿದ ಶಿರಸಿ ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಯ ಸಿಬ್ಬಂದಿ ಪ್ರಕರಣ ದಾಖಲಿಸಿದರು. ಸಾವಿನ ಬಗ್ಗೆ ತನಿಖೆ ಶುರುವಾಗಿದೆ.
- [ಸಜೀವ ದಹನ: ಸಹೋದರರ ಸಾವಿನಲ್ಲಿ ಹಲವು ಅನುಮಾನ!](https://mobiletime.in/2026/01/burning-alive-many-doubts-in-the-brothers-death/): ಸಿದ್ದಾಪುರದ ಸಹೋದರರಿಬ್ಬರು ಹೊನ್ನಾವರದಲ್ಲಿ ಭೀಕರ ಕಾರು ಅಪಘಾತದಲ್ಲಿ ಸಾವನಪ್ಪಿದ್ದು, ಆ ಸಾವಿನ ಬಗ್ಗೆ ಅನೇಕರು ಸಂಶಯವ್ಯಕ್ತಪಡಿಸಿದ್ದಾರೆ. ಸಾವಿನ ಸಮಗ್ರ ತನಿಖೆಗಾಗಿ ಕುಟುಂಬದವರ ಜೊತೆ ಹಸ್ಲರ ಕ್ಷೇಮಾಭಿವೃದ್ಧಿ ಸಂಘದವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ತಹಶೀಲ್ದಾರ್ ಹಾಗೂ ಪೊಲೀಸ್ ಅಧೀಕ್ಷಕರಿಗೆ ಮನವಿ ಸಲ್ಲಿಕೆಯಾಗಿದೆ. ಸಿದ್ದಾಪುರದ ವಾಜಗೋಡ ಪಂಚಾಯತ್ ಕುಡಗುಂದ ನಿವಾಸಿಗಳಾದ ಚಂದ್ರಶೇಖರ ವೀರಭದ್ರ ಹಸ್ಲರ ಹಾಗೂ ಅವರ ಸಹೋದರ ಮಂಜುನಾಥ ವೀರಭದ್ರ ಹಸ್ಲರ ಅವರು ಜನವರಿ 6ರಂದು ಶಿರಸಿಗೆ ಹೋಗುವುದಾಗಿ ಹೇಳಿ ಹೊರಟಿದ್ದರು. ಅಂದು ಮಧ್ಯಾಹ್ನ ಮಂಜುನಾಥ್ ಅವರು ತಮ್ಮ ಪತ್ನಿಗೆ ಕರೆ ಮಾಡಿ, ತಾವು ಸಿದ್ಧಾಪುರದಲ್ಲಿ ತಮ್ಮನಾದ ಚಂದ್ರಶೇಖರ ಹಾಗೂ ಚಂದ್ರಘಟಗಿಯ ಪ್ರಮೋದ ಎಂಬುವವರ ಜೊತೆ ಇರುವುದಾಗಿ ತಿಳಿಸಿದ್ದರು. ಆದರೆ ಅದಾದ ನಂತರ ಅವರ ಫೋನ್ ಸ್ವಿಚ್ ಆಫ್ ಆಗಿತ್ತು ಎಂಬುದನ್ನು ಕುಟುಂಬದವರು ಹೇಳಿದ್ದಾರೆ. `ಚಂದ್ರಶೇಖರ ಅವರಿಗೆ ಕಾಲಿಗೆ ಪೆಟ್ಟಾಗಿದ್ದರಿಂದ ಅವರಿಗೆ ಕಾರು ಚಲಾಯಿಸಲು ಸಾಧ್ಯವಿರಲಿಲ್ಲ. ಹಾಗಿದ್ದಲ್ಲಿ ಅಂದು ಕಾರು ಚಲಾಯಿಸುತ್ತಿದ್ದವರು ಯಾರು? ಇಬ್ಬರ ಶವಗಳು ಕಾರಿನ ಹಿಂಬದಿಯ ಸೀಟಿನಲ್ಲಿ ಸುಟ್ಟು ಕರಕಲಾದ ಸ್ಥಿತಿಯಲ್ಲಿ ಪತ್ತೆಯಾಗಿರುವುದು ಹೇಗೆ? ಅಪಘಾತವಾದರೆ ಚಾಲಕನ ಸೀಟಿನಲ್ಲಿ ಶವವಿರಬೇಕಿತ್ತಲ್ಲವೇ? ಅಂದು ಇವರ ಜೊತೆಗಿದ್ದ ಎನ್ನಲಾದ ಪ್ರಮೋದ ಎಂಬ ವ್ಯಕ್ತಿ ಈಗ ಎಲ್ಲಿ ಹೋದರು? ಘಟನಾ ಸ್ಥಳಕ್ಕೆ ಅವರು ಬಾರದಿರುವುದು ಮತ್ತು ಅವರ ಮೊಬೈಲ್ ಸಂಪರ್ಕಕ್ಕೆ ಸಿಗದಿರುವುದು ಹಲವು ಅನುಮಾನಕ್ಕೆ ಕಾರಣ’ ಎಂದು ವಿವರಿಸಿದ್ದಾರೆ. ಇದನ್ನು ಓದಿ: ಆ ಕಾರಿನ ಸುತ್ತ ಅನುಮಾನದ ಹುತ್ತ! ಅಂಬೇಡ್ಕರ್ ಶಕ್ತಿ ಸಂಘದ ಅಧ್ಯಕ್ಷ ನಂದನ್ ಬೋರಕರ್ ಅವರು `ದಲಿತ ಕುಟುಂಬದ ಇಬ್ಬರ ಸಾವಾಗಿದ್ದು ದಲಿತರಿಗೆ ರಕ್ಷಣೆ ಇಲ್ಲದಾಗಿದೆ. ಶಿರಸಿಗೆ ಹೋಗಿ ಬರುವುದಾಗಿ ಹೇಳಿ ಹೋದ ಸಹೋದರರು ಶವವಾಗಿ ಪತ್ತೆಯಾಗಿದ್ದು ಹಲವು ಅನುಮಾನಗಳನ್ನು ಹುಟ್ಟುಹಾಕಿದೆ. ಈ ಬಗ್ಗೆ ಸಮಗ್ರ ತನಿಖೆ ಅಗತ್ಯ’ ಎಂದಿದ್ದಾರೆ. `ಪರಿಶಿಷ್ಟ ಜಾತಿಯ ಈ ಇಬ್ಬರು ಸಹೋದರರ ಸಾವು ಅಸಹಜವಾಗಿದ್ದು, ಇದರ ಹಿಂದೆ ದೊಡ್ಡ ಸಂಚು ಇರುವ ಸಾಧ್ಯತೆಯಿದೆ. ಆದ್ದರಿಂದ ಈ ಪ್ರಕರಣವನ್ನು ಕೇವಲ ಅಪಘಾತ ಎಂದು ಪರಿಗಣಿಸದೇ ಉನ್ನತ ಮಟ್ಟದ ತನಿಖೆ ನಡೆಸಿ ಸತ್ಯಾಸತ್ಯತೆಯನ್ನು ಹೊರತರಬೇಕು’ ಎಂದು ಹಸ್ಲರ ಕ್ಷೇಮಾಭಿವೃದ್ಧಿ ಸಂಘದ ಗೌರವಾಧ್ಯಕ್ಷ ವೆಂಕಟ್ರಮಣ ಹಸ್ಲರ್, ಅಧ್ಯಕ್ಷ ಮಂಜುನಾಥ್ ಕನ್ನ ಹಸ್ಲರ್, ಸಂದೇಶ್ ಹಸ್ಲರ್, ತಾಲೂಕಾ ಅಧ್ಯಕ್ಷ ಅಣ್ಣಪ್ಪ ಹಸ್ಲರ್, ಸಾಮಾಜಿಕ ಧುರೀಣರಾದ ವಸಂತ್ ನಾಯ್ಕ, ಮಂಜುನಾಥ್ ನಾಯ್ಕ ತ್ಯಾರ್ಸಿ, ವಿನಾಯಕ್ ನಾಯ್ಕ ದೊಡ್ಗದ್ದೆ, ಎಚ್ ಕೆ ಶಿವಾನಂದ ಸೇರಿದಂತೆ ಗ್ರಾಮಸ್ಥರು ಹೇಳಿದ್ದಾರೆ.
- [ಮದ್ಯದ ನಶೆ: ವಿಷ ಕುಡಿದ ಭಕ್ತನಿಗೆ ಬದುಕುವ ಆಸೆ!](https://mobiletime.in/2026/01/alcohol-intoxication-a-devotee-who-drank-poison-wants-to-live/): ನಿತ್ಯವೂ ಸರಾಯಿ ಕುಡಿಯುತ್ತಿದ್ದ ಬನವಾಸಿಯ ಜಾನಕ ಬಂದಿಗೇರ್ ಅವರು ಸರಾಯಿ ಗುಂಗಿನಲ್ಲಿ ವಿಷ ಕುಡಿದಿದ್ದು, ಅದಾದ ನಂತರ `ನನ್ನನ್ನು ಕಾಪಾಡು’ ಎಂದು ದೇವರ ಮೊರೆ ಹೋಗಿದ್ದಾರೆ. ಆದರೆ, ಆ ದೇವರಿಂದಲೂ ಜಾನಕ ಬಂದಿಗೇರ್ ಅವರನ್ನು ಕಾಪಾಡಲು ಆಗಲಿಲ್ಲ! ಶಿರಸಿ ಬನವಾಸಿ ಮೊಗಳ್ಳಿಯ ಜಾನಕ ಗುತ್ಯಪ್ಪ ಬಂದಿಗೇರ್ (54) ಅವರು ಕೃಷಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ನಿತ್ಯವೂ ಅವರು ಸರಾಯಿ ಕುಡಿಯುತ್ತಿದ್ದರು. ಮದ್ಯ ಸೇವನೆ ಒಳ್ಳೆಯದಲ್ಲ ಎಂದು ಅವರ ಪತ್ನಿ ಬುದ್ದಿ ಹೇಳಿದರೂ ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಡಿಸೆಂಬರ್ 27ರಂದು ಮೊಗಳ್ಳಿಯ ಕರಿಕಲ್ಲು ಅಜ್ಜ ದೇವಾಲಯಕ್ಕೆ ಹೋಗಿದ್ದ ಜಾನಕ ಬಂದಿಗೇರ್ ಅವರು `ತನ್ನನ್ನು ಉಳಿಸು’ ಎಂದು ಕೂಗಾಡುತ್ತಿದ್ದರು. `ದೇವರೇ ನನ್ನನ್ನು ಕಾಪಾಡು’ ಎಂದು ಅವರು ಪದೇ ಪದೇ ಬೇಡಿಕೊಳ್ಳುತ್ತಿದ್ದರು. ಇದನ್ನು ನೋಡಿದ ಮೊಗವಳ್ಳಿಯ ಚೌಡಪ್ಪ ಬಂದಿಗೇರ್ ಅವರು `ಏನಾಯಿತು?’ ಎಂದು ಪ್ರಶ್ನಿಸಿದರು. ಆಗ, ಜಾನಕ ಬಂದಿಗೇರ್ ಅವರು `ಡಿಸೆಂಬರ್ 22ರ ರಾತ್ರಿ ಮನೆಯಲ್ಲಿರುವ ಕಳೆ ನಾಶಕ ಸೇವಿಸಿದ್ದೇನೆ’ ಎಂಬ ವಿಷಯ ಬಾಯ್ಬಿಟ್ಟರು! ತಕ್ಷಣ ಚೌಡಪ್ಪ ಬಂದಿಗೇರ್ ಅವರು ಜಾನಕ ಬಂದಿಗೇರ್ ಅವರನ್ನು ಶಿರಸಿ ಮಾರಿಕಾಂಬಾ ಆಸ್ಪತ್ರೆಗೆ ಕರೆದೊಯ್ದರು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಅದರಿಂದ ಪ್ರಯೋಜನವಾಗಲಿಲ್ಲ. ಜನವರಿ 5ರಂದು ಜಾನಕ ಬಂದಿಗೇರ್ ಅವರು ಸಾವನಪ್ಪಿದರು.
- [ಕೃಷಿಕನಿಗೆ ಗುದ್ದಿದ ಕುರಿಮರಿ: ಸಾವು!](https://mobiletime.in/2026/01/lamb-punches-farmer-death/): ಕುರಿ ಸಾಕಾಣಿಕೆ ಮಾಡಿ ಬದುಕು ಕಟ್ಟಿಕೊಂಡಿದ್ದ ಮುಂಡಗೋಡದ ಶೇಖಪ್ಪ ಹೆಸರಂಬಿ ಅವರು ಕುರಿ ಹೊಟ್ಟೆಗೆ ಗುದ್ದಿದ ಪರಿಣಾಮ ಸಾವನಪ್ಪಿದ್ದಾರೆ. ಮುಂಡಗೋಡಿನ ನ್ಯಾಸರ್ಗಿಯಲ್ಲಿ ಶೇಖಪ್ಪ ಹೆಸರಂಬಿ (53) ಅವರು ಕುರಿ ಸಾಕಾಣಿಕೆ ಮಾಡಿಕೊಂಡಿದ್ದರು. ಜನವರಿ 2ರ ಮಧ್ಯಾಹ್ನ ಅವರು ಕುರಿ ಮರಿಗಳ ಆರೈಕೆಗೆ ಹೋಗಿದ್ದರು. ಆ ವೇಳೆ ಕುರಿಗಳಿಗೆ ಅವರು ಮೇವು ನೀಡಿದ್ದು, ಒಂದು ಕುರಿ ಅವರ ಹೊಟ್ಟೆಗೆ ಗುದ್ದಿತು. ಪರಿಣಾಮ ಅವರು ಗಾಯಗೊಂಡರು. ಶೇಖಪ್ಪ ಹೆಸರಂಬಿ ಅವರನ್ನು ಮೊದಲು ಶಿಗ್ಗಾವಿ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆಗೆ ಅಲ್ಲಿಂದ ಹುಬ್ಬಳ್ಳಿಗೆ ರವಾನಿಸಲಾಯಿತು. ಆದರೆ, ನೋವು ಸಹಿಸಿಕೊಳ್ಳಲಾಗದೇ ಅವರು ಜನವರಿ 5ರಂದು ಪ್ರಾಣಬಿಟ್ಟರು. ಅವರ ಮಗ ನಾಗರಾಜ ಹೆಸರಂಬಿ ಅವರು ಈ ವಿಷಯದ ಬಗ್ಗೆ ಮಾಹಿತಿ ನೀಡಿದರು.
- [ನ್ಯಾಯಬೆಲೆ ಅಂಗಡಿ: ಪರಿಶಿಷ್ಟರಿಗೆ ಆದ್ಯತೆ ನೀಡಲು ಸೂಚನೆ](https://mobiletime.in/2026/01/fair-price-shop-instructions-to-give-priority-to-scheduled-castes/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹೊಸದಾಗಿ ನ್ಯಾಯಬೆಲೆ ಅಂಗಡಿಗಳನ್ನು ತೆರಯುವ ಸಂದರ್ಭದಲ್ಲಿ ಪ ಜಾತಿ ಮತ್ತು ಪಂಗಡದ ಸಮುದಾಯದವರಿಗೆ ಆದ್ಯತೆ ಕೊಡಬೇಕು’ ಎಂದು ಆಹಾರ ಮತ್ತು ನಾಗರೀಕ ಸರಬರಾಜು ಇಲಾಖೆಯ ಅಧಿಕಾರಿಗಳಿಗೆ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಸೂಚನೆ ನೀಡಿದ್ದಾರೆ. `ನಗರ ಮತ್ತು ಗ್ರಾಮಾಂತರ ಪ್ರದೇಶದಲ್ಲಿನ ಪಡಿತರ ಚೀಟಿಗಳ ಸಂಖ್ಯೆಯಲ್ಲಿ ಪರಿಶೀಲಿಸಿ ಹೊಸದಾಗಿ ನ್ಯಾಯಬೆಲೆ ಅಂಗಡಿಗಳನ್ನು ತೆರಯುವ ಕುರಿತಂತೆ ಸರ್ಕಾರದ ಮಾರ್ಗಸೂಚಿಗಳನ್ನು ಪಾಲಿಸಬೇಕು. ಪ ಜಾತಿ ಪಂಗಡದ ಸಮುದಾಯದ ಶೇ 40ಕ್ಕಿಂತಲೂ ಹೆಚ್ಚಿನ ಜನ ವಾಸವಿರುವ ಕಡೆಗಳಲ್ಲಿ ಪ ಜಾತಿ ಮತ್ತು ಪಂಗಡದ ಸಮುದಾಯದವರಿಗೆ ಆದ್ಯತೆಯ ಮೇಲೆ ಪಡಿತರ ಅಂಗಡಿಗಳನ್ನು ಮಂಜೂರು ಮಾಡಬೇಕು. ಪ ಜಾತಿ ಸಮುದಾಯದಲ್ಲಿ ಮೀಸಲಾತಿಯನುಸಾರ ಒಳಮೀಸಲಾತಿಯನ್ನು ಅನುಸರಿಸಬೇಕು’ ಎಂದವರು ಸೂಚಿಸಿದರು. ಹೊಸ ನ್ಯಾಯಬೆಲೆ ಅಂಗಡಿಗಳನ್ನು ತೆರೆಯುವ ಕುರಿತಂತೆ ಪ್ರಕಟಣೆ ಹೊರಡಿಸುವ ಸಂದರ್ಭದಲ್ಲಿ ಪ.ಜಾತಿ ಮತ್ತು ಪಂಗಡದ ಸಮುದಾಯದವರಿಗೆ ಮೀಸಲಿಟ್ಟಿರುವ ಅಂಗಡಿಗಳ ಸಂಖ್ಯೆಯನ್ನು ನಮೂದಿಸುವಂತೆ ಅವರು ತಿಳಿಸಿದರು. ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಪ.ಜಾತಿ ಪಂಗಡದ ಸಮುದಾಯದ ಶೇ 40 ಕ್ಕಿಂತಲೂ ಹೆಚ್ಚಿನ ಜನ ವಾಸವಿರುವ ಪ್ರದೇಶಗಳ ಮಾಹಿತಿಯನ್ನು ಆಹಾರ ಇಲಾಖೆ ಅಧಿಕಾರಿಗಳಿಗೆ ಒದಗಿಸುವಂತೆ ಸಮಾಜ ಕಲ್ಯಾಣ ಮತ್ತು ಪ.ವರ್ಗಗಳ ಕಲ್ಯಾಣ ಇಲಾಖೆ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು. ಸಭೆಯಲ್ಲಿ ಆಹಾರ ಮತ್ತು ನಾಗರೀಕ ಸರಬರಾಜು ಇಲಾಖೆಯ ಉಪ ನಿರ್ದೇಶಕ ಮಂಜುನಾಥ ರೇವಣ್‌ಕರ, ಪೌರಾಯುಕ್ತ ಜಗದೀಶ್ ಹುಲಿಗಜ್ಜಿ ಹಾಗೂ ವಿವಿಧ ಇಲಾಖೆಯ ಅಧಿಕಾರಿಗಳು ಮತ್ತು ಆಹಾರ ಇಲಾಖೆಯ ತಾಲೂಕುಗಳ ಅಧಿಕಾರಿಗಳು ಉಪಸ್ಥಿತರಿದ್ದರು.
- [ಬಹಿಷ್ಕಾರ: ಜೈಲಿನ ಜೊತೆ ದಂಡ ಅನಿವಾರ್ಯ!](https://mobiletime.in/2026/01/boycott-jail-and-fines-are-inevitable/): `ಯಾವುದೇ ವ್ಯಕ್ತಿ ಅಥವಾ ಕುಟುಂಬಕ್ಕೆ ಬಹಿಷ್ಕಾರ ಹಾಕುವುದು ಕಾನೂನುಬಾಹಿರವಾಗಿದ್ದು, ಬಹಿಷ್ಕಾರ ಹಾಕಿದವರಿಗೆ ಕಾನೂನು 1 ಲಕ್ಷ ರೂ ದಂಡ ಹಾಗೂ 3 ವರ್ಷ ಜೈಲು ಶಿಕ್ಷೆ ವಿಧಿಸುತ್ತದೆ’ ಎಂದು ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಮಾಹಿತಿ ನೀಡಿದ್ದಾರೆ. ಕುಮಟಾದ ಮಾಸೂರಿನ ಲುಕ್ಕೇರಿ ಗ್ರಾಮದ ಕೇಶವ ಗಣಪತಿ ಅಂಬಿಗ ಅವರ ಕುಟುಂಬಕ್ಕೆ ಬಹಿಷ್ಕಾರ ಹಾಕಿರುವ ಬಗ್ಗೆ ಅರಿತ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಿಸ್ ಅವರು ಈ ಬಗ್ಗೆ ಜನ ಜಾಗೃತಿಗಾಗಿ ಕಾನೂನಿ ಅರಿವು ಮೂಡಿಸಿದ್ದಾರೆ. `2025ರ ವಿಧಾನ ಸಭೆಯಲ್ಲಿ ಸಾಮಾಜಿಕ ಬಹಿಷ್ಕಾರ ಮಸೂದೆ ಮಂಡನೆ ಆಗಿದೆ. ಅದರ ಪ್ರಕಾರ ಯಾವುದೇ ಕುಟುಂಬಕ್ಕೂ ಬಹಿಷ್ಕಾರ ಹಾಕುವ ಹಾಗಿಲ್ಲ’ ಎಂದವರು ವಿವರಿಸಿದ್ದಾರೆ. `ಬಹಿಷ್ಕಾರ ಮಾಡಲು ನಡೆಸುವ ಸಭೆ ಹಾಗೂ ಪಂಚಾಯತಿ ನಡೆಸಿದವರನ್ನು ಈ ಪ್ರಕರಣದಲ್ಲಿ ಆರೋಪಿಯನ್ನಾಗಿ ಮಾಡಲಾಗುತ್ತದೆ. ಇಂಥ ಪ್ರಕರಣದಲ್ಲಿ ಒತ್ತಡ ಹೇರಿದವರನ್ನು ಸಹ ಆರೋಪಿ ಎಂದು ಪರಿಗಣಿಸಲಾಗುತ್ತದೆ. ಬಹಿಷ್ಕಾರದ ಬಗ್ಗೆ ಸಭೆ ಸಮಾವೇಶ ನಡೆಸುವುದು ಸಹ ಕಾನೂನುಬಾಹಿರ ಎಂದು ಮಸೂದೆಯಲ್ಲಿದೆ’ ಎಂದವರು ಹೇಳಿದ್ದಾರೆ. ಸದ್ಯ ಬಹಿಷ್ಕಾರಕ್ಕೆ ಒಳಗಾಗಿರುವ ಕುಟುಂಬದವರಿಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಧೈರ್ಯ ಹೇಳಿದ್ದಾರೆ. `ಎಲ್ಲಿಯೇ ಇಂಥ ಅಮಾನವೀಯ ಪ್ರಕರಣ ನಡೆದರೂ 7892221590ಗೆ ಫೋನ್ ಮಾಡಿ ತಮ್ಮ ಗಮನಕ್ಕೆ ತನ್ನಿ. ಬಹಿಷ್ಕಾರ ಹಾಕಿದವರ ವಿರುದ್ಧ ಕಾನೂನು ಹೋರಾಟ ನಡೆಸೋಣ’ ಎಂದವರು ಕರೆ ನೀಡಿದ್ದಾರೆ.
- [ಗ್ರಾಮ ಆಡಳಿತ: ಅಧಿಕಾರ ಇದ್ದರೂ ಅನುದಾನ ಇಲ್ಲ!](https://mobiletime.in/2026/01/village-administration-despite-authority-there-is-no-funding/): ಸಣ್ಣಪುಟ್ಟ ಸಮಸ್ಯೆಗಳಿಗೂ ಜನರಿಂದ ಬೈಸಿಕೊಳ್ಳುವ ಗ್ರಾಮ ಪಂಚಾಯತ ಸದಸ್ಯರು ಆಡಳಿತ ವಿಷಯದಲ್ಲಿ ತಾವು ಅನುಭವಿಸುವ ಸಮಸ್ಯೆಗಳನ್ನು ಬಗೆಹರಿಸುವಂತೆ ಕೋರಿ ಪ್ರತಿಭಟಿಸಿದ್ದಾರೆ. ಯಲ್ಲಾಪುರದ ಗಾಂಧೀ ಕುಟೀರದಲ್ಲಿ ಗಾಂಧೀಜಿ ಅವರ ಭಾವಚಿತ್ರದ ಮುಂದೆ ಗ್ರಾ ಪಂ ಪ್ರತಿನಿಧಿಗಳು ತಮ್ಮ ಅಳಲು ತೋಡಿಕೊಂಡಿದ್ದಾರೆ. ಗ್ರಾಮ ಪಂಚಾಯತಗಳಿಗೆ ಅನುದಾನ ಕೊರತೆ ಹಾಗೂ ಇನ್ನಿತರ ಸಮಸ್ಯೆಗಳ ಬಗ್ಗೆ ಅವರು ಅಧಿಕಾರಿಗಳಿಗೆ ಮನವರಿಕೆ ಮಾಡಿದ್ದಾರೆ. ಚುನಾಯತ ಗ್ರಾಮ ಪ್ರತಿನಿಧಿಗಳ ಒಕ್ಕೂಟದ ಅಧ್ಯಕ್ಷ ಎಂ ಕೆ ಭಟ್ಟ ಅವರು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹಾಗೂ ಪಂಚಾಯತ ರಾಜ್ ಸಚಿವ ಪ್ರಿಯಾಂಕ ಖರ್ಗೆ ಅವರಿಗೆ ಸಮಸ್ಯೆಗಳ ಪಟ್ಟಿ ರವಾನಿಸಿದ್ದು, ತುರ್ತು ಪರಿಶೀಲನೆಗಾಗಿ ಒತ್ತಾಯಿಸಿದ್ದಾರೆ. `15ನೇ ಹಣಕಾಸನ್ನು ತರಿಸಿ ಉದ್ಯೋಗ ಖಾತ್ರಿ ಯೋಜನೆಯ ಅನುಷ್ಠಾನದಲ್ಲಿ ಬದಲಾವಣೆ ಮಾಡಿಕೊಡಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ತಾ ಪಂ ಇಒ ರಾಜೇಶ ಧನವಾಡಕರ್ ಅವರ ಮೂಲಕ ಸರ್ಕಾರಕ್ಕೆ ಲಿಖಿತ ಪತ್ರವನ್ನು ಸಲ್ಲಿಸಿದ್ದಾರೆ. `ರಾಜ್ಯದ ಎಲ್ಲ ಪಂಚಾಯತಿಗಳಲ್ಲಿ 15ನೇ ಹಣಕಾಸು ಬರದೇ ಯಾವ ಕೆಲಸವೂ ನಡೆಯುತ್ತಿಲ್ಲ. ಉದ್ಯೋಗ ಖಾತ್ರಿ ಯೋಜನೆಯಿಂದ ಅಭಿವೃದ್ಧಿ ಕೆಲಸಗಳನ್ನು ಮಾಡಲು ಸಾಧ್ಯವಿದ್ದು, ಕಟ್ಟುನಿಟ್ಟಾದ ನಿಯಮಗಳಿಂದ ಕೆಲಸ ಆಗುತ್ತಿಲ್ಲ’ ಎಂದವರು ವಿವರಿಸಿದ್ದಾರೆ. `ಉದ್ಯೋಗ ಖಾತರಿ ಕಾಮಗಾರಿಯ ತಾಂತ್ರಿಕ ಸಮಸ್ಯೆ ಬಗೆಹರಿಸಬೇಕು. ಕೂಲಿ ಹಣವನ್ನು ಹೆಚ್ಚಿಸಬೇಕು. ಒಂದು ಎಕರೆ ಒಳಗಿನ ಭೂಮಿ ಹೊಂದಿದ ರೈತರಿಗೂ ಕೃಷಿ ಬಾವಿಯ ಸೌಲಭ್ಯ ನೀಡಬೇಕು. ಅತಿಕ್ರಮಣದಾರರಿಗೂ ವೈಯಕ್ತಿಕ ಸೌಲಭ್ಯ ದೊರೆಯುವಂತೆ ಆಗಬೇಕು. ಸಾರ್ವಜನಿಕ ಕುಡಿಯುವ ನೀರಿನ ಬಾವಿ ನಿರ್ಮಾಣಕ್ಕೆ ಅವಕಾಶ ನೀಡಬೇಕು. ಸಾರ್ವಜನಿಕ ಶೌಚಾಲಯಕ್ಕೆ ಅವಕಾಶವನ್ನು ನೀಡಬೇಕು. ಸಾರ್ವಜನಿಕ ಗೋಡಾನ್ ನಿರ್ಮಾಣ ಕಾಮಗಾರಿಗಳನ್ನು ವಿಶೇಷ ಕಾಮಗಾರಿಯಾಗಿ ಪರಿವರ್ತಿಸಬೇಕು. ಮೂರು ವರ್ಷದೊಳಗೆ ಕಾಮಗಾರಿ ಅನುಷ್ಠಾನ ಮಾಡಲು ಅವಕಾಶ ನೀಡಬೇಕು. ಕೇಂದ್ರ ಸರ್ಕಾರ ಶೇ 60, ರಾಜ್ಯ ಸರ್ಕಾರ ಶೇ.40 ಅನುದಾನ ನೀಡುವ ನಿರ್ಧಾರ ಸರಿಯಲ್ಲ’ ಎಂಬ ವಿಷಯವನ್ನು ಗಮನಕ್ಕೆ ತಂದಿದ್ದಾರೆ. ಪ್ರಮುಖರಾದ ಸುಬ್ಬಣ್ಣ ಕುಂಟೆಕುಳಿ, ಕೆ ಟಿ ಹೆಗಡೆ, ಗಜಾನನ ಭಟ್ಟ, ಸುಬ್ಬಣ್ಣ ಉದ್ದಾಬೈಲ, ರಾಮಕೃಷ್ಣ ಗಾಂವ್ಕರ, ಗಣೇಶ ಹೆಗಡೆ, ಪರಮೇಶ್ವರ ಗಾಂವ್ಕರ ಇತರರಿದ್ದರು.
- [ನೀರು ಉಳಿಸಿ.. ಅಘನಾಶಿನಿ ರಕ್ಷಿಸಿ!](https://mobiletime.in/2026/01/save-water-protect-aghanashini/): `ಜೀವ ವೈವಿಧ್ಯಮಯಕ್ಕೆ ಮಾರಕವಾಗಿರುವ ಅಘನಾಶಿನಿ ನದಿ ನೀರು ಎತ್ತುವ ಯೋಜನೆಯನ್ನು ಸರ್ಕಾರ ಕೈ ಬಿಡಬೇಕು’ ಎಂದು ಶಿರಸಿಯ ನ್ಯಾಯವಾದಿ ರವೀಂದ್ರ ನಾಯ್ಕ ಆಗ್ರಹಿಸಿದ್ದಾರೆ. `ಅಘನಾಶಿನಿ ನದಿ ನೀರು ಎತ್ತುವಿಕೆ ಯೋಜನೆಯಲ್ಲಿ ಒಂದು ಲಕ್ಷದ ಇಪ್ಪತ್ತು ಸಾವಿರ ಗಿಡ ನಾಶಗೊಳ್ಳಲಿದೆ. ಆರು ನೂರು ಎಕರೆ ಅಘನಾಶಿನಿ ಕಣಿವೆಯ ಮೌಲ್ಯಯುತ ಜೀವ ವೈವಿಧ್ಯಕ್ಕೆ ಹಾನಿ ಉಂಟಾಗಲಿದೆ. ಪಶ್ಚಿಮ ಘಟ್ಟ ಪ್ರದೇಶದ ಜನ ಜೀವನ, ಪ್ರಾಣಿ, ಪಕ್ಷಿಗಳ ಹಾಗೂ ಅತ್ಯಮೂಲ್ಯ ಗಿಡ ಸಸ್ಯಗಳ ಮೇಲೆ ದುಷ್ಪರಿಣಾಮ ಬೀಳಲಿದೆ. ಇದರಿಂದ ನೈಸರ್ಗಿಕ ಅಸಮತೋಲನಕ್ಕೆ ಕಾರಣವಾಗಲಿದೆ’ ಎಂದವರು ವಿವರಿಸಿದ್ದಾರೆ. `20 ಸಾವಿರ ಕೋಟಿ ವೆಚ್ಚದಲ್ಲಿ 35 ಟಿ ಎಂ ಸಿ ನೀರನ್ನು ಅಘನಾಶಿನಿಯಿಂದ ವಾಣಿವಿಲಾಸ ಜಲಾಶಯಕ್ಕೆ ಸಿದ್ದಾಪುರ ಮತ್ತು ಸಾಗರ ಮೂಲಕ ಚಿತ್ರದುರ್ಗ, ದಾವಣಗೆರೆ ಮತ್ತು ಬಳ್ಳಾರಿ ಮುಂತಾದ ಜಿಲ್ಲೆಗಳ ಮೂಲಕ ಸಾಗಿಸುವ ಯೋಜನೆ ಸರ್ಕಾರದ ಮುಂದಿದೆ. ಪೈಪ್ ಲೈನ್ ಕಾಲುವೆ ಮೂಲಕ ನೀರು ಒಯ್ಯುವ ಯೋಜನೆಯಿಂದ ಅಘನಾಶಿನಿಯ ಪರಿಸರದಲ್ಲಿ ನೀರಿನ ಸಂಕಟಕ್ಕೆ ಕಾರಣವಾಗಲಿದೆ. `ಸಮುದ್ರದಲ್ಲಿನ ಉಪ್ಪು ನೀರು ಕರಾವಳಿ ಭಾಗದ ಕೃಷಿ ಚಟುವಟಿಕೆ ಮತ್ತು ಸಾಗುವಳಿ ಕ್ಷೇತ್ರಕ್ಕೆ ಆತಂಕ ಉಂಟಾಗಲಿದೆ’ ಎಂದವರು ವಿಶ್ಲೇಷಿಸಿದ್ದಾರೆ. `ಮಳೆಗಾಲದಲ್ಲಿ ಅಘನಾಶಿನಿಯ ಪರಿಸರದಲ್ಲಿ ಸುಮಾರು 600 ಚದರ ಕಿಮೀ ವಿಸ್ತೀರ್ಣದಲ್ಲಿ 2864ಮಿಮೀ ಸರಾಸರಿ ಮಳೆ ಆಗುತ್ತದೆ. ಅದರಂತೆ ಶಿರಸಿಯ ಅಘನಾಶಿನಿ ಉಗಮ ಸ್ಥಾನದಲ್ಲಿ 2500ಮಿಮೀ ಮಳೆ ಆಗುತ್ತದೆ. ಎಂಬತ್ತೊAದು ಟಿಎಂಸಿ ನೀರು ಸಮುದ್ರಕ್ಕೆ ಸೇರಲಿದ್ದು, ಉಂಚಳ್ಳಿ ಜಲಪಾತದ ಬಳಿ ಹರಿಯುವ ನೀರಿನ ಪ್ರಮಾಣ ಕೇವಲ 45 ಟಿಎಂಸಿ ಆಗಿದೆ. ಇದರಲ್ಲಿ 35 ಟಿಎಂಸಿ ನೀರು ಎತ್ತುವಿಕೆಗೆ ಕಾರ್ಯ ಸಾಧುವಲ್ಲ’ ಎಂದವರು ವೈಜ್ಞಾನಿಕ ಕಾರಣಗಳನ್ನು ನೀಡಿದ್ದಾರೆ.
- [ಮರಕ್ಕೆ ಗುದ್ದಿದ ಬಸ್ಸು: 20 ಜನರಿಗೆ ಸುಸ್ತು!](https://mobiletime.in/2026/01/bus-hits-tree-20-people-injured/): ಕಲಘಟಗಿಯಿಂದ ಹಳಿಯಾಳಕ್ಕೆ ಬರುತ್ತಿದ್ದ ಬಸ್ಸು ಅಪಘಾತಕ್ಕೀಡಾಗಿದ್ದು, 12ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ಗಾಯವಾಗಿದೆ. 20ಕ್ಕೂ ಅಧಿಕ ಪ್ರಯಾಣಿಕರಿಗೆ ಈ ಅವಘಡದಲ್ಲಿ ಪೆಟ್ಟಾಗಿದೆ. ಹಳಿಯಾಳ ತಾಲೂಕಿನ ಬಾಣಸಗೇರಿ ಗ್ರಾಮದ ಬಳಿ ಈ ಅವಘಡ ನಡೆದಿದೆ. ಮುಂದಿನಿAದ ಬಂದ ಕಾರಿಗೆ ಬಸ್ಸು ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಬಸ್ಸಿನ ಚಾಲಕ ಸ್ಟೇರಿಂಗ್ ತಿರುಗಿಸಿದ್ದು, ಆ ಬಸ್ಸು ಮರಕ್ಕೆ ಗುದ್ದಿದೆ. ಬಸ್ಸಿನ ಚಾಲಕನಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಜೊತೆಗೆ ಇಬ್ಬರು ಮಕ್ಕಳಿಗೂ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಗಾಯಗೊಂಡವರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸಾಗಿಸಲಾಗಿದ್ದು, ವೈದ್ಯರು ಆರೈಕೆ ಮಾಡುತ್ತಿದ್ದಾರೆ. ಈ ಬಸ್ಸಿನಲ್ಲಿ 40ಕ್ಕೂ ಅಧಿಕ ಪ್ರಯಾಣಿಕರಿದ್ದರು. ಆ ಪೈಕಿ 8 ವಿದ್ಯಾರ್ಥಿನಿಯರು, ಇಬ್ಬರು ಮಹಿಳೆಯರು ಹಾಗೂ ಇಬ್ಬರು ಶಾಲಾ ಮಕ್ಕಳು ಹೆಚ್ಚಿನ ಪ್ರಮಾಣದಲ್ಲಿ ನೋವು ಅನುಭವಿಸಿದರು. ಬಸ್ಸಿನ ಮುಂದಿನ ಭಾಗ ಸಂಪೂರ್ಣವಾಗಿ ಜಖಂ ಆಗಿದ್ದು, ಮುಂದಿನ ಆಸನದಲ್ಲಿದ್ದ ವಿದ್ಯಾರ್ಥಿಯ ಕಾಲು ಅಲ್ಲಿಯೇ ಸಿಲುಕಿ ಬಿದ್ದಿತ್ತು. ಒಂದು ತಾಸಿನ ಕಾರ್ಯಾಚರಣೆ ನಂತರ ಆ ವಿದ್ಯಾರ್ಥಿಯನ್ನು ಅಲ್ಲಿಂದ ಹೊರ ತೆಗೆಯಲಾಯಿತು. ಹಳಿಯಾಳ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ತಾಸುಗಳ ಕಾಲ ಸಂಚಾರ ದಟ್ಟಣೆ ಕಾಣಿಸಿತು. ನಂತರ ಪೊಲೀಸರು ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.
- [ಬೆಟ್ಟ ಭೂಮಿಯನ್ನು ಬಿಟ್ಟುಬಿಡಿ: ಅರಣ್ಯ ಸಚಿವರ ಮುಂದೆ ಅನಂತಣ್ಣನ ಅಳಲು](https://mobiletime.in/2026/01/leave-the-hill-land-behind-ananthanas-cry-before-the-forest-minister/): ಅರಣ್ಯ ಅತಿಕ್ರಮಣ ಹಾಗೂ ಸೊಪ್ಪಿನ ಬೆಟ್ಟ ವಿಷಯದ ಆಳ-ಅಗಲ ಅರಿಯುವುದಕ್ಕಾಗಿ ಉತ್ತರ ಕನ್ನಡ ಜಿಲ್ಲೆಗೆ ಬರುವಂತೆ ಅರಣ್ಯ ಸಚಿವರಿಗೆ ಬಿಜೆಪಿ ರೈತಮೋರ್ಚಾ ಉಪಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಆಹ್ವಾನ ನೀಡಿದ್ದಾರೆ. `ಅ ಖರಾಬು’ ಹಾಗೂ `ಬ ಖರಾಬು’ ವಿಷಯದಲ್ಲಿನ ಗೊಂದಲ, ಅರಣ್ಯ ಅತಿಕ್ರಮಣದಾರರು ಅನುಭವಿಸುತ್ತಿರುವ ಸಮಸ್ಯೆ ಬಗ್ಗೆ ಅವರು ಈಶ್ವರ ಖಂಡ್ರೇ ಅವರಿಗೆ ಮಾಹಿತಿ ನೀಡಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆ ಅತಿ ಹೆಚ್ಚು ಸೊಪ್ಪಿನ ಬೆಟ್ಟ ಭೂಮಿಯನ್ನು ಹೊಂದಿದ್ದು, ಈ ಸೊಪ್ಪಿನ ಬೆಟ್ಟ ಜಾಗಕ್ಕೆ ಬ್ರಿಟಿಷರ ಕಾಲದಿಂದನೂ ರೈತರು ತೆರಿಗೆ ತುಂಬುತ್ತಿದ್ದಾರೆ. ರೈತರು ತೋಟದ ನಿರ್ವಣೆಗೆ ಸೊಪ್ಪಿನ ಬೆಟ್ಟದಿಂದ ಸೊಪ್ಪು, ಮಣ್ಣು, ದರಕು ಅತ್ಯಗತ್ಯವಾಗಿದೆ. ಆದರೆ, ಇದೀಗ ತೋಟಕ್ಕೆ ಮಣ್ಣು ತೆಗೆಯಲು ಅವಕಾಶ ಸಿಗದೇ ತೋಟಗಳು ಒಣಗುತ್ತಿದೆ. ಹೀಗಾಗಿ ತೋಟದ ಅಭಿವೃದ್ದಿಗಾಗಿ ಪೂರ್ಜರ ಕಾಲದಿಂದಲೂ ಬಿಟ್ಟುಕೊಟ್ಟಿರುವ ಸೊಪ್ಪಿನ ಬೆಟ್ಟ ಪ್ರದೇಶವನ್ನು ಸರಕಾರ ಇದೀಗ ಬ ಖರಾಬ್ ಎಂದು ಪರಿವರ್ತನೆ ಮಾಡುವ ವಿಚಾರವನ್ನು ಕೈಬಿಡಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಜಿಲ್ಲೆಯ ಶೇ 80ರಷ್ಟು ಜನ ಸೊಪ್ಪಿನ ಬೆಟ್ಟದಲ್ಲಿ ಮನೆ ನಿರ್ಮಿಸಿಕೊಂಡಿದ್ದು, ಸೊಪ್ಪಿನ ಬೆಟ್ಟ ಬಳಕೆ ಮೊದಲಿನ ಹಾಗೇ ಇರುವಂತೆ ನೋಡಿಕೊಳ್ಳಬೇಕು’ ಎಂದು ಆಗ್ರಹಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಜನ ಮನೆಯಿಂದ ಹೊರಗೆ ಕಾಲಿಟ್ಟರೆ ಅರಣ್ಯ ಬರುತ್ತದೆ. ಹೀಗಿರುವಾಗ ಅರಣ್ಯ ಇಲಾಖೆಯವರು ರೈತರ ಮೇಲೆ ದಬ್ಬಾಳಿಕೆ ನಡೆಸುತ್ತಿದ್ದು, ಅತಿಕ್ರಮಣದಲ್ಲಿನ ಅಡಿಕೆ ಮರ ನಾಶ ಮಾಡುತ್ತಿದ್ದಾರೆ. 60 ವರ್ಷಗಳಿಂದ ಸಾಗುವಳಿ ಮಾಡುತ್ತಿದ್ದ ಫಲ ಬರುತ್ತಿದ್ದ ತೋಟಗಳನ್ನು ನಾಶ ಮಾಡಿದ್ದಾರೆ. ಈಗಾಗಲೇ ಅನೇಕರಿಗೆ ನೋಟಿಸ್ ನೀಡಿದ್ದಾರೆ. ಈ ಬಗ್ಗೆಯೂ ಅರಿತು ಜನರ ಸಮಸ್ಯೆ ಅರ್ಥ ಮಾಡಿಕೊಂಡು ಬದುಕಲು ಬಿಡಬೇಕು’ ಎಂದು ಮನವಿ ಮಾಡಿದ್ದಾರೆ. ಬೆಂಗಳೂರಿನಲ್ಲಿ ಅರಣ್ಯ ಸಚಿವ ಈಶ್ವರ ಖಂಡ್ರೆ ಅವರನ್ನು ಭೇಟಿ ಮಾಡಿದ ಅನಂತಮೂರ್ತಿ ಹೆಗಡೆ ಅವರು ಅರಣ್ಯ ಸಚಿವರನ್ನು ಜಿಲ್ಲೆಗೆ ಆಹ್ವಾನಿಸಿದ್ದಾರೆ. ಆ ವೇಳೆ ಅರಣ್ಯ ಸಚಿವರು ಅಧಿಕಾರಿಗಳಿಗೆ ಫೋನ್ ಮಾಡಿ `ಜನರಿಗೆ ಸಮಸ್ಯೆ ಮಾಡಬೇಡಿ’ ಎಂದು ಸೂಚಿಸಿದ್ದಾರೆ. ಬನವಾಸಿ ರೈತನ ನಾಯಕರಾದ ರಮೇಶ ನಾಯಕ್ ಕುಪ್ಪಳ್ಳಿ, ರಾಘವೇಂದ್ರ ನಾಯಕ್ ಬಿಸಿಲುಕೊಪ್ಪ, ಸೋಮಶೇಖರ್ ನಾಯಕ್ ಬಾಸಿ, ಜಗದೀಶ ಹೆಗಡೆ ಬ್ಯಾಗದ್ದೆ ಇತರರು ಇದ್ದರು.
- [ಕಾಂಗ್ರೆಸ್ ವಿರುದ್ಧ ಮುತಾಲಿಕ್ ಕಿಡಿ!](https://mobiletime.in/2026/01/muthalik-sparks-anger-against-congress/): ರಫೀಕ್ ಕ್ರೌರ್ಯಕ್ಕೆ ಬಲಿಯಾದ ಯಲ್ಲಾಪುರದ ರಂಜಿತಾ ಕುಟುಂಬದವರನ್ನು ಶ್ರೀರಾಮ ಸೇನೆ ಮುಖ್ಯಸ್ಥ ಪ್ರಮೋದ ಮುತಾಲಿಕ್ ಭೇಟಿಯಾಗಿದ್ದಾರೆ. `ದುಃಖದಲ್ಲಿರುವ ಕುಟುಂಬಕ್ಕೆ ಹಿಂದು ಸಂಘಟನೆಗಳು ಸದಾ ಬೆಂಬಲವಾಗಿ ನಿಲ್ಲುತ್ತದೆ’ ಎಂದವರು ಧೈರ್ಯ ಹೇಳಿದ್ದಾರೆ. ಅದಾದ ನಂತರ ಕಾಂಗ್ರೆಸ್ ಸರ್ಕಾರದ ವಿರುದ್ಧ ಪ್ರಮೋದ ಮುತಾಲಿಕ್ ಕಿಡಿಕಾರಿದ್ದಾರೆ. `ಕಾಂಗ್ರೆಸ್ ಸರ್ಕಾರ ಮತಕ್ಕಾಗಿ ಜಿಹಾದಿಗಳನ್ನು, ಕೊಲೆಗಡುಕರನ್ನು, ಗೋ ಹಂತಕರ ಓಲೈಕೆ ಮಾಡುತ್ತಿದೆ. ಅವರಿಗೆ ನಾಚಿಕೆ, ಮಾನ, ಮರ್ಯಾದೆ, ದೇಶಭಕ್ತಿ ಯಾವುದೂ ಇಲ್ಲ. ಅಮಾನವೀಯತೆಯೇ ಕಾಂಗ್ರೆಸಿನಲ್ಲಿರುವ ಹಿಂದುಗಳನ್ನೂ ನುಂಗಿ ಹಾಕಲಿದೆ’ ಎಂದರು. `ಸರ್ಕಾರ, ಪೊಲೀಸ್ ಇಲಾಖೆ, ನ್ಯಾಯಾಲಯ ಹೇಗೆ ಬೇಕಾದರೂ ನಡೆದುಕೊಳ್ಳುತ್ತದೆ ಎನ್ನುವುದಕ್ಕೆ ಹುಬ್ಬಳ್ಳಿಯ ನೇಹಾ ಕೊಲೆ ಪ್ರಕರಣವೇ ಸಾಕ್ಷಿ. ಅಮಾನವೀಯವಾಗಿ ಆಕೆಯನ್ನು ಕೊಚ್ಚಿ ಕೊಂದಿರುವ ಪ್ರಕರಣಕ್ಕೆ ನ್ಯಾಯಾಲಯ ತಡೆಯಾಜ್ಞೆ ನೀಡಿದೆ. ಇದು ಯಾವ ರೀತಿಯ ನ್ಯಾಯ ವ್ಯವಸ್ಥೆ?’ ಎಂದು ಪ್ರಶ್ನಿಸಿದರು. `ಯಲ್ಲಾಪುರದ ರಂಜಿತಾರನ್ನು ಹಲಾಲ್ ಮಾದರಿಯಲ್ಲಿ ಕತ್ತರಿಸಿ ಹಾಕಿರುವುದು ಖಂಡನೀಯ. ಕೊಲೆ ಮಾಡಿದ ವ್ಯಕ್ತಿ ಸತ್ತರೂ, ಕೊಲೆ, ಗೋಹತ್ಯೆ, ಲವ್ ಜಿಹಾದ್ ನಂತಹ ಕೃತ್ಯ ಮಾಡುವ ಮಾನಸಿಕತೆ ಸಾಯುವುದಿಲ್ಲ. ಈ ಪ್ರವೃತ್ತಿಯನ್ನು ತಡೆಯುವ ಬಗ್ಗೆ ಸರ್ಕಾರ, ರಾಜಕಾರಣಿಗಳು, ಸಮಾಜ ಚಿಂತನೆ ಮಾಡಬೇಕಾಗಿದೆ. ಈ ವಿಚಾರದಲ್ಲಿ ಹಿಂದು ಸಂಘಟನೆಗಳು ಒಗ್ಗೂಡಿ ಬೀದಿಗಿಳಿದು ಹೋರಾಟ ಮಾಡಲಿವೆ’ ಎಂದು ಘೋಷಿಸಿದರು. `ಬಳ್ಳಾರಿಯಲ್ಲಿ ಹತ್ಯೆಯಾದ ಕಾಂಗ್ರೆಸ್ ಕಾರ್ಯಕರ್ತನ ಕುಟುಂಬಕ್ಕೆ ತಕ್ಷಣ ಹೋಗಿ 25 ಲಕ್ಷ ರೂ ಪರಿಹಾರ ನೀಡಲಾಗಿದೆ. ಯಲ್ಲಾಪುರದಲ್ಲಿ ದಲಿತ ಮಹಿಳೆಯ ಕೊಲೆಯಾದರೂ ಜಿಲ್ಲಾ ಉಸ್ತುವಾರಿ ಸಚಿವರು ಭೇಟಿ ನೀಡಿಲ್ಲ’ ಎಂದು ಕಿಡಿಕಾರಿದರು. `ಹೆಣದ ಮೇಲೆ ರಾಜಕೀಯ ಮಾಡಬೇಡಿ ಎಂದು ಕ್ಷೇತ್ರದ ಶಾಸಕರು ಹೇಳುತ್ತಾರೆ. ಅವರಿಗೆ ನಿಜವಾಗಿ ದಲಿತರ ಮೇಲೆ ಕಾಳಜಿ ಇದ್ದರೆ ಮೃತ ಮಹಿಳೆಯ ಕುಟುಂಬಕ್ಕೆ 2 ಎಕರೆ ಕೃಷಿ ಭೂಮಿ, 50 ಲಕ್ಷ ರೂ ಪರಿಹಾರ ಕೊಡಿಸಲಿ’ ಎಂದು ಆಗ್ರಹಿಸಿದರು. `ದಲಿತರನ್ನು ರಾಜಕಾರಣಿಗಳು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ಕ್ಷೇತ್ರದ ದಲಿತರೆಲ್ಲ ಮುಂದಿನ ಚುನಾವಣೆಯಲ್ಲಿ ಒಂದು ಮತವನ್ನೂ ಕಾಂಗ್ರೆಸಿಗೆ ಹಾಕದೇ ತಕ್ಕ ಬುದ್ದಿ ಕಲಿಸಬೇಕು’ ಎಂದು ಹೇಳಿದರು. ಕರ್ನಾಟಕ ಉತ್ತರ ರಾಜ್ಯದ ಗೌರವಾಧ್ಯಕ್ಷ ಸತ್ಯಪ್ರಮೋದೇಂದ್ರ ಸರಸ್ವತಿ ಸ್ವಾಮೀಜಿ, ಜಿಲ್ಲಾಧ್ಯಕ್ಷ ಮಂಜುನಾಥ ಕೆ. ಎಚ್, ಪ್ರಾಂತ ಸಹ ಸಂಘಟನಾ ಕಾರ್ಯದರ್ಶಿ ಮಹಾಲಿಂಗ ಐಗಳಿ, ಧಾರವಾಡ ಸಂಘಟನಾ ಕಾರ್ಯದರ್ಶಿ ಮಂಜುನಾಥ ಕಾಟ್ಕರ್, ಹರೀಶ ಪೂಜಾರಿ, ಸೋಮೇಶ್ವರ ನಾಯ್ಕ, ಶ್ರೀಪಾದ ಭಟ್ಟ, ಬಾಬು ಬಾಂದೇಕರ್, ಸಿದ್ದಾರ್ಥ ನಂದೊಳ್ಳಿಮಠ, ಕಿರಣ ಚೌಹಾಣ ಇತರರಿದ್ದರು.
- [ಸುಟ್ಟ ಕಾರಿನ ಸುತ್ತ ಅನುಮಾನದ ಹುತ್ತ!](https://mobiletime.in/2026/01/suspicion-surrounds-burnt-car/): ಮೀನು ಮಾರಾಟ ಮಾಡಿ ಬದುಕು ಕಟ್ಟಿಕೊಂಡ ಚಂದ್ರಶೇಖರ ಹಸ್ಲೇರ್ ಅವರಿಗೆ ವಾರ್ಷಿಕ 5 ಲಕ್ಷ ರೂ ಆದಾಯವೇ ಇರಲಿಲ್ಲ. ಅದಾಗಿಯೂ ಅವರು ವರ್ಷಕ್ಕೆ 5 ಲಕ್ಷ ರೂ ಕಂತು ಪಾವತಿಯ ಒಂದುವರೆ ಕೋಟಿ ರೂ ಮೌಲ್ಯದ ಜೀವ ವಿಮೆಗೆ ಪ್ರಯತ್ನಿಸಿದ್ದು, ಅದಾಗಿ ವರ್ಷದೊಳಗೆ ಅವರು ವಿಚಿತ್ರವಾಗಿ ಸಾವನಪ್ಪಿದ್ದಾರೆ! ಸಿದ್ದಾಪುರದ ಕುಡಗುಂದ ಬಳಿಯ ಆಲವಳ್ಳಿಯಲ್ಲಿ ವೀರಭದ್ರ ಹಸ್ಲೇರ್ ಅವರು ವಾಸವಾಗಿದ್ದಾರೆ. ವೀರಭದ್ರ ಹಸ್ಲೇರ್ ಅವರಿಗೆ ಮಂಜುನಾಥ ಹಸ್ಲೇರ್, ಚಂದ್ರಶೇಖರ ಹಸ್ಲೇರ್ ಹಾಗೂ ಉಮೇಶ ಹಸ್ಲರ್ ಎಂಬ ಮೂವರು ಮಕ್ಕಳು. ಈ ಪೈಕಿ ಉಮೇಶ ಹಸ್ಲರ್ ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದು, ಮಂಜುನಾಥ ಹಸ್ಲೇರ್ ಹಾಗೂ ಚಂದ್ರಶೇಖರ ಹಸ್ಲೇರ್ ಅವರು ಮೀನು ವ್ಯಾಪಾರ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಆ ಕುಟುಂಬದಲ್ಲಿ ವೀರಭದ್ರ ಹಸ್ಲೇರ್ ಅವರ ಪತ್ನಿ ಸಾವಿತ್ರಿ ಹಸ್ಲರ್, ಮಗಳು ಅಕ್ಕಮ್ಮ ಹಸ್ಲೇರ್, ಮಂಜುನಾಥ ಹಸ್ಲರ್ ಅವರ ಪತ್ನಿ ಮಹಾಲಕ್ಷಿ ಹಸ್ಲೇರ್ ಹಾಗೂ ಮಗು ಮೋಕ್ಷಿತ ಹಸ್ಲೇರ್ ವಾಸವಾಗಿದ್ದರು. ಜನವರಿ 7ರ ನಸುಕಿನಲ್ಲಿ ಹೊನ್ನಾವರದ ಸೂಳೆಮುರ್ಕಿ ತಿರುವಿನಲ್ಲಿ ನಡೆದ ಕಾರು ಅಪಘಾತದಲ್ಲಿ ಮಂಜುನಾಥ ಹಸ್ಲೇರ್ ಹಾಗೂ ಚಂದ್ರಶೇಖರ ಹಸ್ಲೇರ್ ಸುಟ್ಟು ಕರಕಲಾಗಿದ್ದಾರೆ. ಈ ಬಗ್ಗೆ ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ದಾಖಲಾದ ಪ್ರಕರಣದಲ್ಲಿ ಪ್ರಮೋದ ನಾಯ್ಕ ಅವರ ಬೈಕುಪಡೆದು ಹೋಗಿದ್ದ ಚಂದ್ರಶೇಖರ ಹಸ್ಲೇರ್ ಅವರು ಪ್ರಮೋದ ನಾಯ್ಕ ಅವರ ಮಧ್ಯಸ್ಥಿಕೆಯಲ್ಲಿಯೇ ಉದಯ ಮಡಿವಾಳ ಅವರ ಕಾರು ಖರೀದಿಸಿದ ಉಲ್ಲೇಖವಿದೆ. ಸಿದ್ದಾಪುರ ಚಂದ್ರಘಟಕಿಯ ಪ್ರಮೋದ ನಾಯ್ಕ ಅವರು ವಿಮಾ ಪ್ರತಿನಿಧಿಯಾಗಿದ್ದು, ಚಂದ್ರಶೇಖರ ಹಸ್ಲೇರ್ ಅವರ ಹೆಸರಿನಲ್ಲಿ ಜೀವ ವಿಮೆ ಮಾಡಿಸಲು ನಾನಾ ಕಡೆ ಓಡಾಟ ಮಾಡಿರುವ ಸಂಗತಿ ಹೊರಬಿದ್ದಿದೆ. ವಿಮಾ ಕಂಪನಿಯೊoದರ ಎಜೆಂಟ್ ಆಗಲು ಅರ್ಜಿ ಸಲ್ಲಿಸಿದ್ದ ಪ್ರಮೋದ ನಾಯ್ಕ ಅವರು ತಾವು ಕೆಲಸಕ್ಕೆ ಸೇರಿದ ದಿನವೇ 5 ಲಕ್ಷ ರೂ ವಿಮಾ ಕಂತಿನ ಪಾಲಿಸಿ ತಂದಿದ್ದರು. ಸಾಮಾನ್ಯವಾಗಿ ಕಂಪನಿಗೆ ಸೇರಿದ ಹೊಸತರಲ್ಲಿ ಎಜೆಂಟರು 10-20 ಸಾವಿರ ರೂ ಕಂತಿನ ಪಾಲಿಸಿ ತರುತ್ತಿದ್ದು, ಪ್ರಮೋದ ನಾಯ್ಕ ಅವರು 5 ಲಕ್ಷ ರೂ ವಿಮಾ ಕಂತಿನ ಪಾಲಿಸಿ ತಂದ ಕಾರಣ ಕಂಪನಿ ಪ್ರತಿನಿಧಿಗಳು ಹುಬ್ಬೇರಿಸಿದ್ದರು. ಆ ಬಗ್ಗೆ ವಿಮಾ ಕಂಪನಿಯವರು ವಿಚಾರಣೆ ನಡೆಸಿದಾಗ ವಿಮೆಗಾಗಿ ಅರ್ಜಿ ಸಲ್ಲಿಸಿದ ಚಂದ್ರಶೇಖರ್ ಹಸ್ಲೇರ್ ಅವರು ಮೀನು ಮಾರಾಟ ಮಾಡಿ ಬದುಕು ಕಟ್ಟಿಕೊಂಡಿರುವುದು ಗೊತ್ತಾಗಿತ್ತು. 5 ಲಕ್ಷ ರೂ ಆದಾಯವೇ ಇಲ್ಲದ ವ್ಯಕ್ತಿ 5 ಲಕ್ಷ ರೂ ವಿಮಾ ಕಂತು ಪಾವತಿ ಮಾಡಲು ಬಂದಿದನ್ನು ನೋಡಿ ಕಂಪನಿಯವರು ಆ ಅರ್ಜಿಯನ್ನು ತಿರಸ್ಕರಿಸಿದ್ದರು. ವಿಮೆ ಕೋರಿ ಕಂಪನಿಗೆ ಶೇ 50ರಷ್ಟು ಹಣ ಪಾವತಿ ಆಗಿದ್ದರೂ ಅದನ್ನು ಕಂಪನಿಯವರು ಹಿಂತಿರುಗಿಸಿದ್ದರು. ತಮ್ಮ ಮೂಲಕ ಬಂದ ವಿಮಾ ಅರ್ಜಿ ತಿರಸ್ಕಾರವಾಗಿರುವ ಬಗ್ಗೆ ಪ್ರಮೋದ ನಾಯ್ಕ ಅವರು ತಕರಾರು ಸಲ್ಲಿಸಿದ್ದರು. `ನೀವು ವಿಮೆ ಕೊಡದಿದ್ದರೆ ಬೇರೆ ಕಂಪನಿಯಲ್ಲಿ ಮಾಡಿಸುವೆ’ ಎಂದು ಸವಾಲು ಹಾಕಿದ್ದರು. ಅದಾದ ನಂತರ ಚಂದ್ರಶೇಖರ್ ಹಸ್ಲೇರ್ ಹೆಸರಿನಲ್ಲಿ ಮತ್ತೊಂದು ಕಂಪನಿ ವಿಮೆ ಮಾಡಿದ ಅನುಮಾನವಿದ್ದು, ಅದು ತನಿಖೆಯಿಂದ ಗೊತ್ತಾಗಬೇಕಿದೆ. ಈ ಎಲ್ಲದರ ನಡುವೆ ಹೊನ್ನಾವರದ ಸುಳೇಮರ್ಕಿ ತಿರುವಿನಲ್ಲಿ ನಡೆದ ಕಾರು ದುರಂತದಲ್ಲಿ ಸಿದ್ದಾಪುರದ ಚಂದ್ರಶೇಖರ ಹಸ್ಲೇರ್ (30) ಅವರ ಜೊತೆ ಅವರ ಅಣ್ಣ ಮಂಜುನಾಥ ಹಸ್ಲೇರ್ (35) ಸಹ ಸುಟ್ಟು ಕರಕಲಾಗಿದ್ದಾರೆ. ಸಿದ್ದಾಪುರದ ಕುಡಗುಂದ ಬಳಿಯ ಅಳವಳ್ಳಿ ತಮ್ಮ ಉಮೇಶ ಹಸ್ಲರ್ ಅವರು ನೀಡಿದ ದೂರಿನ ಪ್ರಕಾರ, ಜನವರಿ 6ರಂದು ಚಂದ್ರಶೇಖರ ಹಸ್ಲರ್ ಅವರು ತಾಳಗುಪ್ಪಾದಲ್ಲಿರುವ ಸಂಬoಧಿಕರ ಮನೆಯಲ್ಲಿದ್ದರು. ಆ ದಿನ ಬೆಳಗ್ಗೆ 7 ಗಂಟೆಗೆ ಪ್ರಮೋದ ನಾಯ್ಕ ಅವರ ಬೈಕುಪಡೆದು ಮಂಜುನಾಥ ಹಸ್ಲರ್ ಅವರು ಚಂದ್ರಶೇಖರ ಹಸ್ಲೇರ್ ಅವರನ್ನು ಮನೆಗೆ ಕರೆತಂದಿದ್ದರು. 10.30ಕ್ಕೆ ಮತ್ತೆ ಪ್ರಮೋದ ನಾಯ್ಕ ಅವರ ಬೈಕಿನಲ್ಲಿ ಶಿರಸಿಗೆ ಹೋಗುವುದಾಗಿ ಹೊರಟ ಅವರಿಬ್ಬರು ಮಧ್ಯಾಹ್ನ ಮನೆಗೆ ಮರಳಲಿಲ್ಲ. ಮಂಜುನಾಥ ಹಸ್ಲರ್ ಹಾಗೂ ಚಂದ್ರಶೇಖರ ಹಸ್ಲರ್ ಅವರು ಕುಮಟಾದ ಉದಯ ಮಡಿವಾಳ ಅವರ ಮಾರುತಿ ಜನ್ ಕಾರು ಖರೀದಿಸಿದ್ದು, ಅದಕ್ಕೆ ಸಹ ಪ್ರಮೋದ ನಾಯ್ಕ ಮಧ್ಯಸ್ಥಿಕೆವಹಿಸಿದ್ದರು. ಜನವರಿ 7ರ ನಸುಕಿನಲ್ಲಿ ಆ ಕಾರು ಸುಟ್ಟು ಕರಕಲಾಗಿದ್ದು ಹಾಗೂ ಅದರಲ್ಲಿ ಇಬ್ಬರು ಶವವಾಗಿರುವ ವಿಷಯವನ್ನು ಸಹ ಪ್ರಮೋದ ನಾಯ್ಕ ಅವರೇ ಉಮೇಶ ಹಸ್ಲರ್ ಅವರಿಗೆ ತಿಳಿಸಿದ್ದರು. ಪ್ರಮೋದ ನಾಯ್ಕ ಅವರು ಉಮೇಶ ಹಸ್ಲರ್ ಅವರಿಗೆ ನೀಡಿದ ಮಾಹಿತಿ ಪ್ರಕಾರ, ಕಾರಿನ ಹಣ ಬಾಕಿ ಪಾವತಿ, ಕಾರು ವರ್ಗಾವಣೆ ಹಾಗೂ ಮೀನು ವ್ಯಾಪಾರ ವಿಷಯವಾಗಿ ಮಂಜುನಾಥ ಹಸ್ಲರ್ ಹಾಗೂ ಚಂದ್ರಶೇಖರ ಹಸ್ಲೇರ್ ಅವರು ಹೊರಟಿದ್ದರು. ಹೊನ್ನಾವರದ ಸೂಳೆಮುರ್ಕಿ ತಿರುವಿನಲ್ಲಿ ಅವರು ಸುಟ್ಟು ಶವವಾದರು. ಈ ವಿಷಯ ಅರಿತು ಜನವರಿ 7ರಂದು ಬೆಳಗ್ಗೆ 8 ಗಂಟೆಗೆ ಸಿದ್ದಾಪುರ ಚಂದ್ರಘಟಕಿಯ ಪ್ರಮೋದ ನಾಯ್ಕ ಅವರು ಈ ವಿಷಯವನ್ನು ಉಮೇಶ ಹಸ್ಲರ್ ಅವರಿಗೆ ತಿಳಿಸಿದ್ದು, ಉಮೇಶ ಹಸ್ಲರ್ ಅವರು ತಂದೆ ವೀರಭದ್ರ ಹಸ್ಲರ್ ಊರಿನವರಾದ ನಾಗರಾಜ ಹಸ್ಲರ್, ಗಣಪತಿ ಹಸ್ಲರ್, ದಿನೇಶ ಹಸ್ಲರ್ ಜೊತೆ ಘಟನಾ ಸ್ಥಳಕ್ಕೆ ಹೋಗಿದ್ದರು. ನಸುಕಿನ 2-4 ಗಂಟೆ ಅವಧಿಯಲ್ಲಿ ಕಾರು ಅಪಘಾತಕ್ಕೀಡಾಗಿರುವುದನ್ನು ಅವರು ಅಂದಾಜಿಸಿದ್ದು, ಇನ್ನೂ ಬೆಳಕು ಹರಿಯದ ಆ ವೇಳೆಯಲ್ಲಿ ಅಣ್ಣ-ತಮ್ಮಂದಿರು ಹೋಗಿದ್ದೇಕೆ? ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ.
- [ಹೊರ ಮಂಗಳವಾರ: ಇಲ್ಲಿ ಬಿಟ್ಟು ಬೇರೆಲ್ಲೂ ಹೋಗಬೇಡಿ!](https://mobiletime.in/2026/01/outside-tuesday-dont-go-anywhere-else-but-here/): ಯಲ್ಲಾಪುರದ ಗಂಟೆ ಗಣಪತಿ ಸನ್ನಿಧಿಯ ಅನತಿ ದೂರದಲ್ಲಿರುವ ಯುಕೆ ನೇಚರ್ ಸ್ಟೇ ಹೊರ ಮಂಗಳವಾರ ಸನ್ನಿವೇಶಕ್ಕೆ ಸಿದ್ಧಗೊಂಡಿದೆ. ಪ್ರಕೃತಿಯನ್ನು ಆಹ್ವಾದಿಸಿ ಬರುವ ಅತಿಥಿಗಳಿಗೆ ಊಟ-ತಿಂಡಿ ಜೊತೆ ಬರಪೂರ ಮನರಂಜನೆಯನ್ನು ನೀಡಲು ವೇದಿಕೆ ಸಜ್ಜಾಗಿದೆ. ಯಲ್ಲಾಪುರದಲ್ಲಿಯೇ ಎಲ್ಲಿಯೂ ಇಲ್ಲದ ಝಿಪ್ ಲೈನ್, ಸ್ಕೈ ಸೈಕ್ಲಿಂಗ್ ಸೇರಿದಂತೆ 11ಕ್ಕೂ ಹೆಚ್ಚು ಸಾಹಸ ಚಟುವಟಿಕೆಗಳ ಜೊತೆ ನೈಸರ್ಗಿಕವಾಗಿ ಹರಿಯುವ ಹಳ್ಳದ ಬಳಿ ಕೃತಕ ಮಳೆ ಸೃಷ್ಠಿಸಿ ಅದರಲ್ಲಿ ಮಿಂದೆಳುವ ಮೋಜಿನ ಆಟವೂ ಇಲ್ಲಿ ನಡೆಯಲಿದೆ. ಈಜು ಬಾರದಿದ್ದವರೂ ನೀರಿಗಿಳಿದು ಆಡಬಹುದಾದ ಈಜು ಕೊಳ ಇಲ್ಲಿದೆ. ಯಲ್ಲಾಪುರ ಗ್ರಾಮ ದೇವಿ ಜಾತ್ರೆಗೆ ದಿನಾಂಕ ಘೋಷಣೆ ಆಗಿದೆ. ಜಾತ್ರೆಗೂ ಮುನ್ನ ಹೊರ ಮಂಗಳವಾರ ಆಚರಣೆ ಸಂಪ್ರದಾಯ ರೂಢಿಯಲ್ಲಿದೆ. ಜಾತ್ರೆ ಪೂರ್ವದ ಮೂರು ಮಂಗಳವಾರದ ಅವಧಿಯಲ್ಲಿ ಪಟ್ಟಣದ ಜನ ಮನೆಯಲ್ಲಿ ಇರುವ ಹಾಗಿಲ್ಲ. ಮನೆಯಿಂದ ಹೊರಗೆ ಹೋಗಿ ಸಂಜೆ ಮರಳಬೇಕು ಎಂಬ ನಿಯಮವಿದೆ. ಹೊರ ಮಂಗಳವಾರದ ಅವಧಿಯಲ್ಲಿ ಎಲ್ಲಿ ಹೋಗಬೇಕು? ಏನು ಮಾಡಬೇಕು? ಎಂದು ಯೋಚಿಸುತ್ತಿದ್ದವರನ್ನು ಯುಕೆ ನೇಚರ್ ಸ್ಟೇ ಆಮಂತ್ರಿಸುತ್ತಿದೆ. ಹೊರ ಮಂಗಳವಾರವನ್ನು ಪ್ರಕೃತಿಯ ಮಡಿಲಲ್ಲಿ ಆಚರಿಸುವ ಹೊಸ ಆಲೋಚನೆಗೆ ಇಲ್ಲಿ ವೇದಿಕೆ ಸೃಷ್ಠಿಸಲಾಗಿದೆ. ಸಣ್ಣ ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ಪ್ರತಿಯೊಬ್ಬರಿಗೂ ಅಗತ್ಯವಿರುವ ರೀತಿಯಲ್ಲಿ ಇಲ್ಲಿ ಸಮಯ ಕಳೆಯಲು ಚಟುವಟಿಕೆಗಳನ್ನು ಆಯೋಜಿಸಲಾಗಿದೆ. ಹೊರ ಮಂಗಳವಾರದ ದಿನ ಬರುವ ಅತಿಥಿಗಳಿಗೆ ಬೆಳಗ್ಗೆ ತಿಂಡಿ ಕೊಡಲಾಗುತ್ತದೆ. ಮಧ್ಯಾಹ್ನ ಊಟವನ್ನು ಒದಗಿಸಲಾಗುತ್ತದೆ. ಸಂಜೆ ಅಲ್ಪ ಉಪಹಾರದ ಜೊತೆ ಚಹಾ ವಿತರಣೆ ನಡೆಯುತ್ತದೆ. ಈ ಎಲ್ಲಾ ಸೌಲಭ್ಯಗಳ ಜೊತೆ ಅತಿಥಿಗಳಿಗೆ ಇನ್ನಷ್ಟು ಮನರಂಜನೆ ನೀಡಲು ವಿವಿಧ ಕಲಾವಿದರನ್ನು ಸಹ ಕರೆಯಿಸುವ ಯೋಜನೆಯಿದೆ. ಇಲ್ಲಿನ ವೇದಿಕೆಯೊಂದರಲ್ಲಿ ಭಜನೆ, ಯಕ್ಷಗಾನ, ತಾಳಮದ್ದಲೆ ಸೇರಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ. ಅಗತ್ಯವಿದ್ದವರಿಗೆ ಕೊಠಡಿಗಳನ್ನು ಸಹ ನೀಡಲಾಗುತ್ತದೆ. ಶುದ್ಧ ಗಾಳಿ, ಹಸಿರು ಮರಗಳ ನಡುವೆ ಮಕ್ಕಳ ಜೊತೆ ಕಾಲ ಕಳೆಯಲು ಯುಕೆ ನೇಚರ್ ಸ್ಟೇ ಉತ್ತಮ ತಾಣ. ನೀರು-ನೆರಳು ಸಮೃದ್ಧವಾಗಿರುವ ಈ ಪ್ರದೇಶದಲ್ಲಿ ದಿನವಿಡೀ ಆಟ-ಊಟದ ಜೊತೆ ವಿಶ್ರಾಂತಿಪಡೆದು ಮರಳುವವರಿಗೆ ಇನ್ನಷ್ಟು ಚೈತನ್ಯ ನೀಡಲು ನಿರಂಜನ ಭಟ್ಟ ದಂಪತಿ ಶ್ರಮಿಸುತ್ತಿದ್ದಾರೆ. 2026ರ ಜನವರಿ 20, ಜನವರಿ 27 ಹಾಗೂ ಫೆಬ್ರವರಿ 3ರಂದು ಯಲ್ಲಾಪುರದಲ್ಲಿ ಹೊರ ಮಂಗಳವಾರದ ಆಚರಣೆ ನಡೆಯಲಿದೆ. ಈ ಮೂರು ದಿನದ ಅವಧಿಯಲ್ಲಿ ಯುಕೆ ನೇಚರ್ ಸ್ಟೇ ಬರಲು ಬಯಸುವ ವಯಸ್ಕರಿಗೆ 500ರೂ ಶುಲ್ಕವಿದೆ. 5ರಿಂದ 12 ವರ್ಷದ ಮಕ್ಕಳಿಗೆ 250ರೂ ಶುಲ್ಕ ವಿಧಿಸಲಾಗುತ್ತದೆ. 5ವರ್ಷದೊಳಗಿನ ಮಕ್ಕಳಿಗೆ ಸಂಪೂರ್ಣ ಉಚಿತ ಪ್ರವೇಶ. ಊಟ-ತಿಂಡಿಯ ಜೊತೆ ಬಗೆ ಬಗೆಯ ಕ್ರೀಡೆ ಹಾಗೂ ಮನರಂಜನೆಗೆ ಪ್ರತ್ಯೇಕ ಶುಲ್ಕ ಪಾವತಿ ಮಾಡಬೇಕಿಲ್ಲ. ಇನ್ನೂ ಏನಾದರೂ ಅನುಮಾನಗಳಿದ್ದರೆ ಇಲ್ಲಿ ಮೆಸೆಜ್ ಮಾಡಿ: 9449567673 #Sponsored
- [ಚಂದನ ಸ್ಕೂಲ್: ಸೇಡು ತೀರಿಸಿಕೊಂಡ ಮಾಜಿ ಉದ್ಯೋಗಿ!](https://mobiletime.in/2026/01/chandana-school-former-employee-takes-revenge-on-founder/): ಶಿರಸಿ ಚಂದನ ಶಿಕ್ಷಣ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಎಲ್ ಎಂ ಹೆಗಡೆ ಅವರಿಗೆ ಅದೇ ಸಂಸ್ಥೆಯ ಮಾಜಿ ಉದ್ಯೋಗಿಯೊಬ್ಬರು ಚಪ್ಪಲಿ ಕಾಣಿಸಿದ್ದಾರೆ. ನಡು ರಸ್ತೆಯಲ್ಲಿ ಹೆಗಡೆ ಅವರನ್ನು ನಿಲ್ಲಿಸಿ ಅವರ ಮುಖಕ್ಕೆ ಎಂಜಿಲು ಉಗಿದಿದ್ದಾರೆ. ಶಿರಸಿ ಗೋಳಿಕೊಪ್ಪದ ಲಕ್ಷ್ಮೀನಾರಾಯಣ ಮಹಾಬಲೇಶ್ವರ ಹೆಗಡೆ (58) ಅವರು ತಮಗಾದ ಅವಮಾನದಿಂದ ಕುಗ್ಗಿ ಹೋಗಿದ್ದಾರೆ. ಸಾರ್ವಜನಿಕರ ಎದುರು ತಮ್ಮನ್ನು ಅಡ್ಡಗಟ್ಟಿ ಚಪ್ಪಲಿ ತೋರಿಸಿದಲ್ಲದೇ, ಮುಖಕ್ಕೆ ಎಂಜಿಲು ಉಗಿದು ಅವಮಾನ ಮಾಡಿದ ಚಂದನ ಶಿಕ್ಷಣ ಸಂಸ್ಥೆಯ ಮಾಜಿ ಉದ್ಯೋಗಿ ಸಂತೋಷ ಕೆಪಿ ವಿರುದ್ಧ ಕಾನೂನು ಕ್ರಮಕ್ಕೂ ಆಗ್ರಹಿಸಿದ್ದಾರೆ. ಸದ್ಯ ವಿವೇಕಾನಂದನಗರದಲ್ಲಿ ವಾಸವಾಗಿರುವ ಸಂತೋಷ ಕೆಪಿ ಅವರು ಮೊದಲು ಚಂದನ ಶಿಕ್ಷಣ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದರು. ಸಂತೋಷ ಕೆಪಿ ಅವರು ಸಹ ಶಿಕ್ಷಕರ ಜೊತೆ ಸೇರಿ ತಂಟೆ-ತಕರಾರು ಮಾಡುತ್ತಿದ್ದ ಕಾರಣ ಎಲ್ ಎಂ ಹೆಗಡೆ ಅವರು ಸಂತೋಷ ಕೆಪಿ ಅವರ ವಿರುದ್ಧ ಕ್ರಮ ಜರುಗಿಸಿದ್ದರು. ಸಂತೋಷ ಕೆಪಿ ಅವರಿಗೆ ಬುದ್ದಿ ಹೇಳಿ ಎಚ್ಚರಿಕೆಯನ್ನು ನೀಡಿದ್ದರು. ಅದರಿಂದ ಬೇಸತ್ತ ಸಂತೋಷ ಕೆಪಿ ಅವರು ಚಂದನ ಶಿಕ್ಷಣ ಸಂಸ್ಥೆಗೆ ವಿದಾಯ ಹೇಳಿ ಮತ್ತೊಂದು ಕೆಲಸಕ್ಕೆ ಸೇರಿದ್ದರು. ಇದೇ ಚಂದನ ಶಿಕ್ಷಣ ಸಂಸ್ಥೆಯಲ್ಲಿ ಹಂಚಿನಕೆರೆಯ ಶಾಂತರಾಮ ನಾಯ್ಕ ಅವರು ಸಹ ಕೆಲಸಕ್ಕಿದ್ದರು. ಅವರು ಇದೀಗ ನಿವೃತ್ತರಾಗಿದ್ದು, ಚಂದನ ಸಂಸ್ಥೆಯವರಿoತ ತಮಗಾದ ಅನ್ಯಾಯದ ಬಗ್ಗೆ ಎಲ್ಲಾ ಕಡೆ ಹೇಳುತ್ತಿದ್ದರು. `ತಮಗೆ ಚಂದನ ಸಂಸ್ಥೆಯಿoದ ಹಣ ಬರಬೇಕು. ಅದನ್ನು ಅವರು ಸರಿಯಾಗಿ ಕೊಡುತ್ತಿಲ್ಲ’ ಎಂದು ಶಾಂತರಾಮ ನಾಯ್ಕ ಅವರು ಹೇಳಿಕೊಂಡಿದ್ದರು. ಈಗಾಗಲೇ ಚಂದನ ಶಿಕ್ಷಣ ಸಂಸ್ಥೆ ತೊರೆದಿದ್ದ ಸಂತೋಷ ಕೆಪಿ ಹಾಗೂ ಸಂಸ್ಥೆಯಿoದ ಹಣ ಬರಬೇಕು ಎನ್ನುತ್ತಿದ್ದ ಶಾಂತರಾಮ ನಾಯ್ಕ ಅವರು ಒಂದಾದರು. ಶಾಂತರಾಮ ನಾಯ್ಕ ಅವರ ಸೂಚನೆ ಮೇರೆಗೆ ಸಂತೋಷ ಕೆಪಿ ಅವರು ತಮಗೆ ಅವಮಾನ ಮಾಡಿದ್ದ ಎಲ್ ಎಂ ಹೆಗಡೆ ಅವರ ಸೊಕ್ಕು ಇಳಿಸಲು ನಿರ್ಧರಿಸಿದರು. ಜನವರಿ 2ರ ರಾತ್ರಿ ವಿವೇಕಾನಂದ ನಗರದ ಹುಸುರಿ ರಸ್ತೆಯಲ್ಲಿ ಗಣಪತಿ ದೇವಸ್ಥಾನದ ಬಳಿ ಹೆಗಡೆ ಅವರು ಹೋಗುತ್ತಿದ್ದಾಗ ಅಲ್ಲಿಗೆ ಬಂದ ಸಂತೋಷ ಕೆಪಿ ಅವರು ಹೆಗಡೆ ಅವರ ಕಾರನ್ನು ಅಡ್ಡಗಟ್ಟಿದರು. ಕಾರಿನ ಬಾಗಿಲು ತೆಗೆಯುವಂತೆ ಸೂಚಿಸಿದರು. ಎಲ್ ಎಂ ಹೆಗಡೆ ಅವರು ಕಾರಿನ ಬಾಗಿಲು ತೆಗೆಯುತ್ತಿದ್ದಂತೆ ಸಂತೋಷ ಕೆಪಿ ಅವರು ಅಪ್ಪ-ಅಮ್ಮನ ಹೆಸರನೆಲ್ಲ ತೆಗೆದು ಬಯ್ಯಲು ಶುರು ಮಾಡಿದರು. ಕೆಟ್ಟದಾಗಿ ನಿಂದಿಸಿದ ಅವರು ತಮ್ಮ ಕಾಲಿನಲ್ಲಿದ್ದ ಚಪ್ಪಲಿ ತೆಗೆದು ಹೆಗಡೆ ಅವರ ಮುಖದ ಕಡೆ ಬೀಸಿದರು. ಅದಾದ ನಂತರ ಬಾಯಲ್ಲಿದ್ದ ಎಂಜಲನ್ನು ಹೆಗಡೆ ಅವರ ಮುಖಕ್ಕೆ ಉಗಿದರು. ಸಾರ್ವಜನಿಕರ ಎದುರೇ ಈ ಎಲ್ಲಾ ವಿದ್ಯಮಾನ ನಡೆದಿದ್ದು, ಅದರಿಂದ ಎಲ್ ಎಂ ಹೆಗಡೆ ಅವರು ಆಘಾತಕ್ಕೆ ಒಳಗಾದರು. `ಈ ಹಿಂದೆ ನನ್ನ ವಿರುದ್ಧ ದೂರು ನೀಡಿ ಏನೂ ಮಾಡಲು ಆಗಲಿಲ್ಲ. ಈಗಲೂ ಏನೂ ಮಾಡಲಾಗುವುದಿಲ್ಲ’ ಎಂಬ ಅರ್ಥದಲ್ಲಿ ಸಂತೋಷ ಕೆಪಿ ಅವರು ಹೇಳಿದ್ದು, ಹೆಗಡೆರ ಮೇಲಿದ್ದ ತಮ್ಮ ಸೇಡು ತೀರಿಸಿಕೊಂಡರು. ಎಲ್ ಎಂ ಹೆಗಡೆ ಅವರು ನಿಧಾನವಾಗಿ ಮನೆಗೆ ಹೋಗಿ ಆದ ವಿಷಯಗಳ ಬಗ್ಗೆ ಕುಟುಂಬದವರಲ್ಲಿ ಚರ್ಚಿಸಿದರು. ಕುಟುಂಬದವರ ಸಲಹೆಪಡೆದು ಸಂತೋಷ ಕೆಪಿ ಹಾಗೂ ಅವರಿಗೆ ಉತ್ತೇಜನ ನೀಡಿದ ಶಾಂತರಾಮ ನಾಯ್ಕ ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾದರು. ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಗೆ ಆಗಮಿಸಿದ ಹೆಗಡೆ ಅವರು ತಮಗಾದ ಅವಮಾನದ ಬಗ್ಗೆ ದೂರು ಸಲ್ಲಿಸಿದ್ದು, ನ್ಯಾಯಕ್ಕಾಗಿ ಅಂಗಲಾಚಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಾನೂನು ಕ್ರಮದ ಭರವಸೆ ನೀಡಿದ್ದಾರೆ.
- [ಹುಟ್ಟುಹಬ್ಬದ ಸಂಭ್ರಮಕ್ಕೆ ಅಡ್ಡಿ!](https://mobiletime.in/2026/01/birthday-celebration-interrupted/): ಮಗಳ ಹುಟ್ಟುಹಬ್ಬದ ಪ್ರಯುಕ್ತ ದಾಂಡೇಲಿಯ ನೆಂಟರ ಮನೆಗೆ ಹೋಗಿದ್ದ ಹಳಿಯಾಳದ ದಂಪತಿಗೆ ಅಲ್ಲಿದ್ದವರು ಸುತ್ತಿಗೆಯಿಂದ ಹೊಡೆದು ಓಡಿಸಿದ್ದಾರೆ! ಹಳಿಯಾಳದ ಯಡೋಗಾ ಬಳಿಯ ಮುದಲ್ಗೇರದಲ್ಲಿ ಯುಪಿಎಸ್ ದುರಸ್ಥಿ ಕೆಲಸ ಮಾಡುವ ಪಾಂಡುರoಗ ಜಯಪ್ಪ ಮುಗೇರಿ ಹಾಗೂ ಅವರ ಪತ್ನಿ ರಂಜಿತಾ ಮುಗೇರಿ ಅವರು ಪೆಟ್ಟು ತಿಂದಿದ್ದಾರೆ. ಜನವರಿ 4ರಂದು ಪಾಂಡುರoಗ ಅವರ ಪುತ್ರಿ ದೃತಿ ಅವರ ಹುಟ್ಟುಹಬ್ಬವಿತ್ತು. ದೃತಿ ಅವರು ದಾಂಡೇಲಿ ಹಾರ್ನೋಡ ಗ್ರಾಮ ಸಾಕ್ಷಿಹಳ್ಳಿಯಲ್ಲಿ ವಾಸವಾಗಿದ್ದು, ಹುಟ್ಟು ಹಬ್ಬಕ್ಕೆ ಶುಭ ಕೋರಲು ಪಾಂಡುರoಗ ಹಾಗೂ ರಂಜಿತಾ ದಂಪತಿ ಹೋಗಿದ್ದರು. ಆದರೆ, ಅಲ್ಲಿದ್ದ ರೇಷ್ಮಾ ಗೋಕುಲ ಮಿರಾಶಿ ಅವರು ಪಾಂಡುರoಗ ಅವರಿಗೆ ಮಗಳನ್ನು ಭೇಟಿ ಆಗಲು ಬಿಡಲಿಲ್ಲ. ಪ್ರಶ್ನಿಸಿದಾಗ ಕತ್ತಿಯಿಂದ ಪಾಂಡುರoಗ ಅವರಿಗೆ ಹೊಡೆಯಲು ಶುರು ಮಾಡಿದರು. ತಡೆಯಲು ಬಂದ ಪಾಂಡುರoಗ ಅವರ ಪತ್ನಿ ರಂಜತಾ ಮೇಲೆ ಸುತ್ತಿಗೆಯಿಂದ ಬಡಿದು ಗಾಯ ಮಾಡಿದರು. ಆ ವೇಳೆ ಅಲ್ಲಿದ್ದ ಅಕ್ಷತಾ ರಾಘವೇಂದ್ರ, ಗೋಕುಲ ಲೋಕಪ್ಪ ಮಿರಾಶಿ ಹಾಗೂ ಪ್ರತೀಕಾ ಗೋಕುಲ ಮಿರಾಶಿ ಅವರು ಈ ದಂಪತಿಯನ್ನು ಹಿಡಿದು ಥಳಿಸಿದರು. ಅವರೆಲ್ಲರೂ ಸೇರಿ ಆ ದಂಪತಿಯನ್ನು ಮನೆಯಿಂದ ಹೊರದಬ್ಬಿದರು. ತಮಗಾದ ನೋವಿನ ಬಗ್ಗೆ ಪಾಂಡುರoಗ ಮೋಗ್ರಿ ಅವರು ದಾಂಡೇಲಿ ಪೊಲೀಸರಿಗೆ ದೂರಿದ್ದು, ಪೊಲೀಸರು ವಿಚಾರಣೆ ನಡೆಸಿದ್ದಾರೆ.  
- [ಸರ್ಕಾರಿ ಸೇವಕನಿಗೆ ಜೀವ ಬೆದರಿಕೆ!](https://mobiletime.in/2026/01/life-threat-to-government-servant/): ಕಾರವಾರದ ಅರಗಾ ನೇವಲ್ ಬೇಸಿನಲ್ಲಿ ಕೆಲಸ ಮಾಡುವ ಕೇಂದ್ರ ಸರ್ಕಾರಿ ಉದ್ಯೋಗಿ ಗುರುರಾಜ ಕಲ್ಲೋಳ್ಳಿ ಅವರಿಗೆ ಜೀವ ಬೆದರಿಕೆ ಬಂದಿದೆ. ಅಲ್ಲಿಯೇ ಕೆಲಸ ಮಾಡುವ ಕಾರ್ಮಿಕ ಮುಖಂಡ ದೀಪಕ ತಾಂಡೇಲ್ ಅವರು ಬೆದರಿಕೆ ಒಡ್ಡಿದ್ದಾರೆ. ಕಾರವಾರದ ಬಸ್ ಡಿಪೋ ಬಳಿಯ ಪಾರಿಜಾತ ಅಪಾರ್ಟಮೆಂಟಿನಲ್ಲಿ ಗುರುರಾಜ್ ಶ್ರೀಶೈಲ್ ಕಲ್ಲೋಳ್ಳಿ ಅವರು ವಾಸವಾಗಿದ್ದಾರೆ. ಭಾರತೀಯ ನೌಕಾನೆಲೆಯ ನೇವಲ್ ಬೇಸ್ ಒಳಗೆ ಅವರು ಕರ್ತವ್ಯದಲ್ಲಿದ್ದಾರೆ. ಅಂಕೋಲಾದ ಹಾರವಾಡ ಸೀಬರ್ಡ ಕಾಲೋನಿಯ ದೀಪಕ ತಾಂಡೇಲ್ ಅವರು ಸೂಚಿಸಿದ ಕೆಲಸವೊಂದನ್ನು ಮಾಡದ ಕಾರಣ ಗುರುರಾಜ ಕಲ್ಲೋಳ್ಳಿ ಅವರಿಗೆ ಬೆದರಿಕೆ ಬಂದಿದೆ. ದೀಪಕ ತಾಂಡೇಲ್ ಅವರು ಗುರುರಾಜ ಕಲ್ಲೋಳ್ಳಿ ಅವರು ಯುನಿಪಾರಂ ಧರಿಸಿರುವಾಗಲೇ ಅವರ ಕಾಲರ್ ಪಟ್ಟಿ ಹಿಡಿದು ದಬಾಯಿಸಿದ್ದಾರೆ. ಯೂನಿಯನ್ ಪ್ರಮುಖರಾಗಿರುವ ದೀಪಕ ತಾಂಡೇಲ್ ಅವರು ಕಾರ್ಮಿಕರಿಗೆ ಬೈದ ಕಾರಣ ಕಾರ್ಮಿಕರು ಮುನಿಸಿಕೊಂಡಿದ್ದಾರೆ. ಹೀಗಿರುವಾಗ ಡಿಸೆಂಬರ್ 24ರಂದು ನೇವಲ್ ಬೇಸಿನ ಶಿಫ್ ರಿಪೇರ್ ಯಾರ್ಡಿನಲ್ಲಿ ಗುರುರಾಜ ಕಲ್ಲೋಳ್ಳಿ ಅವರು ಕೆಲಸ ಮಾಡುತ್ತಿದ್ದು, ಪಿ 6ನಲ್ಲಿ ನಡೆಯುವ ಪೋರೋಪ್ಲಿಪ್ಟ್ ಕೆಲಸ ಬಂದ್ ಮಾಡುವಂತೆ ದೀಪಕ ತಾಂಡೇಲ್ ಅವರು ಸೂಚಿಸಿದ್ದಾರೆ. ಆ ವೇಳೆ ಗುರುರಾಜ ಕಲ್ಲೋಳ್ಳಿ ಅವರು `ಮೇಲಧಿಕಾರಿಯಿಂದ ಸೂಚನೆ ಬಂದರೆ ಮಾತ್ರ ಬಂದ್ ಮಾಡುವೆ’ ಎಂದಿದ್ದಾರೆ. ಈ ವಿಷಯವನ್ನು ಗುರುರಾಜ ಕಲ್ಲೋಳ್ಳಿ ಅವರು ಮೇಲಧಿಕಾರಿಗಳ ಗಮನಕ್ಕೂ ತಂದಿದ್ದು, ಇದರಿಂದ ದೀಪಕ ತಾಂಡೇಲ್ ಸಿಟ್ಟಾಗಿದ್ದಾರೆ. ಅದಾದ ನಂತರ ದೀಪಕ ತಾಂಡೇಲ್ ಅವರು ನೇವಲ್ ಬೇಸ್ ಯಸ್ ಅಪಾರ್ಟಮೆಂಟಿಗೆ ನುಗ್ಗಿ ಅಲ್ಲಿದ್ದ ಗುರುರಾಜ ಕಲ್ಲೋಳ್ಳಿ ಕಲ್ಲೋಳ್ಳಿ ಅವರ ಕೊರಳಪಟ್ಟಿ ಹಿಡಿದಿದ್ದಾರೆ. `ಹೊರಗಡೆ ಸಿಗು, ನಿನ್ನ ಹಾಗೂ ನಿನ್ನ ಕುಟುಂಬವನ್ನು ನೋಡಿಕೊಳ್ಳುವೆ’ ಎಂದು ಬೆದರಿಸಿದ್ದಾರೆ. ಆ ಬೆದರಿಕೆಯಿಂದ ಕಂಗಾಲಾದ ಗುರುರಾಜ ಕಲ್ಲೋಳ್ಳಿ ಅವರು ಕಾರವಾರ ಗ್ರಾಮೀಣ ಪೊಲೀಸ್ ಠಾಣೆಗೆ ತೆರಳಿ ದೂರಿದ್ದಾರೆ.
- [ಮಗುವಿನ ಕೈ ಮುರಿದ ಪುಸ್ತಕದ ಭಾರ!](https://mobiletime.in/2026/01/the-weight-of-a-book-broke-a-childs-hand/): ಭಾರವಾದ ಪಟ್ಟಿ-ಪುಸ್ತಕ ಹೊತ್ತು ಶಾಲೆಗೆ ಹೋಗುವ ಸಮರ್ಥ ನಾಯ್ಕ ಅವರ ಕೈ ಊದಿಕೊಂಡಿದೆ. ತೋಳಿನಲ್ಲಿರುವ ಎಲುಬಿಗೆ ಪೆಟ್ಟು ಬಿದ್ದ ಕಾರಣ ಸಮರ್ಥ ನಾಯ್ಕ ಅವರು ಆಸ್ಪತ್ರೆಗೆ ತೆರಳಿ ಚಿಕಿತ್ಸೆಪಡೆದಿದ್ದಾರೆ. ಕಾರವಾರದ ಸೆಂಟ್ ಮೈಕಲ್ ಶಾಲೆಯಲ್ಲಿ ಸಮರ್ಥ ನಾಯ್ಕ ಅವರು 6ನೇ ತರಗತಿ ಓದುತ್ತಿದ್ದಾರೆ. ನಿತ್ಯ ಬ್ಯಾಗಿನ ತುಂಬ ಪಟ್ಟಿ-ಪುಸ್ತಕದ ಬಾರ ಹೊತ್ತು ಅವರು ಶಾಲೆಗೆ ಬರುತ್ತಾರೆ. ಶಾಲೆಯ ಬ್ಯಾಗ್ ಬಾರಕ್ಕೆ ಅವರ ಕೈ ಬುಜವೊಂದು ಊದಿಕೊಂಡಿದೆ. ಅದರಿಂದ ಸಮರ್ಥ ನಾಯ್ಕ ಸಾಕಷ್ಟು ನೋವು ಅನುಭವಿಸಿದ್ದು, ಅದನ್ನು ಸಹಿಸಿಕೊಳ್ಳಲಾಗದೇ ಆಸ್ಪತ್ರೆಗೆ ಹೋಗಿದ್ದಾರೆ. ಕಾರವಾರ ವೈದ್ಯಕೀಯ ವಿಜ್ಞಾನ ಕಾಲೇಜಿನ ವೈದ್ಯಾಧಿಕಾರಿಗಳು ಬಾಲಕನ್ನು ಪ್ರಶ್ನಿಸಿದ್ದಾರೆ. ಬಾರವಾದ ವಸ್ತು ಎತ್ತಿದ ಬಗ್ಗೆ ಕೇಳಿದಾಗ ಶಾಲಾ ಬ್ಯಾಗ್ ಬಗ್ಗೆ ಬಾಲಕ ಮಾಹಿತಿ ನೀಡಿದ್ದು, ಅಲ್ಲಿದ್ದವರು ಸಹ ಶಾಲೆಯ ಬ್ಯಾಗ್ ತೂಕ ನೋಡಿದ್ದಾರೆ. ವಿದ್ಯಾರ್ಥಿಯ ದೇಹದ ಸಾಮರ್ಥ್ಯಕ್ಕಿಂತಲೂ ಬ್ಯಾಗ್ ಬಾರವಾಗಿರುವುದು ಆಗ ದೃಢವಾಗಿದೆ. ತುರ್ತಾಗಿ ವೈದ್ಯರು ಕೈಗೆ ಚಿಕಿತ್ಸೆ ನೀಡಿದ್ದಾರೆ. `ಅತಿ ಬಾರದ ಪಠ್ಯದಿಂದ ಮಕ್ಕಳಿಗೆ ಬೆನ್ನು ನೋವು ಶುರುವಾಗುತ್ತಿದೆ. ಅತಿ ಬಾರದ ಪಠ್ಯವನ್ನು ಮಕ್ಕಳಿಂದ ಹೋರಿಸಬಾರದು’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಮಾಧವ ನಾಯಕ ಅವರು ಶಿಕ್ಷಣ ಇಲಾಖೆ ಜಂಟಿ ಆಯುಕ್ತ ಈಶ್ವರ ಉಳಾಗಡ್ಡಿ ಅವರಿಗೆ ಫೋನ್ ಮಾಡಿದ್ದಾರೆ. ಆಗ, `ಆಯಾ ದಿನದ ಶಾಲಾ ಪಠ್ಯಕ್ಕೆ ಸೀಮಿತವಾಗಿರುವ ಪುಸ್ತಕವನ್ನು ಮಾತ್ರ ಮಕ್ಕಳು ತರಬೇಕು. ಅಗತ್ಯವಿರುವುದಕ್ಕಿಂತ ಹೆಚ್ಚಿನ ಪಠ್ಯ ಹೊತ್ತು ತರದಂತೆ ಶಾಲಾ ಆಡಳಿತ ಮಂಡಳಿಯವರು ಕ್ರಮ ಜರುಗಿಸಬೇಕು. ಈ ಬಗ್ಗೆ ಆಡಳಿತ ಮಂಡಳಿಯವರಿಗೆ ಸೂಚನೆ ನೀಡಲಾಗುತ್ತದೆ’ ಎಂದು ಈಶ್ವರ ಉಳಾಗಡ್ಡಿ ಅವರು ಹೇಳಿದ್ದಾರೆ.
- [ಕಂದಕಕ್ಕೆ ಬಿದ್ದ ಕಾರು: ಎರಡು ಜನ ಸುಟ್ಟು ಕರಕಲು!](https://mobiletime.in/2026/01/a-car-fell-into-a-ditch-two-people-burned-to-death/): ಪದೇ ಪದೇ ಅಪಘಾತವಾಗುತ್ತಿರುವ ಹೊನ್ನಾವರದ ಸೂಳೆಮುರ್ಕಿ ತಿರುವಿನಲ್ಲಿ ಕಳೆದ ರಾತ್ರಿಯೂ ಕಾರೊಂದು ಬೆಂಕಿಗೆ ಆಹುತಿಯಾಗಿದೆ. ಕಾರಿನಲ್ಲಿದ್ದ ಇಬ್ಬರು ಗುರುತು ಸಿಗದಷ್ಟರ ಮಟ್ಟಿಗೆ ಸುಟ್ಟು ಕರಕಲಾಗಿದ್ದಾರೆ. ಈವರೆಗೆ ಬಂದ ಮಾಹಿತಿ ಪ್ರಕಾರ ಸಿದ್ದಾಪುರ ವ್ಯಕ್ತಿಗಳಿಬ್ಬರು ಇಲ್ಲಿ ಸುಟ್ಟು ಬೂದಿಯಾಗಿದ್ದಾರೆ. ದುರಂತದಲ್ಲಿ ಕಾರಿನ ಜೊತೆ ನಂಬರ್ ಪ್ಲೇಟ್ ಸಹ ಕರಗಿದ್ದರಿಂದ ಖಚಿತ ಮಾಹಿತಿ ಸಿಗುತ್ತಿಲ್ಲ. ಕಾರು ಮರಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ದುರಂತ ನಡೆದಿರುವ ಬಗ್ಗೆ ಶಂಕಿಸಲಾಗಿದೆ. ಈ ಭೀಕರ ಕಾರು ಅಪಘಾತದಿಂದ ಕಾರಿಗೆ ಬೆಂಕಿ ಹತ್ತಿಕೊಂಡಿದ್ದು, ಕ್ಷಣ ಮಾತ್ರದಲ್ಲಿ ಕಾರು ಸುಟ್ಟಿದೆ. ಬೆಂಕಿಯಲ್ಲಿ ಉರಿದ ಕಾರು ಕಂದಕಕ್ಕೆ ಬಿದ್ದಿದ್ದು, ಕಾರಿನ ಒಳಗಿದ್ದವರು ಹೊರಗೆ ಬರಲಾಗದೇ ಅಲ್ಲಿಯೇ ಪ್ರಾಣ ಕಳೆದುಕೊಂಡಿದ್ದಾರೆ. ಸದ್ಯ ಪೊಲೀಸರು ಸ್ಥಳದಲ್ಲಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿಯೂ ಅಲ್ಲಿಯೇ ಇದ್ದಾರೆ. ಮಂಗಳವಾರ ರಾತ್ರಿ ದುರಂತ ನಡೆದಿದ್ದು, ಬುಧವಾರ ಗೊತ್ತಾಗಿದೆ. ಸದ್ಯ ಸಾವನಪ್ಪಿದವರ ಪತ್ತೆ ಕಾರ್ಯ ನಡೆದಿದ್ದು, ಕೆಲ ಅನುಮಾನಗಳ ಮೇಲೆ ಅವರ ಸಂಬoಧಿಕರ ವಿಚಾರಣೆ ನಡೆದಿದೆ.
- [ಸಹಾಯ ಟ್ರಸ್ಟಿಗೆ ಸಹಾಯ ಮಾಡಿದ ಸಹಕಾರಿ](https://mobiletime.in/2026/01/a-cooperative-that-helped-the-aid-trustee/): ಶಿರಸಿಯ ಸಹಾಯ ಟ್ರಸ್ಟ್ ಸಹಯೋಗದಲ್ಲಿ ಕಸ್ತೂರಬಾ ನಗರದಲ್ಲಿ ನಡೆಯುತ್ತಿರುವ ಲಿಟ್ಲಪ್ಲವರ್ ಸ್ಕೂಲ್’ಗೆ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದಿoದ ಸಹಾಯ ಮಾಡಲಾಗಿದೆ. ಆ ಶಾಲೆಯ ಮಕ್ಕಳಿಗೆ ಅಗತ್ಯವಿರುವ ಸಮವಸ್ತ್ರವನ್ನು ಭೂತೇಶ್ವರ ಪತ್ತಿನ ಸಹಕಾರಿ ಸಂಘ ನೀಡಿದೆ. ಶಾಲೆಯ ವಾರ್ಷಿಕೋತ್ಸವ ಸಮಾರಂಭದ ಅವಧಿಯಲ್ಲಿ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ಈ ನೆರವು ನೀಡಿದರು. `ಸರ್ಕಾರದ ಯಾವುದೇ ನೆರವಿಲ್ಲದೇ ಅತ್ಯುತ್ತಮವಾಗಿ ಈ ಶಾಲೆ ನಡೆಯುತ್ತಿದೆ. ಶಾಲೆಯ ಅಭಿವೃದ್ಧಿಗೆ ಎಲ್ಲ ಸಹಕಾರ ಅಗತ್ಯವಿದ್ದು, ಸಮಾಜುಮುಖಿ ಕೆಲಸ ಮಾಡುವ ಶಾಲೆಗೆ ನೆರವು ನೀಡಲು ಸದಾ ಬದ್ಧ’ ಎಂದವರು ಹೇಳಿದರು. ಸಹಾಯ ಟ್ರಸ್ಟ್ ಅಧ್ಯಕ್ಷ ಸತೀಶ್ ಶೆಟ್ಟಿ ಮಾತನಾಡಿ `ಲಿಟ್ಲಪ್ಲವರ್ ಸ್ಕೂಲಿನಲ್ಲಿ ಎಲ್ ಕೆ ಜಿಯಿಂದ ಐದನೇ ತರಗತಿಯವರೆಗೆ ನೂರಕ್ಕೂ ಅಧಿಕ ಮಕ್ಕಳಿದ್ದಾರೆ. ಮಕ್ಕಳ ಅನುಕೂಲಕ್ಕಾಗಿ ಕರಾಟೆ ವಿಭಾಗವನ್ನೂ ಸಹ ಆರಂಭಿಸಲಾಗಿದೆ’ ಎoದು ತಿಳಿಸಿದರು. ಹೊಸ ಬಟ್ಟೆ ಸ್ವೀಕರಿಸಿದ ಮಕ್ಕಳು ಸಂತಸಹAಚಿಕೊAಡರು. ನಗರಸಭೆ ಸದಸ್ಯ ಖಾದರ್ ಆನವಟ್ಟಿ, ನ್ಯಾಯವಾದಿ ಎಸ್ ಎನ್‌ನಾಯ್ಕ, ಕೆಡಿಸಿಸಿ ನಿವೃತ್ತ ಅಧಿಕಾರಿ ಎಮ್ ಡಿ ಪ್ರಕಾಶ ಮುದ್ಗುಣಿ, ಸಹಾಯ ಟ್ರಸ್ಟ್ ಕಾರ್ಯದರ್ಶಿ ಶಾರದಾ ಶೆಟ್ಟಿ, ಮುಖ್ಯೋದ್ಯಾಪಕಿ ಸರೋಜಾ ನಾಯ್ಕ ಇದ್ದರು. ಮಕ್ಕಳಿಂದ ನಡೆದ ಮನರಂಜನಾ ಕಾರ್ಯಕ್ರಮಗಳು ಗಮನಸೆಳೆದವು.
- [ಸರಳ ವಿವಾಹದಲ್ಲಿಯೇ ಸಡಗರ: ಮದುವೆ ಮಾಡಿಸಿ.. ದುಡ್ಡುಗಳಿಸಿ!](https://mobiletime.in/2026/01/a-simple-wedding-is-a-big-deal-get-married-and-make-money/): ಸರಳ ವಿವಾಹ ಉತ್ತೇಜನಕ್ಕಾಗಿ ಸರ್ಕಾರವೇ ಹೊಸ ಯೋಜನೆ ಜಾರಿಗೆ ತಂದಿದೆ. ಸರಳ ವಿವಾಹ ಆಗುವವರಿಗೆ ಹಾಗೂ ಸರಳ ವಿವಾಹ ಮಾಡಿಸುವವರಿಗೆ ಸರ್ಕಾರ ಪ್ರೋತ್ಸಾಹಧನ ನೀಡುತ್ತಿದೆ. ಈಚೆಗೆ ಎಲ್ಲಡೆ ಅದ್ಧೂರಿ ಮದುವೆ ನಡೆಯುತ್ತಿದೆ. ಅನೇಕರು ಸಾಲ ಮಾಡಿ ಮಕ್ಕಳ ಮದುವೆ ಮಾಡುತ್ತಿದ್ದಾರೆ. ಐಷಾರಾಮಿಯ ಆಸೆ, ಪ್ರತಿಷ್ಠೆಯ ಸಂಕೇತದಿAದಾಗಿ ಅನಗತ್ಯ ವೆಚ್ಚದ ಆಡಂಬರದ ಕಾರ್ಯಕ್ರಮಗಳು ಹೆಚ್ಚಾಗಿದೆ. ವಧು-ವರರು ಜೀವನಪೂರ್ತಿ ಬಾಳಿ ಬದಕಲು ಬೇಕಾಗುವಷ್ಟು ಹಣ-ಒಡವೆ ಮದುವೆಯ ಒಂದು ದಿನಕ್ಕೆ ವೆಚ್ಚ ಮಾಡುವವರಿದ್ದಾರೆ. ಇಂಥ ಮದುವೆಯ ಪ್ರಮಾಣ ತಗ್ಗಿಸಲು ಸರ್ಕಾರ ಹೊಸ ಆಲೋಚನೆಯೊಂದನ್ನು ಜಾರಿಗೆ ತಂದಿದೆ. ದುAದು ವೆಚ್ಚಗಳಿಂದ ಕೂಡಿದ ವಿವಾಹದ ಬದಲು ಸರಳ ವಿವಾಹ ಆದವರಿಗೆ ಸರ್ಕಾರ ಸಹಾಯಧನ ನೀಡುತ್ತದೆ. ಅದರೊಂದಿಗೆ ಸಾಮೂಹಿಕವಾಗಿ ಸರಳ ವಿವಾಹ ಆಯೋಜಿಸುವವರಿಗೆ ಸಹ ಸರ್ಕಾರದಿಂದ ಹಣ ಸಿಗಲಿದೆ. ಸರಳ ವಿವಾಹಕ್ಕೆ ಪ್ರೋತ್ಸಾಹ ಯೋಜನೆಯಡಿ ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ ಈ ಯೋಜನೆಯನ್ನು ಜಾರಿಗೆ ತಂದಿದೆ. ಸ್ವಯಂ ಸೇವಾ ಸಂಸ್ಥೆಗಳ ಮೂಲಕ ನಡೆಯುವ ಸಾಮೂಹಿಕ ವಿವಾಹಗಳ ವೆಚ್ಚಗಳಿಗಾಗಿ ಪ್ರತಿ ಜೋಡಿಗೆ 50 ಸಾವಿರ ರೂ ಹಾಗೂ ಸಾಮೂಹಿಕ ವಿವಾಹವನ್ನು ಆಯೋಜಿಸುವ ಆಯೋಜಕರ ಖರ್ಚು-ವೆಚ್ಚಗಳಿಗಾಗಿ ಪ್ರತಿ ಜೋಡಿಗೆ 5 ಸಾವಿರ ರೂ ನೀಡಲಾಗುತ್ತದೆ. `ಸರಳ ವಿವಾಹಕ್ಕೆ ಅರ್ಜಿ ಸಲ್ಲಿಸುವ ವಧು-ವರರು ಕರ್ನಾಟಕ ರಾಜ್ಯದ ನಿವಾಸಿಯಾಗಿರಬೇಕು. ವಧುವಿಗೆ ಕನಿಷ್ಠ 18 ವರ್ಷದಿಂದÀ ಗರಿಷ್ಠ 42 ವರ್ಷ ಹಾಗೂ ವರನಿಗೆ ಕನಿಷ್ಠ 21 ವರ್ಷದಿಂದÀ ಗರಿಷ್ಠ 45 ವರ್ಷವಾಗಿರಬೇಕು. ವಧು-ವರರ ಒಟ್ಟು ವಾರ್ಷಿಕ ಆದಾಯ 5 ಲಕ್ಷ ರೂಪಾಯಿ ಒಳಗಿರಬೇಕು’ ಎಂಬ ನಿಯಮವಿದೆ. ಅದರೊಂದಿಗೆ ಒಂದು ಕುಟುಂಬದಲ್ಲಿ ಒಬ್ಬರು ಮಾತ್ರ ಈ ಸೌಲಭ್ಯವನ್ನು ಜೀವನದಲ್ಲಿ ಒಂದು ಬಾರಿ ಮಾತ್ರ ಪಡೆಯಲು ಅವಕಾಶವಿದೆ. ಇನ್ನೂ ವರನಿಗೆ ಜೀವಂತ ಪತ್ನಿ ಅಥವಾ ವಧುಗೆ ಜೀವಂತ ಪತಿ ಇದ್ದಲ್ಲಿ ಈ ಯೋಜನೆ ಅನ್ವಯಿಸುವುದಿಲ್ಲ. ವಧು-ವರರು ಕನಿ಼ಷ್ಠ 7 ದಿನ ಮುಂಚಿತವಾಗಿ ವಿವಾಹವಾಗುವ ಸ್ಥಳದ ಜಿಲ್ಲೆಗಳಲ್ಲ್ಲಿಯೇ ಅರ್ಜಿ ಸಲ್ಲಿಸುವುದು ಅನಿವಾರ್ಯ. ಸಾಮೂಹಿಕ ವಿವಾಹಗಳಲ್ಲಿ ಕನಿಷ್ಟ 5 ಜೋಡಿಗಳು ಭಾಗವಹಿಸಬೇಕು’ ಎಂಬ ನಿಯಮವಿದೆ. ಸದ್ಯ ಅಲ್ಪ ಸಂಖ್ಯಾತರ ಸಮುದಾಯ ಎಂದು ಗುರುತಿಸಲಾದ ಮುಸ್ಲಿಂ, ಕ್ರಿಶ್ಚಿಯನ್, ಜೈನ್, ಬೌದ್ಧ, ಸಿಖ್ಖ್ ಮತ್ತು ಪಾರ್ಸಿಗಳಲ್ಲಿ ಆರ್ಥಿಕವಾಗಿ ಹಿಂದುಳಿದವರಿಗೆ ಸರಳ ವಿವಾಹಕ್ಕೆ ಪ್ರೋತ್ಸಾಹ ಯೋಜನೆ ಸಿಗಲಿದೆ. ಯಾವುದೇ ಸಮುದಾಯದ ಕನಿಷ್ಠ 5 ಜೋಡಿ ವಿವಾಹವಾದಲ್ಲಿ ಅದರಲ್ಲಿ ಮೂರು ಅಲ್ಪಸಂಖ್ಯಾತರ ಜೋಡಿಯಿದ್ದರೂ ಯೋಜನೆ ಸಿಗಲಿದೆ. ಸಮಾಜ ಸೇವಕರು, ಸಮಾಜ ಸೇವಾ ಸಂಸ್ಥೆಯವರ ಜೊತೆ ವಧು-ವರರು ಸಹ ಯೋಜನೆಗೆ ಅರ್ಜಿ ಸಲ್ಲಿಸಲು ಅರ್ಹರು. ವiಂಜೂರಾದ ಪ್ರೋತ್ಸಾಹಧನದ ಹಣವನ್ನು ವಧುವಿನ ಬ್ಯಾಂಕ್ ಖಾತೆಗೆ ಜಮಾ ಮಾಡಲಾಗುತ್ತದೆ. ಈ ಯೋಜನೆಯ ಕುರಿತು ಹೆಚ್ಚಿನ ಮಾಹಿತಿಗಾಗಿ ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯ ಇಲಾಖಾ ಸಹಾಯವಾಣಿ ಗೆ ಫೋನ್ ಮಾಡಿ: 8277799990
- [ಅಧಿಕಾರಿಗಳನ್ನು ಇಕ್ಕಟ್ಟಿಗೆ ಸಿಲುಕಿಸಿದ ಬಹಿಷ್ಕಾರದ ಬಿಸಿ!](https://mobiletime.in/2026/01/the-heat-of-the-boycott-has-put-the-authorities-in-a-dilemma/): ಕುಮಟಾ ಲುಕ್ಕೇರಿಯ ಗಣಪತಿ ಅಂಬಿಗ ಅವರ ಕುಟುಂಬದವರು ಬಹಿಷ್ಕಾರಕ್ಕೆ ಒಳಗಾಗಿದ್ದಾರೆ. ಆ ಬಹಿಷ್ಕಾರದ ಬಿಸಿಯಿಂದ ನೊಂದ ಗಣಪತಿ ಅಂಬಿಗ ಅವರು ನ್ಯಾಯಕ್ಕಾಗಿ ಸರ್ಕಾರದ ಮೊರೆ ಹೋಗಿದ್ದಾರೆ. ಕುಮಟಾದ ಲುಕ್ಕೇರಿ ಗ್ರಾಮದಲ್ಲಿ ಮೀನುಗಾರ ಅಂಬಿಗ ಸಮಾಜದ 76 ಮನೆಗಳಿವೆ. ಆ ಊರಿನಲ್ಲಿ ಎಲ್ಲರೂ ಪರಸ್ಪರ ಸಹಕಾರದಿಂದ ಜೀವನ ನಡೆಸಿಕೊಂಡು ಬಂದಿದ್ದಾರೆ. ಹೀಗಿರುವಾಗ ಹೋಳಿ ಹಬ್ಬದ ಅವಧಿಯಲ್ಲಿ ನಡೆದ ವಿದ್ಯಮಾನವೊಂದು ಗಣಪತಿ ಅಂಬಿಗ ಅವರ ಕುಟುಂಬಕ್ಕೆ ಸಮಸ್ಯೆ ಮಾಡಿಕೊಟ್ಟಿದೆ. ಗಣಪತಿ ಅಂಬಿಗ ಅವರ ಮನೆ ಮುಂದಿನ ಜಮೀನಿನಲ್ಲಿ ಇನ್ನಿತರ ಕೆಲ ಮನೆಯವರ ಶೌಚಾಲಯದ ಪೈಪ್ ಹಾದು ಹೋಗಿದ್ದು, ಆ ಪೈಪ್ ಒಡೆದ ಬಗ್ಗೆ ಧ್ವನಿ ಎತ್ತಿರುವುದೇ ಗಣಪತಿ ಅಂಬಿಗ ಅವರ ಕುಟುಂಬದವರ ಬಹಿಷ್ಕಾರಕ್ಕೆ ಮೂಲ ಕಾರಣ. `ಪೈಪ್ ಲೈನ್ ಒಡೆದು ದುರ್ವಾಸನೆ ಬರುತ್ತಿದ್ದು, ಅದನ್ನು ತೆರವು ಮಾಡಿ’ ಎಂದು ಗಣಪತಿ ಅಂಬಿಗ ಅವರು ಗ್ರಾಮ ಪಂಚಾಯತಗೆ ಮನವಿ ನೀಡಿದ್ದಾರೆ. ಅದನ್ನು ಸಹಿಸದ ಕೆಲವರು `ಗಣಪತಿ ಅಂಬಿಗ ಅವರ ಮಗನ ನಡತೆ ಸರಿಯಿಲ್ಲ’ ಎಂದು ಊರಿನಲ್ಲಿ ಸುದ್ದಿ ಹಬ್ಬಿಸಿದ್ದಾರೆ. ಅವರ ಮಗ ಕೇಶವ ಅಂಬಿಗ ಅವರ ಮದುವೆಗೂ ಕಲ್ಲು ಹೊಡೆದಿದ್ದಾರೆ. ಜೊತೆಗೆ ಕೆಲ ಮುಖಂಡರೇ ಗಣಪತಿ ಅಂಬಿಗ ಅವರಿಗೆ ಬಹಿಷ್ಕಾರ ಹಾಕಿದ್ದು, `ತಾವು ಹೇಳಿದ ಹಾಗೇ ಕೇಳಿದರೆ ಮಾತ್ರ ಬಹಿಷ್ಕಾರ ಹಿಂಪಡೆಯುತ್ತೇವೆ’ ಎಂದು ಬೆದರಿಸಿದ್ದಾರೆ. ಗಣಪತಿ ಅಂಬಿಗ ಅವರ ದೂರಿನ ಪ್ರಕಾರ, ಅವರ ಕುಟುಂಬದವರ ಬಳಿ ಯಾರೂ ಮಾತನಾಡುವ ಹಾಗಿಲ್ಲ. ಮಾತನಾಡಿದರೆ ಅಂಥವರ ವಿರುದ್ಧವೂ ಕ್ರಮ ಜರುಗಿಸುವುದಾಗಿ ಮುಖಂಡರು ಹೇಳಿದ್ದಾರೆ. ಬಹಿಷ್ಕಾರ ಹಿಂಪಡೆಯಬೇಕು ಎಂದಾದರೆ ಗಣಪತಿ ಅಂಬಿಗ ಅವರು ಎಲ್ಲಾ ಮನೆಗಳಿಗೂ ತೆಂಗಿನ ಕಾಯಿ ಹೋಳು ಹಂಚಬೇಕು ಎಂದು ತಾಕೀತು ಮಾಡಿದ ಬಗ್ಗೆ ಆರೋಪಿಸಲಾಗಿದೆ. ಊರಿನ ಮುಖಂಡರ ಬೆದರಿಕೆ ಭಯದಿಂದ ಗಣಪತಿ ಅಂಬಿಗ ಅವರ ಕುಟುಂಬದವರನ್ನು ಊರಿನ ಜನ ದೂರವಿಟ್ಟಿದ್ದಾರೆ. ಅಧಿಕಾರಿಗಳ ವಿರುದ್ಧ ಆಕ್ಷೇಪ: ಗಣಪತಿ ಅಂಬಿಗ ಅವರು ತಮಗಾದ ಅನ್ಯಾಯದ ಬಗ್ಗೆ ಕಂದಾಯ ಹಾಗೂ ಪೊಲೀಸ್ ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ. ಆದರೆ, ಅಧಿಕಾರಿಗಳು ಸಹ ಮುಖಂಡರ ಮಾತನ್ನೇ ಪುನರುಚ್ಚರಿಸಿದ ಬಗ್ಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ದೂರಿದ್ದಾರೆ. ಕೇಶವ ಅಂಬಿಗ ಅವರ ಮನೆಗೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಭೇಟಿ ನೀಡಿ ಸಮಸ್ಯೆ ಆಲಿಸಿದ್ದು, ಈ ಬಗ್ಗೆ ಮಾನವ ಹಕ್ಕು ಆಯೋಗ ಹಾಗೂ ಸಮಾಜ ಕಲ್ಯಾಣ ಇಲಾಖೆ ಸಚಿವರಿಗೆ ಪತ್ರ ಬರೆದಿದ್ದಾರೆ. `ಸುಗ್ಗಿ ಕಾರ್ಯಕ್ರಮದ ಅವಧಿಯಲ್ಲಿ ಆದ ಜಗಳದಿಂದ ಕುಟುಂಬವೊoದು ಬಹಿಷ್ಕಾರಕ್ಕೆ ಒಳಗಾಗಿದೆ. ಆ ಕುಟುಂಬದವರು ಸಾರ್ವಜನಿಕ ಬಾವಿಯ ನೀರು ಬಳಸಬಾರದು. ಆ ಮಕ್ಕಳು ಶಾಲೆಯಲ್ಲಿಯೂ ಇನ್ನಿತರ ಮಕ್ಕಳ ಜೊತೆ ಬೆರೆಯಬಾರದು’ ಎಂದು ಫಾರ್ಮಾನು ಹೊರಡಿಸಿದ ಬಗ್ಗೆ ದೂರಲಾಗಿದೆ. `ಬಹಿಷ್ಕಾರ ತೆಗೆಯಬೇಕಾದರೆ 50 ಸಾವಿರ ರೂ ದಂಡದ ಜೊತೆ ಎಲ್ಲಾ ಮನೆಗಳಿಗೂ ತೆಂಗಿನ ಕಾಯಿ ಹಂಚುವAತೆ ತಾಕೀತು ಮಾಡಲಾಗಿದ್ದು, ತಹಶೀಲ್ದಾರ್ ಶ್ರೀಕೃಷ್ಣ ಕಾಮುಕರ್ ಹಾಗೂ ಪಿಐ ಯೋಗೇಶ್ ಅವರು ಮನೆಗೆ ಬಂದು ಮಾತುಕಥೆ ಮಾಡಿದ್ದಾರೆ. ಆದರೆ, ಅವರು ಸಹ ತೆಂಗಿನಕಾಯಿ ಚೂರು ಹಂಚಿ ಸಮಸ್ಯೆ ಬಗೆಹರಿಸಿಕೊಳ್ಳುವಂತೆ ಸೂಚಿಸಿದ್ದಾರೆ’ ಎಂದು ಆಗ್ನೇಲ್ ರೋಡಿಗ್ರಿಸ್ ಅವರು ವಿವರಿಸಿದ್ದಾರೆ. ಸಾಮಾಜಿಕ ಕಾರ್ಯಕರ್ತ ಸುಧಾಕರ್ ನಾಯ್ಕ್, ನಿವೃತ್ತ ಸರಕಾರಿ ಅಧಿಕಾರಿ ನಾಗೇಶ್, ಹನುಮು ಪಟಗಾರ, ಗಣಪತಿ ಪಟಗಾರ, ಸಂಜಯ ಬಾಡ್ಕರ, ಸ್ಟೈಫನ್ ನರೋನ, ಈಶ್ವರ ನಾಯ್ಕ, ತಿಮ್ಮು ಗೌಡ, ಸುಬ್ಬಿ ಅಂಬಿಗ ಅವರು ಈ ವೇಳೆ ಇದ್ದರು.
- [ಸ್ಕೋಡ್‌ವೆಸ್ ಪರಿಕಲ್ಪನೆ.. ಶಾಸಕರ ಉದ್ಘಾಟನೆ: ಶಾಲಾ ಮಕ್ಕಳಿಗೆ ಶೌಚಾಲಯ ಕೊಡುಗೆ](https://mobiletime.in/2026/01/skodves-concept-mla-inauguration-toilet-gift-to-school-children/): `ದೈಹಿಕ ಆರೋಗ್ಯ ಕಾಪಾಡಿಕೊಳ್ಳುವಲ್ಲಿ ಸ್ವಚ್ಚತೆಯ ಪ್ರಾಮುಖ್ಯತೆ ಅತಿ ಮುಖ್ಯ’ ಎಂದು ಶಿರಸಿ ಕ್ಷೇತ್ರ ಶಾಸಕ ಭೀಮಣ್ಣ ನಾಯ್ಕ ಅವರು ಹೇಳಿದ್ದಾರೆ. ದಾಸನಕೊಪ್ಪದಲ್ಲಿರುವ ಮಲೆನಾಡು ಪ್ರೌಢಶಾಲೆಯ ಆವಾರದಲ್ಲಿ ನಾರಾಯಣ ಹೃದಯಾಲಯದವರ ಸಿ ಎಸ್ ಆರ್ ಅನುದಾನದ ಅಡಿ ಸ್ಕೋಡ್‌ವೆಸ್ ಸಂಸ್ಥೆಯವರು ಶೌಚಾಲಯ ನಿರ್ಮಿಸಿದ್ದು, ಭೀಮಣ್ಣ ನಾಯ್ಕ ಅವರು ಆ ಶೌಚಾಲಯವನ್ನು ಮಕ್ಕಳ ಬಳಕೆಗೆ ಒಪ್ಪಿಸಿದರು. ಈ ವೇಳೆ ಮಾತನಾಡಿದ ಅವರು `ಶೌಚಾಲಯಗಳು ವಿದ್ಯಾರ್ಥಿಗಳ ಮಾನಸಿಕ, ದೈಹಿಕ ಆರೋಗ್ಯ ಕಾಪಾಡುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ’ ಎಂದರು. `ಈಗಲೂ ಗ್ರಾಮೀಣ ಪ್ರದೇಶದ ಹಲವಾರು ಮಕ್ಕಳಲ್ಲಿ ಶೌಚ ಪ್ರಕ್ರಿಯೆಗಳ ಕುರಿತು ಮುಕ್ತವಾಗಿ ಮಾತನಾಡುವ ವಾತಾವರಣವಿಲ್ಲದೇ ಇರುವುದರಿಂದ ಸಕಾಲದಲ್ಲಿ ಶೌಚಾಲಯಗಳನ್ನು ಬಳಸದೇ ದೈಹಿಕ ಹಿಂಸೆ, ಮಾನಸಿಕ ಒತ್ತಡಕ್ಕೆ ಒಳಗಾಗುತ್ತಿದ್ದಾರೆ. ಇದರಿಂದ ತರಗತಿಗಳಲ್ಲಿ ಕ್ರೀಯಾಶೀಲರಾಗಿ ಭಾಗವಹಿಸಲು ಸಾಧ್ಯವಾಗದೇ ಉತ್ತಮ ಅಂಕಗಳಿಸುವಲ್ಲಿ ವಿಫಲರಾಗುತ್ತಿದ್ದಾರೆ. ಅದನ್ನು ಅರಿತು ಇಲ್ಲಿ ಶೌಚಾಲಯ ನಿರ್ಮಿಸಲಾಗಿದ್ದು, ವಿದ್ಯಾರ್ಥಿಗಳು ಶೌಚಾಲಯಗಳನ್ನು ಸಮರ್ಪಕವಾಗಿ ಬಳಸಬೇಕು’ ಎಂದು ವಿದ್ಯಾರ್ಥಿಗಳಿಗೆ ಕರೆ ನೀಡಿದರು. ಮುಖ್ಯ ಅತಿಥಿಗಳಾಗಿದ್ದ ಬೆಂಗಳೂರಿನ ನಾರಾಯಣ ಹೃದಯಾಲಯದ ಸಿ ಎಸ್ ಆರ್ ವಿಭಾಗದ ಡೆಪ್ಯುಟಿ ಮ್ಯಾನೇಜರ್ ಮುತ್ತುರಾಜ ಮಾತನಾಡಿ, `ಗ್ರಾಮೀಣ ಆರೋಗ್ಯ ಕ್ಷೇತ್ರದಲ್ಲಿನ ವೈದ್ಯರ ಕೊರತೆಯನ್ನು ನೀಗಿಸಲು ನಾರಾಯಣ ಹೃದಯಾಲಯದ ಡಾ ದೇವಿಪ್ರಸಾದ ಶೆಟ್ಟಿಯವರ ಆಶಯದಂತೆ ಸ್ಥಳೀಯ ವಿದ್ಯಾರ್ಥಿಗಳ ಕೌಶಲ್ಯವನ್ನಾಧರಿಸಿ ವೈದ್ಯಕೀಯ ಶಿಕ್ಷಣಕ್ಕೆ ಸಹಾಯ ಮಾಡುವುದರೊಂದಿಗೆ ಗ್ರಾಮೀಣ ವೈದ್ಯರ ಕೊರತೆಯನ್ನು ನೀಗಿಸಲು ಶ್ರಮಿಸಲಾಗುತ್ತಿದೆ’ ಎಂದರು. ಅಧ್ಯಕ್ಷತೆ ವಹಿಸಿದ್ದ ಸ್ಕೊಡ್‌ವೆಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಮಾತನಾಡಿ `ಋತುಚಕ್ರದ ಸಮಯದಲ್ಲಿ ಸಮರ್ಪಕ ಶೌಚಾಲಯಗಳಿಲ್ಲದೇ ತರಗತಿಗೆ ಗೈರು ಆಗುತ್ತಿರುವ ಅಂಶವು ಸಂಸ್ಥೆಯ ಗಮನಕ್ಕೆ ಬಂದಿರುವುದರಿAದ ಗ್ರಾಮೀಣ ವಿದ್ಯಾರ್ಥಿನಿಯರ ಋತುಚಕ್ರದ ಸಂದರ್ಭದಲ್ಲೂ ಅನುಕೂಲವಾಗುವಂತಹ ಶೌಚಾಲಯಗಳನ್ನು ನಿರ್ಮಾಣ ಮಾಡಲಾಗುತ್ತಿದೆ. ಅಲ್ಲದೇ ಶೌಚದ ನಂತರದಲ್ಲಿ ಅನುಸರಿಸಬೇಕಾದ ಸ್ವಚ್ಛತೆಯ ಬಗ್ಗೆಯೂ ಕೂಡ ತರಬೇತಿ ನೀಡಲಾಗುತ್ತಿದೆ’ ಎಂದರು. ವೇದಿಕೆಯಲ್ಲಿ ಶಿವಮೊಗ್ಗ ನಾರಾಯಣ ಹಾಸ್ಪಿಟಲ್‌ನ ಸೀನಿಯರ್ ಮ್ಯಾನೇಜರ್ ಶೈಲೇಶ್ ಎಸ್ ಎನ್, ಬದನಗೋಡ ಗ್ರಾಮ ಪಂಚಾಯಿತಿಯ ಅಧ್ಯಕ್ಷ ನಟರಾಜ್ ಹೊಸೂರ್, ಉಪಾಧ್ಯಕ್ಷೆ ಅಕ್ಕಮಹಾದೇವಿ ಆಲೂರು, ಮಲೆನಾಡು ಪ್ರೌಢಶಾಲೆಯ ನಿವೃತ್ತ ಮುಖ್ಯೋಪಾಧ್ಯಾಯರಾದ ಶೈಲೇಶ್ ಕೊಯಿನ್ ಸಂದರ್ಭೋಚಿತವಾಗಿ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಮಲೆನಾಡು ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯರಾದ ಗೋಪಾಲಕೃಷ್ಣ ಬಿ ಕೆ ಅವರು ಸ್ವಾಗತಿಸಿದರು. ಮಲೆನಾಡು ಪ್ರೌಢಶಾಲೆಯ ದೈಹಿಕ ಶಿಕ್ಷಕ ದಯಾನಂದ ವಂದಿಸಿದರು. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ಕಾರ್ಯಕ್ರಮ ನಿರ್ವಹಿಸಿದರು. ವಿರೇಂದ್ರ ಸಿ ಜೊತೆ ಸಿಬ್ಬಂದಿ ಕಾರ್ಯಕ್ರಮ ಸಂಘಟಿಸಿದ್ದರು.
- [ಕೋರ್ಟ ಸಿಬ್ಬಂದಿಗೆ ದಮ್ಕಿ!](https://mobiletime.in/2026/01/threat-to-the-court-staff/): ಭಟ್ಕಳ ನ್ಯಾಯಾಲಯದ ವಾರೆಂಟ್ ಜಾರಿಗೆ ಮುರುಡೇಶ್ವರಕ್ಕೆ ಹೋಗಿದ್ದ ಕೋರ್ಟಿ ಸಿಬ್ಬಂದಿ ಗಣಪತಿ ನಾಯ್ಕ ಅವರ ಮೇಲೆ ಮಹಮದ್ ಇರ್ಫಾನ್ ಅಬುಕರ್ ಹಜೀಅಮೀನ್ ಅವರು ಕೈ ಮಾಡಿದ್ದಾರೆ. ಅವರ ಅಣ್ಣ ಪಿಯಾನ್ ಅಬುಬಕರ್ ಹಜಿಅಮೀನ್ ಅವರು ಸಹ ಸರ್ಕಾರಿ ಸೇವಕರನ್ನು ನಿಂದಿಸಿದ್ದಾರೆ. ಮಾವಿನಖುರ್ವೆ ಬಂದರು ಬಳಿಯ ತಲಗೋಡು ಸೀತಾರಾಮಮನೆಯಲ್ಲಿ ಗಣಪತಿ ಹನುಮಂತ ನಾಯ್ಕ ಅವರು ವಾಸವಾಗಿದ್ದಾರೆ. ಕಳೆದ 19 ವರ್ಷಗಳಿಂದ ಅವರು ಕೋರ್ಟ ಸಿಬ್ಬಂದಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಎರಡು ತಿಂಗಳಿನಿoದ ಅವರು ಭಟ್ಕಳ ಕೋರ್ಟಿಗೆ ನಿಯೋಜನೆಯಾಗಿದ್ದು, ಕೋರ್ಟಿನ ಸೂಚನೆ ಮೇರೆಗೆ ಅವರು ಆರೋಪಿಗಳಿಗೆ ವಾರೆಂಟ್ ಮುಟ್ಟಿಸುತ್ತಿದ್ದಾರೆ. ಹೀಗಿರುವಾಗ ಜನವರಿ 6ರಂದು ಶ್ರೀರಾಮ ಫೈನಾನ್ಸಿನ ವಂಚನೆ ಪ್ರಕರಣವೊಂದು ಗಣಪತಿ ನಾಯ್ಕ ಅವರ ಎದುರಿಗೆ ಬಂದಿತು. ನ್ಯಾಯಾಲಯದ ಸೂಚನೆ ಪ್ರಕಾರ ಅವರು ಮುರುಡೇಶ್ವರ ಬಳಿಯ ಮಾವಳ್ಳಿ ನ್ಯಾಶನಲ್ ಕಾಲೋನಿಯ ಮಹಮದ್ ಇರ್ಫಾನ್ ಅಬುಕರ್ ಹಜೀಅಮೀನ್ ಅವರಿಗೆ ವಾರೆಂಟ್ ಜಾರಿಗೊಳಿಲು ಮುಂದಾದರು. ಅದಕ್ಕಾಗಿ ಶ್ರೀರಾಮ ಫೈನಾನ್ಸಿನ ಸಿಬ್ಬಂದಿ ರೋಹಿತ ಶೆಟ್ಟಿ ಹಾಗೂ ಗಣೇಶ ನಾಯ್ಕ ಅವರ ಜೊತೆ ಆರೋಪಿ ಮನೆಗೆ ಹೋದರು. ದಸ್ತಗಿರಿ ವಾರೆಂಟ್ ಬಗ್ಗೆ ಅರಿತ ಆರೋಪಿ ಮಹಮದ್ ಸರ್ಕಾರಿ ಸಿಬ್ಬಂದಿ ಗಣಪತಿ ನಾಯ್ಕ ಅವರ ಮೈ ಮೇಲೆ ಕೈ ಹಾಕಿದರು. ತಮ್ಮ ಅಣ್ಣ ನೂಪಿಯಾನ್ ಅಬುಬಕರ್ ಹಜಿಅಮೀನ್ ಅವರನ್ನು ಮಹಮದ್ ಸ್ಥಳಕ್ಕೆ ಕರೆದು ವಾರೆಂಟ್ ನೀಡಲು ಬಂದವರನ್ನು ಬೆದರಿಸಿದರು. `ಇಲ್ಲಿ ಏಕೆ ಬಂದಿದ್ದೀರಿ. ಇಂತ ಹಲವು ವಾರೆಂಟ್ ನಾನು ನೋಡಿದ್ದೇನೆ. ನಿಮಗೆ ಏನು ಮಾಡಬೇಕು ಎಂದು ಗೊತ್ತು’ ಎಂದು ಅವರಿಬ್ಬರು ಸೇರಿ ಬೆದರಿಕೆ ಹಾಕಿದರು. ಫೈನಾನ್ಸ ಸಿಬ್ಬಂದಿಗೆ ಸಹ ಕೆಟ್ಟದಾಗಿ ನಿಂದಿಸಿದರು. ಈ ವಿಷಯದ ಬಗ್ಗೆ ಹನುಮಂತ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದು, ಮುರುಡೇಶ್ವರ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಕುಟುಂಬ ಕಲಹಕ್ಕೆ ಕಲ್ಪವೃಕ್ಷ ಕಾರಣ!](https://mobiletime.in/2026/01/the-kalpa-tree-is-the-cause-of-family-strife/): ಅಬ್ದುಲ್ ಅವರ ಮನೆಯ ತೆಂಗಿನ ಮರ ಗಫರ್ ಅವರ ಮನೆ ಕಡೆ ವಾಲಿದ್ದು, ಆ ಮರದ ಫಸಲು ಪದೇ ಪದೇ ಗಫರ್ ಅವರ ಮನೆ ಮೇಲೆ ಬೀಳುತ್ತಿದೆ. ಇದೇ ವಿಷಯವಾಗಿ ಅವರಿಬ್ಬರ ಕುಟುಂಬದ ನಡುವೆ ಜಗಳವಾಗಿದೆ. ಭಟ್ಕಳದ ಜಾಲಿಯ ಟಗ್ಗರಗೋಡ ನಿವಾಸಿ ಅಬ್ದುಲ್ ಸಮೀರ ಮುಲ್ಲಾ ತಂದೆ ಅಬ್ದುಲ್ ಖಾದೀರ ಮುಲ್ಲಾ (36) ಅವರು ತಮ್ಮ ನೆರೆಮನೆಯವರಾದ ಮೋಹಿದ್ದಿನ ಸಾಬ ಹೊಸ್ಮನಿ (60) ಮತ್ತು ಗಫರ ಮೋಹಿದ್ದಿನ ಸಾಬ ಹೊಸ್ಮನಿ (38) ವಿರುದ್ಧ ಕಿಡಿಕಾರಿದ್ದಾರೆ. ಅವರಿಬ್ಬರ ನಡುವೆ ಗಲಾಟೆಯ ಬಗ್ಗೆ ಅವರು ಭಟ್ಕಳ ಶಹರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಆಪಾದಿತರ ಹಿತ್ತಲಿನಲ್ಲಿದ್ದ ತೆಂಗಿನ ಮರಗಳು ದೂರುದಾರರ ಮನೆಯ ಮುಂದಿನ ರಸ್ತೆಯ ಮೇಲೆ ವಾಲಿಕೊಂಡು ಬಂದಿದ್ದು ಮರಗಳಲ್ಲಿನ ಒಣಗಿದ ಕಾಯಿಗಳು ಮತ್ತು ಗರಿಗಳು ಮೈ ಮೇಲೆ ಬಿಳುತ್ತದೆ. ಆಪಾದಿತರ ಮನೆಯ ಗಟಾರದ ನೀರು ಸಹ ಮನೆಯ ಹಿತ್ತಲಿಗೆ ಬರುತ್ತಿದೆ ಎಂದವರು ದೂರಿದ್ದಾರೆ. ಜನವರಿ 5ರಂದು ತೆಂಗಿನ ಮರದ ಗರಿ ಅಬ್ದುಲ್ಲಾ ಅವರ ತಾಯಿಯ ಮೇಲೆ ಬಿದ್ದ ವಿಚಾರವಾಗಿ ಆ ಕುಟುಂಬಗಳ ನಡುವೆ ಜಗಳವಾಗಿದೆ. ಈ ವೇಳೆ ಬಿಬಿ ಫಾತೀಮಾ ಅವರು ಮಾತನಾಡಿದಾಗ ಗಫರ್ ಅವರು ಬಿಬಿ ಫಾತೀಮಾ ಅವರಿಗೆ ಬೈದು ಕಲ್ಲಿನಿಂದ ಹೊಡೆದಿದ್ದಾರೆ. ಈ ವಿಷಯವಾಗಿ ಅಬ್ದುಲ್ಲಾ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಪುರೋಹಿತನ ಪ್ರೀತಿಗೆ ಕೊಕ್ಕೆ: ಆತ್ಮಹತ್ಯೆ!](https://mobiletime.in/2026/01/the-hook-for-a-priests-love-suicide/): ಅಂಕೋಲಾದ ಪವನ್ ಭಟ್ಟ ಆತ್ಮಹತ್ಯೆಯ ಹಾದಿ ಹಿಡಿದಿದ್ದಾರೆ. ಪ್ರೀತಿಸಿದ ಯುವತಿ ಮದುವೆಗೆ ಒಪ್ಪದ ಕಾರಣ ಅವರು ಈ ದುಡುಕು ನಿರ್ಧಾರ ಮಾಡಿದ್ದಾರೆ. ಅಂಕೋಲಾದ ಅಸ್ಲಗದ್ದೆಯಲ್ಲಿ ಪವನ್ ಭಟ್ಟ (24) ಅವರು ವಾಸವಾಗಿದ್ದರು. ಪುರೋಹಿತರಾಗಿ ಅವರು ಬದುಕು ಕಂಡುಕೊoಡಿದ್ದರು. ಪವನ್ ಭಟ್ಟ ಅವರು ಅದೇ ಊರಿನ ಯುವತಿಯನ್ನು ಪ್ರೀತಿಸುತ್ತಿದ್ದರು. ಆ ಯುವತಿ ಸಹ ಪವನ್ ಭಟ್ಟ ಅವರ ಪ್ರೀತಿಗೆ ಮನಸೋತಿದ್ದರು. ಆದರೆ, ಎಷ್ಟು ಬಾರಿ ವಿನಂತಿಸಿದರೂ ಆ ಯುವತಿ ಪುರೋಹಿತ ಪವನ್ ಭಟ್ಟ ಅವರನ್ನು ಮದುವೆ ಆಗಲು ಮಾತ್ರ ಒಪ್ಪಿಗೆ ನೀಡಿರಲಿಲ್ಲ. `ಮದುವೆ ಆಗು’ ಎಂದು ಪವನ್ ಭಟ್ಟ ಕೊನೆಯದಾಗಿ ಯುವತಿಯನ್ನು ಕೇಳಿಕೊಂಡರು. ಪುರೋಹಿತರಾಗಿರುವ ಕಾರಣ ವಿವಾಹ ಆಗಲು ಮನಸ್ಸಿಲ್ಲ ಎಂದು ಯುವತಿ ಹೇಳಿದನ್ನು ಕೇಳಿ ಪವನ್ ಭಟ್ಟ ಆಘಾತಕ್ಕೆ ಒಳಗಾದರು. ಪ್ರೀತಿಸಿದ ಯುವತಿ ಮದುವೆಗೆ ಒಪ್ಪದ ಕಾರಣ ಪವನ್ ಭಟ್ಟ ಮಾನಸಿಕವಾಗಿ ಕುಗ್ಗಿದ್ದರು. ಜೀವನ ಪೂರ್ತಿ ಜೊತೆಯಾಗಿರಲು ಬಯಸಿದ ಹುಡುಕಿ ದೂರವಾಗುತ್ತಿರುವುದನ್ನು ಅರಿತು ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಅದರಂತೆ, ಮಂಗಳವಾರ ಪವನ್ ಭಟ್ಟ ತಮ್ಮ ಬದುಕಿಗೆ ವಿದಾಯ ಹೇಳಿದರು. ನೇಣಿಗೆ ಶರಣಾಗಿ ಅವರು ಪ್ರಾಣ ಬಿಟ್ಟರು.
- [ಬೋಟಿನಿಂದ ಬಿದ್ದ ಮೀನುಗಾರ: ಸಾವು](https://mobiletime.in/2026/01/fisherman-dies-after-falling-from-boat/): ಭಟ್ಕಳದ ಮಾವಿನಕೂರ್ವಾ ಬಂದರಿನ ಮೂಲಕ ಮೀನುಗಾರಿಕೆಗೆ ನಡೆಸುವ ಸಿದ್ಧತೆಯಲ್ಲಿದ್ದ ಶಂಕರ ನಾಯ್ಕ ಅವರು ಶವವಾಗಿದ್ದಾರೆ. ಮೀನುಗಾರಿಕೆಗೆ ತೆರಳುವ ವೇಳೆ ಶಂಕರ್ ನಾಯ್ಕ ಅವರು ಕಾಲು ಜಾರಿ ಸಮುದ್ರಕ್ಕೆ ಬಿದ್ದು ಸಾವನಪ್ಪಿದ್ದಾರೆ. ಕಾಯ್ಕಿಣಿ ಮೂಡಕೇರಿ ಬಸ್ತಿಯಲ್ಲಿ ಶಂಕರ ತಂದೆ ಸಣ್ಣತಮ್ಮ ನಾಯ್ಕ (40) ಅವರು ವಾಸವಾಗಿದ್ದರು. ಅವರು ಕಳೆದ ರಾತ್ರಿ ಮೀನುಗಾರಿಕೆಗೆ ಹೊರಡುವ ಉದ್ದೇಶದಿಂದ ಬಂದರಿನಲ್ಲಿ ನಿಲ್ಲಿಸಿದ್ದ ದೋಣಿಯಲ್ಲಿ ಬಲೆ ಸಿದ್ಧಪಡಿಸುತ್ತಿದ್ದರು. ಈ ವೇಳೆ ಅವರು ದಕ್ಕೆಯಿಂದ ಬೋಟಿಗೆ ಹತ್ತಲು ಯತ್ನಿಸಿದಾಗ ದಕ್ಕೆ ಹಾಗೂ ಬೋಟಿನ ನಡುವೆ ಸಿಲುಕಿದ್ದಾರೆ. ಕಾಲು ಜಾರಿ ಅವರು ಸಮುದ್ರಕ್ಕೆ ಬಿದ್ದಿದ್ದು, ಮೇಲೆ ಬರಲಾಗದೇ ಅಲ್ಲಿಯೇ ಸಾವನಪ್ಪಿದ್ದಾರೆ. ಪತಿ ಶವ ನೋಡಿದ ಗಿರಿಜಾ ನಾಯ್ಕ ಅವರು ಕಣ್ಣೀರಾದರು. ಸಾವಿನ ಬಗ್ಗೆ ಅವರು ಮಾಹಿತಿ ನೀಡಿದರು.
- [ಕಾಣೆಯಾದವರ ಬಗ್ಗೆ ಪ್ರಕಟಣೆ: ಪ್ರತಿಭಟನೆ!](https://mobiletime.in/2026/01/announcement-about-missing-persons-protest/): ಶಿರಸಿ ಗಣೇಶ ನಗರ ರಸ್ತೆ ನಿರ್ಮಾಣ ಜವಾಬ್ದಾರಿಪಡೆದ ಗುತ್ತಿಗೆದಾರ ಹನುಮಂತ ನಾಯ್ಕ ಅವರು ಕಾಣೆಯಾಗಿದ್ದಾರೆ. ಹೀಗಾಗಿ ಅಲ್ಲಿನ ಕೆಲಸ ಅರೆಬರೆಯಾಗಿದ್ದು, ಜನ ಆಕ್ರೋಶವ್ಯಕ್ತಪಡಿಸುತ್ತಿದ್ದಾರೆ. ಶಿರಸಿ ಗಣೇಶ ನಗರ ರಸ್ತೆ ಸಂಚಾರಕ್ಕೆ ಯೋಗ್ಯವಾಗಿಲ್ಲ. ರಸ್ತೆ ತುಂಬ ಧೂಳು ತುಂಬಿದ್ದು ಜನ ಸಮಸ್ಯೆ ಅನುಭವಿಸುತ್ತಿದ್ದಾರೆ. ನಗರೋತ್ಥಾನ ಯೋಜನೆಯ ರಸ್ತೆ ಕಾಮಗಾರಿ ಅರ್ಧಕ್ಕೆ ಸ್ಥಗಿತವಾಗಿದೆ. ಮೊದಲಿದ್ದ ರಸ್ತೆಯನ್ನು ಕಿತ್ತು ಹಾಕಿದ ಗುತ್ತಿಗೆದಾರ ಸರಿಯಾದ ರಸ್ತೆ ನಿರ್ಮಿಸದೇ ಪರಾರಿಯಾಗಿದ್ದಾರೆ. ಇದರಿಂದ ನಿತ್ಯ ಓಡಾಡುವವರ ಜೊತೆ ವಾಹನ ಸವಾರರು ಪರದಾಡುತ್ತಿದ್ದಾರೆ. ಅಪೂರ್ಣ ಕಾಮಗಾರಿಯಿಂದ ಎಲ್ಲಡೆ ಧೂಳು ಹೆಚ್ಚಾಗಿದೆ. ಪರಿಣಾಮ ಸುತ್ತಲಿನ ಜನ ಆರೋಗ್ಯ ಸಮಸ್ಯೆಗೆ ಒಳಗಾಗಿದ್ದಾರೆ. ಕಾಮಗಾರಿ ಹಿನ್ನಲೆ ಕುಡಿಯುವ ನೀರಿನ ಪೈಪ್ ಲೈನುಗಳನ್ನು ತುಂಡರಿಸಿದ್ದು ಮತ್ತೊಂದು ಸಮಸ್ಯೆ ಸೃಷ್ಠಿಸಿದೆ. ಈ ರಸ್ತೆ ಅಭಿವೃದ್ಧಿಗೆ ಗುದ್ದಲಿ ಪೂಜೆ ನಡೆದಿದ್ದು, ರಸ್ತೆ ಲೋಕಾರ್ಪಣೆ ಮುಹೂರ್ತಕ್ಕಾಗಿ ಜನ ಕಾಯುತ್ತಿದ್ದಾರೆ. `ಗುಣಮಟ್ಟದ ಕಾಮಗಾರಿ ನಡೆಸಿ’ ಎಂದು ಗುದ್ದಲಿ ಪೂಜೆಯ ವೇಳೆ ಶಾಸಕ ಭೀಮಣ್ಣ ನಾಯ್ಕ ಅವರು ಸೂಚನೆ ನೀಡಿದ್ದು, ಕಾಮಗಾರಿ ಗುಣಮಟ್ಟವನ್ನು ನಂತರ ಪರಿಶೀಲಿಸಿದವರಿಲ್ಲ. ಗಣೇಶನಗರ ರಸ್ತೆಯನ್ನು ಅಗೆದು ಗುತ್ತಿಗೆದಾರ ನಾಪತ್ತೆಯಾಗಿದ್ದು, ರಸ್ತೆಯಲ್ಲಿ ಓಡಾಡಲು ತೀವ್ರ ತೊಂದರೆ ಅನುಭವಿಸುತ್ತಿರುವ ಸ್ಥಿತಿ ಖಂಡಿಸಿ ಸ್ಥಳೀಯರು ನಗರಸಭೆಗೆ ಮುತ್ತಿಗೆ ಹಾಕಿದ್ದಾರೆ. `ಎರಡು ತಿಂಗಳ ಹಿಂದೆ ರಸ್ತೆ ನಿರ್ಮಾಣಕ್ಕೆ ಭೂಮಿಪೂಜೆ ನೆರವೇರಿಸಲಾಗಿದೆ. ನಂತರ ರಸ್ತೆಯನ್ನು ಅಗೆದಾಗ ಕುಡಿಯುವ ನೀರಿನ ನಳ ಸಂಪರ್ಕದ ಪೈಪ್‌ಗಳು ತುಂಡಾಗಿದ್ದು ಅದನ್ನು ಸರಿ ಮಾಡಿಲ್ಲ. ಸ್ಥಳಕ್ಕೆ ಜೆಲ್ಲಿಕಲ್ಲು, ಕ್ರಷರ್ ಫೌಡರ್ ಹಾಕಿ ಗುತ್ತಿಗೆದಾರ ಕೆಲಸ ಸ್ಥಗಿತಗೊಳಿಸಿದರೂ ಕೇಳುವವರಿಲ್ಲ’ ಎಂದು ಅಲ್ಲಿದ್ದವರು ಆಕ್ರೋಶವ್ಯಕ್ತಪಡಿಸಿದರು. `ದಾವಣಗೆರೆಯ ಗುತ್ತಿಗೆದಾರ ಹನುಮಂತ ನಾಯ್ಕ ರಸ್ತೆ ಅಗೆದು ಓಡಿ ಹೋಗಿದ್ದಾರೆ. ಶೀಘ್ರದಲ್ಲಿ ರಸ್ತೆ ಆರಂಭಗೊಳಿಸದಿದ್ದರೆ ಸಾಮೂಹಿಕವಾಗಿ ಎಲ್ಲರೂ ಬೀದಿಗೆ ಬಂದು ರಸ್ತೆಯನ್ನು ಅಗೆದು ಹಾಕಲು ನಿರ್ಧರಿಸಿದ್ದೇವೆ’ ಎಂದು ನಗರಸಭೆ ಮಾಜಿ ಅಧ್ಯಕ್ಷ ಪ್ರದೀಪ ನಾಯ್ಕ ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಒಂದುವರೆ ತಿಂಗಳಿನಿAದ ರಸ್ತೆಯ ಸ್ಥಿತಿಯನ್ನು ಸಹಿಸಿಕೊಂಡಿದ್ದೇವೆ. ಅಗೆದ ರಸ್ತೆಯಲ್ಲಿ ತಿರುಗಾಡಲು ತೀವ್ರ ತೊಂದರೆಯಾಗುತ್ತಿದೆ. ಗುತ್ತಿಗೆದಾರನನ್ನು ಯಂತ್ರಗಳು ಹಾಳಾಗಿವೆ ಎನ್ನುತ್ತಾರೆ’ ಎಂದು ಸ್ಥಳೀಯ ಮುಖಂಡ ಅನಂತ ನಾಯ್ಕ ವಿವರಿಸಿದರು. ಗಣೇಶ ನಗರ ರಸ್ತೆ ಕುರಿತು ಮಾತನಾಡಿದ ನಗರಸಭೆ ಪೌರಾಯಕ್ತ ಪ್ರಕಾಶ ಚೆನ್ನಪ್ಪನವರ್ `ರಸ್ತೆ ಕಾಮಗಾರಿ ಆದಷ್ಟು ಶೀಘ್ರ ಪ್ರಾರಂಭಿಸುವAತೆ ಸೂಚನೆ ನೀಡುತ್ತಿದ್ದೇವೆ. ಗುತ್ತಿಗೆದಾರ ಕೆಲ ಬಾರಿ ದೂರವಾಣಿ ಕರೆಯನ್ನು ಸ್ವೀಕರಿಸುತ್ತಿಲ್ಲ. ಗುತ್ತಿಗೆದಾರನ ನಿರ್ಲಕ್ಷ್ಯದ ಕುರಿತು ಜಿಲ್ಲಾಧಿಕಾರಿಗಳಿಗೂ ದೂರು ನೀಡಲಾಗಿದೆ’ ಎಂದರು. ಅದಾದ ನಂತರ ಜನ ಪ್ರತಿಭಟನೆ ಮುಗಿಸಿದರು. ಪ್ರಮುಖರಾದ ನಾಗರಾಜ ಶೆಟ್ಟಿ, ಗಣೇಶ ಆಚಾರಿ, ಸಂಕೇತ ಶೆಟ್ಟಿ, ನಾಗೇಶ ಗೋಸಾವಿ, ಕೃಷ್ಣ ಶೆಟ್ಟಿ, ಆಟೋ ಬಾಳಾ, ಕೃಷ್ಣ ಗಾಂವಕರ, ಉಮೇಶ ನಾಯ್ಕ, ಅವಿನಾಶ ನಾಯ್ಕ, ಅಭಿಷೇಕ ದೇವಾಡಿಗ ಪ್ರತಿಭಟನೆಯಲ್ಲಿದ್ದರು.
- [ಹಸಿವು: ಅಪರಿಚಿತ ಮಹಿಳೆ ಸಾವು!](https://mobiletime.in/2026/01/hunger-unknown-woman-dies/): ಮುರುಡೇಶ್ವರ ರೈಲು ನಿಲ್ದಾಣಕ್ಕೆ ಹೋಗುವ ರಸ್ತೆಯಲ್ಲಿ ಅಪರಿಚಿತ ಮಹಿಳೆಯೊಬ್ಬರ ಶವ ಸಿಕ್ಕಿದೆ. ಹಸಿವು ತಾಳಲಾರದೇ ಅವರು ಸಾವನಪ್ಪಿದ ಶಂಕೆವ್ಯಕ್ತವಾಗಿದೆ. ಮುರುಡೇಶ್ವರ ಬಳಿಯ ಮಾವಳ್ಳಿಯ ಜನತಾ ಕಾಲೋನಿಯ ಹೊಟೇಲ್ ಕಾರ್ಮಿಕ ಮಹೇಶ ನಾಗಪ್ಪ ನಾಯ್ಕ ಅವರು ಈ ಶವ ನೋಡಿದ್ದಾರೆ. 30-35 ವಯಸ್ಸಿನ ಒಳಗಿನ ಮಹಿಳೆ ಸಾವನಪ್ಪಿರುವುದನ್ನು ಪೊಲೀಸರು ಖಚಿತಪಡಿಸಿದ್ದಾರೆ. ಆದರೆ, ಆ ಮಹಿಳೆಯ ಗುರುತು ಪತ್ತೆ ಆಗಿಲ್ಲ. ಜನವರಿ 27ರ ಬೆಳಗ್ಗೆ 10.30ರ ನಂತರ ಈ ಸಾವು ಸಂಭವಿಸಿದ್ದು, ಜನವರಿ 28ರ ಬೆಳಗ್ಗೆ ಶವ ಕಾಣಿಸಿದೆ. ಯಾವುದೋ ರೋಗ ಅಥವಾ ಹಸಿವು ತಾಳಲಾರದೇ ಮಹಿಳೆ ಸಾವನಪ್ಪಿರುವ ಬಗ್ಗೆ ಮಹೇಶ ನಾಯ್ಕ ಅವರು ಅಂದಾಜಿಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮುರುಡೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮಹಿಳೆಯ ಸಂಬoಧಿಕರ ಹುಡುಕಾಟ ಮುಂದುವರೆದಿದೆ. `ಹಸಿವು ಎಂದವರಿಗೆ ಕಾಸು ಕೊಡುವ ಬದಲು ಆಹಾರ ಕೊಡಿಸಿ’
- [ಕಾರುಗಳ ನಡುವೆ ಭೀಕರ ಅಪಘಾತ: ಮೂವರ ಸಾವು!](https://mobiletime.in/2026/01/terrible-accident-between-cars-three-dead/): ಉತ್ತರ ಕನ್ನಡ ಜಿಲ್ಲೆಯ ಜೊಯಿಡಾ ಬಳಿಯ ರಾಮನಗರ- ಬೆಳಗಾವಿಯ ಖಾನಾಪುರ ಭಾಗದ ಬಳಿ ಭೀಕರ ರಸ್ತೆ ಅಪಘಾತ ನಡೆದಿದೆ. ಈ ಅಫಘಾತದಲ್ಲಿ ಮೂವರು ಸಾವನಪ್ಪಿದ್ದಾರೆ. ಗೋವಾ – ಬೆಳಗಾವಿ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಕಾರು ರಾಮನಗರದ ಬಳಿ ಎದುರಿನಿಂದ ಬಂದ ಕಾರಿಗೆ ಡಿಕ್ಕಿ ಹೊಡೆದಿದೆ. ಇನೋವಾ ಹಾಗೂ ರೆನಾಲ್ಟ್ ಕ್ವಿಡ್ ಕಾರುಗಳ ನಡುವೆ ಈ ಮುಖಾಮುಖಿ ಡಿಕ್ಕಿ ನಡೆದಿದೆ. ಈ ಅಪಘಾತದಲ್ಲಿ ಇಬ್ಬರು ಸ್ಥಳದಲ್ಲಿಯೇ ಸಾವನಪ್ಪಿದ್ದು, ಗಂಭೀರವಾಗಿ ಗಾಯಗೊಂಡಿದ್ದ ಮಹಿಳೆಯೊಬ್ಬರು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಕಾರಿನಲ್ಲಿ ಸಿಲುಕಿ ವೃದ್ಧರೊಬ್ಬರು ಸಾವನಪ್ಪಿದ್ದಾರೆ. ಈ ಅಪಘಾತದಲ್ಲಿ ಇನ್ನಿಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ಹೆಚ್ಚಿನ ಚಿಕಿತ್ಸೆಗೆ ಬೆಳಗಾವಿಗೆ ರವಾನಿಸಲಾಗಿದೆ. ಸಾವನಪ್ಪಿದವರು ಹಾಗೂ ಗಾಯಗೊಂಡವರು ಹುಬ್ಬಳ್ಳಿ ತಾಲೂಕಿನ ಲಕ್ಷ್ಮೇಶ್ವರದವರಾಗಿದ್ದಾರೆ. ಕುಟುಂಬವೊoದು ಗೋವಾಗೆ ಹೋಗಿ ಹುಬ್ಬಳ್ಳಿ ಕಡೆ ಮರಳುವಾಗ ಅವಘಡ ನಡೆದಿದೆ. ಆಂಬುಲೆನ್ಸ ಕೊರತೆಯಿಂದ ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸುವಲ್ಲಿ ಸಮಸ್ಯೆಯಾಗಿದ್ದು, ಜನ ಶಾಶ್ವತ ಆಂಬುಲೆನ್ಸ ನಿಯೋಜನೆಗೆ ಒತ್ತಾಯಿಸಿದ್ದಾರೆ. ರಾಮನಗರ ಪೊಲೀಸರು ಸ್ಥಳದಲ್ಲಿದ್ದಾರೆ.
- [ಸುಳ್ಳು ಸುದ್ದಿ ಹರಡಿದವನಿಗೆ ಸಂಕಷ್ಟ!](https://mobiletime.in/2026/01/woe-to-the-one-who-spreads-false-news/): ಕಾರವಾರದ ರೀಶಲ್ ಡಿಸೋಜಾ ಆತ್ಮಹತ್ಯೆ ಹಾಗೂ ಚಿರಾಗ ಕೋಠಾರಕರ್ ಪರಾರಿ ಪ್ರಕರಣ ವಿಷಯವಾಗಿ ಸುಳ್ಳು ಸುದ್ದಿ ಹರಡಿದ ವ್ಯಕ್ತಿ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಪೊಲೀಸ್ ಅಧೀಕ್ಷಕರ ಹೆಸರು ಬಳಸಿ ಸುಳ್ಳು ಸುದ್ದಿ ಹರಡಿದ ಮೊಬೈಲ್ ಸಂಖ್ಯೆ ಆಧಾರದಲ್ಲಿ ಪ್ರಕರಣ ದಾಖಲಾಗಿದ್ದು, ಜನರ ದಿಕ್ಕು ತಪ್ಪಿಸುವ ಪ್ರಯತ್ನ ಮಾಡಿದವನ ಶೋಧ ನಡೆದಿದೆ. `ರೀಶಲ್ ಸಾವಿನ ನಂತರ ಹುಬ್ಬಳ್ಳಿಯ ವೈದ್ಯರು ಎರಡನೇ ಮರಣೋತ್ತರ ಪರೀಕ್ಷೆ ನಡೆಸಿದ್ದು, ಮರಣೋತ್ತರ ಪರೀಕ್ಷೆಯಲ್ಲಿ ಮಹತ್ವದ ಸುಳಿವು ಲಭ್ಯವಾಗಿದೆ’ ಎಂದು ವಾಟ್ಸಪ್ ಮೂಲಕ ವಿಷಯ ಹರಿದಾಡಿತ್ತು. `ಈ ಪ್ರಕರಣದಲ್ಲಿ ಪೊಲೀಸ್ ಅಧೀಕ್ಷಕರು ಪ್ರೆಸ್ ಮೀಟ್ ಮಾಡಿದ್ದಾರೆ’ ಎಂದು ಅದರಲ್ಲಿ ನಮೂದಿಸಲಾಗಿತ್ತು. ಜೊತೆಗೆ `ಚಿರಾಗ ಕೋಠಾರಕರ್ ಬಂಧನ ಆಗಿದ್ದು, ಅವರು ಮೂರು ದಿನಗಳ ಕಾಲ ಪೊಲೀಸ್ ಕಸ್ಟಡಿಯಲ್ಲಿದ್ದಾರೆ’ ಎಂದು ವಾಟ್ಸಪ್ ಸಂದೇಶ ಹರಿದಾಡಿತ್ತು. ಆದರೆ, ಈ ಯಾವ ವಿಷಯದಲ್ಲಿಯೂ ಸತ್ಯಾಂಶವಿರಲಿಲ್ಲ. ಅದಾಗಿಯೂ, ಈ ತಪ್ಪು ಮಾಹಿತಿ ಎರಡು ವಾಟ್ಸಪ್ ಗುಂಪುಗಳಲ್ಲಿ ಹರಿದಾಡಿದ್ದು, ಕದ್ರಾದ ಪೊಲೀಸ್ ಸಿಬ್ಬಂದಿ ಮಹೇಶ ಸಾವಸಂಗಿ ಅವರು ಅದನ್ನು ನೋಡಿದ್ದರು. ಜನವರಿ 18ರಂದು ಪೊಲೀಸ್ ಅಧೀಕ್ಷಕರು ಸುದ್ದಿಗೋಷ್ಠಿ ನಡೆಸಿದ ಬಗ್ಗೆ ಹಾಗೂ ರೀಶಲ್ ಡಿಸೋಜಾ ಮೊಬೈಲಿನಿಂದ ಸೈಬರ್ ಅಪರಾಧ ತಡೆ ಪೊಲೀಸರು ಕೆಲ ವೈಸ್ ನೋಟ್ ರಿಕವರಿ ಮಾಡಿದ ಬಗ್ಗೆಯೂ ಸಂದೇಶ ಹರಿದಾಡಿತ್ತು. ಈ ಎಲ್ಲಾ ವಿಷಯ ಸುಳ್ಳು ಎಂದು ಅರಿತ ಮಹೇಶ ಸಾವಸಂಗಿ ಅವರು ಸುಳ್ಳು ಸುದ್ದಿ ಹರಡಿದವರ ವಿರುದ್ಧ ದೂರು ನೀಡಿದರು. ಸಾರ್ವಜನಿಕರಲ್ಲಿ ಗೊಂದಲ ಸೃಷ್ಠಿಸಿದ ಕಾರಣ ಆ ಸಂದೇಶ ಹರಿಬಿಟ್ಟ ಫೋನ್ ಸಂಖ್ಯೆ ನೀಡಿ ಅವರು ಪ್ರಕರಣ ದಾಖಲಿಸಿದ್ದು, ಪೊಲೀಸರು ಸುಳ್ಳು ಹೇಳಿದವನ ಹುಡುಕಾಟ ಶುರು ಮಾಡಿದ್ದಾರೆ.
- [ಕಲ್ಲು ಕದ್ದವನ ವಿರುದ್ಧ ಕಠಿಣ ಕ್ರಮ!](https://mobiletime.in/2026/01/strict-action-against-the-stone-thief/): ಭಟ್ಕಳದ ಮಾಲಾ ನಾಯಕ ಅವರು ದಾಸ್ತಾನು ಮಾಡಿದ್ದ ಕೆಂಪು ಕಲ್ಲುಗಳನ್ನು ಸರ್ಪನಕಟ್ಟಾದ ಮಹೇಶ ನಾಯ್ಕ ಅವರು ಕದ್ದಿದ್ದಾರೆ. 450 ಕಲ್ಲು ಕಾಣೆಯಾಗಿದ್ದರಿಂದ ಮಾಲಾ ನಾಯಕ ಅವರು ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ. ಭಟ್ಕಳದ ಬೆಳಕೆ ಹಡೀನ್ ಗ್ರಾಮದಲ್ಲಿ ಮಾಲಾ ಮಂಜುನಾಥ ನಾಯಕ ಅವರು ವಾಸವಾಗಿದ್ದಾರೆ. ಸಣ್ಣ ಕೈಗಾರಿಕಾ ಇಲಾಖೆಯಿಂದ ಅವರು ಉದ್ದಿಮೆಗಾಗಿ ಭೂಮಿ ಖರೀದಿಸಿದ್ದು, ಆ ಜಾಗವನ್ನು ಇಲಾಖೆ ಮಂಜೂರಿ ಮಾಡಿದೆ. ಅಲ್ಲಿರುವ ಕಟ್ಟಡ ಹಳೆಯದಾಗಿರುವ ಕಾರಣ ಅದನ್ನು ದುರಸ್ಥಿಗೊಳಿಸಲು ಮಾಲಾ ನಾಯಕ ಅವರು ನಿರ್ಧರಿಸಿದ್ದಾರೆ. ಅದರ ಪ್ರಕಾರ, ಕಟ್ಟಡದ ದುರಸ್ಥಿಗಾಗಿ ಅವರು ಕೆಂಪು ಕಲ್ಲುಗಳನ್ನು ತರಿಸಿದ್ದಾರೆ. ಎರಡುವರೆ ಲಾರಿಯಷ್ಟು ಕಲ್ಲುಗಳನ್ನು ಅವರು ತಮ್ಮ ಜಾಗದಲ್ಲಿ ಇಳಿಸಿದ್ದಾರೆ. ನಾಲ್ಕು ದಿನದ ಹಿಂದೆ ಆ ಕಲ್ಲಿನ ಮೇಲೆ ಭಟ್ಕಳ ಯ್ಲವಡಿಕುವೂರು ಬಳಿಯ ಸರ್ಪಿನಕಟ್ಟಾದ ಮಹೇಶ ಕೃಷ್ಣಪ್ಪ ನಾಯ್ಕ ಅವರ ಕಣ್ಣು ಬಿದ್ದಿದೆ. ಒಂದುವರೆ ಲೋಡಿನಷ್ಟು ಕಲ್ಲನ್ನು ಅವರು ಅಲ್ಲಿಂದ ಅಪಹರಿಸಿದ್ದಾರೆ. ಸುಮಾರು 450 ಕಲ್ಲು ಕಾಣೆಯಾದ ಬಗ್ಗೆ ಮಾಲಾ ನಾಯಕ ಅವರು ವಿಚಾರಿಸಿದ್ದು, ಆಗ ಮಹೇಶ ನಾಯ್ಕ ಮಾಡಿದ ಕಿತಾಪತಿ ಗೊತ್ತಾಗಿದೆ. ತಮಗಾದ ನಷ್ಟದ ಬಗ್ಗೆ ಅವರು ಪೊಲೀಸ್ ದೂರು ನೀಡಿದ್ದಾರೆ. ಕಲ್ಲು ಕದ್ದವನ ವಿರುದ್ಧ ಪ್ರಕರಣ ದಾಖಲಿಸಿ ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದಾರೆ.  
- [ಕಾರಿಗೆ ಗುದ್ದಿದ ಬೈಕು: ಕಾಲಿಗೆ ಗಾಯ](https://mobiletime.in/2026/01/bike-hit-by-car-leg-injured/): ಯಲ್ಲಾಪುರದ ಮಾಗೋಡಿನ ಕಡೆ ವೇಗವಾಗಿ ಬೈಕ್ ಓಡಿಸಿದ ಕಾಳಮ್ಮನಗರದ ದಾಮೋದರ ಕೋಟಾರಕರ್ ಅವರು ಎದುರಿನಿಂದ ಬರುತ್ತಿದ್ದ ಕಾರಿಗೆ ತಮ್ಮ ಬೈಕ್ ಗುದ್ದಿದ್ದಾರೆ. ಪರಿಣಾಮ ದಾಮೋದರ ಕೋಟಾರಕರ್ ಅವರ ಜೊತೆ ಬೈಕಿನಲ್ಲಿದ್ದ ಆನಂದ ಗೊಂದಲಿ ಅವರಿಗೂ ಪೆಟ್ಟಾಗಿದೆ. ಯಲ್ಲಾಪುರದ ಕಾಳಮ್ಮನಗರದ ಗೌಂಡಿ ಕೆಲಸ ಮಾಡಿಕೊಂಡು ಆನಂದ ರಾಮಚಂದ್ರ ಗೊಂದಲಿ ಅವರು ವಾಸವಾಗಿದ್ದಾರೆ. ಅಲ್ಲಿಯೇ ಪೆಂಟಿAಗ್ ಕೆಲಸ ಮಾಡಿಕೊಂಡು ದಾಮೋದರ ದೇವರಾಯ ಕೋಟಾರಕರ್ ಅವರು ವಾಸವಾಗಿದ್ದಾರೆ. ಜನವರಿ 27ರಂದು ದಾಮೋದರ ಕೋಟಾರಕರ್ ಅವರು ಮಾಗೋಡಿನ ಕಡೆ ಬೈಕ್ ಓಡಿಸಿದ್ದು, ಆ ಬೈಕಿನಲ್ಲಿ ಆನಂದ ಗೊಂದಲಿ ಅವರು ಜೊತೆಯಾಗಿದ್ದಾರೆ. ವೇಗವಾಗಿ ಹೊರಟ ಬೈಕು ನಂದೂಳ್ಳಿ ಕಡೆಯಿಂದ ಬರುತ್ತಿದ್ದ ಮಾವಿನಗದ್ದೆಕುಮ್ರಿಯ ನಾಗಪ್ಪ ಗಿಡ್ಡಾ ಸಿದ್ದಿ ಅವರ ಕಾರಿಗೆ ಡಿಕ್ಕಿ ಹೊಡೆದಿದೆ. ಮಾಗೋಡು ಕ್ರಾಸಿನಿಂದ 200ಮೀ ದೂರದಲ್ಲಿ ಈ ಅಪಘಾತ ನಡೆದಿದೆ. ಅಪಘಾತದ ರಭಸಕ್ಕೆ ಆನಂದ ಗೊಂದಳಿ ಅವರ ಎರಡು ಕಾಲುಗಳಿಗೆ ನೋವಾಗಿದೆ. ದಾಮೋದರ ಕೋಟಾರಕರ್ ಅವರ ಮಯ-ಮುಖಕ್ಕೆ ಗಾಯವಾಗಿದೆ. ನಾಗಪ್ಪ ಸಿದ್ದಿ ಅವರ ಕಾರಿನ ಮುಂದಿನ ಭಾಗವೂ ಜಖಂ ಆಗಿದೆ. ಈ ಬಗ್ಗೆ ನಾಗಪ್ಪ ಸಿದ್ದಿ ಅವರೇ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡ ಪಿಸೈ ರಾಜಶೇಖರ್ ವಂದಲಿ ಅವರು ವೇಗವಾಗಿ ವಾಹನ ಓಡಿಸಿದ ಬೈಕ್ ಸವಾರರ ಮೇಲೆ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ವಿಡಿಯೋ ಕಾಲ್ ಮಾಡಿ ವಿಷ ಸೇವಿಸಿದ!](https://mobiletime.in/2026/01/he-consumed-poison-during-a-video-call/): ಧಾರವಾಡದಲ್ಲಿ ಹೇರ್ ಕಟಿಂಗ್ ಕೆಲಸ ಮಾಡಿಕೊಂಡಿದ್ದ ಆಕಾಶ ಹೋಸೂರು ಅವರು  ಜೊಯಿಡಾ ಬಳಿಯ ಗೋವಾ-ಬೆಳಗಾವಿ ರಸ್ತೆಯ ರಾಮನಗರದ ಬಳಿ ಶವವಾಗಿದ್ದಾರೆ. ಮುಖ್ಯ ಹೆದ್ದಾರಿಯಿಂದ ಅನತಿ ದೂರದಲ್ಲಿ ಅಪರಿಚಿತ ಶವ ನೋಡಿದ ಜನ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಸಾವನಪ್ಪಿದ ವ್ಯಕ್ತಿಯ ಗುರುತು ಪತ್ತೆ ಹಚ್ಚಿದ್ದಾರೆ. ಆ ವೇಳೆ ಧಾರವಾಡದ ಕವಲಗಿರಿಯ ಆಕಾಶ ಹೋಸೂರು (24) ಅವರು ಸಾವನಪ್ಪಿದ ವಿಷಯ ಗೊತ್ತಾಗಿದೆ. ಎರಡು ದಿನಗಳ ಹಿಂದೆ ಆಕಾಶ ಹೋಸೂರು ಕಾಣೆಯಾಗಿದ್ದರು. ಅದಕ್ಕೂ ಮುನ್ನ ಅವರು ವಿಡಿಯೋ ಕಾಲ್ ಮಾಡಿ ವಿಷ ಸೇವಿಸುವ ಬಗ್ಗೆ ಕುಟುಂಬಕ್ಕೆ ತಿಳಿಸಿದ್ದರು. ಅದಾದ ನಂತರ ಆಕಾಶ ಹೋಸೂರು ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾಗಿರುವುದು ಗೊತ್ತಾಗಿದೆ. ಶವವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದೆ.
- [ಮದುವೆ ಆಗದ ಕೊರಗು: ಆಸಿಡ್ ಕುಡಿದ ವೃದ್ಧ!](https://mobiletime.in/2026/01/lamenting-over-not-getting-married-an-old-man-who-drank-acid/): 60 ವರ್ಷ ದಾಡಿದರೂ ಮದುವೆ ಆಗಿಲ್ಲ ಎಂಬ ಕೊರಗಿನಲ್ಲಿದ್ದ ಅಪ್ಪಾಜಿ ಜೋಸೆಫ್ ಮುರುಡೇಶ್ವರದ ಬಳಿ ಆಸಿಡ್ ಕುಡಿದಿದ್ದಾರೆ. ರಾತ್ರಿ ಬೆಳಗಾಗುವುದರೊಳಗೆ ಅವರು ಸಾವನಪ್ಪಿದ್ದಾರೆ. ಕೇರಳದ ಅಪ್ಪಾಜಿ ಜೊಸೆಪ್ ಅನೇಕ ವರ್ಷಗಳ ಹಿಂದೆಯೇ ಭಟ್ಕಳಕ್ಕೆ ಬಂದಿದ್ದರು. ಅವರಿವರ ತೋಟದ ಕೆಲಸ ಮಾಡಿಕೊಂಡಿದ್ದ ಅವರು ಭಟ್ಕಳದ ಉತ್ತರಕೊಪ್ಪ ಗಾಳಿಬೈಲಿನಲ್ಲಿ ವಾಸವಾಗಿದ್ದರು. ಅವರು ಒಂಟಿಯಾಗಿ ಜೀವಿಸಿದ್ದು, ಏಕಾಂಗಿಯಾಗಿರುವುದಕ್ಕೆ ಬೇಸರಿಸಿಕೊಳ್ಳುತ್ತಿದ್ದರು. `ತನಗೆ ಯಾರು ಇಲ್ಲ. ಸಂಬoಧಿಕರು ಸಹ ಇಲ್ಲ’ ಎಂದು ಅವರು ಎಲ್ಲಡೆ ಹೇಳಿಕೊಂಡಿದ್ದರು. ಹೀಗಿರುವಾಗ ಕಳೆದ ಒಂದು ತಿಂಗಳ ಹಿಂದೆ ಅವರ ಒಂದು ಕಣ್ಣು ಕಾಣದ ಹಾಗಾಯಿತು. ಮದುವೆ ಆಗದ ಕೊರಗು ಸಹ ಅವರನ್ನು ಕಾಡುತ್ತಲೇ ಇತ್ತು. ಸಂಬoಧಿಕರು ಇಲ್ಲ. ಮದುವೆಯೂ ಆಗಿಲ್ಲ ಎಂಬ ನೋವಿನಲ್ಲಿದ್ದ ಅವರು ತಾವಿದ್ದ ಮಾಸ್ತಿಮನೆಯಲ್ಲಿ ಆಸಿಡ್ ಕುಡಿದರು. ಜನವರಿ 25ರ ರಾತ್ರಿ 9ಗಂಟೆಗೆ ಸುಮಾರಿಗೆ ಅವರು ಆಸಿಡ್ ಕುಡಿದ ಬಗ್ಗೆ ಅಂದಾಜಿಸಲಾಗಿದ್ದು, ಮರುದಿನ ಬೆಳಗಾಗುವುದರೊಳಗೆ ಕೊನೆಯುಸಿರೆಳೆದಿದ್ದರು. ಭಟ್ಕಳ ಮಾರುತಿ ನಗರದ ಅಮೀತ ಭಾಸ್ಕರ್ ಶಾನಭಾಗ್ ಅವರು ಅಪ್ಪಾಜಿ ಜೋಸೆಫ್ ಅವರ ಸಾವಿನ ಬಗ್ಗೆ ಮಾಹಿತಿ ನೀಡಿದರು. ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಆಪತ್ತು ತಂದ ರಾತ್ರಿ ಸಂಚಾರ](https://mobiletime.in/2026/01/dangerous-night-traffic/): ರಾತ್ರಿ ವೇಳೆ ವೇಗವಾಗಿ ಬೈಕ್ ಓಡಿಸುತ್ತಿದ್ದ ಜೊಯಿಡಾದ ಜನಾರ್ಧನ ವೇಳಿಪ್ ಅವರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಸೇತುವೆ ಕಟ್ಟೆಗೆ ಬೈಕ್ ಗುದ್ದಿದ ಪರಿಣಾಮ ಅವರ ಬದುಕು ಅಲ್ಲಿಯೇ ಅಂತ್ಯವಾಗಿದೆ. ಜೊಯಿಡಾದ ಕಳಸಾಯಿ ಬಳಿಯ ಮಾತಕರ್ಣಿ ಬಳಿ ಜನಾರ್ಧನ ಅರ್ಜುನ ವೇಳಿಪ್ (24) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಮನೆಗೆ ಆಧಾರವಾಗಿದ್ದರು. ಜನವರಿ 26ರಂದು ಅವರು ಕಳಸಾಯಿಗೆ ಹೋಗಿ ಬರುವುದಾಗಿ ಹೊರಟಿದ್ದರು. ಉಳವಿ-ಕಳಸಾಯಿ ರಸ್ತೆಯಲ್ಲಿ ವೇಗವಾಗಿ ಬೈಕ್ ಓಡಿಸುತ್ತಿದ್ದ ಅವರು ಅಪಘಾತಕ್ಕೀಡಾದರು. ರಾತ್ರಿ ವೇಳೆ ಅವರ ಬೈಕು ಮಾತಕರ್ಣಿ ಕ್ರಾಸಿನ ಬಳಿ ಸೇತುವೆ ಕಟ್ಟೆಗೆ ಡಿಕ್ಕಿಯಾಯಿತು. ಆ ಡಿಕ್ಕಿ ರಭಸಕ್ಕೆ ಜನಾರ್ಧನ ವೇಳಿಪ್ ಅವರು ಬಹುದೂರ ಹಾರಿ ಬಿದ್ದು ಗಂಭೀರ ಪ್ರಮಾಣದಲ್ಲಿ ಪೆಟ್ಟು ಮಾಡಿಕೊಂಡರು. ಕೈ, ಎದೆ ಹಾಗೂ ಕುತ್ತಿಗೆಗೆ ನೋವು ಮಾಡಿಕೊಂಡಿದ್ದ ಜನಾರ್ಧನ ವೇಳಿಪ್ ಅವರನ್ನು ಜೊಯಿಡಾದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಆ ಅಪಘಾತದ ಬಗ್ಗೆ ಅದೇ ಊರಿನ ರೂಪೇಶ್ ಅವರು ಕುಟುಂಬಕ್ಕೆ ಸುದ್ದಿ ಮುಟ್ಟಿಸಿದರು. ಮಗನಿಗೆ ಅಪಘಾತವಾದ ವಿಷಯ ಕೇಳಿ ಅರ್ಜುನ ವೇಳಿಪ್ ಅವರು ಆಸ್ಪತ್ರೆಗೆ ದೌಡಾಯಿಸಿದರು. ಆದರೆ, ಅಷ್ಟರೊಳಗೆ ಚಿಕಿತ್ಸೆ ಫಲಿಸದೇ ಅರ್ಜುನ ವೆಳಿಪ್ ಅಸುನೀಗಿದ್ದರು. `ರಾತ್ರಿ ವೇಳೆ ಬೈಕ್ ಓಡಿಸುವಾಗ ಎಚ್ಚರ’
- [ಕುಡುಕನ ಸಾವಿನಲ್ಲಿ ಕುಟುಂಬಕ್ಕೆ ಅನುಮಾನ!](https://mobiletime.in/2026/01/family-suspicious-of-drunkards-death/): ಹಳಿಯಾಳದ ಸುಭಾಸ್ ವರ್ಣೇಕರ್ ಅವರ ಮನೆಯ ಬಳಿ ಬಾಬು ಅಡೋಳ್ಕರ್ ಅವರು ಶವವಾಗಿದ್ದಾರೆ. ಅವರ ಸಾವಿನ ಬಗ್ಗೆ ಕುಟುಂಬದವರಿಗೆ ಅನುಮಾನ ಶುರುವಾಗಿದೆ. ಹಳಿಯಾಳದ ಮಾಗವಾಡ ಬಳಿಯ ಗೌಳಿವಾಡದಲ್ಲಿ ಬಾಬು ಅಡೋಳ್ಕರ್ (45) ಅವರು ವಾಸವಾಗಿದ್ದರು. ಬಾಬು ಆಡೋಳ್ಕರ್ ಅವರು 3-4 ದಿನಗಳಿಗೆ ಒಮ್ಮೆ ಮನೆಗೆ ಬರುತ್ತಿದ್ದರು. ಒಂದರೆಡು ದಿನ ಮನೆಯಲ್ಲಿ ವಾಸ ಹೂಡಿ ಮತ್ತೆ ಬೇರೆ ಕಡೆ ಹೋಗುತ್ತಿದ್ದರು. ಬಾಬು ಅಡೋಳ್ಕರ್ ಅವರು ಒಂದು ದಿನವೂ ಸರಾಯಿ ಬಿಟ್ಟು ಬದುಕುತ್ತಿರಲಿಲ್ಲ. ಕೂಲಿ ಕೆಲಸದಲ್ಲಿ ಸಿಗುವ ಎಲ್ಲಾ ಹಣವನ್ನು ಅವರು ಸರಾಯಿ ಅಂಗಡಿಯವರಿಗೆ ಕೊಡುತ್ತಿದ್ದರು. ಪ್ರತಿ ದಿನ ಸರಾಯಿ ಕುಡಿದು ಅವರು ಎಲ್ಲೆಂದರಲ್ಲಿ ಮಲಗುತ್ತಿದ್ದರು. ಜನವರಿ 24ರಂದು ಅವರು ಮನೆಗೆ ಬಂದಿದ್ದು, ಮರುದಿನ ಮತ್ತೆ ಹೊರಗೆ ಹೋಗಿದ್ದರು. ಕೂಲಿ ಕೆಲಸಕ್ಕೆ ಹೋಗಿ ಬರುವುದಾಗಿ ಅವರು ಮನೆಯಲ್ಲಿ ಹೇಳಿದ್ದರು. ಆದರೆ, ಹಳಿಯಾಳ ಪಟ್ಟಣದ ಗಣಪತಿ ದೇವಸ್ಥಾನ ಹಿಂದಿರುವ ಗಣೇಶನಗರದ ಸುಭಾಸ ರಾಮಚಂದ್ರ ವರ್ಣೇಕರ್ ಅವರ ಮನೆ ಕಪೌಂಡ್ ಬಳಿ ಬಾಬು ಅಡೋಳ್ಕರ್ ಅವರು ಬಿದ್ದಿದ್ದರು. ಸಮೀಪ ಹೊಗಿ ನೋಡಿದಾಗ ಆ ಖಾಲಿ ಜಾಗದಲ್ಲಿ ಅವರು ಶವವಾಗಿದ್ದರು. ಬಾಬು ಅವರ ಪತ್ನಿ ದೊಂಡುಬಾಯಿ ಅಡೋಳ್ಕರ್ ಅವರು ಈ ಬಗ್ಗೆ ಪೊಲೀಸರಿಗೆ ತಿಳಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಸಾವಿನ ಬಗ್ಗೆ ಅನುಮಾನವಿರುವುದಾಗಿಯೂ ದೊಂಡುಬಾಯಿ ಅವರು ಹೇಳಿದ್ದಾರೆ.
- [ಬಾತ್ ರೂಮಿಗೆ ನುಗ್ಗಿದ ಕಳ್ಳನಿಗೆ ಸಿಕ್ಕಿದ್ದು ಲಕ್ಷ ರೂ!](https://mobiletime.in/2026/01/thief-who-broke-into-bathroom-gets-lakhs-of-rupees/): ಶಿರಸಿಯ ಕಾಶೀಂ ಸಾಬ್ ಅವರ ಮನೆಗೆ ಕಳ್ಳರು ನುಗ್ಗಿದ್ದಾರೆ. ಮನೆಯಲ್ಲಿದ್ದ ಹಣ ಹಾಗೂ ಒಡವೆ ದೋಚಿ ಅವರು ಪರಾರಿಯಾಗಿದ್ದಾರೆ. ಶಿರಸಿಯ ಹುಬ್ಬಳ್ಳಿ ರಸ್ತೆಯ ಬಸವೇಶ್ವರ ನಗರದಲ್ಲಿ ಕಾಶೀಂ ಅಬ್ದುಲ್ ಮಹಾಬ್ ಶೇಖ್ ಅವರು ವಾಸವಾಗಿದ್ದಾರೆ. 70 ವರ್ಷದ ಅವರ ಮನೆ ಮೇಲೆ ಕಳ್ಳರು ಕಣ್ಣು ಹಾಕಿದ್ದಾರೆ. ಜನವರಿ 22ರಿಂದ 26ರ ಅವಧಿಯಲ್ಲಿ ಕಾಶೀಂ ಸಾಬ್ ಅವರು ಮನೆಯಲ್ಲಿ ಇಲ್ಲದ ವಿಷಯ ಅರಿತು ಕಳ್ಳರು ಮನೆಗೆ ಬಂದಿದ್ದಾರೆ. ಮನೆ ಬಾಗಿಲು ಹಾಕಿದ ಕಾರಣ ಬಾತ್ ರೂಂ ಮೂಲಕ ಕಳ್ಳರು ಒಳಗೆ ಪ್ರವೇಶಿಸಿದ್ದಾರೆ. ಬಾತ್ ರೂಮಿನ ಹಂಚು ತೆಗೆದ ಕಳ್ಳರು ಅಲ್ಲಿಂದ ಒಳಗೆ ಆಗಮಿಸಿದ್ದು, ನೇರವಾಗಿ ಕೋಣೆಗೆ ಹೋಗಿದ್ದಾರೆ. ಅಲ್ಲಿದ್ದ ಟ್ರಿಜೋರಿಗೆ ಕಾಶೀಂ ಸಾಬ್ ಅವರು ಬೀಗ ಹಾಕದ ಕಾರಣ ಕಳ್ಳರಿಗೆ ಅನುಕೂಲವಾಗಿದೆ. ಕಪಾಟಿನಲ್ಲಿದ್ದ 1.20 ಲಕ್ಷ ರೂ ಹಣ ಕದ್ದ ಕಳ್ಳರು ಅಲ್ಲಿಯೇ ಇದ್ದ 10 ಗ್ರಾಂ ಚಿನ್ನದ ಸರವನ್ನು ಸಹ ಜೇಬಿಗಿಳಿಸಿಕೊಂಡಿದ್ದಾರೆ. ಜನವರಿ 27ರಂದು ಮನೆಗೆ ಬಂದ ಕಾಶೀಂ ಸಾಬ್ ಅವರಿಗೆ ಮನೆಯೊಳಗಿನ ಸಾಮಗ್ರಿ ಚಲ್ಲಾಪಿಲ್ಲಿಯಾಗಿರುವುದು ಕಾಣಿಸಿದೆ. ಆ ನಂತರ ಬಾತ್ ರೂಮಿನ ಹಂಚು ಹಾರಿರುವುದು ಗೋಚರವಾಗಿದೆ. ಮನೆ ಪೂರ್ತಿ ಹುಡುಕಾಟ ನಡೆಸಿದಾಗ 1.20 ಲಕ್ಷ ರೂ ಹಣ ಹಾಗೂ 60 ಸಾವಿರ ರೂ ಮೌಲ್ಯದ ಸರ ಕಾಣೆಯಾಗಿರುವುದು ಗಮನಕ್ಕೆ ಬಂದಿದೆ. ಶಿರಸಿ ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಗೆ ಹೋದ ಕಾಶೀಂ ಸಾಬ್ ಅವರು ಕಳ್ಳರ ವಿರುದ್ಧ ಕಿಡಿಕಾರಿದ್ದಾರೆ. ಆ ಕಳ್ಳನನ್ನು ಹುಡುಕಿ ತಮ್ಮ ಹಣ-ಆಭರಣ ಮರಳಿಸಿ ಎಂದವರು ಮನವಿ ಮಾಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಕಳ್ಳನನ್ನು ಹುಡುಕುವುದಾಗಿ ಪೊಲೀಸರು ಹೇಳಿದ್ದಾರೆ.
- [ದ್ವೇಷ: ದಿನಕರನ ಮನೆಗೆ ಬೆಂಕಿ ಹಚ್ಚಿದ ಜಾಪರ!](https://mobiletime.in/2026/01/enmity-japara-set-fire-to-dinakarans-house/): ದೇವರ ಫೋಟೋಗಳಿಗೆ ಪ್ರೇಮ್ ಅಳವಡಿಸಿ ಬದುಕು ಕಟ್ಟಿಕೊಂಡಿದ್ದ ಕುಮಟಾದ ದಿನಕರ ಕುಮಟಾಕರ್ ಅವರ ಮನೆಗೆ ಅದೇ ಊರಿನ ಜಪರ್ ಅಲಿ ಹಾಗೂ ಮಹಮದ್ ಹಸನ್ ಸೇರಿ ಬೆಂಕಿ ಹಚ್ಚಿದ್ದಾರೆ. ಕುಮಟಾದ ದೇವರಹಕ್ಕಲದ ಪೈರಗದ್ದೆಯಲ್ಲಿ ದಿನಕರ ಕುಮಟಾಕರ್ ಅವರು ವಾಸವಾಗಿದ್ದಾರೆ. ಫೋಟೋಗಳಿಗೆ ಪ್ರೇಮ್ ಅಳವಡಿಸಿ ಅವರು ಜೀವಕ ಕಟ್ಟಿಕೊಂಡಿದ್ದಾರೆ. ಅವರ ಮನೆ ಪಕ್ಕದಲ್ಲಿ ಜಾಫರ್ ಅಲಿ ಆದಂ ಸಾಬ್ ಹಾಗೂ ಮಹಮದ್ ಹಸನ್ ಪೈಜಾನ್ ಸಾಬ್ ಜಫರ್ ಅಲಿ ವಾಸವಾಗಿದ್ದಾರೆ. ಈ ಎರಡು ಕುಟುಂಬದವರ ನಡುವೆ ಜಮೀನು ವಿಷಯವಾಗಿ ಗಲಾಟೆ ಸಾಮಾನ್ಯವಾಗಿದ್ದು, ಅದೇ ದ್ವೇಷ ಇದೀಗ ವಿಕೋಪಕ್ಕೆ ತೆರಳಿದೆ. ಆರೋಪಿತರಿಬ್ಬರು ಸೇರಿ ಪದೇ ಪದೇ ದಿನಕರ ಕುಮಟಾಕರ್ ಅವರ ಮನೆ ಮುಂದಿದ್ದ ತುಳಸಿ ಗಿಡ ಕಡಿಯುತ್ತಿದ್ದರು. ಮನೆ ಬಳಿ ಬೆಳೆದಿದ್ದ ಹೂವಿನ ಗಿಡಗಳನ್ನು ನಾಶ ಮಾಡುತ್ತಿದ್ದರು. ಮನೆ ಮೇಲೆ ಕಲ್ಲು ಎಸೆಯುವುದು ಆಗಾಗ ನಡೆದೇ ಇತ್ತು. ಈ ಎಲ್ಲದರ ಜೊತೆ ದಿನಕರ ಕುಮಟಾಕರ್ ಅವರ ಪತ್ನಿ ಹಾಗೂ ಮಕ್ಕಳು ಸ್ನಾನಕ್ಕೆ ಹೋದಾಗ ಇಣುಕಿ ನೋಡುವ ಕೆಟ್ಟ ಅಭ್ಯಾಸವನ್ನು ಜಪರ್ ಅಲಿ ಹಾಗೂ ಮಹಮದ್ ಹಸನ್ ಹೊಂದಿದ್ದರು. ಒಟ್ಟಿನಲ್ಲಿ ದಿನಕರ ಕುಮಟಾಕರ್ ಅವರು ನೆಮ್ಮದಿಯ ಜೀವನ ನಡೆಸಲು ಸಾಧ್ಯವಾಗದ ರೀತಿ ಅವರಿಬ್ಬರು ಕಾಡಿಸುತ್ತಿದ್ದರು. ಜನವರಿ 27ರ ಸಂಜೆ ದಿನಕರ ಕುಮಟಾಕರ್ ಅವರು ಕುಟುಂಬದವರ ಜೊತೆ ಜಾತ್ರೆಗೆ ಹೋಗಿದ್ದರು. ದಿನಕರ ಕುಮಟಾಕರ್ ಅವರ ಮನೆಯಲ್ಲಿ ಯಾರೂ ಇಲ್ಲದ ವಿಷಯ ಅರಿತು ಜಪರ್ ಅಲಿ ಹಾಗೂ ಮಹಮದ್ ಹಸನ್ ಅವರ ಮನೆಗೆ ನುಗ್ಗಿದರು. ಮನೆ ಹೊರಗಿದ್ದ ಪ್ಲಾಸ್ಟಿಕ್ ಉತ್ಪನ್ನಗಳಿಗೆ ಬೆಂಕಿ ಹಚ್ಚಿ ಪರಾರಿಯಾದರು. ಪರಿಣಾಮ ದಿನಕರ ಕುಮಟಾಕರ್ ಅವರ ಮನೆ ಹೊತ್ತಿ ಉರಿದಿದ್ದು, ಮನೆ ಮಾಲಕರು 50 ಸಾವಿರಕ್ಕೂ ಅಧಿಕ ಮೊತ್ತದ ಹಾನಿ ಅನುಭವಿಸಿದರು. ವಿಷಯ ಅರಿತ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಸ್ಥಳದಲ್ಲಿ ಬಿಗಿ ಭದ್ರತೆ ಮಾಡಲಾಗಿದ್ದು, ಆರೋಪಿತರ ವಿರುದ್ಧ ಕ್ರಮಕ್ಕಾಗಿ ದಿನಕರ ಕುಮಟಾಕರ್ ಅವರು ಆಗ್ರಹಿಸಿದ್ದಾರೆ.
- [ಅಪರಾಧ: ಅಂಕಿ-ಅ0ಶಗಳನ್ನು ಬಿಡುಗಡೆಗೊಳಿಸಿದ SP](https://mobiletime.in/2026/01/crime-sp-releases-statistics/): ಸೈಬರ್ ಅಪರಾಧದ ಕುರಿತು ಅರಿವು, ಜಾಲತಾಣದಲ್ಲಿ ಸುಳ್ಳು ಸುದ್ದಿ ಹರಡುವವರ ವಿರುದ್ಧ ಕಠಿಣ ಕ್ರಮ, `ಭಟ್ಕಳದಲ್ಲಿರುವ 14 ಪಾಕಿಸ್ತಾನಿ ಪ್ರಜೆಗಳ ವಿಚಾರಣೆ, ಸಂಚಾರಿ ನಿಯಮ ಉಲ್ಲಂಘನೆಗೆ ದಂಡ ಹಾಗೂ ಅಪಘಾತ ತಡೆಗೆ ಜಾಗೃತಿ ಸೇರಿ ಉತ್ತರ ಕನ್ನಡ ಪೊಲೀಸ್ ಇಲಾಖೆ ಅನೇಕ ಬಗೆಯ ಕಾರ್ಯ ಮಾಡುತ್ತಿದೆ’ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಹೇಳಿದ್ದಾರೆ. ಮಂಗಳವಾರ ಅವರು ಮಾಧ್ಯಮದವರ ಎದುರು ಕಾನೂನು ಸುವ್ಯವಸ್ಥೆ ಮತ್ತು ವಿವಿಧ ಅಪರಾಧ ಅಂಕಿಅ0ಶಗಳ ವಿಷಯ ಹಂಚಿಕೊoಡಿದ್ದಾರೆ. ಈ ವೇಳೆ ರಸ್ತೆ ಅಪಘಾತಗಳ ಕುರಿತು ಕಳವಳ ವ್ಯಕ್ತಪಡಿಸಿದ ಅವರು ಉತ್ತರ ಕನ್ನಡ ಜಿಲ್ಲೆಯಲ್ಲಿ 192 ಅಪಘಾತಗಳಲ್ಲಿ 214 ಜನರು ಪ್ರಾಣ ಕಳೆದುಕೊಂಡಿದ್ದಾರೆ’ ಎಂಬ ಮಾಹಿತಿ ತಿಳಿಸಿದರು. ಇದರೊಂದಿಗೆ `ಸಂಚಾರ ನಿಯಮ ಉಲ್ಲಂಘಿಸಿದವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗಿದ್ದು, 58,425 ಪ್ರಕರಣಗಳಿಂದ ಒಟ್ಟು 2.84 ಕೋಟಿ ದಂಡ ವಸೂಲಿ ಮಾಡಲಾಗಿದೆ. ಮದ್ಯಪಾನ ಮಾಡಿ ವಾಹನ ಚಲಾಯಿಸಿದ 1,039 ಜನರ ವಿರುದ್ಧ ಪ್ರಕರಣ ದಾಖಲಿಸಿ, 810 ಜನರ ಚಾಲನಾ ಪರವಾನಗಿ ರದ್ದುಪಡಿಸಲಾಗಿದೆ’ ಎಂದು ವಿವರಿಸಿದರು. `2025ರ ಸಾಲಿನಲ್ಲಿ ಜಿಲ್ಲೆಯಲ್ಲಿ ಅಪರಾಧ ಚಟುವಟಿಕೆಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗಿದೆ. ಒಟ್ಟು 430 ಮಟ್ಕಾ ಹಾಗೂ ಒಸಿ ಪ್ರಕರಣಗಳು, 146 ಬೀದಿ ಗ್ಯಾಂಬ್ಲಿoಗ್, 442 ಅಬಕಾರಿ ಕಾಯ್ದೆ ಉಲ್ಲಂಘನೆ ಹಾಗೂ 295 ಮಾದಕ ದ್ರವ್ಯ ಪ್ರಕರಣಗಳನ್ನು ದಾಖಲಿಸಲಾಗಿದೆ. ಉಳಿದಂತೆ ಅಕ್ರಮ ಮರಳು ಸಾಗಾಟಕ್ಕೆ ಸಂಬAಧಿಸಿದoತೆ 21 ಪ್ರಕರಣಗಳನ್ನು ದಾಖಲಿಸಲಾಗಿದ್ದು, 141 ಪ್ರಕರಣಗಳನ್ನು ಗಣಿ ಇಲಾಖೆಗೆ ಹಸ್ತಾಂತರಿಸಲಾಗಿದೆ. ಗಂಭೀರ ಅಪರಾಧಗಳ ಪೈಕಿ ಜಿಲ್ಲೆಯಲ್ಲಿ 17 ಕೊಲೆ, 15 ಅತ್ಯಾಚಾರ ಹಾಗೂ 7 ದರೋಡೆ ಪ್ರಕರಣಗಳು ದಾಖಲಾಗಿವೆ’ ಎಂಬ ವಿಷಯ ಬಹಿರಂಗಪಡಿಸಿದರು. ಸೈಬರ್ ಅಪರಾಧಗಳ ಬಗ್ಗೆ ಮಾಹಿತಿ ನೀಡಿದ ಅವರು `ಸಾರ್ವಜನಿಕರು ಲಕ್ಷಾಂತರ ರೂ ಹಣ ಕಳೆದುಕೊಳ್ಳುತ್ತಿದ್ದಾರೆ. ಕಳೆದ ಅವಧಿಯಲ್ಲಿ 127 ಲಕ್ಷ ರೂಪಾಯಿಗಳನ್ನು ಫ್ರೀಜ್ ಮಾಡುವಲ್ಲಿ ಪೊಲೀಸ್ ಇಲಾಖೆ ಯಶಸ್ವಿಯಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿ ಹರಡುವವರ ಮೇಲೆ ನಿಗಾ ಇರಿಸಲಾಗಿದ್ದು, ಈವರೆಗೆ 36 ಪ್ರಕರಣಗಳನ್ನು ದಾಖಲಿಸಲಾಗಿದೆ’ ಎಂದರು. `ಕಳೆದ ವರ್ಷ ನಾಪತ್ತೆಯಾಗಿದ್ದ 332 ಜನರ ಪೈಕಿ 300 ಜನರನ್ನು ಪತ್ತೆಹಚ್ಚಲಾಗಿದ್ದು, ಉಳಿದ 32 ಜನರ ಪತ್ತೆಗೆ ಕಾರ್ಯಚರಣೆ ಮುಂದುವರಿದಿದೆ’ ಎಂದರು. ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಎಂ ಜಗದೀಶ ಜೊತೆಗಿದ್ದರು.    
- [ಅಗ್ನಿಗೆ ಆಹುತಿಯಾದ ಆಹಾರ ಮಳಿಗೆ](https://mobiletime.in/2026/01/food-stall-gutted-by-fire/): ಕಾರವಾರದ ಡೆಸರ್ಟಿನೊ ಆಹಾರ ಮಳಿಗೆಯಲ್ಲಿ ಮಂಗಳವಾರ ಗ್ರಾಹಕರು ತುಂಬಿದ್ದು, ಈ ಅವಧಿಯಲ್ಲಿಯೇ ಮಳಿಗೆಗೆ ಬೆಂಕಿ ಬಿದ್ದಿದೆ. ಬೆಂಕಿ ನೋಡಿದ ಜನ ಕೆಫೆಯಿಂದ ಹೊರಗೆ ಓಡಿ ಬಂದು ಅಪಾಯದಿಂದ ಪಾರಾಗಿದ್ದಾರೆ. ಕಾರವಾರದ ಗ್ರೀನ್ ಸ್ಟಿಟ್ ರಸ್ತೆಯಲ್ಲಿ ಡೆಸರ್ಟಿನೊ ಆಹಾರ ಮಳಿಗೆಯಿದೆ. ಈ ಮಳಿಗೆಯಲ್ಲಿ ತಿನಿಸು ಖರೀದಿಸಲು ಗ್ರಾಹಕರು ಬರುತ್ತಿದ್ದು, ಗ್ರಾಹಕರಿರುವಾಗಲೇ ವಿದ್ಯುತ್ ಶಾರ್ಟ ಸರ್ಕೀಟ್ ಸಂಭವಿಸಿದೆ. ಪರಿಣಾಮ ಮಳಿಗೆ ಒಳಭಾಗ ದಟ್ಟ ಹೊಗೆ ಕಾಣಿಸಿದೆ. ಇದರಿಂದ ಅಲ್ಲಿನ ಸಿಬ್ಬಂದಿ ಹಾಗೂ ಗ್ರಾಹಕರು ಆತಂಕಕ್ಕೆ ಒಳಗಾಗಿ ಹೊರಗೆ ಒಡಿದ್ದಾರೆ. ಅನಿರೀಕ್ಷಿತವಾಗಿ ಬೆಂಕಿ ಕಾಣಿಸಿಕೊಳ್ಳುತ್ತಿದ್ದ ಹಾಗೇ ಜನ ಆತಂಕಕ್ಕೆ ಒಳಗಾಗಿದ್ದು, ಮಾಹಿತಿಪಡೆದು ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿದರು. ಅವರು ಬೆಂಕಿ ಆರಿಸುವ ಮೂಲಕ ದೊಡ್ಡ ಅನಾಹುತ ತಪ್ಪಿಸಿದರು. ಬೆಂಕಿ ಪಕ್ಕದ ಕಟ್ಟಡಕ್ಕೂ ಹಬ್ಬುವ ಆತಂಕವಿದ್ದು, ಅದನ್ನು ಅಗ್ನಿಶಾಮಕ ಸಿಬ್ಬಂದಿ ದೂರ ಮಾಡಿದರು. ಮಳಿಗೆಗೆ ಬೆಂಕಿ ಬಿದ್ದ ಪರಿಣಾಮ ವಿವಿಧ ಪೀಠೋಪಕರಣಗಳು ಸುಟ್ಟು ಕರಕಲಾಗಿದೆ.
- [ಸವಾರನನ್ನು ಕೊಂದ ಶ್ರೀಕುಮಾರ ಬಸ್ಸು](https://mobiletime.in/2026/01/srikumar-bus-kills-rider/): ಭಟ್ಕಳ – ಹೊನ್ನಾವರ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಶ್ರೀಕುಮಾರ ಬಸ್ಸು ಬೈಕಿಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಬೈಕ್ ಸವಾರ ಬಸ್ಸಿನ ಅಡಿಗೆ ಬಿದ್ದು ಸಾವನಪ್ಪಿದ್ದಾರೆ. ಜನವರಿ 26ರ ರಾತ್ರಿ ಹಾವೇರಿಯ ಶ್ರೀನಿವಾಸ ವಡ್ಡರ್ ಅವರು ಈ ಮಾರ್ಗದಲ್ಲಿ ಬಸ್ಸು ಓಡಿಸುತ್ತಿದ್ದರು. ಬೆಂಗಳೂರಿಗೆ ಹೋಗಬೇಕಿದ್ದ ಆ ಬಸ್ಸು ಭಟ್ಕಳ ಕಡೆಯಿಂದ ಮುರುಡೇಶ್ವರದ ಕಡೆ ಪ್ರಯಾಣಿಕರನ್ನು ಕರೆತರಲು ಆಗಮಿಸಿತ್ತು. ಬೇಗ ಬೆಂಗಳೂರಿಗೆ ಹೋಗಬೇಕು ಎಂಬ ಆತುರದಲ್ಲಿ ಶ್ರೀನಿವಾಸ ವಡ್ಡರ್ ಅವರು ಬಸ್ಸನ್ನು ವೇಗವಾಗಿ ಓಡಿಸುತ್ತಿದ್ದರು. ಸಭಾತಿ ಕ್ರಾಸಿನ ಡಿವೈಡರ್ ಹತ್ತಿರ ಹೋಗುತ್ತಿದ್ದ ಬೈಕಿಗೆ ಹಿಂದಿನಿoದ ಬಸ್ಸು ಗುದ್ದಿದರು. ಆ ಬೈಕನ್ನು ತೆರ್ನಮಕ್ಕಿ ಜನತಾ ಕಾಲೋನಿಯ ಎಲೆಕ್ಟಿಶಿಯನ್ ಜೋಸೆಫ್ ಡಿಸೋಜಾ (40) ಅವರು ಓಡಿಸುತ್ತಿದ್ದು, ಬಸ್ಸು ಗುದ್ದಿದ ರಭಸಕ್ಕೆ ಅವರು ನೆಲಕ್ಕೆ ಬಿದ್ದರು. ಗಂಭೀರ ಪ್ರಮಾಣದಲ್ಲಿ ಗಾಯವಾದ ಕಾರಣ ಅವರು ಅಲ್ಲಿಯೇ ಸಾವನಪ್ಪಿದರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಬಸ್ ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಸಂಚಿನ ಸುಳಿಯಲ್ಲಿ ಸಾಮಾಜಿಕ ಹೋರಾಟಗಾರ!](https://mobiletime.in/2026/01/a-social-activist-caught-in-a-conspiracy/): ವಿವಿಧ ಸಮಸ್ಯೆಗಳ ಕುರಿತು ಹೋರಾಟ ನಡೆಸುತ್ತಿದ್ದ ಶಿರಸಿಯ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರೇ ಇದೀಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ತಮ್ಮ ವಿರುದ್ಧ ನಿರಂತರ ಸಂಚು ನಡೆಯುತ್ತಿದೆ ಎಂದ ಅವರು ಅದೇ ಚಿಂತೆಯಲ್ಲಿದ್ದಾರೆ. ಅನoತಮೂರ್ತಿ ಅವರೇ ಹೇಳಿಕೊಂಡಿರುವ ಹಾಗೇ ಅವರ ವಿರುದ್ಧ ಗಾಂಜಾ ಪ್ರಕರಣ ದಾಖಲಾಗುವ ಸಾಧ್ಯತೆ ಹೆಚ್ಚಿದೆ. ಮಾದಕ ವ್ಯಸನ ಪ್ರಕರಣದಲ್ಲಿ ಅನಂತಮೂರ್ತಿ ಹೆಗಡೆ ಅವರನ್ನು ಜೈಲಿಗೆ ಕಳುಹಿಸುವುದಕ್ಕಾಗಿ ಕೆಲವರು ಕಾಯುತ್ತಿದ್ದಾರೆ. `ಇಂಥ ದೂರು ಬಂದರೆ ಮೊದಲು ಸಮಗ್ರ ವಿಚಾರಣೆ ನಡೆಸಬೇಕು. ಅದಾದ ನಂತರವೇ ಕಾನೂನು ಕ್ರಮ ಜರುಗಿಸಬೇಕು’ ಎಂದು ಅನಂತಮೂರ್ತಿ ಹೆಗಡೆ ಅವರು ಪೊಲೀಸರಿಗೆ ಪತ್ರ ಬರೆದಿದ್ದಾರೆ. ಪೋಲೀಸ್ ಉಪಅಧೀಕ್ಷಕಿ ಗೀತಾ ಪಾಟೀಲ್ ಅವರನ್ನು ಭೇಟಿಯಾಗಿ ತಮ್ಮ ಅಂತರಾಳದ ನೋವನ್ನು ತೋಡಿಕೊಂಡಿದ್ದಾರೆ. `ಕಳೆದ ವರ್ಷ ತಮ್ಮನ್ನು ಜೈಲಿಗೆ ಕಳುಹಿಸುವ ಹುನ್ನಾರ ನಡೆಯಿತು. ಅದಾದ ನಂತರ ರಾತ್ರಿ ವೇಳೆ ಅಡ್ಡಗಟ್ಟಿ ಹೊಡೆಯುವ ಪ್ರಯತ್ನ ನಡೆಯಿತು. ಅದಾದ ನಂತರ ಮಹಿಳೆಯರನ್ನು ಛೂ ಬಿಟ್ಟು ತೇಜೋವಧೆ ಮಾಡುವ ಕೆಲಸ ಶುರುವಾಯಿತು. ಅದೆಲ್ಲದರ ಮುನ್ಸೂಚನೆ ಸಿಕ್ಕಿ ತಪ್ಪಿಸಿಕೊಂಡಿದ್ದು, ಇನ್ನಷ್ಟು ಸಂಚು ನಿರಂತರವಾಗಿ ನಡೆದಿದೆ’ ಎಂದವರು ತಮ್ಮ ಆತಂಕ ತೋಡಿಕೊಂಡಿದ್ದಾರೆ. `ನಾನು ಯಾವುದೇ ಅಕ್ರಮ ಮಾಡಿಲ್ಲ. ಯಾರಿಗೂ ಅನ್ಯಾಯ ಮಾಡಿಲ್ಲ. ಅದಾಗಿಯೂ, ತಮ್ಮ ವಿರುದ್ಧ ಕುತಂತ್ರ ನಡೆಯುತ್ತಿದ್ದು, ಜೀವ ಹಾಗೂ ಜೀವನ ಎರಡೂ ಅಪಾಯದಲ್ಲಿದೆ. ಹೀಗಾಗಿ ತಮಗೆ ರಕ್ಷಣೆ ಒದಗಿಸಿ’ ಎಂದು ಅನಂತಮೂರ್ತಿ ಹೆಗಡೆ ಪೊಲೀಸರ ಮೊರೆ ಹೋಗಿದ್ದಾರೆ. `ತಮ್ಮ ವಿರುದ್ಧ ಸಂಚು ರೂಪಿಸಿದವರನ್ನು ಪತ್ತೆ ಮಾಡಿ ಬಂಧಿಸಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. `ನಾನು ಬಿಜೆಪಿ ಜಿಲ್ಲಾ ರೈತ ಮೋರ್ಚಾ ಪದಾಧಿಕಾರಿಯಾಗಿದ್ದು, ರಾಜಕೀಯವಾಗಿ ಹಲವಾರು ಬಾರಿ ಜನರ ಪರವಾಗಿ ಹೇಳಿಕೆ ಕೊಟ್ಟಿದ್ದೇನೆ. ಅದೇ ಕಾರಣಕ್ಕೆ ತಮ್ಮ ವಿರುದ್ಧ ಸುಳ್ಳು ದೂರು ದಾಖಲಿಸಲಾಗಿದ್ದು, ಅದಕ್ಕೆ ನ್ಯಾಯಾಲಯ ತಡೆ ಒಡ್ಡಿತು. ಅದಾದ ನಂತರ ರಾತ್ರಿ ವೇಳೆ ಕ್ರಿಕೆಟ್, ಕಬಡ್ಡಿ ಪಂದ್ಯಾವಳಿ ಹೋಗುವಾಗ ದೈಹಿಕ ಹಲ್ಲೆ ನಡೆಸಲು ಸಂಚು ರೂಪಿಸಲಾಗಿತ್ತು. ಅದಾದ ಮೇಲೆ ಜಾತಿ ನಿಂದನೆ, ಮಹಿಳೆಯರಿಂದ ದೂರು ಕೊಡಿಸುವ ಪ್ರಯತ್ನವೂ ನಡೆಯಿತು’ ಎಂಬ ವಿಷಯವನ್ನು ಅವರು ಬಿಚ್ಚಿಟ್ಟಿದ್ದಾರೆ.
- [ಕಂಡವರ ಕಾಸಿಗೆ ಆಸೆಪಡೆಯದ ಕಂಡೆಕ್ಟರ್](https://mobiletime.in/2026/01/the-conductor-who-got-his-wish-for-the-money-of-those-who-saw-him/): ನೆಲ್ಲೂರಿನಿoದ ಶಿರಸಿಗೆ ಬರುತ್ತಿದ್ದ ಬಸ್ಸಿನಲ್ಲಿ ಮಹಿಳೆಯೊಬ್ಬರು ಬ್ಯಾಗ್ ಬಿಟ್ಟು ಹೋಗಿದ್ದು, ಆ ಬ್ಯಾಗನ್ನು ಬಸ್ಸಿನ ಕಂಡೆಕ್ಟರ್ ವಾರಸುದಾರರಿಗೆ ಒಪ್ಪಿಸಿದ್ದಾರೆ. ಮಂಗಳವಾರ ಶಾರದಾ ಎಂಬಾತರು ನೆಲ್ಲೂರಿನಿಂದ ಸರ್ಕಾರಿ ಬಸ್ಸು ಹತ್ತಿದ್ದು, ಶಿರಸಿಗೆ ಬಂದು ತಲುಪಿದ್ದರು. ಬಸ್ಸಿನಿಂದ ಇಳಿಯವ ಆತುರದಲ್ಲಿ ಅವರು ತಮ್ಮ ಬ್ಯಾಗನ್ನು ಬಸ್ಸಿನಲ್ಲಿಯೇ ಮರೆತಿದ್ದರು. ಆ ಬ್ಯಾಗಿನಲ್ಲಿ 16 ಸಾವಿರ ರೂ ಹಣದ ಜೊತೆ ಕೆಲ ಮಹತ್ವದ ಕಾಗದ ಪತ್ರಗಳಿದ್ದವು. ಬ್ಯಾಗ್ ಕಳೆದ ಬಗ್ಗೆ ಶಾರದಾ ಅವರ ಅರಿವಿಗೆ ಬಂದ ನಂತರ ಅವರು ಆತಂಕಕ್ಕೆ ಒಳಗಾಗಿದ್ದರು. ಬಸ್ಸಿನಲ್ಲಿ ಬ್ಯಾಗ್ ಕಂಡ ಕಂಡೆಕ್ಟರ್ ಮಂಜುನಾಥ್ ಚೆಲುವಾದಿ ಆ ಮಹಿಳಾ ಪ್ರಯಾಣಿಕರ ಹುಡುಕಾಟ ನಡೆಸಿದರು. ಕೊನೆಗೆ ಬಸ್ ನಿಲ್ದಾಣದ ಸಂಚಾರ ನಿಯಂತ್ರಕ ರಾಮಚಂದ್ರ ಶೆಟ್ಟಿ ಅವರಿಗೆ ಬ್ಯಾಗ್ ಸಿಕ್ಕ ವಿಷಯ ಮುಟ್ಟಿಸಿದರು. ಅಲ್ಲಿದ್ದ ನಾಗೇಂದ್ರ ಬೈಂದೂರು ಅವರು ಬ್ಯಾಗನ್ನು ಜೋಪಾನ ಮಾಡಿದ್ದು, ಈ ವೇಳೆ ಶಾರದಾ ಅವರು ಅಲ್ಲಿಗೆ ಬಂದು ಬ್ಯಾಗ್ ಕಾಣೆಯಾದ ವಿಷಯ ತಿಳಿಸಿದರು. ಮಂಜುನಾಥ್ ಚೆಲುವಾದಿ ಅವರು ಬ್ಯಾಗ್ ಮುಟ್ಟಿಸಿದ ವಿಷಯ ತಿಳಿಸಿ ಮಹಿಳೆಗೆ ಅವರ ಸ್ವತ್ತನ್ನು ಸಾರಿಗೆ ಸಿಬ್ಬಂದಿ ನೀಡಿದರು. ಬ್ಯಾಗ್ ಮರಳಿ ಸಿಕ್ಕಿದಕ್ಕೆ ಶಾರದಾ ಅವರು ಹರ್ಷವ್ಯಕ್ತಪಡಿಸಿದರು.
- [1 ಲಕ್ಷ ಗೆಲ್ಲಿ!](https://mobiletime.in/2026/01/win-1-lakh/): `ಭ್ರೂಣ ಲಿಂಗ ಪತ್ತೆ ಮಾಡುವವರ ಕುರಿತು ಮಾಹಿತಿ ನೀಡಿದವರಿಗೆ 1 ಲಕ್ಷ ರೂ ಹಣ ಕೊಡಲಾಗುತ್ತದೆ’ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ಶಂಕರ್ ರಾವ್ ಅವರು ಹೇಳಿದ್ದಾರೆ. ಮಂಗಳವಾರ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಚೇರಿಯಲ್ಲಿ ಹೆಣ್ಣು ಮಕ್ಕಳ ದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು `ಹೆಣ್ಣು ಮಕ್ಕಳ ರಕ್ಷಣೆ ಹಾಗೂ ಲಿಂಗ ತಾರತಮ್ಯವನ್ನು ಹೋಗಲಾಡಿಸಲು ರಾಷ್ಟ್ರಿಯ ಹೆಣ್ಣು ಮಗುವಿನ ದಿನಾಚರಣೆಯನ್ನು ಆಚರಿಸಲಾಗುತ್ತಿದೆ. ಭ್ರ‍್ರೂಣ ಲಿಂಗ ಪತ್ತೆ ಪ್ರಕರಣ ಕುರಿತು ಮಾಹಿತಿಯನ್ನು ನೀಡಿದ್ದಲ್ಲಿ ಸರ್ಕಾರದಿಂದ ಒಂದು ಲಕ್ಷ ಬಹುಮಾನ ನೀಡಲಾಗುತ್ತದೆ’ ಎಂದು ತಿಳಿಸಿದ್ದಾರೆ. `ನಮ್ಮ ದೇಶದ ಸಂಸ್ಕೃತಿಯಲ್ಲಿ ಹೆಣ್ಣು ಮಕ್ಕಳಿಗೆ ವಿಶೇಷ ಗೌರವ ಮತ್ತು ಸ್ಥಾನಮಾನ ಇದೆ. ಹೆಣ್ಣು ಮಗುವನ್ನು ಮನೆಯನ್ನು ಬೆಳಗುವ ದೀಪ ಎಂದು ಕರೆಯುತ್ತಾರೆ. ಹೀಗಿರುವಾಗ ಅದೇ ಜನ ಮನೆಯಲ್ಲಿ ಹೆಣ್ಣು ಹುಟ್ಟಿದರೆ ತಲೆ ಮೇಲೆ ಕೈ ಹೊತ್ತು ಕುಳಿತುಕೊಳ್ಳುತ್ತಿದ್ದು, ಅದನ್ನು ತಡೆಯಬೇಕು’ ಎಂದವರು ಕರೆ ನೀಡಿದ್ದಾರೆ. ತೋಡುರು ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯ ಡಾ ರಾಹುಲ್ ಎಸ್, ಸಹಾಯಕ ಆಡಳಿತಾಧಿಕಾರಿ ಯೂಸುಫ್ ಖಾನ್, ಜಿಲ್ಲಾ ಆರೋಗ್ಯ ಉಪ ಶಿಕ್ಷಣಾಧಿಕಾರಿ ಬಸವರಾಜ್ ಕನ್ನಕ್ಕನವರ, ನರ್ಸಿಂಗ್ ಅಫೀಸರ್ ಸುಷ್ಮ್ಮಾ, ಸಂಧ್ಯಾ, ರತೀಶ್ ನಾಯ್ಕ ಕಾರ್ಯಕ್ರಮದಲ್ಲಿದ್ದರು.
- [ಕನ್ನಡ ಚಿತ್ರರಂಗದಲ್ಲಿ ಹೊಸ ಪ್ರಯೋಗ: ಉದಯೋನ್ಮುಖ ಪ್ರತಿಭೆಗಳ ಅನಾವರಣ](https://mobiletime.in/2026/01/a-new-experiment-in-kannada-cinema-unveiling-emerging-talents/): ಕನ್ನಡ ಚಿತ್ರ ರಂಗದಲ್ಲಿ ಇತ್ತೀಚಿನ ದಿನಗಳಲ್ಲಿ ಅನೇಕ ಹೊಸ ಪ್ರಯೋಗಗಳು ನಡೆಯುತ್ತಿವೆ. ಅದು ಕಥೆಯಲ್ಲಾಗಿರಬಹುದು ಅಥವಾ ಪಾತ್ರಗಳ ಆಯ್ಕೆಯಲ್ಲಾಗಿರಬಹುದು.ಉದಯೋನ್ಮುಖ ಪ್ರತಿಭೆಗಳು ಹೊಸ ರೀತಿಯಲ್ಲಿ ಯೋಚಿಸುತ್ತಾರೆ. ಇದೀಗ ಇದೇ ರೀತಿ ಹೊಸ ಕಥೆಯ ಮೂಲಕ ಉದಯೋನ್ಮುಖ ತಂಡವೊಂದು ಬರುತ್ತಿದೆ. ಮನಂ ಮೂವಿ ಮೇಕರ್ಸ್ ‘ ಬ್ಯಾನರ್ ಅಡಿಯಲ್ಲಿ ‘ದಿ 1979 ಅನ್ ಟೋಲ್ಡ್ ಸ್ಟೋರಿ ‘ ಎನ್ನುವ ಹೊಸ ಚಿತ್ರ ಬಿಡುಗಡೆಗೆ ಸಜ್ಜಾಗಿದೆ. ಈ ಚಿತ್ರಕ್ಕೆ ಪುಷ್ಪ ರಾಜ್ ಅವ್ರು ಆಕ್ಷನ್ ಕಟ್ ಹೇಳಿದ್ದು, ಬೀರಮಾನಹಳ್ಳಿ ಎಂ ಶ್ರೀನಿವಾಸ್ ಅವರು ಬಂಡವಾಳ ಹೂಡಿದ್ದಾರೆ.1979 ರಲ್ಲಿ ಬಂಗಾಳದಲ್ಲಿ ನಡೆದಿರುವ ನೈಜ್ಯ ಕಥೆಯನ್ನಾಧರಿಸಿರುವ ಕಾಲ್ಪನಿಕ ಕಥೆ ಇರುವ ಸಿನಿಮಾ ಇದಾಗಿದ್ದು,ಸಂಪೂರ್ಣ ಕಥೆಯು ಬಂಗಾಳದ ಹಿನ್ನೆಲೆಯನ್ನು ಹೊಂದಿದ್ದರು ,ಚಿತ್ರವನ್ನು ನಮ್ಮ ಕೋಲಾರದಲ್ಲಿ ಚಿತ್ರೀಕರಣ ಮಾಡಿರುವುದು ವಿಶೇಷ.ಹಾಗಾಗಿ ಚಿತ್ರದ ಬಗ್ಗೆ  ಕುತೂಹಲದ ಜೊತೆಗೆ ನೀರಿಕ್ಷೆ ಹೆಚ್ಚಿದೆ. ಈಗಾಗಲೇ ಸಿನಿಮಾದ ಟೀಸರ್ ಅನ್ನು ಚಿತ್ರ ತಂಡ  ಜನವರಿ 23 ರಂದು ‘ಮ್ಯೂಸಿಕ್ ಬಜಾರ್ ‘ ಯೌಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆ ಮಾಡಿದೆ.ಟೀಸರ್ ನೋಡಿದಾಗ ಇದು ನಮ್ಮ ಮಣ್ಣಿನ ಕಥೆ ಎನ್ನುವುದು ಬಹಳ ಸುಲಭವಾಗಿ ತಿಳಿಯುತ್ತದೆ. ಅಷ್ಟು ನೈಜ್ಯವಾಗಿ ಸಿನಿಮಾವನ್ನು ಸೆರೆ ಹಿಡಿದಿದ್ದಾರೆ. ರಾಜಕೀಯ, ಅಧಿಕಾರ, ಆಡಳಿತ,ಸ್ವಾಭಿಮಾನ, ನೋವು,ಹಿಂಸೆ ಇದರ ಸುತ್ತ  ಈ ಚಿತ್ರ ಸುತ್ತುತದೆ ಎನ್ನುವುದನ್ನು ಟೀಸರ್ ಮೂಲಕ ಕಾಣಬಹುದಾಗಿದೆ.ಇದರ ಜೊತೆಗೆ ಸಿನಿಮಾದ ಬಿಜಿಎಂ ಕೂಡ ಬಹಳ ಅದ್ಭುತವಾಗಿದೆ. ಒಟ್ಟಿನಲ್ಲಿ ಸಿನಿಮಾ ಸಿನಿ ಪ್ರಿಯರಲ್ಲಿ ಕುತೂಹಲತೆಯನ್ನು ಹೆಚ್ಚಿಸಿದೆ. ಇನ್ನು ಸಿನಿಮಾದ ಟ್ರೈಲರ್ ಹಾಗೂ ಹಾಡುಗಳು ಮುಂದಿನ ದಿನಗಳಲ್ಲಿ ಬಿಡುಗಡೆ ಮಾಡುವುದಾಗಿ ಚಿತ್ರ ತಂಡ ಮಾಹಿತಿ ನೀಡಿದೆ. ಸಿನಿಮಾದ ರಿಲೀಸ್ ಡೇಟ್ ಅಧಿಕೃತವಾಗಿ ಘೋಷಣೆಯಾಗದಿದ್ದರೂ  ಇದೇ ಫೆಬ್ರವರಿ ತಿಂಗಳಲ್ಲಿ ಬಿಡುಗಡೆ ಮಾಡುವುದಾಗಿಯೂ ತಂಡ ತಿಳಿಸಿದೆ. ಸಿನಿಮಾವು ಹೊಸ ಪ್ರತಿಭೆಗಳಿಂದ ಕೂಡಿದ್ದು, ಅಜ್ಜು,ಸುಜಿತ್, ಪ್ರಾನ್ವಿ ಗೌಡ ಹಾಗೂ ಅಮೃತ ಗೌಡ ಅವರು ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ.ಸಿನಿಮಾದ ತಾಂತ್ರಿಕ ವರ್ಗವು ಬಲಿಷ್ಠವಾಗಿದ್ದು,ಚಲಾಕಿ ಚರಣ್ ಅವರ ಛಾಯಾಗ್ರಾಹಣದಲ್ಲಿ ಚಿತ್ರ ಮೂಡಿಬಂದಿದೆ.ಜತೆಗೆ ಜಶ್ವಂತ್ ವಸುವುಲೇಟಿ ಸಂಗೀತ ಸಂಯೋಜನೆಯನ್ನು ಮಾಡಿದ್ದಾರೆ. ಸಿನಿ ಪ್ರಿಯರು ಸದಾ ಹೊಸತನವನ್ನು ಬಯಸುತ್ತಾರೆ.ಈ ವಿಚಾರದಲ್ಲಿ’ ದಿ 1979 ಅನ್ ಟೋಲ್ಡ್ ಸ್ಟೋರಿ ‘ ಹಲವಾರು ಪ್ರತಿಭೆಗಳಿಗೆ ಅವಕಾಶ ನೀಡಿರುವುದರ ಜೊತೆಗೆ ಒಂದೊಳ್ಳೆ ಕಥೆಯ ಮೂಲಕ ಸ್ಯಾಂಡಲ್ ವುಡ್ ನಲ್ಲಿ ತಮ್ಮದೇ ಛಾಪ್ಪನ್ನು ಸೃಷ್ಟಿಸಲು ಬರುತ್ತಿದೆ.
- [ಡಿವೈಡರಿಗೆ ಗುದ್ದಿದ ರಿಕ್ಷಾ: ನೋವು ಅನುಭವಿಸಿದ ಚಾಲಕ ಸಾವು!](https://mobiletime.in/2026/01/rickshaw-hits-divider-driver-dies-in-pain/): ಕಾರವಾರ – ಅಂಕೋಲಾ ರಾಷ್ಟ್ರೀಯ ಹೆದ್ದಾರಿಯಲ್ಲಿನ ಡಿವೈಡರಿಗೆ ರಿಕ್ಷಾ ಡಿಕ್ಕಿಯಾಗಿದೆ. ಪರಿಣಾಮ ರಿಕ್ಷಾ ಚಾಲಕ ರಮಾಕಾಂತ ನಾಯ್ಕ ಅವರು ಸಾವನಪ್ಪಿದ್ದಾರೆ. ಅಂಕೋಲಾದ ಅವರ್ಸಾ ಬಳಿಯ ಹಟ್ಟಿಕೇರಿಯ ರಮಾಕಾಂತ ವಿಷ್ಣು ನಾಯ್ಕ (29) ಅವರು ರಿಕ್ಷಾ ಚಾಲಕರಾಗಿ ಬದುಕು ಕಟ್ಟಿಕೊಂಡಿದ್ದರು. ಕಾರವಾರದ ಮಾಲಾದೇವಿ ಮೈದಾನದ ಬಳಿ ಅವರು ವಾಸವಾಗಿದ್ದರು. ಅತಿ ವೇಗದ ವಾಹನ ಚಾಲನೆ ಅವರ ಬದುಕನ್ನು ಕಿತ್ತುಕೊಂಡಿತು. ರಿಕ್ಷಾ ಪಲ್ಟಿಯಾಗಿ ನೋವು ಅನುಭವಿಸಿದ್ದ ರಮಾಕಾಂತ ನಾಯ್ಕ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಜನವರಿ 26ರಂದು ಮಧ್ಯಾಹ್ನ ರಮಾಕಾಂತ ನಾಯ್ಕ ಅವರು ಅಂಕೋಲಾದಿAದ ಕಾರವಾರದ ಕಡೆ ರಿಕ್ಷಾ ಓಡಿಸುತ್ತಿದ್ದರು. ಹಾರವಾಡ ಕ್ರಾಸಿನ ಬಳಿ ಅವರ ವಾಹನದ ವೇಗ ಹೆಚ್ಚಾಗಿದ್ದು, ಅಲ್ಲಿದ್ದ ಡಿವೈಡರಿಗೆ ರಿಕ್ಷಾ ಗುದ್ದಿತು. ಪರಿಣಾಮ ರಿಕ್ಷಾ ಪಲ್ಟಿಯಾಯಿತು. ಒಳಗಿದ್ದ ರಮಾಕಾಂತ ನಾಯ್ಕ ಅವರು ರಿಕ್ಷಾ ಜೊತೆ ರಭಸವಾಗಿ ನೆಲಕ್ಕೆ ಅಪ್ಪಳಿಸಿದರು. ಈ ಅಪಘಾತದಿಂದ ರಮಾಕಾಂತ ನಾಯ್ಕ ಅವರ ತಲೆಗೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ಕೈ, ಎದೆ, ಸೊಂಟಕ್ಕೂ ನೋವಾಯಿತು. ಅಲ್ಲಿದ್ದ ಜನ ಆಂಬುಲೆನ್ಸಿಗೆ ಫೋನ್ ಮಾಡಿದರು. ಗಾಯಗೊಂಡ ರಮಾಕಾಂತ ನಾಯ್ಕ ಅವರನ್ನು ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ರವಾನಿಸಲಾಗಿದ್ದು, ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕಾರವಾರದ ಕಿಮ್ಸ್’ಗೆ ಕಳುಹಿಸಲಾಯಿತು. ಕೊನೆಕ್ಷಣದವರೆಗೂ ರಮಾಕಾಂತ ನಾಯ್ಕ ಅವರನ್ನು ಉಳಿಸಿಕೊಳ್ಳಲು ನಿರಂತರ ಆರೈಕೆ ನಡೆಯಿತು. ಆದರೆ, ಆ ಚಿಕಿತ್ಸೆಗೆ ಅವರು ಸ್ಪಂದಿಸಲಿಲ್ಲ. ರಾತ್ರಿ 9.30ಕ್ಕೆ ರಮಾಕಾಂತ ನಾಯ್ಕ ಅವರು ಉಸಿರಾಟ ನಿಲ್ಲಿಸಿದರು. ಸಹೋದರನ ಸಾವಿನ ಬಗ್ಗೆ ಹಟ್ಟಿಕೇರಿಯ ಟೆಂಪೋ ಕ್ಲೀನರ್ ನಾಗರಾಜ ವಿಷ್ಣು ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಅಪಘಾತದ ಬಗ್ಗೆ ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದರು. `ಅತಿ ವೇಗ ಅಪಾಯಕ್ಕೆ ಕಾರಣ’
- [ಯಲ್ಲಾಪುರ: ದುಡ್ಡು ಕೊಟ್ಟರೂ ಶುದ್ಧ ನೀರು ಸಿಗಲ್ಲ!](https://mobiletime.in/2026/01/yellapur-even-if-you-pay-money-you-wont-get-clean-water/): ಯಲ್ಲಾಪುರ ಪಟ್ಟಣ ವ್ಯಾಪ್ತಿಯಲ್ಲಿ 4 ಶುದ್ಧ ಕುಡಿಯುವ ನೀರಿನ ಘಟಕಗಳಿದ್ದು, ಅದರಲ್ಲಿ ಮೂರು ಘಟಕ ಕೆಲಸ ಮಾಡುತ್ತಿಲ್ಲ. ಮತ್ತೊಂದು ಘಟಕ 1 ರೂಪಾಯಿಗೆ 5 ಲೀಟರ್ ನೀರು ನೀಡುವ ಬದಲು ಒಂದೇ ಲೀಟರ್ ನೀರು ಕೊಡುತ್ತಿದೆ. ಜನವರಿ 27ರಂದು ಯಲ್ಲಾಪುರ ಪಟ್ಟಣದಲ್ಲಿ ಹೊರ ಮಂಗಳವಾರ ಆಚರಣೆ ನಡೆದಿದ್ದು, ಮನೆಯಿಂದ ಹೊರಗಿದ್ದ ಜನ ಕುಡಿಯುವ ನೀರಿಗೆ ತೊಂದರೆ ಅನುಭವಿಸಿದ್ದಾರೆ. ನಾಲ್ಕು ಘಟಕಗಳಿಗೆ ತೆರಳಿದರೂ ಸೂಕ್ತ ನೀರು ಸಿಗದ ಕಾರಣ ಜನ ಪಟ್ಟಣ ಪಂಚಾಯತ ಆಡಳಿತದ ವಿರುದ್ಧ ಅಸಮಧಾನವ್ಯಕ್ತಪಡಿಸಿದ್ದಾರೆ. ಶುದ್ಧ ಕುಡಿಯುವ ನೀರು ಕೊಡುತ್ತಿದ್ದ ಘಟಕಗಳು ಐದೇ ವರ್ಷದಲ್ಲಿ ಹಾಳಾದ ಬಗ್ಗೆ ಆಕ್ರೋಶಹೊರಹಾಕಿದ್ದಾರೆ. ಯಲ್ಲಾಪುರ ಪಟ್ಟಣದ ಬಸ್ ನಿಲ್ದಾಣ, ಬಸವೇಶ್ವರ ವೃತ್ತ, ಕೃಷಿ ಉತ್ಪನ್ನ ಮಾರುಕಟ್ಟೆ ಹಾಗೂ ದೇವಿ ದೇವಾಲಯದ ಬಳಿ ಶುದ್ಧ ಕುಡಿಯುವ ನೀರಿನ ಘಟಕಗಳನ್ನು ಸ್ಥಾಪಿಸಲಾಗಿದೆ. ಶುರುವಾದ ಕೆಲ ಸಮಯ ಶುದ್ಧವಾಗಿಯೇ ನಡೆದ ಈ ಘಟಕ ಕ್ರಮೇಣ ನೀರು ಕೊಡುವ ಕೆಲಸ ನಿಲ್ಲಿಸಿದೆ. ಆಗಾಗ, ಈ ಘಟಕವನ್ನು ದುರಸ್ಥಿ ಮಾಡಿದರೂ ಜನರ ನಿರೀಕ್ಷೆಗೆ ಅನುಗುಣವಾಗಿ ನೀರು ಸಿಗುತ್ತಿಲ್ಲ. ಯಲ್ಲಾಪುರದ ಜಾತ್ರೆ ಹಿನ್ನಲೆ ಈ ದಿನ ಪಟ್ಟಣದ ಜನ ಹೊರ ಮಂಗಳವಾರ ಆಚರಣೆಗಾಗಿ ವಿವಿಧ ಕಡೆ ತೆರಳುತ್ತಿದ್ದು, 1ರೂಪಾಯಿಗೆ 5 ಲೀಟರ್ ನೀರು ಸಿಗಬೇಕಾದ ಘಟಕ ಹಾಳಾದ ಕಾರಣ ದುಬಾರಿ ದುಡ್ಡು ಕೊಟ್ಟು ಬಾಟಲಿ ನೀರು ಖರೀದಿಸಿದ್ದಾರೆ. ಕುಡಿಯುವ ನೀರಿನ ಘಟಕದ ಅವ್ಯವಸ್ಥೆಯ ಬಗ್ಗೆ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅಸಮಧಾನವ್ಯಕ್ತಪಡಿಸಿದ್ದು, ಅಧಿಕಾರಿಗಳನ್ನು ಪ್ರಶ್ನಿಸಿದ ನಂತರ ಬಸ್ ನಿಲ್ದಾಣದ ಘಟಕ ದುರಸ್ಥಿ ಆಗಿದೆ. ಆದರೆ, ಆ ಘಟಕ ಸಹ ಕೊಟ್ಟ ಕಾಸಿಗೆ ತಕ್ಕಂತೆ ನೀರು ಪೂರೈಸಿಲ್ಲ. 1 ರೂಪಾಯಿಗೆ 5 ಲೀಟರ್ ನೀರು ಒದಗಿಸುವ ಬದಲು ಒಂದೇ ಲೀಟರ್ ನೀರು ನೀಡುತ್ತಿದ್ದು, ಪಟ್ಟಣ ಪಂಚಾಯತದ ನೀರಿನ ವ್ಯಾಪಾರದಲ್ಲಿಯೂ ನಗರದ ಜನರಿಗೆ ಅನ್ಯಾಯವಾಗಿದೆ. 5-10 ಲೀಟರ್ ನೀರಿನ ಕ್ಯಾನು ತಂದವರು ಆ ಕ್ಯಾನು ಭರ್ತಿಯಾಗುವಷ್ಟು ಪ್ರಮಾಣದಲ್ಲಿ ನೀರು ಸಿಗದೇ ಸಮಸ್ಯೆ ಅನುಭವಿಸಿದ್ದಾರೆ. `ಪಟ್ಟಣ ಪಂಚಾಯತದಲ್ಲಿ ದುಡ್ಡು ಕೊಟ್ಟರೆ ಮಾತ್ರ ಕೆಲಸ ಆಗುತ್ತದೆ. ಶುದ್ಧ ನೀರಿನ ಘಟಕದಲ್ಲಿಯೂ ಹಾಗೇ ಆಗಿದ್ದು, ಮುಂದಿನ ಹೊರ ಮಂಗಳವಾರದ ಒಳಗೆ ಅವ್ಯವಸ್ಥೆ ಸರಿಪಡಿಸಬೇಕು. ಜಾತ್ರೆಯ ಅವಧಿಯಲ್ಲಿ ಜನರಿಗೆ ಸಮಸ್ಯೆ ಆಗದ ಹಾಗೇ ಎಚ್ಚರಿಕೆವಹಿಸಬೇಕು’ ಎಂದು ಸೋಮೇಶ್ವರ ನಾಯ್ಕ ಅವರು ಆಗ್ರಹಿಸಿದ್ದಾರೆ. ದೀಪಕ ನಾಯ್ಕ ಹಾಗೂ ಹನುಮಂತ ಕಾಳಮ್ಮನಗರ ಅವರು ತಮಗಾದ ಸಮಸ್ಯೆ ವಿವರಿಸಿದ್ದಾರೆ.
- [ಆಲೆಮನೆ ಉತ್ಸವದಲ್ಲಿ ಪುಂಡ-ಪೋಕರಿಗಳ ಹಾವಳಿ!](https://mobiletime.in/2026/01/a-plague-of-hooligans-at-the-alemane-festival/): ಶಿರಸಿಯ ವಿಕಾಸಾಶ್ರಮ ಮೈದಾನದಲ್ಲಿ ಆಲೆಮನೆ ಉತ್ಸವ ನಡೆಯುತ್ತಿದ್ದು, ಈ ಬಾರಿ ಪುಂಡ-ಪೋಕರಿಗಳ ಹಾವಳಿ ಜೋರಾಗಿದೆ. ಆಲೆಮನೆಗೆ ಬರುವ ಯುವತಿಯರನ್ನು ಚುಡಾಯಿಸುವುದಕ್ಕಾಗಿಯೇ ಕೆಲ ಗುಂಪುಗಳು ಲಗ್ಗೆಯಿಟ್ಟಿದ್ದು, ಇಲ್ಲಿರುವ ಪುಂಡರ ಕಾಟಕ್ಕೆ ಮಹಿಳೆಯರು ಬೇಸತ್ತಿದ್ದಾರೆ. ಕಳೆದ ನಾಲ್ಕು ವರ್ಷಗಳಿಂದ ರೋಟರಿ ಆಲೆಮನೆ ಉತ್ಸವ ಅಚ್ಚುಕಟ್ಟಾಗಿ ನಡೆಯುತ್ತಿದೆ. ಹೀಗಾಗಿ ಆ ಉತ್ಸವಕ್ಕೆ ಅಪಾರ ಜನ ಮನ್ನಣೆಯೂ ಸಿಕ್ಕಿದೆ. ನಗರದಲ್ಲಿ ಹಳ್ಳಿಯ ವಾತಾವರಣ ಸೃಷ್ಠಿಸುವ ಕಾರ್ಯ ರೋಟರಿ ಸಂಸ್ಥೆಯಿoದ ನಡೆದಿದೆ. ಆದರೆ, ಈ ಬಾರಿ ಅನೇಕ ಲೋಪಗಳಾಗಿದ್ದು, ಆ ಲೋಪಗಳನ್ನು ಪಡ್ಡೆ ಹುಡುಗರು ದುರುಪಯೋಗಪಡಿಸಿಕೊಂಡಿದ್ದಾರೆ. ಈ ಬಾರಿಯೂ ಜನ ಪ್ರವೇಶ ಶುಲ್ಕ ಪಾವತಿಸಿ ಜನ ಆಲೆಮನೆ ಉತ್ಸವಕ್ಕೆ ಬಂದಿದ್ದಾರೆ. ಕಬ್ಬಿನ ಹಾಲಿನ ಜೊತೆ ಅಲ್ಲಿನ ಮನರಂಜನಾ ಕಾರ್ಯಕ್ರಮವನ್ನು ಆಹ್ವಾದಿಸುತ್ತಿದ್ದಾರೆ. ಸ್ಥಳೀಯ ಪ್ರತಿಭೆಗಳಿಗೆ ಹೆಚ್ಚಿನ ಅವಕಾಶ ಕೊಟ್ಟಿರುವ ಕಾರಣ ವೇದಿಕೆಯಲ್ಲಿನ ಕಲಾವಿದರ ಜೊತೆ ಅವರ ಬಂಧು-ಮಿತ್ರರು ಸಹ ಕಾರ್ಯಕ್ರಮಕ್ಕೆ ಆಗಮಿಸಿದ್ದು, ಮಹಿಳೆಯರನ್ನೇ ಗುರಿಯಾಗಿರಿಸಿಕೊಂಡು ಹಿಂಸೆ ನೀಡುವ ಕೆಲಸ ಅಲ್ಲಿ ನಡೆಯುತ್ತಿದೆ. ಕಿಡಿಗೇಡಿಗಳ ಕಾಟಕ್ಕೆ ಬೇಸತ್ತ ಜನ ಅಸಮಧಾನವ್ಯಕ್ತಪಡಿಸಿದ್ದಾರೆ. ಉತ್ಸವಕ್ಕೆ ಅಗತ್ಯ ಭದ್ರತಾ ವ್ಯವಸ್ಥೆ ಕಾಣಲಿಲ್ಲ. ಆರಂಭದಲ್ಲಿ ಜನ ಕೊರತೆ ಎದ್ದು ತೋರಿದರೂ ಶನಿವಾರ ಹಾಗೂ ಭಾನುವಾರ ಅನೇಕರಿಗೆ ಸ್ಥಳಾವಕಾಶ ಸಿಗಲಿಲ್ಲ. ವೇದಿಕೆಯಲ್ಲಿ ಕಾರ್ಯಕ್ರಮ ನಡೆಯುವಾಗಲೇ ಕಿಡಿಗೇಡಿಗಳು ಮಹಿಳೆಯೊಬ್ಬರ ಮೈ ಮುಟ್ಟಿದ ಪ್ರಕರಣವೂ ನಡೆದಿದ್ದು, ಅಂಥಹುದನ್ನು ತಡೆಯಲು ಉತ್ಸವದ ಪ್ರವೇಶ ದ್ವಾರದಲ್ಲಿ ಇಬ್ಬರು ವಾಚಮೆನ್ ಹೊರತುಪಡಿಸಿ ಬೇರೆ ಭದ್ರತಾ ಸಿಬ್ಬಂದಿ ಕಾಣಲಿಲ್ಲ. ಪೊಲೀಸರು ಇಲ್ಲದಿರುವುದನ್ನು ಗಮನಿಸಿದ ಪುಂಡರು ನಿತ್ಯವೂ ಮಹಿಳೆಯರನ್ನು ಪೀಡಿಸುತ್ತಿದ್ದು, ಯುವತಿಯನ್ನು ಚುಡಾಯಿಸುವವರ ಸಂಖ್ಯೆ ಕಡಿಮೆಯಿರಲಿಲ್ಲ. ಉತ್ಸವ ನಡೆಯುವ ಸ್ಥಳದಲ್ಲಿ ಪುಂಡರ ಹಾವಳಿ ಬಗ್ಗೆ ಸಂತ್ರಸ್ತೆ ತಮ್ಮ ಸ್ನೇಹಿತರಿಗೆ ತಿಳಿಸಿದ್ದು, ಉತ್ಸವ ಮುಗಿದ ನಂತರ ಪುಂಡರ ಮೇಲೆ ಕೆಲವರು ಕೈ ಮಾಡಿದ್ದಾರೆ. ಈ ವೇಳೆ ಆ ಪಡ್ಡೆ ಹುಡುಗರು ಸಹ ಗಲಾಟೆ ಮಾಡಿದ್ದು, ಉತ್ಸವದ ಪ್ರವೇಶ ದ್ವಾರದ ಎದುರೇ ಮಾರಾಮಾರಿ ನಡೆದರೂ ಆಯೋಜಕರು ಅದನ್ನು ಪ್ರಶ್ನಿಸಿಲ್ಲ. ತಡೆಯುವ ಪ್ರಯತ್ನವನ್ನು ಮಾಡಿಲ್ಲ. ಇನ್ನೂ ಈ ವರ್ಷದ ಆಲೆಮನೆ ಉತ್ಸವದಲ್ಲಿ ಮೊದಲಿನ ಅಚ್ಚುಕಟ್ಟಾದ ವ್ಯವಸ್ಥೆ ಕಾಣಲಿಲ್ಲ. ಉತ್ಸವಕ್ಕೆ ಬಂದ ಸಾರ್ವಜನಿಕರು ವಿಕಾಸಾಶ್ರಮದ ಎದುರಿನ ಹೆದ್ದಾರಿಯಲ್ಲೇ ಸಾಲಾಗಿ ವಾಹನಗಳನ್ನು ನಿಲ್ಲಿಸಿದ್ದು, ಇದರಿಂದ ಸಂಚಾರ ಸಮಸ್ಯೆಯಾಯಿತು. ಎಲ್ಲೆಂದರಲ್ಲಿ ವಾಹನ ನಿಲ್ಲಿಸಿದ್ದರಿಂದ ನಗರಸಭೆ ಸಿಬ್ಬಂದಿಯೂ ಪರದಾಡಿದರು. ಜೊತೆಗೆ ಪದೇ ಪದೆ ಮೈಕ್‌ನಲ್ಲಿ `ಇಂಥ ವಾಹನ ರಸ್ತೆಗೆ ಅಡ್ಡಲಾಗಿದ್ದು, ಕೂಡಲೇ ತೆರವು ಮಾಡಿ’ ಎನ್ನುವ ಸಂದೇಶ ಜನರಿಗೆ ಬೇಸರ ತರಿಸಿತು.
- [ವಿಭೂತಿ ಜಲಪಾತ: ನೀರಿನಲ್ಲಿ ಮುಳುಗಿದವನಿಗೆ ಮರುಜೀವ!](https://mobiletime.in/2026/01/vibhuti-falls-drowned-man-brought-back-to-life/): ವಿಭೂತಿ ಜಲಪಾತದ ನೀರಿಗೆ ಬಿದ್ದಿದ್ದ ಪ್ರವಾಸಿಗರೊಬ್ಬರು ನೀರಿನ ಆಳಕ್ಕೆ ತಲುಪಿದ್ದು, ಅಲ್ಲಿನ ರಕ್ಷಣಾ ಸಿಬ್ಬಂದಿಯ ಸಮಯ ಪ್ರಜ್ಞೆಯಿಂದ ಬದುಕುಳಿದಿದ್ದಾರೆ. ಶಿರಸಿ-ಯಲ್ಲಾಪುರ-ಅಂಕೋಲಾ ಗಡಿ ಪ್ರದೇಶದ ವಿಭೂತಿ ಜಲಪಾತಕ್ಕೆ ಸೋಮವಾರ ಬರಪೂರ ಜನ ಬಂದಿದ್ದರು. ಅದರಂತೆ, ತಮಿಳುನಾಡಿನ ಆದಿತ್ಯೆ (19) ಅವರು ಸಹ ಜಲಪಾತ ನೋಡಲು ಸಮೀಪ ಹೋಗಿದ್ದರು. 40 ಜನರ ಜೊತೆ ಬಂದಿದ್ದ ಆದಿತ್ಯೆ ಅವರು ಎಲ್ಲರಿಗಿಂತ ಮುಂದೆ ಹೋಗಿ ಅಪಾಯಕ್ಕೆ ಸಿಲುಕಿದ್ದರು. ನೀರಿಗೆ ಹಾರಿ ಮುಳುಗುತ್ತಿದ್ದ ಅವರನ್ನು ಅಲ್ಲಿಯೇ ಇದ್ದ ಜೀರಕ್ಷಕ ಸಿಬ್ಬಂದಿ ವಿಜಯಕುಮಾರ ನಾಯಕ ಅವರು ನೋಡಿದರು. ತಕ್ಷಣ ತಮ್ಮ ಕೈಯಲ್ಲಿದ್ದ ಹಗ್ಗವನ್ನು ಹಳ್ಳಕ್ಕೆ ಎಸೆದ ಅವರು ಪ್ರವಾಸಿಗನ ರಕ್ಷಣೆಗೆ ಪ್ರಮುಖ ಪಾತ್ರವಹಿಸಿದರು. ಆ ಹಗ್ಗದ ಸಹಾಯದಿಂದ ಆದಿತ್ಯೆ ಅವರು ದಡ ತಲುಪಿದ್ದು, ತಮ್ಮ ಜೀವ ಉಳಿಸಿಕೊಂಡರು. `ಅಪಾಯಕಾರಿ ಸ್ಥಳಗಳಿಗೆ ಹೋಗಬೇಡಿ’
- [ಬೊಮ್ಮಾಯಿ: ತಲೆಯಲ್ಲಿ ಕೂದಲು ಮಾತ್ರ ಅಲ್ಲ.. ಬುದ್ದಿಯೂ ಇಲ್ಲ!](https://mobiletime.in/2026/01/bommai-not-only-is-there-no-hair-on-the-head-there-is-no-brain-either/): ಉತ್ತರ ಕನ್ನಡ ಜಿಲ್ಲೆಯ ಜೀವನಾಡಿಯಾಗಿರುವ ನದಿಗಳ ಮೇಲೆ ಮಾಜಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಕೆಟ್ಟದೃಷ್ಠಿ ಬೀರಿದ್ದಾರೆ. ಸಂಸದರಾಗಿರುವ ಅವರು ನದಿ ತಿರುವು ಯೋಜನೆ ಪರವಾಗಿ ಭಾಷಣ ಮಾಡಿದ್ದು, `ನಿಸರ್ಗ ಕೊಟ್ಟ ನದಿ ಒಂದು ಜಿಲ್ಲೆಗೆ ಮಾತ್ರ ಸೀಮಿತವಲ್ಲ’ ಎಂದು ಮೂರ್ಖತನದ ಮಾತನಾಡಿದ್ದಾರೆ. `ನದಿ ಉಳಿಸಿ’ ಅಭಿಯಾನದ ಅಂಗವಾಗಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ನಡೆದ ಅಭಿಯಾನಕ್ಕೆ ಪ್ರತಿಯಾಗಿ ಬಸವರಾಜ ಬೊಮ್ಮಾಯಿ ಅವರು ಹಾವೇರಿಯ ಹುಕ್ಕೇರಿಮಠದಲ್ಲಿ ಸಮಾವೇಶ ಮಾಡಿದ್ದಾರೆ. ಆ ಸಮಾವೇಶದಲ್ಲಿ `ಬೆಡ್ತಿ ವರದಾ ನದಿ ಜೋಡಣೆ ಯೋಜನೆ ನಮ್ಮ ಬದುಕಿನ ಪ್ರಶ್ನೆ’ ಎಂದು ಭಾಷಣ ಮಾಡಿದ್ದಾರೆ. ಆ ಭಾಗದ ಸರ್ವ ಪಕ್ಷದ ನಾಯಕರು ಸಭೆಗೆ ಆಗಮಿಸಿ ಚಪ್ಪಾಳೆ ಹೊಡೆದಿದ್ದಾರೆ. `ನಿಸರ್ಗ ತನ್ನದೇ ಆದ ರೀತಿಯಲ್ಲಿ ಸಮತೋಲನ ಕಾಯ್ದುಕೊಳ್ಳುತ್ತದೆ. ಆ ನದಿಯ ನೀರು ಅವರು ಇಟ್ಟಕೊಳ್ಳಲು ಸಾಧ್ಯವೂ ಇಲ್ಲ. ಪೂರ್ಣ ಬಳಕೆ ಮಾಡಲು ಅಸಾಧ್ಯ. ನದಿ ತುಂಬಿ ಹರಿಯುವಾಗ ಒಂದು ಕೊಡಪಾನ ನೀರು ತೆಗೆದರೆ ಏನೂ ಆಗುವುದಿಲ್ಲ. ನದಿ ಜೋಡಣೆಯಿಂದ ಪರಿಸರಕ್ಕೆ ಹಾನಿ ಆಗುವುದಿಲ್ಲ. ಅಲ್ಪ ಪ್ರಮಾಣದಲ್ಲಿ ಹಾನಿ ಆದರೂ ಅದಕ್ಕೆ ಪಯಾರ್ಯ ವ್ಯವಸ್ಥೆ ಮಾಡುತ್ತೇವೆ’ ಎಂದು ಬೊಮ್ಮಾಯಿ ಭಾಷಣದಲ್ಲಿ ಹೇಳಿದ್ದಾರೆ. ವಿವಿಧ ಮಠಾಧೀಶರ ಬೆಂಬಲಪಡೆದ ಬೊಮ್ಮಾಯಿ ಭಾವನಾತ್ಮಕವಾಗಿ ಜನರ ದಿಕ್ಕು ತಪ್ಪಿಸುವ ಕೆಲಸ ಶುರು ಮಾಡಿದ್ದಾರೆ. `ಎರಡು ಕಡೆಯಿಂದ ನೀರು ತೆಗೆದಾಗ ಡ್ಯಾಮ್ ಬದಲು ಬ್ಯಾರೆಜ್ ಕಟ್ಟುತ್ತೇವೆ. ನದಿ ಪಾತ್ರದ ಹೊರಗಡೆಯಿಂದ ನದಿ ನೀರನ್ನು ಲಿಪ್ಟ್ ಮಾಡುವ ವ್ಯವಸ್ಥೆ ಮಾಡುತ್ತೇವೆ. ನದಿ ಪಾತ್ರದ ಜನರ ಜೀವಕ್ಕೆ ಸಮಸ್ಯೆ ಆಗದ ಹಾಗೇ ನೋಡಿಕೊಳ್ಳುತ್ತೇವೆ. ನಿಮ್ಮೂರಿನ ಮುಂದಿನ ಭವಿಷ್ಯ ತೀರ್ಮಾನ ಮಾಡುವುದು ಬೆಡ್ತಿ ವರದಾ ನದಿ ಜೋಡಣೆಯಿಂದ ಮಾತ್ರ ಸಾಧ್ಯ’ ಎಂದು ಹೇಳಿದ್ದಾರೆ. `ನದಿ ತಿರುವು ಯೋಜನೆಗೆ ಈಗಾಗಲೇ ಕೇಂದ್ರ ಸರ್ಕಾರ ಒಪ್ಪಿದೆ. ಈಗ ಡಿಪಿಆರ್ ಮಾಡಲು ಎಂಒಯು ಸೈನ್ ಆಗಿದೆ. ಅವರು ವಿರೋಧ ಮಾಡಿದ ಮಾತ್ರಕ್ಕೆ ನಾವು ವಿರೋಧ ಮಾಡಲು ಸಾಧ್ಯವಿಲ್ಲ. ನದಿ ತಿರುವಿನ ನೀರು ನಮ್ಮ ಬದುಕಿನ ಪ್ರಶ್ನೆ’ ಎಂದು ಬಸವರಾಜ ಬೊಮ್ಮಾಯಿ ಹೇಳಿದ್ದಾರೆ. `ಈ ಯೋಜನೆ ನಮ್ಮ ಬದುಕಿನ ಹೋರಾಟವಾಗಿದ್ದು, 25 ವರ್ಷಗಳಿಂದ ಪ್ರಯತ್ನ ನಡೆದಿದೆ. ನಮಗೆ ಎಷ್ಟು ನೀರು ಬೇಕು ಅದನ್ನು ನಾವುಪಡೆಯಬೇಕು. ಅದಕ್ಕಾಗಿ ಇನ್ನಷ್ಟು ಹೋರಾಟ ನಡೆಸಬೇಕು. ಈ ಬಗ್ಗೆ ಜನ ಜಾಗೃತಿ ಅಗತ್ಯ’ ಎಂದೂ ಹೇಳಿದ್ದಾರೆ. `ಸುಧೀರ್ಘ ಹೋರಾಟಕ್ಕೆ ಜನ ಸೇರಬೇಕು. ಬೇಸರ ಮಾಡಿಕೊಳ್ಳದೇ ಹೋರಾಟಕ್ಕೆ ಬರಬೇಕು. ನಮ್ಮ ಪ್ರಯತ್ನದಲ್ಲಿ ಸ್ವಲ್ಪ ಹೆಚ್ಚು-ಕಡಿಮೆ ಆದರೂ ಸಮಸ್ಯೆ ಆಗಲಿದ್ದು, ಸಮಸ್ಯೆ ತಡೆಯಲು ತಕಬದ್ಧವಾಗಿ ಕೆಲಸ ಮಾಡಿ ಜಯಗಳಿಸಬೇಕು’ ಎಂದು ಹಾವೇರಿ ಜನರನ್ನು ಹೋರಾಟಕ್ಕೆ ಬರುವಂತೆ ಪ್ರೇರೇಪಿಸಿದ್ದಾರೆ. `ನೀರಾವರಿ ಯೋಜನೆಗೆ ಸಾಕಷ್ಟು ಅಡೆತಡೆಗಳಿರುತ್ತವೆ. ಅದನ್ನು ಮೀರಿ ಹೋರಾಟ ನಡೆಸಬೇಕು’ ಎಂದವರು ಹೇಳಿದ್ದಾರೆ.
- [ಕೋಣ ಕೊಂದ ಕೃಷ್ಣಪ್ರಸಾದ!](https://mobiletime.in/2026/01/krishnaprasad-killed-the-corner/): ಯಲ್ಲಾಪುರ ತೆಲಂಗಾರದ ಕೃಷ್ಣಪ್ರಸಾದ ಶೇಟ್ ಅವರು ಕೋಣಕ್ಕೆ ಬೈಕ್ ಗುದ್ದಿದ್ದು, ಡಿಕ್ಕಿಯ ರಭಸಕ್ಕೆ ಆ ಕೋಣ ಸಾವನಪ್ಪಿದೆ. ಕೃಷ್ಣಪ್ರಸಾದ ಶೇಟ್ ಅವರಿಗೂ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಯಲ್ಲಾಪುರದ ಚಿಮ್ನಳ್ಳಿ ಬಳಿಯ ತೆಲಂಗಾರದಲ್ಲಿ ಕೃಷ್ಣಪ್ರಸಾದ ಮಂಜುನಾಥ ಶೇಟ್ ಅವರು ವಾಸವಾಗಿದ್ದಾರೆ. 22 ವರ್ಷದ ಅವರು ಕೂಲಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ.ಜನವರಿ 23ರಂದು ಸಹ ಅವರು ವೇಗವಾಗಿ ಬೈಕ್ ಓಡಿಸಿದ ಪರಿಣಾಮ ಬಿದ್ದು ಪೆಟ್ಟು ಮಾಡಿಕೊಂಡಿದ್ದಾರೆ. ಆ ದಿನ ಸಂಜೆ ಯಲ್ಲಾಪುರಕ್ಕೆ ಬಂದಿದ್ದ ಕೃಷ್ಣಪ್ರಸಾದ ಶೇಟ್ ಅವರು ರಾತ್ರಿ ಚಿಮ್ನಳ್ಳಿ ಕಡೆ ಹೊರಟಿದ್ದರು. ಬೈಕ್ ಓಡಿಸಿಕೊಂಡು ಹೊರಟ ಅವರಿಗೆ ಬಿದ್ರೆಮನೆ ಕ್ರಾಸಿನ ಬಳಿ ಕೋಣವೊಂದು ಎದುರಾಯಿತು. ಆ ಕೋಣಕ್ಕೆ ಅವರು ಬೈಕ್ ಡಿಕ್ಕಿ ಹೊಡೆದರು. ಡಿಕ್ಕಿಯ ರಭಸಕ್ಕೆ ಕೋಣ ಅಲ್ಲಿಯೇ ಸಾವನಪ್ಪಿತು. ಬೈಕಿನಿಂದ ಬಿದ್ದ ಕೃಷ್ಣಪ್ರಸಾದರಿಗೂ ಪೆಟ್ಟಾಯಿತು. ಎಡ ಕೈ, ತಲೆ ಹಿಂಭಾಗ ಗಾಯ ಮಾಡಿಕೊಂಡ ಕೃಷ್ಣಪ್ರಸಾದ ಅವರ ಮೂಗಿನಿಂದಲೂ ರಕ್ತ ಸುರಿಯುತ್ತಿತ್ತು. ಅಪಘಾತಕ್ಕೀಡಾದ ಬೈಕ್ ಸಹ ನುಚ್ಚು ನೂರಾಗಿತ್ತು. ಹೆಂಡತಿಯ ತಮ್ಮನಿಗೆ ಆದ ಅಪಘಾತದ ಬಗ್ಗೆ ಅರಿತು ಯಲ್ಲಾಪುರದ ದೇಹಳ್ಳಿ ಬಳಿಯ ಕುಂಬ್ರಾಳದ ಮಂಜುನಾಥ ಶ್ರೀಧರ ಮಹಾಲೆ ಅವರು ಸ್ಥಳಕ್ಕೆ ದೌಡಾಯಿಸಿದರು. ಅಪಘಾತ ನೋಡಿದವರಿಂದ ಮಾಹಿತಿಪಡೆದು ಪೊಲೀಸ್ ದೂರು ದಾಖಲಿಸಿದರು. ಮನವಿ: ಈ ಅಪಘಾತದಲ್ಲಿ ಗಾಯಗೊಂಡ ಕೃಷ್ಣಪ್ರಸಾದ ಅವರ ಪರಿಸ್ಥಿತಿ ಗಂಭೀರವಾಗಿದ್ದು, ಅವರು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಈ ಬಗ್ಗೆ ಮಂಜುನಾಥ ಮಹಾಲೆ ಅವರು ದಾಖಲೆ ಹಂಚಿಕೊAಡಿದ್ದು, ಸಹಾಯಕ್ಕಾಗಿ ಮನವಿ ಮಾಡಿದ್ದಾರೆ. `ಅತಿ ವೇಗ ಅಪಾಯಕ್ಕೆ ಕಾರಣ’
- [ಇದೇಂಥ ದೇಶಭಕ್ತಿ?!!](https://mobiletime.in/2026/01/is-this-kind-of-patriotism/): ಜನವರಿ 26ರ ಗಣರಾಜ್ಯೋತ್ಸವವನ್ನು ಅದ್ಧೂರಿಯಾಗಿ ಆಚರಿಸುವುದಕ್ಕೆ ಸರ್ಕಾರ ಸಿದ್ಧತೆ ನಡೆಸಿದರೆ, ರಾಷ್ಟ್ರೀಯ ಹಬ್ಬದ ಮಹತ್ವ ಅರಿಯದ ಪುಂಡ-ಪೋಕರಿಗಳು ಸಾಲು ಸಾಲು ರಜೆ ಹಿನ್ನಲೆ ಮೋಜು-ಮಸ್ತಿಯ ಕಡೆ ಮನಸ್ಸು ಮಾಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಗೋಕರ್ಣಕ್ಕೆ ದೌಡಾಯಿಸಿದ ಅನೇಕರು ಬೀದಿ ಬೀದಿಯಲ್ಲಿ ಬೀಡಿ-ಸಿಗರೇಟು ಸೇದಿ ಹಬ್ಬದ ವಾತಾವರಣವನ್ನು ಹದಗೆಡಿಸಿದ್ದಾರೆ. ವಾರಾಂತ್ಯದ ಅವಧಿಯಲ್ಲಿ ಗೋಕರ್ಣಕ್ಕೆ ಸಾವಿರಾರು ಪ್ರವಾಸಿಗರು ಬರುತ್ತಾರೆ. ಅದರಲ್ಲಿಯೂ ಸೋಮವಾರವೂ ರಜೆ ಸಿಕ್ಕರೆ ಪ್ರವಾಸಿಗರ ಸಂಖ್ಯೆ ದುಪ್ಪಟ್ಟಾಗುತ್ತದೆ. ಸರ್ಕಾರಿ ನೌಕರರ ಜೊತೆ ಬ್ಯಾಂಕ್ ಸಿಬ್ಬಂದಿ ಸಹ ಹೆಚ್ಚಿನ ಪ್ರಮಾಣದಲ್ಲಿ ಗೋಕರ್ಣಕ್ಕೆ ಬರುತ್ತಿದ್ದು, ಈ ಬಾರಿ ಗಣರಾಜ್ಯೋತ್ಸವ ಆಚರಣೆಯಲ್ಲಿ ಭಾಗವಹಿಸಬೇಕಾದ ಅನೇಕರು ಕಡಲಿನಲ್ಲಿ ಮೋಜು-ಮಸ್ತಿ ಮಾಡುತ್ತಿದ್ದಾರೆ. ಅದರಲ್ಲಿಯೂ, ಸಾರ್ವಜನಿಕ ಪ್ರದೇಶದಲ್ಲಿ ನಿಷೇಧವಿರುವ ಧೂಮಪಾನ ಹಾಗೂ ಮದ್ಯಪಾನ ಮಾಡುವವರು ಎಲ್ಲಡೆ ಕಾಣಿಸುತ್ತಿದ್ದಾರೆ. ಮಹಾನಗರದಲ್ಲಿನ ವಿವಿಧ ಕಂಪನಿಯವರು ಸುಧೀರ್ಘ ರಜೆ ಹಿನ್ನಲೆ ಉತ್ತರ ಕನ್ನಡ ಪ್ರವಾಸಕ್ಕೆ ಬಂದಿದ್ದಾರೆ. ಕೆಲ ಕಂಪನಿಯ ಉದ್ಯೋಗಿಗಳು ಕುಟುಂಬಸಹಿತ ಗೋಕರ್ಣಕ್ಕೆ ಬಂದಿದ್ದು, ಅವರ ಮಕ್ಕಳು ಸಹ ಈ ಬಾರಿಯ ಗಣರಾಜ್ಯೋತ್ಸವ ಆಚರಣೆಯಲ್ಲಿ ಪಾಲ್ಗೊಂಡಿಲ್ಲ. ಸೋಮವಾರ ರಾಷ್ಟಿçÃಯ ಹಬ್ಬ ಬಂದರೆ ಹಬ್ಬ ಆಚರಿಸದೇ ಮೋಜು-ಮಸ್ತಿಗೆ ಬರುವುದು ಇದೇ ಮೊದಲಲ್ಲ. ವಿವಿಧ ಚುನಾವಣೆಗಳಲ್ಲಿ ಮತದಾನವನ್ನು ಸಹ ತಪ್ಪಿಸಿ ಪ್ರವಾಸಕ್ಕೆ ಬರುವವರು ಹೆಚ್ಚಿದ್ದು, ಯುವಕರೇ ಹೆಚ್ಚಿನ ಪ್ರಮಾಣದಲ್ಲಿ ಮೋಜು-ಮಸ್ತಿಗಾಗಿ ಅಲೆದಾಟ ನಡೆಸುತ್ತಿದ್ದಾರೆ.
- [ಸಂತೆ ಅಲ್ಲ... ಸರಾಯಿ ಮಾರುಕಟ್ಟೆ!](https://mobiletime.in/2026/01/not-a-market-sarai-market/): ಕುಮಟಾದ ಸಂತೆ ಮಾರುಕಟ್ಟೆ ಸಂಪೂರ್ಣವಾಗಿ ಸರಾಯಿ ಬಾಟಲಿಗಳಿಂದ ಕೂಡಿದೆ. ಸಂತೆ ಮಾರುಕಟ್ಟೆ ಒಳಗೆ ಪ್ರವೇಶಿಸುತ್ತಲೇ ಎಲ್ಲೆಂದರಲ್ಲಿ ಕಸ ಹಾಗೂ ಸರಾಯಿ ಬಾಟಲಿಗಳು ಕಾಣಿಸುತ್ತಿವೆ. ಪ್ರತಿ ಬುಧವಾರ ಕುಮಟಾದಲ್ಲಿ ಸಂತೆ ನಡೆಯುತ್ತಿದೆ. ಇಲ್ಲಿನ ಎಪಿಎಂಸಿ ಮಾರುಕಟ್ಟೆಗೆ ಸಾವಿರಾರು ಜನ ಆಗಮಿಸಿ ತಮ್ಮ ನೆಚ್ಚಿನ ತರಕಾರಿ ಖರೀದಿಸುತ್ತಾರೆ. ಸುತ್ತಲಿನ ರೈತರ ಜೊತೆ ಬೇರೆ ಬೇರೆ ಜಿಲ್ಲೆಯ ರೈತರು ಆ ದಿನ ಇಲ್ಲಿಗೆ ಆಗಮಿಸಿ ವ್ಯಾಪಾರ ಮಾಡುತ್ತಾರೆ. ವ್ಯಾಪಾರ-ವಹೀವಾಟು ನಡೆಯುವ ಸ್ಥಳಕ್ಕೆ ಸ್ಥಳೀಯ ಆಡಳಿತ ಬಾಡಿಗೆ ವಸೂಲಿ ಮಾಡುತ್ತಿದ್ದರೂ ಅಲ್ಲಿನ ಸ್ವಚ್ಛತೆಗೆ ಗಮನ ಕೊಟ್ಟಿಲ್ಲ. ಎಲ್ಲೆಂದರಲ್ಲಿ ಸರಾಯಿ ಬಾಟಲಿಗಳ ಜೊತೆ ಪ್ಲಾಸ್ಟಿಕ್ ತ್ಯಾಜ್ಯವೂ ಸಂತೆ ಮಾರುಕಟ್ಟೆ ಆವರಣವನ್ನು ತುಂಬಿದೆ. ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಹಾಗೂ ಸುಧಾಕರ ನಾಯ್ಕ ಈ ವಿಷಯವನ್ನು ಮಾಧ್ಯಮದವರ ಗಮನಕ್ಕೆ ತಂದಿದ್ದಾರೆ. ಆ ಪ್ರದೇಶದಲ್ಲಿ ಜಾನುವಾರುಗಳು ಸಹ ಪ್ಲಾಸ್ಟಿಕ್ ತ್ಯಾಜ್ಯ ಸೇವಿಸುತ್ತಿರುವುದನ್ನು ಅವರು ಪ್ರಸ್ತಾಪಿಸಿದ್ದು, ಸ್ವಚ್ಛತೆ ಕಾಪಾಡುವಂತೆ ಆಗ್ರಹಿಸಿದ್ದಾರೆ. `ಕೆಲ ಗೂಡಂಗಡಿಗಳಲ್ಲಿ ಅನಧಿಕೃತ ಸರಾಯಿ ಮಾರಾಟ ನಡೆಯುತ್ತಿದೆ’ ಎಂದು ಅವರು ದೂರಿದ್ದಾರೆ.
- [ವಿಮೆ: ವಂಚನೆ ಕುರಿತು ದೂರು-ಸ್ಪಷ್ಠನೆ](https://mobiletime.in/2026/01/vehicle-insurance-if-you-insure-him-you-wont-get-any-compensation/): ಅಪಘಾತ ಪ್ರಕರಣದಲ್ಲಿ ಪರಿಹಾರಪಡೆಯಲು ವಾಹನ ವಿಮೆ ಕಡ್ಡಾಯವಾಗಿದ್ದು, ನಕಲಿ ವಿಮೆ ಮಾಡಿಸಿದ ಬಗ್ಗೆ ಯಲ್ಲಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕಲ್ಲೇಶ್ವರದ ಕೃಷ್ಣ ನಾಯ್ಕ ಅವರ ವಿರುದ್ಧ ರಾಯಲ್ ಸುಂದರo ಜನರಲ್ ಇನ್ಸುರೆನ್ಸ ಕಂಪನಿಯ ತನಿಖಾಧಿಕಾರಿ ಕರಿಬಸವೇಶ್ವರ ಹೊಳೆಮ್ಮನವರ್ ಅವರು ದೂರು ನೀಡಿದ್ದಾರೆ. ‘ನಾನು ವಿಮಾ ಪ್ರತಿನಿಧಿಯೇ ಅಲ್ಲ. ಅಪಘಾತದ ಅವಧಿಯಲ್ಲಿ ನಾನು ಲಾರಿ ಚಾಲಕನಾಗಿದ್ದು, ವಿಮೆಗೆ ಹಾಗೂ ತನಗೆ ಸಂಬoಧವೇ ಇಲ್ಲ’ ಎಂದು ಕೃಷ್ಣ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. 2020ರ ಜುಲೈ 2ರಂದು ಯಲ್ಲಾಪುರದ ದೇಶಪಾಂಡೆ ನಗರದಲ್ಲಿ ಅಪಘಾತವೊಂದು ನಡೆದಿತ್ತು. ಆ ದಿನ ಚಾಲಕ ಜಗದೀಶ ಮದ್ನೂರು ಅವರು ತಾವು ಓಡಿಸುವ ಭಾರತ್ ಬೆಂಜ್ ಲಾರಿಯನ್ನು ಹೆದ್ದಾರಿ ಪಕ್ಕ ನಿಲ್ಲಿಸಿ ಹೋಗಿದ್ದರು. ಆ ಲಾರಿಗೆ ಹಿಂದಿನಿ0ದ ಮಿನಿ ಟ್ರಕ್ ಗುದ್ದಿದ ಪರಿಣಾಮ ಹಾವೇರಿಯ ಫಕ್ಕೀರೇಶ್ ಭಜಂತ್ರಿ ಎಂಬಾತರು ಸಾವನಪ್ಪಿದ್ದರು. ಜೊತೆಗೆ ಶಿವಕುಮಾರ ಎಂಬಾತರು ಗಾಯಗೊಂಡಿದ್ದರು. ಅಪಘಾತಕ್ಕೀಡಾದ ವಾಹನಕ್ಕೆ 2020ರ ಜೂನ್ 7ರಿಂದ ಮುಂದಿನ ಒಂದು ವರ್ಷದವರೆಗೆ ರಾಯಲ್ ಸುಂದರo ಜನರಲ್ ಇನ್ಸುರೆನ್ಸ ಕಂಪನಿಯ ವಿಮೆ ಮಾಡಿಸಿದ್ದು ಕಾಣಿಸಿತು. ಸಂತ್ರಸ್ತ ಕುಟುಂಬಕ್ಕೆ ವಿಮಾ ಪರಿಹಾರ ಕೊಡುವುದಕ್ಕಾಗಿ ವಿಮಾ ಕಂಪನಿ ಪ್ರತಿನಿಧಿಗಳು ವಿಚಾರಣೆ ನಡೆಸಿದರು. ಹುಬ್ಬಳ್ಳಿಯ ರಾಯಲ್ ಸುಂದರo ಜನರಲ್ ಇನ್ಸುರೆನ್ಸ ಕಂಪನಿಯ ತನಿಖಾಧಿಕಾರಿ ಕರಿಬಸವೇಶ್ವರ ಹೊಳೆಮ್ಮನವರ್ ಅವರು ಕಂಪನಿ ಪರವಾಗಿ ತನಿಖೆ ನಡೆಸಿದರು. ಆ ವೇಳೆ, ವಿಮಾ ಕಂಪನಿ ಹೆಸರಿನಲ್ಲಿ ನಕಲಿ ಬಾಂಡ್ ವಿತರಣೆ ನಡೆದಿರುವುದು ಗಮನಕ್ಕೆ ಬಂದಿತು. ಕಾರವಾರ ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ ನೋಂದಣಿಯಾದ ಲಾರಿಗೆ ಆರೋಪಿತರು ನಕಲಿ ವಿಮಾ ಪತ್ರ ನೀಡಿದ ಬಗ್ಗೆ ಅವರು ದೂರಿದ್ದಾರೆ. ಸ್ಪಷ್ಠನೆ: `ನಾನು ವಿಮಾ ಪ್ರತಿನಿಧಿಯೇ ಅಲ್ಲ. ಅಪಘಾತದ ಅವಧಿಯಲ್ಲಿ ನಾನು ಲಾರಿ ಚಾಲಕನಾಗಿದ್ದು, ವಿಮೆಗೆ ಹಾಗೂ ತನಗೆ ಸಂಬoಧವೇ ಇಲ್ಲ’ ಎಂದು ಕೃಷ್ಣ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. ‘ಆ ವೇಳೆ ಅಪಘಾತ ಆಗಿದ್ದು ನಿಜ.‌ ಸಾವು-ನೋವಾಗಿರುವುದು ಸತ್ಯ. ಆದರೆ, ವಿಮೆ ಹಾಗೂ ವಂಚನೆ ವಿಷಯ ತಮಗೆ ಸಂಬಂಧಿಸಿದಲ್ಲ. ಲಾರಿ ಚಾಲಕನಾಗಿದ್ದ‌ ನಾನು ವಿಮೆ ಮಾಡಿಸುವ ಅಧಿಕಾರವನ್ನು ಹೊಂದಿಲ್ಲ’ ಎಂದವರು ಹೇಳಿದ್ದಾರೆ.
- [ಅಲೆಗಳ ಅಬ್ಬರಕ್ಕೆ ಕಾಲೇಜು ಕನ್ಯೆಯ ಕೊನೆಯುಸಿರು: ಡಾಕ್ಟರ್ ಆಗಬೇಕಿದ್ದ ಕನಸು ನುಚ್ಚು ನೂರು!](https://mobiletime.in/2026/01/college-girl-dies-in-the-crash-of-waves-her-dream-of-becoming-a-doctor-shattered/): ಡಾಕ್ಟರ್ ಆಗಬೇಕು ಎಂದು ಕನಸು ಕಂಡಿದ್ದ ಕಲ್ಯಾಣಿ ಅವರ ಬದುಕು ಗೊಕರ್ಣ ಸಮುದ್ರದಲ್ಲಿ ಅಂತ್ಯವಾಗಿದೆ. ಕೇರಳದ ಕಲ್ಯಾಣಿ ಅವರು ತಮ್ಮ ಸಹಪಾಠಿಗಳ ಜೊತೆ ಗೋಕರ್ಣಕ್ಕೆ ಬಂದಿದ್ದು, ಕಡಲತೀರದಲ್ಲಿ ಆಟವಾಡುವಾಗ ಅರಬ್ಬಿ ಸಮುದ್ರದ ಅಲೆಗೆ ಕೊಚ್ಚಿ ಹೋಗಿದ್ದಾರೆ. ಸಾಕಷ್ಟು ಹುಡುಕಾಟದ ನಂತರ ಅವರ ಶವ ಸಿಕ್ಕಿದೆ. ಕೇರಳದ ಕಲ್ಯಾಣಿ (22) ಅವರು ಕೊಪ್ಪಳದ ಕೆಎಂಸಿ ವೈದ್ಯಕೀಯ ಕಾಲೇಜಿನಲ್ಲಿ ಓದುತ್ತಿದ್ದರು. ಅಲ್ಲಿನ 11 ಜನರ ಜೊತೆ ಅವರು ಭಾನುವಾರ ಗೋಕರ್ಣಕ್ಕೆ ಬಂದಿದ್ದರು. ಸಂಜೆ ಕಡಲತೀರದಲ್ಲಿ ಆಟವಾಡುವ ವೇಳೆ ಕಲ್ಯಾಣಿ ಅವರು ಕೊಚ್ಚಿ ಹೋಗಿದ್ದು, ಅವರ ಜೊತೆ ಇನ್ನೊಬ್ಬರು ಸಹ ಸಮುದ್ರ ಪಾಲಾಗಿದ್ದರು. ಆ ವೇಳೆ ಅಲ್ಲಿದ್ದ ಜೀವರಕ್ಷಕ ಸಿಬ್ಬಂದಿ ಒಬ್ಬರನ್ನು ರಕ್ಷಿಸಿದ್ದರು. ಸಮುದ್ರದ ನೀರು ಕುಡಿದಿದ್ದ ಮಹಮದ್ ಅಲಿ ಅವರನ್ನು ರಕ್ಷಣಾ ಸಿಬ್ಬಂದಿ ದಡಕ್ಕೆ ತಂದಿದ್ದು, ಅವರನ್ನು ಆಂಬುಲೆನ್ಸಿನ ಮೂಲಕ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ, ಕಲ್ಯಾಣಿ ಅವರ ಹುಡುಕಾಟ ನಡೆದರೂ ಅವರು ಸಿಗಲಿಲ್ಲ. ಅಂಕೋಲಾ ತಾಲೂಕ ಆರೋಗ್ಯಾಧಿಕಾರಿ ಡಾ ಜಗದೀಶ ನಾಯ್ಕ ಅವರು ಅಲಿ ಅವರಿಗೆ ಚಿಕಿತ್ಸೆ ನೀಡಿ ಜೀವ ಕಾಪಾಡಿದರು. ಈ ನಡುವೆ ಸಮುದ್ರ ಪಾಲಾದ ಕಲ್ಯಾಣಿ ಅವರ ಹುಡುಕಾಟಕ್ಕೆ ಅಗ್ನಿಶಾಮಕ ಸಿಬ್ಬಂದಿಯೂ ಬಂದರು. ಸಾಕಷ್ಟು ಶೋಧದ ನಂತರ ರಾತ್ರಿ ಅವರ ಶವ ಸಿಕ್ಕಿತು. ಕಾರವಾರದ ಶವಾಗಾರದಲ್ಲಿ ಕಲ್ಯಾಣಿ ಅವರ ದೇಹವಿರಿಸಲಾಗಿದೆ. ಪೊಲೀಸರು ಸ್ಥಳ ಭೇಟಿ ಮಾಡಿದ್ದಾರೆ. ಕಲ್ಯಾಣಿ ಅವರ ಕುಟುಂಬದವರು ಆಗಮಿಸುತ್ತಿದ್ದು, ಮರಣೋತ್ತರ ಪರೀಕ್ಷೆ ನಂತರ ಶವ ಹಸ್ತಾಂತರ ನಡೆಯಲಿದೆ. `ಅಪಾಯಕಾರಿ ಸ್ಥಳದಲ್ಲಿ ಅತಿಯಾದ ಮೋಜು ಒಳಿತಲ್ಲ’
- [ಬೆಳಗ್ಗೆ ನಿಶ್ಚಿತಾರ್ಥ.. ರಾತ್ರಿ ಹೊಡೆದಾಟ!](https://mobiletime.in/2026/01/engagement-in-the-morning-fight-at-night/): ದಾಂಡೇಲಿಯಲ್ಲಿ ನಡೆದ ನಿಶ್ಚಿತಾರ್ಥ ಕಾರ್ಯಕ್ರಮದಲ್ಲಿ ಗಲಾಟೆ ನಡೆದಿದೆ. ನಿಶ್ಚಿತಾರ್ಥಕ್ಕೆ ಬಂದವರು ದೊಡ್ಡ ಜಗಳವಾಡಿ ಕೈ ಕೈ ಮಿಲಾಯಿಸಿಕೊಂಡಿದ್ದಾರೆ. ಜನವರಿ 22ರಂದು ತೋಹಿದ್ ಶಾಲೆಯ ಮುಂದಿನ ಮೈದಾನದಲ್ಲಿ ವಿವಾಹ ನಿಶ್ಚಯ ಕಾರ್ಯಕ್ರಮವೊಂದು ನಡೆಯುತ್ತಿತ್ತು. ಆ ಕಾರ್ಯಕ್ರಮ ಮುಗಿಯುವಾಗ ರಾತ್ರಿ ಆಗಿದ್ದು, ರಾತ್ರಿ 11 ಗಂಟೆ ವೇಳೆಗೆ ಅಲ್ಲಿ ಗಲಾಟೆ ಶುರುವಾಯಿತು. ಎರಡು ಗುಂಪಿನ ಜನ ಪರಸ್ಪರ ಕೂಗಿ ಜಗಳ ಶುರು ಮಾಡಿದರು. ನಡುವೆ ಅವರಿವರ ನಡುವೆ ವಾಗ್ವಾದ ಜೋರಾಗಿದ್ದು, ಅದು ಹೊಡೆದಾಟದ ಸ್ವರೂಪಪಡೆಯಿತು. ದಾಂಡೇಲಿ ಗಾಂಧೀನಗರ ರಾಮ ಅಶೋಕ ಕಂಜರಬಾಟ್, ಸುನಿಲ ಅನಿಲ ಕಂಜರಬಾಟ್, ರೋಹನ್ ಇಂದ್ರಜಿತ್ ಕಂಜರಬಾಟ್ ಹಾಗೂ ಕಿರಣ ಅನಿಲ ಕಂಜರಬಾಟ್ ಸೇರಿ ಗಲಾಟೆ ಶುರು ಮಾಡಿದರು. ಗಾಂಧೀನಗರದ ಕಂಜರಬಾಟಿನ ದೀಪಕ ಸೂರ ಕಂಜರಬಾಟ್, ಪೃಮ ಜಿತೇಂದ್ರ ಕಂಜರಬಾಟ್, ಗಣೇಶ ದೀಪಕ ಕಂಜರಬಾಟ್, ರಿಹಾನ್ ಸುಧೀರ ಕಂಜರಬಾಟ್, ಸುಮೀತ ಸೂರಜ ಕಂಜರಬಾಟ್ ಅವರ ಜೊತೆ ಚಾಂದಿನಿ ದೀಪಕ ಕಂಜರಬಾಟ್, ಆಸ್ಮಾ ದೀಪಕ ಕಂಜರಬಾಟ್, ರೇಷ್ಮಾ ಸುಧೀರ ಕಂಜರಬಾಟ್ ಈ ಜಗಳವನ್ನು ದೊಡ್ಡದಾಗಿ ಮಾಡಿದರು. ಈ ಗಲಾಟೆ ಬಗ್ಗೆ ಅರಿತ ದಾಂಡೇಲಿ ನಗರ ಪೊಲೀಸ್ ಠಾಣೆ ಎಸೈ ಮಂಜುನಾಥ ದೇಮಟಿ ಅವರು ಅಲ್ಲಿಗೆ ಧಾವಿಸಿದರು. ಆ ಎರಡು ಕಡೆಯವರನ್ನು ಸಮಾಧಾನ ಮಾಡುವ ಪ್ರಯತ್ನ ಮಾಡಿದರು. ಪೊಲೀಸರ ಮುಂದೆಯೇ ಎರಡು ಗುಂಪಿನವರು ಕೈ ಕೈ ಮಿಲಾಯಿಸಿಕೊಂಡಿದ್ದು, ಶಾಂತತಾ ಭಂಗ ಮಾಡಿದ ಕಾರಣ ಆ 12 ಜನರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಬೈಕಿನಿಂದ ಬಿದ್ದ ಯುವಕನ ಬದುಕು ಅಂತ್ಯ](https://mobiletime.in/2026/01/a-young-mans-life-ends-after-falling-off-a-bike/): ಒಳ್ಳೆಯ ಉದ್ಯೋಗ, ಕೈ ತುಂಬ ಸಂಪಾದನೆ, ನೆಮ್ಮದಿಯ ಜೀವನವಿದ್ದರೂ ಜೊಯಿಡಾದ ವೈ ಸಚಿನ್ ಸಾವರ್ಡೆಕರ್ ಅವರಿಗೆ ಜೀವನವನ್ನು ಅನುಭವಿಸಲು ಸಾಧ್ಯವಾಗಲಿಲ್ಲ. ವೇಗದ ಬೈಕ್ ಚಾಲನೆ ಅವರ ಬದುಕು ಕಸಿದುಕೊಂಡಿದ್ದು, ಕುಟುಂಬದವರಿಗೆ ಆಧಾರವಾಗಬೇಕಿದ್ದ ಜೊಯಿಡಾದ ಸಚಿನ್ ಸಾವರ್ಡೆಕರ್ ಇದೀಗ ಶವವಾಗಿದ್ದಾರೆ. ಜೊಯಿಡಾದ ಕುರುವೈ ಸಚಿನ್ ಸಾವರ್ಡೆಕರ್ (25) ಅವರು ವಾಸವಾಗಿದ್ದರು. ಗೋವಾದ ಖಾಸಗಿ ಕಂಪನಿಯಲ್ಲಿ ಅವರು ಒಳ್ಳೆಯ ಉದ್ಯೋಗದಲ್ಲಿದ್ದರು. ಶ್ರಮಜೀವಿ ಆಗಿದ್ದ ಅವರಿಗೆ ಇನ್ನಷ್ಟು ಉನ್ನತ ಹುದ್ದೆ ಅಲಂಕರಿಸುವ ಅವಕಾಶವಿದ್ದಿತು. ಆದರೆ, ವೇಗವ ಬೈಕ್ ಚಾಲನೆ ಅವರ ಬದುಕನ್ನು ಕಿತ್ತುಕೊಂಡಿತು. ರಾಮನಗರ-ಗೋವಾ ರಾಷ್ಟ್ರೀಯ ಹೆದ್ದಾರಿಯ ಆನಮೋಡ ಘಟ್ಟ ಭಾನುವಾರ ರಾತ್ರಿ ನಡೆದ ಅಪಘಾತದಲ್ಲಿ ವೈ ಸಚಿನ್ ಸಾವರ್ಡೆಕರ್ ಅವರು ಕೊನೆಯುಸಿರೆಳೆದರು. ಸಚಿನ್ ಸಾವರ್ಡೆಕರ್ ಅವರು ಓಡಿಸುತ್ತಿದ್ದ ಬೈಕಿನಲ್ಲಿ ಸೋನಾರ್ವಾಡಿಯ ಅಮರ್ ಠಾಕೂರ್ ಅವರು ಜೊತೆಯಾಗಿದ್ದರು. ಗೋವಾ ಕಡೆ ಹೊರಟಿದ್ದ ಆ ಬೈಕು ಆನಮೋಡು ಘಟ್ಟ ಪ್ರದೇಶದಲ್ಲಿ ಚಾಲಕನ ನಿಯಂತ್ರಣ ತಪ್ಪಿದ್ದು, ಡಿವೈಡರಿಗೆ ಗುದ್ದಿತು. ಬೈಕ್ ಗುದ್ದಿದ ರಭಸಕ್ಕೆ ಸವಾರರಿಬ್ಬರು ನೆಲಕ್ಕೆ ಬಿದ್ದು ಗಾಯ ಮಾಡಿಕೊಂಡರು. ಅಪಘಾತ ನೋಡಿದ ಅಲ್ಲಿನ ಜನ ಆಂಬುಲೆನ್ಸಿಗೆ ಫೋನ್ ಮಾಡಿದರು. ಗಾಯಗೊಂಡವರನ್ನು ರಾಮನಗರ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಯಿತು. ಇನ್ನೂ ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಬೆಳಗಾವಿಗೆ ಸ್ಥಳಾಂತರಿಸುವ ಕೆಲಸ ನಡೆಯಿತು. ಆದರೆ, ಸಚಿನ್ ಸಾವರ್ಡೆಕರ್ ಅವರ ಸ್ಥಿತಿ ಗಂಭೀರವಾಗಿದ್ದು, ಅವರು ದಾರಿ ಮದ್ಯೆಯೇ ಪ್ರಾಣ ತ್ಯಜಿಸಿದರು. ಅಮರ್ ಠಾಕೂರ್ ಅವರನ್ನು ರಾಮನಗರದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗಿದ್ದು, ಅವರು ಚೇತರಿಸಿಕೊಳ್ಳುತ್ತಿದ್ದಾರೆ. `ಸಂಚಾರಿ ನಿಯಮ ಪಾಲಿಸಿ. ನಿಧಾನವಾಗಿ ವಾಹನ ಓಡಿಸಿ’
- [ಯುವಕನ ಜೀವ ತೆಗೆದ ಹೆದ್ದಾರಿ ಹಂಪ್!](https://mobiletime.in/2026/01/highway-hump-that-took-the-life-of-a-young-man/): ಕುಮಟಾದ – ಹೊನ್ನಾವರ ಹೆದ್ದಾರಿಯಲ್ಲಿನ ಅವೈಜ್ಞಾನಿಕ ಹಂಪ್ ವ್ಯಕ್ತಿಯೊಬ್ಬರ ಸಾವಿಗೆ ಕಾರಣವಾಗಿದೆ. ಬೈಕು ಹಂಪ್ ಹಾರಿದ ವೇಗಕ್ಕೆ ಸಹ ಸವಾರರೊಬ್ಬರು ನೆಲಕ್ಕೆ ಬಿದ್ದು ಸಾವಪ್ಪಿದ್ದಾರೆ. ಕುಮಟಾ ಪಟ್ಟಣದ ಪಶು ಆಸ್ಪತ್ರೆ ಎದುರು ಹಾದುಹೋದ ಹೆದ್ದಾರಿಯಲ್ಲಿ ನಾಲ್ಕು ಚಿಕ್ಕ ಚಿಕ್ಕ ಹಂಪುಗಳಿವೆ. ಆ ಹಂಪುಗಳಿಗೆ ಬಣ್ಣ ಬಡಿದಿಲ್ಲ. ವೈಜ್ಞಾನಿಕ ವಿಧಾನದಲ್ಲಿಯೂ ಆ ಹಂಪುಗಳಿಲ್ಲ. ಹೀಗಾಗಿ ಇಲ್ಲಿ ಪದೇ ಪದೇ ಅಪಘಾತಗಳಾಗುತ್ತಿದ್ದು, ಮೊನ್ನೆ ರಾತ್ರಿ ನಡೆದ ಅಪಘಾತದಲ್ಲಿ 23 ವರ್ಷದ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. 19 ವರ್ಷದ ವಿದ್ಯಾರ್ಥಿಯೊಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಕುಮಟಾ ಮಿರ್ಜಾನಿನ ವಿಕಾಸ ಮಧುಕರ ಪಟಗಾರ (19) ಅವರು ಶುಕ್ರವಾರ ರಾತ್ರಿ ಕುಮಟಾ ಮಾಸ್ತಿಕಟ್ಟೆ ಸರ್ಕಲ್ ಕಡೆಯಿಂದ ಹೊನ್ನಾವರ ಕಡೆ ಓಡಿದ ಬೈಕು ಓಡಿಸುತ್ತಿದ್ದರು. ಆ ಬೈಕಿನಲ್ಲಿ ಹೊಲನಗದ್ದೆಯ ಕಿರಣ ಶಿವಾನಂದ ಪಟಗಾರ (23) ಅವರು ಜೊತೆಯಿದ್ದರು. ಬೈಕು ವೇಗವಾಗಿ ಬಂದಿದ್ದು, ಹಂಪು ಹಾರಿತು. ಪರಿಣಾಮ ಶಿಲ್ಪಿಯಾಗಿದ್ದ ಕಿರಣ ಪಟಗಾರ ಅವರು ಬೈಕಿನಿಂದ ನೆಲಕ್ಕೆ ಬಿದ್ದು ಕೊನೆಯುಸಿರೆಳೆದರು. ವಿಕಾಸ ಪಟಗಾರ ಅವರು ಸಹ ಈ ಅಪಘಾತದಲ್ಲಿ ಪೆಟ್ಟು ಮಾಡಿಕೊಂಡರು. ಅಪಘಾತದ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ವೈಜ್ಞಾನಿಕ ತಳಹದಿಯ ಶಿಕ್ಷಣ ಅಗತ್ಯ](https://mobiletime.in/2026/01/science-based-education-is-necessary/): `ಮಕ್ಕಳ ಓದು ಹಾಗೂ ಕೌಶಲ್ಯ ಸರ್ಕಾರಿ ನೌಕರಿಗೆ ಮಾತ್ರ ಸೀಮಿತವಾಗಬಾರದು. ವೈಜ್ಞಾನಿಕ ತಳಹದಿಯಲ್ಲಿ ರೈತ, ಸೈನಿಕ ಸೇರಿ ವಿವಿಧ ವೃತ್ತಿ ಆಯ್ಕೆಗೂ ಅನುಕೂಲವಾಗುವ ಶಿಕ್ಷಣ ಪ್ರತಿಯೊಬ್ಬರಿಗೂ ದೊರೆಯಬೇಕು’ ಎಂದು ಕಾರವಾರದ ನ್ಯಾಯವಾದಿ ನಾಗರಾಜ ನಾಯಕ ಅವರು ಹೇಳಿದ್ದಾರೆ. ಅಮದಳ್ಳಿಯ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯ ವಾರ್ಷಿಕೋತ್ಸವದಲ್ಲಿ ಮಾತನಾಡಿದ ಅವರು `ಸಾಮಾಜಿಕ ಮೌಲ್ಯಗಳನ್ನು ಎತ್ತಿ ಹಿಡಿಯುವ ವಿದ್ಯಾಬ್ಯಾಸ ಈಗಿನ ಅಗತ್ಯಗಳಲ್ಲಿ ಒಂದು. ಪರಿಸರ ಸಂರಕ್ಷಣೆ, ಹೊಸ ಸಂಶೋಧನೆ, ಸಮರ್ಥ ನಾಯಕತ್ವ ಗುಣ ಬೆಳೆಸುವ ಉತ್ತಮ ಶಿಕ್ಷಣ ಶಾಲೆಯಲ್ಲಿ ದೊರೆಯಬೇಕು. ದೂರ ದೃಷ್ಟಿಯುಳ್ಳ ದೇಶ ಕಟ್ಟುವ ವ್ಯಕ್ತಿಯ ನಿರ್ಮಾಣ ಬಾಲ್ಯದಲ್ಲಿಯೇ ಕಲಿಸಬೇಕು’ ಎಂದು ಕರೆ ನೀಡಿದರು. `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯು ಗ್ರಾಮೀಣ ಭಾಗದಲ್ಲಿ ವಿಶೇಷ ಶಿಕ್ಷಣವನ್ನು ನೀಡುವ ಕೆಲಸ ಮಾಡುತ್ತಿದೆ. ಅದರ ಪರಿಣಾಮ ವಿದ್ಯಾರ್ಥಿಗಳು ಉತ್ತಮ ಪ್ರಜೆಗಳಾಗಿ ಹೊರಹೊಮ್ಮುತ್ತಿದ್ದಾರೆ’ ಎಂದರು. ಈ ವೇದಿಕೆಯಲ್ಲಿ ಸಾಧಕರನ್ನು ಸನ್ಮಾನಿಸಲಾಯಿತು. ಮಹಾದೇವ ದೇವಸ್ಥಾನದ ಪ್ರಧಾನ ಅರ್ಚಕ ಪಾಂಡುರAಗ ಜೋಷಿ, ಊರಿನ ಹಿರಿಯರಾದ ದುರ್ಗಾ ನಾಯ್ಕ, ಮಂಜುನಾಥ ಮಧುಗೆಕರ್, ಶಿವಮೊಗ್ಗ ಜಿಲ್ಲೆಯ ರೈತ ಸಂಘದ ಹೋರಾಟಗಾರ ಪಿ ಶೇಖರಪ್ಪ, ಪ್ರಾಚಾರ್ಯೆ ನಾಗರತ್ನ ಜೈರಂಗನಾಥ, ಉಪಪ್ರಾಚಾರ್ಯ ವಿನೋದ ಅಲ್ಮೆಡ, ಶಿಕ್ಷಕಿ ಟೀನಾ ಅಸ್ನೋಟಿ ವೇದಿಕೆ ಕಾರ್ಯಕ್ರಮ ನಿರ್ವಹಿಸಿದರು.
- [ಅಪಾಯಕ್ಕೆ ಸಿಲುಕಿದ ಪ್ರವಾಸಿಗ: ರಕ್ಷಣೆ](https://mobiletime.in/2026/01/tourist-in-danger-rescued/): ಗೋಕರ್ಣ ಕಡಲ ತೀರಕ್ಕೆ ಬಂದಿದ್ದ ಮೈಸೂರಿನ ಮಧು ಆಳ ಸಮುದ್ರದಲ್ಲಿ ಕೊಚ್ಚಿ ಹೋಗಿದ್ದು, ಇದನ್ನು ನೋಡಿದ ಜೀವರಕ್ಷಕ ಸಿಬ್ಬಂದಿ ತಮ್ಮ ಜೀವದ ಹಂಗು ಮರೆತು ಪ್ರವಾಸಿಗನ ಜೀವ ಕಾಪಾಡಿದ್ದಾರೆ. 10 ಜನ ಸ್ನೇಹಿತರ ಜೊತೆ ಮಧು ಗೋಕರ್ಣಕ್ಕೆ ಬಂದಿದ್ದರು. ಭಾನುವಾರ ಬೆಳಗ್ಗೆ ಅವರು ಕಡಲ ತೀರವನ್ನು ಪ್ರವೇಶಿಸಿದ್ದು, ಈಜು ಬಾರದಿದ್ದರು ನೀರಿಗೆ ಇಳಿದಿದ್ದರು. ಈ ವೇಳೆ ಅಲೆಗಳ ಅಬ್ಬರಕ್ಕೆ ಮಧು ಅವರು ಕೊಚ್ಚಿ ಹೋದರು. ಇದನ್ನು ನೋಡಿದ ಜೀವ ರಕ್ಷಕ ಸಿಬ್ಬಂದಿ ಮೋಹನ ಅಂಬಿಗ ಅವರು ಅಲ್ಲಿದ್ದ ಲೋಕೇಶ ಹರಿಕಂತ್ರ, ಶಿವಪ್ರಸಾದ್ ಅಂಬಿಗ ಹಾಗೂ ರೋಷನ್ ಖಾರ್ವಿ ಅವರನ್ನು ಕೂಗಿ ಕರೆದರು. ಈ ಎಲ್ಲರೂ ಸೇರಿ ಸಮುದ್ರಕ್ಕೆ ಹಾರಿ ಮಧು ಅವರ ಜೀವ ಕಾಪಾಡಿದರು. ಕಡಲ ತೀರದ ಸಿಬ್ಬಂದಿ ರವಿ ನಾಯ್ಕ್, ಪ್ರವಾಸಿ ಮಿತ್ರ ಶೇಖರ್ ಹರಿಕಂತ್ರ ಜೊತೆ ಜಸ್ಕಿ ಚಾಲಕ ದರ್ಶನ್ ಲಕ್ಕುಮನೆ, ಜಗ್ಗು ಹೊಸ್ಕಟ್ಟ, ದೀಪಕ್ ಗೌಡ, ಅಶೋಕ್ ಹೊಸಕಟ್ಟ, ಕಮಲಾಕರ್ ಹೊಸಕಟ್ಟ, ಮಹೇಶ್ ಹೊಸ್ಕಟ್ಟ, ಸಚಿನ್ ಹೊಸ್ಕಟ್ಟ ಸಹ ಕಾರ್ಯಾಚರಣೆಯಲ್ಲಿದ್ದರು. ಸಮುದ್ರದ ಅಪಾಯದ ಬಗ್ಗೆ ಅವರೆಲ್ಲರೂ ಪ್ರವಾಸಿಗರಿಗೆ ವಿವರಿಸಿದರು.
- [ಸುಳ್ಳು ಹೇಳಿದ ಸಚಿವ: ಸವಾಲು ಸ್ವೀಕರಿಸಿದ ಸಾಮಾಜಿಕ ಕಾರ್ಯಕರ್ತ!](https://mobiletime.in/2026/01/the-minister-who-lied-a-social-activist-who-accepted-the-challenge/): ಶಿರಸಿಗೆ ಬಂದಿದ್ದ ಸಚಿವ ಮಂಕಾಳು ವೈದ್ಯ ಅವರು ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರಿಗೆ ಅವಮಾನ ಮಾಡಿದ್ದು, ಸದ್ಯ ಅನಂತಮೂರ್ತಿ ಹೆಗಡೆ ಅವರು ಆ ಅವಮಾನಕ್ಕೆ ತಕ್ಕ ಉತ್ತರ ಕೊಟ್ಟಿದ್ದಾರೆ. ಶಿರಸಿಗೆ ಬಂದು ಸವಾಲು ಹಾಕಿದ ಸಚಿವರಿಗೆ ಉತ್ತರ ಕೊಡುವುದಕ್ಕಾಗಿ ಅನಂತಮೂರ್ತಿ ಹೆಗಡೆ ಅವರ ಅವರ ಸ್ವಕ್ಷೇತ್ರವಾದ ಭಟ್ಕಳಕ್ಕೆ ಹೋಗಿದ್ದಾರೆ. ಅಲ್ಲಿ ಸುದ್ದಿಗೋಷ್ಠಿ ನಡೆಸಿ ವಿವಿಧ ದಾಖಲೆಗಳನ್ನು ಬಿಡುಗಡೆ ಮಾಡಿದ್ದಾರೆ. `ಕಳೆದ 7 ವರ್ಷದ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಗೆ ಒಂದೇ ಒಂದು ಬಸ್ ಹೊಸದಾಗಿ ಬಂದಿಲ್ಲ. ಈಗ ಕಾಂಗ್ರೆಸ್ ಸರಕಾರ ಆಡಳಿತಕ್ಕೆ ಬಂದ ಮೇಲೆ ಹೊಸದಾಗಿ ಬಸ್ ಜಿಲ್ಲೆಗೆ ಖರೀದಿಸಲಾಗಿದೆ’ ಎಂದು ಮಂಕಾಳು ವೈದ್ಯ ಹೇಳಿದ್ದರು. ಆ ವೇಳೆಯಲ್ಲಿಯೇ ಅನಂತಮೂರ್ತಿ ಹೆಗಡೆ ಅದನ್ನು ವಿರೋಧಿಸಿದ್ದರು. `ಮಂಕಾಳ ವೈದ್ಯ ದಾಖಲೆಗಳಿಲ್ಲದೇ ಯಾವತ್ತೂ ಮಾತನಾಡುವುದಿಲ್ಲ ಮತ್ತು ಸುಳ್ಳು ಹೇಳುವುದಿಲ್ಲ’ ಎಂದು ಎಲ್ಲ ಅಧಿಕಾರಿಗಳ ಮುಂದೆ ಅನಂತಮೂರ್ತಿ ಹೆಗಡೆ ಅವರಿಗೆ ಅವಮಾನ ಮಾಡಿದ್ದರು. `ನಿಮ್ಮಲ್ಲಿ ದಾಖಲೆ ಇದ್ದರೆ ಬಿಡುಗಡೆ ಮಾಡಿ’ ಎಂದು ಸಹ ಮಂಕಾಳು ವೈದ್ಯ ಸವಾಲು ಹಾಕಿದ್ದರು. ಆ ಸವಾಲು ಸ್ವೀಕರಿಸದ ಅನಂತಮೂರ್ತಿ ಹೆಗಡೆ `2018-19 ಸಾಲಿನಿಂದ 22-23ಸಾಲಿನ ಬಿಜೆಪಿ ಸರಕಾರದ ಅವಧಿಯಲ್ಲಿ ಶಿರಸಿ ವಿಭಾಗಕ್ಕೆ 87 ಬಸ್ಸುಗಳು ಹೊಸದಾಗಿ ಖರೀದಿ ಆಗಿದೆ. ಅದರಲ್ಲಿ ಶಿರಸಿ ಘಟಕಕ್ಕೆ 28 ಹೊಸ ವಾಹನಗಳನ್ನು ಖರೀದಿ ಮಾಡಲಾಗಿದೆ’ ಎಂಬ ಅಂಶವನ್ನು ಬಹಿರಂಗಗೊಳಿಸಿದ್ದಾರೆ. ಶಿರಸಿಯ ಮಾರಿಕಾಂಬಾ ಜಾತ್ರಾ ಸಭೆಯಲ್ಲಿ ಸಚಿವರು ಸುಳ್ಳು ಹೇಳಿದ್ದಾರೆ’ ಎಂದು ಕಿಡಿಕಾರಿದ್ದಾರೆ. `ಸಚಿವರ ಕ್ಷೇತ್ರವಾದ ಮಂಕಿ ಚುನಾವಣೆಯಲ್ಲಿ ಮಂಕಾಳು ವೈದ್ಯ ಮುಖಭಂಗ ಅನುಭವಿಸಿದ್ದು, ಅದರ ಸಿಟ್ಟಿನಿಂದ ಬಿಜೆಪಿಗರನ್ನು ನಿಂದಿಸುತ್ತಿದ್ದಾರೆ. ಸುಳ್ಳು ಹೇಳುವುದು ಸಚಿವರಿಗೆ ಹೊಸದಲ್ಲ. ಬೇಡ್ತಿ ಸಮಾವೇಶದಲ್ಲಿ ಗುರುಗಳ ಎದುರಿಗೆ ಎಲ್ಲರೂ ಒಗ್ಗೂಡಿ ಈ ಯೋಜನೆಯನ್ನು ವಿರೋಧಿಸೋಣ ಎಂದಿದ್ದ ವೈದ್ಯರು ಮರುದಿನವೇ ರಾಜಕೀಯ ಮಾತನಾಡಿದ್ದು ಸಹ ಸ್ಮರಿಸಬೇಕು’ ಎಂದು ಅನಂತಮೂರ್ತಿ ಹೆಗಡೆ ಹೇಳಿದ್ದಾರೆ. `ಚುನಾವಣೆಯಲ್ಲಿ ಗೆದ್ದು ಬಂದರೆ ಕ್ಷೇತ್ರದ ಜನರಿಗಾಗಿ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆಯನ್ನು ಕಟ್ಟಿಸುತ್ತೇನೆ ಎಂದ ಮಾತನ್ನು ಸಚಿವರು ಮರೆತಿದ್ದಾರೆ’ ಎಂದವರು ದೂರಿದ್ದಾರೆ. ಬಿಜೆಪಿ ಪ್ರಮುಖರಾದ ಶ್ರೀನಿವಾಸ ನಾಯ್ಕ, ಮಂಜುನಾಥ ನಾಯ್ಕ, ರಮೇಶ ನಾಯ್ಕ, ರಾಘವೇಂದ್ರ ನಾಯ್ಕ, ಗಣೇಶ ಹೆಗಡೆ ಇನ್ನಿತರರು ಸಹ ಮಂಕಾಳು ವೈದ್ಯರ ನಡೆ ವಿರೋಧಿಸಿದ್ದಾರೆ.
- [ಅಪಘಾತ: ವೈದ್ಯ ವಿದ್ಯಾರ್ಥಿಗಳಿಗೆ ಆರೈಕೆ](https://mobiletime.in/2026/01/accident-medical-students-receive-care/): ಚೆನೈಯಿಂದ ಗೋಕರ್ಣಕ್ಕೆ ಹೊರಟಿದ್ದ ಟೆಂಪೋ ಟ್ರಾವಲರ್ ಯಲ್ಲಾಪುರ ಅರಬೈಲ್ ಘಟ್ಟದಲ್ಲಿ ಪಲ್ಟಿಯಾಗಿದೆ. ಪರಿಣಾಮ 7 ಜನ ಗಾಯಗೊಂಡಿದ್ದಾರೆ. ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿಗಳು ಗೋಕರ್ಣ ಪ್ರವಾಸಕ್ಕೆ ಯೋಜನೆ ರೂಪಿಸಿದ್ದರು. ಅದರಂತೆ ಅವರು ಶನಿವಾರ ತಮ್ಮ ಪ್ರಯಾಣ ಶುರು ಮಾಡಿದ್ದರು. ಹುಬ್ಬಳ್ಳಿ ಮಾರ್ಗವಾಗಿ ಉತ್ತರ ಕನ್ನಡ ಜಿಲ್ಲೆ ಪ್ರವೇಶಿಸಿದ ಆ ವಿದ್ಯಾರ್ಥಿಗಳು ಯಲ್ಲಾಪುರ ಮಾರ್ಗವಾಗಿ ಮುಂದೆ ಹೊರಟಿದ್ದರು. ಅರಬೈಲ್ ಘಟ್ಟ ಪ್ರದೇಶದ `S’ ಆಕಾರದ ತಿರುವಿನಲ್ಲಿ ಅವರಿದ್ದ ಟೆಂಪೋ ಟ್ರಾವೆಲರ್ ಚಾಲಕನ ನಿಯಂತ್ರಣ ತಪ್ಪಿತು. ಆ ವಾಹನ ಅಲ್ಲಿಯೇ ಪಲ್ಟಿಯಾಯಿತು. ಕೊಂಡೆಮನೆಯ ಸತೀಶ ನಾಯ್ಕ ಹಾಗೂ ಅರಬೈಲಿನ ಬಾಲಕೃಷ್ಣ ನಾಯ್ಕ ಅವರು ಅದೇ ಮಾರ್ಗವಾಗಿ ಸಂಚರಿಸುತ್ತಿದ್ದರು. ಅಪಘಾತ ನೋಡಿದ ತಕ್ಷಣ ಅವರು 108ಗೆ ಫೋನ್ ಮಾಡಿದರು. ವಾಹನದಲ್ಲಿ ಸಿಲುಕಿದ್ದ ಗಾಯಾಳುವನ್ನು ಹೊರಗೆ ತಂದು ಅವರನ್ನು ಆಂಬುಲೆನ್ಸ ಮೂಲಕ ಆಸ್ಪತ್ರೆಗೆ ಕಳುಹಿಸಿದರು. ಪಿಸೈ ಸಿದ್ದಪ್ಪ ಗುಡಿ ಅವರು ಸ್ಥಳಕ್ಕೆ ಧಾವಿಸಿ ಗಾಯಾಳುಗಳ ರಕ್ಷಣಾ ಕಾರ್ಯಕ್ಕೆ ಕೈ ಜೋಡಿಸಿದರು. ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಯಲ್ಲಿ ಗಾಯಗೊಂಡವರಿಗೆ ಚಿಕಿತ್ಸೆ ನೀಡಲಾಗಿದೆ. ಟೆಂಪೋ ಟ್ರಾವೆಲರ್ ಪಲ್ಟಿಯಾದ ಪರಿಣಾಮ ಆ ವಾಹನ ಜಖಂ ಆಗಿದೆ. ಸ್ಥಳದಲ್ಲಿ ಸಂಚಾರ ದಟ್ಟಣೆ ಕಾಣಿಸಿದ್ದು, ಪೊಲೀಸರು ಇನ್ನಿತರ ವಾಹನಗಳ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದ್ದಾರೆ. ಗಾಯಗೊಂಡು ಆಸ್ಪತ್ರೆ ಸೇರಿದ ವಿದ್ಯಾರ್ಥಿಗಳು ಚೇತರಿಸಿಕೊಳ್ಳುತ್ತಿದ್ದಾರೆ.
- [ಬೈಕ್ ಸವಾರನ ಪ್ರಾಣ ತೆಗೆದ ಟ್ಯಾಂಕರ್!](https://mobiletime.in/2026/01/tanker-kills-biker/): ಕಾರವಾರ – ಅಂಕೋಲಾ ಮಾರ್ಗವಾಗಿ ಸಂಚರಿಸುವ ಟ್ಯಾಂಕರ್ ಬೈಕ್ ಸವಾರನ ಪ್ರಾಣ ತೆಗೆದಿದೆ. ಶಿಕ್ಷಣ ಇಲಾಖೆಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ಸಿಬ್ಬಂದಿಯೊಬ್ಬರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಕಾರವಾರ-ಅಂಕೋಲಾ ರಾಷ್ಟ್ರೀಯ ಹೆದ್ದಾರಿ 66ರ ಬಿಣಗಾ ಬಳಿ ಶನಿವಾರ ಸಂಜೆ ಅಪಘಾತ ನಡೆದಿದೆ. ಜೋರಾಗಿ ಸಂಚರಿಸಿದ ಟ್ಯಾಂಕರ್ ಬೈಕಿಗೆ ಡಿಕ್ಕಿ ಹೊಡೆದಿದೆ. ಬೈಕಿನಲ್ಲಿ ಬರುತ್ತಿದ್ದವನ ತಲೆ ಒಡೆದಿದ್ದು, ಹೆದ್ದಾರಿ ಮೇಲೆ ರಕ್ತ ಹರಿದಿದೆ. ಅಪಘಾತದ ನಂತರ ಟ್ಯಾಂಕರ್ ಚಾಲಕ ತನ್ನ ವಾಹನ ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದು, ಪೊಲೀಸರು ಶೀಘ್ರ ಕಾರ್ಯಾಚರಣೆ ನಡೆಸಿ ಚಾಲಕನನ್ನು ವಶಕ್ಕೆಪಡೆದಿದ್ದಾರೆ. ಡಾಂಬರ್ ಹೊತ್ತ ಟ್ಯಾಂಕರ್ ಕಾರವಾರದಿಂದ ಅಂಕೋಲಾ ಕಡೆ ಹೊರಟಿತ್ತು. ಕಾರವಾರ ನಗರ ಪ್ರದೇಶ ಮುಗಿದ ನಂತರ ಟ್ಯಾಂಕರ್ ವೇಗ ಹೆಚ್ಚಾಯಿತು. ಬಿಣಗಾ ಬಳಿ ಟ್ಯಾಂಕರ್ ಅಡ್ಡಾದಿಡ್ಡಿ ಚಲಿಸಿದ್ದು, ಎದುರಿನಿಂದ ಬರುತ್ತಿದ್ದ ಬೈಕಿಗೆ ರಭಸವಾಗಿ ಗುದ್ದಿತು. ಈ ಅಪಘಾತದಲ್ಲಿ ಬೈಕ್ ಸವಾರನ ಮುಖ ಕಾಣದ ಹಾಗೇ ಜರ್ಜರಿತವಾಯಿತು. ಬೈಕ್ ಸಂಪೂರ್ಣವಾಗಿ ಜಖಂ ಆಗಿದೆ. ಡಿಡಿಪಿಐ ಕಚೇರಿಯಲ್ಲಿ ಕ್ಲರ್ಕ ಆಗಿದ್ದ ದಿನಕರ ಗುನಗಿ ಅವರು ಈ ಬೈಕಿನಲ್ಲಿದ್ದ ಬಗ್ಗೆ ಮಾಹಿತಿಯಿದ್ದು, ಸ್ಥಳದಲ್ಲಿ ಜನ ಜಮಾಯಿಸಿದ್ದಾರೆ. ದಿನಕರ ಗುನಗಿ ಅವರು ಬಿಣಗಾದಲ್ಲಿ ನಡೆಯುವ ಜಾತ್ರೆಗೆ ತಮ್ಮ ಪತ್ನಿ ಬಿಟ್ಟು ಮರಳುತ್ತಿದ್ದರು. ಅಪಘಾತದಲ್ಲಿ ಟ್ಯಾಂಕರ್ ಹಿಂದಿನ ಚಕ್ರ ಅವರ ತಲೆ ಮೇಲೆ ಹತ್ತಿದೆ. ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.
- [ಪೊಲೀಸರ ಎದುರೇ ಕೈ ಕೊಯ್ದುಕೊಂಡ ಕೋಠಾರಕರ್!](https://mobiletime.in/2026/01/kothakar-cut-his-hand-in-front-of-the-police/): ಕಾರವಾರದ ರಿಶೇಲ್ ಡಿಸೋಜಾ ಆತ್ಮಹತ್ಯೆ ಹಾಗೂ ಚಿರಾಗ ಕೋಠಾರಕರ್ ಪರಾರಿ ಪ್ರಕರಣದ ವಿಚಾರಣೆಗೆ ಹಾಜರಾಗಿದ್ದ ಯುವಕನೊಬ್ಬ ಪೊಲೀಸರ ಎದುರೇ ಕೈ ಕೊಯ್ದುಕೊಂಡಿದ್ದು, ತಕ್ಷಣ ಪೊಲೀಸರು ಆತನನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಜಿಲ್ಲಾ ಪಂಚಾಯತ ಮಾಜಿ ಸದಸ್ಯೆ ಚೈತ್ರಾ ಕೋಠಾರಕರ್ ಹಾಗೂ ತಾಲೂಕು ಪಂಚಾಯತ ಮಾಜಿ ಸದಸ್ಯ ಚಂದ್ರಹಾಸ ಕೋಠಾರಕರ್ ಅವರ ಪುತ್ರ ಚಿರಾಗ ಕೋಠಾರಕರ್ ಅವರ ಕಾಟ ಸಹಿಸಲಾಗದೇ ಕದ್ರಾ ಗ್ರಾ ಪಂಚಾಯತ ಸದಸ್ಯೆ ರೀನಾ ಡಿಸೋಜಾ ಅವರ ಪುತ್ರಿ ರಿಶೇಲ್ ಡಿಸೋಜಾ ಆತ್ಮಹತ್ಯೆಗೆ ಶರಣಾಗಿದ್ದರು. ಈ ಪ್ರಕರಣದ ಕಾವು ಏರಿದ್ದು, ಚಿರಾಗ ಕೋಠಾರಕರ್ ಬಂಧನಕ್ಕಾಗಿ ಪ್ರತಿಭಟನೆಗಳು ನಡೆದಿದ್ದವು. ಕದ್ರಾ ಪಿಸೈ ಸುನೀಲ ಅವರು ಸಹ ಈ ಪ್ರಕರಣದಿಂದಾಗಿ ಅಮಾನತು ಆಗಿದ್ದರು. ಈ ಎಲ್ಲಾ ಹಿನ್ನಲೆ ಪೊಲೀಸರ ಮೇಲೆ ಒತ್ತಡ ಹೆಚ್ಚಾಗಿದ್ದು, ಪೊಲೀಸರು ವಿಚಾರಣೆಗಾಗಿ ಚಂದ್ರಹಾಸ ಕೋಠಾರಕರ್ ಅವರ ಕಚೇರಿಯಲ್ಲಿದ್ದ ರಾಹುಲ್ ಕೋಠಾರಕರ್ ಅವರನ್ನು ಕರೆಯಿಸಿದ್ದರು. ಪದೇ ಪದೇ ಪೊಲೀಸರ ಎದುರು ಹೇಳಿಕೆ ನೀಡುವುದನ್ನು ಸಹಿಸದ ರಾಹುಲ್ ಕೋಠಾರಕರ್ ಡಿವೈಎಸ್ಪಿ ಕಚೇರಿಯಲ್ಲಿಯೇ ತಮ್ಮ ಕೈ ಕೊಯ್ದುಕೊಂಡರು. ಬ್ಲೇಡಿನಿಂದ ಕೈಗೆ ಗಾಯ ಮಾಡಿಕೊಂಡಿದ್ದ ರಾಹುಲ್ ಕೋಠಾರಕರ್ ಅವರನ್ನು ಪೊಲೀಸರೇ ಆಸ್ಪತ್ರೆಗೆ ದಾಖಲಿಸಿದರು. ಶುಕ್ರವಾರ ಸಂಜೆ ಆಸ್ಪತ್ರೆಯಲ್ಲಿದ್ದ ರಾಹುಲ್ ಕೋಠಾರಕರ್ ಶನಿವಾರ ಅಲ್ಲಿಂದ ಬಿಡುಗಡೆ ಆಗಿದ್ದಾರೆ.
- [ಕಾಸಿನ ಆಸೆಗಾಗಿ ಕೊಲೆ ಮಾಡಿದ ಪಾಪಿ!](https://mobiletime.in/2026/01/a-sinner-who-committed-murder-for-the-sake-of-money/): ಹೊನ್ನಾವರದ ಸೂಳೇಮುರ್ಕಿ ತಿರುವಿನಲ್ಲಿ ಪದೇ ಪದೇ ಅಪಘಾತವಾಗುತ್ತಿರುವುದನ್ನು ಅರಿತ ಸಿದ್ದಾಪುರದ ಪ್ರಮೋದ ನಾಯ್ಕ ತಮ್ಮ ಸ್ನೇಹಿತರಿಬ್ಬರನ್ನು ಅಲ್ಲಿಯೇ ಕೊಲೆ ಮಾಡಿದ್ದಾರೆ. ಕುಡಗುಂದದ ಆಲಳ್ಳಿಯಲ್ಲಿ ಮೀನು ಮಾರಾಟ ಮಾಡಿಕೊಂಡಿದ್ದ ಮಂಜುನಾಥ ಹಸ್ಲರ್ ಹಾಗೂ ಚಂದ್ರಶೇಖರ ಹಸ್ಲರ್ ಅವರನ್ನು ಕೊಂದ ಪ್ರಮೋದ ನಾಯ್ಕ ಜೈಲು ಸೇರಿದ್ದಾರೆ. ಹೊನ್ನಾವರದ ಸೂಳೆಮುರ್ಕಿ ತಿರುವಿನಲ್ಲಿ ಜನವರಿ 7ರಂದು ಕಾರೊಂದು ಸುಟ್ಟ ಸ್ಥಿತಿಯಲ್ಲಿ ಸಿಕ್ಕಿತ್ತು. ಆ ಕಾರಿನಲ್ಲಿ ಇಬ್ಬರ ದಹನವಾಗಿದ್ದು, ಅವರಿಬ್ಬರು ಸುಡುವ ಮುನ್ನವೇ ಶವವಾಗಿದ್ದರು. ಮಂಜುನಾಥ ಹಸ್ಲರ್ ಹಾಗೂ ಚಂದ್ರಶೇಖರ ಹಸ್ಲರ್ ಅವರಿಗೆ ಸರಾಯಿ ಕುಡಿಸಿದ್ದ ಪ್ರಮೋದ ನಾಯ್ಕ ಆ ಸರಾಯಿಯಲ್ಲಿ ವಿಷ ಹಾಕಿದ್ದರು. ವಿಷ ಸೇವನೆಯಿಂದ ಸಾವನಪ್ಪಿದ ಆ ಸಹೋದರರನ್ನು ಕಾರಿನಲ್ಲಿ ಕೂರಿಸಿ ಕಾರಿಗೆ ಬೆಂಕಿ ಹಚ್ಚಿದ್ದರು. ಈ ಕೃತ್ಯದಲ್ಲಿ ಪ್ರಮೋದ ನಾಯ್ಕ ಅವರಿಗೆ ಮತ್ತಿಬ್ಬರು ಸಹಾಯ ಮಾಡಿದ್ದು, ಕಾರಿಗೆ ಬೆಂಕಿ ಬಿದ್ದ ನಂತರ ಆ ಎಲ್ಲರೂ ಊರು ಬಿಟ್ಟಿದ್ದರು. ಪ್ರಮೋದ ನಾಯ್ಕ ನಾಪತ್ತೆ ಆಗಿರುವುದು ಅನೇಕರಿಗೆ ಅನುಮಾನ ಹುಟ್ಟಿಸಿತ್ತು. ಪ್ರಕರಣದ ಸಮಗ್ರ ತನಿಖೆಗಾಗಿ ಪ್ರತಿಭಟನೆಗಳು ಶುರುವಾಗಿತ್ತು. ಮೊದಲು ಅಪಘಾತ ಎಂದು ಪ್ರಕರಣ ದಾಖಲಿಸಿದ್ದ ಸಹೋದರರ ಸಹೋದರ ಉಮೇಶ ಹಸ್ಲರ್ ಅದಾದ ನಂತರ ಪ್ರಮೋದ ನಾಯ್ಕರ ಮೇಲೆ ಅನುಮಾನವಿರುವ ಬಗ್ಗೆ ದೂರಿದ್ದರು. ತನಿಖೆ ನಡೆಸಿದ ಪೊಲೀಸರು ಅಡಗಿದ್ದ ಪ್ರಮೋದ ನಾಯ್ಕ ಹಾಗೂ ಸಹಚರರನ್ನು ಬಂಧಿಸಿದರು. ವಿಚಾರಣೆ ವೇಳೆ ಸಾವನಪ್ಪಿದ ಸಹೋದರರು ಹಾಗೂ ಪ್ರಮೋದ ನಾಯ್ಕ ನಡುವೆ ಹಣಕಾಸಿನ ವ್ಯವಹಾರವಿದ್ದು, ಹಣಕ್ಕಾಗಿಯೇ ಪ್ರಮೋದ ನಾಯ್ಕ ಆ ಇಬ್ಬರನ್ನು ಕೊಲೆ ಮಾಡಿರುವುದು ಗೊತ್ತಾಗಿದೆ.
- [ಮೊದಲು ಸ್ನೇಹ.. ನಂತರ ಬ್ಲಾಕ್‌ಮೇಲ್!](https://mobiletime.in/2026/01/friendship-first-then-blackmail/): ಮಹಿಳೆಯರ ಸ್ನೇಹ ಬಯಸುವ ಹೊನ್ನಾವರದ ಮಹಮದ್ ಯೂಷಾ ಅವರು ಉಪಾಯವಾಗಿ ಮಹಿಳೆಯರ ಮೊಬೈಲ್ ಸಂಖ್ಯೆ ಪಡೆಯುತ್ತಿದ್ದು, ಅವರ ಸ್ನೇಹ ಸಂಪಾದಿಸುತ್ತಾರೆ. ಅದಾದ ನಂತರ ಮಹಿಳೆಯರ ಖಾಸಗಿ ಫೋಟೋಗಳನ್ನಿರಿಸಿಕೊಂಡು ಅವರನ್ನು ಬೆದರಿಸುವುದನ್ನೇ ಕಾಯಕವನ್ನಾಗಿಸಿಕೊಂಡಿದ್ದಾರೆ. ಹೊನ್ನಾವರದ ಮಂಕಿಯಲ್ಲಿ ಮಹಮದ್ ಯೂಷಾ ಅವರು ವಾಸವಾಗಿದ್ದಾರೆ. ವಿದೇಶಿ ಸಂಖ್ಯೆಯನ್ನು ಸೇರಿ ಅವರು ಐದಕ್ಕೂ ಹೆಚ್ಚು ಮೊಬೈಲ್ ಮೊಬೈಲ್ ನಂ ಹೊಂದಿದ್ದಾರೆ. ಅವರು ನಾನಾ ಬಗೆಯ ತಂತ್ರಗಳನ್ನು ಉಪಯೋಗಿಸಿ ಮಹಿಳೆಯರ ಮೊಬೈಲ್ ಸಂಖ್ಯೆ ಪಡೆಯುತ್ತಾರೆ. ಅದಾದ ನಂತರ ಮಹಿಳೆಯರಿಗೆ ಪದೇ ಪದೇ ಮೆಸೆಜ್ ಮಾಡಿ ಸ್ನೇಹ ಸಂಪಾದಿಸುತ್ತಾರೆ. ಕಷ್ಟ-ಸುಖಗಳ ಬಗ್ಗೆ ಮಾತನಾಡಿ ಆಪ್ತ ಸ್ನೇಹಿತರಾಗುತ್ತಾರೆ. ಅದಾದ ನಂತರ ಮಹಿಳೆಯರ ಅವರ ಖಾಸಗಿ ಫೋಟೋಗಳನ್ನು ಪಡೆಯುತ್ತಿದ್ದು, ಆ ಖಾಸಗಿ ಫೋಟೋಗಳ ಆಧಾರದಲ್ಲಿಯೇ ಅವರನ್ನು ಬೆದರಿಸುವ ಕೆಲಸ ಮಾಡುತ್ತಿದ್ದಾರೆ. ಒಂದು ವರ್ಷದವರೆಗೆ ಮಹಿಳೆಯರ ಜೊತೆ ಸಭ್ಯವಾಗಿಯೇ ವರ್ತಿಸುವ ಮಹಮದ್ ಯೂಷಾ ಆ ನಂತರ ತಮ್ಮ ಚಾಳಿ ಶುರು ಮಾಡುತ್ತಾರೆ. ಪದೇ ಪದೇ ಫೋನ್ ಮಾಡುವುದು, ಕೆಟ್ಟ ಕೆಟ್ಟ ಸಂದೇಶ ಕಳುಹಿಸಿ ಪೀಡಿಸುವುದು, ಖಾಸಗಿ ಫೋಟೋಗಳನ್ನು ವೈರಲ್ ಮಾಡುವುದಾಗಿ ಬೆದರಿಸುವುದು, ಮಹಿಳೆಯ ಸ್ನೇಹಿತರ ಫೋನ್ ಸಂಖ್ಯೆಯನ್ನು ಸಂಪಾದಿಸಿ ಅವರಿಗೆ ಕಾಡಿಸುವುದು ಹಾಗೂ ಆ ಮಹಿಳೆಯರಿಗೆ ಆಪ್ತರಾಗಿರುವ ಕುಟುಂಬಗಳಿಗೆ ಖಾಸಗಿ ಫೋಟೋ ಕಳುಹಿಸುವ ಮೂಲಕ ತಮ್ಮ ವಿಕೃತ ಮನಸ್ಸನ್ನು ಸಮಾಧಾನ ಮಾಡಿಕೊಳ್ಳುತ್ತಾರೆ. ಭಟ್ಕಳದ ಮುಗ್ದುಂ ಕಾಲೋನಿಯ ನ್ಯಾಶನಲ್ ರಸ್ತೆ ಬಳಿ ಮೌಲನಾ ಆಗಿರುವ ಮಹಮದ್ ಇನಾಯತ್ತುಲ್ಲಾ ಅವರ ಪತ್ನಿಗೂ ಮಹಮದ್ ಯೂಷಾ ಅವರು ಕಾಡಿಸುತ್ತಿದ್ದಾರೆ. ಮಿಸ್ಟಾ ರೋಹಿ ಅವರ ಜೊತೆ ಸಲುಗೆಯಿಂದ ಇದ್ದ ಮಹಮದ್ ಯೂಷಾ ಅವರ ಫೋನ್ ನಂ ಪಡೆದಿದ್ದಾರೆ. ಒಂದು ವರ್ಷದ ಅವಧಿಯಲ್ಲಿ ಅವರ ಸ್ನೇಹ ಸಂಪಾದಿಸಿದ್ದಾರೆ. ಆಗಾಗ ಫೋನ್ ಮಾಡುವುದು, ವಾಟ್ಸಪ್ ಮೂಲಕ ಪ್ರೀತಿಯ ಸಂದೇಶ ರವಾನಿಸುವ ಕೆಲಸ ಮಾಡಿದ್ದಾರೆ. ಈ ವೇಳೆ ಮಿಸ್ಟಾ ರೋಹಿ ಅವರು ತಮ್ಮ ಖಾಸಗಿ ಫೋಟೋಗಳನ್ನು ಮಹಮದ್ ಯೂಷಾ ಅವರಿಗೆ ಕಳುಹಿಸಿದ್ದಾರೆ. ಆ ಫೋಟೋಗಳನ್ನು ಹಾಗೇ ಇರಿಸಿಕೊಂಡಿದ್ದ ಮಹಮದ್ ಯೂಷಾ, ವರ್ಷ ಕಳೆದ ನಂತರ ತಮ್ಮ ವರಸೆ ಬದಲಿಸಿದ್ದಾರೆ. ಮಹಮದ್ ಯೂಷಾ ಅವರ ಕಾಟಕ್ಕೆ ನಲುಗಿದ ಮಿಸ್ಟಾ ರೋಹಿ ಅವರು ಮಹಮದ್ ಕಾಟದಿಂದ ದೂರವಾಗಲು ಬಯಸಿದ್ದಾರೆ. ಇದರಿಂದ ಇನ್ನಷ್ಟು ಸಿಟ್ಟಾದ ಮಹಮದ್ ಯೂಷಾ ಅವರು ಭಟ್ಕಳ ಜಮಿಯಾಬಾದಿನಲ್ಲಿರುವ ಮಿಸ್ಟಾ ರೋಹಿ ಅವರ ಅಣ್ಣನ ಹೆಂಡತಿ ಜೀಬಾ ಮಹಮದ್ ಸೀಬಿತುಲ್ಲಾ ಅವರ ಮೊಬೈಲಿಗೆ ಆ ಖಾಸಗಿ ಫೋಟೋಗಳನ್ನು ಕಳುಹಿಸಿದ್ದಾರೆ. ಇದರಿಂದ ಮಿಸ್ಟಾ ರೋಹಿ ಅವರ ಕೌಟುಂಬಿಕ ಜೀವನಕ್ಕೆ ಸಮಸ್ಯೆಯಾಗಿದೆ. ತಮ್ಮ ಮಾನಕ್ಕೆ ಕುತ್ತು ತಂದ ಮಹಮದ್ ಯೂಷಾ ವಿರುದ್ಧ ಇದೀಗ ಮಿಸ್ಟಾ ರೋಹಿ ಅವರು ಸಿಡಿದೆದ್ದಿದ್ದು, ಕಾನೂನು ಕ್ರಮಕ್ಕಾಗಿ ಪೊಲೀಸರ ಮೊರೆ ಹೊಗಿದ್ದಾರೆ. ಭಟ್ಕಳ ನಗರ ಪೊಲೀಸರು ಮಹಮದ್ ಯೂಷಾ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಅಡ್ಡಾದಿಡ್ಡಿ ಓಡಿದ ಬೈಕಿಗೆ ಅಡ್ಡಬಂದ ನಾಯಿ!](https://mobiletime.in/2026/01/a-dog-came-across-a-bike-that-was-running-around/): ಕುಮಟಾ ಮೂರೂರಿನ ಜಯರಾಮ ಭಟ್ಟರ ಮನೆ ಬಳಿಯಿರುವ ನಾಯಿಯೊಂದು ಬೈಕ್ ಸವಾರರನ್ನು ಬೆದರಿಸುತ್ತಿದೆ. ಆ ನಾಯಿ ಕಾಟಕ್ಕೆ ಕಂದವಳ್ಳಿಯ ಕೃಷ್ಣ ಭಟ್ಟರು ಬೈಕಿನಿಂದ ಬಿದ್ದಿದ್ದು, ಕೃಷ್ಣ ಭಟ್ಟರ ಪತ್ನಿ ಗೀತಾ ಭಟ್ಟ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದೆ. ಕುಮಟಾ ಕಂದವಳ್ಳಿಯ ಕೃಷ್ಣ ಪರಮೇಶ್ವರ ಭಟ್ಟ ಅವರು ತಮ್ಮ 73ನೇ ವಯಸ್ಸಿನಲ್ಲಿಯೂ ವೇಗವಾಗಿ ಬೈಕ್ ಓಡಿಸುತ್ತಾರೆ. ಜನವರಿ 21ರ ಸಂಜೆ ಅವರು ಪತ್ನಿ ಗೀತಾ ಭಟ್ಟ ಅವರ ಜೊತೆ ಕುಮಟಾ ಕಡೆ ಹೊರಟಿದ್ದರು. ಕಂದವಳ್ಳಿಯಿoದ ಕುಮಟಾ ಕಡೆ ಹೊರಟಿದ್ದ ಅವರ ಬೈಕಿಗೆ ಮೂರೂರಿನ ಜಯರಾಮ ಭಟ್ಟರ ಮನೆ ಬಳಿ ನಾಯಿಯೊಂದು ಅಡ್ಡ ಬಂದಿತು. ಏಕಾಏಕಿ ನಾಯಿ ಅಡ್ಡ ಬಂದಿದ್ದರಿAದ ಬೆದರಿದ ಕೃಷ್ಣ ಭಟ್ಟರು ಆ ಬೈಕು ನಾಯಿಗೆ ಗುದ್ದುವುದನ್ನು ತಪ್ಪಿಸಲು ಪ್ರಯತ್ನಿಸಿದರು. ನಾಯಿ ಬೈಕಿನಿಂದ ತಪ್ಪಿಸಿಕೊಂಡಿದ್ದು, ಕೃಷ್ಣ ಭಟ್ಟರು ಅವರ ಪತ್ನಿ ಗೀತಾ ಭಟ್ಟರ ಜೊತೆ ಕಂದಕಕ್ಕೆ ಬಿದ್ದರು. ಪರಿಣಾಮ ಗೀತಾ ಭಟ್ಟ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ಗೀತಾ ಭಟ್ಟ ಅವರ ಕೈಗೂ ನೋವಾಯಿತು. ಈ ಅಪಘಾತದಲ್ಲಿ ಕೃಷ್ಣ ಭಟ್ಟರಿಗೂ ಅಲ್ಲಲ್ಲಿ ನೋವಾಗಿದ್ದು, ಅವರಿಬ್ಬರು ಹೊನ್ನಾವರದ ಸೆಂಟ್ ಇಗ್ನೇಶಿಯಸ್ ಆಸ್ಪತ್ರೆ ಸೇರಿದರು. ಮಾವನಿಗೆ ಅಪಘಾತ ಆಗಿರುವುದನ್ನು ಅರಿತು ಮೂರೂರಿನ ಅಮೋದ ವೆಂಕಟ್ರಮಣ ಹೆಗಡೆ ಅವರು ಆಸ್ಪತ್ರೆಗೆ ದೌಡಾಯಿಸಿದರು. ಈ ಅಪಘಾತದ ಬಗ್ಗೆ ಅವರೇ ಮಾಹಿತಿ ನೀಡಿ, ವೇಗವಾಗಿ ಬೈಕ್ ಓಡಿಸಿದ ಕೃಷ್ಣ ಭಟ್ಟರ ವಿರುದ್ಧ ಪೊಲೀಸ್ ದೂರು ನೀಡಿದರು.
- [ಪೊಲೀಸರ ಹೆಸರಿನಲ್ಲಿ ಬೆದರಿಕೆ: ಪೊಲೀಸರಿಂದ ತನಿಖೆ](https://mobiletime.in/2026/01/threat-in-the-name-of-police-police-investigating/): ಕುಮಟಾ ಹಳಕಾರಿನ ಹನುಮಂತ ಮುಕ್ರಿ ಅವರಿಗೆ ಪೊಲೀಸರ ಹೆಸರಿನಲ್ಲಿ ಬೆದರಿಕೆ ಬಂದ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ. ರಾಮನಗರದ ಪಿಸೈ ಹೆಸರಿನಲ್ಲಿ ಹನುಮಂತ ಮುಕ್ರಿ ಅವರಿಗೆ ಫೋನ್ ಕರೆ ಬಂದಿತ್ತು. ಹನುಮಂತ ಮುಕ್ರಿ ಅವರು ಹುಡುಗಿಯೊಬ್ಬರಿಗೆ ಕಾಡಿಸಿದ ಬಗ್ಗೆ ಆರೋಪಿಸಿ 3 ಲಕ್ಷ ರೂ ದಂಡ ಪಾವತಿಗೆ ವಂಚಕರು ಸೂಚಿಸಿದ್ದರು. ಅದಾದ ನಂತರ 25 ಸಾವಿರ ರೂ ಫೋನ್ ಪೇ ಮಾಡುವಂತೆ ಹೇಳಿದ್ದರು. ಈ ಬಗ್ಗೆ ಹನುಮಂತ ಮುಕ್ರಿ ಅವರು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರ ಗಮನಕ್ಕೆ ತಂದಿದ್ದರು. ಆ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಗಸ್ ನೇತ್ರತ್ವದಲ್ಲಿ ಹನುಮಂತ ಮುಕ್ರಿ ಅವರು ಪೊಲೀಸ್ ದೂರು ನೀಡಿದ್ದು, ಸದ್ಯ ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಸೈಬರ್ ಅಪರಾಧ ನಡೆಸುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವುದಾಗಿ ಪೊಲೀಸರು ಹೇಳಿದ್ದಾರೆ.
- [ವೈದ್ಯ ಸಿಬ್ಬಂದಿ ಆತ್ಮಹತ್ಯೆ: ಸೋಶಿಯಲ್ ಮಿಡಿಯಾ ಶೂರರ ಸೆರೆ!](https://mobiletime.in/2026/01/medical-staff-commits-suicide-social-media-heroes-arrested/): ಕಾರವಾರದ ಪಿಕಳೆ ನರ್ಸಿಂಗ್ ಹೋಂ’ನ ಔಷಧ ವಿತರಕ ರಾಜೀವ ಪಿಕಳೆ ಅವರು ಆತ್ಮಹತ್ಯೆಗೆ ಶರಣಾಗಿದ್ದರೂ ಅವರ ಆತ್ಮಸ್ಥೆöÊರ್ಯ ಕುಗ್ಗುವ ಹಾಗೇ ಮಾಡಿದ್ದ ಮೂವರನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ರಾಜೀವ ಪಿಕಳೆ ಅವರು ಈಚೆಗೆ ಕಣ್ತಪ್ಪಿನಿಂದ ಅವಧಿ ಮೀರಿದ ಔಷಧ ವಿತರಿಸಿದ್ದರು. ಆದ ಪ್ರಮಾದಕ್ಕೆ ಅವರು ಬಹಿರಂಗವಾಗಿ ಕ್ಷಮೆ ಕೋರಿದ್ದರು. ಅದಾಗಿಯೂ ರಾಜೀವ ಪಿಕಳೆ ಅವರನ್ನು ತರಾಟೆಗೆ ತೆಗೆದುಕೊಂಡ ವಿಡಿಯೋ ಮಾಡಿದ ಕಿಡಿಗೇಡಿಗಳು ಅದನ್ನು ಎಲ್ಲಡೆ ಹರಿಬಿಟ್ಟಿದ್ದರು. ಆ ಮೂಲಕ ಪಿಕಳೆ ಆಸ್ಪತ್ರೆಯ ಹೆಸರು ಹಾಳು ಮಾಡುವ ಪ್ರಯತ್ನ ಮಾಡಿದ್ದರು. ಇದರಿಂದ ಕುಗ್ಗಿದ ರಾಜೀವ ಪಿಕಳೆ ಅವರು ಬಂದೂಕಿನಿoದ ಗುಂಡು ಹಾರಿಸಿಕೊಂಡು ಪ್ರಾಣ ಬಿಟ್ಟಿದ್ದರು. ರಾಜೀವ ಪಿಕಳೆ ಅವರು ಅತ್ಯಂತ ಪ್ರಾಮಾಣಿಕರಾಗಿದ್ದು, ಮೃದು ಸ್ವಭಾವದವರಾಗಿದ್ದರು. ಅವರು ಕ್ಷಮೆ ಕೋರಿದ ನಂತರವೂ ವಿಡಿಯೋ ಸಾಕಷ್ಟು ಪ್ರಮಾಣದಲ್ಲಿ ವೈರಲ್ ಆಗಿದ್ದರಿಂದ ಮಾನಸಿಕವಾಗಿ ನೋವು ಅನುಭವಿಸಿದ್ದರು. ಕಾರವಾರ ತಾಲೂಕಿನ ವೈಲವಾಡ ಗ್ರಾಮದ ಸುಭಾಷ ಕೃಷ್ಣ ನಾಯ್ಕ, ಹರಿಶ್ಚಂದ್ರ ನಾಯ್ಕ ಹಾಗೂ ಅನಿಲ್ ಸುರೇಶ್ ನಾಯ್ಕ ಎಂಬಾತರು ಆ ವಿಡಿಯೋ ಹರಿಬಿಟ್ಟವರಾಗಿದ್ದಾರೆ. ಈ ಹಿನ್ನಲೆ ಪೊಲೀಸರು ಆ ಮೂವರನ್ನು ವಶಕ್ಕೆಪಡೆದಿದ್ದಾರೆ.
- [ಗೋಕರ್ಣ: ಈ ಊರು ಉದ್ಧಾರ ಆಗುವುದು ಯಾವಾಗ?!](https://mobiletime.in/2026/01/gokarna-when-will-this-town-be-saved/): ಉತ್ತರ ಕನ್ನಡ ಜಿಲ್ಲೆಯ ಪುಣ್ಯ ಹಾಗೂ ಪ್ರಸಿದ್ಧ ಕ್ಷೇತ್ರವಾಗಿರುವ ಗೋಕರ್ಣದಲ್ಲಿ ಮೂಲಭೂತ ಸೌಕರ್ಯಗಳೇ ಸರಿಯಾಗಿಲ್ಲ. ನಿತ್ಯ ಸಾವಿರಾರು ಪ್ರವಾಸಿಗರು ಭೇಟಿ ನೀಡುವ ಗೋಕರ್ಣದ ಸಮಗ್ರ ಅಭಿವೃದ್ಧಿಗೆ ಈವರೆಗೂ ಮನಸ್ಸು ಮಾಡಿದವರಿಲ್ಲ. ಅನೇಕ ಧಾರ್ಮಿಕ ಕೇಂದ್ರಗಳ ಜೊತೆ ಸುಂದರ ಕಡಲ ತೀರವನ್ನು ಹೊಂದಿರುವ ಗೋಕರ್ಣದ ಅಭಿವೃದ್ಧಿಗೆ ಅನೇಕರು ಆಗ್ರಹಿಸಿದ್ದಾರೆ. ಆದರೆ, ಆ ಆಗ್ರಹ ಸರ್ಕಾರವನ್ನು ತಲುಪುತ್ತಿಲ್ಲ. ಜನಪ್ರತಿನಿಧಿಗಳಿಗೆ ಈ ಬಗ್ಗೆ ಅರಿವಿದ್ದರೂ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. `ಗೋಕರ್ಣದಲ್ಲಿ ಕುಡಿಯುವ ನೀರಿನ ಸಮಸ್ಯೆಗೆ ಈವರೆಗೂ ಪರಿಹಾರ ದೊರೆತಿಲ್ಲ. ಇಲ್ಲಿ ಅಗತ್ಯವಿರುವ ಕಡೆ ಶೌಚಾಲಯಗಳಿಲ್ಲ. ನವೆಂಬರ್ – ಡಿಸೆಂಬರ್ ಅವಧಿಯಲ್ಲಿ ನಿರೀಕ್ಷೆಗೂ ಮೀರಿ ಪ್ರವಾಸಿಗರು ಬರುತ್ತಿದ್ದು, ಅವರ ಆಗು-ಹೋಗುಗಳಿಗೆ ಸ್ಪಂದನೆ ಸಿಗುತ್ತಿಲ್ಲ. ಆ ಅವಧಿಯಲ್ಲಿ ಕಾಸು ಕೊಟ್ಟರೂ ಸಹ ಪ್ರವಾಸಿಗರಿಗೆ ವಸತಿ ವ್ಯವಸ್ಥೆ ಆಗುತ್ತಿಲ್ಲ. `ಬೇರೆ ಬೇರೆ ಜಿಲ್ಲೆಯ ಪುಣ್ಯ ಹಾಗೂ ಪ್ರವಾಸಿ ತಾಣಗಳಿಗೆ ಹೋಲಿಸಿದರೆ ದಕ್ಷಿಣ ಕಾಶಿ ಎನಿಸಿಕೊಂಡಿರುವ ಗೋಕರ್ಣ ಹಿಂದುಳಿದಿದೆ. ಉಡುಪಿ, ಧರ್ಮಸ್ಥಳ ಸೇರಿ ಇನ್ನಿತರ ಕಡೆಗಳ ಹಾಗೇ ಇಲ್ಲಿಯೂ ಬಡವರಿಗೆ ಅನುಕೂಲವಾಗುವ ರೀತಿ ಕಡಿಮೆ ದರದಲ್ಲಿ ವಸತಿ ಸೌಕರ್ಯ ಕಲ್ಪಿಸಬೇಕು. ಕುಡಿಯುವ ನೀರು, ಉತ್ತಮ ರಸ್ತೆ ಸಂಪರ್ಕ, ಅಗತ್ಯ ಶೌಚಾಲಯಗಳ ನಿರ್ಮಾಣದ ಜೊತೆ ಈ ನೆಲದ ಯಕ್ಷಗಾನ, ಭರತನಾಟ್ಯ ಹಾಗೂ ಇನ್ನಿತರ ಕಲಾ ಪ್ರಕಾರ ಉಳಿಸುವಿಕೆಗಾಗಿ ಉತ್ತಮ ಸಭಾ ಭವನವನ್ನು ನಿರ್ಮಿಸಬೇಕು’ ಎಂದು ಕರವೇ ಜನಧ್ವನಿಯ ಜಿಲ್ಲಾಧ್ಯಕ್ಷ ಉಮಾಕಾಂತ್ ಹೊಸಕಟ್ಟಾ ಅವರು ಆಗ್ರಹಿಸಿದ್ದಾರೆ. ಇದರೊಂದಿಗೆ `ಪ್ರಾಮಾಣಿಕ ಸೇವೆ ನೀಡುವ ಟಾಕ್ಸಿ ಹಾಗೂ ರಿಕ್ಷಾ ಚಾಲಕರಿಗೆ ಅನುಕೂಲ ಆಗುವ ಹಾಗೇ ಯೋಜನೆ ರೂಪಿಸಬೇಕು. ಪ್ರವಾಸೋದ್ಯಮ ಹೆಸರಿನಲ್ಲಿ ಹಣ ವಸೂಲಿ ಮಾಡುವ ಬದಲು ಅಭಿವೃದ್ಧಿಗೆ ಹಣ ವಿನಿಯೋಗವಾಗಬೇಕು. ಗಣ್ಯರು ಬಂದಾಗ ಅವರಿಗೆ ಭದ್ರತೆ ಕೊಡುವ ಬದಲು ಪೊಲೀಸರು ಜನ ಸಾಮಾನ್ಯರ ರಕ್ಷಣೆಗೆ ಒತ್ತು ಕೊಡಬೇಕು. ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ಈ ಬಗ್ಗೆ ಗಮನಹರಿಸಿ ಶ್ರೀ ಕ್ಷೇತ್ರದ ಅಭಿವೃದ್ಧಿಗೆ ಆಸಕ್ತಿವಹಿಸಬೇಕು’ ಎಂದು ಅವರು ಒತ್ತಾಯಿಸಿದ್ದಾರೆ. `ಗೋಕರ್ಣದ ಅಭಿವೃದ್ಧಿ ಬಗ್ಗೆ ಗಮನಹರಿಸದೇ ಉದ್ದರೆ ಹೋರಾಟ ಅನಿವಾರ್ಯ’ ಎಂದವರು ಎಚ್ಚರಿಸಿದ್ದಾರೆ.
- [ಸ್ಟೇರಿಂಗ್ ಹಿಡಿದು ತೂಕಡಿಸಿದ ಬಸ್ ಚಾಲಕ!](https://mobiletime.in/2026/01/bus-driver-falls-asleep-while-holding-the-steering-wheel/): ಮೈಸೂರಿನಿಂದ ದಾಂಡೇಲಿಗೆ ಹೊರಟಿದ್ದ ಬಸ್ಸು ಯಲ್ಲಾಪುರದಲ್ಲಿ ಅಪಘಾತಕ್ಕೀಡಾಗಿದೆ. ಮಂಚಿಕೇರಿ ಸಮೀಪದ ಚವತ್ತಿ-ಉಮ್ಮಚ್ಗಿ ನಡುವಿನ ಗೋರ್ಸಗದ್ದೆ ಬಳಿ ಈ ಬಸ್ಸು ರಸ್ತೆ ಪಕ್ಕದ ಧರೆಗೆ ಗುದ್ದಿದೆ. ಶುಕ್ರವಾರ ಮೈಸೂರಿನಿಂದ ಹೊರಟ ಖಾಸಗಿ ಬಸ್ಸಿನಲ್ಲಿ 23ಕ್ಕೂ ಅಧಿಕ ಪ್ರಯಾಣಿಕರಿದ್ದರು. ಅವರೆಲ್ಲರೂ ದಾಂಡೇಲಿ ಪ್ರವಾಸಕ್ಕೆ ಹೊರಟಿದ್ದರು. ಶಿರಸಿಯವರೆಗೂ ಬಸ್ ಚಾಲಕ ಸುರಕ್ಷಿತ ಚಾಲನೆ ಮಾಡಿದ್ದು, ಅದಾದ ನಂತರ ನಿದ್ರೆಯ ಮಂಪರಿಗೆ ಜಾರಿದರು. ಪರಿಣಾಮ ಆ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿ ಧರೆಗೆ ಗುದ್ದಿತು. ಬಸ್ಸು ವೇಗವಾಗಿ ಗುದ್ದಿದ್ದರಿಂದ ಚಾಲಕನಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ಶನಿವಾರ ಮುಂಜಾನೆ ಈ ಅವಘಡ ನಡೆದಿದ್ದು, ಬಸ್ಸಿನಲ್ಲಿದ್ದ ಇನ್ನಿತರ ಪ್ರಯಾಣಿಕರು ತೊಂದರೆ ಅನುಭವಿಸಿದರು. ಈ ಅಪಘಾತದಲ್ಲಿ ಅನೇಕ ಪ್ರಯಾಣಿಕರಿಗೆ ನೋವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಲಾಯಿತು. ಬಸ್ ಅಪಘಾತವಾಗಿರುವುದನ್ನು ಅರಿತು ಅನೇಕರು ಅಲ್ಲಿಗೆ ಭೇಟಿ ನೀಡಿದರು. ಗಾಯಗೊಂಡವರನ್ನು ರಕ್ಷಿಸುವ ಪ್ರಯತ್ನ ಮಾಡಿದರು. ಗಾಯಗೊಂಡ ಬಹುತೇಕರು ಮೈಸೂರಿನವರಾಗಿದ್ದು, ಸ್ಥಳೀಯರ ಸಹಕಾರವನ್ನು ಪ್ರವಾಸಿಗರು ಸ್ಮರಿಸಿದರು.
- [ಉಳುವಿಯಲ್ಲಿ ಉಳಿದು ಜಾತ್ರೆ ನೋಡಿ!](https://mobiletime.in/2026/01/stay-in-uluvi-and-see-the-fair/): `ಪ್ರಸಿದ್ಧ ಉಳವಿ ಚೆನ್ನಬಸವೇಶ್ವರ ದೇವರ ಜಾತ್ರಾ ಮಹೋತ್ಸವ ಜನವರಿ 25ರಿಂದ ಫೆಬ್ರವರಿ 5ರವರೆಗೆ ನಡೆಯಲಿದೆ. ಅದ್ಧೂರಿಯಾಗಿ ಜಾತ್ರೆ ನಡೆಸಲು ಎಲ್ಲಾ ಬಗೆಯ ಸಿದ್ಧತೆ ಮಾಡಿಕೊಳ್ಳಲಾಗಿದೆ’ ಎಂದು ಉಳವಿ ಚೆನ್ನಬಸವೇಶ್ವರ ಟ್ರಸ್ಟ್ ಅಧ್ಯಕ್ಷ ಸಂಜಯ ಕಿತ್ತೂರು ಅವರು ಹೇಳಿದ್ದಾರೆ. ಪತ್ರಕರ್ತರ ಜೊತೆ ಮಾತನಾಡಿದ ಅವರು `ಜನವರಿ 25ರಂದು ಬೆಳಿಗ್ಗೆ 7 ಗಂಟೆಗೆ ಷಟಸ್ಥಲ ಧ್ವಜಾರೋಹಣ ನಡೆಯಲಿದ್ದು, ಸಂಜೆ 8 ಗಂಟೆಗೆ ರಥಗಳ ಪೂಜೆ ಹಾಗೂ ಸೀಮೆ ಕಟ್ಟುವ ಮಹಾ ಪೂಜೆ ಜರುಗಲಿದೆ. ಜನವರಿ 26ರಂದು ಪಲ್ಲಕ್ಕಿ ಉತ್ಸವ, 27ರಂದು ಭೂಮಿಪೂಜೆ, 28ರಂದು ಉತ್ಸವ ಮೂರ್ತಿ ಪ್ರತಿಷ್ಠಾಪನೆ, 29ರಂದು ಪಲ್ಲಕ್ಕಿ ಉತ್ಸವ ಹಾಗೂ ರಕ್ಷಾ ದೇವಿ ಸಣ್ಣ ರಥೋತ್ಸವ ನಡೆಯಲಿದೆ. 30ರಂದು ವೀರಭದ್ರೇಶ್ವರ ಸಣ್ಣ ರಥೋತ್ಸವ, 31ರಂದು ಎತ್ತಿಕಾಯುವ ಬಸವಣ್ಣನ ರಥೋತ್ಸವ ಜರುಗಲಿದೆ’ ಎಂಬ ಮಾಹಿತಿ ನೀಡಿದರು. `ಫೆಬ್ರವರಿ 1ರಂದು ಸರ್ವ ದೇವಾನುದೇವತೆಗಳ ಸಣ್ಣ ರಥೋತ್ಸವ ನಡೆಯಲಿದ್ದು, ಫೆ 2ರಂದು ರಾತ್ರಿ 8 ಗಂಟೆಗೆ ಚೆನ್ನಬಸವೇಶ್ವರ ರಥಾರೋಹಣ ನಡೆಯಲಿದೆ. ಫೆ 3ರಂದು ಮಹಾ ರಥೋತ್ಸವ, ಫೆ 4ರಂದು ಕುಸ್ತಿ ಕಾರ್ಯಕ್ರಮ ನಡೆಯಲಿದ್ದು, ಫೆ 5ರಂದು ಓಕಳಿ ಸಣ್ಣ ರಥೋತ್ಸವದೊಂದಿಗೆ ಜಾತ್ರಾ ಮಹೋತ್ಸವಕ್ಕೆ ತೆರೆ ಬೀಳಲಿದೆ’ ಎಂದು ವಿವರಿಸಿದರು. `ಪ್ರತಿವರ್ಷದಂತೆ ಈ ಬಾರಿ ಕೂಡ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಲಕ್ಷಾಂತರ ಭಕ್ತರು ಉಳವಿ ಜಾತ್ರೆಯಲ್ಲಿ ಭಾಗವಹಿಸಲಿದ್ದಾರೆ. ನೂರಾರು ಭಕ್ತರು ಚಕ್ಕಡಿ ಗಾಡಿಗಳ ಮೂಲಕ ದೇವರಿಗೆ ಪೂಜೆ ಸಲ್ಲಿಸಲಿದ್ದು, ಜಾತ್ರೆಗೆ ಅಗತ್ಯವಿರುವ ಎಲ್ಲಾ ಸಿದ್ಧತೆಗಳನ್ನು ಕೈಗೊಳ್ಳಲಾಗಿದೆ’ ಎಂದು ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್ ಅವರು ಮಾಹಿತಿ ನೀಡಿದರು. `ಭಕ್ತರಿಗೆ ಯಾವುದೇ ತೊಂದರೆಯಾಗದAತೆ ಬೀದಿ ದೀಪ, ರಸ್ತೆ ದುರಸ್ತಿ, ಕುಡಿಯುವ ನೀರು ಹಾಗೂ ಪಾರ್ಕಿಂಗ್ ವ್ಯವಸ್ಥೆ ಕಲ್ಪಿಸಲಾಗಿದೆ’ ಎಂದು ಅಲ್ಲಿನ ಗ್ರಾಮ ಪಂಚಾಯತ್ ಅಧ್ಯಕ್ಷ ಮಂಜುನಾಥ ಅವರು ಹೇಳಿದರು. `ಸುರಕ್ಷತೆ ಮತ್ತು ಆರೋಗ್ಯದ ದೃಷ್ಟಿಯಿಂದ ಹೆಚ್ಚಿನ ಮುಂಜಾಗ್ರತೆ ವಹಿಸಲಾಗಿದ್ದು, 15 ಮೊಬೈಲ್ ಶೌಚಾಲಯಗಳಿಗಾಗಿ ಬೆಳಗಾವಿ ಮಹಾನಗರ ಪಾಲಿಕೆಗೆ ಮನವಿ ಮಾಡಲಾಗಿದೆ. ಸುಮಾರು 2000 ಚಕ್ಕಡಿ ಗಾಡಿಗಳು ಆಗಮಿಸುವ ನಿರೀಕ್ಷೆಯಿದ್ದು, ಮದ್ಯ ಹಾಗೂ ಪ್ಲಾಸ್ಟಿಕ್ ಮುಕ್ತ ಜಾತ್ರೆಗಾಗಿ ಜಾಗೃತಿ ಮೂಡಿಸಲಾಗಿದೆ’ ಎಂದರು. ಉಳವಿ ಚೆನ್ನಬಸವೇಶ್ವರ ಟ್ರಸ್ಟ್ ಉಪಾಧ್ಯಕ್ಷ ಪ್ರಕಾಶ ಕಿತ್ತೂರು, ಸದಸ್ಯ ವಿರೇಶ ಕಂಬಳಿ, ಸಿದ್ದಾರೂಢ ಪಾಟೀಲ ಎಲ್ಲರನ್ನು ಜಾತ್ರೆಗೆ ಆಮಂತ್ರಿಸಿದರು.
- [ಆತ್ಮಹತ್ಯೆ ಎಂಬ ಮಾನಸಿಕ ದೌರ್ಬಲ್ಯ: ಭಾವೋದ್ವೇಗದ ರಾಜಕೀಯಕ್ಕಿಂತ ಜಾಗೃತಿ ಅಗತ್ಯ](https://mobiletime.in/2026/01/suicide-is-a-mental-weakness-awareness-is-needed-rather-than-emotional-politics/): ಜೀವನದ ಪ್ರತಿ ಹಂತದಲ್ಲೂ ಸವಾಲುಗಳು ಎದುರಾಗುವುದು ಸಹಜ. ಆದರೆ ಆ ಸವಾಲುಗಳಿಗೆ ಹೆದರಿ ಬದುಕನ್ನೇ ಕೊನೆಗೊಳಿಸಿಕೊಳ್ಳುವ ನಿರ್ಧಾರ ತೀರಾ ದುರದೃಷ್ಟಕರ.  ಯಾವುದೋ ಕ್ಷಣಿಕ ಆವೇಶಕ್ಕೆ ಬಲಿಯಾಗಿ ಅಥವಾ ಜೀವನದ ಸವಾಲುಗಳನ್ನು ಎದುರಿಸಲಾಗದೆ ಆತ್ಮಹತ್ಯೆಯಂತಹ ನಿರ್ಧಾರಕ್ಕೆ ಮುಂದಾಗುವುದು ಕೇವಲ ವೈಯಕ್ತಿಕ ದುರಂತವಲ್ಲ, ಅದು ಸಮಾಜದ ಸ್ವಾಸ್ಥ್ಯ ಕೆಡಿಸುತ್ತಿರುವ ‘ಮಾನಸಿಕ ದೌರ್ಬಲ್ಯ. ಈಚೆಗೆ ಅಂಕೋಲಾದಲ್ಲಿ ಯುವಕನೊಬ್ಬ ಪತ್ರ ಬರೆದಿಟ್ಟು ಜೀವನ ಅಂತ್ಯಗೊಳಿಸಿಕೊಂಡಿದ್ದು, ವೈದ್ಯೆಯೊಬ್ಬರ ಮಗಳು ಫಲಿತಾಂಶದ ಒತ್ತಡಕ್ಕೆ ಬಲಿಯಾದದ್ದು, ಅಥವಾ ಕಾರವಾರದಲ್ಲಿ ಪ್ರೇಮ ವೈಫಲ್ಯದ ಹಿನ್ನೆಲೆಯಲ್ಲಿ ಯುವತಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡಿದ್ದು – ಇವೆಲ್ಲವೂ ತೀವ್ರವಾದ ಮಾನಸಿಕ ಖಿನ್ನತೆ ಮತ್ತು ಒತ್ತಡದ ಪ್ರತಿಫಲನಗಳೇ ಹೊರತು ಮತ್ತೇನೂ ಅಲ್ಲ. ದುರಂತವೆಂದರೆ, ಇಂದಿನ ಸಮಾಜವು ಪ್ರತಿಯೊಂದು ಸಾವಿನಲ್ಲೂ ಧಾರ್ಮಿಕ ಬಣ್ಣ ಅಥವಾ ರಾಜಕೀಯ ಲಾಭವನ್ನು ಹುಡುಕಲು ಹೊರಟಿರುವುದು ಖೇದಕರ. ಪ್ರೀತಿ-ಪ್ರೇಮ ಎಂಬುದು ಎರಡು ಮನಸ್ಸುಗಳ ನಡುವಿನ ತೀರಾ ವೈಯಕ್ತಿಕ ಭಾವನೆ. ಅಲ್ಲಿ ಮೂಡುವ ಭಿನ್ನಾಭಿಪ್ರಾಯಗಳಾಗಲಿ ಅಥವಾ ವೈಫಲ್ಯಗಳಾಗಲಿ ಸಾವಿಗೆ ಕಾರಣವಾಗಬಾರದು. ನಮ್ಮ ಸಮಾಜವು ಇಂದು ಎತ್ತ ಸಾಗುತ್ತಿದೆ ಎಂಬುದು ಗಂಭೀರ ಚಿಂತನೆಯ ವಿಷಯವಾಗಿದೆ. ದುರದೃಷ್ಟವಶಾತ್, ಪ್ರತಿ ಸಾವಿನಲ್ಲೂ ನಾವು ಧರ್ಮದ ಬಣ್ಣ ಅಥವಾ ರಾಜಕೀಯದ ಲಾಭವನ್ನು ಹುಡುಕುವ ಕೆಟ್ಟ ಚಾಳಿಯನ್ನು ಬೆಳೆಸಿಕೊಂಡಿದ್ದೇವೆ. ಯಾರೋ ಒಬ್ಬರು ಮಾನಸಿಕ ದೌರ್ಬಲ್ಯದಿಂದ ತೆಗೆದುಕೊಂಡ ನಿರ್ಧಾರವನ್ನು ಇಡೀ ಸಮುದಾಯದ ಅಥವಾ ರಾಜಕೀಯ ಸಿದ್ಧಾಂತದ ಸಂಘರ್ಷವನ್ನಾಗಿ ಪರಿವರ್ತಿಸುವುದು ಮಾನವೀಯತೆಯ ದೃಷ್ಟಿಯಿಂದ ಅಕ್ಷಮ್ಯ ಅಪರಾಧ. ಇಂತಹ ಘಟನೆಗಳು ನಡೆದಾಗ ಸುಳ್ಳು ಸುದ್ದಿಗಳ ಮೂಲಕ ಪೊಲೀಸರ ಮೇಲೆ ಅನಗತ್ಯ ಒತ್ತಡ ಹೇರುವುದು ಸರಿಯಲ್ಲ. ಇಂತಹ ಒತ್ತಡದಿಂದಾಗಿ ತನಿಖಾ ಸಂಸ್ಥೆಗಳು ಮುಗ್ಧರನ್ನು ವಿಚಾರಣೆಗೆ ಒಳಪಡಿಸಿದಾಗ, ಅವರು ಅನುಭವಿಸುವ ಮಾನಸಿಕ ಯಾತನೆ ಮತ್ತೊಂದು ಆತ್ಮಹತ್ಯೆಗೆ ದಾರಿ ಮಾಡಿಕೊಡುವ ಅಪಾಯವಿರುತ್ತದೆ. ಭಾರತದಲ್ಲಿ ಪ್ರತಿ ವರ್ಷ ಸಾವಿರಾರು ಜೀವಗಳು ಹೀಗೆ ಅರ್ಧದಲ್ಲೇ ಮರೆಯಾಗುತ್ತಿವೆ. ಕರ್ನಾಟಕದಲ್ಲಿಯೂ ಈ ಸಂಖ್ಯೆ ಕಡಿಮೆ ಏನಿಲ್ಲ. ಈ ಎಲ್ಲ ಸಾವುಗಳ ಹಿಂದೆ ಪ್ರಚೋದನೆಗಿಂತ ಹೆಚ್ಚಾಗಿ ಕಾಣುವುದು ಒಳಗಿನ ಒಂಟಿತನ ಮತ್ತು ಅತೀವವಾದ ಖಿನ್ನತೆ. ಮಕ್ಕಳಿಗೆ ಕೇವಲ ಅಂಕಗಳನ್ನು ಗಳಿಸುವುದನ್ನಷ್ಟೇ ಕಲಿಸಿದರೆ ಸಾಲದು, ಸೋತಾಗ ಎದ್ದು ನಿಲ್ಲುವ ಕೆಚ್ಚನ್ನು ಕಲಿಸಬೇಕಿದೆ. ಬದುಕು ಎಂದರೆ ಕೇವಲ ಯಶಸ್ಸಲ್ಲ, ಅದು ಎಡವಿ ಬಿದ್ದಾಗ ಧೂಳು ಕೊಡವಿಕೊಂಡು ಮತ್ತೆ ನಡೆಯುವ ಅದ್ಭುತ ಕಲೆ ಎಂಬ ಅರಿವು ಮೂಡಿಸಬೇಕಿದೆ. ಪೋಷಕರು ತಮ್ಮ ಮಕ್ಕಳೊಂದಿಗೆ ಸ್ನೇಹಿತರಂತೆ ಬೆರೆತು ಅವರ ಮನಸ್ಸಿನ ಆಳದ ನೋವನ್ನು ಅರಿಯುವ ಕೆಲಸ ಮಾಡಬೇಕು. ಸಮಾಜ ಕೂಡ ಇಂತಹ ವಿಚಾರಗಳಲ್ಲಿ ಪಕ್ವತೆಯನ್ನು ಮೆರೆಯಬೇಕಿದೆ. ಒಂದು ಘಟನೆ ನಡೆದಾಗ ಅದಕ್ಕೆ ವೈಯಕ್ತಿಕ ಕಾರಣಗಳನ್ನು ಹುಡುಕಿ ಪರಿಹಾರ ಸೂಚಿಸುವ ಬದಲು, ಲಾಭ-ನಷ್ಟದ ಲೆಕ್ಕಾಚಾರ ಹಾಕುವುದು ನಾಗರಿಕ ಸಮಾಜಕ್ಕೆ ಶೋಭೆಯಲ್ಲ. ಯಾರನ್ನೂ ದೂಷಿಸುವುದರಿಂದ ಅಥವಾ ಯಾರ ಮೇಲೋ ಆಕ್ರೋಶ ಹೊರಹಾಕುವುದರಿಂದ ಕಳೆದುಹೋದ ಜೀವ ಮರಳಿ ಬರುವುದಿಲ್ಲ. ಬದಲಾಗಿ, ಇನ್ನು ಮುಂದೆ ಯಾವ ಜೀವವೂ ಹೀಗೆ ಬಲಿಯಾಗದಂತೆ ತಡೆಯುವ ಕರುಣಾಭರಿತ ವಾತಾವರಣವನ್ನು ನಾವು ನಿರ್ಮಿಸಬೇಕು. ಬದುಕುವ ಆಸೆ ಕಳೆದುಕೊಂಡವರಿಗೆ ಧರ್ಮದ ಭಾಷಣಕ್ಕಿಂತ, “ನಾನಿದ್ದೇನೆ ನಿನ್ನ ಜೊತೆ” ಎಂಬ ಪ್ರೀತಿಯ ಸಾಂತ್ವನ ಹೆಚ್ಚು ಶಕ್ತಿಯನ್ನು ನೀಡುತ್ತದೆ. ಬದುಕು ಮತ್ತು ಸಾವಿನ ನಡುವಿನ ಅಂತರ ಬಹಳ ಚಿಕ್ಕದು. ಆದರೆ ಇಂದು ಆ ಅಂತರವನ್ನು ಮಾನಸಿಕ ದೌರ್ಬಲ್ಯ ಒಂದು ಕಡೆ ತಗ್ಗಿಸುತ್ತಿದ್ದರೆ, ನಮ್ಮ ಕೈಯಲ್ಲಿರುವ ಮೊಬೈಲ್ ಫೋನ್‌ಗಳು ಮತ್ತು ಸಾಮಾಜಿಕ ಜಾಲತಾಣದ ಹುಚ್ಚು ಗೀಳು ಮತ್ತೊಂದು ಕಾರಣವಾಗಿದೆ. ಕೇವಲ ಪ್ರಚಾರಕ್ಕಾಗಿ ಅಥವಾ ಸೇಡಿಗಾಗಿ ಒಬ್ಬರ ವ್ಯಕ್ತಿತ್ವವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಾಜಿಗಿಟ್ಟು ಅವರ ಪ್ರಾಣ ತೆಗೆಯುವ ಮಟ್ಟಕ್ಕೆ ಈ ವಿಕೃತಿ ತಲುಪಿರುವುದು ಭಯಾನಕ. ಕೇರಳದಲ್ಲಿ ಇತ್ತೀಚೆಗೆ ನಡೆದ ಘಟನೆ ಇಡೀ ಸಮಾಜ ತಲೆತಗ್ಗಿಸುವಂತಿದೆ. ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದ ಯುವತಿಯೊಬ್ಬಳು ಪುರುಷನೊಬ್ಬ ಅನುಚಿತವಾಗಿ ವರ್ತಿಸಿದನೆಂದು ಸುಳ್ಳು ಆರೋಪ ಹೊರಿಸಿ ವಿಡಿಯೋ ವೈರಲ್ ಮಾಡಿದ್ದಳು. ಆ ವಿಡಿಯೋ ಸೃಷ್ಟಿಸಿದ ಮುಜುಗರ ಮತ್ತು ಅಪಮಾನವನ್ನು ತಾಳಲಾರದೆ ಆ ವ್ಯಕ್ತಿ ಆತ್ಮಹತ್ಯೆ ಮಾಡಿಕೊಂಡರು. ಪ್ರಾಥಮಿಕ ತನಿಖೆಯಲ್ಲಿ ಆತನದ್ದು ಯಾವುದೇ ತಪ್ಪಿಲ್ಲ ಎಂದು ಸಾಬೀತಾಗಿ ಇಂದು ಆ ಯುವತಿ ಕಂಬಿ ಎಣಿಸುತ್ತಿದ್ದಾಳೆ. ಆದರೆ ಕಳೆದುಹೋದ ಆ ಮುಗ್ಧ ಜೀವ ಮರಳಿ ಬರಲು ಸಾಧ್ಯವೇ? ಇದೇ ರೀತಿಯ ಘಟನೆಯೊಂದು ನಮ್ಮಲ್ಲೂ ನಡೆದಿದ್ದು, ಯುವಕನೊಬ್ಬನ ವಿರುದ್ಧ ವಿಡಿಯೋ ಹರಿಬಿಟ್ಟಿದ್ದ ಯುವತಿ ಈಗ ಸದ್ದಿಲ್ಲದೆ ತನ್ನ ಖಾತೆಯಿಂದ ಅದನ್ನು ಅಳಿಸಿ ಹಾಕಿದ್ದಾಳೆ. ಕೇವಲ ಒಂದು ‘ಕ್ಲಿಕ್’ ಮೂಲಕ ಇನ್ನೊಬ್ಬರ ಜೀವನವನ್ನು ನಾಶಮಾಡುವ ಈ ಪ್ರವೃತ್ತಿ ಅತ್ಯಂತ ಅಪಾಯಕಾರಿ. ಇನ್ನೊಂದೆಡೆ, ಸಮಾಜಕ್ಕೆ ಸೇವೆ ಸಲ್ಲಿಸುತ್ತಿದ್ದ ಪ್ರಸಿದ್ಧ ಪಿಕಳೆ ನರ್ಸಿಂಗ್ ಹೋಮ್‌ನ ಫಾರ್ಮಸಿ ಇನ್‌ಚಾರ್ಜ್ ರಾಜು ಅವರ ಸಾವು ನಮ್ಮನ್ನು ಬೆಚ್ಚಿಬೀಳಿಸಿದೆ. ಅವಧಿ ಮೀರಿದ ಔಷಧಿ ನೀಡಿದ್ದಾರೆಂದು ವ್ಯಕ್ತಿಯೊಬ್ಬ ಹರಿಬಿಟ್ಟ ವಿಡಿಯೋದಿಂದ ಮನನೊಂದು ಅವರು ಆತ್ಮಹತ್ಯೆಯಂತಹ ನಿರ್ಧಾರಕ್ಕೆ ಮುಂದಾದರು ಎನ್ನಲಾಗುತ್ತಿದೆ. ಅವಧಿ ಮೀರಿದ್ದ ಔಷಧಿ ನೀಡಿದ್ದನ್ನು ಅವರು ಒಪ್ಪಿಕೊಂಡು, ಅಂದೇ ಕ್ಷಮೆಯನ್ನೂ ಯಾಚಿಸಿದ್ದರು. ಆದರೆ, ವೈರಲ್‌ ಆಗಿದ್ದ ವಿಡಿಯೋ ಹರಿದಾಡುತ್ತಲೇ ಇತ್ತು. ಅಪಮಾನದ ಭೀತಿ ಮತ್ತು ಮಾನಸಿಕ ಕುಸಿತ ಒಬ್ಬ ವ್ಯಕ್ತಿಯನ್ನು ಸಾವಿನ ಅಂಚಿಗೆ ತಳ್ಳುತ್ತಿದೆ. ಪ್ರತಿಯೊಂದು ಘಟನೆಯನ್ನು ಧಾರ್ಮಿಕವಾಗಿ ಅಥವಾ ರಾಜಕೀಯವಾಗಿ ನೋಡಿ, ಸಾಮಾಜಿಕ ಜಾಲತಾಣಗಳಲ್ಲಿನ ಪ್ರಚಾರದ ಹಪಹಪಿಗೆ ಬಿದ್ದಿರುವ ಜನರಿಗೆ, ಆ ಸಾವುಗಳು ನೀಡುವ ನೋವಿನ ಅರಿವೇ ಇಲ್ಲದಂತಾಗಿದೆ. ಸಾವಿನ ಸುತ್ತ ಸಂಭ್ರಮಿಸುವ ಮತ್ತು ತಪ್ಪು-ಒಪ್ಪುಗಳ ವಿವೇಚನೆ ಇಲ್ಲದೆ ಸಾಮಾಜಿಕ ಜಾಲತಾಣಗಳಲ್ಲಿ ನ್ಯಾಯಾಧೀಶರಂತೆ ವರ್ತಿಸುವ ಈ ವಿಕೃತ ಮನಸ್ಥಿತಿಯನ್ನು ಸಮಾಜ ಬಿಡಬೇಕಿದೆ. ಆರೋಪ ಸಾಬೀತಾಗುವ ಮುನ್ನವೇ ಒಬ್ಬರ ವ್ಯಕ್ತಿತ್ವ ಹರಣ ಮಾಡುವುದು ಅಕ್ಷಮ್ಯ. ಪೊಲೀಸರ ಮೇಲೆ ಒತ್ತಡ ಹೇರುವುದು, ರಾಜಕೀಯ ಲಾಭಕ್ಕಾಗಿ ಸಾವನ್ನು ಬಳಸಿಕೊಳ್ಳುವುದು ಸಮಾಜದ ಸ್ವಾಸ್ಥ್ಯವನ್ನು ಹಾಳುಮಾಡುತ್ತಿದೆ. ನಮಗೆ ಇಂದು ಬೇಕಿರುವುದು ಪರಸ್ಪರ ಗೌರವಿಸುವ ಮತ್ತು ಬದುಕುವ ಹಕ್ಕನ್ನು ಎತ್ತಿಹಿಡಿಯುವ ಮಾನವೀಯ ಸಮಾಜ. ಇನ್ನೊಬ್ಬರ ಬದುಕನ್ನು ನೋಯಿಸುವ ಮುನ್ನ, ಆ ಸ್ಥಾನದಲ್ಲಿ ನಾವಿದ್ದರೆ ಎಂಬ ಕನಿಷ್ಠ ಪ್ರಜ್ಞೆ ಪ್ರತಿಯೊಬ್ಬರಲ್ಲೂ ಮೂಡಬೇಕಿದೆ. ಬದುಕು ಸುಂದರವಾಗಿದೆ, ಅದನ್ನು ಕ್ಷುಲ್ಲಕ ಕಾರಣಗಳಿಗಾಗಿ ಅಥವಾ ಸಾಮಾಜಿಕ ಜಾಲತಾಣದ ಅಬ್ಬರಕ್ಕೆ ಬಲಿಯಾಗದಂತೆ ಕಾಪಾಡಿಕೊಳ್ಳುವ ಜವಾಬ್ದಾರಿ ನಮ್ಮದಾಗಲಿ. ಲೇಖಕರು: ಮಾಧವ ಬಿ ನಾಯಕ ಅಧ್ಯಕ್ಷರು, ಜನಶಕ್ತಿ ವೇದಿಕೆ
- [ಅನಂತ ಅಡಿ: ಅರ್ದ ಆಯಸ್ಸಿಗೆ ಆತ್ಮಹತ್ಯೆ!](https://mobiletime.in/2026/01/anantha-adi-suicide-at-half-life/): ಅತ್ಯಂತ ಉತ್ಸಾಹದಿಂದಲೇ ಬದುಕು ನಡೆಸುತ್ತಿದ್ದ ಗೋಕರ್ಣದ ಅನಂತ ಅಡಿ ದಿಢೀರ್ ಆಗಿ ದುಡುಕಿನ ನಿರ್ಧಾರ ಮಾಡಿದ್ದಾರೆ. ಅರ್ದ ಆಯಸ್ಸಿಗೆ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಗೋಕರ್ಣದ ರಥಬೀದಿಯಲ್ಲಿ ಅನಂತ ರಾಮಕೃಷ್ಣ ಅಡಿ (56) ಅವರು ವಾಸವಾಗಿದ್ದರು. ಯಂಗ್ ಸ್ಟಾರ್ ಕ್ಲಬ್ ಸದಸ್ಯರಾಗಿದ್ದ ಅವರು ಸಂಸ್ಥೆ ಅಭಿವೃದ್ಧಿಗೆ ಶ್ರಮಿಸಿದ್ದರು. ಯಕ್ಷಪ್ರೇಮಿ ಆಗಿದ್ದ ಅವರು ಪ್ರತಿ ವರ್ಷ ವಿವಿಧ ಕಡೆ ಯಕ್ಷಗಾನ ಪ್ರದರ್ಶನ ಆಯೋಜಿಸುತ್ತಿದ್ದರು. ಸಾಹಿತ್ಯ, ಸಮ್ಮೇಳನಗಳಲ್ಲಿಯೂ ಅನಂತ ಅಡಿ ಅತ್ಯಂತ ಉತ್ಸಾಹದಿಂದ ತೊಡಗಿಕೊಳ್ಳುತ್ತಿದ್ದರು. ವಿವಿಧ ಬಗೆಯ ಸಾಂಸ್ಕೃತಿಕ ಕಾರ್ಯಕ್ರಮಗಳ ಆಯೋಜನೆಯಲ್ಲಿಯೂ ಮುಂಚೂಣಿಯಲ್ಲಿರುತ್ತಿದ್ದರು. ಅತ್ಯAತ ಸರಳ ಹಾಗೂ ಶಾಂತ ಸ್ವಭಾವದ ಅನಂತ ಅಡಿ ಅವರು ಶುಕ್ರವಾರ ಏಕಾಏಕಿ ದುಡುಕಿನ ನಿರ್ಧಾರ ಮಾಡಿದರು. ಮನೆಯಲ್ಲಿಯೇ ಅವರು ನೇಣಿಗೆ ಶರಣಾದರು. ಮಾನಸಿಕವಾಗಿ ಕೊರಗುತ್ತಿದ್ದ ಅವರು ಆ ಕೊರಗನ್ನು ಯಾರಲ್ಲಿಯೂ ಹೇಳಿಕೊಳ್ಳಲಾಗದೇ ಕೊನೆಯುಸಿರೆಳೆದರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. `ಆತ್ಮಹತ್ಯೆ ಅಪರಾಧ’
- [ಹಲ್ಲೆ-ಹೊಡೆದಾಟ!](https://mobiletime.in/2026/01/assault-and-battery/): ಶಿರಸಿ – ಬನವಾಸಿ ರಸ್ತೆಯಲ್ಲಿ ಮೂತ್ರ ವಿಸರ್ಜನೆಗೆ ನಿಂತಿದ್ದ ವ್ಯಕ್ತಿಯ ಮೇಲೆ ಮೂವರು ಹಲ್ಲೆ ಮಾಡಿದ್ದಾರೆ. ಅನೈತಿಕ ಸಂಬoಧ ಹಲ್ಲೆಗೆ ಕಾರಣ ಎನ್ನುವ ಮಾಹಿತಿಯಿದ್ದರೂ ಹಲ್ಲೆಗೆ ಕಾರಣ ಎಂಬ ಸುದ್ದಿ ಹರಿದಾಡುತ್ತಿದ್ದರೂ ಹೊಡೆದಾಟಕ್ಕೆ ಕಾರಣವಾದ ನೈಜ ರಹಸ್ಯ ಹೊರ ಬಿದ್ದಿಲ್ಲ! ಹುಬ್ಬಳ್ಳಿಯಲ್ಲಿ ಕಟ್ಟಡ ಕಾರ್ಮಿಕರಾಗಿ ಕೆಲಸ ಮಾಡುವ ಗೌಡಳ್ಳಿಯ ಗೌಂಡಿ ತನ್ವೀರಖಾನ್ ನಸರುಲ್ಲಾ ಖಾನ್ ಹಲ್ಲೆಗೆ ಒಳಗಾದ ವ್ಯಕ್ತಿ. ಶಿರಸಿ ಗಡಿಹಳ್ಳಿಯ ಮಹಮದ್ ಶರೀಫ್ ಅಬ್ದುಲ್ ಖುದ್ದುಸ್ ಶೇಖ್, ಅರೆಕೊಪ್ಪದ ಮಜೀರ್ ಅಬ್ದುಲ್ ಜಬ್ಬಾರ್ ಹಾಗೂ ಅರೆಕೊಪ್ಪದ ಖಯಂ ಮಹಮದ್ ಅಲಿ ಸೇರಿ ತನ್ವೀರ್ ಖಾನ್ ಅವರನ್ನು ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಮಾಹಿತಿಗಳ ಪ್ರಕಾರ ತನ್ವೀಖಾನ್ ಅವರು ಮಹಮದ್ ಶೇಖ್ ಅವರ ಅಕ್ಕನ ಮಗಳ ಭೇಟಿಗೆ ಬರುತ್ತಿದ್ದು, ಅದನ್ನು ಆರೋಪಿತರು ವಿರೋಧಿಸಿದ್ದರು. ಎಚ್ಚರಿಕೆ ನೀಡಿದ್ದರೂ ಸಹ ಅವರ ಪ್ರೇಮ-ಪ್ರಣಯ ಕದ್ದುಮುಚ್ಚಿ ನಡೆಯುತ್ತಿತ್ತು. ಇದನ್ನು ಸಹಿಸದೇ ಮೂವರು ಸೇರಿ ತನ್ವಿರ್ ಖಾನ್ ಅವರನ್ನು ಥಳಿಸಿದ್ದಾರೆ. ಆದರೆ, ತಮ್ಮ ಮೇಲಾದ ದಾಳಿಯ ಬಗ್ಗೆ ತನ್ವೀರಖಾನ್ ನೀಡಿದ ದೂರಿನಲ್ಲಿ ಮತ್ತೊಂದು ಕಥೆ ಹೇಳಿದ್ದಾರೆ. ಗೌಡಳ್ಳಿಯಲ್ಲಿರುವ ತಂದೆ ನಸರುಲ್ಲಾ ಖಾನ್ ಅವರ ಭೇಟಿಯಾಗಿ ಮರಳುವಾಗ ಮೂವರು ದಾಳಿ ನಡೆಸಿದ ಬಗ್ಗೆ ಅವರು ದೂರಿದ್ದಾರೆ. `ಬನವಾಸಿಯ ಅರೆಕೊಪ್ಪ ಸರ್ವಿಸ್ ಸ್ಟೇಶನ್ ಬಳಿ ಬೈಕ್ ನಿಲ್ಲಿಸಿ ಮೂತ್ರ ವಿಸರ್ಜನೆ ಮಾಡುವಾಗ ಮೂವರು ತಡೆದರು. ಇಲ್ಲಿ ಏಕೆ ಮೂತ್ರ ವಿಸರ್ಜಿಸುವೆ? ಎಂದು ಪ್ರಶ್ನಿಸಿ ಹಲ್ಲೆ ಮಾಡಿದ್ದಾರೆ’ ಎಂದವರು ಪೊಲೀಸರ ಬಳಿ ಹೇಳಿದ್ದಾರೆ. ಜನವರಿ 2ರಂದು ಈ ಹೊಡೆದಾಟ ನಡೆದಿದ್ದು, ಅದೇ ದಿನ ತನ್ವೀರಖಾನ್ ಅದೇ ದಿನ ಪೊಲೀಸ್ ದೂರು ನೀಡಿದ್ದಾರೆ. ಅದಾದ ನಂತರ ನ್ಯಾಯಾಲಯದ ಮೊರೆ ಹೊಗಿ ಪ್ರಕರಣ ದಾಖಲಿಸುವಂತೆ ಪೊಲೀಸರಿಗೆ ಸೂಚನೆ ಕೊಡಿಸಿದ್ದಾರೆ. ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಆ ಅಪಘಾತ ಆಕಸ್ಮಿಕ ಅಲ್ಲವೇ ಅಲ್ಲ!](https://mobiletime.in/2026/01/that-accident-was-not-an-accident-at-all/): ಹೊನ್ನಾವರದ ಸೂಳೆಮುರ್ಕಿ ತಿರುವಿನಲ್ಲಿ ಸಿದ್ದಾಪುರದ ಸಹೋದರರು ಸುಟ್ಟು ಕರಕಲಾದ ಪ್ರಕರಣಕ್ಕೆ ಹೊಸ ತಿರುವು ಸಿಕ್ಕಿದೆ. ವಾರ್ಷಿಕ 5 ಲಕ್ಷ ರೂ ಆದಾಯವೇ ಇಲ್ಲದ ಹಸ್ಲರ್ ಸಹೋದರರು ವಾರ್ಷಿಕ 5 ಲಕ್ಷ ರೂ ಕಂತು ಪಾವತಿಸುವ ಪ್ರಯತ್ನ ಮಾಡಿದ ಮೊಬೈಲ್ ಮಿಡಿಯಾ ನೆಟ್ ವರ್ಕ ತನಿಖಾ ವರದಿ ಪ್ರಕಟಿಸಿದ್ದು, ಅನುಮಾನಾಸ್ಪದ ವ್ಯಕ್ತಿ ಇರುದ್ಧ ಇದೀಗ ಅವರ ಕುಟುಂಬದವರೇ ದೂರು ಸಲ್ಲಿಸಿದ್ದಾರೆ. ಸಿದ್ದಾಪುರದ ಕುಡಗುಂದ ಬಳಿಯ ಆಲವಳ್ಳಿಯಲ್ಲಿ ವೀರಭದ್ರ ಹಸ್ಲೇರ್ ಅವರು ವಾಸವಾಗಿದ್ದು, ಅವರ ಮೂವರು ಮಕ್ಕಳಲ್ಲಿ ಇಬ್ಬರು ಸಜೀವ ದಹನವಾಗಿದ್ದಾರೆ. ಮಂಜುನಾಥ ಹಸ್ಲೇರ್, ಚಂದ್ರಶೇಖರ ಹಸ್ಲೇರ್ ಅವರು ಮೀನು ಮಾರಾಟ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದು ಜನವರಿ 7ರಂದು ಅವರು ಕಾರಿನೊಳಗೆ ಸುಟ್ಟು ಕರಕಲಾಗಿದ್ದಾರೆ. ಕಾರು ಸುಡುವ ಮುನ್ನ ಪ್ರಮೋದ ನಾಯ್ಕ ಅವರು ಕ್ಯಾನಿನಲ್ಲಿ ಪೆಟ್ರೋಲ್ ಖರೀದಿಸಿದ್ದು ಹಾಗೂ ಘಟನೆಯಲ್ಲಿ ಪ್ರಮೋದ ನಾಯ್ಕ ಸಹ ಗಾಯಗೊಂಡಿರುವ ವಿಷಯ ಹೊರ ಬಿದ್ದಿದೆ. ಸುಟ್ಟುಹೋದ ಸಹೋದರರ ತಮ್ಮ ಉಮೇಶ ಹಸ್ಲರ್ ಈ ವಿಷಯವನ್ನು ಪೊಲೀಸರ ಎದುರು ಬಹಿರಂಗಪಡಿಸಿದ್ದಾರೆ. ದುರ್ಘಟನೆ ನಡೆದ ನಂತರ ಪ್ರಮೋದ ನಾಯ್ಕ ಕಣ್ಮರೆಯಾಗಿದ್ದಾರೆ. ಪ್ರಮೋದ ನಾಯ್ಕ ಅವರ ಫೋನ್ ಸಹ ಸ್ವಿಚ್ ಆಫ್ ಆಗಿದೆ. ಸಹೋದರರು ಸುಟ್ಟು ಕರಕಲಾದ ನಂತರ ಉಮೇಶ ಹಸ್ಲರ್ ಅವರು ಪ್ರಮೋದ ನಾಯ್ಕ ಅವರ ಮನೆಗೆ ಭೇಟಿ ನೀಡಿದ್ದಾರೆ. ಆದರೆ, ಆ ವೇಳೆ ಪ್ರಮೋದ ನಾಯ್ಕ ಅಲ್ಲಿರಲಿಲ್ಲ. ಇದೇ ಅವಧಿಯಲ್ಲಿ ಪ್ರಮೋದ ನಾಯ್ಕ ಹಾಗೂ ಸಾವನಪ್ಪಿದ ಹಸ್ಲರ್ ಸಹೋದರರ ನಡುವೆ ಹಣಕಾಸಿನ ವ್ಯವಹಾರ ನಡೆಯುತ್ತಿರುವುದು ಉಮೇಶ ಹಸ್ಲರ್ ಅವರಿಗೆ ನೆನಪಾಗಿದೆ. ಜನವರಿ 6ರಂದು ಪ್ರಮೋದ ನಾಯ್ಕ ಕ್ಯಾನಿನಲ್ಲಿ ಪೆಟ್ರೋಲ್ ಖರೀದಿಸಿದ ಬಗ್ಗೆ ಆಲಳ್ಳಿಯ ಆನಂದ ರಮೇಶ ಹಸ್ಲರ್ ಅವರು ಮಾಹಿತಿ ನೀಡಿದ್ದಾರೆ. ಮತ್ತೊಬ್ಬನ ಜೊತೆ ಸೇರಿ ಮಾವಿನಗುಂಡಿಯಲ್ಲಿರುವ ಪೆಟ್ರೋಲ್ ಬಂಕಿನಿAದ ಪೆಟ್ರೋಲ್‌ಪಡೆದ ಬಗ್ಗೆಯೂ ಅವರು ತಿಳಿಸಿದ್ದಾರೆ. ಕಾರು ಸುಟ್ಟು 8 ದಿನ ಕಳೆದರೂ ಪ್ರಮೋದ ನಾಯ್ಕ ಮನೆಗೆ ಬಾರದ ಕಾರಣ ಉಮೇಶ ಹಸ್ಲರ್ ಅವರಿಗೆ ಅನುಮಾನ ಶುರುವಾಗಿದೆ. ಪ್ರಕರಣ ನಡೆದು 17 ದಿನ ಕಳೆದರೂ ಪ್ರಮೋದ ನಾಯ್ಕ ಬಾರದ ಕಾರಣ ಪ್ರಮೋದ ನಾಯ್ಕ ಅವರ ಬಗ್ಗೆ ಕುಟುಂಬದವರು ವಿಚಾರಿಸಿದ್ದಾರೆ. ಆಗ, ಕಾರ್ಗಾಲ್’ದಲ್ಲಿ ಪ್ರಮೋದ ನಾಯ್ಕ ಅವರನ್ನು ವ್ಯಕ್ತಿಯೊಬ್ಬರು ನೋಡಿದ್ದು, ಪ್ರಮೋದ ನಾಯ್ಕ ಕೈ-ಕಾಲು ಸುಟ್ಟಿರುವುದನ್ನು ಗಮನಿಸಿದ್ದಾರೆ. ಇದನ್ನು ಓದಿ: ಸುಟ್ಟ ಕಾರಿನ ಸುತ್ತ ಅನುಮಾನದ ಹುತ್ತ! ಈ ಎಲ್ಲಾ ಹಿನ್ನಲೆ ಉಮೇಶ ಹಸ್ಲರ್ ಅವರು ಹೊನ್ನಾವರ ಪೊಲೀಸ್ ಠಾಣೆಗೆ ಹೋಗಿದ್ದು, ಪ್ರಮೋದ ನಾಯ್ಕ ಮಾಡಿದ ಕೊಲೆಯ ಬಗ್ಗೆ ವಿವರಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ, ಪ್ರಮೋದ ನಾಯ್ಕ ಅವರ ಶೋಧ ನಡೆಸಿದ್ದಾರೆ. ಶೀಘ್ರದಲ್ಲಿಯೇ ಪ್ರಮೋದ ನಾಯ್ಕ ಅವರ ಬಂಧನದ ವಿಷಯ ಹೊರಬರುವ ಸಾಧ್ಯತೆಗಳಿವೆ.
- [ಸರ್ಕಾರಿ ಪ್ರಕಟಣೆ: ಸಮಾಜ ಸೇವಕರು ಬೇಕಾಗಿದ್ದಾರೆ!](https://mobiletime.in/2026/01/government-announcement-social-workers-wanted/): ಮಹಿಳೆಯರಿಗೆ ಒಂದೇ ಸೂರಿನ ಅಡಿ ಅನೇಕ ಬಗೆಯ ನೆರವು ನೀಡುವುದಕ್ಕಾಗಿ ಶಿರಸಿಯಲ್ಲಿ `ಸಖಿ ಕೇಂದ್ರ’ ತೆರೆಯಲು ಸರ್ಕಾರ ಸಮ್ಮತಿ ಸೂಚಿಸಿದೆ. ಈ ಸಖಿ ಕೇಂದ್ರದಲ್ಲಿ ಕೆಲಸ ಮಾಡುವುದಕ್ಕಾಗಿ ಅರ್ಹರ ಹುಡುಕಾಟವನ್ನು ನಡೆದಿದೆ. ಶಿರಸಿಯ ಸರ್ಕಾರಿ ಆಸ್ಪತ್ರೆಯಲ್ಲಿ ಸಖಿ ಕೇಂದ್ರ ಶುರುವಾಗಲಿದೆ. ಕಾನೂನು ನೆರವು, ವೈದ್ಯಕೀಯ ನೆರವು, ವಿವಿಧ ವಿಷಯಗಳ ಕುರಿತು ಅರಿವು ಸೇರಿ ಮಹಿಳೆಯರ ಮೇಲಿನ ದೌರ್ಜನ್ಯ ತಡೆಗಾಗಿ ಈ ಸಖಿ ಕೇಂದ್ರವನ್ನು ತೆರೆಯಲಾಗುತ್ತಿದೆ. ಸದ್ಯ ಕಾರವಾರದಲ್ಲಿ ಸಖಿ ಕೇಂದ್ರ ಕಾರ್ಯನಿರ್ವಹಿಸುತ್ತಿದ್ದು, ಶಿರಸಿಯಲ್ಲಿ ಇನ್ನೊಂದು ಕೇಂದ್ರ ತೆರೆಯುವ ಪ್ರಸ್ತಾವನೆಗೆ ಸರ್ಕಾರ ಒಪ್ಪಿಗೆ ನೀಡಿದೆ. ಈ ಕೇಂದ್ರದಲ್ಲಿ ಕಾರ್ಯ ನಿರ್ವಹಿಸಲು ಕೇಂದ್ರ ಆಡಳಿತಾಧಿಕಾರಿ, ಆಪ್ತ ಸಮಾಲೋಚಕರು, ಸಮಾಜ ಸೇವಾ ಕಾರ್ಯಕರ್ತರು ಹಾಗೂ ಸ್ವಚ್ಚತಾಕಾರರು ಹಾಗೂ ಭದ್ರತಾ ಸಿಬ್ಬಂದಿ ಅಗತ್ಯವಿದೆ. ಆಡಳಿತಾಧಿಕಾರಿಗಳಿಗೆ ಮಾಸಿಕ 40 ಸಾವಿರ ರೂ, ಆಪ್ತ ಸಮಾಲೋಚಕರಿಗೆ 30 ಸಾವಿರ ರೂ, ಸಮಾಜ ಸೇವಾ ಕಾರ್ಯಕರ್ತರಿಗೆ 25 ಸಾವಿರ ರೂ ವೇತನ ನಿಗದಿ ಮಾಡಲಾಗಿದೆ. ಸ್ವಚ್ಚತಾಕಾರರು ಹಾಗೂ ಭದ್ರತಾ ಸಿಬ್ಬಂದಿಗೆ ಮಾಸಿಕ 15 ಸಾವಿರ ರೂ ವೇತನ ಸಿಗಲಿದೆ. ಈ ಎಲ್ಲಾ ಹುದ್ದೆಗಳನ್ನು ನೇರ ಗುತ್ತಿಗೆ ಆಧಾರದ ಮೇಲೆ ನೇಮಕ ಮಾಡಿಕೊಳ್ಳಲಾಗುತ್ತದೆ. ಒಂದು ವರ್ಷದ ತಾತ್ಕಾಲಿಕ ಅವಧಿಗೆ ಈ ನೇಮಕಾತಿ ನಡೆಯಲಿದ್ದು, ನೌಕರರ ಕಾರ್ಯನಿರ್ವಹಣೆ ಸರಿಯಾಗಿದ್ದರೆ ಮಾತ್ರ ಮುಂದಿನ ಅವಧಿಗೆ ಸೇವೆ ಮುಂದುವರೆಸಲಾಗುತ್ತದೆ. 18ರಿಂದ 45 ವರ್ಷದೊಳಗಿನವರು ಅರ್ಜಿ ಸಲ್ಲಿಸಬಹುದಾಗಿದ್ದು, ಆಡಳಿತಾಧಿಕಾರಿ ಹುದ್ದೆಗೆ ಕಾನೂನು, ಮಾನವಶಾಸ್ತ, ಅಥವಾ ಮನೋವೈದ್ಯ ಶಾಸ್ತ ಅಧ್ಯಯನ ಮಾಡಿರುವವು ಅರ್ಜಿ ಸಲ್ಲಿಸಲು ಅರ್ಹರು. ಕನಿಷ್ಟ 5 ವರ್ಷ ಸೇವಾ ಅನುಭವವನ್ನು ಪರಿಗಣಿಸಲಾಗುತ್ತದೆ. ಆಪ್ತ ಸಮಾಲೋಚಕರ ಹುದ್ದೆಗೆ ಸಹ ಎಂ ಎಸ್ ಡಬ್ಲು ಹಾಗೂ ಇದೇ ವಿಷಯದಲ್ಲಿ 3 ವರ್ಷದ ಅನುಭವ ಇದ್ದವರ ಹುಡುಕಾಟ ನಡೆದಿದೆ. ಸಮಾಜ ಸೇವಾ ಕಾರ್ಯಕರ್ತರು ಪದವಿಧರರಾಗಬೇಕಿದ್ದು, 2 ವರ್ಷದ ಅನುಭವವ ಕಡ್ಡಾಯ. ಸ್ವಚ್ಚತಾಕಾರರು ಹಾಗೂ ಭದ್ರತಾ ಸಿಬ್ಬಂದಿ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಪಾಸಾಗಿರಬೇಕು ಎಂಬ ನಿಯಮವಿದೆ. ಕನ್ನಡ, ಇಂಗ್ಲಿಷ್ ಹಾಗೂ ಹಿಂದಿ ಭಾಷೆ ಬರುವ ಹಾಗೂ ವ್ಯವಹಾರ ಪರಿಜ್ಞಾನ ಹೊಂದಿರುವವರಿಗೆ ಉದ್ಯೋಗದಲ್ಲಿ ಆದ್ಯತೆ ಕೊಡಲಾಗುತ್ತದೆ. ಅರ್ಜಿ ಸಲ್ಲಿಸುವ ಮಹಿಳಾ ಅಭ್ಯರ್ಥಿ ಉತ್ತರ ಕನ್ನಡ ಜಿಲ್ಲೆಯವರಾಗಿದ್ದು, ಅರ್ಜಿ ಜೊತೆ ಅಗತ್ಯ ದಾಖಲೆ ಸಲ್ಲಿಸುವುದು ಕಡ್ಡಾಯ. 24*7 ಮಾದರಿಯಲ್ಲಿ ಸಖಿ ಕೇಂದ್ರ ಕಾರ್ಯ ನಿರ್ವಹಿಸಲಿದ್ದು, ಪಾಳಿ ಪ್ರಕಾರ ಕೆಲಸ ಮಾಡಲು ಸಿಬ್ಬಂದಿ ಸಿದ್ಧವಿರಬೇಕು. ಪದವಿಯಲ್ಲಿ ಶೇ 30, ಕಂಪ್ಯುಟರ್ ಪರೀಕ್ಷೆಯಲ್ಲಿ ಶೇ 20 ಹಾಗೂ ಸಂದರ್ಶನದ ಮೂಲಕ ಶೇ 50ರಷ್ಟು ಅಂಕದ ಮೂಲಕ ಅಭ್ಯರ್ಥಿಗಳ ಆಯ್ಕೆ ನಡೆಯಲಿದೆ. ಜನವರಿ 27ರಿಂದ ಫೆಬ್ರವರಿ 26ರವರೆಗೆ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯಲ್ಲಿ ಅರ್ಜಿ ನಮೂನೆ ಸಿಗಲಿದೆ. ಉತ್ತರ ಕನ್ನಡ ಜಿಲ್ಲಾಧಿಕಾರಿ, ಪೊಲೀಸ್ ಅಧೀಕ್ಷಕರು, ಜಿಲ್ಲಾ ಪಂಚಾಯತ ಮುಖ್ಯಾಧಿಕಾರಿ ಹಾಗೂ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಉಪನಿರ್ದೇಶಕರ ನೇತ್ರತ್ವದಲ್ಲಿ ಸಮಿತಿ ರಚನೆಯಾಗಿದ್ದು, ಅದೇ ಸಮಿತಿ ಅಭ್ಯರ್ಥಿಗಳ ಆಯ್ಕೆ ಮಾಡಲಿದೆ. ಕೆಲಸದ ಅನುಭವ ಹಾಗೂ ಸೇವಾ ಮನೋಭಾವಹೊಂದಿರುವವರಿಗೆ ಮೊದಲ ಆದ್ಯತೆ ಆಧಾರದಲ್ಲಿ ಕೆಲಸ ಕೊಡಲಾಗುತ್ತದೆ. ಈ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ಬೇಕೇ? ಹಾಗಾದರೆ, ಇಲ್ಲಿ ಫೋನ್ ಮಾಡಿ: 08382-200727 ಅಥವಾ 8618006406  
- [ಪಾದಚಾರಿ ಮಾರ್ಗದಲ್ಲಿ ಹೊಂಡ: ಗಿಡ ನೆಟ್ಟು ಪ್ರತಿಭಟನೆ!](https://mobiletime.in/2026/01/potholes-on-the-sidewalk-protest-by-planting-trees/): ಯಲ್ಲಾಪುರ ಪಟ್ಟಣದಲ್ಲಿನ ಪಾದಚಾರಿ ಮಾರ್ಗದಲ್ಲಿ ಹೊಂಡ ಬಿದ್ದಿದ್ದು, ಆ ಹೊಂಡದಲ್ಲಿ ಜನ ಕಾಲು ಸಿಕ್ಕಿಸಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ದೂರಿದರೂ ಕ್ರಮ ಜರುಗಿಸದ ಕಾರಣ ಸಾರ್ವಜನಿಕ ಸೇವಾ ಕೇಂದ್ರದವರು ಶುಕ್ರವಾರ ಹೊಂಡದ ಒಳಗೆ ಗಿಡ ನೆಟ್ಟು ಪ್ರತಿಭಟಿಸಿದ್ದಾರೆ. ಯಲ್ಲಾಪುರ ಪಟ್ಟಣದ ಅನೇಕ ಕಡೆ ಪಾದಚಾರಿ ಮಾರ್ಗದಲ್ಲಿ ಹೊಂಡಗಳಾಗಿವೆ. ಮೊನ್ನೆ ಚರ್ಚ ಕಾಂಪ್ಲೇಕ್ಸ್ ಎದುರು ಶಾಲಾ ಬಾಲಕಿಯೊಬ್ಬರು ಆ ಹೊಂಡದಲ್ಲಿ ಕಾಲು ಸಿಕ್ಕಿಸಿಕೊಂಡಿದ್ದರು. ಅದಾದ ನಂತರ ಅಲ್ಲಿನ ಧೀರಜ ತಿನ್ನೇಕರ್ ಅವರು ಆ ಹೊಂಡಕ್ಕೆ ಕಲ್ಲು ಮುಚ್ಚಿದ್ದರು. ಆ ಕಲ್ಲು ಸಹ ಹೊಂಡದ ಆಳ ಸೇರಿದ್ದು, ಶುಕ್ರವಾರ ಮತ್ತೊಬ್ಬರು ಅದೇ ಹೊಂಡದಲ್ಲಿ ಬಿದ್ದು ಪೆಟ್ಟು ಮಾಡಿಕೊಂಡಿದ್ದಾರೆ. ತುರ್ತು ಕ್ರಮಕ್ಕೆ ಒತ್ತಾಯಿಸಿದರೂ ಕ್ರಮವಾಗದ ಕಾರಣ ಸಾರ್ವಜನಿಕ ಸೇವಾ ಕೇಂದ್ರದವರು ಈ ದಿನ ಹೊಂಡದಲ್ಲಿ ಗಿಡ ನಾಟಿ ಮಾಡಿ ಪ್ರತಿಭಟಿಸಿದರು. ವಿಷಯ ತಿಳಿದು ಅಲ್ಲಿಗೆ ಆಗಮಿಸಿದ ಪಟ್ಟಣ ಪಂಚಾಯತ ಸಿಬ್ಬಂದಿ ಸಮಸ್ಯೆ ಬಗೆಹರಿಸುವ ಭರವಸೆ ನೀಡಿದರು. `ಪಟ್ಟಣದ ಅನೇಕ ಕಡೆ ಹೊಂಡ ಬಿದ್ದಿದೆ. ಸದ್ಯ ಯಲ್ಲಾಪುರ ಜಾತ್ರೆ ಆಗಮಿಸಲಿದ್ದು, ಸಾವಿರಾರು ಜನ ಅದೇ ಪಾದಚಾರಿ ಮಾರ್ಗದಿಂದ ಸಂಚರಿಸುತ್ತಾರೆ. ಜಾತ್ರೆಗೆ ಬರುವ ಭಕ್ತರು ಹೊಂಡಕ್ಕೆ ಬೀಳದ ಹಾಗೇ ತಪ್ಪಿಸಲು ತುರ್ತು ಕ್ರಮ ಜರುಗಿಸಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. ಧೀರಜ ತಿನ್ನೇಕರ್ ಅವರ ಜೊತೆ ಜಾನಿ ಫರ್ನಾಂಡಿಸ್ ಹಾಗೂ ಮಾರಿಯಾ ವಡ್ಡರ್ ಇದ್ದರು.
- [ರಾಜ್ಯಪಾಲರ ನಡೆಗೆ ರೈತ ಸಂಘದ ಖಂಡನೆ](https://mobiletime.in/2026/01/farmers-association-condemns-governors-move/): `ಜoಟಿ ಸದನವನ್ನು ಉದ್ದೇಶಿಸಿ ಮಾತನಾಡಲು ನಿರಾಕರಿಸುವ ರಾಜ್ಯಪಾಲರ ನಡೆ ಅಸಂವಿಧಾನಿಕ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘ ಹೇಳಿದೆ ಈ ಬಗ್ಗೆ ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಪ್ರಕಟಣೆ ನೀಡಿದ್ದು, ರಾಜ್ಯಪಾಲರಾದ ತಾವರಚಂದ್ ಗೆಹ್ಲೋಟ್ ಸಂವಿಧಾನದ ವಿಧಿಯಂತೆ ನಡೆದುಕೊಂಡಿಲ್ಲ. ಜಂಟಿ ಸದನ ಅಧಿವೇಶನದಲ್ಲಿ ಸರಕಾರದ ಭಾಷಣ ಓದುವ ಬದಲು ತಮ್ಮದೇ ಮಾತನಾಡಿ ನಿರ್ಗಮಿಸಿರುವುದು ಪ್ರಜಾಪ್ರಭುತ್ವ ವಿರೋಧಿ ನಡೆಯಾಗಿದೆ’ ಎಂದು ಹೇಳಿದ್ದಾರೆ. `ರಾಜ್ಯಪಾಲರು ಕೇಂದ್ರ ಸರಕಾರದ ಮೂಲಕ ನೇಮಕಗೊಳ್ಳುವವರಾಗಿದ್ದು, ಅವರು ಚುನಾಯಿತ ಪ್ರತಿನಿಧಿಗಳಲ್ಲ. ರಾಜ್ಯ ಸರಕಾರದ ಅಥವಾ ಮಂತ್ರಿಮAಡಲ ಸಿದ್ಧಪಡಿಸಿದ ರಾಜ್ಯಪಾಲರ ಭಾಷಣವನ್ನು ರಾಜ್ಯ ಸರಕಾರವನ್ನು ಪ್ರತಿನಿಧಿಸಿ ಜಂಟಿ ಸದನದಲ್ಲಿ ಓದುವುದು ರಾಜ್ಯಪಾಲರ ಕರ್ತವ್ಯ. ಅದನ್ನು ತಮ್ಮ ಮನಬಂದAತೆ ತಿದ್ದುಪಡಿ ಮಾಡಿ ಭಾಷಣ ಮಾಡಲು ಅದು ಅವರ ವಯಕ್ತಿಕ ಭಾಷಣ ಅಲ್ಲ’ ಎಂದವರು ಹೇಳಿದ್ದಾರೆ. ಈಚೆಗೆ ಹಲವು ರಾಜ್ಯಗಳಲ್ಲಿ ರಾಜ್ಯಪಾಲರುಗಳು ತಾವು ರಾಜ್ಯ ಸರಕಾರವನ್ನು ಪ್ರತಿನಿಧಿಸುವವರೆಂಬುದನ್ನು ಮರೆತು ಕೇಂದ್ರ ಸರಕಾರದ ಪ್ರತಿನಿಧಿಯ ಹಾಗೇ ವರ್ತಿಸುತ್ತಿದ್ದಾರೆ. ಅದೇ ರಾಜ್ಯ ಸರ್ಕಾರದ ಜೊತೆ ನಿತ್ಯ ತಿಕ್ಕಾಟಕ್ಕೆ ಕಾರಣವಾಗಿದೆ. ಇದು ಪ್ರಜಾಪ್ರಭುತ್ವ ವಿರೋಧಿ ಕ್ರಮವಾಗಿದೆ’ ಎಂದು ಶಾಂತಾರಾಮ ನಾಯಕ ಅಭಿಪ್ರಾಯಪಟ್ಟಿದ್ದಾರೆ. `ದೇಶದ ಒಕ್ಕೂಟವಾದಿ ಸ್ವರೂಪವನ್ನು ಬಲಗೊಳಿಸುವ ದಿಶೆಯಲ್ಲಿ ಕೇಂದ್ರ ಹಾಗು ರಾಜ್ಯ ಸಂಬAಧಗಳನ್ನು ಬಲಗೊಳಿಸುವ ಬದಲು ನರೇಂದ್ರ ಮೋದಿ ರಾಜ್ಯ ಸರಕಾರಗಳ ಸಂವಿಧಾನಾತ್ಮಕ ಹಕ್ಕುಗಳನ್ನು ಮೊಟಕುಗೊಳಿಸುವಲ್ಲಿ ನಿರತವಾಗಿದ್ದಾರೆ. ಅದಕ್ಕಾಗಿ ರಾಜ್ಯಪಾಲರ ಕಛೇರಿ ಹಾಗು ಸ್ಥಾನವನ್ನು ದುರುಪಯೋಗ ಮಾಡುತ್ತಿದ್ದಾರೆ’ ಎಂದವರು ದೂರಿದ್ದಾರೆ.
- [ಪೊಲೀಸರ ಹೆಸರಿನಲ್ಲಿ ಫೋನು: ದೂರು!](https://mobiletime.in/2026/01/phone-call-in-the-name-of-the-police-complaint/): ಕುಮಟಾದ ಹನುಮಂತ ಮುಕ್ರಿ ಅವರಿಗೆ ಪೊಲೀಸರ ಹೆಸರಿನಲ್ಲಿ ಪೋನ್ ಮಾಡಿ ಹಣ ಕೇಳಿದ ವಿಷಯ ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಅಪರಿಚಿತ ವ್ಯಕ್ತಿ ಫೋನ್ ಮಾಡಿ ಬೆದರಿಕೆ ಒಡ್ಡಿದ ಬಗ್ಗೆ ಹನುಮಂತ ಮುಕ್ರಿ ಅವರು ದೂರು ನೀಡಿದ್ದಾರೆ. `ಜನವರಿ 22ರಂದು ರಾಮನಗರ ಪೊಲೀಸ್ ಠಾಣೆಯ ಪಿಸೈ ಎಂದು ಪರಿಚಯಿಸಿಕೊಂಡ ವ್ಯಕ್ತಿಯೊಬ್ಬರು ಫೋನ್ ಮಾಡಿ ಬೆದರಿಸಿದ್ದಾರೆ. ಹುಡುಗಿಯೊಬ್ಬರಿಗೆ ಕೆಟ್ಟದಾಗಿ ಮೆಸೆಜ್ ಮಾಡಿದ ವಿಷಯ ಹೇಳಿ 3 ಲಕ್ಷ ರೂಪಾಯಿ ದಂಡ ಕಟ್ಟಬೇಕು ಎಂದು ಸೂಚಿಸಿದ್ದಾರೆ. ಕೂಡಲೇ 25 ಸಾವಿರ ರೂ ಪಾವತಿ ಮಾಡದೇ ಇದ್ದರೆ ಬಂಧಿಸುವುದಾಗಿ ಹೆದರಿಸಿದ್ದಾರೆ’ ಎಂದು ಹನುಮಂತ ಮುಕ್ರಿ ಅವರು ಪೊಲೀಸರ ಮುಂದೆ ವಿವರಿಸಿದ್ದಾರೆ. ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ನೆರವುಪಡೆದ ಹನುಮಂತ ಮುಕ್ರಿ ಸೈಬರ್ ಕ್ರೆöÊಂ ವಂಚಕರನ್ನು ಸೆದೆಬಡಿಯುವಂತೆ ಅರ್ಜಿ ಸಲ್ಲಿಸಿದ್ದಾರೆ. ಪೊಲೀಸ್ ಅಧೀಕ್ಷಕರಿಗೆ ಸಹ ಅವರು ತಮ್ಮ ದೂರು ಪತ್ರ ರವಾನಿಸಿದ್ದು, ಪೊಲೀಸ್ ಸಹಾಯಕ ಉಪನಿರೀಕ್ಷಕ ಸದಾನಂದ ನೆಗಳೂರು ಅಳಲು ಆಲಿಸಿದ್ದಾರೆ. ಅದಾದ ನಂತರ ಅವರು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಸ್ ಹಾಗೂ ಸುಧಾಕರ ನಾಯ್ಕ ಅವರಿಗೆ ಅವರಿಗೆ ವಂಚಕರನ್ನು ಬಂಧಿಸುವ ಭರವಸೆ ನೀಡಿದ್ದಾರೆ.
- [ಸಹಕಾರಿ ಸಂಘಕ್ಕೆ ಪ್ರಶಸ್ತಿ ಗರಿ: ಮುಖ್ಯಮಂತ್ರಿ ಮನಗೆದ್ದ ಶಿರಸಿ ಸಾಧಕ](https://mobiletime.in/2026/01/award-for-co-operative-society-chief-minister-managedda-shirsi-sadhaka/): ಶಿರಸಿಯ ಪ್ರತಿಷ್ಠಿತ ಸಹಕಾರಿ ಸಂಸ್ಥೆಯಾಗಿರುವ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘಕ್ಕೆ `ಲೋಕಧ್ವನಿ ಹೆಮ್ಮೆಯ ಸಾಧಕ’ ಪ್ರಶಸ್ತಿ ಸಿಕ್ಕಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಈ ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ. ಬೆಂಗಳೂರಿನಲ್ಲಿ ನಡೆದ ಅದ್ಧೂರಿ ಸಮಾರಂಭದಲ್ಲಿ ಸಂಘದ ಅಧ್ಯಕ್ಷ ಶ್ರೀಧರ ಮೊಗೇರ್ ಹಾಗೂ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಸಂಘದ ಉಪಾಧ್ಯಕ್ಷ ಭಾಸ್ಕರ ಶೆಟ್ಟಿ ಹಾಗೂ ಸಹ ಕಾರ್ಯನಿರ್ವಾಹಕ ರಾಘವೇಂದ್ರ ಶೆಟ್ಟಿ ಪ್ರಶಸ್ತಿ ಸ್ವೀಕಾರದ ಸಂತಸ ಹಂಚಿಕೊAಡಿದ್ದಾರೆ. `ಸಹಕಾರಿ ಕ್ಷೇತ್ರದ ಆಶಯಗಳನ್ನು ಎತ್ತಿ ಹಿಡಿಯುವ ಉದ್ದೇಶದಿಂದ ವಸಂತ ಶೆಟ್ಟಿ ಅವರ ದೂರದೃಷ್ಟಿಯ ಫಲವಾಗಿ ಈ ಸಂಘವು ಸ್ಥಾಪನೆಯಾಗಿತ್ತು. ಆರಂಭದಿAದಲೂ ಸಾಮಾನ್ಯ ಜನರ ಆರ್ಥಿಕ ಸಬಲೀಕರಣಕ್ಕೆ ಒತ್ತು ನೀಡುತ್ತಾ ಬಂದಿರುವ ಈ ಸಂಸ್ಥೆ ಇದೀಗ ಶಿರಸಿ ಭಾಗದ ಪ್ರಮುಖ ಆರ್ಥಿಕ ಶಕ್ತಿಯಾಗಿ ಬೆಳೆದಿದೆ’ ಎಂದು ಸನ್ಮಾನಿತರು ವಿವರಿಸಿದರು. `ಬ್ಯಾಂಕಿಗ್ ಜೊತೆ ಸಾಮಾಜಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳಿಗೂ ಸಂಸ್ಥೆ ಬೆಂಬಲ ನೀಡುತ್ತಿದೆ. ಈ ಹಿನ್ನಲೆ ಪ್ರಶಸ್ತಿ ಬಂದಿರುವುದಕ್ಕೆ ಖುಷಿಯಾಗಿದೆ’ ಎಂದವರು ಹೆಮ್ಮೆಯಿಂದ ಮಾತನಾಡಿದರು. ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ, ಸಚಿವ ಮಂಕಾಳ ವೈದ್ಯ, ಶಾಸಕ ಶಿವರಾಮ್ ಹೆಬ್ಬಾರ್, ವಿಧಾನ ಪರಿಷತ್ ಸದಸ್ಯ ಶಾಂತರಾಮ ಸಿದ್ದಿ, ಜನಶಕ್ತಿ ವಿಶ್ವಸ್ಥ ಮಂಡಳಿ ಧರ್ಮದರ್ಶಿ ವಿಶ್ವೇಶ್ವರ ಭಟ್ ಇನ್ನಿತರರು ಈ ವೇಳೆ ಇದ್ದರು.
- [ಕೈ ಮುಗಿದರೂ ಕ್ಷಮಿಸದ ಜನ: ಬಂದೂಕಿನ ಗುಂಡಿಗೆ ವೈದ್ಯ ಸಿಬ್ಬಂದಿ ದುರ್ಮರಣ!](https://mobiletime.in/2026/01/people-who-dont-forgive-even-when-their-hands-are-full-the-tragic-death-of-a-medical-staff-member/): ಸಾವಿರಾರು ಜನರ ಜೀವ ಕಾಪಾಡಿದ ಡಾ ಪಿಕಳೆ ಪರಿವಾರದ ವೈದ್ಯಕೀಯ ಸಿಬ್ಬಂದಿಯೊಬ್ಬರು ಅವಮಾನ ಸಹಿಸಲಾಗದೇ ಸಾವನಪ್ಪಿದ್ದಾರೆ. ಅಚಾತುರ್ಯದಿಂದ ಅವಧಿ ಮೀರಿದ ಔಷಧಿ ನಡೆದ ತಪ್ಪಿಗೆ ಕೈ ಮುಗಿದು ಕ್ಷಮೆ ಕೋರಿದರೂ ಕ್ಷಮಿಸದವರ ಕಾಟಕ್ಕೆ ಕಾರವಾರದ ಪಿಕಳೆ ನರ್ಸಿಂಗ್ ಹೋಂ ಸಿಬ್ಬಂದಿ ರಾಜೀವ ಪಿಕಳೆ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ರೋಗಿಗಳ ಪಾಲಿನ ಆಪತ್ಪಾಂದವರಾಗಿರುವ ಕಾರವಾರದ ಡಾ ಪಿಕಳೆ ಪರಿವಾರದ ವಿರುದ್ಧ ಕೆಲ ದಿನದ ಹಿಂದೆ ವಿಡಿಯೋ ಒಂದು ವೈರಲ್ ಆಗಿತ್ತು. ಪಿಕಳೆ ಆಸ್ಪತ್ರೆಯಲ್ಲಿ ಅವಧಿ ಮೀರಿದ ಔಷಧಿ ನೀಡಿದ ಬಗ್ಗೆ ರೋಗಿ ಸಂಬoಧಿಕರೊಬ್ಬರು ಪ್ರಶ್ನಿಸಿದ್ದು, ಆ ವೇಳೆ ಆಸ್ಪತ್ರೆ ಸಿಬ್ಬಂದಿಯನ್ನು ನಿಂದಿಸುವ ವಿಡಿಯೋವನ್ನು ವೈರಲ್ ಮಾಡಿದ್ದರು. ತಮ್ಮಿಂದ ಆದ ತಪ್ಪಿಗೆ ಆಸ್ಪತ್ರೆ ಸಿಬ್ಬಂದಿ ವಿಷಾಧವ್ಯಕ್ತಪಡಿಸಿ, ಬದಲಿ ಔಷಧಿಯನ್ನು ಸಹ ನೀಡಿದ್ದರು. ಆದರೆ, ಆಸ್ಪತ್ರೆ ವಿರುದ್ಧ ವಿಡಿಯೋ ಹರಿಬಿಟ್ಟವರು ಸುಮ್ಮನಿರಲಿಲ್ಲ. ಸಾಕಷ್ಟು ಪ್ರಮಾಣದಲ್ಲಿ ವಿಡಿಯೋ ಹರಿದಾಡುತ್ತಿದ್ದ ಕಾರಣ ರಾಜೀವ ಪಿಕಳೆ ಅವರು ಅವಮಾನ ಅನುಭವಿಸಿದ್ದರು. ಬಡವರಿಗಾಗಿ ತಮ್ಮ ಜೀವನವನ್ನೇ ಮೀಸಲಾಗಿಟ್ಟಿರುವ ಡಾ ಪಿಕಳೆ ಪರಿವಾರದ ಬಗ್ಗೆ ಅನೇಕರು ಅನುಕಂಪವ್ಯಕ್ತಪಡಿಸಿದ್ದರು. ಪ್ರತಿಷ್ಠಿತ ವೈದ್ಯ ಕುಟುಂಬದ ವಿರುದ್ಧ ಅಪಪ್ರಚಾರ ಮಾಡದಂತೆ ಮನವಿ ಮಾಡಿದ್ದರು. `ಹಗಲು-ರಾತ್ರಿ ಎನ್ನದೇ ವೈದ್ಯಕೀಯ ಸೇವೆಯಲ್ಲಿರುವವರನ್ನು ಗೌರವಿಸೋಣ’ ಎಂಬ ಸಂದೇಶ ನೀಡಿದರೂ ಅನೇಕರಿಗೆ ಅದು ಅರ್ದವಾಗಲಿಲ್ಲ. ವೈರಲ್ ಆದ ವಿಡಿಯೋದಿಂದ ನಿತ್ಯವೂ ಹಿಂಸೆ ಅನುಭವಿಸುತ್ತಿದ್ದ ರಾಜೀವ ಪಿಕಳೆ ಅವರು ಶುಕ್ರವಾರ ದುಡುಕು ನಿರ್ಧಾರಕ್ಕೆ ಮುಂದಾದರು. ಡಬಲ್ ಬ್ಯಾರಲ್ ಗನ್’ನಿಂದ ತಮಗೆ ತಾವೇ ಗುಂಡು ಹಾರಿಸಿಕೊಂಡು ಅವರು ಶವವಾದರು. ಇದನ್ನೂ ಓದಿ: ಪಿಕಳೆ ಪರಿವಾವರದ ಹಿನ್ನಲೆ ಏನು? ಆ ದಿನ ನಡೆದಿದ್ದೇನು? ಅಂಕೋಲಾ ತಾಲೂಕಿನ ಅವರ್ಸಾದಲ್ಲಿರುವ ಮನೆಯಲ್ಲಿ ರಾಜೀವ ಪಿಕಳೆ ಅವರು ಆತ್ಮಹತ್ಯೆಗೆ ಶರಣಾದರು. ಸದ್ಯ ಪೊಲೀಸರು ಅವರ ಮನೆಗೆ ಭೇಟಿ ನೀಡಿದ್ದಾರೆ. ವಿಚಾರಣೆ ಮುಂದುವರೆದಿದೆ.
- [ಕಾಡು ಪ್ರಾಣಿ ಕೊಂದವನಿಗೆ ಜೈಲೂಟ!](https://mobiletime.in/2026/01/jail-for-killing-wild-animal/): ವನ್ಯಜೀವಿಗಳ ತಾಣವಾಗಿರುವ ದಾಂಡೇಲಿಯಲ್ಲಿ ಕಾಡು ಪ್ರಾಣಿ ಭೇಟೆಯಾಡಿ ಅದರ ಮಾಂಸ ಸಾಗಿಸುತ್ತಿದ್ದ ರಾಜು ಪೋತದಾರ್ ಸಿಕ್ಕಿ ಬಿದ್ದಿದ್ದಾರೆ. ದಾಂಡೇಲಿ ಕೆರವಾಡದ ರಾಜು ಮಂಜು ಪೋತದಾರ ವನ್ಯಜೀವಿ ಹತ್ಯೆ ಪ್ರಕರಣದಲ್ಲಿ ಬಂಧಿಯಾಗಿದ್ದಾರೆ. ಪ್ರಾಣಿ ಕೊಂದ ರಾಜು ಪೋತದಾರ್ ಅದರ ಮಾಂಸವನ್ನು ಬೈಕಿನಲ್ಲಿ ಸಾಗಿಸುತ್ತಿದ್ದಾಗ ಅರಣ್ಯಾಧಿಕಾರಿಗಳು ಹಿಡಿದಿದ್ದಾರೆ. ಬರ್ಚಿ ರಸ್ತೆಯಲ್ಲಿ ತಪಾಸಣೆ ವೇಳೆ ಆರೋಪಿ ಸಿಕ್ಕಿಬಿದ್ದಿದ್ದು, ಬೈಕನ್ನು ಅಧಿಕಾರಿಗಳು ಜಪ್ತು ಮಾಡಿದ್ದಾರೆ. ರಾಜು ಪೋತದಾರ್ ಸಂಶಯಾಸ್ಪದವಾಗಿ ಸಂಚರಿಸುತ್ತಿದ್ದಾಗ ಅಧಿಕಾರಿಗಳು ಬೈಕಿಗೆ ಅಡ್ಡಲಾಗಿ ಕೈ ಮಾಡಿದ್ದಾರೆ. ಆಗ, ಆರೋಪಿ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದು, ಸಿಬ್ಬಂದಿ ಒಗ್ಗಟ್ಟಿನಿಂದ ಕಾರ್ಯಾಚರಣೆ ನಡೆಸಿದ್ದಾರೆ. ಮಾರಾಟ ಮಾಡುವ ಉದ್ದೇಶದಿಂದ ಮಾಂಸ ಸಾಗಾಟ ಮಾಡುತ್ತಿರುವುದು ವಿಚಾರಣೆ ವೇಳೆ ಗೊತ್ತಾಗಿದೆ.
- [ಬೈಕಿನಿಂದ ಬಿದ್ದ ವಾಚ್‌ಮೆನ್: ಸಾವು!](https://mobiletime.in/2026/01/watchmen-fall-from-bike-death/): ಭಟ್ಕಳ ಅರಣ್ಯ ಇಲಾಖೆಯಲ್ಲಿ ವಾಚ್ ಮೆನ್ ಆಗಿದ್ದ ಶಂಕರ ನಾಯ್ಕ ಅವರು ಬೈಕ್ ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಮುಟ್ಟಳ್ಳಿಯ ಕಚ್ಚಾ ರಸ್ತೆಯ ಮೇಲೆ ಸಂಚರಿಸುವಾಗ ಬೈಕಿನಿಂದ ಬಿದ್ದು ಅವರು ಪ್ರಾಣ ಬಿಟ್ಟಿದ್ದಾರೆ. ಭಟ್ಕಳದ ಬೇದ್ರಿಕೇರಿ ಬೆಳಕೆಯಲ್ಲಿ ಶಂಕರ ಮಾಸ್ತಪ್ಪ ನಾಯ್ಕ (56) ಅವರು ವಾಸವಾಗಿದ್ದರು. ಅರಣ್ಯ ಇಲಾಖೆಯ ಕಾವಲುಗಾರರಾಗಿದ್ದ ಅವರು ಕಾಡಿನಲ್ಲಿ ಗಸ್ತು ತಿರುಗುತ್ತಿದ್ದರು. ಗುರುವಾರ ಮುಟ್ಟಳ್ಳಿಯ ಕಿರಿದಾದ ರಸ್ತೆಯಲ್ಲಿ ಅವರು ಬೈಕ್ ಓಡಿಸಿದ್ದರು. ಇಳಿಜಾರಿನಲ್ಲಿ ಅವರ ಬೈಕು ನಿಯಂತ್ರಣ ತಪ್ಪಿದ್ದು, ಅದರಿಂದ ನೆಲಕ್ಕೆ ಬಿದ್ದು ಗಾಯಗೊಂಡರು. ಗoಭೀರ ಪ್ರಮಾಣದಲ್ಲಿ ಪೆಟ್ಟು ಮಾಡಿಕೊಂಡಿದ್ದ ಶಂಕರ ನಾಯ್ಕ ಅವರನ್ನು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕುಂದಾಪುರಕ್ಕೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ದಾರಿ ಮಧ್ಯೆಯೇ ಅವರು ತಮ್ಮ ಉಸಿರು ನಿಲ್ಲಿಸಿದರು. ಅರಣ್ಯ ಸಿಬ್ಬಂದಿ ಅವರ ಅಂತಿಮ ದರ್ಶನಪಡೆದರು.
- [ದೇಶದ್ರೋಹಿ ಸಯ್ಯದ್'ಗೆ ಜೈಲು ಪಕ್ಕಾ!](https://mobiletime.in/2026/01/jail-the-traitor-syed/): ಭಯೋತ್ಪಾದನಾ ಚಟುವಟಿಕೆಯಲ್ಲಿ ಭಾಗಿಯಾಗಿದ್ದ ಉತ್ತರ ಕನ್ನಡದ ವ್ಯಕ್ತಿಗೆ ನ್ಯಾಯಾಲಯ ಕಠಿಣ ಶಿಕ್ಷೆ ವಿಧಿಸಿದೆ. ಪಾಕಿಸ್ತಾನ ಮೂಲದ `ಲಷ್ಕರ್ ಎ ತಯಾಬಾ’ ಎಂಬ ಉಗ್ರ ಸಂಘಟನೆಗೆ ಸೇರುವಂತೆ ಯುವಕರನ್ನು ಪ್ರೇರೇಪಿಸುತ್ತಿದ್ದ ಸಯ್ಯದ್ ಎಂ ಇದ್ರಿಸ್ ಮೇಲಿನ ಆರೋಪ ಸಾಭೀತಾಗಿದೆ. ಈ ಹಿನ್ನಲೆ ರಾಷ್ಟ್ರೀಯ ತನಿಖಾ ದಳ (ಎನ್ ಐ ಎ) ನಡೆಸಿದ ಕಾರ್ಯಾಚರಣೆಯಲ್ಲಿ ಸಿಕ್ಕಿಬಿದ್ದ ದೇಶದ್ರೋಹಿಗೆ ನ್ಯಾಯಾಲಯ 10 ವರ್ಷಗಳ ಕಠಿಣ ಶಿಕ್ಷೆ ವಿಧಿಸಿದೆ. ಜೊತೆಗೆ ಕಾನೂನುಬಾಹಿರ ಚಟುವಟಿಕೆಯಲ್ಲಿ ಭಾಗಿಯಾಗಿದ್ದ ಸಯ್ಯದ್ ಎಂ ಇದ್ರಿಸ್’ಗೆ ನ್ಯಾಯಾಲಯ 70 ಸಾವಿರ ರೂ ದಂಡವನ್ನು ವಿಧಿಸಿದೆ. ಕೊಲ್ಕತ್ತದ ವಿಶೇಷ ನ್ಯಾಯಾಲಯ ಈ ಆದೇಶ ಹೊರಡಿಸಿದೆ. ಪಶ್ಚಿಮ ಬಂಗಾಳ ಪೊಲೀಸರು ಸಯ್ಯದ್ ಎಂ ಇದ್ರಿಸ್ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಆ ಪ್ರಕರಣ ಎನ್ ಐ ಎ ತಂಡಕ್ಕೆ ವರ್ಗಾವಣೆ ಆಗಿದ್ದು, 2020ರಲ್ಲಿ ತನಿಖಾದಳದವರು ಆರೋಪಿಯನ್ನು ಬಂಧಿಸಿದ್ದರು. ಪಶ್ಚಿಮ ಬಂಗಾಳದ ಯುವಕರಿಗೆ ಆಮೀಷ ಒಡ್ಡಿ ಅವರನ್ನು ಲಷ್ಕರ್ ಸಂಘಟನೆಗೆ ಸೇರಿಸಿದ ಆರೋಪ ಸಯ್ಯದ್ ಇದ್ರಿಸ್ ವಿರುದ್ಧವಿದ್ದು, ಅದಕ್ಕೆ ಪೂರಕ ದಾಖಲೆಗಳು ಸಹ ಸಿಕ್ಕಿದ್ದವು. ಆ ಎಲ್ಲಾ ದಾಖಲೆಗಳನ್ನು ತನಿಖಾಧಿಕಾರಿಗಳು ನ್ಯಾಯಾಲಯದ ಮುಂದೆ ಹಾಜರು ಮಾಡಿದ್ದರು. ನ್ಯಾಯಾಲಯ ಇದೀಗ ಆರೋಪಿಗೆ 10 ವರ್ಷ ಜೈಲು ಹಾಗೂ 70 ಸಾವಿರ ರೂ ದಂಡ ವಿಧಿಸಿದೆ. ಈ ಪ್ರಕರಣದಲ್ಲಿ ಇನ್ನಿಬ್ಬರು ಪಾಕಿಸ್ತಾನದಲ್ಲಿ ತಲೆಮರೆಸಿಕೊಂಡಿದ್ದು, ಅವರ ವಿರುದ್ಧ ರಾಷ್ಟ್ರೀಯ ತನಿಖಾ ದಳ ರೆಡ್ ಹಾಗೂ ಬ್ಲೂ ಕಾರ್ನ ನೋಟಿಸ್ ಜಾರಿ ಮಾಡಿದೆ.    
- [ಉದ್ಯೋಗ ಆಮೀಷ: ಶಿಕ್ಷಕನ ಖಾತೆಗೆ ಕನ್ನ!](https://mobiletime.in/2026/01/job-lure-teachers-account-is-stolen/): ಭಟ್ಕಳದಲ್ಲಿ ವಾಸವಾಗಿರುವ ಅಂಕೋಲಾದ ಶಿಕ್ಷಕರೊಬ್ಬರಿಗೆ ಮೋಸವಾಗಿದೆ. ಒಳ್ಳೆಯ ಉದ್ಯೋಗ ಕೊಡಿಸುವುದಾಗಿ ನಂಬಿಸಿದ ವಂಚಕರು ಹಣಪಡೆದು ಮೋಸ ಮಾಡಿದ್ದಾರೆ. ಅಂಕೋಲಾ ಅಂಕೋಲಾ ಹುಲಿದೇವರವಾಡದ ಮದಿಯಾ ಮಹಬೂಬ್ ಸಾಬ್ ಭೇಪಾರಿ ಅವರು ಸದ್ಯ ಭಟ್ಕಳದ ಹನೀಪಾಬಾದಿನ ಶಮ್ಸ ಸ್ಕೂಲ್ ಹತ್ತಿರ ವಾಸವಾಗಿದ್ದಾರೆ. 21 ವರ್ಷದ ಅವರು ಸದ್ಯ ಶಿಕ್ಷಕರಾಗಿದ್ದು, ದೊಡ್ಡ ದೊಡ್ಡ ಉದ್ಯೋಗಕ್ಕಾಗಿ ಹುಡುಕಾಟ ನಡೆಸಿದ್ದಾರೆ. ಮದಿಯಾ ಸಾಬ್ ಅವರ ಉದ್ಯೋಗ ಹುಡುಕಾಟದ ಬಗ್ಗೆ ಅರಿತ ವಂಚಕರು ಅವರಿಗೆ ಒಳ್ಳೆಯ ಉದ್ಯೋಗದ ಆಮೀಷ ಒಡ್ಡಿ ಹಣಪಡೆದಿದ್ದಾರೆ. ಆದರೆ, ಉದ್ಯೋಗ ನೀಡದೇ ವಂಚಿಸಿದ್ದಾರೆ. ಮದಿಯಾ ಸಾಬ್ ಅವರಿಗೆ ಆನ್‌ಲೈನ್ ಮೂಲಕ ಅಪರಿಚಿತ ಉದ್ಯೋಗದಾತರು ಪರಿಚಯವಾಗಿದ್ದಾರೆ. ಒಳ್ಳೆಯ ಸಂಬಳ ಕೊಡುವ ಉದ್ಯೋಗ ಕೊಡಿಸುವುದಾಗಿ ನಂಬಿಸಿದ್ದಾರೆ. ಇದಕ್ಕಾಗಿ ಕೊಂಚ ಹಣ ಖರ್ಚು ಮಾಡಬೇಕು ಎಂದು ತಿಳಿಸಿ ಫೋನ್ ಪೇ ಸ್ಕಾನರ್ ಕಳುಹಿಸಿದ್ದಾರೆ. ಅದರ ಮೂಲಕ ಮದಿಯಾ ಸಾಬ್ ಅವರಿಂದ 36492ರೂ ವಸೂಲಿ ಮಾಡಿದ್ದಾರೆ. ನಂತರ ಹಣಪಡೆದವರು ಕೈಗೆ ಸಿಕ್ಕಿಲ್ಲ. ಅವರು ಯಾರು? ಎಂದು ಸಹ ಮದಿಯಾ ಸಾಬ್ ಅವರಿಗೆ ಗೊತ್ತಾಗಿಲ್ಲ. ಹೀಗಾಗಿ ಮೋಸ ಮಾಡಿದವರ ವಿರುದ್ಧ ಸಿಡಿದೆದ್ದ ಮದಿಯಾ ಸಾಬ್ ಅವರು ಪೊಲೀಸರಿಗೆ ದೂರಿದ್ದಾರೆ. ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ. `ಅಪರಿಚಿತರ ಬಗ್ಗೆ ಎಚ್ಚರಿಕೆವಹಿಸಿ’
- [ಗುಂಪು ಘರ್ಷಣೆ: ಕಲ್ಲು-ಕತ್ತಿಯಿಂದ ಹೊಡೆದಾಟ!](https://mobiletime.in/2026/01/group-clash-stone-and-sword-fight/): ಕುಮಟಾದ ಹೊಳೆಗದ್ದೆ ಟೋಲ್ ಬಳಿ ಗಲಾಟೆ ನಡೆದಿದೆ. ಈ ಗಲಾಟೆ ಹೊಡೆದಾಟದ ಸ್ವರೂಪಪಡೆದಿದ್ದು, ಎರಡು ಗುಂಪಿನವರು ಕತ್ತಿ-ಕಲ್ಲು ತೆಗೆದುಕೊಂಡು ಮಾರಾಮಾರಿ ನಡೆಸಿದ್ದಾರೆ. ಈ ಹೊಡೆದಾಟದಲ್ಲಿ ಹೊಳೆಗದ್ದೆಯ ಅಜಯ ಮುಕ್ರಿ ಅವರಿಗೆ ಕತ್ತಿ ತಾಗಿದೆ. ಅವರ ಎದುರಾಳಿ ಬಣದ ರಮೇಶ ಮುಕ್ರಿ ಅವರ ತಲೆಗೆ ಕಲ್ಲು ತಾಗಿದೆ. ಹೊಳಗದ್ದೆ ಟೋಲ್ ಬಳಿಯಿರುವ ಸುಬ್ಬಣ್ಣ ಉಡದಂಗಿ ಅವರ ಚಹಾ ಅಂಗಡಿಯಲ್ಲಿ ಹೊಡೆದಾಟ ನಡೆದಿದೆ. ಚಹಾ ಸೇವನೆಗೆ ಬಂದಿದ್ದ ಎರಡು ಗುಂಪುಗಳು ಅಲ್ಲಿ ದೊಡ್ಡ ಪ್ರಮಾಣದಲ್ಲಿ ಕಚ್ಚಾಟ ನಡೆಸಿದ್ದು, ಎರಡು ಕಡೆಯವರು ಇದೀಗ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಹೊಳಗದ್ದೆ ಅಜಯ ಅನಂತ ಮುಕ್ರಿ ಅವರ ದೂರಿನ ಪ್ರಕಾರ ಗೌಥಮ ಶಿವು ಮುಕ್ರಿ, ಚಂದ್ರಹಾಸ ಮಾಸ್ತಿ ಮುಕ್ರಿ, ದಿಲೀಪ ನಾಗರಾಜ ಮುಕ್ರಿ, ರಮೇಶ ನಾಗು ಮುಕ್ರಿ, ಉಮೇಶ ಗಣಪತಿ ಮುಕ್ರಿ ಹಾಗೂ ಕೃತಿಕ ನಾಗರಾಜ ಮುಕ್ರಿ ಸೇರಿ ಆಕ್ರಮಣ ಮಾಡಿದ್ದಾರೆ. ಆ ಆಕ್ರಮಣದಿಂದ ಅಜಯ ಅನಂತ ಮುಕ್ರಿ ಅವರ ಜೊತೆ ಮಂಜುನಾಥ ಗಣಪತಿ ಮುಕ್ರಿ, ಮನೋಜ ಮಹಾಬಲೇಶ್ವರ ಮುಕ್ರಿ ಹಾಗೂ ರಿತಿಕ್ ಮಾರು ಮುಕ್ರಿ ಅವರಿಗೆ ನೋವಾಗಿದೆ. ಕರ್ಕಿ ಕೋಣಕಾರಿನ ಆಟೋ ಚಾಲಕ ಚಂದ್ರಹಾಸ್ ಮುಕ್ರಿ ಅವರ ದೂರಿನ ಪ್ರಕಾರ, ಗೌಥಮ ಮುಕ್ರಿ ರಮೇಶ ಮುಕ್ರಿ, ದಿಲೀಪ ಮುಕ್ರಿ ಉಮೇಶ ಮುಕ್ರಿ ಹಾಗೂ ಕೃತಿಕ ಜೊತೆ ಇದ್ದಾಗ ಎದುರಾಳಿಗಳು ಕಲ್ಲು ತೂರಾಟ ಮಾಡಿದ್ದಾರೆ. ಜನವರಿ 18ರ ರಾತ್ರಿ 11.15ಕ್ಕೆ ಹೊಳೆಗದ್ದೆ ಟೋಲ್ ಗೇಟ್ ಹತ್ತಿರ ಈ ಹೊಡೆದಾಟ ನಡೆದಿದೆ. ಹಳೆ ದ್ವೇಷ ಈ ಹೊಡೆದಾಟಕ್ಕೆ ಕಾರಣವಾಗಿದೆ. ಈ ಗಲಾಟೆಯಲ್ಲಿ ಕೃತಿಕ ಮುಕ್ರಿ ಅವರು ತಮ್ಮ ಕೈಯಲ್ಲಿದ್ದ ಕತ್ತಿ ಬೀಸಿದ್ದು, ಆ ಕತ್ತಿ ಅಜಯ ಮುಕ್ರಿ ಅವರ ಕೈಗೆ ತಾಗಿದೆ. ಈ ವೇಳೆ ಮನೋಜ ಮುಕ್ರಿ ಅವರು ಹೊಡೆದ ಕಲ್ಲು ರಮೇಶ ಮುಕ್ರಿ ತಲೆಗೆ ತಾಗಿದೆ. ಎರಡು ಕಡೆಯವರ ದೂರು ಸ್ವೀಕರಿಸಿದ ಕುಮಟಾ ಪೊಲೀಸರು ವಿಚಾರಣೆ ಶುರು ಮಾಡಿದ್ದಾರೆ.
- [ಸಾಲಗಾರನನ್ನು ಬೆದರಿಸಿದಿ ಸೈಬರ್ ಕ್ರೈಂ!](https://mobiletime.in/2026/01/cybercrime-by-threatening-a-borrower/): ಕುಮಟಾದ ಹನುಮಂತ ಮುಕ್ರಿ ಅವರಿಗೆ ಪೊಲೀಸರ ಹೆಸರಿನಲ್ಲಿ ವಂಚಕರು ಫೋನ್ ಮಾಡಿದ್ದಾರೆ. 25 ಸಾವಿರ ರೂ ಫೋನ್ ಪೇ ಮಾಡದೇ ಇದ್ದರೆ 3 ಲಕ್ಷ ರೂ ದಂಡ ವಿಧಿಸುವುದಾಗಿ ಬೆದರಿಸಿದ್ದಾರೆ. ಜನವರಿ 22ರಂದು ಹಳಕಾರದ ಹನುಮಂತ ಮುಕ್ರಿ ಅವರಿಗೆ ಫೋನ್ ಬಂದಿದೆ. `ರಾಮನಗರ ಪೊಲೀಸ್ ಠಾಣೆಯ ಪಿಸೈ ಜಾದವ್’ ಎಂದು ಪರಿಚಯಿಸಿಕೊಂಡ ವಂಚಕರು `ಹುಡುಗಿಗೆ ಫೋಟೋ ಶೇರ್ ಮಾಡಿದ ಬಗ್ಗೆ ದೂರು ಬಂದಿದೆ. ಇದಕ್ಕೆ 3 ಲಕ್ಷ ರೂ ದಂಡ ಪಾವತಿಸಬೇಕಿದ್ದು, ತಕ್ಷಣ 25 ಸಾವಿರ ರೂ ಫೋನ್ ಪೇ ಮಾಡದಿದ್ದರೆ ಜೈಲಿಗೆ ಹಾಕುತ್ತೇವೆ’ ಎಂದು ಬೆದರಿಸಿದ್ದಾರೆ. `ಹೆಂಡತಿ-ಮಕ್ಕಳನ್ನು ಸಹ ಪೊಲೀಸ್ ಠಾಣೆಗೆ ಕರೆಯಿಸುತ್ತೇವೆ’ ಎಂದು ಸಹ ವಂಚಕರು ಹೆದರಿಸಿದ್ದಾರೆ. ಈ ಫೋನ್ ಕರೆಯಿಂದ ಕಂಗಾಲಾದ ಹನುಮಂತ ಮುಕ್ರಿ ಅವರು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರಕ್ಕೆ ಓಡಿ ಬಂದಿದ್ದಾರೆ. ಅಲ್ಲಿದ್ದ ಆಗ್ನೇಲ್ ರೋಡ್ರಿಗಸ್ ಅವರು ಫೋನ್ ಬಂದ ಸಂಖ್ಯೆಯನ್ನು ಬ್ಲಾಕ್ ಮಾಡಿದ್ದಾರೆ. ಅದಾದ ನಂತರ ವಂಚನೆಯ ಫೋನ್ ಕರೆಯ ಬಗ್ಗೆ ಹನುಮಂತ ಮುಕ್ರಿ ಅವರಿಗೆ ಅರಿವು ಮೂಡಿಸಿದ್ದಾರೆ. ಸಾಲಪಡೆಯುವುದಕ್ಕಾಗಿ ಹನುಮಂತ ಮುಕ್ರಿ ಅವರು ಅರ್ಜಿ ಹಾಕಿದ್ದು, ಅವರಿಗೆ 3 ಲಕ್ಷ ರೂ ಮಂಜೂರಿ ಆಗಿದೆ. ಅದೇ ಮಾಹಿತಿ ಸೋರಿಕೆಯಾಗಿ ಸೈಬರ್ ಕಳ್ಳರಿಗೆ ಸಿಕ್ಕ ಅನುಮಾನವ್ಯಕ್ತವಾಗಿದೆ. `ಸೈಬರ್ ಅಪರಾಧದ ಬಗ್ಗೆ ಜನ ಹೆದರದೇ 1930ಗೆ ಫೋನ್ ಮಾಡಿ’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಕೋರಿದ್ದಾರೆ.
- [ಮುಷ್ಠಿಯುದ್ಧ: ಕಾದಾಟಕ್ಕೆ ನಲುಗಿದ ಕಲಾಲ್!](https://mobiletime.in/2026/01/fist-fight-kalal-gets-into-a-fight/): ಕಾರವಾರದ ಸೌರವ್ ಕಲಾಲ್ ಹಾಗೂ ಪ್ರಶಾಂತ ರಾಯ್ಕರ್ ಅವರ ನಡುವೆ ಕಾದಾಟ ನಡೆದಿದೆ. ಈ ಜಗಳದಲ್ಲಿ ಪ್ರಶಾಂತ ರಾಯ್ಕರ್ ಅವರು ಸೌರವ್ ಕಲಾಲ್ ಅವರ ಮುಖಕ್ಕೆ ಮುಷ್ಟಿಯಿಂದ ಹೊಡೆದಿದ್ದಾರೆ. ಪರಿಣಾಮ ಸೌರವ್ ಕಲಾಲ್ ಅವರ ಮೂಗಿನಿಂದ ರಕ್ತ ಸುರಿದಿದೆ. ಕಾರವಾರದ ದೋಬಿಗಾಟ್ ರಸ್ತೆಯ ಲಿಂಗನಾಯ್ಕವಾಡದಲ್ಲಿ ಸೌರವ್ ಅಶೋಕ ಕಲಾಲ್ ಅವರು ವಾಸವಾಗಿದ್ದಾರೆ. ಸೌರವ್ ಕಲಾಲ್ ಅವರು ಸಣ್ಣಪುಟ್ಟ ವ್ಯಾಪಾರ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ. ಸಮೀಪದ ಸೋನಾರವಾಡದಲ್ಲಿ ಪ್ರಶಾಂತ ರಾಯ್ಕರ್ ಅವರು ವಾಸವಾಗಿದ್ದಾರೆ. ಪ್ರಶಾಂತ ರಾಯ್ಕರ್ ಅವರು ಪೆಂಟಿAಗ್ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. 22 ವರ್ಷದ ಪ್ರಶಾಂತ ರಾಯ್ಕರ್ ಅವರು ವಯಸ್ಸಿನಲ್ಲಿ ಕಿರಿಯರಾಗಿದ್ದರೂ 25 ವರ್ಷದ ಸೌರವ್ ಕಲಾಲ್ ಅವರ ಮೇಲೆ ಕೈ ಮಾಡಿದ್ದಾರೆ. ಜನವರಿ 18ರ ರಾತ್ರಿ 10.30ಕ್ಕೆ ಸೌರವ್ ಕಲಾಲ್ ಅವರು ದೈವಜ್ಞ ಹಾಲ್ ಬಳಿ ಹೋಗುವಾಗ ಅಲ್ಲಿಯೇ ನಿಂತಿದ್ದ ಪ್ರಶಾಂತ ರಾಯ್ಕರ್ ಅವರು ಸೌರವ್ ಕಲಾಲ್ ಅವರನ್ನು ಕರೆದಿದ್ದಾರೆ. ಇದಕ್ಕೆ ಸೌರವ್ ಕಲಾಲ್ ಪ್ರತಿಕ್ರಿಯಿಸದ ಕಾರಣ `ಕುರಿ ಕಾಯುವ ಕಲಾಲ್’ ಎಂದು ನಿಂದಿಸಿದ್ದಾರೆ. ಆಗಲೂ ಮಾತನಾಡಿದ ಕಾರಣ `50 ರೂಪಾಯಿಗೆ ಹೆಣ್ಮಕ್ಕಳ ಚಡ್ಡಿ ಮಾರುವವನೇ’ ಎಂದು ಕೂಗಿ ಹೇಳಿದ್ದಾರೆ. ಇದರಿಂದ ಸೌರವ್ ಕಲಾಲ್ ಅವರು ಅವಮಾನ ಅನುಭವಿಸಿ, ಮೌನವಾಗಿದ್ದಾರೆ. ರೇಗಿಸಿದರೂ ಮೌನವಾಗಿರುವ ಸೌರವ್ ಕಲಾಲ್ ಅವರನ್ನು ನೋಡಿ ಪ್ರಶಾಂತ ರಾಯ್ಕರ್ ಅವರ ಸಿಟ್ಟು ಹೆಚ್ಚಾಗಿದೆ. ಆಗ, ದೋಬಿಘಾಟ್ ಕಡೆ ಹೋಗುತ್ತಿದ್ದ ಸೌರವ್ ಕಲಾಲ್ ಅವರನ್ನು ಪ್ರಶಾಂತ ರಾಯ್ಕರ್ ಅಡ್ಡಗಟ್ಟಿದ್ದು ಮುಖದ ಮೇಲೆ ಮುಷ್ಟಿಯಿಂದ ಹೊಡೆದಿದ್ದಾರೆ. ಆ ಏಟಿಗೆ ಸೌರವ್ ಕಲಾಲ್ ಅವರ ಮೂಗಿಗೆ ಗಾಯವಾಗಿದೆ. ರಕ್ತವೂ ಸುರಿದಿದೆ. `ನನಗೆ ಹೊಡೆಯಲು ನಿನ್ನ ಅಪ್ಪನನ್ನು ಕರೆಯುಸುತ್ತೀಯಾ?’ ಎಂದು ಪ್ರಶಾಂತ ರಾಯ್ಕರ್ ಈ ವೇಳೆ ಪ್ರಶ್ನಿಸಿದ್ದು, `ಮತ್ತೊಮ್ಮೆ ಸಿಕ್ಕಾಗ ಸುಮ್ಮನೆ ಬಿಡುವುದಿಲ್ಲ’ ಎಂದು ಬೆದರಿಸಿ ಅಲ್ಲಿಂದ ಪರಾರಿಯಾಗಿದ್ದಾರೆ. ಅನಗತ್ಯವಾಗಿ ತಮ್ಮ ಮೇಲೆ ಹಲ್ಲೆ ನಡೆದ ಬಗ್ಗೆ ಸೌರವ್ ಕಲಾಲ್ ಪೊಲೀಸರ ಮೊರೆ ಹೋಗಿದ್ದಾರೆ. ಕಾರವಾರ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿಚಾರಣೆ ಶುರು ಮಾಡಿದ್ದಾರೆ.
- [ಹೆಗ್ಗಾರ್ ಸೊಸೈಟಿ: ಸೂಪರ್ ಮಾರ್ಟಿಗೆ ನುಗ್ಗಿದ್ದ ಕಿರಾತಕ!](https://mobiletime.in/2026/01/heggar-society-a-thief-broke-into-super-mart/): ಯಲ್ಲಾಪುರ – ಅಂಕೋಲಾ ಗಡಿಯಲ್ಲಿರುವ ಹೆಗ್ಗಾರಿನಲ್ಲಿ ಕಳ್ಳತನ ನಡೆದಿದೆ. ಕಲ್ಪತರು ವಿವಿದೋದ್ದೇಶ ಸಂಘದ ಸೂಪರ್ ಮಾರ್ಟಿಗೆ ಕಳ್ಳರು ನುಗ್ಗಿದ್ದಾರೆ. ಅಂಕೋಲಾ ತಾಲೂಕಿನ ಹೆಗ್ಗಾರಿನಲ್ಲಿರುವ ಕಲ್ಪತರು ವಿವಿದೋದ್ದೇಶ ಸಂಘದ ವಿವಿಧ ರೀತಿಯ ಸೇವೆ ನೀಡುತ್ತಿದೆ. ಸಹಕಾರಿ ವ್ಯವಸ್ಥೆಯ ಮುಖ್ಯ ಆಧಾರವನ್ನಾಗಿಸಿಕೊಂಡ ಈ ಸೊಸೈಟಿ ಮೂರು ಶಾಖೆಯನ್ನು ಹೊಂದಿದೆ. ಕೃಷಿ ಉಪಕರಣಗಳ ಮಾರಾಟ, ಬ್ಯಾಂಕಿoಗ್ ಹಾಗೂ ಸೂಪರ್ ಮಾರ್ಟ ನಡೆಸುತ್ತಿದೆ. ಜನರಿಗೆ ಅನುಕೂಲವಾಗುವ ವಿವಿಧ ಸೇವಾ ಕಾರ್ಯಗಳ ಜೊತೆ ಸರ್ಕಾರಿ ವಿಮಾ ಯೋಜನೆ ಹಾಗೂ ಪಡಿತರ ವಿತರಣೆ ಮಾಡುವ ಕೆಲಸವನ್ನು ಅಚ್ಚುಕಟ್ಟಾಗಿ ನಿರ್ವಹಿಸುತ್ತಿದೆ. ಅಡಿಕೆ ಸೇರಿ ವಿವಿಧ ಬೆಳೆಗಳಿಗೆ ಬರುವ ರೋಗದ ಬಗ್ಗೆ ಮಾಹಿತಿ ನೀಡುವ ಕಾರ್ಯಾಗಾರ, ಕೃಷಿ ಸಾಧಕರಿಗೆ ಸನ್ಮಾನ ಸೇರಿ ವಿವಿಧ ಬಗೆಯ ಚಟುವಟಿಕೆಗಳಿಂದ ಸೊಸೈಟಿ ಪ್ರಸಿದ್ಧಿಪಡೆದಿದೆ. ಹೀಗಿರುವಾಗ ಆ ಸೊಸೈಟಿ ಮೇಲೆ ಕಳ್ಳರ ಕಣ್ಣು ಬಿದ್ದಿದ್ದು, ಸೂಪರ್ ಮಾರ್ಟಿಗೆ ನುಗ್ಗಿ ಕನ್ನ ಹಾಕಿದ್ದಾರೆ. ಜನವರಿ 17ರ ಸಂಜೆ 6 ಗಂಟೆಗೆ ಸೊಸೈಟಿ ಸಿಬ್ಬಂದಿ ಸೂಪರ್ ಮಾರ್ಟ ಬಂದ್ ಮಾಡಿ ಮನೆಗೆ ಹೋಗಿದ್ದು, ಅದಾದ ನಂತರ ಕಳ್ಳರು ತಮ್ಮ ಕೈ ಚಳಕ ಪ್ರದರ್ಶಿಸಿದ್ದಾರೆ. ಹೆಗ್ಗಾರಿನಲ್ಲಿರುವ ಸೂಪರ್ ಮಾರ್ಟಿನ ಹಿಂದಿನ ಬಾಗಿಲಿಗೆ ರಂದ್ರ ಕೊರೆದ ಕಳ್ಳರು ಆ ರಂದ್ರದ ಮೂಲಕ ಬಾಗಿಲಿನ ದಂಡಿ ತೆಗೆದಿದ್ದಾರೆ. ಅದಾದ ಮೇಲೆ ಸುಲಭವಾಗಿ ಸೂಪರ್ ಮಾರ್ಟಿನ ಒಳಗೆ ನುಗ್ಗಿ ಅಲ್ಲಿದ್ದ ಡ್ರಾವರನ್ನು ಜಾಲಾಡಿದ್ದಾರೆ. ಅಲ್ಲಿದ್ದ 8 ಸಾವಿರ ರೂ ಎಗರಿಸಿ ಪರಾರಿ ಆಗಿದ್ದಾರೆ. ಜನವರಿ 19ರ ಬೆಳಗ್ಗೆ ಸಿಬ್ಬಂದಿ ಸೊಸೈಟಿ ಸೂಪರ್ ಮಾರ್ಟಿನ ಬಾಗಿಲು ತೆರೆದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಅಂಕೋಲಾದ ಕನಕನಳ್ಳಿಯಲ್ಲಿ ವಾಸವಾಗಿರುವ ಸೊಸೈಟಿಯ ಮುಖ್ಯಾಧಿಕಾರಿ ರಾಮಚಂದ್ರ ಮಹಾಬಲೇಶ್ವರ ಭಟ್ಟ ಅವರು ಈ ಬಗ್ಗೆ ಪೊಲೀಸರಿಗೆ ದೂರಿದ್ದಾರೆ. ಅನತಿ ದೂರದ ಇನ್ನೊಂದು ಸೊಸೈಟಿ ಹಾಗೂ ಶಾಲೆಯ ಮೇಲೆಯೂ ಕಳ್ಳರು ಕಣ್ಣು ಹಾಕಿದ್ದು, ಅಲ್ಲಿಯೂ ಸಣ್ಣಪುಟ್ಟ ಕಳ್ಳತನ ನಡೆದಿದೆ. `ಕಳ್ಳತನ ತಡೆಗೆ ಸಿಸಿ ಕ್ಯಾಮರಾ ಸಹಕಾರಿ’
- [ಕಾರಿನ ಮೇಲೆ ಕಡ್ಡಿಗೀರಿದ ಕಿಡಿಗೇಡಿ!](https://mobiletime.in/2026/01/the-bastard-who-got-stuck-on-the-car/): ಗೋಕರ್ಣ ಕಡಲತೀರ ಬಳಿ ನಿಲ್ಲಿಸಿದ್ದ ಕಾರಿನ ಮೇಲೆ ಕಿಡಿಗೇಡಿಗಳು ಕಡ್ಡಿ ಗೀರಿದ್ದಾರೆ. ಇದರಿಂದ ವಾಹನ ಮಾಲಕರು ಗಲಾಟೆ ಮಾಡಿದ್ದಾರೆ. ಚಿಕ್ಕಮಂಗಳೂರಿನ ಕುಟುಂಬವೊoದು ಬುಧವಾರ ಗೋಕರ್ಣ ಪ್ರವಾಸಕ್ಕೆ ಬಂದಿತ್ತು. ಆ ಕುಟುಂಬದವರು ತಮ್ಮ ಕಾರನ್ನು ಪಾರ್ಕಿಂಗ್ ಸ್ಥಳದಲ್ಲಿ ನಿಲ್ಲಿಸಿ ಶುಲ್ಕ ಪಾವತಿ ಮಾಡಿದ್ದರು. ಕಡಲ ತೀರದ ಸೊಬಗು ಸವಿದು ಮರಳಿದ ಕುಟುಂಬಕ್ಕೆ ಆಘಾತ ಕಾದಿತ್ತು. ಅವರ ಕಾರಿನ ಮೇಲೆ ಕಿಡಿಗೇಡಿಗಳು ಗೀಚಿದ್ದರು. ಇದರಿಂದ `30 ಸಾವಿರ ರೂ ಹಾನಿ ಆಗಿದ್ದು, ಅದನ್ನು ಕಾರು ನಿಲುಗಡೆಗೆ ಶುಲ್ಕಪಡೆದವರು ಭರಿಸಿಕೊಡಬೇಕು’ ಎಂದು ಪ್ರವಾಸಿಗರು ಗಲಾಟೆ ಮಾಡಿದರು. `ಲಕ್ಷಾಂತರ ರೂ ವೆಚ್ಚ ಮಾಡಿ ಕಾರು ಖರೀದಿಸುತ್ತೇವೆ. ಅದನ್ನು ಸುರಕ್ಷಿತವಾಗಿ ನಿಲ್ಲಿಸಲು ಶುಲ್ಕವನ್ನು ಕೊಡುತ್ತೇವೆ. ಅದಾಗಿಯೂ, ಶುಲ್ಕಪಡೆದವರು ಗಮನಹರಿಸಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಸಮಾಧಾನ ಮಾಡಿದ್ದು, ಶುಲ್ಕ ವಸೂಲಿ ಮಾಡಿದ ಟೆಂಡರದಾರರಿAದ ಅಲ್ಪ ಪ್ರಮಾಣದ ಪರಿಹಾರ ಕೊಡಿಸಿದರು. ಅದಾದ ನಂತರ ಪಕ್ಕದಲ್ಲಿದ್ದ ಬೇರೆ ರಾಜ್ಯದ ಕಾರಿಗೂ ಕಿಡಿಗೇಡಿಗಳು ಕಡ್ಡಿ ತಾಗಿಸಿರುವುದು ಗಮನಕ್ಕೆ ಬಂದಿದ್ದು, ಆ ಕಾರಿನಲ್ಲಿದ್ದವರು ಸಹ ಗಲಾಟೆ ಶುರು ಮಾಡಿದರು. ಅವರು ಪರಿಹಾರಕ್ಕಾಗಿ ಪಟ್ಟುಹಿಡಿದಿದ್ದು, ಕೊನೆಗೆ ರಾಜಿ ಸೂತ್ರಕ್ಕೆ ಒಪ್ಪಿದರು.
- [ಹೊಟ್ಟೆನೋವಿನಿಂದ ಸಾವನಪ್ಪಿದ ಮಾನಸಿಕ ಅಸ್ವಸ್ಥ](https://mobiletime.in/2026/01/mentally-ill-person-who-died-of-stomach-ache/): ಶಿರಸಿಯಲ್ಲಿ ವಾಸವಾಗಿದ್ದ ಕುಮಟಾದ ಪುರಂದರ ಪಟಗಾರ ಅವರು ಹೊಟ್ಟೆ ನೋವಿನಿಂದ ಸಾವನಪ್ಪಿದ್ದಾರೆ. ಹುಬ್ಬಳ್ಳಿ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿದರೂ ಅವರನ್ನು ಬದುಕಿಸಲು ಸಾಧ್ಯವಾಗಿಲ್ಲ. ಕುಮಟಾ ಮಾಸೂರು ಬಳಿಯ ಹೊಸಕೇರಿಯ ಪುರಂದರ ಹೊನ್ನಪ್ಪ ಪಟಗಾರ ಅವರು ಸದ್ಯ ಶಿರಸಿಯ ಸೋಂದಾ ಬಳಿಯ ಮೊಗದ್ದೆಯಲ್ಲಿ ವಾಸವಾಗಿದ್ದರು. 10 ವರ್ಷಗಳ ಹಿಂದೆ ಮಾನಸಿಕ ಕಾಯಿಲೆಗೆ ಒಳಗಾಗಿದ್ದ ಅವರನ್ನು ಹೊನ್ನಾವರ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ಒಳಪಡಿಸಲಾಗಿತ್ತು. ಅಲ್ಲಿನ ವೈದ್ಯರು ನೀಡಿದ ಮೂರು ಮಾತ್ರೆಗಳನ್ನು ಅವರು ಸೇವಿಸುತ್ತಿದ್ದರು. ಹೀಗಿರುವಾಗ ಜನವರಿ 6ರ ಸಂಜೆ ಪುರಂದರ ಪಟಗಾರ ಅವರಿಗೆ ಹೊಟ್ಟೆನೋವು ಕಾಣಿಸಿತು. ಶಿರಸಿ ಸರ್ಕಾರಿ ಆಸ್ಪತ್ರೆಗೆ ಅವರನ್ನು ಕರೆತಂದು ಚಿಕಿತ್ಸೆ ಕೊಡಿಸಲಾಯಿತು. ಆದರೆ, ಅವರ ನೋವು ಮಾತ್ರ ಕಡಿಮೆ ಆಗಲಿಲ್ಲ. ಹೀಗಾಗಿ ಕುಟುಂಬದವರು ಪುರಂದರ ಪಟಗಾರ ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಕರೆದೊಯ್ದರು. ಅಲ್ಲಿನ ಚಿಕಿತ್ಸೆಯೂ ಪ್ರಯೋಜನಕ್ಕೆ ಬರಲಿಲ್ಲ. ಜನವರಿ 21ರಂದು ಅವರು ಸಾವನಪ್ಪಿದರು. ಪರಂದರ ಪಟಗಾರ ಅವರ ಪತ್ನಿ ಸರೋಜಾ ಪಟಗಾರ ಅವರು ಈ ಬಗ್ಗೆ ಮಾಹಿತಿ ನೀಡಿದರು.  
- [ಮೊಬೈಲ್ ಮರಳಿಸಿದ ಕಳ್ಳ ಬಂಗಾರ ಕೊಡಲಿಲ್ಲ!](https://mobiletime.in/2026/01/the-thief-who-returned-the-mobile-phone-did-not-give-the-gold/): ಕಾರವಾರದ ಶಿಕ್ಷಕಿ ಶಿಲ್ಪಾ ಮಾಳ್ಸೇಕರ್ ಅವರ ಮೊಬೈಲ್ ಹಾಗೂ ಬಂಗಾರ ಕಳ್ಳತನವಾಗಿದ್ದು, ಮೊಬೈಲ್ ಕದ್ದ ಅನೀಲ ಕಾಂಬಳೆ ಅದನ್ನು ಹಿಂತಿರುಗಿಸಿದ್ದಾರೆ. ಆದರೆ, ಬಂಗಾರದ ಒಡವೆಯನ್ನು ಮಾತ್ರ ಕೊಡಲು ಒಪ್ಪುತ್ತಿಲ್ಲ! ಕಾರವಾರದ ದೋಬಿಘಾಟ್ ರಸ್ತೆಯ ರೋಹನ ಅಪಾರ್ಟಮೆಂಟಿನಲ್ಲಿ ಶಿಲ್ಪಾ ಸುರೇಶ ಮಾಳ್ಸೇಕರ್ ಅವರು ವಾಸವಾಗಿದ್ದಾರೆ. 2025ರ ನವೆಂಬರ್ 2ರಂದು ಅವರು ತುಳಸಿ ಹಬ್ಬದ ಅಂಗವಾಗಿ ಮಾರುಕಟ್ಟೆಗೆ ಹೋದಾಗ ತಮ್ಮ ಬ್ಯಾಗ್ ಕಳೆದುಕೊಂಡಿದ್ದರು. ಹಬ್ಬದ ಅಂಗವಾಗಿ ಹೂವು ಖರೀದಿಸಿ ಅವರು ಕೋಡಿಭಾಗ ಮಾರ್ಗ ಹೊರಟಿದ್ದು, ನಡುವೆ ಸ್ಕೂಟರ್ ನಿಲ್ಲಿಸಿದಾಗ ಸ್ಕೂಟರ್ ಮೇಲಿರಿಸಿದ್ದ ಬ್ಯಾಗನ್ನು ಕಳ್ಳರು ದೋಚಿದ್ದರು. ಹಾಲು ತರಲು ಹೋಗಿದ್ದ ಶಿಲ್ಪಾ ಅವರು ಮರಳಿ ಬಂದಾಗ ಬ್ಯಾಗ್ ಕಾಣಿಸಿರಲಿಲ್ಲ. ಆ ಬ್ಯಾಗಿನಲ್ಲಿ ಮೊಬೈಲ್ ಜೊತೆ 2.10 ಲಕ್ಷ ರೂ ಮೌಲ್ಯದ ಬಂಗಾರದ ಆಭರಣಗಳಿದ್ದು, ಮೊಬೈಲ್ ಕಾಣೆಯಾದ ಬಗ್ಗೆ ಅವರು ಆನ್‌ಲೈನ್ ಮೂಲಕ ದೂರು ನೀಡಿದ್ದರು. ಅದಾದ ನಂತರ ಶಿಲ್ಪಾ ಅವರ ಮೊಬೈಲ್ ಅನೀಲ ಕಾಂಬಳೆ ಅವರ ಬಳಿಯಿರುವುದನ್ನು ಪೊಲೀಸರು ಪತ್ತೆ ಮಾಡಿದ್ದರು. ಡಿಸೆಂಬರ್ 29ರಂದು ಅನೀಲ ಕಾಂಬಳೆ ಆ ಮೊಬೈಲನ್ನು ಮರಳಿಸಿದ್ದರು. ಆದರೆ, ಬಂಗಾರವನ್ನು ಮಾತ್ರ ಕೊಟ್ಟಿರಲಿಲ್ಲ. ಎಷ್ಟು ಬಾರಿ ಕೇಳಿದರೂ ಬಂಗಾರದ ಬಗ್ಗೆ ಅನೀಲ ಕಾಂಬಳೆ ಮಾತನಾಡುತ್ತಿರಲಿಲ್ಲ. ಹೀಗಾಗಿ ಅನೀಲ ಕಾಂಬಳೆ ಮೇಲೆ ಶಿಲ್ಪಾ ಮಾಳ್ಸೇಕರ್ ಅವರು ಅನುಮಾನವ್ಯಕ್ತಪಡಿಸಿ ದೂರು ನೀಡಿದ್ದು, `ಕಳ್ಳರು ಕದ್ದ ಬಂಗಾರವನ್ನು ಮರಳಿಸಿ’ ಎಂದು ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಕಾರವಾರ ನಗರಠಾಣೆಯವರು ಪ್ರಕರಣದ ವಿಚಾರಣೆ ನಡೆಸುತ್ತಿದ್ದಾರೆ.
- [ಮಹಿಳೆಯರಿದ್ದ ಮನೆಗೆ ಆಗಂತುಕರ ಆಗಮನ!](https://mobiletime.in/2026/01/strangers-arrive-at-the-house-where-the-women-are/): ಕಾರವಾರದ ಗುಲಾಬಿ ಮರಾಠೆ ಅವರ ಮನೆಗೆ ದಾಂಡಿಗರು ನುಗ್ಗಿದ್ದಾರೆ. ಕೈಯಲ್ಲಿ ಕತ್ತಿ ಹಿಡಿದು ಅವರು ರಂಪಾಟ ಮಾಡಿದ್ದಾರೆ. ಕಾರವಾರದ ಉಳಗಾ ಬಳಿಯ ಸಾತಗೇರಿಯಲ್ಲಿ ಗುಲಾಬಿ ಗೋವಿಂದ ಮರಾಠೆ ಅವರು ವಾಸವಾಗಿದ್ದಾರೆ. ಉಳಗಾ ಫೈಲವಾಡದ ವತಿಭಾಗದ ಚಂದನ ವೆಂಕಟರಾಯ್ ಮರಾಠೆ ಹಾಗೂ ರಾಘವೇಂದ್ರ ವೆಂಕಟರಾಯ್ ಮರಾಠೆ ಅವರು ಕತ್ತಿ ಹಿಡಿದು ಗುಲಾಬಿ ಮರಾಠೆ ಅವರ ಮನೆಗೆ ನುಗ್ಗಿದ್ದಾರೆ. ಜನವರಿ 20ರ ರಾತ್ರಿ ಏಕಾಏಕಿ ಇಬ್ಬರು ಮನೆಗೆ ನುಗ್ಗಿದನ್ನು ನೋಡಿ ಗುಲಾಬಿ ಮರಾಠೆ ಅವರು ಆತಂಕಕ್ಕೆ ಒಳಗಾಗಿದ್ದಾರೆ. ಮನೆಗೆ ನುಗ್ಗಿದ ಆ ಆಗಂತುಕರಿಬ್ಬರು ಗುಲಾಬಿ ಮರಾಠೆ ಅವರ ಮೊಮ್ಮಗ ಓಂಕಾರ್ ಅವರ ಕುತ್ತಿಗೆ ಹಿಡಿದಿದ್ದಾರೆ. `ನಿನ್ನ ಮಗ ವಿಜಯ ಮರಾಠೆಯನ್ನು ನಮ್ಮೊಂದಿಗೆ ಕಳುಹಿಸು. ಇಲ್ಲವಾದರೆ, ಮೊಮ್ಮಗನನ್ನು ಮುಗಿಸಿ ಬಿಡುವೆ’ ಎಂದು ಬೆದರಿಸಿದ್ದಾರೆ. ಆಗ, ಓಂಕಾರ್ ಅವರ ತಾಯಿ ಮಗನ ರಕ್ಷಣೆಗೆ ಹೋಗಿದ್ದು, ಆ ಮಹಿಳೆಗೂ ರಾಘವೇಂದ್ರ ಮರಾಠೆ ಅವರು ಕಾಲಿನಿಂದ ಒದ್ದಿದ್ದಾರೆ. `ರಾತ್ರಿ 12 ಗಂಟೆಗೆ ಮನೆಗೆ ಬರಲು ಹೇಳು’ ಎಂದು ದಬಾಯಿಸಿ ಹೋದ ಅವರಿಬ್ಬರು ಮತ್ತೆ ರಾತ್ರಿ 1ಗಂಟೆಗೆ ಬಂದು ಬೆದರಿಕೆ ಒಡ್ಡಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಗುಲಾಬಿ ಮರಾಠೆ ಅವರು ಕದ್ರಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ರಕ್ಷಣೆಗಾಗಿ ಮನವಿ ಮಾಡಿದ್ದಾರೆ. ಜೊತೆಗೆ ಆರೋಪಿತರ ವಿರುದ್ಧ ಕ್ರಮಕ್ಕೆ ಒತ್ತಾಯಿಸಿದ್ದಾರೆ.
- [ವ್ಯಸನಗಳಿಂದ ದೂರವಿರಿ](https://mobiletime.in/2026/01/stay-away-from-addictions/): ತಂಬಾಕು ಸೇವನೆ ದುಷ್ಪರಿಣಾಮಗಳ ಬಗ್ಗೆ ಕಾರವಾರದ ಅಮದಳ್ಳಿ ವಲಯದ ಶ್ರೀ ಕ್ಷೇತ್ರಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆ ಮಕ್ಕಳಿಗೆ ಅರಿವು ಮೂಡಿಸಿದೆ. ಮುದುಗಾದ ಜನತಾ ವಿದ್ಯಾಲಯದಲ್ಲಿ ವ್ಯಸನ ಮುಕ್ತ ಸಮಾಜ ನಿರ್ಮಾಣ ಕಾರ್ಯದಲ್ಲಿ ತೊಡಗಿರುವ ಜನಜಾಗೃತಿ ವೇದಿಕೆಯ ಸದಸ್ಯ ಶ್ರೀಕೃಷ್ಣ ಕಾಮತ್ ಅವರು ವಿದ್ಯಾರ್ಥಿಗಳಿಗೆ ಸಾಮಾಜಿಕ ಪಿಡುಗುಗಳ ಬಗ್ಗೆ ವಿವರಿಸಿದ್ದಾರೆ. `ಧೂಮಪಾನ, ಸರಾಯಿ ಸೇವನೆ ಜೊತೆ ಗುಟಕಾ ತಿನ್ನುವುದರಿಂದಲೂ ಆರೋಗ್ಯ ಹಾಳಾಗುತ್ತದೆ. ಮಕ್ಕಳು ಮಾದಕ ವ್ಯಸನದಿಂದ ದೂರವಿರುವುದು ಒಳಿತು’ ಎಂದವರು ಹೇಳಿದ್ದಾರೆ. ಈ ವೇಳೆ ರಸಪ್ರಶ್ನೆ ಕಾರ್ಯಕ್ರಮ ಆಯೋಜಿಸಿ ಅವರು ಜಾಗೃತಿ ನಡೆಸಿದ್ದಾರೆ. ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆಯ ವಲಯದ ಮೇಲ್ವಿಚಾರಕಿ ಲತಾ ವಿಶ್ವನಾಥ ನಾಯ್ಕ ಹಾಗೂ ಸೇವಾ ಪ್ರತಿನಿಧಿಗಳಾದ ಗುಣವಂತಿ ಪುರಂದರ ಚಿಂಚನಕರ್, ಶೀತಲ ರೋಷನ್ ತಾಂಡಲ್, ಶಿಕ್ಷಣ ಸಂಸ್ಥೆಯ ಜೈ ರಂಗನಾಥ ಬಿ ಎಸ್, ಸ್ಮಿತಾ ನಾಯ್ಕ, ಕ್ಷಮಾ ನಾಯ್ಕ ಈ ಕಾರ್ಯಕ್ರಮದಲ್ಲಿ ಮಾತನಾಡಿದ್ದಾರೆ.
- [ವಿಶ್ವದರ್ಶನ: ಶಿಕ್ಷಣ ಸಂಸ್ಥೆ ಕಟ್ಟುವ ಅವಕಾಶದಿಂದ ಹೆಬ್ಬಾರ್ ದೂರ!](https://mobiletime.in/2026/01/vishwadarshan-hebbar-is-far-from-the-opportunity-to-build-an-educational-institution/): ಬಿಜೆಪಿ ವಕ್ತಾರ ಹರಿಪ್ರಕಾಶ ಕೋಣೆಮನೆ ಅವರು ಅಧ್ಯಕ್ಷರಾಗಿರುವ ಯಲ್ಲಾಪುರದ ವಿಶ್ವದರ್ಶನ ಶಿಕ್ಷಣ ಸಂಸ್ಥೆಯನ್ನು ಶಾಸಕ ಶಿವರಾಮ ಹೆಬ್ಬಾರ್ ಅವರು ದತ್ತು ತೆಗೆದುಕೊಳ್ಳುವ ಅವಕಾಶ ತಪ್ಪಿಸಿಕೊಂಡಿರುವ ಬಗ್ಗೆ ಪ್ರಕಟಣೆಯೊಂದು ಹೊರಬಿದ್ದಿದೆ. ಬಿಜೆಪಿ ಯಲ್ಲಾಪುರ ಘಟಕದವರು ಇಂಥಹದೊoದು ಪ್ರಕಟಣೆ ನೀಡಿದ್ದು, ಬಿಜೆಪಿ ಮಾಧ್ಯಮ ಸಂಚಾಲಕ ಕೆ ಟಿ ಹೆಗಡೆ ಅವರು ಆ ಪ್ರಕಟಣೆಯನ್ನು ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ನದಿ ತಿರುವು ವಿಷಯವಾಗಿ ಈಚೆಗೆ ಬಿಜೆಪಿ ವಕ್ತಾರ ಹರಿಪ್ರಕಾಶ ಕೋಣೆಮನೆ ಹಾಗೂ ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಜಂಟಿ ಸುದ್ದಿಗೋಷ್ಠಿ ನಡೆಸಿ ಶಿವರಾಮ ಹೆಬ್ಬಾರ್ ಅವರ ಉದ್ದಿಮೆಯ ಕುರಿತು ಮಾತನಾಡಿದ್ದರು. `ಹಾವೇರಿ ಜಿಲ್ಲೆಯಲ್ಲಿ ಶಿವರಾಮ ಹೆಬ್ಬಾರ್ ಅವರು ಉದ್ದಿಮೆಯಿರುವ ಕಾರಣ ಶಾಸಕರಿಗೆ ನೆರೆ ಜಿಲ್ಲೆಯ ಮೇಲೆ ಹೆಚ್ಚಿನ ವ್ಯಾಮೋಹ’ ಎಂಬರ್ಥದಲ್ಲಿ ಮಾತನಾಡಿದ್ದರು. ಇದಕ್ಕೆ ಪ್ರತಿಯಾಗಿ ಶಿವರಾಮ ಹೆಬ್ಬಾರ್ ಅವರ ಬೆಂಬಲಿಗರು ಪ್ರಸಾದ ಹೆಗಡೆ ಒಡೆತನದ ನಿಸರ್ಗಮನೆ ಹಾಗೂ ಹರಿಪ್ರಕಾಶ ಅವರ ಒಡೆತನದ ಸಂಸ್ಥೆಯ ವ್ಯವಹಾರಗಳ ಬಗ್ಗೆ ಹೇಳಿಕೆ ನೀಡಿದ್ದರು. ಅದಕ್ಕೆ ಪ್ರತಿಯಾಗಿ ಬುಧವಾರ ಬಿಜೆಪಿ ಘಟಕದ ಹೆಸರಿನಲ್ಲಿ ಮತ್ತೊಂದು ಹೇಳಿಕೆ ಹರಿದಾಡುತ್ತಿದೆ. `ಬಿಜೆಪಿ ಹಾಗೂ ಮಾಧ್ಯಮ’ ಎಂಬ ವಾಟ್ಸಪ್ ಗುಂಪಿನಲ್ಲಿ ಕೆ ಟಿ ಹೆಗಡೆ ಅವರು ಈ ಪ್ರಕಟಣೆಯನ್ನು ಮೊದಲು ಹಂಚಿಕೊoಡಿದ್ದಾರೆ. ಅದಾದ ನಂತರ ಅದೇ ಪ್ರಕಟಣೆ ವಿವಿಧ ಕಡೆ ಹರಿದಾಡಿದೆ. ಪ್ರಕಟಣೆಯ ಕೊನೆಯಲ್ಲಿ ಬಿಜೆಪಿ ಪ್ರಮುಖರಾದ ರವಿ ಕೈಟ್ಕರ್, ನಟರಾಜ ಗೌಡ, ಜಿ ಎನ್ ಗಾಂವ್ಕರ್, ಉಮೇಶ ಭಾಗ್ವತ, ರಾಘವೇಂದ್ರ ಭಟ್ಟ ಹಾಸಣಗಿ ಹಾಗೂ ಕೆ ಟಿ ಹೆಗಡೆ ಅವರ ಹೆಸರಿದೆ. ಆದರೆ, ಬಿಜೆಪಿ ಲೇಟರ್ ಹೆಡ್ ಮೂಲಕ ಆ ಪ್ರಕಟಣೆ ಬಂದಿದ್ದರೂ ಯಾರೂ ಅದಕ್ಕೆ ಸಹಿ ಮಾಡಿಲ್ಲ. `ಮಾಜಿ ಶಾಸಕ ಉಮೇಶ ಭಟ್ಟ ಅವರು ಕಟ್ಟಿದ ಶಿಕ್ಷಣ ಸಂಸ್ಥೆ ಕಾರಣಾಂತರದಿoದ ಸಮಸ್ಯೆಯ ಸುಳಿಗೆ ಸಿಲುಕಿತ್ತು. ಅವರ ಕುಟುಂಬದವರ ಆಶಯದಂತೆ ಹರಿಪ್ರಕಾಶ ಕೋಣೆಮನೆ ಅವರು ಸಂಸ್ಥೆಯ ಜವಾಬ್ದಾರಿವಹಿಸಿಕೊಂಡಿದ್ದು, ಶಕ್ತಿ ಮೀರಿ ಸಂಸ್ಥೆ ಮುನ್ನಡೆಸಿದ್ದಾರೆ. ಡೊಮಗೇರಿಯಲ್ಲಿ ಬಡ ಗೌಳಿ ಮಹಿಳೆ ಸಾವನಪ್ಪಿದಾಗ ಆಕೆಯ ಹಸುಗೂಸಿಗೆ ವಿಶ್ವದರ್ಶನದಲ್ಲಿ ಉಚಿತ ಶಿಕ್ಷಣದ ಘೋಷಣೆ ಮಾಡಲಾಗಿದೆ. ದಲಿತ ಹೆಣ್ಣು ಮಗಳ ಹತ್ಯೆ ಆದಾಗ ಅನಾಥ ಮಗುವಿಗೆ ಶಿಕ್ಷಣ ನೀಡುವ ಬಗ್ಗೆ ಘೋಷಣೆ ಮಾಡಲಾಗಿದೆ. ನೂರಾರು ಬಡ ಮಧ್ಯಮ ವರ್ಗದವರಿಗೆ ಉಚಿತ ಶಿಕ್ಷಣ ಕೊಡಲಾಗುತ್ತಿದೆ. ಹೀಗಿರುವಾಗ ಇದು ವ್ಯಾಪಾರಿಕರಣವಾ ಅಥವಾ ಉದಾರಿಕರಣವಾ? ಎಂದು ಬಲ್ಲವರಿಗೆ ಗೊತ್ತಿದೆ. ಬೆವರು ಸುರಿಸಿ ಸಾವಿರಾರು ಕೋಟಿ ಸಂಪಾದನೆ ಮಾಡಿದ ಮಾಜಿ ಶಾಸಕ ಶಿವರಾಮ ಹೆಬ್ಬಾರ್ ಅವರು ಮತದಾರರಿಗೆ ಒಳ್ಳೆಯ ಮಾಡುವ ಕನಸು ಹೊಂದಿದ್ದರೆ ವಿಶ್ವದರ್ಶನ ಸಂಸ್ಥೆಯನ್ನೇ ದತ್ತುಪಡೆಯಬಹುದಾಗಿತ್ತು. ಶಿಕ್ಷಣ ಸಂಸ್ಥೆ ಮೂಲಕ ಸಾವಿರಾರು ವಿದ್ಯಾರ್ಥಿಗಳಿಗೆ ಸಹಾಯ ಮಾಡಬಹುದಾಗಿತ್ತು. ಆದರೆ, ಮತದಾರರ ಮಕ್ಕಳ ಭವಿಷ್ಯದ ಬದಲು ತಮ್ಮ ಮಕ್ಕಳ ಭವಿಷ್ಯಕ್ಕಾಗಿ ಶಿವರಾಮ ಹೆಬ್ಬಾರ್ ಅವರು ಸಾವಿರಾರು ಕೋಟಿ ರೂ ವೆಚ್ಚ ಮಾಡಿ ಪಕ್ಕದ ಜಿಲ್ಲೆಯಲ್ಲಿ ಉದ್ದಿಮೆ ಮಾಡಿದ್ದಾರೆ. ಬೇರೆ ಬೇರೆ ದಂಧೆಗೂ ಇಳಿದಿದ್ದು ಎಲ್ಲರಿಗೂ ಗೊತ್ತಿದೆ’ ಎಂದು ಆ ಪ್ರಕಟಣೆಯಲ್ಲಿ ಉಲ್ಲೇಖಿಸಲಾಗಿದೆ. `ಶಿರಸಿಯಲ್ಲಿ ನಡೆದ ಜನ ಸಮಾವೇಶದಲ್ಲಿ ನದಿ ತಿರುವು ಯೋಜನೆ ಬಿಜೆಪಿ ಅವಧಿಯಲ್ಲಿ ನಡೆದಿದ್ದು ಎಂದು ಸಚಿವ ಮಂಕಾಳು ವೈದ್ಯ ಅವರೇ ಹೇಳಿದ್ದಾರೆ. ಆ ವೇಳೆ ಬಿಜೆಪಿಯಿಂದ ಸಚಿವರಾಗಿದ್ದ ಶಿವರಾಮ ಹೆಬ್ಬಾರ್ ಅವರು ಅದನ್ನು ಏಕೆ ವಿರೋಧಿಸಲಿಲ್ಲ?’ ಎಂದು ಪ್ರಕಟಣೆಯಲ್ಲಿ ಪ್ರಶ್ನಿಸಲಾಗಿದೆ. ಇದರೊಂದಿಗೆ ನಿಸರ್ಗಮನೆ ಮನೆಯೂ ಪ್ರಮೋದ ಹೆಗಡೆ ಅವರ ಕನಸಿನ ಕೂಸು. ಅಲ್ಲಿ ಯಾವುದೇ ಅಕ್ರಮ ನಡೆಯುತ್ತಿಲ್ಲ’ ಎಂಬ ಬಗ್ಗೆಯೂ ಪ್ರಕಟಣೆಯಲ್ಲಿದೆ. ಗಣಿ ಹಗರಣ ಸೇರಿ ಇನ್ನಷ್ಟು ವಿಷಯಗಳ ಬಗ್ಗೆ ಪ್ರಕಟಣೆಯಲ್ಲಿ ಉಲ್ಲೇಖಿಸಲಾಗಿದೆ.
- [ಬೇಡ್ತಿ-ವರದಾ: ಆ ನೀರು ಕುಡಿಯುವುದಕ್ಕೆ ಮಾತ್ರ ಅಲ್ಲ!](https://mobiletime.in/2026/01/bedi-varaddha-that-water-is-not-just-for-drinking/): `ಕುಡಿಯುವ ಯೋಜನೆ ಹೆಸರಿನಲ್ಲಿ ಸರ್ಕಾರ ನದಿ ತಿರುವು ಯೋಜನೆಗೆ ಮುಂದಾಗಿದ್ದು, ವಾಸ್ತವವಾಗಿ ಅದು ಕುಡಿಯುವ ನೀರಿನ ಯೋಜನೆಯೇ ಅಲ್ಲ’ ಎಂದು ಶಿರಸಿಯ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಹೇಳಿದ್ದಾರೆ. ಸರ್ಕಾರಿ ದಾಖಲೆಗಳ ಪ್ರಕಾರ `ರಾಯಚೂರು ಜಿಲ್ಲೆಗೆ ನೀರಾವರಿ’ ಎಂಬ ಹೆಸರಿನಲ್ಲಿ ಈ ಯೋಜನೆಯಿರುವ ಆಘಾತಕಾರಿ ಅಂಶವನ್ನು ಅವರು ಬಿಚ್ಚಿಟ್ಟಿದ್ದಾರೆ. `ಬೇಡ್ತಿ-ವರದಾ ನದಿ ತಿರುವು ಯೋಜನೆಯನ್ನು ಹಾವೇರಿ ಭಾಗದ ಜನರ ಕುಡಿಯುವ ನೀರಿಗಾಗಿ ಎಂದು ಸುಳ್ಳು ಹೇಳಿ ಜನರ ದಿಕ್ಕು ತಪ್ಪಿಸುವ ಪ್ರಯತ್ನ ನಡೆದಿದೆ. ಸರ್ಕಾರದ ವೆಬ್ ಸೈಟಿನಲ್ಲಿಯೇ ಆ ಯೋಜನೆಗೆ ರಾಯಚೂರು ಜಿಲ್ಲೆಗೆ ನೀರಾವರಿ ಎಂದು ವಿವರ ನೀಡಲಾಗಿದೆ. ರಾಯಚೂರಿಗೆ ನೀರು ಬೇಕಾದರೆ ಹಾವೇರಿ ಜನ ಹೋರಾಟ ಮಾಡುವುದರ ಹಿಂದೆ ಬೇರೆ ಹುನ್ನಾರವೇ ಅಡಗಿದೆ’ ಎಂದು ಅನಂತಮೂರ್ತಿ ಹೆಗಡೆ ಅನುಮಾನವ್ಯಕ್ತಪಡಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿಯೇ ಕುಡಿಯುವ ನೀರಿನ ಅಭಾವ ಎದುರಾಗಿದೆ. ಹೀಗಿರುವಾಗ ಅಂತ ಯೋಜನೆ ಮಾಡುವುದೇ ಅವೈಜ್ಞಾನಿಕ’ ಎಂದವರು ಹೇಳಿದ್ದಾರೆ. `ಸ್ವರ್ಣವಲ್ಲಿ ಶ್ರೀಗಳು ಯಾವುದೇ ಸ್ವಾರ್ಥ ಇಲ್ಲದೇ ಯೋಜನೆ ವಿರುದ್ಧ ಹೋರಾಟ ನಡೆಸಿದ್ದಾರೆ. ಅದಕ್ಕೆ ಎಲ್ಲರೂ ಕೈ ಜೋಡಿಸಬೇಕು’ ಎಂದವರು ಮನವಿ ಮಾಡಿದ್ದಾರೆ. `ಈ ಯೋಜನೆ ಮೂಲಕ 50ಕ್ಕೂ ಅಧಿಕ ಹಳ್ಳಿಗಳು ನಾಶವಾಗಲಿದೆ. ನದಿ ನಂಬಿ ನಡೆಯುವ ಪ್ರವಾಸೋದ್ಯಮ ಚಟುವಟಿಕೆಗಳು ನಶಿಸಲಿದೆ’ ಎಂದು ನಿವೃತ್ತ ಲೋಕೋಪಯೋಗಿ ಅಧಿಕಾರಿ ವಿ ಎಂ ಭಟ್ಟ ಅವರು ಹೇಳಿದ್ದಾರೆ. `ನದಿ ನೀರಿನ ಬಳಕೆ ಪೂರ್ಣ ಪ್ರಮಾಣದಲ್ಲಿ ನಡೆಯಬೇಕು. ಉಳಿದರೆ ಮಾತ್ರ ಹೊರ ಜಿಲ್ಲೆಗೆ ನೀಡಬೇಕು. ಈ ಬಗ್ಗೆ ತಜ್ಞರೆಲ್ಲರೂ ಸೇರಿ ಯೋಜನಾ ವರದಿ ತಯಾರಿಸಬೇಕು’ ಎಂದು ಜಿ ಪಂ ಮಾಜಿ ಸದಸ್ಯ ಹಾಲಪ್ಪ ಅವರು ಹೇಳಿದ್ದಾರೆ. `ನಮ್ಮದೆಲ್ಲವನ್ನು ಬೇರೆಡೆ ಕೊಟ್ಟು ನಾವು ಬದುಕುವುದು ಹೇಗೆ?’ ಎಂದು ಅವರು ಪ್ರಶ್ನಿಸಿದ್ದಾರೆ.
- [ಭೂ ವ್ಯಾಜ್ಯ: ಕೇಸು ಹಾಕಿದವನ ಕೊಲೆ!](https://mobiletime.in/2026/01/land-dispute-murder-of-the-person-who-filed-the-case/): ಹಕ್ಕಿನ ಜಮೀನಿನ ಬಗ್ಗೆ ಕೋರ್ಟಿನಲ್ಲಿ ಕೇಸು ಹಾಕಿದ ಕಾರಣ ಕುಮಟಾದ ಮಾರುತಿ ಹೆಗಡೆ ಅವರ ಕೊಲೆಯಾಗಿದೆ. ಜಮೀನು ಖರೀದಿಸಿದ್ದ ನಾಗಪ್ಪ ಗೌಡ ಅವರು ಮಾರುತಿ ಹೆಗಡೆ ಅವರ ಮೇಲೆ ಹಲ್ಲೆ ನಡೆಸಿ, ಅವರ ಸಾವಿಗೆ ಕಾರಣರಾಗಿದ್ದಾರೆ. ಕುಮಟಾದ ಕೂಜಳ್ಳಿಯ ಮೇಣಸಿನಕೇರಿಯಲ್ಲಿ ಮಾರುತಿ ಬೀರಾ ಹೆಗಡೆ ಅವರು ವಾಸವಾಗಿದ್ದರು. ಅವರಿಗೆ ಪತ್ನಿ ತವರು ಮನೆ ಭೂಮಿ ಮೇಲೆ ಮನಸ್ಸಿತ್ತು. ಆದರೆ, ಮಾರುತಿ ಹೆಗಡೆ ಅವರ ಭಾವ ಅನಂತ ಈಶ್ವರ ಹೆಗಡೆ ಅವರು 1 ಎಕರೆ ಭೂಮಿಯನ್ನು ಮೇಲಿನ ಕೂಜಳ್ಳಿಯ ನಾಗಪ್ಪ ಜಟ್ಟು ಗೌಡ ಅವರಿಗೆ ಮಾರಾಟ ಮಾಡಿದ್ದರು. ಈ ಮಾರಾಟ ಸಹಿಸದ ಮಾರುತಿ ಹೆಗಡೆ ಅವರು ಜಮೀನು ಹಕ್ಕಿನ ವಿಷಯವಾಗಿ ಕೋರ್ಟಿನಲ್ಲಿ ಕೇಸು ಹಾಕಿದ್ದರು. ಜಮೀನು ಖರೀದಿಸಿ ಕೇಸು ಎದುರಿಸಬೇಕಾದ ಪರಿಸ್ಥಿತಿ ಬಂದಿದ್ದರಿoದ ನಾಗಪ್ಪ ಗೌಡ ಅವರು ಸಿಟ್ಟಾಗಿದ್ದರು. ಕೇಸು ದಾಖಲಿಸಿದ ಮಾರುತಿ ಹೆಗಡೆ ಅವರ ವಿರುದ್ಧ ನಾಗಪ್ಪ ಗೌಡ ಅವರು ದ್ವೇಷ ಹೊಂದಿದ್ದರು. ಜನವರಿ 17ರ ಸಂಜೆ ಮಾರುತಿ ಗೌಡ ಅವರು ತಮ್ಮ ಮನೆ ಮುಂದೆ ನಿಂತಾಗ ಅಲ್ಲಿ ನಾಗಪ್ಪ ಗೌಡ ಅವರು ಬಂದರು. ಕೇಸಿನ ವಿಷಯವಾಗಿ ಜಗಳ ಶುರು ಮಾಡಿದರು. ಆ ಜಗಳ ದೊಡ್ಡದಾಗಿದ್ದು, ಅವರಿಬ್ಬರ ನಡುವೆ ಗಲಾಟೆ ನಡೆಯಿತು. ಆ ಗಲಾಟೆಯಲ್ಲಿ ನಾಗಪ್ಪ ಗೌಡ ಅವರು ಮಾರುತಿ ಹೆಗಡೆ ಅವರ ಹೊಟ್ಟೆಗೆ ಒದ್ದರು. ತಮ್ಮ ಕೈಯಿಂದ ಹಿಗ್ಗಾಮುಗ್ಗ ಥಳಿಸಿದರು. ಪರಿಣಾಮ ಮಾರುತಿ ಹೆಗಡೆ ಅವರು ಕುಸಿದು ಬಿದ್ದಿದ್ದು, ಆಸ್ಪತ್ರೆಗೆ ದಾಖಲಿಸಿದರೂ ಅವರನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ. ತಂದೆಯ ಸಾವಿನ ಬಗ್ಗೆ ಚೇತನಾ ಹೆಗಡೆ ಅವರು ಮಾಹಿತಿ ನೀಡಿದರು. ಕೊಲೆ ಮಾಡಿದ ನಾಗಪ್ಪ ಗೌಡ ಅವರನ್ನು ಶಿಕ್ಷಿಸುವಂತೆ ಪೊಲೀಸ್ ದೂರು ನೀಡಿದರು.
- [ಬಾಲಕನ ಜೀವ ತೆಗೆದ ಹೊಸ ಕಾರು!](https://mobiletime.in/2026/01/a-new-car-took-the-life-of-a-boy/): ಕಾರು ಓಡಿಸಲು ಬಾರದ ವ್ಯಕ್ತಿಯೊಬ್ಬ ಹೊಸದಾಗಿ ಕಾರು ಖರೀದಿಸಿದ್ದು, ಅದೇ ಕಾರು ಹಳಿಯಾಳದ ಬಾಲಕನ ಜೀವ ತೆಗೆದಿದೆ. ಹಳಿಯಾಳ ಕಾವಲವಾಡದ ಹಟ್ಟಿಓಣಿಯಲ್ಲಿ ಕಾರು ಗುದ್ದಿದ ರಭಸಕ್ಕೆ 5 ವರ್ಷದ ಬಾಲಕ ಹುಜೇರ್ ಸಲೀಂ ಶಿಗಳ್ಳಿ ಕೊನೆಯುಸಿರೆಳೆದಿದ್ದಾರೆ. ಅದಾದ ನಂತರ ಆ ಕಾರು ಮನೆಯೊಂದಕ್ಕೆ ನುಗ್ಗಿದ್ದು, ಹುಜೇರ್ ಅವರ ಅಜ್ಜಿಗೂ ಡಿಕ್ಕಿ ಹೊಡೆದಿದೆ. ಪರಿಣಾಮ ಅಜ್ಜಿ ಆಶಾಬಿ ಮುಲ್ಲಾ ಅವರ ಕೈ ಮುರಿದಿದೆ. ಅದೇ ಭಾಗದ ಗೋರೆಸಾಬ್ ವಲೀಸಾಬ್ ಹೊಸದಾಗಿ ಇಕೋ ಕಾರು ಖರೀದಿಸಿದ್ದರು. ಗೋರೆಸಾಬ್ ವಲೀಸಾಬ್ ಅವರಿಗೆ ಸರಿಯಾಗಿ ಕಾರು ಓಡಿಸಲು ಬರುತ್ತಿರಲಿಲ್ಲ. ಅದಾಗಿಯೂ ವೇಗವಾಗಿ ಅವರು ಕಾರು ಓಡಿಸಿದ್ದು, ದುರಂತಕ್ಕೆ ಕಾರಣವಾಗಿದೆ. ಕಾರು ಮನೆಯ ಕಟ್ಟೆಗೆ ಗುದ್ದಿದ್ದರಿಂದ ಕಟ್ಟಡಕ್ಕೂ ಹಾನಿ ಆಗಿದೆ. ಅದರ ಮುಂದಿದ್ದ ಬೈಕ್ ಒಂದು ಜಖಂ ಆಗಿದೆ. ಗೋರೆಸಾಬ್ ವಲೀಸಾಬ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.
- [ನದಿ ಆಳ ಬಗೆದವರಿಗೆ ಕಾನೂನು ಕಂಟಕ!](https://mobiletime.in/2026/01/legal-hurdles-for-those-who-cross-the-river/): ಉತ್ತರ ಕನ್ನಡದ ನದಿ ಉಳಿವಿಗೆ ಜನ ಹೋರಾಟ ನಡೆಸುತ್ತಿದ್ದು, ಮರಳು ದಂಧೆಕೋರರು ನದಿ ಆಳವನ್ನು ಅಗೆದು ಪರಿಸರಕ್ಕೆ ಹಾನಿ ಮಾಡುತ್ತಿದ್ದಾರೆ. ಈ ವಿಷಯ ಅರಿತ ಹೊನ್ನಾವರ ತಹಶೀಲ್ದಾರ್ ನದಿ ಅಂಚಿನ ಪ್ರದೇಶಕ್ಕೆ ದಿಢೀರ್ ಭೇಟಿ ನೀಡಿ ಅಕ್ರಮವಾಗಿ ದಾಸ್ತಾನು ಮಾಡಿದ್ದ ಮರಳನ್ನು ಜಪ್ತು ಮಾಡಿದ್ದಾರೆ. ಶರಾವತಿ ನದಿಯ ಬಳ್ಕೂರಿನಲ್ಲಿ ಅಪಾರ ಪ್ರಮಾಣದಲ್ಲಿ ಮರಳು ತೆಗೆಯಲಾಗುತ್ತಿದೆ. ನದಿ ಹಾಗೂ ಪರಿಸರಕ್ಕೆ ಅಪಾಯ ಆಗುವ ರೀತಿ ಮರಳು ದಂಧೆ ನಡೆಯುತ್ತಿದೆ. ಮನೆ ನಿರ್ಮಾಣಕ್ಕೆ ಬಳ್ಕೂರು ರೇತಿಗೆ ಅಪಾರ ಬೇಡಿಕೆಯಿದ್ದು, ಅದೇ ಹಿನ್ನಲೆ ದುರುಪಯೋಗಪಡಿಸಿಕೊಂಡು ಮರಳು ಮಾಫಿಯಾ ನಡೆಯುತ್ತಿದೆ. ದಂಧೆಕೋರರು ತೆಗೆದ ಮರಳನ್ನು ನದಿ ಅಂಚಿನಲ್ಲಿ ಗುಡ್ಡೆ ಹಾಕಿ ದಾಸ್ತಾನು ಮಾಡಿದ್ದು, ಅದನ್ನು ದುಪ್ಪಟ್ಟು ಬೆಲೆಗೆ ವಿವಿಧ ಕಡೆ ಸಾಗಿಸುತ್ತಿದ್ದಾರೆ. ಅಕ್ರಮ ಮರಳುಗಾರಿಕೆ ತಡೆಯುವಲ್ಲಿ ಜಿಲ್ಲಾಡಳಿತ ವಿಫಲವಾಗಿದೆ ಎಂಬ ಆರೋಪವ್ಯಕ್ತವಾಗಿದ್ದು, ಅದರ ಬೆನ್ನಲ್ಲೆ ಅಧಿಕಾರಿಗಳು ಮರಳು ಅಡ್ಡೆಯ ಮೇಲೆ ದಾಳಿ ಮಾಡಿದ್ದಾರೆ. ಮಂಗಳವಾರ ಶರಾವತಿ ನದಿ ತೀರದ ಬಳಿ ದಾಸ್ತಾನು ಮಾಡಿದ್ದ 20 ಲೋಡ್ ಮರಳನ್ನು ಅಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಹೊನ್ನಾವರ ತಹಶೀಲ್ದಾರ್ ಪ್ರವೀಣ ಕರಾಂಡೆ ಮರಳು ಅಡ್ಡೆ ಪ್ರದೇಶಕ್ಕೆ ತೆರಳಿದ್ದಾರೆ. ಅಲ್ಲಿದ್ದ 70 ಬರಾಸ್ ಮರಳನ್ನು ಜಪ್ತು ಮಾಡಿದ್ದಾರೆ. ಪೊಲೀಸ್ ಸುಪರ್ಧಿಯಲ್ಲಿ ಆ ಮರಳನ್ನು ಗ್ರಾಮ ಪಂಚಾಯತ ವಶಕ್ಕೆ ಹಸ್ತಾಂತರಿಸಿದ್ದಾರೆ.
- [ಅತಿಯಾದ ವ್ಯಸನ: ಊಟಕ್ಕೂ ಸಮಯಕೊಡದ ಯಮ!](https://mobiletime.in/2026/01/excessive-addiction-yama-who-doesnt-even-have-time-for-meals/): ಒಂದು ದಿನವೂ ಬಿಡದೇ ಸರಾಯಿ ಸೇವಿಸುತ್ತಿದ್ದ ಶಿರಸಿಯ ಗಣಪತಿ ಶಿರಗೋಡ ಅವರು ಸರಿಯಾಗಿ ಊಟ ಮಾಡಲು ಸಹ ಸಾಧ್ಯವಾಗದೇ ಸಾವನಪ್ಪಿದ್ದಾರೆ. ಶಿರಸಿಯ ಕಸ್ತೂರಿಬಾ ನಗರದ ಮಸೀದಿ ಹಿಂದೆ ಗಣಪತಿ ಫಕ್ಕೀರಪ್ಪ ಶಿರಗೋಡ (60) ಅವರು ವಾಸವಾಗಿದ್ದರು. ಸೂಪಾದವರಾಗಿದ್ದ ಅವರು ಶಿರಸಿಯಲ್ಲಿಯೇ ಖಾಯಂ ಆಗಿದ್ದು, ಗಣಪತಿ ಶಿರಗೋಡ ಅವರ ಪುತ್ರ ಗುತ್ತೆಪ್ಪ ಶಿರಗೋಡ ಅವರು ತರಕಾರಿ ವ್ಯಾಪಾರ ಮಾಡಿ ಸಂಸಾರ ನಡೆಸುತ್ತಿದ್ದರು. ದುಡಿದ ಬಹುಪಾಲು ಹಣವನ್ನು ಗಣಪತಿ ಶಿರಗೋಡ ಅವರು ಸರಾಯಿ ಅಂಗಡಿಗೆ ಕೊಡುತ್ತಿದ್ದರು. ಗಣಪತಿ ಶಿರಗೋಡು ಅವರು ಸರಾಯಿ ಇಲ್ಲದೇ ಒಂದು ದಿನವೂ ಸಹ ಸುಮ್ಮನಿರುತ್ತಿರಲಿಲ್ಲ. ಆ ಪ್ರಮಾಣದಲ್ಲಿ ಅವರು ಮದ್ಯ ವ್ಯಸನಕ್ಕೆ ದಾಸರಾಗಿದ್ದರು. ಜನವರಿ 19ರ ರಾತ್ರಿ 10.30ಕ್ಕೆ ಗಣಪತಿ ಶಿರಗೋಡ ಅವರು ಊಟ ಮಾಡುತ್ತಿದ್ದರು. ಆದರೆ, ಆ ವೇಳೆ ಅವರಿಗೆ ಊಟ ಮಾಡಲು ಸಾಧ್ಯವಾಗಲಿಲ್ಲ. ವಾಂತಿ ಮಾಡಿಕೊಂಡಿದ್ದ ಅವರನ್ನು ಗುತ್ತೆಪ್ಪ ಶಿರಗೋಡ ಅವರು ಆಸ್ಪತ್ರೆಗೆ ಕರೆದೊಯ್ದರು. ಶಿರಸಿ ಸರ್ಕಾರಿ ಆಸ್ಪತ್ರೆಯವರು ತಪಾಸಣೆ ನಡೆಸಿ `ಸ್ಕಾö್ಯನ್ ಮಾಡಬೇಕು’ ಎಂದರು. ಹೀಗಾಗಿ ಗಣಪತಿ ಶಿರಗೋಡ ಅವರನ್ನು ಶಿರಸಿ ಸ್ಕಾö್ಯನ್ ಸೆಂಟರ್’ಗೆ ಕರೆದೊಯ್ಯಲಾಯಿತು. ಅಲ್ಲಿ ತಪಾಸಣೆ ನಡೆಸಿ ಮರಳಿ ಆಸ್ಪತ್ರೆಗೆ ಬರುವಾಗ ಗಣಪತಿ ಶಿರಗೋಡ ಅವರು ಒಮ್ಮೆಗೆ ದೊಡ್ಡದಾಗಿ ಕೂಗಿದರು. ಅದಾದ ನಂತರ ಸಂಪೂರ್ಣವಾಗಿ ಮೌನವಾದರು. ಗಣಪತಿ ಶಿರಗೋಡ ಅವರನ್ನು ಕುಟುಂಬದವರು ಎಬ್ಬಿಸುವ ಪ್ರಯತ್ನ ಮಾಡಿದರು. ಪದೇ ಪದೇ ಮಾತನಾಡಿಸಿದರು. ಆದರೆ, ಅವರು ಮಾತನಾಡಲಿಲ್ಲ. ಪರೀಕ್ಷಿಸಿದ ವೈದ್ಯರು ಗಣಪತಿ ಶಿರಗೋಡ ಇನ್ನಿಲ್ಲ ಎಂಬ ಸತ್ಯ ಬಿಚ್ಚಿಟ್ಟರು. ದಾರಿ ಮದ್ಯೆಯೇ ಅವರು ಸಾವನಪ್ಪಿದನ್ನು ಕುಟುಂಬದವರು ಖಚಿತಪಡಿಸಿಕೊಂಡರು. `ಮದ್ಯ ವ್ಯಸನ ಅಪಾಯಕ್ಕೆ ಕಾರಣ’  
- [ಶಿರಸಿ-ಹೊನ್ನಾವರ: ಇನ್ಮುಂದೆ ಇನ್ನಷ್ಟು ಹತ್ತಿರ!](https://mobiletime.in/2026/01/sirsi-honnavara-even-closer-now/): ಕುಮಟಾ ಕಲ್ಲಬ್ಬೆ ಬಳಿಯ ಬೋಗ್ರಿಬೈಲ್ ಬಳಿ ಅಘನಾಶಿನಿ ನದಿಗೆ ಅಡ್ಡಲಾಗಿ ಸರ್ಕಾರ ಸೇತುವೆ ನಿರ್ಮಿಸಿದೆ. ಹೀಗಾಗಿ ಇನ್ಮುಂದೆ ಶಿರಸಿ-ಹೊನ್ನಾವರ ಪ್ರಯಾಣ ಇನ್ನಷ್ಟು ಹತ್ತಿರವಾಗಲಿದೆ. ಹೊನ್ನಾವರ ಕಡೆಯಿಂದ ಶಿರಸಿ ಕಡೆಗೆ ಹಾಗೂ ಶಿರಸಿ ಕಡೆಯಿಂದ ಹೊನ್ನಾವರ ಕಡೆಗೆ ಪ್ರಯಾಣಿಸುವವರು ಈ ಸೇತುವೆ ಮಾರ್ಗ ಬಳಸಿದರೆ ಕುಮಟಾ ಪಟ್ಟಣಕ್ಕೆ ಪ್ರವೇಶಿಸಬೇಕಿಲ್ಲ. ಇದರಿಂದ ವಾಹನ ಸವಾರರಿಗೆ ಸರಿ ಸುಮಾರು 15ಕಿಮೀ ಉಳಿತಾಯವಾಗಲಿದೆ. 2018ರಲ್ಲಿ ಕುಮಟಾ ಶಾಸಕರಾಗಿದ್ದ ಶಾರದಾ ಶೆಟ್ಟಿ ಅವರು ಈ ಸೇತುವೆ ಮಂಜೂರಿ ಮಾಡಿಸಿದ್ದರು. ಆದರೆ, ಗುತ್ತಿಗೆದಾರರಿಗೆ ಹಣ ಪಾವತಿ ಆಗದ ಕಾರಣ ಸೇತುವೆ ಪೂರ್ಣವಾಗಿರಲಿಲ್ಲ. ಈಗಿನ ಶಾಸಕ ದಿನಕರ ಶೆಟ್ಟಿ ಈ ವಿಷಯವನ್ನು ವಿಧಾನಸಭೆ ಅಧಿವೇಶನದಲ್ಲಿ ಪ್ರಾಸ್ತಾಪಿಸಿದ್ದು, ಸರ್ಕಾರದಿಂದ ಅನುದಾನ ಬಿಡುಗಡೆ ಮಾಡಿಸಿದ್ದರು. ಅದರ ಪರಿಣಾಮ ಸೇತುವೆ ಕೆಲಸ ಮುಗಿದಿದ್ದು, ಹೊನ್ನಾವರ ಕತಗಾಲ ರಸ್ತೆಯಲ್ಲಿ ಅಘನಾಶಿನಿ ನದಿಗೆ ಅಡ್ಡವಾಗಿ 23 ಕೋಟಿ ರೂಪಾಯಿ ವೆಚ್ಚದಲ್ಲಿ ಸೇತುವೆ ಕಾಣಿಸಿತು. ಮಂಗಳವಾರ ಈ ಸೇತುವೆಯನ್ನು ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ ವೈದ್ಯ ಅವರು ಉದ್ಘಾಟಿಸಿದರು. ಶಾಸಕ ದಿನಕರ ಶೆಟ್ಟಿ ಅವರ ಜೊತೆ ಮಾಜಿ ಶಾಸಕಿ ಶಾರದಾ ಶೆಟ್ಟಿ ಅವರು ಸಹ ಈ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಸೇತುವೆ ಮಾಡಿಕೊಟ್ಟ ಕಾರಣ ಮಂಕಾಳು ಎಸ್ ವೈದ್ಯ, ದಿನಕರ ಶೆಟ್ಟಿ ಹಾಗೂ ಶಾರದಾ ಮೋಹನ ಶೆಟ್ಟಿ ಅವರಿಗೆ ಜನ ಸನ್ಮಾನಿಸಿದರು. ಕತಗಾಲ್-ಹೊನ್ನಾವರ ರಸ್ತೆಯನ್ನು ಅಗಲೀಕರಣಗೊಳಿಸುವಂತೆ ವಕೀಲ ಜಯಂತ ನಾಯ್ಕ ಮನವಿ ಸಲ್ಲಿಸಿದರು. ಪ್ರಮುಖರಾದ ರವಿ ಹೆಗಡೆ, ಟಿ ಬಿ ಹೆಗಡೆ, ಸುಬ್ರಹ್ಮಣ್ಯ ಭಟ್, ಗಜಾನನ ಕೋಡಿಯಾ, ವಸಂತ ಶೆಟ್ಟಿ, ಸಿ ಜಿ ಹೆಗಡೆ, ಮಂಜುನಾಥ ನಾಯ್ಕ, ಗೋಪಾಲ ನಾಯ್ಕ ಇತರರು ಇದ್ದರು. ಕುಮಟಾ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಭುವನ್ ಭಾಗ್ವತ್, ಕಲ್ಲಬ್ಬೆ ಗ್ರಾಪಂ ಅಧ್ಯಕ್ಷೆ ಕಮಲ ನಾಗರಾಜ ಮುಕ್ರಿ, ಮೂರೂರು ಗ್ರಾಪಂ ಅಧ್ಯಕ್ಷೆ ಭಾರತಿ ನಾಯ್ಕ, ಮಾಜಿ ಅಧ್ಯಕ್ಷೆ ಶೋಭಾ ನಾಯ್ಕ, ಮುಖಂಡರಾದ ರತ್ನಾಕರ ನಾಯ್ಕ, ಭಾಸ್ಕರ ಪಟಗಾರ, ವೈಭವ ನಾಯ್ಕ, ಪ್ರಮುಖರಾದ ಚಂದ್ರಾಸ ನಾಯ್ಕ, ಮೈಕಲ್ ಫರ್ನಾಂಡೀಸ್, ವಿನಾಯಕ ಅಂಬಿಗ ಸಹ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡರು.
- [ರಾಮತೀರ್ಥದ ಬಳಿ ಗಾಂಜಾ ಪ್ರಸಾದ!](https://mobiletime.in/2026/01/ganja-prasada-near-ramatheertha/): ಹೊನ್ನಾವರದ ರಾಮತೀರ್ಥದ ಬಳಿ ಸಿಪ್ರಿನ್ ಪೋಸ್ಗೆ, ಸಯ್ಯದ್ ಗುಲ್ಜಾರ್ ಹಾಗೂ ಅರ್ಬು ಸೇರಿ ಗಾಂಜಾ ಮಾರಾಟ ಮಾಡಿದ್ದಾರೆ. ನಿಷೇಧಿತ ವಸ್ತು ಮಾರಾಟದಿಂದ 3 ಸಾವಿರ ರೂ ಸಂಪಾದಿಸಿದ ಅವರು ಇನ್ನಷ್ಟು ಹಣಗಳಿಸುವ ಹಪಾಹಪಿಗೆ ಬಿದ್ದು ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಹೊನ್ನಾವರ ಕಾಸರಕೋಡುವಿನ ಸಿಪ್ರಿನ್ ಯೂಸಿಪ್ ಪೋಸ್ಗೆ ಅವರು ಮೀನುಗಾರಿಕೆ ಮಾಡಿಕೊಂಡಿದ್ದರು. 27ನೇ ವಯಸ್ಸಿನಲ್ಲಿಯೇ ಅವರು ಅಡ್ಡದಾರಿ ಹಿಡಿದಿದ್ದು, ಗಾಂಜಾ ಮಾರಾಟದಿಂದ ದುಡ್ಡು ಮಾಡಲು ಯೋಚಿಸಿದರು. ಹೊನ್ನಾವರದ ಪ್ರಭಾತ ನಗರ ಪಾರೆಸ್ಟ್ ಕಾಲೋನಿಯಲ್ಲಿ ವಾಸವಾಗಿರುವ ಸಯ್ಯದ್ ಗುಲ್ಜಾರ್ ಸಯ್ಯದ್ ಮುಕ್ತಾರ್ ಅವರು 22ನೇ ವಯಸ್ಸಿನಲ್ಲಿಯೇ ದಾರಿ ತಪ್ಪಿದ್ದರು. ಸೂಪರ್ ಮಾರ್ಟಿನಲ್ಲಿ ಕೆಲಸ ಮಾಡುವ ಸಯ್ಯದ್ ಗುಲ್ಜಾರ್ ಆ ಕೆಲಸದ ಜೊತೆ ಅಕ್ರಮ ಕೂಟದಲ್ಲಿ ಸಿಪ್ರಿನ್ ಪೋಸ್ಗೆ ಸಹಚರರಾಗಿದ್ದು, ಕುಮಟಾದ ಅರ್ಬು ಎಂಬಾತರ ಜೊತೆ ಸೇರಿ ಅವರೆಲ್ಲರೂ ಗಾಂಜಾ ವ್ಯಾಪಾರ ಶುರು ಮಾಡಿದರು. ಜನವರಿ 19ರ ರಾತ್ರಿ ರಾಮತೀರ್ಥದ ಕ್ರಾಸಿನ ಬಳಿ ಆ ಮೂವರು ಒಂದೇ ಬೈಕಿನಲ್ಲಿ ಓಡಾಡುತ್ತಿದ್ದರು. ಅಲ್ಲಿ ಬರುವ ಜನರನ್ನು ಮಾತನಾಡಿಸಿ ಹಣಪಡೆದು ಗಾಂಜಾ ಕೊಡುತ್ತಿದ್ದರು. ಮೂರು ಸಾವಿರ ರೂ ಸಂಪಾದಿಸಿದ್ದ ಆ ಮೂವರು ಮತ್ತೆ 6 ಸಾವಿರ ಸಂಪಾದನೆಗಾಗಿ ಗಿರಾಕಿ ಹುಡುಕುತ್ತಿದ್ದರು. ಹೊನ್ನಾವರ ಪಿಐ ಸಿದ್ದರಾಮೇಶ್ವರ ಎಸ್ ಅವರು ಆ ಮೂವರನ್ನು ನೋಡಿದರು. ಪೊಲೀಸರನ್ನು ಕಂಡ ತಕ್ಷಣ ಕುಮಟಾದ ಅರ್ಬು ಅಲ್ಲಿಂದ ಓಡಿ ಪರಾರಿಯಾದರು. ಸಿಪ್ರಿನ್ ಪೋಸ್ಗೆ ಹಾಗೂ ಸಯ್ಯದ್ ಗುಲ್ಜಾರ್ ಅವರ ಬಳಿ ಬಿಳಿ ಮತ್ತು ಕೆಂಪು ಕೊಟ್ಟೆಯಲ್ಲಿ ಗಾಂಜಾ ಕಾಣಿಸಿತು. 106 ಗ್ರಾಂ ಗಾಂಜಾ ವಶಕ್ಕೆಪಡೆದ ಪೊಲೀಸರು ಅವರಿಬ್ಬರನ್ನು ಬಂಧಿಸಿದರು. ಜೊತೆಗೆ ಮೂವರ ಹೆಸರನ್ನು ನಮೂದಿಸಿ ಪ್ರಕರಣ ದಾಖಲಿಸಿದ್ದು, ಗಾಂಜಾ ಮಾರಾಟಗಾರರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು. ಬಂಧಿತರಿoದ ಮೊಬೈಲ್ ಹಾಗೂ ಬೈಕನ್ನು ಜಪ್ತು ಮಾಡಿದರು. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಹೊರ ಮಂಗಳವಾರ: ಯಲ್ಲಾಪುರ ಪಟ್ಟಣ ಪೂರ್ತಿ ಖಾಲಿ ಖಾಲಿ!](https://mobiletime.in/2026/01/outside-tuesday-the-entire-town-of-yellapur-is-empty/): ಮೂರು ವರ್ಷಕ್ಕೆ ಒಮ್ಮೆ ನಡೆಯುವ ಯಲ್ಲಾಪುರ ಜಾತ್ರೆ ಅಂಗವಾಗಿ `ಹೊರ ಮಂಗಳವಾರ’ ಆಚರಣೆ ಸಂಪ್ರದಾಯ ಈ ದಿನ ನಡೆದಿದ್ದು, ಅಧಿಕೃತವಾಗಿ ಜಾತ್ರೆ ಸಂಪ್ರದಾಯ ಶುರುವಾಗಿದೆ. ಯಲ್ಲಾಪುರ ಜಾತ್ರೆಯ ಪೂರ್ವದ ವಿಶಿಷ್ಠ ಆಚರಣೆಗಳಲ್ಲಿ ಹೊರ ಮಂಗಳವಾರವೂ ಒಂದಾಗಿದ್ದು, ಅದರ ಅಂಗವಾಗಿ ಪಟ್ಟಣದ ಜನ ಮನೆಗೆ ಬೀಗ ಹಾಕಿದ್ದರು. ಬೆಳಗ್ಗೆ 9 ಗಂಟೆಗೆ ಮನೆಯಿಂದ ಹೊರಟ ಭಕ್ತರು ಸಂಜೆ 5 ಗಂಟೆಗೆ ಮರಳಿದರು. ಈ ಸಮಯದಲ್ಲಿ ದೇವಿಯು ಪ್ರತಿ ಮನೆಗೆ ಸಂಚಾರಕ್ಕೆ ಬರುವ ನಂಬಿಕೆಯಿದ್ದು, ಆ ನಂಬಿಕೆ ಹಿನ್ನಲೆ ಜನ ದೇವಿಗೆ ನೀರು, ಅರಿಶೀನ, ಕುಂಕುಮ ಹೂವನ್ನಿಟ್ಟು ಬಾಗಲು ಮುಚ್ಚಿ ಮನೆಯಿಂದ ಹೊರ ಹೋಗುವುದು ವಾಡಿಕೆ. ಹಿಂದಿನಿoದಲೂ ಬಂದ ಸಂಪ್ರದಾಯದ ಪ್ರಕಾರ ಕುಟುಂಬದವರು ಮೊದಲೇ ಅಡುಗೆ ಸಿದ್ಧಪಡಿಸಿ, ಅದನ್ನು ಕಟ್ಟಿಕೊಂಡು ಮನೆಯಿಂದ ಹೊರ ಹೋದರು. ಶಿರಸಿ ರಸ್ತೆಯಲ್ಲಿರುವ ಅರಣ್ಯ ಇಲಾಖೆಯ ಉದ್ಯಾನವನ, ಜೊಡಕೇರೆ ಬಳಿ ಇರುವ ಪಟ್ಟಣ ಪಂಚಾಯತ ಉದ್ಯಾನವನ ಜನರಿಂದ ತುಂಬಿತ್ತು. ಮಾಗೋಡು, ಸಾತೊಡ್ಡಿ, ಕವಡೀಕೆರೆ, ಜೇನುಕಲ್ಲು ಗುಡ್ಡ, ಚಂದಗುಳಿಯ ಗಂಟೆ ಗಣಪತಿ ದೇವಸ್ಥಾನದ ಬಳಿಯೂ ಸಾಕಷ್ಟು ಪ್ರಮಾಣದಲ್ಲಿ ಜನ ಸೇರಿದ್ದರು. ಫೆಬ್ರವರಿ 11ರಿಂದ 19ರವರೆಗೆ ಯಲ್ಲಾಪುರ ಜಾತ್ರೆ ನಡೆಯಲಿದ್ದು, ಜನವರಿ 27 ಹಾಗೂ ಫೆಬ್ರವರಿ 03ರಂದು ಸಹ ಹೊರ ಮಂಗಳವಾರ ಆಚರಣೆ ನಡೆಯಲಿದೆ.
- [ಅಕ್ರಮ ಮರಳು ಸಾಗಾಟ: ಸಿಕ್ಕಿಬಿದ್ದ ಖಳನಾಯಕ!](https://mobiletime.in/2026/01/illegal-sand-transportation-the-villain-caught/): ಕುಮಟಾ ಹಿರೇಗುತ್ತಿಯ ಅಶೋಕ ನಾಯಕ ಅವರು ಸರ್ಕಾರಕ್ಕೆ ವಂಚಿಸಿದ್ದಾರೆ. ಜೊತೆಗೆ ಪರಿಸರಕ್ಕೆ ಮಾರಕವಾದ ಚಟುವಟಿಕೆ ನಡೆಸುತ್ತಿದ್ದಾರೆ. ಕುಮಟಾದ ಹಿರೆಗುತ್ತಿಯಲ್ಲಿ ವಾಸವಾಗಿರುವ ಅಶೋಕ ಹಮ್ಮಣ್ಣ ನಾಯಕ (58) ಅವರು ವ್ಯಾಪಾರಿಯಾಗಿದ್ದಾರೆ. ಆದರೆ, ಮರಳು ವ್ಯಾಪಾರ ಮಾಡಲು ಅವರು ಅನುಮತಿಪಡೆದಿಲ್ಲ. ಅದಾಗಿಯೂ, ಅವರು ಅಲ್ಲಿ-ಇಲ್ಲಿ ದಾಸ್ತಾನಾದ ಮರಳನ್ನು ಕದ್ದು ಅದನ್ನು ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿದ್ದಾರೆ. ಅಕ್ರಮವಾಗಿ ಮರಳುಗಾರಿಕೆ ನಡೆಸುವುದು ಪರಿಸರಕ್ಕೆ ಮಾರಕ ಎಂಬ ಅರಿವಿದ್ದರೂ ಅವರು ಅದನ್ನು ಬಿಟ್ಟಿಲ್ಲ. `ಪರಿಸರ ನಾಶವಾದರೂ ಪರವಾಗಿಲ್ಲ. ತಾನೂ ದುಡ್ಡು ಮಾಡಬೇಕು’ ಎಂಬ ನಿಟ್ಟಿನಲ್ಲಿ ಅಶೋಕ ನಾಯಕ ಅವರು ತಮ್ಮ ಮರಳು ಲಾರಿ ಓಡಿಸುತ್ತಿದ್ದಾರೆ. ಗೋವಾ ನೋಂದಣಿ ಲಾರಿಯಲ್ಲಿ ಅವರು ನಿರಂತರವಾಗಿ ಮರಳು ಕದ್ದು ಸಾಗಾಟ ಮಾಡುತ್ತಿದ್ದಾರೆ. ಅಶೋಕ ನಾಯಕ ಅವರ ಅವ್ಯವಹಾರದ ಮೇಲೆ ಇದೀಗ ಪೊಲೀಸರ ಕಣ್ಣು ಬಿದ್ದಿದೆ. ಜನವರಿ 19ರ ರಾತ್ರಿ ಅಶೋಕ ನಾಯಕ ಅವರು ಹೊನ್ನಾವರದ ಮೂಡ್ಕಣಿಯಿಂದ ಮರಳು ಸಾಗಾಟ ಮಾಡುವಾಗ ಪೊಲೀಸರು ಬೆನ್ನತ್ತಿದ್ದಾರೆ. ಕುಮಟಾದಿಂದ ಅಂಕೋಲಾ ಕಡೆ ಹೊರಟಿದ್ದ ಅವರನ್ನು ಅವರದ್ದೇ ಊರಿನ ಹಿರೆಗುತ್ತಿ ಚೆಕ್ ಪೋಸ್ಟ್ ಬಳಿ ಗೋಕರ್ಣ ಪೊಲೀಸರು ತಡೆದಿದ್ದಾರೆ. ಗೋಕರ್ಣ ಪಿಸೈ ಶಶಿಧರ್ ಮರಳು ಲಾರಿ ತಪಾಸಣೆ ನಡೆಸಿದ್ದು, ಅಕ್ರಮ ನಡೆಸಿದ ಅಶೋಕ ನಾಯಕ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಅರಣ್ಯಾಧಿಕಾರಿಗಳ ಮೋಜಿಗೆ ಸಾಗವಾನಿ ಮರಕ್ಕೆ ಕೊಡಲಿ!](https://mobiletime.in/2026/01/let-the-savoy-tree-be-chopped-down-for-the-fun-of-the-forest-officials/): ಕಾಳಿ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಮೋಜು-ಮಸ್ತಿ ಮಾಡುವದಕ್ಕಾಗಿ ಅರಣ್ಯಾಧಿಕಾರಿಗಳು ಪ್ಯಾರಾಗೊಲಾ ನಿರ್ಮಾಣ ಮಾಡುತ್ತಿದ್ದಾರೆ. ಈ ಪ್ಯಾರಾಗೋಲಾ ನಿರ್ಮಾಣಕ್ಕೆ ಸಾಗವಾನಿ ಮರ ತುಂಡರಿಸಿದ್ದಾರೆ! ಕಾಳಿ ಹುಲಿ ಸಂರಕ್ಷಿತ ಪ್ರದೇಶವನ್ನು ಅತ್ಯಂತ ಸೂಕ್ಷ ಪ್ರದೇಶ ಎಂದು ಗುರುತಿಸಲಾಗಿದೆ. ಅದಾಗಿಯೂ ಜೊಯಿಡಾದ ಗುಂದ ವಲಯದ ಚಾಪೆರಾ ಕಳ್ಳಬೇಟೆ ನಿಗ್ರಹ ಕ್ಯಾಂಪಿನಲ್ಲಿ ಅರಣ್ಯ ಕಾನೂನುಗಳ ಉಲ್ಲಂಘನೆ ನಡೆಯುತ್ತಿದೆ. ಕಾಡಿನಲ್ಲಿ ಕಳ್ಳಬೇಟೆ, ಅಕ್ರಮ ಮರಕಡಿತ ತಡೆಯಬೇಕಾದ ಕ್ಯಾಂಪಿನ ಆವರಣದಲ್ಲೇ ಇದೀಗ ಪಾರ್ಟಿ ಮಾಡುವುದಕ್ಕಾಗಿ ಪ್ಯಾರಾಗೋಲಾ ನಿರ್ಮಾಣ ಕೆಲಸ ನಡೆದಿದೆ. ಇಲ್ಲಿ ಸಾಗವಾನಿ ಮರಗಳನ್ನು ಬಳಸಿ ಹೊಸ ಪ್ಯಾರಾಗೊಲಾ ನಿರ್ಮಾಣ ಕೆಲಸ ನಡೆದಿದೆ. ಬೃಹತ್ ಗಾತ್ರದ ಜೀವಂತ ನಂದಿ ಮರದ ಕೊಂಬೆಗಳನ್ನು ಕಡಿದು ಅದರ ಅಡಿ ಜಾಗ ಸಿದ್ಧಪಡಿಸಲಾಗಿದೆ. ಮೆಣಪತ್ರಿ ಕಾಡಿನಿಂದ ಲಕ್ಷಾಂತರ ರೂಪಾಯಿ ಮೌಲ್ಯದ ೫೦ಕ್ಕೂ ಹೆಚ್ಚು ಸಾಗವಾನಿ ಎಳೆಗಳು ಹಾಗೂ ಕಂಬಗಳನ್ನು ತಂದು ಕಾಮಗಾರಿ ಮಾಡಲಾಗುತ್ತಿದೆ. ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಮರ ಕಡಿತ, ಸಾಗವಾನಿ ಸಾಗಣೆ, ಯಾವುದೇ ಶಾಶ್ವತ ನಿರ್ಮಾಣ ಕಾರ್ಯಗಳಿಗೆ ಕಟ್ಟುನಿಟ್ಟಿನ ನಿಯಮಗಳಿವೆ. ಆದರೆ ಇಲ್ಲಿ ಪ್ಯಾರಾಗೊಲಾ ನಿರ್ಮಾಣಕ್ಕೆ ಅದ್ಯಾವ ನಿಯಮೂ ಅನ್ವಯ ಆಗಿಲ್ಲ. ಸಾಗವಾನಿ ಮರ ಸಾಗಾಣಿಕೆ, ನಂದಿ ಮರ ಕಡಿತದ ಬಗ್ಗೆ ಅಧಿಕಾರಿಗಳ ಬಳಿಯೂ ಉತ್ತರವಿಲ್ಲ.
- [ಶಿವ ಶಿವ ಎಂದರೆ ಭಯವಿಲ್ಲ..](https://mobiletime.in/2026/01/shiva-shiva-means-no-fear/): ಪ್ರಸಿದ್ಧ ಪುಣ್ಯ ಕ್ಷೇತ್ರ ಮುರುಡೇಶ್ವರ ಜಾತ್ರೆಗೆ ಲಕ್ಷಾಂತರ ಜನ ಆಗಮಿಸಿದ್ದು, ಎಲ್ಲರೂ ಸೇರಿ ಭಕ್ತಿ-ಭಾವದಿಂದ ದೇವರ ಸೇವೆ ಮಾಡಿದ್ದಾರೆ. ಮಂಗಳವಾರ ಸಂಜೆ ಮುರುಡೇಶ್ವರ ದೇವರ ಮಹಾರಥೋತ್ಸವ ನಡೆದಿದೆ. ಮಂಟಪ ಅಲಂಕಾರ, ಭಕ್ತರ ಹರ್ಷೋದ್ಗಾರದ ನಡುವೆ ವಿಜ್ರಂಭಣೆಯಿAದ ಉತ್ಸವ ಆಚರಿಸಲಾಗಿದೆ. ಜಾತ್ರೆಯ ಅಂಗವಾಗಿ ಜನವರಿ 15ರಂದು ಮಕರ ಸಂಕ್ರಾAತಿಯ ದಿನ ಧ್ವಜಾರೋಹಣ ನಡೆಯಿತು. ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು, ಪ್ರತಿ ದಿನ ಉತ್ಸವಾದಿಗಳು ನಡೆದವು. ಅದಾದ ನಂತರ ಚಿನ್ನದ ರಥೋತ್ಸವ ಜರುಗಿ ಜನವರಿ 20ರಂದು ಮಹಾರಥೋತ್ಸವ ಜರುಗಿತು. ಮಹಾರಥೋತ್ಸವದ ಅಂಗವಾಗಿ ಬೆಳಿಗ್ಗೆಯಿಂದಲೆ ದೇವಸ್ಥಾನದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆದವು. ಹೋಮ ಹವನಗಳನ್ನು ಭಕ್ತರು ಕಣ್ತುಂಬಿಕೊoಡರು. ಮಧ್ಯಾಹ್ನ ರಥಾರೋಹಣದ ನಂತರ ಸಾವಿರಾರು ಭಕ್ತಾಧಿಗಳು ರಥಕಾಣಿಕೆ ನೀಡಿ, ರಥೋತ್ಸವದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಸಂಜೆ ರಥೋತ್ಸವಕ್ಕೆ ಚಾಲನೆ ನೀಡಲಾಯಿತು. ರಥೋತ್ಸವದ ಸಂದರ್ಭದಲ್ಲಿ ಸಾವಿರಾರು ಜನರು ಭಾಗವಹಿಸಿ ಭಕ್ತಿ ಪ್ರದರ್ಶನ ಮಾಡಿದರು. ದೇವಸ್ಥಾನದ ವ್ಯವಸ್ಥಾಪಕ ಮಂಜುನಾಥ ಶೆಟ್ಟಿ, ನಾಗರಾಜ ಶೆಟ್ಟಿ, ಹಿರಿಯರಾದ ಎಸ್ ಎಸ್ ಕಾಮತ್, ಎನ್ ಎಸ್ ಭಟ್ರಹಿತ್ಲು, ಮಾವಳ್ಳಿ-1 ಗ್ರಾಮ ಪಂಚಾಯತ್ ಅಧ್ಯಕ್ಷೆ ನಯನಾ ನಾಯ್ಕ, ಮಾವಳ್ಳಿ – 2 ಗ್ರಾಮ ಪಂಚಾಯತ್ ಅಧ್ಯಕ್ಷೆ ನಾಗರತ್ನಾ ಪಡಿಯಾರ್, ಪ್ರಧಾನ ಅರ್ಚಕರಾದ ಜಯರಾಮ ಅಡಿಗಳ್, ಶಿವರಾಮ ಅಡಿಗಳ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ವೆಂಕಟೇಶ ನಾಯ್ಕ, ಕಾಂಗ್ರೆಸ್ ರಾಜ್ಯ ಮಹಿಳಾ ಕಾರ್ಯದರ್ಶಿ ಬೀನಾ ವೈದ್ಯ, ಗ್ರಾಮ ಪಂಚಾಯತ್ ಸದಸ್ಯ ಕೃಷ್ಣ ನಾಯ್ಕ ಜಮೀನ್ದಾರ, ಕೈಕಿಣಿ ಗ್ರಾಮ ಪಂಚಾಯತ್ ಅಧ್ಯಕ್ಷ ರಾಜು ನಾಯ್ಕ, ಉದ್ಯಮಿಗಳಾದ ಗಣೇಶ್ ಹರಿಕಾಂತ ಈ ಉತ್ಸವದಲ್ಲಿ ಮುಂಚೂಣಿಯಾಗಿ ಕಾಣಿಸಿದರು. ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಕೃಷ್ಣಮೂರ್ತಿ, ಡಿ ವೈ ಎಸ್ ಪಿ. ಮಹೇಶ ಎಂ ಕೆ., ಮುರ್ಡೇಶ್ವರ ವೃತ್ತ ನಿರೀಕ್ಷಕ ಜಗದೀಶ ಹಂಚಿನಾಳ್ ಹಾಗೂ ಪಿಎಸ್‌ಐ ಹನುಮಂತ ಬಿರಾದಾರ ನೇತೃತ್ವದಲ್ಲಿ ಬಿಗಿ ಭದ್ರತೆ ಮಾಡಲಾಗಿತ್ತು. ದೂರ ದೂರದ ಊರಿನಿಂದ ಬಂದ ಭಕ್ತರು ಸಾಗರದ ಅಂಚಿನಲ್ಲಿ ನಡೆದ ಉತ್ಸವಕ್ಕೆ ಸಾಕ್ಷಿಯಾದರು.
- [ಗಗನಸಖಿಯ ಆತ್ಮಹತ್ಯೆ: 11ನೇ ದಿನಕ್ಕೂ ಬಾರದ ಆರೋಪಿ!](https://mobiletime.in/2026/01/flight-attendants-suicide-accused-fails-to-return-even-after-11-days/): ಗಗನಸಖಿ ಆಗಬೇಕು ಎಂದು ಕನಸು ಕಂಡಿದ್ದ ರಿಶೇಲ್ ಡಿಸೋಜಾ ಆತ್ಮಹತ್ಯೆ ಹಾಗೂ ಚಿರಾಗ್ ಕೋಠಾರಕರ್ ಪರಾರಿ ಪ್ರಕರಣ ಮತ್ತೊಂದು ಸ್ವರೂಪಪಡೆದಿದೆ. ಆರೋಪಿ ಬಂಧನ ಹಾಗೂ ಸಮಗ್ರ ತನಿಖೆಗೆ ಆಗ್ರಹಿಸಿ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆದಿದೆ. ಪ್ರತಿಭಟನೆಯಲ್ಲಿ ಭಾಗವಹಿಸಿದ ಸಾವಿರಾರು ಜನರ ಮುಂದೆ ರಿಶೇಲ್ ಡಿಸೋಜಾ ಅವರ ತಾಯಿ ರೀನಾ ಡಿಸೋಜಾ ಕಣ್ಣೀರು ಸುರಿಸಿದ್ದಾರೆ. `ತಮ್ಮ ಮಗಳ ಸಾವಿಗೆ ನ್ಯಾಯ ಸಿಗಬೇಕು’ ಎಂದವರು ಒತ್ತಾಯಿಸಿದ್ದಾರೆ. `ಜಿಲ್ಲಾ ಪಂಚಾಯತ ಮಾಜಿ ಸದಸ್ಯೆ ಚೈತ್ರಾ ಕೋಠಾರಕರ್ ಅವರ ಪುತ್ರ ಚಿರಾಗ್ ಕೋಠಾರಕರ್ ಅವರ ಕಾಟದಿಂದಲೇ ರಿಶೇಲ್ ಡಿಸೋಜಾ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ರೀಶೆಲ್ ಅವರ ದೇಹದ ಮೇಲೆ ಗಾಯದ ಗುರುತುಗಳಿದ್ದು, ಸಾವಿಗೂ ಮುನ್ನ ಅತ್ಯಾಚಾರ ನಡೆದಿದೆ’ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ. `ರೀಶೆಲ್ ದೇಹವನ್ನು ಮರು ಮರಣೋತ್ತರ ಪರೀಕ್ಷೆ ನಡೆಸಬೇಕು. ದೇಹದ ಮೇಲಿದ್ದ ಗಾಯದ ಗುರುತನ್ನು ಲವ್ ಬೈಟ್ ಎಂದು ವೈದ್ಯರು ನಮೂದಿಸಿದ್ದು, ಆ ಬಗ್ಗೆಯೂ ತನಿಖೆ ನಡೆಯಬೇಕು’ ಎಂದು ಆಗ್ರಹಿಸಿದ್ದಾರೆ. ಮಂಗಳವಾರ ಮಿತ್ರ ಸಮಾಜದ ಮೈದಾನದಿಂದ ಜಿಲ್ಲಾಧಿಕಾರಿ ಕಚೇರಿವರೆಗೂ ಪ್ರತಿಭಟನಾಕಾರರು ಪಾದಯಾತ್ರೆ ನಡೆಸಿದ್ದು, ಪ್ರತಿಭಟನಾಕಾರರ ಪರ ಶಾಸಕ ಸತೀಶ್ ಸೈಲ್ ಸಹ ಮಾತನಾಡಿದ್ದಾರೆ. ಸಾವಿರಾರು ಜನ ರಿಶೇಲ್ ಸಾವಿಗೆ ಕಾರಣರಾದವರ ವಿರುದ್ಧ ಘೋಷಣೆ ಕೂಗಿ ನ್ಯಾಯಕ್ಕಾಗಿ ಆಗ್ರಹಿಸಿದ್ದಾರೆ. `ಪೊಲೀಸರು ತನಿಖೆಯಲ್ಲಿ ವಿಳಂಬ ನೀತಿ ಅನುಸರಿಸಿದ್ದಾರೆ’ ಎಂದು ಸಹ ಪ್ರತಿಭಟನಾಕಾರರು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ರೀಶೆಲ್ ಸಾವು ಸಂಭವಿಸಿ 11 ದಿನ ಕಳೆದರೂ ಆರೋಪಿ ಸಿಕ್ಕಿಲ್ಲ. ಈ ಪ್ರಕರಣ ತನಿಖೆಗೆ ಎಸ್ ಐ ಟಿ ರಚಿಸಬೇಕು’ ಎಂದು ಪ್ರತಿಭಟನಾಕಾರರು ಒತ್ತಾಯಿಸಿದ್ದಾರೆ. ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಹಾಗೂ ಎಸ್ಪಿ ದೀಪನ್ ಎಂ ಎನ್ ಪ್ರತಿಭಟನಾಕಾರರ ಅಳಲು ಆಲಿಸಿದ್ದಾರೆ. ಮರು ಮರಣೋತ್ತರ ಪರೀಕ್ಷೆಗೆ ಒಪ್ಪಿಗೆ ಸಿಕ್ಕಿದೆ.
- [ರೈಲಿನ ಅಡಿಗೆ ಬಿದ್ದ ಲಾರಿ ಚಾಲಕ: ಸಾವು!](https://mobiletime.in/2026/01/lorry-driver-dies-after-falling-into-trains-kitchen/): ಲಾರಿಗಳನ್ನು ಒಯ್ಯುವ ರೋ ರೋ ರೈಲಿನಿಂದ ಬಿದ್ದು ಚಾಲಕರೊಬ್ಬರು ಸಾವನಪ್ಪಿದ್ದಾರೆ. ಮಹಾರಾಷ್ಟದ ಲಕ್ಷಣ ಸೂರ್ಯವಂಶಿ ಅವರು ಲಾರಿ ಚಾಲಕರಾಗಿದ್ದರು. ಮುಂಬೈಗೆ ಹೋಗಿ ಲಾರಿಯಲ್ಲಿ ಆಹಾರ ಸಾಮಗ್ರಿ ತುಂಬಿಸಿದ ಅವರು ಆ ಲಾರಿಯನ್ನು ರೈಲಿನ ಮೂಲಕ ಕೇರಳಕ್ಕೆ ಒಯ್ಯುವ ಕೆಲಸ ಮಾಡಿದ್ದರು. ರೈಲಿನ ಮೇಲೆ ಲಾರಿ ಹತ್ತಿಸಿ ಅದೇ ಲಾರಿಯಲ್ಲಿ ಅವರು ಮಲಗಿದ್ದರು. ಕೋಲಾಡ್ ರೈಲು ನಿಲ್ದಾಣದಿಂದ ಹೊರಟ ರೈಲು ಉತ್ತರ ಕನ್ನಡ ಪ್ರವೇಶಿಸಿದ್ದು, ಜನವರಿ 19ರ ನಸುಕಿನಲ್ಲಿ ಹೊನ್ನಾವರದ ಮಂಕಿ ಪ್ರದೇಶವನ್ನು ದಾಟಿತು. ಆ ವೇಳೆ ನಿದ್ದೆಯಿಂದ ಎದ್ದ ಲಾರಿ ಚಾಲಕ ಲಕ್ಷಣ ಸೂರ್ಯವಂಶಿ ಅವರು ಮೂತ್ರ ವಿಸರ್ಜನೆಗಾಗಿ ಕೆಳಗಿಳಿದರು. ಆದರೆ, ಅವರು ಲಾರಿಯಿಂದ ಹಾರಿ ರೈಲು ಹಳಿಗಳ ಮೇಲೆ ಬಿದ್ದರು. ಅದೇ ರೈಲಿನ ಚಕ್ರದ ಅಡಿಗೆ ಸಿಲುಕಿ ಸಾವನಪ್ಪಿದರು. ಅವರ ದೇಹ ಛಿದ್ರ ಛಿದ್ರವಾಗಿದ್ದು, ಮತ್ತೊಬ್ಬ ಲಾರಿ ಚಾಲಕ ಅದನ್ನು ಗಮನಿಸಿ ಪೊಲೀಸರಿಗೆ ತಿಳಿಸಿದರು. ಕೆಳಗಿನೂರಿನ ನಾಜಗಾರದಲ್ಲಿ ಅವರ ಶವ ಸಿಕ್ಕಿದೆ.
- [ಬೆಂಕಿಯಲ್ಲಿ ಬೆಂದ ದೇಹಕ್ಕೆ ಮುಕ್ತಿ](https://mobiletime.in/2026/01/liberation-from-a-body-burned-in-fire/): ಭಟ್ಕಳದ ವೃದ್ಧೆಯೊಬ್ಬರು ತಮ್ಮ ಬೆಂಕಿಯಲ್ಲಿ ಬೆಂದು ಸಾವನಪ್ಪಿದ್ದಾರೆ. ಅಡುಗೆ ಮಾಡುವಾಗ ಬಟ್ಟೆಗೆ ಅಂಟಿದ ಬೆಂಕಿ ಅವರ ಮೈ ಸುಟ್ಟಿದ್ದು, ಎರಡು ವಾರ ನರಳಾಟ ನಡೆಸಿ ಕೊನೆಯುಸಿರೆಳೆದಿದ್ದಾರೆ. ಭಟ್ಕಳದ ಮುರುಡೇಶ್ವರ ಬಳಿಯ ಉಳ್ಮಣ ಬೆಂಗ್ರೇಯಲ್ಲಿ ಮಾಸ್ತಿ ಜಟ್ಟಯ್ಯ ದೇವಾಡಿಗ ಅವರು ವಾಸವಾಗಿದ್ದರು. 88 ವರ್ಷದ ಅವರು ದಿನ ನಿತ್ಯದ ಕೆಲಸಗಳನ್ನು ತಾವೇ ಮಾಡಿಕೊಳ್ಳುತ್ತಿದ್ದರು. ಜನವರಿ 5ರಂದು ಅವರು ಮನೆಯಲ್ಲಿ ಕೆಲಸ ಮಾಡುತ್ತಿದ್ದಾಗ ಅವರ ಅರಿವಿಗೆ ಬಾರದೇ ಮನೆಯ ಒಲೆಯಲ್ಲಿದ್ದ ಬೆಂಕಿ ದೇಹ ಸ್ಪರ್ಶಿಸಿತು. ಪರಿಣಾಮ ಅವರ ಹೊಟ್ಟೆ, ಎದೆ, ಕುತ್ತಿಗೆ ಭಾಗಗಕ್ಕೆ ಭಾರೀ ಪ್ರಮಾಣದ ಗಾಯವಾಯಿತು. ಮೈ ಸುಟ್ಟಿಕೊಂಡು ನರಳಾಡುತ್ತಿದ್ದ ಮಾಸ್ತಿ ದೇವಾಡಿಗ ಅವರನ್ನು ಪುತ್ರ ಗಣಪತಿ ದೇವಾಡಿಗ ಅವರು ಆಸ್ಪತ್ರೆಗೆ ದಾಖಲಿಸಿದರು. ಭಟ್ಕಳ ಸರ್ಕಾರಿ ಆಸ್ಪತ್ರೆಯ ವೈದ್ಯರು ಮಾಸ್ತಿ ದೇವಾಡಿಗ ಅವರ ಆರೈಕೆ ಮಾಡಿದರು. ಆದರೆ, ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಬೆಂಕಿಯಲ್ಲಿ ಬೆಂದು 15 ದಿನಗಳ ಕಾಲ ಬದುಕಿದ್ದ ಮಾಸ್ತಿ ದೇವಾಡಿಗ ಅವರು ಸೋಮವಾರ ಕೊನೆಯುಸಿರೆಳೆದರು.
- [ಬಹಿಷ್ಕಾರದ ಬಿಸಿಗೆ ಮತಾಂತರದ ಕಾವು: ಸ್ಪಷ್ಟನೆ!](https://mobiletime.in/2026/01/the-heat-of-boycott-is-fueling-conversions-clarification/): ಕುಮಟಾದ ಕೇಶವ ಅಂಬಿಗ ಕುಟುಂಬದ ಬಹಿಷ್ಕಾರದ ವಿಷಯ ಹೊಸ ತಿರುವುಪಡೆದಿದೆ. `ಆ ಕುಟುಂಬಕ್ಕೆ ಬಹಿಷ್ಕಾರ ಹಾಕಿಲ್ಲ’ ಎಂದು ಊರಿನವರು ಹೇಳಿದ್ದು, ಅದನ್ನು ಕೇಶವ ಅಂಬಿಗ ಕುಟುಂಬದವರು ಅಲ್ಲಗಳೆದಿದ್ದಾರೆ. `ಬಹಿಷ್ಕಾರದ ವಿಷಯ ಪ್ರಸ್ತಾಪಿಸಿದರೆ ಅದಕ್ಕೆ ಕೋಮು ಬಣ್ಣ ಬಡಿಯಲಾಗುತ್ತಿದೆ. ಮತಾಂತರದ ವಿಷಯ ಮುಂದೆ ಮಾಡಿ ತನಿಖೆಯ ದಿಕ್ಕು ತಪ್ಪಿಸಲಾಗುತ್ತಿದೆ’ ಎಂದು ಕೇಶವ ಅಂಬಿಗ ಅವರು ದೂರಿದ್ದಾರೆ. `75 ಕುಟುಂಬದವರು ತಮ್ಮೊಂದಿಗೆ ಮಾತನಾಡುತ್ತಿಲ್ಲ. ಮಾತನಾಡಿದರೆ 5 ಸಾವಿರ ರೂ ದಂಡ ಕಟ್ಟಬೇಕು’ ಎಂದು ಗಂಗಾಧರ ಅಂಬಿಗ ಅವರು ಬೆದರಿಕೆ ಹಾಕಿದ್ದಾರೆ. ಹೀಗಾಗಿ 9 ತಿಂಗಳಿನಿAದ ನಮ್ಮ ಸಮುದಾಯದ ಯಾರೂ ನೆರವಿಗೆ ಬಂದಿಲ್ಲ’ ಎಂದವರು ಅಳಲು ತೋಡಿಕೊಂಡಿದ್ದಾರೆ. `ನ್ಯಾಯಕ್ಕಾಗಿ ನಾವು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರವನ್ನು ಸಂಪರ್ಕಿಸಿದ್ದು, ಅಲ್ಲಿನ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರು ಕ್ರಿಶ್ಚಿಯನ್ ಎಂಬ ಕಾರಣಕ್ಕೆ ಮತಾಂತರದ ಆರೋಪ ಮಾಡುತ್ತಿದ್ದಾರೆ. ನಮ್ಮ ಊರಿಗೆ ಸಂಬAಧವೇ ಇಲ್ಲದ ಮಿರ್ಜಾನಿನ ಗಣೇಶ ಅಂಬಿಗ ಅವರು ಅನಗತ್ಯ ಆರೋಪ ಮಾಡುತ್ತಿದ್ದಾರೆ’ ಎಂದು ದೂರಿದ್ದಾರೆ. ಆಗ್ನೇಲ್ ರೋಡ್ರಿಗಸ್ ಮಾತನಾಡಿ `ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರ ಯಾವುದೇ ಒಂದು ಸಮುದಾಯಕ್ಕೆ ಮಾತ್ರ ಸೀಮಿತವಲ್ಲ’ ಎಂದರು. ನಿವೃತ್ತ ಸರಕಾರಿ ನೌಕರ ನಾಗೇಶ್ ಹುಲಾಸ್ವಾರ ಮಾತನಾಡಿ ಗಣೇಶ ಅಂಬಿಗ ಅವರ ವಿರುದ್ಧ ಕಿಡಿಕಾರಿದರು. ಪ್ರಮುಖರಾದ ಕೃಷ್ಣ ಪಟಗಾರ, ಗಣಪತಿ ಅಂಬಿಗ, ಸುಬ್ಬಿ ಅಂಬಿಗ, ಸುಧಾಕರ್ ನಾಯ್ಕ, ನಾಗೇಶ್ ಹುಲಾಸ್ವಾರ, ಕೃಷ್ಣ ನಾರಾಯಣ ಪಟಗಾರ, ಹನುಮ ಪಟಗಾರ, ಪುರ್ಸು ಹರಿಕಂತ್ರ, ರತ್ನಾಕರ್ ಭಟ್, ಈಶ್ವರ್ ನಾಯ್ಕ್ ಇದ್ದರು.
- [ಹೆಗಡೆ ಜಾತ್ರೆ: ಅಂಗಡಿಕಾರರ ಹಸಿವು ನೀಗಿಸಿದ ನ್ಯಾಯವಾದಿ](https://mobiletime.in/2026/01/hegde-fair-lawyer-satisfies-shopkeepers-hunger/): ಕುಮಟಾದ ಹೆಗಡೆಯಲ್ಲಿ ಜನವರಿ 15ಕ್ಕೆ ಅದ್ಧೂರಿ ಜಾತ್ರೆ ನಡೆದಿದ್ದು, ಜಾತ್ರೆಗೆ ಬಂದಿದ್ದ ಅಂಗಡಿಕಾರರಿಗೆ ನ್ಯಾಯವಾದಿ ವಿನಾಯಕ ಪಟಗಾರ ಅವರು ಅನ್ನದಾನ ಮಾಡಿದ್ದಾರೆ. ಕುಮಟಾದ ಹೆಗಡೆಯಲ್ಲಿ ಪ್ರತಿ ವರ್ಷ ಜಾತ್ರೆ ನಡೆಯುತ್ತದೆ. ಇಲ್ಲಿನ ಶಾಂತಿಕಾoಬಾ ದೇವಿಯ ಜಾತ್ರೆಗೆ ಸಾವಿರಾರು ಜನ ಬರುತ್ತಾರೆ. ಬರುವ ಭಕ್ತರನ್ನು ನಂಬಿ ಬಗೆ ಬಗೆಯ ಅಂಗಡಿಕಾರರು ಮಳಿಗೆ ಹಾಕುತ್ತಿದ್ದು, ಅಂಗಡಿಕಾರರು ಮೂರು ದಿನಗಳ ಕಾಲ ಅಲ್ಲಿಯೇ ವಾಸವಾಗಿರುತ್ತಾರೆ. ಆ ಅಂಗಡಿಕಾರರ ಮೇಲೆ ಅನುಕಂಪಹೊoದಿದ ನ್ಯಾಯವಾದಿ ವಿನಾಯಕ ಶಿವರಾಮ ಪಟಗಾರ ಅವರು ತಮ್ಮ ಸ್ವಂತ ವೆಚ್ಚದಿಂದ ಅವರ ಹೊಟ್ಟೆ ಹಸಿವು ದೂರ ಮಾಡಿದ್ದಾರೆ. ವಿನಾಯಕ ಪಟಗಾರ ಅವರು ಮನೆಯಲ್ಲಿಯೇ ಶುದ್ಧ ಆಹಾರ ತಯಾರಿಸಿ ಅದನ್ನು ಪ್ಯಾಕೇಟ್ ಮೂಲಕ ತಂದು ಅಂಗಡಿಕಾರರಿಗೆ ನೀಡಿದ್ದಾರೆ.  ಅಂಗಡಿಕಾರರು ಇದ್ದ ಸ್ಥಳಕ್ಕೆ ತೆರಳಿ ಅವರಿಗೆ ಆಹಾರ ಕೊಟ್ಟಿದ್ದಾರೆ. ಕಳೆದ ಐದು ವರ್ಷಗಳಿಂದ ವಿನಾಯ ಪಟಗಾರ ಅವರು ಈ ಕಾರ್ಯ ಮಾಡುತ್ತಿದ್ದು, ಬೇರೆ ಬೇರೆ ಊರುಗಳಿಂದ ಕುಮಟಾಗೆ ಬಂದಿದ್ದವರಿಗೆ ಈ ಕ್ಷೇತ್ರದ ಬಗ್ಗೆ ಹೆಮ್ಮೆಯಾಗುವ ಹಾಗೇ ನಡೆದುಕೊಂಡಿದ್ದಾರೆ. ವಿನಾಯಕ ಪಟಗಾರ ಅವರು ಗ್ರಾಮು ಒಕ್ಕಲು ಯುವ ಬಳಗದ ಅಧ್ಯಕ್ಷರೂ ಆಗಿದ್ದಾರೆ. ಅವರ ಸೇವಾ ಕಾರ್ಯಕ್ಕೆ ಎಲ್ಲಡೆ ಮೆಚ್ಚುಗೆಯ ಮಾತುಗಳು ವ್ಯಕ್ತವಾಗಿದೆ.
- [ಉಪವಾಸಕ್ಕೆ ತಡೆ ಒಡ್ಡಿದ ಉಸ್ತುವಾರಿ ಸಚಿವ!](https://mobiletime.in/2026/01/minister-blocks-satyagriha-from-fasting/): ಶಿರಸಿ ಜಾತ್ರೆಗೆ ಮೂಲಭೂತ ಸೌಕರ್ಯ ಕಲ್ಪಿಸದೇ ಇದ್ದರೆ ಉಪವಾಸ ಸತ್ಯಾಗ್ರಹ ನಡೆಸುವುದಾಗಿ ಘೋಷಿಸಿದ್ದ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರಿಗೆ ಸಚಿವ ಮಂಕಾಳು ವೈದ್ಯ ಸಮಾಧಾನ ಮಾಡಿದ್ದಾರೆ. ಹೀಗಾಗಿ ಸದ್ಯದ ಮಟ್ಟಗೆ ಉಪವಾಸ ಸತ್ಯಾಗ್ರಹವನ್ನು ಮುಂದೂಡಿರುವುದಾಗಿ ಅನಂತಮೂರ್ತಿ ಹೆಗಡೆ ಘೋಷಿಸಿದ್ದಾರೆ. `ಪ್ರಸಿದ್ಧ ಶಿರಸಿ ಜಾತ್ರೆಗೆ ಸಂಬoಧಿಸಿ ಬರುವ ಭಕ್ತಾದಿಗಳಿಗೆ ವಸತಿ, ಊಟ, ನೀರು ಒಳಗೊಂಡ ಮೂಲಭೂತ ಸೌಕರ್ಯ ಒದಗಿಸಬೇಕು’ ಎಂದು ಅನಂತಮೂರ್ತಿ ಹೆಗಡೆ ಅವರು ಆಗ್ರಹಿಸಿದ್ದರು. ತಮ್ಮ ಬೇಡಿಕೆ ಈಡೇರಿಕೆಗಾಗಿ ಫೆ 3ರಂದು ಧರಣಿ ನಡೆಸುವುದಾಗಿ ಅವರು ಹೇಳಿದ್ದರು. ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ ವೈದ್ಯ, ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯ ಹಾಗೂ ಶಾಸಕ ಭೀಮಣ್ಣ ನಾಯ್ಕ ಅವರಿಗೆ ಅನಂತಮೂರ್ತಿ ಹೆಗಡೆ ಈ ಕುರಿತು ಪತ್ರ ನೀಡಿದರು. ಈ ವೇಳೆ ಸಚಿವ ಮಂಕಾಳು ವೈದ್ಯ ಅವರು ಅನಂತಮೂರ್ತಿ ಹೆಗಡೆ ಅವರನ್ನು ಸಮಾಧಾನ ಮಾಡಿದರು. ಜಾತ್ರಾ ಪೂರ್ವಭಾವಿ ಸಭೆಯಲ್ಲಿ ಅನಂತಮೂರ್ತಿ ಹೆಗಡೆ ಮಾತನಾಡಿ ತಮ್ಮ ಬೇಡಿಕೆ ಮಂಡಿಸಿದರು. `ಜಾತ್ರಾ ಆರಂಭವಾಗುವುದರೊಳಗೆ ವ್ಯಾಪಾರಿಗಳು, ಭಕ್ತಾದಿಗಳನ್ನು ಒಳಗೊಂಡು ಸರ್ವರಿಗೂ ಅನುಕೂಲವಾಗುವಂತೆ ಎಲ್ಲ ಮೂಲಭೂತ ಸೌಕರ್ಯದ ವ್ಯವಸ್ಥೆ ಮಾಡಲಾಗುತ್ತದೆ’ ಎಂದು ಮಂಕಾಳು ವೈದ್ಯ ಅವರು ಘೋಷಿಸಿದರು. `ಸಚಿವರ ಮಾತಿನ ಮೇಲೆ ವಿಶ್ವಾಸವಿರಿಸಿ ಸದ್ಯಕ್ಕೆ ಫೆ 3ರ ಪ್ರತಿಭಟನೆ ಹಿಂಪಡೆಯಲಾಗಿದೆ’ ಎಂದು ಅನಂತಮೂರ್ತಿ ಹೆಗಡೆ ಹೇಳಿದ್ದಾರೆ.
- [ಅಘನಾಶಿನಿ ಉಳಿಸಿ: ನದಿ ನೀರಿನಲ್ಲಿ ಜನ ಸಮಾವೇಶ!](https://mobiletime.in/2026/01/save-aghanashini-peoples-rally-in-the-river-water/): `ಅಘನಾಶಿನಿ ಉಳಿಸಿ’ ಎಂಬ ಹೋರಾಟ ದಿನದಿಂದ ದಿನಕ್ಕೆ ಸ್ವರೂಪ ಬದಲಿಸುತ್ತಿದ್ದು, ಅವೈಜ್ಞಾನಿಕ ಯೋಜನೆ ವಿರುದ್ಧ ಸಿದ್ದಾಪುರದ ಜನರು ರೊಚ್ಚಿಗೆದ್ದಿದ್ದಾರೆ. ಅಘನಾಶಿನಿ ನದಿಗೆ ಆಣೆಕಟ್ಟು ಕಟ್ಟಲು ಉದ್ದೇಶಿಸಿದ ಗೆಜಕಟ್ಟಾ ಭಾಗಕ್ಕೆ ಭೇಟಿ ನೀಡಿದ ಬಾಳೆಕೊಪ್ಪದ ಜನ ಅಲ್ಲಿನ ನದಿಗೆ ಇಳಿದು ಧರಣಿ ನಡೆಸಿದ್ದಾರೆ. `ಚಳಿಗಾಲದ ನಂತರ ನೀರು ಹರಿಯುವ ಪ್ರಮಾಣ ಕಡಿಮೆ ಆಗಲಿದೆ. ದಟ್ಟವಾದ ಕಾಡನ್ನು ಯೋಜನೆಗಾಗಿ ನಾಶ ಮಾಡಲಾಗುತ್ತದೆ. ಈ ಯೋಜನೆಯಿಂದ ವನ್ಯಜೀವಿ ಸಂಕಲಕ್ಕೆ ಸಹ ಸಮಸ್ಯೆ ಆಗಲಿದೆ’ ಎಂದು ಅಲ್ಲಿದ್ದವರು ವಿವರಿಸಿದರು. `ಅವೈಜ್ಞಾನಿಕ ಮತ್ತು ಪರಿಸರ ವಿರೋಧಿ ಅಘನಾಶಿನಿ ನದಿ ಜೋಡಣೆಯ ಯೋಜನೆಯನ್ನು ಸ್ಥಗಿತಗೊಳಿಸಬೇಕು’ ಎಂದು ಈ ವೇಳೆ ಹೋರಾಟಗಾರ ರವೀಂದ್ರ ನಾಯ್ಕ ಆಗ್ರಹಿಸಿದರು. ಹೋರಾಟಗಾರರು ನದಿಯ ಅಕ್ಕಪಕ್ಕದ ಮಣ್ಣಿನ ಗುಣವವನ್ನು ಪರೀಕ್ಷಿಸಿದರು. `ಯೋಜನೆಯಲ್ಲಿ ಪ್ರಸ್ತಾಪಿಸಿದಂತೆ ಕೇವಲ 1.2 ಲಕ್ಷ ಗಿಡ ಮಾತ್ರ ನಾಶವಾಗುವುದಿಲ್ಲ. ಇನ್ನಷ್ಟು ಕಾಡು ನಶಿಸಲಿದೆ’ ಎಂದವರು ವಿವರಿಸಿದರು. `ನದಿ ಜೋಡಣೆಯಿಂದ ನದಿಯ ಪಾವಿತ್ರತೆ ಮತ್ತು ಜನ ಸಾಮಾನ್ಯರ ಜೀವನಕ್ಕೆ ಆತಂಕ ಎದುರಾಗಿದೆ’ ಎಂದು ಸುರೇಶ ಹೆಗಡೆ ಹಸಗೆ ಕಳವಳವ್ಯಕ್ತಪಡಿಸಿದರು. `ಜನಾಭಿಪ್ರಾಯ ಸಂಗ್ರಹಿಸದೇ ಯೋಜನೆ ರೂಪಿಸಲಾಗಿದೆ’ ಎಂದು ನಾಗಪತಿ ಗೌಡ ಹುಕ್ಕಳ್ಳಿ ಅಸಮಧಾನವ್ಯಕ್ತಪಡಿಸಿದರು. ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ, ಹರಿ ನಾಯ್ಕ ಓಂಕಾರ, ಸೀತಾರಾಮ ಗೌಡ ಹುಕ್ಕಳ್ಳಿ, ನಾಗರಾಜ ಹಲಸಿನಮನೆ ಅವರು ತಮ್ಮ ಅಭಿಪ್ರಾಯಹೊರಹಾಕಿದರು. ಕೆ ಟಿ ನಾಯ್ಕ , ಎಮ್ ಪಿ ಗೌಡ, ರಾಜೇಶ್ ಭಟ್ಟ ಮಕ್ಕಿಗದ್ದೆ, ರಫೀಕ ಗೌಡಳ್ಳಿ, ಅಶೋಕ ನಾಯ್ಕ ಇಟಗಿ, ರಮೇಶ್ ನಾಯ್ಕ, ಮಧುಕೇಶ್ವರ, ವಿನಯ ನಾಯ್ಕ, ಮಾಬ್ಲೇಶ್ವರ ಕೃಷ್ಣಪ್ಪ ನಾಯ್ಕ, ವಿನಯ ತಿಮ್ಮಪ್ಪ ನಾಯ್ಕ, ಮಾದೇವ ನಾಯ್ಕ, ಭದ್ರ ಗೌಡ, ವಿನೋದ ಗೌಡ ಹುಕ್ಕಳ್ಳಿ, ಮಂಜುನಾಥ ನಾಯ್ಕ ಹುತ್ಗಾರ, ಮಾಬ್ಲೇಶ್ವರ ಗೌಡ ಸುಳಗಾರ, ನಾರಾಯಣ ಗೌಡ, ಈಶ್ವರ ನಾಯ್ಕ, ರಾಜು ನಾಯ್ಕ, ಶಿವಾನಂದ, ದಿವಾಕರ್ ಬಾಳೆಜಡ್ಡಿ ಅವರು ಯೋಜನೆ ಬಗ್ಗೆ ಆತಂಕವ್ಯಕ್ತಪಡಿಸಿದರು. ಅಘನಾಶಿನಿ ನದಿ ಜೋಡಣೆ ವಿರೋಧವಾಗಿ ಜಾಗೃತೆ ಮೂಡಿಸುವ ಉದ್ದೇಶದಿಂದ ಫೆಬ್ರವರಿ 2ರಂದು ಗೋಳಿಮಕ್ಕಿಯಲ್ಲಿ ಸಭೆ ನಡೆಸಲು ಎಲ್ಲರೂ ಸೇರಿ ನಿರ್ಧರಿಸಿದರು. ಗೋಳಿಮಕ್ಕಿಯಿಂದ ಗೆಜಕಟ್ಟಾವರೆಗೆ ಪಾದಯಾತ್ರೆ ನಡೆಸಲು ನಿರ್ಣಯ ಮಾಡಿದರು.
- [ಅಸ್ನೋಟಿ: ಮಕ್ಕಳ ಮನಸ್ಸು ಅರಿತ ವಿಮಾ ಅಧಿಕಾರಿ](https://mobiletime.in/2026/01/asnoti-an-insurance-officer-who-understands-the-minds-of-children/): ಕಾರವಾರದ ಜೀವ ವಿಮಾ ನಿಗಮದ ಅಭಿವೃದ್ಧಿ ಅಧಿಕಾರಿ ಸಚಿನ್ ನಾಯಕ ಅವರು ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರಕ್ಕೆ ಭೇಟಿ ನೀಡಿದ್ದು, ಅಲ್ಲಿಯೇ ತಮ್ಮ ಪುತ್ರ ಕ್ರಿಶನ್ ನಾಯಕ ಅವರ ಜನ್ಮದಿನ ಆಚರಿಸಿದರು. ಮಗನ ಜನ್ಮ ದಿನದ ಅಂಗವಾಗಿ ಅಸ್ನೋಟಿ ವಸತಿ ನಿಲಯಕ್ಕೆ ಅಗತ್ಯವಿರುವ ಆಹಾರ ಧಾನ್ಯಗಳನ್ನು ಅವರು ವಿತರಿಸಿದರು. ನಂತರ ಮಾತನಾಡಿದ ಅವರು `ಸಾಮಾಜಿಕ ಹಾಗೂ ಶೈಕ್ಷಣಿಕವಾಗಿ ಸಾಧನೆ ಮಾಡಲು ಪ್ರತಿಯೊಬ್ಬರಿಗೂ ಶ್ರದ್ಧೆ ಬೇಕು. ಗುರುಗಳ ನುಡಿಯನ್ನು ಪಾಲಿಸಿ ಮಕ್ಕಳು ಸಾಧನೆ ಮಾಡಬೇಕು’ ಎಂದು ಕರೆ ನೀಡಿದರು. `ಸಾಮಾಜಿಕ ಕ್ಷೇತ್ರದಲ್ಲಿ ಮಹತ್ವದ ಸಾಧನೆ ಮಾಡಿದ ಸಚಿನ ನಾಯಕ ಅವರ ಸೇವೆ ಸದಾ ಸ್ಮರಣೀಯ’ ಎಂದು ಶಾಲಾ ಮುಖ್ಯಾಧ್ಯಾಪಕ ಗಣೇಶ ಬೀಷ್ಠಣ್ಣನವರ್ ಅವರು ಹೇಳಿದರು. ಸಂಸ್ಥೆ ವ್ಯವಸ್ಥಾಪಕರಾದ ಸಂದೀಪ ನಾಯಕ ಹಾಗೂ ಶಿಕ್ಷಕ ಸಂತೋಷ ಕಾಂಬಳೆ ಅವರು ಈ ವೇಳೆ ಹಾಜರಿದ್ದು, ಶಾಲೆಗೆ ನೆರವು ನೀಡಿದಕ್ಕೆ ಕೃತಜ್ಞತೆ ಸಲ್ಲಿಸಿದರು.
- [ಅರಣ್ಯ ಹಕ್ಕು ಹೋರಾಟಕ್ಕೆ ರೈತ ಸಂಘ ಬದ್ಧ!](https://mobiletime.in/2026/01/farmers-union-committed-to-fight-for-forest-rights/): `ರಾಜ್ಯದಲ್ಲಿ ಎರಡೂವರೆ ಲಕ್ಷಕ್ಕೂ ಹೆಚ್ಚು ಅರಣ್ಯ ಭೂಮಿ ಸಾಗುವಳಿದಾರರಿದ್ದು, ಅವರಿಗೆ ಸಿಗಬೇಕಾದ ಹಕ್ಕು ನೀಡಲು ಕೇಂದ್ರ ಹಾಗೂ ರಾಜ್ಯ ಸರ್ಕಾರ ಹೊಸ ಷರತ್ತು ಮೂಲಕ ವಂಚಿಸುತ್ತಿದೆ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಟಿ ಯಶವಂತ ಅವರು ದೂರಿದ್ದಾರೆ. `ಈ ನಡೆ ವಿರೋಧಿಸಿ ರಾಜ್ಯದ ಎಲ್ಲಡೆ ಪ್ರತಿಭಟಿಸುತ್ತೇವೆ’ ಎಂದು ಅವರು ಎಚ್ಚರಿಸಿದ್ದಾರೆ. ಅಂಕೋಲಾದ ನಾಡವರ ಸಮುದಾಯ ಭವನದಲ್ಲಿ ಜಿಲ್ಲಾ ಮಟ್ಟದ 6ನೇ ರೈತ ಸಮ್ಮೇಳನದಲ್ಲಿ ಮಾತನಾಡಿದ ಅವರು `ಅತಿಕ್ರಮಣದಾರರಿಗೆ ಹಕ್ಕು ನೀಡಲು ಸರ್ಕಾರ ಅನಗತ್ಯ ದಾಖಲೆಗಳನ್ನು ಕೇಳುತ್ತಿದೆ. ಅರಣ್ಯ ಭೂಮಿ ಹಕ್ಕು ಪ್ರತಿಯೊಬ್ಬ ಅರ್ಜಿದಾರರಿಗೂ ಸಿಗಬೇಕು. ಗ್ರಾಮ ಅರಣ್ಯ ಹಕ್ಕು ಸಮಿತಿ ಅನುಮೋದನೆಯೇ ಅಂತಿಮ ವಾಗಿದ್ದು ಅದನ್ನು ಪರಿಗಣಿಸಬೇಕು’ ಎಂದು ಆಗ್ರಹಿಸಿದರು. `ಉತ್ತರ ಕನ್ನಡ ಜಿಲ್ಲೆಯ ಪರಿಸರಕ್ಕೆ ಮಾರಕವಾದ ನದಿ ಜೋಡಣೆ ಕೈಬಿಡಬೇಕು’ ಎಂದು ಒತ್ತಾಯಿಸಿದರು. `ಕುಣಬಿ, ಹಾಲಕ್ಕಿ, ಗೌಳಿ, ಕುಂಬ್ರಿ ಮರಾಠಿ ಸಮುದಾಯವನ್ನು ಪರಿಶಿಷ್ಟ ಸಮುದಾಯಕ್ಕೆ ಸೇರಿಸಲು ರೈತ ಸಂಘ ಹೋರಾಟ ನಡೆಸುತ್ತದೆ’ ಎಂದರು. ಸಿಐಟಿಯು ಜಿಲ್ಲಾ ಅಧ್ಯಕ್ಷ ತಿಲಕ್ ಗೌಡ, ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ, ಪ್ರಮುಖರಾದ ವೀರೇಶ ರಾಠೋಡ, ಶ್ಯಾಮನಾಥ ನಾಯ್ಕ, ಗೌರೀಶ ನಾಯಕ ತಿಮ್ಮಪ್ಪ ಗೌಡ, ಪ್ರೇಮಾನಂದ ವೇಳಿಪ್, ಸಂತೋಷ ನಾಯ್ಕ, ಪ್ರೇಮಾ ಉಳಗೇಕರ ವೇದಿಕೆ ಕಾರ್ಯಕ್ರಮ ನಿರ್ವಹಿಸಿದರು. ಫೆಬ್ರವರಿ 12ರಂದು ಕಾರ್ಮಿಕ ಕಾನೂನು ತಿದ್ದುಪಡಿ, ರೇಗಾ ತಿದ್ದುಪಡಿ, ಬೀಜ ಕಾಯ್ದೆ ತಿದ್ದುಪಡಿ ವಿರುದ್ಧ ನಡೆಯುವ ಅಖಿಲ ಭಾರತ ಮುಷ್ಕರ ಬೆಂಬಲಿಸಲು ಈ ಸಮ್ಮೇಳನ ನಿರ್ಣಯ ಕೈಗೊಳ್ಳಲಾಯಿತು. ಪದಾಧಿಕಾರಿಗಳ ಮರು ಆಯ್ಕೆ ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾ ಸಮ್ಮೇಳನದಲ್ಲಿ ರೈತ ಸಂಘದ ಪದಾಧಿಕಾರಿಗಳ ಆಯ್ಕೆ ನಡೆಯಿತು. ಅಧ್ಯಕ್ಷರಾಗಿ ಶಾಂತಾರಾಮ ನಾಯಕ ಮತ್ತು ಕಾರ್ಯದರ್ಶಿಯಾಗಿ ಶ್ಯಾಮನಾಥ ನಾಯ್ಕ ಪುನರಾಯ್ಕೆ ಆದರು. ಸಂಘಟನೆ ಉಪಾಧ್ಯಕ್ಷರಾಗಿ ತಿಮ್ಮಪ್ಪ ಗೌಡ ಹೊನ್ನಾವರ, ಗೌರೀಶ ನಾಯಕ ಅಂಕೋಲಾ, ಸಹಕಾರ್ಯದರ್ಶಿಗಳಾಗಿ ರಾಜೇಶ್ ಗಾವಡಾ ಜೋಯಡಾ ಮತ್ತು ಸಂತೋಷ ನಾಯ್ಕ ಅಂಕೋಲಾ ಆಯ್ಕೆಯಾದರು. ಸಮಿತಿ ಸದಸ್ಯರಾಗಿ ರಮಾನಂದ ನಾಯಕ ಅಚವೆ, ಗಣೇಶ ಪಟಗಾರ, ಮಂಜುನಾಥ ಶೆಟ್ಟಿ ಹೊನ್ನಾವರ, ಶಂಕರ್ ಗೌಡ ಹಳದಿಪುರ, ಜೂಲಿ ಬ್ರೀಟ್ಟೊ ಕಾರವಾರ, ಮೋಹಿನಿ ನಮಸೇಕರ ಬೈರಾ, ಬುಜಂಗ್ ಚಿಬ್ಲಕರ್ ಹಳಿಯಾಳ , ಸಹದೇವ ಹಳಿಯಾಳ, ನಾಗಪ್ಪ ಸಿದ್ದಿ ಯಲ್ಲಾಪುರ, ಸಂತೋಷ ನಾಯ್ಕ ಜರಡಿ, ಪುಂಡಲೀಕ ನಾಯ್ಕ ಭಟ್ಕಳ ಆಯ್ಕೆಯಾದರು.
- [ಮಹಿಳೆಗೆ ಮೆಸೆಜ್ ಮಾಡಿದವನ ಸೆರೆ!](https://mobiletime.in/2026/01/man-arrested-for-texting-woman/): ಕುಮಟಾದ ಮೆಹ್ರಾನ್ ಶಾಬಂದ್ರಿ ಅವರು ಸಾಮಾಜಿಕ ಜಾಲತಾಣದಲ್ಲಿ 18 ನಕಲಿ ಖಾತೆ ಹೊಂದಿದ್ದು, ಆ ಖಾತೆಗಳ ಮೂಲಕ ಮಹಿಳೆಯರಿಗೆ ಕೆಟ್ಟ ಕೆಟ್ಟ ಮೆಸೆಜ್ ಮಾಡಿ ಸಿಕ್ಕಿ ಬಿದ್ದಿದ್ದಾರೆ. ಭಟ್ಕಳದ ಪಾತಿಮಾ ಸಿದ್ಧಿಕಾ ಅವರಿಗೆ ಕಾಡಿಸದ ಆರೋಪದ ಅಡಿ ಪೊಲೀಸರು ಮೆಹ್ರಾನ್ ಶಾಬಂದ್ರಿ ಅವರನ್ನು ಬಂಧಿಸಿದ್ದಾರೆ. ಹೊನ್ನಾವರದ ಮಂಕಿಯ ಮೆಹ್ರಾನ್ ಮೆಹ್ತಾಬ್ ಶಾಬಂದ್ರಿ (19) ಅವರು ಕುಮಟಾದ ತುಳಸಿಕಟ್ಟೆಯ ಬಳಿ ವಾಸವಾಗಿದ್ದರು. ಮಂಗಳೂರಿನ ಖಾಸಗಿ ಕಾಲೇಜಿನಲ್ಲಿ ಬಿಸಿಎ ವಿದ್ಯಾರ್ಥಿಯಾಗಿರುವ ಅವರು ಎಲ್ಲಿ ಯಾರದೇ ಮದುವೆ ಇದ್ದರೂ ಅಲ್ಲಿ ಹಾಜರಾಗುತ್ತಿದ್ದರು. ಮದುವೆಗೆ ಆಮಂತ್ರಣ ಇಲ್ಲದಿದ್ದರೂ ಅಲ್ಲಿ ಹೋಗಿ ಫೋಟೋ ಕ್ಲಿಕ್ಕಿಸುತ್ತಿದ್ದರು. ನಂತರ ಆ ಫೋಟೋಗಳನ್ನು ದುರುಪಯೋಗಪಡಿಸಿಕೊಂಡು ಮಹಿಳೆಯರಿಗೆ ಮೆಸೆಜ್ ಮಾಡುತ್ತಿದ್ದರು. ಅಶ್ಲೀಲ ಮೆಸೆಜ್ ಕಳುಹಿಸಿ ಬೆದರಿಕೆಯನ್ನು ಒಡ್ಡುತ್ತಿದ್ದರು. ತಮ್ಮ ಈ ಕೆಟ್ಟ ಚಟಕ್ಕಾಗಿಯೇ ಮೆಹ್ರಾನ್ ಶಾಬಂದ್ರಿ ಇನಸ್ಟಾಗ್ರಾಂ ಸೇರಿ ವಿವಿಧ ಕಡೆ 18 ನಕಲಿ ಜಾಲತಾಣ ಖಾತೆಗಳನ್ನು ಹೊಂದಿದ್ದರು. ಅಪರಿಚಿತ ವ್ಯಕ್ತಿಗಳ ವಿವಾಹ ಸಮಾರಂಭಗಳಲ್ಲಿ ತಮ್ಮ ಮೊಬೈಲ್ ಬಳಸಿ ಮಹಿಳೆಯರ ಫೋಟೋ ತೆಗೆಯುವ ಮೆಹ್ರಾನ್ ಶಾಬಂದ್ರಿ ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡುತ್ತಿದ್ದರು. ಭಟ್ಕಳದ ಪಾತಿಮಾ ಸಿದ್ಧಿಕಾ ಅವರ ಕುಟುಂಬದ ಮದುವೆಗೆ ಹೋಗಿದ್ದ ಆರೋಪಿ ಪಾತಿಮಾ ಸಿದ್ಧಿಕಾ ಅವರ ಫೋಟೋಗಳನ್ನು ಕದ್ದು ತೆಗೆದಿದ್ದರು. ನಂತರ ಜಾಲತಾಣದ ಮೂಲಕ ಪಾತಿಮಾ ಸಿದ್ಧಿಕಾ ಅವರ ಸ್ನೇಹ ಮಾಡಿ, ಇನ್ನಷ್ಟು ಖಾಸಗಿ ಫೋಟೋಗಳನ್ನುಪಡೆದಿದ್ದರು. ನಂತರ ಆ ಎಲ್ಲಾ ಫೋಟೋ ಬಳಸಿ ಜಾಲತಾಣದಲ್ಲಿ ಅಶ್ಲೀಲ ಬರಹಗಳ ಜೊತೆ ಪೋಸ್ಟ್ ಮಾಡಿದ್ದರು. ಮೆಹ್ರಾನ್ ಶಾಬಂದ್ರಿ ಕಾಟ ಸಹಿಸದೇ ಪಾತಿಮಾ ಸಿದ್ಧಿಕಾ ಅವರು ತಮ್ಮ ಜಾಲತಾಣದ ಸಹವಾಸದಿಂದ ದೂರ ಸರಿದರೂ ಸಹ ಮೆಹ್ರಾನ್ ಶಾಬಂದ್ರಿ ಸುಮ್ಮನಿರಲಿಲ್ಲ. ಈ ಹಿನ್ನಲೆ ಮೆಹ್ರಾನ್ ಶಾಬಂದ್ರಿ ವಿರುದ್ಧ ಪಾತಿಮಾ ಸಿದ್ಧಿಕಾ ಅವರು ದೂರು ನೀಡಿದ್ದು, ಪೊಲೀಸರು ಆರೋಪಿಯನ್ನು ಬಂಧಿಸಿದರು. ವಿಚಾರಣೆ ವೇಳೆ ಮೆಹ್ರಾನ್ ಶಾಬಂದ್ರಿ ಅನೇಕರಿಗೆ ನಗ್ನ ಫೋಟೋ ಕಳುಹಿಸುವಂತೆ ದುಂಬಾಲು ಬಿದ್ದಿರುವುದು ಬೆಳಕಿಗೆ ಬಂದಿದೆ.
- [ಆ ಪೊಲೀಸರು ಜನಸ್ನೇಹಿ ಮಾತ್ರವಲ್ಲ.. ಮಕ್ಕಳ ಸ್ನೇಹಿಯೂ ಹೌದು!](https://mobiletime.in/2026/01/those-police-are-not-only-people-friendly-they-are-also-child-friendly/): ಶಿರಸಿ ಗ್ರಾಮೀಣ ಭಾಗದಲ್ಲಿ ಅನುಮಾನಾಸ್ಪದ ಕಾರು ಓಡಾಟ ಪ್ರಕರಣವನ್ನು ಪೊಲೀಸರು ಬೇಧಿಸಿದ್ದಾರೆ. ತಕ್ಷಣ ಸ್ಥಳಕ್ಕೆ ಧಾವಿಸಿದ ಪೊಲೀಸರು ಆ ಕಾರಿನಲ್ಲಿದ್ದವರನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಜನವರಿ 16ರಂದು ಶಿರಸಿ ಸಿದ್ದಾಪುರ ಮಾರ್ಗದ ಹರೂರು ಭಾಗದಲ್ಲಿ ಅನುಮಾನಾಸ್ಪದ ಕಾರು ಓಡಾಟ ನಡೆದಿತ್ತು. ಬಸ್ಸಿಗಾಗಿ ಕಾಯುತ್ತಿದ್ದ ಹೈಸ್ಕೂಲು ವಿದ್ಯಾರ್ಥಿನಿಯರ ಜೊತೆ ಕಾರಿನಲ್ಲಿದ್ದವರು ಅನುಮಾನಾಸ್ಪದ ರೀತಿ ವರ್ತಿಸಿದ ಆರೋಪವ್ಯಕ್ತವಾಗಿತ್ತು. ಆ ವೇಳೆ ಅಲ್ಲಿಗೆ ಬಂದ ಬಸ್ಸಿನಲ್ಲಿದ್ದ ಬ್ಯಾಂಕ್ ಉದ್ಯೋಗಿಯೊಬ್ಬರು ಕಾರಿನಲ್ಲಿದ್ದವರನ್ನು ಪ್ರಶ್ನಿಸಿದ್ದರು. ಕಾರಿನಲ್ಲಿದ್ದವರು ಮಾತನಾಡಲು ತಡವರಿಸಿದ ಕಾರಣ ಅವರ ಮೇಲೆ ಅನುಮಾನ ಹೆಚ್ಚಾಗಿದ್ದು, ಅಪರಿಚಿತರ ಓಡಾಟ ಹಾಗೂ ಮಕ್ಕಳ ಸುರಕ್ಷತೆಯ ಬಗ್ಗೆ ಬ್ಯಾಂಕಿನ ಮಹಿಳಾ ಉದ್ಯೋಗಿ ಮಾಹಿತಿ ಹಂಚಿಕೊoಡಿದ್ದರು. ಈ ಬಗ್ಗೆ ಮೊಬೈಲ್ ಮಿಡಿಯಾ ನೆಟ್‌ವರ್ಕನ mobiletime.in ವರದಿ ಪ್ರಸಾರ ಮಾಡಿದ್ದು, ಅನುಮಾನಾಸ್ಪದ ಕಾರು ಓಡಾಟದ ಬಗ್ಗೆ ಆ ಭಾಗದ ಶಿಕ್ಷಕ ವಿಘ್ನೇಶ್ವರ ಭಟ್ಟ ಅವರು 112 ಸಹಾಯವಾಣಿಗೆ ಫೋನ್ ಮಾಡಿದ್ದರು. ತಕ್ಷಣ ಸ್ಥಳಕ್ಕೆ ಧಾವಿಸಿದ ಪೊಲೀಸರು ಕಾರಿನ ಮಾಹಿತಿ ಕಲೆ ಹಾಕಿದರು. ಆ ಕಾರಿನಲ್ಲಿದ್ದವರ ದಾಖಲೆಗಳನ್ನು ಪರಿಶೀಲನೆ ಮಾಡಿದರು. ಬೆಂಗಳೂರಿನಿAದ ಬಂದಿದ್ದ ಸಂತೋಷ ಹೆಗಡೆ ಎಂಬಾತರು ಚಾರಪುಲಿಯ ಶ್ರೀಧರ ಹೆಗಡೆ ಅವರ ಮನೆಗೆ ಹೋಗಬೇಕಿದ್ದು, ದಾರಿ ಗೊತ್ತಾಗದೇ ಬಸ್ ನಿಲ್ದಾಣ ಬಳಿ ನಿಂತಿರುವುದಾಗಿ ಸಮಜಾಯಿಶೀ ನೀಡಿದರು. `ವಿಳಾಸ ಕೇಳುವುದಕ್ಕಾಗಿ ಹೈಸ್ಕೂಲ್ ಮಕ್ಕಳ ಬಳಿ ಮಾತನಾಡಿದ್ದೇವೆ. ಅವರ ಜೊತೆ ಅನುಚಿತವಾಗಿ ವರ್ತಿಸಿಲ್ಲ’ ಎಂದು ಸಂತೋಷ ಹೆಗಡೆ ಹಾಗೂ ಅವರ ಸಹಚರರು ಸಮರ್ಥಿಸಿಕೊಂಡರು. ಅದಾದ ನಂತರ ಪೊಲೀಸರು ಶ್ರೀಧರ ಹೆಗಡೆ ಅವರನ್ನು ಸಹ ಸಂಪರ್ಕಿಸಿ ಆ ಅಪರಿಚಿತರ ಬಗ್ಗೆ ವಿಚಾರಿಸಿದರು. `ಆ ವ್ಯಕ್ತಿಗಳು ತಮ್ಮ ಮನೆಗೆ ಬಂದಿದ್ದು ಸತ್ಯ’ ಎಂದು ಶ್ರೀಧರ ಹೆಗಡೆ ಅವರು ಸಾಕ್ಷಿ ಹೇಳಿದರು. ಜಗದಾಂಬಾ ಪ್ರೌಢಶಾಲೆ ಅಧ್ಯಕ್ಷ ಎಂ ಜಿ ಹೆಗಡೆ ಅವರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ಮಾಡಿದರು. ಅವರೆಲ್ಲರ ಗುರುತಿನ ಚೀಟಿ ತಪಾಸಣೆ ಹಾಗೂ ಕಾರು ತಪಾಸಣೆ ಮಾಡಿದ ಬಳಿಕ ಎಚ್ಚರಿಕೆ ನೀಡಿ ಪೊಲೀಸರು ಬಿಟ್ಟರು. ಶಿರಸಿ ಗ್ರಾಮೀಣ ಪೊಲೀಸರ ಜೊತೆ ಸಿದ್ದಾಪುರ ಪೊಲೀಸರು ಸಹ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದು, ಎಲ್ಲರೂ ಸೇರಿ ಮಕ್ಕಳ ಆತಂಕವನ್ನು ದೂರ ಮಾಡಿದರು. `ಅನುಮಾನಾಸ್ಪದ ವ್ಯಕ್ತಿಗಳ ಬಗ್ಗೆ ಗಮನಹರಿಸಿ. ತುರ್ತು ಸನ್ನಿವೇಶಗಳಲ್ಲಿ 112ಗೆ ಫೋನ್ ಮಾಡಿ’
- [ಶಿರಸಿ ಜಾತ್ರೆ: ಕುಮಟಾದಲ್ಲಿ ಕಾಗೇರಿ ಸಭೆ](https://mobiletime.in/2026/01/sirsi-festival-kageri-meeting-in-kumta/): ಶಿರಸಿ-ಕುಮಟಾ ಮಾರ್ಗವಾಗಿ ಸಂಚರಿಸುವ ಪ್ರಯಾಣಿಕರಿಗೆ ಸಂಚಾರಕ್ಕೆ ಸಮಸ್ಯೆ ಆಗದ ಹಿನ್ನಲೆ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಸಭೆ ನಡೆಸಿದ್ದಾರೆ. `ಶಿರಸಿ ಜಾತ್ರೆ ಹಿನ್ನಲೆ ಬರುವ ಭಕ್ತರಿಗೆ ಸಮಸ್ಯೆ ಆಗದಂತೆ ನೋಡಿಕೊಳ್ಳಬೇಕು’ ಎಂದು ಕಾಗೇರಿ ತಾಕೀತು ಮಾಡಿದ್ದಾರೆ. ಭಾನುವಾರ ಕುಮಟಾ ಆಡಳಿತ ಸೌಧಕ್ಕೆ ಭೇಟಿ ಮಾಡಿದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಶಾಸಕ ದಿನಕರ ಶೆಟ್ಟಿ ಅವರಿಗೆ ಫೋನ್ ಮಾಡಿದರು. ಅದಾದ ನಂತರ ಗುತ್ತಿಗೆದಾರರನ್ನು ಸ್ಥಳಕ್ಕೆ ಕರೆಯಿಸಿ ಪ್ರಗತಿಯ ವಿವರಪಡೆದರು. `ಕುಮಟಾ ಶಿರಸಿ ರಸ್ತೆಶಿರಸಿ ಭಾಗದಲ್ಲಿ ಬಹುಪಾಲು ಮುಕ್ತಾಯವಾಗಿದೆ. ಕುಮಟಾ ಭಾಗದಲ್ಲಿ ಬಾಕಿಯಿದೆ. ಅದನ್ನು ಕೂಡಲೇ ಮುಗಿಸಬೇಕು’ ಎಂದು ಸೂಚಿಸಿದರು. `ಶಿರಸಿ ಹಾವೇರಿ ರಸ್ತೆ ಒಂದು ಕಡೆಯಲ್ಲಿ 12 ಅಡಿ ತಗ್ಗು ಕಾಣುತ್ತಿದೆ. ಜಾತ್ರೆ ಒಳಗೆ ಅದನ್ನು ಸರಿಪಡಿಸಬೇಕು’ ಎಂದು ತಾಕೀತು ಮಾಡಿದರು. `ಶಿರಸಿಯಿಂದ ನಾಕೂರು ಕ್ರಾಸಿನವರೆಗೆ 42 ಕಿಮೀ ರಸ್ತೆ ಕಾಮಗಾರಿ ಪೂರ್ಣಗೊಂಡಿದ್ದು, 35 ಕಿ.ಮೀ ರಸ್ತೆ ಕಾಮಗಾರಿ ಬಾಕಿ ಇದೆ. ಅದರಲ್ಲಿ 22ಕಿಮೀ ಶಿರಸಿ ತಾಲೂಕಿನಲ್ಲಿ ಹಾಗೂ 13ಕಿಮಿ ಹಾವೇರಿಯಲ್ಲಿ ಬಾಕಿ ಇದೆ. ಜಾತ್ರೆ ಪೂರ್ವದಲ್ಲಿ ಇನ್ನೂ 10 ಕಿಮೀ ಕಾಮಗಾರಿ ಪೂರ್ಣಗೊಳ್ಳಲಿದ್ದು, ಉಳಿದ ಭಾಗ ಅಗೆಯದೇ ಈಗ ಅಗೆದಿರುವ ಭಾಗ ಮೊದಲು ಸರಿ ಮಾಡುತ್ತೇವೆ’ ಎಂದು ಗುತ್ತಿಗೆ ಕಂಪನಿಯವರು ಹೇಳಿದರು. `ಈ ರಸ್ತೆ ಕಾಮಗಾರಿಯ ಮಧ್ಯೆ ವಾಹನ ಒಡಾದಿಂದ ಅಗುವ ಧೂಳಿನಿಂದ ಸಾರ್ವಜನಿಕರು ಮತ್ತು ಪ್ರಯಾಣಿಕರಿಗೆ ತೊಂದರೆ ಉಂಟಾಗುತ್ತಿದೆ. ಜಾತ್ರೆಗೆ ಬರುವ ದ್ವಿಚಕ್ರ ವಾಹನ ಸವಾರರಿಗೆ ತೀವ್ರ ತೊಂದರೆ ಉಂಟಾಗದAತೆ ತಡೆಯಲು ಆಗಾಗ ನೀರು ಸಿಂಪಡಿಸಬೇಕು’ ಎಂದು ಕಾಗೇರಿ ಸೂಚಿಸಿದರು.` ಕತಗಾಲ ಬಿ ಎಸ್ ಎನ್ ಎಲ್ ಕಚೇರಿ ಹತ್ತಿರ ನಿರ್ಮಿಸಿದ ವಾಲ್ ಅವೈಜ್ಞಾನಿಕವಾಗಿದೆ. ಇದರ ಬದಲು ಸೇತುವೆ ನಿರ್ಮಿಸುವುದು ಉತ್ತಮ’ ಎಂದು ಶಾಸಕ ದಿನಕರ ಶೆಟ್ಟಿ ಸಲಹೆ ನೀಡಿದರು. ಚತುಷ್ಪಥ ಕಾಮಗಾರಿ ನಿಧಾನವಾದ ಬಗ್ಗೆ ಕಾಗೇರಿ ಅಸಮಧಾನವ್ಯಕ್ತಪಡಿಸಿದರು. `ಹೊನ್ನಾವರ ಶರಾವತಿ ನದಿಯ ಹಳೆ ಸೇತುವೆ ಬಗ್ಗೆ ಇನ್ನೊಮ್ಮೆ ಪರಿಣಿತರ ವರದಿ ಪಡೆದು ಲಘು ವಾಹನ ಓಡಾಟಕ್ಕೆ ಅವಕಾಶ ಕೊಡಬೇಕು’ ಎಂದು ದಿನಕರ ಶೆಟ್ಟಿ ಸೂಚಿಸಿದರು. ÀÄಟಾ ಸಹಾಯಕ ಆಯುಕ್ತ ಪಿ ಶ್ರವಣಕುಮಾರ, ತಹಶೀಲ್ದಾರ್ ಶ್ರೀಕೃಷ್ಣ ಕಾಮ್ಕರ್, ಗೇಡ್-2-ತಹಶೀಲ್ದಾರ್ ಸತೀಶ ಗೌಡ, ಗುತ್ತಿಗೆ ಕಂಪನಿಯ ಮಲ್ಲಿಕಾರ್ಜುನ್, ನಿತೀಶ ಶೆಟ್ಟಿ, ಬಿಜೆಪಿ ಕುಮಟಾ ಮಂಡಲಾಧ್ಯಕ್ಷ ಜಿ ಐ ಹೆಗಡೆ ಇದ್ದರು.
- [ಅನ್ನ ಭಾಗ್ಯಕ್ಕೆ ಕನ್ನ!](https://mobiletime.in/2026/01/a-blessing-for-the-food/): ಅನ್ನ ಭಾಗ್ಯ ಯೋಜನೆಗೆ ಕನ್ನ ಹಾಕಿದ್ದ ಆಸಿಫ್ ಉಲ್ಲಾ ಖಾನ್ ಎಂಬಾತನನ್ನು ಭಟ್ಕಳದ ಆಹಾರ ಅಧಿಕಾರಿ ಉದಯ ತಳವಾರ್ ಅವರು ಹಿಡಿದಿದ್ದಾರೆ. ಓಮಿನಿಯಲ್ಲಿ ಸಾಗಿಸುತ್ತಿದ್ದ ಅಕ್ಕಿ ಮೂಟೆಗಳನ್ನು ಅವರು ವಶಕ್ಕೆಪಡೆದಿದ್ದಾರೆ. ಭಟ್ಕಳ ಪುರವರ್ಗದ ಗಣೇಶನಗರ ಮೊಹಮ್ಮದ್ ಸಮೀರ ಮೊಹಮ್ಮದ್ ಭಾಷಾ (29) ಹಾಗೂ ಹನುಮಾನನಗರದ ಆಟೋ ಚಾಲಕ ರಾಮಚಂದ್ರ ಮಾಸ್ತಪ್ಪ ನಾಯ್ಕ ಜೊತೆ ಆಸೀಫ್ ಉಲ್ಲಾ ಖಾನ್ ಅಕ್ರಮವಾಗಿ ಅಕ್ಕಿ ಸಾಗಾಟ ಮಾಡುತ್ತಿದ್ದರು. ಅನ್ನ ಭಾಗ್ಯ ಯೋಜನೆ ಅಡಿ ನೀಡುವ ಅಕ್ಕಿಯನ್ನು ಅವರು ಕದ್ದಿದ್ದು, ಓಮಿನಿಯಲ್ಲಿ ಸಾಗಿಸಿ ಅದನ್ನು ಮಾರಾಟ ಮಾಡುವ ಯೋಜನೆ ರೂಪಿಸಿದ್ದರು. 39,100 ರೂ ಮೌಲ್ಯದ 1,150 ಕೆಜಿ ಅಕ್ರಮ ಸಾಗಾಟದ ಬಗ್ಗೆ ಅರಿತು ಅಧಿಕಾರಿಗಳು ದಾಳಿ ಮಾಡಿದರು. ಅಕ್ಕಿಯನ್ನು ಮುಗ್ಧಂ ಕಾಲೋನಿಯಿಂದ ಶಿರಾಲಿ ಕಡೆಗೆ ಅಕ್ಕಿ ಸಾಗಿಸುವಾಗ ಆರೋಪಿತರು ಸಿಕ್ಕಿಬಿದ್ದರು. ಅಕ್ಕಿಯ ಜೊತೆಯಿದ್ದ ಆಸೀಫ್ ಖಾನ್’ರನ್ನು ವಶಕ್ಕೆಪಡೆದು ಕಾನೂನು ಕ್ರಮ ಜರುಗಿಸಿದರು.
- [ಮದುವೆಗೆ ಬಂದವ ಮೆಸೆಜ್ ಮಾಡಿದ: ಮಹಿಳೆ ಮನಸ್ಸು ನೋಯಿಸಿದ!](https://mobiletime.in/2026/01/someone-who-came-to-the-wedding-sent-a-message-the-woman-hurt-my-feelings/): ಭಟ್ಕಳದ ಪಾತಿಮಾ ಸಿದ್ಧಿಕಾ ಹಾಗೂ ಅವರ ಕುಟುಂಬದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಅಶ್ಲೀಲ ಬರಹ ಹರಿದಾಡುತ್ತಿದ್ದು, ಕುಮಟಾದ ಮೆಹರಾನ್ ಶಾಬಂದ್ರೀ ಈ ಪೋಸ್ಟ್ ಮಾಡಿದ ಅನುಮಾನವ್ಯಕ್ತವಾಗಿದೆ. ಭಟ್ಕಳದ ಸಂಶುದ್ಧಿನ್ ರಸ್ತೆಯ ನವಾಯಿತ್ ಕಾಲೋನಿಯಲ್ಲಿ ಪಾತಿಮಾ ಇನಾಸ್ ಸಿದ್ದಿಕಾ ಅವರು ವಾಸವಾಗಿದ್ದಾರೆ. ಈಚೆಗೆ ಅವರ ತಮ್ಮನ ಮದುವೆ ಆಗಿದ್ದು, ಆ ಮದುವೆಗೆ ಕುಮಟಾದ ಮೆಹರಾನ್ ಮೆಹತಾಬ್ ಶಾಬಂದ್ರೀ ಅವರು ಬಂದಿದ್ದರು. ಅದಾದ ನಂತರ ಮೆಹರಾನ್ ಶಾಬಂದ್ರೀ ಅವರು ಪಾತಿಮಾ ಸಿದ್ಧಿಕಾ ಅವರನ್ನು ಇನಸ್ಟಾಗ್ರಾಮಿನ ಮೂಲಕ ಪರಿಚಯಿಸಿಕೊಂಡು ಮೆಸೆಜ್ ಮಾಡಲು ಶುರು ಮಾಡಿದ್ದರು. ಆ ವೇಳೆ ಪಾತಿಮಾ ಸಿದ್ಧಿಕಾ ಅವರು ತಮ್ಮ ಹಾಗೂ ತಮ್ಮ ಕುಟುಂಬದ ಫೋಟೋಗಳನ್ನು ಮೆಸೆಜ್ ಮಾಡುವ ವ್ಯಕ್ತಿಯ ಜೊತೆ ಹಂಚಿಕೊAಡಿದ್ದರು. ಅದಾದ ನಂತರ ಮೆಸೆಜ್ ಮಾಡುವವರ ಕಾಟ ಜಾಸ್ತಿ ಆಗಿದ್ದರಿಂದ ಪಾತಿಮಾ ಸಿದ್ಧಿಕಾ ಅವರು ಇನಸ್ಟಾಗ್ರಾಮಿನಿಂದ ಹೊರಬಂದರು. ಆದರೆ, ಅವರಿಗೆ ಕಾಟ ಕೊಡುವವರ ಸಂಖ್ಯೆ ಕಡಿಮೆ ಆಗಲಿಲ್ಲ. ಈ ವೇಳೆ ಪಾತಿಮಾ ಸಿದ್ಧಿಕಾ ಅವರಿಗೆ ಬೆದರಿಕೆ ಕರೆಯೊಂದು ಬಂದಿತು. ಫೋನ್ ಮಾಡಿದವರು ರಾಜಕೀಯ ಪ್ರಭಾವಿಗಳ ಹೆಸರು ಹೇಳಿ ಕೊಲೆ ಮಾಡುವುದಾಗಿಯೂ ಹೆದರಿಸಿದ್ದರು. ಪಾತಿಮಾ ಸಿದ್ಧಿಕಾ ಅವರು ಇನಸ್ಟಾಗ್ರಾಂ ಖಾತೆ ಡಿ ಆಕ್ಟೀವ್ ಮಾಡಿದ ನಂತರ ಅವರ ಕುಟುಂಬದ ಬಗ್ಗೆ ಇಲ್ಲಸಲ್ಲದ ಆರೋಪಗಳು ವ್ಯಕ್ತವಾದವು. ಪಾತಿಮಾ ಸಿದ್ಧಿಕಾ ಅವರ ತಮ್ಮ ಶಿಬಾನಾ ಸಿದ್ದಾಕಾ ಆ ಅಶ್ಲೀಲ ಬರಹಗಳನ್ನು ನೋಡಿ ಕುಟುಂಬದವರಿಗೆ ತಿಳಿಸಿದರು. ಆಜಾದ್ ನಗರದಲ್ಲಿ ವಾಸವಾಗಿರುವ ಪಾತಿಮಾ ಸಿದ್ಧಿಕಾ ಅತ್ತಿಗೆ ಬಿಬಿ ನಫಿಸಾ ಶಿಬಾಸ್ ಸಿದ್ದಿಕಾ ಹಾಗೂ ಭಟ್ಕಳದಲ್ಲಿ ವಾಸವಾಗಿರುವ ಆಯಿಷಾ ಅನ್ನಾಸ್ ಅನ್ಸಾರ್ ಅವರಿಗೆ ಸಹ ಬೆದರಿಕೆ ಕರೆ ಬಂದಿತು. ಜಾಲತಾಣಗಳ ಮೂಲಕ ಅವರ ವಿರುದ್ಧವೂ ಅಶ್ಲೀಲ ಮೆಸೆಜ್ ಹರಿದಾಡುತ್ತಿತ್ತು. ತಮ್ಮನ ಮದುವೆಗೆ ಬಂದಿದ್ದ ಕುಮಟಾದ ಮೆಹರಾನ್ ಶಾಬಂದ್ರೀಯೇ ಈ ಕಿಡಿಗೇಡಿ ಕೆಲಸ ಮಾಡಿದ ಬಗ್ಗೆ ಪಾತಿಮಾ ಸಿದ್ಧಿಕಾ ಅವರಿಗೆ ಅನುಮಾನವ್ಯಕ್ತವಾಯಿತು. ಹೀಗಾಗಿ ಬೆದರಿಕೆ ಬಂದಿದ್ದ ಫೋನ್ ನಂ ಜೊತೆ ತಮಗಾದ ನೋವಿನ ಬಗ್ಗೆ ಅವರು ಪೊಲೀಸ್ ದೂರು ನೀಡಿದ್ದು, ಭಟ್ಕಳ ಶಹರ ಪೊಲೀಸರು ಪ್ರಕರಣದ ತನಿಖೆ ಶುರು ಮಾಡಿದ್ದಾರೆ.
- [ಕೈ ಕೊಟ್ಟ ಕಾರು: ಬಾಳಿ ಬದುಕಬೇಕಿದ್ದವರ ಸಾವು!](https://mobiletime.in/2026/01/a-car-given-away-the-death-of-those-who-had-to-survive/): ಭಟ್ಕಳದಲ್ಲಿ ನಡೆದ ಭೀಕರ ಅಪಘಾತದಲ್ಲಿ ಯುವಕರಿಬ್ಬರು ಸಾವನಪ್ಪಿದ್ದಾರೆ. ಭಟ್ಕಳದ ವೆಂಕಟಾಪುರ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಶನಿವಾರ ತಡರಾತ್ರಿ ಈ ದುರಂತ ನಡೆದಿದೆ. ಭಟ್ಕಳದ ಆಜಾದ್ ನಗರದ ಮೊಹಮ್ಮದ್ ಅಶ್ರಫ್ ರುಕ್ನುದ್ದೀನ್ ಶಿಪೈ ಅವರ ಮಗ ಬಿಲಾಲ್ ಹಾಗೂ ಅಬ್ದುಲ್ ಸಲಾಮ್ ಅಕ್ರಮಿ ಅವರ ಮಗ ಆಯನ್ ಅವಘಡದಲ್ಲಿ ಕೊನೆಯುಸಿರೆಳೆದವರಾಗಿದ್ದಾರೆ. ಮಧ್ಯರಾತ್ರಿ ಸುಮಾರಿಗೆ ಅವರಿಬ್ಬರು ಶಿರಾಲಿಯಿಂದ ಭಟ್ಕಳಕ್ಕೆ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದರು. ವಾಹನವು ರಾಷ್ಟ್ರೀಯ ಹೆದ್ದಾರಿಯ ವೆಂಕಟಾಪುರ ಮಾರ್ಗವನ್ನು ತಲುಪಿದಾಗ ಅದು ರಸ್ತೆಬದಿಯಲ್ಲಿದ್ದ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಆಗ, ಬಿಲಾಲ್ ಅವರು ಅಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಆಯನ್ ಅವರು ಆಸ್ಪತ್ರೆಗೆ ಸಾಗಿಸುವಾಗ ಸಾವನಪ್ಪಿದ್ದಾರೆ. ಸದ್ಯ ಕಾರು ನಿಯಂತ್ರಣ ತಪ್ಪಿ ಅಪಘಾತ ನಡೆದ ಬಗ್ಗೆ ಮಾಹಿತಿಯಿದೆ. ಅದಾಗಿಯೂ, ಅಪಘಾತದ ಸ್ಥಳದಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಜೆಲ್ಲಿ ಕಲ್ಲುಗಳು ಕಾಣಿಸಿದ್ದು, ಆ ಬಗ್ಗೆಯೂ ತನಿಖೆ ನಡೆಯುತ್ತಿದೆ. .ಅಪಘಾತ ಸ್ಥಳದ ಸುತ್ತಮುತ್ತಲ ಪ್ರದೇಶದಲ್ಲಿ ಮೂರು ಸಿಸಿ ಕ್ಯಾಮರಾಗಳಿದ್ದು, ಅಪಘಾತಕ್ಕೆ ಕಾರಣವಾದ ಘಟನೆಗಳ ನಿಖರವಾದ ಕಾರಣ ತಿಳಿಯಲು ಸಹಾಯವಾಗುವ ಸಾಧ್ಯತೆಗಳಿವೆ.
- [ರಾಜಕೀಯ ಒತ್ತಡಕ್ಕೆ PSI ತಲೆದಂಡ!](https://mobiletime.in/2026/01/psi-faces-political-pressure/): ತಮ್ಮ ಚಾಣಾಕ್ಷತನದಿಂದ ಅನೇಕ ಅಪರಾಧ ಪ್ರಕರಣಗಳನ್ನು ಭೇದಿಸಿ ಪೊಲೀಸ್ ಇಲಾಖೆಗೆ ನೆರವಾಗಿದ್ದ ಪಿಸೈ ಸುನೀಲ್ ಬಂಡಿವಡ್ಡರ್ ಅವರನ್ನು ಅದೇ ಪೊಲೀಸ್ ಇಲಾಖೆ ಸೇವೆಯಿಂದ ಅಮಾನತು ಮಾಡಿದೆ. ಕಾರವಾರ ಕದ್ರಾದ ರಿಶೇಲ್ ಡಿಕೋಸ್ತಾ ಆತ್ಮಹತ್ಯೆ ಹಾಗೂ ಚಿರಾಗ್ ಕೋಠಾರಕರ್ ಪರಾರಿ ಪರಿಣಾಮ ಪಿಸೈ ಸುನೀಲ ಬಂಡಿವಡ್ಡರ್ ಅವರು ಶಿಕ್ಷೆಗೆ ಗುರಿಯಾಗಿದ್ದಾರೆ. ಈ ಪ್ರಕರಣದಲ್ಲಿ ಆರೋಪಿ ಸಿಗದಿದ್ದರೂ ಆರೋಪಿಗೆ ಆಶ್ರಯ ನೀಡಿದ್ದ ಇಬ್ಬರನ್ನು ಸುನೀಲ ಬಂಡಿವಡ್ಡರ್ ಅವರು ಪತ್ತೆ ಹಚ್ಚಿದ್ದು, ಆ ಇಬ್ಬರಿಗೂ ಜಾಮೀನು ಸಿಕ್ಕ ಬೆನ್ನಲ್ಲೇ ಪ್ರಕರಣದ ತನಿಖೆಗೆ ಶ್ರಮಿಸಿದ್ದ ಸುನೀಲ ಬಂಡಿವಡ್ಡರ್ ಅವರು ಅಮಾನತಾಗಿದ್ದಾರೆ. ಜಿಲ್ಲಾ ಪಂಚಾಯತ ಮಾಜಿ ಸದಸ್ಯೆ ಚೈತ್ರಾ ಕೋಠಾರಕರ್ ಅವರ ಪುತ್ರ ಚಿರಾಗ ಕೋಠಾರಕರ್ ಅವರು ಕದ್ರಾ ಗ್ರಾಮ ಪಂಚಾಯತ ಸದಸ್ಯೆ ರೀನಾ ಡಿಸೋಜಾ ಅವರ ಪುತ್ರಿ ರೀಶಲ್ ಡಿಕೋಸ್ತಾ ಅವರನ್ನು ಪ್ರೀತಿಸುತ್ತಿದ್ದರು. ಚಿರಾಗ ಕೋಠಾರಕರ್ ಅವರ ಕಾಟಕ್ಕೆ ರೀಶಲ್ ಡಿಕೋಸ್ತಾ ಆತ್ಮಹತ್ಯೆಗೆ ಶರಣಾದ ಆರೋಪವ್ಯಕ್ತವಾಗಿತ್ತು. ಅದಾದ ನಂತರ ಚಿರಾಗ ಕೋಠಾರಕರ್ ಅವರು ರೀಶಲ್ ಡಿಕೋಸ್ತಾ ಅವರನ್ನು ಅತ್ಯಾಚಾರ ಮಾಡಿದ ಬಗ್ಗೆಯೂ ಕುಟುಂಬದವರು ದೂರಿದ್ದರು. ಈ ನಡುವೆ ರಿಶೇಲ್ ಹಾಗೂ ಚಿರಾಗ ನಡುವೆ ನಡೆದ ವಾಟ್ಸಪ್ ಸಂಭಾಷಣೆ ಹೊರಬಿದ್ದಿತ್ತು. ರಿಶೇಲ್ ದೇಹದ ಮೇಲೆ ಅನುಮಾನಾಸ್ಪದ ಕುರುಹುಗಳು ಪತ್ತೆ ಆಗಿದ್ದವು. ಸಂತ್ರಸ್ತೆ ಹಾಗೂ ಆರೋಪಿ ಎರಡು ಕುಟುಂಬದವರು ರಾಜಕೀಯ ಪ್ರಭಾವಹೊಂದಿದ್ದರಿoದ ಈ ಪ್ರಕರಣ ಗಂಭೀರ ಸ್ವರೂಪಪಡೆದಿತ್ತು. ಸಂತ್ರಸ್ತೆ ಹಾಗೂ ಆರೋಪಿ ಎರಡು ಕಡೆಯವರು ತಮ್ಮ ಪ್ರಭಾವ ಬೀರಿ ತಮ್ಮ ಅನುಕೂಲಕ್ಕೆ ತಕ್ಕ ಹಾಗೇ ಪ್ರಕರಣ ಬದಲಿಸುವ ಕಸರತ್ತು ನಡೆಸಿದ್ದರು. ಈ ಪ್ರಯತ್ನ ಪೊಲೀಸರನ್ನು ಸಹ ಸಾಕಷ್ಟು ಪ್ರಮಾಣದಲ್ಲಿ ಒತ್ತಡಕ್ಕೆ ಸಿಲುಕಿಸಿತ್ತು. ರಾಜಕೀಯ ಪ್ರಭಾವಿಗಳ ಒತ್ತಡ ಹಾಗೂ ಸರ್ಕಾರಕ್ಕೆ ಬೇಕಾದ ಉತ್ತರದ ಪರಿಣಾಮ ಕದ್ರಾ ಪಿಸೈ ಸುನೀಲ ಬಂಡಿವಡ್ಡರ್ ಅವರನ್ನು ಅಮಾನತು ಮಾಡಲಾಯಿತು. ಚಿತ್ತಾಕುಲದಲ್ಲಿ ಅಪರಿಚಿತ ಶವ ಸಿಕ್ಕಾಗ ಅದನ್ನು ಕೊಲೆ ಎಂದು ಅರಿತು ಕೊಲೆಗಾರರನ್ನು ಬಂಧಿಸುವಲ್ಲಿ ಸುನೀಲ ಬಂಡಿವಡ್ಡರ್ ಪ್ರಮುಖ ಪಾತ್ರ ನಿಭಾಯಿಸಿದ್ದರು. ಹಣಕೋಣದಲ್ಲಿ ಉದ್ಯಮಿ ಮೇಲೆ ಮಾರಕಾಸ್ತ ದಾಳಿ ನಡೆದಾಗಲೂ ಆ ಪ್ರಕರಣದಲ್ಲಿ ಸುನೀಲ ಬಂಡಿವಡ್ಡರ್ ಸಾಕಷ್ಟು ಪ್ರಮಾಣದಲ್ಲಿ ಶ್ರಮಿಸಿದ್ದರು. ಕುಮಟಾದ ದೇವಿಮನೆ ಘಟ್ಟದಲ್ಲಿ ನಡೆದ ಕೊಲೆ ಪ್ರಕರಣಗಳನ್ನು ಅತ್ಯಂತ ಚಾಣಾಕ್ಷತನದಿಂದ ಬೇದಿಸಿದ್ದರು. ಕಳ್ಳತನ ಪ್ರಕರಣಗಳನ್ನು ಜಾಲಾಡಿ ದಾಖಲೆ ಪ್ರಮಾಣದಲ್ಲಿ ಚಿನ್ನಾಭರಣಗಳನ್ನು ವಶಕ್ಕೆಪಡೆದಿದ್ದರು. ಈ ಎಲ್ಲಾ ಕೆಲಸಗಳ ಜೊತೆ ಅಕ್ರಮ ಸರಾಯಿ ಸಾಗಾಟ ಪ್ರಕರಣಗಳಿಗೆ ತಡೆ ಒಡ್ಡಿದ್ದರು. ಕಾನೂನುಬಾಹಿರ ಜೂಜಾಟ ನಡೆದ ಸುಳಿವು ಸಿಕ್ಕ ತಕ್ಷಣ ದಾಳಿ ನಡೆಸಿ ಅದನ್ನು ತಡೆಯುತ್ತಿದ್ದರು. ಕದ್ರಾ ಪೊಲೀಸ್ ಠಾಣೆಗೆ ಬಂದ ನಂತರ ಅಲ್ಲಿನ ವಾತಾವರಣದ ಮೇಲೆ ಹಿಡಿಯವಿಟ್ಟುಕೊಂಡಿದ್ದು, ಸಣ್ಣಪುಟ್ಟ ಅಪರಾಧಿಗಳಿಗೂ ನಡುಕ ಹುಟ್ಟಿಸಿದ್ದರು. 35 ವರ್ಷಗಳಿಂದ ಬಾಕಿಯಿದ್ದ ಪ್ರಕರಣವನ್ನು ಬೇದಿಸಿ ಮೇಲಧಿಕಾರಿಗಳು ಹುಬ್ಬೇರಿಸುವಂತೆ ಮಾಡಿದ್ದರು. ಈ ಎಲ್ಲಾ ಕೆಲಸದ ಜೊತೆ ಪಾಳುಬಿದ್ದ ಕೊಂಪೆಯ ಹಾಗಿದ್ದ ಕದ್ರಾ ಪೊಲೀಸ್ ಠಾಣೆಯ ನವೀಕರಣ ಕೆಲಸ ಮಾಡಿದ್ದರು. ಸದ್ಯ ರೀಚಲ್ ಡಿಕೋಸ್ತಾ ಆತ್ಮಹತ್ಯೆ ಹಾಗೂ ಚಿರಾಗ ಕೋಠಾರಕರ್ ಪರಾರಿ ಪ್ರಕರಣದಲ್ಲಿಯೂ ಸುನೀಲ ಬಂಡಿವಡ್ಡರ್ ಅವರು ಸುಮ್ಮನಿರಲಿಲ್ಲ. ಅಮಾನತು ಆಗುವ ಮುನ್ನವೇ ಅವರು ಚಿರಾಗ ಕೋಠಾರಕರ್ ಅವರಿಗೆ ಆಶ್ರಯ ನೀಡಿದ್ದ ಇಬ್ಬರನ್ನು ಬಂಧಿಸಿದ್ದರು. ಆರೋಪಿ ಸಿಗದಿದ್ದರೂ ಸಹ ಆ ಆರೋಪಿಗೆ ಆಶ್ರಯ ನೀಡಿದ ಸುವರ್ಣ ಗಾಂವ್ಕರ್ ಹಾಗೂ ಸುನೀಲ ನಾಯರ್ ಎಂಬಾತರನ್ನು ವಶಕ್ಕೆಪಡೆದಿದ್ದರು. ಆ ಆರೋಪಿಗೆ ಆಶ್ರಯ ನೀಡಿದ ಇಬ್ಬರನ್ನು ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗಿದ್ದು, ಅದರ ಬೆನ್ನಲ್ಲೆ ಅದೇ ಪ್ರಕರಣದಲ್ಲಿ ಸುನೀಲ ಬಂಡಿವಡ್ಡರ್ ಅವರನ್ನು ಅಮಾನತು ಮಾಡಲಾಗಿದೆ.
- [ಹೊರ ಮಂಗಳವಾರಕ್ಕೆ ಉದ್ಯಾನವನ ಸಿದ್ದ!](https://mobiletime.in/2026/01/the-park-is-ready-for-tuesday/): ಯಲ್ಲಾಪುರ ಜಾತ್ರೆ ಅಂಗವಾಗಿ ನಡೆಯುವ `ಹೊರ ಮಂಗಳವಾರ’ ಆಚರಣೆಗೆ ಮಕ್ಕಳ ಉದ್ಯಾನವನ ಸಿದ್ಧಗೊಂಡಿದೆ. ಜನವರಿ 20, 27 ಹಾಗೂ ಫೆಬ್ರವರಿ 3ರಂದು `ಹೊರ ಮಂಗಳವಾರ’ ಆಚರಣೆ ನಡೆಯಲಿದ್ದು, ಜೋಡಕೆರೆ ಬಳಿಯಿರುವ ಉದ್ಯಾನವನವನ್ನು ಸ್ವಚ್ಚ ಮಾಡಲಾಗಿದೆ. ಉದ್ಯಾನವನಕ್ಕೆ ಬರುವವರ ಅನುಕೂಲಕ್ಕಾಗಿ ಅಲ್ಲಿ ಕುಡಿಯುವ ನೀರು, ನೆರಳಿನ ವ್ಯವಸ್ಥೆ ಮಾಡಲಾಗಿದೆ. ಗಿಡ-ಗಂಟಿಗಳನ್ನು ತೆರವು ಮಾಡಲಾಗಿದೆ. ಮುರಿದು ಬಿದ್ದಿದ್ದ ಕಪೌಂಡ್ ಸರಿಪಡಿಸಿ ಅದಕ್ಕೆ ಬಣ್ಣ ಬಡಿಯುವ ಕೆಲಸ ನಡೆದಿದೆ. ಎಲ್ಲೆಂದರಲ್ಲಿ ಬಿದ್ದಿದ್ದ ಕಸವನ್ನು ಆರಿಸಿ ಉದ್ಯಾನವನವನ್ನು ಸುಂದರವನ್ನಾಗಿಸಲಾಗಿದೆ. ಅಗತ್ಯವಿರುವ ಕಡೆಗಳಲ್ಲಿ ದೀಪಗಳನ್ನು ಅಳವಡಿಸಲಾಗಿದೆ. ಮಂಜುನಾಥ ನಗರದ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸತೀಶ ನಾಯ್ಕ, ಪ ಪಂ ಆರೋಗ್ಯ ನಿರಿಕ್ಷಕ ಗುರು ಗಡಗಿ ಜೊತೆ ಮುಖ್ಯಾಧಿಕಾರಿ ಕುಮಾರ ನಾಯ್ಕ ಹಾಗೂ ಇಂಜಿನಿಯರ್ ಹೇಮಚಂದ್ರ ನಾಯ್ಕ ಉದ್ಯಾನವನ ವೀಕ್ಷಣೆ ಮಾಡಿದ್ದಾರೆ. 50ಕ್ಕೂ ಅಧಿಕ ಕಾರ್ಮಿಕರನ್ನು ಅಲ್ಲಿ ನಿಯೋಜಿಸಿ ನಾಲ್ಕು ದಿನಗಳ ಕೆಲಸ ಮಾಡಿಸಿದ್ದಾರೆ. ಈ ಎಲ್ಲಾ ಹಿನ್ನಲೆ ಹೊರ ಮಂಗಳವಾರ ಆಚರಣೆಗೆ ಉದ್ಯಾನವನವೂ ಯೋಗ್ಯ ಪ್ರದೇಶವಾಗಿದ್ದು, ಜನ ಅದರ ಪ್ರಯೋಜನಪಡೆಯಬೇಕು. ವಿವಿಧ ಪ್ರವಾಸಿ ತಾಣಗಳಿಗೆ ಹೋಗುವುದರ ಜೊತೆ ಉದ್ಯಾನವನದ ವಾತಾವರಣವನ್ನು ಅನುಭವಿಸಬೇಕು ಎಂದು ಆ ಭಾಗದವರು ಮನವಿ ಮಾಡಿದ್ದಾರೆ.
- [ಕೊನೆ ಕೊಯ್ಲಿಗೆ ಬಂದವನಿಗೆ ಅದೇ ಕೊನೆ ದಿನ!](https://mobiletime.in/2026/01/its-the-last-day-for-the-one-who-came-to-the-last-harvest/): ಶಿರಸಿ ದೇವನಳ್ಳಿ ಬಳಿ ಕೊನೆ ಕೊಯ್ಲಿಗೆ ಹೋಗಿದ್ದ ರಾಮಚಂದ್ರ ಗೌಡ ಅವರ ಬದುಕು ಕೊನೆಯಾಗಿದೆ. ಅಡಿಕೆ ಮರದಿಂದ ಬಿದ್ದು ಅವರು ಕೊನೆಯುಸಿರೆಳೆದಿದ್ದಾರೆ. ದೇವನಳ್ಳಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಕುದ್ರಗೋಡ ಗ್ರಾಮದಲ್ಲಿ ಜ 15ರಂದು ರಾಮಚಂದ್ರ ಗೌಡ (37) ಅವರು ಅಡಿಕೆ ಕೊಯ್ಲು ಕಾರ್ಯ ಮಾಡುತ್ತಿದ್ದರು. ಮರ ಏರಿದ ಅವರು 60 ಅಡಿ ಎತ್ತರಕ್ಕೆ ಹೋದಾಗ ಅವರ ಕಾಲು ಜಾರಿತು. ಮರದಿಂದ ಅವರು ನೆಲಕ್ಕೆ ಅಪ್ಪಳಿಸಿದರು. ಗಂಭೀರವಾಗಿ ಗಾಯಗೊಂಡಿದ್ದ ಅವರನ್ನು ಆಸ್ಪತ್ರೆಗೆ ಸೇರಿಸಿ ಬದುಕಿಸುವ ಪ್ರಯತ್ನ ನಡೆಯಿತು. ಶಿರಸಿ ನಗರದ ಪಂಡಿತ ಸಾರ್ವಜನಿಕ ಆಸ್ಪತ್ರೆಗೆ ದಾಖಲಿಸಿ ಪ್ರಾಥಮಿಕ ಚಿಕಿತ್ಸೆ ಕೊಡಲಾಗಿದ್ದು, ನಂತರ ಧಾರವಾಡದ ಆಸ್ಪತ್ರೆಗೆ ರವಾನಿಸಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಬರಲಿಲ್ಲ. ರಾಮಚಂದ್ರ ಗೌಡ ಅವರು ಚಿಕಿತ್ಸೆ ಫಲಕಾರಿಯಾಗದೇ ಕೊನೆಯುಸಿರೆಳೆದರು. `ಕೊನೆ ಕೊಯ್ಲು: ಅಪಾಯ ತಪ್ಪಿಸಲು ದೋಟಿ ಬಳಸಿ’
- [ಕೈ ಮಾಡಿದರೂ ನಿಲ್ಲದ ಕಾರು: ಕೇಸು!](https://mobiletime.in/2026/01/car-wont-stop-even-if-you-wave-your-hand-case/): ಭಟ್ಕಳದ ಅಮಿತ್ ಶಿರಾಳಿಕರ್ ಅವರ ಕಾರಿಗೆ ಅಡ್ಡಲಾಗಿ ಪೊಲೀಸರು ಕೈ ಮಾಡಿದ್ದಾರೆ. ಪೊಲೀಸರನ್ನು ನೋಡಿಯೂ ಕಾರು ನಿಲ್ಲಿಸಿದ ಕಾರಣ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ! ಭಟ್ಕಳ ಹುರುಳಿಸಾಲ ಬಳಿಯ ಕಾರಗದ್ದೆಯಲ್ಲಿ ಅಮೀತ ಸುರೇಶ ಶಿರಾಳಿಕರ್ ಅವರು ವಾಸವಾಗಿದ್ದಾರೆ. 33 ವರ್ಷದ ಅಮೀತ ಶಿರಾಳಿಕರ್ ಅವರು ಖಾಸಗಿ ಕಂಪನಿಯ ಉದ್ಯೋಗಿಯಾಗಿದ್ದಾರೆ. ಕೈ ತುಂಬ ಸಂಬಳ ಸಿಗುವ ಕಾರಣ ಮೋಜು-ಮಸ್ತಿಗೆ ಅವರು ಎಂದಿಗೂ ಕೊರತೆ ಮಾಡಿಕೊಂಡಿಲ್ಲ. ಗೋವಾ ನೋಂದಣಿಯ ಹುಂಡೈ ಕ್ರೇಟಾ ಕಾರನ್ನು ಅಮೀತ ಶಿರಾಳಿಕರ್ ಅವರು ಹೊಂದಿದ್ದು, ಬೇರೆಯವರಿಗೆ ಅಪಾಯವಾಗುವಂತೆ ಕಾರು ಓಡಿಸುವುದು ಎಂದರೆ ಅವರಿಗೆ ಎಲ್ಲಿಲ್ಲದ ಖುಷಿ! ಅದರಂತೆ, ಜನವರಿ 16ರಂದು ಅಮೀತ ಶಿರಾಳಿಕರ್ ಅವರು ತಮ್ಮ ಕಾರನ್ನು ಅತ್ಯಂತ ವೇಗವಾಗಿ ಓಡಿಸುತ್ತಿದ್ದರು. ಆ ದಿನ ಸಂಜೆ 5 ಗಂಟೆ ವೇಳೆಗೆ ಅಮೀತ ಅವರು ಕಾರಗದ್ದೆ 2ನೇ ಕ್ರಾಸಿನಿಂದ ಹೆದ್ದಾರಿಗೆ ಹೋಗುವ ಗುಡ್ ಲಕ್ ರಸ್ತೆಯಲ್ಲಿ ಅಡ್ಡಾದಿಡ್ಡಿ ಕಾರು ಚಲಾಯಿಸಿದ್ದರು. ಇದನ್ನು ನೋಡಿದ ಭಟ್ಕಳ ಗ್ರಾಮೀಣ ಠಾಣೆಯ ಪಿಸೈ ರನ್ನಗೌಡ ಪಾಟೀಲ್ ಅವರು ಕಾರಿಗೆ ಅಡ್ಡಲಾಗಿ ಕೈ ಮಾಡಿದರು. ಕಾರು ನಿಲ್ಲಿಸುವಂತೆ ಸೂಚಿಸಿದರು. ಅದಾಗಿಯೂ ಅಮೀತ ಶಿರಾಳಿಕರ್ ಕಾರು ನಿಲ್ಲಿಸಲಿಲ್ಲ. ಇನ್ನಷ್ಟು ವೇಗವಾಗಿ ಕಾರು ಓಡಿಸಿದ್ದು, ಪೊಲೀಸರಿಂದ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದರು. ಅಮೀತ ಶಿರಾಳಿಕರ್ ಅವರ ಉದ್ದಟತನದ ವರ್ತನೆ ಪೊಲೀಸರಿಗೆ ಅನುಮಾನ ಮೂಡಿಸಿತು. ಹೀಗಾಗಿ ಆ ಕಾರು ಬೆನ್ನತ್ತಿ ಹೋದ ಪೊಲೀಸರು ಮುಂದಿನ ತಿರುವಿನಲ್ಲಿ ಅಡ್ಡಗಟ್ಟಿದರು. ಪೊಲೀಸರು ಕೈ ಮಾಡಿದರೂ ಕಾರು ನಿಲ್ಲಿಸಿದ ಕಾರಣ ಪ್ರಶ್ನಿಸಿದ್ದು, ಆ ವೇಳೆ ಇನ್ನಷ್ಟು ಉದ್ದಟತನ ಪ್ರದರ್ಶಿಸಿದ ಕಾರಣ ಅಮೀತ ಶಿರಾಳಿಕರ್ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಹೊಸ ಹೋರಾಟಕ್ಕೆ ಮುಹೂರ್ತ: ಜಾತ್ರೆ ಅಂಗವಾಗಿ ಇಡೀ ದಿನ ಉಪವಾಸ!](https://mobiletime.in/2026/01/the-time-for-a-new-struggle-a-whole-day-fast-as-part-of-the-fair/): ಫೆಬ್ರವರಿ 24ರಿಂದ ಶಿರಸಿ ಜಾತ್ರೆ ಶುರುವಾಗಲಿದ್ದು, ಅದರ ಅಂಗವಾಗಿ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಉಪವಾಸ ಮಾಡಲಿದ್ದಾರೆ. ಜಾತ್ರೆಗೆ ಬರುವ ಭಕ್ತರಿಗೆ ಆಗುವ ಅನಾನುಕೂಲದ ಬಗ್ಗೆ ಗಮನಸೆಳೆಯುವುದಕ್ಕಾಗಿ ಅವರು ಈ ಹೋರಾಟ ನಡೆಸುವುದಾಗಿ ಘೋಷಿಸಿದ್ದಾರೆ. ಶಿರಸಿ ಜಾತ್ರೆಗೆ ದಿನಾಂಕ ನಿಗದಿ ಆಗಿದ್ದು, ಎಲ್ಲರೂ ಜಾತ್ರೆಯ ಬಗ್ಗೆಯೇ ಯೋಚಿಸುತ್ತಿದ್ದಾರೆ. ಆದರೆ, ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಜಾತ್ರೆಗೆ ಬರುವವರ ಅನುಕೂಲಕ್ಕಾಗಿ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳ ಗಮನಸೆಳೆಯುವ ಪ್ರಯತ್ನ ಮಾಡಿದ್ದಾರೆ. ಅದರಂತೆ, ಶಿರಸಿ ಜಾತ್ರೆಗೆ ಅಗತ್ಯವಿರುವ ಮೂಲಭೂತ ಸೌಕರ್ಯ ಕಲ್ಪಿಸುವಂತೆ ಆಗ್ರಹಿಸಿ ಫೆ 3ಕ್ಕೆ ಉಪವಾಸ ಸತ್ಯಾಗ್ರಹ ನಡೆಸುವುದಾಗಿ ಅವರು ಘೋಷಿಸಿದ್ದಾರೆ. `ರಾಜ್ಯದಲ್ಲಿಯೇ ಅತಿ ದೊಡ್ಡ ಶಿರಸಿ ಮಾರಿಕಾಂಬಾ ಜಾತ್ರೆಗೆ ಇನ್ನೂ ಜಾತ್ರಾ ಅನುದಾನ ಮಂಜೂರಿಯಾಗಿಲ್ಲ. ಮೂಲಭೂತ ಸೌಕರ್ಯಕ್ಕೆ ಆಗ್ರಹಿಸಿದರೂ ಆ ಕೆಲಸ ನಡೆದಿಲ್ಲ. ಜಾತ್ರೆಗೆ ಬರುವ ಲಕ್ಷಾಂತರ ಭಕ್ತರಿಗೆ ಶೌಚಾಲಯ, ಸ್ನಾನಗೃಹ, ರಾತ್ರಿ ಮಲಗುವ ವ್ಯವಸ್ಥೆ, ಬೆಳಿಗ್ಗೆ ತಿಂಡಿ ವ್ಯವಸ್ಥೆ ಆಗಬೇಕು. ಕುಂಭಮೇಳದ ಮಾದರಿ ಕನಿಷ್ಟ 10 ಸಾವಿರ ಜನರಿಗೆ ಈ ಎಲ್ಲಾ ವ್ಯವಸ್ಥೆ ಮಾಡಬೇಕು’ ಎಂದು ಅನಂತಮೂರ್ತಿ ಹೆಗಡೆ ಆಗ್ರಹಿಸಿದ್ದಾರೆ. `ಶಿರಸಿಯ ಎಲ್ಲ ಕಲ್ಯಾಣ ಮಂಟಪ ಬಾಡಿಗೆಗೆಪಡೆದು ಸರಕಾರವೇ ಅದರ ಹಣ ಪಾವತಿಸಿ ಧರ್ಮ ಛತ್ರವಾಗಿ ಪರಿವರ್ತಿಸಬೇಕು. ಬೆಳಿಗ್ಗೆ ಸ್ನಾನಕ್ಕೆ ಜನ ಕೋಟೆಕೆರೆಗೆ ಹೋಗುವುದನ್ನು ತಪ್ಪಿಸಬೇಕು. ಅಂಚೆ ಕಚೇರಿ ಪಕ್ಕದ ಮಾರಿಕಾಂಬಾ ಗದ್ದುಗೆ ಹತ್ತಿರದ ಶೌಚಾಲಯ ಸ್ವಚ್ಛಗೊಳಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. ಭೀಮಣ್ಣರ ಬಗ್ಗೆ ಅನುಕಂಪ! ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರ ವೈಫಲ್ಯಗಳ ಬಗ್ಗೆ ಮಾತನಾಡುತ್ತಿದ್ದ ಅನಂತಮೂರ್ತಿ ಹೆಗಡೆ ಈ ಬಾರಿ ಭೀಮಣ್ಣ ನಾಯ್ಕ ಅವರ ಬಗ್ಗೆ ಅನುಕಂಪದ ಮಾತನಾಡಿದ್ದಾರೆ. ಸಿದ್ದಾಪುರದ ಕಾರ್ಯಕ್ರಮವೊಂದರಲ್ಲಿ ಶಾಸಕ ಭೀಮಣ್ಣ ನಾಯ್ಕ ಕರಾವಳಿ ಉತ್ಸವದ ಬಗ್ಗೆ ಅಸಮಧಾನವ್ಯಕ್ತಪಡಿಸಿದ್ದನ್ನು ಉಲ್ಲೇಖಿಸಿ `50 ಕೋಟಿ ಕ್ರಿಯಾ ಯೋಜನೆ ಮಾಡಿ ಕಳಿಸಿದರೆ ನಯಾಪೈಸೆ ಹಣ ಬಿಡುಗಡೆ ಮಾಡುತ್ತಿಲ್ಲ’ ಎಂದು ಅವರು ಸರ್ಕಾರದ ನಡವಳಿಕೆ ಪ್ರಶ್ನಿಸಿದನ್ನು ಸ್ವಾಗತಿಸಿದ್ದಾರೆ. ಉತ್ಸವಕ್ಕೆ ಶಾಸಕರನ್ನು ಸಹ ಕರೆಯದೇ ಉತ್ಸವ ಮಾಡಿದನ್ನು ಖಂಡಿಸಿದ್ದಾರೆ. `ಜನಪ್ರತಿನಿಧಿಯನ್ನು ಸರ್ಕಾರ ಹಾಗೂ ಸಚಿವರು ಅಷ್ಟು ತುಚ್ಚವಾಗಿ ನಡೆಸಿಕೊಳ್ಳಬಾರದು. ಕರಾವಳಿ ಉತ್ಸವಕ್ಕೆ ಹಣ ಕೊಟ್ಟ ರೀತಿ ಶಿರಸಿ ಜಾತ್ರೆಗೂ ಕೊಡಬೇಕು. ಜಾತ್ರೆಯ ಒಳಗೆ ಈ ಸಲದ ಜಾತ್ರಾ ಅನುದಾನ ಬಿಡುಗಡೆ ಮಾಡಿಸುವ ಮೂಲಕ ಶಾಸಕ ಭೀಮಣ್ಣ ಜನರ ಸ್ವಾಭಿಮಾನ ಎತ್ತಿ ಹಿಡಿಯುವ ಕಾರ್ಯ ಮಾಡಬೇಕು’ ಎಂದು ಆಗ್ರಹಿಸಿದ್ದಾರೆ. ಆ ಮೂಲಕ ಉಸ್ತುವಾರಿ ಸಚಿವ ಮಂಕಾಳ ವೈದ್ಯರಿಗೆ ನಿಮ್ಮ ತಾಕತ್ತನ್ನು ತೋರಿಸಬೇಕು’ ಎಂದು ಹೇಳಿದ್ದಾರೆ.
- [ಸಾಮಾಜಿಕ ಕಾರ್ಯಕರ್ತನ ಧಾರ್ಮಿಕ ಚಿಂತನೆ: ದಿವ್ಯ ದೇಗುಲ ನಿರ್ಮಾಣಕ್ಕೆ ಸಂಕಲ್ಪ](https://mobiletime.in/2026/02/religious-thought-of-a-social-worker-a-will-to-build-a-divine-temple/): ಶಿರಸಿಯ ಬ್ಯಾಗದ್ದೆಯಲ್ಲಿ ಸೋದೆ ಅರಸರ ಕಾಲದಲ್ಲಿದ್ದ ಶ್ರೀ ಉಮಾಮಹೇಶ್ವರ ದೇವಾಲಯದ ಪುನರ್ ನಿರ್ಮಾಣಕ್ಕೆ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಸಂಕಲ್ಪ ಮಾಡಿದ್ದಾರೆ. 500 ವರ್ಷಕ್ಕೂ ಹಳೆದ ದೇಗುಲದ ಜೀರ್ಣೋದ್ಧಾರಕ್ಕಾಗಿ ಅವರು ಶ್ರಮಿಸುತ್ತಿದ್ದು, ಇದಕ್ಕಾಗಿ ಭೂಮಿ ಪೂಜೆ ನೆರವೇರಿಸಿದ್ದಾರೆ. ಬ್ಯಾಗದ್ದೆಯಲ್ಲಿರುವ ಉಮಾಮಹೇಶ್ವರ ದೇವಾಲಯ ಅತ್ಯಂತ ಶಕ್ತಿಪೀಠಗಳಲ್ಲಿ ಒಂದಾಗಿದೆ. ಇಲ್ಲಿ ಶೀಘ್ರ ಪ್ರಸಾದ ಸ್ವರೂಪಿ ಉಮಾಮಹೇಶ್ವರ ದೇವರ ಜೊತೆಗೆ ಪಾರ್ವತಿ ದೇವಿ, ಗಣಪತಿ, ಲಕ್ಷ್ಮೀನಾರಾಯಣ, ಆಂಜನೇಯ ದೇವರ ಸಾನಿಧ್ಯವಿದೆ. ಮಹಾಶಿವರಾತ್ರಿಯಲ್ಲಿ ವಿಶೇಷ ಧಾರ್ಮಿಕ ಕಾರ್ಯಕ್ರಮಗಳು ಇಲ್ಲಿ ನಡೆಯುತ್ತವೆ. ಭಕ್ತರ ಮನದಾಸೆಯನ್ನು ಈಡೇರಿಸುವ ಉಮಾಮಹೇಶ್ವರ ದೇವರಿಗೆ ಸುತ್ತಲಿನ ಅನೇಕ ಭಕ್ತರು ನಡೆದುಕೊಳ್ಳುತ್ತಾರೆ. ಅನೇಕ ವರ್ಷಗಳಿಂದ ಈ ದೇವಾಲಯ ಪುನರ್ ನಿರ್ಮಾಣಕ್ಕೆ ಜನ ಪ್ರಯತ್ನಿಸುತ್ತಿದ್ದರು. ಆದರೆ, ಅದು ಸಾಧ್ಯವಾಗಿರಲಿಲ್ಲ. ದೇವಾಲಯ ಶಿಥಿಲವಾಗಿದ್ದು, ಆ ಬಗ್ಗೆ ಊರಿನವರು ಅನಂತಮೂರ್ತಿ ಹೆಗಡೆ ಅವರ ಗಮನಕ್ಕೆ ತಂದಿದ್ದರು. ದೇವಾಲಯ ಅಭಿವೃದ್ಧಿಗೆ ಕೈ ಜೋಡಿಸುವಂತೆ ಊರಿನವರು ಮನವಿ ಮಾಡಿದ್ದು, ಹುಟ್ಟೂರಿನ ದೇಗುಲ ಪುನರ್ ನಿರ್ಮಾಣಕ್ಕೆ ಅನಂತಮೂರ್ತಿ ಹೆಗಡೆ ಅವರು ಸಂಕಲ್ಪ ಮಾಡಿದರು. ಅದರ ಮುಂದುವರೆದ ಭಾಗವಾಗಿ ಊರಿನವರ ಸಹಕಾರದಲ್ಲಿ ದೇಗುಲ ಜೀರ್ಣೋದ್ಧಾರಕ್ಕಾಗಿ ಅನಂತಮೂರ್ತಿ ಹೆಗಡೆ ಮುಂದಾಗಿದ್ದಾರೆ.  
- [ಬ್ರಾಹ್ಮಣ ದ್ವೇಷಿ ಪತ್ರಕರ್ತನಿಗೆ ಮಂಡೆಬಿಸಿ!](https://mobiletime.in/2026/02/a-brahmin-hating-journalist-was-fired/): ಸಾಮಾಜಿಕ ಜಾಲತಾಣಗಳಲ್ಲಿ ಬ್ರಾಹ್ಮಣರ ಬಗ್ಗೆ ಅವಹೇಳನ ಮಾಡುತ್ತಿದ್ದ ಸಿದ್ದಾಪುರದ ಪತ್ರಕರ್ತ ಕೋಲಸಿರ್ಸಿ ಕನ್ನೇಶ ಅವರಿಗೆ ತಲೆಬಿಸಿ ಶುರುವಾಗಿದೆ. ವೈದಿಕರ ಬಗ್ಗೆ ನಿಂದನಿಯ ಬರಹ ಪ್ರಕಟಿಸಿದ್ದ ಕಾರಣ ಸಿದ್ದಾಪುರ ಪೊಲೀಸರು ಕನ್ನೇಶ ನಾಯ್ಕ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಕನ್ನೇಶ ನಾಯ್ಕ ಅವರು ಪ್ರತಿಷ್ಠಿತ ಸುದ್ದಿ ವಾಹಿನಿಯೊಂದರ ವರದಿಗಾರರಾಗಿದ್ದರು. ಆ ವಾಹಿನಿ ತೊರೆದ ನಂತರ `ಸಮಾಜಮುಖಿ’ ಎಂಬ ಹೆಸರಿನಲ್ಲಿ ಸ್ವತಂತ್ರ ಪತ್ರಿಕೋದ್ಯಮ ಶುರು ಮಾಡಿದ್ದರು. ಅದೇ ಹೆಸರಿನ ಫೇಸ್ಬುಕ್ ಪುಟದಲ್ಲಿ ಅವರು ಆಗಾಗ ಬ್ರಾಹ್ಮಣರ ವಿರುದ್ಧ ಬರಹಗಳನ್ನು ಪ್ರಕಟಿಸುತ್ತಿದ್ದರು. ಕೊಲೆ ಆರೋಪದ ಅಡಿ ಜೈಲು ಪಾಲಾಗಿರುವ ಜ್ಯೋತಿಷಿ ಕಮಲಾಕರ ಭಟ್ಟರ ವಿರುದ್ಧ ಕನ್ನೇಶ ನಾಯ್ಕ ಅವರು ಮಾಹಿತಿ ಪ್ರಸಾರ ಮಾಡಿದ್ದು, ಇದರೊಂದಿಗೆ ಬ್ರಾಹ್ಮಣ ಸಮುದಾಯದ ವಿರುದ್ಧ ಅಸಂಬದ್ಧ ಪದ ಪ್ರಯೋಗ ಮಾಡಿದ್ದರು. ಬ್ರಾಹ್ಮಣರ ಜುಟ್ಟು ಹಾಗೂ ಜನಿವಾರದ ಬಗ್ಗೆ ಕನ್ನೇಶ ನಾಯ್ಕ ಅವರು ಕೆಟ್ಟದಾಗಿ ಬರೆದಿದ್ದರು. `ಜುಟ್ಟು ಜನಿವಾರ ಕಿತ್ತು ಮಧ್ಯ ಎಶಿಯಾಗೆ ಪಾರ್ಸಲ್ ಮಾಡಬೇಕು. ಬಿಜೆಪಿ ಬೆಂಬಲಿಗ ಹಗಲು ದರೋಡೆಕೋರರನ್ನು ಜೀವಂತವಾಗಿ ದಹಿಸಬೇಕು’ ಎಂಬುದನ್ನು ಸೇರಿ `ಕಮಲಾಕರ ಭಟ್ಟ ಅವರ ಗುರು’ ಎಂದು ಬಿಂಬಿಸಿದ್ದರು. ಜೊತೆಗೆ `ದೇಶಕ್ಕೆ ಕಂಟಕ’ ಎಂಬ ನಿಟ್ಟಿನಲ್ಲಿ ತಮ್ಮ ಬರಹವನ್ನು ಪ್ರಸಾರ ಮಾಡಿದ್ದರು. ಕಮಲಾಕರ ಭಟ್ಟರ ಪ್ರಕರಣ ಮುಖ್ಯವಾಗಿಸಿಕೊಂಡು ಆರ್ ಎಸ್ ಎಸ್, ಬಿಜೆಪಿ ಹಾಗೂ ಬ್ರಾಹ್ಮಣರ ವಿರುದ್ಧ ಕಿಡಿಕಾರಿದ್ದರು.. ಫೇಸ್ಬುಕ್ ಮೂಲಕ ಹರಿದಾಡಿದ ಈ ಬರಹವನ್ನು ಫೆಬ್ರವರಿ 6ರಂದು ಪೊಲೀಸ್ ಸಿಬ್ಬಂದಿ ಮೋಹನ ಗಾವಡಿ ಅವರು ಗಮನಿಸಿದರು. ಪೊಲೀಸ್ ಸಿಬ್ಬಂದಿ ಪ್ರಶಾಂತಕುಮಾರ ಬಿ ಅವರಿಗೆ ಮೋಹನ ಗಾವಡಿ ಅವರು ಈ ವಿಷಯ ತಿಳಿಸಿದರು. ಈ ನಡುವೆ ಕನ್ನೇಶ ನಾಯ್ಕ ಅವರ ಬರಹಕ್ಕೆ ಕೆಲವರು ವಿರುದ್ಧವಾಗಿ ಕಮೆಂಟ್ ಮಾಡಿದ್ದು, ಕಮೆಂಟ್ ಮಾಡಿದವರ ವಿರುದ್ಧ ದೂರು ನೀಡಲು ಕನ್ನೇಶ ನಾಯ್ಕ ಅವರು ಪೊಲೀಸ್ ಠಾಣೆಗೆ ಹೋಗಿದ್ದರು. ಈ ವೇಳೆ ಜಾತಿಯ ಬಗ್ಗೆ ಕೆಟ್ಟದಾಗಿ ನಿಂದಿಸಿ ದ್ವೇಷ ಭಾವನೆ ಮೂಡಿಸಲು ಪ್ರಯತ್ನಿಸಿದ್ದ ಕನ್ನೇಶ ನಾಯ್ಕ ವಿರುದ್ಧವೇ ಪೊಲೀಸರು ಕ್ರಮ ಜರುಗಿಸಿದರು. ಸದ್ಯ, ಬ್ರಾಹ್ಮಣರ ಬಗ್ಗೆ ಕೆಟ್ಟದಾಗಿ ಬರಹ ಪ್ರಕಟಿಸಿ ಗಲಭೆ ಸೃಷ್ಠಿಸಲು ಪ್ರಯತ್ನಿಸಿದ ಕಾರಣ ಕನ್ನೇಶ ನಾಯ್ಕ ಅವರ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಾಗಿದೆ. ದ್ವೇಷದ ಬರಹ ಪ್ರಕಟಿಸಿ ಕಾನೂನು ಸುವ್ಯವಸ್ಥೆಗೆ ಧಕ್ಕೆತರಲು ಪ್ರಯತ್ನಿಸಿದ ಆರೋಪದ ಅಡಿ ಪೊಲೀಸರು ಕಠಿಣ ಕ್ರಮಕ್ಕೆ ಮುಂದಾಗಿದ್ದಾರೆ.
- [ವಿದೇಶಿ ಸಂಸ್ಕೃತಿಯಿoದ ದೂರವಿರೋಣ: ಹಿಂದುತ್ವಕ್ಕಾಗಿ ಹೋರಾಡೋಣ](https://mobiletime.in/2026/02/lets-stay-away-from-foreign-culture-lets-fight-for-hindutva/): `ವಿದೇಶಿ ಸಂಸ್ಕೃತಿಯ ಆರಾಧನೆಯಿಂದ ಹಿಂದು ಪರಂಪರೆ, ಆಚಾರ-ವಿಚಾರಗಳು ಅವನತಿಯ ಕಡೆ ಸಾಗುತ್ತಿದೆ’ ಎಂದು ಸಿದ್ದಾಪುರದ ಶ್ರೀ ಮನ್ನಲೆಮಾವು ಮಠ ಶ್ರೀ ಶ್ರೀಮಾಧವಾನಂದ ಭಾರತಿ ಶ್ರೀಗಳು ಕಳವಳವ್ಯಕ್ತಪಡಿಸಿದ್ದಾರೆ. ಅಂಕೋಲಾ ಅಲಗೇರಿಯಲ್ಲಿ ನಡೆದ ಹಿಂದು ಸಮಾಜೋತ್ಸವದಲ್ಲಿ ಆಶೀರ್ವಚನ ನೀಡಿದ ಅವರು `ವಿದೇಶಿ ಸಂಸ್ಕೃತಿಯ ಅತಿಯಾದ ಪ್ರಭಾವದಿಂದ ನಮ್ಮ ಪಾರಂಪರಿಕ ಆಚಾರ, ವಿಚಾರಗಳು ನಿಧಾನವಾಗಿ ಮರೆಯಾಗುತ್ತಿದೆ. ಹಿಂದು ಸಂಸ್ಕೃತಿ ಉಳಿಸಲು ಎಲ್ಲರೂ ಪಣತೊಡಬೇಕು’ ಎಂದು ಕರೆ ನೀಡಿದ್ದಾರೆ. `ಯಾವುದು ಕೆಟ್ಟದು, ಯಾವುದು ಅಧರ್ಮ, ಯಾವುದು ಸರಿಯಾದ ಮಾರ್ಗವಲ್ಲ ಎಂಬುದನ್ನು ಪ್ರತಿಯೊಬ್ಬರು ಅರಿಯಬೇಕು. ಕೆಟ್ಟದನ್ನು ತ್ಯಜಿಸುವವನೇ ನಿಜವಾದ ಹಿಂದು ಎಂದು ಅರಿತು ಜೀವನ ನಡೆಸಬೇಕು’ ಎಂದವರು ಕಿವಿಮಾತು ಹೇಳಿದ್ದಾರೆ. `ನಮ್ಮ ಪೂರ್ವಜರು ಹಾಕಿಕೊಟ್ಟ ಸನ್ಮಾರ್ಗದಲ್ಲಿ ನಡೆಯುವುದು ನಮ್ಮ ಕರ್ತವ್ಯ. ಆಧುನಿಕ ಜೀವನದ ಒತ್ತಡ ಎಷ್ಟೇ ಇದ್ದರೂ, ಮನೆಯಲ್ಲೊಂದು ದೀಪ ಹಚ್ಚುವುದು, ದೇವಸ್ಥಾನಕ್ಕೆ ತೆರಳುವುದು, ಸಂಜೆಯ ಹೊತ್ತಿನಲ್ಲಿ ಭಜನೆ ಮಾಡುವಂತಹ ಪವಿತ್ರ ಆಚರಣೆಗಳನ್ನು ಎಂದಿಗೂ ಬಿಡಬಾರದು’ ಎಂದವರು ಹೇಳಿದ್ದಾರೆ. `ಇಂದಿನ ದಿನಗಳಲ್ಲಿ ಸಂಜೆ ಆರು ಗಂಟೆ ಆಗುತ್ತಲೇ ಮನೆಯ ಎಲ್ಲರೂ ಟಿವಿ ಮುಂದೆ ಕುಳಿತು ಧಾರಾವಾಹಿಗಳಲ್ಲಿ ಮುಳುಗುತ್ತಿರುವುದು ವಿಷಾದಕರ ಸಂಗತಿ. ಭಜನೆ, ಪ್ರಾರ್ಥನೆ, ಆತ್ಮಶುದ್ಧಿಯಂತಹ ಸಂಸ್ಕೃತಿಯ ಅಂಶಗಳು ಹಿನ್ನಡೆಯಾಗುತ್ತಿವೆ. ಈ ಸ್ಥಿತಿಯನ್ನು ತಪ್ಪಿಸಬೇಕು, ನಮ್ಮ ಸಂಸ್ಕೃತಿಯನ್ನು ಮತ್ತೆ ಮನೆಮನೆಯೊಳಗೆ ಜೀವಂತಗೊಳಿಸಬೇಕು’ ಎಂದವರು ಕರೆ ನೀಡಿದ್ದಾರೆ. `ಮಕ್ಕಳಿಗೆ ಊಟ ಮಾಡಿಸುವ ಸಂದರ್ಭದಲ್ಲೂ ರಾಮಾಯಣ, ಮಹಾಭಾರತ, ಪುರಾಣಗಳ ಕಥೆಗಳನ್ನು ಹೇಳುವ ಸಂಸ್ಕೃತಿ ನಶಿಸುತ್ತಿದ್ದು, ಅದರ ಬದಲು ಮೊಬೈಲ್ ನೀಡುವ ದುಷ್ಪ್ರವೃತ್ತಿ ಹೆಚ್ಚಾಗಿದೆ. ಇದು ಸಮಾಜದ ಪತನಕ್ಕೆ ದಾರಿ ಮಾಡಿಕೊಡುತ್ತಿದೆ. ಅಪರಾಧ ಪ್ರಕರಣಗಳ ಹೆಚ್ಚಳಕ್ಕೂ ಈ ಮಾಧ್ಯಮಗಳ ದುರುಪಯೋಗವೇ ಒಂದು ಪ್ರಮುಖ ಕಾರಣವಾಗಿದೆ’ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಈ ಸಂದರ್ಭದಲ್ಲಿ ವಿಶ್ವ ಹಿಂದು ಪರಿಷತ್ತಿನ ರಾಜ್ಯ ಉಪಾಧ್ಯಕ್ಷ ಗಂಗಾಧರ ಹೆಗಡೆ ಮುಖ್ಯ ವಕ್ತಾರರಾಗಿ ಉಪಸ್ಥಿತರಿದ್ದರು. ಸಮ್ಮೆಳನದ ಸಮಿತಿ ಅಲಗೇರಿ ಮಂಡಳದ ಸದಸ್ಯೆ ಶೋಬಾ ಆಗೇರ, ಹಿಂದೂ ಸಮ್ಮೆಳನದ ಸಮಿತಿ ತಾಲೂಕಾಧ್ಯಕ್ಷ ನಾಗೇಶ ನಾಯ್ಕ, ಸಮ್ಮೆಳನದ ಸಮಿತಿ ಅಲಗೇರಿ ಮಂಡಳದ ಅಧ್ಯಕ್ಷ ಗಣೇಶ ಚಿನ್ನಾ ನಾಯ್ಕ, ಪ್ರಮುಖರಾದ ಸುರೇಶ ವೆರ್ಣೇಕರ, ನಾಗರಾಜ ಎಸ್ ನಾಯ್ಕ, ಆನಂದ ಎಚ್ ಗಾಂವಕರ ಅವರು ವಿವಿಧ ಜವಾಬ್ದಾರಿ ನಿಭಾಯಿಸಿದರು. ಕಾರ್ಯಕ್ರಮ ಪೂರ್ವದಲ್ಲಿ ಈಶ್ವರ ದೇವಸ್ಥಾನದಿಂದ ಬೃಹತ್ ಶೋಭಾಯಾತ್ರೆ ನಡೆಯಿತು.
- [ಅತ್ತೆ-ಮಾವನ ಕಾಟಕ್ಕೆ ಅಳಿಯ ಬಲಿ!](https://mobiletime.in/2026/02/son-in-law-falls-victim-to-mother-in-laws-cruelty/): ಮುಂಡಗೋಡದ ಬಸವರಾಜ ಮೋರೆನ್ನವರ್ ಅವರು ಅತ್ತೆ-ಮಾವನ ಕಾಟ ಸಹಿಸಲಾಗದೇ ಸಾವಿಗೆ ಶರಣಾಗಿದ್ದಾರೆ. ಮುಂಡಗೋಡದ ಉಗ್ಗಿನಕೇರಿಯ ದೇವರಾಜ ಶಂಕರಪ್ಪ ಮೊರೇನವರ್ ಅವರು ಈ ಬಗ್ಗೆ ಪೊಲೀಸ್ ದೂರು ನೀಡಿದ್ದಾರೆ. `ಬಸವರಾಜ ದೇವೇಂದ್ರಪ್ಪ ಮೋರೆನ್ನವರ್ ಅವರು ಕ್ರಿಮಿನಾಶಕ ಸೇವಿಸಿ ಸಾವನಪ್ಪಿದ್ದು, ಅವರ ಅತ್ತೆ ಜಗನ್ಮಾಥ, ಮಾವ ಪ್ರಬಪ್ಪ ಹಾಗೂ ಸಂಬAಧಿಕರಾದ ಉಮೇಶ ಹಾಗೂ ಆನಂದರ ಕಿರುಕುಳವೇ ಇದಕ್ಕೆ ಕಾರಣ’ ಎಂದು ದೂರಿದ್ದಾರೆ. ಹುಬ್ಬಳ್ಳಿಯ ಗೋಪಿನಕೊಪ್ಪದಲ್ಲಿ ಆರೋಪಿತರು ವಾಸವಾಗಿದ್ದು, ಬಸವರಾಜ ಮೋರೆನ್ನವರ್ ಅವರಿಗೆ ಅವರೆಲ್ಲರೂ ಪದೇ ಪದೇ ಹಿಂಸೆ ನೀಡುತ್ತಿದ್ದರು. ಆ ಮಾನಸಿಕ ಕಿರುಕುಳ ಸಹಿಸಲಾಗದೇ ಬಸವರಾಜ ಮೋರೆನ್ನವರ್ ಅವರು ಫೆಬ್ರವರಿ 7ರ ಸಂಜೆ ಕ್ರಿಮಿನಾಶಕ ಸೇವಿಸಿದರು. ಫೆಬ್ರವರಿ 8ರಂದು ಅವರು ಸಾವನಪ್ಪಿದ್ದಾರೆ ಎಂದು ದೇವರಾಜ ಮೊರೇನವರ್ ಅವರು ದೂರಿದ್ದಾರೆ. ಹಿಂಸೆ ನೀಡಿದ ಆ ಎಲ್ಲಾ ಆರೋಪಿತರ ವಿರುದ್ಧ ಕ್ರಮ ಜರುಗಿಸಬೇಕು ಎಂದು ಅವರು ಆಗ್ರಹಿಸಿದ್ದು, ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ರವೀಂದ್ರ ನಗರದ ಹುಡುಗರು ನಾವು.. ಎಂದಿಗೂ ಒಳಿತನ್ನೇ ಬಯಸುವೆವು!](https://mobiletime.in/2026/02/we-the-boys-of-ravindra-nagar-will-always-wish-for-the-best/): ಯಲ್ಲಾಪುರ ಜಾತ್ರೆ ಹಿನ್ನಲೆ ವಿವಿಧ ಸಂಘಟನೆಯವರು ಸ್ವಯಂ ಪ್ರೇರಣೆಯಿಂದ ವಿವಿಧ ಸಮಾಜಮುಖಿ ಕೆಲಸ ಮಾಡುತ್ತಿದ್ದು, ರವೀಂದ್ರ ನಗರದ ಯುವಕರು ಅಪಘಾತ ತಡೆಗಾಗಿ ರಸ್ತೆಗೆ ಬಿಳಿ ಬಣ್ಣ ಬಡಿದಿದ್ದಾರೆ. ಫೆಬ್ರವರಿ 11ರಿಂದ 19ರವರೆಗೆ ಯಲ್ಲಾಪುರದಲ್ಲಿ ಅದ್ಧೂರಿಯಾಗಿ ಗ್ರಾಮದೇವಿ ಜಾತ್ರೆ ನಡೆಯಲಿದೆ. ಈ ಜಾತ್ರೆಗೆ ಲಕ್ಷಾಂತರ ಜನ ಬರುತ್ತಾರೆ. ಮುಂಡಗೋಡು ರಸ್ತೆಯ ಮೂಲಕವೂ ನಿತ್ಯ ಸಾವಿರಾರು ಜನ ಸಂಚರಿಸುತ್ತಾರೆ. ಇಲ್ಲಿನ ರವೀಂದ್ರ ನಗರದ ಶಾಲೆ ಹಾಗೂ ಅಂಗನವಾಡಿ ಬಳಿ ರಸ್ತೆಗೆ ಅಡ್ಡಲಾಗಿ ಎರಡು ಹಂಪುಗಳಿದ್ದು, ಅಲ್ಲಿ ಅಪಘಾತವಾಗುವುದನ್ನು ಅರಿತ ಆ ಭಾಗದ ಜನ ಹಂಪುಗಳಿಗೆ ಬಣ್ಣ ಬಡಿದಿದ್ದಾರೆ. ರಸ್ತೆ ದುರಸ್ಥಿ, ಅವೈಜ್ಞಾನಿಕ ಹಂಪುಗಳಿಗೆ ಮುಕ್ತಿ ಜೊತೆ ಅಪಘಾತ ತಡೆಗೆ ವಿವಿಧ ಕ್ರಮ ಜರುಗಿಸುವಂತೆ ಶಾಸಕ ಶಿವರಾಮ ಹೆಬ್ಬಾರ್ ಅವರು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಆದರೆ, ಲೋಕೋಪಯೋಗಿ ಅಧಿಕಾರಿಗಳು ಮುಂಡಗೋಡು ರಸ್ತೆಯ ಶಾಲೆ ಹಾಗೂ ಅಂಗನವಾಡಿ ಬಳಿಯಿರುವ ಹಂಪುಗಳ ಬಗ್ಗೆ ಗಮನಹರಿಸಿಲ್ಲ. ಆ ಭಾಗದ ಜನ ಈ ಬಗ್ಗೆ ಪ್ರಶ್ನಿಸಿದರೂ ಸರಿಯಾಗಿ ಉತ್ತರ ನೀಡಿಲ್ಲ. ಹೀಗಾಗಿ ರವೀಂದ್ರ ನಗರದ ಹುಡುಗರೆಲ್ಲರೂ ಒಂದಾಗಿ ತಾವೇ ಹಂಪಿಗೆ ಬಣ್ಣ ಬಡಿದು ಜನರನ್ನು ಎಚ್ಚರಿಸುವ ಕೆಲಸ ಮಾಡಿದ್ದಾರೆ. ಆ ಭಾಗದ ಸೋಮೇಶ್ವರ ನಾಯ್ಕ, ಕಾರ್ತಿಕ ನಾಯ್ಕ, ನಂದನ ಮರಾಠಿ, ಗಿರೀಶ ಬೋವಿ, ಮಂಜುನಾಥ ಬೋವಿ, ಶೈಲೇಶ್ ನಾಯ್ಕ, ಮನೋಜ ಪೋಳ್, ಇರ್ಫಾನ್ ಖಾನ್, ಮುಸ್ತಪಾ ತೆರಗಟ್ಟಿ, ಬೆಟ್ಟಪ್ಪ ಬೋವಿ ಒಟ್ಟಾಗಿ ಈ ಸಮಾಜಮುಖಿ ಕೆಲಸ ಮಾಡಿದ್ದಾರೆ. `ರಾತ್ರಿ ವೇಳೆ ಇಲ್ಲಿನ ಹಂಪುಗಳು ಸರಿಯಾಗಿ ಕಾಣುವುದಿಲ್ಲ. ಈ ಹಿಂದೆ ನಡೆದ ಜಾತ್ರೆ ಅವಧಿಯಲ್ಲಿ ಕೆಲವರು ಬಿದ್ದು ಪೆಟ್ಟು ಮಾಡಿಕೊಂಡಿದ್ದು, ಅದನ್ನು ತಡೆಯುವುದಕ್ಕಾಗಿ ದೇಣಿಗೆ ಸಂಗ್ರಹಿಸಿ ರಸ್ತೆಗೆ ಬಣ್ಣ ಬಡಿಯವ ಕೆಲಸ ಮಾಡಿದ್ದೇವೆ’ ಎಂದವರು ವಿವರಿಸಿದ್ದಾರೆ.
- [ಮರದಿಂದ ಬಿದ್ದ ಕುಶಲಕರ್ಮಿ: ಸಾವು!](https://mobiletime.in/2026/02/craftsman-falls-from-tree-death-2/): ತೆಂಗಿನ ಕಾಯಿ ಕೊಯ್ಯಲು ಮರ ಏರಿದ್ದ ಯಲ್ಲಾಪುರದ ವಿನಾಯಕ ಸಿದ್ದಿ ಅವರು ಮರದಿಂದ ಬಿದ್ದು ಸಾವನಪ್ಪಿದ್ದಾರೆ. ಯಲ್ಲಾಪುರದ ಮಾಗೋಡು ಬಳಿಯ ಕಂಚಿತಗ್ಗುವಿನಲ್ಲಿ ವಿನಾಯಕ ದೇವೇಂದ್ರ ಸಿದ್ದಿ (25) ಅವರು ವಾಸವಾಗಿದ್ದರು. ಅವರ ಪೂರ್ವಜರು ತಮ್ಮ ಅಡಿಕೆ ತೋಟದಲ್ಲಿ ತೆಂಗಿನ ಗಿಡಗಳನ್ನು ನಾಟಿ ಮಾಡಿದ್ದರು. ಆ ಮರ ಬೆಳೆದು ದೊಡ್ಡದಾಗಿದ್ದು, ಫಲ ಕೊಡುತ್ತಿತ್ತು. ಫೆಬ್ರವರಿ 7ರ ಬೆಳಗ್ಗೆ ವಿನಾಯಕ ಸಿದ್ದಿ ಅವರು ತೋಟಕ್ಕೆ ಹೋಗಿದ್ದರು. ರಾತ್ರಿ ಆದರೂ ಅವರು ಮನೆಗೆ ಮರಳಲಿಲ್ಲ. ಕುಟುಂಬದವರು ವಿನಾಯಕ ಸಿದ್ಧಿ ಅವರ ಹುಟುಕಾಟ ನಡೆಸಿದಾಗ ಅವರು ತೆಂಗಿನ ಮರದ ಅಡಿ ಬಿದ್ದಿರುವುದು ಕಾಣಿಸಿತು. ರಾತ್ರಿ 9.30ರ ಅವಧಿಗೆ ವಿನಾಯಕ ಸಿದ್ದಿ ಅವರು ಮರದಿಂದ ಬಿದ್ದು ಸಾವನಪ್ಪಿರುವುದು ಗಮನಕ್ಕೆ ಬಂದಿತು. ಬೆಳಗ್ಗೆ ತೆಂಗಿನ ಕಾಯಿ ಕೀಳಲು ಮರ ಏರಿದ್ದ ವಿನಾಯಕ ಸಿದ್ದಿ ಅವರು ಮರದಿಂದ ಬಿದ್ದು ಕಾಲುಗಳಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟು ಮಾಡಿಕೊಂಡಿದ್ದು, ನಂತರ ಅವರು ಅಲ್ಲಿಯೇ ಸಾವನಪ್ಪಿರುವುದನ್ನು ಕುಟುಂಬದವರು ಖಚಿತಪಡಿಸಿಕೊಂಡರು. ವಿನಾಯಕ ಸಿದ್ದಿ ಅವರ ಸಹೋದರ ಗಣೇಶ ಸಿದ್ದಿ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಯಲ್ಲಾಪುರ ಪಿಸೈ ರಾಜಶೇಖರ ವಂದಲಿ ಅವರು ಪ್ರಕರಣ ದಾಖಲಿಸಿದರು.
- [ಆನೆ ಬಂತು ಆನೆ!](https://mobiletime.in/2026/02/the-elephant-has-come/): ದಾಂಡೇಲಿಯಲ್ಲಿ ಒಂಟಿಯಾಗಿ ಸಂಚರಿಸುವ ಆನೆಯೊಂದು ರಸ್ತೆ ತಡೆ ನಡೆಸಿದೆ. ದಾಂಡೇಲಿ ಅಂಬಿಕಾನಗರದ ಅರಣ್ಯ ಪ್ರದೇಶದಲ್ಲಿನ ಆನೆ ರಸ್ತೆ ಮೇಲೆ ಓಡಾಡಿದೆ. ಅಂಬಿಕಾನಗರ ಅರಣ್ಯ ಪ್ರದೇಶದಲ್ಲಿ ಕಾಡಾನೆ ರಸ್ತೆ ಮೇಲೆ ಓಡಾಡುತ್ತಿರುವ ದೃಶ್ಯ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಒಮ್ಮೆಲೆ ರಸ್ತೆಗೆ ಬಂದ ಆನೆ ಸುಮಾರು 10 ನಿಮಿಷಗಳ ಕಾಲ ಅಲ್ಲಿ ಓಡಾಟ ನಡೆಸಿದೆ. ಆನೆ ನೋಡಿದ ಜನ ಭಯಭೀತರಾಗಿದ್ದು, ತಮ್ಮ ವಾಹನ ಸಂಚಾರವನ್ನು ಸ್ಥಗಿತಗೊಳಿಸಿದ್ದಾರೆ. ಅದಾದ ಕೆಲ ಕಾಲದ ನಂತರ ಆ ಆನೆ ಕಾಡಿನ ದಾರಿ ಹಿಡಿದಿದೆ. ರಸ್ತೆ ಮೇಲೆ ಆನೆ ಓಡಾಡುತ್ತಿರುವುದನ್ನು ಪ್ರವಾಸಿಗರು ಮೊಬೈಲ್ ಮೂಲಕ ಸೆರೆ ಹಿಡಿದಿದ್ದಾರೆ. ಆನೆ ನೋಡಿ ಹೆದರಿದ ಕೆಲ ವಾಹನ ಸವಾರರು ತಮ್ಮ ವಾಹನವನ್ನು ಹಿಂದಕ್ಕೆ ಚಲಾಯಿಸಿ, ಆನೆ ತೆರಳಿದ ನಂತರ ಪ್ರಯಾಣ ಮುಂದುವರೆಸಿದ್ದಾರೆ. ವಿವಿಧ ವಾಹನ ಚಾಲಕರು ವಾಹನಗಳನ್ನು ರಸ್ತೆ ಬದಿಯಲ್ಲಿ ನಿಲ್ಲಿಸಿ, ಎಚ್ಚರಿಕೆಯಿಂದ ಪರಿಸ್ಥಿತಿ ಗಮನಿಸಿದ್ದಾರೆ. ಆನೆ ಕಾಡಿಗೆ ತೆರಳಿದ ನಂತರ ಎಲ್ಲರೂ ನಿಟ್ಟುಸಿರು ಬಿಟ್ಟಿದ್ದಾರೆ.
- [ಅಂಗನವಾಡಿ ಮಕ್ಕಳಿಗೆ ಅಭದ್ರತೆ!](https://mobiletime.in/2026/02/insecurity-for-anganwadi-children/): ಕುಮಟಾ ಹೊಲನಗದ್ದೆ ಬಳಿಯ ಕಡ್ಲೆಯಲ್ಲಿರುವ ಅಂಗನವಾಡಿ ಕೇಂದ್ರ ಹದಗೆಟ್ಟಿದೆ. ಅಂಗನವಾಡಿ ಕೇಂದ್ರದ ಗಾಜುಗಳನ್ನು ಕಿಡಿಗೇಡಿಗಳು ಒಡೆದಿದ್ದಾರೆ. ಅಲ್ಲಿಯೇ ಅಮಲು ಪದಾರ್ಥಗಳನ್ನು ಸೇವಿಸಿ ಶೈಕ್ಷಣಿಕ ವಾತಾವರಣವನ್ನು ಹದಗೆಡಿಸಿದ್ದಾರೆ. ಅಂಗನವಾಡಿ ಕೇಂದ್ರದ ಸುತ್ತಲಿನ ಪ್ರದೇಶ ಪುಂಡ-ಪೋಕರಿಗಳ ಹಾವಳಿಯಿಂದ ಕೂಡಿದ್ದರೂ ಅದನ್ನು ತಡೆಯುವ ಕೆಲಸ ನಡೆದಿಲ್ಲ. ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಈ ಅಂಗನವಾಡಿ ಕೇಂದ್ರಕ್ಕೆ ಭೇಟಿ ನೀಡಿದ್ದು, ಅಲ್ಲಿನ ಅವ್ಯವಸ್ಥೆಗಳ ಬಗ್ಗೆ ಪ್ರಶ್ನಿಸಿದ್ದಾರೆ. ಗಾಂಧಿ ವನ ಕ್ರೀಡಾಂಗಣದ ಸಮುದಾಯ ಭವನದಲ್ಲಿ ನಡೆಯುವ ಅಂಗನವಾಡಿ ಬಳಿಯೇ ಮದ್ಯದ ಬಾಟಲಿ ಬಿದ್ದಿರುವುದನ್ನು ನೋಡಿ ಅಸಮಧಾನವ್ಯಕ್ತಪಡಿಸಿದ್ದಾರೆ. ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರು ಈ ಬಗ್ಗೆ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಶೀಲಾ ಪಟೇಲ್ ಅವರನ್ನು ಪ್ರಶ್ನಿಸಿದ್ದಾರೆ. `ಅಂಗನವಾಡಿಗೆ ಸ್ವಂತ ಕಟ್ಟಡ ಇಲ್ಲ. ಸ್ವಂತ ಕಟ್ಟಡಕ್ಕೆ ಜಾಗ ಹುಡುಕುತ್ತಿದ್ದೇವೆ’ ಎಂದು ಅಧಿಕಾರಿಗಳು ಹೇಳಿದ್ದಾರೆ. `ಅಂಗನವಾಡಿ ವಾತಾವರಣ ಹದಗೆಟ್ಟಿದ್ದು, ಅಲ್ಲಿ ಅಗತ್ಯವಿರುವ ಸೌಕರ್ಯ ಕಲ್ಪಿಸಬೇಕು. ಮುಖ್ಯವಾಗಿ ಸ್ವಚ್ಛತೆ ಕಾಪಾಡಿಕೊಳ್ಳಬೇಕು’ ಎಂದು ಸಾಮಾಜಿಕ ಕಾರ್ಯ ಕರ್ತಸುಧಾಕರ ನಾಯ್ಕ ಹಾಗೂ ನಿವೃತ್ತ ಸರಕಾರಿ ಅಧಿಕಾರಿ ನಾಗೇಶ್ ಅವರು ಆಗ್ರಹಿಸಿದ್ದಾರೆ. `ಅಂಗನವಾಡಿಗೆ ಸರಿಯಾಗಿ ಕುಡಿಯುವ ನೀರು ಪೂರೈಕೆ ಆಗುತ್ತಿಲ್ಲ. ಶೌಚಾಲಯದ ವ್ಯವಸ್ಥೆಯೂ ಸರಿಯಾಗಿಲ್ಲ. ಅದೇ ರಸ್ತೆಯಲ್ಲಿ ಅಧಿಕಾರಿಗಳು ತಿರುಗುತ್ತಿದ್ದರೂ ಮಕ್ಕಳ ಹಕ್ಕುಗಳ ಬಗ್ಗೆ ಗಮನಹರಿಸಿಲ್ಲ’ ಎಂದು ಅವರು ಕಿಡಿಕಾರಿದ್ದಾರೆ.
- [ಸರಾಯಿ ಗುಂಗಿನಲ್ಲಿ ವಿಷ ಸೇವಿಸಿದ ವೃದ್ಧ!](https://mobiletime.in/2026/02/an-old-man-consumed-poison-in-sarai-gung/): ಮುಂಡಗೋಡದ ಹನುಮಂತ ಬೋವಿವಡ್ಡರ್ ಅವರು ಸರಾಯಿ ಗುಂಗಿನಲ್ಲಿ ವಿಷ ಕುಡಿದಿದ್ದಾರೆ. ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಿದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಮುಂಡಗೋದ ಸುಭಾಶನಗರದಲ್ಲಿ ಹನುಮಂತ ಬೋವಿವಡ್ಡರ್ (75) ಅವರು ವಾಸವಾಗಿದ್ದರು. ಹುಬ್ಬಳ್ಳಿ ರಸ್ತೆಯಲ್ಲಿರುವ ಮನೆಯಲ್ಲಿ ಅವರು ಮದ್ಯ ಸೇವನೆ ಮಾಡಿದ್ದರು. ಅವರ ಮನೆಯಲ್ಲಿ `ರೌಂಡ್ ಅಫ್’ ಎಂಬ ಕ್ರಿಮಿನಾಶಕ ತಂದಿರಿಸಿದ್ದು, ಸರಾಯಿ ನಶೆಯಲ್ಲಿ ಆ ವಿಷಯವನ್ನು ಅವರು ಸೇವಿಸಿದರು. ಅಸ್ವಸ್ಥಗೊಂಡಿದ್ದ ಹನುಮಂತ ಬೋವಿವಡ್ಡರ್ ಅವರನ್ನು ಕುಟುಂಬದವರು ಆಸ್ಪತ್ರೆಗೆ ದಾಖಲಿಸಿದರು. ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಸಾಗಿಸಿ ಅವರಿಗೆ ಚಿಕಿತ್ಸೆ ಕೊಡಿಸಿದರು. ಆದರೆ, ಅದರಿಂದ ಯಾವುದೇ ಪ್ರಯೋಜನವಾಗಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಹನುಮಂತ ಬೋವಿವಡ್ಡರ್ ಅವರು ಪ್ರಾಣಬಿಟ್ಟರು. ತಂದೆಯ ಸಾವಿನ ಬಗ್ಗೆ ಬಸವರಾಜ ಬೋವಿವಡ್ಡರ್ ಮಾಹಿತಿ ನೀಡಿದ್ದು, ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕಾರಿಗೆ ಗುದ್ದಿದ ಬೈಕು: ಆಸ್ಪತ್ರೆ ಸೇರಿದ ಅರ್ಚಕ](https://mobiletime.in/2026/02/bike-hits-car-priest-hospitalized/): ಭಟ್ಕಳದಲ್ಲಿ ಮಹಿಳೆಯೊಬ್ಬರು ಓಡಿಸುತ್ತಿದ್ದ ಕಾರಿಗೆ ಅರ್ಚರು ಓಡಿಸುತ್ತಿದ್ದ ಬೈಕು ಡಿಕ್ಕಿ ಹೊಡೆದಿದೆ. ಬೈಕಿನಿಂದ ಬಿದ್ದ ಅರ್ಚಕರು ಆಸ್ಪತ್ರೆ ಸೇರಿದ್ದಾರೆ. ಭಟ್ಕಳ ನಗರದ ಖಲೀಫಾ ಸ್ಟ್ರೀಟ್ ನಿವಾಸಿ ಸುಹೇಮಾ ಕೊಂ ಮಹ್ಮದ್ ಇಮ್ರಾನ್ ಅಯ್ದುರುಸಾ ಅವರು ಫೆ 5ರಂದು ವೇಗವಾಗಿ ಕಾರು ಓಡಿಸುತ್ತಿದ್ದರು. ಹೊನ್ನಾವರದಿಂದ ಕುಂದಾಪುರ ಕಡೆ ಹೊರಟಿದ್ದ ಆ ಕಾರು ರಂಗಿನಕಟ್ಟಾ ರಾಷ್ಟ್ರೀಯ ಹೆದ್ದಾರಿಯ ಬಳಿ ಏಕಾಏಕಿ ಎಡಭಾಗಕ್ಕೆ ತಿರುಗಿತು. ಈ ವೇಳೆ ಹಿಂದಿನಿAದ ಬರುತ್ತಿದ್ದ ಬೈಕು ಆ ಕಾರಿಗೆ ಡಿಕ್ಕಿ ಹೊಡೆಯಿತು. ಆ ಬೈಕು ಓಡಿಸುತ್ತಿದ್ದ ಉತ್ತರ ಕೊಪ್ಪದ ಅರ್ಚಕ ಪ್ರಸಾದ ಗಣಪತಿ ಹೆಗಡೆ (28) ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ಯಾವುದೇ ಸಿಗ್ನಲ್ ನೀಡದೆ ಮಹಿಳೆ ಕಾರನ್ನು ಯು ಟರ್ನ ಮಾಡಿದ ಕಾರಣ ಅರ್ಚಕರು ಸಮಸ್ಯೆಗೆ ಸಿಲುಕಿದರು. ಬೈಕಿನಿಂದ ಬಿದ್ದ ಅವರನ್ನು ಅಲ್ಲಿದ್ದ ಜನ ಆಸ್ಪತ್ರೆಗೆ ಕಳುಹಿಸಿದರು. ಸದ್ಯ ಅರ್ಚಕರು ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದಿದ್ದಾರೆ. ಭಟ್ಕಳ ಸರಕಾರಿ ಆಸ್ಪತ್ರೆಯಲ್ಲಿ ಪ್ರಸಾದ ಹೆಗಡೆ ಅವರಿಗೆ ಪ್ರಾಥಮಿಕ ಚಿಕಿತ್ಸೆ ನೀಡಿ, ನಂತರ ಕುಂದಾಪುರದ ಚಿನ್ಮಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಕುರಿತು ದೇವಸ್ಥಾನದ ಅರ್ಚಕ ಮುಂಡಳ್ಳಿಯ ಮಂಜುನಾಥ ವೆಂಕಟ್ರಮಣ ಭಟ್ಟ ಕಾರು ಚಾಲಕಿ ವಿರುದ್ಧ ಪೊಲೀಸ್ ದೂರು ದಾಖಲಿಸಿದ್ದಾರೆ.
- [ಎಲ್ಲರನ್ನು ಆಕರ್ಷಿಸುವ ಯಲ್ಲಾಪುರ ಜಾತ್ರೆ!](https://mobiletime.in/2026/02/yellapur-fair-attracts-everyone/): ನಿತ್ಯವೂ ಲಕ್ಷಾಂತರ ಜನ ಭಾಗವಹಿಸಲಿರುವ ಯಲ್ಲಾಪುರ ಜಾತ್ರೆಗೆ ದಿನಗಣನೆ ಶುರುವಾಗಿದ್ದು, ಎಲ್ಲವನ್ನು ಅಚ್ಚುಕಟ್ಟಾಗಿ ನಿರ್ವಹಿಸಲು ದೇಗುಲ ಆಡಳಿತ ಮಂಡಳಿ ಶ್ರಮಿಸುತ್ತಿದೆ. ಆಕರ್ಷಕ ಮಂಟಪ, ಎಲ್ಲಡೆ ವಿದ್ಯುತ್ ಅಲಂಕಾರ, ಭಕ್ತರಿಗೆ ಮೂಲಭೂತ ಸೌಕರ್ಯ ಸೇರಿ ಸುರಕ್ಷತೆ, ಭದ್ರತೆಗೆ ಒತ್ತು ನೀಡಿ ಅದ್ಧೂರಿ ಜಾತ್ರೆ ನಡೆಸುವ ತಯಾರಿ ನಡೆಯುತ್ತಿದೆ. ಯಲ್ಲಾಪುರ ಗ್ರಾಮದೇವಿ ಜಾತ್ರಾ ಮಹೋತ್ಸವ ಫೆ 11 ರಿಂದ 19ವರೆಗೆ ನಡೆಯಲಿದೆ. ಲಕ್ಷಾಂತರ ಭಕ್ತರು ಜಾತ್ರೆಯಲ್ಲಿ ಭಾಗವಹಿಸಲಿದ್ದು, ಅವರಿಗೆ ಕಿಂಚಿತ್ತು ಸಮಸ್ಯೆ ಆಗದಂತೆ ನೋಡಿಕೊಳ್ಳುವ ಪ್ರಯತ್ನ ನಡೆದಿದೆ. ಪಟ್ಟಣದ ದೇವಿ ಮೈದಾನದಲ್ಲಿ ಜಾತ್ರಾ ಮಂಟಪ ರಚಿಸಲಾಗಿದ್ದು, ದೇವಸ್ಥಾನದ ಮಾದರಿಯಲ್ಲಿ ಆಕರ್ಷಕವಾಗಿದೆ. ಉದ್ಯಮಿ ಬಾಲಕೃಷ್ಣ ನಾಯಕ ಹಾಗೂ ರವಿ ಶಾನಭಾಗ ಅವರ ಮಾರ್ಗದರ್ಶನದಲ್ಲಿ 25 ಲಕ್ಷ ರೂ ವೆಚ್ಚದ ಜಾತ್ರಾ ಮಂಟಪ ನಿರ್ಮಾಣಕ್ಕೆ ಸಾಗರಿಕಾ ಸಂಸ್ಥೆಯವರು ಮುಂದಾಗಿದ್ದಾರೆ. ಹೊಯ್ಸಳ ಶೈಲಿಯ ಕಂಚಿ ದೇವಾಲಯ ಮಾದರಿಯಲ್ಲಿ ಮಂಟಪ ರಚನೆಗಾಗಿ ಕಾರ್ಮಿಕರು ಒಂದು ತಿಂಗಳ ಕಾಲ ಇಲ್ಲಿ ದುಡಿದಿದ್ದಾರೆ. ಮಂಟಪದಲ್ಲಿ ಅಷ್ಟಲಕ್ಷ್ಮೀಯರ ಮೂರ್ತಿ ಅಳವಡಿಸುತ್ತಿದ್ದು, ಅವುಗಳಿಗೆ ಅಂತಿಮ ಸ್ಪರ್ಶ ನೀಡುವ ಕೆಲಸ ಮಾತ್ರ ಬಾಕಿಯಿದೆ. ಈಬಾರಿ ಜಾತ್ರಾ ಮಂಟಪದ ಎಡಗಡೆಗೆ ದೇವಿ ದರ್ಶನಕ್ಕೆ ಸರತಿಯಲ್ಲಿ ತೆರಳಲು ವ್ಯವಸ್ಥೆ ಮಾಡಲಾಗಿದೆ. ದರ್ಶನ ಆದ ನಂತರ ಬಲಗಡೆಗೆ ತೆರಳಿ ತೀರ್ಥ-ಪ್ರಸಾದ ಪಾನಕ ವಿತರಣೆಗೆ ಸ್ಥಳ ನೀಡಲಾಗಿದೆ. ದೇವರ ಪೂಜಾ ಸಾಮಾಗಿ, ಉಡಿ ಸಾಮಗ್ರಿಗಳು ಸಹ ಜಾತ್ರಾ ಮಂಟಪದಲ್ಲಿಯೇ ಸಿಗಲಿದ್ದು, ಭಕ್ತರು ಅಲ್ಲಿಯೇ ಸಾಮಗ್ರಿ ಖರೀದಿಸಬೇಕು ಎಂದು ದೇಗುಲ ಸಮಿತಿಯವರು ಮನವಿ ಮಾಡಿದ್ದಾರೆ. ರೇಶ್ಮೆ ಸೀರೆ ಉಡಿಯೂ ಸಹ ಮಂಟಪದ ಆವಾರದಲ್ಲಿಯೇ ಸಿಗಲಿದೆ. ಇನ್ನೂ, ದೇವರ ಎದುರಿಗೆ ಸಾರ್ವಜನಿಕ ರಿಗೆ ದರ್ಶನಕ್ಕೆ ವಿಶೇಷ ಸ್ಥಳ ಕಾಯ್ದಿರಿಸಲಾಗಿದೆ. ಶ್ರೀರಾಮ ರೆಸಿಡೆನ್ಸಿ ಹಿಂಬಾಗ, ವೈಟಿಎಸ್ ಮೈದಾನ ಹಾಗೂ ಮಾದರಿ ಶಾಲೆ ಆವರಣದಲ್ಲಿ ಮನರಂಜನಾ ಆಟಿಕೆಗಳ ಜೋಡಣೆ ಕಾರ್ಯ ನಡೆದಿದೆ. ಮದ್ಗುಣಿ ಕಟ್ಟಡದ ಬಳಿ ಹೆಸ್ಕಾಂ ಎದುರು ನಾಟಕ ಕಂಪನಿ ಆಗಮಿಸಿದ್ದು, ನಾಟಕದ ಸಿದ್ಧತೆಯೂ ಜೋರಾಗಿದೆ. `ಜಾತ್ರಾ ಪೂರ್ವ ವಿಧಿ ವಿಧಾನಗಳು ಪೂರ್ಣಗೊಂಡ ನಂತರ ಫೆ 11ರ ಮಧ್ಯಾಹ್ನ 3.30ಕ್ಕೆ ಗ್ರಾಮದೇವಿಯವರ ಮೆರವಣಿಗೆ ಆರಂಭಗೊAಡು ದೇವಿ ಮೈದಾನದ ಜಾತ್ರಾ ಗದ್ದುಗೆಯಲ್ಲಿ ಗ್ರಾಮದೇವಿಯರು ವಿರಾಜಮಾನರಾಗಲಿದ್ದಾರೆ. ಫೆ 12ರಿಂದ ಭಕ್ತರು ಉಡಿ, ಹಣ್ಣುಕಾಯಿ ಮುಂತಾದ ಸೇವೆಗಳನ್ನು ಸಲ್ಲಿಸಲು ಅವಕಾಶವಿದೆ’ ಎಂದು ದೇವಸ್ಥಾನದ ಅಧ್ಯಕ್ಷ ರಾಜೇಂದ್ರಪ್ರಸಾದ ಭಟ್ಟ ಅವರು ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ. `ಜಾತ್ರಾ ಮಂಟಪದಲ್ಲಿ 18 ಸಿ ಸಿ ಟಿವಿ ಕ್ಯಾಮೆರಾ ಅಳವಡಿಸಲಾಗಿದೆ. ಈಗಾಗಲೇ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾದ ಸರಗಳ್ಳರು ಮತ್ತು ಜೇಬುಗಳ್ಳರನ್ನು ಗುರುತಿಸುವ ಕ್ಯಾಮೆರಾ ವ್ಯವಸ್ಥೆ ಮಾಡಲಾಗಿದೆ. ಶ್ರೀ ಸತ್ಯಸಾಯಿ ಭಕ್ತವೃಂದದಿAದ ನಿತ್ಯ ಪಾನಕ ಸೇವೆ ನಡೆಯಲಿದೆ. ಬರುವ ಭಕ್ತರಿಗೆ ಸಮರ್ಪಕ ಸರತಿ ಸಾಲಿನ ವ್ಯವಸ್ಥೆ ಮಾಡಲಾಗಿದೆ. ಸರತಿ ಸಾಲಿನಲ್ಲಿ ನಿಲ್ಲುವ ಭಕ್ತರಿಗೆ ಅವಶ್ಯವಿದ್ದಷ್ಟು ಫ್ಯಾನ್ ಮತ್ತು ಕೂಲರ್‌ಗಳ ಅಳವಡಿಸಲಾಗಿದೆ. ಪ್ರಥಮ ಚಿಕಿತ್ಸೆ ಸೌಲಭ್ಯ, ಅಗ್ನಿಶಾಮಕ ಮತ್ತು ಆಂಬುಲೆನ್ಸ್ಗಳ ವ್ಯವಸ್ಥೆ, ಜನರೇಟರ್‌ಗಳ ವ್ಯವಸ್ಥೆ ಹಾಗೂ ಕುಡಿಯುವ ನೀರಿನ ವ್ಯವಸ್ಥೆಗಳನ್ನು ಮಾಡಲಾಗಿದೆ. ಮಹಾಪೂಜಾ ಸೇವೆ, ರೇಷ್ಮೆ ಉಡಿ ಸೇವೆ ಜೊತೆಗೆ ಶೀಘ್ರ ದರ್ಶನದ ವ್ಯವಸ್ಥೆಯನ್ನು ಕೂಡ ಮಾಡಲಾಗಿದೆ’ ಎಂದವರು ವಿವರಿಸಿದ್ದಾರೆ. `50 ಅರ್ಚಕರು, ಶೆಳದೇವ ಸಮಿತಿಯ 25 ಸದಸ್ಯರು, 50 ಸ್ವಯಂ ಸೇವಕರು, 20 ಶಸ್ತ್ರಧಾರಿ ಪೊಲೀಸರು ಜಾತ್ರಾ ಮಂಟಪದಲ್ಲಿ ಭಕ್ತಾದಿಗಳ ಅನುಕೂಲಕ್ಕೆ ಲಭ್ಯವಿರುತ್ತಾರೆ. 400 ಪೊಲೀಸರನ್ನು ಜಾತ್ರೆಯ ಸುರಕ್ಷತಾ ವ್ಯವಸ್ಥೆಗೆ ಇಲಾಖೆ ನೇಮಿಸಿದೆ’ ಎಂದವರು ಹೇಳಿದ್ದಾರೆ. `ಜಾತ್ರಾ ಮಂಟಪಕ್ಕೆ ಬಂದು ಅಮ್ಮನವರ ಸೇವೆ ಮಾಡುವ ಭಕ್ತಾದಿಗಳು ಆಡಳಿತ ಕಮಿಟಿಯವರ ಸೇವಾ ಕೌಂಟರ್‌ಗಳಲ್ಲಿಯೇ ಉಡಿ ಸಾಮಾನುಗಳನ್ನು ಪಡೆಯಬೇಕು’ ಎಂದು ಅವರು ಮತ್ತೊಮ್ಮೆ ಮನವಿ ಮಾಡಿದ್ದಾರೆ. ಆಯಗಾರ ಸಮಿತಿಯ ಮುಖ್ಯಸ್ಥ ಮನೋಹರ ಹೆಗಡೆ, ಅರ್ಚಕ ಪರಶುರಾಮ ಆಚಾರಿ, ಮಂಟಪ ಉಸ್ತುವಾರಿಗಳಾದ ಬಾಲಕೃಷ್ಣ ನಾಯಕ, ರವಿ ಶಾನಭಾಗ, ದೇವಸ್ಥಾನದ ವ್ಯವಸ್ಥಾಪಕ ಗೋಪಾಲಕೃಷ್ಣ ಕೊಂಬೆ ಅವರು ಈ ವೇಳೆ ಹಾಜರಿದ್ದು, ಜಾತ್ರೆಯ ಬಗ್ಗೆ ಮಾಹಿತಿ ನೀಡಿದ್ದಾರೆ.
- [ನದಿ ತಿರುವು: ಅವೈಜ್ಞಾನಿಕ ಯೋಜನೆ ರದ್ಧತಿಗೆ ಹೋರಾಟ ಒಂದೇ ದಿಕ್ಕು!](https://mobiletime.in/2026/02/river-diversion-the-fight-to-cancel-the-unscientific-project-is-one-sided/): `ಅಘನಾಶಿನಿ – ವೇದಾವತಿ ನದಿ ಜೋಡಣೆಯ ವಿರೋಧಕ್ಕೆ ಹೋರಾಟ ಅವಶ್ಯ’ ಎಂದು ಈ ಹಿಂದೆ ಬೇಡ್ತಿ – ಅಘನಾಶಿನಿ ಕೊಳ್ಳ ಮುಳುಗಡೆ ಯೋಜನೆ ವಿರೋಧ ಸಮಿತಿ ಕಾರ್ಯಾದರ್ಶಿಯಾಗಿದ್ದ ಎನ್ ವಿ ಹೆಗಡೆ ಮುತ್ತಿಗೆ ಅವರು ಹೇಳಿದ್ದಾರೆ. `ಫೆ 11ರಂದು ನಡೆಯಲಿರುವ ಪಾದಯಾತ್ರೆ ಹಾಗೂ ಸಭೆಯಲ್ಲಿ ಹೆಚ್ಚಿನ ಜನ ಭಾಗವಹಿಸಬೇಕು’ ಎಂದವರು ಕರೆ ನೀಡಿದ್ದಾರೆ. ಸಿದ್ದಾಪುರದ ಬಿದ್ರಖಾನ್ ಬಳಿಯ ಮಹಾಗಣಪತಿ ದೇವಾಲಯದಲ್ಲಿ ಜರುಗಿದ ಸಭೆಯಲ್ಲಿ ಅವರು ಮಾತನಾಡಿದ್ದು, `ಹೋರಾಟದ ಯಶಸ್ಸು ಜನ ಬೆಂಬಲದ ಮೇಲೆ ಅವಲಂಬಿತವಾಗಿರುತ್ತದೆ. ಅಘನಾಶಿನಿ ನದಿ ಜೋಡಣೆಯು ಈ ಭಾಗದ ಬದುಕಿನ ಜೀವನ ವ್ಯವಸ್ಥೆಗಳ ಮೇಲೆ ಮಾರಕವಾಗಲಿದೆ. ಯೋಜನೆ ಸ್ಥಗಿತಗೊಳಿಸಲು ಸಾರ್ವತ್ರೀಕವಾಗಿ ಒಗ್ಗಟ್ಟಿನಿಂದ ಹೋರಾಟ ಮಾಡೋಣ’ ಎಂದು ಹೇಳಿದರು. ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಸಭೆಯ ಅಧ್ಯಕ್ಷತೆವಹಿಸಿ ಸಲಹೆ ನೀಡಿದರು. ಮಾಹಭಲೇಶ್ವರ ನಾಯ್ಕ ಬೇಡ್ಕಣಿ, ಜೈವಂತ ಹೆಗಡೆ ಕಲ್ಲಾಳಿಮನೆ, ಎಮ್ ಎನ್ ಗೌಡ, ಎಮ್ ಎಸ್ ನಾಯ್ಕ ನರಮುಂಡಗಿ, ಸರೋಜಾ ಡಿ ನಾಯ್ಕ, ಬಿಡಿ ನಾಯ್ಕ ಕುರಗೆತೋಟ, ವೆಂಕಟೇಶ ಗೌಡ ಬಿದ್ರಖಾನ, ಶ್ಯಾಮಲ ಗೌಡ ಹುಣಸೇಕೈ, ಶ್ರೀನಿವಾಸ ಹೆಗಡೆ ಬಿದ್ರಖಾನ, ಸತೀಶ್ ನಾಯ್ಕ ಐತಳ್ಳಿ ಮುಂತಾದವರು ಭಾಗವಹಿಸಿದರು.
- [ವಂದೇ ಭಾರತ್: ಕಾರವಾರಕ್ಕೂ ಬರಲಿದೆ ಬೆಂಗಳೂರಿನ ರೈಲು!](https://mobiletime.in/2026/02/vande-bharat-bangalore-train-will-come-to-karwar-too/): `ಬೆಂಗಳೂರಿನಿoದ ಮಂಗಳೂರಿನವರೆಗೆ ಸಂಚರಿಸಲು ಸಿದ್ಧವಾಗಿರುವ ವಂದೇ ಭಾರತ್ ರೈಲನ್ನು ಕಾರವಾರದವರೆಗೂ ವಿಸ್ತರಿಸುವ ಪ್ರಯತ್ನ ನಡೆದಿದೆ’ ಎಂದು ರೈಲ್ವೆ ಮತ್ತು ಜಲಶಕ್ತಿ ರಾಜ್ಯ ಸಚಿವ ವಿ ಸೋಮಣ್ಣ ಅವರು ಹೇಳಿದ್ದಾರೆ. ಶನಿವಾರ ದಾಂಡೇಲಿ ರೈಲ್ವೆ ನಿಲ್ದಾಣದಲ್ಲಿ ದಾಂಡೇಲಿ ಯಿಂದ ಅಳ್ನಾವರದವರೆಗೆ ಸಂಚರಿಸುವ ರೈಲಿಗೆ ಹಸಿರು ನಿಶಾನೆ ತೋರಿಸಿ ಅವರು ಮಾತನಾಡಿದ್ದು, `ಅಂಕೋಲಾ -ಹುಬ್ಬಳ್ಳಿ ರೈಲು ಮಾರ್ಗವನ್ನು 17000 ಕೋಟಿ ವೆಚ್ಚದಲ್ಲಿ ಕೈಗೊಳ್ಳುವ ಕಾಮಗಾರಿ ಕುರಿತಂತೆ ಶೀಘ್ರದಲ್ಲಿ ಅಗತ್ಯವಿರುವ ಎಲ್ಲಾ ಅನುಮತಿ ದೊರೆಯಲಿದೆ’ ಎಂದರು. `ಅಳ್ನಾವರ- ಡಾಂಡೇಲಿ ರೈಲನ್ನು ಹುಬ್ಬಳ್ಳಿವರೆಗೂ ವಿಸ್ತರಿಸಲಾಗುತ್ತದೆ’ ಎಂದರು. `ರಾಜ್ಯದಲ್ಲಿ 52,952 ಕೋಟಿ ವೆಚ್ಚದಲ್ಲಿ ರೈಲ್ವೆ ಕಾಮಗಾರಿಗಳನ್ನು ಮಾಡಲಾಗುತ್ತಿದೆ. ಸುಮಾರು 3,840 ಕಿಮೀ ಹೊಸ ರೈಲ್ವೆ ಯೋಜನೆಗಳು ಪ್ರಗತಿಯಲ್ಲಿವೆ. 707 ಮೆಲ್ಸೇತುವೆ ಮತ್ತು ಕೆಳಸೇತುವೆ ಮಾಡಲಾಗಿದ್ದು, 61 ರೈಲ್ವೆ ನಿಲ್ದಾಣ ನವೀಕರಣ ಮಾಡಲಾಗುತ್ತಿದ್ದು ಹಲವು ರೈಲ್ವೆ ನಿಲ್ದಾಣಗಳನ್ನು ಉನ್ನತೀಕರಣ ಮಾಡಲಾಗುತ್ತದೆ’ ಎಂದು ತಿಳಿಸಿದರು. `ರಾಜ್ಯದಲ್ಲಿ ಈ ಹಿಂದೆ ಸಂಚರಿಸುತ್ತಿದ್ದು ಪ್ರಸ್ತುತ ಸ್ಥಗಿತಗೋಂಡಿರುವ ರೈಲುಗಳನ್ನು ಆದ್ಯತೆಯ ಮೇರೆಗೆ ಪುನಾರಂಭ ಮಾಡಲಾಗುತ್ತದೆ’ ಎಂದು ಘೋಷಿಸಿದರು. ಶಾಸಕ ಆರ್ ವಿ ದೇಶಪಾಂಡೆ ಮಾತನಾಡಿ `ಹಿಂದೆ ರೈಲ್ವೆ ಸಚಿವರಾಗಿದ್ದ ಸುರೇಶ್ ಅಂಗಡಿ ಅವರ ಪ್ರಯತ್ನದಿಂದ ಅಳ್ನಾವರ ಡಾಡೇಲಿ ರೈಲು ಆರಂಭ ಗೊಂಡಿದ್ದು, ಈ ರೈಲನ್ನು ನಿರಂತರವಾಗಿ ಓಡಾಟ ನಡೆಸುವ ಉದ್ದೇಶದಿಂದ ಈ ರೈಲನ್ನು ಹುಬ್ಬಳ್ಳಿ ಅಥವಾ ಬೆಳಗಾವಿಗೆ ಸಂಪರ್ಕ ಮಾಡಬೇಕು. ಭಾನುವಾರ ಕೂಡಾ ಚಲಿಸಲು ಅವಕಾಶ ನೀಡಬೇಕು. ಈ ಹಿಂದೆ ಸ್ಥಗಿತವಾಗಿದ್ದ ಹುಬ್ಬಳ್ಳಿ ಪಂಡಾರಪುರ ನೇರ ರೈಲು ಸೇವೆಯನ್ನು ಮತ್ತು ಸ್ಥಗಿತ ಗೊಂಡಿರುವ ಮಿರಜ್- ಕ್ಯಾಸಲ್ ರಾಕ್ ಪ್ರಯಾಣಿಕ ರೈಲು ಸೇವೆಯನ್ನು ಪುನರಾರಾಂಭಿಸಬೇಕು’ ಎಂದರು. ಸAಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಮಾತನಾಡಿ `ತಾಳಗುಪ್ಪ – ಶಿರಸಿ – ಮುಂಡಗೋಡ – ಹುಬ್ಬಳ್ಳಿ ರೈಲು ಮಾರ್ಗದ ಸರ್ವೇ ಕೆಲಸ ಆಗಿದ್ದು, ಡಿಪಿಆರ್ ಹಂತದಲ್ಲಿದೆ. ಡಾoಡೇಲಿ ರೈಲ್ವೆ ನಿಲ್ದಾಣಕ್ಕೆ ಸಾರಿಗೆ ಬಸ್ ವ್ಯವಸ್ಥೆ ಆಗಬೇಕು. ಜಿಲ್ಲೆಯಲ್ಲಿ ಕೇಂದ್ರ ಯೋಜನೆಗಳನ್ನು ಜನತೆಗೆ ಪಕ್ಷಾತೀತವಾಗಿ ತಲುಪಿಸಲಾಗುತ್ತಿದೆ’ ಎಂದರು. ಕಾರ್ಯಕ್ರಮದಲ್ಲಿ ಮಾಜಿ ಶಾಸಕರಾದ ಸುನಿಲ್ ಹೆಗಡೆ, ರೂಪಾಲಿ ನಾಯ್ಕ, ಘೋಟ್ನೆಕರ್, ಉಪವಿಭಾಗಾಧಿಕಾರಿ ಶ್ರವಣ ಕುಮಾರ್, ಹುಬ್ಬಳ್ಳಿ ವಿಭಾಗೀಯ ರೈಲ್ವೆಯ ಮೆನೇಜರ್ ಬೇಲಾಮೀನಾ, ಕೊಂಕಣ ರೈಲ್ವೆಯ ವಿಭಾಗೀಯ ಮೆನೇಜರ್ ಆಶಾ ಶೆಟ್ಟಿ, ಮುಖ್ಯ ವಾಣಿಜ್ಯ ಮೆನೇಜರ್ ಎಸ್ ಪಿ ಶಾಸ್ತ್ರಿ, ತಹಸೀಲ್ದಾರ್ ಶೈಲೇಶ್ ಪರಮಾನಂದ ಮತ್ತಿತರರು ಇದ್ದರು.
- [ಶುಗರ್ ಹೆಚ್ಚಳವೂ ಸಾವಿಗೆ ಕಾರಣ!](https://mobiletime.in/2026/02/increased-sugar-levels-are-also-a-cause-of-death-2/): ರಕ್ತದಲ್ಲಿ ಸಕ್ಕರೆ ಅಂಶ ಹೆಚ್ಚಾದ ಪರಿಣಾಮ ಕುಮಟಾ ಅಳ್ವೆಕೊಡಿಯ ಲವ ರ‍್ಮಲಕರ ಅವರು ಸಾವನಪ್ಪಿದ್ದಾರೆ. ಎರಡು ತಿಂಗಳ ಹಿಂದೆ ಅವರಿಗೆ ಶುಗರ್ ಕಾಣಿಸಿಕೊಂಡಿದ್ದು, ಚಿಕಿತ್ಸೆಪಡೆದರೂ ಅವರನ್ನು ಉಳಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಕುಮಟಾದ ಅಳ್ವೇಕೊಡಿಯಲ್ಲಿ ಲವ ಗೋವಿಂದ ರ‍್ಮಲಕರ (42) ಅವರು ವಾಸವಾಗಿದ್ದರು. ಚಾಲಕರಾಗಿ ಅವರು ಬದುಕು ಕಟ್ಟಿಕೊಂಡಿದ್ದರು. ಎರಡು ತಿಂಗಳ ಹಿಂದೆ ಆರೋಗ್ಯದಲ್ಲಿ ವ್ಯತ್ಯಾಸವಾದ ಕಾರಣ ಅವರು ತಪಾಸಣೆಗೆ ಒಳಗಾದರು. ಆಗ, ಅವರಿಗೆ ಶುಗರ್ ಕಾಯಿಲೆಯಿರುವುದು ಗೊತ್ತಾಯಿತು. ಈ ರೋಗಕ್ಕೆ ಅವರು ವಿವಿಧ ಔಷಧಿಗಳನ್ನುಪಡೆದರು. ಆದರೆ, ರೋಗ ದೂರವಾಗಲಿಲ್ಲ. ಫೆಬ್ರವರಿ 7ರಂದು ಅವರು ತಮ್ಮ ಹಿತ್ತಲಿನಲ್ಲಿ ಶವವಾಗಿದ್ದರು. ಹೃದಯಘಾತ ಅಥವಾ ಶುಗರ್ ರೋಗದಿಂದ ಅವರು ಸಾವನಪ್ಪಿರುವ ಬಗ್ಗೆ ಸಹೋದರ ಉಮೇಶ ರ‍್ಮಲಕರ್ ಅವರು ಮಾಹಿತಿ ನೀಡಿದ್ದು, ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಪಿಂಚಣಿ ಯೋಜನೆಗಾಗಿ ಕಾರ್ಮಿಕರ ನೋಂದಣಿ: ಅರಿವು ಮೂಡಿಸಲು ಡೀಸಿ ಕರೆ](https://mobiletime.in/2026/02/registration-of-workers-for-pension-scheme-dci-calls-for-awareness/): `ಅಸಂಘಟಿತ ವಲಯದ ಕಾರ್ಮಿಕರನ್ನು ಪ್ರಧಾನ ಮಂತ್ರಿ ಮಾನ್-ಧನ್ ವಂತಿಗೆ ಆಧಾರಿತ ಪಿಂಚಣಿ ಯೋಜನೆಗೆ ನೋಂದಣಿ ಮಾಡುವ ಸಂದರ್ಭದಲ್ಲಿ ಯೋಜನೆಯ ಸಂಪೂರ್ಣ ಮಾಹಿತಿಯ ಬಗ್ಗೆಯೂ ಅರಿವು ಮೂಡಿಸಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ನಿರ್ದೇಶನ ನೀಡಿದ್ದಾರೆ. ಶನಿವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ನಡೆದ ಪ್ರಧಾನ ಮಂತ್ರಿ ಶ್ರಮಯೋಗಿ ಮಾನ್-ಧನ್ ಯೋಜನೆಯ ಜಿಲ್ಲಾ ಮಟ್ಟದ ಉಸ್ತುವಾರಿ ಸಮಿತಿ ಸಭೆಯ ಅಧ್ಯಕ್ಷತೆವಹಿಸಿ ಅವರು ಮಾತನಾಡಿದ್ದು, `ಅಸಂಘಟಿತ ವಲಯದ ಕಾರ್ಮಿಕರನ್ನು ಗುರುತಿಸಿ ಈ ಯೋಜನೆ ವ್ಯಾಪ್ತಿಗೊಳಪಡಿಸಬೇಕು. ಯೋಜನೆಯ ಕುರಿತು ಕಾರ್ಮಿಕರಲ್ಲಿ ಅರಿವು ಮಾಡಿಸಬೇಕು’ ಎಂದು ಸೂಚಿಸಿದ್ದಾರೆ. `ಸರ್ಕಾರದ ಯೋಜನೆಗಳು ಯಶಸ್ವಿಯಾಗಬೇಕು ಎಂದಾದರೆ ಫಲಾನುಭವಿಗಳಿಗೆ ಸಂಪೂರ್ಣ ಮಾಹಿತಿ ಒದಗಿಸಬೇಕು. ಈ ನಿಟ್ಟಿನಲ್ಲಿ ಅಧಿಕಾರಿಗಳು ಕಾರ್ಮಿಕರಲ್ಲಿ ಹೆಚ್ಚಿನ ಅರಿವು ಮೂಡಿಸಬೇಕು’ ಎಂದವರು ಹೇಳಿದ್ದಾರೆ. `ಕೃಷಿ ಕಾರ್ಮಿಕರು, ಅಂಗನವಾಡಿ ಕಾರ್ಯಕರ್ತೆಯರು, ಸಹಾಯಕರು, ಅಕ್ಷರ ದಾಸೋಹ ಅಡುಗೆ ಸಹಾಯಕರು, ಬೀದಿ ಬದಿ ವ್ಯಾಪಾರಸ್ಥರು, ಮನರೇಗಾ ಕೂಲಿ ಕಾರ್ಮಿಕರು,ಮನೆ ಕೆಲಸದವರು, ಅಗಸರು, ಕೈಮಗ್ಗ ಕಾರ್ಮಿಕರು ಸೇರಿದಂತೆ ಅಸಂಘಟಿತ ಅರ್ಹ ಕಾರ್ಮಿಕರನ್ನು ಗುರುತಿಸಬೇಕು. ಮಾರ್ಚ್ 15ರವರೆಗೆ ನಡೆಯುವ ವಿಶೇಷ ನೋಂದಣಿ ಅಭಿಯಾನದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ನೋಂದಣಿ ಮಾಡಿಸಬೇಕು’ ಎಂದವರು ಸೂಚಿಸಿದ್ದಾರೆ. ಕಾರ್ಮಿಕ ಅಧಿಕಾರಿ ಲಲಿತಾ ಸಾತೇನಹಳ್ಳಿ ಮಾತನಾಡಿ `18ರಿಂದ 40 ವರ್ಷದೊಳಗಿನ ಅಸಂಘಟಿತ ಕಾರ್ಮಿಕರು ಎ.ಎಸ್.ಸಿ ಸೆಂಟರ್‌ಗಳಲ್ಲಿ ಆಧಾರ್ ಕಾರ್ಡ್, ಬ್ಯಾಂಕ್ ಖಾತೆ ಪ್ರತಿ ಸಲ್ಲಿಸಿ ಯೋಜನೆಗೆ ನೋಂದಣಿ ಮಾಡಿಕೊಳ್ಳುವ ಅವಕಾಶವಿದೆ’ ಎಂದರು. ಸಭೆಯಲ್ಲಿ ಕಾರ್ಮಿಕ ಅಧಿಕಾರಿ ವೀಣಾ ಮಾಸ್ತಿ, ಪೌರಾಯುಕ್ತ ಜಗದೀಶ ಹುಲಿಗಜ್ಜಿ, ಮೀನುಗಾರಿಕೆ ಇಲಾಖೆಯ ಉಪ ನಿರ್ದೇಶಕ ಪ್ರತೀಕ ಶೆಟ್ಟಿ, ವಿವಿಧ ಕಾರ್ಮಿಕ ಸಂಘಟನೆಯ ಮುಖಂಡರು ಮತ್ತಿತರರು ಇದ್ದರು.  
- [ಚಿನ್ನ ಕದ್ದ ಹೊಟೇಲ್ ಮಾಣಿ!](https://mobiletime.in/2026/02/hotel-waiter-who-stole-gold/): ಹೊನ್ನಾವರದ ರೋಹಿತಕುಮಾರ ಚಪ್ಪಡಿ ಅವರು ಪ್ರಾನ್ಸಿಸ್ ಅಲ್ಮೋಡಾ ಅವರ ಮನೆಗೆ ನುಗ್ಗಿ 10 ಲಕ್ಷ ರೂ ಮೌಲ್ಯದ ಚಿನ್ನ ಕದ್ದಿದ್ದಾರೆ. ಅದಾದ ನಂತರ ರೋಹಿತಕುಮಾರ ಅವರು ಪರಾರಿಯಾಗಿದ್ದು, ಆ ಚಿನ್ನಾಭರಣ ಮರಳಿಪಡೆಯುವುದಕ್ಕಾಗಿ ಪ್ರಾನ್ಸಿಸ್ ಅಲ್ಮೋಡಾ ಅವರು ಅಲೆದಾಡುತ್ತಿದ್ದಾರೆ. ಹೊನ್ನಾವರ ಪಡಕುಳಿಯ ಶಿವಳ್ಳಿಕೇರಿಯಲ್ಲಿ ಪ್ರಾನ್ಸಿಸ್ ಪಿಲಿಪ್ ಅಲ್ಮೋಡಾ ಅವರು ವಾಸವಾಗಿದ್ದಾರೆ. ವಿವಿಧ ವ್ಯಾಪಾರವನ್ನು ಹೊಂದಿದ ಪ್ರಾನ್ಸಿಸ್ ಅಲ್ಮೋಡಾ ಅವರು ಹಳೆಯ ಕಾಲದಲ್ಲಿಯೇ ವಿವಿಧ ಚಿನ್ನಾಭರಣವನ್ನು ಮಾಡಿಸಿದ್ದರು. ಆ ಚಿನ್ನಾಭರಣಗಳ ಮೇಲೆ ಪ್ರಾನ್ಸಿಸ್ ಅವರ ಅಕ್ಕನ ಮಗನಾದ ರೋಹಿತಕುಮಾರ ರವಿಕುಮಾರ ಚಪ್ಪಡಿ ಅವರು ಕಣ್ಣಿಟ್ಟಿದ್ದರು. ರೋಹಿತಕುಮಾರ ಚಪ್ಪಡಿ ಅವರು ಹೊಟೇಲ್ ಕೆಲಸ ಮಾಡಿಕೊಂಡಿದ್ದು, ಪ್ರಾನ್ಸಿಸ್ ಅಲ್ಮೋಡಾ ಅವರೇ ರೋಹಿತಕುಮಾರ ಅವರಿಗೆ ಆಶ್ರಯ ನೀಡಿದ್ದರು. ಪಡಕುಳಿ ಬಳಿಯ ಶಿವಳ್ಳಿಕೇರಿಯವರೇ ಆದ ರೋಹಿತಕುಮಾರ ಅವರನ್ನು ಪ್ರಾನ್ಸಿಸ್ ಅಲ್ಮೋಡಾ ಅವರು 2025ರ ಡಿಸೆಂಬರ್ 10ರಿಂದ 16ರವರೆಗೆ ಮನೆಗೆ ಕರೆಯಿಸಿಕೊಂಡಿದ್ದರು. ಆ ಅವಧಿಯಲ್ಲಿ ರೋಹಿತಕುಮಾರ ಅವರು ಮನೆಯಲ್ಲಿದ್ದ ಚಿನ್ನಾಭರಣವನ್ನು ಕದ್ದು ಪರಾರಿಯಾದರು. ರೋಹಿತಕುಮಾರ ಅವರಿಗಾಗಿ ಪ್ರಾನ್ಸಿಸ್ ಡಿಸೋಜಾ ಎಲ್ಲಾ ಕಡೆ ಹುಡುಕಿದರು. ಆದರೂ, ಅವರು ಸಿಗದ ಕಾರಣ ಪೊಲೀಸರ ಮೊರೆ ಹೋದರು. ಕಾಣೆಯಾದ ಅಕ್ಕನ ಮಗನ ಜೊತೆ ಕಳೆದಿರುವ ಚಿನ್ನವನ್ನು ಹುಡುಕಿಕೊಡಿ ಎಂದು ಅವರು ಪೊಲೀಸ್ ದೂರು ನೀಡಿದರು. ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ನಡು ರಸ್ತೆಯಲ್ಲಿ ಮಾರಾಮಾರಿ!](https://mobiletime.in/2026/02/a-fight-in-the-middle-of-the-road/): ಶಿರಸಿ ಅಂಬಾಗಿರಿಯ ವಿನೋದ ಗಡ್ಕರ್ ಹಾಗೂ ಬೆಂಗಳೂರಿನ ನಟರಾಜ ವೇಣುಗೋಪಾಲ ಅವರು ನಡು ರಸ್ತೆಯಲ್ಲಿ ಹೊಡೆದಾಡಿಕೊಂಡಿದ್ದಾರೆ. ಈ ಹೊಡೆದಾಟಕ್ಕೆ ಅವರ ಜೊತೆ ಮತ್ತಿಬ್ಬರು ಕೈ ಜೋಡಿಸಿದ್ದಾರೆ. ಫೆಬ್ರವರಿ 6ರ ಮಧ್ಯಾಹ್ನ ಶಿರಸಿ ರಾಜೀವ ನಗರದ ರಸ್ತೆ ಮೇಲೆ ಈ ಹೊಡೆದಾಟ ನಡೆದಿದೆ. ಬೆಂಗಳೂರು ಅಕ್ಷಯನಗರದ ಕಟ್ಟಡ ನಿರ್ಮಾಣಕಾರ ನಟರಾಜ ವೇಣುಗೋಪಾಲ ಹಾಗೂ ಶಿರಸಿ ಅಂಬಾಗಿರಿಯ ವ್ಯಾಪಾರಿ ವಿನೋದ ರಮೇಶ ಗಡ್ಕರ ಅವರು ತಮ್ಮ ತಮ್ಮ ಸಹಾಯಕರ ಜೊತೆ ಆಗಮಿಸಿ ಕೈ ಕೈ ಮಿಲಾಯಿಸಿಕೊಂಡಿದ್ದಾರೆ. ಅವರು ಯಾವ ವಿಷಯಕ್ಕೆ ಜಗಳ ಮಾಡಿದರು? ಯಾವ ಕಾರಣಕ್ಕಾಗಿ ಹೊಡೆದಾಟ ನಡೆಸಿದರು? ಎಂಬುದು ಯಾರಿಗೂ ಗೊತ್ತಾಗಿಲ್ಲ. ರಾಜೀವ ನಗರದಲ್ಲಿ ಗಲಾಟೆ ನಡೆಯುತ್ತಿರುವ ಬಗ್ಗೆ ಪೊಲೀಸ್ ಸಿಬ್ಬಂದಿ ಹನುಮಂತ ಮಕಾಪುರ ಅವರಿಗೆ ಮೊದಲು ಫೋನ್ ಬಂದಿದೆ. ಹನುಮಂತ ಮಕಾಪುರ ಅವರು ಮತ್ತೊಬ್ಬ ಪೊಲೀಸ್ ಸಿಬ್ಬಂದಿ ಗೀತಾ ಗರಗ ಅವರನ್ನು ಕರೆದುಕೊಂಡು ಆ ಸ್ಥಳಕ್ಕೆ ಹೋಗಿದ್ದಾರೆ. ಆಗ ಅಲ್ಲಿ ಎರಡು ತಂಡದವರು ಹೊಡೆದಾಟ ನಡೆಸುತ್ತಿರುವುದನ್ನು ಪೊಲೀಸರು ನೋಡಿದ್ದಾರೆ. ಆ ಹೊಡೆದಾಟ ನಿಲ್ಲಿಸುವ ಪ್ರಯತ್ನವನ್ನು ಮಾಡಿದ್ದಾರೆ. ಆದರೆ, ಎರಡೂ ತಂಡದವರು ಪೊಲೀಸರ ಮಾತು ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಸಾರ್ವಜನಿಕ ಸ್ಥಳದಲ್ಲಿ ಹೊಡೆದಾಟ ನಡೆಸಿ ಶಾಂತಿಗೆ ಭಂಗ ತಂದಿರುವುದಕ್ಕಾಗಿ ಪೊಲೀಸರು ಅವರಿಬ್ಬರ ವಿರುದ್ಧವೂ ಕಾನೂನು ಕ್ರಮ ಜರುಗಿಸಿದ್ದಾರೆ. ಅವರಿಬ್ಬರ ಜೊತೆ ಬಂದಿದ್ದ ಮತ್ತಿಬ್ಬರ ಹೆಸರು ಗೊತ್ತಾಗದಿದ್ದರೂ ಅವರನ್ನು ಸೇರಿಸಿ ಶಿರಸಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
- [ಸಂತ್ರಸ್ತ ಬಾಲಕಿಯ ದುಡುಕು ನಿರ್ಧಾರ!](https://mobiletime.in/2026/02/the-victim-girls-rash-decision/): ಕಾರವಾರ ನಗರದ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಅಧೀನದಲ್ಲಿರುವ ಸರಕಾರಿ ಬಾಲಕಿ ಬಾಲಮಂದಿರದಲ್ಲಿ ಶನಿವಾರ ಮಧ್ಯಾಹ್ನ ಬಾಲಕಿಯೊಬ್ಬರು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಅಲ್ಲಿನ ಅಧಿಕಾರಿ-ಸಿಬ್ಬಂದಿ ಸಮಯ ಪ್ರಜ್ಞೆಯಿಂದ ಬಾಲಕಿಯನ್ನು ರಕ್ಷಿಸಲಾಗಿದ್ದು, ಸದ್ಯ ಬಾಲಕಿಗೆ ಚಿಕಿತ್ಸೆ ಮುಂದುವರೆದಿದೆ. ವ್ಯಕ್ತಿಯೊಬ್ಬರಿAದ ದೌರ್ಜನ್ಯಕ್ಕೆ ಒಳಗಾಗಿದ್ದ ಬಾಲಕಿ ಅಗಸ್ಟ್ ತಿಂಗಳಿನಲ್ಲಿ ಸಂತ್ರಸ್ತೆಯಾಗಿ ಬಾಲ ಮಂದಿರ ಸೇರಿದ್ದರು. ನಗರದ ಸರಕಾರಿ ಪ್ರೌಢಶಾಲೆಯೊಂದರಲ್ಲಿ ಅವರು ಓದುತ್ತಿದ್ದರು. ಎರಡು ವಾರದಿಂದ ಶಾಲೆಗೆ ಹಾಜರಾಗಿರಲಿಲ್ಲ. ಮಾನಸಿಕವಾಗಿ ಕುಗ್ಗಿದ್ದ ಬಾಲಕಿಯ ಆಪ್ತ ಸಮಾಲೋಚನೆ ನಡೆದಿತ್ತು. ಅದಾಗಿಯೂ, ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಬಾಲಕಿ ಹೇಳಿಕೊಂಡಿದ್ದು, ಸಿಬ್ಬಂದಿ ತೀವೃ ನಿಗಾವಿರಿಸಿದ್ದರು. ಆ ಬಾಲಕಿಯನ್ನು ಈಚೆಗೆ ಧಾರವಾಡದ ನಿಮಾನ್ಸ್ ಸಂಸ್ಥೆಗೆ ಕರೆದೊಯ್ದು ಚಿಕಿತ್ಸೆಯನ್ನು ಸಹ ಕೊಡಿಸಲಾಗಿತ್ತು. ಚಿಕಿತ್ಸೆ ಬಳಿಕವೂ ಆತ್ಮಹತ್ಯೆ ಮಾಡುವುದಾಗಿ ಪದೇಪದೇ ಹೇಳಿಕೊಳ್ಳುತ್ತಿದ್ದು, ಶನಿವಾರ ಮಧ್ಯಾಹ್ನ ದುಡುಕು ನಿರ್ಧಾರಕ್ಕೆ ಮುಂದಾದರು. ನೇಣು ಹಾಕಿಕೊಳ್ಳುವುದನ್ನು ನೋಡಿದ ಸಿಬ್ಬಂದಿ ತಕ್ಷಣ ಧಾವಿಸಿ ಬಾಲಕಿಯ ರಕ್ಷಣೆ ಮಾಡಿದರು. ಅಸ್ವಸ್ಥಗೊಂಡಿದ್ದ ಬಾಲಕಿಯನ್ನು ಆಸ್ಪತ್ರೆಗೆ ಸಾಗಿಸಿದರು. ಸದ್ಯ ಬಾಲಕಿಗೆ ಚಿಕಿತ್ಸೆ ಮುಂದುವರೆದಿದೆ. ಮಾನಸಿಕ ಆರೋಗ್ಯ ಆರೈಕೆ ಬಗ್ಗೆ ಮುತುವರ್ಜಿವಹಿಸಲಾಗಿದೆ.
- [ಓದು-ಬರಹ ಬಾರದಿದ್ದವರೂ ಇಲ್ಲಿ ಡಾಕ್ಟರ್!](https://mobiletime.in/2026/02/the-doctor-here-is-the-one-who-didnt-know-how-to-read/): ಅಂಕೋಲಾದ ಅಕ್ಷರಾ ಪಾಲಿಕ್ಲಿನಿಕ್’ನಲ್ಲಿ ಅರ್ಹತೆ ಇಲ್ಲದಿದ್ದವರು ಸಹ ವೈದ್ಯಕೀಯ ಸೇವೆ ನೀಡುತ್ತಿದ್ದಾರೆ. ವೈದ್ಯರಲ್ಲದವರು ರೋಗಿಗಳ ತಪಾಸಣೆ ಮಾಡುತ್ತಿದ್ದು, ಫಾರ್ಮಾಸ್ಟಿಸ್ಟ್ ಓದದವರು ಸಹ ಇಲ್ಲಿ ರೋಗಿಗಳಿಗೆ ಔಷಧಿ ನೀಡುವ ದೂರುಗಳಿವೆ ಅಂಕೋಲಾದಲ್ಲಿ ಸೋನಿಯಾ ನಾಗೇಶ ಗಾಂವಕರ್ ಎಂಬಾತರು ಕೆಲ ವರ್ಷಗಳಿಂದ ಅಕ್ಷರಾ ಪಾಲಿಕ್ಲಿನಿಕ್ ಎಂಬ ಮಳಿಗೆ ನಡೆಸುತ್ತಿದ್ದಾರೆ. ಅವರೇ ಅಲ್ಲಿ ಔಷಧಿ ಅಂಗಡಿಯನ್ನು ನಡೆಸುತ್ತಾರೆ. ಆದರೆ, ಸೋನಿಯಾ ಗಾಂವಕರ್ ಅವರು ವೈದ್ಯರಲ್ಲ. ಔಷಧಿ ವಿತರಿಸಲು ಅವರು ಫಾರ್ಮಾಸ್ಟಿಸ್ಟ್ ಸಹ ಅಲ್ಲ ಎಂಬ ದೂರು ಆರೋಗ್ಯ ಇಲಾಖೆಗೆ ಸಲ್ಲಿಕೆಯಾಗಿದೆ. ಅಲ್ಲಿ ಕೆಲಸ ಮಾಡುವ ಸಿಬ್ಬಂದಿ ಸಹ ವೈದ್ಯಕೀಯ ಹಿನ್ನಲೆ ಹೊಂದಿದವರಲ್ಲಎಂಬ ಆಕ್ಷೇಪದ ಹಿನ್ನಲೆ ಆರೋಗ್ಯಾಧಿಕಾರಿಗಳು ಕ್ರಮ ಜರುಗಿಸಿದ್ದಾರೆ. ಅಕ್ಷರಾ ಪಾಲಿಕ್ಲಿನಿಕ್’ಗೆ ಪ್ರತಿ ದಿನ ಒಬ್ಬರಂತೆ 7ಕ್ಕೂ ಅಧಿಕ ಜನ ವೈದ್ಯರ ಹೆಸರಿನಲ್ಲಿ ಭೇಟಿ ನೀಡುತ್ತಾರೆ. ಅವರನ್ನು ಭೇಟಿಯಾಗಲು ನೂರಾರು ರೋಗಿಗಳು ಬರುತ್ತಾರೆ. ಆದರೆ, ಅಲ್ಲಿ ಭೇಟಿ ನೀಡುವ ವೈದ್ಯರು ಯಾರು? ಅವರ ಅರ್ಹತೆ ಏನು? ಅವರು ಶಿಫಾರಸ್ಸು ಮಾಡುವ ಔಷಧಿಗಳು ಯಾವವು? ರೋಗಿಗಳು ಯಾವ ಸಮಸ್ಯೆಯಿಂದ ಬಳಲುತ್ತಿದ್ದಾರೆ? ಎಂಬ ವಿಷಯದ ಬಗ್ಗೆ ಯಾರೂ ದಾಖಲಾತಿ ನಿರ್ವಹಿಸುತ್ತಿಲ್ಲ. ಸರ್ಕಾರ ಸೂಚಿಸಿದ ಪ್ರಕಾರ ಸಾಂಕ್ರಾಮಿಕ ರೋಗಗಳ ಬಗ್ಗೆ ಸರ್ಕಾರಕ್ಕೆ ಮಾಹಿತಿ ನೀಡುವ ಕೆಲಸ ಸಹ ಇಲ್ಲಿ ನಡೆಯುತ್ತಿಲ್ಲ. ಸಾಂಕ್ರಾಮಿಕ ರೋಗಗಳನ್ನು ಹೊಂದಿದ ಯಾವುದೇ ರೋಗಿ ಆಸ್ಪತ್ರೆಗೆ ಭೇಟಿ ನೀಡಿದಾಗ ಆ ಬಗ್ಗೆ ಮಾಹಿತಿ ನೀಡಬೇಕು ಎಂಬುದು ಸರ್ಕಾರದ ನಿಯಮ. ಆದರೆ, ಅಕ್ಷರಾ ಪಾಲಿಕ್ಲಿನಿಕ್ ಈ ನಿಯಮ ಪಾಲಿಸುತ್ತಿಲ್ಲ. ಇಲ್ಲಿ ಭೇಟಿ ನೀಡಿದ ರೋಗಿಗಳು ರೋಗ ವಾಸಿಯಾಗದ ಕಾರಣ ಬೇರೆ ಬೇರೆ ಆಸ್ಪತ್ರೆಗಳಿಗೆ ಹೋಗುತ್ತಿದ್ದು, ರೋಗ ಉಲ್ಬಣವಾದ ನಂತರ ರೋಗಿಯ ಬಗ್ಗೆ ಸರ್ಕಾರಕ್ಕೆ ಮಾಹಿತಿ ಸಿಗುತ್ತಿದೆ. ಮಂಗಳೂರು ಸೇರಿ ವಿವಿಧ ಕಡೆ ವಿಚಾರಣೆ ನಡೆಸಿದಾಗ ಆ ರೋಗಿ ಮೊದಲು ಅಕ್ಷರಾ ಪಾಲಿಕ್ಲಿನಿಕ್’ನಲ್ಲಿ ಚಿಕಿತ್ಸೆಪಡೆದ ವಿಷಯ ಗೊತ್ತಾಗುತ್ತಿದೆ. ಆದರೆ, ಅಷ್ಟರೊಳಗೆ ರೋಗಿ ಇನ್ನಷ್ಟು ಹೈರಣಾಗಿದ್ದು ಅವರನ್ನು ಉಳಿಸಿಕೊಳ್ಳುವುದೇ ಸರ್ಕಾರಕ್ಕೆ ಸವಾಲಾಗುತ್ತಿದೆ. ಈಚೆಗೆ ಅಂಕೋಲಾದಲ್ಲಿನ ಬ್ರೂಣಗತ್ಯೆಯ ಬಗ್ಗೆ ಜಿಲ್ಲಾಧಿಕಾರಿಗಳು ಕಳವಳವ್ಯಕ್ತಪಡಿಸಿದ್ದರು. ವೈದ್ಯರ ಸಲಹಾ ಚೀಟಿ ಇಲ್ಲದೇ ಔಷಧಿ ನೀಡದಂತೆ ಸೂಚನೆ ನೀಡಿದ್ದರು. ಕಟ್ಟುನಿಟ್ಟಿನ ಕಾನೂನು ಕ್ರಮಕ್ಕೂ ಆದೇಶಿಸಿದ್ದರು. ಈ ಹಿನ್ನಲೆ ಅಕ್ಷರಾ ಪಾಲಿಕ್ಲಿನಿಕ್’ಗೆ ಸಹ ಆರೋಗ್ಯಾಧಿಕಾರಿಗಳು ಭೇಟಿ ನೀಡಿ ತಪಾಸಣೆ ನಡೆಸಿದ್ದರು.. ಸಾಕಷ್ಟು ತಿಳುವಳಿಕೆ ನೀಡಿದ ನಂತರವೂ ಸೋನಿಯಾ ನಾಗೇಶ ಗಾಂವಕರ್ ಅವರು ತಿದ್ದುಕೊಂಡಿಲ್ಲ. ಅಗತ್ಯ ದಾಖಲಾತಿಗಳನ್ನು ಸರ್ಕಾರಕ್ಕೆ ಒಪ್ಪಿಸಲಿಲ್ಲ. ರಾಜಕೀಯ ಪ್ರಭಾವ ಬಳಸಿ ತಮ್ಮ ಮಳಿಗೆಯನ್ನು ಮುಂದುವರೆಸಿದ್ದು, ಅದಾದ ನಂತರವೂ ಅಧಿಕಾರಿಗಳು ದಾಳಿ ನಡೆಸಿ ಕ್ರಮಕ್ಕೆ ಮುಂದಾದರೂ ಅಕ್ಷರಾ ಪಾಲಿಕ್ಲಿನಿಕ್’ನವರು ಇದಕ್ಕೆ ತಲೆ ಕೆಡಿಸಿಕೊಂಡಿಲ್ಲ. ಸಣ್ಣ ಸಣ್ಣ ಸಾಂಕ್ರಾಮಿಕ ರೋಗಗಳಿಗೂ ಸರಿಯಾದ ಪರೀಕ್ಷೆ ನಡೆಸದೇ ದೊಡ್ಡ ದೊಡ್ಡ ಔಷಧಿ ನೀಡುವುದು, ರೋಗಿಗಳನ್ನು ಅನಗತ್ಯವಾಗಿ ಕಾಡಿಸಿ ದುಡ್ಡು ವಸೂಲಿ ಮಾಡುವ ಆರೋಪವೂ ಇಲ್ಲಿ ಕೇಳಿ ಬಂದಿದೆ. ಈ ಎಲ್ಲಾ ಹಿನ್ನಲೆ ಸದ್ಯ ಸರ್ಕಾರ ಅಕ್ಷರಾ ಪಾಲಿಕ್ಲಿನಿಕ್ ವಿರುದ್ಧ ಕಠಿಣ ಕ್ರಮಕ್ಕೆ ಮುಂದಾಗಿದೆ. ಅಲ್ಲಿನ ಲೋಪಗಳನ್ನು ಪತ್ತೆ ಮಾಡಿ ನೋಟಿಸ್ ನೀಡಿದೆ. ಅನುಮತಿ ಇಲ್ಲದೇ ಔಷಧಿ ವಿತರಣೆ, ಸಾಂಕ್ರಾಮಿಕ ರೋಗಿಗಳ ಬಗ್ಗೆ ಮಾಹಿತಿ ನೀಡದಿರುವಿಕೆ, ಸರ್ಕಾರಿ ನಿಯಮಗಳಿಗೆ ವಿರುದ್ಧವಾಗಿ ವರ್ತಿಸಿದ ಕಾರಣ ಅಕ್ಷರಾ ಪಾಲಿಕ್ಲಿನಿಕ್’ಗೆ ಬೀಗ ಜಡಿಯಲು ನಿರ್ಧರಿಸಿದೆ. ಈ ಹಿನ್ನಲೆ ಅಂಕೋಲಾ ತಾಲೂಕು ವೈದ್ಯಾಧಿಕಾರಿಗಳು ಅಕ್ಷರಾ ಪಾಲಿಕ್ಲಿನಿಕ್’ಗೆ ನೋಟಿಸ್ ನೀಡಿದ್ದು, ಎಲ್ಲಾ ನಿಯಮ ಪಾಲನೆಗೆ ಸೂಚಿಸಿದ್ದಾರೆ. ನಿಯಮಗಳನ್ನು ಪಾಲಿಸದ ಕಾರಣ ಬಾಗಿಲು ಮುಚ್ಚುವಂತೆ ಸೂಚಿಸಿದ್ದಾರೆ.
- [ಕೈ ಕೊಟ್ಟ ಕಾರು: ಆ ಕುಟುಂಬದ ಕನಸು ನುಚ್ಚುನೂರು!](https://mobiletime.in/2026/02/a-car-given-away-that-familys-dream-shattered/): ಒಂದೇ ಕುಟುಂಬದ ಐದು ಜನ ಸಂಚರಿಸುತ್ತಿದ್ದ ಕಾರು ಶಿರಸಿಯಲ್ಲಿ ಪಲ್ಟಿಯಾಗಿದ್ದು, ಕಾರಿನಲ್ಲಿದ್ದ ಬಾಲಕನ ಸಾವಾಗಿದೆ. ಶಿರಸಿಯ ಸಿರ್ಸಿಮಕ್ಕಿ ಬಳಿ ಶನಿವಾರ ಬೆಳಗ್ಗೆ ಕಸ್ತೂರಬಾ ನಗರದ ಲಿಯಾಖತ್ ಮಹಮ್ಮದ್ ಅಲಿ ಸೌದಾಗರ ಕುಟುಂಬದವರು ಕಾರಿನಲ್ಲಿ ಹೋಗುತ್ತಿದ್ದರು. ಆ ಕಾರು ನಿಯಂತ್ರಣ ತಪ್ಪಿ ಪಲ್ಟಿಯಾಗಿದ್ದು, ಈ ದುರಂತದಲ್ಲಿ ಕಾರಿನ ಒಳಗಿದ್ದ 10 ವರ್ಷದ ಅಮಾನುಲ್ಲಾ ಸೌದಾಗರ ಅವರು ಸಾವನಪ್ಪಿದರು. ಅದರ ಜೊತೆ, ಲಿಯಾಖತ್ ಮಹಮ್ಮದ್ ಅಲಿ ಸೌದಾಗರ, ಶಿರಿನ್ ಬಾನು ಸೇರಿದಂತೆ ಇನ್ನಿಬ್ಬರು ಗಂಭೀರವಾಗಿ ಗಾಯಗೊಂಡರು. ಲಿಯಾಖತ್ ಮಹಮ್ಮದ್ ಅಲಿ ಸೌದಾಗರ ಅವರು ಭಟ್ಕಳ ತಾಲೂಕಿನ ಶಿರೂರಿನ ದಾರೂಲ್ ಸುಲ್ ಶಾಲೆಯ ಶಿಕ್ಷಕರಾಗಿದ್ದಾರೆ. ಶಾಲೆಗೆ ರಜೆಯಿದ್ದ ಕಾರಣ ಅವರು ತಮ್ಮ ಕುಟುಂಬದ ಜೊತೆ ಊರಿಗೆ ಬರುತ್ತಿದ್ದರು. ಆ ವೇಳೆ ಅಪಘಾತ ನಡೆದಿದೆ. ಅಪಘಾತದ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ. ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಿ ಆರೈಕೆ ಮಾಡಲಾಗುತ್ತಿದೆ.
- [ಸರ್ಕಾರಿ‌ ಬಸ್ಸಿನ ಸ್ಟೇರಿಂಗ್ ಕಟ್!](https://mobiletime.in/2026/02/steering-wheel-cut-on-government-bus/): ಅಂಕೋಲಾದಿಂದ ಹಾರವಾಡದತ್ತ ಹೊರಟಿದ್ದ ಸರ್ಕಾರಿ ಬಸ್ಸಿನ ಸ್ಟೇರಿಂಗ್‌ ತುಂಡಾಗಿದೆ. ಪರಿಣಾಮ ಆ ಬಸ್ಸು ಗದ್ದೆಯ ಕಡೆ‌ ಚಲಿಸಿದೆ. ಶುಕ್ರವಾರ ಹಾರವಾಡದ ಕಡೆಗೆ ಬಸ್ ಬರುತ್ತಿದ್ದ ಬಸ್ಸು ಹದಗೆಟ್ಟಿದ್ದು, ದುರಂತ ನಡೆದರೂ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಬಸ್ಸು ಗದ್ದೆ ಕಡೆ ಹಾರಿದ ಪರಿಣಾಮ ಪ್ರಯಾಣಿಕರು ಕಂಗಾಲಾಗಿದ್ದು, ನಂತರ ಸುಧಾರಿಸಿಕೊಂಡಿದ್ದಾರೆ. ಬಸ್ಸಿನ ತಾಂತ್ರಿಕ ದೋಷ ಹಾಗೂ ಸುರಕ್ಷತಾ ಕ್ರಮಗಳ ಕೊರತೆಯಿಂದ‌ ಈ ಅವಘಡ ನಡೆದ ಬಗ್ಗೆ ಜನ ದೂರಿದ್ದಾರೆ. ಶಾಲಾ ಮಕ್ಕಳು ಹಾಗೂ ಪೋಷಕರು, ವಿದ್ಯಾರ್ಥಿಗಳ ಸಂಚಾರಕ್ಕೆ ಬಳಸುವ ಬಸ್ಸುಗಳ ವ್ಯವಸ್ಥೆ‌ ಸರಿಪಡಿಸುವಂತೆ ಜನ ಒತ್ತಾಯಿಸಿದ್ದಾರೆ.
- [ಫೆ 12ಕ್ಕೆ ಮುಷ್ಕರ!](https://mobiletime.in/2026/02/strike-on-feb-12th/): ಕಾರ್ಮಿಕ ವಿರೋಧಿ ನೀತಿ ಹಾಗೂ ಜನ ವಿರೋಧಿ ಬಜೆಟ್ ವಿರುದ್ಧ ಫೆಬ್ರವರಿ 12ರಂದು ವಿವಿಧ ಸಂಘಟನೆಯವರು ದೇಶದ ಎಲ್ಲಡೆ ಮುಷ್ಕರ ನಡೆಸಲು ನಿರ್ಧರಿಸಿದ್ದಾರೆ. ಈ ಹೋರಾಟಕ್ಕೆ ಬೆಂಬಲ ನೀಡುವಂತೆ ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ, ಸಿಐಟಿಯು ಜಿಲ್ಲಾಧ್ಯಕ್ಷ ತಿಲಕ್ ಗೌಡ ಮತ್ತು ಕೃಷಿ ಕೂಲಿಕಾರರ ಸಂಘದ ಅಧ್ಯಕ್ಷ ಭೀಮಣ್ಣ ಬೋವಿ ಜಂಟಿಯಾಗಿ ಕರೆ ನೀಡಿದ್ದಾರೆ. ಸಿಐಟಿಯ, ಅಖಿಲ ಭಾರತ ಕಿಸಾನ್ ಸಭಾ ಮತ್ತು ಅಖಿಲ ಭಾರತ ಕೃಷಿ ಕೂಲಿಕಾರರ ಸಂಘಗಳುವ ಜಂಟಿಯಾಗಿ ಮುಷ್ಕರವನ್ನು ಸಂಘಟಿಸಿವೆ. ದೇಶದ ಕಾರ್ಮಿಕ ವರ್ಗ, ರೈತರು ಮತ್ತು ಗ್ರಾಮೀಣ ಕೃಷಿ ಕೂಲಿಕಾರರ ಹಕ್ಕುಗಳು, ರೈತರ ಜೀವನೋಪಾಯ, ಸಾರ್ವಜನಿಕ ಸಂಪತ್ತು ಮತ್ತು ರಾಷ್ಟ್ರೀಯ ಸಾರ್ವಭೌಮತ್ವದ ಮೇಲೆ ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರದ ಬಹುಮುಖಿ ದಾಳಿಯ ವಿರುದ್ಧ ಈ ಪ್ರತಿಭಟನೆ ನಡೆಯುತ್ತಿದೆ. ‘ಮನರೇಗಾವನ್ನು ವಿಕಸಿತ ಭಾರತ – ಗ್ಯಾರಂಟಿ ಫಾರ್ ರೋಜಗಾರ್ ಅಂಡ್ ಅಜೀವಿಕಾ ಮಿಶನ್ (ಗ್ರಾಮೀಣ) ಕಾಯಿದೆ 2025 ರೊಂದಿಗೆ ಬದಲಾಯಿಸುವುದು ಹಕ್ಕು-ಆಧಾರಿತ ಉದ್ಯೋಗ ಖಾತರಿಯನ್ನು ಕೊನೆಗೊಳಿಸುತ್ತದೆ. ಆರ್ಥಿಕ ಜವಾಬ್ದಾರಿಯನ್ನು ರಾಜ್ಯಗಳಿಗೆ ವರ್ಗಾಯಿಸುತ್ತದೆ. ಅಗ್ಗದ ಕಾರ್ಮಿಕರ ಲಭ್ಯತೆಯ ಖಾತರಿಗಾಗಿ ಸುಗ್ಗಿಯ ಕಾಲದಲ್ಲಿ ಕೆಲಸವನ್ನು ನಿಷೇಧಿಸುತ್ತದೆ’ ಎಂದು ಹೋರಾಟಗಾರರು ವಿಶ್ಲೇಷಿಸಿದ್ದಾರೆ. ‘ಪ್ರಸ್ತಾವಿತ ವಿಕಸಿತ ಭಾರತ ಶಿಕ್ಷಾ ಅನುಷ್ಠಾನ ಮಸೂದೆ, ಕರಡು ಬೀಜ ಮಸೂದೆ ಮತ್ತು ಕರಡು ವಿದ್ಯುತ್ (ಸಂಶೋಧನೆ) ಮಸೂದೆ, 2025 ಒಟ್ಟಾಗಿ ಕೃಷಿ, ಶಿಕ್ಷಣ, ವಿದ್ಯುತ್ ಗ್ರಾಹಕರು ಮತ್ತು ಸಾರ್ವಜನಿಕ ಕ್ಷೇತ್ರಗಳ ಸಂಸ್ಥೆಗಳ ಮೇಲಿನ ನೇರ ದಾಳಿಯನ್ನು ನಡೆಸಲಾಗುತ್ತಿದೆ’ ಎಂದವರು ವಿವರಿಸಿದ್ದಾರೆ. ಪರಮಾಣು ಸುರಕ್ಷತೆ ಮತ್ತು ರಾಷ್ಟ್ರೀಯ ಸಾರ್ವಭೌಮತ್ವಕ್ಕೆ ಗಂಭೀರ ಬೆದರಿಕೆಯೊಡ್ಡುವ ಕಾಯಿದೆ, ಜನರ ಜೀವನ ಮತ್ತು ಜೀವನೋಪಾಯಗಳ ಮೇಲೆ ಹಾನಿಕಾರಕ ಪರಿಣಾಮ ಬೀರಿದ ಹಲವಾರು ಬೆಳವಣಿಗೆಗಳನ್ನು ಸಂಘಟನೆಯವರು ಖಂಡಿಸಿದ್ದಾರೆ.    
- [ಮನೆ ಮಾಲಕಿಗೆ ಕಚ್ಚಿದ ನಾಯಿ: ರೇಬಿಸ್ ರೋಗಕ್ಕೆ ವೃದ್ಧೆ ಬಲಿ](https://mobiletime.in/2026/02/dog-bites-homeowner-elderly-woman-dies-of-rabies/): ಮನೆಯಲ್ಲಿ ಸಾಕಿದ ನಾಯಿ ಕಚ್ಚಿದ ಪರಿಣಾಮ ಶೋಭಾ ನಾಯ್ಕ ಅವರಿಗೆ ರೇಬಿಸ್ ಲಕ್ಷಣ ಕಾಣಿಸಿಕೊಂಡಿದ್ದು, ಚಿಕಿತ್ಸೆಗೆ ಒಳಗಾದರೂ ರೋಗವಾಸಿಯಾಗದೇ ಅವರು ಸಾವನಪ್ಪಿದ್ದಾರೆ. ಅಂಕೋಲಾದ ಬೇಲಿಕೆರೆ ಬೋಗ್ರಿಗದ್ದೆ ಬಳಿ ಶೋಭಾ ಪುರ್ಸಪ್ಪ ನಾಯ್ಕ ಅವರು ವಾಸವಾಗಿದ್ದರು. ತಮ್ಮ 74ನೇ ವಯಸ್ಸಿನಲ್ಲಿಯೂ ಅವರು ಉತ್ಸಾಹದಿಂದ ಬದುಕು ಕಟ್ಟಿಕೊಂಡಿದ್ದರು. ಮನೆ ಭದ್ರತೆಗಾಗಿ ಅವರು ನಾಯಿ ಸಾಕಿದ್ದು, ಅತಿಯಾಗಿ ಮುದ್ದಿಸುತ್ತಿದ್ದ ನಾಯಿಯೇ ಅವರಿಗೆ ಒಮ್ಮೆ ಕಚ್ಚಿತು. ಮೂರು ತಿಂಗಳ ಹಿಂದೆ ನಾಯಿಯನ್ನು ಹಗ್ಗದಿಂದ ಕಟ್ಟುವ ವೇಳೆ ನಾಯಿ ಅದನ್ನು ವಿರೋಧಿಸಿ ಗಾಯ ಮಾಡಿತು. ನಾಯಿ ಕಚ್ಚಿದಕ್ಕಾಗಿ ಶೋಭಾ ನಾಯ್ಕ ಅವರು ಅಂಕೋಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದರು. ಆದರೆ, ವೈದ್ಯರು ಸೂಚಿಸಿದ ಪ್ರಕಾರ ಔಷಧಗಳನ್ನು ಸರಿಯಾಗಿ ಸೇವಿಸಲಿಲ್ಲ. ರೋಗ ಉಲ್ಬಣಿಸಿದರೂ ಚಿಕಿತ್ಸೆ ಕಡೆ ಆಸಕ್ತಿವಹಿಸಲಿಲ್ಲ. ಫೆಬ್ರವರಿ 2ರಂದು ಶೋಭಾ ನಾಯ್ಕ ಅವರಿಗೆ ಎದೆನೋವು ಕಾಣಿಸಿತು. ಕುಟುಂಬದವರು ಶೋಭಾ ನಾಯ್ಕ ಅವರನ್ನು ಅಂಕೋಲಾದ ಕ್ರಿಸ್ತಮಿತ್ರ ಆಸ್ಪತ್ರೆಗೆ ದಾಖಲಿಸಿದರು. ಅಲ್ಲಿ ತಪಾಸಣೆ ನಡೆಸಿದ ವೈದ್ಯರು ರೇಬಿಸ್ ರೋಗದ ಲಕ್ಷಣವಿರುವುದಾಗಿ ಹೇಳಿದರು. ಕಾರವಾರ ಆಸ್ಪತ್ರೆಗೆ ಹೋಗಲು ಸೂಚಿಸಿದರು. ಅಲ್ಲಿನ ವೈದ್ಯರು ಹುಬ್ಬಳ್ಳಿಯ ಕಿಮ್ಸ್’ಗೆ ಶಿಫಾರಸ್ಸು ಮಾಡಿದರು. ಆದರೆ, ಅಲ್ಲಿ ಹೋದರೂ ಸಹ ಶೋಭಾ ನಾಯ್ಕ ಅವರು ಬದುಕಲಿಲ್ಲ. ಪೊಲೀಸ್ ಸಿಬ್ಬಂದಿ ವಾಣಿ ನಾಯಕ ಅವರಿಗೆ ಶೋಭಾ ನಾಯ್ಕ ಅವರು ಸಾವನಪ್ಪಿರುವ ಬಗ್ಗೆ ಆಸ್ಪತ್ರೆಯವರು ತಿಳಿಸಿದ್ದು, ತಾಯಿ ಮರಣದ ಬಗ್ಗೆ ಸೀಬರ್ಡ ಹೊರಗುತ್ತಿಗೆ ಉದ್ಯೋಗಿ ಜೀವನ ನಾಯ್ಕ ಅವರು ಪ್ರಕರಣ ದಾಖಲಿಸಿದರು.
- [ರಾಜ್ಯಮಟ್ಟದ ರಸಪ್ರಶ್ನೆ: ಉತ್ತರ ಕನ್ನಡಿಗರ ಸಾಧನೆ](https://mobiletime.in/2026/02/state-level-quiz-achievements-of-north-kannadigas/): ಬೆಂಗಳೂರಿನ ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿಯವರು ನಡೆಸಿದ ವಿಜ್ಞಾನ ರಸಪ್ರಶ್ನೆ ಕಾರ್ಯಕ್ರಮದಲ್ಲಿ ಉತ್ತರ ಕನ್ನಡ ಜಿಲ್ಲೆಯ ವಿದ್ಯಾರ್ಥಿಗಳು ಭಾಗವಹಿಸಿದ್ದು, ಮಹತ್ವದ ಸಾಧನೆ ಮಾಡಿದ್ದಾರೆ. ರಾಷ್ಟ್ರೀಯ ವಿಜ್ಞಾನ ದಿನಾಚರಣೆಯ ಅಂಗವಾಗಿ ವಿದ್ಯಾರ್ಥಿಗಳಿಗೆ ರಾಜ್ಯಮಟ್ಟದಲ್ಲಿ ಈ ಸ್ಪರ್ಧೆ ನಡೆಯುತ್ತಿದೆ. ಸತತ ಏಳು ವರ್ಷಗಳಿಂದ ಈ ಸ್ಪರ್ಧೆ ಆಯೋಜಿಸಲಾಗುತ್ತಿದೆ. `ಸಿ ವಿ ರಾಮನ್ ವಿಜ್ಞಾನ ರಸಪ್ರಶ್ನೆ-2025’ರಲ್ಲಿ ರಾಜ್ಯದ 10 ಸಾವಿರಕ್ಕೂ ಅಧಿಕ ವಿದ್ಯಾರ್ಥಿಗಳು ಭಾಗವಹಿಸಿದ್ದು, ಉತ್ತರ ಕನ್ನಡ ಜಿಲ್ಲೆಯಿಂದ 250ಕ್ಕೂ ಅಧಿಕ ಮಕ್ಕಳು ಭಾಗವಹಿಸಿದ್ದರು. ಈ ಸ್ಪರ್ಧೆಯ ಫಲಿತಾಂಶ ಪ್ರಕಟವಾಗಿದ್ದು, ಜಿಲ್ಲೆಯ ಮೂವರು ಮಕ್ಕಳು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ಅಂಕೋಲಾದ ಪಿಎಂ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ 9ನೇ ತರಗತಿಯ ವಿದ್ಯಾರ್ಥಿನಿ ಕೀರ್ತಿ ಗೋವಿಂದ ನಾಯ್ಕ ಪ್ರಥಮ ಸ್ಥಾನ. ಕಾರವಾರ ತಾಲೂಕಿನ ಜನತಾ ವಿದ್ಯಾಲಯ ಮುದುಗ ಪ್ರೌಢಶಾಲೆಯ ಎಂಟನೇ ತರಗತಿಯ ವಿದ್ಯಾರ್ಥಿನಿ ಪೂರ್ವಿ ತೇಕು ದುರ್ಗೆಕರ್ ದ್ವಿತೀಯ ಸ್ಥಾನ ಹಾಗೂ ಕಾರವಾರದ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯ 9ನೇ ತರಗತಿಯ ವಿದ್ಯಾರ್ಥಿನಿ ಸ್ಮೃತಿ ಸುರೇಶ ದುರ್ಗೆಕರ್ ತೃತೀಯ ಬಹುಮಾನವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಈ ವಿದ್ಯಾರ್ಥಿಗಳಿಗೆ ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿಯ ಉತ್ತರ ಕನ್ನಡ ಜಿಲ್ಲಾ ಸಂಯೋಜಕರಾದ ಜೈ ರಂಗನಾಥ ಬಿ ಎಸ್, ಮುದುಗಾ ಜನತಾ ವಿದ್ಯಾಲಯ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ ವೀಣಾ ಮಾಳಿಗೆರ, ಪಿಎಂ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ ಚಂದ್ರಶೇಖರ್ ಕಡೆಮನಿ. ಪಿಎಂ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ ಮುಖ್ಯಾಧ್ಯಾ ಪಕೆಯರಾದ ಕೋಮಲ ಹಿರೇಮಠ, ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ ಅಮದಳ್ಳಿಯ ಪ್ರಾಂಶುಪಾಲರಾದ ನಾಗರತ್ನ ಎಸ್. ಮತ್ತು ಶಾಲಾ ಸಂಯೋಜಕರಾದ ಟಿ ನ ಸುರೇಶ್ ಆಸ್ನೋಟಿಕರ. ನಿಕಿತಾ ನಾಯ್ಕ್ ಅವರು ಶುಭ ಕೋರಿದರು. ರಾಜ್ಯಮಟ್ಟದ ಪರೀಕ್ಷೆಯು ಫೆ 8ರಂದು ನಡೆಯಲಿದ್ದು, ಅಲ್ಲಿಯೂ ಸಾಧನೆ ಮಾಡಿ ಎಂದು ಹಾರೈಸಿದರು.
- [ಕೋಳಿ ಕಾಲಿಗೆ ಕತ್ತಿ ಕಟ್ಟಿ ಕಾದಾಟ: ಕಠಿಣ‌ ಕ್ರಮ](https://mobiletime.in/2026/02/fighting-with-a-sword-tied-to-a-chicken-leg-strict-action/): ಕೋಳಿ ಕಾಲಿಗೆ ಕತ್ತಿ ಕಟ್ಟಿ ಅವುಗಳ ಕಾದಾಟ ನಡೆಸಿದವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಅರಣ್ಯ ಪ್ರದೇಶದಲ್ಲಿ ಕೋಳಿ ಅಂಕ ನಡೆಸಿದ ಇಬ್ಬರನ್ನು ಭಟ್ಕಳ ಗ್ರಾಮೀಣ ಪೊಲೀಸರು ಬಂಧಿಸಿದ್ದಾರೆ. ಭಟ್ಕಳ ತಾಲೂಕಿನ ಮುಟ್ಟಳ್ಳಿಯ ಸುಕ್ರಪ್ಪ ಕನ್ನಯ್ಯ ನಾಯ್ಕ (63) ಮತ್ತು ಜಾಲಿಕೋಡಿಯ  ಪುರುಷೋತ್ತಮ ತಂದೆ ಮಂಜುನಾಥ ನಾಯ್ಕ (36) ಅವರು ಕೋಳಿ ಅಂಕ ನಡೆಸುತ್ತಿದ್ದರು. ಫೆಬ್ರವರಿ 5ರ ಸಂಜೆ ಈ ಆಟದ ಬಗ್ಗೆ ಪೊಲೀಸರಿಗೆ ಪೋನ್ ಬಂದಿತು. ಕೋಣಾರ ಗ್ರಾಮದ ಕೆರೆಹಿತ್ಲು ಅರಣ್ಯಕ್ಕೆ ಪೊಲೀಸರು ಧಾವಿಸಿದರು. ಹುಂಜಗಳ ಕಾಲುಗಳಿಗೆ ಕತ್ತಿ ಕಟ್ಟಿ ಅದನ್ನು ಕಾದಾಟಕ್ಕೆ ಬಿಟ್ಟಿರುವುದನ್ನು ಪೊಲೀಸರು ನೋಡಿದರು. ಆ ಕೋಳಿಗಳ ಮೇಲೆ ಹಣ ಕಟ್ಟಿ ಕೆಲವರು ಜೂಜಾಡುತ್ತಿದ್ದರು. ಪೊಲೀಸರನ್ನು ಕಂಡ‌ ತಕ್ಷಣ ಎಲ್ಲರೂ ಓಡಿ ಪರಾರಿಯಾಗಿದ್ದು, ಅದಾಗಿಯೂ ಪಿಸೈ ಮಲ್ಲೊಕಾರ್ಜುನ‌ ಕೋರಾಣಿ ಇಬ್ಬರನ್ನು ಸೆದೆಬಡಿದರು. ಅವರಿಬ್ಬರ ವಿರುದ್ಧ ಕೇಸು ದಾಖಲಿಸಿದರು.
- [ಭೂತೇಶ್ವರ ಸೊಸೈಟಿಗೆ ಕೆಡಿಸಿಸಿ ನಿರ್ದೇಶಕರ ಭೇಟಿ](https://mobiletime.in/2026/02/kdcc-director-visits-bhuteshwara-society/): ಶಿರಸಿಯ ಪ್ರತಿಷ್ಠಿತ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘಕ್ಕೆ ‘ಲೋಕಧ್ವನಿ ಹೆಮ್ಮೆಯ ಸಾಧಕ ‘ ಪ್ರಶಸ್ತಿ ಸಂದ ಹಿನ್ನಲೆಯಲ್ಲಿ ಕೆಡಿಸಿಸಿ ಬ್ಯಾಂಕ್ ನೂತನ ನಿರ್ದೇಶಕ ಮೋಹನ್ ನಾಯಕ್ ಗೋಕರ್ಣ ಭೇಟಿ ನೀಡಿ ಶುಭ ಕೋರಿದ್ದಾರೆ. ಕಳೆದ ಅಕ್ಟೋಬರ್ ತಿಂಗಳಲ್ಲಿ ನಡೆದ ಚುನಾವಣೆಯಲ್ಲಿ ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕರಾಗಿ ಆಯ್ಕೆಯಾದ ಬಳಿಕ ಇದೇ ಮೊದಲ ಬಾರಿಗೆ ಸಂಘದ ಕಚೇರಿಗೆ ಭೇಟಿ ನೀಡಿದ ಮೋಹನ್ ನಾಯಕ್ ಅವರನ್ನು ಸಂಘದ ವತಿಯಿಂದ ಆತ್ಮೀಯವಾಗಿ ಸನ್ಮಾನಿಸಲಾಯಿತು. ‘ಸಂಘವು ಇತ್ತೀಚಿಗೆ ಲೋಕಧ್ವನಿ ಹೆಮ್ಮೆಯ ಸಾಧಕ ಪ್ರಶಸ್ತಿಗೆ ಭಾಜನರಾಗಿರುವುದು ಅತ್ಯಂತ ಹೆಮ್ಮೆಯ ಸಂಗತಿಯಾಗಿದೆ. ಇನ್ನಷ್ಟು ಪ್ರಶಸ್ತಿಗಳು ಸಂಘಕ್ಕೆ ಬರುವಂತಾಗಲಿ.ವಸಂತ ಶೆಟ್ಟಿಯವರಿಂದ ಸ್ಥಾಪನೆಯಾದ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘವು ಇನ್ನಷ್ಟು ಬೆಳೆಯಲಿ ‘ ಎಂದು ಮೋಹನ್ ನಾಯಕ್ ಆಶಿಸಿದರು. ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷ ಶ್ರೀಧರ ಮೊಗೇರ್, ಉಪಾಧ್ಯಕ್ಷ ಭಾಸ್ಕರ ಶೆಟ್ಟಿ, ಆಂತರಿಕ ಸಲಹೆಗಾರ ಪಿ ಡಿ ಮದ್ಗುಣಿ, ನಿರ್ದೇಶಕರಾದ ಅಮಿತ್ ಹೆಗಡೆ, ರಾಘವೇಂದ್ರ ಹೆಗಡೆ, ಪೀಟರ್ ಫರ್ನಾಂಡೀಸ್, ತುಕಾರಾಮ ನೆತ್ರೇಕರ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಇತರರು ಇದ್ದರು.
- [ಆಟೋ ಚಾಲಕರ ನಡುವೆ ಹೊಡೆದಾಟ!](https://mobiletime.in/2026/02/fight-between-auto-drivers/): ಆಟೋದಲ್ಲಿ ಹೆಚ್ಚು ಜನರನ್ನು ಹಾಕಿಕೊಂಡು ಹೊರಟಿದ್ದ ಚಾಲಕನನ್ನು ಮತ್ತೊಬ್ಬ ಚಾಲಕ ಪ್ರಶ್ನಿಸಿದ್ದು, ಇದೇ ವಿಷಯ ಅವರಿಬ್ಬರ ನಡುವಿನ ಹೊಡೆದಾಟಕ್ಕೆ ಕಾರಣವಾಗಿದೆ. ಭಟ್ಕಳ ತಾಲೂಕಿನ ತಲಗೋಡ ಗ್ರಾಮದ ಒಂಕನ ಮನೆಯ ರಾಮಾ ಮಂಜಪ್ಪ ನಾಯ್ಕ ಹಾಗೂ ತಲಗೋಡ ಗ್ರಾಮದ ಹನುಮಂತ ಸುಬ್ರಾಯ ನಾಯ್ಕ ಅವರ ನಡುವೆ ಜಟಾಪಟಿ‌ ನಡೆದಿದೆ. ಫೆ 3ರಂದು ಸಂಜೆ ಭಟ್ಕಳದ ಬಂದರ ರಸ್ತೆಯಲ್ಲಿರುವ ಅಟೋ ರಿಕ್ಷಾ ನಿಲ್ದಾಣದಲ್ಲಿ ಆಟೋ ಚಾಲಕ ರಾಮ ನಾಯ್ಕ ತಮ್ಮ ಅಟೋ ರಿಕ್ಷಾದಲ್ಲಿ ೩ ಜನ ಪ್ರಯಾಣಿಕರನ್ನು ಹತ್ತಿಸಿಕೊಂಡಿದ್ದಾರೆ. ಅದಾದ ನಂತರ ಮತ್ತೆ ಎರಡು ಮಕ್ಕಳನ್ನು ಹತ್ತಿಸಿದ್ದಾರೆ. ರಿಕ್ಷಾ ಸರತಿಯಲ್ಲಿ ಕಾಯುತ್ತಿದ್ದ ಹನುಮಂತ ಸುಬ್ರಾಯ ನಾಯ್ಕ ಅವರು ಇದನ್ನು ಪ್ರಶ್ನಿಸಿದ್ದಾರೆ. ರಾಮಾ ನಾಯ್ಕರನ್ನು ಹನುಂಮತ ನಾಯ್ಕ ಅವರು ಅಡ್ಡಗಟ್ಟಿದ್ದಾರೆ. ಅವಾಚ್ಯ ಶಬ್ದಗಳಿಂದ ಬೈದು ತಮ್ಮ ಅಟೋ ರಿಕ್ಷಾದಲ್ಲಿ ಇದ್ದ ಸ್ಟೀಲ್ ಬಾಟಲಿಯಿಂದ ಎದೆಗೆ ಹೊಡೆದಿದ್ದಾರೆ. ಕೈಯಿಂದ ಹೊಡೆದು ಉಗುರಿನಿಂದ ಕುತ್ತಿಗೆಯ ಭಾಗದಲ್ಲಿ ಪರಚಿ ದೂಡಿ ಹಾಕಿದ್ದಾರೆ. ನಂತರ ಎದುರಾಳಿಯ ಎಡಕೈಯನ್ನು ತಿರುವಿ ನೋವು ಪಡಿಸಿದ್ದು, ಕೊಲೆ ಮಾಡುವುದಾಗಿ ಜೀವದ ಬೆದರಿಕೆ ಹಾಕಿದ್ದಾರೆ. ಈ ಕುರಿತು ರಾಮಾ ನಾಯ್ಕ ಅವರ ಪತ್ನಿ  ಪಾರ್ವತಿ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ.  
- [ಕಾರವಾರ: ಶಿರವಾಡದಲ್ಲಿ ಬೆಂಕಿ-ಬಿರುಗಾಳಿ!](https://mobiletime.in/2026/02/karwar-fire-and-storm-in-shirwad/): ಕಾರವಾರದ ಶಿರವಾಡದಲ್ಲಿರುವ ತ್ಯಾಜ್ಯ ವಿಲೆವಾರಿ ಘಟಕಕ್ಕೆ ಬೆಂಕಿ ಬಿದ್ದಿದೆ. ಭಾರೀ ಪ್ರಮಾಣದ ಗಾಳಿಗೆ ಬೆಂಕಿ ಪ್ರಮಾಣ ಉಲ್ಬಣಿಸಿದ್ದು ಅಗ್ನಿಶಾಮಕ ಸಿಬ್ಬಂದಿ ಸಾಹಸದಿಂದ ದೊಡ್ಡ ಅನಾಹುತ ತಪ್ಪಿದೆ. ಕಾರವಾರ ನಗರಸಭೆಯ ತ್ಯಾಜ್ಯ ವಿಲೇವಾರಿ ಘಟಕಕ್ಕೆ ಶುಕ್ರವಾರ ಬೆಳಗಿನ ಜಾವ ಬೆಂಕಿ ಬಿದ್ದಿದೆ. ಬೆಂಕಿಯನ್ನು ನಂದಿಸಲು ಅಗ್ನಿಶಾಮಕ ದಳದವರು ಗಂಟೆಗಟ್ಟಲೆ ಕಾರ್ಯಾಚರಣೆ ನಡೆಸಿದ್ದಾರೆ. ನಸುಕಿನ 3ಗಂಟೆಗೆ ಈ ಅವಘಡ ನಡೆದಿದ್ದು, ಸ್ಥಳದಲ್ಲಿ ಸಂಗ್ರಹವಾಗಿದ್ದ ಪ್ಲಾಸ್ಟಿಕ್ ತ್ಯಾಜ್ಯ ಸುಟ್ಟಿದೆ. ಕೆಲವೇ ಕ್ಷಣಗಳಲ್ಲಿ ಬೆಂಕಿ ವ್ಯಾಪಕವಾಗಿ ಹರಡಿದೆ. ಹಲವು ಕಿಲೋಮೀಟರ್ ದೂರದಿಂದಲೂ ದಟ್ಟವಾದ ಹೊಗೆ ಹಾಗೂ ಎತ್ತರದ ಜ್ವಾಲೆಗಳು ಕಾಣಿಸಿಕೊಂಡಿದ್ದು, ಸುತ್ತಮುತ್ತಲಿನ ನಿವಾಸಿಗಳು ಆತಂಕಕ್ಕೆ ಒಳಗಾದರು‌. ಸ್ಥಳೀಯರು ಮಾಹಿತಿ ನೀಡುತ್ತಿದ್ದಂತೆ ಅಗ್ನಿಶಾಮಕ ಮತ್ತು ತುರ್ತು ಸೇವಾ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಬೆಂಕಿ ನಂದಿಸುವ ಕಾರ್ಯಾಚರಣೆಯನ್ನು ಆರಂಭಿಸಿದರು. ಬೆಂಕಿಯ ತೀವ್ರತೆಯನ್ನು ಗಮನಿಸಿ, ಅಂಕೋಲಾ ಹಾಗೂ ಗ್ರಾಸಿಮ್ ಇಂಡಸ್ಟ್ರೀಸ್‌ನಿಂದ ಹೆಚ್ಚುವರಿ ಅಗ್ನಿಶಾಮಕ ವಾಹನಗಳನ್ನು ಕರೆಸಲಾಯಿತು. ಡಂಪಿಂಗ್ ಯಾರ್ಡ್ ಸಮೀಪದಲ್ಲಿರುವ ಪ್ರದೇಶಗಳಿಗೆ ಬೆಂಕಿ ಹರಡದಂತೆ ಅಧಿಕಾರಿಗಳು ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಂಡರು. ಕತ್ತಲೆಯಲ್ಲಿಯೂ ಕಾರ್ಯಾಚರಣೆ ಮುಂದುವರೆಸಿದ ಪರಿಣಾಮ‌ ಇನ್ನಷ್ಟು ಅನಾಹುತ ತಪ್ಪಿತು. ಬೆಂಕಿ ಅವಘಡಕ್ಕೆ ನಿಖರ ಕಾರಣ ಇನ್ನೂ ತಿಳಿದುಬಂದಿಲ್ಲ. ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ಅಥವಾ ಚಳಿ ತಪ್ಪಿಸಲು ಕೆಲವರು ಹಚ್ಚಿದ ಸಣ್ಣ ಬೆಂಕಿಯಿಂದ ಈ ಘಟನೆ ಸಂಭವಿಸಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ.
- [ಸರ್ಕಾರಿ ಕಚೇರಿ: ಬೀಗ ಹಾಕುವುದನ್ನೇ ಮರೆತ PDO!](https://mobiletime.in/2026/02/government-office-pdo-forgot-to-lock-it/): ಗ್ರಾಮಸ್ಥರು ಹಾಗೂ ಅಧಿಕಾರಿಗಳ ನಡುವೆ ಹೊನ್ನಾವರದಲ್ಲಿ ಜಗಳವಾಗಿದ್ದು, ಇದರಿಂದ ಆಘಾತಕ್ಕೆ ಒಳಗಾದ ಹಡನಬಾಳ ಗ್ರಾ ಪಂ ಅಧಿಕಾರಿಗಳು ಕಚೇರಿಗೆ ಬೀಗ ಹಾಕುವುದನ್ನೇ ಮರೆತು ಮನೆಗೆ ಹೋಗಿದ್ದಾರೆ. ಪರಿಣಾಮ ರಾತ್ರಿಯೂ ಸರ್ಕಾರಿ ಕಚೇರಿ ಬಾಗಿಲು ತೆರೆದಿರುವುದು ಕಾಣಿಸಿದೆ. `ಕಚೇರಿಯಲ್ಲಿನ ಅವ್ಯವಸ್ಥೆ ಸರಿಪಡಿಸಿ’ ಎಂದು ಆ ಭಾಗದ ಗ್ರಾಮಸ್ಥರು ಒತ್ತಾಯಿಸುತ್ತಿದ್ದರು. ಆದರೆ, ಪಿಡಿಓ ಮಾತ್ರ ಇದಕ್ಕೆ ಸ್ಪಂದಿಸರಲಿಲ್ಲ. ಹೀಗಾಗಿ ಊರಿನ ಜನ ಗ್ರಾಮ ಪಂಚಾಯತ ಕಚೇರಿ ಎದುರು ಪ್ರತಿಭಟಿಸಿದರು. ಇದರಿಂದ ಅಸಮಧಾನಗೊಂಡ ಅಧಿಕಾರಿಗಳು ಸಂಜೆ ಕಚೇರಿಗೆ ಬೀಗ ಹಾಕದೇ ಮನೆಗೆ ಮರಳಿದರು. ಕೆಲ ಕಾಲ ಪ್ರತಿಭಟನೆ ನಡೆಸಿದ ಊರಿನವರು ನಂತರ ಮರಳಿದ್ದು, ರಾತ್ರಿಯೂ ಅಲ್ಲಿ ಬೆಳಕು ಉರಿಯುತ್ತಿರುವುದು ಕಾಣಿಸಿತು. ಅದಾದ ನಂತರ ಪೊಲೀಸ್ ಭದ್ರತೆಯಲ್ಲಿ ಬಂದ ಅಧಿಕಾರಿಗಳು ಬೀಗ ಹಾಕಿ ಹೋಗಿದ್ದಾರೆ. ಅಕ್ರಮ ಕಾಮಗಾರಿ, ಆಡಳಿತದ ವಿರುದ್ಧ ಅಸಮಧಾನ ಹಾಗೂ ಇನ್ನಿತರ ವಿಷಯಗಳ ಬಗ್ಗೆ ಊರಿನವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ದಾಖಲೆ ನೀಡಿದರೂ ಅಕ್ರಮದ ವಿರುದ್ಧ ತನಿಖೆ ನಡೆಸದ ಬಗ್ಗೆ ಕಿಡಿಕಾರಿದ್ದಾರೆ. ಗ್ರಾಮಸಭೆಯನ್ನು ಸರಿಯಾಗಿ ನಡೆಸದ ಬಗ್ಗೆ ಆಕ್ಷೇಪಿಸಿದ್ದಾರೆ. `ನಾಲ್ಕು ಬಾರಿ ಸಭೆ ಕಡೆಯುವಂತೆ ಸೂಚಿಸಿದರೂ ಸಭೆ ಕರೆದಿಲ್ಲ. ಈಗ ಸಭೆ ಮುಗಿದಿದೆ ಎನ್ನುವ ಉತ್ತರ ನೀಡಲಾಗುತ್ತಿದೆ’ ಎಂದು ಜನ ದೂರಿದ್ದಾರೆ. `ಕಚೇರಿಗೆ ಬಾಗಿಲು ಹಾಕದೇ ಹೋದ ಕಾರಣ ಅಲ್ಲಿ ದಾಖಲೆ ಕಳ್ಳತನ ನಡೆದರೆ ಯಾರು ಹೊಣೆ?’ ಎಂದು ಊರಿನವರು ಪ್ರಶ್ನಿಸಿದ್ದಾರೆ. ಸಿಬ್ಬಂದಿಯ ವರ್ತನೆ ವಿರುದ್ಧ ಜನ ಅಸಮಧಾನಹೊರಹಾಕಿದ್ದಾರೆ.
- [ಬ್ಲೂವೆಲ್ ಅಲ್ಲ.. ಬಿಗ್ ಡ್ಯಾಡಿ: ಮನುಷ್ಯನನ್ನೇ ಮಾಯ ಮಾಡಿ ಆನ್‌ಲೈನ್ ಗೇಮ್!](https://mobiletime.in/2026/02/not-bluewell-big-daddy-an-online-game-that-makes-people-disappear/): ಗ್ರಾಮ ಒನ್ ಕೇಂದ್ರದಲ್ಲಿ ಕೆಲಸ ಮಾಡಿಕೊಂಡಿದ್ದ ಮಹಮದ್ ಶೇಖ್ ಅವರು ಆನ್‌ಲೈನ್ ಗೇಮ್ ಆಟದ ಚಟಕ್ಕೆ ಹಣ ಕಳೆದುಕೊಂಡಿದ್ದಾರೆ. ಅದಾಗಿಯೂ ಆನ್‌ಲೈನ್ ಗೇಮ್ ವ್ಯಾಮೋಹ ಬಿಡದ ಅವರು ಸಾಲ ಮಾಡಿ ಆ ಆಟ ಆಡಿದ್ದು, ಮನೆಯಲ್ಲಿ ಬೈದ ಕಾರಣ ಮನೆ ಬಿಟ್ಟು ಹೋಗಿದ್ದಾರೆ! ಯಲ್ಲಾಪುರದ ಜಯಂತಿ ನಗರದಲ್ಲಿ ಮಹಮದ್ ಇಂತ್ಯಾಮ ಗೌಸಲಿ ಶೇಖ್ (24) ಅವರು ವಾಸವಾಗಿದ್ದರು. ತಮ್ಮ ಮೊಬೈಲಿನಲ್ಲಿ ಅವರು `ಬಿಗ್ ಡ್ಯಾಡಿ’ ಎಂಬ ಆನ್ ಲೈನ್ ಗೇಮ್ ಆಡುತ್ತಿದ್ದರು. ತಮ್ಮಲ್ಲಿದ್ದ ಹಣವನ್ನೆಲ್ಲ ಆ ಆಟದ ಮೇಲೆ ಸುರಿದಿದ್ದ ಮಹಮದ್ ಅವರು ಆ ಆಟ ಆಡುವುದಕ್ಕಾಗಿ ಸಾಲವನ್ನು ಮಾಡಿದ್ದರು. ಆದರೆ, ಹಣ ಗೆದ್ದ ಉದಾಹರಣೆಗಳಿರಲಿಲ್ಲ. ಅದಾಗಿಯೂ, ಅವರ ಆನ್‌ಲೈನ್ ಆಟದ ವ್ಯಾಮೋಹ ಕಡಿಮೆ ಆಗಿರಲಿಲ್ಲ. ಫೆಬ್ರವರಿ 4ರ ರಾತ್ರಿ ಮನೆಗೆ ಬಂದ ನಂತರವೂ ಮಹಮದ್ ಶೇಖ್ ಅವರು ಮೊಬೈಲ್ ನೋಡುತ್ತಿದ್ದರು. ಬೆಂಬಿಡದೇ ಅವರು `ಬಿಗ್ ಡ್ಯಾಡಿ’ ಎಂಬ ಆಟ ಆಡುತ್ತಿದ್ದರು. ಇದನ್ನು ನೋಡಿದ ಕುಟುಂಬದವರು `ಇನ್ಮುಂದೆ ಆ ಆಟ ಆಡಬೇಡ’ ಎಂದು ಸಲಹೆ ನೀಡಿದರು. ಈ ವಿಷಯವಾಗಿ ಮನೆಯಲ್ಲಿ ಕೆಲ ವಾಗ್ವಾದ-ಗೊಂದಲ ಉಂಟಾಗಿದ್ದು, ಮಹಮದ್ ಶೇಖ್ ಅವರು ಇದರಿಂದ ಮಾನಸಿಕವಾಗಿ ಕುಗ್ಗಿದರು. ಆ ದಿನ ರಾತ್ರಿ ಮನೆಯಲ್ಲಿ ಮಲಗಿದ್ದ ಅವರು ಮರು ದಿನ ಮನೆಯಲ್ಲಿ ಕಾಣಲಿಲ್ಲ. ಸಂಜೆಯವರೆಗೆ ಹುಡುಕಾಟ ನಡೆಸಿದರೂ ಮಹಮದ್ ಶೇಖ್ ಅವರ ಸುಳಿವು ಸಿಗಲಿಲ್ಲ. ಹೀಗಾಗಿ ಸಿವಿಲ್ ಇಂಜಿನಿಯರ್ ಆಗಿರುವ ಜಾವಿದ್ ಗೌಸ್ ಅಲಿ ಶೇಖ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಈ ಎಲ್ಲಾ ವಿಷಯ ಆಲಿಸಿದ ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಮಹಮದ್ ಶೇಖ್ ಅವರ ಶೋಧ ಶುರು ಮಾಡಿದ್ದಾರೆ. `ಜೂಜಾಟ ಜೀವನಕ್ಕೆ ಮಾರಕ’
- [ನೇಣಿಗೆ ನಿರ್ಧರಿಸಿದವ ನೆಲಕ್ಕೆ ಬಿದ್ದು ಸಾವು!](https://mobiletime.in/2026/02/the-one-who-decided-to-hang-himself-fell-to-the-ground-and-died/): `ಕೆಲಸ ಸರಿ ಇಲ್ಲ. ಸಂಬಳ ಸಾಲುತ್ತಿಲ್ಲ’ ಎಂದು ಕೊರಗುತ್ತಿದ್ದ ಕಿಶೋರ ನಾಯ್ಕ ಅವರು ಆತ್ಮಹತ್ಯೆಗೆ ನಿರ್ಧರಿಸಿದ್ದು, ನೇಣು ಹಾಕಿಕೊಳ್ಳುವಾಗ ಹಗ್ಗ ತುಂಡಾದ ಪರಿಣಾಮ ಅವರು ನೆಲಕ್ಕೆ ಬಿದ್ದು ಸಾವನಪ್ಪಿದ್ದಾರೆ! ಸಿದ್ದಾಪುರ ಕಾನಗೋಡ ಗಣೇಶ ನಗರದ ಕಿಶೋರ ಈಶ್ವರ ನಾಯ್ಕ (23) ಅವರು ವಾಸವಾಗಿದ್ದರು. ಹೊಟೇಲ್ ಕೆಲಸ ಮಾಡಲು ಅವರು ಆಸಕ್ತಿವಹಿಸಿದ್ದರು. ಹೀಗಾಗಿ ಹೋಟೆಲ್ ಕೆಲಸಕ್ಕಾಗಿ ಅವರು ಎಲ್ಲಡೆ ಅಲೆದಾಡುತ್ತಿದ್ದರು. ಎಲ್ಲಿಯೂ ಒಳ್ಳೆಯ ಕೆಲಸ ಸಿಗದ ಕಾರಣ ಬೆಂಗಳೂರಿಗೂ ಹೋಗಿದ್ದರು. ಎರಡು ತಿಂಗಳ ಹಿಂದೆ ಬೆಂಗಳೂರು ಹೋಗಿದ್ದ ಅವರಿಗೆ ಅಲ್ಲಿಯೂ ಸೂಕ್ತ ಉದ್ಯೋಗ ಸಿಕ್ಕಿರಲಿಲ್ಲ. ಹೀಗಾಗಿ ಕಿಶೋರ ನಾಯ್ಕ ಅವರು ಸರಾಯಿ ಸೇವನೆಯ ಚಟ ಅಂಟಿಸಿಕೊAಡರು. ಸರಾಯಿ ಕುಡಿಯಲು ಅಗತ್ಯವಿರುವಷ್ಟು ಕಾಸು ದುಡಿಯಲು ಅವರಿಗೆ ಸಾಧ್ಯವಾಗಿರಲಿಲ್ಲ. `ಕೆಲಸ ಸರಿ ಇಲ್ಲ. ಇಲ್ಲಿನ ಸಂಬಳ ಸಾಲುತ್ತಿಲ್ಲ’ ಎಂದು ಅವರು ಬೇಸರಿಸಿಕೊಂಡಿದ್ದರು. ವಾರದ ಹಿಂದೆ ಅವರು ಊರಿಗೆ ಮರಳಿದ್ದು, ಮತ್ತೆ ಇಲ್ಲಿಯೂ ಕೆಲಸದ ಹುಟುಕಾಟ ನಡೆಸಿದರು. ಆದರೆ, ಅವರಿಗೆ ಸಮಾಧಾನ ನೀಡುವ ಕೆಲಸ ಎಲ್ಲಿಯೂ ಸಿಗಲಿಲ್ಲ. ಜೀವನದಲ್ಲಿ ಜಿಗುಪ್ಸೆಗೆ ಒಳಗಾದ ಕಿಶೋರ ನಾಯ್ಕ ಅವರು ಫೆಬ್ರವರಿ 5ರಂದು ಆತ್ಮಹತ್ಯೆಗೆ ನಿರ್ಧರಿಸಿದರು. ತಾವು ವಾಸವಾಗಿರುವ ಮದ್ಯದ ಕೋಣೆಗೆ ಹೋದರು. ಅಲ್ಲಿದ್ದ ಮರದ ತೊಲೆಗೆ ಹಗ್ಗ ಕಟ್ಟಿದರು. ಹಗ್ಗದ ಇನ್ನೊಂದು ತುದಿಯನ್ನು ಕುತ್ತಿಗೆಗೆ ಸಿಕ್ಕಿಸಿಕೊಂಡು ನೇಣು ಹಾಕಿಕೊಂಡರು. ಆದರೆ, ಆ ಹಗ್ಗ ಅಲ್ಲಿ ತುಂಡಾಗಿದ್ದರಿoದ ಅವರು ನೆಲಕ್ಕೆ ಅಪ್ಪಳಿಸಿದರು. ಎತ್ತರದಿಂದ ನೆಲಕ್ಕೆ ಬಿದ್ದ ರಭಸಕ್ಕೆ ಅವರು ಅಲ್ಲಿಯೇ ಸಾವನಪ್ಪಿದರು. ಅರಣ್ಯ ಇಲಾಖೆಯಲ್ಲಿ ಬೀಟ್ ಪಾರೆಸ್ಟರ್ ಆಗಿರುವವ ಕಿರಣಕುಮಾರ ನಾಯ್ಕ ಅವರು ಸಹೋದರ ಸಾವನಪ್ಪಿರುವುದನ್ನು ನೋಡಿದರು. ಕಿರಣಕುಮಾರ ನಾಯ್ಕ ಅವರು ಸಿದ್ದಾಪುರ ಪೊಲೀಸ್ ಠಾಣೆಗೆ ಫೋನ್ ಮಾಡಿದರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ನೇಣು ಹಾಕಿಕೊಳ್ಳುವಾಗ ಹಗ್ಗ ತುಂಡಾಗಿ ಬಿದ್ದಿರುವುದನ್ನು ಅಲ್ಲಿದ್ದವರು ಗಮನಿಸಿದರು. ಸಹೋದರ ನೀಡಿದ ಮಾಹಿತಿ ಪ್ರಕಾರ ಪೊಲೀಸರು ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [38 ಅಡಿ ಆಳದ ಬಾವಿ: ಮಣ್ಣು ಕುಸಿದು ಕಾರ್ಮಿಕ ಸಾವು!](https://mobiletime.in/2026/02/38-foot-deep-well-worker-dies-after-soil-collapses/): ಹೊನ್ನಾವರದ ಮಂಕಿಯ ಉದಯ ನಾಯ್ಕ ಅವರ ಜಮೀನಿನಲ್ಲಿದ್ದ 38 ಅಡಿ ಆಳದ ಬಾವಿಗೆ ಬಿದ್ದು ರಾಜೀವ ರಾಜನ್ ಅವರು ಸಾವನಪ್ಪಿದ್ದಾರೆ. ಹೊನ್ನಾವರದ ಮಂಕಿಯ ಗಣೇಶ ನಗರದ ಬಳಿ ಉದಯ ಸಾಂತಯ್ಯ ನಾಯ್ಕ ಅವರು ವಾಸವಾಗಿದ್ದಾರೆ. ಅವರು ತಮ್ಮ ಜಮೀನಿನಲ್ಲಿ ಬಾವಿ ತೋಡಿಸಿದ್ದು, ಅದಕ್ಕೆ ಸಿಮೆಂಟ್ ರಿಂಗ್’ಗಳನ್ನು ಅಳವಡಿಸಿದ್ದಾರೆ. ಬಾವಿ ನಿರ್ಮಾಣ ಹಾಗೂ ರಿಂಗ್ ಅಳವಡಿಸುವ ಪ್ರಕ್ರಿಯೆಗೆ ಕೇರಳದ ರಾಜೀವ ರಾಜನ್ ಅವರು ತಮ್ಮ ತಂಡದ ಜೊತೆ ಬಂದಿದ್ದು, ಕೆಲಸ ಅವಧಿಯಲ್ಲಿ ಬಾವಿಯ ಅಂಚಿನ ಮಣ್ಣು ಕುಸಿದ ಪರಿಣಾಮ ರಾಜೀವ ರಾಜನ್ (29) ಅವರು ಬಾವಿ ಆಳಕ್ಕೆ ಬಿದ್ದಿದ್ದಾರೆ. ಅಲ್ಲಿಂದ ಮೇಲೆ ಬರಲಾಗದೇ ಕೊನೆಯುಸಿರೆಳೆದಿದ್ದಾರೆ. ಜನವರಿ 3ರಂದು ಈ ಅವಘಡ ನಡೆದಿದೆ. ಇನ್ನಿತರ ಕೆಲಸಗಾರರ ಸಮ್ಮುಖದಲ್ಲಿಯೇ ದುರಂತ ನಡೆದರೂ ರಾಜೀವ ಅವರನ್ನು ಬದುಕಿಸಲು ಸಾಧ್ಯವಾಗಲಿಲ್ಲ. ದುರಂತಕ್ಕೂ ಮುನ್ನ ರಾಜೀವ ರಾಜನ್ ಅವರು ಸಿಮೆಂಟ್ ರಿಂಗುಗಳಿಗೆ ಅಳವಡಿಸಿದ್ದ ಕಬ್ಬಿಣದ ಬಾಕ್ಸುಗಳನ್ನು ತೆಗೆಯುತ್ತಿದ್ದು, ಅವರು ಮುನ್ನಚ್ಚರಿಕೆವಹಿಸದಿರುವುದೇ ಸಾವಿಗೆ ಮುಖ್ಯ ಕಾರಣವಾಗಿದೆ. ಅವರ ಜೊತೆ ಕೆಲಸ ಮಾಡುತ್ತಿದ್ದ ಮನೋಜ ಮೋಹನನ್ ಈ ಬಗ್ಗೆ ಮಾಹಿತಿ ನೀಡಿದ್ದು, ಮಂಕಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ನೇಣಿಗೆ ಶರಣಾದ ಭದ್ರತಾ ಸಿಬ್ಬಂದಿ](https://mobiletime.in/2026/02/security-guard-who-committed-suicide/): ಭಟ್ಕಳದಲ್ಲಿ ಭದ್ರತಾ ಸಿಬ್ಬಂದಿಯಾಗಿದ್ದ ಶಂಕರ್ ದೇವಾಡಿಗ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಶಂಕರ್ ದೇವಾಡಿಗ ಅವರು ಖಾಸಗಿ ಬ್ಯಾಂಕ್‌ನಲ್ಲಿ ಸೆಕ್ಯೂರಿಟಿ ಗಾರ್ಡ್ ಆಗಿದ್ದರು. ಶಿರಾಲಿ ಚಿತ್ರಾಪುರದಲ್ಲಿರುವ ಖಾಸಗಿ ಬ್ಯಾಂಕ್‌ನ ಹಿಂಭಾಗದ ವಾಶ್‌ರೂಮ್ ಪಕ್ಕದ ಪಾಕಾಶಿಯಲ್ಲಿ ನೈಲಾನ್ ದಾರದಿಂದ ಉರುಳು ಹಾಕಿಕೊಂಡು ಅವರು ಸಾವನಪ್ಪಿದ್ದಾರೆ. ಬೆಳಗಿನ ಜಾವ ಬ್ಯಾಂಕ್ ಸಿಬ್ಬಂದಿ ಶವ ನೋಡಿ ಪೊಲೀಸರಿಗೆ ವಿಷಯ ಮುಟ್ಟಿಸಿದ್ದಾರೆ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಕಡಿಮೆ ವೇತನ, ನಿರಂತರ ಕರ್ತವ್ಯದ ಒತ್ತಡ ಹಾಗೂ ವೈಯಕ್ತಿಕ ಸಮಸ್ಯೆಗಳು ಆತ್ಮಹತ್ಯೆಗೆ ಕಾರಣವಾಗಿರಬಹುದೆಂದು ಶಂಕಿಸಲಾಗಿದೆ.
- [ಕಾಸು ಕದ್ದ ಕರ್ಕಿಯ ಪೋಸ್ಟ್ ಮಾಸ್ಟರ್!](https://mobiletime.in/2026/02/karkis-postmaster-stole-money/): ಹೊನ್ನಾವರದ ಜಲವಳ್ಳಿ ಅಂಚೆ ಇಲಾಖೆಯಲ್ಲಿ ಅವ್ಯವಹಾರ ನಡೆದಿದೆ. ಅಂಚೆ ಅಧಿಕಾರಿಯಾಗಿದ್ದ ಮೋಹನ ಪೂಜಾರಿ ಅವರೇ ಅಲ್ಲಿ ಅಪರಾತಪರ ಮಾಡಿದ್ದಾರೆ. ಹೊನ್ನಾವರ ಜಲವಳ್ಳಿ ಕರ್ಕಿಯಲ್ಲಿ ಮೋಹನ ಹನುಮಂತ ಪೂಜಾರಿ ಅವರು ವಾಸವಾಗಿದ್ದಾರೆ. ಜಲವಳ್ಳಿಯ ಅಂಚೆ ಕಚೇರಿಯಲ್ಲಿ ಅವರು ಪೋಸ್ಟ್ ಮಾಸ್ಟರ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ತಾವು ಕೆಲಸ ಮಾಡುವ ಜಲವಳ್ಳಿ ಅಂಚೆ ಕಚೇರಿಯ ಗ್ರಾಹಕರಿಗೆ ಅವರು ಅನ್ಯಾಯ ಮಾಡಿದ್ದಾರೆ. ಆ ಭಾಗದ ಜನ ಅಂಚೆ ಇಲಾಖೆಗೆ ಜಮಾ ಮಾಡಿದ್ದ ಹಣವನ್ನು ಮೋಹನ ಪೂಜಾರಿ ಅವರು ದುರುಪಯೋಗಪಡಿಸಿಕೊಂಡಿದ್ದಾರೆ. ಅಂಚೆ ಇಲಾಖೆಗೆ ಜನ ಹಣ ಜಮಾ ಮಾಡಲು ಬಂದಾಗ ಅವರ ಪಾಸ್‌ಬುಕ್’ನಲ್ಲಿ ಹಣ ಜಮಾ ಮಾಡಿದ ಹಾಗೇ ತೋರಿಸಿದ ಹನುಮಂತ ಪೂಜಾರಿ ಅವರು ಆ ಹಣವನ್ನು ಅಂಚೆ ಇಲಾಖೆಗೆ ಜಮಾ ಮಾಡಿಲ್ಲ. ಹೀಗಾಗಿ ಪಾಸ್ ಬುಕ್’ನಲ್ಲಿ ಹಣ ಕಾಣಿಸಿದರೂ ಗ್ರಾಹಕರ ಖಾತೆಯಲ್ಲಿ ಹಣ ಇರಲಿಲ್ಲ. ಈ ವಿಷಯ ಊರಿನಲ್ಲಿ ದೊಡ್ಡ ಗೌಜಿ ಆಗದಿದ್ದರೂ ಅಂಚೆ ಇಲಾಖೆಯ ಗಮನಕ್ಕೆ ಬಂದಿತ್ತು. ಹೀಗಾಗಿ ಅಂಚೆ ಇಲಾಖೆಯವರು ಆಂತರಿಕ ತನಿಖೆ ನಡೆಸಿದಾಗ ಸರ್ಕಾರಿ ಹಣ ದುರುಪಯೋಗ ನಡೆದಿರುವುದು ಗೊತ್ತಾಯಿತು. ಖಾತೆದಾರರಿಂದ ಹಣಪಡೆದು ಅದನ್ನು ಸ್ವಂತ ಉಪಯೋಗಕ್ಕೆ ಬಳಸಿರುವುದು ಸಾಭೀತಾಯಿತು. ಈ ಎಲ್ಲಾ ಹಿನ್ನಲೆ ಅಂಚೆ ಅಧೀಕ್ಷಕ ಕೃಷ್ಣಪ್ಪ ಸಂಕ್ರಟ್ಟಿ ಅವರು ಕಾನೂನು ಕ್ರಮಕ್ಕೆ ಮುಂದಾದರು. ಹೊನ್ನಾವರ ಪೊಲೀಸ್ ಠಾಣೆಗೆ ಹೋದ ಅವರು ಮೋಹನ ಪೂಜಾರಿ ವಿರುದ್ಧ ದೂರು ನೀಡಿದರು. ಸದ್ಯದ ಮಾಹಿತಿ ಪ್ರಕಾರ 1.83 ಲಕ್ಷ ರೂ ವಂಚನೆ ನಡೆದಿದೆ. ಆ ಹಣ ದುರುಪಯೋಗಪಡಿಸಿಕೊಂಡ ಅಂಚೆ ಸಿಬ್ಬಂದಿ ಮೋಹನ ಪೂಜಾರಿ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಸರ್ಕಾರಿ ಬಸ್ಸಿಗೆ ಗುದ್ದಿದ ಸೈನಿಕನ ಕಾರು!](https://mobiletime.in/2026/02/a-soldiers-car-hit-a-government-bus/): ಕಾರವಾರ ನಗರದ ಬಿಲ್ಡ್ ಸರ್ಕಲ್ ಬಳಿ ಗುರುವಾರ ಮಧ್ಯಾಹ್ನ ಕಾರು- ಬಸ್ಸಿನ ನಡುವೆ ಅಪಘಾತ ನಡೆದಿದೆ. ಈ ಅಪಘಾತದಲ್ಲಿ ಕಾರು ಜಖಂ ಆಗಿದೆ. ಸರ್ಕಾರಿ ಬಸ್ಸಿಗೂ ಅಲ್ಲಲ್ಲಿ ಹಾನಿ ಆಗಿದೆ. ನೌಕಾನೆಲೆಯ ಸಿಬ್ಬಂದಿ ಗುನಾಜಿತ್ ಅವರು ತಮ್ಮ ಪುತ್ರನ ಜೊತೆ ಕಾರವಾರದಿಂದ ಬಿಣಗಾ ಕಡೆ ಹೊರಟಾಗ ಈ ಅಪಘಾತ ನಡೆದಿದೆ. ವೃತ್ತದ ತಿರುವಿನಲ್ಲಿ ಬಸ್ ಬಂದಾಗ ಕಾರು ಬಸ್‌ನ ಮುಂಭಾಗಕ್ಕೆ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ಕಾರಿನ ಏರ್ ಬ್ಯಾಗ್ ತೆರೆದಿದ್ದು ಪ್ರಯಾಣಿಕರು ಜೀವಾಪಾಯದಿಂದ ಪಾರಾಗಿದ್ದಾರೆ. ಕಾರಿನ ಮುಂಭಾಗ ಸಂಪೂರ್ಣ ಜಖಂಗೊAಡಿದೆ. ಕಾರಿನಿಂದ ಆಯಲ್ ಕೂಡ ಸೋರುತ್ತಿದ್ದು ಅದನ್ನು ನೋಡಿ ಜನ ಹೌಹಾರಿದ್ದಾರೆ. ನಂತರ ಕಾರಿನ ಒಳಗೆ ಸಿಲುಕಿದ್ದವರನ್ನು ಹೊರಗೆ ಎಳೆದಿದ್ದಾರೆ. ಅಪಘಾತದಲ್ಲಿ ಕಾರಿನಲ್ಲಿದ್ದವರಿಗೆ ಸಣ್ಣ ಗಾಯಗಳಾಗಿವೆ. ಕಾರವಾರ ಸಂಚಾರ ಠಾಣೆಯ ಪೊಲಿಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
- [ರೈಲಿನ ಅಡಿ ಬಿದ್ದ ಯುವಕ: ಸಾವು](https://mobiletime.in/2026/02/youth-falls-under-train-dies/): ಭಟ್ಕಳ ತಾಲೂಕಿನ ಗುಲ್ಮಿ ಸೇತುವೆ ಸಮೀಪದ ರೈಲ್ವೆ ಮಾರ್ಗದಲ್ಲಿ ಯುವಕನೊಬ್ಬನ ಶವ ಸಿಕ್ಕಿದೆ. ಗುಲ್ಮಿಯ ನಿವಾಸಿ ಮುಹಮ್ಮದ್ ನಾಸಿರ್ ಶೇಖ್ ಹುಸೇನ್ (33) ರೈಲಿನ ಅಡಿ ಬಿದ್ದು ಸಾವನಪ್ಪಿದ್ದಾರೆ. ರೈಲ್ವೆ ಹಳಿಗಳ ಮೇಲೆ ಮೃತದೇಹ ಬಿದ್ದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ದೇಹದ ಮೇಲೆ ಗಂಭೀರ ಗಾಯಗಳು ಹಾಗೂ ಹರಿದ ಬಟ್ಟೆಗಳು ಕಂಡುಬoದಿವೆ. ಈ ಹಿನ್ನೆಲೆ ರೈಲು ಅಪಘಾತವೇ ಸಾವಿಗೆ ಕಾರಣ ಎಂದು ಗೊತ್ತಾಗಿದೆ. ಘಟನೆಯ ಮಾಹಿತಿ ದೊರಕುತ್ತಿದ್ದಂತೆ ರೈಲ್ವೆ ಪೊಲೀಸ್ ಸಿಬ್ಬಂದಿ ಹಾಗೂ ಸಂಬAಧಿತ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದ್ದಾರೆ. ಪೊಲೀಸ್ ತನಿಖೆ ಮುಂದುವರೆದಿದೆ.  
- [ಕಳ್ಳ ಕಮಲಾಕರ ಗುರೂಜಿ ಆಗಿದ್ದೇ ರೋಚಕ!](https://mobiletime.in/2026/02/its-exciting-to-become-the-guruji-of-the-thief-kamalakara/): ಅಕ್ರಮ ಸಂಬoಧ ಉಳಿಸಿಕೊಳ್ಳುವುದಕ್ಕಾಗಿ ಕೊಲೆ ಮಾಡುವುದರ ಮಟ್ಟಕ್ಕೆ ಇಳಿದಿದ್ದ ಸಿದ್ದಾಪುರ ಕಮಲಾಕರ ಹೆಗಡೆ ಹೆಚ್ಚಿಗೆ ಓದಿದವರಲ್ಲ. ಅವರಿವರ ಕಾಲು ಹಿಡಿದು ಟಿವಿ ವೇದಿಕೆಗಳಲ್ಲಿ ಅವಕಾಶಪಡೆದಿದ್ದ ಕಮಲಾಕರ ಹೆಗಡೆ ಭಕ್ತರನ್ನು ಯಾಮಾರಿಸಿಯೇ ದುಡ್ಡು ಮಾಡಿಕೊಂಡಿದ್ದು, ನಂತರ ದಾನ-ಧರ್ಮದ ಹೆಸರಿನಲ್ಲಿ ಹಾಳಾದ ಹೆಸರು ಸರಿ ಮಾಡಿಕೊಳ್ಳಲು ಪ್ರಯತ್ನಿಸಿದ ವಿಷಯ ಗುಟ್ಟಾಗಿ ಉಳಿದಿಲ್ಲ. ಅಲ್ಲಿ-ಇಲ್ಲಿ ಅಲೆದಾಡುಕೊಂಡಿದ್ದ ಕಮಲಾಕರ ಹೆಗಡೆ ಊರು ಬಿಟ್ಟು ನಂತರ ಟಿವಿಯಲ್ಲಿ ಕುಳಿತು ಜ್ಯೋತಿಷ್ಯ ಹೇಳಲು ಶುರು ಮಾಡಿದ್ದು, `ಹೆಗಡೆ’ ಎಂಬ ಹೆಸರು ತೆಗೆದು `ಗುರೂಜಿ’ಯಾಗಿಸಿಕೊಂಡಿದ್ದರು. ಗುರೂಜಿ ಎಂಬ ಪದವೇ ಅವರ ವ್ಯವಹಾರದ ಗುಟ್ಟಾಗಿದ್ದು, ಅನೇಕರು ಕಾಲಿಗೆ ಬಿದ್ದು ನಮಸ್ಕಾರ ಮಾಡುತ್ತಿದ್ದರು. ಕಾಲಿಗೆ ಬಿದ್ದ ದೊಡ್ಡ ದೊಡ್ಡ ವ್ಯಕ್ತಿಗಳ ಜೊತೆ ಫೋಟೋ ತೆಗೆಸಿಕೊಳ್ಳುವ ಕಮಲಾಕರ ಗುರೂಜಿ ಅದನ್ನು ವಿವಿಧ ಕಡೆ ಹಂಚಿಕೊoಡು ತಮ್ಮ ವ್ಯವಹಾರ ವಿಸ್ತರಿಸಿದ್ದರು. ಸದ್ಯ ಕಚೇರಿ ಕೆಲಸದಾಕೆಯ ಮೋಹಕ್ಕೆ ಒಳಗಾಗಿದ್ದ ಕಮಲಾಕರ ಹೆಗಡೆ ಆಕೆಯ ಮೇಲಿನ ಪ್ರೀತಿ ಸಾಭೀತುಪಡಿಸಿಕೊಳ್ಳುವುದಕ್ಕಾಗಿ ತೆರಳಿ ಜೈಲು ಸೇರಿದ್ದಾರೆ. ರಾಜಕೀಯ ವ್ಯಕ್ತಿಗಳ ಜೊತೆ ಕಮಲಾಕರ ಹೆಗಡೆ ಅವರ ಒಡನಾಟದ ಫೋಟೋಗಳು ವೈರಲ್ ಆಗಿದ್ದು, ರಾಜಕಾರಣಿಗಳಿಗೆ ಸಹ ಈ ಚಿತ್ರಗಳು ಮುಜುಗರ ತರುಸಿದೆ. 15 ವರ್ಷಗಳ ಹಿಂದೆ ಕಮಲಾಕರ ಹೆಗಡೆ ಬಳಿ ಏನೂ ಇರಲಿಲ್ಲ. ಗುರುಜಿ ಆಗಿ ಬದಲಾದ ನಂತರ ಕಾರು, ಬಂಗಲೆ, ಕಚೇರಿ ಜೊತೆ ಕೆಲಸದಾಕೆಯೂ ಒಲಿದಿದ್ದಳು. ಸಿದ್ದಾಪುರ ತಾಲೂಕಿನ ಸೋವಿನಕೊಪ್ಪ ಬಡ ಕುಟುಂಬದಲ್ಲಿ ಹುಟ್ಟಿದ್ದ ಕಮಲಾಕರ ಹೆಗಡೆ ಪ್ರಾಥಮಿಕ, ಪ್ರೌಢ ಶಿಕ್ಷಣ ಕಲಿತ ನಂತರ ಕೆಲಕಾಲ ಸಿದ್ದಾಪುರದಲ್ಲೇ ಓಡಾಡಿಕೊಂಡಿದ್ದರು. ನಂತರ ಕೇರಳಕ್ಕೆ ತೆರಳಿ ಜ್ಯೋತಿಷ ಕಲಿತಿದ್ದರು, 2010ರಲ್ಲಿ ಬೆಂಗಳೂರಿಗೆ ತೆರಳಿ ಕಚೇರಿ ತೆರೆದ ಅವರು ವಿವಿಧ ವಾಹಿನಿಗಳಲ್ಲಿ ಜ್ಯೋತಿಷ ಕಾರ್ಯಕ್ರಮ ನೀಡಲು ಶುರು ಮಾಡಿದರು. ಜೊತೆಗೆ ಬೆಂಗಳೂರಿನ ಇನ್ನಿತರ ಕಡೆ ಕಚೇರಿ ಶುರು ಮಾಡಿದ್ದರು. ಶಿವಮೊಗ್ಗದಲ್ಲಿಯೂ ಕಚೇರಿ ತೆರೆದು ಕೆಲಸಗಾರರನ್ನು ನೇಮಿಸಿದ್ದರು. ಕಮಲಾಕರ ಹೆಗಡೆ ಅವರು ಕಮಲಾಕರ ಗುರೂಜಿ ಆಗಿ ಬದಲಾದ ನಂತರ ಕಾನ್ಸರ್ ಪೀಡಿತರಿಗೆ ಹಾಗೂ ಅನಾಥರಿಗೆ ಸಹಾಯ ಮಾಡುವ ಮುಖವಾಡಹೊಂದಿದ್ದರು. ದೊಡ್ಡ ದೊಡ್ಡ ಮಾಧ್ಯಮಗಳಿಗೆ ದುಡ್ಡು ಕೊಟ್ಟು ಆ ಬಗ್ಗೆ ಲೇಖನ ಪ್ರಕಟಿಸಿಕೊಂಡಿದ್ದರು. ರಾಜಕೀಯ ವ್ಯಕ್ತಿಗಳ ಜೊತೆಯಿದ್ದ ಫೋಟೋವನ್ನು ಅವರು ದುರುಪಯೋಗಪಡಿಸಿಕೊಂಡು ತಮ್ಮ ಪ್ರಭಾವ ಹೆಚ್ಚಿಸಿಕೊಂಡಿದ್ದರು. ಈ ಎಲ್ಲದರ ನಡುವೆ ಕಮಲಾಕರ ಗುರೂಜಿ ಅವರ ಪತ್ನಿ ಸಾವನಪ್ಪಿದ್ದು, ಒಂಟಿತನ ಸಹಿಸಲಾಗದ ಗುರೂಜಿ ಕಚೇರಿ ಕೆಲಸದಾಕೆಯ ಜೊತೆ ಸಂಬAಧ ಹೊಂದಿದ್ದರು. ಆ ಕೆಲಸದಾಕೆಯ ಮಗಳ ವಿಷಯವಾಗಿ ಮೂಗು ತೂರಿಸಲು ಹೋದಾಗ ಸಿದ್ದಾಪುರದ ಅವರೆಕೊಪ್ಪದಲ್ಲಿ ಕೊಲೆ ನಡೆದಿದ್ದು, ಆ ಕೊಲೆ ಪ್ರಕರಣದಲ್ಲಿ ಈ ಗುರೂಜಿ ಜೈಲು ಸೇರಿದರು.  
- [ಫೋನ್ ಪೇ: ಆತನ ಬದಲು ಈತನ ಖಾತೆ ಸೇರಿದ ಕಾಸು!](https://mobiletime.in/2026/02/phonepe-money-credited-to-his-account-instead-of-his/): ಹೊನ್ನಾವರದ ಗಣಪತಿ ನಾಯ್ಕ ಅವರು ತಮ್ಮ ಕಣ್ತಪ್ಪಿನಿಂದ ಸಂತೋಷಕುಮಾರ ಆಚಾರಿ ಅವರಿಗೆ 5 ಸಾವಿರ ರೂ ಪೋನ್ ಪೇ ಮಾಡಿದ್ದಾರೆ. ಆ ಹಣ ಮರಳಿ ಕೇಳಿದ ಕಾರಣ ಗಣಪತಿ ನಾಯ್ಕ ಅವರು ಪೆಟ್ಟು ತಿಂದು ಆಸ್ಪತ್ರೆ ಸೇರಿದ್ದಾರೆ. ಹೊನ್ನಾವರದ ಗೇರುಸೊಪ್ಪ ಬಳಿಯ ವರ್ನಕೋಡದ ಗಣಪತಿ ನಾರಾಯಣ ನಾಯ್ಕ ಅವರು ವಿದ್ಯುತ್ ನಿಗಮದಲ್ಲಿ ಚಾಲಕರಾಗಿದ್ದಾರೆ. ಕಳೆದ ಎಂಟು ವರ್ಷಗಳಿಂದ ಅವರು ಅಲ್ಲಿ ಹೊರಗುತ್ತಿಗೆ ಆಧಾರದಲ್ಲಿ ದುಡಿಯುತ್ತಿದ್ದಾರೆ. ಜನವರಿ 7ರಂದು ಅವರು ಗೇರುಸೊಪ್ಪದಲ್ಲಿ ಅಂಗಡಿಹೊಂದಿದ ಸಂತೋಷ ಅವರ ಖಾತೆಗೆ 5 ಸಾವಿರ ರೂ ಹಾಕಬೇಕಿದ್ದು, ಅಲ್ಲಿ ಹಣ ಹಾಕುವ ಬದಲು ಕೆಪಿಸಿ ಕಾಲೋನಿಯ ಸಂತೋಷಕುಮಾರ ರಾಮಚಂದ್ರ ಆಚಾರಿ ಅವರ ಖಾತೆಗೆ ಪೋನ್‌ ಪೇ ಮಾಡಿದ್ದಾರೆ. ನಂತರ ಮತ್ತೆ 3030ರೂ ಹಣ ಕಳುಹಿಸಿದ್ದಾರೆ. ಅದಾದ ನಂತರ ಅಂಗಡಿ ಸಂತೋಷ ಅವರಿಗೆ ಹಾಕಬೇಕಾದ ಹಣ ಕೆಪಿಸಿಯಲ್ಲಿ ಕೆಲಸ ಮಾಡುವ ಸಂತೋಷ ಆಚಾರಿ ಅವರಿಗೆ ಪಾವತಿ ಆಗಿರುವುದು ಗಣಪತಿ ನಾಯ್ಕ ಅವರಿಗೆ ಗೊತ್ತಾಗಿದೆ. ಈ ಬಗ್ಗೆ ಗಣಪತಿ ನಾಯ್ಕ ಅವರು ಸಂತೋಷ ಆಚಾರಿ ಅವರಲ್ಲಿ ವಿಚಾರಿಸಿದ್ದಾರೆ. ಮೊದಲು ‘ಹಣ ಬಂದೇ ಇಲ್ಲ’ ಎಂದಿದ್ದ ಸಂತೋಷ ಆಚಾರಿ, ಸ್ಕ್ರೀನ್ ಶಾಟ್ ಕಾಣಿಸಿದ ನಂತರ ಹಣ ಬಂದಿರುವುದನ್ನು ಒಪ್ಪಿಕೊಂಡಿದ್ದಾರೆ. ‘ಕಣ್ತಪ್ಪಿನಿಂದ ಹಣ ಕಳುಹಿಸಿದ್ದೇನೆ. ಅದನ್ನು ಮರಳಿಸು’ ಎಂದು ಗಣಪತಿ ನಾಯ್ಕ ಅವರು ಮನವಿ ಮಾಡಿದ್ದಾರೆ. ‘ನಾಳೆ ಕೊಡುವೆ’ ಎನ್ನುತ್ತಲೇ ಸಂತೋಷ ಆಚಾರಿ ಅವರು ತಿಂಗಳು ಕಳೆದಿದ್ದಾರೆ. ‘ಆ ಸಂತೋಷ ಹಣ ಕೊಡುತ್ತಿಲ್ಲ’ ಎಂದು ಗಣಪತಿ‌ ನಾಯ್ಕ ಅವರು ಎಲ್ಲಾ ಕಡೆ ಹೇಳಿದ್ದು ಸಂತೋಷ ಆಚಾರಿ ಅವರ ಸಿಟ್ಟಿಗೆ ಕಾರಣವಾಗಿದೆ. ಹೀಗಿರುವಾಗ ಫೆಬ್ರವರಿ 4ರಂದು ಗೇರುಸೊಪ್ಪದ ಕನ್ನಿಕಾ ಹೊಟೇಲ್ ಎದುರು ಗಣಪತಿ‌ ನಾಯ್ಕ ಅವರು ನಿಂತಿದ್ದಾಗ ಅಲ್ಲಿಗೆ ಬಂದ ಸಂತೋಷ ಆಚಾರಿ ಅವರು ‘ಹಣ ಕೊಡುವುದಿಲ್ಲ’ ಎಂದು ಕೂಗಾಡಿದ್ದಾರೆ. ಜೊತೆಗೆ ಗಣಪತಿ ನಾಯ್ಕ ಅವರ ಮೇಲೆ‌ ಕೈ ಮಾಡಿದ್ದಾರೆ. ಈ ವೇಳೆ ಹೊಟೇಲಿನಲ್ಲಿದ್ದ ಯೋಗೇಶ‌ ನಾಯ್ಕ, ರಾಮಾ ನಾಯ್ಕ ಹಾಗೂ ಇನ್ನಿತರ ಜನ ಸೇರಿ ಆ ಹೊಡೆದಾಟ ತಪ್ಪಿಸಿದ್ದಾರೆ. ಅದಾಗಿಯೂ, ಸಂತೋಷ ಆಚಾರಿ ಅವರು ಗಣಪತಿ ನಾಯ್ಕ ಅವರ ಕಡೆ ಕಲ್ಲು ಬೀಸಿದ್ದಾರೆ. ಕಲ್ಲು ತಾಗಿದ್ದರಿಂದ ಗಣಪತಿ ನಾಯ್ಕ ಅವರು ಗಾಯಗೊಂಡಿದ್ದು, ಅವರನ್ನು ಕೆಪಿಸಿ ಆಂಬುಲೆನ್ಸಿನ ಮೂಲಕ ಹೊನ್ನಾವರದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಅದಾದ ನಂತರ ಸೆಂಟ್ ಇಗ್ನೇಷಿಯಸ್ ಆಸ್ಪತ್ರೆಯಲ್ಲಿ ಗಣಪತಿ ನಾಯ್ಕ ಅವರು ಚಿಕಿತ್ಸೆಪಡೆದರು. ಹೊನ್ನಾವರ ಎಸೈ ಗಿರೀಶ ಶೆಟ್ಟಿ ಆಸ್ಪತ್ರೆಗೆ ಭೇಟಿ ನೀಡಿ ಗಣಪತಿ ನಾಯ್ಕ ಅವರ ಆರೋಗ್ಯ‌ ವಿಚಾರಿಸಿದರು. ಗಣಪತಿ ನಾಯ್ಕ ಅವರ ಹೇಳಿಕೆ ಆಧರಿಸಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕೊಲೆ ಆರೋಪಿಗೆ ಶಿಕ್ಷೆ ಪ್ರಕಟ](https://mobiletime.in/2026/02/murder-accused-sentenced/): ಕೊಲೆ ಯತ್ನಕ್ಕೆ ಸಂಬಂಧಿಸಿದ ಆರೋಪಿಗೆ ಚಾಕು ತಾಗಿ ಆತ ಮೃತಪಡಲು ಕಾರಣನಾದ ಮಹಮ್ಮದ ಫಾರೂಕ್ ಮಹಮ್ಮದ ಷಫೀವುಲಾ ಪಟೇಲ್ ಅವರ ಮೇಲಿನ ಆಪಾದನೆಯು ರುಜುವಾತಾಗಿದ್ದು, ಆರೋಪಿಗೆ 10 ವರ್ಷ ಸಾದಾ ಕಾರಾಗೃಹ ಶಿಕ್ಷೆ ಹಾಗೂ ರೂ10000 ದಂಡ ಹಾಗೂ ಮೃತನ ಅವಲಂಬಿತ ತಾಯಿಗೆ 50,000ರೂ ಪರಿಹಾರ ನೀಡುವಂತೆ ನ್ಯಾಯಾಲಯ ಆದೇಶಿಸಿದೆ. ಶಿರಸಿಯ 1ನೇ ಅಧಿಕ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದಲ್ಲಿ ನ್ಯಾಯಾಧೀಶರಾದ ಕಿರಣ ಕಿಣಿ ತೀರ್ಪು ನೀಡಿದ್ದಾರೆ. ಆರೋಪಿತನು ಸಿರ್ಸಿ ನಗರದ ಸಿರ್ಸಿ-ಕರಿಗುಂಡಿ ರಸ್ತೆಯಲ್ಲಿ ಕಸ್ತೂರಬಾನಗರ ಕ್ರಾಸ್ ಹತ್ತಿರ ರಸ್ತೆ ಬಳಿ 2019ರಲ್ಲಿ ಮಹಮ್ಮದ ಅನೀಸ್ ತಹಶೀಲ್ದಾರ ಇತನು ತನ್ನ ಮೋಟಾರ್ ಸೈಕಲ್ ಮೇಲೆ ಕುಳಿತ್ತಿದ್ದಾಗ ಆತನನ್ನು ಕೊಲೆ ಮಾಡುವ ಉದ್ದೇಶದಿಂದ ಇತರೆ ಆರೋಪಿತರು ಸೇರಿಕೊಂಡು ಮಾರುತಿ ಕಾರ್ ನಲ್ಲಿ ಹೋಗಿ, ಮೋಟಾ‌ರ್ ಸೈಕಲಿಗೆ ಡಿಕ್ಕಿ ಹೊಡೆದಿದ್ದರು ‌ನಂತರ ಕಾರಿನಲ್ಲಿದ್ದ ಕಬ್ಬಿಣದ ಪೈಪ್, ಬಡಿಗೆ ರಾಡನಿಂದ ಹೊಡೆದು ಚಾಕುವಿನಿಂದ ಹೊಟ್ಟೆ, ಎದೆಗೆ, ಕೈ ಕಾಲುಗಳಿಗೆ ಚುಚ್ಚುವಾಗ ಸಾಕ್ಷಿದಾರ ಮಹಮ್ಮದ ಅನೀಸ್ ತಹಶೀಲ್ದಾರ ಇತನು ಜೋರಾಗಿ ಕೂಗಿ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ್ದರು. ಆ ವೇಳೆ ಆರೋಪಿತರು ಮಹಮ್ಮದ ಅನೀಸ್ ತಹಶೀಲ್ದಾರ ಇತನಿಗೆ ಹೊಡೆಯುವಾಗ ತಮ್ಮ ಕೈಯಲ್ಲಿದ್ದ ಚಾಕುವಿನಿಂದ ಇರಿದರೆ ಆತನು ಸಾಯುತ್ತಾನೆ ಅಂತಾ ಗೊತ್ತಿದ್ದೂ ತನ್ನ ಬಳಿಯಿದ್ದ ಚಾಕುವಿನಿಂದ ಮೃತ ಅಸ್ಲಂ ಸೈಯ್ಯದ ಇತನಿಗೆ ಹಿಂದಿನಿದ ಇರಿದು ಕೊಲೆ ಮಾಡಿದ್ದಲ್ಲದೇ, ಇತರೆ ಆರೋಪಿತರು ಸಾಕ್ಷ್ಯ ನಾಶಪಡಿಸುವ ಉದ್ದೇಶದಿಂದ ತಾವು ಕೃತ್ಯದ ವೇಳೆ ಧರಿಸಿದ ರಕ್ತ ತಾಗಿದ ಬಟ್ಟೆಗಳನ್ನು ಕುಮಟಾದ ಸಂತೆಗುಳಿಯಲ್ಲಿ ಮತ್ತು ಇನ್ನೊಬ್ಬ ಆರೋಪಿಯ ಮನೆಯ ಅಡಿಗೆ ಕೋಣೆಯಲ್ಲಿರುವ ಒಲೆಯಲ್ಲಿ ಹಾಕಿ ಸಾಕ್ಷ್ಯ, ನಾಶ ಪಡಿಸಿದಲ್ಲದೇ, ಇತರೇ ಆರೋಪಿತರಿಗೆ ತನ್ನ ಮನೆಯಲ್ಲಿ ಆಶ್ರಯ ನೀಡಿ ತಲೆಮರೆಸಿಕೊಳ್ಳಲು ಸಹಕರಿಸಿದಲ್ಲದೇ, ತನ್ನ ಕಾರನಲ್ಲಿ ಆರೋಪಿತನ ಮನೆಗೆ ಕರೆದುಕೊಂಡು ಹೋಗಿ ಆಶ್ರಯ ನೀಡಿದಲ್ಲದೇ, ಆರೋಪಿತರು ಆರೋಪಿತರು ಪರಾರಿಯಾಗಿ ತಲೆಮರೆಸಿಕೊಳ್ಳಲು ಸಹಕರಿಸುವ ಉದ್ದೇಶದಿಂದ ಮತ್ತು ಆರೋಪಿತರು ಕುಮಟಾದ ಮಿರ್ಜಾನ್ ನಲ್ಲಿ ಹಾಗೂ ಕುಮಟಾದ ಸಂತೆಗುಳಿಯಲ್ಲಿ ಉಳಿಯಲು ಆಶ್ರಯ, ಊಟ, ವಾಹನದ ವ್ಯವಸ್ಥೆ ಮಾಡಿದ ಅಪರಾಧ ಬಗ್ಗೆ, ಆರೋಪಿತರ ವಿರುದ್ಧ ದೋಷಾರೋಪಣೆ ಪತ್ರ ನ್ಯಾಯಾಲಯಕ್ಕೆ ಸಲ್ಲಿಕೆಯಾಗಿ ವಿಚಾರಣೆ ನಡೆಸಲಾಗಿತ್ತು. ಶಿರಸಿ ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಯ ಅಂದಿನ ತನಿಖಾಧಿಕಾರಿಯಾದ ಪೊಲೀಸ್ ಉಪ ನಿರೀಕ್ಷಕ ಶಶಿಕುಮಾರ ಸಿ.ಆ‌ರ್ ತನಿಖೆ ಕೈಗೊಂಡು ನ್ಯಾಯಾಲಯಕ್ಕೆ ದೋಷಾರೋಪಣೆ ಪತ್ರ ಸಲ್ಲಿಸಿದ್ದರು ಹಾಗೂ ಪೊಲೀಸ್ ಹೆಡ್ ಕಾನ್ಸಟೆಬಲ್ ರಾದ ಬಿ.ಆರ್. ಹನುಮಂತ ಹಾಗೂ ರಮೇಶ ಮುಚ್ಚಿಂಡಿ ಇವರು ಸಾಕ್ಷಿ ವಿಚಾರಣೆಯ ಕಾಲಕ್ಕೆ ಸಾಕ್ಷಿದಾರರನ್ನು ಸಮಯೋಜಿತ ಪ್ರಕರಣದಲ್ಲಿ ಹಾಜರು ಪಡಿಸಿ ಆರೋಪಿತರನ್ನು ಶಿಕ್ಷೆಗೆ ಗುರಿಪಡಿಸುವಲ್ಲಿ ಸಹಕರಿಸಿದ್ದರು. ಸರ್ಕಾರದ ಪರವಾಗಿ ವಿಶೇಷ ಸರ್ಕಾರಿ ಅಭಿಯೋಜಕ ರಾಜೇಶ್ ಎಂ. ಮಳಗಿಕರ್ ಪ್ರಕರಣದ ವಿದ್ಯಮಾನಗಳನ್ನು ಮತ್ತು ಸಾಕ್ಷಿದಾರರ ಸಾಕ್ಷಕಿವನ್ನು ಗಂಭೀರವಾಗಿ ತೆಗೆದುಕೊಂಡು ಆರೋಪಿತನಿಗೆ ಶಿಕ್ಷೆ ವಿಧಿಸಬೇಕೆಂದು ಸುದೀರ್ಘ ವಾದ ಮಂಡಿಸಿದ್ದರು.
- [ಅನುಮಾನ ಮೂಡಿಸಿದ ಅಂಕಿ-ಸoಖ್ಯೆಗಳು!](https://mobiletime.in/2026/02/suspicious-figures/): ಸಿದ್ದಾಪುರದ ಕ್ಯಾದಗಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕಲ್ಲಾಳ ಹಾಗೂ ನಾಯ್ಕಾರ್ ಗ್ರಾಮಗಳ ಅರಣ್ಯ ಪ್ರದೇಶದಲ್ಲಿ ಮರ, ರಸ್ತೆ ಮತ್ತು ವಿದ್ಯುತ್ ಕಂಬಗಳಿಗೆ ವಿವಿಧ ಸಂಖ್ಯೆ ಬರೆಯಲಾಗಿದೆ. ಯಾವ ಕಾರಣಕ್ಕಾಗಿ ಈ ಸಂಖ್ಯೆ ಬರೆಯಲಾಗಿದೆ? ಎಂಬುದು ಯಾರಿಗೂ ಗೊತ್ತಿಲ್ಲ. ಯಾವ ಸಮಯದಲ್ಲಿ, ಯಾರು ಬಂದು ಈ ಮಾರ್ಕಿಂಗ್ ಮಾಡಿದ್ದಾರೆ? ಎಂಬುದರ ಕುರಿತು ಸಾರ್ವಜನಿಕರಿಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಅಧಿಕಾರಿಗಳಿಗೂ ಈ ಬಗ್ಗೆ ಮಾಹಿತಿ ಇಲ್ಲ. ಗ್ರಾಮಸ್ಥರಿಗೆ ಮುನ್ನೆಚ್ಚರಿಕೆ ನೀಡದೆ ಈ ರೀತಿ ಗುರುತು ಹಾಕಿರುವುದು ಅನುಮಾನ ಮತ್ತು ಆತಂಕಕ್ಕೆ ಕಾರಣವಾಗಿದೆ. ಚರ್ಚೆಯಾಗುತ್ತಿರುವ ಅಘನಾಶಿನಿ ನದಿ ತಿರುವು ಯೋಜನೆಯ ಭಾಗವಾಗಿ, ಕಲ್ಲಾಳ ಗ್ರಾಮದ ಇಳಿಮನೆ ಹೊಳೆಗೆ ಚಿಕ್ಕ ಡ್ಯಾಮ್ ನಿರ್ಮಾಣ ಮಾಡುವ ಸಾಧ್ಯತೆ ಇದೆ ಎಂಬ ಸುದ್ದಿಯೂ ಹರಿದಾಡುತ್ತಿದ್ದು, ಈ ಹಿನ್ನೆಲೆಯಲ್ಲಿ ಮಾರ್ಕಿಂಗ್ ಮಾಡಿರುವುದೇ ಎಂಬ ಅನುಮಾನ ಜನರಲ್ಲಿ ಮೂಡಿದೆ. ಯೋಜನೆಯ ಬಗ್ಗೆ ಸರ್ಕಾರ ಅಥವಾ ಸಂಬAಧಪಟ್ಟ ಇಲಾಖೆಯಿಂದ ಅಧಿಕೃತ ಮಾಹಿತಿ ಇಲ್ಲದಿರುವುದರಿಂದ, ಅರಣ್ಯ ನಾಶ, ಜಮೀನು ಕಳೆದುಕೊಳ್ಳುವ ಭೀತಿಗೆ ಜನ ಒಳಗಾಗಿದ್ದಾರೆ.
- [ಅಕ್ರಮ ರೆಸಾರ್ಟ ಮಾಲಕರಿಗೆ ನಡುಕ!](https://mobiletime.in/2026/02/fear-for-illegal-resort-owners/): ಗೋಕರ್ಣ ಬಳಿಯ ನಾಡುಮಾಸ್ಕೇರಿ ಸುತ್ತಲಿನ ಅಕ್ರಮ ರೆಸಾರ್ಟ ಹಾಗೂ ಹೊಟೇಲ್ ಮಾಲಕರಿಗೆ ನಡುಕ ಶುರುವಾಗಿದೆ. ಆ ಭಾಗದ ಹೊಟೇಲ್ ಹಾಗೂ ರೆಸಾರ್ಟಗಳ ಸರ್ವೇ ಕಾರ್ಯ ಶುರುವಾಗಿದೆ. ಇಲ್ಲಿನ ಕಡಲತೀರ ವ್ಯಾಪ್ತಿಯಲ್ಲಿ ಸಾಕಷ್ಟು ಹೊಟೇಲುಗಳಿವೆ. ಅದೇ ಪ್ರಮಾಣದಲ್ಲಿ ಅಕ್ರಮ ರೆಸಾರ್ಟುಗಳಿವೆ. ಭಾವಿಕೊಡ್ಲ ಗ್ರಾಮದ ದುಬ್ಬನಸಶಿ, ಹಾರೂಮಾಸ್ಕೇರಿ ಗ್ರಾಮ, ನಾಡುಮಾಸ್ಕೇರಿ ಗ್ರಾಮದ ಗಂಗೆಕೊಳ್ಳ ಭಾಗದ 57 ಕಟ್ಟಡಗಳ ಜಾಗದ ಸರ್ವೆಯನ್ನ ಭೂಮಾಪನಾ ಇಲಾಖೆಯ ಜೊತೆ ಕಂದಾಯ ಇಲಾಖೆ ಶುರು ಮಾಡಿದೆ. ಕಳೆದ ಹಲವು ತಿಂಗಳ ಹಿಂದೆ ಅಕ್ರಮ ಕಟ್ಟಡ ತೆರವಿನ ಕುರಿತು ಸಿ.ಆರ್.ಝಡ್ ಇಲಾಖೆ ನೀಡಿದ್ದ ನೋಟಿಸ್ ವಿರುದ್ದ ರೆಸಾರ್ಟನವರು ನ್ಯಾಯಾಲಯ ಮೊರೆ ಹೋಗಿದ್ದರು. ನಂತರ ಜಾಗದ ಅತಿಕ್ರಮಣವಾಗಿರುವ ಬಗ್ಗೆ ಪರಿಶೀಲಿಸಿ ಸರಿಯಾದ ರೀತಿಯಲ್ಲಿ ಕ್ರಮಕೈಗೊಳ್ಳುವಂತೆ ನ್ಯಾಯಾಲಯ ಸೂಚಿಸಿತ್ತು. ಅದರಂತೆ ಇದೀಗ ಸರ್ವೇ ಕಾರ್ಯ ನಡೆದಿದ್ದು, ಇದು ಪೂರ್ಣಗೊಂಡ ನಂತರ ಅಕ್ರಮ ಕಟ್ಟಡಗಳ ತೆರವು ನಡೆಯಲಿದೆ ಎನ್ನಲಾಗುತ್ತಿದೆ. ಸರ್ವೆ ಕಾರ್ಯದಲ್ಲಿ ಸ್ಥಳೀಯ ಕಂದಾಯ ಇಲಾಖೆ ಅಧಿಕಾರಿಗಳು, ಭೂಮಾಪನಾ ಇಲಾಖೆ ಸಿಬ್ಬಂದಿ, ಗ್ರಾಮ ಪಂಚಾಯತ ಅಧಿಕಾರಿಗಳು ಪಾಲ್ಗೊಂಡಿದ್ದಾರೆ. ಪಿಸೈ ಅನಿಲ ನೇತೃತ್ವದಲ್ಲಿ ಪೊಲೀಸ್ ಸಿಬ್ಬಂದಿ ಸ್ಥಳದಲ್ಲಿದ್ದು ಸೂಕ್ತ ಬಂದೂಬಸ್ತ ಕಲ್ಪಿಸಿದ್ದಾರೆ.  
- [ಮ್ಯಾನೇಜರ್ ಮನೆಗೆ ಕನ್ನ!](https://mobiletime.in/2026/02/the-managers-house-is-a-mess/): ಬಜಾಜ್ ಪಿನ್ ಸರ್ವನಲ್ಲಿ ಮ್ಯಾನೇಜರ್ ಆಗಿದ್ದ ಕಾರವಾರದ ಮನೋಜ ಆಚಾರಿ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಮನೆಯಲ್ಲಿದ್ದ ವಸ್ತುಗಳನೆಲ್ಲ ಚಲ್ಲಾಪಿಲ್ಲಿಯಾಗಿಸಿ ಕಳ್ಳರು ಪರಾರಿಯಾಗಿದ್ದಾರೆ. ಕಾರವಾರದ ಹಪಕರ್ಣಿಯ ಮನೋಜ ರಾಮದಾಸ ಆಚಾರಿ ಅವರು ಬಜಾಜ್ ಪಿನ್ ಸರ್ವನಲ್ಲಿ ಮ್ಯಾನೇಜರ್ ಆಗಿದ್ದರು. ಫೆಬ್ರವರಿ 2ರಂದು ಅವರು ಮನೆಯಲ್ಲಿರಲಿಲ್ಲ. ಆ ಅವಧಿಯಲ್ಲಿ ಅವರ ಮನೆಗೆ ಕಳ್ಳರು ನುಗ್ಗಿದ್ದು, ಮನೆಯಲ್ಲಿದ್ದ 25 ಸಾವಿರ ರೂ ಹಣವನ್ನು ಕದ್ದು ಪರಾರಿಯಾಗಿದ್ದಾರೆ. ಸಂಜೆ ಮನೆಗೆ ಮರಳಿದ ಮನೋಜ ಆಚಾರಿ ಅವರಿಗೆ ಮನೆಯ ಬೀಗ ತೆರೆದಿರುವುದು ಕಾಣಿಸಿದೆ. ಒಳಗೆ ಹೋಗಿ ನೋಡಿದಾಗ ಅಲ್ಲಿದ್ದ ಸಾಮಗ್ರಿಗಳೆಲ್ಲವೂ ಚಲ್ಲಾಪಿಲ್ಲಿಯಾಗಿರುವುದನ್ನು ಅವರು ನೋಡಿದ್ದಾರೆ. ನಂತರ ಬೆಡ್ ರೂಮಿನ ಕಪಾಟಿನಲ್ಲಿದ್ದ ಹಣ ಕಳ್ಳತನವಾಗಿರುವುದು ಗಮನಕ್ಕೆ ಬಂದಿದೆ. ಈ ಎಲ್ಲಾ ಹಿನ್ನಲೆ ಅವರು ಕದ್ರಾ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಜಿಲ್ಲಾಡಳಿತದ ಕ್ರಮಕ್ಕೆ ಮೆಚ್ಚುಗೆ](https://mobiletime.in/2026/02/appreciation-for-the-district-administrations-action/): ಕುಮಟಾ ರಾಷ್ಟ್ರೀಯ ಹೆದ್ದಾರಿ ಪಕ್ಕ ರಾಶಿ ರಾಶಿ ಕಸದ ರಾಶಿ ಬಿದ್ದಿದ್ದು, ಈ ಬಗ್ಗೆ ದೂರು ಸಲ್ಲಿಕೆಯಾದ ತಕ್ಷಣ ಜಿಲ್ಲಾಡಳಿತ ಕ್ರಮ ಜರುಗಿಸಿದೆ. ಮಂಗಳವಾರ ಹೆದ್ದಾರಿ ಪಕ್ಕ ಭಾರೀ ಪ್ರಮಾಣದಲ್ಲಿ ಕಸ ಬಿದ್ದಿತ್ತು. ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಈ ಬಗ್ಗೆ ಜಿಲ್ಲಾಡಳಿತಕ್ಕೆ ದೂರು ಸಲ್ಲಿಸಿದ್ದರು. ನಾಯಿ ಸತ್ತು ಕೊಳೆತಿರುವ ಫೋಟೋವನ್ನು ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಸ್ ಅವರು ಹಂಚಿಕೊAಡಿದ್ದರು. ಜಿಲ್ಲಾಧಿಕಾರಿ ಕಚೇರಿಯ ವಾಟ್ಸಪ್ ದೂರು ವಿಭಾಗದವರು ಈ ದೂರು ಸ್ವೀಕರಿಸಿದ್ದು, ತಕ್ಷಣ ಕ್ರಮ ಜರುಗಿಸಿದ್ದಾರೆ. ಅದರ ಪರಿಣಾಮ ಹೆದ್ದಾರಿ ಪಕ್ಕದ ತ್ಯಾಜ್ಯ ಕಣ್ಮರೆಯಾಗಿದೆ. ಹೆದ್ದಾರಿ ಪಕ್ಕ ಬಿದ್ದಿದ್ದ ಮಾಂಸದ ತ್ಯಾಜ್ಯ, ಅಲ್ಲಿದ್ದ ಕಸ ಹಾಗೂ ಇನ್ನಿತರ ಕೊಳಚೆಯನ್ನು ಪುರಸಭೆಯವರು ಸ್ವಚ್ಚ ಮಾಡಿದ್ದಾರೆ. ಬುಧವಾರ ಬೆಳಗ್ಗೆ ಅಲ್ಲಿನ ತ್ಯಾಜ್ಯಗಳನ್ನು ತೆಗೆಯಲಾಗಿದ್ದು, ಜಿಲ್ಲಾಡಳಿತದ ಈ ಕ್ರಮಕ್ಕೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಸಂತಸವ್ಯಕ್ತಪಡಿಸಿದ್ದಾರೆ.    
- [ನದಿ ತಿರುವು: ಅವೈಜ್ಞಾನಿಕ ನೀತಿ ವಿರುದ್ಧ ಆಕ್ಷೇಪ](https://mobiletime.in/2026/02/river-diversion-objection-against-unscientific-policy/): ನದಿ ತಿರುವು ಯೋಜನೆ ವಿರೋಧಿಸಿ 25 ಸಾವಿರಕ್ಕೂ ಅಧಿಕ ಅರ್ಜಿ ಸರ್ಕಾರಕ್ಕೆ ಸಲ್ಲಿಕೆಯಾಗಲು ಸಿದ್ಧವಾಗಿದೆ. `ಅಘನಾಶಿನಿ – ವರದ ನದಿ ಜೋಡಣೆಯ ಯೋಜನೆಯು ಜನ ಮತ್ತು ಪರಿಸರ ವಿರೋಧಿ ಯೋಜನೆ’ ಎನ್ನುವುದರ ಬಗ್ಗೆ ವೈಜ್ಞಾನಿಕ ಕಾರಣಗಳ ಜೊತೆ ಸರ್ಕಾರಕ್ಕೆ ಮನವರಿಕೆ ಮಾಡುವ ಪ್ರಯತ್ನ ನಡೆದಿದೆ. `ಪಶ್ಚಿಮಘಟ್ಟಗಳು ಕೇವಲ ಪ್ರಾದೇಶಿಕ ಪರಿಸರ ಸಂಪತ್ತು ಅಲ್ಲ. ಹವಮಾನ ಭದ್ರತೆ ವ್ಯವಸ್ಥೆಯ ಅವಿಭಾಜ್ಯ ಅಂಗ. ಇಂತಹ ಪರಿಸರ ಪ್ರದೇಶದಲ್ಲಿ ನದಿಯ ನೀರನ್ನು ತಿರುಗಿಸುವುದು, ಸುರಂಗ ನಿರ್ಮಾಣ ಮತ್ತು ಆಣೆ ಕಟ್ಟುಗಳಂತ ಕಾಮಗಾರಿಗಳನ್ನು ಜರುಗಿಸುವುದು ಆತಂಕಕಾರಿ. ಅರಣ್ಯ ನಾಶ, ಭೂ ಕುಸಿತ ಅಸ್ಥಿರತೆ, ಜೀವ ವೈವಿದ್ಯ ಹಾನಿ, ಹವಮಾನದ ವ್ಯತಿರಿಕ್ತತೆ ಮೇಲೆ ಪರಿಣಾಮ ಬೀರುವುದೆಂಬುದು ಅಧ್ಯಯನದಿಂದ ತಿಳಿದು ಬಂದಿರುವುದರಿAದ ನಿಯೋಜಿತ ಯೋಜನೆಯು ಅವೈಜ್ಞಾನಿಕ’ ಎಂಬ ವಿಷಯಗಳ ಬಗ್ಗೆ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ. `ಪಶ್ಚಿಮ ಘಟ್ಟ ಪ್ರದೇಶದ 64,365 ಹೇಕ್ಟರ್ ಅರಣ್ಯ ಪ್ರದೇಶವನ್ನು ಅರಣ್ಯೇತರ ಚಟುವಟಿಕೆಗೆ ನೀಡಲಾಗಿದೆ. ಜಿಲ್ಲೆಯ ಸಾಂದ್ರತೆ ಅನುಗುಣವಾಗಿ ಹೆಚ್ಚಿನ ಒತ್ತಡವನ್ನು ಭರಿಸಲು ಸಾಧ್ಯತೆಗಳಿಲ್ಲ. ಕಾರಣ, ಕರ್ನಾಟಕ ರಾಜ್ಯದ ಉತ್ತರಕನ್ನಡ ಜಿಲ್ಲೆಯಲ್ಲಿನ ಸಿದ್ದಾಪುರದಲ್ಲಿ ನಿಯೋಜಿಸಲಾಗುವ ಅಘನಾಶಿನಿ – ವರದ ನದಿ ಜೋಡಣೆಯ ಯೋಜನೆಯು ಜನ ಮತ್ತು ಪರಿಸರ ವಿರೋಧಿ ಯೋಜನೆ’ ಎಂದು ಆ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ. ಅರಣ್ಯ ಅತಿಕ್ರಮಣದಾರರು ಈ ಪತ್ರ ಬರೆಯುತ್ತಿದ್ದು, ಸಿದ್ದಾಪುರದ ಕ್ಯಾದಗಿ ಬಳಿಯ ಗಣಪತಿ ದೇವಾಲಯದಲ್ಲಿ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಈ ವಿಷಯದ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಉತ್ತರ ಕನ್ನಡದ ಪಶ್ಚಿಮ ಘಟ್ಟಗಳು ಜೀವ ವೈವಿದ್ಯದ ತಾಣ. ಪ್ರಮುಖ ನದಿಗಳ ಉಗಮ ಸ್ಥಾನ ಮತ್ತು ಮಳೆಮಾರುತಗಳ ನಿಯಂತ್ರಕವಾಗಿ ಮಹತ್ವ ಪಡೆದಿವೆ. ಇದು ಕನಾಟಕದ ಪರಿಸರ ಮತ್ತು ಆರ್ಥಿಕತೆಗೆ ನಿರ್ಣಾಯಕವಾಗಿದೆ. ಈ ಭಾಗವು ದಟ್ಟ ಕಾಡುಗಳು, ಸುಂದರ ಜಲಪಾತಗಳು ಮತ್ತು ವಿಶಿಷ್ಟ ಸಸ್ಯ ಹಾಗೂ ಪ್ರಾಣಿ ಸಂಕುಲಗಳ ತವರಾಗಿದೆ. ಇದನ್ನು ಯುನೆಸ್ಕೋ ವಿಶ್ವ ಪರಂಪರೆಯ ತಾಣವೆಂದು ಗುರುತಿಸಿದೆ. ಪಶ್ಚಿಮ ಘಟ್ಟಗಳು ವಿಶ್ವದ 8 ಪ್ರಮುಖ ಜೈವಿಕ ವೈವಿದ್ಯತೆಯ ಹಾಟ್ ಸ್ಪಾಟ್‌ಗಳಲ್ಲಿ ಒಂದಾಗಿದೆ. ಇಲ್ಲಿ ಅಪಾರ ಸಂಖ್ಯೆಯ ಸ್ಥಳೀಯ ಮತ್ತು ಅಳಿವಿನಂಚಿನಲ್ಲಿರುವ ಪ್ರಭೇದಗಳಿವೆ. ಇದು ವೈಜ್ಞಾನಿಕ ಸಂಶೋಧನೆಯಿAದ ಕಂಡುಬAದಿದೆ. ಇಂತಹ ಅಭಿಯಾರಣ್ಯ ಪ್ರದೇಶವೆಂದು ಘೋಷಿಸಿದ ಪ್ರದೇಶದಲ್ಲಿ ಯೋಜನೆಯೂ ಪರಿಸರಕ್ಕೆ ಮಾರಕವಾಗುದೆಂಬುದನ್ನು ಆಕ್ಷೇಪಣೆಯಲ್ಲಿ ಉಲ್ಲೇಖಿಸಲ್ಪಟ್ಟಿದೆ’ ಎಂದು ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. `ಉತ್ತರ ಕನ್ನಡದ ಪಶ್ಚಿಮ ಘಟ್ಟಗಳು ಪರಿಸರ ಸಮತೋಲನ, ಜಲ ಸಂಪನ್ಮೂಲ ಮತ್ತು ಜೈವಿಕ ವೈವಿಧ್ಯತೆಯ ದೃಷ್ಟಿಯಿಂದ ಅತ್ಯಂತ ಮಹತ್ವದ ಪ್ರಾಕೃತಿಕ ಸಂಪತ್ತಾಗಿದೆ. ದಾರಾಳವಾಗಿ ಜಿಲ್ಲೆಯ ಅರಣ್ಯ ಭೂಮಿಯನ್ನು ಅರಣ್ಯೇತರ ಚಟುವಟಿಕೆಗೆ ನೀಡಿರುವುದರಿಂದ 1973 ರಲ್ಲಿ ಇರುವಂತ ಅರಣ್ಯ ಪ್ರಮಾಣ ಶೇ.72.26 ರಿಂದ 2013 ರಲ್ಲಿ ಜಿಲ್ಲೆಯ ಅರಣ್ಯ ಪ್ರಮಾಣ ಶೇ 59.70ರಷ್ಟು ಕುಸಿತವಾಗಿರುವ ಅಂಶವನ್ನು ಆಕ್ಷೇಪಣೆಯಲ್ಲಿ ಪ್ರಸ್ತಾಪಿಸಿರುವುದು ಗಮನಾರ್ಹ ಅಂಶ’ ಎಂದವರು ಮಾಹಿತಿ ನೀಡಿದ್ದಾರೆ.
- [ಬಗ್ಗೊಣ ಭಟ್ಟರ ಬೆಟ್ಟದಲ್ಲಿ ಶವ!](https://mobiletime.in/2026/02/a-body-was-found-in-baggona-bhattara-hill/): ಕುಮಟಾದ ಬಗ್ಗೋಣ ಬಳಿಯ ಉದಯ ಪಂಡೀತ ಅವರ ಬೆಟ್ಟಕ್ಕೆ ಹೋಗಿದ್ದ ಮಂಜು ಮುಕ್ರಿ ಅವರು ಅಲ್ಲಿಯೇ ಶವವಾಗಿದ್ದಾರೆ. ಕುಮಟಾ ಬಗ್ಗೋಣ ಇಪ್ಪಡಿಯಲ್ಲಿ ಮಂಜು ನಾರಾಯಣ ಮುಕ್ರಿ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದರು. ಎಂಟು ವರ್ಷಗಳ ಹಿಂದೆ ಅವರಿಗೆ ಹೃದಯದ ರೋಗ ಕಾಣಿಸಿಕೊಂಡಿತು. ಎಂಟು ತಿಂಗಳ ಹಿಂದೆ ಆ ರೋಗ ಉಲ್ಬಣಿಸಿದ್ದು, ಮಂಗಳೂರಿನ ವೆನ್ ಲಾಕ್ ಆಸ್ಪತ್ರೆಗೆ ಹೋಗಿ ಚಿಕಿತ್ಸೆಪಡೆದಿದ್ದರು. ಆ ವೇಳೆ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟಿರುವುದು ಗೊತ್ತಾಯಿತು. ಜೊತೆಗೆ ಕಿಡ್ನಿಯಲ್ಲಿಯೂ ಸಮಸ್ಯೆ ಕಾಣಿಸಿಕೊಂಡಿತು. ಅದಕ್ಕೆ ಅಲ್ಲಿನ ವೈದ್ಯರು ಔಷಧಿ ನೀಡಿದ್ದು, ಅದನ್ನುಪಡೆದ ಮಂಜು ಮುಕ್ರಿ ಅವರು ಮನೆಗೆ ಮರಳಿದ್ದರು. ತಲೆಯಲ್ಲಿ ರಕ್ತ ಹೆಪ್ಪುಗಟ್ಟಿದ ಸಮಸ್ಯೆ ತೀವೃವಾದ ನಂತರ ಮಂಜು ಮುಕ್ರಿ ಅವರು ಮಾತನಾಡಲು ಸಮಸ್ಯೆ ಅನುಭವಿಸಿದರು. ಅನಾರೋಗ್ಯದ ಕಾರಣ ಮಾನಸಿಕವಾಗಿಯೂ ಕುಗ್ಗಿದ್ದ ಅವರು ಫೆಬ್ರವರಿ 2ರಂದು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಬಗ್ಗೋಣದ ಉದಯ ಪಂಡೀತ ಅವರ ಬೆಟ್ಟಕ್ಕೆ ಹೋಗಿ ಅಲ್ಲಿ ಮಂಜು ಮುಕ್ರಿ ಅವರು ನೇಣಿಗೆ ಶರಣಾದರು. ಮಂಜು ಮುಕ್ರಿ ಅವರ ತಂಗಿ ಸುಧಾ ರಾಜು ಮುಕ್ರಿ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಜನ ಮೆಚ್ಚಿದ ಅಧಿಕಾರಿಗೆ ಪ್ರಶಸ್ತಿಯ ಗೌರವ](https://mobiletime.in/2026/02/award-honors-officer-who-is-admired-by-the-people/): ಕಾರವಾರದಲ್ಲಿ ಜನ ಮೆಚ್ಚಿದ ಅಧಿಕಾರಿಯಾಗಿದ್ದ ವಿನೋದ ಅಣ್ವೇಕರ್ ಅವರ‌ ಮುಡಿಗೆ ಮತ್ತೊಂದು ಪ್ರಶಸ್ತಿ ಸಿಕ್ಕಿದೆ. 35 ವರ್ಷಗಳ ಸರ್ಕಾರಿ ಸೇವೆ ಸಲ್ಲಿಸಿದ ಅವರು ಉತ್ತರ ಕನ್ನಡ ಜಿಲ್ಲಾ ಮಟ್ಟದ 2023ರ ‘ಸರ್ವೋತ್ತಮ ಸೇವಾ ಪ್ರಶಸ್ತಿ’ಗೆ ಭಾಜನರಾಗಿದ್ದಾರೆ. ಸರ್ಕಾರಿ ಕಚೇರಿ ಎಂದರೆ ಕಡತಗಳು, ಸಹಿಗಳು ಮತ್ತು ಸಮಯದ ಒತ್ತಡ—ಇದೇ ಸಾಮಾನ್ಯ ಚಿತ್ರ. ಆದರೆ ಈ ವ್ಯವಸ್ಥೆಯೊಳಗೇ ನಿಂತು ಆಡಳಿತಕ್ಕೆ ಮನುಷ್ಯತ್ವದ ಅರ್ಥ ನೀಡಿದ ಅಧಿಕಾರಿಗಳಲ್ಲಿ ವಿನೋದ್ ವಾಮನ ಅಣ್ವೇಕರ ಅವರು ಮೊದಲ ಸ್ಥಾನದಲ್ಲಿ ಕಾಣುತ್ತಾರೆ. ಅಂಕೋಲಾ ತಾಲೂಕಿನ ಅವರ್ಸಾದ ಗ್ರಾಮೀಣ ಹಿನ್ನಲೆಯಲ್ಲಿ ಬೆಳೆದ ಅಣ್ವೇಕರ ಅವರ ತಂದೆ ನಿವೃತ್ತ ಮುಖ್ಯಧ್ಯಾಪಕರಾಗಿದ್ದರು. ತಂದೆ ವಾಮನ ಕೃಷ್ಣ ಅಣ್ವೇಕರ ಅವರು ಕಲಿಸಿದ ಸಂಸ್ಕಾರವನ್ನು ಜೀವನದ ದಿಕ್ಕಾಗಿಸಿಕೊಂಡ ವಿನೋದ ಅಣ್ವೇಕರ್ ಅವರು ಜನರ ಸಂಕಷ್ಟಗಳ ನೇರ ಅನುಭವ ಮತ್ತು ಶಿಕ್ಷಣದ ಮೌಲ್ಯವೇ ಅವರ ಆಡಳಿತದ ದೃಷ್ಟಿಕೋನಕ್ಕೆ ಅಳವಡಿಕೊಂಡು ಜನ ಮೆಚ್ಚುಗೆಗಳಿಸಿದ್ದಾರೆ. 31 ಅಕ್ಟೋಬರ್ 1989ರಂದು ಕಾರವಾರದಲ್ಲಿ ಸಹಾಯಕ ಸಾಂಖ್ಯಿಕ ಅಧಿಕಾರಿಯಾಗಿ ಸರ್ಕಾರಿ ಸೇವೆ ಆರಂಭಿಸಿದ ಅವರು, ಹುದ್ದೆಯನ್ನು ಗುರಿಯನ್ನಾಗಿಸದೇ ಜವಾಬ್ದಾರಿಯನ್ನೇ ಸೇವೆಯ ಕೇಂದ್ರಬಿಂದು ಮಾಡಿಕೊಂಡರು. ಅಂಕಿಅಂಶಗಳನ್ನು ಕೇವಲ ಸಂಖ್ಯೆಗಳಂತೆ ಅಲ್ಲ, ಸಮಾಜದ ಜೀವನಾಡಿಯಂತೆ ನೋಡಿದ ಅವರ ದೃಷ್ಟಿ ಎಲ್ಲ ಹುದ್ದೆಗಳಲ್ಲೂ ಒಂದೇ ಆಗಿತ್ತು. ಡೇಟಾ ಶುದ್ಧವಾಗಬೇಕು. ಯೋಜನೆ ನೆಲಮಟ್ಟ ತಲುಪಬೇಕು.‌ಫಲಾನುಭವಿಗೆ ನಿಜವಾದ ಲಾಭ ಸಿಗಬೇಕು ಎಂಬ ನಿಟ್ಟಿನಲ್ಲಿ ಅವರು ಸಾಕಷ್ಟು ಶ್ರಮಿಸಿದ್ದಾರೆ. ಸಾರ್ವಜನಿಕ ಶಿಕ್ಷಣ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ, ಆರ್ಥಿಕ ಮತ್ತು ಸಾಂಖ್ಯಿಕ ಇಲಾಖೆ, ತಾಲೂಕು ಹಾಗೂ ಜಿಲ್ಲಾ ಪಂಚಾಯತ್‌ಗಳಲ್ಲಿ ಸೇವೆ ಸಲ್ಲಿಸಿದ ಅವರು, 2010–11ರಲ್ಲಿ ಹುಬ್ಬಳ್ಳಿಯಲ್ಲಿ ಆರೋಗ್ಯ ಇಲಾಖೆಯ ತರಬೇತಿ ಕೇಂದ್ರದಲ್ಲಿ ಬೋಧಕ, 2011ರಲ್ಲಿ ಅಂಕೋಲಾ ತಾಪಂ ಯೋಜನಾಧಿಕಾರಿ, 2014ರಲ್ಲಿ ಬೆಳಗಾವಿ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿ, 2017–18ರಲ್ಲಿ ಉತ್ತರ ಕನ್ನಡ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿ, 2018ರಲ್ಲಿ ಬೆಳಗಾವಿ ಜಿಲ್ಲೆಯಲ್ಲಿ ಯೋಜನಾ ಅಂದಾಜು–ಮೌಲ್ಯಮಾಪನಾಧಿಕಾರಿ, 2019 – 20ರಲ್ಲಿ ಬೆಳಗಾವಿ ಮತ್ತು ಉತ್ತರ ಕನ್ನಡ ಜಿಪಂ ಮುಖ್ಯ ಯೋಜನಾಧಿಕಾರಿ, 2021–2024ರಲ್ಲಿ ಹೊನ್ನಾವರ ತಾಪಂ ಆಡಳಿತಾಧಿಕಾರಿ ಸೇರಿ ವಿವಿಧ ಜವಾಬ್ದಾರಿಗಳನ್ನು ನಿಭಾಯಿಸಿದ್ದಾರೆ. ಉನ್ನತ ಹುದ್ದೆಯಲ್ಲಿದ್ದರೂ ಸರ್ಕಾರಿ ಬಸ್ ಪ್ರಯಾಣ, ಕಚೇರಿಯ ಕೊನೆಯ ಸಿಬ್ಬಂದಿಗೂ ಸಮಾನ ಗೌರವ, ಸಾರ್ವಜನಿಕರನ್ನು ಅರ್ಜಿದಾರರಂತೆ ಅಲ್ಲ—ನಾಗರಿಕರಂತೆ ನೋಡುವ ದೃಷ್ಟಿ ಅವರ ಆಡಳಿತದ ನಿಜವಾದ ಶಕ್ತಿ. ಶಿಕ್ಷಣ ಪ್ರೋತ್ಸಾಹ, ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಚಟುವಟಿಕೆಗಳಿಗೆ ಮೌನ ಬೆಂಬಲ ಇವೆಲ್ಲವೂ ವಾಮನ ಅಣ್ವೇಕರ್ ಅವರು ಪ್ರಚಾರವಿಲ್ಲದೆ ನಡೆದ ಸೇವೆಗಳಾಗಿವೆ. ಈ ಎಲ್ಲಾ ಹಿನ್ನಲೆ ಅವರಿಗೆ ಸಾಕಷ್ಟು ಪ್ರಶಸ್ತಿಗಳು ಸಿಕ್ಕಿದೆ. ಕಾಯಕ ರತ್ನ (2022–23), ಉತ್ತರ ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ (2024–25) ಮತ್ತು ಜಿಲ್ಲಾ ಸರ್ವೋತ್ತಮ ಸೇವಾ ಪ್ರಶಸ್ತಿ (2023)—ಈ ಗೌರವಗಳು ಅವರ ಸೇವೆಯ ಪ್ರತಿಫಲ. ಗೌರವ ಸ್ವೀಕಾರದ ವೇಳೆ ಸಚಿವ ಮಂಕಾಳ ವೈದ್ಯ, ಶಾಸಕ ಸತೀಶ್ ಸೈಲ್, ಜಿಲ್ಲಾಧಿಕಾರಿ ಲಕ್ಷ್ಮೀ ಪ್ರಿಯಾ, ಜಿಪಂ ಸಿಇಓಗಳು, ಪೊಲೀಸ್ ಅಧಿಕಾರಿಗಳು ಹಾಗೂ ಸಹೋದ್ಯೋಗಿಗಳಿಗೆ ಕೃತಜ್ಞತೆ ಸಲ್ಲಿಸಿದ ಅವರ ನಡೆ, ಅಹಂಕಾರವಿಲ್ಲದ ನಾಯಕತ್ವಕ್ಕೆ ಸಾಕ್ಷಿ. ಹುದ್ದೆಗಳು ಮುಗಿಯಬಹುದು. ಆದರೆ ಮೌಲ್ಯಾಧಾರಿತ ಸೇವೆ ಉಳಿಯುತ್ತದೆ.
- [ಗುಡುಗುಡಿ ಆಟ: ರಾತ್ರಿಯೂ ಕಾಣಿಸಿದ ಸೂರ್ಯ!](https://mobiletime.in/2026/02/thunderstorm-game-the-sun-appeared-even-at-night/): ಅಂಕೋಲಾದ ಲಕ್ಷಿಶ್ವರ ದೈವಜ್ಞ ಭವನದ ಬಳಿ ಗುಡುಗುಡಿ ಆಟ ನಡೆದಿದ್ದು, ಪೊಲೀಸರನ್ನು ಕಂಡ ನಾಲ್ವರು ಓಡಿ ಪರಾರಿಯಾಗಿದ್ದಾರೆ. ಆಟ ಆಡಿಸುತ್ತಿದ್ದ ಇಬ್ಬರು ಸಿಕ್ಕಿ ಬಿದ್ದಿದ್ದಾರೆ. ಜನವರಿ 31ರಂದು ಕುಮಟಾ ಹಿರೇಗುತ್ತಿ ಎಣ್ಣೆಮುಡಿಯ ಶಂಕರ್ ಸತ್ಯನಾರಾಯಣ ನಾಯ್ಕ, ಅಂಕೋಲಾ ಬೊಬ್ರುವಾಡದ ನವೀನ ರತ್ನಾಕರ ನಾಯ್ಕ ಸೇರಿ ಇಲ್ಲಿ ಗುಡುಗುಡಿ ಆಟ ಆಯೋಜಿಸಿದ್ದರು. `ಚಂದ್ರನಿಗೆ 50ರೂಪಾಯಿ, ಸೂರ್ಯನಿಗೆ 500ರೂಪಾಯಿ’ ಎನ್ನುತ್ತ ಅವರು ಆಟ ಶುರು ಮಾಡಿದ್ದರು. ಕುಮಟಾ ಸಾಣೆಕಟ್ಟಾ ಬಳಿಯ ಹೊಸ್ಕಟ್ಟಾದ ಈಶ್ವರ ಹರಿಕಂತ್ರ, ಅಂಕೋಲಾ ಕನಸಿನಗದ್ದೆಯ ದೀಪಕ ನಾಯ್ಕ, ಹಾರವಾಡದ ಸಂದೀಪ ನಾಯ್ಕ ಹಾಗೂ ಪೂಜಗೇರಿಯ ಸತೀಶ ಗಾಂವಕರ್ (ಪುಟ್ಟು) ಸಹ ಈ ಆಟದ ಪಾಲುದಾರರಾಗಿದ್ದರು. ಕಾನೂನುಬಾಹಿರ ಕ್ರೀಡೆ ನಡೆದ ಬಗ್ಗೆ ಪೊಲೀಸರಿಗೆ ಫೋನ್ ಬಂದಿತು. ನಸುಕಿನ 1 ಗಂಟೆ ಸುಮಾರಿಗೆ ಪಿಸೈ ಸುನಿಲ ಹುಲ್ಲೋಳ್ಳಿ ಅಲ್ಲಿ ದಾಳಿ ಮಾಡಿದರು. ಪೊಲೀಸರನ್ನು ನೋಡಿದ ಈಶ್ವರ ಹರಿಕಂತ್ರ, ದೀಪಕ ನಾಯ್ಕ, ಸಂದೀಪ ನಾಯ್ಕ ಹಾಗೂ ಸತೀಶ ಗಾಂವಕರ್ ಅಲ್ಲಿಂದ ಓಡಿ ಪರಾರಿಯಾದರು. ಆದರೆ, ಶಂಕರ್ ನಾಯ್ಕ ಹಾಗೂ ನವೀನ ನಾಯ್ಕ ಅವರ ಬಳಿ ಓಡಲು ಆಗಲಿಲ್ಲ. ಅವರಿಬ್ಬರು ಪೊಲೀಸರಿಗೆ ಶರಣಾಗಿದ್ದು, ಪೊಲೀಸರು ಅವರ ಬಳಿಯಿದ್ದ 2 ಮೊಬೈಲನ್ನು ಜಪ್ತು ಮಾಡಿದರು. ಜೊತೆಗೆ ಜೂಜಾಟಕ್ಕೆ ಬಳಸಿದ್ದ 2360ರೂ ಹಣವನ್ನು ವಶಕ್ಕೆಪಡೆದರು. ಓಡಿ ಹೋದವರನ್ನು ಸೇರಿಸಿ ಎಲ್ಲರ ವಿರುದ್ಧ ಪ್ರಕರಣ ದಾಖಲಿಸಿದರು.  
- [ಬೈಕ್ ಸ್ಕಿಡ್: ಸವಾರ ಸಾವು](https://mobiletime.in/2026/02/bike-skid-rider-dies/): ಹುಬ್ಬಳ್ಳಿಯಿಂದ ಉಳವಿ ಕ್ಷೇತ್ರಕ್ಕೆ ಪ್ರಯಾಣಿಸುತ್ತಿದ್ದ ವ್ಯಕ್ತಿಯೊಬ್ಬರು ಬೈಕಿನಿಂದ ಬಿದ್ದು ಸಾವನಪ್ಪಿದ್ದಾರೆ. ಬಿರಂಪಾಲಿ ಕ್ರಾಸ್ ಹತ್ತಿರ ರಾಜ್ಯ ಹೆದ್ದಾರಿಯಲ್ಲಿ ಸಂಚರಿಸುತ್ತಿದ್ದ ಅಭಿಷೇಕ ಈರಪ್ಪ ಚಂದರಗಿ (21) ಅವರು ಸಾವನಪ್ಪಿದ್ದಾರೆ. ಹುಬ್ಬಳ್ಳಿ ಅಮರಗೋಳ ನಿವಾಸಿಯಾಗಿದ್ದ ಅವರು ಜಾತ್ರೆ ಅಂಗವಾಗಿ ಉಳವಿಗೆ ಹೊರಟಿದ್ದರು. ವೇಗವಾಗಿ ಅವರು ಬೈಕ್ ಓಡಿಸಿದ್ದು, ಬೈಕು ನಿಯಂತ್ರಣ ತಪ್ಪಿದ ಪರಿಣಾಮ ನೆಲಕ್ಕೆ ಬಿದ್ದರು. ಈ ವೇಳೆ ಬೈಕಿನ ಹಿಂಬದಿ ಸವಾರರಾಗಿದ್ದ ಸಾಧಿಕ ಮಾಬುಸಾಬ ನದಾಫ (17) ಎಂಬಾತರಿಗೂ ಗಾಯವಾಗಿದೆ. ಮಂಗಳವಾರ ಮುಂಜಾನೆ ಈ ಅಪಘಾತ ನಡೆದಿದೆ. ಅಪಘಾತದ ರಭಸಕ್ಕೆ ಬೈಕ್ ಸಹ ಜಖಂ ಆಗಿದೆ.
- [ಜನ್ಮದಿನ: ವೃದ್ಧಾಶ್ರಮಕ್ಕೆ ನೆರವು ನೀಡಿದ ಜನಸಾಮಾನ್ಯ](https://mobiletime.in/2026/02/birthday-ordinary-people-who-helped-an-old-age-home/): ಕುಮಟಾದ ನಿವೃತ್ತ ಅಧಿಕಾರಿ ನಾಗೇಶ ಅವರ ಜನ್ಮದಿನದ ಅಂಗವಾಗಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಜಾನಕಿರಾಮ ವೃದ್ಧಾಶ್ರಮಕ್ಕೆ ಹಣ್ಣು-ಹಂಪಲು ವಿತರಿಸಿದ್ದಾರೆ. ಈ ವೇಳೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಮಾತನಾಡಿ `ನಾಗೇಶ್ ಅವರು 64ವಯಸ್ಸಿನಲ್ಲಿಯೂ ಜನ ಸೇವೆ ಮಾಡುತ್ತಿದ್ದಾರೆ. ಅವರ ಸಮಾಜಮುಖಿ ಕಾರ್ಯ ಎಲ್ಲರಿಗೂ ಮಾದರಿ’ ಎಂದರು. `ನ್ಯಾಯ ಕೇಳಿ ಬರುವ ಎಲ್ಲರಿಗೂ ಅವರು ಸಹಾಯ ಮಾಡುತ್ತಾರೆ. ಹಿರಿಯ ನಾಗರಿಕರಾಗಿ ಅವರು ಮಾಡುವ ಸೇವೆ ಅನನ್ಯ’ ಎಂದು ಶ್ಲಾಘಿಸಿದರು. ವೃದ್ದಾಶ್ರಮದ ಮುಖ್ಯಸ್ಥೆ ಆಶಾ ನಾಯ್ಕ, ನ್ಯಾಯಾಲಯದ ನಿವೃತ್ತ ಸಿಬ್ಬಂದಿ ಸುಮಾ ಭಟ್, ಸುನೀಲ್ ಭಟ್ ಹಾಗೂ ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ ಹಾಜರಿದ್ದರು.
- [ಅನಾರೋಗ್ಯ: ಅರ್ದ ಆಯಸ್ಸಿಗೂ ಮುನ್ನವೇ PSI ಮರಣ!](https://mobiletime.in/2026/02/illness-psi-dies-before-reaching-half-his-life/): ಅನೇಕ ಅಪರಾಧ ಪ್ರಕರಣಗಳನ್ನು ಬೇದಿಸಿದ್ದ ಮುಂಡಗೋಡು ಪಿಸೈ ಯಲ್ಲಾಲಿಂಗ ಕುನ್ನೂರು ಅಕಾಲಿಕ ಮರಣಕ್ಕೊಳಗಾಗಿದ್ದಾರೆ. 33ನೇ ವಯಸ್ಸಿನಲ್ಲಿಯೇ ಅವರು ಕೊನೆಯುಸಿರೆಳೆದಿದ್ದಾರೆ. ಬನವಾಸಿ, ಯಲ್ಲಾಪುರ ಸೇರಿ ವಿವಿಧ ಪೊಲೀಸ್ ಠಾಣೆಯಲ್ಲಿ ಯಲ್ಲಾಲಿಂಗ ಕನ್ನೂರು ಅವರು ಕೆಲಸ ಮಾಡಿದ್ದಾರೆ. ನಂತರ ಮುಂಡಗೋಡು ಪೊಲೀಸ್ ಠಾಣೆಗೆ ಅವರು ವರ್ಗವಾಗಿದ್ದರು. ಕಳೆದ ಕೆಲವು ದಿನಗಳಿಂದ ಯಲ್ಲಾಲಿಂಗ್ ಕುನ್ನೂರು ಅವರು ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದರು. ಆರಂಭದಲ್ಲಿ ಸ್ಥಳೀಯವಾಗಿ ಚಿಕಿತ್ಸೆ ಪಡೆದಿದ್ದ ಅವರು ನಂತರ ಬೆಂಗಳೂರು ಆಸ್ಪತ್ರೆಗೆ ದಾಖಲಾಗಿದ್ದರು. ವೈದ್ಯರ ನಿರಂತರ ಪ್ರಯತ್ನದ ನಂತರವೂ ಆರೋಗ್ಯದಲ್ಲಿ ಚೇತರಿಕೆ ಕಾಣದೇ ಅವರು ಸಾವನಪ್ಪಿದರು. ಶಿಸ್ತುಬದ್ಧ ಕಾರ್ಯವೈಖರಿ ಮತ್ತು ಜನರ ಸಮಸ್ಯೆಗಳಿಗೆ ಸ್ಪಂದಿಸುವ ಗುಣದಿಂದಾಗಿ ಯಲ್ಲಾಲಿಂಗ ಕನ್ನೂರು ಅವರು ಜನಸ್ನೇಹಿ ಆಗಿದ್ದರು. ಅನೇಕ ಕ್ಲಿಷ್ಟಕರ ಪ್ರಕರಣಗಳನ್ನು ಅವರು ಉಪಾಯವಾಗಿ ಬೇದಿಸಿದ್ದರು. ಭವಿಷ್ಯದಲ್ಲಿ ಉನ್ನತ ಹುದ್ದೆಗೇರಬೇಕಿದ್ದ ಯುವ ಅಧಿಕಾರಿಯ ಸಾವು ಕುಟುಂಬಸ್ಥರನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ. ಅವರ ಸಾವಿನ ಸುದ್ದಿ ಪೊಲೀಸರಿಗೂ ಆಘಾತ ತಂದಿದೆ.
- [ಶಿವರಾತ್ರಿಗೆ ಸಜ್ಜುಗೊಂಡ ಮಹಾದೇವಸ್ಥಾನ](https://mobiletime.in/2026/02/mahadevsthan-ready-for-shivaratri/): ಕಾರವಾರದ ಬಾಡದಲ್ಲಿರುವ ಶ್ರೀ ಮಹಾದೇವಸ್ಥಾನ ಶಿವರಾತ್ರಿ ಆಚರಣೆಗೆ ಸಜ್ಜಾಗಿದೆ. ಫೆಬ್ರವರಿ 15ರಂದು ಅದ್ಧೂರಿ ಶಿವರಾತ್ರಿ ಉತ್ಸವ ಇಲ್ಲಿ ನಡೆಯಲಿದೆ. ಶಿವರಾತ್ರಿಯ ದಿನದಂದು ಬೆಳಗಿನ ಜಾವ 2 ಗಂಟೆಗೆ ದೇವಸ್ಥಾನದ ವತಿಯಿಂದ ಅಭಿಷೇಕ ನಡೆಯಲಿದೆ. ತದನಂತರ ಪ್ರಾತ ಕಾಲ 2.30ರಿಂದ ಪ್ರಾರಂಭವಾಗಿ ಪ್ರತಿ ಒಂದು ತಾಸಿನ ಅವಧಿಯ ಸರಣಿಯಂತೆ ಅಭಿಷೇಕಕ್ಕೆ ಅವಕಾಶ ಮಾಡಿಕೊಡಲಾಗುತ್ತದೆ. 70ರೂ ಪಾವತಿಸಿ ಸಾರ್ವಜನಿಕರು ಅಭಿಷೇಕ ಮಾಡಲು ಅನುಕೂಲ ಮಾಡಿಕೊಡಲಾಗಿದ್ದು, ಫೆಬ್ರವರಿ 5ರಿಂದ ದೇವಸ್ಥಾನದ ಕಚೇರಿಯಲ್ಲಿ ಅಭಿಷೇಕದ ಕೂಪನ್ ಕೊಡಲಾಗುತ್ತದೆ. ವಯಸ್ಕರಿಗೆ ವಿಶೇಷ ವ್ಯವಸ್ಥೆ ಮೂಲಕ ದೇವರ ಅಭಿಷೇಕ ಮಾಡಲು ವ್ಯವಸ್ಥೆ ಮಾಡಲಾಗಿದೆ. ಗ್ರಾಮದ ಜನ ಈ ಅವಕಾಶ ಬಳಸಿಕೊಂಡು ದೇವರ ಸೇವೆಗೆ ಬರಬೇಕು ಎಂದು ಶ್ರೀ ಮಹಾದೇವ ವಿನಾಯಕ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯ ಅಧ್ಯಕ್ಷರು ಹಾಗೂ ಸರ್ವ ಸದಸ್ಯರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಇನ್ನೂ ಹೆಚ್ಚಿನ ಮಾಹಿತಿಗಾಗಿ ದೇವಸ್ಥಾನದ ಕಚೇರಿ ಸಂಪರ್ಕಿಸಲು ಕೋರಿದೆ.
- [ಚಿತ್ರೋತ್ಸವ: ಅಂತರಾಷ್ಟ್ರೀಯ ವೇದಿಕೆಯಲ್ಲಿ ಮಿಂಚಿದ ಯಲ್ಲಾಪುರದ ಪ್ರತಿಭೆ!](https://mobiletime.in/2026/02/film-festival-talent-from-yellapur-shines-internationally/): ನಗರ ನಿವಾಸಿಗಳಿಗೆ ಕಾಡಿನ ಬದುಕು ಪರಿಚಯಿಸುವ `ವನ್ಯಾ’ ಚಲನಚಿತ್ರದಲ್ಲಿ ಯಲ್ಲಾಪುರದ ಧಾತ್ರಿ ಭಟ್ಟ ಅವರು ಅಭಿನಯಿಸಿದ್ದಾರೆ. ಗೋವಾದಲ್ಲಿ ನಡೆದ ಅಂತರಾಷ್ಟ್ರೀಯ ಚಿತ್ರ ಸಮ್ಮೇಳನದಲ್ಲಿ ಈ ಚಿತ್ರ ಪ್ರದರ್ಶನವಾಗಿದ್ದು, ಧಾತ್ರಿ ಭಟ್ಟ ಅವರ ಅಭಿನಯ ಜನ ಮೆಚ್ಚುಗೆಗೆ ಪಾತ್ರವಾಗಿದೆ. ಜೊತೆಗೆ ಇನ್ನೂ ಎರಡು ಚಿತ್ರಗಳಿಗೆ ಧಾತ್ರಿ ಭಟ್ಟ ಅವರು ಬಾಲ ಕಲಾವಿದರಾಗಿ ಆಯ್ಕೆ ಆಗಿದ್ದಾರೆ. ಧಾತ್ರಿ ಭಟ್ಟ ಅವರು ಸದ್ಯ ಮೈಸೂರು ಇಂಟರ್ ನ್ಯಾಶನಲ್ ಸ್ಕೂಲಿನಲ್ಲಿ 5ನೇ ತರಗತಿ ಓದುತ್ತಿದ್ದಾರೆ. ಶಾಲಾ ಕಲಿಕೆಯಲ್ಲಿಯೂ ಮುಂಚೂಣಿಯಲ್ಲಿರುವ ಧಾತ್ರಿ ಭಟ್ಟ ಅವರು ಬಾಲ್ಯದಿಂದಲೂ ಅಭಿನಯದಲ್ಲಿ ಅಪಾರ ಆಸಕ್ತಿಹೊಂದಿದ್ದಾರೆ. ಧಾತ್ರಿ ಭಟ್ಟ ಅವರು ಉದ್ದಿಮೆಯ ಜೊತೆ ಸಾಮಾಜಿಕ, ಧಾರ್ಮಿಕ ಹಾಗೂ ಶೈಕ್ಷಣಿಕ ಸೇವೆಯಲ್ಲಿಯೂ ಚಾಪು ಮೂಡಿಸಿರುವ ಯಲ್ಲಾಪುರದ ಶ್ರೀನಿವಾಸ ಭಟ್ಟ ಅವರ ಪುತ್ರಿ. ಮಗಳ ಅಭಿನಯ ಆಸಕ್ತಿಯನ್ನು ಗುರುತಿಸಿದ ಶ್ರೀನಿವಾಸ ಭಟ್ಟ ಹಾಗೂ ಚೈತ್ರಾ ಭಟ್ಟ ಅವರು ಮಗಳ ಪ್ರತಿಭೆಯನ್ನು ಪ್ರೋತ್ಸಾಹಿಸಿದ್ದಾರೆ. ಇದಕ್ಕೆ ಪೂರಕವಾಗಿ `ವನ್ಯಾ’ ಚಿತ್ರದಲ್ಲಿ ಧಾತ್ರಿ ಭಟ್ಟ ಅವರಿಗೆ ಮೊದಲ ಅವಕಾಶ ಸಿಕ್ಕಿದೆ. ಆ ಮೊದಲ ಅವಕಾಶದಲ್ಲಿಯೇ ಧಾತ್ರಿ ಭಟ್ಟ ಅವರು ಅಂತರಾಷ್ಟ್ರೀಯ ಚಿತ್ರೋತ್ಸವದ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಅರಣ್ಯವಾಸಿಗಳಾದ ಆದಿವಾಸಿ ಜನರನ್ನು ಒಕ್ಕಲೆಬ್ಬಿಸುವ ಕುರಿತಾಗಿ ಈ ಚಿತ್ರ ಕಥೆ ಹೇಳುತ್ತಿದ್ದು, ಮೂರು ತಲೆಮಾರಿಗೆ ಸಂಬoಧಿಸಿದ ಚಿತ್ರಣವನ್ನು ಕಟ್ಟಿಕೊಡುತ್ತದೆ. ಕಾಡು ಹಾಗೂ ನಗರದ ನಡುವಿನ ಸಂಘರ್ಷದ ಬಗ್ಗೆ ಚಿತ್ರದಲ್ಲಿ ವಿಷಯ ಕಟ್ಟಿಕೊಡಲಾಗಿದೆ. ಹಾಸ್ಯನಟರಾಗಿದ್ದ ವೈಜನಾಥ ಬೀರಾದರ್ ಅವರು ಮುಖ್ಯ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಮಗಳಾಗಿ ಮೇಘನಾ ಬೆಳವಾಡಿ ಅವರು ಪಾತ್ರ ನಿಭಾಯಿಸಿದ್ದು, ಮೂರನೇ ತಲೆಮಾರಿನ ಹುಡುಗಿಯಾಗಿ ಧಾತ್ರಿ ಭಟ್ಟ ಅಭಿನಯಿಸಿದ್ದಾರೆ. ಧಾತ್ರಿ ಭಟ್ಟ ಅವರ ಅಭಿನಯ ನೋಡಿದ ಇನ್ನೆರಡು ಚಿತ್ರ ತಂಡದವರು ಅವರನ್ನು ತಮ್ಮ ಚಿತ್ರಕ್ಕೂ ಆಯ್ಕೆ ಮಾಡಿಕೊಂಡಿದ್ದಾರೆ.
- [ಬುರುಡೆ ಭವಿಷ್ಯ: ಕೊಲೆ ಪ್ರಕರಣದಲ್ಲಿ ಕಾರಾಗೃಹ ಸೇರಿದ ಕಳ್ಳ ಜ್ಯೋತಿಷಿ!](https://mobiletime.in/2026/02/burude-bhavishya-thief-astrologer-jailed-for-murder-case/): ಟಿವಿ ಕ್ಯಾಮರಾದ ಮುಂದೆ ಬುರುಡೆ ಭವಿಷ್ಯ ನುಡಿದು ಪ್ರಸಿದ್ಧಿಪಡೆದಿದ್ದ ಕಮಲಾಕರ ಭಟ್ಟ ಅವರು ಕೊಲೆ ಪ್ರಕರಣದಲ್ಲಿ ಜೈಲು ಸೇರಿದ್ದಾರೆ. ಕಚೇರಿ‌‌ ಕೆಲಸದಾಕೆ ಸುಚಿತ್ರಾ ನಾಯ್ಕ ಅವರ ಜೊತೆ ಅಕ್ರಮ‌ ಸಂಬಂಧ ಹೊಂದಿದ್ದ  ಕಮಲಾಕರ ಭಟ್ಟರು ಸುಚಿತ್ರಾ ನಾಯ್ಕ ಅವರ ಮಗಳ ವಿಷಯದಲ್ಲಿ ಮೂಗು ತೂರಿಸಲು ಹೋಗಿ ಜೈಲು ಪಾಲಾಗಿದ್ದಾರೆ. ಸಿದ್ದಾಪುರದ ಮಹೇಶ ಜಟ್ಟಾ ನಾಯ್ಕ ಅವರು 20 ವರ್ಷದ ಹಿಂದೆ ಸುಚಿತ್ರಾ ನಾಯ್ಕ ಅವರನ್ನು ಪ್ರೀತಿಸಿ ಮದುವೆ ಆಗಿದ್ದರು. ಸುಮಿತ್ರಾ ಮಹೇಶ ದಂಪತಿಗೆ ಸುಮಶ್ರೀ ಹಾಗೂ ಅಮೃತಾ ಎಂಬ ಮಕ್ಕಳಿದ್ದರು. ಈ ದಂಪತಿ ಕುಟುಂಬಸಹಿತ ಸಿದ್ದಾಪುರ ತಾಲೂಕಿನ ಬೆಳ್ಳಟ್ಟೆಯ ವಡ್ನಗದ್ದೆಯಲ್ಲಿ ವಾಸವಾಗಿದ್ದರು. ಈ ನಡುವೆ ಸುಮಿತ್ರಾ ನಾಯ್ಕ ಅವರಿಗೆ ಕಮಲಾಕರ ಭಟ್ಟರ ಪರಿಚಯವಾಗಿದ್ದು, ಕಮಲಾಕರ ಭಟ್ಟರ ಜೊತೆ ಸುಮಿತ್ರಾ‌ ನಾಯ್ಕ ಅವರು ಅಕ್ರಮ ಸಂಬಂಧಹೊಂದಿದ್ದರು. ಮಹೇಶ‌ ನಾಯ್ಕ ಅವರು ಬೆಂಗಳೂರಿನ ಹೊಟೇಲ್ ಒಂದರಲ್ಲಿ ಕೆಲಸಕ್ಕೆ ಹೋದಾಗ ಸುಮಿತ್ರಾ ಅವರು ಕಮಲಾಕರ ಭಟ್ಟರ ಶಿವಮೊಗ್ಗದ ಕಚೇರಿಯ ಕೆಲಸಕ್ಕೆ ಸೇರಿದ್ದರು. ಸುಮಿತ್ರಾ ನಾಯ್ಕ ಹಾಗೂ‌‌ ಕಮಲಾಕರ ಭಟ್ಟ ಸೇರಿ ಸುಮಶ್ರೀ ಹಾಗೂ ಅಮೃತ ಎಂಬ  ಮಕ್ಕಳಿಗೆ ನಿತ್ಯ ಹಿಂಸಿಸುತ್ತಿದ್ದರು. ಇದನ್ನು ಸಹಿಸದ ಸುಮಿತ್ರಾ ತಮಗಾದ ಹಿಂಸೆಯ ಬಗ್ಗೆ ತಂದೆಗೆ ಮೆಸೆಜ್ ಮಾಡಿದ್ದರು. ‘ನಮ್ಮನ್ನು ಇಲ್ಲಿಂದ ಕರೆದುಕೊಂಡು ಹೋಗಿ.‌ ಇಲ್ಲವಾದರೆ ಸಾಯುತ್ತೇವೆ’ ಎಂದು ಸುಮಶ್ರೀ ಮೆಸೆಜ್ ಮಾಡಿದ್ದರು. ಆ ಮೆಸೆಜ್‌ ನೋಡಿದ ಮಹೇಶ‌ ನಾಯ್ಕ ಅವರು ಸೋಮವಾರ ಮಗಳು ಸುಮಶ್ರೀ ಅವರನ್ನು ಸಿದ್ದಾಪುರಕ್ಕೆ ಕರೆಯಿಸಿದ್ದರು. ಪೊಲೀಸ್ ಠಾಣೆ ಹಾಗೂ ಮಕ್ಕಳ ರಕ್ಷಣಾ ಘಟಕದ ಅಧಿಕಾರಿಗಳ ಮುಂದೆ ಹಾಜರುಪಡಿಸಿ‌ ಮಕ್ಕಳ ಮೇಲಾದ ದೌರ್ಜನ್ಯದ ಬಗ್ಗೆ ದೂರು ಕೊಡಿಸಿದ್ದರು. ಅದಾದ‌ ನಂತರ ಮಹೇಶ‌ ನಾಯ್ಕ ಅವರು ಮಗಳ ಜೊತೆ ಅಣ್ಣ ವಸಂತ ನಾಯ್ಕ ಅವರ ಮನೆಗೆ ಬಂದರು. ಪತ್ನಿಯ ಕಾಟ ಹಾಗೂ ಕಿರುಕುಳದ ಬಗ್ಗೆ ಅಣ್ಣನ ಕುಟುಂಬದವರಲ್ಲಿ ಹೇಳಿಕೊಂಡರು. ಸುಮಶ್ರೀ ಅವರು ಸಹ ತಾಯಿಯ ಅಕ್ರಮ ಸಂಬಂಧದ ಬಗ್ಗೆ ಮಾಹಿತಿ ನೀಡಿದ್ದು, ತಮಗಾದ ತೊಂದರೆಗಳನ್ನು ಹೇಳಿದರು. ಆ ದಿನ ರಾತ್ರಿ ಎಲ್ಲರೂ ಊಟಕ್ಕೆ ಉಳಿತಾಗ ಸುಚಿತ್ರಾ ನಾಯ್ಕ, ಅವರ ತಂದೆ ಲೋಕನಾಥ ನಾಯ್ಕ, ಹೆಮ್ಮಿನಬೈಲಿನ ಕಮಲಾಕರ ಭಟ್ಟ ಜೊತೆ ಮತ್ತೆ ನಾಲ್ಕು ಜನ ಅವರೆಕೊಪ್ಪದ ವಸಂತ ನಾಯ್ಕ ಅವರ ಮನೆಗೆ ಬಂದರು. ನಾಲ್ಕು ಜನ ಅಪರಿಚಿತರು‌ ಕೈಯಲ್ಲಿ ಚಾಕು ಹಿಡಿದಿದ್ದು, ಸುಮಶ್ರೀ ಅವರನ್ನು ಹೆದರಿಸಿ ಕೋಣೆಯಲ್ಲಿ ಕೂಡಿಹಾಕಿದರು. ಇದನ್ನು ತಡೆಯಲು ಬಂದ ವಸಂತ ನಾಯ್ಕ ಅವರ ಎದೆಗೆ ಆ ಅಪರಿಚಿತರು ಚಾಕು ಹಾಕಿದರು. ಹೊಡೆದಾಟ ತಪ್ಪಿಸಲು ಬಂದ ಮಹೇಶ ನಾಯ್ಕ ಹಾಗೂ ಕುಮಾರ ನಾಯ್ಕ ಎಂಬಾತರ ಹೊಟ್ಟೆಗೂ ಅವರು ಚಾಕು ಚುಚ್ಚಿದರು. ಈ ವೇಳೆ ವಸಂತ ನಾಯ್ಕ ಅವರ ಪತ್ನಿ ಸಂಧ್ಯಾ‌ ನಾಯ್ಕ ಅವರು ಪೊಲೀಸರಿಗೆ ಪೋನ್ ಮಾಡಿದರೂ ತಾಗಲಿಲ್ಲ. ಸಂಧ್ಯಾ ಅವರು ತಮ್ಮ ಅತ್ತೆಯ ಮಗ ಬಳ್ಳುವಿಗೆ ಫೋನ್ ಮಾಡಿ ವಿಷಯ ಮುಟ್ಟಿಸಿದರು. ಆದರೆ, ಈ ವೇಳೆಗಾಗಲೇ ರಕ್ತದ ಮಡುವಿನಲ್ಲಿ ಬಿದ್ದಿದ್ದ ವಸಂತ ನಾಯ್ಕ ಅವರು ಸಾವನಪ್ಪಿದ್ದರು.‌ ಮಹೇಶ ನಾಯ್ಕ ಹಾಗೂ ಕುಮಾರ‌ ನಾಯ್ಕ ಅವರನ್ನು ಬಾಡಿಗೆ ಮನೆಯಲ್ಲಿದ್ದ ಮಂಗಲಾ ಟೀಚರ್, ಬಸ್ ಕಂಡೆಕ್ಟರ್ ಮಂಜಣ್ಣ ಹಾಗೂ ಅಕ್ಕಪಕ್ಕದ ಮನೆಯ ರಾಮಚಂದ್ರ ಕೆರಿಯಾ ನಾಯ್ಕ ಅವರು ಆಸ್ಪತ್ರೆಗೆ ಕರೆದೊಯ್ಯುವ ಕೆಲಸ ಮಾಡಿದರು. ರಾಮಚಂದ್ರ ನಾಯ್ಕ ಅವರ ಕಾರಿನಲ್ಲಿ ಅವರೆಲ್ಲರನ್ನು ಆಸ್ಪತ್ರೆಗೆ ರವಾನೆ ಮಾಡಲಾಗಿದ್ದು, ವೈದ್ಯರು ವಸಂತ ನಾಯ್ಕ ಸಾವುನ್ನು ದೃಢಪಡಿಸಿದರು. ಗಾಯದಿಂದ ನರಳಾಡುತ್ತಿದ್ದ ಮತ್ತಿಬ್ಬರನ್ನು ಶಿವಮೊಗ್ಗದ ಆಸ್ಪತ್ರೆಗೆ ದಾಖಲಿಸಲಾಯಿತು. ಈ ಕೊಲೆ ಹಾಗೂ ಹಲ್ಲೆ ಪ್ರಕರಣದ ವೇಳೆ ಕಮಲಾಕರ ಭಟ್ಟ ಅವರು ಕಾರಿನಲ್ಲಿದ್ದು, ಅವರ ಕುಮ್ಮಕ್ಕಿನ ಬಗ್ಗೆ ಸಂಧ್ಯಾ ನಾಯ್ಕ ಅವರು ಪೊಲೀಸ್‌ ದೂರು ನೀಡಿದರು. ಈ ಹಿನ್ನಲೆ‌ ಕಮಲಾಕರ ಭಟ್ಟ ಹಾಗೂ ಅವರ ಆರು ಜನ ಸಹಚರರನ್ನು ಪೊಲೀಸರು ಬಂಧಿಸಿದ್ದಾರೆ.
- [ಎಜುಕೇರ್ ಶಾಲೆ: ಸಾಧನೆಯ ಹಾದಿಯಲ್ಲಿ ಮತ್ತೊಂದು ಮೈಲುಗಲ್ಲು!](https://mobiletime.in/2026/02/educare-school-another-milestone-on-the-path-to-success/): ಕಾರವಾರದ ಅಮದಳ್ಳಿ ಹಾಗೂ ಶಿರಸಿಯ ಬನವಾಸಿಯಲ್ಲಿ ಗುಣಾತ್ಮಕ ಶಿಕ್ಷಣದ ಮೂಲಕ ಮನೆ ಮಾತಾಗಿರುವ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ ಮತ್ತೊಂದು ಶಾಖೆ ತೆರೆದಿದೆ. ಕೋಡಿಭಾಗದ ವಿವೇಕಾನಂದ ವಿದ್ಯಾಸಂಸ್ಥೆಯ ಆಶ್ರಯದಲ್ಲಿ ನಡೆಯುತ್ತಿರುವ ಸ್ವಾಮಿ ವಿವೇಕಾನಂದ ವಿದ್ಯಾಸಂಸ್ಥೆಯ ಜೊತೆ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ ಒಡಂಬಡಿಕೆ ಮಾಡಿಕೊಂಡಿದೆ. ಹೀಗಾಗಿ ಮುಂದಿನ ಶೈಕ್ಷಣಿಕ ವರ್ಷದಿಂದ ಕಾರವಾರ ನಗರದಲ್ಲಿಯೂ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯ ಕಾರ್ಯಕ್ಷೇತ್ರ ವಿಸ್ತರಣೆ ಆಗಲಿದೆ. ಕಳೆದ 20 ವರ್ಷಗಳಿಂದ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆ ಮೌಲ್ಯಾಧಾರಿತ ಶಿಕ್ಷಣ ನೀಡುತ್ತಿದೆ. ಶಿಕ್ಷಣದ ಜೊತೆ ಮಕ್ಕಳಿಗೆ ಅಗತ್ಯವಿರುವ ಸ್ಪರ್ಧಾತ್ಮಕ ಪರೀಕ್ಷೆಗಳ ಬಗ್ಗೆಯೂ ಅರಿವು ಮೂಡಿಸುತ್ತಿದೆ. ಈ ಹಿನ್ನಲೆ ಸ್ವಾಮಿ ವಿವೇಕಾನಂದ ವಿದ್ಯಾ ಸಂಸ್ಥೆಯ ಆಡಳಿತ ಮಂಡಳಿಯ ಅಧ್ಯಕ್ಷರಾದ ದೀಪಕ್ ಡಿ ವೈ ಗಣ್ಕರ್, ಕಾರ್ಯದರ್ಶಿ ವಿ ಜೆ ತಾಮ್ಸೆ ಮತ್ತು ಖಜಾಂಚಿ ಕಿರಣ್ ತ್ಥಾಮ್ಸೆ ಅವರು ಹರ್ಷವ್ಯಕ್ತಪಡಿಸಿದ್ದಾರೆ. ಅವರೆಲ್ಲರೂ ಸೇರಿ ಶಿಕ್ಷಣ ಸಂಸ್ಥೆಯ ಸಂಪೂರ್ಣ ಜವಾಬ್ದಾರಿಯನ್ನು ಹಸ್ತಾಂತರಿಸಿದ್ದು, ಎಜುಕೇಶನ್ ಆಂಗ್ಲ ಮಾಧ್ಯಮ ಶಾಲೆಯ ಆಡಳಿತ ಮಂಡಳಿಯ ಆಡಳಿತ ಅಧಿಕಾರಿ ನಾಗರತ್ನ ಜೈ ರಂಗನಾಥ ಅವರು ಈ ಅಧಿಕಾರವಹಿಸಿಕೊಂಡಿದ್ದಾರೆ. ಸAಸ್ಥೆಯ ಕೋಆರ್ಡಿನೇಟರ್ ವಿನೋದ್ ಆಲ್ಮೆಡ, ನೇಹಾ ಬೈರನಕೇರಿ. ವಿವೇಕಾನಂದ ಪ್ರೌಢಶಾಲೆಯ ಮುಖ್ಯಾಧ್ಯಾಪಕ ಪ್ರಾಜೆಕ್ತ್ತ ಮಹೇಕರ್ ಇನ್ನಿತರರು ಶುಭಕೋರಿದರು.
- [ಜಾತ್ರೆಯಲ್ಲಿ ಜೂಜಾಟ: ಎಲೆಮಾನವರಿಗೆ ಜೈಲೂಟ!](https://mobiletime.in/2026/02/gambling-at-the-fair-jail-for-the-green-man/): ಗದಗ ಹಾಗೂ ಬೆಳಗಾವಿಯಿಂದ ಜೊಯಿಡಾಗೆ ಬಂದು ಅಂದರ್ – ಬಾಹರ್ ಆಟದಲ್ಲಿ ತೊಡಗಿದ್ದವರ ಮೇಲೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಉಳವಿ ಜಾತ್ರೆಯಲ್ಲಿ ರಾಜಾರೋಷವಾಗಿ ಇಸ್ಪಿಟ್ ಆಡುವವರ ವಿರುದ್ಧ ಪೊಲೀಸರು ಕಠಿಣ ಕ್ರಮ ಅನುಸರಿಸಿದ್ದಾರೆ. ರಾಜಾರೋಷವಾಗಿ ಅಂದರ್ ಬಾಹರ್ ಆಟ ನಡೆಯುತ್ತಿದ್ದ ಬಗ್ಗೆ ವಿವಿಧ ಮಾಧ್ಯಮಗಳಲ್ಲಿ ವರದಿ ಪ್ರಸಾರ ಆಗಿತ್ತು. ಜೊಯಿಡಾ ಪಿಸೈ ಮಹೇಶ ಮಾಳಿ ಅವರು ಎಲ್ಲಡೆ ಸಂಚಾರ ನಡೆಸಿದ್ದು, ಆ ವೇಳೆ ಅವರಿಗೂ ಅಕ್ರಮ ಆಟ ಕಾಣಿಸಿತು. ವಿವಿಧ ಕಡೆ ದಾಳಿ ಮಾಡಿದ ಅವರು 15 ಜನರನ್ನು ವಶಕ್ಕೆಪಡೆದರು. ಜೊತೆಗೆ ಅವರ ಬಳಿಯಿದ್ದ 34030ರೂ ಹಣವನ್ನು ಜಪ್ತು ಮಾಡಿದರು. ಉಳುವಿ ಜಾತ್ರೆಯಲ್ಲಿ ಕಾನೂನುಬಾಹಿರ ಕ್ರೀಡೆ ನಡೆಯದಂತೆ ಎಚ್ಚರಿಕೆವಹಿಸಲು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಒಂದು ವಿಶೇಷ ತಂಡ ರಚಿಸಿದ್ದಾರೆ. ಆ ತಂಡದವರು ನಡೆಸಿದ ಕಾರ್ಯಾಚರಣೆ ಅಂಗವಾಗಿ ಮೂರು ಪೊಲೀಸ್ ಪ್ರಕರಣಗಳು ದಾಖಲಾಗಿವೆ.
- [ಪಲ್ಟಿಯಾದ ಈರುಳ್ಳಿ ಲಾರಿ: ನನಗೂ ಪ್ರೀ.. ನಿನಗೂ ಪ್ರೀ!](https://mobiletime.in/2026/02/overturned-onion-truck-free-for-me-too-free-for-you-too/): ಅಂಕೋಲಾ-ಗೋಕರ್ಣ ನಡುವಿನ ಮಾದನಗೇರಿ ಬಳಿ ಈರುಳ್ಳಿ ತುಂಬಿದ ಲಾರಿ ಪಲ್ಟಿಯಾಗಿದ್ದು, ರಸ್ತೆ ಮೇಲೆ ಬಿದ್ದಿದ್ದ ಈರುಳ್ಳಿಗಾಗಿ ಜನ ಭಾರೀ ಪ್ರಮಾಣದ ಪೈಪೋಟಿ ನಡೆಸಿದ್ದಾರೆ. ಕೆಲವರು ದೊಡ್ಡ ದೊಡ್ಡ ಚೀಲ ತಂದು ಅದರ ತುಂಬ ಈರುಳ್ಳಿ ತುಂಬಿಕೊAಡು ಹೋಗಿದ್ದಾರೆ. ಮಹಾರಾಷ್ಟ್ರದಿಂದ ಕೇರಳಕ್ಕೆ ತೆರಳುತ್ತಿದ್ದ ಲಾರಿ ಮಾದನಗೇರಿ ಬಳಿ ವಿದ್ಯುತ್ ಕಂಬಕ್ಕೆ ಗುದ್ದಿದೆ. ಹಿರೇಗುತ್ತಿ ಪೊಲೀಸ್ ತಪಾಸಣಾ ಕೇಂದ್ರದವರು ತಕ್ಷಣ ಆಗಮಿಸಿ ವಿದ್ಯುತ್ ಸಂಪರ್ಕ ಕಡಿತಗೊಳಿಸಿದ್ದಾರೆ. ಅದಾದ ನಂತರ ಹೆಸ್ಕಾಂ ಸಿಬ್ಬಂದಿ, ಹೆದ್ದಾರಿ ನಿರ್ವಹಣೆಯವರು ಆಗಮಿಸಿ ಸುರಕ್ಷತಾ ಕ್ರಮ ಜರುಗಿಸಿದ್ದಾರೆ. ಇದಾದ ನಂತರ ಅಲ್ಲಿಗೆ ಜಮಾಯಿಸಿದ ಜನ ಸಾಕಷ್ಟು ಪ್ರಮಾಣದಲ್ಲಿ ಈರುಳ್ಳಿಪಡೆದಿದ್ದು, ಜನ ಬೊಗಸೆ ತುಂಬ ಈರುಳ್ಳಿ ತುಂಬಿಕೊAಡ ವಿಡಿಯೋ ಸಹ ವೈರಲ್ ಆಗಿದೆ. ಲಾರಿ ಚಾಲಕ ನಿದ್ದೆ ಗುಂಗಿನಲ್ಲಿ ಅಪಘಾತ ಮಾಡಿದ ಬಗ್ಗೆ ಅನುಮಾನವಿದ್ದು, ಈ ಬಗ್ಗೆ ವಿಚಾರಣೆ ನಡೆದಿದೆ.
- [ತಂದೆ ಸಾವಿನ ನೋವು: ಮಗನೂ ಸಾವಿಗೆ ಶರಣು!](https://mobiletime.in/2026/02/the-pain-of-a-fathers-death-the-son-also-surrenders-to-death/): ಕಾರವಾರದ ಮಹಾದೇವ ಠಕ್ಕರಕರ್ ಅವರು ಆರು ತಿಂಗಳ ಹಿಂದೆ ಸಾವನಪ್ಪಿದ್ದು, ಆ ನೋವು ಸಹಿಸಲಾಗದೇ ಅವರ ಮಗ ಸಂದೀಪ ಠಕ್ಕರಕರ್ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕಾರವಾರದ ಚಿತ್ತಾಕುಲ ಬಳಿಯ ಕೊಳಗೆ ಗಣೇಶ ನಗರದಲ್ಲಿ ಸಂದೀಪ ಮಹಾದೇವ ಠಕ್ಕರಕರ್ (39) ಅವರು ವಾಸವಾಗಿದ್ದರು. ಕೊಂಕಣ ರೈಲ್ವೆಯ ಗುತ್ತಿಗೆದಾರರ ಬಳಿ ಕೆಲಸ ಸಂದೀಪ ಠಕ್ಕರಕರ್ ಅವರು ಕೆಲಸ ಮಾಡಿಕೊಂಡಿದ್ದರು. ತಂದೆ ಸಾವಿನ ನಂತರ ಸಂದೀಪ ಅವರು ಕೆಲಕ್ಕೆ ಹೋಗುವುದನ್ನು ನಿಲ್ಲಿಸಿದರು. ತಂದೆ ಕಳೆದುಕೊಂಡ ನೋವಿನಲ್ಲಿಯೇ ಸರಾಯಿ ಸೇವನೆ ಶುರು ಮಾಡಿದರು. ಮನೆಯಲ್ಲಿ ಒಬ್ಬರೇ ವಾಸಿಸುತ್ತಿದ್ದ ಸಂದೀಪ ಠಕ್ಕರಕರ್ ಅವರ ಸರಾಯಿ ಸೇವನೆಯ ಚಟ ವಿಪರೀತವಾಯಿತು. ಮಾನಸಿಕ ಖಿನ್ನತೆಗೆ ಒಳಗಾದ ಅವರು ಜನವರಿ 31ರಂದು ಆತ್ಮಹತ್ಯೆಗೆ ಶರಣಾದರು. ಮನೆ ಒಳಗಿನ ಕಟ್ಟಿಗೆ ಜಂತಿಗೆ ಕಪ್ಪು ಕೇಬಲ್ ವೈಯರ್ ಕಟ್ಟಿಕೊಂಡು ನೇಣು ಹಾಕಿಕೊಂಡರು. ಫೆಬ್ರವರಿ 1ರ ಸಂಜೆ ಸಂದೀಪ ಠಕ್ಕರಕರ್ ಅವರು ಸಾವನಪ್ಪಿರುವುದನ್ನು ಅವರ ಸಹೋದರ ರಾಜೇಶ ಮಹಾದೇವ ಠಕ್ಕರಕರ್ ಅವರು ಗಮನಿಸಿ, ಪೊಲೀಸರಿಗೆ ಮಾಹಿತಿ ನೀಡಿದರು. ಚಿತ್ತಾಕುಲ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅಘನಾಶಿನಿ ಉಳಿಸಿ: ಜನಾಂದೋಲನ ಯಶಸ್ವಿ](https://mobiletime.in/2026/02/save-aghanashini-a-successful-peoples-movement/): ಅಘನಾಶಿನಿ – ವರದಾ ನದಿ ಜೋಡಣೆಯ ವಿರುದ್ಧ ಸಿದ್ದಾಪುರದ ಜನ ಸಿಡಿದೆದ್ದಿದ್ದಾರೆ. ನದಿ ನೀರಿನಲ್ಲಿ ನಿಂತು ಅವರು ಪ್ರತಿಭಟನೆ ಮಾಡಿದ್ದಾರೆ. ಯೋಜನೆ ವಿರುದ್ಧ ನಡೆದ ಜನ ಜಾಗೃತಿಗೂ ಸಾವಿರಾರು ಜನ ಭಾಗವಹಿಸಿ ಅವೈಜ್ಞಾನಿಕ ನೀತಿ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ನೇತೃತ್ವದಲ್ಲಿ ಸಿದ್ದಾಪುರದ ಗೋಳಿಮಕ್ಕಿ ನದಿ ತಿರುವು ಯೋಜನೆ ವಿರುದ್ಧ ಜನಾಂದೋಲನ ನಡೆಯಿತು. ಬಾಳೆಕೊಪ್ಪ ಗ್ರಾಮದ ಅಘನಾಶಿನಿ ಹರಿಯುವ ಗೇಜ್‌ಕಟ್ಟ ನದಿಯವರೆಗೆ ಪಾದಯಾತ್ರೆ ಮಾಡಿದ ಜನ ಬಹಿರಂಗ ಸಭೆಯಲ್ಲಿ ಭಾಗವಹಿಸಿ ಯೋಜನೆ ವಿರುದ್ಧ ತಮ್ಮ ನಿಲುವು ಪ್ರಕಟಿಸಿದರು. `ರಾಷ್ಟಿಯ ಯೋಜನೆಗಳಿಗೆ ಜನ ವಿರೋಧ ವ್ಯಕ್ತಪಡಿಸಿದಾಗಲೂ ಸರ್ಕಾರ 64,354 ಹೇಕ್ಟರ್ ಅರಣ್ಯ ಭೂಮಿ ಒದಗಿಸುತ್ತದೆ. ಆದರೆ, 80 ಸಾವಿರ ಕುಟುಂಬಗಳಿಗೆ ವಾಸ್ತವ್ಯ ಮತ್ತು ಸಾಗುವಳಿಗಾಗಿ 53 ಸಾವಿರ ಎಕರೆ ಸಾಗುವಳಿ ಹಕ್ಕು ನೀಡಲು ಹಿಂಜರಿಯುತ್ತಿದೆ’ ಎಂಬ ವಿಷಯ ಇಂದಿನ ಮುಖ್ಯ ವಿಷಯವಾಗಿತ್ತು. `ಅಘನಾಶಿನಿ ನದಿಯನ್ನು ಯೋಜನೆಗೆ ಬಿಡುವುದಿಲ್ಲ. ಹೋರಾಟ ಮಾಡಿ ನದಿ ಉಳಿಸಿಕೊಳ್ಳುತ್ತೇವೆ’ ಎಂದು ಜನ ನದಿ ನೀರು ಮುಟ್ಟಿ ಪ್ರತಿಜ್ಞೆ ಮಾಡಿದರು. ಅಘನಾಶಿನಿ ನದಿವರೆಗೂ ಹೋರಾಟಗಾರರು ಹೋರಾಟದ ಭಾವುಟ ಪ್ರದರ್ಶಿಸಿದರು. ಸಾಕಷ್ಟು ಸಂಖ್ಯೆಯಲ್ಲಿ ಮಹಿಳೆಯರು ಭಾಗವಹಿಸಿ ಹೋರಾಟಕ್ಕೆ ಸದಾ ಜೊತೆಯಾಗಿರುವುದಾಗಿ ಘೋಷಿಸಿದರು.  
- [ಶಿವರಾತ್ರಿಗಾದರೂ ಬಸ್ ಬಿಡಿ!](https://mobiletime.in/2026/02/leave-the-bus-at-least-for-shivaratri/): `ಶಿವರಾತ್ರಿಯ ಒಳಗೆ ಗಂಗಾವಳಿ-ಮoಜಗುಣಿ ಮಾರ್ಗವಾಗಿ ನಿರ್ಮಿಸಿದ ಸೇತುವೆ ಮೇಲೆ ಬಸ್ ಬಿಡದೇ ಇದ್ದರೆ ಪ್ರತಿಭಟನೆ ಅನಿವಾರ್ಯ’ ಎಂದು ಕರಾವಳಿ ರಕ್ಷಣಾ ವೇದಿಕೆ ಅಧ್ಯಕ್ಷ ಭಾಸ್ಕರ ಪಟಗಾರ ಅವರು ಎಚ್ಚರಿಸಿದ್ದಾರೆ. `ಪ್ರತಿಭಟನೆ ವೇಳೆ ಎಲ್ಲಾ ವಾಹನ ತಡೆಯುವುದು ಅನಿವಾರ್ಯ’ ಎಂದವರು ಹೇಳಿದ್ದಾರೆ. ಗಂಗಾವಳಿಯ ನೂತನ ಸೇತುವೆಗೆ ಭೇಟಿ ನೀಡಿದ ಅವರು `ಸೇತುವೆಯ ಕಾಮಗಾರಿ ಪೂರ್ಣಗೊಳಿಸುವವರೆಗೂ ಹೋರಾಟ ನಡೆಯಿತು. ಅದಾದ ನಂತರ ಸೇತುವೆ ಮೇಲೆ ಬಸ್ ಓಡಾಟ ಶುರು ಮಾಡುವಂತೆಯೂ ಹೋರಾಟ ನಡೆಸಬೇಕಾದ ಸ್ಥಿತಿ ಬಂದಿದೆ. ಎಲ್ಲಾ ವಾಹನ ಓಡಾಟ ನಡೆದರೂ ಬಸ್ಸುಗಳ ಓಡಾಟ ಮಾತ್ರ ಶುರುವಾಗಿಲ್ಲ. ಅಗತ್ಯ ಸೇವೆ ಒದಗಿಸುವಲ್ಲಿ ಅನಗತ್ಯ ವಿಳಂಭ ಮಾಡಲಾಗುತ್ತಿದೆ’ ಎಂದವರು ದೂರಿದರು. ಸಂಘಟನೆ ಪ್ರಮುಖರಾದ ಗಣಪತಿ ನಾಯ್ಕ, ನಾಗೇಂದ್ರ ಪಡ್ತಿ, ಕುಮಾರ ದಿವಟಗಿ ಹಾಗೂ ಸ್ಥಳೀಯರಾದ ವಸಂತ ಗೌಡ, ವೆಂಕಟೇಶ್ ಕಿಣಿ, ಪಾಂಡುರoಗ ಎಂ ನಾಯ್ಕ್, ರಾಜು ಗಾಂವ್ಕರ್, ದೇವು ಅಂಬಿಗ, ಹುಲಿಯಪ್ಪ ನಾಯ್ಕ, ಬಶೀರ್ ಸಾಬ್ ಬಸ್ ಬಿಡುವಂತೆ ಆಗ್ರಹಿಸಿದರು.
- [ಫೇಸ್ಬುಕ್ ನೋಡಿದವನ ಪಾಸ್‌ಬುಕ್ ಖಾಲಿ: ಕಾಸು ಕಳೆದುಕೊಂಡವ ಊರಿನ ಹೆಸರನ್ನೇ ಬದಲಿಸಿದ!](https://mobiletime.in/2026/02/passbook-of-man-who-saw-facebook-is-empty-the-man-who-lost-money-changed-the-name-of-the-town/): ದಿನಕ್ಕೆ ಮೂರು ತಾಸು ಫೇಸ್ಬುಕ್ ನೋಡುತ್ತಿದ್ದ ಯಲ್ಲಾಪುರದ ಸುಹಾಸ್ ಕೆ ಆರ್ ಅವರ ಬ್ಯಾಂಕ್ ಪಾಸ್ ಬುಕ್’ನ ಹಣ ಖಾಲಿ ಆಗಿದೆ. 29 ಲಕ್ಷ ರೂ ಕಳೆದುಕೊಂಡ ಅವರು ಕಾಳಮ್ಮ ನಗರವನ್ನು `ಟಿಪ್ಪು ನಗರ’ ಎಂದು ನಮೂದಿಸಿ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಆ ಮೂಲಕ ಗೂಗಲ್ ಮ್ಯಾಪ್’ಗೆ ಮಾತ್ರ ಸೀಮಿತವಾಗಿದ್ದ ಟಿಪ್ಪು ನಗರವನ್ನು ಸುಹಾಸ್ ಕೆ ಆರ್ ಅವರು ಸರ್ಕಾರಿ ಕಡತಕ್ಕೆ ಸೇರಿಸಿದ್ದಾರೆ. ಸರ್ಕಾರಿ ದಾಖಲೆಗಳ ಪ್ರಕಾರ ಯಲ್ಲಾಪುರದ ಕಾಳಮ್ಮ ನಗರದ ಬಳಿ ಎಲ್ಲಿಯೂ ಟಿಪ್ಪು ನಗರ ಇಲ್ಲ. ಅದಾಗಿಯೂ, ಗೂಗಲ್ ಮ್ಯಾಪ್ ಕಾಳಮ್ಮ ನಗರವನ್ನು `ಟಿಪ್ಪು ನಗರ’ ಎಂದು ಕಾಣಿಸಿದ್ದು ವಿರೋಧಕ್ಕೆ ಕಾರಣವಾಗಿತ್ತು. ಅದಾದ ನಂತರ ಮತ್ತೆ ಅದು ಕಾಳಮ್ಮ ನಗರ ಎಂದು ಬದಲಾಗಿತ್ತು. ಇದೀಗ ಮತ್ತೆ ಗೂಗಲ್ ಮ್ಯಾಪಿನಲ್ಲಿ ಟಿಪ್ಪು ನಗರ ಎಂದು ನಮೂದಾಗಿದ್ದು, ಅದೇ ಆಧಾರದಲ್ಲಿ ಸುಹಾಸ್ ಕೆ ಆರ್ ಅವರು ತಾವು ವಾಸವಾಗಿರುವ ಪ್ರದೇಶದ ವಿಳಾಸವನ್ನು ಟಿಪ್ಪು ನಗರ ಎಂದು ಸರ್ಕಾರಕ್ಕೆ ನೀಡುವ ಕಡತದಲ್ಲಿ ನಮೂದಿಸಿದ್ದಾರೆ. ಸೈಬರ್ ಅಪರಾಧ ಠಾಣೆ ಪೊಲೀಸರು ಆ ಬಗ್ಗೆ ಅರಿವಿಲ್ಲದೇ ಹಾಗೇ ಪ್ರಕರಣ ದಾಖಲಿಸಿದ್ದು, ಆ ಕಡತ ಸರ್ಕಾರಿ ದಾಖಲೆಗೆ ಸೇರಿದೆ. ಆ ದಿನ ಏನಾಯ್ತು ಎಂದರೆ.. ಮoಡ್ಯದ ಶಂಕರನಗರ ಸುಹಾಸ್ ಕೆ ಆರ್ ಅವರು ಯಲ್ಲಾಪುರದಲ್ಲಿ ವಾಸವಾಗಿದ್ದಾರೆ. ಖಾಸಗಿ ಕಂಪನಿಯೊAದರಲ್ಲಿ ಅವರು ಉದ್ಯೋಗಿಯಾಗಿದ್ದಾರೆ. ಯಲ್ಲಾಪುರದ ಚಿತ್ರಣದ ಬಗ್ಗೆ ಅವರಿಗೆ ಅರಿವಿಲ್ಲ. ಹೀಗಾಗಿ ಮೊಬೈಲಿನಲ್ಲಿದ್ದ ಗೂಗಲ್ ಮ್ಯಾಪ್ ನೋಡಿ ಅವರು ವ್ಯವಹರಿಸುತ್ತಿದ್ದು, ಅದೇ ಮೊಬೈಲಿನ ಫೇಸ್ಬುಕ್ ಖಾತೆ ಅವರ ಬ್ಯಾಂಕ್ ಖಾತೆಯ ವಂಚನೆಗೆ ಕಾರಣವಾಗಿದೆ. 2025ರ ಏಪ್ರಿಲ್ 27ರಂದು ಸುಹಾಸ್ ಕೆ ಆರ್ ಅವರು ಫೇಸ್ಬುಕ್ ನೋಡುತ್ತಿರುವಾಗ ಅವರಿಗೆ `ಆನ್‌ಲೈನ್ ಜಾಬ್’ ಎಂಬ ಜಾಹೀರಾತು ಕಾಣಿಸಿದೆ. ಆಕರ್ಷಕ ಜಾಹೀರಾತು ನೋಡಿದ ಅವರು ವಂಚಕರು ನೀಡಿದ ಗುಂಪಿಗೆ ಸೇರಿದ್ದಾರೆ. ಅಲ್ಲಿದ್ದ ನಿಶಾ ಶರ್ಮಾ ಅವರು ಸುಹಾಸ್ ಕೆ ಆರ್ ಅವರನ್ನು ಮಾತನಾಡಿಸಿದ್ದಾರೆ. ಅವರ ಮಾತಿನ ಮೋಡಿಗೆ ಮರಳಾದ ಸುಹಾಸ್ ಅವರು ಆನ್ ಲೈನ್ ಉದ್ಯೋಗ ಮಾಡುವುದಾಗಿ ಹೇಳಿದ್ದಾರೆ. ವಿವಿಧ ವೆಬ್‌ಸೈಟಿನ ಉತ್ಪನ್ನಗಳಿಗೆ ದಿನಕ್ಕೆ 2 ತಾಸು ರೇಟಿಂಗ್ ಕೊಟ್ಟು ರಿವ್ಯು ಬರೆದರೆ 49 ಡಾಲರ್ ಹಣ ಕೊಡುವುದಾಗಿ ನಂಬಿಸಿದ್ದಾರೆ. ಅದರಂತೆ ಕೆಲಸ ಮಾಡಿದ ಸುಹಾಸ್ ಕೆ ಆರ್ ಅವರಿಗೆ 500ರೂ ಆದಾಯವೂ ಬಂದಿದೆ. ಆ ಆದಾಯವನ್ನು ಮತ್ತೊಂದು ಕಡೆ ಹೂಡಿಕೆ ಮಾಡುವಂತೆ ನಿಶಾ ಶರ್ಮಾ ಅವರು ಸೂಚಿಸಿದ್ದು, ಅದರಂತೆ ಹೂಡಿಕೆ ಮಾಡಿದಾಗ ಸುಹಾಸ್ ಅವರಿಗೆ 1 ಸಾವಿರ ರೂ ಸಿಕ್ಕಿದೆ. ಹೆಚ್ಚು ಹೆಚ್ಚು ಹಣ ಸಿಗುವ ಆಟ ನೋಡಿದ ಸುಹಾಸ್ ಕೆ ಆರ್ ಅವರು 2026ರ ಫೆಬ್ರವರಿ 2ರವರೆಗೆ ಒಟ್ಟು 29 ಲಕ್ಷ ರೂ ಹಣ ಹೂಡಿಕೆ ಮಾಡಿದ್ದಾರೆ. ಒಟ್ಟು 2913459ರೂ ಹೂಡಿಕೆ ನಂತರ ನಿಶಾ ಶರ್ಮ ಅವರು ಸುಹಾಸ್ ಕೆ ಆರ್ ಅವರನ್ನು ದೂರ ಮಾಡಿದ್ದಾರೆ. ಹೀಗಾಗಿ ಅವರಿಗೆ ಹೂಡಿಕೆ ಹಣವೂ ಸಿಕ್ಕಿಲ್ಲ. ಲಾಭವೂ ಬಂದಿಲ್ಲ. ಈ ಎಲ್ಲಾ ಹಿನ್ನಲೆ ಸುಹಾಸ್ ಕೆ ಆರ್ ಅವರು ಸೈಬರ್ ಕಾರವಾರದ ಅಪರಾಧ ಪೊಲೀಸ್ ಠಾಣೆಗೆ ತೆರಳಿದ್ದಾರೆ. ತಮಗಾದ ಅನ್ಯಾಯದ ಬಗ್ಗೆ ಅವರು ಪೊಲೀಸರಲ್ಲಿ ಹೇಳಿಕೊಂಡಿದ್ದು, ಪ್ರಕರಣ ದಾಖಲಿಸಿದ್ದಾರೆ. ಆ ಪ್ರಕರಣ ದಾಖಲಿಸುವಾಗ ವಿಳಾಸ ನೀಡುವಾಗ `ಕಾಳಮ್ಮ ನಗರ’ದ ಹೆಸರನ್ನು `ಟಿಪ್ಪು ನಗರ’ ಎಂದು ಬರೆದಿದ್ದಾರೆ. ಸೈಬರ್ ಕ್ರೈಂ ಕುರಿತು ಕೂಡಲೇ ಇಲ್ಲಿ ಫೋನ್ ಮಾಡಿ: 1930
- [ಹದಗೆಟ್ಟ ರಸ್ತೆಗೆ ಸಿಕ್ಕಿಲ್ಲ ದುರಸ್ತಿ ಭಾಗ್ಯ!](https://mobiletime.in/2026/02/the-deteriorated-road-has-not-been-repaired/): ಸಿದ್ದಾಪುರ-ಚಂದ್ರಗುತ್ತಿ ಭಾಗದಲ್ಲಿ ವರ್ಷದಿಂದ ವರ್ಷಕ್ಕೆ ಅಪಘಾತಗಳ ಪ್ರಮಾಣ ಹೆಚ್ಚಾಗುತ್ತಿದೆ. ಹದಗೆಟ್ಟ ರಸ್ತೆಯೇ ಅಪಘಾತಕ್ಕೆ ಕಾರಣ ಎಂಬ ಅರಿವಿದ್ದರೂ ರಸ್ತೆ ಸರಿಪಡಿಸುವ ಕಾರ್ಯ ನಡೆದಿಲ್ಲ. ಧಾರ್ಮಿಕ ಕ್ಷೇತ್ರವಾಗಿರುವ ಚಂದ್ರಗುತ್ತಿಗೆ ನಿತ್ಯ ಸಾವಿರಾರು ಭಕ್ತರು ಬರುತ್ತಾರೆ. ಸಿದ್ದಾಪುರ, ಹಳ್ಳಿಬೈಲು, ಐಗೋಡು, ಕಾನಗೋಡು ಮಾರ್ಗವಾಗಿ ಜನ ಓಡಾಡುತ್ತಾರೆ. ಆದರೆ, ಈ ಮಾರ್ಗದ ರಸ್ತೆಗೆ ಕಳೆದ ಐದಾರು ವರ್ಷಗಳಿಂದ ನವೀಕರಣ ಭಾಗ್ಯ ಸಿಕ್ಕಲ್ಲ. ಅಲ್ಲಿಲ್ಲಿ ತೇಪೆ ಹಾಕಲಾಗಿದ್ದರೂ ಅದು ಸರಿಯಾಗಿಲ್ಲ. ಹೀಗಾಗಿ ಎಲ್ಲಡೆ ಹೊಂಡ ತುಂಬಿದ ಗುಂಡಿಗಳಿದ್ದು, ಅನೇಕರು ಆ ಗುಂಡಿಗಳಲ್ಲಿ ಬಿದ್ದು ಪೆಟ್ಟು ಮಾಡಿಕೊಳ್ಳುತ್ತಿದ್ದಾರೆ. ಐಗೋಡಿನ ಮುಖ್ಯ ತಿರುವಿನಲ್ಲಿ ರಸ್ತೆಯು ಕಿತ್ತು ಹೊಗಿದೆ. ಸಣ್ಣ ಜೆಲ್ಲಿಕಲ್ಲುಗಳು ಹರಡಿರುವ ಕಾರಣ ಬೈಕ್ ಸವಾರರು ಅಲ್ಲಿ ಬೀಳುತ್ತಿದ್ದಾರೆ. ಈ ಕುರಿತು ಗ್ರಾಮಸ್ಥರು ಸಾಕಷ್ಟು ಬಾರಿ ಲೋಕೋಪಯೋಗಿ ಇಲಾಖೆಯ ಅಧಿಕಾರಿಗಳ ಗಮನಕ್ಕೆ ತಂದರೂ ಸಮಸ್ಯೆ ಮಾತ್ರ ಹಾಗೇ ಇದೆ. ಅಲ್ಲದೇ ಟೆಂಡರ್ ಪಡೆಯುವವರೂ ಕೂಡ ಜೆಲ್ಲಿಯ ಮೇಲೆ ಡಾಂಬರ್ ಹಾಕಿ ಹಣ ಎಣಿಸಿಕೊಳ್ಳುತ್ತಿದ್ದು, ವಾಹನ ಸವಾರರು ಇದರಿಂದ ಹೈರಣಾಗಿದ್ದಾರೆ. ಈ ಎಲ್ಲಾ ಹಿನ್ನಲೆ ಗ್ರಾಮಸ್ಥರು ಇದೀಗ ಒಗ್ಗಟ್ಟಾಗಿದ್ದಾರೆ. ಒಂದು ತಿಂಗಳ ಒಳಗಾಗಿ ರಸ್ತೆ ನವೀಕರಣ ಆಗದಿದ್ದರೆ ಪ್ರತಿಭಟನೆ ನಡೆಸುವ ಎಚ್ಚರಿಕೆ ನೀಡಿದ್ದಾರೆ. ಎರಡು ಜಿಲ್ಲೆಗಳ ಪ್ರಮುಖ ಕೊಂಡಿಯಾಗಿರುವ ರಸ್ತೆಯ ಅಭಿವೃದ್ಧಿಗೆ ಮನಸ್ಸು ಮಾಡಿದ ಜನಪ್ರತಿನಿಧಿಗಳಿಗೂ ಬಿಸಿ ಮುಟ್ಟಿಸುವ ಬಗ್ಗೆ ನಿರ್ಣಯಿಸಿದ್ದಾರೆ.
- [ಬೈಕ್ ಡಿಕ್ಕಿ: ಪಾದಚಾರಿ ಸಾವು](https://mobiletime.in/2026/02/bike-collision-pedestrian-dies/): ಕುಮಟಾ ಬಗ್ಗೋಣದ ಆದಿತ್ಯ ಮುಕ್ರಿ ಅವರು ಧಾರೇಶ್ವರದ ಶ್ರೀಧರ ನಾಯ್ಕ ಅವರಿಗೆ ಬೈಕ್ ಗುದ್ದಿದ್ದು, ಆ ಅಪಘಾತದ ರಭಸಕ್ಕೆ ಶ್ರೀಧರ ನಾಯ್ಕ ಅವರು ಸಾವನಪ್ಪಿದ್ದಾರೆ. ಕುಮಟಾದ ಬಗ್ಗೋಣದಲ್ಲಿ ಆದಿತ್ಯ ಮುಕ್ರಿ ಅವರು ಮನೆ ಮಾಡಿಕೊಂಡಿದ್ದಾರೆ. 23 ವರ್ಷದ ಆದಿತ್ಯ ಮುಕ್ರಿ ಅವರು ವೇಗವಾಗಿ ಬೈಕ್ ಓಡಿಸುತ್ತಿದ್ದು, ಅವರ ಅತಿ ವೇಗದ ಚಾಲನೆ ಶ್ರೀಧರ ಹನುಮಂತ ನಾಯ್ಕ (55) ಅವರ ಸಾವಿಗೆ ಕಾರಣವಾಗಿದೆ. ಜನವರಿ 30ರ ರಾತ್ರಿ ಆದಿತ್ಯ ಮುಕ್ರಿ ಅವರು ಹೊನ್ನಾವರದಿಂದ ಕುಮಟಾ ಕಡೆ ಬೈಕ್ ಓಡಿಸಿಕೊಂಡು ಹೊರಟಿದ್ದರು. ಅದೇ ವೇಳೆ ಧಾರೇಶ್ವರ ಕಡಲತೀರದ ತಿರುವಿನ ಬಳಿ ಧಾರೇಶ್ವರದ ಶ್ರೀಧರ ಹನುಮಂತ ನಾಯ್ಕ ಅವರು ನಡೆದು ಹೋಗುತ್ತಿದ್ದರು. ಆದಿತ್ಯ ಮುಕ್ರಿ ಅವರು ಓಡಿಸುತ್ತಿದ್ದ ಬೈಕು ಶ್ರೀಧರ ನಾಯ್ಕ ಅವರಿಗೆ ಡಿಕ್ಕಿಯಾಯಿತು. ಪರಿಣಾಮ ಶ್ರೀಧರ ನಾಯ್ಕ ಅವರು ಅಲ್ಲಿಯೇ ಕುಸಿದು ಬಿದ್ದರು. ಆದಿತ್ಯ ಮುಕ್ರಿ ಅವರು ಬಿದ್ದು ಪೆಟ್ಟು ಮಾಡಿಕೊಂಡರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ಶ್ರೀಧರ ನಾಯ್ಕ ಅವರನ್ನು ಕುಮಟಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಯಿತು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಶ್ರೀಧರ ನಾಯ್ಕ ಅವರು ಸಾವನಪ್ಪಿದರು. ಸಹೋದರನ ಸಾವಿನ ಬಗ್ಗೆ ಧಾರೇಶ್ವರದ ಶಂಕರ ಹನುಮಂತ ನಾಯ್ಕ ಅವರು ಪೊಲೀಸ್ ಮಾಹಿತಿ ನೀಡಿದ್ದು, ಕುಮಟಾ ಪೊಲೀಸರು ಆದಿತ್ಯ ಮುಕ್ರಿ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಬಡವರಿಗೆ ಅಲ್ಲ ಈ ಬಜೆಟ್!](https://mobiletime.in/2026/02/this-budget-is-not-for-the-poor/): `ಕೇಂದ್ರ ಸರ್ಕಾರ ಈ ದಿನ ಮಂಡಿಸಿದ ಬಜೆಟ್ ಕೃಷಿ ಕ್ಷೇತ್ರಕ್ಕಿಂತಲೂ ಕಾರ್ಪೋರೇಟ್ ಕಂಪನಿಗಳಿಗೆ ಅನುಕೂಲಕರವಾಗಿದೆ. ಈ ಬಜೆಟ್ ಕೃಷಿ ಕ್ಷೇತ್ರ ಅಭದ್ರಗೊಳಿಸುವುದರ ಜೊತೆ ಒಕ್ಕೂಟ ವ್ಯವಸ್ಥೆಗೆ ಮಾರಕವಾಗಿದೆ’ ಎಂದು ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ ಅವರು ಹೇಳಿದ್ದಾರೆ. `ಮೆಕ್ ಇನ್ ಇಂಡಿಯಾ ಮತ್ತು ಆತ್ಮ ನಿರ್ಬರ ಎಂಬ ಮಹಾ ಮೋಸ ಇಡೀ ಕೃಷಿ ಕ್ಷೇತ್ರವನ್ನು ಕಾರ್ಪೊರೇಟ್ ಸಂಸ್ಥೆಗಳಿಗೆ ಅರ್ಪಿಸುತ್ತಿದೆ. ಈ ವ್ಯವಸ್ಥೆಯಿಂದ ಕೃಷಿ ಕ್ಷೇತ್ರ ಅಭದ್ರವಾಗಲಿದೆ’ ಎಂದವರು ಆತಂಕವ್ಯಕ್ತಪಡಿಸಿದ್ದಾರೆ. `ಬಜೆಟಿನಲ್ಲಿ ಕಿಸಾನ್ ನಿಧಿ ಹೆಚ್ಚಿಸಿಲ್ಲ. ಗ್ರಾಮೀಣ ಯುವ ಜನರಿಗೆ ಉದ್ಯೋಗ ಕೊಡುವ ಯೋಜನೆಗಳಿಲ್ಲ’ ಎಂದವರು ಅಸಮಧಾನಹೊರಹಾಕಿದ್ದಾರೆ. `ಕೇಂದ್ರ ಬಜೆಟ್ ಸಂಪೂರ್ಣವಾಗಿ ದಕ್ಷಿಣ ಭಾರತವನ್ನು ನಿರ್ಲಕ್ಷಿಸಿದೆ. ಹೀಗಾಗಿ ಒಕ್ಕೂಟ ವ್ಯವಸ್ಥೆಗೆ ಈ ಬಜೆಟ್ ಮಾರಕವಾಗಿದೆ’ ಎಂದವರು ಹೇಳಿದ್ದಾರೆ. `ಅಂಕೋಲಾ- ಹುಬ್ಬಳ್ಳಿ ರೇಲ್ವೆ ಲೈನ್ ಬಗ್ಗೆ ಪ್ರಸ್ತಾಪ ಇಲ್ಲ. ರಾಷ್ಟ್ರೀಯ ಹೆದ್ದಾರಿ ದ್ವಿಪತದ ಬಗ್ಗೆ ಏನನ್ನೂ ಹೇಳಿಲ್ಲ. ಹೀಗಾಗಿ ಕೇಂದ್ರ ಬಜೆಟ್ ನಿರಾಸದಾಯಕವಾಗಿದ್ದು, ಜನ ವಿರೋಧಿ ನೀತಿ ವಿರುದ್ಧ ಪ್ರತಿಭಟನೆ ಅನಿವಾರ್ಯ’ ಎಂದು ಶಾಂತರಾಮ ನಾಯಕ ಅವರು ಹೇಳಿದ್ದಾರೆ.
- [ಅನಾರೋಗ್ಯಕ್ಕೆ ಒಳಗಾದ ಅಂಗವಿಕಲ: ಅಗ್ನಿಗಾಹುತಿ!](https://mobiletime.in/2026/02/disabled-person-who-fell-ill-firefighter/): ಅನಾರೋಗ್ಯಕ್ಕೆ ಒಳಗಾಗಿದ್ದ ಕುಮಟಾದ ಅಂಗವಿಕಲ ಗಣೇಶ ಹರಿಕಂತ್ರ ಅವರು ಅಗ್ನಿಗೆ ಆಹುತಿಯಾಗಿದ್ದಾರೆ. ಬೆಂಕಿ ಜ್ವಾಲೆಯಲ್ಲಿ ಉರಿಯುತ್ತಿದ್ದ ಅವರನ್ನು ರಕ್ಷಿಸುವ ಪ್ರಯತ್ನ ನಡೆದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ಕುಮಟಾದ ಹಳಕಾರಿನ ಗಣೇಶ ಕೃಷ್ಣ ಹರಿಕಂತ್ರ ಅವರು ವಾಸವಾಗಿದ್ದರು. ಅಂಗವಿಕಲ್ಯದಿoದ ಅವರು ಬಳಲುತ್ತಿದ್ದರು. ಈ ನಡುವೆ ಗಣೇಶ ಹರಿಕಂತ್ರ ಅವರಿಗೆ ಅನಾರೋಗ್ಯ ಕಾಡಲು ಶುರುವಾಯಿತು. ಕಳೆದ ಒಂದು ವರ್ಷದಿಂದ ಅವರು ವಿವಿಧ ಆಸ್ಪತ್ರೆ ಓಡಾಟ ನಡೆಸಿದರು. ಆದರೆ, ಅವರ ಆರೋಗ್ಯ ಸರಿ ಆಗಲಿಲ್ಲ. ಮಾನಸಿಕವಾಗಿಯೂ ನೋವು ಅನುಭವಿಸಿದ ಗಣೇಶ ಹರಿಕಂತ್ರ ಅವರು ಜನವರಿ 31ರಂದು ಮೈಮೇಲೆ ಸೀಮೆಎಣ್ಣೆ ಸುರಿದುಕೊಂಡರು. ಅದಾದ ನಂತರ ಬೆಂಕಿ ಹಚ್ಚಿಕೊಂಡರು. ಅವರನ್ನು ಕುಮಟಾ ಆಸ್ಪತ್ರೆಗೆ ದಾಖಲಿಸಲಾಯಿತು. ಅದಾದ ನಂತರ ಕಾರವಾರ ಆಸ್ಪತ್ರೆಗೂ ಕರೆದೊಯ್ದು ಚಿಕಿತ್ಸೆ ಕೊಡಿಸಲಾಯಿತು. ಆದರೆ, ಸುಟ್ಟು ಹೋಗಿದ್ದ ಗಣೇಶ ಹರಿಕಂತ್ರ ಅವರು ರಾತ್ರಿ ಸಾವನಪ್ಪಿದರು. ಹಳಕಾರದ ಕೃಷ್ಣ ಘಟಬೀರ ಹರಿಕಂತ್ರ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮಹಿಳೆಗೆ ಗುದ್ದಿದ ಬೈಕು: ಪರಿಸ್ಥಿತಿ ಗಂಭೀರ!](https://mobiletime.in/2026/02/woman-hit-by-bike-situation-serious/): ವೇಗವಾಗಿ ಬೈಕ್ ಓಡಿಸುವ ಬನವಾಸಿಯ ನಾಗರಾಜ ಕೆಳಗಿನಮನೆ ಅವರು ತಮ್ಮ ಬೈಕನ್ನು ಗಿರಿಜಮ್ಮ ಚೆನ್ನಯ್ಯ ಅವರಿಗೆ ಗುದ್ದಿದ್ದಾರೆ. ಈ ಅಪಘಾತದಲ್ಲಿ ಗಿರಿಜಮ್ಮ ಚೆನ್ನಯ್ಯ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಶಿರಸಿ ಬನವಾಸಿಯ ಯಡೂರಬೈಲಿನ ನಾಗರಾಜ ಯಲ್ಲಪ್ಪ ಕೆಳಗಿನಮನೆ ಅವರು ವೇಗವಾಗಿ ಬೈಕ್ ಓಡಿಸುತ್ತಾರೆ. ಬೇರೆಯವರ ಜೀವಕ್ಕೆ ಅಪಾಯವಾಗುವ ಬಗ್ಗೆ ಅರಿವಿದ್ದರೂ ಅವರು ಸಂಚಾರಿ ನಿಯಮಗಳನ್ನು ಉಲ್ಲಂಘಿಸುತ್ತಾರೆ. ಜನವರಿ 1ರಂದು ಸಹ ಅವರು ಬನವಾಸಿ-ಸೊರಬಾ ರಸ್ತೆಯಲ್ಲಿ ವೇಗವಾಗಿ ಬೈಕ್ ಓಡಿಸಿದ್ದು, ಆ ಬೈಕು ಅಪಘಾತಕ್ಕೀಡಾಗಿದೆ. ಆ ದಿನ ಮಧ್ಯಾಹ್ನ ಬನವಾಸಿಯ ಟಿ ಎಂ ಎಸ್ ಹತ್ತಿರ ಗಿರಿಜಮ್ಮ ಬಸಪ್ಪ ಚೆನ್ನಯ್ಯ ಅವರು ನಡೆದು ಹೋಗುತ್ತಿದ್ದರು. ಎಂದಿನAತೆ ನಾಗರಾಜ ಕೆಳಗಿನಮನೆ ಅವರು ವೇಗವಾಗಿ ಬೈಕ್ ಓಡಿಸಿಕೊಂಡು ಅಲ್ಲಿಗೆ ಬಂದರು. ಬೈಕು ಅವರ ನಿಯಂತ್ರಣ ತಪ್ಪಿದ್ದು, ಗಿರಿಜಮ್ಮ ಚೆನ್ನಯ್ಯ ಅವರಿಗೆ ಗುದ್ದಿತು. ಪರಿಣಾಮ ಗಿರಿಜಮ್ಮ ಚೆನ್ನಯ್ಯ ಅವರು ನೆಲಕ್ಕೆ ಅಪ್ಪಳಿಸಿದ್ದು, ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಯಿತು. ಕೂಲಿ ಕೆಲಸ ಮಾಡಿಕೊಂಡಿದ್ದ ಗಿರಿಜಮ್ಮ ಚೆನ್ನಯ್ಯ ಅವರು ನಾಗರಾಜ ಕೆಳಗಿನಮನೆ ಅವರ ಅತಿ ವೇಗದ ಬೈಕ್ ಚಾಲನೆಯಿಂದ ಸಮಸ್ಯೆಗೆ ಸಿಲುಕಿದರು. ಅಪಘಾತಕ್ಕೆ ಕಾರಣರಾದ ನಾಗರಾಜ ಕೆಳಗಿನಮನೆ ಅವರ ವಿರುದ್ಧ ಬನವಾಸಿ ದೊಡ್ಡಕೇರಿಯ ನಂದಕುಮಾರ ನಾಗರಾಜ ಚೆನ್ನಯ್ಯ ಅವರು ಪೊಲೀಸ್ ದೂರು ನೀಡಿದರು. ಬನವಾಸಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ತೆಂಗಿನಕಾಯಿ ವ್ಯಾಪಾರ: ಹೊಡೆದಾಟಕ್ಕೆ ಕಾರಣವಾದ ಹೆಣ್ಣಿನ ಜೊತೆಗಿನ ವ್ಯವಹಾರ!](https://mobiletime.in/2026/02/coconut-business-dealing-with-a-woman-led-to-a-fight/): ಕಾರವಾರದ ಕೋಡಿಭಾಗದ ಅರವಿಂದ ನಾಯ್ಕ ಅವರ ಮನೆಗೆ ಸಂಗೀತಾ ಚಿಂಚನಕರ್ ಅವರು ಆಗಮಿಸಿದ್ದು, ಅದನ್ನು ಸಹಿಸದ ಅಕ್ಕಪಕ್ಕದ ಮನೆಯವರು ಅರವಿಂದ ನಾಯ್ಕ ಅವರಿಗೆ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಕಾರವಾರ ಕೋಡಿಭಾಗದ ಪಂಚರಿಶಿವಾಡದಲ್ಲಿ ಅರವಿಂದ ಹೊನ್ನಪ್ಪ ನಾಯ್ಕ ಅವರು ವಾಸವಾಗಿದ್ದಾರೆ. ತೆಂಗಿನ ಕಾಯಿ ವ್ಯಾಪಾರ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಸಂಗೀತಾ ಅಶೋಕ ಚಿಂಚನಕರ್ ಅವರು ಕಳೆದ ನಾಲ್ಕು ವರ್ಷಗಳಿಂದ ಅರವಿಂದ ನಾಯ್ಕ ಅವರ ಬಳಿಯೇ ತೆಂಗಿನ ಕಾಯಿ ಖರೀದಿಸುತ್ತಿದ್ದಾರೆ. ಮನೆಗೆ ಬಂದು ಅವರು ಕಾಯಿಪಡೆಯುತ್ತಿದ್ದು, ಅರವಿಂದ ನಾಯ್ಕ ಅವರ ಮನೆಯ ಅಕ್ಕಪಕ್ಕದವರು ಇದನ್ನು ವಿರೋಧಿಸಿದ್ದಾರೆ. ಅದಾಗಿಯೂ, ಜನವರಿ 5ರ ಮಧ್ಯಾಹ್ನ ಸಂಗೀತಾ ಚಿಂಚನಕರ್ ಅವರು ಅರವಿಂದ ನಾಯ್ಕ ಅವರ ಮನೆಗೆ ಬಂದಿದ್ದರು. ಆಗ, ಪಕ್ಕದ ಮನೆಯ ಬೀರಪ್ಪ ಕರಿಯಣ್ಣ ಅಂಬಿಗ, ಗಜಾನನ ಸುಬ್ರಾಯ ಅಂಬಿಗ ಹಾಗೂ ಶ್ರೀನಿವಾಸ ಬೀರಪ್ಪ ಅಂಬಿಗ ಅವರು ಅಲ್ಲಿ ಮುತ್ತಿಗೆ ಹಾಕಿದರು. `ನಿಮ್ಮ ಮನೆಗೆ ಆ ಹೆಂಗಸು ಬಂದಿದ್ದೇಕೆ?’ ಎಂದು ಆ ಮೂವರು ಪ್ರಶ್ನಿಸಿದರು. `ಆಕೆ ನನ್ನ ಮನೆಗೆ ಬಂದರೆ ನಿಮಗೇನು ತೊಂದರೆ?’ ಎಂದು ಅರವಿಂದ ನಾಯ್ಕರು ಮರುಪ್ರಶ್ನೆ ಹಾಕಿದರು. ಈ ವೇಳೆ ಮಾತಿನ ಚಕಾಮಕಿ ನಡೆದಿದ್ದು, ಅದು ಹೊಡೆದಾಟದ ಸ್ವರೂಪಪಡೆಯಿತು. ಆ ಮೂವರು ಸೇರಿ ಅರವಿಂದ ನಾಯ್ಕ ಅವರ ತಲೆ, ಬೆನ್ನು, ಕಾಲಿಗೆ ಪೆಟ್ಟು ಕೊಟ್ಟರು. ಎಲ್ಲರೂ ಸೇರಿ ಹಿಗ್ಗಾಮುಗ್ಗ ಥಳಿಸಿದರು. ಈ ವಿಷಯದ ಬಗ್ಗೆ ಅರವಿಂದ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದು, ಅದಾದ ನಂತರ ನ್ಯಾಯಕ್ಕಾಗಿ ನ್ಯಾಯಾಲಯದ ಮೊರೆ ಹೋದರು. ನ್ಯಾಯಾಲಯದ ಸೂಚನೆ ಮೇರೆಗೆ ಕಾರವಾರ ನಗರಠಾಣೆ ಪೊಲೀಸರು ಥಳಿಸಿದ ಮೂವರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಸರ್ಕಾರಿ ಸಹಾಯ: ಈ ಊರಿನಲ್ಲಿ ಮನೆ ರಿಪೇರಿಗೆ ಅರ್ಜಿ ಹಾಕುವವರೇ ಇಲ್ಲ!](https://mobiletime.in/2026/02/government-assistance-no-one-applies-for-home-repairs-in-this-town/): ಮುಖ್ಯಮಂತ್ರಿ ಅಮೃತ ನಗರೋತ್ಥಾನ ಯೋಜನೆಯ ಕಾಯ್ದಿಟ್ಟ ಅನುದಾನದ ಅಡಿ ಬಡ ಜನರಿಗೆ ಮನೆ ರಿಪೇರಿ ಮಾಡಿಕೊಡಲು ಸರ್ಕಾರ ಆಸಕ್ತಿವಹಿಸಿದೆ. ಹೊನ್ನಾವರದಲ್ಲಿ ನೂತನವಾಗಿ ರಚಿತವಾಗಿರುವ ಮಂಕಿ ಪಟ್ಟಣ ಪಂಚಾಯತದಲ್ಲಿ ಈ ಯೋಜನೆಗೆ ಅರ್ಜಿ ಹಾಕುವವರೇ ಇಲ್ಲ! `ಮನೆ ಛಾವಣಿ ಹಾಳಾದವರು ಅರ್ಜಿ ಸಲ್ಲಿಸಿ’ ಎಂದು ಸಕಾರ ಪ್ರಕಟಣೆ ಹೊರಡಿಸಿತ್ತು. ಆದರೆ, ಒಂದು ಅರ್ಜಿ ಸಹ ಈ ಊರಿನಲ್ಲಿ ಸಲ್ಲಿಕೆ ಆಗಿಲ್ಲ. ಹೀಗಾಗಿ `ಮನೆ ಛಾವಣಿ ಹಾಳಾದವರು ಅರ್ಜಿ ಸಲ್ಲಿಸಿ ದುರಸ್ಥಿ ಮಾಡಿಸಿಕೊಳ್ಳಿ’ ಎಂದು ಇದೀಗ ಮತ್ತೊಮ್ಮೆ ಸರ್ಕಾರ ಪ್ರಕಟಣೆ ಹೊರಡಿಸಿದೆ. 2022-23 ನೇ ಸಾಲಿನ ಮುಖ್ಯಮಂತ್ರಿ ಅಮೃತ ನಗರೋತ್ಥಾನ (ಮುನಿಸಿಪಾಲಟಿ) ಯೋಜನೆ ಹಂತ-4 ಯೋಜನೆಯಡಿ ಬಡ ಜನರಿಗೆ ಮನೆ ಛಾವಣಿ ದುರಸ್ಥಿಗೆ ಸರ್ಕಾರದಿಂದಲೇ ಹಣ ಕೊಡಲಾಗುತ್ತದೆ. ಈ ಯೋಜನೆಯ ಬಗ್ಗೆ ಸರ್ಕಾರ ವ್ಯಾಪಕ ಪ್ರಚಾರವನ್ನು ಮಾಡುತ್ತಿದೆ. ಅರ್ಹರನ್ನು ಗುರುತಿಸಿ ಯೋಜನೆಯನ್ನು ತಲುಪಿಸುವ ಪ್ರಯತ್ನ ನಡೆಯುತ್ತಿದೆ. ಹೊನ್ನಾವರದ ಮಂಕಿಯಲ್ಲಿ ಮೊದಲ ಬಾರಿ ಹೊರಡಿಸಿದ ಪ್ರಕಟಣೆಗೆ ಸ್ಪಂದನೆ ಸಿಗದ ಹಿನ್ನಲೆ ಫೆ 11ರವರೆಊ ಅವಕಾಶ ಕೋರಿ ಮತ್ತೊಮ್ಮೆ ಅವಕಾಶ ಕೊಟ್ಟಿದೆ. ಮಂಕಿ ಪಟ್ಟಣ ಪಂಚಾಯತ ವ್ಯಾಪ್ತಿಯಲ್ಲಿ ಮನೆ ರಿಪೇರಿ ಮಾಡಿಸಿಕೊಳ್ಳಲು ಬಯಸುವವರು ವಿವಿಧ ದೃಢೀಕೃತ ದಾಖಲೆ ಹಾಗೂ ಪ್ರಮಾಣ ಪತ್ರ ಸಲ್ಲಿಸಿದರೆ ಸರ್ಕಾರದ ಈ ಸೌಲಭ್ಯ ಸಿಗಲಿದೆ. ಅರ್ಜಿ ನಮೂನೆ ಜೊತೆ ಇನ್ನೂ ಹೆಚ್ಚಿನ ಮಾಹಿತಿಗೆ ಪಂಚಾಯತಗೆ ಭೇಟಿ ನೀಡುವುದು ಉತ್ತಮ.
- [ಔಷಧಿ ಅಂಗಡಿ ಮೇಲೆ ಅಧಿಕಾರಿಗಳ ದಾಳಿ: ಕಿವಿ ಸ್ವಚ್ಛಗೊಳಿಸುವ ಬಡ್ಸ್'ನ್ನು ಬಿಡದೇ ವಶ!](https://mobiletime.in/2026/02/authorities-raid-drug-store-ear-cleaning-buds-seized-without-leaving-any-trace/): ಪ್ಲಾಸ್ಟಿಕ್ ಬಳಕೆ ತಡೆಯುವುದಕ್ಕಾಗಿ ಗೋಕರ್ಣದ ಔಷಧಿ ಅಂಗಡಿ ಮೇಲೆ ದಾಳಿ ನಡೆಸಿದ ಅಧಿಕಾರಿಗಳು ಕಿವಿ ಸ್ವಚ್ಛ ಮಾಡಲು ಬಳಸುವ ಬಡ್ಸ್ ವಶಕ್ಕೆಪಡೆದಿದ್ದಾರೆ. `ಪ್ಲಾಸ್ಟಿಕ್ ಅಂಶವಿರುವ ಕಾರಣ ಅದನ್ನು ಮಾರುವ ಹಾಗಿಲ್ಲ’ ಎಂದು ತಾಕೀತು ಮಾಡಿ, ದಂಡ ವಿಧಿಸಿದ್ದಾರೆ! ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯವರು ಅಪರೂಪಕ್ಕೆ ಒಮ್ಮೆ ಏಕ ಬಳಕೆ ಪ್ಲಾಸ್ಟಿಕ್ ಮಾರಾಟ ತಡೆಗೆ ಮುಂದಾಗುತ್ತಾರೆ. ಆ ಅವಧಿಯಲ್ಲಿ ಎಲ್ಲಾ ಕಡೆ ದಾಳಿ ನಡೆಸಿ ದೊಡ್ಡ ದೊಡ್ಡ ಪ್ಲಾಸ್ಟಿಕ್ ಮೂಟೆಗಳನ್ನು ರಾಶಿ ಹಾಕುತ್ತಾರೆ. ಹಾಗೇ, ಮೊನ್ನೆ ಗೋಕರ್ಣದ ವಿವಿಧ ಮಳಿಗೆಗಳ ಮೇಲೆಯೂ ಆ ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಕಾರವಾರ ಪ್ರಾದೇಶಿಕ ಕಚೇರಿ ಪರಿಸರ ಅಧಿಕಾರಿ ಬಿ ಕೆ ಸಂತೋಷ್ ಅವರ ಜೊತೆ ಗೋಕರ್ಣ ಪಂಚಾಯತ ಅಭಿವೃದ್ಧಿ ಅಧಿಕಾರಿ ವೆಂಕಟರಮಣ ಪಟಗಾರ ಹಾಗೂ ಗ್ರಾ ಪಂ ಕಾರ್ಯದರ್ಶಿ ಮಂಜುನಾಥ ಸೇರಿ ಅನೇಕ ಮಳಿಗೆಗಳ ಬಾಗಿಲು ತಟ್ಟಿದ್ದಾರೆ. ಪ್ಲಾಸ್ಟಿಕ್ ಸ್ಟಾç, ಕಪ್ ಮತ್ತು ಕ್ಯಾರಿಬ್ಯಾಗ್ ಜೊತೆ ಔಷಧಿ ಅಂಗಡಿಯಲ್ಲಿ ಮಾರಾಟವಾಗುತ್ತಿದ್ದ ಕಿವಿ ಸ್ವಚ್ಛ ಮಾಡುವ ಬಡ್ಸ್’ನ್ನು ಜಪ್ತು ಮಾಡಿದ್ದಾರೆ. ಈ ಎಲ್ಲವೂ ಸೇರಿ 24 ಕೆಜಿ ಪ್ಲಾಸ್ಟಿಕ್ ವಶಕ್ಕೆಪಡೆದು ಅದನ್ನು ಮಾರಾಟ ಮಾಡುವವರಿಂದ 1700ರೂ ದಂಡ ವಸೂಲಿ ಮಾಡಿದ್ದಾರೆ. `ದಾಳಿ ಮಾಡಿದಕ್ಕೆ ಬೇಸರವಿಲ್ಲ. ದಂಡ ಪಾವತಿಸುವುದು ಸಹ ದೊಡ್ಡದಲ್ಲ. ಆದರೆ, ಸಣ್ಣ ಸಣ್ಣ ವ್ಯಾಪಾರಿಗಳ ಮೇಲೆ ಕ್ರಮ ಜರುಗಿಸುವ ಅಧಿಕಾರಿಗಳಿಗೆ ಕಂಪನಿ ಮಾಲಕರಿಗೆ ಬಿಸಿ ಮುಟ್ಟಿಸುವ ಧೈರ್ಯವಿಲ್ಲ’ ಎಂದು ಅಂಗಡಿಕಾರರು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಪ್ಲಾಸ್ಟಿಕ್ ಕ್ಯಾರಿ ಬ್ಯಾಗ್ ವಶಕ್ಕೆಪಡೆದಿದ್ದು ಸರಿಯಾಗಿದೆ. ಆದರೆ, ಟಿಶ್ಯು ಪೆಪರ್, ಕಿವಿ ಸ್ವಚ್ಚ ಮಾಡುವ ಬಡ್ಸನ್ನು ಬಿಡದೇ ಜಪ್ತು ಮಾಡಿದ್ದು ಸರಿಯಲ್ಲ. ಖರೀದಿ ಬಿಲ್ ತೋರಿಸಿದರೂ ಅದನ್ನು ಬಿಟ್ಟಿಲ್ಲ’ ಎಂದು ಅಂಗಡಿಕಾರರು ದೂರಿದ್ದಾರೆ.  
- [ಹೃದಯಘಾತ: ತವರಿಗೆ ಬಂದಿದ್ದ ಬಾಣಂತಿ ಬದುಕು ಅಂತ್ಯ](https://mobiletime.in/2026/02/heart-attack-banantis-life-ends-after-returning-home/): ಮಗುವಿಗೆ ಜನ್ಮ ನೀಡುವುದಕ್ಕಾಗಿ ದಾಂಡೇಲಿಯ ತವರುಮನೆಗೆ ಬಂದಿದ್ದ ಹೇಮಾವತಿ ತೊಟ್ಟಿನಾಯಕ ಅವರು ಹೃದಯಕ್ಕೆ ಆದ ಆಘಾತದಿಂದ ಸಾವನಪ್ಪಿದ್ದಾರೆ. ಎದೆನೋವಿನಿಂದ ಬಳಲುತ್ತಿದ್ದ ಅವರನ್ನು ಧಾರವಾಡದ ಆಸ್ಪತ್ರೆಗೆ ಕರೆದೊಯ್ದರೂ ಬದುಕಿಸಲು ಸಾಧ್ಯವಾಗಲಿಲ್ಲ. ದಾಂಡೇಲಿ ಗಾಂಧೀನಗರದ ಹೇಮಾವತಿ ಪ್ರೇಮಕುಮಾರ ತೊಟ್ಟಿನಾಯಕ (29) ಅವರನ್ನು ತಮಿಳುನಾಡಿನ ವ್ಯಕ್ತಿಯೊಬ್ಬರಿಗೆ ಮದುವೆ ಮಾಡಿಕೊಡಲಾಗಿತ್ತು. ಗರ್ಭಿಣಿ ಆಗಿದ್ದ ಅವರು 9 ತಿಂಗಳ ಹಿಂದೆ ತಮ್ಮ ತವರೂರಿಗೆ ಬಂದಿದ್ದರು. ಮೂರು ತಿಂಗಳ ಹಿಂದೆ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ತವರುಮನೆಯವರೇ ಬಾಣಂತಿ ಹಾಗೂ ಮಗುವಿನ ಆರೈಕೆ ಮಾಡುತ್ತಿದ್ದರು. ಜನವರಿ 31ರಂದು ಎದೆನೋವು ಹೇಮಾವತಿ ಅವರಿಗೆ ಎದೆನೋವು ಕಾಣಿಸಿಕೊಂಡಿತು. ಅವರ ಅಕ್ಕ ರಾಮಕ್ಕ ಹಾಗೂ ಭಾವ ಕೃಷ್ಣ ಸೇರಿ ಹೇಮಾವತಿ ಅವರನ್ನು ದಾಂಡೇಲಿ ಆಸ್ಪತ್ರೆಗೆ ದಾಖಲು ಮಾಡಿದರು. ಅಲ್ಲಿನ ವೈದ್ಯರು ಹೆಚ್ಚಿನ ಚಿಕಿತ್ಸೆಗೆ ಧಾರವಾಡಕ್ಕೆ ಶಿಫಾರಸ್ಸು ಮಾಡಿದರು. ಧಾರವಾಡದ ಆಸ್ಪತ್ರೆಗೆ ಹೋಗುವಾಗಲೇ ಹೇಮಾವತಿ ಅವರು ಕೊನೆಯುಸಿರೆಳೆದರು. ಧಾರವಾಡದ ಸಿವಿಲ್ ಆಸ್ಪತ್ರೆ ವೈದ್ಯರು ಸಾವನ್ನು ದೃಢಪಡಿಸಿದ್ದು, ಬೆಳಗಾವಿಯ ಖಾನಾಪುರದಲ್ಲಿ ಧರ್ಮಸ್ಥಳ ಸಂಘದಲ್ಲಿ ಕೆಲಸ ಮಾಡುವ ತಿಮ್ಮಕ್ಕ ಲೋಬೋ ಅವರು ಈ ಮಾಹಿತಿಯನ್ನು ಪೊಲೀಸರಿಗೆ ತಿಳಿಸಿದರು. ದಾಂಡೇಲಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಸಾಧಕ ಶಿಕ್ಷಕನಿಗೆ ಸನ್ಮಾನ](https://mobiletime.in/2026/02/honoring-a-successful-teacher/): 32 ವರ್ಷಗಳ ಕಾಲ ಶಿಕ್ಷಕರಾಗಿ ಸೇವೆ ಸಲ್ಲಿಸಿದ ಕುಮಟಾದ ಪಾಂಡುರoಗ ಹುಲಸ್ವಾರ ಅವರು ನಿವೃತ್ತರಾಗಿದ್ದಾರೆ. ಮುಂಡಗೋಡ, ಹೊಂಡದಕ್ಕಲ, ಹೊನ್ನಳ್ಳಿ, ಗರಡಿ ಬೈಲ್, ಕತಗಾಲದಲ್ಲಿಯೂ ಪಾಂಡುರoಗ ಹುಲಸ್ವಾರ್ ಅವರು ಸೇವೆ ಸಲ್ಲಿಸಿದ್ದಾರೆ. ಅದಾದ ನಂತರ ತಾವು ಕಲಿತ ಕುಮಟಾದ ಚಿತ್ರಗಿ ಶಾಲೆಯಲ್ಲಿ ಶಿಕ್ಷಕರಾಗಿ ಆಗಮಿಸಿದ ಅವರು ಅಲ್ಲಿಯೇ ನಿವೃತ್ತರಾಗಿದ್ದಾರೆ. ಪಾಂಡುರoಗ ಹುಲಸ್ವಾರ ಅವರ ಪತ್ನಿ ರಾಜೇಶ್ವರಿ ಅವರು ಸಹ ಕೂಜಳ್ಳಿ ಶಾಲೆಯಲ್ಲಿದ್ದು, ಮಕ್ಕಳ ಮನಸ್ಸಿನಲ್ಲಿ ಜ್ಞಾನದ ಪ್ರಸಾರ ಮಾಡುತ್ತಿದ್ದಾರೆ. ಈ ಎಲ್ಲಾ ಹಿನ್ನಲೆ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಪಾಂಡುರoಗ ಹುಲಸ್ವಾರ ಅವರ ಸೇವೆ ಸ್ಮರಿಸಿದ್ದಾರೆ. ಅವರ ಮನೆಗೆ ಹೊಗಿ ಶಿಕ್ಷಕರನ್ನು ಗೌರವಿಸಿದ್ದಾರೆ. `ಜನರಿಗೆ ಅಗತ್ಯವಿರುವ ಕಾಗದ ಪತ್ರಗಳನ್ನು ತೆಗೆಸುವುದು ಹಾಗೂ ಅದನ್ನು ಕ್ರಮಬದ್ಧವಾಗಿಸುವಲ್ಲಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರ ಹಾಗೂ ನಾಗೇಶ ಹುಲಸ್ವಾರ್ ಅವರ ಶ್ರಮ ಅಸಾಮಾನ್ಯ’ ಎಂದು ಸನ್ಮಾನ ಸ್ವೀಕರಿಸಿದ ಪಾಂಡುರoಗ ಹುಲಸ್ವಾರ್ ಅವರು ಹೇಳಿದರು. ಕೇಂದ್ರದ ಅಧ್ಯಕ್ಷ ಅಗ್ನೇಲ್ ರೋಡ್ರಿಗಸ್ ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ, ನಿವೃತ್ತ ಅಧಿಕಾರಿ ನಾಗೇಶ ಹುಲಸ್ವಾರ, ವಿನಾಯಕ ಪಟಗಾರ, ಹಾಗೂ ಇಸ್ಮಾಯಿಲ್ ಶೇಖ್ ಇದ್ದರು.
- [ನಿರ್ಮಲ ಬಜೆಟ್ ಜನಪರ](https://mobiletime.in/2026/02/clean-budget-is-pro-people/): `ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಮಂಡಿಸಿದ ಬಜೆಟ್ ಜನಪರ’ ಎಂದು ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ್ ಅವರು ಹೇಳಿದ್ದಾರೆ. ಬಜೆಟ್ ಕುರಿತು ವಿಶ್ಲೇಷಿಸಿದ ಅವರು `ಕರಾವಳಿ ಸೇರಿ ಉತ್ತರ ಕನ್ನಡ ಜಿಲ್ಲೆಯ ಅಭಿವೃದ್ಧಿಗೆ ಪೂರಕವಾಗಿ ಬಜೆಟ್ ಮಂಡಿಸಲಾಗಿದೆ. ಮೀನುಗಾರಿಕೆ ಹಾಗೂ ಪ್ರವಾಸೋದ್ಯಮಕ್ಕೆ ಬಜೆಟ್ ಒತ್ತು ನೀಡಿದ್ದು ಆಶಾದಾಯಿಕ ಬೆಳವಣಿಗೆ’ ಎಂದು ಹೇಳಿದ್ದಾರೆ. `ಮೀನುಗಾರಿಕೆಗಾಗಿ ಪ್ರತ್ಯೇಕ ಸಚಿವಾಲಯ ಸ್ಥಾಪನೆಯಿಂದ ಅನೇಕ ಸಮಸ್ಯೆಗಳು ದೂರವಾಗಲಿದೆ’ ಎಂದವರು ಹೇಳಿದ್ದಾರೆ. `ಮತ್ಸö್ಯ ಸಂಪದ ಯೋಜನೆ ಅಡಿ 55 ಲಕ್ಷ ಉದ್ಯೋಗ ಸೃಷ್ಠಿಗೆ ಒತ್ತು ನೀಡಿರುವುದರಿಂದ ನಿರುದ್ಯೋಗ ಸಮಸ್ಯೆ ದೂರವಾಗಲಿದೆ. ಇದರೊಂದಿಗೆ ಪ್ರವಾಸೋದ್ಯಮ ಮತ್ತು ಆತಿಥ್ಯ ವಲಯವನ್ನು ಬಲಪಡಿಸುವ ಮೂಲಕ ಆರ್ಥಿಕತೆಯನ್ನು ವಿಸ್ತರಿಸುವ ಗುರಿಯೂ ಉದ್ಯೋಗ ಸೃಷ್ಠಿಗೆ ನೆರವು ನೀಡಲಿದೆ. ಒಳನಾಡು ಮತ್ತು ಕರಾವಳಿ ಮೀನುಗಾರಿಕೆಗೆ ಆಧುನಿಕ ತಂತ್ರಜ್ಞಾನ ಹಾಗೂ ಮೂಲಸೌಕರ್ಯ, ಕರ್ನಾಟಕದ ಅಣೆಕಟ್ಟುಗಳಲ್ಲಿ ಮೀನುಗಾರಿಕೆ ಅಭಿವೃದ್ಧಿಯ ಬಗ್ಗೆ ಸಚಿವರು ಬಜೆಟಿನಲ್ಲಿ ವಿವರಿಸಿದ್ದು, ಈ ಬಜೆಟ್ ಜನಪರ ಕಾಳಜಿಯನ್ನು ಹೊಂದಿದೆ’ ಎಂದು ಗಣಪತಿ ಉಳ್ವೇಕರ್ ಅವರು ಹರ್ಷವ್ಯಕ್ತಪಡಿಸಿದ್ದಾರೆ.  
- [ಬೈಕುಗಳ ನಡುವೆ ಡಿಕ್ಕಿ: ಸಾವು-ನೋವು!](https://mobiletime.in/2026/01/collision-between-bikes-deaths-and-injuries/): ಮುರುಡೇಶ್ವರ ಬಳಿ ನಡೆದ ಬೈಕ್ ಅಪಘಾತದಲ್ಲಿ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಮತ್ತೊಬ್ಬರು ಗಾಯಗೊಂಡಿದ್ದಾರೆ. ಜನವರಿ 30ರ ರಾತ್ರಿ ಭಟ್ಕಳ ಹೊನ್ನಾವರ ರಸ್ತೆಯಲ್ಲಿ ಭಟ್ಕಳದ ಸಚಿನ್ ಮುರುಗಾ ಅವರು ಬೈಕ್ ಓಡಿಸಿಕೊಂಡು ಹೊರಟಿದ್ದರು. ಮಾವಿನಕಟ್ಟಾದ ಕೋಕ್ತಿ ಕ್ರಾಸಿನ ಬಳಿ ಅವರ ಬೈಕು ಅಪಘಾತಕ್ಕೀಡಾಯಿತು. ರಾತ್ರಿ 9 ಗಂಟೆ ಅವಧಿಯಲ್ಲಿ ಅವರ ಬೈಕು ಮತ್ತೊಂದು ಬೈಕಿಗೆ ಗುದ್ದಿತು. ಅಪಘಾತಕ್ಕೀಡಾದ ಮತ್ತೊಂದು ಬೈಕಿನಲ್ಲಿ ಕೊಕ್ತಿಯ ಜಮಾಲಿಮನೆಯ ನಾಗರಾಜ ವೆಂಕಟ್ರಮಣ ನಾಯ್ಕ (30) ಅವರು ಚಲಿಸುತ್ತಿದ್ದರು. ಅವರ ಜೊತೆ ಮತ್ತೊಬ್ಬರು ಸಹ ಆ ಬೈಕಿನಲ್ಲಿದ್ದರು. ಅಪಘಾತದ ರಭಸಕ್ಕೆ ಅವರಿಬ್ಬರು ಗಾಯಗೊಂಡರು. ಆ ಪೈಕಿ ಜನವರಿ 31ರಂದು ಬೆಳಗ್ಗೆ ನಾಗರಾಜ ವೆಂಕಟ್ರಮಣ ನಾಯ್ಕ ಅವರು ಸಾವನಪ್ಪಿದರು. ಈ ಅಪಘಾತದ ಬಗ್ಗೆ ಮಂಜುನಾಥ ಮಾಸ್ತಿ ನಾಯ್ಕ ಅವರು ಮುರುಡೇಶ್ವರ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸಚಿನ್ ಮುರುಗಾ ಅವರ ವಿರುದ್ಧ ಪ್ರಕರಣವನ್ನು ದಾಖಲಿಸಿದ್ದಾರೆ.  
- [ಕಿಲಾಡಿ ಕಳ್ಳ ಕೊನೆಗೂ ಸಿಕ್ಕಿಬಿದ್ದ!](https://mobiletime.in/2026/01/the-notorious-thief-was-finally-caught/): ಮುಂಡಗೋಡದ ಅಂಬೇಡ್ಕರ್ ಓಣಿಯ ಬಸವರಾಜ ಚಲವಾದಿ ಅವರ ಮನೆಯಲ್ಲಿ ಕಳ್ಳತನ ಮಾಡಿದ್ದ ಮಂಜುನಾಥ ನಾಯಕ ಅವರು ಸಿಕ್ಕಿಬಿದ್ದಿದ್ದಾರೆ. ಆ ಕಳ್ಳನ ಬಳಿಯಿದ್ದ 2.44 ಲಕ್ಷ ರೂ ಮೌಲ್ಯದ ಚಿನ್ನಾಭರಣವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಮುಂಡಗೋಡ ಪಟ್ಟಣದ ಅಂಬೇಡ್ಕರ್ ಓಣಿಯಲ್ಲಿ ಜನವರಿ 27ರಂದು ಕಳ್ಳತನ ನಡೆದಿತ್ತು. ಬಸವರಾಜ ಚಲವಾದಿ ಅವರು ಕೆಲಸಕ್ಕೆ ಹೋದಾಗ ಅವರ ಮನೆಗೆ ಕಳ್ಳರು ನುಗ್ಗಿದ್ದರು. ಕಪಾಟಿನಲ್ಲಿದ್ದ ಬಂಗಾರದ ಆಭರಣ ಹಾಗೂ ಬೆಳ್ಳಿ ಸರವನ್ನು ದೋಚಿದ್ದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದರು. ಮುಂಡಗೋಡ ಪೊಲೀಸ್ ನಿರೀಕ್ಷಕ ರಂಗನಾಥ ನೀಲಮ್ಮನವರ ವಿಶೇಷ ತಂಡ ರಚಿಸಿ ಕಳ್ಳರ ಶೋಧ ನಡೆಸಿದರು. ಜನವರಿ 31 ರಂದು ಬೆಳಗ್ಗೆ ಧಾರವಾಡ ಜಿಲ್ಲೆ ಕಲಘಟಗಿ ತಾಲೂಕಿನ ತಬಕದ ಹೊನ್ನಳ್ಳಿಯ ಮಂಜುನಾಥ ಬಸವಂತಪ್ಪ ನಾಯಕ (34) ಎಂಬಾತರ ಮೇಲೆ ಅನುಮಾನ ಮೂಡಿದ್ದು, ಪೊಲೀಸರು ಮಂಜುನಾಥ ನಾಯಕ ಅವರನ್ನು ವಿಚಾರಣೆಗೆ ಒಳಪಡಿಸಿದರು. ಆ ವೇಳೆ ಮಂಜುನಾಥ ನಾಯಕರ ಬಳಿ ಬಂಗಾರದ ಗುಂಡಿನ ಸರ, ಇಯರ್ ರಿಂಗ್, ಲಕ್ಷ್ಮಿ ಲಾಕೆಟ್, ಉಂಗುರ ಮೊದಲಾದವು ಕಾಣಿಸಿದವು. ಆ ಎಲ್ಲಾ ವಸ್ತುಗಳು ಬಸವರಾಜ ಚಲವಾದಿ ಅವರಿಗೆ ಸೇರಿದ್ದು ಎಂದು ದೃಢವಾಯಿತು. ಹೀಗಾಗಿ ಕಳ್ಳನನ್ನು ಪೊಲೀಸರು ಬಂಧಿಸಿ, ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ಅಕ್ರಮ ಆಟಕ್ಕೆ ಪೊಲೀಸರ ಅಡ್ಡಗಾಲು!](https://mobiletime.in/2026/01/police-crackdown-on-illegal-gambling/): ಹೊನ್ನಾವರಕ್ಕೆ ವರ್ಗವಾಗಿರುವ ಪಿಸೈ ಮಹಾಂತೇಶ ವಾಲ್ಮಿಕಿ ಅವರು ಅಲ್ಲಿನ ಅಕ್ರಮ ಆಟಗಳಿಗೆ ಕಡಿವಾಣ ಹಾಕುವ ಪ್ರಯತ್ನ ಮಾಡಿದ್ದಾರೆ. ಒಂದು ವಾರದ ಹಿಂದೆ ಹೊನ್ನಾವರ ಪಿಸೈ ಆಗಿ ಅಧಿಕಾರವಹಿಸಿಕೊಂಡ ಮಹಾಂತೇಶ ವಾಲ್ಮೀಕಿ ಅವರು ಅಲ್ಲಿನ ಆಗು-ಹೋಗುಗಳ ಅಧ್ಯಯನ ಮಾಡಿದ್ದಾರೆ. ಮಟ್ಕಾ, ಅಕ್ರಮ ಮರಳುಗಾರಿಕೆಯ ವಿರುದ್ಧ ಅವರು ಕಾನೂನು ಕ್ರಮ ಜರುಗಿಸಿದ್ದಾರೆ. ಹೊನ್ನಾವರ ಕರ್ಕಿಯ ರಾಮೇಶ್ವರಕಂಬಿ ಬಳಿ ವ್ಯಾಪಾರಿ ಮಟ್ಕಾ ಆಡಿಸುತ್ತಿರುವುದನ್ನು ಅರಿತು ಅಲ್ಲಿ ದಾಳಿ ಮಾಡಿದ್ದಾರೆ. ಅದಾದ ನಂತರ ಕಾಸರಕೋಡು ತೊಪ್ಪಲಿನ ಚಾಲಕ ಪ್ರಕಾಶ ಶ್ರೀನಿವಾಸ ಪುರಾಣಿಕ ಅವರು ಅಕ್ರಮ ಮರಳುಗಾರಿಕೆ ನಡೆಸುತ್ತಿರುವುದಕ್ಕೂ ತಡೆ ಒಡ್ಡಿದ್ದಾರೆ. ಜನವರಿ 29ರಂದು ಹೊನ್ನಾವರ ಕರ್ಕಿ ರಾಮೇಶ್ವರಕಂಬಿ ಬಳಿ ಅಶೋಕ ನಾಯ್ಕ ಅವರು 1 ರೂಪಾಯಿಗೆ 80ರೂ ಕೊಡುವುದಾಗಿ ಹೇಳಿ ಜನರಿಂದ ಹಣ ಸಂಗ್ರಹಿಸುತ್ತಿದ್ದರು. ವ್ಯಾಪಾರಿಯಾಗಿರುವ ಅವರು ಮಟ್ಕಾ ಚೀಟಿ ವ್ಯವಹಾರವನ್ನು ನಡೆಸುತ್ತಿದ್ದರು. ಕರ್ಕಿ ಗ್ರಾಮದ ದೇವೇಂದ್ರ ಕಾಂಪ್ಲೇಕ್ಸಿನ ಪಕ್ಕದ ಬೇಲೆಗದ್ದೆ ಕೇರಿ ಬಳಿ ನಿಂತಿದ್ದ ಅಶೋಕ ನಾಯ್ಕ ಅವರ ಮೇಲೆ ಮಹಾಂತೇಶ ವಾಲ್ಮೀಕಿ ಅವರು ದಾಳಿ ಮಾಡಿದರು. ಆ ದಿನ ಅವರು ಸಂಗ್ರಹಿಸಿದ್ದ 750ರೂ ಹಣದ ಜೊತೆ ಬಾಲ್ ಪೆನ್ನು ಸೇರಿ ವಿವಿಧ ಪರಿಕ್ಕರಗಳನ್ನ ವಶಕ್ಕೆಪಡೆದರು. ಜನವರಿ 30ರಂದು ನಸುಕಿನ 2 ಗಂಟೆ ಅವಧಿಯಲ್ಲಿ ನದಿ ತೀರದ ಕಡೆಯಿಂದ ಬರುವ ಲಾರಿಗಳಿಗೆ ಜನ ಅಡ್ಡಲಾಗಿ ಕೈ ಮಾಡಿದ್ದಾರೆ. ಆ ಲಾರಿಯನ್ನು ಜನ ಪೊಲೀಸ್ ಠಾಣೆಗೆ ಕರೆತಂದಿದ್ದು, ಮಹಂತೇಶ ವಾಲ್ಮೀಕಿ ಅವರು ಮರಳು ಸಾಗಾಣಿಕೆ ಮಾಡುತ್ತಿದ್ದ ಲಾರಿ ಚಾಲಕ ಪ್ರಕಾಶ ಪುರಾಣಿಕ್ ವಿರುದ್ಧ ಕಠಿಣ ಕ್ರಮ ಜರುಗಿಸಿದ್ದಾರೆ. ಕವಲಕ್ಕಿಯ ಲೆಕ್ಕಪರಿಶೋಧಕ ಶಶಾಂಕ ವೆಂಕಟ್ರಮಣ ಹೆಗಡೆ ಹಾಗೂ ತಾರಿಕೆರೆಯ ವಿನಾಯಕ ನಾರಾಯಣ ಹೆಗಡೆ ಅವರ ನೆರವಿನಿಂದ ಮರಳನ್ನು ಜಪ್ತು ಮಾಡಿದ್ದಾರೆ.
- [ಮಹಿಳೆಯ ಮೈ ಸ್ಪರ್ಶಿಸಿದ ಅಡುಗೆಯ ಅಗ್ನಿ: ಸಾವು!](https://mobiletime.in/2026/01/womans-body-touched-by-cooking-fire-death/): ಕಾರವಾರದ ವೈದ್ಯಕೀಯ ಸಿಬ್ಬಂದಿಯೊಬ್ಬರು ಅಡುಗೆ ಮಾಡುವಾಗ ಬೆಂಕಿ ತಗುಲಿ ಸಾವನಪ್ಪಿದ್ದಾರೆ. ಸುಟ್ಟ ಗಾಯಗಳಿಂದ ನರಳಾಡುತ್ತಿದ್ದ ಅವರನ್ನು ಮಂಗಳೂರಿನ ಎಜೆ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಕಾರವಾರದ ಸಾಯಿನಗರ ಬಳಿಯ ಗಿಂಡಿವಾಡದಲ್ಲಿ ಜೋಸ್ನಾ ವಿಜಯ ಮಾಂಗ್ರೇಕರ್ (38) ಅವರು ವಾಸವಾಗಿದ್ದರು. ವೈದ್ಯಕೀಯ ಸೇವೆಯಲ್ಲಿ ಪರಿಣಿತಿಪಡೆದಿದ್ದ ಜೋಸ್ನಾ ಮಾಂಗ್ರೇಕರ್ ಅವರು ಹಲ್ಲಿನ ಡಾಕ್ಟರ್ ಒಬ್ಬರ ಬಳಿ ಕೆಲಕ್ಕಿದ್ದರು. 2025ರ ಡಿಸೆಂಬರ್ 12ರಂದು ಅವರು ಮನೆಯಲ್ಲಿ ಅಡುಗೆ ಮಾಡುವಾಗ ಸೀರೆ ಸೆರಗಿಗೆ ಬೆಂಕಿ ತಗುಲಿತು. ಬೆಂಕಿಯ ಜ್ವಾಲೆ ಅವರ ಇಡೀ ದೇಹವನ್ನು ಆವರಿಸಿತು. ನೀರು ತಾಗಿಸಲು ಇರಿಸಿದ್ದ ಗ್ಯಾಸ್ ಸ್ಟೌವ್ ಉರಿಯೂ ಅವರ ದೇಹ ಸ್ಪರ್ಶಿಸಿದ್ದು, ತೊಡೆ, ಬುಜ, ಕೈ ಸೇರಿ ವಿವಿಧ ಕಡೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿತ್ತು. ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದ ಅವರನ್ನು ಉನ್ನತ ಚಿಕಿತ್ಸೆಗಾಗಿ ಮಂಗಳೂರು ಕೆ ಎಸ್ ಹೆಗಡೆ ಆಸ್ಪತ್ರೆಗೆ ಸೇರಿಸಲಾಯಿತು. ಆದರೆ, ಒಂದುವರೆ ತಿಂಗಳುಗಳ ಕಾಲ ನೋವು ಅನುಭವಿಸಿದ ಅವರು ಜನವರಿ 30ರ ರಾತ್ರಿ ಕೊನೆಯುಸಿರೆಳೆದರು. ಅವರ ಸಾವಿನ ಬಗ್ಗೆ ಸಿದ್ದಾಂತ ಮಹದೇವ್ ಮಾಂಗ್ರೇಕರ್ ಅವರು ಕಾರವಾರ ನಗರ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ಅಡುಗೆ ಮಾಡುವಾಗ ಮುನ್ನಚ್ಚರಿಕೆವಹಿಸಿ’  
- [ಅಪಘಾತ: ಸ್ವರ್ಗ ಸೇರುವ ಮುನ್ನ ಅನುಭವಿಸಿದ ನೋವು ನರಕ!](https://mobiletime.in/2026/01/accident-the-pain-experienced-before-reaching-heaven-was-hell/): ಸಿದ್ದಾಪುರ ಆಡುಕಟ್ಟಾದ ಕೃಷ್ಣ ನಾಯ್ಕ ಅವರು ಬೈಕಿನಿಂದ ಬಿದ್ದು ಸಾವನಪ್ಪಿದ್ದಾರೆ. 20 ದಿನಗಳ ಕಾಲ ನಾಲ್ಕು ಆಸ್ಪತ್ರೆ ಓಡಾಟ, ಲಕ್ಷಾಂತರ ರೂ ವೆಚ್ಚ ಮಾಡಿದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಸಿದ್ದಾಪುರದ ಆಡುಕಟ್ಟಾದ ಕೃಷ್ಣ ರಾಮ ನಾಯ್ಕ ಅವರು ಕೃಷಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಜನವರಿ 10ರಂದು ತಾಳಗುಪ್ಪಾ ಕಡೆಯಿಂದ ಆಡುಕಟ್ಟಾ ಕಡೆ ಅವರು ಬೈಕ್ ಓಡಿಸುತ್ತಿದ್ದರು. ಅವರ ಬೈಕು ಎಂದಿಗಿAತ ವೇಗವಾಗಿ ಸಂಚರಿಸಿದ್ದು, ಮುಸುವಳ್ಳಿ ಬಳಿಯ ಚೌಡಿಗುಂಡಿ ಬಸ್ ನಿಲ್ದಾಣದ ಬಳಿ ಅಪಘಾತಕ್ಕೀಡಾಯಿತು. ಬೈಕ್ ಸ್ಕಿಡ್ ಆಗಿದ್ದರಿಂದ ಕೃಷ್ಣ ನಾಯ್ಕ ಅವರ ತಲೆಗೆ ನೋವಾಯಿತು. ಗುತ್ತಿಗೆ, ಮೈ-ಕೈಗೆ ಸಹ ಗಾಯವಾಯಿತು. ಮೊದಲು ಕೃಷ್ಣ ನಾಯ್ಕ ಅವರನ್ನು ಸಾಗರ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ನಂತರ ಶಿವಮೊಗ್ಗ ಸರ್ಜಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿಂದ ಮುಂದೆ ಮಂಗಳೂರಿಗೆ ಕಳುಹಿಸಿ ಕೆ ಎಸ್ ಹೆಗಡೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಯಿತು. ಅಲ್ಲಿಯೂ ಚೇತರಿಕೆ ಕಾಣದ ಪರಿಣಾಮ ಊರಿಗೆ ಕರೆತರಲಾಗುತ್ತಿದ್ದು, ಬರುವಾಗಲೇ ಉಸಿರಾಟ ಸಮಸ್ಯೆ ಕಾಣಿಸಿತು. ಹೀಗಾಗಿ ಕೃಷ್ಣ ನಾಯ್ಕ ಅವರನ್ನು ಜನವರಿ 28ರಂದು ಅಲ್ಲಿಂದ ಸಾಗರದ ಭಾಗ್ವತ ಆಸ್ಪತ್ರೆಗೆ ದಾಖಲಿಸಿ, ಅಲ್ಲಿ ಎರಡು ದಿನ ಆರೈಕೆ ಮಾಡಲಾಯಿತು. ಜನವರಿ 30ರಂದು ಅವರು ಸಾವಪ್ಪಿದರು. ಬೇಡ್ಕಣಿ ಹುಲಿಮನೆಯ ವಕೀಲ ಸುಧರ್ಶನ ಸೀತಾರಾಮ ನಾಯ್ಕ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.  
- [ಹೆದ್ದಾರಿ ಮೇಲೆ ಹೊತ್ತಿ ಉರಿದ ಟ್ಯಾಂಕರ್!](https://mobiletime.in/2026/01/a-tanker-caught-fire-on-the-highway/): ಹುಬ್ಬಳ್ಳಿ – ಅಂಕೋಲಾ ಹೆದ್ದಾರಿ ಮಾರ್ಗವಾಗಿ ಎಥನಾಲ್ ಸಾಗಿಸುತ್ತಿದ್ದ ಟ್ಯಾಂಕರಿಗೆ ಯಲ್ಲಾಪುರದಲ್ಲಿ ಬೆಂಕಿ ಬಿದ್ದಿದೆ. ಪರಿಣಾಮ ಲಾರಿ ಹೊತ್ತಿ ಉರಿದಿದೆ. ಯಲ್ಲಾಪುರದ ಅರಬೈಲ್ ಘಟ್ಟದಲ್ಲಿ ಈ ಅವಘಡ ನಡೆದಿದೆ. ಎಸ್ ಆಕಾರದ ತಿರುವಿನಿಂದ 1ಕಿಮೀ ಮುಂದೆ ಟ್ಯಾಂಕರಿಗೆ ಬೆಂಕಿ ಬಿದ್ದಿದೆ. ಟ್ಯಾಂಕರ್ ಡಿವೈಡರಿಗೆ ಡಿಕ್ಕಿ ಹೊಡೆದಿರುವುದೇ ಅವಘಡಕ್ಕೆ ಕಾರಣ. ಟ್ಯಾಂಕರ್ ಚಾಲಕನ ಅತಿವೇಗ ಹಾಗೂ ಆತುರದ ನಿರ್ಧಾರದಿಂದ ಲಾರಿ ಮಾಲಕನಿಗೆ ನಷ್ಟವಾಗಿದೆ. ಜನವರಿ 29ರಂದು ವಿಜಯಪುರದ ಶಿವಾನಂದ ಬಿರಾದರ್ ಅವರು ಆ ಟ್ಯಾಂಕರ್ ಓಡಿಸಿಕೊಂಡು ಬಂದಿದ್ದು, ನಿದ್ದೆಯ ಮಂಪರಿನಲ್ಲಿ ಅಪಘಾತವನ್ನುಂಟು ಮಾಡಿದ್ದಾರೆ. ಲಾರಿ ಪಲ್ಟಿಯಾಗಿದ್ದು, ಆ ವೇಳೆ ನಡೆದ ಘರ್ಷಣೆಯಲ್ಲಿ ಎಥನಾಲ್’ಗೆ ಅಗ್ನಿ ಸ್ಪರ್ಶವಾಗಿದೆ. ಎಥನಾಲ್ ಕಂಪನಿಯವರ ಜೊತೆ ಚರ್ಚಿಸಿದ ಬೆಳಗಾವಿಯ ಲಾರಿ ಮಾಲಕ ಬನಪ್ಪ ಮಾಸ್ಕಿ ಚಾಲಕನ ವಿರುದ್ಧ ದೂರು ನೀಡಿದ್ದಾರೆ. ಯಲ್ಲಾಪುರ ಪೊಲೀಸರು ಸ್ಥಳ ಭೇಟಿ ಮಾಡಿ ಪರಿಶೀಲನೆ ನಡೆಸಿದ್ದಾರೆ.
- [ಹಿಮ್ಮುಖವಾಗಿ ಚಲಿಸಿದ ಲಾರಿ: 5 ಲಕ್ಷ ರೂ ಹಾನಿ!](https://mobiletime.in/2026/01/lorry-that-moved-backwards-damage-worth-rs-5-lakh/): ಹೊನ್ನಾವರ ಕರ್ಕಿಯ ಲೋಹಿತ್ ದೇವಾಡಿಗ ಅವರು ಹಿಮ್ಮುಖವಾಗಿ ಲಾರಿ ಓಡಿಸಿದ್ದು, ಅಂಕೋಲಾದ ಅಂಗಡಿಯೊoದಕ್ಕೆ ಆ ಲಾರಿ ಗುದ್ದಿದೆ. ಪರಿಣಾಮ ಆ ಅಂಗಡಿ ಮುರಿದು ಬಿದ್ದಿದೆ. ಅಂಕೋಲಾ ಹಿರೇಗುತ್ತಿಯ ಅಶೋಕ ಹಮ್ಮಣ್ಣ ನಾಯಕ ಅವರ ಅಂಗಡಿಗೆ ಹೊನ್ನಾವರ ಕರ್ಕಿಯ ಲೋಹಿತ್ ಚಂದ್ರಕಾAತ ದೇವಾಡಿಗ ಅವರು ಲಾರಿ ಗುದ್ದಿದ್ದಾರೆ. ಅವಸರದಲ್ಲಿ ಓಡಿದ ಶ್ರೀಕುಮಾರ ರೋಡ್‌ಲೈನ್ಸಿನ ಲಾರಿ ಅಪಘಾತಕ್ಕೀಡಾಗಿದೆ. ಲಾರಿ ಚಾಲಕ ಮಾಡಿದ ತಪ್ಪಿಗೆ ಅಶೋಕ ನಾಯಕ ಅವರು ನಷ್ಟ ಅನುಭವಿಸಿದ್ದಾರೆ. ಜನವರಿ 28ರಂದು ಈ ಅವಘಡ ನಡೆದಿದೆ. ಶ್ರೀಕುಮಾರ ರೋಡ್ ಲೈನ್ಸಿನ ಲಾರಿಯೊಂದು ಡಿಸೀಲ್ ಹಾಕಿಸಿಕೊಂಡಿದ್ದು, ಅದೇ ಕಂಪನಿಯ ಇನ್ನೊಂದು ಲಾರಿಗೆ ಡಿಸೇಲ್ ಹಾಕಿಸಿದ ನಂತರ ಲೋಹಿತ್ ದೇವಾಡಿಗ ಅವರು ಲಾರಿಯನ್ನು ಹಿಮ್ಮುಖವಾಗಿ ಚಲಾಯಿಸಿದ್ದಾರೆ. ಆ ವೇಳೆ ಲಾರಿ ಅಲ್ಲಿಯೇ ಇದ್ದ ಅಂಗಡಿಗೆ ಗುದ್ದಿದೆ. ಗುದ್ದಿದ ನಂತರವೂ ಲಾರಿ ಅಲ್ಲಿಗೆ ನಿಂತಿಲ್ಲ. ಲಾರಿ ಗುದ್ದಿದ ರಭಸಕ್ಕೆ ಅಂಗಡಿ ಮುರಿದು ಬಿದ್ದಿದ್ದು, ಬೆಳಗ್ಗೆ ಬೇಗ ಈ ಅವಘಡ ನಡೆದ ಕಾರಣ ಅಂಗಡಿಯಲ್ಲಿ ಯಾರೂ ಇರಲಿಲ್ಲ. ಹೀಗಾಗಿ ಜೀವಾಪಾಯ ಸಂಭವಿಸಿಲ್ಲ. `ಲಾರಿ ಚಾಲಕ ಮಾಡಿದ ತಪ್ಪಿಗೆ ತಮಗೆ 5 ಲಕ್ಷ ರೂ ಹಾನಿಯಾಗಿದೆ’ ಎಂದು ಅಶೋಕ ನಾಯಕ ಅವರು ದೂರಿದ್ದಾರೆ.
- [ಕಳ್ಳರಿಂದ ಕನ್ನ!](https://mobiletime.in/2026/01/robbed-by-thieves/): ಹಳಿಯಾಳದ ಮದ್ನಳ್ಳಿ ಹಾಗೂ ಆರ್ಲವಾಡಕ್ಕೆ ಕಳ್ಳರು ಬಂದಿದ್ದು, ಅಲ್ಲಿನ ಮನೆಗಳಿಗೆ ಕನ್ನ ಹಾಕಿದ್ದಾರೆ. ಹಳಿಯಾಳ ಮದ್ನಳ್ಳಿಯ ಶಂಕರಯ್ಯ ವಿರುಪಾದಯ್ಯ ಹೀರೆಮಠ್ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಆರ್ಲವಾಡದ ಸಂತೋಷ ಏಕನಾಥ ಕೋಚಾರಿ ಅವರ ಮನೆಯಲ್ಲಿಯೂ ಚಿನ್ನಾಭರಣ ಕಾಣೆಯಾಗಿದೆ. ರೈತಾಪಿ ಕೆಲಸ ಮಾಡಿಕೊಂಡಿರುವ ಶಂಕರ ಹೀರೆಮಠ ಅವರ ಮನೆಗೆ ನುಗ್ಗಿದ ಕಳ್ಳರು 25 ಸಾವಿರ ರೂ ಹಣ, ಬಂಗಾರದ ಒಡವೆಯನ್ನು ದೋಚಿದ್ದಾರೆ. ಮೆಕಾನಿಕ್ ಆಗಿರುವ ಸಂತೋಷ ಕೋಚಾರಿ ಅವರ ಮನೆಗೆ ನುಗ್ಗಿದ ಕಳ್ಳರು 10 ಸಾವಿರ ರೂ ಹಣ ಹಾಗೂ ದೇವರ ಮೂರ್ತಿ, ದೇವರ ಆಭರಣಗಳನ್ನು ಕದ್ದಿದ್ದಾರೆ. ಜನವರಿ 25 ಹಾಗೂ 26ರ ಅವಧಿಯಲ್ಲಿ ಈ ಕಳ್ಳತನ ನಡೆದಿದೆ. ಜನವರಿ 28ರಂದು ಕಳ್ಳತನ ನಡೆದಿರುವುದು ಶಂಕರಯ್ಯ ಹೀರೆಮಠ್ ಅವರಿಗೆ ಗೊತ್ತಾಗಿದೆ. ಎರಡು ಕಡೆ ಮುಂದಿನ ಬಾಗಿಲು ಮುರಿದು ಕಳ್ಳರು ಮನೆಗೆ ನುಗ್ಗಿದ್ದಾರೆ. 1.48 ಲಕ್ಷ ರೂ ನಷ್ಟವಾದ ಬಗ್ಗೆ ಶಂಕರಯ್ಯ ಹೀರೆಮಠ್ ಅವರು ದೂರಿದ್ದಾರೆ. 56 ಸಾವಿರ ರೂ ನಷ್ಟವಾಗಿರುವ ಬಗ್ಗೆ ಸಂತೋಷ ಕೋಚಾರಿ ಅವರು ದೂರಿದ್ದಾರೆ. ಪೊಲೀಸರು ಎರಡು ಪ್ರಕರಣ ದಾಖಲಿಸಿದ್ದು, ಕಳ್ಳರ ಶೋಧ ನಡೆಸಿದ್ದಾರೆ. `ಕಳ್ಳತನ ತಡೆಗೆ ಸಿಸಿ ಕ್ಯಾಮರಾ ಸಹಕಾರಿ’
- [ದ್ವೇಷ: ಅಡಿಕೆ ಮರ ನಾಶ!](https://mobiletime.in/2026/01/hate-destroy-the-areca-nut-tree/): ಭಟ್ಕಳದ ಶಿರಾಲಿ ಬಳಿಯ ಪಾರ್ವತಿ ನಾಯ್ಕ ಅವರು ಬೆಳೆಸಿದ್ದ ಅಡಿಕೆ ಮರಗಳನ್ನು ಅದೇ ಊರಿನ ಮೂವರು ಕಡಿದಿದ್ದಾರೆ. ಇದನ್ನು ತಡೆಯಲು ಹೋದಾಗ ಎದುರಾಳಿಗಳು ಗುಂಪು ಕಟ್ಟಿಕೊಂಡು ಗಲಾಟೆ ಮಾಡಿದ್ದಾರೆ. ಭಟ್ಕಳ ಶಿರಾಲಿಯ ಶಾರದಾಹೊಳೆ ಹಿರೇಹಿತ್ಲುವಿನ ಬೈರಜ್ಜಿಮನೆಯಲ್ಲಿ ಪಾರ್ವತಿ ಗಣಪತಿ ನಾಯ್ಕ ಅವರು ವಾಸವಾಗಿದ್ದಾರೆ. ಪಾರ್ವತಿ ನಾಯ್ಕ ಅವರ ಅಜ್ಜಿ ಈರಮ್ಮ ಬೈರಾ ನಾಯ್ಕ ಅವರಿಗೆ ಗಣಪತಿ ನಾಯ್ಕ ಅವರ ಕುಟುಂಬದ ಆಸ್ತಿ ಸಿಕ್ಕಿದ್ದು, ಭೂ ನ್ಯಾಯ ಮಂಡಳಿಯಿAದ ಆ ಭೂಮಿಯ ಹಕ್ಕಿನ ಆದೇಶವಾಗಿದೆ. ತಮ್ಮ ಪರವಾಗಿ ಆದೇಶ ಸಿಕ್ಕಿದ ಕಾರಣ ಪಾರ್ವತಿ ನಾಯ್ಕ ಅವರು ಅಲ್ಲಿದ್ದ ಅಡಿಕೆ ಮರಗಳ ಆರೈಕೆ ಮಾಡಿದ್ದಾರೆ. ಜೊತೆಗೆ ತಮ್ಮ ಜಾಗಕ್ಕೆ ಅವರು ಕಪೌಂಡನ್ನು ನಿರ್ಮಿಸಿದ್ದಾರೆ. ಹೀಗಿರುವಾಗ ಅದೇ ಭಾಗದ ಸಾವಿತ್ರಿ ಗಣಪತಿ ನಾಯ್ಕ, ಪದ್ಮಾವತಿ ಶಂಕರ ನಾಯ್ಕ ಹಾಗೂ ಸೀತಾ ರಾಮಚಂದ್ರ ನಾಯ್ಕ ಅವರು ಜನವರಿ 27ರ ರಾತ್ರಿ ಆ ಪ್ರದೇಶಕ್ಕೆ ದಾಳಿ ಮಾಡಿದ್ದಾರೆ. ಕಲ್ಲಿನಿಂದ ಕಟ್ಟಿದ್ದ ಗೋಡೆ ಉದುರಿಸಿ ಅವರು ಅಲ್ಲಿದ್ದ ಅಡಿಕೆ ಗಿಡಗಳನ್ನು ಕಡಿದಿದ್ದಾರೆ. ಇದನ್ನು ತಡೆಯಲು ಹೋದ ಪಾರ್ವತಿ ನಾಯ್ಕ ಅವರನ್ನು ಬೆದರಿಸಿದ್ದು, ಇನ್ನಷ್ಟು ಜನರ ಗುಂಪು ಕಟ್ಟಿಕೊಂಡು ಬಂದು ರಂಪಾಟ ಮಾಡಿದ್ದಾರೆ. ನಾಲ್ಕು ಮರ ಕಡಿತದ ನಂತರ ಪಾರ್ವತಿ ನಾಯ್ಕ ಅವರು ತಮ್ಮ ಆಕ್ರೋಶಹೊರ ಹಾಕಿದ್ದು, ಬಂದವರೆಲ್ಲರೂ ಜೀವ ಬೆದರಿಕೆ ಹಾಕಿ ಅಲ್ಲಿಂದ ಪರಾರಿಯಾಗಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಪಾರ್ವತಿ ನಾಯ್ಕ ಅವರು ಭಟ್ಕಳ ಗ್ರಾಮೀಣ ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ನದಿ ಜೊಡಣೆ: ನಮಗೂ ಮಾರಕ.. ನಿಮಗೂ ಕಂಟಕ!](https://mobiletime.in/2026/01/river-linking-deadly-for-us-deadly-for-you-too/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ನೈಸರ್ಗಿಕವಾಗಿ ಹರಿಯುವ ನದಿಯನ್ನು ಬೇರೆಡೆ ತಿರುಗಿಸಿದರೆ ಅದರಿಂದ ಅನೇಕ ದುಷ್ಪರಿಣಾಮಗಳಾಗಲಿವೆ. ಇಲ್ಲಿನ ಕೃಷಿ, ಮೀನುಗಾರಿಕೆ ಜೊತೆ ಪರಿಸರದ ಮೇಲೆಯೂ ನದಿ ತಿರುವು ಯೋಜನೆ ಪರಿಣಾಮ ಬೀರಲಿದೆ. ಅಘನಾಶಿನಿ ನದಿಯ ನೀರನ್ನು ಸಿದ್ದಾಪುರದ ಮೂಲಕ ವಾಣಿ ವಿಲಾಸ ಸರೋವರಕ್ಕೆ 35 ಟಿಎಂಸಿ ನೀರು ಸರಬರಾಜು ಮಾಡಲು ಸರ್ಕಾರ 134ಕಿಮೀ ಕಾಲುವೆ ನಿರ್ಮಿಸಲು ಉದ್ದೇಶಿಸಿದೆ. ಈ ಯೋಜನೆಯಿಂದ 250 ಜಾತಿಯ ಮೀನುಗಳು, 120 ಜಾತಿಯ ಪಕ್ಷಿಗಳು ಹಾಗೂ 13 ಜಾತಿಯ ಮ್ಯಾಂಗ್ರೋ ಸಂತತಿ ಕುಸಿತವಾಗಲಿದೆ. ಈ ಯೋಜನೆ ಜಾರಿ ಆದಲ್ಲಿ ನದಿ ನೀರಿನ ಪ್ರಮಾಣ ಕಡಿಮೆ ಆಗಲಿದ್ದು, ಸಮುದ್ರದ ಉಪ್ಪು ನೀರು ನದಿ ಆವರಿಸುವ ಆತಂಕ ಎದುರಾಗಲಿದೆ. ಜೊತೆಗೆ ಮೀನಿನ ಸಂತತಿ ನಾಶ, ಜೀವ ವೈವಿಧ್ಯ ಉತ್ಪಾದನೆಯ ಕುಸಿತ, ಕೃಷಿ ಚಟುವಟಿಕೆ ಮತ್ತು ಕುಡಿಯುವ ನೀರಿಗೆ ಅಭಾವ ಆಗುವ ಲಕ್ಷಣಗಳು ಹೆಚ್ಚಿದೆ. ಅಘನಾಶಿನಿ ನದಿಯ ಮೇಲೆ ಅವಲಂಬಿತವಾಗಿರುವ ಕರಾವಳಿ ಭಾಗದ ಸುಮಾರು 20 ಸಾವಿರ ಕುಟುಂಬಗಳ ಮೇಲೆ ವೃತ್ತಿ, ಕೃಷಿ ಮತ್ತು ಆರ್ಥಿಕ ಅವಲಂಬಿತರ ಮೇಲೆ ನೇರವಾಗಿ ಯೋಜನೆ ಪರಿಣಾಮ ಬೀರಲಿದೆ. ಮುಖ್ಯವಾಗಿ ಅಘನಾಶಿನಿ ನದಿ ಅಂಚಿನಲ್ಲಿ ಉತ್ಪತ್ತಿಯಾಗುತ್ತಿರುವ ಚಿಪ್ಪು ಮೀನು ನಶಿಸಲಿದೆ. ಅಘನಾಶಿನಿ ನದಿಯ ತೀರದಲ್ಲಿ ಸಹಸ್ರಾರು ಕುಟುಂಬಗಳು ನೈಸರ್ಗಿಕವಾಗಿ ಬೆಳೆಯುತ್ತಿರುವ ಚಿಪ್ಪು ಮೀನು ಬದುಕಿ ಜೀವನ ಕಟ್ಟಿಕೊಂಡಿದ್ದು, ಅವರ ಸ್ವಾವಲಂಭಿ ಬದುಕಿಗೆ ನಷ್ಟವಾಗಲಿದೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಈ ವಿಷಯದ ಬಗ್ಗೆ ಸ್ಥಳ ಭೇಟಿ ನಡೆದಿ ಅಧ್ಯಯನ ಮಾಡಿದ್ದಾರೆ. ಕರಾವಳಿ ಭಾಗದ ನದಿ ಅವಲಂಬಿತ ಜನರ ಆಥೀಕ ಬಿಕ್ಕಟ್ಟಿಗೆ ಅಘನಾಶಿನಿ ನದಿ ಜೋಡಣೆ ಕಾರಣವಾಗುವ ಬಗ್ಗೆ ಅವರು ಮಾಹಿತಿ ನೀಡಿದ್ದಾರೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಮಂಜುನಾಥ ಮರಾಠಿ ನಾಗೂರು, ಮುಜಾಫರ್ ಕರೀಂ ಸಾಬ ಸಂತೆಗುಳಿ, ಸೀತಾರಾಮ ನಾಯ್ಕ ಬುಗರಿಬೈಲ್, ಶಂಕರ್ ಗೌಡ ಕಂದವಳ್ಳಿ, ಕಾಸಿಂ ಅಬುಬಕರ್ ಸಂತೆಗುಳಿ, ದಿವಾಕರ್ ನಾಯ್ಕ ಸಂತೆಗುಳಿ, ಕುರಿಯಾ ಕೋಸ್ತಾ ಹಳವಳ್ಳಿ, ಬೀರ ಗೋವಿಂದ ಗೌಡ ಬಡಾಳ, ಹಿಲ್ಲರ್ ಪಿಂಟೊ ದೂಳ್‌ಹೊಳೆ ಅವರು ಸ್ಥಳ ಭೇಟಿ ಮಾಡಿ, ವಿವರ ದಾಖಲಿಸಿದ್ದಾರೆ.
- [ವೈದ್ಯರ ಚೀಟಿ ಇಲ್ಲದೇ ಔಷಧಿ: ಮೂರು ಮಳಿಗೆಗೆ ಬೀಗ!](https://mobiletime.in/2026/01/medicine-without-a-doctors-note-three-shops-locked/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ವೈದ್ಯರ ಜೀಟಿ ಇಲ್ಲದೇ ಔಷಧ ವಿತರಿಸಿದ ಮೂರು ಔಷಧ ಮಳಿಗೆಗಳಿಗೆ ಬೀಗ ಬಿದ್ದಿದೆ. ಅಂಕೋಲಾ, ಕಾರವಾರ ಮತ್ತು ಮಿರ್ಜಾನ್’ನ ಒಂದೊoದು ಔಷಧ ಮಳಿಗೆಯ ಲೈಸನ್ಸನ್ನು ಅಧಿಕಾರಿಗಳು ಅಮಾನತು ಮಾಡಿದ್ದಾರೆ. ಈ ಬಗ್ಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಮಾಹಿತಿ ನೀಡಿದ್ದಾರೆ. ಔಷಧ ಮಳಿಗೆಗಳಲ್ಲಿ ವೈದ್ಯರ ಸಲಹಾ ಚೀಟಿ ಇಲ್ಲದೇ ಔಷಧಗಳನ್ನು ವಿತರಣೆ ಮಾಡದಂತೆ ಅವರು ಸೂಚನೆ ನೀಡಿದ್ದು, ಈ ಬಗ್ಗೆ ತಪಾಸಣೆ ನಡೆಸುವಂತೆಯೂ ಜಿಲ್ಲಾ ಔಷಧ ನಿಯಂತ್ರಕರಿಗೆ ನಿರ್ದೇಶನ ನೀಡಿದ್ದಾರೆ. ಮಾದಕ ವಸ್ತುಗಳ ಬಳಕೆ ಮತ್ತು ಸಿಂಥೇಟಿಕ್ ಡ್ರಗ್ ತಯಾರಿಕೆ ಕುರಿತಂತೆ ಅನುಮಾನಾಸ್ಪದ ಸ್ಥಳಗಳಲ್ಲಿ ವ್ಯಾಪಕ ತಪಾಸಣೆ ನಡೆಸುವಂತೆಯೂ ಅವರು ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ 18-30 ವರ್ಷದವರು ಹೆಚ್ಚಿನ ಪ್ರಮಾಣದಲ್ಲಿ ಮಾದಕ ವಸ್ತು ಬಳಕೆ ಮಾಡಿದ್ದಾರೆ. ಈ ಹಿನ್ನಲೆ ಮಾದಕ ವ್ಯಸನದ ವಿರುದ್ಧ ಜಾಗೃತಿ ಮೂಡಿಸಬೇಕು. ಡ್ರಗ್ ಸೇವನೆಯಲ್ಲಿ ಪತ್ತೆಯಾಗಿ ಚಿಕಿತ್ಸೆ ಪಡೆದವರ ಬಗ್ಗೆ ಪ್ರತ್ಯೇಕ ದಾಖಲಾತಿ ನಿರ್ವಹಿಸಿ, ಅವರು ಸಂಪೂರ್ಣವಾಗಿ ಈ ವ್ಯಸನದಿಂದ ಬಿಡುಗಡೆ ಮಾಡಿಸಬೇಕು’ ಎಂದವರು ಹೇಳಿದ್ದಾರೆ. `ರಾಸಾಯನಿಕ ವಸ್ತುಗಳನ್ನು ಬಳಸಿ ಡ್ರಗ್ಸ್ ತಯಾರು ಮಾಡುವುದರ ಬಗ್ಗೆ ಹೆಚ್ಚಿನ ನಿಗಾ ವಹಿಸಬೇಕು. ಹೆಚ್ಚಿನ ಪ್ರಮಾಣದಲ್ಲಿ ನಿಷೇಧಿತ ಮತ್ತು ಡ್ರಗ್ಸ್ ತಯಾರಿಕೆಗೆ ಬಳಸುವ ರಾಸಾಯನಿಕಗಳನ್ನು ಖರೀದಿಸುವವರ ಬಗ್ಗೆ ಅಧಿಕಾರಿಗಳು ಗಮನಿಸಬೇಕು. `ಶೆಡ್‌ಗಳನ್ನು ಮರೆಮಾಡಿ ಲ್ಯಾಬ್ ಮಾದರಿಯಲ್ಲಿ ಡ್ರಗ್ಸ್ ತಯಾರಿಕೆ ಮಾಡುವ ಸಾಧ್ಯತೆಗಳಿದ್ದು, ರೆಸಾರ್ಟ್ ಮತ್ತು ಹೋಂ ಸ್ಟೇ ಗಳಲ್ಲಿ ಮಾದಕ ವಸ್ತುಗಳ ಸರಬರಾಜು ನಡೆಯದಂತೆ ಎಚ್ಚರಿಕೆವಹಿಸಬೇಕು’ ಎಂದು ಸೂಚಿಸಿದ್ದಾರೆ. `ಮೀನುಗಾರಿಕಾ ಬಂದರು, ಪೋರ್ಟ್ ಮತ್ತು ಬೀಚ್ ನಲ್ಲಿ ಮಾದಕ ವಸ್ತುಗಳ ಸರಬರಾಜು ಮತ್ತು ಸೇವನೆ ಕುರಿತಂತೆ ಹೆಚ್ಚಿನ ತಪಾಸಣೆ ನಡೆಸಬೇಕು. ಅಂಚೆ ಇಲಾಖೆಯಲ್ಲಿ ಸ್ವೀಕೃತವಾಗುವ ಅನುಮಾನಾಸ್ಪದ ಪಾರ್ಸೆಲ್ ಗಳನ್ನು ತಪಾಸಣೆ ನಡೆಸಲು ಪೊಲೀಸ್ ಶ್ವಾನದಳದ ನೆರವುಪಡೆಯಬೇಕು. ಪೊಲೀಸ್, ಕೋಸ್ಟ್ ಗಾರ್ಡ್, ಕರಾವಳಿ ಕಾವಲು ಪೊಲೀಸ್, ಅಬಕಾರಿ, ಮೀನುಗಾರಿಕೆ, ಬಂದರು ಸೇರಿದಂತೆ ಎಲ್ಲಾ ಇಲಾಖೆಗಳು ಸಮನ್ವಯದಿಂದ ಕೆಲಸ ಮಾಡಬೇಕು’ ಎಂದು ಸೂಚಿಸಿದ್ದಾರೆ. ಈ ಸಭೆಯಲ್ಲಿ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಕೋಸ್ಟ್ ಗಾರ್ಡ್, ಕರಾವಳಿ ಕಾವಲು ಪೊಲೀಸ್, ಅಬಕಾರಿ, ಮೀನುಗಾರಿಕೆ, ಬಂದರು, ಶಿಕ್ಷಣ, ಆರೋಗ್ಯ ಇಲಾಖೆಯ ಅಧಿಕಾರಿಗಳು ಇದ್ದರು.
- [ಮನೆ ಮನೆಗಳಲ್ಲಿಯೂ ಗಾಂಧೀಜಿ ವಿಚಾರ: ಜನಜಾಗೃತಿಗಾಗಿ ಸಮಾನ ಮನಸ್ಕರ ನಿರ್ಧಾರ](https://mobiletime.in/2026/01/gandhijis-thoughts-in-every-home-a-decision-of-like-minded-people-for-public-awareness/): ಗಾಂಧೀಜಿ ವಿಚಾರಧಾರೆಗಳ ಬಗ್ಗೆ ಜಾಗೃತಿ ಮೂಡಿಸಲು ಅಂಕೋಲಾದ ಸಮಾನ ಮನಸ್ಕರು ನಿರ್ಧರಿಸಿದ್ದಾರೆ. ಅಂಕೋಲಾ ಪಟ್ಟಣದ ಸತ್ಯಾಗ್ರಹ ಸ್ಮಾರಕ ಸಭಾಭವನದಲ್ಲಿ ಮಹಾತ್ಮ ಗಾಂಧಿ ನಿಧನದ `ಮಹಾತ್ಮ ಹುತಾತ್ಮ ದಿನ’ದ ಅಂಗವಾಗಿ ಗಾಂಧಿ ಪ್ರತಿಮೆಗೆ ಮಾಲಾರ್ಪಣೆ ಮಾಡಿದ ನಂತರ ಹಿರಿಯ ಸಾಹಿತಿ ಶಾಂತರಾಮ ನಾಯಕ ಅವರು ಈ ವಿಷಯ ಪ್ರಕಟಿಸಿದ್ದಾರೆ. ರೈತ ಸಂಘದ ಪ್ರಮುಖರಾದ ಶಾಂತರಾಮ ನಾಯಕ ಅವರು ಇದಕ್ಕೆ ಧ್ವನಿಗೂಡಿಸಿದ್ದಾರೆ. `ಇಂದು ಗಾಂಧಿ ಹತ್ಯೆ ಮಾಡಿದ ಗೋಡ್ಸೆ ಆರಾಧಿಸುವ ಮಟ್ಟಕ್ಕೆ ಬಂದಿದೆ. ಅದರಿಂದ ನಮ್ಮ ದೇಶ ಅಧಪತನದ ಕಡೆ ಸಾಗುತ್ತಿರುವಂತೆ ಭಾಸವಾಗುತ್ತಿದೆ. ಕೇಂದ್ರ ಸರಕಾರ ನರೇಗಾ ಹೆಸರನ್ನು ಬದಲಿಸುತ್ತಿದೆ. ಮಹಾತ್ಮಾ ಗಾಂಧಿಯ ಅವಮಾನ ಮಾಡುವ ರೀತಿಯಲ್ಲಿ ಕೆಲವರು ತೊಡಗಿಸಿಕೊಂಡಿದ್ದಾರೆ. ಇದನ್ನು ತಡೆಯುವುದಕ್ಕಾಗಿ ಮುಂದಿನ ದಿನಗಳಲ್ಲಿ ಗಾಂಧಿಜಿ ವಿಚಾರಧಾರೆ ಬಗ್ಗೆ ಜಾಗೃತಿ ಮುಡಿಸುವ ಕಾರ್ಯ ಮಾಡಲಾಗುತ್ತದೆ’ ಎಂದವರು ಘೋಷಿಸಿದರು. ಸಾಹಿತಿ ಮೋಹನ ಹಬ್ಬು ಮಾತನಾಡಿ `ಗಾಂಧೀಜಿ ಅವರ ಹೆಸರನ್ನು ಕೆಡಿಸುವ ಹುನ್ನಾರ ನಡೆಯುತ್ತಿದೆ. ಗಾಂಧೀಜಿ ಅವರ ತತ್ವ ವಿಚಾರಗಳನ್ನು ಅರಿಯದೇ ಯಾರು ಹೇಳಿದ ಮಾತ್ರಕ್ಕೆ ಯುವ ಜನತೆ ಕೂಡ ಬಲಿಯಾಗುತ್ತಿರುವುದು ನಿಜಕ್ಕೂ ಆಘಾತಕಾರಿಯಾಗಿದೆ’ ಎಂದು ಕಳವಳವ್ಯಕ್ತಪಡಿಸಿದರು. ಕವಿ ಕೃಷ್ಣಾ ನಾಯಕ ಮಾತನಾ `ಜಾಲತಾಣಗಳಲ್ಲಿ ಗಾಂಧಿ ಬೇಕೆ ಅಥವಾ ಗೋಡ್ಸೆ ಬೇಕೆ ಎನ್ನುವ ಮಾಹಿತಿಯನ್ನು ಹರಿಬಿಡುತ್ತಿದ್ದಾರೆ. ಎಲ್ಲ ಕ್ಷೇತ್ರಗಳಲ್ಲಿಯೂ ಗಾಂಧಿಯ ಅವಮಾನಿಸುವ ಕಾರ್ಯ ನಡೆಯುತ್ತಿದೆ’ ಎಂದು ವಿಷಾಧಿಸಿದರು. ಕಸಾಪ ಅಧ್ಯಕ್ಷ ಗೋಪಾಲಕೃಷ್ಣ ನಾಯಕ ಮಾತನಾಡಿ `ಗಾಂಧೀಜಿ ವಿಷಯವಾಗಿ ಮಾತನಾಡುವುದೇ ಅಪಾಯಕಾರಿ ಎಂಬ ಪರಿಸ್ಥಿತಿ ಬಂದಿದೆ. ಸಾತ್ವಿಕ ಮನಸ್ಸುಗಳನ್ನು ಒಂದಾಗಿಸುವ ಕೆಲಸ ನಡೆಯಬೇಕಿದೆ’ ಎಂದರು. ಹೋರಾಟಗಾರ್ತಿ ಯಮುನಾ ಗಾಂವಕರ ಮಾತನಾಡಿ `ಗಾಂಧೀಜಿ-ಅAಬೇಡ್ಕರ ಅವರ ನಡುವಿನ ಅವತ್ತಿನ ಚರ್ಚೆಯನ್ನು ಇದೀಗ ದ್ವೇಷದ ಚರ್ಚೆಯನ್ನಾಗಿ ಬಳಸಿಕೊಳ್ಳುತ್ತಿರುವುದು ಸರಿಯಲ್ಲ’ ಎಂದರು. ಸಾಹಿತಿ ಆರ್ ಜಿ ಗುಂದಿ, ಜೆ ಪ್ರೇಮಾನಂದ, ರೈತ ಸಂಘದ ಗೌರೀಶ ನಾಯಕ, ಜಗದೀಶ ಜಿ ನಾಯಕ ಹೊಸ್ಕೇರಿ, ಸಂತೋಷ ನಾಯ್ಕ, ಉದಯ ನಾಯ್ಕ ಹೊಸಗದ್ದೆ, ಗೀತಾ ಗೌಡ ಶಿರೂರ, ಪೂರ್ಣಿಮಾ ನಾಯ್ಕ, ಹಟ್ಟಿಕೇರಿ, ವಿನೋದ ನಾಯ್ಕ ಹಾರವಾಡ, ಎಚ್ ಬಿ ನಾಯಕ, ರಾಜಗೋಪಾಲ್ ಶೇಟ್, ಶ್ಯಾಮಲಾ ನಾಯ್ಕ ಇತರರು ಕಾರ್ಯಕ್ರಮದಲ್ಲಿದ್ದು ಗಾಂಧೀಜಿ ಸ್ಮರಣೆ ಮಾಡಿದರು.
- [ದೇಶ ಸುತ್ತಿ ಜೈಲು ಸೇರಿದ ಚಿರಾಗ!](https://mobiletime.in/2026/01/chiraga-who-traveled-around-the-country-and-ended-up-in-prison/): ಬೆಂಗಳೂರು, ಪುಣೆ, ಮಹಾರಾಷ್ಟ್ರ ಹಾಗೂ ಹೈದರಾಬಾದ್ ಓಡಾಟ ನಡೆಸಿ ಕೊನೆಗೆ ಚೆನೈಗೆ ತಲುಪಿದ್ದ ಕಾರವಾರದ ಚಿರಾಗ ಕೋಠಾರಕರ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಅವರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ ನಂತರ ವಿಚಾರಣೆಗಾಗಿ ಪೊಲೀಸ್ ಕಸ್ಟಡಿಗೆಪಡೆದಿದ್ದಾರೆ. ಕಾರವಾರದ ಕದ್ರಾದ ರಿಶೇಲ್ ಡಿಸೋಜಾ ಆತ್ಮಹತ್ಯೆ ನಂತರ ಚಿರಾಗ ಕೋಠಾರಕರ್ ಪರಾರಿಯಾಗಿದ್ದರು. ಚಿರಾಗ ಕೋಠಾರಕರ್ ಅವರ ತಾಯಿ ಚೈತ್ರಾ ಕೋಠಾರಕರ್ ಅವರು ಜಿಲ್ಲಾ ಪಂಚಾಯತ ಮಾಜಿ ಸದಸ್ಯೆಯಾಗಿದ್ದು, ಪ್ರಭಾವಿಯೂ ಆಗಿದ್ದರಿಂದ ಈ ವಿಷಯ ದೊಡ್ಡದಾಗಿತ್ತು. ಚಿರಾಗ ಕೋಠಾರಕರ್ ಅವರು ರಿಶೇಲ್ ಅವರ ಮೇಲೆ ಅತ್ಯಾಚಾರ ನಡೆಸಿದ ಆರೋಪವ್ಯಕ್ತವಾಗಿದ್ದು, ಚಿರಾಗ ಬಂಧನಕ್ಕೆ ಆಗ್ರಹಿಸಿ ಸಾಕಷ್ಟು ಪ್ರತಿಭಟನೆಗಳು ಸಹ ನಡೆದಿದ್ದವು. 20 ದಿನಗಳ ಕಾಲ ತಲೆಮರೆಸಿಕೊಂಡಿದ್ದ ಚಿರಾಗ ಕೋಠಾರಕರ್ ನಿನ್ನೆ ಚೆನೈಯಲ್ಲಿ ಸಿಕ್ಕಿ ಬಿದ್ದಿದ್ದರು. ಚಿರಾಗ ಕೋಠಾರಕರ್ ಹುಡುಕಾಟಕ್ಕೆ ಮೂರು ತಂಡ ರಚಿಸಲಾಗಿತ್ತು. ಮೂವರು ಇನ್ಸಪೆಕ್ಟರ್ ಹಾಗೂ ಆರು ಪಿಸೈ ಶೋಧ ಕಾರ್ಯಾಚರಣೆ ನಡೆಸಿದ್ದರು. ಈ ವೇಳೆ ಆರೋಪಿ ತಪ್ಪಿಸಿಕೊಳ್ಳಲು ಸುವರ್ಣ ಗಾಂವ್ಕರ್ ಹಾಗೂ ನಿತಿನ್ ಗಾಂವ್ಕರ್ ಎಂಬಾತರು ಸಹಾಯ ಮಾಡಿದ್ದು ಪೊಲೀಸರ ಗಮನಕ್ಕೆ ಬಂದಿತ್ತು. ಪೊಲೀಸ್ ಲೋಪದ ಹಿನ್ನಲೆ ಕದ್ರಾ ಪಿಸೈ ಸುನೀಲ ಬಂಡಿವಡ್ಡರ್ ಅವರನ್ನು ಅಮಾನತು ಮಾಡಲಾಗಿತ್ತು. ಚಿರಾಗ ಕೋಠಾರಕರ್ ಪರಾರಿ ಹಾಗೂ ರಿಶೇಲ್ ಡಿಸೋಜಾ ಸಾವಿನ ವಿಷಯವಾಗಿ ಜಾಲತಾಣದಲ್ಲಿ ಸುಳ್ಳು ಸುದ್ದಿ ಹರಡಿದವರ ವಿರುದ್ಧವೂ ಪೊಲೀಸರು ಕ್ರಮ ಜರುಗಿಸಿದ್ದರು. ಸದ್ಯ ರಿಶೇಲ್ ಡಿಸೋಜಾ ಅವರ ಶವದ ಮರು ಮರಣೋತ್ತರ ಪರೀಕ್ಷೆ ನಡೆಯಲಿದ್ದು, ಚಿರಾಗ ಕೋಠಾರಕರ್ ಅವರ ವಿಚಾರಣೆಯೂ ನಡೆಯಲಿದೆ. ಪೊಲೀಸರ ಮೇಲೆ ಸಾಕಷ್ಟು ಒತ್ತಡ ತಂದಿದ್ದ ಈ ಪ್ರಕರಣ ಚಿರಾಗ ಬಂಧನದ ನಂತರ ಇನ್ನೊಂದು ಹಂತ ತಲುಪಿದೆ.
- [ದಾರಿ ತಪ್ಪಿದ ಮಕ್ಕಳು!](https://mobiletime.in/2026/01/wayward-children/): ಯಲ್ಲಾಪುರದಲ್ಲಿ 18-19ನೇ ವಯಸ್ಸಿನ ಯುವಕರಿಬ್ಬರು ಅಡ್ಡದಾರಿ ಹಿಡಿದಿದ್ದಾರೆ. ವಿದ್ಯೆ, ದುಡಿಮೆ ಮಾಡಬೇಕಾದ ವಯಸ್ಸಿನಲ್ಲಿ ಅವರಿಬ್ಬರು ಮಾದಕ ವ್ಯಸನಕ್ಕೆ ದಾಸರಾಗಿದ್ದಾರೆ. ಯಲ್ಲಾಪುರದ ಉದ್ಯಮ ನಗರದಲ್ಲಿ ಮೆಕ್ಯಾನಿಕ್ ಆಗಿರುವ ಸುಜಲ ರಘುನಾಥ ಆಚಾರಿ (19) ಹಾಗೂ ಅದೇ ಊರಿನಲ್ಲಿ ಪೇಟಿಂಗ್ ಕೆಲಸ ಮಾಡುವ ಸುದೀಪ ಶ್ರೀಕಾಂತ ಕಲ್ಬುರ್ಗಿ (18) ಮಾದಕ ವ್ಯಸನದ ಮೋಹಕ್ಕೆ ಒಳಗಾಗಿದ್ದಾರೆ. ಜನವರಿ 30ರಂದು ಅವರಿಬ್ಬರು ಕದ್ದು ಮುಚ್ಚಿ ಗಾಂಜಾ ಸೇದುವಾಗ ಸಿಕ್ಕಿ ಬಿದ್ದಿದ್ದಾರೆ. ಜನವರಿ 30ರ ಬೆಳಗ್ಗೆಯೇ ಸುಜಲ ಆಚಾರಿ ಅವರು ಬಿಸಗೋಡು ಕ್ರಾಸಿನ ಬಳಿ ಹೋಗಿದ್ದರು. ಸಾತೊಡ್ಡಿ ಜಲಪಾತಕ್ಕೆ ಹೋಗುವ ರಸ್ತೆ ಅಂಚಿನಲ್ಲಿ ನಿಂತು ಹೊಗೆ ಬಿಡುತ್ತಿದ್ದರು. ಪಿಸೈ ಶೇಡ್ ಜಿ ಚೌಹಾಣ್ ಅವರು ಸುಜಲ ಆಚಾರಿ ಅವರನ್ನು ಮಾತನಾಡಿಸಿದರು. ಆದರೆ, ಅಮಲಿನಲ್ಲಿದ್ದ ಸುಜಲ ಆಚಾರಿ ಮಾತು ತೊದಲಿದ್ದು, ಅವರನ್ನು ಪೊಲೀಸರು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದರು. ಸುದೀಪ ಕಲ್ಬುರ್ಗಿ ಅವರು ಶಿರಸಿ ಎಪಿಎಂಸಿ ಬಳಿಯ ಉದ್ಯಾನವನದಲ್ಲಿ ಅಲೆದಾಡುತ್ತಿದ್ದರು. ಮಧ್ಯಾಹ್ನದ ವೇಳೆಗೆ ಉದ್ಯಾನವನದ ಹೊರಭಾಗ ಸುದೀಪ ಕಲ್ಬುರ್ಗಿ ಅಮಲಿನಲ್ಲಿರುವುದನ್ನು ಪಿಐ ರಮೇಶ ಹಾನಾಪುರ ಅವರು ಗಮನಿಸಿದರು. ಸುದೀಪ ಕಲ್ಬುರ್ಗಿ ಅವರನ್ನು ವಶಕ್ಕೆಪಡೆದು ವಿಚಾರಣೆ ನಡೆಸಿದಾಗ ಗಾಂಜಾ ಸೇದಿರುವುದು ದೃಢವಾಯಿತು. ಸುಜಲ ಆಚಾರಿ ಅವರ ವೈದ್ಯಕೀಯ ವರದಿಯೂ ಗಾಂಜಾ ಸೇವನೆಯನ್ನು ದೃಢಪಡಿಸಿತು. ಈ ಹಿನ್ನಲೆ ಪೊಲೀಸರು ಅವರಿಬ್ಬರಿಗೂ ಮಾದಕ ವ್ಯಸನದ ದುಷ್ಪರಿಣಾಮಗಳನ್ನು ವಿವರಿಸಿದರು. ಸಾಕಷ್ಟು ಜಾಗೃತಿ ಮೂಡಿಸಿದರೂ ಗಾಂಜಾ ಸೇವಿಸಿ ಅನುಚಿತವಾಗಿ ವರ್ತಿಸಿದ ಕಾರಣ ಪ್ರಕರಣವನ್ನು ದಾಖಲಿಸಿದರು. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ದುಡುಕು ನಿರ್ಧಾರ: ಬಣ್ಣದ ಬದುಕಿಗೆ ಯುವಕನ ವಿದಾಯ!](https://mobiletime.in/2026/01/a-rash-decision-a-young-mans-farewell-to-a-colorful-life/): ಯಲ್ಲಾಪುರದಲ್ಲಿ ಪೇಂಟಿoಗ್ ಕೆಲಸ ಮಾಡಿಕೊಂಡಿದ್ದ ಪುನೀತ ಅರಸಿನಗೋಡಿ ಅವರು 22ನೇ ವಯಸ್ಸಿನಲ್ಲಿಯೇ ತಮ್ಮ ಬದುಕನ್ನು ಅಂತ್ಯಗೊಳಿಸಿದ್ದಾರೆ. ನಾಲ್ಕು ವಿದ್ಯುತ್ ವೈಯರ್ ಜೋಡಿಸಿದ ಅವರು ಅದನ್ನೇ ಹಗ್ಗದ ರೀತಿ ಬಳಸಿ ನೇಣಿಗೆ ಶರಣಾಗಿದ್ದಾರೆ. ಯಲ್ಲಾಪುರದ ಕಾಳಮ್ಮ ನಗರದಲ್ಲಿ ಪುನೀತ ಅರಸಿನಗೋಡಿ ಅವರು ವಾಸವಾಗಿದ್ದರು. ಪುನೀತ ಅವರ ತಂದೆ ಪ್ರಭಾಕರ ಅರಶಿನಕೋಡಿ ಅವರು ಮುಂಡಗೋಡಿನ ಬಿಸಿಎಂ ಹಾಸ್ಟೇಲ್‌ಲಿ ಅಡುಗೆ ಕೆಲಸ ಮಾಡಿಕೊಂಡಿದ್ದು, ಪುನೀತ ಅವರು ಯಲ್ಲಾಪುರದಲ್ಲಿ ಪೇಟಿಂಗ್ ಕೆಲಸ ನಿರ್ವಹಿಸುತ್ತಿದ್ದರು. ಅವರಿಬ್ಬರ ದುಡಿಮೆ ಕುಟುಂಬಕ್ಕೆ ಆಧಾರವಾಗಿತ್ತು. ಈ ನಡುವೆ ಪುನೀತ ಅರಸಿನಗೋಡಿ (22) ಮಂಕಾಗಿದ್ದರು. ಮಾನಸಿಕವಾಗಿ ಅವರು ಕುಗ್ಗಿದ್ದರು. ಆದರೆ, ಅದಕ್ಕೆ ಕಾರಣ ಏನು? ಎಂಬುದು ಗೊತ್ತಾಗಿರಲಿಲ್ಲ. ಜನವರಿ 28ರಂದು ಜನ ಪುನೀತ ಅವರನ್ನು ಕೊನೆಯದಾಗಿ ನೋಡಿದ್ದರು. ಜನವರಿ 29ರ ಸಂಜೆ ಅವರು ಸಾವನಪ್ಪಿರುವ ವಿಷಯ ಹೊರಬಂದಿತು. ಕಾಳಮ್ಮ ನಗರದಲ್ಲಿರುವ ವಾಸದ ಮನೆಯಲ್ಲಿಯೇ ಪುನೀತ ಅರಸಿನಗೋಡಿ ದುಡುಕು ನಿರ್ಧಾರ ಮಾಡಿದ್ದರು. ಮನೆಯಲ್ಲಿದ್ದ 4 ವಿದ್ಯುತ್ ವೈಯರ್ ಒಟ್ಟಿಗೆ ಜೋಡಿಸಿ ಅದನ್ನು ಫ್ಯಾನಿನ ಹುಕ್ಕಿಗೆ ಸಿಕ್ಕಿಸಿದ್ದು, ಅದಕ್ಕೆ ಕುತ್ತಿಗೆ ಕೊಡ್ಡಿದರು. ಕುಟುಂಬದವರು ನೋಡುವುದರೊಳಗೆ ಪುನೀತ ಅರಸಿನಗೋಡಿ ಶವವಾಗಿದ್ದರು.  
- [ಕಳ್ಳರ ಕೈ ಸೇರಿದ ಕಾಡಿನ ಕ್ಯಾಮರಾ!](https://mobiletime.in/2026/01/a-camera-in-the-forest-fell-into-the-hands-of-thieves/): ಜೊಯಿಡಾದ ಕಾಡು ಅಧ್ಯಯನಕ್ಕೆ ಅಳವಡಿಸಿದ್ದ ಕ್ಯಾಮರಾವನ್ನು ಕಳ್ಳರು ಕದ್ದಿದ್ದಾರೆ. ಹುಲಿ ಸಮೀಕ್ಷೆಗಾಗಿ ಕಾಡಿನಲ್ಲಿರಿಸಿದ್ದ 53 ಸಾವಿರ ರೂ ಮೌಲ್ಯದ ಕ್ಯಾಮರಾ ಕಾಣೆಯಾಗಿದೆ. ಜನವರಿ 13ರಿಂದ ಭಾರತದಲ್ಲಿ ಹುಲಿ ಸಮೀಕ್ಷೆ ಕಾರ್ಯ ನಡೆಯುತ್ತಿದೆ. ಇದರೊಂದಿಗೆ ಕಾಡಿನಲ್ಲಿ ಓಡಾಡುವ ಇನ್ನಿತರ ಪ್ರಾಣಿಗಳ ಚಲನ-ವಲನವನ್ನು ಕ್ಯಾಮರಾ ಮೂಲಕ ಸಹ ಗಮನಿಸಲಾಗುತ್ತದೆ. ಕಾಡಿನಲ್ಲಿ ಕ್ಯಾಮರಾ ಕಂಡ ಕಳ್ಳರು ತಮ್ಮ ಅಕ್ರಮ ಚಟುವಟಿಕೆಗೆ ಸಮಸ್ಯೆ ಆಗುವ ಆತಂಕದಲ್ಲಿ ಆ ಕ್ಯಾಮರಾವನ್ನೇ ಕದ್ದಿದ್ದಾರೆ. ಜೊಯಿಡಾ ರಾಮನಗರ ಬಳಿಯ ಕ್ಯಾಸಲ್ ರಾಕ್ ವನ್ಯಜೀವಿ ವಲಯದಲ್ಲಿ ಕ್ಯಾಮರಾ ಕಳ್ಳತನ ನಡೆದಿದೆ. ಇಲ್ಲಿನ ಅವೇಡಾ-ಪೊಪ್ಪವಾಡಿ ಬೀಟ್ ಬಳಿಯ ವಜ್ರ ಪಾಲ್ಸ್ ಗೆ ಹೋಗುವ ರಸ್ತೆಯಲ್ಲಿ ಅರಣ್ಯಾಧಿಕಾರಿಗಳು ಕ್ಯಾಮರಾ ಅಳವಡಿಸಿದ್ದು, ಕ್ಯಾಮರಾ ಜೊತೆಗಿದ್ದ ಮೆಮೋರಿ ಕಾರ್ಡನ್ನು ಕಿಡಿಗೇಡಿಗಳು ಅಪಹರಿಸಿದ್ದಾರೆ. ಜನವರಿ 21ರ ಸಂಜೆ ಕ್ಯಾಮರಾ ಕಾಡಿನಲ್ಲಿರುವುದನ್ನು ಅರಣ್ಯ ಸಿಬ್ಬಂದಿ ನೋಡಿದ್ದಾರೆ. ಆದರೆ, ಮರುದಿನ ಬೆಳಗ್ಗೆ ನೋಡಿದಾಗ ಅಲ್ಲಿ ಕ್ಯಾಮರಾ ಸಿಕ್ಕಿಲ್ಲ. ಎಲ್ಲಾ ಕಡೆ ಹುಡುಕಾಟ ನಡೆಸಿದರೂ ಕ್ಯಾಮರಾ ಪತ್ತೆ ಆಗಿಲ್ಲ. ಈ ಹಿನ್ನಲೆ ಆ ಕ್ಯಾಮರಾ ಕದ್ದವರನ್ನು ಪತ್ತೆ ಮಾಡಿಕೊಡುವಂತೆ ಬಜಾರಕೋಣದ ಉಪವಲಯ ಅರಣ್ಯಾಧಿಕಾರಿ ಸಂದೀಪ ಅರ್ಕಸಾಲಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ರಾಮನಗರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಹುಡುಕಾಟ ನಡೆಸಿದ್ದಾರೆ.
- [ಸುಲಭ ಸೊಸೈಟಿಯಲ್ಲಿ ಕಳ್ಳತನವೂ ಸುಲಭ!](https://mobiletime.in/2026/01/in-an-easy-society-theft-is-also-easy/): ಕುಮಟಾದ ಸುಲಭ ಸೌಹಾರ್ದ ಸಹಕಾರಿ ಸಂಘದಲ್ಲಿ ಕಳ್ಳತನ ನಡೆದಿದೆ. ಕುಮಟಾದ ಉಪ್ಪಾರಕೇರಿಯಲ್ಲಿ ಸುಲಭ ಸೌಹಾರ್ದ ಸಹಕಾರಿ ಸಂಘ ಕಾರ್ಯನಿರ್ವಹಿಸುತ್ತಿದೆ. ಈ ಶಾಖೆಗೆ ಅಘನಾಶಿನಿ ಬಳಿಯ ದಿವಾಕರ ನಾಗೇಶ ನಾಯ್ಕ ಅವರು ಅಧ್ಯಕ್ಷರಾಗಿದ್ದಾರೆ. ಜನವರಿ ೨೪ರಂದು ಸೊಸೈಟಿಯಲ್ಲಿ ಎಲ್ಲಾ ವ್ಯವಹಾರ ಸರಿಯಾಗಿಯೇ ನಡೆದಿದ್ದು, ಜನವರಿ ೨೬ರ ಅವಧಿಯಲ್ಲಿ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಸೊಸೈಟಿಯ ಬಗ್ಗೆ ಎಲ್ಲಾ ವಿಷಯ ಅರಿತ ಕಳ್ಳರು ಕನ್ನ ಹಾಕಿರುವ ಸಾಧ್ಯತೆಗಳಿವೆ. ಸೊಸೈಟಿಯ ಬಾಗಿಲು ಮುರಿದ ಕಳ್ಳರು ಒಳಗೆ ಎಲ್ಲಾ ಕಡೆ ಜಾಲಾಡಿದ್ದಾರೆ. ಆಗ ಅವರಿಗೆ ಕೆಡಿಸಿಸಿ ಬ್ಯಾಂಕಿನ ಮೂರು ಚೆಕ್ಕು ಕಾಣಿಸಿದೆ. ಅದನ್ನು ಜೇಬಿಗಿಳಿಸಿದ ನಂತರ ಎಚ್ ಡಿ ಎಫ್ ಸಿ ಬ್ಯಾಂಕಿನ ಎರಡು ಚೆಕ್ಕು ಸಿಕ್ಕಿದೆ. ಅದನ್ನು ಕದ್ದು ಹೊರಗೆ ಹೋಗುವಾಗ ಸಿಸಿ ಕ್ಯಾಮರಾ ಅಳವಡಿಸಿರುವುದು ಗೊತ್ತಾಗಿದ್ದು, ಸಾಕ್ಷಿ ನಾಶಕ್ಕಾಗಿ ಅವರು ಕ್ಯಾಮರಾಗೆ ಅಳವಡಿಸಿದ್ದ ಡಿವಿಆರ್’ನ್ನು ದೋಚಿದ್ದಾರೆ. ಸೊಸೈಟಿಯಿಂದ ಹೊರಬಿದ್ದ ಕಳ್ಳರಿಗೆ ಅಲ್ಲಿ ನಿಲ್ಲಿಸಿದ್ದ ಸ್ಕೂಟಿಯೊಂದು ಕಾಣಿಸಿದ್ದು, ಅದನ್ನು ಕದ್ದಿದ್ದಾರೆ. ಕೆಡಿಸಿಸಿ ಹಾಗೂ ಎಚ್ ಡಿ ಎಫ್ ಸಿ ಬ್ಯಾಂಕಿನ ಚೆಕ್ ಜೊತೆ ೪೦ ಸಾವಿರ ರೂ ಮೌಲ್ಯದ ಸ್ಕೂಟಿಯನ್ನು ಕದ್ದವರಿಗಾಗಿ ಸೊಸೈಟಿಯವರು ತಲೆಕೆಡಿಸಿಕೊಂಡಿದ್ದಾರೆ. ೫ ಸಾವಿರ ರೂ ಮೌಲ್ಯದ ಸಿಸಿ ಕ್ಯಾಮರಾದ ಡಿವಿಆರ್ ಪತ್ತೆ ಆದಲ್ಲಿ ಕಳ್ಳರ ಸುಳಿವು ಸಿಗುವ ಸಾಧ್ಯತೆಯಿರುವುದರಿಂದ ಕಳ್ಳತನದ ಬಗ್ಗೆ ದಿವಾಕರ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ. ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಹುಡುಕಾಟ ಶುರು ಮಾಡಿದ್ದಾರೆ.  
- [ಹಲ್ಲು ನೋವು: ಆಸ್ಪತ್ರೆಗೆ ಹೋದವನ ಮನೆಯಲ್ಲಿ ಹಗಲು ದರೋಡೆ!](https://mobiletime.in/2026/01/toothache-daytime-robbery-at-the-house-of-a-man-who-went-to-the-hospital/): ಹಲ್ಲು ನೋವಿನ ಚಿಕಿತ್ಸೆಗಾಗಿ ಕಾರವಾರಕ್ಕೆ ಹೋಗಿದ್ದ ಹಣಕೋಣದ ರಾಮ ನಾಯ್ಕ ಅವರಿಗೆ ಲಕ್ಷಾಂತರ ರೂ ನಷ್ಟವಾಗಿದೆ. ಬೆಳಗ್ಗೆ 10 ಗಂಟೆಗೆ ಅವರು ಆಸ್ಪತ್ರೆಗೆ ಹೋಗಿದ್ದು, ಮಧ್ಯಾಹ್ನ 1 ಗಂಟೆಗೆ ಮನೆಗೆ ಬರುವಷ್ಟರಲ್ಲಿ ಕೂಡಿಟ್ಟ ಕಾಸು ಕಳ್ಳತನವಾಗಿದೆ. ಕಾರವಾರದ ಹಣಕೋಣದಲ್ಲಿರುವ ರುಕ್ಮಿಣಿ ಕೃಷ್ಣಾ ನಿವಾಸದಲ್ಲಿ ರಾಮ ಕೃಷ್ಣಾ ನಾಯ್ಕ ಅವರು ವಾಸವಾಗಿದ್ದಾರೆ. ಶಿಕ್ಷಕರಾಗಿದ್ದ ಅವರು ನಿವೃತ್ತಿ ನಂತರ ಆ ಊರಿನಲ್ಲಿಯೇ ನೆಮ್ಮದಿಯ ಬದುಕು ನಡೆಸುತ್ತಿದ್ದಾರೆ. ಹೀಗಿರುವಾಗ ಜನವರಿ 29ರಂದು ರಾಮ ನಾಯ್ಕ ಅವರ ಪತ್ನಿಗೆ ಅಪಾರ ಪ್ರಮಾಣದಲ್ಲಿ ಹಲ್ಲು ನೋವು ಕಾಣಿಸಿತು. 70 ವರ್ಷದ ಅವರು ತಮ್ಮ ಪತ್ನಿ ಅವರನ್ನು ಕಾರವಾರದ ಆಸ್ಪತ್ರೆಗೆ ಕರೆದೊಯ್ಯಲು ನಿರ್ಧರಿಸಿದರು. ಕೋಡಿಭಾಗದ ಆಸ್ಪತ್ರೆಗೆ ಹೋಗಿ ಅವರು ಹಲ್ಲು ನೋವಿನ ಔಷಧಿಪಡೆದರು. ಸರತಿ ಸಾಲಿನಲ್ಲಿ ನಿಂತು ವೈದ್ಯರನ್ನು ಭೇಟಿ ಮಾಡುವಷ್ಟರಲ್ಲಿ ಮಧ್ಯಾಹ್ನವಾಗಿದ್ದು, 1 ಗಂಟೆ ಅವಧಿಗೆ ಅವರು ಹಣಕೋಣಕ್ಕೆ ಮರಳಿದರು. ಈ ವೇಳೆ ರುಕ್ಮಿಣಿ ಕೃಷ್ಣಾ ನಿವಾಸದ ಬಾಗಿಲು ತೆರೆದಿತ್ತು. ಕಾರವಾರಕ್ಕೆ ಹೋಗುವ ಮುನ್ನ ಬಾಗಿಲು ಹಾಕಿದ ನೆನಪು ಮಾಡಿಕೊಂಡ ಕೃಷ್ಣ ನಾಯ್ಕ ಅವರು ಹತ್ತಿರ ಹೋಗಿ ನೋಡಿದಾಗ ಬಾಗಿಲಿನ ಬೀಗ ಒಡೆದಿರುವುದು ಕಾಣಿಸಿತು. ಇಂಟರ್ ಲಾಕ್ ಮುರಿದ ಕಳ್ಳರು ಕೃಷ್ಣ ನಾಯ್ಕ ಅವರ ಮನೆಯೊಳಗೆ ಪ್ರವೇಶಿಸಿ ಅಲ್ಲಿದ್ದ ನಗ-ನಾಣ್ಯ ದೋಚಿದ್ದರು. ಎರಡು ವಾಚು, ದೇವರ ಚಿತ್ರವಿದ್ದ ಲಾಕೇಟು, ಚಿನ್ನ ಲೇಪಿತ ಸ್ಟಾಂಡ್ ಜೊತೆ 15 ಸಾವಿರ ರೂ ಹಣವನ್ನು ಕಳ್ಳರು ದೋಚಿದ್ದರು. ಒಟ್ಟು ಎರಡುವರೆ ಲಕ್ಷ ರೂ ಮೌಲ್ಯ ನಷ್ಟವಾದ ಕಾರಣ ರಾಮ ನಾಯ್ಕ ಅವರು ಪೊಲೀಸರಿಗೆ ದೂರಿದರು. ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಶೋಧ ಶುರು ಮಾಡಿದರು. `ಕಳ್ಳತನ ತಡೆಗೆ ಸಿಸಿ ಕ್ಯಾಮರಾ ಸಹಕಾರಿ’
- [ಅಪಘಾತ: ಒಂದುವರೆ ತಿಂಗಳ ಆಸ್ಪತ್ರೆ ಓಡಾಟ ವ್ಯರ್ಥ!](https://mobiletime.in/2026/01/accident-one-and-a-half-months-of-hospital-stays-in-vain/): ಅಂಕೋಲಾ ಬಳಿ ನಡೆದ ಅಪಘಾತದಲ್ಲಿ ಗಾಯಗೊಂಡಿದ್ದ ಅಗಸೂರಿನ ಗಜಾನನ ನಾಯಕ ಅವರು ಒಂದುವರೆ ತಿಂಗಳು ಆಸ್ಪತ್ರೆಯಲ್ಲಿದ್ದು, ಸಾಕಷ್ಟು ಆರೈಕೆ ಮಾಡಿದರೂ ಚೇತರಿಸಿಕೊಂಡಿಲ್ಲ. ಆಸ್ಪತ್ರೆ ಓಡಾಟಕ್ಕಾಗಿ ದೊಡ್ಡ ಮಟ್ಟದಲ್ಲಿ ದುಡ್ಡು ಖರ್ಚು ಮಾಡಿದರೂ ಗಜಾನನ ನಾಯಕ ಅವರನ್ನು ಉಳಿಸಿಕೊಳ್ಳಲು ಸಾಧ್ಯವಾಗಿಲ್ಲ. 2025ರ ಡಿಸೆಂಬರ್ 19ರಂದು ಅಂಕೋಲಾದ ಬೋಗ್ರಿಬೈಲ್ ಬಳಿ ಎರಡು ಬೈಕುಗಳ ನಡುವೆ ಅಪಘಾತ ನಡೆದಿತ್ತು. ಅಂಕೋಲಾದಿAದ ಯಲ್ಲಾಪುರದ ಕಡೆ ಬಡಿಗೇರಿಯ ನಟರಾಜ ನಾಯ್ಕ ಅವರು ಓಡಿಸುತ್ತಿದ್ದ ಬೈಕು ಎದುರಿನಿಂದ ಬಂದಿದ್ದ ಗಜಾನನ ಶಾಂತರಾಮ ನಾಯಕ ಅವರ ಬೈಕಿಗೆ ಡಿಕ್ಕಿ ಹೊಡೆದಿತ್ತು. ಆ ವೇಳೆ ನಟರಾಜ ನಾಯ್ಕ ಹಾಗೂ ಶಾಂತರಾಮ ನಾಯಕ ಇಬ್ಬರೂ ಡಾಂಬರ್ ರಸ್ತೆ ಮೇಲೆ ಬಿದ್ದು ಗಾಯಗೊಂಡಿದ್ದರು. ಅವರಿಬ್ಬರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆ ಪೈಕಿ ಗಜಾನನ ನಾಯಕ ಅವರನ್ನು ಅಂಕೋಲಾ ಆಸ್ಪತ್ರೆಗೆ ದಾಖಲಿಸಿ, ನಂತರ ಕಾರವಾರ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗಿತ್ತು. ಅದಾದ ನಂತರ ಗಜಾನನ ನಾಯಕ ಅವರನ್ನು ಗೋವಾದ ಬಾಂಬೋಲಿಯA ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಲಿಸಲಾಯಿತು. ಸರಿಸುಮಾರು ಒಂದುವರೆ ತಿಂಗಳ ಕಾಲ ಅವರ ಆರೈಕೆ ಮಾಡಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಆ ದಿನ ನಡೆದ ಅಪಘಾತದಲ್ಲಿ ಹೊರಭಾಗದಿಂದ ಸಣ್ಣಪುಟ್ಟ ನೋವಾಗಿದ್ದರೂ ದೇಹದ ಒಳಗಿನ ನೋವು ಸಹಿಸುವ ಶಕ್ತಿ ಗಜಾನನ ನಾಯಕ ಅವರಿಗೆ ಇರಲಿಲ್ಲ. ಹೀಗಾಗಿ ಜನವರಿ 28ರಂದು ಅವರು ಗೋವಾ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. ಅಪಘಾತದ ಬಗ್ಗೆ ವಂದಿಗೆಯ ಸಂಜೀವ ಬೀರಣ್ಣ ನಾಯಕ ಅವರು ಅಂಕೋಲಾ ಪೊಲೀಸ್ ಪ್ರಕರಣ ದಾಖಲಿಸಿದ್ದು, ಆ ಅಪಘಾತದಿಂದ ನೋವು ಅನುಭವಿಸುತ್ತಿದ್ದ ಗಜಾನನ ನಾಯಕ (21) ಅವರು ಕೊನೆಯುಸಿರೆಳೆದ ಬಗ್ಗೆ ಆಸ್ಪತ್ರೆಯವರು ಮಾಹಿತಿ ನೀಡಿದರು. `ನಿಮ್ಮ ಜೀವ ನಿಮ್ಮ ಕುಟುಂಬದವರಿಗೂ ಅಮೂಲ್ಯ. ನಿಧಾನವಾಗಿ ವಾಹನ ಚಲಾಯಿಸಿ’
- [ಅಂಕಲ್ ಮನೆಯಲ್ಲಿ ಅಡಗಿದ್ದ ಆರೋಪಿ!](https://mobiletime.in/2026/01/the-accused-was-hiding-in-his-uncles-house/): ಕಾರವಾರದ ರೀಶೆಲ್ ಡಿಸೋಜಾ ಆತ್ಮಹತ್ಯೆ ನಂತರ ಪರಾರಿಯಾಗಿದ್ದ ಚಿರಾಗ ಕೋಠಾರಕರ್ ಚೆನೈಯಲ್ಲಿರುವ ಅಂಕಲ್ ಮನೆಯಲ್ಲಿ ಅಡಗಿದ್ದು ಗೊತ್ತಾಗಿದೆ. ಈ ಹಿನ್ನಲೆ ಪೊಲೀಸರು ಅಲ್ಲಿಗೆ ಹೋಗಿ ಚಿರಾಗ ಕೋಠಾರಕರ್ ಅವರನ್ನು ವಶಕ್ಕೆಪಡೆದಿದ್ದಾರೆ. ಕಾರವಾರದ ಕದ್ರಾದ ರಿಶೇಲ್ ಡಿಸೋಜಾ ಅವರು ಆತ್ಮಹತ್ಯೆಗೆ ಶರಣಾಗಿದ್ದರು. ಆಕೆಯನ್ನು ಪ್ರೀತಿಸುತ್ತಿದ್ದ ಚಿರಾಗ ಕೋಠಾರಕರ್ ಅವರ ಕಾಟ ಸಹಿಸಲಾಗದೇ ರೀಶೆಲ್ ಡಿಸೋಜಾ ಸಾವನಪ್ಪಿದ ಬಗ್ಗೆ ಆರೋಪಿಸಲಾಗಿತ್ತು. ಅದಾದ ನಂತರ ರೀಶೆಲ್ ಡಿಸೋಜಾ ಮೇಲೆ ಅತ್ಯಾಚಾರ ನಡೆದ ಬಗ್ಗೆ ಅವರ ಕುಟುಂಬದವರು ಆರೋಪಿಸಿದ್ದರು. ಚಿರಾಗ ಕೋಠಾರಕರ್ ಬಂಧನಕ್ಕೆ ಆಗ್ರಹಿಸಿ ಭಾರೀ ಪ್ರಮಾಣದಲ್ಲಿ ಪ್ರತಿಭಟನೆಗಳು ನಡೆದಿದ್ದವು. ಆರೋಪಿ ಚಿರಾಗ ಕೋಠಾರಕರ್ ಜಿಲ್ಲಾ ಪಂಚಾಯತ ಮಾಜಿ ಸದಸ್ಯೆಯೂ ಆಗಿರುವ ಜೆಡಿಎಸ್ ಮುಖಂಡೆ ಚೈತ್ರಾ ಕೋಠಾರಕರ್ ಪುತ್ರರಾಗಿರುವ ಕಾರಣ ಪ್ರಕರಣ ಇನ್ನಷ್ಟು ಗಂಭೀರವಾಗಿತ್ತು. ಜೊತೆಗೆ ವಿವಿಧ ರಾಜಕೀಯ ಒತ್ತಡಗಳು ಕೆಲಸ ಮಾಡಿದ್ದವು. ಅದರ ಪರಿಣಾಮ ಈ ಪ್ರಕರಣದಲ್ಲಿ ಪಿಸೈ ಸುನೀಲ ಬಂಡಿವಡ್ಡರ್ ಅವರನ್ನು ಅಮಾನತು ಮಾಡಲಾಗಿತ್ತು. ಸದ್ಯ ಚಿರಾಗ ಕೊಠಾರಕರ ಅವರನ್ನು ಗುರುವಾರ ಪೊಲೀಸರು ಬಂಧಿಸಿದ್ದಾರೆ. ಕಳೆದ ಎರಡು ವಾರಗಳಿಂದ ಪೊಲೀಸ್ ಅಧಿಕಾರಿಗಳ ತಂಡವು ಗೋವಾ, ಮಹಾರಾಷ್ಟ್ರ ಸೇರಿದಂತೆ ಹೊರ ರಾಜ್ಯಗಳಲ್ಲಿ ಚಿರಾಗ ಕೋಠಾರಕರ್ ಅವರಿಗಾಗಿ ಹುಡುಕಾಟ ನಡೆಸಿದ್ದು, ಈ ದಿನ ಚಿರಾಗ್ ಸಿಕ್ಕಿ ಬಿದ್ದಿದ್ದಾರೆ.
- [ಯಲ್ಲಾಪುರ ಜಾತ್ರೆ: ಖಜಾನೆ ತುಂಬ ಕಾಸು!](https://mobiletime.in/2026/01/yellapur-fair-the-treasury-is-full-of-money/): ಗ್ರಾಮದೇವಿ ಜಾತ್ರೆ ಹಿನ್ನಲೆ ಯಲ್ಲಾಪುರ ಪಟ್ಟಣ ಪಂಚಾಯತಗೆ ಒಂದೇ ದಿನ ಲಕ್ಷಾಂತರ ರೂ ಆದಾಯ ಬಂದಿದೆ. ಯಲ್ಲಾಪುರ ಪಟ್ಟಣ ಪಂಚಾಯತದಿoದ ಪಟ್ಟಣದ ಬೀದಿ ಬೀದಿಗಳಲ್ಲಿನ ಜಾಗವನ್ನು ತಾತ್ಕಾಲಿಕ ಮಳಿಗೆ ನಿರ್ಮಾಣಕ್ಕಾಗಿ ಹರಾಜು ಹಾಕಲಾಗಿದ್ದು, 200ಕ್ಕೂ ಅಧಿಕ ವ್ಯಾಪಾರಿಗಳು ಹರಾಜಿನಲ್ಲಿ ಭಾಗವಹಿಸಿದ್ದಾರೆ. 30 ಸಾವಿರ ರೂಪಾಯಿಯಿಂದ 1 ಲಕ್ಷ ರೂ ಆಸುಪಾಸಿನವರೆಗೆ ಹರಾಜು ಕೂಗಿ ಜಾತ್ರಾ ಅವಧಿಯ ವ್ಯಾಪಾರಕ್ಕೆ ಜಾಗ ಕಾಯ್ದಿರಿಸಿಕೊಂಡಿದ್ದಾರೆ. ಬೆಳಗ್ಗೆ 11ಗಂಟೆಯಿoದ ಸಂಜೆ 4ಗಂಟೆಯವರೆಗೂ ಜಾಗಗಳ ಹರಾಜು ಪ್ರಕ್ರಿಯೆ ನಡೆದಿದ್ದು, ತೀವೃ ಪೈಪೋಟಿ ಹಿನ್ನಲೆ ಮುಕ್ತಾಯದ ಸಮಯಕ್ಕೆ 19 ಪ್ಲಾಟುಗಳು ಮಾತ್ರ ಹರಾಜು ಆಗಿವೆ. ಪಟ್ಟಣ ಪಂಚಾಯತದಿoದ ಒಟ್ಟು 122 ಪ್ಲಾಟುಗಳಿಗಾಗಿ ಜಾಗ ಮೀಸಲಿರಿಸಿದ್ದು, ಇನ್ನೂ ನಾಲ್ಕು ದಿನ ಹರಾಜಿಗೆ ಸಮಯ ಬೇಕಾಗಬಹುದಾಗಿ ಅಧಿಕಾರಿಗಳು ಅಂದಾಜಿಸಿದ್ದಾರೆ. ಪೊಲೀಸ್ ಠಾಣೆ ಹಾಗೂ ಪಟ್ಟಣ ಪಂಚಾಯತ ರಸ್ತೆಯ ತಿರುವಿನಲ್ಲಿ 10*10 ಗಾತ್ರದ ಜಾಗವನ್ನು ಪಟ್ಟಣ ಪಂಚಾಯತವೂ 14 ಸಾವಿರ ರೂಪಾಯಿಯ ಬೆಲೆ ನಿಗದಿ ಮಾಡಿತ್ತು. ಕಳೆದ ಜಾತ್ರೆಯಲ್ಲಿ 5 ಸಾವಿರ ರೂ ಬೆಲೆಗೆ ಹರಾಜುಕೂಗಲಾಗಿದ್ದು,, ಈ ಬಾರಿ ಸರ್ಕಾರವೇ 14 ಸಾವಿರ ರೂ ನಿಗದಿ ಮಾಡಿದಕ್ಕೆ ಹರಾಜಿಗೆ ಬಂದವರು ಆಕ್ಷೇಪವ್ಯಕ್ತಪಡಿಸಿದರು. ಶೇ 18ರ ಜಿಎಸ್‌ಟಿ ಪ್ರತ್ಯೇಕವಾಗಿ ಪಾವತಿಸುವ ಬಗ್ಗೆಯೂ ತಕರಾರು ಸಲ್ಲಿಸಿದರು. ಆದರೆ, ಅದೇ ಪ್ಲಾಟು ಕೊನೆಗೆ 28 ಸಾವಿರ ರೂಪಾಯಿಯವರೆಗೆ ಕೂಗಲ್ಪಟ್ಟಿದ್ದು, ನಂತರದ ಪ್ಲಾಟುಗಳು ಸಹ 30 ಸಾವಿರ ಮೇಲ್ಪಟ್ಟು ಆದಾಯ ತಂದುಕೊಟ್ಟವು. ಪೊಲೀಸ್ ಠಾಣೆ ಹಾಗೂ ಹೆದ್ದಾರಿ ತಿರುವಿನ ಜಾಗದಲ್ಲಿದ್ದ 12*10 ಗಾತ್ರದ ಪ್ಲಾಟು 1 ಲಕ್ಷದ ಸಮೀಪಕ್ಕೆ ಹೋಗಿದ್ದು, ಅದಾದ ನಂತರದ ಅನೇಕ ಪ್ಲಾಟುಗಳನ್ನು ಜನ ಪೈಪೋಟಿಗೆ ಬಿದ್ದು ಹರಾಜು ಕೂಗಿದರು. ಸಣ್ಣಪುಟ್ಟ ವ್ಯಾಪಾರಸ್ಥರು ಹರಾಜಿನಲ್ಲಿ ಭಾಗವಹಿಸಿದರಾದರೂ ಆ ದರಕ್ಕೆ ಭೂಮಿ ಬಾಡಿಗೆ ಪಾವತಿಸಲಾಗದೇ ಮೌನವಾಗಿದ್ದರು. ಈ ನಡುವೆ ಕೆಲ ಸಂಘಟನೆಯವರು `ಪ್ರತಿ ಜಾತ್ರೆಯಂತೆ ತಮಗೂ ಕೆಲ ಪ್ಲಾಟುಗಳನ್ನು ಮೀಸಲಿರಿಸಬೇಕು’ ಎಂದು ಆಗ್ರಹಿಸಿದರು. ಆದರೆ, ಅಧಿಕಾರಿಗಳು ಅದನ್ನು ಒಪ್ಪಲಿಲ್ಲ. `ಈ ಬಾರಿ ಶಿರಸಿ, ಸಾಗರ ಎಲ್ಲಾ ಕಡೆ ಜಾತ್ರೆಯಿದೆ. ಹೀಗಾಗಿ ದುಬಾರಿ ಬಾಡಿಗೆ ನೀಡಿ ಪ್ಲಾಟು ಪಡೆದರೂ ವ್ಯಾಪಾರ ಕಷ್ಟ’ ಎಂದು ಕೆಲವರು ಹರಾಜಿನಿಂದ ಹಿಂದೆ ಸರಿದರು. ಆದರೆ, ಪೈಪೋಟಿಗೆ ಬಿದ್ದ ಕೆಲವರು ಪಟ್ಟುಹಿಡಿದು ಹರಾಜು ಕೂಗಿ ಸರ್ಕಾರಿ ಬೊಕ್ಕಸ ತುಂಬಿಸಿದರು. ಪೂರ್ವ ನಿಗದಿಯಾದಂತೆ ಮುಂದಿನ ಎರಡು ದಿನಗಳ ಕಾಲ ಹರಾಜು ಪ್ರಕ್ರಿಯೆ ನಡೆಯಲಿದೆ. ಆ ದಿನದಲ್ಲಿಯೂ ಲಕ್ಷಾಂತರ ರೂ ಸರ್ಕಾರಿ ಬೊಕ್ಕಸಕ್ಕೆ ಬರುವ ಸಾಧ್ಯತೆಗಳಿವೆ.
- [ಮೀನು ಗಾಡಿಗೆ ಗುದ್ದಿದ ಸರ್ಕಾರಿ ಬಸ್ಸು: ಏಳು ಜನರಿಗೆ ಗಾಯ](https://mobiletime.in/2026/01/government-bus-hits-fish-cart-seven-injured/): ಮೀನು ಸಾಗಾಟ ಬುಲೆರೋ ಹಾಗೂ ಪ್ರಯಾಣಿಕರನ್ನು ಹೊತ್ತೊಯ್ಯುವ ಸರ್ಕಾರಿ ಬಸ್ ನಡುವೆ ಕುಮಟಾದಲ್ಲಿ ಅಪಘಾತವಾಗಿದೆ. ಈ ಅವಘಡದಲ್ಲಿ ಏಳು ಜನರಿಗೆ ಗಾಯವಾಗಿದೆ. ರಾಷ್ಟಿಯ ಹೆದ್ದಾರಿಯ ಮಾನೀರ ದೇವಸ್ಥಾನದ ಬಳಿ ಗುರುವಾರ ಈ ದುರಂತ ನಡೆದಿದೆ. ಕುಮಟಾ ಡಿಪೋಗೆ ಸೇರಿದ ಬಸ್ಸು ಗೋಕರ್ಣದಿಂದ ಮರಳುತ್ತಿರುವಾಗ ಕಾರವಾರದಿಂದ ಮೀನು ತಂದಿದ್ದ ಬುಲೆರೋಗೆ ಗುದ್ದಿದೆ. ಕುಮಟಾದಲ್ಲಿ ಮೀನು ಮಾರಾಟ ಮಾಡಿ ಮರಳುತ್ತಿದ್ದ ಬುಲೆರೋಗೆ ಎದುರಿನಿಂದ ಬಂದ ಬಸ್ಸು ಡಿಕ್ಕಿ ಹೊಡೆದಿದೆ. ಪರಿಣಾಮ ಎರಡು ವಾಹನಗಳ ಮುಂದಿನ ಭಾಗ ಜಖಂ ಆಗಿದೆ. ಬೋಲೆರೂ ವಾಹನದ ಚಾಲಕ ಕಾರವಾರದ ಡೇವಿಡ್ ಪಾಸ್ಕಲ್ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಜೊತೆಗೆ ಬಸ್ಸಿನಲ್ಲಿದ್ದ ಆರು ಜನರಿಗೆ ನೋವಾಗಿದೆ. ಡೇವಿಡ್ ಅವರನ್ನು ಮಂಗಳೂರು ಆಸ್ಪತ್ರೆಗೆ ಕಳುಹಿಸಲಾಗಿದ್ದು, ಉಳಿದವರಿಗೆ ಕುಮಟಾ ಸರ್ಕಾರಿ ಆಸ್ಪತ್ರೆಯಲ್ಲಿ ಆರೈಕೆ ನಡೆದಿದೆ. ಅಪಘಾತದ ಪರಿಣಾಮ 1 ತಾಸುಗಳ ಕಾಲ ಸಂಚಾರ ದಟ್ಟಣೆ ಉಂಟಾಗಿದ್ದು, ಹೆದ್ದಾರಿ ಉದ್ದಕ್ಕೂ ವಾಹನ ನಿಂತಿರುವುದು ಕಾಣಿಸಿತು. ಪೊಲೀಸರು ಕ್ರೇನ್ ಬಳಸಿ ಅಪಘಾತಕ್ಕೀಡಾದ ವಾಹನವನ್ನು ರಸ್ತೆ ಬದಿಗೆ ಸರಿಸಿದರು.
- [ಗಂಡನ ಚಿನ್ನ ಕದ್ದ ಹೆಂಡತಿ: ಉಂಗುರ ಮಾರಾಟ!](https://mobiletime.in/2026/01/the-wife-who-stole-her-husbands-gold-sell-the-ring/): ಸಿದ್ದಾಪುರದ ತನ್ವೀರ್ ಸಾಬ್ ಅವರು ಗ್ಯಾಸ್ ರಿಪೇರಿ ಮಾಡಿ ಚಿನ್ನ ಹಾಗೂ ಹಣ ಸಂಪಾದಿಸಿದ್ದು, ಅದನ್ನು ಅವರ ಪತ್ನಿ ರೇಷ್ಮಾ ಸಾಬ್ ಅವರು ಅಪಹರಿಸಿದ್ದಾರೆ. ತಮ್ಮ ಸಹೋದರರ ಸಹಾಯದಿಂದ ರೇಷ್ಮಾ ಸಾಬ್ ಅವರು ಗಂಡನ ಉಂಗುರವನ್ನು ಮಾರಾಟ ಮಾಡಿದ್ದಾರೆ. ಸಿದ್ದಾಪುರದ ಹಾಳಾದಕಟ್ಟಾದಲ್ಲಿ ತನ್ವೀರ ಹುಸೇನ್ ಸಾಬ್ ಅವರು ವಾಸವಾಗಿದ್ದಾರೆ. ಗ್ಯಾಸ್ ಒಲೆ ರಿಪೇರಿ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಧಾರವಾಡದ ಮಾಲಾಪುರ ಬಸ್ ನಿಲ್ದಾಣ ಬಳಿಯ ಹಾತರಕಿ ನಗರದ ರೇಷ್ಮಾ ಸಾಬ್ ಅವರನ್ನು ತನ್ವೀರ್ ಸಾಬ್ ಅವರು ವಿವಾಹವಾಗಿದ್ದಾರೆ. ರೇಷ್ಮಾ ಸಾಬ್ ಹಾಗೂ ತನ್ವೀರ್ ಸಾಬ್ ಅವರ ನಡುವೆ ಸಣ್ಣ ಸಣ್ಣ ವಿಷಯಕ್ಕೆ ಜಗಳವಾಗುತ್ತಿದ್ದು, ಅದನ್ನೇ ದೊಡ್ಡದಾಗಿಸಿದ ರೇಷ್ಮಾ ಸಾಬ್ ಅವರು ತವರು ಮನೆ ಸೇರಿದ್ದಾರೆ. ಈ ನಡುವೆ ರೇಷ್ಮಾ ಸಾಬ್ ಅವರು ಧಾರವಾಡದ ಕೌಟುಂಬಿಕ ನ್ಯಾಯಾಲಯದಲ್ಲಿ ತನ್ವೀರ್ ಸಾಬ್ ಅವರ ವಿರುದ್ಧ ದೂರು ನೀಡಿದ್ದಾರೆ. ತವರು ಮನೆಗೆ ಹೋಗುವಾಗ ಸಿದ್ದಾಪುರದ ಮನೆಯಲ್ಲಿದ್ದ ಕಪಾಟಿನ ಬೀಗದ ಕೀಯನ್ನು ರೇಷ್ಮಾ ಸಾಬ್ ಅವರು ಒಯ್ದಿದ್ದು, ತನ್ವೀರ್ ಸಾಬ್ ಅವರು ಮನೆಯಲ್ಲಿ ಇಲ್ಲದ ವೇಳೆ ಬಂದು ಅಲ್ಲಿದ್ದ ಚಿನ್ನ-ಹಣ ಅಪಹರಿಸಿ ಪರಾರಿ ಆಗಿದ್ದಾರೆ. `ಗ್ಯಾಸ್ ರಿಪೇರಿ ಮಾಡಿ ತಾವು ಕೂಡಿಟ್ಟಿದ್ದ 1 ಲಕ್ಷ ರೂ ಹಣ, ಬಳೆ, ಚೈನು, ಲೊಕೇಟ್, ಉಂಗುರವನ್ನು ರೇಷ್ಮಾ ಸಾಬ್ ಅವರು ತಮ್ಮ ಸಹೋದರರಾದ ನಿಯಾಜ್ ಮಹಮದ್ ಅಲಿ ಮುಲ್ಲಾ ಹಾಗೂ ಸಾನು ಮಹಮದ್ ಅಲಿ ಸಹಾಯದಿಂದ ದೋಚಿದ್ದಾರೆ’ ಎಂದು ತನ್ವೀರ್ ಸಾಬ್ ಅವರು ಅಳಲು ತೋಡಿಕೊಂಡಿದ್ದಾರೆ. `ಈ ಪೈಕಿ 1 ಲಕ್ಷ ರೂ ಹಣವನ್ನು ರೇಷ್ಮಾ ಸಾಬ್ ಅವರು ಸಿದ್ದಾಪುರದ ಎಸ್ ಬಿ ಐ ಖಾತೆಗೆ ಜಮಾ ಮಾಡಿದ್ದಾರೆ. ತನ್ನ ಉಂಗುರವನ್ನು ಮಾರಾಟ ಮಾಡಿದ್ದಾರೆ. 2021ರಲ್ಲಿ ಈ ಎಲ್ಲಾ ಘಟನೆ ನಡೆದಿದ್ದರೂ ಅನಾರೋಗ್ಯದ ಕಾರಣ ಇದೀಗ ದೂರು ನೀಡುತ್ತಿದ್ದು, ಕ್ರಮ ಜರುಗಿಸಬೇಕು’ ಎಂದು ತನ್ವೀರ್ ಶೇಖ್ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ, ವಿಚಾರಣೆ ಶುರು ಮಾಡಿದ್ದಾರೆ.
- [ಎಪಿಎಂಸಿ ಆವರಣ ಗಲೀಜು: ಲೋಕಾಯುಕ್ತರಿಗೆ ದೂರು!](https://mobiletime.in/2026/01/apmc-premises-are-dirty-complaint-to-lokayukta/): ಕುಮಟಾದ ಕೃಷಿ ಉತ್ಪನ್ನ ಮಾರುಕಟ್ಟೆ ಅವ್ಯವಸ್ಥೆಯ ಬಗ್ಗೆ ಮಾಹಿತಿ ನೀಡಿದರೂ ಕ್ರಮ ಜರುಗಿಸದ ಕಾರಣ ಲೋಕಾಯುಕ್ತರಿಗೆ ದೂರು ನೀಡುವುದಾಗಿ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ಎಚ್ಚರಿಸಿದ್ದಾರೆ. ದೂರಿನ ಪ್ರತಿಯನ್ನು ಪ್ರದರ್ಶಿಸಿದ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅಧಿಕಾರಿಗಳ ಅಸಡ್ಡೆ ಬಗ್ಗೆ ಆಕ್ರೋಶವ್ಯಕ್ತಪಡಿಸಿದರು. `ಎಪಿಎಂಸಿ ಆವರಣದಲ್ಲಿ ವ್ಯಾಪಕ ಪ್ರಮಾಣದಲ್ಲಿ ತ್ಯಾಜ್ಯ ಬಿದ್ದಿದೆ. ಎಲ್ಲೆಂದರಲ್ಲಿ ಬಿಯರ್ ಬಾಟಲಿಗಳು ಕಾಣಿಸುತ್ತಿವೆ. ಅಲ್ಲಿರುವ ತ್ಯಾಜ್ಯವನ್ನು ಜಾನುವಾರುಗಳು ತಿನ್ನುತ್ತಿವೆ. ಈ ಬಗ್ಗೆ ಮಾಧ್ಯಮಗಳಲ್ಲಿ ವರದಿ ಪ್ರಸಾರವಾದ ಬಗ್ಗೆ ಅರಿವಿದ್ದರೂ ಅಧಿಕಾರಿಗಳು ಮೌನವಾಗಿದ್ದಾರೆ. ಸರ್ಕಾರಿ ಸಂಬಳಪಡೆದು ಸೇವೆ ಮಾಡಿದ ಅಧಿಕಾರಿಗಳ ವಿರುದ್ಧ ಲೋಕಾಯುಕ್ತ ದೂರು ನೀಡಲಾಗುತ್ತಿದೆ’ ಎಂದವರು ಮಾಹಿತಿ ನೀಡಿದ್ದಾರೆ. `ಎಪಿಎಂಸಿ ಆವರಣದಲ್ಲಿನ ಅಶುಚಿತ್ವ ರೋಗಕ್ಕೆ ಕಾರಣವಾಗಿದೆ. ಜಾನುವಾರುಗಳು ಸಹ ಇಲ್ಲಿ ಅಸ್ವಸ್ಥವಾಗಿದ್ದು, ತ್ಯಾಜ್ಯದಿಂದ ಪರಿಸರ ಮಾಲಿನ್ಯವಾಗುತ್ತಿದೆ’ ಎಂದು ಸಾಮಾಜಿಕ ಕಾರ್ಯಕರ್ತ ಸುಧಾಕರ ನಾಯ್ಕ, ನಿವೃತ ಸರಕಾರಿ ಅಧಿಕಾರಿ ನಾಗೇಶ್ ಹಾಗೂ ಪ್ರಮುಖರಾದ ಗಣಪತಿ ಪಟಗಾರ ಅವರು ದೂರಿದ್ದಾರೆ.
- [ಆಫ್ರಿಕಾದಲ್ಲಿ ಜಗಳ.. ಶಿರಸಿಯಲ್ಲಿ ಹೊಡೆದಾಟ!](https://mobiletime.in/2026/01/quarrel-in-africa-fight-in-sirsi/): ಆಫ್ರಿಕಾದಿಂದ ಶಿರಸಿಗೆ ಬಂದ ಮೊಹಮದ್ ಸಾಬ್ ಅವರಿಗೆ ಮೂವರು ಸೇರಿ ಹೊಡೆದಿದ್ದಾರೆ. ಉದ್ಯೋಗಕ್ಕಾಗಿ ಆಫ್ರಿಕಾದಲ್ಲಿ ನಡೆದ ಕಲಹ ಈ ಹೊಡೆದಾಟಕ್ಕೆ ಕಾರಣವಾಗಿದೆ. ಹೆಗಡೆಕಟ್ಟಾ ಸಮೀಪದ ಶಿವಳ್ಳಿಯ ಮೊಹಮದ್ ಅನೀಸ್ ಅಬ್ದುಲ್ ಸಮದ್ ಸಾಬ್ ಅವರು ವಾಸವಾಗಿದ್ದಾರೆ. ಅವರು ಸೌತ್ ಆಫ್ರಿಕಾದಲ್ಲಿ ವಾಚ್ ರಿಪೇರಿ ಕೆಲಸ ಮಾಡಿಕೊಂಡಿದ್ದಾರೆ. ಅದೇ ದೇಶದಲ್ಲಿ ಶಿರಸಿ ಹೊಸಪೇಟೆ ರಸ್ತೆಯ ಸುಫಿಯಾನ ಸಲೀಂ ಶೇಖ್ ಹಾಗೂ ಲಿಕಮಾನ್ ಶಫಿ ಶೇಖ್ ಕಿರಾಣಿ ಅಂಗಡಿಯಲ್ಲಿ ಕೆಲಸಕ್ಕಿದ್ದು, ಆ ಕಿರಾಣಿ ಅಂಗಡಿ ಮಾಲಕ ಅವರಿಬ್ಬರನ್ನು ಕೆಲಸದಿಂದ ತೆಗೆದ ಕಾರಣ ಮಹಮದ್ ಸಾಬ್ ಅವರು ಪೆಟ್ಟು ತಿಂದಿದ್ದಾರೆ. ಸುಫಿಯಾನ ಶೇಖ್ ಹಾಗೂ ಲಿಕಮಾನ್ ಶೇಖ್ ಕೆಲಸ ಮಾಡುತ್ತಿದ್ದ ಕಿರಾಣಿ ಅಂಗಡಿಯಲ್ಲಿ ಮಹಮದ್ ಸಾಬ್ ಅವರ ಮಾವನ ಮಗ ಮೋಶಿನ್ ಅಬ್ದುಲ್ ವಹಾಬ್ ಸಹ ಕೆಲಸ ಮಾಡುತ್ತಿದ್ದರು. ಮೋಶಿನ್ ವಹಾಬ್ ಹಾಗೂ ಸುಫಿಯಾನ ಶೇಖ್ ನಡುವೆ ಆಗಾಗ ಜಗಳ ನಡೆಯುತ್ತಿದ್ದು, ಮಹಮದ್ ಸಾಬ್ ಮಧ್ಯಸ್ಥಿಕೆವಹಿಸಿ ಬುದ್ದಿ ಹೇಳಿದ್ದರು. ಅವರ ಜಗಳ ಸಹಿಸದ ಕಿರಾಣಿ ಅಂಗಡಿ ಮಾಲಕ ಸುಫಿಯಾನ ಶೇಖ್ ಹಾಗೂ ಲಿಕಮಾನ್ ಶೇಖ್ ಅವರನ್ನು ಕೆಲಸದಿಂದ ತೆಗೆದಿದ್ದರು. ಕೆಲಸ ಇಲ್ಲದ ಕಾರಣ ಅವರಿಬ್ಬರು ಶಿರಸಿಗೆ ಮರಳಿದ್ದರು. ಹೀಗಿರುವಾಗ ವಾರದ ಹಿಂದೆ ಮಹಮದ್ ಸಾಬ್ ಅವರು ಶಿರಸಿಗೆ ಬಂದಿದ್ದರು. ಸ್ನೇಹಿತ ಖಾಲಿದ್ ಮಹಮದ್ ನಜೀರ್ ಸಾಬ್ ಜೊತೆ ಮಹಮದ್ ಸಾಬ್ ಅವರು ರಿಲಾಯನ್ಸ್ ಮಾಲ್ ಹೋಗಿರುವುದನ್ನು ನೋಡಿ ಸುಫಿಯಾನ ಶೇಖ್ ಅವರನ್ನು ಹಿಂಬಾಲಿಸಿದರು. ಬಿಡ್ಕಿಬೈಲ್ ಮೀನು ಮಾರುಕಟ್ಟೆ ಕಡೆ ಬರುತ್ತಿದ್ದ ಮಹಮದ್ ಸಾಬ್ ಅವರನ್ನು ಶೆಟ್ಟರ್ ಅಂಗಡಿ ಕ್ರಾಸಿನ ಬಳಿ ಸುಫಿಯಾನ ಶೇಖ್ ಅಡ್ಡಗಟ್ಟಿದರು. `ಮಹಮದ್ ಸಾಬ್ ಅವರ ಪಿತೂರಿಯಿಂದಲೇ ನಮ್ಮ ಕೆಲಸ ಹಾಳಾಗಿದೆ’ ಎಂದು ತಿಳಿದ ಸುಫಿಯಾನ ಶೇಖ್ ಬೈಕಿನಲ್ಲಿ ಹೋಗುವಾಗಲೇ ಮಹಮದ್ ಸಾಬ್ ಅವರ ಬಟ್ಟೆ ಹಿಡಿದು ಎಳೆದರು. ಕೈಯಲ್ಲಿದ್ದ ವಾಚನ್ನು ಕಿತ್ತುಕೊಂಡರು. ಇದರಿಂದ ಹೆದರಿದ ಮಹಮದ್ ಸಾಬ್ ಖಾಲೀದ್ ಅವರ ಅಂಗಡಿಗೆ ಹೋಗಿ ಅವಿತುಕೊಂಡರು. ಅದಾದ ನಂತರ ಅಲ್ಲಿ ಹೊಸಪೇಟೆ ರಸ್ತೆಯ ಲುಕುಮಾನ್ ಹಾಗೂ ಕೆರೆಗುಂಡಿ ರಸ್ತೆಯ ಅವೇಸ್ ಇಮ್ತಿಯಾಜ್ ಶೇಖ್ ಆಗಮಿಸಿದ್ದು, ಅವರಿಬ್ಬರು ಸೇರಿ ಮೊಹಮದ್ ಸಾಬ್ ಅವರನ್ನು ಹಿಗ್ಗಾಮುಗ್ಗ ಥಳಿಸಿದರು. `ನಮ್ಮನ್ನು ಉದ್ಯೋಗದಿಂದ ತೆಗೆಸಿ ನೀನು ಅಲ್ಲಿ ಕೆಲಸಕ್ಕೆ ಸೇರಿದ್ದೀಯಾ?’ ಎಂದು ಪ್ರಶ್ನಿಸಿ ಮತ್ತಷ್ಟು ಹೊಡೆದರು. ಆ ನೋವು ಸಹಿಸಲಾಗದ ಮೊಹಮದ್ ಸಾಬ್ ಶಿರಸಿ ನಗರ ಠಾಣೆ ಪೊಲೀಸರಿಗೆ ದೂರು ನೀಡಿದರು. `ದ್ವೇಷ ಒಳ್ಳೆಯದಲ್ಲ’  
- [ಗೆಲುವಿನ ಹಾದಿಯಲ್ಲಿ ಬೆಂಗಳೂರು ಜವಾನ್ಸ್](https://mobiletime.in/2026/01/bangalore-jawans-on-the-road-to-victory/): ವಿಶ್ವ ಪಿಕಲ್ ಬಾಲ್ ಲೀಗ್ ನ ಎರಡನೇ ಸೀಸನ್ ನಿನ್ನೆ ಪ್ರಾರಂಭವಾಗಿದೆ.ನಿನ್ನೆ ನಡೆದ ಮ್ಯಾಚ್ ನಲ್ಲಿ ‘ಬೆಂಗಳೂರು ಜವಾನ್ಸ್ ‘ತಂಡವು ‘ಪುಣೆ ಯುನೈಟೆಡ್’ ತಂಡದ ವಿರುದ್ಧ 5-0 ಅಂತರದಿಂದ ಕ್ಲೀನ್ ಸ್ವೀಪ್ ಮಾಡುವ ಮೂಲಕ ಭರ್ಜರಿ ಗೆಲುವು ಸಾಧಿಸಿದೆ. ಪ್ರಿಯಾ ಅಟ್ಲೀ ಮತ್ತು ಹೆಸರಾಂತ ನಿರ್ದೇಶಕ ಅಟ್ಲೀ ಮಾಲೀಕತ್ವದ ಬೆಂಗಳೂರು ಜವಾನ್ಸ್ ತಂಡವು ವಿಶ್ವ ಪಿಕಲ್ ಬಾಲ್ ಲೀಗ್ ನ ಮೊದಲ ಸೀಸನ್ ನ ಚಾಂಪಿಯನ್ ತಂಡವಾಗಿದ್ದು, ಮತ್ತೆ ತನ್ನ ಚಾಂಪಿಯನ್ ಆಟವನ್ನು ಈ ಮ್ಯಾಚ್ ಗೆಲ್ಲುವುದರ ಮೂಲಕ ಮುಂದುವರೆಸಿದೆ. ಆತ್ಮ ವಿಶ್ವಾಸ ಮತ್ತು ಛಲದೊಂದಿದೆ ಅದ್ಭುತ ಪ್ರದರ್ಶನ ನೀಡಿರುವ ‘ಬೆಂಗಳೂರು ಜವಾನ್ಸ್’ ತಂಡವು ಲೀಗ್ ನ ಅತ್ಯಂತ ಬಲಿಷ್ಠ ತಂಡಗಳಲ್ಲಿ ಒಂದೆಂದು ಪುನಃ ಸಾಬೀತುಪಡಿಸಿದೆ. ಇನ್ನು ಸ್ಟೇಡಿಯಂನಲ್ಲಿ ನೆರೆದಿದ್ದ ಅಟ್ಲಿ ಅವರ ಅಭಿಮಾನಿಗಳ ಹರ್ಷೋದ್ಗಾರ ಮತ್ತು ಬೆಂಬಲ ಪಂದ್ಯಕ್ಕೆ ಇನ್ನಷ್ಟು ಮೆರುಗನ್ನು ನೀಡಿತು. ಇಡೀ ಕ್ರೀಡಾಂಗಣದಲ್ಲಿ ‘ಜವಾನ್ಸ್’ ಮಯವಾಗಿತ್ತು.ಮೊದಲ ಸೀಸನ್ ಗೆದ್ದ ಹಾಗೇ ಎರಡನೇಯ ಸೀಸನ್ ಗೆದ್ದು, ತನ್ನ ಪ್ರಶಸ್ತಿಯನ್ನು ಉಳಿಸಿಕೊಳ್ಳಲು ಸನ್ನದವಾಗಿದೆ ಎನ್ನುವ ಬಲವಾದ ಸಂದೇಶವನ್ನು ನೀಡಿದೆ.
- [ಹೊಂಡ ಹಾರಿದ ಬೈಕ್ ಸವಾರ: ಸಾವು!](https://mobiletime.in/2026/01/biker-who-jumped-a-pothole-death/): ಕಾರವಾರದ ದೇವಳಮಕ್ಕಿ ಬಳಿ ವಾಸವಾಗಿದ್ದ ನಾಗರಾಜ ಗೌಡ ಅವರು ಬೈಕಿನಿಂದ ಬಿದ್ದು ಸಾವನಪ್ಪಿದ್ದಾರೆ. ರಸ್ತೆ ಪಕ್ಕದ ಹೊಂಡಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡಿದ್ದ ಅವರನ್ನು ಹುಬ್ಬಳ್ಳಿ ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಲು ಸಾಧ್ಯವಾಗಿಲ್ಲ. ಕಾರವಾರದ ದೇವಳಮಕ್ಕಿ ಸಮೀಪದ ಶಿರ್ವೇಯಲ್ಲಿ ನಾಗರಾಜ ಗಣೇಶ ಗೌಡ (32) ಅವರು ವಾಸವಾಗಿದ್ದರು. ಜನವರಿ 25ರ ಸಂಜೆ ಅವರು ಸೋರಗದ್ದೆಯಿಂದ ಶಿರ್ವೇ ಬೈಕ್ ಮೇಲೆ ಹೋಗುತ್ತಿದ್ದರು. ರಸ್ತೆ ತಿರುವು ಪ್ರದೇಶದಲ್ಲಿ ಅವರು ಬೈಕ್ ಮೇಲಿನ ನಿಯಂತ್ರಣ ಕಳೆದುಕೊಂಡರು. ಬೈಕ್ ಜೊತೆ ಅವರು ರಸ್ತೆ ಪಕ್ಕದ ಹೊಂಡಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ಎದೆ ಹಾಗೂ ತೋಳಿನ ಭಾಗಕ್ಕೆ ಗಂಭೀರ ಗಾಯ ಮಾಡಿಕೊಂಡಿದ್ದ ನಾಗರಾಜ ಗೌಡ ಅವರನ್ನು ಹುಬ್ಬಳ್ಳಿಯ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿ ಅವರನ್ನು ಬದುಕಿಸುವುದಕ್ಕಾಗಿ ನಿರಂತರ ಆರೈಕೆಯೂ ನಡೆಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಜನವರಿ 27ರಂದು ಅವರು ಸಾವನಪ್ಪಿದ್ದು, ಸೊರಗದ್ದೆಯ ಮಾದೇವ ಗೋವಿಂದ ಗೌಡ ಅವರು ಈ ಬಗ್ಗೆ ಪೊಲೀಸರಿಗೆ ವಿಷಯ ಮುಟ್ಟಿಸಿದರು. ಮಲ್ಲಾಪುರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮಕ್ಕಳ ಜೀವ ರಕ್ಷಿಸಿದ ಬಸ್ ಚಾಲಕ](https://mobiletime.in/2026/01/bus-driver-saves-childrens-lives/): ಕಾರವಾರದಲ್ಲಿ ಶಾಲಾ ಮಕ್ಕಳನ್ನು ಕರೆದೊಯ್ಯುತ್ತಿದ್ದ ಸರ್ಕಾರಿ ಬಸ್ಸಿನ ಬ್ರೆಕ್ ಹಾಗೂ ಕ್ಲಚ್ ಪೇಲ್ ಆಗಿದ್ದು, ಚಾಲಕನ ಸಮಯ ಪ್ರಜ್ಞೆಯಿಂದ ಮಕ್ಕಳ ಜೀವ ಉಳಿದಿದೆ. ನಾಲ್ಕು ದಿನದ ಹಿಂದೆ ನಡೆದ ವಿದ್ಯಮಾನದ ವಿಡಿಯೋ ಇದೀಗ ವೈರಲ್ ಆಗಿದೆ. ಕಾರವಾರ ಡಿಪೋದಿಂದ ದೇವಳಮಕ್ಕಿ ಹಾಗೂ ನಗೆಕೋವೆ ಪ್ರದೇಶಕ್ಕೆ ತೆರಳುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್ಸು ಹಾಳಾಗಿದೆ. ಘಟ್ಟದ ಪ್ರದೇಶದಲ್ಲಿ ಬಸ್ಸು ಹಾಳಾಗಿದ್ದರಿಂದ ಪ್ರಯಾಣಿಕರು ಕಂಗಾಲಾಗಿದ್ದು, ಕೂಡಲೇ ಬಸ್ಸಿನ ಚಾಲಕ ವಾಹನವನ್ನು ಹಿಂದಕ್ಕೆ ಚಲಿಸಿ ಗುಡ್ಡಕ್ಕೆ ಡಿಕ್ಕಿ ಹೊಡೆದಿದ್ದಾರೆ. ಅದರಿಂದಾಗಿ ಬಸ್ಸಿನ ಒಳಗಿದ್ದವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸರ್ಕಾರಿ ಸಾರಿಗೆ ಸಂಸ್ಥೆ ಬಸ್ಸುಗಳನ್ನು ಸರಿಯಾಗಿ ನಿರ್ವಹಣೆ ಮಾಡುತ್ತಿಲ್ಲ ಎಂಬ ಆರೋಪ ಕೇಳಿ ಬಂದಿದ್ದು, ಈ ಪ್ರಕರಣವನ್ನು ಅಧಿಕಾರಿಗಳು ಹಗುರವಾಗಿ ಪರಿಗಣಿಸಿದ್ದಾರೆ. ಡಿಪೋ ಮ್ಯಾನೇಜರ್ ಸೌಮ್ಯಾ ನಾಯಕ್ ಅವರು `ಅಪಘಾತ ನಡೆದು ದಿನ ಕಳೆದಿದೆ. ಯಾರಿಗೂ ಗಾಯವಾಗಿಲ್ಲ. ಬಸ್ ಸರಿಯಾಗಿಯೇ ಇದೆ’ ಎಂದು ಸಮರ್ಥಿಸಿಕೊಂಡಿದ್ದಾರೆ.
- [ಬೆಂಬಿಡದೇ ಕಾಡುತ್ತಿರುವ ಗುಡ್ಡದ ಭೂತ: ಉತ್ತರ ಕನ್ನಡಕ್ಕೆ ಕಾದಿದೆ ಇನ್ನಷ್ಟು ಅಪಾಯ!](https://mobiletime.in/2026/01/the-ghost-of-the-hill-haunts-without-stopping-more-danger-awaits-uttara-kannada/): ಉತ್ತರ ಕನ್ನಡ ಜಿಲ್ಲೆಯ ಶಿರೂರು ಗುಡ್ಡ ಕುಸಿತದ ನಂತರ ಧಾರವಾಡದ ಐಐಟಿ ಪ್ರಾಧ್ಯಾಪಕ ಅಮರನಾಥ್ ಹೆಗಡೆ ಅವರು ಗುಡ್ಡ ಕುಸಿತದ ಬಗ್ಗೆ ಸಮಗ್ರ ಅಧ್ಯಯನ ನಡೆಸಿದ್ದು, ಜಿಲ್ಲೆಯಲ್ಲಿ ಇನ್ನಷ್ಟು ಅಪಾಯ ಸಂಭವಿಸಬಹುದಾದ ಆತಂಕದ ವಿಷಯ ಹೊರಬಿದ್ದಿದೆ. ಧಾರವಾಡ ಐಐಟಿ ಸಿವಿಲ್ ಮತ್ತು ಮೂಲಸೌಕರ್ಯ ಎಂಜಿನಿಯರಿoಗ್ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಅಮರನಾಥ್ ಹೆಗಡೆ ಮತ್ತು ಸಂಶೋಧನಾ ವಿದ್ಯಾರ್ಥಿ ಮಲಯ್ ಪ್ರಾಮಾಣಿಕ್ ಈ ಅಧ್ಯಯನ ನಡೆಸಿದ್ದಾರೆ. ಈ ಅಧ್ಯಯನದಲ್ಲಿ ಶಿರೂರು ಗುಡ್ಡದ ಉಪಗ್ರಹಗಳ ಚಿತ್ರಗಳು, ಈ ಹಿಂದಿನ ಆ ಪ್ರದೇಶಲ್ಲಾದ ಭೂಕುಸಿತದ ದಾಖಲೆಗಳು, ಮಣ್ಣಿನ ರಚನೆ, ಮಳೆ ಪ್ರಮಾಣ ಸೇರಿದಂತೆ ದತ್ತಾಂಶ ಸಂಗ್ರಹಿಸಿ, ಅದನ್ನು ವಿಶ್ಲೇಷಿಸಲಾಗಿದೆ. ಆ ಅವಧಿಯಲ್ಲಿ ಪಶ್ಚಿಮ ಘಟ್ಟಗಳ ಜಿಲ್ಲೆಗಳಲ್ಲಿ ಭವಿಷ್ಯದಲ್ಲಾಗುವ ಅಪಾಯದ ಅಂಶಗಳು ಹೊರಬಿದ್ದಿವೆ. ಅಪಾಯದಲ್ಲಿ ಉತ್ತರ ಕನ್ನಡ ಈ ವರೆಗೆ ಪಶ್ಚಿಮ ಘಟ್ಟ ಹೊಂದಿರುವ ಜಿಲ್ಲೆಗಳಲ್ಲಿ ಆಗಿರುವ ಭೂಕುಸಿತಗಳ ಪೈಕಿ ಉತ್ತರ ಕನ್ನಡ ಜಿಲ್ಲೆಯೊಂದರಲ್ಲಿಯೇ ಅತಿ ಹೆಚ್ಚು ಕುಸಿತವಾಗಿದೆ. ಶೇ 30ರಷ್ಟು ಭೂಕುಸಿತಗಳು ಉತ್ತರ ಕನ್ನಡ ಜಿಲ್ಲೆಯಲ್ಲಿ ನಡೆದ ಬಗ್ಗೆ ದಾಖಲಾಗಿದೆ. ಪಶ್ಚಿಮ ಘಟ್ಟಗಳಲ್ಲಿ ಭೂಕುಸಿತಗಳಿಗೆ ಮೂರು ಪ್ರಮುಖ ಅಂಶಗಳನ್ನು ಈ ಅಧ್ಯಯನ ಕಂಡುಕೊAಡಿದೆ. ವಾರ್ಷಿಕವಾಗಿ 3000 ಮಿಮೀಗಿಂತ ಹೆಚ್ಚಿನ ಮಳೆ, ಮಣ್ಣಿನ ರಚನೆ ಮತ್ತು 28 ಡಿಗ್ರಿಗಿಂತ ಹೆಚ್ಚಿನ ಕಡಿದಾದ ಇಳಿಜಾರು ಪ್ರದೇಶದಲ್ಲಿ ಭೂಕುಸಿತ ಉಂಟಾಗಿರುವುದು ವರದಿಯಿಂದ ಗೊತ್ತಾಗಿದೆ. ಶತಮಾನಗಳಿಂದ ಅಸ್ತಿತ್ವದಲ್ಲಿದ್ದ ಸಾಂಪ್ರದಾಯಿಕ ನೈಸರ್ಗಿಕ ಮಳೆ ನೀರಿನ ಹರಿವಿಗೆ ಅಡ್ಡಿಯಾಗಿರುವುದು, ರಾಷ್ಟ್ರೀಯ ಹೆದ್ದಾರಿ-52ರ ವಿಸ್ತರಣೆ ಸೇರಿದಂತೆ ಹಲವಾರು ಮೂಲಸೌಕರ್ಯ ಯೋಜನೆಗಳನ್ನು ಅವೈಜ್ಞಾನಿಕ ರೀತಿಯಲ್ಲಿ ಕಾರ್ಯಗತಗೊಳಿಸಿರುವುದೇ ಭೂಕುಸಿತಕ್ಕೆ ಕಾರಣವಾಗಿದೆ. ಹಲವು ರಸ್ತೆ ಯೋಜನೆಗಳಲ್ಲಿ ವೈಜ್ಞಾನಿಕ ಗೋಡೆಗಳನ್ನು ನಿರ್ಮಿಸದೆ ಇಳಿಜಾರಿನ ತುದಿಯನ್ನು ಕತ್ತರಿಸಲಾಗಿದೆ. ಹೀಗಾಗಿ ನೀರಿನ ಸೋರಿಕೆಯಾಗಿ ಭೂಕುಸಿತಗಳಾಗುತ್ತವೆ ಎಂದು ವರದಿಯಲ್ಲಿ ವಿವರಿಸಲಾಗಿದೆ.  
- [50 ಲಕ್ಷಕ್ಕೆ ಅಂಗಲಾಚಿದ ಶಾಸಕ!](https://mobiletime.in/2026/02/mla-who-sold-his-arm-for-50-lakhs/): `50 ಲಕ್ಷ ಅನುದಾನ ಕೋರಿ ಮುಖ್ಯಮಂತ್ರಿಗೆ ಮನವಿ ಮಾಡಿದರೂ ಅದನ್ನು ಕೊಟ್ಟಿಲ್ಲ’ ಎಂದು ಕುಮಟಾ ಶಾಸಕ ದಿನಕರ ಶೆಟ್ಟಿ ಅವರು ಕಾಂಗ್ರೆಸ್ ಸರ್ಕಾರದ ವಿರುದ್ಧ ಕಿಡಿಕಾರಿದ್ದಾರೆ. ಬುಧವಾರ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಸಾಲ ಮಾಡಿರುವುದೇ ಕಾಂಗ್ರೆಸ್ ಸರ್ಕಾರದ ಸಾವಿರ ದಿನದ ಸಾಧನೆ’ ಎಂದು ವ್ಯಂಗ್ಯವಾಡಿದ್ದಾರೆ. `ರಾಜ್ಯ ಕಾಂಗ್ರೆಸ್ ಸರ್ಕಾರ ಸಾವಿರ ದಿನಗಳಲ್ಲಿ ಸಾಲ ಮಾಡಿದೆಯೇ ವಿನ: ಅಭಿವೃದ್ಧಿ ಮಾಡಿಲ್ಲ’ ಎಂದು ವ್ಯಂಗ್ಯವಾಡಿದ್ದಾರೆ. `ರಾಜ್ಯ ಕಾಂಗ್ರೆಸ್ ಸರ್ಕಾರ ಸಾವಿರ ದಿನಗಳು ಪೂರೈಸಿದ ಸಂಭ್ರಮಾಚರಣೆ ಮಾಡುತ್ತಿದೆ. ಆದರೆ ಈ ಸಾವಿರ ದಿನಗಳಲ್ಲಿ ರಾಜ್ಯದಲ್ಲಿ ಅಭಿವೃದ್ಧಿ ಮಾಡಿಲ್ಲ. ಬರೀ ಗ್ಯಾರಂಟಿ ಯೋಜನೆ ಕೊಟ್ಟರೆ ಪ್ರಯೋಜನವಿಲ್ಲ. ಮೂಲ ಸೌಕರ್ಯಗಳ ಅಭಿವೃದ್ಧಿಗೂ ಅನುದಾನ ಬರುತ್ತಿಲ್ಲ’ ಎಂದವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಕ್ಷೇತ್ರಕ್ಕೆ ಅನುದಾನ ಬರುತ್ತಿಲ್ಲ. ನನ್ನ ಕ್ಷೇತ್ರಕ್ಕೆ 50 ಲಕ್ಷ ಕೊಡಿ ಎಂದು ಸಿಎಂ ಬಳಿ ಕೇಳಿದರೂ ಅನುದಾನ ದೊರೆತಿಲ್ಲ. ಕಾಂಗ್ರೆಸ್ ಮುಖಂಡರು 30 ಕೋಟಿ ಸರ್ಕಾರ ಕೊಟ್ಟಿದೆ ಎಂದು ಹೇಳುತ್ತಿದ್ದು, ಎರಡು ವರ್ಷದಲ್ಲಿ ಸರ್ಕಾರ ಕೊಟ್ಟ ಹಣ ಎಲ್ಲಿಯೂ ಸಾಲುತ್ತಿಲ್ಲ. ಬಿಜೆಪಿ ಸರ್ಕಾರದ ಅವಧಿಯಲ್ಲಿ 1800 ಕೋಟಿ ರೂ ತಂದು ಕ್ಷೇತ್ರದ ಅಭಿವೃದ್ಧಿ ಮಾಡಲಾಗಿತ್ತು’ ಎಂದವರು ಹೇಳಿದ್ದಾರೆ. `ನಾನು ಮೂರು ಬಾರಿ ಶಾಸಕನಾದ ಅವಧಿಯಲ್ಲಿ ಇಂಥ ಕೆಟ್ಟ ಸರ್ಕಾರ ನೋಡಿಲ್ಲ’ ಎಂದವರು ಅಸಮಧಾನಹೊರಹಾಕಿದ್ದಾರೆ. ಆರ್ ವಿ ದೇಶಪಾಂಡೆ ಅವರ ವಿರುದ್ಧವೂ ಕಿಡಿಕಾರಿದ ದಿನಕರ ಶೆಟ್ಟಿ ಅವರು `ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಭಟ್ಕಳಕ್ಕೆ ಮಾತ್ರ ಸೀಮಿತವಾಗಿದ್ದಾರೆ. ಕ್ಷೇತ್ರದ ಬಗ್ಗೆ ಅವರಿಗೆ ಕಾಳಜಿಯಿಲ್ಲ’ ಎಂದು ಗುಡುಗಿದ್ದಾರೆ. ಕುಮಟಾ ಬಿಜೆಪಿ ಮಂಡಲ ಅಧ್ಯಕ್ಷ ಜಿ ಐ ಹೆಗಡೆ, ಮಂಡಲದ ಮಾಜಿ ಅಧ್ಯಕ್ಷ ಹೇಮಂತ ಗಾಂವ್ಕರ್, ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪ್ರಶಾಂತ ನಾಯ್ಕ, ಜಿಲ್ಲಾ ಉಪಾಧ್ಯಕ್ಷ ಗಜಾನನ ಗುನಗಾ, ಮಂಡಲ ಕಾರ್ಯದರ್ಶಿ ತಿಮ್ಮಪ್ಪ ಮುಕ್ರಿ, ವಿಶ್ವನಾಥ ನಾಯ್ಕ ಇತರರು ದಿನಕರ ಶೆಟ್ಟಿ ಅವರ ಮಾತಿಗೆ ತಲೆಯಾಡಿಸಿದ್ದಾರೆ.
- [ಅನಾರೋಗ್ಯ: ಆತ್ಮಹತ್ಯೆಗೆ ಶರಣಾದ ಅಜ್ಜ!](https://mobiletime.in/2026/02/illness-grandfather-commits-suicide/): ಏಳು ದಶಕಗಳ ಕಾಲ ಆರೋಗ್ಯವಂತ ಜೀವನ ನಡೆಸಿದ ಮುಂಡಗೋಡ ನಂದಿಕಟ್ಟಾದ ಬಾಬಣ್ಣ ತಳವಾರ್ ಅವರು ಆರು ವರ್ಷದ ಅನಾರೋಗ್ಯಕ್ಕೆ ಹೆದರಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮುಂಡಗೋಡ ರಾಮಾಪುರ ನಂದಿಕಟ್ಟಾದ ಬಾಬಣ್ಣ ರಾಜಪ್ಪ ತಳವಾರ (72) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಕಳೆದ ಆರು ವರ್ಷಗಳ ಹಿಂದೆ ಅವರಿಗೆ ಅನಾರೋಗ್ಯ ಕಾಡಿತು. ಎಲ್ಲಡೆ ಚಿಕಿತ್ಸೆಪಡೆದರೂ ಅದು ವಾಸಿಯಾಗಲಿಲ್ಲ. ವಿವಿಧ ಆಸ್ಪತ್ರೆಗಳ ಓಡಾಟ ಮಾಡಿದ ಬಾಬಣ್ಣ ತಳವಾರ್ ಅವರು ಬಗೆ ಬಗೆಯ ಚಿಕಿತ್ಸೆಗೆ ಒಳಗಾದರು. ಆಸ್ಪತ್ರೆ ಓಡಾಟ ಹಾಗೂ ಔಷಧಿಗಾಗಿ ಹಣ ಖರ್ಚಾಯಿತೇ ವಿನ: ಆರೋಗ್ಯ ಸುಧಾರಿಸಲಿಲ್ಲ. ಇದರಿಂದ ಮಾನಸಿಕವಾಗಿ ಕುಗ್ಗಿದ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಫೆಬ್ರವರಿ 16ರ ರಾತ್ರಿ ಅವರು ನೇಣಿಗೆ ಶರಣಾದರು. ಅಜ್ಜನ ಸಾವಿನ ಬಗ್ಗೆ ಹಾವೇರಿ ಹಾನಗಲ್ಲಿನ ದೇವರಾಜ ಶಂಬಣ್ಣ ಮಕರವಳ್ಳಿ ಮಾಹಿತಿ ನೀಡಿದ್ದು, ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [ಬ್ಯಾಂಕ್ ಅಧ್ಯಕ್ಷರ ವಿರುದ್ಧ ಬಿಜೆಪಿ ಅಧ್ಯಕ್ಷರ ಆಕ್ರೋಶ!](https://mobiletime.in/2026/02/bjp-presidents-anger-against-bank-president/): ಅಡಿಕೆ ಬೆಳೆ ವಿಮೆ ಪರಿಹಾರದ ವಿಷಯವಾಗಿ ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರು ಮಾತನಾಡಿದ್ದು, ಕೆಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಶಿವರಾಮ ಹೆಬ್ಬಾರ್ ಅವರ ನಿಲುವು ಖಂಡಿಸಿದ್ದಾರೆ. `ಬೆಳೆ ವಿಮೆ ಪರಿಹಾರ ಏಕೆ ಬರುತ್ತಿಲ್ಲ ಎಂದು ನನಗೂ ಅರ್ಥವಾಗುತ್ತಿಲ್ಲ. ಪ್ರತಿ ವರ್ಷ ಮಳೆ ಮಾಪನ ಯಂತ್ರ ಹಾಳಾಗುವುದು ಹಾಗೂ ಪರಿಹಾರ ವಿಳಂಬವಾಗುತ್ತಿರುವುದು ನನಗೂ ಅಚ್ಚರಿ ತಂದಿದೆ’ ಎಂದು ಶಿವರಾಮ ಹೆಬ್ಬಾರ್ ಅವರು ಹೇಳಿದ್ದರು. `ಬೆಳೆ ವಿಮಾ ಪರಿಹಾರ ತಡೆಯುವವರು ಯಾರು? ಅದನ್ನು ಕೊಡಿಸುವವರು ಯಾರು? ಎಂಬುದು ಅರ್ಥವಾಗದ ಹಾಗಾಗಿದೆ. ತಡೆ ಹಿಡಿಯುವುದು ಹಾಗೂ ಕೊನೆಗೆ ಮಂಜೂರು ಮಾಡಿಸುವುದು ಯಕ್ಷಪ್ರಶ್ನೆಯಾಗಿದೆ. ಇಷ್ಟು ವರ್ಷ ಸರಿಯಾಗಿದ್ದ ವ್ಯವಸ್ಥೆ ಈಗ ಎರಡು ವರ್ಷದಲ್ಲಿ ಮಾತ್ರ ಹೀಗಾಗುವುದು ಆಶ್ಚರ್ಯ. ವಿಮಾ ಪರಿಹಾರ ತಡೆ ಹಿಡಿಯುವವರೇ ಅದನ್ನು ಮಂಜೂರಿ ಮಾಡಿಸಿದ್ದೇವೆ ಎನ್ನುವುದು ಯಾವ ಕಾರಣಕ್ಕೆ?’ ಎಂದು ಪ್ರಶ್ನಿಸಿದ್ದರು. ಶಿವರಾಮ ಹೆಬ್ಬಾರ್ ಅವರು ಆಡಿದ ಈ ಮಾತುಗಳಿಗೆ ಪ್ರಸಾದ ಹೆಗಡೆ ತಿರುಗೇಟು ನೀಡಿದ್ದಾರೆ. `ಬೆಳೆ ವಿಮೆ ಪರಿಹಾರದ ವಿಷಯವಾಗಿ ಶಿವರಾಮ ಹೆಬ್ಬಾರ್ ಅವರು ಬಾಲಷ ಹೇಳಿಕೆ ನೀಡುತ್ತಿದ್ದಾರೆ’ ಎಂದು ಪ್ರಸಾದ ಹೆಗಡೆ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಶಾಸಕರು ಆಗಿರುವ ಶಿವರಾಮ ಹೆಬ್ಬಾರ್ ಅವರು ಆಡಳಿತ ವಿಷಯದಲ್ಲಿ ಅನುಭವಹೊಂದಿದವರು. ಅವರ ಇಂಥ ಹೇಳಿಕೆ ಆಡಳಿತಾತ್ಮಕ ವೈಪಲ್ಯವನ್ನು ತೋರಿಸುತ್ತದೆ. ರೈತರಿಗೆ ನ್ಯಾಯ ಒದಗಿಸಬೇಕಾದ ಸ್ಥಾನದಲ್ಲಿರುವವರು ರೈತ ವಿರೋಧಿ ಹೇಳಿಕೆ ನೀಡುವುದು ಸರಿಯಲ್ಲ’ ಎಂದು ಪ್ರಸಾದ ಹೆಗಡೆ ಅವರು ಹೇಳಿದ್ದಾರೆ. `ಕಳೆದ ಬಾರಿ ಬೆಳೆ ವಿಮೆ ಕೊಡಿಸುವಲ್ಲಿ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ವಿಶೇಷ ಪ್ರಯತ್ನವಹಿಸಿದ್ದರು. ಈ ಬಾರಿಯೂ ಅವರು ಅದೇ ನಿಟ್ಟಿನಲ್ಲಿ ಹೋರಾಟ ನಡೆಸಿದ್ದಾರೆ. ಆ ಬಗ್ಗೆ ಅರಿವಿಲ್ಲದೇ ಶಿವರಾಮ ಹೆಬ್ಬಾರ್ ಅವರು ಮಾತನಾಡುವುದು ಸರಿಯಲ್ಲ’ ಎಂದು ಸಹ ಪ್ರಸಾದ ಹೆಗಡೆ ಅವರು ಹೇಳಿದ್ದಾರೆ. `ರೈತರ ಬಗ್ಗೆ ಕಿಂಚಿತ್ತೂ ಕಾಳಜಿ ಇಲ್ಲದೇ ರೈತರನ್ನು ಶೋಷಿಸುವ ಹಾಗೂ ರೈತ ವಿರೋಧಿ ನೀತಿಯನ್ನು ಶಿವರಾಮ ಹೆಬ್ಬಾರ್ ಅವರು ಬೆಂಬಲಿಸಿ ಹೇಳಿಕೆ ನೀಡಿದ್ದಾರೆ. 2 ಬಾರಿ ಕೆಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾಗಿರುವ ಅವರು ಮಳೆ ಮಾಪನ ಯಂತ್ರ ನಿರ್ವಹಣೆ ಮಾಡಿಸುವ ಜವಾಬ್ದಾರಿ ಯಾವ ಸರಕಾರದ್ದು ಎಂಬ ಅರಿವಿಲ್ಲದೇ ಮಾತನಾಡುತ್ತಿದ್ದಾರೆ’ ಎಂದು ಹೇಳಿದ್ದಾರೆ. `ಶಿವರಾಮ ಹೆಬ್ಬಾರ್ ಅವರು ರೈತರ ಪರವಾಗಿ ಏನು ಮಾಡಿದ್ದಾರೆ? ಬೆಳೆ ವಿಮೆ ಪರಿಹಾರಕ್ಕಾಗಿ ರಾಜ್ಯ ಸರಕಾರದ ಮಟ್ಟದಲ್ಲಿ ಯಾವ ರೀತಿಯ ಪ್ರಯತ್ನ ಮಾಡಿದ್ದಾರೆ? ಎಂಬುದನ್ನು ಬಹಿರಂಗಪಡಿಸಲಿ’ ಎಂದು ಸವಾಲು ಹಾಕಿದ್ದಾರೆ.
- [ಖಾಲಿ ಚೆಕ್‌ ಹಿಡಿದು ಕಡ್ಡಿ ಆಡಿಸಿದ ಎಜೆಂಟ!](https://mobiletime.in/2026/02/an-agent-who-received-a-blank-check-and-played-with-a-stick/): ಅoಕೋಲಾ ಬೇಲಿಕೇರಿಯ ಅಮರನಾಥ ಭಾನಾವಳಿಕರ್ ಹಾಗೂ ಭಾವಿಕೇರಿಯ ಧನಂಜಯ ನಾಯ್ಕ ಅವರ ನಡುವೆ ಭೂಮಿ ಮಾರಾಟದ ವ್ಯವಹಾರ ನಡೆದಿದ್ದು, ಈ ವ್ಯವಹಾರದ ಮಧ್ಯವರ್ತಿ ಕೇಣಿ ಕಸಬಾದ ರಾಘು ನಾಯ್ಕ ಅವರು ಭದ್ರತೆಗೆ ನೀಡಿದ ಚೆಕ್ಕುಗಳನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ. ಅoಕೋಲಾದದ ಬೇಲಿಕೇರಿಯಲ್ಲಿ ಅಮರನಾಥ ಗಣಪತಿ ಭಾನಾವಳಿಕರ್ ಅವರು ವಾಸವಾಗಿದ್ದಾರೆ. ಮೀನುಗಾರಿಕೆ ನಡೆಸಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಭಾವಿಕೇರಿಯ ಧನಂಜಯ ನಾಯ್ಕ ಅವರಿಂದ ಅಮರತನಾಥ ಭಾನಾವಳಿಕರ್ ಅವರು ಮೊದಲು 5 ಗುಂಟೆ ಭೂಮಿ ಖರೀದಿಸಿದ್ದರು. ಅದಾದ ನಂತರ 2018ರಲ್ಲಿ ಪುರಸಭೆ ವ್ಯಾಪ್ತಿಯಲ್ಲಿ 8 ಗುಂಟೆ ಭೂಮಿ ಖರೀದಿ ಮಾತುಕಥೆ ಮಾಡಿದ್ದರು. ಆ ಭೂಮಿ ಖರೀದಿಗಾಗಿ ಅವರು ಯುನಿಯನ್ ಬ್ಯಾಂಕಿಗೆ ಸಾಲ ಕೇಳಿದ್ದು, ಸಾಲವೂ ಮಂಜೂರಿಯಾಗಿತ್ತು. ಆದರೆ, ಧನಂಜಯ ನಾಯ್ಕ ಅವರಿಂದ ಸಕಾಲದಲ್ಲಿ ಇ-ಸ್ವತ್ತು ದಾಖಲೆ ಸಿಗದ ಕಾರಣ ಸಾಲ ಸಿಕ್ಕಿರಲಿಲ್ಲ. ಅದಾಗಿಯೂ 2018ರ ಅಗಸ್ಟ 1ರಂದು ಅಮರನಾಥ ಭಾನಾವಳಿಕರ್ ಅವರು ಆ ಭೂಮಿ ಖರೀದಿ ಮಾಡಿದ್ದರು. ಆ ವೇಳೆ ಪೂರ್ಣ ಪ್ರಮಾಣದ ಹಣವಿಲ್ಲದ ಕಾರಣ ನಾಲ್ಕು ಖಾಲಿ ಚೆಕ್ಕುಗಳಿಗೆ ಸಹಿ ಹಾಕಿ ಧನಂಜಯ ನಾಯ್ಕ ಹಾಗೂ ಶಾಂಬಾ ನಾಯ್ಕ ಎಂಬಾತರಿಗೆ ಕೊಟ್ಟಿದ್ದರು. ಹಣ ಪೂರ್ತಿಯಾಗಿ ಮರಳಿಸಿದ ನಂತರ ಆ ಚೆಕ್ಕುಗಳನ್ನು ಹಿಂತಿರುಗಿಸುವAತೆ ಕೋರಿದ್ದರು. ಈ ಹಿಂದೆಯೂ ಧನಂಜಯ ನಾಯ್ಕ ಅವರಿಂದ 5 ಗುಂಟೆ ಭೂಮಿ ಖರೀದಿಸಿದ ನಂಬಿಕೆ ಆಧಾರದಲ್ಲಿ ಆ ಚೆಕ್ಕುಗಳನ್ನು ವಿತರಿಸಿದ್ದರು. ಆದರೆ, ಸಕಾಲದಲ್ಲಿ ದಾಖಲಾತಿ ಸಿಗದ ಕಾರಣ ಭೂಮಿಯ ಹಕ್ಕು ವರ್ಗಾವಣೆ ಆಗಿರಲಿಲ್ಲ. ಈ ಎಲ್ಲಾ ವಿದ್ಯಮಾನ ನಡೆದು ಏಳು ವರ್ಷಗಳ ನಂತರ ವಕೀಲ ಜಿ ವಿ ಭಟ್ಟ ಅವರಿಂದ ಅಮರನಾಥ ಭಾನಾವಳಿಕರ್ ಅವರಿಗೆ ನೋಟಸ್ ಒಂದು ಬಂದಿತು. ಅದರಲ್ಲಿ `ಕೇಣಿ ಕಸಬಾದ ರಾಘು ಅಶೋಕ ನಾಯ್ಕ ಅವರಿಗೆ ಅಮರನಾಥ ಭಾನಾವಳಿಕರ್ ಅವರು 14.70 ಲಕ್ಷ ರೂ ಪಾವತಿಸಬೇಕು’ ಎಂದು ಬರೆದಿತ್ತು. ಹಂತ ಹಂತವಾಗಿ ಪಡೆದಿದ್ದ ಈ ಹಣ ಪಾವತಿಸದೇ ಇದ್ದರೆ ಕಾನೂನು ಕ್ರಮ ಕೈಗೊಳ್ಳುವ ಎಚ್ಚರಿಕೆ ನೀಡಲಾಗಿತ್ತು. ಹಣಪಡೆಯದೇ ಇದ್ದರೂ ಹಣ ಪಾವತಿಸಬೇಕಾದ ಪರಿಸ್ಥಿತಿ ಬಂದ ಬಗ್ಗೆ ಅಮರನಾಥ ಭಾನಾವಳಿಕರ್ ಅವರು ಆತಂಕಕ್ಕೆ ಒಳಗಾದರು. ವಿಚಾರಣೆ ನಡೆಸಿದಾಗ 2018ರಲ್ಲಿ ನೀಡಿದ ಚೆಕ್ಕುಗಳು ದುರುಪಯೋಗವಾಗಿರುವುದು ಗಮನಕ್ಕೆ ಬಂದಿತು. ಈ ಬಗ್ಗೆ ಧನಂಜಯ ನಾಯ್ಕ ಅವರನ್ನು ವಿಚಾರಿಸಿದಾಗ `ಭೂಮಿ ವ್ಯವಹಾರದ ಎಜೆಂಟ್ ಆಗಿದ್ದ ರಾಘು ನಾಯ್ಕ ಅವರು ಆ ಚೆಕ್ ಪಡೆದಿದ್ದರು. ಜಮೀನು ವ್ಯವಹಾರ ಅಪೂರ್ಣವಾಗಿದ್ದರಿಂದ ಆ ಚೆಕ್ ತಾನೇ ಇಟ್ಟುಕೊಳ್ಳುವೆ ಎಂದಿದ್ದರು’ ಎಂಬ ವಿಷಯ ಹೇಳಿದರು. ಧನಂಜಯ ನಾಯ್ಕ ಅವರಿಗೆ ನೀಡಿದ್ದ ಚೆಕ್ಕುಗಳನ್ನು ರಾಘು ನಾಯ್ಕ ಅವರುಪಡೆದು ಅದನ್ನು ದುರುಪಯೋಗಪಡಿಸಿಕೊಂಡ ಬಗ್ಗೆ ಅರಿತ ಅಮರನಾಥ ಭಾನಾವಳಿಕರ್ ಈ ಬಗ್ಗೆ ನ್ಯಾಯಾಲಯದ ಮೊರೆ ಹೋದರು. ನ್ಯಾಯಾಲಯದ ಸೂಚನೆ ಮೇರೆಗೆ ರಾಘು ನಾಯ್ಕ ಅವರ ವಿರುದ್ಧ ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದರು. `ಖಾಲಿ ಚೆಕ್ಕಿನ ಮೇಲೆ ಸಹಿ ಮಾಡಿಕೊಡುವ ಮುನ್ನ ಎಚ್ಚರ’
- [ಬಸ್ಸು ಅಡ್ಡಗಟ್ಟಿದ ಆನೆ!](https://mobiletime.in/2026/02/an-elephant-blocked-a-bus/): ಯಲ್ಲಾಪುರ-ಹಳಿಯಾಳ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಸರ್ಕಾರಿ ಬಸ್ಸನ್ನು ಆನೆ ಅಡ್ಡಗಟ್ಟಿದೆ. ಭಾಗವತಿ ಸಮೀಪ ರಸ್ತೆ ಮೇಲೆ ಸಂಚರಿಸಿದ ಒಂಟಿ ಸಲಗ ಆ ಮಾರ್ಗದ ಪ್ರಯಾಣಿಕರನ್ನು ಕಾಡಿಸಿದೆ. ಕೆಲ ಸಮಯದ ನಂತರ ಆನೆ ಕಾಡು ಸೇರಿದ್ದು, ಬಸ್ಸಿನ ಜೊತೆ ಇನ್ನಿತರ ವಾಹನಗಳಲ್ಲಿದ್ದ ಪ್ರಯಾಣಿಕರು ನಿಟ್ಟುಸಿರು ಬಿಟ್ಟಿದ್ದಾರೆ. ದಾಂಡೇಲಿ ಸಮೀಪದ ಕಾಡಿನಲ್ಲಿ ಈಚೆಗೆ ಒಂಟಿ ಸಲಗದ ಓಡಾಟ ಜಾಸ್ತಿಯಾಗಿದೆ. ಬುಧವಾರ ಬೆಳಗ್ಗೆ ಯಲ್ಲಾಪುರ-ಹಳಿಯಾಳ ರಸ್ತೆಯಲ್ಲಿ ಆನೆ ಕಾಣಿಸಿದ್ದು, ಪ್ರಯಾಣಿಕರ ಜೊತೆ ಪ್ರವಾಸಿಗರು ಸಹ ಆನೆಯ ಚಲನ-ವಲನವನ್ನು ಕಣ್ತುಂಬಿಕೊoಡಿದ್ದಾರೆ. ಈ ಆನೆ ರಸ್ತೆ ತಡೆ ನಡೆಸಿದ್ದು ಬಿಟ್ಟರೆ ಯಾರಿಗೂ ಉಪದ್ರವ ನೀಡಿಲ್ಲ. ಕಳೆದ ಒಂದು ವಾರದಿಂದ ಈ ಭಾಗದಲ್ಲಿ ನಿರಂತರವಾಗಿ ಆನೆ ಕಾಣಿಸಿಕೊಳ್ಳುತ್ತಿದೆ. ಭಾಗವತಿ ಹಾಗೂ ಸುತ್ತಲಿನ ಜನ ಆನೆ ಕಾಟದಿಂದ ಬೇಸತ್ತಿದ್ದಾರೆ. ವಾರದ ಹಿಂದೆ ಬೊಮ್ಮನಳ್ಳಿ-ಅಂಬಿಕಾ ನಗರದ ಬಳಿ ಆನೆ ವಾಹನವನ್ನು ಅಡ್ಡಗಟ್ಟಿತ್ತು. ಅಲ್ಲಿಯೂ ಒಂಟಿ ಸಲಗ ಓಡಾಡಿದ ದೃಶ್ಯಾವಳಿಗಳು ಸೆರೆಯಾಗಿದ್ದವು. ಕುಳಗಿ, ಬೊಮ್ಮನಹಳ್ಳಿ, ಕೇಗದಾಳ ಮತ್ತು ಭಾಗವತಿ ಗ್ರಾಮಗಳಲ್ಲಿ ಆನೆ ಓಡಾಟ ಸಹಜವಾಗಿದ್ದು, ಇಲ್ಲಿನ ಬೆಳೆಗಳನ್ನು ಆನೆ ನಾಶ ಮಾಡಿದ ನಿದರ್ಶನಗಳಿವೆ. ಹೀಗಾಗಿ ಒಂಟಿ ಸಲಗದ ಕಾಟದಿಂದ ಜನ ಆತಂಕಕ್ಕೆ ಒಳಗಾಗಿದ್ದಾರೆ. ಆನೆ ಓಡಿಸುವ ನಿಟ್ಟಿನಲ್ಲಿ ಅರಣ್ಯ ಇಲಾಖೆ ಕ್ರಮ ಜರುಗಿಸಬೇಕು ಎಂದು ಜನ ಒತ್ತಾಯಿಸಿದ್ದಾರೆ. `ವನ್ಯಜೀವಿಗಳಿಗೆ ತೊಂದರೆ ಕೊಡಬೇಡಿ. ಫೋಟೋ ತೆಗೆಯುವ ಸಾಹಸಕ್ಕೆ ಬಿದ್ದು ಅಪಾಯ ಆಹ್ವಾನಿಸಬೇಡಿ’
- [ಮಹಿಳೆಗೆ ಗುದ್ದಿದ ಬೈಕು: ಪರಿಸ್ಥಿತಿ ಗಂಭೀರ!](https://mobiletime.in/2026/02/woman-hit-by-bike-situation-serious-2/): ಮುರುಡೇಶ್ವರದ ಸಮೀಪ ರಸ್ತೆ ಬದಿಯಿಂದ ನಡೆದು ಹೋಗುತ್ತಿದ್ದ ಮಹಿಳೆಗೆ ಬೈಕು ಡಿಕ್ಕಿಯಾಗಿದ್ದು, ಗಾಯಗೊಂಡ ಆ ಮಹಿಳೆ ಪರಿಸ್ಥಿತಿ ಗಂಭೀರವಾಗಿದೆ. ಭಟ್ಕಳದ ಹಾಲಿಬಡ್ರು ಕಮಟೆಕೇರೆ ನಿವಾಸಿ ಗೌರಿ ಶನಿಯಾರ ದೇವಡಿಗ (66) ಅವರು ಬೈಕ್ ಗುದ್ದಿದ್ದರಿಂದ ನೋವು ಅನುಭವಿಸುತ್ತಿದ್ದಾರೆ. ಫೆ 16ರಂದು ಉತ್ತರಕೊಪ್ಪ-ಬಸ್ತಿ ರಸ್ತೆಯಲ್ಲಿ ಅವರು ನಡೆದು ಹೋಗುತ್ತಿದ್ದರು. ಉತ್ತರಕೊಪ್ಪ ಕಡೆಯಿಂದ ಬಸ್ತಿ ಕಡೆಗೆ ವೇಗವಾಗಿ ಬೈಕ್ ಓಡಿಸಿಕೊಂಡು ಬಂದ ಹೆಗಡೆಗದ್ದೆಯ ರವಿ ಮಾಸ್ತಿ ನಾಯ್ಕ ಅವರು ಗೌರಿ ದೇವಾಡಿಗ ಅವರಿಗೆ ಹಿಂದಿನಿAದ ಡಿಕ್ಕಿ ಹೊಡೆದರು. ಹಾಲಿಬಡ್ರು ಶ್ರೀ ಶಿವಲಿಂಗೇಶ್ವರ ದೇವಸ್ಥಾನದ ಹತ್ತಿರ ಈ ಅಪಘಾತ ನಡೆದಿದ್ದು, ನಿಧಾನವಾಗಿ ನಡೆದು ಹೋಗುತ್ತಿದ್ದ ಗೌರಿ ನಾಯ್ಕ ಅವರಿಗೆ ವೇಗವಾಗಿ ಬಂದ ಬೈಕ್ ಗುದ್ದಿತು. ಆ ಡಿಕ್ಕಿ ರಭಸಕ್ಕೆ ಗೌರಿ ನಾಯ್ಕ ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ಈ ಅಪಘಾತದ ಪರಿಣಾಮ ಗೌರಿ ನಾಯ್ಕ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಅವರು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಬೈಕ್ ಸವಾರನಾದ ಉತ್ತರಕೊಪ್ಪ ಹೆಗಡೆಗದ್ದೆ ನಿವಾಸಿ ರವಿ ಮಾಸ್ತಿ ನಾಯ್ಕ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಚಿತ್ರಾಪುರದ ಕೇಂಬ್ರೆ ನೆಲ್ಲಿಕೊಡ್ಲು ನಿವಾಸಿ ನಾಗರಾಜ ತಂದೆ ರಾಮಚಂದ್ರ ದೇವಡಿಗ ಅವರು ಈ ಬಗ್ಗೆ ದೂರು ನೀಡಿದ್ದಾರೆ. `ನಿಧಾನವಾಗಿ ಬೈಕ್ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’
- [ಐದು ವರ್ಷದ ಅಧಿಕಾರ ಅವಧಿ ಮುಕ್ತಾಯ: ಸೇವೆ ಸಲ್ಲಿಸಿದ ಸದಸ್ಯರಿಗೆ ಸನ್ಮಾನ](https://mobiletime.in/2026/02/five-year-term-ends-honors-to-members-who-have-served/): ಯಲ್ಲಾಪುರದ ಆನಗೋಡು ಗ್ರಾಮ ಪಂಚಾಯತ ಅವಧಿಯ ಸದಸ್ಯರ ಅಧಿಕಾರ ಅವಧಿ ಮುಕ್ತಾಯವಾಗಿದೆ. ಐದು ವರ್ಷದ ಅವಧಿಯಲ್ಲಿ ಸದಸ್ಯರಾಗಿ ಸೇವೆ ಸಲ್ಲಿಸಿದವರಿಗೆ ಗ್ರಾಮ ಪಂಚಾಯತ ಸಿಬ್ಬಂದಿ ವರ್ಗ ಸನ್ಮಾನಿಸಿದೆ. 2021ರಲ್ಲಿ ಆನಗೋಡು ಗ್ರಾಮ ಪಂಚಾಯತ ಚುನಾವಣೆ ನಡೆದಿದ್ದು, ತೀವೃ ಪೈಪೋಟಿಯಿಂದ ಜನಪ್ರತಿನಿಧಿಗಳು ಆಯ್ಕೆ ಆಗಿದ್ದರು. ಮೊದಲ ಅವಧಿಗೆ ಪರಮೇಶ್ವರ ಗಾಂವ್ಕರ್ ಅವರು ಅಧ್ಯಕ್ಷರಾಗಿ ಆಯ್ಕೆ ಆಗಿದ್ದರು. ಎರಡುವರೆ ವರ್ಷದ ನಂತರದ ಎರಡನೇ ಅವಧಿಗೆ ಮೀನಾಕ್ಷಿ ಭಟ್ಟ ಅವರು ಗ್ರಾಮ ಪಂಚಾಯತ ಅಧ್ಯಕ್ಷರಾಗಿ ಆಯ್ಕೆ ಆದರು. ಅವರ ಅಧ್ಯಕ್ಷ ಅವಧಿಯಲ್ಲಿ ಉಳಿದ ಸದಸ್ಯರು ಗ್ರಾಮ ಪಂಚಾಯತ ಅಭಿವೃದ್ಧಿಗೆ ಶ್ರಮಿಸಿದ್ದು, ಅದರ ಪರಿಣಾಮವಾಗಿ ಕೆರೆ ನಿರ್ಮಾಣ, ಅಲ್ಲಲ್ಲಿ ರಸ್ತೆ ದುರಸ್ಥಿ, ಕಾಲುವೆ ನಿರ್ಮಾಣ ಸೇರಿ ವಿವಿಧ ಕೆಲಸಗಳು ನಡೆದಿವೆ. ವೈಯಕ್ತಿಕ ಕೆಲಸಗಳಿಗೂ ಗ್ರಾಮ ಪಂಚಾಯತ ಸಹಕಾರ ನೀಡಿದೆ. 2026ರ ಫೆಬ್ರವರಿ 8ರಂದು ಆ ಎಲ್ಲಾ ಸದಸ್ಯರ ಅಧಿಕಾರ ಅವಧಿ ಮುಕ್ತಾಯವಾಗಿದೆ. ಈ ಹಿನ್ನಲೆ ಅಧಿಕಾರ ಅವಧಿ ಪೂರ್ಣಗೊಳಿಸಿದ ಗ್ರಾ ಪಂ ಸದಸ್ಯರಿಗೆ ಕಚೇರಿ ಸಿಬ್ಬಂದಿ ಗೌರವಿಸಿದ್ದಾರೆ. ಬುಧವಾರ ಗ್ರಾ ಪಂ ಸಭಾ ಭವನದಲ್ಲಿ ನಡೆದ ಸಮಾರಂಭದಲ್ಲಿ ಪಿಡಿಓ ರಾಜೇಶ ಶೇಟ್ ಅವರು ಸದಸ್ಯರ ಸೇವೆ ಸ್ಮರಿಸಿದ್ದಾರೆ. ಮಿನಾಕ್ಷಿ ತಿಮ್ಮಣ್ಣ ಭಟ್, ಕೆ ಟಿ ಹೆಗಡೆ, ಆರ್ ಆರ್ ಗಾಂವ್ಕರ್, ಪರಮೇಶ್ವರ ಗಾಂವ್ಕರ, ಕುಸುಮಾ ಬಾಬು ಸಿದ್ದಿ ಅವರು ತಮ್ಮ ಅಧಿಕಾರದ ಅವಧಿಯಲ್ಲಿ ಜನ ನೀಡಿದ ಸಹಕಾರದ ಬಗ್ಗೆ ಮೆಚ್ಚುಗೆಯ ಮಾತನಾಡಿದ್ದಾರೆ. ಪ್ರಮುಖರಾದ ನರಸಿಂಹ ಭಟ್ಟ ಬೋಳಪಾಲ, ಆರ್ ಜಿ ಬಟ್ಟ ಮೇಗಿನಮನೆ, ಕೆ ಎನ್ ಭಟ್ಟ, ಜಿ ಜಿ ಭಟ್ಟ, ದತ್ತಾತ್ರೆಯ ಭಟ್ಟ, ಕೆ ಎಸ್ ಭಟ್ಟ ಹಾಗೂ ಆನಗೋಡಿನ ಫ್ರೆಂಡ್ಸ್ ಸ್ಪೋಟ್ಸ್ ಕ್ಲಬ್ ಸದಸ್ಯರು ಈ ಘಳಿಗೆಗೆ ಸಾಕ್ಷಿಯಾಗಿದ್ದಾರೆ.
- [ಕೊಲೆ ಪಾತಕನಿಗೆ ಕಠಿಣ ಶಿಕ್ಷೆ!](https://mobiletime.in/2026/02/severe-punishment-for-the-murderer/): ಪುಡಿಗಾಸಿನ ಆಸೆಗಾಗಿ ಸಿದ್ದಾಪುರದ ಪಿಗ್ಮಿ ಕಲೆಕ್ಟರ್ ಗೀತಾ ಹುಂಡೇಕರ್ ಅವರ ಉಸಿರುಗಟ್ಟಿಸಿ ಕೊಲೆ ಮಾಡಿದ ಅಭಿಜಿತ್ ಮಡಿವಾಳ್ ಅವರಿಗೆ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿದೆ. 21 ಸಾವಿರದ ಆಸೆಗಾಗಿ ವೃದ್ಧೆಯನ್ನು ಕೊಂದಿರುವುದಕ್ಕಾಗಿ ಅಭಿಜಿತ್ ಮಡಿವಾಳ ಅವರು ಜೀವನಪೂರ್ತಿ ಜೈಲು ಶಿಕ್ಷೆ ಅನುಭವಿಸಬೇಕಿದ್ದು, ಕಾಸಿಗಾಗಿ ಕೊಲೆ ಮಾಡುವವರಿಗೆ ಕಠಿಣ ಶಿಕ್ಷೆ ನೀಡುವ ಮೂಲಕ ನ್ಯಾಯಾಲಯ ಎಚ್ಚರಿಕೆಯ ಸಂದೇಶ ರವಾನಿಸಿದೆ. ಸಿದ್ದಾಪುರದ ಸೊರಬಾ ರಸ್ತೆಯ ಡಿ ಸಿಲ್ವಾ ವೈನ್ಪ ಬಳಿ ಗೀತಾ ಹುಂಡೆಕರ್ ಅವರು ಒಂಟಿಯಾಗಿ ವಾಸವಾಗಿದ್ದರು. ವಿನಾಯಕ ಸೌಹಾರ್ದ ಕ್ರೆಡಿಟ್ ಸೊಸೈಟಿಯ ಪರವಾಗಿ ಪಿಗ್ಮಿ ಸಂಗ್ರಹ ಮಾಡುತ್ತಿದ್ದರು. ಅಲ್ಲಿಂದ ಬರುವ ಆದಾಯದಿಂದಲೇ ಹೆಣ್ಣು ಮಕ್ಕಳಿಬ್ಬರ ಮದುವೆ ಮಾಡಿದ್ದರು. 75ನೇ ವಯಸ್ಸಿನಲ್ಲಿಯೂ ಸಹ ಸಿದ್ದಾಪುರ ಪಟ್ಟಣದ ಎಲ್ಲಡೆ ಓಡಾಡಿ ಪಿಗ್ಮಿ ಸಂಗ್ರಹಿಸಿ ಅದರಿಂದ ಬರುವ ಕಮಿಷನ್ ಹಣದಲ್ಲಿಯೇ ತಮ್ಮ ಜೀವನ ನಡೆಸುತ್ತಿದ್ದರು. ಎಲ್ಲರ ಜೊತೆ ಅನ್ಯೋನ್ಯವಾಗಿದ್ದ ಗೀತಾ ಹುಂಡೇಕರ್ ಅವರ ಮೇಲೆ ಅಭಿಜಿತ್ ಗಣಪತಿ ಮಡಿವಾಳ ಅವರ ಕಣ್ಣು ಬಿದ್ದಿತ್ತು. ಗೀತಾ ಹುಂಡೇಕರ್ ಅವರ ಪಿಗ್ಮಿ ಹಣದ ಮೇಲೆ ವಕ್ರದೃಷ್ಠಿ ಬೀರಿದ ಅಭಿಜಿತ್ ಮಡಿವಾಳ ಅವರು ಆ ಹಣ ಅಪಹರಿಸುವ ಸಂಚು ರೂಪಿಸಿದ್ದರು. 2024ರ ಡಿಸೆಂಬರ್ 23ರಂದು ಗೀತಾ ಹುಂಡೀಕರ್ ಅವರು ಮನೆಯಲ್ಲಿದ್ದಾಗ ಶೌಚಾಲಯದ ಮೂಲಕ ಅಭಿಜಿತ್ ಮಡಿವಾಳ ಅವರು ಆ ಮನೆ ಪ್ರವೇಶಿಸಿದರು. ಆ ದಿನ ರಾತ್ರಿ 10.15ರ ಆಸುಪಾಸಿಗೆ ಗೀತಾ ಹುಂಡಿಕರ್ ಅವರ ಮೇಲೆ ಅಭಿಜಿತ್ ಮಡಿವಾಳ ಅವರು ಆಕ್ರಮಣ ಮಾಡಿದರು. ಗೀತಾ ಹುಂಡೇಕರ್ ಅವರ ಕತ್ತು ಹಿಸುಕಿ ಸಾಯಿಸಿದ ಅಭಿಜಿತ್ ಮಡಿವಾಳ್, ನಂತರ ಅವರ ಕಿವಿಯೋಲೆ ಕದ್ದರು. ಕೈಯಲ್ಲಿದ್ದ ಬಳೆ ಜೊತೆ ಪಿಗ್ನಿ ಮಾಡಿ ಸಂಗ್ರಹಿಸಿದ್ದ 21680ರೂ ಹಣವನ್ನು ದೋಚಿ ಪರಾರಿಯಾದರು. ಮರು ದಿನ ಬೆಳಗ್ಗೆ ಗೀತಾ ಹುಂಡಿಕರ್ ಅವರ ಸಾವಿನ ಬಗ್ಗೆ ಅನುಮಾನ ಕಾಡಿತು. ಸ್ಥಳದಲ್ಲಿ ಬಿಗುವಿನ ವಾತಾವರಣ ಕಾಣಿಸಿದ್ದು, ಪೊಲೀಸರು ದೌಡಾಯಿಸಿ ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದ್ದರು. ಅದಾದ ಒಂದು ದಿನದ ನಂತರ ಪಿಗ್ಮಿ ಹಣದ ಆಸೆಗಾಗಿ ಅಭಿಜಿತ್ ಮಡಿವಾಳ್ ಅವರೇ ಗೀತಾ ಹುಂಡೇಕರ್ ಅವರನ್ನು ಕೊಲೆ ಮಾಡಿರುವುದನ್ನು ಪೊಲೀಸ್ ನಿರೀಕ್ಷಕ ಜೆ ಬಿ ಸೀತಾರಾಮ ಅವರು ಪತ್ತೆ ಮಾಡಿದರು. ಕೂಡಲೇ ಅಭಿಜಿತ್ ಮಡಿವಾಳ ಅವರನ್ನು ವಶಕ್ಕೆಪಡೆದು ವಿಚಾರಣೆ ನಡೆಸಿದರು. ಎಸೈ ಗಣಪತಿ ಬಂಟ್ ಹಾಗೂ ಇನ್ನಿತರ ಸಿಬ್ಬಂದಿ ವಿಚಾರಣೆ ನಡೆಸಿದಾಗ ಅಭಿಜಿತ್ ಮಡಿವಾಳ್ ಅವರು ಕೊಲೆ ಮಾಡಿದನ್ನು ಒಪ್ಪಿಕೊಂಡರು. ಅದೇ ಆಧಾರದಲ್ಲಿ ಪೊಲೀಸರು ವಿವಿಧ ಸಾಕ್ಷಿ ಹಾಗೂ ದಾಖಲೆಗಳ ಜೊತೆ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದರು. ಈ ಕೇಸು ಕೋರ್ಟಿಗೆ ಬಂದ ನಂತರ ಸರ್ಕಾರಿ ಅಭಿಯೋಜಕ ರಾಜೇಶ್ ಮಳಗಿಕರ್ ಅವರು ವಾದ ಶುರು ಮಾಡಿದರು. ಶಿರಸಿ ಒಂದನೇ ಅಧಿಕ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ಕಾರವಾರ ಪೀಠಾಸೀನ ನ್ಯಾಯಾಧೀಶ ಕಿರಣ ಕಿಣಿ ಅವರಲ್ಲಿ `ಆರೋಪಿಗೆ ಕಠಿಣ ಶಿಕ್ಷೆ ವಿಧಿಸಬೇಕು’ ಎಂದು ಮನವಿ ಮಾಡಿದರು. ಕೊಲೆ ಪ್ರಕರಣಕ್ಕೆ ಪೂರಕವಾಗಿ ವಿವಿಧ ಸಾಕ್ಷಿಗಳನ್ನು ಒದಗಿಸಿದರು. ದೋಷಾರೋಪಣ ಪಟ್ಟಿ ಸಲ್ಲಿಕೆಯಾದ ಆರು ತಿಂಗಳ ಒಳಗೆ ಈ ಪ್ರಕರಣದ ಆದೇಶ ಹೊರ ಬಂದಿದ್ದು, ವೃದ್ಧ ಪಿಗ್ಮಿ ಕಲೆಕ್ಟರ್ ಗೀತಾ ಹುಂಡಿಕರ್ ಅವರನ್ನು ಕೊಲೆ ಮಾಡಿದ ಅಭಿಜಿತ್ ಮಡಿವಾಳ್ ಅವರಿಗೆ ನ್ಯಾಯಾಧೀಶ ಕಿರಣ ಕಿಣಿ ಅವರು ಜೀವನ ಪೂರ್ತಿ ಜೈಲು ಶಿಕ್ಷೆ ಅನುಭವಿಸುವಂತೆ ಆದೇಶಿಸಿದರು. ಇದರೊಂದಿಗೆ ಕೊಲೆ ಮಾಡಿದ ಅಭಿಜಿತ್ ಮಡಿವಾಳ ಅವರಿಗೆ 31 ಸಾವಿರ ರೂ ದಂಡವನ್ನು ನ್ಯಾಯಾಧೀಶರು ವಿಧಿಸಿದರು. ವೃದ್ಧೆಯ ಪುತ್ರಿಯರಿಬ್ಬರಿಗೆ 50 ಸಾವಿರ ರೂ ಪರಿಹಾರ ಕೊಡಬೇಕು ಎಂದು ಸೂಚಿಸಿದರು. `ಸಂತ್ರಸ್ತ ಹೆಣ್ಣು ಮಕ್ಕಳಿಬ್ಬರು ಕಾನೂನು ಸೇವಾ ಪ್ರಾಧಿಕಾರದಿಂದ ಹೆಚ್ಚಿನ ಪರಿಹಾರ ಪಡೆಯಲು ಅರ್ಹರು’ ಎಂದು ಉಲ್ಲೇಖಿಸಿ ನ್ಯಾಯಾಧೀಶ ಕಿರಣ ಕಿಣಿ ಅವರು ತಮ್ಮ ಆದೇಶ ಪ್ರಕಟಿಸಿದರು. ಹೊಸದಾಗಿ ಜಾರಿಯಾದ ಭಾರತೀಯ ನ್ಯಾಯ ಸಂಹಿತೆ, ಸಕಾಲಕ್ಕೆ ಕೋರ್ಟಿಗೆ ಬಂದ ಸಾಕ್ಷಿ ಹಾಗೂ ಶೀಘ್ರವಾಗಿ ನಡೆದ ವಿಚಾರಣೆಯಿಂದಾಗಿ ಕೊಲೆ ಆರೋಪಿಗೆ ತ್ವರಿತ ರೀತಿಯಲ್ಲಿ ಶಿಕ್ಷೆ ಪ್ರಕಟವಾಗಿದೆ.
- [80 ಸಾವಿರ ಕದ್ದವ 10 ತಾಸಿನಲ್ಲಿಯೇ ಸಿಕ್ಕಿಬಿದ್ದ!](https://mobiletime.in/2026/02/the-thief-who-stole-80-thousand-was-caught-in-10-hours/): ಮನೆಯ ಸದಸ್ಯರೆಲ್ಲರೂ ನಿದ್ರೆಗೆ ಜಾರಿದಾಗ ಉಪಾಯವಾಗಿ ಆ ಮನೆಯೊಳಗೆ ಪ್ರವೇಶಿಸಿ ಕಳ್ಳತನ ಮಾಡಿದ್ದ ಹೊಟೇಲ್ ಸಪ್ಲಾಯರ್’ನನ್ನು ಕುಮಟಾ ಪೊಲೀಸರು ಬಂಧಿಸಿದ್ದಾರೆ. ಕುಮಟಾ ಬಸ್ತಿಪೇಟೆ ಬಳಿಯ ರಾಕೇಶ ಚಂದ್ರಶೇಖರ್ ಗುಡಿಗಾರ ಅವರ ಮನೆಯಲ್ಲಿ ಫೆಬ್ರವರಿ 15ರ ರಾತ್ರಿ ಕಳ್ಳತನ ನಡೆದಿತ್ತು. ಮನೆಯ ಜನರೆಲ್ಲರೂ ನಿದ್ದೆಗೆ ಜಾರಿದ ನಂತರ ಆಗಮಿಸಿದ ಸೊರಬದ ಬಸವರಾಜ ಗೌಡ ಅವರು ಮನೆಯ ಕಿಟಕಿಯ ಶೆಡ್‌ನೆಟ್ ತುಂಡು ಮಾಡಿದ್ದರು. ನಂತರ ಅಲ್ಲಿಂದ ಬಾಗಿಲಿನ ಚಿಲಕ ತೆಗೆದು ಮನೆಯೊಳಗೆ ಪ್ರವೇಶಿಸಿದ್ದರು. ಮನೆಯ ಮೂಲೆ ಮೂಲೆಯನ್ನು ಶೋಧಿಸಿದ ಬಸವರಾಜ ಗೌಡ ಅವರು ಅಲ್ಲಿದ್ದ 80 ಸಾವಿರ ರೂ ಹಣವನ್ನು ದೋಚಿ ಪರಾರಿಯಾಗಿದ್ದರು. ಈ ವೇಳೆ ಮನೆಯಲ್ಲಿ ವೃದ್ಧ ದಂಪತಿ ಮಾತ್ರ ಇದ್ದು, ಕಳ್ಳತನ ನಡೆದಿರುವುದು ಅವರ ಅರಿವಿಗೆ ಬಂದಿರಲಿಲ್ಲ. ಈ ಬಗ್ಗೆ ರಾಕೇಶ ಗುಡಿಗಾರ ಅವರು ಕುಮಟಾ ಪೊಲೀಸರಿಗೆ ದೂರು ನೀಡಿದ್ದರು. ಕಾರ್ಯಾಚರಣೆ ನಡೆಸಿದ ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದರು. ಪಿಐ ಯೋಗೇಶ ಕೆ ಎಂ, ಪಿಸೈ ಮಯೂರ ಪಟ್ಟಣಶೆಟ್ಟಿ, ಸಿಬ್ಬಂದಿ ಗಣೇಶ ನಾಯ್ಕ, ದಯಾನಂದ ನಾಯ್ಕ, ಕಿರಣ ನಾಯ್ಕ, ಪ್ರದೀಪ ನಾಯಕ ಸೇರಿ ಕಳ್ಳನ ಶೋಧ ಶುರು ಮಾಡಿದರು. ಸೊರಬ ಚಂದ್ರಗುತ್ತಿ ಹೊಬಳಿಯ ಬಸವರಾಜ ಶಿವಪ್ಪ ಗೌಡ ಅವರು 10 ತಾಸಿನ ಒಳಗೆ ಸಿಕ್ಕಿಬಿದ್ದರು. `ಕಳ್ಳತನ ತಡೆಗೆ ಸಿಸಿ ಕ್ಯಾಮರಾ ಸಹಕಾರಿ’
- [ರೋಜರಿ ಶಾಲೆ ಮಕ್ಕಳು ಇನ್ನಷ್ಟು ಸ್ಮಾರ್ಟ್](https://mobiletime.in/2026/02/rosary-school-children-are-even-smarter/): ಯಲ್ಲಾಪುರದ ಹೋಲಿ ರೋಜರಿ ಶಾಲೆಗೆ ವಿಧಾನ ಪರಿಷತ್ ಸದಸ್ಯ ಎಸ್ ವಿ ಸಂಕನೂರು ಅವರು ಸ್ಮಾರ್ಟ ಬೋರ್ಡ ನೀಡಿದ್ದಾರೆ. ತಮಗೆ ಲಭ್ಯವಿರುವ ಸರ್ಕಾರಿ ಅನುದಾನವನ್ನು ಅವರು ಶೈಕ್ಷಣಿಕ ಸೇವೆಗೆ ಕೊಟ್ಟಿದ್ದಾರೆ. ಸ್ಮಾರ್ಟ ಬೋರ್ಡ ಉದ್ಘಾಟನೆ ನಂತರ `ಆಧುನಿಕ ತಂತ್ರಜ್ಞಾನಗಳು ಮನುಷ್ಯನ ಬದುಕಿಗೆ ಪೂರಕವಾಗಿದೆ. ವಿದ್ಯಾರ್ಥಿಯ ಜೀವನ ಮಟ್ಟ ಹೆಚ್ಚಿಸುವಲ್ಲಿ ತಂತ್ರಜ್ಞಾನದ ಕೊಡುಗೆ ಅಪಾರ’ ಎಂದು ವಿಧಾನ ಪರಿಷತ್ ಸದಸ್ಯ ಎಸ್ ವಿ ಸಂಕನೂರು ಅವರು ಹೇಳಿದ್ದಾರೆ. `ಮಕ್ಕಳ ಹಾಗೂ ಶಿಕ್ಷಕರ ಕಲಿಕಾ ಪದ್ಧತಿಗೆ ಸ್ಮಾರ್ಟ ಬೋರ್ಡ ನೆರವಾಗಲಿದೆ. ಇದರಿಂದ ಉತ್ತಮ ಫಲಿತಾಂಶಪಡೆಯಲು ಸಾಧ್ಯವಿದೆ’ ಎಂದವರು ಹೇಳಿದ್ದಾರೆ. `ವಿದ್ಯಾರ್ಥಿಗಳು ಸ್ವಾಮಿ ವಿವೇಕಾನಂದರ ಆದರ್ಶಗಳನ್ನು ಪಾಲಿಸಬೇಕು. ಸಂಸ್ಕಾರಯುತವಾದ ಜೀವನ ಕಟ್ಟಿಕೊಳ್ಳಬೇಕು’ ಎಂದವರು ಕರೆ ನೀಡಿದ್ದಾರೆ. ಕ್ಷೇತ್ರ ಶಿಕ್ಷಣಾಧಿಕಾರಿ ರೇಖಾ ನಾಯ್ಕ, ಶಿಕ್ಷಕರ ಸಂಘದ ಜಿಲ್ಲಾ ಅಧ್ಯಕ್ಷ ಅಜಯ್ ನಾಯಕ್, ತಾಲೂಕ ಸಹ ಶಿಕ್ಷಕರ ಸಂಘದ ಅಧ್ಯಕ್ಷ ಚಂದ್ರಶೇಖರ್, ಎಸ್ ಎಸ್ ಸಿ ವಿಜ್ಞಾನ ಬಳಗದ ಜಿಲ್ಲಾ ಅಧ್ಯಕ್ಷರು ಹಾಗೂ ವಿಜ್ಞಾನ ಪರಿಷತ್ತಿನ ಸಂಚಾಲಕ ಎಂ ರಾಜಶೇಖರ್ ಅನುದಾನಿತ ಮಾಧ್ಯಮಿಕ ನೌಕರರ ಸಂಘದ ಗೌರವಾಧ್ಯಕ್ಷ ಆನಂದ್ ಹೆಗಡೆ ಅವರು ಕಾರ್ಯಕ್ರಮದಲ್ಲಿದ್ದರು. ಮುಖ್ಯಾಧ್ಯಾಪಕರಾದ ಫಾದರ್ ರೆಮಂಡ್ ಫರ್ನಾಂಡಿಸ್ ಅವರು ಅಧ್ಯಕ್ಷತೆವಹಿಸಿದ್ದರು. ವೆಂಕಟ್ರರಮಣ ಭಟ್ ಅವರು ಸ್ವಾಗತಿಸಿದರು. ನೆಲ್ಸನ್ ಗೋನ್ಸಾಲ್ವಿಸ ವಂದಿಸಿದರು. ಚಂದ್ರಶೇಖರ ಕಾರ್ಯಕ್ರಮ ನಿರ್ವಹಿಸಿದ್ದದರು. ಈ ವೇಳೆ ವಿವಿದ ಸಮಸ್ಯೆಗಳ ಬಗ್ಗೆ ಉಪನ್ಯಾಸಕರು ವಿಧಾನ ಪರಿಷತ್ ಸದಸ್ಯರಿಗೆ ಮನವರಿಕೆ ಮಾಡಿಕೊಟ್ಟಿದ್ದು, ಲಿಖಿತ ಮನವಿ ಸಲ್ಲಿಸಿದರು.
- [ನದಿ ಜೋಡಣೆ: ಜನಸಾಮಾನ್ಯರಿಂದ ಪ್ರಧಾನಿಗೆ ಪತ್ರ](https://mobiletime.in/2026/02/river-linking-letter-from-common-people-to-the-prime-minister/): ನದಿ ಜೋಡಣೆ ನೆಪದಲ್ಲಿ ಉತ್ತರ ಕನ್ನಡದ ಜೀವನಾಡಿಯಾದ ನದಿಗಳ ರೂಪ ಬದಲಿಸಲು ಮುಂದಾದ ಕ್ರಮವನ್ನು ಕುಮಟಾದ ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದವರು ವಿರೋಧಿಸಿದ್ದಾರೆ. ಅಘನಾಶಿನಿ, ಬೇಡ್ತಿ, ವರದಾ, ವೇದಾವತಿ, ನದಿ ತಿರುವು ಯೋಜನೆ ಕೈಬಿಡುವಂತೆ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡಿಗ್ರಸ್ ಅವರು ಪ್ರಧಾನ ಮಂತ್ರಿಗೆ ಪತ್ರ ಬರೆದಿದ್ದಾರೆ. `ಅಘನಾಶಿನಿ ನದಿ ಜೋಡಣೆಯಿಂದ ಉತ್ತರ ಕನ್ನಡ ಜಿಲ್ಲೆಯ ಪರಿಸರಕ್ಕೆ ವ್ಯಾಪಕ ಪ್ರಮಾಣದಲ್ಲಿ ಹಾನಿ ಆಗಲಿದೆ. ಈ ಯೋಜನೆ 1.20 ಲಕ್ಷ ಮರಗಳು ನಾಶವಾಗಲಿದ್ದು, ಪರಿಸರದ ಮೇಲೆ ಗಂಭೀರ ಪರಿಣಾಮ ಬೀರಲಿದೆ. ಕೃಷಿ, ಮೀನುಗಾರಿಕೆ ಸಹ ದೊಡ್ಡ ಪ್ರಮಾಣದಲ್ಲಿ ನಷ್ಟಕ್ಕೆ ಒಳಗಾಗಲಿದೆ’ ಎಂದವರು ಪತ್ರದಲ್ಲಿ ವಿವರಿಸಿದ್ದಾರೆ. `ಅವೈಜ್ಞಾನಿಕ ಯೋಜನೆಯಿಂದ ಭೂ ಕುಸಿತ ಸಾಧ್ಯತೆಗಳಿವೆ. ತಜ್ಞರು ನೀಡಿದ ಎಚ್ಚರಿಕೆ ಮೀರಿ ಈ ಯೋಜನೆ ಜಾರಿಗೆ ತರುವುದು ಸರಿಯಲ್ಲ’ ಎಂದವರು ಹೇಳಿದ್ದಾರೆ. `ಬೇಸಿಗೆ ಅವಧಿಯಲ್ಲಿ ನದಿ ನೀರು ಕಡಿಮೆ ಆಗುತ್ತದೆ. ಇಲ್ಲಿಯೇ ನೀರು ಇಲ್ಲದಿರುವಾಗ ಅದನ್ನು ಬೇರೆ ಕಡೆ ಒಯ್ಯುವುದು ಸರಿಯಲ್ಲ’ ಎಂದು ಜನ ಹೇಳಿದ್ದಾರೆ. ಈ ಎಲ್ಲಾ ಹಿನ್ನಲೆ ಈ ಯೋಜನೆಯನ್ನು ರದ್ಧು ಮಾಡಬೇಕು’ ಎಂದು ಆಗ್ರಹಿಸಿದ್ದಾರೆ. ನಿವೃತ್ತ ಸರಕಾರಿ ಅಧಿಕಾರಿ ನಾಗೇಶ್, ಪ್ರಮುಖರಾದ ವೆಂಕಟೇಶ್ ನಾಯ್ಕ, ಸಿಂಪ್ರಿಯಾನ್, ಜಯೇಶ್ ಹುಲಸ್ವಾರ, ಪಾಂಡುರAಗ ನಾಯ್ಕ, ಅಮೀನ್ ಸಯ್ಯದ್, ಕುಮಾರ ನಾಯರ್ ಇತರರು ಪತ್ರ ರವಾನಿಸಿದ್ದಾರೆ.  
- [ಅರ್ಜುನ ಕಾಲೇಜು: ಸಾಧನೆ ತೋರಿದ ನಿಮಗೆಲ್ಲ.. ಚಪ್ಪಾಳೆ.. ಚಪ್ಪಾಳೆ!](https://mobiletime.in/2026/02/arjuna-college-applause-to-all-of-you-who-have-done-well/): ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ನಡೆಸುವ ಜೆ ಇ ಇ ಮುಖ್ಯ ಪರೀಕ್ಷೆಯ ಪ್ರಥಮ ಆವೃತ್ತಿಯಲ್ಲಿ ಧಾರವಾಡದ ಅರ್ಜುನ ಸಂಸ್ಥೆಯ ವಿದ್ಯಾರ್ಥಿಗಳು ಅತ್ಯುತ್ತಮ ಸಾಧನೆ ಮಾಡಿದ್ದಾರೆ. ಈ ಕಾಲೇಜಿನ ವಿದ್ಯಾರ್ಥಿಗಳಾದ ಕೇದಾರ್ ಜೋಶಿ (ಶೇ 99.84), ಅನ್ಮೋಲ್ ಪ್ರಭು (99.75), ಅನೀಶ್ ನಾಯಕ್ (99.56), ದರ್ಶನ ಭಟ್( 98.97), ದ್ರುವಂತ್ (98.52), ವಿನೀತ್ ಚವಾಣ್ (98.05), ಆಕಾಶ್ ರಾಠೋಡ್ (97.61), ಪ್ರೀತಮ್ ಚವಾಣ್ (97.46), ಕಾರ್ತಿಕ್ ಭಜಂತ್ರಿ (96.38), ರಜತ್ ಭಟ್ (95.36),ಸೃಜನ ಪಾಟೀಲ್ (94.62), ಪ್ರಣತಿ ಮೆಣಸೂಮನೆ (94.37), ಸಿಂಚನಾ ಭಟ್ (93.92), ಭಾರ್ಗವ್ ಹೆಬ್ಬಾರ್ (93.62), ಪ್ರಗತಿ ನರೋಣಿ (93.40), ಅನನ್ಯ ಪೂಜಾರ್ (93.11), ಪೂರ್ವಿ ಹೆಗ್ಡೆ (92.04), ಸುಶಾಂತ್ ನಾಯಕ್ (91.71), ಪ್ರೀತಮ್ ಯು ವೈ (91.70), ಉದಿತ್ (90.95), ಸಚಿನ್ ಜೋಶಿ (90.85), ಅಪೂರ್ವ ಹೆಗ್ಡೆ (90.14)ರ ಸಾಧನೆ ಮಾಡಿದ್ದರೆ. ಒಟ್ಟಾರೆಯಾಗಿ ಪರೀಕ್ಷೆಯನ್ನು ಬರೆದ ವಿದ್ಯಾರ್ಥಿಗಳ ಪೈಕಿ ಮೂವರು ಮಕ್ಕಳು ಶೇ 99ಕ್ಕಿಂತ ಹೆಚ್ಚು ಅಂಕಪಡೆದಿದ್ದಾರೆ. 10 ಮಕ್ಕಳು ಶೇ 95ಕ್ಕೂ ಅಧಿಕ ಅಂಕಗಳಿಸಿದ್ದಾರೆ. 22 ವಿದ್ಯಾರ್ಥಿಗಳು ಶೇ 90ಕ್ಕೂ ಅಧಿಕ ಅಂಕಗಳಿಸಿ ಗಮನಸೆಳೆದಿದ್ದಾರೆ. 40 ವಿದ್ಯಾರ್ಥಿಗಳು ಶೇ 85ಕ್ಕೂ ಅಧಿಕ ಅಂಕಪಡೆದು ಸಾಧನೆ ಮಾಡಿದ್ದಾರೆ. ಈ ಸಾಧನೆಯಿಂದ ಸಂಸ್ಥೆಯ ಹಿರಿಮೆ ಹೆಚ್ಚಾಗಿದ್ದು, ಧಾರವಾಡ ನಗರದಲ್ಲಿಯೇ ಪ್ರಥಮ ಸ್ಥಾನಪಡೆದ ಸಂಸ್ಥೆಯಾಗಿ ಅರ್ಜುನ ಕಾಲೇಜು ಗುರುತಿಸಿಕೊಂಡಿದೆ. ಸಾಧನೆಗೈದ ವಿದ್ಯಾರ್ಥಿಗಳನ್ನು ಸಂಸ್ಥೆಯ ಆಡಳಿತ ಮಂಡಳಿ ಪ್ರಾಚಾರ್ಯರು ಶಿಕ್ಷಕ ವೃಂದದವರು ಅಭಿನಂಧಿಸಿ ಹರ್ಷವ್ಯಕ್ತಪಡಿಸಿದ್ದಾರೆ.
- [ನಕಲಿ ಪತ್ರಕರ್ತನಿಗೆ ಸೆರೆಮನೆ ವಾಸ!](https://mobiletime.in/2026/02/fake-journalist-sentenced-to-prison/): ವಿವಿಧ ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿರುವ ಶಿರಸಿಯ ನಕಲಿ ಪತ್ರಕರ್ತ ರವೀಶ ಹೆಗಡೆ ಜೈಲು ಸೇರಿದ್ದಾರೆ. ಶಿರಸಿ ಸೊಂಡ್ಲೆಬೈಲಿನ ರವೀಶ ಹೆಗಡೆ ಅವರು ಸ್ವಸ್ತಿಕ್ ಮಿಡಿಯಾ ಎಂಬ ಹೆಸರಿನ ಅಡಿ ರವೀಶ ಹೆಗಡೆ ಜಾಲತಾಣಗಳಲ್ಲಿ ಬರಹ ಪ್ರಕಟಿಸುತ್ತಿದ್ದು, ಪತ್ರಕರ್ತ ಎಂದು ಬಿಂಬಿಸಿಕೊಳ್ಳುತ್ತಿದ್ದಾರೆ. ಅವರ ವಿರುದ್ಧ ವಿವಿಧ ಪೊಲೀಸ್ ಠಾಣೆಗಳಲ್ಲಿ ಅನೇಕ ದೂರುಗಳಿವೆ. ಆ ಪೈಕಿ ವಂಚನೆ ಪ್ರಕರಣಗಳು ಹೆಚ್ಚಿದ್ದು, ಸದ್ಯ ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ದಾಖಲಾದ ಪ್ರಕರಣವೊಂದರಲ್ಲಿ ರವೀಶ ಹೆಗಡೆ ಅವರು ಬಂಧನಕ್ಕೆ ಒಳಗಾಗಿದ್ದಾರೆ. ಕಾರು ಕೊಡಿಸುವುದಾಗಿ ಹೇಳಿ ಲಕ್ಷಾಂತರ ರೂಪಾಯಿಪಡೆದು ವಂಚನೆ ಎಸಗಿದ್ದ ಆರೋಪದ ಅಡಿ ಪೊಲೀಸರು ರವೀಶ ಹೆಗಡೆ ಅವರನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು. ವಿಚಾರಣೆ ನಡೆಸಿದ ನ್ಯಾಯಾಲಯವೂ ಆರೋಪಿಗೆ ನ್ಯಾಯಾಂಗ ಬಂಧನ ವಿಧಿಸಿತು. ಸದ್ಯ ಹೊನ್ನಾವರದ ಹೊಸಾಕುಳಿಯ ಗಣೇಶ್ ಹೆಗಡೆ ಅವರಿಗೆ ಕಡಿಮೆ ಬೆಲೆಯಲ್ಲಿ ಕಾರು ಕೊಡಿಸುವುದಾಗಿ ನಂಬಿಸಿ 5.55 ಲಕ್ಷಕ್ಕೂ ಅಧಿಕ ಹಣಪಡೆದು ವಂಚಿಸಿದ ಆರೋಪದ ಅಡಿ ರವೀಶ ಹೆಗಡೆ ಅವರು ಜೈಲಿಗೆ ಹೋಗಿದ್ದಾರೆ. ಕಾರು ಕೊಡದೇ ಹಣವನ್ನು ಮರಳಿಸದೇ ಮೋಸ ಮಾಡಿದ ಬಗ್ಗೆ ಗಣೇಶ ಹೆಗಡೆ ಅವರು ದೂರು ನೀಡಿದ್ದು, ಬೆಂಗಳೂರಿನಲ್ಲಿ ಅಡಗಿದ್ದ ರವೀಶ ಹೆಗಡೆ ಅವರನ್ನು ಪೊಲೀಸರು ಹುಡುಕಿದ್ದಾರೆ. ವಿಶೇಷ ತಂಡದ ಜೊತೆ ಪೊಲೀಸರು ರವೀಶ ಹೆಗಡೆ ಅವರನ್ನು ವಶಕ್ಕೆಪಡೆದಿದ್ದಾರೆ.
- [ಯುವಕನ ಬದುಕಿಗೆ ಮಾರಕವಾದ ಸಮುದ್ರ ಸ್ನಾನ!](https://mobiletime.in/2026/02/sea-bathing-was-fatal-to-the-life-of-a-young-man/): ಶಿವರಾತ್ರಿ ಅಮಾವಾಸ್ಯೆ ಜಾತ್ರೆ ಮುಗಿಸಿ ಕಾರವಾರದ ಮಾಜಾಳಿ ಕಡಲತೀರದ ಸ್ನಾನಕ್ಕೆ ಹೋಗಿದ್ದ ಮಾಜಾಳಿ ಗಾಂವಗೇರಿಯ ಯಶ್ ಅವರು ಉಪ್ಪು ನೀರು ಕುಡಿದು ಸಾವನಪ್ಪಿದ್ದಾರೆ. ತೀವೃ ಅಸ್ವಸ್ಥರಾದ ಅವರನ್ನು ಬದುಕಿಸುವುದಕ್ಕಾಗಿ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಲಿಲ್ಲ. ಕಾರವಾರ ತಾಲೂಕಿನ ಮಾಜಾಳಿಯ ಬಾವಳ್ ಕಡಲತೀರದಲ್ಲಿ 17 ವರ್ಷದ ಯಶ್ ಅವರು ಸ್ನಾನಕ್ಕೆ ಹೋಗಿದ್ದರು. ಸಮುದ್ರದಲ್ಲಿ ಈಜುತ್ತಿದ್ದ ಅವರಿಗೆ ಅಲೆಯೊಂದ ಅಬ್ಬರಿಸಿದ್ದು, ಅದಾದ ನಂತರ ಅವರು ಆಳ ಸಮುದ್ರದ ಕಡೆ ಕೊಚ್ಚಿ ಹೋದರು. ಸಾಕಷ್ಟು ಪ್ರಮಾಣದಲ್ಲಿ ನೀರು ಕುಡಿದು ಅಸ್ವಸ್ಥರಾಗಿದ್ದ ಯಶ್ ಅವರನ್ನು ಕರಾವಳಿ ಕಾವಲು ಪಡೆಯ ಸಿಬ್ಬಂದಿ ರಕ್ಷಿಸುವ ಪ್ರಯತ್ನ ಮಾಡಿದರು. ಯಶ್ ಅವರನ್ನು ದಡಕ್ಕೆ ಕರೆ ತಂದಾಗ ಅವರಿಗೆ ಜೀವವಿದ್ದು, ಆಸ್ಪತ್ರೆಗೆ ಸೇರಿಸುವ ಮುನ್ನ ಕೊನೆಯುಸಿರೆಳೆದರು. ಮಲ್ಲಾಪುರ ಪಿಎಸ್‌ಐ ಸುನೀಲ್ ಬಂಡಿವಡ್ಡರ್ ಅವರು ತಮ್ಮ ಪೊಲೀಸ್ ವಾಹನದಲ್ಲಿ ಯಶ್ ಅವರನ್ನು ಆಸ್ಪತ್ರೆಗೆ ಸಾಗಿಸಿದರು. ಯಶ್ ಅವರ ತಪಾಸಣೆ ನಡೆಸಿದ ವೈದ್ಯರು ಸಾವನಪ್ಪಿದ ವಿಷಯ ಘೋಷಿಸಿದರು. ಚಿತ್ತಾಕುಲ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಹಬ್ಬದ ದಿನ ಸಾವು ನೋಡಿ ಊರಿನವರು ಶೋಕದಲ್ಲಿದ್ದಾರೆ.
- [`ದಯೆ-ಧರ್ಮವೇ ಹಿಂದೂ ಧರ್ಮದ ಶ್ರೇಷ್ಠತೆ'](https://mobiletime.in/2026/02/kindness-is-the-greatness-of-hinduism/): `ಜಗತ್ತಿನಲ್ಲಿ ದಯೆ-ಧರ್ಮ, ಪ್ರೀತಿ ಸ್ಪೂರ್ತಿ ಹೊಂದಿದ ಏಕೈಕ ಧರ್ಮ ಹಿಂದೂ ಧರ್ಮ. ಮಣ್ಣಿನ ಕಣಗಳಲ್ಲಿಯೂ ಶ್ರೇಷ್ಠತೆ ಮತ್ತು ದೈವತ್ವವನ್ನು ಕಂಡಿದ್ದು ಸನಾತನ ಧರ್ಮ’ ಎಂದು ವಿಜಯನಗರದ ಹೂವಿನಹಡಗಲಿಯ ಸದ್ಗುರು ಶಿವಯೋಗಿ ಅಭಿನವ ಹಾಲವೀರಪ್ಪಜ್ಜ ಪಂಡಿತಾರಾಧ್ಯ ಮಹಾಸ್ವಾಮೀಜಿ ಹೇಳಿದ್ದಾರೆ. ಅಂಕೋಲಾದ ಹಾರವಾಡದ ಈಶ್ವರ ದೇವಾಲಯದ ಆವರಣದಲ್ಲಿ ಹಿಂದೂ ಮಂಡಲ ಸಮಿತಿಯಿಂದ ನಡೆದ ಹಿಂದೂ ಸಮಾಜೋತ್ಸವದ ದಿವ್ಯ ಸಾನಿಧ್ಯವಹಿಸಿ ಅವರು ಆಶೀರ್ವಚನ ನೀಡಿದ್ದು, `ಪ್ರಶ್ನೆಯನ್ನು ಮಾಡಿ ಉತ್ತರವನ್ನು ಪಡೆಯಬಹುದಾದ ಧರ್ಮವೆಂದರೆ ಹಿಂದು ಧರ್ಮ. ಅನ್ನ ದಾಸೋಹ, ಅಕ್ಷರ ದಾಸೋಹದಂತೆ ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿಸಿಕೊಂಡು ಜಗತ್ತಿನ ಸಕಲರ ಒಳಿತನ್ನು ಬಯಸುವ ಏಕೈಕ ಧರ್ಮ ಇದಾಗಿದೆ. ಮಹಿಳೆಯರನ್ನು ಗೌರವಿಸುವ, ಪೂಜಿಸುವ ಹಾಗೂ ಸಮಾಜದ ಎಲ್ಲರನ್ನೂ ಒಗ್ಗೂಡಿಸಿ ಶಾಂತಿ ಮಂತ್ರವ ಪಠಿಸುವ ಹಿಂದೂ ಧರ್ಮದ ನೈತಿಕ ಮೌಲ್ಯಗಳು ಮತ್ತೆಲ್ಲಿಯೂ ಕಾಣಲು ಸಾಧ್ಯವಿಲ್ಲ. ಬದುಕಿದರೆ ಕೊನೆವರೆಗೆ ಸನಾತನಿಗಳಾಗಿಯೇ ಬದುಕೋಣ’ ಎಂದು ಅವರು ಕರೆ ನೀಡಿದರು. ಕಾರ್ಯಕ್ರಮದ ಮುಖ್ಯ ವಕ್ತಾರರಾಗಿ ಆಗಮಿಸಿದ ಲೆಕ್ಕಪರಿಶೋಧಕ ಮತ್ತು ಆರ್ ಎಸ್ ಎಸ್ ಪ್ರಮುಖ ಅಶ್ವಿನ್ ಭಟ್ ಮಾತನಾಡಿ `ಹಿಂದೂ ಧರ್ಮವೂ ಪರಂಪರೆ, ಹಿರಿಮೆ, ಆಚಾರ ವಿಚಾರಗಳ ಮೂಲಕ ಹಿಂದಿನಿAದಲೂ ಶ್ರೇಷ್ಠತೆಯನ್ನು ಹೊಂದಿದೆ. ಶ್ರೀರಾಮನನ್ನು ದೇವರೆಂದು ಪೂಜಿಸುವುದಕ್ಕಿಂತ ಮಿಗಿಲಾಗಿ ಸಮಾಜಕ್ಕೆ ನೀಡಿದ ಆದರ್ಶದ ಹೆಗ್ಗುರುತು ಎಂದು ಗೌರವಿಸುತ್ತೇವೆ. ಹಿಂದೂ ಧರ್ಮದ ಶ್ರೇಷ್ಠತೆ ಜಗತ್ತಿಗೆ ತಿಳಿದಿದೆ. ಜಗತ್ತು ಆಧುನಿಕತೆಗೆ, ತಂತ್ರಜ್ಞಾನದ ಕಡೆಗೆ ತೆರೆದುಕೊಳ್ಳುವ ಮೊದಲೇ ಆವಿಷ್ಕಾರ, ಜ್ಞಾನ ಮತ್ತು ಸಂಪ್ರದಾಯಿಕ ಕಾರಣಗಳಿಂದ ಭಾರತವು ವಿಶ್ವಗುರುವಾಗಿತ್ತು. ಹಿಂದೂ ಧರ್ಮವೂ ಸಮಸ್ಯೆಗಳ ನಡುವೆ ಸಹಬಾಳ್ವೆಯ ಜೀವನವನ್ನು ಸಾರುತ್ತದೆ’ ಎಂದು ಹೇಳಿದರು. ಶ್ರೀನಿಧಿ ಶ್ರೀಕಾಂತ ನಾಯ್ಕ ಅವರು ಸ್ವಾಗತಿಸಿದರು. ರಾಜು ಜನಾರ್ದನ ತಾಂಡೇಲ್ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿದರು. ನಾಗರಾಜ ನಾಯ್ಕ ಅವರು ವೈಯಕ್ತಿಕ ಗೀತೆ ಹಾಡಿದರು. ಕಾರ್ಯನಿರತ ಪತ್ರಕರ್ತರ ಧ್ವನಿ ಸಂಘದ ಅಧ್ಯಕ್ಷ ಮಾರುತಿ ಹರಿಕಂತ್ರ ನಿರೂಪಿಸಿದರು. ಕೃಷ್ಣ ಪಾಂಡು ದುರ್ಗೇಕರ್ ವಂದಿಸಿದರು. ಹರ್ಷದ ಗಣರಾಜ್ ಸಾದಿಯೇ ಭರತನಾಟ್ಯ ಪ್ರದರ್ಶಿಸಿದರು. ಸಭಾ ಕಾರ್ಯಕ್ರಮದ ಮೊದಲು ಹಿಂದೂ ಸಮಾಜೋತ್ಸವ ಸಮಿತಿಯವರು ಪೂರ್ಣ ಕುಂಭದೊoದಿಗೆ ಸ್ವಾಮೀಜಿಗಳ ನೇತೃತ್ವದಲ್ಲಿ ಶೋಭಾ ಯಾತ್ರೆ ನಡೆಸಿದರು. ಕಾರ್ಯಕ್ರಮದ ಸಂಘಟಕರಾದ ದೀಪಕ ತಾಂಡೇಲ್, ರಾಜಾ ಪೆಡ್ನೆಕರ, ದಿಲೀಪ್ ಅರ್ಗೇಕರ, ನೀಲೇಶ ದುರ್ಗೇಕರ, ವಿನಾಯಕ ಚಂದ್ರಕಾAತ ಹರಿಕಂತ್ರ, ಸಂತೋಷ ಹನುಮಟ್ಟೇಕರ, ಸುಭಾಸ ನಾಯ್ಕ, ಗಣರಾಜ ಸಾದಿಯೇ, ಪ್ರವೀಣ್ ತಂಡೇಲ್, ಗಣರಾಜ ಟಾಕೇಕರ ರಾಜಾ ಗಾಂವಕರ, ಗಣರಾಜ ತಾಂಡೇಲ, ಯಮರಾಜ ಗೌಡ, ಶೈಲಾ ವಿ ದುರ್ಗೆಕರ್. ಆರ್ ಎಸ್ ಎಸ ಮುಖಂಡರು ಹಾಜರಿದ್ದರು.
- [ಶಾಲಾ ಮಕ್ಕಳಿಗೆ ಗುದ್ದಿದ ಕಾರು: ಪರಾರಿಯಾಗಿದ್ದ ಚಾಲಕ ಪತ್ತೆ!](https://mobiletime.in/2026/02/car-that-hit-school-children-driver-who-fled-found/): ಸಿದ್ದಾಪುರ-ಕುಮಟಾ ರಾಜ್ಯ ಹೆದ್ದಾರಿಯಲ್ಲಿ ಚಲಿಸುತ್ತಿದ್ದ ಕಾರು ವಿದ್ಯಾರ್ಥಿಗಳಿಗೆ ಗುದ್ದಿದೆ. ಅದಾದ ನಂತರ ಕಾರು ಚಾಲಕ ತಪ್ಪಿಸಿಕೊಳ್ಳಲು ಯತ್ನಿಸಿದ್ದು, ಊರಿನ ಜನ ಚಾಲಕನ್ನು ಬೆನ್ನತ್ತಿ ಹಿಡಿದಿದ್ದಾರೆ. ಸೋಮವಾರ ಸಂಜೆ ಶಾಲೆ ಬಿಟ್ಟ ನಂತರ ಬಿಳಗಿ ಬಳಿ ಮಕ್ಕಳು ರಸ್ತೆ ಬದಿಯಲ್ಲಿ ನಡೆದು ಹೋಗುತ್ತಿದ್ದರು. ಆಗ, ವೇಗವಾಗಿ ಬಂದ ಕಾರು ಚಾಲಕನ ನಿಯಂತ್ರಣ ತಪ್ಪಿತು. ಅದಾದ ನಂತರ ಕಾರು ರಸ್ತೆ ಬದಿಯ ಧ್ವಜ ಕಟ್ಟೆಗೆ ಡಿಕ್ಕಿಯಾಯಿತು. ನಂತರ ಅಂಗಡಿಯೊAದಕ್ಕೆ ಡಿಕ್ಕಿ ಹೊಡೆದು, ಅದಾದ ನಂತರ ಆ ಕಾರು ಶಾಲಾ ಮಕ್ಕಳಿಬ್ಬರಿಗೆ ಗುದ್ದಿತು. ಈ ಅಪಘಾತದಲ್ಲಿ 7ನೇ ತರಗತಿಯ ಬಾಲಕಿ ಆಕೆಯ ತಮ್ಮನಿಗೆ ಗಾಯವಾಗಿದೆ. ಅವರಿಬ್ಬರನ್ನು ಸದ್ಯ ಶಿವಮೊಗ್ಗದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಪಘಾತದ ನಂತರ ಚಾಲಕ ಕಾರು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದು, ಬೇರೆ ವಾಹನ ಏರಿ ಅಡಗಿದ್ದ ಚಾಲಕನನ್ನು ಊರಿನವರು ಹುಡುಕಿದ್ದಾರೆ. ಆ ವಾಹನದ ಬೆನ್ನತ್ತಿ ಹೋಗಿ ಆರೋಪಿಯನ್ನು ಹಿಡಿದಿದ್ದಾರೆ. ಮಕ್ಕಳಿಗೆ ಕಾರು ಗುದ್ದಿದ ತಕ್ಷಣ ಅವರ ಆರೈಕೆ ಮಾಡುವ ಬದಲು ಪಲಾಯನಕ್ಕೆ ಯತ್ನಿಸಿದ ಚಾಲಕನ ವಿರುದ್ಧ ಜನ ಆಕ್ರೋಶಹೊರಹಾಕಿದ್ದಾರೆ. ಆ ಚಾಲಕನನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. `ನಿಧಾನವಾಗಿ ವಾಹನ ಓಡಿಸಿ. ಮಕ್ಕಳ ಬಗ್ಗೆ ಕಾಳಜಿವಹಿಸಿ’
- [ಕೆಡಿಸಿಸಿ ಬ್ಯಾಂಕಿಗೂ ಹೆಬ್ಬಾರರದ್ಧೇ ಸಾರಥ್ಯ!](https://mobiletime.in/2026/02/the-bank-is-also-under-the-control-of-the-hebbara/): ಯಲ್ಲಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಅವರು ಕೆಡಿಸಿಸಿ ಬ್ಯಾಂಕಿನ ಅಧ್ಯಕ್ಷರಾಗಿ ಎರಡನೇ ಬಾರಿ ಆಯ್ಕೆ ಆಗಿದ್ದಾರೆ. ಬ್ಯಾಂಕಿನ ನಿರ್ದೇಶಕರ ಸಮ್ಮತಿಯಿಂದ ಅವರು ಅವಿರೋಧವಾಗಿ ಅಧ್ಯಕ್ಷ ಸ್ಥಾನ ಅಲಂಕರಿಸಿದ್ದಾರೆ. ಕೆಡಿಸಿಸಿ ಬ್ಯಾಂಕಿನ ಉಪಾಧ್ಯಕ್ಷರಾಗಿ ಜೊಯಿಡಾದ ಕೃಷ್ಣ ದೇಸಾಯಿ ಅವರು ಆಯ್ಕೆಯಾಗಿದ್ದಾರೆ. ಅಧ್ಯಕ್ಷ ಸ್ಥಾನಕ್ಕೆ ಶಿವರಾಮ ಹೆಬ್ಬಾರ್ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಕೃಷ್ಣ ದೇಸಾಯಿ ಅವರು ಮಾತ್ರ ಉಮೇದುದಾರಿಕೆ ಸಲ್ಲಿಸಿದ್ದರು. ಬೇರೆ ಯಾವುದೇ ಆಕಾಂಕ್ಷಿಗಳು ಇಲ್ಲದ ಕಾರಣ ಅವರಿಬ್ಬರೂ ಅವಿರೋಧವಾಗಿ ಆಯ್ಕೆ ಆದರು. ಸೋಮವಾರ ನಡೆದ ಚುನಾವಣಾ ಪ್ರಕ್ರಿಯೆಯಲ್ಲಿ ಅವರಿಬ್ಬರ ಆಯ್ಕೆಯನ್ನು ಚುನಾವಣಾಧಿಕಾರಿಗಳು ಘೋಷಿಸಿದ್ದಾರೆ. ಸಹಾಯಕ ಆಯುಕ್ತ ಚಂದ್ರಶೇಖರ್ ಜಿ ಆರ್ ಅವರು ಚುನಾವಣಾಧಿಕಾರಿಯಾಗಿ ಕೆಲಸ ನಿಭಾಯಿಸಿದರು. ಶಿವರಾಮ ಹೆಬ್ಬಾರ್ ಅವರು ಮೊದಲ ಅಧಿಕಾರ ಅವಧಿಯಲ್ಲಿ ಸಹಕಾರಿ ಸಂಘಗಳ ಬಗ್ಗೆ ಮುತುವರ್ಜಿವಹಿಸಿದ್ದರು. ಹೀಗಾಗಿ ಎರಡನೇ ಅವಧಿಯಲ್ಲಿಯೂ ಜನ ಇನ್ನೂ ಹೆಚ್ಚಿನ ನಿರೀಕ್ಷೆಯಲ್ಲಿದ್ದಾರೆ.
- [ಬಿಸಿ ಗಾಳಿಯಿಂದ ಮಂಡೆಬಿಸಿ!](https://mobiletime.in/2026/02/blowing-hot-air/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬಿಸಿ ಗಾಳಿ ಮುಂದುವರೆದಿದ್ದು, ಫೆಬ್ರವರಿ 17 ಹಾಗೂ 18ರಂದು ಗರಿಷ್ಟ 38.9 ಡಿಗ್ರಿ ಸೆಲ್ಸಿಯಸ್’ನಷ್ಟು ಉಷ್ಣಾಂಶ ಕಾಣುವ ಲಕ್ಷಣಗಳಿವೆ. . ಈ ರೀತಿಯ ಉಷ್ಣಾಂಶದ ಏರಿಕೆ ದೇಹದ ಉಷ್ಣ ನಿಯಂತ್ರಣ ವ್ಯವಸ್ಥೆಗೆ ಒತ್ತಡ ಹೆಚ್ಚಾಗಲಿದೆ. ಉಷ್ಣಾಂಶ ಹೆಚ್ಚಳ ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮ ಬೀರುವ ಸಾಧ್ಯತೆಯಿದೆ. ಹೆಚ್ಚಿದ ಬಿಸಿಲಿನ ಪರಿಣಾಮವಾಗಿ ದೇಹದಲ್ಲಿ ನೀರಿನ ಕೊರತೆ ಉಂಟಾಗಲಿದ್ದು ಅದರಿಂದ ತಲೆ ಸುತ್ತುವುದು, ದೌರ್ಬಲ್ಯ, ಅತಿಯಾದ ದಣಿವು, ತಲೆನೋವು, ಚರ್ಮದ ಒಣತನ ಹಾಗೂ ಉಷ್ಣಾಘಾತ ಸೇರಿ ವಿವಿಧ ಆರೋಗ್ಯ ಸಮಸ್ಯೆಗಳ ಸಾಧ್ಯತೆಯನ್ನು ಅಲ್ಲಗಳೆಯುವ ಹಾಗಿಲ್ಲ. ಸಾಮಾನ್ಯ ದಿನಗಳಿಗಿಂದ ಸುಮಾರು 4 ಡಿಗ್ರಿ ಸೆಲ್ಸಿಯಸ್ ಹೆಚ್ಚುವರಿ ಉಷ್ಣಾಂಶ ಕಾಣಬರುವ ಬಗ್ಗೆ ಬಗ್ಗೆ ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಈ ಹಿನ್ನಲೆ ಜನಹಿತಕ್ಕಾಗಿ ಜಿಲ್ಲಾಡಳಿತ ವಿವಿಧ ಸಲಹೆಗಳನ್ನು ಪ್ರಕಟಿಸಿದೆ. `ದಿನಪೂರ್ತಿ ಸಾಕಷ್ಟು ನೀರು ಕುಡಿಯಿರಿ. ದಾಹವಾಗದಿದ್ದರೂ ನೀರನ್ನು ನಿಯಮಿತವಾಗಿ ಸೇವಿಸಿ’ ಎಂದು ಜಿಲ್ಲಾಡಳಿತ ಜನರಿಗೆ ಕರೆ ನೀಡಿದೆ. `ನಿಂಬೆ ನೀರು, ಮಜ್ಜಿಗೆ, ತೆಂಗಿನ ನೀರು ಮುಂತಾದ ದ್ರವಗಳನ್ನು ಹೆಚ್ಚಾಗಿ ಸೇವಿಸಿ. ಹಗುರವಾದ, ತೆಳುವಾದ ಬಣ್ಣದ ಹಾಗೂ ಸಡಿಲವಾದ ಹತ್ತಿ ಬಟ್ಟೆಗಳನ್ನು ಧರಿಸಿ. ತಲೆ ಮತ್ತು ಮುಖವನ್ನು ಟೋಪಿ, ಛತ್ರಿ, ಗಮಚಾ ಅಥವಾ ರುಮಾಲಿನಿಂದ ಮುಚ್ಚಿಕೊಳ್ಳಿ’ ಎಂದು ಸಲಹೆ ನೀಡಿದೆ. `ಸಾಧ್ಯವಾದಷ್ಟು ತೀವ್ರ ಬಿಸಿಲಿನ ಸಮಯದಲ್ಲಿ ಹೊರಗೆ ಹೋಗುವುದನ್ನು ತಪ್ಪಿಸಿ. ಅದರಲ್ಲಿಯೂ, ಮಧ್ಯಾಹ್ನ 12 ರಿಂದ ಸಂಜೆ 4 ಗಂಟೆಯವರೆಗೆ ಮನೆಯಲ್ಲಿರುವ ಬಗ್ಗೆ ರೂಢಿಸಿಕೊಳ್ಳಿ. ಹೊರಗೆ ಕೆಲಸ ಮಾಡುವಾಗ ಮಧ್ಯಂತರವಾಗಿ ನೆರಳಿನಲ್ಲಿ ವಿಶ್ರಾಂತಿ ತೆಗೆದುಕೊಳ್ಳಿ. ಮಕ್ಕಳು, ವೃದ್ಧರು, ಗರ್ಭಿಣಿಯರು ಹಾಗೂ ಅಸ್ವಸ್ಥರಿಗೆ ವಿಶೇಷ ಕಾಳಜಿವಹಿಸಿ’ ಎಂದು ಜಿಲ್ಲಾಡಳಿತ ಕಿವಿಮಾತು ಹೇಳಿದೆ. `ತಲೆ ಸುತ್ತು, ಅತಿಯಾದ ದೌರ್ಬಲ್ಯ, ವಾಂತಿ, ಜ್ವರ ಅಥವಾ ಅಸ್ವಸ್ಥತೆಯ ಲಕ್ಷಣಗಳು ಕಂಡುಬoದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ. ಮನೆ ಮತ್ತು ಕೆಲಸದ ಸ್ಥಳಗಳಲ್ಲಿ ಸಮರ್ಪಕ ಗಾಳಿ ಹರಿವಿಗೆ ಅವಕಾಶ ಕಲ್ಪಿಸಿ’ ಎಂದು ಸೂಚಿಸಿದೆ. ಇದರೊಂದಿಗೆ `ಯಾವುದೇ ಕಾರಣಕ್ಕೂ ತೀವ್ರ ಬಿಸಿಲಿನ ಸಮಯದಲ್ಲಿ ಅನಾವಶ್ಯಕವಾಗಿ ಹೊರಗೆ ಹೋಗಬೇಡಿ. ಮದ್ಯಪಾನ, ಅಧಿಕ ಕಾಫಿ ಅಥವಾ ಹೆಚ್ಚು ಸಿಹಿ ಪಾನೀಯಗಳನ್ನು ಸೇವಿಸಬೇಡಿ. ತೀವ್ರ ಬಿಸಿಲಿನ ಸಮಯದಲ್ಲಿ ಕಠಿಣ ಶಾರೀರಿಕ ಕೆಲಸಗಳನ್ನು ಮಾಡಬೇಡಿ. ಮಕ್ಕಳನ್ನು ಅಥವಾ ಪ್ರಾಣಿಗಳನ್ನು ಮುಚ್ಚಿದ ವಾಹನಗಳಲ್ಲಿ ಬಿಟ್ಟು ಹೋಗಬೇಡಿ. ಅತಿಯಾದ ಮಸಾಲೆ ಮತ್ತು ಎಣ್ಣೆಯುಕ್ತ ಆಹಾರವನ್ನು ಸೇವಿಸಬೇಡಿ. ಉಷ್ಣಾಘಾತದ ಲಕ್ಷಣಗಳನ್ನು ನಿರ್ಲಕ್ಷಿಸಬೇಡಿ. ತಲೆ ಮುಚ್ಚಿಕೊಳ್ಳದೆ ನೇರವಾಗಿ ಬಿಸಿಲಿಗೆ ಒಡ್ಡಿಕೊಳ್ಳಬೇಡಿ’ ಎಂದು ಜಿಲ್ಲಾಡಳಿತ ಮಾಹಿತಿ ರವಾನಿಸಿದೆ. ಯಾವುದೇ ತುರ್ತು ಪರಿಸ್ಥಿತಿಯಲ್ಲಿ ಸಹಾಯವಾಣಿ ಸಂಖ್ಯೆ 1077 ಅಥವಾ 9483511015ನ್ನು ಸಂಪರ್ಕಿಸುವoತೆ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಮನವಿ ಮಾಡಿದ್ದಾರೆ.
- [ಪ್ರೀತಿ-ಪ್ರೇಮದ ವಿಚಾರ: ಗ್ರಾಫಿಕ್ ಡಿಸೈನರ್'ನ ದುಡುಕು ನಿರ್ಧಾರ!](https://mobiletime.in/2026/02/a-matter-of-love-and-romance-a-graphic-designers-rash-decision/): ಸಿದ್ದಾಪುರ ಬಿದ್ರಕಾನಿನ ಸಾತ್ವಿಕ್ ಹೆಗಡೆ ಅವರು ಪ್ರೀತಿ-ಪ್ರೇಮದ ವಿಷಯವಾಗಿ ತಲೆಕೆಡಿಸಿಕೊಂಡಿದ್ದು, ಅದೇ ನೋವಿನಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಸಿದ್ದಾಪುರ ಬಿದ್ರಕಾನ್ ಬಳಿಯ ಮುಂಡುಸರದ ಸಾತ್ವಿಕ ಶೇಷಗಿರಿ ಹೆಗಡೆ (25) ಅವರು ವಾಸವಾಗಿದ್ದರು. ಗ್ರಾಫಿಕ್ ಡಿಸೈನರ್ ಆಗಬೇಕು ಎಂದು ಕನಸು ಕಂಡಿದ್ದ ಅವರು ಅದೇ ವಿಷಯವಾಗಿ ತರಬೇತಿಪಡೆಯುತ್ತಿದ್ದರು. ದಿನದ ಹೆಚ್ಚಿನ ಸಮಯ ಅವರು ತಮ್ಮ ಮನೆಯ ಕೋಣೆಯಲ್ಲಿ ಬಂಧಿಯಾಗಿರುತ್ತಿದ್ದರು. ಅಲ್ಲಿಯೇ ಅವರು ತಮ್ಮ ಕಲಿಕೆಯ ಬಗ್ಗೆ ಅಭ್ಯಾಸ ಮಾಡುತ್ತಿದ್ದರು. ಈ ನಡುವೆ ಸಾತ್ವಿಕ್ ಹೆಗಡೆ ಅವರು ಪ್ರೀತಿ-ಪ್ರೇಮದ ವಿಷಯವಾಗಿ ತಲೆಕೆಡಿಸಿಕೊಂಡಿದ್ದರು. ಕೊಂಚ ಮಂಕಾಗಿದ್ದ ಅವರನ್ನು ಕುಟುಂಬದವರು ಹೆಚ್ಚಿಗೆ ಪ್ರಶ್ನೆ ಮಾಡಿರಲಿಲ್ಲ. ಬೇಸರದಲ್ಲಿದ್ದ ಸಾತ್ವಿಕ್ ಹೆಗಡೆ ಅವರಿಗೆ ಸೂಕ್ತ ರೀತಿಯಲ್ಲಿ ಆಪ್ತ ಸಮಾಲೋಚನೆ ಸಿಗಲಿಲ್ಲ. ಮಾನಸಿಕ ನೆಮ್ಮದಿ ನೀಡುವ ಭರವಸೆಯ ಮಾತುಗಳು ದೊರೆಯಲಿಲ್ಲ. ಕೋಣೆಯೊಳಗೆ ಕುಳಿತು ಅಭ್ಯಾಸ ಮಾಡುತ್ತಿದ್ದ ಅವರು ಏಕಾಂಕಿಯಾಗಿದ್ದು, ಜೀವನದಲ್ಲಿ ಸೋತ ಅನುಭವಕ್ಕೆ ಒಳಗಾಗಿದ್ದರು. ಅದೇ ನೋವಿನಲ್ಲಿ ಸಾತ್ವಿಕ್ ಹೆಗಡೆ ಅವರು ದುಡುಕು ನಿರ್ಧಾರ ಮಾಡಲು ನಿರ್ಧರಿಸಿದರು. ಪ್ಯಾಂಟಿಗೆ ಹಾಕುವ ಬೆಲ್ಟನ್ನು ಕುತ್ತಿಗೆಗೆ ಕಟ್ಟಿಕೊಂಡ ಅವರು ರೂಮಿನಲ್ಲಿದ್ದ ಫ್ಯಾನಿಗೆ ಉರುಳು ಹಾಕಿಕೊಂಡರು. ಫೆಬ್ರವರಿ 15ರ ಮಧ್ಯಾಹ್ನ ಶೇಷಗಿರಿ ಹೆಗಡೆ ಅವರು ಕೋಣೆಗೆ ಬಂದು ನೋಡುವಷ್ಟರಲ್ಲಿ ಮಗ ಸಾತ್ವಿಕ್ ಹೆಗಡೆ ಅವರು ಸಾವನಪ್ಪಿದ್ದರು. ಮಗನನ್ನು ಕಳೆದುಕೊಂಡ ನೋವನ್ನು ಶೇಷಗಿರಿ ಹೆಗಡೆ ಅವರು ಸಿದ್ದಾಪುರ ಪೊಲೀಸರಿಗೆ ತಿಳಿಸಿದರು. ಪೊಲೀಸರು ಸ್ಥಳ ಭೇಟಿ ಮಾಡಿ ಪರಿಶೀಲನೆ ನಡೆಸಿದ್ದು, ಕಾನೂನು ಪ್ರಕಾರ ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಮಾಡಿಕೊಳ್ಳುವುದು ಅಪರಾಧ’
- [ಪೊಲೀಸ್ ಅಧಿಕಾರಿಗೆ ಗುದ್ದಿದ ಕಾರು: ದಂಪತಿಗೆ ಗಾಯ](https://mobiletime.in/2026/02/couple-injured-after-car-hits-police-officer/): ಶಿರಸಿ ಗಣೇಶ ನಗರದ ದಿನ್ಯ ಹೆಗಡೆ ಅವರು ಭಟ್ಕಳದ ಬಳಿ ವೇಗವಾಗಿ ಕಾರು ಓಡಿಸಿದ್ದು, ಆ ಕಾರು ಪೊಲೀಸ್ ಅಧಿಕಾರಿಯೊಬ್ಬರಿಗೆ ಗುದ್ದಿದೆ. ಪೊಲೀಸ್ ಜೊತೆ ಅವರ ಪತ್ನಿಗೂ ಪೆಟ್ಟಾಗಿದೆ. ಶಿರಸಿ ಗಣೇಶ ನಗರದಲ್ಲಿ ದಿವ್ಯಾ ರಘುಪತಿ ಹೆಗಡೆ (29) ಅವರು ವಾಸವಾಗಿದ್ದಾರೆ. ಫೆಬ್ರವರಿ 15ರಂದು ಅವರು ಕುಂದಾಪುರದಿAದ ಹೊನ್ನಾವರ ಕಡೆ ಹೊರಟಿದ್ದರು. ರಾಷ್ಟಿಯ ಹೆದ್ದಾರಿಯಲ್ಲಿ ವೇಗವಾಗಿ ಕಾರು ಓಡಿಸಿಕೊಂಡು ಬಂದ ಅವರು ಸಂಜೆಯಾದರೂ ಕಾರಿನ ವೇಗ ಕಡಿಮೆ ಮಾಡಲಿಲ್ಲ. 7.20ರ ವೇಳೆಗೆ ಅವರು ಭಟ್ಕಳ ತಲುಪಿದ್ದು, ಆಗ ಕಾರು ಇನ್ನಷ್ಟು ವೇಗವಾಗಿ ಚಲಿಸಿತು. ಇದೇ ವೇಳೆ ಭಟ್ಕಳ ಪುರವರ್ಗದ ಚರ್ಚ ಎದುರು ಎಸೈ ಅಂತೋನ್ ಫರ್ನಾಂಡಿಸ್ ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಆ ಬೈಕಿನಲ್ಲಿ ಅಂತೋನ್ ಫರ್ನಾಂಡಿಸ್ ಅವರ ಪತ್ನಿ ಜೋಸ್ಟಿನ್ ಫರ್ನಾಂಡಿಸ್ ಅವರು ಕುಳಿತಿದ್ದರು. ಅಂತೋನ್ ಫರ್ನಾಂಡಿಸ್ ಅವರು ತಮ್ಮ ಬೈಕಿಗೆ ಇಂಡಿಕೇಟರ್ ಹಾಕಿ ಹೆದ್ದಾರಿಯಲ್ಲಿ ತಿರುಗುವ ಪ್ರಯತ್ನ ಮಾಡಿದ್ದರು. ಅದೇ ವೇಳೆ ಜೋರಾಗಿ ಕಾರು ಓಡಿಸಿಕೊಂಡು ಬಂದ ದಿವ್ಯಾ ಹೆಗಡೆ ಅವರು ಅಂತೋನ್ ಫರ್ನಾಂಡಿಸ್ ಅವರ ಬೈಕಿಗೆ ಗುದ್ದಿದರು. ಕಾರು ಗುದ್ದಿದ ರಭಸಕ್ಕೆ ಅಂತೋನ್ ಫರ್ನಾಂಡಿಸ್ ಅವರ ಜೊತೆ ಜೋಸ್ಟಿನ್ ಫರ್ನಾಂಡಿಸ್ ಅವರು ಸಹ ನೆಲಕ್ಕೆ ಬಿದ್ದರು. ಆ ಅಪಘಾತದಲ್ಲಿ ಅಂತೋನ್ ಫರ್ನಾಂಡಿಸ್ ಅವರ ಕಾಲು, ಕೈ, ಹಣೆಗೆ ಗಾಯವಾಯಿತು. ಜೋಸ್ಟಿನ್ ಫರ್ನಾಂಡಿಸ್ ಅವರ ತಲೆಗೆ ಪೆಟ್ಟು ಬಿದ್ದಿತು. ನ್ಯೂಸ್ ಪೆಪರ್ ಎಜೆಂಟ್ ಫ್ರಾನ್ಸಿಸ್ ಡಿಸೋಜಾ ಅವರು ಈ ಅಪಘಾತದ ಬಗ್ಗೆ ಮಾಹಿತಿ ನೀಡಿದ್ದು, ವೇಗವಾಗಿ ಕಾರು ಓಡಿಸಿದ ಧನ್ಯ ಹೆಗಡೆ ಅವರ ವಿರುದ್ಧ ಭಟ್ಕಳ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು. `ಅತಿ ವೇಗ ಅಪಾಯಕ್ಕೆ ಕಾರಣ’
- [ಮತ್ತಿಘಟ್ಟ ಪ್ರಪಾತದಲ್ಲಿ ಮಣಿಪಾಲ್ ವಿದ್ಯಾರ್ಥಿ ಸಾವು!](https://mobiletime.in/2026/02/manipal-student-dies-in-mattighatta-gorge/): ಮಣಿಪಾಲದ 29 ವಿದ್ಯಾರ್ಥಿಗಳು ಚಾರಣಕ್ಕಾಗಿ ಉತ್ತರ ಕನ್ನಡ ಜಿಲ್ಲೆಗೆ ಬಂದಿದ್ದು, ಚಾರಣಕ್ಕೆ ಬಂದಿದ್ದ ವ್ಯಕ್ತಿಯೊಬ್ಬರು ಭಾನುವಾರ ಶಿರಸಿ ಬಳಿಯ ಮತ್ತಿಘಟ್ಟ ಜಲಪಾತದಲ್ಲಿ ಬಿದ್ದು ಸಾವನಪ್ಪಿದ್ದಾರೆ. ದೆಹಲಿ ಮೂಲದ ಶಿವೋಹಂ ತಿವಾರಿ (29) ಅವರು ಮಣಿಪಾಲದಲ್ಲಿ ಬಿ ಟೆಕ್ ಓದುತ್ತಿದ್ದರು. ತಮ್ಮ ಸಹಪಾಠಿಗಳ ಜೊತೆ ಅವರು ಉತ್ತರ ಕನ್ನಡ ಪ್ರವಾಸಕ್ಕೆ ಬಂದಿದ್ದರು. ಹೊನ್ನಾವರ-ಗೋಕರ್ಣ ಸಮೀಪದ ಸುತ್ತಾಟದ ನಂತರ ಕಾಡು ಅಧ್ಯಯನಕ್ಕಾಗಿ ಶಿರಸಿ ಕಡೆ ಪ್ರಯಾಣ ಬೆಳೆಸಿದ್ದರು. ಮತ್ತಿಘಟ್ಟ ಜಲಪಾತಕ್ಕೆ ತೆರಳಿದ ಆ ಎಲ್ಲಾ ಸ್ನೇಹಿತರು ಅಲ್ಲಿನ ನೀರಿನಲ್ಲಿ ಆಟವಾಡುತ್ತಿದ್ದರು. ಆ ವೇಳೆ ಶಿವೋಹಂ ಅವರು ಅಲ್ಲಿದ್ದ ಕಲ್ಬಂಡೆ ಮೇಲಿನಿಂದ ನೀರಿಗೆ ಹಾರಿದ್ದು, ಈಜು ಬಾರದೇ ಅಸ್ವಸ್ಥರಾದರು. ಮೂಗಿನಿಂದ ನೀರು ಕುಡಿದಿದ್ದ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ದಾರಿ ಮಧ್ಯೆಯೇ ಅವರು ಅಸುನೀಗಿದರು.
- [ಭಕ್ತರಲ್ಲಿ ಶಿವನನ್ನು ಕಂಡ ಗೆಳೆಯರ ಬಳಗ!](https://mobiletime.in/2026/02/a-group-of-friends-who-saw-shiva-among-the-devotees/): ಶಿರಸಿಯ ಸಹಸ್ರಲಿಂಗಕ್ಕೆ ಬರುವ ಭಕ್ತರಿಗೆ `ಗೆಳೆಯರ ಬಳಗ’ದವರು ಪಾನಕ ವಿತರಿಸಿದ್ದಾರೆ. ಶಿವರಾತ್ರಿಯ ದಿನ ಸಹಸ್ರಲಿಂಗಕ್ಕೆ ಸಾವಿರಾರು ಭಕ್ತರು ಬರುತ್ತಾರೆ. ದೂರದಿಂದ ಬರುವ ಭಕ್ತರಿಗೆ ಬಾಯಾರಿಕೆ ಆಗುತ್ತಿದ್ದು, ಅವರ ದಾಹ ತೀರಿಸಲು `ಪೂಜಾರಿ ಗೆಳೆಯರ ಬಳಗ’ದವರು ಮಜ್ಜಿಗೆ ಹಾಗೂ ಪಾನಕ ವಿತರಣೆಯ ಸೇವೆ ಮಾಡಿದ್ದಾರೆ. ಕುಂದಾಪುರದ ಶೇರುಗಾರ ಸಮಾಜದವರು ಕಾಮಕಸ್ತೂರಿ ಪಾನಕ ನೀಡಿದ್ದು, ಮಾವಿನಸರದ ನಾಗರಾಜ ಪೂಜಾರಿ, ಇಳಸೂರಿನ ಈಶ್ವರ ಪೂಜಾರಿ ನೇತ್ರತ್ವದಲ್ಲಿ ಅದನ್ನು ಭಕ್ತರಿಗೆ ವಿತರಿಸಲಾಗಿದೆ. ಶಿವರಾಜ ಪೂಜಾರಿ, ಆನಂದ ಪೂಜಾರಿ, ಸಣ್ಣಕೇರಿಯ ನಾಗೇಶ ಪೂಜಾರಿ, ಜನಾರ್ಧನ ನಾಯ್ಕ, ಶಿವಾನಂದ ಮಡಿವಾಳ, ಮಂಜುನಾಥ ನಾಯ್ಕ ಮೊದಲಾದವರು ಈ ಸೇವಾ ಕಾರ್ಯದಲ್ಲಿದ್ದರು. ಬಿಸಿಲಿನಲ್ಲಿ ಬಂದವರ ಬಾಯಾರಿಕೆ ದೂರ ಮಾಡಿದ ಗೆಳೆಯರ ಬಳಗದ ಕಾರ್ಯಕ್ಕೆ ಭಕ್ತರು ಮೆಚ್ಚುಗೆವ್ಯಕ್ತಪಡಿಸಿದರು.
- [ಮೂರನೇ ತಲೆಮಾರಿಗೂ ಹಬ್ಬಿದ ಎಂಡೋ ಪಿಡುಗು: ಸಂತ್ರಸ್ತರ ಸಹಾಯಕ್ಕೆ ಆಶಾಕಿರಣ!](https://mobiletime.in/2026/02/endo-epidemic-spreads-to-third-generation-a-ray-of-hope-to-help-victims/): ನಾಲ್ಕು ದಶಕದ ಹಿಂದೆ ಕರಾವಳಿ ಭಾಗದಲ್ಲಿ ಬೆಳೆದ ಗೇರು ಗಿಡಗಳಿಗೆ ಸಿಂಪಡಿಸಿದ ಕ್ರಿಮಿನಾಶಕದ ದುಷ್ಪರಿಣಾಮ ಈಗಲೂ ಪ್ರಭಾವ ಬೀರುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈಚೆಗೆ ನಡೆಸಿದ ಅಧ್ಯಯನದಲ್ಲಿ ಹೊಸದಾಗಿ 680 ಎಂಡೋಸಲ್ಪಾನ್ ರೋಗಿಗಳು ಪತ್ತೆಯಾಗಿದ್ದಾರೆ. 228 ಮಕ್ಕಳಲ್ಲಿಯೂ ಹೊಸದಾಗಿ ಈ ರೋಗ ಕಾಣಿಸಿಕೊಂಡಿದೆ. ಅoಗವೈಕಲ್ಯ, ಬುದ್ಧಿ ಮಾಂದ್ಯತೆ, ಬಹು ಅಂಗಾoಗ ವೈಫಲ್ಯ ಈ ರೋಗದ ಪ್ರಮುಖ ಲಕ್ಷಣ. 1986ರಿಂದ 2011ರ ಅವಧಿಯಲ್ಲಿ ಗೇರು ಬೀಜದ ಇಳುವರಿಗೆ ಅಡ್ಡಿಯಾಗಿದ್ದ ಸೊಳ್ಳೆಗಳ ನಾಶಕ್ಕೆ ಗೇರು ಬೆಳೆದ ಭೂಮಿಗೆ ಎಂಡೋಸಲ್ಪಾನ್ ವಿಷ ದ್ರಾವಣ ಸಿಂಪಡಿಸಲಾಗಿತ್ತು. ಅದರ ದುಷ್ಪರಿಣಾಮ ಸ್ಥಳೀಯ ನಿವಾಸಿಗಳ ಮೇಲಾಗಿದ್ದು, ಗರ್ಭಿಣಿಯರು, ಬಾಣಂತಿಯರ ಜೊತೆ ಹಸುಗೂಸುಗಳಲ್ಲಿಯೂ ಸಮಸ್ಯೆ ಕಾಣಿಸಿತು. ಪುರುಷರು ಸಹ ಉಸಿರಾಟ ಸಮಸ್ಯೆ, ಪಾರ್ಶ್ವವಾಯು, ನರದೌರ್ಭಲ್ಯಕ್ಕೆ ಒಳಗಾದರು. ಅದರ ದುಷ್ಪರಿಣಾಮ ಮೂರನೇ ತಲೆಮಾರಿಗೂ ಮುಂದುವರೆದಿರುವುದು ಈಚೆಗೆ ಬೆಳಕಿಗೆ ಬಂದಿದೆ. ಶಿರಸಿಯ ಸ್ಕೋಡ್‌ವೆಸ್ ಸಂಸ್ಥೆ ಎಂಡೋಸಲ್ಪಾನ್ ಸಂತ್ರಸ್ತರ ಪರವಾಗಿ ಹೋರಾಡುತ್ತಿದೆ. ಅದೇ ಸಂಸ್ಥೆ ಸಮಗ್ರ ಅಧ್ಯಯನ ನಡೆಸಿದ್ದು, ಆ ಅಧ್ಯಯನದಲ್ಲಿ ಹೊಸದಾಗಿ ಎಂಡೋಸಲ್ಪಾನ್ ರೋಗಿಗಳಿರುವುದು ಪತ್ತೆಯಾಗಿದೆ. 40 ವರ್ಷಗಳಿಂದ ಎಂಡೋಸಲ್ಫಾನ್ ಬಾಧೆಗೆ ಒಳಪಟ್ಟು ನರಕ ಯಾತನೆ ಅನುಭವಿಸುತ್ತಿರುವ ಕುಟುಂಬಗಳಿಗಾಗಿ ಸ್ಕೊಡ್‌ವೆಸ್ ಸಂಸ್ಥೆ `ಆಶಾಕಿರಣ’ ಎಂಬ ಯೋಜನೆ ರೂಪಿಸಿದೆ. ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿ ಸಚಿವ ಮಂಕಾಳು ವೈದ್ಯರ ಆದೇಶದಂತೆ ಆರೋಗ್ಯ ಇಲಾಖೆ ನಡೆಸಿದ ಪುನರ್ ಸಮೀಕ್ಷೆಯಲ್ಲಿ ಸುಮಾರು 680ಕ್ಕೂ ಹೆಚ್ಚು ಹೊಸ ಎಂಡೋ ಬಾಧಿತರನ್ನು ಸ್ಕೋಡ್‌ವೆಸ್ ಸಂಸ್ಥೆ ಗುರುತಿಸಿದೆ. ಆ ರೋಗಿಗಳಲ್ಲಿ 228 ಪುಠಾಣಿ ಮಕ್ಕಳು ಸಮಸ್ಯೆಗೆ ಸಿಲುಕಿದವರಾಗಿದ್ದಾರೆ. 18 ವರ್ಷದೊಳಗಿನ ಮಕ್ಕಳು ಹಾಗೂ ಅವರ ಪಾಲಕರ ಪುನರ್ವಸತಿಗಾಗಿ `ಆಶಾಕಿರಣ’ ಯೋಜನೆ ರೂಪಿಸಲಾಗಿದ್ದು, ತಾಲೂಕು ಕೇಂದ್ರದಲ್ಲಿ ಫಿಸಿಯೋಥೆರಪಿ ಘಟಕ, ಚಿಕಿತ್ಸೆಯಿಂದ ಗುಣಮುಖರಾದವರಿಗೆ ಸ್ವ ಉದ್ಯೋಗ ತರಬೇತಿ, ವಿಶೇಷ ಚೇತನರ ಪರಿಕರಗಳ ವಿತರಣೆ ಹಾಗೂ ಪೂರಕ ಕಾರ್ಯಕ್ರಮಗಳೂ ಹಾಗೂ ಎಂಡೋಬಾಧಿತರು ಉತ್ಪಾದಿಸುವ ಉತ್ಪನ್ನಗಳಿಗೆ ಮಾರುಕಟ್ಟೆ ಸಂಪರ್ಕ ಕಲ್ಪಿಸುವ ಪ್ರಯತ್ನವನ್ನು ಸ್ಕೋಡ್‌ವೆಸ್ ಸಂಸ್ಥೆಯೂ ಆಶಾಕಿರಣ ಎಂಬ ಯೋಜನೆಯ ಮೂಲಕ ಮಾಡಲು ಮುಂದಾಗಿದೆ. ಭಟ್ಕಳದ ಬೆಳಕೆಯಲ್ಲಿ ಜಾರಿಗೆ ತರುತ್ತಿರುವ ಈ ನೂತನ ಯೋಜನೆಯನ್ನು ಫೆ 18ರಂದು ಜಿಲ್ಲಾ ಉಸ್ತುವಾರಿ ಹಾಗೂ ಮೀನುಗಾರಿಕೆ, ಬಂದರು ಮತ್ತು ಒಳನಾಡು ಜಲಸಾರಿಗೆ ಸಚಿವ ಮಂಕಾಳು ವೈದ್ಯ ಅವರು ಉದ್ಘಾಟಿಸಲಿದ್ದು, ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಶ ಸಸಿ, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿ ಶಂಕರ ರಾವ್, ಬೆಂಗಳೂರಿನ ಆಶ್ರಯ ಹಸ್ತ ಟ್ರಸ್ಟ್ ನಿರ್ದೇಶಕ ಎನ್ ಕೆ ಶರ್ಮ, ನಯನ ಜ್ಯೋತಿ ಟ್ರಸ್ಟ್ ಅಧ್ಯಕ್ಷ ಎಸ್ ಜಯರಾಮನ್ ಅವರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಬೆಳಕೆ ಗ್ರಾಮ ಪಂಚಾಯತ್ ಅಧ್ಯಕ್ಷ ಜಗದೀಶ್ ನಾಯ್ಕ ಅಧ್ಯಕ್ಷತೆವಹಿಸಲಿದ್ದಾರೆ. ಇದೇ ಸಂದರ್ಭದಲ್ಲಿ ಫಿಸಿಯೋಥೆರಪಿ ಚಿಕಿತ್ಸೆ ಪಡೆದ ಎಂಡೋ ಬಾಧಿತರಿಗೆ ವಿವಿಧ ಸಲಕರಣೆಗಳನ್ನು ವಿತರಿಸಲಾಗುತ್ತದೆ ಎಂದು ಸ್ಕೊಡ್‌ವೆಸ್ ಸಂಸ್ಥೆಯ ಆಡಳಿತ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಹೇಳಿದ್ದಾರೆ.
- [ಕಾರವಾರ ಕೋರ್ಟಿಗೆ ಇಮೇಲ್ ಬಾಂಬ್!](https://mobiletime.in/2026/02/email-bomb-sent-to-karwar-court/): ಕಾರವಾರದ ಕೋರ್ಟನ್ನು ಸ್ಪೋಟಿಸುವುದಾಗಿ ವ್ಯಕ್ತಿಯೊಬ್ಬರು ಬೆದರಿಕೆ ಒಡ್ಡಿದ್ದಾರೆ. ಇಮೇಲ್ ಮೂಲಕ ಈ ಬೆದರಿಕೆ ಬಂದಿದೆ. ಸದ್ಯ ಕಾರವಾರ ಕೋರ್ಟಿನಲ್ಲಿ ಕಟ್ಟೆಚ್ಚರವಹಿಸಲಾಗಿದೆ. ಪೊಲೀಸರು ಕೋರ್ಟಿನ ಮೂಲೆ ಮೂಲೆಯನ್ನು ಶೋಧ ಮಾಡಿದ್ದಾರೆ. ಈ ವೇಳೆ ಎಲ್ಲಿಯೂ ಬಾಂಬ್ ಕಾಣಿಸಿಲ್ಲ. ಕಾರವಾರ ನಗರದ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ಆಡಳಿತ ಕಚೇರಿಯ ಕಂಪ್ಯೂಟರ್ ವಿಭಾಗಕ್ಕೆ ಬೆಳಗ್ಗೆ 8.25ಕ್ಕೆ ಬಾಂಬ್ ಬೆದರಿಕೆಯ ಇಮೇಲ್ ಬಂದಿದೆ. `ಕೋರ್ಟಿನಲ್ಲಿರುವ ಎಲ್ಲರನ್ನು 12.15ರ ಒಳಗೆ ಸ್ಥಳಾಂತರಿಸಬೇಕು’ ಎಂಬ ಸೂಚನೆಯೂ ಆ ಬೆದರಿಕೆಯ ಸಂದೇಶದಲ್ಲಿದೆ. ಇದರೊAದಿಗೆ ವಿವಿಧ ರಾಜಕೀಯ ವಿಷಯ, ಮಾಧ್ಯಮಗಳ ನಿರ್ವಹಣೆ ಸೇರಿ ಇನ್ನಿತರ ವಿಷಯಗಳ ಬಗ್ಗೆ ಇಮೇಲ್ ಮೂಲಕ ಬರೆಯಲಾಗಿದೆ. ಬಾಂಬ್ ಬೆದರಿಕೆ ಹಿನ್ನಲೆ ಕೋರ್ಟಿನ ಕಲಾಪವನ್ನು ಕೆಲ ಕಾಲ ಮುಂದೂಡಲಾಗಿದ್ದು, ಆವರಣದಲ್ಲಿ ಆತಂಕದ ವಾತಾವರಣ ಕಾಣಿಸಿತು. ವಿವಿಧ ವ್ಯಕ್ತಿಗಳ ಹೆಸರು ಹಾಗೂ ಕೆಲ ಆರೋಪಗಳು ಇಮೇಲ್ ಸಂದೇಶದಲ್ಲಿದ್ದವು. ಆ ಎಲ್ಲಾ ವಿಷಯದ ಬಗ್ಗೆ ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಕೋರ್ಟ ಆವರಣಕ್ಕೆ ಪೊಲೀಸರು ಹಾಗೂ ಭದ್ರತಾ ಸಿಬ್ಬಂದಿ ಆಗಮಿಸಿದ್ದು, ನ್ಯಾಯಾಲಯದಲ್ಲಿದ್ದ ಎಲ್ಲರನ್ನು ಹೊರಕ್ಕೆ ಕಳುಹಿಸಿದರು. ಯಾವುದೇ ಬಾಂಬ್ ಪತ್ತೆಯಾಗದ ಹಿನ್ನಲೆ ಎಲ್ಲರೂ ನಿರಾಳರಾದರು.
- [ದಂಪತಿ ಮರಣಕ್ಕೆ ಇಲಿ ಪಾಷಣ ಕಾರಣ!](https://mobiletime.in/2026/02/rat-poison-is-the-cause-of-death-of-a-young-couple/): ವಾರದ ಹಿಂದೆ ವಿಷ ಸೇವಿಸಿದ್ದ ಯಲ್ಲಾಪುರದ ಉಮ್ಮಚ್ಗಿಯ ನಾಗೇಂದ್ರ ಬೋವಿವಡ್ಡರ್ ಹಾಗೂ ನಮಿತಾ ಬೋವಿವಡ್ಡರ್ ದಂಪತಿ ಸಾವನಪ್ಪಿದ್ದಾರೆ. ಮೂರು ದಿನದ ಹಿಂದೆ ನಾಗೇಂದ್ರ ಬೋವಿವಡ್ಡರ್ ಅವರು ಕೊನೆಯುಸಿರೆಳೆದಿದ್ದು, ನಿನ್ನೆ ನಮಿತಾ ಬೋವಿವಡ್ಡರ್ ಅವರು ಸಹ ಉಸಿರಾಟ ನಿಲ್ಲಿಸಿದ್ದಾರೆ. ಯಲ್ಲಾಪುರದ ಉಮ್ಮಚ್ಗಿ ಬಳಿಯ ಸಂಕದಗುoಡಿಯಲ್ಲಿ ನಾಗೇಂದ್ರ ಬೋವಿವಡ್ಡರ್ (28) ಹಾಗೂ ನಮಿತಾ ಬೋವಿವಡ್ಡರ್ (26) ಅವರು ವಾಸವಾಗಿದ್ದರು. ಫೆಬ್ರವರಿ 7ರಂದು ಈ ದಂಪತಿ ಇಲಿ ಪಾಷಣ ಸೇವಿಸಿದ್ದರು. ವಿಷ ಸೇವಿಸಿ ಅಸ್ವಸ್ಥಗೊಂಡ ಅವರನ್ನು ಮೊದಲು ಟಿಎಸ್‌ಎಸ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ನಂತರ ಅವರನ್ನು ದೇರಳಕಟ್ಟೆಯ ಏನೋಪೇಯಾ ಆಸ್ಪತ್ರೆಗೆ ಕಳುಹಿಸಿ ಆರೈಕೆ ಮಾಡಲಾಯಿತು. ಆದರೆ, ಮೂರು ದಿನಗಳ ಹಿಂದೆ ನಾಗೇಂದ್ರ ಬೋವಿವಡ್ಡರ್ ಅವರು ಸಾವನಪ್ಪಿದ್ದು, ಅದಾದ ನಂತರ ನಮಿತಾ ಬೋವಿವಡ್ಡರ್ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ಸಾಗಿಸಿ ಚಿಕಿತ್ಸೆ ಕೊಡಿಸಲಾಯಿತು. ಆದರೆ, ಅಲ್ಲಿಯೂ ನಮಿತಾ ಬೋವಿವಡ್ಡರ್ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ನಿರಂತರ ಆರೈಕೆ ಮಾಡಿದರೂ ಶನಿವಾರ ಮಧ್ಯಾಹ್ನದ ವೇಳೆಗೆ ನಮಿತಾ ಬೋವಿವಡ್ಡರ್ ಅವರು ಕೊನೆಯುಸಿರೆಳೆದರು. ಈ ದಂಪತಿ ಯಾವುದೋ ಒಂದು ಸಮಸ್ಯೆಯಿಂದ ಅವರು ಬಳಲುತ್ತಿದ್ದರು. ಆದರೆ, ಸಮಸ್ಯೆ ಯಾವುದು? ಎಂದು ಯಾರಿಗೂ ಗೊತ್ತಾಗಿರಲಿಲ್ಲ. ನಾಗೇಂದ್ರ ಬೋವಿವಡ್ಡರ್ ಅವರ ಸಾವಿನ ಬಗ್ಗೆ ಉಮ್ಮಚ್ಗಿಯ ಸಿವಿಲ್ ಗುತ್ತಿಗೆದಾರ ಗೋವಿಂದ ಬಸಾಪುರ ಅವರು ಪೊಲೀಸರಿಗೆ ವಿಷಯ ಮುಟ್ಟಿಸಿದ್ದು, ನಮಿತಾ ಬೋವಿವಡ್ಡರ್ ಅವರ ಸಾವಿನ ಬಗ್ಗೆ ಸೊರಬದಲ್ಲಿರುವ ಅವರ ಸಹೋದರ ನವೀನ ರೋಡಿಗ್ರಸ್ ಅವರು ಮಾಹಿತಿ ನೀಡಿದ್ದಾರೆ. ಜೀವನದಲ್ಲಿ ಜಿಗುಪ್ಸೆ ಹೊಂದಿ ದಂಪತಿ ಆತ್ಮಹತ್ಯೆಗೆ ಶರಣಾದ ಬಗ್ಗೆ ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಆತ್ಮಹತ್ಯೆ ಮಹಾ ಅಪರಾಧ’
- [ವಾದದಿಂದ ವಾಗ್ವಾದ-ಹೊಡೆದಾಟ: ಹಳೆ ಪ್ರಕರಣಕ್ಕೆ ಹೊಸ ಸ್ವರೂಪ!](https://mobiletime.in/2026/02/argument-turns-into-a-fight-a-new-twist-to-an-old-case/): ನಾಲ್ಕು ತಿಂಗಳ ಹಿಂದೆ ಶಿರಸಿಯಲ್ಲಿ ವಕೀಲರ ನಡುವೆ ನಡೆದಿದ್ದ ಹೊಡೆದಾಟ ಪ್ರಕರಣಕ್ಕೆ ದಾಖಲಾದ ಪೊಲೀಸ್ ದೂರುಗಳಿಗೆ ಹೈಕೋರ್ಟ ತಾತ್ಕಾಲಿಕ ತಡೆಯಾಜ್ಞೆ ನೀಡಿದೆ. ಇದರ ಬೆನ್ನಲ್ಲೆ ಮತ್ತೆ ಎರಡು ಪ್ರಕರಣಗಳು ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ! 2025ರ ನವೆಂಬರ್ 11ರಂದು ಶಿರಸಿಯಲ್ಲಿ ವಕೀಲರ ಸಭೆಯಲ್ಲಿ ನಡೆದ ಹೋಡೆದಾಟ ನಡೆದಿತ್ತು. ಅಧಿಕಾರ ಅವಧಿ ಮುಗಿದರೂ ಆಗದ ಹೊಸ ನೇಮಕಾತಿ, ಸದಸ್ಯತ್ವ ರದ್ಧತಿಯ ಬಗ್ಗೆ ಪ್ರಶ್ನೆ ಮಾಡಿದ್ದು ಸೇರಿ ವಿವಿಧ ವಿಷಯಗಳು ಹೊಡೆದಾಟಕ್ಕೆ ಕಾರಣವಾಗಿದ್ದವು. ಎರಡು ಬಣಗಳ ನಡುವೆ ನಡೆದ ವಾದ-ವಾಗ್ವಾದ ಗೊಂದಲ ಸೃಷ್ಠಿಸಿತ್ತು. ಈ ವಿಷಯವಾಗಿ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಯಲ್ಲಿ ವಿವಿಧ ದೂರುಗಳು ದಾಖಲಾಗಿದ್ದವು. ಜಾತಿ ನಿಂದನೆ, ಹಲ್ಲೆ ಹಾಗೂ ಮಹಿಳೆಯ ಮೈ ಮುಟ್ಟಿದ ಬಗ್ಗೆ ದೂರಿನ ಆರೋಪಗಳಿದ್ದು, ಆ ಎಲ್ಲಾ ಪ್ರಕರಣಗಳಿಗೂ ಹೈಕೋರ್ಟ ತಡೆಯಾಜ್ಞೆ ನೀಡಿದೆ. ಸದ್ಯ ಇದೇ ವಿಷಯದ ಮುಂದುವರೆದ ಭಾಗವಾಗಿ ಮತ್ತೆರಡು ಪೊಲೀಸ್ ಕೇಸ್ ದಾಖಲಾಗಿದೆ! ವಕೀಲ ಆರ್ ಎಸ್ ಹೊಸೂರು ಅವರು ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಗೆ ತೆರಳಿ ಆ ದಿನ ನಡೆದ ಕಹಿ ಘಟನೆಗಳ ಬಗ್ಗೆ ವಿವರಿಸಿದ್ದಾರೆ. ಮರಾಠಿಕೊಪ್ಪದ ವಕೀಲ ಸಿ ಎಫ್ ಈರೇಶ್, ಸಿದ್ದಾಪುರದ ವಕೀಲ ಮಂಜುನಾಥ ನಾಯ್ಕ, ಶಿರಸಿ ಆಳ್ಮನೆಯ ವಕೀಲ ವಿ ಎಂ ಹೆಗಡೆ, ರಾಮನಬೈಲಿನ ವಕೀಲ ರಾಜೀವ ರೇವಣಕರ್ ಅವರ ವಿರುದ್ಧ ಆರ್ ಎಸ್ ಹೊಸೂರು ಅವರು ಆರೋಪ ಮಾಡಿದ್ದಾರೆ. `ಸಂಘದ ಚುನಾವಣೆಯಲ್ಲಿ ತಮಗೆ ಸಹಕರಿಸಿಲ್ಲ ಎಂಬ ಕಾರಣಕ್ಕೆ ಮಾಜಿ ಅಧ್ಯಕ್ಷ ಸಿ ಎಫ್ ಈರೇಶ್ ಅವರು ದ್ವೇಷದಿಂದ ಇದ್ದರು. ಆ ದಿನ 80ಕ್ಕೂ ಅಧಿಕ ಸದಸ್ಯರಿದ್ದರೂ ಸಹ ಅವರು ಸಂಘದ ಸಭೆ ಮುಂದೂಡಿರುವುದಾಗಿ ವೇದಿಕೆ ಮೇಲೆ ಘೋಷಿಸಿದರು. ಆ ವೇಳೆ ಅದನ್ನು ರಾಜೇಶ್ ಶೆಟ್ಟಿ ಅವರು ಪ್ರಶ್ನಿಸಿದ್ದು, ಎದುರುದಾರರಾದ ನಾಲ್ಕು ವಕೀಲರು ಸೇರಿ ಗಲಾಟೆ ಶುರು ಮಾಡಿದರು’ ಎಂದು ಆರ್ ಎಸ್ ಹೊಸೂರು ಅವರು ಹೇಳಿದ್ದಾರೆ. `ಈ ವೇಳೆ ಸಮಾಧಾನ ಮಾಡಲು ಮುಂದಾದ ತಮಗೂ ಆ ನಾಲ್ವರು ವಕೀಲರು ಕುತ್ತಿಗೆ ಹಿಡಿದು ಕೊಲೆ ಪ್ರಯತ್ನ ಮಾಡಿದ್ದಾರೆ. ರಿಟ್ ಪಿಟಿಶನ್ ಹಾಕಿದನ್ನು ಪ್ರಶ್ನಿಸಿ ಬೈದಿದ್ದಾರೆ. ಇದರಿಂದ ತಮಗೆ ಹಾಗೂ ತಮ್ಮ ಕುಟುಂಬಕ್ಕೆ ಜೀವ ಬೆದರಿಕೆಯಿದೆ’ ಎಂದು ಆರ್ ಎಸ್ ಹೊಸೂರು ಅವರು ಪೊಲೀಸರ ಬಳಿ ವಿವರಿಸಿದ್ದಾರೆ. ಜೊತೆಗೆ ರಕ್ಷಣೆ ಕೋರುವಂತೆಯೂ ಮನವಿ ಮಾಡಿದ್ದಾರೆ. ಇದೇ ವಿಷಯವಾಗಿ ರಾಮನಬೈಲಿನ ವಕೀಲ ರಾಜೇಶ ವಿ ಶೆಟ್ಟಿ ಅವರು ಸಹ ಪೊಲೀಸರ ಬಳಿ ಇನ್ನಷ್ಟು ವಿಷಯ ಪ್ರಸ್ತಾಪಿಸಿದ್ದಾರೆ. ವಕೀಲರಾದ ಸಿ ಎಫ್ ಈರೇಶ್, ಮಂಜುನಾಥ ನಾಯ್ಕ, ವಿ ಎಂ ಹೆಗಡೆ ಹಾಗೂ ರಾಜೀವ ರೇವಣಕರ್ ಅವರ ವಿರುದ್ಧ ರಾಜೇಶ ಶೆಟ್ಟಿ ಅವರು ಆರೋಪ ಮಾಡಿದ್ದಾರೆ. `ಸಂಘದ ಸಭೆಯಲ್ಲಿ ಪ್ರಶ್ನಿಸಿದ ಕಾರಣ ನೀನು ಸಂಘದ ಸದಸ್ಯನಲ್ಲ ಎಂದು ವಕೀಲ ಸಿ ಎಫ್ ಈರೇಶ್ ಅವರು ಕೂಗಾಡಿದ್ದು, ನಾನು ಇನ್ನೂ ಒಂದು ಅವಧಿಗೆ ಅಧ್ಯಕ್ಷನಾಗಬೇಕಿದೆ. ಅದಕ್ಕೆ ಅವಕಾಶ ಕೊಡದೇ ನನ್ನ ವಿರುದ್ಧ ರಿಟ್ ಹೋಗುವಿರಾ?’ ಎಂದು ಪ್ರಶ್ನಿಸಿದ ಬಗ್ಗೆ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. ಸುಳ್ಳು ಕೇಸ್ ದಾಖಲಿಸುವುದಾಗಿ ಬೆದರಿಸಿ ಕುತ್ತಿಗೆ ಹಿಡಿದ ಬಗ್ಗೆಯೂ ವಿವರಿಸಿದ್ದು, ಆ ವೇಳೆ ಇನ್ನಿತರ ವಕೀಲರು ಹೊಡೆದಾಟ ಬಿಡಿಸಿರುವುದಾಗಿ ರಾಜೇಶ ಶೆಟ್ಟಿ ಅವರು ಹೇಳಿದ್ದಾರೆ. ಆ ದಿನ ನಡೆದಿದ್ದೇನು? ಆ ಸುದ್ದಿ ಇಲ್ಲಿ ಓದಿ: ವಾದದಿಂದ ವಾಗ್ವಾದ! ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಈ ಎರಡು ಪ್ರಕರಣ ದಾಖಲಿಸಿದ್ದು, ಸತ್ಯಾಸತ್ಯತೆಯ ಪರಿಶೀಲನೆ ಶುರು ಮಾಡಿದ್ದಾರೆ.
- [ಮಹಿಳೆ ಆತ್ಮಹತ್ಯೆ](https://mobiletime.in/2026/02/despite-having-three-children-chakkanda-is-having-an-affair-with-a-third-man-suspicion-of-his-involvement-in-her-death/): ಭಟ್ಕಳದ ರೂಪಾ ಪೈ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಭಟ್ಕಳ ಮಣ್ಕುಳಿಯ ನಾಗಯಕ್ಷೆ ದೇವಾಲಯದ ಬಳಿ ರೂಪಾ ಪೈ (36) ಅವರು ವಾಸವಾಗಿದ್ದರು. 16 ವರ್ಷಗಳ ಹಿಂದೆ ಅವರು ಪುಂಡ್ಲಿಕ್ ಪೈ ಅವರನ್ನು ಮದುವೆ ಆಗಿದ್ದರು. ರೂಪಾ ಪೈ ಅವರಿಗೆ ಮೂವರು ಮಕ್ಕಳು ಇದ್ದರು. ಮೂಡ ಭಟ್ಕಳದ ರವಿಚಂದ್ರ ನಾಯ್ಕ ಅವರು ರೂಪಾ ಪೈ ಅವರಿಗೆ ಪದೇ ಪದೇ ಫೋನ್ ಮಾಡುತ್ತಿದ್ದರು. ಇದಕ್ಕೆ ಪುಂಡ್ಲಿಕ್ ಪೈ ಅವರು ವಿರೋಧವ್ಯಕ್ತಪಡಿಸಿದ್ದು, `ಮೂರು ಮಕ್ಕಳಿರುವ ನೀನು ಆ ವ್ಯಕ್ತಿ ಜೊತೆ ಹೀಗೆ ಮಾತನಾಡುವುದು ಸರಿಯಲ್ಲ’ ಎಂದು ಬುದ್ದಿ ಹೇಳಿದ್ದರು. ಪತಿ ಆಡಿದ ಮಾತಿನಿಂದ ಬೇಸರಗೊಂಡ ರೂಪಾ ಪೈ ಅವರು ಫೆಬ್ರವರಿ ೧೪ರಂದು ತಮ್ಮ ಮನೆಯಲ್ಲಿನ ಕೋಣೆಗೆ ಹೋಗಿ ಉರುಳು ಹಾಕಿಕೊಂಡರು. ಫ್ಯಾನಿಗೆ ನೇಣು ಹಾಕಿಕೊಂಡ ಅವರು ಅಲ್ಲಿಯೇ ಶವವಾಗಿದ್ದರು. ರೂಪಾ ಪೈ ಅವರ ಮರಣದ ಬಗ್ಗೆ ಅವರ ಸಹೋದರಿ ಸ್ಮಿತಾ ಮಂಜುನಾಥ ಹೆಗಡೆ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಜಲ್ಲಿ ತುಂಬಿದ ಟಿಪ್ಪರ್'ಗೆ ಕಲ್ಲು ತೂರಾಟ: ಚಾಲಕನಿಗೆ ಥಳಿತ!](https://mobiletime.in/2026/02/stones-thrown-at-a-tipper-loaded-with-gravel-driver-beaten-up/): ಹುಬ್ಬಳ್ಳಿಯಿಂದ ಕೈಗಾಗೆ ಜಲ್ಲಿಕಲ್ಲು ಸಾಗಿಸುತ್ತಿದ್ದ ಯಲ್ಲಾಪುರದ ತನಜೀಲ್ ಶೇಖ್ ಅವರಿಗೆ ಕಾರವಾರದಲ್ಲಿ ವ್ಯಕ್ತಿಗಳಿಬ್ಬರು ಸೇರಿ ಥಳಿಸಿದ್ದಾರೆ. ಅವರ ಟಿಪ್ಪರ್’ಗೆ ಕಲ್ಲು ಎಸೆದು ಗಾಜು ಒಡೆದಿದ್ದಾರೆ. ಯಲ್ಲಾಪುರದ ಉದ್ಯಮ ನಗರದಲ್ಲಿ ತನಜೀಲ್ ಆದಂ ಶೇಖ್ (25) ಅವರು ವಾಸವಾಗಿದ್ದಾರೆ. ಟಿಪ್ಪರ್ ಚಾಲಕರಾಗಿ ಅವರು ದುಡಿದು ಜೀವನ ನಡೆಸುತ್ತಿದ್ದಾರೆ. ಹುಬ್ಬಳ್ಳಿಯ ತಡಸ್’ದಿಂದ ಅವರು ಜಲ್ಲಿ ಕಲ್ಲುಗಳನ್ನು ತುಂಬಿಕೊAಡು ಅಗತ್ಯವಿದ್ದವರಿಗೆ ಪೂರೈಕೆ ಮಾಡುತ್ತಾರೆ. ಹೀಗಿರುವಾಗ, ಕಾರವಾರದ ಕೈಗಾಗೆ ಜಲ್ಲಿ ಕಲ್ಲು ಬೇಕಿರುವ ಬಗ್ಗೆ ಅರಿತು ಅವರು ಆ ಕಡೆ ತಮ್ಮ ಟಿಪ್ಪರ್ ಓಡಿಸಿದ್ದಾರೆ. ಫೆ 13ರಂದು ಜಲ್ಲಿ ಕಲ್ಲು ತುಂಬಿಕೊoಡು ಕಾರವಾರದ ಕೈಗಾ ಕಡೆ ಹೊರಟ ಅವರಿಗೆ ಫೆ 14ರಂದು ಕೆರವಡಿಯಲ್ಲಿ ಅದೇ ಊರಿನ ರವಿ ದೇವಿದಾಸ ನಾಯ್ಕ ಹಾಗೂ ಕಿರಣ ದೇವಿದಾಸ ನಾಯ್ಕ ಅವರು ಅಡ್ಡಗಟ್ಟಿದ್ದಾರೆ. ಟಿಪ್ಪರ್ ನಿಲ್ಲಿಸುವಂತೆ ಸೂಚಿಸಿದ ಅವರಿಬ್ಬರು ಬೈಗುಳ ಶುರು ಮಾಡಿದ್ದಾರೆ. ಇದರಿಂದ ಬೆದರಿದ ತನಜೀಲ್ ಶೇಖ್ ಅವರು ಟಿಪ್ಪರಿನ ಗ್ಲಾಸು ಏರಿಸಿದ್ದು, ಆಗ ಎದುರಾಳಿಗಳಿಬ್ಬರು ಸೇರಿ ಕಲ್ಲು ತೂರಾಟ ಮಾಡಿದ್ದಾರೆ. ಈ ವೇಳೆ ಟಿಪ್ಪರಿನ ಗ್ಲಾಸು ಒಡೆದಿದೆ. ಅದಾದ ನಂತರ ತನಜೀಲ್ ಶೇಖ್ ಅವರನ್ನು ಹಿಡಿದು ಥಳಿಸಿದ್ದಾರೆ. `ಮತ್ತೆ ಈ ದಾರಿಯಲ್ಲಿ ಓಡಾಡಿದರೆ ಎಚ್ಚರ’ ಎಂದು ಅವರಿಬ್ಬರು ಬೆದರಿಸಿದ್ದು, ತಮಗಾದ ನೋವಿನ ಬಗ್ಗೆ ತನಜೀಲ್ ಶೇಖ್ ಅವರು ಪೊಲೀಸ್ ದೂರು ನೀಡಿದ್ದಾರೆ. ರವಿ ನಾಯ್ಕ ಹಾಗೂ ಕಿರಣ ನಾಯ್ಕ ಅವರ ವಿರುದ್ಧ ಮಲ್ಲಾಪುರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಅಪಘಾತದಲ್ಲಿ ಅಂತ್ಯವಾದ ಅಡಿಕೆ ವ್ಯಾಪಾರಿ ಬದುಕು!](https://mobiletime.in/2026/02/the-areca-nut-merchant-who-died-in-an-accident-survived/): ಹೊನ್ನಾವರದ ಹಳದಿಪುರದಲ್ಲಿ ನಡೆದ ಅವಘಡದಲ್ಲಿ ಅಡಿಕೆ ವ್ಯಾಪಾರಿಯೊಬ್ಬರು ಸಾವನಪ್ಪಿದ್ದಾರೆ. ಬೈಕ್ ಹಾಗೂ ಕಾರಿನ ನಡುವೆ ನಡೆದ ಅಪಘಾತದಲ್ಲಿ ಹಳದಿಪುರದ ವಿನಾಯಕ ರಘುವೀರ ಶ್ಯಾನಭಾಗ (50) ಅವರ ಬದುಕು ಕೊನೆಯಾಗಿದೆ. ವಿನಾಯಕ ಶ್ಯಾನಭಾಗ ಅವರು ಅಡಿಕೆ ವ್ಯಾಪಾರಿಯಾಗಿ ಬದುಕು ಕಟ್ಟಿಕೊಂಡಿದ್ದರು. ಸ್ನೇಹಜೀವಿ ಆಗಿದ್ದ ಅವರು ಜನಪರ ನಿಲುವು ಹೊಂದಿದ್ದರು. ಸಮಾಜಮುಖಿ ವ್ಯಕ್ತಿತ್ವದಿಂದ ಅವರು ಜನ ಮನ್ನಣೆಗಳಿಸಿದ್ದರು. ಭಾನುವಾರ ಬೆಳಗ್ಗೆ ನಡೆದ ದುರಂತದಲ್ಲಿ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಅವರನ್ನು ಸ್ಥಳೀಯರು ರಕ್ಷಿಸುವ ಪ್ರಯತ್ನ ಮಾಡಿದರು. ಪೊಲೀಸರ ಜೊತೆ ಸೇರಿ ಅಲ್ಲಿದ್ದ ಜನ ವಿನಾಯಕ ಶ್ಯಾನಭಾಗ ಅವರನ್ನು ಹೊನ್ನಾವರದ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಿದರು. ಅಲ್ಲಿ ಅವರಿಗೆ ಪ್ರಾಥಮಿಕ ಚಿಕಿತ್ಸೆ ಸಿಕ್ಕಿದ್ದು, ಪರಿಸ್ಥಿತಿ ಚಿಂತಾಜನಕವಾಗಿದ್ದರಿoದ ವೈದ್ಯರು ದೊಡ್ಡ ಆಸ್ಪತ್ರೆಉ ಶಿಫಾರಸ್ಸು ಮಾಡಿದರು. ಹೀಗಾಗಿ ವಿನಾಯಕ ಶ್ಯಾನಭಾಗ ಅವರನ್ನು ಮಣಿಪಾಲದ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ಅವರಿಗೆ ಚಿಕಿತ್ಸೆ ಮುಂದುವರೆದರೂ ಅದಕ್ಕೆ ಅವರ ದೇಹ ಸ್ಪಂದಿಸಲಿಲ್ಲ. ಪರಿಣಾಮ ವಿನಾಯಕ ಶ್ಯಾನಭಾಗ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮಗಳನ್ನು ತಪ್ಪದೇ ಪಾಲಿಸಿ’
- [`ಲಯನ್ಸ ಸೇವೆ ಸಮಾಜಕ್ಕೆ ಮಾದರಿ'](https://mobiletime.in/2026/02/lions-service-is-a-model-for-society/): `ಸಾಮಾಜಿಕ ಸೇವೆ ಮಾಡುವಲ್ಲಿ ಕಾರವಾರದ ಸದಾಶಿವಗಡ ಲಯನ್ಸ ಕ್ಲಬ್ ಮುಂಚೂಣಿಯಲ್ಲಿದ್ದು, ಅದರ ಸೇವೆ ನಿರಂತರವಾಗಿರಲಿ’ ಎಂದು ಲಯನ್ಸ್ ಕ್ಲಬ್ಬಿನ ಡೆಸ್ಟಿಕ್ ಗವರ್ನರ್ ಜೈಮೊಲ್ ನಾಯ್ಕ ಅವರು ಹೇಳಿದ್ದಾರೆ. ವಾರ್ಷಿಕ ಭೇಟಿ ಕಾರ್ಯಕ್ರಮದ ಅಂಗವಾಗಿ ಅಸ್ನೋಟಿ ಶಿವಾಜಿ ಮಂದಿರಕ್ಕೆ ಆಗಮಿಸಿದ ಅವರು ಲಯನ್ಸ ಸೇವೆಯನ್ನು ಶ್ಲಾಘಿಸಿದರು. `ಗ್ರಾಮೀಣ ಭಾಗದ ಜನರ ಜೀವನ ಮಟ್ಟ ಸುಧಾರಣೆಗೆ ಲಯನ್ಸ ಕ್ಲಬ್ ಶ್ರಮಿಸುತ್ತಿದೆ. ಇದಕ್ಕೆ ಪೂರಕವಾಗಿ ಶಿವಾಜಿ ಬಾಲಕರ ವಸತಿ ನಿಲಯದ ವಿದ್ಯಾರ್ಥಿಗಳಿಗೆ ಆಹಾರ ಧಾನ್ಯ ಹಾಗೂ ಪ್ರೇಮ ಆಶ್ರಮ ಟ್ರಸ್ಟ್ ಬಾಲಕಿಯರ ವಸತಿ ನಿಲಯದ ವಿದ್ಯಾರ್ಥಿನಿಯರ ಅನುಕೂಲಕ್ಕೆ ಬರ್ನಿಂಗ್ ಕಂಟ್ರೋಲ್ ಮಿಶನ್ ಒದಗಿಸುವೆ’ ಎಂದು ಅವರು ಘೋಷಿಸಿದರು. ಲಯನ್ಸ ಪ್ರಮುಖರಾದ ಡಾ ಕೀರ್ತಿ ನಾಯ್ಕ ಅವರು `ಕಾರವಾರ ತನ್ನ ಜನ್ಮಭೂಮಿಯಾಗಿದ್ದು, ಇಲ್ಲಿ ಭೇಟಿ ನೀಡುವುದು ಖುಷಿ ನೀಡುತ್ತದೆ. ಸೇವೆ ಮಾಡುವ ಮನಸ್ಸಿರುವವರಿಗೆ ಲಯನ್ಸ ಕ್ಲಬ್ ಅವಕಾಶ ನೀಡುತ್ತಿದೆ’ ಎಂದರು. ವೇದಿಕೆಯಲ್ಲಿದ್ದ ರಾಹುಲ್ ವೇರೇಕರ್, ರಾಜೇಶ ಸಾಲೇಹಿತ್ತಲ, ಅನೀಲ ಶೇಠ್ ಅವರು ಮಾತನಾಡಿದರು. ಲಯನ್ಸ್ ಕ್ಲಬ್ಬಿನ ಅಧ್ಯಕ್ಷ ನಯೀಮ್ ಮುಖಾದಮ್ ಅವರು ಅಧ್ಯಕ್ಷತೆವಹಿಸಿದ್ದರು. ಕ್ಲಬ್ಬಿನ ಮಾಜಿ ಅಧ್ಯಕ್ಷರಾದ ರಾಮಚಂದ್ರ ಅಂದ್ಲಮನೆ, ಸುನೀಲ್ ಐಗಳ್ ಹಾಗೂ ಜಯಶೀಲಾ ಬಿಷ್ಟಣ್ಣನವರ ಅವರು ವೇದಿಕೆಯಲ್ಲಿದ್ದರು. ಜೆ ಬಿ ತಿಪ್ಪೇಸ್ವಾಮಿ ಅವರು ವರದಿ ವಾಚಿಸಿದ್ದು, ಸಂದೀಪ್ ಅಣ್ವೇಕರ ಅವರು ಕಾರ್ಯಕ್ರಮ ನಿರ್ವಹಿಸಿದರು. ರೋಶನ್ ರೇವಣಕರ ಅವರು ಪರಿಚಯ ಭಾಷಣ ಮಾಡಿದರು. ಸೋನಿಯಾ ಅಣ್ವೇಕರ ಅವರು ಧ್ವಜವಂದನೆ ನೆರವೇರಿಸಿದರು. ಗಣೇಶ ಬಿಷ್ಟಣ್ಣನವರ ಅವರು ವಂದಿಸಿದರು.
- [ಶಿವರಾತ್ರಿ: ಆ ಭಕ್ತನ ಪಾಲಿಗೆ ವೈದ್ಯರೇ ದೇವರು!](https://mobiletime.in/2026/02/shivaratri-for-that-devotee-the-doctor-is-god/): ಶಿವರಾತ್ರಿ ಆಚರಣೆಗೆ ಗೋಕರ್ಣಕ್ಕೆ ಬಂದಿದ್ದ ಭಕ್ತರೊಬ್ಬರು ಏಕಾಏಕಿ ಅಸ್ವಸ್ಥರಾಗಿದ್ದು, ವೈದ್ಯಾಧಿಕಾರಿ ಡಾ ಜಗದೀಶ ನಾಯ್ಕ ಅವರು ಆ ಭಕ್ತರ ಜೀವ ಕಾಪಾಡಿದ್ದಾರೆ. ಭಾನುವಾರ ಗೋಕರ್ಣದಲ್ಲಿರುವ ಆತ್ಮಲಿಂಗ ದರ್ಶನಕ್ಕೆ ಸಾವಿರ ಸಾವಿರ ಸಂಖ್ಯೆಯ ಭಕ್ತರು ಆಗಮಿಸಿದ್ದಾರೆ. ಸರತಿ ಸಾಲಿನಲ್ಲಿ ನಿಂತು ದೇವರ ದರ್ಶನಪಡೆಯುತ್ತಿದ್ದಾರೆ. ದೂರ ದೂರದ ಊರುಗಳಿಂದ ಆಗಮಿಸಿದ ಜನ ಆತ್ಮಲಿಂಗ ದರ್ಶನಕ್ಕಾಗಿ ದಿನವಿಡೀ ಕಾಯುತ್ತಿದ್ದಾರೆ. ಹೀಗಿರುವಾಗ ಪರ ಪ್ರದೇಶದ ಭಕ್ತರೊಬ್ಬರು ಶ್ರೀಕ್ಷೇತ್ರ ಗೋಕರ್ಣಕ್ಕೆ ಆಗಮಿಸಿದ್ದು, ಅನಾರೋಗ್ಯಕ್ಕೆ ಒಳಗಾದರು. ಅಂಕೋಲಾ ಆಸ್ಪತ್ರೆಯ ವೈದ್ಯಾಧಿಕಾರಿಯಾಗಿರುವ ಡಾ ಜಗದೀಶ ನಾಯ್ಕ ಅವರು ಗೋಕರ್ಣದಲ್ಲಿ ಪ್ರಭಾರಿಯಾಗಿ ಕರ್ತವ್ಯ ನಿಭಾಯಿಸುತ್ತಿದ್ದು, ಅಸ್ವಸ್ಥಗೊಂಡ ಆ ಭಕ್ತರ ಆರೈಕೆ ಮಾಡಿದರು. ವೈದ್ಯರ ಸಮಯ ಪ್ರಜ್ಞೆ ಹಾಗೂ ನಿರಂತರ ಚಿಕಿತ್ಸೆ ಪರಿಣಾಮ ಅಸ್ವಸ್ಥಗೊಂಡ ವ್ಯಕ್ತಿ ಜೀವಾಪಾಯದಿಂದ ಪಾರಾದರು. ಡಾ ವಿಶ್ವಾಸ್ ಕಗಾಲ್ ಅವರು ರೋಗಿಗೆ ಚಿಕಿತ್ಸೆ ನೀಡುವಲ್ಲಿ ಸಾಕಷ್ಟು ಶ್ರಮವಹಿಸಿದರು. ಆಸ್ಪತ್ರೆ ಸಿಬ್ಬಂದಿಯೂ ಮುತುವರ್ಜಿವಹಿಸಿ ಆರೈಕೆ ಮಾಡಿದರು. ಮಿನಿ ಆಂಬುಲೆನ್ಸ್ ಸೇವೆಗೆ ಆಗ್ರಹ: ಈ ದಿನ ಆತ್ಮಲಿಂಗ ದರ್ಶನ ಮಾಡಿದ ಭಕ್ತರೊಬ್ಬರು ಹೃದಯಘಾತದಿಂದ ಕುಸಿದು ಬಿದ್ದಿದ್ದು, ಅವರನ್ನು ಪೊಲೀಸ್ ವಾಹನದಲ್ಲಿ ಆರೋಗ್ಯ ಕೇಂದ್ರಕ್ಕೆ ಸಾಗಿಸಲಾಯಿತು. ಜಾತ್ರೆ ಸಮಯದಲ್ಲಿ ತುರ್ತು ಸನ್ನಿವೇಶ ಎದುರಿಸಲು ಮಿನಿ ಆಂಬುಲೆನ್ಸ ಅಗತ್ಯವಿರುವ ಬಗ್ಗೆ ಜಾತ್ರಾ ಸಿದ್ಧತಾ ಸಭೆಯಲ್ಲಿ ತಿಳಿಸಿದರೂ ಆಗದ ಬಗ್ಗೆ ಅನೇಕ ಜನ ಆಕ್ಷೇಪಿಸಿದರು. ಬೇಡಿಕೆಯ ಪ್ರಕಾರ ಮಿನಿ ಆಂಬುಲೆನ್ಸ್ ಸೇವೆಗಾಗಿ ಒತ್ತಾಯಿಸಿದರು.  
- [ಶಿವರಾತ್ರಿ: ಆತ್ಮಲಿಂಗ ದರ್ಶನದ ನಂತರ ಶಿವನ ಪಾದ ಸೇರಿದ ಭಕ್ತ!](https://mobiletime.in/2026/02/shivaratri-devotee-worships-lord-shiva-after-seeing-atmalinga/): ಶಿವರಾತ್ರಿ ಹಿನ್ನಲೆ ಗೋಕರ್ಣಕ್ಕೆ ಬಂದಿದ್ದ ಭಕ್ತರೊಬ್ಬರು ಆತ್ಮಲಿಂಗ ದರ್ಶನ ಮಾಡಿ ಶಿವನ ಪಾದ ಸೇರಿದ್ದಾರೆ. ಗೋವಾದ ರತ್ನಾಕರ ಬೋಮಕರ್ ಅವರು ಭಾನುವಾರ ಗೋಕರ್ಣಕ್ಕೆ ಬಂದಿದ್ದರು. ಅತ್ಯಂತ ಭಕ್ತಿಯಿಂದ ಅವರು ಆತ್ಮಲಿಂಗದ ದರ್ಶನ ಮಾಡಿದ್ದರು. ದರ್ಶನ ಮುಗಿಸಿ ಹೊರ ಬರುವಾಗಲೇ ಅವರು ತಮ್ಮ ಬದುಕು ಅಂತ್ಯಗೊಳಿಸಿದರು. ರತ್ನಾಕರ ಬೋಮಕರ್ ಅವರು ಏಕಾಂಗಿಯಾಗಿ ಶಿವನ ದರ್ಶನಕ್ಕೆ ಬಂದಿದ್ದರು. ಹೃದಯ ಆಘಾತದಿಂದ ಅವರು ಕುಸಿದು ಬಿದ್ದಿದ್ದು, ಪೊಲೀಸ್ ವಾಹನದಲ್ಲಿ ಅವರನ್ನು ಪ್ರಾಥಮಿಕ ಚಿಕಿತ್ಸೆಗೆ ಕರೆದೊಯ್ಯಲಾಯಿತು. ವೈದ್ಯರು ತಪಾಸಣೆಗೆ ಆಗಮಿಸುವದರಷ್ಟರಲ್ಲಿಯೇ ಅವರು ತಮ್ಮ ಬದುಕಿನ ಪ್ರಯಾಣ ಮುಗಿಸಿದ್ದರು.
- [ಜಾತ್ರೆ ಪೇಟೆಯಲ್ಲಿ ಗಾಂಜಾ ಗುಂಗು!](https://mobiletime.in/2026/02/the-smell-of-marijuana-in-the-fairgrounds/): ಗಾoಜಾ ಗುಂಗಿನಲ್ಲಿ ಜಾತ್ರೆ ಪೇಟೆ ಅಲೆದಾಡುತ್ತಿದ್ದ ಉಮ್ಮಚ್ಗಿ ಹಾಗೂ ಚವತ್ತಿಯಯ ಪಡ್ಡೆ ಹೈಕಳಿಗೆ ಯಲ್ಲಾಪುರ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ. ಯಲ್ಲಾಪುರದಲ್ಲಿ ಅದ್ಧೂರಿ ಜಾತ್ರಾ ಮಹೋತ್ಸವ ನಡೆಯುತ್ತಿದ್ದು, ದೇಶದ ನಾನಾ ಭಾಗಗಳಿಂದ ಜನ ಬರುತ್ತಿದ್ದಾರೆ. ಅದರಲ್ಲಿಯೂ ರಜಾ ದಿನವಾದ ಶನಿವಾರ ಲಕ್ಷಾಂತರ ಭಕ್ತರು ಜಾತ್ರೆ ಪೇಟೆಗೆ ಬಂದಿದ್ದಾರೆ. ಉಮ್ಮಚ್ಗಿಯ ಜನತಾ ಕಾಲೋನಿಯ ಚಂದನ ಹನುಮಂತ ಹರಿಕಂತ್ರ (22) ಹಾಗೂ ಚವತ್ತಿಯ ಪ್ರಮೋದ ಅಶೋಕ ಶೇರುಗಾರ (29) ಸಹ ಫೆಬ್ರವರಿ 14ರ ರಾತ್ರಿ ಯಲ್ಲಾಪುರಕ್ಕೆ ಬಂದಿದ್ದು, ಅವರಿಬ್ಬರು ಮೋಜು ಮಸ್ತಿಯಲ್ಲಿ ತೊಡಗಿದ್ದರು. ಅಲ್ಲಿ ಇಲ್ಲಿ ತಿರುಗಾಟದ ನಂತರ ಅವರಿಬ್ಬರು ವೈಟಿಎಸ್‌ಎಸ್ ಶಾಲೆ ಎದುರಿನ ರಸ್ತೆ ಬಳಿ ಬಂದಿದ್ದರು. ಅಲ್ಲಿ ಬರುವ ಮುನ್ನ ಇಬ್ಬರು ಗಾಂಜಾ ನಶೆ ಏರಿಸಿಕೊಂಡಿದ್ದರು. ಕದ್ದು ಮುಚ್ಚಿ ಗಾಂಜಾ ಹೊಡೆದ ಅವರಿಬ್ಬರು ಜಾತ್ರೆಯ ಎಲ್ಲಾ ಕಡೆ ಸುತ್ತಾಟ ನಡೆಸಿದ್ದು, ನಶೆಯಲ್ಲಿದ್ದ ಅವರಿಬ್ಬರು ಸಾರ್ವಜನಿಕರ ಜೊತೆ ಅನುಚಿತವಾಗಿ ವರ್ತಿಸಲು ಶುರು ಮಾಡಿದರು. ಅಮಲಿನಲ್ಲಿ ಗೊಣಗುತ್ತಿದ್ದ ಅವರಿಬ್ಬರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದರು. ಕುಲುಮೆ ಕೆಲಸ ಮಾಡಿಕೊಂಡಿದ್ದ ಚಂದನ ಹರಿಕಂತ್ರ ಅವರ ಜೊತೆ ಚಾಲಕನಾಗಿರುವ ಪ್ರಮೋದ ಶೇರುಗಾರ್ ಅವರನ್ನು ಪೊಲೀಸರು ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದರು. ವೈದ್ಯರು ಅವರಿಬ್ಬರು ಗಾಂಜಾ ಸೇವನೆ ಮಾಡಿರುವುದನ್ನು ದೃಢಪಡಿಸಿದರು. ಈ ಹಿನ್ನಲೆ ಪಿಸೈ ರಾಜಶೇಖರ ವಂದಲಿ ಅವರು ಆ ಯುವಕರಿಬ್ಬರಿಗೂ ಬುದ್ದಿ ಹೇಳಿದರು. ಗಾಂಜಾ ಸೇವನೆಯಿಂದ ದೇಹ ಹಾಗೂ ಮನಸ್ಸಿನ ಮೇಲಾಗುವ ದುಷ್ಪರಿಣಾಮಗಳ ಬಗ್ಗೆ ಅರಿವು ಮೂಡಿಸಿದರು. ಮಾಡಿದ ತಪ್ಪಿಗೆ ಶಿಕ್ಷೆ ಅನುಭವಿಸುವಂತೆ ಸೂಚಿಸಿ ಅವರಿಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿದರು. `ಮಾದಕ ವ್ಯಸನ ಬದುಕಿಗೆ ಮಾರಕ’
- [ಮೀನಿನ ಬಲೆಗೆ ಬಿದ್ದ ಹೋರಿ: ಸಾವು!](https://mobiletime.in/2026/02/bull-falls-into-fishing-net-death/): ರಾಜ್ಯಮಟ್ಟದ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಹಲವು ಬಹುಮಾನಪಡೆದಿದ್ದ ಹೋರಿಯೊಂದು ಮುಂಡಗೋಡಿನ ಮಳಗಿ ಜಲಾಶಯದಲ್ಲಿನ ಬಲೆಗೆ ಬಿದ್ದು ಸಾವನಪ್ಪಿದೆ! ಮುಂಡಗೋಡದ ಕುರ್ಲಿಯಲ್ಲಿ ನಡೆದ ರಾಜ್ಯಮಟ್ಟದ ಹೋರಿ ಸ್ಪರ್ಧೆಗೆ ಹಾವೇರಿಯ `ವಿಬಿಪಿ ಡಾನ್’ ಎಂಬ ಹೋರಿ ಆಗಮಿಸಿತ್ತು. ಹೊಂಬರಡಿ ಗ್ರಾಮದ ಶ್ರೀಶೈಲ್ ಬೆಲವಾಡಿ ಅವರ ಈ ಹೋರಿ ಮೈದಾನಕ್ಕೆ ಇಳಿದು ಎಲ್ಲರನ್ನು ಆಕರ್ಷಿಸಿತ್ತು. ಆ ಹೋರಿಯ ಚುರುಕು ಚಲನ-ವಲನವನ್ನು ಜನ ಕಣ್ತುಂಬಿಕೊAಡಿದ್ದರು. ಶುಕ್ರವಾರ ಸ್ಪರ್ಧೆಗೆ ಬಿಟ್ಟಿದ್ದ ಹೋರಿ ಮೈದಾನ ಬಿಟ್ಟು ಹೊರ ಹೋಗಿದ್ದು, ಯಾರ ಕೈಗೂ ಸಿಕ್ಕಿರಲಿಲ್ಲ. ಆ ಹೋರಿ ಅರಣ್ಯದ ಕಡೆ ಓಡಿತು. ಮಾಲಕರ ಜೊತೆ ಇನ್ನಿತರರು ಹೋರಿಯನ್ನು ಹುಡುಕಿ ಹೊರಟರು. ಆದರೆ, ಎಲ್ಲರ ಕಣ್ತಪ್ಪಿಸಿದ ಹೋರಿ ಕಾಡಿನ ಕಡೆ ಹೋಗಿದ್ದು, ರಾತ್ರಿಯಿಡೀ ಕರೆದರೂ ಊರಿನ ಕಡೆ ಬರಲಿಲ್ಲ. `ಆಗಾಗ ಈ ಹೋರಿ ಹೀಗೆ ಓಡುವುದು ಸಾಮಾನ್ಯ. ಸ್ವಲ್ಪ ಸಮಯದಲ್ಲಿ ಮರಳುತ್ತದೆ’ ಎಂದು ಮಾಲಕರು ಭಾವಿಸದ್ದರು. ಅದಾಗಿಯೂ, ಕತ್ತಲ ದಾರಿಯಲ್ಲಿ ಹೋರಿಯನ್ನು ಕರೆಯುತ್ತ ಸುತ್ತಾಟ ನಡೆಸಿದ್ದರು. ರಾತ್ರಿಯಿಡೀ ಹುಡುಕಿದರೂ ಹೋರಿಯ ಸದ್ದು ಕೇಳಿಸಲಿಲ್ಲ. ಆದರೆ, ಶನಿವಾರ ಬೆಳಗ್ಗೆ ಹೊರಿ ಜಲಾಶಯದ ಬಳಿ ಶವವಾಗಿರುವ ಸುದ್ದಿ ಕೇಳಿಸಿತು. ಅಲ್ಲಿ ಹೋಗಿ ನೋಡಿದಾಗ ಮೀನಿಗೆ ಹಾಕಿದ್ದ ಬಲೆಯಲ್ಲಿ ಸಿಲುಕಿ ಆ ಹೋರಿ ಕೊನೆಯುಸಿರೆಳೆದಿತ್ತು. ನೀರಿನಿಂದ ತಪ್ಪಿಸಿಕೊಂಡು ಬಾರದೇ ಒದ್ದಾಟ ನಡೆಸಿದ ಹೋರಿ ಅಲ್ಲಿಯೇ ಸಾವನಪ್ಪಿರುವುದು ಗೊತ್ತಾಯಿತು. ಊರಿನವರೆಲ್ಲ ಸೇರಿ ತೆಪ್ಪದ ಸಹಾಯದಿಂದ ಹೋರಿಯ ಶವ ಮೇಲೆತ್ತಿದರು. ಕೆಲವರು ಹೋರಿ ಬದುಕಿರಬಹುದು ಎಂದು ಅಂದಾಜಿಸಿ ಅದರ ಮೈಮೇಲೆ ಬಡಿದರು. ಆದರೆ, ಹೋರಿ ಸಾವನಪ್ಪಿರುವುದನ್ನು ಅರಿತು ಕಣ್ಣೀರು ಸುರಿಸಿದರು.  
- [ಚಿನ್ನ ಕೇಳಿ ಪೆಟ್ಟು ತಿಂದ ನಾಯಿ ಮಾರಾಟಗಾರ!](https://mobiletime.in/2026/02/dog-seller-gets-hit-after-asking-for-gold/): ಕಾರವಾರದ ಪ್ರಶಾಂತ ಗೋವೇಕರ್ ಅವರು ಮಹಿಳೆಯೊಬ್ಬರಿಗೆ ನಾಯಿ ಮಾರಾಟ ಮಾಡಿದ್ದು, ಅದರ ಹಣಪಡೆಯಲು ಹೋಗಿ ಪೆಟ್ಟು ತಿಂದಿದ್ದಾರೆ. ಮಹಿಳೆಯರಿಬ್ಬರು ಸೇರಿ ಪ್ರಶಾಂತ ಗಾಂವ್ಕರ್ ಅವರಿಗೆ ಕೆಟ್ಟದಾಗಿ ಬೈದು ಥಳಿಸಿದ್ದಾರೆ. ಕಾರವಾರದ ಕಿನ್ನರ ಬಳಿಯ ಸಿದ್ಧವಾಡದಲ್ಲಿ ಪ್ರಶಾಂತ ದತ್ತರಾಮ ಗೋವೆಕರ್ ಅವರು ವಾಸವಾಗಿದ್ದಾರೆ. ವ್ಯಾಪಾರಿಯಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಪ್ರಶಾಂತ ಗೋವೆಕರ್ ಅವರು ತಾವು ಸಾಕಿದ್ದ ನಾಯಿಯನ್ನು ಸದಾಶಿವಗಡ ಕಣಸಗಿರಿಯ ಸುಮಾ ಸುಧಾಕರ ಪಡವಾಳಕರ್ ಅವರಿಗೆ ಮಾರಾಟ ಮಾಡಿದ್ದಾರೆ. ಆದರೆ, ಸುಮಾ ಪಡವಾಳಕರ್ ಅವರು ನಾಯಿ ಖರೀದಿಸಿದ ಹಣ ಪಾವತಿ ಮಾಡಿಲ್ಲ. ಹೀಗಾಗಿ ಫೆಬ್ರವರಿ 7ರಂದು ಪ್ರಶಾಂತ ಗೋವೇಕರ್ ಅವರು ಸದಾಶಿವಗಡದ ಕಡೆ ಹೋಗಿದ್ದಾರೆ. ಕಣಸಗಿರಿಯಲ್ಲಿರುವ ಸುಮಾ ಪಡವಾಳಕರ್ ಅವರ ಮನೆಗೆ ಹೋಗಿ ನಾಯಿ ಖರೀದಿಸಿದ ಹಣ ಕೇಳಿದ್ದಾರೆ. ಈ ವೇಳೆ ಈ ಹಿಂದೆಪಡೆದಿದ್ದ 10 ತೊಲೆ ಬಂಗಾರ ಹಾಗೂ 5 ಲಕ್ಷ ರೂ ಹಣಪಡೆದ ಬಗ್ಗೆಯೂ ವಿಚಾರಿಸಿದ್ದು, ಅದರ ಬಗ್ಗೆ ಪ್ರಶ್ನೆ ಕೇಳಿದ್ದಾರೆ. ಇದರಿಂದ ಸುಮಾ ಪಡವಾಳಕರ್ ಅವರ ಸಿಟ್ಟು ನೆತ್ತಿಗೇರಿದೆ. ಮನೆಯಲ್ಲಿದ್ದ ಕತ್ತಿ ಹಿಡಿದು ಹೊರಬಂದ ಸುಮಾ ಪಡವಾಳಕರ್ ಅವರು ಪ್ರಶಾಂತ  ಅವರ ಕಡೆ ತಮ್ಮ ಆಯುಧ ಬೀಸಿದ್ದಾರೆ. ಮನೆಯಲ್ಲಿದ್ದ ಸುಮಾ ಅವರ ಮಗಳು ಈಗಾಗಲೇ 10 ತೊಲೆ ಬಂಗಾರ, ಐದು ಲಕ್ಷ ರೂ ಹಣಪಡೆದ ಬಗ್ಗೆ ವಿಚಾರಣೆ ಶ್ರೇಯಾ ಪಡವಾಳಕರ್ ಅವರು ಈ ಹೊಡೆದಾಟಕ್ಕೆ ಕೈ ಜೋಡಿಸಿದ್ದಾರೆ. ಅಮ್ಮ-ಮಗಳು ಸೇರಿ ಪ್ರಶಾಂತ ಗೋವೆಕರ್ ಅವರಿಗೆ ಥಳಿಸಿದ್ದು, ಕತ್ತಿಯ ಏಟು ಅವರನ್ನು ಗಾಯಗೊಳಿಸಿದೆ. ಅಲ್ಲಿಂದ ಓಡಿ ತಪ್ಪಿಸಿಕೊಂಡ ಪ್ರಶಾಂತ ಗೋವೆಕರ್ ಅವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಚಿತ್ತಾಕುಲ ಪೊಲೀಸರ ಬಳಿ ತಮಗೆ ನ್ಯಾಯಯುತವಾಗಿ ಬರಬೇಕಾದ ನಾಯಿ ಹಣದ ಬಗ್ಗೆ ಹೇಳಿದ್ದಾರೆ. ಹಣ ಕೇಳಲು ಹೋದಾಗ ನಡೆದ ಹೊಡೆದಾಟದ ಬಗ್ಗೆ ವಿವರಿಸಿ ಆ ಅಮ್ಮ-ಮಗಳ ವಿರುದ್ಧ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ.
- [ಶಿಕ್ಷಕನ ಮನೆಯಲ್ಲಿ ಕಳ್ಳರ ಕಿತಾಪತಿ!](https://mobiletime.in/2026/02/thieves-den-in-the-teachers-house/): ಕಾರವಾರದ ಸಿದ್ಧರದ ಶಿಕ್ಷಕ ಸುನೀಲ ಗಾಂವ್ಕರ್ ಅವರ ಸದಾಶಿವಗಡದಲ್ಲಿನ ಮನೆಯಲ್ಲಿ ಕಳ್ಳತನ ನಡೆದಿದೆ. ಶಿಕ್ಷಕರು ಶಾಲೆಗೆ ಹೋದ ಸನ್ನಿವೇಶ ನೋಡಿದ ಕಳ್ಳರು ಮನೆಗೆ ನುಗ್ಗಿ ತಮ್ಮ ಕೈ ಚಳಕ ಪ್ರದರ್ಶಿಸಿದ್ದಾರೆ. ಕಾರವಾರದ ಸದಾಶಿವಗಡ ಬಳಿಯ ಚಿಂಚೇವಾಡದಲ್ಲಿ ಸುನೀಲ ರಾಮಚಂದ್ರ ಗಾಂವ್ಕರ್ ಅವರು ವಾಸವಾಗಿದ್ದಾರೆ. ಅವರು ಸಿದ್ಧರದ ಮಲ್ಲಿಕಾರ್ಜುನ ಹೈಸ್ಕೂಲಿನಲ್ಲಿ ಶಿಕ್ಷಕರಾಗಿದ್ದಾರೆ. ಸುನೀಲ ಗಾಂವ್ಕರ್ ಅವರ ಪುತ್ರಿ ರೀತು ಅವರು ಅಮೃತ ವಿದ್ಯಾಲಯದಲ್ಲಿ ವಿದ್ಯಾರ್ಜನೆ ಮಾಡುತ್ತಿದ್ದು, ಕಳ್ಳತನ ನಡೆದಿರುವುದನ್ನು ರೀತು ಅವರೇ ಮೊದಲು ನೋಡಿದ್ದಾರೆ. ಫೆಬ್ರವರಿ 13ರ ಬೆಳಗ್ಗೆ 9.15ಕ್ಕೆ . ಸುನೀಲ ಗಾಂವ್ಕರ್ ಅವರು ಮನೆ ಬಾಗಿಲು ಹಾಕಿದ್ದರು. ಭದ್ರವಾದ ಬೀಗವನ್ನು ಅಳವಡಿಸಿ ಅವರು ಶಾಲೆಗೆ ಹೋಗಿದ್ದರು. ರೀತು ಅವರು ಸಹ ಅಮೃತ ವಿದ್ಯಾಲಯಕ್ಕೆ ಹೋಗಿದ್ದು, ಸಂಜೆ 4 ಗಂಟೆಗೆ ಮನೆಗೆ ಮರಳಿದ್ದರು. ಮನೆ ಬಾಗಿಲು ತೆರೆದಿರುವುದನ್ನು ನೋಡಿದ ರೀತು ಅವರು ಆತಂಕಕ್ಕೆ ಒಳಗಾದರು. . ಸುನೀಲ ಗಾಂವ್ಕರ್ ಅವರು ಶಾಲೆ ಮುಗಿಸಿ ಬಂದಾಗ ಮನೆ ಬಾಗಿಲು ಮುರಿದಿದ್ದು, ಕಳ್ಳರು 48 ಸಾವಿರ ರೂ ಮೌಲ್ಯದ ಸ್ವತ್ತುಗಳನ್ನು ಕದ್ದಿರುವುದು ಗೊತ್ತಾಯಿತು. ಕಳ್ಳರು ಮಾಡಿದ ಕಿತಾಪತಿಯ ಬಗ್ಗೆ ಸುನೀಲ ಗಾಂವ್ಕರ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಶೋಧ ನಡೆಸಿದ್ದಾರೆ. `ಕಳ್ಳತನ ತಡೆಗೆ ಸಿಸಿ ಕ್ಯಾಮರಾ ಸಹಕಾರಿ’
- [ಮುರುಡೇಶ್ವರ: ಶಿವರಾತ್ರಿ ಸಂಭ್ರಮಕ್ಕೆ ಕ್ಯೂ ಆರ್ ಕೋಡ್ ಸಾರಥ್ಯ!](https://mobiletime.in/2026/02/murudeshwar-qr-code-leads-the-way-for-shivaratri-celebrations/): ಉತ್ತರ ಕನ್ನಡ ಜಿಲ್ಲೆಯ ಮುರುಡೇಶ್ವರ ಶಿವರಾತ್ರಿ ಸಂಭ್ರಮಕ್ಕೆ ಸಜ್ಜಾಗಿದೆ. ಈ ಬಾರಿಯ ಶಿವರಾತ್ರಿ ಭಾನುವಾರ ಬಂದಿರುವುದರಿoದ ಲಕ್ಷಾಂತರ ಭಕ್ತರು ಶ್ರೀಕ್ಷೇತ್ರಕ್ಕೆ ಬರುವ ಸಾಧ್ಯತೆಯಿದ್ದು, ಅವರ ಅನುಕೂಲಕ್ಕಾಗಿ ಪೊಲೀಸರು ಆಧುನಿಕ ತಂತ್ರಜ್ಞಾನದ ಮೊರೆ ಹೋಗಿದ್ದಾರೆ. ಮುರುಡೇಶ್ವರ ಪಿಸೈ ಹನುಮಂತ ಬೀರಾದರ್ ಅವರ ಮುಂದಾಳತ್ವದಲ್ಲಿ ಮುರುಡೇಶ್ವರದ ಅನೇಕ ಕಡೆ ಕ್ಯೂ ಆರ್ ಕೋಡ್ ಸ್ಟಿಕರ್ ಅಳವಡಿಸಲಾಗಿದೆ. ಮೊಬೈಲ್ ಮೂಲಕ ಆ ಕೋಡನ್ನು ಸ್ಕಾನ್ ಮಾಡಿದರೆ ಪೊಲೀಸರು ನೀಡುವ ಅನೇಕ ಮಾಹಿತಿ ಸಿಗುತ್ತಿದೆ. ಪೊಲೀಸ್ ಸಹಾಯ ಕೇಂದ್ರ, ಸುರಕ್ಷತಾ ಕ್ರಮ, ಪಾರ್ಕಿಂಗ್ ವ್ಯವಸ್ಥೆ ಸೇರಿ ಜನರಿಗೆ ಅಗತ್ಯವಿರುವ ವಿಷಯಗಳ ಮೇಲೆ ಕ್ಯೂ ಆರ್ ಕೋಡ್ ಬೆಳಕು ಚೆಲ್ಲಿದೆ. ಲಕ್ಷಾಂತರ ಭಕ್ತರು ಬರುವುದರಿಂದ ಸಾಮಾನ್ಯವಾಗಿ ಶಿವರಾತ್ರಿ ಅವಧಿಯಲ್ಲಿ ಮುರುಡೇಶ್ವರದಲ್ಲಿ ಸಂಚಾರ ದಟ್ಟಣೆ ಅಧಿಕವಾಗುತ್ತದೆ. ಇದನ್ನು ತಪ್ಪಿಸುವುದಕ್ಕಾಗಿ ಕ್ಯೂ ಆರ್ ಕೋಡ್ ಮೂಲಕ ಪೊಲೀಸರು ವಿವಿಧ ಮಾರ್ಗದರ್ಶನ ಮಾಡಿದ್ದಾರೆ. ಬರುವ ಭಕ್ತರಿಗೆ ಅನುಕೂಲವಾಗುವ ಹಾಗೇ ಪಾರ್ಕಿಂಗ್ ಸ್ಥಳ ಗುರುತಿಸಲು ಈ ಕ್ಯೂ ಆರ್ ಕೋಡ್ ನೆರವು ನೀಡಲಿದೆ. ಇದರೊಂದಿಗೆ ಪೊಲೀಸ್ ಸಹಾಯ ಕೇಂದ್ರವನ್ನು ಸ್ಥಾಪಿಸಲಾಗಿದ್ದು, ಸಹಾಯ ಕೇಂದ್ರಕ್ಕೆ ತೆರಳುವ ಮಾಹಿತಿಯನ್ನು ಕ್ಯೂ ಆರ್ ಕೋಡ್ ಒದಗಿಸುತ್ತಿದೆ. ತುರ್ತು ಸನ್ನಿವೇಶಕ್ಕೆ ಅಗತ್ಯವಿರುವ ಆಸ್ಪತ್ರೆ, ಕಡಲತೀರದಲ್ಲಿ ಅನುಸರಿಸಬೇಕಾದ ಸುರಕ್ಷತಾ ಕ್ರಮ, ಮುಖ್ಯವಾಗಿ ಸೇವ್ ಮಾಡಿಕೊಳ್ಳಬೇಕಾದ ಫೋನ್ ನಂಬರ್, ಸಮೀಪದ ಬಸ್ಸು ಹಾಗೂ ರೈಲು ನಿಲ್ದಾಣದ ಬಗ್ಗೆಯೂ ಕ್ಯೂ ಆರ್ ಕೋಡ್ ಮಾಹಿತಿ ನೀಡುತ್ತಿದೆ. ಹೊರ ಪ್ರದೇಶದಿಂದ ಬರುವ ಭಕ್ತರಿಗೆ ಮೊಬೈಲಿನಲ್ಲಿಯೇ ಸಮಗ್ರ ಮಾಹಿತಿ ನೀಡುವುದಕ್ಕಾಗಿ ಪೊಲೀಸ್ ಇಲಾಖೆ ಈ ಕ್ಯು ಆರ್ ಕೋಡ್ ಸಿದ್ಧಪಡಿಸಿದ್ದು, ಮುರುಡೇಶ್ವರದ ಪ್ರಮುಖ ಸ್ಥಳದಲ್ಲಿ ಅದನ್ನು ಅಂಟಿಸಲಾಗಿದೆ.
- [ಜಾತ್ರೆ: ಕಲರ್ ಬಾಲ್ ಆಟಕ್ಕೂ ಕಡಿವಾಣ!](https://mobiletime.in/2026/02/jatre-cut-to-the-color-ball-game/): `ಯಲ್ಲಾಪುರ ಜಾತ್ರೆಯಲ್ಲಿ ಕಲರ್ ಬಾಲ್ ಆಟಕ್ಕೂ ಕಡಿವಾಣ ಹಾಕಬೇಕು’ ಎಂದು ಒಂದಷ್ಟು ಜನ ಮನವಿ ಮಾಡಿದ್ದಾರೆ. ಈ ಬಗ್ಗೆ ಪೊಲೀಸ್ ಠಾಣೆಗೂ ಲಿಖಿತ ಪತ್ರ ಸಲ್ಲಿಸಿದ್ದಾರೆ. `ಫೆಬ್ರವರಿ 11ರಿಂದ ಯಲ್ಲಾಪುರ ಜಾತ್ರೆ ಶುರುವಾಗಿದ್ದು, ಅನೇಕ ಅಂಗಡಿಕಾರರು ವ್ಯಾಪಾರ ಮಾಡಿಕೊಂಡಿದ್ದಾರೆ. ಆದರೆ, ಮುಂಡಗೋಡು ರಸ್ತೆಯ ಸುಮಾರು 20 ಮಳಿಗೆಗಳಲ್ಲಿ ಜೂಜಾಟಕ್ಕೆ ಸಮಾನವಾದ ಕಲರ್ ಬಾಲ್, ರಿಂಗ್ ಎಸೆತ ನಡೆದಿದೆ. ಇಂಥ ಆಟಗಳಿಗಾಗಿ ಜನ ಹಣ ಹಾಳು ಮಾಡುತ್ತಿದ್ದಾರೆ. ಇದಕ್ಕೆ ಅವಕಾಶ ಕೊಡಬಾರದು’ ಎಂದು ಮನವಿ ಮಾಡಿದ್ದಾರೆ. `ಇಂಥ ಆಟ ಆಡಿಸುವವರು ಹಾಗೂ ಆಡುವವರ ನಡುವೆ ವಾಗ್ವಾದ ನಡೆಯುತ್ತಿರುವುದರಿಂದ ಅದನ್ನು ತಡೆಯಬೇಕು. ತಂಟೆ-ತಕರಾರು ಕಡಿಮೆ ಮಾಡುವುದಕ್ಕಾಗಿ ಇಂಥ ಆಟಗಳನ್ನು ತಡೆಯುವ ಅನಿವಾರ್ಯವಿದ್ದು, ಜಾತ್ರೆ ಶುರುವಾಗುವ ಮುನ್ನವೇ ಈ ಬಗ್ಗೆ ತಿಳಿಸಲಾಗಿತ್ತು. ಅದಾಗಿಯೂ, ಕೆಲ ಆಟಗಳು ಬಂದಿವೆ. ಆಟ ನಿಲ್ಲಿಸುವಂತೆ ಅಂಗಡಿಕಾರರ ಬಳಿ ಮನವಿ ಮಾಡಿದರೂ ಪ್ರಯೊಜನವಾಗಿಲ್ಲ’ ಎಂದು ದೂರಿದ್ದಾರೆ.
- [ಕಾಲು ಜಾರಿ ಕೃಷಿ ಹೊಂಡಕ್ಕೆ ಬಿದ್ದ ವೃದ್ಧೆ: ಸಾವು!](https://mobiletime.in/2026/02/elderly-woman-slips-and-falls-into-agricultural-pit-death/): ಕಳೆದ 13 ವರ್ಷಗಳಿಂದ ಮಂಗಗಳನ್ನು ಓಡಿಸಿಕೊಂಡು ಜೀವನ ನಡೆಸುತ್ತಿದ್ದ ಶಿರಸಿಯ ಮಳಲಗಾವಿನ ಸೂರಕ್ಕ ಶೆಟ್ಟಿ ಅವರು ಕೃಷಿ ಹೊಂಡಕ್ಕೆ ಬಿದ್ದು ಸಾವನಪ್ಪಿದ್ದಾರೆ. ಸೂರಕ್ಕ ಸೀನ ಶೆಟ್ಟಿ (77) ಅವರು 15 ವರ್ಷಗಳ ಹಿಂದೆ ಬಿಣಗಿ ತುಯಲುಕೊಪ್ಪದ ನಾಗೇಶ ರಾಮಾ ಗಾಣಿಗ ಅವರಿಗೆ ಪರಿಚಯವಾಗಿದ್ದರು. ಮೀನು ವ್ಯಾಪಾರಿಯಾಗಿರುವ ನಾಗೇಶ ಗಾಣಿಗ ಅವರನ್ನು ಸೂರಕ್ಕ ಅವರು `ಮಗ ಮಗ’ ಎಂದು ಪ್ರೀತಿಯಿಂದ ಕರೆಯುತ್ತಿದ್ದರು. ಹೀಗಾಗಿ ನಾಗೇಶ ಗಾಣಿಗ ಅವರು ಸೂರಕ್ಕ ಅವರನ್ನು ತಮ್ಮ ಮನೆಗೆ ಆಮಂತ್ರಿಸಿದ್ದರು. 13 ವರ್ಷಗಳಿಂದ ಸೂರಕ್ಕ ಶೆಟ್ಟಿ ಅವರು ನಾಗೇಶ ಗಾಣಿಗ ಅವರ ಮನೆಯಲ್ಲಿ ವಾಸವಾಗಿದ್ದರು. ತೋಟಕ್ಕೆ ಬರುವ ಮಂಗಗಳನ್ನು ಓಡಿಸುವುದು ಸೂರಕ್ಕ ಶೆಟ್ಟಿ ಅವರ ನಿತ್ಯದ ಕಾಯಕವಾಗಿತ್ತು. ತೋಟಕ್ಕೆ ಬರುವ ಕಾಡು ಪ್ರಾಣಿಗಳನ್ನು ಓಡಿಸಿಯೇ ಅವರು ಅಲ್ಲಿ ಬದುಕು ಕಟ್ಟಿಕೊಂಡಿದ್ದರು. ಈ ನಡುವೆ ಸೂರಕ್ಕ ಶೆಟ್ಟಿ ಅವರು ಸರಾಯಿ ಸೇವನೆ ಶುರು ಮಾಡಿದ್ದು, ನಾಗೇಶ ಗಾಣಿಗ ಅವರು ದುಶ್ಚಟ ಬಿಡುವಂತೆ ಸೂಚಿಸಿದ್ದರು. ಆದರೆ, `ಸರಾಯಿ ಸೇವಿಸದೇ ಇದ್ದರೆ ಓಡಾಡಲು ಆಗುವುದಿಲ್ಲ’ ಎಂದು ಸೂರಕ್ಕ ಹೇಳಿದ್ದರು. ಹೀಗಿರುವಾಗ ಫೆಬ್ರವರಿ 12ರಂದು ನಾಗೇಶ ಗಾಣಿಗ ಅವರು ಸೂರಕ್ಕನ್ನು ಭೇಟಿಯಾಗಿ ಮಾತನಾಡಿದ್ದರು. 13ರಂದು ಹೊನ್ನೇಶ್ವರಿ ಎಂಬಾತರು ಫೋನ್ ಮಾಡಿ `ಸೂರಕ್ಕ ಕಾಣುತ್ತಿಲ್ಲ. ಮನೆಯೂ ಬಾಗಿಲು ಹಾಕಿದೆ’ ಎಂಬ ವಿಷಯ ಮುಟ್ಟಿಸಿದರು. ನಾಗೇಶ ಗಾಣಿಗ ಅವರು ಮಳಗಿಯಿಂದ ತುಯಲುಕೊಪ್ಪಕ್ಕೆ ಬಂದು ಹುಡುಕಾಟ ನಡೆಸಿದರು. ಆಗ, ಮನೆ ಬಳಿಯಿರುವ ಕೃಷಿ ಹೊಂಡದಲ್ಲಿ ಸೂರಕ್ಕ ಅವರ ಶವ ಕಾಣಿಸಿತು. ಸರಾಯಿ ನಶೆ ಅಥವಾ ಕಾಲು ಜಾರಿ ಬಿದ್ದು ಸೂರಕ್ಕ ಸಾವನಪ್ಪಿರುವ ಬಗ್ಗೆ ನಾಗೇಶ ಗಾಣಿಗ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಬನವಾಸಿ ಪೊಲೀಸರು ಪ್ರಕರಣ ದಾಖಲಿಸಿದರು.    
- [ದಾಂಡೇಲಿ ದಾರಿಯಲ್ಲಿ ಜೋಡಿ ಚಿರತೆ ದರ್ಶನ!](https://mobiletime.in/2026/02/a-pair-of-leopards-were-spotted-on-the-way-to-dandeli/): ದಾಂಡೇಲಿಗೆ ಹೋಗುವ ದಾರಿ ಅಂಚಿನಲ್ಲಿ ಚಿರತೆ ಹಾಗೂ ಅದರ ಮರಿ ಕಾಣಿಸಿಕೊಂಡಿದ್ದು, ಕ್ಯಾಮರಾ ಕಣ್ಣಿಗೆ ಸೆರೆಯಾಗಿದೆ. ದಾಂಡೇಲಿ ಅಂಬಿಕಾ ನಗರ ಪವರ್ ಹೌಸ್ ಸಮೀಪ ಈ ಎರಡು ಚಿರತೆ ದರ್ಶನವಾಗಿದೆ. ರಸ್ತೆ ಅಂಚಿನ ಕಟ್ಟೆಯ ಮೇಲೆ ಚಿರತೆಗಳೆರಡು ಶಾಂತವಾಗಿ ಕುಳಿತು ವಿಶ್ರಾಂತಿಪಡೆದಿವೆ. ಈ ರೀತಿ ರಸ್ತೆ ಅಂಚಿನಲ್ಲಿ ಸಾಕಷ್ಟು ಸಮಯ ಚಿರತೆ ಕಾಣಿಸಿಕೊಂಡಿದ್ದು ಅಪರೂಪದಲ್ಲಿಯೇ ಅಪರೂಪ. ಅದರಲ್ಲಿಯೂ ತಾಯಿ ಚಿರತೆ ಜೊತೆ ಮರಿಯೂ ದರ್ಶನ ನೀಡಿದ್ದು ಪ್ರವಾಸಿಗರ ಸಂತಸ ಹೆಚ್ಚಿಸಿದೆ. ಕಾರಿನಲ್ಲಿ ಸಾಗುತ್ತಿದ್ದ ಪ್ರವಾಸಿಗರು ತಮ್ಮ ಮೊಬೈಲ್ ಕ್ಯಾಮರಾದಲ್ಲಿ ಈ ಅಪರೂಪದ ದೃಶ್ಯವನ್ನು ಚಿತ್ರಿಕರಿಸಿಕೊಂಡಿದ್ದಾರೆ. ಪ್ರವಾಸಿಗರು ಎಚ್ಚರಿಕೆಯಿಂದ ಸಾಗಬೇಕು ಎಂದು ಅರಣ್ಯಾಧಿಕಾರಿಗಳು ಮನವಿ ಮಾಡಿದ್ದಾರೆ. ಚಿರತೆ ಚಲನ-ವಲನದ ಚಿತ್ರಣ ಇಲ್ಲಿ ನೋಡಿ..
- [ಸರ್ಕಾರಿ ಬಸ್ಸು.. ಡಕೋಟಾ ಎಕ್ಸಪ್ರೆಸ್ಸು!](https://mobiletime.in/2026/02/government-bus-dakota-express/): ಕಾರವಾರ-ಅಂಕೋಲಾ ಭಾಗದ ಸಾರಿಗೆ ವ್ಯವಸ್ಥೆ ಸಂಪೂರ್ಣವಾಗಿ ಹಾದಿ ತಪ್ಪಿದೆ. ನಿತ್ಯವೂ ಒಂದೊoದು ಬಸ್ಸು ತಾಂತ್ರಿಕ ದೋಷದ ಕಾರಣದಿಂದ ರಸ್ತೆ ಮದ್ಯೆ ನಿಲ್ಲುತ್ತಿದೆ. ಪ್ರಯಾಣಿಕರ ಅನುಕೂಲಕ್ಕಾಗಿ ಉತ್ತಮ ಬಸ್ಸುಗಳನ್ನು ಬಿಡದೇ ಗುಜುರಿ ಬಸ್ಸುಗಳ ಸೇವೆ ಮುಂದುವರೆದಿದೆ. ಅದರ ಪರಿಣಾಮ ಪ್ರಯಾಣಿಕರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಇಲ್ಲಿನ ಡಿಪೋಗಳಲ್ಲಿ ಕಳೆದ ಹತ್ತಾರು ವರ್ಷಗಳಿಂದ ಕೆಲ ಅಧಿಕಾರಿಗಳು ಬೀಡು ಬಿಟ್ಟಿದ್ದು, ಅವರ ಬೇಜವಬ್ದಾರಿ ವರ್ತನೆ ಜನ ಸಾಮಾನ್ಯರ ಸಮಸ್ಯೆಗೆ ಕಾರಣವಾಗಿದೆ. ಬಸ್‌ಗಳ ನಿರ್ವಹಣೆಗೆ ಬರುವ ಅನುದಾನ ಸರಿಯಾಗಿ ಬಳಸಿಕೊಳ್ಳದಿರುವ ಆರೋಪವ್ಯಕ್ತವಾಗಿದೆ. ಸರ್ಕಾರಿ ಬಸ್ಸುಗಳ ಸರಿಯಾದ ಮೇಲ್ವಿಚಾರಣೆ ಮಾಡದೇ, ಗುಜರಿ ಸೇರಬೇಕಾದ ಬಸ್‌ಗಳಿಗೆ ಕಣ್ಣು ಮುಚ್ಚಿ `ಪಾಸಿಂಗ್’ ನೀಡುತ್ತಿರುವ ಆರ್‌ಟಿಓ ವಿರುದ್ಧವೂ ಜನ ಅಸಮಧಾನವ್ಯಕ್ತಪಡಿಸಿದ್ದಾರೆ. ಈ ದಿನ ಕಾರವಾರದಿಂದ ಸಿದ್ದರಕ್ಕೆ ತೆರಳುತ್ತಿದ್ದ ಬಸ್ ಕಿನ್ನರ ಬೋರಿಬಾಗದಲ್ಲಿ ಎಕ್ಸಲ್ ತುಂಡಾಗಿದ್ದರಿAದ ಅಲ್ಲಿಯೇ ನಿಂತಿದೆ. ಇದರಿಂದಾಗಿ ಇಡೀ ರಸ್ತೆ ಬಂದ್ ಆಗಿದ್ದು, ನೂರಾರು ವಾಹನ ಸವಾರರು ಹಾಗೂ ಶಾಲಾ ಮಕ್ಕಳು ಬಿಸಿಲಿನಲ್ಲಿ ನಿಂತು ಪರದಾಡಿದ್ದಾರೆ. ಇನ್ನೂ ಬಸ್ ನಿಲ್ದಾಣದಲ್ಲಿ ಬಸ್‌ಗಳು ನಿಂತಿದ್ದರೂ ಇಂಜಿನ್ ಮಾತ್ರ ಅಬ್ಬರಿಸುತ್ತಿರುತ್ತವೆ. ಬ್ಯಾಟರಿಗಳ ಸ್ಥಿತಿ ಎಷ್ಟು ದಯನೀಯವಾಗಿದೆ ಎಂದರೆ ಒಮ್ಮೆ ಇಂಜಿನ್ ಆಫ್ ಮಾಡಿದರೆ ಮತ್ತೆ ಚಾಲು ಮಾಡಲು ಪ್ರಯಾಣಿಕರೇ ಬಂದು ತಳ್ಳಬೇಕು ಎನ್ನುವ ಹಾಗಿದೆ. ಬೆಳಿಗ್ಗೆ ನಾಲ್ಕು ಬಸ್‌ಗಳು ಎರಡು ಗಂಟೆಗಳ ಕಾಲ ಇಂಜಿನ್ ಚಾಲನೆಯಲ್ಲಿರಿಸಿರುವುದನ್ನು ಜನ ವಿಡಿಯೋಸಹಿತ ಮಾಧ್ಯಮಕ್ಕೆ ರವಾನಿಸಿದ್ದಾರೆ. ಇದರಿಂದ ಇಂಧನ ವ್ಯರ್ಥವಾಗುತ್ತಿದ್ದರೂ ಅಧಿಕಾರಿಗಳಿಗೆ ಮಾತ್ರ ಇದು `ನಿತ್ಯದ ಕಾಯಕ’ ಎಂಬAತಾಗಿದೆ. ಹ್ಯಾoಡ್ ಬ್ರೇಕ್ ಇಲ್ಲ. ಕಲ್ಲೇ ಆಸರೆ: ಈ ಭಾಗದ ಬಹುತೇಕ ಬಸ್‌ಗಳಲ್ಲಿ ಹ್ಯಾಂಡ್ ಬ್ರೇಕ್ ಕೆಲಸ ಮಾಡುತ್ತಿಲ್ಲ. ಚಾಲಕರು ಬಸ್ ನಿಲ್ಲಿಸಿದಾಗ ಗಾಲಿಗೆ ಕಲ್ಲುಗಳನ್ನು ಆಸರೆಯಾಗಿಡುತ್ತಿದ್ದಾರೆ. ಕಳೆದ ವಾರವಷ್ಟೇ ನಗೆಕೊವೆ ಘಟ್ಟದಲ್ಲಿ ಬ್ರೇಕ್ ಮತ್ತು ಕ್ಲಚ್ ಫೇಲ್ ಆಗಿ ಬಸ್ ಹಿಂದಕ್ಕೆ ಚಲಿಸಿ ಭೀತಿ ಸೃಷ್ಟಿಸಿತ್ತು. ಚಾಲಕನ ಸಮಯಪ್ರಜ್ಞೆಯಿಂದ ದೊಡ್ಡ ಅನಾಹುತ ತಪ್ಪಿತು. ಆದರೆ, ಸಾರಿಗೆ ಇಲಾಖೆ ಈ ಬಗ್ಗೆ ತಲೆಕೆಡಿಸಿಕೊಂಡಿರಲಿಲ್ಲ.    
- [ಹ್ಯಾಪಿ ಬರ್ತಡೆ: ಸೋಮಣ್ಣ ಬೆಂಬಲಿಗರಿoದ ಸಮಾಜ ಸೇವೆ](https://mobiletime.in/2026/02/happy-birthday-social-service-from-somannas-supporters/): ಯಲ್ಲಾಪುರ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅವರು ಶುಕ್ರವಾರ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದು, ಅವರ ಬೆಂಬಲಿಗರು ಈ ದಿನ ಅಶಕ್ತರಿಗೆ ನೆರವಾಗಿದ್ದಾರೆ. ಸೋಮೇಶ್ವರ ನಾಯ್ಕ ಅವರ 40ನೇ ವರ್ಷದ ಹುಟ್ಟು ಹಬ್ಬದ ಅಂಗವಾಗಿ ರವೀಂದ್ರ ನಗರ ಗೆಳೆಯರ ಬಳಗದವರು ನಾಯ್ಕನಕೆರೆಯಲ್ಲಿರುವ ವೃದ್ಧಾಶ್ರಮಕ್ಕೆ ಭೇಟಿ ನೀಡಿದರು. ಅಲ್ಲಿನ ವೃದ್ಧರನ್ನು ಮಾತನಾಡಿಸಿದ ಪ್ರಮುಖರು ಅವರ ಊಟಕ್ಕೆ ಅಗತ್ಯವಿರುವ ಅಕ್ಕಿಯನ್ನು ವಿತರಿಸಿದರು. ಜೊತೆಗೆ ಹಣ್ಣು ಹಂಪಲುಗಳನ್ನು ಕೊಟ್ಟು ಆಶೀರ್ವಾದಪಡೆದರು. ಪ್ರಮುಖರಾದ ಮಾಲತೇಶ್ ಜಲದಿ, ಮಹೇಶ್ ಭೋವಿವಡ್ಡರ, ಕಾರ್ತಿಕ್ ಉಪ್ಪಿ ಮಂಜು ವಡ್ಡರ ದೇವಿಕೊಪ್ಪ, ಷಣ್ಮುಖ ನಾಯ್ಕ, ಗಿರೀಶ ಬೋವಿ, ಸಾಜು ಕುಮಾರ್ ವಾಲ್ಮೀಕಿ, ಶಿವು ಬೋವಿ, ಸಮೀರ ಶೇಖ್, ಸಂತು ಬೋವಿ ಇನ್ನಿತರರು ಅಲ್ಲಿದ್ದವರಿಗೆ ನೆರವಾದರು.
- [ಲಡ್ಡು ವಿತರಣೆ: ಲಾರಿ ಮಾಲಕರ ಸೇವೆಗೆ ಶ್ಲಾಘನೆ](https://mobiletime.in/2026/02/fair-laddu-continued-service-on-the-third-day/): ಯಲ್ಲಾಪುರ ಜಾತ್ರೆಗೆ ಬರುವ ಭಕ್ತರಿಗೆ ಲಡ್ಡು ಪ್ರಸಾದ ವಿತರಣೆ ಮೂರನೇ ದಿನವೂ ಮುಂದುವರೆದಿದೆ. ಯಲ್ಲಾಪುರ ದೇವಿ ಗದ್ದುಗೆಯ ಬಲಭಾಗದಲ್ಲಿ ಲಡ್ಡು ವಿತರಣೆ ನಡೆದಿದೆ. ಲಾರಿ ಮಾಲಕ ಸಂಘದವರು ಲಡ್ಡು ಪ್ರಸಾದ ವಿತರಣೆಯ ಜವಾಬ್ದಾರಿವಹಿಸಿಕೊಂಡಿದ್ದು, ಈವರೆಗೆ 20 ಸಾವಿರಕ್ಕೂ ಅಧಿಕ ಭಕ್ತರಿಗೆ ಅವರು ಲಡ್ಡು ಹಂಚಿದ್ದಾರೆ. ಲಡ್ಡು ವಿತರಣಾ ಮಳಿಗೆಗೆ ಶನಿವಾರ ಜಿಲ್ಲಾ ಪಂಚಾಯತ ಮಾಜಿ ಸದಸ್ಯ ವಿಜಯ ಮಿರಾಶಿ ಅವರು ಭೇಟಿ ನೀಡಿದರು. ಅವರು ಪ್ರಸಾದ ಸ್ವೀಕರಿಸಿದ್ದು, ಸಂಘಟನೆಯ ಕಾರ್ಯವನ್ನು ಶ್ಲಾಘಿಸಿದರು. ಲಡ್ಡು ಪ್ರಸಾದ ವಿತರಣೆ ಪಕ್ಕದಲ್ಲಿ ಡಿ ಎನ್ ಗಾಂವ್ಕರ್ ಅವರು ನಿಂತಿದ್ದು, ಅವರು ಭಕ್ತರಿಗೆ ಪಾನಕ ಸೇವೆ ಒದಗಿಸುತ್ತಿದ್ದರು. ಲಾರಿ ಮಾಲಕ ಸಂಘದ ಅಧ್ಯಕ್ಷ ಸುಜಯ ಮರಾಠಿ, ಗೌರವ ಅಧ್ಯಕ್ಷ ಮಹೇಶ್ ನಾಯ್ಕ, ಟಿಪ್ಪರ್ ಸಂಘದ ಅಧ್ಯಕ್ಷ ನವೀನ್ ನಾಯ್ಕ, ಪ್ರಮುಖರಾದ ಎಂ ಡಿ ಮುಲ್ಲಾ, ರೂಪೇಶ ನಾಯ್ಕ, ನಾಗೇಂದ್ರ ಭಟ್ಟ, ರೂಪೇಶ ನಾಯ್ಕ, ಮುರಳಿ ರಾವಲ್, ಸುರೇಶ ಮರಾಠಿ ಇನ್ನಿತರರು ಭಕ್ತಿಯಿಂದ ಪ್ರಸಾದ ವಿತರಣಾ ಕಾರ್ಯದಲ್ಲಿರುವುದು ಕಾಣಿಸಿತು. ಉದ್ಯಮಿ ಬಾಲು ನಾಯ್ಕ ಅವರು ದೇವಿ ಗೆದ್ದುಗೆಯಲ್ಲಿದ್ದು, ಲಡ್ಡು ಪ್ರಸಾದ ವಿತರಣೆ ಹಾಗೂ ಪಾನಕ ವಿತರಣೆ ಮಾಡುತ್ತಿರುವವರ ಕಾರ್ಯವನ್ನು ಶ್ಲಾಘಿಸಿದರು.
- [ಮೂರು ದಿನ-ಆರು ಜನ: ವಾಲಿಬಾಲ್ ಪಂದ್ಯಾವಳಿಗೆ ಚಾಲನೆ](https://mobiletime.in/2026/02/three-days-six-people-volleyball-tournament-kicks-off/): ಶಿರಸಿ ಮರಾಠಿಕೊಪ್ಪದ ಶಿವಾ ಬಾಯ್ಸ ಗೆಳೆಯರ ಬಳಗದವರು ಮೂರು ದಿನದ ಆರು ಜನರ ಹೊನಲು ಬೆಳಕಿನ ಖೊಡ್ಡಾ ವಾಲಿಬಾಲ್ ಪಂದ್ಯಾವಳಿ ಆಯೋಜಿಸಿದ್ದಾರೆ. ಫೆ 13ರಿಂದ ಈ ಕ್ರೀಡಾಕೂಟ ಶುರುವಾಗಿದ್ದು, ಫೆ 15ರವರೆಗೆ ನಡೆಯಲಿದೆ. ಮೊದಲ ದಿನ ನಡೆದ ಕಾರ್ಯಕ್ರಮವನ್ನು ಸಾಮಾಜಿಕ ಕಾರ್ಯಕರ್ತ ಉಪೇಂದ್ರ ಪೈ ಅವರು ಉದ್ಘಾಟಿಸಿದ್ದಾರೆ. ನಂತರ ಮಾತನಾಡಿದ ಅವರು `ಕ್ರೀಡೆ ಎಂಬುದು ಕೇವಲ ಸೋಲು-ಗೆಲುವಿನ ಮಾತಲ್ಲ. ಅದು ನಮ್ಮ ದೈಹಿಕ, ಮಾನಸಿಕ ಆರೋಗ್ಯದ ಸಂಕೇತ’ ಎಂದು ಹೇಳಿದ್ದಾರೆ ಸಾಮಾಜಿಕ ಕಾರ್ಯಕರ್ತ ಚಂದ್ರಶೇಖರ ಮಾದನಗೇರಿ ಅವರು ಮಾತನಾಡಿ `ಕ್ರೀಡೆಯಿಂದ ಮನೋಬಲ ಹೆಚ್ಚುತ್ತದೆ. ಹೀಗಾಗಿ ಇಂಥ ಪಂದ್ಯಾವಳಿಗಳು ಹೆಚ್ಚು ನಡೆಯಬೇಕು’ ಎಂದಿದ್ದಾರೆ. ಅಧ್ಯಕ್ಷತೆವಹಿಸಿದ್ದ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ಮಾತನಾಡಿ `ಕ್ರೀಡೆಯಲ್ಲಿ ಒಬ್ಬರ ಚಾಕಚಕ್ಯತೆಗಿಂತಲೂ ಇಡೀ ತಂಡದ ಸಮನ್ವಯತೆ ಮುಖ್ಯ.ಸೋಲಿಗೆ ಕುಗ್ಗಬೇಡಿ, ಗೆಲುವಿಗೆ ಬೀಗಬೇಡಿ. ಇಂತಹ ಪಂದ್ಯಾವಳಿಗಳೇ ನಾಳಿನ ರಾಜ್ಯ ಮತ್ತು ರಾಷ್ಟ್ರ ಮಟ್ಟದ ಆಟಗಾರರನ್ನು ರೂಪಿಸುತ್ತವೆ ಎಂದರು. `ಲೋಕಧ್ವನಿ ಹೆಮ್ಮೆಯ ಸಾಧಕ ಪ್ರಶಸ್ತಿ’ಪಡೆದ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಪರವಾಗಿ ವಿನಾಯಕ ಶೆಟ್ಟಿ ಅವರನ್ನು ಸನ್ಮಾನಿಸಲಾಯಿತು. ಪ್ರಮುಖರಾದ ನಾಗರಾಜ ಗುಡಿಗಾರ್, ಮಹೇಶ ಪ್ರಭು, ಅಜಯಲಾಡನವರ್, ಉಪೇಂದ್ರ ಮೇಸ್ತ, ಅಶೋಕ ಶೆಟ್ಟಿ ಅವರು ಕಾರ್ಯಕ್ರಮದಲ್ಲಿದ್ದರು. ಕೇಮು ವಂದಿಗೆ ಅವರು ನಿರೂಪಿಸಿದರು.
- [ಬೇಡ್ತಿ-ವರದಾ ನದಿ ಜೋಡಣೆ: ಒಂದೇ ವಾಕ್ಯದಲ್ಲಿ ಉತ್ತರಿಸಿದ ಸಿದ್ದು!](https://mobiletime.in/2026/02/bedi-varada-river-linking-sidhu-answered-in-one-sentence/): ಬೇಡ್ತಿ-ವರದಾ ನದಿ ಜೋಡಣೆ ವಿಷಯವಾಗಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮಾತನಾಡಿದ್ದಾರೆ. ಈ ವಿಷಯವಾಗಿ ಅವರು ಈ ಬಾರಿ ಒಂದೇ ವಾಕ್ಯದಲ್ಲಿ ಉತ್ತರಿಸಿ ಪ್ರಶ್ನೆಯ ಸುರಿಮಳೆಯಿಂದ ತಪ್ಪಿಸಿಕೊಂಡಿದ್ದಾರೆ. ಹಾವೇರಿಯ ಹೆಲಿಪ್ಯಾಡಿಗೆ ಬಂದಿದ್ದ ಸಿಎಂ ಸಿದ್ದರಾಮಯ್ಯ ಅವರನ್ನು ಪತ್ರಕರ್ತರು ಮುತ್ತಿಗೆ ಹಾಕಿದ್ದು, ಬಗೆ ಬಗೆಯ ಪ್ರಶ್ನೆ ಕೇಳಿದರು. ಈ ವೇಳೆ `ಬೇಡ್ತಿ-ವರದಾ ನದಿ ತಿರುವು ವಿಷಯವಾಗಿ ಉತ್ತರ ಕನ್ನಡ ಜಿಲ್ಲೆಯವರು ವಿರೋಧಿಸುತ್ತಿದ್ದಾರೆ’ ಎಂದು ಪತ್ರಕರ್ತರೊಬ್ಬರು ಪ್ರಸ್ತಾಪಿಸಿದರು. ಮುಖ್ಯಮಂತ್ರಿಗಳ ಹಿಂದಿದ್ದ ವ್ಯಕ್ತಿಯೊಬ್ಬರು `ಈ ವಿಷಯವಾಗಿ ಈಗಾಗಲೇ ಡಿಪಿಆರ್ ಸಿದ್ಧಪಡಿಸಲಾಗಿದೆ. ಅದನ್ನು ಕೇಂದ್ರ ಸರ್ಕಾರಕ್ಕೆ ಕಳುಹಿಸಲಾಗಿದೆ’ ಎಂದರು. ಅದಾದ ನಂತರ ಸಿದ್ಧರಾಮಯ್ಯ ಅವರು ಸಹ ಕೇಂದ್ರ ಸರ್ಕಾರದ ಕಡೆ ತಮ್ಮ ಮಾತು ತಿರುಗಿಸಿದರು. ಬೇಡ್ತಿ – ವರದಾ ನದಿಯ ಜೋಡಣೆ ಬಗ್ಗೆ ಉತ್ತರ ಕನ್ನಡ ಜನತೆ ವಿರೋಧ ವ್ಯಕ್ತಪಡಿಸಿರುವ ಬಗ್ಗೆ ಪ್ರತಿಕ್ರಿಯೆ ನೀಡಿದ ಸಿದ್ಧರಾಮಯ್ಯ ಅವರು `ಡಿಪಿಆರ್ ನ್ನು ಕೇಂದ್ರ ಸರ್ಕಾರಕ್ಕೆ ಕಳುಹಿಸಿಕೊಡಲಾಗಿದ್ದು, ಅವರು ತೀರ್ಮಾನ ಕೈಗೊಳ್ಳಬೇಕಾಗಿದೆ. ಕೇಂದ್ರ ಸರ್ಕಾರ ಯಾವುದರ ಬಗ್ಗೆಯೂ ತೀರ್ಮಾನ ಮಾಡುತ್ತಿಲ್ಲ. ಹಾಗಾಗಿ ನಮಗೆ ಅವರು ತೀರ್ಮಾನ ಕೈಗೊಳ್ಳುವ ಬಗ್ಗೆ ಭರವಸೆಯೂ ಇಲ್ಲ, ನಂಬಿಕೆಯೂ ಇಲ್ಲ’ ಎಂದು ಹೇಳಿದರು. ಪತ್ರಕರ್ತರು ಕೇಳಿದ್ದೇನು? ಸೀಎಂ ಹೇಳಿದ್ದೇನು? ವಿಡಿಯೋ ಇಲ್ಲಿ ನೋಡಿ..
- [ಯಲ್ಲಾಪುರ ಜಾತ್ರೆ: ಅನುದಿನವೂ ಅನ್ನ ದಾನ!](https://mobiletime.in/2026/02/yellapur-fair-food-and-drinks-every-day/): ಯಲ್ಲಾಪುರ ಗ್ರಾಮ ದೇವಿ ಜಾತ್ರೆಗೆ ಬರುವ ಭಕ್ತರಿಗೆ ಸಮಾನ ಮನಸ್ಕರ ಸಂಘಟನೆಯೊoದು ಅನುದಿನವೂ ಅನ್ನ ಪ್ರಸಾದ ವಿತರಿಸುತ್ತಿದೆ. ಕಾಳಮ್ಮ-ದುರ್ಗಮ್ಮ ದೇವಿಯರಿಗೆ ನೈವೆದ್ಯ ಮಾಡಿದ ಪಾಯಸವನ್ನು ಇಲ್ಲಿ ಭಕ್ತರಿಗೆ ಉಣಬಡಿಸಲಾಗುತ್ತಿದೆ. ಯಲ್ಲಾಪುರದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿ ಬಳಿ ನಿತ್ಯ ಸರಿ ಸುಮಾರು 5 ಸಾವಿರಕ್ಕೂ ಅಧಿಕ ಭಕ್ತರಿಗೆ ಅನ್ನದಾನ ಮಾಡಲಾಗುತ್ತಿದೆ. ಬರುವ ಭಕ್ತರಿಗೆ ಹೊಟ್ಟೆ ತುಂಬ ಅನ್ನ, ಸಾಂಬಾರ್, ಚಟ್ನಿ, ಪಲ್ಯ, ಪಾಯಸದ ಔತಣ ನೀಡಲಾಗುತ್ತಿದೆ. ಅತ್ಯಂತ ಶಿಸ್ತು, ಸಂಯಮದಿoದ ಈ ಕಾರ್ಯಕ್ಕಾಗಿ ಕಾರ್ಯಕರ್ತರು ದುಡಿಯುತ್ತಿದ್ದಾರೆ. ಜಾತ್ರೆ ಅವಧಿಯಲ್ಲಿ ನಾಟಕ ಪ್ರದರ್ಶನ ನಡೆಸುತ್ತಿದ್ದ ವಿ ವಿ ಜೋಶಿ ಅವರು ಈ ಅನ್ನದಾನ ಸಂಘಟನೆಯ ರೂವಾರಿ. ನಾಟಕ ಪ್ರದರ್ಶನದಿಂದ ನಷ್ಟ ಅನುಭವಿಸುತ್ತಿದ್ದ ವಿ ವಿ ಜೋಶಿ ಅವರು ಈ ಬಗ್ಗೆ ದೇವಿಯರಲ್ಲಿ ಪ್ರಸಾದ ಕೇಳಿದ್ದು, ಆ ಅವಧಿಯಲ್ಲಿ ಅವರಿಗೆ ಅನ್ನದಾನ ಮಾಡುವ ಸೂಚನೆ ಸಿಕ್ಕಿತು. ಈ ಹಿನ್ನಲೆ ಅನ್ನದಾನದ ಸಂಕಲ್ಪ ಮಾಡಿದ ಅವರು ಮೊದಲು ವೆಂಕಟ್ರಮಣ ಮಠದಲ್ಲಿ ಮೂರು ದಿನದ ಅನ್ನದಾನ ಸೇವೆ ಮಾಡಿದರು. ಅದಾದ ನಂತರ ಕಳೆದ ನಾಲ್ಕು ವರ್ಷಗಳಿಂದ ಜಾತ್ರೆಯ ಎಲ್ಲಾ ದಿನವೂ ಅನ್ನದಾನ ಮಾಡುವ ಕಾಯಕ ಮಾಡಿಕೊಂಡು ಬಂದಿದ್ದಾರೆ. ದೇವಾಲಯದ ಅರ್ಚಕ ಪರಶುರಾಮ ಆಚಾರಿ, ಸಂತೋಷ ಗುಡಿಗಾರ, ಗಣೇಶ ಪಂಡ್ರಾಪುರ, ಪ್ರಕಾಶ ರೇವಣಕರ್ ಅವರು ವಿ ವಿ ಜೋಶಿ ಅವರ ಕಾರ್ಯಕ್ಕೆ ಕೈ ಜೋಡಿಸಿದ್ದಾರೆ. ಅನೇಕ ದಾನಿಗಳು ಈ ಸೇವೆಗೆ ಕೈ ಜೋಡಿಸಿದ್ದು, ಅಕ್ಕಿ-ಕಾಯಿ, ಬೆಲ್ಲ, ಬೆಳೆಗಳನ್ನು ದೇಣಿಗೆ ರೂಪದಲ್ಲಿ ಕೊಡುತ್ತಿದ್ದಾರೆ. `ಶಿಸ್ತಿನ ಸಾಲಿನಲ್ಲಿ ನಿಂತು ಪ್ರಸಾದ ಬೋಜನ ಸ್ವೀಕರಿಸಬೇಕು. ಆಹಾರವನ್ನು ಹಾಳು ಮಾಡಬಾರದು. ನೀರನ್ನು ನಿಯಮಿತವಾಗಿ ಬಳಸಬೇಕು’ ಎಂಬುದು ಇಲ್ಲಿನ ನಿಯಮ. ವೃದ್ಧರು, ವಿದ್ಯಾರ್ಥಿಗಳು, ನೌಕರರು ಹಾಗೂ ಅಂಗವಿಕಲರು ಇಲ್ಲಿ ಸಾಲಿನಲ್ಲಿ ನಿಲ್ಲಬೇಕಾದ ಅಗತ್ಯವಿಲ್ಲ. ಪ್ರವೇಶ ದ್ವಾರದ ಬಳಿ ಅವರಿಗೆ ಪ್ರತ್ಯೇಕ ಕೌಂಟರ್ ತೆರೆಯಲಾಗಿದ್ದು, ಅಲ್ಲಿಂದ ಪ್ರವೇಶಿಸಿ ಅವರು ಪ್ರಸಾದ ಸ್ವೀಕರಿಸುವ ಅವಕಾಶ ಕಲ್ಪಿಸಲಾಗಿದೆ. ಜಾತ್ರೆ ನಡುವಿನ ದಿನ ಶಿವರಾತ್ರಿ ಬಂದಿದ್ದು, ಶಿವರಾತ್ರಿಯ ದಿನ ಅನ್ನ ಪ್ರಸಾದದ ಬದಲು ಅಲ್ಪ ಉಪಹಾರದ ವ್ಯವಸ್ಥೆ ಮಾಡಲಾಗಿದೆ. ಈ ದಿನವೂ ಒಗ್ಗರಣೆ ಅವಲಕ್ಕಿ ಜೊತೆ ಗೋದಿ ಕಡಿ ಪಾಯಸವನ್ನು ಭಕ್ತರಿಗೆ ಕೊಡಲಾಗುತ್ತದೆ. ಅನ್ನ ಪ್ರಸಾದದ ಅವಧಿಯಲ್ಲಿ ಪ್ರತಿ ಹಂತದಲ್ಲಿಯೂ ಸ್ವಯಂ ಸೇವಕರು ಭಕ್ತರ ನೆರವಿಗೆ ಬರುತ್ತಿದ್ದಾರೆ. ನಿತ್ಯ 35ಕ್ಕೂ ಅಧಿಕ ಸ್ವಯಂ ಸೇವಕರು ಭಕ್ತರ ಸೇವೆಗೆ ನಿಂತಿದ್ದಾರೆ. ವಿವಿಧ ಮಹಿಳಾ ಮಂಡಳ, ಸ್ತಿಶಕ್ತಿ ಸಂಘಟನೆಯವರು ಈ ಸೇವಾ ಕಾರ್ಯಕ್ಕೆ ಕೈ ಜೋಡಿಸಿದ್ದಾರೆ. ಗ್ರಾಮೀಣ ಭಾಗದ ಮಹಿಳೆಯರು ಸಹ ಹೆಚ್ಚಿನ ಪ್ರಮಾಣದಲ್ಲಿ ಆಗಮಿಸಿ ತಮ್ಮಿಂದ ಆದ ಸೇವೆ ಮಾಡುತ್ತಿದ್ದಾರೆ. ಕನ್ನಡಗಲ್ ಹಾಗೂ ಲಿಂಗನಕೊಪ್ಪದ ಭಾಗದ ಜನ ಅಚ್ಚುಕಟ್ಟಾಗಿ ಅಡುಗೆ ಸಿದ್ಧಪಡಿಸುತ್ತಿದ್ದಾರೆ. ಮಧ್ಯಾಹ್ನ 12.30ಕ್ಕೆ ದೇವಿಯರಿಗೆ ನೈವೆದ್ಯ ಮಾಡಿ ನಂತರ ಪ್ರಸಾದ ವಿತರಣೆಯ ಕಾರ್ಯ ನಡೆಯುತ್ತಿದೆ. ಎಲ್ಲಾ ಭಕ್ತರ ಊಟ ಮುಗಿದ ನಂತರವೇ ಇಲ್ಲಿ ಸಂಘಟಕರು ಊಟ ಮಾಡುತ್ತಿದ್ದಾರೆ.
- [ಬಸ್ ಅಪಘಾತ: ಮಂಗನ ಕಾಟಕ್ಕೆ ಮಾನವರಿಗೆ ಸಂಕಷ್ಟ!](https://mobiletime.in/2026/02/bus-accident-humans-suffer-due-to-monkey-attack/): ಹುಬ್ಬಳ್ಳಿ – ಶಿರಸಿ ಬಸ್ಸು ಶುಕ್ರವಾರ ತಡಸ್ ಬಳಿ ಅಪಘಾತಕ್ಕೀಡಾಗಿದೆ. ಬಸ್ಸಿನಲ್ಲಿದ್ದ 35ಕ್ಕೂ ಅಧಿಕ ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಮಾಹಿತಿಗಳ ಪ್ರಕಾರ ಚಲಿಸುತ್ತಿದ್ದ ಬಸ್ಸಿಗೆ ಅಡ್ಡಲಾಗಿ ಮಂಗ ಬಂದಿದೆ. ಮಂಗನನ್ನು ನೋಡಿದ ಬಸ್ ಚಾಲಕ ವಿಚಲಿತನಾಗಿದ್ದು, ಆ ವೇಲೆ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿದೆ. ಪರಿಣಾಮ ಆ ಬಸ್ಸು ಎದುರಿಗೆ ಹೋಗುತ್ತಿದ್ದ ಲಾರಿಗೆ ಜೋರಾಗಿ ಗುದ್ದಿದೆ. ಈ ಅಪಘಾತದ ರಭಸಕ್ಕೆ ಬಸ್ಸಿನ ಮುಂದಿನ ಭಾಗ ಜಖಂ ಆಗಿದೆ. ಬಸ್ಸಿನ ಒಳಗಿದ್ದ 35ರಷ್ಟು ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಅನೇಕ ಪ್ರಯಾಣಿಕರಿಗೆ ಮುಖದ ಭಾಗಕ್ಕೆ ನೋವಾಗಿದೆ. ಈ ಬಸ್ಸು ಹುಬ್ಬಳ್ಳಿಯಿಂದ ಹೊರಟಿದ್ದು, ಶಿರಸಿಗೆ ಬರುವಾಗ ಈ ಅವಘಡ ನಡೆದಿದೆ. ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ. ಹೀಗಾಗಿ ಆತಂಕಪಡುವ ಅಗತ್ಯವಿಲ್ಲ.
- [ಸೊಸೈಟಿ ಸಾಲ: ಶೂಲದ ಹೊರೆ ಸಹಿಸದ ರೈತ ಸಾವು!](https://mobiletime.in/2026/02/society-loan-farmer-dies-after-not-being-able-to-bear-the-burden-of-the-stake/): ಸಿದ್ದಾಪುರದ ಅಥರ್ವ ಸೊಸೈಟಿ ಹಾಗೂ ಶಿರಸಿಯ ಶ್ರೀಮಾತಾ ಸೊಸೈಟಿಯಲ್ಲಿ ಸಾಲ ಮಾಡಿದ್ದ ಸಂದೀಪ ಪಲ್ಲೇದ್ ಅವರು ಸಾಲದ ಹೊರೆ ಸಹಿಸಲಾಗದೇ ಸಾವನಪ್ಪಿದ್ದಾರೆ. ಸಿದ್ದಾಪುರದ ಬಸವನಗಲ್ಲಿಯ ಸಂದೀಪ ಮುರಿಗಪ್ಪಾ ಪಲ್ಲೇದ್ (45) ಅವರು ವಾಸವಾಗಿದ್ದರು. ಕೃಷಿಕರಾಗಿದ್ದ ಅವರು ಕೃಷಿ ಜೊತೆ ಕೋಲ್ಡ್ ಡ್ರಿಂಕ್ಸ್ ವ್ಯಾಪಾರವನ್ನು ಶುರು ಮಾಡಿದ್ದರು. ಸಂದೀಪ ಪಲ್ಲೇದ ಅವರ ಪತ್ನಿ ಮಂಜುಳಾ ಪಲ್ಲೇದ್ ಅವರು ಅತಿಥಿ ಶಿಕ್ಷಕರಾಗಿ ದುಡಿಯುತ್ತಿದ್ದರು. ಆದರೆ, ಅವರಿಬ್ಬರ ದುಡಿಮೆಯಿಂದ ಕುಟುಂಬ ನಿರ್ವಹಣೆ ಸಾಧ್ಯವಾಗಿರಲಿಲ್ಲ. ಹೀಗಾಗಿ ಕವಂಚೂರು ಗ್ರಾಮದಲ್ಲಿದ್ದ ಗದ್ದೆಯನ್ನು ತೋಟವನ್ನಾಗಿ ಪರಿವರ್ತಿಸಲು ್ಲ ಸಂದೀಪ ಪಲ್ಲೇದ್ ಅವರು ನಿರ್ಧರಿಸಿದರು. ಇದಕ್ಕಾಗಿ ಅವರು ಅಲ್ಲಲ್ಲಿ ಕೈಗಡ ಸಾಲಪಡೆದರು. ಕೋಲ್ಡ್ ಡ್ರಿಂಕ್ಸ ಜೊತೆ ನೀರಿನ ಬಾಟಲಿ ವ್ಯಾಪಾರ ವೃದ್ಧಿಗಾಗಿಯೂ ಅವರು ಇನ್ನಷ್ಟು ಸಾಲ ಸ್ವೀಕರಿಸಿದರು. ಇದರೊಂದಿಗೆ ಅಡಿಕೆ ಸಸಿ ನಾಟಿ, ಮಣ್ಣು ಹಾಕಿಸುವಿಕೆ ಸೇರಿ ಇನ್ನಿತರ ಕೆಲಸಗಳಿಗೆ ಹಣದ ಅಡಚಣೆ ಉಂಟಾಯಿತು. ಸಿದ್ದಾಪುರದ ಅಥರ್ವ ಸೊಸೈಟಿ ಹಾಗೂ ಶಿರಸಿಯ ಶ್ರೀಮಾತಾ ಸೊಸೈಟಿಗೆ ಹೋಗಿ ಅಲ್ಲಿಯೂ ಸಂದೀಪ ಪಲ್ಲೇದ್ ಅವರು ಸಾಲಪಡೆದರು. ಆದರೆ, ವ್ಯಾಪಾರದಲ್ಲಿ ನಿರೀಕ್ಷಿತ ಪ್ರಮಾಣದ ಲಾಭ ಅವರಿಗೆ ಸಿಗಲಿಲ್ಲ. ಕೃಷಿ ಕೆಲಸವೂ ಸರಿಯಾಗಿ ಆಗಲಿಲ್ಲ. ನಷ್ಟಕ್ಕೆ ಹೆದರಿದ ಅವರು ದುಡುಕು ನಿರ್ಧಾರಕ್ಕೆ ಮುಂದಾಗಿದ್ದು, ಫೆ 12ರಂದು ತಮ್ಮ ಹಳೆ ಮನೆಯಲ್ಲಿ ಕಳೆನಾಶಕ ಸೇವಿಸಿದರು. ಇದನ್ನು ನೋಡಿದ ಕುಟುಂಬದವರು ಸಂದೀಪ ಪಲ್ಲಾಟೆ ಅವರನ್ನು ಸಿದ್ದಾಪುರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಅದಾದ ನಂತರ ಅವರನ್ನು ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ನಿರಂತರ ಚಿಕಿತ್ಸೆ ನಂತರವೂ ಅವರು ಫೆ 13ರಂದು ಸಾವನಪ್ಪಿದರು. ಈ ವಿಷಯದ ಬಗ್ಗೆ ಮಂಜುಳಾ ಪಲ್ಲೇದ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮಹಡಿ ಮೇಲಿಂದ ಬಿದ್ದ ಪೊಲೀಸ್: ಸಾವು](https://mobiletime.in/2026/02/policeman-dies-after-falling-from-top-floor/): ಕಾರವಾರ ನಗರ ಪೊಲೀಸ್ ಠಾಣೆಯ ಸಿಬ್ಬಂದಿ ಸಂಜಯ ನಾಯ್ಕ ಅವರು ಮನೆ ಮಹಡಿ ಮೇಲಿದ್ದ ಬಿದ್ದು ಸಾವನಪ್ಪಿದ್ದಾರೆ. ಕಾರವಾರದ ಸದಾಶಿವಗಡದ ಮಾನವಾಡದಲ್ಲಿ ಸಂಜಯ ದಿಗಂಬರ್ ನಾಯ್ಕ (52) ಅವರು ವಾಸವಾಗಿದ್ದರು. ಕಾರವಾರ ನಗರ ಪೊಲೀಸ್ ಠಾಣೆಯಲ್ಲಿ ಅವರು ಕರ್ತವ್ಯ ನಿಭಾಯಿಸುತ್ತಿದ್ದರು. ಫೆಬ್ರವರಿ 11ರಂದು ಮಧ್ಯಾಹ್ನ ಊಟಕ್ಕೆ ಮನೆಗೆ ಹೋಗಿದ್ದ ಅವರು ಊಟದ ನಂತರ ಮಹಡಿ ಹತ್ತಿದ್ದರು. ಮಹಡಿ ಮೇಲಿನ ಗ್ಯಾಲರಿ ಬಳಿಯಿದ್ದ ಮೆಟ್ಟಿಲುಗಳ ಮೂಲಕ ಅಂಗಳಕ್ಕೆ ಇಳಿಯುವಾಗ ಆಯತಪ್ಪಿ ಬಿದ್ದರು. ಮೆಟ್ಟಿಲ ಮೇಲೆ ಮುಗುಚಿ ಬಿದ್ದ ಪರಿಣಾಮ ಸಂಜಯ ನಾಯ್ಕ ಅವರ ಪ್ರಜ್ಞೆ ತಪ್ಪಿತು. ಅವರು ಮಾತನಾಡುವ ಸ್ಥಿತಿಯಲ್ಲಿಯೂ ಇರಲಿಲ್ಲ. ಹೀಗಾಗಿ ಕುಟುಂಬದವರು ಸಂಜಯ ನಾಯ್ಕ ಅವರನ್ನು ಕಾರವಾರ ಜಿಲ್ಲಾಸ್ಪತ್ರೆಗೆ ದಾಖಲಿಸಿದರು. ಅಲ್ಲಿ ಅವರಿಗೆ ನಿರಂತರ ಚಿಕಿತ್ಸೆ ನೀಡಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಫೆಬ್ರವರಿ 13ರಂದು ಸಂಜಯ ನಾಯ್ಕ ಅವರು ಕೊನೆಯುಸಿರೆಳೆದರು. ಪತಿಯ ಸಾವಿನ ಬಗ್ಗೆ ಸುಲಕ್ಷಾ ನಾಯ್ಕ ಅವರು ಚಿತ್ತಾಕುಲ ಪೊಲೀಸರಿಗೆ ಹೇಳಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ನಾರಿಗಳ ಕೈಯಲ್ಲಿ ಖಾಲಿ ಕೊಡಗಳ ಮೆರವಣಿಗೆ: ಇದೇ ನಮ್ಮ ಸರ್ಕಾರದ ಸಾಧನೆ!](https://mobiletime.in/2026/02/the-procession-of-empty-pots-in-the-hands-of-women-this-is-the-achievement-of-our-government/): ಕುಡಿಯುವ ನೀರಿನ ಯೋಜನೆಗಾಗಿ ಕೋಟಿ ಕೋಟಿ ರೂ ವೆಚ್ಚ ಮಾಡುವ ಸರ್ಕಾರಕ್ಕೆ ಶಿರಸಿಯ ಬದನಗೋಡು ಬಳಿಯ ರಂಗಾಪುರದ ಜನರಿಗೆ ಶುದ್ಧ ನೀರು ಕೊಡಲು ಸಾಧ್ಯವಾಗಿಲ್ಲ. ಕುಡಿಯಲು ನೀರಿಲ್ಲದ ಜನ ಗ್ರಾಮ ಪಂಚಾಯತ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದು, ಈ ದಿನ ಆ ಭಾಗದ ಮಹಿಳೆಯರು ಖಾಲಿ ಕೊಡಗಳ ಮೆರವಣಿಗೆ ನಡೆಸಿ ಪ್ರತಿಭಟಿಸಿದ್ದಾರೆ. ಬದನಗೋಡ ಗ್ರಾಮ ಪಂಚಾಯತ ವ್ಯಾಪ್ತಿಯ ರಂಗಾಪುರ ಗ್ರಾಮದಲ್ಲಿ ಕೆಲ ದಿನಗಳಿಂದ ಕುಡಿಯಲು ನೀರು ಸಿಗುತ್ತಿಲ್ಲ. ಶುದ್ಧ ನೀರಿಗಾಗಿ ಜನ ಹಪಹಪಿಸುತ್ತಿದ್ದು, ಈ ಬಗ್ಗೆ ಮನವಿ ಮಾಡಿದರೂ ಸ್ಥಳೀಯ ಆಡಳಿತ ತಲೆಕೆಡಿಸಿಕೊಂಡಿಲ್ಲ. ಸುತ್ತಲಿನ ವಿವಿಧ ಹಳ್ಳಿಗಳಲ್ಲಿಯೂ ಇದೇ ಸಮಸ್ಯೆ ಉಲ್ಬಣಿಸಿದೆ. ಅಲ್ಲಿನ ಜನರ ಮನವಿಯನ್ನು ಸಹ ಆಡಳಿತದಲ್ಲಿರುವವರು ಆಲಿಸಿಲ್ಲ. ಒಂದು ವಾರದಿಂದ ನೀರಿನ ಸಮಸ್ಯೆ ಹೆಚ್ಚಾದ ಕಾರಣ ಜನ ಆಕ್ರೋಶಕ್ಕೆ ಒಳಗಾಗಿದ್ದಾರೆ. ಇಲ್ಲಿ ಗ್ರಾಮ ಪಂಚಾಯತ ಅಭಿವೃದ್ಧಿ ಅಧಿಕಾರಿ ಪರಸಪ್ಪ ಲಂಬಾಣಿ ಅವರು ಸಹ ಜನರ ಕೈಗೆ ಸಿಗುತ್ತಿಲ್ಲ. ತಿಂಗಳಿಗೆ ಮೂರು ದಿನ ಮಾತ್ರ ಅವರು ಕಚೇರಿಗೆ ಬರುತ್ತಿರುವ ಬಗ್ಗೆ ಜನ ಆರೋಪಿಸಿದ್ದಾರೆ. ಮಧ್ಯಾಹ್ನ ೧೨ಗಂಟೆಗೆ ಬರುವ ಅಧಿಕಾರಿ ೨ ಗಂಟೆಯ ಒಳಗೆ ಮನೆಗೆ ಮರಳುತ್ತಿದ್ದು, ನೀರಿನ ಸಮಸ್ಯೆ ಬಗ್ಗೆ ಹೇಳಿಕೊಳ್ಳಲು ಅವರು ಸಿಗುತ್ತಿಲ್ಲ ಎಂಬುದು ಅಲ್ಲಿನವರ ದೂರು. ನೀರು ಬಿಡಬೇಕಾದ ಸಿಬ್ಬಂದಿ ಸಹ ಸರಿಯಾಗಿ ಕೆಲಸ ಮಾಡುತ್ತಿಲ್ಲ ಎಂದು ಜನ ಬೇಸರವ್ಯಕ್ತಪಡಿಸಿದ್ದಾರೆ. ಅಧಿಕಾರಿಗಳ ಬಳಿ ಸಮಸ್ಯೆ ಹೇಳಲು ಹೋದಾಗ `ಸಿಬ್ಬಂದಿ ಮೇಲೆ ದಬ್ಬಾಳಿಕೆ’ ಎಂಬ ಪದ ಪ್ರಯೋಗ ನಡೆದ ಬಗ್ಗೆ ಜನ ಆಕ್ಷೇಪಿಸಿದ್ದಾರೆ. ಹಿಂದಿನ ಆಡಳಿತ ಮಂಡಳಿಯಲ್ಲಿದ್ದ ಸದಸ್ಯರು ಜನರ ಸಮಸ್ಯೆಗೆ ಸ್ಪಂದಿಸುತ್ತಿದ್ದರು. ಇದೀಗ ಸಮಸ್ಯೆ ಆಲಿಸುವವರೇ ಇಲ್ಲ ಎಂದು ಅಸಮಧಾನವ್ಯಕ್ತಪಡಿಸಿದರು. ಪಂಚಾಯತ ಎದುರು ಖಾಲಿ ಕೊಡದ ಮೆರವಣಿಗೆ ನಡೆಸಿ ತಮ್ಮ ಆಕ್ರೋಶಹೊರಹಾಕಿದರು.
- [ಮಾಜಿ ಪತ್ನಿಗೆ ಕತ್ತಿ ಬೀಸಿದ ಕಿರಾತಕ: ಡೈವರ್ಸ ಆದರೂ ಆಕೆಗೆ ನೆಮ್ಮದಿ ಇಲ್ಲ!](https://mobiletime.in/2026/02/a-man-who-stabbed-his-ex-wife-even-though-they-are-divorced-she-is-not-at-peace/): ಸಿದ್ದಾಪುರದ ಹಸವಂತೆ ಬಳಿ ವಾಸವಾಗಿರುವ ಗಂಗಾ ನಾಯ್ಕ ಅವರು ಅದೇ ಊರಿನ ಅಶೋಕ ನಾಯ್ಕ ಅವರನ್ನು ಮದುವೆ ಆಗಿದ್ದು, ಅಶೋಕ ನಾಯ್ಕ ಅವರ ಕಾಟ ಸಹಿಸಲಾಗದೇ ವಿಚ್ಚೇದನಪಡೆದಿದ್ದಾರೆ. ಅದಾಗಿಯೂ, ಅವರಿಗೆ ನೆಮ್ಮದಿಯಿಂದ ಬದುಕಲು ಅಶೋಕ ನಾಯ್ಕ ಅವರು ಬಿಡುತ್ತಿಲ್ಲ! ಸಿದ್ದಾಪುರದ ನೆಜ್ಜೂರು ಸಮೀಪದ ಹಸವಂತೆಯಲ್ಲಿ ಗಂಗಾ ಗಣಪತಿ ನಾಯ್ಕ (28) ಅವರು ವಾಸವಾಗಿದ್ದಾರೆ. ಸದ್ಯ ಅವರು ಬ್ಯುಟಿಷಿಯನ್ ಆಗಿ ಬದುಕು ಕಟ್ಟಿಕೊಂಡಿದ್ದಾರೆ. ಗಂಗಾ ನಾಯ್ಕ ಅವರು ಅದೇ ಊರಿನ ಅಶೋಕ ಅಣ್ಣಪ್ಪ ನಾಯ್ಕ ಅವರನ್ನು ವಿವಾಹವಾಗಿದ್ದು, ಸಂಸಾರದಲ್ಲಿ ವೈಮನಸ್ಸು ಬಂದ ಕಾರಣ ಅವರಿಂದ ದೂರವಾಗಿದ್ದಾರೆ. 2022ರಲ್ಲಿಯೇ ಅವರಿಬ್ಬರ ವಿಚ್ಚೇದನ ನಡೆದ್ದರೂ ಅಶೋಕ ನಾಯ್ಕ ಅವರು ಗಂಗಾ ನಾಯ್ಕ ಅವರನ್ನು ಕಾಡಿಸುವುದನ್ನು ಬಿಟ್ಟಿಲ್ಲ. ಗಂಗಾ ನಾಯ್ಕ ಅವರ ಮೇಲೆ ಎರಡು ಬಾರಿ ಹಲ್ಲೆ ನಡೆಸಿದ್ದ ಅಶೋಕ ನಾಯ್ಕ ಅವರು ಇದೀಗ ಅವರ ಕೊಲೆ ಪ್ರಯತ್ನವನ್ನು ಮಾಡಿದ್ದಾರೆ. ಕತ್ತಿ ಬೀಸಿದಾಗ ಗಂಗಾ ನಾಯ್ಕ ಅವರು ತಪ್ಪಿಸಿಕೊಂಡಿದ್ದು, ಆ ಕತ್ತಿ ಗಂಗಾ ನಾಯ್ಕ ಅವರ ತಂದೆ ಗಣಪತಿ ನಾಯ್ಕ ಅವರ ಕೈಗೆ ತಾಗಿದೆ. ಅಶೋಕ ನಾಯ್ಕ ಅವರಿಗೆ ಗಂಗಾ ನಾಯ್ಕ ಅವರ ಜೊತೆಗಿರುವ ಮನಸ್ಸಿದ್ದರೂ ಅದಕ್ಕೆ ಗಂಗಾ ನಾಯ್ಕ ಅವರು ಒಪ್ಪಿಗೆ ಸೂಚಿಸಿಲ್ಲ. `ಮಗುವಿಗಾಗಿ ಒಟ್ಟಿಗೆ ಬದುಕೋಣ’ ಎಂದು ಅಶೋಕ ನಾಯ್ಕ ಅವರು ಹೇಳಿದ್ದು, ಆಗಲೂ ಗಂಗಾ ನಾಯ್ಕ ಅವರು ಅದನ್ನು ಮನ್ನಿಸಲಿಲ್ಲ. ಹೀಗಾಗಿ `ನಿನಗೆ ಸಿಗದಿದ್ದದ್ದು ನನಗೂ ಸಿಗಬಾರದು’ ಎಂದ ಅಶೋಕ ನಾಯ್ಕ ಅವರು ಮಗುವಿನ ಅಪಹರಣ ಮಾಡುವುದಾಗಿಯೂ ಬೆದರಿಸಿದ್ದಾರೆ. ಡೈವರ್ಸ ಆದ ಕಾರಣಕ್ಕೆ ಸಿಟ್ಟಿನಿಂದಿದ್ದ ಅಶೋಕ ನಾಯ್ಕ ಅವರು 2022ರಲ್ಲಿ ಗಂಗಾ ನಾಯ್ಕ ಅವರ ಪರವಾಗಿ ಮಾತನಾಡಿದ್ದ ಅವರ ಮಾವ ವೀರಭದ್ರ ಮೈಲಾ ನಾಯ್ಕ ಅವರ ಮೇಲೆಯೂ ಕೈ ಮಾಡಿದ್ದಾರೆ. ಈ ಎಲ್ಲದರ ನಡುವೆ ಒಂದು ವಾರದ ಹಿಂದೆ ಮತ್ತೆ ಗಂಗಾ ನಾಯ್ಕ ಅವರನ್ನು ಅಶೋಕ ನಾಯ್ಕ ಅವರು ಅಡ್ಡಗಟ್ಟಿದ್ದಾರೆ. ಆಗಲೂ `ಮಗುವಿಗಾಗಿ ಒಟ್ಟಿಗಿರೋಣ’ ಎಂದು ಹೇಳಿದ್ದಾರೆ. ಅದಕ್ಕೆ ಒಪ್ಪದ ಕಾರಣ `ಕೊಲೆ ಮಾಡುವೆ’ ಎಂದು ಬೆದರಿಸಿ ಅಲ್ಲಿಂದ ಹೋಗಿದ್ದಾರೆ. ಫೆಬ್ರವರಿ 12ರಂದು ಮತ್ತೆ ಹಸುವಂತೆ ಬಸ್ ನಿಲ್ದಾಣದ ಬಳಿ ಗಂಗಾ ನಾಯ್ಕ ಅವರು ನಿಂತಿದ್ದಾಗ ಸ್ಕೂಟಿ ಮೇಲೆ ಅಲ್ಲಿಗೆ ಬಂದ ಅಶೋಕ ನಾಯ್ಕ ಅವರು ಕತ್ತಿ ಬೀಸಿದ್ದಾರೆ. ಗಂಗಾ ನಾಯ್ಕ ಅವರ ತಲೆ ಹಿಡಿದು `ಕೆಲಸಕ್ಕೆ ಹೋಗುತ್ತಿದ್ದೀಯಾ?’ ಎಂದು ಪ್ರಶ್ನಿಸಿ ಬೈದಿದ್ದಾರೆ. ತಪ್ಪಿಸಲು ಬಂದ ಗಂಗಾ ನಾಯ್ಕ ಅವರ ತಂದೆ ಗಣಪತಿ ನಾಯ್ಕ ಅವರ ಮೇಲೆಯೂ ಕತ್ತಿಯ ದಾಳಿ ನಡೆಸಿದ್ದಾರೆ. ಈ ವೇಳೆ ಗಣಪತಿ ನಾಯ್ಕ ಅವರ ಕೈಗೆ ಕತ್ತಿ ತಾಗಿದೆ. ಕತ್ತಿಯ ಹಿಡಿಕೆ ಗಂಗಾ ನಾಯ್ಕ ಅವರಿಗೆ ತಾಗಿದ್ದು, ಅವರು ನೋವು ಅನುಭವಿಸಿದ್ದಾರೆ. ಅದಾದ ನಂತರ ಅಶೋಕ ನಾಯ್ಕ ಅವರು ಗಂಗಾ ನಾಯ್ಕ ಅವರ ಕೂದಲು ಹಿಡಿದು ಎಳೆದಾಡಿದ್ದಾರೆ. ಕತ್ತಿನಲ್ಲಿದ್ದ ಮಾಂಗಲ್ಯದ ಸರ ಹರಿದು ಹಾಕಿದ್ದಾರೆ. ಗಣಪತಿ ನಾಯ್ಕ ಅವರ ಎದೆಗೆ ಗುದ್ದಿ ಅಲ್ಲಿಂದ ಪರಾರಿಯಾಗಿದ್ದಾರೆ. ಈ ಹಿಂದೆ ಮಾಡಿದ ಹಲ್ಲೆ, ನೀಡಿದ ಕಿರುಕುಳ ಹಾಗೂ ಮೊನ್ನೆ ನಡೆದ ವಿದ್ಯಮಾನಗಳ ಬಗ್ಗೆ ಗಂಗಾ ನಾಯ್ಕ ಅವರು ಸಿದ್ದಾಪುರ ಪೊಲೀಸರ ಬಳಿ ಹೇಳಿದ್ದಾರೆ. ಎಲ್ಲಾ ವಿಷಯ ಆಲಿಸಿದ ಪಿಸೈ ಶಾಂತಿನಾಥ ಪಾಸಾನೆ ಅವರು ಅಶೋಕ ನಾಯ್ಕ ಅವರ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಹೊಸ ರಸ್ತೆ ಸೃಷ್ಠಿಸಿದ ಹೊಸ ಅಪಾಯ!](https://mobiletime.in/2026/02/a-new-road-creates-a-new-danger/): 95 ಲಕ್ಷ ರೂ ವೆಚ್ಚ ಮಾಡಿ ಶಿರಸಿಯಿಂದ ದೊಡ್ನಳ್ಳಿಗೆ ಹೋಗುವ ರಸ್ತೆಯನ್ನು ಅಭಿವೃದ್ಧಿಪಡಿಸಲಾಗಿದ್ದು, ಆ ಅಭಿವೃದ್ಧಿ ಕೆಲಸದ ನಂತರವೇ ಅಲ್ಲಿ ಅಪಘಾತದ ಪ್ರಮಾಣ ಹೆಚ್ಚಾಗಿದೆ! ಶಿರಸಿಯಿಂದ ದೊಡ್ನಳ್ಳಿಗೆ ಹೋಗುವ ರಸ್ತೆ ಹದಗೆಟ್ಟಿತ್ತು. ಸಾರ್ವಜನಿಕರು ಸಾಕಷ್ಟು ಸಮಸ್ಯೆ ಅನುಭವಿಸುತ್ತಿದ್ದ ಕಾರಣ ಆ ರಸ್ತೆ ಅಭಿವೃದ್ಧಿಗೆ ಸರ್ಕಾರ ಮುಂದಾಯಿತು. ಒಂದು ತಿಂಗಳ ಹಿಂದೆ ರಸ್ತೆಗೆ ಮರುಡಾಂಬರೀಕರಣ ಕೆಲಸ ನಡೆಯಿತು. ಕೆಲಸದ ಗುಣಮಟ್ಟವೂ ಚನ್ನಾಗಿಯೇ ಇದ್ದು, ಚಿಕ್ಕದೊಂದು ಅವೈಜ್ಞಾನಿಕ ಪದ್ಧತಿ ಅನುಸರಿಸಿದ್ದರಿಂದ ಅಪಘಾತಗಳ ಪ್ರಮಾಣ ಹೆಚ್ಚಾಯಿತು. ಕಳೆದ ಒಂದು ತಿಂಗಳ ಅವಧಿಯಲ್ಲಿ ಈ ಮಾರ್ಗದಲ್ಲಿ ಮೂರು ವಾಹನಗಳು ರಸ್ತೆ ಬಿಟ್ಟು ಗಟಾರಕ್ಕೆ ಬಿದ್ದಿವೆ. ರಸ್ತೆ ಕೆಲಸ ಸರಿ ಮಾಡಿದ ಗುತ್ತಿಗೆದಾರರು ರಸ್ತೆಯ ಅಂಚು ಸರಿಪಡಿಸುವ ಕೆಲಸ ಮಾಡಿಲ್ಲ. ರಸ್ತೆ ಬದಿಯ ಒಂದು ಕಡೆ ಚರಂಡಿವರೆಗೆ ಡಾಂಬರು ಹಾಕಲಾಗಿದೆ. ಇನ್ನೊಂದು ಕಡೆ ಡಾಂಬರು ಸುರಿಯದೇ ಹಾಗೇ ಬಿಡಲಾಗಿದೆ. ರಸ್ತೆ ಅಂಚಿನ ಅಲೈನಮೆಂಟ್ ಸರಿಯಾಗಿ ಗಮನಿಸದೇ ಮಾಡಿದ ಕಾಮಗಾರಿಯಿಂದ ವಾಹನಗಳು ಚರಂಡಿಗೆ ಬೀಳುತ್ತಿವೆ. ಚರಂಡಿ ಕಡೆ ಡಾಂಬರಿಕರಣ ಭಾಗದ ಕಡೆ ವಾಹನಗಳು ವಾಲುತ್ತಿದ್ದು, ಚಾಲಕ ಕೊಂಚ ಆಯತಪ್ಪಿದರೂ ಅವು ಗಟಾರಕ್ಕೆ ಬೀಳುತ್ತಿದೆ. ಹೀಗಾಗಿ ಆ ಅವೈಜ್ಞಾನಿಕ ಪದ್ಧತಿ ಸರಿಪಡಿಸಿ ವಾಹನ ಸವಾರರಿಗೆ ಅನುಕೂಲ ಮಾಡಿಕೊಡಬೇಕು ಎಂದು ಜನ ಆಗ್ರಹಿಸಿದ್ದಾರೆ. ರಸ್ತೆ ಅಂಚಿನ ಎರಡು ಕಡೆ ಸಮಾನ ಜಾಗ ಬಿಟ್ಟರೆ ಅಪಾಯ ಕಡಿಮೆ ಆಗಲಿದ್ದು, ಅದನ್ನು ಗಮನಿಸಬೇಕು ಎಂದು ಒತ್ತಾಯಿಸಿದ್ದಾರೆ.
- [ಪರೀಕ್ಷೆ ಬರೆದ ಶಿಕ್ಷಕರೇ ನಪಾಸು!](https://mobiletime.in/2026/02/the-teacher-who-wrote-the-exam-is-a-failure/): ಮುಖ್ಯಾಧ್ಯಾಪಕ ಹುದ್ದೆಯ ಕನಸು ಕಟ್ಟಿಕೊಂಡು ನಿವೃತ್ತಿ ಅಂಚಿನಲ್ಲಿರುವಾಗ ಟಿಇಟಿ ಪರೀಕ್ಷೆ ಎದುರಿಸಿದ ಅಂಕೋಲಾದ 285 ಶಿಕ್ಷಕರು ಆ ಪರೀಕ್ಷೆಯಲ್ಲಿ ಪಾಸಾಗಿಲ್ಲ! ಅಂಕೋಲಾ ತಾಲೂಕಿನಲ್ಲಿ 79 ಕಿರಿಯ ಪ್ರಾಥಮಿಕ ಮತ್ತು 74 ಹಿರಿಯ ಪ್ರಾಥಮಿಕ ಶಾಲೆಗಳು, 11 ಸರಕಾರಿ ಪ್ರೌಢ ಶಾಲೆಗಳು ಸೇರಿ 164 ಶಾಲೆಗಳಿವೆ. ಈ ಪೈಕಿ ಒಟ್ಟು 486 ಶಿಕ್ಷಕರಿದ್ದಾರೆ. ಈ ಪೈಕಿ ಅನೇಕ ಶಿಕ್ಷಕರು ಹಲವು ವರ್ಷಗಳ ಸೇವಾ ಅನುಭವಹೊಂದಿದ್ದಾರೆ. ಮಕ್ಕಳಿಗೆ ಮನಸ್ಸು ಮುಟ್ಟುವ ರೀತಿ ಪಾಠ ಮಾಡುವ ಕೌಶಲ್ಯಗಳಿಸಿದ್ದಾರೆ. ಆದರೆ, ಪರೀಕ್ಷೆ ಎದುರಿಸಿದವರಲ್ಲಿ ಶೇ 75ರಷ್ಟು ಶಿಕ್ಷಕರು ಪಾಸಾಗಿಲ್ಲ! ಈ ಹಿಂದೆ ಟಿಇಟಿ ವ್ಯವಸ್ಥೆ ಇರಲಿಲ್ಲ. ಹೊಸ ವ್ಯವಸ್ಥೆಗೆ ಒಗ್ಗಿಕೊಳ್ಳಲು ಶಿಕ್ಷಕರಿಂದ ಸಾಧ್ಯವಾಗುತ್ತಿಲ್ಲ. ಶಿಕ್ಷಕರ ಅನುಭವಕ್ಕೂ ಟಿಇಟಿಗೂ ಸಾಕಷ್ಟು ವ್ಯತ್ಯಾಸವಿರುವುದು ಸಮಸ್ಯೆಗೆ ಕಾರಣವಾಗಿದ್ದು, ಬೇರೆ ಯಾವ ಇಲಾಖೆಗೂ ಇಲ್ಲದ ಕಠಿಣ ನಿಯಮ ಶಿಕ್ಷಣ ಇಲಾಖೆಗೆ ಬಂದಿದೆ. ಈ ಹೊಸ ಪರೀಕ್ಷಾ ಪದ್ದತಿ ಶಿಕ್ಷಕರ ಮೇಲೆ ಒತ್ತಡ ತರುತ್ತಿದೆ. ಜೊತೆಗೆ ಅದಕ್ಕೆ ಸಿದ್ಧವಾಗುವುದರಲ್ಲಿಯೇ ಶಿಕ್ಷಕರ ಸಮಯ ಹಾಳಾಗುತ್ತಿದೆ. ಸದ್ಯ ಟಿಇಟಿ ಎಂಬುದು ಶಿಕ್ಷಕರ ಬಡ್ತಿಗೂ ಕುತ್ತು ತಂದಿದೆ. ಕಳೆದ 4-5 ವರ್ಷದಿಂದ ಬಡ್ತಿ ಭಾಗ್ಯದ ನಿರೀಕ್ಷೆಯಲ್ಲಿದ್ದ ಶಿಕ್ಷಕರಿಗೆ ಸುಪ್ರೀಂ ಆದೇಶ ನಿರಾಸೆ ಮೂಡಿಸಿದೆ. ಸಹಶಿಕ್ಷಕರ ಹುದ್ದೆಯಿಂದ ಮುಖ್ಯಗುರುಗಳ ಹುದ್ದೆ ಕನಸಾಗಿಯೇ ಉಳಿದಿದೆ. ಬಹುತೇಕ ಶಿಕ್ಷಕರು ಅಂದಿನ ಶಿಕ್ಷಣ ವ್ಯವಸ್ಥೆಗೆ ಅಗತ್ಯವಾಗಿದ್ದ ಟಿಸಿಎಚ್, ಜಿಪಿಟಿ, ಇಂಟರ್‌ಶಿಪ್ ಪರೀಕ್ಷೆಗಳ ಬಳಿಕವೇ ನೇಮಕವಾಗಿದ್ದಾರೆ. ಈಗಾಗಲೇ ಇಂಟರ್‌ಶಿಪ್‌ನಿAದ ನೇಮಕಗೊಂಡ ನಹುತೇಕ ಶಿಕ್ಷಕರು ನಿವೃತ್ತಿಯಾಗಿದ್ದಾರೆ. ಆದರೆ, ಟಿಸಿಎಚ್ ಆಧರಿಸಿದ ಶಿಕ್ಷಕರು ಇಂದಿಗೂ ಸೇವೆಯಲ್ಲಿದ್ದು, ಟಿಇಟಿ ಪರೀಕ್ಷೆ ಅವರ ಸಮಸ್ಯೆಗೆ ಕಾರಣವಾಗಿದೆ.
- [ಉತ್ತರ ಕನ್ನಡ: ಮೂರು ದಿನ ಮನೆಯಲ್ಲಿಯೇ ಇರಿ!](https://mobiletime.in/2026/02/uttara-kannada-stay-at-home-for-three-days/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮುಂದಿನ ಮೂರು ದಿನಗಳ ಕಾಲ ವಾತಾವರಣದಲ್ಲಿ ಬದಲಾವಣೆ ಆಗುವ ಸಾಧ್ಯತೆ ಹೆಚ್ಚಿದೆ. ಕಳೆದ ಎರಡು ದಿನಗಳಿಂದ ಹವಾಮಾನದಲ್ಲಿ ಅಲ್ಪ-ಸ್ವಲ್ಪ ಬದಲಾವಣೆ ಆಗುತ್ತಿದೆ. ಮುಂದಿನ ಮೂರು ದಿನಗಳ ಕಾಲ ಇನ್ನಷ್ಟು ವ್ಯಾಪಕ ಪ್ರಮಾಣದಲ್ಲಿ ಬದಲಾವಣೆಯ ಲಕ್ಷಣಗಳಿದೆ. ಅದರಲ್ಲಿಯೂ ಉತ್ತರ ಕನ್ನಡ ಜಿಲ್ಲೆಯ ಕರಾವಳಿ ಭಾಗದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಬಿಸಿಲು ಕಾಣಿಸಿಕೊಂಡಿದ್ದು, ಅದರ ಪ್ರಭಾವ ಮಲೆನಾಡು ಭಾಗಕ್ಕೂ ಬೀಸಲಿದೆ. ಜಿಲ್ಲೆಯಲ್ಲಿ ಶಾಖದ ಅಲೆ ಏಳುವ ಲಕ್ಷಣಗಳು ಗೋಚರಿಸಿವೆ. ಈ ಬಗ್ಗೆ ವಿಜ್ಞಾನಿಗಳು ಮಾಹಿತಿ ರವಾನಿಸಿದ್ದು, ಮುನ್ನಚ್ಚರಿಕೆವಹಿಸುವಂತೆ ಸೂಚನೆ ನೀಡಿದ್ದಾರೆ. ಅದರಲ್ಲಿಯೂ ಫೆಬ್ರವರಿ 14 ಹಾಗೂ 15ರಂದು ಮನೆಯಿಂದ ಹೊರಬರದೇ ಇರುವುದು ಒಳಿತು ಎಂದು ತಜ್ಞರು ಹೇಳಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬಿಸಿ ಹಾಗೂ ಆರ್ದ್ರ ಪರಿಸ್ಥಿತಿ ಹೆಚ್ಚಾಗಿರುವ ಸಾಧ್ಯತೆಯಿರುವ ಹಿನ್ನಲೆ ಎಲ್ಲೋ ಅಲರ್ಟ ಘೋಷಿಸಲಾಗಿದೆ.
- [ಕಾಲೇಜು ಕನ್ಯೆಯ ದಿಢೀರ್ ಕಣ್ಮರೆ: ಎಲ್ಲಡೆ ಶೋಧ!](https://mobiletime.in/2026/02/college-girls-sudden-disappearance-search-everywhere/): ಶಿರಸಿಯ ಪಡ್ತಿಗಲ್ಲಿಯಲ್ಲಿರುವ ಪಿಜಿಯಲ್ಲಿದ್ದ ಕಾಲೇಜು ಕನ್ಯೆಯೊಬ್ಬರು ಕಾಣೆಯಾಗಿದ್ದಾರೆ. ಆ ವಿದ್ಯಾರ್ಥಿನಿಗಾಗಿ ಪಾಲಕರ ಜೊತೆ ಪೊಲೀಸರು ಹುಡುಕಾಟ ನಡೆಸಿದ್ದಾರೆ. ಹಾವೇರಿಯ ಹಾನಗಲ್ಲಿನ ಶೇಷಗಿರಿ ಬಳಿಯ ಅಮೂಲ್ಯಾ ಕಾಳಿ (18) ಅವರು ಶಿರಸಿಯಲ್ಲಿ ವಾಸವಾಗಿದ್ದರು. ಬಿಳೂರು ಕಾಲೇಜಿನಲ್ಲಿ ಅವರು ದ್ವಿತೀಯ ಪಿಯುಸಿ ಓದುತ್ತಿದ್ದರು. ಶಾಂತ ಸ್ವಭಾವದವರಗಿದ್ದ ಅವರು ಫೆಬ್ರವರಿ 8ರಂದು ಬೆಳಗ್ಗೆ ಬ್ಯಾಗ್ ಹಾಕಿಕೊಂಡು ಪಿಜಿಯಿಂದ ಹೊರಟಿದ್ದು, ಮರಳಿ ಬಂದಿಲ್ಲ. ಪಿಜಿಯ ವಾರ್ಡನ್ ಅಮೂಲ್ಯಾ ಅವರ ಕುಟುಂಬದವರಿಗೆ ಫೋನ್ ಮಾಡಿದಾಗ ವಿದ್ಯಾರ್ಥಿನಿ ಕಾಣೆಯಾಗಿರುವುದು ಗೊತ್ತಾಗಿದೆ. ಕಾಲೇಜಿನಲ್ಲಿಯೂ ಅಮೂಲ್ಯಾ ಅವರು ಕಾಣದಿರುವಾಗ ಎಲ್ಲರ ಆತಂಕ ಹೆಚ್ಚಾಗಿದೆ. ಶಿರಸಿ ನಗರ ಬಸ್ ನಿಲ್ದಾಣ, ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಶೋಧ ನಡೆಸಿದರೂ ಯಾವುದೇ ಸುಳಿವು ಸಿಕ್ಕಿಲ್ಲ. ಹೀಗಾಗಿ ಅಮೂಲ್ಯಾ ಅವರ ತಾಯಿ ಜಯಶ್ರೀ ಶಂಕ್ರಪ್ಪ ಕಾಳಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಪೊಲೀಸರು ವಿದ್ಯಾರ್ಥಿನಿಯ ಮೊಬೈಲ್ ಕರೆ ವಿವರ, ಸ್ನೇಹಿತರ ಸಂಪರ್ಕದ ಆಧಾರದಲ್ಲಿ ಹುಡುಕಾಟ ನಡೆಸಿದ್ದಾರೆ.  
- [ಶರಾವತಿ ಉಳಿಸಿ: ಮತ್ತೊಂದು ಉಗ್ರ ಹೋರಾಟಕ್ಕೆ ಸಜ್ಜು!](https://mobiletime.in/2026/02/save-sharavati-get-ready-for-another-fierce-fight/): ಪರಿಸರ ವಿರೋಧಿ,  ಅವೈಜ್ಞಾನಿಕ ಉದ್ದೇಶಿತ ಶರಾವತಿ ಪಂಪ್ಡ ಸ್ಟೋರೇಜ ಭೂಗತ ವಿದ್ಯುತ ಯೋಜನೆಯ ವಿರುದ್ಧ ವಿವಿಧ ಮಠಾಧೀಶರ ನೇತ್ರತ್ವದಲ್ಲಿ ಹೋರಾಟ ನಡೆಸಲು `ಶರಾವತಿ ಉಳಿಸಿ’ ಹೋರಾಟ ಸಮಿತಿ ನಿರ್ಧರಿಸಿದೆ. ಮಾರ್ಚ 10ರಂದು ಹೊನ್ನಾವರದಲ್ಲಿ ದೊಡ್ಡ ಮಟ್ಟದಲ್ಲಿ ಜನ ಸಮಾವೇಶ ಆಯೋಜಿಸುವ ಸಿದ್ಧತೆ ನಡೆದಿದೆ. ಜೆ ಟಿ ಪೈ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸರ್ವ ಸಂಘಟನೆಗಳ ಪ್ರಮುಖರು ಸಭೆ ನಡೆಸಿದ್ದು, ಈ ಸಭೆಯಲ್ಲಿ ಹೋರಾಟದ ಬಗ್ಗೆ ನಿರ್ಧರಿಸಲಾಗಿದೆ. ರಾಮಚಂದ್ರಾಪುರ ಮಠಧ ರಾಘವೇಶ್ವರ ಭಾರತಿ ಸ್ವಾಮೀಜಿ, ಬಂಗಾರಮಕ್ಕಿಯ ಧರ್ಮಾಧಿಕಾರಿ ಮಾರೂತಿ ಗುರೂಜಿ ಅವರ ಜೊತೆ ಒಕ್ಕಲಿಗ, ದೈವಜ್ಞ, ನಾಮಧಾರಿ ಸಮುದಾಯಗಳ ಮಠಾಧೀಶರನ್ನು ಈ ಸಮಾವೇಶಕ್ಕೆ ಆಹ್ವಾನಿಸಲು ಸಭೆಯಲ್ಲಿ ನಿರ್ಧರಿಸಲಾಗಿದೆ. ಹೋರಾಟದ ರೂಪುರೇಷೆಗಳನ್ನು ಚರ್ಚಿಸಲು ಫೆಬ್ರವರಿ 16ರ ಮಧ್ಯಾಹ್ನ ವಿವಿಧ ಸಮುದಾಯ ಪ್ರಮುಖರ ಹಾಗೂ ಸಂಘ-ಸAಸ್ಥೆಗಳ ಸಭೆ ನಡೆಯಲಿದೆ. ಆ ದಿನ ಸಂಜೆ 4ಘಂಟೆಗೆ ಹೊನ್ನಾವರ ಮೂಡಗಣಪತಿ ಸಭಾಂಗಣದಲ್ಲಿ ಆಸಕ್ತರು ಭಾಗವಹಿಸಲು ಹೋರಾಟಗಾರರು ಮನವಿ ಮಾಡಿದ್ದಾರೆ. ಪರಿಸರ ಆಸಕ್ತರ ಹೋರಾಟ ಪ್ರಮುಖರ ಇನ್ನೊಂದು ಸುತ್ತಿನ ಸಭೆಯಲ್ಲಿ ಸಮಾವೇಶದ ಪೂರ್ವಭಾವಿ ಸಿದ್ಧತೆಗಳ ಕುರಿತು ಚರ್ಚಿಸಲಾಗುತ್ತದೆ. ಸದ್ಯ ನಡೆದ ಸಭೆಯಲ್ಲಿ ಶ್ರೀಕುಮಾರ ಸಾರಿಗೆ ಸಂಸ್ಥೆಯ ಪುಟ್ಟು ಹೆಗಡೆ, ಹೋರಾಟ ಸಮಿತಿಯ ಚಂದ್ರಕಾAತ ಕೊಚರೇಕರ, ಮಂಜುನಾಥ ಎಂ ನಾಯ್ಕ ಗೇರುಸೊಪ್ಪ, ಜಿ ಜಿ ಶಂಕರ, ಯೋಗೇಶ ರಾಯ್ಕರ, ಕೇಶವ ನಾಯ್ಕ ಬಳ್ಕೂರ, ವಕೀಲ ವಿಕ್ರಮ ನಾಯ್ಕ, ಹೊನ್ನಾವರ ಉಳಿಸಿ ಸಂಘಟನೆಯ ಜಿ ಎನ್ ಗೌಡ, ಎಂ ಎಸ್ ಹೆಗಡೆ, ಪ್ರಭು ಪಟಗಾರ, ಶ್ರೀಧರ ಶೆಟ್ಟಿ ಜಂಬೆಬೆಟ್ಟ, ಶ್ರೀಕಲಾ ಶಾಸ್ತ್ರೀ, ಗಣೇಶ ಜಿ ನಾಯ್ಕ ಉಪ್ಪೋಣಿ ಹೋರಾಟದ ಬಗ್ಗೆ ಚರ್ಚಿಸಿದ್ದಾರೆ.
- [ಆ ಶಿಕ್ಷಕ ನಮ್ಮ ನಿಮ್ಮೆಲ್ಲರ ಹೆಮ್ಮೆಯ ಸಾಧಕ!](https://mobiletime.in/2026/02/that-teacher-is-a-source-of-pride-for-all-of-us/): ಲೋಕಧ್ವನಿ ಪತ್ರಿಕೆ ನೀಡುವ `ಹೆಮ್ಮೆಯ ಸಾಧಕ’ ಪ್ರಶಸ್ತಿ ಸ್ವೀಕರಿಸಿರುವ ಕಾರವಾರದ ಶಿಕ್ಷಕ ಗಣೇಶ ಬೀಷ್ಠಣ್ಣನವರ್ ಅವರಿಗೆ ಹಾವೇರಿ ಜಿಲ್ಲೆಯಲ್ಲಿಯೂ ಸನ್ಮಾನ ದೊರೆತಿದೆ. ಮುಖ್ಯಮಂತ್ರಿಗಳಿAದ ಪ್ರಶಸ್ತಿ ಸ್ವೀಕರಿಸಿದ ಗಣೇಶ ಬೀಷ್ಠಣ್ಣನವರ್ ಅವರ ಜೊತೆ ಅವರ ಪತ್ನಿ, ಕ್ರಿಯಾಶೀಲ ಶಿಕ್ಷಕಿ ಜಯಶೀಲ ಬೀಷ್ಠಣ್ಣನವರ್ ಅವರಿಗೂ ಬ್ಯಾಡಗಿಯ ಜನ ಗೌರವಿಸಿದ್ದಾರೆ. ಅಲ್ಲಿನ ಗುಡ್ಡದಮಲ್ಲಾಪುರ ಶಾಲೆಯಲ್ಲಿ ಈ ಸನ್ಮಾನ ಕಾರ್ಯಕ್ರಮ ನಡೆದಿದೆ. ಶಿಕ್ಷಣ ಇಲಾಖೆ ಹಾಗೂ ಶಾಲಾ ಆಡಳಿತ ಮಂಡಳಿ ಜೊತೆ ಹಳೆ ವಿದ್ಯಾರ್ಥಿಗಳ ಸಂಘದವರು ಸಾಧಕ ಶಿಕ್ಷಕ ದಂಪತಿಯನ್ನು ಗೌರವಿಸಿದ್ದಾರೆ. `ಪ್ರತಿ ಮನೆಯಲ್ಲಿಯೂ ನಿತ್ಯ ಕನಿಷ್ಟ ಎರಡು ತಾಸು ಟಿವಿ, ಮೊಬೈಲ್ ಬಂದ್ ಮಾಡಿ ಪುಸ್ತಕದ ಕಡೆ ಗಮನಕೊಡಬೇಕು. ಆ ಮೂಲಕ ಪ್ರತಿಯೊಬ್ಬ ಪಾಲಕರು ಮಕ್ಕಳ ಜ್ಞಾನಾಭಿವೃದ್ಧಿಗೆ ಸಹಕರಿಸಬೇಕು’ ಎಂದು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಬ್ಯಾಡಗಿ ಕ್ಷೇತ್ರ ಶಿಕ್ಷಣಾಧಿಕಾರಿ ಎಸ್ ಜಿ ಕೋಟಿ ಅವರು ಹೇಳಿದ್ದಾರೆ. ಸನ್ಮಾನ ಸ್ವೀಕರಿಸಿದ ಗಣೇಶ ಬೀಷ್ಠಣ್ಣನವರ್ ಅವರು `ಶ್ರೀ ಶ್ರೀ ಮೂಕಪ್ಪಜ್ಜನ ಆಶಿರ್ವಾದವೇ ಎಲ್ಲದಕ್ಕೂ ಪ್ರೇರಣೆ. ಊರಿನವರ ಪ್ರೀತಿ ತನ್ನುö್ನ ಪುಳಕಿತಗೊಳಿಸಿದೆ’ ಎಂದಿದ್ದಾರೆ. ವೇದಿಕೆ ಸಾನಿಧ್ಯವಹಿಸಿದ್ದ ಹುಚ್ಚೇಶ್ವರ ಸಂಸ್ಥಾನ ದಾಸೋಹಮಠದ ಧರ್ಮಾಧಿಕಾರಿ ಹುಚ್ಚಯ್ಯಸ್ವಾಮಿ ಮೃತ್ಯುಂಜಯಸ್ವಾಮಿ ದಾಸೋಹಮಠವರು ಆಶೀರ್ವಚನ ನೀಡಿದರು. ಮುಖ್ಯಾಧ್ಯಪಕರಾದ ಕೆ ಎಲ್.ಬಾಸೂರ, ಪ್ರಮುಖರಾದ ಕುಬೇರಪ್ಪ ನೆಲ್ಲಿಕೊಪ್ಪದ, ಶಾಂತಪ್ಪ ದೊಡ್ಡಮನಿ, ಹುಚ್ಚಯ್ಯಸ್ವಾಮಿ ಚೌಕಿಮಠ, ಪ್ರಭಣ್ಣ ದೇಸಾಯಿ, ಪರಮೇಶಣ್ಣ ಸೊಡ್ರಿ, ನಾಗಪ್ಪ ಬಿಷ್ಟಣ್ಣನವರ, ಇಸ್ಮಾಯಿಲ್ ಸೂಡಂಬಿ. ವಿರೇಶ ಮೂಡಿ ಇತರರು ವೇದಿಕೆಯಲ್ಲಿದ್ದರು. ಎಲ್ ಜಿ ಮಾಳ್ವದೆಯವರ, ರುದ್ರೇಶ, ಕವಿತಾ ತಳವಾರ ವಿವಿಧ ಜವಾಬ್ದಾರಿ ನಿಭಾಯಿಸಿದರು.
- [ಬಾಡಿಗೆಗಾಗಿ - ಅಂಥ ಕಾರುಗಳನ್ನು ಬಳಸಲೇಬೇಡಿ!](https://mobiletime.in/2026/02/for-rent-never-use-such-cars/): ವಯಕ್ತಿಕ ಬಳಕೆಗಾಗಿ ಖರೀದಿಸಿದ ಕಾರುಗಳನ್ನು ಬಾಡಿಗೆಗೆ ಕಳುಹಿಸಿ ಹಣ ಸಂಪಾದಿಸುವವರ ವಿರುದ್ಧ ಕಠಿಣ ಕ್ರಮಕ್ಕೆ ಜಿಲ್ಲಾಡಳಿತ ನಿರ್ಧರಿಸಿದೆ. ನಿಯಮಗಳನ್ನು ಉಲ್ಲಂಘಿಸಿ ಬಾಡಿಗೆಗೆ ಬರುವ ವಾಹನಗಳ ಪರವಾನಿಗೆ ರದ್ದುಪಡಿಸುವಂತೆ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸೂಚನೆ ನೀಡಿದ್ದಾರೆ. ಖಾಸಗಿ ವಾಹನಗಳಲ್ಲಿ ಪ್ರವಾಸಿಗಳನ್ನು ಕರೆದೊಯ್ಯುತ್ತಿರುವ ಕುರಿತಂತೆ ಟ್ಯಾಕ್ಸಿ ಚಾಲಕರು ನೀಡಿದ ದೂರಿಗೆ ಅವರು ಸ್ಪಂದಿಸಿದ್ದು, `ಅಂಥಹ ವಾಹನಗಳ ಕುರಿತು ಟ್ಯಾಕ್ಸಿ ಚಾಲಕರು ಪೋಟೋಸಹಿತ ದೂರು ನೀಡಿದ್ದಾರೆ. ಈ ಕುರಿತು ಪರಿಶೀಲಿಸಿ ನಿಯಮಾನುಸಾರ ದಂಡ ವಿಧಿಸಿ, ಪದೇ ಪದೇ ಇದನ್ನು ಪುನಾರಾವರ್ತನೆ ಮಾಡುತ್ತಿರುವ ವಾಹನಗಳ ಲೈಸೆನ್ಸ್ ರದ್ದುಗೊಳಿಸಬೇಕು’ ಎಂದು ಸೂಚಿಸಿದ್ದಾರೆ. ಜೊತೆಗೆ ಜಿಲ್ಲೆಯಲ್ಲಿ ಅನಧಿಕೃತವಾಗಿ ಸಂಚರಿಸುತ್ತಿರುವ ಟ್ಯಾಕ್ಸಿ, ಆಟೋ ಮತ್ತು ಬಾಡಿಗೆ ಬೈಕ್‌ಗಳ ಕುರಿತಂತೆ ಕಠಿಣ ಕ್ರಮಕ್ಕೆ ನಿರ್ದೇಶನ ನೀಡಿದ್ದಾರೆ. `ಆಟೋ ರಿಕ್ಷಾಗಳ ನಿಲ್ದಾಣ ಮತ್ತು ಟ್ಯಾಕ್ಸಿಗಳ ನಿಲ್ದಾಣದ ಕುರಿತಂತೆ ಹಾಗೂ ರಿಕ್ಷಾಗಳ ಸಂಚಾರ ವ್ಯಾಪ್ತಿ ವಿಸ್ತರಣೆಯ ಕುರಿತಂತೆ ಸಂಬAಧಪಟ್ಟ ತಾಲೂಕುಗಳ ವ್ಯಾಪ್ತಿಯ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು, ತಹಶೀಲ್ದಾರಗಳು, ಪೊಲೀಸ್ ಅಧಿಕಾರಿಗಳು ಹಾಗೂ ಆಟೋ ಮತ್ತು ಟ್ಯಾಕ್ಷಿ ಸಂಘಟನೆಗಳು ಸಭೆ ನಡೆಸಬೇಕು. ಆ ಸಭೆಯಲ್ಲಿ ಸೂಕ್ತ ನಿರ್ಣಯ ಕೈಗೊಂಡು ಕಳುಹಿಸಿದಲ್ಲಿ ಈ ಬಗ್ಗೆ ಅಗತ್ಯ ನಿರ್ಣಯ ಕೈಗೊಳ್ಳಲಾಗುತ್ತದೆ’ ಎಂದವರು ಹೇಳಿದರು. `ಜಿಲ್ಲಾಡಳಿತ ರಿಕ್ಷಾ ಮತ್ತು ಆಟೋ ಚಾಲಕರ ಎಲ್ಲಾ ಸಮಸ್ಯೆಗಳಿಗೆ ಸೂಕ್ತವಾಗಿ ಸ್ಪಂದಿಸಲಿದ್ದು, ಎರಡೂ ಸಂಘಟನೆಗಳು ಪರಸ್ಪರ ಸಮನ್ವಯತೆಯಿಂದ ಕಾರ್ಯನಿರ್ವಹಿಸಬೇಕು’ ಎಂದರು. `ಗೋವಾದಲ್ಲಿ ಜಿಲ್ಲೆಯ ವಾಹನಗಳ ವಾಯು ಮಾಲಿನ್ಯ ತಪಾಸಣಾ ಪತ್ರಕ್ಕೆ ಮಾನ್ಯತೆ ನೀಡದ ಬಗ್ಗೆ ಗೋವಾದ ಜಿಲ್ಲಾಧಿಕಾರಿಗಳು ಮತ್ತು ಪೊಲೀಸ್ ಅಧಿಕ್ಷಕರ ಜೊತೆ ಚರ್ಚಿಸಲಾಗುತ್ತದೆ. ವಾಯು ಮಾಲಿನ್ಯ ತಪಾಸಣಾ ಪತ್ರವನ್ನು ಆನ್‌ಲೈನ್ ನಲ್ಲಿ ದಾಖಲಿಸುವ ಕುರಿತಂತೆ ರಾಜ್ಯದ ಸಾರಿಗೆ ಆಯುಕ್ತಾಲಯದ ಗಮನಕ್ಕೆ ತರಲಾಗುತ್ತದೆ. ಟ್ಯಾಕ್ಸಿಗಳಲ್ಲಿ ಅಳವಡಿಸಲಾಗುತ್ತಿರುವ ಪ್ಯಾನಿಕ್ ಬಟನ್ ಕಾರ್ಯನಿರ್ವಹಣೆ ಮತ್ತು ಇದಕ್ಕೆ ಸಂಬAಧಿಸಿದ ಸಮಸ್ಯೆಗಳ ಬಗ್ಗೆ ಸಂಬAಧಪಟ್ಟವರೊAದಿಗೆ ಚರ್ಚಿಸಲಾಗುತ್ತದೆ’ ಎಂದವರು ಹೇಳಿದರು. ರಾಜ್ಯ ಸಾರಿಗೆ ಸಂಸ್ಥೆಯ ಬಸ್‌ಗಳಿಗೆ ಜಿಲ್ಲೆಯ ಗ್ರಾಮೀಣ ಪ್ರದೇಶದ 400 ಕ್ಕೂ ಅಧಿಕ ಮಾರ್ಗಗಳಲ್ಲಿ ಸಂಚರಿಸಲು ಅನುಮತಿಯನ್ನು ನೀಡಿದ ಜಿಲ್ಲಾಧಿಕಾರಿಗಳು, ದುರ್ಗಮ ಪ್ರದೇಶದಲ್ಲಿ ಮತ್ತು ಈಗಾಗಲೇ ಗುರುತಿಸಲಾಗಿರುವ ಬ್ಲಾಕ್‌ಸ್ಪಾಟ್ ಗಳನ್ನು ಅತ್ಯಂತ ಎಚ್ಚರಿಕೆಯಿಂದ ವಾಹನ ಚಲಾಯಿಸುವಂತೆ ಚಾಲಕರಿಗೆ ಸೂಚನೆ ನೀಡುವಂತೆ ರಾಜ್ಯ ಸಾರಿಗೆ ಸಂಸ್ಥೆಯ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು. ಸಭೆಯಲ್ಲಿ ಭಾಗವಹಿಸಿದ್ದ ಆಟೋ ಮತ್ತು ಟ್ಯಾಕ್ಸಿ ಸಂಘಟನೆಗಳ ಪ್ರತಿನಿಧಿಗಳು ಮತ್ತು ಚಾಲಕರು, `ಹೊಸದಾಗಿ ಆಟೋಗಳಿಗೆ ಪರ್ಮಿಟ್ ನೀಡುವುದನ್ನು ಕನಿಷ್ಠ 5 ವರ್ಷಗಳ ವರೆಗೆ ಸ್ಥಗಿತಗೊಳಿಸಬೇಕು’ ಎಂದು ಮನವಿ ಮಾಡಿದರು. ಎಲ್ ಪಿ ಜಿ ಮತ್ತು ಸಿ ಎನ್ ಜಿ ವಾಹನಗಳಿಗೆ ವಾಯುಮಾಲಿನ್ಯ ಪ್ರಮಾಣ ಪತ್ರದ ಅವಶ್ಯಕತೆ ಬಗ್ಗೆ ಹಾಗೂ ಪರ್ಮಿಟ್ ವ್ಯಾಪ್ತಿ ಉಲ್ಲಂಘಿಸಿ ವಾಹನ ಚಲಾಯಿಸುತ್ತಿರುವ ಬಗ್ಗೆ ಹಾಗೂ ಬಾಡಿಗೆ ಬೈಕ್ ನಿಷೇಧದ ಕುರಿತು ಚರ್ಚಿಸಿದರು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಾದ ಜಾನ್ ಬಿ ಮಿಸ್ಕಿತ್, ಮಲ್ಲಿಕಾರ್ಜುನಪ್ಪ ಕೊಪ್ಪರದ, ರವೀಂದ್ರ ಕೆ.ಎಸ್, ಅವಿನಾಶ ಕಾವೇರಿ ಹಾಗೂ ಜಿಲ್ಲೆಯ ವಿವಿಧ ತಾಲೂಕುಗಳಿಂದ ಆಗಮಿಸಿದ್ದ ರಿಕ್ಷಾ ಹಾಗೂ ಟ್ಯಾಕ್ಸಿ ಸಂಘಟನೆಗಳ ಪ್ರತಿನಿಧಿಗಳು ಮತ್ತು ಚಾಲಕರು ಉಪಸ್ಥಿತರಿದ್ದರು.
- [ಮದುವೆ ಆಗುವುದಾಗಿ ಮಹಿಳೆಗೆ ಮೋಸ!](https://mobiletime.in/2026/02/a-woman-was-deceived-into-believing-she-was-getting-married/): ಮದುವೆ ಆಗುವುದಾಗಿ ನಂಬಿಸಿ ಮಹಿಳೆಗೆ ಮೋಸ ಮಾಡಿದ ಯುವಕನನ್ನು ಶಿರಸಿ ಪೊಲೀಸರು ಬಂಧಿಸಿದ್ದಾರೆ. ಮಹಿಳೆ ಜೊತೆ ಸರಸ-ಸಲ್ಲಾಪ ನಡೆಸಿದ ನಂತರ ಪರಾರಿಯಾಗಿದ್ದ ಕಿರಣ ಮೊಗೇರ್ ಇದೀಗ ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಶಿರಸಿ ಬರೂರು ಬಳಿಯ ಅರಸಿಕೇರಿಯ ಕಿರಣ ಶಾಂತರಾಮ ಮೊಗೇರ (25) ಅವರು ಕಾರವಾರದ ಕನ್ಯೆಯೊಬ್ಬರ ಮೋಹಕ್ಕೆ ಬಿದ್ದಿದ್ದರು. ಅವರ ಬೆನ್ನು ಬಿದ್ದು ಪ್ರೀತಿಸುವಂತೆ ಕಾಟ ಕೊಡುತ್ತಿದ್ದರು. ಆ ಯುವತಿ ಕಿರಣ ಮೊಗೇರ್ ಅವರ ಪ್ರೇಮಕ್ಕೆ ಒಪ್ಪಿಗೆ ನೀಡಿದ್ದು, ನಂತರ ಕಿರಣ ಮೊಗೇರ್ ಅದನ್ನು ದುರುಪಯೋಗಪಡಿಸಿಕೊಂಡಿದ್ದರು. ಸಾಮಾಜಿಕ ಜಾಲತಾಣವಾದ ಇನಸ್ಟಾಗ್ರಾಮಿನಲ್ಲಿ ಯುವತಿಯನ್ನು ಪರಿಚಯಿಸಿಕೊಂಡ ಕಿರಣ ಮೊಗೇರ್ ಆಕೆಯನ್ನು ಪುಸಲಾಯಿಸಿ ಲೈಂಗಿಕ ಸಂಪರ್ಕ ಮಾಡಿದ್ದರು. ಕೊನೆಗೆ ಮದುವೆ ಆಗದೇ ಮೋಸ ಮಾಡಿದ್ದರು. ಸಂತ್ರಸ್ತ ಮಹಿಳೆಗೆ ಈಗಾಗಲೇ ಒಂದು ಮದುವೆ ಆಗಿದ್ದು, ಎರಡು ಮಕ್ಕಳಿದ್ದರು. ಅದಾಗಿಯೂ ಆ ಮಹಿಳೆ ಮೋಹಕ್ಕೆ ಒಳಗಾದ ಕಿರಣ ಮೊಗೇರ್ ಅವರನ್ನು ಪುಸಲಾಯಿಸಿದ್ದರು. ಆ ಮಹಿಳೆಯನ್ನು ತಮ್ಮ ಮನೆಗೆ ಕರೆದುಕೊಂಡು ಬಂದಿದ್ದರು. ಅವರ ಜೊತೆ ವಾಸವಾಗಿರುವಾಗಲೇ ಲೈಂಗಿಕ ದೌರ್ಜನ್ಯ ಎಸಗಿದ್ದರು. ನಂತರ ಮಹಿಳೆಗೆ ಬೈದು ಮನೆಯಿಂದ ಹೊರ ಹಾಕಿದ್ದರು. ಹೀಗಾಗಿ ಮಹಿಳೆ ದೂರಿದ್ದು, ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.
- [ಮೆದುಳು ರೋಗಕ್ಕೆ ಬೆದರಿ ಉರುಳು!](https://mobiletime.in/2026/02/brain-disease-is-a-scary-thing/): ಮೆದುಳು ರೋಗಕ್ಕೆ ಬೆದರಿದ ಮಹಿಳೆಯೊಬ್ಬರು ಮುರುಡೇಶ್ವರದಲ್ಲಿ ಉರುಳು ಹಾಕಿಕೊಂಡಿದ್ದಾರೆ. ಭಟ್ಕಳ ತಾಲೂಕಿನ ಮುರುಡೇಶ್ವರದ ಮಾವಳ್ಳಿ ಸೋನಾರಕೇರಿಯ ಗುಲಾಬಿ ಸುಕ್ರಾ ನಾಯ್ಕ (35) ಅವರು ವಾಸವಾಗಿದ್ದರು. ಮನೆ ಕೆಲಸ ಮಾಡಿಕೊಂಡಿದ್ದ ಅವರಿಗೆ 15 ವರ್ಷದ ಹಿಂದೆ ಮೆದುಳು ಸಂಬoಧಿಸಿದ ರೋಗ ಕಾಣಿಸಿಕೊಂಡಿತ್ತು. ಕೆಲ ಕಾಲದ ನಂತರ ಪೀಡ್ಸ ಸಹ ಶುರುವಾಗಿದ್ದು, ಅನಾರೋಗ್ಯದ ಕಾರಣ ಗುಲಾಬಿ ನಾಯ್ಕ ಅವರು ಸದಾ ಮಂಕಾಗಿರುತ್ತಿದ್ದರು. ದಿನದಿAದ ದಿನಕ್ಕೆ ಗುಲಾಬಿ ನಾಯ್ಕ ಅವರ ಮಾನಸಿಕ ಸ್ಥಿತಿ ಹದಗೆಟ್ಟಿತು. ರೋಗದ ಬಗ್ಗೆ ಯೋಚಿಸುತ್ತಿದ್ದ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಫೆ 12ರಂದು ಮನೆಯ ಕೋಣೆಗೆ ಹೋದ ಅವರು ಅಲ್ಲಿಯೇ ನೇಣಿಗೆ ಶರಣಾದರು. ಸಮೃದ್ಧಿ ಕೋ ಆಪರೇಟಿವ್ ಸೊಸೈಟಿಯಲ್ಲಿ ಕೆಲಸ ಮಾಡುವ ಮುಕ್ತಾ ನಾಯ್ಕ ಅವರು ಅಕ್ಕನ ಸಾವಿನ ಬಗ್ಗೆ ಮಾಹಿತಿ ನೀಡಿದರು. ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [ಒಂದೇ ದಿನ: ಮೂರು ಕಡೆ ದಹನ!](https://mobiletime.in/2026/02/one-day-burning-on-three-sides/): ಕುಮಟಾದಲ್ಲಿ ಗುರುವಾರ ಒಂದೇ ದಿನ ಮೂರು ಕಡೆ ಅಗ್ನಿ ಅನಾಹುತ ನಡೆದಿದೆ. ಪುರಸಭೆ ವ್ಯಾಪ್ತಿಯ ವನ್ನಳ್ಳಿಯ ಹನೀಫಾ ಫಕೀರ ಲಂಗಾಡೋ ಅವರ ಮನೆಯ ಬಳಿಯಿದ್ದ ದಾಸ್ತಾನು ಕೊಠಡಿಗೆ ಬೆಂಕಿ ಬಿದ್ದಿದೆ. ವಿದ್ಯುತ್ ಶಾರ್ಟ ಸರ್ಕೀಟ್ ಕಾರಣದಿಂದ ಅಲ್ಲಿ ಅವಘಡ ಉಂಟಾಗಿದೆ. ಅಲ್ಲಿದ್ದ ಮೂರು ದೋಣಿಯ ಯಂತ್ರ, ವಾಷಿಂಗ್ ಮಿಷನ್, ಸೋಲಾರ್ ಪ್ಯಾನಲ್ ಸುಟ್ಟು ಕರಲಾಗಿದೆ. ಇದರಿಂದ ಹನೀಫಾ ಅವರು 7 ಲಕ್ಷ ರೂ ನಷ್ಟ ಅನುಭವಿಸಿದ್ದಾರೆ. ಗೋಕರ್ಣ ಬಳಿಯ ಬೆಲೆಹಿತ್ತಲಿನ ಈಶ್ವರ ನಾಗಪ್ಪ ಅಂಬಿಗ ಅವರ ಮನೆಯ ಆವರಣದಲ್ಲಿ ಇಟ್ಟಿದ್ದ ಮೀನುಗಾರಿಕೆಯ ಬಲೆಗೂ ಇದೇ ದಿನ ಬೆಂಕಿ ತಗಲಿದೆ. ಅದರಿಂದ ಅವರು ಸಹ 70 ಸಾವಿರ ರೂ ನಷ್ಟ ಅನುಭವಿಸಿದ್ದಾರೆ. ಈ ಅಗ್ನಿ ಅನಾಹುತಕ್ಕೆ ಕಾರಣ ಗೊತ್ತಾಗಿಲ್ಲ. ಗುರುವಾರ ಮಧ್ಯಾಹ್ನದ ವೇಳೆಗೆ ಮೂರೂರು ಗುಡ್ಡದ ಮೇಲೆ ಸುಮಾರು 30 ಎಕರೆ ಅರಣ್ಯ ಪ್ರದೇಶದಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಈ ಪ್ರದೇಶದಲ್ಲಿ ಬೆಳೆದಿದ್ದ ಕರಡ ಬೆಂಕಿಯ ಜ್ವಾಲೆಗೆ ಹೊತ್ತಿ ಉರಿದಿದೆ. ಈ ಎಲ್ಲಾ ಕಡೆ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ಆರಿಸುವ ಸಾಹಸ ನಡೆಸಿದ್ದಾರೆ. ಗುಡ್ಡದ ಮೇಲೆ ಬಿದ್ದ ಬೆಂಕಿ ಆರಿಸಲು ಅರಣ್ಯ ಸಿಬ್ಬಂದಿಯೂ ಪ್ರಯತ್ನಿಸಿದ್ದಾರೆ.  
- [ಬಕೆಟ್ ಹಿಡಿದವರೇ ಇಲ್ಲಿ ಅಧ್ಯಕ್ಷ: ತೆನೆ ಹೊತ್ತ ಮಹಿಳೆಗೆ ಸೋನಿ ನಾಯಕತ್ವ!](https://mobiletime.in/2026/02/the-one-holding-the-bucket-is-the-president-here-sonis-leadership-to-the-woman-carrying-the-grain/): ಜೆಡಿಎಸ್ ಜಿಲ್ಲಾಧ್ಯಕ್ಷರಾಗಿ ಸೂರಜ ನಾಯ್ಕ ಸೋನಿ ಅವರು ಆಯ್ಕೆಯಾಗಿದ್ದು, ಇದಕ್ಕೆ ಜೆಡಿಎಸ್ ಕಾರ್ಯಕರ್ತರಿಂದಲೇ ಅಸಮಧಾನವ್ಯಕ್ತವಾಗಿದೆ. `ಪಕ್ಷಕ್ಕಾಗಿ ದುಡಿದವರಿಗೆ ಬಿಟ್ಟು ಬಕೆಟ್ ಹಿಡಿದವರನ್ನು ಆಯ್ಕೆ ಮಾಡಲಾಗಿದೆ’ ಎಂದು ಅನೇಕರು ಕಿಡಿಕಾರಿದ್ದಾರೆ. ಕುಮಟಾ ಕ್ಷೇತ್ರದಿಂದ ವಿಧಾನಸಭೆಗೆ ಸ್ಪರ್ಧಿಸಿದ್ದ ಸೂರಜ ನಾಯ್ಕ ಸೋನಿ ಅವರು ಅತಿ ಅಲ್ಪ ಮತದಿಂದ ಸೋಲು ಅನುಭವಿಸಿದ್ದಾರೆ. ಉತ್ತಮ ಸಂಘಟನಾ ಶಕ್ತಿ ಹೊಂದಿದ ಅವರನ್ನು ಗುರುತಿಸಿ ಜೆಡಿಎಸ್ ಜಿಲ್ಲಾಧ್ಯಕ್ಷ ಸ್ಥಾನ ನೀಡಿದೆ. ಸದ್ಯ. ಪಕ್ಷ ಸಂಘಟನೆಗಾಗಿ ಅವರು ಶಪಥ ಮಾಡಿದ್ದಾರೆ. ಆದರೆ, ಸೂರಜ ನಾಯ್ಕ ಸೋನಿ ಅವರ ವಿರುದ್ಧ ಅವರದ್ದೇ ಪಕ್ಷದವರು ತಿರುಗಿ ಬಿದ್ದಿದ್ದು, ಆಂತರಿಕ ಕಲಹಕ್ಕೆ ಕಾರಣವಾಗಿದೆ. `ವರಿಷ್ಠರು ಪಕ್ಷಕ್ಕಾಗಿ ದುಡಿಯುವವರನ್ನು ಬಿಟ್ಟು ಬಕೆಟ್ ಹಿಡಿಯುವವರಿಗೆ ಮಣೆ ಹಾಕುತ್ತಿದ್ದಾರೆ’ ಎಂದು ಪಕ್ಷದ ಪ್ರಮುಖರಾದ ರಮೇಶ ನಾಯ್ಕ ಅವರು ದೂರಿದ್ದಾರೆ. `ಸೂರಜ್ ಸೋನಿ ಅವರು ಈವರೆಗೂ ಪಕ್ಷದ ಪ್ರಾಥಮಿಕ ಸದಸ್ಯತ್ವವನ್ನೂ ಪಡೆದಿಲ್ಲ. ಯಾವುದೇ ಪಕ್ಷದ ಚಟುವಟಿಕೆಗಳಲ್ಲಿ ಭಾಗಿಯಾಗಿಲ್ಲ. ಇಂತಹ ವ್ಯಕ್ತಿಯನ್ನು ಏಕಾಏಕಿ ಅಧ್ಯಕ್ಷರನ್ನಾಗಿ ಮಾಡಿರುವುದು ಇಡೀ ಒಕ್ಕಲಿಗ ಸಮುದಾಯಕ್ಕೆ ಮಾಡಿದ ಅವಮಾನ’ ಎಂದು ಅವರು ಕಿಡಿಕಾರಿದ್ದಾರೆ. `ಕಳೆದ 15 ವರ್ಷಗಳಿಂದ ಪಕ್ಷದ ಉಪಾಧ್ಯಕ್ಷರಾಗಿ ನಿಷ್ಠೆಯಿಂದ ಸೇವೆ ಸಲ್ಲಿಸುತ್ತಾ ಬಂದಿರುವ ಜಿ ಕೆ ಪಟಗಾರ ಅವರನ್ನು ಜೆಡಿಎಸ್ ಪಕ್ಷ ಕಡೆಗಣಿಸಿದೆ’ ಎಂದು ಜಿ ಕೆ ಪಟಗಾರ ಅವರೇ ಹೇಳಿದ್ದಾರೆ. `ಸೂರಜ್ ನಾಯ್ಕ ಸೋನಿ ಅವರನ್ನು ಏಕಾಏಕಿ ಜಿಲ್ಲಾಧ್ಯಕ್ಷರನ್ನಾಗಿ ಘೋಷಿಸಿರುವುದು ಸರಿಯಲ್ಲ’ ಎಂದವರು ತಮ್ಮ ಅಸಮಧಾನಹೊರಹಾಕಿದ್ದಾರೆ. `ಕಳೆದ ಸಾಕಷ್ಟು ವರ್ಷದಿಂದ ಜಿಲ್ಲಾ ಜೆಡಿಎಸ್ ಉಪಾಧ್ಯಕ್ಷರಾಗಿ ನಾನು ಕಾರ್ಯ ನಿರ್ವಹಿಸುತಿದ್ದು, ಸಂಘಟನೆಗೆ ದುಡಿದಿದ್ದೇನೆ. ಜಿಲ್ಲಾಧ್ಯಕ್ಷರಾಗಿದ್ದ ಗಣಪಯ್ಯ ಗೌಡ ಅವರಿಗೆ ಅಪಘಾತವಾಗಿದ್ದ ಸಂದರ್ಭದಲ್ಲಿಯೂ ಹೆಚ್ಚಿನ ಜವಾಬ್ದಾರಿ ಹೊತ್ತು ಕೆಲಸ ಮಾಡಿದ್ದೇನೆ. ಪಕ್ಷ ಸಂಘಟನೆಗಾಗಿ ಸದಸ್ಯತ್ವ ಮಾಡಿದ್ದೇನೆ. ಹೀಗಿರುವಾಗ ಜಿಲ್ಲಾಧ್ಯಕ್ಷರ ಆಯ್ಕೆ ಪ್ರಕ್ರಿಯೆ ವೇಳೆ ಪಕ್ಷದ ವರಿಷ್ಠರ ಆದೇಶದಂತೆ ಚುನಾವಣೆ ಮಾಡಿ ನನ್ನ ಜಿಲ್ಲಾಧ್ಯಕ್ಷನಾಗಿ ಆಯ್ಕೆ ಮಾಡಲಾಗಿತ್ತು. ಉತ್ತರ ಕರ್ನಾಟಕದ ಸಮಾವೇಶದ ಬಿಜಾಪುರದಲ್ಲಿ ನಡೆಯುತ್ತಿದ್ದ ಸಂದರ್ಭದಲ್ಲಿ ವರಿಷ್ಠರು ಏಕಾಏಕಿ ಸೂರಜ್ ಸೋನಿ ಜಿಲ್ಲಾಧ್ಯಕ್ಷ ಎಂದು ಘೋಷಣೆ ಮಾಡಿದ್ದಾರೆ. ಇದು ಪ್ರಾಮಾಣಿಕ ಸೇವೆಗೆ ಮಾಡಿದ ಅನ್ಯಾಯ’ ಎಂದು ಅವರು ಹೇಳಿದ್ದಾರೆ. `ಚುನಾವಣಾಧಿಕಾರಿ ರಾಘವೇಂದ್ರ ಮಡಿವಾಳ ಅವರ ಸಮ್ಮುಖದಲ್ಲಿ ಯಲ್ಲಾಪುರದಲ್ಲಿ ನಡೆದ ಸಾಂಸ್ಥಿಕ ಚುನಾವಣೆಯಲ್ಲಿ 65 ಸದಸ್ಯರ ಪೈಕಿ 53 ಸದಸ್ಯರ ಬೆಂಬಲದೊAದಿಗೆ ಜಿ ಕೆ ಪಟಗಾರ ಅವರು ಅಧಿಕೃತವಾಗಿ ಅವಿರೋಧವಾಗಿ ಆಯ್ಕೆ ಮಾಡಲಾಗಿತ್ತು. ಅವರಿಗೆ ಗುರುತಿನ ಚೀಟಿಯನ್ನು ಸಹ ಪಕ್ಷದಿಂದ ನೀಡಲಾಗಿತ್ತು. ಮಾಜಿ ಜಿಲ್ಲಾಧ್ಯಕ್ಷ ಗಣಪಯ್ಯ ಗೌಡರ ಅವಧಿಯಲ್ಲಿಯೂ ಸಕ್ರಿಯರಾಗಿದ್ದ ಪಟಗಾರ ಅವರು, ಜಿಲ್ಲಾಧ್ಯಕ್ಷರ ಅನುಪಸ್ಥಿತಿಯಲ್ಲಿ ಪಕ್ಷ ಸಂಘಟನೆಯ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸಿದ್ದರು. ಹೀಗಿದ್ದರೂ, ಹೈಕಮಾಂಡ್ ಚುನಾವಣಾ ಪ್ರಕ್ರಿಯೆಯನ್ನು ಬದಿಗೊತ್ತಿ ಹೊಸಬರನ್ನು ನೇಮಿಸಿರುವುದು ಅಚ್ಚರಿ ಮೂಡಿಸಿದೆ’ ಎಂದವರು ಹೇಳಿದ್ದಾರೆ. ಗುಣವಂತೆಯ ಗೋವಿಂದೇ ಗೌಡರು ಮಾತನಾಡಿ `ಮೂರು ಸಲ ಚುನಾವಣೆ ಸೋತ ಕುಮಟಾದ ಸೂರಜ್ ಸೋನಿ, ರಾಮನಗರದ ನಿಖಿಲ್ ಕುಮಾರಸ್ವಾಮಿ ಅಂಥವರಿಗೆ ಹುದ್ದೆ ಕೊಡುವುದಾದರೆ ನಮ್ಮಂಥ ನಿಷ್ಟಾವಂತರಿಗೆ ಬೆಲೆಯೇ ಇಲ್ಲ. ನಾನು ವಿದ್ಯಾರ್ಥಿಯಾದಾಗಿನಿಂದ ಜೆಡಿಎಸ್ ಪಕ್ಷದಲ್ಲಿದ್ದೇನೆ. ಯಾವುದೇ ಹುದ್ದೆ ಪಡೆದಿಲ್ಲ. ಗಣಪೇ ಗೌಡರು ಜಿಲ್ಲಾಧ್ಯಕ್ಷರಾಗಿ ಹಣ ಮಾಡಲಿಲ್ಲ. ಆಮಿಷಕ್ಕೆ ಒಳಗಾಗಲಿಲ್ಲ’ ಎಂದರು. ರಾಜ್ಯ ಸಮಿತಿ ಸದಸ್ಯ ಗೋವಿಂದೆ ಗೌಡ ಮಾತನಾಡಿ `ಪಕ್ಷದ ವರಿಷ್ಠರು ತಮ್ಮ ನಿರ್ಧಾರವನ್ನು ಮರುಪರಿಶೀಲಿಸಿ, ಪ್ರಜಾಪ್ರಭುತ್ವ ಮಾದರಿಯಲ್ಲಿ ಆಯ್ಕೆಯಾದ ಜಿ ಕೆ ಪಟಗಾರ ಅವರಿಗೆ ನ್ಯಾಯ ಒದಗಿಸಬೇಕು. ಈ ನಿಟ್ಟಿನಲ್ಲಿ ಪಕ್ಷಕ್ಕೆ ಒಂದು ವಾರದ ಕಾಲಾವಕಾಶ ನೀಡಲಾಗಿದ್ದು, ಅಷ್ಟರೊಳಗೆ ಸರಿಪಡಿಸದಿದ್ದಲ್ಲಿ ಜಿಲ್ಲೆಯ ಪ್ರಮುಖ ಪದಾಧಿಕಾರಿಗಳು ಮತ್ತು ಬೆಂಬಲಿಗರು ಸಾಮೂಹಿಕವಾಗಿ ರಾಜೀನಾಮೆ ನೀಡುತ್ತೇವೆ’ ಎಂದು ಎಚ್ಚರಿಸಿದರು. ಪ್ರಮುಖರಾದ ಶೇಖರ್ ಪೂಜಾರಿ, ಸತೀಶ್ ಮಹಾಲೆ, ಈಶ್ವರ ನಾಯ್ಕ ಭಟ್ಕಳ, ಶೇಖರ್ ನಾಯ್ಕ ಶಿರಸಿ, ಗಣೇಶ ನಾಯ್ಕ, ಶಂಕರ್ ನಾಯ್ಕ, ರಾಜೇಶ ಪಟಗಾರ್, ಲಕ್ಷ್ಮಣ ಪಟಗಾರ, ರಾಮು ಆರ್. ಶಿರಸಿ, ವಿನಾಯಕ ಶಿರಸಿ, ಅನಿಲ್ ಗೌಡ ಹಾಗೂ ಇನ್ನಿತರರು ಪತ್ರಿಕಾಗೋಷ್ಠಿಯಲ್ಲಿದ್ದರು.
- [ರೆಸಾರ್ಟ ಸರ್ವೇ: ಅಧಿಕಾರಿಗಳ ಜೊತೆ ಅತಿಕ್ರಮಣದಾರರ ವಾಗ್ವಾದ!](https://mobiletime.in/2026/02/resort-survey-encroachers-clash-with-officials/): ಕುಮಟಾದ ನಾಡುಮಾಸ್ಕೇರಿ ಗ್ರಾಮ ಪಂಚಾಯತ ಸುತ್ತಲಿನ ಪ್ರದೇಶದಲ್ಲಿ ವ್ಯಾಪಕ ಪ್ರಮಾಣದಲ್ಲಿ ಅಕ್ರಮ ರೆಸಾರ್ಟುಗಳಿದ್ದು, ಆ ಜಾಗದ ಸರ್ವೇ ಕಾರ್ಯ ಮುಕ್ತಾಯವಾಗಿದೆ. ಸರ್ವೇಯ ಕೊನೆಯ ದಿನವಾದ ಗುರುವಾರ ರೆಸಾರ್ಟ ಮಾಲಕರು ಹಾಗೂ ಅಧಿಕಾರಿಗಳ ನಡುವೆ ವಾಗ್ವಾದವೂ ನಡೆದಿದೆ. ನಾಡುಮಾಸ್ಕೇರಿ ಗ್ರಾಮದ ಗಂಗೆಕೊಳ್ಳ, ಹಾರುಮಾಸ್ಕೇರಿ ಗ್ರಾಮ, ಭಾವಿಕೊಡ್ಲ ಗ್ರಾಮದ ದುಬ್ಬನಶಸಿ ಭಾಗದಲ್ಲಿ ಒಟ್ಟು 57 ರೆಸಾರ್ಟುಗಳ ಸರ್ವೇ ಮುಗಿದಿದೆ. ಮೂರು ಹಂತದಲ್ಲಿ ಈ ಸರ್ವೇ ನಡೆಸಲಾಗಿದೆ. ಸರ್ಕಾರಿ ಜಾಗ ಅತ್ರಿಕ್ರಮಿಸಿದರ ಕುರಿತು ಹಾಗೂ ಈ ಬಗ್ಗೆ ಆಕ್ಷೇಪಣೆಯ ಕುರಿತು ನೋಟಿಸ್ ನೀಡಿ ಅದರ ತೆರವಿಗೆ ಕ್ರಮ ಜರುಗಿಸುವ ಸಾಧ್ಯತೆಗಳಿವೆ. ಅತಿಕ್ರಮಣದಾರರು ಸ್ವಯಂ ಪ್ರೇರಣೆಯಿಂದ ತೆರವು ಮಾಡುವಂತೆ ಸೂಚಿಸಲಾಗಿದ್ದು, ಅದಕ್ಕೆ ಬಗ್ಗದೇ ಇದ್ದರೆ ಸರ್ಕಾರದಿಂದಲೇ ತೆರವು ಮಾಡುವ ಬಗ್ಗೆ ಚಿಂತನೆ ನಡೆದಿದೆ. ಕಂದಾಯ ಹಾಗೂ ಭೂ ಮಾಪನಾ ಇಲಾಖೆ ಜಂಟಿ ಸರ್ವೇ ನಡೆದಿದ್ದರಿಂದ ಈ ಭಾಗದ ಅಕ್ರಮ ಕಟ್ಟಡಗಳ ನೆಲಸಮ ಆಗುವ ಲಕ್ಷಣಗಳಿವೆ. ಭೂ ಮಾಪನಾ ಇಲಾಖೆ ಅಧಿಕಾರಿಗಳು ಹಾಗೂ ಕಂದಾಯ ಇಲಾಖೆ ಅಧಿಕಾರಿಗಳು ಗುರುವಾರ ಅಂತಿಮ ಹಂತ ಸರ್ವೆ ಪೂರ್ಣಗೊಳಿಸುವ ವೇಳೆ ಹಲವು ರೆಸಾರ್ಟ ಮಾಲಕರು ತಕರಾರು ಸಲ್ಲಿಕೆ ಮಾಡಿದ್ದಾರೆ. `ಎಲ್ಲರಿಗೂ ಒಂದೇ ರೀತಿಯ ಕಾನೂನು ಮಾಡಿ’ ಎಂದು ಕೆಲ ರೆಸಾರ್ಟ ಮಾಲಕರು ವಾಗ್ವಾದ ನಡೆಸಿದ್ದಾರೆ. ವಿವಾದ ದೊಡ್ಡದಾದ ಹಿನ್ನಲೆ ತಹಶೀಲ್ದಾರ್ ಶ್ರೀಕೃಷ್ಣ ಕಾಮಕರ್ ಅವರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ನಂತರ ಅವರು ಅಲ್ಲಿದ್ದವರನ್ನು ಸಮಾಧಾನ ಮಾಡಿ ಪರಿಸ್ಥಿತಿ ತಿಳಿಗೊಳಿಸಿದ್ದಾರೆ. ಪಿಐ ಶ್ರೀಧರ ಎಸ್ ಆರ್ ನೇತೃತ್ವದಲ್ಲಿ ಪಿಎಸ್‌ಐ. ಅನಿಲ ಹಾಗೂ ಪೊಲೀಸ್ ಸಿಬ್ಬಂದಿ ಸ್ಥಳದಲ್ಲಿದ್ದು ಕಟ್ಟೆಚ್ಚರವಹಿಸಿದ್ದರು.
- [ದುಶ್ಚಟಕ್ಕೆ ದಾಸನಾದವನ ದುರ್ಮರಣ!](https://mobiletime.in/2026/02/the-cruel-death-of-one-who-becomes-a-slave-to-evil/): ದಿನದ 24 ತಾಸು ಸರಾಯಿ ಸೇವಿಸುತ್ತಿದ್ದ ಸಿದ್ದಾಪುರದ ಶ್ರೀಧರ ಮೊಗೇರ್ ಅವರು 38ನೇ ವಯಸ್ಸಿನಲ್ಲಿಯೇ ಸಾವನಪ್ಪಿದ್ದಾರೆ. `ಸರಾಯಿ ಸೇವನೆ ಒಳ್ಳೆಯದಲ್ಲ’ ಎಂದು ವೈದ್ಯರು ಸೂಚನೆ ನೀಡಿದರೂ ಪಾಲಿಸದ ಅವರು ಸಣ್ಣ ವಯಸ್ಸಿನಲ್ಲಿಯೇ ಭೂಲೋಕದ ಯಾತ್ರೆ ಮುಗಿಸಿದ್ದಾರೆ. ಸಿದ್ದಾಪುರದ ರವೀಂದ್ರ ನಗರದಲ್ಲಿ ಶ್ರೀಧರ ಮಂಜು ಮೊಗೇರ್ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ತಮ್ಮ ದುಡಿಮೆಯ ಹಣವನ್ನು ಸರಾಯಿ ಅಂಗಡಿಗೆ ಕೊಡುತ್ತಿದ್ದರು. ಸರಾಯಿ ನಶೆಯಲ್ಲಿರುವ ಅವಧಿಯಲ್ಲಿ ಅವರು ಊಟ-ತಿಂಡಿಯನ್ನು ಸಹ ಸೇವಿಸುತ್ತಿರಲಿಲ್ಲ. ದುಶ್ಚಟದ ಪರಿಣಾಮವಾಗಿ ಅವರು ವರ್ಷದ ಹಿಂದೆಯೇ ತಮ್ಮ ಎರಡು ಕಾಲುಗಳ ಸ್ವಾಧೀನ ಕಳೆದುಕೊಂಡಿದ್ದರು. ಅದಾಗಿಯೂ ಅವರು ಕುಡಿತದ ಚಟದಿಂದ ಮಾತ್ರ ಹೊರಬಂದಿರಲಿಲ್ಲ. ದಿನದ 24 ತಾಸು ಸರಾಯಿ ನಶೆಯಲ್ಲಿಯೇ ಇರುತ್ತಿದ್ದ ಶ್ರೀಧರ ಮೊಗೇರ್ ಅವರಿಗೆ ಸಾಕಷ್ಟು ವೈದ್ಯರು ತಿಳುವಳಿಕೆ ಮೂಡಿಸಿದ್ದರು. ವರ್ಷದ ಹಿಂದೆ ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡಿದ್ದ ಅವಧಿಯಲ್ಲಿಯೂ ವೈದ್ಯರು ಅವರಿಗೆ ಬುದ್ದಿ ಹೇಳಿದ್ದರು. ಮಂಗಳೂರು ಎಜೆ ಆಸ್ಪತ್ರೆಗೆ ದಾಖಲಾದಾಗ ಅಲ್ಲಿನ ವೈದ್ಯರು ಸರಾಯಿ ಕುಡಿಯದಂತೆ ಸೂಚನೆಯನ್ನು ನೀಡಿದ್ದರು. ಆದರೆ, ವೈದ್ಯರ ಮಾತನ್ನು ಕೇಳುವ ಪರಿಸ್ಥಿತಿಯಲ್ಲಿ ಶ್ರೀಧರ ಮೊಗೇರ್ ಅವರಿರಲಿಲ್ಲ. ಫೆ 10ರಂದು ಸಿದ್ದಾಪುರದ ಕೊಡ್ಲಿಯಲ್ಲಿ ಸಣ್ಣ ಪುಟ್ಟ ಕೆಲಸ ಮಾಡುವಾಗಲೂ ಶ್ರೀಧರ ಮೊಗೇರ್ ಅವರು ಸರಾಯಿ ನಶೆಯಲ್ಲಿದ್ದರು. ಪರಿಣಾಮ ಅಲ್ಲಿಯೇ ಕುಸಿದು ಬಿದ್ದರು. ಅವರನ್ನು ಸಿದ್ದಾಪುರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ನಂತರ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ಕಳುಹಿಸಲಾಯಿತು. ಫೆ 11ರಂದು ಶ್ರೀಧರ ಮೊಗೇರ್ ಅವರು ಸಾವನಪ್ಪಿದ ಬಗ್ಗೆ ವೈದ್ಯರು ಘೋಷಿಸಿದರು. ಸಹೋದರನ ಸಾವಿನ ಬಗ್ಗೆ ಸಿದ್ದಾಪುರ ಹಳದಕಟ್ಟಾ ವಾಜಪೇಯಿ ನಗರದ ಲತಾ ಮಂಜು ಮೊಗೇರ್ ಅವರು ಮಾಹಿತಿ ನೀಡಿದ್ದು, ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು. `ಕುಡಿತ ಒಳ್ಳೆಯದಲ್ಲ’  
- [ಮಾನಸಿಕ ವೇದನೆ: ವಿಷ ಸೇವಿಸಿದ ಯುವ ದಂಪತಿ!](https://mobiletime.in/2026/02/mental-anguish-young-couple-who-consumed-poison/): ಯಲ್ಲಾಪುರದ ಉಮ್ಮಚ್ಗಿಯ ನಾಗೇಂದ್ರ ಬೋವಿವಡ್ಡರ್ ಹಾಗೂ ನಮಿತಾ ಬೋವಿವಡ್ಡರ್ ದಂಪತಿ ವಿಷ ಸೇವಿಸಿದ್ದಾರೆ. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ನಾಗೇಂದ್ರ ಬೋವಿವಡ್ಡರ್ ಅವರು ಸಾವನಪ್ಪಿದ್ದಾರೆ. ಯಲ್ಲಾಪುರದ ಉಮ್ಮಚ್ಗಿ ಸುಂಕದಗುoಡಿಯಲ್ಲಿ ನಾಗೇಂದ್ರ ರಾಮಣ್ಣ ಬೋವಿವಡ್ಡರ್ (26) ಅವರು ವಾಸವಾಗಿದ್ದರು. ಯಾವುದೋ ಒಂದು ಸಮಸ್ಯೆಯಿಂದ ಅವರು ಬಳಲುತ್ತಿದ್ದರು. ಆದರೆ, ಆ ಸಮಸ್ಯೆ ಯಾವುದು? ಎಂದು ಯಾರಿಗೂ ಗೊತ್ತಾಗಿರಲಿಲ್ಲ. ಮಾನಸಿಕವಾಗಿ ಕುಗ್ಗಿದ್ದ ಅವರು ಫೆಬ್ರವರಿ 7ರಂದು ವಿಷ ಸೇವಿಸಿದ್ದರು. ಇದನ್ನು ನೋಡಿದ ಕೆಲವರು ಆ ದಂಪತಿಯನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಶಿರಸಿ ಟಿ ಎಸ್ ಎಸ್ ಆಸ್ಪತ್ರೆಗೆ ದಾಖಲಾದ ನಾಗೇಂದ್ರ ಬೋವಿವಡ್ಡರ್ ಅವರು ಚೇತರಿಸಿಕೊಳ್ಳಲಿಲ್ಲ. ಇನ್ನಷ್ಟು ಅಸ್ವಸ್ಥರಾದ ಅವರನ್ನು ವೈದ್ಯರ ಶಿಫಾರಸ್ಸಿನ ಮೇರೆಗೆ ದರಳಕಟ್ಟೆಗೆ ಕಳುಹಿಸಲಾಯಿತು. ಅಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನಾಗೇಂದ್ರ ಬೋವಿವಡ್ಡರ್ ಅವರಿಗೆ ಆರೈಕೆ ಮಾಡಿ ಬದುಕಿಸುವ ಪ್ರಯತ್ನ ನಡೆಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಫೆಬ್ರವರಿ 11ರಂದು ನಾಗೇಂದ್ರ ಬೋವಿವಡ್ಡರ್ ಅವರು ಚಿಕಿತ್ಸೆ ಫಲಕಾರಿಯಾಗದೇ ಸಾವನಪ್ಪಿದರು. ಉಮ್ಮಚ್ಗಿಯ ಸಿವಿಲ್ ಗುತ್ತಿಗೆದಾರ ಗೋವಿಂದ ಬಸಾಪುರ ಅವರು ಈ ವಿಷಯದ ಬಗ್ಗೆ ಮಾಹಿತಿ ನೀಡಿದ್ದು, ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಜಾತ್ರೆ ಬಂದರೂ ಸರಿಯಾಗದ ಶಿರಸಿ-ಹುಬ್ಬಳ್ಳಿ ರಸ್ತೆ!](https://mobiletime.in/2026/02/the-sirsi-hubballi-road-is-not-in-good-condition-even-after-the-fair/): ಶಿರಸಿ-ಹುಬ್ಬಳ್ಳಿ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು, ಇದರಿಂದ ಆ ಭಾಗದಲ್ಲಿ ಓಡಾಡುವ ಜನ ರೊಚ್ಚಿಗೆದ್ದಿದ್ದಾರೆ. ಜಾತ್ರೆ ಸಮೀಪಿಸಿದರೂ ರಸ್ತೆ ಸರಿಯಾಗಿಲ್ಲ ಎಂಬ ಕಾರಣಕ್ಕೆ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಚಿಪಗಿಯಿಂದ ಬಿಸಲಕೊಪ್ಪದವರೆಗೆ ಸಾಕಷ್ಟು ಪ್ರಮಾಣದಲ್ಲಿ ರಸ್ತೆ ಹಾಳಾಗಿದೆ. ನಿತ್ಯ ಸಾವಿರಾರು ವಾಹನಗಳು ಈ ಮಾರ್ಗದಲ್ಲಿ ಓಡಾಡುತ್ತಿದ್ದು, ಧೂಳಿನಿಂದ ಜನ ತತ್ತರಿಸಿದ್ದಾರೆ. ನಿತ್ಯವೂ ಧೂಳು ತಿನ್ನುವ ಆ ಮಾರ್ಗದ ಅಕ್ಕಪಕ್ಕದ ನಿವಾಸಿಗಳು ಅಸ್ತಮಾ ರೋಗದ ಆತಂಕದಲ್ಲಿದ್ದಾರೆ. ಜಾತ್ರೆ ಸಮೀಪಿಸಿದರೂ ರಸ್ತೆ ದುರಸ್ಥಿ ನಡೆಯದಿರುವುದು ಜನರ ಅಸಮಧಾನಕ್ಕೆ ಕಾರಣವಾಗಿದೆ. ಈ ಎಲ್ಲಾ ಸಮಸ್ಯೆ ಹಿನ್ನಲೆ ಶಿರಸಿ – ಹುಬ್ಬಳ್ಳಿ ಹೆದ್ದಾರಿ ಮಾರ್ಗದ ಗೌಡಳ್ಳಿ ಬಳಿ ಜನ ದಿಢೀರ್ ಆಗಿ ಪ್ರತಿಭಟನೆ ನಡೆಸಿದ್ದಾರೆ. ಬುಧವಾರ ಸಂಜೆ ಅರ್ದ ಗಂಟೆಗಳ ಕಾಲ ರಸ್ತೆ ಬಂದ್ ಮಾಡಿ ಜನ ಆಕ್ರೊಶ ಹೊರಹಾಕಿದ್ದಾರೆ. ಲಾರಿಗಳ ಜೊತೆ ವಿವಿಧ ವಾಹನಗಳು ಸಾಲುಗಟ್ಟಿ ನಿಂತಿರುವುದನ್ನು ಅರಿತು ಗುತ್ತಿಗೆದಾರರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಅದಾದ ನಂತರ ಜನ ಪ್ರತಿಭಟನೆ ಹಿಂಪಡೆದಿದ್ದು, ಶೀಘ್ರದಲ್ಲಿ ರಸ್ತೆ ರಿಪೇರಿ ನಡೆಯದೇ ಇದ್ದರೆ ಉಗ್ರ ಹೋರಾಟ ನಡೆಸುವುದಾಗಿ ಎಚ್ಚರಿಕೆ ನೀಡಿದ್ದಾರೆ.
- [ಕಾಡಿನಿಂದ ಬಂದ ಕಡವೆ ಕೊನೆಯುಸಿರು!](https://mobiletime.in/2026/02/the-last-breath-of-the-raven-from-the-forest/): ಕಾಡಿನಿಂದ ನಾಡಿಗೆ ಬಂದಿದ್ದ ಕಡವೆ ಮುಂಡಗೋಡದಲ್ಲಿ ಕೊನೆಯುಸಿರೆಳೆದಿದೆ. ಮುಂಡಗೋಡ ಸನವಳ್ಳಿ ಗ್ರಾಮಕ್ಕೆ ಗುರುವಾರ ಕಡವೆಯೊಂದು ಆಗಮಿಸಿತ್ತು. ಆ ವನ್ಯಜೀವಿ ಮೇಲೆ ನಾಯಿಗಳು ಆಕ್ರಮಣ ನಡೆಸಿದವು. ಅಲ್ಲಿದ್ದ ರೈತರು ನಾಯಿಗಳನ್ನು ಓಡಿಸುವ ಪ್ರಯತ್ನ ಮಾಡಿದರು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ನಾಯಿ ದಾಳಿಗೆ ಒಳಗಾಗಿದ್ದ ಕಾಡು ಪ್ರಾಣಿಯನ್ನು ಊರಿನವರು ರಕ್ಷಿಸುವ ಕೆಲಸ ಮಾಡಿದರು. ರೈತ ಮುಖಂಡರಾದ ರಾಜು ಗುಬ್ಬಕ್ಕನವರ್, ಧರ್ಮೊಜಿ ಅರಶಿಣಗೇರಿ, ಪ್ರಭು ಅರಶಿಣಗೇರಿ, ಪರಶುರಾಮ ಬಾಲಣ್ಣನವರ್, ರಾಮ ಪೂಜಾರ, ಪರಶುರಾಮ ಮಟ್ಟಿಮನಿ, ಫಕ್ಕೀರಪ್ಪ ಕಳಸಗೇರಿ, ಬೀಟ್ ಫಾರೆಸ್ಟರ ರಾಜು ಪರೀಟ್, ವಾಚಮನ್ ಕೃಷ್ಣ ದೊಡ್ಮನಿ, ನಿತಿನ ಯಳವಟ್ಟಿ ಸೇರಿ ವನ್ಯಜೀವಿ ರಕ್ಷಣೆಗೆ ಸಾಹಸ ಮಾಡಿದರು. ಆದರೆ, ಅದಾಗಲೇ ಅಸ್ವಸ್ಥಗೊಂಡಿದ್ದ ಕಡವೆ ಅಲ್ಲಿಯೇ ಕೊನೆಯುಸಿರೆಳೆಯಿತು. ಈ ಬಗ್ಗೆ ರೈತರು ಅರಣ್ಯಾಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಮೀಸೆ ಮೂಡದ ಯುವಕರಿಗೆ ಶೋಕಿಯ ಚಟ: ಕದಿಯುವ ಹಠ!](https://mobiletime.in/2026/02/young-men-who-dont-grow-a-moustache-have-a-sad-habit-a-tendency-to-steal/): 17 ಹಾಗೂ 18 ವರ್ಷದ ಬಾಲಕರಿಬ್ಬರು ಸೇರಿ ಕುಮಟಾದ ಪೆಟ್ರೋಲ್ ಬಂಕಿಗೆ ಕನ್ನ ಹಾಕಿದ್ದಾರೆ. ಪೆಟ್ರೊಲ್ ಬಂಕ್ ಕಚೇರಿಗೆ ನುಗ್ಗಿ 25 ಸಾವಿರ ರೂ ಹಣ ಕದ್ದವರನ್ನು ಪೊಲೀಸರು ಬಂಧಿಸಿದ್ದಾರೆ. ಕುಮಟಾ ಮಾಸೂರು ಕ್ರಾಸಿನ ಬಳಿ ಪೆಟ್ರೋಲ್ ಬಂಕಿನಲ್ಲಿ ಕಳ್ಳತನ ನಡೆದಿತ್ತು. ಪೆಟ್ರೋಲ್ ಬಂಕಿನ ಕಿಟಕಿ ಸರಳು ತುಂಡರಿಸಿದ ಕಳ್ಳರು 25 ಸಾವಿರ ರೂ ಹಣ ಕದ್ದು ಪರಾರಿ ಆಗಿದ್ದರು. ಈ ಬಗ್ಗೆ ಪ್ರಕರಣ ದಾಖಲಿಸಿದ ಕುಮಟಾ ಪೊಲೀಸರು ತನಿಖೆ ಶುರು ಮಾಡಿದರು. ಪೊಲೀಸ್ ನಿರೀಕ್ಷಕ ಯೋಗೇಶ ಕೆ ಎಂ ಅವರ ಜೊತೆ ಪಿಸೈ ರವಿ ಗುಡ್ಡಿ, ಮಯೂರ ಪಟ್ಟಣಶೆಟ್ಟಿ ಹಾಗೂ ಸಾವಿತ್ರಿ ನಾಯಕ ಅವರ ತಂಡ ಶೋಧ ಕಾರ್ಯಾಚರಣೆ ನಡೆಸಿತು. ಪೊಲೀಸ್ ಸಿಬ್ಬಂದಿ ದಯಾನಂದ ನಾಯ್ಕ, ಗಣೇಶ ನಾಯ್ಕ, ಕಿರಣ ನಾಯ್ಕ, ಪ್ರದೀಪ ನಾಯಕ, ಚಿದಾನಂದ ನಾಯ್ಕ, ಗಿರೀಶ ನಾಯ್ಕ, ಹರೀಶ ನಾಯ್ಕಕ, ಅರುಣ ನಾಯ್ಕ ಅವರು ಜೀಪಿನ ಚಾಲಕ ಮಾರುತಿ ಗಳಪೂಜಿ ಅವರ ಜೊತೆ ಸೇರಿ ಕಳ್ಳರ ಹುಡುಕಾಟ ಮಾಡಿದರು. ಆಗ, ಕುಮಟಾ ವನ್ನಳ್ಳಿ ಬಳಿಯ ಕಲ್ಗುಡ್ಡದ ಅಸ್ಲಂ ಹನೀಪ್ ದಂಡು (18) ಸಿಕ್ಕಿಬಿದ್ದರು. 17 ವರ್ಷದ ಮತ್ತೊಬ್ಬ ಬಾಲಕನ ಜೊತೆ ಸೇರಿ ಕಳ್ಳತನ ಮಾಡಿರುವುದನ್ನು ಅವರು ಒಪ್ಪಿಕೊಂಡರು. ಆ ಕಳ್ಳರ ಬಳಿಯಿದ್ದ 3 ಲಕ್ಷ ರೂ ಮೌಲ್ಯದ ಎರಡು ಸ್ಕೂಟರ್ ಜೊತೆ ವಿವಿಧ ಆಯುಧ ಹಾಗೂ ಕಳ್ಳತನದ ಹಣವನ್ನು ಪೊಲೀಸರು ವಶಕ್ಕೆಪಡೆದರು. ಕಳ್ಳರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು.  
- [ಶರಾವತಿ ಪಂಪ್ಡ ಸ್ಟೋರೇಜ್: ಕೇಂದ್ರದ ನಿರ್ಧಾರವೇ ಇಲ್ಲಿ ಅಂತಿಮ!](https://mobiletime.in/2026/02/sharavati-pumped-storage-the-centres-decision-is-final-here/): ಹೊನ್ನಾವರದ ಶರಾವತಿ ಪಂಪ್ಡ ಸ್ಟೋರೇಜ ಯೋಜನೆಗೆ 54.155 ಹೆಕ್ಟೇರ ಅರಣ್ಯ ಭೂಮಿ ಬಳಸಿಕೊಳ್ಳಲು ಉದ್ದೇಶಿಸಲಾಗಿದ್ದು, ಈ ವಿಚಾರದಲ್ಲಿ ಕೇಂದ್ರ ಸರ್ಕಾರದ ನಿರ್ಧಾರವೇ ಅಂತಿಮ ಎಂದು ಅರಣ್ಯ ಇಲಾಖೆ ಹೇಳಿದೆ. ಈ ವಿಷಯವಾಗಿ ಶಿವಮೊಗ್ಗ ವನ್ಯಜೀವಿ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿಯಿAದ ಹೋರಾಟಗಾರ ಚಂದ್ರಹಾಸ ಕೋಚ್ರೇಕರ್ ಅವರಿಗೆ ಪತ್ರ ಬಂದಿದೆ. `ಶರಾವತಿ ಪಂಪ್ಡ ಸ್ಟೋರೇಜ ಯೋಜನೆಗೆ ಸಂಬAಧಿಸಿದ ಸಾರ್ವಜನಿಕ ಕುಂದುಕೊರತೆ ವಿಷಯವಾಗಿ ಶಿವಮೊಗ್ಗ ವನ್ಯಜೀವಿ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿಯಿಂದ ಬರೆದ ಪತ್ರದಲ್ಲಿ ಈ ವಿಷಯದ ಬಗ್ಗೆ ವಿವರಿಸಲಾಗಿದೆ. `ಪಶ್ಚಿಮ ಘಟ್ಟಗಳ ಅರಣ್ಯ ಮತ್ತು ಜೀವ ವೈವಿಧ್ಯಕ್ಕೆ ಹಾನಿಯಾಗುವ ಭೀತಿಯಿಂದ ಸಾರ್ವಜನಿಕರು ಸಲ್ಲಿಸಿದ್ದ ದೂರನ್ನು ಪರಿಶೀಲಿಸಲಾಗಿದ್ದು, ಈ ಕುರಿತಾದ ವಿವರವಾದ ವರದಿ ಈಗಾಗಲೇ ಮೇಲಾಧಿಕಾರಿಗಳಿಗೆ ಸಲ್ಲಿಸಲಾಗಿದೆ’ ಎಂದು ಅರಣ್ಯ ಇಲಾಖೆ ತಿಳಿಸಿದೆ. `ಕರ್ನಾಟಕ ವಿದ್ಯುತ ನಿಗಮದ 2000 ಮೆಗಾ ವ್ಯಾಟ್ ಸಾಮರ್ಥ್ಯದ ಈ ಬ್ರಹತ್ ಯೋಜನೆಗಾಗಿ ಸಾಗರ, ಶಿವಮೊಗ್ಗ ವನ್ಯಜೀವಿ ಮತ್ತು ಹೊನ್ನಾವರ ಅರಣ್ಯ ವಿಭಾಗಗಳ ವ್ಯಾಪ್ತಿಯಲ್ಲಿ ಒಟ್ಟೂ 54.155 ಹೆಕ್ಟೇರ ಅರಣ್ಯ ಭೂಮಿ ಬಳಸಿಕೊಳ್ಳಲು ಉದ್ದೇಶಿಸಲಾಗಿದೆ. ಅದರಲ್ಲಿ 14.582 ಹೆಕ್ಟೇರ ಭೂಮಿ ಶಿವಮೊಗ್ಗ ವನ್ಯಜೀವಿ ವಿಭಾಗಕ್ಕೆ ಸೇರಿದ್ದು ಇಲಾಖೆಯು ನಿಯಮಾನುಸಾರ ಸ್ಥಳ ಪರಿಶೀಲನೆ ನಡೆಸಿ 2025ರ ಜೂನ್ 24ರಂದು ವರದಿ ಸಲ್ಲಿಸಿದೆ. ವನಸಂರಕ್ಷಣಾ ಅಧಿನಿಯಮ 1980ರ ಪ್ರಕಾರ ಈ ಯೋಜನೆಯ ಅರಣ್ಯ ಭೂಮಿ ಬಿಡುಗಡೆಗೆ ಕೇಂದ್ರ ಸರ್ಕಾರದ ಪೂರ್ವಾನುಮತಿ ಕಡ್ಡಾಯವಾಗಿದ್ದು ಕೇಂದ್ರದ ನಿರ್ಧಾರವೇ ಈ ವಿಷಯದಲ್ಲಿ ಅಂತಿಮ’ ಎಂದು ಬರೆಯಲಾಗಿದೆ.
- [ಅಖಿಲ ಭಾರತ ಮುಷ್ಕರ: ಅಂಕೋಲಾದಲ್ಲಿ ಪ್ರತಿಭಟನೆ](https://mobiletime.in/2026/02/all-india-strike-protest-in-ankola/): ಕೇಂದ್ರ ಸರ್ಕಾರದ ನಾಲ್ಕು ಕಾರ್ಮಿಕ ಸಂಹಿತೆಗಳ ವಿರುದ್ಧ ವಿವಿಧ ಸಂಘಟನೆಯವರು ಸೇರಿ ಮುಷ್ಕರಕ್ಕೆ ಕರೆ ನೀಡಿದ್ದು, ಅಂಕೋಲಾದಲ್ಲಿಯೂ ಮುಷ್ಕರಕ್ಕೆ ಬೆಂಬಲವ್ಯಕ್ತವಾಗಿದೆ. ಸತ್ಯಾಗ್ರಹ ಸ್ಮಾರಕ ಭವನದ ಎದುರು 500ಕ್ಕೂ ಅಧಿಕ ರೈತ, ಕಾರ್ಮಿಕ, ನೌಕರ ಹಾಗೂ ಕೂಲಿ ಕಾರ್ಮಿಕರು ಜಮಾಯಿಸಿ ಪ್ರತಿಭಟನೆ ನಡೆಸಿದ್ದಾರೆ. ಪಟ್ಟಣದ ಜೈಹಿಂದ್ ಸರ್ಕಲ್ ಬಳಿ ಬಹಿರಂಗ ಸಭೆ ನಡೆದಿದ್ದು, ಮೆರವಣಿಗೆಯಲ್ಲಿ ಭಾಗವಹಿಸಿದ ಜನರು ಸಹ ಜನ ವಿರೋಧಿ ನೀತಿಗಳ ವಿರುದ್ಧ ಘೋಷಣೆ ಕೂಗಿದ್ದಾರೆ. ವಿಬಿ ಗ್ರಾಮ ಜಿ ಕಾಯ್ದೆ, ವಿದ್ಯುತ್ ಶಕ್ತಿ ತಿದ್ದುಪಡಿ ಮಸೂದೆ, ಶಾಂತಿ ಕಾಯ್ದೆ, ಬೀಜ ಮಸೂದೆ, ವಿಮಾ ಮಸೂದೆ ನೀತಿಗಳು ಜನ ವಿರೋಧಿ ಎಂದು ಪ್ರತಿಭಟನಾಕಾರರು ಹೇಳಿದರು. ಅಮೆರಿಕ-ಭಾರತ ವಾಣಿಜ್ಯ ಒಪ್ಪಂದ ರದ್ದತಿಗಾಗಿ ಒತ್ತಾಯಿಸಿದರು. ಇದರೊಂದಿಗೆ `ಸ್ಕೀಂ ನೌಕರರ ಕಾಯಂ ಮಾಡಬೇಕು. ಕನಿಷ್ಠ ವೇತನ ಕಾಯ್ದೆ ಜಾರಿ ಆಗಬೇಕು. ಅರಣ್ಯ ಭೂಮಿ ಹಕ್ಕು ಸಿಗಬೇಕು’ ಎಂದು ಆಗ್ರಹಿಸಿದರು. ಪ್ರತಿಭಟನಾ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ `ಬಿಜೆಪಿ ನೇತೃತ್ವದ ಕೇಂದ್ರ ಸರಕಾರ ಜನ ವಿರೋಧಿಯಾಗಿದೆ. ಕಾರ್ಪೋರೇಟ್ ಕಂಪನಿ ಪರವಾಗಿ ಸರಕಾರ ಕೆಲಸ ಮಾಡುತ್ತಿದೆ. ದೇಶ ವಿರೋಧಿ ಈ ಕಾರ್ಮಿಕ ಸಂಹಿತೆಗಳು ರದ್ಧಾಗಬೇಕು. ನರೆಗಾ ಯೋಜನೆ ಮತ್ತೆ ಸ್ಥಾಪನೆಯಾಗಬೇಕು’ ಎಂದು ಆಗ್ರಹಿಸಿದರು. ಸಿಐಟಿಯು ತಾಲೂಕು ಸಂಚಾಲಕ ಎಚ್ ಬಿ ನಾಯಕ ಮಾತನಾಡಿ `ಸಾರ್ವಜನಿಕ ಆರೋಗ್ಯ, ಶಿಕ್ಷಣ, ಪಿಂಚಣಿ, ಉದ್ಯೋಗ ಭದ್ರತೆ ಮತ್ತು ಭೂಮಿ ಹಕ್ಕನ್ನು ರಕ್ಷಣೆ ಮಾಡುವ ಮೂಲಕ ಜನರ ಬದುಕಿನ ಹಕ್ಕನ್ನು ರಕ್ಷಿಸಬೇಕು’ ಎಂದು ಒತ್ತಾಯಿಸಿದರು. ಅಂಗನವಾಡಿ ನೌಕರರ ಸಂಘ ಅದ್ಯಕ್ಷೆ ಗೀತಾ ಗೌಡ, ಅಕ್ಷರ ದಾಸೋಹ ನೌಕರರ ಸಂಘದ ಅಧ್ಯಕ್ಷೆ ವರದಾ ಅಂಕೋಲೆಕರ ಸಭೆಯಲ್ಲಿ ಮಾತನಾಡಿದರು. ವಿವಿಧ ಸಂಘಟನೆಗಳ ಪದಾದಿಕಾರಿಗಳಾದ ಗೌರೀಶ ನಾಯಕ, ಸಂತೋಷ ನಾಯ್ಕ, ಉಷಾ ಪಡ್ತಿ, ರಾಜೇಶ್ವರಿ, ಮಾದೇವ ಗೌಡ, ವೆಂಕಟರಮಣ ಗೌಡ, ಯಶೋದಾ ನಾಯ್ಕ, ಪುಷ್ಪಾ ನಾಯ್ಕ, ರಾಜಗೋಪಾಲ್ ಶೇಟ್, ಗುರುದಾಸ ನಾಯ್ಕ ಪ್ರತಿಭಟನೆಯಲ್ಲಿದ್ದರು. ಯಲ್ಲಾಪುರದಲ್ಲಿಯೂ ಪ್ರತಿಭಟನೆ: ಅಖಿಲ ಭಾರತ ಸಾರ್ವತ್ರಿಕ ಮುಷ್ಕರ ನಿಮಿತ್ತ ಯಲ್ಲಾಪುರದಲ್ಲಿಯೂ ಪ್ರತಿಭಟನೆ ನಡೆದಿದೆ. ನಾಲ್ಕು ಕಾರ್ಮಿಕ ಕೋಡ್ ವಾಪಸ್ ಪಡೆಯುವಂತೆ ಆಗ್ರಹಿಸಿ ತಹಶೀಲ್ದಾರ್ ಮೂಲಕ ಮನವಿ ಸಲ್ಲಿಕೆಯಾಗಿದೆ. ವಿದ್ಯುತ್ ತಿದ್ದುಪಡಿ ಮಸೂದೆ, ಬೀಜ ಮಸೂದೆ, ರೇಗಾ ಬದಲಾವಣೆಯನ್ನು ಪ್ರತಿಭಟನಾಕಾರರು ವಿರೋಧಿಸಿದರು. ಸಿಐಟಿಯು ಮುಖಂಡರಾದ ಲಕ್ಷ್ಮಿ ಸಿದ್ದಿ, ಗೌರಿ ಮರಾಠೆ, ತ್ರೇಷಾ ರೊಜಾರಿಯೋ, ನಾಗರತ್ನ, ಬಾಗಿ ಸಿದ್ದ, ರೂಪಾ ಪಾಟಣಕರ, ಶಾಂತಾ ಮೋಗೆರ, ರೈತ ಮುಖಂಡರಾದ ನಾಗಪ್ಪ ಸಿದ್ದಿ, ಮಂಜು ಮುಂತಾದವರು ಹಾಜರಿದ್ದರು.
- [ಅರಣ್ಯ ಹಕ್ಕು: ಮರುಪರಿಶೀಲನೆ ಗಡುವು ವಿಸ್ತರಿಸಲು ಮನವಿ](https://mobiletime.in/2026/02/forest-rights-request-to-extend-review-deadline/): ಅರಣ್ಯ ಅತಿಕ್ರಮಣದಾರರು ಸಲ್ಲಿಸಿದ ಭೂಮಿ ಹಕ್ಕಿನ ಅರ್ಜಿ ಮರುಪರಿಶೀಲನೆಗೆ ನಿಗದಿಪಡಿಸಿದ ಗಡುವು ಫೆಬ್ರವರಿ 13ಕ್ಕೆ ಮುಗಿಯಲಿದೆ. ಹೀಗಾಗಿ ಈ ಅವಧಿಯನ್ನು ಇನ್ನೂ 6 ತಿಂಗಳು ವಿಸ್ತರಿಸಬೇಕು ಎಂದು ಉತ್ತರ ಕನ್ನಡ ಜಿಲ್ಲಾ ಅರಣ್ಯ ಭೂಮಿಸಾಗುವಳಿದಾರರ ಹೋರಾಟ ಸಮಿತಿ ಆಗ್ರಹಿಸಿದೆ. ಹೋರಾಟ ಸಮಿತಿಯ ಅಧ್ಯಕ್ಷ ಚಂದ್ರಕಾAತ ಕೊಚರೇಕರ ನೇತ್ರತ್ವದಲ್ಲಿ ಒಂದು ನಿಯೋಗದವರು ಈ ಬಗ್ಗೆ ಹೊನ್ನಾವರ ತಹಶೀಲ್ದಾರ್ ಪ್ರವೀಣ ಕರಾಂಡೆ ಅವರನ್ನು ಭೇಟಿ ಮಾಡಿ ಚರ್ಚಿಸಿದ್ದಾರೆ. ಅದಾದ ನಂತರ ಜಿಲ್ಲಾಡಳಿತ ಹಾಗೂ ರಾಜ್ಯದ ಮುಖ್ಯ ಕಾರ್ಯದರ್ಶಿಗಳಿಗೆ ಮನವಿ ಸಲ್ಲಿಸಿದ್ದಾರೆ. `ಅರಣ್ಯ ಹಕ್ಕು ರಾಜ್ಯ ಮಟ್ಟದ ಮೇಲುಸ್ತುವಾರಿ ಸಮಿತಿಯ ನಿರ್ದೇಶನದಂತೆ ಜಿಲ್ಲೆಯಲ್ಲಿ ಈಗಷ್ಟೇ ಅರಣ್ಯ ಒತ್ತುವರಿ ಸ್ಥಳದ ಮಹಜರು ಪ್ರಕ್ರಿಯೆ ಆರಂಭವಾಗಿದೆ. ಮಹಜರು ಪ್ರಕ್ರಿಯೆ ಪೂರ್ಣಗೊಳ್ಳಲು ಕನಿಷ್ಠ ಎರಡು ತಿಂಗಳು ಬೇಕಾಗುತ್ತದೆ. ಆ ನಂತರವೇ ತಿರಸ್ಕರಿಸಿದ ಅರ್ಜಿಗಳ ಪುನರ್ ಪರಿಶೀಲನೆಯ ಕಾರ್ಯಕ್ಕೆ ಚಾಲನೆ ನೀಡಲು ಉಪವಿಭಾಗೀಯ ಮಟ್ಟದಲ್ಲಿ ಸಮಿತಿಗಳಿಗೆ ಸಾಧ್ಯವಾಗಲಿದೆ’ ಎಂಬ ಅಂಶವನ್ನು ನಿಯೋಗದವರು ವಿವರಿಸಿದ್ದಾರೆ. `ಪಾರಂಪರಿಕ ಅರಣ್ಯವಾಸಿಗಳು ಭೂಮಿಯ ಹಕ್ಕಿನಿಂದ ಅರಣ್ಯ ಹಕ್ಕುನಿಯಮ 13ರಲ್ಲಿ ಸೂಚಿಸಿರುವ ಅಗತ್ಯ ಸಾಕ್ಷ್ಯ ಮತ್ತು ಪುರಾವೆಯನ್ನು ಗುರುತಿಸುವ ಸಲುವಾಗಿ ಜಿಲ್ಲಾಧಿಕಾರಿಗಳು ಸ್ಥಳೀಯ ಅಧಿಕಾರಿಗಳ ಜಂಟಿ ಸಮಿತಿ ರಚಿಸಿದ್ದಾರೆ. ಸ್ಥಳ ಮಹಜರು ಕೇವಲ ಕಾಟಾಚಾರ ಪ್ರಕ್ರಿಯೆ ಆದರೆ ಪ್ರಯೋಜನವಿಲ್ಲ. ಸರ್ವೆ ಕಾರ್ಯ ನಡೆಸಿ ನೈಜ ಸಾಗುವಳಿ ಕ್ಷೇತ್ರವನ್ನು ಮತ್ತು ಸ್ಥಳದಲ್ಲಿನ ಪುರಾವೆಗಳನ್ನು ಗುರುತಿಸಿ ಅರಣ್ಯಭೂಮಿ ಸಾಗುವಳಿದಾರರಿಗೆ ಭೂಮಿಯ ಹಕ್ಕು ನೀಡುವ ಕೆಲಸ ಆಗಬೇಕು’ ಎಂದು ಆಗ್ರಹಿಸಿದ್ದಾರೆ. ಪ್ರಮುಖರಾದ ಶ್ರೀಧರ ಶೆಟ್ಟಿ ಜಂಬೆಬೆಟ್ಟ ಗುಂಡಬಾಳಾ, ಮನೋಹರ ಅಂಕೋಲೇಕರ ಮತ್ತಿತರು ಈ ಬಗ್ಗೆ ಅಧಿಕಾರಿಗಳ ಮನವರಿಕೆ ಮಾಡುವ ಪ್ರಯತ್ನ ನಡೆಸಿದ್ದಾರೆ.
- [ಮನೆ ಮೇಲೆ ಬಿದ್ದ ಮರ: ಮಹಿಳೆಗೆ ಗಾಯ!](https://mobiletime.in/2026/02/tree-falls-on-house-woman-injured/): ದಾಂಡೇಲಿಯಲ್ಲಿ ಮನೆಯ ಮೇಲೆ ಮರ ಬಿದ್ದಿದ್ದು, ಮನೆಯೊಳಗೆ ಇದ್ದ ವ್ಯಕ್ತಿಯೊಬ್ಬರಿಗೆ ಭಾರೀ ಪ್ರಮಾಣದ ಗಾಯವಾಗಿದೆ. ಮರ ಬಿದ್ದ ರಭಸಕ್ಕೆ ಮನೆಯ ಮೇಲ್ಚಾವಣಿ ಮನುಷ್ಯನ ಮೇಲೆ ಬಿದ್ದಿದ್ದರಿಂದ ಮಹಿಳೆಯೊಬ್ಬರು ಆಸ್ಪತ್ರೆ ಸೇರಿದ್ದಾರೆ. ಹಳೆ ದಾಂಡೇಲಿಯಲ್ಲಿ ಮಹಮ್ಮದ್ ಗೌಸ್ ತಿಗಡಿ ಅವರು ವಾಸವಾಗಿದ್ದರು. ಅವರ ಮನೆ ಪಕ್ಕ ಅಪಾಯಕಾರಿ ರೀತಿಯಲ್ಲಿ ಮಾವಿನ ಮರವಿತ್ತು. ಆ ಮರ ಕಟಾವು ಬಗ್ಗೆ ಅವರು ಚಿಂತಿಸಿರಲಿಲ್ಲ. ರೆಂಬೆ-ಕೊAಬೆಗಳನ್ನು ಸಹ ಕಟಾವು ಮಾಡಿರಲಿಲ್ಲ. ಹೀಗಾಗಿ ಆ ಮರ ಮನೆಯ ಮೇಲೆ ಬಿದ್ದಿದ್ದು, ಮನೆಯ ಮೇಲ್ಚಾವಣಿಯನ್ನು ಮುರಿಯಿತು. ಈ ವೇಳೆ ಮಹಮ್ಮದ್ ಗೌಸ್ ತಿಗಡಿ ಅವರ ಮನೆಯಲ್ಲಿ ಮಹಿಳೆಯೊಬ್ಬರು ಇದ್ದು, ಅವರ ತಲೆ ಮೇಲೆ ಮೇಲ್ಚಾವಣಿ ಕುಸಿಯಿತು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ಮಹಿಳೆಯನ್ನು ಅಕ್ಕಪಕ್ಕದಲ್ಲಿದ್ದವರು ರಕ್ಷಿಸಿದರು. ಸಿಮೆಂಟ್ ಶೀಟ್ ಬಿದ್ದ ಕಾರಣ ಮಹಿಳೆ ತಲೆಭಾಗದಿಂದ ರಕ್ತ ಬಂದಿದ್ದು, ಅವರನ್ನು ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಮನೆಗೂ ಅಲ್ಲಲ್ಲಿ ಹಾನಿ ಉಂಟಾಗಿದೆ.
- [ಜಾತ್ರೆಗೆ ಬಂದವರಿಗೆ ಲಡ್ಡು ಪ್ರಸಾದ!](https://mobiletime.in/2026/02/laddu-prasad-for-those-who-come-to-the-fair/): ಯಲ್ಲಾಪುರ ಜಾತ್ರೆಗೆ ಬರುವ ಪ್ರತಿಯೊಬ್ಬರಿಗೂ ದೇವಿ ಗದ್ದುಗೆಯ ಬಲಭಾಗ ಲಡ್ಡು ಪ್ರಸಾದ ವಿತರಿಸಲಾಗುತ್ತಿದೆ. ಜೊತೆಗೆ ಭಕ್ತರ ದಾಹ ನೀಗಿಸಲು ಅಲ್ಲಿಯೇ ಪಾನಕವನ್ನು ಕೊಡಲಾಗುತ್ತಿದೆ. ಲಡ್ಡು ಪ್ರಸಾದ ಸ್ವೀಕಾರ ಹಾಗೂ ಪಾನಕ ಸೇವನೆಗೆ ಯಾವುದೇ ಶುಲ್ಕವಿಲ್ಲ. ಬರುವ ಭಕ್ತರಿಗೆ ಸಂಪೂರ್ಣ ಉಚಿತವಾಗಿ ಈ ಸೇವೆ ನೀಡಲಾಗುತ್ತಿದೆ. ಫೆ 12ರಂದು ಯಲ್ಲಾಪುರ ಲಾರಿ ಚಾಲಕ ಹಾಗೂ ಮಾಲಕ ಸಂಘದವರು ಭಕ್ತರಿಗೆ ಲಡ್ಡು ಪ್ರಸಾದ ವಿತರಿಸಿದ್ದಾರೆ. ದೇವಿ ದರ್ಶನ ಹಾಗೂ ಪೂಜಾ ಸೇವೆಯ ಮೊದಲ ದಿನವೇ 6 ಸಾವಿರಕ್ಕೂ ಅಧಿಕ ಭಕ್ತರು ಲಡ್ಡು ಪ್ರಸಾದ ಸ್ವೀಕರಿಸಿದ್ದಾರೆ. ಅಲ್ಲಿಯೇ ಸತ್ಯ ಸಾಯಿ ಸೇವಾ ಸಮಿತಿಯವರು ಪಾನಕ ನೀಡುತ್ತಿದ್ದಾರೆ. ದಣಿದು ಬರುವ ಭಕ್ತರ ದಾಹ ತೀರಿಸುವುದಕ್ಕಾಗಿ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ರಾಧಾಕೃಷ್ಣ ಅವರ ತಂಡದವರು ಪಾನಕ ವಿತರಿಸುವ ಕಾಯಕದಲ್ಲಿ ತೊಡಗಿದ್ದಾರೆ. ಲಾರಿ ಮಾಲಕ ಸಂಘದ ಅಧ್ಯಕ್ಷ ಸುಜಯ ಮರಾಠಿ, ಪದಾಧಿಕಾರಿಗಳಾದ ನವೀನ್ ನಾಯ್ಕ, ಮಹೇಶ್ ನಾಯ್ಕ, ರೂಪೇಶ್ ನಾಯ್ಕ, ಮುರಳಿ ರಾವಲ್, ಸುರೇಶ ಮರಾಠಿ, ವೆಂಕಟ್ರಮಣ ಹೆಗಡೆ ಹಾಗೂ ನಾಗೇಂದ್ರ ಭಟ್ ಸ್ಥಳದಲ್ಲಿದ್ದು ಸೇವೆ ಮಾಡುತ್ತಿದ್ದಾರೆ.
- [ಅಕ್ರಮ ಹಣ ವಸೂಲಿಗೆ ಗ್ರಾಮ ಪಂಚಾಯತ ಆಸಕ್ತಿ: ವಿರೋಧ!](https://mobiletime.in/2026/02/gram-panchayats-interest-in-collecting-illegal-money-opposition/): ಸಾರ್ವಜನಿಕರು ಸರಾಗವಾಗಿ ಓಡಾಡುವ ರಸ್ತೆಗೆ ಅಡ್ಡಲಾಗಿ ಕುಮಟಾದ ಮಿರ್ಜಾನ್ ಗ್ರಾಮ ಪಂಚಾಯತದವರು ಗೇಟ್ ನಿರ್ಮಿಸಿ, ಹಣ ವಸೂಲಿಗೆ ನಿರ್ಧರಿಸಿದ್ದಾರೆ. ಈ ಕ್ರಮದ ವಿರುದ್ಧ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಕುಮಟಾಗೆ ಸಾಗುವ ಹೆದ್ದಾರಿ ಅಂಚಿನಿAದ ಛತ್ರಕೂರ್ವೆ ಗ್ರಾಮಕ್ಕೆ ಸಂಪರ್ಕ ಕಲ್ಪಿಸಲು ಕಿರಿದಾದ ದಾರಿಯಿದೆ. ಮಿರ್ಜಾನ್ ಗ್ರಾಮ ಪಂಚಾಯತದವರು ಆ ದಾರಿಗೆ ಅಡ್ಡಲಾಗಿ ಗೇಟ್ ನಿರ್ಮಿಸಿ ಅಲ್ಲಿ ಹೋಗಿ-ಬರುವ ವಾಹನಗಳಿಂದ ಟೋಲ್ ವಸೂಲಿ ಮಾಡುವ ಪ್ರಯತ್ನ ಮಾಡಿದ್ದಾರೆ. ಮಿರ್ಜಾನ್ ಕೋಟೆ ವೀಕ್ಷಣೆಗಾಗಿ ನಿತ್ಯ ನೂರಾರು ಜನ ಬರುತ್ತಿದ್ದು, ಅವರಿಂದ ಅಕ್ರಮ ಹಣ ವಸೂಲಿಗೆ ಅಧಿಕಾರಿಗಳೇ ರೂಪುರೇಷೆ ಸಿದ್ಧಪಡಿಸಿದ್ದಾರೆ. ಹಣ ವಸೂಲಿಗೆ ಅನುಕೂಲವಾಗುವಂತೆ ಮಾಡಿಕೊಳ್ಳಲು ಅಲ್ಲಿ ರಸ್ತೆಗೆ ಅಡ್ಡಲಾಗಿ ಗೇಟ್ ಅಳವಡಿಸುವ ಸಿದ್ಧತೆ ಮಾಡಿಕೊಂಡಿದ್ದಾರೆ. ಈ ವಿಷಯ ಅರಿತ ಊರಿನ ಜನ ಪ್ರತಿಭಟನೆ ಎಚ್ಚರಿಕೆ ನೀಡಿದ್ದಾರೆ. ಮಿರ್ಜಾನ ಕೋಟೆಯ ಕೆಳಭಾಗದಲ್ಲಿರುವ ಛತ್ರಕೂರ್ವೆ ಗ್ರಾಮಕ್ಕೆ ಅನಾದಿಕಾಲದಿಂದಲೂ ಮಿರ್ಜಾನ ಮೂಲಕ ಕೋಟೆಯ ಮಾರ್ಗವಾಗಿ ಸಾಗುವ ರಸ್ತೆಯೇ ಪ್ರಮುಖ ಸಂಪರ್ಕ ಕೊಂಡಿಯಾಗಿದೆ. ಈ ರಸ್ತೆಯು ಲೋಕೋಪಯೋಗಿ ಇಲಾಖೆಯ ಕುಮಟಾ ಉಪವಿಭಾಗದ ಅಡಿಯಲ್ಲಿ ನಿರ್ವಹಣೆಯಲ್ಲಿದೆ. ಆದರೆ, ಇತ್ತೀಚೆಗೆ ಮಿರ್ಜಾನ ಗ್ರಾಮ ಪಂಚಾಯತ್ ಆಡಳಿತ ಸಮಿತಿಯು ಸಭೆ ನಡೆಸಿ, ಪ್ರವಾಸಿ ವಾಹನಗಳಿಂದ ಪಾರ್ಕಿಂಗ್ ಶುಲ್ಕ ವಸೂಲಿ ಮಾಡುವ ಬಗ್ಗೆ ನಿರ್ಧರಿಸಿದ್ದು, ಆ ನಿರ್ಧಾರಕ್ಕೆ ಕಾನೂನು ಮಾನ್ಯತೆಯೇ ಇಲ್ಲ ಎಂಬುದು ಊರಿನವರ ದೂರು. ಮೇಲಾಧಿಕಾರಿಗಳ ನಿರ್ದೇಶನ ಎಂಬ ತಪ್ಪು ಮಾಹಿತಿ ನೀಡಿ ಗ್ರಾಮ ಪಂಚಾಯತದವರು ಹಣ ವಸೂಲಿಗೆ ಮುಂದಾಗಿದ್ದಾರೆ. ಇಲ್ಲಿ ಗೇಟ್ ಅಳವಡಿಕೆಯಿಂದ ಛತ್ರಕೂರ್ವೆ ಗ್ರಾಮದ ನಿವಾಸಿಗಳಿಗೆ, ನಿತ್ಯ ಓಡಾಡುವ ವಿದ್ಯಾರ್ಥಿಗಳಿಗೆ ಹಾಗೂ ತುರ್ತು ವಾಹನಗಳಿಗೆ ಸಂಚರಿಸಲು ಅಡ್ಡಿಯಾಗುತ್ತದೆ ಎಂಬ ಅರಿವಿದ್ದರೂ ಆ ಬಗ್ಗೆ ಸ್ಥಳೀಯ ಆಡಳಿತ ತಲೆಕೆಡಿಸಿಕೊಂಡಿಲ್ಲ. ಗೇಟ್ ಅಳವಡಿಸಿದರೆ ಕೃತಕವಾಗಿ ವಾಹನ ದಟ್ಟಣೆ ಆಗಲಿದ್ದು, ಕಿರಿದಾದ ರಸ್ತೆಯಲ್ಲಿ ಅಪಘಾತದ ಸಾಧ್ಯತೆಗಳು ಹೆಚ್ಚಿವೆ. ಈ ಕುರಿತು ಛತ್ರಕೂರ್ವೆ ಗ್ರಾಮದ 50 ಕ್ಕೂ ಹೆಚ್ಚು ಗ್ರಾಮಸ್ಥರು ಪಂಚಾಯತ್ ಅಭಿವೃದ್ಧಿ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದಾರೆ. ಈ ಸಂದರ್ಭದಲ್ಲಿ ಮಾತನಾಡಿದ ಗ್ರಾಮದ ಮುಖಂಡ ವಿನಾಯಕ ಪಟಗಾರ, `ಗೇಟ್ ಹಾಕುವುದರಿಂದ ಗ್ರಾಮದ ಜನಜೀವನಕ್ಕೆ ತೊಂದರೆಯಾಗುತ್ತದೆ. ಕೂಡಲೇ ಈ ಕಾಮಗಾರಿ ನಿಲ್ಲಿಸಬೇಕು’ ಎಂದು ಒತ್ತಾಯಿಸಿದರು. ಇನ್ನೊಬ್ಬ ಮುಖಂಡ ಶಿವಾನಂದ ಮಾತನಾಡಿ `ಒಂದೊಮ್ಮೆ ಪಂಚಾಯತ್ ಹಠಮಾರಿ ಧೋರಣೆ ಮುಂದುವರಿಸಿದರೆ ಗ್ರಾಮಸ್ಥರೆಲ್ಲರೂ ಸೇರಿ ಪಂಚಾಯತ್ ಮುಂದೆ ಅನಿರ್ದಿಷ್ಟಾವಧಿ ಧರಣಿ ನಡೆಸಲಿದ್ದೇವೆ’ ಎಂದು ಎಚ್ಚರಿಸಿದರು. ಗ್ರಾಮದ ಪ್ರಮುಖರಾದ ರವಿ, ಚೆನ್ನಪ್ಪ, ಲೋಕೇಶ, ಪುರಸಯ್ಯ, ಗಣೇಶ, ನವೀನ, ಓಮು, ಮಹೆಂದ್ರ ಶಾಂತಿ, ದಾಮೋದರ, ಲಕ್ಷಣ, ಗುರುನಾಥ, ರಾಮಚಂದ್ರ ವೆಂಕಟ್ರಮಣ ಇತರರು ಎಚ್ಚರಿಕೆಯ ಸಂದೇಶ ರವಾನಿಸಿದರು.
- [ಕಾಂಕ್ರೆಟ್ ರಸ್ತೆ ಹಾಳು ಮಾಡಿದವನಿಂದಲೇ ಕಳಪೆ ಕಾಮಗಾರಿ ಆರೋಪ!](https://mobiletime.in/2026/02/the-same-person-who-damaged-the-concrete-road-is-accused-of-shoddy-work/): ಮುಂಡಗೋಡದ ತೆಗ್ಗಿನಕೊಪ್ಪದಲ್ಲಿ ಹೊಸದಾಗಿ ನಿರ್ಮಿಸಿದ ಸಿಮೆಂಟ್ ರಸ್ತೆ ಮೇಲೆ ವಿನೋದ ರಾಠೋಡ್ ಅವರು ಬೈಕ್ ಓಡಿಸಿ ರಂಪಾಟ ಮಾಡಿದ್ದಾರೆ. ಇದನ್ನು ಪ್ರಶ್ನಿಸಿದವರಿಗೆ ವಿನೋದ ರಾಠೋಡ್ ಬೆದರಿಕೆ ಒಡ್ಡಿದ್ದಾರೆ. ತೆಗ್ಗಿನಕೊಪ್ಪ ಗ್ರಾಮದಿಂದ ಲಾಮಾ ಕ್ಯಾಂಪ್ ನಂ-01ರವರೆಗೆ ಹೊಸದಾಗಿ ಸಿಮೆಂಟ್ ರಸ್ತೆ ನಿರ್ಮಿಸಲಾಗಿತ್ತು. ರಸ್ತೆ ಗಟ್ಟಿಯಾಗಲಿ ಎಂಬ ಉದ್ದೇಶಕ್ಕೆ ಅಲ್ಲಿ ವಾಹನ ಓಡಾಟಕ್ಕೆ ತಡೆ ಒಡ್ಡಲಾಗಿತ್ತು. ತೆಗ್ಗಿನಕೊಪ್ಪ ಗ್ರಾಮದ ನಿವಾಸಿ ಅನಿಲಕುಮಾರ್ ರಾಠೋಡ್ ಅವರು ಲಂಬಾಣಿ ಅಭಿವೃದ್ಧಿ ನಿಗಮದಿಂದ ಈ ರಸ್ತೆ ಕೆಲಸ ಮಾಡಿದ್ದರು. ಫೆಬ್ರವರಿ 9ರಂದು ಕಾಮಗಾರಿ ನಡೆದಿದ್ದು, ರಸ್ತೆ ಶುರುವಿನಲ್ಲಿ ಟಾಕ್ಟರ್ ನಿಲ್ಲಿಸಿ ರಸ್ತೆ ಓಡಾಟಕ್ಕೆ ತಡೆ ಒಡ್ಡಲಾಗಿತ್ತು. ಆದರೆ, ಅದೇ ಗ್ರಾಮದ ವಿನೋದ ರಾಠೋಟ್ ಅವರು ಉದ್ದೇಶಪೂರ್ವಕವಾಗಿ ಹಸಿ ಕಾಂಕ್ರೀಟ್ ರಸ್ತೆಯ ಮೇಲೆ ಬೈಕ್ ಓಡಿಸಿದರು. ಆ ಮೂಲಕ ಆ ರಸ್ತೆಯನ್ನು ಹಾಳು ಮಾಡಿದರು. ನಂತರ `ರಸ್ತೆ ಕೆಲಸ ಕಳಪೆಯಾಗಿದೆ’ ಎಂದು ಆರೋಪಿಸಿ ಗುತ್ತಿಗೆದಾರರಿಗೆ ನಿಂದಿಸಿದರು. ಈ ಬಗ್ಗೆ ಬುಧವಾರ ಗುತ್ತಿಗೆದಾರ ಅನಿಲಕುಮಾರ್ ಪೊಲೀಸ್ ದೂರು ನೀಡಿದ್ದಾರೆ.  
- [ಯಲ್ಲಾಪುರ ಜಾತ್ರೆ: ಗದ್ದುಗೆ ಏರಿದ ಕಾಳಮ್ಮ-ದುರ್ಗಮ್ಮ](https://mobiletime.in/2026/02/yallapura-fair-kalamma-durgamma-who-rose-to-victory/): ಮೂರು ವರ್ಷಕ್ಕೆ ಒಮ್ಮೆ ನಡೆಯುವ ಯಲ್ಲಾಪುರ ಜಾತ್ರೆಗೆ ಅದ್ಧೂರಿ ಚಾಲನೆ ಸಿಕ್ಕಿದೆ. ಬುಧವಾರ ಮಧ್ಯಾಹ್ನ ಗ್ರಾಮದೇವಿ ದೇವಾಲಯದಿಂದ ಹೊರಟ ಕಾಳಮ್ಮ ಹಾಗೂ ದುರ್ಗಮ್ಮ ದೇವಿಯರು ದೇವಿ ಮೈದಾನದ ಗದ್ದುಗೆ ಏರಿದ್ದಾರೆ. ಲಕ್ಷಾಂತರ ಭಕ್ತರ ಸಮ್ಮುಖದಲ್ಲಿ ದೇವಿಯರಿಬ್ಬರ ಮೆರವಣಿಗೆ ನಡೆದಿದೆ. ಈ ಮೆರವಣಿಗೆಯಲ್ಲಿ ವಿವಿಧ ಕಲಾ ಪ್ರಕಾರಗಳು ಗಮನ ಸೆಳೆದಿದ್ದು, ಭಕ್ತಿ-ಭಾವದಲ್ಲಿ ಜನ ಮಿಂದೆದ್ದಿದ್ದಾರೆ. ಜಾಗಡೆ ವಾದನ, ಚಂಡೆ ವಾದ್ಯ, ಛದ್ಮವೇಶ, ಕುದಿರೆ ಕುಣಿತದ ಜೊತೆ ಎಲ್ಲಡೆ ಕಾಣಿಸಿದ ತೋರಣ ಜಾತ್ರೆಯ ಮೆರಗು ಹೆಚ್ಚಿಸಿದೆ. ಚಿಕ್ಕ ಮಕ್ಕಳಿಂದಹಿಡಿದು ವಯೋವೃದ್ಧರವರೆಗೆ ಭಕ್ತರು ಮೆರವಣಿಗೆಯಲ್ಲಿ ಭಾಗವಹಿಸಿದ್ದು, ದೇವಿಯರ ಭವ್ಯ ಶೋಭಾಯಾತ್ರೆಯನ್ನು ಕಣ್ತುಂಬಿಕೊAಡಿದ್ದಾರೆ. ಯಲ್ಲಾಪುರ ಪಟ್ಟಣದ ಗ್ರಾಮದೇವಿ ಜಾತ್ರಾ ಉತ್ಸವ ಅಧಿಕೃತವಾಗಿ ಶುರುವಾಗಿದೆ. ಕೆೆಂಪು ಬಣ್ಣದಿಂದ ಶೋಭಿತವಾದ ದುರ್ಗಮ್ಮ ದೇವಿ ಹಾಗೂ ಹಸಿರು ಬಣ್ಣದಿಂದ ಶೋಭಿತವಾದ ಕಾಳಮ್ಮ ದೇವಿಯರು ಭವ್ಯ ಶೋಭಾಯಾತ್ರೆಯ ಮೂಲಕ ಜಾತ್ರಾ ಗದ್ದುಗೆಯಲ್ಲಿ ಬುಧವಾರ ಸಂಜೆ ಆಸೀನರಾಗಿದ್ದಾರೆ. ಅಕ್ಕ ದುಗ9ಮ್ಮ ಗ್ರಾಮದೇವಿ ದೇವಸ್ಥಾನದಿಂದ ಮೊದಲು ಹೊರಬಂದು ಬಲಭಾಗದಲ್ಲಿ ನಿಂತಾಗ ಜನ ಕೈ ಮುಗಿದರು. ನಂತರ ತಂಗಿ ಕಾಳಮ್ಮ ಹೊರಬಂದು ಎಡಭಾಗದಲ್ಲಿ ನಿಂತಿದ್ದು ಆ ವೇಳೆ ಭಕ್ತರು ಎರಡು ದೇವಿಯರ ಮುಂದೆ ಮನದಾಳದ ಪ್ರಾರ್ಥನೆ ಸಲ್ಲಿಸಿದರು. ಶೋಭಾಯಾತ್ರೆಯ ಆರಂಭದಲ್ಲಿ ದುರ್ಗಮ್ಮ ದೇವಿ ಮುಂದೆ ಸಾಗಿದ್ದು, ಕಾಳಮ್ಮ ದೇವಿ ಹಿಂಬಾಲಿಸುತ್ತಿರುವAತೆ ಕಾಣಿಸಿತು. ಎರಡೂ ದೇವಿಯರು ಅಲ್ಲಲ್ಲಿ ಹಿಂದೆ ಮುಂದೆ ಸಾಗಿತ್ತ ಬಸವೇಶ್ವರ ವೃತ್ತದವರೆಗೂ ಬಂದು ನಂತರ ಜಾತ್ರಾ ಗದ್ದುಗೆಯತ್ತ ನಡೆದರು. ಯಾವುದೇ ವಿಶೇಷ ಎಳೆದಾಟ, ಹೆಚ್ಚಿನ ಜಗ್ಗಾಟವಿಲ್ಲದೆ ದೇವಿಯರು ಸರಳವಾಗಿ ಜಾತ್ರಾ ಗದ್ದುಗೆಗೆ ಬಂದು ತಲುಪಿದರು. ರಾಜ್ಯದ ವಿವಿಧ ಭಾಗಗಳಿಂದ ಆಗಮಿಸಿದ ಅಪಾರ ಸಂಖ್ಯೆಯ ಭಕ್ತರು ಮೆರವಣಿಗೆಯಲ್ಲಿ ಪಾಲ್ಗೊಂಡರು. ವಿವಿಧ ವಾದ್ಯತಂಡಗಳು, ವೇಷಭೂಷಣದ ಗೊಂಬೆಗಳು ಶೋಭಾಯಾತ್ರೆಯುದ್ದಕ್ಕೂ ಸಾಗಿದವು.  
- [ಹೊಟೇಲ್ ಎದುರು ಗಾಂಜಾ ಪಾರ್ಟಿ!](https://mobiletime.in/2026/02/cannabis-party-in-front-of-the-hotel/): ಶಿರಸಿಯ ಶಿವಾನಿ ಹೊಟೇಲ್ ಬಳಿ ನಶೆಯ ಗುಂಗಿನಲ್ಲಿದ್ದ ನಾಲ್ವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ಆಗ, ಅವರೆಲ್ಲರೂ ಮಾದಕ ವ್ಯಸನ ಸೇವಿಸಿದ್ದು ದೃಢವಾಗಿದೆ. ಶಿರಸಿ ಕಸ್ತೂರಿಬಾ ನಗರದ ಸಲಾಮತ್ ಗಲ್ಲಿಯಲ್ಲಿ ಕಾಂಕ್ರೆಟ್ ಕೆಲಸ ಮಾಡುವ ಮಹಮದ್ ಭಾಷಸಾಬ್ ಕೋಡಬಾಳ, ಅದೇ ಭಾಗದಲ್ಲಿ ಟೈಲ್ಸ ಕೆಲಸ ಮಾಡುವ ಇರ್ಫಾನ್ ಫಕ್ರುದ್ಧೀನ್ ಮುಲ್ಲಾ, ಉರ್ದು ಶಾಲೆ ಬಳಿಯ ಆಸಿಫ್ ಶೇಖ್ ಹಾಗೂ ಆಸಿಪ್ ಮಹಮದ್ ರಫೀಕ್ ಚೌದರಿ ವಿರುದ್ಧ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆ ಪಿಸೈ ಬಸವರಾಜ ಕನೆಶೆಟ್ಟಿ ಕಠಿಣ ಕ್ರಮ ಜರುಗಿಸಿದ್ದಾರೆ. ಫೆಬ್ರವರಿ 10ರಂದು ಆ ನಾಲ್ವರು ಕೆ ಎಚ್ ಬಿ ಕಾಲೋನಿ ಬಳಿಯಿರುವ ಶಿವಾನಿ ಹೊಟೇಲ್ ಎದುರು ನಿಂತಿದ್ದರು. ಅವರು ಯಾರೂ ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಅಮಲಿನಲ್ಲಿ ಅಲೆದಾಡುತ್ತಿದ್ದ ಅವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದರು. ನಂತರ ಅವರನ್ನು ಪಂಡಿತ್ ಸಾರ್ವಜನಿಕ ಆಸ್ಪತ್ರೆಗೆ ಕರೆದೊಯ್ದು ವೈದ್ಯಕೀಯ ತಪಾಸಣೆ ನಡೆಸಿದರು. ಆಗ, ಅವರೆಲ್ಲರೂ ಗಾಂಜಾ ಪಾರ್ಟಿ ಮಾಡಿದ್ದು ಅರಿವಿಗೆ ಬಂದಿತು. ಗಾಂಜಾ ಸೇವಿಸಿದ ಬಗ್ಗೆ ವೈದ್ಯರು ವರದಿ ನೀಡಿದರು. ಆ ವರದಿ ಹಿನ್ನಲೆ ಪೊಲೀಸರು ನಾಲ್ವರ ವಿರುದ್ಧವೂ ಪ್ರಕರಣ ದಾಖಲಿಸಿದರು.
- [ಸಾಕು ಪ್ರಾಣಿಗಳ ಮೇಲೆ ವ್ಯಾಮೋಹ:: ವಿರೋಧಸಹಿಸದ ಮಹಿಳೆಯ ಸಜೀವ ದಹನ!](https://mobiletime.in/2026/02/obsession-with-pets-burning-of-a-woman-alive-without-any-objection/): ಮನೆಯಲ್ಲಿ ಬೆಕ್ಕು ಹಾಗೂ ನಾಯಿಗಳನ್ನು ಸಾಕಲು ವಿರೋಧವ್ಯಕ್ತವಾದ ಕಾರಣ ಅಂಕೋಲಾದ ಕವಿತಾ ಹರಿಕಂತ್ರ ಅವರು ಮೈಮೇಲೆ ಸೀಮೆಎಣ್ಣೆ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿದ್ದಾರೆ. ಆತ್ಮಹತ್ಯೆಯ ನಿರ್ಧಾರ ಮಾಡಿದ ಅವರು ಸಜೀವ ದಹನವಾಗಿದ್ದಾರೆ. ಅಂಕೋಲಾದ ಹಾರವಾಡದ ಸೀಬರ್ಡ ಕಾಲೋನಿಯಲ್ಲಿ ಕವಿತಾ ಚೇತನ ಹರಿಕಂತ್ರ (40) ಅವರು ವಾಸವಾಗಿದ್ದರು. ಮನೆಯಲ್ಲಿಯೇ ಕೆಲಸ ಮಾಡಿಕೊಂಡಿದ್ದ ಅವರು ಬೆಕ್ಕು ಹಾಗೂ ನಾಯಿಗಳ ಬಗ್ಗೆ ಅಪಾರ ಪ್ರೀತಿ ಹೊಂದಿದ್ದರು. ಹೀಗಾಗಿ ಅವರು ತಮ್ಮ ಜೊತೆ ಬೆಕ್ಕು-ನಾಯಿಗಳ ಆರೈಕೆ ಮಾಡುತ್ತಿದ್ದರು. ಆದರೆ, ಕವಿತಾ ಹರಿಕಂತ್ರ ಅವರ ಅತ್ತೆಗೆ ಬೆಕ್ಕು-ನಾಯಿಗಳೆಂದರೆ ಆಗಿ ಬರುತ್ತಿರಲಿಲ್ಲ. ಹೀಗಾಗಿ ಕವಿತಾ ಹರಿಕಂತ್ರ ಅವರನ್ನು ಅವರ ಅತ್ತೆ ನಿಂದಿಸುತ್ತಿದ್ದರು. ಇದರಿಂದ ಕವಿತಾ ಹರಿಕಂತ್ರ ಅವರು ಬೇಸರಕ್ಕೆ ಒಳಗಾಗಿದ್ದರು. ಅತ್ತೆ ಬೈದ ಕಾರಣ ಅವರು ಹಿಂದೊಮ್ಮೆ ಪಿನೈಲ್ ಸೇವಿಸಿದ್ದರು. ಆ ವೇಳೆ ಸಾವಿನ ದವಡೆಯಿಂದ ಪಾರಾಗಿ ಬಂದಿದ್ದರು. ಅದಾದ ನಂತರ ಮತ್ತೊಮ್ಮೆ ಸೀಮೆಎಣ್ಣೆಯನ್ನು ಮೈಮೇಲೆ ಸುರಿದುಕೊಂಡಿದ್ದರು. ಆಗಲೂ, ಅವರನ್ನು ಕುಟುಂಬದವರು ಉಳಿಸಿಕೊಂಡಿದ್ದರು. ಹೀಗಿರುವಾಗ ಫೆಬ್ರವರಿ 9ರ ರಾತ್ರಿ ಕವಿತಾ ಹರಿಕಂತ್ರ ಅವರು ಮತ್ತೊಮ್ಮೆ ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಮೈಮೇಲೆ ಸೀಮೆಎಣ್ಣೆ ಸುರಿದುಕೊಂಡ ಅವರು ಬೆಂಕಿ ಹಂಚಿಕೊAಡರು. ಮನೆ ಹಿಂಬದಿ ಅವರು ಸುಟ್ಟು ಶವವಾದರು. ಸದ್ಯ ಅಂಕೋಲಾದ ಹೊನ್ನೆಬೈಲಿನಲ್ಲಿ ವಾಸವಾಗಿರುವ ಮುರುಡೇಶ್ವರ ಮಾವಳ್ಳಿಯ ಮಾರುತಿ ನೀಲಜ್ಜ ಹರಿಕಂತ್ರ ಅವರು ಅಕ್ಕನ ಸಾವಿನ ಬಗ್ಗೆ ಪೊಲೀಸರಿಗೆ ತಿಳಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದರು.  
- [ಕಳ್ಳ ಜ್ಯೋತಿಷಿಗೆ ಜೈಲೇ ಗತಿ!](https://mobiletime.in/2026/02/the-thief-astrologer-is-destined-for-jail/): ಸಿದ್ದಾಪುರದ ವಸಂತ ನಾಯ್ಕ ಅವರ ಕೊಲೆ ಪ್ರಕರಣದಲ್ಲಿ ಜೈಲು ಪಾಲಾಗಿರುವ ಟಿವಿ ಜ್ಯೋತಿಷಿ ಕಮಲಾಕರ ಭಟ್ಟರಿಗೆ ನ್ಯಾಯಾಲಯ ಜಾಮೀನು ನೀಡಿಲ್ಲ. ಫೆ 21ರವರೆಗೆ ಅವರ ನ್ಯಾಯಾಂಗ ಬಂಧನ ವಿಸ್ತರಣೆಯಾಗಿದ್ದು, ಜ್ಯೋತಿಷಿ ಜೊತೆ ಅವರ ಸಹಚರರಿಗೂ ಅಲ್ಲಿಯವರೆಗೆ ಜೈಲೂಟ ಸೇವನೆ ಅನಿವಾರ್ಯವಾಗಿದೆ. ಜ್ಯೋತಿಷಿ ಕಮಲಾಕರ ಭಟ್ಟ ಹಾಗೂ ಅವರ ಪ್ರೇಯಸಿ ಸುಚಿತ್ರಾ ಸೇರಿ ಐವರು ಆರೋಪಿತರನ್ನು ಬುಧವಾರ ನ್ಯಾಯಾಧೀಶರು ವಿಡಿಯೋ ಕಾನ್ಪರೆನ್ಸಿನ ಮೂಲಕ ವಿಚಾರಣೆ ಮಾಡಿದ್ದಾರೆ. ಅದಾದ ನಂತರ ಅವರ ಮನವಿಯನ್ನು ತಿರಸ್ಕರಿಸಿ ನ್ಯಾಯಾಂಗ ಬಂಧನವನ್ನು ವಿಸ್ತರಿಸಿದ್ದಾರೆ. ವಸಂತ ನಾಯ್ಕ ಹತ್ಯೆ ಪ್ರಕರಣದ ಪ್ರಮುಖ ಆರೋಪಿ ಸುಜಿತ್ರಾ ಜೊತೆ ಅವರ ತಂದೆ ಲೋಕನಾಥ, ಪ್ರಿಯತಮ ಕಮಲಾಕರ ಭಟ್ಟ ಹಾಗೂ ಜೊತೆಗಾರರಾದ ಆಕಾಶ್ ವಿನಯ್ ಅವರ ಬಂಧನದ ಅವಧಿ ವಿಸ್ತರಿಸಿ ನ್ಯಾಯಾಲಯ ಆದೇಶಿಸಿದೆ. ಪ್ರಕರಣದ ಗಂಭೀರತೆ ಅರಿತು ಈ ಆದೇಶ ಮಾಡಲಾಗಿದೆ. ಇದರೊಂದಿಗೆ ಇದೇ ಪ್ರಕರಣದಲ್ಲಿ ಇತರೆ ಮೂವರು ಆರೋಪಿಗಳಾದ ಮಹ್ಮದ್ ಮೆಹಫೂಪ್, ಮಹ್ಮದ್ ಫೈಸಲ್ ಮತ್ತು ಇರ್ಫಾನ್ ಸದ್ಯ ಪೊಲೀಸ್ ಕಸ್ಟಡಿಯಲ್ಲಿದ್ದಾರೆ. ಅವರಿಂದ ಕೊಲೆಗೆ ಬಳಸಲಾದ ಮಾರಕಾಸ್ತ್ರಗಳ ಪತ್ತೆ ಹಾಗೂ ಸ್ಥಳ ಮಹಜರು ಪ್ರಕ್ರಿಯೆ ನಡೆಸಲಾಗಿದ್ದು, ಆರೋಪಿತರನ್ನು ಶಿವಮೊಗ್ಗಕ್ಕೆ ಕರೆದೊಯ್ದು ಪಂಚನಾಮೆ ನಡೆಸಲಾಗುತ್ತದೆ.  
- [ಗರ್ಭಿಣಿಯಿದ್ದ ರಿಕ್ಷಾಗೆ ಗುದ್ದಿದ ಕಾರು: ಪರಾರಿ!](https://mobiletime.in/2026/02/car-hits-pregnant-rickshaw-driver-escaped/): ಭಟ್ಕಳದ ಮಣಕುಳಿ ಬಳಿ ಗರ್ಭಿಣಿ ಸಂಚರಿಸುತ್ತದ್ದ ರಿಕ್ಷಾಗೆ ಕಾರು ಡಿಕ್ಕಿಯಾಗಿದ್ದು, ಗರ್ಭಿಣಿ ಜೊತೆ ಆರು ಜನರಿಗೆ ಗಾಯವಾಗಿದೆ. ಅಪಘಾತಕ್ಕೆ ಕಾರಣವಾದ ಕಾರಿನ ಜೊತೆ ಚಾಲಕನು ಪರಾರಿಯಾಗಿದ್ದು, ಶೋಧ ನಡೆಯುತ್ತಿದೆ. ಫೆಬ್ರವರಿ 8ರಂದು ಭಟ್ಕಳ ರಾಘವೇಂದ್ರ ಮಠದ ಹತ್ತಿರ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ಅವಘಡ ನಡೆದಿದೆ. ಕಾರು ಓಡಿಸಿಕೊಂಡು ಬಂದ ಅಪರಿಚಿತ ಕುಂದಾಪುರ ಕಡೆಯಿಂದ ಭಟ್ಕಳ ಕಡೆಗೆ ಹೊರಟಿದ್ದು, ಮುಂದೆ ಸಂಚರಿಸುತ್ತಿದ್ದ ಆಟೋಗೆ ಕಾರು ಗುದ್ದಿದ್ದರಿಂದ ಅಪಘಾತ ನಡೆದಿದೆ. ರಿಕ್ಷಾ ಹಿಂದಿಕ್ಕುವ ಅವಸರದಲ್ಲಿ ಅಪಘಾತ ನಡೆದಿದ್ದು, ಪರಿಣಾಮ ರಿಕ್ಷಾ ರಸ್ತೆ ಮೇಲೆಯೇ ಪಲ್ಟಿಯಾಗಿದೆ. ಈ ಅವಘಡದಲ್ಲಿ ರಿಕ್ಷಾ ಚಾಲಕ ನಾಗರಾಜ ಬಿಳಿಯಾ ದೇವಾಡಿಗರಿಗೆ ಭಾರೀ ಪ್ರಮಾನದಲ್ಲಿ ಗಾಯವಾಗಿದೆ. ಜೊತೆಗೆ ದೇವಿದಾಸ ಸುಬ್ರಾಯ ದೇವಾಡಿಗ ಅವರಿಗೂ ಅಲ್ಲಲ್ಲಿ ನೋವಾಗಿದೆ. ಲಕ್ಷ್ಮಿ ತಿಮ್ಮಪ್ಪ ಮೋಗೇರ, ಹೇಮಾವತಿ ದಿನೇಶ ಮೋಗೇರ, ಶ್ರುತಿ ರಾಮ ಮೊಗೇರ್ ಅವರಿಗೆ ಗಾಯಗಳಾಗಿವೆ. ಗರ್ಭಿಣಿ ರಂಜಿತಾ ಸಂತೋಷ ಮೊಗೇರ ಅವರ ಸೊಂಟ ಹಾಗೂ ಮೈಗೆ ನೋವಾಗಿದೆ. ಅವರೆಲ್ಲರೂ ಆಟೋದಲ್ಲಿ ಪ್ರಯಾಣಿಸುತ್ತಿದ್ದು, ಆಟೋ ಸಹ ಜಖಂ ಆಗಿದೆ. ಕಾರಿನ ಚಾಲಕ ಅಪಘಾತದ ನಂತರ ಅಲ್ಲಿಂದ ಪರಾರಿಯಾಗಿದ್ದಾರೆ. ಈ ಹಿನ್ನಲೆ ಮುಂಡಳ್ಳಿಯ ಜೋಗಿಮನೆಯ ಮಹೇಶ ಮಾದೇವ ದೇವಾಡಿಗ ಪೊಲೀಸ್ ದೂರು ನೀಡಿದ್ದು, ಭಟ್ಕಳ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಮತ್ತೊಂದು ಅಪಘಾತ: ದಂಪತಿಗೆ ಆಘಾತ!](https://mobiletime.in/2026/02/another-accident-shock-for-the-couple/): ಪದೇ ಪದೇ ಅಪಘಾತವಾಗುತ್ತಿರುವ ಜೊಯಿಡಾದ ಆನಮೋಡ-ಹೆಮ್ಮೆಡ್ಗಾ ಮಾರ್ಗದಲ್ಲಿ ಮಂಗಳವಾರ ರಾತ್ರಿ ಮತ್ತೊಂದು ಅಪಘಾತವಾಗಿದ್ದು, ಮಹಿಳೆಯೊಬ್ಬರು ಸಾವನಪ್ಪಿದ್ದಾರೆ. ಜೊತೆಗೆ ಮತ್ತೊಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಹಳೆಯ ಗೋವಾದಲ್ಲಿ ವಾಸಿಸುತ್ತಿದ್ದ ದತ್ತಪ್ರಸಾದ್ ಹರಿದಾಸ್ ಹಾಗೂ ಜಾಗೃತಿ ಹರಿದಾಸ ಅವರು ಈ ಮಾರ್ಗದಲ್ಲಿ ಸಂಚರಿಸುತ್ತಿದ್ದರು. ಅವರು ಹೊರಟಿದ್ದ ಕಾರು ಮರಕ್ಕೆ ಗುದ್ದಿದ್ದು, ಗುದ್ದಿದ ರಭಸಕ್ಕೆ ಜಾಗೃತಿ ಹರಿದಾಸ ಅವರು ಅಲ್ಲಿಯೇ ಸಾವನಪ್ಪಿದರು. ಈ ದಂಪತಿ ಸಂಬAಧಿಕರ ವಿವಾಹ ಸಮಾರಂಭದಲ್ಲಿ ಭಾಗವಹಿಸಲು ಖಾನಾಪುರಕ್ಕೆ ಆಗಮಿಸಿದ್ದರು. ಕಾರ್ಯಕ್ರಮ ಮುಗಿಸಿ ಕಾರಿನಲ್ಲಿ ಮರಳುವಾಗ ಅವಘಡ ನಡೆದಿದೆ. ಅನಮೋಡ – ಹೆಮ್ಮೆಡ್ಗಾ ರಸ್ತೆಯ ಪಾಲಿ ಸಮೀಪ ಎದುರುಗಡೆಯಿಂದ ಬಂದ ಭಾರೀ ಪ್ರಮಾಣದ ವಾಹನಕ್ಕೆ ಕಾರು ಗುದ್ದುವುದನ್ನು ತಪ್ಪಿಸುವ ಅವಸರದಲ್ಲಿ ಈ ಅವಘಡ ನಡೆದಿದೆ. ಗಂಭೀರ ಗಾಯಗೊಂಡ ದತ್ತಪ್ರಸಾದ್ ಹರಿದಾಸ್ ಅವರನ್ನು ಗೋವಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಾವನಪ್ಪಿದ ಜಾಗೃತಿ ಹರಿದಾಸ್ ಅವರು ಜೊಯಿಡಾ ತಾಲ್ಲೂಕಿನ ಕೊನಶೇತ್ ಗ್ರಾಮದವರಾಗಿದ್ದು, ಮಹಾರಾಷ್ಟ್ರದ ಸಾವಂತವಾಡಿಯ ದತ್ತಪ್ರಸಾದ್ ಹರಿದಾಸ್ ಅವರನ್ನು ವಿವಾಹವಾಗಿದ್ದರು. ವಿವಾಹದ ನಂತರ ದಂಪತಿ ಗೋವಾದಲ್ಲಿ ನೆಲೆಸಿದ್ದರು.
- [ಮೊಬೈಲ್ ಕ್ಯಾಂಟೀನ್ ಮಾಡಲು ಬಯಸುವಿರಾ?](https://mobiletime.in/2026/02/want-to-make-a-mobile-canteen/): ಮೊಬೈಲ್ ಕ್ಯಾಂಟೀನ್ ಮಾಡಲು ಬಯಸುವ ವೀರಶೈವ-ಲಿಂಗಾಯತ ಹಾಗೂ ಅದರ ಉಪಜಾತಿಯವರಿಗೆ ಸರ್ಕಾರ ವಿಶೇಷ ಸಹಾಯಧನ ನೀಡಲು ನಿರ್ಧರಿಸಿದೆ. ಮರಾಠಾ ಸಮುದಾಯದವರು ಸಹ ಈ ಯೋಜನೆ ಅಡಿ ಸಬ್ಸಿಡಿಪಡೆಯಲು ಅರ್ಹರಾಗಿದ್ದಾರೆ. ಕರ್ನಾಟಕದಲ್ಲಿ `ಆಹಾರ ವಾಹಿನಿ ಯೋಜನೆ’ ಅಸ್ತಿತ್ವಕ್ಕೆ ಬಂದಿದೆ. ಸಂಚಾರಿ ಆಹಾರ ಮಳಿಗೆ ಸ್ಥಾಪಿಸಲು ಉದ್ದೇಶಿಸುವವರಿಗೆ ಸರ್ಕಾರ ಈ ಯೋಜನೆ ಅಡಿ 3 ಲಕ್ಷ ರೂವರೆಗೆ ಸಬ್ಸಿಡಿ ನೀಡುತ್ತಿದೆ. ವಿಶೇಷವಾಗಿ ಮಹಿಳೆಯರು, ಯುವಕರಿಗೆ ಅನುಕೂಲವಾಗುವ ಹಾಗೇ ಕಡಿಮೆ ಬಂಡವಾಳದಲ್ಲಿ ಉದ್ದಿಮೆ ಮಾಡಲು ಬಯಸುವವರಿಗೆ ಸರ್ಕಾರ ನೆರವು ನೀಡುತ್ತಿದೆ. ರಸ್ತೆ ಬದಿಗಳಲ್ಲಿ ಕ್ಯಾಂಟೀನ್ ನಡೆಸುವವರಿಗೆ ಸರ್ಕಾರ ತನ್ನ ಯೋಜನೆಯ ಮೂಲಕ ಪ್ರತ್ಸಾಹಿಸುತ್ತಿದೆ. ಆಹಾರ ವಿತರಣೆ ಉದ್ದಿಮೆ ಮಾಡಲು ಬಯಸುವವರಿಗೆ 4 ಚಕ್ರಗಳ ಮೊಬೈಲ್ ವಾಹನಗಳನ್ನು ಒದಗಿಸುವುದು ಈ ಯೋಜನೆಯ ಮುಖ್ಯ ಉದ್ದೇಶ. ರಾಜ್ಯದ ಎಲ್ಲಡೆ ಈ ಯೋಜನೆ ಜಾರಿಯಲ್ಲಿದ್ದು, ವೀರಶೈವ-ಲಿಂಗಾಯತ ಹಾಗೂ ಅದರ ಉಪ ಜಾತಿಗಳು ಮತ್ತು ಮರಾಠಾ ಸಮುದಾಯದವರಿಗೆ ಪ್ರಾಮುಖ್ಯತೆ ನೀಡಲಾಗಿದೆ. ಇದರೊಂದಿಗೆ ಮನೆ ಮನೆಗೆ ರೇಶನ್ ವಿತರಣೆ ಮಾಡುವುದಕ್ಕೆ ಸಹ ಈ ಮೊಬೈಲ್ ಕ್ಯಾಂಟೀನ್ ಬಳಕೆ ಮಾಡುವ ಅವಕಾಶವಿದೆ. ಆಹಾರ ಕಿಯೋಸಕ್ ಯೋಜನೆ ಅಡಿ ಅದಕ್ಕೆ ಸಬ್ಸಿಡಿ ನೀಡಲು ಸರ್ಕಾರ ಮುಂದಾಗಿದೆ. ಈ ಯೋಜನೆಗಾಗಿ ಗ್ರಾಮ ಒನ್ ಕೇಂದ್ರದ ಮೂಲಕ ಅರ್ಜಿ ಸಲ್ಲಿಕೆಗೆ ಅವಕಾಶ ನೀಡಲಾಗಿದ್ದು, ಅಗತ್ಯ ದಾಖಲಾತಿ ಒದಗಿಸುವುದು ಕಡ್ಡಾಯ. ಒಕ್ಕಲಿಗ ಸಮುದಾಯ ಅಭಿವೃದ್ಧಿ ನಿಗಮದಿಂದ ಕಾರವಾರ ವಿಧಾನಸಭಾ ಕ್ಷೇತ್ರದಲ್ಲಿ, ಮರಾಠ ಸಮುದಾಯ ಅಭಿವೃದ್ಧಿ ನಿಗಮದಿಂದ ಹಳಿಯಾಳ, ಯಲ್ಲಾಪುರ, ಕಾರವಾರ ವಿಧಾನಸಭಾ ಕ್ಷೇತ್ರದಲ್ಲಿ ಈ ಯೋಜನೆ ಜಾರಿಯಾಗುತ್ತಿದೆ. ನಿಜಶರಣ ಅಂಬಿಗರ ಚೌಡಯ್ಯ ಅಭಿವೃದ್ಧಿ ನಿಗಮದಿಂದ ಹಳಿಯಾಳ, ಯಲ್ಲಾಪುರ, ಕಾರವಾರ, ಭಟ್ಕಳ, ಶಿರಸಿ, ಕುಮಟಾ ವಿಧಾನಸಭಾ ಕ್ಷೇತ್ರದಲ್ಲಿ ಹಾಗೂ ವೀರಶೈವ-ಲಿಂಗಾಯತ ಸಮುದಾಯ ಅಭಿವೃದ್ಧಿ ನಿಗಮದಿಂದ ಹಳಿಯಾಳ, ಯಲ್ಲಾಪುರ, ಕಾರವಾರ, ಭಟ್ಕಳ, ಶಿರಸಿ, ಕುಮಟಾದಲ್ಲಿ ಯೋಜನೆಯ ಸಹಾಯಧನಪಡೆಯಲು ಅವಕಾಶವಿದೆ. ಅರ್ಜಿ ಸಲ್ಲಿಕೆಗೆ ಮಾರ್ಚ 4 ಕೊನೆ ದಿನ ಎಂದು ಗ್ರಾಮ ಒನ್ ಪ್ರಾಜೆಕ್ಟ್ ಮ್ಯಾನೇಜರ್ ಪೂಜಾ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. ಇನ್ನೂ ಹೆಚ್ಚಿನ ಮಾಹಿತಿಗೆ ಇಲ್ಲಿ ಸಂಪರ್ಕಿಸಿ: 9480362267
- [ನದಿ ಜೋಡಣೆ: ಸಾವಿರ ಸಾವಿರ ಸಂಖ್ಯೆಯಲ್ಲಿ ಆಕ್ಷೆಪಣೆ](https://mobiletime.in/2026/02/river-linking-thousands-of-people-object/): ಅಘನಾಶಿನಿ ನದಿ ಜೋಡಣೆ ಸ್ಥಗಿತಗೊಳಿಸುವಂತೆ ಆಗ್ರಹಿಸಿ 25 ಸಾವಿರಕ್ಕೂ ಅಧಿಕ ಜನ ಸಿದ್ದಾಪುರದಿಂದ ಸರ್ಕಾರಕ್ಕೆ ಪತ್ರ ರವಾನಿಸಿದ್ದಾರೆ. ಕೇಂದ್ರ ಸರ್ಕಾರದ ಅರಣ್ಯ ಮತ್ತು ಪರಿಸರ ಸಚಿವರಿಗೆ ಈ ಪತ್ರ ರವಾನೆಯಾಗಿದೆ. ಉತ್ತರಕನ್ನಡ ಜಿಲ್ಲೆಯಲ್ಲಿ ಅರಣ್ಯ ನಾಶ ಮಾಡಿ ಹೊಸ ಯೋಜನೆ ತರುವ ಅಗತ್ಯವಿಲ್ಲ ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ. ತಾಲೂಕಾ ದಂಡಾಧಿಕಾರಿ ಎಮ್ ಆರ್ ಕುಲಕರ್ಣಿ ಅವರ ಮೂಲಕ ಪತ್ರ ರವಾನೆಯಾಗಿದ್ದು, ಪರಿಸರ ಉಳಿಸುವ ಅನಿವಾರ್ಯತೆಯ ಬಗ್ಗೆ ವಿವರಿಸಲಾಗಿದೆ. ನ್ಯಾಯವಾದಿ ರವೀಂದ್ರ ನಾಯ್ಕ ಮುಂದಾಳತ್ವದಲ್ಲಿ ಈ ಜನಾಂದೋಲನ ನಡೆದಿದೆ. `ಪಶ್ಚಿಮಘಟ್ಟಗಳು ಕೇವಲ ಪ್ರಾದೇಶಿಕ ಪರಿಸರ ಸಂಪತ್ತು ಅಲ್ಲ. ಹವಮಾನ ಭದ್ರತೆ ವ್ಯವಸ್ಥೆಯ ಅವಿಭಾಜ್ಯ ಅಂಗ’ ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ. `ಅರಣ್ಯ ನಾಶ, ಭೂ ಕುಸಿತ ಅಸ್ಥಿರತೆ, ಜೀವ ವೈವಿದ್ಯ ಹಾನಿ, ಹವಮಾನದ ವ್ಯತಿರಿಕ್ತತೆ ಮೇಲೆ ಪರಿಣಾಮ ಬೀರುವುದೆಂಬುದು ಅಧ್ಯಯನದಿಂದ ತಿಳಿದು ಬಂದಿರುವುದರಿAದ ನಿಯೋಜಿತ ಯೋಜನೆಯು ಅವೈಜ್ಞಾನಿಕ’ ಎಂದು ವಿವರವಾಗಿ ಬರೆಯಲಾಗಿದೆ. ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ, ನಾಗಪತಿ ಗೌಡ ಹುಕ್ಕಳ್ಳಿ, ಜಿ ಎನ್ ಹೆಗಡೆ, ಮಂಜು ಮರಾಠಿ ಕುಮಟಾ, ಸುರೇಶ್ ಮೇಸ್ತಾ, ಶ್ಯಾಮಲ ಗೌಡ, ರಾಜೇಶ್ ವಿ ಭಟ್ ಮಕ್ಕಿಗದ್ದೆ, ಮಂಜುನಾಥ, ಮಹೇಶ ಭಟ್, ಎನ್ ವಿ ಹೆಗಡೆ ಮುತ್ತಿಗೆ, ರಾಜು ನಾಯ್ಕ ಕಿರೇಕೋಡ, ರಾಮಕೃಷ್ಣ ನಾಯ್ಕ ಶಿರೂರು ಸಭೆಯನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ಇಬ್ರಾಹೀಂ ಗೌಡಳ್ಳಿ, ಮಹೇಶ್ ನಾಯ್ಕ ಕಾನಕ್ಕಿ, ಹರಿಹರ್ ನಾಯ್ಕ ಓಂಕಾರ, ಸತೀಶ್ ನಾಯ್ಕ, ಮಹೇಂದ್ರ ಕತಗಾಲ, ಸೀತಾರಾಮ ಗೌಡ ಹುಕ್ಕಳ್ಳಿ, ಸಾರಂಬಿ, ಕೆ ಟಿ ನಾಯ್ಕ, ಪರಮ ಗೌಡ, ದ್ಯಾವ ಗೌಡ, ಯಂಕ ಗೌಡ್ರು, ಕೆ ಟಿ ಗೌಡ ಮಾದ್ಲಮನೆ, ಗೋವಿಂದ ಗೌಡ ಕಿಲವಳ್ಳಿ, ಮೋಹನ್ ನಾಯ್ಕ ಕಾನಳ್ಲಿ, ರಾಮಚಂದ್ರ ನಾಯ್ಕ, ಜಿ ಎನ್ ಹೆಗಡೆ ಗುಂಜಗೋಡ, ಸುಬಾಷ್ ನಾಯ್ಕ ಕ್ಯಾದಗಿ ಸಭೆಯ ಸಂಘಟನೆ ನೋಡಿಕೊಂಡಿದ್ದಾರೆ.
- [ಕುಗ್ರಾಮದ ಹಾಗಿದ್ದ ಊರಿನಲ್ಲಿ ಇದೀಗ ಅಭಿವೃದ್ಧಿಯ ಕ್ರಾಂತಿ: ಹುದ್ದೆ ಇಲ್ಲದಿದ್ದರೂ ಅಧಿಕಾರ ಚಲಾಯಿಸಿದ ಆನಂದ!](https://mobiletime.in/2026/02/a-development-revolution-is-now-underway-in-a-town-that-used-to-be-a-hamlet-ananda-wields-power-despite-not-having-a-position/): ಶಿರಸಿ – ಸಿದ್ದಾಪುರ ಬಳಿಯಿರುವ ಶೀಗೇಹಳ್ಳಿಯ ಆನಂದ ಹೆಗಡೆ ಅವರು ಶಾಸಕರಲ್ಲ. ಸಂಸದರಾಗಿಯೂ ಅವರು ಕೆಲಸ ಮಾಡಿಲ್ಲ. ಕನಿಷ್ಟ ಅವರು ಗ್ರಾಮ ಪಂಚಾಯತ ಸದಸ್ಯರು ಸಹ ಅಲ್ಲ. ಅದಾಗಿಯೂ ಅವರು ತಮ್ಮ ಊರಿನ ಅಭಿವೃದ್ಧಿ ಮಾಡಿದ್ದಾರೆ! ಆನಂದ ಹೆಗಡೆ ಅವರು ತಮ್ಮ ನಿರಂತರ ಪತ್ರ ಚಳುವಳಿಯಿಂದ ಅವರ ಊರಿಗೆ ಸರ್ಕಾರದಿಂದ ರಸ್ತೆ ಮಾಡಿಸಿದ್ದಾರೆ. ಆ ರಸ್ತೆಯಲ್ಲಿ ಬಸ್ ಓಡಾಡುವ ಹಾಗೇ ಮಾಡಿದ್ದಾರೆ. ಊರಿಗೆ ಇಂಟರ್‌ನೆಟ್ ಸಂಪರ್ಕ ಕೊಡಿಸಿದ್ದಾರೆ. ಮನೆ ಮನೆಗೂ ಗ್ಯಾಸ್ ಸಿಲೆಂಡರ್ ತಲುಪುವ ವ್ಯವಸ್ಥೆ ಮಾಡಿದ್ದಾರೆ. ಮೊಬೈಲ್ ನೆಟ್‌ವರ್ಕ ಬರುವ ಹಾಗೇ ಟವರ್ ಮಾಡಿಸಿದ್ದಾರೆ. ಚುನಾವಣೆ ವೇಳೆ ಮತದಾನಕ್ಕಾಗಿ ದೂರದ ಊರಿಗೆ ತೆರಳುವ ಬದಲು ಸಮೀಪದಲ್ಲಿಯೇ ಮತಗಟ್ಟೆ ಮಾಡಿಸಿದ್ದಾರೆ. ಶಿರಸಿಯ ಶೀಗೇಹಳ್ಳಿ ಅತ್ಯಂತ ಹಿಂದುಳಿದ ಪ್ರದೇಶ. ಸಾಪ್ಟೆಂಬರ್ ಇಂಜಿನಿಯರ್ ಆಗಿರುವ ಆನಂದ ಹೆಗಡೆ ಅವರು ಸಹ ಅದೇ ಊರಿನವರು. ಕೊರೊನಾ ಕಾಲಘಟ್ಟದ ಅವಧಿಯಲ್ಲಿ ಊರಿಗೆ ಬಂದಿದ್ದ ಆನಂದ ಹೆಗಡೆ ಅವರು ಆ ಪ್ರದೇಶದ ಸಮಸ್ಯೆಗಳಿಗೆ ಮುಕ್ತಿ ಕೊಡುವ ಸಂಕಲ್ಪ ಮಾಡಿದರು. ಕಾನೂನಾತ್ಮಕ ಹೋರಾಟ ನಡೆಸಿ ಆ ಊರಿನ ಅಗತ್ಯ ಸೌಕರ್ಯಗಳನ್ನು ಕೊಡಿಸಿದರು. ನಿರಂತರ ಪತ್ರ ಚಳುವಳಿ ಅವರ ಸಾಧನೆಗೆ ಪೂರಕವಾಗಿದ್ದು, ಐದು ವರ್ಷದ ಅವಧಿಯಲ್ಲಿ ಶೀಗೇಹಳ್ಳಿಯ ಚಿತ್ರಣವೇ ಬದಲಾಗಿದೆ. ಶೀಗೆಹಳ್ಳಿ ಗ್ರಾಮಕ್ಕೆ ತೆರಳಲು ಮೊದಲು ರಸ್ತೆ ಇರಲಿಲ್ಲ. ಕಾಲು ದಾರಿಯಲ್ಲಿ ಜನ ಸಂಚರಿಸಬೇಕಾದ ಪರಿಸ್ಥಿತಿಯಿದ್ದು, ವಾಹನಗಳ ಓಡಾಟ ಸುಲಭವಾಗಿರಲಿಲ್ಲ. ಮಕ್ಕಳು ಶಾಲೆಗೆ ಹೋಗಲು ಸಹ 12ಕಿಮೀ ನಡೆಯಬೇಕಿತ್ತು. ಜನಪ್ರತಿನಿಧಿಗಳ ಭೇಟಿ ಮಾಡಿದ ನಂತರ ಹೋರಾಟ ಶುರು ಮಾಡಿದ ಆನಂದ ಹೆಗಡೆ ಅವರು ಸರ್ಕಾರದಿಂದ ರಸ್ತೆ ಮಂಜೂರಿ ಮಾಡಿಸಿದರು. ಊರಿಗೆ ಡಾಂಬರ್ ರಸ್ತೆ ನಿರ್ಮಾಣವಾದ ನಂತರ ಬಸ್ಸು ಬಿಡುವಂತೆ ಪಟ್ಟುಹಿಡಿದರು. ಊರಿಗೆ ಬಸ್ಸು ಬಿಡಿಸುವಲ್ಲಿಯೂ ಅವರು ಯಶಸ್ವಿಯಾದರು. ಕೋವಿಡ್ ಅವಧಿಯಲ್ಲಿ ನೆಟ್‌ವರ್ಕ ಸಿಗದ ಸಮಸ್ಯೆ ಅರಿತಿದ್ದ ಅವರು ಊರಿಗೆ ಇಂಟರ್‌ನೆಟ್ ವ್ಯವಸ್ಥೆ ಕೊಡಿಸುವಂತೆ ಪತ್ರ ಚಳುವಳಿ ಮಾಡಿದರು. ಅದರ ಪರಿಣಾಮ ಶೀಗೆಹಳ್ಳಿ ಗ್ರಾಮ ಡಿಜಿಟಲ್ ವ್ಯವಸ್ಥೆಗೆ ಬದಲಾಗಿದ್ದು, ಊರಿನಲ್ಲಿ ಟವರ್ ನಿರ್ಮಾಣವೂ ಆಗಿದ್ದರಿಂದ ಮೊಬೈಲುಗಳು ರಿಂಗಣಿಸಲು ಶುರುವಾದವು. ಶಿಗೇಹಳ್ಳಿ ಗ್ರಾಮದ ಎಲ್ಲರ ಮನೆಯಲ್ಲಿಯೂ ಅಡುಗೆ ಗ್ಯಾಸ್ ಸಿಲೆಂಡರ್ ಇತ್ತು. ಆದರೆ, ಅದನ್ನುಪಡೆಯುವುದಕ್ಕಾಗಿ ಜನ ಶಿರಸಿ ಅಥವಾ ಸಿದ್ದಾಪುರಕ್ಕೆ ಹೋಗಬೇಕಿತ್ತು. 13ಕಿಮೀ ದೂರದವರೆಗೆ ಗ್ಯಾಸ್ ಸಿಲೆಂಡರ್ ಹೋರಬೇಕಿತ್ತು. ಆನಂದ ಹೆಗಡೆ ಅವರ ಪ್ರಯತ್ನದಿಂದ ಇದೀಗ ಮನೆ ಮನೆಗೂ ಗ್ಯಾಸ್ ಸಿಲೆಂಡರ್ ಡಿಲೆವರಿ ಆಗುತ್ತಿದೆ. ಕಂಪನಿ ಜೊತೆ ಮಾತನಾಡಿದ ಆನಂದ ಹೆಗಡೆ ಅವರು ನಿಯಮಗಳ ಬಗ್ಗೆ ಕಟ್ಟುನಿಟ್ಟಾಗಿ ವಿವರಿಸಿ ಆ ಸೇವೆಯನ್ನು ಒದಗಿಸಿದ್ದಾರೆ. ಶೀಗೇಹಳ್ಳಿ ಸಮೀಪದಲ್ಲಿ ಬ್ಯಾಂಕ್ ವ್ಯವಸ್ಥೆ ಇರಲಿಲ್ಲ. ಶಿರಸಿ-ಸಿದ್ದಾಪುರದ ಬ್ಯಾಂಕ್ ಕೆಲಸಕ್ಕೆ ಹೋದರೆ ಇಡೀ ದಿನ ಹಾಳಾಗುತ್ತಿತ್ತು. ಆ ಬಗ್ಗೆ ಅರಿತ ಆನಂದ ಹೆಗಡೆ ಅವರು ಅಂಚೆ ಇಲಾಖೆ ಜೊತೆ ಸಂಪರ್ಕ ಬೆಳೆಸಿ ಊರಿನಲ್ಲಿ ಅಂಚೆ ಕಚೇರಿ ತೆರೆಸಿದರು. ಅಲ್ಲಿಂದಲೇ ಇದೀಗ ಬ್ಯಾಂಕ್ ಕೆಲಸವೂ ನಡೆಯುತ್ತಿದೆ. ಆ ಊರಿನ ಜನ ಚುನಾವಣೆ ಅವಧಿಯಲ್ಲಿಯೂ ಸಂಕಷ್ಟ ಅನುಭವಿಸುತ್ತಿದ್ದರು. ಮತದಾನಕ್ಕಾಗಿ ಸಹ 10ಕಿಮೀ ಹೆಚ್ಚು ನಡೆಯಬೇಕಿತ್ತು. ಈ ಸಮಸ್ಯೆ ಬಗೆಹರಿಸಲು ಆನಂದ ಹೆಗಡೆ ಅವರು ಚುನಾವಣಾ ಆಯೋಗದ ಮೊರೆ ಹೋದರು. ಊರಿನ ಸಮಸ್ಯೆ ಬಗ್ಗೆ ವಿವರಿಸಿ ತಮ್ಮ ಊರಿಗೆ ಮತಗಟ್ಟೆಯನ್ನು ಮಂಜೂರಿ ಮಾಡಿಸಿದರು. ಅದರ ಪರಿಣಾಮ ಲೋಕಸಭೆ ಚುನಾವಣೆಯಲ್ಲಿ ಶೇ 92ರಷ್ಟು ಮತದಾನವೂ ನಡೆಯಿತು. ಊರಿನಲ್ಲಿ ನಡೆಯುವ ಸಾಂಸ್ಕೃತಿಕ ಉತ್ಸವಗಳಿಗೂ ಆನಂದ ಹೆಗಡೆ ಅವರು ಕೈ ಜೋಡಿಸಿದ್ದಾರೆ. ಕಳೆದ ಐದು ವರ್ಷದ ಅವಧಿಯಲ್ಲಿ ಆನಂದ ಹೆಗಡೆ ಅವರು ಊರಿನ ಚಿತ್ರಣವನ್ನೇ ಬದಲಿಸಿದ್ದಾರೆ. ಹುದ್ದೆಯಿಲ್ಲದೇ ಮಾಡಿದ ಅವರ ಸೇವೆಗೆ ಇಂಡಿಯಾ ಬುಕ್ ಆಫ್ ರೆಕಾರ್ಡ ಗೌರವ ಸಿಕ್ಕಿದೆ. `ವೈಯಕ್ತಿಕ ಬದ್ಧತೆ, ನಿರಂತರ ಪ್ರಯತ್ನವೇ ಈ ಯಶಸ್ಸಿಗೆ ಕಾರಣ’ ಎಂದು ಆನಂದ ಹೆಗಡೆ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕ ಜೊತೆ ಮಾತನಾಡಿದ್ದಾರೆ. ನಿಮ್ಮೂರಿನ ಅಭಿವೃದ್ಧಿಗೂ ಈ ವಿಡಿಯೋ ಪ್ರೇರಣೆ ಆಗಲಿ.. ಐದು ವರ್ಷದ ಅವಧಿಯಲ್ಲಿ ಆನಂದ ಹೆಗಡೆ ಮಾಡಿದ್ದೇನು? ವಿಡಿಯೋ ಇಲ್ಲಿ ನೋಡಿ..
- [ಯಲ್ಲಾಪುರ ಜಾತ್ರೆಗೆ ಕ್ಷಣಗಣನೆ!](https://mobiletime.in/2026/02/countdown-to-the-yellapur-fair/): ರಾಜ್ಯದ ಪ್ರಸಿದ್ಧ ಜಾತ್ರೆಗಳಲ್ಲಿ ಒಂದಾದ ಯಲ್ಲಾಪುರದ ಕಾಳಮ್ಮ-ದುರ್ಗಮ್ಮ ಜಾತ್ರೆಗೆ ಕ್ಷಣಗಣನೆ ಶುರುವಾಗಿದೆ. ಫೆಬ್ರವರಿ 11ರಿಂದ 19ರವರೆಗೆ ಅದ್ಧೂರಿಯಾಗಿ ಗ್ರಾಮದೇವಿ ಜಾತ್ರೆ ನಡೆಯಲಿದ್ದು, ಮೂರು ವರ್ಷಕ್ಕೆ ಒಮ್ಮೆ ನಡೆಯುವ ಈ ಜಾತ್ರೆಯಲ್ಲಿ ಈ ಬಾರಿಯೂ ಲಕ್ಷಾಂತರ ಭಕ್ತರು ಭಾಗವಹಿಸಲಿದ್ದಾರೆ. ಯಲ್ಲಾಪುರದಲ್ಲಿ ನೆಲೆಸಿರುವ ದೇವಿಯರ ಪ್ರತಿಮೆಗಳು 600 ವರ್ಷಗಳಿಗೂ ಅಧಿಕ ಇತಿಹಾಸ ಹೊಂದಿವೆ. ಶತಮಾನಗಳ ಹಿಂದೆ ಹಿಂದುಳಿದ ಪ್ರದೇಶವಾದ ನಾರಾಯಣಗೆರೆಯಲ್ಲಿ ವ್ಯಕ್ತಿಯೊಬ್ಬರು ಉಳುಮೆ ಮಾಡುತ್ತಿರುವಾಗ ಎರಡು ಸವಕಲು ಪ್ರತಿಮೆಗಳು ಸಿಕ್ಕಿದ್ದು, ಅದನ್ನು ಹೋಲುವ ಶಿವಣಿ ಕಟ್ಟಿಗೆಯ ಹೊಸಪ್ರತಿಮೆಯನ್ನು ಮಾಡಿ ಪಟ್ಟಣದ ಕೇಂದ್ರ ಸ್ಥಾನದಲ್ಲಿ ಪ್ರತಿಷ್ಠಾಪಿಸಲಾಯಿತು. ಆ ಪ್ರತಿಮೆಗಳೇ ಕಾಳಮ್ಮ ಹಾಗೂ ದುರ್ಗಮ್ಮಾ ಎಂದು ಕರೆಯಿಸಿಕೊಂಡು ಗ್ರಾಮದ ಅಭಿವೃದ್ಧಿ ಮಾಡುತ್ತಿವೆ. ಆಕಾಶ ಬಣ್ಣದ ಪ್ರತಿಮೆ ಕಾಳಮ್ಮ ದೇವಿಯದ್ದಾಗಿದ್ದು, ಕೋಣ ಈ ದೇವರ ವಾಹನ. ಕೆಂಪು ಬಣ್ಣದ ಪ್ರತಿಮೆ ದುರ್ಗಮ್ಮನಾಗಿದ್ದು, ದುರ್ಗಮ್ಮ ದೇವಿಯ ವಾಹನ ಸಿಂಹವಾಗಿದೆ. ಚಿಕ್ಕ ಗುಡಿಯಿಂದ ಆರಂಭವಾದ ಈ ದೇವಿ ಸನ್ನಿದಿ ಇದೀಗ ವಿಶಾಲವಾದ ದೇವಾಲಯದೊಂದಿಗೆ ಊರಿನ ಹೆಮ್ಮೆಯೆನಿಸಿದೆ. ದೇವಿಯರ ಶಕ್ತಿ ಎಷ್ಟರ ಮಟ್ಟಿಗೆ ಇದೆಯಂದರೆ, ಯಲ್ಲಾಪುರಕ್ಕೆ ಬರುವ ಗಣ್ಯರು-ಸಾಧಕರು ಮೊದಲು ದೇವಿ ದರ್ಶನಪಡೆದೇ ನಂತರ ತಮ್ಮ ಕೆಲಸ ಶುರು ಮಾಡುತ್ತಾರೆ. ನಿತ್ಯಪೂಜೆ, ನೈವೇದ್ಯ, ಕುಂಕುಮಾರ್ಚನೆ, ಉಡಿ ತುಂಬುವುದು, ದೇವಿ ಪಾರಾಯಣೆ, ನವರಾತ್ರಿಯಲ್ಲಿ 9 ದಿನಗಳ ಕಾಲ ಕೀರ್ತನೆ ಸೇರಿ ನಾನಾ ಬಗೆಯ ಧಾರ್ಮಿಕ ಕಾರ್ಯಕ್ರಮಗಳು ಇಲ್ಲಿ ನಿರಂತರವಾಗಿ ನಡೆಯುತ್ತದೆ. ಅದರ ಪ್ರಕಾರ ಮೂರು ವರ್ಷಕ್ಕೆ ಒಮ್ಮೆ ಅದ್ಧೂರಿ ಜಾತ್ರೆಯೂ ನಡೆಯುತ್ತಿದೆ. ವಿಶೇಷ ಹೊರ ಮಂಗಳವಾರ: ರಾಜ್ಯದ ಯಾವುದೇ ಪ್ರಾದೇಶಿಕ ಜಾತ್ರೆಗಲಲ್ಲಿಲ್ಲದ ಹೊರ ಮಂಗಳವಾರ ಎಂಬ ವಿಶಿಷ್ಟ ಆಚರಣೆಯೊಂದು ಯಲ್ಲಾಪುರ ಜಾತ್ರೆಯಲ್ಲಿ ನಡೆಯುತ್ತದೆ. ಜಾತ್ರೆ ನಡೆಯುವ ಮುನ್ನದ ಮೂರು ಅಥವಾ ಐದು ಮಂಗಳವಾರಗಳನ್ನು ಹೊರಮಂಗಳವಾರ ಎಂದು ಆಚರಿಸಲಾಗುತ್ತದೆ. ದೇವಿಯ ಪ್ರಸಾದದ ಮೂಲಕ ಜಾತ್ರೆಯ ದಿನಾಂಕ ನಿರ್ಧಾರವಾದ ಬಳಿಕ ದೇವಸ್ಥಾನ ಸಮಿತಿಯವರು ಹೊರ ಮಂಗಳವಾರದ ದಿನಾಂಕಗಳನ್ನು ಪ್ರಕಟಿಸುತ್ತಾರೆ. ಹೊರಮಂಗಳವಾರದ ದಿನ ಜನತೆ ಬೆಳಿಗ್ಗೆ 10 ಘಂಟೆಯಿAದ ಸಂಜೆ 5 ಘಂಟೆಯವರೆಗೆ ಮನೆಯಿಂದ ಹೊರಗೆ ದೂರದ ಹಳ್ಳಿಗಳಿಗೆ ತೆರಳುತ್ತಾರೆ. ಊರ ಹೊರಗೆಯೇ ಆ ದಿನದ ಅಡುಗೆ ಬೇಯಿಸಿ ಊಟಮಾಡಿ ಕಾಲ ಕಳೆಯುತ್ತಾರೆ. ಈ ವೇಳೆ ದೇವಿಯರು ಮನೆಯಲ್ಲಿ ನೃತ್ಯ ಮಾಡಿ ಮನೆಯವರನ್ನು ಹರಸುತ್ತಾರೆಂಬ ಪ್ರತೀತಿಯಿದೆ. ಅತ್ಯಂತ ಕಟ್ಟು ನಿಟ್ಟಾಗಿ ಈ ಪದ್ಧತಿಯನ್ನು ಅನೇಕ ತಲೆಮಾರುಗಳಿಂದ ಆಚರಿಸಿಕೊಂಡು ಬಂದಿದ್ದಾರೆ. ಜಾತ್ರೆಗೂ ಮುನ್ನ ದೇವಿಯರನ್ನು ಅಲಂಕಾರ ಮಾಡುವುದಕ್ಕೆ `ಅಂಕೆ’ ಎನ್ನುತ್ತಾರೆ. ನಂತರ ದೇವಿಗೆ ಮಂಗಲಸೂತ್ರ ಕಟ್ಟಿ,ಭಕ್ತರ ಮನದಿಚ್ಛೆ ಅರ್ಪಿಸುವುದಕ್ಕೆ `ಅಹಿರ’ ಎನ್ನುವರು. ಧರ್ಮದರ್ಶಿ ಏರ್ಪಡಿಸುವ ಭೋಜನಕ್ಕೆ `ಹುಲಪ’ ಎಂದು ಕರೆಯುತ್ತಾರೆ. ಪ್ರತಿ ಬಾರಿಯೂ ಬುಧವಾರವೇ ಜಾತ್ರೆ ಆರಂಭವಾಗುವದು ಇತಿಹಾಸದ ಪುಟಗಳಲ್ಲಿ ಲಭ್ಯವಾಗುವ ಮಾಹಿತಿಗಳಲ್ಲಿ ಪ್ರಮುಖವಾದದ್ದಾಗಿದೆ. ದೇವಿಯರ ಲಗ್ನದೊಂದಿಗೆ ಜಾತ್ರೆ ಆರಂಭವಾಗುತ್ತದೆ. ಎಲ್ಲಡೆ ವೇದಘೋಷಗಳು ಮೊಳಗುತ್ತವೆ. ಶಿವಾಷ್ಟೋತ್ತರ ನಾಮಾವಳಿ ಮಂತ್ರ ಪಠಣದೊಂದಿಗೆ ಅಲಂಕಾರದಿoದ ಕಂಗೊಳಿಸುತ್ತಿರುವ ದೇವಿಯರನ್ನು ಭಕ್ತರೇ ತಲೆಯ ಮೇಲೆ ಹೊತ್ತು ದೇವಿ ಮೈದಾನದ ಗದ್ದುಗೆಗೆ ಕರೆತರುತ್ತಾರೆ. ಸುಮಾರು ಲಕ್ಷಕ್ಕೂ ಅಧಿಕ ಭಕ್ತಾದಿಗಳು ಮಧ್ಯಾಹ್ನದ ಸುಡು ಬಿಸಿಲಿನಲ್ಲಿ ದೇವಿಯೊಂದಿಗೆ ಪಟ್ಟಣದಲ್ಲಿ ಹೆಜ್ಜೆಯಿಡುತ್ತಾರೆ. ಪಟ್ಟಣದ ಎಲ್ಲೆಲ್ಲೂ ಭಕ್ತಾದಿಗಳು ದರ್ಶನಕ್ಕೆ ಮುಗಿ ಬೀಳುತ್ತಲಿರುತ್ತಾರೆ. ಜಾತ್ರೆ ಆರಂಭದ ದಿನ ಮಂಟಪದ ಎದುರು ದೇವಿಗೆ ಅಕ್ಕಿರಾಶಿ ಪಂಚಜ್ಯೋತಿಗಳನ್ನು ಹಚ್ಚಿ ಅವು ಒಂಬತ್ತು ದಿನಗಳ ಕಾಲ ನಿರಂತರವಾಗಿ ಉರಿಯುವಂತೆ ನೋಡಿಕೊಳ್ಳಲಾಗುತ್ತದೆ ಅದನ್ನು `ಹುಲುಸು’ ಎಂದು ಕರೆಯುತ್ತಾರೆ. ಹಿಟ್ಟಿನ ಕೋಣನ ಬಲಿ, ಊರಿಗೆ ಅನ್ನ ಬೇಲಿ ಹಾಕಿ ಕುಂಕುಮ ಮಿಶ್ರಿತ ಅನ್ನದ ಉಂಡೆಗಳನ್ನು ನಾಲ್ಕು ದಿಕ್ಕುಗಳಲ್ಲಿ ಯಾವದೇ ವಿಘ್ನ ಬಾರದಂತೆ ಪ್ರಾರ್ಥಿಸಿ ಗಣಪತಿಯನ್ನು ಸ್ಮರಿಸಿ ಇಡಲಾಗುತ್ತದೆ. ಮುಂದಿನ ಒಂಬತ್ತು ದಿವಸಗಳ ಕಾಲ ಧಾರ್ಮಿಕ ಸಾಂಸ್ಕೃತಿಕ ಹಬ್ಬವೇ ಯಲ್ಲಾಪುರದಲ್ಲಿ ನೆಲೆಸುತ್ತದೆ. ಅಲಂಕಾರಗೊoಡ ಯಲ್ಲಾಪುರ: ಜಾತ್ರೆಗಾಗಿ ಇಡೀ ಯಲ್ಲಾಪುರ ಸಿಂಗಾರಗೊoಡಿದ್ದು, ಎಲ್ಲೆಡೆ ಹಬ್ಬದ ಸಂಭ್ರಮ ಮನೆ ಮಾಡಿದೆ. ಪಟ್ಟಣದ ಪ್ರಮುಖ ರಸ್ತೆಗಳನ್ನು ತಳಿರು ತೋರಣಗಳಿಂದ ಅಲಂಕರಿಸಲಾಗಿದೆ. ಮೆರವಣಿಗೆ ಸಾಗಿ ಬರುವ ರಸ್ತೆಯುದ್ದಕ್ಕೂ ಆಕರ್ಷಕ ರಂಗೋಲಿಗಳು ದೇವಿಯರ ಸ್ವಾಗತಕ್ಕೆ ಅಣಿಯಾಗಿವೆ. 25 ಲಕ್ಷ ರೂ ವೆಚ್ಚದಲ್ಲಿ ಕಂಚಿ ದೇವಸ್ಥಾನದ ಮಾದರಿಯಲ್ಲಿ ಮಂಟಪ ನಿರ್ಮಾಣಗೊಂಡಿದೆ. ವೈಟಿಎಸ್‌ಎಸ್ ಮೈದಾನ, ಶ್ರೀರಾಮ ರೆಸಿಡೆನ್ಸಿ ಹಿಂಭಾಗದಲ್ಲಿ ಅಮ್ಯೂಸಮೆಂಟ್ ಪಾರ್ಕ್ ಜನರನ್ನು ರಂಜಿಸಲಿವೆ. ಪಟ್ಟಣದ ವಿವಿಧೆಡೆ ಅಂಗಡಿ ಪ್ಲಾಟ್ ಗಳನ್ನು ಬಾಡಿಗೆಗೆ ಪಡೆದಿರುವವರು ಟೆಂಟ್ ನಿರ್ಮಿಸಿ ಅಂಗಡಿ ಆರಂಭಿಸುವ ಕಾರ್ಯದಲ್ಲಿ ನಿರತರಾಗಿದ್ದಾರೆ. ಜಾತ್ರೆಗೆ ಚಾಲನೆ: ಫೆಬ್ರವರಿ 11ರ ಮಧ್ಯಾಹ್ನ 3.30ಕ್ಕೆ ಗ್ರಾಮದೇವಿಯವರ ಮೆರವಣಿಗೆ ಆರಂಭಗೊAಡು, ದೇವಿ ಮೈದಾನದ ಜಾತ್ರಾ ಗದ್ದುಗೆಯಲ್ಲಿ ಗ್ರಾಮದೇವಿಯರು ವಿರಾಜಮಾನರಾಗಲಿದ್ದಾರೆ. ಫೆ.12 ರಿಂದ ಭಕ್ತರು ಉಡಿ, ಹಣ್ಣುಕಾಯಿ ಮುಂತಾದ ಸೇವೆಗಳನ್ನು ಸಲ್ಲಿಸಲು ಅವಕಾಶವಿದೆ. ಪೊಲೀಸ್ ಬಂದೋಬಸ್ತ್: ಜಾತ್ರೆಯಲ್ಲಿ ಸುರಕ್ಷತೆಗೆ ಪೊಲೀಸರು ಹೆಚ್ಚಿನ ಮಹತ್ವ ನೀಡಿದ್ದು, 400 ಕ್ಕೂ ಹೆಚ್ಚು ಸಿಬ್ಬಂದಿ ನೇಮಿಸಲಾಗಿದೆ.
- [ಪೂಜೆಯ ಹಕ್ಕಿಗಾಗಿ ರಕ್ತ ಕ್ರಾಂತಿ!](https://mobiletime.in/2026/02/a-bloody-revolution-for-the-right-to-worship/): ಕುಟುoಬದೊಳಗಿನ ಪೂಜೆ ಹಕ್ಕಿಗಾಗಿ ಜೊಯಿಡಾದಲ್ಲಿ ದಾಯಾದಿಗಳ ನಡುವೆ ಕಲಹ ನಡೆದಿದ್ದು, ಅದೇ ವಿಷಯ ದೊಡ್ಡದಾಗಿ ರಕ್ತ ಹರಿದಿದೆ. ಇಲ್ಲಿನ ವೈಣಿ ಠಾಕೋರವಾಡದಲ್ಲಿರುವ ಶ್ರೀ ರಾಮಲಿಂಗೇಶ್ವರ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸುವ ವಿಷಯವಾಗಿ ಮಿರಾಶಿ ಕುಟುಂಬದಲ್ಲಿ ಬಿರುಕು ಮೂಡಿತ್ತು. ದೇವಾಲಯದ ಅರ್ಚಕರಾಗಿದ್ದ ಈಶ್ವರ ರಾಮ ಮಿರಾಶಿ ಈಚೆಗೆ ನಿಧನರಾಗಿದ್ದು, ಸಂಪ್ರದಾಯದAತೆ ಅವರ ಸಹೋದರ ಪಾಂಡುರAಗ ರಾಮ ಮಿರಾಶಿಗೆ ಪೂಜೆಯ ಜವಾಬ್ದಾರಿ ನೀಡಬೇಕು ಎಂಬ ಮಾತು ಕುಟುಂಬದಲ್ಲಿ ಕೇಳಿ ಬಂದಿತ್ತು. ಆದರೆ, ಸಾವನಪ್ಪಿದ ಈಶ್ವರ ಮಿರಾಶಿ ಅವರ ಪುತ್ರ ಪ್ರಕಾಶ ಮಿರಾಶಿ ಅವರು ಇದಕ್ಕೆ ಒಪ್ಪಿರಲಿಲ್ಲ. ಪಾಂಡುರAಗ ಮಿರಾಶಿ ಅವರ ವಿರುದ್ಧ ಪ್ರಕಾಶ ಮಿರಾಶಿ ಸಿಡಿದೆದ್ದಿದ್ದರು. ಪೂಜೆ ವಿಷಯವಾಗಿ ಅವರಿಬ್ಬರ ನಡುವೆ ವಾಗ್ವಾದ ಸಾಮಾನ್ಯವಾಗಿತ್ತು. ಸೋಮವಾರ ಪ್ರಕಾಶ ಮಿರಾಶಿ ದೇವಾಲಯದಲ್ಲಿ ಪೂಜೆ ಮಾಡಿದ್ದು, ನಂತರ ಪೂಜೆ ಮಾಡುವುದಕ್ಕಾಗಿ ದೇವಾಲಯದ ಕೀ ಕೊಡುವಂತೆ ಪಾಂಡುರAಗ ಮಿರಾಶಿ ಕೇಳಿದ್ದರು. ಕೀ ಕೇಳಿದ್ದರಿಂದ ಸಿಟ್ಟಾದ ಪ್ರಕಾಶ ಮಿರಾಶಿ ಮತ್ತೆ ಮಾತಿನ ಚಕಾಮಕಿ ನಡೆಸಿದ್ದು, ಅದು ವಿಕೋಪಕ್ಕೆ ತೆರಳಿತು. `ದೇವಾಲಯದ ವಿಚಾರದಲ್ಲಿ ಮತ್ತೆ ಹಸ್ತಕ್ಷೇಪ ಮಾಡಿದರೆ ಜೀವಂತವಾಗಿ ಬಿಡುವುದಿಲ್ಲ’ ಎಂದು ಬೆದರಿಸಿದ ಪ್ರಕಾಶ ಮಿರಾಶಿ ಕತ್ತಿಯಿಂದ ಚಿಕ್ಕಪ್ಪನ ತಲೆಗೆ ಹೊಡೆದರು. ಇದರಿಂದ ಪಾಂಡುರAಗ ಮಿರಾಶಿ ಅಲ್ಲಿಯೇ ಕುಸಿದು ಬಿದ್ದರು. ರಕ್ತದ ಮೊಡವಿನಲ್ಲಿ ಬಿದ್ದ ಅವರನ್ನು ಅಲ್ಲಿದ್ದವರು ಆಸ್ಪತ್ರೆಗೆ ಸೇರಿಸಿದರು. ಈ ಕುರಿತು ಪಾಂಡುರAಗ ಮಿರಾಶಿ ಅವರ ಪತ್ನಿ ಪ್ರಿಯಾಂಕಾ ಮಿರಾಶಿ ನೀಡಿದ ದೂರಿನ ಆಧಾರದಲ್ಲಿ ರಾಮನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಪ್ರಕಾಶ ಮಿರಾಶಿಯನ್ನು ಬಂಧಿಸಿದ್ದಾರೆ.
- [ಪ್ರಭಾವಿ ಪುತ್ರನಿಗೆ ಜೈಲೇ ಗತಿ!](https://mobiletime.in/2026/02/influential-son-faces-prison/): ಕಾರವಾರದ ರೀಶೆಲ್ ಡಿಸೋಜಾ ಆತ್ಮಹತ್ಯೆ ಪ್ರಕರಣದ ಪ್ರಮುಖ ಆರೋಪಿ ಚಿರಾಗ ಕೋಠಾರಕರ್ ಅವರಿಗೆ ಜಾಮೀನು ಮಂಜೂರಾಗಿಲ್ಲ. ಹೀಗಾಗಿ ಅವರು ಇನ್ನಷ್ಟು ದಿನ ಜೈಲಿನಲ್ಲಿಯೇ ಕಾಲ ಕಳೆಯುವುದು ಅನಿವಾರ್ಯವಾಗಿದೆ. ಜನವರಿ 9ರಂದು ರಿಶೆಲ್ ಕ್ರಿಸ್ತೋದ್ ಡಿಸೋಜಾ ಅವರು ಆತ್ಮಹತ್ಯೆಗೆ ಶರಣಾಗಿದ್ದರು. ಆತ್ಮಹತ್ಯೆ ನಂತರ ಅವರ ಕುಟುಂಬದವರು ಅತ್ಯಾಚಾರದ ಆರೋಪ ಮಾಡಿದ್ದರು. ಜಿ ಪಂ ಮಾಜಿ ಸದಸ್ಯೆ ಚೈತ್ರಾ ಕೋಠಾರಕರ್ ಅವರ ಪುತ್ರ ಚಿರಾಗ ಕೋಠಾರಕರ್ ಪ್ರಕರಣದ ಪ್ರಮುಖ ಆರೋಪಿಯಾಗಿದ್ದು, ಚಿರಾಗ ಕೋಠಾರಕರ್ ಅವರು ತಲೆಮರೆಸಿಕೊಂಡಿದ್ದರು. ಅನೇಕ ದಿನದ ಕಾರ್ಯಾಚರಣೆ ನಂತರ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದರು. ಚನೈಯಲ್ಲಿ ಅಡಗಿದ್ದ ಆರೋಪಿಯನ್ನು ಬಂಧಿಸಿದ ಪೊಲೀಸರು ಆಶ್ರಯ ನೀಡಿದ ಇಬ್ಬರ ವಿರುದ್ಧವೂ ಕಾನೂನು ಕ್ರಮ ಜರುಗಿಸಿದ್ದರು. ಅದಾದ ನಂತರ ಚಿರಾಗ ಕೋಠಾರಕರ್ ಜಾಮೀನಿಗಾಗಿ ಅರ್ಜಿ ಸಲ್ಲಿಸಿದರೂ ನ್ಯಾಯಾಲಯ ಅದಕ್ಕೆ ಸಮ್ಮತಿ ನೀಡಲಿಲ್ಲ. ಸದ್ಯ ಮತ್ತೊಮ್ಮೆ ಜಾಮೀನಿಗಾಗಿ ಅರ್ಜಿ ಕೋರಲಾಗಿದ್ದು, ಅದನ್ನು ಕೋರ್ಟ ನಿರಾಕರಿಸಿದೆ. ಫೆ 10ರವರೆಗೂ ನ್ಯಾಯಾಲಯ ನ್ಯಾಯಾಂಗ ಬಂಧನಕ್ಕೆ ಆದೇಶಿಸಿದ್ದು, ಈ ದಇನ ಮತ್ತೆ ಜಾಮೀನು ಅರ್ಜಿಯನ್ನು ತಿರಸ್ಕರಿಸಿದೆ. ಈ ಪ್ರಕರಣದಲ್ಲಿ ಚಿರಾಗ್ ಹಾಗೂ ರಿಶೆಲ್ ಮೊಬೈಲ್‌ಗಳ ಎಫ್‌ಎಸ್‌ಎಲ್ ರಿಪೋರ್ಟ್ ಬರಲು ಬಾಕಿಯಿದೆ. ಇನ್ನು ರಿಶೆಲ್ ಮನೆಯವರು ಮಾಡಿರುವ ಅತ್ಯಾಚಾರ ಹಿನ್ನಲೆ ಮರು ಮರಣೋತ್ತರ ಪರೀಕ್ಷಾ ವರದಿಯೂ ಹೊರಬರಬೇಕಿದೆ. ಪ್ರಕರಣದ ಗಂಭೀರತೆ ಹಾಗೂ ಆರೋಪಿ ತಲೆಮರೆಸಿಕೊಂಡಿರುವುದನ್ನು ಗಮನಿಸಿದ ನ್ಯಾಯಾಧೀಶ ಪರಮೇಶ್ವರ ಪ್ರಸನ್ನ ಬಿ ಅವರು ಚಿರಾಗ್ ಕೋಠಾರಕರ್ ಅವರ ಜಾಮೀನು ನಿರಾಕರಿಸಿದ್ದಾರೆ. ಸರಕಾರದ ಪರವಾಗಿ ಪಬ್ಲಿಕ್ ಪ್ರಾಸಿಕ್ಯೂಟರ್ ತನುಜಾ ಹೊಸಪಟ್ಟಣ ಅವರು ವಾದಿಸಿ ಅರ್ಜಿ ತಿರಸ್ಕರಿಸುವಂತೆ ಮನವಿ ಮಾಡಿದ್ದು, ಅದಕ್ಕೆ ನ್ಯಾಯಾಲಯ ಮನ್ನಣೆ ನೀಡಿದೆ. ತನಿಖಾಧಿಕಾರಿ ಕದ್ರಾ ಪೊಲೀಸ್ ನಿರೀಕ್ಷಕ ಪ್ರಭಾಕರ್ ತನಿಖಾ ವರದಿಗಳನ್ನು ಸಲ್ಲಿಸಿದ್ದಾರೆ. ಕಾರವಾರ ಜಿಲ್ಲಾ ನ್ಯಾಯಾಲಯದಲ್ಲಿ ಜಾಮೀನು ಸಇಗದ ಕಾರಣ ಚಿರಾಗ ಹೈಕೋರ್ಟ ಮೊರೆ ಹೋಗುವ ಸಾಧ್ಯತೆಗಳಿವೆ.
- [ಬೈಕಿನಲ್ಲಿ ಕೂತು ತರಕಾರಿ ಖರೀದಿ: ಆಯತಪ್ಪಿ ಬಿದ್ದ ಮಹಿಳೆಯ ಮರಣ!](https://mobiletime.in/2026/02/woman-dies-after-falling-off-bike-while-buying-vegetables/): ಬೈಕಿನ ಹಿಂಬದಿ ಕುಳಿತು ತರಕಾರಿ ಖರೀದಿಸುತ್ತಿದ್ದ ಶಿರಸಿಯ ವಿಜಯಲಕ್ಷ್ಮೀ ಹೆಗಡೆ ಅವರು ಆಯತಪ್ಪಿ ನೆಲಕ್ಕೆ ಬಿದ್ದು ಸಾವನಪ್ಪಿದ್ದಾರೆ. ಶಿರಸಿ ಹಳೆ ಉಂಚಳ್ಳಿಯ ವಿಜಯಲಕ್ಷ್ಮೀ ಮಂಜುನಾಥ ಹೆಗಡೆ (71) ಅವರು ವಾಸವಾಗಿದ್ದರು. ಹಳೆ ಉಂಚಳ್ಳಿಯಲ್ಲಿ ಅವರು ಮನೆ ಕಟ್ಟಿಸುತ್ತಿದ್ದರು. ಆಗಾಗ ಸ್ಥಳಕ್ಕೆ ಭೇಟಿ ನೀಡಿ ಮನೆ ಕೆಲಸದ ಆಗು-ಹೋಗುಗಳನ್ನು ಅವರು ನೋಡಿಕೊಳ್ಳುತ್ತಿದ್ದರು. ಅದರಂತೆ ಫೆಬ್ರವರಿ 8ರಂದು ಸಹ ಅವರು ಮನೆ ಬಳಿ ಹೋಗಿದ್ದರು. ಅಲ್ಲಿಂದ ಉಂಚಳ್ಳಿಗೆ ಮರಳುವ ಸಿದ್ಧತೆಯಲ್ಲಿರುವಾಗ ವಾಸು ಮಡಿವಾಳ ಅವರು ಬೈಕಿನಲ್ಲಿ ಬರುವುದು ಕಾಣಿಸಿತು. ವಿಜಯಲಕ್ಷ್ಮೀ ಹೆಗಡೆ ಅವರು ವಾಸು ಮಡಿವಾಳ ಅವರ ಬೈಕಿಗೆ ಅಡ್ಡಲಾಗಿ ಕೈ ಮಾಡಿದರು. ವಾಸು ಮಡಿವಾಳ ಅವರು ಬೈಕು ನಿಲ್ಲಿಸಿದ್ದರಿಂದ ಅವರ ಬೈಕು ಏರಿದರು. ಹರೀಶಿ ಕ್ರಾಸಿನ ಬಳಿ ಫಾಮಿದಾ ಅವರ ಮನೆ ಎದುರು ತರಕಾರಿ ವ್ಯಾಪಾರ ನಡೆಯುತ್ತಿರುವುದನ್ನು ವಿಜಯಲಕ್ಷ್ಮೀ ಹೆಗಡೆ ಅವರು ನೋಡಿದರು. ಬೈಕಿನಲ್ಲಿ ಕುಳಿತು ತರಕಾರಿಪಡೆಯುತ್ತಿರುವಾಗ ವಿಜಯಲಕ್ಷ್ಮೀ ಹೆಗಡೆ ಅವರು ನೆಲಕ್ಕೆ ಬಿದ್ದರು. ಪರಿಣಾಮ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಯಿತು. ಹುಬ್ಬಳ್ಳಿಯ ಆಸ್ಪತ್ರೆಗೆ ಅವರನ್ನು ದಾಖಲಿಸಲಾಗಿದ್ದು, ನಂತರ ಶಿರಸಿಯ ಪಿಜಿ ಆಸ್ಪತ್ರೆಗೆ ಕರೆತರಲಾಯಿತು. ಆದರೆ, ದಾರಿ ಮಧ್ಯೆಯೇ ಅವರು ಕೊನೆಯುಸಿರೆಳೆದರು. ಬೆಂಗಳೂರಿನ ಕೆಂಗೇರಿಯಲ್ಲಿ ವಾಸವಾಗಿರುವ ಜಾನ್ವಿ ಸತೀಶ ಅಯ್ಯರ್ ಅವರು ತಾಯಿ ಸಾವಿನ ಬಗ್ಗೆ ಮಾಹಿತಿ ನೀಡಿದ್ದು, ಬನವಾಸಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ವ್ಯಾಪಾರಿ-ಚಾಲಕನ ಜೊತೆ ಶಿಕ್ಷಕನಿಗೂ ಜೂಜಾಟದ ಚಟ!](https://mobiletime.in/2026/02/along-with-the-businessman-driver-the-teacher-is-also-addicted-to-gambling/): ಶಿರಸಿಯ ವ್ಯಾಪಾರಿ, ಸಿದ್ದಾಪುರದ ಚಾಲಕನ ಜೊತೆ ಕುಮಟಾದ ಶಿಕ್ಷಕರೊಬ್ಬರು ಅಂದರ್ ಬಾಹರ್ ಆಟಕ್ಕೆ ಹೋಗಿ ಸಿಕ್ಕಿಬಿದ್ದಿದ್ದಾರೆ. ಮತ್ತಿಬ್ಬರು ಕೂಲಿ ಕಾರ್ಮಿಕರು ಈ ಆಟಕ್ಕೆ ಕೈ ಜೋಡಿಸಿದ್ದು, ಅವರು ಸಹ ಕಾನೂನು ಕ್ರಮಕ್ಕೆ ಒಳಗಾಗಿದ್ದಾರೆ. ಕುಮಟಾ ಮಿರ್ಜಾನಿನ ತಾರಿಬಾಗಿಲುವಿನ ಶಿಕ್ಷಕ ಶ್ರೀಕಾಂತ ಸೀತಾರಾಮ ಪಟಗಾರ ಅವರು ಇಸ್ಪಿಟ್ ಆಟದಲ್ಲಿ ತಲ್ಲೀನರಾಗಿರುವಾಗ ಕುಮಟಾ ಪಿಐ ಯೋಗೀಶ ಕೆ ಎಂ ಅವರು ದಾಳಿ ಮಾಡಿದ್ದಾರೆ. ಆ ವೇಳೆ ಸಿದ್ದಾಪುರದ ಹೊಸೂರಿನ ಕಾನಗೇರಿಯ ಚಾಲಕ ಸತೀಶ ಬೊಮ್ಮ ನಾಯ್ಕ, ಸಿದ್ದಾಪುರ ಹೆಗನೂರು ಅತ್ತಿಸೌಲು ಬಳಿಯ ಗೋಳಿಮಕ್ಕಿ ನರಹರಿ ಮಾಬ್ಲು ಗೌಡ, ಕುಮಟಾ ಸಂತೆಗುಳಿಯ ಡಿಯೋಗ ಸಂತಾನ ಅಲ್ಮೇಡಾ, ಕುಮಟಾ ನೆಹರು ನಗರ ಇಂಡಿಯನ್ ಗ್ಯಾಸ್ ಬಳಿಯ ಮಂಜುನಾಥ ನಾಗು ಗೌಡ ಹಾಗೂ ಶಿರಸಿ ಬನವಾಸಿ ಬಳಿಯ ಹುಸೇರಿಯ ವ್ಯಾಪಾರಿ ಕೃಷ್ಣಮೂರ್ತಿ ನಾಗರಾಜ ನಾಯ್ಕ ಅವರು ಅಲ್ಲಿ ಜೂಜಾಟದಲ್ಲಿ ನಿರತರಾಗಿರುವುದು ಗೊತ್ತಾಗಿದೆ. ಕುಮಟಾದ ಮೇದಿನಿ ಗ್ರಾಮದ ಅರಣ್ಯ ಪ್ರದೇಶದಲ್ಲಿ ಫೆಬ್ರವರಿ 9ರ ರಾತ್ರಿ ಭಾರೀ ಪ್ರಮಾಣದಲ್ಲಿ ಜೂಜಾಟ ನಡೆಯುತ್ತಿತ್ತು. ಈ ಬಗ್ಗೆ ಮಾಹಿತಿ ಅರೆಸಿ ಕುಮಟಾ ಪೊಲೀಸರು ಅಲ್ಲಿ ಹೋದರು. ಕಾಡಿನಲ್ಲಿ ಅವಿತಿದ್ದ ಎಲೆಮಾನವರಿಗಾಗಿ ಪೊಲೀಸರು ಶೋಧ ನಡೆಸಿದರು. ನಸುಕಿನ 4.45ರ ಅವಧಿಯಲ್ಲಿ ಈ ಆರು ಜನ ಪೊಲೀಸರ ಕಣ್ಣಿಗೆ ಬಿದ್ದರು. ಅವರು ಜೂಜಾಟಕ್ಕೆ ಬಳಸಿದ್ದ ಸಾಮಗ್ರಿಗಳನ್ನು ಪೊಲೀಸರು ಜಪ್ತು ಮಾಡಿದರು. ಆ ಕಾಡಿನಲ್ಲಿ ಸಿಕ್ಕ 27700ರೂ ಹಣವನ್ನು ವಶಕ್ಕೆಪಡೆದರು. ಇಸ್ಪಿಟ್ ಎಲೆ, ಪ್ಲಾಸ್ಟಿಕ್ ತಡಪಾಲ್, ಚಾರ್ಜಿಂಗ್ ಬಲ್ಪ್ ಸೇರಿ ಅಲ್ಲಿದ್ದ ವಸ್ತುಗಳನ್ನು ಜಪ್ತು ಮಾಡಿ, ಎಲೆಮಾನವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು. `ಜೂಜಾಟದಿಂದ ಜೀವನ ಹಾಳು’
- [ಕುಮಟಾದಲ್ಲಿ ಕಾಣಿಸಿದ ಕುಟು ಕುಡಿ ಮಂಡ!](https://mobiletime.in/2026/02/a-skunk-spotted-in-kumta/): ಕುಮಟಾ ಮೇದಿನಿಯ ಅನಂತೇಶ್ವರ ದೇವಾಲಯಕ್ಕೆ ಹೋಗುವ ರಸ್ತೆಯಲ್ಲಿ ಕುಟು ಕುಟಿ ಮಂಡ ಹಾಕಿದ್ದ ಮೂವರು ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಫೆಬ್ರವರಿ 9ರಂದು ಕುಮಟಾ ಪೊಲೀಸರು ಮೇದಿನಿ ಗ್ರಾಮದ ಬಳಿ ತೆರಳಿದ್ದು, ರಾತ್ರಿ ವೇಳೆ ಕಾಡಿನ ದಾರಿಯಲ್ಲಿ ಬೆಳಕು ಮೂಡಿರುವುದನ್ನು ನೋಡಿದ್ದಾರೆ. ಹತ್ತಿರ ಹೋಗಿ ನೋಡಿದಾಗ ಅಲ್ಲಿ ಬಗ್ಗೋಣದ ಸುಧಾಕರ ವೆಂಕಟ್ರಮಣ ನಾಯ್ಕ ಅವರು ಕುಟು ಕುಡಿ ಮಂಡ ಹಾಕಿ ಜೂಜಾಟ ಆಯೋಜಿಸಿರುವುದು ಗೊತ್ತಾಗಿದೆ. ಈ ವೇಳೆ ಅಪ್ಪೆಓಣಿ ಗೌಡರಕೊಪ್ಪದ ಆಟೋ ಚಾಲಕ ಮಂಜುನಾಥ ಗೊಯ್ದು ಗೌಡ ಹಾಗೂ ದಿವಗಿ ಮಣಕೋಣದ ಗ್ಯಾರೇಜ್ ಕಾರ್ಮಿಕ ಪರಮೇಶ್ವರ ಸುಕ್ರು ಗೌಡ ಸಹ ಆ ಆಟದಲ್ಲಿ ತಲ್ಲೀನರಾಗಿದನ್ನು ಪೊಲೀಸರು ನೋಡಿದ್ದಾರೆ. ಆ ಮೂವರು ಸೇರಿ ಸೂರ್ಯ, ಚಂದ್ರ, ಕಳಾವರ ಸೇರಿ ಬಗೆ ಬಗೆಯ ಚಿತ್ರದ ಮೇಲೆ ಹಣ ಹೂಡುವಂತೆ ಅವರೆಲ್ಲರೂ ಜನರಿಗೆ ಉತ್ತೇಜಿಸುತ್ತಿದ್ದು, ಜೂಜಾಟ ನಡೆಸುವುದು ಕಾನೂನುಬಾಹಿರ ಎಂಬ ಅರಿವಿದ್ದರೂ ಅದನ್ನು ಮುಂದುವರೆಸಿದ್ದಾರೆ. ಪೊಲೀಸರನ್ನು ನೋಡಿದ ತಕ್ಷಣ ಆ ಮೂವರು ಅಲ್ಲಿಂದ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದಾರೆ. ಅದಾಗಿಯೂ, ಪೊಲೀಸ್ ನಿರೀಕ್ಷಕ ಯೋಗೀಶ ಎಂ ಅವರನ್ನು ಅಡ್ಡಗಟ್ಟಿದ್ದಾರೆ. ಆ ಮೂವರ ಬಳಿಯಿದ್ದ 2500ರೂ ಹಣ, ಕುಟಿ ಕುಟಿ ಮಂಡಲದ ಪಟ್ಟಿ, ಬ್ಯಾಟರಿ, ಪ್ಲಾಸ್ಟಿಕ್ ಡಬ್ಬಿ ಹಾಗೂ ಥರ್ಮಕೋಲ್ ಬಳಸಿ ಮಾಡಿದ ಮೂರು ಗುಂಡುಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ನಂತರ ಅವರೆಲ್ಲರ ವಿರುದ್ಧವೂ ಪ್ರಕರಣ ದಾಖಲಿಸಿ ತನಿಖೆ ನಡೆಸಿದ್ದಾರೆ.
- [ಶಿರಸಿ ಜಾತ್ರೆ: ದೇವರ ಬಳಿ ಬೇದ-ಭಾವಕ್ಕೆ ಇಲ್ಲಿ ಅವಕಾಶವೇ ಇಲ್ಲ!](https://mobiletime.in/2026/02/sirsi-fair-there-is-no-room-for-discrimination-with-god/): ಶಿರಸಿ ಜಾತ್ರೆ ಅಂಗವಾಗಿ ನಡೆಯುವ ಹೊರಬೀಡಿನ ಪಲ್ಲಕ್ಕಿ ಉತ್ಸವದ ವೇಳೆ ಪ್ರಮುಖ ಸಮುದಾಯವೊಂದನ್ನು ಕೆಡೆಗಣಿಸಿದ ಬಗ್ಗೆ ಅಧಿಕಾರಿಗಳಿಗೆ ಅರ್ಜಿ ಸಲ್ಲಿಕೆಯಾಗಿದ್ದು, ಇದೇ ವಿಷಯ ಇಂದಿನ ಚರ್ಚೆಗೆ ಕಾರಣವಾಗಿದೆ. ಬೇದ-ಭಾವ ಮಾಡಿದ ಆರೋಪದ ವಿಷಯವಾಗಿ ಮಾರಿಕಾಂಬಾ ದೇಗುಲದಲ್ಲಿ ತುರ್ತು ಸಭೆ ನಡೆದಿದೆ. ಈ ಸಭೆಯಲ್ಲಿ `ಯಾವುದೇ ಬೇದ-ಭಾವ ನಡೆದಿಲ್ಲ’ ಎಂದು ದೇಗುಲ ಸಮಿತಿಯವರು ಹೇಳಿದ್ದು, ಆ ಬಗ್ಗೆ ಮನವರಿಕೆ ಮಾಡುವ ಪ್ರಯತ್ನವನ್ನು ಮಾಡಿದ್ದಾರೆ. `ಜಾತ್ರೆ ಹೊರಬೀಡಿನ ಪಲ್ಲಕ್ಕಿ ಉತ್ಸವದ ವೇಳೆ ಚಲುವಾದಿ ಸಮಾಜದ ಪಡಲಿಗಳನ್ನು ಕಡೆಗಣಿಸಲಾಗುತ್ತಿದೆ’ ಎಂದು ಪತ್ರವೊಂದು ಸಲ್ಲಿಕೆಯಾಗಿತ್ತು. ಮಾರಿಕಾಂಬಾ ದೇವಸ್ಥಾನದ ಸಭಾಂಗಣದಲ್ಲಿ ಆಡಳಿತ ಮಂಡಳಿಯವರು ಈ ವಿಷಯವಾಗಿ ಸಭೆ ನಡೆಸಿದರು. ಈ ಸಭೆಯಲ್ಲಿ ಅನೇಕರು ತಮ್ಮ ಅಭಿಪ್ರಾಯ ಮಂಡಿಸಿದರು. `ಪಡಲಗಿ ಇಡುವ ವೇಳೆ ಬೇಧ-ಭಾವ ಮಾಡುತ್ತಿದ್ದಾರೆ. ಅಲ್ಲದೇ, ಹಿಂದುಳಿದ ವರ್ಗದವರನ್ನು ಕಡೆಗಣಿಸುತ್ತಿದ್ದಾರೆ’ ಎಂದು ಆರೋಪಿಸಿ ಸಹಾಯಕ ಆಯುಕ್ತರಿಗೆ, ತಹಸೀಲ್ದಾರರಿಗೆ, ಸಮಾಜ ಕಲ್ಯಾಣ ಇಲಾಖೆಗೆ ಅರ್ಜಿ ಸಲ್ಲಿಕೆಯಾಗಿದ್ದು, ಆ ಎಲ್ಲಾ ಅಧಿಕಾರಿಗಳು ಸಭೆಗೆ ಆಗಮಿಸಿ ಸಮಸ್ಯೆ ಆಲಿಸಿದರು. `ಪಡಲಗಿ ವಿಷಯದಲ್ಲಿ ತಾರತಮ್ಯ ಕಾಣುತ್ತಿರುವುದರಿಂದ ನಮ್ಮ ಸಮಾಜದವರು ನನ್ನ ನಮನಕ್ಕೆ ತಂದರು. ಆ ವಿಷಯದ ಕುರಿತು ಸಂಬAಧಿಸಿದ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿ, ಇದನ್ನು ಸರಿಪಡಿಸುವಂತೆ ವಿನಂತಿಸಲಾಗಿದೆ. ಪಡಲಗಿಗಳನ್ನು ಕೆಳಗಿಟ್ಟು ಪೂಜೆ ಮಾಡುತ್ತಾರೆ. ಸಾಮೂಹಿಕವಾಗಿ ಪೂಜೆಗೆ ಅವಕಾಶ ನೀಡಬೇಕು’ ಎಂದು ಚಲುವಾದಿ ಸಮಾಜದ ಜಿಲ್ಲಾಧ್ಯಕ್ಷ ಮಾದೇವ ಚಲುವಾದಿ ಅವರು ಆಗ್ರಹಿಸಿದರು. `ಅನಾದಿಕಾಲದಿಂದಲೂ ದೇವಿ ಸೇವೆಯ ಮಾಡುತ್ತಿದ್ದೇವೆ. ಹಿಂದಿನ ಕಾಲದಲ್ಲಿ ತಾರತಮ್ಯ ಇದ್ದಿತ್ತು. ಅದು ಕಳೆದು ಎಷ್ಟೋ ದಶಕಗಳಾಗಿವೆ. ಜಾತಿ ಬೇಧ-ಭಾವ ಎಂದಿಗೂ ಕಂಡುಬAದಿಲ್ಲ. ಸುಮಾರು 35 ರಿಂದ 40 ಜಾತ್ರೆ ನೋಡಿದ್ದೇನೆ’ ಎಂದು ಅಲ್ಲಿದ್ದ ಶಾಂತವ್ವ ಅವರು ಹೇಳಿದರು. `ಜಾತ್ರೆ ಹೋರಬೀಡಿನ ವೇಳೆ ಸುಮಾರು 53ರಿಂದ 58 ಪಡಲಗಿಗಳು ಆಗುತ್ತದೆ. ಸ್ಥಳವಕಾಶ ಕಡಿಮೆ ಇದೆ. ಎಲ್ಲರೂ ಸಹಕಾರ ನೀಡಬೇಕು’ ಎಂದು ವಿಜಯ ನಾಡಿಗ್ ಅವರು ಮನವಿ ಮಾಡಿದರು. `ದೇವಸ್ಥಾನದ ಧಾರ್ಮಿ ಕಾರ್ಯಕ್ರಮಗಳು ನೆರವೇರಿಸುವ ವೇಳೆ ಬೇಧ-ಭಾವ ಮಾಡುವ ಪ್ರಶ್ನೆಯೇ ಇಲ್ಲ. ವಿಧಿ-ವಿಧಾನಗಳನ್ನು ಬದಲಾಯಿಸಲು ಸಾಧ್ಯವಿಲ್ಲ’ ಎಂದು ದೇಗುಲ ಮುಖ್ಯಸ್ಥರು ಸ್ಪಷ್ಠಪಡಿಸಿದರು. ಈ ಸಭೆಯಲ್ಲಿ ಬಾಬುದಾರರು, ಸಹಾಯಕರು ದೇವಸ್ಥಾನದ ವಿಧಿ-ವಿಧಾನಗಳನ್ನು ನೇರವೇರಿಸುವ ಮುಖ್ಯಸ್ಥರು ಅಭಿಪ್ರಾಯ ವ್ಯಕ್ತಪಡಿಸಿದರು. ಎಲ್ಲರ ವಿಷಯಗಳನ್ನು ಪರಿಗಣಿಸಿ, ಕಟ್ಟೆಯ ಮೇಲೆ ದೇವಸ್ಥಾನದ 4 ಪಡಲಗಿಗಳನ್ನು ಮಾತ್ರ ಇಡಲಾಗುತ್ತದೆ. ಉಳಿದ ಎಲ್ಲ ಪಡಲಿಗಿಯನ್ನು ಎದುರು ಇಡಲಾಗುತ್ತದೆ. ಈ ಕುರಿತು ಜಿಲ್ಲಾ ನ್ಯಾಯಾಧೀಶರಿಗೆ ಪತ್ರದ ಮೂಲಕ ಮಾಹಿತಿ ನೀಡುವ ಬಗ್ಗೆ ಸಭೆಯಲ್ಲಿ ನಿರ್ಧರಿಸಲಾಯಿತು. ಬಾಬುದಾರರ ಮುಖ್ಯಸ್ಥ ಜಗದೀಶ ಗೌಡ, ಮಾರಿಕಾಂಬಾ ದೇವಸ್ಥಾನದ ಅಧ್ಯಕ್ಷ ಆರ್ ಜಿ.ನಾಯ್ಕ ಅವರು ಮಾತನಾಡಿ `ಸಭೆಯಲ್ಲಿ ಕೈಗೊಂಡ ನಿರ್ಣಯಗಳನ್ನು ಜಿಲ್ಲಾ ನ್ಯಾಯಾಧೀಶರಿಗೆ ಕಳುಹಿಸಲಾಗುತ್ತದೆ. ಅವರಿಂದ ಬಂದ ಉತ್ತರ ತಿಳಿಸಲಾಗುತ್ತದೆ’ ಎಂದರು. ಸಭೆಯಲ್ಲಿ ದೇವಸ್ಥಾನದ ಆಡಳಿತ ಮಂಡಳಿ ಉಪಾಧ್ಯಕ್ಷ ಸುದೇಶ ಜೋಗಳೇಕರ, ಧರ್ಮದರ್ಶಿಗಳಾದ ಸುಧೀರ ಹಂದ್ರಾಳ, ಎಸ್.ಪಿ.ಶೆಟ್ಟಿ, ವತ್ಸಲಾ ಹೆಗಡೆ, ಸಹಾಯಕ ಆಯುಕ್ತ ಚಂದ್ರಶೇಖರ ಜಿ ಆರ್, ತಹಸೀಲ್ದಾರ ಪಟ್ಟರಾಜ ಗೌಡ, ಸಮಾಜ ಕಲ್ಯಾಣ ಇಲಾಖೆಯ ಅಧಿಕಾರಿಗಳು ಹಾಜರಿದ್ದು, ಅಹವಾಲು ಆಲಿಸಿದರು.
- [ಮೆಸೆಜ್ ಮಾಡಿದ ಮೋಸಗಾರ!](https://mobiletime.in/2026/02/the-scammer-who-sent-the-message/): ಮಹಿಳೆಯರ ಸ್ನೇಹ ಬೆಳೆಸಿ ಅವರ ಖಾಸಗಿ ಫೋಟೋಪಡೆದು ನಂತರ ಬೆದರಿಕೆ ಒಡ್ಡುತ್ತಿದ್ದ ವ್ಯಕ್ತಿಯನ್ನು ಭಟ್ಕಳ ಪೊಲೀಸರು ಬಂಧಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳ ಮೂಲಕ ಮಹಿಳೆಯರನ್ನು ಸಂಪರ್ಕಿಸುತ್ತಿದ್ದ ಹೊನ್ನಾವರದ ಮಹ್ಮದ್ ಯುಶಾ ನಂತರ ಅವರ ಸಲುಗೆ ಬೆಳೆಸಿ ಅಶ್ಲೀಲ ಸಂದೇಶ ರವಾನಿಸುತ್ತಿರುವುದು ಬೆಳಕಿಗೆ ಬಂದಿದೆ. ಹೊನ್ನಾವರದ ಮಂಕಿ ಬಳಿಯಿರುವ ಭಾಷಾ ಕಾಲೋನಿಯಲ್ಲಿ ಮಹ್ಮದ್ ಯುಶಾ ಮಹ್ಮದ್ ಸಾಯಿ ಅಬು ಮಹ್ಮದಾ (31) ಅವರು ವಾಸವಾಗಿದ್ದರು. ಫೇಸ್ಬುಕ್, ವಾಟ್ಸಪ್, ಇನಸ್ಟಾಗ್ರಾಂ ಸೇರಿ ವಿವಿಧ ಸಾಮಾಜಿಕ ಜಾಲತಾಣಗಳ ಮೂಲಕ ಅವರು ಮಹಿಳೆಯರ ಸ್ನೇಹ ಸಂಪಾದಿಸುತ್ತಿದ್ದರು. ಮಹಿಳೆಯರ ಅಂದ-ಚAದದ ಬಗ್ಗೆ ಹೊಗಳಿ ಅವರ ಸ್ನೇಹ ಸಂಪಾದಿಸುತ್ತಿದ್ದರು. ಅದಾದ ನಂತರ ತಮ್ಮ ಬಲೆಗೆ ಬಿದ್ದ ಮಹಿಳೆಯರ ಖಾಸಗಿ ಫೋಟೋಗಳನ್ನು ಪಡೆಯುತ್ತಿದ್ದರು. ನಂತರ ಅದೇ ಫೋಟೋಗಳನ್ನು ಬಳಸಿ ಬೆದರಿಸುತ್ತಿದ್ದರು. ಜಾಲತಾಣಗಳ ಮೂಲಕ ಮಹಿಳೆಯರಿಗೆ ಅಶ್ಲೀಲ ಮೆಸೆಜ್ ಮಾಡುತ್ತಿದ್ದರು. ಮಹ್ಮದ್ ಯುಶಾರ ವಿಕೃತ ಮನಸ್ಸಿಗೆ ಅನೇಕ ಮಹಿಳೆಯರು ನೊಂದಿದ್ದರು. ಭಟ್ಕಳದ ಮುಗ್ದುಂ ಕಾಲೋನಿಯ ಮಹಿಳೆಯೊಬ್ಬರಿಗೂ ಮಹ್ಮದ್ ಯುಶಾ ಕೆಟ್ಟ ಮೆಸೆಜ್ ಮಾಡಿದ್ದರು. ಮಹಿಳೆಯ ಮೊಬೈಲ್ ಸಂಖ್ಯೆ ಸಂಪಾದಿಸಿ ಸಲುಗೆ ಬೆಳೆಸಿಕೊಂಡಿದ್ದ ಮಹ್ಮದ್ ಯುಶಾ ಆ ಸಲುಗೆಯಿಂದಲೇ ಖಾಸಗಿ ಫೋಟೋ ಸಂಗ್ರಹಿಸಿದ್ದರು. ನಂತರ ಅದೇ ಫೋಟೋ ಬಳಸಿ ಬೆದರಿಕೆ ಒಡ್ಡಿದ್ದರು. ಕೆಟ್ಟ ಕೆಟ್ಟ ಮೆಸೆಜುಗಳನ್ನು ಮಾಡುತ್ತಿದ್ದರು. ಆ ಫೋಟೋಗಳನ್ನು ಎಲ್ಲಡೆ ವೈರಲ್ ಮಾಡುವುದಾಗಿಯೂ ಹೆದರಿಸಿದ್ದರು. ಈ ಬಗ್ಗೆ ಕಾರ್ಯಾಚರಣೆ ನಡೆಸಿದ ಪೊಲೀಸರು ಬೆಂಗಳೂರಿನಲ್ಲಿ ಅಡಗಿದ್ದ ಮಹ್ಮದ್ ಯುಶಾ ಅವರನ್ನು ಬಂಧಿಸಿದ್ದಾರೆ. ಆತನ ಬಳಿಯಿದ್ದ ಮೊಬೈಲ್ ಹಾಗೂ ಪೆನ್‌ಡ್ರವ್’ನ್ನು ವಶಕ್ಕೆಪಡೆದಿದ್ದಾರೆ. ಜಪ್ತಿಗೊಂಡ ವಸ್ತುಗಳನ್ನು ಎಫ್‌ಎಸ್‌ಎಲ್ ಪರೀಕ್ಷೆಗೆ ಕಳುಹಿಸಲಾಗಿದ್ದು, ವರದಿಗಾಗಿ ಪೊಲೀಸರು ಕಾಯುತ್ತಿದ್ದಾರೆ.
- [ವಿದ್ಯುತ್ ಆಘಾತ: ಪೇಂಟಿoಗ್ ಕೆಲಸಕ್ಕೆ ಬಂದವನ ಬದುಕು ಅಂತ್ಯ](https://mobiletime.in/2026/02/electric-shock-the-life-of-a-painter-who-came-to-work-ended/): ಶಿರಸಿಯ ಅಲ್ಬೇರ್ ಸ್ಕೂಲಿನಲ್ಲಿ ಪೇಂಟಿoಗ್ ಕೆಲಸ ಮುಗಿಸಿದ ಅಲ್ತಾಪ ಮೊಹ್ಮದ್ ಅವರು ಕೈ-ಕಾಲು ತೊಳೆಯುವ ವೇಳೆ ಕುಸಿದು ಬಿದ್ದು ಸಾವನಪ್ಪಿದ್ದಾರೆ. ಆ ಪ್ರದೇಶದಲ್ಲಿ ಅರೆಬರೆ ಸಂಪರ್ಕದ ವಿದ್ಯುತ್ ತಂತಿಗಳು ಬಿದ್ದಿದ್ದು, ವಿದ್ಯುತ್ ಸ್ಪರ್ಶದಿಂದ ಅವರು ಸಾವನಪ್ಪಿದ ಸಂಶಯಗಳಿವೆ. ಮoಗಳೂರಿನ ಪರಂಗಿಪೇಟೆಯ ಅಲ್ತಾಪ ಮೊಹ್ಮದ್ (31) ಅವರು ಪೇಂಟಿoಗ್ ಕೆಲಸಕ್ಕಾಗಿ ಶಿರಸಿಗೆ ಬಂದಿದ್ದರು. ಶಿರಸಿ ಹೆಲಿಪ್ಯಾಡ್ ಬ್ಯಾಣದ ಹತ್ತಿರವಿರುವ ಅಲ್ಬೇರ್ ಸ್ಕೂಲಿನಲ್ಲಿ ಅವರು ಪೇಂಟಿoಗ್ ಕೆಲಸಕ್ಕೆ ನಿಯೋಜನೆಯಾಗಿದ್ದರು. ಫೆಬ್ರವರಿ 7ರಂದು ಪೇಂಟಿoಗ್ ಕೆಲಸ ಮುಗಿಸಿದ ಅವರು ಕೈ-ಕಾಲು ತೊಳೆಯುವುದಕ್ಕಾಗಿ ನೀರಿರುವ ಸ್ಥಳಕ್ಕೆ ಹೋಗಿದ್ದರು. ಅಲ್ಲಿಯೇ ಕುಸಿದು ಬಿದ್ದರು. ಅಸ್ವಸ್ಥಗೊಂಡಿದ್ದ ಅಲ್ತಾಪ ಮಹ್ಮದ್ ಅವರನ್ನು ಆಸ್ಪತ್ರೆಗೆ ಕರೆತರಲಾಯಿತು. ಆದರೆ, ಅಷ್ಟರೊಳಗೆ ಅವರು ಸಾವನಪ್ಪಿರುವ ಬಗ್ಗೆ ವೈದ್ಯರು ಘೋಷಿಸಿದರು. ಅಲ್ತಾಪ ಮೊಹ್ಮದ್ ಅವರು ಕುಸಿದು ಬಿದ್ದ ಸ್ಥಳದಲ್ಲಿ ವಿದ್ಯುತ್ ಪರಿಕ್ಕರಗಳು ಬಿದ್ದಿರುವುದನ್ನು ಅವರ ಸಹೋದ್ಯೋಗಿ ಪಿ ಎಚ್ ಅಬ್ಬಾಸ್ ಅವರು ಗಮನಿಸಿದ್ದರು. ವಿದ್ಯುತ್ ಆಘಾತ ಅಥವಾ ಹೃದಯಘಾತದಿಂದ ಅವರು ಸಾವನಪ್ಪಿರುವ ಶಂಕೆವ್ಯಕ್ತಪಡಿಸಿದರು. ಈ ಬಗ್ಗೆ ತನಿಖೆಗಾಗಿ ಪಿ ಎಚ್ ಅಬ್ಬಾಸ್ ಅವರು ಪೊಲೀಸ್ ದೂರು ನೀಡಿದ್ದು, ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮಹಡಿ ಮೇಲೆ ಬೆಳೆದ ಹೂವು: ಪೂಜೆಗೆ ಹೋದವ ಸಾವು!](https://mobiletime.in/2026/02/a-flower-grew-on-the-floor-the-person-who-went-to-worship-died/): ದೇವರ ಪೂಜೆಗಾಗಿ ಹೂವು ಕೀಳುತ್ತಿದ್ದ ಕಾರವಾರದ ದೇವಪ್ಪ ಭಾನಾವಳಿಕರ್ ಅವರು ಮಹಡಿ ಮೇಲಿಂದ ಬಿದ್ದು ಸಾವನಪ್ಪಿದ್ದಾರೆ. ಕಾರವಾರದ ಕೋಡಿಭಾಗ ಸರ್ವೋದಯ ನಗರದಲ್ಲಿ ದೇವಪ್ಪ ಈರು ಭಾನಾವಳಿಕರ್ (77) ಅವರು ವಾಸವಾಗಿದ್ದರು. ಸರ್ಕಾರಿ ನೌಕರಿಯಲ್ಲಿದ್ದ ಅವರು ನಿವೃತ್ತಿ ನಂತರ ನೆಮ್ಮದಿಯ ಬದುಕು ಕಂಡಿಕೊoಡಿದ್ದರು. ಮನೆ ಮಹಡಿ ಮೇಲೆ ಅವರು ಹೂವಿನ ಗಿಡಗಳನ್ನು ಬೆಳೆದಿದ್ದರು. ನಿತ್ಯದ ಪೂಜೆಗಾಗಿ ಅವರು ಅಲ್ಲಿಂದಲೇ ಹೂವುಪಡೆಯುತ್ತಿದ್ದರು. ಫೆಬ್ರವರಿ 4ರಂದು ದೇವರ ಪೂಜೆಗಾಗಿ ಅವರು ಹೂವು ಕೀಳಲು ಮಹಡಿ ಮೇಲೆ ಹೋಗಿದ್ದರು. ಹೂವು ಕೀಳುವಾಗ ಮಹಡಿ ಮೇಲಿಂದ ಕೆಳಗೆ ಬಿದ್ದರು. ಕಾಲು ಜಾರಿ ಬಿದ್ದ ಪರಿಣಾಮ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ಕಾರವಾರ ಜಿಲ್ಲಾಸ್ಪತ್ರೆಗೆ ಅವರನ್ನು ದಾಖಲಿಸಿ, ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿನ ಎಜೆ ಆಸ್ಪತ್ರೆ ಕರೆದೊಯ್ಯಲಾಯಿತು. ಆಗ, ಅಲ್ಲಿನ ವೈದ್ಯರು `ತಲೆಯೊಳಗೆ ರಕ್ತ ಹೆಪ್ಪುಗಟ್ಟಿದೆ’ ಎಂಬ ವಿಷಯ ತಿಳಿಸಿದರು. `ಬಿಪಿ ಹಾಗೂ ಶುಗರ್ ಪ್ರಮಾಣ ಕಡಿಮೆ ಆಗಿದ್ದರಿಂದ ಚಿಕಿತ್ಸೆ ನೀಡುವುದು ಕಷ್ಟ’ ಎಂದು ಆಸ್ಪತ್ರೆಯವರು ಹೇಳಿದರು. ಹೀಗಾಗಿ ಫೆ 6ರಂದು ದೇವಪ್ಪ ಭಾನಾವಳಿಕರ್ ಅವರನ್ನು ಮತ್ತೆ ಕಾರವಾರ ಆಸ್ಪತ್ರೆಗೆ ಕರೆ ತರಲಾಯಿತು. ಫೆಬ್ರವರಿ 7ರಂದು ಅವರು ಸಾವನಪ್ಪಿದರು. ತಂದೆಯ ಸಾವಿನ ಬಗ್ಗೆ ನಿವೃತ್ತ ಸೈನಿಕ ನಾಗರಾಜ ಭಾನಾವಳಿಕರ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಕಾರವಾರ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು. `ಅಪಾಯಕಾರಿ ಸ್ಥಳಗಳಿಗೆ ಹೋಗಬೇಡಿ’
- [ಅಪಘಾತ: ಟೈಯರ್ ಪಂಚರ್ ಆಗಿ ಸಿಕ್ಕಿಬಿದ್ದ ಚಾಲಕ!](https://mobiletime.in/2026/02/accident-the-driver-was-caught-as-a-tire-puncturer/): ಜೊಯಿಡಾದ ರಾಮನಗರ-ಧಾರವಾಡ ಮಾರ್ಗದಲ್ಲಿ ಬುಲೇರೋ ಪಿಕಪ್ ಸ್ಕೂಟಿಗೆ ಗುದ್ದಿದೆ. ಪರಿಣಾಮ ಸ್ಕೂಟಿ ಹಿಂದೆ ಕೂತಿದ್ದ ಮಹಮದ್ ಇಜಾಜ್ ಅವರು ಸಾವನಪ್ಪಿದ್ದಾರೆ. ಅಪಘಾತದ ನಂತರ ಬುಲೆರೋ ಚಾಲಕ ಪರಾರಿಯಾಗಲು ಪ್ರಯತ್ನಿಸಿದ್ದು, ಬುಲೆರೋ ಟೈಯರ್ ಪಂಚರ್ ಆದ ಕಾರಣ ತಪ್ಪಿತಸ್ಥರು ಸಿಕ್ಕಿಬಿದ್ದಿದ್ದಾರೆ. ರಾಮನಗರ – ಧಾರವಾಡ ಮಾರ್ಗದಲ್ಲಿ ಈ ಅಪಘಾತ ನಡೆದಿದೆ. ಕೊಡಗೈ ಕ್ರಾಸ್ ಸಮೀಪ ರಾಮನಗರದಿಂದ ಹುಬ್ಬಳ್ಳಿ ಕಡೆಗೆ ತೆರಳುತ್ತಿದ್ದ ಬೊಲೆರೋ ಗೋವಾ ಕಡೆಗೆ ಸಾಗುತ್ತಿದ್ದ ಸ್ಕೂಟಿಗೆ ಡಿಕ್ಕಿ ಹೊಡೆದಿದೆ. ಅಪಘಾತದ ರಭಸಕ್ಕೆ ಸ್ಕೂಟಿಯ ಸಹ ಸವಾರರಾಗಿದ್ದ ಗೋವಾದ ಮೊಹಮ್ಮದ್ ಇಜಾಜ್ (18) ಅವರು ಸ್ಥಳದಲ್ಲಿಯೇ ಸಾವನಲ್ಲಿದ್ದಾರೆ. ಸ್ಕೂಟಿ ಓಡಿಸುತ್ತಿದ್ದ ಗೋವಾದ ಅಬ್ದುಲ್ ಲತೀಫ್ (22) ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಅವರನ್ನು 108 ಆಂಬುಲೆನ್ಸಿನ ಮೂಲಕ ಗೋವಾ ಆಸ್ಪತ್ರೆಗೆ ಸಾಗಿಸಲಾಗಿದೆ. ಅಪಘಾತದ ಬಳಿಕ ಬೊಲೆರೋ ಪಿಕಪ್ ಚಾಲಕ ಧಾರವಾಡದ ಕಡೆಗೆ ಪರಾರಿಯಾಗಲು ಯತ್ನಿಸಿದರು. ಕುಂಭಾರಡಾ ಸಮೀಪ ಬುಲೆರೋ ಟೈಯರ್ ಸ್ಪೋಟವಾಗಿ ಅವರು ಸಿಕ್ಕಿ ಬಿದ್ದರು. ಒಳ ದಾರಿಯಲ್ಲಿ ವಾಹನ ನಿಲ್ಲಿಸಿ ಟೈಯರ್ ಬದಲಿಸುತ್ತಿದ್ದ ವೇಳೆ ಪೊಲೀಸರು ಆರೋಪಿಯನ್ನು ವಶಕ್ಕೆಪಡೆದರು. ಸ್ಕೂಟಿ ಸವಾರರು ಉರುಸ್ ಕಾರ್ಯಕ್ರಮಕ್ಕಾಗಿ ಭಾನುವಾರ ಹುಲಗೂರಿಗೆ ಹೋಗಿದ್ದು, ಸೋಮವಾರ ಮರಳುವಾಗ ಅವಘಡ ನಡೆದಿದೆ. ಖಾನಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಇಂಡಿಕೇಟರ್ ಹಾಕದ ಸ್ಕೂಟಿ ಸವಾರ: ಕಾರಿನಲ್ಲಿದ್ದವರಿಂದ ಹೊಡೆದಾಟ!](https://mobiletime.in/2026/02/scooty-rider-who-didnt-use-indicator-fight-from-car-occupants/): ಸ್ಕೂಟಿ ಸವಾರ ಇಂಡಿಕೇಟರ್ ಹಾಕದೇ ಸ್ಕೂಟಿಯನ್ನು ಬಲಕ್ಕೆ ತಿರುಗಿಸಿದ ಕಾರಣ ಹೊನ್ನಾವರದ ಕಾಸರಕೋಡು ಟೊಂಕಾದ ಬಳಿ ಹೊಡೆದಾಟ ನಡೆದಿದೆ. ಕಾರಿನಲ್ಲಿದ್ದ ಕೆಲವರು ಸ್ಕೂಟಿ ಸವಾರನ ಜೊತೆ ವಾಗ್ವಾದ ನಡೆಸಿದ್ದು, ಇದೇ ವಿಷಯ ದೊಡ್ಡದಾಗಿ ಹೊಡೆದಾಟಕ್ಕೆ ಕಾರಣವಾಗಿದೆ. ಫೆಬ್ರವರಿ 8ರಂದು ಕಾಸರಕೋಡು ಟೊಂಕಾದ ಬಳಿ ಈ ಹೊಡೆದಾಟ ನಡೆದಿದೆ. ಪೊಲೀಸ್ ಸಿಬ್ಬಂದಿ ರವಿ ಹನುಮಂತ ನಾಯ್ಕ ಅವರು ಈ ಹೊಡೆದಾಟ ನೋಡಿದ್ದಾರೆ. ಹೊಡೆದಾಟ ತಪ್ಪಿಸುವ ಪ್ರಯತ್ನ ಮಾಡಿದರೂ ಅದು ಸಾಧ್ಯವಾಗಿಲ್ಲ. ಸಾರ್ವಜನಿಕ ಪ್ರದೇಶದಲ್ಲಿ ಹೊಡೆದಾಟ ನಡೆಸಿದವರ ವಿರುದ್ಧ ಅವರು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಶಿರಾಲಿ ಚಿತ್ರಾಪುರದ ಚಾಲಕ ರಾಘವೇಂದ್ರ ರಾಮಚಂದ್ರ ನಾಯ್ಕ ಹಾಗೂ ಕಾಸರಕೋಡು ಟೊಂಕಾದ ಕ್ಯಾಟರಿಂಗ್ ಕೆಲಸ ಮಾಡುವ ಮಹಮದ್ ಜುನೈದ್ ಬಾಬುಲ್ ಸಾಬ್, ಪೈಯಾಜ್ ಅಬುಕರ್ ಸಯ್ಯದ್, ಸುಲೇಮಾನ್ ಹಸನ್ ಸಾಬ್, ಜೊತೆಗೆ ಮೂರು ಜನ ಇಲ್ಲಿ ಪರಸ್ಪರ ಕೈ ಕೈ ಮಿಲಾಯಿಸಿಕೊಂಡವರಾಗಿದ್ದಾರೆ. ಸ್ಕೂಟಿ ಸವಾರ ಹಾಗೂ ಕಾರಿನಲ್ಲಿದ್ದವರ ನಡುವೆ ನಡೆದ ಹೊಡೆದಾಟಕ್ಕೆ ಮತ್ತೆ ಮೂವರು ಕೈ ಜೋಡಿಸಿದ್ದಾರೆ. ಇದರಿಂದ ಸ್ಥಳದಲ್ಲಿ ಗೊಂದಲ ವಾತಾವರಣ ಸೃಷ್ಠಿಯಾಗಿದ್ದು, ಜನರು ಆತಂಕಕ್ಕೆ ಒಳಗಾಗಿದ್ದರು. ಪೊಲೀಸ್ ಸಿಬ್ಬಂದಿ ರವಿ ನಾಯ್ಕ ಅವರು ಹೊಡೆದಾಟದಲ್ಲಿ ಭಾಗವಹಿಸಿದ ಎಲ್ಲರ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ. ಅವರೆಲ್ಲರ ಹೆಸರು ಸೇರಿಸಿ ಪೊಲೀಸ್ ಪ್ರಕರಣವನ್ನು ದಾಖಲಿಸಿದ್ದಾರೆ.  
- [`ಸುಯೋಗಾಶ್ರಮದಲ್ಲಿ ಸ್ಕೋಡ್‌ವೆಸ್ ಸೇವೆ'](https://mobiletime.in/2026/02/skodves-service-at-suyoga-ashram/): `ಹಿರಿಯರ ಸೇವೆ ದೇವರ ಪೂಜೆಗೆ ಸಮ’ ಎಂದು ಶಿರಸಿ ಉಪವಿಭಾಗೀಯ ದಂಡಾಧಿಕಾರಿ ಚಂದ್ರಶೇಖರ್ ಆರ್ ಜಿ ಅವರು ಹೇಳಿದ್ದಾರೆ. ಧಾರವಾಡದ ಹಿರಿಯ ನಾಗರಿಕರ ಕ್ಷೇಮಾಭಿವೃದ್ಧಿ ಸಂಸ್ಥೆಯ ರಾಜ್ಯ ಉಪಾಧ್ಯಕ್ಷ ಎಸ್ ಎಸ್ ಭಟ್ ಲೋಕೇಶ್ವರ ಅವರ ಆಶಯದಂತೆ ಸ್ಕೋಡ್‌ವೆಸ್ ಸಹಯೋಗದಲ್ಲಿ ಸುಯೋಗಾಶ್ರಮದಲ್ಲಿ ಆಯೋಜಿಸಿದ್ದ `ಹೊದೆಯಲೊಂದು ರಗ್ಗು – ಕುಡಿಯಲೊಂದು ಮಗ್ಗು’ ಎಂಬ ಕಾರ್ಯಕ್ರಮದಲ್ಲಿ ಚಂದ್ರಶೇಖರ್ ಆರ್ ಜಿ ಅವರು ಭಾಗವಹಿಸಿದ್ದಾರೆ. ಕಾರ್ಯಕ್ರಮ ಉದ್ಘಾಟಿಸಿದ ಅವರು `ಆಧುನಿಕತೆಯ ಪೈಪೋಟಿಯಲ್ಲಿ ಪ್ರತಿಭೆಗಳು ಅವಕಾಶಗಳ ಬೆನ್ನತ್ತಿ ಹೋಗುತ್ತಿರುವುದರಿಂದ ಹಿರಿಯರ ಇಳಿ ವಯಸ್ಸಿನ ಸಮಸ್ಯೆಗಳಿಗೆ ವೃದ್ಧಾಶ್ರಮಗಳು ಮಾತ್ರ ಪರಿಹಾರ ಒದಗಿಸಬಲ್ಲದು. ಹೀಗಾಗಿ ವೃದ್ಧಾಶ್ರಮಗಳ ಬಲರ್ಧನೆಗೆ ಎಲ್ಲರೂ ಕೈ ಜೋಡಿಸಬೇಕು’ ಎಂದು ಕರೆ ನೀಡಿದ್ದಾರೆ. ಸ್ಕೋಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಈ ವೇಳೆ ಸೋಲಾರ್ ದೀಪವನ್ನು ಉದ್ಘಾಟಿಸಿದ್ದಾರೆ. ನಂತರ ಮಾತನಾಡಿದ ಅವರು ಪರಿಸರ ಸ್ನೇಹಿ ಹಾಗೂ ನವೀಕರಿಸಬಹುದಾದ ಇಂಧನ ಬಳಕೆಯ ಮಹತ್ವವನ್ನು ವಿವರಿಸಿದ್ದಾರೆ. ಎಸ್. ಎಸ್. ಭಟ್ಟ ಲೋಕೇಶ್ವರ ಅವರ ಸಾಮಾಜಿಕ ಸೇವಾ ಕಾರ್ಯಗಳನ್ನು ಈ ಸಭೆ ಸ್ಮರಿಸಿದ್ದು, `ಅವರ ಇಂಥ ಪ್ರಯತ್ನಗಳು ಇತರರಿಗೆ ಮಾದರಿಯಾಗಲಿ’ ಎಂದು ಸಭೆಯಲ್ಲಿದ್ದವರು ಆಶಿಸಿದರು. ಸ್ಕೋಡ್‌ವೆಸ್ ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿ, ಯಡಳ್ಳಿ ಕಾಲೇಜಿನ ಶಿಕ್ಷಣ ಸಮಿತಿ ಅಧ್ಯಕ್ಷರಾದ ಆರ್ ವಿ ಹೆಗಡೆ ಮತ್ತು ಸುಯೋಗಾಶ್ರಮದ ಮುಖ್ಯಸ್ಥರಾದ ಲತಿಕಾ ಭಟ್ ಕಾರ್ಯಕ್ರಮದಲ್ಲಿದ್ದರು. ಸ್ಕೋಡ್‌ವೆಸ್ ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ತಮ್ಮ ಜವಾಬ್ದಾರಿ ನಿಭಾಯಿಸಿದ್ದು, ಸುಯೋಗಾಶ್ರಮದ ಎಲ್ಲಾ ಹಿರಿಯ ಚೇತನರಿಗೆ ಉಚಿತವಾಗಿ ರಗ್ಗು ಮತ್ತು ಮಗ್ಗುಗಳನ್ನು ವಿತರಿಸಲಾಯಿತು.
- [ಅಪಘಾತ: ಬೈಕಿನಿಂದ ಬಿದ್ದ ಯುವಕ ಸಾವು](https://mobiletime.in/2026/02/accident-young-man-dies-after-falling-from-bike/): ಯಲ್ಲಾಪುರದ ಸವಣಗೇರಿಯ ಭಾಸ್ಕರ ಮರಾಠಿ ಅವರು ಮನೆಯಲ್ಲಿ ಮಲಗಿದ್ದಾಗ ಜೋರಾಗಿ ಸದ್ದು ಕೇಳಿಸಿದೆ. ಹೊರಗೆ ಬಂದು ನೋಡಿದ ಅವರಿಗೆ ವಿಠ್ಠಲ ನಾಯ್ಕ ಅವರು ರಕ್ತದ ಮಡುವಿನಲ್ಲಿ ನರಳಾಡುತ್ತಿರುವುದು ಕಾಣಿಸಿದೆ. ವಿಠ್ಠಲ ನಾಯ್ಕ ಅವರನ್ನು ಆಸ್ಪತ್ರೆಗೆ ಸಾಗಿಸಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಯಲ್ಲಾಪುರದ ಸವಣಗೇರಿ ಬಳಿಯ ಬೆಳಸೂರು ಕ್ರಾಸಿನ ಬಳಿ ವಿಠ್ಠಲ ದಶರಥ ನಾಯ್ಕ (26)ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಅವರು ಕುಟುಂಬ ನೋಡಿಕೊಳ್ಳುತ್ತಿದ್ದರು. ಫೆಬ್ರವರಿ 8ರಂದು ವಿಠ್ಠಲ ನಾಯ್ಕ ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಅದೇ ವೇಳೆ ಸವಣಗೇರಿಯ ಚಾಲಕ ಭಾಸ್ಕರ ನಾಗೇಶ ಮರಾಠಿ ಅವರು ಮನೆಯಲ್ಲಿ ಮಲಗಿದ್ದರು. ಭಾಸ್ಕರ ಮರಾಠಿ ಅವರಿಗೆ ದೊಡ್ಡದಾಗಿ ಶಬ್ದವೊಂದು ಕೇಳಿದ್ದು, ನಿದ್ದೆಯಿಂದ ಎದ್ದ ಭಾಸ್ಕರ್ ಮರಾಠಿ ಅವರು ಮನೆಯಿಂದ ಹೊರಗೆ ಬಂದರು. ಆ ವೇಳೆ, ವಿಠ್ಠಲ ಮರಾಠಿ ಅವರು ರಕ್ತದ ಮಡುವಿನಲ್ಲಿ ಬಿದ್ದಿದ್ದರು. ಇದನ್ನು ನೋಡಿದ ಭಾಸ್ಕರ ಮರಾಠಿ ಅವರು ತಕ್ಷಣ ಮಂಜುನಾಥ ಕೇಶವ ನಾಯ್ಕ ಅವರಿಗೆ ಫೋನ್ ಮಾಡಿದರು. ಮಂಜುನಾಥ ನಾಯ್ಕ ಅವರು 108ಗೆ ಫೋನ್ ಮಾಡಿದ್ದು, ಆಂಬುಲೆನ್ಸ ಮೂಲಕ ವಿಠ್ಠಲ ನಾಯ್ಕ ಅವರನ್ನು ಆಸ್ಪತ್ರೆಗೆ ಸೇರಿಸಲಾಯಿತು. ಅಲ್ಲಿ ತಪಾಸಣೆ ನಡೆಸಿದ ವೈದ್ಯರು ವಿಠ್ಠಲ ನಾಯ್ಕ ಅವರು ಸಾವನಪ್ಪಿರುವುದನ್ನು ಘೋಷಿಸಿದರು. ಅಪರಿಚಿತ ವಾಹನಬಡಿದು ವಿಠ್ಠಲ ನಾಯ್ಕ ಅವರು ಬೈಕಿನಿಂದ ಬಿದ್ದ ಅನುಮಾನವ್ಯಕ್ತವಾಗಿದೆ. ಸದ್ಯ ವಿಠ್ಠಲ ನಾಯ್ಕ ಅವರ ದೇಹವನ್ನು ಶವಾಗಾರದಲ್ಲಿರಿಸಿದ್ದು, ಭಾಸ್ಕರ ಮರಾಠಿ ಅವರು ನೀಡಿದ ಮಾಹಿತಿ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಮದುವೆಗೆ ಹೆದರಿ ಮೊಬೈಲ್ ಮಾರಿದ: ಕಾರ್ಖಾನೆಯಲ್ಲಿ ಅಡಗಿದವ ಕುಟುಂಬ ಸೇರಿದ!](https://mobiletime.in/2026/02/fearing-marriage-he-sold-his-mobile-phone-the-man-who-hid-in-the-factory-was-reunited-with-his-family/): ಬಂಗಾರ ಖರೀದಿಸಲು ಕುಟುಂಬದ ಜೊತೆ ಭಟ್ಕಳಕ್ಕೆ ಬಂದಿದ್ದ ಕುಮಟಾದ ಮಧುಮಗ ಕಾಣೆಯಾಗಿದ್ದು, ಪೊಲೀಸರು ಹರಸಾಹಸದಿಂದ ಜಾಕೀರ ಬೇಗ್ ಅವರನ್ನು ಹುಡುಕಿದ್ದಾರೆ. ಮದುವೆಗಾಗಿ ಚಿನ್ನ ಖರೀದಿಸಿಲು ಹೋಗಿ ಕಣ್ಮರೆಯಾಗಿದ್ದ ಜಾಕೀರ ಬೇಗ್ ಸರಿ ಸುಮಾರು ಐದು ತಿಂಗಳ ನಂತರ ಪತ್ತೆಯಾಗಿದ್ದಾರೆ. ಕುಮಟಾದ ಜಾಕೀರ ಬೇಗ್ (33) ಅವರು ವಿದೇಶದಲ್ಲಿ ಕೆಲಸಕ್ಕಿದ್ದರು. ಊರಿಗೆ ಬಂದ ಅವರಿಗೆ ಮದುವೆ ಮಾಡಿಸುವ ಮಾತುಕತೆ ನಡೆದಿತ್ತು. ಮದುವೆಗಾಗಿ ಚಿನ್ನ ಖರೀದಿಸಲು ಅವರು ಭಟ್ಕಳಕ್ಕೆ ಹೋಗಿದ್ದರು. ಅಲ್ಲಿ ಮಸೀದಿಗೆ ಹೋಗಿ ಬರುವೆ ಎಂದು ಹೊರಟಿದ್ದ ಜಾಕೀರ್ ಬೇಗ್ ಕಾಣೆಯಾಗಿದ್ದರು. ಈ ಬಗ್ಗೆ ಪ್ರಕರಣ ದಾಖಲಿಸಿದ ಪೊಲೀಸರು ಎಲ್ಲಾ ಕಡೆ ಶೋಧ ನಡೆಸಿದ್ದರು. ಆದರೆ, ಕಾಣೆಯಾದ ಯುವಕನ ಸುಳಿವೇ ಸಿಕ್ಕಿರಲಿಲ್ಲ. ಅಕ್ಟೋಬರ್ 18ರಿಂದ ಜಾಕೀರ ಅವರಿಗಾಗಿ ಹುಡುಕಾಟ ನಡೆದಿದ್ದು, ಸಂಬAಧಿಕರು-ಪರಿಚಿತರ ಮನೆಯಲ್ಲಿ ಹುಡುಕಿದರೂ ಪ್ರಯೋಜನವಾಗಿರಲಿಲ್ಲ. ಮೊಬೈಲ್ ಸಹ ಸ್ವಿಚ್ ಆಫ್ ಆಗಿದ್ದರಿಂದ ಎಲ್ಲರೂ ಆತಂಕಕ್ಕೆ ಒಳಗಾಗಿದ್ದರು. ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ ತನಿಖೆ ಆರಂಭಿಸಿದ್ದ ಪೊಲೀಸರು ತಾಂತ್ರಿಕ ಜಾಡು ಹಿಡಿದಾಗ ಸಿಕ್ಕ ಸುಳಿವು ರೋಚಕವಾಗಿತ್ತು. ನಾಪತ್ತೆಯಾದ ಜಾಕೀರ ಅವರು ತಾವು ಬಳಸುತ್ತಿದ್ದ ಮೊಬೈಲ್ ಫೋನ್ ಮಾರಾಟ ಮಾಡಿರುವುದು ಗಮನಕ್ಕೆ ಬಂದಿತು. ಇದರ ಜಾಡು ಹಿಡಿದು ಹೊರಟ ಇನ್ಸಪೆಕ್ಟರ್ ದಿವಾಕರ್ ಪಿ ಎಂ ಹಾಗೂ ಪಿಸೈ ನವೀನ ನಾಯ್ಕ ನೇತೃತ್ವದ ವಿಶೇಷ ತಂಡ ತುಮಕೂರಿನಲ್ಲಿ ಶೋಧ ನಡೆಸಿದಾಗ ಅಲ್ಲಿನ ಪ್ಯಾಕ್ಟರಿಯೊಂದರಲ್ಲಿ ಜಾಕೀರ್ ಸಿಕ್ಕಿ ಬಿದ್ದರು. ಅಲ್ಲಿ ಕೆಲಸಕ್ಕೆ ಸೇರಿದ್ದ ಜಾಕೀರ್ ಅವರನ್ನು ಪೊಲೀಸರು ಕುಟುಂಬದವರಿಗೆ ಹಸ್ತಾಂತರಿಸಿದರು. ವಿದೇಶದಿಂದ ಮರಳಿ, ಮದುವೆ ಸಡಗರದಲ್ಲಿದ್ದ ಯುವಕ ದಿಢೀರ್ ಆಗಿ ಕಾರ್ಖಾನೆಯ ಕೂಲಿಯಾಳಾಗಿರುವದರ ಹಿಂದಿನ ರಹಸ್ಯ ಗೊತ್ತಾಗಿಲ್ಲ.
- [ನೊಂದವರಿಗೆ ನ್ಯಾಯ ಕೊಡಿಸುವ ಸರ್ಕಾರಿ ಅಭಿಯೋಜಕ](https://mobiletime.in/2026/02/a-government-prosecutor-who-brings-justice-to-the-aggrieved/): ಕಳೆದ ಐದು ವರ್ಷದ ಅವಧಿಯಲ್ಲಿ ಶಿರಸಿ ನ್ಯಾಯಾಲಯ 50ಕ್ಕೂ ಅಧಿಕ ಪ್ರಕರಣದಲ್ಲಿ ಶಿಕ್ಷೆ ಪ್ರಕಟಿಸಿದೆ. ತಪ್ಪು ಮಾಡಿದವರಿಗೆ ಶಿಕ್ಷೆ ಕೊಡಿಸುವಲ್ಲಿ ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಪ್ರಮುಖ ಪಾತ್ರ ನಿಭಾಯಿಸಿದ್ದಾರೆ. ಮುಂಡಗೋಡಿನ ಜನಮೆಚ್ಚಿದ ಶಿಕ್ಷಕ ಎಂ ಎಫ್ ಮಳಗಿಕರ್ ಅವರ ಪುತ್ರರಾಗಿರುವ ರಾಜೇಶ ಮಳಗಿಕರ್ ಅವರಿಗೆ ಉಪನ್ಯಾಸಕರಾಗಬೇಕು ಎಂಬ ಕನಸಿತ್ತು. ತಂದೆ ಮರಣದ ನಂತರ ದೂರದ ಊರಿನ ಶಿಕ್ಷಣ ಅವರಿಗೆ ಸವಾಲಾಯಿತು. ಹೀಗಾಗಿ ಶಿರಸಿಯಲ್ಲಿ ರಾಜೇಶ ಮಳಗಿಕರ್ ಅವರು ಕಾನೂನು ಪದವಿ ಪೂರೈಸಿದ್ದು, ಅದಾದ ನಂತರ ಹಾವೇರಿಯ ಹಾನಗಲ್’ಗೆ ಹೋಗಿ ವಕೀಲ ವೃತ್ತಿ ಜೀವನ ಶುರು ಮಾಡಿದರು. ಅದಾದ ನಂತರ ಅಲ್ಲಿನ ಕಾನೂನು ಸೇವಾ ಸಮಿತಿ ಸದಸ್ಯರಾಗಿ ನೇಮಕವಾದರು. ನೊಂದವರಿಗೆ ನೆರವು ನೀಡುವ ಅವರ ಜನಪರ ನಿಲುವು ಕಕ್ಷಿದಾರರನ್ನು ಆಕರ್ಷಿಸಿತು. ತಾಳ್ಮೆಯಿಂದ ಸಮಸ್ಯೆ ಆಲಿಸಿ ಅದಕ್ಕೆ ಪರಿಹಾರ ಒದಿಗಿಸಿಕೊಡುವ ಮಾರ್ಗವೂ ರಾಜೇಶ ಮಳಗಿಕರ್ ಅವರನ್ನು ಮುನ್ನಡೆಸಿತು. ವಕೀಲ ವೃತ್ತಿ ಶುರು ಮಾಡಿದ ಕೆಲವೇ ವರ್ಷಗಳಲ್ಲಿ ರಾಜೇಶ ಮಳಗಿಕರ್ ಅವರು ಪ್ರಸಿದ್ಧಿಪಡೆದಿದ್ದರು. ತಮ್ಮ ಅನುಭವ, ಅಂತರಾಳದ ಕೌಶಲ್ಯ ಹಾಗೂ ತಪ್ಪಿತಸ್ಥರನ್ನು ತಕ್ಷಣ ಗುರುತಿಸುವ ಚಾಣಾಕ್ಷತನದಿಂದ ಅವರು ಹೆಸರು ಮಾಡಿದ್ದರು. ಈ ನಡುವೆ ಸರ್ಕಾರಿ ಅಭಿಯೊಜಕ ಹುದ್ದೆಗೆ ಅರ್ಜಿ ಕರೆಯಲಾಗಿದ್ದು, ತಮ್ಮ ಅದೃಷ್ಟ ಪರೀಕ್ಷೆಗಾಗಿ ರಾಜೇಶ ಮಳಗಿಕರ್ ಅವರು ಅರ್ಜಿ ಹಾಕಿದರು. ಲಿಖಿತ ಪರೀಕ್ಷೆ, ಸಂದರ್ಶನ ಎದುರಿಸಿದ ನಂತರ ರಾಜೇಶ ಮಳಗಿಕರ್ ಅವರ ಪ್ರತಿಭೆಗೆ ಸರ್ಕಾರ ವೇದಿಕೆ ಕಲ್ಪಿಸಿತು. ಧಾರವಾಡ, ಗದಗ, ಲಕ್ಷಿಶ್ವರ, ಕುಂದಗೋಳ, ಮಂಗಳೂರು ಹಾಗೂ ಬೆಂಗಳೂರಿನಲ್ಲಿ ಸರ್ಕಾರಿ ಅಭಿಯೋಜಕರಾಗಿ ಸೇವೆ ಸಲ್ಲಿಸಿದ ನಂತರ ರಾಜೇಶ ಮಳಗಿಕರ್ ಅವರು ಶಿರಸಿಗೆ ಬಂದರು. 2021ರಲ್ಲಿ ಶಿರಸಿ ನ್ಯಾಯಾಲಯದಲ್ಲಿ ಅವರು ಕರ್ತವ್ಯ ಶುರು ಮಾಡಿದ್ದು, ಈವರೆಗೆ 52 ಪ್ರಕರಣಗಳಲ್ಲಿ ಅವರು ಅಪರಾಧಿಗಳಿಗೆ ಶಿಕ್ಷೆ ವಿಧಿಸಿದ್ದಾರೆ. ರಾಜೇಶ ಮಳಗಿಕರ್ ಅವರಿಗೆ `ಉಪನ್ಯಾಸಕನಾಗಬೇಕು’ ಎಂಬ ಬಾಲ್ಯದ ಕನಸು ಹಾಗೇ ಇತ್ತು. ಹೀಗಾಗಿ ಸರ್ಕಾರಿ ಅಭಿಯೋಜಕರಾಗಿದ್ದ ಅವರು ಸರ್ಕಾರಿ ಅಧಿಕಾರಿಗಳಿಗೆ ಪಾಠ ಮಾಡಲು ಶುರು ಮಾಡಿದರು. ಶಾಲಾ-ಕಾಲೇಜುಗಳಿಗೆ ತೆರಳಿ ಕಾನೂನು ತಿಳುವಳಿಕೆ ಮೂಡಿಸುವ ಆಂದೋಲನ ನಡೆಸಿದರು. ಸರ್ಕಾರಿ ಸಿಬ್ಬಂದಿಗೆ ಅಗತ್ಯವಾಗಿ ಅನುಸರಿಸಬೇಕಾದ ನೀತಿ-ನಿಯಮಗಳ ಬಗ್ಗೆ ಅವರು ಮಾಹಿತಿ ನೀಡಿದರು. ತಮ್ಮಲ್ಲಿರುವ ಕಾನೂನು ಜ್ಞಾನವನ್ನು ಉಪನ್ಯಾಸದ ಮೂಲಕ ಎಲ್ಲಾ ಕಡೆ ಪಸರಿಸುವ ಕಾಯಕ ನಡೆಸಿದರು. ನ್ಯಾಯಾಲಯದಲ್ಲಿಯೂ ಅಷ್ಟೇ, ನೇರವಾಗಿ ಸಾಕ್ಷಿ ಲಭ್ಯವಿಲ್ಲದಿದ್ದರೂ ಸಾಂದರ್ಭಿಕ ಸಾಕ್ಷಿ ಆಧಾರದಲ್ಲಿ ಅವರು ವಾದ ಮಾಡುತ್ತಾರೆ. ಉಪನ್ಯಾಸಕರ ಮಾದರಿಯಲ್ಲಿ ಸಾಕ್ಷಿಸಹಿತ ವಿವರಿಸಿ ಮನವರಿಕೆ ಮಾಡುತ್ತಿದ್ದಾರೆ. ಬೇರೆ ಬೇರೆ ನ್ಯಾಯಾಲಯದಲ್ಲಿನ ವಿಚಾರಣೆ ಹಾಗೂ ತೀರ್ಪುಗಳ ಬಗ್ಗೆ ಉಲ್ಲೇಖಿಸಿ ಅವರು ತಮ್ಮ ಕಕ್ಷಿದಾರರರಿಗೆ ನ್ಯಾಯ ಕೊಡಿಸುವ ಪ್ರಯತ್ನ ಮಾಡುತ್ತಾರೆ. ಸುಳ್ಳು ಸಾಕ್ಷಿ ಹೇಳಿದವರನ್ನು ಸಹ ರಾಜೇಶ ಮಳಗಿಕರ್ ಅವರು ಸುಮ್ಮನೆ ಬಿಟ್ಟಿಲ್ಲ. ಮೊದಲು ಅಪರಾಧ ಕೃತ್ಯ ನೋಡಿರುವುದಾಗಿ ಹೇಳಿಕೆ ನೀಡಿ, ನಂತರ ಹೇಳಿಕೆ ತಿರುಚಿದವರನ್ನು ಸಹ ಸುಧೀರ್ಘ ವಿಚಾರಣೆ ನಡೆಸಿ ಅವರಿಂದ ಸತ್ಯಾಂಶ ಬಾಯ್ಬಿಡಿಸಿದ ಅನೇಕ ಉದಾಹರಣೆಗಳಿವೆ. ಪ್ರತಿಕೂಲ ಸಾಕ್ಷಿ ನುಡಿದ 25ಕ್ಕೂ ಅಧಿಕ ಜನರ ವಿರುದ್ಧ ಪಾಟಿ ಸವಾಲು ಹಾಕಿ ಸತ್ಯ ಹೊರತಂದಿದ್ದಾರೆ. ರಾಜೇಶ ಮಳಗಿಕರ್ ಅವರು ಯಾವುದೇ ದೂರಾದರೂ ಮೊದಲು ಆ ದೂರಿನ ಸತ್ಯಾಸತ್ಯತೆ ಅರಿಯುತ್ತಾರೆ. ನಂತರ ಅದಕ್ಕೆ ಸಂಬAಧಿಸಿದ ದಾಖಲೆ ನೋಡಿ ವಾದ ಮಂಡಿಸುತ್ತಾರೆ. ಕೆಳ ನ್ಯಾಯಾಲಯದಲ್ಲಿ ನ್ಯಾಯ ಸಿಗದೇ ಇದ್ದರೆ ಮೇಲಿನ ನ್ಯಾಯಾಲಯಕ್ಕೆ ಮೇಲ್ಮನವಿ ಸಲ್ಲಿಸಿ ನೊಂದವರಿಗೆ ನ್ಯಾಯ ಕೊಡಿಸುತ್ತಿದ್ದಾರೆ. ಅತ್ಯಂತ ಕ್ಲಿಷ್ಟಕರ ಪ್ರಕರಣಗಳನ್ನು ಸಹ ನಿರಂತರ ಅಧ್ಯಯನ, ಸಮರ್ಥ ವಾದದಿಂದ ಅವರು ಗೆದ್ದಿದ್ದಾರೆ. ಸಾಕ್ಷಿ ಕೊರತೆ ಕಾರಣದಿಂದ ಶಿಕ್ಷೆಯಿಂದ ತಪ್ಪಿಸಿಕೊಳ್ಳುತ್ತಿದ್ದ ಆರೋಪಿಗಳನ್ನು ಸಹ ಸಾಂದರ್ಭಿಕ ಸಾಕ್ಷಿಗಳಲ್ಲಿ ಸಿಲುಕಿಸಿ ವಾದ ಮಾಡಿದ್ದಾರೆ. ದಾಂಡೇಲಿ ನ್ಯಾಯವಾದಿ ಅಜೀತ ನಾಯಕ ಹಾಗೂ ಅರಣ್ಯಾಧಿಕಾರಿ ಮಧನ ನಾಯಕ ಕೊಲೆ ಪ್ರಕರಣ, ಮುಂಡಗೋಡು ಟಿಬೇಟಿಯನ್ ಕ್ಯಾಂಪಿನ ದರೋಡೆ ಪ್ರಕರಣ, ಶ್ರೀಗಂಧ ಕಳ್ಳತನ ಪ್ರಕರಣ, ಹಳಿಯಾಳದ ಅರಣ್ಯ ವೀಕ್ಷಕನ ಕೊಲೆ ಪ್ರಕರಣ, ಸಿದ್ದಾಪುರದ ಹಿರೆಕೈ ಕೊಲೆ ಪ್ರಕರಣ, ಬಿಜೆಪಿ ಮುಖಂಡನ ಕೊಲೆ ಪ್ರಕರಣದಲ್ಲಿ ಎಸ್ ಡಿ ಪಿ ಐ ಬೆಂಬಲಿತರಿಗೆ ಶಿಕ್ಷೆ ಸೇರಿ ಉತ್ತರ ಕನ್ನಡ ಜಿಲ್ಲೆಯ 52 ಪ್ರಕರಣಗಳಲ್ಲಿ ಅವರು ತಪ್ಪಿತಸ್ಥರಿಗೆ ಶಿಕ್ಷೆ ಕೊಡಿಸಿದ್ದಾರೆ. ಅವರ ಈ ಪ್ರಾಮಾಣಿಕ ಸೇವೆಗೆ ಹತ್ತು-ಹಲವು ಪ್ರಶಸ್ತಿಗಳು ಸಿಕ್ಕಿವೆ.  
- [ಅತ್ತೆ-ಮಾವನ ಕಾಟಕ್ಕೆ ಸೊಸೆ ಸಾವು!](https://mobiletime.in/2026/02/daughter-in-law-dies-due-to-mother-in-laws-violence/): ಅಂಕೋಲಾದ ಹೊಸುರಿನ ನಯನಾ ಪ್ರಭು ಅವರು ಅತ್ತೆ ಮಾವನ ಕಾಟ ಸಹಿಸಲಾಗದೇ ಸಾವನಪ್ಪಿದ್ದಾರೆ. ಕಷ್ಟದ ಜೀವನ ನಡೆಸುತ್ತಿದ್ದ ನಯನಾ ಪ್ರಭು ಅವರಿಗೆ ಪತಿ ರಾಮಚಂದ್ರ ಪ್ರಭು ಅವರು ಸಹ ಬೆಂಬಲ ನೀಡಿಲ್ಲ. ಹೀಗಾಗಿ ಅವರು ವಿಷ ಸೇವಿಸಿ ಕೊನೆಯುಸಿರೆಳೆದಿದ್ದಾರೆ. ಯಲ್ಲಾಪುರ ತಾಲೂಕಿನ ಗುಳ್ಳಾಪುರದ ನಯನಾ ಲಕ್ಷಣ ಭಂಡಾರಿ ಅವರನ್ನು 13 ವರ್ಷಗಳ ಹಿಂದೆ ಅಂಕೋಲಾ ಹುಸೂರಿನ ರಾಮಚಂದ್ರ (ಕೃಷ್ಣ) ಪ್ರಭು ಅವರಿಗೆ ಮದುವೆ ಮಾಡಿಕೊಡಲಾಗಿತ್ತು. ಗುರುಹಿರಿಯರ ಸಮ್ಮುಖದಲ್ಲಿ ಅದ್ಧೂರಿಯಾಗಿ ಅವರಿಬ್ಬರು ಮದುವೆ ಆಗಿದ್ದರು. ಮದುವೆ ಆದ ನಂತರ ನಯನಾ ಭಂಡಾರಿ ಅವರು ನಯನಾ ಪ್ರಭು ಆಗಿ ಬದಲಾಗಿದ್ದು, ಗಂಡನ ಮನೆ ಪ್ರವೇಶಿಸಿದ ಹೊಸತರಲ್ಲಿ ಎಲ್ಲವೂ ಸರಿಯಾಗಿಯೇ ಇತ್ತು. ಆದರೆ, ಕ್ರಮೇಣ ನಯನಾ ಪ್ರಭು ಅವರನ್ನು ಅವರ ಅತ್ತೆ ತಾರಾ ಪ್ರಭು ಹಾಗೂ ಮಾವ ಮೋಹನ ಬಾಲಚಂದ್ರ ಪ್ರಭು ಅವರು ಹಿಂಸಿಸಲು ಶುರು ಮಾಡಿದ್ದರು. ರಾಮಚಂದ್ರ ಪ್ರಭು ಅವರು ಸಹ ಪತ್ನಿಯ ನೋವು ನೋಡಿ ಸುಮ್ಮನಿರುತ್ತಿದ್ದರು. ನಯನಾ ಪ್ರಭು ಅವರು ತಮಗಾದ ಹಿಂಸೆಯ ಬಗ್ಗೆ ತವರು ಮನೆಯಲ್ಲಿ ಹೇಳಿಕೊಂಡಿದ್ದು, ರಾಜಿ-ಪಂಚಾಯ್ತಿ ಮೂಲಕ ಆ ಸಮಸ್ಯೆ ಬಗೆಹರಿಸಲಾಗಿತ್ತು. ಆದರೆ, ಕೆಲ ಸಮಯದ ನಂತರ ಮತ್ತೆ ಅತ್ತೆ-ಮಾವನ ಕಾಟ ಜೋರಾಯಿತು. ನಯನಾ ಪ್ರಭು ಅವರು ಕೆಲಸಕ್ಕೆ ಹೋಗುತ್ತಿದ್ದು, ಅಲ್ಲಿಯೂ ಅತ್ತೆ-ಮಾವ ಆಗಮಿಸಿ ಕಡ್ಡಿ ಆಡಿಸುತ್ತಿದ್ದರು. ಹೀಗಾಗಿ ನಯನಾ ಪ್ರಭು ಅವರು ಕೆಲಸ ಕಳೆದುಕೊಳ್ಳಬೇಕಾಯಿತು. ಆರ್ಥಿಕವಾಗಿ ಕುಸಿತ ಕಂಡ ನಯನಾ ಪ್ರಭು ಅವರು ತಮ್ಮಲ್ಲಿದ್ದ ಚಿನ್ನಾಭರಣವನ್ನು ಬ್ಯಾಂಕಿನಲ್ಲಿರಿಸಿ ಹಣಪಡೆದಿದ್ದರು. ಆ ವೇಳೆ ಬ್ಯಾಂಕಿನಿAದ ಬಂದ ನೋಟಿಸ್ಸು ನಯನಾ ಪ್ರಭು ಅವರ ಅತ್ತೆ-ಮಾವನ ಕೈ ಸೇರಿತು. ಇದರಿಂದ ಕೆಂಡಾಮAಡಲರಾದ ಮೋಹನ ಪ್ರಭು ಹಾಗೂ ತಾರಾ ಪ್ರಭು ಅವರು `ನೀ ಬದುಕುವುದಕ್ಕಿಂತ ಸಾಯುವುದೇ ಒಳಿತು’ ಎಂದು ನಿಂದಿಸಿದರು. ಮಾನಸಿಕ ಆಘಾತಕ್ಕೆ ಒಳಗಾದ ನಯನಾ ಪ್ರಭು ಅವರು ಫೆಬ್ರವರಿ 20ರಂದು ವಿಷ ಸೇವಿಸಿದರು. ಸೊಸೆ ವಿಷ ಸೇವಿಸಿದನ್ನು ಅರಿತು ಗಲಿಬಿಲಿಗೊಂಡ ಮೋಹನ ಪ್ರಭು ಅವರು ಆಕೆಯನ್ನು ಮಾದನಗೇರಿ ಆಸ್ಪತ್ರೆಗೆ ಕರೆದೊಯ್ದರು. ಅಲ್ಲಿಂದ ಮುಂದೆ ಕುಮಟಾದ ಹೈಟೆಕ್ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿಯೂ ನಯನಾ ಪ್ರಭು ಅವರು ಚೇತರಿಸಿಕೊಳ್ಳದ ಕಾರಣ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಎಲ್ಲಾ ಬಗೆಯ ಚಿಕಿತ್ಸೆ ನೀಡಿದರೂ ನಯನಾ ಪ್ರಭು ಅವರು ಬದುಕಲಿಲ್ಲ. ಫೆಬ್ರವರಿ 22ರಂದು ಅವರು ಕೊನೆಯುಸಿರೆಳೆದರು. ಧರ್ಮಸ್ಥಳ ಸಂಘದಲ್ಲಿ ಯೋಜನಾಧಿಕಾರಿಯಾಗಿರುವ ನಾಗರಾಜ ಲಕ್ಷಣ ಭಂಡಾರಿ ಅವರಿಗೆ ತಂಗಿ ಸಾವಿಗೆ ಕಾರಣ ಯಾರು? ಎಂಬುದು ಗೊತ್ತಿತ್ತು. ಹೀಗಾಗಿ ಅವರು ಅಂಕೋಲಾ ಪೊಲೀಸ್ ಠಾಣೆಗೆ ಹೋಗಿ ನಯನಾ ಪ್ರಭು ಅವರ ಸಾವಿಗೆ ಅವರ ಅತ್ತೆ, ಮಾವ ಹಾಗೂ ಗಂಡನೇ ಕಾರಣ ಎಂದು ದೂರು ನೀಡಿದರು. ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ. `ಆತ್ಮಹತ್ಯೆ ಅಪರಾಧ’
- [ಮಹಿಳಾ ಮಣಿಗಳಿಂದ ಥಳಿತ: ಪುರುಷನ ಪೌರುಷಕ್ಕೆ ಆಘಾತ!](https://mobiletime.in/2026/02/beating-with-womens-beads-a-shock-to-a-mans-masculinity/): ದಾಂಡೇಲಿ ಸುಭಾಷ ನಗರದ ಹಾಲಿನ ಅಂಗಡಿ ಎದುರು ನಿಂತಿದ್ದ ನಾಗರಾಜ ಬಾದರದಿನ್ನಿ ಅವರಿಗೆ ಮಹಿಳೆಯರಿಬ್ಬರು ಹಿಗ್ಗಾಮುಗ್ಗ ಥಳಿಸಿದ್ದಾರೆ. ನಾಗರಾಜ ಬಾದರದಿನ್ನಿ ಅವರ ಮರ್ಮಾಂಗಕ್ಕೆ ಅವರಿಬ್ಬರು ಹೊಡೆದಿದ್ದು, ಈ ವೇಳೆ ನಾಗರಾಜ ಬಾದರದಿನ್ನಿ ಅವರು ನರಕ ಯಾಥನೆ ಅನುಭವಿಸಿದ್ದಾರೆ. ದಾಂಡೇಲಿಯ ಜಾಂಬೇಚಾಳ ಡಿಎಫ್‌ಎ ಗ್ರೌಂಡ್ ಹತ್ತಿರ ನಾಗರಾಜ ಹೊನ್ನಪ್ಪ ಬಾದರದಿನ್ನಿ ಅವರು ವಾಸವಾಗಿದ್ದಾರೆ. 38 ವರ್ಷದ ಅವರ ಮೇಲೆ ಗಾಂಧೀನಗರದ ಆಶ್ರಯ ಕಾಲೋನಿಯ ಬಸವ ದೇಗುಲದ ಬಳಿ ವಾಸಿಸುವ ಐರಿನ್ ಪ್ರಾನ್ಸಿಸ್ ಡಿಸೋಜಾ ಹಾಗೂ ಎಲಿಜಾ ಮಂಡಿಸ್ ಸೇರಿ ಆಕ್ರಮಣ ಮಾಡಿದ್ದಾರೆ. ಅವರಿಬ್ಬರು ಸೇರಿ ನಾಗರಾಜ ಬಾದರದಿನ್ನಿ ಅವರಿಗೆ ಚಪ್ಪಲಿಯಿಂದ ಹೊಡೆದು ಥಳಿಸಿದ್ದಾರೆ. ಅದಕ್ಕೂ ಮುನ್ನ `ನಿನ್ನ ಜೀವನವನ್ನು ಹಾಳು ಮಾಡುತ್ತೇವೆ’ ಎಂದು ಹೇಳಿ ಮರ್ಮಾಂಗಕ್ಕೆ ಒದ್ದಿದ್ದಾರೆ. ಫೆಬ್ರವರಿ 27ರ ಸಂಜೆ 7.30ರ ಆಸುಪಾಸಿನಲ್ಲಿ ಈ ಹೊಡೆದಾಟ ನಡೆದಿದೆ. `ಕೆಂಪು ಸ್ಕೂಟಿಯಲ್ಲಿ ಆಗಮಿಸಿದ ಅಮ್ಮ-ಮಗಳು ಏಕಾಏಕಿ ತಮ್ಮ ಮೇಲೆ ಆಕ್ರಮಣ ಮಾಡಿದ್ದಾರೆ. ಅವರ ವಿರುದ್ಧ ಕ್ರಮವಾಗಬೇಕು’ ಎಂದು ನಾಗರಾಜ ಬಾದರದಿನ್ನಿ ಅವರು ಅಳಲು ತೋಡಿಕೊಂಡಿದ್ದಾರೆ. `ನಿನ್ನ ಹೆಂಡತಿ ಬ್ಲಾಕ್ ಬ್ಯೂಟಿ, ಈಗಲೂ ವಕೀಲ ವೃತ್ತಿ ಮಾಡತ್ತಾಳ? ಎಂದು ಆ ಮಹಿಳೆಯರಿಬ್ಬರು ಪ್ರಶ್ನಿಸಿದ್ದು, ಅದಾದ ನಂತರ ದಾಳಿ ಮಾಡಿದ್ದಾರೆ’ ಎಂದವರು ಪೊಲೀಸರ ಬಳಿ ವಿವರಿಸಿದ್ದಾರೆ. ಚಪ್ಪಲಿಯಿಂದ ಹೊಡೆದಿರುವ ಬಗ್ಗೆಯೂ ಅವರು ವಿವರಿಸಿದ್ದಾರೆ. ಇದಕ್ಕೆ ಪ್ರತಿಯಾಗಿ ಐರಿನ್ ಪ್ರಾನ್ಸಿಸ್ ಡಿಸೋಜಾ ಅವರು ಸಹ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದು, ಆ ದಿನ ರಾತ್ರಿ ನಡೆದ ಘಟನಾವಳಿಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. ಸುಭಾಷನಗರದ ಚಿಕನ್ ಅಂಗಡಿ ಎದುರು ನಾಗರಾಜ ಬಾದರದಿನ್ನಿ ಅವರು ತಮ್ಮನ್ನು ಅಡ್ಡಗಟ್ಟಿ ಬೈದ ಬಗ್ಗೆ ಐರಿನ್ ಪ್ರಾನ್ಸಿಸ್ ಡಿಸೋಜಾ ಅವರು ದೂರಿದ್ದಾರೆ. ಎರಡು ಕಡೆಯವರ ಮಾತು ಆಲಿಸಿ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಶಿರಸಿ ಜಾತ್ರೆ: ಅನುದಿನವೂ ಅನ್ನದಾನ!](https://mobiletime.in/2026/02/sirsi-fair-food-distribution-every-day/): ಶಿರಸಿ ಮಾರಿಕಾಂಬಾ ದೇವಿ ದರ್ಶನಕ್ಕೆ ನಿತ್ಯ ಲಕ್ಷಾಂತರ ಜನ ಬರುತ್ತಿದ್ದು, ಹಸಿದ ಭಕ್ತರ ಹೊಟ್ಟೆ ತುಂಬಿಸುವ ಕೆಲಸ ಸದ್ದಿಲ್ಲದೇ ನಡೆಯುತ್ತಿದೆ. ಅತ್ಯಂತ ಶುಚಿ ಹಾಗೂ ಋಚಿಯಾಗಿ ಇಲ್ಲಿ ಊಟ ಬಡಿಸಲಾಗುತ್ತಿದೆ. ಶಿರಸಿಯ ಮಾರಿಗುಡಿ ಶಾಲಾ ಆವರಣದಲ್ಲಿ ಪ್ರತಿ ಜಾತ್ರೆಯಂತೆ ಈ ಜಾತ್ರೆಯಲ್ಲಿಯೂ ಭÀಕ್ತರಿಗೆ ಊಟದ ವ್ಯವಸ್ಥೆ ಮಾಡಲಾಗಿದೆ. ಬೇರೆ ಬೇರೆ ಊರುಗಳಿಂದ ಜಾತ್ರೆಗೆ ಬರುವ ಜನ ದೇವಿ ದರ್ಶನಪಡೆದು ಪ್ರಸಾದ ಭೋಜನ ಸ್ವೀಕರಿಸುತ್ತಿದ್ದಾರೆ. ಅಡಿಕೆ ಹಾಳೆಯಿಂದ ಸಿದ್ಧಪಡಿಸಿದ ತಾಟುಗಳನ್ನು ಊಟಕ್ಕೆ ಬಳಸಲಾಗುತ್ತಿದೆ. ನಿತ್ಯವೂ ಅನ್ನ ಸಾಂಬಾರ್ ಜೊತೆ ಪಾಯಿಸ, ಪಲ್ಯ, ಉಪ್ಪಿನಕಾಯಿಯನ್ನು ಭಕ್ತರಿಗೆ ಉಣಬಡಿಸಲಾಗುತ್ತಿದೆ. ಅಡುಗೆ ಕೆಲಸಕ್ಕಾಗಿ 30ಕ್ಕೂ ಅಧಿಕ ಬಾಣಸಿಗರು ನಿತ್ಯವೂ ಶ್ರಮಿಸುತ್ತಿದ್ದಾರೆ. 15ಕ್ಕೂ ಅಧಿಕ ಜನ ಅವರಿಗೆ ಸಹಾಯಕರಾಗಿ ಕೆಲಸ ಮಾಡುತ್ತಿದ್ದಾರೆ. ಊಟ ಬಡಿಸುವಿಕೆ, ಊಟಕ್ಕೆ ಕುಳಿತವರಿಗೆ ಕುಡಿಯುವ ನೀರಿನ ಪೂರೈಕೆ ಮಾಡಲು ನಿತ್ಯ 60ಕ್ಕೂ ಅಧಿಕ ಸ್ವಯಂ ಸೇವಕರು ಬರುತ್ತಿದ್ದಾರೆ. ಮಂಜುನಾಥ ಭಟ್ಟರು ಅಡುಗೆ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದು, ಪ್ರಶಾಂತ ರೇವಣಕರ್ ಅವರು ಊಟದ ವಿತರಣೆಯ ಜವಾಬ್ದಾರಿವಹಿಸಿಕೊಂಡಿದ್ದಾರೆ. ಇಲ್ಲಿ ಬರುವ ಭಕ್ತರಿಗೆ 6 ಪ್ರತ್ಯೇಕ ಕೌಂಟರ್‌ಗಳಲ್ಲಿ ಅನ್ನಪ್ರಸಾದ ವಿತರಿಸಲಾಗುತ್ತಿದೆ. ಶೋಭಾಯಾತ್ರೆಯ ದಿನ 15 ಸಾವಿರಕ್ಕೂ ಹೆಚ್ಚು ಭಕ್ತರು ಆಗಮಿಸಿ ಪ್ರಸಾದ ಸ್ವೀಕರಿಸಿದ್ದಾರೆ. ಅದಾದ ನಂತರವೂ ನಿತ್ಯ 12-13 ಸಾವಿರ ಜನ ಅನ್ನದಾನದಲ್ಲಿ ಭಾಗಿಯಾಗುತ್ತಿದ್ದಾರೆ. ಭಕ್ತರ ಸಂಖ್ಯೆಗೆ ಅನುಗುಣವಾಗಿ ಇಲ್ಲಿ ಊಟ ಸಿದ್ಧಪಡಿಸಲಾಗುತ್ತಿದೆ.
- [ಮನೆ ನಿರ್ಮಾಣ: ಗುತ್ತಿಗೆದಾರನಿಗೆ ಥಳಿತ!](https://mobiletime.in/2026/02/house-construction-contractor-beaten-up/): ಶಿರಸಿ ಮರಾಠಿಕೊಪ್ಪದಲ್ಲಿ ಮನೆ ನಿರ್ಮಾಣ ಮಾಡುತ್ತಿರುವ ಅಜಯ ಲಾಡನವರ್ ಅವರ ಮೇಲೆ ಆಕ್ರಮಣ ನಡೆದಿದೆ. ನಿರ್ಮಾಣ ಹಂತದ ಕಟ್ಟಡದೊಳಗೆ ನುಗ್ಗಿದ ನಾಲ್ವರು ಅವರಿಗೆ ನಿಂದಿಸಿದ್ದು, ಅವರಲ್ಲಿ ಒಬ್ಬರು ಅಜಯ ಲಾಡನವರ್ ಅವರಿಗೆ ಥಳಿಸಿದ್ದಾರೆ. ಶಿರಸಿಯ ಮರಾಠಿಕೊಪ್ಪದಲ್ಲಿ ಅಜಯ ಅರ್ಜುನ ಲಾಡನವರ್ ಅವರು ವಾಸವಾಗಿದ್ದಾರೆ. ಅವರು ಗುತ್ತಿಗೆದಾರರಾಗಿ ಕೆಲಸ ಮಾಡಿಕೊಂಡಿದ್ದಾರೆ. ಮರಾಠಿಕೊಪ್ಪದ ಸರ್ವೇ ನಂ 81/1ಅ ಕ್ಷೇತ್ರದಲ್ಲಿ ಅಜಯ ಲಾಡನವರ್ ಅವರು ಮನೆ ನಿರ್ಮಾಣದ ಕೆಲಸ ಶುರು ಮಾಡಿದ್ದಾರೆ. ಆದರೆ, ಈ ಜಾಗದ ವಿಷಯವಾಗಿ ಅದೇ ಊರಿನ ರವಿ ಹನುಮಂತ ಗೌಳಿ ಅವರು ತಕರಾರು ಸಲ್ಲಿಸಿದ್ದಾರೆ. ಆ ತಂಟೆ-ತಕರಾರಿಗೆ ಮಾನ್ಯತೇ ನೀಡದೇ ಅಜಯ ಲಾಡನವರ್ ಅವರು ಕಟ್ಟಡ ನಿರ್ಮಿಸಿದ್ದು ಹೊಡೆದಾಟಕ್ಕೆ ಕಾರಣವಾಗಿದೆ. ಸದ್ಯ ಅಜಯ ಲಾಡನವರ್ ಅವರು ಎರಡನೇ ಸ್ಲಾಬ್ ಪೂರ್ಣಗೊಳಿಸಿದ್ದು, ಆ ಅವಧಿಯಲ್ಲಿಯೂ ರವಿ ಗೌಳಿ ಅವರು ಅಡ್ಡಿ ಮಾಡಿದ್ದಾರೆ. ಫೆ 27ರಂದು ಕಟ್ಟಡ ನಿರ್ಮಾಣ ಸ್ಥಳಕ್ಕೆ ಆಗಮಿಸಿದ ರವಿ ಗೌಳಿ ಅವರು `ಈ ಜಾಗ ನನ್ನದು’ ಎಂದು ಬೊಬ್ಬೆ ಹೊಡೆದಿದ್ದಾರೆ. ಅವರ ಜೊತೆ ಆನಂದ ಹನುಮಂತ ಗೌಳಿ, ಮನೋಜ ಹನುಮಂತ ಗೌಳಿ ಹಾಗೂ ಸಚಿನ ಕೃಷ್ಣ ಗೌಳಿ ಅವರು ಅಲ್ಲಿಗೆ ಆಗಮಿಸಿ ಗಲಾಟೆ ಮಾಡಿದ್ದಾರೆ. ಈ ವೇಳೆ ರವಿ ಗೌಳಿ ಅವರು ಅಜಯ ಲಾಡನವರ್ ಅವರ ಮೇಲೆ ಕೈ ಮಾಡಿದ್ದಾರೆ. ಹೊಡೆದಾಟ ತಪ್ಪಿಸಲು ಬಂದ ಅಜಯ ಲಾಡನವರ್ ಅವರ ಪತ್ನಿ ಮಧುಶ್ರೀ ಅವರ ಮೈ ಮುಟ್ಟಿದ್ದಾರೆ. ನಂತರ ಆ ನಾಲ್ವರು ಸೇರಿ ಅಜಯ ಲಾಡನವರ್ ಅವರಿಗೆ ಬೆದರಿಕೆ ಹಾಕಿದ್ದು, ರಕ್ಷಣೆಗಾಗಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ.
- [ರೋಟರಿ ಸಹಯೋಗ-ಸ್ಕೋಡ್‌ವೆಸ್ ಸಾರಥ್ಯ: ಗುಡ್ಡಗಾಡು ಜನರಿಗೆ ಸೋಲಾರ್ ದೀಪ](https://mobiletime.in/2026/02/rotary-collaboration-skodves-leadership-solar-lamps-for-hill-people/): `ಸ್ಥಳೀಯ ಸಮುದಾಯಗಳ ಬಲವರ್ಧನೆಯಿಂದ ಪಶ್ಚಿಮ ಘಟ್ಟಗಳ ಉಳಿವು ಸಾಧ್ಯ’ ಎಂದು ರೋಟರಿ ಸಂಸ್ಥೆಯ ಅಂತರಾಷ್ಟ್ರೀಯ ನಿರ್ದೇಶಕ ಕೆ ಪಿ ನಾಗೇಶ ಅವರು ಹೇಳಿದ್ದಾರೆ. ಪಶ್ಚಿಮ ಘಟ್ಟಗಳ ಉಳಿವಿಗೆ ಅವಲಂಬಿತ ಸಮುದಾಯಗಳ ಬಲವರ್ಧನೆಗೆ ಯೋಜನೆಯ ಬಗ್ಗೆ ಅವರು ಮೆಚ್ಚುಗೆವ್ಯಕ್ತಪಡಿಸಿದ್ದಾರೆ. ಶಿರಸಿಯ ವಾನಳ್ಳಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಕಕ್ಕಳ್ಳಿ ಮತ್ತು ಮುಷ್ಕಿಯಲ್ಲಿ ನಡೆದ `ಮೂರು ಮತ್ತು ನಾಲ್ಕನೇ ಸೋಲಾರ್ ಗ್ರಾಮ’ ಯೋಜನೆ ಉದ್ಘಾಟಿಸಿದ ಅವರು ಸೌರದೀಪಗಳನ್ನು ವಿತರಿಸಿದರು. ಸ್ಕೊಡ್‌ವೆಸ್ ಸಂಸ್ಥೆ, ರೋಟರಿ ಬೆಂಗಳೂರು ಹೈಗ್ರೌಂಡ್ಸ್ ಮತ್ತು ರೋಟರಿ ಬೆಂಗಳೂರು ಗಂಧದಗುಡಿ ವಿಭಾಗದ ಸಹಯೋಗದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಅವರು ಭಾಗಿಯಾಗಿದ್ದು, `ಜಾಗತಿಕ ಮಟ್ಟದಲ್ಲಿ ಸಮಾಜದ ಅವಶ್ಯಕತೆಗಳಿಗೆ ಸ್ಪಂದಿಸುವ ಮೂಲಕ ರೋಟರಿ ಸಂಸ್ಥೆ ಸೇವೆಗೆ ಪರ್ಯಾಯ ಅರ್ಥ ಕಲ್ಪಿಸಿದೆ’ ಎಂದು ಬಣ್ಣಿಸಿದರು. `ಪಶ್ಚಿಮ ಘಟ್ಟಗಳು ಜಾಗತಿಕ ಮಟ್ಟದ ಮನ್ನಣೆಪಡೆದ ಪ್ರದೇಶಗಳಾಗಿದ್ದು, ಜಾಗತಿಕ ತಾಪಮಾನ ನಿರ್ವಹಣೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತಿವೆ. ಈ ಹಿನ್ನೆಲೆಯಲ್ಲಿ ಪಶ್ಚಿಮ ಘಟ್ಟಗಳ ಅವಲಂಬಿತ ಸಮುದಾಯಗಳ ಬಲವರ್ಧನೆಗೆ ರೋಟರಿ ಸಂಸ್ಥೆ ಕೈ ಜೋಡಿಸಿದೆ’ ಎಂದವರು ವಿವರಿಸಿದರು. `ಶಿಕ್ಷಣ, ಆರೋಗ್ಯ, ಕೃಷಿ, ಸ್ವಯಂ ಉದ್ಯೋಗ, ಮಹಿಳೆಯರ ಮತ್ತು ಮಕ್ಕಳ ಸಬಲೀಕರಣ, ಪರಿಸರ ಸಂರಕ್ಷಣೆ ಸೇರಿದಂತೆ ವಿವಿಧ ಗ್ರಾಮೀಣ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ನಡೆಸಲಾಗುತ್ತಿದೆ. ಇದಕ್ಕೆ ಸ್ಥಳೀಯವಾಗಿ ಪ್ರತಿಷ್ಠಿತ ಸ್ಕೊಡ್‌ವೆಸ್ ಸಂಸ್ಥೆ ಸಾಥ್ ನೀಡಿದೆ. ರೋಟರಿ ಸಂಸ್ಥೆ ಅಂತರರಾಷ್ಟಿçÃಯ ಮಟ್ಟದಲ್ಲಿ ಸೇವೆಗಾಗಿಯೇ ಸ್ಥಾಪನೆಯಾದ 1.2ಮಿಲಿಯನ್‌ಗೂ ಅಧಿಕ ಸದಸ್ಯರನ್ನು ಹೊಂದಿರುವ ಸರಿಸುಮಾರು 121 ವರ್ಷಗಳ ಇತಿಹಾಸ ಇರುವ ಅಂತರರಾಷ್ಟಿçÃಯ ಸಂಸ್ಥೆಯಾಗಿದ್ದು, ಸಮಾಜದ ಎಲ್ಲಾ ವಿಧದ ಸಮಸ್ಯೆಗಳಿಗೂ ಪರಿಹಾರ ಒದಗಿಸುವಲ್ಲಿ ಶ್ರಮಿಸುತ್ತಿದೆ’ ಎಂದು ವಿವರಿಸಿದರು. `ಸ್ಥಳೀಯ ಬೇಡಿಕೆ ಮತ್ತು ಅವಶ್ಯಕತೆಗಳನ್ನು ಪರಿಗಣಿಸಿ ಕಾರ್ಯಕ್ರಮಗಳನ್ನು ಆಯೋಜಿಸುವ ಮೂಲಕ ರೋಟರಿ ದೀರ್ಘಾವಧಿ ಪರಿಣಾಮದ ಯೋಜನೆಗಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿದೆ’ ಎಂದರು. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಮಾತನಾಡಿ `ಹಲವಾರು ಸಮಸ್ಯೆಗಳಿಗೆ ಉತ್ತರ ಕನ್ನಡ ಜಿಲ್ಲೆ ಇಂದಿಗೂ ಉತ್ತರ ಕಾಣದ ಜಿಲ್ಲೆಯಾಗಿಯೇ ಉಳಿದಿದೆ, ಸರ್ಕಾರ ಹಲವಾರು ಯೋಜನೆಗಳನ್ನು ರೂಪಿಸಿದ್ದರೂ ಸಹ ಅನುಷ್ಠಾನ ಕೊರತೆಯಲ್ಲಿ ನ್ಯೂನತೆಗಳು ಇರುವುದರಿಂದ ರೋಟರಿಯಂತಹ ಸಂಸ್ಥೆಗಳ ಸಹಾಯ ಅತ್ಯಗತ್ಯ’ ಎಂದರು. ರೋಟರಿ ಬೆಂಗಳೂರು ಹೈಗ್ರೌಂಡ್ಸ್ನ ನಿಕಟಪೂರ್ವ ಅಧ್ಯಕ್ಷ ಸನತ್ ಕುಮಾರ್, ಪ್ರಮುಖರಾದ ಕೆ ಸಿ ಜಯರಾಮ್, ಅಶ್ವಿನ್ ವಿ ಎಸ್, ಸಲಹೆಗಾರರಾದ ಜಯಪ್ರಕಾಶ, ಎಮ್. ಜಯರಾಮು, ದಿನಕರ, ರಾಜಶೇಖರ, ನಟರಾಜ ನಾಯ್ಕ, ಸುವರ್ಣ ಜಯರಾಮು, ಚಂದ್ರಶೇಖರ್ ಕೆ ಎ, ಶುಭಂ, ವಿಜಯರಾಜ್ ಸಿಸೋಡಿಯಾ, ಸುಂದರ್ ರಾಜ್ ಪಾತಿ, ಶ್ರೀಕಾಂತ್ ತಾಕೇಲ್, ಅರುಣ್ ಕುಮಾರ್ ಹಾಗೂ ವಾನಳ್ಳಿ ಪಂಚಾಯತ್‌ನ ಮಾಜಿ ಉಪಾಧ್ಯಕ್ಷ ಜಯರಾಮ್ ಹೆಗಡೆ ಕಾರ್ಯಕ್ರಮದಲ್ಲಿದ್ದರು. 150ಕ್ಕೂ ಹೆಚ್ಚಿನ ಮನೆಗಳಿಗೆ ಉಚಿತ ಸೌರ ದೀಪಗಳನ್ನು ವಿತರಿಸಲಾಯಿತು. ನಂತರದಲ್ಲಿ ಉಚಿತ ಆಟ-ಪಾಠೋಪಕರಣಗಳನ್ನು ವಿತರಿಸಲಾಯಿತು. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯಕ್ರಮಾಧಿಕಾರಿನಾರಾಯಣ ಹೆಗಡೆ ಕಾರ್ಯಕ್ರಮ ನಿರ್ವಹಿಸಿ, ಸ್ವಾಗತಿಸಿ, ಕೊನೆಯಲ್ಲಿ ವಂದಿಸಿದರು.
- [ಹಕ್ಕು ಸಿಗುವವರೆಗೂ ಹೋರಾಟ!](https://mobiletime.in/2026/02/fight-until-you-get-your-rights/): `ಅರಣ್ಯವಾಸಿಗಳಿಗೆ ಹಕ್ಕು ಪತ್ರ ಸಿಗುವವರೆಗೂ ಹೋರಾಟ ನಿಲ್ಲಿಸುವುದಿಲ್ಲ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಘೋಷಿಸಿದ್ದಾರೆ. `ಸರ್ಕಾರ ಅರಣ್ಯವಾಸಿಗಳನ್ನು ಒಕ್ಕಲೆಬ್ಬಿಸಲು ಎಂದಿಗೂ ಬಿಡುವುದಿಲ್ಲ’ ಎಂದವರು ಭರವಸೆ ನೀಡಿದ್ದಾರೆ. ಕಾರವಾರದ ಕದ್ರಾದಲ್ಲಿ ತಾಲೂಕು ಮಟ್ಟದ 5ನೇ ರೈತ ಸಮ್ಮೇಳನ ಉದ್ಘಾಟಿಸಿದ ಅವರು ಈ ಘೋಷಣೆ ಮಾಡಿದರು. `50 ವರ್ಷಗಳಿಂದ ಭೂಮಿ ಹಕ್ಕಿಗಾಗಿ ಹೋರಾಟ ನಡೆಯುತ್ತಿದೆ. ನಮ್ಮ ಹೋರಾಟದಿಂದಲೇ ಅರಣ್ಯ ಹಕ್ಕು ಕಾಯ್ದೆ ಜಾರಿಗೆ ಬಂದಿದ್ದು, ಕಾಯ್ದೆಯಲ್ಲಿ ತೊಂದರೆಯಿದ್ದರೆ ಅದನ್ನು ತಿದ್ದುಪಡಿ ಮಾಡಿ ಹಕ್ಕು ಪತ್ರ ನೀಡಬೇಕು. ಅದಕ್ಕಾಗಿ ಎಲ್ಲಾ ಬಗೆಯ ಹೋರಾಟಕ್ಕೂ ನಾವು ಸಿದ್ಧ’ ಎಂದು ಶಾಂತರಾಮ ನಾಯಕ ಅವರು ಆಕ್ರೋಶದ ಮಾತುಗಳನ್ನಾಡಿದ್ದಾರೆ. `ಅರಣ್ಯ ಭೂಮಿ ಹಕ್ಕಿಗಾಗಿ ಅರ್ಜಿ ಹಾಕಿದವರಿಗೆ ಅನಗತ್ಯ ಸಮಸ್ಯೆ ಮಾಡಲಾಗುತ್ತಿದೆ. ಇದೀಗ ಅಧಿಕಾರಿಗಳ ತಂಡ ಮತ್ತೆ ಪರಿಶೀಲನೆ ನೆಪದಲ್ಲಿ ಅಲೆದಾಡಿಸುತ್ತಿದೆ. ಜನಪ್ರತಿನಿಧಿಗಳಿಲ್ಲದ ಅವಧಿಯಲ್ಲಿ ಸಮೀಕ್ಷೆ ನಡೆಸಲಾಗುತ್ತಿದ್ದು, ಗ್ರಾಮ ಅರಣ್ಯ ಹಕ್ಕು ಸಮಿತಿಯನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳುತ್ತಿಲ್ಲ’ ಎಂದು ಆಕ್ಷೇಪಿಸಿದರು. `ಕಾರವಾರದಲ್ಲಿ 5 ಸಾವಿರದಷ್ಟು ಅರಣ್ಯವಾಸಿಗಳಿದ್ದು ಎಲ್ಲರೂ ಸಂಘಟಿತರಾಗಬೇಕು’ ಎಂದು ಕರೆ ನೀಡಿದರು. ಸಂಘಟನೆಯ ಜಿಲ್ಲಾ ಸಮಿತಿ ಕಾರ್ಯದರ್ಶಿ ಶ್ಯಾಮನಾಥ ನಾಯ್ಕ ಅವರು ಮಾತನಾಡಿ `ರೈತ ಮತ್ತು ಕೂಲಿಕಾರರ ಬೇಡಿಕೆಗಳಿಗಾಗಿ ತೀವ್ರ ಹೋರಾಟ ನಡೆಯುತ್ತಿದ್ದರೂ ಕೇಂದ್ರ ಹಾಗೂ ರಾಜ್ಯ ಸರ್ಕಾರ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ’ ಎಂದು ಆಕ್ಷೇಪಿಸಿದರು. ಉಳಗಾ-ಕೇರವಡಿ ನಡುವಿನ ಕಾಳಿ ನದಿ ಸೇತುವೆ ತುರ್ತಾಗಿ ಮುಗಿಸಲು ಆಗ್ರಹಿಸಿದರು. `ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ಮತ್ತು ನೌಕಾ ನೆಲೆಯಲ್ಲಿ ಸ್ಥಳೀಯರಿಗೆ ಖಾಯಂ ಉದ್ಯೋಗ ಕೋಡಬೇಕು. ಕದ್ರಾ ಆಣೆಕಟ್ಟು ನಿರಾಶ್ರಿತರಿಗೆ ಶಾಶ್ವ ಪುನರ್ವಸತಿ ಒದಗಿಸಬೇಕು’ ಎಂದು ಈ ಸಭೆಯಲ್ಲಿ ನಿರ್ಣಯ ಅಂಗೀಕರಿಸಲಾಯಿತು. ಈ ವೇಳೆ ಸಂಘಟನೆಯ ನೂತನ ಸಮಿತಿ ಆಯ್ಕೆ ನಡೆದಿದ್ದು ಅಧ್ಯಕ್ಷರಾಗಿ ಮೋಹಿನಿ ನಮಸೇಕರ, ಉಪಾಧ್ಯಕ್ಷರಾಗಿ ಉಲ್ಲಾಸ ತಳೇಕರ, ಭಾರತಿ ಎಸ್ ಕೆ. ಕದ್ರಾ, ಕಾರ್ಯದರ್ಶಿಯಾಗಿ ಸಂತೋಷ ನಾಯ್ಕ ಜರಡಿ, ಸಹಕಾರ್ಯದರ್ಶಿಯಾಗಿ ಅಂತೋನ ರೇಗೋ, ಪ್ರೇಮಾ ಸಾಲ್ಗಾಂವಕರ ಆಯ್ಕೆಯಾದರು, ಸಮಿತಿ ಸದಸ್ಯರಾಗಿ ನಿರ್ಮಲಾ ಕೃಷ್ಣ, ಅಶ್ವಿನಿ ಪೆಡ್ನೆಕರ, ಸೂರ್ಯನಾರಾಯಣ ಭಟ್, ದೇವಪ್ಪ ಮುರೋಳ, ಶಂಬಾಜಿ ಕೆ ನಾಯ್ಕ, ಸಂಜನಾ ಎಸ್ ಕಲ್ಗುಟಕರ ಆಯ್ಕೆಯಾದರು. ಅವರೆಲ್ಲರೂ ಕಾರ್ಯಕ್ರಮದಲ್ಲಿದ್ದರು. ಸಂತೋಷ ನಾಯ್ಕ ಜರಡಿ ಅಧ್ಯಕ್ಷತೆವಹಿಸಿದ್ದರು.
- [ಎಲ್ಲರಂಥಲ್ಲ ನಮ್ಮ ಅಧ್ಯಕ್ಷ!](https://mobiletime.in/2026/02/our-president-is-not-like-everyone-else/): `ವಿದೇಶದಲ್ಲಿ ಕೈ ತುಂಬ ಸಂಬಳ ಸಿಗುತ್ತಿದ್ದರೂ ಅದನ್ನು ಬಿಟ್ಟು ತವರಿಗೆ ಮರಳಿದ ವಿಶಾಲ ವಾಳಂಬಿ ಅವರು ಕಟ್ಟಡ ನಿರ್ಮಾಣ ಕಾಯಕದ ಮೂಲಕ ಅನೇಕರಿಗೆ ಉದ್ಯೋಗ ನೀಡಿದ್ದಾರೆ. ಸದ್ಯ ಅವರು ಯಲ್ಲಾಪುರದ ಯುಗಾದಿ ಉತ್ಸವ ಸಮಿತಿ ಅಧ್ಯಕ್ಷರಾಗಿ ಆಯ್ಕೆ ಆಗಿದ್ದು, ಅದನ್ನು ಸಹಿಸದೇ ಅನಗತ್ಯ ಆರೋಪ ಮಾಡುವುದು ಸರಿಯಲ್ಲ’ ಎಂದು ಮಂಜುನಾಥ ನಗರದ ಸತೀಶ ನಾಯ್ಕ ಅವರು ಹೇಳಿದ್ದಾರೆ. `ಕಡಿಮೆ ದರದಲ್ಲಿ ಬಡವರಿಗೆ ಮನೆ ನಿರ್ಮಾಣ ಮಾಡಿಕೊಡಬೇಕು’ ಎಂಬ ಕನಸು ಹೊತ್ತು ವಿಶಾಲ ವಾಳಂಬಿ ಅವರು ದುಡಿಯುತ್ತಿದ್ದಾರೆ. ಅತ್ಯಂತ ಕಡಿಮೆ ವಯಸ್ಸಿನಲ್ಲಿಯೇ ಮಹತ್ವದ ಸಾಧನೆ ಮಾಡಿದ್ದಾರೆ. ಬಡತನವನ್ನು ಮೀರಿ ಬೆಳೆದು ನಿಂತಿರುವ ವಿಶಾಲ ವಾಳಂಬಿ ಅವರು ಸಾಧನೆಯ ಮೂಲಕವೇ ತಮ್ಮ ಕನಸ್ಸನ್ನು ಸಕಾರಮಾಡಿಕೊಂಡಿದ್ದು, ದಾನ-ದರ್ಮದ ವಿಷಯದಲ್ಲಿಯೂ ಮುಂಚೂಣಿಯಲ್ಲಿದ್ದಾರೆ. ಅವರ ಹಿನ್ನಲೆ ಅರಿವಿಲ್ಲದೇ ಇಲ್ಲಸಲ್ಲದ ಆರೋಪ ಮಾಡುವುದು ಸರಿಯಲ್ಲ’ ಎಂದವರು ಹೇಳಿದ್ದಾರೆ. `ಕೂಲಿ ಕೆಲಸ ಮಾಡುವ ವಿಜಯ ವಾಳಂಬಿ ಹಾಗೂ ಅಡಿಕೆ ವಕಾರಿಯಲ್ಲಿ ದುಡಿಯುವ ಸುಲೋಚನಾ ವಾಳಂಬಿ ಅವರ ಪುತ್ರರಾಗಿರುವ ವಿಶಾಲ ವಾಳಂಬಿ ಅವರ ಓದು-ಸರಳತೆಗೆ ತಕ್ಕ ಹಾಗೇ ವಿದೇಶದಲ್ಲಿ ಉದ್ಯೋಗ ಸಿಕ್ಕಿತ್ತು. ಆದರೆ, ಅದನ್ನು ತೊರೆದು ಯಲ್ಲಾಪುರಕ್ಕೆ ಬಂದ ಅವರು ಇಲ್ಲಿಯೇ ಗ್ರಾಮದೇವಿ ಹೆಸರಿನಲ್ಲಿ ಉದ್ದಿಮೆ ಶುರು ಮಾಡಿದರು. ಬಾಲ್ಯದಿಂದಲೂ ಕಷ್ಟಪಟ್ಟು ಓದು, ಪಾರ್ಟ ಟೈಂ ಕೆಲಸದ ಜೊತೆ ಪಾಲಕರನ್ನು ಚನ್ನಾಗಿ ನೋಡಿಕೊಳ್ಳುವ ಸವಾಲು ಎದುರಿಸಿದ ವಿಶಾಲ ವಾಳಂಬಿ ಅವರು ಇದೀಗ ಸ್ವಂತ ಉದ್ದಿಮೆ ಮೂಲಕ 150ಕ್ಕೂ ಅಧಿಕ ಜನರಿಗೆ ಕೆಲಸ ನೀಡಿದ್ದಾರೆ’ ಎಂಬ ವಿಷಯವನ್ನು ಸತೀಶ ನಾಯ್ಕ ಅವರು ಸ್ಮರಿಸಿದ್ದಾರೆ. `ಶಿರಸಿಯ ನಗರ ಸಭೆಯಲ್ಲಿ ದಿನಗೂಲಿ ಆಧಾರದ ಮೇಲೆ ಇಂಜನೀಯರ್ ಆಗಿ ನೌಕರಿ ಆರಂಭಿಸಿದ ವಿಶಾಲ ಒಂದು ವರ್ಷ ಕೆಲಸ ಮಾಡಿ ಸ್ವಂತ ಉದ್ಯಮದ ಕನಸು ಕಂಡು ಅಲ್ಲಿನ ಕೆಲಸಕ್ಕೆ ರಾಜಿನಾಮೆ ನೀಡಿದವರು. ತಮ್ಮ ಸ್ವಂತ ಕಂಪನಿಯ ಕನಸು ನನಸು ಮಾಡಲು ಹಣ ಹಾಗೂ ಜ್ಞಾನ ಅಗತ್ಯವಿರುವುದಕ್ಕಾಗಿ ಅವರು ಸೌದಿ ದೇಶಕ್ಕೆ ಪ್ರಯಣ ಬೆಳಸಿದ್ದು, ಅಲ್ಲಿ ಸಾಕಷ್ಟು ಅನುಭವಪಡೆದು ತವರಿಗೆ ಮರಳಿದ್ದಾರೆ. ಈವರೆಗೆ 200ಕ್ಕೂ ಅಧಿಕ ಕಟ್ಟಡ ನಿರ್ಮಾಣ ಮಾಡಿದ ವಿಶಾಲ ವಾಳಂಬಿ ಅವರು ಹೊಟೇಲ್, ಕೈಗಾರಿಕಾ ಕಟ್ಟಡ, ಡಾಕ್ ಯಾರ್ಡ, ದೊಡ್ಡ ದೊಡ್ಡ ಸ್ಟೋರೇಜ್ ಘಟಕಗಳನ್ನು ಸಹ ನಿರ್ಮಿಸಿದ್ದಾರೆ. ಶಿರಸಿ, ಮುಂಡಗೋಡು, ಹುಬ್ಬಳ್ಳಿ, ಧಾರವಾಡ, ಬೆಳಗಾವಿ ಮುಂತಾದ ಕಡೆಗಳಲ್ಲಿ ಕಟ್ಟಡ ನಿರ್ಮಾಣ ಕೆಲಸದಿಂದ ಅವರು ಮೆಚ್ಚುಗೆಪಡೆದಿದ್ದಾರೆ. ವಿಶಾಲ ವಾಳಂಬಿ ಅವರಂಥ ಸಾಧಕರು ಯಲ್ಲಾಪುರ ಯುಗಾದಿ ಉತ್ಸವ ಸಮಿತಿ ಅಧ್ಯರಾಗಿರುವುದು ಎಲ್ಲರಿಗೂ ಹೆಮ್ಮೆಯ ವಿಷಯ’ ಎಂದವರು ಹೇಳಿದ್ದಾರೆ. `ವಿಶಾಲ ವಾಳಂಬಿ ಅವರು ಸಮಾಜದಿಂದ ದುಡಿದ ಹಣದ ಕೆಲ ಪಾಲನ್ನು ಸಮಾಜಕ್ಕೆ ನೀಡುತ್ತಾರೆ. ವಿವಿಧ ಧಾರ್ಮಿಕ ಕಾರ್ಯಕ್ರಮ, ಅನ್ನದಾನ, ಕ್ರೀಡೆ ಸೇರಿ ಅನೇಕ ಉದ್ದೇಶಗಳಿಗೆ ಅವರು ನೆರವು ನೀಡಿದ್ದಾರೆ. ಪ್ರಾಮಾಣಿಕ ಸೇವೆಯೇ ಅವರ ಯಶಸ್ಸಿಗೆ ಕಾರಣ’ ಎಂದು ವಿಶಾಲ ವಾಳಂಬಿ ಅವರ ಬೆಂಬಲಿಗರಾದ ನವೀನ ನಾಯ್ಕ, ಗೌಥಮ ಕಾಮತ್, ರಾಜೇಂದ್ರ ಆಚಾರಿ, ಗಣೇಶ ರೇವಣಕರ್ ಅವರು ಹೇಳಿದ್ದಾರೆ.
- [ಯಗಾದಿ ಉತ್ಸವ: ಅಧ್ಯಕ್ಷರ ವಿರುದ್ಧ ಅಪಸ್ವರ!](https://mobiletime.in/2026/02/yagadi-festival-discord-against-the-president/): ಯಲ್ಲಾಪುರದ ಯುಗಾದಿ ಉತ್ಸವ ಅಧ್ಯಕ್ಷರಾಗಿ ವಿಶಾಲ ವಾಳಂಬಿ ಅವರು ಆಯ್ಕೆಯಾಗಿದ್ದಾರೆ. ಹಿಂದೂ ಸಂಘಟನೆ ವಿಷಯಾಗಿ ಮುಂಚೂಣಿಯಲ್ಲಿರುವ ರವೀಂದ್ರ ನಗರ ಭಾಗದ ಜನ ವಿಶಾಲ ವಾಳಂಬಿ ಅವರ ವರ್ತನೆ ವಿರುದ್ಧ ಅಸಮಧಾನವ್ಯಕ್ತಪಡಿಸಿದ್ದಾರೆ. `ವಿಶಾಲ ವಾಳಂಬಿ ಅವರನ್ನು ಯುಗಾದಿ ಉತ್ಸವ ಸಮಿತಿ ಅಧ್ಯಕ್ಷರಾಗಿ ಆಯ್ಕೆ ಮಾಡಿದಕ್ಕೆ ನಮ್ಮ ಚಕರವಿಲ್ಲ. ಆದರೆ, ಅಧ್ಯಕ್ಷರಾಗಿ ಆಯ್ಕೆ ಆದ ನಂತರ ಅವರ ವರ್ತನೆಯಲ್ಲಿ ಬದಲಾವಣೆಯಾಗಿದ್ದು, ಅದು ಸರಿಯಲ್ಲ’ ಎಂದು ರವೀಂದ್ರ ನಗರ ಪ್ರತಿನಿಧಿಸಿದ್ದ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅವರು ಹೇಳಿದ್ದಾರೆ. ರವೀಂದ್ರ ನಗರದ ನಿವಾಸಿಗಳಾದ ಲಕ್ಷ್ಮಣ ಬೋವಿವಡ್ಡರ್, ಶೇಖವ್ವ ಬೋವಿವಡ್ಡರ್, ದುರ್ಗಮ್ಮ ಬೋವಿವಡ್ಡರ್, ಚನ್ನಮ್ಮ ಬೋವಿವಡ್ಡರ್, ಕರಿಯವ್ವ ಹರಿಜನ, ಮಂಜುಳಾ ಹರಿಜನ ಸೇರಿ ಅನೇಕರು ತಮ್ಮ ಅಸಮಧಾನಹೊರಹಾಕಿದ್ದಾರೆ. `ಸಮಿತಿ ಅಧ್ಯಕ್ಷರಾಗಿ ಆಯ್ಕೆಯಾದ ದಿನ ರಾತ್ರಿ ವಿಶಾಲ ವಾಳಂಬಿ ಅವರು ರವೀಂದ್ರ ನಗರಕ್ಕೆ ಆಗಮಿಸಿ ಗಲಾಟೆ ಮಾಡಿದ್ದಾರೆ. ವೈಯಕ್ತಿಕ ವಿಚಾರಕ್ಕಾಗಿ ಅವರು ಗುಂಪು ಕಟ್ಟಿಕೊಂಡು ಬಂದಿದ್ದು, ರವೀಂದ್ರ ನಗರದ ಜನರನ್ನು ಉದ್ದೇಶಿಸಿ ಕೆಟ್ಟದಾಗಿ ಬೈದಿದ್ದಾರೆ. ವಿವಿಧ ಅಕ್ರಮಗಳ ಕುರಿತು ಮಾತನಾಡಿದ ಕಾರಣ ದಾಂಧಲೆ ನಡೆಸಲಾಗಿದ್ದು, ಈ ಬಗ್ಗೆ ಪೊಲೀಸರಿಗೂ ಮಾಹಿತಿ ನೀಡಲಾಗಿದೆ. ಆ ದಿನ ರಾತ್ರಿ ನಡೆದ ಗಲಾಟೆ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಪೊಲೀಸರು ಅದನ್ನು ಪರಿಶೀಲಿಸಿ ಸ್ವಯಂ ಪ್ರೇರಣೆಯಿಂದ ಪ್ರಕರಣ ದಾಖಲಿಸಬೇಕು’ ಎಂದು ಸೋಮೇಶ್ವರ ನಾಯ್ಕ ಅವರು ಸುದ್ದಿಗಾರರ ಮುಂದೆ ಆಗ್ರಹಿಸಿದ್ದಾರೆ. ಈ ವೇಳೆ `ತಮ್ಮ ಮನೆಯನ್ನು ಗುರಿಯಾಗಿರಿಸಿಕೊಂಡು ಕಲ್ಲು ತೂರಾಟವೂ ನಡೆದಿದೆ. ಈ ಎಲ್ಲಾ ಪ್ರಕರಣವನ್ನು ಮುಚ್ಚಿಹಾಕುವ ಹುನ್ನಾರ ನಡೆದಿದೆ’ ಎಂದು ಸೋಮೇಶ್ವರ ನಾಯ್ಕ ಅವರು ಹೇಳಿದ್ದಾರೆ. ಪ್ರಮುಖರಾದ ಸುಜಯ ಮರಾಠಿ ಅವರು ಮಾತನಾಡಿ `ರವೀಂದ್ರ ನಗರದಲ್ಲಿ ಗಲಾಟೆ ನಡೆದ ನಂತರ ರಾತ್ರಿ ವೇಳೆ ಜನ ಒಂಟಿಯಾಗಿ ತಿರುಗಾಡಲು ಹೆದರುತ್ತಿದ್ದಾರೆ. ವೈಯಕ್ತಿಕ ದ್ವೇಷದ ಕಾರಣಕ್ಕೆ ಇಡೀ ಕೇರಿಯವರಿಗೆ ಕೆಟ್ಟದಾಗಿ ನಿಂದಿಸಿರುವುದನ್ನು ಸಹಿಸುವುದಿಲ್ಲ’ ಎಂದು ಹೇಳಿದ್ದಾರೆ. `ಹಿಂದೂತ್ವದ ಒಗ್ಗಟ್ಟು ಒಡೆಯುವ ಪ್ರಯತ್ನ ನಡೆದ ಬಗ್ಗೆ ಅನುಮಾನಗಳಿದ್ದು, ಈ ಎಲ್ಲಾ ಪ್ರಕರಣದ ಹಿಂದಿರುವ ಶಕ್ತಿ ಯಾವುದು? ಎಂದು ತನಿಖೆಯಿಂದ ಹೊರಬರಬೇಕು’ ಎಂದು ಆಗ್ರಹಿಸಿದ್ದಾರೆ. ಈ ವೇಳೆ ಆ ಭಾಗದ ಪ್ರಮುಖರಾದ ನಿರ್ಮಲಾ ಕೊಲಗೇರಿ, ಹನುಮವ್ವ ಮುಮ್ಮಿಘಟ್ಟಿ, ಯಶೋಧಾ ಹುಡಕೇಗೌಡ, ಶೋಭಾ ಮರಾಠಿ, ರಾಜು ಬದ್ದಿ, ಸಂದೀಪ ಬೋವಿ, ಗಿರೀಶ ಬೋವಿವಡ್ಡರ್ ಇತರರು ಹಾಜರಿದ್ದು, ನ್ಯಾಯ ಸಿಗದಿದ್ದರೆ ಎಲ್ಲರೂ ಮನೆಗೆ ಬೀಗ ಹಾಕಿ ಧರಣಿ ನಡೆಸುವುದಾಗಿ ಎಚ್ಚರಿಕೆ ನೀಡಿದ್ದಾರೆ.
- [ಉಪಕಾರ ಮಾಡಿದವನಿಗೆ ಉಪದ್ರವ: ಸಾಲದ ಶೂಲಕ್ಕೆ ಸಿಲುಕಿದ ಗುತ್ತಿಗೆದಾರ!](https://mobiletime.in/2026/02/a-disaster-for-the-benefactor-a-contractor-trapped-in-debt/): ಭಟ್ಕಳ ಪುರಸಭೆ ಹಾಗೂ ಜಾಲಿ ಪಟ್ಟಣ ಪಂಚಾಯತ ವ್ಯಾಪ್ತಿಯಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿ ನಡೆಸಿದ ಗುತ್ತಿಗೆದಾರರಿಗೆ ಸ್ಥಳೀಯ ಆಡಳಿತ ಬಿಲ್ ಪಾವತಿ ಮಾಡಿಲ್ಲ. ಸರ್ಕಾರದ ಸೂಚನೆ ಮೇರೆಗೆ ಸಾಲ ಮಾಡಿ ಕಾಮಗಾರಿ ನಡೆಸಿದ ಗುತ್ತಿಗೆದಾರರು ಸಂಕಷ್ಟಕ್ಕೆ ಒಳಗಾಗಿದ್ದಾರೆ. ಈ ಬಗ್ಗೆ ಗುತ್ತಿಗೆದಾರರು ಆಗಿರುವ ಸಾಮಾಜಿಕ ಹೋರಾಟಗಾರ ಕಿರಣ ಶಿರೂರು ಅವರು ಧ್ವನಿ ಎತ್ತಿದ್ದಾರೆ. ಸರ್ಕಾರದ ವಿಳಂಭ ನೀತಿಯ ವಿರುದ್ಧ ಅವರು ಪ್ರತಿಭಟನೆಯನ್ನು ನಡೆಸಿದ್ದಾರೆ. `10 ತಿಂಗಳ ಹಿಂದೆ ಕಾಮಗಾರಿ ಪೂರ್ಣವಾಗಿದ್ದರೂ ಆ ಹಣ ಪಾವತಿ ಆಗಿಲ್ಲ. ಹೀಗಾಗಿ ಗುತ್ತಿಗೆದಾರರು ಸಂಕಷ್ಟ ಅನುಭವಿಸುತ್ತಿದ್ದು, ಆರ್ಥಿಕ ಒತ್ತಡದ ಕಾರಣದಿಂದ ಅವರು ಮಾನಸಿಕವಾಗಿಯೂ ಕುಗ್ಗಿದ್ದಾರೆ’ ಎಂದವರು ಅಧಿಕಾರಿಗಳಿಗೆ ಅರಿವು ಮೂಡಿಸುವ ಪ್ರಯತ್ನ ಮಾಡಿದ್ದಾರೆ. `ಸಾಲ ಮಾಡಿ ಸರ್ಕಾರಿ ಕಾಮಗಾರಿ ನಿರ್ವಹಿಸಿದ ಗುತ್ತಿಗೆದಾರರಿಗೆ ಬಡ್ಡಿ ಮೊತ್ತ ಪಾವತಿಗೂ ಸಾಧ್ಯವಾಗುತ್ತಿಲ್ಲ. ಕೂಡಲೇ ಸ್ಥಳೀಯ ಆಡಳಿತ ಬಿಲ್ ಮೊತ್ತ ಪಾವತಿ ಮಾಡಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಭಟ್ಕಳ ಮತ್ತು ಜಾಲಿ ಸುತ್ತಲಿನ ಪ್ರದೇಶದಲ್ಲಿ ಸುಮಾರು 7 ಲಕ್ಷ ರೂ ಮೌಲ್ಯದ ಕಾಮಗಾರಿ ನಡೆಸಲಾಗಿದೆ. ಅಭಿವೃದ್ಧಿಗೆ ಪೂರಕವಾಗಿ ಕೆಲಸ ಮಾಡಿದರೂ ಗುತ್ತಿಗೆದಾರರಿಗೆ ಅಲ್ಲಿನ ಆಡಳಿತ ಹಣ ಪಾವತಿ ಮಾಡಿಲ್ಲ. ಬಿಲ್ ಪಾವತಿ ವಿಳಂಬವಾಗುತ್ತಿರುವುದರಿAದ ಸಾಲಗಾರರಿಂದ ಒತ್ತಡ ಹೆಚ್ಚಾಗುತ್ತಿದೆ. ಈ ಬಗ್ಗೆ ಪೌರಾಡಳಿತ ಇಲಾಖೆ, ಜಿಲ್ಲಾಧಿಕಾರಿ ಕಚೇರಿ ಸೇರಿದಂತೆ ವಿವಿಧ ಆಡಳಿತಾಧಿಕಾರಿಗಳಿಗೆ ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ’ ಎಂದವರು ಸಮಸ್ಯೆ ವಿವರಿಸಿದ್ದಾರೆ. `ಅನುದಾನ ಬಿಡುಗಡೆಯ ವಿಳಂಬವೇ ಬಿಲ್ ಪಾವತಿ ಸಮಸ್ಯೆಗೆ ಕಾರಣ’ ಎಂದು ಅಧಿಕಾರಿಗಳು ಹೇಳುತ್ತಿದ್ದಾರೆ. ಆದರೆ, ಹೊಸ ಸಾಲಿನ ಅನುದಾನ ಪೂರ್ಣವಾಗಿ ಬಿಡುಗಡೆಯಾಗುವ ಮೊದಲು ಕೆಲವು ಸ್ಥಳಗಳಲ್ಲಿ ಟೆಂಡರ್ ಪ್ರಕ್ರಿಯೆ ಆರಂಭ ಮಾಡಲಾಗುತ್ತಿದೆ. ಅದು ಸರಿಯಾದ ಕ್ರಮವಲ್ಲ’ ಎಂದವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಮುಂದಿನ 10 ದಿನದಲ್ಲಿ ಸಮಸ್ಯೆ ಉಗ್ರ ಹೋರಾಟ ಮಾಡುವುದಾಗಿ ಅವರು ಎಚ್ಚರಿಸಿದ್ದಾರೆ.
- [ಹಿಂದೂ ಹುಲಿ: ಆ ನಾಯಕ ಬಿಜೆಪಿ ಬ್ಯಾನರಿಗೆ ಮಾತ್ರ ಸೀಮಿತ!](https://mobiletime.in/2026/02/hindu-tiger-that-leader-is-limited-to-bjp-banners-only/): ಉತ್ತರ ಕನ್ನಡ ಮಾಜಿ ಸಂಸದ ಅನಂತಕುಮಾರ ಹೆಗಡೆ ಅವರು ಮತ್ತೆ ಸಕ್ರೀಯ ರಾಜಕಾರಣಕ್ಕೆ ಬರುವ ಬಗ್ಗೆ ಚರ್ಚೆ ನಡೆದಿದ್ದು, ಇದಕ್ಕೆ ಪೂರಕವಾಗಿ ಶನಿವಾರ ನಡೆದ ಬಿಜೆಪಿ ಜಿಲ್ಲಾ ಕಾರ್ಯಕಾರಣಿ ಸಭೆಯ ಬ್ಯಾನರಿನಲ್ಲಿ ಅವರ ಭಾವಚಿತ್ರ ಕಾಣಿಸಿದೆ. ಆದರೆ, ಕಾರ್ಯಕ್ರಮದಲ್ಲಿ ಎಲ್ಲಿಯೂ ಅವರ ಹೆಸರು ಪ್ರಸ್ತಾಪ ಆಗಿಲ್ಲ. ಈ ಕಾರ್ಯಕಾರಣಿ ಸಭೆಯಲ್ಲಿ ಅನಂತಕುಮಾರ ಹೆಗಡೆ ಸೇರಿ ಅನೇಕ ನಾಯಕರು ಗೈರಾಗಿದ್ದರು. ಆದರೆ, ಸ್ವಾಗತ ಭಾಷಣ ಮಾಡಿದರು ಗೈರಾದವರ ಹೆಸರನ್ನು ಸೇರಿಸಿ ಸ್ವಾಗತಿಸಿದರಾದರೂ ಅನಂತಕುಮಾರ ಹೆಗಡೆ ಅವರನ್ನು ಸ್ವಾಗತಿಸುವವರಿರಲಿಲ್ಲ. ಪ್ರಧಾನಿ ನರೇಂದ್ರ ಮೋದಿ ಅವರಿಂದ ಹಿಡಿದು ತಳಮಟ್ಟದ ನಾಯಕರವರೆಗೆ ಎಲ್ಲರ ಸೇವೆಯನ್ನು ಈ ಕಾರ್ಯಕ್ರಮದಲ್ಲಿ ಸ್ಮರಿಸಲಾಗಿದ್ದರೂ ಅನಂತಕುಮಾರ ಹೆಗಡೆ ಅವರ ವಿಷಯ ಮುನ್ನೆಲೆಗೆ ಬಂದಿಲ್ಲ. ವೇದಿಕೆ ಮೇಲೆ ಅಂಟಿಸಿದ ಬ್ಯಾನರಿನಲ್ಲಿ ಕಾಣಿಸುತ್ತಿದ್ದ ಅನಂತಕುಮಾರ ಹೆಗಡೆ ಅವರ ಹೆಸರನ್ನು ಮುಖ್ಯ ಭಾಷಣಕಾರರು ಪ್ರಸ್ತಾಪಿಸಲಿಲ್ಲ. ಅವರು ಮತ್ತೆ ಬಿಜೆಪಿ ಪಕ್ಷದಲ್ಲಿ ಸಕ್ರೀಯರಾಗುವ ಬಗ್ಗೆ ಸಭೆಯಲ್ಲಿ ದೊಡ್ಡ ಮಟ್ಟದ ಚರ್ಚೆಯೂ ನಡೆಯಲಿಲ್ಲ. ಅನಂತಕುಮಾರ ಹೆಗಡೆ ಅವರ ಬೆಂಬಲಿಕರು ಈ ಕಾರ್ಯಕ್ರಮದಲ್ಲಿದ್ದರೂ ಅವರು ಆ ಬಗ್ಗೆ ಯಾವುದೇ ರೀತಿಯಲ್ಲಿಯೂ ಮಾತನಾಡಲಿಲ್ಲ. ಲೋಕಸಭೆ ಚುನಾವಣೆ ವೇಳೆ ಬಿಜೆಪಿ ಟಿಕೆಟ್ ವಂಚಿತರಾದ ಅನಂತಕುಮಾರ ಹೆಗಡೆ ಅವರು ಅದಾದ ನಂತರ ಪಕ್ಷ ಸಂಘಟನೆಗೂ ಬಂದಿಲ್ಲ. ಬಿಜೆಪಿಯ ಯಾವ ಕಾರ್ಯಕ್ರಮದಲ್ಲಿಯೂ ಅವರು ಭಾಗವಹಿಸಲಿಲ್ಲ. ಬಿಜೆಪಿ ನಾಯಕರ ಜೊತೆಯೂ ಅವರು ಕಾಣಿಸಿಕೊಂಡಿಲ್ಲ. ಬಿಜೆಪಿ ನಡೆಸಿಕೊಂಡ ರೀತಿಗೆ ಅನಂತಕುಮಾರ ಹೆಗಡೆ ಅವರು ಮುನಿಸಿಕೊಂಡಿದ್ದು, ಸದ್ಯ ಸಂಘ ಪರಿವಾರದವರು ಅನಂತಕುಮಾರ ಹೆಗಡೆ ಅವರ ಮನವೋಲೈಕೆ ಪ್ರಯತ್ನ ಮಾಡಿದ್ದಾರೆ. ಈ ಎಲ್ಲದರ ನಡುವೆ ಯಲ್ಲಾಪುರದಲ್ಲಿ ನಡೆದ ಬಿಜೆಪಿ ಕಾರ್ಯಕಾರಣಿ ಸಭೆಗೆ ಅನಂತಕುಮಾರ ಹೆಗಡೆ ಅವರು ಹಾಜರಾಗದಿದ್ದರೂ ಬ್ಯಾನರಿನಲ್ಲಿ ಅವರ ಪೋಟೋ ಕಾಣಿಸಿದೆ. ಅನಂತಕುಮಾರ ಹೆಗಡೆ ಅವರು ಬಿಜೆಪಿ ಪಕ್ಷ ಸಂಘಟನೆಗೆ ಬಾರದೇ ಇದ್ದರೂ ಬಿಜೆಪಿಗೆ ತನ್ನ ಶಕ್ತಿ ಹೆಚ್ಚಿಸಿಕೊಳ್ಳಲು ಅನಂತಕುಮಾರ ಹೆಗಡೆ ಅವರ ಫೋಟೋ ಬಳಸಿಕೊಂಡಿರುವ ಬಗ್ಗೆ ಮಾತು ಕೇಳಿ ಬಂದಿದೆ. ಆದರೆ. ಅನಂತಕುಮಾರ ಹೆಗಡೆ ಅವರ ಫೋಟೋ ಬಳಸಿಕೊಂಡ ಬಿಜೆಪಿಗರು ಪಕ್ಷದ ಆಂತರಿಕ ಸಭೆಯಲ್ಲಿ ಅವರನ್ನು ಬಳಸಿಕೊಂಡು ಮತ್ತೆ ಪಕ್ಷ ಸಂಘಟನೆ ಮಾಡುವ ಬಗ್ಗೆ ಚಿಂತಿಸದಿರುವ ಬಗ್ಗೆಯೂ ಮತ್ತೊಂದು ಚರ್ಚೆ ಶುರುವಾಗಿದೆ. ಈ ಎಲ್ಲದರ ನಡುವೆ ಮಾರ್ಚ 8ರಂದು ಭಟ್ಕಳದಲ್ಲಿ ನಡೆಯಲಿರುವ `ಹಿಂದೂ ಸಂಗಮ’ ಕಾರ್ಯಕ್ರಮದಲ್ಲಿ ಅನಂತಕುಮಾರ ಹೆಗಡೆ ಅವರು ದಿಕ್ಸೂಚಿ ಭಾಷಣ ಮಾಡಲು ಒಪ್ಪಿಕೊಂಡಿದ್ದಾರೆ. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಸಹ `ಅನಂತಕುಮಾರ ಹೆಗಡೆ ಅವರು ನಮ್ಮ ಜೊತೆಗೆ ಇದ್ದಾರೆ’ ಎಂದು ಹೇಳಿದ್ದಾರೆ. ಹೀಗಾಗಿ ಅನಂತಕುಮಾರ ಹೆಗಡೆ ಅವರು ಸಕ್ರೀಯ ರಾಜಕಾರಣಕ್ಕೆ ಬರುವ ವದಂತಿಗೆ ಇನ್ನಷ್ಟು ಭಲ ಬಂದಿದೆ. ಆದರೆ, ಅನಂತಕುಮಾರ ಹೆಗಡೆ ಅವರು ಮಾತ್ರ ಈವರೆಗೆ ಸಕ್ರೀಯ ರಾಜಕಾರಣಕ್ಕೆ ಮರಳುವ ಬಗ್ಗೆ ಮಾತನಾಡಿಲ್ಲ. ತಮ್ಮ ಕುರಿತು ಹರಿದಾಡುವ ಯಾವ ವರದಿಗೂ ಅವರು ಪ್ರತಿಕ್ರಿಯಿಸಿಲ್ಲ. ಬಿಜೆಪಿ ಪ್ರಮುಖರು ಸಹ ಬ್ಯಾನರಿನಲ್ಲಿ ಅನಂತಕುಮಾರ ಹೆಗಡೆ ಅವರ ಪೋಟೋ ಹಾಕಿದ್ದು ಬಿಟ್ಟರೆ ಭಾಷಣದಲ್ಲಿಯೂ ಅವರ ಹೆಸರು ಹೇಳುತ್ತಿಲ್ಲ.
- [ಜೈಲಿಗೆ ಹೋದರೂ ಸಾಲ ಕೊಡಲ್ಲ!](https://mobiletime.in/2026/02/even-if-you-go-to-jail-you-wont-be-able-to-give-a-loan/): ಭಟ್ಕಳದ ಮೊಹಿದ್ಧೀನ್ ಮುಲ್ಲಾ ಅವರು ಅಬ್ದುಲ್ ಸೆಮಿ ಮುಕ್ತೇಸರ್ ಅವರಿಗೆ 13 ಲಕ್ಷ ರೂ ಹಣ ನೀಡಿದ್ದು, ಆ ಹಣ ಮರಳಿಸದ ಕಾರಣ ಜೈಲು ಶಿಕ್ಷೆ ಅನುಭವಿಸಿದ್ದಾರೆ. ಇದೀಗ `ಜೈಲಿಗೆ ಹೋಗಿ ಬಂದ ಕಾರಣ ಹಣ ಕೊಡುವುದಿಲ್ಲ’ ಎಂದು ಅಬ್ದುಲ್ ಸೆಮಿ ಮುಕ್ತೇಸರ್ ಅವರು ಹೇಳುತ್ತಿದ್ದಾರೆ! ಭಟ್ಕಳದ ಮೂಸಾ ನಗರದಲ್ಲಿ ಮೊಹಿದ್ಧೀನ್ ಈರ್ಷಾದ್ ಮುಲ್ಲಾ ಅವರು ವಾಸವಾಗಿದ್ದಾರೆ. ಖಾಸಗಿ ಉದ್ಯೋಗಿಯಾಗಿರುವ ಅವರು ಮುಗ್ದಂ ಕಾಲೋನಿಯ ಅಬ್ದುಲ್ ಸೆಮಿ ಮುಕ್ತೇಸರ್ ಅವರಿಗೆ 13 ಲಕ್ಷ ರೂ ಆರ್ಥಿಕ ನೆರವು ನೀಡಿದ್ದರು. ಆ ಪೈಕಿ 2 ಲಕ್ಷ ರೂ ಹಣವನ್ನು ಅಬ್ದುಲ್ ಸೆಮಿ ಮುಕ್ತೇಸರ್ ಅವರು ಮೊಹಿದ್ಧೀನ್ ಮುಲ್ಲಾ ಅವರಿಗೆ ಮರಳಿಸಿದ್ದರು. ಜೊತೆಗೆ ಉಳಿದ ಹಣದ ಭದ್ರತೆಗಾಗಿ ಚೆಕ್’ನ್ನು ನೀಡಿದ್ದರು. ಸಾಕಷ್ಟು ಸಮಯ ಕಳೆದರೂ ನೀಡಿದ ಹಣ ಬಾರದ ಕಾರಣ ಮೊಹಿದ್ಧೀನ್ ಮುಲ್ಲಾ ಅವರು ಚೆಕನ್ನು ಬ್ಯಾಂಕಿಗೆ ಹಾಕಿದ್ದರು. ಆದರೆ, ಬ್ಯಾಂಕ್ ಖಾತೆಯಲ್ಲಿ ಹಣವಿಲ್ಲದ ಕಾರಣ ಚೆಕ್‌ಬೌನ್ಸ್ ಆಗಿತ್ತು. ಈ ಬಗ್ಗೆ ಮೊಹಿದ್ಧೀನ್ ಮುಲ್ಲಾ ಅವರು ನ್ಯಾಯಾಲಯದ ಮೊರೆ ಹೋಗಿದ್ದು, ನ್ಯಾಯಾಲಯ ಅಬ್ದುಲ್ ಸೆಮಿ ಮುಕ್ತೇಸರ್ ಅವರಿಗೆ ಶಿಕ್ಷೆ ವಿಧಿಸಿತು. ಕೊಡಬೇಕಾದ ಹಣ ಕೊಡಲು ಕೈಯಲ್ಲಿ ಕಾಸಿಲ್ಲದ ಕಾರಣ ಅಬ್ದುಲ್ ಸೆಮಿ ಮುಕ್ತೇಸರ್ ಅವರು ಜೈಲು ಶಿಕ್ಷೆ ಅನುಭವಿಸಿದರು. ಅಬ್ದುಲ್ ಸೆಮಿ ಮುಕ್ತೇಸರ್ ಅವರು ಜೈಲಿನಿಂದ ಬಂದ ನಂತರ ಮೊಹಿದ್ಧೀನ್ ಮುಲ್ಲಾ ಅವರು ತಮ್ಮ ಹಣಕ್ಕಾಗಿ ಬೆನ್ನು ಬಿದ್ದರು. ಆಗ, ಅಬ್ದುಲ್ ಸೆಮಿ ಮುಕ್ತೇಸರ್ ಅವರು ಹಣ ಕೊಡುವುದಿಲ್ಲ ಎಂಬ ವಿಷಯ ತಿಳಿಸಿದರು. ಶಿಕ್ಷೆ ಅನುಭವಿಸಿದ ಕಾರಣ ಉಳಿದ ಹಣ ಕೊಡುವುದಿಲ್ಲ ಎಂದು ಫೋನ್ ಮಾಡಿಯೂ ಹೇಳಿದರು. ತಮಗೆ ಬರಬೇಕಾದ ಹಣ ಬಾರದ ಬಗ್ಗೆ ಮೊಹಿದ್ಧೀನ್ ಮುಲ್ಲಾ ಅವರು ಇದೀಗ ಪೊಲೀಸ್ ದೂರು ದಾಖಲಿಸಿದ್ದಾರೆ. ಭಟ್ಕಳ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಅನಂತ ಹೆಗಡೆ ಜೊತೆ ಕಾಗೇರಿ ದೋಸ್ತಿ!](https://mobiletime.in/2026/02/kageri-dosti-with-anantha-hegde/): `ಅನಂತಕುಮಾರ ಹೆಗಡೆ ಅವರು ಎಂದಿಗೂ ಬಿಜೆಪಿ ಬಿಟ್ಟು ಹೋಗಿಲ್ಲ. ಅವರು ನಮ್ಮ ಜೊತೆಗೆ ಇದ್ದಾರೆ’ ಎಂದು ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದ್ದಾರೆ. ಒಂದೆರಡು ಬಾರಿ ಅನಂತಕುಮಾರ ಹೆಗಡೆ ಅವರ ವಿರುದ್ಧ ಪರೋಕ್ಷ ಅಸಮಧಾನವ್ಯಕ್ತಪಡಿಸಿದ್ದ ಕಾಗೇರಿ ಅವರು ಇದೀಗ ಅವರ ಬಗ್ಗೆ ಶಾಂತವಾಗಿ ಮಾತನಾಡಿದ್ದಾರೆ. ಕಾರವಾರದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ `ಅನಂತಕುಮಾರ ಹೆಗಡೆ ಅವರು ಸದಾ ಬಿಜೆಪಿಯಲ್ಲಿಯೇ ಇದ್ದಾರೆ. ಅವರು ಎಂದಿಗೂ ಪಕ್ಷದಿಂದ ದೂರವಾಗಿಲ್ಲ. ಪಕ್ಷದ ಒಳಗೆ ಯಾವುದೇ ಗೊಂದಲಗಳಿಲ್ಲ’ ಎಂದು ಸ್ಪಷ್ಠಪಡಿಸಿದ್ದಾರೆ. ಅದಾದ ನಂತರ ಕಾಂಗ್ರೆಸ್ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ವಿಶ್ವೇಶ್ವರ ಹೆಗಡೆ ಕಾಗೇರಿ `ನಾವು ರಾಜ್ಯಬಾರ ನಡೆಸಲು ಸಿದ್ಧ’ ಎಂಬ ಸಂದೇಶ ರವಾನಿಸಿದ್ದಾರೆ. `ರಾಜ್ಯದ ಜನರು ಐದು ವರ್ಷಗಳ ಆಡಳಿತಕ್ಕಾಗಿ ಕಾಂಗ್ರೆಸ್ ಸರ್ಕಾರವನ್ನು ಆಯ್ಕೆ ಮಾಡಿದ್ದರು. ಆದರೆ ಕೇವಲ ಎರಡುವರೆ ವರ್ಷಗಳಲ್ಲೇ ಜನರ ವಿಶ್ವಾಸ ಗಳಿಸುವಲ್ಲಿ ಸರ್ಕಾರ ವಿಫಲವಾಗಿದೆ’ ಎಂದು ಅವರು ಹೇಳಿದ್ದಾರೆ. `ರಾಜ್ಯದ ಅಭಿವೃದ್ಧಿಗಾಗಿ ವಿವಿಧ ಯೋಜನೆ ರೂಪಿಸುವ ಬದಲೂ ಅಧಿಕಾರದ ಖುರ್ಚಿಗಾಗಿ ಕಚ್ಚಾಟ ನಡೆದಿದೆ. ಇದರಿಂದ ರಾಜ್ಯದ ಆಡಳಿತಯಂತ್ರ ಕುಸಿದು ಹೋಗಿದೆ. ರಾಜ್ಯದಲ್ಲಿ ಭ್ರಷ್ಟಾಚಾರ ಹೆಚ್ಚಾಗಿದ್ದು, ಅಲ್ಪಸಂಖ್ಯಾತರ ಓಲೈಕೆ ಮಿತಿಮೀರಿದೆ’ ಎಂದು ಹೇಳಿದ್ದಾರೆ. `ರಾಜ್ಯ ಸರ್ಕಾರ ಐದು ವರ್ಷಗಳ ಆಡಳಿತವನ್ನು ಪೂರ್ಣಗೊಳಿಸುವ ನಂಬಿಕೆ ಇಲ್ಲ. ಪ್ರಬಲ ಪ್ರತಿಪಕ್ಷವಾಗಿ ಮುಂದಿನ ಎಲ್ಲಾ ವಿದ್ಯಮಾನಗಳನ್ನು ನಿಭಾಯಿಸಲು ಬಿಜೆಪಿ ಸಜ್ಜಾಗಿದೆ’ ಎಂದವರು ಹೇಳಿದ್ದಾರೆ.
- [ಪ್ರವೇಶವಿಲ್ಲದ ಗರ್ಭಗುಡಿಗೆ ಕಳ್ಳರ ಪ್ರವೇಶ!](https://mobiletime.in/2026/02/thieves-enter-the-sanctum-sanctorum-which-is-inaccessible/): ಕಾರವಾರದ ಶೇಜವಾಡ ಬಳಿಯ ದೇವಾಲಯಕ್ಕೆ ಕಳ್ಳರು ನುಗ್ಗಿದ್ದಾರೆ. ಕೆಳಗಿನ ಮುಖೇರಿ ದೇಗುಲಕ್ಕೆ ನುಗ್ಗಿದ ನೀಚರು ದೇವಿ ಕೊರಳಿನಲ್ಲಿದ್ದ ಆಭರಣ ಕದ್ದು ಪರಾರಿಯಾಗಿದ್ದಾರೆ. ಕಾರವಾರದ ಕೆಳಗಿನ ಮುಖೇರಿಯಲ್ಲಿ ನವದುರ್ಗಾ ಗಿಂಡಿ ದೇವಾಲಯವಿದೆ. ಊರಿನವರ ಜೊತೆ ಬೇರೆ ಬೇರೆ ಭಾಗದ ಜನರು ಈ ದೇವಿಗೆ ನಿಷ್ಠೆಯಿಂದ ನಡೆದುಕೊಳ್ಳುತ್ತಾರೆ. ಜನ ಶ್ರದ್ಧಾ-ಭಕ್ತಿಯಿಂದ ಇಲ್ಲಿ ಪೂಜೆ ಸಲ್ಲಿಸುತ್ತಿದ್ದು, ನಂಬಿದ ಎಲ್ಲರಿಗೂ ದೇವಿ ಒಳಿತು ಮಾಡುತ್ತದೆ ಎಂಬ ಮಾತಿದೆ. ಹೀಗಿರುವಾಗ ಫೆಬ್ರವರಿ 24ರ ರಾತ್ರಿ ಈ ದೇಗುಲದಲ್ಲಿ ಕಳ್ಳತನ ನಡೆದಿದೆ. ಜನ ಭಕ್ತಿಯಿಂದ ಪೂಜಿಸುವ ದೇವಿಯ ಕೊರಳಿನಲ್ಲಿದ್ದ ಮಾಂಗಲ್ಯವನ್ನೇ ಕಳ್ಳರು ದೋಚಿದ್ದಾರೆ. ಫೆ 24ರ ಸಂಜೆ ದೇವಾಲಯಕ್ಕೆ ಬಾಗಿಲು ಹಾಕಲಾಗಿತ್ತು. ಆ ದಿನ ರಾತ್ರಿ ಮುಂದಿನ ಬಾಗಿಲಿನ ಚಿಲಕ ಒಡೆದ ಕಳ್ಳರು ಒಳಗೆ ಪ್ರವೇಶಿಸಿದ್ದು, ಗರ್ಭಗುಡಿಯ ಬಾಗಿಲನ್ನು ಸಹ ಒಡೆದಿದ್ದಾರೆ. ಅದಾದ ನಂತರ ದೇವಿ ಕೊರಳಿನಲ್ಲಿದ್ದ 10 ಗ್ರಾಂ ತೂಕದ ಬೆಳ್ಳಿ ಸರ ಕದ್ದಿದ್ದಾರೆ. 1 ಗ್ರಾಂ ಬಂಗಾರದ ಲಾಕೇಟ್ ಜೊತೆಯಿದ್ದ ಎರಡು ಬೆಳ್ಳಿ ಕರಿಮಣಿ ಸರವನ್ನು ಸಹ ದೋಚಿದ್ದಾರೆ. ಮರುದಿನ ದೇವಾಲಯಕ್ಕೆ ಬಂದ ಭಕ್ತರಿಗೆ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಅಲ್ಲಿನ ಮಹೇಂದ್ರ ಕುಶಾಲ್ ಬಾಂದೇಕರ್ ಅವರು ಕಳ್ಳತನದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪ್ರಕರಣ ದಾಖಲಿಸಿದ ಕಾರವಾರ ಗ್ರಾಮೀಣ ಠಾಣೆ ಪೊಲೀಸರು ಕಳ್ಳರ ಶೋಧ ಶುರು ಮಾಡಿದ್ದಾರೆ.
- [ಆಮಂತ್ರಣ ಇಲ್ಲದ ಮನೆಗೆ ಕಾಲಿಡದ ಸ್ನೇಹಿತ: ಥಳಿತ!](https://mobiletime.in/2026/02/a-friend-who-doesnt-enter-a-house-without-an-invitation-beaten/): ಮುಂಡಗೋಡ ರಾಮಾಪುರದ ಸಂತೋಷ ಕಾರಗಿ ಅವರು ಸ್ನೇಹಿತ ಮನೆಯ ಕಾರ್ಯಕ್ರಮಕ್ಕೆ ಹೋಗದ ಕಾರಣ ಹೊಡತ ತಿಂದಿದ್ದಾರೆ. ಸಂಬAಧಿಯೂ ಆಗಿರುವ ಸ್ನೇಹಿತ ವಿಜಯಕುಮಾರ ಕಾರಗಿ ಅವರ ಮನೆ ನೋಡಲು ಹುಡುಗಿ ಕಡೆಯುವರು ಆಗಮಿಸಿದ್ದು, ಆ ದಿನ ಆಮಂತ್ರಣ ಇಲ್ಲದ ಕಾರಣ ಸಂತೋಷ ಕಾರಗಿ ಅವರು ಹೋಗಿರಲಿಲ್ಲ. ಇದೇ ವಿಷಯಕ್ಕೆ ಸಿಟ್ಟಾದ ಬಸವರಾಜ ಕಾರಗಿ, ವಿನಾಯಕ ಕಾರಗಿ ಹಾಗೂ ಪ್ರದೀದ ಕಲವತ್ತಿ ಸೇರಿ ಸಂತೋಷ ಕಾರಗಿ ಅವರ ಮೇಲೆ ಕೈ ಮಾಡಿದ್ದಾರೆ. ಮುಂಡಗೋಡಿನ ರಾಮಾಪುರದಲ್ಲಿ ಸಂತೋಷ ಸಿದ್ದಲಿಂಗಪ್ಪ ಕಾರಗಿ ಅವರು ಕೃಷಿ ಕೆಲಸ ಮಾಡಿಕೊಂಡಿದ್ದಾರೆ. ಫೆಬ್ರವರಿ 19ರಂದು ಅವರು ಬೈಕಿನ ಮೇಲೆ ಹೊರಟಾಗ ರಾಮಾಪುರದ ಬಸವರಾಜ ಕಾರಗಿ ಹಾಗೂ ವಿನಾಯಕ ಕಾರಗಿ ಅವರು ಬೈಕಿಗೆ ಅಡ್ಡಲಾಗಿ ಕೈ ಮಾಡಿದ್ದಾರೆ. ಆಗ, ಸಂತೋಷ ಕಾರಗಿ ಅವರು ಬೈಕ್ ನಿಲ್ಲಿಸಿದ್ದು, `ವಿಜಯಕುಮಾರ ಕಾರಗಿ ಅವರ ಮನೆ ನೋಡಲು ಹೆಣ್ಣಿನ ಕಡೆಯವರು ಬಂದಾಗ ನೀ ಏಕೆ ಬರಲಿಲ್ಲ?’ ಎಂದು ಪ್ರಶ್ನಿಸಿದ್ದಾರೆ. ಆಗ, `ವಿಜಯಕುಮಾರ ನನಗೆ ಆಮಂತ್ರಣ ನೀಡಿಲ್ಲ’ ಎಂದು ಸಂತೋಷ ಕಾರಗಿ ಅವರು ಹೇಳಿದ್ದಾರೆ. ಆಗ, ಅಲ್ಲಿದ್ದ ಲಕ್ಷವ್ವ ಕಾರಗಿ ಅವರು ಸಂತೋಷ ಕಾರಗಿ ಅವರಿಗೆ ಕೆಟ್ಟದಾಗಿ ಬೈದಿದ್ದಾರೆ. ಬಸವರಾಜ ಕಾರಗಿ ಅವರು ಸಹ ಸಂತೋಷ ಕಾರಗಿ ಅವರನ್ನು ನಿಂದಿಸಿದ್ದಾರೆ. ಅದೇ ಸಿಟ್ಟಿನಲ್ಲಿ ಎಲ್ಲರೂ ಮನೆಗೆ ಹೋಗಿದ್ದಾರೆ. ಮರುದಿನ ಸಂತೋಷ ಕಾರಗಿ ಅವರು ತಮ್ಮ ಬೈಕಿನಲ್ಲಿ ಹನುಮಂತ ಕಾರಗಿ ಹಾಗೂ ನಿಂಗಪ್ಪ ಬಾಳೆಕಾಯಿ ಅವರನ್ನು ಕೂರಿಸಿಕೊಂಡು ಹೊರಟಿದ್ದು, ಕಮಲವ್ವಾ ಕಾರಗಿ ಅವರ ಮನೆ ಬಳಿ ನಿಂತಿದ್ದ ಬಸವರಾಜ ಕಾರಗಿ ಅವರು ಆ ಬೈಕಿಗೆ ಅಡ್ಡಲಾಗಿ ಕೈ ಮಾಡಿದ್ದಾರೆ. ಆಗ, ಸಂತೋಷ ಕಾರಗಿ ಅವರು ಬೈಕ್ ನಿಲ್ಲಿಸಿಲ್ಲ. ಇದರಿಂದ ಸಿಟ್ಟಾದ ಲಕ್ಷವ್ವ ಕಾರಗಿ, ವಿನಾಯಕ ಕಾರಗಿ ಹಾಗೂ ಶಿವಮೊಗ್ಗದ ಪ್ರದೀಪ ಕಲವತ್ತಿ ಸೇರಿ ಬೈಕನ್ನು ಹಿಂಬಾಲಿಸಿಕೊAಡು ಬಂದಿದ್ದಾರೆ. ಸAತೋಷ ಕಾರಗಿ ಅವರು ಮನೆಗೆ ಬಂದಿದ್ದು, ಅಲ್ಲಿಗೂ ಆಗಮಿಸಿದ ಬಸವರಾಜ ಕಾರಗಿ ಕೆಟ್ಟದಾಗಿ ಬೈದಿದ್ದಾರೆ. ಅವರ ಜೊತೆಯಿದ್ದ ಲಕ್ಷವ್ವ ಕಾರಗಿ, ವಿನಾಯಕ ಕಾರಗಿ ಹಾಗೂ ಪ್ರದೀಪ ಕಲವತ್ತಿ ಸೇರಿ ಹನುಮಂತ ಕಾರಗಿ ಅವರಿಗೆ ದೊಣ್ಣೆಯಿಂದ ಹೊಡೆದಿದ್ದಾರೆ. ಬಿಡಿಸಲು ಹೋದ ಸಂತೋಷ ಕಾರಗಿ ಅವರ ಮೇಲೆಯೂ ದಾಳಿ ಮಾಡಿದ್ದಾರೆ. ಊರಿನ ಜನ ಆಗಮಿಸಿ ಈ ಹೊಡೆದಾಟ ಬಿಡಿಸಿದ್ದು, ತಮಗಾದ ಅನ್ಯಾಯದ ಬಗ್ಗೆ ಸಂತೋಷ ಕಾರಗಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದಾರೆ.
- [ಜನೌಷಧಿ ಕೇಂದ್ರ: ಜನರ ದೂರಿಗೆ ಸ್ಪಂದಿಸಿದ ಸಂಸದ](https://mobiletime.in/2026/02/janaushadhi-kendra-mp-responds-to-peoples-complaints/): `ಕಡಿಮೆ ದರದಲ್ಲಿ ಉನ್ನತ ಗುಣಮಟ್ಟದ ಔಷಧಿ ಸಿಗಲಿ’ ಎಂಬ ಕಾರಣಕ್ಕೆ ಕೇಂದ್ರ ಸರ್ಕಾರ ಎಲ್ಲಡೆ ಜನೌಷಧಿ ಕೇಂದ್ರಗಳನ್ನು ಸ್ಥಾಪಿಸಿದೆ. ಆದರೆ, `ಜನೌಷಧಿ ಕೇಂದ್ರಗಳಲ್ಲಿ ಸಾರ್ವಜನಿಕರಿಗೆ ಅಗತ್ಯವಿರುವ ಔಷಧಿಗಳೇ ಸಿಗುತ್ತಿಲ್ಲ’ ಎಂಬ ಆಕ್ಷೇಪವ್ಯಕ್ತವಾಗಿದೆ. ಇದೇ ವಿಷಯವಾಗಿ ಶುಕ್ರವಾರ ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಮಾತನಾಡಿದ್ದು, `ಸಾರ್ವಜನಿಕರ ಬೇಡಿಕೆಗೆ ಅನುಗುಣವಾಗಿ ಜನೌಷಧಿ ಕೇಂದ್ರದಲ್ಲಿ ಔಷಧಿ ಸಿಗಬೇಕು’ ಎಂದು ತಾಕೀತು ಮಾಡಿದ್ದಾರೆ. `ಜನೌಷಧಿ ಕೇಂದ್ರಗಳಲ್ಲಿ ಸಾರ್ವಜನಿಕರಿಂದ ಹೆಚ್ಚು ಬೇಡಿಕೆ ಇರುವ ಔಷಧಗಳ ಸಿಗುತ್ತಿಲ್ಲ ಎಂಬ ದೂರುಗಳಿವೆ. ಸಾರ್ವಜನಿಕರಿಗೆ ದುಬಾರಿ ಬೆಲೆಯ ಔಷಧಗಳನ್ನು ಕಡಿಮೆ ಬೆಲೆಯಲ್ಲಿ ನೀಡುವ ಉದ್ದೇಶದಿಂದಲೇ ಜನೌಷಧಿ ಕೇಂದ್ರ ತೆರೆಯಲಾಗಿದ್ದು, ಅಲ್ಲಿ ಯಾವುದೇ ಔಷಧಗಳ ಕೊರತೆ ಆಗದಂತೆ ಎಚ್ಚರಿಕೆವಹಿಸಬೇಕು’ ಎಂದವರು ಆರೋಗ್ಯ ಇಲಾಖೆ ಮತ್ತು ಜಿಲ್ಲಾ ಔಷಧ ನಿಯಂತ್ರಕರಿಗೆ ನಿರ್ದೇಶನ ನೀಡಿದ್ದಾರೆ. ಇದರೊಂದಿಗೆ ಅಗತ್ಯವಿರುವ ಕಡೆ ಹೊಸ ಜನೌಷಧಿ ಕೇಂದ್ರಗಳನ್ನು ತೆರೆಯಲು ಅಗತ್ಯ ಅನುಮತಿ ಕೊಡಬೇಕು’ ಎಂದು ಸೂಚಿಸಿದ್ದಾರೆ. `ಆರೋಗ್ಯ ಇಲಾಖೆಯ ಹೊಸ ಕಟ್ಟಡಗಳು ನಿರ್ಮಾಣವಾದ ನಂತರ ಹಳೆಯ ಕಟ್ಟಡಗಳನ್ನು ಬಳಸದೇ ಇರುವುದರಿಂದ ಶಿಥಿಲಾವಸ್ಥೆಗೆ ತಲುಪುತ್ತಿದೆ. ಈ ಕಟ್ಟಡಗಳನ್ನು ಸಾಮಾಜಿಕ ಚಟುವಟಿಕೆಗಳ ಬಳಕೆಗೆ ನೀಡುವ ಕುರಿತಂತೆ ಕ್ರಮ ಜರುಗಿಸಬೇಕು. ಆಯುಷ್ಮಾನ್ ಕಾರ್ಡ್ ಮತ್ತು ಹಿರಿಯ ನಾಗರಿಕರಿಗೆ ನೀಡುವ ವಯೋ ವಂದನಾ ಕಾರ್ಡ್ಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ವಿತರಿಸುವ ಕುರಿತು ಶಿಬಿರ ಆಯೋಜಿಸಬೇಕು. ಕುಮಟಾದಲ್ಲಿ ಟ್ರಾಮಾ ಸೆಂಟರನ್ನು ತ್ವರಿತವಾಗಿ ಆರಂಭಿಸಲು ಕ್ರಮ ಜರುಗಿಸಬೇಕು. ಕ್ರಿಮ್ಸ್ಗೆ ಸರಬರಾಜಾಗಿರುವ ವೈದ್ಯಕೀಯ ಉಪಕರಣಗಳನ್ನು ಶೀಘ್ರದಲ್ಲಿ ಅಳವಡಿಸಿ, ಸಾರ್ವಜನಿಕರಿಗೆ ಅವುಗಳ ಪ್ರಯೋಜನ ಒದಗಿಸುವಂತೆ ಮಾಡಬೇಕು’ ಎಂದು ಅವರು ಸೂಚನೆ ನೀಡಿದ್ದಾರೆ. `ಮಳೆ ಮಾಪನ ಕೇಂದ್ರಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತಿರುವ ಬಗ್ಗೆ ಪರಿಶೀಲಿಸಿ ಅಗತ್ಯವಿರುವಲ್ಲಿ ಹೊಸ ಯಂತ್ರಗಳನ್ನು ಶೀಘ್ರದಲ್ಲಿ ಅಳವಡಿಸಬೇಕು. ಬೆಳೆ ವಿಮೆಯ ಮೊತ್ತ ರೈತರಿಗೆ ಸಮರ್ಪಕವಾಗಿ ತಲುಪಬೇಕು. ಕೇಂದ್ರ ಪುರಸ್ಕೃತ ತೋಟಗಾರಿಕಾ ಇಲಾಖೆಯ ಯೋಜನೆಗಳನ್ನು ಎಲ್ಲಾ ರೈತರಿಗೆ ತಲುಪಿಸಬೇಕು’ ಎಂದು ಸೂಚಿಸಿದ್ದಾರೆ. ಕೃಷಿ ಇಲಾಖೆಯಿಂದ ರೈತರ ಪಂಪ್ ಸೆಟ್‌ಗಳಿಗೆ ಸೋಲಾರ್ ಅಳವಡಿಸುವ ಕುಸುಮ್ ಬಿ ಯೋಜನೆಯ ಬಗ್ಗೆ ವ್ಯಾಪಕ ಪ್ರಚಾರ ಮತ್ತು ಮತ್ತು ಅರಿವು ಮೂಡಿಸಬೇಕು. ಸೂರ್ಯ ಘರ್ ಯೋಜನೆಯನ್ನು ಜಿಲ್ಲೆಯ ಸರಕಾರಿ ಕಚೇರಿಗಳಲ್ಲಿ ಅಳವಡಿಸಬೇಕು’ ಎಂದವರು ಹೇಳಿದ್ದಾರೆ. ಪ್ರಮುಖ ಪ್ರವಾಸಿ ತಾಣಗಳಾದ ಗೋಕರ್ಣ, ಮುರುಡೇಶ್ವರ, ಬನವಾಸಿ, ಉಳವಿ ಸೇರಿದಂತೆ ಎಲ್ಲಾ ಸ್ಥಳಗಳಲ್ಲಿ ಕಂಡುಬರುವ ತ್ಯಾಜ್ಯವನ್ನು ಸೂಕ್ತ ರೀತಿಯಲ್ಲಿ ವಿಲೇವಾರಿ ಮಾಡುವಂತೆ ಸೂಚಿಸಿದ ಅವರು `ನಗರಸ್ಥಳೀಯ ಸಂಸ್ಥೆಗಳ ತಮ್ಮ ವ್ಯಾಪ್ತಿಯ ಅಕ್ಕಪಕ್ಕದಲ್ಲಿನ ಗ್ರಾಮಗಳ ತ್ಯಾಜ್ಯವನ್ನೂ ಕೂಡಾ ಸಂಗ್ರಹಿಸಬೇಕು, ಪ್ರವಾಸಿ ತಾಣಗಳಲ್ಲಿ ತ್ಯಾಜ್ಯ ವಿಲೇವಾರಿಗೆ ವಿಶೇಷ ಕಾರ್ಯಕ್ರಮ ರೂಪಿಸಿ ಅಭಿಯಾನ ನಡೆಸಬೇಕು. ನಗರ ಪ್ರದೇಶಗಲ್ಲಿ ಅವಶ್ಯವಿರುವ ಕಡೆಗಳಲ್ಲಿ ಮೊಬೈಲ್ ಟಾಯ್ಲೆಟ್ ಗಳನ್ನು ಅಳವಡಿಸಬೇಕು’ ಎಂದು ಹೇಳಿದರು. ಸರ್ಕಾರಿ ಕಚೇರಿಗಳಲ್ಲಿರುವ ಅನುಪಯುಕ್ತ ವಸ್ತು ಮತ್ತು ವಾಹನಗಳನ್ನು ನಿಯಮಾನುಸಾರ ವಿಲೇವಾರಿ ಮಾಡಿ ಸ್ವಚ್ಛತೆ ಕಾಪಾಡುವಂತೆ ತಿಳಿಸಿದರು. ಕುಟುಂಬಕ್ಕೆ ಆಧಾರವಾಗಿದ್ದ ವ್ಯಕ್ತಿ ಮೃತಪಟ್ಟರೆ ನೀಡುವ ಪರಿಹಾರ ಯೋಜನೆಯಲ್ಲಿ ಪ್ರಸಕ್ತ ಸಾಲಿನಲ್ಲಿ ಜಿಲ್ಲೆಯಲ್ಲಿ 629 ಮಂದಿ ಮಾತ್ರ ಪಡೆದಿದ್ದು, ಈ ಯೋಜನೆಯ ಬಗ್ಗೆ ಸಾರ್ವಜನಿಕರಿಗೆ ಹೆಚ್ಚು ಅರಿವು ಮೂಡಿಸುವಂತೆ ಮತ್ತು ಅರ್ಜಿ ಸಲ್ಲಿಸುವ ವಿಧಾನಗಳನ್ನು ಸಾರ್ವಜನಿಕರಿಗೆ ತಿಳಿಸುವಂತೆ ಸಂಸದರು ತಿಳಿಸಿದರು, ಈ ಕುರಿತಂತೆ ಉತ್ತರಿಸಿದ ಜಿಲ್ಲಾಧಿಕಾರಿಗಳು ಈ ಯೋಜನೆಯ ನೆರವು ಪಡೆಯಲು ಸಂತ್ರಸ್ಥರ ಕುಟುಂಬದವರು ಜಿಲ್ಲೆಯ ಅಟಲ್ ಜನಸ್ನೇಹಿ ಕೇಂದ್ರ ಅಥವಾ ಗ್ರಾಮ ಒನ್ ನಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ ಎಂದರು. ವಸತಿ ಯೋಜನೆಗಳ ಕುರಿತು ಪರಿಶೀಲನೆ ನಡೆಸಿ ಜಿಲ್ಲೆಯಲ್ಲಿ ಬಾಕಿ ಇರುವ ವಸತಿ ಯೋಜನೆಗಳನ್ನು ಶೀಘ್ರದಲ್ಲಿ ಮುಕ್ತಾಯಗೊಳಿಸಿ ಫಲಾನುಭವಿಗಳಿಗೆ ಮನೆ ವಿತರಿಸುವಂತೆ ಮತ್ತು ದಾಂಡೇಲಿಯಲ್ಲಿನ ವಸತಿ ನಿರ್ಮಾಣದ ಕುರಿತು ಸಮಸ್ಯೆಯನ್ನು ಇತ್ಯರ್ಥಪಡಿಸಿ ಅರ್ಹರಿಗೆ ಮನೆ ಮಂಜೂರು ಮಾಡಲು ಕ್ರಮ ಕೈಗೊಳ್ಳುವಂತೆ ತಿಳಿಸಿದರು. `ಜಲ ಜೀವನ ಮಿಷನ್ ಯೋಜನೆಯಡಿ ಲೆಫ್ಟ್ ಔಟ್ ಹಳ್ಳಿಗಳಿಗೆ ಯೋಜನೆ ರೂಪಿಸಲು ಅಗತ್ಯ ಅನುಮೋದನೆ ಪಡೆದುಕೊಳ್ಳಿ. ಬಹುಗ್ರಾಮ ಕುಡಿಯುವ ನೀರು ಯೋಜನೆಗಳನ್ನು ಆದ್ಯತೆಯಲ್ಲಿ ಮುಕ್ತಾಯಗೊಳಿಸಿ. ಈಗಾಗಲೇ ಜಿಲ್ಲೆಯಲ್ಲಿ ಮುಕ್ತಾಯಗೊಂಡಿರುವ ಜಲ ಜೀವನ ಮಿಷÀನ್ ಕಾಮಗಾರಿಗಳ ಪ್ರಗತಿ ಬಗ್ಗೆ 2 ವಾರದಲ್ಲಿ ವರದಿ ನೀಡಿ, ಪ್ರಸ್ತುತ ಬೇಸಿಗೆ ಆರಂಭವಾಗಿದ್ದು ನಗರ ಪ್ರದೇಶದಲ್ಲಿ ಮತ್ತು ಗ್ರಾಮಗಳಲ್ಲಿ ಕುಡಿಯುವ ನೀರಿನ ಸಮಸ್ಯೆ ಕಂಡುಬಾರದAತೆ ತಕ್ಷಣದಿಂದಲೇ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಿ’ ಎಂದು ತಿಳಿಸಿದರು. ಸಭೆಯಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯ, ಜಿ ಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಇದ್ದರು.
- [ಸಚಿವರ ಮೌನ ಪ್ರಶ್ನಿಸಿದ ಸಾಮಾಜಿಕ ಹೋರಾಟಗಾರ](https://mobiletime.in/2026/02/social-activist-questions-ministers-silence/): ಉತ್ತರ ಕನ್ನಡ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರ ಸ್ವಕ್ಷೇತ್ರ ಭಟ್ಕಳದಲ್ಲಿ ಅನಾಹುತಗಳ ಪ್ರಮಾಣ ಹೆಚ್ಚಾಗಿರುವ ಬಗ್ಗೆ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು ಅಚ್ಚರಿವ್ಯಕ್ತಪಡಿಸಿದ್ದಾರೆ. ಶಾಂತಿಪ್ರಿಯರ ಜಿಲ್ಲೆ ಎಂದೇ ಹೆಸರುಪಡೆದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಪ್ರಾಪ್ತರೇ ಕೈಯಲ್ಲಿ ಆಯುಧಹಿಡಿದ ಬಗ್ಗೆ ಅವರು ಆತಂಕವ್ಯಕ್ತಪಡಿಸಿದ್ದಾರೆ. `ಈಚೆಗೆ ಭಟ್ಕಳ ಮತ್ತು ಮುರುಡೇಶ್ವರದ ಆಸುಪಾಸಿನಲ್ಲಿ ಸರಣಿ ಅಪರಾಧ ಪ್ರಕರಣಗಳ ಸಂಖ್ಯೆ ಹೆಚ್ಚಾಗಿದ್ದು, ಅಲ್ಲಿ ಕಾನೂನು ಸುವ್ಯವಸ್ಥೆ ಹದಗೆಟ್ಟಿದೆ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಬೈಲೂರಿನಲ್ಲಿ ಅಪ್ರಾಪ್ತ ಮುಸ್ಲಿಮರು ಹಿಂದೂ ಮನೆಗಳ ಮೇಲೆ ಕಲ್ಲು ತೂರಾಟ ಮಾಡಿದ್ದಾರೆ. ಅದಾಗಿಯೂ, ಅದನ್ನು ಆಕಸ್ಮಿಕ ಎಂಬAತೆ ಬಿಂಬಿಸಲಾಗಿದೆ. ಇದೊಂದು ವ್ಯವಸ್ಥಿತ ಸಂಚಾಗಿದ್ದು, ಆಡಳಿತ ಯಂತ್ರದ ವೈಫಲ್ಯಕ್ಕೆ ಹಿಡಿದ ಕನ್ನಡಿ’ ಎಂದವರು ಅವಲೋಕಿಸಿದ್ದಾರೆ. `ಮಂಕಾಳು ವೈದ್ಯರ ಕ್ಷೇತ್ರದಲ್ಲಿಯೇ ಇಂಥ ಘಟನೆ ನಡೆದರೂ ಅವರು ಮೌನವಾಗಿದ್ದಾರೆ. ವೋಟ್ ಬ್ಯಾಂಕ್ ರಾಜಕಾರಣಕ್ಕಾಗಿ ಅವರು ಇಂತ ಕೃತ್ಯಕ್ಕೆ ಬೆಂಬಲ ನೀಡುತ್ತಿದ್ದಾರೆಯೇ?’ ಎಂದು ಅನಂತಮೂರ್ತಿ ಹೆಗಡೆ ಅವರು ಪ್ರಶ್ನಿಸಿದ್ದಾರೆ. `ಮಾದಕ ವ್ಯಸನಕ್ಕೆ ಒಳಗಾಗಿ ಅಪ್ರಾಪ್ತರು ಪ್ರಚೋದನೆಗೆ ಒಳಗಾಗಿದ್ದಾರೆ. ಮದರಸಾಗಳಲ್ಲಿ ಏನು ಕಲಿಸಲಾಗುತ್ತಿದೆ? ಎನ್ನುವುದರ ಬಗ್ಗೆ ತನಿಖೆ ಆಗಬೇಕು’ ಎಂದು ಆಗ್ರಹಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಕ್ರಮ ಗೋ ಸಾಗಾಟ, ಕೊಲೆ, ದರೋಡೆ ಮತ್ತು ಗಾಂಜಾ ಮಾಫಿಯಾಗಳು ರಾಜಾರೋಷವಾಗಿ ನಡೆಯುತ್ತಿವೆ. ಪೊಲೀಸರು ಕೇವಲ ಯುವಕರನ್ನು ಬಂಧಿಸಿ ಬಿಡುವ ಬದಲು ಅವರ ಹಿಂದಿರುವ ಪ್ರಚೋದನಕಾರಿ ಶಕ್ತಿಯನ್ನು ನಾಶಪಡಿಸಬೇಕು’ ಎಂದು ಒತ್ತಾಯಿಸಿದ್ದಾರೆ.
- [ಬ್ರಾಹ್ಮಣರ ಅವಹೇಳನ: ಸಿಗಂದೂರು ಆಡಳಿತಾಧಿಕಾರಿ ವಿರುದ್ಧ ಕಾನೂನು ಕ್ರಮ!](https://mobiletime.in/2026/02/insulting-brahmins-legal-action-against-sigandur-administrator/): ಹೊನ್ನಾವರದ ಮಾಳ್ಕೋಡಿನಲ್ಲಿ ನಡೆದ ರಾಮಮಂದಿರ ಪ್ರತಿಷ್ಠಾಪನಾ ರಜತ ಮಹೋತ್ಸವ ಕಾರ್ಯಕ್ರಮದಲ್ಲಿ ಬ್ರಾಹ್ಮಣರ ವಿರುದ್ಧ ಕೆಟ್ಟದಾಗಿ ನಿಂದಿಸಿದ ಸಿಗಂದೂರು ಚೌಡೇಶ್ವರಿ ದೇವಾಲಯದ ಆಡಳಿತಾಧಿಕಾರಿ ರಾಮಪ್ಪ ವಿರುದ್ಧ ಕಾನೂನು ಕ್ರಮವಾಗಿದೆ. ತ್ರಿಮತಸ್ಥ ಬ್ರಾಹ್ಮಣ ಅರ್ಚಕರ ಹಾಗೂ ಪುರೋಹಿತರ ಪರಿಷತ್ ನೀಡಿದ ದೂರಿನ ಆಧಾರದಲ್ಲಿ ಹೊನ್ನಾವರದ ಮಂಕಿ ಪೊಲೀಸ್ ಠಾಣೆಯಲ್ಲಿ ರಾಮಪ್ಪ ಅವರ ವಿರುದ್ಧ ಪ್ರಕರಣ ದಾಖಲಾಗಿದೆ. ಹೊನ್ನಾವರದ ಮಾಳ್ಕೋಡುವಿನಲ್ಲಿ ರಾಮ ಮಂದಿರ ಚಾರಿಟೇಬಲ್ ಟ್ರಸ್ಟಿನವರು ಜನವರಿ 29ರಿಂದ 31ರವರೆಗೆ ವಿವಿಧ ಕಾರ್ಯಕ್ರಮ ಆಯೋಜನೆ ಮಾಡಿದ್ದರು. ಕಾರ್ಯಕ್ರಮದ ಮೂರನೇ ದಿನ ವೇದಿಕೆ ಏರಿದ ಸಿಗಂದೂರು ಚೌಡೇಶ್ವರಿ ದೇವಾಲಯದ ಆಡಳಿತಾಧಿಕಾರಿ ರಾಮಪ್ಪ ಅವರು ಸಾವಿರಾರು ಜನರ ಮುಂದೆ ಬ್ರಾಹ್ಮಣರನ್ನು `– ಮಕ್ಕಳು’ ಎಂದು ಬೈದಿದ್ದರು. ಅನೇಕ ಬಾರಿ ಅದೇ ಮಾತನ್ನು ಅವರು ಪುನರುಚ್ಚರಿಸಿದ್ದರು. ಜೊತೆಗೆ `ಬ್ರಾಹ್ಮಣರೆಲ್ಲರೂ — ಆಗಿ ಸಾಯುತ್ತಾರೆ’ ಎಂದು ಶಫಿಸಿದ್ದರು. ಸೀತಾರಾಮ ಕಲ್ಯಾಣೋತ್ಸವ ಕಾರ್ಯಕ್ರಮದಲ್ಲಿ ಭಾಗಿಯಾದ ರಾಮಪ್ಪ ಅವರು ದುರುದ್ದೇಶದಿಂದ ಬ್ರಾಹ್ಮಣರ ಅವಹೇಳನ ಮಾಡಿದ್ದು, ಆ ವಿಡಿಯೋ ಎಲ್ಲಡೆ ವೈರಲ್ ಆಗಿತ್ತು. ಜನವರಿ 29ರಿಂದ 31ರವರೆಗೆ ನಡೆದ ಕಾರ್ಯಕ್ರಮದಲ್ಲಿ ಸಾವಿರಕ್ಕೂ ಅಧಿಕ ಜನ ಭಾಗವಹಿಸಿದ್ದು, ಜನರಲ್ಲಿ ದ್ವೇಷ ಭಾವನೆ ಮೂಡಿಸುವುದಕ್ಕಾಗಿ ರಾಮಪ್ಪ ಅವರು ಈ ರೀತಿ ಭಾಷಣ ಮಾಡಿದ ಬಗ್ಗೆ ದೂರಲಾಗಿದೆ. ರಾಜ್ಯದ ಎಲ್ಲಡೆ ಅವರ ಭಾಷಣ ವೈರಲ್ ಆಗಿದ್ದು, ಅದನ್ನು ನೋಡಿ ತ್ರಿಮತಸ್ಥ ಬ್ರಾಹ್ಮಣ ಅರ್ಚಕರ ಹಾಗೂ ಪುರೋಹಿತರ ಪರಿಷತ್ ಅಧ್ಯಕ್ಷರೂ ಆಗಿರುವ ಸಾಗರದ ಅರ್ಚಕ ರಾಜೇಂದ್ರ ಪ್ರಸಾದ ವೆಂಕಟ್ರಮಣ ಭಟ್ಟ ಅವರು ಈ ಬಗ್ಗೆ ಕಾನೂನು ಹೋರಾಟಕ್ಕೆ ಮುಂದಾಗಿದ್ದರು. ಬ್ರಾಹ್ಮಣರ ವಿರುದ್ಧ ನಿಂದನೀಯ ಪದ ಬಳಕೆ ಮಾಡಿದ ಕಾರಣ ಎಲ್ಲಡೆ ಆಕ್ರೋಶವೂ ವ್ಯಕ್ತವಾಗಿತ್ತು. ಅನೇಕರು ಈ ಘಟನೆಯನ್ನು ಖಂಡಿಸಿದ್ದರು. ಅದರಂತೆ, ಅರ್ಚಕ ರಾಜೇಂದ್ರ ಪ್ರಸಾದ ವೆಂಕಟ್ರಮಣ ಭಟ್ಟ ಅವರು ಸಾಗರದಲ್ಲಿ ರಾಮಪ್ಪ ಅವರ ವಿರುದ್ಧ ಪೊಲೀಸ್ ದೂರು ನೀಡಿದ್ದು, ಆ ಪ್ರಕರಣ ತನಿಖೆಗಾಗಿ ಹೊನ್ನಾವರದ ಮಂಕಿ ಪೊಲೀಸ್ ಠಾಣೆಗೆ ವರ್ಗವಾಗಿದೆ.
- [ಅನಂತಪರ್ವ: ಈ ಬಾರಿ ಭಟ್ಕಳದಿಂದಲೇ ಆಟ ಶುರು!](https://mobiletime.in/2026/02/ananthaparva-this-time-the-game-starts-from-bhatkal/): ರಾಜಕೀಯವಾಗಿ ತಟಸ್ಥ ನೀತಿ ಅನುಸರಿಸಿದ್ದ ಉತ್ತರ ಕನ್ನಡ ಮಾಜಿ ಸಂಸದ ಅನಂತಕುಮಾರ ಹೆಗಡೆ ಅವರು ಇದೀಗ ಮತ್ತೆ ಮುನ್ನೆಲೆಗೆ ಬಂದಿದ್ದಾರೆ. ಕಳೆದ ಎರಡು ವಾರದಿಂದ ಅನಂತಕುಮಾರ ಹೆಗಡೆ ವಿಷಯವಾಗಿ ಚರ್ಚೆ ಶುರುವಾಗಿದ್ದು, ಅವರು ಮತ್ತೆ ಸಕ್ರೀಯ ರಾಜಕಾರಣಕ್ಕೆ ಬರುತ್ತಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಆರು ಬಾರಿ ಸಂಸದರಾಗಿರುವ ಅನಂತಕುಮಾರ ಹೆಗಡೆ ಅವರು ಒಮ್ಮೆ ಕೇಂದ್ರ ಸಚಿವರಾಗಿಯೂ ಕೆಲಸ ಮಾಡಿದ್ದಾರೆ. ಆದರೆ, 2024ರ ವೇಳೆ ಅನಂತಕುಮಾರ ಹೆಗಡೆ ಅವರಿಂದ ಬಿಜೆಪಿ ಪಕ್ಷಕ್ಕೆ ಹಾನಿ ಆದ ಆರೋಪದ ಹಿನ್ನಲೆ ಪಕ್ಷ ಅವರನ್ನು ದೂರ ಮಾಡಿದ್ದು, ಟಿಕೆಟ್ ಸಹ ಕೊಟ್ಟಿರಲಿಲ್ಲ. ಚುನಾವಣಾ ಅವಧಿಯಲ್ಲಿಯೂ ಅನಂತಕುಮಾರ ಹೆಗಡೆ ಅವರನ್ನು ಮಾತನಾಡಿಸುವ ಪ್ರಯತ್ನ ನಡೆದಿರಲಿಲ್ಲ. ಹೀಗಾಗಿ ಅನಂತಕುಮಾರ ಹೆಗಡೆ ಅವರು ಬಿಜೆಪಿಯಿಂದ ದೂರವುಳಿದಿದ್ದು, ಪಕ್ಷ ಸಂಘಟನೆಯಲ್ಲಿ ತೊಡಗಿರಲಿಲ್ಲ. ತಮ್ಮ ಪೋಸ್ಟರ್‌ಗಳಲ್ಲಿಯೂ ಅವರು ಬಿಜೆಪಿ ಚಿಹ್ನೆ ಹಾಗೂ ಮಾಜಿ ಸಂಸದ ಎಂಬ ಪದವನ್ನು ಬಳಸುತ್ತಿರಲಿಲ್ಲ. ಈ ಎಲ್ಲದರ ನಡುವೆ ಅನಂತಕುಮಾರ ಹೆಗಡೆ ಅವರು ಮತ್ತೆ ರಾಜಕಾರಣಕ್ಕೆ ಬರುತ್ತಾರೆ ಎಂಬ ವದಂತಿ ಹಬ್ಬಿತ್ತು. ಆದರೆ, ಬಿಜೆಪಿ ಇದನ್ನು ಅಧಿಕೃತಗೊಳಿಸಿರಲಿಲ್ಲ. ಆದರೆ, ಇದೀಗ ಅನಂತಕುಮಾರ ಹೆಗಡೆ ಅವರು ಭಟ್ಕಳದಲ್ಲಿ ಭಾಷಣ ಮಾಡಲು ಒಪ್ಪಿಕೊಂಡಿದ್ದಾರೆ. ಮಾರ್ಚ 8ರಂದು ಭಟ್ಕಳದಲ್ಲಿ ನಡೆಯಲಿರುವ ‘ಹಿಂದೂ ಸಂಗಮ’ ಕಾರ್ಯಕ್ರಮದಲ್ಲಿ ದಿಕ್ಸೂಚಿ ಭಾಷಣಕಾರರಾಗಿ ಅನಂತಕುಮಾರ ಹೆಗಡೆ ಅವರು ಭಾಗವಹಿಸಲಿದ್ದಾರೆ. ಪ್ರಖರ ವಾಗ್ಮಿಯಾಗಿರುವ ಅನಂತಕುಮಾರ ಹೆಗಡೆ ಅವರು ಸೂಕ್ಷö್ಮ ಪ್ರದೇಶವಾದ ಭಟ್ಕಳದಲ್ಲಿ ಭಾಷಣಕ್ಕೆ ಆಗಮಿಸುತ್ತಿರುವುದು ಅವರ ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ. ಭಟ್ಕಳದಿಂದಲೇ ಅನಂತಕುಮಾರ ಹೆಗಡೆ ಅವರು ತಮ್ಮ ರಾಜಕಾರಣದ ಇನ್ನೊಂದು ಆಯಾಮ ಶುರು ಮಾಡಲಿದ್ದಾರೆ ಎಂಬ ವದಂತಿಗಳು ದಟ್ಟವಾಗಿ ಕೇಳಿ ಬರುತ್ತಿದೆ. ಕಳೆದ ಕೆಲವು ವರ್ಷಗಳಿಂದ ಅನಂತಕುಮಾರ ಹೆಗಡೆ ಅವರು ಸಕ್ರಿಯ ರಾಜಕಾರಣದಿಂದ ದೂರವಿದ್ದಾರೆ. ಅವರು ಸಂಸದರಾಗಿದ್ದ ಅವಧಿಯಲ್ಲಿಯೂ ಜಿಲ್ಲೆಯ ರಾಜಕಾರಣದ ಬಗ್ಗೆ ತಲೆಕೆಡಿಸಿಕೊಂಡಿರಲಿಲ್ಲ. ಜಿಲ್ಲೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಆಗಮಿಸಿದಾಗ ಸಹ ಅನಂತಕುಮಾರ ಹೆಗಡೆ ಅವರು ಆಗಮಿಸದಿರುವುದು ಆಕ್ಷೇಪಕ್ಕೆ ಕಾರಣವಾಗಿದ್ದು, ಅದಾದ ನಂತರ ಬಿಜೆಪಿ ಅನಂತಕುಮಾರ ಹೆಗಡೆ ಅವರಿಗೆ ಲೋಕಸಭಾ ಟಿಕೆಟ್ ಸಹ ಕೊಟ್ಟಿರಲಿಲ್ಲ. ಅದಾಗಿಯೂ, ಲೋಕಸಭಾ ಚುನಾವಣೆ ಮುಗಿದ ತಿಂಗಳುಗಳ ಕಾಲ ಸಾಮಾಜಿಕ ಜಾಲತಾಣದಲ್ಲಿ ಅನಂತಕುಮಾರ ಹೆಗಡೆ ಅವರು ಸಕ್ರೀಯರಾಗಿದ್ದರು. ಅದಾದ ನಂತರ ಅವರು ನ್ಯಾನ್ಯೋ ಟೆಕ್ನಾಲಜಿ ಆಧಾರಿತ ಔಷಧಿ ಕಂಪನಿಯ ಪಾಲುದಾರರಾಗಿದ್ದು, ಆ ಕುರಿತಾದ ಸಂಶೋಧನೆಗೆ ಒತ್ತು ನೀಡಿದ್ದರು. ಕೆಲವೇ ಕೆಲವು ಮಾಧ್ಯಮದಲ್ಲಿ ಮಾತ್ರ ಕಾಣಿಸಿಕೊಂಡಿದ್ದ ಅನಂತಕುಮಾರ ಹೆಗಡೆ ಅವರು ತಮ್ಮ ಸಂಶೋಧನೆಯ ಬಗ್ಗೆ ಮಾಹಿತಿ ಹಂಚಿಕೊAಡಿದ್ದರು. ಅದಾದ ಬಳಿಕ ಪಕ್ಷ ಸಂಘಟನಾ ಚಟುವಟಿಕೆಗಳಿಂದಲೂ ಅವರು ದೂರವೇ ಇದ್ದರು. ಸದ್ಯದ ಮಾಹಿತಿಗಳ ಪ್ರಕಾರ ಸಂಘ ಪರಿವಾರದ ಹಿರಿಯ ನಾಯಕರು ಅನಂತಕುಮಾರ ಹೆಗಡೆ ಅವರ ಮನವೊಲೈಸಿದ್ದು, ಅವರ ಮಾತಿನಂತೆ ಅನಂತಕುಮಾರ ಹೆಗಡೆ ಅವರು `ಹಿಂದೂ ಸಂಗಮ’ ವೇದಿಕೆಯೇರಲು ಒಪ್ಪಿದ್ದಾರೆ. ಅನಂತಕುಮಾರ ಹೆಗಡೆ ಅವರ ಆಗಮನದ ಹಿನ್ನಲೆ ಭಟ್ಕಳದಲ್ಲಿ ವಿವಿಧ ಬಗೆಯ ತಯಾರಿಗಳು ನಡೆಯುತ್ತಿವೆ. ಬೈಕ್ ಶೋ, ಮೆರವಣಿಗೆಗಳ ಸಿದ್ಧತೆ ನಡೆಸಲು ಸಂಘಟಕರು ಸಜ್ಜಾಗಿದ್ದಾರೆ.
- [ಅತ್ತೆ-ನಾದಿನಿ ಕಾಟ: ಅತಿಥಿ ಉಪನ್ಯಾಸಕಿಗೆ ಅನ್ಯಾಯ!](https://mobiletime.in/2026/02/mother-in-law-in-law-conflict-injustice-to-the-guest-lecturer/): ಸಿದ್ದಾಪುರದಲ್ಲಿ ಅತಿಥಿ ಉಪನ್ಯಾಸಕಿಯಾಗಿರುವ ಜ್ಯೋತಿ ನಾಯ್ಕ ಅವರ ಮೇಲೆ ಅವರ ಕುಟುಂಬದಿoದಲೇ ಅನ್ಯಾಯವಾಗಿದೆ. ಜ್ಯೋತಿ ನಾಯ್ಕ ಅವರ ಪತಿ ಆತ್ಮಹತ್ಯೆಗೆ ಶರಣಾಗಿದ್ದು, ಜ್ಯೋತಿ ನಾಯ್ಕ ಅವರ ಅನಾರೋಗ್ಯ-ಅಸಹಾಯಕತೆಯನ್ನು ಅವರ ಅತ್ತೆ ಹಾಗೂ ನಾದಿನಿ ದುರುಪಯೋಗಪಡಿಸಿಕೊಂಡಿದ್ದಾರೆ. ಸಿದ್ದಾಪುರದ ಬಾಲಿಕೊಪ್ಪದ ಜ್ಯೋತಿ ಸೋಮಶೇಖರ ನಾಯ್ಕ (35) ಅವರು ಸದ್ಯ ಸುಂಕತ್ತಿಯಲ್ಲಿ ವಾಸವಾಗಿದ್ದಾರೆ. ಅತಿಥಿ ಉಪನ್ಯಾಸಕರಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. 2023ರ ಅವಧಿಯಲ್ಲಿ ಜ್ಯೋತಿ ನಾಯ್ಕ ಅವರ ಪತಿ ಆತ್ಮಹತ್ಯೆಗೆ ಶರಣಾಗಿದ್ದು, ಅದಾದ ನಂತರ ಜ್ಯೋತಿ ನಾಯ್ಕ ಅವರ ಜೊತೆ ಅವರ ಮಗಳ ಬದುಕು ಶೋಚನೀಯ ಸ್ಥಿತಿ ತಲುಪಿದೆ. ಜ್ಯೋತಿ ನಾಯ್ಕ ಅವರ ಅತ್ತೆ ಬಾಲಿಕೊಪ್ಪದ ಸರೋಜಾ ಹನುಮಂತ ನಾಯ್ಕ, ಬೆಳಟ್ಟೆಯಲ್ಲಿರುವ ನಾದಿನಿ ದಿವ್ಯಾ ರಾಘವೇಂದ್ರ ನಾಯ್ಕ ಹಾಗೂ ನಾದಿನಿಯ ಗಂಡ ರಾಘವೇಂದ್ರ ನಾಯ್ಕ ಸೇರಿ ಜ್ಯೋತಿ ನಾಯ್ಕ ಅವರ ಮೇಲೆ ದಬ್ಬಾಳಿಕೆ ನಡೆಸುತ್ತಿದ್ದಾರೆ. ಊಟ-ವಸತಿ-ಬಟ್ಟೆಯನ್ನು ಸಹ ನೀಡದೇ ಅವರು ಸತಾಯಿಸುತ್ತಿದ್ದಾರೆ. ಜ್ಯೋತಿ ನಾಯ್ಕ ಅವರ ಮಗಳಿಗೆ ನೆರವು ನೀಡುವುದಾಗಿ ಹೇಳಿದ್ದರೂ, ಅವರಿಗೆ ಸಹಾಯ ಮಾಡಿಲ್ಲ. ಗಂಡನ ಸಾವಿನಿಂದ ನೊಂದಿದ್ದ ಜ್ಯೋತಿ ನಾಯ್ಕ ಅವರ ಮೇಲೆ ಆ ಮೂವರು ದಬ್ಬಾಳಿಕೆ ನಡೆಸಿದ್ದು, ರಾಜಿ ಮೂಲಕ ಅದು ಒಮ್ಮೆ ಬಗೆಹರಿದಿತ್ತು. ಅದಾದ ನಂತರವೂ ಆ ಮೂವರು ನಿರಂತರ ಹಿಂಸೆ ನೀಡಿದ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ಚರ್ಚೆ ನಡೆದಿತ್ತು. ಆ ವೇಳೆ ಎದುರುದಾರರು ಜ್ಯೋತಿ ನಾಯ್ಕ ಹಾಗೂ ಅವರ ಪುತ್ರಿಯನ್ನು ಚನ್ನಾಗಿ ನೋಡಿಕೊಳ್ಳುತ್ತೇವೆ’ ಎಂದು ಮುಚ್ಚಳಿಕೆ ಬರೆದುಕೊಟ್ಟಿದ್ದರು. ಆದರೆ, ಅವರೇ ಬರೆದುಕೊಟ್ಟ ವಿಷಯವನ್ನು ಪಾಲಿಸಿರಲಿಲ್ಲ. ಅದಾದ ನಂತರ ಜ್ಯೋತಿ ನಾಯ್ಕ ಅವರ ಪತಿ ಮನೆಯಲ್ಲಿನ ಜಮೀನನ್ನು ಮೂರು ಭಾಗ ಮಾಡಿ ಒಂದು ಭಾಗವನ್ನು ಜ್ಯೋತಿ ನಾಯ್ಕ ಅವರಿಗೆ ನೀಡುವ ಬಗ್ಗೆ ನಿರ್ಧರಿಸಲಾಗಿದ್ದು, ತಮ್ಮ ಪಾಲನ್ನು ಅವರುಪಡೆದಿದ್ದರು. ಜ್ಯೋತಿ ನಾಯ್ಕ ಅವರ ಹಕ್ಕಿಗೆ ಬಂದ ಜಾಗವನ್ನು ಇದೀಗ ರಾಘವೇಂದ್ರ ನಾಯ್ಕ, ದಿವ್ಯಾ ನಾಯ್ಕ ಹಾಗೂ ಸರೋಜಾ ನಾಯ್ಕ ಸೇರಿ ಧ್ವಂಸ ಮಾಡಿದ್ದಾರೆ. ಅಲ್ಲಿ ಫಸಲು ಬರುತ್ತಿದ್ದ ಅಡಿಕೆ ಮರಗಳನ್ನು ಕಡಿದಿದ್ದಾರೆ. ಜೆಸಿಬಿ ಯಂತ್ರಗಳನ್ನು ಓಡಿಸಿ ಆ ಭೂಮಿಯನ್ನು ನೆಲಸಮ ಮಾಡಿದ್ದಾರೆ. ಅನಾರೋಗ್ಯದ ಕಾರಣ ಮೂರು ತಿಂಗಳು ತವರು ಮನೆಯಲ್ಲಿದ್ದ ಜ್ಯೋತಿ ನಾಯ್ಕ ಅವರು ಈಚೆಗೆ ತಮ್ಮ ತೋಟ ನೋಡಲು ಹೋಗಿ ಆಘಾತಕ್ಕೆ ಒಳಗಾಗಿದ್ದಾರೆ. ಅಲ್ಲಿದ್ದ ಅಡಿಕೆ ಮರಗಳು ಕಾಣದ ಬಗ್ಗೆ ರಾಘವೇಂದ್ರ ನಾಯ್ಕ ಅವರಿಗೆ ಫೋನ್ ಮಾಡಿದ್ದು, `ಆ ಜಾಗ ನನ್ನ ಮಾವನದು. ಇಲ್ಲಿ ನಿನಗೆ ಹಕ್ಕಿಲ್ಲ’ ಎಂದು ದಬಾಯಿಸಿದ್ದಾರೆ. `ಈ ಜಾಗದಲ್ಲಿ ಬಿಡಿಗಾಸು ಕೊಡುವುದಿಲ್ಲ’ ಎಂದು ಅತ್ತೆ ಸರೋಜಾ ನಾಯ್ಕ ಹಾಗೂ ನಾದಿನಿ ದಿವ್ಯಾ ನಾಯ್ಕ ಅವರು ಕೂಗಾಟ ನಡೆಸಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಜ್ಯೋತಿ ನಾಯ್ಕ ಅವರು ನ್ಯಾಯಾಲಯಕ್ಕೆ ಮನವರಿಕೆ ಮಾಡಿದ್ದಾರೆ. ಗಂಡನ ಮನೆಯವರಿಂದಲೇ ಆಗುತ್ತಿರುವ ಅನ್ಯಾಯದ ಬಗ್ಗೆ ಅವರು ವಿವರಿಸಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.  
- [ನೇಣಿಗೆ ಶರಣಾದ ವ್ಯಸನಿ](https://mobiletime.in/2026/02/addict-who-surrendered-to-the-hangman/): ಆದಾಯಕ್ಕಿಂತಲೂ ಅಧಿಕ ಪ್ರಮಾಣದಲ್ಲಿ ಸರಾಯಿ ಸೇವಿಸುತ್ತಿದ್ದ ಶಿರಸಿಯ ಗಣೇಶ ಜಡೆ ಅವರು ಮಾನಸಿಕ ವೇದನೆ ಸಹಿಸಿಕೊಳ್ಳಲಾಗದೇ ಸಾವನಪ್ಪಿದ್ದಾರೆ. ಬಾಗಿಲು ತಟ್ಟಿದರೂ ಮಾತನಾಡದ ಮಗನನ್ನು ಕಿಟಕಿ ಕಿಂಡಿಯಲ್ಲಿ ನೋಡಿದ ಅನ್ನಪೂರ್ಣ ಜಡೆ ಅವರು ಆಘಾತಕ್ಕೆ ಒಳಗಾಗಿದ್ದಾರೆ. ಶಿರಸಿಯ ಬನವಾಸಿ ರಸ್ತೆಯ ಗಾಯತ್ರಿ ನಗರದಲ್ಲಿ ಗಣೇಶ ಮೋಹನ ಜಡೆ (40) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದರು. ನಿತ್ಯವೂ ಸರಾಯಿ ಕುಡಿಯುವ ಚಟ ಹೊಂದಿದ್ದ ಅವರು ದುಡಿಮೆಯ ಹಣವನ್ನು ವ್ಯಸನಕ್ಕೆ ಮೀಸಲಿರಿಸಿದ್ದರು. ಕುಡಿತ ಒಳ್ಳೆಯದಲ್ಲ ಎಂದು ಬುದ್ದಿ ಹೇಳಿದರೂ ಅದನ್ನು ಕೇಳುತ್ತಿರಲಿಲ್ಲ. ಫೆಬ್ರವರಿ 24ರ ರಾತ್ರಿ ಮನೆಗೆ ಬಂದ ಗಣೇಶ ಜಡೆ ಅವರು ನೇರವಾಗಿ ತಮ್ಮ ಕೋಣೆಗೆ ಹೋದರು. ಬಾಗಿಲಿಗೆ ಚಿಲಕ ಹಾಕಿಕೊಂಡ ಅವರು ಎಷ್ಟು ಹೊತ್ತಾದರೂ ಹೊರಗೆ ಬರಲಿಲ್ಲ. ಅನ್ನಪೂರ್ಣ ಜಡೆ ಅವರು ಮಗನನ್ನು ಕರೆದರು. ಆದರೂ, ಹೊರ ಬಾರದ ಕಾರಣ ಕಿಟಕಿಯ ಕಿಂಡಿಯಿAದ ಮಗನನ್ನು ನೋಡುವ ಪ್ರಯತ್ನ ಮಾಡಿದರು. ಆದರೆ, ಮನೆಯೊಳಗಿನ ಫ್ಯಾನಿಗೆ ಗಣೇಶ ಜಡೆ ಅವರು ನೇತಾಡುತ್ತಿದ್ದರು. ಬಾಗಿಲು ಒಡೆದು ತಾಯಿ ಒಳಗೆ ಬರುವಷ್ಟರಲ್ಲಿ ಗಣೇಶ ಜಡೆ ಅವರ ದೇಹ ತಣ್ಣಗಾಗಿತ್ತು. ಈ ಸಾವಿನ ಬಗ್ಗೆ ಅನ್ನಪೂರ್ಣ ಜಡೆ ಅವರು ಶಿರಸಿ ಗ್ರಾಮೀಣ ಠಾಣೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.  
- [ಭೂಮಿ ಹಕ್ಕು: ಅರ್ಜಿ ವಿಚಾರಣೆಗೆ ಒಂದೂ ಪುರಾವೆ ಇದ್ದರೂ ಸಾಕು!](https://mobiletime.in/2026/02/land-rights-even-one-piece-of-evidence-is-enough-for-the-application-to-be-heard/): ಅರಣ್ಯ ಹಕ್ಕು ವಿಚಾರವಾಗಿ ನಡೆಯುತ್ತಿರುವ ಅನ್ಯಾಯದ ಬಗ್ಗೆ ಉತ್ತರಕನ್ನಡ ಜಿಲ್ಲಾ ಅರಣ್ಯಭೂಮಿ ಸಾಗುವಳಿದಾರರ ಹೋರಾಟ ಸಮಿತಿಯ ನಿಯೋಗ ಮತ್ತೊಮ್ಮೆ ಧ್ವನಿ ಎತ್ತಿದೆ. ಜಿಲ್ಲಾಧಿಕಾರಿ ಕಚೇರಿಗೆ ಆಗಮಿಸಿದ ನಿಯೋಗದವರು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರನ್ನು ಭೇಟಿಯಾಗಿ ಚರ್ಚೆ ನಡೆಸಿದ್ದಾರೆ. `ತಿರಸ್ಕ್ರತವಾಗಿರುವ ಎಲ್ಲಾ ಅರಣ್ಯ ಹಕ್ಕು ಅರ್ಜಿಗಳ ಪುನರ್ ಪರಿಶೀಲನೆ ಕಾರ್ಯಗಳು ಜನರಿಗೆ ನ್ಯಾಯ ಒದಗಿಸುವ ಮಾದರಿಯಲ್ಲಿ ನಡೆಯಬೇಕು’ ಎಂದು ಹೋರಾಟಗಾರ ಚಂದ್ರಕಾoತ ಕೋಚ್ರೇಕರ್ ಅವರು ಆಗ್ರಹಿಸಿದ್ದಾರೆ. `ಸ್ಥಳ ಮಹಜರು ಪ್ರಕ್ರಿಯೆಗಳು ಭೂಮಿಯ ಹಕ್ಕು ಸಿಗಲು ಜನರಿಗೆ ಅಗತ್ಯ ಪುರಾವೆಯಾಗಬೇಕು.ಆ ದಿಶೆಯಲ್ಲಿ ಅಗತ್ಯ ಬದಲಿ ಮಾರ್ಗದರ್ಶಿ ಸೂತ್ರಗಳನ್ನು ರೂಪಿಸಬೇಕು. ಆ ಮೂಲಕ ವಸತಿ ಮತ್ತು ಜೀವನೋಪಾಯಕ್ಕೆ 2005ರ ಪೂರ್ವದಿಂದ ಅರಣ್ಯ ಭೂಮಿಯನ್ನು ಅವಲಂಬಿಸಿರುವ ಜಿಲ್ಲೆಯ ಜನರಿಗೆ ಅರಣ್ಯ ಹಕ್ಕು ಮಾನ್ಯತೆ ಕಾಯ್ದೆಯಡಿ ಭೂಮಿಯ ಹಕ್ಕು ನೀಡಲು ಕ್ರಮ ಆಗಬೇಕು’ ಎಂದು ಅವರು ಜಿಲ್ಲಾಧಿಕಾರಿಗಳ ಮುಂದೆ ನಿಂತು ಮಾತನಾಡಿದ್ದಾರೆ. ವಿವಿಧ ಸಂಘಟನೆಗಳ ಹೋರಾಟ ಪ್ರಮುಖರ ನಿಯೋಗದ ಜೊತೆ ಅವರು ಅಧಿಕಾರಿಗಳನ್ನು ಭೇಟಿ ಮಾಡಿದ್ದು, ಎಲ್ಲರೂ ಸೇರಿ ಅರಣ್ಯ ಹಕ್ಕು ಅನುಷ್ಠಾನ ಪ್ರಕ್ರಿಯೆಯಲ್ಲಿನ ಗೊಂದಲ ಬಗೆಹರಿಸುವಂತೆ ಚರ್ಚೆ ನಡೆಸಿದ್ದಾರೆ. `2005ರ ಪೂರ್ವದ ವಸತಿ ಮತ್ತು ಜೀವನೋಪಾಯಕ್ಕೆ ಅರಣ್ಯ ಭೂಮಿಯನ್ನು ಅವಲಂಬಿಸಿರುವ ನೈಜ ಪ್ರಕರಣಗಳಲ್ಲಿ ಹಿರಿಯರ ಹೇಳಿಕೆ ಹೊರತುಪಡಿಸಿದ ಒಂದೇ ಒಂದು ನೈಜ ಸಾಂದರ್ಭಿಕ ಪುರಾವೆ ಇದ್ದರೂ ಸಹ ಭೂಮಿಯ ಹಕ್ಕು ನೀಡಲು ಪರಿಶೀಲಿಸಲಾಗುತ್ತದೆ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಈ ವೇಳೆ ಭರವಸೆ ನೀಡಿದ್ದಾರೆ. ಈ ವಿಷಯವನ್ನು ಅರಣ್ಯ ಭೂಮಿ ಹಕ್ಕು ಹೋರಾಟ ಸಂಘಟನೆಗಳ ರಾಜ್ಯ ಸಮಿತಿಯ ಅಧ್ಯಕ್ಷರೂ ಆಗಿರುವ ಚಂದ್ರಕಾoತ ಕೊಚರೇಕರ ಅವರು ಸುದ್ದಿಗಾರರ ಜೊತೆ ಹಂಚಿಕೊoಡಿದ್ದಾರೆ. `ಅನುಸೂಚಿತ ಬುಡಕಟ್ಟು ಮತ್ತು ಇತರೇ ಪಾರಂಪರಿಕ ಅರಣ್ಯವಾಸಿಗಳ ಅಧಿನಿಯಮ 2006ರ ಮತ್ತು ನಿಯಮ 2008 ಮತ್ತು 2012ರ ತಿದ್ದುಪಡಿ ನಿಯಮಗಳ ಅನೇಕ ಅಂಶಗಳು ಜಿಲ್ಲೆಯ ಅರಣ್ಯವಾಸಿಗಳ ಪರವಾಗಿದೆ. ಆದರೆ, ಈ ಕಾಯ್ದೆಯ ಅನುಷ್ಠಾನ ಪ್ರಕ್ರೀಯೆಯಲ್ಲಿ ಮತ್ತು ಇತರ ಪಾರಂಪರಿಕ ಅರಣ್ಯವಾಸಿಗಳಿಗೆ ಅರಣ್ಯ ಭೂಮಿಯ ಅಧಿಭೋಗದ ಹಕ್ಕು ನೀಡುವಲ್ಲಿ ಅಧಿಕಾರಿಗಳ ಮಟ್ಟದಲ್ಲಿ ಈಗಲೂ ಕೆಲವು ಗೊಂದಲಗಳಿವೆ’ ಎಂಬ ವಿಷಯವನ್ನು ನಿಯೋಗದಲ್ಲಿದ್ದವರು ಹಂಚಿಕೊAಡರು,. `ಅರಣ್ಯ ಭೂಮಿಯ ಸಾಗುವಳಿ, ಅರಣ್ಯ ಉತ್ಪನ್ನಗಳ ಸಂಗ್ರಹ, ಬಳಕೆ ಜಿಲ್ಲೆಯ ಜನರ ಅದರಲ್ಲೂ ರೈತರ ಜೀವನ ಕ್ರಮವಾಗಿದೆ. ಬರಗಾಲದ ಸಂದರ್ಭಗಳಲ್ಲಿ ಜನರ ನೆರವಿಗೆ ಬಂದದ್ದು ನಮ್ಮ ಅರಣ್ಯ.ಅರಣ್ಯದ ತಾಳೆಹಿಟ್ಟು, ಬಿದುರು ಅಕ್ಕಿ,ಬರಗಾಲಗಡ್ಡೆ ಹಲವು ಗ್ರಾಮೀಣ ತಲೆಮಾರಿನ ಜನರ ಆಹಾರವಾಗಿತ್ತು. ಕ್ರಮೇಣ ರಾಗಿ ಕುಂಬ್ರಿ, ಶೇಂಗಾ ಕುಂಬ್ರಿಗಳ ಮೂಲಕ ಅರಣ್ಯ ಭೂಮಿಯ ಬಳಕೆ ಹೆಚ್ಚಾಯಿತು. ಈ ಇತಿಹಾಸ ಜಿಲ್ಲೆಯ ಗೆಜೆಟಿಯರಿನಲ್ಲಿ ಸಹ ಉಲ್ಲೇಖವಿದೆ’ ಎಂಬ ವಿಷಯವನ್ನು ಪ್ರಸ್ತಾಪಿಸಿದರು. ಇದರೊಂದಿಗೆ ವಿವಿಧ ನ್ಯಾಯಾಲಯಗಳ ಪ್ರಕರಣಗಳ ಬಗ್ಗೆ ಉಲ್ಲೇಖಿಸಿ ನ್ಯಾಯಕ್ಕಾಗಿ ಒತ್ತಾಯಿಸಿದರು. ಹೋರಾಟ ಸಮಿತಿಯ ಪ್ರಧಾನ ಸಂಚಾಲಕರಾಗಿರವ ಜಿ ಎಂ ಶೆಟ್ಟಿ ಅಚವೆ, ಪ್ರಮುಖರಾದ ಪಿ ಟಿ ನಾಯ್ಕ ಮೂಡ್ಕಣಿ, ನಾಗೇಶ ನಾಯ್ಕ ಶಿರಸಿ. ನವೀನ ಸಿದ್ಧಿ, ಶಾಮನಾಥ ನಾಯ್ಕ, ಮಂಜುನಾಥ ಶಾಸ್ತ್ರೀ ಯಲ್ಲಾಪುರ, ನಾಗರಾಜ ಕಟ್ಟಿಮನಿ ಮುಂಡಗೋಡ, ಶ್ರೀಧರ ಶೆಟ್ಟಿ ಜಂಬೆಬೆಟ್ಟ ಹೊನ್ನಾವರ, ಸುರೇಶ ರಾಠೋಡ, ಬಸವಂತಪ್ಪ, ರಘು ಮರಾಠಿ, ಗಿರೀಶ ನಾಯ್ಕ, ಗಣೇಶ ಪಟಗಾರ ಯಲ್ಲಾಪುರ,ರವಿ ಶಾಸ್ತ್ರಿ ಇತರರು ಈ ನಿಯೋಗದಲ್ಲಿದ್ದರು.
- [ಕೋಟಿ ವೆಚ್ಚದ ಕಾಮಗಾರಿ ಕಳಪೆ!](https://mobiletime.in/2026/02/poor-work-costing-crores/): ಕುಮಟಾದ ತದಡಿ ಅಳವೆ ಪ್ರದೇಶದಲ್ಲಿ ಕೋಟಿ ರೂ ವೆಚ್ಚದಲ್ಲಿ ಹೂಳು ತೆಗೆಯುವ ಕೆಲಸ ನಡೆಯುತ್ತಿದ್ದು, ಹೂಳೆತ್ತುವ ಕಾಮಗಾರಿ ಕಳಪೆ ಎಂಬ ದೂರು ಕೇಳಿ ಬಂದಿದೆ. ಆಳ ಸಮುದ್ರಕ್ಕೆ ಯಾಂತ್ರಿಕೃತ ದೋಣಿ ತೆಗೆದುಕೊಂಡು ಹೋಗಲು ಸಮಸ್ಯೆಯಾಗುತ್ತಿರುವ ಹಿನ್ನಲೆ ಮೀನುಗಾರರು ಹೂಳು ತೆಗೆಯುವಂತೆ ಒತ್ತಾಯಿಸಿದ್ದು, ಸದ್ಯ ಮೀನುಗಾರರೇ ಆ ಕಾಮಗಾರಿಯ ಬಗ್ಗೆ ಆಕ್ಷೇಪವ್ಯಕ್ತಪಡಿಸಿದ್ದಾರೆ. ಈ ಪ್ರದೇಶದಲ್ಲಿ 2.65 ಕೋಟಿ ರೂ ವೆಚ್ಚದಲ್ಲಿ ಹೂಳೆತ್ತುವ ಕೆಲಸ ನಡೆಯುತ್ತಿದೆ. ಈ ಕೆಲಸ ನಿರ್ವಹಿಸಲು ಬೃಹತ್ ಆಕಾರದ ಡ್ರೇಜಿಂಗ್ ಮಷಿನ್ ಬಂದಿದೆ. ಆ ಯಂತ್ರ ದಿನಕ್ಕೆ ಒಮ್ಮೆ ಮಾತ್ರ ಅಳಿವೆ ಪ್ರದೇಶಕ್ಕೆ ಹೋಗಿ ಬರುತ್ತಿದ್ದು, ಮತ್ತೆರಡು ದಿನ ಖಾಲಿ ನಿಲ್ಲುತ್ತಿದೆ. ತದಡಿ ಬಂದಿರನಲ್ಲೇ ಲಂಗರು ಹಾಕಿರುವ ಈ ಯಂತ್ರ ಈವರೆಗೆ ಎಷ್ಟು ಪ್ರಮಾಣದಲ್ಲಿ ಹೂಳೆತ್ತಿದೆ? ಎನ್ನುವುದರ ಬಗ್ಗೆ ಜನರಿಗೆ ಮಾಹಿತಿ ಸಿಗುತ್ತಿಲ್ಲ. ತೆಗೆದ ಹೂಳು ಎಲ್ಲಿ ಹಾಕುತ್ತಾರೆ? ಎಂಬ ಪ್ರಶ್ನೆಗೂ ಉತ್ತರವಿಲ್ಲ. `ಅನಗತ್ಯ ಹಣ ಪೋಲು ಮಾಡುವ ಬದಲು ಸರಿಯಾದ ರೀತಿ ಕೆಲಸ ನಿರ್ವಹಿಸಬೇಕು. ಹೂಳು ಎತ್ತುವ ನೆಪದಲ್ಲಿ ಖರ್ಚು ಕಾಣಿಸುವ ಬದಲು ಆ ಕೆಲಸವನ್ನು ಸರಿ ಮಾಡಬೇಕು’ ಎಂದು ಅಲ್ಲಿನ ಮೀನುಗಾರರು ಆಗ್ರಹಿಸಿದ್ದಾರೆ. ಅಲ್ಲಿನ ಉಮೇಶ ಹರಿಕಾಂತ, ಜಗದೀಶ ತಾಂಡೇಲ, ಭಾಸ್ಕರ ಹರಿಕಾಂತ, ನಾಗರಾಜ ಹರಿಕಾಂತ ಇತರರು ಹೂಳು ಎತ್ತುವ ಯಂತ್ರದ ಕೆಲಸದ ಬಗ್ಗೆ ಪ್ರಶ್ನಿಸಿದ್ದಾರೆ.
- [ಅರಣ್ಯವಾಸಿಗಳ ಅಳಲು ಆಲಿಸದ ಮುಖ್ಯಮಂತ್ರಿ: ಆಕ್ರೋಶ](https://mobiletime.in/2026/02/outrage-over-chief-minister-not-listening-to-forest-dwellers-cries/): `ಉತ್ತರ ಕನ್ನಡ ಜಿಲ್ಲೆಗೆ ಭೇಟಿ ನೀಡಿದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ರೈತರ ಪರ ನಿಲುವು ಹೊಂದಿಲ್ಲ. ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಸಹ ರೈತರ ಸಮಸ್ಯೆ ಆಲಿಸಿಲ್ಲ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಅರಣ್ಯ ಅತಿಕ್ರಮಣ ಸೇರಿ ಹಲವು ಸಮಸ್ಯೆಗಳಿದ್ದರೂ ಆ ಬಗ್ಗೆ ಕಿಂಚಿತ್ತು ಕಾಳಜಿವಹಿಸದ ಜನಪ್ರತಿನಿಧಿಗಳ ವಿರುದ್ಧ ಅವರು ಕಿಡಿಕಾರಿದ್ದಾರೆ. `ಕಳೆದ 50 ವರ್ಷಗಳಿಂದ ಅರಣ್ಯ ಅತಿಕ್ರಮಣದಾರರು ಹೋರಾಟ ನಡೆಸುತ್ತಿದ್ದಾರೆ. ಜಿಲ್ಲೆಯಲ್ಲಿ 80 ಸಾವಿರ ಅರಣ್ಯ ಅತಿಕ್ರಮಣ ಕುಟುಂಬಗಳಿದ್ದು, ಅವರ ಸಮಸ್ಯೆಗೆ ಸ್ಪಂದಿಸುವ ಕೆಲಸ ನಡೆದಿಲ್ಲ. ಮುಖ್ಯಮಂತ್ರಿಗಳ ಭೇಟಿ ಸಮಯದಲ್ಲಿ ಈ ವಿಷಯವಾಗಿ ಮಾತನಾಡುತ್ತಾರೆ ಎಂಬ ನಿರೀಕ್ಷೆ ಹುಸಿಯಾಗಿದೆ’ ಎಂದು ಶಾಂತಾರಾಮ ನಾಯಕ ಅವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಅಂಕೋಲಾದ ಕನ್ನಡ ಭವನದಲ್ಲಿ ನಡೆದ ಕರ್ನಾಟಕ ಪ್ರಾಂತ ರೈತ ಸಂಘದ ತಾಲೂಕು ಮಟ್ಟದ 6ನೇ ರೈತ ಸಮ್ಮೇಳನದ ಉದ್ಘಾಟನಾ ಭಾಷಣದಲ್ಲಿಯೇ ಶಾಂತರಾಮ ನಾಯಕ ಅವರು ಮುಖ್ಯಮಂತ್ರಿ ಹಾಗೂ ಉಪಮುಖ್ಯಮಂತ್ರಿ ಅವರ ವರ್ತನೆಯನ್ನು ಖಂಡಿಸಿದ್ದಾರೆ. `ಸದ್ಯ ಮತ್ತೆ ಅಧಿಕಾರಿಗಳು ಅರಣ್ಯವಾಸಿಗಳ ಮನೆಗೆ ಬಂದು ದಾಖಲೆ ಕೇಳುತ್ತಿದ್ದಾರೆ. ನಿಮ್ಮ ಹೆಸರಿನಲ್ಲಿ ಭೂಮಿ ಇದೆಯಾ? ನಿಮ್ಮ ಮನೆಯಲ್ಲಿ ನೌಕರಿಯಲ್ಲಿದ್ದವರಿದ್ದಾರ? ಎಂದು ಪ್ರಶ್ನಿಸುತ್ತಿದ್ದಾರೆ. ಅರಣ್ಯವಾಸಿಯಾದ ಕಾರಣಕ್ಕಾಗಿ ಶಿಕ್ಷಣ ಕೊಡಿಸಿ ನೌಕರಿಗೆ ಕಳುಹಿಸಿರುವುದೇ ತಪ್ಪು ಎಂಬAತೆ ಬಿಂಬಿಸುತ್ತಿದ್ದಾರೆ’ ಎಂದು ಆಕ್ರೋಶವ್ಯಕ್ತಪಡಿಸಿದರು. `ಮುಂದಿನ ಹೋರಾಟದ ಬಗ್ಗೆ ಅರಣ್ಯವಾಸಿಗಳು ಪರಸ್ಪರ ಚರ್ಚಿಸಿ ನಿರ್ಣಯ ಕೈಗೊಳ್ಳಬೇಕು. ಇಲ್ಲವಾದರೆ ಈಗಿದ್ದ ಭೂಮಿಯನ್ನು ಕಳೆದುಕೊಳ್ಳಬೇಕಾಗುತ್ತದೆ’ ಎಂದು ಸಂಘದ ತಾಲೂಕು ಅಧ್ಯಕ್ಷ ಗೌರೀಶ ನಾಯಕ ಅವರು ಎಚ್ಚರಿಸಿದರು. ಅರಣ್ಯವಾಸಿಗಳಾದ ವೆಂಕಟ್ರಮಣ ಗೌಡ, ಮಾದೇವ ಗೌಡ, ಮೀನಾಕ್ಷಿ ಗೌಡ, ಶಿವರಾಮ ಪಟಗಾರ, ಸಂದೀಪ ನಾಯ್ಕ ಸುಂಕಸಾಳ, ಉದಯ ನಾಯ್ಕ, ಚಂದ್ರು ಗೌಡ ಶಿರಗುಂಜಿ, ವಿಠ್ಠಲ ಗೌಡ ಬಾಳೆಗುಳಿ, ದೇವಣ್ಣ ನಾಯಕ, ಅರುಣ ನಾಯ್ಕ ಹೆಗ್ಗರಣಿ, ದಿನಕರ ನಾಯ್ಕ ಡೋಂಗ್ರಿ, ರಾಜಗೋಪಾಲ ಶೇಟ್ ಮುಂತಾದವರು ಉಪಸ್ಥಿತರಿದ್ದರು. ಸಂಘಟ ತಾಲೂಕು ಕಾರ್ಯದರ್ಶಿ ಸಂತೋಷ ನಾಯ್ಕ ಸ್ವಾಗತಿಸಿ ಪ್ರಾಸ್ತಾವಿಕ ಮಾತನಾಡಿದರು. ಈ ಸಭೆಯಲ್ಲಿ ತಾಲೂಕು ಸಮಿತಿಯನ್ನು ಪುನರ್ ರಚನೆ ನಡೆದಿದ್ದು, ಅಧ್ಯಕ್ಷರಾಗಿ ಗೌರೀಶ ನಾಯಕ, ಕಾರ್ಯದರ್ಶಿಯಾಗಿ ಸಂತೋಷ ನಾಯ್ಕ ಆಯ್ಕೆಯಾದರು. ಉಪಾಧ್ಯಕ್ಷರಾಗಿ ರಮಾನಂದ ನಾಯಕ ಅಚವೆ, ಮಾದೇವ ಗೌಡ, ಸಂದೀಪ್ ಏ ನಾಯ್ಕ, ಮೀನಾಕ್ಷಿ ಗೌಡ,ಜಂಟಿ ಕಾರ್ಯದರ್ಶಿಗಳಾಗಿ ಉದಯ ನಾಯ್ಕ ಹೊಸಬದ್ದೆ, ವೆಂಕಟರಮಣ ಗೌಡ ಬಾಳೆಗುಳಿ, ಜ್ಯೋತಿ ಎ. ನಾಯ್ಕ ಮತ್ತು ಸಮಿತಿ ಸದಸ್ಯರಾಗಿ 11 ಜನ ಆಯ್ಕೆಯಾದರು.
- [ಮೊಬೈಲ್ ಕಳೆದುಕೊಂಡ ಪವರ ಮ್ಯಾನ್: ನಿಗೂಢ ನಾಪತ್ತೆ!](https://mobiletime.in/2026/02/power-man-loses-his-mobile-phone-mysterious-disappearance/): ಸಿದ್ದಾಪುರದ ಹೆಸ್ಕಾಂ ಕಚೇರಿ ಪವರ್ ಮ್ಯಾನ್ ಆಗಿ ಕೆಲಸ ಮಾಡುತ್ತಿದ್ದ ಮಹಾಕೂಟೇಶ್ವರ ಗಾಜಿ ಅವರ ಮೊಬೈಲ್ ಕಾಣೆಯಾಗಿದ್ದು, ಅದಾದ ಕೆಲ ದಿನದಲ್ಲಿ ಮಹಾಕೂಟೇಶ್ವರ ಗಾಜಿ ಅವರು ನಿಗೂಢವಾಗಿ ಕಣ್ಮರೆಯಾಗಿದ್ದಾರೆ. ಕಳೆದ 25 ದಿನಗಳಿಂದ ಹುಡುಕಾಟ ನಡೆಸಿದರೂ ಮಹಾಕೂಟೇಶ್ವರ ಗಾಜಿ ಅವರ ಸುಳಿವು ಸಿಕ್ಕಿಲ್ಲ. ಗದಗದ ರೋಣ ಬಳಿಯ ಮಲ್ಲಾಪುರ ಮೂಲದ ಮಹಾಕೂಟೇಶ್ವರ ಯಲ್ಲಪ್ಪ ಗಾಜಿ (35) ಅವರು ಹೆಸ್ಕಾಂ ನೌಕರರಾಗಿದ್ದರು. ಸಿದ್ದಾಪುರದಲ್ಲಿ ಜೂನಿಯರ್ ಪವರ್ ಮ್ಯಾನ್ ಆಗಿ ಅವರು ಕೆಲಸ ಮಾಡಿಕೊಂಡಿದ್ದರು. ಅಲ್ಲಿನ ಹೆಸ್ಕಾಂ ವಸತಿ ನಿಲಯದಲ್ಲಿ ಅವರು ಒಬ್ಬರೇ ವಾಸವಾಗಿದ್ದರು. ಇನ್ನೂ ಮದುವೆ ಆಗಿರದ ಮಹಾಕೂಟೇಶ್ವರ ಗಾಜಿ ಅವರು ಮದ್ಯ ಸೇವನೆಯ ದುಶ್ಚಟವನ್ನು ಹೊಂದಿದ್ದರು. ಫೆಬ್ರವರಿ 1ರಂದು ಮಹಾಕೂಟೇಶ್ವರ ಗಾಜಿ ಅವರು ತಮ್ಮ ಸಹೋದರ ಹನಮಪ್ಪ ಗಾಜಿ ಅವರಿಗೆ ಫೋನ್ ಮಾಡಿದ್ದರು. `ನನ್ನ ಮೊಬೈಲ್ ಕಳೆದುಹೋಗಿದೆ. ತುರ್ತಾಗಿ ಹಣದ ಅಗತ್ಯವಿದೆ’ ಎಂದು ಅವರು ಆ ವೇಳೆ ಹೇಳಿದ್ದರು. ಅದಾದ ಬಳಿಕ ಅವರ ಫೋನ್ ಸ್ವಿಚ್ ಆಫ್ ಆಗಿದ್ದು, ಎಷ್ಟು ದಿನ ಕಳೆದರೂ ಮತ್ತೆ ಮಹಾಕೂಟೇಶ್ವರ ಗಾಜಿ ಅವರ ಫೋನ್ ಬಂದಿಲ್ಲ. ಅದಾದ ನಂತರ ಮಹಾಕೂಟೇಶ್ವರ ಗಾಜಿ ಅವರು ಸಹ ಕಣ್ಮರೆಯಾಗಿರುವುದು ಗಮನಕ್ಕೆ ಬಂದಿದೆ. ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿಯಲ್ಲಿ ಮೆಸ್ಕಾಂ ನೌಕರರಾಗಿರುವ ಹನಮಪ್ಪ ಗಾಜಿ ಅವರು ಸಿದ್ದಾಪುರಕ್ಕೆ ಬಂದು ಸಹೋದರನ ಹುಡುಕಾಟ ನಡೆಸಿದರು. ಕಚೇರಿಗೆ ಹೋಗಿ ವಿಚಾರಿಸಿದರು. ಆಗ, ಅವರು ಕೆಲಸಕ್ಕೂ ಬಾರದ ಬಗ್ಗೆ ಗೊತ್ತಾಯಿತು. ಈ ಹಿನ್ನಲೆ ಸಹೋದರನನ್ನು ಹುಡುಕಿಕೊಡುವಂತೆ ಹನಮಪ್ಪ ಗಾಜಿ ಅವರು ಪೊಲೀಸ್ ದೂರು ನೀಡಿದರು. ಸಿದ್ದಾಪುರ ಪೊಲೀಸರು ಸದ್ಯ ಮಹಾಕೂಟೇಶ್ವರ ಗಾಜಿ ಅವರ ಹುಡುಕಾಟ ನಡೆಸಿದ್ದಾರೆ.  
- [ತೆಂಗಿನ ಮರಕ್ಕೆ ಕಾಟ ಕೊಡುವ ಕೆಂಪು ಕೀಟ!](https://mobiletime.in/2026/02/a-red-insect-that-threatens-coconut-trees/): ಸಮೃದ್ಧವಾಗಿ ಬೆಳೆದ ತೆಂಗಿನ ಮರಗಳಿಗೆ ಕೆಂಪು ಮೂತಿಯ ಕೀಟವೊಂದು ಕಾಟ ಕೊಡುತ್ತಿದೆ. ಸಂಪತ್ಬರಿತ ಫಲ ಕೊಡುವ ಮರಗಳನ್ನು ಸಹ ಸಣ್ಣ ಬಗೆಯ ಕೀಟವೊಂದು ಸಾಯಿಸುತ್ತಿದೆ. ಸದ್ಯ ಅಂಕೋಲಾ ಹಿಚಕಡ, ಶಟಗೇರಿ, ಕಣಗಿಲ್, ಮೊಗಟಾ ಭಾಗದ ತೆಂಗಿನ ಮರಗಳು ಕೀಟ ಬಾಧೆಯಿಂದ ಸೊರಗಿವೆ. ದುಂಬಿ ಹುಳುಗಳ ದಾಳಿಗೆ ತೆಂಗಿನ ಮರವೇ ನಾಶವಾಗುತ್ತಿದೆ. ತೆಂಗಿನ ಮರದ ಕಾಂಡಕ್ಕೆ ಸಣ್ಣ ಸಣ್ಣ ರಂದ್ರ ಮಾಡುವ ಕೀಟಗಳು ಅದರ ಒಳಗೆ ನುಸುಳಿ ಮೃದು ಭಾಗವನ್ನು ತಿನ್ನುತ್ತಿವೆ. ಕಾಂಡ ಕೊರೆದು ಆಗುವ ಹಾನಿ ಸಹಿಸಲಾಗದೇ ಮರ ಬೀಳುತ್ತಿದೆ. ಸಾಮಾನ್ಯವಾಗಿ ಸೆಪ್ಟೆಂಬರ್-ಡಿಸೆAಬರ್ ಅವಧಿಯಲ್ಲಿ ಈ ಕೀಟದ ಕಾಟ ಜೋರಾಗಿರುತ್ತಿತ್ತು. ಆದರೆ, ಇದೀಗ ಫೆಬ್ರವರಿಯಲ್ಲಿಯೇ ಕೀಟ ಬಾಧೆ ಉಲ್ಬಣವಾಗಿದೆ. ಮರದ ಕಾಂಡದ ಮೇಲೆ ಚಿಕ್ಕ ಚಿಕ್ಕ ರಂದ್ರ ಕಾಣಿಸುವುದು ಕೀಟ ಬಾಧೆಯನ್ನು ಗುರುತಿಸುವ ಲಕ್ಷಣಗಳಲ್ಲಿ ಒಂದು. ಕೀಟದ ದಾಳಿಗೆ ಮರ ತತ್ತರಿಸುತ್ತಿದ್ದು, ರೈತರು ಮುನ್ನಚ್ಚರಿಕೆವಹಿಸದೇ ಇದ್ದರೆ ಮರ ಉಳಿಸಿಕೊಳ್ಳುವುದು ಸಹ ಕಷ್ಟವಾಗಲಿದೆ. `ಕೀಟದಿಂದ ತೆಂಗಿನ ಮರ ರಕ್ಷಿಸಿಕೊಳ್ಳಲು ತೋಟದಲ್ಲಿ ಸ್ವಚ್ಚತೆ ಕಾಪಾಡಬೇಕು. ಕೀಟ ಕಾಣಿಸಿದ ತಕ್ಷಣ ಅದನ್ನು ನಾಶಪಡಿಸಬೇಕು. ತೆಂಗಿನ ಜೊತೆ ಅಂತರ ಬೆಳೆಯಾಗಿ ಶುಂಠಿ, ಅರಶಿನ, ಬಾಳೆ, ಮೆಣಸು ಬೆಳೆದು ವರಮಾನ ಹೆಚ್ಚಿಸಿಕೊಳ್ಳಬೇಕು’ ಎಂಬುದು ವಿಜ್ಞಾನಿಗಳ ಮಾತು. ಕೀಟ ಬಾಧೆಯಿಂದ ತತ್ತರಿಸಿದ ಮರಗಳನ್ನು ವೀಕ್ಷಿಸಿದ ವಿಜ್ಞಾನಿಗಳು ರೈತರಿಗೆ ಈ ಮಾಹಿತಿ ಒದಗಿಸಿದರು.
- [ದಾರಿಗಾಗಿ ದಾಯಾದಿಗಳ ಕಲಹ: ಬೆಟ್ಟದ ಹಾದಿಗಾಗಿ ಬೆತ್ತದ ಏಟು!](https://mobiletime.in/2026/02/the-fight-between-the-brothers-over-the-road-a-cane-fight-for-the-path-to-the-hill/): ಸಿದ್ದಾಪುರ ಮಲಕಾರುವಿನ ಚಂದ್ರಶೇಖರ ಹೆಗಡೆ ಹಾಗೂ ಅವರ ಪುತ್ರ ವಿದ್ಯಾದರ ಹೆಗಡೆ ಅವರ ಮೇಲೆ ಅವರ ಕುಟುಂಬದವರೇ ಬೆತ್ತದಿಂದ ಹೊಡೆದಿದ್ದಾರೆ. ಬೆಟ್ಟದ ದಾರಿ ಹಕ್ಕಿನ ವಿಷಯದಲ್ಲಿ ಈ ಹೊಡೆದಾಟ ನಡೆದಿದೆ. ಸಿದ್ದಾಪುರದ ಮಲಕಾರು ಬಳಿಯ ಕಕ್ಕರಸವಲಿನಲ್ಲಿ ಚಂದ್ರಶೇಖರ ರಾಮಕೃಷ್ಣ ಹೆಗಡೆ ಹಾಗೂ ಅವರ ಪುತ್ರ ವಿದ್ಯಾಧರ ಹೆಗಡೆ ಅವರು ವಾಸವಾಗಿದ್ದಾರೆ. ಮುಠ್ಠಲಿ ಗ್ರಾಮದ ಸರ್ವೇ ನಂ 108/2ರಲ್ಲಿ ಅವರ ಕುಟುಂಬಕ್ಕೆ ತೋಟವಿದೆ. ಚಂದ್ರಶೇಖರ ಹೆಗಡೆ ಅವರ ದೊಡ್ಡಪ್ಪನ ಮಗನಾದ ಲಕ್ಷೀನಾರಾಯಣ ಮಹಾಬಲೇಶ್ವರ ಹೆಗಡೆ ಅವರಿಗೂ ಅದೇ ಭಾಗದಲ್ಲಿ ತೋಟವಿದ್ದು, ಈ ಎರಡು ತೋಟಕ್ಕೆ ಹೋಗಲು ಅಲ್ಲಿನ ಬೆಟ್ಟದಲ್ಲಿ ದಾರಿ ಮಾಡಲಾಗಿದೆ. ಆದರೆ, ಆ ದಾರಿಯಲ್ಲಿ ಚಂದ್ರಶೇಖರ ಹೆಗಡೆ ಅವರ ಕುಟುಂಬದವರು ಓಡಾಡಲು ಲಕ್ಷೀನಾರಾಯಣ ಹೆಗಡೆ ಕುಟುಂಬದವರು ಅಡ್ಡಿಪಡಿಸುತ್ತಿದ್ದಾರೆ. ಅದಾಗಿಯೂ, ಚಂದ್ರಶೇಖರ ಹೆಗಡೆ ಅವರು ಅದೇ ದಾರಿಯಲ್ಲಿ ಓಡಾಡುತ್ತಾರೆ. ಚಂದ್ರಶೇಖರ ಹೆಗಡೆ ಅವರ ಕೆಲಸಕ್ಕೆ ಬರುವ ಆಳುಗಳು ಸಹ ಅದೇ ದಾರಿಯನ್ನು ಬಳಸುತ್ತಾರೆ. ಹೀಗಾಗಿ ಲಕ್ಷೀನಾರಾಯಣ ಹೆಗಡೆ ಕುಟುಂಬದವರ ಆಕ್ರೋಶ ಹೆಚ್ಚಿದ್ದು, ಫೆಬ್ರವರಿ 21ರಂದು ಸಹ ಈ ದಾರಿ ಬಳಕೆ ಮಾಡಿದ ಕಾರಣ ಹೊಡೆದಾಟ ನಡೆದಿದೆ. ಆ ದಿನ ಚಂದ್ರಶೇಖರ ಹೆಗಡೆ ಅವರು ಬೆಟ್ಟದ ದಾರಿ ಮೂಲಕ ಕರಡ ಸಾಗಿಸುತ್ತಿರುವಾಗ ಲಕ್ಷೀನಾರಾಯಣ ಹೆಗಡೆ ಅವರು ಆಳುಗಳನ್ನು ಅಡ್ಡಗಟ್ಟಿದ್ದು ಹೊಡೆದಾಟಕ್ಕೆ ಕಾರಣವಾಗಿದೆ. `ಈ ರಸ್ತೆಯಲ್ಲಿ ಹೋಗಬೇಡ’ ಎಂದು ಲಕ್ಷೀನಾರಾಯಣ ಹೆಗಡೆ ಅವರು ತಾಕೀತು ಮಾಡಿದ್ದಾರೆ. ಈ ವೇಳೆ ಅಲ್ಲಿಗೆ ಬಂದ ಲಕ್ಷೀನಾರಾಯಣ ಹೆಗಡೆ ಅವರ ಸಹೋದರ ರಮೇಶ ಹೆಗಡೆ ಅವರು ಚಂದ್ರಶೇಖರ ಹೆಗಡೆ ಅವರನ್ನು ದೂಡಿದ್ದಾರೆ. ತಂದೆ ಮೇಲೆ ಹಲ್ಲೆ ನಡೆಯುವುದನ್ನು ತಪ್ಪಿಸಲು ವಿದ್ಯಾನಂದ ಹೆಗಡೆ ಅವರು ಧಾವಿಸಿದ್ದು, ಅಲ್ಲಿಯೇ ಇದ್ದ ಲಕ್ಷೀನಾರಾಯಣ ಹೆಗಡೆ ಅವರ ಪತ್ನಿ ಶಾಂತಲಾ ಹೆಗಡೆ ಅವರು ವಿದ್ಯಾನಂದ ಹೆಗಡೆ ಅವರಿಗೆ ಬೆತ್ತದಿಂದ ಹೊಡೆದಿದ್ದಾರೆ. ಈ ನೋವು ಸಹಿಸದ ಚಂದ್ರಶೇಖರ ಹೆಗಡೆ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ತಮ್ಮ ಮೇಲೆ ಆದ ದಾಳಿಯ ಬಗ್ಗೆ ವಿವರಿಸಿ ದೂರು ನೀಡಿದ್ದಾರೆ. ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ತಿಥಿ ಊಟಕ್ಕೆ ಬಂದವ ಮಹಿಳೆ ಮೈ ಮುಟ್ಟಿದ!](https://mobiletime.in/2026/02/the-woman-who-came-for-dinner-touched-me/): ಯಲ್ಲಾಪುರದ ಬಾಚಿನಳ್ಳಿಯಲ್ಲಿರುವ ಸರಸ್ವತಿ ಸಿದ್ದಿ ಅವರ ಮನೆಯಲ್ಲಿ ತಿಥಿ ನಡೆದಿದ್ದು, ಆ ಮನೆಯೊಳಗೆ ಪ್ರವೇಶಿಸಿದ ಮಂಚಿಕೇರಿಯ ಅಬ್ದುಲ್ ರೆಹಮಾನ್ ಅವರು ಅಲ್ಲಿದ್ದ ಮಹಿಳೆಯೊಬ್ಬರ ಮೈ ಮುಟ್ಟಿದ್ದಾರೆ. ಜೊತೆಗೆ ಮತ್ತೊಬ್ಬ ಮಹಿಳೆಯ ಬಗ್ಗೆ ವಿಚಾರಿಸಿ, ಸಿದ್ದಿ ಸಮುದಾಯದ ಬಗ್ಗೆ ನಿಂದನಾರ್ಹ ಮಾತುಗಳನ್ನು ಆಡಿದ್ದಾರೆ. ಯಲ್ಲಾಪುರದ ಬಾಚನಳ್ಳಿಯ ಸಾವಿತ್ರಿ ನಾಗೇಂದ್ರ ಸಿದ್ದಿ ಅವರು ಮಂಚಿಕೇರಿಯಲ್ಲಿ ಮಾಲ್ಕಿ ಮರ ಕಟಾವು ಮಾಡುವ ಅಬ್ದುಲ್ ರೆಹಮಾನ್ ದಾವುದ್ ಶೇಖ್ ಅವರ ವಿರುದ್ಧ ಆರೋಪ ಮಾಡಿದ್ದಾರೆ. ಮಂಚಿಕೇರಿ ಚರ್ಚ ರಸ್ತೆಯ ಅಬ್ದುಲ್ ರೆಹಮಾನ್ ಅವರ ವಿರುದ್ಧ ಪ್ರಕರಣವನ್ನು ದಾಖಲಿಸಿದ್ದಾರೆ. `ತಮ್ಮ ಅಜ್ಜಿ ಸರಸ್ವತಿ ಸಿದ್ದಿ ಅವರ ಮನೆಯಲ್ಲಿ ತಿಥಿ ಊಟಕ್ಕೆ ಹೋದಾಗ ಅಲ್ಲಿಗೆ ಅಬ್ದುಲ್ ರೆಹಮಾನ್ ಅವರು ಆಗಮಿಸಿದ್ದರು. ಮನೆಯೊಳಗೆ ನುಗ್ಗಿ ಮಂಗಲಾ ಎಲ್ಲಿ? ಎಂದು ಅವರು ಪ್ರಶ್ನಿಸಿದರು. ಗೊತ್ತಿಲ್ಲ ಎಂದು ಹೇಳಿದಾಗ, ಆಕೆಯನ್ನು ನೀವೇ ಅಡಗಿಸಿಟ್ಟಿದ್ದೀರಿ.. ಸಿದ್ದಿ ಸೂ.. ಹೆಂಗಸರು ಎಂದು ಬೈದರು. ಅದಾದ ನಂತರ ತನ್ನ ಮೈ-ಕೈ ಮುಟ್ಟಿ ಅಸಭ್ಯವಾಗಿ ವರ್ತಿಸಿದರು’ ಎಂದು ಸಾವಿತ್ರಿ ಸಿದ್ದಿ ಅವರು ವಿವರಿಸಿದ್ದಾರೆ. ಜೊತೆಗೆ `ಸರಾಯಿ ಕುಡಿದು ಸಿಗರೇಟು ಸೇದುತ್ತಲೇ ತಮ್ಮ ಬಟ್ಟೆ ಹರಿದು ಅವಮಾನ ಮಾಡಿದ್ದಾರೆ’ ಎಂದು ದೂರಿದ್ದಾರೆ. `ಲಲತಾ ಕೃಷ್ಣ ಸಿದ್ದಿ ಹಾಗೂ ಮಾಲಾ ಪ್ರಭಾಕರ ಸಿದ್ದಿ ಅವರ ಜೊತೆಯೂ ಅಬ್ದುಲ್ ರೆಹಮಾನ್ ಅನುಚಿತವಾಗಿ ವರ್ತಿಸಿದ್ದು, ತಮ್ಮ ಗಂಡನಿಗೆ ಫೋನ್ ಮಾಡಿ ತಿಳಿಸಿದಾಗ ಅವರು ಬಂದು ನಮ್ಮನ್ನು ಕಾಪಾಡಿದ್ದಾರೆ’ ಎಂದವರು ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಇದಕ್ಕೆ ಪ್ರತಿಯಾಗಿ ಅಬ್ದುಲ್ ರೆಹಮಾನ್ ಅವರು ಸಹ ಪೊಲೀಸರ ಮುಂದೆ ತಮ್ಮ ಅಹವಾಲು ಹೇಳಿಕೊಂಡಿದ್ದಾರೆ. `ಬಾಚಿನಳ್ಳಿಯಲ್ಲಿರುವ ಲೋಕೇಶ ಸಿದ್ದಿ ಮನೆ ಎದುರಿನ ರಸ್ತೆಯಲ್ಲಿ ಚಿಕ್ಕಬಿಳಕಿಯ ಮೋತೇಶ ಮಸಣ್ಯ ಸಿದ್ದಿ ಅವರು ತಮ್ಮ ಮೇಲೆ ದಾಳಿ ನಡೆಸಿದ್ದಾರೆ’ ಎಂದು ಅಬ್ದುಲ್ ರೆಹಮಾನ್ ಅವರು ದೂರಿದ್ದಾರೆ. `ತಮ್ಮ ಕಾರಿನ ಚಾಲಕ ಇಮ್ತಿಯಜ್ ಅವರ ಜೊತೆ ಕಾರಿನಲ್ಲಿ ಬಾಚಿನಳ್ಳಿಗೆ ಹೋಗಿದ್ದು, ಮೋತೇಶ ಮಸಣ್ಯ ಸಿದ್ದಿ, ನಾಗೇಂದ್ರ ಫಕ್ಕೀರಪ್ಪ ಸಿದ್ದಿ, ಪಬ್ಬು ಸಿದ್ದಿ, ಮಾಲಾ ಪಬ್ಬು ಸಿದ್ದಿ, ಅವರಿಗೆ ಕೆಲಸಕ್ಕೆ ಬರುವಂತೆ ಸೂಚಿಸಿದೆ. ಈ ವೇಳೆ ಮಾಲಾ ಜೊತೆ ಮಾತನಾಡುವುದನ್ನು ತಪ್ಪಾಗಿ ಭಾವಿಸಿದ ಮೋತೇಶ್ ಸಿದ್ದಿ ನಮ್ಮ ಜಾತಿ ಹೆಣ್ಣು ಮಕ್ಕಳ ಮೇಲೆ ಕಣ್ಣು ಹಾಕುತ್ತೀಯಾ? ಎಂದು ಪ್ರಶ್ನೆ ಮಾಡಿದರು. ತಮ್ಮ ಸೊಂಟದಲ್ಲಿದ್ದ ಬೆಲ್ಟಿನಿಂದ ಹೊಡೆದು ಗಾಯ ಮಾಡಿದರು’ ಎಂದು ಅಬ್ದುಲ್ ರೆಹಮಾನ್ ಅವರು ದೂರಿದ್ದಾರೆ. ಎರಡು ಕಡೆಯವರ ಮಾತು ಆಲಿಸಿದ ಪೊಲೀಸರು ಎರಡು ಪ್ರತ್ಯೇಕ ಪ್ರಕರಣ ದಾಖಲಿಸಿದ್ದಾರೆ. ಜೊತೆಗೆ ತನಿಖೆಯನ್ನು ಮುಂದುವರೆಸಿದ್ದಾರೆ.
- [ವೈದ್ಯನ ವಿರುದ್ಧ ಹಲವು ದೂರು!](https://mobiletime.in/2026/02/many-complaints-against-the-doctor/): ಕಾರವಾರ ಬಳಿಯ ಹಾರವಾಡದಲ್ಲಿ ಕರ್ತವ್ಯದಲ್ಲಿರುವ ವೈದ್ಯರು ರೋಗಿಗಳಿಗೆ ಸ್ಪಂದಿಸುತ್ತಿಲ್ಲ. ಹೀಗಾಗಿ ಸೀರ್ಬರ್ಡ ಯೋಜನೆಗಾಗಿ ಭೂಮಿ ತ್ಯಾಗ ಮಾಡಿದ ಹಾರವಾಡದ ಜನರಿಗೆ ಸರಿಯಾದ ವೈದ್ಯಕೀಯ ಸೌಲಭ್ಯ ಸಿಗುತ್ತಿಲ್ಲ. `ತಮ್ಮೂರಿನ ಆಸ್ಪತ್ರೆಗೆ ನುರಿತ ವೈದ್ಯರನ್ನು ನೇಮಿಸಿ. ಕರ್ತವ್ಯದಲ್ಲಿ ಅಸಡ್ಡೆ ತೋರುವ ವೈದ್ಯರನ್ನು ಇಲ್ಲಿಂದ ಓಡಿಸಿ’ ಎಂದು ಆ ಭಾಗದ ಜನ ಆಗ್ರಹಿಸಿದ್ದಾರೆ. ಈ ಬಗ್ಗೆ ಜಿಲ್ಲಾಡಳಿತ ಹಾಗೂ ಶಾಸಕರಿಗೆ ಲಿಖಿತ ಅರ್ಜಿ ಸಲ್ಲಿಸಿದ್ದಾರೆ. `ತರಂಗಮೇಟ, ನಡುವಿನಕೇರಿ, ಒಕ್ಕಲಕೇರಿ, ಗಾಬಿತವಾಡ ಭಾಗದ ಜನ ಅನಾರೋಗ್ಯಕ್ಕೆ ಒಳಗಾದರೆ ಹಾರವಾಡದ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಬರುತ್ತಿದ್ದು, ಅಲ್ಲಿ ತಮಗೆ ಯೋಗ್ಯ ಚಿಕಿತ್ಸೆ ದೊರೆಯುತ್ತಿಲ್ಲ’ ಎಂದು ಆ ಭಾಗದ ಜನ ದೂರಿದ್ದಾರೆ. `ಇಲ್ಲಿನ ವೈದ್ಯರು ಸಮಯಕ್ಕೆ ಸರಿಯಾಗಿ ಕೆಲಸಕ್ಕೆ ಬರುತ್ತಿಲ್ಲ. ರೋಗಿಗಳ ಜೊತೆ ಅಸಭ್ಯವಾಗಿ ಮಾತನಾಡುತ್ತಿದ್ದು, ಆ ಬಗ್ಗೆ ದೂರಿದರೂ ಕ್ರಮವಾಗಿಲ್ಲ. ಅಡೆಂಟರ್ ಕೆಲಸಕ್ಕಿದ್ದವರ ಬಳಿ ರೋಗಿಗಳ ತಪಾಸಣೆ ಮಾಡಿಸುತ್ತಿದ್ದು, ಪ್ರಶ್ನಿಸಿದರೆ ಕೂಗಾಡುತ್ತಿದ್ದಾರೆ. ವೃದ್ಧರ ಜೊತೆಯೂ ವೈದ್ಯರು ಸರಿಯಾಗಿ ನಡೆದುಕೊಳ್ಳುತ್ತಿಲ್ಲ’ ಎಂದು ಜನ ಆಕ್ಷೇಪವ್ಯಕ್ತಪಡಿಸಿದ್ದಾರೆ. ಜನರ ಮನವಿ ಆಲಿಸಿದ ಶಾಸಕ ಸತೀಶ್ ಸೈಲ್, ತಕ್ಷಣ ಆರೋಗ್ಯಾಧಿಕಾರಿಗಳಿಗೆ ಫೋನ್ ಮಾಡಿದ್ದಾರೆ. ತುರ್ತು ಕ್ರಮಕ್ಕಾಗಿ ಸೂಚನೆ ನೀಡಿದ್ದಾರೆ. ಪ್ರಮುಖರಾದ ಮಂಗಲ ಚೆಂಡೇಕರ್, ಸುಜಾತ ಹರಿಕಂತ್ರ, ಪಾರ್ವತಿ ಕುಮಾರಸ್. ಕಮಲಾಕ್ಷಿ ಹರಿಕಂತ್ರ, ಪ್ರೇಮಕಲ ದುರ್ಗೆಕರ್, ಸುಶೀಲ ದುರ್ಗೆಕರ್, ಬೇಬಿ ಹರಿಕಂತ್ರ, ವಿನಾಯಕ್ ಸಿ ಹರಿಕಂತ್ರ, ಸಂತೋಷ ಹನುಮಟೇಕರ್, ದರ್ಶನ್ ರಾಮನಾಥ್ ಇನ್ನಿತರರು ವೈದ್ಯರ ವಿರುದ್ಧ ದೂರಿದ್ದಾರೆ.
- [ಮಂಚದಿoದ ಬಿದ್ದ ಹಾಡುಗಾರ: ಸಾವು!](https://mobiletime.in/2026/02/singer-who-fell-from-the-stage-death/): ಭಟ್ಕಳ ಮಾರುಕೇರಿಯ ನಾಗರಾಜ ಹೆಗಡೆ ಅವರು ಮಂಚದಿoದ ಕೆಳಗೆ ಬಿದ್ದು ಪೆಟ್ಟು ಮಾಡಿಕೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಿದರೂ ಚಿಕಿತ್ಸೆಗೆ ಸ್ಪಂದಿಸದೇ ಸಾವನಪ್ಪಿದ್ದಾರೆ. ಭಟ್ಕಳದ ಮಾರುಕೇರಿಯ ಕೋಟಖಂಡ ಕಲ್ಲಬ್ಬೆಯಲ್ಲಿ ನಾಗರಾಜ ವಾಸುದೇವ ಹೆಗಡೆ ಏಣಿಮನೆ (47) ಅವರು ವಾಸವಾಗಿದ್ದರು. ಸಂಗೀತಗಾರರಾಗಿದ್ದ ಅವರು ಅನೇಕ ವೇದಿಕೆಗಳಲ್ಲಿ ತಮ್ಮ ಪ್ರತಿಭೆ ಪ್ರದರ್ಶಿಸಿದ್ದರು. ಭಟ್ಕಳದಲ್ಲಿ ಹಂಸಧ್ವನಿ ಅಂಗಡಿ ತೆರೆದು ಹಾರ್ಮೊನಿಯಂ ರಿಪೇರಿ ಮತ್ತು ಸೌಂಡ್ ಸಿಸ್ಟಮ್ ಕಾಯಕವನ್ನು ನಿಭಾಯಿಸಿದ್ದರು. ಉತ್ತಮ ಸಂಗೀತಗಾರರೂ ಆಗಿದ್ದ ಅವರು ಹಲವರಿಗೆ ಸಂಗೀತಾಭ್ಯಾಸ ಮಾಡಿಸಿದ್ದರು. ಈಚೆಗೆ ಅವರು ತಮ್ಮ ಮನೆಯಲ್ಲಿ ಮಂಚದಿ0ದ ಕೆಳಗೆ ಬಿದ್ದಿದ್ದರು. ಅದರಿಂದ ಅವರ ತಲೆಗೆ ಗಂಭೀರ ಪ್ರಮಾನದಲ್ಲಿ ಪೆಟ್ಟಾಗಿತ್ತು. ತಕ್ಷಣ ಸರಕಾರಿ ಆಸ್ಪತ್ರೆಯಲ್ಲಿ ಅವರಿಗೆ ಚಿಕಿತ್ಸೆ ಕೊಡಿಸಿ ನಂತರ ಮಂಗಳೂರಿನ ವೆನಲಾಕ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿ ಚಿಕಿತ್ಸೆಗೆ ಸ್ಪಂದಿಸದೇ ಅವರು ಕೊನೆಯುಸಿರೆಳೆದಿದ್ದಾರೆ.
- [ಶಿರಸಿ ಜಾತ್ರೆ: ದರೋಡೆಕರೋರರ ಕೆಲಸಕ್ಕೆ ವಿಘ್ನ!](https://mobiletime.in/2026/02/sirsi-fair-a-hindrance-to-the-work-of-robbers/): ಶಿರಸಿ ಜಾತ್ರೆಯ ಸನ್ನಿವೇಶ ದುರುಪಯೋಗಪಡಿಸಿಕೊಂಡು ದರೋಡೆಗೆ ಸಿದ್ಧತೆ ಮಾಡಿಕೊಂಡಿದ್ದ ಡಕಾಯಿತರಿಗೆ ಭಾರೀ ಹಿನ್ನಡೆಯಾಗಿದೆ. ಶಿರಸಿಗೆ ಹೊರಡಲು ಸಿದ್ಧವಾಗಿದ್ದ ಡಕಾಯಿತರನ್ನು ಯಲ್ಲಾಪುರ ಪೊಲೀಸರು ದಾರಿ ಮದ್ಯೆಯೇ ತಡೆದಿದ್ದಾರೆ. ದಕ್ಷಿಣ ಭಾರತದಲ್ಲಿ ಎಲ್ಲಿಯೇ ಜಾತ್ರೆ ನಡೆದರೂ ಮಹಾರಾಷ್ಟದ ಎಂಟು ಜನ ಅಲ್ಲಿ ಹಾಜರಾಗುತ್ತಿದ್ದರು. ಈ ಮೊದಲು ಗೋಕರ್ಣ, ಮುರುಡೇಶ್ವರದಲ್ಲಿಯೂ ಆ ಡಕಾಯಿತರು ತಮ್ಮ ಕೈ ಚಳಕ ಪ್ರದರ್ಶಿಸಿದ್ದರು. ಕಳ್ಳತನ ಪ್ರಕರಣದಲ್ಲಿ ಸಿಕ್ಕಿಬಿದ್ದಾಗ ಮುಖಕ್ಕೆ ಖಾರದಪುಡಿ ಎರಚಿ ಪರಾರಿಯಾಗುತ್ತಿದ್ದರು. ಅದಾಗಿಯೂ ತಪ್ಪಿಸಿಕೊಳ್ಳಲು ಸಾಧ್ಯವಾಗದೇ ಇದ್ದಾಗ ಕಲ್ಲು ತೂರಾಟ ನಡೆಸಿ ಕಾರು ಓಡಿಸುತ್ತಿದ್ದರು. ಅಂಥ ಎಂಟು ಜನ ಡಕಾಯಿತರು ಸೇರಿ ಶಿರಸಿ ಜಾತ್ರೆಗೆ ಹೋಗಲು ಯೋಚಿಸಿದ್ದು, ಬುಧವಾರ ನಸುಕಿನಲ್ಲಿ ಯಲ್ಲಾಪುರ ಪೊಲೀಸರು ಕೆ ಮಿಲನ್ ಹೊಟೇಲ್ ಬಳಿ ಅನುಮಾನಾಸ್ಪದ ಕಾರನ್ನು ಪಿಸೈ ಸಿದ್ದಪ್ಪ ಗುಡಿ ಅವರು ತಡೆದು ನಿಲ್ಲಿಸಿದರು. ಪಿಸೈ ರಾಜಶೇಖರ್ ವಂದಲಿ ಅವರ ಜೊತೆ ಅನೀಲ ಮಾದರ್, ಮಹಾಂತೇಶ ಕುಂಬಾರ್, ಎಸೈ ಗಜಾನನ ನಾಯ್ಕ ಹಾಗೂ ಪೊಲೀಸ್ ಸಿಬ್ಬಂದಿ ಮಹಮದ್ ಶಫೀ ಶೇಖ್, ರಾಜೇಶ ನಾಯ್ಕ, ಬಸವರಾಜ ಹಗರಿ ಕಾರಿನಲ್ಲಿದ್ದವ ವಿಚಾರಣೆ ನಡೆಸಿದರು. ಮಹಾರಾಷ್ಟçದ ಆಟೋ ಚಾಲಕರಾದ ಉಮೇಶ ಗಾಯಕವಾಡ, ಶ್ರೀನಾಥ ಜಾದವ್, ಪ್ರಶಾಂತ ಪವಾರ್, ದೀಪಕ ದುಂಬಾನಿ ಜೊತೆ ಬಟ್ಟೆ ವ್ಯಾಪಾರಿಯ ಸುಂದರ ಗಾಯಕವಾಡ, ಪ್ಲಂಬರ್ ಲಖನ್ ಜಾದವ್ ಅವರು ತಮ್ಮ ಪರಿಚಯ ಮಾಡಿಕೊಂಡರು. ಪೊಲೀಸ್ ಸಿಬ್ಬಂದಿ ಪ್ರಶಾಂತ ಪಾವುಸ್ಕರ್, ಚಂದ್ರಪ್ಪ, ಶೋಭಾ ನಾಯ್ಕ, ರೇಖಾ ಎಂ ಎಸ್, ಶ್ರೀಕಾಂತ ಕಟಪರ್, ಪರಮೇಶ್ವರ ಬೆಂಡ್ಲಗಟ್ಟಿ ಅವರು ಜೊತೆಯಿದ್ದ ನಾಗುಬಾಯಿ ಜಾದವ್ ಹಾಗೂ ಅಂಬಿಕಾ ಜಾದವ್ ಅವರನ್ನು ವಿಚಾರಣೆಗೆ ಒಳಪಡಿಸಿದರು. ಆಗ ಅವರೆಲ್ಲರೂ ಶಿರಸಿ ಜಾತ್ರೆಗೆ ಹೊರಟಿರುವುದಾಗಿ ಹೇಳಿದರು. ಈ ವೇಳೆ ಅಲ್ಲಿಗೆ ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ಸ್ಥಳಕ್ಕೆ ಆಗಮಿಸಿದರು. ಗೋಕರ್ಣ ಪಿಐ ಶ್ರೀಧರ ಎಸ್ ಆರ್ ಕಾರ್ಯಾಚರಣೆಯ ಭಾಗವಾಗಿ ಆ ಡಕಾಯಿತರ ದರೋಡೆ ಶೈಲಿ ಗಮನಿಸಿದರು. ಪೊಲೀಸ್ ಸಿಬ್ಬಂದಿ ಗಿರೀಶ ಲಮಾಣಿ, ಪರಮೇಶ್ವರ ಎಸ್, ನಾಗರಾಜ ನಾಯ್ಕ, ಸುರೇಶ, ಮಹಾವೀರ, ಚನ್ನಕೇಶವ, ರಾಚಪ್ಪ, ಗಂಗಾಧರ, ಸಂತೋಷ ಬಾಳೇರ್ ಅವರು ಪೊಲೀಸ್ ಭಾಷೆಯಲ್ಲಿ ಪ್ರಶ್ನಿಸಿದರು. ಪೊಲೀಸರು ಆ ಎಂಟು ಜನರನ್ನು ತೀವೃವಾಗಿ ವಿಚಾರಣೆ ನಡೆಸಿದಾಗ ಪ್ರವಾಸಿ ತಾಣ, ದೇವಾಲಯಗಳಿಗೆ ನಿರಂತರ ಭೇಟಿ ನೀಡುತ್ತಿರುವುದು ಗೊತ್ತಾಯಿತು. ಜನ ಸಂದಣಿ ಹೆಚ್ಚಿರುವ ಕಡೆ ಹೋಗಿ ಕಳ್ಳತನ ಮಾಡುವುದು ಹಾಗೂ ದರೋಡೆ ಮಾಡುತ್ತಿದ್ದವರು ಅವರೇ ಎಂಬುದು ಖಾತ್ರಿಯಾಯಿತು. ಕಳೆದ ನಾಲ್ಕು ವರ್ಷಗಳಿಂದ ಇಂಥ ಕೃತ್ಯ ನಡೆಸುತ್ತಿರುವುದಾಗಿ ಅವರೆಲ್ಲರೂ ತಪ್ಪು ಒಪ್ಪಿಕೊಂಡರು. ಆ ಡಕಾಯಿತರ ಬಳಿಯಿದ್ದ ಮಂಕಿ ಕ್ಯಾಪ್, ಖಾರದಪುಡಿ, ಕಬ್ಬಿಣದ ರಾಡ್ ಹಾಗೂ ಮೊಬೈಲನ್ನು ಪೊಲೀಸರು ವಶಕ್ಕೆಪಡೆದರು. ಆ ಎಲ್ಲರನ್ನು ಜೈಲಿಗೆ ಕಳುಹಿಸಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಗದೀಶ ಎಂ ಎನ್, ಕೃಷ್ಣಮೂರ್ತಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಪೊಲೀಸರ ಈ ಸಾಧನೆಗೆ ಮೆಚ್ಚುಗೆವ್ಯಕ್ತಪಡಿಸಿದರು.  
- [ಕಲಿಯುವ ಕನಸಿದ್ದವರಿಗೆ ಕಂಪ್ಯುಟರ್ ಕೊಡುಗೆ](https://mobiletime.in/2026/02/computer-gift-for-those-who-dream-of-learning/): ಕಾರವಾರದ ಸದಾಶಿವಗಡ ಲಯನ್ಸ ಕ್ಲಬ್ಬಿನ ಸದಸ್ಯರು ಅಸ್ನೋಟಿಯ ಶಿವಾಜಿ ವಿದ್ಯಾಮಂದಿರದ ವಿದ್ಯಾರ್ಥಿಗಳ ಕಲಿಕೆಗೆ ನೆರವಾಗಿದ್ದಾರೆ. ವಿದ್ಯಾರ್ಥಿಗಳಿಗೆ ಕಂಪ್ಯುಟರ್ ಅಗತ್ಯವಿರುವುದನ್ನು ಗಮನಿಸಿದ ಲಯನ್ಸ್ ಸದಸ್ಯರು ಕಂಪ್ಯುಟರ್ ಜೊತೆ ಇನ್ನಿತರ ತಂತ್ರಜ್ಞಾನಯುಕ್ತ ಸಾಮಗ್ರಿಗಳನ್ನು ಸಹ ಕೊಟ್ಟಿದ್ದಾರೆ. ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರ ಗ್ರಾಮೀಣ ಭಾಗದ ಉತ್ತಮ ಪ್ರೌಢಶಾಲೆ ಎಂಬ ಹೆಗ್ಗಳಿಕೆಪಡೆದಿದೆ. ಹಿಂದುಳಿತ ಪ್ರದೇಶದ ಅನೇಕ ವಿದ್ಯಾರ್ಥಿಗಳು ಇಲ್ಲಿ ಸಾಧನೆ ಮಾಡಿದ್ದಾರೆ. ಅವರಿಗೆ ಅಗತ್ಯ ಪ್ರೋತ್ಸಾಹ ದೊರೆತರೆ ಇನ್ನಷ್ಟು ಸಾಧನೆ ಸಾಧ್ಯ ಎಂದು ಲಯನ್ಸ ಕ್ಲಬ್ಬಿಗೆ ಮನವರಿಕೆಯಾಗಿದ್ದು, ಈ ಹಿನ್ನಲೆ ಲಯನ್ಸ್ ಕ್ಲಬ್ ಅಧ್ಯಕ್ಷ ಡಾ ನಯೀಮ್ ಮುಖಾದಮ್ ಅವರು ಶೈಕ್ಷಣಿಕ ಕೊಡುಗೆಗೆ ನಿರ್ಧರಿಸಿದ್ದಾರೆ. ಕಲಿಕಾ ಸಾಮಗ್ರಿ ವಿತರಣೆ ನಂತರ ಮಾತನಾಡಿದ ಡಾ ನಯೀಮ್ ಮುಖಾದಮ್ ಅವರು `ಗ್ರಾಮೀಣ ಭಾಗದಲ್ಲಿ ಆಧುನಿಕ ಶಿಕ್ಷಣ ಒದಗಿಸುತ್ತಿರುವ ಪ್ರೌಢಶಾಲೆಗೆ ನಮ್ಮ ಬೆಂಬಲ ಸದಾ ಇದೆ. ಎಂದರು. `ಈ ಶಾಲೆಯ ಅಭ್ಯುದಯಕ್ಕೆ ಲಯನ್ಸ್ ಪ್ರಮುಖರಾದ ರಾಜೇಶ ಸಾಲೆಹಿತ್ತಲ ಮತ್ತು ಅನೀಲ ಶೇಟ ಅವರ ಸಹಕಾರವೂ ಇದೆ’ ಎಂದು ಸ್ಮರಿಸಿದರು. ಲಯನ್ಸ ಕ್ಲಬ್ಬಿನ ಡಿಸ್ಟ್ರಿಕ್ಟ್ ಗೌರ್ನರ್ ಜೈಮೊಲ್ ನಾಯ್ಕ ಅವರ ಸಹಾಯವನ್ನು ವಿವರಿಸಿದರು. ಸಮಾಜ ಸೇವಕ ಶ್ರೀಕಾಂತ ನಾಯ್ಕ, ಲಯನ್ಸ್ ಕ್ಲಬ್ ಕಾರ್ಯದರ್ಶಿ ಜೆ ಬಿ ತಿಪ್ಪೇಸ್ವಾಮಿ ಅವರು ಕಾರ್ಯಕ್ರಮದಲ್ಲಿ ಮಾತನಾಡಿದರು. ಶಾಲಾ ಮುಖ್ಯಾಧ್ಯಾಪಕ ಗಣೇಶ ಬಿಷ್ಟಣ್ಣನವರ ಅವರು ಲಯನ್ಸ ಕ್ಲಬ್ ಸಹಕಾರಕ್ಕೆ ಕೃತಜ್ಞತೆ ಸಲ್ಲಿಸಿದರು.
- [ಹದಗೆಟ್ಟ ರಸ್ತೆ: ದುರಸ್ತಿ ಕೆಲಸಕ್ಕೆ ಎರಡೇ ವಾರ ಗ್ಯಾರಂಟಿ!](https://mobiletime.in/2026/02/deteriorated-road-only-two-weeks-guarantee-for-repair-work/): ಕೈಗಾ-ಬoಕಾಪುರ ರಸ್ತೆ ಯಲ್ಲಾಪುರದ ಬಳಿ ವ್ಯಾಪಕ ಪ್ರಮಾಣದಲ್ಲಿ ಹದಗೆಟ್ಟಿದ್ದು, ಜನಾಗ್ರಹಕ್ಕೆ ಮಣಿದು ಸರ್ಕಾರ ಪ್ಯಾಚ್ ವರ್ಕ ಕೆಲಸ ಮಾಡಿಸಿದೆ. ಆದರೆ, ರಸ್ತೆ ದುರಸ್ಥಿ ನಡೆದ ಎರಡೇ ವಾರದಲ್ಲಿ ಆ ರಸ್ತೆ ಮತ್ತೆ ಹದಗೆಟ್ಟಿದೆ. ಸರ್ಕಾರ ಸೂಚಿಸಿದ ಕೆಲಸ ಮಾಡುವಲ್ಲಿ ಗುತ್ತಿಗೆದಾರ ಎಡವಿದ್ದು, ಜನ ಸಹ ಆ ರಸ್ತೆಯಲ್ಲಿ ಎಡವಿ ಬಿದ್ದು ಗಾಯ ಮಾಡಿಕೊಳ್ಳುತ್ತಿದ್ದಾರೆ. ಕೈಗಾ ಬಂಕಾಪುರ ರಾಜ್ಯ ಹೆದ್ದಾರಿಯೂ ಯಲ್ಲಾಪುರ ಪಟ್ಟಣ ಪಂಚಾಯತ ವ್ಯಾಪ್ತಿಯ ವಿವಿಧ ಪ್ರದೇಶಗಳಿಂದ ಹಾದು ಹೋಗುತ್ತದೆ. ರವೀಂದ್ರ ನಗರದಿಂದ ಹಣಶೆಟ್ಟಿಕೊಪ್ಪ-ಕರಡೊಳ್ಳಿ ಕ್ರಾಸಿನವರೆಗೆ ಈ ರಸ್ತೆ ಸಾಕಷ್ಟು ಪ್ರಮಾಣದಲ್ಲಿ ಹಾಳಾಗಿದೆ. ಇದನ್ನು ಗಮನಿಸಿದ ಸರ್ಕಾರ ರಸ್ತೆ ಸುಧಾರಣಾ ಕಾಮಗಾರಿಯನ್ನು ಸಹ ನಡೆಸಿದೆ. ಆದರೆ, ರಸ್ತೆ ಸುಧಾರಣೆ ನಡೆದ ಎರಡೇ ವಾರದಲ್ಲಿ ಮೊದಲಿಗಿಂತಲೂ ದೊಡ್ಡ ದೊಡ್ಡ ಹೊಂಡಗಳು ಅಲ್ಲಿ ಹುಟ್ಟಿಕೊಂಡಿವೆ. ಸದ್ಯ ಪ್ಯಾಚ್ ವರ್ಕ ಕಾಮಗಾರಿ ನಡೆದು ಎರಡು ತಿಂಗಳಾಗಿದ್ದು, ನಿತ್ಯವೂ ಒಂದಿಲ್ಲೊoದು ಅಪಘಾತಗಳಿಂದ ಜನ ಬೇಸತ್ತಿದ್ದಾರೆ. `ರಸ್ತೆ ಕಾಮಗಾರಿ ಸಂಪೂರ್ಣ ಕಳಪೆಯಾಗಿರುವುದರಿಂದ ಗುತ್ತಿಗೆದಾರರಿಗೆ ಹಣಪಾವತಿ ಮಾಡಬಾರದು’ ಎಂದು ಯಲ್ಲಾಪುರದ ಲಾರಿ ಮಾಲಕರ ಸಂಘದವರು ಜಿಲ್ಲಾಡಳಿತಕ್ಕೆ ಪತ್ರ ಬರೆದಿದ್ದಾರೆ. `ಗುತ್ತಿಗೆದಾರರಿಂದ ಇನ್ನೊಮ್ಮೆ ಈ ಕೆಲಸ ಸರಿಯಾಗಿ ಮಾಡಿಸಬೇಕು. ಕಳಪೆ ಕಾಮಗಾರಿಯ ಪರಿಣಾಮ ಎಲ್ಲಡೆ ರಸ್ತೆ ಕಿತ್ತು ಹೋಗಿದ್ದು, ಅದನ್ನು ಸರಿಪಡಿಸುವಂತೆ ಸೂಚಿಸಬೇಕು. ಸರ್ಕಾರಿ ಬೊಕ್ಕಸಕ್ಕೆ ನಷ್ಟ ಮಾಡಿ ಜನರ ಓಡಾಟಕ್ಕೆ ಸಂಚಕಾರ ತಂದ ಗುತ್ತಿಗೆದಾರರ ವಿರುದ್ಧ ಕಠಿಣ ಕ್ರಮ ಜರುಗಿಸಬೇಕು’ ಎಂದು ಆಗ್ರಹಿಸಿದ್ದಾರೆ. ರಸ್ತೆ ಕೆಲಸ ಸರಿಯಾಗಿ ಆಗದೇ ಇದ್ದರೆ ಯಲ್ಲಾಪುರ ಲಾರಿ ಮಾಲಕರ ಸಂಘದ ಅಧ್ಯಕ್ಷ ಸುಜಯ ಎಸ್ ಮರಾಠಿ ಮುಂದಾಳತ್ವದಲ್ಲಿ ಪ್ರತಿಭಟನೆ ನಡೆಸವುದಾಗಿ ಸಂಘದ ಗೌರವ ಅಧ್ಯಕ್ಷ ಮಹೇಶ ನಾಯ್ಕ, ಮುರಳಿ ರಾವಲ್, ಸಯ್ಯದ್ ಸಾಜೀದ್ ಅವರು ಎಚ್ಚರಿಕೆ ರವಾನಿಸಿದ್ದಾರೆ. `ತುರ್ತು ಕ್ರಮ ಆಗದೇ ಇದ್ದರೆ ಹೋರಾಟ ಅನಿವಾರ್ಯ’ ಎಂದು ಸುಜಯ ಮರಾಠಿ ಅವರು ಎಚ್ಚರಿಸಿದ್ದಾರೆ.  
- [ಉತ್ತರ ಕನ್ನಡ: ಎಲ್ಲಾ ಕಡೆಯೂ ಆನೆ ತಪಾಸಣಾ ಕೇಂದ್ರ!](https://mobiletime.in/2026/02/uttara-kannada-elephant-checkpoints-everywhere/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ `ಆನೆ ತಪಾಸಣಾ ಕೇಂದ್ರ’ ಶುರುವಾಗಿದೆ. ರಸ್ತೆಗೆ ಅಡ್ಡಲಾಗಿ ಬರುವ ಆನೆಗಳು ಜನರ ವಾಹನ `ತಪಾಸಣೆ’ ನಡೆಸಿ ಬಿಡುತ್ತಿವೆ. ಆನೆ ನೋಡಿದ ಕೆಲವರು ಆತಂಕಕ್ಕೆ ಒಳಗಾಗುತ್ತಿದ್ದು, ಇನ್ನು ಕೆಲವರು ವನ್ಯಜೀವಿ ದರ್ಶನದ ಸಂತಸ ಹಂಚಿಕೊಳ್ಳುತ್ತಿದ್ದಾರೆ. ದಾAಡೇಲಿಯ ಅಂಬಿಕಾನಗರ-ಬೊಮ್ಮನಳ್ಳಿ ಮಾರ್ಗದಲ್ಲಿ ಬುಧವಾರ ಮತ್ತೊಂದು ಆನೆ ತಪಾಸಣಾ ಕೇಂದ್ರ ಶುರುವಾಗಿದೆ. ಈ ದಿನ ಆ ಮಾರ್ಗದಲ್ಲಿ ಓಡಾಡುವ ಸರ್ಕಾರಿ ಬಸ್ಸನ್ನು ಆನೆ ತಪಾಸಣೆ ನಡೆಸಿದ್ದು, ಬಸ್ಸಿನಲ್ಲಿ ಏನೂ ಸಿಗದ ಕಾರಣ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದೆ. ಕೆಲ ದಿನಗಳ ಹಿಂದೆ ಯಲ್ಲಾಪುರ-ಹಳಿಯಾಳ ಮಾರ್ಗವಾಗಿ ಸಂಚರಿಸುವ ಬಸ್ಸನ್ನು ಈಚೆಗೆ ಆನೆಯೊಂದು ಅಡ್ಡಗಟ್ಟಿತ್ತು. ಅಲ್ಲಿಯೂ ಕೆಲ ಸಮಯದ ನಂತರ ಬಸ್ಸಿನ ಸುಗಮ ಸಂಚಾರಕ್ಕೆ ಆನೆ ಅವಕಾಶ ಮಾಡಿಕೊಟ್ಟಿತ್ತು. ಅದಾದ ನಂತರ ಅಂಬಿಕಾನಗರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಒಂಟಿ ಸಲಗದ ಓಡಾಟ ಮೊಬೈಲ್ ಕ್ಯಾಮರಾಗೆ ಸೆರೆಯಾಗಿತ್ತು. ರಸ್ತೆ ಮೇಲೆ ಓಡಾಡುವ ಆನೆ ಜನರ ಓಡಾಟಕ್ಕೆ ಅಡ್ಡಿ ಮಾಡಿತ್ತು. ಈ ವಿದ್ಯಮಾನ ಮಾಸುವ ಮುನ್ನ ಭಾಗವತಿ ಭಾಗದಲ್ಲಿ ಸಂಚರಿಸುವ ಆನೆಯೊಂದು ಖಾಸಗಿ ವಾಹನ ಸವಾರರನ್ನು ಬೆದರಿಸಿತ್ತು. ಸಮೀಪ ಹೋದ ವ್ಯಕ್ತಿಯನ್ನು ಆನೆ ಬೆದರಿಸಿದ್ದು, ಆ ವಿಡಿಯೋ ವೈರಲ್ ಆಗಿತ್ತು. ಕೆಲ ತಿಂಗಳ ಹಿಂದೆ ಮುಂಡಗೋಡದ ಪಾಳಾದಲ್ಲಿಯೂ ಸಹ ಆನೆಯೊಂದು ರಸ್ತೆಗೆ ಅಡ್ಡಲಾಗಿ ನಿಂತು, ಜನರ ಆತಂಕಕ್ಕೆ ಕಾರಣವಾಗಿತ್ತು. ಈ ಎಲ್ಲಾ ವಿದ್ಯಮಾನಗಳಲ್ಲಿಯೂ ಆನೆ ಅನಗತ್ಯವಾಗಿ ಯಾರಿಗೂ ತೊಂದರೆ ಮಾಡಿರಲಿಲ್ಲ. ಇದೀಗ ದಾಂಡೇಲಿಯ ಅಂಬಿಕಾನಗರ-ಬೊಮ್ಮನಳ್ಳಿ ಮಾರ್ಗದಲ್ಲಿ ಬಸ್ಸಿಗೆ ಆನೆ ಅಡ್ಡಗಟ್ಟಿದ್ದು, ಅದಾದ ನಂತರ ಕಾಡಿಗೆ ಮರಳಿದೆ. ಇದನ್ನೂ ಓದಿ: ಬಸ್ಸು ಅಡ್ಡಗಟ್ಟಿದ ಆನೆ ಇದನ್ನೂ ಓದಿ: ಒಂಟಿ ಸಲಗದ ಉಗ್ರ ಪ್ರತಾಪ ಇದನ್ನೂ ಓದಿ: ಆನೆ ಬಂತು ಆನೆ ಇದನ್ನೂ ಓದಿ: ರಸ್ತೆ ತಡೆದ ಒಂಟಿ ಸಲಗ ಬುಧವಾರ ಬೊಮ್ಮನಳ್ಳಿ ಮಾರ್ಗದಲ್ಲಿ ಕಾಣಿಸಿದ ಆನೆ ವಿಶೇಷವಾಗಿ ಸರ್ಕಾರಿ ಬಸ್ಸುಗಳನ್ನು ಮಾತ್ರ ನಿಲ್ಲಿಸಿತು. 10 ನಿಮಿಷಗಳ ಕಾಲ ತಪಾಸಣೆ ನಡೆಸಿ ನಂತರ ಅವುಗಳ ಸಂಚಾರಕ್ಕೆ ಬಿಟ್ಟಿತು. ಈ ದಿನ ಎರಡು ಬಸ್ಸುಗಳ ತಪಾಸಣಾ ಕಾರ್ಯ ನಡೆಯಿತು. ಆನೆಯ ಆಶ್ಚರ್ಯಕರ ಚಲನ-ವಲನವನ್ನು ಜನ ತಮ್ಮ ಮೊಬೈಲಿನಲ್ಲಿ ಚಿತ್ರಿಕರಿಸಿದರು.  
- [2 ಕೆಜಿ ಚಿನ್ನಕ್ಕೆ 10 ಲಕ್ಷ ರೂ: ಕುರಿ ವ್ಯಾಪಾರಿಗೆ ಮೂರು ನಾಮ!](https://mobiletime.in/2026/02/10-lakh-rupees-for-2-kg-gold-three-names-for-sheep-trader/): `ಭೂಮಿ ಅಗೆಯುವಾಗ 2 ಕೆಜಿ ಚಿನ್ನ ಸಿಕ್ಕಿದೆ. 10 ಲಕ್ಷ ರೂಪಾಯಿಗೆ ಅದನ್ನು ಮಾರಾಟ ಮಾಡುವೆ’ ಎಂದು ನಂಬಿಸಿ ವ್ಯಕ್ತಿಯೊಬ್ಬರಿಗೆ ಮೋಸ ಮಾಡಲಾಗಿದೆ. ಈ ಮೋಸದ ವ್ಯವಹಾರ ಸಿದ್ದಾಪುರ ತಾಲೂಕಿನಲ್ಲಿ ನಡೆದಿದೆ. ಸಿದ್ದಾಪುರ – ಸಾಗರ ರಸ್ತೆಯಲ್ಲಿರುವ ಹಿತ್ತಲಕೊಪ್ಪ ಕ್ರಾಸಿನ ಬಳಿ ಬೆಳಗಾವಿಯ ಕುರಿ ವ್ಯಾಪಾರಿ ಆಕಾಶ ಅಬುಬಕ್ಕರ್ ಕಲಾಲ್ ಅವರು ಮೋಸ ಹೋಗಿದ್ದಾರೆ. ಚಿಕ್ಕಮಗಳೂರಿನ ಹೊಸಳ್ಳಿಯ ರವಿ ಎಂಬಾತರು 10 ಲಕ್ಷ ರೂಪಡೆದು ನಕಲಿ ಬಂಗಾರ ನೀಡಿ ಯಾಮಾರಿಸಿದ್ದಾರೆ. ಕಳೆದ ತಿಂಗಳು ನಡೆದ ಸೌದತ್ತಿ ಯಲ್ಲಮ್ಮನ ಜಾತ್ರೆಯಲ್ಲಿ ಆಕಾಶ ಕಲಾಲ್ ಹಾಗೂ ಹೊಸಳ್ಳಿಯ ರವಿ ಪರಿಚಿತರಾಗಿದ್ದು, ರವಿ ಅವರು ಆ ಪರಿಚಯವನ್ನು ತಮ್ಮ ಮೋಸಕ್ಕೆ ಬಳಸಿಕೊಂಡಿದ್ದಾರೆ. `ತನ್ನ ಮನೆಯ ನೆಲ ಅಗೆಯುವಾಗ 2 ಕೆಜಿ ಬಂಗಾರ ಸಿಕ್ಕಿದೆ’ ಎಂದು ಆಕಾಶ ಅವರ ಮಾವನಿಗೆ ಫೋನ್ ಮಾಡಿ ನಂಬಿಸಿದ ರವಿ ಅವರು ಅದರ ಮಾರಾಟ ವ್ಯವಹಾರ ನಡೆಸಲು ಸಿದ್ದಾಪುರಕ್ಕೆ ಆಮಂತ್ರಿಸಿದ್ದಾರೆ. ಮೊದಲು ಅಸಲಿ ಚಿನ್ನದ ನಾಣ್ಯ ಕೊಟ್ಟು, ಹಣಪಡೆದ ನಂತರ ನಕಲಿ ನಾಣ್ಯ ನೀಡಿ ಪರಾರಿಯಾಗಿದ್ದಾರೆ. 10 ಲಕ್ಷ ರೂಪಾಯಿಗೆ 2 ಕೆಜಿ ಚಿನ್ನ ಸಿಗುತ್ತದೆ ಎಂಬ ಆಸೆಗೆ ಬಿದ್ದ ಆಕಾಶ ಅವರು ಫೆಬ್ರವರಿ 23ರಂದು 10 ಲಕ್ಷ ರೂ ಹಣವನ್ನು ಕೊಟ್ಟು ಕೈ ಸುಟ್ಟುಕೊಂಡಿದ್ದರೆ. ಮಾವ ಮತ್ತು ತಮ್ಮನ ಜೊತೆ ಬಾಡಿಗೆ ಕಾರಿನಲ್ಲಿ ಸಿದ್ದಾಪುರಕ್ಕೆ ಬಂದಿದ್ದ ಆಕಾಶ ಅವರನ್ನು ರವಿ ಅವರು ಎಲ್ಲಾ ಕಡೆ ಸುತ್ತಾಡಿಸಿ ಕೊನೆಗೆ ಸಿದ್ದಾಪುರ-ಸಾಗರ ರಸ್ತೆಯ ಕವಂಚೂರು ಗ್ರಾಮದ ಹಿತ್ತಲಕೊಪ್ಪ ಕ್ರಾಸಿನ ಬಳಿ ಕರೆದಿದ್ದಾರೆ. ರವಿ ಅವರ ಜೊತೆ ಮತ್ತೆ 5 ಜನ ಅಪರಿಚಿತರು ಇರುವುದನ್ನು ಮೋಸ ಹೋದವರು ಗಮನಿಸಿದ್ದಾರೆ. ಅವರೆಲ್ಲರೂ ಸೇರಿ ಬಿಳಿ ಬಟ್ಟೆಯಲ್ಲಿ ಸುತ್ತಿರುವ ಎರಡು ಗಂಟುಗಳನ್ನು ನೀಡಿ, `ಅದರಲ್ಲಿ ಚಿನ್ನದ ನಾಣ್ಯಗಳಿವೆ’ ಎಂದು ನಂಬಿಸಿ ಆಕಾಶ ಅವರಿಂದ ಹತ್ತು ಲಕ್ಷ ರೂ ಪಡೆದು ಪರಾರಿಯಾಗಿದ್ದಾರೆ. ಅದಾದ ನಂತರ ನಕಲಿ ನಾಣ್ಯಗಳ ಬಗ್ಗೆ ಅರಿತ ಆಕಾಶ ಅವರು ಸಿದ್ದಾಪುರ ಠಾಣೆಯಲ್ಲಿ ಪೊಲೀಸ್ ದೂರು ನೀಡಿದ್ದಾರೆ. `ಅತಿ ಆಸೆ ಗತಿಗೇಡು’
- [ಹೆಗಡೆರಿಗೆ ಇಲ್ಲ ದುರುಳರ ಆಶೀರ್ವಾದ!](https://mobiletime.in/2026/02/hegde-does-not-have-the-blessings-of-the-evil-ones/): ಸಿದ್ದಾಪುರದ ಹೊಳೆಜಡ್ಡಿ ಸೇತುವೆ ಬಳಿ ರಾತ್ರಿ ವೇಳೆ ಹರಟೆ ಹೊಡೆಯುತ್ತಿದ್ದ ಮೂವರು ಕೊಪ್ಪದಜಡ್ಡಿಯ ಸುಬ್ರಹ್ಮಣ್ಯ ಹೆಗಡೆ ಅವರ ಕಾಲು ಸುಟ್ಟಿದ್ದಾರೆ. ಹೆಗಡೆ ಅವರನ್ನು ಹಿಡಿದುಕೊಂಡ ಆ ಆಗಂತುಕರು ಅವರದ್ದೇ ಬೈಕಿನ ಸೈಲನ್ಸರ್ ಪೈಪಿಗೆ ಕಾಲು ತಾಗಿಸಿ ನೋವು ಮಾಡಿದ್ದಾರೆ. ಸಿದ್ದಾಪುರದ ಹುಲ್ಲುಂಡೆ ಬಳಿಯ ಕೊಪ್ಪದಜಡ್ಡಿಯಲ್ಲಿ ಸುಬ್ರಹ್ಮಣ್ಯ ಅನಂತ ಹೆಗಡೆ (30) ಅವರು ವಾಸವಾಗಿದ್ದಾರೆ. ಆಶಿರ್ವಾದ ಕಂಪನಿಯಲ್ಲಿ ಅವರು ಕೆಲಸ ಮಾಡಿಕೊಂಡಿದ್ದು, ತೋಟದ ಕೆಲಸವನ್ನು ಸಹ ನಿಭಾಯಿಸುತ್ತಿದ್ದಾರೆ. ಹೀಗಿರುವಾಗ ಫೆಬ್ರವರಿ 19ರ ರಾತ್ರಿ ಅವರು ತಮ್ಮ ತೋಟದ ಕೆಲಸಕ್ಕೆ ಬಂದಿದ್ದ ಕಲ್ಲರೆಯ ರಾಜು ಗೌಡ ಅವರನ್ನು ಮನೆಗೆ ಬಿಡಲು ಹೊರಟಿದ್ದರು. ಆ ದಿನ ರಾತ್ರಿ ಹೊಳೆಜಡ್ಡಿ ಸೇತುವೆ ಮೇಲೆ ಹರಟೆ ಹೊಡೆಯುತ್ತಿದ್ದ ಹೆಗ್ಗಾರಬೈಲಿನ ಅಣ್ಣಪ್ಪ, ಕಲ್ಲಾರೆ ಬಳಿಯಿರುವ ಹುಲ್ಲುಂಡೆಯ ಮಂಜು ಗೌಡ, ಅದೇ ಊರಿನ ಗಣಪತಿ ಗೌಡ ಸೇರಿ ಸುಬ್ರಹ್ಮಣ್ಯ ಹೆಗಡೆ ಅವರ ಮೇಲೆ ದಬ್ಬಾಳಿಕೆ ನಡೆಸಿದರು. ಸುಬ್ರಹ್ಮಣ್ಯ ಹೆಗಡೆ ಹಾಗೂ ರಾಜು ಗೌಡ ಅವರು ಬೈಕಿನಲ್ಲಿ ಹೋಗುತ್ತಿರುವಾಗ ರಾಜು ಗೌಡ ಅವರು ಸೇತುವೆ ಬಳಿ ಆ ಮೂವರು ನಿಂತಿದನ್ನು ನೋಡಿದರು. `ಬೈಕನ್ನು ಸ್ವಲ್ಪ ನಿಲ್ಲಿಸಿ’ ಎಂದು ರಾಜು ಗೌಡ ಅವರು ಮನವಿ ಮಾಡಿದರು. ಆಗ, ಸುಬ್ರಹ್ಮಣ್ಯ ಹೆಗಡೆ ಅವರು ಬೈಕು ನಿಲ್ಲಿಸಿ, `ಬೇಗ ಬಾ. ಟೈಂ ಆಗಿದೆ’ ಎಂದು ರಾಜು ಗೌಡ ಅವರಿಗೆ ಸೂಚನೆ ನೀಡಿದರು. ಈ ಸೂಚನೆ ಸಹಿಸದ ಹೆಗ್ಗಾರಬೈಲಿನ ಅಣ್ಣಪ್ಪ, ಹುಲ್ಲುಂಡೆಯ ಮಂಜು ಗೌಡ ಹಾಗೂ ಗಣಪತಿ ಗೌಡ ಅವರು ಸುಬ್ರಹ್ಮಣ್ಯ ಹೆಗಡೆ ಅವರ ಮೇಲೆ ತಿರುಗಿ ಬಿದ್ದರು. ಹುಲ್ಲುಂಡೆ-ದನಳ್ಳಿ ರಸ್ತೆ ಮಾರ್ಗವಾಗಿ ಹೋಗಬೇಕಿದ್ದ ಸುಬ್ರಹ್ಮಣ್ಯ ಹೆಗಡೆ ಅವರನ್ನು ಅಣ್ಣಪ್ಪ ಅವರು ಅಡ್ಡಗಟ್ಟಿ ಬೈಕಿನಿಂದ ದೂಡಿದರು. ಉಳಿದವರು ಸುಬ್ರಹ್ಮಣ್ಯ ಹೆಗಡೆ ಅವರನ್ನು ಹಿಡಿದು ಅವರ ಕಾಲನ್ನು ಬೈಕಿನ ಸೈಲೆನ್ಸರಿಗೆ ತಾಗಿಸಿದರು. ಇದರಿಂದ ಹೆಗಡೆ ಅವರ ಎಡಗಾಲಿನ ಪಾದದ ಭಾಗ ಸುಟ್ಟು ನೋವಾಯಿತು. ಇಷ್ಟಕ್ಕೆ ಸುಮ್ಮನಾಗದ ಆ ಮೂವರು ಆರೋಪಿತರು `ನಿನ್ನ ಮನೆಗೆ ಬೆಂಕಿ ಹಾಕಿ ಸಾಯಿಸುವೆ’ ಎಂದು ಹೆದರಿಸಿದರು. ಆ ವೇಳೆ ಅಲ್ಲಿಂದ ತಪ್ಪಿಸಿಕೊಂಡ ಹೆಗಡೆ ಅವರು ಸಿದ್ದಾಪುರ ಪೊಲೀಸ್ ಠಾಣೆಗೆ ಹೋಗಿ ರಕ್ಷಣೆ ಕೋರಿದರು. ಕಿಡಿಗೇಡಿಗಳ ವಿರುದ್ಧ ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಏರ್ ಬ್ಯಾಗಿನಿಂದ ಉಳಿದ ಉಸಿರು!](https://mobiletime.in/2026/02/the-remaining-breath-from-the-air-bag/): ಹಳಿಯಾಳದ ನಾಗಶೆಟ್ಟಿ ಕೊಪದ ಬಳಿ ಎರಡು ಕಾರುಗಳ ನಡುವೆ ಮುಖಾಮುಖಿ ಡಿಕ್ಕಿಯಾಗಿದೆ. ಈ ವೇಳೆ ಕಾರಿನಲ್ಲಿದ್ದ ಏರ್ ಬ್ಯಾಗ್ ತೆರೆದುಕೊಂಡಿದ್ದರಿAದ ಪ್ರಯಾಣಿಕರ ಉಸಿರು ಉಳಿದಿದೆ. ಕಲಘಟಗಿ ರಸ್ತೆಯಲ್ಲಿ ಸೋಮವಾರ ರಾತ್ರಿ ವೇಳೆ ಈ ಅಪಘಾತ ನಡೆದಿದ್ದು, ಎರಡು ಕಾರು ಜಖಂ ಆಗಿದೆ. ಗೋವಾ ನೋಂದಣಿಯ ಎರ್ಟಿಗಾ ಕಾರು ಹಾಗೂ ಕರ್ನಾಟಕ ನೋಂದಣಿಯ ಗ್ಲಾನಝಾ ಕಾರಿನ ನಡುವೆ ಅಪಘಾತ ಉಂಟಾಗಿದೆ. ಒಂದು ವಾಹನವನ್ನು ಮತ್ತೊಂದು ವಾಹ ಹಿಂದಿಕ್ಕುವ ಅವಸರದಲ್ಲಿ ಎದುರಿನಿಂದ ಬಂದ ವಾಹನಕ್ಕೆ ಗುದ್ದಿರುವುದೇ ಅಪಘಾತಕ್ಕೆ ಕಾರಣ. ಡಿಕ್ಕಿಯ ರಭಸಕ್ಕೆ ಎರಡು ಕಾರುಗಳ ಮುಂಭಾಗ ಸಂಪೂರ್ಣ ಜಖಂ ಆಗಿದೆ. ವಾಹನಗಳಿಗೆ ಭಾರೀ ಹಾನಿಯಾಗಿದೆ. ಆದರೆ, ಕಾರಿನಲ್ಲಿದ್ದ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಅಪಘಾತದ ತಕ್ಷಣ ಏರ್ ಬ್ಯಾಗ್ ತೆರೆದುಕೊಂಡಿದ್ದು, ಅದರಿಂದಾಗಿಯೇ ಪ್ರಯಾಣಿಕರು ಜೀವ ಉಳಿಸಿಕೊಂಡಿದ್ದಾರೆ. ಅಪಘಾತ ನೋಡಿದ ಜನ ತಕ್ಷಣ ಸ್ಥಳಕ್ಕೆ ಧಾವಿಸಿ ರಕ್ಷಣಾ ಕಾರ್ಯಾಚರಣೆ ಮಾಡಿದ್ದಾರೆ. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’
- [ಗೋ ಕಳ್ಳರನ್ನು ಬಂಧಿಸಿ!](https://mobiletime.in/2026/02/arrest-the-cow-thieves/): ಯಲ್ಲಾಪುರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ವ್ಯಾಪಕ ಪ್ರಮಾಣದಲ್ಲಿ ಗೋ ಕಳ್ಳತನ ನಡೆಯುತ್ತಿರುವ ಬಗ್ಗೆ ಹಿಂದೂ ಜಾಗರಣ ವೇದಿಕೆ ಕಳವಳವ್ಯಕ್ತಪಡಿಸಿದೆ. ಸಿಸಿ ಕ್ಯಾಮರಾ ಪರಿಶೀಲನೆ ಆಧಾರದಲ್ಲಿ ಗೋ ಕಳ್ಳರನ್ನು ಬಂಧಿಸಿ ಕಾನೂನು ಕ್ರಮ ಜರುಗಿಸಬೇಕು ಎಂದು ವೇದಿಕೆಯವರು ಆಗ್ರಹಿಸಿದ್ದಾರೆ. `ಯಲ್ಲಾಪುರದ ರಾಮಾಪುರ, ಸಹಸ್ರಳ್ಳಿ, ರಾಮನಕೊಪ್ಪ ಸೇರಿ ಸುತ್ತಲಿನ ಹಲವು ಕಡೆ 25ಕ್ಕೂ ಅಧಿಕ ಗೋವುಗಳ ಕಳ್ಳತನ ನಡೆದಿದೆ’ ಎಂದು ಹಿಂದೂ ಜಾಗರಣಾ ವೇದಿಕೆಯವರು ಹೇಳಿದ್ದಾರೆ. ಶುಕ್ರವಾರ ರಾತ್ರಿ 2 ಗಂಟೆ ಅವಧಿಗೆ ಶಿರಸಿ ರಸ್ತೆಯ ಹೆಸ್ಕಾಂ ಕಚೇರಿ ಬಳಿ ದುರುಳರು ಗೋವನ್ನು ಅಪಹರಿಸಿದ್ದಾರೆ. ಜಾತ್ರೆ ಅಂಗವಾಗಿ ಪ್ರದರ್ಶನವಾಗುತ್ತಿರುವ ನಾಟಕ ಮುಗಿಸಿ ಮನೆಗೆ ಮರಳುತ್ತಿರುವವರು ಒತ್ತಾಯಪೂರ್ವಕವಾಗಿ ಗೋವನ್ನು ಹೊಡೆದುಕೊಂಡು ಹೋಗುವವರನ್ನು ನೋಡಿದ್ದಾರೆ. ನಂತರ ಆ ಕೆಂಪು ಬಣ್ಣದ ಕರು ಕಲ್ಪನಾ ನಾಯ್ಕ ಅವರಿಗೆ ಸೇರಿದ್ದು ಎಂದು ಗೊತ್ತಾಗಿದ್ದು, ಈವರೆಗೂ ಆ ಕರು ಕೊಟ್ಟಿಗೆಗೆ ಮರಳಿಲ್ಲ’ ಎಂದು ಹಿಂದು ಜಾಗರಣಾ ವೇದಿಕೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. `ಇಲ್ಲಿ ಅಪಹರಿಸಲಾದ ಗೋವುಗಳನ್ನು ಕಸಾಯಿಖಾನೆಗೆ ಸಾಗಿಸಲಾಗುತ್ತಿರುವ ಬಗ್ಗೆ ಮಾಹಿತಿಯಿದೆ. ಈ ಹಿನ್ನಲೆ ಸಿಸಿ ಕ್ಯಾಮರಾಗಳ ಪರಿಶೀಲನೆ ನಡೆಸಿ ತಪ್ಪಿತಸ್ಥರನ್ನು ವಿಚಾರಣೆಗೊಳಪಡಿಸಬೇಕು. ರೈತರು ಸಾಕುತ್ತಿರುವ ಗೋವುಗಳು ಕಟುಕರ ಪಾಲಾಗುವುದನ್ನು ತಪ್ಪಿಸಬೇಕು’ ಎಂದು ಆಗ್ರಹಿಸಿದ್ದಾರೆ. ಪೊಲೀಸ್ ಠಾಣೆಗೆ ತೆರಳಿ ಈ ಬಗ್ಗೆ ಮನವಿ ಸಲ್ಲಿಸಿದ ಗೋ ರಕ್ಷಕರು ಅದಾದ ನಂತರ ತಹಶೀಲ್ದಾರರನ್ನು ಭೇಟಿ ಮಾಡಿದ್ದಾರೆ. `ಬೆಳಗ್ಗೆ ಮೇವಿಗೆ ಬಿಟ್ಟ ಹಸುಗಳು ಸಂಜೆಯಾದರೂ ಮನೆಗೆ ಮರಳುತ್ತಿಲ್ಲ. ಎಲ್ಲಾ ಕಡೆ ಹುಡುಕಿದಾಗಲೂ ಸಿಗದ ಕಾರಣ ಅವುಗಳನ್ನು ಕಟುಕರು ಅಪಹರಿಸಿದ ಅನುಮಾನಗಳಿದ್ದು, ಈ ಬಗ್ಗೆ ನಿಗಾವಹಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. 17 ಜನ ಸಮಾನ ಮನಸ್ಕರು ಈ ಬಗ್ಗೆ ಸರ್ಕಾರಕ್ಕೆ ಪತ್ರ ರವಾನಿಸಿದ್ದಾರೆ.
- [ಶಿರಸಿ ಜಾತ್ರೆ: ಮದ್ಯ ಮಾರಾಟಕ್ಕೂ ನಿರ್ಭಂಧ.. ರಸ್ತೆ ಸಂಚಾರವೂ ನಿಷೇಧ!](https://mobiletime.in/2026/02/sirsi-fair-sale-of-liquor-is-also-prohibited-road-traffic-is-also-banned/): ಶಿರಸಿ ಜಾತ್ರೆ ಹಿನ್ನಲೆ ವಿವಿಧ ಮಾರ್ಗಗಳ ವಾಹನ ಸಂಚಾರ ನಿಷೇಧಿಸಿ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಆದೇಶ ಹೊರಡಿಸಿದ್ದಾರೆ. ಇದರೊಂದಿಗೆ ಜಾತ್ರೆ ಅಂಗವಾಗಿ ಎರಡು ದಿನ ಮದ್ಯ ಮಾರಾಟ-ಸಾಗಾಟವನ್ನು ನಿಷೇಧಿಸಿ ಅವರು ಆದೇಶಿಸಿದ್ದಾರೆ. ಫೆಬ್ರವರಿ 24ರಿಂದ ಮಾರ್ಚ 4ರವರೆಗೆ ಶಿರಸಿಯಲ್ಲಿ ಮಾರಿಕಾಂಬಾ ಜಾತ್ರೆ ನಡೆಯಲಿದೆ. ಜನರ ಸುರಕ್ಷತೆ ಹಾಗೂ ಕಾನೂನು ಸುವ್ಯವಸ್ಥೆ ಕಾಪಾಡುವದಕ್ಕಾಗಿ ಶಿರಸಿ ಶಹರ ವ್ಯಾಪ್ತಿಯಲ್ಲಿರುವ ರಾಜ್ಯ ಹೆದ್ದಾರಿ 77 ಮತ್ತು ರಾಷ್ಟ್ರೀಯ ಹೆದ್ದಾರಿ 766(ಇ) ಸಚಾರ ಮಾರ್ಗಗಳ ಬದಲಾವಣೆ ಮಾಡಲಾಗಿದೆ. ಅದರ ಪ್ರಕಾರ, ಮಾರ್ಚ 4ರ ಮಧ್ಯ ರಾತ್ರಿ 12ಗಂಟೆಯವರೆಗೆ ಶಿರಸಿ ಶಹರದಲ್ಲಿ ಹಾದು ಹೋದ ರಾಷ್ಟ್ರೀಯ ಹೆದ್ದಾರಿ 766(ಇ) ರಲ್ಲಿ ಐದು ರಸ್ತೆ ವೃತ್ತದಿಂದ – ವಾಜಿ ಚೌಕ್, ಬಿಡ್ಡಿ ವೃತ್ತ, ಕಾಮತ ಹೋಟೆಲ್ ಕ್ರಾಸ್, ಮಂಗಳೂರ ಹೊಟೆಲ್ ಕ್ರಾಸಿನಿಂದ ಕೋಟೆಕೇರೆ ವೃತ್ತದವರೆಗೆ ಎಲ್ಲ ತರಹದ ವಾಹನಗಳ ಸಂಚಾರನ್ನು ನಿಷೇಧಿಸಲಾಗಿದೆ. ಇದರೊಂದಿಗೆ ಕುಮಟಾ ಸಿದ್ದಾಪುರ ಮಾರ್ಗವಾಗಿ ಸಂಚರಿಸುವ ವಾಹನಗಳಿಗೆ ಶಿರಸಿ ಶಹರದಲ್ಲಿ ಹಾದು ಹೋಗುವ ರಾಷ್ಟ್ರೀಯ ಹೆದ್ದಾರಿ 766(ಇ)ರಲ್ಲಿ ಸಂಚರಿಸುವ ವಾಹನಗಳನ್ನು ಪರ್ಯಾಯ ಮಾರ್ಗವಾಗಿ ಐದು ರಸ್ತೆ ಯಿಂದ ಝೂ ವೃತ್ತ -ರಾಘವೇಂದ್ರ ಅಶ್ವಿನಿ ವೃತ್ತ, ಮಹಾಸತಿ ವೃತ್ತದಿಂದ ಯಲ್ಲಾಪುರ ಕಡೆಯಿಂದ ಹುಬ್ಬಳ್ಳಿ ಕಡೆಗೆ ಹೋಗುವಂತೆ ಹಾಗೂ ಬನವಾಸಿ ಕಡೆಗೆ ಹೋಗುವ ವಾಹನಗಳಿಗೆ ಮಹಾಸತಿ ವೃತ್ತದಿಂದ ಎ ಪಿ ಎಂ ಸಿ ಮಾರ್ಗವಾಗಿ ಕೋಟೆಕೇರೆ ವೃತ್ತದಿಂದ ಸಿರ್ಸಿಕರ ಪ್ಲಾಟ್ ಮಾರ್ಗವಾಗಿ ಬನವಾಸಿ ರಸ್ತೆ ಮುಖಾಂತರ ಸಂಚರಿಸುವAತೆ ಸೂಚಿಸಲಾಗಿದೆ. ಶಿರಸಿ ಶಹರದಲ್ಲಿ ಹಾದು ಹೋದ ರಾಜ್ಯ ಹೆದ್ದಾರಿ 77ರಲ್ಲಿ ರಾಮನಬೈಲ್ ಕ್ರಾಸ್‌ದಿಂದ ಮಾರಿಕಾಂಬಾ ದೇವಸ್ಥಾನ ಮಾರ್ಗವಾಗಿ ಕಾಮತ ಹೊಟೆಲ್ ಕ್ರಾಸ್ ವರೆಗೆ ಎಲ್ಲ ತರಹದ ವಾಹನಗಳ ಸಂಚಾರನ್ನು ನಿಷೇಧಿಸಿದೆ. ಬನವಾಸಿ ಮಾರ್ಗವಾಗಿ ಸಂಚರಿಸುವ ವಾಹನಗಳಿಗೆ ಶಿರಸಿ ಶಹರದಲ್ಲಿ ಹಾದು ಹೋಗುವ ರಾಜ್ಯ ಹೆದ್ದಾರಿ 77ರಲ್ಲಿ ಸಂಚರಿಸುವ ವಾಹನಗಳನ್ನು ಪರ್ಯಾಯ ಮಾರ್ಗವಾಗಿ ಸಿರ್ಸಿಕರ ಪ್ಲಾಟ್-ಕರಿಗುಂಡಿ ರಸ್ತೆ, ಕೋಟೆಕೇರೆ ಎ ಪಿ ಎಂ ಸಿ ವೇ ಬ್ರಿಜ್‌ದಿಂದ ಹುಬ್ಬಳ್ಳಿ ಹಾವೇರಿ ಮತ್ತು ಎ ಪಿ ಎಂ ಸಿ ಮಾರ್ಗವಾಗಿ ಯಲ್ಲಾಪುರ ಕುಮಟಾ ಸಿದ್ದಾಪುರ ಮಾರ್ಗವಾಗಿ ಸಂಚರಿಸುವoತೆ ಸೂಚಿಸಲಾಗಿದೆ. ಇನ್ನೂ ಸಿದ್ದಾಪುರ ಮತ್ತು ಕುಮಟಾ ಕಡೆಯಿಂದ ಬರುವ ಲಘು ವಾಹನಗಳನ್ನು ಪಾರ್ಕಿಂಗ್ ಸ್ಥಳಕ್ಕೆ ಹೋಗಲು ರಸ್ತೆ ಕಿರಿದಾಗಿರುವುದರಿಂದ ಅಲೇಕಾ ಗೇಟ್ ಕ್ರಾಸ್ ದಿಂದ ಪ್ರವೇಶಿಸಿ ರಾಯರಪೇಟೆ ಮಾರ್ಗವಾಗಿ ಅರ್ಬನ್ ಬ್ಯಾಂಕ್ ಕ್ರಾಸಿನಿಂದ ವೀರಭದ್ರಗಲ್ಲಿ ಕರ್ಜಗಿ ಕಲ್ಯಾಣ ಮಂಟಪ ಮಾರ್ಗವಾಗಿ ಶಂಕರ ಹೊಂಡಾ ಮಾರ್ಗವಾಗಿ ವಿಜಯನಗರ ಮಿಸ್ತಾರ ಪ್ಲಾಟ್ ಪಾರ್ಕಿಂಗ್ ಸ್ಥಳದವರೆಗೆ ರಸ್ತೆ ಮಾರ್ಗವನ್ನು ಏಕ ಮುಖ ಸಂಚಾರಿಸಲು ಸೂಚಿಸಲಾಗಿದೆ. ಜಾತ್ರಾ ಪ್ರಯುಕ್ತ ಸಿದ್ದಾಪುರ ಮತ್ತು ಕುಮಟಾ ಕಡೆಯಿಂದ ಬರುವ ಲಘು ವಾಹನಗಳನ್ನು ಪಾರ್ಕಿಂಗ್ ಸ್ಥಳಕ್ಕೆ ಹೋಗಲು ರಸ್ತೆ ಕಿರಿದಾಗಿರುವುದರಿಂದ ಅಗಸೇಬಾಗಿಲ್ ಚರ್ಚ ಕ್ರಾಸ್‌ದಿಂದ ದೈವಜ್ಞ ಕಲ್ಯಾಣ ಮಂಟಪದ ಕ್ರಾಸ್ ವರೆಗೆ ವಾಹನಗಳನ್ನು ಈ ಮಾರ್ಗವಾಗಿ ಸಂಚರಿಸದೇ ಪಾರ್ಕಿಂಗ್ ಸ್ಥಳದಿಂದ ದೈವಜ್ಞ ಕಲ್ಯಾಣ ಮಂಟಪದ ಮಾರ್ಗವಾಗಿ ಅಗಸೇಬಾಗಿಲ್ ಚರ್ಚ ಕ್ರಾಸ್‌ದಿಂದ ನಿರ್ಗಮಿಸುವ ವಾಹನಗಳು ಏಕ ಮುಖವಾಗಿ ಸಂಚರಿಸಬೇಕು ಎಂದು ಆದೇಶಿಸಲಾಗಿದೆ. ಎರಡು ದಿನ ಮದ್ಯ ಮಾರಾಟ ನಿಷೇಧ ಶಿರಸಿಯ ಶ್ರೀ ಮಾರಿಕಾಂಬ ಜಾತ್ರಾ ಮಹೋತ್ಸವದ ಸಮಯದಲ್ಲ್ಲಿ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಮುಂಜಾಗ್ರತೆ ಕ್ರಮ ವಹಿಸುವ ಸಲುವಾಗಿ ಫೆಬ್ರವರಿ 24ರ ರಾತ್ರಿ 10 ಗಂಟೆಯಿAದ ಫೆಬ್ರವರಿ 25ರ ರಾತ್ರಿ 10 ಗಂಟೆಯವರೆಗೆ ಮದ್ಯ ಮಾರಾಟ ನಿಷೇಧಿಸಲಾಗಿದೆ. ಜೊತೆಗೆ ಮಾರ್ಚ 3ರ ರಾತ್ರಿ 10 ಗಂಟೆಯಿoದ ಮಾ 4ರ ರಾತ್ರಿ 10 ಗಂಟೆಯವರೆಗೆ ಶಿರಸಿ ತಾಲೂಕಿನ ಶಹರ ವ್ಯಾಪ್ತಿಯಲ್ಲಿರುವ ಇರುವ ಎಲ್ಲಾ ರೀತಿಯ ಮದ್ಯ ಮಾರಾಟ ಮತ್ತು ಮದ್ಯ ಸಾಗಾಟವನ್ನು ನಿಷೇಧಿಸಿ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಆದೇಶಿಸಿದ್ದಾರೆ.  
- [ಶಿರಸಿ ಜಾತ್ರೆ: ಯಜಮಾನನಿಂದಲೇ ಶ್ರೀಗಳ ವಿಡಿಯೋ ದುರುಪಯೋಗ!](https://mobiletime.in/2026/02/sirsi-fair-misuse-of-video-of-the-saint-by-the-master-himself/): ಶಿರಸಿ ಮಾರಿಕಾಂಬಾ ದೇವಿಯ ಹೆಸರಿನಲ್ಲಿ ದುಡ್ಡು ದೋಚಲು ಮುಂದಾಗಿದ್ದ `ಯಜಮಾನ’ ಪೇಜ್ ಪ್ರಮುಖರ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ. ಅದಕ್ಕೂ ಬಗ್ಗದ ವಂಚಕರು ಶ್ರೀಗಳೊಬ್ಬರ ವಿಡಿಯೋ ದುರುಪಯೋಗಪಡಿಸಿಕೊಂಡು ತಮ್ಮ ವಂಚನೆ ಜಾಲವನ್ನು ಇನ್ನಷ್ಟು ವಿಸ್ತರಿಸಿದ್ದಾರೆ. `ಯಜಮಾನ’ ಎಂಬ ಜಾಲತಾಣದ ಪುಟ ಹಾಗೂ ಮಾರಿಕಾಂಬಾ ದೇಗುಲಕ್ಕೆ ಯಾವುದೇ ಸಂಬAಧ ಇಲ್ಲ. ಅದಾಗಿಯೂ `ಯಜಮಾನ’ ಪೇಜ್ ಪ್ರಮುಖರು ಮಾರಿಕಾಂಬಾ ದೇವಿ ಹೆಸರಿನಲ್ಲಿ ಪೂಜೆ ಮಾಡಿಸುವುದಾಗಿ ನಂಬಿಸಿ ಹಣ ವಸೂಲಿ ಮಾಡುತ್ತಿದ್ದಾರೆ. ಈ ಬಗ್ಗೆ ಮೊಬೈಲ್ ಮಿಡಿಯಾ ನೆಟ್‌ವರ್ಕನ ಅಂಗ ಸಂಸ್ಥೆ mobiletime.in ವರದಿ ಪ್ರಸಾರ ಮಾಡಿದ್ದು, ಮಾರಿಕಾಂಬಾ ದೇವಿ ಹೆಸರಿನಲ್ಲಿ ಆನ್‌ಲೈನ್ ಸೇವೆಪಡೆದು ಮೋಸ ಹೋಗದಂತೆ ದೇಗುಲ ಆಡಳಿತ ಮಂಡಳಿಯೂ ವಿನಂತಿಸಿದೆ. ಅದರ ಬೆನ್ನಲ್ಲೆ `ಯಜಮಾನ’ ಪೇಜ್ ಪ್ರಮುಖರ ವಿರುದ್ಧ ಶಿರಸಿ ನಗರಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ. ಅದಾಗಿಯೂ, ಅವರ ವಂಚನೆ ನಿಂತಿಲ್ಲ. ಎಐ ಆಧಾರಿತ ವಿಡಿಯೋ ರಚಿಸಿ ಮಾರಿಕಾಂಬಾ ದೇವಿಗೆ ಆನ್‌ಲೈನ್ ಸೇವೆ ಸಲ್ಲಿಸುವ ವಿಡಿಯೋ ಯಜಮಾನ ಪೇಜಿನಿಂದ ಡಿಲಿಟ್ ಆಗಿಲ್ಲ. ಅದರೊಂದಿಗೆ ಸ್ಥಳೀಯ ಶ್ರೀಗಳೊಬ್ಬರು ದೇವಿ ಪೂಜೆ ನಡೆಸುವ ಚಿತ್ರಣಗಳನ್ನು ಬಳಸಿ ಮತ್ತೊಂದು ವಿಡಿಯೋ ಅದೇ ಪುಟದಲ್ಲಿ ಹರಿದಾಡುತ್ತಿದೆ. ಆ ವಿಡಿಯೋದಲ್ಲಿಯೂ ಸಹ ಶಿರಸಿ ಜಾತ್ರೆಯ ಸೀಮಿತ ಅವಕಾಶದ ಬಗ್ಗೆ ಪ್ರಚಾರ ಮಾಡಲಾಗಿದ್ದು, 151ರೂಪಾಯಿಗೆ ಕುಂಕುಮ ಅರ್ಚನೆ ಮಾಡಿಸುವುದಾಗಿ ವ್ಯಾಪಕ ಪ್ರಮಾಣದಲ್ಲಿ ಪ್ರಚಾರ ಮಾಡಲಾಗುತ್ತಿದೆ. ಈ ಮೊದಲು 351ರೂಪಾಯಿಗೆ ಸೀರೆ ಉಡಿ ಸಲ್ಲಿಸಿ ಕೋರಿಯರ್ ಮೂಲಕ ಪ್ರಸಾದ ರವಾನಿಸುವುದಾಗಿ ಯಜಮಾನ ಪೇಜ್ ಪ್ರಮುಖರು ಹೇಳಿಕೊಂಡಿದ್ದರು. ಅನೇಕರು ಈ ವಿಡಿಯೋಗೆ ಭಕ್ತಿಪೂರ್ವಕವಾಗಿ ಕಮೆಂಟ್ ಮಾಡಿದ್ದು, ಅದಾದ ನಂತರ ಇದೊಂದು ವಂಚನೆ ಪ್ರಯತ್ನ ಎಂದು ಭಕ್ತರೇ ಕಮೆಂಟ್ ಬಾಕ್ಸಿನಲ್ಲಿ ಬರೆದಿದ್ದರು. ಇದೇ ವಿಷಯವಾಗಿ ಶಿರಸಿ ಮಾರಿಕಾಂಬಾ ದೇಗುಲ ಆಡಳಿತ ಮಂಡಳಿಯವರು ಪ್ರಕಟಣೆ ನೀಡಿದ ನಂತರ ಭಕ್ತರು ಜಾಗೃತರಾಗಿದ್ದರು. ಈ ಎಲ್ಲಾ ವಿದ್ಯಮಾನಗಳ ನಡುವೆ ಆನ್‌ಲೈನ್ ವಂಚಕರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಈ ಬೆನ್ನಲ್ಲೆ ವಂಚಕರು ಮತ್ತೊಂದು ವಿಡಿಯೋ ಹರಿಬಿಟ್ಟಿದ್ದಾರೆ.
- [ಆ ಬಾಲಕರು ಭಯೋತ್ಪಾದಕರಲ್ಲ.. ಭಯ ಉತ್ಪಾದಕರು!](https://mobiletime.in/2026/02/those-boys-are-not-terrorists-they-are-fear-mongers/): ಭಟ್ಕಳದ ಬೈಲೂರಿನಲ್ಲಿ ಏಳು ಜನ ಮುಸ್ಲೀಂ ಸಮುದಾಯದ ಬಾಲಕರು ಸೇರಿ ಹಿಂದು ಸಮುದಾಯದವರ ಮನೆ ಮೇಲೆ ಕಲ್ಲು ತೂರಾಟ ಮಾಡಿದ್ದಾರೆ. ಬೈಕಿನಲ್ಲಿ ಗುಂಪು ಗುಂಪಾಗಿ ಆಗಮಿಸಿ, ಮನೆಗಳ ಮೇಲೆ ಕಲ್ಲು ಎಸೆಯುತ್ತಿದ್ದ ಅಪ್ತಾಪ್ತರನ್ನು ಊರಿನ ಜನ ಹಿಡಿದಿದ್ದಾರೆ. ಫೆಬ್ರವರಿ 23ರಂದು ಮುರುಡೇಶ್ವರ ಬಸ್ತಿಮಕ್ಕಿಯ ಇಬ್ರಾಹಿಂ ಇಹಾಲ್ ಅವರು ತಮ್ಮ ಸಹಚರರಾದ ನ್ಯಾಶನಲ್ ಕಾಲೋನಿಯ ಅಬ್ಬಾಸ್ ಹಜೀಬ್, ಹಮ್ಮಾ ಕಾಲೋನಿಯ ರಯಾನ್ ಫರಾಸ್, ಜಮೀಲಾ ಮಸೀದ್ ಬಳಿಯ ನಶ್ವಾಲ್ ಗೈಮಾ, ಮಹಮದ್ ರ‍್ಜಾನ್, ಬಸ್ತಿಮಕ್ಕಿಯ ಅಪ್ಪಾನ್ ಆರೀಪ್, ರಿಯಾಜ್ ತಿರುವಳ್ಳಿ ಜೊತೆ ಬೈಕ್ ಸಂಚಾರ ಮಾಡಿದ್ದಾರೆ. ಆ ದಿನ ಬೆಳಗ್ಗೆ ಬೈಕಿನಲ್ಲಿ ಹೋಗುವಾಗ ಒಂದಷ್ಟು ಕಲ್ಲುಗಳನ್ನು ತೆಗೆದುಕೊಂಡಿದ್ದು, ಅದನ್ನು ಬೈಲೂರು ಮಾರ್ಕಂಡೇಶ್ವರದ ಸಮೀಪದ ದಿನಕರ ನಾಯ್ಕ ಅವರ ಮನೆಗೆ ಹೊಡೆದಿದ್ದಾರೆ. ಈ ವೇಳೆ `ಯಾರೋ ತಮಾಷೆಗೆ ಕಲ್ಲು ಹೊಡೆದಿರಬಹುದು’ ಎಂದು ಭಾವಿಸಿ ಜನ ಸುಮ್ಮನ್ನಾಗಿದ್ದಾರೆ. ಆದರೆ, ಅದೇ ದಿನ ರಾತ್ರಿ ಆ ಏಳು ಜನರ ಜೊತೆ ಇನ್ನಿತರರು ಸೇರಿಕೊಂಡು ಇನ್ನಷ್ಟು ರಂಪಾಟ ಮಾಡಿದ್ದಾರೆ. ಮಾರ್ಕಂಡೇಶ್ವರ ಬಳಿಯ ಮಂಜುನಾಥ ಮುಕುಂದ ಮಡಿವಾಳ ಅವರು ರಾತ್ರಿ ತಮ್ಮ ಸ್ನೇಹಿತರಾದ ನಾಗರಾಜ ನಾಯ್ಕ, ದಿನಕರ ನಾಯ್ಕ, ಈಶ್ವರ ನಾಯ್ಕ, ಮಾರುತಿ ಮಡಿವಾಳ, ಗಣಪತಿ ಶಂಕರ್ ನಾಯ್ಕ ಹಾಗೂ ವಸಂತ ನಾಯ್ಕ ಅವರ ಜೊತೆ ಮಾತನಾಡುತ್ತಿದ್ದಾಗ ಆ ಎಲ್ಲರೂ ಎದುರಾಗಿದ್ದಾರೆ. 5-6 ಜನ ಹುಡುಗರು ಅಕ್ರಮ ಕೂಟ ಕಟ್ಟಿಕೊಂಡು ಅಲ್ಲಿಗೆ ಆಗಮಿಸಿದ್ದು, ದೊಡ್ಡ ಗಲಾಟೆ ಮಾಡಿದ್ದಾರೆ. ಆ ಹುಡುಗರೆಲ್ಲರೂ ಸೇರಿ ಅಲ್ಲಿದ್ದ ಮನೆಗಳ ಮೇಲೆ ಕಲ್ಲು ತೂರಿದ್ದಾರೆ. ಅಡ್ಡಾದಿಡ್ಡಿ ಬೈಕ್ ಓಡಿಸಿ ಅಲ್ಲಿದ್ದವರನ್ನು ಹೆದರಿಸಿದ್ದಾರೆ. ದಿನಕರ ನಾಯ್ಕ, ಮಹೇಶ ದೇವಾಡಿಗ ಹಾಗೂ ರವೀಂದ್ರ ಪೈ ಅವರ ಮೇಲೆ ಆ ಆಗಂತುಕರು ಕಲ್ಲು ಹೊಡೆದಿದ್ದು, ಅದಾದ ನಂತರ ಮಡಿಕೇರಿ ರಸ್ತೆಯ ಕಡೆಯಿದ್ದ ಶಶಾಂಕ ನಾಯ್ಕ, ನಾಗರಾಜ ನಾಯ್ಕ ಹಾಗೂ ಮಂಜುನಾಥ ನಾಯ್ಕ ಅವರ ಮನೆಯ ಕಡೆಗೂ ಕಲ್ಲು ತೂರಿದ್ದಾರೆ. ಆಗ, ಊರಿನವರೆಲ್ಲರೂ ಸೇರಿ ಕಲ್ಲು ತೂರಿದವರನ್ನು ತಡೆದಿದ್ದಾರೆ. ಆ ಮೂಲಕ ಇನ್ನಷ್ಟು ಹಾನಿ ಆಗುವುದನ್ನು ತಪ್ಪಿಸಿದ್ದಾರೆ. `ಯಾಕೆ ಹೀಗೆ ಮಾಡಿದ್ದೀರಿ?’ ಎಂದು ಪ್ರಶ್ನಿಸಿದಾಗ ಹಿಂದು ಸಮುದಾಯದವರನ್ನು ನಿಂದಿಸಿದ್ದಾರೆ. ಆ ಅಪ್ರಾಪ್ತರ ಕಲ್ಲು ತೂರಾಟದಿಂದಾಗಿ ಸ್ಥಳದಲ್ಲಿ ಬಿಗುವಿನ ವಾತಾವರಣ ಉಂಟಾಗಿದೆ. ಹಿಂದೂ ಪರ ಸಂಘಟನೆಗಳ ಕಾರ್ಯಕರ್ತರು ರಾತ್ರಿಯೇ ಮುರ್ಡೇಶ್ವರ ಪೊಲೀಸ್ ಠಾಣೆ ಎದುರು ಜಮಾಯಿಸಿ ದುಷ್ಕರ್ಮಿಗಳ ಬಂಧನಕ್ಕೆ ಒತ್ತಾಯಿಸಿದ್ದಾರೆ. ಪೊಲೀಸರು ಆರೋಪಿತರನ್ನು ಹಿಡಿದು ವಿಚಾರಣೆ ನಡೆಸಿದ್ದಾರೆ. ಕೋಮುಗಳ ನಡುವೆ ಅಸೌಹಾರ್ದತೆ ಮೂಡಿಸಲು ಪಡ್ಡೆ ಹುಡುಗರು ಈ ಕೃತ್ಯ ನಡೆಸಿದ ಅನುಮಾನಗಳಿವೆ.
- [ಪತ್ನಿಗಾಗಿ ತಾಯಿಗೆ ಹೊಡೆದ ಮದುಮಗ!](https://mobiletime.in/2026/02/the-groom-beat-his-mother-for-his-wife/): ಪಾಲಕರ ವಿರೊಧದ ನಡುವೆಯೂ ಭಟ್ಕಳದ ನಾರಾಯಣ ನಾಯ್ಕ ಹಾಗೂ ಕಸ್ತೂರಿ ನಾಯ್ಕ ಅವರು ಅದ್ಧೂರಿ ಮದುವೆ ಆಗಿದ್ದಾರೆ. ಮದುವೆ ಮುಗಿದ ನಂತರ ನಾರಾಯಣ ನಾಯ್ಕ ಅವರು ಪತ್ನಿಯನ್ನು ಮನೆಗೆ ಕರೆತಂದಿದ್ದು, ಇದಕ್ಕೆ ವಿರೋಧವ್ಯಕ್ತಪಡಿಸಿದ ತಾಯಿ ಮೇಲೆ ದಬ್ಬಾಳಿಕೆ ನಡೆಸಿದ್ದಾರೆ. ಭಟ್ಕಳದ ಯಲ್ವಡಿ ಕವೂರು ಬಳಿಯ ಬಿಟ್ಟಿ ಬೀಳೂರುವಿನಲ್ಲಿ ಮಾಸ್ತಮ್ಮ ಮಾಸ್ತಪ್ಪ ನಾಯ್ಕ ಅವರು ವಾಸವಾಗಿದ್ದಾರೆ. ಅವರ ಮಗ ನಾರಾಯಣ ಮಾಸ್ತಪ್ಪ ನಾಯ್ಕ ಅವರು ತಮ್ಮ ತಂಗಿ ಪದ್ಮಾವತಿ ಮಾಸ್ತಪ್ಪ ನಾಯ್ಕ ಅವರ ಮಗಳಾದ ಕಸ್ತೂರಿ ಮಾಸ್ಪಪ್ಪ ನಾಯ್ಕ ಅವರನ್ನು ವಿವಾಹವಾಗಿದ್ದಾರೆ. ಬೆಳಕೆಯ ವಿನಾಯಕ ದೇವಸ್ಥಾನದಲ್ಲಿ ಫೆಬ್ರವರಿ 20ರಂದು ಅದ್ಧೂರಿ ಮದುವೆ ನಡೆದಿದೆ. ಆದರೆ, ಈ ಮದುವೆಗೆ ಮಾಸ್ತಮ್ಮ ನಾಯ್ಕ ಅವರ ವಿರೋಧವಿದ್ದು, ಅದನ್ನು ಯಾರೂ ತಲೆಗೆ ಹಾಕಿಕೊಂಡಿಲ್ಲ. ಆ ದಿನ ಮದುವೆ ಮುಗಿದ ನಂತರ ನಾರಾಯಣ ನಾಯ್ಕ ಅವರು ತಮ್ಮ ಪತ್ನಿ ಜೊತೆ ಮನೆಗೆ ಬಂದಿದ್ದಾರೆ. ಸಂಜೆ 7.30ಕ್ಕೆ ಮನೆಗೆ ಬಂದ ವರ-ವಧುವನ್ನು ಮಾಸ್ತಮ್ಮ ನಾಯ್ಕ ಅವರು ಸ್ವಾಗತಿಸಿಲ್ಲ. ಬದಲಾಗಿ, `ನನ್ನ ಮನೆಯೊಳಗೆ ಕಾಲಿಡುವುದು ಬೇಡ’ ಎಂದು ಬೊಬ್ಬೆ ಹೊಡೆದಿದ್ದಾರೆ. ಇದರಿಂದ ನಾರಾಯಣ ನಾಯ್ಕ ಅವರು ಸಿಟ್ಟಾಗಿದ್ದಾರೆ. ಇದೇ ವೇಳೆ ಅವರ ತಂಗಿ ಪದ್ಮಾವತಿ ನಾಯ್ಕ ಹಾಗೂ ಅವರ ಇನ್ನಿತರ ಮಕ್ಕಳಾದ ಮಮತಾ ನಾಯ್ಕ, ಗಾಯತ್ರಿ ನಾಯ್ಕ, ಸುಬ್ರಮಣ್ಯ ನಾಯ್ಕ ಅವರು ಅಲ್ಲಿಗೆ ಬಂದಿದ್ದಾರೆ. ಆಗಮಿಸಿದ ಬಂಧು-ಮಿತ್ರರಿAದಲೂ ಮಾಸ್ತಮ್ಮ ನಾಯ್ಕ ಅವರನ್ನು ಸಮಾಧಾನ ಮಾಡಲು ಸಾಧ್ಯವಾಗಲಿಲ್ಲ. ಹೀಗಾಗಿ ನಾರಾಯಣ ನಾಯ್ಕ ಅವರ ಜೊತೆ ಪದ್ಮಾವತಿ ನಾಯ್ಕ ಮಮತಾ ನಾಯ್ಕ, ಗಾಯತ್ರಿ ನಾಯ್ಕ, ಸುಬ್ರಮಣ್ಯ ನಾಯ್ಕ ಅವರು ಸೇರಿ ಮಾಸ್ತಮ್ಮ ನಾಯ್ಕ ಅವರ ಮೇಲೆ ಕೈ ಮಾಡಿದ್ದಾರೆ. ಎಲ್ಲರಿಂದ ಪೆಟ್ಟು ತಿಂದ ಮಾಸ್ತಮ್ಮ ನಾಯ್ಕ ಅವರು ತಮಗಾದ ಅನ್ಯಾಯದ ಬಗ್ಗೆ ಪೊಲೀಸರ ಮೊರೆ ಹೋಗಿದ್ದು, ಭಟ್ಕಳ ಗ್ರಾಮೀಣ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಸ್ಪಿರಿಟ್ ಹೆಸರಿನಲ್ಲಿ ಸರಾಯಿ ಸಾಗಾಟ!](https://mobiletime.in/2026/02/transporting-a-tavern-in-the-name-of-spirit/): ನಕಲಿ ದಾಖಲೆಗಳ ಆಧಾರದಲ್ಲಿ ಲಕ್ಷಾಂತರ ರೂ ಮೌಲ್ಯದ ಸರಾಯಿ ಸಾಗಿಸುತ್ತಿದ್ದ ಎರಡು ಟ್ಯಾಂಕರ್ ಜೊಯಿಡಾದ ರಾಮನಗರದ ಬಳಿ ಸಿಕ್ಕಿ ಬಿದ್ದಿದೆ. ಸ್ಪಿರಿಟ್ ಹಾಗೂ ಎಥನಲ್ ಸಾಗಿಸುವುದಕ್ಕಾಗಿ ಅನುಮತಿಪಡೆದು ಆ ಟ್ಯಾಂಕರಿನಲ್ಲಿ ಸರಾಯಿ ಸಾಗಿಸುತ್ತಿರುವವರು ಅಬಕಾರಿ ಅಧಿಕಾರಿಗಳಿಗೆ ಸಿಕ್ಕಿ ಬಿದ್ದಿದ್ದಾರೆ. ದಾವಣೆಗೆರೆ ಶುಗರ್ ಕಂಪನಿ ಲಿಮಿಟೆಡ್ ಕಡೆಯಿಂದ ಗೋವಾ ರಾಜ್ಯದ ಗ್ಲೋಬಲ್ ಕಮ್ ಕಾರ್ಪ್ ಕುಂಡೇಮ್’ಗೆ ಸ್ಪಿರಿಟ್ ಸಾಗಿಸುವುದಕ್ಕಾಗಿ ಸರ್ಕಾರದಿಂದ ಅನುಮತಿಪಡೆಯಲಾಗಿತ್ತು. ಅದರೊಂದಿಗೆ ದಾವಣಗೆರೆಯ ಕೊಲೆಹಳ್ಳಿ ಹಡದಿಯಲ್ಲಿರುವ ಶ್ರೀ ಸಾಯಿ ಟ್ರೇಡರ್ಸ್ & ಕಂಪನಿಯಿAದ ಗೋವಾದ ವರ್ಧನ್ ಸಷ್ಟಿಮೆಂಟ್ಸ್ ಇಂಡಿಯಾ ಪ್ರೈ.ಲಿ. ಪಿಲರ್ನ ಇಂಡಸ್ಟ್ರೀಯಲ್’ಗೆ ಎಥನಲ್ ಸಾಗಾಟಕ್ಕೆ ಸರ್ಕಾರ ಪರವಾನಿಗೆ ನೀಡಿತ್ತು. ಆ ಅನುಮತಿ ದುರುಪಯೋಗಪಡಿಸಿಕೊಂಡ ದುರುಳರು ಟ್ಯಾಂಕರ್ ತುಂಬ ಮದ್ಯಸಾರಾ ಸಾಗಾಟ ಮಾಡುತ್ತಿದ್ದರು. ಉತ್ತರ ಕನ್ನಡ ಜಿಲ್ಲೆಯ ಅಬಕಾರಿ ಉಪ ಆಯುಕ್ತ ಅಮಾನುಲ್ಲಾ ಖಾನ್ ಎ ಅವರು ಫೆ 21ರಂದು ಆ ಟ್ಯಾಂಕರ್ ತಪಾಸಣೆ ನಡೆಸಿದರು. ಸ್ಥಳಕ್ಕೆ ತಜ್ಞರನ್ನು ಕರೆಯಿಸಿ ಆಲ್ಕೋ ಮೀಟರ್ ಉಪಕರಣದ ಮೂಲಕ ಪರೀಕ್ಷೆ ಮಾಡಿಸಿದಾಗ ಅಪಾರ ಪ್ರಮಾಣದಲ್ಲಿ ಮದ್ಯಸಾರಾ ಸಾಗಾಟ ನಡೆದಿರುವುದು ಗಮನಕ್ಕೆ ಬಂದಿತು. ಈ ಹಿನ್ನಲೆ ಎರಡು ಟ್ಯಾಂಕರನ್ನು ಅಧಿಕಾರಿಗಳು ವಶಕ್ಕೆಪಡೆದರು. ಅದರಲ್ಲಿದ್ದ 50 ಸಾವಿರ ಲೀಟರ್ ಮದ್ಯಸಾರವನ್ನು ಜಪ್ತು ಮಾಡಿದರು. ಮಧ್ಯಪ್ರದೇಶ ಟ್ಯಾಂಕರ್ ಚಾಲಕ ಮಗ್ನರ್ ಸಿಂಗ್ ಹಾಗೂ ಗದಗದ ಧರ್ಮಪ್ಪ ಕಳಕಪ್ಪ ಕಟ್ಟಿಮನಿ ಅವರನ್ನು ಬಂಧಿಸಿ ಜೈಲಿಗೆ ಹಾಕಿದರು. ಈ ಕಾರ್ಯಾಚರಣೆಯಲ್ಲಿ ಟ್ಯಾಂಕರ್ ಸೇರಿ 90 ಲಕ್ಷ ರೂ ಮೌಲ್ಯದ ವಸ್ತುಗಳನ್ನು ಅಧಿಕಾರಿಗಳು ಜಪ್ತು ಮಾಡಿದ್ದಾರೆ.  
- [ಶಿರಸಿ| ಜಾತ್ರೆಗೆ ಬರಲಿದೆ ಚುಕುಪುಕು ರೈಲು!](https://mobiletime.in/2026/02/sirsi-chukupuku-train-coming-to-the-fair/): ಶಿರಸಿ ಜಾತ್ರೆ ಹಿನ್ನಲೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಯಶವಂತಪುರ – ತಾಳಗುಪ್ಪ ನಡುವೆ ವಿಶೇಷ ರೈಲು ಓಡಿಸಿದ್ದಾರೆ. ಮಾರಿಕಾಂಬಾ ದೇವಿಯ ಭಕ್ತರ ಅನುಕೂಲಕ್ಕಾಗಿ ಈ ವಿಶೇಷ ರೈಲು ಓಡಾಟ ಶುರು ಮಾಡಿಸಿರುವುದಾಗಿ ಕಾಗೇರಿ ಅವರು ಹೇಳಿದ್ದಾರೆ. ಶಿರಸಿ ಜಾತ್ರೆಗೆ ಲಕ್ಷಕ್ಕೂ ಅಧಿಕ ಜನ ಬರುತ್ತಾರೆ. ಬೇರೆ ಬೇರೆ ಪ್ರದೇಶಗಳ ಭಕ್ತರು ಇಲ್ಲಿಗೆ ಆಗಮಿಸಲಿದ್ದು, ಅವರಿಗೆ ಅಗತ್ಯವಿರುವ ವಾಹನ ಸೌಕರ್ಯ ಸಮಸ್ಯೆ ಮೊದಲಿನಿಂದಲೂ ಇದೆ. ಈ ಹಿನ್ನಲೆ ಬೆಂಗಳೂರಿನ ಭಕ್ತರಿಗಾಗಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ವಿಶೇಷ ರೈಲಿನ ವ್ಯವಸ್ಥೆ ಮಾಡಿದ್ದಾರೆ. ಭಕ್ತರ ಸುಗಮ ಪ್ರಯಾಣಕ್ಕಾಗಿ ನೈಋತ್ಯ ರೈಲ್ವೆಯು ಬೆಂಗಳೂರಿನ ಯಶವಂತಪುರ ಮತ್ತು ಸಾಗರದ ತಾಳಗುಪ್ಪ ನಡುವೆ ವಿಶೇಷ ರೈಲು ಓಡಿಸಲು ನಿರ್ಧರಿಸಿದೆ. ಅದರಂತೆ, ಫೆಬ್ರವರಿ 27 ಮತ್ತು 28ರಂದು ಈ ವಿಶೇಷ ರೈಲು ಸೇವೆ ಲಭ್ಯವಿರಲಿದೆ. ಅದರ ಪ್ರಕಾರ ರೈಲು ಸಂಖ್ಯೆ 06587ಯೂ ಫೆಬ್ರವರಿ 27ರ ಶುಕ್ರವಾರ ರಾತ್ರಿ 10:45ಕ್ಕೆ ಯಶವಂತಪುರದಿAದ ಹೊರಟು ಮರುದಿನ ಮುಂಜಾನೆ 05:05ಕ್ಕೆ ತಾಳಗುಪ್ಪ ತಲುಪಲಿದೆ. ರೈಲು ಸಂಖ್ಯೆ 06588ಯೂ ಫೆಬ್ರವರಿ 28ರ ಶನಿವಾರ ಬೆಳಿಗ್ಗೆ 09:30ಕ್ಕೆ ತಾಳಗುಪ್ಪದಿಂದ ಹೊರಟು ಅದೇ ದಿನ ಸಂಜೆ 05:15ಕ್ಕೆ ಯಶವಂತಪುರವನ್ನು ತಲುಪಲಿದೆ. ಜಾತ್ರಾ ಮಹೋತ್ಸವದ ಹಿನ್ನಲೆಯಲ್ಲಿ ಭಕ್ತಾದಿಗಳ ಅನುಕೂಲಕ್ಕಾಗಿ ಯಶವಂತಪುರ-ಶಿವಮೊಗ್ಗ ಟೌನ್ ನಡುವೆ ಸಂಚರಿಸುವ ಟ್ರೈ-ವೀಕ್ಲಿ ಎಕ್ಸ್ಪ್ರೆಸ್ ರೈಲನ್ನು (16581/16582) ಸಹ ತಾತ್ಕಾಲಿಕವಾಗಿ ತಾಳಗುಪ್ಪದವರೆಗೆ ವಿಸ್ತರಿಸಲು ನೈಋತ್ಯ ರೈಲ್ವೆ ನಿರ್ಧರಿಸಿದೆ. ಮಾರ್ಚ್ 1ರ ಭಾನುವಾರದಂದು ಯಶವಂತಪುರದಿoದ ಮಧ್ಯರಾತ್ರಿ 12:15ಕ್ಕೆ ಹೊರಡುವ ರೈಲು ಸಂಖ್ಯೆ 16581 ಶಿವಮೊಗ್ಗದ ಬದಲಾಗಿ ಬೆಳಿಗ್ಗೆ 9 ಗಂಟೆಗೆ ತಾಳಗುಪ್ಪ ತಲುಪಲಿದ್ದು, ಅದೇ ದಿನ ರಾತ್ರಿ 10 ಗಂಟೆಗೆ ತಾಳಗುಪ್ಪದಿಂದಲೇ ತನ್ನ ಪ್ರಯಾಣ ಆರಂಭಿಸುವ ರೈಲು ಸಂಖ್ಯೆ 16582 ಮರುದಿನ ಬೆಳಿಗ್ಗೆ 4:45ಕ್ಕೆ ಯಶವಂತಪುರ ತಲುಪಲಿದೆ. ಶಿರಸಿ ಜಾತ್ರೆಗೆ ಆಗಮಿಸುವ ಸಾವಿರಾರು ಭಕ್ತರ ಹಿತದೃಷ್ಟಿಯಿಂದ ವಿಶೇಷ ರೈಲು ಸೌಲಭ್ಯ ಒದಗಿಸುವಂತೆ ಕೇಂದ್ರ ರೈಲ್ವೆ ರಾಜ್ಯ ಸಚಿವ ಸೋಮಣ್ಣ ಅವರಿಗೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಪತ್ರ ಬರೆದಿದ್ದು, ಅದಕ್ಕೆ ಮನ್ನಣೆ ನೀಡಿ ರೈಲು ಸೇವೆ ಒದಗಿಸಲಾಗಿದೆ.
- [ಮುಖ್ಯಮಂತ್ರಿ ಮುಂದೆ ಶಾಸಕರ ಮೌನ: ಅನಂತಮೂರ್ತಿಗೆ ಅನುಮಾನ!](https://mobiletime.in/2026/02/mlas-silence-before-the-chief-minister-ananthamurthy-has-many-doubts/): `ನದಿ ತಿರುವು, ಶರಾವಂತಿ ಪಂಪ್ ಸ್ಟೋರೇಜ್, ಕೇಣಿ ವಾಣಿಜ್ಯ ಬಂದರು, ಅರಣ್ಯ ಅತಿಕ್ರಮಣ ಸಮಸ್ಯೆ, ಅಡಿಕೆ ಎಲೆಚುಕ್ಕಿ ರೋಗ, ಮಳೆ ಮಾಪನ ಯಂತ್ರ ದುರಸ್ಥಿ ಸೇರಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹಲವು ಸಮಸ್ಯೆಗಳಿದ್ದರೂ ಆ ಬಗ್ಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಮಾತನಾಡಿಲ್ಲ. ಎಂಟು ವರ್ಷಗಳ ನಂತರ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಉತ್ತರ ಕನ್ನಡ ಜಿಲ್ಲೆಗೆ ಭೇಟಿ ನೀಡಿದ್ದು, ಇದರ ಹಿಂದೆ ಸ್ಥಳೀಯ ಸಂಸ್ಥೆ ಚುನಾವಣೆಯ ಲೆಕ್ಕಾಚಾರವಿರುವ ಹಾಗಿದೆ’ ಎಂದು ಬಿಜೆಪಿ ರೈತಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಅನುಮಾನವ್ಯಕ್ತಪಡಿಸಿದ್ದಾರೆ. ಮಾಧ್ಯಮದವರ ಜೊತೆ ಮಾತನಾಡಿದ ಅವರು `ನದಿ ತಿರುವು ಯೋಜನೆಗಳು, ಶರಾವತಿ ಪಂಪ್ ಸ್ಟೋರೇಜ್ ಯೋಜನೆ, ಬಂದರುಗಳ ಕಾಮಗಾರಿ, ಅರಣ್ಯ ಅತಿಕ್ರಮಣ ಸಮಸ್ಯೆ ಮತ್ತು ಎಲೆ ಚುಕ್ಕೆ ರೋಗದಿಂದ ಸಂಕಷ್ಟದಲ್ಲಿರುವ ರೈತರ ವಿಚಾರ, ಮಳೆ ಮಾಪನದ ಸಮಸ್ಯೆ ಬಗ್ಗೆ ಅರಿವಿದ್ದರೂ ನಾಯಕರು ಮಾತನಾಡಿಲ್ಲ. ಬಿಜೆಪಿಯನ್ನು ಟೀಕಿಸುವ ಉದ್ದೇಶಕ್ಕೆ ಪ್ರವಾಸ ಮಾಡಿದ ಹಾಗೇ ಕಾಣುತ್ತಿದ್ದು, ಸಮಸ್ಯೆಗಳ ಬಗ್ಗೆ ಶಾಸಕರು ಸಹ ಮನವಿ ನೀಡಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಕಾರವಾರ ಅಂಕೋಲಾ ಕ್ಷೇತ್ರದ ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರ ಪ್ರಯತ್ನದಿಂದ ಆಸ್ಪತ್ರೆ ಕಟ್ಟಡ ನಿರ್ಮಾಣವಾಗಿದೆ. ಕಟ್ಟಡ ಸಿದ್ಧವಾದ ನಂತರ ಆಗಮಿಸಿ ಉದ್ಘಾಟನೆ ಮಾಡುವುದರಲ್ಲಿ ಸರ್ಕಾರದ ಸಾಧನೆ ಏನೂ ಇಲ್ಲ’ ಎಂದಿದ್ದಾರೆ. `ಮುಖ್ಯಮಂತ್ರಿ ಹಾಗೂ ಉಪಮುಖ್ಯಮಂತ್ರಿಗಳ ಭಾಷಣ ಗಮನಿಸಿದರೆ ಬರೀ ರಾಜಕೀಯ ಉದ್ದೇಶಗಳು ಮಾತ್ರ ಕಾಣುತ್ತಿವೆ. ಜನರ ಸಮಸ್ಯೆ ದೂರ ಮಾಡುವ ದೂರದೃಷ್ಠಿಯ ಬಗ್ಗೆ ನಾಯಕರು ಏನೂ ಹೇಳಿಲ್ಲ’ ಎಂದು ಕಿಡಿಕಾರಿದ್ದಾರೆ. `ಬರುವ ಬಜೆಟ್ ನಲ್ಲಿ ಜಿಲ್ಲೆಯಲ್ಲಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯನ್ನು ಸ್ಥಾಪಿಸುತ್ತೇವೆ ಎಂದಿರುವುದು ಸ್ವಾಗತಾರ್ಹ. ಆದರೆ, ಕಾರವಾರದ ಕ್ರಿಮ್ಸ್ ಆಸ್ಪತ್ರೆ ಮತ್ತು ಶಿರಸಿಯ ಪಂಡಿತ್ ಜನರಲ್ ಆಸ್ಪತ್ರೆಗಳಿಗೆ ಅಗತ್ಯವಾದ ವೈದ್ಯಕೀಯ ಉಪಕರಣ ಮತ್ತು ನುರಿತ ವೈದ್ಯರುಗಳ ನಿಯೋಜನೆಯನ್ನು ಮಾಡದೆ ಕೇವಲ ಬಜೆಟಿನಲ್ಲಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯನ್ನು ಸ್ಥಾಪಿಸುತ್ತೇವೆ ಎಂದು ಘೋಷಿಸುವುದು ಜಿಲ್ಲೆಯ ಜನರ ಮೂಗಿಗೆ ತುಪ್ಪ ಸವರುವ ಕೆಲಸದ ಹಾಗಾಗಿದೆ. ಎಲ್ಲಾ ಜನರಿಗೆ ಅನುಕೂಲವಾಗುವ ರೀತಿಯಲ್ಲಿ ಕಾಲಮಿತಿಯಲ್ಲಿ ವೈದ್ಯಕೀಯ ಸೇವೆ ದೊರಕುವಂತಹ ಕ್ರಮ ಕೈಗೊಳ್ಳಬೇಕು’ ಎಂದು ಅನಂತಮೂರ್ತಿ ಹೆಗಡೆ ಅವರು ಆಗ್ರಹಿಸಿದ್ದಾರೆ. `ಹಿಂದಿನ ಬಿಜೆಪಿ ಸರಕಾರದಲ್ಲಿ ಘೋಷಣೆ ಆಗಿದ್ದ ಕುಮಟಾ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಪ್ರಾರಂಭಿಸಬೇಕು. ಸಿದ್ದಾಪುರ -ಶಿರಸಿ ಭಾಗದ ಜನರಿಗಾಗಿ ಶಿರಸಿ ಪಂಡಿತ ಸಾರ್ವಜನಿಕ ಆಸ್ಪತ್ರೆಗೆ ವೈದ್ಯರ ನೇಮಕಾತಿ ಯಾತ್ರೋಪಕರಣಗಳಿಗೆ ಟೆಂಡರ್ ಪ್ರಕ್ರಿಯೆ ನಡೆಯಬೇಕು’ ಎಂದು ಹೇಳಿದ್ದಾರೆ.
- [ನಗೆ ಗ್ರಾಮದಲ್ಲಿ ನೋವು: ಶಾಲಾ ಬಾಲಕಿಯ ಸ್ಮಶಾನ ವಾಸ!](https://mobiletime.in/2026/02/pain-in-the-village-of-laughter-a-schoolgirls-graveyard-dwelling/): ಕಾರವಾರದ ನಗೆಕೋವೆ ಬಳಿ ಉಲ್ಲಾಸ ನಾಯ್ಕ ಅವರ ಮನೆ ಮುಂದೆ ನಡೆದು ಹೋಗುತ್ತಿದ್ದ ದಾಕ್ಷಾಯಣಿ ಗೌಡ ಅವರಿಗೆ ಮಿನಿ ಲಾರಿ ಗುದ್ದಿದ್ದು, ದಾಕ್ಷಾಯಣಿ ಗೌಡ ಅವರು ಸಾವನಪ್ಪಿದ್ದಾರೆ. ಕಾರವಾರದ ನಗೆಕೋವೆ ಗ್ರಾಮದಲ್ಲಿ ದಾಕ್ಷಾಯಣಿ ಯಶ್ವಂತ ಗೌಡ (15) ಅವರು ವಾಸವಾಗಿದ್ದರು. ಹೈಸ್ಕೂಲ್ ವಿದ್ಯಾರ್ಥಿನಿಯಾಗಿದ್ದ ಅವರು ಬಾಲ್ಯದಿಂದಲೂ ಪ್ರತಿಭಾನ್ವಿತರಾಗಿದ್ದರು. ಭಾನುವಾರ ಮಧ್ಯಾಹ್ನ ತಮ್ಮ ತಾಯಿ ಜಯಲಕ್ಷಿ ಗೌಡ ಅವರ ಜೊತೆ ದಾಕ್ಷಾಯಣಿ ಗೌಡ ಅವರು ರಸ್ತೆ ಬದಿ ನಡೆದು ಹೋಗುತ್ತಿದ್ದರು. ನಗೆ ಗ್ರಾಮದಿಂದ ಕೋವೆ ಗ್ರಾಮದ ಕಡೆ ಹೋಗುವಾಗ ಎದುರಿನಿಂದ ಐಸರ್ ಲಾರಿ ವೇಗವಾಗಿ ಬಂದಿತು. ಕೋವೆಯ ಕಡೆ ಹೋಗುತ್ತಿದ್ದ ದಾಕ್ಷಾಯಣಿ ಗೌಡ ಅವರಿಗೆ ಆ ಲಾರಿ ಗುದ್ದಿತು. ಎದುರಿನಿಂದ ಲಾರಿ ಗುದ್ದಿದ ರಭಸಕ್ಕೆ ದಾಕ್ಷಾಯಣಿ ಗೌಡ ಅವರು ಮಾರಣಾಂತಿಕವಾಗಿ ಗಾಯಗೊಂಡರು. ಅದಾದ ನಂತರ ಅವರನ್ನು ಆಸ್ಪತ್ರೆಗೆ ರವಾನಿಸಲಾಗಿದ್ದು, ಅಲ್ಲಿನ ಚಿಕಿತ್ಸೆ ಫಲಕಾರಿಯಾಗದೇ ಸಾವನಪ್ಪಿದರು. ಲಾರಿ ಓಡಿಸುತ್ತಿದ್ದ ಕೆರವಡಿಯ ಕಿರಣ ದೇವಿದಾಸ ನಾಯ್ಕ ಅವರು ಅಪಘಾತದ ನಂತರ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದು, ಸ್ಥಳೀಯರು ಚಾಲಕನನ್ನು ಹಿಡಿದರು. `ನಿಧಾನವಾಗಿ ವಾಹನ ಓಡಿಸಿ. ಮಕ್ಕಳಿರುವ ಕಡೆ ವಾಹನ ನಿಲ್ಲಿಸಿ, ನಂತರ ಮುಂದೆ ಚಲಾಯಿಸಿ’
- [ಬಾವಿಗೆ ಬಿದ್ದವನಿಗೆ ಮರುಜೀವ](https://mobiletime.in/2026/02/the-one-who-fell-into-the-well-was-brought-back-to-life/): ಸಿದ್ದಾಪುರದಲ್ಲಿ ಬಾವಿಗೆ ಬಿದ್ದ ವ್ಯಕ್ತಿಯೊಬ್ಬರಿಗೆ ಮರುಜೀವ ಸಿಕ್ಕಿದೆ. ಬಾವಿಗೆ ಬಿದ್ದು ನೆನೆದಿದ್ದ ವ್ಯಕ್ತಿ ಬಗ್ಗೆ ಅರಿತ ಅಗ್ನಿಶಾಮಕ ಸಿಬ್ಬಂದಿ ತಕ್ಷಣ ಧಾವಿಸಿ ಜೀವ ಕಾಪಾಡಿದ್ದಾರೆ. ಸಿದ್ದಾಪುರದ ಕವಲಕೊಪ್ಪ ಗ್ರಾಮದಲ್ಲಿ ವ್ಯಕ್ತಿಯೊಬ್ಬರು ಬಾವಿಗೆ ಬಿದ್ದ ಬಗ್ಗೆ ಅಗ್ನಿಶಾಮಕ ಠಾಣೆಗೆ ಫೋನ್ ಬಂದಿತು. ಅಗ್ನಿಶಾಮಕ ದಳದ ಶೌರ್ಯ ತಂಡವರು ಸ್ಥಳಕ್ಕೆ ದೌಡಾಯಿಸಿದರು. ಆಗಲೇ ಅಲ್ಲಿ ಸ್ಥಳೀಯರು ಸಹ ಆಗಮಿಸಿದ್ದು, ಎಲ್ಲರೂ ಸೇರಿ ಬಾವಿಯಲ್ಲಿದ್ದ ವ್ಯಕ್ತಿಯನ್ನು ಮೇಲೆತ್ತಿದರು. ಸಹಾಯಕ ಠಾಣಾಧಿಕಾರಿ ಎ ಸುಬ್ರಹ್ಮಣ್ಯ ಅವರ ನೇತೃತ್ವದ ತಂಡದಲ್ಲಿ ನಾಗರಾಜ್ ಪಟಗಾರ, ವಿನಯ ಕುಮಾರ, ಬಾಳೇಶ ತಳವಾರ, ಪ್ರಸಾದ ನಾಯ್ಕ ಹಾಗೂ 112 ಪೊಲೀಸ್ ಸಹಾಯವಾಣಿ ಸಿಬ್ಬಂದಿ ಕಾರ್ಯಾಚರಣೆಯಲ್ಲಿದ್ದರು. ಶೌರ್ಯ ತಂಡದ ವೆಂಕಟೇಶ ಗೌಡ ಕೊಡಗಿಬೈಲ್ ಮತ್ತು ರಾಘವೇಂದ್ರ ನಾಯ್ಕ ಹಾಸಣಿಗೆ ತಮ್ಮ ಸಾಹಸದಿಂದ ವ್ಯಕ್ತಿಯ ಜೀವ ಕಾಪಾಡಿದರು.  
- [ಸ್ನೇಹಿತರ ಜೊತೆಗಿದ್ದ ಬಾಲಕ ಜಲ ಸಮಾಧಿ!](https://mobiletime.in/2026/02/a-boy-who-was-with-his-friends-drowned/): ಮುಂಡಗೋಡಿನ ಅಜಯ ಕರಿಹೊಲದವರ್ ಅವರು ಸ್ನೇಹಿತರ ಜೊತೆ ಸನವಳ್ಳಿ ಜಲಾಶಯಕ್ಕೆ ಈಜಲು ಹೋಗಿದ್ದು, ಜಲ ಸಮಾಧಿಯಾಗಿದ್ದಾರೆ. ಅಜಯ ಕರಿಹೊಲದವರ್ ಅವರು ಮುಳುಗುವುದನ್ನು ನೋಡಿದರೂ ಸ್ನೇಹಿತರು ತಕ್ಷಣ ವಿಷಯ ಬಾಯ್ಬಿಡದ ಕಾರಣ ಅಪಾಯದಲ್ಲಿದ್ದ ಬಾಲಕನನ್ನು ಉಳಿಸಿಕೊಳ್ಳಲು ಆಗಲಿಲ್ಲ. ಭಾನುವಾರ ಶಾಲೆಗೆ ರಜೆಯಿದ್ದ ಕಾರಣ ಅಜಯ ಕರಿಹೊಲದವರ್ (17) ಅವರು ಸ್ನೇಹಿತರ ಜೊತೆ ಆಟಕ್ಕೆ ಹೋಗಿದ್ದರು. ಅಲ್ಲಿಂದ ಮುಂದೆ ಸ್ನೇಹಿತರೆಲ್ಲರೂ ಸೇರಿ ಸನವಳ್ಳಿ ಜಲಾಶಯಕ್ಕೆ ಹೋಗಿದ್ದು, ಈಜಲು ನಿರ್ಧರಿಸಿದರು. ನೀರಿನ ಆಳಕ್ಕೆ ಹೋಗಿದ್ದ ಅಜಯ ಕರಿಹೊಲದವರ್ ಅಲ್ಲಿಯೇ ಮುಳುಗಡೆಯಾದರು. ಸ್ನೇಹಿತ ನೀರಿನಲ್ಲಿ ಮುಳುಗುತ್ತಿರುವುದನ್ನು ಜೊತೆಗಿದ್ದವರು ಗಮನಿಸಿದರು. ಆದರೆ, ಅವರಿಂದ ಅಜಯ ಕರಿಹೊಲದವರ್ ಅವರ ರಕ್ಷಣೆ ಸಾಧ್ಯವಾಗಲಿಲ್ಲ. `ಅಜಯ ಕರಿಹೊಲದವರ್ ಅವರು ನೀರುಪಾಲಾದ ವಿಷಯ ಹೇಳಿದರೆ ತಮ್ಮ ಮೇಲೆ ಆರೋಪ ಬರುತ್ತದೆ’ ಎಂಬ ಕಾರಣಕ್ಕೆ ಸ್ನೇಹಿತರೆಲ್ಲರೂ ಸುಮ್ಮನೆ ಮನೆಗೆ ಮರಳಿದ್ದರು. ರಾತ್ರಿಯಾದರೂ ಅಜಯ ಕರಿಹೊಲದವರ್ ಮರಳದ ಕಾರಣ ಪಾಲಕರು ಸ್ನೇಹಿತರನ್ನು ಪ್ರಶ್ನಿಸಿದ್ದು, ಆ ವೇಳೆ ಅಜಯ ಕರಿಹೊಲದವರ್ ಅವರು ನೀರಿನಲ್ಲಿ ಮುಳುಗಿದ ವಿಷಯ ಹೊರಬಿದ್ದಿತು. ಆತಂಕಗೊAಡ ಕುಟುಂಬಸ್ಥರು ಮುಂಡಗೋಡು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ರಾತ್ರಿಯಿಡೀ ಶೋಧ ನಡೆಸಿದರು. ಆದರೆ, ರಾತ್ರಿ ಕತ್ತಲಿನಲ್ಲಿ ಏನೂ ಕಾಣಲಿಲ್ಲ. ಸೋಮವಾರ ಬೆಳಗ್ಗೆ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಕಾರ್ಯಾಚರಣೆ ನಡೆಸಿದ್ದು, ಆಗ ಶವ ಸಿಕ್ಕಿತು.
- [ಎರಡು ಬೈಕ್ ಡಿಕ್ಕಿ: ನಾಲ್ವರಿಗೆ ಗಾಯ](https://mobiletime.in/2026/02/two-bikes-collide-four-injured/): ಭಟ್ಕಳದ ಕಿತ್ರೆ ಕ್ರಾಸ್ ಬಳಿ ಎರಡು ಬೈಕುಗಳ ನಡುವೆ ಮುಖಾಮುಖಿ ಡಿಕ್ಕಿಯಾಗಿದೆ. ಈ ಅಪಘಾತದಲ್ಲಿ ಒಟ್ಟು ನಾಲ್ಕು ಜನ ಗಾಯಗೊಂಡಿದ್ದಾರೆ. ಫೆಬ್ರವರಿ 22ರ ಮಧ್ಯಾಹ್ನ ಈ ಅಪಘಾತ ನಡೆದಿದೆ. ಭಟ್ಕಳದಿಂದ ಕುಂಟವಾಣಿಗೆ ತೆರಳುತ್ತಿದ್ದ ಕುಂಟವಾಣಿಯ ಗುಡಿಹಿತ್ಲುವಿನ ಕೃಷಿಕ ಮಂಜುನಾಥ ಶೇಷಾ ಶೆಟ್ಟಿ (52) ಹಾಗೂ ತಲಾಂದದ ಕೂಲಿ ಕಾರ್ಮಿಕ ವಿಜಯ ನಾರಾಯಣ ಗೊಂಡ (28) ಅವರು ಓಡಿಸುತ್ತಿದ್ದ ಬೈಕು ಮುಖಾಮುಖಿಯಾಗಿದೆ. ಎರಡು ಬೈಕಿನ ವೇಗ ಹೆಚ್ಚಾಗಿದ್ದ ಕಾರಣ ಬೈಕ್ ಸವಾರರು ಬಿದ್ದು ಪೆಟ್ಟು ಮಾಡಿಕೊಂಡಿದ್ದಾರೆ. ವಿಜಯ ಗೊಂಡ ಅವರ ಬೈಕಿನಲ್ಲಿ ಕುಳಿತಿದ್ದ ತಲಾಂದ ಗ್ರಾಮದ ಕೂಲಿ ಕಾರ್ಮಿಕ ಕಿರಣ ಹನುಮಂತ ನಾಯ್ಕ (26) ಮತ್ತು ಮಂಜುನಾಥ ಶೆಟ್ಟಿ ಬೈಕಿನಲ್ಲಿದ್ದ ಅವರ ಮಗಳು ಭೂಮಿಕಾ (19) ಅವರಿಗೂ ಈ ಅಪಘಾತದಲ್ಲಿ ನೋವಾಗಿದೆ. ಮಂಜುನಾಥ ಶೆಟ್ಟಿಯವರ ಎಡ ಕೈ ಮತ್ತು ತುಟಿಗೆ ಹಾಗೂ ಅವರ ಮಗಳಿಗೆ ಬಲ ಕೈ ಕಿರು ಬೆರಳಿಗೆ ಗಾಯಗಳಾಗಿವೆ. ವಿಜಯ ಗೊಂಡ ಅವರಿಗೆ ತಲೆಗೆ, ಬಲಗೆನ್ನೆಗೆ, ಮೂಗು, ತುಟಿ ಮತ್ತು ಬಲ ಕಣ್ಣಿನ ಹತ್ತಿರ ಗಾಯಗಳಾಗಿವೆ. ಕಿರಣ ನಾಯ್ಕ ಅವರ ಬಲ ಕಾಲಿನ ಪಾದದ ಹತ್ತಿರ ಪೆಟ್ಟಾಗಿದೆ. ವಿಜಯ ಗೊಂಡ ಅತೀವೇಗ ಮತ್ತು ಅಜಾಗರೂಕತೆಯಿಂದ ಬೈಕ್ ಚಲಾಯಿಸಿದ್ದರಿಂದ ಅಪಘಾತ ನಡೆದಿದೆ ಎಂದು ಮಂಜುನಾಥ ಶೆಟ್ಟಿ ಅವರು ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ತಪ್ಪದೇ ಪಾಲಿಸಿ’
- [ವರ ದಕ್ಷಿಣೆಗಾಗಿ ಚಿತ್ರಹಿಂಸೆ: ಕಾರಿನ ಆಸೆಗೆ ಕಂದಮ್ಮನ ಕೊಲೆ!](https://mobiletime.in/2026/02/torture-for-the-grooms-sake-murder-of-kandamma-for-the-sake-of-a-car/): ವಿದೇಶದಲ್ಲಿ ಒಳ್ಳೆಯ ಉದ್ಯೋಗದಲ್ಲಿದ್ದರೂ ಕಾರು ಕೊಡಿಸುವಂತೆ ಪತ್ನಿಗೆ ಕಾಡಿಸುತ್ತಿದ್ದ ಶಿರಸಿಯ ಜಾವೇದ್ ಅಕ್ತರ್ ಅವರು ಕಾರು ಸಿಗದ ಕಾರಣ ಸಬೀಹಾಭಾನು ಅವರ ಹೊಟ್ಟೆಗೆ ಒದ್ದಿದ್ದಾರೆ. ಪರಿಣಾಮ ಒಂದುವರೆ ತಿಂಗಳ ಭ್ರೂಣ ಅಲ್ಲಿಯೇ ಅಸುನೀಗಿದೆ! ಶಿರಸಿಯ ಗೌಡಳ್ಳಿಯ ಸೋಫಿಯಾ ನಗರದಲ್ಲಿ ಜಾವೇದ್ ಅಕ್ತರ್ ಅಬ್ದುಲ್ ಶಕುರ್ ಅವರು ವಾಸವಾಗಿದ್ದಾರೆ. ಅಬುದಾಬಿಯಲ್ಲಿ ಒಳ್ಳೆಯ ಉದ್ಯೋಗದಲ್ಲಿರುವ ಅವರಿಗೆ ಕೈ ತುಂಬ ಸಂಬಳ ಸಿಗುತ್ತಿದೆ. 2025ರ ಜೂನ್ 1ರಂದು ಅವರು ಶಿರಸಿ ಕಸ್ತೂರಿಬಾ ನಗರದ ಸಬಿಹಾಭಾನು ಅವರನ್ನು ಮದುವೆ ಆಗಿದ್ದಾರೆ. ಮದುವೆ ವೇಳೆ 16 ತೊಲೆ ಬಂಗಾರವನ್ನು ಸಹ ಪಡೆದಿದ್ದಾರೆ. ಅದಾಗಿಯೂ ತವರು ಮನೆಯಿಂದ ಕಾರು ಕೊಡಿಸುವಂತೆ ಜಾವೇದ್ ಅಕ್ತರ್ ಅವರು ಸಬೀಹಾಭಾನು ಅವರಿಗೆ ಕಾಡಿಸುತ್ತಿದ್ದು, ಆರು ತಿಂಗಳಾದರೂ ಕಾರು ಸಿಗದ ಕಾರಣ ಸಬಿಹಾಭಾನು ಅವರ ತವರುಮನೆಗೆ ಹೋಗಿ ಕೂಗಾಡಿದ್ದಾರೆ. ಅದಾದ ನಂತರ ಸಬೀಹಾಭಾನು ಅವರ ಜೊತೆ ಜಾವೇದ್ ಅಕ್ತರ್ ಅವರು ಗೌಡಳ್ಳಿಯಲ್ಲಿರುವ ತಮ್ಮ ಮನೆಗೆ ಹೋಗಿದ್ದರು. ತಿಂಗಳು ಕಳೆದ ನಂತರ ಜಾವೇದ್ ಅಕ್ತರ್ ಅವರು ಪತ್ನಿ ಸಬೀಹಾಭಾನು ಅವರನ್ನು ಗೌಡಳ್ಳಿಯಲ್ಲಿಯೇ ಬಿಟ್ಟು ದುಡಿಮೆಗಾಗಿ ಅಬುದಾಬಿಗೆ ಹೋರಟರು. `ಆದಷ್ಟು ಬೇಗ ನಿನ್ನನ್ನು ಕರೆಯಿಸಿಕೊಳ್ಳುವೆ’ ಪತಿ ನೀಡಿದ್ದ ಭರವಸೆ ಆಧಾರದಲ್ಲಿ ಸಬಿಹಾಭಾನು ಅವರು ಶಿರಸಿಯಲ್ಲಿಯೇ ಉಳಿದಿದ್ದು, ಸಬಿಹಾಭಾನು ಅವರಿಗೆ ಆಗ ಅತ್ತೆ-ನಾದಿನಿಯ ಕಾಟ ಶುರುವಾಯಿತು. ಅತ್ತೆ ಆಹಿಶಾಬಿ ಅಬ್ದುಲ್ ಶಕೂರ್, ನಾದಿನಿ ರೇಷ್ಮಾಬಾಬು ಇಜಾನ್ ಸೇರಿ ನಿತ್ಯವೂ ಸಬೀಹಾಭಾನು ಅವರಿಗೆ ನಿಂದಿಸಲು ಶುರು ಮಾಡಿದರು. ಕಾರು-ಹಣ ತರುವಂತೆ ಅವರು ಕಾಡಿಸುತ್ತಿದ್ದರು. ತವರು ಮನೆ ಬಗ್ಗೆ ಕೆಟ್ಟದಾಗಿ ಮಾತನಾಡುತ್ತಿದ್ದರು. ಅದಾಗಿಯೂ ಸಬೀಹಾಭಾನು ಅವರು ಅದನ್ನು ಸಹಿಸಿಕೊಂಡಿದ್ದರು. ಈ ಎಲ್ಲದರ ನಡುವೆ ಸಬೀಹಾಭಾನು ಅವರಿಗೂ ವಿದೇಶಕ್ಕೆ ಹೋಗುವ ಯೋಗ ಕೂಡಿಬಂದಿತು. 2025ರ ಅಗಸ್ಟ್ ಅವಧಿಯಲ್ಲಿ ಸಬೀಹಾಭಾನು ಅವರು ಪತಿ ಜೊತೆ ಅಬುದಾಬಿಗೆ ಹೋದರು. ಅಲ್ಲಾದರೂ ನೆಮ್ಮದಿಯಾಗಿರೋಣ ಎಂದು ಭಾವಿಸಿದ್ದ ಸಬೀಹಾಭಾನು ಅವರ ಲೆಕ್ಕಾಚಾರ ಉಲ್ಟಾ ಹೊಡೆಯಿತು. ಕಾರಣ, ಅತ್ತೆ ಆಯಿಶಾಬಿ ಶೇಕರ್ ಅವರು ಸಹ ಮಗ-ಸೊಸೆಯ ಜೊತೆ ಅಬುದಾಬಿಗೆ ಬಂದಿದ್ದು, ಅಲ್ಲಿಯೂ ಸಬೀಹಾಭಾನು ಅವರಿಗೆ ತೊಂದರೆ ಕೊಡುವುದನ್ನು ಬಿಡಲಿಲ್ಲ. ಅಬುದಾಬಿಯಲ್ಲಿ ಸಬೀಹಾಭಾನು ಅವರ ಬಳಿಯಿದ್ದ ತವರು ಮನೆಯ ಉಡುಗರೆಯನ್ನು ಆಯಿಶಾಬಿ ಶೇಕರ್ ಅವರು ಕಸಿದುಕೊಂಡಿದ್ದು, 31ತೊಲೆಯಷ್ಟು ಚಿನ್ನಾಭರಣಗಳನ್ನು ಸಹ ಕಿತ್ತುಕೊಂಡಿದ್ದಾರೆ. ಮಾನಸಿಕ ಹಿಂಸೆ ಸಹಿಸದ ಸಬೀಹಾಭಾನು ಅವರು ಅದನ್ನು ವಿರೋಧಿಸಿದಾಗ ಪತಿ ಜೊತೆ ಅತ್ತೆಯೂ ಸೇರಿ ದೈಹಿಕ ಹಿಂಸೆ ನೀಡಿದ್ದಾರೆ. ಈ ನಡುವೆ ಜಾವೇದ್ ಅಕ್ತರ್ ಅವರಿಗೆ ಈವರೆಗೂ ಕಾರು ಕೊಡಸದಿರುವುದು ನೆನಪಾಗಿದ್ದು, 2025ರ ಜನವರಿ 1ರಂದು ಪತ್ನಿ ಜೊತೆ ಜಗಳ ಶುರು ಮಾಡಿದರು. ಈ ವೇಳೆ ಸಬೀಹಾಭಾನು ಅವರ ಹೊಟ್ಟೆಗೆ ಒದ್ದಿದ್ದು, ಆ ವೇಳೆ ಹೊಟ್ಟೆಯಲ್ಲಿದ್ದ ಒಂದುವರೆ ತಿಂಗಳ ಹಸುಗೂಸು ಅಲ್ಲಿಯೇ ಸಾವನಪ್ಪಿತು. ಗರ್ಭಪಾತವಾಗಿ ರಕ್ತ ಚೆಲ್ಲಿದರೂ ಸಬೀಹಾಭಾನು ಅವರನ್ನು ಆಸ್ಪತ್ರೆಗೆ ದಾಖಲಿಸುವವರಿರಲಿಲ್ಲ. ಅಬುದಾಬಿಯಲ್ಲಿ ಪರಿಚಿತರೂ ಇಲ್ಲದ ಕಾರಣ ಸಬೀಹಾಭಾನು ಅವರಿಗೆ ಸಹಾಯ ಸಿಗಲಿಲ್ಲ.ಹೀಗಾಗಿ ಅವರು ಎಲ್ಲಾ ನೋವನ್ನು ಸಹಿಸಿಕೊಂಡಿದ್ದು, ಅವರ ಮೇಲಿನ ಚಿಂತ್ರಹಿAಸೆ ನಿಲ್ಲಿಸಲು ಯಾರಿಂದಲೂ ಸಾಧ್ಯವಾಗಲಿಲ್ಲ. ರಕ್ತದ ಮಡುವಿನಲ್ಲಿ ಸಬೀಹಾಭಾನು ಬಿದ್ದಿರುವುದನ್ನು ನೋಡಿಯೂ ಅವರ ಪತಿ ಹಾಗೂ ಅತ್ತೆ ಮನೆಯಿಂದ ಹೊರ ಹೋದರು. ರಾತ್ರಿ ಮನೆಗೆ ಬಂದಾಗ ಆಸ್ಪತ್ರೆಗೆ ಕರೆದೊಯ್ಯುವಂತೆ ಸಬೀಹಾಭಾನು ಅವರು ಅಂಗಲಾಚಿದ್ದು, ಅಮ್ಮ-ಮಗ ಸೇರಿ ಸಬೀಹಾಭಾನು ಅವರನ್ನು ಮನೆಯಿಂದ ಹೊರದಬ್ಬಿದರು. ಅದಾದ ನಂತರ ಸಬಿಹಾಭಾನು ಅವರು ಭಾರತದಲ್ಲಿರುವ ತಾಯಿಗೆ ಫೋನ್ ಮಾಡಿದ್ದು, ಅವರ ಸಲಹೆ ಮೇರೆಗೆ ನೋವು ಸಹಿಸಿಕೊಳ್ಳುವ ಔಷಧೋಪಚಾರ ಮಾಡಿಕೊಂಡರು. `ಭಾರತಕ್ಕೆ ಮರಳು’ ಎಂದು ಪತಿ ಹಾಗೂ ಅತ್ತೆ ಪದೇ ಪದೇ ಹಿಂಸಿಸುತ್ತಿದ್ದು, `ಅಲ್ಲಾದರೂ ಕಳುಹಿಸಿಕೊಡಿ’ ಎಂದು ಸಬೀಹಾಭಾನು ಮನವಿ ಮಾಡಿದರು. ಅದರ ಪ್ರಕಾರ ಸಬೀಹಾಭಾನು ಅವರು ಒಂಟಿಯಾಗಿ ಮುಂಬೈ ವಿಮಾನ ನಿಲ್ದಾಣ ತಲುಪಿದ್ದು, ಅವರ ತಂದೆ ಜೊತೆ ಶಿರಸಿಗೆ ಬಂದರು. ಎರಡು ದಿನ ಬಿಟ್ಟು ಸಬೀಹಾಭಾನು ಅವರ ಅತ್ತೆಯೂ ಶಿರಸಿಗೆ ಮರಳಿದ್ದು, ಊರಿನವರೆಲ್ಲರೂ ಸೇರಿ ಒಡೆದ ಕುಟುಂಬ ಒಂದು ಮಾಡುವ ಪ್ರಯತ್ನ ಮಾಡಿದರು. ಆದರೆ, ಅದಕ್ಕೆ ಆಹಿಶಾಬಿ ಅಬ್ದುಲ್ ಶಕೂರ್ ಅವರು ಅವಕಾಶ ಕೊಡಲಿಲ್ಲ. ಗೌಡಳ್ಳಿಗೆ ಬಂದಿದ್ದ ಸೊಸೆಯನ್ನು ಮನೆಯೊಳಗೂ ಬಿಟ್ಟುಕೊಳ್ಳಲಿಲ್ಲ. ಮಗಳಿಗೆ ಆದ ಅನ್ಯಾಯದ ಬಗ್ಗೆ ಅಬ್ದುಲ್ ರಜಾಕ್ ಅವರು ಜಮಾತ್ ಮೊರೆ ಹೋದರು. ರೆಮಹತಿಯಾ ಮಸೀದಿಯಲ್ಲಿ ಅವರು ಈ ಎಲ್ಲಾ ವಿಷಯದ ಬಗ್ಗೆ ವಿವರಿಸಿದರು. ಜಮಾತ್ ಅಧ್ಯಕ್ಷ ನಾಸೀರಖಾನ್ ಅದಮಾ ಪಠಣ, ಅಬ್ದುಲ್ ಜಾಫರ್ ಶುಂಠಿ, ಅಬ್ದುಲ್ ಸುಬಾನ್ ಅಂಡಗಿ, ಜಬೀ ಅಮಿನುಲ್ಲಾ ಪಠಾಣ್, ಮನಪಾಸಾಬ್ ಮಹಮದ್ ಸಾಬ್ ಲಂಡಕನಳ್ಳಿ ಎಲ್ಲರೂ ಸೇರಿ ವಿಷಯದ ಬಗ್ಗೆ ಚರ್ಚೆ ನಡೆಸಿದರು. ಸಬೀಹಾಭಾನು ಹಾಗೂ ಜಾವೇದ್ ಅಕ್ತರ್ ಕುಟುಂಬದವರನ್ನು ಕರೆಯಿಸಿ ಮಾತನಾಡಿಸಿದರು. ಆದರೆ, ಅಲ್ಲಿಗೆ ಬಂದಿದ್ದ ಅತ್ತೆ ಆಹಿಶಾಬಿ ಜಮಾತ್ ಅವರ ಬಗ್ಗೆಯೇ ನಿಂದನೆಯ ಮಾತುಗಳನ್ನಾಡಿದರು. ಸಬೀಹಾಭಾನು ಅವರ ನಾದಿನಿಯರಾದ ರೇಷ್ಮಾಭಾನು ಇಮಾಜ್, ಹಷ್ಮಿತ್ ಮಹಮದ್ ನಯೀಂ, ಆಕೆಯ ಪತಿ ಮಹಮದ್ ನಯೀಂ, ಅತ್ತೆಯ ಸಹೋದರರಾದ ಇಮ್ಮಿಯಾಜ ಖಾನ್ ಇಬ್ರಾಹಿಂ ಖಾನ್, ಜೆಬಾನ್ ಜಹೀರ್ ಅಹ್ಮದ್ ಬನವಾಸಿ, ಅಬ್ದುಲ್ ರಹಿಂ, ಹಸನಸಾಬ್ ಪಟೇಲ್ ಸೇರಿ ಅಲ್ಲಿಯೇ ಸಬೀಹಾಭಾನು ಅವರ ಮೇಲೆ ಹಲ್ಲೆ ನಡೆಸಿದರು. ಅಲ್ಲಿದ್ದ ಅಬ್ದಲ್ ರಜಾಕ್, ಮಹಮದ್ ಅಲಿ ಭಾವಿಕಟ್ಟಿ, ಸರ್ಫರಾಜ್ ತಿಲವಳ್ಳಿ ಅವರು . ಸಬೀಹಾಭಾನು ಅವರನ್ನು ರಕ್ಷಿಸಿ ಜೀವ ಕಾಪಾಡಿದರು. ಅದಾಗಿಯೂ ಎದುರುದಾರರು ಕೊಲೆ ಮಾಡುವ ಬೆದರಿಕೆ ಒಡ್ಡಿದರು. ಈ ಎಲ್ಲದರ ನಡುವೆ ಸಬೀಹಾಭಾನು ಅವರಿಗೆ ಅನಾರೋಗ್ಯ ಕಾಡಿತು. ಅವರು ಬಂಕಾಪುರದಲ್ಲಿರುವ ಚಿಕ್ಕಮ್ಮನ ಮನೆಯಲ್ಲಿ ಆಶ್ರಯಪಡೆದಿದ್ದು, ಚಿಕಿತ್ಸೆ ವೇಳೆ ಗರ್ಭಪಾತ ನಡೆದಾಗ ಆದ ಪ್ರಮಾದದಿಂದ ಗರ್ಭಕ್ಕೆ ಸೊಂಕು ಬಂದಿರುವ ಬಗ್ಗೆ ವೈದ್ಯರು ತಿಳಿಸಿದರು. ಈವರೆಗೆ ಸಾಕಷ್ಟು ಚಿತ್ರಹಿಂಸೆ ಅನುಭವಿಸಿದ್ದ ಸಬೀಹಾಭಾನು ಅವರು ತಮ್ಮ ಸಂಸಾರ ಸರಿಪಡಿಸುವುದಕ್ಕಾಗಿ ಸಾಕಷ್ಟು ಓಡಾಟ ನಡೆಸಿದ್ದು, ಅದು ಸಾಧ್ಯವಾಗದ ಕಾರಣ ಪತಿ ಹಾಗೂ ಅವರ ಕುಟುಂಬದವರ ವಿರುದ್ಧ ಪೊಲೀಸ್ ದೂರು ನೀಡಿದರು. ಸದ್ಯ ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಜಾವೇದ್ ಅಕ್ತರ್, ಆಯಿಷಾಬಿ ಶೇಕರ್, ರೇಷ್ಮಾಭಾನು ಎಜಾಜ್, ಹಷ್ಮಿತ್ ಮಹಮದ್ ನಯಿಂ, ಮಹಮದ್ ನಯಿಂ, ಇಮ್ತಿಯಾಜ್ ಇಬ್ರಾಹಿಂ ಖಾನ್, ಜೆಬಾನ್ ಜಹೀರ್ ಅಹಮದ್ ಹಾಗೂ ಅಬ್ದುಲ್ ರಹಿಂ ಹಸನಸಾಬ್ ಪಟೇಲ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಹಲವು ಸಮಸ್ಯೆ ಬಗೆಹರಿಸಿದ ಜನಶಕ್ತಿಯ ಅರ್ಜಿ!](https://mobiletime.in/2026/02/a-public-petition-that-solved-many-problems/): ಉತ್ತರ ಕನ್ನಡ ಜಿಲ್ಲೆಗೆ ಆಗಮಿಸಿದ್ದ ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿ ಹಾಗೂ ವೈದ್ಯಕೀಯ ಶಿಕ್ಷಣ ಸಚಿವರಿಗೆ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ವಿವಿಧ ಸಮಸ್ಯೆಗಳ ಬಗ್ಗೆ ವಿವರಿಸಿದ್ದು, ಕೆಲ ಸಮಸ್ಯೆಗಳಿಗೆ ಸ್ಥಳದಲ್ಲಿಯೇ ಪರಿಹಾರ ಸಿಕ್ಕಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ಮನವಿ ಸ್ವೀಕಾರ ಮಾಡಿದ್ದು, ವೈದ್ಯಕೀಯ ಶಿಕ್ಷಣ ಸಚಿವ ಶರಣಪ್ರಕಾಶ ಪಾಟೀಲ ಅವರು ಮಾಧವ ನಾಯಕ ಅವರ ಜೊತೆ ಕೆಲ ಕಾಲ ಚರ್ಚೆ ನಡೆಸಿದ್ದಾರೆ. ಈ ವೇಳೆ ಮಾಧವ ನಾಯಕ ಅವರು ಕರ್ನಾಟಕ ಕರಾವಳಿಯ ಏಕೈಕ ಸರಕಾರಿ ವೈದ್ಯಕೀಯ ಕಾಲೇಜಿಗೆ ಅನುಭವಿ ನಿರ್ದೇಶಕರು, ತಜ್ಞ ವೈದ್ಯರು, ತಾಂತ್ರಿಕ ತಜ್ಞರು ಸೇರಿ ಅಗತ್ಯ ಸಿಬ್ಬಂದಿ ನೇಮಿಸುವಂತೆ ಆಗ್ರಹಿಸಿದ್ದಾರೆ. ಜೊತೆಗೆ ಗೋವಾ ಗಡಿಯಲ್ಲಿರುವ ಕಾರವಾರದ ಸರಕಾರಿ ವೈದ್ಯಕೀಯ ಕಾಲೇಜಿಗೆ ಅಗತ್ಯ ಸೌಕರ್ಯಗಳಿಲ್ಲದಿರುವ ಬಗ್ಗೆ ಗಮನಸೆಳೆದಿದ್ದಾರೆ. `ಸಮಸ್ಯೆಗಳು ಸರಿಯಾಗಲು ಮುಖ್ಯವಾಗಿ ಕಿಮ್ಸ್ ಪ್ರಭಾರಿ ನಿರ್ದೇಶಕಿ ಡಾ ಪೂರ್ಣಿಮಾರನ್ನು ಬದಲಿಸಿ ಅನುಭವಿ ಸಮರ್ಥ ನಿರ್ದೇಶಕರನ್ನು ನೀಡಬೇಕು. ಬಿಪಿಎಲ್ ಕಾರ್ಡದಾರರಿಗೆ ಉಚಿತ ಚಿಕಿತ್ಸೆ ಒದಗಿಸಬೇಕು. ಇಲ್ಲಿ ಕೋಟ್ಯಂತರ ರೂಪಾಯಿಯ ವೈದ್ಯಕೀಯ ತಪಾಸಣಾ ಉಪಕರಣ ತಂದು ಬಳಕೆ ಆಗದ ಬಗ್ಗೆ ತನಿಖೆ ನಡೆಸಬೇಕು’ ಎಂದು ಆಗ್ರಹಿಸಿದರು. ವೈದ್ಯಕೀಯ ವಿದ್ಯಾರ್ಥಿಗಳ ವಾಹನ ಅಪಘಾತ, ಮೀನುಗಾರ ಯುವಕನ ಸಾವಿನಲ್ಲಿ ವೈದ್ಯರ ಅಸಡ್ಡೆ, ಅಂಕೋಲಾದ ವ್ಯಕ್ತಿಯೊಬ್ಬರಿಗೆ ತುರ್ತು ಚಿಕಿತ್ಸೆ ನೀಡದೇ ಆದ ಸಾವು, ಆಂಬುಲೆನ್ಸನ ದುಬಾರಿ ವೆಚ್ಚ ಸೇರಿ ವಿವಿಧ ಸಮಸ್ಯೆಗಳ ಬಗ್ಗೆ ವಿಷಯ ಪ್ರಸ್ತಾಪಿಸಿದರು. ಬಡ ಕುಟುಂಬಕ್ಕೆ ಹಾಗೂ ದಲಿತ ವರ್ಗದವರಿಗೆ ಉಚಿತವಾಗಿ ಹೆಚ್ಚಿನ ಚಿಕಿತ್ಸೆಗೆ ಒಯ್ಯಲು ಅಂಬ್ಯೂಲೆನ್ಸ್ ಉಚಿತವಾಗಿ ನೀಡಬೇಕು ಎಂದು ಮನವಿ ಮಾಡಿದರು. `ಐಸಿಯೂಗಳಲ್ಲಿ ಅಡ್ಡಪರದೆ ಅಳವಡಿಸಬೇಕು. ಹೆರಿಗೆ ಕೋಣೆಯಲ್ಲಿ ಶೌಚಾಲಯ ಹಾಗೂ ನೀರಿನ ಸೌಕರ್ಯ ಒದಗಿಸಬೇಕು. ಕುಡಿಯುವ ನೀರು ಶುದ್ಧವಾಗಿರುವ ಹಾಗೇ ನೋಡಿಕೊಳ್ಳಬೇಕು. ಹೊರಗುತ್ತಿಗೆ ನೌಕರರ ಸಮಸ್ಯೆ ಬಗೆಹರಿಸಬೇಕು. ಅಗತ್ಯ ವೈದ್ಯರ ನೇಮಕಾತಿ ನಡೆಯಬೇಕು’ ಎಂದು ಆಗ್ರಹಿಸಿದರು. ಈ ಎಲ್ಲಾ ವಿಷಯದ ಬಗ್ಗೆ ಚರ್ಚಿಸಿದ ಸಚಿವ ಶರಣಪ್ರಕಾಶ ಪಾಟೀಲ ಬಡವರಿಗೆ ಉಚಿತ ಆಂಬುಲೆನ್ಸ್ ನೀಡಲು ಸೂಚನೆ ನೀಡಿದರು. `ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರು ಬದಲು ಗೋವಾಗೆ ಹೋದರೆ ಅನುಕೂಲ’ ಎಂದು ಮಾಧವ ನಾಯಕ ಹಾಗೂ ಅಲ್ತಾಪ ಶೇಖ್ ಅವರು ಹೇಳಿದ್ದು, `ಆಯುಷ್ಮಾನ್ ಭಾರತ್’ ಅಲ್ಲಿಯೂ ಅನ್ವಯವಾಗುವ ನಿಟ್ಟಿನಲ್ಲಿ ಕ್ರಮ ಜರುಗಿಸಲು ಸೂಚಿಸಿದರು.
- [ಸ್ಕೋಡ್‌ವೆಸ್ ಸಹಯೋಗದಲ್ಲಿ ಸ್ವ ಉದ್ಯೋಗಿಗಳ ಸಮಾಗಮ: ಖರೀದಿ - ಮಾರಾಟಕ್ಕೆ ಹೊಸ ಒಪ್ಪಂದ](https://mobiletime.in/2026/02/self-employed-association-in-collaboration-with-skodves-new-agreement-for-purchase-and-sale/): ಉತ್ಪನ್ನಗಳ ಮಾರಾಟಗಾರರು ಹಾಗೂ ಖರೀದಿದಾರರ ನಡುವೆ ಸಮನ್ವಯ ಹಾಗೂ ಸಂಪರ್ಕ ಮೂಡಿಸುವುದಕ್ಕಾಗಿ ಸ್ಕೊಡ್‌ವೆಸ್ ಸಂಸ್ಥೆ ವಿನೂತನ ಕಾರ್ಯಾಗಾರ ನಡೆಸಿದ್ದು, ಮೊದಲ ಪ್ರಯತ್ನದಲ್ಲಿಯೇ ಅದು ಯಶಸ್ವಿಯಾಗಿದೆ. 14ಕ್ಕೂ ಅಧಿಕ ಖರೀದಿ ಸಂಸ್ಥೆ ಹಾಗೂ 50ರಷ್ಟು ಮಾರಾಟ ಸಂಸ್ಥೆಯವರು ಕಾರ್ಯಾಗಾರದಲ್ಲಿ ಭಾಗವಹಿಸಿದ್ದು, 35ಕ್ಕೂ ಬಗೆಯ ಉತ್ಪನ್ನಗಳ ವ್ಯವಹಾರಕ್ಕೆ ಒಪ್ಪಂದ ನಡೆದಿದೆ. ಜಿ ಐ ಝಡ್, ಇಸಾಫ್, ಕೃಷಿ ಹಾಗೂ ತೋಟಗಾರಿಕಾ ಇಲಾಖೆ, ಪ್ರಗತಿಮಿತ್ರ ಸೇರಿದಂತೆ ವಿವಿಧ ಸಂಘ-ಸAಸ್ಥೆಗಳ ಸಹಯೋಗದಲ್ಲಿ ಶಿರಸಿಯ ಪೂಗಭವನದಲ್ಲಿ ಇದೇ ಮೊದಲ ಬಾರಿಗೆ 2ದಿನಗಳ ಖರೀದಿ-ಮಾರಾಟ ಕಾರ್ಯಾಗಾರ ನಡೆದಿದೆ. ರಾಜ್ಯಮಟ್ಟದ ಈ ಕಾರ್ಯಾಗಾರದಲ್ಲಿ ಹಲವು ಉತ್ಪನ್ನಗಳ ಪ್ರದರ್ಶನ ನಡೆದಿದ್ದು, ಅನೇಕರಿಗೆ ಅನುಕೂಲವಾಗಿದೆ. `ಸಣ್ಣ ರೈತರ ಮಾರುಕಟ್ಟೆಗೆ ಬೈಯರ್ & ಸೆಲ್ಲರ್ ಮೀಟ್ ಎಂಬುದು ಯೋಗ್ಯ ವೇದಿಕೆ’ ಎಂದು ಶಿರಸಿ ಕ್ಷೇತ್ರ ಶಾಸಕ ಭೀಮಣ್ಣ ನಾಯ್ಕ ಅವರು ಕರೆ ನೀಡಿದ್ದಾರೆ. ಈ ಕಾರ್ಯಕ್ರಮ ಉದ್ಘಾಟಿಸಿದ ಅವರು `ಕೃಷಿ ಕ್ಷೇತ್ರವನ್ನು ರೋಗ ಮುಕ್ತ ಮಾಡಿ’ ಎಂದು ವಿಜ್ಞಾನಿ ಹಾಗೂ ಅಧಿಕಾರಿಗಳಿಗೆ ಕರೆ ನೀಡಿದ್ದಾರೆ. `ಖರೀದಿದಾರರು ಮತ್ತು ಮಾರಾಟಗಾರರ ನಡುವಿನ ಸಮನ್ವಯ ಸಂಪರ್ಕದ ಕೊರತೆಯಿಂದ ರೈತ ಉತ್ಪನ್ನಗಳಿಗೆ ಸುಸ್ಥಿರ ಮಾರುಕಟ್ಟೆ ಕಲ್ಪಿಸಲು ಸಾಧ್ಯವಾಗುತ್ತಿರಲಿಲ್ಲ. ಇಂಥ ಕಾರ್ಯಾಗಾರಗಳಿಂದ ಆ ಸಮಸ್ಯೆ ದೂರವಾಗುವ ಆಶಾಭಾವನೆ ಮೂಡಿದೆ’ ಎಂದು ಭೀಮಣ್ಣ ನಾಯ್ಕ ಅವರು ಅಭಿಪ್ರಾಯಪಟ್ಟಿದ್ದಾರೆ. `ಸಣ್ಣ ಮತ್ತು ಅತೀ ಸಣ್ಣ ರೈತರು ಎಷ್ಟೇ ಗುಣಮಟ್ಟದ ಉತ್ಪನ್ನಗಳನ್ನು ಸಿದ್ಧಪಡಿಸಿದರೂ ಪ್ರಮಾಣ ಮತ್ತು ಗುಣಮಟ್ಟದ ವ್ಯತ್ಯಾಸದ ಕಾರಣಕ್ಕಾಗಿ ದೊಡ್ಡ ಮಟ್ಟದ ಮಾರುಕಟ್ಟೆಯ ಸಂಪರ್ಕ ಸಾಧಿಸಲು ಸಾಧ್ಯವಾಗದೇ ಇರುವುದರಿಂದ ಬೈಯರ್ & ಸೆಲ್ಲರ್ ಮೀಟ್ ಕಾರ್ಯಕ್ರಮಗಳ ಮೂಲಕ ಎಲ್ಲಾ ಉತ್ಪನ್ನಗಳನ್ನು ಉತ್ತಮ ದರಕ್ಕೆ ಮಾರುವ ಮೂಲಕ ಸುಸ್ಥಿರ ಮಾರುಕಟ್ಟೆ ಹೊಂದಬಹುದು’ ಎಂದರು. `ರೈತರೂ ಸಹ ಕೇವಲ ಪ್ರಾಥಮಿಕ ಹಂತದ ಉತ್ಪನ್ನಗಳಿಗೆ ಅಷ್ಟೇ ಸೀಮಿತವಾಗದೇ ಮಾರುಕಟ್ಟೆಯ ಅವಶ್ಯಕತೆಗನುಗುಣವಾಗಿ ಪ್ರತೀ ಉತ್ಪನ್ನಗಳ ಮೌಲ್ಯವರ್ಧನೆ ಮಾಡುವ ಮೂಲಕ ಹೆಚ್ಚಿನ ಲಾಭ ಪಡೆಯುವ ಕೌಶಲ್ಯಗಳನ್ನು ಹೆಚ್ಚಿಸಿಕೊಳ್ಳಬೇಕು’ ಎಂದರು. `ಗ್ರಾಮೀಣ ಮಹಿಳೆಯರು ಉತ್ಪಾದಿಸುವ ಎಲ್ಲ ರೀತಿಯ ಉತ್ಪನ್ನಗಳಿಗೆ ಖಾಯಂ ಮಾರುಕಟ್ಟೆ ಸೌಲಭ್ಯ ಒದಗಿದಲ್ಲಿ ಸಾವಿರಾರು ಉದ್ಯೋಗ ಸೃಷ್ಟಿಗೆ ಅವಕಾಶ ಮಾಡಿಕೊಟ್ಟಂತಾಗುತ್ತದೆ’ ಎಂದರು. `ಜಿಲ್ಲೆಯಲ್ಲಿ ಅಡಿಕೆ ತೋಟಗಳು ಎಲೆಚುಕ್ಕೆ ರೋಗದಿಂದ ಇಳುವರಿ ಕಳೆದುಕೊಂಡಿದ್ದು, ಅಧಿಕಾರಿಗಳು ಹಾಗೂ ವಿಜ್ಞಾನಿಗಳು ರೋಗ ನಿಯಂತ್ರಕ ಔಷಧಗಳ ಬಳಕೆ ಮತ್ತು ಪರಿಣಾಮದ ಕುರಿತು ಅಧ್ಯಯನ ನಡೆಸಿ ರೈತರಿಗೆ ಪರಿಹಾರ ಮಾರ್ಗೋಪಾಯಗಳನ್ನು ಪರಿಚಯಿಸಬೇಕು’ ಎಂದು ಭೀಮಣ್ಣ ನಾಯ್ಕ ಅವರು ಸೂಚನೆ ನೀಡಿದರು. ಅಧ್ಯಕ್ಷತೆವಹಿಸಿದ್ದ ಸ್ಕೊಡ್‌ವೆಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು `ಜಿಲ್ಲೆಯಲ್ಲಿ ಪ್ರಥಮ ಬಾರಿಗೆ ಆಯೋಜಿಸಲಾಗಿದ್ದ ಬೈಯರ್ & ಸೆಲ್ಲರ್ ಮೀಟಿನ ಮಹತ್ವ ಹಾಗೂ ಉದ್ದೇಶದ ಕುರಿತು ಪ್ರಾಸ್ತಾವಿಕವಾಗಿ ಮಾತನಾಡಿದರು. ವೇದಿಕೆಯಲ್ಲಿ ಕೃಷಿ ಇಲಾಖೆಯ ಜಂಟಿ ನಿರ್ದೇಶಕ ಶಿವಪ್ರಸಾದ್ ಗಾಂವಕರ್, ಅರಣ್ಯ ಮಹಾವಿದ್ಯಾಲಯದ ಡೀನ್ ಆರ್ ವಾಸುದೇವ, ಕೃಷಿ ವಿಜ್ಞಾನ ಕೇಂದ್ರದ ಮುಖ್ಯಸ್ಥೆ ರೂಪಾ ಪಾಟೀಲ್, ಕೃಷಿ ಇಲಾಖೆಯ ಉಪನಿರ್ದೇಶಕ ಕೆ ಎಚ್ ಪಾಂಡು, ತೋಟಗಾರಿಕಾ ಇಲಾಖೆಯ ಸಹಾಯಕ ನಿರ್ದೇಶಕ ಸತೀಶ ಹೆಗಡೆ, ಸಹಾಯಕ ಕೃಷಿ ನಿರ್ದೇಶಕ ಮಧುಕರ ನಾಯ್ಕ, ಪ್ರಗತಿಮಿತ್ರ ರೈತ ಉತ್ಪಾದಕ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ವಿವೇಕ ಹೆಗಡೆ ಅವರು ಮಾತನಾಡಿದರು.  ಕೇರಳ, ತಮಿಳುನಾಡು, ಆಂಧ್ರ ಪ್ರದೇಶ, ಮಹಾರಾಷ್ಟç ಸೇರಿದಂತೆ ಹಲವಾರು ರಾಜ್ಯಗಳಿಂದ 14ಕ್ಕೂ ಹೆಚ್ಚು ಖರೀದಿದಾರ ಕಂಪನಿಗಳು ಹಾಗೂ 50ಕ್ಕೂ ಹೆಚ್ಚು ಮಾರಾಟ ಸಂಸ್ಥೆಗಳು ಭಾಗವಹಿಸಿದ್ದವು. 35 ಕ್ಕೂ ಹೆಚ್ಚು ಉತ್ಪನ್ನಗಳ ಮಾರಾಟದ ಕುರಿತು ಒಪ್ಪಂದಗಳಾದವು. ಸ್ಕೊಡ್‌ವೆಸ್‌ನ ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ಸ್ವಾಗತಿಸಿದರು. ಯೋಜನಾ ಸಂಯೋಜಕ ಗಂಗಾಧರ ನಾಯ್ಕ ಕಾರ್ಯಕ್ರಮ ನಿರ್ವಹಿಸಿ, ವಂದಿಸಿದರು.
- [ಶರಣರನ್ನು ಸ್ಮರಿಸಿದ ಶಿರಸಿ ಆಡಳಿತ](https://mobiletime.in/2026/02/sirsi-administration-commemorates-the-martyrs/): ಶಿರಸಿ ತಹಶೀಲ್ದಾರ್ ಕಚೇರಿಯಲ್ಲಿ ಶರಣರನ್ನು ಸ್ಮರಿಸುವ ಕಾರ್ಯಕ್ರಮ ನಡೆದಿದ್ದು, ಉರಿಲಿಂಗ ಪೆದ್ದಿ, ಮಾದಾರ ಧೂಳಯ್ಯ, ಮಾದಾರ ಚನ್ನಯ್ಯ, ಢೋಹರ ಕಕ್ಕಯ್ಯ ಮತ್ತು ಸಮಗಾರ ಹರಳಯ್ಯ ಅವರ ಆದರ್ಶಗಳನ್ನು ಪ್ರಸ್ತುತಪಡಿಸಲಾಗಿದೆ. ಕಾಯಕ ಶರಣರ ಸಮುದಾಯದ ಆಶ್ರಯದಲ್ಲಿ ನಡೆದ ಈ ಜಯಂತೋತ್ಸವವನ್ನು ಶಿರಸಿ ತಹಶೀಲ್ದಾರ ರಮೇಶ ಹೆಗಡೆ ಅವರು ಉದ್ಘಾಟಿಸಿದರು. ಸಂತ ರವಿದಾಸ ಸಮಾಜ ಅಭಿವೃದ್ಧಿ ಸಂಘದ ಗೌರವಾಧ್ಯಕ್ಷ ಅರವಿಂದ ಬಿನೇತ್ರೇಕರ ಅವರು ದೀಪ ಬೆಳಗಿಸುವ ವೇಳೆ ಕೈ ಜೋಡಿಸಿದರು. ಶರಣರ ಭಾವಚಿತ್ರಗಳಿಗೆ ಗಣ್ಯರು ಪುಷ್ಪನಮನ ಸಲ್ಲಿಸಿದರು. ರಘು ಜಿ ಕಾನಡೆ ಅವರು ಮಾತನಾಡಿ ಕಾರ್ಯಕ್ರಮದ ರೂಪುರೇಷೆಗಳ ವಿಷಯ ಮಂಡಿಸಿದರು. ಢೋಹರ ಕಕ್ಕಯ್ಯ ಹಾಗೂ ಸಮಗಾರ ಹರಳಯ್ಯ ಸಮಾಜದ ಕರ್ಮಯೋಗಿ ಪರವಾಗಿ ಡಾ ಪಿ ಟಿ ಕದಮ್ ಹಾಗೂ ತುಕಾರಾಮ ವಾಸುದೇವ ಜೋಗಳೇಕರ ಅವರನ್ನು ಗೌರವಿಸಲಾಯಿತು. ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಸಹಾಯಕ ಪ್ರಾಧ್ಯಾಪಕಿ ಅನಿತಾ ಬೆಳಗಾಂವಕರ್ ಹಾಗೂ ಕೈಗಾ ಅಣು ಘಟಕದ ನಿವೃತ್ತ ಅಧಿಕಾರಿ ಸುಭಾಷ ಕಾನಡೆ ಅವರು ಕಾಯಕ ಶರಣರ ವಚನ ಹಾಗೂ ಜೀವನ ಸಾಧನೆ ಕುರಿತು ಉಪನ್ಯಾಸ ನೀಡಿದರು. ಸಮಾಜದ ಹಿರಿಯ ಮುಖಂಡರಾದ ಪ್ರಭಾಕರ ಜೋಗಳೇಕರ, ವಸಂತ ನೇತ್ರೆಕರ, ರಾಜೇಶ ದೇಶಭಾಗ, ಚಂದ್ರಕಾoತ ರೇವಣಕರ, ನಂದಕುಮಾರ ಜೋಗಳೇಕರ, ಸುಭಾಷ ಮಂಡೂರ, ಶೈಲೇಶ ಜೋಗಳೇಕರ, ಬಾಲಕೃಷ್ಣ ಪಾಲೇಕರ, ಘನಶ್ಯಾಮ ಜೋಗಳೇಕರ, ವಿಠ್ಠಲ ಪಾಠಣಕರ, ಉಮೇಶ ಪಾವಸ್ಕರ, ನಾರಾಯಣ ಜೋಗಳೇಕರ, ನಿವೃತ್ತ ನೌಕರರ ಸಂಘದ ಪದಾಧಿಕಾರಿಗಳಾದ ಚಂದಾವರ, ಪಾವಸ್ಕರ ಬೋರಕರ, ಆನಂದ, ರಮೇಶ ಮುರ್ಡೆಶ್ವರ, ಶಾಂತಾರಾಮ ಕಾನಡೆ ಅವರು ಕಾರ್ಯಕ್ರಮದಲ್ಲಿದ್ದರು. ಕಂದಾಯ ಅಧಿಕಾರಿ ಆಶಾ ಭಟ್ ಹಾಗೂ ಕಾಶಿನಾಥ ಕಾನಡೆ ಅವರು ಕಾರ್ಯಕ್ರಮದ ಜವಾಬ್ದಾರಿ ನೆರವೇರಿಸಿದರು. ಪ್ರಮುಖರಾದ ಗಣಪತಿ ಜೋಗಳೇಕರ, ವಾಲೆಟ್ ನರೋನಾ ಹಾಗೂ ದಯಾ ಜೋಗಳೇಕರ ಅವರು ಕಾರ್ಯಕ್ರಮ ಸಂಘಟನೆಯ ಹೊಣೆ ನಿಭಾಯಿಸಿದರು.
- [ಭೀಮಣ್ಣರ ಹೆಸರು ಬಾಯಿಗೆ ಬರಲ್ಲ!](https://mobiletime.in/2026/02/the-name-of-bhimanna-never-comes-to-mind/): ಶಿರಸಿ ವಿಧಾನಸಭಾ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು `ಭೀಮಣ್ಣ ಖಂಡ್ರೇ’ ಎಂದು ಕರೆದಿದ್ದಾರೆ. ಅಷ್ಟೇ ಅಲ್ಲ, ಗೋಕರ್ಣ ಎನ್ನುವ ಬದಲು `ಗೋಕಾಕ್’ ಎಂದು ಹೇಳಿದ್ದಾರೆ. ಅದಾದ ನಂತರ ಸುಧಾರಿಸಿಕೊಂಡು ಸರಿಯಾದ ಪದ ಪ್ರಯೋಗ ಮಾಡಿದ್ದಾರೆ. ಗಂಗಾವಳಿ ಸೇತುವೆಯ ಉದ್ಘಾಟನಾ ಭಾಷಣದ ಆರಂಭದಲ್ಲಿ ಸಿದ್ದರಾಮಯ್ಯ ಅವರು ಶಾಸಕ ಸತೀಶ್ ಸೈಲು, ದೇಶಪಾಂಡೆ, ಭೀಮಣ್ಣ ಖಂಡ್ರೇ ಎನ್ನುತ್ತ ಮಾತು ಶುರು ಮಾಡಿದರು. ಭಾಷಣದ ನಡುವಿನಲ್ಲಿ ಮತ್ತೆ ಸಿದ್ದರಾಮಯ್ಯ ಅವರು ಎಲ್ಲಾ ಶಾಸಕರ ಹೆಸರು ಉಚ್ಚಾರಿಸಿದ್ದು, ಆ ವೇಳೆಯಲ್ಲಿಯೂ ಭೀಮಣ್ಣ ನಾಯ್ಕ ಅವರ ಹೆಸರು ಉಚ್ಚರಿಸಲು ತಡವರಿಸಿದರು. ಭಾಷಣದಲ್ಲಿ ಎರಡನೇ ಬಾರಿ ಎಲ್ಲರ ಹೆಸರು ಹೇಳುವಾಗ ಭೀಮಣ್ಣನ ನಾಯ್ಕ ಎಂದು ಸಂಬೋಧಿಸಿದ ಸಿದ್ದರಾಮಯ್ಯ ಅವರು ಮತ್ತೊಮ್ಮೆ `ಭೀಮಣ್ಣ ನಾಯ್ಕ’ ಎಂದು ಸರಿಯಾಗಿ ಓದಿ ಹೇಳಿದರು. ತಮ್ಮ ಭಾಷಣದಲ್ಲಿ ಗೋಕರ್ಣದ ಬದಲು `ಗೋಕಾಕ್’ ಎಂದು ಹೇಳಿದ್ದು, ನಂತರ ಸುಧಾರಿಸಿಕೊಂಡು `ಥೊ ಅಲ್ಲಲ್ಲ, ಎಂಥದು ಅದು ಹೊನ್ನಾವರ’ ಎಂದು ಹೇಳಿದರು. ಆಗ ಜನ ಜೋರಾಗಿ `ಗೋಕರ್ಣ’ ಎಂದು ಕೂಗಿದರು. ಆಗ, ಸಿದ್ದರಾಮಯ್ಯ ಅವರು `ಗೋಕರ್ಣ’ ಎಂಬ ಪದವನ್ನು ಒತ್ತಿ ಹೇಳಿದರು. `ಈ ನಡುವೆ ಅಂಕೋಲಾ-ಕಾರವಾರ ಸೇತುವೆ’ ಎಂದು ಒಮ್ಮೆ ತಪ್ಪಾಗಿ ಹೇಳಿದರು. ನಂತರ ಸುಧಾರಿಸಿಕೊಂಡು `ಅಂಕೋಲಾ-ಕುಮಟಾ ಸೇತುವೆ’ ಎಂದು ಸರಿಯಾಗಿ ಮಾತನಾಡಿದರು. `ಗಂಗಾವಳಿ ನದಿಗೆ ಸೇತುವೆ ಆಗಬೇಕು ಎಂದು ಹೋರಾಟ ನಡೆದಿತ್ತು. 2017ರಲ್ಲಿ ದೇಶಪಾಂಡೆ ಉಸ್ತುವಾರಿ ಸಚಿವರಾಗಿದ್ದಾಗ ಬಂದು ಶಂಕುಸ್ಥಾಪನೆ ಮಾಡಿದ್ದೆ. ಇದೀಗ ಸೇತುವೆ ಉದ್ಘಾಟಿಸುತ್ತಿರುವುದು ಸಂತಸ ತಂದಿದೆ’ ಎಂದು ಸಿದ್ದರಾಮಯ್ಯ ಅವರು ಹೇಳಿದರು.
- [ಮುಖ್ಯಮಂತ್ರಿ ಆಗಮನ: ಸ್ವಕ್ಷೇತ್ರದಲ್ಲಿಯೇ ಶಾಸಕರಿಗೆ ಅವಮಾನ!](https://mobiletime.in/2026/02/chief-ministers-arrival-an-insult-to-mlas-in-their-own-constituency/): `ಕುಮಟಾ ವಿಧಾನಸಭಾ ಕ್ಷೇತ್ರದ ಶಾಸಕ ದಿನಕರ ಶೆಟ್ಟಿ ಅವರು ಸದನದ ಒಳಗೆ ಒಂದು ರೀತಿ ಮಾತನಾಡುತ್ತಾರೆ. ಕ್ಷೇತ್ರಕ್ಕೆ ಬಂದ ನಂತರ ಮತ್ತೊಂದು ರೀತಿ ವರ್ತಿಸುತ್ತಾರೆ’ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬಹಿರಂಗ ಸಭೆಯಲ್ಲಿಯೇ ಭಾಷಣ ಮಾಡಿದ್ದಾರೆ. `ದಿನಕರ ಶೆಟ್ಟಿ ಅವರು ಕಾಂಗ್ರೆಸ್ಸಿಗೆ ಬಂದರೂ ಅವರನ್ನು ನಾವು ಸೇರಿಸಿಕೊಳ್ಳುವುದಿಲ್ಲ’ ಎನ್ನುವ ಮೂಲಕ ದಿನಕರ ಶೆಟ್ಟಿ ಅವರಿಗೆ ಅವಮಾನ ಆಗುವ ರೀತಿ ಮಾತನಾಡಿದ್ದಾರೆ. ಈಚೆಗೆ ದಿನಕರ ಶೆಟ್ಟಿ ಅವರು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ವಿರುದ್ಧ ವಾಗ್ದಾಳಿ ನಡೆಸಿದ್ದರು. `ಕ್ಷೇತ್ರದ ಅಭಿವೃದ್ಧಿಗೆ 50 ಲಕ್ಷ ಬೇಡಿದರೂ ಕೊಟ್ಟಿಲ್ಲ’ ಎಂದು ಸುದ್ದಿಗಾರರ ಬಳಿ ಹೇಳಿಕೊಂಡಿದ್ದರು. ಭಾನುವಾರ ಗಂಗಾವಳಿ ಸೇತುವೆ ಉದ್ಘಾಟನೆಗೆ ಆಗಮಿಸಿದ ಮುಖ್ಯಮಂತ್ರಿ `2017ರಲ್ಲಿ ಈ ಸೇತುವೆಗೆ ನಾನು ಅಡಿಗಲ್ಲು ಹಾಕಿದಾಗ 28 ಕೋಟಿ ಅಂದಾಜು ವೆಚ್ಚ ಆಗಿತ್ತು. ಈಗ 35 ಕೋಟಿ ರೂ ವೆಚ್ಚವಾಗಿದೆ. ಹಿಂದಿನ ಸರ್ಕಾರ ಸೇತುವೆ ನಿರ್ಮಾಣಕ್ಕೆ ಆಸಕ್ತಿವಹಿಸದ ಕಾರಣ ವಿಳಂಭವಾಗಿದೆ. ಜೊತೆಗೆ ಹಣವೂ ಅಧಿಕವಾಗಿದೆ’ ಎಂದವರು ಹೇಳಿದರು. ನಂತರ ಮಾಡಿದ ಭಾಷಣದಲ್ಲಿ ದಿನಕರ ಶೆಟ್ಟಿ ಅವರ ವಿರುದ್ಧ ಸಾಕಷ್ಟು ಹಗುರವಾಗಿ ಮಾತನಾಡಿದ್ದು, ಬಿಜೆಪಿ ಆಡಳಿತವನ್ನು ವಿರೋಧಿಸಿದರು. `ನೀವು ಬಿಜೆಪಿಯಲ್ಲಿಯೇ ಇರಿ. ನಾವು ನಿಮ್ಮನ್ನು ಕಾಂಗ್ರೆಸ್ಸಿಗೆ ಸೇರಿಸಿಕೊಳ್ಳುವುದಿಲ್ಲ’ ಎಂದು ದಿನಕರ ಶೆಟ್ಟಿ ಅವರಿಗೆ ಸಿದ್ದರಾಮಯ್ಯ ಅವರು ಹೇಳಿದರು. `ದಿನಕರ ಶೆಟ್ಟಿ ಅವರು ಸುಳ್ಳು ಹೇಳುತ್ತಾರೆ’ ಎಂದು ಸಾರ್ವಜನಿಕರ ಎದರೇ ಹೇಳಿದರು. `ನಾವು ಯಾರನ್ನು ಪಕ್ಷಕ್ಕೆ ಕರೆಯುವುದು ಇಲ್ಲ. ಸೇರಿಸಿಕೊಳ್ಳುವುದು ಇಲ್ಲ’ ಎಂದರು. `ಗೋಕರ್ಣವನ್ನು ಪಟ್ಟಣ ಪಂಚಾಯತ ಮಾಡಿ ಎಂದು ದಿನಕರ ಶೆಟ್ಟಿ ಅವರು ಹೇಳಿದ್ದಾರೆ. ಈಗ ಅದನ್ನು ಮಾಡಲು ಆಗಲ್ಲ. ಸ್ಥಳೀಯ ಸಂಸ್ಥೆ ಚುನಾವಣೆ ನಂತರ ಗೋಕರ್ಣ ಪಟ್ಟಣ ಪಂಚಾಯತ ಮಾಡಲಿದ್ದೇವೆ’ ಎಂದು ಸೀಎಂ ಸಿದ್ದರಾಮಯ್ಯ ಅವರು ಘೋಷಿಸಿದರು. `ನೀವು ಮನಸ್ಸು ಮಾಡಿದರೆ ಈಗಲೇ ಮಾಡಬಹುದು’ ಎಂದು ದಿನಕರ ಶೆಟ್ಟಿ ಅವರು ನಡುವೆ ಮಾತನಾಡಿದ್ದು, `ಆಗಲ್ಲ, ಎಂದರೆ ಆಗಲ್ಲ. `ನಿಮಗೇನು ಗೊತ್ತಿಲ್ವ?’ ಎಂದು ಸಿದ್ದರಾಮಯ್ಯ ಅವರು ದಿನಕರ ಶೆಟ್ಟಿ ಅವರನ್ನು ಉದ್ದೇಶಿಸಿ ಮರುಪ್ರಶ್ನೆ ಹಾಕಿದರು. `ಈಗಾಗಲೇ ಪಟ್ಟಣ ಪಂಚಾಯತಗಳನ್ನು ಮೇಲ್ದರ್ಜೆಗೆ ಏರಿಸಲಾಗಿದೆ. ಸ್ಥಳೀಯ ಸಂಸ್ಥೆ ಚುನಾವಣೆ ಆದ ಮೇಲೆ ಗೋಕರ್ಣವನ್ನು ಪಟ್ಟಣ ಪಂಚಾಯತ ಮಾಡುತ್ತೇವೆ’ ಎಂದರು. `ಈಗ ಪಟ್ಟಣ ಪಂಚಾಯತ ಮಾಡಲು ಹೋದರೆ ಚುನಾವಣೆ ಯಾವಾಗ ಮಾಡಬೇಕು?’ ಎಂದು ದಿನಕರ ಶೆಟ್ಟಿ ಅವರನ್ನು ಸಿದ್ದರಾಮಯ್ಯ ಅವರು ಪ್ರಶ್ನಿಸಿದ್ದು, ಆಗ `ಡಿಸೆಂಬರಿನಲ್ಲಿ ಚುನಾವಣೆ ಮಾಡಿ’ ಎಂದು ದಿನಕರ ಶೆಟ್ಟಿ ಸಲಹೆ ನೀಡಿದರು. `ಡಿಸೆಂಬರಿನಲ್ಲಿ ಗ್ರಾಮ ಪಂಚಾಯತ, ಚುನಾವಣೆ ಮಾಡಬೇಕು ಎಂದಾಗ, ಆಗ ಯಾಕೆ? ಈಗಲೇ ಮಾಡಿ ಎನ್ನುತ್ತೀರಿ. ಈಗ ಇನ್ನೊಂದು ರೀತಿ ಮಾತನಾಡುತ್ತೀರಿ. ದಿನಕರ ಶೆಟ್ಟಿ ಅವರು ಅಲ್ಲಿ ಒಂದು ಮಾತು, ಇಲ್ಲಿ ಒಂದು ರೀತಿ ಮಾತನಾಡುತ್ತಾರೆ. ಅವರು ಸದಾ ಸುಳ್ಳು ಹೇಳುತ್ತಾರೆ’ ಎಂದು ಸಿದ್ದರಾಮಯ್ಯ ಅವರು ತಮ್ಮ ಭಾಷಣದಲ್ಲಿ ಹೇಳಿದರು.  
- [ಸುಸಜ್ಜಿತ ಆಸ್ಪತ್ರೆ ನಿರ್ಮಾಣಕ್ಕೆ ಸೀಎಂ ಬದ್ಧ!](https://mobiletime.in/2026/02/cm-committed-to-building-a-well-equipped-hospital/): `ಉತ್ತರ ಕನ್ನಡ ಜಿಲ್ಲೆಯ ಜನರ ಬಹುವರ್ಷದ ಬೇಡಿಕೆಯ ಪ್ರಕಾರ ಇಲ್ಲಿ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣ ಮಾಡಲಾಗುತ್ತದೆ’ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಘೋಷಿಸಿದ್ದಾರೆ. ಭಾನುವಾರ ಕಾರವಾರದ ವೈದ್ಯಕೀಯ ವಿಜ್ಞಾನ ಕಾಲೇಜು ಆವರಣದಲ್ಲಿ ಅವರು ನೂತನ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದ್ದು, `ಅತ್ಯಾಧುನಿಕ ಆರೋಗ್ಯ ಸೌಲಭ್ಯಗಳ ಅಗತ್ಯದ ಬಗ್ಗೆ ಜನ ಆಗ್ರಹಿಸಿದ್ದಾರೆ. ಬಹುಕಾಲದ ಬೇಡಿಕೆಗೆ ಸರ್ಕಾರ ಸ್ಪಂದಿಸಲಿದೆ. ಇಲ್ಲಿನ ಶಾಸಕರು ಸೇರಿದಂತೆ ಅನೇಕ ಜನಪ್ರತಿನಿಧಿಗಳು ಸುಸಜ್ಜಿತ ಆಸ್ಪತ್ರೆಗಾಗಿ ಮನವಿ ಸಲ್ಲಿಸಿದ್ದು, ಮುಂದಿನ ಆಯವ್ಯಯದಲ್ಲಿ ಸುಸಜ್ಜಿತ ಆಸ್ಪತ್ರೆಯನ್ನು ಅಧಿಕೃತವಾಗಿ ಘೋಷಣೆ ಮಾಡಲಾಗುತ್ತದೆ’ ಎಂದವರು ಸ್ಪಷ್ಠಪಡಿಸಿದರು. `ರಾಜ್ಯದ ಪ್ರತಿ ಜಿಲ್ಲೆಯಲ್ಲಿಯೂ ಸುಸಜ್ಜಿತ ಆಸ್ಪತ್ರೆ ಸ್ಥಾಪಿಸುವುದು ಸರ್ಕಾರದ ಉದ್ದೇಶವಾಗಿದೆ. ಅದರ ಭಾಗವಾಗಿ ಕಾರವಾರದಲ್ಲಿಯೂ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣ ಆಗಲಿದೆ. ಮುಂದಿನ ವರ್ಷದಿಂದಲೇ ಕಾಮಗಾರಿ ಶುರುವಾಗಲಿದ್ದು, ಆ ಆಸ್ಪತ್ರೆಯನ್ನು ನಾನೇ ಉದ್ಘಾಟನೆ ಮಾಡುತ್ತೇನೆ’ ಎಂಬ ವಿಶ್ವಾಸದ ಮಾತುಗಳನ್ನು ಸಿದ್ದರಾಮಯ್ಯ ಅವರು ಆಡಿದ್ದಾರೆ. ಎಂದಿನoತೆ ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದ ಸಿದ್ದರಾಮಯ್ಯ ಅವರು `ಆ ಪಕ್ಷದ ಆಡಳಿತದಲ್ಲಿ ಜಿಲ್ಲೆಗೆ ಅನ್ಯಾಯವಾಗಿದೆ. ಅಗತ್ಯವಾದ ಅಭಿವೃದ್ಧಿ ಕಾರ್ಯಗಳನ್ನು ಬಿಜೆಪಿ ಮಾಡಲಿಲ್ಲ’ ಎಂದು ದೂರಿದರು.
- [ಕಾಂಗ್ರೆಸ್ ಶಾಸಕರೇ.. ಬಾಯ್ಮುಚ್ಚಿ!](https://mobiletime.in/2026/02/congress-mlas-shut-up/): ಉತ್ತರ ಕನ್ನಡ ಜಿಲ್ಲೆಗೆ ಆಗಮಿಸಿರುವ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಕೆಲ ಕಾಂಗ್ರೆಸ್ ಶಾಸಕರ ಬಗ್ಗೆ ಅಸಮಧಾನವ್ಯಕ್ತಪಡಿಸಿದ್ದಾರೆ. `ಶಾಸಕರ ವಿದೇಶ ಪ್ರವಾಸದ ಕುರಿತು ಅವರು ಮರಳಿದ ನಂತರ ಪ್ರಶ್ನಿಸಲಾಗುತ್ತದೆ. ಅಲ್ಲಿಯವರೆಗೆ ಸುಮ್ಮನಿದ್ದರೆ ಒಳಿತು’ ಎಂದವರು ಹೇಳಿದ್ದಾರೆ. ಈಚೆಗೆ ಉತ್ತರ ಕನ್ನಡ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಶಾಸಕರ ವಿದೇಶ ಪ್ರವಾಸದ ಬಗ್ಗೆ ಅಸಮಧಾನವ್ಯಕ್ತಪಡಿಸಿದ್ದರು. `ಹೆಚ್ಚು ದುಡ್ಡಿದ್ದವರು ಎಲ್ಲಾ ಕಡೆ ಹೋಗುತ್ತಾರೆ’ ಎಂದು ಹೇಳುವ ಮೂಲಕ ಜನಪ್ರತಿನಿಧಿಗಳ ಮೋಜಿನ ಪ್ರವಾಸದ ಬಗ್ಗೆ ವ್ಯಂಗ್ಯವಾಡಿದ್ದರು. ಅದರೊಂದಿಗೆ ಶಾಸಕ ಇಕ್ಬಾಲ್ ಹುಸೇನ್ ಸೇರಿ ಅನೇಕರು ವಿದೇಶಿ ಪ್ರವಾಸದ ಬಗ್ಗೆ ಮಾತನಾಡಿದ್ದರು. ರವಿ ಗಾಣಿಗ, ಶಿವಗಂಗ ಬಸವರಾಜ ಅವರು ಸಹ ವಿದೇಶಿ ಪ್ರವಾಸದ ಬಗ್ಗೆ ಅಸಮಧಾನದ ಮಾತನಾಡಿದ್ದರು. ಈ ಎಲ್ಲಾ ಹಿನ್ನಲೆ ಕಾರವಾರದಲ್ಲಿ ಮಾಧ್ಯಮದ ಪ್ರಶ್ನೆಗೆ ಉತ್ತರಿಸಿದ ಡಿ ಕೆ ಶಿವಕುಮಾರ ಅವರು `ವಿದೇಶ ಪ್ರವಾಸಕ್ಕೆ ಹೋದವರು ನಮ್ಮವರೇ. ಅವರು ಮರಳಿದ ನಂತರ ಏಕೆ ಹೋಗಿದ್ದರು? ಎನ್ನುವ ಬಗ್ಗೆ ಪ್ರಶ್ನಿಸುವೆ. ಅಲ್ಲಿಯವರೆಗೆ ಈ ಎಲ್ಲರೂ ಸುಮ್ಮನಿದ್ದರೆ ಅದೇ ನನಗೆ ಸಮಾಧಾನ’ ಎಂದು ಹೇಳಿದ್ದಾರೆ. ಕೆಲ ಕಾಂಗ್ರೆಸ್ ಶಾಸಕರು ಅನಗತ್ಯವಾಗಿ ಇಲ್ಲಸಲ್ಲದ ವಿಷಯದ ಬಗ್ಗೆ ಮಾತನಾಡುತ್ತಿರುವ ಬಗ್ಗೆ ಉಪಮುಖ್ಯಮಂತ್ರಿಗಳು ಅಸಮಧಾನವ್ಯಕ್ತಪಡಿಸಿದ್ದಾರೆ.
- [ಅಡಿಕೆ ತೋಟ: ಫಲ ಗುತ್ತಿಗೆ ವಿಷಯದಲ್ಲಿ ಅರಣ್ಯಾಧಿಕಾರಿಗೆ ಮೋಸ!](https://mobiletime.in/2026/02/areca-nut-plantation-forest-officer-cheated-in-fruit-lease-case/): ಸ್ವಂತ ಕೃಷಿ ಮಾಡಲು ಆಗದ ನಿವೃತ್ತ ಅರಣ್ಯ ಸಂರಕ್ಷಾಧಿಕಾರಿ ಮಹದೇವ ನಾಯ್ಕ ಅವರು ಜೊಯಿಡಾದಲ್ಲಿರುವ ತಮ್ಮ ಅಡಿಕೆ ತೋಟದ ನಿರ್ವಹಣೆ ಹಾಗೂ ಫಲಗುತ್ತಿಗೆ ಹೊಣೆಯನ್ನು ಸಿದ್ದಾಪುರದ ಮೈದಿನ್ ಖಾನ್ ಅವರಿಗೆ ವಹಿಸಿದ್ದಾರೆ. ಆದರೆ, ಮೈದಿನ್ ಖಾನ್ ಅವರು ನಿರ್ವಹಣೆ ಮಾಡದೇ ತೋಟದಲ್ಲಿ ಬೆಳೆದಿದ್ದ 30 ಕ್ವಿಂಟಲ್ ಅಡಿಕೆ ಕದ್ದು ಪರಾರಿಯಾಗಿದ್ದಾರೆ! ಮಹದೇವ ನಾರಾಯಣ ನಾಯ್ಕ ಅವರು ಅರಣ್ಯ ಸಂರಕ್ಷಣಾಧಿಕಾರಿಯಾಗಿದ್ದರು. ನಿವೃತ್ತಿ ನಂತರ ಅವರು ಧಾರವಾಡಕ್ಕೆ ಹೋಗಿ ವಾಸವಾಗಿದ್ದರು. 75 ವರ್ಷವಾದ ಹಿನ್ನಲೆ ಕೃಷಿ ಕೆಲಸ ಅಸಾಧ್ಯ ಎಂದು ಭಾವಿಸಿ ಅವರು ತೋಟದ ನಿರ್ವಹಣೆಯನ್ನು ಸಿದ್ದಾಪುರ ಕಾನಸೂರಿನ ಮೈದಿನ್ ಖಾನ್ ಹಾಗೂ ಅವರ ತಂದೆ ಅಬ್ದುಲ್ ಖಾನ್ ಅವರಿಗೆ ವಹಿಸಿದ್ದರು. ಈ ಬಗ್ಗೆ 2025ರ ಮೇ ಮಾಸದಲ್ಲಿ ಒಪ್ಪಂದ ಮಾಡಿಕೊಂಡಿದ್ದರು. ಆ ಪ್ರಕಾರ, ಜೊಯಿಡಾದ ಉಳುವಿಯಲ್ಲಿರುವ 9 ಎಕರೆ ಕ್ಷೇತ್ರದಲ್ಲಿ 8 ಎಕರೆ ಅಡಿಕೆ ತೋಟದ ನಿರ್ವಹಣೆಯನ್ನು ಮೈದಿನ್ ಖಾನ್ ಹಾಗೂ ಅವರ ತಂದೆ ಅಬ್ದುಲ್ ಖಾನ್ ಅವರು ಮಾಡಬೇಕಿತ್ತು. ಅಲ್ಲಿ ಬೆಳೆಯಲಾದ ಎಲ್ಲಾ ಫಸಲುಗಳು ಮೈದಿನ್ ಖಾನ್ ಹಾಗೂ ಅವರ ತಂದೆಗೆ ಸೇರಬೇಕಾಗಿದ್ದು, ಇದಕ್ಕೆ ಪ್ರತಿಯಾಗಿ 2 ಲಕ್ಷ ರೂ ಹಣವನ್ನು ಅವರಿಬ್ಬರು ಸೇರಿ ಮಹದೇವ ನಾಯ್ಕ ಅವರಿಗೆ ಕೊಡಬೇಕಿತ್ತು. ಜೊತೆಗೆ ತೋಟದ ಕಳೆ ತೆಗೆಯುವುದು, ನೀರು ಬಿಡುವುದು, ತಂತಿ ಕಂಬ ಸರಿ ಮಾಡಿ, ಸೋಲಾರ್ ಕಂಬ ಸುವ್ಯವಸ್ಥೆಯಲ್ಲಿರಿಸುವುದು ಹಾಗೂ ಅಲ್ಲಿದ್ದ ಮನೆಯನ್ನು ಸರಿಯಾಗಿರಿಸಿಕೊಳ್ಳು ಜವಾಬ್ದಾರಿ ಮೈದಿನ್ ಖಾನ್ ಅವರದ್ದಾಗಿತ್ತು. ಈ ಒಪ್ಪಂದಕ್ಕೆ ಬದ್ಧರಾಗಿ ಮೈದಿನ್ ಖಾನ್ ಅವರು ಸಹಿ ಹಾಕಿದ್ದರು. 2025ರ ಮೇ ತಿಂಗಳಿನಲ್ಲಿ ಒಪ್ಪಂದ ಮುಕ್ತಾಯವಾಗಲಿದ್ದು, ಒಂದು ವರ್ಷದವರೆಗೆ ನೋಡಿ ನಂತರ ಒಪ್ಪಂದ ಮುಂದುವರೆಸಲು ಮಹಾದೇವ ನಾಯ್ಕ ಅವರು ನಿರ್ಧರಿಸಿದ್ದರು. ಅಗಸ್ಟ 15ರಂದು ಮಹದೇವ್ ನಾಯ್ಕ ಅವರು ತೋಟಕ್ಕೆ ಬಂದಾಗ ಒಳ್ಳೆಯ ಫಸಲು ಬಂದಿತ್ತು. ಅಲ್ಲಿನ ನಿರ್ವಹಣೆಯೂ ಚನ್ನಾಗಿತ್ತು. ಮೈದೀನ್ ಖಾನ್ ಅವರು ವೆಂಕಟ್ರಮಣ ನಾಯ್ಕ ಎಂಬಾತರನ್ನು ಕೆಲಸಕ್ಕೆ ನೇಮಿಸಿ ದುಡಿಸುತ್ತಿದ್ದರು. ಮಹಾದೇವ ನಾಯ್ಕ ಅವರು ವೆಂಕಟ್ರಮಣ ನಾಯ್ಕ ಹಾಗೂ ಇನ್ನಿತರ ಆಳುಗಳ ಜೊತೆ ಮಾತನಾಡಿ ಧಾರವಾಡಕ್ಕೆ ಮರಳಿದ್ದರು. 2026ರ ಜನವರಿ 11ರಂದು ಮತ್ತೆ ಮಹಾದೇವ ನಾಯ್ಕ ಅವರು ತಮ್ಮ ತೋಟಕ್ಕೆ ಭೇಟಿ ನೀಡಿದರು. ಆಗ, ತೋಟ ನಿರ್ವಹಣೆ ಮಾಡದೇ ಹಾಳಾಗಿದ್ದವು. ಅಲ್ಲಿ ಬೆಳೆದಿದ್ದ 30 ಕ್ವಿಂಟಲ್ ಅಡಿಕೆ ಫಸಲು ಸಹ ಕಾಣುತ್ತಿರಲಿಲ್ಲ. ಕರಾರಿನ ಪ್ರಕಾರ ಮಹಾದೇವ ನಾಯ್ಕ ಅವರಿಗೆ 2 ಲಕ್ಷ ರೂ ಹಣ ಸಹ ಬಂದಿರಲಿಲ್ಲ. ತೋಟದಲ್ಲಿದ್ದ ಅಲ್ಲಿದ್ದ ಸಾಗವಾನಿ ಹಲಗೆ, ಕತ್ತಿ, ಸಲಕೆ, ಕೊಡಲಿ, ಪಿಕಾಸಿ ಸಹ ಕಾಣಲಿಲ್ಲ. ಅಲ್ಲಿದ್ದ ಸಾಮಗ್ರಿ, ಅಡಿಕೆ ಫಸಲಿನ ಜೊತೆ 2 ಲಕ್ಷ ರೂ ಹಣವನ್ನು ಸಹ ಕೊಡದೇ ಮೈದಿನ್ ಖಾನ್ ಹಾಗೂ ಅವರ ತಂದೆ ಅಬ್ದುಲ್ ಖಾನ್ ಪರಾರಿಯಾಗಿದ್ದರು. ಅವರಿಂದ ಆದ ಮೋಸದ ಬಗ್ಗೆ ನಿವೃತ್ತ ಅರಣ್ಯ ಸಂರಕ್ಷಣಾಧಿಕಾರಿ ಮಹದೇವ ನಾರಾಯಣ ನಾಯ್ಕ ಅವರು ಪೊಲೀಸ್ ದೂರು ನೀಡಿದರು. ಜೊಯಿಡಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗಾಜಿನ ಬಳೆ ಆಸೆಗೆ ಚಿನ್ನದ ಬಳೆ ಕಳೆದುಕೊಂಡ ಅಜ್ಜಿ!](https://mobiletime.in/2026/02/grandma-lost-her-gold-bracelet-for-the-desire-for-a-glass-bracelet/): ಶಿವರಾತ್ರಿ ದಿನ ಗೋಕರ್ಣದ ಜಾತ್ರೆ ಪೇಟೆಗೆ ಹೋಗಿದ್ದ ಮಹಾದೇವಿ ಮಾರಿಗೋಳಿ ಅವರು ತಮ್ಮ ಕೈಯಲ್ಲಿದ್ದ ಚಿನ್ನದ ಬಳೆಯನ್ನು ಕಾಣೆ ಮಾಡಿಕೊಂಡಿದ್ದಾರೆ. ಅವರು ಗಾಜಿನ ಬಳೆ ಖರೀದಿಸುವ ವೇಳೆ ಕಳ್ಳರು ಕೈ ಚಳಕ ಪ್ರದರ್ಶಿಸಿ ಚಿನ್ನದ ಬಳೆ ಅಪಹರಿಸಿದ ಅನುಮಾನವ್ಯಕ್ತವಾಗಿದೆ. ಗೋಕರ್ಣದ ಕೋಟಿತೀರ್ಥದ ಸುಬ್ರಹ್ಮಣ್ಯ ದೇವಸ್ಥಾನದ ಬಳಿ ಮಹಾದೇವಿ ಸದಾಶಿವ ಮಾರಿಗೋಳಿ (75) ಅವರು ವಾಸವಾಗಿದ್ದಾರೆ. ಫೆ 18ರಂದು ಶಿವರಾತ್ರಿ ಅಂಗವಾಗಿ ಅವರು ಜಾತ್ರೆ ಪೇಟೆಗೆ ಹೋಗಿದ್ದರು. ರಥಬೀದಿಯಲ್ಲಿ ತಿರುಗಾಟ ಮುಗಿಸಿದ ನಂತರ ಅವರು ವೆಂಕಟ್ರಮಣ ದೇವಸ್ಥಾನದ ಎದುರಿನ ಬಳೆ ಅಂಗಡಿ ಬಳಿ ಬಂದರು. ಅಲ್ಲಿ ಬಳೆ ಹಾಗೂ ಅರಶಿನ ಖರೀದಿಗೆ ಮುಂದಾದಾಗ ಅವರ ಎಡಗೈಯಲ್ಲಿರುವ ಎರಡು ಬಳೆ ಕಾಣಲಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಆ ಬಳೆಗಳು ಸಿಗಲಿಲ್ಲ. 14 ಗ್ರಾಂ ತೂಕದ ಆ ಬಳೆಗಳು 75 ಸಾವಿರ ರೂ ಮೌಲ್ಯದ್ದಾಗಿದ್ದವು. ಆ ಬಳೆ ಕದ್ದ ಕಳ್ಳರಿಗೆ ಶಾಪ ಹಾಕಿದ ಮಹಾದೇವಿ ಮಾರಿಗೋಳಿ ಅವರು ಕಳ್ಳರ ಪತ್ತೆಗಾಗಿ ಪೊಲೀಸರ ಮೊರೆ ಹೋದರು. ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಅಜ್ಜಿಯ ಬಳೆ ಕದ್ದವರಿಗಾಗಿ ಹುಡುಕಾಟ ನಡೆಸಿದ್ದಾರೆ.
- [ಅಕ್ರಮ ಗೋ ಸಾಗಾಟಕ್ಕೆ ತಡೆ](https://mobiletime.in/2026/02/stop-illegal-cow-trafficking/): ಭಟ್ಕಳದ ಕಸಾಯಿಖಾನೆಗೆ ಹೋಗುತ್ತಿದ್ದ ಮೂರು ದಷ್ಟಪುಷ್ಟ ಹೋರಿಗಳನ್ನು ಯಲ್ಲಾಪುರ ಪೊಲೀಸರು ವಶಕ್ಕೆಪಡೆದಿದ್ದಾರೆ. ಗುಳ್ಳಾಪುರದ ಬಳಿ ಕಾರ್ಯಾಚರಣೆ ನಡೆಸಿದ ಪೊಲೀಸರಿಗೆ ಆ ಗೋವುಗಳನ್ನು ಬಿಡುವಂತೆ ಒತ್ತಡ ಬಂದಿದ್ದು, ಪ್ರಭಾವಿಗಳ ಒತ್ತಡಕ್ಕೂ ಮಣಿಯದೇ ಮೂವರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಶನಿವಾರ ಒಂದೇ ಕಂಟೇನರಿನಲ್ಲಿ ಮೂರು ಹೋರಿಗಳನ್ನು ಸಾಗಿಸಲಾಗುತ್ತಿತ್ತು. ರಾಜಾರೋಷವಾಗಿ ಕಳ್ಳ ಸಾಗಾಣಿಕೆ ನಡೆದಿದ್ದರೂ ಅದನ್ನು ಯಾರೂ ಪ್ರಶ್ನೆ ಮಾಡಿರಲಿಲ್ಲ. ಅನುಮತಿ ಇಲ್ಲದೇ ಗೋ ಸಾಗಾಟ ನಡೆದ ಬಗ್ಗೆ ಯಲ್ಲಾಪುರ ಪೊಲೀಸರಿಗೆ ಮಾಹಿತಿ ಸಿಕ್ಕಿದ್ದು, ಪೊಲೀಸ್ ಸಿಬ್ಬಂದಿ ಆ ಕಂಟೇನರ್’ನ್ನು ತಡೆದರು. ಒಳಗಿದ್ದ ಭಾರೀ ಗಾತ್ರದ ಗೋವುಗಳನ್ನು ಗಮನಿಸಿ ದಾಖಲೆ ಕೇಳಿದರು. ಯಾವುದೇ ದಾಖಲೆಗಳಿಲ್ಲದೇ ಜಾನುವಾರು ಸಾಗಾಟ ನಡೆದಿರುವುದು ಗಮನಕ್ಕೆ ಬಂದಿತು. ಪ್ರತಿ ಗೋವು 5-6 ಲಕ್ಷ ರೂ ಬೆಲೆ ಬಾಳುವಂತದ್ದಾಗಿದ್ದು, ಅದನ್ನು ಬಿಡಿಸಿಕೊಳ್ಳಲು ಅಕ್ರಮ ಗೋ ಸಾಗಾಟಕಾರರ ಒತ್ತಡಗಳು ಬಂದವು. ಆದರೆ, ಆ ಒತ್ತಡಕ್ಕೆ ಪೊಲೀಸರು ಮಣಿಯಲಿಲ್ಲ. ಸಾರ್ವಜನಿಕರ ಸಹಕಾರದಲ್ಲಿ ಗೋವುಗಳನ್ನು ರಕ್ಷಿಸಿದರು. ಜೊತೆಗೆ, ಅಕ್ರಮದಲ್ಲಿ ಭಾಗಿಯಾದವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು.
- [ಪಾಳು ಬಿದ್ದ ಕೋಣೆಯಲ್ಲಿ ಕ್ವಿಂಟಲ್ ಕ್ವಿಂಟಲ್ ಕಳ್ಳ ಅಕ್ಕಿ!](https://mobiletime.in/2026/02/a-quintal-of-stolen-rice-found-in-a-dilapidated-room/): ಕುಮಟಾ ಮಿರ್ಜಾನ್ ಬಳಿಯಿರುವ ತಾರಿಬಾಗಿಲಿನ ಮಹಮದ್ ಗೌಸ್ ಅವರ ಪಾಳು ಬಿದ್ದ ಕೋಣೆಯಲ್ಲಿ ರಾಶಿ ರಾಶಿ ಅಕ್ಕಿ ಮೂಟೆಗಳನ್ನು ದಾಸ್ತಾನು ಮಾಡಲಾಗಿದೆ. ಸರ್ಕಾರದಿಂದ ಬಡವರಿಗೆ ವಿತರಣೆ ಆಗಬೇಕಿದ್ದ ಅಕ್ಕಿಯನ್ನು ಇಲ್ಲಿ ಕದ್ದು-ಮುಚ್ಚಿ ಶೇಖರಿಸಿಡಲಾಗಿದೆ. ಈ ಬಗ್ಗೆ ಮಾಹಿತಿ ಅರಿತ ಕುಮಟಾ ತಹಶೀಲ್ದಾರ್ ಶ್ರೀಕೃಷ್ಣ ಕಾಮುಕರ್ ರಹಸ್ಯ ಕಾರ್ಯಾಚರಣೆ ನಡೆಸಿ, ಅನ್ನಭಾಗ್ಯದ ಅಕ್ಕಿ ಕಾಳಸಂತೆಯಲ್ಲಿ ಮಾರಾಟವಾಗುವುದನ್ನು ತಡೆದಿದ್ದಾರೆ. ಮಹಮ್ಮದ್ ಗೌಸ್ ಮೈದಿನ್ ಸಾಬ ಆಗಾ ಅವರು ತಮ್ಮ ಮಾಲಿಕತ್ವದ ಪಾಳು ಬಿದ್ದ ಕಟ್ಟಡದಲ್ಲಿ 63 ಚೀಲ ಅಕ್ಕಿ ಅಡಗಿಸಿಟ್ಟಿರುವುದು ಈ ವೇಳೆ ಬೆಳಕಿಗೆ ಬಂದಿದೆ. ಸರ್ಕಾರ ಬಡವರಿಗೆ ವಿತರಿಸಿದ ಅಕ್ಕಿಯನ್ನು ಮಹಮ್ಮದ್ ಗೌಸ್ ಅವರು ಹಣದ ಆಮೀಷ ಒಡ್ಡಿ ಬಡವರಿಂದ ಕಸಿದುಕೊಳ್ಳುತ್ತಿರುವುದು ವಿಚಾರಣೆ ವೇಳೆ ಗೊತ್ತಾಗಿದೆ. ಆ ಅಕ್ಕಿಯನ್ನು ಹೆಚ್ಚಿನ ಬೆಲೆಗೆ ಮಹಮದ್ ಗೌಸ್ ಮಾರಾಟ ಮಾಡುತ್ತಿರುವ ಬಗ್ಗೆ ಅಂದಾಜಿಸಲಾಗಿದೆ. ಕಟ್ಟಡದಲ್ಲಿ ಸಿಕ್ಕ ಅಕ್ಕಿಯನ್ನು ಅಧಿಕಾರಿಗಳು ತೂಕ ಮಾಡಿದ್ದಾರೆ. 59 ಪ್ಲಾಸ್ಟಿಕ್ ಚೀಲ ಹಾಗೂ 3 ಗೋಣಿ ಚೀಲದಲ್ಲಿದ್ದ ಒಟ್ಟು ಅಕ್ಕಿ ತೂಕ ಮಾಡಿದಾಗ 29 ಕ್ವಿಂಟಲ್ ಅಕ್ಕಿ ಸಿಕ್ಕಿದೆ. ಸರ್ಕಾರಿ ಲೆಕ್ಕಾಚಾರದಂತೆ 99ಸಾವಿರ ರೂ ಮೌಲ್ಯದ ಅಕ್ಕಿಯನ್ನು ಅಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಪೊಲೀಸರು, ಆಹಾರ ನಿರೀಕ್ಷಕರು ಹಾಗೂ ಗ್ರಾಮ ಆಡಳಿತಾಧಿಕಾರಿಗಳು ಈ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದಾರೆ. ಸದ್ಯ ವಶಕ್ಕೆಪಡೆದ ಅಕ್ಕಿಯನ್ನು ಬಾಡ ಹೊಲನಗದ್ದೆಯಲ್ಲಿರುವ ರೈತ ಸೇವಾ ಸಹಕಾರಿ ಸಂಘದ ಉಸ್ತುವಾರಿಗೆ ಕೊಡಲಾಗಿದೆ. ಕಾಳಸಂತೆಯಲ್ಲಿ ಅಕ್ಕಿ ಮಾರಾಟ ಮಾಡುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವುದಾಗಿ ಅಧಿಕಾರಿಗಳು ಎಚ್ಚರಿಸಿದ್ದಾರೆ.
- [ಒಬ್ಬರ ಸಾವು: ಇಬ್ಬರಿಗೆ ನೋವು!](https://mobiletime.in/2026/02/one-death-two-people-suffer/): ಹೊನ್ನಾವರದಿಂದ ಮುರುಡೇಶ್ವರ ಕಡೆಗೆ ವೇಗವಾಗಿ ಸಂಚರಿಸಿದ ಕ್ಯಾಂಟರ್ ಒಂದು ಬೈಲೂರು ಕ್ರಾಸಿನ ಬಳಿ ಡಿವೈಡರಿಗೆ ಗುದ್ದಿದ್ದು, ನಂತರ ಟಾಕ್ಟರಿಗೆ ಬಡಿದಿದೆ. ಪರಿಣಾಮ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಫೆಬ್ರವರಿ 19ರಂದು ಬೆಳಗಾವಿಯ ಶಂಕರ ಯಲ್ಲಪ್ಪ ಅಷ್ಟೇಕರ ಅವರು ಕ್ಯಾಂಟರ್ ಓಡಿಸುತ್ತಿದ್ದರು. ಸಂಜೆ ವೇಳೆ ಅವರು ಹೊನ್ನಾವರ ದಾಟಿದ್ದು, ತಮ್ಮ ವಾಹನದ ವೇಗ ಹೆಚ್ಚಿಸಿದರು. ಆ ಅವಾಂತರಕ್ಕೆ ಮುಂಡಗೋಡ ಚೌಡಳ್ಳಿಯ ಮೋಹನ (ಮಣಿಕಂಠ) ನಾಗರಾಜ ಶಿಂಧೆ ಅವರು ಸಾವನಪ್ಪಿದರು. ಮೋಹನ ಶಿಂದೆ ಅವರು ರಸ್ತೆಯ ಡಿವೈಡರ್ ಹತ್ತಿರ ಸ್ವಚ್ಚ ಮಾಡುವ ಕೆಲಸ ಮಾಡುತ್ತಿದ್ದ ಐ ಆರ್ ಬಿ ಕಂಪನಿಯ ಸಬ್ ಕಂಟ್ರಾಕ್ಟರ್ ಧನಶ್ರೀ ಕನ್ಸ್ಟ್ರಕ್ಷನ್ ಕಂಪನಿಯಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದರು. ಕ್ಯಾಂಟರ್ ಗುದ್ದಿದ ರಭಸಕ್ಕೆ ಅವರ ಎರಡು ಕಾಲುಗಳಿಗೆ ಗಾಯವಾಗಿದ್ದು, ಉಡುಪಿ ಆಸ್ಪತ್ರೆಗೆ ಕರೆದೊಯ್ದರು ಸಹ ಬದುಕಿಸಿಕೊಳ್ಳಲು ಆಗಲಿಲ್ಲ. ಫೆಬ್ರವರಿ 20ರಂದು ಅವರು ಕೊನೆಯುಸಿರೆಳೆದರು. ಈ ಅವಘಡದಲ್ಲಿ ಇನ್ನೊಬ್ಬ ಕೂಲಿ ಕಾರ್ಮಿಕ ಉತ್ತರ ಪ್ರದೇಶದ ಗುಡ್ಡುಕುಮಾರ್ ಭಾವಿಲಾಲ್ ಅವರು ಸಹ ಗಾಯಗೊಂಡಿದ್ದಾರೆ. ಕ್ಯಾಂಟರ್ ವಾಹನ ಟ್ರ‍್ಯಾಕ್ಟರಿನ ಹಿಂಬದಿಗೆ ಡಿಕ್ಕಿ ಹೊಡೆದಿದ್ದರಿಂದ ಟ್ರ‍್ಯಾಕ್ಟರ್ ಚಾಲಕನ ಎದೆಗೆ ಒಳನೋವು ಆಗಿದೆ. ಈ ಕುರಿತು ಗಾಯಾಳು ಗುಡ್ಡುಕುಮಾರ್ ಮುರ್ಡೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
- [ಉತ್ತರ ಕನ್ನಡ | ಈ ಊರುಗಳಲ್ಲಿ ನಾಡ ದೊರೆಗಳ ಜಂಟಿ ಪ್ರವಾಸ!](https://mobiletime.in/2026/02/uttara-kannada-joint-tour-of-the-rulers-of-the-country-in-these-towns/): ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಉಪಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ಅವರು ಫೆಬ್ರವರಿ 22ರ ಭಾನುವಾರ ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಊರುಗಳಿಗೆ ಜಂಟಿ ಪ್ರವಾಸ ಮಾಡಲು ನಿರ್ಧರಿಸಿದ್ದಾರೆ. ಈ ಪ್ರವಾಸದ ವೇಳೆ ಅವರು ಹಲವು ಮಹತ್ವದ ಅಭಿವೃದ್ಧಿ ಕಾಮಗಾರಿಗಳನ್ನು ಲೋಕಾರ್ಪಣೆ ಮಾಡಲಿದ್ದಾರೆ. ವಿಶೇಷ ವಿಮಾನ ಹಾಗೂ ಹೆಲಿಕಾಪ್ಟರ್ ಮೂಲಕ ಅವರಿಬ್ಬರು ಒಟ್ಟಿಗೆ ಪ್ರಯಾಣಿಸಲಿದ್ದು, ಕಾರವಾರ ಮತ್ತು ಅಂಕೋಲಾದಲ್ಲಿ ನಡೆಯುವಕಾರ್ಯಕ್ರಮಗಳಲ್ಲಿ ಭಾಗವಹಿಸಲಿದ್ದಾರೆ. ಅಂಕೋಲಾದಲ್ಲಿ ಗಂಗಾವಳಿ ನೂತನ ಸೇತುವೆಯನ್ನು ಅವರು ಉದ್ಘಾಟಿಸಲಿದ್ದಾರೆ. ಅಂಕೋಲಾ ತಾಲೂಕಿನ ಮಂಜಗುಣಿ ಗ್ರಾಮದಿಂದ ಕುಮಟಾ ತಾಲೂಕಿನ ಗಂಗಾವಳಿ ಗ್ರಾಮಗಳಿಗೆ ಸಂಪರ್ಕ ಕಲ್ಪಿಸುವ ದೃಷ್ಟಿಯಿಂದ ಗಂಗಾವಳಿ ನದಿಗೆ ಅಡ್ಡಲಾಗಿ ನಿರ್ಮಿಸಿರುವ ನೂತನ ಸೇತುವೆಯನ್ನು ಮಂಜಗುಣಿಯಲ್ಲಿ ಉದ್ಘಾಟಿಸಲಿದ್ದಾರೆ. ಕಾರವಾರದಲ್ಲಿ 450 ಹಾಸಿಗೆಗಳ ಆಸ್ಪತ್ರೆ ಲೋಕಾರ್ಪಣೆ ಮಾಡಲಿದ್ದಾರೆ. ಕಾರವಾರದ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ ಆವರಣದಲ್ಲಿ ನೂತನವಾಗಿ ನಿರ್ಮಿಸಿರುವ 450 ಹಾಸಿಗೆಗಳ ಸುಸಜ್ಜಿತ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ಕಟ್ಟಡವನ್ನು ಲೋಕಾರ್ಪಣೆ ಮಾಡಲಿದ್ದಾರೆ. ಕಾರವಾರದಲ್ಲಿಯೇ ಕುಳಿತು ಆ ಇಬ್ಬರು ನಾಯಕರು ಆನ್‌ಲೈನ್ ಮೂಲಕ ಯಲ್ಲಾಪುರ ತಾಲೂಕಿನ ಖಾನಾಪುರ-ತಾಳಗುಪ್ಪಾ ರಾಜ್ಯ ಹೆದ್ದಾರಿಯ ನೂತನ ಸೇತುವೆ ನಿರ್ಮಾಣ, ಯಲ್ಲಾಪುರ ಪಟ್ಟಣದ ನಿರೀಕ್ಷಣಾ ಮಂದಿರದ ಹೊಸ ಕಟ್ಟಡ ಹಾಗೂ ಮುಂಡಗೋಡ ತಾಲೂಕಿನ ಹೊಸ ಪ್ರವಾಸಿ ಮಂದಿರವನ್ನು ಉದ್ಘಾಟಿಸಲಿದ್ದಾರೆ. ಈ ಎಲ್ಲಾ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಭಾನುವಾರ ಬೆಳಿಗ್ಗೆ 10:00 ಗಂಟೆಗೆ ಬೆಂಗಳೂರಿನ ಹೆಚ್ ಎ ಎಲ್ ವಿಮಾನ ನಿಲ್ದಾಣದಿಂದ ವಿಶೇಷ ವಿಮಾನದಲ್ಲಿ ಹೊರಡಲಿರುವ ನಾಯಕರು, 11 ಗಂಟೆಗೆ ಹುಬ್ಬಳ್ಳಿ ತಲುಪಲಿದ್ದಾರೆ. ಅಲ್ಲಿಂದ ಹೆಲಿಕಾಪ್ಟರ್ ಮೂಲಕ 11:50ಕ್ಕೆ ಅಂಕೋಲಾದ ಮಂಜಗುಣಿಗೆ ಆಗಮಿಸಲಿದ್ದಾರೆ. ಅಲ್ಲಿನ ಕಾರ್ಯಕ್ರಮ ಮುಗಿಸಿ 12:45ಕ್ಕೆ ಕಾರವಾರದ ಮಾಲಾದೇವಿ ಕ್ರೀಡಾಂಗಣದ ಹೆಲಿಪ್ಯಾಡ್‌ಗೆ ಬಂದಿಳಿಯಲಿದ್ದಾರೆ. ಸಂಜೆ 4 ಗಂಟೆಗೆ ಕಾರವಾರದಿಂದ ನಿರ್ಗಮಿಸಿ, ಹುಬ್ಬಳ್ಳಿ ಮುಖಾಂತರ ಸಂಜೆ ವೇಳೆಗೆ ಮರಳಿ ಬೆಂಗಳೂರು ತಲುಪಲಿದ್ದಾರೆ.
- [ಫೋನ್ ಮೂಲಕವೇ ಪ್ರೂಟ್ ಐಡಿ ಮಾಡಿಸಿ!](https://mobiletime.in/2026/02/create-a-root-id-right-from-your-phone/): ಪಿಎಂ ಕಿಸಾನ್ ಸಹಾಯಧನ ಸೇರಿ ಕೃಷಿ ಇಲಾಖೆಯ ಯೋಜನೆಗಳ ಪ್ರಯೋಜನಪಡೆಯಲು ಪ್ರತಿಯೊಬ್ಬರು ಪ್ರೂಟ್ ಐಡಿ ಪಡೆಯುವುದು ಕಡ್ಡಾಯವಾಗಿದೆ. ಈ ಹಿನ್ನಲೆ ಫೋನ್ ಮೂಲಕವೇ ಪ್ರೂಟ್ ಐಡಿ ಮಾಡಿಕೊಡಲು ಗ್ರಾಮ ಒನ್ ಕೇಂದ್ರವೊoದು ಆಸಕ್ತಿವಹಿಸಿದೆ. ಫೆಬ್ರವರಿ 26ರ ಒಳಗೆ ಪ್ರತಿಯೊಬ್ಬ ರೈತರು ಪ್ರೂಟ್ ಐಡಿ ಮಾಡಿಸಿಕೊಳ್ಳುವುದು ಕಡ್ಡಾಯ ಎಂದು ಕೃಷಿ ಇಲಾಖೆ ಫಾರ್ಮಾನು ಹೊರಡಿಸಿದೆ. ಸಮೀಪದ ಗ್ರಾಮ ಕೇಂದ್ರ ಅಥವಾ ಕೃಷಿ ಸಂಪರ್ಕಕ್ಕೆ ಕೇಂದ್ರಕ್ಕೆ ಭೇಟಿ ನೀಡಿ ಈ ಐಡಿ ಮಾಡಿಸಿಕೊಳ್ಳಬೇಕಿದೆ. ಈಗಾಗಲೇ ಐಡಿ ಹೊಂದಿದವರು ಸಹ ಅದನ್ನು ನವೀಕರಿಸುವಂತೆ ಸೂಚಿಸಲಾಗಿದ್ದು, ಈ ಕೆಲಸ ಮಾಡಲು ಆಧಾರ್ ಕಾರ್ಡ ಹಾಗೂ ಆಧಾರ್ ಕಾರ್ಡಿಗೆ ಲಿಂಕ್ ಆಗಿರುವ ಮೊಬೈಲ್ ನಂ ಇದ್ದರೆ ಸಾಕು. ಈ ಕೆವೈಸಿ ಮಾಡಿಸದಿದ್ದರೆ ಪಿಎಂ ಕಿಸಾನ್ ಸೇರಿದಂತೆ ವಿವಿಧ ಸರಕಾರಿ ಯೋಜನೆಗಳ ಸೌಲಭ್ಯ ಪಡೆಯಲು ಸಾಧ್ಯವಾಗುತ್ತಿಲ್ಲ. ಈ ಸಮಸ್ಯೆ ಅರಿತು ಯಲ್ಲಾಪುರದ ನಂದೂಳ್ಳಿ ಗ್ರಾಮ ಒನ್ ಕೇಂದ್ರದವರು ಫೋನ್ ಮೂಲಕ ಪ್ರೂಟ್ಸ್ ಐಡಿ ಮಾಡಿಕೊಡುವುದಾಗಿ ಘೋಷಿಸಿದ್ದಾರೆ. 9480362267 ಸಂಖ್ಯೆಗೆ ಆಧಾರ್ ಪ್ರತಿ ವಾಟ್ಸಪ್ ಮಾಡಿ, ಫೋನ್ ಮಾಡಿದಲ್ಲಿ ಈ ಸೇವೆ ದೊರೆಯಲಿದೆ.
- [ಶಿರಸಿ-ಹಾವೇರಿ ರಸ್ತೆ: ಬೈಕ್ ಸವಾರರಿಗೆ ನಿತ್ಯ ನರಕ!](https://mobiletime.in/2026/02/sirsi-haveri-road-a-constant-hell-for-bikers/): ಶಿರಸಿ-ಹಾವೇರಿ ರಸ್ತೆ ಸಂಪೂರ್ಣವಾಗಿ ಹದಗೆಟ್ಟಿದ್ದು, ದನಗನಹಳ್ಳಿ ಸಮೀಪ ರಸ್ತೆ ಅಡ್ಡವಾಗಿ ತೆಗೆದಿರುವ ಕಾಲುವೆಗೆ ಬೈಕ್ ಸವಾರೊಬ್ಬರು ಬಿದ್ದಿದ್ದಾರೆ. ಬೈಕು ಕಾಲುವೆಗೆ ಬಿದ್ದಿದ್ದರಿಂದ ಬೋರನಗುಡ್ಡ ಗ್ರಾಮದ ವ್ಯಕ್ತಿಯೊಬ್ಬರಿಗೆ ಪೆಟ್ಟಾಗಿದೆ. ಬೈಕು ಕಾಲುವೆಯಲ್ಲಿ ಸಿಲುಕಿ ಬಿದ್ದಿದೆ. ರಸ್ತೆ ದುರಸ್ಥಿ ಕಾರ್ಯಕ್ಕೆ ಅನುಗುಣವಾಗಿ ಮುನ್ನಚ್ಚರಿಕೆವಹಿಸದ ಕಾರಣ ಇಲ್ಲಿ ಬೈಕ್ ಸವಾರರು ನಿತ್ಯ ಅಪಾಯ ಎದುರಿಸುತ್ತಿದ್ದಾರೆ. ರಸ್ತೆ ಕಾಮಗಾರಿ ನಡೆಯುತ್ತಿರುವ ಬಗ್ಗೆ ಸೂಚನಾ ಫಲಕ, ಬ್ಯಾರಿಕೇಡ್ ಇಲ್ಲದ ಬಗ್ಗೆ ಜನ ಆಕ್ರೋಶಹೊರಹಾಕಿದ್ದಾರೆ. ಈ ರಸ್ತೆ ಮಾರ್ಗವಾಗಿ ದೂಳಿನ ಪ್ರಮಾಣ ಹೆಚ್ಚಾಗಿದ್ದು, ನಿಯಮಿತವಾಗಿ ನೀರು ಸಿಂಪಡಿಸುವ ಕ್ರಮ ಆಗಿಲ್ಲ. ಬಸ್ ಪ್ರಯಾಣಿಕರು ಸಹ ಧೂಳಿನ ತೊಂದರೆಯಿAದ ಸಂಕಷ್ಟ ಅನುಭವಿಸುತ್ತಿದ್ದಾರೆ. ಮಾರ್ಗದಲ್ಲಿ ಸೂಚನಾ ಫಲಕಗಳ ಕೊರತೆಯಿಂದಾಗಿ ಪ್ರತಿನಿತ್ಯ ಒಂದಿಲ್ಲೊAದು ಅಪಘಾತ ನಡೆಯುತ್ತಿದೆ. ಫೆಬ್ರವರಿ 24ರಿಂದ ಶಿರಸಿ ಜಾತ್ರೆ ಆರಂಭವಾಗಲಿದ್ದು, ಅಪಾರ ಸಂಖ್ಯೆಯಲ್ಲಿ ಭಕ್ತರು ಆಗಮಿಸುವ ನಿರೀಕ್ಷೆಯಿದೆ. ಈ ಹಿನ್ನೆಲೆಯಲ್ಲಿ ರಸ್ತೆ ಸುರಕ್ಷತಾ ಕ್ರಮಗಳನ್ನು ತಕ್ಷಣ ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ. ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ತಕ್ಷಣ ಸ್ಥಳಕ್ಕೆ ಭೇಟಿ ನೀಡಿ ಸುರಕ್ಷತಾ ಕ್ರಮಗಳನ್ನು ಜಾರಿಗೊಳಿಸಬೇಕೆಂದು ಒತ್ತಾಯಿಸಿದ್ದಾರೆ.
- [ಕರ್ನಾಟಕ ಒನ್ ಸೆಂಟರ್ ತೆರೆಯಲು ಬಯಸುವಿರಾ?](https://mobiletime.in/2026/02/want-to-open-a-gram-one-centre/): ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕಡೆ ಕರ್ನಾಟಕ ಒನ್ ಕೇಂದ್ರ ತೆರೆಯಲು ಆಸಕ್ತರಿಂದ ಅರ್ಜಿ ಆಹ್ವಾನಿಸಲಾಗಿದೆ. ಭಟ್ಕಳ ಪುರಸಭೆ, ದಾಂಡೇಲಿ ನಗರಸಭೆ, ಹಳಿಯಾಳ ಪುರಸಭೆ, ಕಾರವಾರ ನಗರಸಭೆ, ಮಂಕಿ ಪಟ್ಟಣ ಪಂಚಾಯತ, ಶಿರಸಿ ನಗರಸಭೆ ಸೇರಿ 6 ಕಡೆ ಹೊಸದಾಗಿ 10 ಕರ್ನಾಟಕ ಒನ್ ಕೇಂದ್ರ ಅನುಷ್ಠಾನಕ್ಕೆ ಸರ್ಕಾರ ಆಸಕ್ತಿವಹಿಸಿದೆ. ಇಲ್ಲಿನ ಸ್ಥಳೀಯ ನಗರ ಸಂಸ್ಥೆಗಳಲ್ಲಿ ಸಮಗ್ರ ನಾಗರಿಕ ಸೇವಾ ಕೇಂದ್ರ  ಆರಂಭಿಸಲು ಯೋಗ್ಯ ಅಭ್ಯರ್ಥಿಗಳ ಹುಡುಕಾಟ ನಡೆದಿದೆ. ಇದಕ್ಕಾಗಿ ಅರ್ಹ ಪ್ರಾಂಚೈoಸಿಗಳಿoದ ಅರ್ಜಿ ಆಹ್ವಾನಿಸಲಾಗಿದೆ. ಆಧಾರ್ ಕಾರ್ಡ, ರೇಶನ್ ಕಾರ್ಡ, ಪಹಣಿ ಪತ್ರಿಕೆ ವಿತರಣೆ, ವಿವಿಧ ಬಿಲ್ ಪಾವತಿ ಸೇರಿ ಸರ್ಕಾರಿ ಸಹಭಾಗಿತ್ವದಲ್ಲಿ ಸಾರ್ವಜನಿಕ ಸೇವೆ ಮಾಡಲು ಕೇಂದ್ರ ಸಹಕಾರಿಯಾಗಿದೆ. ನಿರುದ್ಯೋಗಿಗಳಿಗೆ ಈ ಕೇಂದ್ರ ಆದಾಯವನ್ನು ತಂದುಕೊಡಲಿದ್ದು, ಆಸಕ್ತರು ಮಾರ್ಚ 2ರ ಒಳಗೆ ಅರ್ಜಿ ಹಾಕಲು ಅವಕಾಶ ನೀಡಲಾಗಿದೆ. ತಹಶೀಲ್ದಾರ್ ಕಚೇರಿ ಮೂಲಕವೂ ಹೆಚ್ಚಿನ ಮಾಹಿತಿ ಲಭ್ಯವಿದೆ ಎಂದು ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಅವರು ಹೇಳಿದ್ದಾರೆ. ಇನ್ನಷ್ಟು ವಿವರಗಳಿಗೆ ಇಲ್ಲಿ ಕ್ಲಿಕ್ಕಿಸಿ: https://www.karnatakaone.gov.in/Public/FranchiseeTerms
- [ವಿದ್ಯಾರ್ಥಿಗಳಿಬ್ಬರಿಗೆ ಜೈಲು!](https://mobiletime.in/2026/02/two-students-go-to-jail/): ಮುರುಡೇಶ್ವರ ಕಡಲತೀರದಲ್ಲಿ ಅಮಲಿನಲ್ಲಿ ಅಲೆದಾಡುತ್ತಿದ್ದ ಬೆಂಗಳೂರಿನ ವಿದ್ಯಾರ್ಥಿಗಳಿಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಬೆಂಗಳೂರಿನ ಬನಶಂಕರಿ ನಿವಾಸಿ ಸತೀಶ ಸೆಲ್ವರಾಜ್ (21) ಹಾಗೂ ಬೆಂಗಳೂರು ದಕ್ಷಿಣದ ಬೊಮ್ಮನಹಳ್ಳಿ ನಿವಾಸಿ ಮೋನಿಶ್ ಬಾಬು ಭಾಸ್ಕರರೆಡ್ಡಿ (18) ಅವರು ಫೆಬ್ರವರಿ 20ರಂದು ಮುರುಡೇಶ್ವರಕ್ಕೆ ಆಗಮಿಸಿದ್ದರು. ಮೋಜು ಮಸ್ತಿಯಲ್ಲಿ ತೊಡಗಿದ ಅವರು ಗಾಂಜಾ ಸೇವಿಸಿದ್ದರು. ಸಂಜೆ 6.30ರ ವೇಳೆಗೆ ಕಡಲತೀರದ ಬಳಿ ಅಲೆದಾಟ ಶುರು ಮಾಡಿದ್ದರು. ಪಿಸೈ ಹನುಮಂತ ಬೀರಾದರ್ ಅವರು ಆ ವಿದ್ಯಾರ್ಥಿಗಳಿಬ್ಬರನ್ನು ತಡೆದು ಪ್ರಶ್ನಿಸಿದರು. ಅವರಿಬ್ಬರು ಮಾತನಾಡಲು ತಡವರಿಸಿದಾಗ ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದರು. ಆಗ, ವಿದ್ಯಾರ್ಥಿಗಳಿಬ್ಬರು ಅಡ್ಡದಾರಿ ಹಿಡಿದಿದ್ದು ಅರಿವಿಗೆ ಬಂದಿತು. ನಿಷೇಧಿತ ಗಾಂಜಾ ಬಳಕೆ ಮಾಡಿದ ಕಾರಣ ಪೊಲೀಸರು ಅವರಿಬ್ಬರನ್ನು ಬಂಧಿಸಿದರು. ಪ್ರಕರಣವನ್ನು ದಾಖಲಿಸಿದರು.
- [ಬೇಕು ಅಂತ ಬಂದಿದ್ದಲ್ಲ.. ದಾರಿ ತಪ್ಪಿ ಬಂದಿದ್ದು!](https://mobiletime.in/2026/02/i-didnt-come-here-because-i-wanted-to-i-came-here-by-mistake/): ಕಾoಡ್ಲಾ ಕಾಡಿನ ನಡುವೆ ಸಿಕ್ಕಿಬಿದ್ದು ಅಸ್ವಸ್ಥಗೊಂಡಿದ್ದ 130 ಕೆಜಿ ತೂಕದ ಕಡಲ ಆಮೆಯನ್ನು ಕಾರವಾರ ಅರಣ್ಯ ಅಧಿಕಾರಿಗಳು ರಕ್ಷಿಸಿದ್ದು, ಆ ಆಮೆಯನ್ನು ಆರೈಕೆ ಮಾಡಿ ಸಮುದ್ರಕ್ಕೆ ಬಿಟ್ಟಿದ್ದಾರೆ. ಕಾಳಿ ನದಿ ಸಮುದ್ರ ಸೇರುವ ಸಂಗಮ ಪ್ರದೇಶದ ಮೂಲಕ ಆಳ ಸಮುದ್ರದ ಆಮೆ ನದಿಯ ಕಡೆ ಬಂದಿತ್ತು. ನಂತರ ಮರಳಿ ಸಮುದ್ರಕ್ಕೆ ಸಂಚರಿಸಲಾಗದೇ ಕಾಂಡ್ಲಾ ಗಿಡಗಳ ಬೇರಿನ ಅಡಿ ಸಿಕ್ಕಿ ಬಿದ್ದಿತ್ತು. ಅಂದಾಜು 60 ವರ್ಷ ವಯಸ್ಸಿನ ಈ ಆಮೆ ಬರಬ್ಬರಿ 130 ಕೆಜಿ ತೂಕವಿದ್ದು, ಭಾರೀ ಗಾತ್ರದ ಆಮೆಯನ್ನು ನೋಡಲು ಅನೇಕರು ಮುಗಿ ಬಿದ್ದಿದ್ದರು. ಅಪರೂಪದಲ್ಲಿಯೇ ಅಪರೂಪಕ್ಕೆ ಸಿಕ್ಕಿರುವ ಕಡಲ ಆಮೆ ಹಸಿರು ಬಣ್ಣದಿಂದ ಕೂಡಿದ್ದು, ಸಂತೋಷಿಮಾತಾ ದೇಗುಲದ ಅಂಚಿನ ಪ್ರದೇಶವನ್ನು ಸುತ್ತು ಹೊಡೆದಿತ್ತು. ಅದಾದ ನಂತರ ಮುಂದೆ ಚಲಿಸಲಾಗದೇ ಸುಸ್ತಾಗಿತ್ತು. ಪರಿಸರ ಆಸಕ್ತರು ಆ ಆಮೆಯನ್ನು ಅತ್ಯಂತ ಪ್ರೀತಿಯಿಂದ ಬರಮಾಡಿಕೊಂಡರು. ಆಮೆ ಅಸ್ವಸ್ಥವಾಗಿರುವ ಬಗ್ಗೆ ಅರಿತ ಅರಣ್ಯ ಇಲಾಖೆಯವರು ಅದನ್ನು ಮಣ್ಣಿನ ರಾಡಿಯಿಂದ ಹೊರಗೆಳೆದು ಸ್ವಚ್ಛ ಮಾಡಿದರು. ಗೋವಾದಿಂದ ನುರಿತ ವೈದ್ಯರನ್ನು ಕರೆಯಿಸಿ ಚಿಕಿತ್ಸೆ ಕೊಡಿಸಿದರು. ಎರಡು ದಿನ ಆರಾಮ್ ಮಾಡಿದ ಆಮೆ ಇದೀಗ ಸುಧಾರಿಸಿಕೊಂಡಿದ್ದು, ಅದನ್ನು ಸಮುದ್ರ ತೀರಕ್ಕೆ ತಂದು ಬಿಟ್ಟರು. ಆಳ ಸಮುದ್ರ ನೋಡಿದ ತಕ್ಷಣ ಆಮೆ ಉತ್ಸಾಹದಿಂದ ಈಜಲು ಶುರು ಮಾಡಿತು. ಉಪ್ಪು ನೀರಿನಲ್ಲಿ ಆ ಆಮೆ ಲವಲವಿಕೆಯಿಂದ ಹೆಜ್ಜೆ ಹಾಕಿತು. ಅನೇಕರು ಆಮೆಯ ಓಡಾಟ-ಒಡನಾಟವನ್ನು ಚಿತ್ರಿಸಿಕೊಂಡರು.
- [ಎಳೆಯ ವಯಸ್ಸಿಗೆ ಅಂತ್ಯವಾದ ಫೋಟೋಗ್ರಾಫರ್ ಜೀವನ!](https://mobiletime.in/2026/02/a-photographers-life-ended-at-a-young-age/): ಫೆಬ್ರವರಿ 14ಂದು ಕಾರವಾರದ ಅಮದಳ್ಳಿ ಬಳಿ ನಡೆದಿದ್ದ ಅಪಘಾತದಲ್ಲಿ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ಫೋಟೋಗ್ರಾಫರ್ ಸಚಿನ್ ತಳೇಕರ ಅವರು ಶುಕ್ರವಾರ ಸಾವನಪ್ಪಿದ್ದಾರೆ. ಅವರನ್ನು ಉಳಿಸಿಕೊಳ್ಳಲು ಆರು ದಿನಗಳ ಕಾಲ ನಿರಂತರ ಚಿಕಿತ್ಸೆ ನಡೆದರೂ ಅದು ಪ್ರಯೋಜನಕ್ಕೆ ಬಂದಿಲ್ಲ. ಅoಕೋಲಾ ತಾಲೂಕಿನ ಅವರ್ಸಾ ಮೂಲದ ಸಚಿನ್ ತಳ್ಳೆಕರ್ ಅವರು ಕಳೆದ 23 ವರ್ಷಗಳಿಂದ ಜೋಯಿಡಾದಲ್ಲಿ ನೆಲೆಸಿದ್ದರು. ಅಲ್ಲಿಯೇ ಅವರು ಫೋಟೋಗ್ರಾಫರ್ ಆಗಿ ಪ್ರಸಿದ್ಧಿಪಡೆದಿದ್ದರು. ತಮ್ಮ ಸರಳತೆ, ವಿನಯತೆ ಮತ್ತು ಸ್ನೇಹಮಯಿ ಸ್ವಭಾವದಿಂದ ಊರಿನವರ ಮೆಚ್ಚುಗೆಗಳಿಸಿದ್ದರು. ತಮ್ಮ ಕಲಾತ್ಮಕ ಪ್ರತಿಭೆಯಿಂದ ಅನೇಕ ಕುಟುಂಬಗಳ ಶುಭ ಸಮಾರಂಭಗಳ ಸಂತಸದ ಕ್ಷಣಗಳನ್ನು ಕ್ಯಾಮೆರಾದಲ್ಲಿ ಶಾಶ್ವತವಾಗಿ ಸೆರೆಹಿಡಿದಿದ್ದರು. ತಮ್ಮ ವೃತ್ತಿಪರತೆ ಹಾಗೂ ಪ್ರೀತಿಯ ಬಂಧದಿAದ ಅವರು ಎಲ್ಲರ ಹೃದಯ ಗೆದ್ದಿದ್ದರು. ಫೆ 14ರಂದು ಅಮದಳ್ಳಿ ಹೆದ್ದಾರಿಯಲ್ಲಿ ನಡೆದಿದ್ದ ಬೈಕ್-ಸ್ಕೂಟಿ ನಡುವಿನ ರಸ್ತೆ ಅಪಘಾತದಲ್ಲಿ ಸಚಿನ್ ತಳ್ಳೇಕರ್ ಅವರು ಗಂಭೀರ ಗಾಯಗೊಂಡಿದ್ದು, ಅವರಿಗೆ ತೀವ್ರ ನಿಗಾ ಘಟಕದಲ್ಲಿರಿಸಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಮಂಗಳೂರು ಆಸ್ಪತ್ರೆಗೆ ದಾಖಲಿಸಿದರೂ ಸಹ ತಲೆಗೆ ಗಂಭೀರ ಗಾಯಗಳಾಗಿದ್ದ ಹಿನ್ನಲೆ ಬದುಕಿಸುವುದು ಕಷ್ಟ ಎಂದು ವೈದ್ಯರು ಹೇಳಿದರು. ಈ ಹಿನ್ನಲೆ ಅವರನ್ನು ಕಾರವಾರ ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಲಾಗಿದ್ದು, ಶುಕ್ರವಾರ ಕೊನೆಯುಸಿರೆಳೆದರು.
- [ದುಡಿಯುವ ವರ್ಗಕ್ಕೆ ಧ್ವನಿಯಾದ ಕೆಂಪು ಪುಸ್ತಕ](https://mobiletime.in/2026/02/the-red-book-a-voice-for-the-working-class/): ದುಡಿಯುವ ವರ್ಗದ ಜನರಿಗೆ ಹೊಸ ದಿಕ್ಕು ತೋರಿಸಿದ ಕಾರ್ಲ್ ಮಾರ್ಕ್ಸ್ ಮತ್ತು ಫೆಡರಿಕ್ ಎಂಗೆಲ್ಸ್ ರಚಿಸಿದ `ಕಮ್ಯುನಿಸ್ಟ್ ಪ್ರಣಾಳಿಕೆ’ ಬಿಡುಗಡೆಯಾದ ದಿನದ ಅಂಗವಾಗಿ ವಿಶ್ವದ ಹಲವು ಕಡೆ ಕೆಂಪು ಪುಸ್ತಕ ದಿನದ ಆಚರಣೆ ನಡೆದಿದೆ. ಅಂಕೋಲಾದಲ್ಲಿಯೂ ಈ ದಿನ `ಯು ಎಸ್ ಸಾಮ್ರಾಜ್ಯಶಾಹಿ ಭಾರತದ ಜನತೆಯ ಶತ್ರು’ ಎಂಬ ಪುಸ್ತಕದ ಬಿಡುಗಡೆ ನಡೆದಿದೆ. ಅಂಕೋಲಾದ ಸತ್ಯಾಗ್ರಹ ಸ್ಮಾರಕ ಭವನ ಗಾಂಧಿ ಪ್ರತಿಮೆ ಎದುರು ಸಮಾನ ಮನಸ್ಕರು ಸೇರಿ ದುಡಿಯುವ ವರ್ಗದ ಶ್ರಮವನ್ನು ಸ್ಮರಿಸಿದರು. `1848 ಫೆಬ್ರವರಿ 21ರಂದು ಕಾರ್ಲ್ ಮಾರ್ಕ್ಸ್ ಮತ್ತು ಫೆಡರಿಕ್ ಎಂಗೆಲ್ಸ್ ರಚಿಸಿದ ಕಮ್ಯುನಿಸ್ಟ್ ಪ್ರಣಾಳಿಕೆ ಬಿಡುಗಡೆಯಾಗಿದ್ದು, ಆ ಪ್ರಣಾಳಿಕೆ ಜಗತ್ತಿನ ದುಡಿಯುವ ವರ್ಗಕ್ಕೆ ಹೊಸ ದಿಕ್ಕು ತೋರಿಸಿದೆ’ ಎಂದು ಅವರೆಲ್ಲರೂ ಅಭಿಪ್ರಾಯವ್ಯಕ್ತಪಡಿಸಿದರು. `ಸಾಮ್ರಾಜ್ಯಶಾಹಿ ಅಮೆರಿಕ ವೆನೆಜುವೆಲಾ ಅಧ್ಯಕ್ಷರ ಮತ್ತು ಅವರ ಪತ್ನಿಯ ಅಪಹರಣ ಮಾಡಿರುವುದು, ಇರಾನ ಮೇಲೆ ದಾಳಿ, ಸಿರಿಯಾ, ಲೆಬನಾನ್, ಯೆಮನ್ ಮೇಲೆ ದಾಳಿ, ಇಸ್ರೇಲ್ ನಿಂದ ಪ್ಯಾಲಿಸ್ಟೈನ್ ಮೇಲೆ ದಾಳಿ 70 ಸಾವಿರ ಜನರ ಕೊಲೆ ನಡೆದಿದೆ. ಸುಡಾನ್, ನೈಜೀರಿಯಾ ಮೇಲೆ ಕುಂಟು ನೆಪ ಹೇಳಿ ವೈಮಾನಿಕ ದಾಳಿ, ಕ್ಯೂಬಾ, ಮೆಕ್ಸಿಕೊ ಮೇಲೆ ಯುದ್ಧ ಬೆದರಿಕೆ ಒಡ್ಡಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ವಿಶ್ವದಲ್ಲಿ ಸಾಮ್ರಾಜ್ಯಶಾಹಿ ವಿರೋಧಿಸಿ ಅಭಿಯಾನ ತೀವ್ರವಾಗಿ ನಡೆಯಬೇಕು’ ಎಂದು ಸಭೆಯಲ್ಲಿ ಮಾತನಾಡಿದ ಗಣ್ಯರು ಅನಿಸಿಕೆವ್ಯಕ್ತಪಡಿಸಿದರು. ಹಿರಿಯರಾದ ಆರ್ ಜಿ ಗುಂದಿ, ಕೃಷ್ಣ ನಾಯಕ ಹಿಚ್ಕಡ, ಸಿದ್ದಲಿಂಗಸ್ವಾಮಿ ವಸ್ತ್ರದ ಸಭೆಯಲ್ಲಿ ಮಾತನಾಡಿದರು. ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ, ಪ್ರಮುಖರಾದ ಗೌರೀಶ ನಾಯಕ, ಸಂತೋಷ ನಾಯ್ಕ, ಉದಯ ನಾಯ್ಕ ಹೊಸಗದ್ದೆ, ವಿನೋದ ನಾಯಕ ಸಣ್ಣ ಅಲಗೇರಿ ಮುಂತಾದವರು ಹಾಜರಿದ್ದರು.
- [ಮುರುಡೇಶ್ವರದಲ್ಲಿ ಮೈ ಮಾರಾಟ ದಂಧೆ: ಮಹಿಳೆಯರಿಬ್ಬರ ರಕ್ಷಣೆ!](https://mobiletime.in/2026/02/body-selling-racket-in-murudeshwar-two-women-rescued/): ಮುರುಡೇಶ್ವರದಲ್ಲಿ ಮಹಿಳೆಯರ ಮೈ ಮಾರಾಟ ದಂಧೆಯಲ್ಲಿ ತೊಡಗಿದ್ದ ಸುರೇಶ ನಾಯ್ಕ ಅವರು ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ರಾತ್ರಿ ವೇಳೆ ಇಲ್ಲಿನ ಭಾರತ್ ಗೆಸ್ಟ್ ಹೌಸ್’ನಲ್ಲಿ ನಡೆಯುತ್ತಿದ್ದ ಕಳ್ಳಾಟವನ್ನು ಪೊಲೀಸರು ಬೆಳಕಿಗೆ ತಂದಿದ್ದಾರೆ. ಭಟ್ಕಳದ ಕಾಯ್ಕಿಣಿ ಹೆರಾಡಿಯ ಸುರೇಶ ನಾಗಪ್ಪ ನಾಯ್ಕ ಅವರು ಮುರುಡೇಶ್ವರಕ್ಕೆ ಹೋಗುವ ಶೆಟ್ಟರಕೇರಿಯ ಭಾರತ್ ಗೆಸ್ಟ್ ಹೌಸ್’ನಲ್ಲಿ ರೂಂ ಬಾಯ್ ಆಗಿ ಕೆಲಸ ಮಾಡುತ್ತಿದ್ದರು. ಅದರ ಜೊತೆ ಶಿವಮೊಗ್ಗದ ಮಹಿಳೆಯರಿಬ್ಬರನ್ನು ಅವರು ಕಳ್ಳ ಸಾಗಾಣಿಕೆ ಮೂಲಕ ಮುರುಡೇಶ್ವರಕ್ಕೆ ಕರೆ ತಂದಿದ್ದರು. ತಾವು ಕೆಲಸ ಮಾಡುವ ಭಾರತ್ ಗೆಸ್ಟ್ ಹೌಸ್’ನ ರೂಂ ನಂ 3ರಲ್ಲಿ ಮಹಿಳೆಯರಿಬ್ಬರನ್ನು ಕೂಡಿ ಹಾಕಿದ್ದರು. ಆ ಮಹಿಳೆಯರಿಬ್ಬರಿಗೂ ಹಣದ ಆಮೀಷ ಒಡ್ಡಿ ಅವರನ್ನು ವೇಶ್ಯಾವಾಟಿಕೆ ದಂಧೆಗಿಳಿಸಿದ್ದರು. ಆ ಮಹಿಳೆಯರಿಬ್ಬರ ಆರ್ಥಿಕ ಪರಿಸ್ಥಿತಿ ದುರುಪಯೋಗಪಡಿಸಿಕೊಂಡು ಸುರೇಶ ನಾಯ್ಕ ಅವರು ದುಡ್ಡು ಮಾಡುತ್ತಿದ್ದರು. ಮಹಿಳೆರಿಗೆ ಹೆದರಿಸಿ-ಬೆದರಿಸಿ ಅವರನ್ನು ಬೇರೆ ಬೇರೆ ಪುರುಷರ ಜೊತೆ ಕಳುಹಿಸುತ್ತಿದ್ದರು. ಮುರುಡೇಶ್ವರ ಸಿಪಿಐ ಜಗದೀಶ ಹಂಚಿನಾಳ ಅವರಿಗೆ ಈ ವಿಷಯ ಅರಿವಿಗೆ ಬಂದಿತು. ಈ ಹಿನ್ನಲೆ ಫೆ 19ರ ರಾತ್ರಿ 10.50ಕ್ಕೆ ಅವರು ಆ ಲಾಡ್ಜಿನ ಮೇಲೆ ದಾಳಿ ನಡೆಸಿದರು. ಮಹಿಳೆಯರಿಬ್ಬರ ಜೊತೆ ಮೂವರು ಪುರುಷರು ಸರಸ ಸಲ್ಲಾಪದಲ್ಲಿ ತೊಡಗಿರುವುದನ್ನು ಪೊಲೀಸರು ನೋಡಿದರು. ಆ ಮಹಿಳೆಯರಿಬ್ಬರನ್ನು ಅಲ್ಲಿಂದ ರಕ್ಷಿಸಿದರು. ನಂತರ ಈ ಅನೈತಿಕ ವ್ಯವಹಾರಕ್ಕೆ ಕಾರಣರಾದ ಸುರೇಶ ನಾಯ್ಕ ಅವರನ್ನು ಬಂಧಿಸಿ, ಜೈಲಿಗೆ ಕಳುಹಿಸಿದರು.
- [ಅಡಿಕೆ ಬೆಳೆಗಾರರಿಗೆ ಅಪಾರ ನಷ್ಟ!](https://mobiletime.in/2026/02/huge-loss-for-areca-nut-growers/): ಶಿರಸಿ-ಸಿದ್ದಾಪುರ ಭಾಗದ ಅಡಿಕೆ ಬೆಳೆಗಾರರು ಅಪಾರ ನಷ್ಟ ಅನುಭವಿಸಿದ್ದು, ರೈತರ ನೆರವಿಗೆ ಧಾವಿಸುವಂತೆ ಆಗ್ರಹಿಸಿ ಆ ಭಾಗದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಪ್ರಮುಖರು ಶಾಸಕ ಭೀಮಣ್ಣ ನಾಯ್ಕ ಅವರ ಭೇಟಿ ಮಾಡಿದ್ದಾರೆ. ಅಡಿಕೆಗೆ ಆವರಿಸಿದ ಭೀಕರ ರೋಗಬಾಧೆ, ಇಳುವರಿ ಕುಸಿತದ ಜೊತೆ ಕಾಡು ಪ್ರಾಣಿಗಳ ಹಾವಳಿಯಿಂದ ಆಗುವ ಸಮಸ್ಯೆಗಳ ಬಗ್ಗೆಯೂ ರೈತ ಮುಖಂಡರು ಮಾತನಾಡಿದ್ದಾರೆ. `ಸಿದ್ದಾಪುರ ತಾಲೂಕಿನಲ್ಲಿ ಶೇ 80ಕ್ಕೂ ಅಧಿಕ ಕುಟುಂಬಗಳು ಅಡಿಕೆ ಬೆಳೆ ನಂಬಿ ಬದುಕು ಕಟ್ಟಿಕೊಂಡಿದ್ದಾರೆ. ಎರಡು ವರ್ಷಗಳಿಂದ ಅಡಿಕೆ ಮರಗಳಿಗೆ ಎಲೆಚುಕ್ಕಿ ರೋಗ ಮಾರಕವಾಗಿ ಪರಿಣಮಿಸಿದ್ದು, ಅದರೊಂದಿಗೆ ಇನ್ನಿತರ ರೋಗಗಳ ಹಾವಳಿಯಿಂದಾಗಿ ಸಾವಿರಾರು ಎಕರೆ ತೋಟಗಳು ನಾಶವಾಗುವ ಹಂತಕ್ಕೆ ತಲುಪಿವೆ. ಕಳೆದ ವರ್ಷ ಇಳುವರಿಯಲ್ಲಿ ಶೇ 50 ರಷ್ಟು ಕುಸಿತ ಕಂಡಿದ್ದು, ಈ ಬಾರಿ ಶೇ 30 ಕ್ಕೆ ಸೀಮಿತವಾಗುವ ಭೀತಿ ಎದುರಾಗಿದೆ’ ಎಂದು ಆ ಭಾಗದ ರೈತರು ಅಳಲು ತೋಡಿಕೊಂಡಿದ್ದಾರೆ. `ಅತಿಯಾದ ಮಳೆಯಿಂದ ಉಂಟಾದ ಕೊಳೆ ರೋಗ ಹಾಗೂ ಕಾಡು ಪ್ರಾಣಿಗಳ ಹಾವಳಿಯಿಂದಾಗಿ ಬೆಳೆಗಾರರು ತೀವ್ರ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ರೈತರು ಕೃಷಿಗಾಗಿ ಬ್ಯಾಂಕ್ ಹಾಗೂ ಸಹಕಾರಿ ಸಂಘಗಳಿAದ ಕೋಟ್ಯಂತರ ರೂಪಾಯಿ ಸಾಲ ಪಡೆದಿದ್ದು, ಪ್ರಸಕ್ತ ಸಾಲಿನಲ್ಲಿ ಸುಮಾರು 114 ಕೋಟಿ ರೂ ಬೆಳೆ ಸಾಲ ಹಾಗೂ 98 ಕೋಟಿ ರೂ ಮಧ್ಯಮಾವಧಿ ಸಾಲದ ಹೊರೆಯಲ್ಲಿದ್ದಾರೆ. ಇಳುವರಿ ಇಲ್ಲದೆ ಸಾಲ ಮರುಪಾವತಿ ಮಾಡುವುದು ಅಸಾಧ್ಯವಾಗಿದೆ’ ಎಂದು ತಮ್ಮ ಕಷ್ಟ ವಿವರಿಸಿದ್ದಾರೆ. `ಕಳೆದ ಸಾಲಿನ ಬೆಳೆ ಸಾಲವನ್ನು ಬಡ್ಡಿ ರಿಯಾಯಿತಿಯೊಂದಿಗೆ ಮುಂದಿನ ಸಾಲಿಗೆ ರೈತರಿಗೆ ನವೀಕರಿಸಬೇಕು. ಸೊಸೈಟಿಗಳಿಗೆ ನೀಡಲಾಗುವ ಬಡ್ಡಿ ಹಣ ಪಾವತಿಸಬೇಕು’ ಎಂದು ಮನವಿ ಮಾಡಿದ್ದಾರೆ. `ಮಧ್ಯಮಾವಧಿ ಸಾಲದ ಕಂತು ಪಾವತಿಗೆ ಕನಿಷ್ಠ ವರ್ಷಕ್ಕಿಂತ ಹೆಚ್ಚಿನ ಕಾಲಾವಕಾಶ ನೀಡಬೇಕು. ಜೊತೆಗೆ 2024-25ನೇ ಸಾಲಿನ ಬೆಳೆ ವಿಮೆ ಪರಿಹಾರ ಮೊತ್ತವನ್ನು ಶೀಘ್ರವಾಗಿ ವಿತರಿಸಲು ಸರ್ಕಾರಕ್ಕೆ ಒತ್ತಡ ಹೇರಬೇಕು’ ಎಂದು ಆಗ್ರಹಿಸಿದ್ದಾರೆ. ಸಿದ್ದಾಪುರ ಟಿಎಂಎಸ್ ಅಧ್ಯಕ್ಷ ಆರ್ ಎಂ ಹೆಗಡೆ ಬಾಳೇಸರ, ಸಹಕಾರಿಗಳಾದ ಎಂ ಎಲ್ ಭಟ್ಟ, ಸಿ ಎನ್ ಹೆಗಡೆ, ರಾಜು ಹೆಗಡೆ, ಎಂ ಎನ್ ಹೆಗಡೆ, ಎಂ ಜಿ.ನಾಯ್ಕ, ಅಶೋಕ ಹೆಗಡೆ, ವಿವೇಕ ಭಟ್ಟ ಗಡಿಹಿತ್ಲು, ಜಿ ಎಂ ಭಟ್, ಸುಬ್ರಾಯ ಸಾಯಿಮನೆ, ಪಿ ಕೆ ನಾಯ್ಕ, ಸಿ ಎನ್ ಹೆಗಡೆ, ಕೆ ಆರ್ ವಿನಾಯಕ, ಕೇಶವ ದೊಡ್ಮನೆ, ಸುಧೀರ ಗೌಡ ಹಾಗೂ ಟಿಎಂಎಸ್ ಸಿಇಓ ಸತೀಶ ಹೆಗಡೆ ಸೇರಿದಂತೆ ಅನೇಕ ಸಹಕಾರಿ ಧುರೀಣರು ಶಾಸಕರನ್ನು ಭೇಟಿ ಮಾಡಿ ಸಮಸ್ಯೆ ವಿವರಿಸಿದ್ದಾರೆ. ಈ ವೇಳೆ ಮಾತನಾಡಿದ ಶಾಸಕ ಭೀಮಣ್ಣ ನಾಯ್ಕ ಅವರು `ನಾನೂ ಒಬ್ಬ ಅಡಿಕೆ ಬೆಳೆಗಾರರ. ಬೆಳೆಗೆ ತಗುಲಿದ ರೋಗ, ಬೆಳೆ ಕುಸಿತಗಳಿಂದ ಬೆಳೆಗಾರರಿಗೆ ಉಂಟಾದ ಸಂಕಷ್ಟ ಅರಿವಿಗಿದೆ. ಸರಕಾರದಿಂದ ನೆರವಿನ ಹಸ್ತ ಒದಗಿಸಲು ಸಿಎಂ ಅವರ ಗಮನಕ್ಕೂ ತರುತ್ತೇವೆ’ ಎಂದು ಹೇಳಿದ್ದಾರೆ.
- [PUC ಪರೀಕ್ಷೆ: ಕಟ್ಟೆಚ್ಚರವಹಿಸಲು ಡೀಸಿ ಸೂಚನೆ](https://mobiletime.in/2026/02/sslc-exam-dc-issues-warning-to-be-careful/): ಪಿಯುಸಿ ಪರೀಕ್ಷೆಯನ್ನು ಪಾರದರ್ಶಕವಾಗಿ ಹಾಗೂ ಅತ್ಯಂತ ವ್ಯವಸ್ಥಿತವಾಗಿ ನಡೆಸಲು ಅಗತ್ಯ ಸಿದ್ಧತೆ ಮಾಡಿಕೊಳ್ಳುವಂತೆ ಪರೀಕ್ಷೆ ಕರ್ತವ್ಯಕ್ಕೆ ನಿಯೋಜಸಿರುವ ಎಲ್ಲಾ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮಿಪ್ರಿಯಾ ಸೂಚಿಸಿದರು. ಅವರು ಶುಕ್ರವಾರ ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ನಡೆದ ದ್ವಿತೀಯ ಪರೀಕ್ಷೆ ಕುರಿತ ಪೂರ್ವ ಸಿದ್ದತಾ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದರು. `ದ್ವಿತೀಯ ಪಿಯು ಪರೀಕ್ಷೆಗಳು ಫೆಬ್ರವರಿ 28ರಿಂದ ಮಾರ್ಚ್ 17ರವರೆಗೆ ಜಿಲ್ಲೆಯ 35 ಪರೀಕ್ಷಾ ಕೇಂದ್ರಗಳಲ್ಲಿ ನಡೆಯಲಿದ್ದು, ಈ ಬಾರಿಯ ಜಿಲ್ಲೆಯಲ್ಲಿ 5939 ಬಾಲಕರು ಮತ್ತು 8545 ಬಾಲಕಿಯರು ಸೇರಿದಂತೆ ಒಟ್ಟು 14484 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಲಿದ್ದಾರೆ’ ಎಂದರು. `ಪ್ರತಿ ಪರೀಕ್ಷಾ ಕೇಂದ್ರಗಳಿಗೆ ಮುಖ್ಯ ಅಧೀಕ್ಷಕರು ಸಂಪೂರ್ಣ ಜವಾಬ್ದಾರಿ ಹೊಂದಿದ್ದು ನಿಯಮಗಳಲ್ಲಿ ಸೂಚಿಸಿರುವಂತೆ ಯಾವುದೇ ಲೋಪವಾಗದಂತೆ ಪರೀಕ್ಷೆಗಳನ್ನು ನಡೆಸಬೇಕು. ಜಿಲ್ಲೆಯಲ್ಲಿನ ಸೂಕ್ಷ್ಮ ಪರೀಕ್ಷೆ ಕೇಂದ್ರಗಳಲ್ಲಿ ಕಟ್ಟೆಚ್ಚರವಹಿಸಬೇಕು. ಪರೀಕ್ಷಾ ಮುಖ್ಯಸ್ಥರು ವಿದ್ಯಾರ್ಥಿಗಳಿಗೆ ಆಸನಗಳ ವ್ಯವಸ್ಥೆ ಇರುವಂತೆ ನೋಡಿಕೊಳ್ಳಬೇಕು. ಯಾವುದೇ ರೀತಿಯ ಪರೀಕ್ಷಾ ಅವ್ಯವಹಾರಗಳು ನಡೆಯದಂತೆ ಎಚ್ಚರಿಕೆ ವಹಿಸಬೇಕು’ ಎಂದರು. `ವಾಟ್ಸಆಪ್, ಇನ್‌ಸ್ಟಾಗ್ರಾಮ್ ಅಥವಾ ಇತರೇ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶ್ನೆ ಪತ್ರಿಕೆ ಸೋರಿಕೆಗಳಂತಹ ವಿಷಯಗಳ ಬಗ್ಗೆ ವಿದ್ಯಾರ್ಥಿಗಳು ಮತ್ತು ಪೋಷಕರು ಕಿವಿಗೊಡಬಾರದು. ಇಂತಹ ವದಂತಿ ಹರಡಿಸುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು’ ಎಂದರು. `ಪ್ರಶ್ನೆ ಪತ್ರಿಕೆ ಹಾಗೂ ಉತ್ತರ ಪತ್ರಿಕೆಗಳನ್ನು ಪೊಲೀಸ್ ಭದ್ರತೆಯಲ್ಲಿ ಜಿ ಪಿ ಎಸ್ ಅಳವಡಿಸಿದ ವಾಹನಗಳ ಮೂಲಕ ಪರೀಕ್ಷೆ ಕೇಂದ್ರಗಳಿಗೆ ತಲುಪಿಸಲು ಹಾಗೂ ಎಲ್ಲಾ ಕೇಂದ್ರಗಳಿಗೆ ಪೊಲೀಸ್ ಭದ್ರತೆ ಒದಗಿಸಲು ಅಗತ್ಯ ವ್ಯವಸ್ಥೆ ಮಾಡಿಕೊಳ್ಳಬೇಕು’ ಎಂದು ಸೂಚಿಸಿದರು. `ಪ್ರಾಧಿಕಾರದ ಮಾರ್ಗಸೂಚಿಯಂತೆ ಪರೀಕ್ಷೆಗಳನ್ನು ಸಿಸಿಟಿವಿ ಕಣ್ಗಾವಲುನಲ್ಲಿ ನಡೆಸಬೇಕು.ವೆಬ್ ಕಾಸ್ಟಿಂಗ್ ನಿರ್ವಹಣೆಗೆ ಮಾಡಬೇಕು. ಪರೀಕ್ಷೆ ಕೊಠಡಿಯೊಳಗೆ ಎಲೆಕ್ಟಾನಿಕ್ ವಸ್ತುಗಳು, ಮೊಬೈಲ್, ಪೆನ್ ಡೈವ್, ಇಯರ್ಫೋನ್, ಮೈಕ್ರೋಫೋನಗಳು, ಬ್ಲೂಟೂತ್ ಸಾಧನ, ಅನುಮತಿಸಲಾಗುವುದಿಲ್ಲ. ,ಸಿಬ್ಬಂದಿಗಳು ಮೊಬೈಲ್ ಬಳಕೆಗೂ ಅವಕಾಶವಿಲ್ಲ. ಫೋಟೋಗ್ರಾಫಿಯನ್ನು ಸಂಪೂರ್ಣ ನಿಷೇಧಿಸಲಾಗಿದೆ’ ಎಂದರು. `ಪರೀಕ್ಷೆ ಕೇಂದ್ರದಲ್ಲಿ ವಿದ್ಯಾರ್ಥಿಗಳಿಗೆ ಕುಡಿಯುವ ನೀರು ಸೇರಿದಂತೆ ಅಗತ್ಯ ಮೂಲಭೂತ ಸೌಲಭ್ಯಗಳನ್ನು ಒದಗಿಸಬೇಕು. ಪರೀಕ್ಷಾ ಕೇಂದ್ರಗಳ ವ್ಯಾಪ್ತಿಯಲ್ಲಿ ವಿದ್ಯುತ್ ಕಡಿತಗೊಳಿಸಬಾರು’ ಎಂದು ಸೂಚಿಸಿದರು. ವಿದ್ಯಾರ್ಥಿಗಳಿಗೆ ಬಸ್ ಸಂಚಾರಕ್ಕೆ ಅನಾನುಕೂಲವಾಗುವಂತೆ ಅಗತ್ಯ ಸಂಖ್ಯೆಯ ಬಸ್‌ಗಳ ವ್ಯವಸ್ಥೆಯನ್ನು ಮಾಡುವಂತೆ ಕೆ ಎಸ್ ಆರ್ ಟಿ ಸಿ ಅಧಿಕಾರಿಗಳಿಗೆ ಹಾಗೂ ಎಲ್ಲಾ ಕೇಂದ್ರಗಳಲ್ಲಿ ಆರೋಗ್ಯ ಇಲಾಖೆಯಿಂದ ಅಗತ್ಯ ಮುನ್ನೆಚ್ಚರಿಕೆ ಕ್ರಮವಾಗಿ ಸಿಬ್ಬಂದಿಗಳನ್ನು ನಿಯೋಜಿಸುವಂತೆ ಸೂಚಿಸಿದರು. ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಸಿರುವ ಅಧಿಕಾರಿಗಳು ಜವಾಬ್ದಾರಿಯುತವಾಗಿ ಹಾಗೂ ಸಮನ್ವಯತೆಯಿಂದ ಕಾರ್ಯನಿರ್ವಹಿಸುವಂತೆ ಜಿಲ್ಲಾಧಿಕಾರಿಗಳು ಸೂಚಿಸಿದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ, ಪದವಿ ಪೂರ್ವ ಶಿಕ್ಷಣ ಇಲಾಖೆ ಉಪನಿರ್ದೇಶಕ ಸತೀಶ್ ನಾಯ್ಕ ಹಾಗೂ ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಸಿರುವ ಅಧಿಕಾರಿಗಳು ಇದ್ದರು.
- [ಬೆತ್ತಲೆ ದೇಹಕ್ಕೆ ರುಂಡವೇ ಇರಲಿಲ್ಲ!](https://mobiletime.in/2026/02/there-was-no-room-for-a-naked-body/): ಮುಂಡಗೋಡಿನ ಕಾಡಿನಲ್ಲಿ ಮಹಿಳೆಯೊಬ್ಬರ ಮೃತದೇಹ ಕಾಣಿಸಿದೆ. ಬೆತ್ತಲೆಯಾಗಿ ಬಿದ್ದಿರುವ ದೇಹಕ್ಕೆ ರುಂಡವೇ ಇಲ್ಲದಿರುವುದನ್ನು ನೋಡಿ ಜನ ಹೌಹಾರಿದ್ದಾರೆ. ಮುಂಡಗೋಡದ ಮಳಗಿ ಬಳಿಯ ಕಾಡಿನಲ್ಲಿ ಶುಕ್ರವಾರ ಸಂಜೆ ದೇಹ ಪತ್ತೆಯಾಗಿದೆ. ಮಹಿಳೆಯನ್ನು ಕೊಲೆ ಮಾಡಿ ಕೊಳಗಿ ಅರಣ್ಯ ಪ್ರದೇಶದ ವ್ಯಾಪ್ತಿಯಲ್ಲಿ ಎಸೆದ ಅನುಮಾನವ್ಯಕ್ತವಾಗಿದೆ. ಅಂದಾಜು 35 ವರ್ಷದ ಮಹಿಳೆ ಸಾವನಪ್ಪಿದ್ದು, ಗುರುತು ಪತ್ತೆಯಾಗಿಲ್ಲ. ಎರಡು ದಿನದ ಹಿಂದೆಯೇ ಮಹಿಳೆ ಹತ್ಯೆಯಾಗಿರುವ ಶಂಕೆಯಿದೆ. ಶವ ಕೊಳೆಯುತ್ತಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ. ಆ ಶವ ಯಾರದ್ದು? ಅರಣ್ಯ ಪ್ರದೇಶಕ್ಕೆ ಹೇಗೆ ಬಂದಿತು? ಈ ಸಂಚಿನ ಹಿಂದಿರುವವರು ಯಾರು? ಎನ್ನುವುದರ ಬಗ್ಗೆ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ಸಂಜೆ ವೇಳೆ ಶವ ಕಾಣಿಸಿದ್ದರಿಂದ ಸ್ಥಳದಲ್ಲಿ ಕತ್ತಲು ಆವರಿಸಿದ್ದು, ಸದ್ಯದ ಮಟ್ಟಿಗೆ ಕಾರ್ಯಾಚರಣೆಗೆ ಕೊಂಚ ಹಿನ್ನಡೆಯಾಗಿದೆ. ಬೆಳಕಿನ ವ್ಯವಸ್ಥೆ ಮಾಡಿದ ಪೊಲೀಸರು ವಿವಿಧ ಆಯಾಮದಲ್ಲಿ ತನಿಖೆ ಶುರು ಮಾಡಿದ್ದಾರೆ.
- [ಮನೆ ಬಿಟ್ಟು ಹೋದ ಕುಲ ದೇವತೆ!](https://mobiletime.in/2026/02/the-clan-goddess-who-left-home/): ದೇವರ ಜೊತೆ ನೇರ ಸಂಪರ್ಕದಲ್ಲಿರುವುದಾಗಿ ಹೇಳಿಕೊಳ್ಳುತ್ತಿದ್ದ ಹಳಿಯಾಳದ ಮಹಿಳೆಯೊಬ್ಬರು ನಿಗೂಢವಾಗಿ ಕಾಣೆಯಾಗಿದ್ದಾರೆ. `ಪತ್ನಿಯನ್ನು ಹುಡುಕಿಕೊಡಿ’ ಎಂದು ಅವರ ಪತಿ ಇದೀಗ ಪೊಲೀಸರ ಮೊರೆ ಹೋಗಿದ್ದಾರೆ! ಹಳಿಯಾಳದ ಮಂಗಲವಾಡದಲ್ಲಿ ಹರಿದಾಸ ಗುಂಡಪ್ಕರ್ ಅವರು ವಾಸವಾಗಿದ್ದಾರೆ. ಕೂಲಿ ಕಾರ್ಮಿಕರಾಗಿರುವ ಅವರು ರುಕ್ಮಾ ಗುಂಡಪ್ಕರ್ ಅವರನ್ನು ವರಿಸಿದ್ದಾರೆ. ಕಳೆದ ಎರಡು ವರ್ಷಗಳಿಂದ ರುಕ್ಮಾ ಗುಂಡಪ್ಕರ್ ಅವರ ವರ್ತನೆ ಬದಲಾಗಿದೆ. `ಮೈಮೇಲೆ ದೇವರು ಬರುತ್ತದೆ’ ಎನ್ನುವ ರುಕ್ಮಾ ಗುಂಡಪ್ಕರ್ ಅವರು ಆಗಾಗ ಏಕಾಏಕಿ ಕೂಗಾಟ ಶುರು ಮಾಡುತ್ತಾರೆ. ನಂತರ ಅಸ್ವಸ್ಥರಾಗಿ ಮಲಗಿ ಬಿಡುತ್ತಾರೆ. ದೇವರು ಮೈಮೇಲೆ ಬಂದಾಗ ಕೆಲವೊಮ್ಮೆ ಮನೆ ಬಿಟ್ಟು ಹೋಗುವುದೂ ಇದೆ. ಮನೆ ಬಿಟ್ಟು ಹೋದರೂ ಕೆಲ ಸಮಯದ ನಂತರ ರುಕ್ಮಾ ಗುಂಡಪ್ಕರ್ ಅವರು ಮರಳಿ ಬರುತ್ತಿದ್ದು, ಮೊನ್ನೆ ಮನೆಯಿಂದ ಹೊರ ಹೋದವರು ಮತ್ತೆ ಬಂದಿಲ್ಲ ಫೆಬ್ರವರಿ 18ರ ಬೆಳಗೆ 5 ಗಂಟೆಗೆ ಮನೆಯಿಂದ ಹೊರ ಹೋಗಿರುವ ರುಕ್ಮಾ ಗುಂಡಪ್ಕರ್ ಅವರು ಸಂಜೆಯಾದರೂ ಮನೆಗೆ ಹಿಂತಿರುಗಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಅವರ ಸುಳಿವು ಸಿಕ್ಕಿಲ್ಲ. ಪತ್ನಿ ಕಾಣೆಯಾದ ಬಗ್ಗೆ ಹರಿದಾಸ ಗುಂಡಪ್ಕರ್ ಅವರು ದೇವರ ಮೊರೆ ಹೋಗಿದ್ದು, ಅಲ್ಲಿಯೂ ಪರಿಹಾರ ಸಿಗದ ಕಾರಣ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಪ್ರಕರಣ ದಾಖಲಿಸಿದ ಪೊಲೀಸರು ರುಕ್ಮಾ ಗುಂಡಪ್ಕರ್ ಅವರ ಹುಡುಕಾಟ ಶುರು ಮಾಡಿದ್ದಾರೆ.
- [ಹೆಂಡದ ಅಂಗಡಿಗೆ ಹಣ ಹೂಡಿಕೆ: ಮೋಸ!](https://mobiletime.in/2026/02/investing-money-in-a-womens-shop-fraud/): ದಾಂಡೇಲಿಯ ಪರಸಪ್ಪ ಮಹಾರಾಜವರ್ ಅವರು ನರೇಶ ಜೋಶಿ ಅವರ ಜೊತೆ ಸೇರಿ ಸರಾಯಿ ಅಂಗಡಿ ತೆರೆಯಲು ನಿರ್ಧರಿಸಿದ್ದು, ಈ ಯೋಜನೆಯ ಪಾಲುದಾರರಾಗಿದ್ದ ಗೋವಾದ ಲಕ್ಷೀನಾರಾಯಣ ದೋಂಡಾ ಅವರು ಹಣಪಡೆದು ಮೋಸ ಮಾಡಿದ್ದಾರೆ! ದಾಂಡೇಲಿಯ ಸಾಯಿನಗರದಲ್ಲಿ ಪರಸಪ್ಪ ತಿಮ್ಮಪ್ಪ ಮಹಾರಾಜವರ್ (67) ಅವರು ವಾಸವಾಗಿದ್ದಾರೆ. ಸರ್ಕಾರಿ ನೌಕರರಾಗಿದ್ದ ಅವರು ನಿವೃತ್ತಿ ನಂತರ ಉದ್ದಿಮೆ ನಡೆಸಲು ನಿರ್ಧರಿಸಿದ್ದು, ಸದ್ಯ ಗೋವಾದಲ್ಲಿರುವ ಓಡಿಸ್ಸಾದ ಲಕ್ಷಿನಾರಾಯಣ ಡೋರಾ (ಆಕಾಶ ಬೀಮಸೇನ ಡೋರಾ) ಅವರು ಪರಿಚಿತರಾದರು. ಲಕ್ಷಿನಾರಾಯಣ ಡೋರಾ ಅವರು ಪರಸಪ್ಪ ಮಹಾರಾಜವರ್ ಅವರ ಮನೆಗೆ ಬಂದು ವ್ಯವಹಾರದ ಮಾತುಕಥೆ ಮಾಡಿದರು. `ಸರಾಯಿ ಅಂಗಡಿ ತೆರೆದರೆ ಭಾರೀ ಪ್ರಮಾಣದ ಲಾಭವಿದೆ. ನಾವು ಬಾರ್ & ರೆಸ್ಟೋರೆಂಟ್ ವ್ಯವಹಾರ ಮಾಡೋಣ’ ಎಂದು ಲಕ್ಷಿನಾರಾಯಣ ಡೋರಾ ಅವರು ಪ್ರಸ್ತಾಪಿಸಿದರು. `3.59 ಲಕ್ಷ ರೂ ಹೂಡಿಕೆ ಮಾಡಿದರೆ ಪ್ರತಿ ತಿಂಗಳು 50 ಸಾವಿರ ರೂ ಲಾಭ ಕೊಡುವೆ’ ಎಂಬ ಆಮೀಷ ಒಡ್ಡಿದರು. `ಕುಟುಂಬದವರ ಜೊತೆ ಚರ್ಚಿಸುವೆ’ ಎಂದು ಪರಸಪ್ಪ ಮಹಾರಾಜವರ್ ಅವರು ಹೇಳಿದರು. ಇದಾದ ನಂತರ ಪರಸಪ್ಪ ಮಹಾರಾಜವರ್ ಅವರು ತಮ್ಮ ಮಗನ ಸ್ನೇಹಿತ ನರೇಶ ಜೋಶಿ ಅವರಿಗೆ ಫೋನ್ ಮಾಡಿದರು. `ಒಳ್ಳೆ ಆದಾಯ ಕೊಡುವ ಉದ್ಯಮ ಒಂದಿದೆ. ಒಟ್ಟಿಗೆ ಹೂಡಿಕೆ ಮಾಡೋಣ’ ಎಂಬ ಆಮಂತ್ರಣ ನೀಡಿದರು. ನರೇಶ ಜೋಶಿ ಹಾಗೂ ಪರಸಪ್ಪ ಮಹಾರಾಜವರ್ ಸೇರಿ ಸರಾಯಿ ಅಂಗಡಿ ತೆರೆಯುವುದಕ್ಕಾಗಿ ಲಕ್ಷೀನಾರಾಯಣ ದೋಂಡಾ ಅವರ ಬ್ಯಾಂಕ್ ಖಾತೆಗೆ ಹಣ ಹಾಕಿದರು. ಆದರೆ, ಆ ಹಣಪಡೆದ ಲಕ್ಷೀನಾರಾಯಣ ದೋಂಡಾ ಅವರು ಎಲ್ಲಿಯೂ ಬಾರ್ & ರೆಸ್ಟೊರೆಂಟ್ ತೆರೆಯಲಿಲ್ಲ. ಲಾಭದ ಹಣವನ್ನು ಕೊಡಲಿಲ್ಲ. ಕೊಟ್ಟ ಹೂಡಿಕೆಯನ್ನು ಹಿಂತಿರುಗಿಸಲಿಲ್ಲ. 2024ರಲ್ಲಿಯೇ ಈ ಎಲ್ಲಾ ವ್ಯವಹಾರ ನಡೆದಿದ್ದು, ಹಣ ಮರು ಪಾವತಿಸುವಂತೆ ಪರಸಪ್ಪ ಮಹಾರಾಜವರ್ ಹಾಗೂ ನರೇಶ ಜೋಶಿ ಸಾಕಷ್ಟು ಬಾರಿ ಕೇಳಿಕೊಂಡರು. ಆದರೆ, ಈವರೆಗೂ ಹಣಕೊಡದ ಕಾರಣ ಸಿಟ್ಟಾದ ಪರಸಪ್ಪ ಮಹಾರಾಜವರ್ ಅವರು ಮೋಸ ಮಾಡಿದ ಲಕ್ಷಿನಾರಾಯಣ ಡೋರಾ ವಿರುದ್ಧ ಪೊಲೀಸ್ ದೂರು ನೀಡಿದರು. ಲಾಭದ ಆಸೆ ಕಾಣಿಸಿ ಹಣಪಡೆದು ವಂಚಿಸಿದವನ ವಿರುದ್ಧ ದಾಂಡೇಲಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ವಾಹನ ಸಾಲ: ಫೈನಾನ್ಸ್ ಕಂಪನಿಯಿOದಲೇ ಮೋಸ!](https://mobiletime.in/2026/02/vehicle-loan-the-finance-company-itself-is-a-fraud/): ಶಿರಸಿ ಹೊಸಪೇಟೆಯಲ್ಲಿರುವ ಚೋಳಮಂಡಳo ಇನ್ವೆಸ್ಟಮೆಂಟ್ & ಫೈನಾನ್ಸ ಕಂಪನಿಯವರು ಯಲ್ಲಾಪುರದ ಕಾರ್ತಿಕ್ ಸಿದ್ದಿ ಅವರಿಗೆ ಅನ್ಯಾಯ ಮಾಡಿದ್ದಾರೆ. ಸೆಕೆಂಡ್ ಹ್ಯಾಂಡ್ ಮ್ಯಾಕ್ಸಿ ಟ್ರಕ್ ಖರೀದಿಗೆ ಸಾಲ ಕೊಡುವುದಾಗಿ ನಂಬಿಸಿದ ಫೈನಾನ್ಸಿನವರು ಕಾರ್ತಿಕ್ ಸಿದ್ದಿ ಅವರಿಂದ ಹಕ್ಕು ಬದಲಾವಣೆ, ವಾಹನದ ಕಂತು ಎಂದು ಹಣ ಪಾವತಿಸಿಕೊಂಡಿದ್ದು, ನಂತರ ಆ ವಾಹನವನ್ನು ಬೇರೆಯವರಿಗೆ ಮಾರಾಟ ಮಾಡಿದ್ದಾರೆ! ಯಲ್ಲಾಪುರದ ದೆಹಳ್ಳಿಯಲ್ಲಿ ಕಾರ್ತಿಕ ಕೃಷ್ಣ ಸಿದ್ದಿ ಅವರು ವಾಸವಾಗಿದ್ದಾರೆ. ಚಾಲಕರಾಗಿರುವ ಅವರು ಜೀವನ ನಡೆಸಲು ಮ್ಯಾಕ್ಸಿ ಟ್ರಕ್ ಖರೀದಿಗೆ ನಿರ್ಧರಿಸಿದ್ದರು. 2022ರಲ್ಲಿ ಮ್ಯಾಕ್ಸಿ ಟ್ರಕ್ ಹುಟುಕಾಟ ನಡೆಸುತ್ತಿರುವಾಗ ಅವರಿಗೆ ಯಲ್ಲಾಪುರ ರವೀಂದ್ರ ನಗರದ ವ್ಯಾಪಾರಿ ಮನೋಜ ಮಂಜುನಾಥ ನಾಯ್ಕ ಅವರ ಪರಿಚಯವಾಯಿತು. ಅವರ ಬಳಿಯಿದ್ದ ಮಹೇಂದ್ರಾ ಕಂಪನಿಯ ಬುಲೆರೋ ಮ್ಯಾಕ್ಸಿ ಟ್ರಕ್ ಖರೀದಿಗಾಗಿ ಕಾರ್ತಿಕ್ ಸಿದ್ದಿ ಅವರು ಮಾತುಕಥೆ ನಡೆಸಿದರು. ಅದರ ಪ್ರಕಾರ ಆ ವಾಹನಕ್ಕೆ 7.75 ಲಕ್ಷ ನೀಡುವ ಬಗ್ಗೆ ಒಪ್ಪಂದ ಮಾಡಿಕೊಂಡರು. 1.60 ಲಕ್ಷ ರೂ ಹಣ ಪಾವತಿ ಮಾಡಿದ ಕಾರ್ತಿಕ್ ಸಿದ್ದಿ ಅವರು ಉಳಿದ ಹಣಕ್ಕಾಗಿ ಫೈನಾನ್ಸಿನವರ ಮೊರೆ ಹೋಗಲು ನಿರ್ಧರಿಸಿದರು. ಶಿರಸಿ ಹೊಸಪೇಟೆ ರಸ್ತೆಯ ಲೇಕಾನಂದ ಬಿಲ್ಡಿಂಗ್’ನಲ್ಲಿದ್ದ ಚೋಳ ಮಂಡಳA ಫೈನಾನ್ಸಿನ ಮುಖ್ಯ ವ್ಯವಸ್ಥಾಪಕ ಚನ್ನಪ್ಪ ಹಾಗೂ ಮನೋಜ ನಾಯ್ಕ ಸೇರಿ 6.15 ಲಕ್ಷ ರೂ ಸಾಲವನ್ನು ಕಾರ್ತಿಕ್ ಸಿದ್ದಿ ಅವರ ಹೆಸರಿಗೆ ವರ್ಗಾವಣೆ ಮಾಡಿದರು. ಅದಾದ ನಂತರ ವಾಹನದ ಕಂತು ಎಂದು 90 ಸಾವಿರ ರೂಪಾಯಿಯನ್ನು ಕಾರ್ತಿಕ್ ಸಿದ್ದಿ ಅವರಿಂದ ವಸೂಲಿ ಮಾಡಿದರು. ಹಕ್ಕು ಬದಲಾವಣೆಗಾಗಿ ಮತ್ತೆ 25 ಸಾವಿರ ರೂ ಹಣಪಡೆದರು. ಆದರೆ, ವಾಹನದ ಹಕ್ಕು ಬದಲಾವಣೆ ಮಾತ್ರ ಮಾಡಲಿಲ್ಲ. ಈ ಬಗ್ಗೆ ಕಾರ್ತಿಕ ಸಿದ್ದಿ ಅವರು ಪ್ರಶ್ನಿಸಿದಾಗ `ಮೇಲಧಿಕಾರಿಗಳ ಪತ್ರ ಬಾರದ ಕಾರಣ ಹಕ್ಕು ಬದಲಾವಣೆ ಆಗಿಲ್ಲ’ ಎಂಬ ಉತ್ತರ ಸಿಕ್ಕಿತು. ಈ ನಡುವೆ ಫೈನಾನ್ಸಿನ ಫಂಡ್ ಕಲೆಕ್ಷನರ್ ಗಂಗಾಧರ ವಿರೂಪಾಕ್ಷ ಕುಂಬಾರ್ ಅವರು ಐದು ಜನ ದಾಂಡಿಗರ ಜೊತೆ ಕಾರ್ತಿಕ್ ಸಿದ್ದಿ ಅವರ ಮನೆ ಬಳಿ ಬಂದರು. ಕಾರ್ತಿಕ್ ಸಿದ್ದಿ ಅವರ ತಾಯಿ ಸೀತಾ ಸಿದ್ದಿ ಅವರ ಬಳಿ ಕಾಸು ಕೇಳಿದರು. 6.40 ಲಕ್ಷ ರೂ ಹಣ ಕಟ್ಟದಿದ್ದರೆ ವಾಹನ ಜಪ್ತು ಮಾಡುವುದಾಗಿ ಹೇಳಿದ್ದು, `ಆ ವಾಹನ ತಮ್ಮ ಬಳಿಯೇ ಇದೆ’ ಎಂದು ಕಾರ್ತಿಕ್ ಸಿದ್ದಿ ಫೈನಾನ್ಸಿನ ಕಚೇರಿಗೆ ಹೋಗಿ ತಿಳಿಸಿದರು. `ಹಕ್ಕು ಬದಲಾವಣೆ ಸಹ ಆಗಿಲ್ಲ’ ಎಂದು ಸಮಸ್ಯೆ ಹೇಳಿದರು. `2022ರಲ್ಲಿ ಆನಗೋಡು ಕೆನರಾ ಬ್ಯಾಂಕಿನ ಚೆಕ್ ಬುಕ್‌ಗೆ ಸಹಿ ಹಾಕಿ ಕೊಟ್ಟಿದ್ದೇನೆ. ಅದನ್ನು ಏನು ಮಾಡಿದಿರಿ?’ ಎಂದು ಕಾರ್ತಿಕ ಸಿದ್ದಿ ಅವರು ಪ್ರಶ್ನಿಸಿದರು. ಇದಕ್ಕೆ ಉತ್ತರಿಸಿದ ಫೈನಾನ್ಸಿನ ಬ್ರಾಂಚ್ ಮ್ಯಾನೇಜರ್ ವಿಶಾಲ್ ಬಿಬಿಎಂ ಅವರು ಚೆನೈನಲ್ಲಿ ಚೆಕ್ ಬೌನ್ಸ್ ಕೇಸ್ ಹಾಕುವುದಾಗಿ ಬೆದರಿಸಿದರು. ಅದಾದ ನಂತರ ಕಾರ್ತಿಕ್ ಸಿದ್ದಿ ಅವರು ಖರೀದಿಸಿದ ವಾಹನವನ್ನು ತುಮಕೂರಿನ ಆರ್ ಟಿ ಓ ಕಚೇರಿ ಬಳಿಯ ವ್ಯಾಪಾರಿ ಸತೀಶ ಎಂ ಎನ್, ಶ್ರೀಗಿರಿಪುರದ ರಾಕೇಶ ಎಸ್ ಅವರಿಗೆ ಮಾರಾಟ ಮಾಡಿರುವುದು ಗಮನಕ್ಕೆ ಬಂದಿತು. ಶಿರಸಿ ಹೊಸಪೇಟೆ ರಸ್ತೆಯಲ್ಲಿರುವ ಚೋಳ ಮಂಡಳA ಇನ್ವೆಸ್ಟಮೆಂಟ್ & ಫೈನಾನ್ಸ ಸಿಬ್ಬಂದಿ ಜೊತೆ ವಾಹನ ಮಾರಾಟಗಾರ ಹಾಗೂ ಖರೀದಿದಾರರ ವಿರುದ್ಧ ಕಾರ್ತಿಕ್ ಸಿದ್ದಿ ಅವರು ಪೊಲೀಸ್ ದೂರು ನೀಡಿದರು.  
- [ತುಂಡು ಭೂಮಿಗಾಗಿ ಕಾದಾಟ: ಬೂಟಿನಿಂದ ಹೊಡೆದಾಟ!](https://mobiletime.in/2026/02/fighting-for-a-piece-of-land-fighting-with-boots/): ಎರಡು ಗುಂಟೆ ಭೂಮಿಗಾಗಿ ಯಲ್ಲಾಪುರದ ಜಗದೀಶ ವಾಲೀಕರ್ ಹಾಗೂ ರತ್ನವ್ವ ವಾಲೀಕರ್ ನಡವೆ ವೈಮನಸ್ಸು ಮೂಡಿದ್ದು, ಇದೇ ವಿಷಯವಾಗಿ ಜಗಳ ತೆಗೆದ ರತ್ನವ್ವ ವಾಲೀಕರ್ ಅವರು ಜಗದೀಶ ವಾಲೀಕರ್ ಅವರಿಗೆ ಬೂಟಿನಿಂದ ಹೊಡೆದಿದ್ದಾರೆ. ಯಲ್ಲಾಪುರದ ಹೊಸಳ್ಳಿ ಬಳಿಯ ಹದ್ದಿನಸರದಲ್ಲಿ ಜಗದೀಶ ಹನುಮಂತಪ್ಪ ವಾಲೀಕರ್ (69) ಅವರು ವಾಸವಾಗಿದ್ದಾರೆ. ಕೃಷಿ ಜೊತೆ ಕೂಲಿ ಕೆಲಸ ಮಾಡಿಕೊಂಡು ಅವರು ಬದುಕು ಕಂಡುಕೊAಡಿದ್ದಾರೆ. ಹೊಸಳ್ಳಿಯಲ್ಲಿ ರತ್ನವ್ವ ನಾಗಪ್ಪ ವಾಲೀಕರ್ (41) ಅವರು ವಾಸವಾಗಿದ್ದು, ಅವರು ಸಹ ಕೂಲಿ ಕಾರ್ಮಿಕರಾಗಿದ್ದಾರೆ. ಜಗದೀಶ ವಾಲೀಕರ್ ಹಾಗೂ ರತ್ನವ್ವ ವಾಲೀಕರ್ ಅವರು ಸಂಬAಧಿಕರಾಗಿದ್ದಾರೆ. ಹೀಗಿರುವಾಗ ಹೊಸಳ್ಳಿ ಗ್ರಾಮದ ಸರ್ವೇ ನಂ 173ರಲ್ಲಿ ಜಗದೀಶ ವಾಲೀಕರ್ ಅವರು 2 ಗುಂಟೆ ಭೂಮಿ ಹೊಂದಿದ್ದಾರೆ. ಆ ಭೂಮಿಯ ಬಗ್ಗೆ ರತ್ನವ್ವ ವಾಲೀಕರ್ ಅವರು ಮೊದಲಿನಿಂದಲೂ ತಂಟೆ-ತಕರಾರು ಮಾಡುತ್ತಿದ್ದಾರೆ. ಫೆಬ್ರವರಿ 18ರಂದು ಸಹ ಜಾಗದ ವಿಷಯವಾಗಿ ಜಗಳ ತೆಗೆದ ರತ್ನವ್ವ ವಾಲೀಕರ್ ಅವರು ಜಗದೀಶ ವಾಲೀಕರ್ ಅವರ ಮೇಲೆ ಆಕ್ರಮಣ ನಡೆಸಿದ್ದಾರೆ. ತಮ್ಮ ಕಾಲಿನಲ್ಲಿದ್ದ ಬೂಟು ತೆಗೆದು ಜಗದೀಶ ವಾಲೀಕರ್ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಈ ನೋವು ಹಾಗೂ ಅವಮಾನ ಸಹಿಸದ ಜಗದೀಶ ವಾಲೀಕರ್ ಅವರು ಯಲ್ಲಾಪುರ ಪೊಲೀಸ್ ಠಾಣೆಗೆ ಆಗಮಿಸಿ, ತಮಗಾದ ಅನ್ಯಾಯದ ಬಗ್ಗೆ ಹೇಳಿದ್ದಾರೆ. ಯಲ್ಲಾಪುರ ಪೊಲೀಸರು ರತ್ನವ್ವ ವಾಲೀಕರ್ ಅವರ ವಿರುದ್ಧ ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ.
- [ಮಕ್ಕಳ ಜೊತೆಯಿದ್ದ ಮಹಿಳೆ ಕಣ್ಮರೆ](https://mobiletime.in/2026/02/woman-with-children-disappears/): ಮಕ್ಕಳನ್ನು ಶಾಲೆಗೆ ಬಿಡುವುದಕ್ಕಾಗಿ ಮನೆಯಿಂದ ಹೊರಟ ಹೊನ್ನಾವರದ ದಾಕ್ಷಾಯಣಿ ನಾಯ್ಕ ಅವರು ಮನೆಗೆ ಬಂದಿಲ್ಲ. ಹೊನ್ನಾವರದ ಕೆಕ್ಕಾರ್ ಬಸ್ತಿಮಕ್ಕಿಯಲ್ಲಿ ಕುಮಾರ ಗೋಪಾಲ ನಾಯ್ಕ ಹಾಗೂ ದಾಕ್ಷಾಯಣಿ ನಾಯ್ಕ ದಂಪತಿ ವಾಸವಾಗಿದ್ದಾರೆ. ಕುಮಾರ ನಾಯ್ಕ ಅವರು ತಮ್ಮದೇ ಆದ ವ್ಯಾಪಾರ-ವ್ಯವಹಾರ ನೋಡಿಕೊಳ್ಳುತ್ತಿದ್ದು, ದಾಕ್ಷಾಯಣಿ ನಾಯ್ಕ ಅವರು ಮನೆ ಕೆಲಸ ಮಾಡಿಕೊಂಡಿದ್ದರು. ಫೆಬ್ರವರಿ 17ರಂದು ದಾಕ್ಷಾಯಣಿ ನಾಯ್ಕ ಅವರು ತಮ್ಮ ಮಕ್ಕಳನ್ನು ಶಾಲೆಗೆ ಬಿಟ್ಟು ಬರಲು ಹೊರಟಿದ್ದರು. ಆ ದಿನ ಬೆಳಗ್ಗೆ 7.45ಕ್ಕೆ ಮಕ್ಕಳನ್ನು ಶಾಲಾ ವಾಹನಕ್ಕೆ ಬಿಡಲು ಹೋದವರು ನಂತರ ಅವರು ಎಲ್ಲಿ ಹೋದರು? ಎಂದೇ ಗೊತ್ತಾಗಲಿಲ್ಲ. ಹೊನ್ನಾವರದ ಮಾರ್ಥೋಮಾ ಶಾಲೆಯ ವಾಹನದಲ್ಲಿ ಮಕ್ಕಳನ್ನು ಹತ್ತಿಸಿದ ನಂತರ ದಾಕ್ಷಾಯಣಿ ನಾಯ್ಕ ಅವರು ಕಾಣೆಯಾಗಿದ್ದಾರೆ. ಇದರಿಂದ ಆತಂಕಕ್ಕೆ ಒಳಗಾದ ಕುಮಾರ ನಾಯ್ಕ ಅವರು ಎಲ್ಲಾ ಕಡೆ ಪತ್ನಿಗಾಗಿ ಶೋಧ ನಡೆಸಿದರು. ಎಲ್ಲಿಯೂ ಸಿಗದ ಕಾರಣ ಪೊಲೀಸರ ಮೊರೆ ಹೋದರು. ಪೊಲೀಸರು ಸಹ ದಾಕ್ಷಾಯಣಿ ನಾಯ್ಕ ಅವರ ಹುಡುಕಾಟ ಶುರು ಮಾಡಿದ್ದಾರೆ.
- [ಮುಲ್ಲಾನಿಗೆ ಮಕ್ಮಲ್ ಟೋಪಿ!](https://mobiletime.in/2026/02/a-velvet-hat-for-the-mulla/): ಕಾರವಾರ ನಂದನಗದ್ದಾದ ಜೈನಬಾ ಮುಲ್ಲಾ ಅವರು ಆನ್‌ಲೈನ್ ಉದ್ಯೋಗದ ವ್ಯಾಮೋಹಕ್ಕೆ ಸಿಲುಕಿ 12.43 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಕಾರವಾರ ನಂದನಗದ್ದಾದ ಸಣ್ಣ ಮಸೀದಿ ಬಳಿಯ ಮುಲ್ಲಾ ಅಲಿ ಹೌಸ್ ಬಳಿ ಜೈನಬಾ ಸುಲ್ತಾನ್ ಮುಲ್ಲಾ (31) ಅವರು ವಾಸವಾಗಿದ್ದಾರೆ. ಜನವರಿ 5ರಂದು ಇನಸ್ಟಾಗ್ರಾಮಿನ ರೀಲ್ಸ ನೋಡುವಾಗ ಅವರಿಗೆ ಅಲ್ಲಿ `ಪಾರ್ಟ ಟೈಂ ಜಾಬ್’ ಬಗ್ಗೆ ಮಾಹಿತಿ ಸಿಕ್ಕಿದೆ. ಆ ಬಗ್ಗೆ ಆಸಕ್ತಿವಹಿಸಿದ ಅವರಿಗೆ ರುಕ್ಸನಾ ಖಾನ್ ಎಂಬ ಮಹಿಳೆ ಪರಿಚಯವಾಗಿದ್ದಾರೆ. ರುಕ್ಸನಾ ಖಾನ್ ಅವರು ಜೈನಬಾ ಮುಲ್ಲಾ ಅವರಿಗೆ ಮರಳು ಮಾಡಿದ್ದು, ವಿಐಪಿ ಎಂಬ ವೆಬ್ ಸೈಟಿನ ಉತ್ಪನ್ನಗಳಿಗೆ ರೇಟಿಂಗ್ ಕೊಡುವ ಉದ್ಯೋಗ ಕೊಟ್ಟಿದ್ದಾರೆ. ಅದಾದ ನಂತರ ತಾವು ಹೇಳಿದ ಕಡೆ ಹೂಡಿಕೆ ಮಾಡಿದರೆ ಲಾಭ ಸಿಗುವ ಆಮೀಷ ಒಡ್ಡಿದ್ದಾರೆ. 700ರೂ ಹೂಡಿಕೆ ಮಾಡಿದ ಜೈನಬಾ ಮುಲ್ಲಾ ಅವರಿಗೆ 920ರೂ ಹಣ ಸಿಕ್ಕಿದೆ. ಇದರಿಂದ ಖುಷಿಯಾದ ಜೈನಬಾ ಮುಲ್ಲಾ ಅವರು ಫೆ 9ರವರೆಗೆ ಹಂತ ಹಂತವಾಗಿ 12.43 ಲಕ್ಷ ರೂ ಹೂಡಿಕೆ ಮಾಡಿದ್ದಾರೆ. ಅದಾದ ನಂತರ ರುಕ್ಸನಾ ಖಾನ್ ಅವರ ಜೊತೆಗಿನ ಸಂಪರ್ಕ ಕಡಿತವಾಗಿದೆ. ಜೈನಬಾ ಮುಲ್ಲಾ ಅವರಿಗೆ ಹೂಡಕೆ ಹಣವೂ ಸಿಕ್ಕಿಲ್ಲ. ಲಾಭವೂ ಬಂದಿಲ್ಲ. ಮೋಸ ಹೋಗಿದನ್ನು ಅರಿತ ಅವರು ಸೈಬರ್ ಅಪರಾಧ ಪೊಲೀಸ್ ಠಾಣೆಗೆ ಹೋಗಿ ಅಳಲು ತೋಡಿಕೊಂಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದು, ತನಿಖೆ ಚುರುಕುಗೊಳಿಸಿದ್ದಾರೆ. `ಆಮೀಷಕ್ಕೆ ಒಳಗಾಗಿ ಮೋಸ ಹೋಗಬೇಡಿ’
- [ಆನೆ ಗಾತ್ರದ ಆಮೆ!](https://mobiletime.in/2026/02/a-turtle-that-weighs-as-much-as-an-elephant/): ಕಾರವಾರದ ಕೋಡಿಭಾಗದ ಬಳಿ 130 ಕೆಜಿ ತೂಕದ ಆಮೆಯೊಂದು ಕಾಣಿಸಿದೆ. ಅಪರೂಪದಲ್ಲಿಯೇ ಅಪರೂಪಕ್ಕೆ ಸಿಕ್ಕಿರುವ ಆ ಆಮೆಯನ್ನು ಅರಣ್ಯಾಧಿಕಾರಿಗಳು ರಕ್ಷಿಸಿದ್ದಾರೆ. ಆಳ ಸಮುದ್ರದಲ್ಲಿ ವಾಸಿಸುವ ಈ ಆಮೆ ಹಸಿರು ಬಣ್ಣದಿಂದ ಕೂಡಿದ್ದು, ನದಿ-ಸಮುದ್ರ ಸಂಗಮ ಪ್ರದೇಶದ ಮೂಲಕ ಕೋಡಿಭಾಗದವರೆಗೆ ಬಂದಿದೆ. ನದಿ ನೀರಿನ ಹರಿವು ಕಡಿಮೆ ಆಗಿದ್ದರಿಂದ ಆ ಆಮೆ ಸಂತೋಷಿಮಾತಾ ದೇಗುಲದ ಅಂಚಿನ ಪ್ರದೇಶವನ್ನು ತಲುಪಿದೆ. ಅದಾದ ನಂತರ ಮರಳಿ ಸಮುದ್ರಕ್ಕೆ ಹೋಗಲು ಸಾಧ್ಯವಾಗದೇ ಸಮಸ್ಯೆ ಅನುಭವಿಸಿದೆ. ಕಾಂಡ್ಲಾ ಗಿಡದ ಬುಡದಲ್ಲಿ ನೀರು ಕಡಿಮೆಯಿದ್ದು, ಅಲ್ಲಿ ಆಮೆ ಸಿಲುಕಿರುವುದನ್ನು ನೋಡಿದ ಜನ ಕಡಲಜೀವ ಶಾಸ್ತç ಸ್ನಾತಕೋದರ ಅಧ್ಯಯನ ಕೇಂದ್ರಕ್ಕೆ ಮಾಹಿತಿ ನೀಡಿದರು. ಕೇಂದ್ರದ ತಜ್ಞರ ಜೊತೆ ಅರಣ್ಯ ಇಲಾಖೆ ಅಧಿಕಾರಿಗಳು ಆಗಮಿಸಿ ಆಮೆಯನ್ನು ಸ್ವಚ್ಛಗೊಳಿಸಿದರು. ಸದ್ಯ ಆ ಆಮೆ ಅಸ್ವಸ್ಥಗೊಂಡಿದ್ದು, ಅರಣ್ಯ ಇಲಾಖೆಯ ಆರೈಕೆ ನಡೆದಿದೆ. ಆಮೆ ಚೇತರಿಸಿಕೊಂಡ ನಂತರ ಅದನ್ನು ಮತ್ತೆ ಆಳ ಸಮುದ್ರಕ್ಕೆ ಬಿಡಲಾಗುತ್ತದೆ.
- [ಶಿರಸಿ ಜಾತ್ರೆ: ಮಾರಿಕಾಂಬೆ ಹೆಸರಿನಲ್ಲಿ ಮೋಸ!](https://mobiletime.in/2026/02/sirsi-fair-fraud-in-the-name-of-maricombe/): ಎರಡು ವರ್ಷಕ್ಕೆ ಒಮ್ಮೆ ನಡೆಯುವ ಶಿರಸಿಯ ಮಾರಿಕಾಂಬಾ ದೇವಿ ಜಾತ್ರೆಗೆ ದಿನಗಣನೆ ಶುರುವಾಗಿದೆ. ಫೆ 24ರಿಂದ ಜಾತ್ರೆ ನಡೆಯಲಿದ್ದು, ಕೆಲ ಆನ್‌ಲೈನ್ ವೇದಿಕೆಗಳು ದೇವಿ ಭಕ್ತರನ್ನು ವಂಚಿಸುವ ಕಾಯಕದಲ್ಲಿ ತೊಡಗಿವೆ. `ಯಜಮಾನ’ ಎಂಬ ಜಾಲತಾಣದ ಪುಟ ಹಾಗೂ ಮಾರಿಕಾಂಬಾ ದೇಗುಲಕ್ಕೆ ಯಾವುದೇ ಸಂಬoಧ ಇಲ್ಲ. ಅದಾಗಿಯೂ `ಯಜಮಾನ’ ಪೇಜ್ ಪ್ರಮುಖರು ಮಾರಿಕಾಂಬಾ ದೇವಿ ಹೆಸರಿನಲ್ಲಿ ಪೂಜೆ ಮಾಡಿಸುವುದಾಗಿ ನಂಬಿಸಿ ಹಣ ವಸೂಲಿ ಮಾಡುತ್ತಿದ್ದಾರೆ. AI ತಂತ್ರಜ್ಞಾನ ಬಳಸಿ ಅತ್ಯಂತ ಭಾವನಾತ್ಮಕ ಸಂದೇಶ ಸಾರುವ ವಿಡಿಯೋ ರಚಿಸಿ ಜಾಲತಾಣದಲ್ಲಿ ಅದನ್ನು ಹರಿಬಿಟ್ಟಿದ್ದಾರೆ. ಜಾತ್ರೆಗೆ ಬರಲು ಸಾಧ್ಯವಾಗದ ಭಕ್ತರನ್ನು ಗುರಿಯಾಗಿರಿಸಿಕೊಂಡು ಅವರಿಂದ ಹಣ ವಸೂಲಿ ಮಾಡುವ ಪ್ರಯತ್ನ ಮುಂದುವರೆಸಿದ್ದಾರೆ. `ಮನೆಯಲ್ಲಿ ಕುಳಿತು ವಿಶೇಷ ಸೀರೆ ಸೇವೆ’ ಎಂಬ ನಿಟ್ಟಿನಲ್ಲಿ ಪ್ರಚಾರ ಮಾಡುತ್ತಿದ್ದು, ಅನೇಕರು ಆ ಯಜಮಾನನ ಮೋಸದ ಬಲೆಗೆ ಬಿದ್ದಿದ್ದಾರೆ. ಈ ಆನ್‌ಲೈನ್ ವಂಚಕರು ಮಾರಿಕಾಂಬಾ ದೇವಿಗೆ ಸೀರೆ ಉಡಿ ಸಲ್ಲಿಸಲು 351ರೂ ಹಣಕ್ಕೆ ಬೇಡಿಕೆ ಇಡುತ್ತಿದ್ದಾರೆ. ಆ ಹಣ ಪಾವತಿಸಿದ ನಂತರ ಪ್ರಸಾದ ಕಳುಹಿಸಲು ಮತ್ತೆ 199ರೂ ಹಣ ವಸೂಲಿ ಮಾಡುತ್ತಿದ್ದಾರೆ. ದೇವರ ಪ್ರಸಾದ ರೂಪದಲ್ಲಿ ಬ್ಲೌಸ್ ಪೀಸ್, ಕುಂಕುಮ ಹಾಗೂ ಹಳದಿಯನ್ನು ಮನೆಗೆ ತಲುಪಿಸುವುದಾಗಿ ವಂಚಕರು ವಿಡಿಯೋ ಮೂಲಕ ಹೇಳಿದ್ದಾರೆ. ಮಾರಿಕಾಂಬಾ ದೇವಿ ಸನ್ನಿಧಿಯ ಉಡಿ ಸೇವೆಗೆ 351ರೂ ದರ ಇಲ್ಲ. ಜೊತೆಗೆ ಪ್ರಸಾದವನ್ನು ಕೋರಿಯರ್ ಮೂಲಕ ತಲುಪಿಸುವ ವ್ಯವಸ್ಥೆಯೂ ಇಲ್ಲ. ಹೀಗಿದ್ದರೂ ದೇವಿ ಪೂಜೆ ಮಾಡುವ ವಿಡಿಯೋ ಜೊತೆ ಪ್ರಸಾದವನ್ನು ರವಾನಿಸುವುದಾಗಿ ಯಜಮಾನ.ಇನ್ ವೆಬ್‌ಸೈಟಿನವರು ಪ್ರಚಾರ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಕಾಣಿಸುವ ಅರ್ಚಕರು ಸ್ಥಳೀಯರಲ್ಲ. ಸ್ಥಳೀಯ ಅರ್ಚಕರು ಅಥವಾ ದೇಗುಲ ಆಡಳಿತ ಮಂಡಳಿಯವರ ಜೊತೆ ಅವರಿಗೆ ಸಂಪರ್ಕವೂ ಇಲ್ಲ. ಈ ಎಲ್ಲಾ ಹಿನ್ನಲೆ `ಈ ಆನ್‌ಲೈನ್ ಸೇವೆ ದೇವಸ್ಥಾನದ ಅಧಿಕೃತ ವ್ಯವಸ್ಥೆಯ ಭಾಗವಲ್ಲ’ ಎಂದು ಮಾರಿಕಾಂಬಾ ದೇಗುಲ ಆಡಳಿತ ಮಂಡಳಿಯವರು ಹೇಳಿದ್ದಾರೆ. `ಶ್ರೀ ಮಾರಿಕಾಂಬಾ ದೇವಸ್ಥಾನದ ಅಧಿಕೃತ ಆನ್‌ಲೈನ್ ಸೇವೆಗಳು ಮತ್ತು ಪಾವತಿಗಳು ದೇವಸ್ಥಾನದ ಅಧಿಕೃತ ವೆಬ್‌ಸೈಟ್ ಅಥವಾ ದೇವಸ್ಥಾನದ ನೇರ ವ್ಯವಸ್ಥೆಯ ಮೂಲಕ ಮಾತ್ರ ನಡೆಯುತ್ತವೆ. ಹೀಗಾಗಿ ಅಪರಿಚಿತ ಅಥವಾ ಖಾಸಗಿ ಖಾತೆಗೆ ಹಣ ಹಾಕಿ ವಂಚನೆಗೆ ಸಿಲುಕಬೇಡಿ’ ಎಂದು ದೇಗುಲ ಆಡಳಿತ ಮಂಡಳಿಯವರು ಹೇಳಿದ್ದಾರೆ. `ಈ ಬಗೆಯ ವಂಚನೆ ನಡೆದರೆ ತಕ್ಷಣ ಪೊಲೀಸ್ ದೂರು ಕೊಡಬೇಕು. ಸಂಶಯಾಸ್ಪದ ವ್ಯಕ್ತಿಗಳ ಬಗ್ಗೆ ಜನ ಎಚ್ಚರಿಯಿಂದಿರಬೇಕು’ ಎಂದು ಶಿರಸಿಯ ವೈದ್ಯ ಡಾ ರವಿಕಿರಣ ಪಟವರ್ಧನ ಅವರು ಮನವಿ ಮಾಡಿದ್ದಾರೆ.
- [ನೀರಿಗಾಗಿ ನಾರಿಯ ಹೋರಾಟ: ಈ ವಿಷಯದಲ್ಲಿ ಪಿಡಿಓ ತಪ್ಪಿಲ್ಲ!](https://mobiletime.in/2026/02/womens-struggle-for-water-pdo-is-not-wrong-in-this-matter/): ಕುಮಟಾ ಹೊಲನಗದ್ದೆಯ ಅನಿತಾ ಡಿಸೋಜಾ ಅವರ ಅರ್ಜಿ ಪ್ರಕಾರ ಕುಡಿಯುವ ನೀರು ಪೂರೈಕೆಗೆ ಕ್ರಮ ಜರುಗಿಸಲಾಗಿದೆ’ ಎಂದು ಹೊಲನಗದ್ದೆ ಗ್ರಾ ಪಂ ಅಭಿವೃದ್ಧಿ ಅಧಿಕಾರಿ ಡಿ ಪ್ರಜ್ಞಾ ಅವರು ದಾಖಲೆಗಳನ್ನು ಒದಗಿಸಿದ್ದಾರೆ. `ಮಾಜಿ ಅಧ್ಯಕ್ಷೆಯ ಪೋನ್ ನಂ ಬ್ಲಾಕ್ ಮಾಡಿದ ಪಿಡಿಓ: ದೂರು’ ಎಂಬ ತಲೆಬರಹದ ಅಡಿ ಮೊಬೈಲ್ ಮಿಡಿಯಾ ನೆಟ್‌ವರ್ಕ ಗುರುವಾರ ವರದಿ ಪ್ರಕಟಿಸಿತ್ತು. ಈ ವರದಿಗೆ ಸ್ಪಷ್ಠನೆ ನೀಡಿದ ಗ್ರಾ ಪಂ ಅಭಿವೃದ್ಧಿ ಅಧಿಕಾರಿ ಡಿ ಪ್ರಜ್ಞಾ ಅವರು ತಮ್ಮ ವಿರುದ್ಧ ಕೇಳಿ ಬಂದ ಆರೋಪವನ್ನು ಅಲ್ಲಗಳೆದಿದ್ದಾರೆ. `ಅನಿತಾ ಡಿಸೋಜಾ ಅವರ ಪೋನ್ ನಂ ಬ್ಲಾಕ್ ಮಾಡಿಲ್ಲ. ಅವರು ಪೋನ್ ಮಾಡಿದಾಗ ನೆಟ್ ವರ್ಕ ಸಮಸ್ಯೆಯಿಂದ ಸರಿಯಾಗಿ ಮಾತನಾಡಲು ಸಾಧ್ಯವಾಗಿಲ್ಲ’ ಎಂದು ಕುಮಟಾ ಹೊಲನಗದ್ದೆ ಗ್ರಾ ಪಂ ಪಿಡಿಓ ಪ್ರಜ್ಞಾ ನಾಯ್ಕ ಅವರು ಹೇಳಿದ್ದಾರೆ. `ಅನಿತಾ ಡಿಸೋಜಾ ಅವರ ಅರ್ಜಿ ಪರಿಶೀಲಿಸಲಾಗಿದೆ. ಗ್ರಾಮ ಪಂಚಾಯತ ಅಧಿಕಾರಿಗಳು ಸ್ಥಳ ಭೇಟಿ ಮಾಡಿದ್ದಾರೆ. ಜಲ ಜೀವನ ಯೋಜನೆ ಅಡಿ ಕುಡಿಯುವ ನೀರು ಪೂರೈಸುವಂತೆ ಗ್ರಾಮೀಣ ಕುಡಿಯುವ ನೀರು ಹಾಗೂ ನೈರ್ಮಲ್ಯ ಇಲಾಖೆಯವರಿಗೆ ಪತ್ರವನ್ನು ಬರೆಯಲಾಗಿದೆ. ಅವರ ಫೋನ್ ಮಾಡಿದಾಗ ಸಹ ಇದೇ ವಿಷಯ ತಿಳಿಸಲಾಗಿದ್ದು, ಅಪೂರ್ಣ ಮಾಹಿತಿಯಿಂದ ಅವರು ದೂರು ನೀಡಿದ್ದಾರೆ’ ಎಂದವರು ವಿವರಿಸಿದ್ದಾರೆ. `ಹೊಲನಗದ್ದೆ ಗ್ರಾಮ ಪಂಚಾಯತದಲ್ಲಿ ಸಾರ್ವಜನಿಕ ಕೆಲಸಗಳನ್ನು ಆದ್ಯತೆಯ ಮೇರೆಗೆ ಮಾಡಲಾಗುತ್ತಿದೆ. ಯಾರಿಗೂ ಇಲ್ಲಿ ಅನಗತ್ಯವಾಗಿ ಕಾಡಿಸುವುದಿಲ್ಲ. ನಮ್ಮ ಇತಿಮಿತಿಯಲ್ಲಿ ಆಗುವ ಎಲ್ಲಾ ಕೆಲಸವನ್ನು ಮಾಡಲು ಬದ್ಧವಾಗಿದ್ದೇವೆ. ಅನಿತಾ ಡಿಸೋಜಾ ಅವರಿಗೆ ಕುಡಿಯುವ ನೀರು ಪೂರೈಸಿ ನ್ಯಾಯ ಒದಗಿಸಲು ಗ್ರಾಮ ಪಂಚಾಯತವೂ ಕ್ರಮ ಜರುಗಿಸಿದ್ದು, ಅದರ ಭಾಗವಾಗಿ ಸ್ಥಳ ಪರಿಶೀಲನೆ, ಗ್ರಾಮೀಣ ಕುಡಿಯುವ ನೀರು ಹಾಗೂ ನೈರ್ಮಲ್ಯ ಇಲಾಖೆಗೆ ಪತ್ರ ರವಾನೆ ಮಾಡಲಾಗಿದೆ’ ಎಂದು ಸ್ಪಷ್ಠಪಡಿಸಿದ್ದಾರೆ. ಜೊತೆಗೆ ಅನಿತಾ ಡಿಸೋಜಾ ಅವರು ಭಟ್ಕಳದ ಬೈಲೂರು ಗ್ರಾಮ ಪಂಚಾಯತ ಅಧ್ಯಕ್ಷರಾಗಿ ಈ ಹಿಂದೆ ಸೇವೆ ಸಲ್ಲಿಸಿದ್ದು, ಹೊಲನಗದ್ದೆ ಗ್ರಾಮ ಪಂಚಾಯತ ಅಧ್ಯಕ್ಷರಾಗಿರಲಿಲ್ಲ ಎಂಬ ಅಂಶವೂ ಗಮನಕ್ಕೆ ಬಂದಿದೆ.
- [ಅಪಘಾತ: ಇಬ್ಬರ ಸ್ಥಿತಿಯೂ ಗಂಭೀರ](https://mobiletime.in/2026/02/accident-one-persons-death-anothers-pain/): ಕಾರವಾರದ ಮಾಜಾಳಿ ಬಳಿಯಿರುವ ವಿಠಲ ರುಕುಮಾಯಿ ದೇವಸ್ಥಾನದ ಸಮೀಪ ಗುರುವಾರ ರಾತ್ರಿ ಬೈಕ್ ಅಪಘಾತಕ್ಕೀಡಾಗಿದ್ದು, ಇಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಈ ಮೊದಲು ವ್ಯಕ್ತಿಯೊಬ್ಬರು ಸಾವನಪ್ಪಿದ ಬಗ್ಗೆ ಮಾಹಿತಿ ಬಂದಿದ್ದು, ನಂತರ ಅವರು ಉಸಿರಾಡುತ್ತಿರುವುದು ಗಮನಕ್ಕೆ ಬಂದಿದೆ. ಪ್ರಾಥಮಿಕ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗಾಗಿ ಗೋವಾಗೆ ಕಳುಹಿಸಲಾಗಿದೆ. ಬೈಕಿನಲ್ಲಿ ಯುವಕರಿಬ್ಬರು ತೆರಳುತ್ತಿದ್ದಾಗ ಬೈಕಿನ ನಿಯಂತ್ರಣ ತಪ್ಪಿದ ಬಗ್ಗೆ ಅಂದಾಜಿಸಲಾಗಿದೆ. ರಸ್ತೆ ಪಕ್ಕ ಯುವಕರಿಬ್ಬರು ರಕ್ತದ ಮೊಡವಿನಲ್ಲಿ ಬಿದ್ದಿರುವುದನ್ನು ನೋಡಿದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಚಿತ್ತಾಕುಲ ಠಾಣೆ ಪೊಲೀಸರು ಸ್ಥಳಕ್ಕೆ ಹೊಗಿ ನೋಡಿದಾಗ ಇಬ್ಬರು ಅಲ್ಲಿ ನರಳಾಡುತ್ತಿದ್ದು, ಅವರನ್ನು ಪೊಲೀಸರು ತುರ್ತಾಗಿ ಆಸ್ಪತ್ರೆಗೆ ಕಳುಹಿಸಿದ್ದಾರೆ. ಆಂಬುಲೆನ್ಸ ಬರುವುದು ತಡವಾಗುವ ಮಾಹಿತಿ ಅರಿತು ಪಿಎಸ್‌ಐ ಪರಶುರಾಮ ಮಿರ್ಚಗಿ ಪೊಲೀಸ್ ವಾಹನದಲ್ಲಿಯೇ ಗಾಯಾಳುವನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ.  ಸ್ಥಿತಿ ಗಂಭೀರವಾಗಿದ್ದರೂ ಅವರನ್ನು ಉಳಿಸಿಕೊಳ್ಳುವ ಪ್ರಯತ್ನ ಮುಂದುವರೆದಿದೆ. ಸಾವನಪ್ಪಿದ ಯುವಕನ ಹೆಸರು-ವಿಳಾಸ ಗೊತ್ತಾಗಿಲ್ಲ. ಗಾಯಾಳು ಸಹ ಮಾತನಾಡುವ ಸ್ಥಿತಿಯಲ್ಲಿಲ್ಲ. ವಾಹನ ಸಂಖ್ಯೆ ಆಧಾರದಲ್ಲಿ ಪೊಲೀಸರು ಕುಟುಂಬದವರನ್ನು ಸಂಪರ್ಕಿಸುತ್ತಿದ್ದಾರೆ.  
- [ಮಗಳಿಗಾಗಿ ಅಮ್ಮನ ಹಿಂದೆ ಬಿದ್ದ ಗಣೇಶ!](https://mobiletime.in/2026/02/ganesha-fell-behind-his-mother-for-his-daughter/): ಹಳಿಯಾಳ ಕಾಳಗಿನಕೊಪ್ಪದ ಮಾದೇವಿ ಮೇತ್ರಿ ಅವರನ್ನು ಹುಕ್ಕೇರಿಯ ಗಣೇಶ ಹಳವಾರ್ ಅವರು ಹಿಂಬಾಲಿಸುತ್ತಿದ್ದು, `ನಿನ್ನ ಮಗಳನ್ನು ನನಗೆ ಮದುವೆ ಮಾಡಿಕೊಡು’ ಎಂದು ದುಂಬಾಲು ಬಿದ್ದಿದ್ದಾರೆ. ಹಳಿಯಾಳದ ಕಾಳಗಿನಕೊಪ್ಪದಲ್ಲಿ ಮಾದೇವಿ ಮಂಜುನಾಥ ಮೇತ್ರಿ ಅವರು ವಾಸವಾಗಿದ್ದಾರೆ. ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಹೀಗಿರುವಾಗ ಹುಕ್ಕೇರಿ ಗುಡಿಕ್ಷೇತ್ರದ ಗಣೇಶ ಅರ್ಜುನ ಹಳವಾರ ಅವರು ಮಾದೇವಿ ಮೇತ್ರಿ ಅವರ ಮಗಳನ್ನು ಮದುವೆ ಆಗಲು ಬಯಸಿದ್ದು, ಇದನ್ನು ಮಾದೇವಿ ಮೇತ್ರಿ ಅವರು ಒಪ್ಪುತ್ತಿಲ್ಲ. ಈ ಹಿನ್ನಲೆ ಗಣೇಶ ಹಳವಾರ್ ಅವರು ಕಳೆದ ಆರು ತಿಂಗಳಿನಿAದ ಮಾದೇವಿ ಮೇತ್ರಿ ಅವರನ್ನು ಕಾಡಿಸುತ್ತಿದ್ದಾರೆ. `ನಿನ್ನ ಮಗಳನ್ನು ನನಗೆ ಕೊಡು’ ಎಂದು ಅವರು ಪದೇ ಪದೇ ಫೋನ್ ಮಾಡುತ್ತಿದ್ದಾರೆ. `ನಿನಗೆ ಮಾತ್ರ ಮಗಳನ್ನು ಕೊಡುವುದಿಲ್ಲ’ ಎಂದು ಮಾದೇವಿ ಮೇತ್ರಿ ಅವರು ಹೇಳಿದ್ದು, ಅದಾಗಿಯೂ ಗಣೇಶ ಹಳವಾರ್ ಫೋನ್ ಮಾಡುವುದನ್ನು ಬಿಟ್ಟಿಲ್ಲ. `ಪದೇ ಪದೇ ಫೋನ್ ಮಾಡಬೇಡ’ ಎಂದು ಸೂಚಿಸಿದರೂ ಆತನ ಕಾಟ ಕಡಿಮೆ ಆಗಿಲ್ಲ. ಫೆ 14ರ ರಾತ್ರಿ ಮತ್ತೆ ಫೋನ್ ಮಾಡಿದ ಗಣೇಶ ಹಳವಾರ್ ಅವರು `ಮದುವೆ ಮಾಡಿಕೊಡು’ ಎಂದು ಹೇಳಿದ್ದಾರೆ. `ಮದುವೆ ಮಾಡಿಸದಿದ್ದರೆ ಮಗಳ ಜೊತೆ ನಿನ್ನನ್ನು ಸಾಯಿಸುವೆ’ ಎಂದು ಹೆದರಿಸಿದ್ದಾರೆ. ಹೀಗಾಗಿ ಮಾದೇವಿ ಮೇತ್ರಿ ಅವರು ರಕ್ಷಣೆಗಾಗಿ ಪೊಲೀಸರ ಮೊರೆ ಹೋಗಿದ್ದು, ಗಣೇಶ ಹಳವಾರ್ ವಿರುದ್ಧ ಹಳಿಯಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
- [ಅರಣ್ಯ ಹಕ್ಕು: ಮಹಜರು ಪ್ರಕ್ರಿಯೆಯಲ್ಲಿನ ಲೋಪ ಸರಿಪಡಿಸಲು ಆಗ್ರಹ](https://mobiletime.in/2026/02/forest-rights-demand-to-correct-loopholes-in-the-mahajaru-process/): `ಅರಣ್ಯ ಹಕ್ಕು ಸ್ಥಳ ಮಹಜರು ಪ್ರಕ್ರಿಯೆಯೂ ನೈಸರ್ಗಿಕ ನ್ಯಾಯಕ್ಕೆ ವಿರುದ್ಧವಾಗಿದೆ. ಕೂಡಲೇ ಜಿಲ್ಲಾಡಳಿತ ಈ ಲೋಪದೋಷಗಳನ್ನು ಸರಿಪಡಿಸಬೇಕು’ ಎಂದು ಅರಣ್ಯ ಭೂಮಿ ಸಾಗುವಳಿದಾರರ ಹೋರಾಟ ಸಮಿತಿಯ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರು ಆಗ್ರಹಿಸಿದ್ದಾರೆ. ಭಟ್ಕಳದಲ್ಲಿ ಅರಣ್ಯ ಭೂಮಿ ಅತೀಕ್ರಮಣದಾರರ ಸಭೆ ನಡೆಸಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಉತ್ತರ ಕನ್ನಡ ಜಿಲ್ಲಾ ಅರಣ್ಯ ಭೂಮಿಸಾಗುವಳಿದಾರರ ಹೋರಾಟ ಸಮಿತಿಯ ಸತತ ಪ್ರಯತ್ನ ಮತ್ತು ಸಚಿವ ಮಂಕಾಳ ವೈದ್ಯ ಹಾಗೂ ವಿವಿಧ ಶಾಸಕರ ಸಹಕಾರದಿಂದ ತಿರಸ್ಕರಿಸಿದ ಅರಣ್ಯ ಹಕ್ಕು ಕ್ಲೇಮು ಅರ್ಜಿಗಳ ಮರುಪರಿಶೀಲನೆ ಶುರುವಾಗಿದೆ. ಅದರ ಮುಂದುವರೆದ ಭಾಗವಾಗಿ ಅರಣ್ಯವಾಸಿಗಳಿಗೆ ಅವರ ಸಾಗುವಳಿ ಬಗೆಗಿನ ಪುರಾವೆ ಒದಗಿಸುವ ಉದ್ದೇಶದಿಂದ ರಾಜ್ಯ ಅರಣ್ಯ ಹಕ್ಕು ಮೇಲುಸ್ತುವಾರಿ ಸಮಿತಿಯ ಜಂಟಿ ಮಹಜರು ಪ್ರಕ್ರಿಯೆ ನಡೆಸಲು ಆದೇಶಿಸಿದೆ. ಜಿಲ್ಲಾಧಿಕಾರಿಗಳು ನೀಡಿದ ಆದೇಶದಂತೆ ಕಳೆದ ಒಂದು ವಾರದಿಂದ ಜಿಲ್ಲೆಯ ವಿವಧ ಕಡೆ ಸ್ಥಳ ಮಹಜರು ಪ್ರಕ್ರಿಯೆ ನಡೆದಿದ್ದು, ಮಹಜರು ಪ್ರಕ್ರಿಯೆಗಳು ಸಮರ್ಪಕವಾಗಿ ನಡೆಸದೇ ನಿರ್ದೇಶನಕ್ಕೆ ವ್ಯತಿರಿಕ್ತವಾಗಿ ಮಾಡಲಾಗುತ್ತಿದೆ’ ಎಂದು ದೂರಿದರು. `ಒಂದೆರಡು ಗುಂಟೆ ಮಾಲ್ಕಿ ಹಿಡುವಳಿ ಹೊಂದಿದ್ದರೂ ಸಹ ಅಂತಹ ಪ್ರಕರಣಗಳಲ್ಲಿ ಸ್ಥಳ ಮಹಜರು ನಡೆಸದಂತೆ ಜಂಟಿ ಸ್ಥಳ ತನಿಖಾ ಸಮಿತಿಗೆ ಜಿಲ್ಲಾಮಟ್ಟದಿಂದ ಮೌಖಿಕ ಆದೇಶವಿರುವ ಬಗ್ಗೆ ಮಾಹಿತಿಯಿದೆ. ಇದು ಅರಣ್ಯವಾಸಿಗಳ ಆತಂಕಕ್ಕೆ ಕಾರಣವಾಗಿದ್ದು, ಉತ್ತರ ಕನ್ನಡ ಜಿಲ್ಲೆಯಲ್ಲಿ 67226 ಅರಣ್ಯ ಹಕ್ಕು ತಿರಸ್ಕ್ರತ ಅರ್ಜಿಗಳು ಮತ್ತು ಪರಿಶೀಲನೆಯಾಗದೇ ಬಾಕಿ ಇರುವ 16093 ಅರ್ಜಿಗಳು ಸೇರಿ ಒಟ್ಟೂ 83319 ಪುನರ್ ಪರಿಶೀಲನೆ ಆಗಬೇಕಿದೆ. ಪುನರ್ ಪರಿಶಿಲನೆಯ ಕಾರ್ಯಕ್ಕೆ ಉಪವಿಭಾಗೀಯ ಮಟ್ಟದ ಅರಣ್ಯ ಹಕ್ಕು ಸಮಿತಿಗೆ ಕನಿಷ್ಠ ಆರು ತಿಂಗಳ ಗಡುವಿನ ಅವಧಿಯೂ ಸಹ ಕಡಿಮೆ’ ಎಂದು ವಿವರಿಸಿದರು. `ಮರುಪರಿಶೀಲನಾ ಕಾರ್ಯಕ್ಕೆ ಕನಿಷ್ಠ ಆರು ತಿಂಗಳವರೆಗೆ ಅವಧಿ ವಿಸ್ತರಿಸಬೇಕು. ಅರ್ಹ ಬುಡಕಟ್ಟು ಮತ್ತು ಇತರ ಪಾರಂಪರಿಕ ಅರಣ್ಯವಾಸಿಗಳು ಭೂಮಿಯ ಹಕ್ಕಿನಿಂದ ವಂಚಿತರಾಗದAತೆ ಮರುಪರಿಶೀಲನೆ ಕಾರ್ಯ ಸಮರ್ಪಕವಾಗಿ ನಡೆಸಲು ರಾಜ್ಯ ಮಟ್ಟದ ಅರಣ್ಯ ಹಕ್ಕು ಮೇಲ್ವಿಚಾರಣಾ ಸಮಿತಿಯು ಜಿಲ್ಲಾಡಳಿತಕ್ಕೆ ಈಗಾಗಲೇ ಅಗತ್ಯ ನಿರ್ದೇಶನ ನೀಡಿದ್ದು, ಅದನ್ನು ಸರಿಯಾಗಿ ಪಾಲಿಸಬೇಕು’ ಎಂದು ಆಗ್ರಹಿಸಿದರು. `ಹಕ್ಕು ಅರಣ್ಯ ಹಕ್ಕು ನಿಯಮ 13ರಲ್ಲಿ ಸೂಚಿಸಿರುವ ಪುರಾವೆಯನ್ನು ಗುರುತಿಸಿ ಸಮರ್ಪಕವಾಗಿ ಸ್ಥಳ ಮಹಜರು ವರದಿಸಲ್ಲಿಸಲು ಸ್ಥಳೀಯ ಅಧಿಕಾರಿಗಳ ಜಂಟಿ ಸಮಿತಿಗೆ ಜಿಲ್ಲಾಧಿಕಾರಿಗಳು ಸೂಚಿಸುವಂತಾಗಬೇಕು’ ಎಂದು ಉತ್ತರ ಕನ್ನಡ ಜಿಲ್ಲಾ ಅರಣ್ಯ ಭೂಮಿಸಾಗುವಳಿದಾರರ ಹೋರಾಟ ಸಮಿತಿಯ ಅಧ್ಯಕ್ಷ ಚಂದ್ರಕಾAತ ಕೊಚರೇಕರ ಅವರು ಜಿಲ್ಲಾಧಿಕಾರಿಗಳನ್ನು ಆಗ್ರಹಿಸಿದರು. `ಅರಣ್ಯ ಹಕ್ಕು ಕ್ಲೇಮುಗಳ ಸ್ಥಳ ಮಹಜರು ಪ್ರಕ್ರಿಯೆ ಕೇವಲ ಕಾಟಾಚಾರದ ಕ್ರಮ ಆಗಬಾರದು. ಪ್ರತಿ ಕ್ಲೇಮಿನ ಸ್ಥಳದ ಸರ್ವೆ ಕಾರ್ಯ ನಡೆಸಿ ನೈಜ ಸಾಗುವಳಿ ಕ್ಷೇತ್ರವನ್ನು ಹಾಗೂ ನಿಯಮ 13ರಲ್ಲಿ ಹೇಳಿರುವ ಸಾಂದರ್ಭಿಕ ಸಾಕ್ಷ್ಯವನ್ನು ಗುರುತಿಸಿ ಅರಣ್ಯಭೂಮಿ ಸಾಗುವಳಿದಾರರಿಗೆ ಭೂಮಿಯ ಹಕ್ಕು ನೀಡುವ ಕೆಲಸ ಆಗಬೇಕು’ ಎಂದರು. ಜಿಲ್ಲಾ ಜನಪರ ವೇದಿಕೆಯ ಅಧ್ಯಕ್ಷ ನಾಗೇಶ ನಾಯ್ಕ ಅವರು ಮಾತನಾಡಿ `ತಿರಸ್ಕರಿಸಿದ ಅರಣ್ಯ ಹಕ್ಕು ಅರ್ಜಿಗಳ ಮರುಪರಿಶೀಲನೆ ನಡೆಸಲು ಮತ್ತು ಪುರಾವೆ ಒದಗಿಸಲು ಮಹಜರು ಪ್ರಕ್ರಿಯೆ ನಡೆಸಲು ಆದೇಶ ಆಗಿರುವದು ಜಿಲ್ಲೆಯ ಮಟ್ಟಿಗೆ ಒಂದು ಮಹತ್ವದ ಬೆಳವಣಿಗೆಯಾಗಿದೆ. ಈ ಕಾರ್ಯದಲ್ಲಿ ಪ್ರಯತ್ನ ನಡೆಸಿದ ಹೋರಾಟ ಸಮಿತಿಯ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಮತ್ತು ಜಿಲ್ಲೆಯ ಉಸ್ತುವಾರಿ ಸಚಿವ ಮಂಕಾಳ ವೈದ್ಯರನ್ನು ಅಭಿನಂದಿಸುವೆ’ ಎಂದರು. `ಅಧಿಕಾರಿಗಳು ನೀಡುವ ಮಹಜರು ದೃಢೀಕರಣವು ಅರಣ್ಯವಾಸಿಗಳ ಬದುಕಿಗೆ ಬದ್ರತೆ ನೀಡುವ ರೀತಿಯಲ್ಲಿ ಅದರ ಮಾದರಿ ಇರಬೇಕು’ ಎಂದು ಆಶಿಸಿದರು. ಹೋರಾಟ ಸಮಿತಿಯ ತಾಲೂಕಾ ಅಧ್ಯಕ್ಷ ರಾಮಾ ಮೊಗೇರ, ತಂಜೀಮ ಅಧ್ಯಕ್ಷ ಇನಾಯತುಲ್ ಶಾಬಂದ್ರಿ, ಹೋರಾಟ ಸಮಿತಿಯ ಎಂ ಡಿನಾಯ್ಕ, ಗಣಪತಿ ನಾಯ್ಕ ಜಾಲೀ, ಎ ಎಂ ಮುಲ್ಲಾ, ಈಶ್ವರ ನಾಯ್ಕ, ಖಯೂಮ ಸಾಬ, ಶ್ರೀಧರ ಶೆಟ್ಟಿ ಮತ್ತಿತರ ಪ್ರಮುಖರು ಇದ್ದರು.
- [ಕಾಡು ಮಾಂಸಕ್ಕಾಗಿ 6 ತಾಸು ಕಾದ ಅಧಿಕಾರಿ!](https://mobiletime.in/2026/02/officer-waited-6-hours-for-wild-meat/): ಭಟ್ಕಳದ ಮನೆಯೊಂದರ ಮೇಲೆ ಅರಣ್ಯಾಧಿಕಾರಿಗಳು ದಾಳಿ ನಡೆಸಿದ್ದು, ಅಲ್ಲಿ ದಾಸ್ತಾನು ಮಾಡಿದ್ದ ಜಿಂಕೆ ಮಾಂಸವನ್ನು ಜಪ್ತು ಮಾಡಿದ್ದಾರೆ. ಭಟ್ಕಳದ ಹುರುಳಿಸಾಲದ ಮನೆಯಲ್ಲಿ 21 ಕೆಜಿ ಮಾಂಸ, ಜಿಂಕೆ ಕೊಬ್ಬು ಹಾಗೂ ಎರಡು ಏರ್‌ಗನ್ ಸಿಕ್ಕಿದೆ. ಜಾಫರ್ ಬ್ರಹ್ಮಾವರ ಎಂಬಾತ ಕಾಡಿನಲ್ಲಿ ಪ್ರಾಣಿಯನ್ನು ಹತ್ಯೆ ಮಾಡಿ ಮಾಂಸವನ್ನು ಮನೆಯ ಪಕ್ಕದಲ್ಲಿ ಬೇರ್ಪಡಿಸುತ್ತಿದ್ದ ಬಗ್ಗೆ ಅರಣ್ಯ ಇಲಾಖೆಗೆ ಮಾಹಿತಿ ಸಿಕ್ಕಿತು. ಪ್ರಾಣಿಯ ಅವಶೇಷಗಳನ್ನು ಮನೆಯ ಪಕ್ಕದಲ್ಲಿದ್ದ ಪಾಳುಬಿದ್ದ ಬಾವಿಗೆ ಎಸೆದಿರುವ ಬಗ್ಗೆಯೂ ದೂರು ಬಂದಿತ್ತು. ಈ ಹಿನ್ನಲೆ ದಾಳಿ ಮಾಡಿದ ಅಧಿಕಾರಿಗಳು ಮನೆಯಲ್ಲಿದ್ದ ಮಾಂಸದ ಜೊತೆ ಬಾವಿಯಲ್ಲಿದ್ದ ಅವಶೇಷಗಳನ್ನು ಹೊರ ತೆಗೆದಿದ್ದಾರೆ. ಮನೆ ಒಳಗೆ ಶೋಧಕ್ಕೆ ಮುಂದಾದ ಅಧಿಕಾರಿಗಳಿಗೆ ಮನೆಯವರು ಸಹಕಾರ ನೀಡಲಿಲ್ಲ. ಮನೆ ಬಾಗಿಲನ್ನು ಸಹ ತೆರೆಯಲಿಲ್ಲ. ಅದಾಗಿಯೂ, ಆರು ಗಂಟೆಗಳ ಕಾಲ ಅಧಿಕಾರಿಗಳು ಕಾದು ಬಾಗಿಲು ತೆರೆಸಿದರು. ನಂತರ ನಡೆದ ಪರಿಶೀಲನೆಯಲ್ಲಿ ಫ್ರಿಡ್ಜಿನ ಒಳಗೆ ಸಂಗ್ರಹಿಸಿದ್ದ 21 ಕೆಜಿ ಮಾಂಸ ಪತ್ತೆಯಾಯಿತು. ಜೊತೆಗೆ ಜಿಂಕೆ ಕೊಬ್ಬು ಹಾಗೂ ಎರಡು ಏರ್‌ಗನ್ ಸಹ ಮನೆಯಲ್ಲಿ ಕಾಣಿಸಿತು. `ಜಿಂಕೆ ಜೊತೆ ಕಾಡು ಕೋಣದ ಮಾಂಸವೂ ಮಿಶ್ರಣವಾಗಿರುವ ಸಾಧ್ಯತೆಯಿದೆ. ವಿಧಿ ವಿಜ್ಞಾನದ ಪ್ರಯೋಗಾಕಯಕ್ಕೆ ಮಾಂಸ ಕಳುಹಿಸಿದ್ದು, ವರದಿಗೆ ಕಾಯಲಾಗುತ್ತಿದೆ’ ಎಂದು ಅರಣ್ಯಾಧಿಕಾರಿ ವಿಶ್ವನಾಥ ಅವರು ಮಾಹಿತಿ ನೀಡಿದರು. ಆರೋಪಿ ಪರಾರಿಯಾಗಿದ್ದು, ಶೋಧ ಮುಂದುವರೆದಿದೆ. ನಗರ ಠಾಣೆ ಸಿಪಿಐ ದಿವಾಕರ ಪಿ ಎಂ, ಪಿಸೈ ನವೀನ ನಾಯ್ಕ, ಗ್ರಾಮೀಣ ಠಾಣೆ ಪಿಸೈ ಮಲ್ಲಿಕಾರ್ಜುನ, ಡಿಆರ್‌ಒಎಫ್ ಮಾರುತಿ, ಸಂದೀಪ್ ಸೇರಿದಂತೆ ಧನಂಜಯ ಮೊಗೇರ ಸಹ ಕಾರ್ಯಾಚರಣೆಯಲ್ಲಿದ್ದರು.
- [ಅನಂತಮೂರ್ತಿಗೆ ಒಲಿದ ಅದೃಷ್ಠ: ಆಗಿನ ಉಪಾಧ್ಯಕ್ಷನೇ ಈಗಿನ ಅಧ್ಯಕ್ಷ!](https://mobiletime.in/2026/02/ananthmurthys-misfortune-the-then-vice-president-is-the-current-president/): ಬಿಜೆಪಿ ರೈತ ಮೋರ್ಚಾ ಉಪಾಧ್ಯಕ್ಷರಾಗಿದ್ದ ಅನಂತಮೂರ್ತಿ ಹೆಗಡೆ ಅವರನ್ನು ಇದೀಗ ರೈತ ಮೋರ್ಚಾ ಅಧ್ಯಕ್ಷರನ್ನಾಗಿ ನೇಮಿಸಲಾಗಿದೆ. ಸೊಪ್ಪಿನ ಬೆಟ್ಟದ ಸಮಸ್ಯೆ, ಬೆಳೆ ವಿಮೆ ಪರಿಹಾರ ಬಾರದಿರುವಿಕೆ, ಕೃಷಿ-ಮಾಧ್ಯಮಿಕ ಸಾಲ ಮಂಜೂರಾತಿ ವಿಷಯದಲ್ಲಿ ವಿಳಂಬ, ಪಹಣಿ ಪತ್ರಿಕೆ ದರ ದುಬಾರಿ ಸೇರಿ ರೈತರು ಅನುಭವಿಸುತ್ತಿರುವ ವಿವಿಧ ಸಮಸ್ಯೆಗಳಿಗೆ ಅನಂತಮೂರ್ತಿ ಹೆಗಡೆ ಅವರು ಧ್ವನಿ ಎತ್ತುವ ಸಾಧ್ಯತೆಗಳಿವೆ. ಈ ಹಿಂದೆ ಅನಂತಮೂರ್ತಿ ಹೆಗಡೆ ಅವರು ತಮ್ಮ ಸ್ವಂತ ಹಣದಲ್ಲಿ ಕೊನೆಗೌಡರಿಗೆ ವಿಮೆ ಮಾಡಿಸಿದ್ದರು. ಜೊತೆಗೆ ಸಂಕಷ್ಟಕ್ಕೆ ಒಳಗಾದ ರೈತರನ್ನು ಭೇಟಿ ಮಾಡಿ ಸಮಾಧಾನ ಹೇಳಿದ್ದರು. ಅದರೊಂದಿಗೆ ಬಿಜೆಪಿ ಸಂಘಟನೆಗೆ ಶ್ರಮಿಸಿದ್ದರು. ಅನಂತಮೂರ್ತಿ ಹೆಗಡೆ ಅವರು ಅಡಿಕೆ ಬೆಳೆಗಾರರಾಗಿದ್ದು, ರೈತರ ಸಮಸ್ಯೆಗಳ ಬಗ್ಗೆ ಅರಿವು ಹೊಂದಿದ್ದಾರೆ. ಈ ಎಲ್ಲಾ ಹಿನ್ನಲೆ ಬಿಜೆಪಿ ರೈತ ಮೋರ್ಚಾ ಉಪಾಧ್ಯಕ್ಷರಾಗಿದ್ದ ಅನಂತಮೂರ್ತಿ ಹೆಗಡೆ ಅವರನ್ನು ಅಧ್ಯಕ್ಷ ಸ್ಥಾನ ಕೊಡಲಾಗಿದೆ. ಬಿಜೆಪಿ ಜಿಲ್ಲಾಧ್ಯಕ್ಷ ಎನ್ ಎಸ್ ಹೆಗಡೆ ಅವರು ಬಿಜೆಪಿಯ ಉತ್ತg ಕನ್ನಡ ಜಿಲ್ಲಾ ರೈತಮೋರ್ಚಾ ಅಧ್ಯಕ್ಷರ ನೇಮಕಾತಿ ಆದೇಶ ಹೊರಡಿಸಿದ್ದಾರೆ. `ಪಕ್ಷ ನೀಡಿದ ಈ ಹುದ್ದೆಗೆ ನ್ಯಾಯ ಕೊಡಿಸುವುದರ ಜೊತೆ ರೈತ ಪರ ಧ್ವನಿಯಾಗುವೆ’ ಎಂದು ಅನಂತಮೂರ್ತಿ ಹೆಗಡೆ ಹೇಳಿದ್ದಾರೆ.
- [ಬೇನಾಮಿ ಹೆಸರಿನಲ್ಲಿ ದುಡ್ಡು ದೋಚಿದ ಇನ್ಸಪೆಕ್ಟರ್!](https://mobiletime.in/2026/02/inspector-who-robbed-money-in-an-anonymous-name/): ಶಿರಸಿ ಅಬಕಾರಿ ಇನ್ಸಪೆಕ್ಟರ್ ಮಂಜುಕುಮಾರ ನಾಯ್ಕ ಹಾಗೂ ದಾಂಡೇಲಿ ಕೆನರಾ ಬ್ಯಾಂಕ್ ಮ್ಯಾನೇಜರ್ ವಿನೋದ ಶೆಟ್ಟಿ ಸೇರಿ ಸೆಕ್ಯುರಿಟಿ ಗಾರ್ಡ ಮಂಜುನಾಥ ಮಾದರ್ ಅವರ ಹೆಸರಿನಲ್ಲಿ ನಕಲಿ ಬ್ಯಾಂಕ್ ಖಾತೆ ತೆರೆದಿದ್ದಾರೆ. ಆ ಬ್ಯಾಂಕ್ ಖಾತೆ ಮೂಲಕ ಸಾಲಪಡೆದು ಅದನ್ನು ತೀರಿಸದೇ ವಂಚಿಸಿದ್ದಾರೆ. ದಾoಡೇಲಿಯ ಜಿ ಎನ್ ರಸ್ತೆಯ ಸಿಎಂಸಿ ಕ್ವಾಟರ್ಸಿನಲ್ಲಿ ಮಂಜುನಾಥ ರಾಜು ಮಾದರ್ ಅವರು ವಾಸವಾಗಿದ್ದಾರೆ. ಅಲ್ಲಿನ ಪೆಪರ್‌ಮಿಲ್ಲಿನಲ್ಲಿ ಅವರು ಕೆಲಸ ಮಾಡುತ್ತಿದ್ದಾರೆ. ಸೆಕ್ಯುರಿಟಿ ಗಾರ್ಡ ಆಗಿರುವ ರಾಜು ಮಾದರ್ ಅವರಿಗೆ ಹೆಚ್ಚಿನ ಓದು-ಬರಹ ಗೊತ್ತಿಲ್ಲ. ಇದನ್ನು ಅರಿತ ಶಿರಸಿ ಅಬಕಾರಿ ಇನ್ಸಪೆಕ್ಟರ್ ಮಂಜುಕುಮಾರ ನಾಯ್ಕ ಹಾಗೂ ದಾಂಡೇಲಿ ಕೆನರಾ ಬ್ಯಾಂಕ್ ಮ್ಯಾನೇಜರ್ ವಿನೋದ ಶೆಟ್ಟಿ ಜೊತೆ ಇಲಿಯಾಸ್ ಎಂಬಾತರು ಸೇರಿ ಮಂಜುನಾಥ ಮಾದರ್ ಅವರನ್ನು ವಂಚಿಸಿದ್ದಾರೆ. 2021ರಲ್ಲಿ ಮಂಜುನಾಥ ಮಾದರ್ ಅವರ ಬಳಿ ವಿವಿಧ ಕಾಗದಪತ್ರಗಳ ಮೇಲೆ ಈ ಮೂವರು ಸೇರಿ ಸಹಿ ಹಾಕಿಸಿದ್ದಾರೆ. ಅದಾದ ನಂತರ ಮಂಜುನಾಥ ಮಾದರ್ ಅವರ ಅರಿವಿಗೆ ಬಾರದ ಹಾಗೇ ಆಧಾರ್ ಕಾರ್ಡಪಡೆದಿದ್ದಾರೆ. ಮಂಜುನಾಥ ಮಾದರ್ ಅವರ ಹೆಸರಿನಲ್ಲಿ ನಕಲಿ ಬ್ಯಾಂಕ್ ಖಾತೆ ತೆರೆದು ಅದರ ಮೂಲಕ ಸಾಲಕ್ಕೆ ಅರ್ಜಿ ಹಾಕಿದ್ದಾರೆ. 6.95 ಲಕ್ಷ ರೂ ಸಾಲದ ಹಣ ಮಂಜುನಾಥ ಮಾದರ್ ಅವರ ಖಾತೆಗೆ ಜಮಾ ಆಗಿದ್ದು, ಆ ಹಣವನ್ನು ವಿನೋದ ಶೆಟ್ಟಿ ಅವರು ಇಲಿಯಾಸ್ ಎಂಬಾತರ ಕೈಗೆ ಕೊಟ್ಟಿದ್ದಾರೆ. ಈ ಬಗ್ಗೆ ಮಂಜುನಾಥ ಮಾದರ್ ಅವರು ಪ್ರಶ್ನಿಸಿದಾಗ `ಆ ಹಣವನ್ನು ನಾನು ತುಂಬುತ್ತೇನೆ’ ಎಂದು ಅಬಕಾರಿ ಇನ್ಸಪೆಕ್ಟರ್ ಮಂಜುಕುಮಾರ ನಾಯ್ಕ ಅವರು ಹೇಳಿದ್ದಾರೆ. ಅದಾದ ನಂತರ ಸಾಲ ಮರುಪಾವತಿ ಆಗದ ಬಗ್ಗೆ ಮಂಜುನಾಥ ಮಾದರ್ ಅವರಿಗೆ ಕೋರ್ಟಿನಿಂದ ನೋಟಿಸ್ ಬಂದಿದೆ. ಆ ವಿಷಯ ಅರಿತ ಮಂಜುಕುಮಾರ ನಾಯ್ಕ ಅವರು ಆ ಅವಧಿಯಲ್ಲಿ 50 ಸಾವಿರ ರೂ ಹಣ ಪಾವತಿ ಮಾಡಿದ್ದಾರೆ. ಅದಾದ ನಂತರ ಮಂಜುನಾಥ ಮಾದರ್ ಅವರಿಗೆ 13.59 ಲಕ್ಷ ರೂ ಪಾವತಿಸಬೇಕು ಎಂಬ ಸಂದೇಶ ಬಂದಿದೆ. ಸಾಲಪಡೆಯದೇ ಇದ್ದರೂ ಹಣ ಪಾವತಿ ಮಾಡಬೇಕಾದ ವಿಷಯ ಅರಿತು ಮಂಜುನಾಥ ಮಾದರ್ ಅವರು ಕಂಗಾಲಾಗಿದ್ದಾರೆ. ಅಬಕಾರಿ ಅಧಿಕಾರಿಗೆ ಫೋನ್ ಮಾಡಿದರೆ ಅವರ ಫೋನ್ ಸ್ವಿಚ್ ಆಫ್ ಆಗಿದೆ. ಈ ಹಿನ್ನಲೆ ಮಂಜುನಾಥ ಮಾದರ್ ಅವರು ಪೊಲೀಸರ ಮೊರೆ ಹೋಗಿದ್ದು, ತಮಗಾದ ಅನ್ಯಾಯದ ಬಗ್ಗೆ ವಿವರಿಸಿದ್ದಾರೆ. ಪೊಲೀಸರು ಶಿರಸಿ ಅಬಕಾರಿ ಇನ್ಸಪೆಕ್ಟರ್ ಮಂಜುಕುಮಾರ ನಾಯ್ಕ, ದಾಂಡೇಲಿ ಕೆನರಾ ಬ್ಯಾಂಕ್ ಮ್ಯಾನೇಜರ್ ವಿನೋದ ಶೆಟ್ಟಿ ಹಾಗೂ ಇಲಿಯಾಸ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಅಪಘಾತ: ಒಂದು ಸಾವು!](https://mobiletime.in/2026/02/accident-one-death/): ಹಳಿಯಾಳ – ದಾಂಡೇಲಿ ರಾಜ್ಯ ಹೆದ್ದಾರಿಯಲ್ಲಿ ನಡೆದ ಅಪಘಾತದಲ್ಲಿ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಕೆಸರೊಳ್ಳಿಯ ಬಳಿ ಕ್ರೂಸರ್ ಮತ್ತು ಮಾರುತಿ ಎರ್ಟಿಗಾ ನಡುವೆ ಅಪಘಾತ ನಡೆದಿದೆ. ಸವದತ್ತಿಯಿಂದ ಹುಲವಿಗೆ ಹೋಗುತ್ತಿದ್ದ ಕ್ರೂಸರ್ ವಾಹನ ಹಾಗೂ ದಾಂಡೇಲಿಯಿAದ ಹಳಿಯಾಳಕ್ಕೆ ಹೋಗುತ್ತಿದ್ದ ಮಾರುತಿ ಎರ್ಟಿಗಾ ನಡುವೆ ಅಪಘಾತ ನಡೆದಿದೆ. ಅಪಘಾತದ ರಭಸಕ್ಕೆ ಕ್ರೂಸರ್ ವಾಹನದಲ್ಲಿದ್ದ ವ್ಯಕ್ತಿಯೊಬ್ಬರು ಅಲ್ಲಿಯೇ ಸಾವನಪ್ಪಿದ್ದಾರೆ. ಅದೇ ವಾಹನದಲ್ಲಿದ್ದ 6 ಜನರಿಗೆ ಗಾಯವಾಗಿದೆ. ಗಾಯಗೊಂಡ ಎಲ್ಲರನ್ನು ತಕ್ಷಣ ಹಳಿಯಾಳ ಆಸ್ಪತ್ರೆಗೆ ಸಾಗಿಸಲಾಗಿದೆ. ಅಲ್ಲಿ ಅವರಿಗೆ ಆರೈಕೆ ಮುಂದುವರೆದಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಒಂಟಿ ಸಲಗದ ಉಗ್ರ ಪ್ರತಾಪ!](https://mobiletime.in/2026/02/the-fierce-power-of-a-single-warrior/): ದಾಂಡೇಲಿ ಬಳಿಯ ಭಾಗವತಿಯಲ್ಲಿ ಗುರುವಾರ ಮತ್ತೆ ಆನೆ ಕಾಣಿಸಿಕೊಂಡಿದ್ದು, ಆ ಆನೆ ಈ ದಿನ ವಾಹನ ಸವಾರರನ್ನು ಬೆನ್ನಟ್ಟಿದೆ. ಸರಿ ಸುಮಾರು ಅರ್ದ ತಾಸುಗಳ ಕಾಲ ಆನೆ ರಸ್ತೆ ಮೇಲೆ ಓಡಾಟ ನಡೆಸಿ ಭಯ ಹುಟ್ಟಿಸಿದೆ. ಗುರುವಾರ ಮಧ್ಯಾಹ್ನ 3 ಗಂಟೆ ಅವಧಿಗೆ ಒಂಟಿ ಸಲಗ ಮುಖ್ಯ ರಸ್ತೆಗೆ ಬಂದಿತು. ಈ ವೇಳೆ ಆ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಎಲ್ಲಾ ವಾಹನಗಳನ್ನು ಆನೆ ಅಡ್ಡಗಟ್ಟಿತು. ಅದಾಗಿಯೂ, ವಾಹನ ಸವಾರರು ಮುಂದೆ ಹೋಗಲು ಪ್ರಯತ್ನಿಸಿದರು. ಆಗ, ಆನೆ ಕಾರಿನ ಕಡೆ ಓಡಿ ಬಂದು ಬೆದರಿಸಿತು. ಆನೆ ನೋಡಿ ವಾಹನ ಸವಾರರು ಆತಂಕಕ್ಕೆ ಒಳಗಾದರು. ರಸ್ತೆ ಮಧ್ಯೆಯೇ ಓಡಾಡುತ್ತಿದ್ದ ಆನೆ ವಾಹನ ಸಂಚಾರಕ್ಕೆ ಅಡ್ಡಿ ಮಾಡಿದ್ದು, ಆನೆ ಕಾಡಿಗೆ ಹೋಗುವವರೆಗೂ ಜನ ಕಾಯುತ್ತಿದ್ದರು. ಈ ವೇಳೆ ಕೆಲವರು ಆನೆಯ ಸಮೀಪ ಹೋಗಿದ್ದರು. ಅವರನ್ನು ಆನೆ ಬೆನ್ನತ್ತಿ ಬಂದಿದ್ದು, ಪ್ರಾಣಾಪಾಯದಿಂದ ಪ್ರಯಾಣಿಕರು ಪಾರಾದರು. ಕೆಲವರು ವಾಹನ ಅಲ್ಲಿಯೇ ಬಿಟ್ಟು ರಕ್ಷಣೆಗಾಗಿ ರಸ್ತೆಯಲ್ಲಿ ದೂರ ಓಡಿದರು. ಈ ದೃಶ್ಯಾವಳಿಗಳನ್ನು ವ್ಯಕ್ತಿಯೊಬ್ಬರು ಮೊಬೈಲಿನಲ್ಲಿ ಚಿತ್ರಿಕರಿಸಿದ್ದಾರೆ. ಆನೆ ಕಾಡಿನ ಕಡೆಗೆ ತೆರಳಿದ ಬಳಿಕ ವಾಹನ ಸಂಚಾರ ಸಹಜ ಸ್ಥಿತಿಗೆ ಮರಳಿತು. ಆನೆ ಅಡ್ಡಗಟ್ಟಿದ ವಿಡಿಯೋ ಇಲ್ಲಿ ನೋಡಿ..  
- [ಆಗ ಹೇಳಿದ್ದೇ ಒಂದು.. ಇದೀಗ ಮಾಡಿದ್ದೇ ಮತ್ತೊಂದು!](https://mobiletime.in/2026/02/what-you-said-then-is-one-thing-what-you-did-now-is-another/): ಅರಣ್ಯ ಅತಿಕ್ರಮಣದಾರರಿಗೆ ಭೂಮಿ ಹಕ್ಕು ಒದಗಿಸುವ ವಿಷಯವಾಗಿ ಮಹಜರ್ ಮಾಡಲು ರಾಜ್ಯ ಅರಣ್ಯ ಭೂಮಿ ಹಕ್ಕು ಉಸ್ತುವಾರಿ ಸಮಿತಿಯು ಜಿಲ್ಲಾಡಳಿತಕ್ಕೆ ನಿರ್ದೇಶನ ನೀಡಿದ್ದು, ಆ ನಿರ್ದೇಶನಕ್ಕೆ ವ್ಯತಿರಿಕ್ತವಾಗಿ ಅಧಿಕಾರಿಗಳು ವರ್ತಿಸುತ್ತಿದ್ದಾರೆ. `ನಿರ್ಧಿಷ್ಟ ದಾಖಲೆ ಕೊರತೆಯಿಂದ ದಾಖಲೆಗಾಗಿ ವಿವಿಧ ಅರಣ್ಯ ಭೂಮಿ ಹಕ್ಕು ಸಮಿತಿಯಲ್ಲಿ ತಿರಸ್ಕರಿಸಿದ ಅರ್ಜಿಗಳ ಕ್ಷೇತ್ರದ ಸಾಗುವಳಿ ದೃಢೀರಣಕ್ಕೆ ಉನ್ನತ ಮಟ್ಟದ ಸಮಿತಿಯಿಂದ ಮಹಜರ್ ಮಾಡಬೇಕು. ಮಹಜರ್ ವರದಿಯನ್ನು ದಾಖಲೆಯಾಗಿ ಪರಿಗಣಿಸಬೇಕು’ ಎಂದು ರಾಜ್ಯ ಉಸ್ತವಾರಿ ಸಮಿತಿಯು ಜಿಲ್ಲಾಧಿಕಾರಿಗೆ ಜನವರಿ 3ರಂದು ನಿರ್ದೇಶನ ನೀಡಿತ್ತು. ಆದರೆ, ನಿರ್ದೇಶನದ ಮೂಲ ಅಂಶವಾದ ಸಾಗುವಳಿ ಕುರುಹು ಮತ್ತು ಸಾಂದರ್ಭೀಕ ದಾಖಲೆಗಳನ್ನು ಮಹಜರು ವೇಳೆ ಅಧಿಕಾರಿಗಳು ಪರಿಗಣಿಸುತ್ತಲೇ ಇಲ್ಲ. ಅದರ ಬದಲು ಅರ್ಜಿದಾರನ ಅರ್ಜಿಗೆ ಸಂಬAಧಿಸಿ ಮೌಲ್ಯತೆಯನ್ನು ಮಾತ್ರ ಪರಿಶೀಲಿಸುತ್ತಿದ್ದು, ರಾಜ್ಯ ಮಟ್ಟದ ಉಸ್ತುವಾರಿ ಸಮಿತಿಯ ನಡವಳಿಕೆಗೆ ವ್ಯತಿರಿಕ್ತವಾಗಿ ಕೆಲಸ ಮಾಡುತ್ತಿರುವ ಬಗ್ಗೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಆಕ್ಷೇಪಿಸಿದ್ದಾರೆ. `ಕಾನೂನು ನೀತಿ-ನಿಯಮಗಳಿಗೆ ವಿರುದ್ಧವಾಗಿ ಹಾಗೂ ಸಾಗುವಳಿ ಮಹಜರ್ ವರದಿಗೆ ಪ್ರಾತಿನಿತ್ಯ ನೀಡದೇ ಪ್ರಕ್ರಿಯೆ ಮುಂದುವರೆಸಲಾಗಿದೆ. ಅರ್ಜಿದಾರನ ಹಿಡುವಳಿ, ಆರ್ಥಿಕ ಉತ್ಪನ್ನ ಮುಂತಾದ ಷರತ್ತು ಬದ್ಧ ಪರಿಗಣನೆ ಮೇರೆಗೆ ಮಾಹಿತಿ ಸಂಗ್ರಹಿಸುವುದು ಹಾಗೂ ಅರ್ಜಿ ಮೌಲ್ಯತೆಯನ್ನ ಪರಿಶೀಲಿಸುವ ಕಾರ್ಯ ಸರಿಯಾಗಿ ನಡೆದಿಲ್ಲ. ಮಹಜರ್ ಸಂದರ್ಭದಲ್ಲಿ ಸ್ಥಳೀಯ ಮುಖಂಡರ ಹಾಜರಾತಿಗೆ ಅವಕಾಶ ನೀಡದೇ ಅರಣ್ಯವಾಸಿಗೆ ಮಾಹಿತಿಯನ್ನು ಸಹ ನೀಡದೇ ಪ್ರಕ್ರಿಯೆ ನಡೆಸಲಾಗುತ್ತಿದೆ’ ಎಂದು ರವೀಂದ್ರ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. `ಮಹಜರಲ್ಲಿ ಸಾಗುವಳಿಯ ವಥಯಕ್ತಿಕ ದಾಖಲೆಗಳನ್ನು ಮಾತ್ರ ದಾಖಲಿಸಿ ಸಾಗುವಳಿ ಮತ್ತು ವಾಸ್ತವ್ಯಕ್ಕೆ ಸಂಭAಧಿಸಿದ ಅರಣ್ಯವಾಸಿ ಮತ್ತು ಗ್ರಾಮದಲ್ಲಿ ಜನವಸತಿ ಇರುವ ಕುರಿತು ಸಾಂಧರ್ಭಿಕ ದಾಖಲೆಗಳನ್ನ ಮಹಜರಿನಲ್ಲಿ ಉಲ್ಲೇಖಿಸಿಲ್ಲ. ಅರ್ಜಿದಾರರ ಕುಟುಂಬದಲ್ಲ್ಲಿ ಒಂದಕ್ಕಿAತ ಹೆಚ್ಚಿನ ಅರ್ಜಿ ಸಲ್ಲಿಸಿರುವÀ ಅರ್ಜಿ ಪರಿಗಣನೆಗೆ ಅವಕಾಶ ಇಲ್ಲ ಎಂಬುದು ಕಾನೂನಿಗೆ ವ್ಯತಿರಿಕ್ತವಾದ ನೀತಿ’ ಎಂದವರು ಹೇಳಿದ್ದಾರೆ.`ಅರಣ್ಯ ಹಕ್ಕು ಸಮಿತಿಯ ಕಾರ್ಯ ಚಟುವಟಿಕೆ ಮತ್ತು ಅಧಿಕಾರಕ್ಕೆ ಹಸ್ತಕ್ಷೇಪಗೊಳಿಸಿ ರಾಜ್ಯ ಅರಣ್ಯ ಭೂಮಿ ಹಕ್ಕು ಉಸ್ತುವಾರಿ ಸಮಿತಿಯ ನಿರ್ದೇಶನಕ್ಕೆ ವ್ಯತಿರಿಕ್ತವಾಗಿ ಮಹಜರ್ ಪ್ರಕ್ರಿಯೆ ಜರುಗುತ್ತಿರುವ ಕುರಿತು ಉಸ್ತವಾರಿ ಸಮಿತಿಯಿಂದ ಪ್ರಾಧಿಕಾರದ ಗಮನಕ್ಕೆ ತರಲಾಗುತ್ತದೆ’ ಎಂದವರು ಹೇಳಿಕೆ ನೀಡಿದ್ದಾರೆ. ಜೊತೆಗೆ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಕರ್ನಾಟಕ ಸರ್ಕಾರದವರ ಅಧ್ಯಕ್ಷತೆಯಲ್ಲಿ ನಡೆದ ಅರಣ್ಯ ಅನುಸೂಚಿತ ಬುಡಕಟ್ಟುಗಳು ಮತ್ತು ಇತರೇ ಪಾರಂಪರಿಕ ಅರಣ್ಯವಾಸಿಗಳ ಕಾಯಿದೆ ಅಡಿಯಲ್ಲಿನ ರಾಜ್ಯ ಮಟ್ಟದ ಉಸ್ತುವಾರಿ ಸಮಿತಿ ಸಭೆಯ ನಡವಳಿಕೆಯನ್ನು ಶಿರಸಿಯ ಅರಣ್ಯ ಭೂಮಿ ಹೋರಾಟಗಾರರ ಕಾರ್ಯಾಲಯದಲ್ಲಿ ಬಿಡುಗಡೆ ಮಾಡಿದ್ದಾರೆ. ಕಾನೂನು ಸಲಹಗಾರ ಉದಯ ನಾಯ್ಕ ಮತ್ತು ಮಂಜುನಾಥ ತಿಮ್ಮ ನಾಯ್ಕ ಬಿದ್ರಳ್ಳಿ ಅವರು ಈ ವೇಳೆ ಇದ್ದರು.
- [ವನ ದೇವತೆಯ ಪ್ರೀತಿ ನಿರಾಕರಿಸಿದ ಫಾರೆಸ್ಟ್ ಆಫೀಸರ್!](https://mobiletime.in/2026/02/forest-officer-who-rejected-the-love-of-the-forest-goddess/): ಶಿರಸಿಯಲ್ಲಿ ಉಪವಲಯ ಅರಣ್ಯಾಧಿಕಾರಿಯಾಗಿರುವ ಕಾರ್ತೀಕ ನಾರ್ವೇಕರ್ ಅವರಿಗೆ ಸಹದ್ಯೋಗಿಯೊಬ್ಬರು ಪ್ರೇಮ ಸಂದೇಶ ಕಳುಹಿಸಿದ್ದಾರೆ.  ಆ ಪ್ರೀತಿ ಒಪ್ಪದ ಕಾರ್ತೀಕ್ ನಾರ್ವೇಕರ್ ಅವರು ಆ ಸಹದ್ಯೋಗಿ ವಿರುದ್ಧವೇ ಸಿಡಿದೆದ್ದಿದ್ದಾರೆ! ಶಿರಸಿಯ ಚಿಪಗಿ ಫಾರೆಸ್ಟ್ ಕಾಲೋನಿಯಲ್ಲಿ ಕಾರ್ತೀಕ ನಾಗರಾಜ ನಾರ್ವೇಕರ್ (29) ಅವರು ವಾಸವಾಗಿದ್ದಾರೆ. 2020ರ ಅಕ್ಟೊಬರ್ ತಿಂಗಳಿನಿoದ ಶಿರಸಿ ಅರಣ್ಯಾಧಿಕಾರಿ ಕಚೇರಿಯಲ್ಲಿ ಅವರು ಉಪವಲಯ ಅರಣ್ಯಾಧಿಕಾರಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಅದಕ್ಕೂ ಮುನ್ನ ಅವರು ದಾಸನಕೊಪ್ಪ ಶಾಖೆಯಲ್ಲಿ ಸರ್ಕಾರಿ ಕೆಲಸ ನಿರ್ವಹಿಸಿದ್ದು, ಅಲ್ಲಿಯೇ ಕೆಲಸ ಮಾಡುತ್ತಿದ್ದ ಬೀಟ್ ಫಾರೆಸ್ಟರ್ ವಿದ್ಯಾಶ್ರೀ ಪರಶುರಾಮ ಜಾದವ್ ಅವರು ಪರಿಚಯವಾಗಿದ್ದಾರೆ. ವಿದ್ಯಾಶ್ರೀ ಜಾದವ್ ಅವರು ಕಾರ್ತಿಕ್ ನಾರ್ವೇಕರ್ ಅವರನ್ನು ಪ್ರೀತಿಸುತ್ತಿದ್ದು, ಪ್ರೀತಿಯ ಸಂಕೇತವಾಗಿ ವಾಟ್ಸಪ್ ಸ್ಟೇಟಸ್ಸಿನಲ್ಲಿ ಕಾರ್ತೀಕ ನಾರ್ವೇಕರ್ ಅವರ ಫೋಟೋ ಹಾಕಿಕೊಳ್ಳುತ್ತಿದ್ದರು. ಅದರೊಂದಿಗೆ ಮೊಬೈಲ್ ಮೂಲಕ ಪದೇ ಪದೇ ಮೆಸೆಜ್ ಮಾಡಿ ಪ್ರೀತಿಸುವಂತೆ ದುಂಬಾಲು ಬಿದ್ದಿದ್ದರು. ಆದರೆ, ಕಾರ್ತೀಕ ನಾರ್ವೇಕರ್ ಅವರು ಆ ಪ್ರೀತಿಯನ್ನು ಒಪ್ಪಿರಲಿಲ್ಲ. `ಜೀವನದಲ್ಲಿ ಏನಾದರೂ ಸಾಧಿಸಬೇಕು’ ಎಂಬ ನಿಟ್ಟಿನಲ್ಲಿ ಕಾರ್ತೀಕ ನಾರ್ವೇಕರ್ ಅವರು ಸರ್ಕಾರಿ ಸೇವೆ ಮಾಡಿಕೊಂಡಿದ್ದು, ಸಹದ್ಯೋಗಿ ವಿದ್ಯಾಶ್ರೀ ಜಾದವ್ ಅವರ ಪ್ರೀತಿಯ ಸಂದೇಶ ಅವರ ಗುರಿಗೆ ಅಡ್ಡಿಪಡಿಸುತ್ತಿತ್ತು. `ಪ್ರೀತಿ-ಪ್ರೇಮದಿಂದ ದೂರವಿರೋಣ’ ಎಂದು ಕಾರ್ತೀಕ ನಾರ್ವೇಕರ್ ಅವರು ವಿದ್ಯಾಶ್ರೀ ಜಾದವ್ ಅವರಿಗೆ ತಿಳುವಳಿಕೆ ಹೇಳಿದ್ದರು. ಆದರೆ, ವಿದ್ಯಾಶ್ರೀ ಜಾದವ್ ಅವರು ದಿನವೂ ಕಳುಹಿಸುತ್ತಿದ್ದ ಪ್ರೀತಿಯ ಸಂದೇಶಗಳಿಗೆ ಕೊನೆಯಿರಲಿಲ್ಲ. ಮೊಬೈಲ್ ಮೆಸೆಜ್, ಫೇಸ್ಬುಕ್ ಮೆಸೆಂಜರ್ ಜೊತೆ ಇಮೇಲ್ ಮೂಲಕವೂ ವಿದ್ಯಾಶ್ರೀ ಜಾದವ್ ಅವರು ನಿರಂತರ ಸಂದೇಶ ರವಾನಿಸುತ್ತಿದ್ದರು. ಬೇರೆ ಬೇರೆ ಮೊಬೈಲ್ ಸಂಖ್ಯೆಯಿoದ ಮೆಸೆಜ್ ಮಾಡಿ ಪ್ರೀತಿಸುವಂತೆ ದುಂಬಾಲು ಬಿದ್ದಿದ್ದರು. `ವನ ದೇವತೆ’ ಎಂಬ ಫೇಸ್ಬುಕ್ ಪ್ರೊಪೈಲ್ ಮೂಲಕವೂ ಮತ್ತೆ ಮತ್ತೆ ಮೆಸೆಜ್ ಮಾಡುತ್ತಿದ್ದರು. `ನೀವು ಒಳ್ಳೆಯವರಾ? ಕೆಟ್ಟವರಾ? ಎಂದು ಗೊತ್ತಿಲ್ಲ. ಆದರೆ, ನಿಮ್ಮ ಬಿಟ್ಟು ಬದುಕಲು ಆಗಲ್ಲ’ ಎಂದೆಲ್ಲ ಮೇಲ್ ಕಳುಹಿಸಿದ್ದರು. `ನೀವಿಲ್ಲದಿದ್ದರೆ ನಾ ಸತ್ತು ಹೋಗುವೆ’ ಎಂದು ಹೆದರಿಸಿದ್ದರು. ಜೊತೆಗೆ ಕಾರ್ತೀಕ ನಾರ್ವೇಕರ್ ಅವರ ಫೋಟೋವನ್ನು ತಮ್ಮ ಫೋಟೋದ ಜೊತೆ ಸೇರಿಸಿ ಶೇರ್ ಮಾಡಿದ್ದರು. ಇದರಿಂದ ಬೇಸತ್ತ ಕಾರ್ತೀಕ ನಾರ್ವೇಕರ್ ಅವರು ಬನವಾಸಿ ಪೊಲೀಸ್ ಠಾಣೆಗೆ ಹೋಗಿ ತಮ್ಮ ಸಮಸ್ಯೆ ಬಗ್ಗೆ ಹೇಳಿದ್ದರು. ಪೊಲೀಸರ ಮೂಲಕವೂ ವಿದ್ಯಾಶ್ರೀ ಜಾದವ್ ಅವರಿಗೆ ಬುದ್ದಿ ಹೇಳಿಸಿದ್ದರು. ಅದಾಗಿಯ, ವಿದ್ಯಾಶ್ರೀ ಜಾದವ್ ಅವರು ಪ್ರೀತಿಸುವಂತೆ ಬೇಡಿಕೊಳ್ಳುವುದನ್ನು ಮಾತ್ರ ಬಿಟ್ಟಿರಲಿಲ್ಲ. ಕಾರ್ತೀಕ ನಾರ್ವೇಕರ್ ಅವರು ದಾಸನಕೊಪ್ಪದಿಂದ ಶಿರಸಿ ವಲಯಕ್ಕೆ ವರ್ಗವಾದ ನಂತರವೂ ವಿದ್ಯಾಶ್ರೀ ಜಾದವ್ ಅವರು ಕಾರ್ತೀಕ್ ಅವರಿಗೆ ಮೆಸೆಜ್ ಮಾಡುವುದನ್ನು ಮುಂದುವರೆಸಿದ್ದರು. ಹೀಗಿರುವಾಗ ಫೆಬ್ರವರಿ 10ರಂದು ವಿದ್ಯಾಶ್ರೀ ಜಾದವ್ ಅವರು ಕಾರ್ತೀಕ ನಾರ್ವೇಕರ್ ಅವರು ಕೆಲಸ ಮಾಡುವ ಕಚೇರಿಗೆ ಬಂದರು. ಅಲ್ಲಿಯೂ ಕಾರ್ತೀಕ ನಾರ್ವೇಕರ್ ಅವರ ಬಗ್ಗೆ ವಿಚಾರಣೆ ನಡೆಸಿದರು. `ನೀ ಪ್ರೀತಿಸದಿದ್ದರೆ ನಾ ಸತ್ತು ಹೋಗುವೆ’ ಎಂದು ಮೆಸೆಜ್ ಮಾಡಿದರು. ಇದರಿಂದ ಹೆದರಿದ ಕಾರ್ತೀಕ್ ನಾರ್ವೇಕರ್ ಅವರು ಈ ವಿಷಯದ ಬಗ್ಗೆ ಮೇಲಧಿಕಾರಿಗಳಲ್ಲಿ ಹೇಳಿದರು. ಕುಟುಂಬದವರ ಜೊತೆ ಚರ್ಚಿಸಿದ ಅವರು ವಿದ್ಯಾಶ್ರೀ ಜಾದವ್ ಅವರಿಂದ ಬಿಡುಗಡೆ ಕೋರಿ ನ್ಯಾಯಾಲಯದ ಮೊರೆ ಹೋದರು. ನ್ಯಾಯಾಲಯದ ಸೂಚನೆ ಮೇರೆಗೆ ಶಿರಸಿ ನಗರ ಠಾಣೆ ಪೊಲೀಸರು ಪ್ರಕರಣವನ್ನು ದಾಖಲಿಸಿದರು.
- [ಮಾಜಿ ಅಧ್ಯಕ್ಷೆಯ ಫೋನ್ ನಂ ಬ್ಲಾಕ್ ಮಾಡಿದ ಪಿಡಿಓ: ದೂರು!](https://mobiletime.in/2026/02/pdo-blocks-former-presidents-phone-number-complaint/): ಕುಮಟಾದ ಹೊಲನಗದ್ದೆ ಗ್ರಾಮ ಪಂಚಾಯತ ಪಿಡಿಓ ಪ್ರಜ್ಞಾ ನಾಯ್ಕ ಅವರು ಗ್ರಾಮ ಪಂಚಾಯತ ಮಾಜಿ ಅಧ್ಯಕ್ಷೆ ಅನಿತಾ ಡಿಸೋಜಾ ಅವರ ಮೊಬೈಲ್ ನಂ ಬ್ಲಾಕ್ ಮಾಡಿದ್ದಾರೆ. ಊರಿನ ಸಮಸ್ಯೆ ಬಗೆಹರಿಸುವಂತೆ ಮನವಿ ಮಾಡಿದರೂ ಸ್ಪಂದಿಸದೇ ಫೋನ್ ನಂ ಬ್ಲಾಕ್ ಮಾಡಿದ ಕಾರಣ ಪಿಡಿಓ ವಿರುದ್ಧ ಅನಿತಾ ಡಿಸೋಜಾ ಅವರು ಜಿಲ್ಲಾಡಳಿತಕ್ಕೆ ದೂರು ಸಲ್ಲಿಸಿದ್ದಾರೆ. `ಆರು ತಿಂಗಳ ಹಿಂದೆ ಕುಮಟಾ ಮಾಸೂರು ಕ್ರಾಸಿನಲ್ಲಿ ಮನೆ ಮನೆಗೂ ನಲ್ಲಿ ನೀರಿನ ಸಂಪರ್ಕ ಕೊಡಲಾಗಿದೆ. ಆದರೆ, ಜಲ ಜೀವನ ಮಿಶನ್ ಯೋಜನೆ ಅಡಿ ನೀರು ಒದಗಿಸಿಲ್ಲ. ಈ ಬಗ್ಗೆ ಪ್ರಶ್ನಿಸಿದ ಕಾರಣ ಪಿಡಿಓ ಪ್ರಜ್ಞಾ ನಾಯ್ಕ ಅವರು ಫೋನ್ ನಂ ಬ್ಲಾಕ್ ಮಾಡಿದ್ದಾರೆ’ ಎಂದು ಅನಿತಾ ಡಿಸೋಜಾ ಅವರು ಆಕ್ರೋಶವ್ಯಕ್ತಪಡಿಸಿದರು. `ಗ್ರಾಮ ಪಂಚಾಯತದ ಫೋನ್ ನಂ ಕೆಲಸ ಮಾಡುತ್ತಿಲ್ಲ. ಪಿಡಿಓ ಫೋನಿಗೆ ಸಿಗುತ್ತಿಲ್ಲ. ಹೀಗಾಗಿ ಕುಡಿಯುವ ನೀರಿನ ಸಮಸ್ಯೆ ಹಾಗೇ ಇದ್ದು, ಮೇಲಧಿಕಾರಿಗಳಿಗೂ ಸಹ ಪಿಡಿಓ ದಿಕ್ಕು ತಪ್ಪಿಸುತ್ತಿದ್ದಾರೆ’ ಎಂದು ದೂರಿದರು. `ಸದ್ಯ ತಾನು ಭಟ್ಕಳದ ಬೈಲೂರಿನ ಅತ್ತೆ ಮನೆಯಲ್ಲಿ ವಾಸವಾಗಿದ್ದೇನೆ. ಅದೇ ಕಾರಣ ನೀಡಿ ಇಲ್ಲಿರುವ ಮನೆಗೆ ನೀರು ಸರಬರಾಜು ಮಾಡುತ್ತಿಲ್ಲ. ಈ ಹಿಂದೆ ಗ್ರಾ ಪಂ ಅಧ್ಯಕ್ಷೆಯಾಗಿ ಸೇವೆ ಸಲ್ಲಿಸಿದ್ದು, ಎಲ್ಲರಿಗೂ ಕೊಟ್ಟ ಹಾಗೇ ನನಗೂ ನೀರು ಒದಗಿಸಬೇಕು. ಇಲ್ಲವಾದಲ್ಲಿ ಹೋರಾಟ ಅನಿವಾರ್ಯ’ ಎಂದವರು ಎಚ್ಚರಿಸಿದ್ದಾರೆ. `ಮನೆ ತೆರಿಗೆ ಪಾವತಿಸಿದರೂ ನೀರು ಒದಗಿಸದಿರುವುದು ಅಪರಾಧ. ಈ ಬಗ್ಗೆ ಪಂಚಾಯತ್ ರಾಜ್ ಸಚಿವರಿಗೆ ಸಹ ದೂರು ನೀಡಲಾಗುತ್ತದೆ’ ಎಂದು ಜನಸಾಮಾನ್ಯರ ಸಮಾಜ ಕಲ್ಯಾಣ ಕೇಂದ್ರದ ಅಧ್ಯಕ್ಷ ಆಗ್ನೇಲ್ ರೋಡ್ರಿಗಸ್ ಅವರು ಹೇಳಿದ್ದಾರೆ.
- [ದೇಶಿ ಹಸುವಿನ ಮೇಲೆ ದುಷ್ಟರ ಕಣ್ಣು!](https://mobiletime.in/2026/02/evil-eyes-on-the-local-cow/): ದೇಶಿಯ ಹಸುಗಳ ಬಗ್ಗೆ ಅಪಾರ ಕಾಳಜಿಹೊಂದಿದ್ದ ಹೊನ್ನಾವರದ ವಕೀಲ ಶ್ರೀಧರ ಹೆಗಡೆ ಅವರು ಮಲೆನಾಡು ಗಿಡ್ಡ ತಳಿಯ ಆಕಳು ಸಾಕಿದ್ದು, ಆ ಆಕಳನ್ನು ಕಳ್ಳರು ಕದ್ದಿದ್ದಾರೆ. ಹೊನ್ನಾವರದ ವಂದೂರು ಬಳಿಯ ದುಗ್ಗೂರಿನಲ್ಲಿ ಶ್ರೀಧರ ಗೋವಿಂದ ಹೆಗಡೆ ಅವರು ವಾಸವಾಗಿದ್ದಾರೆ. ವಕೀಲ ವೃತ್ತಿಯ ಜೊತೆ ಅವರು ಕೃಷಿ ಕಾಯಕದಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಸಾಕು ಪ್ರಾಣಿಗಳ ಬಗ್ಗೆ ಶ್ರೀಧರ ಹೆಗಡೆ ಅವರಿಗೆ ಎಲ್ಲಿಲ್ಲದ ಅಕ್ಕರೆ. ಅದರಲ್ಲಿಯೂ ದೇಶಿಯ ಹಸುಗಳು ಎಂದರೆ ಅವರಿಗೆ ಅಚ್ಚುಮೆಚ್ಚು. ಹೀಗಾಗಿ ಅವರು ತಮ್ಮ ಕೊಟ್ಟಿಗೆಯಲ್ಲಿ ಮಲೆನಾಡು ಗಿಡ್ಡ ತಳಿಯ ಹಸು ಸಾಕಿದ್ದರು. ವಕೀಲರ ಒಡೆತನದಲ್ಲಿರುವ ಮಲೆನಾಡು ಗಿಡ್ಡ ಹಸುವಿನ ಮೇಲೆ ದುಷ್ಟರು ಕಣ್ಣು ಹಾಕಿದ್ದು, ಹಗಲಿನ ಅವಧಿಯಲ್ಲಿಯೇ ಆ ಹಸುವನ್ನು ಕಣ್ಮರೆ ಮಾಡಿದರು. ಫೆಬ್ರವರಿ 11ರ ಬೆಳಗ್ಗೆ 8 ಗಂಟೆಯವರೆಗೆ ಕೊಟ್ಟಿಗೆಯಲ್ಲಿದ್ದ ಹಸು ಸಂಜೆ 5 ಗಂಟೆಯ ವೇಳೆಗೆ ಅಲ್ಲಿರಲಿಲ್ಲ. ಹಸು ಮೇವಿಗೆ ಹೋಗಿರಬಹುದು ಎಂದು ಅಂದಾಜಿಸಿ ಎಲ್ಲಾ ಕಡೆ ಹುಡುಕಾಟ ನಡೆಸಿದರೂ ಆ ಬೆಟ್ಟದಲ್ಲಿ ಹಸುವಿನ ಸಗಣಿಯೂ ಕಾಣಲಿಲ್ಲ. ಕಳ್ಳರ ಕಾಟಕ್ಕೆ ಬೇಸತ್ತ ವಕೀಲ ಶ್ರೀಧರ ಹೆಗಡೆ ಅವರು ಹೊನ್ನಾವರ ಪೊಲೀಸ್ ಠಾಣೆಗೆ ಆಗಮಿಸಿದರು. ಮೂರುವರೆ ವರ್ಷದ ಮಲೆನಾಡು ಗಿಡ್ಡ ಹಸು ಕಾಣೆಯಾದ ಬಗ್ಗೆ ಅಲ್ಲಿ ವರದಿ ಒಪ್ಪಿಸಿದರು. 15 ಸಾವಿರ ರೂ ಮೌಲ್ಯದ ಹಸುವನ್ನು ಹುಡುಕಿಕೊಡಬೇಕು. ಆ ಕಳ್ಳರಿಗೆ ಕಠಿಣ ಶಿಕ್ಷೆ ವಿಧಿಸಬೇಕು ಎಂದು ಲಿಖಿತ ದೂರು ಸಲ್ಲಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ಕಳ್ಳತನ ತಡೆಗೆ ಸಿಸಿ ಕ್ಯಾಮರಾ ಸಹಕಾರಿ’  
- [ನಿಯಂತ್ರಣ ತಪ್ಪಿದ ನ್ಯಾನೋ ಕಾರು!](https://mobiletime.in/2026/02/nano-car-out-of-control/): ಸಿದ್ದಾಪುರ ರವೀಂದ್ರ ನಗರದ ಹೀರೋ ಶೋರೂಮಿನ ಬಳಿ ನ್ಯಾನ್ಯೋ ಕಾರು ನಿಯಂತ್ರಣ ತಪ್ಪಿದೆ. ಪರಿಣಾಮ ರಸ್ತೆ ಬದಿ ನಿಂತಿದ್ದ ಮತ್ತೊಂದು ಕಾರಿಗೆ ನ್ಯಾನೋ ಕಾರು ಗುದ್ದಿದೆ. ಈ ಅಪಘಾತದಲ್ಲಿ ನಾಲ್ವರು ಗಾಯಗೊಂಡಿದ್ದು, ಆಸ್ಪತ್ರೆ ಸೇರಿದ್ದಾರೆ. ಶಿರಸಿ ಟಿಎಸ್‌ಎಸ್ ರಸ್ತೆಯಲ್ಲಿ ವೆಲ್ಡಿಂಗ್ ಕೆಲಸ ಮಾಡಿಕೊಂಡಿರುವ ಪ್ರಶಾಂತ ಗ್ರೆಗೋರಿ ಫರ್ನಾಂಡೀಸ್ ಅವರು ಫೆಬ್ರವರಿ 18ರಂದು ನ್ಯಾನೋ ಕಾರು ಓಡಿಸಿಕೊಂಡು ಹೊರಟಿದ್ದರು. ಸಿದ್ದಾಪುರ ರವೀಂದ್ರ ನಗರದ ಹೀರೋ ಶೋ ರೂಮಿನ ಬಳಿಯ ಕಚ್ಚಾ ರಸ್ತೆಯಲ್ಲಿ ಬಿಳಿ ಬಣ್ಣದ ಮಾರುತಿ ಸುಜುಕಿ ಬ್ರಿಝಾ ಕಾರು ನಿಂತಿರುವುದನ್ನು ಅವರು ನೋಡಿದ್ದರು. ಅದಾಗಿಯೂ, ಅವರ ವೇಗವಾದ ಕಾರು ಚಾಲನೆ ಅಪಾಯ ಆಹ್ವಾನಿಸಿದ್ದು, ರಸ್ತೆ ಬದಿ ನಿಂತಿದ್ದ ಕಾರಿಗೆ ಪ್ರಶಾಂತ ಫರ್ನಾಂಡೀಸ್ ಅವರು ತಮ್ಮ ಕಾರು ಗುದ್ದಿದರು. ಪರಿಣಾಮ ನ್ಯಾನೋ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಅತೋನಿ ಡಯಾಗೋ ಬೆರಿಟೋ (75 ವರ್ಷ), ಫಾತಿಮಾ ಅಂಥೋನಿ ಬೆರಿಟೋ (70 ವರ್ಷ), ಅಂಥೋನಿ ಅಗಸ್ತಿನ್ ಫರ್ನಾಂಡೀಸ್ (70 ವರ್ಷ) ಮತ್ತು ಅಂಜಲಿ ಎಡವರ್ಡ್ ಫರ್ನಾಂಡೀಸ್ (60 ವರ್ಷ) ಅವರ ತಲೆ ಹಾಗೂ ಕಾಲುಗಳಿಗೆ ಗಾಯವಾಯಿತು. ರಕ್ತ ಸೋರುವಷ್ಟರ ಮಟ್ಟಿಗೆ ಗಾಯವಾದ ಕಾರಣ ಅವರೆಲ್ಲರೂ ಆಸ್ಪತ್ರೆ ಸೇರಿದರು. ಮಾರುತಿ ಕಾರಿನ ಮಾಲಕ ಮಹಾಬಲೇಶ್ವರ ರಾಮಾ ನಾಯ್ಕ ಅವರು ಅಪಘಾತದ ಬಗ್ಗೆ ಪೊಲೀಸ್ ದೂರು ನೀಡಿದ್ದು, ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು. `ಅಪಘಾತ ತಪ್ಪಿಸಲು ನಿಧಾನವಾಗಿ ವಾಹನ ಓಡಿಸಿ’
- [ಸರಣಿ ಅಪಘಾತ: 24 ಜನರಿಗೆ ಆಘಾತ!](https://mobiletime.in/2026/02/serial-accident-24-people-in-shock/): ಯಲ್ಲಾಪುರ-ಅಂಕೋಲಾ ರಾಷ್ಟ್ರೀಯ ಹೆದ್ದಾರಿಯ ಸುಂಕಸಾಳದಲ್ಲಿ ಗುರುವಾರ ನಸುಕಿನಲ್ಲಿ ಸರಣಿ ಅಪಘಾತ ನಡೆದಿದ್ದು, ಈ ಅಪಘಾತದಲ್ಲಿ 24 ಜನ ಗಾಯಗೊಂಡಿದ್ದಾರೆ. ಆ ಪೈಕಿ 8 ಜನರ ಸ್ಥಿತಿ ಗಂಭೀರವಾಗಿದೆ. ಅಪಘಾತ ನಡೆದ ನಂತರ ಬಸ್ಸಿನ ಒಳಗಿನಿಂದ ದೊಡ್ಡ ಆಕ್ರಂದನ ಕೇಳಿಸಿದ್ದು, ಸುತ್ತಲಿನ ಜನ ಸಹಾಯಕ್ಕೆ ದೌಡಾಯಿಸಿದ್ದಾರೆ. ಸ್ಥಳೀಯರು ಬಸ್ಸಿನ ಕಿಟಕಿ ಗಾಜುಗಳನ್ನು ಒಡೆದು ಅದರ ಒಳಗಿದ್ದ ಪ್ರಯಾಣಿಕರನ್ನು ರಕ್ಷಿಸಿದ್ದಾರೆ. 12 ಮಂದಿ ವಿದೇಶಿಗರು ಬಸ್ಸಿನಲ್ಲಿದ್ದು, ಗಾಯಗೊಂಡ ಅವರಿಗೆ ಸುಂಕಸಾಳದ ಜನ ಉಪಚಾರ ಮಾಡಿದ್ದಾರೆ. ಗಂಭೀರವಾಗಿ ಗಾಯಗೊಂಡವರನ್ನು ಕಾರವಾರದ ಕಿಮ್ಸ್’ಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ. ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದವರನ್ನು ಬೇರೆ ಬೇರೆ ಕಡೆ ದಾಖಲಿಸಲಾಗಿದೆ. ಇಲ್ಲಿ ಹುಬ್ಬಳ್ಳಿಯಿಂದ ಮಂಗಳೂರಿಗೆ ಸಂಚರಿಸುತ್ತಿದ್ದ ಬಸ್ಸಿಗೆ ಎದುರಿನಿಂದ ಬಂದ ಲಾರಿ ಡಿಕ್ಕಿ ಹೊಡೆದಿದೆ. ಅದಾದ ನಂತರ ಆ ಲಾರಿ ಬಳ್ಳಾರಿಯಿಂದ ಪಣಜಿಗೆ ಸಂಚರಿಸುತ್ತಿದ್ದ ಬಸ್ಸಿಗೂ ಗುದ್ದಿದೆ. ಅಪಘಾತದ ಪರಿಣಾಮ ಅರಬೈಲ್ ಘಟ್ಟದವರೆಗೂ ವಾಹನಗಳು ಸಾಲಿನಲ್ಲಿ ನಿಂತಿದ್ದು, ಸಂಚಾರ ದಟ್ಟಣೆ ಸರಿಪಡಿಸಲು ಪೊಲೀಸರು ಹರಸಾಹಸ ಮಾಡಿದ್ದಾರೆ. ಯಲ್ಲಾಪುರ ಜಾತ್ರೆ ಮುಗಿಸಿ ಕರಾವಳಿ ಭಾಗಕ್ಕೆ ತೆರಳುವ ಅನೇಕರು ಇಲ್ಲಿ ಸಮಸ್ಯೆ ಅನುಭವಿಸಿದ್ದಾರೆ. `ಅಪಘಾತ ತಪ್ಪಿಸಲು ನಿಧಾನವಾಗಿ ವಾಹನ ಓಡಿಸಿ’
- [ಸಹಾಯ ಮಾಡಿ ಸಂಕಷ್ಟಕ್ಕೆ ಸಿಲುಕಿದ ಸ್ನೇಹಿತ!](https://mobiletime.in/2026/02/help-a-friend-in-trouble/): ಅಂಕೋಲಾದ ರಾಘು ನಾಯ್ಕ ಅವರು ತಮಗೆ ಸ್ನೇಹಿತರಾಗಿದ್ದ ಬೇಲಿಕೇರಿಯ ಅಮರನಾಥ ಭಾನಾವಳಿಕರ್ ಅವರಿಗೆ ಆರ್ಥಿಕ ನೆರವು ನೀಡಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಕಷ್ಟ ಕಾಲದಲ್ಲಿ ಸಹಾಯ ಮಾಡಿದ ರಾಘು ನಾಯ್ಕ ಅವರಿಗೆ ಆ ಹಣ ಮರಳಿಸುವ ಬದಲು ಅವರ ವಿರುದ್ಧವೇ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. `ಖಾಲಿ ಚೆಕ್ ಹಿಡಿದು ಕಡ್ಡಿ ಆಡಿಸಿದ ಎಜೆಂಟ’ ವರದಿ ಕುರಿತಾಗಿ ರಾಘು ನಾಯ್ಕ ಕಡೆಯವರು ಸ್ಪಷ್ಠನೆ ನೀಡಿದ್ದು, ಈ ವಿಷಯದ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಬೇಲಿಕೇರಿಯ ಅಮರನಾಥ ಭಾನಾವಳಿಕರ್ ಹಾಗೂ ಕೇಣಿ ಕಸಬಾದ ರಾಘು ನಾಯ್ಕ ಅವರು 10 ವರ್ಷ ಹಿಂದಿನ ಸ್ನೇಹಿತರಾಗಿದ್ದರು. ಅಮರನಾಥ ಭಾನಾವಳಿಕರ್ ಅವರು ಸಮಸ್ಯೆಗೆ ಸಿಲುಕಿದ ಕಾರಣ ರಾಘು ನಾಯ್ಕ ಅವರಲ್ಲಿ ಸಹಾಯ ಕೇಳಿದ್ದರು. 15 ಲಕ್ಷ ರೂ ನೆರವು ನೀಡುವಂತೆ ಅಮರನಾಥ ಭಾನಾವಳಿಕರ್ ಅವರು ಕೇಳಿದ್ದು, ರಾಘು ನಾಯ್ಕ ಅವರು ಒಂದೇ ಸಲ ಅಷ್ಟೊಂದು ಹಣ ಕೊಡಲು ಆಗಿರಲಿಲ್ಲ. ಹೀಗಾಗಿ ಹಂತ ಹಂತವಾಗಿ ರಾಘು ನಾಯ್ಕ ಅವರು ಅಮರನಾಥ ಭಾನಾವಳಿಕರ್ ಅವರಿಗೆ ಸಹಾಯ ಮಾಡಿದ್ದರು. ಒಟ್ಟು 14.70 ಲಕ್ಷ ರೂಪಾಯಿಯನ್ನು ರಾಘು ನಾಯ್ಕ ಅವರು ನೀಡಿದ್ದು, ಏಪ್ರಿಲ್ ತಿಂಗಳಿನಲ್ಲಿ ಅದನ್ನು ಅಮರನಾಥ ಭಾನಾವಳಿಕರ್ ಅವರು ಮರು ಪಾವತಿ ಮಾಡುವ ಭರವಸೆ ನೀಡಿದ್ದರು. ಆದರೆ, ಆ ಹಣವನ್ನು ಕೊಟ್ಟಿರಲಿಲ್ಲ. ಪದೇ ಪದೇ ಕೇಳಿದಾಗ ಏಪ್ರಿಲ್ ಅಂತ್ಯಕ್ಕೆ ಚೆಕ್ ನೀಡಿದ್ದು, ಆ ಚೆಕ್ ಅಮಾನ್ಯವಾಗಿದೆ. ತಂದೆ ಹಾಗೂ ಪತ್ನಿಯ ಭೂಮಿ ಮಾರಾಟದಿಂದ ಬಂದ ಹಣವನ್ನು ರಾಘು ನಾಯ್ಕ ಅವರು ಸ್ನೇಹಿತರಿಗೆ ನೀಡಿದ್ದು, ಫೋನ್ ಮಾಡಿದರೂ ಸಹ ಅಮರನಾಥ ಭಾನಾವಳಿಕರ್ ಅವರಿಂದ ಸ್ಪಂದನೆ ಸಿಕ್ಕಿಲ್ಲ. ತಮ್ಮ ಹಣ ಮರಳದ ಕಾರಣ ರಾಘು ನಾಯ್ಕ ಅವರು ನೋಟಿಸ್ ನೀಡಿದ್ದಾರೆ. ನೋಟಿಸ್ ನೀಡಿದ ಸಿಟ್ಟಿಗೆ ಅಮರನಾಥ ಭಾನಾವಳಿಕರ್ ಅವರು ರಾಘು ನಾಯ್ಕ ಅವರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಸ್ನೇಹಿತನಿಗೆ ಸಹಾಯ ಮಾಡಲು ಹೋಗಿ ರಾಘು ನಾಯ್ಕ ಅವರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಈ ಪ್ರಕರಣದಲ್ಲಿ ಅವರದ್ಧು ಏನೂ ತಪ್ಪಿಲ್ಲ’ ಎಂದು ರಾಘು ನಾಯ್ಕ ಅವರ ಆಪ್ತರು ಹೇಳಿದ್ದಾರೆ. ಇದರೊಂದಿಗೆ ರಾಘು ನಾಯ್ಕ ಅವರ ಪರವಾಗಿ ವಕೀಲರು ನೀಡಿದ ನೋಟಿಸ್ ಪ್ರತಿಯನ್ನು ಒದಗಿಸಿದ್ದಾರೆ. `ಸಾಲ ನೀಡಿ ಸ್ನೇಹ ಕಳೆದುಕೊಳ್ಳಬೇಡಿ’
- [ಪ್ರಗತಿ ಪರಿಶೀಲನೆ: ಸಿ ಎಸ್ ಆರ್ ಅಡಿ ಹೊನ್ನಾವರಕ್ಕೆ ಅಧಿಕ ಅನುದಾನ!](https://mobiletime.in/2026/02/progress-review-more-funding-for-honnavar-under-csr/): `ಸರ್ಕಾರ ಸೂಚಿಸಿದ ಎಲ್ಲಾ ಕಾಮಗಾರಿಗಳನ್ನು ಮಾರ್ಚ 15ರ ಒಳಗೆ ಮುಗಿಸುವುದರೊಂದಿಗೆ ಅನುದಾನವನ್ನು ಸರಿಯಾಗಿ ಬಳಸಿಕೊಳ್ಳಬೇಕು. ಯಾವುದೇ ಕಾರಣಕ್ಕೂ ಅನುದಾನ ಮರಳದಂತೆ ಎಚ್ಚರಿಕೆವಹಿಸಬೇಕು’ ಎಂದು ಮೀನುಗಾರಿಕೆ ಬಂದರು ಹಾಗೂ ಒಳನಾಡು ಜಲಸಾರಿಗೆ ಇಲಾಖೆಯ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಮಂಕಾಳ ಎಸ್ ವೈದ್ಯ ಅವರು ಅಧಿಕಾರಿಗಳಿಗೆ ತಾಕೀತು ಮಾಡಿದ್ದಾರೆ. ಬುಧವಾರ ಹೊನ್ನಾವರ ತಾಲೂಕಾ ಪಂಚಾಯತ ಸಭಾಂಗಣದಲ್ಲಿ ನಡೆದ ತ್ರೈಮಾಸಿಕ ಕೆಡಿಪಿ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದ ಅವರು, `ಆರೋಗ್ಯ ಇಲಾಖೆಯಿಂದ ಯಾವುದೇ ಔಷಧವನ್ನು ಹೊರಗಿನ ಮೆಡಿಕಲ್‌ನಿಂದ ತರುವಂತೆ ಚೀಟಿ ಬರೆದುಕೊಡಬಾರದು, ಜನರು ಔಷಧಕ್ಕಾಗಿ ಅಲೆದಾಡುವಂತಾಗಬಾರದು. ಅಂತಹ ಪ್ರಕರಣಗಳು ಕಂಡುಬoದಲ್ಲಿ ಶಿಸ್ತು ಕ್ರಮ ಜರುಗಿಸಲಾಗುತ್ತದೆ’ ಎಂದು ಎಚ್ಚರಿಸಿದರು. `ಮಾರ್ಚ 18 ರಿಂದ ಎಸ್ ಎಸ್ ಎಲ್ ಸಿ ಪರೀಕ್ಷೆಗಳು ನಡೆಯುತ್ತಿದ್ದು, ತಾಲೂಕಿನಲ್ಲಿ ಈ ಬಾರಿ ಶೇ 100ರಷ್ಟ್ಟು ಫಲಿತಾಂಶ ಬರಬೇಕು’ ಎಂದು ಸೂಚಿಸಿದರು. `ಎಸ್ ಎಸ್ ಎಲ್ ಸಿ ಹಾಗೂ ಪಿಯುಸಿ ಪರೀಕ್ಷೆಗೆ ಬರುವ ವಿಧ್ಯಾರ್ಥಿಗಳಿಗೆ ಉಚಿತ ಹಾಗೂ ವಿಶೇಷÀ ಬಸ್ ವ್ಯವಸ್ಥೆ ಕಲ್ಪಿಸಿ’ ಎಂದು ಕೆಎಸ್‌ಆರ್‌ಟಿಸಿ ವ್ಯವಸ್ಥಾಪಕರಿಗೆ ಸೂಚಿಸಿದರು. ತಾಲೂಕಿನಲ್ಲಿ ಶಾಲೆ, ಅಂಗನವಾಡಿ, ಅಕ್ಷರ ದಾಸೋಹ ಕೊಠಡಿ, ಹಾಗೂ ಶಾಲಾ ಶೌಚಾಲಯಗಳಿಗೆ ಕಟ್ಟಡಗಳ ಅಗತ್ಯವಿದ್ದಲ್ಲಿ ಕೂಡಲೆ ಗುರುತಿಸಿ ಪಟ್ಟಿಮಾಡಿ ವರದಿ ಸಲ್ಲಿಸಲು ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು. ರೈತರ ಹಿತದೃಷ್ಟಿಯಿಂದ ಅಡಿಕೆ ಬೆಳಗೆ ಸಂಬAಧಿಸಿದAತೆ ಎಲೆ ಚುಕ್ಕಿರೋಗ ನಿಯಂತ್ರಣಕ್ಕೆ ಕ್ರಮ ವಹಿಸುವಂತೆ ತೋಟಗಾರಿಕಾ ಇಲಾಖಾ ಅಧಿಕಾರಿಗಳಿಗೆ ಕಟ್ಟುನಿಟ್ಟಿನ ನಿರ್ದೇಶನ ನೀಡಿದರು. `ಅರಣ್ಯ ಇಲಾಖೆಯ ಕಟ್ಟಿಗೆ ಡಿಪೋಗಳಲ್ಲಿ ಅಗತ್ಯವಿರುವ ಕಟ್ಟಿಗೆ ಸಂಗ್ರಹಕ್ಕೆ ಕ್ರಮಕೈಗೊಳ್ಳಬೇಕು’ ಎಂದರು. `ಸಿ.ಎಸ್.ಆರ್. ಯೋಜನೆಯಡಿ ಹಿರಿಯ ಪ್ರಾಥಮಿಕ ಶಾಲೆ ನಗರಬಸ್ತಿಕೇರಿ (30 ಲಕ್ಷ),ಸರಳಗಿ – ಉಪ್ಪೋಣಿ (60 ಲಕ್ಷ),ಉರ್ದು ಶಾಲೆ ನಗರಬಸ್ತಿಕೇರಿ (16 ಲಕ್ಷ), ಗಾಳಗುರು ನಗರಬಸ್ತಿಕೇರಿ (16 ಲಕ್ಷ), ನಗರೆ 2 ನಗರಬಸ್ತಿಕೇರಿ (16 ಲಕ್ಷ), ಉರ್ದು ಶಾಲೆ ಸರಳಗಿ (30 ಲಕ್ಷ), ಬೈಲಗದ್ದೆ ಮಹಿಮೆ (30 ಲಕ್ಷ),ಉಪ್ಪೋಣೀ (16 ಲಕ್ಷ), ಮಾಳ್ಕೋಡ ಇಡಗುಂಜಿ, (26 ಲಕ್ಷ), ಬೊಮ್ಮನಕೋಡ್ಲು ರಸ್ತೆ (45 ಲಕ್ಷ), ರಿಟೇನಿಂಗ್ ವಾಲ್ (50 ಲಕ್ಷ), ಒಟ್ಟಾರೆ, 15 ಕಲಿಕಾ ಕೊಠಡಿಗಳು, 01 ರಸ್ತೆ ಹಾಗೂ 01 ರಿಟೇನಿಂಗ್ ವಾಲ್.) ಸಂಬoಧಿಸಿದoತೆ ಅನುದಾನ ಬಿಡುಗಡೆಯಾಗಿದ್ದು ತಾಲೂಕಿನಲ್ಲಿಯೇ ಅತೀ ಹೆಚ್ಚಿನ ಪ್ರಮಾಣದಲ್ಲಿ ಇದೆ ಮೊದಲನೇ ಬಾರಿಗೆ ಸಾಧ್ಯವಾಗಿದೆ’ ಎಂದರು.
- [ಮದುವೆಗಾಗಿ ದೇವರ ಮೊರೆ!](https://mobiletime.in/2026/02/pray-to-god-for-marriage/): ಗೋಕರ್ಣದಲ್ಲಿ ಅದ್ಧೂರಿ ಶಿವರಾತ್ರಿ ಮಹೋತ್ಸವ ನಡೆದಿದ್ದು, ಬುಧವಾರ ನಡೆದ ಮಹಾರಥೋತ್ಸವದಲ್ಲಿ ಅನೇಕರು ಬಾಳೆಹಣ್ಣು ಹಾಗೂ ಕಡಲೆಯನ್ನು ದೇವರಿಗೆ ಸಲ್ಲಿಸಿದ್ದಾರೆ. ಸಹಸ್ರಾರು ಭಕ್ತರ ಜಯಘೋಷದೊಂದಿಗೆ ಮಹಾಬಲೇಶ್ವರ ಮಂದಿರದ ಶಿವರಾತ್ರಿ ಮಹೋತ್ಸವದ ಮಹಾರಥೋತ್ಸವ ಬುಧವಾರ ಸಂಜೆ ನಡೆದಿದ್ದು, ಆಕರ್ಷಕವಾಗಿ ಅಲಂಕರಿಸಿದ ರಥಕ್ಕೆ ಭಕ್ತರು ತಮ್ಮ ಬೇಡಿಕೆಗಳ ಪಟ್ಟಿಯನ್ನು ಸಲ್ಲಿಸಿದ್ದಾರೆ. ಸಾವಿರಾರು ಜನ ಬಾಳೆ ಹಣ್ಣುಗಳ ಮೇಲೆ ಬೇಡಿಕೆ ಬರೆದು ಅದನ್ನು ರಥಕ್ಕೆ ಎಸೆದಿದ್ದಾರೆ. `ಈ ವರ್ಷವಾದರೂ ಮದುವೆ ಮಾಡಿಸಿಕೊಡು’ ಎನ್ನುವ ಬೇಡಿಕೆಯೂ ರಥಕ್ಕೆ ಸಲ್ಲಿಕೆಯಾಗಿದೆ. ಇದರೊಂದಿಗೆ ಕ್ರಿಕೆಟಿನಲ್ಲಿ ನೆಚ್ಚಿನ ತಂಡ ಗೆಲ್ಲಲಿ’ ಎಂಬುದನ್ನು ಸೇರಿ ಅನೇಕ ಬಗೆಯ ಬೇಡಿಕೆಗಳನ್ನು ಭಕ್ತರು ದೇವರಲ್ಲಿ ಕೇಳಿಕೊಂಡಿದ್ದಾರೆ. ಉತ್ಸವದ ಅಂಗವಾಗಿ ಮುಂಜಾನೆ ದೇವಾಲಯದಲ್ಲಿ ಶಾಂತಿಘಟಾದ್ಯಭಿಷೇಕ ದಂಡಬಲಿ, ಭೂತಬಲಿ ಸೇರಿದಂತೆ ವಿವಿಧ ದೈವಿಕ ಕಾರ್ಯಕ್ರಮಗಳು ನಡೆದವು. ಸ್ಥಳೀಯರ ಜೊತೆ ಪ್ರವಾಸಿಗರು ಸೇರಿ ಹರ ಹರ ಶಂಕರ ಎಂಬ ಘೋಷಣೆ ಮೊಳಗಿಸಿದರು. 200ಕ್ಕೂ ಅಧಿಕ ಪೊಲೀಸ್ ಸಿಬ್ಬಂದಿ ಭದ್ರತೆಗೆ ನಿಯೋಜನೆಯಾಗಿದ್ದು, ರಥ ಎಳೆಯುವ ಸಮಯದಲ್ಲಿ 20 ಸಾವಿರಕ್ಕೂ ಅಧಿಕ ಜನ ಜಮಾಯಿಸಿದ್ದರು. ರಥ ಎಳೆದ ನಂತರವೂ ಭಕ್ತರ ದೌಡು ಆಗಮಿಸಿದ್ದು, ರಥೋತ್ಸವದಲ್ಲಿ ಒಟ್ಟು 40 ಸಾವಿರಕ್ಕೂ ಅಧಿಕ ಜನ ಭಾಗವಹಿಸಿರುವ ಬಗ್ಗೆ ಅಂದಾಜಿಸಲಾಗಿದೆ. ಕವಳೇ ಮಠದ ಕೈವಲ್ಯ ಶ್ರೀ ಶ್ರೀಶಿವಾನಂದ ಸರಸ್ವತಿ ಮಹಾಸ್ವಾಮಿಗಳವರು ರಥವೇರಿ ರಥಕಾಣಿಕೆ ಸಮರ್ಪಿಸಿದ್ದಾರೆ.
- [ಕೊರಳಿಗೆ ಕೈ ಹಾಕಿದ ಕಳ್ಳ!](https://mobiletime.in/2026/02/a-thief-who-put-his-hand-on-your-throat/): ಕಾರವಾರಕ್ಕೆ ಹೋಗಿದ್ದ ಮುಂಡಗೋಡದ ಪ್ರಿಯಾ ರಾಠೋಡ್ ಅವರು ಕೊರಳಿನಲ್ಲಿದ್ದ ಚಿನ್ನದ ಸರ ಕಳೆದುಕೊಂಡಿದ್ದಾರೆ. ಅಪರಿಚಿತ ಬೈಕ್ ಸವಾರನೊಬ್ಬ ಅವರ ಕತ್ತಿಗೆ ಕೈ ಹಾಕಿ ಚಿನ್ನ ಅಪಹರಿಸಿದ್ದಾರೆ. ಮುಂಡಗೋಡು ಕುಸೂರಿನ ಪ್ರಿಯಾ ರೂಪಸಿಂಗ್ ರಾಠೋಡ್ ಅವರು ಕಾರವಾರದ ಖುರ್ಸವಾಡದಲ್ಲಿ ವಾಸವಾಗಿದ್ದಾರೆ. ಅಲ್ಲಿ ಪ್ಯಾರಾಮೆಡಿಕಲ್ ವಿದ್ಯಾಬ್ಯಾಸ ಮಾಡುತ್ತಿದ್ದಾರೆ. ಫೆಬ್ರವರಿ 16ರಂದು ಮುಂಡಗೋಡಿನಿoದ ಅವರು ಕಾರವಾರಕ್ಕೆ ಆಗಮಿಸಿದ್ದು, ಕೋರ್ಟ ಸರ್ಕಲ್ ಬಳಿ ಅವರು ನಡೆದು ಹೋಗುತ್ತಿದ್ದರು. ಮಧ್ಯಾಹ್ನ ರೂಮಿನ ಕಡೆ ಹೊರಟಿದ್ದ ಪ್ರಿಯಾ ರಾಠೋಡ್ ಅವರನ್ನು ಅಪರಿಚಿತ ವ್ಯಕ್ತಿಯೊಬ್ಬರು ಹಿಂಬಾಲಿಸಿದರು. ಬೈಕಿನಲ್ಲಿದ್ದ ಆ ಅಪರಿಚಿತ ವ್ಯಕ್ತಿ ಹಿಂದೆ-ಮುAದೆ ಸುತ್ತಾಟ ನಡೆಸಿದರು. ತಹಶೀಲ್ದಾರ್ ಕಚೇರಿ ದಾಟಿ ಗಿಡ್ಡಾರೋಡಿನ ಮೂಲಕ ಖುರ್ಸೆವಾಡಕ್ಕೆ ಹೋಗುವ ಬಿಸಿಎಂ ಹಾಸ್ಟೇಲ್ ಬಳಿ ಪ್ರಿಯಾ ರಾಠೋಡ್ ಅವರನ್ನು ಅಡ್ಡಗಟ್ಟಿದರು. ಮುಖಕ್ಕೆ ಮಾಸ್ಕ್ ಹಾಕಿಕೊಂಡಿದ್ದ ಆ ವ್ಯಕ್ತಿ ನೇರವಾಗಿ ಪ್ರಿಯಾ ರಾಠೋಡ್ ಅವರ ಕೊರಳಿಗೆ ಕೈ ಹಾಕಿದರು. ಪ್ರಿಯಾ ರಾಠೋಡ್ ಅವರ ಕೊರಳಿನಲ್ಲಿ 5 ಗ್ರಾಂ ತೂಕದ ಚಿನ್ನದ ಸರವಿತ್ತು. 70 ಸಾವಿರ ರೂ ಮೌಲ್ಯದ ಸರವನ್ನು ದೋಚಿದ ಡಕಾಯಿತ ಪಲ್ಸರ್ ಬೈಕಿನಲ್ಲಿ ಪರಾರಿಯಾದರು. ಇದರಿಂದ ಆಘಾತಕ್ಕೆ ಒಳಗಾಗಿದ್ದ ಪ್ರಿಯಾ ರಾಠೋಡ್ ಕಳ್ಳನ ವಿರುದ್ಧ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಕಾರವಾರ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು. ಕಳ್ಳನಿಗಾಗಿ ಶೋಧ ಶುರು ಮಾಡಿದರು. `ಒಂಟಿಯಾಗಿ ಓಡಾಡುವಾಗ ಅತಿಯಾದ ಆಭರಣ ಧರಿಸಬೇಡಿ’
- [ನಿಗೂಢವಾಗಿ ಕಾಣೆಯಾದ ಗ್ರಾಮ ಸಹಾಯಕ!](https://mobiletime.in/2026/03/village-assistant-mysteriously-missing/): ಗ್ರಾಮ ಸಹಾಯಕರಾಗಿ ಕೆಲಸ ಮಾಡಿಕೊಂಡಿದ್ದ ವಿಶ್ವೇಶ್ವರ ನಾಯ್ಕ ಅವರು ನಿಗೂಢವಾಗಿ ಕಾಣೆಯಾಗಿದ್ದು, ಎಲ್ಲಾ ಕಡೆ ಅವರ ಹುಡುಕಾಟ ನಡೆದಿದೆ. 12 ದಿನ ಕಳೆದರೂ ಅವರ ಸುಳಿವು ಮಾತ್ರ ಸಿಕ್ಕಿಲ್ಲ. ಯಲ್ಲಾಪುರದ ತೆಲಂಗಾರ ಬಳಿಯ ಸೂರಲಮಕ್ಕಿಯಲ್ಲಿ ವಿಶ್ವೇಶ್ವರ ಅಚ್ಯುತ ನಾಯ್ಕ ಅವರು ವಾಸವಾಗಿದ್ದರು. ಗ್ರಾಮ ಸಹಾಯಕರಾಗಿ ಅವರು ಕೆಲಸ ಮಾಡಿಕೊಂಡಿದ್ದರು. ಫೆಬ್ರವರಿ 26ರಂದು ಮನೆಯಲ್ಲಿಯೇ ಇದ್ದ ಅವರು ನಂತರ ಕಣ್ಮರೆಯಾಗಿದ್ದಾರೆ. ಸಂಬoಧಿಕರ ಮನೆಯಲ್ಲಿ ಹುಡುಕಿದರೂ ಅವರು ಪತ್ತೆಯಾಗಿಲ್ಲ. ಫೆ 26ರಂದು ಮಧ್ಯಾಹ್ನ 2ಗಂಟೆಗೆ ವಿಶ್ವೇಶ್ವರ ನಾಯ್ಕ ಅವರ ತಂದೆ ಮನೆಯಲ್ಲಿ ಊಟ ಮಾಡುತ್ತಿದ್ದರು. ಆಗ, ವಿಶ್ವೇಶ್ವರ ನಾಯ್ಕ ಅವರಿಗೆ ಫೋನ್ ಬಂದಿದ್ದು, ಮಾತನಾಡುತ್ತಲೇ ಮನೆಯಿಂದ ಹೊರ ಹೋದರು. ಅವರು ಎಲ್ಲಿ ಹೋದರು? ಏಕೆ ಹೋದರು? ಎಂದು ಕುಟುಂಬದವರಿಗೆ ಗೊತ್ತಾಗಲಿಲ್ಲ. ಆ ದಿನ ಮನೆಯಿಂದ ಹೊರ ಹೋದವರು ಮರಳಿ ಬರಲಿಲ್ಲ. ವಿಶ್ವೇಶ್ವರ ನಾಯ್ಕ ಅವರಿಗಾಗಿ ಮನೆಯವರು ಎಲ್ಲಾ ಕಡೆ ಹುಡುಕಿದರು. ಆದರೂ, ಅವರ ಬಗ್ಗೆ ಯಾವುದೇ ಮಾಹಿತಿ ಸಿಗಲಿಲ್ಲ. ಈ ಹಿನ್ನಲೆ ಪೊಲೀಸ್ ದೂರು ನೀಡಿದ್ದು, ಪೊಲೀಸರು ಸಹ ಶೋಧ ನಡೆಸಿದ್ದಾರೆ.
- [ಶರಾವತಿ ಉಳಿಸಲು ಸಜ್ಜಾದ ರಾಘವೇಶ್ವರ ಶ್ರೀ!](https://mobiletime.in/2026/03/raghaveshwara-sri-is-ready-to-save-sharavathi/): `ಶರಾವತಿ ಉಳಿಸಿ’ ಆಂದೋಲನಕ್ಕೆ ರಾಮಚಂದ್ರಾಪುರ ಮಠದ ರಾಘವೇಶ್ವರ ಭಾರತೀ ಸ್ವಾಮೀಜಿ ಕೈ ಜೋಡಿಸಿದ್ದಾರೆ. `ಪೃಕೃತಿಗೆ ವಿರುದ್ಧವಾಗಿ ಮಾಡುವ ಯಾವ ಯೋಜನೆಯನ್ನು ಸಹಿಸುವುದಿಲ್ಲ’ ಎಂದು ಅವರು ಹೇಳಿದ್ದಾರೆ. ಮಂಗಳವಾರ ಹೊನ್ನಾವರದಲ್ಲಿ ಶರಾವತಿ ಪಂಪ್ಡ ಸ್ಟೋರೇಜ್ ಭೂಗತ ವಿದ್ಯುತ ಯೋಜನೆಯ ವಿರುದ್ಧ ಹೊನ್ನಾವರದ ಶರಾವತಿ ಉಳಿಸಿ ಹೋರಾಟ ಸಮಿತಿ ಆಯೋಜಿಸಿದ್ದ ಪ್ರತಿಭಟನಾ ಸಮಾವೇಶದಲ್ಲಿ ಅವರು ಮಾತನಾಡಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಜನರು ಸೌಮ್ಯ ಸ್ವಭಾವದವರಾಗಿದ್ದು, ಪೃಕೃತಿಗೆ ವಿರುದ್ಧವಾಗಿ ಯೋಜನೆ ರೂಪಿಸಿದರೆ ಸುಮ್ಮನಿರುವುದಿಲ್ಲ. ಸಂಘಟಿತ ಹೋರಾಟಗಳಿಗೆ ತನ್ನ ಬೆಂಬಲ ಸದಾ ಇದೆ’ ಎಂದು ಅವರು ಹೇಳಿದ್ದಾರೆ. ಈ ವೇಳೆ ರಾಜ್ಯ ಹಾಗೂ ಕೇಂದ್ರ ಸರ್ಕಾರಕ್ಕೆ ಸಮಿತಿಯವರು ಹಕ್ಕೊತ್ತಾಯ ಪತ್ರ ಸಲ್ಲಿಕೆ ಮಾಡಿದ್ದಾರೆ. ಈ ವೇಳೆ `ಎಲ್ಲ ಜೀವಿಗಳಿಗೆ ಹಾಗೂ ಮುಂದಿನ ತಲೆಮಾರಿಗೆ ಪೃಕೃಯಲ್ಲಿ ಜೀವಿಸುವ ಹಕ್ಕಿದೆ. ಜೀವನೀಡಿದ ಶರಾವತಿ ಶೋಷಣೆ ಮಾಡುವುದು ತಾಯಿಯ ರಕ್ತ ಕುಡಿದ ಪಾಪಕ್ಕೆ ಸಮಾನ. ರಾಜಕಾರಣಿಗಳು ಹಾಗೂ ಮಠಾದೀಶರು ಒಗ್ಗಟ್ಟಾಗಿ ಪರಿಸರ ನಾಶಕ್ಕೆ ಕಾರಣವಾಗುವ ಈ ಯೋಜನೆ ವಿರುದ್ಧ ಹೋರಾಡೋಣ’ ಎಂದು ರಾಘವೇಶ್ವರ ಶ್ರೀಗಳು ಕರೆನೀಡಿದರು. `ಶರಾವತಿ ಕೊಳ್ಳದಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ಶರಾವತಿ ಪಂಪ್ಡ ಸ್ಟೋರೇಜ ಯೋಜನೆಯನ್ನು ಕೂಡಲೇ ಕೈಬಿಡಬೇಕು. ವಿದ್ಯುತ್ ಕೊರತೆಯನ್ನು ನೀಗಿಸಲು ಬೇರೆ ಬದಲೀ ಸುರಕ್ಷಿತ ಇಂದನ ಮೂಲಗಳ ಮೋರೆ ಹೋಗಬೇಕು. ಜಿಲ್ಲೆಯ ಧಾರಣಾ ಸಾಮರ್ಥ್ಯದ ಅಧ್ಯಯನ ಆಗದೇ ಜನರನ್ನು ಅತಂತ್ರಸ್ತರನ್ನಾಗಿಸುವ ಪರಿಸರ ನಾಶಮಾಡುವ ಯಾವುದೇ ಯೋಜನೆಯ ಹೇರಿಕೆ ಮಾಡಬಾರದು. ಜ್ವಲಂತ ಸಮಸ್ಯೆಗಳನ್ನು ಬಗೆಹರಿಸುವ ಪ್ರಾಮಾಣಿಕ ಪ್ರಯತ್ನ ಮಾಡಬೇಕು. ಯುವಕರಿಗೆ ಉದ್ಯೋಗ ಕಲ್ಪಿಸುವ ಐಟಿ ಹಬ್ ಸ್ಥಾಪನೆ, ಸ್ವಚ್ಛ ಪ್ರವಾಸೋದ್ಯಮಕ್ಕೆ ಉತ್ತೇಜನ ನೀಡಬೇಕು’ ಎಂದು ಈ ಸಭೆಯಲ್ಲಿ ಆಗ್ರಹಿಸಲಾಗಿದೆ. ಉಸ್ತುವಾರಿ ಸಚಿವ ಮಂಕಾಳವೈದ್ಯ ಮಾತನಾಡಿ `ಪಂಪ್ಡ ಸ್ಟೋರೇಜ ಯೋಜನೆಯು ಬೊಮ್ಮಾಯಿಯವರು ಮುಖ್ಯಮಂತ್ರಿಯಾಗಿದ್ದ ಅವಧಿಯಲ್ಲಿಯೇ ಮಂಜೂರಾಗಿದ್ದು ಅಂದೇ ತಾವು ಈ ಯೋಜನೆಯನ್ನು ತನ್ನ ಕ್ಷೇತ್ರದ ಜನರ ಹಿತದೃಷ್ಟಿಯಿಂದ ವಿರೋಧಿಸಿದ್ದೇನೆ’ ಎಂದರು. `ಶರಾವತಿ ಪಂಪ್ಡ ಸ್ಟೋರೇಜ ಯೋಜನೆಯ ಅನುಷ್ಠಾನಕ್ಕೆ ಅವಕಾಶ ನೀಡುವುದಿಲ್ಲ. ಹೋರಾಟ ಸಮಿತಿಯ ಮತ್ತು ಜನರ ಬೆಂಬಲಕ್ಕೆ ತಾನು ನಿಲ್ಲುವೆ’ ಎಂದು ಘೋಷಿಸಿದರು. ಬಂಗಾರಮಕ್ಕಿಯ ಧರ್ಮಾಧಿಕಾರಿ ಮಾರುತಿ ಗುರೂಜಿ, ಪ್ರಣವಾನಂದ ಸ್ವಾಮೀಜಿ, ಶಾಸಕ ದಿನಕರ ಶೆಟ್ಟಿ ಸೇರಿ ಅನೇಕರು ಸಭೆಯಲ್ಲಿದ್ದರು. ಶರಾವತಿ ಉಳಿಸಿ ಹೋರಾಟ ಸಮಿತಿಯ ಅಧ್ಯಕ್ಷ ಜೆ ಟಿ ಪೈ, ವೆಂಕಟರಮಣ ಹೆಗಡೆ ಕವಲಕ್ಕಿ, ಕಾರ್ಯಾಧ್ಯಕ್ಷ ಚಂದ್ರಕಾoತ ಕೊಚರೇಕರ, ಕ್ರಾಂತಿರoಗದ ಅಧ್ಯಕ್ಷ ಮಂಗಲದಾಸ ನಾಯ್ಕ, ಪಟ್ಟಣ ಪಂಚಾಯತಿ ಅಧ್ಯಕ್ಷ ವಿಜಯ ಕಾಮತ ಇತರರು ಕಾರ್ಯಕ್ರಮ ಸಂಘಟಿಸಿದ್ದರು.  
- [ಸೊಸೈಟಿ ಸಾಲ: ಕೊರಗಿ ಕೊರಗಿ ಸಾವನಪ್ಪಿದ ಕೃಷಿಕ!](https://mobiletime.in/2026/03/society-loan-a-farmer-who-died-of-exhaustion/): ಸೊಸೈಟಿಯಲ್ಲಿ ಸಾಲ ಮಾಡಿದ್ದ ರೈತರೊಬ್ಬರು ಆ ಸಾಲ ತೀರಿಸಲಾಗದೇ ಸಾವಿಗೆ ಶರಣಾಗಿದ್ದಾರೆ. ಕಳೆದ ವರ್ಷ ಸುರಿದ ಮಳೆಯಿಂದಾಗಿ ಫಸಲು ನಷ್ಟವಾಗಿದ್ದು, ಸಾಲ ತೀರಿಸಲಾಗದ ಸಮಸ್ಯೆಗೆ ಸಿಲುಕಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಮುoಡಗೋಡದ ಚಿಗಳ್ಳಿ ಬಳಿಯ ಕಾವಲಕೊಪ್ಪದಲ್ಲಿ ನರಸಿಂಗ ಪೀರಪ್ಪ ಕಿವುಡನರ (51) ಅವರು ವಾಸವಾಗಿದ್ದರು. ಅವರು 3 ಎಕರೆಗೂ ಮೀರಿ ಕೃಷಿ ಭೂಮಿ ಹೊಂದಿದ್ದರು. ಅಲ್ಲಿ ಅವರು ಭತ್ತ ಹಾಗೂ ಮೆಕ್ಕೆ ಜೋಳ ಬೆಳೆಯುತ್ತಿದ್ದರು. ಈ ಬೆಳೆ ತೆಗೆಯುವುದಕ್ಕಾಗಿ ಅವರು ಚಿಗಳ್ಳಿ ಗ್ರಾಮ ಗ್ರೂಪ್ ಸಹಕಾರಿ ಸಂಘದಲ್ಲಿ ಸಾಲ ಮಾಡಿದ್ದರು. ಅದರ ಪ್ರಕಾರ ಅವರು 1.10 ಲಕ್ಷ ರೂ ಸಾಲ ಮರು ಪಾವತಿ ಮಾಡಬೇಕಿದ್ದು, ಅದನ್ನು ಮಾಡಲು ಸಾಧ್ಯವಾಗಿರಲಿಲ್ಲ. ಕಳೆದ ವರ್ಷ ವಿಪರೀತ ಮಳೆ ಬಂದ ಕಾರಣ ಅವರು ಹೊಲದಲ್ಲಿ ಬೆಳೆದಿದ್ದ ಭತ್ತ ಹಾಳಾಯಿತು. ಮೆಕ್ಕೆಜೋಳ ಸಹ ಸಂಪೂರ್ಣವಾಗಿ ನಾಶವಾಯಿತು. ಇದರಿಂದ ಅವರಿಗೆ ಲಾಭ ಬರಲಿಲ್ಲ. ಸೊಸೈಟಿ ಸಾಲ ತೀರಿಸಲು ಆಗಲಿಲ್ಲ. ಕಳೆದ 15 ದಿನಗಳಿಂದ ಸಾಲದ ಚಿಂತೆಯಲ್ಲಿದ್ದ ನರಸಿಂಗ ಪೀರಪ್ಪ ಕಿವುಡನರ ಅವರು ಮಾರ್ಚ 8ರ ರಾತ್ರಿ ದುಡುಕು ನಿರ್ಧಾರಕ್ಕೆ ಮುಂದಾದರು. ಮನೆ ಹಿಂದಿರುವ ಭೀಮಣ್ಣ ಅಂಬಕ್ಕನವರ್ ಅವರ ಹೊಲಕ್ಕೆ ಹೋಗಿ ಅಲ್ಲಿ ಕ್ರಿಮಿನಾಶಕ ಸೇವಿಸಿದರು. ತಕ್ಷಣ ಅವರನ್ನು ಮುಂಡಗೋಡು ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಆದರೆ, ಅದರಿಂದ ಪ್ರಯೋಜನ ಆಗಲಿಲ್ಲ. ಫೆ 9ರಂದು ಅವರು ಸಾವನಪ್ಪಿದರು. `ಆತ್ಮಹತ್ಯೆ ಮಾಡಿಕೊಳ್ಳುವುದು ಅಪರಾಧ’
- [ಸ್ಕೂಟಿಗೆ ಗುದ್ದಿದ ಸರ್ಕಾರಿ ಬಸ್ಸು!](https://mobiletime.in/2026/03/a-government-bus-hit-a-scooty/): ಸರ್ಕಾರಿ ಬಸ್ಸಿನ ಬ್ರೇಕ್ ಫೇಲ್ ಆಗಿದ್ದು, ಆ ಬಸ್ಸು ಸ್ಕೂಟಿಗೆ ಡಿಕ್ಕಿಯಾಗಿದೆ. ಕಾರವಾರ-ಅಂಕೋಲಾ ಮಾರ್ಗದ ಹಾರವಾಡದ ಬಳಿ ಈ ಅಪಘಾತ ನಡೆದಿದೆ. ಸೋಮವಾರ ಸಂಜೆ ಈ ಅವಘಡ ನಡೆದಿದೆ. ಬಸ್ಸನ್ನು ರಿವರ್ಸ ತೆಗೆದುಕೊಳ್ಳುವಾಗ ಬ್ರೇಕ್ ಫೇಲ್ ಆದ ಬಗ್ಗೆ ಸ್ಥಳೀಯರು ಹೇಳಿದ್ದಾರೆ. ಈ ಅಪಘಾತದಿಂದ ಸ್ಕೂಟಿಯ ಜೊತೆ ಅಲ್ಲಿದ್ದ ಗೋಡೆಯೊಂದಕ್ಕೆ ಹಾನಿ ಆಗಿದೆ. ಅಪಘಾತ ನಡೆದ ತಕ್ಷಣ ಜನ ಅಲ್ಲಿ ಆಗಮಿಸಿದ್ದು, ಬಸ್ಸಿನ ಅವ್ಯವಸ್ಥೆ ಬಗ್ಗೆ ಕಿಡಿಕಾರಿದ್ದಾರೆ. ಇದೇ ಪ್ರದೇಶದಲ್ಲಿ ಬಸ್ಸಿನ ತಾಂತ್ರಿಕ ದೋಷದ ಕಾರಣ ನಾಲ್ಕು ಅಪಘಾತ ನಡೆದ ಬಗ್ಗೆ ಜನ ದೂರಿದ್ದಾರೆ. `ಬಸ್ಸುಗಳ ಸರಿಯಾದ ನಿರ್ವಹಣೆ ಮತ್ತು ತಪಾಸಣೆ ನಡೆಯದಿರುವುದೇ ಇದಕ್ಕೆ ಪ್ರಮುಖ ಕಾರಣ’ ಎಂದು ದೂರಿದ್ದಾರೆ. ಡಿಪೋ ಮಟ್ಟದಲ್ಲಿ ಬಸ್‌ಗಳ ಪರಿಶೀಲನೆ ಹಾಗೂ ನಿರ್ವಹಣೆಯಲ್ಲಿ ನಿರ್ಲಕ್ಷ್ಯವಹಿಸಿದ ಆರೋಪವ್ಯಕ್ತವಾಗಿದೆ. `ಪ್ರತಿ ಬಾರಿ ಇದೇ ರೀತಿಯ ಸಮಸ್ಯೆ ಆಗುತ್ತಿದೆ. ಅಧಿಕಾರಿಗಳು ತಕ್ಷಣ ಗಮನ ಕೊಡಬೇಕು’ ಎಂದು ಜನ ಆಗ್ರಹಿಸಿದ್ದಾರೆ. `ಹಳೆಯ ಹಾಗೂ ದೋಷಪೂರಿತ ಬಸ್‌ಗಳ ಪರಿಶೀಲನೆ ನಡೆಸಬೇಕು’ ಎಂದು ಒತ್ತಾಯಿಸಿದ್ದಾರೆ.
- [ಅಸ್ವಸ್ಥಗೊಂಡಿದ್ದ ಹಸುವಿಗೆ ಮರುಜೀವ](https://mobiletime.in/2026/03/a-sick-cow-is-brought-back-to-life/): ಐದು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಹಸುವನ್ನು ಯಲ್ಲಾಪುರ ಯುಗಾದಿ ಉತ್ಸವ ಸಮಿತಿ ಉಪಾಧ್ಯಕ್ಷ ಮಹೇಶ ನಾಯ್ಕ ಹಾಗೂ ಅವರ ಜೊತೆಗಾರರು ಸೇರಿ ರಕ್ಷಿಸಿದ್ದಾರೆ. ವೈಟಿಎಸ್‌ಎಸ್ ಮೈದಾನದ ಬಳಿ ನರಳಾಡುತ್ತಿದ್ದ ಹಸುವಿಗೆ ಈ ಬಳಗದವರು ಮರುಜೀವ ನೀಡಿದ್ದಾರೆ. ಆಘಾತಕ್ಕೆ ಒಳಗಾದ ಹಸು ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾಗಿರುವುದನ್ನು ಸ್ಥಳೀಯರು ಗಮನಿಸಿದರು. ನಂತರ ಅವರು ಮಹೇಶ ನಾಯ್ಕ ಅವರಿಗೆ ಫೋನ್ ಮಾಡಿದ್ದು, ಅವರು ಸ್ಥಳಕ್ಕೆ ಆಗಮಿಸಿದರು. ಹಸು ಅಸ್ವಸ್ಥವಾಗಿರುವ ಬಗ್ಗೆ ಪಶು ಇಲಾಖೆಗೆ ಮಾಹಿತಿ ನೀಡಿ ಔಷಧಿಯನ್ನು ತರಿಸಿದರು. ಹಸು ಕ್ರಮೇಣ ಚೇತರಿಸಿಕೊಂಡಿದ್ದು, ವಾಹನವೊಂದರ ಮೂಲಕ ಅದನ್ನು ಪಶು ಇಲಾಖೆಗೆ ಕರೆತಂದು ಚಿಕಿತ್ಸೆ ಕೊಡಿಸಿದರು. ಹಸುವಿನ ಮೈಮೇಲೆ ಸಾಕಷ್ಟು ಪ್ರಮಾಣದಲ್ಲಿ ಹುಳ ಬಿದ್ದಿದ್ದು, ಅದನ್ನು ವೈದ್ಯರು ಸ್ವಚ್ಛಗೊಳಿಸಿದರು. ಕೃಷ್ಣ ಬೋವಿವಡ್ಡರ್, ಮಹೇಶ ಬೋವಿವಡ್ಡರ್, ಷ್ಣುಖ ನಾಯ್ಕ, ವಾಹನ ಚಾಲಕ ರಾಜು ಕೊಪ್ಪದ, ವಾಟರ್ ಮ್ಯಾನ್ ಸುರೇಶ ಅವರ ಜೊತೆ ಸಾಗರ ನಾಯ್ಕ, ಅರುಣ, ಶಂಕರ್ ಬೋವಿವಡ್ಡರ್ ಅವರು ಈ ಕಾರ್ಯಕ್ಕೆ ಕೈ ಜೋಡಿಸಿದರು. ಸದ್ಯ ಆ ಹಸುವನ್ನು ಪಶು ಇಲಾಖೆಯ ಸುಪರ್ಧೀಗೆ ನೀಡಲಾಗಿದ್ದು, ಅಲ್ಲಿ ಚೇತರಿಸಿಕೊಳ್ಳುತ್ತಿದೆ.
- [ಅಕ್ರಮ ರೆಸಾರ್ಟುಗಳ ಧ್ವಂಸ!](https://mobiletime.in/2026/03/demolition-of-illegal-resorts/): ಕುಮಟಾದ ನಾಡುಮಾಸ್ಕೇರಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಗಂಗೆಕೊಳ್ಳ ಕಡಲತೀರದ ಬಳಿಯಿದ್ದ ಅಕ್ರಮ ರೆಸಾರ್ಟುಗಳನ್ನು ಅದರ ಮಾಲಕರೇ ಧ್ವಂಸ ಮಾಡಿದ್ದಾರೆ. ಸರ್ಕಾರ ನೀಡಿದ ನೋಟಿಸಿನ ಅನ್ವಯ ರೆಸಾರ್ಟುಗಳನ್ನು ಕೆಡವಲಾಗುತ್ತಿದೆ. ನಾಡುಮಾಸ್ಕೇರಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಗಂಗೆಕೊಳ್ಳ ಕಡಲತೀರ ಸರ್ಕಾರಕ್ಕೆ ಸೇರಿದ್ದು, ಆ ಪ್ರದೇಶದಲ್ಲಿ ಅನೇಕರು ರೆಸಾರ್ಟ, ಹೊಟೇಲ್ ನಿರ್ಮಿಸಿದ್ದರು. ಅದನ್ನು ತೆರವು ಮಾಡುವಂತೆ ಸರ್ಕಾರ ಸೂಚಿಸಿದ್ದು, ಅನೇಕರು ಆಕ್ರೋಶವ್ಯಕ್ತಪಡಿಸಿದ್ದರು. ಸರ್ಕಾರದ ನಡೆಗೆ ಪ್ರತಿಭಟನೆಯನ್ನು ಸಹ ಮಾಡಿದ್ದರು. ಅಂತಿಮವಾಗಿ ನ್ಯಾಯಾಲಯದ ಆದೇಶದ ಅನ್ವಯ ಅಕ್ರಮ ಕಟ್ಟಡಗಳ ತೆರವು ಅನಿವಾರ್ಯವಾಗಿದ್ದು, ಸ್ವಯಂ ಪ್ರೇರಣೆಯಿಂದ ತೆರವು ಮಾಡದೇ ಇದ್ದರೆ ಕಾನೂನು ಕ್ರಮ ಜರುಗಿಸುವ ಎಚ್ಚರಿಕೆ ನೀಡಲಾಗಿತ್ತು. ಸರ್ಕಾರಿ ಕಾರ್ಯಾಚರಣೆಗೂ ಮುನ್ನ ಅಲ್ಲಿನ ಕೆಲವರು ಕಟ್ಟಡ ತೆರವು ಮಾಡಿದ್ದಾರೆ. `ಕಟ್ಟಡ ತೆರವಿನಿಂದ ತಮ್ಮ ಉದ್ಯಮಕ್ಕೆ ತೊಂದರೆಯಾಗುತ್ತದೆ’ ಎಂದು ಅನೇಕರು ಹೇಳಿದರಾದರೂ ಕೊನೆಗೆ ಅವುಗಳನ್ನು ತೆರವು ಮಾಡಲು ಒಪ್ಪಿದರು. ಗಂಗೆಕೊಳ್ಳ ನಕ್ಷತ್ರ ಬೀಚ್ ಸ್ಟೇಯ ಗಣಪತಿ ನಾರಾಯಣ ನಾಯ್ಕ, ನಕ್ಷತ್ರಾ ಲೀಜ್‌ನ ಮಂಜು ಹನುಮಂತ ನಾಯ್ಕ, ಬೀಚ್ ಫ್ರಂಟ್‌ನ ಸಚಿನ್ ನಾಯ್ಕ, ಓಷಿಯನ್ ಎಡ್ಜ್ ಮಂಗೇಶ ಗೌಡ, ಗ್ಯಾಲೆಕ್ಸಿನ ಓಮು ಗೌಡ, ಗಂಗಾಬೀಚ್, ಬ್ಲಯೂ ಲೋಗನ್ ನೀರಜ್ ರೆಡ್ಡಿ, ಗೋಪಾಲ ರೆಸ್ಟೋರೆಂಟ್ ವೆಂಕಟೇಶ ಗೋಪಾಲ ತಾಂಡೇಲ ಅವರು ಸ್ವಯಂ ಪ್ರೇರಣೆಯಿಂದ ಕಟ್ಟಡ ತೆರವು ಮಾಡಿದರು.
- [ಅತಿ ವೇಗ ತಂದ ಅನಾಹುತ: ಕಾಲೇಜು ವಿದ್ಯಾರ್ಥಿ ಬದುಕು ಅಂತ್ಯ!](https://mobiletime.in/2026/03/a-disaster-brought-on-by-excessive-speed-college-students-life-ends/): ಲಾರಿಗೆ ಸ್ಕೂಟಿ ಗುದ್ದಿದ ಪರಿಣಾಮ ಗಂಭೀರವಾಗಿ ಗಾಯಗೊಂಡಿದ್ದ ಕಾರ್ತಿಕ ಪಟಗಾರ ಅವರನ್ನು ಮಣಿಪಾಲಿನ ಕಸ್ತೂರಿ ಬಾ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಅವರು ಸಾವನಪ್ಪಿದ್ದಾರೆ. ಕಾಲೇಜು ವಿದ್ಯಾರ್ಥಿಯಾಗಿದ್ದ ಕಾರ್ತಿಕ್ ಪಟಗಾರ ಅವರನ್ನು ಉಳಿಸಿಕೊಳ್ಳಲು ಸಾಕಷ್ಟು ಪ್ರಯತ್ನ ನಡೆಸಿದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ಅಂಕೋಲಾದ ಅಚವೆ ಬಳಿಯ ಬೋರಳ್ಳಿಯಲ್ಲಿ ಕಾರ್ತಿಕ ಶೇಖರ ಪಟಗಾರ (24) ಅವರು ವಾಸವಾಗಿದ್ದರು. ಕಾಲೇಜು ವಿದ್ಯಾರ್ಥಿಯಾಗಿ ಅವರು ಭವಿಷ್ಯದ ಜೀವನ ರೂಪಿಸಿಕೊಳ್ಳುತ್ತಿದ್ದರು. ಅತಿಯಾದ ವೇಗದಲ್ಲಿ ಸ್ಕೂಟಿ ಓಡಿಸುವುದು ಅವರ ಜೀವನಕ್ಕೆ ಮಾರಕವಾಯಿತು. ಅತಿ ವೇಗದ ವಾಹನ ಚಾಲನೆ ಪರಿಣಾಮ ಅವರು ಅಪಘಾತಕ್ಕೀಡಾಗಿದ್ದು, ಆಸ್ಪತ್ರೆ ಸೇರಿಸಿದರೂ ಪ್ರಯೋಜನಕ್ಕೆ ಬಾರದೇ ಸಾವನಪ್ಪಿದರು. ಮಾರ್ಚ 1ರಂದು ಸಂಜೆ ಕಾರ್ತಿಕ ಪಟಗಾರ ಅವರು ಬೋರಳ್ಳಿ ಕಡೆಯಿಂದ ಅಂಗಡಿಬೈಲಿನ ಕಡೆ ಸ್ಕೂಟಿ ಓಡಿಸುತ್ತಿದ್ದರು. ಚನಗಾರದ ಕೋಡೆಮನೆ ಕ್ರಾಸಿನ ಬಳಿ ಅಂಗಡಿಬೈಲಿನ ಚಾಲಕ ಉಮೇಶ ದೇವು ಗೌಡ ಅವರ ಗೂಡ್ಸ ವಾಹನಕ್ಕೆ ಕಾರ್ತಿಕ ಪಟಗಾರ ಅವರು ತಮ್ಮ ಸ್ಕೂಟಿ ಗುದ್ದಿದರು. ಪರಿಣಾಮ ಕಾರ್ತಿಕ ಪಟಗಾರ ಅವರ ತಲೆ, ಕೈ-ಮೈಗೆ ಗಾಯವಾಗಿದ್ದು, ಅವರನ್ನು ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಅಲ್ಲಿಂದ ಮುಂದೆ ಮಣಿಪಾಲ ಕಸ್ತೂರಿ ಬಾ ಆಸ್ಪತ್ರೆಗೆ ಕಳುಹಿಸಲಾಯಿತು. ಅಪಘಾತದ ಬಗ್ಗೆ ಚನಗಾರಿನ ವಿಶ್ವೇಶ್ವರ ನಾರಾಯಣ ಪಟಗಾರ ಅವರು ಪೊಲೀಸ್ ದೂರು ದಾಖಲಿಸಿದ್ದರು. ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುತ್ತಿದ್ದ ಕಾರ್ತಿಕ ಪಟಗಾರ ಅವರು ಮಾರ್ಚ 9ರಂದು ಅವರು ಆಸ್ಪತ್ರೆಯಲ್ಲಿಯೇ ಸಾವನಪ್ಪಿದರು. ಈ ಬಗ್ಗೆ ಮಣಿಪಾಲ ಕಸ್ತೂರಿ ಬಾ ಆಸ್ಪತ್ರೆಯವರು ಇಮೇಲ್ ಮೂಲಕ ವಿಷಯ ತಿಳಿಸಿದ್ದು, ಅಂಕೋಲಾ ಪೊಲೀಸರು ಸಾವಿನ ವರದಿಯನ್ನು ಸರ್ಕಾರಿ ಕಡತಕ್ಕೆ ಸೇರಿಸಿದರು.
- [ಪ್ರಪಾತಕ್ಕೆ ಬಿದ್ದ ಕಾರು: ಪ್ರಯಾಣಿಕ ಸಾವು!](https://mobiletime.in/2026/03/car-falls-into-abyss-passenger-dies/): ಕಂದಕಕ್ಕೆ ಕಾರು ಬಿದ್ದ ಪರಿಣಾಮ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ರೋಹಿತ ಬೆಳವಡಿ ಅವರು ವಾರಗಳ ಕಾಲ ನರಳಾಟ ನಡೆಸಿ ಸಾವನಪ್ಪಿದ್ದಾರೆ. ಯಲ್ಲಾಪುರದ ಜಿಯೋ ಕಚೇರಿ ಬಳಿ ಫೆಬ್ರವರಿ 28ರಂದು ಕಾರು ಅಪಘಾತಕ್ಕೀಡಾಗಿತ್ತು. ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಸಂಚರಿಸುತ್ತಿದ್ದ ಕಾರು ಕಂದಕಕ್ಕೆ ಬಿದ್ದಿದ್ದು, ಬೆಳಗಾವಿಯ ರೋಹಿತ ಬೆಳವಡಿ ಅವರು ಗಾಯಗೊಂಡಿದ್ದರು. ಬೆಳಗಾವಿಯ ಬಸವರಾಜ ಉಳಾಗಡ್ಡಿ ಅವರ ವೇಗದ ಚಾಲನೆ ಅಪಘಾತಕ್ಕೆ ಕಾರಣವಾಗಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ರೋಹಿತ ಬೆಳವಡಿ ಅವರು ಯಲ್ಲಾಪುರದ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದರು. ಅಲ್ಲಿಂದ ಮುಂದೆ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದಿದ್ದು, ನಂತರ ಸೆಕ್ಯೂರ್ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಗೆ ಒಳಗಾಗಿದ್ದರು. ಎಲ್ಲಾ ಕಡೆಯೂ ವೈದ್ಯರು ಅವರನ್ನು ಸಾಕಷ್ಟು ಪ್ರಮಾಣದಲ್ಲಿ ಆರೈಕೆ ಮಾಡಿದರು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ಮಾರ್ಚ 7ರಂದು ರೋಹಿತ ಬೆಳವಡಿ ಅವರು ನೋವು ಸಹಿಸಲಾಗದೇ ಸಾವನಪ್ಪಿದರು. ಈ ಬಗ್ಗೆ ಆಸ್ಪತ್ರೆಯವರು ಇಮೇಲ್ ಮೂಲಕ ಪೊಲೀಸರಿಗೆ ಮಾಹಿತಿ ನೀಡಿದರು. ಅಪಘಾತಕ್ಕೆ ಕಾರಣರಾದ ಚಾಲಕನ ವಿರುದ್ಧ ಯಲ್ಲಾಪುರ ಪೊಲೀಸರು ಹೆಚ್ಚುವರಿ ಸೆಕ್ಷನ್ ಅಡಿ ಪ್ರರಕಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಆರೋಗ್ಯ ಸಮಸ್ಯೆಯಾ? ಉಚಿತ ಸಲಹೆ-ಖಚಿತ ಔಷಧಿಗಾಗಿ ಇಲ್ಲಿ ಬನ್ನಿ!](https://mobiletime.in/2026/03/health-problem-come-here-for-free-advice-and-reliable-medicine/): ಶಿರಸಿ ನಗರ ಹಾಗೂ ಗ್ರಾಮೀಣ ಭಾಗದ ಜನರಿಗೆ ಉಚಿತ ಆರೋಗ್ಯ ಸೇವೆ ಒದಗಿಸುವ ನಿಟ್ಟಿನಲ್ಲಿ ಮಾರ್ಚ 11ರಂದು ಶಿರಸಿಯ ರಾಘವೇಂದ್ರ ಕಲ್ಯಾಣ ಮಂಟಪದಲ್ಲಿ ಉಚಿತ ಆರೋಗ್ಯ ತಪಾಸಣಾ ಶಿಬಿರ ನಡೆಯಲಿದೆ. ಆ ದಿನ ಬೆಳಗ್ಗೆ 9ಗಂಟೆಯಿoದ ಸಂಜೆ 4.30ರವರೆಗೆ ಶಿಬಿರ ನಡೆಯಲಿದೆ. ಶಿರಸಿಯ ಸ್ಕೊಡ್‌ವೆಸ್ ಸಂಸ್ಥೆ, ರೋಟರಿ ಕ್ಲಬ್, ಗುಜರಾತಿನ ದೇಸಾಯಿ ಫೌಂಡೇಶನ್ ಟ್ರಸ್ಟ್, ಶಿವಮೊಗ್ಗದ ನಾರಾಯಣ ಹೆಲ್ತ್ ಹಾಗೂ ಐಎಂಎ ಶಿರಸಿ ಸಹಯೋಗದಲ್ಲಿ ಈ ಆರೋಗ್ಯ ಶಿಬಿರವನ್ನು ಆಯೋಜಿಸಲಾಗಿದೆ. ಈ ಶಿಬಿರದಲ್ಲಿ ಪ್ರಸಿದ್ಧ ತಜ್ಞ ವೈದ್ಯರು ಭಾಗವಹಿಸಲಿದ್ದಾರೆ. ಮುಖ್ಯವಾಗಿ ಸ್ತ್ರೀ ರೋಗ, ಹೃದಯ ರೋಗ, ಚರ್ಮರೋಗ, ಉದರ ರೋಗ, ಕ್ಯಾನ್ಸರ್, ಮಧುಮೇಹ, ರಕ್ತದೊತ್ತಡ, ಮನೋರೋಗ, ಎಲುಬು ತಪಾಸಣೆ, ದಂತ ತಪಾಸಣೆ ಬಗ್ಗೆ ಮಾಹಿತಿ ಹಾಗೂ ಚಿಕಿತ್ಸೆ ನೀಡಲಾಗುತ್ತದೆ. ಜೊತೆಗೆ ಮಕ್ಕಳ ತಪಾಸಣೆ, ನೇತ್ರ ತಪಾಸಣೆ, ಸಾಮಾನ್ಯ ವೈದ್ಯಕೀಯ ತಪಾಸಣೆಯೂ ನಡೆಯಲಿದೆ. ಔಷಧಿಗಳನ್ನು ಸಹ ಉಚಿತವಾಗಿಯೇ ನೀಡಲಾಗುತ್ತದೆ. ಅಲ್ಲದೇ ಆರೋಗ್ಯ ಸಲಹೆ, ಮಾರ್ಗದರ್ಶನ ನೀಡಿ ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದವರಿಗೆ ಮುಂದಿನ ಹಂತಗಳ ಬಗ್ಗೆ ವಿವರಿಸಲಾಗುತ್ತದೆ. ಈ ಬಗ್ಗೆ ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಮಾಹಿತಿ ನೀಡಿದ್ದು, ಆರೋಗ್ಯ ಸಲಹೆ ಜೊತೆ ಸಮಸ್ಯೆ ಬಗ್ಗೆ ಅರಿತುಕೊಳ್ಳಲು ಎಲ್ಲರೂ ತಪಾಸಣೆಗೆ ಒಳಗಾಗಬೇಕಾಗಿ ಮನವಿ ಮಾಡಿದ್ದಾರೆ.
- [ಸರ್ಕಾರದ ಆಸ್ತಿಯಾದ ಖಾಸಗಿ ರೆಸಾರ್ಟ!](https://mobiletime.in/2026/03/a-private-resort-that-is-government-property/): ಸರ್ಕಾರಿ ಜಾಗ ಅತಿಕ್ರಮಿಸಿ ಖಾಸಗಿಯವರು ನಿರ್ಮಿಸಿದ ರೆಸಾರ್ಟ-ಹೋಂ ಸ್ಟೇ ಹಾಗೂ ಹೊಟೇಲ್’ಗಳಿಗೆ ಅಧಿಕಾರಿಗಳು ನೋಟಿಸ್ ಅಂಟಿಸಿದ್ದಾರೆ. `ಇದು ಸರ್ಕಾರಿ ಆಸ್ತಿ. ಸ್ಥಳೀಯರು ಹಾಗೂ ಪ್ರವಾಸಿಗರಿಗೆ ಪ್ರವೇಶವಿಲ್ಲ’ ಎಂದು ಬರೆದು ಆ ಕಟ್ಟಡಕ್ಕೆ ಬೀಗ ಜಡಿದಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಕುಮಟಾದ ನಾಡುಮಾಸ್ಕೇರಿ-ದುಬ್ಬಿನಶಶಿ ಭಾಗದಲ್ಲಿ 55ಕ್ಕೂ ಅಧಿಕ ರೆಸಾರ್ಟುಗಳಿವೆ. ಅಲ್ಲಿ ಬಹುತೇಕ ರೆಸಾರ್ಟುಗಳು ಸರ್ಕಾರಿ ಜಾಗ ಅತಿಕ್ರಮಿಸಿದ್ದು, ಈಗಾಗಲೇ ಸರ್ವೇ ಕಾರ್ಯ ಮುಗಿದು ಅತಿಕ್ರಮಣದಾರರಿಗೆ ನೋಟಿಸ್ ಸಹ ನೀಡಲಾಗಿದೆ. ಅದಾಗಿಯೂ, ಅತಿಕ್ರಮಣದಾರರು ಜಾಗ ತೆರವು ಮಾಡಿಲ್ಲ. ಈ ಹಿನ್ನಲೆ ಸೋಮವಾರ ಅಧಿಕಾರಿಗಳು ಆ ಕಟ್ಟಡಕ್ಕೆ ನೋಟಿಸ್ ಅಂಟಿಸಿದ್ದು, ಕಟ್ಟಡದ ಬಾಗಿಲು ಮುಚ್ಚಿ ಅದಕ್ಕೆ ಸೀಲ್ ಹೊಡೆದಿದ್ದಾರೆ. ಸೋಮವಾರ ಮುಂಜಾನೆಯಿAದ ಈ ಕಾರ್ಯಾಚರಣೆ ಶುರುವಾಗಿದ್ದು, ಇದಕ್ಕೆ ಅಡ್ಡಿ ಆಗದಂತೆ ಮುನ್ನಚ್ಚರಿಕೆವಹಿಸಲು ಕುಮಟಾ ಉಪವಿಭಾಗಾಧಿಕಾರಿ ಶ್ರವಣಕುಮಾರ ಅವರು ಸ್ಥಳದಲ್ಲಿ ನಿಷೇಧಾಜ್ಷೆ ಹೊರಡಿಸಿದ್ದಾರೆ. ಮಾರ್ಚ 9ರ ಬೆಳಗ್ಗೆ 10 ಗಂಟೆಯಿoದ ಮಾರ್ಚ 10ರ ಬೆಳಗ್ಗೆ 10ಗಂಟೆಯವರೆಗೆ ನಿಷೇಧಾಜ್ಞೆ ಜಾರಿಯಲ್ಲಿದೆ. ಜೊತೆಗೆ ಹೆಚ್ಚಿನ ಪ್ರಮಾಣದಲ್ಲಿ ಪೊಲೀಸರನ್ನು ನಿಯೋಜಿಸಿ ಸರ್ಕಾರಿ ಜಾಗ ವಶಕ್ಕೆಪಡೆಯುವ ಕೆಲಸ ನಡೆದಿದೆ. ಇಲ್ಲಿ 52 ಅಕ್ರಮ ಕಟ್ಟಡಗಳಿದ್ದು ಅದರಲ್ಲಿ 24 ಕಟ್ಟಡವರು ಸ್ವಯಂ ಪ್ರೇರಣೆಯಿಂದ ತೆರವು ಮಾಡಲು ಕಾಲಾವಕಾಶ ಕೋರಿದ್ದಾರೆ. ಸೂಕ್ತ ಪ್ರಮಾಣ ಪತ್ರ ಅಫಡವೀಟ್ ನೀಡುವಂತೆ ನ್ಯಾಯಾಲಯ ಸೂಚಿಸಿದ್ದು, ಸದ್ಯ ಸ್ವಯಂ ಪ್ರೇರಿತವಾಗಿ ತೆರವು ಮಾಡುವವರೆಗೂ ಯಾವುದೇ ಚಟುವಟಿಕೆ ನಡೆಯದ ಹಾಗೇ ಬೀಗ ಹಾಕಲಾಗಿದೆ. ಕುಮಟಾ ಉಪವಿಭಾಗಾಧಿಕಾರಿ ಶ್ರವಣಕುಮಾರ, ಕುಮಟಾ ತಹಶೀಲ್ದಾರ ಶ್ರೀಕೃಷ್ಣ ಕಾಮಕರ್ ನೇತೃತ್ವದಲ್ಲಿ ನಾಡುಮಾಸ್ಕೇರಿ ಗ್ರಾಮ ಪಂಚಾಯತದಲ್ಲಿ ವಿಶೇಷ ಸಭೆ ನಡೆದಿದ್ದು, ಇದೇ ವಿಷಯವಾಗಿ ಎರಡು ತಾಸುಗಳ ಕಾಲ ಚರ್ಚೆ ನಡೆದಿದೆ. ನ್ಯಾಯಾಲಯದ ಆದೇಶ ಬರುವವರೆಗೂ ಕಾದು ನಂತರ ಅತಿಕ್ರಮಣ ತೆರವು ಮಾಡುವ ಬಗ್ಗೆ ಕಟ್ಟಡ ಮಾಲಕರು ಅಧಿಕಾರಿಗಳಿಗೆ ಮನವರಿಕೆ ಮಾಡುವ ಪ್ರಯತ್ನ ಮಾಡಿದ್ದಾರೆ. ತಾಲೂಕಾ ಪಂಚಾಯತ ಕಾರ್ಯನಿರ್ವಹಣಾಧಿಕಾರಿ ಆರ್ ಎಲ್ ಭಟ್, ಪಿಐ ಶ್ರೀಧರ ಎಸ್ ಆರ್ ಸೇರಿ ಅನೇಕ ಅಧಿಕಾರಿಗಳು ಸಭೆಯಲ್ಲಿದ್ದು ಅಹವಾಲು ಆಲಿಸಿದ್ದಾರೆ. ನಾಲ್ಕು ಜೆಸಿಬಿ ಯಂತ್ರ, ಟಿಪ್ಪರ್, ಅಗ್ನಿಶಾಮಕ ವಾಹನ ಸ್ಥಳದಲ್ಲಿದ್ದು, ಎರಡು ಆಂಬುಲೆನ್ಸನ್ನು ಸಹ ಮುನ್ನಚ್ಚರಿಕಾ ಕ್ರಮವಾಗಿರಿಸಿರುವುದು ಕಾಣಿಸಿತು. ಈ ತೆರವು ಕಾರ್ಯಾಚರಣೆ ನಿಲ್ಲಿಸುವಂತೆ ಆಗ್ರಹಿಸಿ ಸ್ಥಳೀಯ ಕೆಲವರು ರಸ್ತೆಯಲ್ಲಿ ಕುಳಿತು ಪ್ರತಿಭಟನೆ ನಡೆಸಿದರು. ಈ ವೇಳೆ ಇಬ್ಬರು ಮಹಿಳೆಯರು ಕುಸಿದು ಬಿದ್ದರು. ತಕ್ಷಣ ಅಂಬ್ಯಲೆನ್ಸ ಮೂಲಕ ಗೋಕರ್ಣದ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ರವಾನಿಸಿ ಚಿಕಿತ್ಸೆ ನೀಡಿದ್ದು, ನಂತರ ಅವರು ಚೇತರಿಸಿಕೊಂಡಿದ್ದಾರೆ. `ಬಡವರಿಗೆ ಬದುಕಲು ಬಿಡಿ’ ಎಂದು ಅಲ್ಲಿನ ಜನ ಅಳಲು ತೊಡಿಕೊಂಡಿದ್ದಾರೆ.
- [ಕಾರಿನ ಮೇಲೆ ಬಿದ್ದ ಕಂಟೇನರ್: ಮಗು ಸಾವು!](https://mobiletime.in/2026/03/container-falls-on-car-child-dies/): ಕಂಟೇನರ್ ಚಾಲಕ ಸರಾಯಿ ಕುಡಿದು ವಾಹನ ಓಡಿಸಿದ ಪರಿಣಾಮ ಆ ಕಂಟೇನರ್ ಕಾರಿನ ಮೇಲೆ ಬಿದ್ದಿದೆ. ಈ ದುರಂತದಲ್ಲಿ ಕಾರಿನ ಒಳಗಿದ್ದ ಐದು ವರ್ಷದ ಮಗು ಅಲ್ಲಿಯೇ ಸಾವನಪ್ಪಿದೆ. ಕಾರವಾರದ ಬಿಣಗಾ – ಅರ್ಗಾ ಘಟ್ಟದ ಬಳಿ ಈ ಅಪಘಾತ ನಡೆದಿದೆ. ಮಾಹಿತಿಗಳ ಪ್ರಕಾರ ವೈದ್ಯ ಕುಟುಂಬವೊoದು ಕಾರಿನಲ್ಲಿ ಸಂಚರಿಸುತ್ತಿತ್ತು. ಈ ವೇಳೆ ವೇಗವಾಗಿ ಬಂದ ಕಂಟೇನರ್ ಆ ಕಾರಿನ ಮೇಲೆ ಬಿದ್ದಿತು. ಕಾರಿನಲ್ಲಿದ್ದ ದೊಡ್ಡವರು ಅಪಾಯದಿಂದ ಪಾರಾಗಿದ್ದು, ಐದು ವರ್ಷದ ಮಗು ಅಲ್ಲಿ ಸಿಕ್ಕಿಬಿದ್ದಿತು. ಆ ಮಗು ಅಲ್ಲಿಯೇ ಕೊನೆಯುಸಿರೆಳೆಯಿತು. ಕಾರಿನಲ್ಲಿದ್ದ ಇತರರು ಜೀವಾಪಾಯದಿಂದ ಪಾರಾಗಿದ್ದರೂ ಸಹ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದರು. ಅವರನ್ನು ತಕ್ಷಣ ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. ಅಪಘಾತದ ಸುದ್ದಿ ತಿಳಿದು ಸ್ಥಳಕ್ಕೆ ನೂರಾರು ಜನ ಜಮಾಯಿಸಿದ್ದಾರೆ. ಕಂಟೇನರ್ ಚಾಲಕನ ಸರಾಯಿ ಸೇವನೆ ಬಗ್ಗೆ ಆಕ್ರೋಶವ್ತಕ್ತಪಡಿಸಿದ್ದಾರೆ. ಸದ್ಯ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದು, ಸಂಚಾರ ದಟ್ಟಣೆ ಆಗದ ಹಾಗೇ ಕ್ರಮ ಜರುಗಿಸಿದ್ದಾರೆ. ಸಾವನಪ್ಪಿದ ಮಗು ಹಾಗೂ ಗಾಯಗೊಂಡವರ ಬಗ್ಗೆ ಇನ್ನಷ್ಟು ಮಾಹಿತಿ ಬರಬೇಕಿದೆ.
- [ಪಲ್ಟಿಯಾದ ಶ್ರೀಕುಮಾರ ಬಸ್ಸು: 21 ಪ್ರಯಾಣಿಕರಿಗೆ ಗಾಯ!](https://mobiletime.in/2026/03/srikumara-bus-overturns-21-passengers-injured/): ಹೊನ್ನಾವರ ಕಡೆಯಿಂದ ಸಾಗರ ಮಾರ್ಗವಾಗಿ ಬೆಂಗಳೂರಿಗೆ ಹೊರಟಿದ್ದ ಶ್ರೀಕುಮಾರ ಬಸ್ಸು ಅಪಘಾತಕ್ಕೀಡಾಗಿದೆ. ಬಸ್ಸಿನಲ್ಲಿದ್ದ ಒಂದೇ ಕುಟುಂಬದ ಮೂವರಿಗೆ ಗಂಭೀರಗಾಯವಾಗಿದ್ದು, ಜೊತೆಗೆ 18 ಜನರಿಗೆ ಅಲ್ಲಲ್ಲಿ ಪೆಟ್ಟಾಗಿದೆ. ಫೆಬ್ರವರಿ 8ರ ರಾತ್ರಿ ಹೊನ್ನಾವರದಿಂದ ಬೆಂಗಳೂರಿಗೆ ಶ್ರೀಕುಮಾರ ಬಸ್ಸು ಹೊರಟಿತ್ತು. ಮೂಡ್ಕಣಿಯ ಗಿರೀಶ ನಾಯ್ಕ ಅವರು ಆ ಬಸ್ಸು ಓಡಿಸುತ್ತಿದ್ದರು. ಸಾಗರ ರಸ್ತೆ ಮಾರ್ಗವಾಗಿ ಅವರು ಬೆಂಗಳೂರಿಗೆ ಬಸ್ಸು ಓಡುವ ತವಕದಲ್ಲಿದ್ದರು. ಬಸ್ಸಿನ ವೇಗ ಎಂದಿಗಿAತ ಜಾಸ್ತಿಯಿದ್ದ ಪರಿಣಾಮ ಆಳಂಕಿ ಪಾಕ್ಟರಿ ಕ್ರಾಸಿನ ಬಳಿ ಆ ಬಸ್ಸು ಪಲ್ಟಿಯಾಯಿತು. ಹೊನ್ನಾವರ ಗುಂಡುಬಾಳದ ಸುರೇಶ ಕನ್ಯಾ ಗೌಡ (36), ಆಶಾ ಸುರೇಶ ಗೌಡ (31) ಹಾಗೂ ಭೂಮಿ ಸುರೇಶ ಗೌಡ (2) ಅವರು ಈ ಅಪಘಾತದಿಂದ ಗಂಭೀರ ಪ್ರಮಾಣದಲ್ಲಿ ನೋವು ಅನುಭವಿಸಿದರು. ಇದರೊಂದಿಗೆ ಆ ಬಸ್ಸಿನಲ್ಲಿದ್ದ ಗುಣವಂತೆಯ ನರಸಿಂಹ ಕ್ಷೇತ್ರ ಗೌಡ (25) ಶ್ರೇಯಾನ್ ಸುರೇಶ ಗೌಡ (3), ಮುರುಡೇಶ್ವರ ನ್ಯಾಶನಲ್ ಕಾಲೋನಿಯ ಮಹಮದ್ ಇಯಾನ್ ಸಯ್ಯದ್ ಮೆಹಬೂಬ್ (25) ಹೊನ್ನಾವರ ದುರ್ಗಾಕೇರಿಯ ಉಮಾ ಸುರೇಶ ಮೇಸ್ತಾ (28), ಭಟ್ಕಳ ಹಾಡುವಳ್ಳಿಯ ಸುಚಿತ್ರಾ ವಿಠ್ಠಲ ನಾಯ್ಕ (22), ಪ್ರವೀಣ ಮಂಜಪ್ಪ ನಾಯ್ಕ, ಹೊನ್ನಾವರ ಚರ್ಚ ರಸ್ತೆಯ ಜೋಯಿಸ್ ರಾಕಿ ರೊಡ್ರಗೀಸ್, ಪ್ರಾಯ (25) ಹೊನ್ನಾವರ ಬಾರಗದ್ದೆಯ ಪ್ರಿಯಾಂಕ ಕೃಷ್ಣ ವೆರ್ಣೇಕರ (25), ಭಟ್ಕಳ ಸಬತ್ತಿಯ ಪೂಜಾರ ಈರಪ್ಪ ನಾಯ್ಕ (21), ಹೊನ್ನಾವರ ನಾಜುಗಾರದ ಗಾಯತ್ರಿ ನಾರಾಯಣ ಗೌಡ (22), ಸಾಗರ ಮಾವಳ್ಳಿಯ ಸುರೇಶ ಸೋಮಯ್ಯ ನಾಯ್ಕ, ಹೊನ್ನಾವರ ಇಡಗುಂಜಿಯ ನಿವೇದಿತಾ ಹರೀಶ್ ನಾಯ್ಕ (26) ಅವರು ಗಾಯಮಾಡಿಕೊಂಡರು. ಇದರೊಂದಿಗೆ ಹೊನ್ನಾವರ ಮಾಳ್ಕೋಡಿನ ಸೌಮ್ಯ ಪ್ರಭಾಕರ ಹೆಗಡೆ (23), ಭಟ್ಕಳ ಬಂದರು ರಸ್ತೆಯ ಅನ್ನಪೂರ್ಣಾ ನಾರಾಯಣ ಖಾರ್ವಿ (28), ಹೊನ್ನಾವರ ಕವಲಕ್ಕಿಯ ಸಂದ್ಯಾ ಗಜಾನನ ಹಗಡೆ (26), ಹೊನ್ನಾವರ ಇಡಗುಂಜಿಯ ಮನೋಜ ಪಂಡಿತ (24), ಕಾಸರಕೋಡಿನ ಸುಬ್ರಹ್ಮಣ್ಯ ಆಚಾರಿ (25) ಅವರಿಗೂ ಈ ಅಪಘಾತದಲ್ಲಿ ಗಾಯಗಳಾದವು. ಅಪಘಾತದಿಂದ ನರಳಾಡುತ್ತಿದ್ದ ಪ್ರಯಾಣಿಕರನ್ನು ಆಂಬುಲೆನ್ಸಿನ ಮೂಲಕ ಆಸ್ಪತ್ರೆಗೆ ಸಾಗಿಸಲಾಯಿತು. ಸಂಚಾರ ದಟ್ಟಣೆಯನ್ನು ಪೊಲೀಸರು ನಿಯಂತ್ರಿಸಿದರು. ಮಾಹಿತಿಗಳ ಪ್ರಕಾರ, ಎದುರಿನಿಂದ ಬಂದ ಸ್ಕೂಟಿ ಸವಾರನಿಗೆ ಬಸ್ಸು ಗುದ್ದುವುದಿದ್ದು, ಅದನ್ನು ತಪ್ಪಿಸುವ ಬರದಲ್ಲಿ ವೇಗವಾಗಿದ್ದ ಬಸ್ಸು ಪಲ್ಟಿಯಾಗಿದೆ.
- [ಪರೋಪಕಾರಿ ಅಧಿಕಾರಿಗೆ ಸನ್ಮಾನ](https://mobiletime.in/2026/03/honor-for-philanthropic-officer/): ಕಾರವಾರ ಡಿಡಿಪಿಐ ಕಚೇರಿಯಲ್ಲಿ ಶಿಕ್ಷಣಾಧಿಕಾರಿಯಾಗಿ ಕರ್ತವ್ಯ ನಿಭಾಯಿಸುತ್ತಿರುವ ಶುಭ ಶುಭ ನಾಯಕ ಅವರು ತಮ್ಮ ಶೈಕ್ಷಣಿಕ ಸೇವೆಯ ಜೊತೆ ಮಕ್ಕಳಲ್ಲಿ ಪ್ರೇರಣಾದಾಯಕ ವಿಷಯ ಮೂಡಿಸುವ ಕೆಲಸ ಮಾಡುತ್ತಿದ್ದಾರೆ. ಶಾಲಾ ಮಕ್ಕಳಲ್ಲಿ ಆತ್ಮಸ್ಥೈರ್ಯ ತುಂಬುವಲ್ಲಿ ಶುಭ ನಾಯ್ಕ ಅವರ ಶ್ರಮ ಅಪಾರವಾಗಿದ್ದು, ಈ ಸೇವೆ ಗುರುತಿಸಿ ಮುದುಗಾ ಜನತಾ ವಿದ್ಯಾಲಯದವರು ಅವರನ್ನು ಸನ್ಮಾನಿಸಿದ್ದಾರೆ. ಶುಭಾ ನಾಯಕ ಅವರು ತಮ್ಮ ಬಿಡುವಿನ ವೇಳೆ ಮಕ್ಕಳ ಜೊತೆ ಬೆರೆಯುತ್ತಾರೆ. ಶಾಲಾ ಮಕ್ಕಳಿಗೆ ಅಗತ್ಯವಿರುವ ಕೌಶಲ್ಯದ ಬಗ್ಗೆ ಅರಿವು ಮೂಡಿಸಲು ಅವರು ಪ್ರಯತ್ನಿಸುತ್ತಿದ್ದಾರೆ. ವಿವಿಧ ಕಾರ್ಯಕ್ರಮಗಳಿಗೆ ತೆರಳಿದಾಗಲೂ ಅವರು ಪ್ರೇರಣಾದಾಯಕ ಮಾತುಗಳಿಂದ ಮಕ್ಕಳಿಗೆ ಸಾಧನೆ ಮಾಡಲು ಪ್ರಚೋದಿಸುತ್ತ ಬಂದಿದ್ದಾರೆ. ಈ ಎಲ್ಲಾ ಹಿನ್ನಲೆ ಅವರನ್ನು ಜನತಾ ವಿದ್ಯಾಲಯ ಪ್ರೌಢಶಾಲೆ, ಮುದಗ ಹಾಗೂ ಕಡಲು ಇಕೋ ಕ್ಲಬ್ ವತಿಯಿಂದ ಗೌರವಿಸಲಾಗಿದೆ. `ಶುಭಾ ನಾಯಕ ಅವರು ಎಸ್ ಎಸ್ ಎಲ್ ಸಿ ನೋಡಲ್ ಆಫಿಸರ್ ಆಗಿದ್ದಾರೆ. ಗುಣಾತ್ಮಕ ಶಿಕ್ಷಣ ಒದಗಿಸುವುದರ ಜೊತೆ ಮಕ್ಕಳಲ್ಲಿ ಉತ್ತಮ ಫಲಿತಾಂಶ ಬರುವ ನಿಟ್ಟಿನಲ್ಲಿಯೂ ಅವರು ಶ್ರಮಿಸುತ್ತಿದ್ದಾರೆ’ ಎಂದು ಜ್ಞಾನ-ವಿಜ್ಞಾನ ಸಮಿತಿಯ ಜಿಲ್ಲಾ ಸಂಚಾಲಕರಾದ ಶ್ರೀ ಜೈ ರಂಗನಾಥ ಬಿ ಎಸ್ ಅವರು ಈ ವೇಳೆ ವಿವರಿಸಿದರು. `ಶುಭಾ ನಾಯಕ ಅವರು ಮಾನವೀಯ ನೆಲೆಯಲ್ಲಿ ಕೆಲಸ ಮಾಡುತ್ತಿದ್ದು, ಆಧುನಿಕ ತಂತ್ರಜ್ಞಾನಗಳ ಬಗ್ಗೆ ಮಾಹಿತಿ ಹೊಂದಿದ್ದಾರೆ. ಶಿಕ್ಷಣ ಕ್ಷೇತ್ರಕ್ಕೆ ಅವರ ಕೊಡುಗೆ ಅಪಾರ’ ಎಂದು ಮುಖ್ಯ ಶಿಕ್ಷಕಿ ವೀಣಾ ಮಾಳಿಗೇರ್ ಅವರು ಹೇಳಿದರು. ಸಹಾಯಕ ಶಿಕ್ಷಕಕರಾದ ಸ್ಮಿತಾ ನಾಯ್ಕ್. ನಿಕಿತಾ ನಾಯ್ಕ್, ಕ್ಷಮ ನಾಯ್ಕ್, ಪೂರ್ಣಿಮಾ ನಾಯ್ಕ್ ಭಾರತಿ ಐಸಾಕ್, ಟೀನಾ ಅಸ್ನೋಟಿಕರ, ವಿಠಲ್ ವಿ ಗಾಡ ಇತರರು ಇದ್ದರು. ಮಹಿಳಾ ದಿನಾಚರಣೆ ಅಂಗವಾಗಿ ಈ ಸನ್ಮಾನ ಕಾರ್ಯಕ್ರಮ ನಡೆಯಿತು.
- [ದುಬ್ಬಿನಶಶಿ ಗ್ರಾಮದಲ್ಲಿ ದುಗುಡ!](https://mobiletime.in/2026/03/there-is-a-fire-in-dubbinashashi-village/): ಸಣ್ಣ-ಪುಟ್ಟ ಸರ್ಕಾರಿ ಜಾಗ ಅತಿಕ್ರಿಮಿಸಿ ರೆಸಾರ್ಟ ಹಾಗೂ ಹೋಂ ಸ್ಟೇ ನಿರ್ಮಿಸಿದವರಿಗೆ ಸರ್ಕಾರ ಜಾಗ ಖಾಲಿ ಮಾಡುವಂತೆ ನೋಟಿಸ್ ನೀಡಿದ್ದು, ಇದರ ವಿರುದ್ಧ ಕುಮಟಾದ ದುಬ್ಬಿನಶಶಿ ಭಾಗದ ಜನ ಸಿಡಿದೆದ್ದಿದ್ದಾರೆ. `ನಮಗೂ ಬದುಕಲು ಬಿಡಿ’ ಎಂದು ಅಲ್ಲಿನವರು ಪ್ರತಿಭಟಿಸಿದ್ದು, ಕ್ಷೇತ್ರದ ಶಾಸಕ ದಿನಕರ ಶೆಟ್ಟಿ ಸ್ಥಳಕ್ಕೆ ತೆರಳಿ ಸಮಾಧಾನ ಮಾಡಿದ್ದಾರೆ. ಈ ನಡುವೆ ಅನೇಕರು ನ್ಯಾಯಾಲಯದ ಮೊರೆ ಹೋಗಿ ತಡೆಯಾಜ್ಷೆಯನ್ನು ತಂದಿದ್ದಾರೆ. ಕುಮಟಾದ ನಾಡುಮಾಸ್ಕೇರಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಕಡಲತೀರಗಳಲ್ಲಿನ ಸರ್ಕಾರಿ ಜಾಗದಲ್ಲಿರುವ ರೆಸಾರ್ಟ-ಹೊಟೇಲ್ ತೆರವು ಮಾಡುವಂತೆ ತಾಲೂಕು ಆಡಳಿತ ಆದೇಶಿಸಿದೆ. ಭಾನುವಾರ ಅಪರ ಜಿಲ್ಲಾಧಿಕಾರಿ ಶಾಜಿದ್‌ಮುಲ್ಲಾ, ಕುಮಟಾ ಉಪವಿಭಾಗಾಧಿಕಾರಿ ಶ್ರವಣಕುಮಾರ, ಕುಮಟಾ ತಹಶೀಲ್ದಾರ ಶ್ರೀಕೃಷ್ಣ ಕಾಮಕರ, ಪಿಐ ಶ್ರೀಧರ ಎಸ್ ಆರ್ ಅವರ ಜೊತೆ ಇನ್ನಿತರ ಅಧಿಕಾರಿಗಳು ಸ್ಥಳ ಭೇಟಿ ಮಾಡಿದ್ದಾರೆ. ಏಕಾಏಕಿ ತೆರವು ಆದೇಶದ ವಿರುದ್ಧ ಅಲ್ಲಿನವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಚಿಕ್ಕ ಉದ್ಯಮ ಮಾಡಿಕೊಂಡಿರುವ ಸ್ಥಳೀಯ ಮೀನುಗಾರರ ಜೊತೆ ಇನ್ನಿತರರಿಗೂ ತೊಂದರೆಯಾಗಿರುವ ಬಗ್ಗೆ ಅಲ್ಲಿವರು ಶಾಸಕರಲ್ಲಿ ದೂರಿದ್ದಾರೆ. ಈ ವೇಳೆ ದಿನಕರ ಶೆಟ್ಟಿ ಅವರು ಕಡಲತೀರದ ಪ್ರವಾಸೋದ್ಯಮ ನಡೆಸಲು ಸಹಕರಿಸುವ ಜೊತೆ ಮೀನುಗಾರರಿಗೆ ನ್ಯಾಯ ಒದಗಿಸುವ ಭರವಸೆ ನೀಡಿದರು. `ಈ ಬಗ್ಗೆ ಸಚಿವರ ಗಮನಕ್ಕೂ ತರುವೆ’ ಎಂದು ಹೇಳಿದರು. ಸದನದಲ್ಲಿಯೂ ವಿಷಯ ಪ್ರಸ್ತಾಪಿಸುವ ಆಶ್ವಾಸನೆ ನೀಡಿದರು. ಭಾವಿಕೊಡ್ಲ ಗ್ರಾಮದ ದುಬ್ಬನಸಶಿ, ಹಾರೂಮಾಸ್ಕೇರಿ ಗ್ರಾಮ, ನಾಡುಮಾಸ್ಕೇರಿ ಗ್ರಾಮದ ಗಂಗೆಕೊಳ್ಳದ ಒಟ್ಟು 52 ರೆಸಾರ್ಟಗಳು ಅತಿಕ್ರಮಣ ಜಾಗದಲ್ಲಿದೆ. ಈ ಪೈಕಿ ಎಂಟು ರೆಸಾರ್ಟನವರು ನ್ಯಾಯಾಲಯದಿಂದ ತಡೆಯಾಜ್ಷೆ ತಂದಿದ್ದು, ಅದಾದ ನಂತರ ಇನ್ನಷ್ಟು ರೆಸಾರ್ಟಿನವರು ತಡೆಯಾಜ್ಞೆ ತಂದಿದ್ದಾರೆ. ಅದಾಗಿಯೂ `ಎಲ್ಲರೂ ಸ್ವಯಂ ಪ್ರೇರಿತವಾಗಿ ತೆರವುಗೊಳಿಸಬೇಕು’ ಎಂದು ಅಧಿಕಾರಿಗಳು ಸೂಚಿಸಿದ್ದು, ಅದು ಆಕ್ರೋಶಕ್ಕೆ ಕಾರಣವಾಗಿದೆ. ಜಿ ಪಂ ಮಾಜಿ ಸದಸ್ಯ ಪ್ರದೀಪ ನಾಯಕ, ಪ್ರಮುಖರಾದ ನಾಗರಾಜ್ ನಾಯ್ಕ್, ಗಂಗಾಧರ್ ಗೌಡ, ವಾಸುದೇವ್ ಮೋರ್ಜೆ, ರತೀಶ್ ಕುರ್ಲೆ, ಮಹೇಶ ಶೆಟ್ಟಿ, ರೂಪಾ ಅಂಕೋಲೆಕರ್, ಧನಶ್ರೀ ಅಂಕೋಲೇಕರ್, ಕುಮಾರ್ ಕೌರಿ, ರಾಜೇಶ್ ಚುಡನ್ಕರ್, ನಾಗೇಶ್ ಗೌಡ ಇತರರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.
- [ದೇವರ ಅಧ್ಯಕ್ಷತೆಯಲ್ಲಿ ವಿಶೇಷ ಸಭೆ: ಮಂಜಗುಣಿ ಮಹಿಮೆ ಸಾರಿದ ಹೈಕೋರ್ಟ ನ್ಯಾಯಧೀಶ](https://mobiletime.in/2026/03/special-meeting-presided-over-by-god-high-court-judge-extols-manjaguni/): ಶಿರಸಿ ಮಂಜುಗುಣಿಯ ವೆಂಕಟರಮಣ ದೇವರ ಅಧ್ಯಕ್ಷತೆಯಲ್ಲಿ ಭಾನುವಾರ ಸಭೆ ನಡೆದಿದ್ದು, ಹೈಕೋರ್ಟ ನ್ಯಾಯಾಧೀಶ ಶಂಕರ ಪಂಡಿತ್ ಅವರು ಮಂಜಗುಣಿ ಕ್ಷೇತ್ರಕ್ಕೆ ತಲೆಭಾಗಿ ನಮಸ್ಕರಿಸಿದ್ದಾರೆ. `ನಮ್ಮ ಪೂರ್ವಿಕರು ಸ್ಥಾಪಿಸಿದ ದೇಗುಲವನ್ನು ನಾವು ಮುಂದಿನ ತಲೆಮಾರಿಗೆ ಹಸ್ತಾಂತರಿಸಬೇಕು. ಅದು ನಮ್ಮ-ನಿಮ್ಮೇಲ್ಲರ ಜವಾಬ್ದಾರಿ’ ಎಂದು ಅವರು ಈ ವೇಳೆ ಹೇಳಿದ್ದಾರೆ. ಭಾನುವಾರ ಶಿರಸಿಯ ಮಂಜಗುಣಿ ಕ್ಷೇತ್ರಕ್ಕೆ ಆಗಮಿಸಿದ್ದ ಅವರು `ದೇವರ ಮುಂದೆ ಎಲ್ಲರೂ ಭಕ್ತಿಯಿಂದ ಎಲ್ಲರೂ ತಲೆ ಬಾಗಬೇಕು’ ಎಂದು ಕರೆ ನೀಡಿದ್ದಾರೆ. ಜೊತೆಗೆ ಮಂಜುಗುಣಿಯಲ್ಲಿ 50 ಕೋಟಿ ರೂಪಾಯಿ ವೆಚ್ಚದಲ್ಲಿ ಕೈಗೊಂಡ ಕಾಮಗಾರಿಗಳ ಸಮರ್ಪಣೆ ಕಾರ್ಯಕ್ರಮದ ಅವರು ದಾನಿಗಳಿಗೆ ಸನ್ಮಾನಿಸಿದ್ದಾರೆ. `ದೇವಾಲಯವನ್ನು ಸಂರಕ್ಷಿಸುವವರನ್ನು ದೇವರು ಸಂರಕ್ಷಿಸುತ್ತಾರೆ’ ಎಂದವರು ಹೇಳಿದ್ದಾರೆ. `ದೇವಸ್ಥಾನಗಳಿಗೆ ಭಾರತೀಯ ಸಂಸ್ಕೃತಿಯಲ್ಲಿ ವಿಶೇಷ ಸ್ಥಾನವಿದೆ. ನಮ್ಮ ಪೂರ್ವಿಕರು ಪ್ರಕೃತಿ ಆರಾಧಕರು ಆಗಿದ್ದು, ಪರಿಸರ ಸಂರಕ್ಷಣೆಯಲ್ಲಿ ಅವರ ಕೊಡುಗೆಯೂ ಅಪಾರ’ ಎಂದವರು ಸ್ಮರಿಸಿದ್ದಾರೆ. ದೇವಸ್ಥಾನದ ಪ್ರಧಾನ ಅರ್ಚಕರಾದ ಶ್ರೀನಿವಾಸ ಭಟ್ಟ ಮಂಜುಗುಣಿ ಅವರು ಮಾತನಾಡಿ `ಗುರುವನ್ನು ದೇವರೆಂದು ಕರೆದರು. ದೇವರನ್ನು ಗುರುವೆಂದು ಭಾವಿಸಿದ ಪರಂಪರೆ. ಒಳ್ಳೆಯದನ್ನು ಸೃಷ್ಟಿಸಿ ಉಳಿಸಿ ಬೆಳಸಿಕೊಡಬೇಕು. ಕೆಟ್ಟದನ್ನು ನಾಶ ಮಾಡಬೇಕು. ನಂತರ ಒಳ್ಳೆಯದನ್ನು ಸೃಜಿಸಬೇಕು. ಅದನ್ನು ಬೆಳೆಸಬೇಕು’ ಎಂದು ಕರೆ ನೀಡಿದ್ದಾರೆ. ಹಿರಿಯ ಲೆಕ್ಕ ಪರಿಶೋಧಕ, ನ್ಯಾಯಾಧೀಶ ಪ್ರಕಾಶ ಹೆಗಡೆ ಹುಳಗೋಳ ಅವರು ಮಾತನಾಡಿ `ದೇವಸ್ಥಾನಗಳ ಸ್ಥಳ ಮಹಾತ್ಮೆಗಳೇ ಭಕ್ತರನ್ನು ಸೆಳೆಯುತ್ತವೆ’ ಎಂದರು. ವಿ ಟಿ ಹೆಗಡೆ ಜಾನ್ಮನೆ, ಇಂಜನೀಯರ್ ಅರುಣ ನಾಯಕ, ಆಡಳಿತ ಮಂಡಳಿಯ ಮಹಾಬಲೇಶ್ವರ ಹೆಗಡೆ ಕೂರ್ಸೆ, ಅನಂತ ಪೈ, ಭರಸಗುಣಿ ಶ್ರೀರಾಮ ಹೆಗಡೆ, ಅನಿತಾ ಪಂಡಿತ್ ಅವರು ಇದ್ದರು. ಅನಂತ ಶಾಸ್ತ್ರಿ ವೇದಘೋಷ ನಡೆಯಿತು. ಸುಬ್ರಹ್ಮಣ್ಯ ಭಟ್ಟ ಸ್ವಾಗತಿಸಿದರು. ಅನಿತಾ ಹೆಗಡೆ ಕೂಗ್ತೆಮನೆ ನಿರ್ವಹಿಸಿದರು.
- [ದಶಕದ ನಂತರ ದರ್ಶನ: ಅನಂತಕುಮಾರರ ಭಾಷಣ ಸಂಪೂರ್ಣ ಸಪ್ಪೆ!](https://mobiletime.in/2026/03/darshan-after-a-decade-ananthakumars-speech-was-completely-bland/): ಜೀವನದಲ್ಲಿಯೇ ಮೊದಲ ಬಾರಿಗೆ ಉತ್ತರ ಕನ್ನಡ ಮಾಜಿ ಸಂಸದ ಅನಂತಕುಮಾರ ಹೆಗಡೆ ಅವರು `ಸಪ್ಪೆ’ ಭಾಷಣ ಮಾಡಿದ್ದಾರೆ. ಅದಾಗಿಯೂ, ಅವರ ಬೆಂಬಲಿಗರು `ಅನಂತಕುಮಾರ ಹೆಗಡೆ ಅವರೇ ಮುಂದಿನ ಮುಖ್ಯಮಂತ್ರಿ’ ಎಂದು ಘೋಷಣೆ ಕೂಗಿದ್ದಾರೆ. ಮಾರ್ಚ 8ರಂದು ಭಟ್ಕಳದಲ್ಲಿ ನಡೆದ `ಹಿಂದೂ ಸಂಗಮ’ ಕಾರ್ಯಕ್ರಮದಲ್ಲಿ ಅನಂತಕುಮಾರ ಹೆಗಡೆ ಅವರು ಮುಖ್ಯ ಭಾಷಣಕಾರರಾಗಿದ್ದು, ಅನೇಕ ವರ್ಷಗಳ ನಂತರ ಅವರ ಭಾಷಣ ಕೇಳಲು ಜನ ಕುತೂಹಲದಿಂದ ಆಗಮಿಸಿದ್ದರು. ಅನಂತಕುಮಾರ ಹೆಗಡೆ ಅವರ 45 ನಿಮಿಷದ ಭಾಷಣದಲ್ಲಿ ಮೊದಲಿನ ಹುಮ್ಮಸ್ಸು ಇರಲಿಲ್ಲ. ವಿವಾಧಾತ್ಮಕ ಹೇಳಿಕೆಗಳು ಕಾಣಲಿಲ್ಲ. ರಾಜಕೀಯವಾಗಿಯೂ ಮಾತನಾಡಲಿಲ್ಲ. ಹೀಗಾಗಿ ಅನಂತಕುಮಾರ ಹೆಗಡೆ ರಾಜಕೀಯ ಮರುಪ್ರವೇಶದ ಬಗ್ಗೆ ಸುಳಿವು ನೀಡುವ ನಿರೀಕ್ಷೆಯಲ್ಲಿದ್ದ ಕಾರ್ಯಕರ್ತರಿಗೆ ನಿರಾಸೆಯಾಯಿತು. ಅದಾಗಿಯೂ, ಅನಂತಕುಮಾರ ಹೆಗಡೆ ಅವರು ವೇದಿಕೆಯಿಂದ ನಿರ್ಗಮಿಸುವ ಅವಧಿಯಲ್ಲಿ ಕಾರ್ಯಕರ್ತರು ಘೋಷಣೆ ಕೂಗಿದ್ದು, `ಮುಂದಿನ ಮುಖ್ಯಮಂತ್ರಿ ಅನಂತಕುಮಾರ ಹೆಗಡೆ’ ಎಂದು ಕೇಳಿಸಿತು. ಅದಕ್ಕೆ ಸಹ ಅನಂತಕುಮಾರ ಹೆಗಡೆ ಅವರು ಯಾವುದೇ ರೀತಿಯಲ್ಲಿಯೂ ಪ್ರತಿಕ್ರಿಯಿಸಲಿಲ್ಲ. `ಹಿಂದಿನ ಆರ್ ಎಸ್ ಎಸ್ ಹಾಗೂ ಇಂದಿನ ಆರ್ ಎಸ್ ಎಸ್’ ಎಂಬ ಚೌಕಟ್ಟು ಮೀರಿ ಅನಂತಕುಮಾರ ಹೆಗಡೆ ಅವರು ಬೇರೆ ಮಾತನಾಡಲಿಲ್ಲ. ನಡುವೆ ಭಾರತೀಯ ಆಯುರ್ವೇದ, ಗಣಿತ, ವಿಜ್ಞಾನ ಹಾಗೂ ಖಗೋಳ ಶಾಸ್ತçವನ್ನು ಅವರು ಬಣ್ಣಿಸಿದ್ದು, `ನಾವೆಲ್ಲರೂ ಹಿಂದೂ’ ಎಂದು ಒತ್ತಿ ಹೇಳಿದರು. `ನಾವು ದುರ್ಬಲರಾಗಿರುವ ತನಕ ನಮ್ಮನ್ನು ತುಳಿಯುವವರಿರುತ್ತಾರೆ. ತಲೆ ಎತ್ತಿ ನಿಂತರೆ ಯಾರೂ ನಮ್ಮನ್ನು ತಡೆಯಲಾರರು’ ಎಂದು ಒಮ್ಮೆ ಹೇಳಿದ ಅವರು ನಂತರ ಮತ್ತೆ ಶಾಂತಚಿತ್ತದ ಭಾಷಣ ಮುಂದುವರೆಸಿದರು. `ಜಗತ್ತಿನ ಯಾರಿಗೂ ಕೂಡಾ ಹಿಂದೂ ಸಮಾಜವನ್ನು ಹಿಮ್ಮೆಟ್ಟಿಸುವ ತಾಕತ್ತು ಇಲ್ಲ’ ಎಂದು ನಡುವೆ ಒಮ್ಮೆ ಉಚ್ಚರಿಸಿದರು. `ನೂರು ವರ್ಷಗಳ ಹಿಂದೆ ನಾಗಪುರದಲ್ಲಿ ಕೆಲವೇ ಕೆಲವರು ಸೇರಿಕೊಂಡು ಹುಟ್ಟು ಹಾಕಿದ ಆರ್ ಎಸ್ ಎಸ್ ತತ್ವವನ್ನು ಇದೀಗ ಜಗತ್ತೇ ಒಪ್ಪಿಕೊಳ್ಳುತ್ತಿದೆ. ಅಂದಿನ ಆರ್ ಎಸ್ ಎಸ್ ಹಾಗೂ ಇಂದಿನ ಆರ್ ಎಸ್ ಎಸ್‌ಗೆ ಅಜಗಜಾಂತರ ವ್ಯತ್ಯಾಸವಿದೆ. ಹಿಂದೂ ಸಮಾಜದ ಜಾಗೃತಿ ಇಂದು ಜಗತ್ತಿಗೇ ತಲುಪಿದೆ’ ಎಂದವರು ಹೇಳಿದರು. `ಭಾರತ ಮೊದಲಿನಿಂದಲೂ ಜಗತ್ತಿಗೆ ಅನೇಕ ಕೊಡುಗೆಗಳನ್ನು ನೀಡಿದೆ. ವಿವಿಧ ದೇಶಗಳಲ್ಲಿ ನಾಗರೀಕತೆ ಬೆಳಗಿದಿದ್ದರೆ ಅದು ಭಾರತದಿಂದ’ ಎಂದು ಹೇಳಿದರು. `ಭಾರತ ಇಂದು ವಿಶ್ವದೆಲ್ಲೆಡೆ ಯೋಗವನ್ನು ಅಳವಡಿಸಕೊಳ್ಳುವಂತೆ ಮಾಡಲು ಯಶಸ್ವಿಯಾಗಿದೆ’ ಎಂದರು. `ಹಿಂದು ಸಮಾಜದಲ್ಲಿ ಭಾಷೆ, ಜಾತಿ, ಗುಂಪು ಯಾವುದೂ ಮುಖ್ಯವಾಗುವುದಿಲ್ಲ. ಯಾವುದೇ ಸಂದರ್ಭದಲ್ಲಿ ನಮ್ಮನ್ನು ಕರೆದಾಗ ನಾನೋರ್ವ ಹಿಂದೂ ಎಂದು ಹೋಗಬೇಕು. ಸಮಾಜದ ಕಾರ್ಯದಲ್ಲಿ ಎಲ್ಲರೂ ಸಹಭಾಗಿಯಾಗಬೇಕು’ ಎಂದು ಮನವಿ ಮಾಡಿದರು. `ಭಾರತಕ್ಕೆ ಇಡೀ ಜಗತ್ತೇ ತಲೆಬಾಗುತ್ತಿದೆ. ಆದರೆ ಭಾರತವನ್ನು ದುರ್ಬಲಗೊಳಿಸುವ ಹುನ್ನಾರ ನಡೆಯುತ್ತಿದ್ದರೂ ಸಹ ನಮ್ಮ ದೇಶ ಕಂಡು ಕೇಳರಿಯದ ವೇಗದಲ್ಲಿ ಮುನ್ನೆಡೆಯುತ್ತಿದೆ’ ಎಂದವರು ಹೇಳಿದರು. `ಭಾರತದ ಇತಿಹಾಸವನ್ನು ತಿರುಚಿ ತಿರುಚಿ ನಮಗೆ ಹೇಳಲಾಗಿದೆ. ಜಗತ್ತಿನ ಮಹಾ ದಂಡನಾಯಕ ಯಾರೆಂದು ಕೇಳಿದರೆ ಅದು ಕಾಶ್ಮೀರದ ಲಲಿತಾದಿತ್ಯ. ಈತ ಜಗತ್ತನ್ನೇ ಗೆದ್ದು ಬಂದಿದ್ದ ಎಂದ ಅವರು ಆತ ಇಡಿಗ ಸಮುದಾಯದ ರಾಜನೆನ್ನುವುದು ವಿಶೇಷ’ ಎಂದವರು ಹೇಳಿದರು. `ನಾವು ಜಗತ್ತನ್ನೇ ಮೆಟ್ಟಿ ನಿಂತವರು ಎನ್ನುವ ಕಲ್ಪನೆ ನಮಗಿಲ್ಲ. ಬೇರೆಯವರ ಇತಿಹಾಸವನ್ನು ನೋಡಿ ಅದುವೇ ಶ್ರೇಷ್ಠ ಎಂದು ಬಿಂಬಿಸಿದ್ದರಿAದ ಅದನ್ನೇ ನಾವು ನಂಬಿದ್ದೇವೆ. ಹೀಗಿರುವಾಗ ಸತ್ಯ ಶೋಧನೆಗಾಗಿ ಆರ್ ಎಸ್ ಎಸ್ ಹುಟ್ಟಿದ್ದು, ಅದನ್ನು ಮಟ್ಟ ಹಾಕುವುದಾಗಿ ಹೇಳಿದವರು ಮಿಣುಕು ಹುಳ ಇದ್ಧಂತೆ’ ಎಂದರು. `ಹಿoದೂಗಳು ತಾಯಿ ನೆಲವನ್ನು ಪೂಜಿಸುವವರು. ಯಾವ ದೇಶದಲ್ಲಿ ನಾವಿರುತ್ತೇವೆಯೋ ಅಲ್ಲಿನ ನೆಲವನ್ನು ಪೂಜಿಸುತ್ತೇವೆ. ಅಮೇರಿಕದಲ್ಲಿನ ಭಾರತೀಯರು ದೇಶವನ್ನು ಕಟ್ಟುವನ್ನು ಪ್ರಮುಖ ಪಾತ್ರವಹಿಸಿದ್ದಾರೆ. ಯಾವುದೇ ದೇಶದಲ್ಲಿರಲಿ ಅಲ್ಲಿನ ಸಂಸ್ಕೃತಿಯನ್ನು ನೆಲವನ್ನು ಗೌರವಿಸುವ ಧರ್ಮ ನಮ್ಮದು’ ಎಂದರು. `ಬ್ರಾಹ್ಮಣ್ಯದ ಬಗ್ಗೆ ಇಂದು ಬಹು ಚರ್ಚೆ ನಡೆಯುತ್ತಿದೆ. ಮನುಸ್ಮತಿಯನ್ನು ಓದಿದವರು ಯಾರೂ ಕೂಡಾ ಚರ್ಚೆ ಮಾಡುತ್ತಿಲ್ಲ. ಕಾರಣ ನಮ್ಮಲ್ಲಿ ಜಾತಿ ವ್ಯವಸ್ಥೆಯೇ ಇಲ್ಲ. ನಮ್ಮ ಋಷಿಮುನಿಗಳಲ್ಲಿ ಶೇ 90ರಷ್ಟು ಋಷಿಮುನಿಗಳು ಬ್ರಾಹ್ಮಣರೇ ಅಲ್ಲ. ಜಾತಿಯಿಂದ ಯಾರನ್ನು ಗುರುತಿಸಿಲ್ಲ, ಅವರ ಯೋಗ್ಯತೆಯಿಂದ ಗುರುತಿಸಲಾಗಿದೆ’ ಎಂದವರು ಅಭಿಪ್ರಾಯಪಟ್ಟರು.
- [`ವಿಜ್ಞಾನ ಅರಿತರೆ ಗಣಿತವೂ ಸುರಳಿತ'](https://mobiletime.in/2026/03/if-you-know-science-you-will-also-master-mathematics/): `ಪ್ರತಿಯೊಬ್ಬ ಮಕ್ಕಳು ವಿಜ್ಞಾನದ ಬಗ್ಗೆ ಅರಿಯಬೇಕು’ ಎಂದು ಕಾರವಾರದ ಡಿಡಿಪಿಐ ಕಚೇರಿ ಶಿಕ್ಷಣಾಧಿಕಾರಿ ಶುಭ ನಾಯಕ ಅವರು ಹೇಳಿದ್ದಾರೆ. `ಸ್ಪರ್ಧಾತ್ಮಕ ಯುಗದಲ್ಲಿ ವಿಜ್ಞಾನ ಕಲಿಕೆ ಅತೀ ಅಗತ್ಯವಾಗಿದ್ದು, ವಿಜ್ಞಾನ ಅರಿತರೆ ಗಣಿತ ಸಹ ಸುಲಭವಾಗುತ್ತದೆ’ ಎಂದವರು ವಿವರಿಸಿದ್ದಾರೆ. ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿ ಹಾಗೂ ಜನತಾ ವಿದ್ಯಾಲಯ ಪ್ರೌಢಶಾಲೆಯ ಕಡಲು ಇಕೋ ಕ್ಲಬ್ ಆಶ್ರಯದಲ್ಲಿ ವಿಜ್ಞಾನ ದಿನಾಚರಣೆ ಅಂಗವಾಗಿ ನಡೆದ ಸಿವಿ ರಾಮನ್ ರವರ ಕುರಿತ ಆನ್‌ಲೈನ್ ರಸಪ್ರಶ್ನೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದ್ದು, ಈ ವೇಳೆ ವಿಜೇತ ಮಕ್ಕಳಿಗೆ ಬಹುಮಾನವನ್ನು ವಿತರಿಸಿದ್ದಾರೆ. `ಸ್ಪರ್ಧಾತ್ಮಕ ಯುಗದಲ್ಲಿ ಮಕ್ಕಳು ವಿಜ್ಞಾನ ಕಲಿಕೆಯ ಜೊತೆಗೆ ನಿಜ ಜೀವನ ವಿಜ್ಞಾನವನ್ನು ಅರಿತುಕೊಳ್ಳುವುದು ಮುಖ್ಯ. ಹೃದಯ ವಿಜ್ಞಾನವಾದರೆ ಹೃದಯದ ಬಡಿತಗಳ ಸಂಖ್ಯೆ ಗಣಿತವಾಗುತ್ತದೆ’ ಎಂದವರು ಹೇಳಿದ್ದಾರೆ. `ಸರ್ ಸಿ ವಿ ರಾಮನ್ ಅವರು ವಿದ್ಯಾರ್ಥಿ ದೆಸೆಯಿಂದಲೇ ಪ್ರತಿಭಾನ್ವಿತ ವಿದ್ಯಾರ್ಥಿಯಾಗಿದ್ದರು. ನಿರಂತರ ಗುರಿಯಿಂದ ಅವರು ಸಾಧನೆ ಮಾಡಿದರು. ಮಕ್ಕಳಿಗೆ ಅವರು ಮಾದರಿ ಆಗಿರಬೇಕು’ ಎಂದವರು ಕರೆ ನೀಡಿದ್ದಾರೆ. `ಶೈಕ್ಷಣಿಕ ಚಟುವಟಿಕೆಗಳ ಜೊತೆಗೆ ಆನ್‌ಲೈನ್ ರಸಪ್ರಶ್ನೆಯಂತಹ ತಂತ್ರಜ್ಞಾನದ ಆಧಾರಿತ ಸ್ಪರ್ಧೆಗಳನ್ನು ಏರ್ಪಡಿಸುವುದರ ಮೂಲಕ ವಿದ್ಯಾರ್ಥಿಗಳಲ್ಲಿ ವೈಜ್ಞಾನಿಕ ಮನೋಭಾವನೆಯನ್ನು ಹೆಚ್ಚಿಸಲು ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿ ಪ್ರಯತ್ನಿಸಿದೆ’ ಎಂದು ಶ್ಲಾಘಿಸಿದರು. ಸ್ಪರ್ಧೆಯಲ್ಲಿ ಜಿಲ್ಲಾಮಟ್ಟದಲ್ಲಿ ಪ್ರಥಮ ಸ್ಥಾನ ಪಡೆದ ಅಂಕೋಲಾದ ಪಿಎಮ್ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ ವಿದ್ಯಾರ್ಥಿನಿ ಕೀರ್ತಿ ಗೋವಿಂದ ನಾಯ್ಕ, ದ್ವಿತೀಯ ಸ್ಥಾನ ಪಡೆದ ಜನತಾ ವಿದ್ಯಾಲಯ ಮದುಗಾ ಪ್ರೌಢಶಾಲೆಯ ವಿದ್ಯಾರ್ಥಿನಿ ಪೂರ್ವಿ ದುರ್ಗೆಕರ್, ತೃತೀಯ ಬಹುಮಾನ ಪಡೆದ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯ ವಿದ್ಯಾರ್ಥಿನಿ ಸ್ಮೃತಿ ಸುರೇಶ್ ದುರ್ಗೇಕರ್ ಅವರಿಗೆ ಬಹುಮಾನ ವಿತರಿಸಿದರು. 10 ಸಮಾಧಾನಕರ ಬಹುಮಾನಗಳನ್ನು ನೀಡಿದರು. ಶಾಲಾ ಮುಖ್ಯಾಧ್ಯಾಪಕಿ ವೀಣಾ ಮಾಳಿಗೆ, ಆದರ್ಶ ವಿದ್ಯಾಲಯ ಪ್ರೌಢಶಾಲೆಯ ವಿಜ್ಞಾನ ಶಿಕ್ಷಕಿಪೂರ್ಣಿಮಾ ನಾಯ್ಕ್, ಬಾಲ ಮಂದಿರ ಪ್ರೌಢಶಾಲೆಯ ವಿಜ್ಞಾನ ಶಿಕ್ಷಕಿ ಭಾರತಿ ಐಸಾಕ್. ಎಜುಕೇರ್ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ ವಿಜ್ಞಾನ ಶಿಕ್ಷಕಿ ಟೀನಾ ಅಸ್ನೋಟಿಕರ ಇದ್ದರು. ಶಿಕ್ಷಕರಾದ ಸ್ಮಿತಾ ಗೋವಿಂದ ನಾಯ್ಕ್, ನಿಕಿತಾ ನಾಯ್ಕ್, ಜೈ ರಂಗನಾಥ ಅವರು ವಿವಿಧ ಜವಾಬ್ದಾರಿ ನಿಭಾಯಿಸಿದರು.
- [ಮಹಿಳೆ ಮೇಲೆ ಕೈ ಮಾಡಿದ ನಿವೃತ್ತ ನೌಕರ!](https://mobiletime.in/2026/03/retired-employee-who-assaulted-a-woman/): ಹೆಸ್ಕಾಂ ನಿವೃತ್ತ ನೌಕರ ಅಲ್ಪೆಡ್ ಫರ್ನಾಂಡಿಸ್ ಅವರು ಜಯಂತಿ ದೇವಾಡಿಗ ಅವರ ಮೇಲೆ ಕೈ ಮಾಡಿದ್ದಾರೆ. ನೋವು ಅನುಭವಿಸಿದ ಜಯಂತಿ ದೇವಾಡಿಗ ಅವರು ಪೊಲೀಸರಿಗೆ ಫೋನ್ ಮಾಡುವ ಪ್ರಯತ್ನ ಮಾಡಿದ್ದು, ಇದನ್ನು ನೋಡಿ ಅಲ್ಪೆçಡ್ ಫರ್ನಾಂಡಿಸ್ ಅವರು ಓಡಿ ಪರಾರಿಯಾಗಿದ್ದಾರೆ. ಶಿರಸಿಯ ಮಲಳಿ ಹೊಸಮನೆ ಬಳಿ ಜಯಂತಿ ದೀಪಕ ದೇವಾಡಿಗ ಅವರು ವಾಸವಾಗಿದ್ದಾರೆ. ನೀಲೆಕೇಣಿ ಅಗಸೆಬಾಗಿಲುವಿನ ನಿವೃತ್ತ ಹೆಸ್ಕಾಂ ನೌಕರ ಅಲ್ಪೆçಡ್ ಆಂದ್ರು ಫರ್ನಾಂಡಿಸ್ ಅವರು ಜಯಂತಿ ದೇವಾಡಿಗ ಅವರ ಮೇಲೆ ದ್ವೇಷ ಕಾರುತ್ತಿದ್ದಾರೆ. ಮೊದಲಿನಿಂದಲೂ ಅಲ್ಪೆಡ್ ಫರ್ನಾಂಡಿಸ್ ಅವರು ಜಯಂತಿ ದೇವಾಡಿಗ ಅವರಿಗೆ ತೊಂದರೆ ನೀಡುತ್ತಿದ್ದು, ಈಗಲೂ ಅದನ್ನು ಮುಂದುವರೆಸಿದ್ದಾರೆ. ಮಾರ್ಚ 5ರಂದು ಜಯಂತಿ ದೇವಾಡಿಗ ಅವರ ಮನೆ ಮೇಲೆ ಮರ ಬಿದ್ದಿದ್ದು, ಜಯಂತಿ ದೇವಾಡಿಗ ಅವರು ಆಳುಗಳ ಮೂಲಕ ಆ ಮರ ತೆಗೆಸುವ ಕೆಲಸ ಮಾಡಿಸಿದ್ದಾರೆ. ಆ ವೇಳೆ ಅಲ್ಲಿಗೆ ಬಂದ ಅಲ್ಪೆಡ್ ಫರ್ನಾಂಡಿಸ್ ಅವರು ತಕರಾರು ಶುರು ಮಾಡಿದ್ದಾರೆ. `ಯಾರಿಗೆ ಕೇಳಿ ಮರ ತೆಗೆಯುತ್ತಿರುವೆ?’ ಎಂದು ಪ್ರಶ್ನಿಸಿದ್ದಾರೆ. ಜಯಂತಿ ಅವರು ಉತ್ತರಿಸುವುದರೊಳಗೆ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಅದಾದ ನಂತರ ಅವರನ್ನು ನೆಲಕ್ಕೆ ದೂಡಿದ್ದು, ಕೈಗಳೆರಡನ್ನು ಹಿಡಿದು ತಿರುಗಿಸಿದ್ದಾರೆ. ಅಲ್ಪೆಡ್ ಫರ್ನಾಂಡಿಸ್ ಅವರ ವರ್ತನೆಯಿಂದ ಜಯಂತಿ ದೇವಾಡಿಗ ಅವರು ನೋವು ಅನುಭವಿಸಿದ್ದಾರೆ. ಅದಾದ ನಂತರ ತಮಗೆ ಜೀವ ಬೆದರಿಕೆಯಿರುವ ಬಗ್ಗೆ ಪೊಲೀಸ್ ದೂರು ನೀಡಿದ್ದು, ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.  
- [ಟಯರ್ ಸ್ಪೋಟ: ಮಾಲಕನ ವಿರುದ್ಧವೇ ದೂರು ನೀಡಿದ ಟಿಪ್ಪರ್ ಚಾಲಕ!](https://mobiletime.in/2026/03/tire-burst-tipper-driver-files-complaint-against-owner/): `ಟಿಪ್ಪರ್ ಟಯರ್ ಬದಲಿಸದ ಮಾಲಕನ ವಿರುದ್ಧ ಚಾಲಕ ಪೊಲೀಸ್ ದೂರು ನೀಡಿದ್ದಾರೆ. `ಟಯರ್ ಸವಕಳಿ ಬಂದರೂ ಬದಲಿಸದ ಕಾರಣ ಟಿಪ್ಪರ್ ಅಪಘಾತಕ್ಕೀಡಾಗಿದ್ದು, ತನಗೆ ಅದರಿಂದ ನೋವಾಗಿದೆ’ ಎಂದು ಚಾಲಕ ಪೊಲೀಸರಲ್ಲಿ ದೂರಿದ್ದಾರೆ! ಸಿದ್ದಾಪುರ ಬಳಿಯ ಜೋಗಿನಮಠದ ಇಳಿಜಾರು ಪ್ರದೇಶದಲ್ಲಿ ಫೆಬ್ರವರಿ 16ರಂದು ಟಿಪ್ಪರ್ ಅಪಘಾತಕ್ಕೀಡಾಗಿತ್ತು. ಆ ಟಿಪ್ಪರ್ ತುಂಬ ಜಲ್ಲಿ ಕಲ್ಲುಗಳು ತುಂಬಿದ್ದು, ಅಪಘಾತದಲ್ಲಿ ದಾವಣಗೆರೆ ಮೂಲದ ಟಿಪ್ಪರ್ ಚಾಲಕ ವಸಂತ ದೊಡ್ಡತಿಮ್ಮಪ್ಪ ಅವರು ಗಾಯಗೊಂಡಿದ್ದರು. ವಸಂತ ದೊಡ್ಡತಿಮ್ಮಪ್ಪ ಅವರು ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆಯುತ್ತಿದ್ದರು. ಆ ಟಿಪ್ಪರ್ ಶಿವಮೊಗ್ಗದ ಜಲ್ಲಿ ಕೃಷರ್ ಮಾಲಕ ಮುಜಾಹಿದ್ ಸಾಧೀಕ್ ಅವರಿಗೆ ಸೇರಿದಾಗಿದ್ದು, `ಟಿಪ್ಪರ್ ಅಪಘಾತಕ್ಕೆ ಲಾರಿ ಚಾಲಕ ಕಾರಣ’ ಎಂದು ಮುಜಾಹಿದ್ ಸಾಧೀಕ್ ಅವರು ಭಾವಿಸಿದ್ದರು. ಆದರೆ, `ಟಿಪ್ಪರಿನ ಟಯರ್ ಸವಕಳಿ ಬಂದಿದೆ. ಅದನ್ನು ಬದಲಿಸಿಕೊಡಿ’ ಎಂದು ಲಾರಿ ಚಾಲಕ ವಸಂತ ದೊಡ್ಡತಿಮ್ಮಪ್ಪ ಅವರು ಹೇಳಿದ್ದರೂ ಅದನ್ನು ಮಾಲಕ ಮುಜಾಹಿದ್ ಸಾಧೀಕ್ ಅವರು ಗಂಭೀರವಾಗಿ ಪರಿಗಣಿಸಿರಲಿಲ್ಲ. `ಟಿಪ್ಪರಿನಲ್ಲಿರುವ ಜಲ್ಲಿಯನ್ನು ಜೋಗಕ್ಕೆ ಇಳಿಸಲು ಹೋಗುವಾಗ ಟಯರ್ ಸ್ಪೋಟವಾಗಿದೆ. ಇದಕ್ಕೆ ಟಿಪ್ಪರ್ ಮಾಲಕನೇ ಕಾರಣ’ ಎಂದು ಇದೀಗ ಚಾಲಕ ವಸಂತ ದೊಡ್ಡತಿಮ್ಮಪ್ಪ ಅವರು ಹೇಳಿದ್ದಾರೆ. ಮಾಲಕನ ವಿರುದ್ಧ ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಅವರು ದೂರನ್ನು ದಾಖಲಿಸಿದ್ದಾರೆ. `ಫೆ 16ರಂದು ಜಲ್ಲಿ ತಾಳಗುಪ್ಪಾದಿಂದ ಜೋಗಪಾಲ್ಸಿಗೆ ಹೋಗುವಾಗ ಟಿಪ್ಪರ್ ಟಯರ್ ಸ್ಪೋಟವಾಗಿದೆ. ಜೋಗಿನಮಠದ ಬಳಿ ಇಳಿಜಾರಿನಲ್ಲಿ ನಿಧಾನವಾಗಿ ಹೋಗುತ್ತಿದ್ದರೂ ಸ್ಪೋಟದ ರಭಸಕ್ಕೆ ಟಿಪ್ಪರ್ ಪಲ್ಟಿಯಾಗಿದೆ. ಅದರಿಂದ ತನಗೆ ನೋವಾಗಿದ್ದು, ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದಿದ್ದೇನೆ’ ಎಂದು ಟಿಪ್ಪರ್ ಚಾಲಕ ದೂರಿದ್ದಾರೆ.
- [ನಾಯಿ ಅಡ್ಡ ಬಂದಿದ್ದರಿoದ ಕಾರು ಅಪಘಾತ: ಕೈ-ಕಾಲು ಮುರಿತ!](https://mobiletime.in/2026/03/car-accident-involving-a-dog-broken-arm-and-leg/): ಹೊನ್ನಾವರದ ಮೂಡ್ಕಣಿ ಹಂಗಾರಗುoಡಿ ಬಳಿ ನಾಯಿ ಕಾಟ ಜೋರಾಗಿದೆ. ಅಲ್ಲಿದ್ದ ನಾಯಿಯೊಂದು ಕಾರಿನ ಅಪಘಾತಕ್ಕೆ ಕಾರಣವಾಗಿದೆ. ಕಾರು ಕಂದಕಕ್ಕೆ ಬಿದ್ದ ಪರಿಣಾಮ ಐದು ಜನ ಗಾಯ ಮಾಡಿಕೊಂಡಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದಿದ್ದಾರೆ. ಚಿತ್ರದುರ್ಗದ ಕೀರ್ತಿರಾಜ್ ಅವರು ಸಾಗರದಿಂದ ಹೊನ್ನಾವರದ ಕಡೆ ಮಾರ್ಚ 6ರ ನಸುಕಿನಲ್ಲಿ ಕಾರು ಓಡಿಸಿಕೊಂಡು ಹೊರಟಿದ್ದರು. ಆ ಕಾರಿನಲ್ಲಿ ಚಿತ್ರದುರ್ಗದ ರಂಗನಾಥ ಗಿರಿಯಪ್ಪ ಅವರ ಕುಟುಂಬ ಸಂಚರಿಸುತ್ತಿತ್ತು. ನಸುಕಿನ 2 ಗಂಟೆ ವೇಳೆಗೆ ಆ ಕಾರು ಹೊನ್ನಾವರದ ಮೂಡ್ಕಣಿ ಹಂಗಾರಗುAಡಿ ತಲುಪಿದ್ದು, ಅಲ್ಲಿ ಕಂದಕಕ್ಕೆ ಬಿದ್ದಿತು. ಕಾರಿಗೆ ಅಡ್ಡಲಾಗಿ ದಿಢೀರ್ ಆಗಿ ನಾಯಿ ಅಡ್ಡ ಬಂದಿದ್ದರಿAದ ಕೀರ್ತಿರಾಜ್ ಅವರು ಕಂಗಾಲಾಗಿದ್ದು, ಕಾರನ್ನು ಅಪಘಾತಕ್ಕೀಡು ಮಾಡಿದರು. ಈ ಅಪಘಾತದಲ್ಲಿ ರಂಗನಾಥ ಗಿರಿಯಪ್ಪ ಅವರ ಕಾಲು ಮುರಿಯಿತು. ಅವರ ಪತ್ನಿ ಸುಶ್ಮಾ ರಂಗನಾಥ್ ಅವರ ಕೈ ಮುರಿಯಿತು. ಅವರ ಮಗಳು ಯುಕ್ತಾ ರಂಗನಾಥ್ ಅವರಿಗೆ ಕಾಲಿಗೆ ಪೆಟ್ಟಾಯಿತು. ಜೊತೆಗಿದ್ದ ರಾಕೇಶ ಹನುಮಂತಪ್ಪ ಅವರ ಮೂಗಿನಿಂದ ರಕ್ತ ಸುರಿಯಲು ಶುರುವಾಯಿತು. ಜೊತೆಗೆ ಕಾರು ಓಡಿಸುತ್ತಿದ್ದ ಕೀರ್ತಿರಾಜ್ ಅವರ ಕೈ ಮೂಳೆಯೂ ಮುರಿದಿತ್ತು. ಅಪಘಾತದಲ್ಲಿ ಗಾಯಗೊಂಡ ಎಲ್ಲರೂ ಚಿಕಿತ್ಸೆ ಪಡೆದಿದ್ದಾರೆ. ಅವರೆಲ್ಲರ ಆರೋಗ್ಯದಲ್ಲಿ ಚೇತರಿಕೆ ಕಂಡು ಬಂದಿದೆ. ಈ ಅಪಘಾತದ ಬಗ್ಗೆ ಚಿತ್ರದುರ್ಗದ ಪುನಿತ್ ಗಿರಿಯಪ್ಪ ಅವರು ಹೊನ್ನಾವರ ಪೊಲೀಸರಿಗೆ ತಿಳಿಸಿದರು. ಅಪಘಾತದಲ್ಲಿ ಕಾರು ಜಖಂ ಆಗಿದ್ದು, ಅಪಘಾತಕ್ಕೆ ಚಾಲಕ ಕೀರ್ತಿರಾಜ್ ಅವರೇ ಕಾರಣ ಎಂದು ಪೊಲೀಸರು ಪ್ರಕರಣ ದಾಖಲಿಸಿದರು. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’    
- [`ಶಾಲೆಗಳಲ್ಲಿ ಸಂಸ್ಕಾರ ಕಲಿಸುವುದು ಮುಖ್ಯ'](https://mobiletime.in/2026/03/it-is-important-to-teach-manners-in-schools/): `ಶಾಲೆಗಳಲ್ಲಿ ಮಕ್ಕಳಿಗೆ ಪಾಠದ ಜೊತೆ ಸಂಸ್ಕಾರದ ಬಗ್ಗೆ ಅರಿವು ಮೂಡಿಸಬೇಕು’ ಎಂದು ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ್ ಅವರು ಹೇಳಿದ್ದಾರೆ. ಕಾರವಾರದ ಕೋಡಿಭಾಗದ ಸ್ವಾಮಿ ವಿವೇಕಾನಂದ ವಿದ್ಯಾ ಸಂಸ್ಥೆಯ ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯ ವಾರ್ಷಿಕೋತ್ಸವದಲ್ಲಿ ಮಾತನಾಡಿದ ಅವರು `ಮಕ್ಕಳು ಅಂಕಗಳಿಕೆಗೆ ಮಾತ್ರ ಸೀಮಿತವಾಗಿರದೇ ಎಲ್ಲಾ ಚಟುವಟಿಕೆಗಳಲ್ಲಿಯೂ ಸಕ್ರೀಯರಾಗಿರಬೇಕು. ಈ ನಿಟ್ಟಿನಲ್ಲಿ ಶಾಲೆಗಳಲ್ಲಿ ಶಿಕ್ಷಣದ ಜೊತೆ ಬದುಕಿನ ಮೌಲ್ಯಗಳ ಬಗ್ಗೆ ತಿಳಿ ಹೇಳಬೇಕು’ ಎಂದವರು ಕರೆ ನೀಡಿದರು. `ಎಜುಕೇರ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಮಕ್ಕಳಿಗೆ ಉತ್ತಮ ಶಿಕ್ಷಣ ಸಿಗುತ್ತಿದೆ. ಈ ರ್ಷದಿಂದ ಐಸಿಎಸ್‌ಸಿ ಪಠ್ಯಕ್ರಮ ಅಳವಡಿಸಿರುವುದು ವಿದ್ಯಾರ್ಥಿಗಳಿಗೆ ಅನುಕೂಲ ಆಗಿದೆ’ ಎಂದವರು ಅಭಿಪ್ರಾಯಪಟ್ಟರು. `ಪ್ರತಿಯೊಬ್ಬರು ಗುರು-ಹಿರಿಯರನ್ನು ಗೌರವಿಸಬೇಕು. ಆಗ ಮಾತ್ರ ಸಮಾಜದಲ್ಲಿಯೂ ಮೌಲ್ಯ ಹೆಚ್ಚಾಗಲಿದೆ’ ಎಂದರು. ಎಲ್ ಕೆ ಜಿ ಮತ್ತು ಯುಕೆಜಿ ವಿಭಾಗದ ವಿದ್ಯಾರ್ಥಿಗಳಿಗೆ ಅರ್ಹತಾ ಪ್ರಮಾಣ ಪತ್ರವನ್ನು ಗಣಪತಿ ಉಳ್ವೇಕರ್ ಅವರು ವಿತರಿಸಿದರು. ಸಂಸ್ಥೆಯ ಅಧ್ಯಕ್ಷ ದೀಪಕ್ ವೈಗಣಕರ್, ಕಾರ್ಯದರ್ಶಿ ವಿ ಜೇ ತಾಮಸೇ ಹಾಗೂ ವಿವೇಕಾನಂದ ಪ್ರೌಢಶಾಲೆಯ ಮುಖ್ಯಾಧ್ಯಾಪಕರಾದ ಪ್ರಜಕ್ತ ಮಯೇಕರ್, ಪ್ರಾಚಾರ್ಯೆ ನಾಗರತ್ನ ಜೈ ರಂಗನಾಥ ಅವರು ವೇದಿಕೆಯಲ್ಲಿದ್ದರು. ಸುಶ್ಮಿತಾ ನಾಯಕ ವಾರ್ಷಿಕ ವರದಿ ವಾಚಿಸಿದರು. ವಿನೋದ ಅಲ್ಮೆಡ ಕಾರ್ಯಕ್ರಮದ ಜವಾಬ್ದಾರಿ ನಿಭಾಯಿಸಿದರು. ವಿವಿಧ ಸ್ಪರ್ಧೆ ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಲಾಯಿತು. ಅದಾದ ನಂತರ ನಡೆದ ಮನರಂಜನಾ ಕಾರ್ಯಕ್ರಮಗಳು ಜನರ ಮನಗೆದ್ದವು. ಅಜಿತ್ ಗುನಿಗ ಅವರ ಕಾರ್ಯಕ್ರಮಗಳು ರಂಜಿಸಿದವು.
- [ಒಂಟಿಯಾಗಿ ಸಂಚರಿಸುವವರೇ ಆತನ ಟಾರ್ಗೇಟ್!](https://mobiletime.in/2026/03/his-target-is-those-who-travel-alone/): ರಸ್ತೆಯಲ್ಲಿ ಸಾಗುವ ಜನರನ್ನು ಅಡ್ಡಹಾಕಿ ಅವರ ಕಣ್ಣಿಗೆ ಖಾರದಪುಡಿ ಎರಜಿ ದರೋಡೆಗೆ ಸಂಚು ರೂಪಿಸಿದ್ದ ವ್ಯಕ್ತಿಯ ವಿರುದ್ಧ ಭಟ್ಕಳ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ದಡಾಯಿತನ ಬಳಿಯಿದ್ದ ಮಂಕಿ ಕ್ಯಾಪ್, ಖಾರದಪುಡಿ, ಚಾಕು ಸೇರಿ ವಿವಿಧ ಸಲಕರಣೆಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಭಟ್ಕಳ ಹುರುಳಿಸಾಲ ನಾಗರಕಟ್ಟೆ ಹತ್ತಿರದ ಅಬ್ದುಲ್ ಸಲಾಂ ಮಹಮದ್ ಸಲೀಂ ಅವರು ಒಂಟಿಯಾಗಿ ಸಂಚರಿಸುವ ಜನರನ್ನು ಬೆದರಿಸಿ ಬೆಲೆ ಬಾಳುವ ವಸ್ತು ದೋಚುವ ಪ್ರಯತ್ನದಲ್ಲಿದ್ದರು. ಇದನ್ನು ಗಮನಿಸಿದ ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸ್ ನಿರೀಕ್ಷಕ ವೆಂಕಟೇಶ ಮುರನಾಳ್ ಅವರು ಆ ಕೃತ್ಯಕ್ಕೆ ಕಡಿವಾಣ ಹಾಕಿದ್ದಾರೆ. ಭಟ್ಕಳ ರಾಜ್ಯ ಹೆದ್ದಾರಿಯ ಸಾಗರ ರಸ್ತೆಯಲ್ಲಿ ಅಬ್ದುಲ್ ಸಲಾಂ ಮಹಮದ್ ಸಲೀಂ ದರೋಡೆಗೆ ಸಂಚು ರೂಪಿಸಿದ್ದರು. ಆ ವೇಳೆಯಲ್ಲಿಯೇ ಪೊಲೀಸರು ದಾಳಿ ನಡೆಸಿ ಜನರ ಆತಂಕ ದೂರ ಮಾಡಿದ್ದಾರೆ. ಮಾರ್ಚ 6ರ ಸಂಜೆ 6ಗಂಟೆ ವೇಳೆಗೆ ಗುಳ್ಮೆ ಕ್ರಾಸಿನ ಬಳಿ ವಾಹನವೊಂದು ಅನುಮಾನಾಸ್ಪದ ರೀತಿ ನಿಂತಿರುವುದನ್ನು ಪೊಲೀಸರು ನೋಡಿದರು. ತಪಾಸಣೆ ನಡೆಸಿದಾಗ ಅಬ್ದುಲ್ ಸಲಾಂ ಮಹಮದ್ ಸಲೀಂ ದರೋಡೆಗೆ ಸಂಚು ನಡೆಸಿರುವುದು ಗೊತ್ತಾಯಿತು. ತಕ್ಷಣ ಪೊಲೀಸರು ಅಬ್ದುಲ್ ಸಲಾಂ ಮಹಮದ್ ಸಲೀಂ ಅವರನ್ನು ವಶಕ್ಕೆಪಡೆದರು. ಅವರ ವಿರುದ್ಧ ಪ್ರಕರಣ ದಾಖಲಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ಅಭಿವೃದ್ಧಿ ವಿಷಯದಲ್ಲಿ ಮೀನಾಮೇಷ: ಪ್ರತಿಭಟನೆ ಎಚ್ಚರಿಕೆ](https://mobiletime.in/2026/03/pisces-in-development-protest-warning/): ಯಲ್ಲಾಪುರ ಪಟ್ಟಣದ ರವೀಂದ್ರ ನಗರ ಹಾಗೂ ವಡ್ಡರ್ ಕಾಲೋನಿಯಲ್ಲಿ ಆಗಬೇಕಾದ ಅಭಿವೃದ್ಧಿ ಕೆಲಸಗಳ ಬಗ್ಗೆ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅವರು ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದಾರೆ. ಬೇಡಿಕೆಗೆ ಸ್ಪಂದಿಸದೇ ಇದ್ದರೆ ಉಗ್ರ ಹೋರಾಟ ನಡೆಸುವುದಾಗಿ ಎಚ್ಚರಿಸಿದ್ದಾರೆ. ಈ ಭಾಘದಲ್ಲಿ ಹಲವು ಅಭಿವೃದ್ಧಿ ಕಾಮಗಾರಿಗಳು ಇನ್ನೂ ಆರಂಭವಾಗಿಲ್ಲ. ಕೆಲ ಕಾಮಗಾರಿ ಅಪೂರ್ಣವಾಗಿಯೇ ಉಳಿದಿದೆ ಎಂದವರು ಮಾಹಿತಿ ನೀಡಿದ್ದಾರೆ. ಅವರು ಈ ಕುರಿತು ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದು, ಸಮಸ್ಯೆಗಳನ್ನು ತ್ವರಿತವಾಗಿ ಪರಿಹರಿಸುವಂತೆ ಆಗ್ರಹಿಸಿದ್ದಾರೆ. ಸ್ಲಾಬ್ ಕವರಿಂಗ್ ಹಾಗೂ ಗಟಾರ ಕಾಮಗಾರಿಗೆ ಟೆಂಡರ್ ಪ್ರಕ್ರಿಯೆ ನಡೆದಿದ್ದರೂ ಇನ್ನೂ ಕಾಮಗಾರಿ ಪ್ರಾರಂಭವಾಗಿಲ್ಲ. ಅಲ್ಲದೆ ಪ್ರದೇಶದಲ್ಲಿ ಸಮರ್ಪಕ ಸ್ವಚ್ಛತೆ ನಿರ್ವಹಣೆ ಆಗುತ್ತಿಲ್ಲ ಎಂದವರು ಆರೋಪಿಸಿದ್ದಾರೆ. ವಸತಿ ಯೋಜನೆಯಡಿ ಮಂಜೂರಾದ ಮನೆಗಳು ಪೂರ್ಣಗೊಂಡಿದ್ದರೂ ಫಲಾನುಭವಿಗಳಿಗೆ ಹಣ ಬಿಡುಗಡೆ ಆಗಿಲ್ಲ. ಜಿ+2 ಮನೆಗಳನ್ನು ಇನ್ನೂ ಫಲಾನುಭವಿಗಳಿಗೆ ಹಂಚಿಕೆ ಮಾಡಿಲ್ಲ ಎಂದು ಅವರು ಮನವಿಯಲ್ಲಿ ಉಲ್ಲೇಖಿಸಿದ್ದಾರೆ. ಬೋರ್‌ವೆಲ್‌ಗಳನ್ನು ಕೊರೆದಿದ್ದರೂ ವಿದ್ಯುತ್ ಸಂಪರ್ಕ ನೀಡಿಲ್ಲ. ಅಲಂಕಾರಿಕ ದೀಪಗಳ ನಿರ್ವಹಣೆ, ವಿದ್ಯುತ್ ಕಂಬಗಳಿಗೆ ಲೈನ್ ಎಳೆದು ದೀಪ ಅಳವಡಿಸುವ ಕಾಮಗಾರಿ ಹಾಗೂ ಸಿಸಿ ಕ್ಯಾಮೆರಾಗಳ ನಿರ್ವಹಣೆ ಕೂಡ ಆಗಿಲ್ಲ ಎಂದು ಸೋಮೇಶ್ವರ ನಾಯ್ಕ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಈ ಎಲ್ಲಾ ಸಮಸ್ಯೆಗಳನ್ನು ಮುಂದಿನ 7 ದಿನಗಳೊಳಗೆ ಪರಿಹರಿಸಬೇಕು ಎಂದು ಆಗ್ರಹಿಸಿರುವ ಅವರು, ಇಲ್ಲವಾದಲ್ಲಿ ಸ್ಥಳೀಯರೊಂದಿಗೆ ಪಟ್ಟಣ ಪಂಚಾಯಿತಿ ಕಚೇರಿ ಎದುರು ಧರಣಿ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಿದ್ದಾರೆ.
- [ದಿನಕ್ಕೆ ಎರಡು ತಾಸು ಕೆಲಸ: ಗಾಂಜಾ ಮಾರಾಟವೇ ಆತನ ಕಾಯಕ!](https://mobiletime.in/2026/03/two-hours-of-work-a-day-selling-marijuana-is-his-job/): ಮುರುಡೇಶ್ವರ ಕಡಲತೀರದಲ್ಲಿ ಸಣ್ಣ ದಾಡಿ ಬಿಟ್ಟ ತೆಳ್ಳಗಿನ ವ್ಯಕ್ತಿ ಅನಗತ್ಯವಾಗಿ ಕಡಲತೀರದ ಬಳಿ ಅಲೆದಾಡುತ್ತಿದ್ದು, ಆತನೇ ಗಾಂಜಾ ಮಾರಾಟಗಾರ ಎಂಬುದು ಪೊಲೀಸರಿಗೂ ಗೊತ್ತಿದೆ. ಆದರೆ, ಪೊಲೀಸರ ಬಲೆಗೆ ಮಾತ್ರ ಆತ ಬೀಳುತ್ತಿಲ್ಲ! ಭಟ್ಕಳ ತಾಲೂಕಿನ ಮುರುಡೇಶ್ವರದಲ್ಲಿ ಗಾಂಜಾ ಘಾಟು ಜೋರಾಗಿದೆ. ಅಲ್ಲಿ ಅಪರಿಚಿತ ವ್ಯಕ್ತಿಯೊಬ್ಬರು ಪೊಲೀಸರನ್ನು ಯಾಮಾರಿಸುತ್ತಿದ್ದು, ಹೋಗಿ ಬರುವವರಿಗೆ ಗಾಂಜಾ ಮಾರಾಟ ಮಾಡುವುದನ್ನೇ ಕಾಯಕ ಮಾಡಿಕೊಂಡಿದ್ದಾರೆ. ಕಳೆದ ಒಂದು ವಾರದಿಂದ ಆತ ಗಾಂಜಾ ಮಾರಾಟದಲ್ಲಿ ತೊಡಗಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿದೆ. ಪ್ರತಿ ದಿನ ಮಧ್ಯಾಹ್ನ 12.30ರಿಂದ 1.30ರವರೆಗೆ ಕಡಲತೀರದಲ್ಲಿ ಅಲೆದಾಡುವ ಆ ಅಪರಿಚಿತ ಪೊಲೀಸರು ಬಂದ ತಕ್ಷಣ ಪರಾರಿಯಾಗುತ್ತಿದ್ದು, ಆತನನ್ನು ಬಂಧಿಸುವುದೇ ಸವಾಲಾಗಿದೆ. ಸಂಜೆ 6ರಿಂದ 7ಗಂಟೆ ಅವಧಿಯಲ್ಲಿಯೂ ಆ ಪರಿಚಿತ ಮತ್ತೆ ಆಗಮಿಸಿ ಗಾಂಜಾ ಮಾರಾಟ ದಂಧೆಯಲ್ಲಿ ತೊಡಗಿದ್ದರೂ ಆತ ಸಿಕ್ಕಿ ಬೀಳುತ್ತಿಲ್ಲ. ಮುರುಡೇಶ್ವರ ಕಡಲತೀರದಲ್ಲಿ ಅಪರಿಚಿತ ವ್ಯಕ್ತಿಯೊಬ್ಬ ಗಾಂಜಾ ಮಾರುತ್ತಿರುವ ಬಗ್ಗೆ ಅರಿತು ಪೊಲೀಸ್ ವೃತ್ತ ನಿರೀಕ್ಷಕ ಜಗದೀಶ ಹಂಚನಾಳ ಅವರು ಪ್ರಕರಣವನ್ನು ದಾಖಲಿಸಿದ್ದಾರೆ. ಆ ವ್ಯಕ್ತಿ ಗಾಂಜಾ ಮಾದಕ ವಸ್ತುವನ್ನು ಸಣ್ಣ ಸಣ್ಣ ಪ್ಯಾಕೇಟಗಳಲ್ಲಿ ಹಾಕಿ ಮುರುಡೇಶ್ವರದ ಕಾಲೇಜು ವಿದ್ಯಾರ್ಥಿಗಳಿಗೆ ಮತ್ತು ಸ್ಥಳೀಯ ಕೆಲವು ವ್ಯಕ್ತಿಗಳಿಗೆ ನೀಡುತ್ತಿದ್ದು, ಒಂದು ಪ್ಯಾಕೇಟಗೆ 500 ರೂಪಾಯಿ ಪಡೆಯುವ ಬಗ್ಗೆ ಮಾಹಿತಿಯಿದೆ. ಈ ಹಿನ್ನಲೆ ಆ ಅಪರಿಚಿತನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಮಾದಕ ವ್ಯಸನ ಮಾರಾಟ ಗಂಭೀರ ಅಪರಾಧ’
- [ಸೀಬರ್ಡ ಸಂತ್ರಸ್ಥರಿಗೆ ಸಿಹಿ ಸುದ್ದಿ!](https://mobiletime.in/2026/03/good-news-for-seabird-victims/): ಸೀಬರ್ಡ್ ನೌಕಾನಲೆ ಯೋಜನೆಗೆ ಭೂಮಿ ಬಿಟ್ಟುಕೊಟ್ಟವರಿಗೆ 27.70 ಕೋಟಿ ರೂ ಹೆಚ್ಚುವರಿ ಪರಿಹಾರ ಬಿಡುಗಡೆಯಾಗಿದ್ದು, ಅಗತ್ಯ ದಾಖಲೆ ನೀಡಿದ 35 ಫಲಾನುಭವಿಗಳಿಗೆ 6.87 ಕೋಟಿ ರೂಪಾಯಿ ಹಣವನ್ನು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ವಿತರಿಸಿದ್ದಾರೆ. `ಸೀಬರ್ಡ್ ನೌಕಾನಲೆ ಯೋಜನೆಗೆ ಭೂ ಸ್ವಾದೀನಪಡಿಸಿಕೊಂಡ ಪ್ರಕರಣಗಳಿಗೆ ಸಂಬ0ಧಿಸಿದ0ತೆ ಬಾಕಿ ಪರಿಹಾರದ ಮೊತ್ತವನ್ನು ಪಾವತಿಗೆ ಇರುವ ಸಮಸ್ಯೆಗಳ ಕುರಿತು ಕೇಂದ್ರ ರಕ್ಷಣಾ ಸಚಿವರಿಗೆ ಮನವಿಯನ್ನು ಸಲ್ಲಿಸಿಲಾಗಿದೆ. ಅದರಂತೆ ಇದಕ್ಕಾಗಿ ವಿಶೇಷ ಅಧಿಕಾರಿಯನ್ನು ಸಚಿವರು ನೇಮಕ ಮಾಡಿದ ನಂತರ ಪರಿಹರದ ಮೊತ್ತ ಬಿಡುಗಡೆ ಕಾರ್ಯ ಶೀಘ್ರಗೊಂಡಿದ್ದು, ಇದುವರೆಗೆ 35 ಕೋಟಿ ರೂ ಬಿಡುಗಡೆಗೊಂಡಿದೆ. ಬಾಕಿ ಉಳಿದಿರುವ 215 ಪ್ರಕರಣಗಳಿಗೆ ಬಿಡುಗಡೆಯಗಬೇಕಾದ 28.82 ಕೋಟಿ ರೂ ಮೊತ್ತ ಕೂಡಾ ತ್ವರಿತಗತಿಯಲ್ಲಿ ಬಿಡುಗಡೆಗೊಳ್ಳಲಿದೆ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದ್ದಾರೆ. `ಕೇಂದ್ರ ಸರ್ಕಾರದ ಕೆಲಸಗಳು ಉತ್ತಮವಾಗಿ ನಡೆಯುತ್ತಿದ್ದು, ರಾಷ್ಟಿಯ ಹೆದ್ದಾರಿ 52ರ ಹೊಸಳ್ಳಿಯಿಂದ ಯಲ್ಲಾಪುರ ಹಾಗೂ ಮಾಸ್ತಿಕಟ್ಟೆಯಿಂದ ಬಾಳೆಗುಳಿ ವರೆಗಿನ ರಸ್ತೆ ಅಭಿವೃದ್ದಿಗೆ 101 ಕೋಟಿ ರೂ ಅನುದಾನ ಮಂಜೂರಾಗಿದೆ. ಕೊಂಕಣ ರೈಲ್ವೆಯಲ್ಲಿ ಬಾಕಿ ಇರುವ ಭೂ ಸ್ವಾಧೀನ ಪ್ರಕರಣಗಳ ಕುರಿತು ವಿಚಾರಣೆ ತ್ವರಿತಗತಿಯಲ್ಲಿ ನಡೆಯುತಿದ್ದು, ಸಂತ್ರಸ್ಥರಿಗೆ ಶೀಘ್ರದಲ್ಲಿ ಪರಿಹಾರ ದೊರೆಯಲಿದೆ’ ಎಂದರು. ಸೀಬರ್ಡ್ ಸಂತ್ರಸ್ಥರು ತಮಗೆ ದೊರೆತಿರುವ ಪರಿಹಾರದ ಮೊತ್ತವನ್ನು ಉತ್ತಮ ಕಾರ್ಯಗಳಿಗೆ ಬಳಸಿಕೊಳ್ಳುವಂತೆ ಅವರು ತಿಳಿಸಿದರು. ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಮಾತನಾಡಿ `ಸೀಬರ್ಡ್ ಯೋಜನೆಗಾಗಿ ಒಟ್ಟು 2400 ಎಕರೆ ಖಾಸಗಿ ಜಮೀನನ್ನು ಮತ್ತು 7000 ಎಕರೆ ಅರಣ್ಯ ಜಮೀನನ್ನು ಸ್ವಾಧೀನಪಡಿಸಕೊಳ್ಳಲಾಗಿದ್ದು, ಸಂತ್ರಸ್ಥರಿಗೆ ಪರಿಹಾರ ಪಾವತಿ ಕುರಿತಂತೆ ನ್ಯಾಯಾಲಯದಲ್ಲಿ ದಾಖಲಾದ ಪ್ರಕರಣ ಮತ್ತು ವಿಶೇಷ ಭೂ ಸ್ವಾಧೀನಾಧಿಕಾರಿ ಕಚೇರಿಯಲ್ಲಿ ದಾಖಲಾದ ಪ್ರಕರಣಗಳಿಗೆ ಹೆಚ್ಚುವರಿ ಪರಿಹಾರ ವಿತರಿಸಲಾಗುತ್ತಿದ್ದು, ಇದುವರೆಗೆ ಒಟ್ಟು 647.58 ಕೋಟಿ ರೂ ಪರಿಹಾರ ಡಿಫೆನ್ಸ್ ಎಸ್ಟೇಟ್ ಆಫೀಸರ್ ಬೆಂಗಳೂರು ಅವರಿಂದ ಬಿಡುಗಡೆಯಾಗಿದೆ’ ಎಂದರು. `ಸಂತ್ರಸ್ಥರಿಗೆ ಪರಿಹಾರದ ಮೊತ್ತವನ್ನು ಒದಗಿಸುವ ಕಾರ್ಯಗಳನ್ನು ಜಿಲ್ಲಾಡಳಿತ ಆದ್ಯತೆಯಲ್ಲಿ ಮಾಡುತ್ತಿದ್ದು, ಸಂತ್ರಸ್ಥರು ಸೂಕ್ತ ದಾಖಲೆಗಳನ್ನು ತ್ವರಿತವಾಗಿ ನೀಡಿದಲ್ಲಿ ಪರಿಹಾರದ ಮೊತ್ತವನ್ನು ಶೀಘ್ರದಲ್ಲಿ ವಿತರಿಸಲು ಸಾಧ್ಯವಾಗಲಿದೆ. ಪರಿಹಾರ ಪಡೆಯುವಲ್ಲಿ ವಿವಾದಗಳಿದ್ದಲ್ಲಿ ಸದ್ರಿ ಪ್ರಕರಣದ ಮೊತ್ತವನ್ನು ನ್ಯಾಯಾಲಯಕ್ಕೆ ಜಮೆ ಮಾಡಲಾಗುತ್ತಿದೆ’ ಎಂದರು. `ಕೊಂಕಣ ರೈಲ್ವೆ ಸಂತ್ರಸ್ಥರ ಭೂ ಸ್ವಾಧೀನ ಕುರಿತ ವಿಚಾರಣೆಯು ತ್ವರಿತಗತಿಯಲ್ಲಿ ನಡೆಯುತ್ತಿದ್ದು, ಜಿಲ್ಲಾಡಳಿತದ ವತಿಯಿಂದ ಶೀಘ್ರದಲ್ಲಿ ಪರಿಹಾರದ ಮೊತ್ತವನ್ನು ದೊರಕಿಸಲು ಪ್ರಯತ್ನಿಸಲಾಗುತ್ತಿದೆ’ ಎಂದರು. ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ, ಜಿ ಪಂ ಸಿಇಓ ದಿಲೀಷ್ ಶಶಿ, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಸಹಾಯಕ ಆಯುಕ್ತ ಶ್ರವಣ ಕುಮಾರ್, ತರಬೇತಿ ನಿರತ ಐ ಎ ಎಸ್ ಅಧಿಕಾರಿ ಝೂಪಿಶಾನ್ ಹಕ್ ಉಪಸ್ಥಿತರಿದ್ದರು. ಭೂ ಸ್ವಾದೀನ ಸಂತ್ರಸ್ಥರ ಬ್ಯಾಂಕ್ ಖಾತೆಗಳಿಗೆ ನೇರವಾಗಿ ಆನ್ ಲೈನ್ ಮೂಲಕ ಪರಿಹಾರದ ಮೊತ್ತವನ್ನು ಜಮೆ ಮಾಡಲಾಯಿತು.
- [ಅರಮನೆ ಮೈದಾನದಲ್ಲಿ ಟಿವಿ9 ಎಕ್ಸ್​​ಪೋ](https://mobiletime.in/2026/03/tv9-expo-at-palace-grounds/): ಟಿವಿ9 ಎಕ್ಸ್​​ಪೋ ಅರಮನೆ ಮೈದಾನದ ತ್ರಿಪುರವಾಸಿನಿಯಲ್ಲಿ ನಡೆಯುತ್ತಿದೆ. ಮಾರ್ಚ್ 6, 7, 8 ಮೂರು ದಿನ ಇದು ಇರಲಿದೆ. ಆಟೋಮೊಬೈಲ್, ಲೈಫ್​ಸ್ಟೈಲ್​, ಫರ್ನಿಚರ್​ಗಳ ಮಾರಾಟ ನಡೆಯಲಿದ್ದು, ಒಂದೇ ಸೂರಿನಡಿ ನೂರಾರು ಮಳಿಗೆಗಳ ಸಂಗಮ ಆಗಿದೆ. ಇದಕ್ಕೆ ನಟ ಧನ್ವೀರ್ ಹಾಗೂ ಸಂಜನಾ ಆಗಮಿಸಿ ಚಾಲನೆ ನೀಡಿದರು. ಈ ವೇಳೆ ಅವರುಗಳು ಟಿವಿ9 ಎಕ್ಸ್​​ಪೋ ಬಗ್ಗೆ ಹಾಗೂ ಹಯಗ್ರೀವ ಸಿನಿಮಾ ಯಶಸ್ಸಿನ ಬಗ್ಗೆ ಮಾತನಾಡಿದರು. ಚಿತ್ರಕ್ಕೆ ಸಿಗುತ್ತಿರುವ ಅದ್ಭುತ ಪ್ರತಿಕ್ರಿಯೆಗೆ ಅವರು ಖುಷಿಯಾಗಿದ್ದಾರೆ. ಈ ವೇಳೆ ಮಾತನಾಡಿದ ಧನ್ವೀರ್ ಎಲ್ಲಾ ತರದ ಮನೆಗೆ ಸಂಬಂಧಪಟ್ಟ ಆಟೋಮೊಬೈಲ್ಸ್ ಆಗಿರಬಹುದು ಫರ್ನಿಚರ್ ಆಗಿರಬಹುದು ಪ್ರತಿಯೊಂದು ಒಂದೇ ಜಾಗದಲ್ಲಿ ಸಿಗೋದ್ರಿಂದ ಸಾರ್ವಜನಿಕರಿಗೆ ತುಂಬಾ ಅನುಕೂಲ ಆಗುತ್ತೆ  ಎಂದರು. ಅದಲ್ಲದೆ ಹಯಗ್ರೀವ ಸಿನಿಮಾ ಎಲ್ಲೆಡೆ ಚೆನ್ನಾಗಿ ಪ್ರದರ್ಶನ ಕಾಣುತ್ತಿರುವ ಕಾರಣ ಅದರ ಕುರಿತು ಸಂತೋಷ ಹಂಚಿಕೊಂಡರು. ನಟಿ ಸಂಜನಾ ಮಾತನಾಡಿ ಹಯಗ್ರೀವ ಸಿನಿಮಾ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ತುಂಬಾ ಖುಷಿಯಾಗಿದೆ. ಎಲ್ಲಾ ಕಡೆ ಓಡಾಡ್ತಾ ಇದೀವಿ ಪಾಸಿಟಿವ್ ಆಗಿ ರೆಸ್ಪಾನ್ಸ್ ಇದೆ  ಎಲ್ಲಾ ಕಡೆ ಆಲ್ಮೋಸ್ಟ್ ಹೌಸ್ ಫುಲ್ಸ್ ಓಡ್ತಾ ಇದೆ ಅಂಡ್ ಟಿವಿ೯ ಈ ಒಂದು ಎಕ್ಸ್ಪೋ ನಲ್ಲಿ ಒಂದೇ ರೂಫ್ ಅಡಿ ಎಲ್ಲಾ ಸಿಗುತ್ತಿರುವುದು  ಮತ್ತು ಯುಗಾದಿ ಸೇಲ್ ನಡೆಯುತ್ತಿರುವುದು ವಿಶೇಷ ಎಂದು ಖುಷಿಯಿಂದ ಹೇಳಿದ್ದಾರೆ.
- [ಸಾಮಾಜಿಕ ಸಮೀಕ್ಷೆ ಮಾಡಿದವರಿಗೆ ಸಂಬಳ ಇಲ್ಲ!](https://mobiletime.in/2026/03/there-is-no-salary-for-those-who-conducted-social-surveys/): ಸರ್ಕಾರದ ಸೂಚನೆ ಪ್ರಕಾರ ಸಾಮಾಜಿಕ ಸಮೀಕ್ಷೆ ಮಾಡಿದ ಶಿಕ್ಷಕರಿಗೆ ಈವರೆಗೂ ಸೂಕ್ತ ಗೌರವಧನ ಪಾವತಿ ಆಗಿಲ್ಲ. ಬಿಸಿಲಿನ ಬೇಗೆಯನ್ನು ಲೆಕ್ಕಿಸದೇ ಮನೆ ಮನೆ ಅಲೆದಾಟ ನಡೆಸಿ ಸರ್ಕಾರಕ್ಕೆ ಸಹಾಯ ಮಾಡಿದವರಿಗೆ ಸರಿಯಾಗಿ ಸಂಬಳ ಕೊಟ್ಟಿಲ್ಲ. ರಾಜ್ಯ ಹಿಂದುಳಿದ ವರ್ಗಗಳ ಆಯೋಗದಿಂದ ಅಕ್ಟೋಬರ್ 22ರಿಂದ ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆ ನಡೆದಿತ್ತು. ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ 431 ಲಕ್ಷ ಮನೆಗಳಿಗೆ ಶಿಕ್ಷಕರು ಭೇಟಿ ನೀಡಿದ್ದರು. ಸರ್ಕಾರಿ ಪ್ರಾಥಮಿಕ ಮತ್ತು ಪ್ರೌಢಶಾಲೆ ಶಿಕ್ಷಕರನ್ನು ಈ ಸಮೀಕ್ಷಾ ಕೆಲಸಕ್ಕೆ ನೇಮಿಸಲಾಗಿತ್ತು. 3923 ಶಿಕ್ಷಕರ ಜೊತೆ 236 ಇತರೆ ಇಲಾಖೆ ಸಿಬ್ಬಂದಿಯೂ ಮಾಹಿತಿ ಕಲೆ ಹಾಕುವ ಕೆಲಸದಲ್ಲಿ ತೊಡಗಿದ್ದರು. ಅವರಿಗೆ 5 ಸಾವಿರ ರೂ ಗೌರವಧನದ ಜೊತೆ ಪ್ರತಿ ಮನೆ ಭೇಟಿಗೂ ಪ್ರತ್ಯೇಕ ಗಣತಿ ವೆಚ್ಚ ನೀಡುವುದಾಗಿ ಸರ್ಕಾರ ಘೋಷಣೆ ಮಾಡಿತ್ತು. ಆದರೆ, ಆ ಘೋಷಣೆ ಘೋಷಣೆಯಾಗಿಯೇ ಉಳಿದಿದೆ. ಪ್ರತಿ ಗಣತಿದಾರರಿಗೆ 80ರಿಂದ 150 ಮನೆಗಳ ಸಮೀಕ್ಷೆ ಹಂಚಿಕೆ ಮಾಡಲಾಗಿದ್ದು, ಸಮೀಕ್ಷೆ ಮಾಡಿದ ಶಿಕ್ಷಕರಿಗೆ ಅಂದಾಜು 20 ಸಾವಿರ ರೂ ಪಾವತಿ ಆಗಬೇಕಿತ್ತು. ಆದರೆ, ಅದು ಎಲ್ಲಾ ಗಣತಿದಾರರ ಬ್ಯಾಂಕ್ ಖಾತೆಗೆ ಈವರೆಗೂ ಬಂದಿಲ್ಲ. ಕೆಲವರಿಗೆ ಮಾತ್ರ ಫೆಬ್ರವರಿ ತಿಂಗಳಲ್ಲಿ ಕೆಲ ಹಣ ಬಂದಿದ್ದು, ಅನೇಕರಿಗೆ ಬಾರದಿರುವ ಬಗ್ಗೆ ಆಕ್ಷೇಪವ್ಯಕ್ತವಾಗಿದೆ. ಇನ್ನೂ ಸದ್ಯ ಪಾವತಿ ಆಗಿರುವ ಹಣದ ಬಗ್ಗೆಯೂ ಅಸಮಧಾನಗಳಿವೆ. ಗಣತಿ ಕಾರ್ಯ ಕೆಲಸದ ವಿಷಯವಾಗಿ 2 ಸದಸ್ಯರಿರುವ ಮನೆಗೆ ತಲಾ 50 ರೂ ಹಾಗೂ 3 ಹಾಗೂ ಅದಕ್ಕಿಂತ ಹೆಚ್ಚು ಸದಸ್ಯರಿರುವ ಮನೆಗಳಿಗೆ ತಲಾ 100 ರೂ ಲೆಕ್ಕ ಹಾಕಿ ಗೌರವಧನ ನೀಡಲಾಗಿದೆ. ಆದರೆ, 10ರಿಂದ 15 ಸದಸ್ಯರಿದ್ದ ಮನೆಗಳಿಗೂ 100 ರೂ ಮಾತ್ರ ಪಾವತಿಸಿರುವುದಕ್ಕೆ ಗಣತಿದಾರರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಮಾಡಿದ ಕೆಲಸಕ್ಕೂ ಪಾವತಿಸಿದ ಹಣಕ್ಕೂ ತಾಳೆ ಆಗುತ್ತಿಲ್ಲ ಎಂಬುದು ಇನ್ನೊಂದು ದೂರು.
- [ಜೀವನದಲ್ಲಿ ಜಿಗುಪ್ಸೆ: ಜೇನುಕಲ್ಲು ಗುಡ್ಡದಿಂದ ಬಿದ್ದವ ಇನ್ನಿಲ್ಲ!](https://mobiletime.in/2026/03/laziness-in-life-no-one-has-fallen-from-the-honey-hill/): ಗೋಕರ್ಣಕ್ಕೆ ಹೋಗಿ ಬರುವುದಾಗಿ ಹೊರಟಿದ್ದ ಶ್ರೀನಿಧಿ ಕಡಗೋಳ ಅವರ ಮೊಬೈಲ್ ಸಿಗ್ನಲ್ ಯಲ್ಲಾಪುರದಲ್ಲಿ ಅಂತ್ಯವಾಗಿದ್ದು, ಹುಡುಕಾಟ ನಡೆಸಿದಾಗ ಅವರು ಜೇನುಕಲ್ಲು ಗುಡ್ಡದಲ್ಲಿ ಶವವಾಗಿರುವುದು ಗೊತ್ತಾಗಿದೆ. ಜೀವನದಲ್ಲಿ ಜಿಗುಪ್ಸೆಹೊಂದಿದ ಶ್ರೀನಿಧಿ ಕಡಗೋಳ ಅವರು ಜೇನುಕಲ್ಲು ಗುಡ್ಡದ ಮೇಲಿನಿಂದ ಹಾರಿ ಪ್ರಾಣ ಬಿಟ್ಟಿದ್ದಾರೆ. ಧಾರವಾಡದ ಹೊಸ ಯಲ್ಲಾಪುರದ ಕಂಪ್ಲಿ ಬಳಿಯ ಬಸವೇಶ್ವರ ನಗರದಲ್ಲಿ ಶ್ರೀನಿಧಿ ಕೃಷ್ಣ ಕಡಗೋಳ (23) ಅವರು ವಾಸವಾಗಿದ್ದರು. ಯಾವುದೋ ಒಂದು ವಿಷಯವಾಗಿ ಅವರು ಕೊರಗುತ್ತಿದ್ದರು. ಅದೇ ವಿಷಯವಾಗಿ ಅವರು ಮಾನಸಿಕವಾಗಿಯೂ ಕುಗ್ಗಿದ್ದರು. ಆದರೆ, ಆ ವಿಷಯ ಯಾವುದು? ಎಂದು ಅವರು ಯಾರಿಗೂ ಹೇಳಿರಲಿಲ್ಲ. ಹೀಗಿರುವಾಗ ಮಾರ್ಚ 4ರಂದು ಅವರು ಬೆಳಗ್ಗೆ 9ಗಂಟೆಗೆ ಮನೆಯಿಂದ ಹೊರಬಿದ್ದರು. `ಗೋಕರ್ಣಕ್ಕೆ ಹೋಗಿ ಬರುವೆ’ ಎಂದಿದ್ದ ಶ್ರೀನಿಧಿ ಕಡಗೋಳ ಅವರು ಸ್ಕೂಟಿ ಓಡಿಸಿಕೊಂಡು ಹೊರಟಿದ್ದರು. ಆದರೆ, ಆ ದಿನ ಅವರು ಎಲ್ಲಿ ಹೋದರು? ಎಂದು ಗೊತ್ತಾಗಲಿಲ್ಲ. ಈ ಹಿನ್ನಲೆ ಅವರ ಪಾಲಕರು ಪೊಲೀಸರ ಸಹಾಯದಿಂದ ಹುಡುಕಾಟ ನಡೆಸಿದರು. ತಂತ್ರಜ್ಞಾನ ಆಧಾರಿತವಾಗಿ ಹುಡುಕಾಟ ನಡೆಸಿದಾಗ ಶ್ರೀನಿಧಿ ಕಡಗೋಳ ಅವರ ಮೊಬೈಲ್ ಕೊನೆಯದಾಗಿ ಯಲ್ಲಾಪುರದ ಬಳಿಯಿರುವುದು ಗೊತ್ತಾಯಿತು. ಯಲ್ಲಾಪುರ ಪೊಲೀಸರು ಶ್ರೀನಿಧಿ ಕಡಗೋಳ ಅವರ ಶೋಧ ಶುರು ಮಾಡಿದರು. ಮಾರ್ಚ 7ರಂದು ಜೇನುಕಲ್ಲು ಗುಡ್ಡದ ತಪ್ಪಲಿನಲ್ಲಿ ಶವವೊಂದು ಸಿಕ್ಕಿದ್ದು, ಅದು ಶ್ರೀನಿಧಿ ಕಡಗೋಳ ಅವರ ದೇಹ ಎಂದು ಅರಿವಾಯಿತು. ಸ್ಥಳೀಯರ ಸಹಕಾರದಿಂದ ಪೊಲೀಸರು ಸಾಕಷ್ಟು ಶ್ರಮವಹಿಸಿ ಆ ಶವವನ್ನು ಮೇಲೆತ್ತಿದರು. ಜೀವನದಲ್ಲಿನ ಜಿಗುಪ್ಸೆಯಿಂದ ಶ್ರೀನಿಧಿ ಕಡಗೋಳ ಅವರು ಜೇನುಕಲ್ಲು ಗುಡ್ಡದ ಮೇಲಿನಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವುದನ್ನು ಪೊಲೀಸರು ದೃಢಪಡಿಸಿದರು. ಕೃಷ್ಣ ಶ್ರೀನಿವಾಸ ಕಡಗೋಳ ಅವರು ಸ್ಥಳಕ್ಕೆ ಆಗಮಿಸಿದ್ದು, ಮಗನ ಸಾವಿನ ಬಗ್ಗೆ ಪೊಲೀಸ್ ಪ್ರಕರಣ ದಾಖಲಿಸಿದರು. ಪಿಸೈ ಸಿದ್ದಪ್ಪ ಗುಡಿ ಅವರು ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ದಾಂಡೇಲಿ: ದಡಕ್ಕೆ ಬಂದ ಮೊಸಳೆ!](https://mobiletime.in/2026/03/dandeli-a-crocodile-has-come-ashore/): ಕಾಳಿ ನದಿಯಲ್ಲಿ ವಾಸಿಸುತ್ತಿರುವ ಮೊಸಳೆಗಳು ಈಚೆಗೆ ಪದೇ ಪದೇ ದಾಂಡೇಲಿಯ ನದಿ ದಡಕ್ಕೆ ಬರುತ್ತಿವೆ. ಮೂರು ನಂಬರ್ ಗೇಟಿನ ಪಂಪಾಸು ಪ್ರದೇಶದಲ್ಲಿಯೂ ಮೊಸಳೆ ಕಾಣಿಸಿಕೊಂಡಿದ್ದು, ಜನ ಆತಂಕವ್ಯಕ್ತಪಡಿಸಿದ್ದಾರೆ. ಕಳೆದ ಕೆಲ ದಿನಗಳಿಂದ ನದಿ ಪಕ್ಕದ ಪ್ರದೇಶಕ್ಕೆ ಮೊಸಳೆಯ ಆಗಮನವಾಗುತ್ತಿದೆ. ಒಂದೆರಡು ಬಾರಿ ದಟಕ್ಕೆ ಬಂದ ಮೊಸಳೆ ಬಲೆಗೆ ಸಿಕ್ಕಿ ಬಿದ್ದಿದ್ದು, ಅದನ್ನು ಸ್ಥಳೀಯರು ರಕ್ಷಿಸಿ ನದಿಗೆ ಬಿಟ್ಟಿದ್ದಾರೆ. ಸದ್ಯ ಮತ್ತೊಂದು ಹೊಸ ಪ್ರದೇಶದಲ್ಲಿ ಮೊಸಳೆ ಕಾಣಿಸಿಕೊಂಡಿದೆ. ಭೂಮಿ ಮೇಲಿನ ಪ್ರಾಣಿಗಳ ಮಾಂಸದ ಆಸೆಗೆ ಮೊಸಳೆ ನದಿ ಬಿಟ್ಟು ಹೊರ ಬರುತ್ತಿದ್ದು, ಜನ ಆತಂಕಕ್ಕೆ ಒಳಗಾಗಿದ್ದಾರೆ. `ಮೊಸಳೆ ಕಾಟದ ಬಗ್ಗೆ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದರೂ ಕ್ರಮವಾಗಿಲ್ಲ’ ಎಂಬುದು ಅಲ್ಲಿನವರ ದೂರು.` ಮೊಸಳೆ ದಡಕ್ಕೆ ಬರದ ಹಾಗೇ ಕ್ರಮ ಜರುಗಿಸಬೇಕು’ ಎಂದು ಜನ ಒತ್ತಾಯಿಸಿದ್ದಾರೆ. `ಅನೇಕ ಸಲ ಮನೆ ಮುಂದೆಯೇ ಮೊಸಳೆ ಬರುತ್ತಿದೆ. ಅದರಿಂದ ಮಕ್ಕಳು ಸಹ ಭಯಪಡುತ್ತಿದ್ದಾರೆ’ ಎಂದು ಅಲ್ಲಿನವರು ಅಳಲು ತೋಡಿಕೊಂಡರು.
- [ಹಣಕೋಣ: ಪುರೋಹಿತ ಪ್ರಭಾಕರ ಜೋಶಿ ಅಸ್ತಗಂತ](https://mobiletime.in/2026/03/money-priest-prabhakar-joshi-ashtaganta/): ಕಾರವಾರದ ಹಣಕೋಣ ಗ್ರಾಮ ಪುರೋಹಿತರಾಗಿದ್ದ ಪ್ರಭಾಕರ ಜೋಶಿ ಅವರು ಭೂ ಲೋಕದ ಯಾತ್ರೆ ಮುಗಿಸಿದ್ದಾರೆ. ಅಲ್ಪ ಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ನಿರಂತರ ಚಿಕಿತ್ಸೆಗೆ ಒಳಗಾಗಿದ್ದು, ಕೊನೆಗೆ ಹೃದಯಘಾತದಿಂದಾಗಿ ಕೊನೆಯುಸಿರೆಳೆದಿದ್ದಾರೆ. ಗೋಕರ್ಣ ಮೂಲದ ಪ್ರಭಾಕರ ಜೋಶಿ ಅವರು ಬಾಲ್ಯದಲ್ಲಿಯೇ ಹಣಕೋಣಕ್ಕೆ ಆಗಮಿಸಿದ್ದರು. ಇಲ್ಲಿಯೇ ದೇವಿ ಆರಾಧನೆಯಲ್ಲಿ ತೊಡಗಿದ್ದ ಅವರು ಊರಿನ ಪುರೋಹಿತರಾಗಿ ಜನಮನ್ನಣೆಗಳಿಸಿದ್ದರು. ಜ್ಯೋತಿಷ್ಯದಲ್ಲಿಯೂ ಅಪಾರ ಪರಿಣಿತಿಪಡೆದಿದ್ದರು. ಅಪಾರವಾದ ಅಧ್ಯಯನ, ಸ್ನೇಹಮಯ ವ್ಯಕ್ತಿತ್ವ, ಸರ್ವರನ್ನು ಗೌರವಿಸುವ ಸ್ವಭಾವದಿಂದಾಗಿ ಅವರು ಊರಿನವರ ಮೆಚ್ಚುಗೆಗೆ ಪಾತ್ರರಾಗಿದ್ದರು. ಶಿಷ್ಯ ವರ್ಗದಲ್ಲಿ ಯಾರಿಗೆ ಕಷ್ಟ ಎದುರಾದರೂ ಅವರ ನೋವಿಗೆ ಪ್ರಭಾಕರ ಜೋಶಿ ಅವರು ಸ್ಪಂದಿಸುತ್ತಿದ್ದರು. ದೇವಾಲಯಗಳಲ್ಲಿ ಶಿಸ್ತಿನ ಪೂಜೆ, ದೇವರ ಆರಾಧನೆಯಲ್ಲಿ ಅತ್ಯಂತ ಭಕ್ತಿಯಿಂದ ಪ್ರಭಾಕರ ಜೋಶಿ ಅವರು ತಮ್ಮನ್ನು ತೊಡಗಿಸಿಕೊಂಡಿದ್ದರು. ಅತಿಥಿ ಸತ್ಕಾರ, ದಾನ-ಧರ್ಮಗಳಲ್ಲಿಯೂ ಪ್ರಭಾಕರ ಜೋಶಿ ಅವರು ಮುಂಚೂಣಿಯಲ್ಲಿದ್ದರು. ತಮ್ಮ ಮಕ್ಕಳಿಗೂ ಸಹ ಅದೇ ಸಂಸ್ಕಾರ ಕಲಿಸಿದ್ದರು. ಹೀಗಿರುವಾಗ ವರ್ಷದ ಹಿಂದೆ ಪ್ರಭಾಕರ ಜೋಶಿ ಅವರು ಅನಾರೋಗ್ಯಕ್ಕೆ ಒಳಗಾಗಿದ್ದರು. ಚಿಕಿತ್ಸೆ ನಂತರ ಅವರು ಚೇತರಿಸಿಕೊಳ್ಳುತ್ತಿದ್ದು, ತಮ್ಮ ನೋವಿನಲ್ಲಿಯೂ ಅವರು ಬೇರೆಯವರ ಸಮಸ್ಯೆಗೆ ಸ್ಪಂದಿಸುತ್ತಿದ್ದರು. ಎರಡು ದಿನದ ಹಿಂದೆ ಅನಾರೋಗ್ಯಕ್ಕೆ ಒಳಗಾದ ಪ್ರಭಾಕರ ಜೋಶಿ ಅವರನ್ನು ಆಸ್ಪತ್ರೆಗೆ ಕರೆದೊಯ್ದರೂ ಬದುಕಿಸಿಕೊಳ್ಳಲು ಆಗಲಿಲ್ಲ. ಪ್ರಭಾಕರ ಜೋಶಿ ಅವರು ಒಬ್ಬರು ಪುತ್ರಿ, ಇಬ್ಬರು ಪುತ್ರರ ಜೊತೆ ಅಪಾರ ಪ್ರಮಾಣದ ಶಿಷ್ಯ ವರ್ಗದವರನ್ನು ಅಗಲಿದ್ದಾರೆ.
- [ಆನ್‌ಲೈನ್ ಜಾಬ್: ವಾಟ್ಸಪ್ ಕಾಲ್ ಮೂಲಕ ಮೋಸ!](https://mobiletime.in/2026/03/online-job-cheating-via-whatsapp-call/): ಕಾರವಾರದ ವರ್ಷಾ ರೇವಣಕರ್ ಅವರಿಗೆ ವಾಟ್ಸಪ್ ಕಾಲ್ ಮೂಲಕ ಉದ್ಯೋಗ ಆಮೀಷ ಒಡ್ಡಿದ ವಂಚಕರು ಒಂದೇ ವಾರದಲ್ಲಿ 7 ಲಕ್ಷ ರೂ ಕಬಳಿಸಿದ್ದಾರೆ. ಆನ್‌ಲೈನ್ ಕೆಲಸ ಮಾಡಿ ಹಣಗಳಿಸುವ ಆಸೆಗೆ ಬಿದ್ದ ವರ್ಷಾ ರೇವಣಕರ್ ಅವರು ತಮ್ಮ ಬ್ಯಾಂಕ್ ಖಾತೆಯಲ್ಲಿದ್ದ ಹಣ ಕಳೆದುಕೊಂಡಿದ್ದಾರೆ. ಕಾರವಾರದ ಹೈಚರ್ಚ ರಸ್ತೆಯಲ್ಲಿ ವರ್ಷಾ ರೇವಣಕರ್ ಅವರು ವಾಸವಾಗಿದ್ದಾರೆ. ಅವರು ಮೊಬೈಲ್ ನೋಡುತ್ತಿರುವಾಗ ಅವರಿಗೆ ವಾಟ್ಸಪ್ ಮೂಲಕ `ಆನ್‌ಲೈನ್ ಜಾಬ್’ ಎಂಬ ಸಂದೇಶ ಕಾಣಿಸಿದೆ. ಅದರ ಬಗ್ಗೆ ವರ್ಷಾ ರೇವಣಕರ್ ಅವರು ಆಸಕ್ತಿವಹಿಸಿದ್ದು, ಅವರನ್ನು ವಂಚಕರು ವಿಶೇಷ ವಾಟ್ಸಪ್ ಗುಂಪಿಗೆ ಸೇರಿಸಿದ್ದಾರೆ. ಅದಾದ ನಂತರ ವಾಟ್ಸಪ್ ಮೂಲಕ ಫೋನ್ ಮಾಡಿ ಕೆಲಸದ ಬಗ್ಗೆ ಮಾಹಿತಿ ನೀಡಿದ್ದಾರೆ. `ವಿವಿಧ ಉತ್ಪನ್ನಗಳಿಗೆ ರೇಟಿಂಗ್ ಹಾಗೂ ರಿವ್ಯು ಕೊಡಬೇಕು’ ಎಂದು ವಂಚಕರು ಹೇಳಿದ್ದಾರೆ. ಆ ಕೆಲಸ ಮಾಡಿದ ಕಾರಣ ವರ್ಷಾ ರೇವಣಕರ್ ಅವರಿಗೆ 300ರೂ ಹಣವನ್ನು ಪಾವತಿಸಿದ್ದಾರೆ. ಇದರಿಂದ ಖುಷಿಯಾದ ವರ್ಷಾ ಅವರು ಇನ್ನಷ್ಟು ಉತ್ಸಾಹದಿಂದ ಕೆಲಸ ಮಾಡಿದ್ದು, ಆ ವೇಳೆ ವಂಚಕರು ತಾವು ಹೇಳಿದ ಕಡೆ ಹಣ ಹೂಡಿಕೆ ಮಾಡಿದರೆ ಇನ್ನಷ್ಟು ಲಾಭ ಕೊಡುವುದಾಗಿ ಪುಸಲಾಯಿಸಿದ್ದಾರೆ. ಫೆ 27ರಿಂದ ಮಾರ್ಚ 6ರವರೆಗೆ ವರ್ಷಾ ರೇವಣಕರ್ 7 ಲಕ್ಷ ರೂ ಹೂಡಿಕೆ ಮಾಡಿದ್ದು, ಅದಾದ ನಂತರ ಆ ಹಣ ಅವರಿಗೆ ಮರಳಿ ಸಿಕ್ಕಿಲ್ಲ. ವಂಚಕರು ಸಹ ವಾಟ್ಸಪ್ ಕಾಲ್ ಮಾಡುವುದನ್ನು ನಿಲ್ಲಿಸಿದ್ದಾರೆ. ಮೋಸ ಹೋಗಿರುವುದನ್ನು ಅರಿತ ವರ್ಷಾ ರೇವಣಕರ್ ಅವರು ಸೈಬರ್ ಅಪರಾಧ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. `ಅಪರಿಚಿತರನ್ನು ನಂಬಬೇಡಿ’
- [ಅಕ್ರಮ ತಡೆದ ಅಂಕೋಲಾ ಪೊಲೀಸ್!](https://mobiletime.in/2026/03/illegal-ankola-police/): ಹಾಲಿನ ಡೈರಿಯಲ್ಲಿ ಕೆಲಸ ಮಾಡುವ ರಾಮಕುಮಾರ್ ಜಾದವ್ ಅವರೇ ಎಮ್ಮೆಗಳನ್ನು ಕಸಾಯಿಖಾನೆಗೆ ಸಾಗಾಟ ಮಾಡುತ್ತಿದ್ದು, ಅಂಕೋಲಾ ಪೊಲೀಸರು ಇದಕ್ಕೆ ತಡೆ ಒಡ್ಡಿದ್ದಾರೆ. ಲಾರಿಗೆ ಅಡ್ಡಲಾಗಿ ಕೈ ಮಾಡುವ ಮೂಲಕ ಪೊಲೀಸರು ಆರು ಎಮ್ಮೆ ಹಾಗೂ ಐದು ಎಮ್ಮೆ ಕರುವಿನ ಜೀವ ಕಾಪಾಡಿದ್ದಾರೆ. ಮಾರ್ಚ 5ರಂದು ಹರಿಯಾಣದಿಂದ ಮಂಗಳೂರಿಗೆ ಅಕ್ರಮವಾಗಿ ಜಾನುವಾರು ಸಾಗಾಟ ನಡೆದಿತ್ತು. ಹರಿಯಾಣದ ಚಾಲಕ ಬುಲಷಣ್ ಶ್ರೀರಾಮ ಸ್ವರೂಪ ಅವರು ಬಿಹಾರದ ಹಾಲಿನ ಡೈರಿಯಲ್ಲಿ ಕೆಲಸ ಮಾಡುವ ರಾಮಕುಮಾರ ಜಾದವ್ ಅವರ ಸಹಯೋಗದಲ್ಲಿ ಆರು ಎಮ್ಮೆಗಳನ್ನು ಲಾರಿಗೆ ತುಂಬಿದ್ದರು. ಐದು ಕರುಗಳು ಸಹ ಉಸಿರಾಡಲು ಸಾಧ್ಯವಾಗದ ರೀತಿಯಲ್ಲಿ ಲಾರಿಯಲ್ಲಿದ್ದವು. ಅವುಗಳಿಗೆ ಮೇವು-ನೀರು ಸಹ ಕೊಡದೇ ಹಿಂಸಾತ್ಮಕ ರೀತಿಯಲ್ಲಿ ಹಗ್ಗದಿಂದ ಬಿಗಿಯಲಾಗಿತ್ತು. ಆ ಲಾರಿ ಅಂಕೋಲಾ ತಾಲೂಕು ಪ್ರವೇಶಿಸಿತು. ಹೆಬ್ಬುಳ ಬಳಿಯ ನ್ಯೂ ಆಶ್ವಾಸ್ ಹೊಟೇಲ್ ಹತ್ತಿರ ಅಂಕೋಲಾ ಪೊಲೀಸರು ಲಾರಿಗೆ ಅಡ್ಡಲಾಗಿ ಕೈ ಮಾಡಿದರು. ಲಾರಿಯೊಳಗಿದ್ದ ಎಲ್ಲಾ ಜಾನುವಾರುಗಳನ್ನು ಅವರು ಕಟುಕರ ಕೈಯಿಂದ ತಪ್ಪಿಸಿದರು. ಅಕ್ರಮ ಜಾನುವಾರು ಸಾಗಾಟಗಾರರನ್ನು ವಶಕ್ಕೆಪಡೆದು ಕಾನೂನು ಕ್ರಮ ಜರುಗಿಸಿದರು.  
- [ಕಾಲೇಜು ವಿದ್ಯಾರ್ಥಿಯ ದುಡುಕು ನಿರ್ಧಾರ!](https://mobiletime.in/2026/03/a-college-students-rash-decision/): ಭಟ್ಕಳದ ಕೌಶಿಕ್ ನಾಯ್ಕ ಅವರು ಮನೆಯಲ್ಲಿದ್ದ ಸೀರೆಯ ಸಹಾಯದಿಂದ ಅವರು ಸೀಲಿಂಗ್ ಫ್ಯಾನಿಗೆ ನೇಣು ಹಾಕಿಕೊಂಡಿದ್ದಾರೆ. ಅವರ ಈ ದುಡುಕು ನಿರ್ಧಾರಕ್ಕೆ ನೈಜ ಕಾರಣ ಏನು ಎಂದು ಕುಟುಂಬದವರಿಗೆ ಸಹ ಗೊತ್ತಾಗಿಲ್ಲ. ಭಟ್ಕಳದ ಹೆಬಳೆ ಹೊನಗದ್ದೆಯಲ್ಲಿ ಕೌಶಿಕ್ ಸುಬ್ರಾಯ ನಾಯ್ಕ (18) ಅವರು ವಾಸವಾಗಿದ್ದರು. ಅವರು ವಿದ್ಯಾರ್ಥಿಯಾಗಿ ತಮ್ಮ ಜೀವನ ರೂಪಿಸಿಕೊಳ್ಳುತ್ತಿದ್ದರು. ಕೌಶಿಕ್ ನಾಯ್ಕ ಅವರ ತಂದೆ ಸುಬ್ರಾಯ ಬರವಯ್ಯ ನಾಯ್ಕ ಅವರು ಕೂಲಿ ಕಾರ್ಮಿಕರಾಗಿದ್ದು, ಮಗನಿಗೆ ಉನ್ನತ ಶಿಕ್ಷಣ ಒದಗಿಸಬೇಕು ಎಂದು ಕನಸು ಕಂಡಿದ್ದರು. ಆದರೆ, ಕೌಶಿಕ್ ನಾಯ್ಕ ಅವರು ತಂದೆಯ ಕನಸು ಹಾಳು ಮಾಡಿದರು. ಜೊತೆಗೆ ತಮ್ಮ ಪ್ರಾಣವನ್ನು ತ್ಯಜಿಸಿದರು. ಶುಕ್ರವಾರ ಬೆಳಗ್ಗೆ ಬೇಗ ಎದ್ದ ಕೌಶಿಕ್ ನಾಯ್ಕ ಅವರು ತಮ್ಮ ಕೋಣೆಯಲ್ಲಿಯೇ ನೇಣಿಗೆ ಶರಣಾದರು. ಮನೆಯಲ್ಲಿದ್ದ ಸೀರೆ ಬಳಸಿ ಅವರು ಸೀಲಿಂಗ್ ಫ್ಯಾನಿಗೆ ನೇತಾಡಿದ್ದು, ಕುಟುಂಬದವರು ನೋಡುವಷ್ಟರೊಳಗೆ ಅವರು ಶವವಾಗಿದ್ದರು. ಮಗನ ಸಾವಿನ ಬಗ್ಗೆ ಸುಬ್ರಾಯ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [ಸಡಗರದ ಯುಗಾದಿಗೆ ಸಕಲ ಸಿದ್ಧತೆ](https://mobiletime.in/2026/03/all-preparations-for-the-bustling-ugadi/): ಯಲ್ಲಾಪುರದಲ್ಲಿ ಅದ್ಧೂರಿಯಾಗಿ ಯುಗಾದಿ ಉತ್ಸವ ನಡೆಸಲು ಸಿದ್ಧತೆ ನಡೆದಿದೆ. 26ನೇ ವರ್ಷದ ಯುಗಾದಿ ಉತ್ಸವವನ್ನು ಅತ್ಯಂತ ವಿಜ್ರಂಬಣೆಯಿoದ ನಡೆಸಲು ಸಮಿತಿಯವರು ಸಜ್ಜಾಗಿದ್ದಾರೆ. ಶುಕ್ರವಾರ ಗ್ರಾಮದೇವಿ ದೇವಸ್ಥಾನದಲ್ಲಿ ಯುಗಾದಿ ಉತ್ಸವದ ಆಮಂತ್ರಣ ಪತ್ರ ಬಿಡುಗಡೆ ಮಾಡಲಾಗಿದೆ. `ಸಮಸ್ತ ಹಿಂದೂ ಬಾಂಧವರು ಈ ಉತ್ಸವದಲ್ಲಿ ಭಾಗಿಯಾಗಬೇಕು. ಮನೆ ಮನೆಯಲ್ಲಿಯೂ ಹಬ್ಬದ ವಾತಾವರಣ ಸೃಷ್ಠಿಸಬೇಕು’ ಎಂದು ಈ ವೇಳೆ ಉತ್ಸವ ಸಮಿತಿ ಅಧ್ಯಕ್ಷ ವಿಶಾಲ ವಾಳಂಬಿ ಅವರು ಕರೆ ನೀಡಿದ್ದಾರೆ. `ಪ್ರತಿ ವಾರ್ಡುಗಳಲ್ಲಿಯೂ ರಂಗೋಲಿ ಹಾಕೋಣ. ತಳಿರು ತೋರಣಗಳಿಂದ ಊರನ್ನು ಅಲಂಕಾರ ಮಾಡೋಣ’ ಎಂದವರು ಮನವಿ ಮಾಡಿದ್ದಾರೆ. ಪ್ರಮುಖರಾದ ಆರ್ ಎಸ್ ಭಟ್ಟ ಚಂದ್ಗುಳಿ. ಜಿ ಎನ್ ಗಾಂವಕರ್, ಗಜಾನನ ಭಟ್ಟ ಕಳಚೆ , ಸತೀಶ ನಾಯ್ಕ, ಸುನಂದಾ ದಾಸ್, ನರ್ಮದಾ ನಾಯ್ಕ, ನವಿನ್ ನಾಯ್ಕ, ಸಂತೋಷ್ ಪಾಟಣಕರ್, ನಮಿತಾ ಬಿಡಿಕರ್, ಫುಷ್ಪಾ ಜೊಗಾರ್ ಶೆಟ್ಟರ್ ಇತರರು ಆಮಂತ್ರಣ ಪತ್ರಿಕೆ ಬಿಡುಗಡೆ ವೇಳೆ ಹಾಜರಿದ್ದರು.
- [ಹೋಳಿ ಹಬ್ಬದ ದಿನ ಹೊಡೆದಾಟ!](https://mobiletime.in/2026/03/fight-on-holi/): ಹೋಳಿ ಹಬ್ಬದ ಅಂಗವಾಗಿ ಸ್ನಾನಕ್ಕೆ ಹೋಗಿದ್ದ ಕಾರವಾರದ ಗಜೇಂದ್ರ ಬಿಣಗೆಕರ್ ಅವರ ಮೇಲೆ ಖಾರ್ವಿವಾಡದ ಲೋಹಿತ, ವೀರನ್ ಭಾನಾವಳಿ ಹಾಗೂ ಮತ್ತೊಬ್ಬರು ಮುಗಿ ಬಿದ್ದಿದ್ದಾರೆ. ಈ ವೇಳೆ ನಡೆದ ಹೊಡೆದಾಟ ತಪ್ಪಿಸಲು ಹೋದ ಸಿವಿಲ್ ಆಸ್ಪತ್ರೆ ಉದ್ಯೋಗಿ, ಕಳೆಶೆಟ್ಟಾದ ಅಕ್ಷಯ ನಾಯ್ಕ ಅವರ ಮೇಲೆಯೂ ಆ ಮೂರು ಜನ ದಾಳಿ ಮಾಡಿದ್ದಾರೆ. ಮಾರ್ಚ 4ರ ಸಂಜೆ 5ಗಂಟೆಗೆ ಕಾರವಾರ ಕಡಲತೀರದ ಹನುಮಾನ್ ಮೂರ್ತಿಯ ಬಳಿ ಈ ಹೊಡೆದಾಟ ನಡೆದಿದೆ. ಆ ದಿನ ಅಕ್ಷಯ ನಾಯ್ಕ ಅವರು ಗಜೇಂದ್ರ ಬಿಣಗೆಕರ್ ಅವರ ಜೊತೆ ಸಂಚಾರ ನಡೆಸಿದ್ದು, ಅಲ್ಲಿಯೇ ಪದ್ಮನಾಭನಗರದ ರಾಹುಲ್ ಬೆಂಗ್ರೇಜಾ, ಮಹಾದೇವಸ್ಥಾನ ಬಳಿಯ ಕೃಷ್ಣ ನಾಯ್ಕ ಆಗಮಿಸಿ ಹೋಳಿ ಹಬ್ಬದ ಸ್ನಾನ ಮಾಡುತ್ತಿದ್ದರು. ಈ ವೇಳೆ ಧಾವಿಸಿ ಬಂದ ಖಾರ್ವಿವಾಡದ ಲೋಹಿತ, ವೀರನ್ ಭಾನಾವಳಿ ಹಾಗೂ ಮತ್ತೊಬ್ಬರು ಗಜೇಂದ್ರ ಬಿಣಗೆಕರ್ ಅವರ ಮೇಲೆ ಆಕ್ರಮಣ ಮಾಡಿದರು. ಆಕ್ರಮಣ ನಡೆದಿರುವುದನ್ನು ತಪ್ಪಿಸಲು ಹೋದವರು ಹೊಡೆತ ತಿಂದರು. ಈ ದಾಳಿಗೆ ಕಾರಣ ಏನು ಎಂಬುದು ಗೊತ್ತಾಗಲಿಲ್ಲ. ಹೊಡೆದಾಟ ತಪ್ಪಿಸಲು ಹೋದ ಅಕ್ಷಯ ನಾಯ್ಕ, ರಾಹುಲ್ ಬೆಂಗ್ರಾಜಾ ಹಾಗೂ ಕೃಷ್ಣ ನಾಯ್ಕರ ಮೇಲೆ ಏಕೆ ಅವರು ಮುಗಿಬಿದ್ದರು? ಎನ್ನುವುದು ಸಹ ಅವರಿಗೂ ಅರ್ಥವಾಗಲಿಲ್ಲ. ಬಡಿಗೆಯಿಂದ ಪೆಟ್ಟು ತಿಂದ ಅಕ್ಷಯ ನಾಯ್ಕ ಅವರು ಈ ಬಗ್ಗೆ ಪೊಲೀಸ್ ದೂರು ನೀಡಿದ್ದು, ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಕಾಲಿಗೆ ಬಡಿದ ಬಸ್ಸಿನ ಬಾಗಿಲು: ಗಂಭೀರ ಗಾಯ!](https://mobiletime.in/2026/03/bus-door-hits-leg-serious-injury/): ಶಿರಸಿ-ಹುಬ್ಬಳ್ಳಿ ಬಸ್ಸು ಹತ್ತಿದ್ದ ದೀಪಾ ಪ್ರಭು ಅವರಿಗೆ ಅದೇ ಬಸ್ಸಿನ ಬಾಗಿಲು ಬಡಿದಿದೆ. ಪರಿಣಾಮ ಅವರ ಕಾಲು ಕಟ್ ಆಗಿದೆ. ಶಿರಸಿ ಎಕ್ಕಂಬಿಯ ದೀಪಾ ಪ್ರಭು ಅವರು ಮಾರ್ಚ 4ರ ಸಂಜೆ ಶಿರಸಿಗೆ ಬಂದಿದ್ದರು. ಮಗಳು ದೀಪ್ತಿ ಪ್ರಭು ಹಾಗೂ ಪತಿ ಗೋಪಾಲ ಪ್ರಭು ಅವರ ಜೊತೆ ದೀಪಾ ಪ್ರಭು ಅವರು ಟಿಎಸ್‌ಎಸ್ ಸೂಪರ್ ಮಾರ್ಟಿಗೆ ಹೋಗಿದ್ದರು. ವಿವಿಧ ವಸ್ತು ಖರೀದಿ ನಂತರ ಅವರು ಪೇಟೆ ಸಂಚಾರ ಮಾಡಿದ್ದರು. ದೀಪಾ ಪ್ರಭು ಅವರು ತಮ್ಮ ಪತಿ ಹಾಗೂ ಮಗಳ ಜೊತೆ ಮಹಾಸತಿ ಸರ್ಕಲ್ ಕಡೆ ನಡೆದು ಹೋಗುವಾಗ ಶಿರಸಿಯಿಂದ ಹುಬ್ಬಳ್ಳಿಗೆ ಹೋಗುವ ಬಸ್ ಆಗಮಿಸಿತು. ಗೋಪಾಲ ಪ್ರಭು ಅವರು ಆ ಬಸ್ಸಿಗೆ ಅಡ್ಡಲಾಗಿ ಕೈ ಮಾಡಿದರು. ಬಸ್ಸು ಓಡಿಸುತ್ತಿದ್ದ ಮಹ್ಮದ್ ಅಸ್ಲಂ ಅವರು ತಮ್ಮ ವಾಹನ ನಿಲ್ಲಿಸಿದ್ದು, ನಿರ್ವಾಹಕ ಮಹೇಂದ್ರಪ್ಪ ಎಂ ಅವರು ಪ್ರಯಾಣಿಕರನ್ನು ಹತ್ತಿಸಿಕೊಂಡರು. ದೀಪಾ ಪ್ರಭು ಅವರು ಬಸ್ಸಿನ ಒಳಗೆ ಕಾಲಿಟ್ಟ ಕೂಡಲೇ ಮಹ್ಮದ್ ಅಸ್ಲಂ ಅವರು ಬಸ್ಸನ್ನು ಮುಂದೆ ಬಿಟ್ಟರು. ಈ ವೇಳೆ ಬಸ್ಸಿನ ಬಾಗಿಲು ಸರಿಯಾಗಿ ಹಾಕಿರಲಿಲ್ಲ. ದೀಪಾ ಪ್ರಭು ಅವರು ಸಹ ಬಸ್ಸಿನ ಒಳಗೆ ಬಂದು ಕುಳಿತಿರಲಿಲ್ಲ. ಹೀಗಾಗಿ ಬಸ್ಸಿನ ಬಾಗಿಲು ದೀಪಾ ಪ್ರಭು ಅವರ ಕಾಲಿಗೆ ಬಡಿದಿದ್ದು, ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ಬಾಗಿಲು ಗುದ್ದಿದ ರಭಸಕ್ಕೆ ಕಾಲು ಮುರಿಯಿತು. ಬಸ್ ಚಾಲಕ ಹಾಗೂ ನಿರ್ವಾಹಕರ ಬೇಜವಬ್ದಾರಿ ಹಾಗೂ ಆತುರದ ನಿರ್ಧಾರದಿಂದ ಈ ಅವಘಡ ನಡೆದ ಬಗ್ಗೆ ಗೋಪಾಲ ಪ್ರಭು ಅವರು ದೂರಿದರು.
- [ಕೌಟುಂಬಿಕ ಕಿರುಕುಳ: ಸೀಮೆಎಣ್ಣೆ ಸುರಿದುಕೊಂಡು ಸಾವನಪ್ಪಿದ ಮಹಿಳೆ!](https://mobiletime.in/2026/03/domestic-violence-woman-killed-by-pouring-kerosene/): ಹಳಿಯಾಳದ ಸುನೀಲ ಪಾಟೀಲ್ ಅವರ ಕಾಟ ಸಹಿಸಲಾಗದೇ ಅವರ ಪತ್ನಿ ಮಾಯಾ ಪಾಟೀಲ್ ಅವರು ಮೈಮೇಲೆ ಸೀಮೆಎಣ್ಣೆ ಸುರಿದುಕೊಂಡಿದ್ದಾರೆ. ಬೆಂಕಿಯ ಜ್ವಾಲೆಗೆ ಸುಟ್ಟು ಕರಕಲಾಗಿದ್ದ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಿದರೂ ಬದುಕಿಸಿಕೊಳ್ಳಲು ಆಗಲಿಲ್ಲ. ಹಳಿಯಾಳದ ಆಶ್ರಯನಗರದಲ್ಲಿ ವಿಠ್ಠಲ ಕೃಷ್ಣಾಜಿ ಸೂಂರ್ಯವAಶಿ ಅವರು ವಾಸವಾಗಿದ್ದಾರೆ. ಅವರು 20 ವರ್ಷಗಳ ಹಿಂದೆ ತಮ್ಮ ಮಗಳಾದ ಮಾಯಾ ಅವರನ್ನು ಮುರ್ಕುವಾಡದ ಸುನೀಲ ಸಂಭಾಜಿ ಪಾಟೀಲ ಅವರಿಗೆ ಮದುವೆ ಮಾಡಿ ಕೊಟ್ಟಿದ್ದರು. ಆ ಕಾಲದಲ್ಲಿಯೇ ಗುರು-ಹಿರಿಯರ ಸಮ್ಮುಖದಲ್ಲಿ ಅದ್ಧೂರಿ ಮದುವೆ ಮಾಡಲಾಗಿದ್ದು, ಅದಾಗಿಯೂ ಸುನೀಲ ಪಾಟೀಲ್ ಅವರು ಮಾಯಾ ಅವರನ್ನು ನಿತ್ಯವೂ ಹಿಂಸಿಸುತ್ತಿದ್ದರು. ಅನಗತ್ಯ ಹಿಂಸೆ, ದೈಹಿಕ ಥಳಿತಕ್ಕೆ ಒಳಗಾದ ಮಾಯಾ ಪಾಟೀಲ ಅವರು ಸಾಕಷ್ಟು ನೊಂದಿದ್ದರು. ಹೀಗಿದ್ದರೂ ಜನವರಿ 19ರಂದು ಸುನೀಲ ಪಾಟೀಲ್ ಅವರು ಇನ್ನಷ್ಟು ಹಿಂಸೆ ನೀಡಿದ್ದು, `ನಿನ್ನಿಂದ ಏನೂ ಪ್ರಯೋಜನವಿಲ್ಲ’ ಎಂದು ಪತ್ನಿಗೆ ನಿಂದಿಸಿದ್ದರು. `ಸಾಯುವುದಾದರೆ ಸಾಯಿ’ ಎಂದು ಆತ್ಮಹತ್ಯೆಗೆ ಪ್ರಚೋದಿಸಿದ್ದರು. ಈ ಹಿನ್ನಲೆ ಮನೆ ಹಿಂದಿನ ಹಿತ್ತಲಿಗೆ ಹೋದ ಮಾಯಾ ಪಾಟೀಲ್ ಅವರು ಮೈಮೇಲೆ ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿಕೊಂಡರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಲಾಯಿತು. ಆದರೆ, ಅದರಿಂದ ಪ್ರಯೋಜನವಾಗಲಿಲ್ಲ. ಫೆ 2ರಂದು ಅವರು ನರಳುತ್ತಲೇ ಕೊನೆಯುಸಿರೆಳೆದರು. ಪತಿ ನೀಡಿದ ಕಿರುಕುಳದಿಂದಲೇ ಮಾಯಾ ಪಾಟೀಲ್ ಅವರು ಸಾವನಪ್ಪಿದ ಬಗ್ಗೆ ವಿಠ್ಠಲ ಸೂರ್ಯವಂಶಿ ಅವರು ಹಳಿಯಾಳ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. `ಆತ್ಮಹತ್ಯೆ ಅಪರಾಧ’  
- [ಎಲೆಚುಕ್ಕಿ ರೋಗ: ಸಾಲ ಮರುಪಾವತಿಗೆ ಸಿಗಲಿದೆ ವಿನಾಯತಿ!](https://mobiletime.in/2026/03/leaf-spot-disease-loan-repayment-exemption-will-be-available/): ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ಅಡಿಕೆಗೆ ಎಲೆಚುಕ್ಕಿ ರೋಗ ವ್ಯಾಪಕ ಪ್ರಮಾಣದಲ್ಲಿ ಹರಡಿದ್ದು, ಸಾಲ ಮರು ಪಾವತಿ ಮಾಡಲಾಗದೇ ರೈತರು ಹೈರಣಾಗಿದ್ದಾರೆ. ಹೀಗಾಗಿ ಸಾಲ ಮರು ಪಾವತಿಗೆ ಹೆಚ್ಚುವರಿ ಸಮಯ ಸಿಗುವ ಸಾಧ್ಯತೆಗಳು ಹೆಚ್ಚಿನ ಪ್ರಮಾಣದಲ್ಲಿದೆ. ಶುಕ್ರವಾರ ಲೀಡ್ ಬ್ಯಾಂಕಿನ ಸಭೆ ನಡೆಸಿದ ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ಅಡಿಕೆ ಬೆಳೆಗಾರರ ಸಮಸ್ಯೆ ಬಗ್ಗೆ ಮಾತನಾಡಿದ್ದಾರೆ. `ಅಡಿಕೆ ಬೆಳೆಗಾರರು ಎಲೆಚುಕ್ಕಿ ರೋಗದ ಕಾರಣ ತೀರಾ ಸಂಕಷ್ಟಕ್ಕೆ ಒಳಗಾಗಿರುವ ಹಿನ್ನಲೆಯಲ್ಲಿ ಕೃಷಿ ಮಾಧ್ಯಮಿಕ ಸಾಲ ಮತ್ತು ಕೆಸಿಸಿ ಸಾಲದ ಮರುಪಾವತಿಯನ್ನು ಮುಂದೂಡುವ ಕುರಿತು ನಿರ್ಣಯ ಸಿದ್ಧಪಡಿಸಿ. ಆ ನಿರ್ಣಯವನ್ನು ರಿಸರ್ವ ಬ್ಯಾಂಕಿಗೆ ಕಳುಹಿಸಿ’ ಎಂದವರು ಸೂಚನೆ ನೀಡಿದ್ದಾರೆ. ಅಡಿಕೆ ಬೆಳೆಗಾರರು ಎಲೆಚುಕ್ಕೆ ರೋಗದ ಕಾರಣದಿಂದ ಸಂಕಷ್ಟಕೆ್ಕ ಒಳಗಾಗಿರುವ ಹಿನ್ನೆಲೆಯಲ್ಲಿ ಸಹಕಾರ ಸಂಘಗಳಲ್ಲಿ ಕೃಷಿಕ ಸದಸ್ಯರು ಏಪ್ರಿಲ್ 15ಕ್ಕೆ ಮರುಪಾವತಿಸಬೇಕಾದ ಕೃಷಿ ಮಾಧ್ಯಮಿಕ ಸಾಲದ ಕಂತುಗಳನ್ನು ಒಂದು ವಷÀðದ ಅವಧಿಗೆ ಮುಂದೂಡುವ ಹಾಗೂ ಏಪ್ರಿಲ್ 30ಕ್ಕೆ ತುಂಬಬೇಕಾದ ಕೆಸಿಸಿ ಸಾಲವನ್ನು ಒಂದು ವರ್ಷದವರೆಗೆ ವಢಾಯಿಸಿ ಕೊಡುವ ಕುರಿತು ಮನವಿ ಸಲ್ಲಿಸಿದ್ದಾರೆ. ಶಿರಸಿಯ ತೋಟಗಾರ್ಸ್ ರೂರಲ್ ಕೋ ಆಪರೇಟಿವ್ ಅಗ್ರಿಕಲ್ಚರಲ್ ಸೊಸೈಟಿಯ ಅಧಿಕಾರಿಗಳು, ಕೃಷಿಕರ ಮತ್ತು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘಗಳ ಪರವಾಗಿ ಸಲ್ಲಿಸಿದ ಮನವಿಯನ್ನು ದಿಲೀಷ್ ಶಶಿ ಅವರು ಪುರಸ್ಕರಿಸಿದ್ದಾರೆ. ಹೀಗಾಗಿ ಅಡಿಕೆ ಬೆಳೆಗಾರರ ಸಂಕಷ್ಟ ಪರಿಸ್ಥಿತಿಯ ಕುರಿತು ಸಹಮತ ವ್ಯಕ್ತಪಡಿಸಿ, ಸಾಲ ಮರುಪಾವತಿ ಅವಧಿ ಮುಂದೂಡುವ ಬಗ್ಗೆ ಸಭೆಯ ನಿರ್ಣಯ ಸಿದ್ದಪಡಿಸುವಂತೆ ಅವರು ಬ್ಯಾಂಕ್ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬ್ಯಾಂಕ್‌ಗಳ ಸಾಲ ಮತ್ತು ಠೇವಣಿ ಅನುಪಾತ ಶೇ 46.6 ಇದ್ದು, ಈ ಪ್ರಮಾಣವು ರಿಸರ್ವ್ ಬ್ಯಾಂಕ್ ಮಾರ್ಗಸೂಚಿಯಂತೆ ಕನಿಷ್ಠ ಶೇ 60 ಇರಬೇಕಾಗಿದೆ. ಹೀಗಾಗಿ ಬ್ಯಾಂಕ್‌ಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸಾಲಗಳನ್ನು ವಿತರಣೆ ಮಾಡಬೇಕು’ ಎಂದವರು ಹೇಳಿದ್ದಾರೆ. `ವಸತಿ ಹಾಗೂ ಶೈಕ್ಷಣಿಕ ಉದ್ದೇಶ, ಸ್ವ ಉದ್ಯೋಗ ಕೈಗೊಳ್ಳುವವರು, ಸರಕಾರಿ ಯೋಜನೆಗಳ ಫಲಾನುಭವಿಗಳ ಅರ್ಜಿಗಳನ್ನು ತಿರಸ್ಕರಿಸದೇ ಅರ್ಜಿಗಳಲ್ಲಿನ ದೋಷಗಳನ್ನು ಸರಿಪಡಿಸಿ ಹೆಚ್ಚಿನ ಸಂಖ್ಯೆಯಲ್ಲಿ ಸಾಲದ ಅರ್ಜಿಗಳನ್ನು ಮಂಜೂರು ಮಾಡಬೇಕು’ ಎಂದಿದ್ದಾರೆ. `ಬ್ಯಾಂಕ್‌ಗಳಲ್ಲಿ ದೊರೆಯುವ ವಿವಿಧ ಸಾಲ ಯೋಜನೆಗಳ ಕುರಿತಂತೆ ಜಿಲ್ಲೆಯಾದ್ಯಂತ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರಚಾರ ಚಟುವಟಿಕೆಗಳನ್ನು ಕೈಗೊಳ್ಳುವಂತೆ ಮತ್ತು ಖಾಸಗಿ ಬ್ಯಾಂಕ್ ಗಳು ಸಾಲ ನೀಡುವಲ್ಲಿ ವಿಳಂಬ ನೀತಿ ಅನುಸರಿಸುತ್ತಿರುವ ಕುರಿತು ಪರಿಶೀಲನೆ ನಡೆಸಿ’ ಎಂದು ತಿಳಿಸಿದ್ದಾರೆ. ಈ ವೇಳೆ `ಪ್ರಸಕ್ತ ಸಾಲಿನ ಡಿಸೆಂಬರ್ ವರೆಗೆ ಜಿಲ್ಲೆಯ ಬ್ಯಾಂಕ್‌ಗಳಲ್ಲಿ 25208 ಕೋಟಿ ರೂ ಠೇವಣಿ ಸಂಗ್ರಹಿಸಿದ್ದು, 12013 ಕೋಟಿ ರೂ ಸಾಲ ವಿತರಿಸಲಾಗಿದೆ’ ಎಂದು ಬ್ಯಾಂಕ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಮುಖ್ಯ ಯೋಜನಾಧಿಕಾರಿ ಸೋಮಶೇಖರ್ ಮೇಸ್ತಾ, ಯೋಜನಾ ನಿರ್ದೇಶಕ ಕರೀಂ ಅಸಾದಿ, ಮುಖ್ಯ ಲೆಕ್ಕಾಧಿಕಾರಿ ಆನಂದ್ ಸಾ ಹಬೀಬ್, ನಬಾರ್ಡ್ ಮೆನೇಜರ್ ಸುಶೀಲ್ ನಾಯ್ಕ, ಲೀಡ್ ಬ್ಯಾಂಕ್ ಮೆನೇಜರ್ ರಾಜಪ್ಪ, ಮತ್ತು ವಿವಿಧ ಇಲಾಖೆಗಳ ಅಧಿಕಾರಿಗಳು ಹಾಗೂ ಬ್ಯಾಂಕ್‌ಗಳ ಅಧಿಕಾರಿಗಳು ಉಪಸ್ಥಿತರಿದ್ದರು.
- [ಸ್ಕೋಡ್‌ವೆಸ್ ಸಹಕಾರಿ: ಮಹಿಳಾ ಸಾರಥಿಗೆ ಕೇಂದ್ರದ ಪ್ರಶಸ್ತಿ!](https://mobiletime.in/2026/03/skodves-cooperative-central-award-for-female-charioteer/): ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿ ಸಂಸ್ಥೆಗೆ `ರಾಜ್ಯದ ಉತ್ತಮ ಮಹಿಳಾ ಸಹಕಾರಿ ಸಂಸ್ಥೆ’ ಎಂಬ ಪ್ರಶಸ್ತಿ ಘೋಷಣೆಯಾಗಿದೆ.. ಮಾರ್ಚ 10ರಂದು ಬೆಂಗಳೂರಿನ ಪದ್ಮನಾಭ ನಗರದಲ್ಲಿರುವ ರಿಜನಲ್ ಇನ್‌ಸ್ಟಿಟ್ಯೂಟ್ ಆಫ್ ಕೋ-ಆಪರೇಟಿವ್ ಮ್ಯಾನೇಜ್‌ಮೆಂಟ್‌ನ ಸಮಾರಂಭದಲ್ಲಿ ಈ ಪ್ರಶಸ್ತಿ ಪ್ರದಾನ ಕಾರ್ಯ ನಡೆಯಲಿದೆ. ಭಾರತ ಸರ್ಕಾರದ ರಾಷ್ಟಿçÃಯ ಸಹಕಾರಿ ಅಭಿವೃದ್ಧಿ ನಿಗಮವೂ ರಾಜ್ಯ ಸಹಕಾರಿ ಸಂಘಗಳ ನಿಬಂಧಕರ ಅಧ್ಯಕ್ಷತೆಯಲ್ಲಿ ಪ್ರಶಸ್ತಿ ಆಯ್ಕೆ ಸಮಿತಿ ರಚಿಸಿದ್ದು, ಆ ಸಮಿತಿಯೂ ಶಿರಸಿಯ ಸ್ಕೋಡ್‌ವೆಸ್ ಸಹಕಾರಿ ಸಂಸ್ಥೆಯ ಸೇವೆಯನ್ನು ಪರಿಗಣಿಸಿದೆ. ಈ ಬಗ್ಗೆ ಎನ್ ಸಿ ಡಿ ಸಿಯ ಪ್ರಾದೇಶಿಕ ನಿರ್ದೇಶಕರಾದ ತನೀಷಾ ಲಾಲ್ ಅವರು ಮಾಹಿತಿ ನೀಡಿದ್ದು, ಸರಸ್ವತಿ ಎನ್ ರವಿಯವರ ಅಧ್ಯಕ್ಷತೆಯಲ್ಲಿ ದುಡಿಯುವ ಈ ಸೊಸೈಟಿಯ ಕಾರ್ಯವನ್ನು ಶ್ಲಾಘಿಸಿದ್ದಾರೆ. ಮಹಿಳೆಯರ ಆರ್ಥಿಕ ಬಲವರ್ಧನೆಗಾಗಿ ಶ್ರಮಿಸುತ್ತಿರುವ ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿ ಸಂಸ್ಥೆ 15 ಸಾವಿರಕ್ಕೂ ಹೆಚ್ಚು ಮಹಿಳಾ ಸದಸ್ಯರನ್ನು ಹೊಂದಿದ್ದು, ಸಂಪೂರ್ಣ ಗಣಕೀಕೃತ ವ್ಯವಸ್ಥೆಯೊಂದಿಗೆ ಪ್ರತೀ ವರ್ಷವೂ ಲಾಭದಾಯಕವಾಗಿ ಮುನ್ನಡೆಯುತ್ತಿದೆ. ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯು ಸದಸ್ಯರಿಗಾಗಿ ವಿವಿಧ ರೀತಿಯ ಸಾಲ ಸೌಲಭ್ಯಗಳು, ಈಸಿ ಮನಿ, ಮೈಕ್ರೋ ಎಟಿಎಂ ಸರ್ವಿಸಸ್, ಆನ್‌ಲೈನ್ ಗ್ರಾಹಕರ ಸೇವೆಗಳ ಮೂಲಕ ಸಾಮಾನ್ಯ ಜನರ ಅವಶ್ಯಕತೆಗಳನ್ನು ಪೂರೈಸುವಲ್ಲಿ ಶ್ರಮಿಸುತ್ತಿದೆ. ಸಂಸ್ಥೆಯ ಸಹಾಯ ಪಡೆದು ಸಾವಿರಾರು ಮಹಿಳೆಯರು ಸ್ವಯಂ ಉದ್ಯೋಗ, ಗೃಹ ಕೈಗಾರಿಕೆ, ಹೈನುಗಾರಿಕೆ, ಬ್ಯೂಟಿ ಪಾರ್ಲರ್, ಗಾರ್ಮೆಂಟ್, ಅಂಗಡಿಗಳು, ಕುಟುಂಬದ ಆದಾಯೋತ್ಪನ್ನ ಚಟುವಟಿಕೆಗಳಿಗೆ ಸಹಾಯ ಮಾಡುವ ಮೂಲಕ ಹಲವಾರು ರೀತಿಯ ಆರ್ಥಿಕ ಚಟುವಟಿಕೆಗಳನ್ನು ನಡೆಸುತ್ತಿದ್ದಾರೆ. ಈ ಎಲ್ಲಾ ದಾಖಲೆ ಗಮನಿಸಿ ಪ್ರಶಸ್ತಿ ನೀಡಲಾಗಿದೆ. ಆರ್ಥಿಕ ಚಟುವಟಿಕೆಯಲ್ಲದೇ ಕೋವಿಡ್, ನೆರೆಹಾವಳಿ, ಶಿಕ್ಷಣ ವಂಚಿತ ಮಕ್ಕಳ ಬೆಳವಣಿಗೆ, ಅಸಹಾಯಕ-ನೊಂದ ಮಹಿಳೆಯರ ರಕ್ಷಣೆ, ಮಹಿಳೆಯರ ಆರೋಗ್ಯ, ವ್ಯಕ್ತಿತ್ವ ವಿಕಾಸ, ಸೇರಿದಂತೆ ಹಲವಾರು ಪ್ರಗತಿಪರ ಕಾರ್ಯಕ್ರಮಗಳೊಂದಿಗೆ ಸಮಾಜಮುಖಿ ಸೇವೆಯಲ್ಲೂ ಸ್ಕೋಡ್‌ವೆಸ್ ಸಂಸ್ಥೆ ತೊಡಗಿದೆ. ಜೊತೆಗೆ ಭಾರತ ಸರ್ಕಾರದ ರಾಷ್ಟಿçÃಯ ಸಹಕಾರಿ ಅಭಿವೃದ್ಧಿ ನಿಗಮದಿಂದ ಪ್ರಶಸ್ತಿಪಡೆದ ಜಿಲ್ಲೆಯ ಮೊದಲ ಮಹಿಳಾ ಸಹಕಾರಿ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಈ ಸೊಸೈಟಿ ಪಾತ್ರವಾಗಿದೆ.
- [ಸಿದ್ದು ಲೆಕ್ಕ ಸರಿಯೇ ಇಲ್ಲ!](https://mobiletime.in/2026/03/sidhus-calculation-is-not-correct/): `ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮಂಡಿಸಿದ ಬಜೆಟ್ ಜನಪರವಾಗಿಲ್ಲ. ರೈತರ ಪರವಾಗಿಯೂ ಆ ಬಜೆಟ್ ಇಲ್ಲ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಉತ್ತರ ಕನ್ನಡ ಜಿಲ್ಲಾ ಸಮಿತಿ ಹೇಳಿದೆ. `ಇದು ಕೃಷಿ ಬಿಕ್ಕಟ್ಟು, ಗ್ರಾಮೀಣ ನಿರುದ್ಯೋಗ, ಬೆಲೆ ಏರಿಕೆ ನಿರ್ಲಕ್ಷಿಸಿ ಕಾರ್ಪೊರೇಟ್ ಭೂ ಕಬಳಿಕೆಗೆ ಪ್ರೊತ್ಸಾಹ ನೀಡುವ ಬಜೆಟ್’ ಎಂದು. ಸಮಿತಿ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಹೇಳಿದ್ದಾರೆ. `ರಾಜ್ಯದ ಎಲ್ಲಡೆ ರೈತ-ಕೃಷಿ ಕೂಲಿಕಾರರ ಆತ್ಮಹತ್ಯೆ ಪ್ರಕರಣ ವರದಿ ಆಗುತ್ತಿದೆ. ವಲಸೆ, ಮರು ವಲಸೆ ಸಂಕಷ್ಟ ಹೆಚ್ಚಾಗಿದೆ. ಹೀಗಿರುವಾಗ ಗ್ರಾಮೀಣ ನಿರುದ್ಯೋಗ ಮತ್ತು ಸಾಲಭಾಧೆಗೆ ಪರಿಹಾರ ಒದಗಿಸುವಲ್ಲಿ 2026-27ರ ಈ ಬಜೆಟ್ ವಿಫಲವಾಗಿದೆ. ಕಾರ್ಪೊರೇಟ್ ಭೂ ಕಬಳಿಕೆಗೆ ದೊಡ್ಡ ಪ್ರಮಾಣದ ಉತ್ತೇಜನ ಒದಗಿಸಿದ ಬಜೆಟ್ ನೋಡಿ ನಿರಾಶೆಯಾಗಿದೆ’ ಎಂದು ಅವರು ಪ್ರತಿಕ್ರಿಯಿಸಿದ್ದಾರೆ. `ದೊಡ್ಡ ದೊಡ್ಡ ರಿಯಲ್ ಎಸ್ಟೇಟ್ ಡೆವಲಪರ್‌ಗಳಿಗೆ ತಮ್ಮ ಕಛೇರಿ ಹಾಗೂ ಮನೆಯಲ್ಲೇ ಭೂಮಿ ನೋಂದಣಿ ಮಾಡಿಕೊಳ್ಳುವುದನ್ನು ಸಕ್ರಮಗೊಳಿಸುವ ನೋಂದಣಿ ಕಾಯ್ದೆಯ ಪ್ರಸ್ತಾಪ, ಕೃಷಿ ಭೂಮಿ ಪಹಣಿಗಳಿಗೆ ಆಧಾರ್ ಜೋಡಿಸಿ ಡಿಜಿಟಲೀಕರಣಗೊಳಿಸುವುದು ಈಗಾಗಲೇ ಕೇಂದ್ರಿಕೃತವಾಗಿ ನಿರ್ವಹಿಸಲ್ಪಡುತ್ತಿರುವುದರಿಂದ ಆ ಪ್ರಸ್ತಾಪಗಳು ರೈತರ ಕೃಷಿ ಭೂಮಿ ದಾಖಲೆಗಳನ್ನೇ ತಿರುಚುವ ಅವಕಾಶ ಒದಗಿಸಿದೆ. ನಕಲಿ ದಾಖಲಾತಿ ಸೃಷ್ಟಿಸಿ ಭೂ ಕಬಳಿಕೆ ಮಾಡುತ್ತಿದ್ದ ಖದೀಮರಿಗೆ ಇಲ್ಲಿ ಮಣೆ ಹಾಕಲಾಗಿದೆ’ ಎಂದವರು ಆತಂಕವ್ಯಕ್ತಪಡಿಸಿದ್ದಾರೆ. `ಈ ಹಿನ್ನೆಲೆಯಲ್ಲಿ ಇಂತಹ ಯಾವುದೇ ರೀತಿಯ ತೊಂದರೆಗೆ ರೈತರನ್ನು ಸಿಲುಕಿಸುವುದಿಲ್ಲ ಎಂದು ಸ್ಪಷ್ಟ ಶ್ವೇತಪತ್ರ ಹೊರಡಿಸದೇ ಇಂತಹ ಕೆಲಸಕ್ಕೆ ಮುಂದಾಗಬಾರದು’ ಎಂದವರು ಹೇಳಿದ್ದಾರೆ. `ನವ ಉದಾರೀಕರಣ ನೀತಿಗಳಿಗೆ ಮಣೆ ಹಾಕಿರುವ ಈ ಬಜೆಟ್ ಕೂಡ ಕೃಷಿ ಉತ್ಪಾದನೆ ಹಾಗೂ ಕೃಷಿ ಭೂಮಿ ರಕ್ಷಣೆಯನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸಿದೆ. ಸಾಲಭಾಧೆಗೆ ತುತ್ತಾಗಿರುವ ಹಾಗೂ ಕೃಷಿ ಉತ್ಪನ್ನಗಳ ಬೆಲೆ ಕುಸಿತದಿಂದ ಕಂಗೆಟ್ಟಿರುವ ರೈತ ಸಮುದಾಯಗಳಿಗೆ ಯಾವುದೇ ಪರಿಣಾಮಕಾರಿ ಪರಿಹಾರ ಒದಗಿಸಿಲ್ಲ. ಅಮೇರಿಕಾ ,ಯೂರೋಪಿಯನ್ ಒಕ್ಕೂಟ ಮುಂತಾದ ಇತ್ತೀಚಿನ ಮುಕ್ತ ವಾಣಿಜ್ಯ ಒಪ್ಪಂದಗಳಿAದ ರಾಜ್ಯದ ರೈತರನ್ನು ರಕ್ಷಿಸುವ ಈ ಸಂದರ್ಭದ ಅಗತ್ಯವಾದ ಯಾವ ಕ್ರಮವನ್ನು ಬಜೆಟ್ ಒದಗಿಸಿಲ್ಲ. ಕೃಷಿಕರ ಆದಾಯ ಮತ್ತು ಜೀವನ ಭದ್ರತೆ ಹಾಗೂ ಕೃಷಿ ಉತ್ಪಾದನೆಯಲ್ಲಿ ಗಣನೀಯ ಕೊಡುಗೆ ನೀಡುತ್ತಿರುವ ಬಗರ್ ಹುಕುಂ, ಅರಣ್ಯ ಸಾಗುವಳಿ, ಗೇಣಿ ರೈತರ ಕಲ್ಯಾಣವನ್ನು ಮತ್ತು ಅವರ ಹಕ್ಕು ಪತ್ರದ ಹಕ್ಕು ಅನ್ನು ನಿರ್ಲಕ್ಷಿಸಲಾಗಿದೆ’ ಎಂದು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಕೃಷಿ ಮಾರುಕಟ್ಟೆಯಲ್ಲಿ ಖಾಸಗಿ ಸಹಭಾಗಿತ್ವ ವನ್ನು ಪ್ರೋತ್ಸಾಹಿಸುವ ಪ್ರಸ್ತಾಪ ಅಪಾಯಕಾರಿಯಾಗಿದೆ. ಈಗಾಗಲೇ ಎಪಿಎಂಪಿ ಕಾಯ್ದೆಗಳನ್ನು ದುರ್ಬಲಗೊಳಿಸಿರುವ ಕಾರಣ ಹಾಗೂ ಖಾಸಗಿ ಸಗಟು ಮಾರುಕಟ್ಟೆಗಳಿಗೆ ಅವಕಾಶ ಕಲ್ಪಿಸಿರುವ ಕಾರಣ ಮತ್ತಷ್ಟು ತೊಂದರೆ ರೈತರಿಗೆ ಉಂಟಾಗಲಿದೆ. ಕೂಡಲೇ ಖಾಸಗಿ ಕೃಷಿ ಮಾರುಕಟ್ಟೆ ಪರ ಧೋರಣೆ ಕೈ ಬಿಟ್ಟು ಎಪಿಎಂಸಿ ಮಾರುಕಟ್ಟೆಗಳನ್ನು ಬಲಪಡಿಸಬೇಕು. ಭೂ ಸುಧಾರಣೆ ಕಾಯ್ದೆ 2020 ಸೇರಿದಂತೆ ಎಲ್ಲಾ ಕರಾಳ ಕೃಷಿ ಕಾಯ್ದೆಗಳನ್ನು ರದ್ದುಪಡಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ.
- [ಅನಂತಣ್ಣನ ಲೆಕ್ಕಾಚಾರ: ಆಸ್ಪತ್ರೆ ಕಟ್ಟಲು 100 ಕೋಟಿ ಸಾಲಲ್ಲ!](https://mobiletime.in/2026/03/anantannas-calculation-100-crores-is-not-enough-to-build-a-hospital/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸುಸಜ್ಜಿತ ಆಸ್ಪತ್ರೆ ಬೇಕು’ ಎಂದು ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಪಾದಯಾತ್ರೆ ನಡೆಸಿದ್ದು, ಸದ್ಯ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಸುಸಜ್ಜಿತ ಆಸ್ಪತ್ರೆ ಘೋಷಣೆ ಮಾಡಿದರೂ ಅನಂತಮೂರ್ತಿ ಹೆಗಡೆ ಅವರು ಸಮಾಧಾನವಾಗಿಲ್ಲ. `ಸಿದ್ದರಾಮಯ್ಯ ಅವರು ಘೋಷಿಸಿದ 100 ಕೋಟಿ ರೂ ಹಣ ಯಾವುದಕ್ಕೂ ಸಾಲಲ್ಲ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಸುಸಜ್ಜಿತ ಪ್ರಾಥಮಿಕ ಆರೋಗ್ಯ ಕೇಂದ್ರ ಸ್ಥಾಪನೆಗೆ 10-20ಕೋಟಿ ಅಗತ್ಯವಿರುವ ದಿನದಲ್ಲಿ ಸುಸಜ್ಜಿತ ಸೂಪರ್ ಸ್ಪೆಶಾಲಿಟಿ ಆಸ್ಪತ್ರೆ ನಿರ್ಮಾಣಕ್ಕೆ 100ಕೋಟಿ ರೂ ಕೊಟ್ಟಿರುವುದು ಸರಿಯಾದ ಲೆಕ್ಕ ಅಲ್ಲ. ಆಸ್ಪತ್ರೆ ನಿರ್ಮಾಣಕ್ಕೆ 400 ಕೋಟಿ ರೂ ಅಗತ್ಯವಿದೆ’ ಎಂದು ಅನಂತಮೂರ್ತಿ ಹೆಗಡೆ ಅವರು ಲೆಕ್ಕಾಚಾರ ಹಾಕಿದ್ದಾರೆ. 100 ಕೋಟಿ ರೂ ಘೋಷಣೆ ಮಾಡಿದ್ದು, ಜನರ ಕಣ್ಣೋರಿಸುವ ತಂತ್ರವಾಗಿದೆ. ಈ ನೂರು ಕೋಟಿ ರೂ ಹಣದಲ್ಲಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಕಟ್ಟಲು ಸಾಧ್ಯವೇ ಇಲ್ಲ’ ಎಂದವರು ಹೇಳಿದ್ದಾರೆ. `ಘೋಷಿಸಿದ ಆಸ್ಪತ್ರೆಗೆ ಎಷ್ಟು ಹಾಸಿಗೆ ಬರಲಿದೆ? ಕಾರ್ಡಿಯಾಲಜಿ ಅಥವಾ ನೆಫ್ರಾಲಜಿ ವಿಭಾಗಗಳಿವೆಯೇ? ಎಂಬ ಬಗ್ಗೆ ಮಾಹಿತಿ ಇಲ್ಲ. ಹೀಗಾಗಿ ಇದು ಬರುವ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಾಗಿ ಮಾಡುತ್ತಿರುವ ಗಿಮಿಕ್ ಮಾತ್ರ’ ಎಂದವರು ಹೇಳಿದ್ದಾರೆ. `ಈ ಬಜೆಟಿನಲ್ಲಿ ಉತ್ತರಕನ್ನಡ ಜಿಲ್ಲೆಗೆ ಯಾವುದೇ ವಿಶೇಷ ಅನುದಾನ ಇಲ್ಲ. ರೈತ ವಲಯಕ್ಕೂ ಯಾವುದೇ ಅನುಕೂಲ ಮಾಡಿಕೊಡುವಂಥ ಕೊಡುಗೆ ಇಲ್ಲ. ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಮಲೆನಾಡಿ ಜಿಲ್ಲೆಗಳು ಸೇರಿ ಅಡಿಕೆ ಬೆಳೆಗಾರರು ಅಡಿಕೆ ಎಲೆಚುಕ್ಕೆ ರೋಗದಿಂದ ಕಂಗೆಟ್ಟಿದರೂ ಆ ಬಗ್ಗೆ ಪ್ರತ್ಯೇಕ ಅನುದಾನ ನೀಡಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಅಡಿಕೆಯ ಎಲೆ ಚುಕ್ಕಿ ರೋಗ, ಹಳದಿ ಎಲೆ ರೋಗ, ಹಾಗೂ ಕೋಳೆ ರೋಗಗಳ ನಿಯಂತ್ರಣಕ್ಕೆ ಹೆಚ್ಚಿನ ಒತ್ತು ಎಂದಷ್ಟೇ ಬಜೆಟಿನಲ್ಲಿ ಹೇಳಲಾಗಿದ್ದು, ತೆಂಗಿನ ಬೆಳೆಗೆ ಮಾರಕವಾಗಿರುವ ಕಪ್ಪು ತಲೆ ಹೂಳು ಮತ್ತು ಬಿಳಿ ನೊಣಗಳ ಹಾವಳಿಯನ್ನು ತಡೆಗಟ್ಟಲು ಎಲ್ಲವೂ ಸೇರಿ 10 ಕೋಟಿ ವೆಚ್ಚದ ಸಮುದಾಯ ಆಧಾರಿತ ಕಾರ್ಯಕ್ರಮವನ್ನು ರೂಪಿಸಲಾಗಿದೆ. ಆದರೆ, ಅಡಿಕೆ ಬೆಳೆಗಾರರ ಸಂಕಷ್ಟಕ್ಕೆ ಸ್ಪಂದಿಸದೇ ಅಥವಾ ಪ್ರತ್ಯೇಕ ಅನುದಾನ ಮೀಸಲಿಡುವುದು, ಅಥವಾ ಎಲೆಚುಕ್ಕೆ ರೋಗಕ್ಕೆ ಔಷಧ ಸಂಶೋಧನೆಗೆ ಅನುದಾನವಿಲ್ಲ ಎನ್ನುವುದು ಸರಿಯಲ್ಲ’ ಎಂದಿದ್ದಾರೆ.
- [ಉತ್ತರ ಕನ್ನಡ: ಸುಸಜ್ಜಿತ ಆಸ್ಪತ್ರೆಗೆ ಸೀಎಂ ಅಸ್ತು!](https://mobiletime.in/2026/03/uttara-kannada-cm-visits-well-equipped-hospital/): ಉತ್ತರ ಕನ್ನಡಕ್ಕೆ ಭೇಟಿ ನೀಡಿದ್ದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಜನರಿಗೆ ನೀಡಿದ ಭರವಸೆ ಪ್ರಕಾರ ಈ ಬಜೆಟಿನಲ್ಲಿ ಸುಸಜ್ಜಿತ ಆಸ್ಪತ್ರೆ ನಿರ್ಮಿಸುವುದಾಗಿ ಘೋಷಿಸಿದ್ದಾರೆ. ಜನರ ಬೇಡಿಕೆಯಂತೆ 100 ಕೋಟಿ ರೂ ವೆಚ್ಚದಲ್ಲಿ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣ ಮಾಡುವುದಾಗಿ ಅವರು ಬಜೆಟ್ ಭಾಷಣದಲ್ಲಿ ಹೇಳಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಜನ ದಶಕಗಳಿಂದಲೂ ಉತ್ತಮ ಆಸ್ಪತ್ರೆಗಾಗಿ ಹೋರಾಟ ಮಾಡುತ್ತಿದ್ದಾರೆ. ಅಪಘಾತದಂಥಹ ತುರ್ತು ಸನ್ನಿವೇಶದಲ್ಲಿ ರೋಗಿಯನ್ನು ಉಳಿಸಿಕೊಳ್ಳುವುದಕ್ಕಾಗಿ ಮಂಗಳೂರು-ಗೋವಾ ಕಡೆ ಕರೆದೊಯ್ಯುತ್ತಿದ್ದಾರೆ. ಈವರೆಗೆ ಸಾವಿರಾರು ಜನ ಆಸ್ಪತ್ರೆ ಸೌಕರ್ಯ ಸಿಗದೇ ಸಾವನಪ್ಪಿದ್ದಾರೆ. ಈ ಎಲ್ಲಾ ಹಿನ್ನಲೆ ದಶಕಗಳಿಂದಲೂ ಉತ್ತಮ ಆಸ್ಪತ್ರೆಗಾಗಿ ದೊಡ್ಡ ಮಟ್ಟದ ಹೋರಾಟ-ಆಂದೋಲನ ನಡೆಯುತ್ತಿದೆ. ಕುಮಾರಸ್ವಾಮಿ ಅವರು ಮುಖ್ಯಮಂತ್ರಿ ಆದಾಗಲಿನಿಂದ ಸಿದ್ದರಾಮಯ್ಯ ಅವರ ಕಾಲಾವಧಿಯವರೆಗೆ ಯಾವ ಸರ್ಕಾರವೂ ಈ ಬೇಡಿಕೆಗೆ ಸ್ಪಂದಿಸಿರಲಿಲ್ಲ. ಈಚೆಗೆ ಜಿಲ್ಲೆಗೆ ಬಂದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೂ ಆಸ್ಪತ್ರೆ ಅಗತ್ಯದ ಬಗ್ಗೆ ವಿವರಿಸಲಾಗಿದ್ದು, ಆ ವೇಳೆ ನೀಡಿದ ಮಾತಿನ ಪ್ರಕಾರ ಸಿದ್ದರಾಮಯ್ಯ ಅವರು ಆಸ್ಪತ್ರೆ ನಿರ್ಮಿಸುವುದಾಗಿ ಬಜೆಟಿನಲ್ಲಿ ಘೋಷಣೆ ಮಾಡಿದ್ದಾರೆ. ಕಾರವಾರದ ಜೊತೆ ಯಾದಗಿರಿ ಜಿಲ್ಲೆಗೂ ಸಹ ಸಿದ್ದರಾಮಯ್ಯ ಅವರು 100 ಕೋಟಿ ರೂ ವೆಚ್ಚದ ಆಸ್ಪತ್ರೆ ಘೋಷಣೆ ಮಾಡಿದ್ದಾರೆ. ಈ ಆಸ್ಪತ್ರೆ ಕೆಲಸ ಶುರು ಮಾಡಿದರೆ ಸಮಯ, ಹಣ ಹಾಗೂ ಜನರ ಜೀವವೂ ಉಳಿಯುವ ನಿರೀಕ್ಷೆಯಿದೆ. ಮೀನುಗಾರಿಕೆಗೂ ಮುಖ್ಯಮಂತ್ರಿ ಕೊಡುಗೆ ಕರಾವಳಿ ಭಾಗದಲ್ಲಿ ಮೀನುಗಾರಿಕೆ ಪ್ರಮುಖ ಕಸುಬಾಗಿದ್ದು, ಅದನ್ನು ಅರಿತ ಸಿದ್ದರಾಮಯ್ಯ ಅವರು ಮೀನುಗಾರಿಕೆಗೆ ಅನುಕೂಲಕರ ಘೋಷಣೆ ಮಾಡಿದ್ದಾರೆ. ಉತ್ತರ ಕನ್ನಡದ ಜೊತೆಗೆ ದಕ್ಷಿಣ ಕನ್ನಡ, ಉಡುಪಿ ಹಾಗೂ ಒಳನಾಡಿನ ಬಾಗಲಕೋಟೆ ಜಿಲ್ಲೆಯಲ್ಲಿ ನೂತನ ಮೀನು ಮಾರುಕಟ್ಟೆ ನಿರ್ಮಿಸುವುದಾಗಿ ಘೋಷಿಸಿದ್ದಾರೆ.
- [ಕಾಣೆಯಾಗಿದ್ದ ಮಗು ಮನೆಯಲ್ಲಿಯೇ ಪತ್ತೆ!](https://mobiletime.in/2026/03/missing-child-found-at-home/): ದಾಂಡೇಲಿಯಲ್ಲಿ ನಾಲ್ಕು ವರ್ಷದ ಮಗು ಕಾಣೆಯಾಗಿದ್ದು, ನೂರಕ್ಕೂ ಅಧಿಕ ಜನ ಓಣಿ ಓಣಿ ಸುತ್ತಾಡಿ ಮಗುವಿನ ಹುಡುಕಾಟ ನಡೆಸಿದ್ದಾರೆ. ಕೆಲ ಸಮಯದ ನಂತರ ಆ ಮಗು ಮನೆ ಮಹಡಿ ಮೇಲೆ ನಿದ್ರಿಸುತ್ತಿರುವುದು ಗೊತ್ತಾಗಿದೆ. ಮಗುವಿನ ರಕ್ಷಣೆಗಾಗಿ ದೇವರ ಮೊರೆ ಹೋಗಿದ್ದ ಕುಟುಂಬದವರು ನಿರಾಳರಾಗಿದ್ದಾರೆ. ದಾಂಡೇಲಿ ಲಮಾಣಿ ಚಾಳದ ಜಾನ್ ರೆಮದ್ ಹೆಬ್ಬಳ್ಳಿ (ಹೆಸರು ಬದಲಿಸಿದೆ. ಕಾನೂನಾತ್ಮಕ ಕಾರಣದಿಂದ ಮಗುವಿನ ಮುಖ ಬಹಿರಂಗಪಡಿಸುತ್ತಿಲ್ಲ) ಅವರು ಶುಕ್ರವಾರ ಬೆಳಗ್ಗೆ ಸಂಬoಧಿಕರ ಮನೆಗೆ ಹೋಗುವುದಾಗಿ ಹೇಳಿದ್ದರು. 4 ವರ್ಷದ ಮಗುವನ್ನು ಕುಟುಂಬದವರು ಸ್ವತಂತ್ರವಾಗಿ ಬಿಟ್ಟಿದ್ದು, ಕೆಲ ಸಮಯದ ನಂತರ ಮಗು ಕಾಣಲಿಲ್ಲ. ಸಂಬoಧಿಕರ ಮನೆಯಲ್ಲಿ ವಿಚಾರಿಸಿದರೂ ಮಗು ಬಂದ ಬಗ್ಗೆ ಮಾಹಿತಿ ಇರಲಿಲ್ಲ. ಮಗು ಕಾಣೆಯಾದ ಸುದ್ದಿ ಎಲ್ಲಡೆ ಹರಡಿದ್ದು, ಇಡೀ ಕೇರಿಯವರು ಸೇರಿ ಹುಡುಕಾಟ ನಡೆಸಿದರು. ಪೊಲೀಸರು ಸಹ ಮಗುವಿನ ಶೋಧ ಶುರು ಮಾಡಿದರು. ದಾಂಡೇಲಿ, ಹಳಿಯಾಳ, ಜೊಯಿಡಾ ಪೊಲೀಸರಿಗೂ ಮಾಹಿತಿ ನೀಡಿ ಮಗುವಿನ ಹುಡುಕಾಟ ನಡೆಯಿತು. ಈ ನಡುವೆ ಎಲ್ಲಾ ಧರ್ಮದವರು ಸೇರಿ ಮಗುವಿನ ರಕ್ಷಣೆಗಾಗಿ ದೇವರ ಮೊರೆ ಹೋದರು. ವಿವಿಧ ತಪಾಸಣಾ ಕೇಂದ್ರಗಳಲ್ಲಿಯೂ ಮಗುವಿಗಾಗಿ ಶೋಧ ನಡೆಯಿತು. ಸುಮಾರು ಐದು ಗಂಟೆಗಳ ಕಾಲ ಎಲ್ಲಡೆ ಆತಂಕ ಸೃಷ್ಠಿಯಾಗಿದ್ದು, ಮತ್ತೊಮ್ಮೆ ಮನೆ ಶೋಧಿಸಿದಾಗ ಆ ಮಗು ಮನೆಯ ಮಹಡಿ ಮೇಲೆ ಮಲಗಿರುವುದು ಗೊತ್ತಾಯಿತು. ಮಹಡಿ ಮೇಲಿದ್ದ ಮಗು ಗದ್ದಲ ಕೇಳಿ ಕೆಳಗಿಳಿದು ಬಂದಾಗ ಎಲ್ಲರೂ ನೆಮ್ಮದಿಯ ನಿಟ್ಟುಸಿರು ಬಿಟ್ಟರು.
- [ಕಾರವಾರ: ಕಾರಾಗೃಹದ ಒಳಗೆ ಮಾದಕ ವಸ್ತು ಸಾಗಾಟ!](https://mobiletime.in/2026/03/karwar-drug-trafficking-inside-the-prison/): ಕೆಲ ತಿಂಗಳ ಹಿಂದೆ ಕಾರವಾರ ಕಾರಾಗೃಹದಲ್ಲಿ ಗಾಂಜಾ – ಮೊಬೈಲ್ ಸೇರಿ ವಿವಿಧ ನಿಷೇಧಿತ ವಸ್ತು ಪತ್ತೆಯಾಗಿದ್ದು, ಅದರ ಬೆನ್ನಲ್ಲೆ ಮತ್ತೆ ಜೈಲಿನ ಒಳಗೆ ಮಾದಕ ವಸ್ತು ಸಾಗಿಸುವ ಪ್ರಯತ್ನ ನಡೆದಿದೆ. ಕಾರಾಗೃಹದಲ್ಲಿರುವ ಕೈದಿಗಳನ್ನು ಭೇಟಿಯಾಗಲು ಬರುವ ಇಬ್ಬರು ಜೈಲಿನ ಒಳಗೆ ಮಾದಕ ವಸ್ತು ಸಾಗಾಟ ಪ್ರಯತ್ನ ನಡೆಸಿದ್ದಾರೆ. ಕಾರವಾರ ಕಾರಾಗೃಹದಲ್ಲಿ ಮಹಮದ್ ಮಂಜೂರ್ ಅಬ್ದುಲ್ ಕರೀಂ ಎಂಬಾತರು ಜೈಲುವಾಸ ಅನುಭವಿಸುತ್ತಿದ್ದು, ಅವರನ್ನು ಭೇಟಿ ಆಗಲು ಬಂದವರಿಬ್ಬರು ನಿಷೇಧಿತ ವಸ್ತು ಸಾಗಾಟಕ್ಕೆ ಪ್ರಯತ್ನಿಸಿದ್ದಾರೆ. ಮಾರ್ಚ 4ರ ಸಂಜೆ 5 ಗಂಟೆಗೆ ಭಟ್ಕಳದ ಹನಿಫಾದಿಂದ ಕಾರವಾರಕ್ಕೆ ಬಂದಿದ್ದ ಮೊಹಮದ್ ಅಲಿ ಅಬ್ದುಲ್ ಕರಿ ಹಾಗೂ ಅವರ ಜೊತೆಗಿದ್ದ ಹಾರೂನ್ ಸಯ್ಯದ್ ಅಹಮದ್ ಸೇರಿ ನಿಷೇಧಿತ ಮಾದಕ ವಸ್ತುವನ್ನು ಜೈಲಿನ ಒಳಗೆ ಕಳುಹಿಸುವ ಕೆಲಸ ಮಾಡಿದ್ದಾರೆ. ಇದಕ್ಕೆ ಅದೇ ಕಾರಾಗೃಹದಲ್ಲಿ ವಾಸವಾಗಿರುವ ಪ್ರಶಾಂತ ನಿಖಿಲ್ ಪವಾರ್ ಎಂಬ ಮತ್ತೊಬ್ಬ ಕೈದಿಯೂ ಕೈ ಜೋಡಿಸಿದ್ದಾರೆ. ನಿಷೇಧಿತ ತಂಬಾಕು ಸಾಗಾಟ ಪ್ರಯತ್ನ ಕಾರಾಗೃಹದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮಹಮದ್ ಮಂಜೂರ್ ಅಬ್ದುಲ್ ಕರೀಂ ಅವರ ಭೇಟಿಗೆ ಬಂದಿದ್ದ ಮೊಹಮದ್ ಅಲಿ ಅಬ್ದುಲ್ ಕರಿ ಹಾಗೂ ಅವರ ಜೊತೆಗಿದ್ದ ಹಾರೂನ್ ಸಯ್ಯದ್ ಅಹಮದ್ ಅವರು ಮೂರು ಸಣ್ಣ ಸಣ್ಣ ಚೀಟಿಯಲ್ಲಿ ತಂಬಾಕು ಕಟ್ಟಿಕೊಂಡು ಬಂದಿದ್ದರು. ಜೈಲು ವಾಸದಲ್ಲಿರುವವರ ಭೇಟಿ ಸಮಯದಲ್ಲಿ ಆ ವಸ್ತುವನ್ನು ಆರೋಪಿ ಮಹಮದ್ ಮಂಜೂರ್ ಅಬ್ದುಲ್ ಕರೀಂ ಅವರ ಕೈಗೆ ನೀಡಿದ್ದರು. ಈ ವೇಳೆ ಪ್ರಶಾಂತ ನಿಖಿಲ್ ಪವಾರ್ ಎಂಬ ಮತ್ತೊಬ್ಬ ಕೈದಿಗೆ ಆ ಮಾದಕ ವಸ್ತುಗಳು ಹಸ್ತಾಂತರವಾಗಿದ್ದು, ಪ್ರಶಾಂತ ನಿಖಿಲ್ ಪವಾರ್ ಅವರು ಫೋನ್ ಮಾಡಲು ಜೈಲಿನ ಮುಖ್ಯದ್ವಾರಕ್ಕೆ ಆಗಮಿಸಿದ್ದರು. ಮಾದಕ ವಸ್ತು ಹಸ್ತಾಂತರ ನಡೆಯುವುದನ್ನು ಸಿಸಿ ಕ್ಯಾಮರಾ ಮೂಲಕ ಪರಿಶೀಲಿಸುತ್ತಿದ್ದ ಜೈಲು ಸಿಬ್ಬಂದಿ ಶ್ರೀಧರ ಎಸ್ ಸನಗೌಡರ್ ಅವರು ಈ ವಿಷಯವನ್ನು ತಪಾಸಣಾ ಸಿಬ್ಬಂದಿಗೆ ತಿಳಿಸಿದರು. ಮುಖ್ಯಧ್ವಾರದ ಬಳಿ ಬಂದಿದ್ದ ಕೈದಿ ಪ್ರಶಾಂತ ನಿಖಿಲ್ ಪವಾರ್ ಅವರನ್ನು ಜೈಲಿನ ತಪಾಸಣಾ ಸಿಬ್ಬಂದಿ ಮಂಜುನಾಥ ಹಡಪದ ಅವರು ತಪಾಸಣೆ ನಡೆಸಿದರು. ಆಗ, ತಮ್ಮ ಬಳಿಯಿದ್ದ ಮೂರು ಚೀಟಿಗಳನ್ನು ಪ್ರಶಾಂತ ನಿಖಿಲ್ ಪವಾರ್ ಅವರು ಬಿಸಾಡಿದರು. ಅದನ್ನು ತೆರೆದು ನೋಡಿದಾಗ ಅಲ್ಲಿ ನಿಷೇಧಿತ ತಂಬಾಕುಗಳಿದ್ದವು. ಕಾರಾಗೃಹದ ಒಳಗೆ ಪ್ರವೇಶಿಸಿ ಹೊರ ಬಂದಿದ್ದ ತಂಬಾಕುಗಳನ್ನು ತಕ್ಷಣ ಜೈಲಿನ ಸಿಬ್ಬಂದಿ ಜಪ್ತು ಮಾಡಿದರು. ಜೈಲಿನ ಒಳಗೆ ನಿಷೇಧಿತ ವಸ್ತು ಸಾಗಾಟ ಪ್ರಯತ್ನ ಮಾಡಿದ ಕೈದಿ ಮಹಮದ್ ಮಂಜೂರ್ ಅಬ್ದುಲ್ ಕರೀಂ, ಪ್ರಶಾಂತ ನಿಖಿಲ್ ಪವಾರ್ ಹಾಗೂ ಕೈದಿಗಳ ಸಂದರ್ಶನಕ್ಕೆ ಬಂದಿದ್ದ ಮೊಹಮದ್ ಅಲಿ ಅಬ್ದುಲ್ ಕರಿ ಹಾಗೂ ಹಾರೂನ್ ಸಯ್ಯದ್ ಅಹಮದ್ ವಿರುದ್ದ ಜೈಲಿನ ಸುಪ್ರೀಡೆಂಟ್ ಹೇಮಾವತಿ ಜಿ ಅವರು ಪೊಲೀಸ್ ದೂರು ನೀಡಿದರು. ಕಾರವಾರ ಶಹರ ಠಾಣೆ ಪೊಲೀಸರು ಅವರೆಲ್ಲರ ವಿರುದ್ಧ ಪ್ರಕರಣ ದಾಖಲಿಸಿದರು.
- [ಸ್ನಾನ ಮುಗಿಸಿ ಸಾವನಪ್ಪಿದ ಸೀಬರ್ಡ ಉದ್ಯೋಗಿ!](https://mobiletime.in/2026/03/seabird-employee-dies-after-taking-a-bath/): ಕಾರವಾರ ನೌಕಾನೆಲೆಯಲ್ಲಿ ಉದ್ಯೋಗ ಮಾಡುತ್ತಿದ್ದ ಮೋಹನ ತಾಂಡೇಲ್ ಅವರು ದಿಢೀರ್ ಆಗಿ ಸಾವನಪ್ಪಿದ್ದಾರೆ. ಹೃದಯ ಆಘಾತದಿಂದ ಅವರು ಕೊನೆಯುಸಿರೆಳೆದ ಬಗ್ಗೆ ಅಂದಾಜಿಸಲಾಗಿದೆ. ಕಾರವಾರದ ಚಿತ್ತಾಕುಲದ ಸೀಬರ್ಡ ಕಾಲೋನಿಯಲ್ಲಿ ಮೋಹನ ಪಾಂಡು ತಾಂಡೇಲ್ (57) ಅವರು ವಾಸವಾಗಿದ್ದರು. ನೌಕಾನೆಲೆಯಲ್ಲಿ ಅವರು ಸಾರಂಗ ಆಫ್ ಲಾಸ್ಕರ್ ಎಂಬ ಹುದ್ದೆಯಲ್ಲಿ ಅವರು ಕೆಲಸ ಮಾಡುತ್ತಿದ್ದರು. ಎಲ್ಲರ ಜೊತೆ ಸಹಜವಾಗಿದ್ದ ಅವರು ಮಾರ್ಚ 4ರಂದು ಮನೆಯಲ್ಲಿಯೇ ಇದ್ದರು. ಆ ದಿನ ಮಧ್ಯಾಹ್ನ ಸ್ನಾನಕ್ಕೆ ಹೋಗಿದ್ದ ಮೋಹನ ತಾಂಡೇಲ್ ಅವರು ಸ್ನಾನ ಮುಗಿಸಿ ಬಂದು ಕೂತಿದ್ದರು. ಅಲ್ಲಿಯೇ ಅವರು ಎಚ್ಚರ ತಪ್ಪಿದ್ದು, ಮೋಹನ ತಾಂಡೇಲ್ ಅವರ ಸಹೋದರ ದಯಾನಂದ ಪಾಂಡು ತಾಂಡೇಲ್ ಅವರು ತುರ್ತಾಗಿ ಆಸ್ಪತ್ರೆಗೆ ಕರೆದೊಯ್ದರು. ಸರ್ಕಾರಿ ಆಸ್ಪತ್ರೆಯಲ್ಲಿ ತಪಾಸಣೆ ನಡೆಸಿದ ವೈದ್ಯರು ಮೋಹನ ತಾಂಡೇಲ್ ಅವರ ಸಾವನ್ನು ಖಚಿತಪಡಿಸಿದರು. ಹೃದಯಘಾತದಿಂದ ಅವರು ಸಾವನಪ್ಪಿದ ಅನುಮಾನವ್ಯಕ್ತವಾಗಿದೆ. ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಆರೋಗ್ಯದ ಬಗ್ಗೆ ಕಾಳಜಿವಹಿಸಿ. ಹೃದಯದ ಆರೋಗ್ಯ ಸದಾ ಗಮನಿಸಿ’
- [ಸ್ಕೂಟಿ ಮೇಲೆ ಉಗಿದ ಅಬ್ದುಲ್ಲ: ದೂರು!](https://mobiletime.in/2026/03/abdullah-who-got-drunk-on-a-scooty-complaint/): ಯಲ್ಲಾಪುರದ ಮುಂಡಗೋಡು ರಸ್ತೆ ಬಳಿ ವಾಸಿಸುವ ಕಾರ್ತಿಕ ಬೋವಿವಡ್ಡರ್ ಅವರಿಗೆ ರವೀಂದ್ರ ನಗರದ ಅಬ್ದುಲ್ ಗೌಸ್ ಅವರು ಬೆದರಿಕೆ ಒಡ್ಡಿದ್ದಾರೆ. `ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅವರ ಜೊತೆ ತಿರುಗಾಟ ನಡೆಸಿದರೆ ಹುಷಾರ್’ ಎಂದು ಹೆದರಿಸಿದ್ದಾರೆ. ಫೆಬ್ರವರಿ 28ರಂದು ಸೋಮೇಶ್ವರ ನಾಯ್ಕ ಅವರು ವಿಶಾಲ ವಾಳಂಬಿ ಅವರ ವಿರುದ್ಧ ಸುದ್ದಿಗೋಷ್ಠಿ ನಡೆಸಿದ್ದು, ಅದೇ ವಿಷಯವಾಗಿ ಈ ಜಗಳ ನಡೆದಿದೆ. ಸುದ್ದಿಗೋಷ್ಠಿ ವಿಚಾರವಾಗಿ ಆ ದಿನ ರಾತ್ರಿ ರವೀಂದ್ರ ನಗರದ ಅಬ್ದುಲ್ ಮಹಮದ್ ಗೌಸ್ ಅವರು ಕಾರ್ತಿಕ ಬೋವಿವಡ್ಡರ್ ಅವರನ್ನು ಪ್ರಶ್ನಿಸಿದ್ದು, `ವಾಳಂಬಿ ಅವರ ತಂಟೆಗೆ ಬಂದರೆ ಬಿಡುವುದಿಲ್ಲ’ ಎಂದು ಹೇಳಿದ್ದಾರೆ. ಮುಂಡಗೋಡ ಆಂಜನೇಯ ದೇವಸ್ಥಾನದ ಎದುರು ಈ ಎಲ್ಲಾ ವಿದ್ಯಮಾನ ನಡೆದಿದೆ. ಇದಕ್ಕೂ ಮೊದಲು ಕಾರ್ತಿಕ ಬೋವಿವಡ್ಡರ್ ಹಾಗೂ ಅವರ ಜೊತೆಗಿದ್ದ ನಿಖಿಲ್ ಅವರನ್ನು ಅಬ್ದುಲ್ ಗೌಸ್ ಅವರು ತಮ್ಮದೇ ಬೈಕಿನಲ್ಲಿ ಪೇಟೆಯಲ್ಲಿ ತಿರುಗಾಡಿಸಿದ್ದಾರೆ. ಅದಾದ ನಂತರ ಅವರನ್ನು ಮನೆಗೆ ಬಿಡಲು ಬಂದಿದ್ದು, ಸೋಮೇಶ್ವರ ನಾಯ್ಕ ಅವರ ಮನೆ ಮುಂದೆ ತಮ್ಮ ಬೈಕ್ ನಿಲ್ಲಿಸಿದ್ದಾರೆ. ಅಲ್ಲಿ ಸೋಮೇಶ್ವರ ನಾಯ್ಕ ಅವರ ಸ್ಕೂಟಿ ಇರುವುದನ್ನು ನೋಡಿ, ಅದಕ್ಕೆ ಬೆಂಕಿ ಹಚ್ಚುವುದಾಗಿ ಕೂಗಾಡಿದ್ದಾರೆ. ಅದಾದ ನಂತರ ಬಾಯಲ್ಲಿದ್ದ ಪಾನ್ ಮಸಾಲವನ್ನು ಆ ಸ್ಕೂಟರಿನ ಮೇಲೆ ಉಗಿದಿದ್ದಾರೆ. ಅದಾದ ನಂತರ `ಪಾನ್ ಉಗಿದ ವಿಷಯವನ್ನು ಯಾರಿಗೂ ಹೇಳಬೇಡ’ ಎಂದು ಅಬ್ದುಲ್ ಗೌಸ್ ಅವರು ತಾಕೀತು ಮಾಡಿದ್ದಾರೆ. ಜೊತೆಗೆ ಕಾರ್ತಿಕ ನಾಗೇಶ ಬೋವಿವಡ್ಡರ್ ಅವರಿಗೆ `ಸೋಮೇಶ್ವರ ನಾಯ್ಕ ಅವರ ಜೊತೆ ತಿರುಗಬೇಡ’ ಎಂದು ಹೇಳಿದ್ದಾರೆ. `ಈ ವಿಷಯ ಹೇಳಿದರೆ ಕೊಂದು ಹಾಕುವೆ’ ಎಂದು ಎಚ್ಚರಿಸಿದ್ದಾರೆ. ಅದಾಗಿಯೂ, ಕಾರ್ತಿಕ ಬೊವಿವಡ್ಡರ್ ಅವರು ಈ ವಿಷಯದ ಬಗ್ಗೆ ನ್ಯಾಯಾಲಯದ ಗಮನಕ್ಕೆ ತಂದಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ಅಬ್ದುಲ್ ಗೌಸ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಹೋಳಿ ಹಬ್ಬದ ಸಭೆಯಲ್ಲಿ ಹೊಡೆದಾಟ!](https://mobiletime.in/2026/03/fight-breaks-out-at-holi-festival-gathering/): ಅಂಕೋಲಾ ಬೇಲೆಕೆರೆಯ ಕರಿದೇವರ ದೇವಸ್ಥಾನ ಆವರಣದಲ್ಲಿ ಹೋಳಿ ಹಬ್ಬದ ಸಭೆ ನಡೆದಿದ್ದು, ಈ ಸಭೆಯಲ್ಲಿ ಹೊಡೆದಾಟ ನಡೆದಿದೆ. ಸಭೆಗೆ ಬಂದಿದ್ದ ಸಚಿನ್ ಅಸ್ನೋಟಿಕರ್ ಅವರ ಮೇಲೆ ಮಣಿಕಂಠ ಕುಡ್ತಳಕರ್ ಹಾಗೂ ಅಮೀತ ಕುಡ್ತಳಕರ್ ಅವರು ಕೈ ಮಾಡಿದ್ದು, ಕಪಾಳ ಮೋಕ್ಷ ಮಾಡಿದ್ದಾರೆ. ಅಂಕೋಲಾ ಬೇಲೆಕೆರೆಯಲ್ಲಿ ಸಚಿನ್ ರಾಧಾಕೃಷ್ಣ ಅಸ್ನೋಟಿಕರ್ ಅವರು ವಾಸವಾಗಿದ್ದಾರೆ. ವ್ಯಾಪಾರಿಯಾಗಿ ಅವರು ತಮ್ಮ ಜೀವನ ನಡೆಸುತ್ತಿದ್ದು, ಬಂದರಿಗೆ ಹೋಗಿ ಅವರು ಮೀನುಗಳನ್ನು ಸಹ ಖರೀದಿಸುತ್ತಾರೆ. ಆದರೆ, ಸಚಿನ್ ಅಸ್ನೋಟಿಕರ್ ಅವರು ಬಂದರಿಗೆ ಬಂದು ಮೀನು ಖರೀದಿಸುವುದನ್ನು ಬೇಲೆಕೆರೆಯ ಮಣಿಕಂಠ ಸುರೇಶ ಕುಡ್ತಳಕರ್ ಹಾಗೂ ಅಮೀತ ಕಾಂತ ಕುಡ್ತಳಕರ್ ಅವರು ವಿರೋಧಿಸಿದ್ದು, ಅದಾಗಿಯೂ ಸಚಿನ್ ಅಸ್ನೋಟಿಕರ್ ಅವರು ಮೀನು ಖರೀದಿ ಬಿಟ್ಟಿಲ್ಲ. ಇದೇ ವಿಷಯಕ್ಕೆ ಮಾರ್ಚ 1ರಂದು ಹೋಳಿ ಹಬ್ಬದ ಪೂರ್ವಭಾವಿ ಸಭೆಯಲ್ಲಿ ಹೊಡೆದಾಟ ನಡೆದಿದೆ. ಆ ದಿನ ಸಂಜೆ ಅಂಕೋಲಾ ಬೇಲೆಕೆರೆಯ ಕರಿದೇವರ ದೇವಸ್ಥಾನ ಆವರಣದಲ್ಲಿ ಹೋಳಿ ಹಬ್ಬದ ಪೂರ್ವಭಾವಿ ಸಭೆ ನಡೆದಿತ್ತು. ಸಚಿನ್ ಅಸ್ನೋಟಿಕರ್ ಅವರು ಆ ಸಭೆಯಲ್ಲಿದ್ದರು. ಅಲ್ಲಿಗೆ ಧಾವಿಸಿದ ಮಣಿಕಂಠ ಕುಡ್ತಳಕರ್ ಹಾಗೂ ಅಮಿತ ಕುಡ್ತಳಕರ್ ಅವರು ಏಕಾಏಕಿ ಸಚಿನ್ ಅಸ್ನೋಟಿಕರ್ ಅವರ ಕೊರಳಪಟ್ಟಿ ಹಿಡಿದರು. ಸಚಿನ್ ಅಸ್ನೋಟಿಕರ್ ಅವರ ಕೆನ್ನೆಗೆ ಬಾರಿಸಿದರು. ಜೊತೆಗೆ ಸಚಿನ್ ಅಸ್ನೋಟಿಕರ್ ಅವರ ಕತ್ತಿನಲ್ಲಿದ್ದ ಚಿನ್ನದ ಸರವನ್ನು ತುಂಡರಿಸಿದರು. ಇದನ್ನು ನೋಡಿದ ಗುರುದಾಸ ಭಾನಾವಳಿಕರ್ ಅವರು ಸಮಾಧಾನ ಮಾಡುವ ಪ್ರಯತ್ನ ಮಾಡಿದರು. ಆದರೆ, ಮಣಿಕಂಠ ಕುಡ್ತಳಕರ್ ಹಾಗೂ ಅಮಿತ ಕುಡ್ತಳಕರ್ ಅವರು ಗುರುದಾಸ ಭಾನಾವಳಿಕರ್ ಅವರ ಮೇಲೆಯೂ ಕೈ ಮಾಡಿದರು. ಹೊಡೆದಾಟ ತಪ್ಪಿಸಲು ಬಂದ ಗುರುದಾಸ ಅವರ ಪುತ್ರ ಸೂರಜ ಭಾನಾವಳಿಕರ್ ಅವರ ಮೇಲೆಯೂ ದಬ್ಬಾಳಿಕೆ ನಡೆಸಿದರು. `ಬಂದರಿನಲ್ಲಿ ಕಾಣಿಸಿಕೊಂಡರೆ ಮತ್ತೆ ಹೊಡೆಯುವೆ’ ಎಂದು ಅವರಿಬ್ಬರು ಸಚಿನ್ ಅಸ್ನೋಟಿಕರ್ ಅವರಿಗೆ ಬೆದರಿಕೆ ಒಡ್ಡಿದರು. `ಹೋಳಿ ಹಬ್ಬದಲ್ಲಿ ಕಾಣಿಸಿದರೂ ಜೀವ ತೆಗೆಯುವೆ’ ಎಂದು ಹೆದರಿಸಿದರು. ಈ ಬಗ್ಗೆ ಸಚಿನ್ ಅಸ್ನೋಟಿಕರ್ ಅವರು ಅಂಕೋಲಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿದರು.  
- [ಮುರುಡೇಶ್ವರ: ಮಾದಕ ವ್ಯಸನ ಮಾರಾಟಗಾರರ ಸೆರೆ](https://mobiletime.in/2026/03/murudeshwar-drug-dealers-arrested/): ಮುರುಡೇಶ್ವರದಲ್ಲಿ ಕಾಲೇಜು ವಿದ್ಯಾರ್ಥಿಗಳನ್ನು ಗುರಿಯಾಗಿಸಿಕೊಂಡು ಮಾದಕ ವ್ಯಸನ ಮಾರಾಟ ಮಾಡುತ್ತಿದ್ದವರನ್ನು ಪೊಲೀಸರು ಬಂಧಿಸಿದ್ದಾರೆ. ಭಟ್ಕಳದ ಇನಾಯತುಲ್ಲಾ ರಸೂಲ್ ಸಾಬ್ ಸವಣೂರು ಹಾಗೂ ಸಿದ್ದಿಕ್ ಅಬ್ದುಲ್ ರೆಹಮಾನ್ ಮಾದಕ ವ್ಯಸನ ಮಾರಾಟ ಜಾಲದಲ್ಲಿರುವುದು ಬಹಿರಂಗವಾಗಿದೆ. ಜೊತೆಗೆ ಕೆಂಪು ಬಣ್ಣದ ಸ್ಕೂಟಿಯೊಂದರಲ್ಲಿ ಮಾದಕ ವ್ಯಸನ ಸಾಗಾಟ ನಡೆಯುವುದನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಈಚೆಗೆ ಮುರುಡೇಶ್ವರ ಬಳಿಯ ಬೈಲೂರಿನಲ್ಲಿ ಮುಸ್ಲೀಂ ಮಕ್ಕಳು ಹಿಂದೂ ಹುಡುಗರ ಮನೆ ಮೇಲೆ ಕಲ್ಲು ತೂರಾಟ ಮಾಡಿದ್ದರು. ಆ ವೇಳೆ ಆ ಕೃತ್ಯ ಎಸಗಿದವರು ಮಾದಕ ಅಮಲಿನಲ್ಲಿರುವುದು ಗೊತ್ತಾಗಿತ್ತು. ತನಿಖೆ ನಡೆಸಿದ ಪೊಲೀಸರಿಗೆ ಸಿದ್ದಿಕ್ ಅಬ್ದುಲ್ ರೆಹಮಾನ್ ಸಿಕ್ಕಿಬಿದ್ದಿದ್ದು, ಅದರೊಂದಿಗೆ ಮಾದಕ ವ್ಯಸನ ಮಾರಾಟಗಾರ ಇನಾಯತುಲ್ಲಾ ರಸೂಲ್ ಸಾಬ್ ಸವಣೂರು ಸಹ ಸಿಕ್ಕಿ ಬಿದ್ದಿದ್ದಾರೆ. ಬಂಧಿರ ವಾಹನ ಹಾಗೂ ಅವರ ಬಳಿಯಿದ್ದ ಗಾಂಜಾವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಮುರ್ಡೇಶ್ವರ ವೃತ್ತ ನಿರೀಕ್ಷಕ ಜಗದೀಶ್ ಹಂಚನಾಳ್, ಮುರುಡೇಶ್ವರ ಠಾಣಾ ಪೊಲೀಸ್ ಉಪನಿರೀಕ್ಷಕರಾದ ಹಣಮಂತ ಬಿರಾದಾರ್, ಲೋಖನಾಥ್ ರಾಠೋಡ್ ನೇತೃತ್ವದಲ್ಲಿ ದಾಳಿ ನಡೆಸಿ ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ. ಪೊಲೀಸ್ ಸಿಬ್ಬಂದಿ ಅರುಣ್ ಪಿಂಟೋ, ಸುಬ್ರಹ್ಮಣ್ಯ, ಮಂಜುನಾಥ ಲಕ್ಮಾಪುರ, ಮಂಜುನಾಥ ಮಡಿವಾಳ ಮತ್ತು ಸಂದೀಪ್ ಪಟಗಾರ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.  
- [ಬೈಕಿಗೆ ಬಡಿದ ಬೈಕು: ಮೂವರಿಗೆ ಗಾಯ](https://mobiletime.in/2026/03/bike-collides-with-bike-three-injured/): ಶಿರಸಿ ಜಾತ್ರೆಗೆ ಬಂದಿದ್ದ ಸಿದ್ದಾಪುರ ಕಾನಸೂರಿನ ಗುರುದತ್ತ ಶೇಟ್ ಅವರ ಬೈಕಿಗೆ ಅದೇ ಊರಿನ ನಿವೃತ್ತ ನೌಕರ ದಿನೇಶ ಭಟ್ಟ ಅವರು ಬೈಕ್ ಗುದ್ದಿದ್ದಾರೆ. ಪರಿಣಾಮ ಎರಡು ಬೈಕಿನಲ್ಲಿದ್ದ ಸವಾರರು ಗಾಯಗೊಂಡಿದ್ದಾರೆ. ಸಿದ್ದಾಪುರ ಕಾನಸೂರಿನ ಗುರುದತ್ತ ಗಂಗಾಧರ ಶೇಟ್ (66) ಅವರು ಮಾರ್ಚ 3ರಂದು ಶಿರಸಿಯ ಮಾರಿಕಾಂಬಾ ದೇವಿ ಜಾತ್ರೆಗೆ ಬಂದಿದ್ದರು. ಜಾತ್ರೆ ಮುಗಿಸಿದ ಅವರು ತಮ್ಮ ಸ್ನೇಹಿತರಾದ ಕಾನಸೂರಿನ ನಿವೃತ್ತ ನಿವೃತ್ತ ಬ್ಯಾಂಕ್ ನೌಕರ ಸುಬ್ರಾಯ ವಾಮನ ಶೇಟ್ ಅವರ ಜೊತೆ ಮನೆಗೆ ಮರಳುತ್ತಿದ್ದರು. ಆ ದಿನ ರಾತ್ರಿ 10.30ಕ್ಕೆ ಅವರು ಯಡಳ್ಳಿ ಬಳಿ ತಲುಪಿದ್ದು, ಹಿಂದಿನಿAದ ವೇಗವಾಗಿ ಬೈಕ್ ಓಡಿಸಿಕೊಂಡು ಬಂದ ದಿನೇಶ ಗಣಪತಿ ಭಟ್ಟ ಅವರು ಗುರುದತ್ತ ಶೇಟ್ ಅವರ ಬೈಕಿಗೆ ಡಿಕ್ಕಿ ಹೊಡೆದರು. ಆ ಡಿಕ್ಕಿ ರಭಸಕ್ಕೆ ಎರಡೂ ಬೈಕಿನಲ್ಲಿದ್ದವರು ನೆಲಕ್ಕೆ ಬಿದ್ದರು. ಎರಡು ಬೈಕು ಜಖಂ ಆಗಿದ್ದು, ಎಲ್ಲರೂ ಗಾಯಗೊಂಡರು. ಆ ಪೈಕಿ ದಿನೇಶ ಭಟ್ಟ ಅವರು ಗಂಭೀರ ಪ್ರಮಾಣದಲ್ಲಿ ನೋವು ಅನುಭವಿಸಿದರು. ಅವರ ತಲೆಗೂ ಗಾಯವಾಗಿದ್ದು, ಆಸ್ಪತ್ರೆ ಸೇರಿದರು. ಗುರುದತ್ತ ಶೇಟ್ ಅವರ ಬೈಕಿನಲ್ಲಿದ್ದ ಸುಬ್ರಾಯ ಶೇಟ್ ಅವರ ತಲೆಗೂ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ಈ ಎಲ್ಲಾ ವಿದ್ಯಮನಾಗಲ ಬಗ್ಗೆ ಗುರುದತ್ತ ಶೇಟ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಶಿರಸಿ ಸಂಚಾರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕೊಳಗಿ ಕಾಡಿನಲ್ಲಿ ಮಳಗಿ ಮಹಿಳೆಯ ಕೊಲೆ: ಆರೋಪಿ ಸೆರೆ!](https://mobiletime.in/2026/03/murder-of-a-woman-in-a-forest-in-kolagi-accused-arrested/): ಮುಂಡಗೋಡಿನ ಕೊಳಗಿ ಅರಣ್ಯ ಪ್ರದೇಶದಲ್ಲಿ ಪತ್ತೆಯಾಗಿದ್ದ ರುಂಡವಿಲ್ಲದ ಮಹಿಳೆಯ ದೇಹದ ಗುರುತು ಪತ್ತೆಯಾಗಿದ್ದು, ಮಹಿಳೆಯನ್ನು ಕೊಲೆ ಮಾಡಿದ ಆರೋಪಿಯನ್ನು ಸಹ ಪೊಲೀಸರು ಬಂಧಿಸಿದ್ದಾರೆ. ಮಹಿಳೆ ಮೈ ಮೇಲಿದ್ದ ಚಿನ್ನದ ಆಸೆಗೆ ನೆರೆಮನೆಯಲ್ಲಿ ವಾಸವಾಗಿದ್ದ ವ್ಯಕ್ತಿಯೇ ಕೊಲೆ ಮಾಡಿರುವುದು ತನಿಖೆಯಿಂದ ಗೊತ್ತಾಗಿದೆ. ಫೆಬ್ರವರಿ 20ರಂದು ಕೊಳಗಿ ಕಾಡಿನಲ್ಲಿ ರುಂಡವಿಲ್ಲದ ಮಹಿಳೆಯ ದೇಹ ಕಾಣಿಸಿತ್ತು. ಆ ದೇಹ ಬೆತ್ತಲೆಯಾಗಿ ಬಿದ್ದಿದ್ದು, ಸಾವನಪ್ಪಿದ ಮಹಿಳೆ ಯಾರು? ಎಂದು ಗೊತ್ತಾಗಿರಲಿಲ್ಲ. ಸಾಕಷ್ಟು ಶೋಧದ ನಂತರ ಶಿವಕ್ಕ ಸೋಮಣ್ಣ ಗೌಡ ಪಾಟೀಲ್ ಅವರು ಸಾವನಪ್ಪಿರುವುದು ಗೊತ್ತಾಗಿತ್ತು. ಮಹಿಳೆಯ ಗುರುತು ಪತ್ತೆ ಹಾಗೂ ಆರೋಪಿ ಹುಡುಕಾಟಕ್ಕಾಗಿ ಗೋಕರ್ಣದ ಸಿಪಿಐ ಶ್ರೀಧರ್ ನೇತ್ರತ್ವದ ತಂಡ ರಚಿಸಲಾಗಿತ್ತು. ಆ ತಂಡದ ಹುಡುಕಾಟದಲ್ಲಿ ಜಿಲ್ಲೆಯ ಸೊರಬ ತಾಲೂಕಿನ ಮನ್ಮನೆಯ ಕೃಷ್ಣಪ್ಪ ಎಂಬಾತರು ಸಿಕ್ಕಿಬಿದ್ದರು. ಶಿವಕ್ಕ ಅವರ ನೆರೆಮನೆಯಲ್ಲಿ ವಾಸವಾಗಿದ್ದು, ಚಿನ್ನದ ಮೇಲೆ ಆಸೆಪಟ್ಟು ಅವರನ್ನು ಕೊಲೆ ಮಾಡಿರುವುದು ತನಿಖೆಯಿಂದ ಬೆಳಕಿಗೆ ಬಂದಿತು. ಶಿವಮೊಗ್ಗ ಜಿಲ್ಲೆಯ ಸೊರಬ ತಾಲೂಕಿನ ಮನ್ಮನೆಯ ಕೃಷ್ಣಪ್ಪ ಅವರು ಶಿವಕ್ಕ ಹಾಕಿಕೊಂಡಿದ್ದ ಬಂಗಾರದ ಒಡವೆ ಮೇಲೆ ಕಣ್ಣು ಹಾಕಿದ್ದರು. ಶಿವಕ್ಕ ಅವರ ನೆರೆಮನೆಯಲ್ಲಿ ಆರೋಪಿ ವಾಸವಾಗಿದ್ದು, ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುವುದಾಗಿ ತಿಳಿಸಿ ಕೊಲೆ ಮಾಡಿದ್ದರು. ಮಹಿಳೆಯ ಹತ್ಯೆ ಮಾಡಿ ಆಭರಣಗಳನ್ನು ಎಗರಿಸಿದ ನಂತರ ಗುರುತು ಸಿಗದ ಹಾಗೇ ರುಂಡ ಕತ್ತರಿಸಿದ್ದರು. ಅದಾದ ನಂತರ ಬಟ್ಟೆಗಳನ್ನು ಬಿಸಾಡಿ ಪರಾರಿಯಾಗಿದ್ದರು. ರುಂಡವನ್ನು ಹಣಗಲ್ ತಾಲೂಕು ಶಿವಪುರದಲ್ಲಿ ಎಸೆದಿದ್ದು ಸಹ ವಿಚಾರಣೆ ವೇಳೆ ಗೊತ್ತಾಗಿದೆ. ಆರೋಪಿ ವಿರುದ್ಧ ಸೊರಬದಲ್ಲಿ ಸಹ ಕೊಲೆ ಪ್ರಕರಣವಿದ್ದು, ಅದರ ವಿಚಾರಣೆಯೂ ನಡೆಯುತ್ತಿದೆ.
- [ಮನುಷ್ಯತ್ವ ಮರೆತ ಬಸ್ ನಿರ್ವಾಹಕಿ!](https://mobiletime.in/2026/03/a-bus-driver-who-has-forgotten-humanity/): ಸರ್ಕಾರಿ ಬಸ್ಸಿನಲ್ಲಿ ಸಂಚರಿಸುತ್ತಿದ್ದ ವಿದ್ಯಾರ್ಥಿಗೆ ಬಸ್ಸಿನ ಹಿಂದೆ ಅಳವಡಿಸಿದ್ದ ನಾಮಫಲಕ ಬಡಿದು ಗಾಯಗೊಂಡಿದ್ದರೂ ಆ ವಿದ್ಯಾರ್ಥಿಯನ್ನು ಬಸ್ಸಿನ ನಿರ್ವಾಹಕಿ ಆಸ್ಪತ್ರೆಗೆ ಸೇರಿಸಿಲ್ಲ. ಬದಲಾಗಿ, ಆ ವಿದ್ಯಾರ್ಥಿಯನ್ನು ಬಸ್ಸಿನಿಂದ ಕೆಳಗಿಳಿಸಿ ಅಮಾನವೀಯ ಕೃತ್ಯ ಎಸಗಿದ್ದು, ಈ ಬಗ್ಗೆ ದೂರು ನೀಡಿದರೂ ನಿರ್ವಾಹಕಿ ವಿರುದ್ಧ ಕ್ರಮವಾಗಿಲ್ಲ. ಅಂಕೋಲಾದ ಪೂಜಗೇರಿ ಪ್ರಥಮ ದರ್ಜೆ ಕಾಲೇಜಿನ ಬಿ ಎ ದ್ವಿತೀಯ ವರ್ಷದ ವಿದ್ಯಾರ್ಥಿ ತ್ರೀಮೂರ್ತಿ ಶಾಂತಾ ನಾಯ್ಕ ಅವರು ಫೆ 23ರಂದು ಸರ್ಕಾರಿ ಬಸ್ಸಿನಲ್ಲಿ ಪ್ರಯಾಣ ಬೆಳೆಸಿದ್ದರು. ಭಟ್ಕಳ ಡಿಪೋದ ನಿರ್ವಾಹಕಿ ಸುನೀತಾ ಅವರು ಆ ಬಸ್ಸಿನ ಕರ್ತವ್ಯದಲ್ಲಿದ್ದು, ಅವರ ಅಮಾನವೀಯ ಕೃತ್ಯದ ಬಗ್ಗೆ ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಅದಾಗಿಯೂ, ಕೆಎಸ್‌ಆರ್‌ಟಿಸಿ ಅಧಿಕಾರಿಗಳು ನಿರ್ವಾಹಕಿ ವಿರುದ್ಧ ಕಾನೂನು ಕ್ರಮ ಜರುಗಿಸದೇ ಮೃದು ದೋರಣೆ ಅನುಸರಿಸಿದ್ದಾರೆ. ಬಸ್ಸಿನಲ್ಲಿ ನಡೆದ ಅನಾಹುತದಿಂದ ವಿದ್ಯಾರ್ಥಿಗೆ ಗಾಯವಾಗಿದ್ದು, ಪ್ರಥಮ ಚಿಕಿತ್ಸೆ ಕೊಡಿಸುವುದು ನಿರ್ವಾಹಕಿಯ ಹೊಣೆಯಾಗಿತ್ತು. ಆದರೆ, ರಕ್ತದ ಮಡುವಿನಲ್ಲಿದ್ದ ಆ ವಿದ್ಯಾರ್ಥಿಯನ್ನು ರಸ್ತೆ ಮದ್ಯೆ ನಿರ್ವಾಹಕಿ ಬಿಟ್ಟು ಹೋದ ಬಗ್ಗೆ ಎಲ್ಲಡೆ ಆಕ್ಷೇಪವ್ಯಕ್ತವಾಗಿದೆ. ಭಟ್ಕಳ-ಕಾರವಾರ ಬಸ್ಸಿನಲ್ಲಿ ಇಂಥ ಅವಘಡ ನಡೆದ ಬಗ್ಗೆ ನಿಗಮದ ಅಧಿಕಾರಿಗಳ ಅರಿವಿಗೆ ಬಂದಿದೆ. ಆದರೂ, ಅವರು ಕ್ರಮ ಜರುಗಿಸಿಲ್ಲ. ವಿದ್ಯಾರ್ಥಿಗೆ ರಕ್ತಸ್ರಾವವಾಗುತ್ತಿರುವುದನ್ನು ಕಂಡಿದ್ದರೂ ನಿರ್ವಾಹಕಿ ತಕ್ಷಣ ಪ್ರಥಮ ಚಿಕಿತ್ಸೆ ನೀಡದೆ, ಸ್ವಲ್ಪ ದೂರದಲ್ಲೇ ವಿದ್ಯಾರ್ಥಿಯನ್ನು ಬಸ್‌ನಿಂದ ಕೆಳಗಿಳಿಸಿದ್ದಾರೆ. ಅಸ್ವಸ್ಥನಾದ ವಿದ್ಯಾರ್ಥಿ ರಿಕ್ಷಾದಲ್ಲಿ ಸಂಚರಿಸಿ ಚಿಕಿತ್ಸೆಪಡೆದಿದ್ದಾರೆ. ಉಳಿದ ಪ್ರಯಾಣಿಕರು ಆಕ್ಷೇಪವ್ಯಕ್ತಪಡಿಸಿದ್ದರೂ ಆ ಆಕ್ರೋಶಕ್ಕೆ ನಿರ್ವಾಹಕಿ ಪ್ರತಿಕ್ರಿಯಿಸಿಲ್ಲ. ಈ ಹಿನ್ನಲೆ ವಿದ್ಯಾರ್ಥಿ ಪಾಲಕರು ಪೊಲೀಸ್ ದೂರು ನೀಡಿದ್ದಾರೆ. ಜೊತೆಗೆ ವಿದ್ಯಾರ್ಥಿ ಸಂಘಟನೆಯವರು ಹಾಗೂ ವಕೀಲ ಉಮೇಶ ನಾಯ್ಕ ಅವರು ನಿರ್ವಾಹಕಿ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದು, ಹೋರಾಟದ ಎಚ್ಚರಿಕೆ ನೀಡಿದ್ದಾರೆ.
- [ಕರಾವಳಿ ಭಾಗಕ್ಕೆ ಬೇಕು ಮತ್ತೊಂದು ಆಸ್ಪತ್ರೆ!](https://mobiletime.in/2026/03/the-coastal-area-needs-another-hospital/): `ಉತ್ತರ ಕನ್ನಡ ಜಿಲ್ಲೆಯ ಕರಾವಳಿ ಭಾಗದಲ್ಲಿ ಮಂಗಳೂರಿನ ವೆನ್‌ಲಾಕ್ ಆಸ್ಪತ್ರೆಯ ಮಾದರಿಯಲ್ಲಿ ಜಿಲ್ಲಾಸ್ಪತ್ರೆಯ ಸೇವೆ ಒದಗಿಸಬೇಕು’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಅವರು ಆರೋಗ್ಯ ಸಚಿವ ದಿನೇಶ ಗುಂಡೂರಾವ್ ಅವರಿಗೆ ಮನವಿ ಮಾಡಿದ್ದಾರೆ. `ಕಾರವಾರದಲ್ಲಿ ಕಳೆದ 50ವರ್ಷಗಳಿಂದ ಜಿಲ್ಲಾಸ್ಪತ್ರೆ ನಡೆಯುತ್ತಿದೆ. 2014ರಲ್ಲಿ ವೈದ್ಯಕೀಯ ಶಿಕ್ಷಣ ಸಂಸ್ಥೆ ಶುರುವಾಗಿದ್ದು, ಜಿಲ್ಲಾಸ್ಪತ್ರೆಯನ್ನು ಮೆಡಿಕಲ್ ಕಾಲೇಜಿನ ಜೊತೆ ವಿಲೀನ ಮಡಲಾಗಿದೆ. ಹೀಗಾಗಿ ಇಲ್ಲಿನ ಜನ ಉಚಿತವಾಗಿ ಸಿಗುವ ಆರೋಗ್ಯ ಸೌಲಭ್ಯದಿಂದ ವಂಚಿತರಾಗಿದ್ದಾರೆ. ಆದಾಯ ಕಡಿಮೆಯಿರುವ ರೋಗಿಗಳು ಆಸ್ಪತ್ರೆಗೆ ಬಂದರೂ ಶೇ 50ರಷ್ಟು ತಪಾಸಣೆ ಶುಲ್ಕ ಪಾವತಿಸಬೇಕಿದ್ದು, ನುರಿತ ತಜ್ಞರು ಸಹ ಇಲ್ಲಿಲ್ಲ’ ಎಂಬ ವಿಷಯದ ಬಗ್ಗೆ ಅವರು ಚರ್ಚಿಸಿದ್ದಾರೆ. `ಮಂಗಳೂರಿನಲ್ಲಿರುವ ವೆನ್‌ಲಾಕ್ ಜಿಲ್ಲಾ ಆಸ್ಪತ್ರೆಯಲ್ಲಿ ಎಂ ಆರ್ ಐ ಸ್ಕ್ಯಾನ್, ಟಿ ಎಂ ಟಿ ಬ್ರೊಂಕೊಸ್ಕೋಪಿ, ಕಾಲನೋಸ್ಕೋಪಿ, ಕ್ಯಾತ್‌ಲಾಬ್ ಹಾಗೂ ತಜ್ಞ ವೈದ್ಯರ ತಂಡವಿರುವುದರಿAದ ಅಲ್ಲಿನ ರೋಗಿಗಳಿಗೆ ಅನುಕೂಲವಾಗಿದೆ. ಅದೇ ಮಾದರಿಯಲ್ಲಿ ಕಾರವಾರದಲ್ಲಿಯೂ ಸೇವೆ ಸಿಗಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಕಾರವಾರ ಅಂಕೋಲಾ ವಿಧಾನಸಭಾ ಕ್ಷೇತ್ರದಲ್ಲಿ ಇರುವ ಹಟ್ಟಿಕೇರಿ ಪ್ರೆöÊಮರಿ ಹೆಲ್ತ್ ಸೆಂಟರ್‌ನಲ್ಲಿ ವೆನ್‌ಲಾಕ್ ಜಿಲ್ಲಾ ಆಸ್ಪತ್ರೆ ಮಾದರಿಯಲ್ಲಿ ಆಸ್ಪತ್ರೆ ಮಂಜೂರು ಮಾಡಬೇಕು. ಹಟ್ಟಿಕೇರಿ ಪ್ರಾಥಮಿಕ ಆರೋಗ್ಯ ಕೇಂದ್ರ ರಾಷ್ಟಿಯ ಹೆದ್ದಾರಿ 66ಕ್ಕೆ ಹೊಂದಿಕೊAಡಿದ್ದು ರಾಷ್ಟಿçÃಯ ಹೆದ್ದಾರಿ 52ಕ್ಕೂ ಸಮೀಪವಿದೆ. ಯೋಜಿತ ವಿಮಾನ ನಿಲ್ದಾಣ ಹಾಗೂ ನೌಕಾ ನೆಲೆಯ ವಜ್ರಕೋಶಕ್ಕೂ ಹತ್ತಿರವಿದೆ. ರಾಷ್ಟ್ರೀಯ ಹೆದ್ದಾರಿ ಅಂಚಿನಲ್ಲಿ ಆಸ್ಪತ್ರೆ ಆದರೆ ತುರ್ತು ಸನ್ನಿವೇಶಗಳಿಗೂ ನೆರವಾಗುತ್ತದೆ’ ಎಂದವರು ಹೇಳಿದ್ದಾರೆ. `ಕಾರವಾರದಲ್ಲಿರುವ ಜಿಲ್ಲಾಸ್ಪತ್ರೆಯನ್ನು ಶಿರಸಿಗೆ ಸ್ಥಳಾಂತರಿಸುವ ಬಗ್ಗೆ ಮಾಹಿತಿಯಿದ್ದು, ಕರಾವಳಿ ಭಾಗಕ್ಕೆ ಪ್ರತ್ಯೇಕ ಆಸ್ಪತ್ರೆ ನೀಡುವುದು ಅನಿವಾರ್ಯ’ ಎಂದವರು ಪ್ರತಿಪಾದಿಸಿದ್ದಾರೆ.
- [ಬೈಕಿಗೆ ಗುದ್ದಿದ ಟಿಪ್ಪರ್: ಸವಾರ ಸಾವು!](https://mobiletime.in/2026/03/tipper-hits-bike-rider-dies/): ಬೈಕ್ ಹಾಗೂ ಟಿಪ್ಪರ್ ನಡುವೆ ಮುಂಡಗೋಡದಲ್ಲಿ ಅಪಘಾತ ನಡೆದಿದ್ದು, ಬೈಕ್ ಸವಾರ ಸ್ಥಳದಲ್ಲಿಯೇ ಸಾವನಪ್ಪಿದ್ದಾರೆ. ಮುಂಡಗೋಡಿನ ಬಾಚಣಕಿ ಬಳಿ ಈ ಅಪಘಾತ ನಡೆದಿದ್ದು, ಜೇನಮುರಿ ಗ್ರಾಮದ ಬಾಬು ಪಿಂಗಳೆ ಅವರು ಸಾವನಪ್ಪಿದವರಾಗಿದ್ದಾರೆ. ಚವಡಳ್ಳಿ ಗ್ರಾಮದ ಟಿಪ್ಪರ್ ಚಾಲಕ ಜಾಹೀದ್ ಮೌಲಾಸಾಬ ತೋರಗಲ್ ಅವರು ವೇಗವಾಗಿ ಟಿಪ್ಪರ್ ಓಡಿಸಿದ್ದೇ ಈ ಅಪಘಾತಕ್ಕೆ ಕಾರಣ. ಹುಬ್ಬಳ್ಳಿ-ಶಿರಸಿ ರಸ್ತೆಯಲ್ಲಿ ಹುಬ್ಬಳ್ಳಿ ಕಡೆಯಿಂದ ಮುಂಡಗೋಡ ಕಡೆಗೆ ಬರುತ್ತಿದ್ದ ಟಿಪ್ಪರ್ ರಸ್ತೆಯ ಬಲಬದಿಗೆ ನುಗ್ಗಿ ಬೈಕಿಗೆ ಡಿಕ್ಕಿಯಾಗಿದೆ. ಮುಂಡಗೋಡ ಕಡೆಯಿಂದ ಬಾಚಣಕಿ ಕಡೆಗೆ ಹೋಗುತ್ತಿದ್ದ ಬಾಬು ಪಿಂಗಳೆ (43) ಅವರು ಬೈಕಿನಲ್ಲಿದ್ದು, ಡಿಕ್ಕಿ ರಭಸಕ್ಕೆ ಅವರ ತಲೆಗೆ ಗಂಭೀರವಾಗಿ ಗಾಯವಾಗಿದೆ. ಅಲ್ಲಿಯೇ ಅವರು ರಕ್ತದ ಮೊಡವಿನಲ್ಲಿ ಬಿದ್ದು ಕೊನೆಯುಸಿರೆಳೆದಿದ್ದಾರೆ. ಆ ಭಾಗದ ಚಂದ್ರು ಲಮಾಣಿ ಅವರು ಅಪಘಾತದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಮುಂಡಗೋಡು ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಪರಿಶೀಲನೆ ನಡೆಸಿದ್ದಾರೆ. ಅದಾದ ನಂತರ ಆರೋಪಿ ಟಿಪ್ಪರ್ ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ. `ಅತಿ ವೇಗ ಅಪಘಾತಕ್ಕೆ ಕಾರಣ’
- [ಬಸ್ಸಿಗೆ ಗುದ್ದಿದ ಕಾರು: ವೆಬ್ ಡಿಸೈನರ್ ಸಾವು!](https://mobiletime.in/2026/03/car-hits-bus-web-designer-dies/): ಶಿರಸಿ-ಯಲ್ಲಾಪುರ ರಸ್ತೆ ಮಾರ್ಗವಾಗಿ ಸಂಚರಿಸುತ್ತಿದ್ದ ಬಸ್ಸಿಗೆ ಕಾರೊಂದು ಡಿಕ್ಕಿ ಹೊಡೆದಿದೆ. ಪರಿಣಾಮ ಕಾರಿನಲ್ಲಿದ್ದ ವ್ಯಕ್ತಿಯೊಬ್ಬರು ಅಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಯಲ್ಲಾಪುರದ ಬೇಡ್ತಿ ಸೇತುವೆ ಬಳಿಯ ಮಳಲಗಾವಿನ ಬಳಿ ಈ ಅಪಘಾತ ನಡೆದಿದೆ. ದಕ್ಷಿಣ ಕನ್ನಡ ಮೂಲದ ವೆಬ್ ಡಿಸೈನರ್ ಮುಕೇಶ ಶೆಟ್ಟಿ ಅವರು ಶಿರಸಿ ಮಾರ್ಗವಾಗಿ ಕಾರು ಓಡಿಸಿಕೊಂಡು ಹೊರಟಿದ್ದರು. ಸಿದ್ದಾಪುರದಿಂದ ಬೆಳಗಾವಿಗೆ ಹೊರಟಿದ್ದ ಬಸ್ಸಿಗೆ ಅವರ ಕಾರು ಗುದ್ದಿತು. ಡಿಕ್ಕಿಯ ರಭಸಕ್ಕೆ ಮುಕೇಶ ಶೆಟ್ಟಿ ಅವರು ಅಲ್ಲಿಯೇ ಸಾವನಪ್ಪಿದರು. ಕೆಎಸ್‌ಆರ್‌ಟಿಸಿ ಬಸ್ಸು ಖಾಸಗಿ ಒಪ್ಪಂದದ ಪ್ರಕಾರ ಬೆಳಗಾವಿಗೆ ಸಂಚರಿಸುತ್ತಿದ್ದು, ಅಪಘಾತದಲ್ಲಿ ಬಸ್ಸಿನಲ್ಲಿದ್ದ ಪ್ರಯಾಣಿಕರಿಗೆ ಸಹ ಸಣ್ಣಪುಟ್ಟ ಗಾಯವಾಗಿದೆ. ಬಸ್ಸಿನಲ್ಲಿದ್ದ ಪ್ರಯಾಣಿಕರಿಗೆ ಬೇರೆ ಬಸ್ಸಿನ ಮೂಲಕ ಕಳುಹಿಸಲಾಗಿದ್ದು, ಅವರು ತಲುಪಬೇಕಾದ ಸ್ಥಳ ತಲುಪಿದ್ದಾರೆ. ಮೊಬೈಲ್ ಮಿಡಿಯಾ ನೆಟ್‌ವರ್ಕನ ಮಂಗಳೂರು ಪ್ರತಿನಿಧಿ ನೀಡಿದ ಮಾಹಿತಿ ಪ್ರಕಾರ, 33 ವರ್ಷದ ಮುಕೇಶ ಶೆಟ್ಟಿ ಅವರು ಕುಂದಾಪುರದವರಾಗಿದ್ದು ನಾಡಿನ ಪ್ರಮುಖ ಪತ್ರಿಕೆಗಳ ವೆಬ್ ಡಿಸೈನರ್ ಆಗಿ ಕೆಲಸ ಮಾಡಿದ್ದಾರೆ. ಕೆಲ ಮಾಧ್ಯಮದ ವೆಬ್ ಡಿಸೈನರ್ ಜವಾಬ್ದಾರಿ ಹೊಂದಿದ್ದು, ಅದರ ನಿರ್ವಹಣಾ ಕೆಲಸ ಮಾಡುತ್ತಿದ್ದರು. ಮಂಗಳೂರಿನಲ್ಲಿ ಸೂಪರ್ ಮಾರ್ಟ ನಡೆಸುತ್ತಿದ್ದ ಅವರು ಈಚೆಗೆ ಅದನ್ನು ಬೇರೆಯವರಿಗೆ ಹಸ್ತಾಂತರಿಸಿದ್ದರು. ತಮ್ಮ ಉದ್ಯಮ ವಿಸ್ತರಿಸುವ ಉದ್ದೇಶದಿಂದ ಗುರುವಾರ ಮನೆಯಿಂದ ಹೊರಟಿದ್ದರು. `ಶಿವಮೊಗ್ಗಕ್ಕೆ ಹೋಗಿ ಬರುವೆ’ ಎಂದು ಕುಟುಂಬದವರಿಗೆ ತಿಳಿಸಿದ್ದ ಅವರು ನಸುಕಿನಲ್ಲಿಯೇ ಕಾರು ಹತ್ತಿದ್ದರು. ಈ ಮಾರ್ಗವಾಗಿ ಅನ್ಯ ಕೆಲಸದ ನಿಮಿತ್ತ ತೆರಳಿದ್ದು, ಯಲ್ಲಾಪುರದಿಂದ ಮುಂದೆ ಶಿವಮೊಗ್ಗಕ್ಕೆ ಸಂಚರಿಸುವಾಗ ನಡೆದ ಅಪಘಾತದಿಂದ ಮುಕೇಶ ಶೆಟ್ಟಿ ಅವರು ಬಾರದ ಲೋಕಕ್ಕೆ ಪ್ರಯಾಣ ಬೆಳೆಸಿದ್ದಾರೆ. ಅಪಘಾತಕ್ಕೆ ನಿಖರ ಕಾರಣ ಗೊತ್ತಾಗಲಿಲ್ಲ. ಯಲ್ಲಾಪುರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’
- [ಗಾಳಿ ಸುದ್ದಿಗೆ ಪೆಟ್ರೋಲ್ ಖಾಲಿ!](https://mobiletime.in/2026/03/gasoline-is-running-out-due-to-rumors/): ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಭಾಗಗಳಲ್ಲಿ ಎರಡು ದಿನಗಳಿಂದ ಭಾರೀ ಪ್ರಮಾಣದಲ್ಲಿ ಪೆಟ್ರೋಲ್ ಮಾರಾಟವಾಗಿದೆ. ಜನ ಸಾಲಿನಲ್ಲಿ ನಿಂತು ಪೆಟ್ರೋಲ್ ಖರೀದಿಸುತ್ತಿದ್ದಾರೆ. ಭವಿಷ್ಯದಲ್ಲಿ ಪೆಟ್ರೋಲ್ ಸಿಗಲ್ಲ ಎಂಬ ಆತಂಕದ ಹಿನ್ನಲೆ ಅನೇಕರು ಬಾಟಲಿ-ಬ್ಯಾರಲ್ ಮೂಲಕವೂ ಪೆಟ್ರೋಲ್ ಒಯ್ಯುತ್ತಿದ್ದಾರೆ! ಇರಾನ್ ದೇಶದ ಮೇಲೆ ಅಮೇರಿಕ-ಇಸ್ರೇಲ್ ದಾಳಿಯಿಂದ ಉದ್ವಿಗ್ನ ಪರಿಸ್ಥಿತಿ ಉಂಟಾಗಿದ್ದು, ಅದರ ಪರಿಣಾಮ ಉತ್ತರ ಕನ್ನಡ ಜಿಲ್ಲೆಯ ಮೇಲೆಯೂ ಬಿದ್ದಿದೆ. ಆ ದೇಶದ ಯುದ್ಧ ಪರಿಸ್ಥಿತಿಯಿಂದ ಪೆಟ್ರೋಲ್ ಅಭಾವ ಎದುರಾಗುವ ಆತಂಕದ ಹಿನ್ನಲೆ ಜನ ಎಲ್ಲಡೆ ತಮ್ಮ ವಾಹನಗಳಿಗೆ `ಟ್ಯಾಂಕ್ ಪುಲ್’ ಮಾಡಿಸುತ್ತಿದ್ದಾರೆ. ದಾಂಡೇಲಿ ಹಾಗೂ ಭಟ್ಕಳದ ಪೆಟ್ರೋಲ್ ಪಂಪ್‌ಗಳಲ್ಲಿ ಉದ್ದನೆಯ ಸರತಿ ಸಾಲು ಕಾಣಿಸುತ್ತಿದ್ದು, ಈ ದಿನವೂ ಆ ಸಾಲು ಕಡಿಮೆ ಆಗಿಲ್ಲ. ಕಚ್ಚಾ ತೈಲ ಪೂರೈಕೆಯಲ್ಲಿನ ಅಡಚಣೆಗಳ ಬಗ್ಗೆ ಜಾಗತಿಕ ಕಳವಳ ಹಿನ್ನೆಲೆ ಜನ ಆತಂಕಕ್ಕೆ ಒಳಗಾಗಿದ್ದಾರೆ. ಈ ನಡುವೆ `ಭಾರತವು ಪ್ರಸ್ತುತ ಪೆಟ್ರೋಲ್, ಡೀಸೆಲ್ ಮತ್ತು ವಿಮಾನಯಾನ ಟರ್ಬೈನ್ ಇಂಧನ ಸೇರಿದಂತೆ ಕಚ್ಚಾ ತೈಲ ಮತ್ತು ಪೆಟ್ರೋಲಿಯಂ ಉತ್ಪನ್ನಗಳ ಸಾಕಷ್ಟು ನಿಕ್ಷೇಪಗಳನ್ನು ಹೊಂದಿದೆ’ ಎಂದು ಕೇಂದ್ರ ಪೆಟ್ರೋಲಿಯಂ ಸಚಿವ ಹರ್ದೀಪ್ ಸಿಂಗ್ ಪುರಿ ಹೇಳಿದ್ದಾರೆ. ಹೀಗಾಗಿ ಜನ ಆತಂಕಪಡುವ ಅಗತ್ಯವಿಲ್ಲ. `ಅಲ್ಪಾವಧಿಯಲ್ಲಿ ದೇಶೀಯ ಬೇಡಿಕೆಯನ್ನು ಪೂರೈಸಲು ಸಾಕಾಗುತ್ತದೆ. ತೈಲ ಮಾರುಕಟ್ಟೆ ಕಂಪನಿಗಳು ಸುಮಾರು 25 ದಿನಗಳ ಮೌಲ್ಯದ ಕಚ್ಚಾ ತೈಲ ದಾಸ್ತಾನುಗಳನ್ನು ಹೊಂದಿವೆ ಮತ್ತು ಹೆಚ್ಚುವರಿಯಾಗಿ 25 ದಿನಗಳ ಸಂಸ್ಕರಿಸಿದ ಪೆಟ್ರೋಲಿಯಂ ಉತ್ಪನ್ನಗಳ ಪೂರೈಕೆಯನ್ನು ಹೊಂದಿವೆ’ ಎಂದು ಸರ್ಕಾರಿ ಮೂಲಗಳು ಸ್ಪಷ್ಠಪಡಿಸಿವೆ. ಅದಾಗಿಯೂ, ಎಲ್ಲಾ ಪೆಟ್ರೀಲ್ ಬಂಕುಗಳಲ್ಲಿ ಎಂದಿಗಿAತ ಹೆಚ್ಚಿನ ಜನ ಕಾಣಿಸುತ್ತಿದ್ದು, ಭಾರೀ ಪ್ರಮಾಣದಲ್ಲಿ ವ್ಯಾಪಾರ ನಡೆದಿದೆ. `ಯಾವುದೇ ರೀತಿಯಲ್ಲಿಯೂ ಪೆಟ್ರೋಲ್ ಕೊರತೆ ಇಲ್ಲ’ ಎಂದು ಬಂಕ್ ಮಾಲಕರು ಹೇಳಿದ್ದಾರೆ.
- [ಬಾಡ ಮಹಾದೇವಸ್ಥಾನ: ಲೋಕ ಕಲ್ಯಾಣಕ್ಕಾಗಿ ದೇವರ ಮೊರೆ](https://mobiletime.in/2026/03/praying-to-god-for-the-welfare-of-the-world/): ಲೋಕ ಕಲ್ಯಾಣಕ್ಕಾಗಿ ಪ್ರಾರ್ಥಿಸಿ ಕಾರವಾರದ ಬಾಡ ದೇವಾಲಯದಲ್ಲಿ ಮಾರ್ಚ 7 ಹಾಗೂ 8ರಂದು ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿದೆ. ಬಾಡ ಗ್ರಾಮದ ಅಧಿದೇವರಾದ ಶ್ರೀ ಮಹಾದೇವರ ಪುನರ್ ಪ್ರತಿಷ್ಠಾ ವರ್ಧಪನದ 25ನೇ ವರ್ಷದ ಉತ್ಸವವೂ ಇದೇ ವೇಳೆ ನಡೆಯಲಿದೆ. ಈ ಧಾರ್ಮಿಕ ಕಾರ್ಯಕ್ರಮದ ಅಂಗವಾಗಿ ಮಾರ್ಚ 7ರ ಬೆಳಗ್ಗೆ ಗಣೇಶ ಪೂಜೆ ಹಾಗೂ ಶ್ರೀ ಗಂಧದ ಲಿಂಗಾರ್ಚನೆ ಧಾರ್ಮಿಕ ಅನುಷ್ಠಾನದ ವಿಶೇಷ ಸಂಕಲ್ಪ  ನಡೆಯಲಿದೆ. ಸಂಕಲ್ಪದಲ್ಲಿ ಭಾಗವಹಿಸುವವರಿಗೆ ಬೆಳಗ್ಗೆ 8ರಿಂದ 11ರವರೆಗೆ ಹೆಸರು ನೋಂದಾಯಿಸಲು ಅವಕಾಶ ನೀಡಲಾಗಿದೆ. ಈ ದಿನ ಮಧ್ಯಾಹ್ನ 1ಗಂಟೆಗೆ ಪೂಜೆ, ಸಂಜೆ 5ಗಂಟೆಗೆ ಪಾರ್ವತಿ ಮಾತೃಮಂಡಳಿಯ ಸುಮಂಗಲಿಯರ ಜೊತೆ ಭಕ್ತರು ಸೇರಿ `ಪಾರ್ವತಿಯಲ್ಲಿ ಲಲಿತಾ ಸಹಸ್ರನಾಮ ಪೂರ್ವಕ ಕುಂಕುಮಾರ್ಚನೆ’ ಕಾರ್ಯಕ್ರಮ ನೆರವೇರಿಸಲಿದ್ದಾರೆ.  ಸಂಜೆ 7.30ಕ್ಕೆ ಪೂಜಾ ಕಾರ್ಯಗಳು ನಡೆಯಲಿದೆ. ಮಾರ್ಚ 8ರಂದು ಬೆಳಗ್ಗೆ 9 ಗಂಟೆಗೆ ಗೃಹಶಾಂತಿ, ಉಮಾಮಹೇಶ್ವರ ಜಪಾಗಂತ್ವ ಹೋಮ, ರುದ್ರಹೋಮ, ಕಲಾವೃದ್ಧಿ ಹವನ, ಮಧ್ಯಾಹ್ನ 12.30ಕ್ಕೆ ಪೂರ್ಣಾಹುತಿ, ಮಹಾಪೂಜೆ, ಪ್ರಾರ್ಥನೆ, ಪ್ರಸಾದ ವಿತರಣೆ, ಮಧ್ಯಾಹ್ನ 1ರಿಂದ 3.30ರವರೆಗೆ ಅನ್ನ ಪ್ರಸಾದ ವಿತರಣೆಗೆ ಯೋಜನೆ ರೂಪಿಸಲಾಗಿದೆ. ಈ  ರಾತ್ರಿ 7.30ಕ್ಕೆ ಪೂಜೆ ನಡೆಯಲಿದೆ. ಜೊತೆಗೆ 9ಗಂಟೆಗೆ ಮಹಾದೇವ ವಿನಾಯಕ ದೇವಸ್ಥಾನ ಸಮಿತಿ ಹಾಗೂ ಮಾಳ್ಕೋಡಿನ ಯಕ್ಷಪಲ್ಲವಿ ಟ್ರಸ್ಟಿನ ಸಹಯೋಗದಲ್ಲಿ `ಶ್ರೀ ಕೃಷ್ಣ ಪಾರಿಜಾತ’ ಯಕ್ಷಗಾನ ಪ್ರದರ್ಶನವಾಗಲಿದೆ. ಇನ್ನೂ `ದೇವತಾ ಕಾರ್ಯದಲ್ಲಿ ಭಾಗವಹಿಸುವವರು ಹಾಗೂ ಸಂಕಲ್ಪಿಸುವವರು 555ರೂ ಪಾವತಿಸಿ, ರಸೀದಿಪಡೆಯಬೇಕು. ಅನ್ನ ಸಂತರ್ಪಣೆಗೆ ಧಾನ್ಯ ಅಥವಾ ಹಣ ಸಹಾಯ ಮಾಡುವವರು ಕಚೇರಿಯನ್ನು ಸಂಪರ್ಕಿಸಬೇಕು. ಪೂರ್ಣಾಹುತಿಗೆ ಬಿಳಿ ವಸ್ತ, ಎಳ್ಳು, ಪಂಚಧಾನ್ಯ, ತುಪ್ಪ, ತೆಂಗಿನಕಾಯಿ ಮೊದಲಾದ ಮಂಗಲದೃವ್ಯ ಸಮರ್ಪಣೆಗೆ ಅವಕಾಶವಿದ್ದು, ಈ ಅವಕಾಶವನ್ನು ಉಪಯೋಗಿಸಿಕೊಳ್ಳಬೇಕು. ತರಕಾರಿ, ಧವಸ-ಧಾನ್ಯಗಳನ್ನು ಮಾರ್ಚ 7ರವರೆಗೆ ಸ್ವೀಕರಿಸಲಾಗುತ್ತದೆ’ ಎಂದು ದೇಗುಲ ಸಮಿತಿಯವರು ತಿಳಿಸಿದ್ದಾರೆ.
- [ರೋಗಿಗಳ ಮನದಾಳ ಅರಿತ ರೋಟರಿ ಕ್ಲಬ್: ಕಾರವಾರ ಪಶ್ಚಿಮ ವಿಭಾಗದಿಂದ 3 ಲಕ್ಷ ರೂ ಉಪಕರಣ ಕೊಡುಗೆ](https://mobiletime.in/2026/03/rotary-club-understands-the-hearts-of-patients-karwar-west-division-donates-rs-3-lakh/): ಬಡ ರೋಗಿಗಳ ಸಂಕಷ್ಟ ಅರಿತ ರೋಟರಿ ಕ್ಲಬ್ ಆಫ್ ಕಾರವಾರ ಪಶ್ಚಿಮ ವಿಭಾಗದವರು ಕಾರವಾರದ ಐಡಿಬಿಐ ಬ್ಯಾಂಕ್ ಸಹಯೋಗದಲ್ಲಿ ಸರ್ಕಾರಿ ಆಯುರ್ವೇದ ಆಸ್ಪತ್ರೆಗೆ 3 ಲಕ್ಷ ರೂ ಮೌಲ್ಯದ ವೈದ್ಯಕೀಯ ಉಪಕರಣಗಳನ್ನು ಕೊಡುಗೆಯಾಗಿ ನೀಡಿದ್ದಾರೆ. ಈ ಉಪಕರಣಗಳು ಆಸ್ಪತ್ರೆಯ ಸೇವೆಗೆ ಅಗತ್ಯವಾಗಿದ್ದು, ರೋಗಿಗಳಿಗೆ ಅನುಕೂಲ ಮಾಡಿಕೊಟ್ಟಿದೆ. ಸರ್ಕಾರಿ ಆಯುರ್ವೇದ ಆಸ್ಪತ್ರೆಗೆ ರೋಟರಿ ಕ್ಲಬ್ ಆಫ್ ಕಾರವಾರ ಪಶ್ಚಿಮ ವಿಭಾಗದವರು ವಾಷ್ಪ ಚಿಕಿತ್ಸೆ ಯಂತ್ರವನ್ನು ನೀಡಿದ್ದಾರೆ. ಇದರೊಂದಿಗೆ ಪಂಚಕರ್ಮ ಮಸಾಜ್ ಮಂಚ ಹಾಗೂ ಬಸ್ತಿ ಚಿಕಿತ್ಸಾ ಯಂತ್ರಗಳನ್ನು ಕೊಡಗೆಯಾಗಿ ಕೊಟ್ಟಿದ್ದಾರೆ. ಕ್ಲಬ್ಬಿನ ಅಧ್ಯಕ್ಷ ಅಕ್ಷಯ ಅವರು ಈ ಸಲಕರಣೆಗಳನ್ನು ವಿತರಿಸಿದ್ದು, ಕ್ಲಬ್ಬಿನ ಖಜಾಂಚಿ ರತ್ನಾಕರ, ಕಾರವಾರ ಐಡಿಬಿಐ ಬ್ಯಾಂಕ್ ಕಾರವಾರ ಶಾಖೆಯ ವ್ಯವಸ್ಥಾಪಕ ಪ್ರಸನ್ನ ಭಟ್ ಅವರು ಈ ಸನ್ನಿವೇಶಕ್ಕೆ ಸಾಕ್ಷಿಯಾಗಿದ್ದಾರೆ. ಕಾರ್ಯಕ್ರಮದಲ್ಲಿ ವಿಶೇಷ ಅತಿಥಿಗಳಾಗಿ ಅಶೋಕ ನಾಯ್ಕ ಹಾಗೂ ಡಾ ಪ್ರವೀಣ, ಸಂಜೀವ ಅವರು ಭಾಗವಹಿಸಿದ್ದು, ಅವರು ಸಂಸ್ಥೆಯ ಸಾಮಾಜಿಕ ಕಾಳಜಿಯ ಬಗ್ಗೆ ಮೆಚ್ಚುಗೆವ್ಯಕ್ತಪಡಿಸಿದರು. ಕಾರ್ಯಕ್ರಮ ಸಂಘಟನೆಯಲ್ಲಿ ಪ್ರೀತಮ್ ಅವರು ತೊಡಗಿಸಿಕೊಂಡಿದ್ದರು. ರೋಟರಿ ಕ್ಲಬ್ ಆಫ್ ಕಾರವಾರ ಪಶ್ಚಿಮ ವಿಭಾಗದ ಪದಾಧಿಕಾರಿಗಳಾದ ಧರ್ಮೇಶ್, ದಿನೇಶ್, ಲಕ್ಷ್ಮೀಕಾಂತ್, ಡೆಮಿ, ಪ್ರಜ್ಞಾ, ರಾಜು ಪಾಟೀಲ್, ಮಹಬೂಬ್, ಅರವಿಂದ್, ಜಿತೇಂದ್ರ ಹಾಗೂ ನಿತಿನ್ ಸೇರಿದಂತೆ ಹಲವು ಸದಸ್ಯರು ಉಪಸ್ಥಿತರಿದ್ದರು. ಸಮಾಜಮುಖಿ ಕಾರ್ಯಗಳ ಮೂಲಕ ಆರೋಗ್ಯ ಕ್ಷೇತ್ರಕ್ಕೆ ನೆರವು ನೀಡುತ್ತಿರುವ ಕ್ಲಬ್‌ನ ಈ ಪ್ರಯತ್ನವನ್ನು ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
- [ಮಂಜಗುಣಿ ದೇಗುಲ: ಸಮರ್ಪಣಾ ಸಮಾರಂಭಕ್ಕೆ ಸಕಲ ಸಿದ್ಧತೆ](https://mobiletime.in/2026/03/manjaguni-temple-all-preparations-for-dedication-ceremony/): `ಭೂ ವೈಕುಂಠ’ ಎಂದೇ ಪ್ರಸಿದ್ಧಿಪಡೆದಿರುವ ಶಿರಸಿಯ ಶ್ರೀಕ್ಷೇತ್ರ ಮಂಜಗುಣಿ ವೆಂಕಟ್ರಮಣ ದೇವಸ್ಥಾನದ ಅಭಿವೃದ್ಧಿ ಕೆಲಸಗಳು ಜೋರಾಗಿದೆ. ಈಗಾಲೇ ಪೂರ್ಣಗೊಂಡಿರುವ ಜೀಣೋದ್ಧಾರ ಹಾಗೂ ನೂತನ ಅಭಿವೃದ್ಧಿ ಕಾರ್ಯಗಳ ಸಮರ್ಪಣಾ ಸಮಾರಂಭವನ್ನು ಮಾರ್ಚ 8ರಂದು ನಡೆಸಲು ಆಡಳಿತ ಮಂಡಳಿ ನಿರ್ಧರಿಸಿದೆ. ಈ ಕುರಿತು ದೇವಸ್ಥಾನದ ಪ್ರಧಾನ ಅರ್ಚಕ ಶ್ರೀನಿವಾಸ ಭಟ್ಟ ಮಂಜುಗುಣಿ ಅವರು ಮಾಹಿತಿ ನೀಡಿದ್ದು, ಸರ್ವ ಭಕ್ತರನ್ನು ಕಾರ್ಯಕ್ರಮಕ್ಕೆ ಆಮಂತ್ರಿಸಿದ್ದಾರೆ. `ದೇಗುಲ ಕಟ್ಟಡಗಳ ಜೀರ್ಣೋದ್ಧಾರ ಕೆಲಸ 2000ನೇ ಇಸ್ವಿಯಿಂದ ಶುರುವಾಗಿದ್ದು ನಿತ್ಯ ಪ್ರಸಾದ ಭೋಜನ ವ್ಯವಸ್ಥೆ, ಗೋಶಾಲೆ, ತೀರ್ಥಕೆರೆಗಳ ನವೀಕರಣ, ಬೆಳ್ಳಿಯ ಅಶ್ವರಥ, ಮಹಾರಥದ ಜೀರ್ಣೋದ್ಧಾರ ಕೆಲಸಗಳು ನೆರವೇರಿದೆ. ಪ್ರಸ್ತುತ ರಜತಮಯ ಶಿಖರ ಕಲಶ, ವಿಮಾನ ವೇಂಕಟೇಶ ಪ್ರತಿಷ್ಠೆ ಹಾಗೂ ಕರ್ನಾಟಕದಲ್ಲಿಯೇ ಅತಿ ವಿಸ್ತಾರವೆನಿಸಿದ ಸಂರಕ್ಷಣಾ ಪಟದಂತಹ ಅಪೂರ್ವ ಕಾರ್ಯಗಳು ಲೋಕಾರ್ಪಣೆಗೊಳ್ಳಲಿವೆ’ ಎಂದವರು ವಿವರಿಸಿದ್ದಾರೆ. `ಮಾರ್ಚ 7ರ ಶನಿವಾರದಂದು ಪೂರ್ವಾಂಗ ಧಾರ್ಮಿಕ ವಿಧಿವಿಧಾನಗಳು ಜರುಗಲಿವೆ. ಮಾರ್ಚ 8ರ ಭಾನುವಾರ ಬೆಳಿಗ್ಗೆಯಿಂದ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ. ಬೆಳಿಗ್ಗೆ 9.30ಕ್ಕೆ ನೂತನ ರಜತಮಯ (ಬೆಳ್ಳಿ) ಶಿಖರ ಕಲಶ ಸ್ಥಾಪನೆ, 10:15ಕ್ಕೆ ಶಿಖರ ಕಲಶದಲ್ಲಿ ವಿಮಾನ ವೇಂಕಟೇಶ ದೇವರ ಪ್ರತಿಷ್ಠಾಪನೆ, 10.20ಕ್ಕೆ 185 ಅಡಿ ಉದ್ದ ಹಾಗೂ 111 ಅಡಿ ಅಗಲದ ಬೃಹತ್ ಸಂರಕ್ಷಣಾ ಪಟದ ಸಮರ್ಪಣೆ ಆಗಲಿದೆ. ಇದು ಕರ್ನಾಟಕದಲ್ಲಿಯೇ ಅತ್ಯಂತ ವಿಸ್ತಾರವಾದ ಆಚ್ಛಾದನೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ’ ಎಂದವರು ಹೆಮ್ಮೆಯಿಂದ ಹೇಳಿದ್ದಾರೆ. `ಬೆಳಿಗ್ಗೆ 10.35ಕ್ಕೆ ನೂತನವಾಗಿ ನಿರ್ಮಾಣಗೊಂಡ ಬೆಳ್ಳಿಯ ಭೂ ವೈಕುಂಠದ್ವಾರ ಮಂಟಪ ಪ್ರವೇಶ ಹಾಗೂ ಶಿಲಾಮಯ ಗಜಮಿಥುನಗಳ ಸಮರ್ಪಣೆ ಎಂದು ತಿಳಿಸಿದ ಅವರು ಮಧ್ಯಾಹ್ನ 12.45ಕ್ಕೆ ತೀರ್ಥಪ್ರಸಾದ ಹಾಗೂ ಅನ್ನಪ್ರಸಾದ ವಿತರಣೆ ನಡೆಯಲಿದೆ’ ಎಂದವರು ವಿವರಿಸಿದ್ದಾರೆ. ಅಂದು ಮಧ್ಯಾಹ್ನ 1:30ರಿಂದ ಭಜನಾ ಕಾರ್ಯಕ್ರಮ ಹಾಗೂ 3:30ಕ್ಕೆ ಭಕ್ತಾನುಗ್ರಹ ಸಭಾ ಜರುಗಲಿದೆ. ಕರ್ನಾಟಕ ಉಚ್ಚ ನ್ಯಾಯಾಲಯದ ನ್ಯಾಯಮೂರ್ತಿ ಶಂಕರ ಜಿ ಪಂಡಿತ್ ಅವರು ಭಾಗವಹಿಸಲಿದ್ದಾರೆ. ಭೂ ವೈಕುಂಠ ದ್ವಾರ ಮಂಟಪಕ್ಕೆ ರೂಪಾಯಿ 5000 ಮೇಲ್ಪಟ್ಟು ನೀಡಿದ ದಾನಿಗಳಿಗೆ ವಿಶೇಷ ಸೇವಾಕರ್ತರಿಗೆ, ಅಭಿಯಂತರರಿಗೆ, ಹಾಗೂ ಶಿಲ್ಪಿಗಳಿಗೆ ಶ್ರೀದೇವರ ಪ್ರಸಾದ ವಿತರಣೆ ಹಾಗೂ ಸಂಜೆ 5.30ಕ್ಕೆ ತುಳಸಿ ಹೆಗಡೆ ಮತ್ತು ತಂಡದಿAದ ವಿಶ್ವಾಭಿಗಮನಮ್ ಯಕ್ಷ ನೃತ್ಯ ರೂಪಕ ಪ್ರಸ್ತುತಿ ಆಗಲಿದೆ’ ಎಂದವರು ಮಾಹಿತಿ ನೀಡಿದ್ದಾರೆ.
- [ದೇವಿಯ ಪ್ರೀತಿಗೆ ಪಾತ್ರರಾಗೋಣ ಬನ್ನಿ!](https://mobiletime.in/2026/03/come-let-us-be-recipients-of-the-goddess-love/): ಭಕ್ತರ ನಂಬಿಕೆಗೆ ತಕ್ಕ ಹಾಗೇ ಭಕ್ತಿಯಿಂದ ನಡೆದುಕೊಳ್ಳುವವರ ಇಷ್ಟಾರ್ಥ ಪೂರೈಸುತ್ತಿರುವ ದೇವಿಗಳಲ್ಲಿ ಯಲ್ಲಾಪುರ ಕಾಳಮ್ಮ ನಗರದಲ್ಲಿರುವ ಕಾಳಮ್ಮ ದೇವಿಯೂ ಒಂದು. ಕಾಳಮ್ಮ ದೇವಿಯ ವರ್ಧಂತಿ ಉತ್ಸವಕ್ಕೆ ದಿನ ನಿಗದಿಯಾಗಿದ್ದು, ಕಾಳಮ್ಮ ನಗರದಲ್ಲಿ ಈ ಬಾರಿ ಮೂರು ದಿನಗಳ ಕಾಲ ಧಾರ್ಮಿಕ-ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿದೆ. ದೇವಸ್ಥಾನದ ಆಡಳಿತ ಸಮಿತಿ ಅಧ್ಯಕ್ಷ ಉದಯ ನಾಯ್ಕ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಕಾಳಮ್ಮನಗರದ ಕಾಳಮ್ಮದೇವಿ ದೇವಸ್ಥಾನದಲ್ಲಿ ವರ್ಧಂತಿ ಉತ್ಸವ ಮಾ 8ರಿಂದ 10ರವರೆಗೆ ನಡೆಯಲಿದೆ. ಅದರ ಅಂಗವಾಗಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ’ ಎಂದವರು ಹೇಳಿದ್ದಾರೆ. ಈ ಎಲ್ಲಾ ಕಾರ್ಯಕ್ರಮಗಳಿಗೂ ಅವರು ಸರ್ವರನ್ನು ಗೌರವದಿಂದ ಆಮಂತ್ರಿಸಿದ್ದಾರೆ. `ಉತ್ಸವದ ಅಂಗವಾಗಿ ಮಾ 8ರಂದು ಗಣಪತಿ ಪುಣ್ಯಾಹ, ಮಹಾಸಂಕಲ್ಪ, ಗಣಹವನ ನಡೆಯಲಿದೆ. ಮಾರ್ಚ 9ರಂದು ನವಚಂಡಿ ಹವನ, ಮಧ್ಯಾಹ್ನ ಸಾರ್ವಜನಿಕ ಅನ್ನ ಸಂತರ್ಪಣೆ ನಡೆಯಲಿದೆ. ಅರ್ಚಕರಾದ ರಾಮಚಂದ್ರ ಭಟ್ಟ ಹಾಗೂ ರಾಮಚಂದ್ರ ಹೆಗಡೆ ಅವರ ನೇತೃತ್ವದಲ್ಲಿ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ’ ಎಂದವರು ವಿವರಿಸಿದ್ದಾರೆ. ದೇಗುಲ ಆಡಳಿತ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಸಂಜೀವಕುಮಾರ ಹೊಸ್ಕೇರಿ ಅವರು ಮಾತನಾಡಿ, `ಉತ್ಸವದ ಪ್ರಯುಕ್ತ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನೂ ಆಯೋಜಿಸಲಾಗಿದೆ. ಮಾರ್ಚ 8ರಂದು ರಾತ್ರಿ 8ಕ್ಕೆ ಚಿನ್ನು ಮೆಲೊಡೀಸ್ ಅವರಿಂದ ರಸಮಂಜರಿ, ಮಾರ್ಚ 9ರಂದು ರಾತ್ರಿ 8.30ಕ್ಕೆ ಅನಂತ ಹೆಗಡೆ ದಂತಳಿಗೆ ಅವರ ಸಂಯೋಜನೆಯಲ್ಲಿ ಭೌಮಾಸುರ ಕಾಳಗ-ಪಾರಿಜಾತ ಯಕ್ಷಗಾನ ಪ್ರದರ್ಶನ, ಮಾರ್ಚ 10ರಂದು ಸಂಜೆ 7ಕ್ಕೆ ಮನೋಜ ಪಾಟೀಲ ನೇತೃತ್ವದಲ್ಲಿ ರಸಮಂಜರಿ ನಡೆಯಲಿದೆ’ ಎಂಬ ಮಾಹಿತಿ ನೀಡಿದ್ದಾರೆ. ದೇವಸ್ಥಾನ ಸಮಿತಿ ಉಪಾಧ್ಯಕ್ಷ ನವೀನ ನಾಯ್ಕ, ಸದಸ್ಯ ಸಚಿನ ಅಡಿಗೋಣ, ತ್ರಿಶೂಲ ಬಳಗದ ಸದಸ್ಯ ರಮೇಶ ಕಮ್ಮಾರ ಇತರರು ಸರ್ವ ಭಕ್ತರನ್ನು ಈ ಎಲ್ಲಾ ಕಾರ್ಯಕ್ರಮಕ್ಕೆ ಆಮಂತ್ರಿಸಿದ್ದಾರೆ.
- [ಬ್ಯಾಂಕ್ ದಾಖಲೆ ಪಡೆದು ವಂಚನೆ!](https://mobiletime.in/2026/03/fraud-by-obtaining-bank-records/): ಬ್ಯಾoಕ್ ಖಾತೆಯ ದಾಖಲೆಗಳನ್ನು ನಕಲಿ ಸಹಿ ಹಾಗೂ ದಾಖಲೆಗಳ ಮೂಲಕ ಪಡೆದು ವಂಚನೆ ನಡೆಸಿದ ಆರೋಪದಡಿ ಭಟ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಬಂದರ್ ರೋಡ್ 1ನೇ ಕ್ರಾಸ್, ಮಸ್ಕತ್ ಕಾಲೋನಿ ನಿವಾಸಿ ಸಮೀರಾ ತಂದೆ ಅಬ್ದುಲ್ ಮೊಹತೆಶಾಮ್ (41) ಅವರು ಠಾಣೆಗೆ ಹಾಜರಾಗಿ ದೂರು ನೀಡಿದ್ದಾರೆ. ದೂರಿನ ಪ್ರಕಾರ, ಇಶಾಕ್ ದಾವೂದ್ ಕಾಲೋ ಎಂಬಾತನು ಬ್ಯಾಂಕ್ ಖಾತೆಯ ದಾಖಲೆಗಳನ್ನು ಪಡೆಯುವ ಉದ್ದೇಶದಿಂದ ಅವರ ಹೆಸರಿನಲ್ಲಿ ಮತ್ತೊಬ್ಬ ಮಹಿಳೆಯನ್ನು ಎಸ್‌ಬಿಐ ಭಟ್ಕಳ ಶಾಖೆಗೆ ಕರೆದುಕೊಂಡು ಹೋಗಿ, ಸೃಷ್ಟಿಸಿದ ಸಹಿಯೊಂದಿಗೆ ಅರ್ಜಿ ಸಲ್ಲಿಸಿದ್ದಾನೆ ಎನ್ನಲಾಗಿದೆ. ನಕಲಿ ದಾಖಲೆಗಳನ್ನು ಒದಗಿಸಿ ಖಾತೆ ಸಂಬAಧಿತ ದಾಖಲೆಗಳನ್ನು ಮೋಸದಿಂದ ಪಡೆದುಕೊಂಡಿದ್ದಾನೆ ಎಂದು ಆರೋಪಿಸಲಾಗಿದೆ. ಇದಲ್ಲದೆ, ಆ ದಾಖಲೆಗಳನ್ನು ಆಧರಿಸಿ ಧಾರವಾಡ ಉಚ್ಚ ನ್ಯಾಯಾಲಯದಲ್ಲಿ ರಿಟ್ ಪಿಟಿಷನ್ ದಾಖಲಿಸಿ ದೂರುದಾರರಿಗೆ ವಂಚನೆ ಎಸಗಲಾಗಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.  
- [ಜನಮನಸೆಳೆದ ಮೈಟಿ ಕಿಡ್ಸ ಸ್ನೇಹ ಸಮ್ಮೇಳನ](https://mobiletime.in/2026/03/mighty-kids-friendship-conference-attracts-attention/): ಕಾರವಾರದ ನಂದನಗದ್ದಾದಲ್ಲಿ ಪದ್ಮನಾಭ ಪ್ರಸಾದ ಏಜ್ಯುಕೇಶನ್ ಸೊಸೈಟಿಯ ಮೈಟಿ ಕಿಡ್ಸ ಪೂರ್ವ ಪ್ರಾಥಮಿಕ ಶಾಲೆಯ ಎಂಟನೇ ವಾರ್ಷಿಕ ಸ್ನೇಹ ಸಮ್ಮೇಳನ ಬಾಡದ ಬೃಂದಾವನ ಸಭಾಂಗಣದಲ್ಲಿ ನಡೆದಿದ್ದು, ಚಿಣ್ಣರ ಕಾರ್ಯಕ್ರಮಗಳು ನೋಡುಗರ ಕಣ್ಮನ ಸೆಳೆದಿವೆ. ಈ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ದಲಿತ ಸಾಹಿತ್ಯ ಪರಿಷತ್ತಿನ ಕಾರ್ಯಾಧ್ಯಕ್ಷರಾದ ಗಣೇಶ ಬಿಷ್ಟಣ್ಣನವರ ಅವರು `ನಂದಗೋಕುಲದ ವೇದಿಕೆ ನಂದಕೋಗುಲವನ್ನೇ ಸೃಷ್ಠಿ ಮಾಡಿದೆ. ಚಿಣ್ಣರ ಕಲರವ ಕರ್ಣಗಳಲ್ಲಿ ನಾವಿನ್ಯತೆಯ ಕಂಪನ್ನು ತರುತ್ತಿದೆ’ ಎಂದು ಬಣ್ಣಿಸಿದ್ದಾರೆ. `ಸಹೋದರಿ ಸುಮಾ ಎಲಿಗಾರವರ ಶ್ರಮ ಸಾರ್ಥಕವಾಗಿದ್ದು, ಮಕ್ಕಳನ್ನು ಜ್ಞಾನದ ಕಣಜವಾಗಿ ಮಾಡುವ ಹೊಣೆಗಾರಿಕೆ ನಮ್ಮೆಲ್ಲರ ಮೇಲಿದೆ’ ಎಂದು ಹೇಳಿದ್ದಾರೆ. ಇ ಎಸ್ ಐ ಹಾಸ್ಪಿಟಲ್ ಕಾರವಾರದ ವೈದ್ಯಾಧಿಕಾರಿಗಳಾದ ಡಾ ರೇಣು ಎಮ್ ಡಿ ಅವರು `ಬಾಲ್ಯದ ದಿನಗಳು ಜೀವನದ ಅಮೂಲ್ಯವಾದ ದಿನಗಳುಬದುಕಿನುದ್ದಕ್ಕೂ ನಮ್ಮೊಂದಿಗೆ ಮೆಲುಕು ಹಾಕುತ್ತವೆ’ ಎಂದು ಬಾಲ್ಯದ ದಿನಗಳನ್ನು ಸ್ಮರಿಸಿದ್ದಾರೆ. `ಪಾಲಕರು ಮಕ್ಕಳ ಮೇಲೆ ಒತ್ತಡ ಹೇರಬೇಡಿ’ ಎಂದವರು ಮನವಿ ಮಾಡಿದ್ದಾರೆ. ಕಾರವಾರ ನಗರಸಭೆ ಸ್ಥಾಯಿ ಸಮಿತಿಯ ಮಾಜಿ ಅಧ್ಯಕ್ಷ ಮನೋಜ ಬಾಂದೇಕರ ಅವರು `ನಮ್ಮ ಕಾರವಾರದಲ್ಲಿರುವ ಉತ್ತಮ ಪೂರ್ವ ಪ್ರಾಥಮಿಕ ಶಾಲೆಯ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ಹೆಮ್ಮೆ ಎನಿಸಿದೆ. ಈ ಶಾಲೆಯ ಪ್ರಾಚಾರ್ಯರು ಹಾಗೂ ಎಲ್ಲಾ ಶಿಕ್ಷಕರ ಪ್ರಾಮಾಣಿಕ ಸೇವೆ ಯಶಸ್ಸಿಗೆ ಕಾರಣ’ ಎಂದಿದ್ದಾರೆ. ನಿವೃತ್ತ ಜಂಟಿ ನಿರ್ದೇಶಕರಾದ ಮಾರುತಿ ಯಲಿಗಾರ ಅವರು `ಉತ್ತಮ ಭವಿಷ್ಯಕ್ಕೆ ಉತ್ತಮ ಶಿಕ್ಷಣ ಅಗತ್ಯ’ ಎಂದಿದ್ದಾರೆ. ಪ್ರಾಚಾರ್ಯರಾದ ಸುಮಾ ಯಲಿಗಾರ ಅವರು ಅಧ್ಯಕ್ಷತೆವಹಿಸಿದ್ದರು. ಸೆಂಟ್ ಜೋಸೆಫ್ ಕಾಲೇಜಿನ ಉಪನ್ಯಾಸಕರಾದ ಜಯಶೀಲಾ ಗಣೇಶ ಬಿಷ್ಟಣ್ಣನವರ ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳಾದ ಗೌರವ ನಾಯ್ಕ ಹಾಗೂ ಉನೈಜಾ ಸುಲ್ತಾನ ಅವರ ನೃತ್ಯಗಳಂತೂ ನೆರೆದವರನ್ನು ರಂಜಿಸಿದವರು. ಸುಕೀರ್ತಿ ಯಲಿಗಾರ ಸ್ವಾಗತಿಸಿದರು. ದೀಪಾ ಸೋನಿ ನಿರೂಪಿಸಿದರು. ಸೃಷ್ಟಿ ಯಲಿಗಾರ ವರದಿ ವಾಚಿಸಿದರು. ಸುಮಾ ಕುಡ್ತರಕರ್ ವಂದಿಸಿದರು. ಸೌಮ್ಯ ವೈಗಂಕರ್, ನಂದಿತಾ ಮೇತ್ರಿ, ದೀಪಾ ಹುಲಸ್ವಾರ, ಸ್ಮೀತಾ ಉಳ್ವೇಕರ್, ಅನಿರುದ್ದ ಕಾಂಬ್ಳೆ ಕಾರ್ಯಕ್ರಮ ಸಂಘಟಿಸಿದ್ದರು.
- [ಆಹಾರ ಒದಗಿಸುವಲ್ಲಿ ಲೋಪ: ಸಿಬ್ಬಂದಿ ವಿರುದ್ಧ ಕಠಿಣ ಕ್ರಮ!](https://mobiletime.in/2026/03/lapse-in-providing-food-strict-action-against-staff/): ಶಾಲೆಯಲ್ಲಿ ನೀಡುವ ಬಿಸಿಯೂಟ, ವಿದ್ಯಾರ್ಥಿ ನಿಲಯದಲ್ಲಿ ಕೊಡುವ ಆಹಾರ ಹಾಗೂ ಅಪೌಷ್ಠಿಕ ಮಕ್ಕಳಿಗೆ ಸರ್ಕಾರದಿಂದ ಸರಬರಾಜಾಗುವ ಪೌಷ್ಠಿಕ ಆಹಾರ ವಿತರಣೆಯಲ್ಲಿ ಲೋಪ ಎಸಗಿದ ನೌಕರರ ವಿರುದ್ಧ ಕರ್ನಾಟಕ ರಾಜ್ಯ ಆಹಾರ ಆಯೋಗ ಕಠಿಣ ಕ್ರಮ ಜರುಗಿಸಿದೆ. ಈಬಗ್ಗೆ ಕರ್ನಾಟಕ ರಾಜ್ಯ ಆಹಾರ ಆಯೋಗದ ಅಧ್ಯಕ್ಷ ಹೆಚ್ ಕೃಷ್ಣ ಅವರು ಮಾಹಿತಿ ನೀಡಿದ್ದು, ತಪ್ಪು ಮಾಡಲು ಬಯಸುವವರಿಗೆ ಎಚ್ಚರಿಕೆಯ ಸಂದೇಶ ರವಾನಿಸಿದ್ದಾರೆ. ಕಾರವಾರದ ಬಜಾರ್ ಶಾಲೆಯಲ್ಲಿ ಶಾಲಾ ಮಕ್ಕಳಿಗೆ ಬಿಸಿಯೂಟ ವಿತರಣೆ ಮತ್ತು ಸ್ವಚ್ಛತೆ ಕಾಪಾಡುವ ಕಾರ್ಯದಲ್ಲಿ ನಿರ್ಲಕ್ಷö್ಯವಹಿಸಿದ ಶಿಕ್ಷಕರ ವಿರುದ್ದ ಕ್ರಮ ಕೈಗೊಳ್ಳುವಂತೆ ಶಿಕ್ಷಣ ಇಲಾಖೆ ಅಧಿಕಾರಿಗಳಿಗೆ ಅವರು ಸೂಚಿಸಿದ್ದಾರೆ. ಅಲ್ಲಿ ಲೋಪ ಎಸಗಿದ ಶಿಕ್ಷಕರಿಗೆ 15 ದಿನಗಳ ಕಡ್ಡಾಯ ರಜೆಯ ಶಿಕ್ಷೆನೀಡಿದ್ದಾರೆ. ಅಮದಳ್ಳಿಯ ಬಿ ಆರ್ ಅಂಬೇಡ್ಕರ್ ಬಾಲಕಿಯರ ವಸತಿ ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ಗುಣಮಟ್ಟದ ಆಹಾರ ನೀಡದ ಸಿಬ್ಬಂದಿಗೆ ಮತ್ತು ಕ್ರಿಮ್ಸ್ ನಲ್ಲಿ ತೀವ್ರ ಅಪೌಷ್ಠಿಕತೆಯಿಂದ ಬಳಲುತ್ತಿರುವ ಮಕ್ಕಳಿಗೆ ನೀಡುವ ಆಹಾರದ ಕುರಿತಂತೆ ನಿರ್ಲಕ್ಯ ತೋರಿದ ವೈದ್ಯರಿಗೆ ಸಂಬAದಪಟ್ಟ ಹಿರಿಯ ಅಧಿಕಾರಿಗಳ ಮೂಲಕ ಕಾರಣ ಕೇಳಿ ನೋಟಿಸ್ ಜಾರಿಗೊಳಿಸಲಾಗಿದೆ. `ಜಿಲ್ಲೆಯ ಎಲ್ಲಾ ವಿದ್ಯಾರ್ಥಿ ನಿಲಯಗಳಲ್ಲಿ ಊಟದ ವ್ಯವಸ್ಥೆ , ಸಾರ್ವಜನಿಕ ಪಡಿತರ ಆಹಾರ ವಿತರಣೆ, ಶಾಲೆಗಳಲ್ಲಿ ಬಿಸಿಯೂಟ, ಅಂಗನವಾಡಿಗಳಲ್ಲಿ ಆಹಾರ ನೀಡಿಕೆ, ವಿದ್ಯ್ಯಾರ್ಥಿ ನಿಲಯಗಳಲ್ಲಿ ಆಹಾರ ವಿತರಣೆ, ಗರ್ಭಿಣಿ ಮತ್ತು ಬಾಣಂತಿಯರಿಗೆ ನೀಡುವ ಪೌಷ್ಠಿಕ ಆಹಾರ, ತೀವ್ರ ಅಪೌಷ್ಠಿಕತೆಯಿಂದ ಬಳಲುತ್ತಿರುವ ಮಕ್ಕಳಿಗೆ ನೀಡುವ ಆಹಾರ, ಆಹಾರ ಪದಾರ್ಥಗಳ ದಾಸ್ತಾನು ಸೇರಿದಂತೆ ಆಹಾರ ವಿತರಣಾ ವ್ಯವಸ್ಥೆಯ ಪ್ರಕ್ರಿಯೆಗಳಲ್ಲಿ ಯಾವುದೇ ಲೋಪಗಳು ಕಂಡುಬಾರದAತೆ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು ಕಾರ್ಯನಿರ್ವಹಿಸಬೇಕು’ ಎಂದು ಕೃಷ್ಣ ಅವರು ಸೂಚಿಸಿದ್ದಾರೆ. ಕರ್ನಾಟಕ ರಾಜ್ಯ ಆಹಾರ ಆಯೋಗದಿಂದ 3 ದಿನಗಳ ಕಾಲ ಜಿಲ್ಲೆಯಲ್ಲಿ ಪಡಿತರ ದಾಸ್ತಾನು ಕೇಂದ್ರಗಳು, ಶಾಲೆ ಮತ್ತು ಅಂಗನವಾಡಿಗಳು, ಹಾಸ್ಟೆಲ್‌ಗಳು, ಆಸ್ಪತ್ರೆಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ ಅವರು ಭೇಟಿ ಸಂದರ್ಭದಲ್ಲಿ ಕಂಡುಬರುವ ನ್ಯೂನತೆಗಳ ಕುರಿತಂತೆ ವರದಿಯನ್ನು ಸಿದ್ದಪಡಿಸಿದ್ದಾರೆ. `ಈ ವರದಿಯಲ್ಲಿನ ಲೋಪಗಳನ್ನು ಅಧಿಕಾರಿಗಳು ಸರಿಪಡಿಸುವ ಕಾರ್ಯ ಮಾಡುವ ಮೂಲಕ ಪ್ರತಿಯೊಬ್ಬರಿಗೂ ಆಹಾರದ ಹಕ್ಕಿನ ಸಂಪೂರ್ಣ ಪ್ರಯೋಜನ ದೊರೆಯುವಂತೆ ಮಾಡಬೇಕು’ ಎಂದು ಸೂಚಿಸಿದ್ದಾರೆ. `ಆಹಾರ ಸಿದ್ದಪಡಿಸುವ ಕೇಂದ್ರಗಳಲ್ಲಿ ಸ್ವಚ್ಛತೆ ಕಾಪಾಡಬೇಕು. ಇಲ್ಲಿ ಕಾರ್ಯನಿರ್ವಹಿಸುವ ಸಿಬ್ಬಂದಿಗಳಿಗೆ ಕಡ್ಡಾಯವಾಗಿ ಆರೋಗ್ಯ ತಪಾಸಣೆ ಮಾಡಿಸಬೇಕು. ಗೋದಾಮುಗಳಲ್ಲಿ ಆಹಾರ ಶೇಖರಣೆಯನ್ನು ವೈಜ್ಞಾನಿಕ ರೀತಿಯಲ್ಲಿ ನಿರ್ವಹಿಸಬೇಕು. ಆಹಾರ ತಯಾರಿಕಾ ಮಾದರಿಗಳನ್ನು ಆಗಾಗ್ಗೆ ಕಡ್ಡಾಯವಾಗಿ ತಪಾಸಣೆಗೆ ಒಳಪಡಿಸಬೇಕು. ಉತ್ತಮ ಗುಣಮಟ್ದ ಆಹಾರವನ್ನು ಸರಬರಾಜು ಮಾಡಬೇಕು’ ಎಂದು ಅವರು ನಿರ್ದೇಶನ ನೀಡಿದರು.
- [ಕುಸುಮ ಯೋಜನೆ ಗಗನ ಕುಸುಮವಲ್ಲ!](https://mobiletime.in/2026/03/the-safflower-project-is-not-a-sky-high-safflower/): ಪದೇ ಪದೇ ವಿದ್ಯುತ್ ಕಡಿತದಿಂದ ಸಮಸ್ಯೆ ಅನುಭವಿಸುವ ರೈತರಿಗಾಗಿ ಸರ್ಕಾರ `ಕುಸುಮ್-ಬಿ’ ಯೋಜನೆಯನ್ನು ಜಾರಿಗೆ ತಂದಿದೆ. ಸೋಲಾರ್ ಪಂಪ್‌ಸೆಟ್ ಆಧಾರಿತವಾಗಿರುವ ಯೋಜನೆಗೆ ಸರ್ಕಾರದಿಂದ ಶೇ 80ರಷ್ಟು ಸಬ್ಸಿಡಿ ಸಿಗುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ 23 ರೈತರು ಈ ಯೋಜನೆಯ ಪ್ರಯೋಜನಪಡೆದಿದ್ದಾರೆ. ಇನ್ನಷ್ಟು ಜನ ಅರ್ಜಿ ಸಲ್ಲಿಸಿದ್ದು, ಅವರ ಕ್ಷೇತ್ರ ಭೇಟಿಯ ಸಮೀಕ್ಷೆ ನಡೆದಿದೆ. ನೀರಾವರಿಗೆ ಸಾಂಪ್ರದಾಯಿಕ ವಿದ್ಯುತ್ ಅವಲಂಬನೆಯನ್ನು ಕಡಿಮೆ ಮಾಡಿ ಸೌರಶಕ್ತಿಯ ಬಳಕೆ ಮೂಲಕ ರೈತರು ಸ್ವಾವಲಂಬನೆ ಸಾಧಿಸಲು ಕುಸುಮ್ ಬಿ ಯೊಜನೆ ರೂಪಿಸಲಾಗಿದೆ. ಈ ಯೋಜನೆಯ ಮೂಲಕ ಕೃಷಿ ಕ್ಷೇತ್ರವನ್ನು ಲಾಭದಾಯಕವಾಗಿಸಲು ಮತ್ತು ಸೌರಶಕ್ತಿ ಬಳಕೆಯ ಉತ್ತೇಜನ ಮಾಡಲು ಸರ್ಕಾರ ಈ ಯೋಜನೆ ರೂಪಿಸಿದೆ. ಮೊದಲು ಈ ಯೋಜನೆ ಮೂಲಕ ಸೌರ ಕೃಷಿ ಪಂಪ್‌ಸೆಟ್ ಅಳವಡಿಸಲು ಶೇ 30ರಷ್ಟು ಸಬ್ಸಿಡಿ ಸಿಗುತ್ತಿದ್ದು, ನಂತರ ಶೇ 50ಕ್ಕೆ ಹೆಚ್ಚಿಸಲಾಗಿತ್ತು. ಇದೀಗ ಸಬ್ಸಿಡಿ ಮೊತ್ತವನ್ನು ಶೇ 80ಕ್ಕೆ ಏರಿಸಲಾಗಿದೆ. ರೈತರಿಗೆ ಸೌರ ಫಲಕಗಳು, ಸಬ್ ಮರ್ಸಿಬಲ್/ಸರ್ಫೇಸ್ ಡಿಸಿ ಪಂಪ್‌ಗಳು, ಮೌಂಟಿoಗ್ ಸ್ಟ್ರಕ್ಟರ್, ಪ್ಯಾನಲ್ ಬೋರ್ಡ್, ಪೈಪ್ ಮತ್ತು ಕೇಬಲ್ ಖರೀದಿಗೆ ಈ ಸಹಾಯಧನ ನೆರವಾಗಲಿದೆ. ರೈತರು 3 ಹೆಚ್ ಪಿ, 5 ಹೆಚ್ ಪಿ, 7.5 ಹೆಚ್‌ಪಿ ಮತ್ತು 10 ಹೆಚ್ ಪಿ ಸಾಮರ್ಥ್ಯದ ಸರ್ಫೇಸಬಲ್ ಸಬ್ ಮರ್ಸಿಬಲ್ ಸೌರ ಪಂಪ್‌ಸೆಟ್‌ಗಳನ್ನು ಅಳಡಿಸಿಕೊಳ್ಳಬಹುದಾಗಿದ್ದು, ಇದಕ್ಕೆ ತಗಲುವ ವೆಚ್ಚದಲ್ಲಿ ಶೇ 80ರಷ್ಟು ಸಹಾಯಧನವನ್ನು ಸರ್ಕಾರ ಪಾವತಿಸಲಿದೆ. ಶೇ 20ರಷ್ಟು ರೈತರು ಪಾವತಿ ಕಡ್ಡಾಯ. ಈ ಸೌರ ಪಂಪ್‌ಸೆಟ್‌ಗಳ ಸ್ಥಾಪನೆ ಸುಲಭವಾಗಿದ್ದು, ದೀರ್ಘಕಾಲ ಬಾಳಿಕೆ ಬರುವ ಕಾರಣದಿಂದ ಗ್ರಾಮೀಣ ಪ್ರದೇಶಗಳಲ್ಲೂ ಸೌರ ತಂತ್ರಜ್ಞಾನ ಹೆಚ್ಚು ಜನಪ್ರಿಯವಾಗಿದೆ. ಸೌರ ಪಂಪ್‌ಸೆಟ್ ಬಳಕೆಯಿಂದ ಸುಮಾರು 8 ಗಂಟೆಗಳ ಕಾಲ ಹಗಲಿನ ವೇಳೆಯಲ್ಲಿ ಕೃಷಿ ಚಟುವಟಿಕೆಗಳಿಗೆ ವಿದ್ಯುತ್ ಪೂರೈಕೆಯಾಗಲಿದೆ. ಕೃಷಿ ಭೂಮಿಯಲ್ಲಿ ಅಳವಡಿಸಲಾಗುವ ಸೋಲಾರ್ ಪಂಪ್‌ಗಳನ್ನು 5 ವರ್ಷಗಳ ಕಾಲ ಪೂರೈಕೆದಾರರೇ ಉಚಿತವಾಗಿ ನಿರ್ವಹಣೆ ಮಾಡಲಿದ್ದಾರೆ. ಅನಧಿಕೃತ ಪಂಪ್‌ಸೆಟ್‌ಗಳನ್ನು ಸಕ್ರಮಗೊಳಿಸುವ ಯೋಜನೆಯಡಿ ರೂ 50ಗಿಂತ ಹೆಚ್ಚಿನ ಮೊತ್ತವನ್ನು ಪಾವತಿಸಿ ರೈತರು ಅರ್ಜಿ ನೋಂದಾಯಿಸಿದಲ್ಲಿ ಅಂತಹ ರೈತರ ನೀರಾವರಿ ಪಂಪ್‌ಸೆಟ್‌ಗೆ ಈ ಯೋಜನೆ ಅಡಿ ಮೊದಲ ಆದ್ಯತೆ ಕೊಡಲಾಗುತ್ತದೆ. ರೈತರು ತಮ್ಮ ಆಧಾರ್, ಆರ್.ಟಿ.ಸಿ ಮತ್ತು ಬ್ಯಾಂಕ್ ವಿವರಗಳೊಂದಿಗೆ ಆನ್‌ಲೈನ್ ಪೋರ್ಟಲ್ ಮೂಲಕ ಅರ್ಜಿ ಹಾಕಬೇಕಿದೆ. ರೈತರ ನೋಂದಾಣಿ ಸಮಸ್ಯೆಯನ್ನು ಬಗೆಹರಿಸಲು ಸಹಾಯವಾಣಿ ಸ್ಥಾಪಿಸಲಾಗಿದ್ದು, 080-22202100ಗೆ ಫೋನ್ ಮಾಡಿ ಮಾಹಿತಿಪಡೆಯಲು ಸಾಧ್ಯ. ಇನ್ನೂ ಹೆಚ್ಚಿನ ಮಾಹಿತಿಗೆ ಹೆಸ್ಕಾಂ ಕಚೇರಿಗೆ ಭೇಟಿ ನೀಡಿ.. ಯೋಜನೆಗಾಗಿ ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ಕಿಸಿ :`ಕುಸುಮ್-ಬಿ ಯೋಜನೆಗಾಗಿ ಅರ್ಜಿ’
- [ಬಂದೂಕಿನ ಗುಂಡಿಗೆ ಬಲಿಯಾದ ಭಗ್ನ ಪ್ರೇಮಿ!](https://mobiletime.in/2026/03/a-heartbroken-lover-who-was-shot-dead/): ಶಿರಸಿಯ ರವೀಶ ನಾಯ್ಕ ಅವರು ಬಂದೂಕಿನಿoದ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಪ್ರೀತಿ-ಪ್ರೇಮ ಎಂದು ತಲೆಕೆಡಿಸಿಕೊಂಡಿದ್ದ ರವೀಶ ನಾಯ್ಕ ಪ್ರೀತಿಸದ ಹುಡುಗಿ ಸಿಗದ ಕಾರಣ ಸಾವಿಗೆ ಶರಣಾದ ಅನುಮಾನಗಳಿವೆ. ಶಿರಸಿಯ ಇಟಗುಳಿ ಬಳಿಯ ಮೂಡೇಸರದಲ್ಲಿ ರವೀಶ ಮಾಧವ ನಾಯ್ಕ (24) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಜೀವನ ನಡೆಸುತ್ತಿದ್ದರು. ಅಲ್ಪ ಪ್ರಮಾಣದಲ್ಲಿ ಮದ್ಯ ವ್ಯಸನಿಯೂ ಆಗಿದ್ದ ರವೀಶ ನಾಯ್ಕ ಅವರು ಯುವತಿಯೊಬ್ಬರನ್ನು ಪ್ರೀತಿಸುತ್ತಿದ್ದರು. ಆ ಪ್ರೀತಿ ಸಿಗದ ಕಾರಣ ಈಚೆಗೆ ಸರಾಯಿ ಕುಡಿಯುವ ಪ್ರಮಾಣ ಹೆಚ್ಚಿಸಿಕೊಂಡಿದ್ದರು. ಕಳೆದ ಕೆಲ ದಿನಗಳಿಂದ ರವೀಶ ನಾಯ್ಕ ಅವರು ತೀರಾ ಬೇಸರದಲ್ಲಿದ್ದರು. ಬದುಕಿನ ಬಗ್ಗೆ ಅವರು ಚಿಗುಪ್ಸೆ ಹೊಂದಿದ್ದರು. ಅದೇ ನೋವಿನಲ್ಲಿ ರವೀಶ ನಾಯ್ಕ ಅವರು ಬಂದೂಕಿನಿAದ ಗುಂಡು ಹಾರಿಸಿಕೊಂಡಿದ್ದು, ಸ್ಥಳದಲ್ಲಿಯೇ ಸಾವನಪ್ಪಿದರು. ಸದ್ಯ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಡಿವೈಎಸ್ಪಿ ಗೀತಾ ಪಾಟೀಲ್ ಸ್ಥಳದಲ್ಲಿ ಹಾಜರಿದ್ದಾರೆ. ಶಿರಸಿ ಗ್ರಾಮೀಣ ಠಾಣೆ ಪಿಐ ರಮೇಶ ಹೂಗಾರ್ ಅವರು ಪ್ರಕರಣದ ತನಿಖೆ ಶುರು ಮಾಡಿದ್ದಾರೆ.
- [ಜೈಲಿನಲ್ಲಿಯೂ ಜ್ಯೋತಿಷ್ಯ ಹೇಳುವ ಕಾಮುಕ-ಕೊಲೆಗಾರ!](https://mobiletime.in/2026/03/a-sx-muderer-who-practices-astrology-even-in-prison/): ಕೊಲೆ ಪ್ರಕರಣದಲ್ಲಿ ಜೈಲು ಪಾಲಾಗಿರುವ ಟಿವಿ ಜ್ಯೋತಿಷಿ ಕಮಲಾಕರ ಭಟ್ಟ ಅವರು ಜೈಲಿನಲ್ಲಿಯೂ ತಮ್ಮ ಜ್ಯೋತಿಷ್ಯದ ಮೂಲಕ ಕುಖ್ಯಾತಿಪಡೆದಿದ್ದಾರೆ. ಅಲ್ಲಿರುವ ಕೈದಿ ಹಾಗೂ ಜೈಲು ಸಿಬ್ಬಂದಿಗೆ ನಿತ್ಯವೂ ಭವಿಷ್ಯ ಹೇಳುವುದಾಗಿ ಅವರು ಕಾಡಿಸುತ್ತಿದ್ದು, ಕಮಲಾಕರ ಭಟ್ಟರ ಕಾಟಕ್ಕೆ ಅಲ್ಲಿದ್ದ ಎಲ್ಲರೂ ನಲುಗಿದ್ದಾರೆ! ಟಿವಿ ಕ್ಯಾಮರಾದ ಮುಂದೆ ಬುರುಡೆ ಭವಿಷ್ಯ ನುಡಿದು ಪ್ರಸಿದ್ಧಿಪಡೆದಿದ್ದ ಸಿದ್ದಾಪುರದ ಕಮಲಾಕರ ಭಟ್ಟ ಅವರು ತಮ್ಮ ಕಚೇರಿ ಕೆಲಸದಾಕೆಯ ಸಹವಾಸಕ್ಕೆ ಬಿದ್ದು ಜೈಲು ಸೇರಿದ್ದಾರೆ. ಕೆಲಸದಾಕೆಯ ಕಾಮದ ಆಸೆಗೆ ಕೋಟಿ ರೂ ವೆಚ್ಚ ಮಾಡಿದ ಕಮಲಾಕರ ಭಟ್ಟ ಅವರು ಸುಮಿತ್ರಾ ನಾಯ್ಕ ಅವರ ಪತಿ ಮೇಲೆ ಹಲ್ಲೆ ನಡೆಸಲು ಹೋಗಿ ಪತಿಯ ಅಣ್ಣ ಮಹೇಶ ನಾಯ್ಕ ಅವರನ್ನು ಹತ್ಯೆ ಮಾಡಿದ ಪ್ರಕರಣದಲ್ಲಿ ಜೈಲು ಪಾಲಾಗಿದ್ದಾರೆ. ಆ ಜೈಲಿನಲ್ಲಿರುವ ಕೈದಿಗಳಿಗೆ ನಿತ್ಯವೂ `ನಿನ್ನ ಭವಿಷ್ಯ ಹೇಳುತ್ತೇನೆ. ಜಾತಕ ಹೇಳುತ್ತೇನೆ’ ಎನ್ನುತ್ತ ಕಮಲಾಕರ ಭಟ್ಟ ಅವರು ಬೆನ್ನು ಬಿದ್ದಿದ್ದಾರೆ. ಅದರಲ್ಲಿಯೂ `ವಶೀಕರಣ ಮಾಡಿಕೊಡುತ್ತೇನೆ’ ಎನ್ನುತ್ತ ಕೈದಿಗಳ ಜೊತೆ ಸ್ನೇಹ ಬೆಳೆಸುವ ಪ್ರಯತ್ನ ನಡೆಸಿದ್ದಾರೆ. ಕಮಲಾಕರ ಭಟ್ಟ ಯಾವ ಕಾರಣಕ್ಕೆ ಜೈಲಿಗೆ ಬಂದರು? ಎಂಬುದನ್ನು ಅರಿಯದ ಕೆಲ ಕೈದಿಗಳು ಅವರ ಬಳಿ ಜ್ಯೋತಿಷ್ಯ ಕೇಳುತ್ತಿದ್ದು, ಇನ್ನೂ ಕೆಲ ಕೈದಿಗಳು ಡೋಂಗಿ ಜ್ಯೋತಿಷಿ ಮಾತನ್ನು ನಂಬುತ್ತಿಲ್ಲ. ಕೈದಿಗಳಿಗೆ ಮಾತ್ರವಲ್ಲದೇ ಕಾರಾಗೃಹ ಸಿಬ್ಬಂದಿಗೂ ಸಹ ಕಮಲಾಕರ ಭಟ್ಟ ಜ್ಯೋತಿಷ್ಯ ಹೇಳುವುದಾಗಿ ಹೇಳಿದ್ದಾರೆ. `ನಿನ್ನ ಭವಿಷ್ಯ ನಿನಗೆ ಗೊತ್ತಿದ್ದರೆ ಇಲ್ಲಿ ಏಕೆ ಬರುತ್ತಿದ್ದೆ?’ ಎಂದು ಕಾರಾಗೃಹ ಸಿಬ್ಬಂದಿ ಮರುಪ್ರಶ್ನೆ ಹಾಕಿದ್ದಾರೆ. ಆ ಪ್ರಶ್ನೆಗೆ ಉತ್ತರಿಸಲಾಗದೇ ಕಮಲಾಕರ ಭಟ್ಟ ಅವರು ಅವಮಾನ ಅನುಭವಿಸಿದ್ದಾರೆ.  
- [ಕಡಲ ಉತ್ಸವಕ್ಕೆ ಬೆಳ್ಳಿ ಹಬ್ಬದ ಸಂಭ್ರಮ!](https://mobiletime.in/2026/03/silver-jubilee-celebration-for-the-maritime-festival/): ಕುಮಟಾದ ಬೆಟ್ಕುಳಿಯ ಶ್ರೀ ಓಂ ಶಕ್ತಿ ಯುವಕ ಸಂಘದವರು ನಡೆಸುವ ‘ಕಡಲ ಉತ್ಸವ’ ಮಾರ್ಚ 5 ಹಾಗೂ 6ರಂದು ನಡೆಯಲಿದೆ. 25ನೇ ವರ್ಷದ ಉತ್ಸವದ ಅಂಗವಾಗಿ ಬೆಳ್ಳಿ ಮಹೋತ್ಸವ ಆಚರಣೆಗೆ ಅದ್ಧೂರಿ ಸಿದ್ಧತೆ ನಡೆಯುತ್ತಿದೆ. ಎರಡು ದಿನಗಳ ಕಾಲ ನಡೆಯಲಿರುವ ಈ ಮಹೋತ್ಸವದಲ್ಲಿ ಧಾರ್ಮಿಕ, ಸಾಂಸ್ಕೃತಿಕ ಹಾಗೂ ಮನರಂಜನಾ ಕಾರ್ಯಕ್ರಮಗಳ ವೈವಿಧ್ಯಮಯ ಕಾರ್ಯಕ್ರಮ ನಡೆಯಲಿದೆ. ಚಲನಚಿತ್ರ ಹಿನ್ನೆಲೆ ಗಾಯಕಿ ಎದೆತುಂಬಿ ಹಾಡುವೆನು ಕಾರ್ಯಕ್ರಮದ ನಾಧೀರಾ ಬಾನು, ಗಾಯಕ ರಾಖೇಶ ದಿಲ್ಸೆ, ಗಾಯಕಿ ಶ್ರೀಜಲ್ ಪೂಜಾರಿ ಸೇರಿದಂತೆ ಸ್ಥಳೀಯ ಕಲಾವಿದರು ಕಾರ್ಯಕ್ರಮದ ವೇದಿಕೆ ಹಂಚಿಕೊಳ್ಳಲಿದ್ದಾರೆ. ಕುಮಟಾ ತಾಲೂಕಿನ ಬೆಟ್ಕುಳಿಯ ಶ್ರೀ ಓಂ ಶಕ್ತಿ ಮೈದಾನದಲ್ಲಿ ನಡೆಯಲಿರುವ ಈ ಉತ್ಸವವು ಸ್ಥಳೀಯ ಜನತೆಗೆ ಮಾತ್ರವಲ್ಲದೆ ಸಮೀಪದ ಗ್ರಾಮಗಳ ಜನರಿಗೂ ಆಕರ್ಷಣೆಯ ಕೇಂದ್ರವಾಗಲಿದೆ. ಸಮುದ್ರ ತೀರದ ನೈಸರ್ಗಿಕ ಸೌಂದರ್ಯದ ನಡುವೆ ನಡೆಯುವ ಈ ಕಾರ್ಯಕ್ರಮಕ್ಕೆ ಭಾರಿ ಪ್ರಮಾಣದ ಜನಸಮೂಹ ಸೇರುವ ನಿರೀಕ್ಷೆ ಇದೆ. ಉದ್ಘಾಟನಾ ಸಮಾರಂಭ ಮಾರ್ಚ್ 5ರಂದು ರಾತ್ರಿ ನಡೆಯುವ ಉದ್ಘಾಟನಾ ಸಮಾರಂಭವನ್ನು ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ ಉದ್ಘಾಟಿಸಲಿದ್ದು, ಬೆಟ್ಕುಳಿ ಗ್ರಾ.ಪಂ ನಿಕಟ ಪೂರ್ವ ಅಧ್ಯಕ್ಷ ಸಂತೋಷ್ ವಿ ಹರಿಕಾಂತ, ಅಧ್ಯಕ್ಷತೆಯನ್ನು ವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಕುಮಟಾ ವಿಧಾನಸಭಾ ಶಾಸಕ ದಿನಕರ ಶೆಟ್ಟಿ, ಉತ್ತರ ಕನ್ನಡ ಜಿಲ್ಲಾ ಜೆಡಿಎಸ್ ಅಧ್ಯಕ್ಷ ಸೂರಜ್ ನಾಯ್ಕ ಸೋನಿ, ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಸಾಯಿ ಗಾಂವಕರ, ತೊರ್ಕೆ ಗ್ರಾ ಪಂ ನಿಕಟ ಪೂರ್ವ ಅಧ್ಯಕ್ಷ ಆನಂದ ಕವರಿ, ಹರಿಕಾಂತ ಸಮಾಜದ ಅಧ್ಯಕ್ಷ ಲಕ್ಷ್ಮಣ ಹನುಮಂತ ಹರಿಕಾಂತ, ಪತ್ರಕರ್ತರ ಸಂಘದ ಜಿಲ್ಲಾ ಸದಸ್ಯ ಅರುಣ ಶೆಟ್ಟಿ, ಉದ್ಯಮಿ ಶೇಖರ ಹರಿಕಂತ್ರ, ಶಿವರಾಮ ಹರಿಕಾಂತ, ಆನಂದು ಹರಿಕಂತ, ದಾಮೋಧರ ಮೂಡಂಗಿ, ಹಾಗೂ ಸಂಘದ ಅಧ್ಯಕ್ಷ ಮಾರುತಿ ಹರಿಕಾಂತ, ಉಪಾಧ್ಯಕ್ಷ ಕಮಲಾಕರ ವಿ ಹರಿಕಾಂತ ಸೇರಿದಂತೆ ಹಲವರು ಭಾಗವಹಿಸಲಿದ್ದಾರೆ. ಸಮಾರೋಪ ಸಮಾರಂಭದ ಅಧ್ಯಕ್ಷತೆಯನ್ನು ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕ ರಾಜಗೋಪಾಲ ಅಡಿ ಗುರೂಜಿ ವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಕಾಂಗ್ರೆಸ್ ರಾಜ್ಯದ ಪ್ರಧಾನ ಕಾರ್ಯದರ್ಶಿ ಸುಷ್ಮಾ ರಾಜಗೋಪಾಲ, ಮಾಜಿ ಪ್ರಧಾನ ಕಾರ್ಯದರ್ಶಿ ಗೋಪಾಲಕೃಷ್ಣ ನಾಯಕ, ಜಿಲ್ಲಾ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಸುಜಾತಾ ಗಾಂವಕರ ಉತ್ತರ ಕನ್ನಡ ಜಿಲ್ಲಾ ಮಿನುಗರ ಫೆಡರೇಶನ್ ಸದಸ್ಯ ಮಹೇಶ್ ಮೂಡಂಗಿ, ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯ ಜಗದೀಶ್ ನಾಯಕ್ ಮೊಗಟ, ಕರವೇ ಜಿಲ್ಲಾಧ್ಯಕ್ಷ ಭಾಸ್ಕರ್ ಪಟಗಾರ, ಉದ್ಯಮೆದಾರ ಮಂಜುನಾಥ ನಾಯ್ಕ, ಸುಧಾಕರ ತಾಂಡೇಲ, ಉತ್ತರ ಕನ್ನಡ ಗ್ರಾಮವಕ್ಕಲ ಯುವ ಬಳಗದ ಅಧ್ಯಕ್ಷ ವಿನಾಯಕ ಪಟಗಾರ, ಮುರುಡೇಶ್ವರ ನೇತ್ರಾಣಿ ಅಡ್ವೆಂಚರ್ ಮಾಲಕ ಗಣೇಶ್ ನೇತ್ರಾಣಿ ಸೇರಿದಂತೆ ಹಲವರು ಉಪಸ್ಥಿತರಿರಲಿದ್ದಾರೆ. ಶ್ರೀ ಓಂ ಶಕ್ತಿ ಯುವಕ ಸಂಘವು ಕಳೆದ 25 ವರ್ಷಗಳಿಂದ ಸಾಮಾಜಿಕ, ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಮತ್ತು ಕ್ರೀಡಾ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದು, ಈ ವರ್ಷ ಬೆಳ್ಳಿ ಮಹೋತ್ಸವವನ್ನು ಸಂಭ್ರಮದಿಂದ ಆಚರಿಸುತ್ತಿದೆ. ಈ ಅಂಗವಾಗಿ ಕಡಲ ಉತ್ಸವವನ್ನು ವಿಶೇಷ ರೀತಿಯಲ್ಲಿ ರೂಪಿಸಲಾಗಿದೆ. ಸಂಘದ ಕಾರ್ಯಕರ್ತರು ಕಾರ್ಯಕ್ರಮದ ಯಶಸ್ಸಿಗಾಗಿ ಹಲವು ದಿನಗಳಿಂದ ಸಿದ್ಧತೆಗಳನ್ನು ಕೈಗೊಂಡಿದ್ದಾರೆ. ಉತ್ಸವದ ಅಂಗವಾಗಿ ಮೈದಾನದಲ್ಲಿ ವಿಶೇಷ ಅಲಂಕಾರ, ಬೆಳಕು ಅಲಂಕಾರ, ವೇದಿಕೆ ವಿನ್ಯಾಸ ಹಾಗೂ ಸಾರ್ವಜನಿಕರಿಗಾಗಿ ಕುಳಿತುಕೊಳ್ಳುವ ವ್ಯವಸ್ಥೆ ಮಾಡಲಾಗಿದೆ. ಭದ್ರತೆ ಹಾಗೂ ವಾಹನ ನಿಲುಗಡೆ ವ್ಯವಸ್ಥೆಯನ್ನೂ ಸಮರ್ಪಕವಾಗಿ ಕಲ್ಪಿಸಲಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.  
- [ಕಾರಿನಲ್ಲಿದ್ದವರ ಮೇಲೆ ಕಲ್ಲು ತೂರಾಟ!](https://mobiletime.in/2026/03/stones-thrown-at-people-in-the-car/): ಮುಂಡಗೋಡ ತಮ್ಯಾನಕೊಪ್ಪದಲ್ಲಿ ಸಂಚರಿಸುತ್ತಿದ್ದ ಕಾರಿನ ಮೇಲೆ ಐದಾರು ಜನ ಕಲ್ಲು ತೂರಾಟ ಮಾಡಿದ್ದಾರೆ. ಪರಿಣಾಮ ಕಾರಿನಲ್ಲಿದ್ದ ಇಬ್ಬರಿಗೆ ಕಲ್ಲು ತಾಗಿದ್ದು, ನೋವಾಗಿದೆ. ಧಾರವಾಡದ ಬೇಕರಿ ಕೆಲಸಗಾರ ಪ್ರೇಮಕುಮಾರ ಗೊಲ್ಲಿಪಲ್ಲಿ ಅವರು ಫೆ 2ರಂದು ಕಾರಿನಲ್ಲಿ ಮುಂಡಗೋಡಿಗೆ ಬಂದಿದ್ದರು. ಆ ಕಾರಿನಲ್ಲಿ ಬೇಕರಿ ಮಾಲಕ ಹಮದ್ ಶಿರಾಜ ಪಣಿಬಂದ, ಪರಿಚಯಸ್ಥ ಅಲ್ತಾಪ ಪಣಿಬಂದ್ ಹಾಗೂ ಜಿಲಾನಿ ಅವರು ಜೊತೆಗಿದ್ದರು. ಅವರೆಲ್ಲರೂ ತಮ್ಯಾನಕೊಪ್ಪದಲ್ಲಿರುವ ಮಹಮದ್ ಪಣಿಬಂದ ಅವರ ಹೊಲಕ್ಕೆ ಹೋಗಿದ್ದು, ರಾತ್ರಿ ಮರಳುತ್ತಿದ್ದರು. ಆ ವೇಳೆ ಕಾರಿನಲ್ಲಿದ್ದ ಜಿಲಾನಿ ಹಾಗೂ ಅದೇ ಊರಿನ ವ್ಯಕ್ತಿಯೊಬ್ಬರ ನಡುವೆ ಜಗಳ ಶುರುವಾಯಿತು. ದಿಢೀರ್ ಆಗಿ ಸ್ಥಳಕ್ಕೆ ಐದಾರು ಜನ ಗುಂಪು ಕಟ್ಟಿಕೊಂಡು ಬಂದರು. `ಬೇರೆ ಊರಿನಿಂದ ಬಂದು ಇಲ್ಲಿ ಜಗಳ ಮಾಡುವಿರಾ?’ ಎಂದು ಅವರೆಲ್ಲರೂ ಪ್ರಶ್ನಿಸಿದ್ದು, ಉತ್ತರಿಸುವುದರೊಳಗೆ ಕಲ್ಲು ತೂರಾಟ ಶುರು ಮಾಡಿದರು. ಆ ಕಲ್ಲು ಮಹಮದ್ ಸಿರಾಜ್ ಹಾಗೂ ಅಲ್ತಾಪ ಅವರಿಗೆ ತಾಗಿತು. ಅವರಿಬ್ಬರು ಗಾಯಗೊಂಡರು. ಕಾರು ಸಹ ಜಖಂ ಆಯಿತು. ಆದರೆ, ಕಲ್ಲು ತೂರಾಟ ಮಾಡಿದವರು ಯಾರು? ಎಂದು ಗೊತ್ತಾಗಲಿಲ್ಲ. ಅವರ ಪತ್ತೆಗಾಗಿ ಪ್ರೇಮಕುಮಾರ ಗೊಲ್ಲಿಪಲ್ಲಿ ಅವರು ಪೊಲೀಸ್ ದೂರು ನೀಡಿದ್ದು, ಪ್ರಕರಣ ದಾಖಲಿಸಿದ ಪೊಲೀಸರು ಕಿಡಿಗೇಡಿಗಳ ಶೋಧ ನಡೆಸಿದ್ದಾರೆ.
- [5 ಬಾರಿ OTP ಹೇಳಿದ ಡ್ರೈವರ!](https://mobiletime.in/2026/03/driver-who-asked-for-otp-5-times/): ಕೆನರಾ ಬ್ಯಾಂಕ್ ಮ್ಯಾನೇಜರ್ ಎಂದು ಫೋನ್ ಮಾಡಿದ ವ್ಯಕ್ತಿಗೆ ಜೊಯಿಡಾದ ಬಾಬು ಕರೋಶಿ ಅವರು 5 ಬಾರಿ ಓಟಿಪಿ ಹೇಳಿದ್ದಾರೆ. ಹೀಗಾಗಿ ಬಾಬು ಕರೋಶಿ ಅವರ ಬ್ಯಾಂಕ್ ಖಾತೆಯಲ್ಲಿದ್ದ 81500ರೂ ಹಣ ಖಾಲಿ ಆಗಿದೆ! ಜೊಯಿಡಾದ ಗಾವಡೆವಾಡದಲ್ಲಿ ಬಾಬು ಸಿದ್ರಾಮಪ್ಪ ಕರೋಶಿ (57) ಅವರು ವಾಸವಾಗಿದ್ದಾರೆ. ಅವರು ಚಾಲಕರಾಗಿ ತಮ್ಮ ಕುಟುಂಬ ನಿರ್ವಹಿಸುತ್ತಿದ್ದಾರೆ. ತಮ್ಮ ಉಳಿತಾಯದ ಹಣವನ್ನು ಅವರು ಕೆನರಾ ಬ್ಯಾಂಕ್ ಖಾತೆಯಲ್ಲಿರಿಸಿದ್ದು, ಸಮಯಕ್ಕೆ ಸರಿಯಾಗಿ ಬಡ್ಡಿ ಸಿಗುವುದರಿಂದ ಬ್ಯಾಂಕ್ ಸಿಬ್ಬಂದಿಯನ್ನು ಪೂಜನೀಯ ಭಾವನೆಯಿಂದ ನೋಡುತ್ತಾರೆ. ಹೀಗಾಗಿ ಬ್ಯಾಂಕ್ ಸಿಬ್ಬಂದಿ ಹೆಸರಿನಲ್ಲಿ ಯಾರೇ ಫೋನ್ ಮಾಡಿದರೂ ಬಾಬು ಕರೋಶಿ ಅವರು ತಕ್ಷಣ ಸ್ಪಂದಿಸುತ್ತಾರೆ. ಹೀಗಿರುವಾಗ ಫೆಬ್ರವರಿ 2ರಂದು ಸಂಜೆ 5.38ಕ್ಕೆ ಬಾಬು ಕರೋಶಿ ಅವರಿಗೆ ಅಪರಿಚಿತ ಸಂಖ್ಯೆಯಿAದ ಫೋನ್ ಬಂದಿದೆ. ಆ ಕಡೆಯಿಂದ ಮಾತನಾಡಿದ ವ್ಯಕ್ತಿ ತಮ್ಮನ್ನು ಕೆನರಾ ಬ್ಯಾಂಕ್ ಮ್ಯಾನೇಜರ್ ಎಂದು ಹೇಳಿದ್ದಾರೆ. ಬಾಬು ಕರೋಶಿ ಅವರು ಅತ್ಯಂತ ವಿನಯದಿಂದ ಅವರಿಗೆ `ನಮಸ್ಕಾರ’ ಹೇಳಿ ಮಾತು ಶುರು ಮಾಡಿದ್ದಾರೆ. `ನಿಮ್ಮ ಎಟಿಎಂ ಕಾರ್ಡ ಬ್ಲಾಕ್ ಆಗಿದೆ. ಅದನ್ನು ರಿನಿವಲ್ ಮಾಡಿಕೊಳ್ಳಬೇಕು’ ಎಂದು ಆ ಕಡೆಯಿಂದ ಮಾತನಾಡಿದವರು ಹೇಳಿದ್ದಾರೆ. `ಎಟಿಎಂ ಮೇಲೆ ನಮೂದಿಸಿದ 16 ಸಂಖ್ಯೆಯನ್ನು ಹೇಳಿ’ ಎಂದು ಫೋನ್ ಮಾಡಿದವರು ಕೇಳಿದ್ದಾರೆ. ಆ ಸಂಖ್ಯೆ ಹೇಳಿದ ನಂತರ ಎಟಿಎಂ ಕಾರ್ಡಿನ ಹಿಂದಿರುವ `ಸಿವಿವಿ’ ಹೇಳುವಂತೆ ಸೂಚಿಸಿದ್ದಾರೆ. ಬ್ಯಾಂಕಿನವರ ಬಳಿ ಸುಳ್ಳು ಹೇಳಬಾರದು ಎಂದು ಭಾವಿಸಿದ ಬಾಬು ಕರೋಶಿ ಅವರು `ಸಿವಿವಿ’ ಸಂಖ್ಯೆಯನ್ನು ಹೇಳಿದ್ದಾರೆ. ಅದಾದ ನಂತರ ಅವರ ಮೊಬೈಲಿಗೆ ಐದು ಬಾರಿ ಓಟಿಪಿ ಬಂದಿದೆ. ಆ ಸಂಖ್ಯೆಯನ್ನು ಸಹ ಬಾಬು ಕರೋಶಿ ಅವರು ಅತ್ಯಂತ ಪ್ರಾಮಾಣಿಕತೆಯಿಂದ ಫೋನ್ ಮಾಡಿದವರಿಗೆ ಒಪ್ಪಿಸಿದ್ದಾರೆ. ಆ ಫೋನ್ ಕಟ್ ಆಗುವಷ್ಟರ ಹೊತ್ತಿಗೆ ಬಾಬು ಕರೋಶಿ ಅವರ ಕೆನರಾ ಬ್ಯಾಂಕ್ ಖಾತೆಯಲ್ಲಿದ್ದ 81500ರೂ ಕಾಣೆಯಾಗಿದೆ. ಮರುದಿನ ಬ್ಯಾಂಕಿಗೆ ಹೋಗಿ ವಿಚಾರಿಸಿದಾಗ ಅಲ್ಲಿನ `ಮ್ಯಾನೇಜರ್ ಫೋನ್ ಮಾಡಿಲ್ಲ’ ಎಂಬ ವಿಷಯ ಗೊತ್ತಾಗಿದೆ. ದುಡಿದ ಹಣ ಕಳೆದುಕೊಂಡ ಬಾಬು ಕರೋಶಿ ಅವರು ನೇರವಾಗಿ ಪೊಲೀಸ್ ಠಾಣೆಗೆ ಹೋಗಿದ್ದಾರೆ. ಫೋನ್ ಮಾಡಿದ ವ್ಯಕ್ತಿಯ ಫೋನ್ ನಂ ನೀಡಿ ತಮಗಾದ ಮೋಸದ ಬಗ್ಗೆ ಹೇಳಿದ್ದಾರೆ. ಸೈಬರ್ ಅಪರಾಧದ ಬಗ್ಗೆ ಅರಿವು ಮೂಡಿಸಿದ ಜೊಯಿಡಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಂಚಕನ ಹುಡುಕಾಟ ಶುರು ಮಾಡಿದ್ದಾರೆ.
- [ವಿದೇಶಿಗರ ವಾಸ್ತವ್ಯ ಬಚ್ಚಿಟ್ಟ ರೆಸಾರ್ಟ ಮಾಲಕ!](https://mobiletime.in/2026/03/resort-owner-hides-foreigners-stay/): ಗೋಕರ್ಣದ ವೈಲ್ಡ್ ವಿಲೇಜ್ ಸ್ಟೇ’ನಲ್ಲಿ ವಿದೇಶಿಗರು ರಹಸ್ಯವಾಗಿ ವಾಸವಾಗಿದ್ದು, ಆ ಬಗ್ಗೆ ಅರಿವಿದ್ದರೂ ಮಾಲಕರು ಸರ್ಕಾರಕ್ಕೆ ಮಾಹಿತಿ ನೀಡಿಲ್ಲ. ಈ ಹಿನ್ನಲೆ ರೆಸಾರ್ಟ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ವಿದೇಶಿ ಪ್ರಜೆಗಳು ವಸತಿ ಹೂಡಿದರೆ ರೆಸಾರ್ಟ ಮಾಲಕರು ಪೊಲೀಸರಿಗೆ ಮಾಹಿತಿ ಕೊಡುವುದು ಕಡ್ಡಾಯ. ಇದಕ್ಕಾಗಿ `ಸಿ’ ನಮೂನೆ ಅರ್ಜಿ ತುಂಬಿ ಅದನ್ನು ಪೊಲೀಸರಿಗೆ ಕೊಡಬೇಕು ಎಂಬುದು ನಿಯಮ. ಈ ಬಗ್ಗೆ ಪೊಲೀಸರು ಎಲ್ಲಾ ರೆಸಾರ್ಟ ಮಾಲಕರಿಗೂ ಅರಿವು ಮೂಡಿಸಿದ್ದು, ಆ ಬಗ್ಗೆ ತಿಳಿದಿದ್ದರೂ ಗೋಕರ್ಣ ಭೀಮಕೊಂಡದ ವೈಲ್ಡ್ ವಿಲೇಜ್ ಸ್ಟೇ ಮಾಲಕರು ಆ ನಿಯಮ ಪಾಲಿಸಿಲ್ಲ. ಕಳೆದ ಎರಡು ದಿನಗಳಿಂದ ವೈಲ್ಡ್ ವಿಲೇಜ್ ಸ್ಟೇ ಒಳಗೆ ಸ್ಯಾಂಟಿಯಾಗೊ ಆಸ್ಕರ್ ಲುಕ್ ಮೆರ್ಲೊ ಹಾಗೂ ಆತನ ತಾಯಿ ವಾಸವಾಗಿದ್ದಾರೆ. ಅವರ ದಾಖಲೆಗಳ ಆಧಾರದಲ್ಲಿ ಅವರು ವಿದೇಶಿಗರು ಎಂದು ರೆಸಾರ್ಟ ಮಾಲಕ ಮಾಲಕ ಸೋಮಾ ಗಣಪು ಗೌಡ ಹಾಗೂ ವ್ಯವಸ್ಥಾಪಕ ಗಣೇಶ ಸೋಮಾ ಗೌಡ ಅವರಿಗೆ ಗೊತ್ತಾಗಿದೆ. ಅದಾಗಿಯೂ ಅವರು ಈ ಬಗ್ಗೆ ಪೊಲೀಸರಿಗೆ ತಿಳಿಸಿಲ್ಲ. ಈ ವಿಷಯ ಪೊಲೀಸರಿಗೆ ಬೇರೆಯವರ ಮೂಲಕ ಗೊತ್ತಾಗಿದ್ದು, ಸಿ ಪಾರಂ ಭರ್ತಿ ಮಾಡದ ಸೋಮಾ ಗಣಪು ಗೌಡ ಹಾಗೂ ಗಣೇಶ ಸೋಮಾ ಗೌಡ ವಿರುದ್ದ ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಆ ಮೂಲಕ ಪಿಸೈ ಅನೀಲ ಬಿ ಎಂ ಅವರಿಬ್ಬರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಹೊತ್ತಿ ಉರಿದ ಕಾರು: ಅಪಾಯದಿಂದ ಎಲ್ಲರೂ ಪಾರು!](https://mobiletime.in/2026/03/car-catches-fire-everyone-is-safe/): ಶಿರಸಿ ಜಾಗ್ಮನೆ ಬಳಿ ಓಮಿನಿಯೊಂದಕ್ಕೆ ಬೆಂಕಿ ಬಿದ್ದಿದೆ. ಓಮಿನಿಯಲ್ಲಿದ್ದವರು ಅಪಾಯದಿಂದ ಪಾರಾಗಿದ್ದಾರೆ. ಸಿದ್ದಾಪುರದ ಕುಳಿಕಟ್ಟು ಗ್ರಾಮದ ಬೀರಾ ಕೆರಿಯಾ ಗೌಡ ಅವರ ಓಮಿನಿಯಲ್ಲಿ ಸುಬ್ರಾಯ ಬೀರಾ ಗೌಡ ಹಾಗೂ ಇನ್ನಿತರರು ಸಂಚರಿಸುತ್ತಿದ್ದರು. ಸೋಮವಾರ ಜಾತ್ರೆಗೆ ಬಂದಿದ್ದ ಅವರೆಲ್ಲರೂ ನಸುಕಿನ 2 ಗಂಟೆ ಅವಧಿಗೆ ಮನೆಗೆ ಮರಳುತ್ತಿದ್ದರು. ಶಿರಸಿ ತಾಲೂಕಿನ ಜಾಗನಳ್ಳಿ ಬಳಿ ತೆರಳಿದಾಗ ಆ ಓಮಿನಿಗೆ ದಿಢೀರ್ ಆಗಿ ಬೆಂಕಿ ಆವರಿಸಿತು. ಹೊಗೆ ಕಾಣಿಸಿದ ಕೂಡಲೇ ಓಮಿನಿಯ ಒಳಗಿದ್ದವರು ಹೊರಗೆ ಬಂದು ಜೀವ ಉಳಿಸಿಕೊಂಡರು. ಸುದ್ದಿ ಕೇಳಿ ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ದೌಡಾಯಿಸಿದರು. ಹೊತ್ತಿ ಉರಿಯುತ್ತಿದ್ದ ಓಮಿನಿಯ ಬೆಂಕಿ ಆರಿಸಿದರು. ಶಾರ್ಟ ಸರ್ಕೀಟ್ ಕಾರಣದಿಂದ ಬೆಂಕಿ ಉರಿದ ಶಂಕೆಯಿದೆ. ಓಮಿನಿ ಸಂಪೂರ್ಣವಾಗಿ ಸುಟ್ಟು ಕರಕಲಾಗಿದೆ.  
- [ಶಾಲಾ ಮಕ್ಕಳಿದ್ದ ಓಮಿನಿ ಪಲ್ಟಿ](https://mobiletime.in/2026/03/omni-flips-over-with-school-children/): ಸಾಗರದಿಂದ ಭಟ್ಕಳಕ್ಕೆ ಬರುತ್ತಿದ್ದ ಓಮಿನಿಯೊಂದು ಪಲ್ಟಿಯಾಗಿದೆ. ಪರಿಣಾಮ ಆ ಓಮಿನಿಯಲ್ಲಿದ್ದ ಮಕ್ಕಳು ಗಾಯಗೊಂಡಿದ್ದಾರೆ. ಮಂಗಳವಾರ ಬೆಳಗ್ಗೆ ಸಾಗರ ತಾಲೂಕಿನ ನಾಗವಳ್ಳಿಯಿಂದ ಭಟ್ಕಳಕ್ಕೆ ಓಮಿನಿಯೊಂದು ಬರುತ್ತಿತ್ತು. ಆ ಓಮಿನಿಯಲ್ಲಿ ಶಾಲಾ ಮಕ್ಕಳು ಸಂಚರಿಸುತ್ತಿದ್ದರು. ಭಟ್ಕಳ ಶಹರ ಸಮೀಪಿಸಿದಾಗ ಆ ಓಮಿನಿ ಚಾಲಕನ ನಿಯಂತ್ರಣ ತಪ್ಪಿತು. ಪರಿಣಾಮ ಅದು ಅಪಘಾತಕ್ಕೀಡಾಯಿತು. ಸಾಗರ ರಸ್ತೆಯ ವಾಕರಸ ಸಂಸ್ಥೆಯ ಬಸ್ ಘಟಕದ ಬಳಿ ಓಮಿನಿ ಪಲ್ಟಿಯಾಯಿತು. ಅದರಿಂದ ನಗರದ ಆನಂದಾಶ್ರಮ ಕಾನ್ವೆಂಟ್ ಮತ್ತು ವಿದ್ಯಾಂಜಲಿ ಶಾಲೆಯ ಮಕ್ಕಳು ಪೆಟ್ಟು ಮಾಡಿಕೊಂಡರು. ಆ ಓಮಿನಿಯಲ್ಲಿ 10 ಮಕ್ಕಳಿದ್ದು, 9 ಜನರಿಗೆ ಗಾಯವಾದ ಮಾಹಿತಿಯಿದೆ. ಗಾಯಗೊಂಡ ಮಕ್ಕಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
- [ಕಳೆನಾಶಕ ಕುಡಿದ ಕಟ್ಟಡ ಕಾರ್ಮಿಕ: ಕೊನೆಯುಸಿರು!](https://mobiletime.in/2026/03/construction-worker-dies-after-drinking-herbicide/): ಹಳಿಯಾಳದಲ್ಲಿ ಗೌಂಡಿ ಕೆಲಸ ಮಾಡಿಕೊಂಡಿದ್ದ ಹಸನಸಾಬ್ ಅವರು ಕಳೆ ನಾಶಕ ಸೇವಿಸಿದ್ದಾರೆ. ಮೂರು ಆಸ್ಪತ್ರೆ ಅಲೆದಾಟ ನಡೆಸಿದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಹಳಿಯಾಳದ ತತ್ವಣಗಿಯಲ್ಲಿ ಹಸನಸಾಬ್ ಹಜರತಸಾಬ್ ದೇಸಾಯಿ (38) ಅವರು ವಾಸವಾಗಿದ್ದರು. ಕಟ್ಟಡ ಕಾರ್ಮಿಕರಾಗಿದ್ದ ಅವರು ಗೌಂಡಿ ಕೆಲಸ ಮಾಡುವಲ್ಲಿ ಪರಿಣಿತಿಪಡೆದಿದ್ದರು. ಸದ್ಯ ಕೊಲ್ಲಾಪುರದಲ್ಲಿ ಅವರು ವಾಸವಾಗಿದ್ದು, ಅಲ್ಲಿಯೇ ಕೆಲಸ ಮಾಡುತ್ತಿದ್ದರು. ಫೆ 26ರಂದು ಹಳಿಯಾಳಕ್ಕೆ ಬಂದಿದ್ದ ಅವರು ಹೊಲಕ್ಕೆ ಹೊಡೆಯಲು ತಂದಿರಿಸಿದ್ದ ಕಳೆನಾಶಕ ಕುಡಿದರು. ಇದನ್ನು ಅರಿತ ಹಸನಸಾಬ್ ಅವರ ಪತ್ನಿ ಜುಬೇದಾ ದೇಸಾಯಿ ಅವರು ಪತಿಯನ್ನು ತಕ್ಷಣ ಹಳಿಯಾಳ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದರು. ಆ ದಿನ ಸಂಜೆಯೇ ಅವರನ್ನು ಧಾರವಾಡದ ಸಿವಿಲ್ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿಯೂ ಚಿಕಿತ್ಸೆಗೆ ಸ್ಪಂದಿಸದ ಕಾರಣ ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲು ಮಾಡಲಾಯಿತು. ಆದರೆ, ಅದರಿಂದ ಪ್ರಯೋಜನ ಆಗಲಿಲ್ಲ. ಮಾರ್ಚ 1ರಂದು ಹಸನಸಾಬ್ ದೇಸಾಯಿ ಅವರು ಸಾವನಪ್ಪಿದರು. ಅವರ ಆತ್ಮಹತ್ಯೆ ನಿರ್ಧಾರಕ್ಕೆ ಕಾರಣವೂ ಗೊತ್ತಾಗಲಿಲ್ಲ.
- [ಶ್ರೀಗಳ ಸಾರಥ್ಯದಲ್ಲಿ ಶರಾವತಿ ಹೋರಾಟ!](https://mobiletime.in/2026/03/sharavati-struggle-under-the-leadership-of-the-saints/): ಪಂಪ್ಡ್ ಸ್ಟೋರೇಜ್ ಯೋಜನೆಯ ಶರಾವತಿ ಉಳಿಸಿ ಹೋರಾಟ ಸಮಿತಿಯೂ ಮಾರ್ಚ 10ರಂದು ಬೃಹತ್ ಪ್ರತಿಭಟನಾ ಜನ ಸಮಾವೇಶ ನಡೆಸಲು ನಿರ್ಧರಿಸಿದೆ. ಆ ದಿನ ಬೆಳಗ್ಗೆ 10 ಗಂಟೆಗೆ ಹೊನ್ನಾವರ ಪಟ್ಟಣದ ಅಂಥೋನಿ ಪ್ರೌಢಶಾಲಾ ಮೈದಾನದಲ್ಲಿ ಉಗ್ರ ಹೋರಾಟ ನಡೆಯಲಿದೆ. ಈ ಬಗ್ಗೆ ಶರಾವತಿ ಉಳಿಸಿ ಹೋರಾಟ ಸಮಿತಿಯ ಕಾರ್ಯಾಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರು ಮಾಹಿತಿ ನೀಡಿದ್ದಾರೆ. ಮೂಡಗಣಪತಿ ದೇವಸ್ಥಾನದ ಸಭಾಭವನದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು ಹೋರಾಟದ ರೂಪುರೇಷೆಗಳ ಕುರಿತು ವಿವರಿಸಿದ್ದಾರೆ. `ರಾಮಚಂದ್ರಾಪುರ ಮಠಾಧೀಶ ರಾಘವೇಶ್ವರ ಭಾರತೀ ಸ್ವಾಮೀಜಿ ಅವರು ಸಮಾವೇಶದ ನೇತೃತ್ವವಹಿಸಲಿದ್ದು, ಮೂಲೆಗದ್ದೆ ಸದಾನಂದ ಶಿವಯೋಗಾಶ್ರಮ ಮಠದ ಅಭಿನವ ಚೆನ್ನಬಸವ ಸ್ವಾಮೀಜಿ, ಚಿತ್ತಾಪುರದ ನಾರಾಯಣಗುರು ಶಕ್ತಿ ಪೀಠದ ಪ್ರಣವಾನಂದ ಸ್ವಾಮೀಜಿ, ಬಂಗಾರಮಕ್ಕಿ ಕ್ಷೇತ್ರದ ಧರ್ಮದರ್ಶಿ ಮಾರುತಿ ಗುರೂಜಿ ಸಮಾವೇಶದ ಸಾನ್ನಿಧ್ಯವಹಿಸಲಿದ್ದಾರೆ’ ಎಂದವರು ಹೇಳಿದರು. `ಹೋರಾಟ ಸಮಿತಿಯ ಭಾಗವಾಗಿರುವ ಶಾಸಕ ದಿನಕರ ಶೆಟ್ಟಿ ಅವರು ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ ವೈದ್ಯ, ಮಾಜಿ ಸಚಿವ ಶಿವಾನಂದ ನಾಯ್ಕ, ಮಾಜಿ ಸಚಿವ ಆರ್ ಎನ್ ನಾಯ್ಕ, ಮಾಜಿ ಶಾಸಕ ಸುನೀಲ ನಾಯ್ಕ, ಜೆ ಡಿ.ನಾಯ್ಕ ಜೊತೆ ಕಾಂಗ್ರೆಸ್, ಬಿಜೆಪಿ, ಜೆಡಿಎಸ್ ಪಕ್ಷಗಳ ಜಿಲ್ಲಾ ಮತ್ತು ಬ್ಲಾಕ್ ಅಧ್ಯಕ್ಷರುಗಳನ್ನು ಆಹ್ವಾನಿಸಲಾಗುತ್ತದೆ. ವಿಜ್ಞಾನಿಗಳ ಜೊತೆ ವಿವಿಧ ಸಂಘಟನೆಯವರು ಸಹ ಸಮಾವೇಶಕ್ಕೆ ಸಾಕ್ಷಿಯಾಗಲಿದ್ದಾರೆ’ ಎಂದವರು ತಿಳಿಸಿದರು. `ವಿಜ್ಞಾನಿಗಳಾದ ಟಿ ವಿ ರಾಮಚಂದ್ರನ್ ಮತ್ತು ಸುಭಾಷಚಂದ್ರನ್ ಈ ಯೋಜನೆಯ ಅಪಾಯದ ಬಗ್ಗೆ ಈಗಾಗಲೇ ಎಚ್ಚರಿಸಿದ್ದಾರೆ. ಬೇಸಿಗೆಯಲ್ಲಿ ನದಿ ನೀರಿನ ಹರಿವಿನ ಪ್ರಮಾಣದಲ್ಲಿ ಈಗಾಗಲೇ ಕೊರತೆ ಇದ್ದು,ಸಮುದ್ರದ ಉಪ್ಪುನೀರು ಅಳ್ಳಂಕಿಯವರೆಗೆ ನದಿ ಸೇರುವ ಬಗ್ಗೆ ವಿವರಿಸಿದ್ದಾರೆ. ಇದರಿಂದ ರೈತರು ಈಗಾಗಲೇ ಸಂಕಷ್ಟದಲ್ಲಿದ್ದಾರೆ. ಪರಿಸರ ಹಾನಿ, ವನ್ಯಜೀವಿ ನಾಶ, ಭೂ ಕುಸಿತದಂತಹ ಅಪಾಯಗಳಿಂದ ಇಲ್ಲಿಯ ಜನರನ್ನು ರಕ್ಷಿಸಲು ಯೋಜನೆಯ ವಿರುದ್ದ ಹೋರಾಡಬೇಕಾಗಿದೆ’ ಎಂದವರು ಕರೆ ನೀಡಿದರು. `ಈ ಬಗ್ಗೆ ಸಮಿತಿಯು ನಿರಂತರವಾಗಿ ಹೋರಾಟ ನಡೆಸುತ್ತಿದ್ದು ರಾಜ್ಯ ಹಾಗೂ ಕೇಂದ್ರ ಸರಕಾರಗಳಿಗೆ ಯೋಜನೆಯನ್ನು ಕೈಬಿಡುವಂತೆ ಆಗ್ರಹಿಸಿ ಮನವಿ ನೀಡಿದೆ. ಕೇಂದ್ರದ ತಜ್ಞರ ತಂಡಕ್ಕೂ ಅಹವಾಲನ್ನು ಸಲ್ಲಿಸಲಾಗಿದೆ’ ಎಂಬ ವಿಷಯ ತಿಳಿಸಿದರು. ಸಮಿತಿಯ ಅಧ್ಯಕ್ಷ ಉದ್ಯಮಿ ವೆಂಕಟ್ರಮಣ ಹೆಗಡೆ ಕವಲಕ್ಕಿ ಅವರು ಮಾತನಾಡಿ `ಈ ಯೋಜನೆಯಿಂದ ಪ್ರವಾಸೋದ್ಯಮ ಹಾಗೂ ಮೀನುಗಾರರಿಕೆಗೆ ತೊಂದರೆಯಾಗಲಿದೆ. ಹೊನ್ನಾವರ ತಾಲೂಕಿನ ಜನಜೀವನದ ರಕ್ಷಣೆಗಾಗಿ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕು’ ಎಂದರು. ಆ ದಿನ ಹೋರಾಟದಲ್ಲಿ ಪಾಲ್ಗೊಳ್ಳುವವರಿಗೆ ಸಮಿತಿಯಿಂದಲೇ ಊಟ ಕೊಡಲಾಗುತ್ತದೆ’ ಎಂದು ಘೋಷಿಸಿದರು. ಕೇಶವ ನಾಯ್ಕ ಬಳಕೂರು ಅವರು ಮಾತನಾಡಿ `ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಯಿಂದ ಸಮುದ್ರದ ಉಪ್ಪು ನೀರು ನದಿಯಲ್ಲಿ ಹಿಮ್ಮುಖವಾಗಿ ಹರಿಯಲಿದ್ದು, ಇದರಿಂದ ಕೃಷಿ ನಾಶವಾಗಲಿದೆ. ಹೊನ್ನಾವರ, ಭಟ್ಕಳ, ಸಿದ್ದಾಪುರ ತಾಲೂಕುಗಳ ಕುಡಿಯುವ ನೀರು ಉಪ್ಪು ನೀರಾಗಲಿದೆ’ ಎಂಬ ಆತಂಕವ್ಯಕ್ತಪಡಿಸಿದರು. ಶಿವರಾಜ ಮೇಸ್ತ ಅವರು ಮಾತನಾಡಿ `ಈಗಾಗಲೇ ಹೊನ್ನಾವರ ಭಾಗದಲ್ಲಿ ಬೇಸಿಗೆಯಲ್ಲಿ ನದಿಯಲ್ಲಿ ನಡೆದು ಹೋಗುವಷ್ಟು ಕೆಲವೊಂದು ಭಾಗಗಳಲ್ಲಿ ಶರಾವತಿಯಲ್ಲಿ ನೀರು ಕಡಿಮೆಯಾಗಿದೆ’ ಎಂದರು. ಟಿ ಟಿ ನಾಯ್ಕ ಮೂಡ್ಕಣಿ ಅವರು ಮಾತನಾಡಿ `ಗೇರುಸೊಪ್ಪಾ ಡ್ಯಾಂ ಆದನಂತರ ಶರಾವತಿ ನದಿಯಲ್ಲಿ ನೀರು ಬಹಳಷ್ಟು ಕಡಿಮೆಯಾಗಿದ್ದು, ಇದರಿಂದ ಜನಜೀವನದ ಮೇಲೆ ಭಾರಿ ದುಷ್ಪರಿಣಾಮ ಆಗಲಿದೆ. ಯಾವುದೇ ಕಾರಣಕ್ಕೂ ಈ ಯೋಜನೆ ನಿಲ್ಲಬೇಕು’ ಎಂದರು. ಜಿ ಪಂ ಮಾಜಿ ಸದಸ್ಯೆ ಶ್ರೀಕಲಾ ಶಾಸ್ತ್ರಿ, ಗ್ರಾಪಂ ಮಾಜಿ ಉಪಾಧ್ಯಕ್ಚ ಮಂಜುನಾಥ ನಾಯ್ಕ ಗೇರುಸೊಪ್ಪ, ಮಂಗಲದಾಸ ನಾಯ್ಕ, ರಾಜೇಶ ಭಂಡಾರಿ, ಎಂ ಎಸ್ ಹೆಗಡೆ ಕಣ್ಣಿಮನೆ, ಯೋಗೇಶ ಮೇಸ್ತ, ವಿಶ್ವನಾಥ ನಾಯಕ, ಅನಂತ ನಾಯ್ಕ ಹೆಗ್ಗಾರ, ವಿದ್ಯಾರ್ಥಿ ಒಕ್ಕೂಟದ ಕಾರ್ಥಿಕ್ ಗೌಡ, ದರ್ಶನ ನಾಯ್ಕ, ಸಂತ್ರಸ್ತ ಗಣೇಶ ಹೆಗಡೆ ಬೊಮ್ಮಾರ, ಸಮಿತಿಯ ಜಿ ಎನ್ ಗೌಡ, ವಿಘ್ನೇಶ್ವರ ಹೆಗಡೆ, ಮಹೇಶ ಮೇಸ್ತ , ರಾಜೇಶ ತಾಂಡೇಲ ಗುರುಪ್ರಿಯ ಶೆಟ್ಟಿ, ದೀಪಕ್ಕಿಂತ ನಾಯ್ಕ ಇತರರಿದ್ದರು.
- [ಬೀದಿ ನಾಯಿಗಳ ಅಟ್ಟಹಾಸ: ಪುಠಾಣಿ ಗೋವು ಅಸ್ತಗಂತ!](https://mobiletime.in/2026/03/stray-dogs-taunts-puthani-cow-is-in-trouble/): ಗೋಕರ್ಣದ ಕುಡ್ಲೆ ಕಡಲತೀರದಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದ್ದು, ಅಲ್ಲಿದ್ದ ಆಕಳ ಕರುವಿನ ಮೇಲೆ ನಾಯಿಗಳ ಆಕ್ರಮಣ ನಡೆದಿದೆ. ಆ ದಾಳಿ ಸಹಿಸಲಾಗದೇ ಪುಠಾಣಿ ಕರು ಕೊನೆಯುಸಿರೆಳೆದಿದೆ. ನಿತ್ಯ ಸಾವಿರಾರು ಪ್ರವಾಸಿಗರು ಬರುವ ಗೋಕರ್ಣದಲ್ಲಿ ಎಲ್ಲೆಂದರಲ್ಲಿ ಬೀದಿ ನಾಯಿಗಳು ಕಾಣಿಸುತ್ತಿವೆ. ಪ್ರವಾಸಿಗರು ಹೆಚ್ಚಿಗೆ ಭೇಟಿ ನೀಡುವ ಕಡಲತೀರದಲ್ಲಿಯೂ ಬೀದಿ ನಾಯಿಗಳ ಕಾಟ ಜೋರಾಗಿದೆ. ಬೀದಿ ನಾಯಿ ನಿಯಂತ್ರಣಕ್ಕಾಗಿ ಅಲ್ಲಿನ ಜನ ಅನೇಕ ಬಾರಿ ಗ್ರಾಮ ಪಂಚಾಯತಗೆ ಮನವಿ ಮಾಡಿದ್ದಾರೆ. ಆದರೆ, ಅದರಿಂದ ಯಾವ ಕ್ರಮವೂ ಆಗಿಲ್ಲ. ಕುಡ್ಲೆ ಕಡಲತೀರದ ಸುತ್ತ ಗುಂಪು ಗುಂಪಾಗಿ ಬೀದಿ ನಾಯಿಗಳು ಸಂಚರಿಸುತ್ತಿವೆ. ಇಲ್ಲಿ ಅನೇಕ ಪ್ರವಾಸಿಗರಿಗೆ ನಾಯಿ ಕಚ್ಚಿದ ಉದಾಹರಣೆಗಳಿವೆ. ವಿವಿಧ ಹೊಟೇಲಿನವರು ಎಲ್ಲೆಂದರಲ್ಲಿ ಮಾಂಸ ಬಿಸಾಡುತ್ತಿದ್ದು, ಅದನ್ನೇ ಆಸರೆಯನ್ನಾಗಿಸಿಕೊಂಡು ನಾಯಿಗಳು ಬದುಕುತ್ತಿವೆ. ಮಾಂಸದ ರುಚಿ ನೋಡಿದ ನಾಯಿಗಳು ಕಡಲತೀರಕ್ಕೆ ಬಂದಿದ್ದ ಗೋವಿನ ಮೇಲೆ ದಾಳಿ ನಡೆಸಿದ್ದು, ಪರಿಣಾಮ ಆ ಗೋವು ಅಲ್ಲಿಯೇ ಸಾವನಪ್ಪಿದೆ.
- [ಹೋರಾಟಗಾರನ ಕುಟುಂಬಕ್ಕೆ ಜೀವಭಯ: ರಕ್ಷಣೆಗಾಗಿ ಪೊಲೀಸ್ ಮೊರೆ](https://mobiletime.in/2026/03/fighters-family-fears-for-their-lives-police-appeal-for-protection/): ವಿವಿಧ ಸಂಘಟನೆಗಳ ಸಕ್ರೀಯ ಸದಸ್ಯರಾಗಿರುವ ಯಲ್ಲಾಪುರ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅವರಿಗೆ ಬೆದರಿಕೆ ಬಂದಿದೆ. ಈ ಹಿನ್ನಲೆ ಅವರು ತಮಗೆ ಹಾಗೂ ತಮ್ಮ ಕುಟುಂಬಕ್ಕೆ ರಕ್ಷಣೆ ಕೋರಿ ಪೊಲೀಸರ ಮೊರೆ ಹೋಗಿದ್ದಾರೆ. `ಹಿಂದೂ ಜಾಗರಣಾ ವೇದಿಕೆ, ಕರ್ನಾಟಕ ರಕ್ಷಣಾ ವೇದಿಕೆ, ಗೋ ಪರಿವಾರ, ಬಿ ಎಸ್ ಎನ್ ಎಲ್ ಸಲಹಾ ಸಮಿತಿ ಜಿಲ್ಲಾ ಸದಸ್ಯ ಹಾಗೂ ಬಿಜೆಪಿ ಮಹಾಶಕ್ತಿ ಕೇಂದ್ರದ ಅಧ್ಯಕ್ಷರಾಗಿ ಕೆಲಸ ಮಾಡುತ್ತಿರುವ ತಮ್ಮ ವಿರುದ್ಧ ಸಂಚು ನಡೆದಿದೆ’ ಎಂದು ಸೋಮೇಶ್ವರ ನಾಯ್ಕ ಅವರು ದೂರಿದ್ದಾರೆ. `23 ವರ್ಷಗಳಿಂದ ಸಮಾಜ ಸೇವೆಯಲ್ಲಿ ತೊಡಗಿರುವ ತಮ್ಮ ಮನೆಯ ಗೇಟಿಗೆ ಫೆ 26ರ ರಾತ್ರಿ ಕಿಡಿಗೇಡಿಗಳು ಕಲ್ಲು ತೂರಾಟ ನಡೆಸಿದ್ದಾರೆ. ಅದಾದ ನಂತರ ತಮ್ಮ ಸ್ಕೂಟರಿನ ಮೇಲೆ ಗುಟುಕಾ ಉಗುಳಿದ್ದಾರೆ’ ಎಂದು ಅವರು ಪೊಲೀಸರಿಗೆ ನೀಡಿದ ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ. `ಭೂ ಒತ್ತವರಿ ಕುರಿತು ಹೋರಾಟ, ಮರಳು ಮಾಫಿಯಾ ವಿರುದ್ಧ ಧ್ವನಿ, ಜೂಜಾಟದ ವಿರುದ್ಧ ಸಮರ ಹಾಗೂ ಗಾಂಜಾ ವ್ಯಸನಿಗಳ ಕುರಿತು ಪೊಲೀಸರಿಗೆ ಮಾಹಿತಿ ನೀಡಿದ ಹಿನ್ನಲೆ ತಮ್ಮ ವಿರುದ್ಧ ಹಲ್ಲೆ ಪ್ರಯತ್ನ ನಡೆದಿದೆ. ಅಕ್ರಮ ಚಟುವಟಿಕೆ ತಡೆದ ಕಾರಣ ಅದನ್ನು ಸಹಿಸದವರು ಈ ಕೃತ್ಯ ಎಸಗುತ್ತಿದ್ದಾರೆ. ಫೆ 26ರಂದು ರಾತ್ರಿ 12.30ಕ್ಕೆ ಕೆಲ ಯುವಕರು ಗುಂಪಿನಲ್ಲಿ ಬಂದು ರವೀಂದ್ರ ನಗರದಲ್ಲಿ ಗಲಾಟೆ ಮಾಡಿದ್ದು ಅವರ ವಿರುದ್ಧವೂ ಕ್ರಮವಾಗಬೇಕು’ ಎಂದು ಸೋಮೇಶ್ವರ ನಾಯ್ಕ ಅವರು ಆಗ್ರಹಿಸಿದ್ದಾರೆ. `ರಾಜಕೀಯ ಹಾಗೂ ಸಾಮಾಜಿಕ ಬೆಳವಣಿಗೆ ಸಹಿಸದೇ ಕೆಲವರು ತಮ್ಮ ಹಾಗೂ ತಮ್ಮ ಕುಟುಂಬದ ವಿರುದ್ಧ ಸಂಚು ರೂಪಿಸಿದ್ದಾರೆ. ಈ ಹಿನ್ನಲೆ ರಕ್ಷಣೆ ಅಗತ್ಯ’ ಎಂದು ಕೋರಿ ಅವರು ಪೊಲೀಸರಿಗೆ ಲಿಖಿತ ಪತ್ರ ನೀಡಿದ್ದಾರೆ.
- [ತ್ರಿಬಲ್ ರೈಡಿಂಗ್: ಮಕ್ಕಳ ಜೊತೆ ಜಾತ್ರೆಗೆ ಬರುತ್ತಿದ್ದ ಸವಾರ ಸಾವು!](https://mobiletime.in/2026/03/triple-riding-rider-who-was-coming-to-the-fair-with-children-dies/): ಮಕ್ಕಳಿಬ್ಬರನ್ನು ಬೈಕಿನ ಮೇಲೆ ಕೂರಿಸಿಕೊಂಡು ಶಿರಸಿ ಜಾತ್ರೆಗೆ ಹೊರಟಿದ್ದ ಮುಂಡಗೋಡದ ಬಸವರಾಜ ಕಚವಿ ಅವರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಈ ಅವಘಡದಲ್ಲಿ ಅವರ ಮಕ್ಕಳಿಬ್ಬರಿಗೂ ನೋವಾಗಿದೆ. ಫೆಬ್ರವರಿ 2ರ ಸಂಜೆ ಮುಂಡಗೋಡು ಮಳಗಿ ಅಂಬೇಡ್ಕರ್ ಓಣಿಯ ಬಸವರಾಜ ಕಚವಿ ಅವರು ಶಿರಸಿ ಜಾತ್ರೆಗೆ ಹೋಗಲು ನಿರ್ಧರಿಸಿದ್ದರು. ಪ್ಯಾರಾ ಮೆಡಿಕಲ್ ಓದುತ್ತಿರುವ ತಮ್ಮ ಮಗಳಾದ ಯಶೋಧಾ ಕಚವಿ ಹಾಗೂ ಮೇಘನಾ ಕಚವಿ ಅವರ ಜೊತೆ ಬಸವರಾಜ ಕಚವಿ ಅವರು ಬೈಕಿನಲ್ಲಿ ಜಾತ್ರೆಗೆ ಹೊರಟರು. ಸಂಜೆ ಆರು ಗಂಟೆ ವೇಳೆಗೆ ಅವರು ಶಿರಸಿ ಬಳಿಯ ಹುಡಲಕೊಪ್ಪ ಬಸ್ ನಿಲ್ದಾಣ ಸಮೀಪಿಸಿದ್ದು, ಅಲ್ಲಿಯೇ ಎದುರಿಗಿದ್ದ ಬಸ್ಸಿಗೆ ಬೈಕ್ ಗುದ್ದಿದರು. ಆ ಅಪಘಾತದ ರಭಸಕ್ಕೆ ಬಸವರಾಜ ಕಚವಿ ಅವರು ಅಲ್ಲಿಯೇ ಸಾವನಪ್ಪಿದರು. ಈ ದಿನ ಬಳ್ಳಾರಿಯಿಂದ ಹೊರಟ ಬಸ್ಸು ಕುಮಟಾಗೆ ಹೋಗಬೇಕಿತ್ತು. ಪ್ರಯಾಣಿಕರು ತುಂಬಿದ್ದ ಆ ಬಸ್ಸನ್ನು ಕೆ ಎಸ್ ಆರ್ ಟಿಸಿ ಚಾಲಕ ಮಲ್ಲಪ್ಪ ಗುರಪ್ಪ ನಾಗೋಡು ಅವರು ಓಡಿಸುತ್ತಿದ್ದರು. ಬಸ್ಸಿನ ನಿರ್ವಾಹಕರಾಗಿ ಸೋಮಶೇಖರ ವೀರಯ್ಯ ಹೀರೇಮಠ್ ಅವರು ಕರ್ತವ್ಯದಲ್ಲಿದ್ದು, ಟಿಕೆಟ್ ತೆಗೆಯುತ್ತಿದ್ದರು. ಮುಂಡಗೋಡದಿAದ ಹೊರಟು ಕಾತೂರು, ಪಾಳಾ, ಮಳಗಿ ಮಾರ್ಗವಾಗಿ ಶಿರಸಿ ಕಡೆ ಹೊರಟಿತ್ತು. ಶಿರಸಿ-ಹುಬ್ಬಳ್ಳಿ ರಸ್ತೆ ರಿಪೇರಿ ಕೆಲಸ ನಡೆಯುತ್ತಿದ್ದರಿಂದ ಬಸ್ಸು ನಿಧಾನವಾಗಿಯೇ ಸಾಗುತ್ತಿತ್ತು. ತಗ್ಗು ಗುಂಡಿಗಳಿAದ ಕೂಡಿದ ರಸ್ತೆಯಲ್ಲಿ ಒಮ್ಮೆಲೆ ಹಾವು ಕಾಣಿಸಿದ್ದು, ಆ ಹಾವಿನ ಮೇಲೆ ಬಸ್ಸು ಹಾಯುವುದನ್ನು ತಪ್ಪಿಸುವುದಕ್ಕಾಗಿ ಮಲ್ಲಪ್ಪ ನಾಗೋಡು ಅವರು ಒಮ್ಮೆಲೆ ಬ್ರೆಕ್ ಹಾಕಿದ್ದರು. ಈ ವೇಳೆ ಹಿಂದಿನಿAದ ಬೈಕ್ ಓಡಿಸಿಕೊಂಡು ಬರುತ್ತಿದ್ದ ಬಸವರಾಜ ಕಚವಿ ಅವರು ಸಹ ಬೈಕ್ ನಿಲ್ಲಿಸುವ ಪ್ರಯತ್ನ ಮಾಡಿದರು. ಆದರೆ, ಅದು ಸಾಧ್ಯವಾಗದೇ ಬೈಕು ಬಸ್ಸಿಗೆ ಹಿಂದಿನಿAದ ಡಿಕ್ಕಿ ಹೊಡೆಯಿತು. ಆ ಡಿಕ್ಕಿ ರಭಸಕ್ಕೆ ಬಸವರಾಜ ಅವರ ಜೊತೆ ಅವರ ಮಕ್ಕಳಾದ ಯಶೋಧಾ ಹಾಗೂ ಮೇಘನಾ ಅವರು ನೆಲಕ್ಕೆ ಅಪ್ಪಳಿಸಿದರು. ಬಸವರಾಜ ಕಚವಿ ಅವರ ತಲೆಗೆ ಪೆಟ್ಟಾಗಿ, ಮೂಗಿನಿಂದ ರಕ್ತ ಸುರಿದ ಪರಿಣಾಮ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಯಶೋಧಾ ಅವರ ಕೈಗೆ ಗಾಯವಾಯಿತು. ಮೇಘನಾ ಅವರ ಕಣ್ಣು, ಕಿವಿಗೆ ನೋವಾಯಿತು. ಈ ಬಗ್ಗೆ ಯಶೋಧಾ ಕಚವಿ ಹಾಗೂ ಬಸ್ ಚಾಲಕ ಮಲ್ಲಪ್ಪ ನಾಗೋಡು ಇಬ್ಬರು ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದರು. ಬನವಾಸಿ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿದ್ದು, ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದರು. `ಬೈಕ್ ಸವಾರರು ಸುರಕ್ಷತೆಗಾಗಿ ಹೆಲ್ಮೆಟ್ ಧರಿಸಿ. ಸಂಚಾರಿ ನಿಯಮವನ್ನು ಕಡ್ಡಾಯವಾಗಿ ಪಾಲಿಸಿ’
- [ಕ್ಷತ್ರಿಯ ಕೊಂಕಣ ಮರಾಠಾ ಪ್ರೀಮಿಯರ್ ಲೀಗ್: ಮರಾಠಾ ವಾರಿಯರ್ಸ್ ಚಾಂಪಿಯನ್](https://mobiletime.in/2026/03/kshatriya-konkan-maratha-premier-league-maratha-warriors-are-champions/): ಸಮಾಜ ಸೇವೆಯ ಜೊತೆ ಶಿಕ್ಷಣ ಕ್ಷೇತ್ರದಲ್ಲಿಯೂ ತೊಟಗಿರುವ ಅಮದಳ್ಳಿ ಮೂಲದ ಉದ್ಯಮಿ ಪ್ರಸಾದ್ ಗಾಂವಕರ ಅವರು ಕ್ರೀಡಾ ಕ್ಷೇತ್ರದಲ್ಲಿಯೂ ಚಾಪು ಮೂಡಿಸಿದ್ದಾರೆ. ಸದ್ಯ ಬೈತಕೊಲ್ ಟ್ರಾಫಿಕಾನಾ ಟರ್ಮಿನಲ್ ಮ್ಯಾನೇಜರ್ ಆಗಿರುವ ಪ್ರಸಾದ್ ಗಾಂವಕರ ಅವರ ಮಾಲಕತ್ವದ ಮರಾಠಾ ವಾರಿಯರ್ಸ್ ತಂಡವೂ `ಕ್ಷತ್ರಿಯ ಕೊಂಕಣ ಮರಾಠಾ ಪ್ರೀಮಿಯರ್ ಲೀಗ್ – 2026′ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ನಿರಾಕಾರ ಯೂತ್ ಕ್ಲಬ್ ಮಖೇರಿ ಹಾಗೂ ಮಲ್ಲಿಕಾರ್ಜುನ ಕ್ರಿಕೆಟರ್ಸ್ ಕಾರವಾರ ಅವರ ಆಯೋಜಕತ್ವದಲ್ಲಿ ಫೆಬ್ರವರಿ 28 ಹಾಗೂ ಮಾರ್ಚ್ 1ರಂದು ನಡೆದ ಕ್ರೀಡಾಕೂಟದಲ್ಲಿ ಮರಾಠಾ ವಾರಿಯರ್ಸ್ ತಂಡದವರು ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ. ಅವರ ಈ ಸಾಹಸಕ್ಕೆ 1 ಲಕ್ಷ ರೂ ಬಹುಮಾನದ ಜೊತೆ ಪಾರಿತೋಷಕದ ಗೆಲುವು ಸಿಕ್ಕಿದೆ. ಲೀಗ್ ಹಂತದಲ್ಲಿ ನಡೆದ ಎಲ್ಲಾ ನಾಲ್ಕು ಪಂದ್ಯಗಳನ್ನು ಗೆದ್ದು ಟೇಬಲ್ ಟಾಪರ್ ಆಗಿ ಹೊರಹೊಮ್ಮಿದ ಮರಾಠಾ ವಾರಿಯರ್ಸ್ ತಂಡವು ಕ್ವಾಲಿಫೈಯರ್ 1ರಲ್ಲಿ ಸೋಲು ಕಂಡರೂ ಹಿಂತಿರುಗದೆ ಕ್ವಾಲಿಫೈಯರ್ 2ರಲ್ಲಿ ಗೆದ್ದು ಫೈನಲ್ ಪ್ರವೇಶಿಸಿತು. ಫೈನಲ್‌ನಲ್ಲಿ ವೀರ ಮರಾಠಾ ಬಾಳ್ನಿ ವಿರುದ್ಧ 5 ಓವರ್‌ಗಳ ರೋಚಕ ಪಂದ್ಯ ನಡೆಯಿತು. ಟಾಸ್ ಗೆದ್ದ ಮರಾಠಾ ವಾರಿಯರ್ಸ್ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಎದುರಾಳಿ ತಂಡ 61 ರನ್‌ಗಳ ಗುರಿ ನೀಡಿತು. ಕೊನೆಯ ಓವರ್ ತನಕ ನಡೆದ ತೀವ್ರ ಪೈಪೋಟಿಯಲ್ಲಿ ಗುರಿ ಬೆನ್ನಟ್ಟಿದ ಮರಾಠಾ ವಾರಿಯರ್ಸ್ ಜಯ ಸಾಧಿಸಿ ಟ್ರೋಫಿಯನ್ನು ತನ್ನದಾಗಿಸಿಕೊಂಡಿತು. ರನ್ನರ್-ಅಪ್ ಸ್ಥಾನವನ್ನು ವೀರ ಮರಾಠಾ ಬಾಳ್ನಿ ಪಡೆದುಕೊಂಡಿತು. ತಂಡದ ಮಾಲೀಕರಾದ ಪ್ರಸಾದ್ ಗಾಂವಕರ (ಅಮದಳ್ಳಿ) ಹಾಗೂ ಕೋ-ಓನರ್ ಪ್ರಸಾದ್ ನಾಯ್ಕ (ಹಣಕೋಣ್) ಅವರು ಅಮದಳ್ಳಿಯ ಸುಧೀಪ್ ಸತೀಶ್ ಗಾವಂಕರ್ ಅವರನ್ನು ತಂಡದ ನಾಯಕನಾಗಿ ನೇಮಕ ಮಾಡಿದ್ದರು. ಇದು ಅವರು ಮರಾಠಾ ವಾರಿಯರ್ಸ್ ತಂಡದ ನಾಯಕತ್ವ ವಹಿಸಿದ ಮೂರನೇ ಬಾರಿ. ಈ ಮೂರೂ ಅವಧಿಗಳಲ್ಲಿ ಮೊದಲ ಬಾರಿಗೆ ತಂಡವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿ ನಾಯಕತ್ವದ ಸಾಮರ್ಥ್ಯವನ್ನು ಸಾಬೀತುಪಡಿಸಿದ್ದಾರೆ. ಪ್ರಣಾಭ್ ರಾಣೆ ಅವರು ಮ್ಯಾನ್ ಆಫ್ ದ ಸಿರೀಸ್, ಮಂದಾರ ನಾಯಕ್ ಅವರು ಫೈನಲ್ ಪಂದ್ಯದಲ್ಲಿ ಮ್ಯಾನ್ ಆಫ್ ದ ಮ್ಯಾಚ್ (ಸಿಡಿಲು ಇನ್ನಿಂಗ್ಸ್) ಆಗಿ ವಿಶೇಷ ಸಾಧನೆ ಮಾಡಿದರು. ಈ ಇಬ್ಬರು ಆಟಗಾರರೂ ಮರಾಠಾ ವಾರಿಯರ್ಸ್ ತಂಡದವರೇ ಎಂಬುದು ಇಲ್ಲಿನ ವಿಶೇಷ. ತಂಡದ ಆಟಗಾರರಾದ ಸುಧೀಪ್ ಗಾಂವಕರ, ವೈಭವ್ ಗಾಂವಕರ (ಅಮದಳ್ಳಿ), ಮಂದಾರ ನಾಯಕ್, ಸೋಮೇಶ್ ಗಾಂವಕರ, ಮಹೇಂದ್ರ ಗಾಂವಕರ, ಜಯೇಶ್ ರಾಣೆ, ರೋಷನ್ ದೇಸಾಯಿ, ಗೌತಮ್ ನಾಯ್ಕ (ಮಖೇರಿ), ಪ್ರಣಾಭ್ ರಾಣೆ (ಮುಡಗೇರಿ), ಸಾಯಿ ನಾಯ್ಕ (ನಂದಗದ್ದಾ), ಅಭಯ ನಾಯ್ಕ (ಸದಾಶಿವಗಡ), ಕಿರಣ್ ನಾಯ್ಕ (ಹಣಕೋಣ್) ಸೇರಿದಂತೆ ತಂಡವು ಒಗ್ಗಟ್ಟಿನ ಆಟ ಪ್ರದರ್ಶಿಸಿದರು. ಕಳೆದ ವರ್ಷ ತಂಡದ ಭಾಗವಾಗಿದ್ದ ರೂಪೇಶ್ ದಳವಿಯವರಿಗೆ ಅವರ ಅಮೂಲ್ಯ ಕೊಡುಗೆಗಾಗಿ ಮಾಲೀಕರಾದ ಪ್ರಸಾದ್ ಗಾಂವಕರ ಅವರು ಕೃತಜ್ಞತೆ ಸಲ್ಲಿಸಿದರು. ಮರಾಠಾ ವಾರಿಯರ್ಸ್ ತಂಡವು ಕಳೆದ ವರ್ಷ ಅವರ್ಸಾ ಪ್ರಿಮಿಯರ್ ಲೀಗ್ 2025ರಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದನ್ನು ಇಲ್ಲಿ ಸ್ಮರಿಸಬಹುದು. ಈ ನಿರಂತರ ಜಯಗಳಿಂದ ತಂಡದ ಮಟ್ಟ ಮತ್ತಷ್ಟು ಎತ್ತರಕ್ಕೇರಿದೆ. ಕೊಂಕಣ ಮರಾಠ ಸಮುದಾಯದಲ್ಲಿ ಶಿಕ್ಷಣ ಮತ್ತು ಸಮಾಜಸೇವೆಯಲ್ಲಿ ಪ್ರಸಾದ್ ಗಾಂವಕರ ಅವರು ವಿಶೇಷವಾಗಿ ಗುರುತಿಸಿಕೊಂಡಿದ್ದು, ಅವರು ಕ್ರೀಡಾಕ್ಷೇತ್ರಕ್ಕೂ ಕೊಡುಗೆ ನೀಡಿದ್ದಾರೆ. ಶಿಕ್ಷಣ ಪ್ರೇಮಿಯಾಗಿರುವ ಇವರು ಅಂಗನವಾಡಿ ಶಾಲೆಗಳಿಗೆ ಪರಿಕರಗಳ ವಿತರಣೆ, ಬಡ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಶಿಕ್ಷಣ ಸಹಾಯ, ಆಶಾ ಕಾರ್ಯಕರ್ತೆಯರ ಸನ್ಮಾನ, ಅನಾರೋಗ್ಯದಲ್ಲಿರುವವರಿಗೆ ಆರ್ಥಿಕ ನೆರವು ಸೇರಿದಂತೆ ಹಲವಾರು ಸಮಾಜಮುಖಿ ಕಾರ್ಯಕ್ರಮಗಳನ್ನು ನಡೆಸುತ್ತಿದ್ದಾರೆ. ಸ್ವತಃ ಕ್ರಿಕೆಟ್ ಆಟಗಾರರಾಗಿರುವ ಅವರು `ಇಂದಿನ ಯುವಜನರು ದುಶ್ಚಟಗಳಿಗೆ ಬಲಿಯಾಗದೆ ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳಬೇಕು, ದೈಹಿಕವಾಗಿ ಸದೃಢರಾಗಬೇಕು ಹಾಗೂ ಸಮಾಜ ಸಂಘಟಿತವಾಗಬೇಕು’ ಎಂದು ಕರೆ ನೀಡಿದ್ದಾರೆ.  
- [ಎಂಟು ಕೆಜಿ ಅಕ್ಕಿ ಕದ್ದ ಅಕ್ಕೋರು: ಅಮಾನತು!](https://mobiletime.in/2026/03/a-man-who-stole-eight-kg-of-rice-suspended/): ಕುಮಟಾದ ಬರ್ಗಿ ಪ್ರೌಢಶಾಲೆಯ ಮೂವರು ಮಹಿಳಾ ಸಿಬ್ಬಂದಿ 328ರೂ ಮೌಲ್ಯದ 8 ಕೆಜಿ ಅಕ್ಕಿ ಕದ್ದಿದ್ದಾರೆ. ನಂತರ ತಮ್ಮ ತಪ್ಪಿನ ಅರಿವಾಗಿ ಆ ಅಕ್ಕಿಯನ್ನು ಮರಳಿಸಿದರೂ ಅವರೆಲ್ಲರೂ ಸೇವೆಯಿಂದ ಅಮಾನತಾಗಿದ್ದಾರೆ! ಕುಮಟಾದ ಬರ್ಗಿ ಪ್ರೌಢಶಾಲೆಯ ಮುಖ್ಯ ಅಡುಗೆ ಸಹಾಯಕಿ ಸುಮನಾ ಕಮಲಾಕರ ನಾಯ್ಕ ಅವರ ಜೊತೆ ಅಡುಗೆ ಸಹಾಯಕಿಯರಾದ ವಾಸಂತಿ ಮಹಾಬಲೇಶ್ವರ ಗಾವಡಿ ಹಾಗೂ ರಾಜೇಶ್ವರಿ ಶ್ರೀಧರ ನಾಯ್ಕ ಸೇರಿ 8 ಕೆಜಿ 200 ಗ್ರಾಂ ಅಕ್ಕಿ ಕದ್ದಿರುವುದು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ವಿಚಾರಣೆ ವೇಳೆ ಅಕ್ಕಿ ಕದ್ದಿರುವುದಾಗಿ ಆ ಮೂವರು ತಪ್ಪು ಒಪ್ಪಿಕೊಂಡಿದ್ದು, ಆ ಅಕ್ಕಿಯನ್ನು ಮರಳಿಸಿದ್ದಾರೆ. ಆದರೆ, ಬಿಸಿಯೂಟಕ್ಕೆ ಬಳಸಬೇಕಾದ ಅಕ್ಕಿಯನ್ನು ಕದ್ದು ಸಿಕ್ಕಿಬಿದ್ದಿರುವ ಕಾರಣ ಅವರ ವಿರುದ್ಧ ಶಿಸ್ತು ಕ್ರಮ ಜರುಗಿಸಲಾಗಿದೆ. ಫೆಬ್ರವರಿ 27ರಂದು ಆ ಮೂವರು ಸೇರಿ ಶಾಲೆಯ ದಾಸ್ತಾನು ಕೊಠಡಿಯಲ್ಲಿರುವ ಅಕ್ಕಿ ಕದ್ದಿದ್ದಾರೆ. ಅಕ್ಷರ ದಾಸೋಹ ಯೀಜನೆ ಅಡಿ ಶಾಲೆಗೆ ಪೂರೈಸಿದ ಅಕ್ಕಿ ಕದ್ದಿರುವ ವಿಷಯ ಶಾಲಾ ಸಮಿತಿಯವರ ಗಮನಕ್ಕೆ ಬಂದಿದೆ. ಅದಾದ ನಂತರ ಎಸ್ ಡಿ ಎಂ ಸಿ ಸಭೆ ನಡೆದಿದ್ದು, ಅಲ್ಲಿಯೂ ಕಳ್ಳತನದ ವಿಷಯ ಚರ್ಚೆ ನಡೆದಿದೆ. ಅಕ್ಷರ ದಾಸೋಹ ಸಹಾಯಕ ನಿರ್ದೇಶಕ ವಿನಾಯಕ ವೈದ್ಯ ಭೇಟಿ ಪರಿಶೀಲನೆ ಮಾಡಿದ್ದಾರೆ. ಕ್ಷೇತ್ರ ಶಿಕ್ಷಣಾಧಿಕಾರಿ ಉದಯ ನಾಯ್ಕ ಅವರು ಶಾಲೆಗೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ. ಆದರೆ, ಅಕ್ಕಿ ಕದ್ದವರ ವಿರುದ್ಧ ಪೊಲೀಸ್ ದೂರು ನೀಡಲು ಶಾಲೆಯವರು ನಿರಾಕರಿಸಿದ್ದಾರೆ. ಅದಾಗಿಯೂ, ಬಿಸಿಯೂಟದ ಅಕ್ಕಿ ಕಾಣೆಯಾದವರ ವಿರುದ್ಧ ಕ್ರಮ ಅನವಾರ್ಯ ಎಂದು ಪ್ರತಿಪಾದಿಸಿದ್ದಾರೆ. ಹೀಗಾಗಿ ಶಾಲಾ ಎಸ್ ಡಿ ಎಂ ಸಿಯವರು ಸುಮನಾ ನಾಯ್ಕ, ವಾಸಂತಿ ಗಾವಡಿ ಹಾಗೂ ರಾಜೇಶ್ವರಿ ನಾಯ್ಕ ಅವರಿಗೆ ನೋಟಿಸ್ ನೀಡಿದ್ದಾರೆ. ನೋಟಿಸ್ ನೋಡಿದ ಆ ಮೂವರು ತಮ್ಮ ತಪ್ಪೊಪ್ಪಿಗೆ ಬರೆದುಕೊಟ್ಟಿದ್ದು, ಕ್ಷಮೆ ಯಾಚಿಸಿದ್ದಾರೆ. ಅದಾದ ನಂತರ ತಪ್ಪು ತಿದ್ದಿಕೊಳ್ಳಲು ಒಂದು ಅವಕಾಶಕ್ಕಾಗಿ ಅಂಗಲಾಚಿದ್ದಾರೆ. ಆದರೆ, ಫೆ 26ರಂದು ಸಭೆ ನಡೆಸಿದ ಪಿ ಎಂ ಪೋಷಣ ಶಕ್ತಿ ನಿರ್ಮಾಣ ಯೋಜನೆಯ ಶಿಕ್ಷಣಾಧಿಕಾರಿಗಳು ತಪ್ಪು ಮಾಡಿದವರ ವಿರುದ್ಧ ಕಾನೂನು ಕ್ರಮಕ್ಕೆ ಸೂಚಿಸಿದ್ದಾರೆ. ಒಮ್ಮೆಗೆ ಮೂವರು ಸಿಬ್ಬಂದಿಯನ್ನು ಅಮಾನತು ಮಾಡಿದರೆ ಅಕ್ಷರ ದಾಸೋಹ ಯೋಜನೆಯ ನಿರಂತರತೆ ಕಾಪಾಡಿಕೊಳ್ಳುವುದು ಕಷ್ಟ ಎಂದು ಎಸ್ ಡಿ ಎಂ ಸಿಯವರು ಹೇಳಿದ್ದಾರೆ. ಮಕ್ಕಳ ಆಹಾರ ಪೂರೈಕೆಯಲ್ಲಿ ತಾತ್ಕಾಲಿಕ ಅಡೆತಡೆ ಉಂಟಾದರೂ ತಪ್ಪು ಮಾಡಿದವರನ್ನು ಬಿಡುವುದು ನೈತಿಕವಾಗಿ ಸಾಧುವಲ್ಲ ಎಂದು ನಿರ್ಣಯಿಸಿ ಆ ಸಿಬ್ಬಂದಿಯ ನೇಮಕಾತಿ ಪ್ರಾಧಿಕಾರಿಯಾದ ಬರ್ಗಿ ಗ್ರಾ ಪಂ ಪಿಡಿಓ ಕವಿತಾ ನಾಯಕ ಅವರು ನಿರ್ಣಯಿಸಿದ್ದಾರೆ. ಈ ಹಿನ್ನಲೆ ಆ ಮೂವರ ವಿರುದ್ಧ ವಿಚಾರಣೆ ಕಾಯ್ದಿರಿಸಿ ಅಮಾನತು ಆದೇಶ ಹೊರಡಿಸಿದ್ದಾರೆ.
- [ಪೊಲೀಸರ ಕಂಡು ಪರಾರಿಯಾದ ಗೋಮುಖ ವ್ಯಾಘ್ರ!](https://mobiletime.in/2026/03/a-cow-faced-tiger-escaped-after-being-spotted-by-the-police/): ಮಾಂಸದ ಆಸೆಗಾಗಿ ಗೋವುಗಳನ್ನು ಕದ್ದು ಸಾಗಿಸುತ್ತಿದ್ದ ಲಾರಿಯನ್ನು ಯಲ್ಲಾಪುರ ಪೊಲೀಸರು ಹಿಡಿದಿದ್ದಾರೆ. ಪೊಲೀಸರನ್ನು ಕಂಡ ಬೆಲ್ಲದ ಬಾಗೆವಾಡಿಯ ದ್ಯಾನೇಶ ಪರಾರಿಯಾಗಿದ್ದು, ವಾಹನ ಓಡಿಸುತ್ತಿದ್ದ ಮೈಸೂರಿನ ಮಹಮದ್ ರಫೀ ಜಾಫರ್ ಪಾಷಾ ಸಿಕ್ಕಿಬಿದ್ದಿದ್ದಾರೆ. ಧಾರವಾಡದ ಕಲಘಟಗಿ ಕಡೆಯಿಂದ ಅಂಕೋಲಾ ಕಡೆಗೆ ವೇಗವಾಗಿ ಸಂಚರಿಸುತ್ತಿದ್ದ ಈಚರ್ ವಾಹವನನ್ನು ಫೆಬ್ರವರಿ 2ರ ರಾತ್ರಿ 11.50ಕ್ಕೆ ಯಲ್ಲಾಪುರ ಜೋಡಕೆರೆಯ ಬಳಿ ಪಿಸೈ ರಾಜಶೇಖರ ವಂದಲಿ ಅವರು ತಡೆದಿದ್ದಾರೆ. ಆ ವಾಹನ ತಪಾಸಣೆ ನಡೆಸಿದಾಗ ಅದರೊಳಗೆ 19 ಜಾನುವಾರುಗಳನ್ನು ಹಿಂಸಾತ್ಮಕ ರೀತಿಯಲ್ಲಿ ಸಾಗಿಸುತ್ತಿರುವುದು ಕಾಣಿಸಿದೆ. 12 ಹೋರಿ, 4 ಕೋಣ ಹಾಗೂ 3 ಎಮ್ಮೆಗಳಿಗೆ ಮಲಗಲು ಸಹ ಜಾಗವಿಲ್ಲದ ರೀತಿ ಅದನ್ನು ಸಾಗಿಸಲಾಗಿದ್ದು, ತಕ್ಷಣ ಪೊಲೀಸರು ಆ ಜಾನುವಾರುಗಳ ಜೀವ ಉಳಿಸಿದ್ದಾರೆ. ಪೊಲೀಸರು ಲಾರಿಗೆ ಅಡ್ಡಲಾಗಿ ಕೈ ಮಾಡಿದ ಕೂಡಲೇ ಅಕ್ರಮ ಜಾನುವಾರು ಸಾಗಾಟದಲ್ಲಿ ಭಾಗಿಯಾಗಿದ್ದ ಬಾಗೆವಾಡಿಯ ದ್ಯಾನೇಶ ಓಡಿ ಪರಾರಿಯಾಗಿದ್ದಾರೆ. ಲಾರಿ ಚಲಾಯಿಸುತ್ತಿದ್ದ ಮಹಮದ್ ರಫೀ ಜಾಫರ್ ಪಾಷಾರನ್ನು ಪೊಲೀಸರು ಹಿಡಿದಿದ್ದಾರೆ. ವಿಚಾರಣೆ ವೇಳೆ ಆ ಎಲ್ಲಾ ಜಾನುವಾರುಗಳನ್ನು ಕೇರಳಕ್ಕೆ ಸಾಗಾಟ ಮಾಡುತ್ತಿರುವ ವಿಷಯ ಗೊತ್ತಾಗಿದೆ. ಜಾನುವಾರು ಸಾಗಾಟಕ್ಕೆ ಅಗತ್ಯವಿರುವ ಅನುಮತಿ ಪತ್ರವನ್ನು ಸಹ ಹೊಂದಿರದ ಕಾರಣ ಮಹಮದ್ ರಫೀ ಜಾಫರ್ ಪಾಷಾರನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಬಗ್ಗೆ ಯಲ್ಲಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪಿಸೈ ಸಿದ್ದಪ್ಪ ಗುಡಿ ಅವರು ತನಿಖೆ ನಡೆಸುತ್ತಿದ್ದಾರೆ. ಪಶು ವೈದ್ಯ ಸುಬ್ರಾಯ ಭಟ್ಟ ಅವರು ಜಾನುವಾರುಗಳ ಆರೋಗ್ಯ ತಪಾಸಣೆ ನಡೆಸಿದ್ದಾರೆ. ಅದಾದ ನಂತರ ಪೊಲೀಸರೇ ಅಗತ್ಯವಿರುವ ಹುಲ್ಲು-ನೀರು ನೀಡಿ ಜಾನುವಾರುಗಳ ಆರೈಕೆ ಮಾಡಿದ್ದಾರೆ.
- [ಅತಿ ವೇಗ: ವಿದ್ಯಾರ್ಥಿ ಸ್ಥಿತಿ ಗಂಭೀರ!](https://mobiletime.in/2026/03/excessive-speed-students-condition-is-critical/): ಶಿರಸಿ ಸುಹಾಸ ಹೆಗಡೆ ಅವರು ತಡರಾತ್ರಿಯೂ ಅಡ್ಡಾದಿಡ್ಡಿ ಓಮಿನಿ ಓಡಿಸುತ್ತಿದ್ದು, ಅದರ ಪರಿಣಾಮ ಆ ಓಮಿನಿ ಬೈಕಿಗೆ ಗುದ್ದಿದೆ. ಬೈಕು ಓಡಿಸುತ್ತಿದ್ದ ಬಾಳೆಗದ್ದೆಯ ಪ್ರಥಮ ನಾಯ್ಕ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಶಿರಸಿಯ ಹಾರೆಹುಲೆಕಲ್ ಬಳಿ ಸುಹಾಸ ಸುಧಾಕರ ಹೆಗಡೆ ಅವರು ವಾಸವಾಗಿದ್ದಾರೆ. ಸದಾ ಜೋರಾಗಿ ಓಮಿನಿ ಓಡಿಸುವ ಅವರು ರಾತ್ರಿಯೂ ಅದರ ವೇಗ ಕಡಿಮೆ ಮಾಡಿಲ್ಲ. ಮಾರ್ಚ 1ರ ರಾತ್ರಿಯೂ ಅವರು ಶಿರಸಿ-ಹುಲೆಕಲ್ ಮಾರ್ಗವಾಗಿ ಜೋರಾಗಿ ಓಮಿನಿ ಓಡಿಸಿದ್ದಾರೆ. ಕಲ್ಲೇಶ್ವರ ದೇವಸ್ಥಾನ ತಿರುವಿನ ಬಳಿ ಎದುರಿನಿಂದ ಬಂದ ಬೈಕಿಗೆ ಓಮಿನಿ ಗುದ್ದಿದ್ದಾರೆ. ಆ ದಿನ ರಾತ್ರಿ ರುತ್ತಿದ್ದ ಬಾಳೆಗದ್ದೆ ಸಾಳ ಇಡ್ತಳ್ಳಿಯ ವಿದ್ಯಾರ್ಥಿ ಪ್ರಥಮ ರಮೇಶ ನಾಯ್ಕ (23) ಅವರು ಬೈಕ್ ಓಡಿಸಿಕೊಂಡು ಬರುತ್ತಿದ್ದು, ಸುಹಾಸ ಹೆಗಡೆ ಅವರ ಓಮಿನಿ ಗುದ್ದಿದ ರಭಸಕ್ಕೆ ಅವರು ಬೈಕಿನಿಂದ ಹಾರಿ ಬಿದ್ದಿದ್ದಾರೆ. ನಿಧಾನವಾಗಿ ಬೈಕ್ ಓಡಿಸಿದರೂ ಅಪಘಾತವಾಗಿದ್ದರಿಂದ ಅವರು ಸಾಕಷ್ಟು ನೊಂದಿದ್ದಾರೆ. ಈ ಅಪಘಾತದಲ್ಲಿ ಪ್ರಥಮ ನಾಯ್ಕ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದೆ. ಓಮಿನಿಯಲ್ಲಿದ್ದ ಸುಹಾಸ್ ಹೆಗಡೆ ಅವರ ಕಣ್ಣು-ಕೆನ್ನೆಗೂ ಗಾಯವಾಗಿದೆ. ಈ ಅಪಘಾತದ ಬಗ್ಗೆ ಬಾಳೆಗದ್ದೆ ಬಳಿಯ ಇಡ್ತಳ್ಳಿಯ ರವಿಚಂದ್ರ ಮಂಜುನಾಥ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ವೇಗವಾಗಿ ವಾಹನ ಓಡಿಸಿದ ಸುಹಾಸ ಹೆಗಡೆ ವಿರುದ್ಧ ಶಿರಸಿ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’  
- [ಕುಟು ಕುಟಿ ಆಟಕ್ಕೆ ಶಾಲಾ ಆವಾರವೇ ವೇದಿಕೆ!](https://mobiletime.in/2026/03/school-holidays-are-the-stage-for-a-game-of-slyness/): ಕುಮಟಾದ ಊರಕೇರಿಯಲ್ಲಿ ರಾಜಾರೋಷವಾಗಿ ಕುಟು ಕುಟಿ ಆಟ ನಡೆದಿದೆ. ಸೂರ್ಯ, ಚಂದ್ರ, ಕಳಾವರ ಸೇರಿ ವಿವಿಧ ಪಟ ಹರಡಿಕೊಂಡಿದ್ದವರ ವಿರುದ್ಧ ಅಲ್ಲಿನವರೇ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಕುಮಟಾದ ಊರಕೇರಿಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಡುವು ಹತ್ತಿರ ಹೊನ್ನಾವರದ ಮಾಡಗೇರಿಯ ಗುರುಪ್ರಸಾದ ವಾಸುದೇವ ನಾಯ್ಕ (30) ಅವರು ಜೂಜಾಟ ನಡೆಸಿದ್ದಾರೆ. ಗುರುಪ್ರಸಾದ ನಾಯ್ಕ ಅವರ ಜೊತೆ ಕುಮಟಾ ತಲಗೋಡದ ಪರಮೇಶ್ವರ ಮಾದೇವ ಪಟಗಾರ (45), ಹೊನ್ನಾವರ ಕಡತೋಕದ ಮಂಜುನಾಥ ದ್ಯಾವಾ ಮುಕ್ರಿ (40), ಹೊನ್ನಾವರದ ಸಂತೋಷ ಮಂಜುನಾಥ ಕೋಡಿಯಾ (24), ಕುಮಟಾ ಊರಕೇರಿಯ ಪ್ರದೀಪ ಕೃಷ್ಣ ಪಟಗಾರ (37), ಕುಮಟಾದ ನಾಗರಾಜ ಪರಮೇಶ್ವರ ಪಟಗಾರ (42) ಹಾಗೂ ಹೊನ್ನಾವರ ಗೇರುಸೊಪ್ಪಾದ ಉಮೇಶ ರಾಮನಾಥ ನಾಯ್ಕ (55) ಈ ಆಟದ ರೂವಾರಿಯಾಗಿದ್ದಾರೆ. ಮಾರ್ಚ 1ರಂದು ಅವರೆಲ್ಲರೂ ಸೇರಿ ಕುಟು ಕುಟಿ ಆಡಿಸುತ್ತಿರುವಾಗ ಕುಮಟಾ ಠಾಣೆಯ ಪೋಲಿಸ್ ನಿರೀಕ್ಷಕ ಯೊಗೇಶ ಕೆ ಎಂ ಅವರು ಅಲ್ಲಿ ದಾಳಿ ಮಾಡಿದ್ದಾರೆ. ತಮ್ಮ ಸಿಬ್ಬಂದಿ ಜೊತೆ ಹೋದ ಪಿಐ ಅವರಿಗೆ ಆ ಏಳು ಜನ ಶರಣಾಗಿದ್ದಾರೆ. ಅವರ ಬಳಿಯಿದ್ದ 2070ರೂ ಹಣವನ್ನು ಪೊಲೀಸರು ಜಪ್ತು ಮಾಡಿದ್ದು, ಎಲ್ಲರ ವಿರುದ್ಧವೂ ಕಾನೂನು ಕ್ರಮ ಜರುಗಿಸಿದ್ದಾರೆ. ಆಟದ ಸಲಕರಣೆಗಳನ್ನು ವಶಕ್ಕೆಪಡೆದ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ನದಿ ತಿರುವು: ಜಿಲ್ಲಾ ಪಂಚಾಯತ ಸಭೆಯಲ್ಲಿಯೂ ವಿರೋಧ!](https://mobiletime.in/2026/03/river-diversion-opposition-in-the-zilla-panchayat-meeting-too/): ಉತ್ತರ ಕನ್ನಡ ಜಿಲ್ಲೆಯ ಜನರ ವಿರೋಧಕ್ಕೆ ಕಾರಣವಾದ ನದಿ ತಿರುವು ಯೋಜನೆ ವಿರುದ್ಧ ಜಿಲ್ಲಾ ಪಂಚಾಯತ ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಗಿದೆ. ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರು ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಈ ವಿಷಯದ ಬಗ್ಗೆ ಧ್ವನಿ ಎತ್ತಿದ್ದು, ಸಚಿವ ಮಂಕಾಳು ವೈದ್ಯ ಅವರು ವಿರೋಧದ ಪ್ರಸ್ತಾವನೆಗೆ ಅನುಮೋದನೆ ನೀಡಿದ್ದಾರೆ. ಕಾರವಾರದ ಜಿಲ್ಲಾ ಪಂಚಾಯತ ಸಭಾ ಭವನದಲ್ಲಿ ಸೋಮವಾರ ನಡೆದ ಸಭೆಯಲ್ಲಿ ಬೇಡ್ತಿ- ವರದಾ, ಅಘನಾಶಿನಿ- ವೇದಾವತಿ ನದಿ ಜೋಡಣೆ ಯೋಜನೆ ಕುರಿತು ವಿಷಯ ಬಂದಿತು. ಈ ಯೋಜನೆಯನ್ನು ವಿರೋಧಿಸಿ ಸಭೆಯಲ್ಲಿ ನಿರ್ಣಯ ಕೈಗೊಳ್ಳುವಂತೆ ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರು ಒತ್ತಾಯಿಸಿದರು. ಇದಕ್ಕೆ ಮರು ಮಾತನಾಡದೇ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಸಮ್ಮತಿ ಸೂಚಿಸಿದರು. ಆ ಮೂಲಕ ನದಿ ಜೋಡಣೆಯ ವಿರೋಧದ ಪ್ರಸ್ತಾವನೆಗೆ ತಮ್ಮ ಒಪ್ಪಿಗೆ ಸೂಚಿಸಿ ಅನುಮೋದನೆ ನೀಡಿದರು. `ಬೇಸಿಗೆಯಲ್ಲಿ ಜಿಲ್ಲೆಯ ನಗರ ಮತ್ತು ಗ್ರಾಮೀಣ ಪ್ರದೇಶದಲ್ಲಿ ನೀರಿನ ಕೊರತೆಯಾಗದÀಂತೆ ಈಗಿನಿಂದಲೇ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಬೇಕು. ಕುಡಿಯುವ ನೀರು ಕಲುಷಿತಗೊಳ್ಳದಂತೆ ನಿಯಮಿತವಾಗಿ ಲ್ಯಾಬ್ ಗಳಲ್ಲಿ ಪರೀಕ್ಷೆಗೆ ಒಳಪಡಿಸಬೇಕು. ಜಾನುವಾರುಗಳಿಗೆ ಮೇವಿನ ಕೊರತೆಯಾಗದಂತೆ ನೋಡಿಕೊಳ್ಳಬೇಕು. ನೀರಿನ ಮೂಲ ಇರುವ ಕಡೆಗಳಲ್ಲಿ ಮಾತ್ರ ಜಲ ಜೀವನ್ ಮಿಷನ್ ಕಾಮಗಾರಿಗಳನ್ನು ಅನುಷ್ಠಾನಗೊಳಿಸಬೇಕು’ ಎನ್ನುವ ಬಗ್ಗೆ ಸಭೆಯಲ್ಲಿ ಸಚಿವರು ಸೂಚಿಸಿದರು. ಜಲಪಾತಗಳ ವೀಕ್ಷಣೆಗೆ ಆಗಮಿಸುವವರ ಜೀವಹಾನಿಯ ಬಗ್ಗೆ ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರು ವಿಷಯ ಪ್ರಸ್ತಾಪಿಸಿದರು. `ಈ ಸ್ಥಳಗಳಲ್ಲಿ ಅಗತ್ಯ ಸುರಕ್ಷತಾ ಕ್ರಮಗಳು, ಮುನ್ನೆಚ್ಚರಿಕ ಸೂಚನಾ ಫಲಕಗಳು ಮತ್ತು ಹೋಂ ಗಾರ್ಡ್ಗಳನ್ನು ನಿಯೋಜಿಸಬೇಕು’ ಎಂದು ಆಗ್ರಹಿಸಿದರು. `ಹಾವೇರಿ-ಶಿರಸಿ ರಸ್ತೆ ಕಾಮಗಾರಿಯಿಂದ ಶಾಲಾ ಮಕ್ಕಳು ಮತ್ತು ಸಾರ್ವಜನಿಕರು ಧೂಳಿನಿಂದ ನರಳುತ್ತಿದ್ದಾರೆ. ಈ ಕಾಮಗಾರಿ ಅವ್ಯವಸ್ಥೆಯಿಂದ ಕೂಡಿದ್ದು, ಪ್ರಸ್ತುತ ಕಿತ್ತು ಹಾಕಿರುವ ರಸ್ತೆಯನ್ನು ಆದ್ಯತೆಯಲ್ಲಿ ನಿರ್ಮಾಣ ಮಾಡಬೇಕು’ ಎಂದು ಅವರು ಸಭೆಯಲ್ಲಿ ಆಗ್ರಹಿಸಿದರು. ಮಳೆ ಮಾಪನ ಯಂತ್ರಗಳ ದುರಸ್ತಿ ಮತ್ತು ಕಾರ್ಯನಿರ್ವಹಣೆ, ಆಟೋಗಳಿಗೆ ಪರ್ಮಿಟ್ ನೀಡುವ ಬಗ್ಗೆ, ಬೆಳೆ ವಿಮೆ ಪಾವತಿ ಬಗ್ಗೆ, ಪ್ರಾಕೃತಿಕ ವಿಕೋಪ ತಡೆ ಕಾಮಗಾರಿಗಳನ್ನು ನಿಗಧಿತ ಅವಧಿಯಲ್ಲಿ ಮುಕ್ತಾಯಗೊಳಿಸುವ ಬಗ್ಗೆ, ಅತಿಕ್ರಮಣ ಜಮೀನುಗಳ ಜಿ ಪಿ ಎಸ್ ಸರ್ವೇ ಕಾರ್ಯದ ಬಗ್ಗೆ ಸಭೆಯಲ್ಲಿ ಚರ್ಚೆ ನಡೆಯಿತು. ಮಳೆಗಾಲದಲ್ಲಿ ಹೆಸ್ಕಾಂ ವತಿಯಿಂದ ವಿದ್ಯುತ್ ಸಂಪರ್ಕ ವ್ಯವಸ್ಥೆ ಹಾಳಾಗುವುದನ್ನು ತಪ್ಪಿಸಲು 24 ಗಂಟೆಯೊಳಗೆ ಟ್ರಾನ್ಸ್ ಫಾರ್ಮರ್ ಮತ್ತು ವಿದ್ಯುತ್ ಕಂಬಗಳ ಜೋಡಣೆ ಮಾಡುವ ರೀತಿಯಲ್ಲಿ ಎಲ್ಲಾ ಅಗತ್ಯ ಸಿದ್ದತೆ, ಉಪಕರಣಗಳ ಲಭ್ಯತೆ ಮತ್ತು ಸಿಬ್ಬಂದಿಗಳನ್ನು ನಿಯೋಜಿಸುವಂತೆ ಸಚಿವರು ಸೂಚಿಸಿದರು. ಹಳೆಯದಾದ ಮತ್ತು ಅಪಾಯಕಾರಿಯಾಗಿರುವ ವಿದ್ಯುತ್ ತಂತಿಗಳ ತೆರವು ಮತ್ತು ಬದಲಾವಣೆ ಕಾಮಗಾರಿಗಳನ್ನು ನಿಗಧಿತ ಅವಧಿಯೊಳಗೆ ಮುಕ್ತಾಯಗೊಳಿಸುವಂತೆ ಸೂಚಿಸಿದರು. ಸಭೆಯಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ, ಜಿಲ್ಲಾ ಪಂಚಾಯಿತಿ ಸಿಇಒ ದಿಲೀಷ್ ಶಶಿ, ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ.ಎನ್, ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರದ ಅಧ್ಯಕ್ಷ ಸತೀಶ್ ನಾಯ್ಕ ಇತರರಿದ್ದರು.
- [ಸರ್ಕಾರಿ ಆಸ್ಪತ್ರೆ: ಇಲ್ಲಿನ ರೋಗಿಗಳಿಗೆ ಹೊರಗಡೆ ಔಷಧಿ ಒಗ್ಗಲ್ಲ!](https://mobiletime.in/2026/03/government-hospital-patients-here-are-not-allowed-to-get-medicine-from-outside/): `ಸರ್ಕಾರಿ ಆಸ್ಪತ್ರೆಗೆ ಬರುವ ರೋಗಿಗಳಿಗೆ ಅಲ್ಲಿಯೇ ಔಷಧಿ ವಿತರಿಸಬೇಕು. ಹೊರಗಡೆಯ ಔಷಧಿ ಮಳಿಗೆಗೆ ಚೀಟಿ ಕೊಡುವ ವೈದ್ಯರ ವಿರುದ್ಧ ಕಠಿಣ ಕ್ರಮ ಅನಿವಾರ್ಯ’ ಎಂದು ಉತ್ತರ ಕನ್ನಡ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಎಚ್ಚರಿಸಿದ್ದಾರೆ. `ಆಸ್ಪತ್ರೆಯಲ್ಲಿ ಔಷಧಗಳ ಕೊರತೆ ಇದ್ದರೆ ಆರೋಗ್ಯ ರಕ್ಷಾ ಸಮಿತಿಯ ಮೂಲಕ ಅಗತ್ಯವಿರುವಷ್ಟು ಔಷಧಗಳನ್ನು ಖರೀದಿಸಬೇಕು. ಅದನ್ನು ರೋಗಿಗಳಿಗೆ ಉಚಿತವಾಗಿ ವಿತರಣೆ ಮಾಡಬೇಕು’ ಎಂದವರು ಸೂಚಿಸಿದ್ದಾರೆ. `ಯಾವುದೇ ಸರಕಾರಿ ವೈದ್ಯಕೀಯ ಕೇಂದ್ರಗಳಲ್ಲಿ ಸಾರ್ವಜನಿಕರಿಗೆ ನೀಡುವ ಔಷಧÀಗಳ ವಿತರಣೆಯಲ್ಲಿ ಕೊರತೆಯಾಗದಂತೆ ಎಚ್ಚರಿಕೆವಹಿಸಬೇಕು’ ಎಂದು ಅವರು ಆರೋಗ್ಯ ಇಲಾಖೆ ಅಧಿಕಾರಿಗಳಿಗೆ ತಾಕೀತು ಮಾಡಿದ್ದಾರೆ. ಅವರು ಸೋಮವಾರ ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ಪ್ರಗತಿ ಪರಿಶೀಲನಾ ಸಭೆ ನಡೆಸಿದ ಅವರು ವಿವಿಧ ವಿಷಯಗಳ ಬಗ್ಗೆ ಚರ್ಚಿಸಿದರು. `ಮಕ್ಕಳ ಕೊರತೆಯಿಂದ ಈಗಾಗಲೇ ಮುಚ್ಚಿರುವ ಸರಕಾರಿ ಶಾಲೆಗಳನ್ನು ಸರ್ವೇ ಮಾಡಿಸಬೇಕು. ನಂತರ ಅವುಗಳನ್ನು ಸ್ಥಳೀಯ ಗ್ರಾಮ ಪಂಚಾಯತ್‌ಗಳಿಗೆ ಹಸ್ತಾಂತರಿಸಬೇಕು. ಮುಚ್ಚಿದ ಶಾಲೆಗಳ ಜಾಗ ಅತಿಕ್ರಮಣವಾದಲ್ಲಿ ಸಂಬAಧಪಟ್ಟ ಪಂಚಾಯತ್‌ನ ಪಿಡಿಓ ಮತ್ತು ತಾ ಪಂ ಕಾರ್ಯನಿರ್ವಹಣಾಧಿಕಾರಿಗಳನ್ನು ಜವಾಬ್ದಾರನ್ನಾಗಿ ಮಾಡಲಾಗುತ್ತದೆ’ ಎಂದು ಎಚ್ಚರಿಸಿದರು. `ಶಿಥಿಲಾವಸ್ಥೆಯಲ್ಲಿರುವ ಶಾಲೆಗಳನ್ನು ನಿಯಮಾನುಸಾರ ತೆರವುಗಳಿಸುವಂತೆ ಹಾಗೂ ಶಾಲಾ ಆವರಣದಲ್ಲಿನ ಅಪಾಯಕಾರಿ ಮರ, ವಿದ್ಯುತ್ ತಂತಿಗಳನ್ನು ತೆರವುಗೊಳಿಸಬೇಕು. ಮಕ್ಕಳಿಗೆ ಎಲ್ಲಾ ರೀತಿಯ ಸುರಕ್ಷತೆ ಇರುವ ರೀತಿಯಲ್ಲಿ ಕ್ರಮ ಕೈಗೊಳ್ಳಬೇಕು’ ಎಂದು ಹೇಳಿದರು. `ಹಾಸ್ಟೆಲ್ ಪ್ರವೇಶ ಕೋರುವ ಎಲ್ಲಾ ವಿದ್ಯಾರ್ಥಿಗಳಿಗೆ ಪ್ರವೇಶ ನೀಡಬೇಕು. ಪ್ರವೇಶ ಪ್ರಕ್ರಿಯೆಯನ್ನು ಅದಷ್ಟು ಮುಂಚಿತವಾಗಿ ಆರಂಭಿಸಬೇಕು. ವಿದ್ಯಾರ್ಥಿಗಳಿಗೆ ಯಾವುದೇ ಮೂಲಭೂತ ಸೌಲಭ್ಯಗಳ ಕೊರತೆಯಾಗದಂತೆ ಎಚ್ಚರವಹಿಸಬೇಕು’ ಎಂದು ಸಚಿವರು ಸೂಚಿಸಿದರು. `ಪ್ರಸ್ತುತ ನಡೆಯುತ್ತಿರುವ ದ್ವಿತೀಯ ಪಿಯುಸಿ ಪರೀಕ್ಷೆ ಮತ್ತು ಮುಂಬರುವ ಎಸ್ ಎಸ್ ಎಲ್ ಸಿ ಪರೀಕ್ಷೆ ಸಮಯದಲ್ಲಿ ವಿದ್ಯಾರ್ಥಿಗಳಿಗೆ ಅನಾನುಕೂಲವಾಗದಂತೆ ಸಾರಿಗೆ ಸಂಸ್ಥೆಯ ಬಸ್‌ಗಳ ಸಂಚಾರ ಸಮರ್ಪಕವಾಗಿ ನಡೆಯಬೇಕು. ಜಿಲ್ಲೆಗೆ ಬಂದಿರುವ ಹೊಸ ಬಸ್ ಗಳನ್ನು ಅಗತ್ಯವಿರುವೆಡೆಗಳಲ್ಲಿ ಕಾರ್ಯಚರಣೆಗೆ ನಿಯೋಜಿಸಬೇಕು. ಕಾರವಾರ- ಬೆಂಗಳೂರು ನಡುವೆ ಬಸ್ ಸ್ಥಗಿತಗೊಳಿಸುವ ಬಸ್ ಸಂಚಾರವನ್ನು ಮತ್ತೆ ಶುರು ಮಾಡಬೇಕು’ ಎಂದು ಸೂಚಿಸಿದರು. ಸಾರಿಗೆ ಬಸ್‌ಗಳ ವ್ಯವಸ್ಥೆ ಹದಗೆಟ್ಟಿರುವ ಬಗ್ಗೆ ಸಭೆಯಲ್ಲಿ ಗಂಭೀರ ಚರ್ಚೆ ನಡೆಯಿತು. `ಜಿಲ್ಲೆಗೆ ಇದುವರೆಗೆ 104 ಹೊಸ ಬಸ್ ಕೊಟ್ಟಿದ್ದೇವೆ. ಪ್ರಸ್ತುತ ಇನ್ನೂ 20 ಹೊಸ ಬಸ್‌ಗಳು ಬರುತ್ತವೆ. ಸಮಸ್ಯೆಯನ್ನು ಸರಿಯಾಗಿ ನಿರ್ವಹಿಸಿ’ ಎಂದು ಸಾರಿಗೆ ಸಂಸ್ಥೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು. `ಎಲ್ಲ ಕಡೆ ಗುಜರಿ ಬಸ್‌ಗಳು ಓಡಾಡುತ್ತಿವೆ. ಬಸ್‌ಗಳ ನಿರ್ವಹಣೆ ಸರಿಯಾಗಿ ಆಗುತ್ತಿಲ್ಲ. ಕಾರವಾರ, ಅಂಕೋಲಾ ಬಸ್ ಘಟಕಗಳು ದುರ್ಬಲವಾಗಿವೆ’ ಎಂದು ಎಂಸಿಎ ಅಧ್ಯಕ್ಷ ಹಾಗೂ ಶಾಸಕ ಸತೀಶ ಸೈಲ್ ಆರೋಪಿಸಿದರು.
- [ಕಳ್ಳತನವೇ ಕಾಯಕ: ಆ ಸಿದ್ದಿ ಗ್ಯಾಂಗ್'ಗೆ ಇಲ್ಲ ಬುದ್ದಿ!](https://mobiletime.in/2026/03/theft-is-the-key-that-siddhi-gang-has-no-brains/): ಕದಿಯುವುದನೇ ಕಾಯಕವನ್ನಾಗಿಸಿಕೊಂಡಿದ್ದ `ಸಿದ್ದಿ ಗ್ಯಾಂಗ್’ಗೆ ಪೊಲೀಸರು ಬುದ್ದಿ ಕಲಿಸುವ ಪ್ರಯತ್ನ ಮಾಡಿದ್ದಾರೆ. ಅಂಕೋಲಾ ಸುಂಕಸಾಳದ ಬ್ಯಾಂಕು-ಹೆಗ್ಗಾರಿನ ಕಲ್ಪತರು ಸೊಸೈಟಿ ಹಾಗೂ ಸಮೀಪದ ಕಿರಾಣಿ ಅಂಗಡಿ ದರೋಡೆ ಮಾಡಿದ್ದ ತಂಡದವರು ಸಿಕ್ಕಿಬಿದ್ದಿದ್ದಾರೆ. ಜನವರಿ ತಿಂಗಳಿನಲ್ಲಿ ಕಳ್ಳರು ಅಂಕೋಲಾ ಸುಂಕಸಾಳದ ಬ್ಯಾಂಕ್ ಆಫ್ ಬರೋಡಾದ ಶೌಚಾಲಯ ಒಡೆದು ದರೋಡೆಗೆ ಯತ್ನಿಸಿದ್ದರು. ಅದಾದ ವಾರದೊಳಗೆ ಹೆಗ್ಗಾರಿನ ಕಲ್ಪತರು ಸೊಸೈಟಿಯ ಸೂಪರ್ ಮಾರ್ಟಿಗೆ ನುಗ್ಗಿ ಹಣ ಕದ್ದಿದ್ದರು. ಅದರ ಬೆನ್ನಲ್ಲೇ ಸ್ಥಳೀಯ ಕಿರಾಣಿ ಅಂಗಡಿಯೊAದರ ಬಾಗಿಲು ಮುರಿದಿದ್ದರು. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸ್ಥಳಕ್ಕೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಭೇಟಿ ನೀಡಿ ಪರಿಶೀಲಿಸಿದ್ದರು. ಆದರೆ, ಎರಡು ತಿಂಗಳು ಕಳೆದರೂ ಕಳ್ಳರು ಮಾತ್ರ ಸಿಕ್ಕಿಬಿದ್ದಿರಲಿಲ್ಲ. ಪದೇ ಪದೇ ಕಳ್ಳತನ-ದರೋಡೆ ನಡೆಯುತ್ತಿರುವ ಬಗ್ಗೆ ಗ್ರಾಮದ ಜನ ಅಸಮಧಾನವ್ಯಕ್ತಪಡಿಸಿದ್ದು, ಕಳ್ಳರ ಪತ್ತೆಗೆ ಪೊಲೀಸರು ವಿಶೇಷ ತಂಡ ರಚಿಸಿದರು. ಕಾರವಾರ ಟೆಕ್ನಿಕಲ್ ವಿಭಾಗದ ಉದಯ ಗುನಗಾ ಹಾಗೂ ಬಬನ್ ಕದಂ ತಂತ್ರಜ್ಞಾನ ಆಧಾರದಲ್ಲಿ ಕಳ್ಳರ ಹುಡುಕಾಟ ನಡೆಸಿದರು. ಕಳ್ಳತನ-ದರೋಡೆ ನಡೆದ ಅವಧಿಯಲ್ಲಿ ಹಳವಳ್ಳಿಯ ವಿನಾಯಕ ಕಮಲಾಕರ ಸಿದ್ದಿ (19) ಅದೇ ಪ್ರದೇಶದಲ್ಲಿ ಓಡಾಡಿರುವ ಸುಳಿವು ಸಿಕ್ಕಿತು. ವಿನಾಯಕ ಸಿದ್ದಿ ಅವರ ಜೊತೆ ಅಂಕೋಲಾ ದುಗ್ಗದಮನೆಯ ರಾಜೇಶ ಲಕ್ಷö್ಮಣ ಸಿದ್ದಿ (27), ಅಂಕೋಲಾ ಮಳಲಗಾವ್ ಪ್ರಶಾಂತ ಅನಂತ ಸಿದ್ದಿ, ಕಲ್ಲೇಶ್ವರದ ನೀಲೇಶ ಗಣಪತಿ ಸಿದ್ದಿ, ಹಳವಳ್ಳಿಯ ನಾಗೇಶ ಸುಬ್ರಾಯ ಸಿದ್ದಿ ಸಹ ಈ ದರೋಡೆ ಕಾಯಕದಲ್ಲಿ ಜೊತೆಯಾಗಿರುವುದು ಪೊಲೀಸರ ಗಮನಕ್ಕೆ ಬಂದಿತು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಡಿವೈಎಸ್ಪಿ ಗಿರೀಶ ಎಸ್ ವಿ ಅವರ ಸೂಚನೆ ಮೇರೆಗೆ ಪಿಐ ಚಂದ್ರಶೇಖರ ಮಠಪತಿ, ಪಿಸೈ ಗುರುನಾಥ ಹಾದಿಮನಿ, ತನಿಖಾಧಿಕಾರಿ ವಿಶ್ವನಾಥ ನಿಂಗೋಳ್ಳಿ ಸೇರಿ ಆರೋಪಿತರ ಮೇಲೆ ದಾಳಿ ಮಾಡಿದರು. ಪೊಲೀಸ್ ಸಿಬ್ಬಂದಿ ಮಹಾದೇವ ಸಿದ್ದಿ, ಪ್ರಶಾಂತ ನಾಯ್ಕ, ಮಹಾಬಲೇಶ್ವರ ನಾಯಕ, ಸಂತೋಷ ದೊಡಮಣಿ, ಆಸಿಫ್ ಆರ್ ಕೆ, ಶಿವಾನಂದ ನಾಗರದಿನ್ನಿ, ಹೊನ್ನಪ್ಪ ವಗ್ಗಣ್ಣನವರ್, ರಯೀಸ್ ಬಾಗವಾ, ವಿಜಯ ಯಲ್ಲಾಪುರ ಅವರ ಜೊತೆ ಯಲ್ಲಾಪುರ ಪೊಲೀಸ್ ಠಾಣೆಯ ಮಾರುತಿ ಕೆ ಎಚ್ ಅವರು ಈ ಕಾರ್ಯಾಚರಣೆಯಲ್ಲಿ ಜೊತೆಯಾದರು. ಎಲ್ಲರೂ ಸೇರಿ ಆ ಐದು ದರೋಡೆಕೋರರ ಹೆಡೆಮುರಿ ಕಟ್ಟಿದರು. ಅಪರಾಧ ಕೃತ್ಯಕ್ಕೆ ಬಳಸಿದ್ದ ವಾಹನವನ್ನು ಜಪ್ತು ಮಾಡಿ, ಕಳ್ಳರನ್ನು ಜೈಲಿಗೆ ಕಳುಹಿಸಿದರು.
- [ಕೊಟ್ಟಿಗೆಗೆ ನುಗ್ಗಿದ ಕರಿ ಆನೆ!](https://mobiletime.in/2026/03/a-black-elephant-broke-into-the-barn/): ಹಳಿಯಾಳ – ದಾಂಡೇಲಿ ಮಾರ್ಗ ಮಧ್ಯದಲ್ಲಿರುವ ಆಲೂರು ಬಳಿ ಆನೆಯೊಂದ ಕೊಟ್ಟಿಗೆಗೆ ನುಗ್ಗಿದೆ. ಆ ಕೊಟ್ಟಿಗೆಯನ್ನು ಸಂಪೂರ್ಣವಾಗಿ ನಾಶ ಮಾಡಿದೆ. ಆಲೂರಿನ ವಿಷ್ಣು ದಾನಪ್ಪ ವಟ್ಲೆಕರ್ ಅವರು ತಮ್ಮ ಕೃಷಿ ಕಾಯಕದ ಜೊತೆ ಜಾನುವಾರುಗಳನ್ನು ಸಾಕಿದ್ದರು. ಜಾನುವಾರು ರಕ್ಷಣೆಗಾಗಿ ಅವರು ಕೊಟ್ಟಿಗೆ ನಿರ್ಮಿಸಿದ್ದರು. ಹುಲಿ-ಚಿರತೆಯಿಂದ ತಮ್ಮ ಎಮ್ಮೆಗಳನ್ನು ರಕ್ಷಿಸಿಕೊಳ್ಳಲು ಅವರು ಹರಸಾಹಸ ನಡೆಸಿದ್ದರು. ಕೊಟ್ಟಿಗೆ ನಿರ್ಮಾಣದ ನಂತರ ಚಿರತೆ ಭಯ ಕಡಿಮೆ ಆಯಿತಾದರೂ ಆನೆ ದಾಳಿಯನ್ನು ತಡೆಯಲು ಅವರಿಂದ ಸಾಧ್ಯವಾಗಲಿಲ್ಲ. ರಸ್ತೆ ಮೇಲೆ ಓಡಾಡುತ್ತಿದ್ದ ಆನೆ ರಸ್ತೆ ಪಕ್ಕದಲ್ಲಿದ್ದ ಕೊಟ್ಟಿಗೆ ಮೇಲೆ ಕಣ್ಣು ಹಾಯಿಸಿತು. ಅಲ್ಲಿ ಆನೆಗೆ ಸಿಗುವ ಯಾವ ಆಹಾರ ಇಲ್ಲದಿದ್ದರೂ ಕೊಟ್ಟಿಗೆ ಕಡೆ ಪ್ರಯಾಣ ಬೆಳೆಸಿತು. ದನದ ಕೊಟ್ಟಿಗೆಗೆ ನುಗ್ಗಿ ಅದನ್ನು ಸಂಪೂರ್ಣವಾಗಿ ನಾಶಪಡಿಸಿತು. ಈ ವೇಳೆ ಕೊಟ್ಟಿಗೆಯಲ್ಲಿದ್ದ ಎಮ್ಮೆ ಹಾಗೂ ಕರುಗಳು ನಡುಗಿ ಹೋದವು. ಆನೆ ದಾಳಿಗೆ ತತ್ತರಿಸಿದ ಅವರು ಮೂಲೆ ಸೇರಿ ಪ್ರಾಣ ಉಳಿಸಿಕೊಂಡವು. ಈ ಭಾಗದ ರಸ್ತೆ ಅಂಚಿನಲ್ಲಿ ಇನ್ನಷ್ಟು ರೈತರು ಕೊಟ್ಟಿಗೆ ನಿರ್ಮಿಸಿದ್ದು, ಆನೆ ಉಪಟಳಕ್ಕೆ ಅವರು ಬೆದರಿದ್ದಾರೆ. ಕೂಡಲೇ ಆ ಆನೆಯನ್ನು ಅಲ್ಲಿಂದ ಸ್ಥಳಾಂತರಿಸಬೇಕು ಎಂದು ಜನ ಆಗ್ರಹಿಸಿದ್ದಾರೆ. `ಅರಣ್ಯ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಬೇಕು. ಹಾನಿ ಅನುಭವಿಸಿದ ರೈತನಿಗೆ ಯೋಗ್ಯ ಪರಿಹಾರ ಒದಗಿಸಬೇಕು’ ಎಂದು ಒತ್ತಾಯಿಸಿದ್ದಾರೆ.
- [ಚೆಂಡಿಯಾದಲ್ಲಿ ಗುಮಟೆ ಸದ್ದು: ದಶಕದ ನಂತರ ಸಡಗರದ ಸುಗ್ಗಿ ಸಂಭ್ರಮ!](https://mobiletime.in/2026/03/the-sound-of-a-drumming-in-chendia-a-bustling-harvest-celebration-after-a-decade/): ದೇವರ ಆರಾಧನೆ, ಸಮೃದ್ಧಿಯ ಪ್ರಾರ್ಥನೆ ಮತ್ತು ಸಮೂಹ ಒಗ್ಗಟ್ಟಿನ ಸಂಕೇತವಾದ ಕರಾವಳಿ ಸಂಸ್ಕೃತಿಯ ವೈಭವದ ವಾತಾವರಣ ಕಾರವಾರದ ಚೆಂಡಿಯಾದಲ್ಲಿ ಕಾಣಿಸುತ್ತಿದೆ. 10 ವರ್ಷಗಳ ತರುವಾಯ ಇಲ್ಲಿನ ಗುನಗಿ ಸಮಾಜದವರು ಸುಗ್ಗಿಮೇಳ ಕಟ್ಟಿದ್ದು, ಹೋಳಿ ಹಬ್ಬದ ಸೊಬಗು ಹೆಚ್ಚಿಸಲು ಸಜ್ಜಾಗಿದ್ದಾರೆ. ಕರಾವಳಿ ಭಾಗದಲ್ಲಿ ಹೋಳಿ ಹಬ್ಬವು ಕೇವಲ ಬಣ್ಣಗಳ ಹಬ್ಬವಲ್ಲ; ಅದು ಭಕ್ತಿ, ಸಂಪ್ರದಾಯ ಮತ್ತು ಸಮೂಹಭಾವದ ಸಾಂಸ್ಕೃತಿಕ ಉತ್ಸವ. ಇದೇ ಪರಂಪರೆಯ ಭಾಗವಾಗಿ ತಾಲೂಕಿನ ಚೆಂಡಿಯಾ ಗ್ರಾಮದ ಹೇಮಜ್ಜನ ಮಂಡದ ಗುನಗಿ ಸಮಾಜದವರು 10 ವರ್ಷಗಳ ಬಳಿಕ ಸುಗ್ಗಿಮೇಳವನ್ನು ವೈಭವದಿಂದ ಆರಂಭಿಸಿದ್ದು, ಗ್ರಾಮದಲ್ಲಿ ಉತ್ಸಾಹದ ವಾತಾವರಣ ಕಾಣಿಸುತ್ತಿದೆ. ಹೋಳಿ ಹುಣ್ಣಿಮೆಗೆ ಒಂಬತ್ತು ದಿನಗಳ ಮುನ್ನ ಗ್ರಾಮ ದೇವರ ಸನ್ನಿಧಿಯಲ್ಲಿ ಪೂಜೆ ಸಲ್ಲಿಸುವ ಸಂಪ್ರದಾಯದAತೆ ಕಳೆದ ಫೆ 21ರಂದು ಸಂಜೆ 5 ಗಂಟೆಗೆ ಸುಗ್ಗಿಮೇಳಕ್ಕೆ ಚಾಲನೆ ನೀಡಲಾಗಿದೆ. ಕಾರವಾರ-ಅಂಕೋಲಾ ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರು ಮೇಳ ಉದ್ಘಾಟಿಸಿದ್ದಾರೆ. ಸಂಕಲ್ಪ, ಪೂಜೆ ಮತ್ತು ಸಮೂಹ ಪ್ರಾರ್ಥನೆಯೊಂದಿಗೆ ತುರಾಯಿ, ಚಂಡೆ ಹಾಗೂ ತಾಳಗಳ ಘೋಷದಲ್ಲಿ ಮೇಳ ಪ್ರಾರಂಭಗೊAಡಿದೆ. ಮAಡದ ಬುಧವಂತರಾದ ನಿಶಾಂಭರ, ಮಾದು ಗುನಗಿ (ಹೊನ್ನಗದ್ದೆ ಭಾಗ), ಕೋಲಕಾರರ ಮುರಾರಿ ಎಲ್ ಗುನಗಿ (ಇಡೂರು) ಸೇರಿದಂತೆ ಹಲವು ಗಣ್ಯರು ಈ ಸನ್ನಿವೇಶಕ್ಕೆ ಸಾಕ್ಷಿಯಾಗಿದ್ದು, ಸಮಾಜದ ಹಿರಿಯರು ಮತ್ತು ಯುವಪೀಳಿಗೆ ಒಂದಾಗಿ ಭಾಗವಹಿಸಿದ್ದರು. ಸಂಪ್ರದಾಯದ ನಿರಂತರತೆಯನ್ನು ಕಾಪಾಡುವ ಸಂಕಲ್ಪ ಎಲ್ಲರಲ್ಲಿಯೂ ಸ್ಪಷ್ಟವಾಗಿ ಕಾಣಿಸಿಕೊಂಡಿತು. ಇಲ್ಲಿ ಸುಗ್ಗಿ ಪ್ರಾರಂಭವಾದ ಬಳಿಕ ಕಾಮದಹನದವರೆಗೆ ಭಾಗವಹಿಸುವವರು ಮನೆಗೆ ತೆರಳದೇ ನಿಯಮ-ನಿಷ್ಠೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಾರೆ. ಚೆಂಡಿಯಾದ ಐದು ಹಳ್ಳಿಮಂಡ ಸೇರಿದಂತೆ ತೊಡೂರು, ಕೊಡಾರ, ಅರಗಾ, ಬಿಣಗಾ, ಕಾರವಾರ ಗುರುಮಠ, ಪಂಚಮಹಲ, ಕಡವಾಡ ಹಾಗೂ ಕಿನ್ನರ ಮಂಡಗಳಿಗೆ ಭೇಟಿ ನೀಡಿ, ಸಮಾಜದ ಪ್ರತಿಯೊಬ್ಬರ ಮನೆಗೆ ತೆರಳಿ ಸುಗ್ಗಿ ಕುಣಿದು ಸಂಭ್ರಮಿಸುತ್ತಾರೆ. ಪ್ರತಿ ಮನೆಯ ಕನಿಷ್ಠ ಒಬ್ಬ ಸದಸ್ಯ ಮೇಳದಲ್ಲಿ ಪಾಲ್ಗೊಳ್ಳುವುದು ಈ ಆಚರಣೆಯ ವಿಶಿಷ್ಟತೆ. ಈ ಬಾರಿಯ ಮೇಳದಲ್ಲಿ 7 ತುರಾಯಿಗಳೊಂದಿಗೆ ಸುಮಾರು 100ಕ್ಕೂ ಹೆಚ್ಚು ಸದಸ್ಯರು ಭಾಗವಹಿಸಿದ್ದಾರೆ. ಹತ್ತು ವರ್ಷಕ್ಕೊಮ್ಮೆ ನಡೆಯುವ ಈ ಸುಗ್ಗಿಮೇಳ ಗ್ರಾಮದಲ್ಲಿ ಆಧ್ಯಾತ್ಮಿಕ ಚೈತನ್ಯ ಮೂಡಿಸುವುದರ ಜೊತೆಗೆ ಸಾಮಾಜಿಕ ಬಾಂಧವ್ಯವನ್ನು ಗಟ್ಟಿಗೊಳಿಸುತ್ತದೆ. ದೂರದ ಊರುಗಳಲ್ಲಿ ವಾಸಿಸುತ್ತಿರುವ ಗ್ರಾಮಸ್ಥರೂ ಈ ಸಂದರ್ಭಕ್ಕೆ ತಮ್ಮ ಊರಿಗೆ ಮರಳಿ ಬಂದು ಭಾಗವಹಿಸುವುದು ವಿಶೇಷವಾಗಿದ್ದು, ಮನೆಮನೆಗಳಲ್ಲಿ ಆತಿಥ್ಯ, ಭಕ್ತಿಗೀತೆ ಮತ್ತು ಸಂಭ್ರಮದ ವಾತಾವರಣ ನಿರ್ಮಾಣವಾಗುತ್ತದೆ. ಈ ಸಂಭ್ರಮಕ್ಕಾಗಿ ಲಕ್ಷಾಂತರ ರೂಪಾಯಿ ವೆಚ್ಚವನ್ನು ಸಮಾಜದವರು ಸ್ವಂತವಾಗಿ ಭರಿಸಿದ್ದಾರೆ. ಯಾವುದೇ ಹೊರಗಿನ ಅನುದಾನವಿಲ್ಲದೆ ತಮ್ಮ ಶ್ರಮ ಮತ್ತು ಸಂಪನ್ಮೂಲಗಳಿoದ ಮೇಳವನ್ನು ನಡೆಸುತ್ತಿರುವುದು ಗಮನಾರ್ಹ. ಇದು ಗುನಗಿ ಸಮಾಜದ ಭಕ್ತಿ, ಸಂಸ್ಕೃತಿ ಪ್ರೇಮ ಮತ್ತು ಸಮೂಹ ಶಕ್ತಿಯ ಪ್ರತೀಕವಾಗಿದೆ.
- [ಆರೋಗ್ಯ ಅಧಿಕಾರಿಯ ಅಯೋಗ್ಯ ವಚನ: ಸಚಿವರಿಗೆ ಸವಾಲು ಹಾಕಿ ಹೊರಬಿದ್ದ ಶಾಸಕ!](https://mobiletime.in/2026/03/health-officers-inappropriate-oath-mla-challenges-minister-and-comes-out/): ಅನಾರೋಗ್ಯದ ಒಳ ನೋವು ಅನುಭವಿಸಿರುವ ಕಾರವಾರ ವಿಧಾನಸಭಾ ಕ್ಷೇತ್ರದ ಶಾಸಕ ಸತೀಶ್ ಸೈಲ್ ಅವರು ಕ್ಷೇತ್ರದ ಜನರ ಆರೋಗ್ಯದ ಬಗ್ಗೆ ಇದೀಗ ಅಪಾರ ಕಾಳಜಿವಹಿಸುತ್ತಿದ್ದಾರೆ. ಮುಖ್ಯಮಂತ್ರಿಗಳ ಬಳಿ ಪಟ್ಟುಹಿಡಿದು ಸುಸಜ್ಜಿತ ಆಸ್ಪತ್ರೆ ಘೋಷಣೆ ಮಾಡಿದ್ದ ಅವರು ಸೋಮವಾರ ಆರೋಗ್ಯ ವಿಷಯದಲ್ಲಿ ಸುಳ್ಳು ಹೇಳಿದ ಅಧಿಕಾರಿಗಳ ವಿರುದ್ಧ ಕಿಡಿಕಾರಿದ್ದಾರೆ. ಜೊತೆಗೆ ಸರ್ಕಾರಿ ಸಭೆಯಲ್ಲಿಯೇ ಸಚಿವ ಮಂಕಾಳು ವೈದ್ಯರ ನಿಲುವು ವಿರೋಧಿಸಿ ಅಲ್ಲಿಂದ ಹೊರ ನಡೆದಿದ್ದಾರೆ. ಜಿಲ್ಲಾ ಪಂಚಾಯತದಲ್ಲಿ ಸೋಮವಾರ ಕೆಡಿಪಿ ಸಭೆ ನಡೆದಿದ್ದು, ಸಭೆಗೆ ಹಾಜರಾಗಿದ್ದ ಅಧಿಕಾರಿಗಳು ಇಲಾಖೆಗಳ ಪ್ರಗತಿ ಬಗ್ಗೆ ಮಾಹಿತಿ ನೀಡಿದ್ದಾರೆ. ಈ ವೇಳೆ ಆರೋಗ್ಯ ಕ್ಷೇತ್ರಕ್ಕೆ ಸಂಬoಧಿಸಿ ಮಾತನಾಡದಿ ಅಧಿಕಾರಿಗಳು `ಎಲ್ಲವೂ ಸರಿಯಾಗಿದೆ. ಸುಸಜ್ಜಿತವಾಗಿದೆ’ ಎಂದು ಹೇಳಿದ್ದಾರೆ. `ಸರ್ಕಾರಿ ಆಸ್ಪತ್ರೆಗಳಲ್ಲಿ ಯಾವುದೇ ಔಷಧಿಗಳ ಕೊರತೆ ಇಲ್ಲ. ಪೂರ್ಣ ದಾಸ್ತಾನು ಇದೆ’ ಎಂದು ಅಧಿಕಾರಿಗಳು ಹೇಳಿದಾಗ ಸಭೆಯಲ್ಲಿದ್ದ ಶಾಸಕ ಸತೀಶ್ ಸೈಲ್ ಇದಕ್ಕೆ ವಿರೋಧವ್ಯಕ್ತಪಡಿಸಿದ್ದಾರೆ. `ಆಸ್ಪತ್ರೆಗಳಲ್ಲಿ ರೋಗಿಗಳಿಗೆ ಚಿಕಿತ್ಸೆ ನೀಡಲು ವೈದ್ಯರೇ ಇಲ್ಲದಿರುವಾಗ, ಔಷಧಿಗಳನ್ನು ನೀಡುವವರು ಯಾರು?’ ಎಂದು ಸತೀಶ್ ಸೈಲ್ ಪ್ರಶ್ನಿಸಿದ್ದಾರೆ. ಸರ್ಕಾರಿ ಆಸ್ಪತ್ರೆಗಳ ಅವ್ಯವಸ್ಥೆ ಹಾಗೂ ಅಧಿಕಾರಿಗಳ ಸುಳ್ಳು ಮಾಹಿತಿಯ ವಿರುದ್ಧ ಸತೀಶ್ ಸೈಲ್ ಅವರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಸಚಿವ ಮಂಕಾಳ ವೈದ್ಯ ಅವರು `ವೈದ್ಯರ ಕೊರತೆ ಇದ್ದರೆ ನೀವೇ ತರಬೇಕು’ ಎಂದು ಸತೀಶ್ ಸೈಲ್ ಅವರಿಗೆ ಸೂಚಿಸಿದ್ದಾರೆ. `ತಾಲೂಕು ಮಟ್ಟದ ವಿಚಾರಗಳನ್ನು ಜಿಲ್ಲಾ ಮಟ್ಟದ ಸಭೆಯಲ್ಲಿ ಚರ್ಚಿಸಬೇಡಿ’ ಎಂದು ತಾಕೀತು ಮಾಡಿದ್ದಾರೆ. ಇದರಿಂದ ಕೆರಳಿದ ಸತೀಶ್ ಸೈಲ್ `ಅಧಿಕಾರಿಗಳು ಹೇಳಿದನ್ನೆಲ್ಲ ಕೇಳಿ ತಲೆ ಅಲ್ಲಾಡಿಸಲು ನಾನು ಅಂಗೂಟಾ ಛಾಪ್ (ಹೆಬ್ಬೆಟ್ಟು ಗಿರಾಕಿ) ಅಲ್ಲ’ ಎಂದು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಜನರ ಸಮಸ್ಯೆಗಳಿಗೆ ನಾವು ಉತ್ತರ ಕೊಡಬೇಕಾಗುತ್ತದೆ. ಕೇವಲ ನಾಮಕಾವಸ್ಥೆಗೆ ಸಭೆ ಮಾಡಲು ನಾನು ಇಲ್ಲಿಗೆ ಬಂದಿಲ್ಲ’ ಎಂದು ಅಬ್ಬರಿಸಿದ ಅವರು ಆ ಸಭೆ ಬಹಿಷ್ಕರಿಸಿ ಹೊರಗೆ ಹೋಗಿದ್ದಾರೆ. ಮಾಧ್ಯಮದವರ ಜೊತೆ ಮಾತನಾಡಿದ ಸತೀಶ್ ಸೈಲ್ `ಹಳಗಾ, ಕೈಗಾ ಹಾಗೂ ಮಲ್ಲಾಪುರ ಪ್ರದೇಶಗಳಲ್ಲಿ ವೈದ್ಯರಿಲ್ಲದೆ ಜನರು ಪರದಾಡುತ್ತಿದ್ದಾರೆ. ಕಾರವಾರದ ವೈದ್ಯಕೀಯ ಕಾಲೇಜಿನಲ್ಲಿ ಯಂತ್ರವಿದ್ದರೂ ಅದನ್ನು ನಿರ್ವಹಿಸುವವರಿಲ್ಲ. ಅದಾಗಿಯೂ ಅಧಿಕಾರಿಗಳು ಎಲ್ಲವೂ ಸರಿಯಿದೆ ಎಂದು ಸುಳ್ಳು ಹೇಳುತ್ತಿದ್ದಾರೆ. ಸಚಿವರು ಅದಕ್ಕೆ ತಲೆ ಅಲ್ಲಾಡಿಸಿದ್ದಾರೆ’ ಎಂದು ಆಕ್ರೋಶವ್ಯಕ್ತಪಡಿಸಿದರು. `ಸಭೆಯ ನಡಾವಳಿಗಳ ಪ್ರಕಾರ ಕೆಲಸ ನಡೆಯುತ್ತಿಲ್ಲ. ತಪ್ಪು ಮಾಡಿದ ಅಧಿಕಾರಿಗಳನ್ನು ಎಚ್ಚರಿಸುವ ಕೆಲಸ ನಡೆದಿಲ್ಲ. ಬೇರೆ ಕಡೆ ಹೋಲಿಸಿದರೆ ಕಾರವಾರದಲ್ಲಿ ವೈದ್ಯರ ಮಕ್ಕಳ ಭವಿಷ್ಯಕ್ಕಾಗಿ ಉತ್ತಮ ಶಾಲಾ-ಕಾಲೇಜುಗಳ ವ್ಯವಸ್ಥೆ ಇಲ್ಲ. ಇದೇ ಕಾರಣಕ್ಕೆ ಉನ್ನತ ವೈದ್ಯರು ಇಲ್ಲಿಗೆ ಬರಲು ಹಿಂದೇಟು ಹಾಕುತ್ತಾರೆ’ ಎಂಬ ವಿಷಯವನ್ನು ಬಿಚ್ಚಿಟ್ಟರು. ಸತೀಶ್ ಸೈಲ್ ಅವರು ಈಚೆಗೆ ಅನಾರೋಗ್ಯಕ್ಕೆ ಒಳಗಾಗಿದ್ದು, ಸ್ಥಳೀಯವಾಗಿ ಚಿಕಿತ್ಸೆ ಸಿಗದ ಕಾರಣ ಸಮಸ್ಯೆ ಅನುಭವಿಸಿದ್ದರು. ನಂತರ ಉನ್ನತ ಮಟ್ಟದಲ್ಲಿ ಚಿಕಿತ್ಸೆಗೆ ಒಳಗಾಗಿದ್ದರು. ತಮ್ಮ ಕ್ಷೇತ್ರದ ಜನರಿಗೂ ಅದೇ ರೀತಿ ಆರೋಗ್ಯ ಸಮಸ್ಯೆ ಆಗುತ್ತಿರುವುದನ್ನು ಅರಿತು ಅವರು ಸುಸಜ್ಜಿತ ಆಸ್ಪತ್ರೆಗಾಗಿ ಪಟ್ಟು ಹಿಡಿದಿದ್ದರು. ಮುಖ್ಯಮಂತ್ರಿಗಳಿoದಲೇ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣದ ಬಗ್ಗೆ ಘೋಷಿಸಿದ್ದರು.
- [ಜಾತ್ರೆ ತಿರುಗಾಟ: ಆಯಾಸಗೊಂಡಿದ್ದ ಅಧಿಕಾರಿ ಸಾವು!](https://mobiletime.in/2026/03/fair-tour-tired-officer-dies/): ಮಧ್ಯಾಹ್ನದ ಸುಡು ಬಿಸಿಲಿನಲ್ಲಿ ಶಿರಸಿ ಜಾತ್ರೆ ತಿರುಗಾಟ ಮಾಡಿದ್ದ ಸರ್ಕಾರಿ ಅಧಿಕಾರಿಯೊಬ್ಬರು ತಮಗಾದ ದಣಿವು ಸಹಿಸಲಾಗದೇ ಸಾವನಪ್ಪಿದ್ದಾರೆ. ಅನೇಕ ತಾಸುಗಳ ಕಾಲ ವಿಶ್ರಾಂತಿಪಡೆದ ಅವರು ನಂತರ ಶೌಚಾಲಯಕ್ಕೆ ತೆರಳಿ ಅಲ್ಲಿ ಕುಸಿದು ಬಿದ್ದು ಕೊನೆಯುಸಿರೆಳೆದಿದ್ದಾರೆ. ಶಿರಸಿ ಅಯ್ಯಪ್ಪ ನಗರದ ಚೌಡೇಶ್ವರಿ ಕಾಲೋನಿಯಲ್ಲಿ ವಿರುಪಾಕ್ಷ ಶಿವಯೋಗಿ ಕಟಗಿ (47) ಅವರು ವಾಸವಾಗಿದ್ದರು. ಜಿಲ್ಲಾ ಔಷಧ ಉಗ್ರಾಣದ ಪ್ರಭಾರದಾರಕರಾಗಿ ಅವರು ಸರ್ಕಾರಿ ಸೇವೆಯಲ್ಲಿದ್ದರು. ಜಿಲ್ಲಾ ಫಾರ್ಮಸಿ ಅಧಿಕಾರಿಯಾಗಿದ್ದ ಅವರು ಫೆ 27ರ ಮಧ್ಯಾಹ್ನದ ಅವಧಿಯಲ್ಲಿ ಶಿರಸಿ ಜಾತ್ರೆ ಪೇಟೆ ಸಂಚಾರ ನಡೆಸಿದ್ದರು. ಅದರಿಂದ ತೀವೃವಾಗಿ ಆಯಾಸಗೊಂಡ ಅವರು ಫೆ 28ರ ನಸುಕಿನ 3 ಗಂಟೆಗೆ ಮನೆಗೆ ಆಗಮಿಸಿ ವಿಶ್ರಾಂತಿಪಡೆದಿದ್ದರು. ಈ ವೇಳೆ ಅವರ ವಿರುಪಾಕ್ಷ ಕಟಗಿ ಅವರ ಪತ್ನಿ ಸವಿತಾ ಕಟಗಿ ಅವರು ತಮ್ಮ ಹಳೆಯ ಮನೆಯಾದ ಉಣ್ಣೆಮಠದ ಬಳಿ ಇದ್ದರು. ಪತಿಗೆ ಅವರು ಫೋನ್ ಮಾಡಿದ್ದು, `ಜಾತ್ರೆ ತಿರುಗಾಟದಿಂದ ಆಯಾಸವಾಗಿದೆ. ಅಯ್ಯಪ್ಪ ನಗರದಲ್ಲಿರುವ ಹೊಸ ಮನೆಯಲ್ಲಿ ಮಲಗಿದ್ದು, ತಿಂಡಿ ತಿನ್ನಲು ಉಣ್ಣೆಮಠದಲ್ಲಿರುವ ಮನೆಗೆ ಬರುವೆ’ ಎಂದು ಹೇಳಿದ್ದರು. ಅದಾದ ನಂತರ ಬೆಳಗ್ಗೆ 8 ಗಂಟೆಗೆ ಸವಿತಾ ಕಟಗಿ ಅವರು ಮತ್ತೆ ಫೋನ್ ಮಾಡಿದರು. ಆಗಲೂ `ಇನ್ನೂ ಮಲಗಿದ್ದೇನೆ. ಆಮೇಲೆ ಬರುತ್ತೇನೆ’ ಎಂದು ವಿರುಪಾಕ್ಷ ಕಟಗಿ ಅವರು ಹೇಳಿದ್ದರು. ಆದರೆ, ಮಧ್ಯಾಹ್ನ ಆದರೂ ಅವರು ಮನೆಗೆ ಮರಳಲಿಲ್ಲ. ಮಧ್ಯಾಹ್ನ 12 ಗಂಟೆ ಅವಧಿಗೆ ಸವಿತಾ ಕಟಗಿ ಅವರು ತಮ್ಮ ಹೊಸ ಮನೆಯ ಬಳಿ ಹೋದರು. ಸಾಕಷ್ಟು ಬಾರಿ ಕರೆದರೂ ವಿರುಪಾಕ್ಷ ಕಟಕಿ ಅವರು ಬಾಗಿಲು ತೆರೆಯಲಿಲ್ಲ. ಫೋನ್ ಸಹ ಸ್ವೀಕರಿಸಲಿಲ್ಲ. ಹೀಗಾಗಿ ಅವರು ಇನ್ನೂ ಮಲಗಿರಬಹುದು ಎಂದು ಭಾವಿಸಿ ಸವಿತಾ ಕಟಗಿ ಅವರು ಮನೆಗೆ ಮರಳಿದರು. 1.30ರ ವೇಳೆಗೆ ತಮ್ಮ ಮೈದುನನ ಜೊತೆ ಮತ್ತೆ ಹೊಸ ಮನೆಗೆ ಹೋದರು. ಆಗ, ಬಾಗಿಲು ಮುರಿದು ಒಳಗೆ ಪ್ರವೇಶಿಸಿದರು. ಅಲ್ಲಿ ಎಲ್ಲಿಯೂ ವಿರುಪಾಕ್ಷ ಕಟಗಿ ಅವರು ಕಾಣಲಿಲ್ಲ. ಫೋನ್ ಮಾಡಿದಾಗ ಶೌಚಾಲಯದ ಒಳಗೆ ರಿಂಗ್ ಆಗಿದ್ದು, ಕೇಳಿಸಿತು. ಶೌಚಾಲಯದ ಬಾಗಿಲು ಒಡೆದು ನೋಡಿದಾಗ ಅಲ್ಲಿ ವಿರುಪಾಕ್ಷ ಕಟಗಿ ಅವರು ಬಿದ್ದಿದ್ದರು. ವಿರುಪಾಕ್ಷ ಕಟಗಿ ಅವರನ್ನು ಮಾತನಾಡಿಸುವ ಪ್ರಯತ್ನ ನಡೆಯಿತು. ಆದರೆ, ಅವರು ಮಾತನಾಡಲಿಲ್ಲ. ಆಂಬುಲೆನ್ಸಿನ ಮೂಲಕ ಅವರನ್ನು ಆಸ್ಪತ್ರೆಗೆ ಕರೆತಂದಾಗ ಈಗಾಗಲೇ ಅವರು ಸಾವನಪ್ಪಿರುವುದು ಗೊತ್ತಾಯಿತು. ಈ ಸಾವಿನ ಬಗ್ಗೆ ಸವಿತಾ ಕಟಗಿ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿ ಶವ ಬಿಟ್ಟುಕೊಟ್ಟರು.
- [ಅರಣ್ಯ ಅತಿಕ್ರಮಣ: ಅಧಿಕಾರಿಯ ಸಹಿಯೇ ನಕಲಿ!](https://mobiletime.in/2026/03/forest-encroachment-the-officers-signature-is-fake/): ಹೊನ್ನಾವರದಲ್ಲಿ ಹೊಸದಾಗಿ ಅರಣ್ಯ ಅತಿಕ್ರಮಣ ಮಾಡಿದ ದುರುಳರು ಅರಣ್ಯ ಇಲಾಖೆ ನೌಕರರೊಬ್ಬರನ್ನು ಬುಟ್ಟಿಗೆ ಹಾಕಿಕೊಂಡು ಅಧಿಕಾರಿಗಳ ಸೀಲ್ ಹಾಗೂ ಸಹಿ ನಕಲು ಮಾಡಿದ್ದಾರೆ. ವಿವಿಧ ದಾಖಲೆಗಳ ಮೇಲೆ ಅಧಿಕಾರಿಗಳ ಸಹಿ ಹಾಗೂ ಸೀಲ್ ಹಾಕಿಸಿ ಅದನ್ನು ಸಮಾಜ ಕಲ್ಯಾಣ ಇಲಾಖೆಗೆ ನೀಡಿದ್ದಾರೆ. ಅರಣ್ಯ ಭೂಮಿಯ ನಕಲಿ ದಾಖಲೆ ಸೃಷ್ಟಿಸಿ ಅಧಿಕಾರಿಗಳ ಸಹಿ ಪೋರ್ಜರಿ ಮಾಡಿದ ತಂಡವನ್ನು ಹೊನ್ನಾವರ ವಲಯ ಅರಣ್ಯಾಧಿಕಾರಿ ಸವಿತಾ ದೇವಾಡಿಗ ಅವರು ಪತ್ತೆ ಮಾಡಿದ್ದಾರೆ. ಸರ್ಕಾರಿ ಸಿಬ್ಬಂದಿಯೂ ಸೇರಿ 13 ಜನ ಈ ಅಪರಾತಪರದಲ್ಲಿ ಭಾಗಿಯಾಗಿದ್ದು, ಅವರೆಲ್ಲರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಭಟ್ಕಳ ಬೆಳ್ಕೆಯ ಗಸ್ತು ಅರಣ್ಯ ರಕ್ಷಕ ಮಹಾಬಲ ಗೌಡ, ಮಾದೇವಿ ಗೌಡ ಮರಬಳ್ಳಿ ಹೊನ್ನಾವರ, ಕನ್ನೆ ಗೌಡ ಮರಬಳ್ಳಿ, ರಾಮಚಂದ್ರ ಗಣಪ ನಾಯ್ಕ ಮರಬಳ್ಳಿ, ಆಸಿಸ್ ಅಲ್ಮೆಡಾ ಕೆರವಳ್ಳಿ, ನಾರಾಯಣ ಗೌಡ ಕೆರವಳ್ಳಿ, ಮಂಜು ಗೌಡ ಕಾನಗೋಡು, ಹನಮಿ ಗೌಡ ಮರಬಳ್ಳಿ, ರಾಜು ತಿಪ್ಪಯ್ಯ ನಾಯ್ಕ ಚಿಕ್ಕನಕೋಡ, ಶಿವಾನಿ ಬುಕ್‌ಸ್ಟಾಲ್ (ಶಿವಾನಿ ಟ್ರೇಡ್ ಕಾರ್ಪೋರೇಷನ್) ಹೊನ್ನಾವರ, ನಾಗೇಶ ನಾಯ್ಕ ಮಂಕಿ ಲಕೋಟಿ ಕೇರಿ, ಸಮಾಜ ಕಲ್ಯಾಣ ಇಲಾಖೆಯ ಭಾಸ್ಕರ ಗೊಂಡ ಹಾಗೂ ಮಾಸ್ತಿ ಗೊಂಡ ಅವರು ಸರ್ಕಾರಿ ಭೂಮಿಯನ್ನು ಸ್ವಂತದಾಗಿಸಿಕೊಳ್ಳುವ ಕಾನೂನುಬಾಹಿರ ಕೃತ್ಯದಲ್ಲಿ ಭಾಗಿಯಾಗಿದ್ದಾರೆ. ಹೊನ್ನಾವರ ಅರಣ್ಯ ವಲಯ ವ್ಯಾಪ್ತಿಯಲ್ಲಿ ಬರುವ ಅರಣ್ಯ ಜಮೀನನ್ನು ತಮ್ಮ ಹೆಸರಿಗೆ ಮಾಡಿಕೊಳ್ಳಲು ಅರಣ್ಯ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಮಹಾಬಲ ಗೌಡ ಅವರು ಸಂಚು ರೂಪಿಸಿದ್ದಾರೆ. ಅದರ ಪ್ರಕಾರ ಅರಣ್ಯ ಭೂಮಿಯ ನಕಲಿ ಜಿಪಿಎಸ್ ತೆಗೆದು ಅರಣ್ಯಾಧಿಕಾರಿ ಹೊನ್ನಾವರ ಇವರ ಕನ್ನಡ ಹಾಗೂ ಇಂಗ್ಲಿಷ್ ಸೀಲ್ ಹಾಗೂ ಉಪವಲಯ ಅರಣ್ಯಾಧಿಕಾರಿ ಹಡಿನಬಾಳ ಅವರ ಹಾಗೂ ಉಪವಲಯ ಅರಣ್ಯಾಧಿಕಾರಿ ಹಿರೇಬೈಲ್ ಅವರ ಕನ್ನಡ ಸೀಲ್ ತಯಾರಿಸಿದ್ದಾರೆ. ಅದರ ಮೂಲಕ ಸುಳ್ಳು ದಾಖಲೆ ಸೃಷ್ಟಿಮಾಡಿದ್ದಾರೆ. ಅದಕ್ಕೆ ನಕಲಿ ಸಹಿ ಮತ್ತು ಸೀಲ್ ಹಾಕಿ ನಕಲಿ ದಾಖಲಾತಿಯನ್ನು ಸಮಾಜ ಕಲ್ಯಾಣ ಇಲಾಖೆಯಲ್ಲಿರುವ ಹಳೆಯ ಕಡತಕ್ಕೆ ಸೇರಿಸಿ ಅರಣ್ಯ ಭೂಮಿಯನ್ನು ಅನಧಿಕೃತವಾಗಿ ಕಬಳಿಸುವ ಪ್ರಯತ್ನ ನಡೆಸಿದ್ದಾರೆ. ಈ ಎಲ್ಲಾ ದಾಖಲೆ ಪತ್ತೆ ಮಾಡಿದ ಅರಣ್ಯಾಧಿಕಾರಿ ಸವಿತಾ ದೇವಾಡಿಗ ಅವರು 13 ಜನರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ.
- [ಜಾತ್ರೆಗೆ ಕರೆದ ಮೀನು ವ್ಯಾಪಾರಿ: ಅಲ್ಲಿ ಮಾಡಿದ್ದೇ ಬೇರೆ!](https://mobiletime.in/2026/03/fishmonger-invited-to-the-fair-what-happened-there-was-different/): ಕುಮಟಾ ಸಂತೆಗುಳಿಯ ಮುನೀರ್ ಸಾಬ್ ಅವರು `ಶಿರಸಿ ಜಾತ್ರೆಗೆ ಹೋಗೋಣ’ ಎಂದು ಮಹಿಳೆಯೊಬ್ಬರನ್ನು ಪುಸಲಾಯಿಸಿದ್ದು, ಜಾತ್ರೆಗೆ ಹೋಗುವ ದಾರಿಯಲ್ಲಿ ಮಹಿಳೆಯ ಮೈ ಮುಟ್ಟಿದ್ದಾರೆ. ಆಘಾತದಕ್ಕೆ ಒಳಗಾದ ಮಹಿಳೆ ಅಸ್ವಸ್ಥರಾಗಿದ್ದು, ಈ ವಿಷಯವನ್ನು ತಂದೆಯ ಬಳಿ ಹೇಳಿದ್ದಾರೆ. ಕುಮಟಾದ ಸಂತೆಗಳಿಯಲ್ಲಿ ಮನೀರ್ ಅಹ್ಮದ್ ಸಾಬ್ (53) ಅವರು ವಾಸವಾಗಿದ್ದಾರೆ. ಮೀನು ವ್ಯಾಪಾರಿಯಾಗಿರುವ ಅವರು ಮನೆ ಮನೆಗೆ ಹೋಗಿ ಮೀನು ಮಾರಾಟ ಮಾಡುತ್ತಾರೆ. ಅದರಂತೆ, ಕೂಜಳ್ಳಿ ಹಾಗೂ ಸುತ್ತಲಿನ ಪ್ರದೇಶಗಳಿಗೂ ಮುನೀರ್ ಸಾಬ್ ಅವರು ವ್ಯಾಪಾರಕ್ಕಾಗಿ ಹೋಗುತ್ತಾರೆ. ಮೀನು ವ್ಯಾಪಾರದ ಜೊತೆ ಅಲ್ಲಿನ ಮನೆಗಳಲ್ಲಿರುವ ಹೆಣ್ಣು ಮಕ್ಕಳ ಬಗ್ಗೆಯೂ ಮುನೀರ್ ಸಾಬ್ ಸಾಕಷ್ಟು ತಿಳಿದುಕೊಂಡಿದ್ದಾರೆ. ಹೆಣ್ಣು ಮಕ್ಕಳ ಸ್ನೇಹ ಬಯಸುವ ಮುನೀರ್ ಸಾಬ್ ಅವರನ್ನು ಪುಸಲಾಯಿಸುವುದು ಹೊಸ ವಿಷಯವಲ್ಲ. ಹೀಗಿರುವಾಗ ಕೂಜಳ್ಳಿಯ ಅಬ್ದುಲ್ ಕರೀಂ ಸಾಬ್ ಶೇಖ್ ಅವರ ಮನೆಗೆ ಮೀನು ಮಾರಾಟಕ್ಕೆ ಹೋಗಿದ್ದ ಮುನೀರ್ ಸಾಬ್ ಅವರು ಅಬ್ದುಲ್ ಅವರ ಮಗಳ ಮೇಲೆ ಕಣ್ಣು ಹಾಕಿದ್ದಾರೆ. ಕೂಜಳ್ಳಿಯ ರುಸ್ತುಮಾ ಸಾಬ್ (ಹೆಸರು ಬದಲಿಸಿದೆ) ಅವರ ಹಿಂದೆ ಬಿದ್ದಿದ್ದ ಮುನೀರ್ ಸಾಬ್ ಆಗಾಗ ಅವರನ್ನು ಹಿಂಬಾಲಿಸುತ್ತಿದ್ದು, ಫೆಬ್ರವರಿ 24ರಂದು `ಶಿರಸಿ ಜಾತ್ರೆಗೆ ಹೋಗೋಣ ಬಾ’ ಎಂದು ಕರೆದಿದ್ದಾರೆ. ಅದಕ್ಕೆ ಒಪ್ಪಿದ ರುಸ್ತುಮಾ ಸಾಬ್ ಅವರನ್ನು ರಿಕ್ಷಾದ ಮೂಲಕ ಕರೆದೊಯ್ದಿದ್ದಾರೆ. ಸಂಜೆ ವೇಳೆ ರಿಕ್ಷಾ ಕತಗಾಲದ ಬಳಿ ತಲುಪಿದಾಗ ಮುನೀರ ಸಾಬ್ ತಮ್ಮ ವರಸೆ ಬದಲಿಸಿದ್ದಾರೆ. ರುಸ್ತುಮಾ ಸಾಬ್ ಅವರ ಸೊಂಟಕ್ಕೆ ಕೈ ಹಾಕಿದ ಮುನೀರ್ ಸಾಬ್ ಗಟ್ಟಿಯಾಗಿ ತಬ್ಬಿಕೊಂಡಿದ್ದಾರೆ. ಇದರಿಂದ ರುಸ್ತುಮಾ ಸಾಬ್ ಅವರು ಆಘಾತಕ್ಕೆ ಒಳಗಾಗಿದ್ದು, ಅಲ್ಲಿಂದ ತಪ್ಪಿಸಿಕೊಂಡು ಬಂದಿದ್ದಾರೆ. ಮನೆಗೆ ಬಂದು ಮಂಕಾಗಿದ್ದ ರುಸ್ತುಮಾ ಸಾಬ್ ಅವರನ್ನು ತಂದೆ ಅಬ್ದುಲ್ ಕರೀಂ ವಿಚಾರಿಸಿದಾಗ ನಡೆದ ವಿಷಯಗಳೆಲ್ಲವೂ ಹೊರಬಿದ್ದಿದೆ. ಮಗಳ ಜೊತೆ ಅನುಚಿತವಾಗಿ ವರ್ತಿಸಿದ ಮೀನು ವ್ಯಾಪಾರಿ ಮುನೀರ್ ಸಾಬ್ ವಿರುದ್ಧ ಅಬ್ದುಲ್ ಕರೀಂ ಅವರು ಪೊಲೀಸ್ ದೂರು ನೀಡಿದ್ದಾರೆ. ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ.    
- [ಮನೆಯಲ್ಲಿದ್ದ ಮನುಷ್ಯನ ಮೇಲೆ ದಾಳಿ: ದೂರು!](https://mobiletime.in/2026/03/attack-on-a-man-at-home-complaint/): ಭಟ್ಕಳದ ಮಾವಿನಕುರ್ವೆಯ ಕರಿಕಲ್ ಗ್ರಾಮದಲ್ಲಿ ನಾಲ್ಕು ಜನರ ಗುಂಪೊoದು ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿದೆ. ಕರಿಕಲ್ ಗ್ರಾಮದ ಶಿವಾನಂದ ಮೊಗೇರ ಅವರು ಈ ದಾಳಿಯಿಂದ ತತ್ತರಿಸಿದ್ದಾರೆ. ಅದೇ ಊರಿನವರಾದ ನಾಗರಾಜ ಮಂಜುನಾಥ ಮೊಗೇರ, ಆನಂದ ರಾಮ ಮೊಗೇರ, ವಸಂತ ಶಂಕರ ಮೊಗೇರ ಮತ್ತು ಲಕ್ಷ್ಮೀಶ ಶ್ರೀಧರ ಮೊಗೇರ ಅವರು ಶಿವಾನಂದ ಮೊಗೇರ್ ಅವರ ಮೇಲೆ ಆಕ್ರಮಣ ಮಾಡಿದ್ದಾರೆ. ಈ ಬಗ್ಗೆ ನ್ಯಾಯ ಕೋರಿ ಶಿವಾನಂದ ಮೊಗೇರ್ ಅವರ ಪತ್ನಿ ರಶ್ಮಿ ಮೊಗೇರ್ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಫೆಬ್ರವರಿ 27ರ ರಾತ್ರಿ 8 ಗಂಟೆಗೆ ಈ ದಾಳಿ ನಡೆದಿದೆ. ಶಿವಾನಂದ ಮೊಗೇರ ಅವರು ಮನೆಯಲ್ಲಿರುವಾಗಲೇ ಬಂದ ಆಗಂತುಕರು ಹಲ್ಲೆ ನಡೆಸಿದ್ದಾರೆ. ಇದನ್ನು ಪ್ರಶ್ನಿಸಿದ ಶಿವಾನಂದ ಮೊಗೇರ ಅವರ ಪತ್ನಿ ರಶ್ಮಿ ಅವರನ್ನು ಆರೋಪಿತರು ದೂಡಿ ಹಾಕಿದ್ದಾರೆ. ಹೊರಗಡೆ ಎಲ್ಲಾದರೂ ಸಿಕ್ಕರೆ ಮತ್ತೆ ಹೊಡೆಯುತ್ತೇವೆ ಎಂದು ಸಹ ಅವರು ಎಚ್ಚರಿಕೆ ನೀಡಿದ್ದಾರೆ. ಈ ಬಗ್ಗೆ ರಶ್ಮಿ ಅವರು ನ್ಯಾಯಾಲಯದ ಮೊರೆ ಹೋಗಿ, ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.
- [ಹುಡುಗಿ ವಿಷಯ: ಎಚ್ಚರಿಕೆ ನೀಡಿದವನ ಕಣ್ಣಿಗೆ ಖಾರದಪುಡಿ!](https://mobiletime.in/2026/03/girl-topic-salt-powder-in-the-eyes-of-the-one-who-warned/): ಅಂಕೋಲಾ ಅಡ್ಲೂರು ಬಳಿಯ ಕೃಷ್ಣಾನಂದ ನಾಯ್ಕ ಅವರು ರಾತ್ರಿ ವೇಳೆ ಮೂತ್ರ ವಿಸರ್ಜನೆಗೆ ಹೋದಾಗ ಡೋಂಗ್ರಿಯ ಮನೋಜ ನಾಯ್ಕ ಅವರು ಕಣ್ಣಿಗೆ ಖಾರದಪುಡಿ ಎರಚಿದ್ದಾರೆ. ಅದಾದ ನಂತರ ಮತ್ತೊಬ್ಬರ ಜೊತೆ ಸೇರಿ ಕೃಷ್ಣಾನಾಂದ ನಾಯ್ಕ ಅವರಿಗೆ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಅಂಕೋಲಾದ ಅಗಸೂರು ಬಳಿಯ ಅಡ್ಲೂರಿನಲ್ಲಿ ಕೃಷ್ಣಾನಂದ ಜೀವನ ನಾಯ್ಕ (18) ಅವರು ವಾಸವಾಗಿದ್ದಾರೆ. ಕೃಷ್ಣನಂದ ನಾಯ್ಕ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಮನೋಜ ನಾಯ್ಕ ಅವರು ಕೃಷ್ಣಾನಂದ ನಾಯ್ಕ ಅವರ ಸಂಬoಧಿಯೇ ಆಗಿದ್ದಾರೆ. ಅದಾಗಿಯೂ ಯುವತಿಯೊಬ್ಬರ ವಿಚಾರವಾಗಿ ಅವರಿಬ್ಬರ ನಡುವೆ ವೈಮನಸ್ಸು ಮೂಡಿದೆ. `ನನ್ನ ತಂಗಿ ಹಾಗೂ ಲವ್ವರ್ ವಿಷಯಕ್ಕೆ ನೀ ಬರಬೇಡ’ ಎಂದು ಕೃಷ್ಣಾನಂದ ನಾಯ್ಕ ಅವರು ಮನೋಜ ನಾಯ್ಕ ಅವರಿಗೆ ಎಚ್ಚರಿಕೆ ನೀಡಿದ್ದೇ ಈ ಕಲಹಕ್ಕೆ ಕಾರಣವಾಗಿದೆ. ಫೆಬ್ರವರಿ 27ರಂದು ಕೃಷ್ಣಾನಂದ ನಾಯ್ಕ ಅವರು ತಮ್ಮ ಪಕ್ಕದಮನೆಯ ಸ್ನೇಹಿತ ಜಗದೀಶ ಗೌಡ ಅವರ ಮನೆಗೆ ಹೋಗಿದ್ದರು. ರಾತ್ರಿ 10.30ಕ್ಕೆ ಅವರು ಅಲ್ಲಿಂದ ಮನೆಗೆ ಮರಳುತ್ತಿದ್ದು, ದಾರಿ ಮದ್ಯೆ ಮೂತ್ರ ವಿಸರ್ಜನೆಗಾಗಿ ನಿಂತಿದ್ದರು. ಆಗ, ಅಲ್ಲಿಗೆ ಬಂದ ಡೋಂಗ್ರಿಯ ಮನೋಜ ನಾಯ್ಕ ಅವರು ಕೃಷ್ಣನಂದ ನಾಯ್ಕ ಅವರ ಕಣ್ಣಿಗೆ ಖಾರದಪುಡಿ ಎರಚಿದರು. ಮನೋಜ ನಾಯ್ಕ ಅವರ ಜೊತೆ ಮತ್ತೊಬ್ಬ ವ್ಯಕ್ತಿಯಿದ್ದು, ಅವರು ಯಾರು ಎಂದು ಕೃಷ್ಣಾನಂದ ನಾಯ್ಕ ಅವರಿಗೆ ಗೊತ್ತಾಗಲಿಲ್ಲ. ಮನೋಜ ನಾಯ್ಕ ಹಾಗೂ ಆ ಮತ್ತೊಬ್ಬ ವ್ಯಕ್ತಿ ಸೇರಿ ಕೃಷ್ಣಾನಂದ ನಾಯ್ಕ ಅವರ ಮೇಲೆ ದಾಳಿ ಮಾಡಿದರು. ಅವರಿಬ್ಬರು ಸೇರಿ ಹಿಗ್ಗಾಮುಗ್ಗ ಥಳಿಸಿದರು. ಕಣ್ಣಿಗೆ ಖಾರದಪುಡಿ ಬಿದ್ದಿದ್ದರಿಂದ ಕೃಷ್ಣಾನಂದ ನಾಯ್ಕ ಅವರಿಗೆ ಓಡಲು ಆಗಲಿಲ್ಲ. ಅವರಿಬ್ಬರು ದೊಣ್ಣೆಯಿಂದ ಹೊಡೆದರೂ ಅದನ್ನು ಕೃಷ್ಣಾನಂದ ನಾಯ್ಕ ಅವರು ಸಹಿಸಿಕೊಂಡಿದ್ದು, ಕೂಗಾಟ ಕೇಳಿ ಜೀವನ ನಾಯ್ಕ ಅವರು ಅಲ್ಲಿಗೆ ಧಾವಿಸಿದರು. ಕೃಷ್ಣಾನಂದ ನಾಯ್ಕ ಅವರ ತಂದೆ ಆಗಮಿಸಿರುವುದನ್ನು ನೋಡಿ ಅವರಿಬ್ಬರು ಅಲ್ಲಿಂದ ಪರಾರಿಯಾದರು. ನೋವು ಉಂಡಿದ್ದ ಕೃಷ್ಣಾನಂದ ನಾಯ್ಕ ಅವರು ಕಾರವಾರ ಜಿಲ್ಲಾಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದರು. ಅದಾದ ನಂತರ ತಮ್ಮ ಮೇಲೆ ನಡೆದ ದಾಳಿಯ ಬಗ್ಗೆ ಅವರು ಅಂಕೋಲಾ ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮನೆ ನಿರ್ಮಾಣ: ಮರಾಠಿಕೊಪ್ಪದಲ್ಲಿ ಮಾರಾಮಾರಿ!](https://mobiletime.in/2026/03/house-construction-brawl-in-marathikoppa/): ಮನೆ ನಿರ್ಮಾಣ ವಿಷಯಕ್ಕೆ ಸಂಬoಧಿಸಿ ಶಿರಸಿಯ ಮರಾಠಿಕೊಪ್ಪದಲ್ಲಿ ಮಾರಾಮಾರಿ ನಡೆದಿದೆ. ಅಲ್ಲಿ ಮನೆ ನಿರ್ಮಾಣ ಮಾಡುತ್ತಿರುವ ಅಜಯ ಲಾಡನವರ್ ಅವರ ಮೇಲೆ ರವಿ ಗೌಳಿ ಅವರು ಆಕ್ರಮಣ ನಡೆಸಿದ್ದು, ಅಜಯ ಲಾಡನವರ್ ಸಹ ತಮ್ಮ ತಂಡದೊoದಿಗೆ ಪ್ರತಿ ದಾಳಿ ನಡೆಸಿದ್ದಾರೆ. ಶಿರಸಿಯ ಮರಾಠಿಕೊಪ್ಪದಲ್ಲಿ ವಾಸವಾಗಿರುವ ಗುತ್ತಿಗೆದಾರರಾದ ಅಜಯ ಅರ್ಜುನ ಲಾಡನವರ್ ಹಾಗೂ ರವಿಚಂದ್ರ ಹನುಮಂತ ಗೌಳಿ ಅವರ ನಡುವಿನ ಜಗಳ ತಾರಕ್ಕೇರಿದೆ. `ತಮ್ಮ ಸರ್ವೇ ನಂ 81/1ಅ ಕ್ಷೇತ್ರದಲ್ಲಿ ಮನೆ ನಿರ್ಮಾಣ ಮಾಡುವಾಗ ಅದಕ್ಕೆ ಅಡ್ಡಿಪಡಿಸಿದ್ದಾರೆ’ ಎಂದು ಅಜಯ ಲಾಡನವರ್ ಅವರು ದೂರಿದ್ದಾರೆ. `ಸರ್ವೇ ನಂ 90/1ರಲ್ಲಿ ಕಟ್ಟಡ ನಿರ್ಮಾಣಕ್ಕೆ ತಡೆಯಾಜ್ಞೆ ಇದ್ದರೂ ಕೆಲಸ ನಡೆಯುತ್ತಿದೆ’ ಎಂದು ರವಿ ಗೌಳಿ ಅವರು ದೂರಿದ್ದಾರೆ. ಅವರವರು ದೂರಿದ ಪ್ರಕಾರ ಸರ್ವೇ ನಂ ಕ್ಷೇತ್ರ ಬೇರೆ ಬೇರೆ ಆಗಿದ್ದರೂ ಕಟ್ಟಡ ನಿರ್ಮಾಣ ವಿಷಯವಾಗಿ ಅವರಿಬ್ಬರ ನಡುವೆ ಜಟಾಪಟಿ ನಡೆದಿದೆ. ಇದೇ ವಿಷಯವಾಗಿ ಅವರಿಬ್ಬರ ನಡುವೆ ಹೊಡೆದಾಟ ನಡೆದಿದ್ದು, ಆ ಹೊಡೆದಾಟದಲ್ಲಿ ಅವರವರ ಸಹಚರರು ಭಾಗಿಯಾಗಿದ್ದಾರೆ. ಸದ್ಯ ಮರಾಠಿಕೊಪ್ಪದಲ್ಲಿ ಸದ್ಯ ಅಜಯ ಲಾಡನವರ್ ಅವರು ಕಟ್ಟಡದ ಎರಡನೇ ಸ್ಲಾಬ್ ಪೂರ್ಣಗೊಳಿಸಿದ್ದಾರೆ. `ಆ ಕಟ್ಟಡ ಕಾಮಗಾರಿ ನಡೆಸದಂತೆ ಸೂಚಿಸಲು ತೆರಳಿದಾಗ ತಮ್ಮ ಮೇಲೆ ದಾಳಿ ನಡೆದಿದೆ’ ಎಂದು ರವಿ ಗೌಳಿ ಅವರು ಅಳಲು ತೋಡಿಕೊಂಡಿದ್ದಾರೆ. ಫೆ 27ರಂದು ಈ ಹೊಡೆದಾಟ ನಡೆದಿದ್ದು, ಸದ್ಯ ರವಿ ಗೌಳಿ ಅವರು ಸಹ ಪೊಲೀಸ್ ದೂರು ನೀಡಿದ್ದಾರೆ. ಅಜಯ ಲಾಡನವರ್ ಅವರ ಜೊತೆ ಖಂಡಪ್ಪ ಯಲ್ಲಪ್ಪ ಗೌಳಿ, ಮಧು ಅಜಯ ಲಾಡನವರ್, ರವಿ ವೆಂಕಟೇಶ ನಾಯ್ಕ ಅವರು ಕೈ ಮಾಡಿರುವುದಾಗಿ ದೂರಿದ್ದಾರೆ. ಅದಾದ ನಂತರ `ಫಿಶ್ ಲ್ಯಾಂಡಿನ ರಾಘು ಶೆಟ್ಟಿ ಹಾಗೂ ಸಚೀನ ಗಾಂವ್ಕರ್ ಅವರು ತಮಗೆ ಭಯಪಡಿಸಿದ್ದಾರೆ’ ಎಂದು ರವಿ ಗೌಳಿ ಅವರು ಹೇಳಿದ್ದಾರೆ. ಅಜಯ ಲಾಡನವರ್ ಅವರು ನೀಡಿದ ದೂರಿನಲ್ಲಿ ರವಿ ಗೌಳಿ ಅವರ ಜೊತೆ ಆನಂದ ಹನುಮಂತ ಗೌಳಿ, ಮನೋಜ ಹನುಮಂತ ಗೌಳಿ ಹಾಗೂ ಸಚಿನ ಕೃಷ್ಣ ಗೌಳಿ ಅವರು ಅಲ್ಲಿಗೆ ಆಗಮಿಸಿ ಗಲಾಟೆ ಮಾಡಿದ ಬಗ್ಗೆ ಆರೋಪಿಸಿದ್ದರು. `ಹೊಡೆದಾಟ ತಪ್ಪಿಸಲು ಬಂದ ಅಜಯ ಲಾಡನವರ್ ಅವರ ಪತ್ನಿ ಮಧುಶ್ರೀ ಅವರ ಮೈ ಮುಟ್ಟಿದ್ದಾರೆ’ ಎಂದು ದೂರಿದ್ದರು. ಈ ಎರಡು ಕಡೆಯವರ ಮಾತು ಆಲಿಸಿದ ಶಿರಸಿ ಹೊಸ ಮಾರುಕಟ್ಟೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿಚಾರಣೆ ಶುರು ಮಾಡಿದ್ದಾರೆ.
- [ಅಮಲಿನಲ್ಲಿ ಅಲೆದಾಡಿದ ತರಕಾರಿ ವ್ಯಾಪಾರಿ!](https://mobiletime.in/2026/03/a-drunk-vegetable-vendor-wandered-around/): ಕಾರವಾರದಲ್ಲಿ ತರಕಾರಿ ವ್ಯಾಪಾರ ಮಾಡಿಕೊಂಡಿರುವ ಸಂಪತ್ ರೋಣದ್ ಅವರು 28ನೇ ವಯಸ್ಸಿನಲ್ಲಿಯೇ ಅಡ್ಡದಾರಿ ಹಿಡಿದಿದ್ದಾರೆ. ದುಶ್ಚಟಕ್ಕೆ ದಾಸರಾಗಿರುವ ಅವರು ನಶೆಯ ಗುಂಗಿನಲ್ಲಿರುವಾಗ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ. ವೈದ್ಯಕೀಯ ತಪಾಸಣೆಯಲ್ಲಿಯೂ ಅವರು ನಿಷೇಧಿತ ಗಾಂಜಾ ಸೇವಿಸಿರುವುದು ದೃಢವಾಗಿದೆ. ಕಾರವಾರದ ಗುತ್ತಿಬೀರ ದೇವಸ್ಥಾನದ ಬಳಿ ಸಂಪತ್ ಮಾದಪ್ಪ ರೋಣದ್ ಅವರು ವಾಸವಾಗಿದ್ದಾರೆ. ತರಕಾರಿ ವ್ಯಾಪಾರ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದಾರೆ. ಆದರೆ, ಸಹವಾಸ ದೋಷ ಅವರ ಬದುಕನ್ನು ಹಾಳು ಮಾಡಿದೆ. ಮೋಜು-ಮಸ್ತಿಯ ವ್ಯಾಮೋಹಕ್ಕೆ ಬಿದ್ದ ಸಂಪತ್ ರೋಣದ್ ಅವರು ಅಮಲು ಪದಾರ್ಥಗಳ ಹಿಂದೆ ಬಿದ್ದಿದ್ದಾರೆ. ಕಡಲತೀರ ಬಳಿಯ ಹನುಮಾನ್ ಮೂರ್ತಿ ಬಳಿ ತೆರಳಿ ಸಂಪತ್ ರೋಣದ್ ಅವರು ಗಾಂಜಾ ಸೇವಿಸುತ್ತಿದ್ದು, ಆ ವೇಳೆಯಲ್ಲಿಯೇ ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾರೆ. ಫೆಬ್ರವರಿ 28ರ ಮಧ್ಯಾಹ್ನ ಸಂಪತ್ ರೋಣದ್ ಅವರು ತಮ್ಮ ತರಕಾರಿ ವ್ಯಾಪಾರ ಬಿಟ್ಟು ಕಡಲತೀರಕ್ಕೆ ಹೋಗಿದ್ದರು. ಕಿಸೆಯಲ್ಲಿದ್ದ ಕಾಸಿನಿಂದ ಅವರು ಗಾಂಜಾ ಖರೀದಿಸಿ ಅದನ್ನು ಸೇವಿಸಿದ್ದರು. ಅಮಲಿನಲ್ಲಿ ಅಲೆದಾಡುತ್ತಿದ್ದ ಅವರು ಅಪಾಯಕ್ಕೆ ಸಿಲುಕಿದ್ದು, ಅನುಮಾನಾಸ್ಪದ ವರ್ತನೆ ನೋಡಿ ಕಾರವಾರ ಶಹರ ಪಿಸೈ ಉದ್ದಪ್ಪ ದರೆಪ್ಪನವರ್ ಅವರು ಸಂಪತ್ ರೋಣದ್ ಅವರನ್ನು ಮಾತನಾಡಿಸಿದರು. ಆ ವೇಳೆ ಸಂಪತ್ ರೋಣದ್ ಅವರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ತೊದಲುತ್ತಿದ್ದ ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದರು. ತಪಾಸಣೆ ನಡೆಸಿದ ವೈದ್ಯರು ಸಂಪತ್ ರೋಣದ್ ಅವರು ಅಮಲಿನಲ್ಲಿರುವುದನ್ನು ಖಚಿತಪಡಿಸಿದರು. ವೈದ್ಯರು ನೀಡಿದ ವರದಿಯಲ್ಲಿಯೂ ಗಾಂಜಾ ಸೇವನೆ ದೃಢವಾಯಿತು. ಈ ಹಿನ್ನಲೆ ಪೊಲೀಸರು ಸಂಪತ್ ರೋಣದ್ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು. ಗಾಂಜಾ ಸೇವನೆಯ ದುಷ್ಪರಿಣಾಮಗಳ ವಿರುದ್ಧವೂ ಅರಿವು ಮೂಡಿಸಿದರು. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಕಾರ್ಮಿಕರ ಪರ ಮಜ್ದೂರ್ ಸಂಘದ ಹೋರಾಟ](https://mobiletime.in/2026/03/mazdoor-sanghs-struggle-for-workers/): ಕೇಂದ್ರ ಹಾಗೂ ರಾಜ್ಯ ಸರ್ಕಾರ ಕಾರ್ಮಿಕರ ಸಮಸ್ಯೆಗೆ ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದು ಆರೋಪಿಸಿ ಭಾರತೀಯ ಮಜ್ದೂರ್ ಸಂಘದವರು ಎಲ್ಲಡೆ ಪ್ರತಿಭಟಿಸಿದ್ದಾರೆ. ಉತ್ತರ ಕನ್ನಡದಲ್ಲಿಯೂ ಈ ಪ್ರತಿಭಟನೆ ನಡೆದಿದ್ದು, ವಿವಿಧ ಬೇಡಿಕೆಗಳ ಈಡೇರಿಕೆಗಾಗಿ ಸರ್ಕಾರವನ್ನು ಒತ್ತಾಯಿಸಲಾಗಿದೆ. `ಅಂಗನವಾಡಿ ಕಾರ್ಯಕರ್ತರು ಹಾಗೂ ಆಶಾ ಕಾರ್ಯಕರ್ತೆಯರ ಬೇಡಿಕೆಯನ್ನು ಸರ್ಕಾರ ಈಡೇರಿಸಿಲ್ಲ. ಹಲವು ದಶಕದಿಂದ ಕೆಲಸ ಮಾಡುತ್ತಿದ್ದರೂ ಅವರ ಕೆಲಸ ಖಾಯಂ ಆಗಿಲ್ಲ. ಈ ಬಗ್ಗೆ ಸಾಕಷ್ಟು ಬಾರಿ ಮನವಿ ಸಲ್ಲಿಸಿದರೂ ಅದರಿಂದ ಪ್ರಯೋಜನವಾಗಿಲ್ಲ’ ಎಂದು ಭಾರತೀಯ ಮಜ್ದೂರ್ ಸಂಘದವರು ದೂರಿದ್ದಾರೆ. `ಅಂಗನವಾಡಿ, ಆಶಾ ಹಾಗೂ ಬಿಸಿಯೂಟ ಸಿಬ್ಬಂದಿಯ ಮಾಸಿಕ ಗೌರವಧನ ಹೆಚ್ಚಿಸಬೇಕು. ಬ್ಯಾಂಕಿAಗ್ ಪದ್ಧತಿಯಲ್ಲಿ ವಾರಕ್ಕೆ 5 ದಿನ ಕೆಲಸದ ಪದ್ಧತಿ ಜಾರಿಯಾಗಬೇಕು. ರಾಜ್ಯದ ಆರೋಗ್ಯ ಇಲಾಖೆಯ ಒಳ ಮತ್ತು ಹೊರಗುತ್ತಿಗೆ ನೌಕರರಿಗೆ ಅವರ ಹುದ್ದೆ ಮಂಜೂರಾ ಪಡೆದು ಅವರ ಸೇವೆಯ ಆಧಾರದಮೇಲೆ ಆ ನೌಕರರನ್ನು ಖಾಯಂ ಮಾಡಬೇಕು. ಸರ್ಕಾರದ ಎಲ್ಲಾ ಇಲಾಖೆಯಲ್ಲಿರುವ ಒಳ ಗುತ್ತಿಗೆ ಮತ್ತು ಹೊರಗುತ್ತಿಗೆ ಕಾರ್ಮಿಕ ಪದ್ಧತಿಯನ್ನು ಕೈಬಿಡಬೇಕು. ಕರ್ನಾಟಕ ರಸ್ತೆ ಸಾರಿಗೆ ಇಲಾಖೆಯ ನೌಕರರ 38 ತಿಂಗಳ ಹೆಚ್ಚುವರಿ ಬಾಕಿ ವೇತನವನ್ನು ಪಾವತಿ ಮಾಡಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ. ಪ್ರಮುಖ 15 ಬೇಡಿಕೆಗಳ ಪಟ್ಟಿಯನ್ನು ಅವರು ಮುಖ್ಯಮಂತ್ರಿ ಹಾಗೂ ಪ್ರಧಾನ ಮಂತ್ರಿಗಳಿಗೆ ರವಾನಿಸಿದ್ದಾರೆ. ಸಂಘಟನೆಯ ಜಿಲ್ಲಾ ಉಪಾಧ್ಯಕ್ಷ ಸಂದೀಪ್ ಗೋಕರ್ಣಕರ್, ನಾರಾಯಣ ಪಟಗಾರ, ಪ್ರಧಾನಿ ಕಾರ್ಯದರ್ಶಿಯಾದ ವಿಶ್ವನಾಥ್ ಎನ್ ಮೂಲಕ ಸರ್ಕಾರಕ್ಕೆ ಮನವಿ ರವಾನಿಸಲಾಗಿದೆ.
- [ಅಪ್ರಾಪ್ತರ ಪಾಲಿಗೆ ಅವನೇ ಗಾಂಜಾ ಪೂರೈಕೆದಾರ!](https://mobiletime.in/2026/03/he-is-the-supplier-of-marijuana-to-minors/): ಅಪ್ರಾಪ್ತರಿಗೆ ಅಮಲು ಪದಾರ್ಥ ನೀಡಿ ವಿದ್ವಂಸಕ ಕೃತ್ಯ ನಡೆಸಲು ಕುಮ್ಮಕ್ಕು ನೀಡುತ್ತಿದ್ದ ಸಿದ್ದಿಕ್ ರಹಮಾನ್ ಅವರನ್ನು ಮುರುಡೇಶ್ವರ ಪೊಲೀಸರು ಬಂಧಿಸಿದ್ದಾರೆ. ಬೈಲೂರಿನಲ್ಲಿ ನಡೆದ ಕಲ್ಲು ತೂರಾಟ ಪ್ರಕರಣದಲ್ಲಿ ಹದಿಹರಿಯದವರಿಗೆ ಗಾಂಜಾ ಪೂರೈಕೆ ಮಾಡಿದ ಆರೋಪ ಸಿದ್ದಿಕ್ ರಹಮಾನ್ ಅವರ ಮೇಲಿದ್ದು, ಈ ಕುರಿತು ತನಿಖೆ ಚುರುಕುಗೊಂಡಿದೆ. ಫೆಬ್ರವರಿ 23ರಂದು ಭಟ್ಕಳದ ಬೈಲೂರಿನಲ್ಲಿ ಏಳು ಜನ ಮುಸ್ಲೀಂ ಸಮುದಾಯದ ಬಾಲಕರು ಸೇರಿ ಹಿಂದು ಸಮುದಾಯದವರ ಮನೆ ಮೇಲೆ ಕಲ್ಲು ತೂರಾಟ ಮಾಡಿದ್ದರು. ಬೈಕಿನಲ್ಲಿ ಗುಂಪು ಗುಂಪಾಗಿ ಆಗಮಿಸಿದ ಮಕ್ಕಳು ಮನೆಗಳ ಮೇಲೆ ಕಲ್ಲು ಎಸೆಯುತ್ತಿದ್ದು, ಪ್ರಶ್ನಿಸಿದವರನ್ನು ಕೆಟ್ಟದಾಗಿ ನಿಂದಿಸಿದ್ದರು. ಮುರುಡೇಶ್ವರ ಬಸ್ತಿಮಕ್ಕಿಯ ಇಬ್ರಾಹಿಂ ಇಹಾಲ್ ಅವರು ತಮ್ಮ ಸಹಚರರಾದ ನ್ಯಾಶನಲ್ ಕಾಲೋನಿಯ ಅಬ್ಬಾಸ್ ಹಜೀಬ್, ಹಮ್ಮಾ ಕಾಲೋನಿಯ ರಯಾನ್ ಫರಾಸ್, ಜಮೀಲಾ ಮಸೀದ್ ಬಳಿಯ ನಶ್ವಾಲ್ ಗೈಮಾ, ಮಹಮದ್ ರ‍್ಜಾನ್, ಬಸ್ತಿಮಕ್ಕಿಯ ಅಪ್ಪಾನ್ ಆರೀಪ್, ರಿಯಾಜ್ ತಿರುವಳ್ಳಿ ಜೊತೆ ಸೇರಿ ಈ ಕಿಡಿಗೇಡಿ ಕೆಲಸ ಮಾಡಿದ್ದರು. ಬೈಲೂರು ಮಾರ್ಕಂಡೇಶ್ವರದ ಸಮೀಪದ ದಿನಕರ ನಾಯ್ಕ ಮಹೇಶ ದೇವಾಡಿಗ ಹಾಗೂ ರವೀಂದ್ರ ಪೈ ಅವರ ಮನೆ ಮೇಲೆ ಕಲ್ಲು ತೂರಿದ್ದರು. ಅದಾದ ನಂತರ ಮಡಿಕೇರಿ ರಸ್ತೆಯ ಕಡೆಯಿದ್ದ ಶಶಾಂಕ ನಾಯ್ಕ, ನಾಗರಾಜ ನಾಯ್ಕ ಹಾಗೂ ಮಂಜುನಾಥ ನಾಯ್ಕ ಅವರ ಮನೆಯ ಕಡೆಗೂ ಕಲ್ಲು ಎಸೆದಿದ್ದರು. ಹಿಂದೂ ಪರ ಸಂಘಟನೆಗಳ ಕಾರ್ಯಕರ್ತರು ರಾತ್ರಿಯೇ ಮುರ್ಡೇಶ್ವರ ಪೊಲೀಸ್ ಠಾಣೆ ಎದುರು ಜಮಾಯಿಸಿ ದುಷ್ಕರ್ಮಿಗಳ ಬಂಧನಕ್ಕೆ ಒತ್ತಾಯಿಸಿದ್ದು, ಪೊಲೀಸರು ಆ ಎಲ್ಲಾ ಅಪ್ರಾಪ್ತರನ್ನು ವಶಕ್ಕೆಪಡೆದಿದ್ದರು. ವಿಚಾರಣೆ ವೇಳೆ ಅವರೆಲ್ಲರೂ ಅಮಲಿನಲ್ಲಿರುವುದು ಗೊತ್ತಾಗಿದೆ. ಕೋಮುಗಳ ನಡುವೆ ಅಸೌಹಾರ್ದತೆ ಮೂಡಿಸಲು ಪಡ್ಡೆ ಹುಡುಗರು ಈ ಕೃತ್ಯ ನಡೆಸಿದ ಅನುಮಾನವ್ಯಕ್ತವಾಗಿದ್ದು, ತನಿಖೆ ಮುಂದುವರೆಸಿದಾಗ ಅವರಿಗೆ ಗಾಂಜಾ ಪೂರೈಕೆ ಮಾಡಿದ್ದ ಭಟ್ಕಳದ ಕಾರಗದ್ದೆ 2ನೇ ಕ್ರಾಸಿನ ಸಿದ್ದಿಕ್ ಅಬ್ದುಲ್ ರೆಹಮಾನ್ ಅವರು ಸಿಕ್ಕಿಬಿದ್ದಿದ್ದಾರೆ. ಪೊಲೀಸರು ದಾಳಿ ಮಾಡಿದಾಗ ಸಿದ್ದಿಕ್ ಅಬ್ದುಲ್ ರೆಹಮಾನ್ ಅವರ ಬಳಿ ಇ-ಸಿಗರೇಟ್ ಪ್ಯಾಕೇಟ್ ಸಿಕ್ಕಿದೆ. ಒಂಭತ್ತು ರೀಫಿಲ್ ಕಾರ್ಟ್ರಿಡ್ಜ್’ನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಮುರ್ಡೇಶ್ವರ ವೃತ್ತ ಪೊಲೀಸ್ ಇನ್ಸ್ಪೆಕ್ಟರ್ ಜಗದೀಶ್ ಹಂಚಿನಾಳ್ ಅವರ ನೇತೃತ್ವದಲ್ಲಿ ಆರೋಪಿ ಬಂಧನ ನಡೆದಿದ್ದು, ಮಾರ್ಚ 13ರರವರೆಗೆ ನ್ಯಾಯಾಲಯ ಆರೋಪಿಗೆ ನ್ಯಾಯಾಂಗ ಬಂಧನವಿಧಿಸಿದೆ.
- [ಕೈಗಾ: 2030ಕ್ಕೆ ಮತ್ತೆರಡು ಅಣು ಗೋಪುರ ಸಿದ್ಧ!](https://mobiletime.in/2026/03/kaiga-two-more-nuclear-towers-ready-for-2030/): ಸಾಕಷ್ಟು ಪ್ರಮಾಣದ ಜನ ವಿರೋಧ, ಪರಿಸರ ಹೋರಾಟದ ನಡುವೆಯೂ ಕೈಗಾದಲ್ಲಿ 5 ಹಾಗೂ 6ನೇ ಅಣು ವಿದ್ಯುತ್ ಘಟಕ ಸ್ಥಾಪನೆಗೆ ಸರ್ಕಾರ ಆಸಕ್ತಿವಹಿಸಿದೆ. ಭಾನುವಾರ ಈ ಎರಡು ಅಣು ವಿದ್ಯುತ್ ಘಟಕ ಸ್ಥಾಪನೆಗೆ ಕಾಂಕ್ರೇಟಿಕರಣ ಕೆಲಸ ಶುರುವಾಗಿದೆ. 2030ರ ಒಳಗೆ ಈ ಎರಡು ಹೆಚ್ಚುವರಿ ಘಟಕಗಳು ಪೂರ್ಣವಾಗಲಿದೆ. ಕಾರವಾರ ಹಾಗೂ ಯಲ್ಲಾಪುರ ತಾಲೂಕಿನ ಗಡಿಭಾಗದಲ್ಲಿರುವ ಕೈಗಾ ಗ್ರಾಮದಲ್ಲಿ 2000ನೇ ಇಸ್ವಿಯಲ್ಲಿ ಅಣು ವಿದ್ಯುತ್ ಉತ್ಪಾದನೆ ಕೇಂದ್ರ ಪ್ರಾರಂಭಗೊAಡಿತ್ತು. ಪ್ರಸ್ತುತ 220 ಮೆಗಾವ್ಯಾಟ್ ಸಾಮರ್ಥ್ಯದ 4 ಅಣು ಘಟಕಗಳು ಇಲ್ಲಿ ವಿದ್ಯುತ್ ಉತ್ಪಾದನೆ ನಡೆಸುತ್ತಿದೆ. ಈ ನಾಲ್ಕು ಘಟಕದಿಂದ 2280 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆ ಆಗುತ್ತಿದೆ. ವಿದ್ಯುತ್ ಉತ್ಪಾದನೆ ಬೇಡಿಕೆ ಹಿನ್ನಲೆಯಲ್ಲಿ ತಲಾ 700 ಮ್ಯಾಗಾವ್ಯಾಟ್ ಗುರಿಯೊಂದಿಗೆ ಮತ್ತೆರಡು ಘಟಕ ಸ್ಥಾಪನೆಗೆ ಸರ್ಕಾರ ಆಸಕ್ತಿವಹಿಸಿತ್ತು. ಇದಕ್ಕೆ ಎಲ್ಲಡೆ ವಿರೋಧಗಳು ವ್ಯಕ್ತವಾಗಿದ್ದವು. ಕೈಗಾದಲ್ಲಿ ಈಗಾಗಲೇ ಕಾರ್ಯನಿರ್ವಹಿಸುತ್ತಿರುವ ನಾಲ್ಕು ಅಣು ವಿದ್ಯುತ್ ಘಟಕಗಳು ಅನೇಕ ದಾಖಲೆಗಳನ್ನು ಮಾಡಿವೆ. ದೇಶದ ಪ್ರಮುಖ ಅಣು ವಿದ್ಯುತ್ ಉತ್ಪಾದನಾ ಘಟಕವಾಗಿ ಕೈಗಾ ಕ್ಷೇತ್ರ ಗುರುತಿಸಿಕೊಂಡಿದೆ. ಅದಾಗಿಯೂ, ಕೈಗಾ ಅಣು ವಿದ್ಯುತ್ ಘಟಕದ ಬಗ್ಗೆ ಸ್ಥಳೀಯರಲ್ಲಿ ಸಾಕಷ್ಟು ಆಕ್ಷೇಪಗಳಿವೆ. ಅದರಲ್ಲಿಯೂ ಹೊಸ ಘಟಕ ಸ್ಥಾಪನೆ ಮಾಡಬಾರದು ಎಂದು ಅನೇಕ ಹೋರಾಟಗಳು ನಡೆದಿವೆ. ಆದರೆ, ಎಷ್ಟೇ ಬಗೆಯ ಹೋರಾಟ ನಡೆದಿದ್ದರೂ ಸರ್ಕಾರ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಆರಂಭದಲ್ಲಿ ಜೋರಾಗಿದ್ದ ಹೋರಾಟಗಳು ನಂತರ ಹಂತ ಹಂತವಾಗಿ ತಣ್ಣಗಾಗಿದ್ದು, ಭಾನುವಾರ 5 ಹಾಗೂ 6ನೇ ಅಣು ವಿದ್ಯುತ್ ಘಟಕ ನಿರ್ಮಾಣದ ಕೆಲಸಕ್ಕೆ ಅಧಿಕೃತ ಚಾಲನೆ ಸಿಕ್ಕಿದೆ. ಸದ್ಯ 21 ಸಾವಿರ ಕೋಟಿ ರೂ ವೆಚ್ಚದಲ್ಲಿ 5 ಮತ್ತು 6 ನೇ ಅಣು ವಿದ್ಯುತ್ ಘಟಕ ಸ್ಥಾಪನೆ ನಡೆದಿದೆ. 2025ರಲ್ಲಿ 5 ಮತ್ತು 6ನೇ ಘಟಕ ಕಾಮಗಾರಿಗೆ ಚಾಲನೆ ನೀಡಲಾಗಿತ್ತು. ಈ ದಿನ ಘಟಕದ ಕಾಂಕ್ರೀಟೀಕರಣಕ್ಕೆ ಅಣು ಶಕ್ತಿ ಆಯೋಗದ ಅಧ್ಯಕ್ಷ ಅಜಿತ್ ಕುಮಾರ್ ಮೊಹಂತಿ ಚಾಲನೆ ನೀಡಿದ್ದಾರೆ. ಎನ್‌ಪಿಸಿಐಎಲ್ ಕೈಗಾದ ಸೈಟ್ ಡೈರೆಕ್ಟರ್ ಬಿ ವಿನೋದ್ ಕುಮಾರ್ ಸೇರಿದಂತೆ ಹಲವು ಅಧಿಕಾರಿಗಳು ಈ ಕಾರ್ಯಕ್ರಮದಲ್ಲಿ ಹಾಜರಾಗಿದ್ದಾರೆ.  
- [ಕೈಗಾ: ಉದ್ಯೋಗಕ್ಕಾಗಿ ಉಗ್ರ ಹೋರಾಟ!](https://mobiletime.in/2026/02/kaiga-fierce-fight-for-jobs/): `ಕೈಗಾ ಅಣು ವಿದ್ಯುತ್ ಘಟಕದ ನೇಮಕಾತಿಯಲ್ಲಿ ಸ್ಥಳೀಯರಿಗೆ ಮೊದಲ ಆದ್ಯತೆ ಕೊಡಬೇಕು’ ಎಂದು ಆಗ್ರಹಿಸಿ ಹೋರಾಟ ಶುರುವಾಗಿದೆ. ನಗರದ ಎಲ್ಲಡೆ ಸಂಚಾರ ನಡೆಸಿದ ಪ್ರತಿಭಟನಾಕಾರರು ಕೈಗಾದ ಕಡೆ ಪ್ರಯಾಣ ಬೆಳಸಿದ್ದಾರೆ. `ನೇಮಕಾತಿಗಾಗಿ ನಡೆಸುವ ಪರೀಕ್ಷೆಯನ್ನು ಬೇರೆ ಬೇರೆ ಕಡೆ ಮಾಡುವ ಬದಲು ಜಿಲ್ಲೆಯಲ್ಲೇ ಪರೀಕ್ಷಾ ಕೇಂದ್ರ ಸ್ಥಾಪಿಸಬೇಕು’ ಎಂದು ಹೋರಾಟಗಾರರು ಆಗ್ರಹಿಸಿದ್ದಾರೆ. ಶನಿವಾರ ಗಣಪತಿ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಿದ ನಂತರ ಪಾದಯಾತ್ರೆ ಶುರುವಾಗಿದ್ದು, ಪ್ರಮುಖ ರಸ್ತೆಗಳಲ್ಲಿ ಪ್ರತಿಭಟನಾಕಾರರು ಸಂಚರಿಸಿದ್ದಾರೆ. ಇಲ್ಲಿನ ಸುಭಾಷಚಂದ್ರ ಬೋಸ್ ವೃತ್ತ, ಹೆಂಜಾ ನಾಯ್ಕ ವೃತ್ತದ ಶಿವಾಜಿ ಪ್ರತಿಮೆ ಹಾಗೂ ಅಂಬೇಡ್ಕರ್ ವೃತ್ತದ ಮಹಾತ್ಮಾ ಗಾಂಧಿ ಪ್ರತಿಮೆಗೆ ಪುಷ್ಪನಮನ ಸಲ್ಲಿಸಿದ ಪ್ರತಿಭಟನಾಕಾರರು ಕಾರವಾರ-ಕದ್ರಾ ಮಾರ್ಗವಾಗಿ ಪಾದಯಾತ್ರೆ ಮುಂದುವರೆಸಿದ್ದಾರೆ. `ಕೈಗಾ ಅಣು ವಿದ್ಯುತ್ ಸ್ಥಾವರದಿಂದ ಜಿಲ್ಲೆಗೆ ನಿರೀಕ್ಷಿತ ಪ್ರಮಾಣದಲ್ಲಿ ಲಾಭ ಆಗಿಲ್ಲ. ಸ್ಥಳೀಯರಿಗೆ ಸಹ ಇಲ್ಲಿ ಉದ್ಯೋಗ ಸಿಗುತ್ತಿಲ್ಲ. ಸದ್ಯ 5 & 6ನೇ ಘಟಕ ಸ್ಥಾಪನೆಗೆ ಸರ್ಕಾರ ಮುಂದಾಗಿದ್ದು, ಇಲ್ಲಿನ 300ಕ್ಕೂ ಅಧಿಕ ಹುದ್ದೆಗಳಿಗೆ ಬಿಹಾರದ ಜನರನ್ನು ನೇಮಕ ಮಾಡಲಾಗುತ್ತಿದೆ. ಇದರಿಂದ ನಿರುದ್ಯೋಗಿಗಳಿಗೆ ಸಮಸ್ಯೆ ಆಗಿದೆ’ ಎಂದು ಪ್ರತಿಭಟನೆ ನೇತ್ರತ್ವವಹಿಸಿದ್ದ ವಿದ್ಯಾರ್ಥಿ ಒಕ್ಕೂಟ ಅಧ್ಯಕ್ಷ ರಾಘು ನಾಯ್ಕ ಅವರು ದೂರಿದರು. ಸದಾಶಿವಗಡ, ಹಣಕೋಣ ಮಾರ್ಗವಾಗಿ ಸಾಗಲಿರುವ ಈ ಪಾದಯಾತ್ರೆಯು ಹೊಟೆಗಾಳಿ ಮತ್ತು ಕದ್ರಾದಲ್ಲಿ ವಾಸ್ತವ್ಯ ಹೂಡಲಿದೆ. ಎರಡು ದಿನಗಳ ನಿರಂತರ ಪ್ರಯಾಣದ ನಂತರ ಕೈಗಾ ಯೋಜನಾ ಪ್ರದೇಶವನ್ನು ತಲುಪಿ ಅಲ್ಲಿ ಮನವಿ ಸಲ್ಲಿಸುವ ಬಗ್ಗೆ ಯೋಚಿಸಲಾಗಿದೆ. ಬೇಡಿಕೆ ಈಡೇರದೇ ಇದ್ದರೆ ಉಗ್ರ ಹೋರಾಟದ ಎಚ್ಚರಿಕೆಯನ್ನು ನೀಡಲಾಗಿದೆ. ಹೋರಾಟಗಾರ ಬಾಬು ಅಂಬಿಗ, ದೀಪಕ ಕುಡಾಲ್ಕರ್ ಸೇರಿ ಅನೇಕರು ಈ ಹೋರಾಟದಲ್ಲಿ ಜೊತೆಯಾಗಿದ್ದಾರೆ.
- [ನೀರಿಗಾಗಿ ನಡಿಗೆಗೆ ಎರಡನೇ ದಿನ](https://mobiletime.in/2026/02/second-day-of-walking-for-water/): ವಿವಿಧ ಬೇಡಿಕೆಗಳ ಈಡೇರಿಕೆಗಾಗಿ ಹಳಿಯಾಳದಲ್ಲಿ ಕಬ್ಬು ಬೆಳೆಗಾರರ ಹಿತ ಸಂರಕ್ಷಣಾ ಸಮಿತಿಯವರು ಕಾಳಿ ನದಿ ನಡಿಗೆ ಶುರು ಮಾಡಿದ್ದಾರೆ. ಶನಿವಾರ ಈ ನಡಿಗೆ ಎರಡನೇ ದಿನ ಪೂರೈಸಿದೆ. ನೀರಾವರಿ ಉದ್ದೇಶಕ್ಕಾಗಿ ಕಾಳಿ ನದಿಗೆ ಯೋಜನೆ ರೂಪಿಸಲಾಗಿದ್ದು, ಅದರ ಜಾರಿಗೆ ಆಗುತ್ತಿರುವ ವಿಳಂಬ ವಿರೋಧಿಸಿ ಕಬ್ಬು ಬೆಳೆಗಾರರ ಹಿತ ಸಂರಕ್ಷಣಾ ಸಮಿತಿ ಹಾಗೂ ರಾಜ್ಯ ಕಬ್ಬು ಬೆಳೆಗಾರರ ಸಂಘದ ನೇತೃತ್ವದಲ್ಲಿ ಪಾದಯಾತ್ರೆ ನಡೆಯುತ್ತಿದೆ. ಈ ದಿನ ಪ್ರದಾನಟ್ಟಿ, ಹೊಸುರ, ತತ್ವಣಗಿ, ಅಮ್ಮನಕೊಪ್ಪ, ಜೋಗನಕೊಪ್ಪ, ಎನ್.ಎಸ್.ಕೊಪ್ಪ, ಗೋಲೆಹಳ್ಳಿ, ಮುಂಡವಾಡ ಗ್ರಾಮಗಳಲ್ಲಿ ಪಾದಯಾತ್ರೆ ನಡೆದಿದೆ. ರಾತ್ರಿ ವೇಳೆ ಮುರ್ಕವಾಡದಲ್ಲಿ ಬಹಿರಂಗ ಸಭೆ ನಡೆದಿದ್ದು, ಅಲ್ಲಿಯೇ ಪಾದಯಾತ್ರೆ ಮಾಡಿದವರು ವಾಸ್ತವ್ಯ ಹೂಡಿದ್ದಾರೆ. ಕಬ್ಬು ಬೆಳೆಗಾರರ ಹಿತ ಸಂರಕ್ಷಣಾ ಸಮಿತಿ ಅಧ್ಯಕ್ಷ ನಾಗೇಂದ್ರ ಜಿವೋಜಿ ಅವರು `ಯೋಜನೆಗೆ ಸ್ಪಷ್ಟ ಗಡುವು ಪ್ರಕಟಿಸಿ ಕಾಮಗಾರಿಗಳನ್ನು ಪೂರ್ಣಗೊಳಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. `ನೀರಾವರಿ ಸೌಲಭ್ಯ ಸಿಗುವವರೆಗೆ ಹೋರಾಟ ಹಿಂತೆಗೆದುಕೊಳ್ಳುವುದಿಲ್ಲ’ ಎಂದವರು ಎಚ್ಚರಿಸಿದ್ದಾರೆ. ಪಾದಯಾತ್ರೆಗೆ ಮೊದಲ ದಿನ ಸರಿಯಾದ ಸ್ಪಂದನೆ ಸಿಕ್ಕಿಲ್ಲ. ಆದರೆ, ಎರಡನೇ ದಿನ ಉತ್ತಮ ಪ್ರತಿಕ್ರಿಯೆವ್ಯಕ್ತವಾಗಿದೆ. ಈ ದಿನ ಗಲ್ಲಿ ಗಲ್ಲಿಗಳಿಂದ ನೂರಾರು ಜನ ಭಾಗವಹಿಸಿ ಪಾದಯಾತ್ರೆ ಯಶಸ್ವಿ ಮಾಡಿದ್ದಾರೆ. ರಾಜ್ಯ ಕಬ್ಬು ಬೆಳೆಗಾರರ ಸಂಘದ ತಾಲೂಕು ಪ್ರಧಾನ ಕಾರ್ಯದರ್ಶಿ ಅಶೋಕ ಮೇಟಿ,ಬೀದರ ಜಿಲ್ಲೆಯ ರಾಜ್ಯ ರೈತ ಸಂಘಟನೆಯ ಕಾರ್ಯದರ್ಶಿ ಮಹೇಶ ಸುಭೇದಾರ, ವಿಜಯ ಭರತ್, ಸಾತುರಿ ಗೋಡಿಮನಿ, ರಾಮದಾಸ್ ಬೆಳಗಾಂಕರ, ನಕುಲ ಕೆಂಚನವರ ಅವರು ಈ ಪಾದಯಾತ್ರೆಯಲ್ಲಿ ಭಾಗಿಯಾಗಿದ್ದಾರೆ.
- [ಹೊಂಡ ಹಾರಿದ ಕಾರು!](https://mobiletime.in/2026/02/a-car-that-jumped-a-pothole/): ಯಲ್ಲಾಪುರದ ಜಿಯೋ ಕಚೇರಿ ಬಳಿ ಕಾರೊಂದು ಹೊಂಡಕ್ಕೆ ಹಾರಿದೆ. ಹೆದ್ದಾರಿಯವರು ಅಳವಡಿಸಿದ್ದ ಸೂಚನಾ ಫಲಕ್ಕೆ ಗುದ್ದಿದ ಕಾರು ಪಕ್ಕದಲ್ಲಿದ್ದ ಕಂದಕಕ್ಕೆ ಬಿದ್ದಿದೆ. ಬೆಳಗಾವಿಯ ಬಸವರಾಜ ಶಿವಪ್ಪ ಉಳಾಗಡ್ಡಿ ಅವರು ಶನಿವಾರ ಹುಬ್ಬಳ್ಳಿಯಿಂದ ಜೋರಾಗಿ ಕಾರು ಓಡಿಸಿಕೊಂಡು ಹೊರಟಿದ್ದರು. ಯಲ್ಲಾಪುರ ಪಟ್ಟಣ ಪ್ರವೇಶಿಸಿದರೂ ಅವರು ತಮ್ಮ ಕಾರಿನ ವೇಗ ಕಡಿಮೆ ಮಾಡಲಿಲ್ಲ. ಪಟ್ಟಣದ ಬಾಳಗಿ ಕಾಂಪ್ಲೇಕ್ಸ ಬಳಿ ಬಂದ ಅವರು ಅಲ್ಲಿದ್ದ ಸೂಚನಾ ಫಲಕಕ್ಕೆ ತಮ್ಮ ಕಾರು ಗುದ್ದಿದರು. ಅದಾದ ನಂತರ ಯುಕೆ ಸೌಹಾರ್ಧ ಬ್ಯಾಂಕಿನ ಹಿಂದಿದ್ದ ಹೊಂಡಕ್ಕೆ ಕಾರಿನಸಹಿತ ಬಿದ್ದರು. ಈ ವೇಳೆ ಆ ಕಾರಿನಲ್ಲಿ ಐದು ಜನ ಪ್ರಯಾಣಿಕರಿದ್ದರು. ಅವರೆಲ್ಲರೂ ಅಪಾಯದಿಂದ ಪಾರಾದರು. ಅದಾಗಿಯೂ, ಕಾರಿನಲ್ಲಿದ್ದ ಬೆಳಗಾವಿಯ ರೋಹಿತ ಬೆಳದಡಿ ಅವರಿಗೆ ಪೆಟ್ಟಾಯಿತು. ಕುತ್ತಿಗೆ ಹಿಂಬಾಗದಲ್ಲಿ ನೋವಾದ ಕಾರಣ ರೋಹಿತ ಬೆಳದಡಿ ಅವರು ಆಸ್ಪತ್ರೆ ಸೇರಿದರು. ಕಾರು ಅಪಘಾತಕ್ಕೆ ಕಾರಣನಾದ ಬಸವರಾಜ ಉಳಾಗಡ್ಡಿ ವಿರುದ್ಧ ಅದೇ ಕಾರಿನಲ್ಲಿದ್ದ ಮಹಂತೇಶ ಬಂದಿ ಅವರು ಪೊಲೀಸ್ ದೂರು ನೀಡಿದ್ದು, ಸ್ಥಳಕ್ಕೆ ಭೇಟಿ ನೀಡಿದ ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು. `ಅತಿ ವೇಗ ಅಪಘಾತಕ್ಕೆ ಕಾರಣ’  
- [ನೌಕಾನೆಲೆ | ಅಪರಿಚಿತ ಕಾರಿನಿಂದ ಅಪಘಾತ: ಮಾಜಿ ಸೈನಿಕನಿಗೆ ಆಘಾತ!](https://mobiletime.in/2026/03/naval-base-accident-by-unknown-car-former-soldier-shocked/): ಕಾರವಾರದ ನೌಕಾನೆಲೆ ಒಳಗೆ ಅಪರಿಚಿತ ಕಾರೊಂದು ನುಗ್ಗಿದೆ. ಆ ಕಾರು ಅತಿ ವೇಗವಾಗಿ ಚಲಿಸಿದ್ದು, ಸ್ಕೂಟರಿಗೆ ಡಿಕ್ಕಿ ಹೊಡೆದಿದೆ. ಅಪರಿಚಿತ ಕಾರು ಗುದ್ದಿದ ಪರಿಣಾಮ ಮಾಜಿ ಸೈನಿಕರೊಬ್ಬರಿಗೆ ಗಾಯವಾಗಿದೆ. ಮಾಜಿ ಸೈನಿಕ ದಿನೇಶ ರಾಮಚಂದ್ರ ಪೈ ಅವರು ಈ ಅಪಘಾತದಲ್ಲಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ನೌಕಾನೆಲೆ ಒಳಗೆ ಪ್ರವೇಶಿಸಿದ ಆ ಅಪರಿಚಿತ ಕಾರಿನ ಬಗ್ಗೆ ಮಾಹಿತಿ ಕಲೆ ಹಾಕಲಾಗುತ್ತಿದೆ. ಕಾರವಾರದ ಕಡವಾಡದ ಶ್ರೀ ವೆಂಕಟ್ರಮಣ ದೇವಸ್ಥಾನ ಸಮೀಪ ದಿನೇಶ ಪೈ ಅವರು ವಾಸವಾಗಿದ್ದರು. ಅವರು ಅರಗಾದ ನೌಕಾನೆಲೆ ಒಳಗಿನ ಮಿಲಿಟರಿ ಕ್ಯಾಂಟೀನ್‌ಗೆ ಸಾಮಾನು ತರಲು ತೆರಳಿದ್ದರು. ಶನಿವಾರ ನೌಕಾನೆಲೆ ಒಳಗೆ ಸ್ಕೂಟಿಯಲ್ಲಿ ಹೋಗಿದ್ದ ಅವರಿಗೆ ಅಪರಿಚಿತ ಕಾರು ಗುದ್ದಿತು. ಹಿಂದಿನಿoದ ಕಾರು ಗುದ್ದಿದ ರಭಸಕ್ಕೆ ದಿನೇಶ ಪೈ ಅವರು ನೆಲಕ್ಕೆ ಅಪ್ಪಳಿಸಿದ್ದು, ಅವರ ಕೈ-ಕಾಲಿಗೆ ಗಾಯವಾಯಿತು. ಅಪಘಾತದ ನಂತರ ಆ ಕಾರು ಚಾಲಕ ದಿನೇಶ ಪೈ ಅವರನ್ನು ನೌಕಾನೆಲೆಯ ಎಂ ಐ ರೂಮಿಗೆ ಕರೆದೊಯ್ದು ಪ್ರಾಥಮಿಕ ಚಿಕಿತ್ಸೆ ಕೊಡಿಸಿದರು. ಅದಾದ ನಂತರ ಆ ಚಾಲಕ ಅಲ್ಲಿಂದ ಪರಾರಿಯಾಗಿದ್ದು, ದಿನೇಶ ಪೈ ಅವರನ್ನು ಕಾರವಾರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಸದ್ಯ ದಿನೇಶ ಪೈ ಅವರು ಚೇತರಿಸಿಕೊಳ್ಳುತ್ತಿದ್ದಾರೆ. ಅಪಘಾತಕ್ಕೆ ಕಾರಣವಾದ ಕಾರು ಹಾಗೂ ಚಾಲಕನ ವಿವರ ಇನ್ನೂ ಪತ್ತೆಯಾಗಿಲ್ಲ. ಅಪಘಾತಪಡಿಸಿದ ಕಾರು ಚಾಲಕನ ಶೋಧಕ್ಕಾಗಿ ದಿನೇಶ ಪೈ ಅವರ ಪತ್ನಿ ಶೋಭಾಂಗಿ ಪೈ ಅವರು ಪೊಲೀಸ್ ದೂರು ನೀಡಿದ್ದಾರೆ. ಕಾರವಾರ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಬೈಕಿಗೆ ಬೆಂಕಿ!](https://mobiletime.in/2026/03/the-bike-is-on-fire/): ಭಟ್ಕಳದಲ್ಲಿ ಮನೆ ಮುಂದೆ ನಿಲ್ಲಿಸಿದ ಬೈಕಿಗೆ ಬೆಂಕಿ ಬಿದ್ದಿದ್ದು, ಬೈಕ್ ಸಂಪೂರ್ಣ ಸುಟ್ಟು ಕರಕಲಾಗಿದೆ. ತಹಸೀನ್ ಭಾನು ಅವರ ಒಡೆತನದ ಬೈಕಿಗೆ ಯಾಸೀನ್ ಖಾನ್ ಅವರು ಬೆಂಕಿ ಹಚ್ಚಿದ ಸಂಶಯ ಶುರುವಾಗಿದೆ. ಭಟ್ಕಳದ ಜಾಲಿ ಗ್ರಾಮದ ಶೇಡಕುಳಿ ಹೊಂಡಾದಲ್ಲಿ ತಹಸೀನ್ ಭಾನು ಮೆಹಬೂಬಲಿ ಶೇಖ್ ಅವರು ವಾಸವಾಗಿದ್ದಾರೆ. ಗೃಹಿಣಿಯಾಗಿರುವ ಅವರು ಕೆಎ 31 ಇಎಫ್ 6532 ನೋಂದಣಿಯ ಬಜಾಜ್ ಪಲ್ಸರ್ ಬೈಕ್ ಹೊಂದಿದ್ದು, ಮಾರ್ಚ 19ರ ನಸುಕಿನಲ್ಲಿ ಆ ಬೈಕ್ ಬೆಂಕಿಗೆ ಆಹುತಿಯಾಗಿದೆ. ನಸುಕಿನ 1.30ಕ್ಕೆ ಅವರು ಬೈಕ್ ಹೊತ್ತಿ ಉರಿಯುವುದನ್ನು ನೋಡಿದ್ದಾರೆ. ಆದರೆ, ಬೆಂಕಿ ಆರಿಸಲು ಅವರಿಂದ ಸಾಧ್ಯವಾಗಿಲ್ಲ. ಮನೆ ಹೊರಗಿನ ಅಂಗಳದಲ್ಲಿದ್ದ ಬೈಕ್ ಏಕಾಏಕಿ ಹೊತ್ತಿ ಉರಿಯುವ ಸಾಧ್ಯತೆಗಳಿರಲಿಲ್ಲ. ಯಾವುದೇ ಅಪಾಯಕಾರಿ ಸ್ಥಳದಲ್ಲಿಯೂ ಬೈಕನ್ನು ಅವರು ನಿಲ್ಲಿಸಿರಲಿಲ್ಲ. ಅದಾಗಿಯೂ, ಅಂದಾಜು 70 ಸಾವಿರ ರೂ ಮೌಲ್ಯದ ಬೈಕ್ ಸುಟ್ಟು ಕರಕಲಾದ ಬಗ್ಗೆ ಚಿಂತಿಸಿದಾಗ ಅವರಿಗೆ ಭಟ್ಕಳದ ಯಾಸೀನ್ ನಾಜೀರ್ ಖಾನ್ ಮೇಲೆ ಅನುಮಾನ ಶುರುವಾಗಿದೆ. ಹೀಗಾಗಿ ತಹಸೀನ್ ಭಾನು ಅವರು ಯಾಸೀನ್ ಖಾನ್ ಅವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಭಟ್ಕಳ ಶಹರ ಪೊಲೀಸ್ ಠಾಣೆಯ ಸಿಬ್ಬಂದಿ ಪ್ರಕರಣ ದಾಖಲಿಸಿದ್ದು, ವಿಚಾರಣೆ ಶುರು ಮಾಡಿದ್ದಾರೆ.
- [ದುಡಿಯುವ ವಯಸ್ಸಿನಲ್ಲಿ ದುಶ್ಚಟ: ಅಡ್ಡದಾರಿ ಹಿಡಿದ ಇಂಜಿನಿಯರ್!](https://mobiletime.in/2026/03/addiction-at-working-age-an-engineer-who-went-astray/): ಒಳ್ಳೆಯ ಉದ್ಯೋಗ, ಕೈ ತುಂಬ ಸಂಬಳ, ಐಷಾರಾಮಿ ಜೀವನ ಸಾಗಿಸಲು ಸಕಲ ವ್ಯವಸ್ಥೆಯಿದ್ದರೂ ಅಂಕೋಲಾ ರಜತ ನಾಯಕ ಅವರು ಅಡ್ಡದಾರಿ ಹಿಡಿದಿದ್ದಾರೆ. ಮೋಜು-ಮಸ್ತಿ ವಿಷಯವಾಗಿ ವ್ಯಸನದ ಹಾದಿ ಹಿಡಿದ ಅವರು ಮಾದಕ ವಸ್ತುಗಳ ವ್ಯಾಮೋಹಕ್ಕೆ ಒಳಗಾಗಿದ್ದಾರೆ. 24 ವರ್ಷದ ರಜತ ಮಂಜುನಾಥ ನಾಯಕ ಅವರು ಅಂಕೋಲಾದ ವಂದಿಗೆಯಲ್ಲಿ ವಾಸವಾಗಿದ್ದಾರೆ. ಕಷ್ಟಪಟ್ಟು ಓದಿರುವ ಅವರು ಇಂಜಿನಿಯರ್ ಆಗಿದ್ದಾರೆ. ತಮಗಿರುವ ಉದ್ಯೋಗ, ಪ್ರತಿಭೆ ಬಳಸಿಕೊಂಡು ಜೀವನದಲ್ಲಿ ಸಾಕಷ್ಟು ಸಾಧನೆ ಮಾಡುವ ಅವಕಾಶವಿದ್ದರೂ ಅವರ ಚಂಚಲ ಮನಸ್ಸು ಅಭಿವೃದ್ಧಿಗೆ ಅಡ್ಡಗಾಲಾಗಿದೆ. ಉನ್ನತ ಸಾಧನೆ ಮಾಡಲು ಅವರಿಗಿರುವ ದುಶ್ಚಟವೇ ಅಡ್ಡಿಯಾಗಿದೆ. ಮಾದಕ ವ್ಯಸನ ಸೇವಿಸಿ ಎಲ್ಲೆಂದರಲ್ಲಿ ಅಲೆದಾಡುತ್ತಿದ್ದ ರಜತ ನಾಯಕ ಅವರು ಪೊಲೀಸರ ಬಳಿ ಸಿಕ್ಕಿ ಬಿದ್ದು ಸಮಸ್ಯೆಗೆ ಸಿಲುಕಿದ್ದಾರೆ. ಅಂಕೋಲಾದ ಹುಲಿದೇವರವಾಡದ ಬಳಿ ಮಾರ್ಚ 21ರಂದು ರಜತ ನಾಯಕ ಅವರು ಅಲೆದಾಡುತ್ತಿರುವುದನ್ನು ನೋಡಿದ ವ್ಯಕ್ತಿಯೊಬ್ಬರು ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಆ ದಿನ ಮಧ್ಯಾಹ್ನದ ಬಿಸಿಲಿನಲ್ಲಿ ಮೈಮೇಲಿನ ಪ್ರಜ್ಞೆ ಕಳೆದುಕೊಂಡು ನಶೆಯಲ್ಲಿದ್ದ ರಜತ ನಾಯಕ ಅವರು ಅಲ್ಲಿನ ಎಪಿಎಂಸಿ ಮೈದಾನದ ಬಳಿ ಪೊಲೀಸರಿಗೆ ಕಾಣಿಸಿದ್ದಾರೆ. ರಜತ ನಾಯಕ ಅವರ ಬಾಯಿಂದ ಘಾಟು ವಾಸನೆ ಬರುತ್ತಿರುವುದನ್ನು ಪಿಸೈ ಗುರುನಾಥ ಹಾದಿಮನಿ ಅವರು ಗಮನಿಸಿದ್ದಾರೆ. ವಿಚಾರಣೆ ನಡೆಸಿದಾಗ ಗಾಂಜಾ ಸೇವಿಸಿರುವ ಬಗ್ಗೆ ರಜತ ನಾಯಕ ಅವರು ಒಪ್ಪಿಕೊಂಡಿದ್ದಾರೆ. ಮಾತನಾಡುವ ಸ್ಥಿತಿಯಲ್ಲಿರದ ರಜತ ನಾಯಕ ಅವರನ್ನು ಪೊಲೀಸರೇ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಅಂಕೋಲಾ ಸರ್ಕಾರಿ ಆಸ್ಪತ್ರೆ ವೈದ್ಯಾಧಿಕಾರಿಗಳು ನಡೆಸಿದ ವೈದ್ಯಕೀಯ ಪರೀಕ್ಷೆಯಲ್ಲಿಯೂ ರಜತ ನಾಯಕ ಅವರು ಗಾಂಜಾ ಸೇವಿಸಿದ್ದು, ದೃಢವಾಗಿದೆ. ನಿಷೇಧಿತ ವಸ್ತು ಸೇವನೆ ಮಾಡಿದ ಕಾರಣ ಪೊಲೀಸರು ರಜತ ನಾಯಕ ಅವರ ವಿರುದ್ಧ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಜೈ ಸಾಯಿರಾಮ್ | ಉತ್ತರ ಕನ್ನಡ ಪ್ರವೇಶಿಸಿದ ಪ್ರೇಮಪ್ರವಾಹಿನಿ](https://mobiletime.in/2026/03/jai-sai-ram-the-love-channel-that-entered-uttara-kannada/): ಆಂಧ್ರಪ್ರದೇಶದ ಪುಟಪರ್ತಿ ಪ್ರಶಾಂತ ನಿಲಯಯಿಂದ ಹೊರಟ `ಸತ್ಯಸಾಯಿ ಪ್ರೇಮಪ್ರವಾಹಿನಿ ರಥಯಾತ್ರೆ’ ಉತ್ತರ ಕನ್ನಡ ಜಿಲ್ಲೆಯನ್ನು ಪ್ರವೇಶಿಸಿದೆ. ಕುಮಟಾದ ಛತ್ರಕೂರ್ವೆ ಗ್ರಾಮದಲ್ಲಿ ರಥ ತಂಗಿದ್ದು, ಸುತ್ತಲಿನ ಭಕ್ತರು ಶ್ರದ್ಧಾಭಕ್ತಿಯಿಂದ ರಥಕ್ಕೆ ನಮಸ್ಕರಿಸಿದ್ದಾರೆ. ಸತ್ಯಸಾಯಿ ಬಾಬಾ ಅವರ ಜನ್ಮಶತಮಾನೋತ್ಸವದ ಅಂಗವಾಗಿ `ಸತ್ಯಸಾಯಿ ಪ್ರೇಮಪ್ರವಾಹಿನಿ ರಥಯಾತ್ರೆ’ ದೇಶದ ಎಲ್ಲಡೆ ಸಂಚರಿಸಲಿದೆ. ಈ ರಥ ಧರ್ಮಸ್ಥಳ ಮಾರ್ಗವಾಗಿ ಹೊನ್ನಾವರದ ಮೂಲಕ ಕುಮಟಾ ಮೂಲಕ ಮುಂದಿನ ಊರಿಗೆ ಸಾಗಿದೆ. ಇಲ್ಲಿನ ಸಂತೆಗದ್ದೆಯಿAದ ಆರಂಭವಾದ ರಥಯಾತ್ರೆ ನಾಗೂರು ಕ್ರಾಸಿನ ಮೂಲಕ ಸಾಗಿತು. ಭಕ್ತರು ಘೋಷಣೆಗಳೊಂದಿಗೆ ರಥವನ್ನು ಸ್ವಾಗತಿಸಿದರು. ಛತ್ರಕೂರ್ವೆಯ ಸತ್ಯಸಾಯಿ ಸೇವಾ ಸಮಿತಿಯವರು ನಾಗೂರು ಕ್ರಾಸಿನಲ್ಲಿ ಪೂರ್ಣಕುಂಭ ಸ್ವಾಗತದೊಂದಿಗೆ ರಥವನ್ನು ಬರಮಾಡಿಕೊಂಡರು. ಹೂಮಾಲೆ ಅರ್ಪಿಸಿ, ಮಂಗಳ ವಾದ್ಯಗಳನ್ನು ಮೊಳಗಿಸಿ ಅದ್ಧೂರಿ ಸ್ವಾಗತ ಕೋರಿದರು. ಈ ವೇಳೆ ಎಲ್ಲಡೆ `ಸಾಯಿ ರಾಮ್’ ಎಂಬ ಘೋಷಣೆಗಳು ಕೇಳಿಸಿದವು. ಕುಮಟಾದ ಮಿರ್ಜಾನದಲ್ಲಿ ರಥದ ದರ್ಶನಕ್ಕೆ ಅಪಾರ ಸಂಖ್ಯೆಯ ಭಕ್ತರು ಸೇರಿದ್ದು, ಭಕ್ತಿಯಿಂದ ಪೂಜೆ ಸಲ್ಲಿಸಿದರು. ನಂತರ ನಡೆದ ಪ್ರಸಾದ ವಿತರಣೆಯಲ್ಲಿ ಭಕ್ತರು ಭಾಗಿಯಾದರು. ಕೋಟೆ ಕ್ರಾಸಿನ ಮೂಲಕ ನಡೆದ ಮೆರವಣಿಗೆಯಲ್ಲಿ ಜನ ಉತ್ಸಾಹದಿಂದ ಭಾಗವಹಿಸಿದ್ದರು. ಅದಾದ ನಂತರ ರಥಯಾತ್ರೆ ಛತ್ರಕೂರ್ವೆಗೆ ತೆರಳಿತು. ಛತ್ರಕೂರ್ವೆಯಲ್ಲಿ ನಡೆದ ಧಾರ್ಮಿಕ ಕಾರ್ಯಕ್ರಮಗಳದಲ್ಲಿ ಭಕ್ತರು ಭಾಗವಹಿಸಿದ್ದರು. ರುದ್ರ ಪಠಣ, ಭಜನೆ ಹಾಗೂ ಮಂಗಳಾರತಿ ಕಾರ್ಯಕ್ರಮಗಳು ಆಧ್ಯಾತ್ಮಿಕ ಚೈತನ್ಯ ಮೂಡಿಸಿದವು. ಅನ್ನ ಪ್ರಸಾದ ವ್ಯವಸ್ಥೆ ಸಮರ್ಪಕವಾಗಿ ಮಾಡಲಾಗಿದ್ದು, ಪ್ರಸಾದ ಭೋಜನ ಸವಿದ ಭಕ್ತರು ಧನ್ಯತಾ ಭಾವವ್ಯಕ್ತಪಡಿಸಿದರು. ಈ ವೇಳೆ ಮಕ್ಕಳಿಂದ ನಡೆದ ಛದ್ಮ ವೇಷ ಕಾರ್ಯಕ್ರಮ ಗಮನಸೆಳೆಯಿತು. ಇನ್ನೂ ನಾಗೂರು ಕ್ರಾಸಿನಿಂದ ರಾಮನರ ಕ್ರಾಸಿನವರೆಗೆ ನಡೆದ ಬೈಕ್ ರ‍್ಯಾಲಿ ಆಕರ್ಷಿಸಿತು. ಅತ್ಯಂತ ಶಿಸ್ತಿನಿಂದ ಭಕ್ತರು ರಥಯಾತ್ರೆಯಲ್ಲಿ ಸಾಗಿದರು. ಮಾರ್ಚ 19ರ ಕಾರ್ಯಕ್ರಮ ಮುಗಿಸಿದ ನಂತರ ಮಾರ್ಚ್ 20ರಂದು ಬೆಳಗ್ಗೆ 8 ಗಂಟೆಗೆ ರಥಯಾತ್ರೆ ಸಿದ್ದಾಪುರದ ಕಡೆಗೆ ಮುಂದುವರಿಯಿತು. ಶಿರಸಿ, ಸಿದ್ದಾಪುರ, ಯಲ್ಲಾಪುರ, ಮುಂಡಗೋಡು ಚಲಿಸಲಿರುವ ಈ ರಥ ನಂತರ ಅಂಕೋಲಾಗೆ ಬರಲಿದೆ.
- [ನಿದ್ರೆಯ ಮಂಪರು: ಮನೆಗೆ ನುಗ್ಗಿದ ಕಾರು!](https://mobiletime.in/2026/03/sleep-deprivation-a-car-crashed-into-the-house/): ಮೈಸೂರಿನಿಂದ ಗೋಕರ್ಣಕ್ಕೆ ಬಂದ ಕಾರೊಂದು ರಸ್ತೆ ಅಂಚಿನ ಮನೆಗೆ ನುಗ್ಗಿದೆ. ಪರಿಣಾಮ ಮನೆ ಅಂಗಳದಲ್ಲಿದ್ದ ಎರಡು ಸ್ಕೂಟರ್, ಗೇಟ್ ಜೊತೆ ಆ ಕಾರಿಗೂ ಹಾನಿಯಾಗಿದೆ. ವಿದೇಶಿಗರಿಬ್ಬರು ಈಚೆಗೆ ಮೈಸೂರಿಗೆ ಬಂದಿದ್ದು ಅವರು ಗೋಕರ್ಣ ಪ್ರವಾಸ ಮಾಡಲು ನಿರ್ಧರಿಸಿದ್ದರು. ಇದಕ್ಕಾಗಿ ಪ್ರವಾಸಿ ಕಾರನ್ನು ಅವರು ಬಾಡಿಗೆಗೆಪಡೆದಿದ್ದರು. ಭಾನುವಾರ ಬೆಳಗ್ಗೆ ಅವರು ಆ ಕಾರಿನಲ್ಲಿ ಗೋಕರ್ಣ ಪ್ರವೇಶಿಸಿದ್ದು, ದಂಡೆಭಾಗದಿAದ ಮೀನು ಮಾರುಕಟ್ಟೆಗೆ ತೆರಳುವ ತಿರುವಿನ ಕಡೆ ಕಾರು ಓಡಿಸಿದರು. ಅಲ್ಲಿದ್ದ ವಿಶ್ವನಾಥ ಎಂ ಭಟ್ ಬೇಲೆಹಿತ್ತಲ ಅವರ ಮನೆಗೆ ಕಾರು ನುಗ್ಗಿಸಿ, ಮನೆ ಅಂಗಳದಲ್ಲಿದ್ದ ಸ್ಕೂಟರನ್ನು ಜಖಂ ಮಾಡಿದರು. ಭಾನುವಾರ ಬೆಳಗ್ಗೆ 1.30ಕ್ಕೆ ಈ ಅವಘಡ ನಡೆದಿದೆ. ವಿಶ್ವನಾಥ ಭಟ್ಟ ಅವರ ಕುಟುಂಬದವರು ಮನೆಯಲ್ಲಿ ಮಲಗಿದ್ದು, ಭಾರೀ ಪ್ರಮಾಣದ ಶಬ್ದ ಕೇಳಿ ಹೊರಗೆ ಬಂದಿದ್ದಾರೆ. ಆಗ, ಮನೆ ಮುಂದಿನ ಗೇಟು ಮುರಿದ ಕಾರು ಎರಡು ಸ್ಕೂಟರಿಗೆ ಡಿಕ್ಕಿ ಹೊಡೆದಿರುವುದು ಕಾಣಿಸಿದೆ. ಈ ಅಪಘಾತದಲ್ಲಿ ಕಾರು ಸಹ ಜಖಂ ಆಗಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ನಿದ್ರೆಯ ಮಂಪರಿನಲ್ಲಿ ಕಾರು ಓಡಿಸಿದ್ದೇ ಅವಾಂತರಕ್ಕೆ ಕಾರಣ ಎಂಬ ಮಾಹಿತಿಯಿದೆ. `ನಿದ್ರೆಯ ಮಂಪರಿನಲ್ಲಿ ವಾಹನ ಓಡಿಸಬೇಡಿ’
- [ಕೊಬರಿ ವ್ಯಾಪಾರಕ್ಕೆ ಬಂದವ ಅಸ್ವಸ್ಥ: ಸಾವು!](https://mobiletime.in/2026/03/a-man-who-came-to-kobari-for-business-fell-ill-died/): ಶಿರಸಿಯ ಪಂಚವಟಿ ಲಾಡ್ಜಿನಲ್ಲಿ ವಾಸ್ತವ್ಯ ಹೂಡಿದ್ದ ಮಹಾಲಿಂಗ ನಾಯ್ಕ ಅವರು ಕುಸಿದು ಬಿದ್ದಿದ್ದು, ಆಸ್ಪತ್ರೆಗೆ ಸೇರಿಸುವ ಮುನ್ನ ಸಾವನಪ್ಪಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳದ ಮಹಾಲಿಂಗ ನಾಯ್ಕ ಅವರು ಚಾಲಕರಾಗಿ ಶ್ರಮಿಸುತ್ತಿದ್ದರು. 86 ವರ್ಷದ ಅವರು ಶುಕ್ರವಾರ ಎಂ ಎಸ್ ಭಟ್ಟ ಅವರ ಜೊತೆ ಪಿಕಪ್ ವಾಹನದಲ್ಲಿ ಶಿರಸಿಗೆ ಬಂದಿದ್ದರು. ಕೊಬರಿ ವ್ಯಾಪಾರ ಮಾಡುವ ಉದ್ದೇಶದಿಂದ ಅವರು ಅಲ್ಲಿ-ಇಲ್ಲಿ ತಿರುಗಾಟ ಮಾಡಿದ್ದರು. ಅದಾದ ನಂತರ ವಿಶ್ರಾಂತಿಗಾಗಿ ಪಂಚವಟಿ ಲಾಡ್ಜಿಗೆ ಹೋಗಿದ್ದು, ಅಲ್ಲಿ ಮಹಾಲಿಂಗ ನಾಯ್ಕ ಅವರು ಅಸ್ವಸ್ಥರಾದರು. ಕುಸಿದು ಬಿದ್ದ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ಕರೆತರುವ ಪ್ರಯತ್ನ ನಡೆಯಿತು. ಆದರೆ, ಆಸ್ಪತ್ರೆಗೆ ಬರುವ ಮುನ್ನವೇ ಮಹಾಲಿಂಗ ನಾಯ್ಕ ಅವರು ಸಾವನಪ್ಪಿದ್ದರು. ತಂದೆಯ ಸಾವಿನ ಬಗ್ಗೆ ರವಿಚಂದ್ರ ಮಹಾಲಿಂಗ ನಾಯ್ಕ ಅವರು ಪೊಲೀಸರಿಗೆ ಹೇಳಿಕೆ ನೀಡಿದರು. ಶಿರಸಿ ಹೊಸಮಾರುಕಟ್ಟೆ ಠಾಣೆಯ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅಪ್ರಾಪ್ತರ ಪ್ರೇಮ ಪ್ರಕರಣ: ಪಾಲಕರ ವೈಮನಸ್ಸಿಗೆ ಕಾರಣ!](https://mobiletime.in/2026/03/love-affair-between-minors-reason-for-parental-disapproval/): 14 ವರ್ಷದ ಹುಡುಗಿಗೆ 15 ವರ್ಷದ ಹುಡುಗನೊಬ್ಬ ಮೆಸೆಜ್ ಮಾಡಿದ್ದು, ಇದೇ ವಿಷಯ ಎರಡು ಕುಟುಂಬಗಳ ನಡುವಿನ ವೈಮನಸ್ಸಿಗೆ ಕಾರಣವಾಗಿದೆ. ಮೆಸೆಜ್ ಮಾಡಿದ ಹುಡುಗನಿಗೆ ಮತ್ತೊಬ್ಬ ವ್ಯಕ್ತಿ ಥಳಿಸಿದ್ದು, ನ್ಯಾಯಕ್ಕಾಗಿ ಹುಡುಗನ ತಾಯಿ ಪೊಲೀಸರ ಮೊರೆ ಹೋಗಿದ್ದಾರೆ. ಭಟ್ಕಳ ಮೂಸಾ ನಗರದ ಈಶ್ರತ್ ಜಹಾ ಸಯ್ಯದ್ ಸಜ್ಜದ್ ಹುಸೇನ್ ಫಿರಜಾದೆ ಅವರ ಮಗ ಸಾಹೀದ್ ಅಬೀಮ್ (ಅಪ್ತಾಪ್ತನ ಹೆಸರು ಬದಲಿಸಿದೆ) ಅವರು ಹುಡುಗಿಯೊಬ್ಬರ ಬಳಿ ಮಾತನಾಡಿದ್ದಾರೆ. ಅದಾದ ನಂತರ ಆ ಹುಡುಗಿಗೆ ಮೆಸೆಜ್ ಮಾಡಿದ್ದಾರೆ. ಜಿನಾ ಅನಾನ್ (ಅಪ್ರಾಪ್ತೆಯ ಹೆಸರು ಬದಲಿಸಿದೆ) ಅವರಿಗೆ ಮೆಸೆಜ್ ಬಂದಿದ್ದನ್ನು ಅವರ ತಾಯಿ ಆಯಿಷಾ ಶಾಹೀನ್ ಸಿದ್ದಿಬಾಬಾ ಅವರು ನೋಡಿದ್ದಾರೆ. ಈ ವಿಷಯ ಹಸನ್ ಸಾಬೀರ್ ಸಿದ್ದಿಬಾಪಾ ಮಹ್ಮದ್ ನಾಸೀರ್ ಸಿದ್ದಿಬಾಪಾ ಅವರ ಗಮನಕ್ಕೆ ಬಂದಿದೆ. ಮೆಸೆಜ್ ಮಾಡಿದ ಹುಡುಗ ಹಾಗೂ ಹುಡುಗಿ ಅಕ್ಕಪಕ್ಕದ ಮನೆಯವರಾಗಿದ್ದು, ಅವರಿಬ್ಬರು ಮಾತನಾಡಬಾರದು ಎಂದು ಹಸನ್ ಸಾಬೀರ್ ಸಿದ್ದಿಬಾಪಾ ಅವರು ತಾಕೀತು ಮಾಡಿದ್ದಾರೆ. ಅದಾಗಿಯೂ ಆ ಹುಡುಗ ಮಾತು ಹಾಗೂ ಮೆಸೆಜ್ ಮುಂದುವರೆಸಿದ ಕಾರಣ ಹಸನ್ ಸಾಬೀರ್ ಸಿದ್ದಿಬಾಪಾ ಅವರು ಸಿಟ್ಟಾಗಿದ್ದಾರೆ. ಮಾರ್ಚ 12ರಂದು ಬೆಳಗ್ಗೆ ಹಸನ್ ಸಾಬೀರ್ ಸಿದ್ದಿಬಾಪಾ ಅವರು ಆ ಹುಡುಗನನ್ನು ಜಾಲಿ ಕಡಲತೀರಕ್ಕೆ ಕರೆದೊಯ್ದು, ಅಲ್ಲಿ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಹಸನ್ ಸಾಬೀರ್ ಸಿದ್ದಿಬಾಪಾ ಅವರು ಬಾಲಕ ಸಾಹೀದ್ ಅಬೀಮ್ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಮೂರು ಏಟು ಕೊಡುವವವರೆಗೆ ಸಾಹೀದ್ ಅಬೀಮ್ ನೆಲಕ್ಕೆ ಬಿದ್ದಿದ್ದು, ಮೆಸೆಜ್ ಮಾಡಿದ ಮೊಬೈಲಿನ ಚಾರ್ಜರಿನಿಂದ ಬಾಸುಂಡೆ ಬರುವ ರೀತಿ ಬಾಲಕನಿಗೆ ಹೊಡೆದಿದ್ದಾರೆ. ಥಳಿತಕ್ಕೆ ಒಳಗಾದ ಬಾಲಕನ ಕಿವಿಯೊಳಗಿನ ತಮಟೆಗೆ ಸಮಸ್ಯೆಯಾಗಿದೆ. `ಹೊಡೆದ ವಿಷಯ ಯಾರಿಗಾದರೂ ಹೇಳಿದರೆ ಕೊಂದು ಸಮುದ್ರಕ್ಕೆ ಎಸೆಯುವೆ’ ಎಂದು ಹಸನ್ ಸಾಬೀರ್ ಸಿದ್ದಿಬಾಪಾ ಅವರು ಬಾಲಕನಿಗೆ ಬೆದರಿಸಿದ್ದಾರೆ. ಕಿವಿ ಸಮಸ್ಯೆಯಾದ ಬಗ್ಗೆ ಈಶ್ರತ್ ಜಹಾ ಸಯ್ಯದ್ ಸಜ್ಜದ್ ಹುಸೇನ್ ಫಿರಜಾದೆ ಅವರು ಮಗನಲ್ಲಿ ಪ್ರಶ್ನಿಸಿದಾಗ ಈ ಎಲ್ಲಾ ವಿಷಯ ಹೊರಬಿದ್ದಿದೆ. ಬಾಲಕನಿಗೆ ಥಳಿಸಿದ ಹಸನ್ ಸಾಬೀರ್ ಸಿದ್ದಿಬಾಪಾ ಮಹ್ಮದ್ ನಾಸೀರ್ ಸಿದ್ದಿಬಾಪಾ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಾಗಿದೆ.    
- [ಶ್ರೀಗಳ ಸೇವೆ ಸ್ಮರಿಸಿದ ಸಭಾಪತಿ](https://mobiletime.in/2026/03/the-speaker-remembered-the-service-of-the-venerable/): `ಅಧಿಕಾರ-ಅಂತಸ್ತುಗಳಿಗಿoತಲೂ ಗುರುಹಿರಿಯರ ಆಶೀರ್ವಾದ ಶ್ರೇಷ್ಠ’ ಎಂದು ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ ಅವರು ಹೇಳಿದ್ದಾರೆ. ಸಿದ್ದಾಪುರದ ಕಲಗದ್ದೆಯ ಶ್ರೀ ನಾಟ್ಯವಿನಾಯಕ ಹಾಗೂ ಲಲಿತಾ ರಾಜರಾಜೇಶ್ವರಿ ದೇವಸ್ಥಾನದಲ್ಲಿ ಲೋಕ ಕಲ್ಯಾಣಾರ್ಥವಾಗಿ ವರ್ಷಪೂರ್ತಿಯ ಮೋದಕ ಸೇವೆಯ ಮಹಾ ಸಮಾರೋಪ, ಮಹಾಪೂರ್ಣಾಹುತಿ, ನೂತನ ಕಾಮೇಶ್ವರ ದೇಗುಲ ಲೋಕಾರ್ಪಣೆ ಕಾರ್ಯಕ್ರಮ ನಡೆದಿದೆ. ಆ ಕಾರ್ಯಕ್ರಮದಲ್ಲಿ ರಾಮಚಂದ್ರಾಪುರ ಮಠದ ರಾಘವೇಶ್ವರ ಭಾರತೀ ಸ್ವಾಮೀಜಿ ಭಾಗವಹಿಸಿದ್ದಾರೆ. ಅದೇ ವೇದಿಕೆಯಲ್ಲಿ ಬಸವರಾಜ ಹೊರಟ್ಟಿ ಅವರಿಗೆ ರಾಘವೇಶ್ವರ ಶ್ರೀಗಳು `ರಾಜಮಾನ್ಯ ಪ್ರಶಸ್ತಿ’ ನೀಡಿ ಗೌರವಿಸಿದ್ದಾರೆ. ಈ ವೇಳೆ ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿಗಳೊಂದಿಗಿನ ದಶಕಗಳ ಕಾಲದ ಒಡನಾಟ ಹಾಗೂ ಗೋ ಸೇವೆಯ ಮಹತ್ವದ ಬಗ್ಗೆ ಮಾತನಾಡಿ ಬಸವರಾಜ ಹೊರಟ್ಟಿ ಅವರು ಭಾವುಕರಾಗಿದ್ದಾರೆ. `ಸರ್ಕಾರ ಕೋಟಿ ರೂ ಖರ್ಚು ಮಾಡಿದರೂ ಮಾಡಲಾಗದ ಕೆಲಸವನ್ನು ಶ್ರೀಗಳು ಭಕ್ತಿಯಿಂದ ಮಾಡುತ್ತಿದ್ದಾರೆ. ಸಮಾಜದಲ್ಲಿ ಮೌಲ್ಯಗಳ ಕುಸಿತ ಮತ್ತು ದ್ವೇಷದ ವಾತಾವರಣದ ನಡುವೆ ಪವಿತ್ರ ಸ್ಥಳಗಳು ಮನಸ್ಸಿಗೆ ನೆಮ್ಮದಿ ನೀಡುತ್ತವೆ’ ಎಂದವರು ಹೇಳಿದ್ದಾರೆ. ಈ ಪರಿಸರ ನೆಮ್ಮದಿಯ ತಾಣವಾಗಿದೆ. ನಮ್ಮ ಶಾಸಕರೂ ಕೆಲವೊಮ್ಮೆ ಹಾದಿ ತಪ್ಪುತ್ತಿದ್ದು ಇಲ್ಲಿಯೇ ತರಬೇತಿ ಕೊಡಿಸುವ ಅವಶ್ಯಕತೆಯಿದೆ’ ಎಂದು ಬಸವರಾಜ ಹೊರಟ್ಟಿ ಅವರು ಮಾರ್ಮಿಕವಾಗಿ ಹೇಳಿದ್ದಾರೆ. `ಶಿರಸಿ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರೊಂದಿಗೆ ಕೈಜೋಡಿಸಿ ಮಠದ ಮತ್ತು ಈ ಭಾಗದ ಸರ್ವಾಂಗೀಣ ಅಭಿವೃದ್ಧಿಗೆ ಪ್ರಾಮಾಣಿಕವಾಗಿ ಶ್ರಮಿಸುವೆ’ ಎಂದು ಅವರು ಭರವಸೆ ನೀಡಿದ್ದಾರೆ. ಕಲಗದ್ದೆಯ ಈ ರೂಪಾಂತರವನ್ನು ಶ್ರೀಗಳು ಒಂದು ಪವಾಡ ಸದೃಶ ಕಾರ್ಯ ಎಂದು ಬಣ್ಣಿಸಿದ್ದಾರೆ. `ಕೇವಲ 21 ದಿನಗಳಲ್ಲಿ ಕಾಮೇಶ್ವರ ದೇವಸ್ಥಾನ ಮತ್ತು ಅದಕ್ಕಿಂತಲೂ ವೇಗವಾಗಿ ಕೇವಲ 15 ದಿನಗಳಲ್ಲಿ ಗುರುಭವನ ನಿರ್ಮಾಣವಾಗಿರುವುದು ಮನುಷ್ಯ ಸಹಜ ಶಕ್ತಿಯಿಂದ ಸಾಧ್ಯವಿಲ್ಲದ ಮಾತು. ಇದು ದೃಢ ಇಚ್ಛಾಶಕ್ತಿಯ ಫಲವಾಗಿದ್ದು, ಕಡಿಮೆ ಅವಧಿಯಲ್ಲಿ ಕಟ್ಟಡ ನಿರ್ಮಾಣವಾಗಿದ್ದು ದೈವಿಕ ಸಂಕಲ್ಪದ ಸಂಕೇತವಾಗಿದೆ’ ಎಂದು ರಾಘವೇಶ್ವರ ಭಾರತೀ ಸ್ವಾಮೀಜಿ ಹೇಳಿದ್ದಾರೆ. `ದೃಢ ಸಂಕಲ್ಪ ಮತ್ತು ನಿರಂತರ ಸಾಧನೆಯ ಹಾದಿಯಲ್ಲಿ ಪವಾಡಗಳು ಘಟಿಸುತ್ತವೆ ಎಂಬುದಕ್ಕೆ ಎಂಟು ತಿಂಗಳುಗಳ ಕಾಲ ಶ್ರದ್ಧೆಯಿಂದ ನಡೆದ ಈ ಮೋದಕ ಹವನವೇ ಸಾಕ್ಷಿಯಾಗಿದ್ದು, ಸಾಮೂಹಿಕ ಶ್ರಮ ಹಾಗೂ ಛಲದಿಂದ ಅಸಾಧ್ಯವಾದುದನ್ನು ಸಾಧಿಸಬಹುದು ಎಂಬುದು ಇಲ್ಲಿ ಸಾಬೀತಾಗಿದೆ’ ಎಂದಿದ್ದಾರೆ. ಚೈತನ್ಯ ರಾಜಾರಾಮ ಕ್ಷೇತ್ರ ಶಿರಳಗಿ ಯ ಶ್ರೀ ಬ್ರಹ್ಮಾನಂದ ಭಾರತೀ ಸ್ವಾಮೀಜಿ ಆಶೀರ್ವಚನ ನೀಡಿ `ಪುರಾಣಗಳಲ್ಲಿ ಬರುವ ಶಿವನ ಕುಟುಂಬದ ಪರಿಕಲ್ಪನೆಯು ಕೇವಲ ಲೌಕಿಕ ಸಂಬAಧವಲ್ಲ. ಅದು ಪ್ರಕೃತಿ ಮತ್ತು ಪುರುಷ ತತ್ವದ ಸಂಕೇತವಾಗಿದೆ. ಗಣಪತಿಯು ಸಮಷ್ಟಿ ಬುದ್ಧಿಯ ಸಂಕೇತವಾಗಿದ್ದು, ಈ ಎಲ್ಲ ದೈವಿಕ ರೂಪಗಳು ಒಂದೇ ಪರಬ್ರಹ್ಮನ ವಿವಿಧ ಅಭಿವ್ಯಕ್ತಿಗಳಾಗಿವೆ’ ಎಂದಿದ್ದಾರೆ. `ದೈಹಿಕ ಕಾಯಿಲೆಗೆ ಆಸ್ಪತ್ರೆ ಇರುವಂತೆ, ಮಾನಸಿಕ ನೆಮ್ಮದಿ ಮತ್ತು ಶಾಂತಿಗಾಗಿ ದೇವಸ್ಥಾನಗಳು ಅವಶ್ಯಕ. ಭಕ್ತರ ಸಂಕಷ್ಟಗಳನ್ನು ನೀಗಿಸುವ ಜಾಗೃತ ಕ್ಷೇತ್ರವಾಗಿ ಈ ಕ್ಷೇತ್ರ ಬೆಳೆಯಲಿ’ ಎಂದವರು ಹಾರೈಸಿದ್ದಾರೆ. ಈ ವೇಳೆ ಸಿದ್ದಾಪುರ ಟಿ ಎಂ ಎಸ್ ಅಧ್ಯಕ್ಷ ಆರ್ ಎಂ ಹೆಗಡೆ ಬಾಳೇಸರ ಅವರಿಗೆ `ಸಿಂಧೂರಶ್ರೀ ಪ್ರಶಸ್ತಿ’ ನೀಡಿ ಗೌರವಿಸಲಾಗಿದೆ. ಮೋದಕ ಸೇವಾ ಸಮಿತಿಯ ಸ್ವಾಗತ ಸಮಿತಿ ಅಧ್ಯಕ್ಷ ಶಶಿಭೂಷಣ ಹೆಗಡೆ, ಪ್ರಧಾನ ವಿಶ್ವಸ್ತ ವಿನಾಯಕ ಹೆಗಡೆ ಕಲಗದ್ದೆ, ಮೋಹನ ಹೆಗಡೆ ಹೇರವಟ್ಟ, ಗಣಪತಿ ಹೆಗಡೆ ಗುಂಜಗೋಡ ವಿವಿಧ ಕಾರ್ಯಕ್ರಮಗಳ ಜವಾಬ್ದಾರಿ ನಿಭಾಯಿಸಿದ್ದಾರೆ.
- [ಗ್ಯಾಸ್ ಟ್ರಬಲ್: ಯಲ್ಲಾಪುರ-ಹುಬ್ಬಳ್ಳಿ ಪ್ರಯಾಣಿಕರ ಪರದಾಟ!](https://mobiletime.in/2026/03/gas-trouble-yellapur-hubli-commuters-in-a-frenzy/): ಹುಬ್ಬಳ್ಳಿ-ಅಂಕೋಲಾ ಹೆದ್ದಾರಿ ಮಾರ್ಗವಾಗಿ ಗ್ಯಾಸ್ ಸಾಗಿಸುತ್ತಿದ್ದ ಟ್ಯಾಂಕರಿನಿoದ ಗ್ಯಾಸ್ ಸೋರಿಕೆಯಾಗಿದ್ದು, ಶನಿವಾರ ಈ ಮಾರ್ಗದಲ್ಲಿ ಸಂಚರಿಸಬೇಕಿದ್ದ ಪ್ರಯಾಣಿಕರು ಸಮಸ್ಯೆ ಅನುಭವಿಸಿದರು. ತಂಬೂರು ಕ್ರಾಸಿನ ಬಳಿ ಗ್ಯಾಸ್ ಟ್ಯಾಂಕರಿನಲ್ಲಿ ಸಮಸ್ಯೆ ಕಾಣಿಸಿತು. ಗ್ಯಾಸ್ ಸೋರಿಕೆ ಹಿನ್ನಲೆ ಆ ಮಾರ್ಗವಾಗಿ ಸಂಚರಿಸುವ ಎಲ್ಲಾ ವಾಹನಗಳನ್ನು ಪೊಲೀಸರು ತಡೆದರು. ಈ ಹಿನ್ನಲೆ ಯಲ್ಲಾಪುರದಲ್ಲಿಯೂ ವಾಹನಗಳು ಸಾಲಿನಲ್ಲಿ ನಿಂತಿದ್ದು, ನಂತರ ಹಳಿಯಾಳ ಮಾರ್ಗವಾಗಿ ಆ ವಾಹನಗಳನ್ನು ಹುಬ್ಬಳ್ಳಿಗೆ ಕಳುಹಿಸಲಾಯಿತು. ರಾಷ್ಟ್ರೀಯ ಹೆದ್ದಾರಿ ಸಂಚಾರ ಬಂದ್ ಆಗಿದ್ದರಿಂದ ಯಲ್ಲಾಪುರದಿಂದ ಹುಬ್ಬಳ್ಳಿಗೆ ಹೋಗಬೇಕಿದ್ದ ಪ್ರಯಾಣಿಕರು ಹಳಿಯಾಳ ಕ್ರಾಸಿನಲ್ಲಿ ತಿರುವುಪಡೆದು ಅಲ್ಲಿಂದ ಹಳಿಯಾಳಕ್ಕೆ ಹೋಗಿ ಹುಬ್ಬಳ್ಳಿಗೆ ಹೊರಟರು. ಇನ್ನೂ ಕೆಲವರು ಯಲ್ಲಾಪುರದಿಂದ ಮುಂಡಗೋಡಿಗೆ ಹೋಗಿ ಅಲ್ಲಿಂದ ಹುಬ್ಬಳ್ಳಿಗೆ ಹೋಗುವ ದಾರಿ ಆಯ್ಕೆ ಮಾಡಿಕೊಂಡರು. ಶನಿವಾರ ಬೆಳಗ್ಗೆಯೇ ಗ್ಯಾಸ್ ಸೋರಿಕೆ ಬಗ್ಗೆ ಮಾಹಿತಿ ಬಂದಿದ್ದರಿAದ ಎಲ್ಲಡೆ ಕಟ್ಟೆಚ್ಚರವಹಿಸಲಾಗಿತ್ತು. ಸಂಜೆಯ ವೇಳೆಗೆ ಪರ್ಯಾಯ ವ್ಯವಸ್ಥೆ ಆಗಿದ್ದು, ಸುಗಮ ಸಂಚಾರಕ್ಕೆ ದಾರಿ ಸಿಕ್ಕಿತು. ಪೊಲೀಸರು, ಅಗ್ನಿಶಾಮಕ ಸಿಬ್ಬಂದಿ ಜೊತೆ ವಿವಿಧ ರಕ್ಷಣಾ ತಂಡದವರು ಗ್ಯಾಸ್ ಸೋರಿಕೆ ಸ್ಥಳದಲ್ಲಿದ್ದು ಮುನ್ನಚ್ಚರಿಕೆವಹಿಸಿದ್ದರು.
- [ಕೈಲಾಸದಿಂದ ಬಂದ ನಿತ್ಯಾನಂದನ ಭಕ್ತೆ!](https://mobiletime.in/2026/03/a-devotee-of-nityananda-from-kailash/): ಕಾಮ ಪುರಾಣದಿಂದ ಪ್ರಸಿದ್ಧಿಪಡೆದ ಸ್ವಯಂ ಘೋಷಿತ ದೇವಮಾನವ ನಿತ್ಯಾನಂದ ಸ್ವಾಮಿ ದೇಶಬಿಟ್ಟು ಪರಾರಿಯಾಗಿದ್ದು, ಸದ್ಯ ತಾವೇ ಸೃಷ್ಠಿಸಿಕೊಂಡಿರುವ `ಕೈಲಾಸ’ದ ದೇಶದ ಸದಸ್ಯತ್ವಪಡೆಯುವಂತೆ ಜನರ ಬೆನ್ನು ಬಿದ್ದಿದ್ದಾರೆ. ಕೈಲಾಸದ ಸದಸ್ಯತ್ವ ಅಭಿಯಾನದ ಪ್ರಚಾರಕ್ಕಾಗಿ ಉತ್ತರ ಕನ್ನಡ ಜಿಲ್ಲೆಗೆ ತಮ್ಮ ಭಕ್ತರನ್ನು ಕಳುಹಿಸಿದ್ದಾರೆ. ನಿತ್ಯಾನಂತ ಸ್ವಾಮಿಯ ಪಾದುಕೆಹಿಡಿದ ಭಕ್ತೆಯೊಬ್ಬರು ಶನಿವಾರ ಗೋಕರ್ಣದಲ್ಲಿ ಕಾಣಿಸಿಕೊಂಡಿದ್ದಾರೆ! `ಆಸ್ಟೇಲಿಯಾ ಪಕ್ಕದಲ್ಲಿ ಕೈಲಾಸ ದೇಶವಿದೆ. ಅಲ್ಲಿಂದ ನಾವು ಬಂದಿದ್ದೇವೆ. ಕೈಲಾಸ ದೇಶದ ಸದಸ್ಯತ್ವಪಡೆದು ನಿತ್ಯಾನಂದ ಸ್ವಾಮೀ ಸೇವೆಗೆ ನೀವು ಬನ್ನಿ’ ಎಂದು ನಿತ್ಯಾನಂದ ಸ್ವಾಮೀಜಿಯ ಅನುಯಾಯಿಗಳು ಹೇಳುತ್ತಿದ್ದಾರೆ. ನಿತ್ಯಾನಂದ ಸ್ವಾಮೀಜಿಯ ಫೋಟೋ ಹಿಡಿದು ಸಂಚಾರ ನಡೆಸಿದ ಅವರು ಸಿಕ್ಕ ಸಿಕ್ಕವರಿಗೆಲ್ಲ ನಿತ್ಯಾನಂದನ ಮಹಿಮೆ ಗುಣಗಾನ ಮಾಡುವ ಪುಸ್ತಕ ಹಾಗೂ ಸದಸ್ಯತ್ವ ಅರ್ಜಿ ಕೊಡುತ್ತಿದ್ದಾರೆ. ಮಹಿಳೆಯ ಜೊತೆ ಇನ್ನಿಬ್ಬರು ಪುರುಷರು ಸಹ ಕಾಣಿಸಿಕೊಂಡಿದ್ದು, ಅವರು ಎಲ್ಲಡೆ ಸಂಚರಿಸಿ ನಿತ್ಯಾನಂದ ಸ್ವಾಮಿಯ ಗುಣಗಾನ ಮಾಡುತ್ತಿದ್ದಾರೆ. `ಭಾರತದ ಎಲ್ಲಡೆ ಸಂಚರಿಸಿ ಆದ್ಯಾತ್ಮಿಕ ವಿಚಾರಗಳ ಬಗ್ಗೆ ಪ್ರಚಾರ ಮಾಡುತ್ತೇವೆ. ಕೈಲಾಸಕ್ಕೆ ಬರಲು ಆಸಕ್ತರಾದವರನ್ನು ಅಲ್ಲಿ ಕರೆಯಿಸಿಕೊಳ್ಳುತ್ತೇವೆ. ಆ ದೇಶದ ನಾಗರಿಕತೆಪಡೆಯಲು ಬೇಕಾದ ವಿವರಗಳ ಬಗ್ಗೆ ಅರಿವು ಮೂಡಿಸುತ್ತಿದ್ದೇವೆ’ ಎಂದು ನಿತ್ಯಾನಂದನ ಭಕ್ತರು ಹೇಳಿದರು. ಇದಕ್ಕೆ ಪೂರಕವಾಗಿ `ನಿತ್ಯಾನಂದ ಮಹಾತ್ಮೆ’ಯ ಪುಸ್ತಕಗಳನ್ನು ಹಂಚಿದರು. ಕೈಲಾಸದಲ್ಲಿನ ಚಟುವಟಿಕೆಗಳು ಹಾಗೂ ಅಲ್ಲಿನ ವಿಶೇಷಗಳ ಬಗ್ಗೆ ಅವರು ಪ್ರಚಾರ ಮಾಡಿದರು. ಹಿಂದಿ ಭಾಷೆ ಮಾತನಾಡುವ ಆ ಮೂವರು ಉತ್ತರ ಭಾರತದವರ ಹಾಗೇ ಕಾಣಿಸಿದ್ದು, ಹಲವು ತಿಂಗಳಿನಿAದ ಯಾತ್ರೆ ಶುರು ಮಾಡಿರುವುದಾಗಿ ಹೇಳಿಕೊಂಡರು. ಅವರ ಊರು, ವಿಳಾಸದ ಬಗ್ಗೆ ಪ್ರಶ್ನಿಸಿದಾಗ ಆ ಮಾಹಿತಿ ನೀಡದೇ ಕಾಲ್ಕಿತ್ತರು.
- [ಮುಂದುವರೆದ ಕಾರ್ಯಾಚರಣೆ: ಅಕ್ರಮ ಸಾಗಾಟದ ಗೋವುಗಳ ರಕ್ಷಣೆ!](https://mobiletime.in/2026/03/continued-operation-protection-of-illegally-transported-cows/): ಹತ್ಯೆ ಮಾಡುವ ಉದ್ದೇಶದಿಂದ ಹಿಂಸಾತ್ಮಕ ರೀತಿ ಕೂಡಿಟ್ಟಿದ್ದ ಗೋವುಗಳನ್ನು ಭಟ್ಕಳ ಪೊಲೀಸರು ರಕ್ಷಿಸಿದ್ದಾರೆ. ಗುರುವಾರ ಹಾಗೂ ಶುಕ್ರವಾರ ಕಾರ್ಯಾಚರಣೆ ನಡೆಸಿ 23 ಗೋವುಗಳನ್ನು ರಕ್ಷಿಸಿದ್ದ ಪೊಲೀಸರು ಶನಿವಾರವೂ ತಮ್ಮ ಕಾರ್ಯಾಚರಣೆ ಮುಂದುವರೆಸಿದ್ದು, ಈ ದಿನ ಮತ್ತೆ ಐದು ಜಾನುವಾರುಗಳ ಜೀವ ಕಾಪಾಡಿದ್ದಾರೆ. ಸದ್ಯ ಭಟ್ಕಳದ ಮೂಸಾ ನಗರದಲ್ಲಿ ವಾಸವಾಗಿರುವ ಹೊನ್ನಾವರದ ಮುಜಾಫರ್ ನಾಥಗೇರಿ (40) ಅವರು ಅಕ್ರಮವಾಗಿ ಜಾನುವಾರುಗಳನ್ನು ಬಂಧಿಸಿದ್ದರು. ಅವುಗಳಿಗೆ ಹುಲ್ಲು ನೀರು ಕೊಡದೇ ಹಿಂಸಿಸುತ್ತಿದ್ದರು. ಗಾಳಿ-ಬೆಳಕು ಬಾರದ ಶೆಡ್ಡಿನೊಳಗೆ ಗೋವುಗಳನ್ನು ಕಟ್ಟಿ ಅವುಗಳನ್ನು ಕೊಲ್ಲುವ ತಯಾರಿ ಮಾಡಿದ್ದರು. ಅಲ್ಲಿದ್ದ ಮೂರು ಎತ್ತು ಹಾಗೂ ಎರಡು ಕರುಗಳನ್ನು ಪೊಲೀಸರು ರಕ್ಷಿಸಿದರು. ಮುಜಾಫರ್ ನಾಥಗೇರಿ ಅವರ ಜೊತೆ ಇನ್ನಿತರರು ಈ ಸಂಚಿನಲ್ಲಿ ಭಾಗಿಯಾದ ಅನುಮಾನಗಳಿವೆ. ಸದ್ಯ 2.80 ಲಕ್ಷ ರೂಪಾಯಿ ಮೌಲ್ಯದ ಜಾನುವಾರುಗಳನ್ನು ಪೊಲೀಸರು ಕಟುಕರ ಕೈಯಿಂದ ರಕ್ಷಿಸಿದ್ದಾರೆ. ಭಟ್ಕಳ ನಗರ ಠಾಣೆಯ ಪಿಎಸೈ ನವೀನ ನಾಯ್ಕ ಅವರು ಈ ಬಗ್ಗೆ ಕಾನೂನು ಕ್ರಮ ಜರುಗಿಸಿದ್ದು, ಜಾನುವಾರು ಹತ್ಯೆ ತಡೆ ಮತ್ತು ಸಂರಕ್ಷಣಾ ಕಾಯ್ದೆಯಡಿ ಪಿಎಸೈ ಸೋಮನಾಥ ರಾಠೋಡ ಅವರು ಪ್ರಕರಣ ದಾಖಲಿಸಿದ್ದಾರೆ.
- [ಕೆರೆ ಬೇಟೆ: ಮತ್ಸ್ಯ ಶಿಖಾರಿಗೆ ಜನವೋ ಜನ!](https://mobiletime.in/2026/03/lake-hunting-people-are-the-ones-who-hunt-fish/): ಶಿರಸಿಯ ಬಿಳೂರಿನಲ್ಲಿ ನಡೆದ ಕೆರೆ ಬೇಟೆ ಕಾರ್ಯಕ್ರಮದಲ್ಲಿ ಬೇರೆ ಬೇರೆ ಭಾಗದ ಸಾವಿರಕ್ಕೂ ಅಧಿಕ ಜನ ಭಾಗವಹಿಸಿದ್ದು, ಬುಟ್ಟಿ ತುಂಬ ಮೀನು ಹಿಡಿದಿದ್ದಾರೆ. ಜೊತೆಗೆ ದೇವಾಲಯದ ಅಭಿವೃದ್ಧಿಗೆ ಹಣಪಾವತಿಸಿ ಕೈ ಮುಗಿದಿದ್ದಾರೆ. ಶ್ರೀ ಕಲ್ಲೇಶ್ವರ ದೇವಸ್ಥಾನದ ಜೀರ್ಣೋದ್ಧಾರಕ್ಕಾಗಿ ಶನಿವಾರ ಕೆರೆ ಬೇಟೆ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಶಿರಸಿ ಜೊತೆ ಸುತ್ತಲಿನ ಅನೇಕ ಹಳ್ಳಿಗಳ ಜನ ಇದರಲ್ಲಿ ಭಾಗವಹಿಸಿದ್ದರು. ಸಮಿತಿಯವರು ಕೆರೆ ಬೇಟೆ ಕಾರ್ಯಕ್ರಮದಲ್ಲಿ ಭಾಗವಹಿಸುವವರಿಗೆ 800ರೂ ಶುಲ್ಕ ವಿಧಿಸಿದ್ದು, ಜನ ಸಾಲಿನಲ್ಲಿ ನಿಂತು ಶುಲ್ಕ ಪಾವತಿ ಮಾಡಿದರು. ಅದಾದ ನಂತರ ಒಮ್ಮೆಲೆ ಕೆರೆಗೆ ಧುಮುಕಿ ಬರಪೂರ ಮೀನು ಹಿಡಿದರು. ಸರಿ ಸುಮಾರು ಸಾವಿರಕ್ಕೂ ಅಧಿಕ ಜನ ಈ ಕಾರ್ಯಕ್ರಮದಲ್ಲಿದ್ದರು. ಅತ್ಯಂತ ಸಂಭ್ರಮ ಹಾಗೂ ಸಡಗರದಿಂದ ಜನ ಕೆರೆಗೆ ಹಾರಿ ಮತ್ಸö್ಯ ಶಿಖಾರಿ ಮಾಡಿದರು. ಬಿದಿರಿನ ಕಡ್ಡಿಗಳಿಂದ ತಯಾರಿಸಿದ ಕುಣಿಗಳನ್ನು ಬಳಸಿ ಹಲವರು ಮೀನು ಹಿಡಿದರು. ಮೀನು ಹಿಡಿಯಲು ಭಾಗವಹಿಸಿದ ಮೀನುಗಾರರಿಗೆ ಭಾರೀ ಪ್ರಮಾಣದ ಮೀನುಗಳು ಸಿಕ್ಕಿದ್ದು, ಕೆಲವರಿಗೆ ಮಾತ್ರ ಒಂದೂ ಮೀನು ದೊರೆತಿಲ್ಲ! ಮೀನು ಸಿಗದ ಜನ ಈ ಬಗ್ಗೆ ಅಸಮಧಾನವ್ಯಕ್ತಪಡಿಸಲಿಲ್ಲ. `ಮೀನು ಸಿಗದಿದ್ದರೂ ಪರವಾಗಿಲ್ಲ. ದೇವಾಲಯದ ಅಭಿವೃದ್ಧಿಗೆ ನೆರವಾದರೆ ಸಾಕು’ ಎಂದು ಜನ ಭಕ್ತಿಯಿಂದ ಹೇಳಿದರು. ಕಳೆದ ವರ್ಷ ಇದೇ ಕೆರೆ ಬೇಟೆಯಲ್ಲಿ ಹೆಚ್ಚಿನ ಪ್ರಮಾಣದ ಮೀನು ಸಿಕ್ಕಿದ್ದನ್ನು ಸಹ ಸ್ಮರಿಸಿದರು.
- [ನದಿ ಉಳಿಸಿ ಅಭಿಯಾನ: ನ್ಯಾಯವಾದಿ ಪತ್ರಕ್ಕೆ ಯುನೆಸ್ಕೋ ಪ್ರತ್ಯುತ್ತರ!](https://mobiletime.in/2026/03/save-the-river-campaign-unesco-responds-to-lawyers-letter/): ಉತ್ತರ ಕನ್ನಡ ಜಿಲ್ಲೆಯ ನದಿ ತಿರುವು ಯೋಜನೆ ವಿಷಯ ಇದೀಗ ಯುನೆಸ್ಕೋ ಮಟ್ಟದವರೆಗೆ ತಲುಪಿದೆ. ವಿಶ್ವ ಪರಂಪರೆಯ ಸಮಾವೇಶದ ಮಾರ್ಗಸೂಚಿಗಳ ನಿಬಂಧನೆಗಳಿಗೆ ಅನುಸಾರವಾಗಿ ಮುಂದಿನ ಕ್ರಮ ಜರುಗಿಸುವಂತೆ ಭಾರತ ಸರ್ಕಾರಕ್ಕೆ ಯುನೆಸ್ಕೋ ಲಿಖಿತ ಸೂಚನೆ ನೀಡಿದೆ. ನದಿ ತಿರುವು ಯೋಜನೆ ವಿಷಯವಾಗಿ ಶಿರಸಿಯ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಯುನೆಸ್ಕೋದ ವಿಶ್ವ ಪರಂಪರೆಯ ಕೇಂದ್ರಕ್ಕೆ ಪತ್ರ ಬರೆದಿದ್ದರು. ಫೆಬ್ರವರಿ 17ರಂದು ಬರೆದ ಪತ್ರವನ್ನು ಯುನೆಸ್ಕೋ ಗಮನಿಸಿದ್ದು, ವಿಶ್ವ ಪರಂಪರೆಯ ಕೇಂದ್ರ ಕಾರ್ಯದರ್ಶಿ ಇದಕ್ಕೆ ಪ್ರತಿಕ್ರಿಯಿಸಿದ್ದಾರೆ. ಜೊತೆಗೆ ಭಾರತ ಸರ್ಕಾರಕ್ಕೂ ಅವರು ವಿವಿಧ ಸೂಚನೆ ನೀಡಿದ್ದಾರೆ. ಉತ್ತರಕನ್ನಡ ಜಿಲ್ಲೆಯ ಸಿದ್ದಾಪುರದಲ್ಲಿ ಕೇಂದ್ರ ನೀರಾವರಿ ಅಭಿವೃದ್ದಿ ಪ್ರಾಧೀಕಾರವೂ ಅಘನಾಶಿನಿ ವೇದಾವತಿ ನದಿ ಜೋಡಣೆ ಯೋಜನೆಗೆ ಪ್ರಾಥಮಿಕ ಕಾರ್ಯಸಾಧ್ಯತಾ ವರದಿಯ ಬಗ್ಗೆ ರವೀಂದ್ರ ನಾಯ್ಕ ಅವರು ಪತ್ರದಲ್ಲಿ ಉಲ್ಲೇಖಿಸಿದ್ದು, ಜನಾಂದೋಲನ ವಿಷಯವನ್ನು ಪ್ರಸ್ತಾಪಿಸಿದ್ದರು. 25 ಸಾವಿರಕ್ಕೂ ಅಧಿಕ ಜನ ನದಿ ಜೋಡಣೆ ವಿರೋಧಿಸಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಕ್ಕೆ ಆಕ್ಷೇಪ ಪತ್ರ ಸಲ್ಲಿಸಿರುವುದನ್ನು ಪತ್ರದ ಮೂಲಕ ತಿಳಿಸಲಾಗಿತ್ತು. ಯುನೆಸ್ಕೋ ವಿಶ್ವ ಪರಂಪರೆ ಕೇಂದ್ರಕ್ಕೂ ಕಾನೂನಾತ್ಮಕ, ನೈಸರ್ಗಿಕ, ಬೌಗೋಳಿಕ ಪರಿಸರ ಸೂಕ್ಷ ಪ್ರದೇಶ ಪಶ್ಚಿಮ ಘಟ್ಟದಲ್ಲಿನ ಪರಿಸರ ಮೌಲ್ಯತೆ ಅಂಶಗಳ ಬಗ್ಗೆ ಗಮನಹರಿಸಲಾಗಿತ್ತು. ಈ ಪತ್ರ ಗಮನಿಸಿದ ಯುನೆಸ್ಕೋ `ಪಶ್ಚಿಮ ಘಟ್ಟಗಳ ರಕ್ಷಣೆ, ಸಂರಕ್ಷಣೆಯಲ್ಲಿ ಸಂಬAಧಪಟ್ಟ ಎಲ್ಲಾ ಹಂತದಲ್ಲೂ ಯುನೆಸ್ಕೋ ಬೆಂಬಲಿಸಲು ಬದ್ಧವಾಗಿದೆ’ ಎಂದು ಹೇಳಿದೆ. ಜೊತೆಗೆ ಆಕ್ಷೇಪಣೆ ಸಲ್ಲಿಸಿದಕ್ಕಾಗಿ ಯುನೆಸ್ಕೋ ಹೋರಾಟಗಾರರನ್ನು ಅಭಿನಂದಿಸಿದೆ.
- [ಕ್ರಿಕೆಟ್ ನೋಡೋಣ ಬನ್ನಿ!](https://mobiletime.in/2026/03/come-watch-the-cricket/): ಕಾರವಾರ ನಗರದ ಬಾಡದ ಚಂದ್ರಾದೇವಿ ಕ್ರಿಕೆಟ್ ಮೈದಾನದಲ್ಲಿ ಮಾರ್ಚ 25ರಿಂದ 29ರವರೆಗೆ `ಪಡ್ತಿ ಸಮಾಜ ಪ್ರೀಮಿಯರ್ ಲೀಗ್ ಸೀಸನ್-3’ರ ಕ್ರಿಕೆಟ್ ಪಂದ್ಯಾವಳಿ ನಡೆಯಲಿದೆ. ಪಡ್ತಿ ಸಮಾಜ ಪ್ರೀಮಿಯರ್ ಲೀಗ್ ಸಮಿತಿ ಹಾಗೂ ಸಹ ಆಯೋಜಕರಾದ ಚಂದ್ರಾದೇವಿ ಸ್ಪೋರ್ಟ್ಸ್ ಕ್ಲಬ್ ಮತ್ತು ಎನ್ ಬಿ ಸಿ ಸ್ಪೋರ್ಟ್ಸ್ ಕ್ಲಬ್ ಹಿರೇಶಿಟ್ಟಾದ ಜಂಟಿ ಆಶ್ರಯದಲ್ಲಿ ಈ ಟೂರ್ನಿ ನಡೆಯಲಿದೆ. ಮಾರ್ಚ 25ರಂದು ಬೆಳಿಗ್ಗೆ 9:15ಕ್ಕೆ ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರು ಈ ಕ್ರೀಡಾಕೂಟವನ್ನು ಉದ್ಘಾಟಿಸಲಿದ್ದಾರೆ. ಕಳೆದ ಎರಡು ವರ್ಷಗಳಿಂದ 6 ತಂಡಗಳೊAದಿಗೆ ಯಶಸ್ವಿಯಾಗಿ ನಡೆಯುತ್ತಿದ್ದ ಈ ಪಂದ್ಯಾವಳಿಯಲ್ಲಿ ಈ ಬಾರಿ ಒಟ್ಟು 10 ತಂಡಗಳು ಸೆಣಸಾಡಲಿವೆ. ಮಾರ್ಚ್ 1ರಂದು ನಡೆದ ಐಪಿಎಲ್ ಮಾದರಿ ಆಟಗಾರರ ಹರಾಜು ಪ್ರಕ್ರಿಯೆಯಲ್ಲಿ ಸುಮಾರು 225 ಆಟಗಾರರು ಭಾಗವಹಿಸಿದ್ದು, ಪ್ರತಿ ತಂಡಕ್ಕೆ ಇಬ್ಬರು ಐಕಾನ್ ಪ್ಲೇಯರ್ಸ್ ಸೇರಿದಂತೆ ಒಟ್ಟು 15 ಆಟಗಾರರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ಇದರಲ್ಲಿ ಅನಿಲ್ ಗಾಂವಕರ, ಮಹೇಶ ಗಾಂವಕರ, ಅಮಿತ್ ತಳೇಕರ್ ಹಾಗೂ ಸಂದೀಪ ಕಂತ್ರೇಕರ್ ಅವರು 13,500 ರೂಪಾಯಿಗೆ ಹರಾಜಾಗಿದ್ದಾರೆ. ಈ ಎಲ್ಲಾ ಮಾಹಿತಿಯನ್ನು ಆಯೋಜಕ ಸಮಿತಿಯ ಅಧ್ಯಕ್ಷ ಸತೀಶ್ ತಳೇಕರ್ ಅವರು ಸುದ್ದಿಗಾರರಿಗೆ ತಿಳಿಸಿದ್ದಾರೆ. `ಅಮ್ಚೆ ಸೂಪರ್ ಕಿಂಗ್ಸ್ ಅಮದಳ್ಳಿ, ಅಸ್ನೋಟಿ ಟೈಗರ್ಸ್ ಅಸ್ನೋಟಿ, ಚಂದ್ರಾದೇವಿ ಟೈಗರ್ಸ್ ಬಾಡ, ಚೆಂಡ್ಯಾ ಚಾಲೆಂಜರ್ಸ್ ಚೆಂಡಿಯಾ, ಎನ್ ಬಿ ಸಿ ಹಿರೇಶಿಟ್ಟಾ, ಓಂ ಸಾಯಿ ಹಳಗೇಜೂಗ್, ರಾಮ ಬೇತಾಳ ವಾರಿಯರ್ಸ್ ಮಾಜಾಳಿ, ರಾಮಸಾಥಿ ಚಾಂಪಿಯನ್ ಬ್ಲಾಸ್ಟರ್ಸ್ ಮಕೇರಿ, ಸೂಪರ್ ಸ್ಟ್ರೈಕರ್ಸ್ ಪೂಜಗೇರಿ ಅಂಕೋಲಾ ಹಾಗೂ ಯಂಗ್ ಚಾಣಕ್ಯ ಕಡವಾಡ ತಂಡಗಳು ಈ ಬಾರಿಯ ಟೂರ್ನಿಯಲ್ಲಿ ಪ್ರಶಸ್ತಿಗಾಗಿ ಕಾದಾಡಲಿವೆ’ ಎಂದವರು ಮಾಹಿತಿ ನೀಡಿದ್ದಾರೆ. ಬಹುಮಾನದ ಕುರಿತು ಮಾಹಿತಿ ನೀಡಿದ ಸದಸ್ಯ ನರೇಂದ್ರ ತಳೇಕರ್ ಅವರು `ವಿಜೇತ ಪ್ರಥಮ ತಂಡಕ್ಕೆ 2 ಲಕ್ಷ ರೂ ನಗದು ಹಾಗೂ ಟ್ರೋಫಿ, ದ್ವಿತೀಯ ಸ್ಥಾನಿಗಳಿಗೆ 1ಲಕ್ಷ ರೂ ಹಾಗೂ ಟ್ರೋಫಿ ಮತ್ತು ತೃತೀಯ ಸ್ಥಾನ ಪಡೆಯುವ ತಂಡಕ್ಕೆ 50 ಸಾವಿರ ರೂ ಮತ್ತು ಟ್ರೋಫಿಗಳನ್ನು ಬಹುಮಾನವಾಗಿ ನೀಡಲಾಗುತ್ತದೆ’ ಎಂದರು. `ಇದರ ಜೊತೆಗೆ ಅತ್ಯುತ್ತಮ ಬೌಲರ್, ಅತ್ಯುತ್ತಮ ಬ್ಯಾಟ್ಸ್ಮನ್ ಮತ್ತು ಸರಣಿ ಶ್ರೇಷ್ಠ ಪ್ರಶಸ್ತಿಗಳನ್ನು ಸಹ ಪ್ರದಾನ ಮಾಡಲಾಗುತ್ತದೆ. ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರು ಸೀಸನ್ 1ರಿಂದಲೂ ಈ ಟೂರ್ನಿಗೆ ನಿರಂತರ ಬೆಂಬಲ ಹಾಗೂ ಸಹಕಾರ ನೀಡುತ್ತಾ ಬಂದಿದ್ದಾರೆ’ ಎಂದು ವಿವರಿಸಿದರು. `ಕ್ರಿಕೆಟ್ ಪ್ರೇಮಿಗಳಿಗಾಗಿ ಈ ರೋಚಕ ಪಂದ್ಯಾವಳಿಯ ನೇರಪ್ರಸಾರ ರಾಜ್ಯಾದ್ಯಂತ ಲಭ್ಯವಿರಲಿದೆ’ ಎಂದರು. ಪತ್ರಿಕಾಗೋಷ್ಠಿಯಲ್ಲಿ ತಂಡದ ಮಾಲೀಕರು ಹಾಗೂ ಐಕಾನ್ ಆಟಗಾರರ ಸಮ್ಮುಖದಲ್ಲಿ ಟೂರ್ನಿಯ ತಂಡಗಳ ಜೆರ್ಸಿಯನ್ನು ಅನಾವರಣಗೊಳಿಸಲಾಯಿತು. ಸಮಾಜದ ಎಲ್ಲರೂ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಪಂದ್ಯಾವಳಿಯನ್ನು ಯಶಸ್ವಿಗೊಳಿಸುವಂತೆ ಆಯೋಜಕರು ವಿನಂತಿಸಿದ್ದಾರೆ. ಈ ಸಂದರ್ಭದಲ್ಲಿ ಸಮಿತಿ ಉಪಾಧ್ಯಕ್ಷರಾದ ಮೋಹನ್ ಕೊಚರೇಕರ್, ಪ್ರದೀಪ ಗೋವೇಕರ್, ಕಾರ್ಯದರ್ಶಿ ಉಲ್ಲಾಸ್ ನಾಗೇಕರ್ ಹಾಗೂ ಪ್ರಮುಖರಾದ ಪ್ರಶಾಂತ ತಳೇಕರ್, ನರೇಂದ್ರ ತಳೇಕರ್, ಸಂತೋಷ ಟಕ್ಕರಕರ್, ಗಿರೀಶ ಕೊಠಾರಕರ್, ಸಂತೋಷ ಪಂಜುಲೇಕರ್ ಮತ್ತು ಉಲ್ಲಾಸ್ ತಳೇಕರ್ ಮುಂತಾದವರು ಉಪಸ್ಥಿತರಿದ್ದರು.  
- [ಕಳ್ಳನೇ ಆದರೂ ಆತ ಪ್ರಾಮಾಣಿಕ!](https://mobiletime.in/2026/03/even-though-he-is-a-thief-he-is-honest/): ನಾಲ್ಕುವರೆ ತಿಂಗಳ ಹಿಂದೆ ಬೈಕ್ ಕದ್ದು ಪರಾರಿಯಾಗಿದ್ದ ಕಳ್ಳರು ನಿನ್ನೆ ರಾತ್ರಿ ಆ ಬೈಕನ್ನು ಮಾಲಕರಿಗೆ ಮರಳಿಸುವ ಮೂಲಕ ಪ್ರಾಮಾಣಿಕತೆ ಪ್ರದರ್ಶಿಸಿದ್ದಾರೆ. ಎಷ್ಟು ಹುಡುಕಿದರೂ ಸಿಗದ ಬೈಕು ದಿಢೀರ್ ಆಗಿ ಪ್ರತ್ಯಕ್ಷವಾಗಿದನ್ನು ನೋಡಿ ಬೈಕ್ ಮಾಲಕರು ಖುಷಿಯಾಗಿದ್ದಾರೆ! ಯಲ್ಲಾಪುರ ತಾಲೂಕಿನ ನಂದೂಳ್ಳಿ ಬಳಿ ಈ ವಿಚಿತ್ರ ವಿದ್ಯಮಾನ ನಡೆದಿದೆ. ಅಣಲಗಾರ ಬಳಿಯ ಹುಲಗಾನಿನ ಭಾಸ್ಕರ ಸಿದ್ದಿ ಗುಡೆತೋಟ ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದಾರೆ. ತಮ್ಮ ಹಾಗೂ ಕುಟುಂಬದ ಓಡಾಟಕ್ಕಾಗಿ ಅವರು ಎರಡು ವರ್ಷದ ಹಿಂದೆ ಬೈಕ್ ಖರೀದಿಗೆ ನಿರ್ಧರಿಸಿದ್ದರು. ಇದಕ್ಕಾಗಿ 35 ಸಾವಿರ ರೂ ವ್ಯಯಿಸಿದ ಅವರು ಸೆಕೆಂಡ್ ಹ್ಯಾಂಡ್ ಬೈಕ್ ಖರೀದಿಸಿದ್ದರು. ಬಜಾಜ್ ವಿಕ್ರಾಂತ್ ಬೈಕನ್ನು ಅವರು ಖುಷಿಯಿಂದ ಓಡಿಸುತ್ತಿದ್ದರು. ಅಕ್ಟೊಬರ್ 30ರಂದು ಭಾಸ್ಕರ ಸಿದ್ದಿ ಅವರ ಮಗ ಬಾಲಚಂದ್ರ ಸಿದ್ದಿ ಅವರು ನಂದೂಳ್ಳಿಯಲ್ಲಿರುವ ತಮ್ಮ ಸ್ನೇಹಿತನ ಮನೆಗೆ ಹೋಗಿದ್ದರು. ಬಸ್ ನಿಲ್ದಾಣ ಸಮೀಪದ ಶಾಲೆ ಎದುರು ಅವರು ಆ ಬೈಕನ್ನು ನಿಲ್ಲಿಸಿದ್ದರು. ರಾತ್ರಿ ಸ್ನೇಹಿತನ ಮನೆಯಿಂದ ಹೊರ ಬಂದಾಗ ಅಲ್ಲಿ ಆ ಬೈಕು ಕಾಣಲಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಬೈಕ್ ಮಾತ್ರ ಸಿಗಲಿಲ್ಲ. ಸೆಕೆಂಡ್ ಹ್ಯಾಂಡ್ ಬೈಕು ಖರೀದಿಸಿದ್ದು, ಮಾಲಕತ್ವ ಬದಲಾವಣೆಗೆ ಕೋರಿ ಆರ್ ಟಿ ಓ ಕಚೇರಿಗೆ ಸಲ್ಲಿಸಿದ ಅರ್ಜಿ ಬೈಕ್ ಕಳ್ಳತನ ನಡೆದ ಕೆಲ ದಿನದ ನಂತರ ಮಾಲಕರ ಕೈ ಸೇರಿತು. ಹೀಗಾಗಿ ಬೈಕ್ ಕಳ್ಳತನ ನಡೆದ ಹೊತ್ತಿಗೆ ಪೊಲೀಸ್ ದೂರು ನೀಡಲು ಸಾಧ್ಯವಾಗಿರಲಿಲ್ಲ. ಅದಾಗಿಯೂ, ಬೈಕ್ ಕಳ್ಳತನದ ಬಗ್ಗೆ ಭಾಸ್ಕರ ಸಿದ್ದಿ ಹಾಗೂ ಬಾಲಚಂದ್ರ ಸಿದ್ದಿ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರ ಜೊತೆ ಅವರು ಹುಡುಕಾಟ ನಡೆಸಿದ್ದರು. ಎಷ್ಟೇ ಹುಡುಕಾಟ ನಡೆಸಿದರೂ ಬೈಕ್ ಮಾತ್ರ ಸಿಗಲಿಲ್ಲ. ಹೀಗಾಗಿ ಅಧಿಕೃತ ಪೊಲೀಸ್ ದೂರು ನೀಡುವುದಕ್ಕಾಗಿ ಭಾಸ್ಕರ್ ಸಿದ್ದಿ ಅವರು ಸಿದ್ಧತೆ ಮಾಡಿದ್ದರು. ತಮ್ಮ ಹೆಸರಿನಲ್ಲಿದ್ದ ಬೈಕಿನ ದಾಖಲೆಗಳನ್ನು ಸಂಗ್ರಹಿಸಿದ್ದ ಅವರು ಸುತ್ತಲಿನ ಸಿಸಿ ಕ್ಯಾಮರಾ ಪರಿಶೀಲನೆಗೂ ಆಸಕ್ತಿವಹಿಸಿದ್ದರು. ಇನ್ನೇನೂ ದೂರು ಕೊಡಲು ಹೊರಡಬೇಕು ಎನ್ನುವಷ್ಟರಲ್ಲಿ ಆ ಬೈಕು ಕಾಣೆಯಾದ ಸ್ಥಳದಲ್ಲಿಯೇ ಪ್ರತ್ಯಕ್ಷವಾಗಿತ್ತು. ಬೈಕಿನ ಚಾವಿ ಇಲ್ಲದಿದ್ದರೂ ಅದನ್ನು ಹೊತ್ತೊಯ್ದಿದ್ದ ಕಳ್ಳರು ಆ ಶಾಲೆಯ ಎದುರೇ ಬೈಕ್ ನಿಲ್ಲಿಸಿ ಪರಾರಿಯಾಗಿದ್ದರು. `ಯಾವ ಉದ್ದೇಶಕ್ಕಾಗಿ ಕಳ್ಳರು ಬೈಕ್ ಕದ್ದಿದ್ದರು? ಯಾವ ಉದ್ದೇಶದಿಂದ ಆ ಬೈಕನ್ನು ಮರಳಿಸಿದರು?’ ಎಂದು ಭಾಸ್ಕರ ಸಿದ್ದಿ ಅವರಿಗೂ ಗೊತ್ತಾಗಲಿಲ್ಲ. ಇನ್ನೂ ಆ ಬೈಕು ಚಾವಿ ಹಾಕಿದರೂ ಚಾಲು ಆಗುವ ಸ್ಥಿತಿಯಲ್ಲಿರಲಿಲ್ಲ. `ಯಾವುದೋ ವಾಹನದಲ್ಲಿ ಬೈಕ್ ಒಯ್ದು, ಮತ್ತೆ ಅಂಥಹುದೇ ವಾಹನದಲ್ಲಿ ಬೈಕನ್ನು ತಂದಿರಿಸಿರುವ ಸಾಧ್ಯತೆಯಿದೆ’ ಎಂದು ಬಾಲಚಂದ್ರ ಸಿದ್ದಿ ಅವರು ವಿವರಿಸಿದರು. `ಸದ್ಯ ಬೈಕನ್ನು ಗ್ಯಾರೇಜಿಗೆ ಕಳುಹಿಸಿ ರಿಪೇರಿ ಮಾಡಲಾಗುತ್ತಿದೆ’ ಎಂದವರು ವಿವರಿಸಿದರು.  
- [ಲೆಕ್ಕ ತಪ್ಪಿ ಲಂಚ ಕೇಳಿದ ಹೆರಿಗೆ ವೈದ್ಯ!](https://mobiletime.in/2026/03/obstetrician-who-miscalculated-and-asked-for-a-bribe/): ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ಹೆರಿಗೆಗೆ ಬರುವ ಗರ್ಭಿಣಿಯರಿಂದ ಹಣ ವಸೂಲಿ ಮಾಡುತ್ತಿದ್ದ ವೈದ್ಯರಿಬ್ಬರು ಹಳಿಯಾಳ ಶಾಸಕ ಆರ್ ವಿ ದೇಶಪಾಂಡೆ ಅವರ ಬಳಿ ಸಿಕ್ಕಿಬಿದ್ದಿದ್ದಾರೆ. `ನಾವು ಯಾರಿಂದಲೂ ಹಣ ಕೇಳಿಲ್ಲ. ಅವರು ಖುಷಿಯಿಂದ ಕೊಟ್ಟಿದನ್ನು ಮಾತ್ರ ಪಡೆದಿದ್ದೇವೆ’ ಎಂದು ಈ ವೇಳೆ ಡಾ ಅಖಿಲ ಕಿತ್ತೂರ ಹಾಗೂ ಡಾ ಕೀರ್ತಿ ಅವರು ಹೇಳಿಕೆ ನೀಡಿದ್ದಾರೆ. ಇದರಿಂದ ಆರ್ ವಿ ದೇಶಪಾಂಡೆ ಅವರು ಇನ್ನಷ್ಟು ಸಿಡಿಮಿಡಿಗೊಂಡಿದ್ದು, ಕಣ್ಮುಂದೆ ಲಂಚಾವತಾರ ನಡೆದರೂ ಸುಮ್ಮನಿರುವ ತಹಶೀಲ್ದಾರ್ ಅವರನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. `ಖುಷಿ ಆಗಿದ್ದರೆ ಜನ ಪೇಡೆ ಹಂಚುತ್ತಾರೆ. ಹಣ ಹಂಚುವ ಪದ್ಧತಿ ಎಲ್ಲಿಯೂ ಇಲ್ಲ. ಇಂಥಹುದನ್ನು ನಾನು ಸಹಿಸುವುದಿಲ್ಲ’ ಎಂದು ಆರ್ ವಿ ದೇಶಪಾಂಡೆ ಗುಡುಗಿದ್ದಾರೆ. `ನಾವು ಖುಷಿಗೆ ಕೊಟ್ಟಿದನ್ನು ಮಾತ್ರಪಡೆದಿದ್ದೇವೆ’ ಎಂದು ವೈದ್ಯರು ಹೇಳಿದ್ದು, ಇದರಿಂದ ಸಿಡಿಮಿಡಿಗೊಂಡ ಆರ್ ವಿ ದೇಶಪಾಂಡೆ ಅವರು `ನಿಮಗೆ ಮಕ್ಕಳಾದಾಗ ಎಷ್ಟು ಖುಷಿ ಕೊಟ್ಟಿದ್ದೀರಿ?’ ಎಂದು ಅವರು ವೈದ್ಯರಿಬ್ಬರಿಗೂ ಪ್ರಶ್ನಿಸಿದ್ದಾರೆ. `ಜನರಿಂದ ವಸೂಲಿ ಮಾಡಿದ ಎಲ್ಲಾ ಹಣವನ್ನು ಅವರಿಗೆ ಮರಳಿಸಬೇಕು. ಇಲ್ಲವಾದಲ್ಲಿ ಪೊಲೀಸರನ್ನು ಕರೆಯಿಸುತ್ತೇನೆ’ ಎಂದು ಆರ್ ವಿ ದೇಶಪಾಂಡೆ ಅವರು ವೈದ್ಯರಿಬ್ಬರಿಗೂ ಎಚ್ಚರಿಕೆ ನೀಡಿದ್ದಾರೆ. ದಾಂಡೇಲಿಯ ಸಾರ್ವಜನಿಕ ಆಸ್ಪತ್ರೆ ಹಾಗೂ ತಾಯಿ-ಮಕ್ಕಳ ಆರೋಗ್ಯ ಆಸ್ಪತ್ರೆಯ ಆರೋಗ್ಯ ರಕ್ಷಾ ಸಮಿತಿ ಸಭೆಯಲ್ಲಿ ಈ ಬಗ್ಗೆ ಆರ್ ವಿ ದೇಶಪಾಂಡೆ ಅವರು ಪ್ರಶ್ನಿಸಿದ್ದು, ಆಸ್ಪತ್ರೆಯ ಸೌಲಭ್ಯ, ರೋಗಿಗಳ ಸೇವಾ ಗುಣಮಟ್ಟ, ಔಷಧಿ ಲಭ್ಯತೆ ಹಾಗೂ ಮೂಲಸೌಕರ್ಯದ ಬಗ್ಗೆ ಚರ್ಚಿಸಿದ್ದಾರೆ. ಈ ಸಭೆಯಲ್ಲಿ ಹೆರಿಗೆ ಹಾಗೂ ಸಿಜೇರಿಯನ್ ಬಳಿಕ ಬಡ ರೋಗಿಗಳಿಂದ ಹಣ ಪಡೆಯಲಾಗುತ್ತಿದೆ ಎಂದು ವ್ಯಕ್ತಿಯೊಬ್ಬರು ದೂರಿದ್ದಾರೆ. ಡಾ ಅಖಿಲ ಕಿತ್ತೂರ ಹಾಗೂ ಡಾ ಕೀರ್ತಿ ಅವರ ವಿರುದ್ಧ ಸಾರ್ವಜನಿಕರು ಆರೋಪಿಸಿದ್ದು, 15ರಿಂದ 20 ಸಾವಿರ ರೂ ವಸೂಲಿ ಮಾಡಿದ ಬಗ್ಗೆ ಅಳಲು ತೋಡಿಕೊಂಡಿದ್ದಾರೆ. `ನಾವು ಯಾರಿಂದಲೂ ಹಣ ಕೇಳಿ ಪಡೆಯುವುದಿಲ್ಲ. ಅವರು ಕೊಟ್ಟರೆ ಮಾತ್ರ ಸ್ವೀಕರಿಸುತ್ತೇವೆ’ ಎಂದು ವೈದ್ಯರಿಬ್ಬರು ಸಭೆಯಲ್ಲಿ ಹೇಳಿದ್ದು, `ನಾವು ಕೇಳುವುದಿಲ್ಲ, ಕೊಟ್ಟಷ್ಟು ತೆಗೆದುಕೊಳ್ಳುತ್ತೇವೆ ಎಂದರೆ ಏನರ್ಥ? ನಿಮಗೆ ಮಾನ ಮರ್ಯಾದೆ ಇಲ್ಲವಾ?’ ಎಂದು ಆರ್ ವಿ ದೇಶಪಾಂಡೆ ಗರಂ ಆಗಿದ್ದಾರೆ. `ಮುಂದೆ ಯಾರಿಂದಾದರೂ ಹಣ ಸ್ವೀಕರಿಸಿದರೆ ಪೊಲೀಸ್ ದೂರು ದಾಖಲಿಸುವೆ’ ಎಂದು ಎಚ್ಚರಿಕೆ ನೀಡಿದ್ದಾರೆ. ಜೊತೆಗೆ ಈವರೆಗೆ ಹಣಪಡೆದಿರುವ ಬಗ್ಗೆ ಮಾಹಿತಿ ಸಂಗ್ರಹಿಸಲು ತಹಶೀಲ್ದಾರರಿಗೆ ಸೂಚನೆ ನೀಡಿದ್ದಾರೆ. `ಬಡವರ ಹತ್ತಿರ ಸುಲಿಗೆ ಮಾಡಿದರೆ ಹುಶಾರ್’ ಎಂದು ಆ ವೈದ್ಯರಿಬ್ಬರಿಗೂ ಎಚ್ಚರಿಸಿದ್ದಾರೆ. ಲಂಚಪಡೆದ ವೈದ್ಯಾಧಿಕಾರಿಗಳಿಗೆ ಬೆವರಿಳಿಸಿದ ಶಾಸಕ: ವಿಡಿಯೋ ಇಲ್ಲಿ ನೋಡಿ..  
- [ಭಟ್ಕಳ ಪೊಲೀಸರ ಕಾರ್ಯಾಚರಣೆ: ಕಸಾಯಿಖಾನೆಗೆ ಹೋಗಿದ್ದ ಜಾನುವಾರು ರಕ್ಷಣೆ](https://mobiletime.in/2026/03/bhatkal-police-operation-cattle-rescued-from-slaughterhouse/): ಕೊಲ್ಲುವ ಉದ್ದೇಶದಿಂದ ಕಸಾಯಿಖಾನೆಗೆ ಹೋಗಿದ್ದ ಜಾನುವಾರುಗಳಿಗೆ ಭಟ್ಕಳ ಪೊಲೀಸರು ಮರುಜನ್ಮ ನೀಡಿದ್ದಾರೆ. ಗುರುವಾರ 9 ಜಾನುವಾರುಗಳನ್ನು ರಕ್ಷಿಸಿದ್ದ ಪೊಲೀಸರು ಶುಕ್ರವಾರವೂ ತಮ್ಮ ಕಾರ್ಯಾಚರಣೆ ಮುಂದುವರೆಸಿದ್ದು, ಈ ದಿನ ಮತ್ತೆ 14 ಹಸುಗಳ ಜೀವ ಕಾಪಾಡಿದ್ದಾರೆ. ಗುರುವಾರ ಲಕ್ಷ ರೂ ಬೆಲೆಯ ದೈತ್ರ ಗಾತ್ರದ ಜಾನುವಾರುಗಳನ್ನು ಭಟ್ಕಳದ ಜಾಗಟೆಬಾಲಿನ ಮ್ಯಾಂಗೋ ಫಾರ್ಮ ಬಳಿ ಮಸಿದಿಕ್ ಅಬ್ದುಲ್ ರೆಹಮಾನ್ ಅವರು ಕೂಡಿ ಹಾಕಿದ್ದರು. ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕ ವೆಂಕಟೇಶ್ ಮುರನಾಳ ಅವರು ಅಲ್ಲಿ ದಾಳಿ ಮಾಡಿದ್ದು, ಆ ಜಾನುವಾರುಗಳಿಗೆ ಬಿಡುಗಡೆ ಭಾಗ್ಯ ಕರುಣಿಸಿದರು. 9 ಲಕ್ಷ ರೂ ಮೌಲ್ಯದ 9 ಜಾನುವಾರುಗಳಿಗೆ ಅವರು ಆರೈಕೆ ಮಾಡಿದರು. ಜೊತೆಗೆ ವಧೆ ಮಾಡುವ ಉದ್ದೇಶದಿಂದ ಜಾನುವಾರುಗಳನ್ನು ಬಂಧಿಸಿದ್ದ ಅಬ್ದುಲ್ ರೆಹಮಾನ್ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು. ಶುಕ್ರವಾರ ಹಾವೇರಿಯ ಹಜರತ್ ಅಲಿ ತಹಶೀಲ್ದಾರ್ ಹಾಗೂ ಕಲಘಟಕಿಯ ಮಹಮದ್ ಆಸೀಫ್ ರುಸ್ತುಂ ಸಾಬ್ ಸೇರಿ ಅಕ್ರಮವಾಗಿ ಜಾನುವಾರು ಸಾಗಾಟ ಮಾಡುತ್ತಿದ್ದರು. ಶಿರಾಲಿಯಿಂದ ಭಟ್ಕಳದ ಕಡೆ ಬರುತ್ತಿದ್ದ ಲಾರಿಯನ್ನು ಪಿಸೈ ಮಲ್ಲಿಖಾರ್ಜುನ ಕೋರಾಣಿ ಅವರು ತಪಾಸಣೆಗೆ ಒಳಪಡಿಸಿದರು. ಆಗ, ಅಲ್ಲಿ 14 ಲಕ್ಷ ರೂ ಮೌಲ್ಯದ ಜಾನುವಾರುಗಳು ಕಾಣಿಸಿದವು. 14 ಜಾನುವಾರುಗಳಿಗೆ ಹುಲ್ಲು ನೀರು ಕೊಡದೇ ಸಾಗಾಟ ಮಾಡುತ್ತಿರುವುದು ಗಮನಕ್ಕೆ ಬಂದಿತು. ಈ ವೇಳೆ ಮುಖ್ಯ ಆರೋಪಿ ಹಜರತ್ ಅಲಿ ಓಡಿ ಪರಾರಿಯಾಗಿದ್ದು, ಮಹಮದ್ ಆಸೀಪ್ ಸಿಕ್ಕಿಬಿದ್ದರು. ಅವರಿಬ್ಬರ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಸಾರ್ವಜನಿಕ ಸ್ಥಳದಲ್ಲಿ ಹೊಡೆದಾಟ: ಸುಮೋಟೋ!](https://mobiletime.in/2026/03/fighting-in-a-public-place-sumoto/): ಬನವಾಸಿ ಬಳಿಯ ಶಿವರಾಜ ಚೆನ್ನಯ್ಯ ಹಾಗೂ ಮಾಬುಬಲಿ ಖಾನ್ ನಡುವೆ ವೈಮನಸ್ಸು ಮೂಡಿದ್ದು, ಅವರಿಬ್ಬರು ಸಾರ್ವಜನಿಕ ಸ್ಥಳದಲ್ಲಿ ಹೊಡೆದಾಟ ನಡೆಸಿದ್ದಾರೆ. ಪೊಲೀಸರು ಬಂದು ಹೊಡೆದಾಟ ತಪ್ಪಿಸುವ ಪ್ರಯತ್ನ ಮಾಡಿದರೂ ಪ್ರಯೋಜನವಾಗಿಲ್ಲ. ಶಿರಸಿ ತಾಲೂಕಿನ ಬನವಾಸಿ ಅಂಡಗಿ ಬಳಿ ಶಿವರಾಜ ಚೆನ್ನಯ್ಯ (33) ಅವರು ವೆಲ್ಡಿಂಗ್ ಕೆಲಸ ಮಾಡಿಕೊಂಡಿದ್ದಾರೆ. ಅಂಡಗಿಯ ಹೆಬ್ಬತ್ತಿ ಸುತ್ತಲಿನ ಪ್ರದೇಶದಲ್ಲಿ ಮಾಬುಬಲಿ ಹಬೀಬ್‌ಖಾನ್ (24) ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದಾರೆ. ಅವರಿಬ್ಬರ ನಡುವೆ ದ್ವೇಷ ಶುರುವಾಗಿದ್ದು, ಅದೇ ದ್ವೇಷ ಹೊಡೆದಾಟಕ್ಕೆ ಕಾರಣವಾಗಿದೆ. ಮಾರ್ಚ 18ರ ಸಂಜೆ ಹೆಬ್ಬತ್ತಿ ಗ್ರಾಮದ ಸಯ್ಯದ್ ಹುಸೆನ್ ಅವರ ಮನೆ ಮುಂದೆ ಅವರಿಬ್ಬರು ಹೊಡೆ-ಬಡೆ ಮಾಡಿದ್ದಾರೆ. ಈ ವೇಳೆ ಬನವಾಸಿ ಪೊಲೀಸ್ ಠಾಣೆಯ ಸಿಬ್ಬಂದಿ ಮಾಲತೇಶ ಮುನ್ನಂಗಿ ಅವರು ಅಲ್ಲಿಗೆ ಹೋಗಿದ್ದು, ಹೊಡೆದಾಟ ಬಿಡಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಪೊಲೀಸರ ಮಾತು ಕೇಳದೇ ಅವರಿಬ್ಬರು ಹೊಡೆದಾಡಿಕೊಂಡಿದ್ದಾರೆ. ಸಾರ್ವಜನಿಕ ಪ್ರದೇಶದಲ್ಲಿ ಶಾಂತಿ ಭಂಗವಾಗುವ ನಿಟ್ಟಿನಲ್ಲಿ ಹೊಡೆದಾಟ ನಡೆಸಿದ ಕಾರಣ ಪೊಲೀಸರು ಅವರಿಬ್ಬರ ವಿರುದ್ಧವೂ ಸುಮೋಟೋ ಕೇಸು ದಾಖಲಿಸಿದ್ದಾರೆ.
- [RTO ಕಚೇರಿ: ಇನ್ಮುಂದೆ ಎಜೆಂಟರಿಗೆ ಇಲ್ಲಿ ಕೆಲಸವಿಲ್ಲ!](https://mobiletime.in/2026/03/rto-office-agents-no-longer-have-work-here/): `ರಾಜ್ಯದ ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ ಎಜೆಂಟರು ಕಾಣಿಸಿದರೆ ಆರ್ ಟಿ ಓ ಅಧಿಕಾರಿಗಳ ವಿರುದ್ಧ ಕ್ರಮ ಜರುಗಿಸುವುದು ಅನಿವಾರ್ಯ’ ಎಂದು ಎಂದು ಸಾರಿಗೆ ಸಚಿವ ರಾಮಲಿಂಗ ರೆಡ್ಡಿ ಎಚ್ಚರಿಸಿದ್ದಾರೆ. ಶುಕ್ರವಾರ ದಾಂಡೇಲಿಗೆ ಆಗಮಿಸಿದ್ದ ಅವರು `ರಾಜ್ಯದ ಪ್ರಾದೇಶಿಕ ಕಚೇರಿಗಳಲ್ಲಿನ ಬಹುತೇಕ ಸಾರ್ವಜನಿಕ ಸೇವೆಗಳನ್ನು ಆನ್‌ಲ್ಯೆನ್ ವ್ಯವಸ್ಥೆ ಮಾಡಲಾಗಿದೆ. ಅದಾಗಿಯೂ, ಸಾರಿಗೆ ಇಲಾಖೆಯಲ್ಲಿ ಮಧ್ಯವರ್ತಿಗಳು ಕಾಣಿಸಿದರೆ ಕಚೇರಿ ಅಧಿಕಾರಿಗಳ ವಿರುದ್ಧ ಶಿಸ್ತು ಕ್ರಮ ಜರುಗಿಸುವೆ’ ಎಂದರು. `ಸಾರಿಗೆ ಇಲಾಖೆಯಲ್ಲಿ ಸಮಗ್ರ ಸುಧಾರಣೆ ತರಲಾಗುತ್ತಿದ್ದು, ರಾಜ್ಯದ ಮತ್ತು ಬೇರೆ ರಾಜ್ಯಗಳ ವಾಹನಗಳು ಕಡ್ಡಾಯವಾಗಿ ಪ್ರಾದೇಶಿಕ ಸಾರಿಗೆ ಕಚೇರಿಗೆ ಬಂದರೇ ಮಾತ್ರವೇ ವಾಹನಗಳ ಫಿಟ್‌ನೇಸ್ ಆಗಲು ಜಿಯೋ ಫೆನಸಿಂಗ್ ವ್ಯವಸ್ಥೆ ಮಾಡಲಾಗಿದೆ. ರಾಜ್ಯದಲ್ಲಿ ಅರ್ಧದಷ್ಟು ವಾಣಿಜ್ಯ ವಾಹನಗಳ ಲೋಕೇಶನ್ ಟ್ಯಾçಕಿಂಗ್ ಮಾಡಲಾಗಿದ್ದು, ಉಳಿದ ವಾಹನಗಳನ್ನು ಮುಂದಿನ ದಿನಗಳಲ್ಲಿ ಪೂರ್ಣಗೊಳಿಸಲಾಗುತ್ತದೆ’ ಎಂದರು. `ರಾಜ್ಯದ 31 ಜಿಲ್ಲೆಗಳಲ್ಲಿ ಆಟೋ ಟೆಸ್ಟಿಂಗ್ ಸ್ಟೇಷನ್ ಮಾಡಲು ಟೆಂಡರ್ ಕರೆಯಲಾಗಿದ್ದು, ಈಗಾಗಲೇ 3 ಟೆಂಡರ್‌ಗಳಿಗೆ ಈಗಾಗಲೇ ಕಾರ್ಯಾದೇಶ ನೀಡಲಾಗಿದೆ. ಉಳಿದ 2 ಟೆಂಡರ್‌ಗಳಿಗೆ ಮರು ಟೆಂಡರ್ ಕರೆಯಲಾಗಿದೆ ಇದರಿಂದಾಗಿ ವಾಹನಗಳಿಗೆ ಸಂಬAಧಿಸಿದ ಎಲ್ಲಾ ಕೆಲಸಗಳು ಆಟೋ ಟೆಸ್ಟಿಂಗ್ ಸ್ಟೇಷನ್‌ನಲ್ಲಿ ಸುಲಭವಾಗಿ ನಡೆಯಲಿವೆ’ ಎಂಬ ವಿಶ್ವಾಸವ್ಯಕ್ತಪಡಿಸಿದರು. `ಸ್ಲೀಪರ್ ಬಸ್ ದುರಂತಗಳಿಗೆ ಸಂಬAಧಿಸಿದAತೆ ಕೇಂದ್ರ ಸರ್ಕಾರ ಹೊಸ ನೀತಿಯನ್ನು ಜಾರಿಗೊಳಿಸಿದ್ದು, ಅದರಂತೆ ಖಾಸಗಿ ಬಸ್‌ಗಳ ಮಾಲೀಕರಿಗೆ ಈ ತಿಂಗಳದ ಅಂತ್ಯದೊಳಗೆ ಸರ್ಕಾರ ಸೂಚಿಸಿರುವ ನಿಯಮಗಳಿಗೆ ಒಪ್ಪಿಗೆ ಸೂಚಿಸಿದರೆ ಮಾತ್ರ ಸ್ಲೀಪರ್ ಬಸ್ ಗಳನ್ನು ಓಡಿಸಲು ಅನುಮತಿ ನೀಡಲಾಗುತ್ತದೆ’ ಎಂದರು. ಈ ವೇಳೆ ದಾಂಡೇಲಿಯಲ್ಲಿ ನಿರ್ಮಿಸಿದ ಸ್ವಯಂ ಚಾಲಿತ ಚಾಲನಾ ಪರೀಕ್ಷಾ ಪಥವನ್ನು ರಾಮಲಿಂಗ ರೆಡ್ಡಿ ಅವರು ಉದ್ಘಾಟಿಸಿದರು. `ರಾಜ್ಯದಲ್ಲಿ ಇದುವರೆಗೂ 20 ಸ್ವಯಂ ಚಾಲಿತ ಚಾಲನಾ ಪರೀಕ್ಷಾ ಪಥಗಳು ಕಾರ್ಯಾರಂಭವಾಗಿದ್ದು, ಇನ್ನೂ 25 ಕಡೆಯಲ್ಲಿ ನಿರ್ಮಾಣ ಕಾರ್ಯವು ಅಂತಿಮ ಹಂತದಲ್ಲಿದೆ. ಶೀಘ್ರದಲ್ಲಿಯೇ ಅದನ್ನು ಪ್ರಾರಂಭವಾಗಲಿದ್ದು, ಇದರಿಂದ ರಾಜ್ಯದ 31 ಜಿಲ್ಲೆಗಳಲ್ಲಿ 45 ಸ್ವಯಂ ಚಾಲಿತ ಚಾಲನಾ ಪರೀಕ್ಷಾ ಪಥ ನಿರ್ಮಾಣವಾಗಲಿದೆ. ಈ ಮೂಲಕ ದೇಶದಲ್ಲೇ ಅತೀ ಹೆಚ್ಚು ಸ್ವಯಂ ಚಾಲಿತ ಚಾಲನಾ ಪರೀಕ್ಷಾ ಪಥ ಇರುವ ರಾಜ್ಯ ಎಂಬ ಹೆಗ್ಗಳಿಕೆಗೆ ಕರ್ನಾಟಕ ಪಾತ್ರವಾಗಲಿದೆ’ ಎಂದರು. `ದಾAಡೇಲಿಯಲ್ಲಿ ಶೀಘ್ರದಲ್ಲೇ ನೂತನ ಹೈಟೆಕ್ ಬಸ್ ನಿಲ್ದಾಣ ಕಾಮಗಾರಿ ಪ್ರಾರಂಭಿಸಲಾಗುವುದು ಹಾಗೂ ದಾಂಡೇಲಿ-ಬೆAಗಳೂರು ಪಲ್ಲಕ್ಕಿ ಬಸ್ ನೀಡಲು ಸಂಸ್ಥೆಯ ಎಂ ಡಿ ಅವರಿಗೆ ಸೂಚನೆ ನೀಡಲಾಗಿದೆ’ ಎಂದರು. `ದಾಂಡೇಲಿಯಲ್ಲಿ ದೇಶಪಾಂಡೆ ಅವರ ಪ್ರಯತ್ನದಿಂದಾಗಿ ಉತ್ತಮವಾದ ಸಹಾಯಕ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳ ಕಚೇರಿ ಜೊತೆಗೆ ಸ್ವಯಂ ಚಾಲಿತ ಚಾಲನ ಪರೀಕ್ಷಾ ಪಥವನ್ನು ನಿರ್ಮಿಸಲಾಗಿದೆ. ಇದರಿಂದಾಗಿ ಈ ಭಾಗದ ಜನರಿಗೆ ತುಂಬಾ ಅನುಕೂಲವಾಗಿದ್ದು, ಉತ್ತಮ ಗುಣಮಟ್ಟದ ಪಥ ನಿರ್ಮಾಣವಾಗಿದ್ದು, ಈ ಪಥವು ಸ್ವಯಂ ಚಾಲಿತವಾಗಿರುವುದರಿಂದ ಎಲ್ಲವೂ ಸೆನ್ಸರ್ ಮೂಲಕ ನಡೆಯಲಿದ್ದು, ಯಾವುದೇ ರೀತಿಯ ಮಾನವ ಹಸ್ತಕ್ಷೇಪ ಇರುವುದಿಲ್ಲ’ ಎಂದರು. ಶಾಸಕ ಆರ್ ವಿ ದೇಶಪಾಂಡೆ ಮಾತನಾಡಿ `ದೇಶ ವಿದೇಶದಿಂದ ಪ್ರವಾಸಿಗರು ದಾಂಡೇಲಿಗೆ ಆಗಮಿಸುತ್ತಿದ್ದಾರೆ. ಆ ನಿಟ್ಟಿನಲ್ಲಿ ದಾಂಡೇಲಿ ನಗರವನ್ನು ಎಲ್ಲಾ ರೀತಿಯ ಮೂಲಭೂತ ಸೌಕರ್ಯಗಳೊಂದಿಗೆ ಅಭಿವೃದ್ಧಿ ಪಡಿಸಲಾಗುವುದು. ಸ್ಥಳೀಯ ಯುವಕರಿಗೆ ಉದ್ಯೋಗ ಸೃಷ್ಠಿ ಮಾಡಲು ಕ್ರಮ ಕೈಗೊಳ್ಳಲಾಗುತ್ತಿದೆ. ದಾಂಡೇಲಿಯಲ್ಲಿ ಸುಸಜ್ಜಿತ ಹೈಟೆಕ್ ಬಸ್ ನಿಲ್ದಾಣ ನಿರ್ಮಾಣವಾಗಬೇಕು ಎಂಬುದು ಈ ಭಾಗದ ಜನರ ಕನಸಾಗಿದೆ. ದಾಂಡೇಲಿಯಿAದ ಬೆಂಗಳೂರಿಗೆ ಸುಸಜ್ಜಿತ ಬಸ್ ಸಂಚಾರ ಆರಂಭವಾಗಬೇಕು’ ಎಂದರು. ಕಾರ್ಯಕ್ರಮದಲ್ಲಿ ಸಾರಿಗೆ ಇಲಾಖೆಯ ಅಪರ ಸಾರಿಗೆ ಆಯುಕ್ತ ಹಾಲಸ್ವಾಮಿ, ಬೆಳಗಾವಿ ವಿಭಾಗದ ಜಂಟಿ ಆಯುಕ್ತ ಸಿದ್ದಪ್ಪ ಕಲ್ಲೇರ, ದಾಂಡೇಲಿ ತಹಶೀಲ್ದಾರ್ ಶೈಲೇಶ್ ಪರಮಾನಂದ, ಪೌರಾಯುಕ್ತ ವಿವೇಕ್ ಬನ್ನೇ, ತಾ.ಪಂ. ಕಾರ್ಯ ನಿರ್ವಹಣಾಧಿಕಾರಿ ಟಿ ಸಿ ಹಾದಿಮನಿ, ಡಿವೈಎಸ್‌ಪಿ ಶಿವಾನಂದ ಮದರಕಂಡಿ, ದಾಂಡೇಲಿಯ ಎ.ಆರ್.ಟಿ.ಓ. ಅವಿನಾಶ್ ಕಾವೇರಿ ಮತ್ತಿತರರು ಉಪಸ್ಥಿತರಿದ್ದರು.
- [ಕದ್ರಾದಲ್ಲಿ ಜಲ ಪ್ರವಾಹ: ಐದು ವರ್ಷ ಕಳೆದರೂ ಬಾರದ ಪರಿಹಾರ!](https://mobiletime.in/2026/03/flood-in-kadra-no-relief-even-after-five-years/): ಕದ್ರಾ ಅಣೆಕಟ್ಟು ಜಲಾಶಯದಿಂದ ಹೊರಹೊಮ್ಮಿದ ನೀರಿನಿಂದ ಉಂಟಾದ ಪ್ರವಾಹ ಪರಿಸ್ಥಿತಿಯಿಂದ ಸಂತ್ರಸ್ತರಾದವರಿಗೆ ಐದು ವರ್ಷ ಕಳೆದರೂ ಯೋಗ್ಯ ಪರಿಹಾರ ಸಿಕ್ಕಿಲ್ಲ. ಇದರಿಂದ ಆ ಭಾಗದ 25 ಫಲಾನುಭವಿಗಳು ಸಮಸ್ಯೆ ಅನುಭವಿಸುತ್ತಿದ್ದಾರೆ. 2020ರ ಅವಧಿಯಲ್ಲಿ ಕದ್ರಾ ಅಣೆಕಟ್ಟು ಭದ್ರತೆ ದೃಷ್ಠಿಯಿಂದ ಅಣೆಕಟ್ಟಿನ ಗೇಟುಗಳನ್ನು ತೆರೆಯಲಾಗಿದ್ದು, ಸುತ್ತಲಿನ ಪ್ರದೇಶದಲ್ಲಿ ಪ್ರವಾಹ ಪರಿಸ್ಥಿತಿ ಉಂಟಾಯಿತು. ಅದರೊಂದಿಗೆ ಸುರಿದ ಧಾರಾಕಾರ ಮಳೆ ಆ ಭಾಗದ ಜನರನ್ನು ಸಂಪೂರ್ಣವಾಗಿ ಸಂತ್ರಸ್ತರನ್ನಾಗಿಸಿತು. ವೈಲವಾಡದ 10 ಮನೆ, ಕಿನ್ನರದ 12 ಮನೆಗಳ ಜೊತೆ ಮಲ್ಲಾಪುರದ 3 ಮನೆಗಳು ನೀರಿನಲ್ಲಿ ಮುಳುಗಿದವು. ಆ ಮನೆಯಲ್ಲಿದ್ದವರು ಕಾಳಜಿ ಕೇಂದ್ರದಲ್ಲಿ ಆಶ್ರಯಪಡೆದು, ನಂತರ ಬಂಧು-ಮಿತ್ರರ ಮನೆಗೆ ಹೋಗಿದ್ದರು. ಆ ವೇಳೆ ಜನರಿಗೆ ತುರ್ತು ಪರಿಹಾರ ನೀಡಿದಾದರೂ ಮನೆ ನಿರ್ಮಾಣಕ್ಕೆ ಸಹಾಯ ಸಿಗಲಿಲ್ಲ. ಸಂತ್ರಸ್ತರು ವಿವಿಧ ಕಚೇರಿ ಓಡಾಟದ ನಂತರ ಅವರಿಗೆ ಮನೆ ನಿರ್ಮಾಣಕ್ಕೆ ಮೊದಲ ಕಂತಿನ ಪರಿಹಾರ ಸಿಕ್ಕಿತು. ಆದರೆ, ಅಪೂರ್ಣಗೊಂಡ ಮನೆ ಪೂರ್ಣಗೊಳಿಸಲು ಅಗತ್ಯವಿರುವ ಮುಂದಿನ ಪರಿಹಾರ ಈವರೆಗೂ ಬಂದಿಲ್ಲ. ಆರ್ಥಿಕ ಸಂಕಷ್ಟದಲ್ಲಿರುವ ಸಂತ್ರಸ್ತರು ಅಲ್ಲಿಯೇ ಪುಟ್ಟ ಪುಟ್ಟ ಜೋಪಡಿ ನಿರ್ಮಿಸಿ ವಾಸಿಸುತ್ತಿದ್ದಾರೆ. ಅವರಿಗೆ ಯೋಗ್ಯ ಪರಿಹಾರ ಕೊಡಿಸಬೇಕು ಎಂದು ತಾಲೂಕು ಪಂಚಾಯತ ಮಾಜಿ ಸದಸ್ಯ ಪ್ರಶಾಂತ ಗೋವೇಕರ್ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರನ್ನು ಪ್ರಶಾಂತ ಗೋವೇಕರ್ ಅವರು ಭೇಟಿ ಮಾಡಿದ್ದು, ಸಮಸ್ಯೆಯ ಬಗ್ಗೆ ವಿವರಿಸಿದ್ದಾರೆ. `ಇನ್ನೆರಡು ತಿಂಗಳಿನಲ್ಲಿ ಮಳೆಗಾಲ ಶುರುವಾಗುವ ಹಾಗಿದೆ. ಹೀಗಾಗಿ, ಅಲ್ಲಿನ ಸಂತ್ರಸ್ತರು ಇನ್ನಷ್ಟು ಆತಂಕದಲ್ಲಿದ್ದು, ಕೂಡಲೇ ಅವರ ಸಮಸ್ಯೆಗೆ ಸ್ಪಂದಿಸಬೇಕು’ ಎಂದು ಪ್ರಶಾಂತ ಗೋವೇಕರ್ ಅವರು ಆಗ್ರಹಿಸಿದ್ದಾರೆ. `ಮಳೆ ಪ್ರವಾಹದಿಂದ ಹಾನಿಗೊಳಗಾದವರಿಗೆ ಪರಿಹಾರ ಕೊಡುವ ವಿಷಯದಲ್ಲಿ ಸಿ ವರ್ಗದಿಂದ ಎ ಮತ್ತು ಬಿ ವರ್ಗಕ್ಕೆ ಬದಲಾವಣೆ ಮಾಡಲಾಗಿದೆ. ಆದರೆ, ಮನೆಗಳಿಗೆ ಜಿಪಿಎಸ್ ಮಾಡಲು ಅನುಮತಿ ಸಿಕ್ಕಿಲ್ಲ. ರಾಜೀವಗಾಂಧಿ ನಿಗಮದಿಂದ ಸಂಪೂರ್ಣ ಪರಿಹಾರ ಸಿಗುವ ನಿಟ್ಟಿನಲ್ಲಿ ಕ್ರಮ ಜರುಗಿಸಬೇಕು’ ಎಂದವರು ಮನವಿ ಮಾಡಿದ್ದಾರೆ. 15 ದಿನದಲ್ಲಿ ಸಮಸ್ಯೆ ಬಗೆಹರಿಯೇ ಇದ್ದರೆ ಜಿಲ್ಲಾಧಿಕಾರಿ ಕಚೇರಿ ಎದುರು ಧರಣಿ ನಡೆಸುವುದಾಗಿಯೂ ಅವರು ಎಚ್ಚರಿಸಿದ್ದಾರೆ.
- [ಸಂಚಾರಿ ನಿಯಮ ಉಲ್ಲಂಗಿಸಿದವನ ಜೀವಕ್ಕೆ ಸಂಚಕಾರ!](https://mobiletime.in/2026/03/the-life-of-the-person-who-violates-traffic-rules-is-at-stake/): ಹೊನ್ನಾವರ – ಕುಮಟಾ ರಾಷ್ಟ್ರೀಯ ಹೆದ್ದಾರಿಯ ಏಕಮುಖ ಸಂಚಾರ ರಸ್ತೆಯಲ್ಲಿ ವಿರುದ್ಧ ದಿಕ್ಕಿನಲ್ಲಿ ಸಂಚರಿಸಿದ ವೆಂಕಟೇಶ ವ್ಯದ್ಯ ಅವರ ಪ್ರಾಣಕ್ಕೆ ಸಂಚಕಾರ ಎದುರಾಗಿದೆ. ಹೆಲ್ಮೆಟ್ ಸಹ ಧರಿಸದೇ ಬೈಕ್ ಓಡಿಸಿದ ಅವರಿಗೆ ಬಸ್ಸು ಗುದ್ದಿದ್ದು, ವೆಂಕಟೇಶ ವೈದ್ಯ ಅವರು ಸಾವನಪ್ಪಿದ್ದಾರೆ. ಹೊನ್ನಾವರ ಚಿಪ್ಪಿಹಕ್ಕಲ ಬಳಿಯ ನವಿಲಗೋಣ ಬಳಿ ವೆಂಕಟೇಶ ಗೋಪಾಲಕೃಷ್ಣ ವೈದ್ಯ (38) ಅವರು ವಾಸವಾಗಿದ್ದರು. ಅಲ್ಲಿ-ಇಲ್ಲಿ ಅಡುಗೆ ಕೆಲಸ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದರು. ಮಾರ್ಚ 19ರ ರಾತ್ರಿ 8.20ಕ್ಕೆ ವೆಂಕಟೇಶ ವೈದ್ಯ ಅವರು ಹೊನ್ನಾವರ-ಕುಮಟಾ ಹೆದ್ದಾರಿಯಲ್ಲಿ ಬೈಕ್ ಓಡಿಸುತ್ತಿದ್ದರು. ಆ ರಾತ್ರಿ ಕುಮಟಾದಿಂದ ಹೊನ್ನಾವರದ ಕಡೆ ಅವರು ವೇಗವಾಗಿ ಬೈಕ್ ಓಡಿಸುತ್ತಿದ್ದರು. ಏಕಮುಖ ಸಂಚಾರ ರಸ್ತೆಯಲ್ಲಿ ವಿರುದ್ಧ ದಿಕ್ಕಿನಲ್ಲಿ ಅವರು ಬೈಕ್ ಚಲಾಯಿಸಿದ್ದು, ಎದುರಿನಿಂದ ಬಂದ ಬಸ್ಸು ಅವರಿಗೆ ಡಿಕ್ಕಿ ಹೊಡೆಯಿತು. ಹೊನ್ನಾವರ ತಾಲೂಕಿನ ಅಗ್ರಹಾರ  ಹೆದ್ದಾರಿ 66ರಲ್ಲಿ ಈ ಅಪಘಾತ ನಡೆದಿದ್ದು, ಗಾಯಗೊಂಡ ವೆಂಕಟೇಶ ವೈದ್ಯ ಅವರನ್ನು ಹೊನ್ನಾವರದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ವೆಂಕಟೇಶ್ ವೈದ್ಯ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿತ್ತು. ವೆಂಕಟೇಶ್ ವೈದ್ಯ ಅವರು ತಲೆಗೆ ಹೆಲ್ಮೆಟ್ ಧರಿಸಿದ್ದರೆ ಅವರು ಬದುಕುವ ಸಾಧ್ಯತೆಯಿತ್ತು. ಆದರೆ, ಸುರಕ್ಷತಾ ಕಾನೂನನ್ನು ಅವರು ಸಂಪೂರ್ಣವಾಗಿ ನಿರ್ಲಕ್ಷಿಸಿದ ಪರಿಣಾಮ ಸಾವನಪ್ಪಿದರು. ಈ ಅಪಘಾತದ ಬಗ್ಗೆ ಬಸ್ ಚಾಲಕ ಬಸಪ್ಪ ದ್ಯಾಪುರ ಮಾಹಿತಿ ನೀಡಿದರು. ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದರು. ಆಸ್ಪತ್ರೆಯವರು ಶವ ಪರೀಕ್ಷೆ ನಡೆಸಿ, ಕುಟುಂಬದವರಿಗೆ ಶವ ಹಸ್ತಾಂತರ ಮಾಡಿದರು. `ಸಂಚಾರಿ ನಿಯಮವನ್ನು ತಪ್ಪದೇ ಪಾಲಿಸಿ’
- [ಕರ್ತವ್ಯದ ವೇಳೆ ಕ್ರಿಕೆಟ್ ಆಡಿದ ಸರ್ಕಾರಿ ಅಧಿಕಾರಿ!](https://mobiletime.in/2026/03/government-official-played-cricket-while-on-duty/): `ಕ್ರೀಡಾ ಮನಸ್ಥಿತಿ ಇದ್ದವರಿಗೆ ಮಾತ್ರ ಅವಕಾಶ ಅರೆಸಿ ಬರುತ್ತದೆ’ ಎಂದು ಶಿರಸಿ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಸಂದೀಪ್ ಸೂರ್ಯವಂಶಿ ಅವರು ಹೇಳಿದ್ದಾರೆ. `ಆಧುನಿಕತೆಯ ಸವಾಲುಗಳನ್ನು ಎದುರಿಸಲು ದೈಹಿಕ ಹಾಗೂ ಮಾನಸಿಕ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಿ’ ಎಂದು ಕರೆ ನೀಡಿದ್ದಾರೆ. ಶುಕ್ರವಾರ ಸ್ಕೊಡ್‌ವೆಸ್ ಸಂಸ್ಥೆ ಸಿಬ್ಬಂದಿ ನಡುವೆ ಆಯೋಜಿಸಿದ್ದ ವಾರ್ಷಿಕ ಕ್ರೀಡಾಕೂಟಕ್ಕೆ ಸಂದೀಪ್ ಸೂರ್ಯವಂಶಿ ಅವರು ಚಾಲನೆ ನೀಡಿದ್ದು, ಅದಾದ ನಂತರ ಅವರು ಸಹ ಕೆಲ ಕಾಲ ಕ್ರೀಡಾ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡರು. ಶಿರಸಿ: ಮಾನವ ಸಂಪನ್ಮೂಲದ ಸಾಮರ್ಥ್ಯ ಹೆಚ್ಚಿಸುವಲ್ಲಿ ಕ್ರೀಡೆ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಉಪ ಅರಣ್ಯ ಸಂರಕ್ಷಣಾಧಿಕಾರಿ ಸಂದೀಪ್ ಹೆಚ್. ಸೂರ್ಯವಂಶಿ ಹೇಳಿದರು. `ಸೇವಾ ಕ್ಷೇತ್ರದಲ್ಲಿ ವಿಶೇಷ ಸ್ಥಾನಮಾನವನ್ನು ಹೊಂದಿರುವ ಸ್ಕೊಡ್‌ವೆಸ್ ಸಂಸ್ಥೆ ಸಮಾಜದ ಆಸ್ತಿ’ ಎಂದವರು ಬಣ್ಣಿಸಿದರು. `ಆಧುನಿಕತೆಯ ಸವಾಲುಗಳನ್ನು ಎದುರಿಸಲು ಪ್ರತಿಯೊಬ್ಬರು ಮಾನಸಿಕ ಹಾಗೂ ದೈಹಿಕ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಬೇಕಾದ ಅವಶ್ಯಕತೆಯಿದೆ. ಜಾಗತಿಕ ಬದಲಾವಣೆಯ ಪೈಪೋಟಿಯನ್ನು ಎದುರಿಸಲು ಸದೃಢಗೊಳ್ಳುವ ವ್ಯಕ್ತಿಗಳಿಗೆ ಎಲ್ಲಾ ಅವಕಾಶಗಳು ಹುಡುಕಿಕೊಂಡು ಬರುತ್ತದೆ’ ಎಂದವರು ಹೇಳಿದರು. ಕ್ರೀಡಾ ಜ್ಯೋತಿಯನ್ನು ಹಸ್ತಾಂತರಿಸಿದ ಶಿರಸಿ ಡಿವೈಎಸ್‌ಪಿ ಗೀತಾ ಪಾಟೀಲ್ ಅವರು `ಕ್ರೀಡೆ ಎನ್ನುವುದು ಪ್ರತಿಯೊಬ್ಬನ ಜೀವನದ ಅವಿಭಾಜ್ಯ ಅಂಗ. ಜೀವನದ ಪ್ರತಿ ಹಂತವೂ ಸ್ಪರ್ಧಾತ್ಮಕವಾಗಿಯೇ ಇರುವುದರಿಂದ ಪೈಪೋಟಿಯನ್ನು ಎದುರಿಸುವ ವ್ಯಕ್ತಿಗಳು ಮಾತ್ರ ಜೀವನದಲ್ಲಿ ಗೆಲ್ಲಲು ಸಾಧ್ಯ’ ಎಂದರು. `ಪ್ರತಿಯೊಬ್ಬರೂ ತಮ್ಮ ವ್ಯಕ್ತಿ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಲು ಕ್ರೀಡಾ ಚಟುವಟಿಕೆಯಲ್ಲಿ ಸಕ್ರೀಯವಾಗಿ ತೊಡಗಿಸಿಕೊಳ್ಳಬೇಕು’ ಎಂದು ಕರೆ ನೀಡಿದರು. ಕ್ರೀಡಾಕೂಟದಲ್ಲಿ ಅರಣ್ಯ ಮಹಾವಿದ್ಯಾಲಯದ ಡೀನ್ ಆರ್ ವಾಸುದೇವರವರು ಕ್ರೀಡಾ ಪ್ರತಿಜ್ಞಾ ವಿಧಿಯನ್ನು ಬೋಧಿಸಿದರು. ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಎಸ್ ಎಸ್ ಭಟ್ಟ ಲೋಕೇಶ್ವರ, ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯದರ್ಶಿ ಸರಸ್ವತಿ ಎನ್ ರವಿ, ಸಹಕಾರ್ಯದರ್ಶಿ ಕೆ ಎನ್ ಹೊಸಮನಿ, ಕಾರ್ಯಕಾರಿ ಸಮಿತಿ ಸದಸ್ಯ ದಯಾನಂದ ಅಗಾಸೆ ಮಾತನಾಡಿದರು. ಸ್ಕೊಡ್‌ವೆಸ್‌ನ ಉಪಾಧ್ಯಕ್ಷ ಕುಮಾರ್ ವಿ ಕೂರ್ಸೆ ಕಾರ್ಯಕ್ರಮದ ಅಧ್ಯಕ್ಷತೆವಹಿಸಿದರು. ಸ್ಕೊಡ್‌ವೆಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಪ್ರಾಸ್ತಾವಿಕವಾಗಿ ಮಾತನಾಡಿ ಎಲ್ಲರನ್ನೂ ಸ್ವಾಗತಿಸಿದರು. ಸ್ಕೊಡ್‌ವೆಸ್‌ನ ಕಾರ್ಯಕ್ರಮಾಧಿಕಾರಿ ಡಾ. ನಾರಾಯಣ ಹೆಗಡೆ ಕಾರ್ಯಕ್ರಮ ನಿರ್ವಹಿಸಿ ಕೊನೆಯಲ್ಲಿ ವಂದಿಸಿದರು. ರಾಜ್ಯದ ವಿವಿಧ ಜಿಲ್ಲೆಗಳಿಂದ ಆಗಮಿಸಿದ್ದ 200 ಕ್ಕೂ ಹೆಚ್ಚು ಸ್ಕೊಡ್‌ವೆಸ್‌ನ ಸಿಬ್ಬಂದಿ ವಿವಿಧ ಕ್ರೀಡೆಯಲ್ಲಿ ಭಾಗವಹಿಸಿದ್ದರು.
- [ಅಪಘಾತ: ಸವಾರ ಸಾವು-ಸಹಸವಾರನಿಗೆ ನೋವು!](https://mobiletime.in/2026/03/accident-rider-dies-passenger-injured/): ಯಲ್ಲಾಪುರದ ಮಾಗೋಡು ಕ್ರಾಸಿನ ಬಳಿ ಬೈಕಿಗೆ ಲಾರಿ ಗುದ್ದಿದೆ. ಈ ಅಪಘಾತದಲ್ಲಿ ಬೈಕ್ ಸವಾರ ಸಾವನಪ್ಪಿದ್ದು, ಸಹ ಸವಾರ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಅoಕೋಲಾ ತಾಲೂಕಿನ ಹಳವಳ್ಳಿಯಲ್ಲಿ ದೇವೇಂದ್ರ ಸೀತಾರಾಮ ಗೌಡ (21) ಅವರು ವಾಸವಾಗಿದ್ದರು. ಕಾರ್ಪರೆಂಟರ್ ಆಗಿ ಅವರು ಕೆಲಸ ಮಾಡಿಕೊಂಡಿದ್ದರು. ಮಾರ್ಚ 19ರ ರಾತ್ರಿ ದೇವೇಂದ್ರ ಗೌಡ ಅವರು ಯಲ್ಲಾಪುರದ ಕಳಚೆಯ ವಿಜೇತ ಪ್ರೇಮಾನಂದ ಗೌಡ (20) ಅವರ ಜೊತೆ ಬೈಕಿನಲ್ಲಿ ಹೋಗುತ್ತಿದ್ದರು. ದೇವೇಂದ್ರ ಗೌಡ ಅವರು ಬೈಕ್ ಓಡಿಸುತ್ತಿದ್ದು, ವಿಜೇತ ಗೌಡ ಅವರು ಹಿಂದೆ ಕುಳಿತಿದ್ದರು. ಆ ಬೈಕು ಯಲ್ಲಾಪುರದಿಂದ ಅಂಕೋಲಾ ಕಡೆ ಸಂಚರಿಸುವಾಗ ಮಾಗೋಡು ತಿರುವಿನ ಬಳಿಯ ಪುರನಜಡ್ಡಿ ಕ್ರಾಸಿನ ಬಳಿ ಅಪಘಾತಕ್ಕೀಡಾಯಿತು. ಅಂಕೋಲಾದಿAದ ಯಲ್ಲಾಪುರದ ಕಡೆ ಹೊರಟಿದ್ದ ಲಾರಿಯೊಂದು ವೇಗವಾಗಿ ಬಂದಿದ್ದು, ದೇವೇಂದ್ರ ಗೌಡ ಹಾಗೂ ವಿಜೇತ ಗೌಡ ಅವರು ಸಂಚರಿಸುತ್ತಿದ್ದ ಬೈಕಿಗೆ ಎದುರಿನಿಂದ ಗುದ್ದಿತು. ಅಪಘಾತದ ಬಗ್ಗೆ ಅರಿವಾದರೂ ಲಾರಿ ಚಾಲಕ ವಾಹನ ನಿಲ್ಲಿಸಲಿಲ್ಲ. ಗಾಯಗೊಂಡು ನರಳಾಡುತ್ತಿದ್ದ ಬೈಕ್ ಸವಾರರನ್ನು ಆಸ್ಪತ್ರೆಗೆ ಸೇರಿಸುವ ಕೆಲಸ ಮಾಡಲಿಲ್ಲ. ಅಪಘಾತದ ಬಗ್ಗೆ ಪೊಲೀಸರಿಗೆ ಸಹ ಮಾಹಿತಿ ಕೊಡಲಿಲ್ಲ. ಅಪಘಾತದ ನಂತರ ಲಾರಿ ಚಾಲಕ ಆಂಬುಲೆನ್ಸಿಗೆ ಫೋನ್ ಮಾಡಿದರೂ ದೇವೇಂದ್ರ ಗೌಡ ಅವರು ಬದುಕುವ ಸಾಧ್ಯತೆಯಿತ್ತು. ಆದರೆ, ಲಾರಿ ಚಾಲಕ ಅದನ್ನು ಸಹ ಮಾಡಲಿಲ್ಲ. ಇನ್ನಷ್ಟು ವೇಗವಾಗಿ ಆ ಚಾಲಕ ಲಾರಿ ಓಡಿಸಿಕೊಂಡು ಹೋಗಿ ಪರಾರಿಯಾಗಿದ್ದು, ಕೆನ್ನೆಯಿಂದ ಕಿವಿಯವರೆಗೂ ಮಾಂಸ ಹೊರಗೆ ಬಂದು ಗಾಯಗೊಂಡಿದ್ದ ದೇವೇಂದ್ರ ಗೌಡ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಆ ಬೈಕಿನಲ್ಲಿ ಹಿಂದೆ ಕೂತಿದ್ದ ವಿಜೇತ ಗೌಡ ಅವರು ಸಹ ಈ ಅಪಘಾತದಿಂದ ನೋವು ಅನುಭವಿಸಿದರು. ವಿಜೇತ ಗೌಡ ಅವರ ತೊಡೆಯ ಭಾಗಕ್ಕೆ ಗಾಯವಾಗಿದ್ದು, ಅವರು ಚಿಕಿತ್ಸೆಪಡೆಯುತ್ತಿದ್ದಾರೆ. ಅಪಘಾತದ ಬಗ್ಗೆ ದೇವೇಂದ್ರ ಗೌಡ ಅವರ ಸಹೋದರ ಗಿರೀಶ ಗೌಡ ಅವರು ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಅತಿ ವೇಗ ಅಪಘಾತಕ್ಕೆ ಕಾರಣವಾಗಿದ್ದು, ಮಾನವೀಯತೆ ಮರೆತ ಲಾರಿ ಚಾಲಕನ ವಿರುದ್ಧ ಕಠಿಣ ಕ್ರಮಕ್ಕೆ ಅವರು ಆಗ್ರಹಿಸಿದ್ದಾರೆ. ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ` `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’  
- [ಬೆಳೆ ವಿಮೆ | ಕೇಂದ್ರಕ್ಕೆ ಕೇಳಿಸಿದ ಕಾಗೇರಿ ಕೂಗು: ಬಂಡಲ್ ಗ್ರಾಮಕ್ಕೆ ಬಂಪರ್ ಲಾಟರಿ!](https://mobiletime.in/2026/03/crop-insurance-a-cry-from-the-center-bumper-lottery-for-bundal-village/): ಅಡಿಕೆ ಹಾಗೂ ಕಾಳು ಮೆಣಸು ಬೆಳೆಗಾರರಿಗೆ ಫಸಲ್ ಭೀಮಾ ಯೋಜನೆ ಪರಿಹಾರ ಮೊತ್ತ ಬ್ಯಾಂಕ್ ಖಾತೆಗೆ ಜಮಾ ಆಗುತ್ತಿದೆ. ಶಿರಸಿಯ ಬಂಡಲ್ ಗ್ರಾಮಸ್ಥರಿಗೆ ಪ್ರತಿ ಗುಂಟೆಗೆ 909ರೂಪಾಯಿಯಂತೆ ಜಮಾ ಆಗುತ್ತಿದ್ದು, ಅದೇ ತಾಲೂಕಿನ ದೊಡ್ನಳ್ಳಿ ಗ್ರಾಮದವರಿಗೆ ಗುಂಟೆಗೆ 50ರೂ ಮಾತ್ರ ಜಮಾ ಆಗಿದೆ. ಉತ್ತರ ಕನ್ನಡ ಜಿಲ್ಲೆಯ ಅಡಿಕೆ ಹಾಗೂ ಕಾಳು ಮೆಣಸು ಬೆಳೆಗಾರರಿಗೆ ಹಂತ ಹಂತವಾಗಿ ಫಸಲ್ ಭೀಮಾ ಯೋಜನೆಯ ಬೆಳೆ ವಿಮೆ ಜಮೆ ಆಗುತ್ತಿದೆ. ಒಟ್ಟು ಮೂರು ಹಂತದಲ್ಲಿ ಈ ಪರಿಹಾರ ಹಣ ಬಿಡುಗಡೆಯಾಗಿದ್ದು, ಇಡೀ ಜಿಲ್ಲೆಗೆ ಸುಮಾರು 85ಕೋಟಿ ರೂ ಬರುವ ನಿರೀಕ್ಷೆಯಿದೆ. ಸದ್ಯ ಶಿರಸಿ, ಹೊನ್ನಾವರ, ಯಲ್ಲಾಪುರ, ಹಳಿಯಾಳ, ಜೊಯಿಡಾ ತಾಲೂಕಿನ ಕೆಲ ಗ್ರಾಮ ಪಂಚಾಯತ ವ್ಯಾಪ್ತಿಯ ರೈತರ ಖಾತೆಗೆ ಹಣ ಸಂದಾಯವಾಗಿದೆ. ಪ್ರಕೃತಿ ವಿಕೋಪದ ಅಡಿ ಆದ ಹಾನಿ, ಹಾನಿ ವೇಳೆ ಇದ್ದ ಹವಾಮಾನ ಆಧರಿಸಿ ವಿಮೆ ಮಾಡಿಸಿದವರಿಗೆ ಪರಿಹಾರ ನೀಡಲಾಗುತ್ತಿದೆ. ಬೆಳೆ ವಿಮೆ ಪರಿಹಾರ ಒದಗಿಸುವುದಕ್ಕಾಗಿ ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಕೇಂದ್ರದ ಮೇಲೆ ಒತ್ತಡ ಹಾಕಿದ್ದು, ಅದರ ಪರಿಣಾಮವಾಗಿ ರೈತರ ಖಾತೆಗೆ ಹಣ ಬರುತ್ತಿದೆ. ಈಗಾಗಲೇ ಜಮಾ ಆದ ಹಣದ ಪಟ್ಟಿ ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಸಿಕ್ಕಿದ್ದು, ಅದರ ಆಧಾರದಲ್ಲಿ ಪರಿಶೀಲಿಸಿದಾಗ ಶಿರಸಿಯ ಬಂಡಲ್ ಗ್ರಾಮದ ರೈತರ ಖಾತೆಗೆ ಹೆಚ್ಚಿನ ಮೊತ್ತ ಸಂದಾಯವಾಗಿದೆ. ಅತಿ ಕಡಿಮೆ ಮೊತ್ತವೂ ಶಿರಸಿ ತಾಲೂಕಿನ ರೈತರಿಗೆ ಸಿಕ್ಕಿದ್ದು, ದೊಡ್ನಳ್ಳಿ ಭಾಗದ ರೈತರ ಖಾತೆಗೆ ಗುಂಟೆಗೆ 50ರೂ ಹಾಗೂ ಬೈರುಂಭೆ ಭಾಗದ ರೈತರಿಗೆ ಗುಂಟೆಗೆ 99ರೂ ಆಧಾರದಲ್ಲಿ ಹಣ ಜಮಾ ಆಗುತ್ತಿದೆ. ಇದರೊಂದಿಗೆ ಹೊನ್ನಾವರದ ಬಳಕೂರು ಗ್ರಾಮದವರಿಗೆ ಗುಂಟೆಗೆ 681ರೂ, ಚಂದಾವರ ಭಾಗದವರಿಗೆ ಗುಂಟೆಗೆ 684ರೂ, ಹಳದಿಪುರ ಭಾಗದವರಿಗೆ 649ರೂ, ಹೊಸಕುಳಿ ಭಾಗದವರಿಗೆ 708ರೂ, ಕಡತೋಕ ಕಡೆ 680ರೂ, ಕಡ್ಲೆ ಕಡೆ 657ರೂ ಕೆಳಗನೂರು ಭಾಗದ ರೈತರಿಗೆ 631ರೂ, ಕೋಡಾಣಿ ಭಾಗದ ರೈತರಿಗೆ 707ರೂ, ಮಾಗೋಡ ಭಾಗದ ರೈತರಿಗೆ 808ರೂ, ಮೇಲಿನ ಇಡಗುಂಜಿ ಕಡೆ 761ರೂ, ನವಿಲಗೋಣದಲ್ಲಿ 649ರೂ ಹಾಗೂ ಸಾಲಕೋಡ ಭಾಗದಲ್ಲಿ 708ರೂ ದರದಲ್ಲಿ ಪ್ರತಿ ಗುಂಟೆಗೆ ಬೆಳೆ ವಿಮಾ ಪರಿಹಾರ ಸಿಗುತ್ತಿದೆ. ಹೊನ್ನಾವರದಲ್ಲಿ ಮಂಕಿ ಅನಂತವಾಡಿ ಭಾಗದವರಿಗೆ ಕಡಿಮೆ ಅಂದರೆ, ಪ್ರತಿ ಗುಂಟೆಗೆ 320ರೂ ದರದಲ್ಲಿ ಬೆಳೆ ವಿಮೆ ಪರಿಹಾರ ಸಿಗುತ್ತಿದೆ. ಶಿರಸಿಯ ಬಂಡಲ್ ಹೊರತುಪಡಿಸಿದರೆ ಸಿದ್ದಾಪುರ ತಾಲೂಕಿನ ಹೆಗ್ಗರಣಿ ಭಾಗದ ರೈತರಿಗೆ ಹೆಚ್ಚಿನ ಮೊತ್ತದ ಪರಿಹಾರ ಸಿಕ್ಕಿದೆ. ಸಿದ್ದಾಪುರದ ಹೆಗ್ಗರಣಿ ಭಾಗದಲ್ಲಿ ಪ್ರತಿ ಗುಂಟೆಗೆ 890ರೂ, ನೀಲಕೋಡ ಭಾಗದವರಿಗೆ ಗರಿಷ್ಟ 890ರೂ ಹಾಗೂ ತಡಾಗುಂಡಿ ಭಾಗದಲ್ಲಿ 890ರೂ ಪರಿಹಾರ ಸಿಕ್ಕಿದೆ. ಸಿದ್ದಾಪುರದ ತಾರಹಳ್ಳಿ ಕಾನಸೂರು ಹಾಗೂ ತ್ಯಾಗಲಿ ಭಾಗದ ರೈತರಿಗೆ ಕನಿಷ್ಟ ಪ್ರತಿ ಗುಂಟೆಗೆ 126ರೂ ದರದಲ್ಲಿ ಪರಿಹಾರ ಜಮಾ ಆಗುತ್ತಿದೆ. ಇನ್ನೂ ಶಿರಸಿಯ ಕಾನಗೋಡು ಭಾಗದಲ್ಲಿ 661ರೂ, ಉಂಚಳ್ಳಿ ಕಡೆ 671ರೂ ಹಾಗೂ ವಾನಳ್ಳಿ ರೈತರಿಗೆ ಪ್ರತಿ ಗುಂಟೆಗೆ 641ರೂ ಗರಿಷ್ಟ ಪ್ರಮಾಣದಲ್ಲಿ ಬೆಳೆ ವಿಮೆ ಪರಿಹಾರ ದೊರೆತಿದೆ. ಮುಂಡಗೋಡ ಬೆಡಸಗಾಂವ್ ಗ್ರಾಮಕ್ಕೆ ಗರಿಷ್ಟ 768ರೂ ಪರಿಹಾರ ಸಿಕ್ಕಿದೆ. ಮುಂಡಗೋಡಿನ ಮಳಗಿ ಭಾಗದ ರೈತರಿಗೆ 139ರೂ ದರದಲ್ಲಿ ಬೆಳೆ ಪರಿಹಾರ ದೊರೆಯುತ್ತಿದೆ. ಯಲ್ಲಾಪುರದ ಉಮ್ಮಚ್ಗಿ ಭಾಗದಲ್ಲಿ 440ರೂ, ಇಡಗುಂದಿ ಭಾಗದ ರೈತರಿಗೆ 259ರೂ, ಕುಂದರಗಿ 185ರೂ ಹಾಗೂ ಪಟ್ಟಣದ ಪ್ರದೇಶದವರಿಗೆ 335ರೂ ಪ್ರತಿ ಗುಂಟೆ ದರದಲ್ಲಿ ಬೆಳೆ ವಿಮೆ ಪರಿಹಾರ ಸಿಗುತ್ತಿದೆ. ಜೊಯಿಡಾದ ಅಣಶಿ 606ರೂ ಗರಿಷ್ಟ ಪ್ರಮಾಣದ ಬೆಳೆ ವಿಮೆ ಪರಿಹಾರ ದೊರೆತಿದ್ದು, ಜೊಯಿಡಾದ ಅಸು ಗ್ರಾಮದವರಿಗೆ ಬರೇ 72ರೂ ದರದಲ್ಲಿ ಪ್ರತಿ ಗುಂಟೆಗೆ ಪರಿಹಾರ ಸಿಗುತ್ತಿದೆ. ಹಳಿಯಾಳ ಮದ್ನಳ್ಳಿ 545ರೂ ಪರಿಹಾರ ಸಿಗುತ್ತಿದ್ದು, ಹಳಿಯಾಳದ ಉಳಿದ ಎಲ್ಲಾ ಗ್ರಾಮ ಪಂಚಾಯತ ವ್ಯಾಪ್ತಿಯ ರೈತರಿಗೂ ಪ್ರತಿ ಗುಂಟೆಗೆ 520ರೂ ದರದಲ್ಲಿ ಏಕರೂಪದ ಪರಿಹಾರ ಸಿಗುತ್ತಿದೆ. ದಾಂಡೇಲಿ ಭಾಗದ ಆಲೂರು ಹಾಗೂ ಅಂಬಿಕಾನಗರದ ರೈತರಿಗೂ ಗುಂಟೆಗೆ 520ರೂ ದರದಲ್ಲಿ ಪರಿಹಾರ ಜಮಾ ಆಗುತ್ತಿದೆ. `ಮಳೆ ಮಾಪನ ಕೇಂದ್ರ ಸರಿಯಾಗಿ ಕಾರ್ಯ ನಿರ್ವಹಿಸದ ಕಾರಣ ಅರ್ಹ ರೈತರಿಗೆ ಸರಿಯಾದ ಪರಿಹಾರ ಹಣ ಸಿಗುತ್ತಿಲ್ಲ. ಕೇಂದ್ರ ಸರ್ಕಾರ ಸ್ಪಷ್ಟ ಸೂಚನೆ ನೀಡಿದರೂ ರಾಜ್ಯ ಸರ್ಕಾರ ಮಳೆ ಮಾಪನ ಕೇಂದ್ರ ಸರಿಪಡಿಸಿಲ್ಲ’ ಎಂಬುದು ಸಂಸದರ ಆರೋಪ.
- [ಮೆಕ್ಯಾನಿಕ್ ಮೈಯಲ್ಲಿ ಪಾಸಿಟಿವ್ ರಕ್ತ!](https://mobiletime.in/2026/03/mechanic-has-positive-blood/): ಶಿರಸಿ ಆನೆಹೊಂಡದ ಬಳಿ ಅಲೆದಾಡುತ್ತಿದ್ದ ಮೆಕ್ಯಾನಿಕ್ ಅವರನ್ನು ಪೊಲೀಸರು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದ್ದಾರೆ. ವೈದ್ಯಕೀಯ ವರದಿ `ಪಾಸಿಟಿವ್’ ಬಂದಿದ್ದು, ಅಮಲು ಪದಾರ್ಥ ಸೇವನೆ ದೃಢವಾಗಿದೆ. ಶಿರಸಿ ಚಿಪಗಿಯ ಜವಳಗುಂಡಿಯಲ್ಲಿ ಕಿರಣ ಗಣೇಶ ದೇವಾಡಿಗ ಅವರು ವಾಸವಾಗಿದ್ದಾರೆ. ಮೆಕ್ಯಾನಿಕ್ ಆಗಿ ಅವರು ಜೀವನ ನಿರ್ವಹಣೆ ಮಾಡುತ್ತಿದ್ದಾರೆ. ಆದರೆ, 26ನೇ ವಯಸ್ಸಿನಲ್ಲಿಯೇ ಅವರು ಅಡ್ಡದಾರಿ ಹಿಡಿದಿದ್ದು, ಮೋಜು-ಮಸ್ತಿಗಾಗಿ ತಮ್ಮ ಜೀವನವನ್ನೇ ಬಲಿ ಕೊಟ್ಟಿದ್ದಾರೆ. ನಶೆಯ ಗುಂಗು ಬರುವುದಕ್ಕಾಗಿ ಅವರು ನಿಷೇಧಿತ ವಸ್ತುಗಳ ಮೋಹಕ್ಕೆ ಒಳಗಾಗಿ ಸಿಕ್ಕಿ ಬಿದ್ದಿದ್ದಾರೆ. ಮಾರ್ಚ 17ರಂದು ಶಿರಸಿಯ ಆನೆಹೊಮಡದ ಬಳಿ ಕಿರಣ ದೇವಾಡಿಗ ಅವರು ಅಮಲಿನಲ್ಲಿದ್ದರು. ಅಲ್ಲಿ-ಇಲ್ಲಿ ಅಲೆದಾಡುತ್ತಿದ್ದ ಅವರನ್ನು ಪೊಲೀಸರು ತಡೆದರು. ಅವರನ್ನು ವಿಚಾರಣೆಗೆ ಒಳಪಡಿಸಿದಾಗ ಮಾದಕ ವ್ಯಸನ ಸೇವಿಸಿರುವ ಅನುಮಾನ ಕಾಡಿತು. ಈ ಹಿನ್ನಲೆ ಪಿಸೈ ಟಿ ನರಸಿಂಹಲು ಅವರು ಕಿರಣ ದೇವಾಡಿಗ ಅವರನ್ನು ಆಸ್ಪತ್ರೆಗೆ ಕಳುಹಿಸಿದರು. ಅಲ್ಲಿನ ವೈದ್ಯಕೀಯ ಪರೀಕ್ಷೆಯಲ್ಲಿ `ಪಾಸಿಟಿª’ ವರದಿ ಬಂದಿದ್ದು, ಗಾಂಜಾ ಸೇವನೆ ದೃಢವಾಯಿತು. ನಿಷೇಧಿತ ಗಾಂಜಾ ಸೇವಿಸಿ ಸಾರ್ವಜನಿಕ ಸ್ಥಳದಲ್ಲಿ ಅನುಚಿತವಾಗಿ ವರ್ತಿಸುತ್ತಿದ್ದ ಕಿರಣ ದೇವಾಡಿಗ ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. ಅದಕ್ಕೂ ಮುನ್ನ ಗಾಂಜಾ ಸೇವನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆಯೂ ಅರಿವು ಮೂಡಿಸಿದರು. ಮಾಡಿದ ತಪ್ಪಿಗಾಗಿ ಪ್ರಕರಣ ದಾಖಲಿಸಿ ಕಿರಣ ದೇವಾಡಿಗ ಅವರನ್ನು ನ್ಯಾಯಾಯಕ್ಕೆ ಹಾಜರುಪಡಿಸಿದರು. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಹಲಸಿನ ಮರ ಹತ್ತಿದವನಿಗೆ ವಿದ್ಯುತ್ ಆಘಾತ: ಸಾವು!](https://mobiletime.in/2026/03/man-dies-after-getting-electrocuted-while-climbing-a-jackfruit-tree/): ಮರದಲ್ಲಿದ್ದ ಹಲಸಿನ ಕಾಯಿ ಕೊಯ್ಯಲು ಹೋಗಿದ್ದ ಪ್ರದೀಪ ನಾಯ್ಕ ಅವರು ಮರದ ಪಕ್ಕದಲ್ಲಿದ್ದ ವಿದ್ಯುತ್ ತಂತಿ ಸ್ಪರ್ಶಿಸಿ ಸಾವನಪ್ಪಿದ್ದಾರೆ. ವಿದ್ಯುತ್ ಆಘಾತದಿಂದ ಸುಟ್ಟು ಗಾಯಗೊಂಡಿದ್ದ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಿಕೊಳ್ಳಲು ಆಗಲಿಲ್ಲ. ಸಿದ್ದಾಪುರದ ಬಾಲಿಕೊಪ್ಪದಲ್ಲಿ ಪ್ರದೀಪ ಲಕ್ಷö್ಮಣ ನಾಯ್ಕ ಅವರು ವಾಸವಾಗಿದ್ದರು. 31 ವರ್ಷದ ಅವರು ವೆಲ್ಡಿಂಗ್ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಮಾರ್ಚ 19ರಂದು ಅವರು ತಮ್ಮ ಹೊಲದ ಕೆಲಸಕ್ಕೆ ಹೋಗಿದ್ದರು. ಕೆಲಸ ಮುಗಿಸಿ ಮನೆಗೆ ಬರುವಾಗ ಹೊಲದ ಅಂಚಿನಲ್ಲಿದ್ದ ಹಲಸಿನ ಮರ ನೋಡಿದರು. ಆ ಮರದಲ್ಲಿ ಬೆಳೆದಿದ್ದ ಹಲಸಿನ ಫಲ ಕೊಯ್ಯುವುದಕ್ಕಾಗಿ ಅವರು ಮರ ಏರಿದರು. ಆದರೆ, ಆ ಹಲಸಿನ ಮರದ ಅಂಚಿಗೆ ವಿದ್ಯುತ್ ತಂತಿ ಹಾದು ಹೋಗಿದ್ದು, ಅದನ್ನು ಅವರು ಗಂಭೀರವಾಗಿ ಪರಿಗಣಿಸಲಿಲ್ಲ. ಹಲಸಿನ ಕಾಯಿ ಕೊಯ್ಯುವಾಗ ಪಕ್ಕದಲ್ಲಿದ್ದ ವಿದ್ಯುತ್ ತಂತಿಗೆ ಅವರ ದೇಹ ಸ್ಪರ್ಶಿಸಿತು. ಈ ವೇಳೆ ವಿದ್ಯುತ್ ಪ್ರವಹಿಸಿ ಅವರು ಮರದಿಂದ ನೆಲಕ್ಕೆ ಬಿದ್ದರು. ವಿದ್ಯುತ್ ಆಘಾತ ಹಾಗೂ ನೆಲಕ್ಕೆ ಬಿದ್ದ ಪರಿಣಾಮ ಅವರ ಹಣೆ ಹಾಗೂ ಕೈಗೆ ಗಾಯವಾದವು. ಸುಟ್ಟ ಗಾಯದಿಂದ ನರಳುತ್ತಿದ್ದ ಪ್ರದೀಪ ನಾಯ್ಕ ಅವರನ್ನು ಕುಟುಂಬದವರು ಸಿದ್ದಾಪುರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಸಾಕಷ್ಟು ಶ್ರಮಿಸಿದರೂ ಅಲ್ಲಿ ಅವರನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ. ಮಗನ ಸಾವಿನ ಬಗ್ಗೆ ಕರಿಯಮ್ಮ ನಾಯ್ಕ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ಅಪಾಯಕಾರಿ ಸ್ಥಳಗಳಿಂದ ದೂರವಿರಿ’  
- [ಗ್ಯಾಸ್ ಟ್ರಬಲ್: ಹೊಟೇಲ್ ಒಳಗೆ ಅಡಗಿದ್ದ ಮನೆ ಬಳಕೆ ಸಿಲೆಂಡರ್!](https://mobiletime.in/2026/03/gas-trouble-domestic-cylinder-hidden-inside-hotel/): ಮನೆ ಬಳಕೆಗೆ ನೀಡಿದ ಸಿಲೆಂಡರ್’ನ್ನು ಹೊಟೇಲಿನಲ್ಲಿ ಬಳಕೆ ಮಾಡಿದವರಿಗೆ ಅಧಿಕಾರಿಗಳು ಬಿಸಿ ಮುಟ್ಟಿಸಿದ್ದಾರೆ. ದಾಂಡೇಲಿ ನಗರ ಸುತ್ತಾಟ ನಡೆಸಿದ ಅಧಿಕಾರಿಗಳು ಐದು ಕಡೆ ದಾಳಿ ನಡೆಸಿ, ಸಿಲೆಂಡರ್ ಜಪ್ತು ಮಾಡಿದ್ದಾರೆ. ವಿವಿಧ ಹೊಟೇಲ್, ಚಹ ಅಂಗಡಿ ಹಾಗೂ ಎಗ್ ರೈಸ್ ಮಳಿಗೆಗಳ ಮೇಲೆ ಅಧಿಕಾರಿಗಳು ದಿಢೀರ್ ದಾಳಿ ಮಾಡಿದರು. ಐದು ಕಡೆ ದಾಳಿ ಮಾಡಿದಾಗ ಐದು ಗೃಹ ಬಳಕೆ ಸಿಲೆಂಡರ್ ಕಾಣಿಸಿದ್ದು, ಅದನ್ನು ವಶಕ್ಕೆಪಡೆದರು. `ವಾಣಿಜ್ಯ ಉದ್ದೇಶಕ್ಕೆ ಗೃಹ ಬಳಕೆ ಸಿಲೆಂಡರ್ ಬಳಸುವುದು ತಪ್ಪು’ ಎಂದು ವ್ಯಾಪಾರಿಗಳಿಗೆ ಅವರು ಅರಿವು ಮೂಡಿಸಿದರು. ತಹಶೀಲ್ದಾರ ಶೈಲೇಶ್ ಪ್ರಮಾಣಂದ್ ಅವರು ಮಾತನಾಡಿ `ಇನ್ನಷ್ಟು ಕಡೆ ದಾಳಿ ಮುಂದುವರೆಯಲಿದೆ. ತಪ್ಪು ಮಾಡಿದ ಯಾರನ್ನು ಬಿಡುವುದಿಲ್ಲ’ ಎಂದು ಎಚ್ಚರಿಸಿದರು. ಆಹಾರ ನಿರೀಕ್ಷಕ ಗೋಪಿ ಚೌಹಾನ್ ಅವರು ಮಾತನಾಡಿ `ಸಿಲೆಂಡರ್ ಕೊರತೆ ತಾತ್ಕಾಲಿಕವಾಗಿದ್ದು, ಹೊಟೇಲ್ ಮಾಲಕರು ಗೃಹ ಬಳಕೆ ಸಿಲೆಂಡರ್ ಬಳಸುವುದು ಅಪರಾಧ’ ಎಂದು ವಿವರಿಸಿದರು. `ಅಂಥ ದುರುಪಯೋಗದಿಂದಲೇ ಸಾರ್ವಜನಿಕರಿಗೆ ಸಿಲೆಂಡರ್ ಕೊರತೆಯಾಗುವ ಸಾಧ್ಯತೆಗಳಿವೆ’ ಎಂದು ತಿಳಿಸಿದರು. ಈ ಕಾರ್ಯಾಚರಣೆಯಲ್ಲಿ ಗೋಪಿ ಚೌಹಾನ್ ಹಾಗೂ ದಯಾನಂದ್ ಭಾಗವಹಿಸಿದ್ದರು.
- [ನದಿ ಉಳಿಸಲು ಆಗಮಿಸಿದ ಭಗೀರಥ!](https://mobiletime.in/2026/03/bhagirath-arrives-to-save-the-river/): ಉತ್ತರ ಕನ್ನಡ ಜಿಲ್ಲೆಯ ಜೀವನಾಡಿಯಾಗಿರುವ ನದಿಗಳನ್ನು ಉಳಿಸುವುದಕ್ಕಾಗಿ ಸೋಂದಾ ಸ್ವರ್ಣವಲ್ಲಿಯ ಗಂಗಾಧರೇoದ್ರ ಸರಸ್ವತಿ ಶ್ರೀ ಸಂಕಲ್ಪ ಮಾಡಿದ್ದು, ಈ ಬಗ್ಗೆ ಜನರಲ್ಲಿ ಅರಿವು ಮೂಡಿಸಲು `ಭಗೀರಥ’ ಎಂಬ ವೆಬ್‌ಸೈಟ್’ಗೆ ಚಾಲನೆ ನೀಡಿದ್ದಾರೆ. ಈ ಆಂದೋಲನದ ಅಂಗವಾಗಿ ನದಿ ಉಳಿಸುವಂತೆ ಕೋರಿ ಜನಪ್ರತಿನಿಧಿಗಳಿಗೆ ಪತ್ರ ಬರೆಯುವ ಚಳುವಳಿ ನಡೆಯಲಿದೆ. ಯುಗಾದಿಯಿಂದ ರಾಮನವಮಿಯವರೆಗೆ ವಿವಿಧ ದೇವಾಲಯಗಳಲ್ಲಿ ಭಜನಾ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತಿದೆ. ಗಂಗಾವಳಿ, ಅಘನಾಶಿನಿ ಮತ್ತು ಶಾಲ್ಮಲಾ ನದಿ ತಿರುವು ಯೋಜನೆ ಬಗ್ಗೆ ಜನರಲ್ಲಿ ಅರಿವು ಮೂಡಿಸಲು ಸ್ವರ್ಣವಲ್ಲಿ ಮಠದಿಂದ ವಿವಿಧ ಅಭಿಯಾನ ನಡೆಸಲಾಗುತ್ತಿದೆ. ಈ ಎಲ್ಲಾ ಚಟುವಟಿಕೆಗಳಿಗೆ ಪೂರಕವಾಗಿ `ಭಗೀರಥ’ ಎಂಬ ಜಾಲತಾಣ ನಿರ್ಮಿಸಲಾಗಿದೆ. `ಆಧ್ಯಾತ್ಮಿಕ ಶಕ್ತಿಯ ಮೂಲಕ ನದಿ ಸಂರಕ್ಷಣೆಯ ಸಂಕಲ್ಪ ಮಾಡುವುದು ಅಭಿಯಾನದ ಮುಖ್ಯ ಉದ್ದೇಶ’ ಎಂದು ಗಂಗಾಧರೇoದ್ರ ಸರಸ್ವತಿ ಸ್ವಾಮೀಜಿ ಹೇಳಿದ್ದಾರೆ. `ನದಿ ತಿರುವು ಯೋಜನೆಯನ್ನು ಕೈಬಿಡುವಂತೆ ಒತ್ತಾಯಿಸಿ ಮುಖ್ಯಮಂತ್ರಿ, ಪ್ರಧಾನ ಮಂತ್ರಿಗಳು ಹಾಗೂ ಸಂಬoಧಪಟ್ಟ ಸಚಿವರಿಗೆ ಪತ್ರ ಬರೆಯಲಾಗುತ್ತದೆ. ಜನರು ಈ ಕಾರ್ಯಕ್ಕೆ ಕೈ ಜೋಡಿಸಬೇಕು’ ಎಂದವರು ಕರೆ ನೀಡಿದ್ದಾರೆ.
- [ಗಾಂಜಾ ಖರೀದಿಸಿದವನಿಗೂ ಜೈಲೂಟ!](https://mobiletime.in/2026/03/man-jailed-for-selling-marijuana/): ಯುಗಾದಿ ಹಬ್ಬದ ವೇಳೆ ಪ್ಲಾಸ್ಟಿಕ್ ಕೊಟ್ಟೆಯಲ್ಲಿ ಗಾಂಜಾಹಿಡಿದು ಅಲೆದಾಡುತ್ತಿದ್ದ ವ್ಯಕ್ತಿಯನ್ನು ಮುಂಡಗೋಡು ಪೊಲೀಸರು ಪತ್ತೆ ಮಾಡಿದ್ದಾರೆ. ಆ ಗಾಂಜಾವನ್ನು ವಶಕ್ಕೆಪಡೆದು ಆರೋಪಿಯನ್ನು ಬಂಧಿಸಿದ್ದಾರೆ. ಮುoಡಗೋಡದ ಬಸ್ ಡಿಪೋ ಹತ್ತಿರ ವ್ಯಕ್ತಿಯೊಬ್ಬರು ಪ್ಲಾಸ್ಟಿಕ್ ಕೊಟ್ಟೆ ಹಿಡಿದು ಅನುಮಾನಾಸ್ಪದವಾಗಿ ತಿರುಗಾಡುತ್ತಿದ್ದರು. ಪೊಲೀಸರು ಆ ವ್ಯಕ್ತಿಯನ್ನು ವಿಚಾರಿಸಿದಾಗ ಇಂದೂರ ಗ್ರಾಮದ ಅಕ್ಷರ ಮೌಲಾಸಾಬ ಸೈಯದ್ ಅಲಿ ಎಂದವರು ಪರಿಚಯಿಸಿಕೊಂಡರು. ಕೈಯಲ್ಲಿದ್ದ ಕ್ಯಾರಿಬ್ಯಾಗ್ ನೋಡಿದಾಗ ಅದರಲ್ಲಿ ಗಾಂಜಾ ಕಾಣಿಸಿತು. ಕೂಡಲೇ ಪೊಲೀಸರು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿ, ಗಾಂಜಾ ವ್ಯಾಪಾರಿಯನ್ನು ವಶಕ್ಕೆಪಡೆದರು. ವಿಚಾರಣೆ ವೇಳೆ ಕುಂದಗೋಳದ ಸದ್ದಾಂ ಅಳಕಟ್ಟಿ ಅವರಿಂದ ಗಾಂಜಾ ಖರೀದಿಸಿರುವುದಾಗಿ ಅಕ್ಷರ ಮೌಲಾಸಾಬ ಸೈಯದ್ ಅಲಿ ಬಾಯ್ಬಿಟ್ಟರು. ಆ ಗಾಂಜಾ ಮಾರಾಟ ಮಾಡಿ ಹಣ ಮಾಡುವ ಉದ್ದೇಶ ಹೊಂದಿದನ್ನು ತಿಳಿಸಿದರು. ಅದರ ಪ್ರಕಾರ, ಮುಂಡಗೋಡ ಪಟ್ಟಣದ ಶಿರಸಿ-ಹುಬ್ಬಳ್ಳಿ ಮಾರ್ಗದ ಕೆ ಎಸ್ ಆರ್ ಟಿ ಸಿ ಬಸ್ ಡಿಪೋ ಹತ್ತಿರ ಬರುವ ಜನರಿಗೆ ಅಕ್ಷರ ಮೌಲಾಸಾಬ ಸೈಯದ್‌ಅಲಿ ಗಾಂಜಾ ಮಾರುವ ಸಿದ್ಧತೆಯಲ್ಲಿದ್ದರು. ಆ ವೇಳೆಯಲ್ಲಿಯೇ ಪೊಲೀಸರ ದಾಳಿ ನಡೆದಿದ್ದರಿಂದ 184 ಗ್ರಾಂ ಗಾಂಜಾ ಸಿಕ್ಕಿತು. 12 ಸಾವಿರ ರೂ ಮೌಲ್ಯದ ಆ ಗಾಂಜಾವನ್ನು ಪೊಲೀಸರು ಜಪ್ತು ಮಾಡಿದ್ದು, ಆರೋಪಿ ಕಿಸೆಯಲ್ಲಿದ್ದ 360ರೂ ಹಣವನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಪ್ರಕರಣವನ್ನು ದಾಖಲಿಸಿದರು. ಮುಂಡಗೋಡ ಸಿಪಿಐ ರಂಗನಾಥ ನೀಲಮ್ಮನವರ್, ಪಿಸೈ ಮಂಜುನಾಥ ಗೌಡರ, ಎಸೈ ಸೋಮಶೇಖರ ಮೇತ್ರಿ ಅವರ ಜೊತೆ ಪೊಲೀಸ್ ಸಿಬ್ಬಂದಿ ಕೋಟೇಶ ನಾಗರವಳ್ಳಿ, ಅಣ್ಣಪ್ಪ ಬುಡಿಗೇರ, ಮಹಾಂತೇಶ ಮುಧೋಳ, ನಾಗಪ್ಪ ಮೊರಟಗಿ ಹಾಗೂ ಬಸವರಾಜ ಒಡೆಯರ ಈ ಕಾರ್ಯಾಚರಣೆಯಲ್ಲಿದ್ದರು.
- [ಸ್ಕೂಟಿ ಸ್ಕಿಡ್ ಆಗಿ ಸವಾರ ಸಾವು!](https://mobiletime.in/2026/03/rider-dies-after-scooty-skids/): ಯಲ್ಲಾಪುರದ ಹೆದ್ದಾರಿಯಲ್ಲಿ ಸ್ಕೂಟಿ ಸ್ಕಿಡ್ ಆದ ಪರಿಣಾಮ ಆ ಸ್ಕೂಟಿಯಲ್ಲಿ ಸಂಚರಿಸುತ್ತಿದ್ದ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಈ ಅಪಘಾತದಲ್ಲಿ ಸ್ಕೂಟಿ ಓಡಿಸುತ್ತಿದ್ದವರಿಗೂ ಗಾಯವಾಗಿದೆ. ಮಾರ್ಚ 18ರ ರಾತ್ರಿ 10.30ಕ್ಕೆ ಯಲ್ಲಾಪುರ – ಹುಬ್ಬಳ್ಳಿ ಹೆದ್ದಾರಿಯ ಕರಿಯವ್ವನಗುಂಡಿ ಕ್ರಾಸಿನ ಬಳಿ ಈ ಅಪಘಾತ ನಡೆದಿದೆ. ಆ ರಾತ್ರಿ ಹೊಸಳ್ಳಿಯ ರಾಮು ಸುಕ್ರು ಹುಂಬೆ (65) ಅವರು ಹೊಳೆನಂದಿಕಟ್ಟಾದಿAದ ಹೊಸಳ್ಳಿ ಕಡೆ ಸ್ಕೂಟಿ ಓಡಿಸಿಕೊಂಡು ಹೊರಟಿದ್ದರು. ಆ ಸ್ಕೂಟಿಯಲ್ಲಿ ಜನ್ನು ದಾವು ಕೋಳಾಪಟ್ಟೆ (62) ಅವರು ಆಸೀನರಾಗಿದ್ದರು. ರಾತ್ರಿಯಾದ ಕಾರಣ ಬೇಗ ಊರಿಗೆ ತಲುಪಬೇಕು ಎಂಬ ನಿಟ್ಟಿನಲ್ಲಿ ರಾಮು ಹುಂಬೆ ಅವರು ಜೋರಾಗಿ ಸ್ಕೂಟಿ ಓಡಿಸುತ್ತಿದ್ದರು. ಆ ಸ್ಕೂಟಿ ಕರಿಯವ್ವನಗುಂಡಿ ಕ್ರಾಸಿನ ಬಳಿ ಸ್ಕಿಡ್ ಆಯಿತು. ಸ್ಕೂಟಿಯಿಂದ ಬಿದ್ದ ರಭಸಕ್ಕೆ ರಾಮು ಹುಂಬೆ ಹಾಗೂ ಜನ್ನು ಕೋಳಾಪಟ್ಟೆ ಅವರು ಗಾಯಗೊಂಡರು. ಆ ಪೈಕಿ ಸ್ಕೂಟಿ ಹಿಂದೆ ಕೂತಿದ್ದ ಜನ್ನು ಕೋಳಾಪಟ್ಟೆ ಅವರ ಮೂಗಿನಿಂದ ರಕ್ತ ಸುರಿಯಲು ಶುರುವಾಯಿತು. ತಲೆಗೂ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದ್ದರಿಂದ ಜನ್ನು ಕೋಳಾಪಟ್ಟೆ ಅವರು ಅಲ್ಲಿಯೇ ಸಾವನಪ್ಪಿದರು. ಸ್ಕೂಟಿಯೂ ಜಖಂ ಆಗಿದ್ದು, ರಾಮು ಹುಂಬೆ ಅವರು ಅಪಘಾತದಲ್ಲಿ ಗಾಯಗೊಂಡರು. ತಂದೆಯ ಸಾವಿನ ಬಗ್ಗೆ ಪರಶುರಾಮ ಕೋಳಾಪಟ್ಟೆ ಅವರು ಮಾಹಿತಿ ನೀಡಿದರು. ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವೇಗವಾಗಿ ಸ್ಕೂಟಿ ಓಡಿಸಿದ ರಾಮು ಹುಂಬೆ ಅವರ ವಿರುದ್ಧ ಕ್ರಮ ಜರುಗಿಸಿದರು. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’  
- [ಕೈಗಾ ಸೇತುವೆ ಸಂಪೂರ್ಣ ಶಿಥಿಲ!](https://mobiletime.in/2026/03/kaiga-bridge-is-completely-dilapidated/): ಕೈಗಾ ಅಣು ವಿದ್ಯುತ್ ಸ್ಥಾವರಕ್ಕೆ ಸಂಪರ್ಕ ಕಲ್ಪಿಸುವ 9 ಸೇತುವೆಗಳು ಶಿಥಿಲಗೊಂಡಿದೆ. ಸದ್ಯ ರಸ್ತೆ ಮರುಡಾಂಬರೀಕರಣ ನಡೆಯುತ್ತಿದ್ದರೂ ಸೇತುವೆಗೆ ಕಾಯಕಲ್ಪ ದೊರೆಯದಿದ್ದರೆ ಅದರಿಂದ ಯಾವ ಪ್ರಯೋಜನವೂ ಇಲ್ಲ. ಅಣು ವಿದ್ಯುತ್ ಸ್ಥಾವರಕ್ಕೆ ಸಂಪರ್ಕ ಕಲ್ಪಿಸುವ ಪ್ರಮುಖ ರಾಜ್ಯ ಹೆದ್ದಾರಿಯನ್ನು ಸರ್ಕಾರ ಅಭಿವೃದ್ಧಿ ಮಾಡುತ್ತಿದೆ. ಕಾರವಾರ-ಇಳಕಲ್ ರಾಜ್ಯ ಹೆದ್ದಾರಿಗೆ ಮರು ಡಾಂಬರೀಕರಣ ಭಾಗ್ಯ ದೊರೆತರೂ ಆ ಮಾರ್ಗದಲ್ಲಿರುವ ಶಿಥಿಲ ಸೇತುವೆಗಳ ಅಭಿವೃದ್ಧಿಗೆ ಯಾವ ಕ್ರಮವನ್ನು ಕೈಗೊಂಡಿಲ್ಲ. ಇಲ್ಲಿನ ಒಟ್ಟು 49 ಕಿಮಿ ದೂರದಲ್ಲಿ 20ಕ್ಕೂ ಅಧಿಕ ಸೇತುವೆಗಳಿದ್ದು, ಅವು 30ಕ್ಕೂ ಅಧಿಕ ವರ್ಷ ಹಳೆಯದಾಗಿವೆ. ಭಾರೀ ವಾಹನಗಳ ಓಡಾಟದ ಪರಿಣಾಮ ಆ ಸೇತುವೆಯ ಕಲ್ಲುಗಳು ಕಿತ್ತು ಹೋಗಿವೆ. ಭಾರೀ ಪ್ರಮಾಣದ ವಾಹನ ಓಡಾಡಿದರೆ ಸೇತುವೆ ನಡುಗುತ್ತದೆ. ಸೇತುವೆ ನಡುವೆ ಅಲ್ಲಲ್ಲಿ ಹೊಂಡ ಬಿದ್ದಿದ್ದು, ಯಾವದೇ ಒಂದು ಸೇತುವೆ ಕುಸಿದರೂ ಹತ್ತಾರು ಹಳ್ಳಿಗಳ ಸಂಚಾರಕ್ಕೆ ಸಮಸ್ಯೆ ಆಗಲಿದೆ. ಜೊತೆಗೆ ಕೈಗಾಕ್ಕೆ ಇಂಧನ ಪೂರೈಕೆಯೂ ಸ್ಥಗಿತವಾಗಲಿದೆ. ಕಾರವಾರದಿಂದ ಕೈಗಾಕ್ಕೆ ಸದಾಶಿವಗಡ-ಕದ್ರಾ ಮೂಲಕ ಒಂದು ರಸ್ತೆ ಇದ್ದರೆ ಕಿನ್ನರ, ಕೆರವಡಿ-ಮಲ್ಲಾಪುರ ಮೂಲಕ ಎರಡನೇ ರಸ್ತೆ ಇದೆ. ಬಸ್, ಕಾರು ಮುಂತಾದ ವಾಹನಗಳು ಸದಾಶಿವಗಡ ಮೂಲಕ ಓಡಾಡುತ್ತವೆ. ಆದರೆ, ಕೈಗಾಕ್ಕೆ ತೆರಳುವ ಇಂಧನ, ಜನರೇಟರ್, ನಿರ್ಮಾಣ ಸಾಮಗ್ರಿಗಳು ಮುಂತಾದ ಭಾರಿ ವಾಹನಗಳು ಕೆರವಡಿ ಮಾರ್ಗವಾಗಿಯೇ ತೆರಳುತ್ತವೆ. ಕಾರವಾರ-ಸದಾಶಿವಗಡ-ಕದ್ರಾ ರಸ್ತೆಯಲ್ಲಿ ಕಾಳಿ ನದಿಗೆ ನಿರ್ಮಾಣವಾದ ಎರಡು ದೊಡ್ಡ ಸೇತುವೆಗಳು ಅಧಿಕ ಬಾರದ ವಾಹನ ತಡೆದುಕೊಳ್ಳುವುದಿಲ್ಲ ಎಂಬ ಕಾರಣಕ್ಕೆ ಕೈಗಾದ ಭಾರಿ ವಾಹನಗಳಿಗೆ ಪರ್ಯಾಯ ರಸ್ತೆಯನ್ನು ಸೂಚಿಸಲಾಗಿದೆ. ಆದರೆ, ಈ ಹೆದ್ದಾರಿಯ ಸೇತುವೆಗಳೂ ಶಿಥಿಲವಾಗಿದ್ದು ಆತಂಕಕ್ಕೆ ಕಾರಣವಾಗಿದೆ. ಸದ್ಯ ಕೈಗಾ ಐದು ಮತ್ತು 6 ನೇ ಘಟಕದ ನಿರ್ಮಾಣ ಕಾಮಗಾರಿ ನಡೆದೆ. ಅದಕ್ಕೆ ವಿವಿಧ ಸಾಮಗ್ರಿಗಳ ಪೂರೈಕೆಗೆ ಅಧಿಕ ಭಾರದ ವಾಹನಗಳ ಓಡಾಟ ನಿರಂತರವಾಗಿದೆ. ಜೊಯಿಡಾ-ರಾಮನಗರದಿಂದ ಜಲ್ಲಿ ಹಾಗೂ ಕಲ್ಲಿನ ಪುಡಿ ತುಂಬಿಕೊAಡು ಬರುವ ಟಿಪ್ಪರ್‌ಗಳು ಕದ್ರಾದಿಂದಲೇ ತೆರಳಲು ಅವಕಾಶವಿದ್ದರೂ ಅಲ್ಲಿ ಹೋಗದೇ-ಕಾರವಾರ-ಕೆರವಡಿ-ಮಲ್ಲಾಪುರ ಮಾರ್ಗವಾಗಿ ಸುಮಾರು 100 ಕಿಮೀ ಸುತ್ತಿ ಕೈಗಾ ತಲುಪುತ್ತಿವೆ.  
- [ರಿಕ್ಷಾ ಚಾಲಕರಿಂದ ಯುಗಾದಿ ಸಂಭ್ರಮ](https://mobiletime.in/2026/03/ugadi-celebrations-by-rickshaw-drivers/): ಕಳೆದ 25 ವರ್ಷಗಳಿಂದ ಅಂಕೋಲಾ ಅವರ್ಸಾದ ಭೂ ದೇವಿ ಆಟೋ ರಿಕ್ಷಾ ಸಂಘದವರು ಅದ್ಧೂರಿಯಾಗಿ ಯುಗಾದಿ ಉತ್ಸವ ಆಚರಿಸುತ್ತ ಬಂದಿದ್ದಾರೆ. ಇಲ್ಲಿನ ರಿಕ್ಷಾ ಚಾಲಕರು ಯುಗಾದಿ ಹಬ್ಬದ ಸಾಂಪ್ರದಾಯಿಕ ಆಚರಣೆಯ ಜೊತೆ ಸಾಮಾಜಿಕ ಜಾಗೃತಿ ಹಾಗೂ ಸಂಸ್ಕೃತಿ-ಪರ0ಪರೆ ಉಳಿಸುವ ಸಂದೇಶ ನೀಡುತ್ತಿದ್ದಾರೆ. ಈ ಬಾರಿಯೂ ರಿಕ್ಷಾ ಸಂಘದವರು ಭಕ್ತಿಭಾವದಿಂದ ಯುಗಾದಿ ಹಬ್ಬ ಆಚರಿಸಿದ್ದು, ಅವರು ನೀಡಿದ ಸಾಮಾಜಿಕ ಸಂದೇಶಗಳು ಜನರ ಮನಸ್ಸು ತಲುಪಿವೆ. ಗುರುವಾರ ಅವರ್ಸಾದ ಶ್ರೀ ಭೂದೇವಿ ಆಟೋ ರಿಕ್ಷಾ ನಿಲ್ದಾಣದಲ್ಲಿ ನಡೆದ ಕಾರ್ಯಕ್ರಮ, ಗ್ರಾಮೀಣ ಸಾಂಸ್ಕೃತಿಕ ಬದುಕಿನ ಪ್ರತಿಬಿಂಬವಾಗಿ ಗೋಚರಿಸಿದೆ. ಯೂನಿಯನ್ ಅಧ್ಯಕ್ಷ ರಾಜೇಶ್ ಈರಾ ನಾಯ್ಕ ಅವರ ನೇತೃತ್ವದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪಿಡಬ್ಲ್ಯೂಡಿ ಲೆಕ್ಕ ಪರಿಶೋಧಕ ರಾಜೇಶ್ ರಾಮನಾಥನ್ ಅವರು ದೇವರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಿದರು. ನಂತರ ಅವರು ರಿಕ್ಷಾ ರ‍್ಯಾಲಿಗೆ ಚಾಲನೆ ನೀಡಿದರು. `ಸನಾತನ ಹಿಂದೂ ಧರ್ಮದ ಜಾಗೃತಿ’ ಎಂಬ ಸಂದೇಶ ಹೊತ್ತು ಆ ರ‍್ಯಾಲಿ ಗ್ರಾಮದ ಎಲ್ಲಡೆ ಸಂಚರಿಸಿತು. ಅವರ್ಸಾದ ಪ್ರಮುಖ ದೇವಸ್ಥಾನಗಳಾದ ಶ್ರೀ ಭೂದೇವಿ ಮತ್ತು ಶ್ರೀ ಕಾತ್ಯಾಯನಿ ಸೇರಿದಂತೆ ವಿವಿಧ ದೇವಸ್ಥಾನಗಳಿಗೆ ರಿಕ್ಷಾ ಚಾಲಕರು ಭೇಟಿ ನೀಡಿದರು. ರ‍್ಯಾಲಿಯ ಮೂಲಕ ಒಗ್ಗಟ್ಟಿನಿಂದ ತೆರಳಿದ ಅವರು ದೇವಿ ದರ್ಶನಪಡೆದರು. ನಂತರ ಪಟಾಕಿ ಸಿಡಿಸಿ ಸಾರ್ವಜನಿಕರಿಗೆ ಸಿಹಿ ಹಂಚುವ ಮೂಲಕ ಹಬ್ಬ ಆಚರಿಸಿದರು. ದಿನನಿತ್ಯ ಅಲ್ಪ ಆದಾಯದಲ್ಲಿ ಜೀವನ ಸಾಗಿಸುವ ಆಟೋ ಚಾಲಕರು, ತಮ್ಮ ಕೆಲಸದ ನಡುವೆಯೇ ಸಮಾಜ ಸೇವೆಗೆ ಮುಂದಾಗಿರುವುದು ವಿಶೇಷ ಎನಿಸಿತು. ಇಲ್ಲಿನ ರಕ್ಷಾ ಚಾಲಕರು ಯುಗಾದಿ ಮಾತ್ರವಲ್ಲದೆ, ಸ್ವಾತಂತ್ರ‍್ಯೋತ್ಸವ, ಗಣರಾಜ್ಯೋತ್ಸವ ಹಾಗೂ ಸ್ಥಳೀಯ ಹಬ್ಬ-ಕಾರ್ಯಕ್ರಮಗಳಲ್ಲಿ ಸಿಹಿ ಹಂಚುವ ಮೂಲಕ ಜನರಲ್ಲಿ ಒಗ್ಗಟ್ಟು ಮತ್ತು ಹಬ್ಬದ ಅರಿವು ಮೂಡಿಸುತ್ತಿದ್ದಾರೆ. ಶ್ರೀ ಭೂದೇವಿ ಆಟೋ ಯೂನಿಯನ್ ಕೇವಲ ಸಾರಿಗೆ ಸೇವೆಗೆ ಸೀಮಿತವಾಗಿಲ್ಲ. ಗ್ರಾಮದಲ್ಲಿ ನಡೆಯುವ ವಿವಿಧ ಕಾರ್ಯಕ್ರಮಗಳಿಗೆ ಸಹಕಾರ ನೀಡುವುದು, ಅಗತ್ಯವಿರುವ ಸಂದರ್ಭದಲ್ಲಿ ನೆರವು ನೀಡುವುದು, ಹಾಗೂ ಸಾಮಾಜಿಕ ಜಾಗೃತಿ ಮೂಡಿಸುವ ಕೆಲಸಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದೆ. ಇದು ಗ್ರಾಮೀಣ ಮಟ್ಟದಲ್ಲಿ ಸಂಘಟಿತ ಶಕ್ತಿಯ ಉದಾಹರಣೆಯಾಗಿದೆ. ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಪಿಡಿಓ ನಾಗೇಂದ್ರ ನಾಯ್ಕ ಅವರು ಯೂನಿಯನ್‌ನ ಸೇವಾ ಮನೋಭಾವವನ್ನು ಪ್ರಶಂಸಿಸಿ, `ಹಬ್ಬಗಳ ಮೂಲಕ ಸಮಾಜದಲ್ಲಿ ಒಗ್ಗಟ್ಟು ಮತ್ತು ಸಂಸ್ಕೃತಿ ಉಳಿಸುವ ಕಾರ್ಯ ಶ್ಲಾಘನೀಯ’ ಎಂದು ಹೇಳಿದರು. `ಶ್ರೀ ಭೂದೇವಿ ಆಟೋ ರಿಕ್ಷಾ ಯೂನಿಯನ್‌ನ ಯುಗಾದಿ ಆಚರಣೆ ಕೇವಲ ಹಬ್ಬದ ಉತ್ಸವವಲ್ಲ. ಅದು ಸಾಮಾಜಿಕ ಒಗ್ಗಟ್ಟು, ಧಾರ್ಮಿಕ ಜಾಗೃತಿ ಮತ್ತು ಸೇವಾ ಮನೋಭಾವದ ಸಮನ್ವಯವಾಗಿದ್ದು, ಇತರ ಸಂಘಟನೆಗಳಿಗೆ ಮಾದರಿಯಾಗಿದೆ’ ಎಂದು ಆ ಭಾಗದ ಜನ ಹೆಮ್ಮೆಯಿಂದ ಮಾತನಾಡಿದರು. `ಯುಗಾದಿ ಕೇವಲ ಹಬ್ಬವಲ್ಲ. ನಮ್ಮ ಸಂಸ್ಕೃತಿ-ಜಾಗೃತಿಯ ಸಂದೇಶ. 25ಕ್ಕೂ ಅಧಿಕ ವರ್ಷಗಳಿಂದ ನಮ್ಮ ಯೂನಿಯನ್ ಈ ಪರಂಪರೆಯನ್ನು ಮುಂದುವರೆಸಿ ಸಮಾಜ ಸೇವೆಗೆ ಬದ್ಧವಾಗಿದೆ’ ರಾಜೇಶ್ ಈರಾ ನಾಯ್ಕ, ಅಧ್ಯಕ್ಷರು ಶ್ರೀ ಭೂದೇವಿ ಆಟೋ ರಿಕ್ಷಾ ಯೂನಿಯನ್, ಅವರ್ಸಾ
- [ರಾಮ ಮಂತ್ರವ ಜಪಿಸೋ ಹೇ ಮನುಜ..](https://mobiletime.in/2026/03/chant-the-rama-mantra-o-man/): ಮಾರ್ಚ 20ರಿಂದ 27ರವರೆಗೆ ಧರ್ಮಸ್ಥಳ ಉಜಿರೆಯ ಶ್ರೀರಾಮ ಕ್ಷೇತ್ರ ಮಹಾಸಂಸ್ಥಾನದ ಶ್ರೀರಾಮ ಭಗವಾನ್ ನಿತ್ಯಾನಂದ ಮಂದಿರದಲ್ಲಿ 66ನೇ ವರ್ಷದ ಶ್ರೀರಾಮ ನಾಮ ಸಪ್ತಾಹ ನಡೆಯಲಿದೆ. ಶ್ರೀರಾಮ ಕ್ಷೇತ್ರ ಮಹಾಸಂಸ್ಥಾನದ ಪ್ರತಿಷ್ಠಾ ಜಾತ್ರಾ ಮಹೋತ್ಸವ ಮತ್ತು ಮಹಾ ಬ್ರಹ್ಮರಥೋತ್ಸವವೂ ಈ ಅವಧಿಯಲ್ಲಿ ಅದ್ಧೂರಿಯಾಗಿ ಜರುಗಲಿದೆ. ಶಿರಸಿಯ ಸುಪ್ರಿಯಾ ಇಂಟರ್ ನ್ಯಾಶನಲ್ ಭವನದಲ್ಲಿ ಶ್ರೀರಾಮ ಕ್ಷೇತ್ರ ಸೇವಾ ಸಮಿತಿಯ ಶಿರಸಿ ವಿಭಾಗೀಯ ಅಧ್ಯಕ್ಷ ವೆಂಕಟೇಶ ನಾಯ್ಕ ಅವರು ಆಮಂತ್ರಣ ಪತ್ರಿಕೆ ಬಿಡುಗಡೆ ಮಾಡಿದ್ದು, ಸರ್ವರನ್ನು ಈ ಕಾರ್ಯಕ್ರಮಕ್ಕೆ ಸ್ವಾಗತಿಸಿದ್ದಾರೆ. `ಶ್ರೀ ಆತ್ಮಾನಂದ ಸರಸ್ವತೀ ಸ್ವಾಮೀಜಿ ದಿವ್ಯ ಸ್ಮರಣೆಯೊಂದಿಗೆ ಬ್ರಹ್ಮಾನಂದ ಸ್ವಾಮೀಜಿ ನೇತೃತ್ವದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ’ ಎಂದವರು ಮಾಹಿತಿ ನೀಡಿದ್ದಾರೆ. `ಮಾರ್ಚ 20ರಂದು ಬೆಳಿಗ್ಗೆ 9.30ಕ್ಕೆ 66ನೇ ವರ್ಷದ ಶ್ರೀರಾಮ ತಾರಕ ಮಂತ್ರ ಸಪ್ತಾಹ ಹಾಗೂ ಜಾತ್ರೋತ್ಸವ ಉದ್ಘಾಟನೆ ನಡೆಯಲಿದೆ. ಅದೇ ದಿನ ಸಿದ್ಧಿವಿನಾಯಕ ಹಾಗೂ ಕ್ಷೇತ್ರಪಾಲ ಗಣಪತಿ ದೇವರ ಬಲಿ ಉತ್ಸವ, ಮಾರ್ಚ 21ರಂದು ರಾತ್ರಿ 8 ಗಂಟೆಯಿoದ ಶ್ರೀ ನಿತ್ಯಾನಂದ ಸ್ವಾಮೀಜಿ, ಬ್ರಹ್ಮಶ್ರೀ ನಾರಾಯಣ ಗುರು ಹಾಗೂ ಶಿರಡಿ ಸಾಯಿ ಬಾಬಾ ಅವರ ಉತ್ಸವಮೂರ್ತಿಗಳ ಉತ್ಸವ, ಮಾರ್ಚ 22ರಂದು ರಾತ್ರಿ 8ಕ್ಕೆ ಶ್ರೀರಾಮದೇವರ ರಜತ ಪಲ್ಲಕ್ಕಿ ಉತ್ಸವ ನಡೆಯಲಿದೆ’ ಎಂದವರು ಹೇಳಿದ್ದಾರೆ. `ಮಾರ್ಚ 23ರಂದು ರಾತ್ರಿ 8ಕ್ಕೆ ಅನ್ನಪೂರ್ಣೇಶ್ವರಿ ದೇವಿಯ ಉತ್ಸವ ಹಾಗೂ ಪುಷ್ಪ ರಥೋತ್ಸವ, ಮಾರ್ಚ 24ರಂದು ರಾತ್ರಿ 8ಕ್ಕೆ ದುರ್ಗಾಪರಮೇಶ್ವರಿ ದೇವಿಯ ಮೂರ್ತಿ ಉತ್ಸವ ಹಾಗೂ ಚಂದ್ರಮoಡಲ ರಥೋತ್ಸವ, ಮಾರ್ಚ 25ರಂದು ರಾತ್ರಿ 8ಕ್ಕೆ ಶ್ರೀ ಗೋಪಾಲಕೃಷ್ಣ ದೇವರ ಉತ್ಸವ ಹಾಗೂ ಬೆಳ್ಳಿ ರಥೋತ್ಸವ, ಮಾರ್ಚ 26ರಂದು ರಾತ್ರಿ 8ಕ್ಕೆ ದತ್ತಾತ್ರೇಯ ಹಾಗೂ ಆಂಜನೇಯ ದೇವರ ಮೂರ್ತಿ ಉತ್ಸವ ಮತ್ತು ಹನುಮಾನ್ ರಥೋತ್ಸವ, ಮಾರ್ಚ 27ರಂದು ಬೆಳಿಗ್ಗೆ 9.30ರಿಂದ ಶ್ರೀರಾಮ ತಾರಕ ಮಂತ್ರ ಯಜ್ಞ ಮಂಗಳ ಕಾರ್ಯಕ್ರಮ, ಮಧ್ಯಾಹ್ನ ದೇವರ ಪಾಲಕಿ ಉತ್ಸವ ಹಾಗೂ ರಾತ್ರಿ 7ರಿಂದ ಕ್ಷೇತ್ರದ ರಕ್ತೇಶ್ವರಿ ಮತ್ತು ಗುಳಿಗ ದೈವಗಳಿಗೆ ನೇಮೋತ್ಸವ, ರಾತ್ರಿ 10ಕ್ಕೆ ಮಹಾ ಬ್ರಹ್ಮರಥೋತ್ಸವ, ಮಾರ್ಚ 29ರಂದು ಆದಿ ಪಜಿರಡ್ಕ ದೇವಲಿಂಗೇಶ್ವರ ದೇವಸ್ಥಾನದ ಜಾತ್ರಾ ಮಹೋತ್ಸವ ಹಾಗೂ ರಾತ್ರಿ 8ರಿಂದ ಸನ್ಯಾಸಿ ಪಂಜುರ್ಲಿ ಮತ್ತು ಕಲ್ಲುರ್ಟಿ-ಪಂಜುರ್ಲಿ ನೇಮೋತ್ಸವ ನಡೆಯಲಿದೆ’ ಎಂದವರು ಕಾರ್ಯಕ್ರಮಗಳ ವಿವರ ನೀಡಿದ್ದಾರೆ. `ಶ್ರೀರಾಮ ಕ್ಷೇತ್ರವು ವಿದೇಶಗಳಲ್ಲಿಯೂ ಶಾಖಾ ಮಠಗಳನ್ನು ಸ್ಥಾಪಿಸಿ ಸನಾತನ ಸಂಸ್ಕೃತಿಯ ಪರಂಪರೆಯನ್ನು ವಿಸ್ತರಿಸುವ ಕಾರ್ಯ ಮಾಡುತ್ತಿದೆ. 2028ರಲ್ಲಿ ನಾಸಿಕ್‌ನಲ್ಲಿ ನಡೆಯುವ ಮಹಾಕುಂಭಮೇಳದಲ್ಲಿ ಬ್ರಹ್ಮಾನಂದ ಸ್ವಾಮೀಜಿ ನೇತೃತ್ವದಲ್ಲಿ ಕಾರ್ಯಕ್ರಮಗಳು ನಡೆಯಲಿವೆ. ಮಹಾಸಂಸ್ಥಾನದಲ್ಲಿ ನಡೆಯುವ ಎಲ್ಲ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ದೇವರ ಅನುಗ್ರಹಕ್ಕೆ ಪಾತ್ರರಾಗಬೇಕು’ ಎಂದವರು ಮನವಿ ಮಾಡಿದ್ದಾರೆ. ಸುದ್ದಿಗೋಷ್ಠಿಯಲ್ಲಿ ಆರ್ಯ ಈಡಿಗ, ನಾಮಧಾರಿ ಹಾಗೂ ಬಿಲ್ಲವ ಸಂಘದ ನಗರಾಧ್ಯಕ್ಷ ಗಣಪತಿ ನಾಯ್ಕ ದೇವಿಕೆರೆ, ನಗರಸಭೆಯ ಮಾಜಿ ಅಧ್ಯಕ್ಷ ಗಣಪತಿ ನಾಯ್ಕ, ನಗರಭೆ ಮಾಜಿ ಸದಸ್ಯ ಮಧುಕರ ಬಿಲ್ಲವ, ಪ್ರಮುಖರಾದ ಶ್ರೀನಿವಾಸ ನಾಯ್ಕ, ಅನಂತ ನಾಯ್ಕ ಮತ್ತಿತರರು ಉಪಸ್ಥಿತರಿದ್ದರು. ಸೇವಾ ಕಾರ್ಯಕರ್ತರಾಗಿ ಹೆಸರು ನೊಂದಾಯಿಸಿರುವವರು ಇಷ್ಟ ದೇವತೆಯ ಪೂಜೆ ನಡೆಸಲು ಇಲ್ಲಿ ಫೋನ್ ಮಾಡಿ: 9481514801
- [ದುಡ್ಡು ಕೇಳಿದಕ್ಕೆ ತಲೆ ಒಡೆದ ಚೌಡಪ್ಪ!](https://mobiletime.in/2026/03/chowdappas-head-was-broken-when-he-asked-for-money/): ಮುಂಡಗೋಡಿನ ಜನಾರ್ಧನ ಆಚಾರಿ ಹಾಗೂ ಚೌಡಪ್ಪ ಗೌಡರ್ ಅವರ ನಡುವೆ ಜಗಳ ನಡೆದಿದ್ದು, ಊರಿನವರು ಆ ಜಗಳ ಬಿಡಿಸಿದ್ದಾರೆ. ಅದಾದ ನಂತರ ಚೌಡಪ್ಪ ಗೌಡರ್ ಅವರು ಜನಾರ್ಧನ ಆಚಾರಿ ಅವರ ಮನೆಗೆ ನುಗ್ಗಿ ಜನಾರ್ಧನ ಆಚಾರಿ ಅವರ ತಲೆ ಒಡೆದಿದ್ದಾರೆ. ಮುಂಡಗೋಡದ ಮಳಗಿ ಬಳಿಯ ಧರ್ಮಾ ಕಾಲೋನಿಯಲ್ಲಿ ಜನಾರ್ಧನ ವಾಸು ಆಚಾರಿ ಅವರು ವಾಸವಾಗಿದ್ದಾರೆ. ಆಚಾರಿ ಕೆಲಸ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದಾರೆ. ಮೂರು ವರ್ಷಗಳ ಹಿಂದೆ ಜನಾರ್ಧನ ಆಚಾರಿ ಅವರು ಮಾದೇವ ಜಾಡರ್ ಎಂಬಾತರಿಗೆ 1 ಸಾವಿರ ರೂ ನೀಡಿದ್ದರು. ಆದರೆ, ಮಾದೇವ ಜಾಡರ್ ಅವರು ಆ ಹಣವನ್ನು ಮರಳಿಸಲಿಲ್ಲ. ಈ ಬಗ್ಗೆ ಆಗಾಗ ಜನಾರ್ಧನ ಆಚಾರಿ ಅವರು ಪ್ರಶ್ನಿಸುತ್ತಿದ್ದು, ಮಾದೇವ್ ಜಾಡರ್ ಅವರು ಅದನ್ನು ಮರಳಿಸುವ ಭರವಸೆ ನೀಡಿದ್ದರು. ಹೀಗಿರುವಾಗ, ಮೊನ್ನೆ ಜನಾರ್ಧನ ಆಚಾರಿ ಅವರು ಮಳಗಿ-ಬನವಾಸಿ ರಸ್ತೆಯ ಧರ್ಮಾ ಕಾಲೋನಿಯಲ್ಲಿ ಸಂಚರಿಸುತ್ತಿದ್ದರು. ಮಾದೇವ ಜಾಡರ್ ಅವರ ಚಿಕ್ಕಪ್ಪನ ಮಗ ಚೌಡಪ್ಪ ಗೌಡಪ್ಪ ಜಾಡರ್ ಅವರು ಅಲ್ಲಿ ಎದುರಾದರು. ಈ ವೇಳೆ ಜನಾರ್ಧನ ಆಚಾರಿ ಅವರಿಗೆ ಮೂರು ವರ್ಷದ ಹಿಂದೆ ಮಾದೇವ ಜಾಡರ್ ಅವರಿಗೆ 1 ಸಾವಿರ ರೂ ನೀಡಿದ್ದು ನೆನಪಾಯಿತು. `ಮಾದೇವ್ ಜಾಡರ್ ಹಣ ಮರಳಿಸಿಲ್ಲ’ ಎಂಬ ವಿಷಯವನ್ನು ಜನಾರ್ಧನ ಆಚಾರಿ ಅವರು ಚೌಡಪ್ಪ ಜಾಡರ್ ಅವರ ಬಳಿ ಹೇಳಿದರು. `ಆತನಿಗೆ ಹಣ ಕೊಟ್ಟು ನನ್ನ ಬಳಿ ಏಕೆ ಕೇಳುವೆ?’ ಎಂದು ಚೌಡಪ್ಪ ಜಾಡರ್ ಅವರು ಪ್ರಶ್ನಿಸಿದರು. ಈ ವಿಷಯವಾಗಿ ಜನಾರ್ಧನ ಆಚಾರಿ ಹಾಗೂ ಚೌಡಪ್ಪ ಜಾಡರ್ ಅವರ ನಡುವೆ ಅಲ್ಲಿ ಜಗಳ ಶುರುವಾಯಿತು. ಊರಿನ ಜನ ಆ ಜಗಳವನ್ನು ಅಲ್ಲಿಗೆ ಬಿಡಿಸಿದರು. ಆದರೆ, ಚೌಡಪ್ಪ ಜಾಡರ್ ಅವರು ಇದರಿಂದ ಸಿಟ್ಟಾದರು. ಜನಾರ್ಧನ ಆಚಾರಿ ಅವರು ಮಧ್ಯಾಹ್ನ ಮನೆಯಲ್ಲಿ ಮಲಗಿದಾಗ ಅವರ ಮನೆಗೆ ನುಗ್ಗಿದ ಚೌಡಪ್ಪ ಜಾಡರ್ ಅವರು ರಂಪಾಟ ಮಾಡಿದರು. ಮನೆಯ ಬಾಗಿಲು ಮುರಿದ ಚೌಡಪ್ಪ ಜಾಡರ್ ಅವರು ಅಲ್ಲಿದ್ದ ಕಬ್ಬಿಣದ ಹಿಡಿಕೆಯ ಹಂಚಿನಿAದ ಜನಾರ್ಧನ ಆಚಾರಿ ಅವರ ತಲೆಗೆ ಹೊಡೆದರು. ಜನಾರ್ಧನ ಆಚಾರಿ ಅವರು ಬೊಬ್ಬೆ ಹೊಡೆಯುತ್ತ ತಪ್ಪಿಸಿಕೊಳ್ಳಲು ಯತ್ನಿಸಿದಾಗ ಚೌಡಪ್ಪ ಜಾಡರ್ ಅವರ ಜೊತೆಗಿದ್ದ ಮತ್ತೊಬ್ಬರು ಪಾತ್ರೆಯಿಂದ ತಲೆಗೆ ಬಡಿದರು. ಪರಿಣಾಮ ಜನಾರ್ಧನ ಆಚಾರಿ ಅವರ ತಲೆಗೆ ನೋವಾಯಿತು. ತಲೆ ಹಿಂದಿನಿoದ ರಕ್ತ ಸುರಿಯಿತು. ಜನಾರ್ಧನ ಆಚಾರಿ ಅವರು ಆಸ್ಪತ್ರೆಗೆ ದಾಖಲಾಗಿ ಚೇತರಿಸಿಕೊಳ್ಳುತ್ತಿದ್ದು, ಅಲ್ಲಿಂದಲೇ ಪೊಲೀಸ್ ದೂರು ನೀಡಿದರು. ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗಾಳ ಹಿಡಿದು ಹೋದವ ಹೊಳೆಗೆ ಬಿದ್ದು ಸಾವು!](https://mobiletime.in/2026/03/a-fisherman-fell-into-the-stream-and-died/): ಗಾಳ ಹಾಕಿ ಮೀನು ಹಿಡಿಯಲು ಕುಮಟಾಗೆ ಹೋಗಿದ್ದ ಹೊನ್ನಾವರದ ಜಟ್ಟಿ ಮುಕ್ರಿ ಅವರು ಅದೇ ನೀರಿನಲ್ಲಿ ಬಿದ್ದು ಸಾವನಪ್ಪಿದ್ದಾರೆ. ಸಂಜೆ ವೇಳೆ ಮೀನು ಹಿಡಿಯುತ್ತಿದ್ದ ಅವರು ಮರುದಿನ ಬೆಳಗ್ಗೆ ಶವವಾಗಿ ಪತ್ತೆಯಾಗಿದ್ದಾರೆ. ಹೊನ್ನಾವರದ ಹಳದಿಪುರ ಅಗ್ರಹಾರ ಬಳಿಯ ಗಜನಿಗುಡಿ ಬಳಿ ಜಟ್ಟಿ ನಾರಾಯಣ ಮುಕ್ರಿ ಅವರು ವಾಸವಾಗಿದ್ದರು. 35 ವರ್ಷದ ಅವರು ಕೂಲಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಜಟ್ಟಿ ಮುಕ್ರಿ ಅವರು ಕುಡಿತದ ಚಟವನ್ನು ಹೊಂದಿದ್ದು, ಆಗಾಗ ಮೀನುಗಾರಿಕೆಗೆ ಹೋಗುತ್ತಿದ್ದರು. ಗಾಳ ಹಾಕಿ ಮೀನು ಹಿಡಿದು ಮೀನನ್ನು ಮನೆಗೆ ತರುತ್ತಿದ್ದರು. ಮಾರ್ಚ 15ರಂದು ಸಂಜೆ 7.30ಕ್ಕೆ ಅವರು ಕುಮಟಾಗೆ ಹೋಗಿದ್ದರು. ಆ ದಿನ ಸಂಜೆ ಕುಮಟಾದ ಬಡಗಣಿ ಹೊಳೆಯಲ್ಲಿ ಗಾಳ ಹಾಕಿ ಮೀನು ಹಿಡಿಯಲು ಶುರು ಮಾಡಿದ್ದರು. ಈ ವೇಳೆ ಆಯತಪ್ಪಿ ಹೊಳೆಗೆ ಬಿದ್ದ ಅವರು ಮೇಲೆ ಬರಲಿಲ್ಲ. ನೀರಿನಲ್ಲಿ ಮುಳುಗಿದ ಪರಿಣಾಮ ಉಸಿರುಗಟ್ಟಿ ಅಲ್ಲಿಯೇ ಸಾವನಪ್ಪಿದರು. ಮರುದಿನ ಬೆಳಗ್ಗೆ 10.30ರ ವೇಳೆಗೆ ಜಟ್ಟಿ ಮುಕ್ರಿ ಅವರ ಶವ ಹೊಳೆ ಬದಿ ಕಾಣಿಸಿತು. ಸಹೋದರನ ಸಾವಿನ ಬಗ್ಗೆ ಮಂಜುನಾಥ ನಾರಾಯಣ ಮುಕ್ರಿ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಸೈಕಲ್ ರಿಪೇರಿ ಮಾಡುವವನ ಬೈಕ್ ಕಳುವು!](https://mobiletime.in/2026/03/the-bike-of-a-bicycle-repairman-was-stolen/): ಶಿರಸಿಯ ಸೆಂಟ್ ಮಿಲಾಗ್ರಿಸ್ ಬ್ಯಾಂಕ್ ಎದುರು ನಿಲ್ಲಿಸಿದ್ದ ಬೈಕ್ ಕಳ್ಳತನವಾಗಿದೆ. ಅಣ್ಣಪ್ಪ ಇಳಸೂರು ಅವರು ಬೈಕ್ ಕಳೆದುಕೊಂಡಿದ್ದಾರೆ. ಶಿರಸಿ-ಹುಬ್ಬಳ್ಳಿ ರಸ್ತೆಯ ಮಾರಿಗುಡಿ ಕ್ರಾಸಿನ ಸೆಂಟ್ ಮಿಲಾಗ್ರಿಸ್ ಬ್ಯಾಂಕ್ ಎದುರು ಅಣ್ಣಪ್ಪ ಸುಬ್ರಾಯ ಇಳಸೂರು ಅವರು ವಾಸವಾಗಿದ್ದಾರೆ. ಸೈಕಲ್ ರಿಪೇರಿ ಮಾಡಿಕೊಂಡು ಅವರು ಬದುಕು ನಡೆಸುತ್ತಿದ್ದಾರೆ. ತಮ್ಮ ಮನೆ ಎದುರು ನಿಲ್ಲಿಸಿದ ಬೈಕನ್ನು ಅವರು ಕಳೆದುಕೊಂಡಿದ್ದಾರೆ. ಫೆಬ್ರವರಿ 24ರ ಮಧ್ಯಾಹ್ನವೇ ಅವರ ಬೈಕ್ ಕಾಣೆಯಾಗಿದ್ದು, ಎಲ್ಲಾ ಕಡೆ ಹುಡುಕಿದರೂ ಸಿಗದ ಕಾರಣ ಅವರು ಪೊಲೀಸ್ ದೂರು ನೀಡಿದ್ದಾರೆ. ಆ ದಿನ ಮಧ್ಯಾಹ್ನ 1ಗಂಟೆಯಿoದ 1.45ರ ಅವಧಿಯಲ್ಲಿ ಬೈಕ್ ಕಳ್ಳತನ ನಡೆದ ಬಗ್ಗೆ ಅವರು ಮಾಹಿತಿ ನೀಡಿದ್ದಾರೆ. ಕೆಎ 31 ಡಬ್ಲೂ 1956 ನೋಂದಣಿಯ ಬೈಕನ್ನು ಕಳ್ಳರು ಕದ್ದಿರುವುದಾಗಿ ಅವರು ಹೇಳಿದ್ದಾರೆ. `ಬೈಕನ್ನು ಎಲ್ಲಾ ಕಡೆ ಹುಡುಕಿದರೂ ಸಿಕ್ಕಿಲ್ಲ. ಹೀಗಾಗಿ ಕಳ್ಳರನ್ನು ಪತ್ತೆ ಮಾಡಿ, ಬೈಕನ್ನು ಹುಡುಕಿಕೊಡಿ’ ಎಂದು ಅವರು ಪೊಲೀಸರಲ್ಲಿ ಮನವಿ ಮಾಡಿದ್ದಾರೆ. ಈ ಹಿನ್ನಲೆ ಶಿರಸಿ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಬೈಕಿನ ಹುಡುಕಾಟ ಶುರು ಮಾಡಿದ್ದಾರೆ.  
- [ಹುಡುಗಿ ಫೋಟೋ ತೆಗೆದ ಕಾರಣ ಹೊಡೆದಾಟ!](https://mobiletime.in/2026/03/a-fight-broke-out-because-a-girl-took-a-photo/): ಕಾರವಾರದಲ್ಲಿ ಹಿಂದೂ ಹುಡುಗಿ ಫೋಟೋ ತೆಗೆದ ಮುಸ್ಲಿಂ ಯುವಕನಿಗೆ ಐದಾರು ಜನ ಸೇರಿ ಥಳಿಸಿದ್ದಾರೆ. ಆ ಮುಸ್ಲಿಂ ಯುವಕನ ಜೊತೆಗಿದ್ದ ಹಿಂದೂ ಹುಡುಗನಿಗೂ ಸಹ ಆ ಐದಾರು ಜನ ಬೆದರಿಕೆ ಒಡ್ಡಿ ಹಲ್ಲೆ ಮಾಡಿದ್ದಾರೆ. ಕಾರವಾರದ ಅಲಿಗದ್ದಾದ ಎಸ್ ಬಿ ಐ ಬಳಿ ವಿನಯ ನಾಯ್ಕ (17) ಅವರು ವಾಸವಾಗಿದ್ದಾರೆ. ಕಾಲೇಜುವಿದ್ಯಾರ್ಥಿಯಾಗಿರುವ ಅವರು ಸದಾಶಿವಗಡ ಕಣಸಗೇರಿಯಲ್ಲಿರುವ ತಮ್ಮ ಸ್ನೇಹಿತ ಫರ್ದೀನ್ ಶೇಖ್ ಅವರ ಜೊತೆ ಸುತ್ತಾಟ ನಡೆಸಿದ್ದಾರೆ. ಮಾರ್ಚ 14ರ ಸಂಜೆ ವಿನಯ ನಾಯ್ಕ ಹಾಗೂ ಫರ್ದೀನ್ ಶೇಖ್ ಅವರು ಕಾರವಾರದ ಮಕ್ಕಳ ಗಾರ್ಡನ್ ಬಳಿ ಸುತ್ತಾಡುತ್ತಿರುವಾಗ ಅಲ್ಲಿ ಸಂಕ್ರಿವಾಡದ ರಾಘು ಮಾಧವ ನಾಯ್ಕ ಅವರು ಆಗಮಿಸಿದ್ದಾರೆ. ರಾಘು ನಾಯ್ಕ ಅವರ ಜೊತೆ ಮತ್ತೆ ಐದಾರು ಜನ ಇದ್ದು, ಅವರೆಲ್ಲರೂ ವಿನಯ ನಾಯ್ಕ ಅವರ ಬಳಿ ವಿವಿಧ ಪ್ರಶ್ನೆ ಕೇಳಿದ್ದಾರೆ. ಆ ವೇಳೆ ವಿನಯ ನಾಯ್ಕ ಅವರು ತಮ್ಮ ಹೆಸರು ಹೇಳಿದ್ದು, ಜೊತೆಗಿದ್ದವರು ತಮ್ಮನ್ನು ಫರ್ದೀನ್ ಶೇಖ್ ಎಂದು ಪರಿಚಯಿಸಿಕೊಂಡಿದ್ದಾರೆ. ಆಗ, ಐದಾರು ಜನ ಸೇರಿ `ನೀವು ಯಾಕೆ ಹುಡುಗಿಯ ಫೋಟೋ ತೆಗೆದುಕೊಂಡಿದ್ದೀರಿ?’ ಎಂದು ಪ್ರಶ್ನೆ ಮಾಡಿದ್ದಾರೆ. `ಆ ಹುಡುಗಿ ನಿಮಗೇನು ಆಗಬೇಕು? ನೀವು ಲವ್ ಮಾಡುತ್ತಿರಾ?’ ಎಂದು ಕೇಳಿದ್ದಾರೆ. ಫರ್ದಿನ್ ಅವರು ಮುಸ್ಲಿಂ ಎಂದು ಅರಿತು ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. `ಹಿಂದೂ ಹುಡುಗಿ ಹಾಳು ಮಾಡಲು ಬಂದಿದ್ದೀಯಾ?’ ನಿಂದಿಸಿ ಇನ್ನಷ್ಟು ಥಳಿಸಿದ್ದಾರೆ. ವಿನಯ ನಾಯ್ಕ ಅವರ ಕೈ ಹಿಡಿದು ಎಳೆದಿದ್ದು, ಅವರಿಗೂ ನೋವು ಮಾಡಿದ್ದಾರೆ. ಅವರಿಬ್ಬರನ್ನು ಸುತ್ತುವರೆದ ಐದಾರು ಜನ ಜೀವ ಬೆದರಿಕೆಯನ್ನು ಸಹ ಒಡ್ಡಿದ್ದಾರೆ. ಈ ಬಗ್ಗೆ ವಿನಯ ನಾಯ್ಕ ಅವರು ಕಾರವಾರ ಪೊಲೀಸರಿಗೆ ದೂರು ನೀಡಿದ್ದಾರೆ. `ರಾಘು ನಾಯ್ಕ ಅವರನ್ನು ತಾನು ಪರಿಚಯಿಸಿದ್ದು, ಉಳಿದ ಐದಾರು ಜನರನ್ನು ಗುರುತಿಸಬಲ್ಲೆ’ ಎಂದು ವಿನಯ ನಾಯ್ಕ ಅವರು ಹೇಳಿದ್ದಾರೆ. ಪ್ರಕರಣ ದಾಖಲಿಸಿದ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಎಸ್ ಎಸ್ ಎಲ್ ಸಿ: ಪರೀಕ್ಷಾ ಕೇಂದ್ರ ಪರಿಶೀಲಿಸಿದ ಜಿಲ್ಲಾಧಿಕಾರಿ](https://mobiletime.in/2026/03/sslc-district-magistrate-inspects-examination-centre/): ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಬುಧವಾರ ವಿವಿಧ ಎಸ್ ಎಸ್ ಎಲ್ ಸಿ ಪರೀಕ್ಷಾ ಕೇಂದ್ರಗಳಿಗೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ. ಕಾರವಾರದ ಸೈಂಟ್ ಮೈಕಲ್ ಮತ್ತು ಹಿಂದೂ ಹೈಸ್ಕೂಲಿಗೆ ಅವರು ಭೇಟಿ ನೀಡಿದ್ದಾರೆ. ಪರೀಕ್ಷಾ ಕೇಂದ್ರಗಳಲ್ಲಿ ವಿದ್ಯಾರ್ಥಿಗಳಿಗೆ ಮೂಲಭೂತ ಸೌಲಭ್ಯಗಳನ್ನು ಒದಗಿಸಿದ ಕುರಿತು ಅವರು ಪರಿಶೀಲನೆ ಮಾಡಿದ್ದಾರೆ. ಪರೀಕ್ಷಾ ಮಂಡಳಿಯ ಮಾರ್ಗಸೂಚಿಗಳನ್ನು ಕಡ್ಡಾಯವಾಗಿ ಪಾಲಿಸುವಂತೆ ಅವರು ಶಿಕ್ಷಕರಿಗೆ ತಿಳಿಸಿದರು. ಆತ್ಮವಿಶ್ವಾಸದಿಂದ ಪರೀಕ್ಷೆ ಬರೆಯುವಂತೆ ವಿದ್ಯಾರ್ಥಿಗಳಿಗೆ ಕರೆ ನೀಡಿದರು. ಅದಾದ ನಂತರ ಪರೀಕ್ಷಾ ಕೇಂದ್ರಗಳಲ್ಲಿ ಅಳವಡಿಸಿರುವ ಸಿಸಿ ಟಿವಿ ಕೊಠಡಿಗೆ ಡೀಸಿ ಭೇಟಿ ನೀಡಿದರು. ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿನ ವೆಬ್ ಕ್ಯಾಸ್ಟಿಂಗ್ ವ್ಯವಸ್ಥೆಯನ್ನು ಗಮನಿಸಿದರು. ಪರೀಕ್ಷೆ ಸುಗಮವಾಗಿ ನಡೆಯುವ ನಿಟ್ಟಿನಲ್ಲಿ ಅಧಿಕಾರಿಗಳಿಗೆ ವಿವಿಧ ಸಲಹೆ-ಸೂಚನೆ ನೀಡಿದರು. ಡಿಡಿಪಿಐ ಲತಾ ನಾಯಕ ಅವರು ಜೊತೆಗಿದ್ದರು.
- [ಸದನದ ಸಮಾಚಾರ: ಕರಾವಳಿ ಅಭಿವೃದ್ಧಿಗೆ ಪಟ್ಟುಹಿಡಿದ ದಿನಕರ ಶೆಟ್ಟಿ!](https://mobiletime.in/2026/03/house-news-dinakar-shetty-insists-on-coastal-development/): `ಹೆಚ್ಚಿನ ಪ್ರಮಾಣದಲ್ಲಿ ತೆರಿಗೆ ಪಾವತಿಸುವ ಕರಾವಳಿ ಪ್ರದೇಶವನ್ನು ರಾಜ್ಯ ಸರ್ಕಾರ ನಿರ್ಲಕ್ಷಿಸಿದೆ’ ಎಂದು ಕುಮಟಾ – ಹೊನ್ನಾವರ ಕ್ಷೇತ್ರ ಶಾಸಕ ದಿನಕರ ಶೆಟ್ಟಿ ಅವರು ಸದನದಲ್ಲಿ ದೂರಿದ್ದಾರೆ. `ಸಾಗರಮಾಲಾ ಯೋಜನೆ ಅಡಿ ನಡೆಯಬೇಕಿದ್ದ ಕೆಲಸಗಳನ್ನು ರಾಜ್ಯ ಸರ್ಕಾರ ಮಾಡುತ್ತಿಲ್ಲ’ ಎಂದವರು ಆಕ್ಷೇಪಿಸಿದ್ದಾರೆ. `ಸಾಗರಮಾಲಾ ಯೋಜನೆ ಅಡಿ ಕುಮಟಾ-ತದಡಿ ಜಲ ಮಾರ್ಗದ ಸಮಗ್ರ ಅಭಿವೃದ್ಧಿ ಕಾಮಗಾರಿ ಸ್ಥಗಿತವಾಗಿದೆ. ಶೀಘ್ರವಾಗಿ ಪೂರ್ಣಗೊಳಿಸಬೇಕು’ ಎಂದು ದಿನಕರ ಶೆಟ್ಟಿ ಅವರು ಆಗ್ರಹಿಸಿದರು. `2021ರಲ್ಲಿ ಮಂಜೂರಿಯಾದ ಕಾಮಗಾರಿ ಈವರೆಗೂ ಪೂರ್ಣವಾಗಿಲ್ಲ. ಸರ್ಕಾರದ ಬಳಿ ದುಡ್ಡಿಲ್ಲ ಎಂದು ಜನ ಮಾತನಾಡುತ್ತಿದ್ದಾರೆ. ಗುತ್ತಿಗೆದಾರರಿಗೆ ಸಹ ಹಣ ಪಾವತಿ ಆಗದ ಕಾರಣ ಕಾಮಗಾರಿ ಮುಂದುವರೆದಿಲ್ಲ. ಈ ವಿಷಯವನ್ನು ಮೀನುಗಾರಿಕೆ ಹಾಗೂ ಜಲಸಾರಿಗೆ ಸಚಿವರ ಗಮನಕ್ಕೆ ತರಬೇಕು ಎಂದು ಒತ್ತಾಯಿಸಿದರು. `ಬಜೆಟಿನಲ್ಲಿ ಮೀನುಗಾರಿಕೆಗೆ ಒತ್ತು ಕೊಟ್ಟಿಲ್ಲ. ಸಮುದ್ರ ತಡೆಗೋಡೆ ಮಂಜೂರಿ ಆಗಿದ್ದರೂ ಅದರ ಕೆಲಸ ಮುಗಿದಿಲ್ಲ. ಕರಾವಳಿಗೆ ಹಾಗೂ ಮೀನುಗಾರಿಕೆಗೆ ಯಾವುದೇ ಕೊಡುಗೆ ಇಲ್ಲದ ಕಾರಣ ಜನ ನೋವಿನಲ್ಲಿದ್ದಾರೆ’ ಎಂದು ದಿನಕರ ಶೆಟ್ಟಿ ಅವರು ಹೇಳಿದರು. ಗ್ರಾಮೀಣಾಭಿವೃದ್ಧಿ ಪಂಚಾಯತರಾಜ್ ಸಚಿವ ಪ್ರಿಯಾಂಕ ಖರ್ಗೆ ಅವರು ಈ ವಿಷಯವಾಗಿ ದಿನಕರ ಶೆಟ್ಟಿ ಅವರ ಸಮಾಧಾನ ಮಾಡುವ ಪ್ರಯತ್ನ ಮಾಡಿದರು. `ಸಾಗರಮಾಲಾ ಯೋಜನೆ ಅಡಿ 15-20 ಕಾಮಗಾರಿ ಮಂಜೂರಿಯಾಗಿದ್ದು, ಅದಕ್ಕೆ ಸಿ ಆರ್ ಜಡ್ ಅನುಮತಿ ಸಿಕ್ಕಿರಲಿಲ್ಲ. 2024ರಲ್ಲಿ ಹಲವು ಯೋಜನೆ ರದ್ಧಾಗಿದೆ. ಮತ್ತೆ ಮಂಜೂರಿಗಾಗಿ ಮುಖ್ಯಮಂತ್ರಿಗಳೇ ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆದಿದ್ದು, ಕೇಂದ್ರ ಇದಕ್ಕೆ ಸ್ಪಂದಿಸಿಲ್ಲ’ ಎಂದು ಪ್ರಿಯಾಂಗ ಖರ್ಗೆ ಅವರು ಹೇಳಿದರು. `ತದಡಿಯಿಂದ ಹಾವೇರಿವರೆಗಿನ ರಸ್ತೆಯನ್ನು ಸಾಗರಮಾಲಾ ಯೋಜನೆ ಅಡಿ ಮಾಡಲಾಗುತ್ತಿದೆ. ಶೇ 75ರಷ್ಟು ಕಾಮಗಾರಿ ಮುಗಿದಿದೆ. ಹೀಗಿರುವಾಗ ತದಡಿ ಜಲ ಮಾರ್ಗದ ಯೋಜನೆಗೆ ಕೇಂದ್ರ ಅಡ್ಡಗಾಲು ಹಾಕಲು ಸಾಧ್ಯವಿಲ್ಲ’ ಎಂದು ದಿನಕರ ಶೆಟ್ಟಿ ಅವರು ಮರು ಸವಾಲು ಹಾಕಿದರು. `ಬಿಜೆಪಿ ಶಾಸಕರಿರುವ ಕಡೆ ಕಾಂಗ್ರೆಸ್ ಸರ್ಕಾರ ಅನುದಾನ ಕೊಡುತ್ತಿಲ್ಲ’ ಎಂದು ಆರೋಪಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಪ್ರಿಯಾಂಗ ಖರ್ಗೆ ಅವರು `ಕೇಂದ್ರದಿAದ ಸಂಪೂರ್ಣ ಅನುಮೋದನೆ ಸಿಕ್ಕಿಲ್ಲ. ಅದಾಗಿಯೂ, ತದಡಿ ಬದಿಯಲ್ಲಿ ಜಟ್ಟಿ ಕಾಮಗಾರಿ ಪೂರ್ಣವಾಗಿದ್ದು ಕೂರ್ಸ ಕೆಲಸ ಪ್ರಗತಿಯಲ್ಲಿದೆ. ಅಘನಾಶನಿ ಕಡೆ ಕೂರ್ಸ ಕೆಲಸ ನಡೆಯುತ್ತಿದೆ. ಈ ಯೋಜನೆ ಪೂರ್ಣ ಮಾಡುವ ಪ್ರಯತ್ನ ಮಾಡಲಾಗುತ್ತಿದೆ. ಕೇಂದ್ರದ ಪಾಲನ್ನು ರಾಜ್ಯ ಸರ್ಕಾರವೇ ಭರಿಸುವ ಅನಿವಾರ್ಯವಿದೆ’ ಎಂದರು. `ನಮ್ಮ ಸರ್ಕಾರ ಎಲ್ಲಿಯೂ ತಾರತಮ್ಯ ಮಾಡಿಲ್ಲ’ ಎಂದು ಪ್ರಿಯಾಂಕ ಖರ್ಗೆ ಅವರು ಹೇಳಿದರು. ಈ ವೇಳೆ `ತಾವು ಸೂಚಿಸಿದ ಸ್ಥಳದಲ್ಲಿ ಹಳೆಯ ಬಾರ್ಜ ಇದ್ದು, ಅನಾಹುತ ಆಗುವ ಸಾಧ್ಯತೆಯಿದೆ. ಹೀಗಾಗಿ ಅಲ್ಲಿ ಹೊಸ ಬಾರ್ಜ ನಿರ್ಮಾಣ ಆಗಬೇಕು’ ಎಂದು ದಿನಕರ ಶೆಟ್ಟಿ ಅವರು ಒತ್ತಾಯಿಸಿದರು.  
- [ಶಿಕ್ಷಕ ದಂಪತಿಗೆ ಸನ್ಮಾನ - ಸಮಾರಂಭ](https://mobiletime.in/2026/03/ceremony-honoring-teacher-couple/): ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕುಗ್ರಾಮಗಳಲ್ಲಿ 40 ವರ್ಷ ಅಧ್ಯಾಪಕರಾಗಿ ಕರ್ತವ್ಯ ನಿರ್ವಹಿಸಿ ನಿವೃತ್ತರಾದ ಕೃಷ್ಣಾನಂದ ಭಟ್ಟ ಹಾಗೂ `ಜನಪ್ರಿಯ ಶಿಕ್ಷಕಿ’ ಪ್ರಶಸ್ತಿ ಪುರಸ್ಕೃತರಾದ ಅವರ ಜಯಶ್ರೀ ಔಟ್ಟ ಅವರಿಗೆ ಅವರ ಶಿಷ್ಯವರ್ಗ, ಅಭಿಮಾನಿಗಳು, ಸಹೋದ್ಯೋಗಿಗಳು ಹಾಗೂ ಬಂಧುವರ್ಗದವರು ಸೇರಿ ಅಭಿನಂದನಾ ಸಮಾರಂಭ ಆಯೋಜಿಸಿದ್ದಾರೆ. ಮಾರ್ಚ 22ರಂದು ಈ ಸಮಾರಂಭ ನಡೆಯಲಿದೆ. ಈ ಶಿಕ್ಷಕ ದಂಪತಿ ಎಂಭತ್ತೆರಡರ ಹರೆಯಕ್ಕೆ ಅಡಿಯಿಡುವ ಹಾಗೂ ವೈವಾಹಿಕ ಜೀವನದ ಸುವರ್ಣಮಹೋತ್ಸವ ಸಂದರ್ಭದಲ್ಲಿ ಕುಮಟಾ ತಾಲೂಕು ಬೆತ್ತಗೇರಿ ಸಮೀಪ ಹೊಳೆಗದ್ದೆಯ ಶ್ರೀ ಶಾಂತಿಕಾ ಪರಮೇಶ್ವರಿ ದೇವಾಲಯದ ಸಭಾಭವನದಲ್ಲಿ ಸಮಾರಂಭ ನಡೆಯಲಿದ್ದು, ಬೆಳಗ್ಗೆ ಆರಂಭಗೊAಡು ರಾತ್ರಿಯ ಭೋಜನದೊಂದಿಗೆ ಮುಕ್ತಾಯಗೊಳ್ಳುವ ಕಾರ್ಯಕ್ರಮದಲ್ಲಿ ಅಭಿನಂದನ ಗ್ರಂಥ ಬಿಡುಗಡೆ, ಗುರುದಂಪತಿಗೆ, ಸಾಧಕರಿಗೆ ಸನ್ಮಾನ, ವಿಚಾರಗೋಷ್ಠಿ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮ ಇರಲಿದೆ. ಸಾಂಸಾರಿಕ ಕಾರಣಗಳಿಂದ ವಿದ್ಯಾಭ್ಯಾಸ ಮೊಟಕುಗೊಳಿಸಿ ಸರಕಾರಿ ಪ್ರಾಥಮಿಕ ಶಾಲಾ ಶಿಕ್ಷಕರಾಗಿ ವೃತ್ತಿ ಜೀವನ ಆರಂಭಿಸಿದ ಕೃಷ್ಣಾನಂದ ಭಟ್ಟರು ಆದರ್ಶ ಶಿಕ್ಷಕರಾಗಿ ಸಾವಿರಾರು ವಿದ್ಯಾರ್ಥಿಗಳಿಗೆ ಗುರುವಾಗಿ ವಿದ್ಯಾದಾನ ಮಾಡಿದ್ದು, ಅವರ ವಿದ್ಯಾರ್ಥಿಗಳು ದೇಶದ ಉದ್ದಗಲದಲ್ಲಲ್ಲದೆ, ವಿದೇಶಗಳಲ್ಲೂ ನೆಲೆಸಿ ಆದರ್ಶ ಜೀವನ ನಡೆಸುತ್ತಿದ್ದಾರೆ. ಜಯಶ್ರೀ ಅವರು ಶಿಕ್ಷಕಿಯಾಗಿ ಬೋಧನಾ ತತ್ಪರತೆಯಿಂದಾಗಿ ಶಿಕ್ಷಣ ಇಲಾಖೆಯ ಜನಪ್ರಿಯ ಶಿಕ್ಷಕಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ನಿವೃತ್ತಿ ಬಳಿಕ ಭಟ್ಟರು ಶ್ರೀರಾಮಚಂದ್ರಪುರ ಮಠದಲ್ಲಿ ಪ್ರಧಾನ ಗುರಿಕಾರರಾಗಿ, ಸಾಮಾಜಿಕ, ಧಾರ್ಮಿಕ ಹಾಗೂ ಸಾಹಿತ್ಯಿಕ ಕಾರ್ಯಗಳಲ್ಲಿ ತೊಡಗಿಕೊಂಡಿದ್ದು, ಗೋಮಾತೆಯ ಸಾರ್ಥಕ ಜೀವನವನ್ನು ಬಣ್ಣಿಸುವ ಕವಿತೆಗಳನ್ನು ರಚಿಸಿ, ಅವುಗಳನ್ನೊಳಗೊಂಡ ಧ್ವನಿಸುರುಳಿ ‘ಶ್ರೀಗೋಭಕ್ತಿ ಸುಧೆ’ಯನ್ನು ಸನಾತನ ಲೋಕಕ್ಕೆ ಅರ್ಪಿಸಿದ್ದಾರೆ. ಜಯಶ್ರೀ ಅವರು ಶ್ರೀಮಠದಲ್ಲಿ ‘ಮಾತೃಪ್ರಧಾನೆ’ಯಾಗಿ ಸೇವಾನಿರತರಾಗಿದ್ದು, ದಂಪತಿಯು ಶ್ರೀಗಳಿಂದ ‘ಶ್ರೀಗುರು ಸೇವಾತಿಲಕ’ ಪುರಸ್ಕಾರಕ್ಕೆ ಪಾತ್ರರಾಗಿದ್ದಾರೆ.
- [ಜಲಕ್ರೀಡೆಗೆ ದುಬಾರಿ ದರ: ಮಾರಾಮಾರಿ!](https://mobiletime.in/2026/03/expensive-prices-for-water-sports-a-fight/): ಉತ್ತರ ಕನ್ನಡ ಜಿಲ್ಲೆಯ ಪ್ರವಾಸೋದ್ಯಮ ಚಟುವಟಿಕೆಯಲ್ಲಿ ಜಲಕ್ರೀಡೆಯೂ ಪ್ರಮುಖ ಸ್ಥಾನಪಡೆದಿದ್ದು, ಗಣೇಶಗುಡಿಯ ಕಾಳಿ ನದಿಯಲ್ಲಿ ರಾಪ್ಟಿಂಗ್ ಚಟುವಟಿಕೆ ಜೋರಾಗಿದೆ. ಸದ್ಯ ರಾಪ್ಟಿಂಗ್ ದರದಲ್ಲಿ ಏರಿಕೆ ಕಂಡಿರುವುದು ಹೊಡೆದಾಟಕ್ಕೆ ಕಾರಣವಾಗಿದೆ. ಗಣೇಶಗುಡಿ ಬಳಿಯುರುವ ರಾಫ್ಟಿಂಗ್ ಚಟುವಟಿಕೆಗಾಗಿ ದೇಶ-ವಿದೇಶಗಳಿಂದ ಪ್ರವಾಸಿಗರು ಬರುತ್ತಾರೆ. ಅನೇಕರು ಪಾಳಿಯಲ್ಲಿ ಕಾದು ಜಲಕ್ರೀಡೆಯನ್ನು ಅನುಭವಿಸುತ್ತಾರೆ. ರೆಸಾರ್ಟ ಮಾಲಕರು, ಎಜೆಂಟರ ಜೊತೆ ರಾಪ್ಟಿಂಗ್ ಚಟುವಟಿಕೆ ನಡೆಸುವ ಅನೇಕರು ಈ ಜಲಕ್ರೀಡೆಯಿಂದ ಜೀವನ ನಡೆಸುತ್ತಿದ್ದಾರೆ. ಈಚೆಗೆ ಅಲ್ಲಿನ ಜಟ್ಟಿಯವರು ರಾಫ್ಟಿಂಗ್ ಚಟುವಟಿಕೆಯ ದರ ಹೆಚ್ಚಿಸಿದ್ದು, ಗಲಾಟೆಗೆ ಕಾರಣವಾಗಿದೆ. ಗಣೇಶಗುಡಿಯ ಇಳವಾದಲ್ಲಿ ಸೂಪಾ ಅಸೋಶಿಯೇಶನ್ ಅವರು ರಾಪ್ಟಿಂಗ್ ಚಟುವಟಿಕೆಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಕೇಂದ್ರವನ್ನು ನಿರ್ಮಿಸಿದ್ದಾರೆ. ಆ ಕೇಂದ್ರದ ಮೂಲಕ ರಾಪ್ಟಿಂಗ್ ಚಟುವಟಿಕೆ ನಡೆಯುತ್ತಿದೆ. ಈ ನಡುವೆ ರಾಫ್ಟಿಂಗ್ ಚಟುವಟಿಕೆಯ ದರ ದುಬಾರಿಯಾಗಿದ್ದು, ಅದಕ್ಕೆ ವಿರೋಧಿಸಿದಾಗ ಹೊಡೆದಾಟ ನಡೆದಿದೆ. ಮಾರ್ಚ 17ರ ಮಧ್ಯಾಹ್ನ 3.45ಕ್ಕೆ 15-20 ಜನ ಸೇರಿ ಒನ್ ಕೌಂಟರ್ ಬಳಿ ಗಲಾಟೆ ಮಾಡಿದ್ದಾರೆ. ಪರಸ್ಪರ ಕೈ ಕೈ ಮಿಲಾಯಿಸಿಕೊಂಡು ಹೊಡೆದಾಡಿಕೊಂಡಿದ್ದಾರೆ. ರಾಫ್ಟಿAಗ್ ಬುಕ್ಕಿಂಗ್ ಕೌಂಟರ್ ಬಳಿ ಕೆಲವರು ದರ ದುಬಾರಿಯಾದ ಬಗ್ಗೆ ಪ್ರಶ್ನಿಸಲು ತೆರಳಿದಾಗ ವಾಗ್ವಾದ ನಡೆದಿದೆ. ಎರಡು ಗುಂಪುಗಳ ನಡುವೆ ಮಾರಾಮಾರಿ ಶುರುವಾಗಿದೆ. ಸ್ಥಳಕ್ಕೆ ರಾಮನಗರ ಪೊಲೀಸರು ದೌಡಾಯಿಸಿದ್ದು, ಪರಿಸ್ಥಿತಿ ನಿಭಾಯಿಸಿದ್ದಾರೆ. ಅದಾದ ನಂತರ ಹೊಡೆದಾಟದಲ್ಲಿ ಭಾಗಿಯಾದ ದಾಂಡೇಲಿಯ ಶ್ಯಾಮಲಾ, ಕರೀಂ ಕತೀಬ್, ಸಂಜು ನಂದ್ಯಾಳಕರ್, ಪವನ ಕೊನ್ನೂರು, ಉದಯ, ಜೋಸೆಫ್ ಬೈಲಾ, ಸಜೀನ್ ಕಾಳೋಜಿ ಹಾಗೂ ದಾಂಡೇಲಿ ಇಳುವಾದ ಚಾಂದಾ ಕುಟ್ಟಿ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಅಲ್ಲಿ-ಇಲ್ಲಿ ಬಿಯರ್ ಕುಡಿಯುವುದು ಅಪರಾಧ!](https://mobiletime.in/2026/03/drinking-beer-here-and-there-is-a-crime/): ದಾಂಡೇಲಿಯ ಜಿ ಪ್ಲಸ್ ಟೂ ವಸತಿ ಸಂಕೀರ್ಣದ ಬಳಿ ಇಬ್ಬರು ಬಿಯರ್ ಕುಡಿಯುತ್ತ ಕುಳಿತಿದ್ದು, ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಕಾನೂನುಬಾಹಿರವಾಗಿ ಬಿಯರ್ ಕುಡಿದ ಕಾರಣ ಅವರ ವಿರುದ್ಧ ಕಠಿಣ ಕ್ರಮವಾಗಿದೆ! ದಾಂಡೇಲಿ ಪೆಪರ್ ಮಿಲ್ಲಿನಲ್ಲಿ ಕೆಲಸ ಮಾಡುವ ಮೌಳಂಗಿಯ ಗಜಾನನ ಭೀರಮಣ್ಣ ಕಾಲಕುಂದ್ರಿ (೨೩) ಹಾಗೂ ಬ್ಲಾಕ್ ಪಾಕ್ಟರಿಯಲ್ಲಿ ಕೆಲಸ ಮಾಡುವ ಕೊಂಡಪಾದ ಬಸವರಾಜ ಸಂಗಣ್ಣನವರ್ (೨೮) ಅವರು ಮಾರ್ಚ ೧೫ರ ರಾತ್ರಿ ಪಾರ್ಟಿ ಮಾಡಲು ನಿರ್ಧರಿಸಿದ್ದರು. ಆ ದಿನ ರಾತ್ರಿ ೮ ಗಂಟೆಗೆ ಅವರಿಬ್ಬರು ಬಿಯರ್ ಬಾಟಲಿ ಹಿಡಿದು ಜಿ ಪ್ಲಸ್ ಟೂ ವಸತಿ ಸಂಕೀರ್ಣದ ಬಳಿ ಕುಳಿತಿದ್ದರು. ಅಲ್ಲಿಗೆ ಆಗಮಿಸಿದ ಪಿಸೈ ಅಮೀನಸಾಬ್ ಅತ್ತಾರ್ ಅವರು ಇಬ್ಬರನ್ನು ವಿಚಾರಣೆಗೆ ಒಳಪಡಿಸಿದರು. ಅಷ್ಟರಲ್ಲಿ ಅವರಿಬ್ಬರು ಬಿಯರ್ ಕುಡಿದು ಖಾಲಿ ಮಾಡಿದ್ದರೂ ಸಹ ಅವರ ಬಳಿಯಿದ್ದ ಖಾಲಿ ಬಾಟಲಿಯನ್ನು ಪೊಲೀಸರು ವಶಕ್ಕೆಪಡೆದರು. ಸಾರ್ವಜನಿಕ ಸ್ಥಳದಲ್ಲಿ ಕಾನೂನುಬಾಹಿರವಾಗಿ ಬಿಯರ್ ಕುಡಿಯುವುದು ತಪ್ಪು ಎಂದು ಪೊಲೀಸರು ಅವರಿಗೆ ಅರಿವು ಮೂಡಿಸಿದರು. ಅದಾದ ನಂತರ ಮಾಡಿದ ತಪ್ಪಿಗೆ ಅನುಸಾರವಾಗಿ ಅವರಿಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿದರು. ಸಾರ್ವಜನಿಕ ಸ್ಥಳದಲ್ಲಿ ಬಿಯರ್ ಸೇವಿಸಿದ ಕಾರಣ ಗಜಾನನ ಕಾಲಕುಂದಿ ಹಾಗೂ ಬಸವರಾಜ ಸಂಗಣ್ಣನವರ್ ಅವರು ನ್ಯಾಯಾಲಯಕ್ಕೆ ಅಲೆದಾಡಬೇಕಿದೆ. `ಮದ್ಯಪಾನ ಆರೋಗ್ಯಕ್ಕೆ ಒಳಿತಲ್ಲ’
- [ಕೈ ಕೊಟ್ಟ ಬೈಕು: ಪಿಗ್ಮಿ ಕಲೆಕ್ಟರ್ ಮನೆಯಲ್ಲಿ ರಂಪಾಟ!](https://mobiletime.in/2026/03/a-bike-that-was-given-away-broke-into-the-house-and-caused-a-commotion/): ಸೆಕೆಂಡ್ ಹ್ಯಾಂಡ್ ಬೈಕ್ ಖರೀದಿ ವಿಷಯದಲ್ಲಿ ಶಿರಸಿಯ ಲೋಹಿತ ಮಡಿವಾಳ ಹಾಗೂ ದರ್ಶನ ಗೌಡ ಅವರ ನಡುವೆ ವೈಮನಸ್ಸು ಮೂಡಿದೆ. ಈ ವಿಷಯ ತಾರಕ್ಕೇರಿದ್ದು, ಲೋಹಿತ ಮಡಿವಾಳ ಅವರು ತಮ್ಮ ಸಹಚರರ ಜೊತೆ ದರ್ಶನ ಗೌಡ ಅವರ ಮನೆಗೆ ನುಗ್ಗಿ ಗಲಾಟೆ ಮಾಡಿದ್ದಾರೆ. ಈ ವೇಳೆ ದರ್ಶನ್ ಗೌಡ ಅವರ ತಾಯಿಯ ಚೂಡಿದಾರ ಎಳೆದು, ಅದನ್ನು ಹರಿದಿದ್ದಾರೆ. ಶಿರಸಿಯ ಶ್ರೀನಗರ ಇಂಡಸ್ಟಿಯಲ್ ಏರಿಯಾದಲ್ಲಿ ಸಂದ್ಯಾ ಗೌಡ ಅವರು ವಾಸವಾಗಿದ್ದಾರೆ. ಪಿಗ್ಮಿ ಕೆಲಕ್ಟರ್ ಆಗಿ ಅವರು ಜೀವನ ನಡೆಸುತ್ತಿದ್ದಾರೆ. ಸಂದ್ಯಾ ಗೌಡ ಅವರ ಮಗ ದರ್ಶನ ಗೌಡ ಅವರು ಬಚಗಾಂವಿನ ಲೋಹಿತ ಮಡಿವಾಳ ಅವರಿಗೆ ಸೆಕೆಂಡ್ ಹ್ಯಾಂಡ್ ಬೈಕ್ ಕೊಡಿಸಿದ್ದಾರೆ. ಆ ಬೈಕ್ ಹಾಳಾದ ಕಾರಣ ಲೋಹಿತ ಮಡಿವಾಳ ಅವರ ಜೊತೆ ಬಚಗಾಂವಿನ ಸಂತೋಷ ಗೌಡ ಹಾಗೂ ಸ್ವಸ್ತಿಕ್ ಮಡಿವಾಳ ಅವರು ಸಂದ್ಯಾ ಗೌಡ ಅವರ ಮನೆಗೆ ನುಗ್ಗಿ ರಂಪಾಟ ಮಾಡಿದ್ದಾರೆ. ಮಾರ್ಚ 16ರ ರಾತ್ರಿ ಶ್ರೀ ನಗರ ಇಂಡಸ್ಟಿಯಲ್ ಏರಿಯಾಗೆ ಲೋಹಿತ ಮಡಿವಾಳ, ಸಂತೋಷ ಗೌಡ ಹಾಗೂ ಸ್ವಸ್ತಿಕ್ ಮಡಿವಾಳ ಅವರು ನುಗ್ಗಿದ್ದಾರೆ. ಅಲ್ಲಿದ್ದ ದರ್ಶನ್ ಗೌಡ ಅವರ ಕೈ ಹಿಡಿದು ಅವರೆಲ್ಲರೂ ಹೊಡೆದಿದ್ದಾರೆ. ಆಗ, ಸಂದ್ಯಾ ಗೌಡ ಅವರು ಅದನ್ನು ಪ್ರಶ್ನಿಸಿದ್ದು, `ಮಗನನ್ನು ಸರಿಯಾಗಿ ಬೆಳೆಸಲು ಆಗುವುದಿಲ್ಲ. ಎಂಥ ತಾಯಿ ನೀನು?’ ಎಂದು ಅವರೆಲ್ಲರೂ ಬೆದರಿಸಿದ್ದಾರೆ. ಈ ವೇಳೆ ಸ್ವಸ್ತಿಕ ಮಡಿವಾಳ ಅವರು ಸಂದ್ಯಾ ಗೌಡ ಅವರ ಚೂಡಿದಾರ ಹಿಡಿದು ಎಳೆದಿದ್ದಾರೆ. ಆಗ, ಚೂಡಿದಾರ ಹರಿದಿದ್ದು, ಆ ಮೂವರು ಸೇರಿ ತಾಯಿ-ಮಗನಿಗೆ ಬೆದರಿಕೆಯನ್ನು ಒಡ್ಡಿದ್ದಾರೆ. ಈ ವಿಷಯದ ಬಗ್ಗೆ ಸಂದ್ಯಾ ಗೌಡ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಶಿರಸಿ ಗ್ರಾಮೀಣ ಠಾಣೆ ಪೊಲೀಸರಿಂದ ಆರೋಪಿತರ ವಿರುದ್ಧ ಕ್ರಮವಾಗಿದೆ.  
- [ಟಿಪ್ಪರ್ ಚಾಲಕನ ದುಡುಕುತನ: ಯುವಕನ ಬದುಕಿಗೆ ಇಂದೇ ಕೊನೆ ದಿನ!](https://mobiletime.in/2026/03/tipper-drivers-recklessness-today-is-the-last-day-of-the-young-mans-life/): ಬೈಕಿಗೆ ಟಿಪ್ಪರ್ ಗುದ್ದಿದ ಕಾರಣ ಬೈಕ್ ಸವಾರರೊಬ್ಬರು ಸಾವನಪ್ಪಿದ್ದಾರೆ. ದಿನೇಶ ನಾಯ್ಕ ಅವರು ವೇಗವಾಗಿ ಟಿಪ್ಪರ್ ಓಡಿಸಿದ ಪರಿಣಾಮ ನಾಗರಾಜ ಹರಿಕಂತ್ರ ಅವರ ಜೀವನ ಕೊನೆಯಾಗಿದೆ. ಭಟ್ಕಳದ ಎಡಭದ್ರು ಕ್ರಾಸಿನ ಬಳಿ ಈ ಅಪಘಾತ ನಡೆದಿದೆ. ಮೀನುಗಾರಿಕೆ ನಡೆಸಿಕೊಂಡು ಜೀವನ ನಡೆಸುತ್ತಿದ್ದ ತೂದಳ್ಳಿ ಹಿರೆದೋಮಿ ನಿವಾಸಿ ನಾಗರಾಜ ಸುಕ್ರಾ ಹರಿಕಾಂತ ಅವರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ರಾಷ್ಟ್ರೀಯ ಹೆದ್ದಾರಿ ಪ 66ರ ಹೊನ್ನಾವರ ಪ ಭಟ್ಕಳ ರಸ್ತೆಯಲ್ಲಿ ಅವರು ಬೈಕ್ ಓಡಿಸುವಾಗ ಟಿಪ್ಪರ್ ಗುದ್ದಿದೆ. ಹೊನ್ನಾವರ ಕಡೆಯಿಂದ ಮುರ್ಡೇಶ್ವರ ಕಡೆಗೆ ಸಾಗುತ್ತಿದ್ದ ಟಿಪ್ಪರ್ ಲಾರಿ ಚಾಲಕನ ದುಡುಕುತನ ಹಾಗೂ ನಿರ್ಲಕ್ಷ್ಯ ಅವಘಡಕ್ಕೆ ಕಾರಣ. ಅದೇ ದಿಕ್ಕಿನಲ್ಲಿ ಸಾಗುತ್ತಿದ್ದ ನಾಗರಾಜ ಅವರ ಕೆಟಿಎಂ ಬೈಕ್‌ಗೆ ಟಿಪ್ಪರ್ ಹಿಂಭಾಗದಿAದ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ಪರಿಣಾಮ ನಾಗರಾಜ ಅವರು ಬೈಕ್ ಮೇಲಿನ ನಿಯಂತ್ರಣ ಕಳೆದುಕೊಂಡು ರಸ್ತೆಗೆ ಬಿದ್ದು ತಲೆಗೆ ಸೇರಿದಂತೆ ದೇಹದ ವಿವಿಧ ಭಾಗಗಳಿಗೆ ಗಂಭೀರ ಗಾಯಗೊಂಡಿದ್ದಾರೆ. ತಕ್ಷಣ ಅವರನ್ನು ಮಣಿಪಾಲದ ಕಸ್ತೂರಬಾ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಪ್ರಯೋಜನವಾಗಲಿಲ್ಲ. ಈ ಸಂಬAಧ ಹೇಮಂತ ನಾರಾಯಣ ಹರಿಕಾಂತ ಅವರು ಮುರ್ಡೇಶ್ವರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಟಿಪ್ಪರ್ ಲಾರಿ ಚಾಲಕ ದಿನೇಶ್ ರಾಮಚಂದ್ರ ನಾಯ್ಕ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.
- [ಕಲಿಕಾ ಸಾಮರ್ಥ್ಯ ಹೆಚ್ಚಳಕ್ಕೆ ಸೌಲಭ್ಯ ಸಹಕಾರಿ](https://mobiletime.in/2026/03/the-facility-helps-in-increasing-learning-capacity/): `ಪಠ್ಯೇತರ ಸೌಲಭ್ಯಗಳೂ ಸಹ ಮಕ್ಕಳ ಕಲಿಕಾ ಸಾಮರ್ಥ್ಯವನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ’ ಎಂದು ಶಿರಸಿ ಕ್ಷೇತ್ರ ಶಿಕ್ಷಣಾಧಿಕಾರಿ ನಾಗರಾಜ ನಾಯ್ಕ ಹೇಳಿದ್ದಾರೆ. ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿ ಹಾಗೂ ರೋಟರಿ ಕ್ಲಬ್ ಶಿರಸಿ ಸಹಯೋಗದಲ್ಲಿ ಗಣೇಶನಗರ ಸರಕಾರಿ ಪ್ರಾಥಮಿಕ ಶಾಲೆಗೆ ಡೆಸ್ಕ್ ಮತ್ತು ಬೆಂಚ್ ಪೀಠೋಪಕರಣ ಹಸ್ತಾಂತರಿಸಿ ಮಾತನಾಡಿದ ಅವರು `ಮಕ್ಕಳ ಅಗತ್ಯಕ್ಕೆ ಅನುಗುಣವಾಗಿ ಪೀಠೋಪಕರಣ ಒದಗಿಸಿರುವುದರಿಂದ ಅವರ ಕಲಿಕೆಗೆ ಅನುಕೂಲವಾಗಿದೆ’ ಎಂದಿದ್ದಾರೆ. `ಗಣೇಶ ನಗರ ಸರ್ಕಾರಿ ಪ್ರಾಥಮಿಕ ಶಾಲೆಯ ಹೆಚ್ಚಿನ ಮಕ್ಕಳು ಬಡ ಕುಟುಂಬಗಳ ಮಕ್ಕಳೇ ಆಗಿರುವುದರಿಂದ ಅವರಿಗೆ ಅಗತ್ಯವಿರುವ ಪೀಠೋಪಕರಣಗಳನ್ನು ಒದಗಿಸಿರುವುದು ಉತ್ತಮ ಬೆಳವಣಿಗೆ. ಈ ಚಟುವಟಿಕೆಯಿಂದ ಮಕ್ಕಳಲ್ಲಿ ಶಿಸ್ತು ಹಾಗೂ ಕಲಿಕಾ ಸಾಮರ್ಥ್ಯವನ್ನು ಹೆಚ್ಚಿಸಲು ಸಹಾಯವಾಗುತ್ತದೆ’ ಎಂದವರು ಹೇಳಿದ್ದಾರೆ. ಶಿರಸಿ ರೋಟರಿ ಕ್ಲಬ್‌ನ ಅಧ್ಯಕ್ಷ ಶ್ರೀನಿವಾಸ ನಾಯ್ಕ ಅವರು ಮಾತನಾಡಿ `ರೋಟರಿ ಕ್ಲಬ್ ಶಿಕ್ಷಣ ಕ್ಷೇತ್ರದಲ್ಲಿ ಮಾದರಿ ಕಾರ್ಯಕ್ರಮಗಳನ್ನು ರೂಪಿಸಿ ಶಾಲಾ ವಿದ್ಯಾರ್ಥಿಗಳಿಗೆ ಸಹಾಯಕಾರಿ. ಮುಂದಿನ ದಿನಗಳಲ್ಲಿ ರೋಟರಿ ಕ್ಲಬ್‌ನಿಂದ ಹೆಚ್ಚಿನ ಕಾರ್ಯಕ್ರಮಗಳನ್ನು ಶಿರಸಿ ನಗರದ ಶಾಲೆಗಳಲ್ಲಿ ಆಯೋಜಿಸಲಾಗುತ್ತದೆ’ ಎಂದು ಘೋಷಿಸಿದ್ದಾರೆ. `ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಅಧ್ಯಕ್ಷೆ ಸರಸ್ವತಿ ಎನ್ ರವಿ ಅವರು ಮಾತನಾಡಿ `ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯು ದುಡಿಯುವ ಮಹಿಳೆಯರ ಸಂಸ್ಥೆಯಾಗಿದ್ದು, ಬಡ ಮಕ್ಕಳ ಶಿಕ್ಷಣ, ಆರೋಗ್ಯ, ವ್ಯಕ್ತಿತ್ವ ವಿಕಸನ, ವೃತ್ತಿ ಕೌಶಲ್ಯಕ್ಕೆ ಸೇರಿದಂತೆ ಹಲವಾರು ಕಾರ್ಯಕ್ರಮಗಳನ್ನು ಅನುಷ್ಠಾನ ಮಾಡುತ್ತಿದೆ. ಸಂಸ್ಥೆಯ ಮುಖಾಂತರ 150ಕ್ಕೂ ಹೆಚ್ಚಿನ ಶಾಲೆಗಳಲ್ಲಿ Sಖಿಇಒ ಐಚಿb, ಉಚಿತ ಸ್ಯಾನಿಟರಿ ಪ್ಯಾಡ್ ವಿತರಣೆ, ಬೇಸಿಗೆ ಶಿಬಿರಗಳು, ಉಚಿತ ಆರೋಗ್ಯ ತಪಾಸಣಾ ಶಿಬಿರಗಳು ಸೇರಿದಂತೆ ಹಲವಾರು ಕಾರ್ಯಕ್ರಮಗಳನ್ನು ರೂಪಿಸಲಾಗಿದೆ’ ಎಂದಿದ್ದಾರೆ. ಕಾರ್ಯಕ್ರಮದಲ್ಲಿ ಸ್ಕೊಡ್‌ವೆಸ್ ಸಂಸ್ಥೆಯ ಆಡಳಿತ ಮಂಡಳಿ ನಿರ್ದೇಶಕ ಕೆ.ಎನ್. ಹೊಸಮನಿ, ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ನಿರ್ದೇಶಕಿ ಮಾಲಿನಿ ಎಸ್ ಮಾತನಾಡಿದರು. ರೋಟರಿ ಖಜಾಂಚಿ ವಿನಾಯಕ್ ಶೇಟ್, ಎಕ್ಸಿಕ್ಯೂಟಿವ್ ಸೆಕ್ರೇಟರಿ ಸತೀಶ ಭಟ್, ಆರ್.ಎ. ಖಾಜಿ, ಗಣೇಶ ಕೂರ್ಸೆ, ಶ್ರೀಪತಿ ಹೆಗಡೆ, ದಿನೇಶ ಹೆಗಡೆ, ರಾಮಚಂದ್ರ ಪ್ರಭು, ಶಾಲಾ ಮುಖ್ಯೋಪಾಧ್ಯಾಯ ತೇಲು ಬೋರ್‌ಕರ್, ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಶಾಖಾ ವ್ಯವಸ್ಥಾಪಕಿ ವಂದನಾ ಜೇಕಬ್ ಇದ್ದರು. ಶಾಲಾ ಶಿಕ್ಷಕ ಮೋಹನ ನಾಯ್ಕ ಸ್ವಾಗತಿಸಿದರು. ಶಿಕ್ಷಕಿ ಶ್ರೀಮತಿ ಹೆಗಡೆ ವಂದಿಸಿದರು. ಶಿಕ್ಷಕಿ ಜಯಶ್ರೀ ಭಟ್ ಕಾರ್ಯಕ್ರಮ ನಿರ್ವಹಿಸಿದರು.
- [ಹೈಸ್ಕೂಲ್ ಹುಡುಗಿಗೆ ಕಾಟ: ಕಾಮುಕ ಶೇಖರನಿಗೆ 20 ವರ್ಷ ಜೈಲು!](https://mobiletime.in/2026/03/high-school-girl-terrorized-kamuka-shekhar-gets-20-years-in-prison/): ಹೈಸ್ಕೂಲ್ ಹುಡುಗಿಗೆ ಲೈಂಗಿಕ ಹಿಂಸೆ ನೀಡಿದ ಯಲ್ಲಾಪುರದ ಶೇಖರ ದೇವಾಡಿಗ ಅವರಿಗೆ ನ್ಯಾಯಾಲಯ 20 ವರ್ಷ ಕಠಿಣ ಶಿಕ್ಷೆ ವಿಧಿಸಿದೆ. ಜೊತೆಗೆ 1.10 ಲಕ್ಷ ರೂ ದಂಡ ಪಾವತಿಗೂ ಆದೇಶಿಸಿದೆ. ಯಲ್ಲಾಪುರದ ಕುಂದರಗಿ ಬಳಿಯ ಮಾವಿನಕಟ್ಟಾದ ಶೇಖರ ಮಾಧವ ದೇವಾಡಿಗ (30) ಅವರು ಅಪ್ರಾಪ್ತೆಯೊಬ್ಬರಿಗೆ ಲೈಂಗಿಕ ಹಿಂಸೆ ನೀಡಿದ್ದರು. 14 ವರ್ಷದ ಬಾಲಕಿಯನ್ನು ಪುಸಲಾಯಿಸಿ ಅನಾಚಾರ ಮಾಡಿದ್ದರು. 2022ರಲ್ಲಿ ಈ ವರ್ತಮಾನ ನಡೆದಿದ್ದು, ಸಂತ್ರಸ್ತೆ ನೀಡಿದ ಮಾಹಿತಿ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಆರೋಪಿ ಶೇಖರ್ ದೇವಾಡಿಗ ಅವರನ್ನು ಪೊಲೀಸರು ಬಂಧಿಸಿದ್ದರು. ಈ ಪ್ರಕರಣ ಕಾರವಾರ ನ್ಯಾಯಾಲಯದ ಮೆಟ್ಟಿಲೇರಿತು. ಅಪ್ರಾಪ್ತೆಗೆ ಲೈಂಗಿಕ ದೌರ್ಜನ್ಯ ನಡೆಸಿದ ಆರೋಪಿಗೆ ಕಠಿಣ ಶಿಕ್ಷೆ ವಿಧಿಸಬೇಕು ಎಂದು ಸರ್ಕಾರಿ ಅಭಿಯೋಜಕ ಗುರುಶಾಂತಯ್ಯ ಕುರ್ಡಿಕೇರಿ ವಾದ ಮಂಡಿಸಿದರು. ಇದಕ್ಕೆ ಪೂರಕ ಸಾಕ್ಷಿಗಳನ್ನು ಅವರು ಒದಗಿಸಿದರು. ಆಗಿನ ಯಲ್ಲಾಪುರ ಪಿಐ ಸುರೇಶ ಎಳ್ಳೂರು ತನಿಖೆ ನಡೆಸಿ, ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು. ಈಗಿನ ಪಿಐ ರಮೇಶ ಹಾನಾಪುರ ಅವರು ಪ್ರಕರಣದ ರೂಪುರೇಶೆಗಳ ಬಗ್ಗೆ ನ್ಯಾಯಾಲಯಕ್ಕೆ ಸಮಗ್ರ ವರದಿ ನೀಡಿದರು. ಎಸೈ ವಿಠ್ಠಲ್ ಲವಾಡಕರ್ ಅವರು ಕೋರ್ಟ ಮಾನೆಟಿರಿಂಗ್ ಕೆಲಸ ನಿರ್ವಹಿಸಿದರು. ಎಸೈ ಗಜಾನನ ನಾಯ್ಕ ಹಾಗೂ ಸಿಬ್ಬಂದಿ ವಿರೇಶ ಎಂ ಎಚ್ ಅವರು ವಿಚಾರಣೆ ವೇಳೆ ಸಾಕ್ಷಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಎಲ್ಲಾ ದಾಖಲೆ ಹಾಗೂ ಸಾಕ್ಷಿ ಗಮನಿಸಿದ ನ್ಯಾಯಧೀಶೆ ಪ್ರತಿಭಾ ಕುಲಕರ್ಣಿ ಅವರು ಮಾರ್ಚ 17ರಂದು ತಮ್ಮ ಆದೇಶ ಪ್ರಕಟಿಸಿದರು. ಆ ಆದೇಶದ ಪ್ರಕಾರ ಆರೋಪ ಸಾಭೀತಾಗಿದ್ದು, 30 ವರ್ಷದ ಶೇಖರ ದೇವಾಡಿಗ ಅವರು ಮುಂದಿನ 20 ವರ್ಷಗಳ ಕಾಲ ಜೈಲು ವಾಸ ಅನುಭವಿಸಬೇಕಿದೆ. ಜೊತೆಗೆ 1.10 ಲಕ್ಷ ರೂ ದಂಡ ಪಾವತಿಸಬೇಕಿದೆ. ಸಂತ್ರಸ್ತೆಗೆ ಕಾನೂನು ಸೇವಾ ಪ್ರಾಧಿಕಾರದಿಂದ 4 ಲಕ್ಷ ರೂ ಪರಿಹಾರ ಪಡೆಯುವ ಅವಕಾಶ ಕೊಡಲಾಗಿದೆ.  
- [ರೌಡಿಶೀಟರ್ ಗಡಿಪಾರು!](https://mobiletime.in/2026/03/rowdy-sheeter-deported/): ಕಳ್ಳತನ, ಜೀವ ಬೆದರಿಕೆ ಸೇರಿ ವಿವಿಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಬನವಾಸಿ ಬದನಗೋಡಿನ ಸುನಿಲ ಬೋವಿವಡ್ಡರ್ (ಸ್ವಾಮೇಲಾ) ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದೆ. ಸಾರ್ವಜನಿಕ ಶಾಂತಿ ಮತ್ತು ಸುವ್ಯವಸ್ಥೆಗೆ ಭಂಗ ತರುವ ಕಾರಣಕ್ಕೆ ಆರು ತಿಂಗಳ ಕಾಲ ನ ಸುನಿಲ ಬೋವಿವಡ್ಡರ್ ಅವರಿಗೆ ಉತ್ತರ ಕನ್ನಡ ಜಿಲ್ಲಾ ಪ್ರವೇಶವನ್ನು ನಿಷೇಧಿಸಲಾಗಿದೆ. ಯಾದಗಿರಿ ಜಿಲ್ಲೆಯಲ್ಲಿ ಅವರು ಅಧಿಕಾರಿಗಳಿಗೆ ಮಾಹಿತಿ ನೀಡಿ ಅಲ್ಲಿಯೇ ವಾಸಿಸಲು ಅವಕಾಶ ಮಾಡಿಕೊಡಲಾಗಿದೆ. ಸುನಿಲ್ ಬೋವಿವಡ್ಡರ್ ಅವರ ವಿರುದ್ಧ ಬನವಾಸಿ ಪೊಲೀಸ್ ಠಾಣೆಯಲ್ಲಿ ಕಳ್ಳತನ ಪ್ರಕರಣಗಳಿವೆ. ಅದರೊಂದಿಗೆ ಇನ್ನೂ ಐದು ವಿವಿಧ ದೂರು ದಾಖಲಾಗಿದೆ. ಈ ಹಿನ್ನಲೆ ಸುನೀಲ್ ಬೋವಿವಡ್ಡರ್ ವಿರುದ್ಧ ರೌಡಿಶೀಟರ್ ಪಟ್ಟಿ ತೆಗೆಯಲಾಗಿದ್ದು, ಅವರ ಚಲನ-ವಲನದ ಮೇಲೆ ಪೊಲೀಸರು ನಿಗಾವಹಿಸಿದ್ದರು. ಅದಾಗಿಯೂ ರೌಡಿ ಚಟುವಟಿಕೆ ಮುಂದುವರೆಸಿದ ಕಾರಣ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಗಡಿಪಾರು ಪ್ರಸ್ತಾವನೆ ಸಲ್ಲಿಸಿದ್ದರು. ಪ್ರಕರಣದ ವಿಚಾರಣೆ ನಡೆಸಿದ ಶಿರಸಿ ಉಪವಿಭಾಗಾಧಿಕಾರಿ ಚಂದ್ರಶೇಖರ ಆರ್ ಜಿ ಅವರು ಮಾರ್ಚ್ 16ರಂದು ಗಡಿಪಾರು ಆದೇಶ ಹೊರಡಿಸಿದ್ದಾರೆ. `ವಿವಿಧ ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿರುವ ಸುನಿಲ ಬೋವಿವಡ್ಡರ್ ಸಾರ್ವಜನಿಕರಿಗೆ ಜೀವ ಬೆದರಿಕೆ ಹಾಕುತ್ತಿದ್ದು, ಆ ನಡವಳಿಕೆಯಿಂದ ಜನ ಭಯಭೀತರಾಗಿದ್ದಾರೆ. ಸಾಕ್ಷಿ ಹೇಳಲು ಸಹ ಹಿಂಜರಿಯುತ್ತಿದ್ದಾರೆ. ಸಾರ್ವಜನಿಕ ಶಾಂತಿ ಕಾಪಾಡುವ ದೃಷ್ಟಿಯಿಂದ ಈತನನ್ನು ಜಿಲ್ಲೆಯಿಂದ ಹೊರಹಾಕುವುದು ಅಗತ್ಯ’ ಎಂದು ಉಪವಿಭಾಗಾಧಿಕಾರಿಗಳು ಆದೇಶ ಹೊರಡಿಸಿದ್ದಾರೆ. ಅದರ ಪ್ರಕಾರ, ಮುಂದಿನ 6 ತಿಂಗಳ ಕಾಲ ಸುನೀಲ ಬೋವಿವಡ್ಡರ್ ಅವರು ಉತ್ತರ ಕನ್ನಡ ಜಿಲ್ಲೆಯ ಗಡಿ ಪ್ರವೇಶಿಸುವ ಹಾಗಿಲ್ಲ.
- [ಕಾಗದ ಕಾರ್ಖಾನೆ: ಕರಪತ್ರ ಹಂಚಿದವರ ವಿರುದ್ಧ ಕಠಿಣ ಕ್ರಮ!](https://mobiletime.in/2026/03/paper-factory-strict-action-against-those-who-distributed-leaflets/): ದಾಂಡೇಲಿಯ ವೆಸ್ಟಕೋಸ್ಟ್ ಪೆಪರ್ ಮಿಲ್ಲಿನ ಒಳಗೆ ನುಗ್ಗಿದ ಮೂವರು ಕಾರ್ಖಾನೆ ವಿರುದ್ಧ ಕರಪತ್ರ ಹಂಚಿದ್ದಾರೆ. `ಈ ಕಂಪನಿ ಜನರಿಗೆ ಮೋಸ ಮಾಡುತ್ತಿದೆ’ ಎಂದು ಬರೆಯಲಾದ ಪತ್ರವನ್ನು ಅಲ್ಲಿನ ಕಾರ್ಮಿಕರಿಗೆ ವಿತರಿಸಿದ್ದಾರೆ. ದಾಂಡೇಲಿ ಪೆಪರ್ ಮಿಲ್ಲಿನ ಒಳಗೆ ಜಿ ಎನ್ ರಸ್ತೆಯ ಶಿವಾನಂದ ಗಗ್ಗೇರಿ ಅವರು ಪ್ರವೇಶಿಸಿದ್ದಾರೆ. ಅವರ ಜೊತೆ ಮತ್ತೆ ಮೂರು ಜನರಿದ್ದು, ಅವರೆಲ್ಲರೂ ಸೇರಿ ಕಂಪನಿ ವಿರುದ್ಧ ಕಾರ್ಮಿಕರಿಗೆ ಕರಪತ್ರ ವಿತರಿಸುವ ಕಾರ್ಯ ಮಾಡಿದ್ದಾರೆ. ಅಲ್ಲಿನ ಸಂರಕ್ಷಿತ ಪ್ರದೇಶಕ್ಕೂ ತೆರಳಿ ಕಾಗದ ಕಾರ್ಖಾನೆ ವಿರುದ್ಧ ಮಾತನಾಡಿದ್ದಾರೆ. ಕಾರ್ಖಾನೆಯ ಆಡಳಿತ ಮಂಡಳಿಯವರನ್ನು ಸಹ ನಿಂದಿಸಿದ್ದಾರೆ. ಮಾರ್ಚ 14ರ ಮಧ್ಯಾಹ್ನ ಶಿವಾನಂದ ಗಗ್ಗೇರಿ ತಂಡದವರು ಕರಪತ್ರ ಹಂಚಿದ್ದಾರೆ. ಇದರಿಂದ ಸಿಟ್ಟಾದ ಕಾರ್ಖಾನೆಯ ಹಿರಿಯ ಕಾನೂನು ಅಧಿಕಾರಿ ಗಂಗಾಧರ ಲಕ್ಷಿö್ಮÃನಾರಾಯಣ ಭಾಗವತ ಅವರು ಶಿವಾನಂದ ಗಗ್ಗೇರಿ ಹಾಗೂ ಮತ್ತೆ ಮೂವರ ವಿರುದ್ಧ ದೂರು ನೀಡಿದ್ದಾರೆ. ಪಾಕ್ಟರಿ ವಿರುದ್ಧ ಅಹವೇಳನ, ಅಪಪ್ರಚಾರ ಮಾಡಿದ ಕಾರಣ ಕ್ರಮ ಜರುಗಿಸಬೇಕು’ ಎಂದು ಗಂಗಾಧರ ಭಾಗವತ್ ಅವರು ದೂರಿದ್ದಾರೆ. ಕಾರ್ಮಿಕರಿಗೆ ಕರಪತ್ರ ಹಂಚುವುದನ್ನು ತಡೆದ ಸೆಕ್ಯುರಿಟಿ ಸಿಬ್ಬಂದಿ ಪ್ರಕಾಶ ಜಾಂಡೆ ಅವರ ಕೆಲಸಕ್ಕೂ ಆರೋಪಿತರು ತಡೆ ಮಾಡಿದ್ದಾರೆ. ಕರಪತ್ರ ಹಂಚಲು ಅನುಮತಿ ಕೇಳಿದಾಗ `ನಾನು ಇಲ್ಲಿ ಮೂರು ಸಲ ಗೆದ್ದಿದ್ದೇನೆ’ ಎಂದು ಶಿವಾನಂದ ಗಗ್ಗೇರಿ ಅವರು ಗದರಿಸಿದ ಬಗ್ಗೆ ಗಂಗಾಧರ ಭಾಗವತ್ ಅವರು ವಿವರಿಸಿದ್ದಾರೆ. ಕಂಪನಿ ಆಡಳಿತ ಮಂಡಳಿ ವಿರುದ್ಧ ನಿಂದಿಸಿ, ಸಿಬ್ಬಂದಿಗೆ ಬೆದರಿಕೆ ಒಡ್ಡಿದವರ ವಿರುದ್ಧ ಕಠಿಣ ಕ್ರಮ ಜರುಗಿಸಬೇಕು ಎಂದವರು ಆಗ್ರಹಿಸಿದ್ದಾರೆ.    
- [ಕೂಲಿ ಕೆಲಸಕ್ಕೆ ಹೋದವ ಶವವಾದ!](https://mobiletime.in/2026/03/the-man-who-went-to-work-as-a-laborer-turned-out-to-be-a-corpse/): ಕೂಲಿ ಕೆಲಸಕ್ಕೆ ಹೋಗಿದ್ದ ಭಟ್ಕಳದ ಮಂಜುನಾಥ ನಾಯ್ಕ ಅವರು ಪೆಟ್ರೊಲ್ ಬಂಕ್ ಪಕ್ಕದ ಖಾಲಿ ಜಾಗದಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಹೃದಯಘಾತದಿಂದ ಅವರು ಸಾವನಪ್ಪಿದ ಅನುಮಾನವ್ಯಕ್ತವಾಗಿದೆ. ಭಟ್ಕಳದ ಕುಕುನಿರ್ ಬಳಿ ಮಂಜುನಾಥ ಜಟ್ಟ ನಾಯ್ಕ (54) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದರು. ಮಾರ್ಚ 14ರಂದು ಬೆಳಗ್ಗೆ 7 ಗಂಟೆಗೆ ಅವರು ಕೂಲಿ ಕೆಲಸಕ್ಕೆ ಹೋಗಿದ್ದರು. ಮರುದಿನ ಮಧ್ಯಾಹ್ನ 2.30ಕ್ಕೆ ಅವರು ಸಾವನಪ್ಪಿದ ಸ್ಥಿತಿಯಲ್ಲಿ ಸಿಕ್ಕಿದ್ದಾರೆ. ಭಾರತ ಪೆಟ್ರೋಲ್ ಬಂಕ್ ಪಕ್ಕದಲ್ಲಿರುವ ದಿಲ್ಮನ್ ಮನೆ ಸಮೀಪದ ಖಾಲಿ ಜಾಗದಲ್ಲಿ ಮಂಜುನಾಥ ನಾಯ್ಕ ಅವರ ಶವ ಕಾಣಿಸಿದೆ. ಅವರು ಹೃದಯಾಘಾತದಿಂದ ಸಾವನಪ್ಪಿದ ಅನುಮಾನವ್ಯಕ್ತವಾಗಿದೆ. ಹುರುಳಿಸಾಲ ಮಿನಿಹಿತ್ತಲು ನಿವಾಸಿ ಕೃಷ್ಣ ಸೋಮಯ್ಯ ನಾಯ್ಕ ಅವರು ಅವರು ಈ ಬಗ್ಗೆ ಮಾಹಿತಿ ನೀಡಿದ್ದು, ಭಟ್ಕಳ ಶಹರ ಪೊಲೀಸ್ ಠಾಣೆಯವರು ಪ್ರಕರಣ ದಾಖಲಿಸಿದ್ದಾರೆ.
- [ಕೇಬಲ್ ಕದ್ದ ಕಳ್ಳರನ್ನು ಹಿಡಿಯಲು 12 ತಾಸು ಸಾಕು!](https://mobiletime.in/2026/03/12-hours-is-enough-to-catch-the-cable-thieves/): 89 ಸಾವಿರ ರೂ ಮೌಲ್ಯದ ಕೇಬಲ್ ಕದ್ದ ಕಳ್ಳರನ್ನು ಹೊನ್ನಾವರ ಪೊಲೀಸರು 12 ತಾಸಿನಲ್ಲಿ ಹಿಡಿದಿದ್ದಾರೆ. ಆ ಕಳ್ಳರ ಬಳಿಯಿದ್ದ 69 ಸಾವಿರ ರೂ ಮೌಲ್ಯದ ವಸ್ತುಗಳನ್ನು ಜಪ್ತು ಮಾಡಿದ್ದಾರೆ. ಹೊನ್ನಾವರ ಸಂಶಿಯ ದಾಸಗೋಡಿನ ಮಹಮದ್ ಗೌಸ್ ಹಸನ್ ಸಾಬ್ ಅವರು ಶಾಮಿಯಾನ ಅಳವಡಿಕೆ ಕೆಲಸ ಮಾಡಿಕೊಂಡಿದ್ದು, ಅವರ ಬಳಿಯಿದ್ದ ಬಗೆ ಬಗೆಯ ಕೇಬಲ್ ಕಳ್ಳತನವಾಗಿತ್ತು. ಉಪ್ಪೋಣಿಯಲ್ಲಿ ಅವರು ಗೋಡೌನ್ ಹೊಂದಿದ್ದು, ಅಲ್ಲಿಂದಲೇ ಕಳ್ಳರು ಕೇಬಲ್ ಕದ್ದಿದ್ದರು. ಫೆಬ್ರವರಿ 23ರಂದು ಎಲ್ಲಾ ಸಾಮಗ್ರಿಗಳು ಸರಿಯಾಗಿದ್ದು, ಮಾರ್ಚ 4ರಂದು ಕೇಬಲ್ ಕಳ್ಳತನ ನಡೆದಿರುವುದು ಅವರ ಗಮನಕ್ಕೆ ಬಂದಿತ್ತು. ಈ ಹಿನ್ನಲೆ ಕಳ್ಳರ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿ ಅವರು ಮಾರ್ಚ 16ರಂದು ಪೊಲೀಸ್ ದೂರು ನೀಡಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಡಿವೈಎಸ್ಪಿ ಗಿರೀಶ ಬಿ, ಪೊಲೀಸ್ ನಿರೀಕ್ಷಕ ಸಿದ್ದರಾಮೇಶ್ವರ ಎಸ್ ಅವರು ಈ ಪ್ರಕರಣ ಗಮನಿಸಿದರು. ಪಿಸೈ ಮಹಾಂತೇಶ ವಾಲ್ಮೀಕಿ ನೇತ್ರತ್ವದಲ್ಲಿ ಪೊಲೀಸ್ ಸಿಬ್ಬಂದಿ ಗಜಾನನ ನಾಯ್ಕ, ಮನೋಜ ಡಿ, ರವಿ ನಾಯ್ಕ ಸೇರಿ ಆರೋಪಿತರನ್ನು ಪತ್ತೆ ಮಾಡಿದರು. ಅದರ ಪ್ರಕಾರ, ಸಂಶಿ ದಾಸಗೋಡಿನ ಅಬ್ದುಲ್ ಗಣಿ ಸಾಬ್ ಹಾಗೂ ಅಪ್ತಾಬ ಮಹಮದ್ ಸಾಬ್ ಸೇರಿ ಕೇಬಲ್ ಕದ್ದಿರುವುದು ಗೊತ್ತಾಯಿತು. ಅವರಿಬ್ಬರನ್ನು ಪೊಲೀಸರು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದರು. ಕಳ್ಳರ ಬಳಿಯಿದ್ದ ಬೈಕನ್ನು ವಶಕ್ಕೆಪಡೆದರು.
- [ಹಿಟ್ ಎಂಡ್ ರನ್!](https://mobiletime.in/2026/03/hit-and-run/): ಮುರುಡೇಶ್ವರ ಬಸ್ತಿ ಬಳಿ ಹೆದ್ದಾರಿ ಅಂಚಿನಲ್ಲಿ ನಿಂತಿದ್ದ ವ್ಯಕ್ತಿಯೊಬ್ಬರಿಗೆ ಕಾರು ಡಿಕ್ಕಿ ಹೊಡೆದಿದೆ. ಅಪಘಾತದ ನಂತರ ಚಾಲಕ ಕಾರುಸಹಿತ ಪರಾರಿಯಾಗಿದ್ದು, ಕಾರು ಹಾಗೂ ಚಾಲಕನ ಶೋಧ ಶುರುವಾಗಿದೆ. ಭಟ್ಕಳದ ಕಾಯ್ಕಿಣಿ ಅಬ್ರೆಯ ವಾಸು ವೆಂಕ್ಟಾ ಮರಾಠಿ (46) ಅವರು ಮಾರ್ಚ 14ರ ರಾತ್ರಿ ಬಸ್ತಿ ಹತ್ತಿರದ ಹೆದ್ದಾರಿ ಅಂಚಿನಲ್ಲಿ ನಿಂತಿದ್ದರು. ಹೊನ್ನಾವರದಿಂದ ಭಟ್ಕಳ ಕಡೆ ಹೊರಟ ಕಾರು ಅವರಿಗೆ ಡಿಕ್ಕಿ ಹೊಡೆಯಿತು. ಪರಿಣಾಮ ವಾಸು ಮರಾಠಿ ಅವರ ಕೈ, ತಲೆ, ಕೆನ್ನೆಗೆ ಗಾಯವಾಯಿತು. ಅಪಘಾತದ ಬಗ್ಗೆ ಅರಿವಿದ್ದರೂ ಕಾರಿನ ಚಾಲಕ ವಾಹನ ನಿಲ್ಲಿಸಲಿಲ್ಲ. ಕೆಎ-47-ಎಮ್-8347 ಸಂಖ್ಯೆಯ ಕಾರು ಡಿಕ್ಕಿ ಹೊಡೆದಿದನ್ನು ಅಲ್ಲಿನವರು ನೋಡಿದರು. ಕಾರಿನ ನೋಂದಣಿ ಬರೆದ ಸ್ಥಳೀಯರು ಆ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಗಾಯಗೊಂಡ ವಾಸು ಅವರ ಸಹೋದರ ಮಂಜುನಾಥ ವೆಂಕ್ಟಾ ಮರಾಠಿ ಅವರು ಕಾರು ಚಾಲಕನ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದರು. ನೋಂದಣಿ ಸಂಖ್ಯೆಯ ಜೊತೆ ಅವರು ಮುರುಡೇಶ್ವರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು. `ನಿಧಾನವಾಗಿ ವಾಹನ ಓಡಿಸಿ’
- [ಅಪಘಾತ: ವೈದ್ಯಕೀಯ ವಿದ್ಯಾರ್ಥಿಯ ಕನಸು ನುಚ್ಚುನೂರು!](https://mobiletime.in/2026/03/accident-students-medical-dream-shattered/): ಕಾರವಾರ ಮೆಡಿಕಲ್ ಕಾಲೇಜಿನ ಕೆಲ ವಿದ್ಯಾರ್ಥಿಗಳು ಗೋವಾದ ಪೋಳೆಂ’ಗೆ ಹೋಗಿದ್ದು, ಅಲ್ಲಿಂದ ಮರಳುವಾಗ ಅವರ ಬೈಕ್ ಅಪಘಾತಕ್ಕೀಡಾಗಿದೆ. ಈ ಅಪಘಾತದಲ್ಲಿ ವೈದ್ಯಕೀಯ ವಿದ್ಯಾರ್ಥಿಯೊಬ್ಬರು ಸಾವನಪ್ಪಿದ್ದಾರೆ. ಮತ್ತೊಬ್ಬರಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಚಿತ್ರದುರ್ಗದ ಪ್ರೀತಂ ಅವರು ಕಾರವಾರ ಮೆಡಿಕಲ್ ಕಾಲೇಜಿನ ಮೂರನೇ ವರ್ಷದ ವಿದ್ಯಾರ್ಥಿಯಾಗಿದ್ದರು. ಸೋಮವಾರ ರಾತ್ರಿ ಅವರು ತಮ್ಮ ಸ್ನೇಹಿತರ ಜೊತೆ ಗೋವಾಗೆ ಹೋಗಿದ್ದರು. ಪೋಳಂ ಬಳಿಯ ಹೊಟೇಲಿನಲ್ಲಿ ಊಟ ಮುಗಿಸಿ ಮರಳುವಾಗ ಅವರ ಬೈಕ್ ಅಪಘಾತಕ್ಕೀಡಾಯಿತು. ಕ್ಲೌಡ್-9 ಹೊಟೇಲ್ ಬಳಿ ಈ ಅವಘಡ ನಡೆದಿದ್ದು, ಪ್ರೀತಂ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಗಾಯಗೊಂಡ ಮತ್ತೊಬ್ಬರನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. ಹೆದ್ದಾರಿ ಅಂಚಿನಲ್ಲಿ ಬೀದಿ ದೀಪಗಳು ಸರಿಯಾಗಿಲ್ಲದ ಕಾರಣ ಅಪಘಾತ ಪ್ರಮಾಣ ಹೆಚ್ಚಾದ ಆರೋಪವಿದೆ. ಪೊಲೀಸರು ಸ್ಥಳ ಭೇಟಿ ನಡೆಸಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಕಳ್ಳ ಸಾಗಾಟ: ಗಸ್ತು ವೇಳೆ ಕಾಣಿಸಿದ ಖದಿಮರು!](https://mobiletime.in/2026/03/smuggling-khadims-spotted-during-patrol/): ಸಿದ್ದಾಪುರದ ಚೂರಿಕಟ್ಟಾ ಭೂತಪ್ಪನಕಟ್ಟೆಯ ಬಳಿ ಗಸ್ತು ತಿರುಗುತ್ತಿದ್ದ ಪೊಲೀಸರಿಗೆ ಅಕ್ರಮ ಜಾನುವಾರು ಸಾಗಾಟಗಾರರು ಕಾಣಿಸಿಕೊಂಡಿದ್ದಾರೆ. ಟಾಟಾ ಏಸ್ ವಾಹನದಲ್ಲಿ ದನ ಸಾಗಾಟ ಮಾಡುತ್ತಿದ್ದವರನ್ನು ಪೊಲೀಸರು ತಡೆದಿದ್ದು, ಆರೋಪಿತರು ಓಡಿ ಪರಾರಿಯಾಗಿದ್ದಾರೆ. ಸಿದ್ದಾಪುರ ಪಿಸೈ ಶಾಂತಿನಾಥ ಕೆ ಪಾಸಾನೆ ಅವರು ಗಸ್ತಿನಲ್ಲಿದ್ದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ. ಕ್ರೀಮ್ ಬಣ್ಣದ ಟಾಟಾ ಏಸ್ ವಾಹನವೊಂದು ಸಿದ್ದಾಪುರ ಮಾರ್ಗವಾಗಿ ಸೊರಬದ ಕಡೆಗೆ ಅನುಮಾನಾಸ್ಪದವಾಗಿ ಚಲಿಸುತ್ತಿರುವುದನ್ನು ಗಮನಿಸಿದ ಪೊಲೀಸರು, ಚೂರಿಕಟ್ಟಾ ಭೂತಪ್ಪನಕಟ್ಟೆಯ ಹತ್ತಿರ ವಾಹನವನ್ನು ತಡೆದಿದ್ದಾರೆ. ಈ ವೇಳೆ ವಾಹನದ ಚಾಲಕ ಮತ್ತು ಅದರಲ್ಲಿದ್ದ ಇತರ ವ್ಯಕ್ತಿಗಳು ಪೊಲೀಸರನ್ನು ಕಂಡು ವಾಹನವನ್ನು ಬಿಟ್ಟು ಸ್ಥಳದಿಂದ ಓಡಿ ಪರಾರಿಯಾಗಿದ್ದಾರೆ. ಪೊಲೀಸರು ಆ ವಾಹನವನ್ನು ಪರಿಶೀಲಿಸಿದಾಗ, ಯಾವುದೇ ಪಾಸ್ ಅಥವಾ ಪರ್ಮಿಟ್ ಇಲ್ಲದೆ ಅಕ್ರಮವಾಗಿ ಜಾನುವಾರುಗಳನ್ನು ಸಾಗಿಸುತ್ತಿರುವುದು ಕಂಡುಬAದಿದೆ. ವಾಹನದಲ್ಲಿ ಸುಮಾರು 5 ಸಾವಿರ ರೂಪಾಯಿ ಬೆಲೆಯ ಒಂದು ಕಂದು ಬಣ್ಣದ ಹೋರಿ, 5 ಸಾವಿರ ರೂಪಾಯಿ ಬೆಲೆಯ ಒಂದು ಕಪ್ಪು ಬಣ್ಣದ ಹೋರಿ ಹಾಗೂ 3 ಸಾವಿರ ರೂಪಾಯಿ ಬೆಲೆಯ ಒಂದು ಕಪ್ಪು ಬಣ್ಣದ ಕೋಣವನ್ನು ವಧೆ ಮಾಡುವ ಉದ್ದೇಶದಿಂದ ಸಾಗಿಸಲಾಗುತ್ತಿರುವುದು ಗಮನಕ್ಕೆ ಬಂದಿದೆ. ಈ ಜಾನುವಾರುಗಳಿಗೆ ಆಹಾರ, ನೀರು ಅಥವಾ ಮೇವು ನೀಡದೆ ಅತ್ಯಂತ ಹಿಂಸಾತ್ಮಕ ರೀತಿಯಲ್ಲಿ ಹಗ್ಗದಿಂದ ಕಟ್ಟಿ ಹಾಕಿದನ್ನು ನೋಡಿ ಪೊಲೀಸರು ಮರುಕವ್ಯಕ್ತಪಡಿಸಿದ್ದಾರೆ.
- [ಬೆಳೆ ವಿಮೆ | ರೈತರ ಕಷ್ಟಕ್ಕೆ ಕರಗಿದ ಕಾಗೇರಿ: ರೈತ ಮೋರ್ಚಾ ಅಧ್ಯಕ್ಷರಿಂದ ಹರ್ಷ](https://mobiletime.in/2026/03/crop-insurance-farmers-hardships-have-been-alleviated-by-kageri-raitha-morcha-president-rejoices/): ಅಡಿಕೆ, ಕಾಳು ಮೆಣಸು ಹಾಗೂ ಮಾವಿನ ಬೆಳೆಗಾರರು ಅನುಭವಿಸಿದ ನಷ್ಟ ಅರಿತ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹವಾಮಾನ ಆಧಾರಿತ ಬೆಳೆ ವಿಮೆ ದೊರಕಿಸುವಲ್ಲಿ ಹೋರಾಟ ಮಾಡಿದ್ದಾರೆ. ಅದರ ಪರಿಣಾಮ ಈ ದಿನದಿಂದಲೇ ರೈತರ ಖಾತೆಗೆ ಹಣ ಜಮಾ ಆಗುತ್ತಿದೆ. ರೈತರ ಸಮಸ್ಯೆಗೆ ಸ್ಪಂದಿಸಿದ ಸಂಸದರಿಗೆ ಬಿಜೆಪಿ ರೈತಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಫೋನ್ ಮಾಡಿ ಕೃತಜ್ಞತೆ ಸಲ್ಲಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ರೈತರು ಎಲೆ ಚುಕ್ಕಿ ರೋಗದಿಂದ ಕಂಗಾಲಾಗಿದ್ದಾರೆ. ಅಡಕೆ, ಮಾವು, ಕಾಳು ಮೆಣಸು ಸೇರಿದಂತೆ ಬಹುತೇಕ ಬೆಳೆಯ ಇಳುವರಿ ಕುಂಠಿತಗೊAಡು ಆರ್ಥಿಕ ಸಂಕಷ್ಟದಲ್ಲಿದ್ದಾಗ ರೈತರ ಪರವಾಗಿ ರಾಜ್ಯ ಸರ್ಕಾರವು ಸಂಪೂರ್ಣ ನಿರ್ಲಕ್ಷ್ಯವಹಿಸಿದೆ. ಅದಾಗಿಯೂ, ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಸತತ ಪ್ರಯತ್ನಪಟ್ಟು ಕೇಂದ್ರ ಸರ್ಕಾರದ ಮಟ್ಟದಈ ವಿಮಾ ಮೊತ್ತವನ್ನು ಮಂಜೂರಿ ಮಾಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಮೊದಲ ಹಂತವಾಗಿ ಇಂದು ಸುಮಾರು 14 ಕೋಟಿ ರೂಪಾಯಿಗಳ ಮೊತ್ತ ಖಾತೆಗೆ ಜಮಾ ಆಗಿದೆ’ ಎಂದವರು ಹೇಳಿದ್ದಾರೆ. `ಸುಮಾರು 74 ಕೋಟಿ ರೂಪಾಯಿಗಳ ವಿಮೆ ಹಣ ಮುಂದಿನ ದಿನದಲ್ಲಿ ರೈತರ ಖಾತೆಗಳಿಗೆ ಹಂತ ಹಂತವಾಗಿ ಜಮೆಯಾಗಲಿದೆ. ತಾಂತ್ರಿಕ ಕಾರಣಗಳಿಂದ ಕೆಲ ದಿನ ವಿಳಂಬವಾಗಿದ್ದರೂ ಧೃತಿಗೆಡದೆ ರೈತರ ಸಂಕಷ್ಟಕ್ಕೆ ಸ್ಪಂದಿಸಿದವರಿಗೆ ಕೃತಜ್ಞತೆ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ.
- [ಅಪಘಾತ: ಮಗು ಸಾವಿಗೆ ಗಾಂಜಾ ಗುಂಗು ಕಾರಣ!](https://mobiletime.in/2026/03/accident-childs-death-attributed-to-marijuana-use/): ಕಾರವಾರದ ಸಂಕ್ರುಭಾಗ ಬಳಿ ಮಾರ್ಚ 9ರಂದು ನಡೆದ ಭೀಕರ ರಸ್ತೆ ಅಪಘಾತಕ್ಕೆ ಕಂಟೇನರ್ ಲಾರಿ ಚಾಲಕನ ಮಾದಕ ವಸ್ತು ಸೇವನೆಯೇ ಮುಖ್ಯ ಕಾರಣ ಎಂಬುದು ಪೊಲೀಸ್ ತನಿಖೆಯಿಂದ ದೃಢಪಟ್ಟಿದೆ. ಆ ದಿನ ಗಾಂಜಾ ಮತ್ತು ಮದ್ಯದ ಅಮಲಿನಲ್ಲಿ ವಾಹನ ಚಲಾಯಿಸಿದ ಚಾಲಕನ ಬೇಜವಾಬ್ದಾರಿತನಕ್ಕೆ ಎಂಟು ವರ್ಷದ ಬಾಲಕ ಬಲಿಯಾಗಿದ್ದು, ಹಲವರು ಗಂಭೀರವಾಗಿ ಗಾಯಗೊಂಡಿದ್ದರು. ಉತ್ತರ ಪ್ರದೇಶದ ಫತೇಪುರ ಜಿಲ್ಲೆಯ ನಿವಾಸಿ ವಿಜಯಕುಮಾರ (28) ಎಂಬಾತ ತಾನು ಚಲಾಯಿಸುತ್ತಿದ್ದ ಲಾರಿಯನ್ನು ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಚಲಾಯಿಸಿ ಕಾರಿಗೆ ಡಿಕ್ಕಿ ಹೊಡೆದಿದ್ದಾನೆ. ಈ ಭೀಕರ ಅಪಘಾತದಲ್ಲಿ ಮಹಾರಾಷ್ಟ್ರದ ಕೃಷಿ ನಗರದ ನಿವಾಸಿಗಳಾದ ಪ್ರಕಾಶ ವಾಘ್ ಅವರ ಎಂಟು ವರ್ಷದ ಪುತ್ರ ವಿಯಾನ ಪ್ರಕಾಶ ವಾಘ್ ಸ್ಥಳದಲ್ಲೇ ಮೃತಪಟ್ಟಿದ್ದರು. ಅಪಘಾತದ ತೀವ್ರತೆಗೆ ಬಾಲಕನ ತಂದೆ ಪ್ರಕಾಶ ವಾಘ್ (48), ತಾಯಿ ಅಮೃತ ವಾಘ್ (38) ಹಾಗೂ ಅಕ್ಕ ಭೂಮಿಕಾ (16) ಗಂಭೀರವಾಗಿ ಗಾಯಗೊಂಡಿದ್ದರು. ಕಂಟೇನರ್ ಚಾಲಕನ ವೈದ್ಯಕೀಯ ವರದಿಯಲ್ಲಿ ಗಾಂಜಾ ಸೇವನೆ ದೃಢವಾಗಿದೆ. ಅಪಘಾತದ ಬಳಿಕ ಸಂಶಯದ ಮೇರೆಗೆ ಚಾಲಕ ವಿಜಯಕುಮಾರನನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಚಾಲಕನ ರಕ್ತದ ಮಾದರಿಯನ್ನು ಪರೀಕ್ಷಿಸಿದಾಗ ಪಾಸಿಟಿವ್ ವರದಿ ಬಂದಿದೆ. ಅದರಿಂದ ಚಾಲಕ ಅಪಘಾತದ ಸಮಯದಲ್ಲಿ ಗಾಂಜಾ ಸೇವಿಸಿ ಅಮಲಿನಲ್ಲಿದ್ದ ಎಂಬುದು ಸಾಬೀತಾಗಿದೆ. ಇದರೊಂದಿಗೆ ಆತ ಮದ್ಯಪಾನ ಕೂಡ ಮಾಡಿರುವುದು ತನಿಖೆಯಲ್ಲಿ ಖಚಿತಪಟ್ಟಿದೆ.
- [ಪುಸ್ತಕ ಲೋಕಾರ್ಪಣೆ: ಕವನದ ಮೂಲಕ ಕಾನೂನು ಮಾಹಿತಿ!](https://mobiletime.in/2026/03/book-launch-legal-information-through-poetry/): ಕಾರವಾರದ ಸದಾಶಿವಗಡ ಲಯನ್ಸ್ ಕ್ಲಬ್ ಹಾಗೂ ದಲಿತ ಸಾಹಿತ್ಯ ಪರಿಷತ್ತು ಸಂಯುಕ್ತಾಶ್ರಯದಲ್ಲಿ ಮಹಿಳಾ ದಿನಾಚರಣೆ ಅಂಗವಾಗಿ ವಸಂತ ಬಾಂದೇಕರ ವಿರಚಿತ `ಕಾನೂನು ಅರಿವು-ನೆರವು ಕವನ ಸಂಕಲನ’ ಬಿಡುಗಡೆ ಮಾಡಲಾಗಿದೆ. ಕಾರವಾರದ ಕರ್ನಾಟಕ ವಿಶ್ವವಿದ್ಯಾಲಯ ಪ್ರಾದೇಶಿಕ ಕೇಂದ್ರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಈ ಕವನ ಸಂಕಲನ ಲೋಕಾರ್ಪಣೆ ನಡೆದಿದೆ. ಪ್ರಾದೇಶಿಕ ವಿಜ್ಞಾನ ಕೇಂದ್ರದ ಆಡಳಿತಾಧಿಕಾರಿ ಶಿವಕುಮಾರ್ ಹರಗಿ ಅವರು `ಹಿರಿಯ ಕವಿಗಳ ಮನದಲ್ಲಿ ಅರಳಿದ ಕವನ ಸಂಕಲನವನ್ನು ಲೋಕಾರ್ಪಣೆ ಮಾಡುತ್ತಿರುವುದು ಅತ್ಯಂತ ಹೆಮ್ಮೆ ಅನಿಸಿದೆ. ವರ್ತಮಾನದ ನಿದರ್ಶನಗಳಿಗೆ ಪ್ರಸ್ತುತ ಕಾನೂನು ಅರಿವು – ನೆರವು ಕವನಗಳ ಹೊತ್ತಿಗೆ ಕನ್ನಡಿಯಾಗಿದೆ’ ಎಂದು ಹೇಳಿದ್ದಾರೆ. ಕವನ ಸಂಕಲನದ ಸಂಪಾದಕರಾದ ಗುರೂಜಿ ಆರ್ ಜಿ ಪ್ರಭು ಅವರು ವಸಂತ ಬಾಂದೇಕರ್ ಅವರ ಕ್ರಿಯಾಶೀಲತೆಯ ಬಗ್ಗೆ ಮೆಚ್ಚುಗೆವ್ಯಕ್ತಪಡಿಸಿದ್ದಾರೆ. ನ್ಯಾಯವಾದಿ ವರದಾ ನಾಯ್ಕ ಅವರು `ಕಾನೂನಿನ ಅರಿವು ಎಲ್ಲರಿಗೂ ಅತ್ಯಗತ್ಯವಾಗಿದ್ದು, ಅದರ ಸಮಗ್ರತೆಯನ್ನು ಈ ಕವನ ಸಂಕಲನ ಒಳಗೊಂಡಿದೆ’ ಎಂದು ಹೇಳಿದ್ದಾರೆ. ನಗರಸಭೆಯ ಮಾಜಿ ಸದಸ್ಯರಾದ ದಿವ್ಯಾ ನಾಯ್ಕ ಅವರು `ಮಹಿಳಾ ದಿನಾಚರಣೆ ಅಂಗವಾಗಿ ಕಾನೂನು ಅರಿವು ನೆರವು ಪುಸ್ತಕ ಬಿಡುಗಡೆ ಮಾಡಿರುವದು ಖಷಿಯ ಸಂಗತಿ’ ಎಂದಿದ್ದಾರೆ. ಸಮಾಜ ಸೇವಕ ಶ್ರೀಕಾಂತ ನಾಯ್ಕ ಅವರು `ಸಾಮಾಜಿಕವಾಗಿ ಸ್ವಾಸ್ಥ್ಯ ಮನಸ್ಸನ್ನು ನಾವೆಲ್ಲರೂ ಪಡೆಯಬೇಕಾಗಿದೆ’ ಎಂದಿದ್ದಾರೆ. ಬಾಡ ಶಿವಾಜಿ ಶಿಕ್ಷಣ ಮಹಾವಿದ್ಯಾಲಯದ ನವೀನ ದೇವರಬಾವಿ ಅವರು ಅಧ್ಯಕ್ಷೀಯ ಭಾಷಣ ಮಾಡಿದ್ದಾರೆ. ಪ್ರಮುಖರಾದ ಶಿವಾನಂದ ಮೇತ್ರಿ, ರಂಜನಾ ಗುರವ, ಹನುಮಂತಪ್ಪ, ಲಕ್ಷ್ಮಿ ಬಾಂದೇಕರ ವೇದಿಕೆಯಲ್ಲಿದ್ದರು. ಸಂಗೀತಾ ಅವರು ಪ್ರಾರ್ಥಿಸಿದ್ದು, ಗಣೇಶ ಬಿಷ್ಟಣ್ಣನವರ ಅವರು ಸ್ವಾಗತಿಸಿದರು. ಸೀಮಾ ಗೌಡ ಅವರು ನಿರೂಪಿಸಿದರು. ಲೇಖಕರಾದ ವಸಂತ ಬಾಂದೇಕರ ಅವರು ವಂದಿಸಿದರು.
- [ಅನಧಿಕೃತ ಸಿಗಡಿ ಕೃಷಿ: ಅಧಿಕಾರಿಯ ಭೇಟಿ](https://mobiletime.in/2026/03/unauthorized-shrimp-farming-officer-visits/): ಕಾರವಾರದ ಚೆಂಡಿಯಾದಲ್ಲಿ ಅನಧಿಕೃತವಾಗಿ ಸಿಗಡಿ ಕೃಷಿ ನಡೆಸಲಾಗುತ್ತಿದೆ. ಪಂಚಾಯತ ಪರವಾನಿಗೆಯನ್ನು ಸಹ ಪಡೆಯದೇ ಇಲ್ಲಿ ಕೃಷಿ ಹೊಂಡ ನಿರ್ಮಿಸಿ ಸಿಗಡಿ ಸಾಕಾಣಿಕೆ ಮಾಡಲಾಗುತ್ತಿದೆ. ಈ ವಿಷಯವಾಗಿ ಕಂದಾಯ ಇಲಾಖೆ ಅಧಿಕಾರಿಗಳನ್ನು ಆಡಳಿತಾಧಿಕಾರಿ ಪ್ರಶಾಂತ ಎಚ್ ಎಸ್ ಅವರು ಪ್ರಶ್ನಿಸಿದ್ದು, ಸೂಕ್ತ ದಾಖಲಾತಿ ಒದಗಿಸುವಂತೆ ಸೂಚನೆ ನೀಡಿದ್ದಾರೆ. ಕಾರವಾರದ ಚೆಂಡಿಯಾ ಪಂಚಾಯತ್ ವ್ಯಾಪ್ತಿಯಲ್ಲಿ ಪಂಚಾಯತ ಪರವಾನಿಗೆಯಿಲ್ಲದೆ ಅನಧಿಕೃತವಾಗಿ ನಡೆಸುತ್ತಿರುವ ಸಿಗಡಿ ಕೃಷಿ ಹೊಂಡ ಸ್ಥಳಕ್ಕೆ ಪ್ರಶಾಂತ ಎಚ್ ಎಸ್ ಅವರು ದಿಢೀರ್ ಭೇಟಿ ನೀಡಿದ್ದಾರೆ. ಸಿಗಡಿ ಕೃಷಿಗೆ ಸಂಬAಧಿಸಿ ಸೂಕ್ತ ದಾಖಲೆಗಳನ್ನು ಸಲ್ಲಿಸುವಂತೆ ಅವರು ಕಂದಾಯ ಇಲಾಖೆಯ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ಈ ವೇಳೆ ಚೆಂಡಿಯಾ ಗ್ರಾಮ ಪಂಚಾಯತಗೆ ಭೇಟಿ ನೀಡಿದ ಅವರು ವಿವಿಧ ದಾಖಲೆಗಳನ್ನು ಪರಿಶೀಲಿಸಿದ್ದಾರೆ. `ಪಂಚಾಯತ್ ವ್ಯಾಪ್ತಿಯಲ್ಲಿ ನಡೆಯುತ್ತಿರುವ ಕಾಮಗಾರಿಗಳನ್ನು ಶೀಘ್ರದಲ್ಲಿ ಮುಕ್ತಾಯಗೊಳಿಸಬೇಕು. ಅನಧಿಕೃತ ಕೆಲಸಗಳಿಗೆ ಅವಕಾಶಕೊಡಬಾರದು’ ಎಂದವರು ಸೂಚಿಸಿದ್ದಾರೆ. `ನಿಗಧಿತ ಅವಧಿಯೊಳಗೆ ನಿರ್ಮಾಣ ಮಾಡುವ ಬಗ್ಗೆ ವಿಶ್ವಾಸ ಮೂಡಿಸಬೇಕು’ ಎಂದು ಸೂಚಿಸಿದ್ದಾರೆ. ಈ ವೇಳೆ ಸಾರ್ವಜನಿಕರು ನೀಡಿದ ತಕರಾರು ಅರ್ಜಿಗಳನ್ನು ಹಾಗೂ ಇತರೆ ಕುಂದು ಕೊರತೆ ಅರ್ಜಿಗಳನ್ನು ಪರಿಶೀಲಿಸಿದ್ದಾರೆ. ಬೇಸಿಗೆಗಾಲದಲ್ಲಿ ಕುಡಿಯುವ ನೀರು ಸಮಸ್ಯೆ ಉದ್ಭವಿಸುವ ಸ್ಥಳಗಳನ್ನು ಪರಿಶೀಲಿಸಿ ಸೂಕ್ತ ಕ್ರಮಕೈಗೊಳ್ಳಲು ಸಂಬAಧಪಟ್ಟ ಅಧಿಕಾರಿ ಸಿಬ್ಬಂದಿಗಳಿಗೆ ಸೂಚನೆ ನೀಡಿದರು. ಮಳೆಗಾಲದಲ್ಲಿ ಮುಂಜಾಗೃತಾ ಕ್ರಮವಾಗಿ ಪ್ರವಾಹ ಉಂಟಾಗುವ ಸಂಭವನೀಯ ಸ್ಥಳಗಳನ್ನು ಪರಿಶೀಲಿಸಿ ಸೂಕ್ತ ಕ್ರಮಕೈಗೊಳ್ಳಲು ಸೂಚನೆ ನೀಡಿದರು. ಹೆದ್ದಾರಿ ಅಂಚಿನಲ್ಲಿರುವ ಚರಂಡಿಗಳಲ್ಲಿರುವ ಮಣ್ಣನ್ನು ಹೂಳೆತ್ತುವ ಕಾಮಗಾರಿಗನ್ನು ಕೈಗೊಳ್ಳಲು ಸಂಬAಧಪಟ್ಟಅಧಿಕಾರಿಗಳಿಗೆ ಸೂಚನೆ ನೀಡಿದ ಅವರು ಚೆಂಡಿಯಾ ವ್ಯಾಪ್ತಿಯ ಒಕ್ಕಲಕೇರಿಯಲ್ಲಿ ಉಂಟಾದ ಬೆಂಕಿ ಅವಘಡ ಸಂಭವಿಸಿದ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.
- [ಬಾವಿಗೆ ಬಿದ್ದ ಬಾಲಕಿ!](https://mobiletime.in/2026/03/the-girl-who-fell-into-the-well/): ಶಿರಸಿ ಕಸ್ತೂರಿಬಾ ನಗರದಲ್ಲಿ ಎರಡು ವರ್ಷದ ಬಾಲಕಿಯೊಬ್ಬರು ಬಾವಿಗೆ ಬಿದ್ದಿದ್ದಾರೆ. ಬಾವಿ ಆಳದಿಂದ ಅಳುವ ಸದ್ದು ಕೇಳಿದ ಜನ ಆಕೆಯ ರಕ್ಷಣೆಗೆ ಧಾವಿಸಿದ್ದಾರೆ. ಸಾರೀಕಾ ಸೇವಾ ಸಂಸ್ಥೆಯ ಸಂಸ್ಥಾಪಕ ಪಯ್ಯು ಚವಟಿ ಅವರು ಬಾವಿಗೆ ಹಾರಿ ಬಾಲಕಿಯ ಜೀವ ಕಾಪಾಡಿದ್ದಾರೆ. ಶಿರಸಿ ಕಸ್ತೂರಿಬಾ ನಗರದ ಭುವಿ (2 ವರ್ಷ) ಅವರು ಅಜ್ಜಿ ಮನೆ ಅಂಗಳದಲ್ಲಿ ಆಡವಾಡುತ್ತಿದ್ದರು. ಮನೆ ಹಿಂದೆ ಹೋದ ಭುವಿ ಅವರು ಆಯತಪ್ಪಿ ಅಲ್ಲಿದ್ದ ಬಾವಿಗೆ ಬಿದ್ದರು. ಆಳವಾದ ಬಾವಿಗೆ ಬಿದ್ದರೂ ಭುವಿ ಅವರಿಗೆ ಗಾಯವಾಗಿರಲಿಲ್ಲ. ಬಾವಿಯಲ್ಲಿದ್ದ ಪಂಪ್ ಸೆಟ್‌ಗೆ ಅಳವಡಿಸಿದ್ದ ಪೈಪ್ ಹಿಡಿದು ಭುವಿ ಅವರು ಅಳಲು ಶುರು ಮಾಡಿದ್ದರು. ಆದರೆ, ಆಳವಾದ ಬಾವಿಯಿಂದ ಬರುವ ಸದ್ದು ಹೆಚ್ಚು ದೂರದವರೆಗೆ ಕೇಳುತ್ತಿರಲಿಲ್ಲ. ಮಧ್ಯಾಹ್ನ ಊಟದ ಸಮಯದಲ್ಲಿ ಭುವಿ ಕಾಣದಿದ್ದಾಗ ಕುಟುಂಬದವರು ಆತಂಕಗೊAಡಿದ್ದರು. ಎಲ್ಲಾ ಕಡೆ ಹುಡುಕಾಟ ನಡೆಸಿದರು. ಆಗ, ಬಾವಿಯಿಂದ ಬರುವ ಸದ್ದು ಕೇಳಿ ಕುಟುಂಬದವರು ಅಲ್ಲಿ ಹೋದರು. ಆಗ, ಬಾವಿಯೊಳಗೆ ಮಗು ಬಿದ್ದಿರುವುದು ಕಾಣಿಸಿತು. ಕೂಡಲೇ ಆ ಭಾಗದ ಅನೇಕರು ಬಾವಿ ಬಳಿ ಜಮಾಯಿಸಿದರು. ಬಾಲಕಿ ರಕ್ಷಿಸಲು ಪ್ರಯತ್ನಿಸಿದರು. ಈ ವೇಳೆ ಸಾರೀಕಾ ಸೇವಾ ಸಂಸ್ಥೆಯ ಸಂಸ್ಥಾಪಕ ಪಯ್ಯು ಚವಟಿ ಅವರು ಬೆಂಗಳೂರಿಗೆ ತೆರಳುವ ಸಿದ್ಧತೆಯಲ್ಲಿದ್ದು, ತಮ್ಮ ಬೆಂಗಳೂರು ಪ್ರವಾಸ ಮುಂದೂಡಿ ಅವರು ಕಸ್ತೂರಿಬಾ ನಗರಕ್ಕೆ ಆಗಮಿಸಿದರು. ತಕ್ಷಣ ಆ ಬಾವಿಗೆ ಹಾರಿ ಅಲ್ಲಿದ್ದ ಭುವಿ ಅವರನ್ನು ಮೇಲೆತ್ತಿ ತಂದರು. ಸ್ಥಳೀಯರ ಸಹಾಯದಿಂದ ಬಾವಿಗೆ ಇಳಿದ ಪಯ್ಯು ಚವಟಿ ಅವರು ಭಯದಿಂದ ಅಳುತ್ತಿದ್ದ ಬಾಲಕಿಯನ್ನು ಮೇಲೆತ್ತಿದರು. ಮಗುವಿನ ಜೀವ ಉಳಿಸಿದ ಪಯ್ಯು ಚವಟಿ ಅವರನ್ನು ಬಾಲಕಿ ಕುಟುಂಬದವರು ದೇವರಂತೆ ಕಂಡರು. ಬಾಲಕಿ ರಕ್ಷಣಾ ಕಾರ್ಯಾಚರಣೆ ವಿಡಿಯೋ ಇಲ್ಲಿ ನೋಡಿ..
- [ಕೋಣ ಕಡಿಯಲು ಹೋದವರು ಪೊಲೀಸರಿಗೆ ಶರಣು!](https://mobiletime.in/2026/03/those-who-went-to-cut-down-the-house-surrendered-to-the-police/): ಮಾಂಸದ ಆಸೆಗೆ ಕೋಣ ಸಾಗಾಟ ಮಾಡುತ್ತಿದ್ದ ದುಷ್ಟರನ್ನು ಭಟ್ಕಳ ಪೊಲೀಸರು ಬಂಧಿಸಿದ್ದಾರೆ. ಜಾನುವಾರುಗಳಿಗೂ ಅವರು ಆಶ್ರಯ ನೀಡಿದ್ದಾರೆ. ಭಟ್ಕಳ ಬಂದರ್ ರಸ್ತೆಯ ಸರ್ವೋಷ್ ಹುಸೇನ್ (37) ಹಾಗೂ ಬೆಂಗಳೂರಿನ ಶಣ್ಮುಖ ಕೆ ಎಸ್ ಸೇರಿ ಜಾನುವಾರು ಸಾಗಾಟ ಮಾಡುತ್ತಿದ್ದರು. ಆರು ಲಕ್ಷ ರೂಪಾಯಿ ಮೌಲ್ಯದ ಎರಡು ಕೋಣಗಳನ್ನು ಕೇರಳ ರಾಜ್ಯದ ಮಲಪುರಂನಿAದ ಭಟ್ಕಳಕ್ಕೆ ಸಾಗಾಟ ಮಾಡಿದ್ದರು. ಈ ಬಗ್ಗೆ ದೊರೆತ ಖಚಿತ ಮಾಹಿತಿಯ ಮೇರೆಗೆ ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕ ವೆಂಕಟೇಶ ಮುರನಾಳ ಅವರ ನೇತೃತ್ವದಲ್ಲಿ ದಾಳಿ ನಡೆಯಿತು. ಪೊಲೀಸರು ಜಾನುವಾರುಗಳನ್ನು ವಶಕ್ಕೆ ಪಡೆದಿದ್ದು, ಆರೋಪಿಗಳ ವಿರುದ್ಧ ಕ್ರಮ ಜರುಗಿಸಿದ್ದಾರೆ. ಜಾನುವಾರುಗಳಿಗೂ ಆಶ್ರಯ ನೀಡಿದ್ದಾರೆ. ಗ್ರಾಮೀಣ ಪೊಲೀಸ್ ಠಾಣೆಯ ಪಿಎಸ್‌ಐ ಮಲ್ಲಿಕಾರ್ಜುನ ಕೊರಾಣಿ ತನಿಖೆ ಶುರು ಮಾಡಿದ್ದಾರೆ.  
- [ಕಾಡಿನಲ್ಲಿ ಅಡಗಿದ್ದ ಕೈದಿ ಸೆರೆ!](https://mobiletime.in/2026/03/prisoner-hiding-in-the-forest-captured/): ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ, ಕೊಲೆ ಪ್ರಯತ್ನ, ಜಾಲತಾಣದಲ್ಲಿ ಮಹಿಳೆಯರ ಅಶ್ಲೀಲ ಫೋಟೊ ರವಾನೆ, ಸರ್ಕಾರಿ ಸಿಬ್ಬಂದಿ ಮೇಲೆ ಹಲ್ಲೆ, ಮೋಸ ಹಾಗೂ ವಂಚನೆ ಸೇರಿ ಹಲವು ಪ್ರಕರಣಗಳ ಪ್ರಮುಖ ಆರೋಪಿಯಾಗಿದ್ದ ಅರ್ಜುನ ಗೌಡ (ಅರುಣ) ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಕಾಡಿನಲ್ಲಿ ಅವಿತಿದ್ದ ಅರ್ಜುನ ಗೌಡ ಅವರನ್ನು ಪೊಲೀಸರು ಸುತ್ತುವರೆದು ವಶಕ್ಕೆಪಡೆದಿದ್ದಾರೆ. ಶಿರಸಿ ಮಲಳಿಯ ಅರ್ಜುನ ಗೌಡ ಅವರು ಅನೇಕ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾರೆ. ಬಹುತೇಕ ಆರೋಪಗಳು ಗಂಭೀರ ಸ್ವರೂಪದಾಗಿದ್ದು, 2024ರಿಂದಲೂ ಅರ್ಜುನ ಗೌಡ ಅವರು ತಲೆಮರೆಸಿಕೊಂಡಿದ್ದರು. ಕಾಡಿನಲ್ಲಿ ವಾಸವಾಗಿದ್ದ ಅರ್ಜುನ ಗೌಡ ಅವರು ಅಪರಾಧ ಕೃತ್ಯಗಳಲ್ಲಿ ಭಾಗಿಯಾದ ನಂತರ ಮತ್ತೆ ದಟ್ಟ ಅರಣ್ಯ ಸೇರುತ್ತಿದ್ದರು. ಹೀಗಾಗಿ ಪೊಲೀಸರಿಗೆ ಸಹ ಅರ್ಜುನ ಗೌಡರನ್ನು ಸೆದೆಬಡಿಯುವುದು ಸವಾಲಾಗಿತ್ತು. ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ಅರ್ಜುನ ಗೌಡ ಅವರು ಆರೋಪಿಯಾಗಿದ್ದರು. ಅಸಹ್ಯಕರ ಫೋಟೋಗಳನ್ನು ಅವರು ಜಾಲತಾಣದಲ್ಲಿ ಹರಿಬಿಟ್ಟು ಮಹಿಳೆಯರಿಗೆ ಅವಮಾನ ಮಾಡಿದ್ದರು. ಹಣಕಾಸು ವಂಚನೆ, ನಂಬಿಕೆ ದ್ರೋಹದ ಜೊತೆ ಸರ್ಕಾರಿ ಸಿಬ್ಬಂದಿ ಮೇಲೆ ಹಲ್ಲೆ ನಡೆಸಿದ ಆರೋಪಗಳು ಅವರ ಮೇಲಿದ್ದವು. ಶಿರಸಿ ಗ್ರಾಮೀಣ, ಬನವಾಸಿ ಹಾಗೂ ಕುಂದಾಪುರ ಪೊಲೀಸ್ ಠಾಣೆಯವರು ಅರ್ಜುನ ಗೌಡ ಅವರ ಹುಡುಕಾಟದಲ್ಲಿದ್ದು, ವಾರೆಂಟ್ ಆದರೂ ಸಿಕ್ಕಿ ಬಿದ್ದಿರಲಿಲ್ಲ. ಈ ಹಿನ್ನಲೆ ನ್ಯಾಯಾಲಯ ಸೆಮೆನ್ಸ್ ಜಾರಿ ಮಾಡಿತ್ತು. ದಟ್ಟ ಅರಣ್ಯದಲ್ಲಿ ಅರ್ಜುನ ಗೌಡ ಅಡಗಿರುವ ಬಗ್ಗೆ ಈ ದಿನ ಪೊಲೀಸರಿಗೆ ಮಾಹಿತಿ ಸಿಕ್ಕಿದ್ದು, ಪೊಲೀಸರು ಆ ಕಾಡು ಸುತ್ತುವರೆದರು. ಅರ್ಜುನ ಗೌಡ ಸಮೀಪಿಸಿದಾಗ ಆರೋಪಿ ಪೊಲೀಸರ ಮೇಲೆ ದಾಳಿ ಮಾಡುವ ಪ್ರಯತ್ನ ಮಾಡಿದರು. ಅದಾಗಿಯೂ, ಆರೋಪಿ ಅರ್ಜುನ ಗೌಡ ತಪ್ಪಿಸಿಕೊಳ್ಳದ ಹಾಗೇ ಸುತ್ತುವರೆದ ಪೊಲೀಸರು ಸಾಹಸದಿಂದ ಬಂಧಿಸಿದರು. ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಅವರ ಸೂಚನೆ ಮೇರೆಗೆ ಶಿರಸಿ ಗ್ರಾಮೀಣ ಠಾಣೆ ಪೊಲೀಸ್ ನಿರೀಕ್ಷಕರಾದ ರಮೇಶ ಹೂಗಾರ್ ಈ ಕಾರ್ಯಾಚರಣೆ ನಡೆಸಿದ್ದರು. ಪಿಸೈ ಸಂತೋಷ ಕುಮಾರ್ ಹಾಗೂ ಅಶೋಕಕುಮಾರ ರಾಥೋಡ್ ಅವರ ಜೊತೆ ಪೊಲೀಸ್ ಸಿಬ್ಬಂದಿ ಪ್ರಕಾಶ ತಳವಾರ್, ಗಣಪತಿ ನಾಯ್ಕ್, ವಿಘ್ನೇಶ್ವರ ಹೆಗಡೆ ಸೇರಿ ಅರ್ಜುನ ಗೌಡ ಅವರನ್ನು ಜೈಲಿಗೆ ಕಳುಹಿಸಿದರು. ಸದ್ಯ ಆರೋಪಿ ಅರ್ಜುನ ಗೌಡ ನ್ಯಾಯಾಂಗ ಬಂಧನದಲ್ಲಿದ್ದಾರೆ.    
- [ಹೆದ್ದಾರಿ ಹೆಣವಾದ ಅಪರಿಚಿತ ಅಲೆಮಾರಿ!](https://mobiletime.in/2026/03/an-unknown-vagrant-on-the-highway/): ಯಲ್ಲಾಪುರ, ಇಡಗುಂದಿ, ಶೀರ್ಲೆ, ಅರಬೈಲ್ ಸೇರಿ ಹೆದ್ದಾರಿ ಉದ್ದಕ್ಕೂ ಅಲೆದಾಡುತ್ತಿದ್ದ ಅಪರಿಚಿತ ಅಲೆಮಾರಿಗೆ ಕೆಂಪು ಬಣ್ಣದ ಕ್ಯಾಂಟರ್ ಡಿಕ್ಕಿ ಹೊಡೆದಿದೆ. ಆ ಡಿಕ್ಕಿ ರಭಸಕ್ಕೆ ಆ ಅಲೆಮಾರಿ ಅಲ್ಲಿಯೇ ಸಾವನಪ್ಪಿದ್ದಾರೆ. ಮಾರ್ಚ 14ರ ಸಂಜೆ 7ಗಂಟೆಯವರೆಗೂ ಅಪರಿಚಿತ ಅಲೆಮಾರಿಯೊಬ್ಬರು ಹೆದ್ದಾರಿಯಲ್ಲಿ ಅಲೆದಾಡುತ್ತಿದ್ದರು. ಅದಾದ ನಂತರ ಕೆಂಪು ಬಣ್ಣದ ಕ್ಯಾಂಟರ್ ಹೆದ್ದಾರಿ ಮೂಲಕ ಸಂಚರಿಸಿದ್ದು, ಅದೇ ವಾಹನ ಅಲೆಮಾರಿಗೆ ಗುದ್ದಿತು. ಯಲ್ಲಾಪುರದಿಂದ ಅಂಕೋಲಾ ಕಡೆ ಹೊರಟಿದ್ದ ಆ ಕ್ಯಾಂಟರ್ ಮೊದಲು ಪಿಕಪ್ ವಾಹನಕ್ಕೆ ಗುದ್ದಿದ್ದು, ಅದಾದ ನಂತರ ಅಪರಿಚಿತ ಅಲೆಮಾರಿಗೆ ಗುದ್ದಿತು. ಎಸ್ ಆಕಾರದ ತಿರುವಿನಿಂದ 1ಕಿಮೀ ದೂರದಲ್ಲಿ ಪಿಕಪ್ ಹಾಗೂ ಕ್ಯಾಂಟರ್ ಡಿಕ್ಕಿ ನಡೆದಿದ್ದು, ಅದಾದ ನಂತರ ಅಪರಿಚಿತ ವ್ಯಕ್ತಿಗೆ ಅದೇ ಕ್ಯಾಂಟರ್ ಗುದ್ದಿರುವುದು ದೃಢವಾಯಿತು. ಹೀಗಾಗಿ 7.30ರ ವೇಳೆಗೆ ಆ ಅಲೆಮಾರಿ ಹೆದ್ದಾರಿಯಲ್ಲಿ ಶವವಾಗಿದ್ದರು. ಶಿರ್ಲೆ ಕ್ರಾಸಿನ ಬಳಿ ಅಪರಿಚಿತ ಅಲೆಮಾರಿಗೆ ಕ್ಯಾಂಟರ್ ಗುದ್ದಿದ್ದರಿಂದ ಅಲ್ಲಿಯೇ ಅವರು ಕೊನೆಯುಸಿರೆಳೆದಿದ್ದಾರೆ. ಅಪಘಾತದ ನಂತರ ಕ್ಯಾಂಟರ್ ಚಾಲಕ ವಾಹನ ನಿಲ್ಲಿಸಿಲ್ಲ. ಇನ್ನಷ್ಟು ವೇಗವಾಗಿ ಕ್ಯಾಂಟರ್ ಓಡಿಸಿಕೊಂಡು ಪರಾರಿಯಾಗಿದ್ದು, ಯಲ್ಲಾಪುರ ಸವಣಗೇರಿಯ ಕ್ರೇನ್ ಕೆಲಸ ಸುಫಿಯಾನ್ ಅಬ್ದುಲ್ ಕರೀಂಖಾನ್ ಅವರು ಕ್ಯಾಂಟರ್ ನೋಡಿದ್ದಾರೆ. ಈ ಎಲ್ಲಾ ಹಿನ್ನಲೆ ಕ್ಯಾಂಟರ್ ವಾಹನದ ನೋಂದಣಿ ಸಂಖ್ಯೆಯ ಜೊತೆ ಸುಫಿಯಾನ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಅಪರಿಚಿತ ಅಲೆಮಾರಿಯ ಗುರುತು ಪತ್ತೆಗಾಗಿ ಪೊಲೀಸರು ಶ್ರಮಿಸುತ್ತಿದ್ದು, ಅದರೊಂದಿಗೆ ಪರಾರಿಯಾದ ಕ್ಯಾಂಟರ್ ಚಾಲಕನ ಶೋಧವನ್ನು ಶುರು ಮಾಡಿದ್ದಾರೆ.
- [ಬಸ್ಸು-ಓಮಿನಿ ನಡುವೆ ಅಪಘಾತ: ಚಾಲಕ ಸಾವು!](https://mobiletime.in/2026/03/accident-between-bus-and-omni-driver-dies/): ಹೊನ್ನಾವರದ ಹೆರಂಗಡಿ ಬಳಿ ಸರ್ಕಾರಿ ಬಸ್ಸು ಓಮಿನಿಗೆ ಗುದ್ದಿದೆ. ಪರಿಣಾಮ ಓಮಿನಿ ಓಡಿಸುತ್ತಿದ್ದ ವ್ಯಕ್ತಿಯೊಬ್ಬರು ಅಲ್ಲಿಯೇ ಸಾವನಪ್ಪಿದ್ದಾರೆ. ಈ ಅಪಘಾತದಲ್ಲಿ ಬಸ್ಸಿನಲ್ಲಿದ್ದ ಕೆಲ ಪ್ರಯಾಣಿಕರಿಗೆ ಸಹ ಗಾಯಗಳಾಗಿವೆ. ಮಾಹಿತಿಗಳ ಪ್ರಕಾರ, ಬಸ್ಸು ವೇಗವಾಗಿ ಬರುತ್ತಿತ್ತು. ಓಮಿನಿ ಸಹ ಅದೇ ಪ್ರಮಾಣದ ವೇಗದಲ್ಲಿತ್ತು. ಹೆರಂಗಡಿ ಬಳಿ ಈ ಎರಡು ವಾಹನಗಳು ಮುಖಾಮುಖಿಯಾಗಿದ್ದು, ಓಮಿನಿ ಸಂಪೂರ್ಣವಾಗಿ ಜಖಂ ಆಯಿತು. ಓಮಿನಿ ಒಳಗಿದ್ದ ಚಾಲಕ ಸಹ ಅಲ್ಲಿಯೇ ಸಿಕ್ಕಿ ಬಿದ್ದಿದ್ದರು. ಅವರನ್ನು ರಕ್ಷಿಸಿ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆದರೂ ಪ್ರಯೋಜನ ಆಗಲಿಲ್ಲ. ಸಾವನಪ್ಪಿದ ಓಮಿನಿ ಚಾಲಕ ಸಿದ್ದಾಪುರ ತಾಲೂಕಿನವರಾಗಿದ್ದಾರೆ. ಅವರ ಹೆಸರು ಹಾಗೂ ವಿಳಾಸದ ಮಾಹಿತಿ ಖಚಿತವಾಗಿಲ್ಲ. ಭಟ್ಕಳದಿಂದ ಸಿದ್ದಾಪುರದತ್ತ ಒಮಿನಿಗೆ ಗೇರುಸೊಪ್ಪದಿಂದ ಹೊನ್ನಾವರ ಕಡೆಗೆ ತೆರಳುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್ಸು ಡಿಕ್ಕಿ ಹೊಡೆದಿದೆ. ಆಸ್ಪತ್ರೆಯಲ್ಲಿನ ವೈದ್ಯರು ಓಮಿನಿ ಚಾಲಕನ ಸಾವನ್ನು ದೃಢಪಡಿಸಿದ್ದಾರೆ. ಅಪಘಾತದ ವೇಳೆ ಬಸ್‌ನಲ್ಲಿದ್ದ ಕೆಲ ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಅಪಘಾತದಿಂದ ಸಂಚಾರ ದಟ್ಟಣೆ ಉಂಟಾಗಿದ್ದು, ಪೊಲೀಸರು ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದ್ದಾರೆ
- [ಭಗವಾಧ್ವಜ: ಕಟ್ಟೆ ನಿರ್ಮಾಣಕ್ಕೆ ತಕರಾರು-ಅರಣ್ಯ ಇಲಾಖೆ ಅಡ್ಡಗಾಲು!](https://mobiletime.in/2026/03/bhagavadhwaja-dispute-over-dam-construction-forest-department-at-a-crossroads/): ಕುಮಟಾದ ಹಳಕಾರ್ ಬಳಿಯ ಗುಣಗಣಕೊಪ್ಪದ ವಿಲೇಜ್ ಫಾರೆಸ್ಟ್ ಪ್ರದೇಶದಲ್ಲಿ ಹಿಂದಿನಿAದಲೂ ಭಗವಾಧ್ವಜವಿದ್ದು, ಸದ್ಯ ಆ ಕಟ್ಟೆಯ ಅಭಿವೃದ್ಧಿ ಕೆಲಸ ನಡೆಯುತ್ತಿದೆ. ಇದಕ್ಕೆ ಅದೇ ಭಾಗದ ನಾಗಶ್ರೀ ಪಟಗಾರ ಅವರು ಆಕ್ಷೇಪಣೆ ಸಲ್ಲಿಸಿದ್ದಾರೆ. ಇದರಿಂದ ಅರಣ್ಯ ಇಲಾಖೆಯವರು ಭಗವಾಧ್ವಜಕ್ಕೆ ಕಟ್ಟೆ ಕಟ್ಟುವುದಕ್ಕೆ ತಕರಾರು ಮಾಡಿದ್ದಾರೆ. ಹಳಕಾರ ವಿಲೇಜ್ ಪಾರೇಸ್ಟ ಪ್ರದೇಶದಲ್ಲಿ ಕಳೆದ 12 ವರ್ಷಗಳಿಂದ ಭಗವಾಧ್ವಜವಿದೆ. ಸದ್ಯ ಅಲ್ಲಿ ಚೀರೆಕಲ್ಲುಗಳನ್ನು ಕಟ್ಟಲಾಗುತ್ತಿದೆ. ಜೊತೆಗೆ ಆ ಕಟ್ಟೆಯನ್ನು ಇನ್ನಷ್ಟು ದೊಡ್ಡದಾಗಿಸಿ ಅಭಿವೃದ್ಧಿ ಮಾಡಲು ಕೆಲವರು ಶ್ರಮಿಸುತ್ತಿದ್ದಾರೆ. ಆದರೆ, ಅತಿಥಿ ಶಿಕ್ಷಕಿಯಾಗಿರುವ ನಾಗಶ್ರೀ ನೀಲಕಂಠ ಪಟಗಾರ್ ಅವರು ಇದಕ್ಕೆ ವಿರೋಧವ್ಯಕ್ತಪಡಿಸಿದ್ದಾರೆ. ಹಳಗಾರದ ವ್ಯಾಪಾರಿ ವಿಶ್ವನಾಥ ನಾಗೇಶ ಪಟಗಾರ, ವೈರಿಂಗ್ ಕೆಲಸ ಮಾಡುವ ನಾಗರಾಜ ಸುಕ್ರು ಪಟಗಾರ, ಗಣೇಶ ನಗರದ ವಾಟರ್ ಸಪ್ಲಾಯರ್ ಶಾಂತರಾಮ ಬಲಿಯಾ ಹರಿಕಂತ್ರ, ಹರಿಕಂತ್ರಕೇರಿಯ ವ್ಯಾಪಾರಿ ನಾಗಪ್ಪ ಈರಾ ಹರಿಕಂತ್ರ ಅವರು ಸಹ ಈ ವಿಷಯದಲ್ಲಿ ಅನಗತ್ಯವಾಗಿ ಮೂಗು ತೂರಿಸಿದ್ದಾರೆ. ಸದ್ಯ ಆ ಆಕ್ಷೇಪಣಾ ಪತ್ರ ತಹಶೀಲ್ದಾರ್ ಕಚೇರಿ ಹಾಗೂ ಅರಣ್ಯ ಇಲಾಖೆಗೆ ರವಾನೆಯಾಗಿದೆ. ಈ ಹಿನ್ನಲೆ ಮಾರ್ಚ 12ರಂದು ಅರಣ್ಯ ಇಲಾಖೆಯವರು ಭಗವಾ ದ್ವಜ ಕಟ್ಟೆ ನಿರ್ಮಾಣ ಕೆಲಸ ತಡೆದಿದ್ದಾರೆ. ಕುಮಟಾ ಸೂಕ್ಷö್ಮ ಪ್ರದೇಶವಾಗಿದ್ದು, ಭಗವಾ ಧ್ವಜ ವಿಷಯವಾಗಿ ನಾಗರಿಕ ಸೌಹಾರ್ದತೆಗೆ ಧಕ್ಕೆ ಆಗುವ ಸಾಧ್ಯತೆ ಇದೆ. ಈ ಹಿನ್ನಲೆ ಆಕ್ಷೇಪಣೆ ಸಲ್ಲಿಸಿದ ನಾಗಶ್ರೀ ಪಟಗಾರ ಅವರ ಜೊತೆ ವಿಶ್ವನಾಥ ಪಟಗಾರ, ನಾಗರಾಜ ಪಟಗಾರ, ಶಾಂತರಾಮ ಹರಿಕಂತ್ರ, ನಾಗಪ್ಪ ಹರಿಕಂತ್ರ ಅವರ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.  
- [ರವೀಂದ್ರ ನಗರ: ಮನೆ ಮನೆಯಲ್ಲಿಯೂ ಮಾತೆಯ ಆರಾಧನೆ](https://mobiletime.in/2026/03/ravindra-nagar-worship-of-mother-in-every-home/): ಯಲ್ಲಾಪುರದ ರವೀಂದ್ರ ನಗರದಲ್ಲಿನ ಮನೆ ಮನೆಯಲ್ಲಿಯೂ ಭಾರತ ಮಾತೆಯ ಆರಾಧನೆ ನಡೆಯುತ್ತಿದೆ. ಯುಗಾದಿ ಉತ್ಸವದ ಅಂಗವಾಗಿ ಸೋಮಣ್ಣ ಗೆಳೆಯರ ಬಳಗದವರು ಆ ಭಾಗದ ಎಲ್ಲಾ ಮನೆಯವರಿಗೂ ಭಾರತ ಮಾತೆಯ ಭಾವಚಿತ್ರ ವಿತರಿಸುವ ಸಂಕಲ್ಪ ಮಾಡಿದ್ದಾರೆ. `ಪ್ರತಿ ನಿತ್ಯವೂ ಪ್ರತಿಯೊಬ್ಬರು ಭಾರತ ಮಾತೆಯನ್ನು ಸ್ಮರಿಸಬೇಕು’ ಎಂಬ ನಿಟ್ಟಿನಲ್ಲಿ ಆ ಭಾಗದ 300ಕ್ಕೂ ಅಧಿಕ ಮನೆಗಳಿಗೆ ಗೆಳೆಯರ ಬಳಗದವರು ಭಾರತ ಮಾತೆಯ ಭಾವಚಿತ್ರ ವಿತರಿಸುತ್ತಿದ್ದಾರೆ. ನಾಗೇಂದ್ರ ಭಟ್, ಕುಮುದ ಶೇಣೆ, ರಾಧಾ ಮರಾಠೆ, ಆನಂದ ಜಿ. ಅತ್ತಾರರ್ವಾಲ, ರಾಜು ಬುದ್ದಿ, ಬಾಬು ದೇಸಾಯಿ, ನರೇಶ್ ಯಾಮಕೆ, ಗಿರೀಶ್ ಭೋವಿ ವಡ್ಡರ್, ಸೋಮೇಶ್ವರ ನಾಯ್ಕ ಅವರು ಸೇರಿ ದೇಶಭಕ್ತಿ ಜಾಗೃತಿಗೊಳಿಸುವ ಕಾಯಕ ಶುರು ಮಾಡಿದ್ದಾರೆ. ರವೀಂದ್ರ ನಗರದ ಸಭಾಭವನದಲ್ಲಿ ಯುಗಾದಿ ಉತ್ಸವದ ನಿಮಿತ್ತ ಭಾರತ ಮಾತಾ ಭಾವಚಿತ್ರ ವಿತರಣೆ ಕಾರ್ಯಕ್ರಮಕ್ಕೆ ಚಾಲನೆ ಸಿಕ್ಕಿದ್ದು, ಎಲ್ಲರಿಗೂ ಭಾವಚಿತ್ರ ತಲುಪಿಸುವ ಕಾರ್ಯ ಶುರುವಾಗಿದೆ. ಪಟ್ಟಣ ಪಂಚಾಯತ ವ್ಯಾಪ್ತಿಯ ರವೀಂದ್ರನಗರದ 17 ಮತ್ತು 18ನೇ ವಾರ್ಡುಗಳಲ್ಲಿ ಗೆಳೆಯರ ಬಳಗದವರು ಮನೆ ಮನೆಗೆ ತೆರಳಿ ದೇಶಭಕ್ತಿಯ ಪ್ರಾಮುಖ್ಯತೆ ಬಗ್ಗೆ ವಿವರಿಸುತ್ತಿದ್ದಾರೆ. ಉದ್ಯಮಿ ಬಾಲಕೃಷ್ಣ ನಾಯಕ್ ಹಾಗೂ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ್ ಹೆಗಡೆ ಅವರು ಮನೆ ಮನೆಗೆ ಭಾರತ ಮಾತೆಯ ಭಾವಚಿತ್ರ ವಿತರಿಸುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ್ದಾರೆ. ಈ ವೇಳೆ ಚಂದ್ರು ಕಟ್ಟಿಮನಿ ಅವರು ದೇಶಭಕ್ತಿ ಗೀತೆ ಹಾಡುವ ಮೂಲಕ ಗಮನಸೆಳೆದಿದ್ದಾರೆ.
- [ಗಾಂಜಾ ಗುಂಗಿನಲ್ಲಿ ರಿಕ್ಷಾ ಚಾಲಕ](https://mobiletime.in/2026/03/rickshaw-driver-in-a-marijuana-den/): ಅಂಕೋಲಾದ ಅಕ್ಷಯಕುಮಾರ ಗೊಯ್ಡು ಅವರ ಬಾಯಿಂದ ಕೆಟ್ಟ ವಾಸನೆ ಬರುತ್ತಿದ್ದು, ಅದನ್ನು ಪ್ರಶ್ನಿಸಿದಾಗ ಅವರು ಗಾಂಜಾ ಗುಂಗಿನಲ್ಲಿರುವುದು ಗೊತ್ತಾಗಿದೆ. ದುಶ್ಚಟಕ್ಕೆ ದಾಸರಾದ ಅಕ್ಷಯಕುಮಾರ ಗೊಯ್ಡು ಅವರ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಅಂಕೋಲಾದ ವಂದಿಗೆ ಹೊಸಗದ್ದೆಯಲ್ಲಿ ಅಕ್ಷಯಕುಮಾರ ಗೊಯ್ಡು (25) ಅವರು ವಾಸವಾಗಿದ್ದಾರೆ. ರಿಕ್ಷಾ ಚಾಲಕರಾಗಿ ಅವರು ಕೆಲಸ ಮಾಡುತ್ತಿದ್ದಾರೆ. ದುಶ್ಚಟಕ್ಕೆ ದಾಸರಾಗಿರುವ ಅವರು ಗಾಂಜಾ ಸೇವಿಸಿದ ಗುಂಗನ್ನು ಖುಷಿಯಿಂದ ಅನುಭವಿಸುತ್ತಾರೆ. ಗಾಂಜಾ ಸೇವನೆಯಿಂದ ಆರೋಗ್ಯ ಹದಗೆಡುವ ಬಗ್ಗೆ ಅರಿವಿದ್ದರೂ ಅಕ್ಷಯಕುಮಾರ ಗೊಯ್ಡು ಅವರು ಆ ಚಟದಿಂದ ಹೊರ ಬಂದಿಲ್ಲ. ಹೀಗಿರುವಾಗ, ಮಾರ್ಚ 14ರಂದು ಅಂಕೋಲಾದ ಜಿ ಸಿ ಸರ್ಕಲ್ ಬಳಿ ಅಕ್ಷಯಕುಮಾರ ಗೊಯ್ಡು ಅವರು ಅನಗತ್ಯವಾಗಿ ಅಲೆದಾಡುತ್ತಿರುವುದನ್ನು ಪೊಲೀಸರು ನೋಡಿದ್ದಾರೆ. ಅಮಲಿನಲ್ಲಿದ್ದ ಅವರ ಬಾಯಿಂದ ಕೆಟ್ಟ ವಾಸನೆ ಬರುವುದನ್ನು ಗಮನಿಸಿದ್ದಾರೆ. ವಿಚಾರಣೆ ನಡೆಸಿದಾಗ ಅಕ್ಷಯಕುಮಾರ ಗೊಯ್ಡು ಅವರೇ ಗಾಂಜಾ ಸೇವಿಸಿದನ್ನು ಒಪ್ಪಿಕೊಂಡಿದ್ದಾರೆ. ಅದಾಗಿಯೂ, ಪೊಲೀಸರು ಕಾನೂನು ಪ್ರಕಾರ ಅವರನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಅಲ್ಲಿ ವೈದ್ಯಕೀಯ ತಪಾಸಣೆ ನಡೆಸಿದ್ದು, ಗಾಂಜಾ ಸೇವನೆ ದೃಢವಾಗಿದೆ. ಹೀಗಾಗಿ ಅಕ್ಷಯಕುಮಾರ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. `ಮಾದಕ ವ್ಯಸನ ಅತ್ಯಂತ ಅಪಾಯ’
- [ನಿವೃತ್ತ ಸೈನಿಕನಿಗೂ ಸಿಗದ ಆಂಬುಲೆನ್ಸ್: ದೇಶಕ್ಕಾಗಿ ದುಡಿದವನ ದುರಂತ ಸಾವು!](https://mobiletime.in/2026/03/even-a-retired-soldier-cannot-get-an-ambulance-tragic-death-of-a-man-who-worked-for-the-country/): ದೇಶ ಸೇವೆಗಾಗಿ ತಮ್ಮ ಜೀವನವನ್ನೇ ಮುಡಿಪಾಗಿಟ್ಟಿದ್ದ ಸೈನಿಕರೊಬ್ಬರು ನಿವೃತ್ತಿ ನಂತರ ಅನಾರೋಗ್ಯಕ್ಕೆ ಒಳಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದು, ಅವರಿಗೆ ಸಮಯಕ್ಕೆ ಸರಿಯಾಗಿ ಆಂಬುಲೆನ್ಸ್ ಸಿಕ್ಕಿಲ್ಲ. ಎರಡು ತಾಸು ಕಾದರೂ ಆಂಬುಲೆನ್ಸ್ ಸಿಗದ ಕಾರಣ ಅವರು ನರಳಿ ನರಳಿ ಸಾವನಪ್ಪಿದ್ದಾರೆ. `ದೇಶಕ್ಕಾಗಿ ಏನನ್ನಾದರೂ ಮಾಡಬೇಕು’ ಎಂದು ಹಳಿಯಾಳದ ಬಸ್ಟ್ಯಾಂನ್ ಸಂತಾನ ಬ್ರೀಗ್ಯಾಜಾ ಅವರು ಬಾಲ್ಯದಲ್ಲಿಯೇ ಕನಸು ಕಂಡಿದ್ದರು. ಅದಕ್ಕಾಗಿ ಅವರು ಸೈನಿಕರಾಗಲು ನಿರ್ಧರಿಸಿದರು. ಕಠಿಣ ಪರಿಶ್ರಮ, ನಿರಂತರ ಪ್ರಯತ್ನದ ಜೊತೆ ಗುರಿ ಸಾಧನೆಗಾಗಿ ಸಾಕಷ್ಟು ಶ್ರಮಿಸಿ ಅವರು ತಮ್ಮ ಕನಸಿನ ಕೆಲಸಕ್ಕೆ ಸೇರಿದರು. ಸೈನಿಕರಾಗಿ ಅವರು ವಿವಿಧ ಕಡೆ ಸೇವೆ ಸಲ್ಲಿಸಿದರು. ಬಸ್ಟ್ಯಾಂನ್ ಬ್ರೀಗ್ಯಾಜಾ ಅವರು ನಿವೃತ್ತಿ ನಂತರ ತವರಿಗೆ ಮರಳಿದ್ದು, ಇಲ್ಲಿಯೂ ಸಮಾಜ ಸೇವೆಯಲ್ಲಿ ತೊಡಗಿದ್ದರು. ಕೆಲ ದಿನಗಳ ಹಿಂದೆ ಬಸ್ಟ್ಯಾಂನ್ ಬ್ರೀಗ್ಯಾಜಾ ಅವರು ಅನಾರೋಗ್ಯಕ್ಕೆ ಒಳಗಾದರು. ಕುಟುಂಬದವರು ಅವರನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ಆರೋಗ್ಯದಲ್ಲಿ ವ್ಯತ್ಯಾಸವಾದ ಕಾರಣ ಬಸ್ಟ್ಯಾಂನ್ ಬ್ರೀಗ್ಯಾಜಾ ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಲು ಅವರ ಆಪ್ತರು ನಿರ್ಣಯಿಸಿದರು. ಭಾನುವಾರ ನಸುಕಿನ 4 ಗಂಟೆಗೆ ಅವರನ್ನು ಉನ್ನತ ಚಿಕಿತ್ಸೆಗಾಗಿ ಬೇರೆ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ಎಷ್ಟು ಸಲ ಫೋನ್ ಮಾಡಿದರೂ 108 ಆಂಬುಲೆನ್ಸ್ ಸೇವೆ ಸಿಗಲಿಲ್ಲ. ಎರಡು ತಾಸು ಕಾದರೂ ಆಂಬುಲೆನ್ಸ್ ಸಿಗದ ಕಾರಣ ಬಸ್ಟ್ಯಾಂನ್ ಬ್ರೀಗ್ಯಾಜಾ ಅವರನ್ನು ಹುಬ್ಬಳ್ಳಿಗೆ ಕರೆದೊಯ್ಯಲು ಆಗಲಿಲ್ಲ. ಪರಿಣಾಮ ಅವರು ಮಲಗಿದ ಹಾಸಿಗೆಯಲ್ಲಿಯೇ ಕೊನೆಯುಸಿರೆಳೆದರು. `ಸಮಯಕ್ಕೆ ಸರಿಯಾಗಿ ಆಂಬುಲೆನ್ಸ್ ಸಿಕ್ಕಿದ್ದರೆ ತಂದೆಯನ್ನು ಬದುಕಿಸಬಹುದಾಗಿತ್ತು. ಆದರೆ, ತುರ್ತು ಸನ್ನಿವೇಶದಲ್ಲಿಯೂ ಸೇವೆ ಸಿಗದ ಕಾರಣ ತಾನೂ ತಂದೆಯನ್ನು ಕಳೆದುಕೊಂಡಿದ್ದೇನೆ’ ಎಂದು ಅವರ ಮಗ ಮನು ಬ್ರೀಗ್ಯಾಜಾ ಅವರು ವಿವರಿಸಿದರು. `ಯಾರಿಗೂ ಇಂಥ ಪರಿಸ್ಥಿತಿ ಬರಬಾರದು. ಅದರಲ್ಲಿಯೂ, ದೇಶ ಸೇವೆಗಾಗಿ ಜೀವನವನ್ನು ಮುಡಿಪಾಗಿಟ್ಟ ಸೈನಿಕರಿಗೆ ಹೀಗಾಗಬಾರದಿತ್ತು’ ಎಂದವರು ನೋವು ತೋಡಿಕೊಂಡರು. `ಹಳಿಯಾಳ ಹಾಗೂ ದಾಂಡೇಲಿ ಭಾಗದಲ್ಲಿ ಕಳೆದ 15 ದಿನಗಳಿಂದ ಆಂಬುಲೆನ್ಸ್ ಸೇವೆ ಸರಿಯಾಗಿಲ್ಲ’ ಎಂದು ಆ ಭಾಗದವರು ದೂರಿದರು. `108 ಸೇವೆ ಸರಿಯಾಗಿಲ್ಲ. ಸಮಯಕ್ಕೆ ಸರಿಯಾಗಿ ಆಂಬುಲೆನ್ಸ ಬರುತ್ತಿಲ್ಲ. ಮೊದಲು 108 ವಾಹನವನ್ನು ಸ್ಥಳೀಯ ಸರ್ಕಾರಿ ಆಸ್ಪತ್ರೆಗೆ ವಹಿಸಲಾಗಿದ್ದು, ಇದೀಗ ಅದರ ಸೇವೆಯನ್ನು ಪ್ರತ್ಯೇಕಿಸಲಾಗಿದೆ. ಫೋನ್ ಮಾಡಿದರೂ ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂಬುದು ಸತ್ಯ’ ಎಂದು ತಾಲೂಕು ಆಡಳಿತಾಧಿಕಾರಿ ಅನಿಲಕುಮಾರ ಅವರು ವಾಸ್ತವ ಬಿಚ್ಚಿಟ್ಟರು. `ತಾಲೂಕು ಆಸ್ಪತ್ರೆಯಲ್ಲಿ ಎರಡು ಆಂಬುಲೆನ್ಸ್ ಇದೆ. ತುರ್ತು ಸನ್ನಿವೇಶದಲ್ಲಿ ಅದನ್ನು ಬಳಸಬಹುದಾಗಿದ್ದು, ಎರಡೂ ಆಂಬುಲೆನ್ಸ್ ಲಭ್ಯವಿಲ್ಲದಿದ್ದರೆ ಸಮಸ್ಯೆ ಆಗಲಿದೆ’ ಎಂದವರು ಸ್ಪಷ್ಟಪಡಿಸಿದರು.
- [ಕಳ್ಳನ ಕುಟುಂಬಕ್ಕೆ ತರಕಾರಿ ಕೊಟ್ಟ ಗೂಡಂಗಡಿ!](https://mobiletime.in/2026/03/a-stall-that-provided-vegetables-for-thieves-meals/): ಗೋಕರ್ಣ ಬಸ್ ನಿಲ್ದಾಣದ ಆವಾರದಲ್ಲಿರುವ ಎರಡು ಅಂಗಡಿಗಳ ಮೇಲೆ ಕಳ್ಳರು ಕಣ್ಣು ಹಾಕಿದ್ದಾರೆ. ಬಾಗಿಲು ಹಾಕಿದ್ದ ಅಂಗಡಿಯ ಬೀಗ ಮುರಿದ ಕಳ್ಳರು ಅಲ್ಲಿದ್ದ ತರಕಾರಿ ಕದ್ದಿದ್ದಾರೆ! ಶುಕ್ರವಾರ ರಾತ್ರಿ ಈ ಕಳ್ಳತನ ನಡೆದಿದ್ದು, ಶನಿವಾರ ಅಂಗಡಿಕಾರರಿಗೆ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಗಂಜೀಗದ್ದೆ ಕಡೆಯಿಂದ ಬಸ್ ನಿಲ್ದಾಣಕ್ಕೆ ಪ್ರವೇಶಿಸುವ ಕಡೆಯಿದ್ದ ತರಕಾರಿ ಅಂಗಡಿಗೆ ನುಗ್ಗಿದ ಕಳ್ಳರು ಅದಾದ ನಂತರ ಪಕ್ಕದ ಸ್ಟೇಶನರಿ ಅಂಗಡಿಗೂ ಹೋಗಿ ಕದ್ದಿದ್ದಾರೆ. ಮಹಾದೇವ ಗೌಡ ಅವರ ಅಂಗಡಿ ಪೂರ್ತಿ ಜಾಲಾಡಿದರೂ ಕಳ್ಳರಿಗೆ ಅಲ್ಲಿ ಅವರಿಗೆ ಹಣ ಸಿಕ್ಕಿಲ್ಲ. ಹೀಗಾಗಿ ಅಂಗಡಿಯಲ್ಲಿದ್ದ ಒಂದೆರಡು ತರಕಾರಿ ತಿಂದು ಅವರು ಅಲ್ಲಿಂದ ಕಾಲ್ಕಿತ್ತಿದ್ದಾರೆ. ಅದಾದ ನಂತರ ರಾಜನ್ ಮೆಹ್ತಾ ಅವರ ಸ್ಟೇಶನರಿ ಅಂಗಡಿಗೆ ನುಗ್ಗಿದ್ದಾರೆ. ಅಲ್ಲಿದ್ದ ಹಣ ದೋಚಿ ಕಳ್ಳರು ಪರಾರಿಯಾಗಿದ್ದಾರೆ. ಜೊತೆಗೆ ಸಿಸಿ ಕ್ಯಾಮರಾಗೂ ಕಳ್ಳರು ಹಾನಿ ಮಾಡಿದ್ದಾರೆ.
- [ಎದೆಗೆ ನಾಟಿದ ಏರ್‌ಗನ್ ಗುಂಡು!](https://mobiletime.in/2026/03/airgun-shot-in-the-chest/): ಮoಗನನ್ನು ಓಡಿಸಲು ಏರ್‌ಗನ್ ಹಿಡಿದು ಹೊರಟಿದ್ದ ಸುಬ್ರಹ್ಮಣ್ಯ ಮರಾಠಿ ಅವರು ಅದೇ ಏರ್‌ಗನ್ ಗುಂಡಿಗೆ ಬಲಿಯಾಗಿದ್ದಾರೆ. ಆಕಸ್ಮಿಕವಾಗಿ ಗುಂಡು ಸಿಡಿದ ಪರಿಣಾಮ ಅವರು ಅಲ್ಲಿಯೇ ಕುಸಿದು ಬಿದ್ದಿದ್ದು, ಕುಟುಂಬದವರು ಬಂದು ನೋಡುವಷ್ಟರಲ್ಲಿ ಕೊನೆಯುಸಿರೆಳೆದಿದ್ದಾರೆ. ಹೊನ್ನಾವರದ ಗೇರುಸೊಪ್ಪ ಹಾಡಗೇರಿ ಗ್ರಾಮದಲ್ಲಿ ಶನಿವಾರ ಸಂಜೆ ಮಂಗನ ಗುಂಪು ಬಂದಿದ್ದು, ಅದನ್ನು ಬೆದರಿಸಲು ಹೋದ ಅದೇ ಊರಿನ ಸುಬ್ರಹ್ಮಣ್ಯ ಮಂಜ ಮರಾಠಿ ಅವರು ಗುಂಡು ಸಿಡಿದು ಸಾವನಪ್ಪಿದ್ದಾರೆ. ಕೈಯಲ್ಲಿದ್ದ ಏರ್‌ಗನ್ ಆಕಸ್ಮಿಕವಾಗಿ ಜಾರಿ ಬಿದ್ದಿದೆ. ಆಗ, ಏರ್‌ಗನ್ ತಿರುವಿ ಬಿದ್ದಿದ್ದು, ಸುಬ್ರಹ್ಮಣ್ಯ ಮರಾಠಿ ಅವರು ಸಹ ನೆಲಕ್ಕೆ ಬಿದ್ದಿದ್ದಾರೆ. ಆ ವೇಳೆ ಏರ್‌ಗನ್ ಒಳಗಿದ್ದ ಗುಂಡು ಸುಬ್ರಹ್ಮಣ್ಯ ಮರಾಠಿ ಅವರ ಎದೆಗೆ ತಾಗಿದೆ. ಅಲ್ಲಿಯೇ ಸುಬ್ರಹ್ಮಣ್ಯ ಮರಾಠಿ ಅವರು ಕುಸಿದು ಬಿದ್ದಿದ್ದಾರೆ. ಗಾಯದ ತೀವೃತೆಯಿಂದಲೇ ಸುಬ್ರಹ್ಮಣ್ಯ ಮರಾಠಿ ಅವರು ಸಾವನಪ್ಪಿರುವುದು ಗೊತ್ತಾಗಿದೆ. ಹೊನ್ನಾವರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಇನ್ನೂ 18 ವರ್ಷದ ಸುಬ್ರಹ್ಮಣ್ಯ ಮರಾಠಿ ಅವರ ಸಾವಿನಿಂದ ಊರಿನ ಜನರು ಆಘಾತಕ್ಕೆ ಒಳಗಾಗಿದ್ದಾರೆ.
- [ಮಂಗನ ಉಪಟಳ: ಪೊಲೀಸ್ ಜೀಪ್ ಪಲ್ಟಿ!](https://mobiletime.in/2026/03/monkeys-mischief-police-jeep-overturns/): ಅಂಕೋಲಾ – ಕುಮಟಾ ಮಾರ್ಗವಾಗಿ ಸಂಚರಿಸುತ್ತಿದ್ದ ಪೊಲೀಸ್ ಜೀಪು ಪಲ್ಟಿಯಾಗಿದೆ. ಪೊಲೀಸ್ ಜೀಪಿನ ಸಮೀಪ ಮಂಗ ಹಾರಾಟ ನಡೆಸಿರುವುದೇ ಈ ಅಪಘಾತಕ್ಕೆ ಮುಖ್ಯ ಕಾರಣ! ಕಾರವಾರದ ಪೊಲೀಸ್ ಸಿಬ್ಬಂದಿ ಸುನೀಲ ಪವಾರ್ ಅವರು ಸರ್ಕಾರಿ ಜೀಪನ್ನು ದುರಸ್ಥಿಗೆ ಬಿಟ್ಟಿದ್ದರು. ಅಂಕೋಲಾದ ಶಿವಾನಂದ ಸರ್ವೀಸ್ ಸೆಂಟರಿನಲ್ಲಿ ಜೀಪು ದುರಸ್ಥಿ ಆಗಿದ್ದು, ಮಾರ್ಚ 11ರಂದು ಅದರ ತಪಾಸಣೆ ನಡೆಸಿದ್ದರು. ಆ ದಿನ ಜೀಪು ಓಡಿಸಿಕೊಂಡು ಅವರು ಕುಮಟಾ ಕಡೆ ಹೊರಟಿದ್ದರು. ಹಿಚ್ಕಡ ಕ್ರಾಸಿನ ಬಳಿ ಏಕಾಏಕಿ ಮಂಗಗಳ ಗುಂಪು ರಸ್ತೆಗೆ ಅಡ್ಡಲಾಗಿ ಸಂಚರಿಸಿದ್ದು, ಇದನ್ನು ನೋಡಿದ ಸುನೀಲ ಪವಾರ್ ಅವರು ಬೆದರಿದರು. ಒಮ್ಮೇಲೆ ಜೀಪಿನ ಬ್ರೆಕ್ ಅದುಮಿದರು. ವೇಗವಾಗಿ ಸಂಚರಿಸುತ್ತಿದ್ದ ಸರ್ಕಾರಿ ಜೀಪು ಏಕಾಏಕಿ ನಿಂತಿದ್ದು, ಅಲ್ಲಿಯೇ ಪಲ್ಟಿಯಾಯಿತು. ರಸ್ತೆಗೆ ಅಡ್ಡಲಾಗಿ ಬಂದ ಮಂಗನನ್ನು ತಪ್ಪಿಸಲು ಹೋಗಿ ಜೀಪ್ ಪಲ್ಟಿಯಾದ ಬಗ್ಗೆ ಸುನೀಲ ಪವಾರ್ ಅವರು ಮೇಲಧಿಕಾರಿಗಳಿಗೆ ವಿವರಿಸಿದರು. ಈ ಅಪಘಾತದಲ್ಲಿ ಸುನೀಲ ಪವಾರ್ ಅವರ ಕೈಗೂ ಗಾಯವಾಗಿದ್ದು, ಅವರು ಚಿಕಿತ್ಸೆಪಡೆದರು. ಸರ್ಕಾರಿ ಜೀಪು ಅಪಘಾತಪಡಿಸಿದ ಸುನೀಲ ಪವಾರ್ ಅವರ ವಿರುದ್ಧ ಪೊಲೀಸ ಕಂಟ್ರೋಲ್ ರೂಮಿನ ಪೊಲೀಸ್ ನಿರೀಕ್ಷಕ ಸತೀಶಕುಮಾರ ಕೆವಿ ಅವರು ಕಾನೂನು ಕ್ರಮಕ್ಕೆ ಮುಂದಾದರು. ಅಂಕೋಲಾ ಪೊಲೀಸ್ ಠಾಣೆಗೆ ತೆರಳಿ ಚಾಲಕನ ವಿರುದ್ಧ ಅವರು ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮ ಪಾಲಿಸಿ’  
- [ಬೈಕಿಗೆ ಗುದ್ದಿದ ಕಾರು: ಸಹೋದರರ ಸ್ಥಿತಿ ಗಂಭೀರ!](https://mobiletime.in/2026/03/car-hits-bike-brothers-in-critical-condition/): ಕುಮಟಾದ ಬರ್ಗಿಯಲ್ಲಿ ಬೈಕಿಗೆ ಕಾರು ಡಿಕ್ಕಿ ಹೊಡೆದಿದೆ. ಪರಿಣಾಮ ಸಹೋದರರಿಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಬೆಟ್ಕುಳಿ ಗ್ರಾಮದ ಗುರು ಹರಿಕಂತ್ರ ಹಾಗೂ ವಿಠ್ಠಲ ಹರಿಕಾಂತ ಅವರು ಬೈಕಿನಲ್ಲಿ ಸಂಚರಿಸುವಾಗ ತೆಲಂಗಾಣ ನೋಂದಣಿಯ ಕಾರು ಅವರಿಗೆ ಡಿಕ್ಕಿ ಹೊಡೆದಿದೆ. ಕಾರು ಗುದ್ದಿದ ರಭಸಕ್ಕೆ ಬೈಕಿನಲ್ಲಿದ್ದವರು ಹೆದ್ದಾರಿಗೆ ಅಪ್ಪಳಿಸಿದ್ದು, ಗಂಭೀರ ಪ್ರಮಾಣದಲ್ಲಿ ನೋವು ಅನುಭವಿಸಿದ್ದಾರೆ. ಅಪಘಾತದ ತೀವ್ರತೆಗೆ ಬೈಕ್ ಹಾಗೂ ಕಾರು ಎರಡೂ ಸಂಪೂರ್ಣ ಜಖಂ ಆಗಿವೆ. ಅಪಘಾತದಲ್ಲಿ ಗಾಯಗೊಂಡ ಇಬ್ಬರು ಸಹೋದರರು ಸುಮಾರು ಅರ್ಧಗಂಟೆಗೂ ಹೆಚ್ಚು ಕಾಲ ರಸ್ತೆಯಲ್ಲೇ ಬಿದ್ದಿದ್ದು, ಅದಾದ ನಂತರ ಆಂಬುಲೆನ್ಸಿನ ಮೂಲಕ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಹೆದ್ದಾರಿ ಅಂಬುಲೆನ್ಸ್ ಸಮಯಕ್ಕೆ ಆಗಮಿಸದ ಹಿನ್ನೆಲೆ ಸ್ಥಳೀಯರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
- [ಲಾಂಪ್ಸ್ ಸೊಸೈಟಿ: ಮಾಜಿ ಕಾರ್ಯದರ್ಶಿಯಿಂದಲೇ ಅಪರಾತಪರಾ!](https://mobiletime.in/2026/03/lamps-society-the-former-secretary-is-the-culprit/): ಯಲ್ಲಾಪುರದ ಲಾಂಪ್ಸ್ ಸೊಸೈಟಿಯಲ್ಲಿ ಅವ್ಯವಹಾರ ನಡೆದಿದೆ. ಲಾಂಪ್ಸ್ ಕಾರ್ಯದರ್ಶಿ ಹುದ್ದೆ ಅನುಭವಿಸಿದ ವ್ಯಕ್ತಿಯೇ ಸಂಘಕ್ಕೆ ಮೋಸ ಮಾಡಿದ್ದಾರೆ. ಯಲ್ಲಾಪುರದ ಲಾಂಪ್ಸ್ ಸೊಸೈಟಿಯೂ (ಸಹ್ಯಾದ್ರಿ ಗಿರಿಜನ ದೊಡ್ಡ ಪ್ರಮಾಣದ ವಿವಿದೋದ್ಧೇಶ ಸಹಕಾರಿ ಸಂಘ) ಗುಡ್ಡಗಾಡು ಜನರ ಅಭಿವೃದ್ಧಿಗಾಗಿ ಹುಟ್ಟಿಕೊಂಡಿದ್ದು, ಕಿರು ಅರಣ್ಯ ಉತ್ಪನ್ನಗಳ ಸಂಗ್ರಹಣೆ ಮೂಲಕ ಹೆಸರುಪಡೆದಿದೆ. 2012ರಿಂದ 2022ರವರೆಗೆ ಈ ಸೊಸೈಟಿಯ ಕಾರ್ಯದರ್ಶಿಯಾಗಿ ರಾಮಚಂದ್ರ ಬಾರ್ಕೆಲ್ಯ ಸಿದ್ದಿ ಅವರು ಕಾರ್ಯ ನಿರ್ವಹಿಸಿದ್ದು, ಅವರ ವಿರುದ್ಧವೇ ಇದೀಗ ಆರೋಪ ಕೇಳಿಬಂದಿದೆ. ಯಲ್ಲಾಪುರ ಉಮ್ಮಚ್ಗಿಯ ಕೋಟೆಮನೆ ರಾಮಚಂದ್ರ ಸಿದ್ದಿ ಅವರು 2016ರಿಂದ 2019ರ ಅವಧಿಯಲ್ಲಿ ಅವಧಿಯಲ್ಲಿ ಹಣ ಹಾಗೂ ಸೊಸೈಟಿ ಸಂಗ್ರಹಿಸಿದ ಕಿರು ಅರಣ್ಯ ಉತ್ಪನ್ನವನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ. ಸದ್ಯ ಸೊಸೈಟಿಯ ಕಾರ್ಯದರ್ಶಿಯಾಗಿರುವ ಉಮ್ಮಚ್ಗಿ ತೋಟಗಟ್ಟಾದ ಕಿರಣ ಗಣಪಾ ಸಿದ್ದಿ ಅವರು ಈ ಅವ್ಯವಹಾರವನ್ನು ಬಯಲಿಗೆಳೆದಿದ್ದಾರೆ. ಈ ಸೊಸೈಟಿಯ ಅಧಿಕಾರ ಬಳಿಸಿಕೊಂಡ ರಾಮಚಂದ್ರ ಸಿದ್ದಿ ಅವರು 140015ರೂ ಹಣ ಅಪರಾತಪರ ಮಾಡಿದ್ದಾರೆ. ಜೊತೆಗೆ 693264 ರೂ ಮೌಲ್ಯದ ಕಿರು ಅರಣ್ಯ ಉತ್ಪನ್ನ ದುರುಪಯೋಗಪಡಿಸಿಕೊಂಡಿದ್ದಾರೆ. ಒಟ್ಟಾರೆಯಾಗಿ ರಾಮಚಂದ್ರ ಸಿದ್ದಿ ಅವರಿಂದ ಸೊಸೈಟಿಗೆ 833279ರೂ ನಷ್ಟವಾಗಿದೆ. ಸೊಸೈಟಿಗೆ ಮೋಸ ಮಾಡಿದ ರಾಮಚಂದ್ರ ಸಿದ್ದಿ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು ಎಂದು ಕಿರಣ ಸಿದ್ದಿ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಅವರು ಪೊಲೀಸ್ ದೂರು ನೀಡಿದ್ದು, ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಶಾಲಾ ಮಕ್ಕಳಿಗೆ ಪೆನ್ನುಗಳ ಉಡುಗರೆ](https://mobiletime.in/2026/03/school-supplies-for-children/): ಕಾರವಾರದ ಕಿನ್ನರ ಹೈಸ್ಕೂಲಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ತಾಲೂಕು ಪಂಚಾಯತ ಮಾಜಿ ಸದಸ್ಯ ಪ್ರಶಾಂತ ಗೋವೇಕರ್ ಅವರು ಪೆನ್ನುಗಳನ್ನು ಕೊಡುಗೆಯಾಗಿ ನೀಡಿದ್ದಾರೆ. ಆ ಪೆನ್ನುಗಳ ಮೂಲಕ ಪರೀಕ್ಷೆ ಎದುರಿಸಿ ಸಾಧನೆ ಮಾಡಿ ಎಂದವರು ಕರೆ ನೀಡಿದ್ದಾರೆ. `ಪ್ರಶಾಂತ ಗೋವೇಕರ್ ಅವರು ತಾಲೂಕು ಪಂಚಾಯತ ಸದಸ್ಯರಾಗಿದ್ದ ಅವಧಿಯಲ್ಲಿಯೂ ಶೈಕ್ಷಣಿಕ ಸೇವೆ ಮಾಡಿದ್ದಾರೆ. ಸೋರುತ್ತಿರುವ ಕಟ್ಟಡವನ್ನು ಅವರು ದುರಸ್ಥಿ ಮಾಡಿಸಿಕೊಟ್ಟಿದ್ದಾರೆ’ ಎಂದು ಶಿಕ್ಷಕ ಹನುಮಂತಪ್ಪ ಎಸ್ ಅವರು ಹೇಳಿದರು. ಹೈಸ್ಕೂಲ್ ಸೋರುತ್ತಿದ್ದಾಗ ಅದಕ್ಕೆ ತಾಲೂಕು ಪಂಚಾಯತ ಅನುದಾನದಿಂದ ಶೀಟ್ ಅಳವಡಿಸಿದ್ದರಿಂದ ಎಲ್ಲರಿಗೂ ಅನುಕೂಲವಾಗಿದೆ’ ಎಂದವರು ಸ್ಮರಿಸಿದರು. ಈ ವೇಳೆ ಮಾತನಾಡಿದ ಪ್ರಶಾಂತ ಗೋವೇಕರ್ ಅವರು `ಎಲ್ಲಾ ಮಕ್ಕಳು ಪಠ್ಯದ ಜೊತೆ ಪಠ್ಯೇತರ ಚಟುವಟಿಕೆಗಳಲ್ಲಿಯೂ ತೊಡಗಿಸಿಕೊಳ್ಳಬೇಕು’ ಎಂದು ಕರೆ ನೀಡಿದರು. ಪ್ರಮುಖರಾದ ಎಸ್ ವಿ ನಾಯ್ಕ ರಾಣೆ, ಎಸ್ ಟಿ ಲಮಾಣಿ, ಎಂ ಎನ್ ನಾಯಕ, ಎಚ್ ಕೆ ಪ್ರವೀಣ, ವಿ ಎಂ ಇಡೂರಕರ್, ಪಿ ಎ ಕೋಚ್ರೇಕರ್ ಇತರರಿದ್ದರು. 29 ಮಕ್ಕಳಿಗೆ ಅಗತ್ಯ ಪೆನ್ನುಗಳನ್ನು ಅವರು ವಿತರಿಸಿದರು.
- [ಟಿಪ್ಪರ್ ಅಬ್ಬರಕ್ಕೆ ಬೈಕ್ ಸವಾರ ಬಲಿ!](https://mobiletime.in/2026/03/biker-killed-in-tipper-accident/): ಮುಂಡಗೋಡದ ಕಲಕೊಪ್ಪ ಕ್ರಾಸಿನ ಬಳಿ ಟಿಪ್ಪರೊಂದು ಬೈಕಿಗೆ ಗುದ್ದಿದೆ. ಈ ಅಪಘಾತದಲ್ಲಿ ಬೈಕ್ ಸವಾರರೊಬ್ಬರು ಸಾವನಪ್ಪಿದ್ದಾರೆ. ಜೊತೆಗೆ ಮತ್ತೊಬ್ಬರಿಗೆ ಗಂಭೀರವಾಗಿ ಗಾಯವಾಗಿದೆ. ಹಾನಗಲ್ ತಾಲೂಕಿನ ಕೊಪ್ಪರಿಸಿಕೊಪ್ಪ ಗ್ರಾಮದ ಎಲ್ಲಪ್ಪ ಎಸ್ ಕೊಡದ್ ಅವರು ಈ ಅಪಘಾತದಲ್ಲಿ ಪ್ರಾಣ ಕಳೆದುಕೊಂಡಿದ್ದಾರೆ. ವಿಟ್ಟಲ್ ಎಸ್. ಚೋಳಪ್ಪನವರ್ ಅವರಿಗೆ ಗಾಯವಾಗಿದ್ದು, ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಖಲಿಸಲಾಗಿದೆ. ಇತ್ತೀಚಿನ ದಿನಗಳಲ್ಲಿ ಹುಬ್ಬಳ್ಳಿ – ಶಿರಸಿ ರಸ್ತೆಯಲ್ಲಿ ಟಿಪ್ಪರ್ ಲಾರಿಗಳ ಸಂಚಾರ ಅತಿಯಾಗಿ ಹೆಚ್ಚಾಗಿರುವುದರಿಂದ ಅಪಘಾತಗಳ ಭೀತಿ ಹೆಚ್ಚುತ್ತಿದೆ. ಶಿರಸಿಯಿಂದ ಹಾನಗಲ್ಲಿಗೆ ಹಾಗೂ ಹಾನಗಲ್ಲಿನಿಂದ ಪಾಳಾ ಮಾರ್ಗವಾಗಿ ಶಿರಸಿಗೆ ಕಲ್ಲು ಗಣಿಗಾರಿಕೆಯಿಂದ ಜೆಲ್ಲಿ ತುಂಬಿಕೊAಡು ಸಾಗುವ ಟಿಪ್ಪರ್ ಲಾರಿಗಳು ಹಗಲು-ರಾತ್ರಿ ಎನ್ನದೆ ವೇಗವಾಗಿ ಸಂಚರಿಸುತ್ತಿವೆ. ಈ ಮಾರ್ಗದಲ್ಲಿ ಟಿಪ್ಪರ್‌ಗಳ ಅತಿಯಾದ ಓಡಾಟದಿಂದ ವಾಹನ ಸವಾರರಿಗೆ ಅಪಾಯ ಹೆಚ್ಚಾಗಿದ್ದು, ಸಂಬAಧಿಸಿದ ಅಧಿಕಾರಿಗಳು ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.
- [ಶಿರಸಿಯನ್ನು ದುಬೈಗೆ ಹೋಲಿಸಿದವರ ವಿರುದ್ಧ ಸುಮೋಟೋ!](https://mobiletime.in/2026/03/sumoto-against-those-who-compared-sirsi-to-dubai/): ಶಿರಸಿ ಜಾತ್ರೆಗೆ ಬುರ್ಕಾ ಧರಿಸಿ ಬಂದಿದ್ದವರ ವಿಡಿಯೋ ಮಾಡಿದ ಅಮೋಘ ಭಟ್ಟ ಅವರು `ಇದು ದುಬೈ ಜಾತ್ರೆ’ ಎಂದು ವಿಡಿಯೋ ಹರಿಬಿಟ್ಟು ಇದನ್ನು `ದುಬೈ ಜಾತ್ರೆ’ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಈ ಬಗ್ಗೆ ಮುಸ್ಲಿಂ ಸಮುದಾಯದವರಿಂದ ಆಕ್ರೋಶವ್ಯಕ್ತವಾಗಿದ್ದು ಅಮೋಘ ಭಟ್ಟ ಅವರ ವಿರುದ್ಧ ಕಾನೂನು ಕ್ರಮವಾಗಿದೆ. ಶಿರಸಿ ಜಾತ್ರೆಗೆ ಎಲ್ಲಾ ಸಮುದಾಯದವರು ಆಗಮಿಸಿದ್ದು, ಅತ್ಯಂತ ಖುಷಿಯಿಂದ ಜಾತ್ರೆ ಪೇಟೆ ತಿರುಗಾಡಿದ್ದಾರೆ. ಹೀಗಿರುವಾಗ ಅಮೋಘ ಭಟ್ಟ ಅವರು ಶಿರಸಿ ಜಾತ್ರೆಗೆ ಬುರ್ಕಾ ಧರಿಸಿ ಬಂದ ಮಹಿಳೆಯರನ್ನು ಮಾತ್ರ ಗುರಿಯಾಗಿರಿಸಿಕೊಂಡು ವಿಡಿಯೋ ಚಿತ್ರೀಕರಣ ಮಾಡಿದ್ದಾರೆ. ಅದಾದ ನಂತರ `ಇದು ಶಿರಸಿ ಜಾತ್ರೆಯಲ್ಲ. ದುಬೈ ಜಾತ್ರೆ’ ಎಂದು ಬರೆದು ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಹರಿಬಿಟ್ಟಿದ್ದಾರೆ. ಅನೇಕರು ಅದಕ್ಕೆ ವಿವಿಧ ರೀತಿ ಕಮೆಂಟ್ ಮಾಡಿದ್ದಾರೆ. ಮುಸ್ಲಿಂ ಸಮುದಾಯದವರು ಸಹ ಈ ಬಗ್ಗೆ ಪ್ರತಿಭಟನೆ ನಡೆಸಿ ಪೊಲೀಸರಿಗೆ ಮನವಿ ಸಲ್ಲಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಮುದಾಯವೊಂದನ್ನು ಉದ್ದೇಶಿಸಿ ಕೆಟ್ಟದಾಗಿ ಬಿಂಬಿಸುವವರ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಪ್ರಚೋದನಾಕಾರಿ ಸಂದೇಶ ರವಾನಿಸಿದವರ ವಿರುದ್ಧವೂ ಕಾನೂನು ಕ್ರಮಕ್ಕೆ ಒತ್ತಾಯಿಸಿದ್ದಾರೆ. ಈ ಎಲ್ಲದರ ನಡುವೆ ಪೊಲೀಸ್ ಸಿಬ್ಬಂದಿ ಹನುಮಂತಪ್ಪ ಕಪಾಡಿ ಅವರು ಆ ವಿಡಿಯೋ ನೋಡಿದ್ದು, ಸುಮೋಟೋ ಪ್ರಕರಣ ದಾಖಲಿಸಿದ್ದಾರೆ. ಕೋಮು ಸೌಹಾರ್ದತೆಗೆ ದಕ್ಕೆ ಬರುವ ನಿಟ್ಟಿನಲ್ಲಿ ವಿಡಿಯೋ ಇದ್ದ ಕಾರಣ ಅಮೋಘ ಭಟ್ಟ ಅವರ ಜೊತೆ ಇನ್ನಿತರರ ಜನರ ಮೇಲೆಯೂ ಪ್ರಕರಣ ದಾಖಲಾಗಿದೆ. ವಸಂತ ಮರಾಠಿ, ಅಪ್ಪು ನಾಯರ್, ಶ್ವೇತಾ, ಪವನ್ ಚಿನ್ನಿ, ಪ್ರೇಮಕುಮಾರ ದೇವಾಡಿಗ, ಶೈಲೇಶ ನಾಯ್ಕ, ಪೂಜಾ ಶಿರಸಿ, ಯೋಗೇಶ ಯೋಗಿ ಎಂಬಾತ ಜಾಲತಾಣಗಳ ಮೂಲಕವೂ ಈ ವಿಡಿಯೋ ಹರಿದಾಡಿದೆ. ಈ ಹಿನ್ನೆಲೆ ಆ ಎಲ್ಲಾ ಪ್ರೊಪೈಲ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಪೊಲೀಸರ ಮೇಲೆ ಲಾರಿ ಹಾಯಿಸಿದ ದುಷ್ಟ ಚಾಲಕ!](https://mobiletime.in/2026/03/evil-driver-rammed-a-lorry-into-the-police/): ಕರ್ತವ್ಯ ನಿರತ ಪೊಲೀಸ್ ಸಿಬ್ಬಂದಿ ಮೇಲೆ ಉತ್ತರ ಪ್ರದೇಶದ ವ್ಯಕ್ತಿಯೊಬ್ಬರು ಕಂಟೇನರ್ ಲಾರಿ ಹಾಯಿಸುವ ಪ್ರಯತ್ನ ಮಾಡಿದ್ದಾರೆ. ವೇಗವಾಗಿ ಲಾರಿ ಬರುವುದನ್ನು ನೋಡಿದ ಪೊಲೀಸ್ ಸಿಬ್ಬಂದಿ ತಾವು ನಿಂತ ಸ್ಥಳದಿಂದ ಗಟಾರದ ಕಡೆ ಹಾರಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಅದಾಗಿಯೂ, ಪೊಲೀಸ್ ಸಿಬ್ಬಂದಿ ಕೈ-ಕಾಲಿಗೆ ಗಾಯವಾಗಿದೆ. ಕಾರವಾರ ಸಂಚಾರ ಪೊಲೀಸ್ ಠಾಣೆಯಲ್ಲಿ ಶೈಲೇಶ ಮಾಧವ ನಾಯಕ (55) ಅವರು ಕರ್ತವ್ಯದಲ್ಲಿದ್ದಾರೆ. ಅವರ ಮೇಲೆ ಉತ್ತರ ಪ್ರದೇಶದ ವಿಜಯಕುಮಾರ ಪೊಲಚಂದ್ರ ಅವರು ಕಂಟೇನರ್ ಲಾರಿ ಹಾಯಿಸುವ ಪ್ರಯತ್ನ ಮಾಡಿದ್ದಾರೆ. ಕೊಲೆ ಮಾಡುವ ಉದ್ದೇಶದಿಂದಲೇ ವಿಜಯಕುಮಾರ ಪೊಲಚಂದ್ರ ಅವರು ಲಾರಿ ಹಾಯಿಸಿದ್ದು, ಸಾರ್ವಜನಿಕ ಸಂಚಾರಕ್ಕೂ ಅಡ್ಡಿ ಆಗುವಂತೆ ಅವರು ವರ್ತಿಸಿದ ಬಗ್ಗೆ ಶೈಲೇಶ ನಾಯಕ ಅವರು ದೂರಿದ್ದಾರೆ. ಮಾರ್ಚ 9ರಂದು ಕಾರವಾರದ ಲಂಡನ್ ಬ್ರಿಜ್ ಬಳಿ ಈ ವಿದ್ಯಮಾನ ನಡೆದಿದೆ. ಆ ದಿನ ಶೈಲೇಶ ನಾಯಕ ಅವರು ಅಲ್ಲಿ ಸುಗಮ ಸಂಚಾರ ನೋಡಿಕೊಳ್ಳುವ ಜವಾಬ್ದಾರಿಹೊಂದಿದ್ದು, ವಿಜಯಕುಮಾರ ಪೊಲಚಂದ್ರ ಅವರು ಕಂಟೇನರ್ ಲಾರಿ ಓಡಿಸಿಕೊಂಡು ಬಂದಿದ್ದಾರೆ. ಲಂಡನ್ ಬ್ರಿಚ್ ಬಳಿ ಪೊಲೀಸರು ಕರ್ತವ್ಯದಲ್ಲಿರುವುದನ್ನು ನೋಡಿ ವಿಜಯಕುಮಾರ ಅವರು ಇನ್ನಷ್ಟು ವೇಗವಾಗಿ ಲಾರಿ ಓಡಿಸಿದ್ದಾರೆ. ಪೊಲೀಸರು ಲಾರಿಗೆ ಅಡ್ಡಲಾಗಿ ಕೈ ಮಾಡಿದಾಗ ಅವರ ಮೇಲೆಯೇ ಲಾರಿ ಹಾಯಿಸಿ ಮುನ್ನುಗ್ಗುವ ಪ್ರಯತ್ನ ಮಾಡಿದ್ದಾರೆ. ಈ ವೇಳೆ ಶೈಲೇಶ ನಾಯಕ ಅವರು ತಪ್ಪಿಸಿಕೊಂಡಿದ್ದು, ಅದಾದ ನಂತರ ವಿಜಯಕುಮಾರ ಪೊಲಚಂದ್ರ ಅವರು ರಸ್ತೆಗೆ ಅಡ್ಡಲಾಗಿ ಲಾರಿ ನಿಲ್ಲಿಸಿದ್ದಾರೆ. ಆ ಮೂಲಕ ಬೇರೆ ಲಾರಿಗಳ ಸಂಚಾರವನ್ನು ಅವರು ತಡೆದಿದ್ದಾರೆ. ಬೇರೆ ವಾಹನ ಸಂಚಾರಕ್ಕೆ ತೊಂದರೆ ಮಾಡದಂತೆ ಸೂಚಿಸಿದ ಪೊಲೀಸರ ಜೊತೆ ವಿಜಯಕುಮಾರ ಪೊಲಚಂದ್ರ ಅವರು ವಾಗ್ವಾದ ನಡೆಸಿದ್ದಾರೆ. `ರಸ್ತೆಗೆ ಅಡ್ಡಲಾಗಿ ನಿಲ್ಲಿಸಿದ ಗಾಡಿ ತೆಗೆಯುವುದಿಲ್ಲ’ ಎಂದು ಜಗಳ ಮಾಡಿದ್ದಾರೆ. ಗಾಯಗೊಂಡಿದ್ದ ಶೈಲೇಶ ನಾಯಕ ಅವರು ಕೆಲಕಾಲ ವಿಶ್ರಾಂತಿಪಡೆದು ಲಾರಿ ಚಾಲಕನ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ.
- [ಮೊಬೈಲ್ ಮೋಹ: ತಾಯಿ ಪೆಟ್ಟು ಸಹಿಸದ ಮಗ ಸಾವು!](https://mobiletime.in/2026/03/mobile-addiction-son-dies-after-mother-cannot-bear-the-pain/): ಮೊಬೈಲ್ ನೋಡದಂತೆ ಸೂಚಿಸಿದ ಕಾರಣ ಮನನೊಂದ ವಿದ್ಯಾರ್ಥಿಯೊಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಆಸ್ಪತ್ರೆಗೆ ದಾಖಲಿಸಿದರೂ ಸಹ ಶುಭಂ ನಾಯ್ಕ ಅವರು ಬದುಕಲಿಲ್ಲ. ಶಿರಸಿ ಗಣೇಶ ನಗರದಲ್ಲಿ ಶುಭಂ ನಾಗೇಶ ನಾಯ್ಕ (15) ಅವರು ವಾಸವಾಗಿದ್ದರು. ಮಾರಿಕಾಂಬಾ ಶಾಲೆಯಲ್ಲಿ ಅವರು 9ನೇ ತರಗತಿ ಓದುತ್ತಿದ್ದರು. ಅವರು ಮೊಬೈಲ್ ಹಾಗೂ ಟಿವಿ ಹೆಚ್ಚಾಗಿ ನೋಡುತ್ತಿದ್ದು, ಪಾಲಕರು ಅದನ್ನು ವಿರೋಧಿಸಿದ್ದರು. `ಪರೀಕ್ಷೆ ಸಮಯದಲ್ಲಾದರೂ ಮೊಬೈಲ್ ಮುಟ್ಟಬೇಡ’ ಎಂದು ಶುಭಂ ನಾಯ್ಕ ಅವರಿಗೆ ಅವರ ತಾಯಿ ಸೂಚಿಸಿದ್ದರು. ಇದಕ್ಕೆ ಶುಭಂ ನಾಯ್ಕ ಎದುರುತ್ತರ ನೀಡಿದ್ದರು. ಆಗ, ಶಿವಂ ನಾಯ್ಕ ಅವರಿಗೆ ಅವರ ತಾಯಿ ಎರಡು ಪೆಟ್ಟು ನೀಡಿದ್ದರು. ತಾಯಿ ಬೈದು-ಹೊಡೆದದಕ್ಕಾಗಿ ಶುಭಂ ನಾಯ್ಕ ಅವರು ಬೇಸರದಲ್ಲಿದ್ದರು. ಅದೇ ವಿಷಯದಿಂದ ನೊಂದಿದ್ದ ಅವರು ದುಡುಕು ನಿರ್ಧಾರ ಮಾಡಿದರು. ತಂದೆ ತಾಯಿ ಮನೆಯಲ್ಲಿ ಇಲ್ಲದ ವೇಳೆ ಶುಭಂ ನಾಯ್ಕ ಅವರು ನೇಣಿಗೆ ಶರಣಾದರು. ಅವರನ್ನು ಟಿ ಎಸ್ ಎಸ್ ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಿಕೊಳ್ಳಲು ಆಗಲಿಲ್ಲ. ಪೊಲೀಸರು ಸ್ಥಳ ಪರಿಶೀಲನೆ ಮಾಡಿದ್ದು, ಕಾನೂನು ಕ್ರಮ ಜರುಗಿಸಿದರು. `ಆತ್ಮಹತ್ಯೆ ಅಪರಾಧ’
- [ಬಲೆಗೆ ಬಿದ್ದ ಭ್ರಷ್ಟ ಲೆಕ್ಕಾಧಿಕಾರಿ!](https://mobiletime.in/2026/03/a-corrupt-accountant-who-fell-into-a-trap/): ದಾಖಲಾತಿ ಬದಲಾವಣೆ ಬಯಸಿ ಬಂದವರ ಬಳಿ 18 ಸಾವಿರ ರೂ ಹಣ ಬೇಡಿದ ಸರ್ಕಾರಿ ಸಿಬ್ಬಂದಿಯೊಬ್ಬರು ಲೋಕಾಯುಕ್ತ ಬಲೆಗೆ ಬಿದ್ದಿದ್ದಾರೆ. ಹಣಪಡೆಯುವಾಗಲೇ ಗ್ರಾಮ ಲೆಕ್ಕಾಧಿಕಾರಿ ಸಿಕ್ಕಿಬಿದ್ದಿದ್ದು, ಸದ್ಯ ಜೈಲು ಸೇರಿದ್ದಾರೆ. ಜೊಯಿಡಾದ ರಾಮನಗರದಲ್ಲಿ ಸಂತೋಷ ಮ್ಯಾಗೇರಿ ಅವರು ಗ್ರಾಮ ಲೆಕ್ಕಾಧಿಕಾರಿಯಾಗಿ ಕೆಲಸ ಮಾಡಿಕೊಂಡಿದ್ದರು. ಜನರನ್ನು ಅವರು ಅನಗತ್ಯವಾಗಿ ಕಾಡಿಸುತ್ತಿದ್ದರು. ಅದರಂತೆ, ರಾಮನಗರದ ಸಂದೇಶ ಗುರ್ಜರ್ ಅವರ ಕೆಲಸ ಮಾಡಿಕೊಡಲು ಸಹ ತೊಂದರೆ ಕೊಡುತ್ತಿದ್ದರು. ದಾಖಲೆ ತಿದ್ದುಪಡಿಗೆ ಹೋಗಿದ್ದ ಸಂದೇಶ ಗುರ್ಜರ್ ಅವರ ಬಳಿ 18 ಸಾವಿರ ರೂ ಹಣ ಬೇಡಿದ್ದರು. ಈ ಹಿನ್ನಲೆ ಸಂದೇಶ ಗುರ್ಜರ್ ಅವರು ಲೋಕಾಯುಕ್ತ ದೂರು ನೀಡಿದ್ದು, ಹಣಪಡೆಯುವ ವೇಳೆಯಲ್ಲಿಯೇ ಲೋಕಾಯುಕ್ತ ಅಧಿಕಾರಿಗಳು ದಾಳಿ ಮಾಡಿದರು. ಲಂಚ ನೀಡಲು ಇಚ್ಚಿಸದ ಸಂದೇಶ ಗುರ್ಜರ್ ಅವರು ನಡೆಸಿದ ರಹಸ್ಯ ಕಾರ್ಯಾಚರಣೆಯಲ್ಲಿ ಸಂತೋಷ ಮ್ಯಾಗರಿ ಅವರು ಸಿಕ್ಕಿಬಿದ್ದರು. ಲೋಕಾಯುಕ್ತ ಪೊಲೀಸರು ಲಂಚದ ಹಣದ ಜೊತೆ ಗ್ರಾಮ ಲೆಕ್ಕಾಧಿಕಾರಿಯನ್ನು ವಶಕ್ಕೆಪಡೆದರು. ರಾಮನಗರದಲ್ಲಿರುವ ಕಚೇರಿಯಲ್ಲಿ ಮುಂಗಡವಾಗಿ 13 ಸಾವಿರ ರೂ ಹಣಪಡೆಯುವಾಗ ಈ ದಾಳಿ ನಡೆದಿದ್ದು, ಲೋಕಾಯುಕ್ತರು ಕಾನೂನು ಕ್ರಮ ಜರುಗಿಸಿದರು.
- [ಅನ್ನ-ನೀರು ತ್ಯಜಿಸಿದ ಅಗ್ಗಾಶಿಕುಂಬ್ರಿ!](https://mobiletime.in/2026/03/aggashikumbri-who-gave-up-food-and-water/): ಯಲ್ಲಾಪುರ ಟಿಎಂಎಸ್ ಮಾಜಿ ಅಧ್ಯಕ್ಷ ನಾರಾಯಣ ಭಟ್ಟ ಅಗ್ಗಾಶಿಕುಂಬ್ರಿ ಅವರು ಶುಕ್ರವಾರದಿಂದ ಅನ್ನ-ನೀರು ತ್ಯಜಿಸಿದ್ದಾರೆ. 85 ವರ್ಷದ ಅವರು ಟಿಎಂಎಸ್ ಆಡಳಿತಾಧಿಕಾರಿ ಭಾಸ್ಕರ್ ನಾಯ್ಕ ಅವರ ವಿರುದ್ಧ ಆರೋಪ ಮಾಡಿದ್ದು, ನ್ಯಾಯಕ್ಕಾಗಿ ಉಪವಾಸ ಸತ್ಯಾಗ್ರಹ ಶುರು ಮಾಡಿದ್ದಾರೆ. ಮೂರನೇ ದಿನ ಮೂರನೇ ಹಂತದ ಪ್ರತಿಭಟನೆ ಮುಂದುವರೆಸಿದ್ದು, ಈ ಹಿಂದೆ ಘೋಷಿಸಿದ ಹಾಗೇ ಟಿಎಂಎಸ್ ಕಚೇರಿ ಎದುರು ಧರಣಿ ಕುಳಿತಿದ್ದಾರೆ. ರೈತರ ಹಿತಾಸಕ್ತಿಗೆ ವಿರುದ್ಧವಾಗಿ ಟಿ ಎಂ ಎಸ್ ಆಡಳಿತಾಧಿಕಾರಿ ಭಾಸ್ಕರ ನಾಯ್ಕ ಅವರು ವರ್ತಿಸುತ್ತಿದ್ದಾರೆ ಎಂಬುದು ನಾರಾಯಣ ಭಟ್ಟ ಅಗ್ಗಾಶಿಕುಂಬ್ರಿ ಅವರ ಆರೋಪ. `ಆಡಳಿತಾಧಿಕಾರಿಯಾಗಿ ಅಧಿಕಾರವಹಿಸಿಕೊಂಡ ನಂತರ ಭಾಸ್ಕರ ನಾಯ್ಕ ಅವರು ಕೆಲ ಠರಾವು ಮಾಡಿದ್ದಾರೆ. ಆ ಠರಾವುಗಳಿಂದ ಸಂಘದ ಸದಸ್ಯರಿಗೆ ಅನ್ಯಾಯವಾಗುತ್ತಿದೆ. ಆ ಠರಾವುಗಳನ್ನು ರದ್ಧು ಮಾಡಬೇಕು. ಜೊತೆಗೆ ಆಡಳಿತಾಧಿಕಾರಿಯಾಗಿರುವ ಭಾಸ್ಕರ ನಾಯ್ಕ ಅವರನ್ನು ವಜಾ ಮಾಡಬೇಕು’ ಎಂಬುದು ಅಗ್ಗಾಶಿಕುಂಬ್ರಿ ಅವರ ಬೇಡಿಕೆ. ಯಲ್ಲಾಪುರ ಟಿಎಂಎಸ್’ಗೆ ಸಾವಿರಾರು ಸಂಖ್ಯೆಯ ಸದಸ್ಯರಿದ್ದಾರೆ. ಆದರೆ, ಈ ಹೋರಾಟದಲ್ಲಿ ನೂರರ ಸಂಖ್ಯೆಯಲ್ಲಿ ಮಾತ್ರ ಸದಸ್ಯರು ಭಾಗವಹಿಸಿದ್ದಾರೆ. ಟಿಎಂಎಸ್ ಸದಸ್ಯರಲ್ಲದ ಕೆಲವರು ಸಹ ಪ್ರತಿಭಟನೆಯಲ್ಲಿ ಕಾಣಿಸಿಕೊಂಡಿದು, ಅಗ್ಗಾಶಿಕುಂಬ್ರಿ ಅವರ ಹೋರಾಟಕ್ಕೆ ಬಿಜೆಪಿಯ ಪ್ರಮುಖರು ಬೆಂಬಲ ನೀಡಿದ್ದಾರೆ. ಹೀಗಾಗಿ ಬಿಜೆಪಿ ಕಾರ್ಯಕರ್ತರು ಆಗಾಗ ಪ್ರತಿಭಟನಾ ಸ್ಥಳಕ್ಕೆ ಬಂದು ಹೋಗುತ್ತಿದ್ದಾರೆ. ಬಿಜೆಪಿಯ ಘಟಾನುಘಟಿ ನಾಯಕರು ಧರಣಿಗೆ ಬೆಂಬಲ ನೀಡಿದರೂ ನಿರೀಕ್ಷೆಗೆ ತಕ್ಕ ಹಾಗೇ ಜನ ಬೆಂಬಲ ಸಿಕ್ಕಿಲ್ಲ. ಇನ್ನೂ ಸೊಸೈಟಿ ವಿಷಯದಲ್ಲಿ ರಾಜಕಾರಣಿಗಳು ಕೈಯಾಡಿಸುತ್ತಿದ್ದಾರೆ. ಬಿಜೆಪಿ ಹಾಗೂ ಕಾಂಗ್ರೆಸ್ ಎರಡೂ ಪಕ್ಷದವರು ಸೊಸೈಟಿ ರಾಜಕಾರಣದಲ್ಲಿ ಅನಗತ್ಯವಾಗಿ ಮೂಗು ತೂರಿಸಿದ್ದರಿಂದ ಅಗ್ಗಾಶಿಕುಂಬ್ರಿ ಅವರ ಹೋರಾಟಕ್ಕೆ ರೈತರು ದೊಡ್ಡ ಪ್ರಮಾಣದಲ್ಲಿ ಬೆಂಬಲ ನೀಡುತ್ತಿಲ್ಲ. ಈ ಪ್ರತಿಭಟನೆ ವಿಷಯವಾಗಿ ಪರ-ವಿರೋಧ ಚರ್ಚೆ ನಡೆಯುತ್ತಿದ್ದರೂ, ಯಾವುದೇ ಒಂದು ಪಕ್ಷದ ಕಡೆ ಒಲವು ತೋರಿದರೂ ಭವಿಷ್ಯದಲ್ಲಿ ಸಮಸ್ಯೆ ಉಂಟಾಗುವ ಬಗ್ಗೆ ಸಾಮಾನ್ಯ ರೈತರು ಮಾತನಾಡುತ್ತಿದ್ದಾರೆ. ಈ ಕ್ಷೇತ್ರದ ಮಟ್ಟಿಗೆ ಅನೇಕ ಸನ್ನಿವೇಶದಲ್ಲಿ ಬಿಜೆಪಿಯ ದೊಡ್ಡ ದೊಡ್ಡ ಘಟಾನುಘಟಿಗಳೇ ಕಾಂಗ್ರೆಸ್ ನಾಯಕರಿಗೆ ಶರಣಾದ ಸನ್ನಿವೇಶಗಳಿವೆ. ಹೀಗಾಗಿ `ಸದ್ಯ ಅಗ್ಗಾಶಿಕುಂಬ್ರಿ ಅವರ ಬೆಂಬಲಕ್ಕೆ ನಿಂತ ಕೆಲ ಬಿಜೆಪಿಗರ ಜೊತೆ ಗುರುತಿಸಿಕೊಂಡರೂ ಆ ನಾಯಕರು ಭವಿಷ್ಯದಲ್ಲಿ ರಾಜಿ ಆದರೆ, ತಮಗೆ ಸಮಸ್ಯೆ ಆಗಬಹುದು’ ಎಂಬುದು ಸಾಮಾನ್ಯ ರೈತರ ಚಿಂತನೆ. ಶುಕ್ರವಾರ ಬೆಳಗ್ಗೆ 11 ಗಂಟೆಗೆ ನಾರಾಯಣ ಭಟ್ಟ ಅಗ್ಗಾಶಿಕುಂಬ್ರಿ ಅವರು ಧರಣಿ ಶುರು ಮಾಡಿದ್ದು, ಮಧ್ಯಾಹ್ನದ ವೇಳೆಗೆ ಅವರ ಆರೋಗ್ಯದಲ್ಲಿ ವ್ಯತ್ಯಾಸವಾಗಿದೆ. ವೈದ್ಯರು ಬಂದು ತಪಾಸಣೆ ಮಾಡಿದ್ದಾರೆ. ಧರಣಿ ವೇಳೆ ವಿವಿಧ ಸಂಘ-ಸAಸ್ಥೆಯವರು ಆಗಮಿಸಿ ಧರಣಿ ಹಿಂಪಡೆಯುವAತೆ ಮನವಿ ಮಾಡಿದ್ದಾರೆ. ಉಪವಾಸದ ಬದಲು ಹೀಗೆ ಪ್ರತಿಭಟನೆ ನಡೆಸುವಂತೆಯೂ ಕೋರಿದ್ದಾರೆ. ಆದರೆ, ಅದಕ್ಕೆ ಅಗ್ಗಾಶಿಕುಂಬ್ರಿ ಅವರು ಒಪ್ಪಿಲ್ಲ. ಧರಣಿ ಶುರುವಾಗುವ ವೇಳೆ ಕೆಲವರು ಆಗಮಿಸಿ ಭಗವದ್ಗೀತೆ ಪಠಿಸಿದ್ದಾರೆ. ಅನೇಕರು ಭಜನೆಯನ್ನು ಮಾಡಿದ್ದಾರೆ. ಸ್ಥಳದಲ್ಲಿ ಪೊಲೀಸರನ್ನು ಹೊರತುಪಡಿಸಿ ಬೇರೆ ಇಲಾಖೆ ಅಧಿಕಾರಿಗಳು ಕಾಣಿಸಲಿಲ್ಲ.  
- [ಆತ್ಮಹತ್ಯೆ ಪ್ರಕರಣ: ಅತ್ಯಾಚಾರ ಆರೋಪಿಗೆ ಜಾಮೀನು!](https://mobiletime.in/2026/03/suicide-case-accused-granted-bail/): ಕಾರವಾರ ಕದ್ರಾದ ರೀಶೆಲ್ ಡಿಸೋಜಾ ಆತ್ಮಹತ್ಯೆ ಪ್ರಕರಣದಿಂದ ಜೈಲು ಸೇರಿದ್ದ ಜಿ ಪಂ ಮಾಜಿ ಸದಸ್ಯೆ ಚೈತ್ರಾ ಕೋಠಾರಕರ್ ಅವರ ಪುತ್ರ ಚಿರಾಗ ಕೋಠಾರಕರ್ ಅವರಿಗೆ ಜಾಮೀನು ಸಿಕ್ಕಿದೆ. ಧಾರವಾಡ ಹೈಕೋರ್ಟ ಶರತ್ತುಬದ್ಧ ಜಾಮೀನು ಮಂಜುರಿ ಮಾಡಿದೆ. ಜನವರಿ 9ರಂದು ರೀಶೆಲ್ ಡಿಸೋಜಾ ಅವರು ಆತ್ಮಹತ್ಯೆಗೆ ಶರಣಾಗಿದ್ದರು. ರೀಶೆಲ್ ಡಿಸೋಜಾ ಆತ್ಮಹತ್ಯೆಗೆ ಚಿರಾಗ ಕೋಠಾರಕರ್ ಕಾರಣ ಎಂಬ ಆರೋಪವ್ಯಕ್ತವಾಗಿತ್ತು. ಚಿರಾಗ ಕೋಠಾರಕರ್ ವಿರುದ್ಧ ಅತ್ಯಾಚಾರ ಆರೋಪ ಕೇಳಿ ಬಂದಿದ್ದು, ಆರೋಪಿ ಹಾಗೂ ಸಾವನಪ್ಪಿದ ಯುವತಿ ನಡೆಸಿದ ವಾಟ್ಸಪ್ ಸಂಭಾಷಣೆಯೂ ಬಹಿರಂಗವಾಗಿತ್ತು. ರೀಶೆಲ್ ಡಿಸೋಜಾ ಸಾವಿಗೆ ನ್ಯಾಯ ಕೊಡಿಸಬೇಕು ಎಂದು ದೊಡ್ಡ ಪ್ರಮಾಣದಲ್ಲಿ ಪ್ರತಿಭಟನೆಯೂ ನಡೆದಿತ್ತು. ಪ್ರತಿಭಟನೆ, ಪೊಲೀಸ್ ಅಧಿಕಾರಿಯೊಬ್ಬರ ಅಮಾನತು ನಂತರ ಆರೋಪಿ ಚಿರಾಗ ಕೋಠಾರಕರ್ ಸಿಕ್ಕಿ ಬಿದ್ದಿದ್ದರು. ಜನವರಿ 30ರಿಂದ ಮಾರ್ಚ 3ರವರೆಗೂ ಚಿರಾಗ ಕೋಠಾರಕರ್ ಜೈಲು ವಾಸ ಅನುಭವಿಸಿದ್ದು, ಕಾರವಾರ ನ್ಯಾಯಾಲಯ ಜಾಮೀನು ಅರ್ಜಿ ತಿರಸ್ಕರಿಸಿತ್ತು. ಈ ಹಿನ್ನಲೆ ಧಾರವಾಡ ಹೈಕೋರ್ಟಿನಲ್ಲಿ ಅರ್ಜಿ ಸಲ್ಲಿಕೆಯಾಗಿದ್ದು, ಹೈಕೋರ್ಟ ಜಾಮೀನು ಮಂಜೂರಿ ಮಾಡಿದೆ.
- [ಐಟಿ ಉದ್ಯೋಗಿಯ ಗುಂಗೇರಿಸಿದ ಗೋಕರ್ಣ ಗಾಂಜಾ!](https://mobiletime.in/2026/03/it-employees-marijuana-stash/): ಗೋಕರ್ಣದ ಕರಿಯಪ್ಪನ ಕಟ್ಟೆ ಕಡಲತೀರದ ಬಳಿ ಅಡ್ಡಾದಿಡ್ಡಿ ಅಲೆದಾಡುತ್ತಿದ್ದವರನ್ನು ಪೊಲೀಸರು ವಿಚಾರಿಸಿದ್ದಾರೆ. ಆಗ ಅವರಿಬ್ಬರು ಮಾದಕ ವ್ಯಸನ ಸೇವಿಸಿದ್ದು ದೃಢವಾಗಿದೆ. ಬೆಂಗಳೂರಿನ ಐ ಟಿ ಉದ್ಯೋಗಿ ಪವನ್ ಮಧುಜಯರಾಮ (28) ಹಾಗೂ ರಾಘು ಸೆಲ್ವರಾಜನ್ (30) ಅವರು ಗೋಕರ್ಣಕ್ಕೆ ಬಂದು ಗಾಂಜಾ ಸೇದಿದ್ದಾರೆ. ಗಾಂಜಾ ನಶೆಯಲ್ಲಿದ್ದ ಅವರಿಬ್ಬರು ಎಲ್ಲೆಂದರಲ್ಲಿ ಅಲೆದಾಟ ನಡೆಸಿದ್ದು, ಅನುಮಾನಾಸ್ಪದವಾಗಿ ವರ್ತಿಸಿದ್ದಾರೆ. ಜೊತೆಗೆ ಸಾರ್ವಜನಿಕ ಪ್ರದೇಶದಲ್ಲಿ ಅಸಭ್ಯವಾಗಿಯೂ ಮಾತನಾಡಿದ್ದಾರೆ. ಪೊಲೀಸರು ಅವರಿಬ್ಬರ ಬಳಿ ತೆರಳಿ ವಿಚಾರಿಸಿದ್ದಾರೆ. ಆಗಲೂ, ಅವರಿಬ್ಬರು ನಶೆಯ ಗುಂಗಿನಲ್ಲಿರುವುದು ಗೊತ್ತಾಗಿದೆ. ಹೀಗಾಗಿ ಪೊಲೀಸರು ಅವರಿಬ್ಬರನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದ್ದಾರೆ. ತಪಾಸಣೆಯಲ್ಲಿ ಅವರಿಬ್ಬರು ಗಾಂಜಾ ಸೇವಿಸಿದ್ದು ದೃಢವಾಗಿದೆ. ನಿಷೇಧಿತ ಗಾಂಜಾ ಸೇವಿಸಿ ಅಲೆದಾಡುತ್ತಿದ್ದ ಐಟಿ ಉದ್ಯೋಗಿಗಳಿಬ್ಬರಿಗೂ ಪೊಲೀಸರು ಕಾನೂನು ಪಾಠ ಮಾಡಿದ್ದಾರೆ. ಪವನ್ ಮಧುಜಯರಾಮ ಹಾಗೂ ರಾಘು ಸೆಲ್ವರಾಜನ್ ಅವರ ನಶೆ ಇಳಿಸಿದ ಪೊಲೀಸರು ಇಬ್ಬರ ವಿರುದ್ಧವೂ ಕಾನೂನು ಕ್ರಮ ಜರುಗಿಸಿದ್ದಾರೆ. ಅದಾದ ನಂತರ ಮೇಲಧಿಕಾರಿಗಳಿಗೂ ಈ ವಿಷಯ ಮುಟ್ಟಿಸಿದ್ದಾರೆ. ಪೊಲೀಸರಿಗೆ ಸಿಕ್ಕಿ ಬಿದ್ದವರಾಗಿದ್ದು,ಇವರು ಕಡಲ ತಟದಲ್ಲಿ ಅನುಮಾನಾಸ್ಪದವಾಗಿ ಅತ್ತಿತ್ತ ಓಡಾಡುತ್ತಿರುವಾಗ ಗಮನಿಸಿದ ಪೊಲೀಸರ ವಶಕ್ಕೆ ಪಡೆದು ವೈದ್ಯಕೀಯ ಪರೀಕ್ಷೆ ಒಳಪಡಿಸಿದಾಗ ಮಾದಕ ಪದಾರ್ಥ ಸೇವಿಸಿದ್ದು, ಧೃಡಪಟ್ಟಿದ್ದು,ಈ ಕುರಿತು ಪಿ.ಐ. ಶ್ರೀಧರ ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮಕೈಗೊಂಡಿದ್ದಾರೆ. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಒಂದೇ ದಿನ ಹಲವು ದಾಳಿ: ಪೊಲೀಸ್ ಠಾಣೆಯಲ್ಲಿ ಬಾಲ್ ಪೆನ್ ರಾಶಿ!](https://mobiletime.in/2026/03/multiple-attacks-in-one-day-a-pile-of-ballpoint-pens-at-the-police-station/): ಉತ್ತರ ಕನ್ನಡ ಜಿಲ್ಲೆಯ ಹಲವು ಕಡೆ ಪೊಲೀಸರು ದಾಳಿ ಮಾಡಿದ್ದು, ಒಂದೇ ದಿನ ರಾಶಿ ರಾಶಿ ಪ್ರಮಾಣದಲ್ಲಿ ಬಾಲ್ ಪೆನ್ನುಗಳು ಸಿಕ್ಕಿವೆ. ಆ ಬಾಲ್ ಪೆನ್ನುಗಳ ಜೊತೆ ಅಂಕಿ-ಸoಖ್ಯೆ ಬರೆದ ಚೀಟಿ ಹಾಗೂ ಒಂದಷ್ಟು ಹಣವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಮುಂಡಗೋಡ ಪಿಸೈ ಮಂಜುನಾಥ ಗೌಡರ್ ಅವರು ಫೆ 11ರಂದು ಎರಡು ಕಡೆ ದಾಳಿ ಮಾಡಿದ್ದಾರೆ. ಮಳಗಿ ಮೂಲದ ಹೊಟೇಲ್ ವ್ಯಾಪಾರಿ, ಸದ್ಯ ಕಾತೂರಿನಲ್ಲಿರುವ ಹಜರತ್ ಅಲಿ ಮಟ್ಕಾ ಆಟದಲ್ಲಿ ತಲ್ಲೀನರಾಗಿರುವುದು ಈ ವೇಳೆ ಗೊತ್ತಾಗಿದೆ. ಆಲಳ್ಳಿ ಕ್ರಾಸಿನ ಬಳಿ ರಸ್ತೆ ಮೇಲೆ ನಿಂತು 1ರೂಪಾಯಿಗೆ 80ರೂ ಕೊಡುವುದಾಗಿ ನಂಬಿಸಿ ಜನರಿಂದ ಹಣಪಡೆಯುತ್ತಿದ್ದ ವ್ಯಾಪಾರಿ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ. ಹಜರತ್ ಅಲಿ ಅವರ ಬಳಿಯಿದ್ದ 1150ರೂ ಹಣ, ಮಟ್ಕಾ ಬರೆದ ಚೀಟಿ ಜೊತೆ ಒಂದು ಬಾಲ್ ಪೆನ್ ಜಪ್ತು ಮಾಡಿದ್ದಾರೆ. ಮುಂಡಗೋಡ ನಂದಿಪುರದ ಸಯ್ಯದ್ ಪೀರ್ ಸಯ್ಯದ್ ಸಾಬ್ ಹರಬಿ ಅವರು ಸಹ ಮಟ್ಕಾ ಆಟ ಆಡಿಸುವಾಗ ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾರೆ. ನಾಗನೂರು ಕ್ರಾಸಿನ ಬಳಿ ಅಂಕಿ-ಸAಖ್ಯೆ ಆಟ ಆಡಿಸುತ್ತಿದ್ದಾಗ ಪಿಸೈ ಬಸವರಾಜ ಮಬನೂರು ಅವರು ದಾಳಿ ಮಾಡಿದ್ದು, ಸಯ್ಯದ್ ಪೀರ್ ಸಯ್ಯದ್ ಸಾಬ್ ಅವರ ಬಳಿಯಿದ್ದ 650ರೂ ಹಣ, ಚೀಟಿ ಹಾಗೂ ಬಾಲ್ ಪೆನ್ ವಶಕ್ಕೆಪಡೆದಿದ್ದಾರೆ. ಸಿದ್ದಾಪುರ ಪಿಸೈ ಶಾಂತಿನಾಥ ಪಾಸಾನೆ ಅವರು ಹೆಗ್ಗರಣಿಯ ಕೂಲಿ ಕಾರ್ಮಿಕ ವೀರೇಂದ್ರ ಚಿನ್ನು ಗೌಡ ಅವರನ್ನು ವಿಚಾರಣೆಗೆ ಒಳಪಡಿಸಿದ್ದು, ಗೌಡರು ಹೆಗ್ಗರಣಿ ಬಸ್ ನಿಲ್ದಾಣದ ಬಳಿ ಮಟ್ಕಾ ಆಡಿಸುವುದು ಗೊತ್ತಾಗಿದೆ. ಅವರು ಜೂಜಾಟದಿಂದ ಸಂಗ್ರಹಿಸಿದ್ದ 370ರೂ, ಚೀಟಿ ಹಾಗೂ ಬಾಲ್ ಪೆನನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಶಿರಸಿ ನಗರ ಠಾಣೆ ವ್ಯಾಪ್ತಿಯಲ್ಲಿಯೂ ಮಟ್ಕಾ ಆಟ ನಡೆದ ಬಗ್ಗೆ ಮಾಹಿತಿ ಸಂಗ್ರಹಿಸಿದ ಪಿಸೈ ನಾರಾಯಣ ರಾಥೋಡ್ ಅವರು ದಾಳಿ ಮಾಡಿದ್ದಾರೆ. ಗಣೇಶ ನಗರದಲ್ಲಿ ಗಾರೆ ಕೆಲಸ ಮಾಡುವ ಸಂತೋಷ ಹನುಮಂತಪ್ಪ ಬೋವಿವಡ್ಡರ್ ಅವರು ಜೂಜಾಟ ನಡೆಸುವಾಗ ಸಿಕ್ಕಿ ಬಿದ್ದಿದ್ದಾರೆ. ಹೊಸ ಬಸ್ ನಿಲ್ದಾಣದ ಒಳಗೆ ಬರುವ ರಸ್ತೆಯಲ್ಲಿ ಮಟ್ಕಾ ಆಡಿಸುತ್ತಿದ್ದ ಅವರನ್ನು ವಿಚಾರಿಸಿದಾಗ ಸಂಗ್ರಹಿಸಿದ್ದ 500ರೂ ಹಣ ಸಿಕ್ಕಿದೆ. ಅಲ್ಲಿಯೂ ಪೊಲೀಸರು ಚೀಟಿ ಜೊತೆ ಬಾಲ್ ಪೆನ್ನು ವಶಕ್ಕೆಪಡೆದಿದ್ದಾರೆ. ಮಟ್ಕಾ ಆಡಲು ಹೋದವ ಸಿಕ್ಕಿಬಿದ್ದ! ಹಳಿಯಾಳ ಪಿಸೈ ಬಸವರಾಜ ಮಬನೂರು ಅವರು ತೆರಗಾವಿನ ರವಿಚಂದ್ರ ಭಾಗಪ್ಪ ಕಾಗೇರ್ ಅವರು ಮಟ್ಕಾ ಆಡಿಸುವುದನ್ನು ಪತ್ತೆ ಮಾಡಿದ್ದಾರೆ. ಬಸ್ ನಿಲ್ದಾಣದ ಬಳಿ ಅವರ ಮೇಲೆ ದಾಳಿ ನಡೆಸಿದ ಪೊಲೀಸರಿಗೆ 420ರೂ ಹಣ ಹಾಗೂ ಬಾಲ್ ಪೆನ್ ಸಿಕ್ಕಿದೆ. ಖಾಜಿ ಗಲ್ಲಿಯ ಫರಾನ್ ಅಸ್ರಪ್ ಮುಗದ್ ಅವರು ಮಟ್ಕಾ ಆಡಲು ಹಣ ವೆಚ್ಚ ಮಾಡಿದ್ದು, ಅವರನ್ನು ಪೊಲೀಸರು ಹಿಡಿದಿದ್ದಾರೆ. ಆಗ, ಆನೆಗುಂದಿ ಪ್ಲಾಟಿನ ಪ್ರದೀಪ ಗೋಪಾಲ ಶೆಟ್ಟಿ ಅವರು ಮಟ್ಕಾ ಆಡಿಸುವುದಾಗಿ ಫರಾನ್ ಅಸ್ರಪ್ ಮುಗದ್ ಅವರು ಬಾಯ್ಬಿಟ್ಟಿದ್ದಾರೆ. ಬಸ್ ನಿಲ್ದಾಣದ ಬಳಿ ಜೂಜಾಡಿಸುತ್ತಿದ್ದ ಪ್ರದೀಪ ಶೆಟ್ಟಿ ಅವರ ಮೇಲೆ ದಾಳಿ ಮಾಡಿದಾಗ 590ರೂ ಹಣ, ಮಟ್ಕಾ ಚೀಟಿ ಜೊತೆ ಬಾಲ್ ಪೆನ್ ಸಿಕ್ಕಿದೆ. ಈ ವೇಳೆ ಆ ಎಲ್ಲಾ ಹಣವನ್ನು ಮಟ್ಕಾ ಬುಕ್ಕಿಯಾಗಿರುವ ಭಜಂತ್ರಿ ಗಲ್ಲಿಯ ಮಂಜುನಾಥ ಹನುಮಂತ ಕೋಳಿಪುಚ್ಚ ಅವರಿಗೆ ಕೊಡುವುದಾಗಿ ಪ್ರದೀಪ ಶೆಟ್ಟಿ ಅವರು ಹೇಳಿದ್ದಾರೆ. `ಜೂಜಾಟದಿಂದ ಜೀವನ ಹಾಳು’    
- [ಸುಟ್ಟು ಕರಕಲಾದ ಟಿಲ್ಲರ್: ಕಿಡಿಗೇಡಿ ಕೃತ್ಯಕ್ಕೆ ರೈತ ಕಂಗಾಲು!](https://mobiletime.in/2026/03/burnt-tiller-farmer-devastated-by-mischievous-act/): ರೈತನ ಬದುಕಿಗೆ ನೆರವಾಗಿದ್ದ ಪವರ್ ಟಿಲ್ಲರಿಗೆ ಕಿಡಿಗೇಡಿಗಳು ಬೆಂಕಿ ಹಚ್ಚಿದ್ದಾರೆ. ಅದನ್ನೇ ನಂಬಿ ಬದುಕುತ್ತಿದ್ದ ರೈತನಿಗೆ 2 ಲಕ್ಷ ರೂ ಹಾನಿಯಾಗಿದೆ. ದಾಂಡೇಲಿಯ ರಾಮನಗರದಲ್ಲಿ ಕಿಡಿಗೇಡಿಗಳ ಕಾಟ ಜೋರಾಗಿದೆ. ಇಲ್ಲಿನ ಕಸಾರಲೆ ಗ್ರಾಮದಲ್ಲಿ ದುಷ್ಕರ್ಮಿಗಳು ಪವರ್ ಟಿಲ್ಲರ್ ಮೇಲೆ ಬೆಂಕಿಯ ದಾಳಿ ಮಾಡಿದ್ದಾರೆ. ಶೆಡ್ಡಿನಲ್ಲಿರಿಸಲಾಗಿದ್ದ ಪವರ್ ಟಿಲ್ಲರ್ ಸಂಪೂರ್ಣವಾಗಿ ಸುಟ್ಟು ಕರಕಲಾಗಿದೆ. ಗುರುವಾರ ಮಧ್ಯಾಹ್ನ ಈ ಅವಘಡ ನಡೆದಿದ್ದು, ನೀರು ತಂದು ಆರಿಸುವಷ್ಟರಲ್ಲಿ ಪವರ್ ಟಿಲ್ಲರ್ ಬಳಕೆಗೆ ಬಾರದ ರೀತಿ ಸುಟ್ಟಿದೆ. ಅದೇ ಗ್ರಾಮದ ರೈತ ಮಹಾದೇವ ಪಾವಶೆ ಅವರಿಗೆ ಸೇರಿದ ಪವರ್ ಟಿಲ್ಲರ್ ಸುಟ್ಟು ಕರಕಲಾಗಿದೆ. ಕಿಡಿಗೇಡಿಗಳು ಶೆಡ್ಡಿಗೆ ಬೆಂಕಿ ಹಚ್ಚಿದ್ದು, ಆ ಬೆಂಕಿ ಪವರ್ ಟಿಲ್ಲರಿಗೂ ತಾಗಿದೆ. ಈ ಮಾರ್ಗವಾಗಿ ಹೋಗುತ್ತಿದ್ದ ಮತ್ತೊಬ್ಬ ರೈತರು ಈ ವಿಷಯವನ್ನು ಎಲ್ಲಡೆ ಮುಟ್ಟಿಸಿದ್ದಾರೆ. ಸ್ಥಳಕ್ಕೆ ಮಾಲಕ ತಲುಪುವಷ್ಟರಲ್ಲಿ ಪವರ್ ಟಿಲ್ಲರ್ ಸಂಪೂರ್ಣ ಸುಟ್ಟಿದ್ದು, ಊರಿನಲ್ಲಿರುವ ಅಜ್ಞಾತ ವ್ಯಕ್ತಿಯ ಬಗ್ಗೆ ಅನುಮಾನ ಶುರುವಾಗಿದೆ. ಈ ಬಗ್ಗೆ ತನಿಖೆ ಅಗತ್ಯ ಎಂದು ಜನ ಆಗ್ರಹಿಸಿದ್ದಾರೆ.
- [ಟಿ ಎಂ ಎಸ್ ಹೋರಾಟ: ಆಡಳಿತಾಧಿಕಾರಿ ವಿರುದ್ಧ ಪ್ರತಿಭಟನೆ-ಸಮರ್ಥನೆ!](https://mobiletime.in/2026/03/tms-protest-protest-justification-against-the-administrator/): ಯಲ್ಲಾಪುರ ಟಿ ಎಂ ಎಸ್ ಆಡಳಿತಾಧಿಕಾರಿ ಭಾಸ್ಕರ್ ನಾಯ್ಕ ಅವರ ವಿರುದ್ಧ ಎರಡನೇ ದಿನ ಎರಡನೇ ಹಂತದ ಹೋರಾಟ ನಡೆದಿದೆ. ಈ ನಡುವೆ ಭಾಸ್ಕರ್ ನಾಯ್ಕ ಅವರ ನಡೆಯನ್ನು ಕೆಲವರು ಸಮರ್ಥಿಸಿಕೊಂಡಿದ್ದಾರೆ. `ಟಿಎಂಎಸ್ ಉಳಿವಿಗೆ ಭಾಸ್ಕರ್ ನಾಯ್ಕ ಅವರ ವಜಾ ಆಗಬೇಕು’ ಎಂದು ಒಂದು ಬಣದವರು ಒತ್ತಾಯಿಸಿದ್ದು, ಟಿಎಂಎಸ್ ಉಳಿವಿಗೆ ಭಾಸ್ಕರ್ ನಾಯ್ಕ ಅವರಂಥ ಅಧಿಕಾರಿ ಅಗತ್ಯ’ ಎಂದು ಇನ್ನೊಂದು ಬಣದವರು ಹೇಳಿದ್ದಾರೆ. ಟಿಎಂಎಸ್ ಉಳಿಸಿ ಆಂದೋಲನ ಅಧ್ಯಕ್ಷ ನಾರಾಯಣ ಭಟ್ಟ ಅಗ್ಗಾಶಿಕುಂಬ್ರಿ ಅವರು ಭಾಸ್ಕರ್ ನಾಯ್ಕ ಅವರ ವಿರುದ್ಧ ತೊಡೆ ತಟ್ಟಿದ್ದಾರೆ. ಬಿಜೆಪಿ ಕೆಲ ಪ್ರಮುಖರು ಅಗ್ಗಾಶಿಕುಂಬ್ರಿ ಅವರ ಬೆಂಬಲಕ್ಕೆ ನಿಂತಿದ್ದಾರೆ. `ಟಿ ಎಂ ಎಸ್ ಆಡಳಿತಾಧಿಕಾರಿಯಾಗಿರುವ ಭಾಸ್ಕರ ನಾಯ್ಕ ಅವರು ರೈತರ ಹಿತಾಸಕ್ತಿಗೆ ವಿರುದ್ಧವಾಗಿ ಕೆಲ ಠರಾವು ಮಾಡಿದ್ದಾರೆ’ ಎಂಬುದು ಹೋರಾಟಗಾರರ ಆಕ್ಷೇಪ. `ಟಿ ಎಂ ಎಸ್ ಉಳಿಸಲು ಭಾಸ್ಕರ ನಾಯ್ಕ ಅವರು ಠರಾವು ಸರಿಯಾಗಿದೆ’ ಎಂಬುದು ಆರ್ ಎಸ್ ಭಟ್ಟ ದೇಸಾಯಿಮನೆ ಹಾಗೂ ಇನ್ನಿತರರ ಅನಿಸಿಕೆ. ಈ ಎಲ್ಲದರ ನಡುವೆ ಗುರುವಾರ ಹೋರಾಟಗಾರರು ಮುಂಚಿತ ಸೂಚನೆ ಪ್ರಕಾರ ರಸ್ತೆ ತಡೆ ನಡೆಸಿದ್ದಾರೆ. ಯಲ್ಲಾಪುರದ ಅಂಬೇಡ್ಕರ್ ಸರ್ಕಲ್ ಸುತ್ತುವರೆದು ಹೋರಾಟಗಾರರು ಪ್ರತಿಭಟನೆ ನಡೆಸಿದ್ದು, ತುರ್ತಾಗಿ ಸಂಚರಿಸಬೇಕಾದ ವಾಹನ ಸವಾರರು ಬಸ್ ನಿಲ್ದಾಣ ಒಳ ಹೊಕ್ಕು ಹಾಗೂ ಇನ್ನೊಂದು ಮಾರ್ಗ ಬಳಸಿ ಮುಂದಿನ ಪ್ರಯಾಣ ಬೆಳಸಿದ್ದಾರೆ. ಈ ವೇಳೆ ಅನೇಕ ಭಾಷಣಕಾರರು ಟಿ ಎಂ ಎಸ್’ನಲ್ಲಿ ನಡೆದ ಠರಾವನ್ನು ವಿರೋಧಿಸಿದ್ದಾರೆ. `ರೈತರು ಕಟ್ಟಿ ಬೆಳೆಸಿದ ಸಂಸ್ಥೆಯನ್ನು ಕೆಲವರು ತಮ್ಮ ಕೈಗೊಂಬೆಯನ್ನಾಗಿಸಿಕೊAಡಿದ್ದಾರೆ. ಟಿ ಎಂ ಎಸ್ ಜಾಗ ನುಂಗಲು ಹೊಂಚು ಹಾಕಿದವರು ಇದೀಗ ಟಿ ಎಂ ಎಸ್ ವ್ಯವಸ್ಥೆಯನ್ನು ಹಾಳು ಮಾಡಲು ಹೊರಟಿದ್ದಾರೆ’ ಎಂದು ದೂರಿದ್ದಾರೆ. ಅಗ್ಗಾಶಿಕುಂಬ್ರಿ ಅವರು ಎಲ್ಲಿಯೂ ಶಾಸಕ ಶಿವರಾಮ ಹೆಬ್ಬಾರ್ ಅವರ ಹೆಸರು ತೆಗೆದುಕೊಳ್ಳದೇ ಇದ್ದರೂ ಅವರನ್ನು ಗುರಿಯಾಗಿರಿಸಿಕೊಂಡೇ ಭಾಷಣ ಮಾಡಿದ ಹಾಗೆ ಕೇಳಿಸಿದ್ದು, ಇದಕ್ಕೆ ಪ್ರತಿಯಾಗಿ ಶಿವರಾಮ ಹೆಬ್ಬಾರ್ ಬೆಂಬಲಿಗರು ಪ್ರತಿಕ್ರಿಯೆ ನೀಡಿದ್ದಾರೆ. `ಟಿ ಎಂ ಎಸ್ ವಿಷಯದಲ್ಲಿ ದಾಖಲಾದ ಕೇಸಿಗೆ ವಕೀಲರ ಫೀ ಎಂದು 13.50 ಲಕ್ಷ ರೂ ವೆಚ್ಚ ಮಾಡಲಾಗಿದೆ. ಈ ರೀತಿ ಸದಸ್ಯರ ಹಣ ಪೋಲು ಮಾಡುವುದು ಸರಿಯಲ್ಲ’ ಎಂದು ರವಿ ಭಟ್ಟ ಬರಗದ್ದೆ ಹೇಳಿದ್ದಾರೆ. ಪ್ರಮೋದ ಹೆಗಡೆ, ಪ್ರಸಾದ ಹೆಗಡೆ, ರಾಘವೇಂದ್ರ ಭಟ್ಟ ಹಾಸಣಗಿ, ನಾಗರಾಜ ಕವಡಿಕೆರೆ, ಸುಬ್ರಹ್ಮಣ್ಯ ಉದಾಬೈಲ್, ನರಸಿಂಹ ಸಾತೊಡ್ಡಿ, ಕೆ ಟಿ ಹೆಗಡೆ, ರಾಮಕೃಷ್ಣ ಅಳ್ವೆಗದ್ದೆ, ಅಪ್ಪು ಆಚಾರಿ, ರವಿ ಕೈಟಕರ್ ಮೊದಲಾದವರು ಈ ಪ್ರತಿಭಟನೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಆ ಪ್ರತಿಭಟನೆಗೆ ವಿರುದ್ಧವಾಗಿ ಎಸ್ ಕೆ ಭಾಗ್ವತ ಗಾಣಗದ್ದೆ, ವಿ ಎಸ್ ಭಟ್ಟ ಉಪಳೇಶ್ವರ, ನವೀನ ಹೆಗಡೆ ಬೈದಹಕ್ಲ, ಮುರುಳಿ ಹೆಗಡೆ, ಗಣೇಶ ಹೆಗಡೆ ಸವಣಗೇರಿ, ನಾರಾಯಣ ಭಟ್ಟ ಬಟ್ಲಗುಂಡಿ, ಲಾರೆನ್ಸ ಸಿದ್ದಿ ಲಾಲಗುಳಿ, ಕೃಷ್ಣ ಶೆಟ್ಟಿ ಕಣ್ಣಿಗೇರಿ, ಟಿವಿ ಭಾಗ್ವತ ನಂದೂಳ್ಳಿ,ಸುಬ್ಬಣ್ಣ ಕುಂಟೆಗಾಳಿ ಕಿಡಿಕಾರಿದ್ದಾರೆ. ಒಟ್ಟಿನಲ್ಲಿ ಟಿ ಎಂ ಎಸ್ ಹೋರಾಟವೂ ಸದ್ಯ ಕಾಂಗ್ರೆಸ್ ಹಾಗೂ ಬಿಜೆಪಿಯ ಟೀಕೆ-ಟಿಪ್ಪಣಿಗೆ ವೇದಿಕೆ ಮಾಡಿಕೊಟ್ಟಿದೆ.
- [ಮೈಮೇಲೆ ಬಿದ್ದ ಬಿಸಿ ನೀರು: ಅನ್ನ ಉಣ್ಣುವ ಮುನ್ನ ಕೊನೆಯುಸಿರೆಳೆದ ವೃದ್ಧೆ!](https://mobiletime.in/2026/03/hot-water-spilled-on-her-body-elderly-woman-dies-before-she-can-eat/): ಅನ್ನ ಮಾಡುವುದಕ್ಕಾಗಿ ಬಿಸಿ ನೀರು ಕಾಯಿಸುತ್ತಿದ್ದ ವೃದ್ಧೆಯೊಬ್ಬರು ಅದೇ ಬಿಸಿ ನೀರು ಮೈಮೇಲೆ ಬಿದ್ದ ಪರಿಣಾಮ ಸಾವನಪ್ಪಿದ್ದಾರೆ. ಕೈ-ಮೈ ಸುಟ್ಟುಕೊಂಡಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಿದರೂ ಅದರಿಂದ ಪ್ರಯೋಜನವಾಗಲಿಲ್ಲ. ಕುಮಟಾ ತಾಲೂಕಿನ ತದಡಿ ಬಳಿ ಚಂದ್ರಮತಿ ಶೇಷು ನಾಯ್ಕ ಅವರು ವಾಸವಾಗಿದ್ದರು. 80 ವರ್ಷ ವಯಸ್ಸಿನ ಅವರು ನಿತ್ಯ ಬೆಳಗ್ಗೆ ಅನ್ನ ಮಾಡಿ ಊಟ ಮಾಡುತ್ತಿದ್ದರು. ಅದರಂತೆ ಫೆಬ್ರವರಿ 21ರ ಬೆಳಗ್ಗೆಯೂ ಅವರು ಅನ್ನ ಮಾಡಲು ಬಿಸಿ ನೀರು ಕಾಯಿಸಿದ್ದರು. ಆದರೆ, ಆ ಬಿಸಿ ನೀರಿನ ಪಾತ್ರೆ ಕೈ ತಪ್ಪಿ ಅವರ ಮೈಮೇಲೆ ಬಿದ್ದಿತು. ಅದರ ಪರಿಣಾಮ ಚಂದ್ರಮತಿ ನಾಯ್ಕ ಅವರ ಎದೆ, ಹೊಟ್ಟೆ, ಕಾಲು, ತೊಡೆ ಭಾಗ ಸುಟ್ಟಿತು. ಚಂದ್ರಮತಿ ನಾಯ್ಕ ಅವರು ನಿವೃತ್ತ ಕೃಷಿ ಅಧಿಕಾರಿ ಲಕ್ಷಣ ನಾಯ್ಕ ಅವರ ತಾಯಿಯಾಗಿದ್ದು, ಕುಟುಂಬದವರು ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಿದರು. ಭಟ್ಕಳದ ಕಾಯ್ಕಿಣಿ ಬಸ್ತಿಯ ಬದ್ರಾಮನೆಯಲ್ಲಿ ವಾಸವಾಗಿರುವ ಲಕ್ಷಣ ನಾಯ್ಕ ಅವರು ಕಾರವಾರ ಜಿಲ್ಲಾಸ್ಪತ್ರೆಯಲ್ಲಿ ಚಂದ್ರಮತಿ ನಾಯ್ಕ ಅವರಿಗೆ ಚಿಕಿತ್ಸೆ ಕೊಡಿಸಿದರು. ಸಾಕಷ್ಟು ದಿನಗಳ ಕಾಲ ಆರೈಕೆ ಮಾಡಿದರೂ ಚಂದ್ರಮತಿ ನಾಯ್ಕ ಅವರು ಚೇತರಿಸಿಕೊಳ್ಳಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಸಾವನಪ್ಪಿದರು. ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದರು. `ನಿತ್ಯದ ಕೆಲಸ ಮಾಡುವಾಗ ಎಚ್ಚರಿಕೆವಹಿಸಿ’
- [ಎಸ್ ಎಸ್ ಎಲ್ ಸಿ: ಪ್ರತಿಯೊಬ್ಬರ ಹಾಜರಾತಿಯೂ ಸರ್ಕಾರಕ್ಕೆ ಮುಖ್ಯ!](https://mobiletime.in/2026/03/sslc-everyones-attendance-is-important-to-the-government/): `ಎಸ್ ಎಸ್ ಎಲ್ ಸಿ ಪರೀಕ್ಷೆಗೆ ನೊಂದಾಯಿಸಿರುವ ಎಲ್ಲಾ ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರಕ್ಕೆ ಹಾಜರಾಗುವಂತೆ ಮಾಡಲು ಶಿಕ್ಷಣ ಇಲಾಖೆ ಅಧಿಕಾರಿಗಳು ಮೂಲಭೂತ ಸೌಕರ್ಯದ ವ್ಯವಸ್ಥೆ ಮಾಡಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸೂಚಿಸಿದ್ದಾರೆ. `ಈ ಬಾರಿ ಪರೀಕ್ಷಾ ಹಾಜರಾತಿಯೂ ಶೇ 100ರಷ್ಟಿರಬೇಕು. ಫಲಿತಾಂಶವೂ ಶೇ 10ರರಷ್ಟು ದಾಖಲಾಗಬೇಕು. ಅದಕ್ಕೆ ಅಗತ್ಯ ಎಲ್ಲಾ ಸಿದ್ಧತೆಯನ್ನು ಅಧಿಕಾರಿಗಳು ನೋಡಿಕೊಳ್ಳಬೇಕು’ ಎಂದವರು ಹೇಳಿದ್ದಾರೆ. ಗುರುವಾರ ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ಎಸ್ ಎಸ್ ಎಲ್ ಸಿ ಪರೀಕ್ಷೆ ಕುರಿತ ಪೂರ್ವ ಸಿದ್ದತಾ ಸಭೆ ನಡೆಸಿದ ಅವರು `ಮಾರ್ಚ್ 18ರಿಂದ ಏಪ್ರಿಲ್ 2ರವರೆಗೆ ಜಿಲ್ಲೆಯ 73 ಪರೀಕ್ಷಾ ಕೇಂದ್ರಗಳಲ್ಲಿ ಪರೀಕ್ಷೆ ನಡೆಯಲಿದ್ದು, ಈ ಬಾರಿಯ ಜಿಲ್ಲೆಯಲ್ಲಿ ಒಟ್ಟು 19,988 ವಿದ್ಯಾರ್ಥಿಗಳು ಪರೀಕ್ಷೆಗೆ ನೊಂದಾಯಿಸಿದ್ದಾರೆ. ಪರೀಕ್ಷೆ ಕುರಿತಂತೆ ವಿದ್ಯಾರ್ಥಿಗಳಿಗೆ ಈ ಬಾರಿ ಶಿಕ್ಷಣ ಇಲಾಖೆವತಿಯಿಂದ ಉತ್ತಮ ರೀತಿಯಲ್ಲಿ ತರಬೇತಿ ನೀಡಿದ್ದು, ಪರೀಕ್ಷೆಗೆ ಹಾಜರಾದ ಪ್ರತಿಯೊಬ್ಬ ವಿದ್ಯಾರ್ಥಿಯೂ ಉತ್ತೀರ್ಣರಾಗುವ ರೀತಿಯಲ್ಲಿ ಅವರನ್ನು ಸಿದ್ದಗೊಳಿಸಲಾಗಿದ್ದು, ಪರೀಕ್ಷಾ ಹಾಜರಾತಿಯು ಶೇ 100 ಆದಲ್ಲಿ ಫಲಿತಾಂಶವು ಶೇ 100 ಬರಬಹುದಾದ ಎಲ್ಲಾ ಸಾಧ್ಯತೆಗಳಿರುವ ಕಾರಣ ಯಾವುದೇ ವಿದ್ಯಾರ್ಥಿ ಗೈರು ಹಾಜರಾಗದಂತೆ ವಿದ್ಯಾರ್ಥಿಗಳಿಗೆ ಅಗತ್ಯವಿರುವ ಮೂಲಭೂತ ಸೌಕರ್ಯಗಳನ್ನು ಒದಗಿಸಬೇಕು’ ಎಂದು ತಿಳಿಸಿದರು. `ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯವರು ವಿದ್ಯಾರ್ಥಿಗಳ ಬೇಡಿಕೆಗೆ ಅನುಗುಣವಾದ ಮಾರ್ಗದಲ್ಲಿ ಮತ್ತು ನಿಗಧಿತ ಸಮಯಕ್ಕೆ ಬಸ್ ವ್ಯವಸ್ಥೆ ಒದಗಿಸಬೇಕು. ವಿದ್ಯಾರ್ಥಿಗಳು ಸಾಕಷ್ಟು ಮುಂಚಿತವಾಗಿ ಪರೀಕ್ಷಾ ಕೇಂದ್ರಗಳನ್ನು ತಲುಪುವ ನಿಟ್ಟಿನಲ್ಲಿ ಬಸ್‌ಗಳಿಗೆ ಸಮಯ ನಿಗಧಿಪಡಿಸಬೇಕು’ ಎಂದು ಸೂಚಿಸಿದರು. `ಪರೀಕ್ಷೆಗಳು ಪಾರದರ್ಶಕವಾಗಿ ಹಾಗೂ ಅತ್ಯಂತ ವ್ಯವಸ್ಥಿತವಾಗಿ ನಡೆಸಲು ಅಗತ್ಯವಿರುವ ಸಿದ್ಧತೆಗಳನ್ನು ಮಾಡಿಕೊಳ್ಳುವಂತೆ ಮತ್ತು ಪರೀಕ್ಷಾ ಮಂಡಳಿಯು ಸೂಚಿಸಿರುವಂತೆ ಪರೀಕ್ಷಾ ಕೇಂದ್ರಗಳಲ್ಲಿ ಎಲ್ಲಾ ರೀತಿಯ ಮುನ್ನೆಚ್ಚರಿಕೆ ಕ್ರಮ ಜರುಗಿಸಬೇಕು. ಯಾವುದೇ ಲೋಪವಾಗದಂತೆ ಪರೀಕ್ಷೆಗಳನ್ನು ನಡೆಸಬೇಕು’ ಎಂದರು. `ಪ್ರಶ್ನೆ ಪತ್ರಿಕೆ ಹಾಗೂ ಉತ್ತರ ಪತ್ರಿಕೆಗಳನ್ನು ಪೊಲೀಸ್ ಭದ್ರತೆಯಲ್ಲಿ, ಜಿ ಪಿ ಎಸ್ ಅಳವಡಿಸಿದ ವಾಹನಗಳ ಮೂಲಕ ಪರೀಕ್ಷೆ ಕೇಂದ್ರಗಳಿಗೆ ತಲುಪಿಸಲು ಹಾಗೂ ಎಲ್ಲಾ ಕೇಂದ್ರಗಳಿಗೆ ಪೊಲೀಸ್ ಭದ್ರತೆ ಒದಗಿಸಲು ಅಗತ್ಯ ವ್ಯವಸ್ಥೆ ಮಾಡಿಕೊಳ್ಳಬೇಕು. ಪರೀಕ್ಷಾ ಪ್ರಕ್ರಿಯೆಗಳು ಆನ್‌ಲೈನ್ ನಲ್ಲಿ ನಡೆಯುವುದರಿಂದ ಎಲ್ಲಾ ಕೇಂದ್ರಗಳಲ್ಲಿ ಇಂಟರ್ನೆಟ್ ನ ಯಾವುದೇ ಅಡಚಣೆಯಾಗದಂತೆ ಮುನ್ನೆಚ್ಚರಿಕೆ ವಹಿಸಬೇಕು’ ಎಂದು ಸೂಚಿಸಿದರು. `ಪರೀಕ್ಷಾ ಮಂಡಳಿಯ ಮಾರ್ಗಸೂಚಿಯಂತೆ ಪರೀಕ್ಷೆಗಳನ್ನು ಸಿಸಿಟಿವಿ ಕಣ್ಗಾವಲುನಲ್ಲಿ ನಡೆಸಬೇಕು ಹಾಗೂ ವೆಬ್ ಕಾಸ್ಟಿಂಗ್ ನಿರ್ವಹಣೆಗೆ ಮಾಡಬೇಕು. ಪರೀಕ್ಷೆ ಕೊಠಡಿಯೊಳಗೆ ಎಲೆಕ್ಟ್ರಾನಿಕ್ ವಸ್ತುಗಳು, ಮೊಬೈಲ್, ಪೆನ್ ಡ್ರೈವ್,ಇಯರ್ಫೋನ್,ಮೈಕ್ರೋಫೋನಗಳು, ಬ್ಲೂಟೂತ್ ಸಾಧನ, ಅನುಮತಿಸಲಾಗುವುದಿಲ್ಲ. ಸಿಬ್ಬಂದಿಗೂ ಮೊಬೈಲ್ ಬಳಕೆ ಅವಕಾಶವಿಲ್ಲ. ಫೋಟೋಗ್ರಾಫಿಯನ್ನು ಸಂಪೂರ್ಣ ನಿಷೇಧಿಸಲಾಗಿದೆ’ ಎಂದರು. `ಪರೀಕ್ಷೆ ಕೇಂದ್ರದಲ್ಲಿ ವಿದ್ಯಾರ್ಥಿಗಳಿಗೆ ಕುಡಿಯುವ ನೀರು ಸೇರಿದಂತೆ ಅಗತ್ಯ ಮೂಲಭೂತ ಸೌಲಭ್ಯ ಗಳನ್ನು ಒದಗಿಸಬೇಕು. ಪರೀಕ್ಷಾ ಕೇಂದ್ರಗಳ ವ್ಯಾಪ್ತಿಯಲ್ಲಿ ವಿದ್ಯುತ್ ಕಡಿತಗೊಳಿಸದಂತೆ ಮೆಸ್ಕಾಂ ಅಧಿಕಾರಿಗಳಿಗೆ ಸೂಚಿಸಿದ ಅವರು ಜಿಲ್ಲೆಯಲ್ಲಿ ತಾಪಮಾನ ಹೆಚ್ಚಿರುವ ಕಾರಣ ಎಲ್ಲಾ ಕೇಂದ್ರಗಳಲ್ಲಿ ಆರೋಗ್ಯ ಇಲಾಖೆಯಿಂದ ಅಗತ್ಯ ಮುನ್ನೆಚ್ಚರಿಕೆ ಕ್ರಮವಾಗಿ ಓ ಆರ್ ಎಸ್ ಪಾಕೆಟ್ ಗಳೊಂದಿಗೆ ಸಿಬ್ಬಂದಿ ನಿಯೋಜಿಸಿ’ ಎಂದರು. ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಸಿರುವ ಎಲ್ಲಾ ಅಧಿಕಾರಿಗಳು ಜವಾಬ್ದಾರಿಯುತವಾಗಿ ಹಾಗೂ ಸಮನ್ವಯತೆಯಿಂದ ಕಾರ್ಯನಿರ್ವಹಿಸುವಂತೆ ಜಿಲ್ಲಾಧಿಕಾರಿಗಳು ಸೂಚಿಸಿದರು. ಸಭೆಯಲ್ಲಿ ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಾಧಿಕಾರಿ ದಿಲೀಶ್ ಶಶಿ, ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ, ಶಿಕ್ಷಣ ಇಲಾಖೆ ಉಪನಿರ್ದೇಶಕಿ ಲತಾ ನಾಯ್ಕ ಹಾಗೂ ವರ್ಚುವಲ್ ಮೂಲಕ ಎಲ್ಲಾ ತಾಲೂಕುಗಳ ತಹಸೀಲ್ದಾರ್‌ಗಳು ಮತ್ತು ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಸಿರುವ ಅಧಿಕಾರಿಗಳು ಇದ್ದರು.
- [ಸೊಸೈಟಿ ಸಾಲ: ಸಾವನಪ್ಪಿದ ಕೃಷಿಕನ ಕುಟುಂಬಕ್ಕೆ ಬಿಜೆಪಿಯ ಸಾಂತ್ವಾನ](https://mobiletime.in/2026/03/society-loan-bjps-condolences-to-the-family-of-the-deceased-farmer/): ಸೊಸೈಟಿಯಲ್ಲಿ ಮಾಡಿದ ಸಾಲ ತೀರಿಸಲಾಗದೇ ಕ್ರಿಮಿನಾಶಕ ಸೇವಿಸಿ ಸಾವನಪ್ಪಿದ ರೈತನ ಮನೆಗೆ ಬಿಜೆಪಿ ಕಾರ್ಯಕರ್ತರು ಭೇಟಿ ನೀಡಿದ್ದಾರೆ. ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಸಂತ್ರಸ್ತರಿಗೆ ಸಾಂತ್ವಾನ ಹೇಳಿದ್ದು, ಆರ್ಥಿಕ ನೆರವು ನೀಡಿದ್ದಾರೆ. `ಬೆಳೆ ಹಾನಿ ಕಾರಣಕ್ಕಾಗಿ ರೈತ ಆತ್ಮಹತ್ಯೆಗೆ ಶರಣಾಗಿರುವುದು ನೋವು ತಂದಿದೆ. ರೈತನ ಆತ್ಮಹತ್ಯೆ ಪ್ರಕರಣ ರಾಜ್ಯದ ಕೃಷಿ ಪರಿಸ್ಥಿತಿ ತೋರಿಸುತ್ತಿದ್ದು, ರಾಜ್ಯದ ರೈತರು ಬದುಕಿಗಾಗಿ ಹೋರಾಡುವ ಸ್ಥಿತಿ ನಿರ್ಮಾಣವಾಗಿದೆ. ಕೃಷಿಯಲ್ಲಿನ ವೆಚ್ಚ, ಬೆಳೆಗೆ ತಕ್ಕ ಬೆಲೆ ಸಿಗದಿರುವಿಕೆ, ಬೆಳೆ ವಿಮೆ ಬಾರದಿರುವಿಕೆ ರೈತನ ಸಾವಿಗೆ ಕಾರಣ. ಎಷ್ಟೇ ಕಷ್ಟ ಬಂದರೂ ರೈತರು ಆತ್ಮಹತ್ಯೆಗೆ ಶರಣಾಗಬಾರದು’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದರು. `ರೈತನ ಆತ್ಮಹತ್ಯೆ ಒಂದು ಕುಟುಂಬದ ನೋವಲ್ಲ. ಅದು ಸರ್ಕಾರದ ಕೃಷಿ ನೀತಿ ವೈಫಲ್ಯದ ಎಚ್ಚರಿಕೆಯ ಸಂಕೇತ’ ಎಂದವರು ಪ್ರತಿಪಾದಿಸಿದರು. ರೈತ ಆತ್ಮಹತ್ಯೆ ಮಾಡಿಕೊಂಡರೂ ಸ್ಥಳಕ್ಕೆ ಭೇಟಿ ನೀಡದ ಅಧಿಕಾರಿಗಳ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದರು. ಸರ್ಕಾರ ಮೃತನ ಕುಟುಂಬಕ್ಕೆ ಯೋಗ್ಯ ಪರಿಹಾರ ಒದಗಿಸಬೇಕು ಎಂದು ಆಗ್ರಹಿಸಿದರು. `ಈ ಕುಟುಂಬದ ಒಬ್ಬ ಸದಸ್ಯರಿಗೆ ಸರ್ಕಾರಿ ಉದ್ಯೋಗ ನೀಡಬೇಕು. ಮೃತ ರೈತನ ಎಲ್ಲಾ ಸಾಲಗಳನ್ನು ಸಂಪೂರ್ಣ ಮನ್ನಾ ಮಾಡಬೇಕು. ರೈತರ ಆತ್ಮಹತ್ಯೆ ಪ್ರಕರಣಗಳ ಕುರಿತು ಸ್ವತಂತ್ರ ಮತ್ತು ಪಾರದರ್ಶಕ ತನಿಖೆ ನಡೆಸಬೇಕು. ರೈತರಿಗೆ ತಕ್ಷಣ ಆರ್ಥಿಕ ನೆರವು ಮತ್ತು ಬೆಳೆಗಳಿಗೆ ನ್ಯಾಯಸಮ್ಮತ ಬೆಲೆ ಒದಗಿಸಬೇಕು. ರೈತರ ಸಮಸ್ಯೆಗಳನ್ನು ತಕ್ಷಣ ಪರಿಹರಿಸಲು ಸರ್ಕಾರ ವಿಫಲವಾದರೆ ಭಾರತೀಯ ಜನತಾ ಪಕ್ಷ ರೈತರ ಪರವಾಗಿ ರಾಜ್ಯದ ಎಲ್ಲಡೆ ಹೋರಾಟ ಶುರು ಮಾಡಲಿದ್ದೇವೆ’ ಎಂದು ಎಚ್ಚರಿಸಿದರು. ಈ ವೇಳೆ ಬಿಜೆಪಿ ಪ್ರಮುಖರಾದ ಎಲ್.ಟಿ.ಪಾಟೀಲ್, ಅಶೋಕ ಚೆಲುವಾದಿ, ಮಂಜುನಾಥ ಪಾಟೀಲ್, ಮಹೇಶ ಹೊಸಕೊಪ್ಪ, ರಮೇಶ ನಾಯ್ಕ ಸೇರಿದಂತೆ ಇನ್ನಿತರರು ಇದ್ದರು.
- [ಗ್ಯಾಸ್ ಸಿಲೆಂಡರ್: ಪೂರೈಕೆಗೆ ಸಮಸ್ಯೆ ಇಲ್ಲ!](https://mobiletime.in/2026/03/gas-cylinder-even-if-the-price-increases-the-supply-will-not-stop/): ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಅನಿಲ ಸರಬರಾಜು ಮಾಡುವ ಕಂಪನಿಗಳ ಅಧಿಕಾರಿಗಳು ಮತ್ತು ಆಹಾರ ಇಲಾಖೆಯ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದ್ದಾರೆ. ಅದಾದ ನಂತರ `ಗೃಹಬಳಕೆ ಅನಿಲದ ದೈನಂದಿನ ಸರಬರಾಜು ಮತ್ತು ವಿತರಣೆಯಲ್ಲಿ ಯಾವುದೇ ಅಡಚಣೆ ಇಲ್ಲ. ಜನರ ಗೊಂದಲ ಹಾಗೂ ಆತಂಕಕ್ಕೆ ಒಳಗಾಗುವುದು ಬೇಡ’ ಎಂದು ಅಧಿಕೃತ ಹೇಳಿಕೆ ನೀಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಗೆ ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೋರೇಷನ್, ಭಾರತ್ ಪೆಟ್ರೋಲಿಯಂ ಕಾರ್ಪೋರೇಷನ್, ಇಂಡಿಯನ್ ಆಯಿಲ್ ಕಾರ್ಪೋರೇಷನ್ ಕಂಪನಿಗಳ ಮೂಲಕ ಅನಿಲ ಸರಬರಾಜು ಆಗುತ್ತಿದೆ. ಆ ಮೂರು ಕಂಪನಿ ಅಧಿಕಾರಿಗಳ ಜೊತೆ ಲಕ್ಷ್ಮೀಪ್ರಿಯಾ ಅವರು ವರ್ಚುವಲ್ ಸಭೆ ಮಾಡಿದ್ದಾರೆ. ಎಲ್ಲಾ ಕಂಪನಿಗಳು ಜಿಲ್ಲೆಯ ದೈನಂದಿನ ಬೇಡಿಕೆಗೆ ತಕ್ಕಂತೆ ಗೃಹ ಬಳಕೆಯ ಅನಿಲ ಸರಬರಾಜು ಮಾಡುವಂತೆ ಅವರು ಸೂಚಿಸಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿದ ಅಧಿಕಾರಿಗಳು `ಗೃಹ ಬಳಕೆಯ ಅನಿಲ ಸರಬರಾಜು ವ್ಯವಸ್ಥೆಯಲ್ಲಿ ಯಾವುದೇ ಸಮಸ್ಯೆಯಿಲ್ಲ. ಕಳೆದ ಒಂದು ದಿನ ಮಾತ್ರ ಗ್ಯಾಸ್ ಮುಂಗಡ ಬುಕ್ಕಿಂಗ್‌ನಲ್ಲಿ ತಾಂತ್ರಿಕ ತೊಂದರೆ ಕಂಡುಬAದಿದ್ದು, ಪ್ರಸ್ತುತ ಆ ದೋಷವನ್ನು ಸರಿಪಡಿಸಲಾಗಿದೆ. ಸಾರ್ವಜನಿಕರು ಗೃಹ ಬಳಕೆ ಅನಿಲ ಮುಂಗಡ ಬುಕಿಂಗನ್ನು ಮೊಬೈಲ್ ಮಿಸ್ ಕಾಲ್ ಮೂಲಕ ಮಾಡಬಹುದಾಗಿದ್ದು, ಐ ವಿ ಆರ್ ಎಸ್, ವಾಟ್ಸಾಪ್, ಮೊಬೈಲ್ ಅಪ್ಲಿಕೇಶನ್ ಮತ್ತು ಪಾವತಿ ಅಪ್ಲಿಕೇಶನ್ ವಿಧಾನ ಬಳಸುವುದು ಅನುಕೂಲ’ ಎಂದಿದ್ದಾರೆ. ಅಂಗನವಾಡಿಗಳು, ಶಾಲೆಗಳು, ಆಸ್ಪತ್ರೆಗಳು, ಸರ್ಕಾರಿ ಹಾಸ್ಟೆಲ್‌ಗಳು ಮತ್ತು ಇಂದಿರಾ ಕ್ಯಾಂಟೀನ್‌ಗಳ ದೈನಂದಿನ ಚಟುವಟಿಕೆಗಳಿಗೆ ಯಾವುದೇ ತೊಂದರೆಯಾಗದoತೆ ಆದ್ಯತೆಯಲ್ಲಿ ಅನಿಲ ಸರಬರಾಜು ಮಾಡುವಂತೆ ಡೀಸಿ ಸೂಚಿಸಿದ್ದಾರೆ. ವಾಣಿಜ್ಯ ಬಳಕೆಯ ಸಿಲೆಂಡರ್‌ಗಳ ಸರಬರಾಜು ಮತ್ತು ವಿತರಣೆ ಕುರಿತಂತೆ ಸರ್ಕಾರ ನೀಡುವ ಮಾರ್ಗಸೂಚಿಗಳನ್ನು ಪಾಲಿಸುವಂತೆಯೂ ಆದೇಶಿಸಿದ್ದಾರೆ. `ಸಾರ್ವಜನಿಕರು ಸಹ ಅನಿಲ ಪೂರೈಕೆ ಕುರಿತಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುವ ಯಾವುದೇ ರೀತಿಯ ಸುಳ್ಳು ಸುದ್ದಿಗಳಿಗೆ ಕಿವಿಗೊಡಬಾರದು’ ಎಂದು ಮನವಿ ಮಾಡಿದ್ದಾರೆ. ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಆಹಾರ ಇಲಾಖೆ ಉಪನಿರ್ದೇಶಕ ಮಂಜುನಾಥ ರೇವಣಕರ್ ಸಭೆಯಲ್ಲಿದ್ದರು.
- [ಸುಸಜ್ಜಿತ ಆಸ್ಪತ್ರೆ: ದಿನಕರ ಶೆಟ್ಟಿಯವರ ತಕರಾರಿಲ್ಲ.. ಆದರೆ?!](https://mobiletime.in/2026/03/well-equipped-hospital-dinakar-shetty-has-no-objection-but/): ಕಾರವಾರಕ್ಕೆ ಆಗಮಿಸಿದ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರು ಸುಸಜ್ಜಿತ ಆಸ್ಪತ್ರೆ ನಿರ್ಮಿಸುವುದಾಗಿ ಘೋಷಿಸಿದ್ದು, ಬಜೆಟ್ ಭಾಷಣದಲ್ಲಿಯೂ ಆ ವಿಷಯವನ್ನು ಅಧಿಕೃತಗೊಳಿಸಿದ್ದಾರೆ. `ಸುಸಜ್ಜಿತ ಆಸ್ಪತ್ರೆಗೆ ತಕರಾರು ಇಲ್ಲ. ಆದರೆ, ಅದನ್ನು ಕುಮಟಾದಲ್ಲಿ ನಿರ್ಮಿಸಿದರೆ ಎಲ್ಲರಿಗೂ ಅನುಕೂಲ’ ಎಂದು ಕುಮಟಾ ಕ್ಷೇತ್ರದ ಶಾಸಕ ದಿನಕರ ಶೆಟ್ಟಿ ಅವರು ಸದನದಲ್ಲಿ ಹೇಳಿದ್ದಾರೆ. `ಗೋವಾ ಗಡಿಯಲ್ಲಿರುವ ಕಾರವಾರಕ್ಕಿಂತಲೂ ಕುಮಟಾ ಮಧ್ಯವರ್ತಿ ಸ್ಥಳ. ಕುಮಟಾದಲ್ಲಿ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣ ಮಾಡಿದರೆ ಶಿರಸಿ, ಸಿದ್ದಾಪುರ, ಭಟ್ಕಳ ಹಾಗೂ ಅಂಕೋಲಾದವರಿಗೆ ಸಹ ಸಾಕಷ್ಟು ಅನುಕೂಲ ಆಗಲಿದೆ. `ಕಾರವಾರ ಗೋವಾದ ಅಂಚಿನಲ್ಲಿರುವುದರಿAದ ಅಲ್ಲಿ ಮಲ್ಟಿಸ್ಪೇಶಾಲಿಟಿ ಆಸ್ಪತ್ರೆ ಮಾಡಿದರೆ ಕಾರವಾರದವರಿಗೆ ಎಷ್ಟು ಉಪಯೋಗವಾಗುತ್ತದೆ? ಎಂಬುದು ಗೊತ್ತಿಲ್ಲ. ಕಾರವಾರ ದೂರ ಎನ್ನುವುದರ ಜೊತೆ ಅಲ್ಲಿಗಿಂತಲೂ ಜನರಿಗೆ ಉಡುಪಿ, ಮಣಿಪಾಲ, ಮಂಗಳೂರು ಆಸ್ಪತ್ರೆ ಬಗ್ಗೆ ಹೆಚ್ಚಿನ ವಿಶ್ವಾಸವಿದೆ. ಹೀಗಾಗಿ ಮಧ್ಯವರ್ತಿ ಸ್ಥಳವಾದ ಕುಮಟಾದಲ್ಲಿ ರೈಲು ನಿಲ್ದಾಣ ಸಹ ಪಟ್ಟಣದಲ್ಲಿಯೇ ಇದ್ದು, ಇಲ್ಲಿಯೇ ಆಸ್ಪತ್ರೆ ನಿರ್ಮಿಸಿದರೆ ರೈಲಿನಲ್ಲಿ ಬರುವ ರೋಗಿಗಳಿಗೂ ಅನುಕೂಲ’ ಎಂದು ಹೇಳಿದ್ದಾರೆ. `ಮಾದನಗೇರಿಯಲ್ಲಿ ಸರ್ಕಾರದ ಅಧೀನದಲ್ಲಿಯೇ ಕೆಐಡಿಬಿಗೆ ಸೇರಿದ 1800 ಏಕರೆ ಜಮೀನು ಪಾಳು ಬಿದ್ದಿದೆ. ಈ ಜಾಗ ಅಂಕೋಲಾ ಅಂಚಿನಲ್ಲಿದ್ದು, ಅಲ್ಲಿಯೇ ಆಸ್ಪತ್ರೆ ಮಾಡಿದರೆ ಕಾರವಾರ ಮತಕ್ಷೇತ್ರದ ಜನರಿಗೂ ಅನುಕೂಲ ಆಗಲಿದೆ. ಹಾಗಾಗಿ ಈ ಸ್ಥಳದಲ್ಲಿ ಈ ಮಲ್ಟಿ ಸ್ಪೆಶಾಲಿಟಿ ಆಸ್ಪತ್ರೆಯನ್ನು ಸರ್ಕಾರ ಸ್ಥಾಪಿಸಿದರೆ ಕಾರವಾರ ಮತಕ್ಷೇತ್ರದಲ್ಲೇ ಈ ಆಸ್ಪತ್ರೆ ಸ್ಥಾಪಿಸಿದ ಹಾಗಾಗುತ್ತದೆ’ ಎಂದು ಅವರು ವಿವರಿಸಿದರು. `ಅದಾದ ನಂತರ ಮತ್ತೊಮ್ಮೆ ಕುಮಟಾ ಬಳಿಯೇ ಆಸ್ಪತ್ರೆ ನಿರ್ಮಿಸುವುದು ಸೂಕ್ತ’ ಎಂದು ಪುನರುಚ್ಚರಿಸಿದರು.
- [ಹೆದ್ದಾರಿ ಅಂಚಿನಲ್ಲಿ ಮೂಳೆ-ಮಾಂಸದ ತುಂಡು!](https://mobiletime.in/2026/03/a-piece-of-bone-and-flesh-on-the-side-of-the-highway/): ಹೆದ್ದಾರಿ ಅಂಚಿನಲ್ಲಿ ಅನುಮಾನಾಸ್ಪದ ಚೀಲ ಬಿದ್ದಿದ್ದು, ಅದನ್ನು ಪರಿಶೀಲಿಸಿದವರಿಗೆ ದನದ ಚರ್ಮ ಹಾಗೂ ಮೂಳೆಗಳು ಕಾಣಿಸಿವೆ. ಗೋಹತ್ಯೆ ಮಾಡಿದ ಕಟುಕರು ಮಾಂಸಪಡೆದಿದ್ದು, ಅದಾದ ನಂತರ ಮೂಳೆ ಹಾಗೂ ಚರ್ಮವನ್ನು ಹೆದ್ದಾರಿ ಅಂಚಿನಲ್ಲಿ ಎಸೆದು ಪರಾರಿಯಾಗಿದ್ದಾರೆ. ಹೊನ್ನಾವರದ ಮಂಕಿ ಬಳಿ ಹಾದು ಹೋದ ರಾಷ್ಟಿçÃಯ ಹೆದ್ದಾರಿ 66ರ ಅಂಚಿನಲ್ಲಿ ಚೀಲ ಕಾಣಿಸಿದೆ. ಆ ಚೀಲದ ಒಳಗೆ ಜಾನುವಾರು ಹತ್ಯೆ ಮಾಡಿದ ಸಾಕ್ಷಿಗಳಿವೆ. ಮಾರ್ಚ 9ರ ನಂತರ ಗೋಹತ್ಯೆ ನಡೆದ ಸಾಧ್ಯತೆ ಹೆಚ್ಚಾಗಿದೆ. ಮಾರ್ಚ 11ರಂದು ಸಂಜೆ 4.30ಕ್ಕೆ ಇಲ್ಲಿ ಪ್ಲಾಸ್ಟಿಕ್ ಚೀಲ ಕಾಣಿಸಿದೆ. ಮಂಕಿ ಪೊಲೀಸ್ ಠಾಣೆಯ ಪಿಸೈ ಅಭಿನಂದನ್ ಎಂ ಎಸ್ ಅವರು ಚೀಕ ತೆರೆದು ನೋಡಿದ್ದಾರೆ. ಆಗ ಅವರಿಗೆ ಅದರಲ್ಲಿ ಜಾನುವಾರುವಿನ ತಲೆ, ಎಲುಬು, ಹಾಗೂ ಚರ್ಮ ಕಾಣಿಸಿದ್ದು ಕಟುಕರ ಕೃತ್ಯವನ್ನು ಅವರು ಮೇಲಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ. ಅದಾದ ನಂತರ ಪೊಲೀಸ್ ಠಾಣೆಗೆ ಹೋದ ಅವರು ವಿವಿಧ ಆಯಾಮಗಳಲ್ಲಿ ಕಟುಕರ ಹುಡುಕಾಟ ನಡೆಸಿದ್ದಾರೆ. ಅವರ ಪತ್ತೆಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಕಾನೂನು ಕ್ರಮ ಜರುಗಿಸಿದ್ದು, ಕರ್ನಾಟಕ ಜಾನುವಾರು ಹತ್ಯೆ ಪ್ರತಿಬಂಧಕ ಮತ್ತು ಸಂರಕ್ಷಣಾ ಕಾಯ್ದೆ ಪ್ರಕಾರ ಪ್ರಕರಣವನ್ನು ದಾಖಲಿಸಿದ್ದಾರೆ.
- [ಬೈಕಿಗೆ ಅಡ್ಡಬಂದ ಕಡವೆ: ಮಹಿಳೆಗೆ ಗುದ್ದಿದ ಬೈಕು!](https://mobiletime.in/2026/03/a-deer-came-across-a-bike-the-bike-hit-the-woman/): ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಬೈಕಿಗೆ ಕಾಡು ಪ್ರಾಣಿಯೊಂದು ಅಡ್ಡ ಬಂದಿದ್ದು, ಕಾಡು ಪ್ರಾಣಿ ರಕ್ಷಿಸುವ ದಾವಂತದಲ್ಲಿ ಆ ಬೈಕು ಮಹಿಳೆಯೊಬ್ಬರಿಗೆ ಗುದ್ದಿದೆ. ಪರಿಣಾಮ ರಸ್ತೆ ಅಂಚಿನಲ್ಲಿ ನಡೆದು ಹೋಗುತ್ತಿದ್ದ ಮಹಿಳೆ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಭಟ್ಕಳದ ಮುರುಡೇಶ್ವರ ಬಳಿಯ ಬೈಲೂರಿನಲ್ಲಿ ಈ ಅಪಘಾತ ನಡೆದಿದೆ. ಬೈಲೂರು ಮಡಿಕೇರಿಯ ಶೈಲಾ ನಾಗೇಶ ನಾಯ್ಕ (43) ಅವರಿಗೆ ಬೈಕ್ ಡಿಕ್ಕಿಯಾಗಿದೆ. ಮಡಿಕೇರಿಯ ಮೋಹನ ಮಂಜುನಾಥ ನಾಯ್ಕ ಅವರು ಶೈಲಾ ನಾಯ್ಕ ಅವರಿಗೆ ಬೈಕ್ ಗುದ್ದಿದವರಾಗಿದ್ದು, ವೇಗವಾಗಿ ಬೈಕ್ ಓಡಿಸಿದ ಕಾರಣ ಮೋಹನ ನಾಯ್ಕ ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಮಾ 11ರಂದು ಬೈಲೂರು ರಸ್ತೆಯ ಮಾರ್ಕಂಡೇಶ್ವರ ರಸ್ತೆ ಸಮೀಪ ಕಡವೆ ಓಡಾಟ ನಡೆದಿದ್ದು, ಆ ಕಡವೆ ಬೈಕಿಗೆ ಅಡ್ಡ ಬಂದಿದೆ. ಇದರಿಂದ ಮೋಹನ ನಾಯ್ಕ ಅವರು ಒಮ್ಮೆಲೆ ಬೈಕಿಗೆ ಬ್ರೆಕ್ ಹಾಕಿದ್ದು, ಬೈಕು ನಿಯಂತ್ರಣ ತಪ್ಪಿದೆ. ಈ ವೇಳೆ ರಸ್ತೆ ಅಂಚಿನಲ್ಲಿ ಮಹಿಳೆ ನಡೆದು ಹೊಗುತ್ತಿದ್ದು ಅವರಿಗೆ ಆ ಬೈಕು ಡಿಕ್ಕಿ ಹೊಡೆದಿದೆ. ಶೈಲಾ ನಾಯ್ಕ ಅವರ ತಲೆ, ಕಣ್ಣು, ಕಿವಿಗೆ ಗಾಯವಾಗಿದೆ.
- [10ನೇ ಸಲ: ಮತ್ತೊಮ್ಮೆ ಸಿಕ್ಕಿಬಿದ್ದ ಬೈಕ್ ಕಳ್ಳ!](https://mobiletime.in/2026/03/10th-time-bike-thief-caught-again/): ಬ್ಯಾಂಕ್ ಮುಂದೆ ನಿಲ್ಲಿಸಿದ್ದ ಸ್ಕೂಟರನ್ನು ಕ್ಷಣಾರ್ಧದಲ್ಲಿ ಕದ್ದು ಪರಾರಿಯಾಗಿದ್ದ ಕಳ್ಳನನ್ನು ಪೊಲೀಸರು ಬಂಧಿಸಿದ್ದಾರೆ. ಕಳ್ಳನ ಪತ್ತೆಗೆ ಸಿಸಿ ಕ್ಯಾಮರಾ ಸಹಾಯ ಮಾಡಿದೆ. ಹಳಿಯಾಳ ಪಟ್ಟಣದ ಎಚ್ ಡಿ ಎಫ್ ಸಿ ಬ್ಯಾಂಕ್ ಎದುರುಗಡೆ ನಿಲ್ಲಿಸಿದ್ದ ಸ್ಕೂಟರ್ ಫೆಬ್ರವರಿ 27ರಂದು ಕಾಣೆಯಾಗಿತ್ತು. ಶಿರಸಿ ಕನವಳ್ಳಿಯ ಖಾಲಿದ್ ಷರೀಪ್ಸಾಬ್ ಕನವಳ್ಳಿ ಅವರು ಸ್ಕೂಟರ್ ಕದ್ದು ಪರಾರಿಯಾಗಿದ್ದರು. ಸಿಸಿ ಕ್ಯಾಮರಾ ಪರಿಶೀಲಿಸಿದ ಪೊಲೀಸರು ಕಳ್ಳನ ಶೋಧ ನಡೆಸಿದರು. ಆಗ, ಖಾಲಿದ್ ಷರೀಪ್ಸಾಬ್ ಕನವಳ್ಳಿ ಅವರು ಸಿಕ್ಕಿಬಿದ್ದರು. ಕಳ್ಳತನ ಮಾಡಿದ ತಪ್ಪನ್ನು ಕಳ್ಳನೂ ಒಪ್ಪಿಕೊಂಡಿದ್ದು, 1 ಲಕ್ಷ ರೂ ಮೌಲ್ಯದ ಎರಡು ಬೈಕನ್ನು ಪೊಲೀಸರು ಜಪ್ತು ಮಾಡಿದರು. ಈ ಕಳ್ಳನ ವಿರುದ್ಧ ಶಿರಸಿ, ಬನವಾಸಿ, ಯಲ್ಲಾಪುರ, ಕಾರವಾರ, ಕುಮಟಾದಲ್ಲಿಯೂ ಕಳ್ಳತನ ಪ್ರಕರಣಗಳಿವೆ. ಅಲ್ಲಿಯೂ ಕಳ್ಳತನ ಮಾಡಿ ಸಿಕ್ಕಿಬಿದ್ದರೂ ಖಾಲಿದ್ ಷರೀಪ್ಸಾಬ್ ಕನವಳ್ಳಿ ತನ್ನ ಹಳೇ ಚಾಳಿ ಬಿಟ್ಟಿಲ್ಲ.  
- [ಉಚಿತ ಚಿಕಿತ್ಸೆ: 500 ಜನರಿಗೆ ವೈದ್ಯಕೀಯ ಸಲಹೆ](https://mobiletime.in/2026/03/free-treatment-medical-advice-for-500-people/): `ರೋಗ ಪೂರ್ವಪತ್ತೆಯಿಂದ ಜೀವ ಹಾನಿ ತಡೆಯಲು ಸಾಧ್ಯ’ ಎಂದು ಶಿರಸಿ ವಿಭಾಗೀಯ ದಂಡಾಧಿಕಾರಿ ಚಂದ್ರಶೇಖರ್ ಆರ್ ಜಿ ಅವರು ಹೇಳಿದ್ದಾರೆ. ಶಿರಸಿ ನಗರದ ರಾಘವೇಂದ್ರ ಕಲ್ಯಾಣ ಮಂಟಪದಲ್ಲಿ ನಡೆದ ಆರೋಗ್ಯ ಶಿಬಿರದಲ್ಲಿ ಅವರು ಮಾತನಾಡಿದ್ದು, `ಆಗಾಗ ತಜ್ಞ ವೈದ್ಯರ ಶಿಬಿರ ನಡೆಯುವುದರಿಂದ ಜನರಿಗೂ ಅನುಕೂಲ ಆಗುತ್ತದೆ’ ಎಂದಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆ, ರೋಟರಿ ಕ್ಲಬ್, ದೇಸಾಯಿ ಫೌಂಡೇಶನ್ ಟ್ರಸ್ಟ್ ಗುಜರಾತ್, ನಾರಾಯಣ ಹೆಲ್ತ್ ಶಿವಮೊಗ್ಗ ಹಾಗೂ ಐಎಂಎ ಸಹಯೋಗದಲ್ಲಿ ಬೃಹತ್ ಉಚಿತ ಆರೋಗ್ಯ ತಪಾಸಣಾ ಶಿಬಿರ ನಡೆದಿದ್ದು 500ಕ್ಕೂ ಅಧಿಕ ಜನ ತಪಾಸಣೆಗೆ ಒಳಗಾಗಿದ್ದಾರೆ. `ಈ ವೇಲೆ ಮಾತನಾಡಿದ ಚಂದ್ರಶೇಖರ್ ಆರ್ ಜಿ ಅವರು `ಉತ್ತರ ಕನ್ನಡದಂತಹ ಗುಡ್ಡಗಾಡು ಪ್ರದೇಶದ ಜನ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿ, ಮಂಗಳೂರು, ಗೋವಾ, ಬೆಳಗಾವಿ, ಶಿವಮೊಗ್ಗದಂತಹ ಪ್ರದೇಶಗಳಿಗೆ ತೆರಳಬೇಕಾಗಿದೆ. ಆರಂಭದಲ್ಲೇ ರೋಗ ಪತ್ತೆಯಾಗದಿದ್ದರೆ ಜೀವ ಹಾನಿಯಂತಹ ನಷ್ಟವನ್ನು ಅನುಭವಿಸಬೇಕಾಗುತ್ತದೆ. ಇಂತಹ ತಜ್ಞ ವೈದ್ಯರ ಬೃಹತ್ ಶಿಬಿರಗಳು ಅಸಹಾಯಕರಿಗೆ ರೋಗ ಪೂರ್ವಪತ್ತೆಗೆ ತುಂಬ ಸಹಾಯಕವಾಗುತ್ತದೆ’ ಎಂದರು. ಮುಖ್ಯ ಅತಿಥಿಗಳಾಗಿದ್ದ ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಜಗದೀಶ ಗೌಡ ಮಾತನಾಡಿ `ಶಿರಸಿ ತಾಲೂಕಿನ ಹೆಚ್ಚಿನ ಗ್ರಾಮಗಳು ನಗರ ಪ್ರದೇಶದಿಂದ ದೂರ ಇರುವುದರಿಂದ ಸಕಾಲದಲ್ಲಿ ಸೂಕ್ತ ಚಿಕಿತ್ಸೆ ಪಡೆಯಲು ಸಾಧ್ಯವಾಗದೇ ಸಮಸ್ಯೆ ಎದುರಿಸುತ್ತಿರುವ ಜನರಿಗೆ ಇಂತಹ ಆರೋಗ್ಯ ಶಿಬಿರಗಳು ತುಂಬಾ ಅನುಕೂಲವಾಗುತ್ತದೆ. ಅಲ್ಲದೇ ಅನಾವಶ್ಯಕ ಆರ್ಥಿಕ ನಷ್ಟವನ್ನು ತಡೆದು ಜೀವ ಹಾನಿಯನ್ನು ತಪ್ಪಿಸಲು ಸಾಧ್ಯವಾಗುತ್ತದೆ’ ಎಂದರು. ಅಧ್ಯಕ್ಷತೆ ವಹಿಸಿದ್ದ ಶಿರಸಿ ರೋಟರಿ ಕ್ಲಬ್‌ನ ಅಧ್ಯಕ್ಷ ಶ್ರೀನಿವಾಸ ನಾಯ್ಕರವರು `ಸಮಾಜದ ಅವಶ್ಯಕತೆ ಮತ್ತು ಬೇಡಿಕೆಗಳನ್ನಾಧರಿಸಿ ರೋಟರಿ ಸಂಸ್ಥೆ ಸೇವೆ ಸಲ್ಲಿಸುತ್ತಿದ್ದು, ಸ್ಕೊಡ್‌ವೆಸ್ ಸಂಸ್ಥೆ ಆಯೋಜಿಸಿದ ಬೃಹತ್ ಆರೋಗ್ಯ ಶಿಬಿರದ ಯಶಸ್ವಿಗೆ ಸಾಥ್ ನೀಡಿದ್ದೇವೆ. ಮುಂದಿನ ದಿನಗಳಲ್ಲಿ ಇಂತಹ ಆರೋಗ್ಯ ಶಿಬಿರಗಳನ್ನು ಗ್ರಾಮೀಣ ಮಟ್ಟದಲ್ಲೂ ಆಯೋಜಿಸುವ ಉದ್ದೇಶ ಹೊಂದಲಾಗಿದೆ’ ಎಂದರು. ಪ್ರಾಸ್ತಾವಿಕವಾಗಿ ಮಾತನಾಡಿದ ಸ್ಕೊಡ್‌ವೆಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು `ಸ್ಕೊಡ್‌ವೆಸ್ ಸಂಸ್ಥೆ, ಗುಜರಾತ್‌ನ ದೇಸಾಯಿ ಫೌಂಡೇಶನ್‌ನ ಸಹಯೋಗ ಹಾಗೂ ಸ್ಥಳೀಯ ಸಂಘ-ಸAಸ್ಥೆಗಳ ಸಹಕಾರದೊಂದಿಗೆ ಹಲವಾರು ಕಾರ್ಯಕ್ರಮಗಳನ್ನು ಆಯೋಜಿಸುತ್ತಾ ಬಂದಿದೆ’ ಎಂದರು. ವೇದಿಕೆಯಲ್ಲಿ ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯದರ್ಶಿ ಹಾಗೂ ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿ, ಶಿರಸಿಯ ಐಎಂಎ ಕಾರ್ಯದರ್ಶಿ ಡಾ ಹರ್ಷ ನಾಡಿಗೇರ್, ಶಿರಸಿ ಮಹಾಲಕ್ಷಿö್ಮÃ ಆಸ್ಪತ್ರೆಯ ವೈದ್ಯ ಡಾ. ದಿನೇಶ್ ಹೆಗಡೆ, ಶಿವಮೊಗ್ಗದ ನಾರಾಯಣ ಹೆಲ್ತ್ನ ಹೃದ್ರೋಗ ತಜ್ಞ ಡಾ ಶಶಾಂಕ್, ಎಲುಬು ತಜ್ಞ ಡಾ ರಿತಿನ್, ಶಿರಸಿಯ ಶ್ರೀಗಂಧ ಕಣ್ಣಿನ ಆಸ್ಪತ್ರೆಯ ಶ್ರೀಶ್ರುತಿ ಹೆಗಡೆ, ಮನಸ್ವಿತಾ ಸ್ಪೆಷಾಲಿಟಿ ಕ್ಲಿನಿಕ್‌ನ ಮನೋವೈದ್ಯ ಡಾ. ಆಶಯ್ ತೇಲಂಗ, ಡಾ ಎಲ್ ಎಚ್ ಪೈ ಆಸ್ಪತ್ರೆಯ ಎಲುಬು ಶಸ್ತç ಚಿಕಿತ್ಸಕ ಡಾ ಕೈಲಾಶ ಪೈ, ಕೃಪಾ ನರ್ಸಿಂಗ್ ಹೋಮ್‌ನ ಸಾಮಾನ್ಯ ಶಸ್ತç ಚಿಕಿತ್ಸಕರಾದ ಡಾ ಅನಿತಾ, ಡಾ ಕಿಶೋರ್ ಪವಾರ್, ನಾಗೇಶ ದಂತ ಚಿಕಿತ್ಸಾಲಯದ ದಂತ ವೈದ್ಯ ಡಾ ನಾಗೇಶ್ ತುಂಬಾಡಿ, ಶಿರಸಿ ಸ್ಕಿನ್‌ಕೇರ್‌ನ ಚರ್ಮರೋಗ ತಜ್ಞ ಡಾ ಮಂಜುನಾಥ ಕನ್ನಂತ, ಶಿರಸಿ ಟಿ ಎಸ್ ಎಸ್. ಆಸ್ಪತ್ರೆಯ ಸಾಮಾನ್ಯ ರೋಗ ತಜ್ಞ ಡಾ ವಿರೇಶ್ ಬಾಲೆಹೊಸೂರು, ಸ್ತಿ ರೋಗ ತಜ್ಞೆ ಡಾ ವೀಣಾ ವೆರ್ಣೇಕರ್, ಸ್ಕೊಡ್‌ವೆಸ್ ಇಲಾಜ್ ಸ್ಮಾರ್ಟ್ ಕ್ಲಿನಿಕ್‌ನ ಸಾಮಾನ್ಯ ರೋಗ ತಜ್ಞ ಡಾ. ಸಿದ್ದನಗೌಡ ಉಪಸ್ಥಿತರಿದ್ದರು. ಶಿಬಿರದಲ್ಲಿ 16ಕ್ಕೂ ಅಧಿಕ ತಜ್ಞ ವೈದ್ಯರು ಭಾಗಿಯಾಗಿ ತಪಾಸಣೆ ನಡೆಸಿದರು ಹಾಗೂ 500ಕ್ಕೂ ಹೆಚ್ಚು ಜನ ಈ ಶಿಬಿರದ ಪ್ರಯೋಜನ ಪಡೆದುಕೊಂಡರು. ಸ್ಕೊಡ್‌ವೆಸ್‌ನ ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ಕಾರ್ಯಕ್ರಮ ನಿರ್ವಹಿಸಿ ಕೊನೆಯಲ್ಲಿ ವಂದಿಸಿದರು.
- [ಅಪಘಾತ: ಆ ದಿನ ಗಾಯಗೊಂಡವ ಈ ದಿನ ಸಾವು!](https://mobiletime.in/2026/03/accident-the-person-injured-that-day-died-today/): ಶಿರಸಿ ಜಾತ್ರೆಗೆ ಬಂದಿದ್ದ ಗುರುದತ್ತ ಶೇಟ್ ಅವರ ಬೈಕಿಗೆ ದಿನೇಶ ಭಟ್ಟ ಅವರು ಬೈಕ್ ಗುದ್ದಿದ್ದು, ಗಂಭೀರ ಗಾಯಗೊಂಡಿದ್ದ ದಿನೇಶ ಭಟ್ಟ ಅವರು ಸಾವನಪ್ಪಿದ್ದಾರೆ. ಮಾರ್ಚ 3ರ ರಾತ್ರಿ ಈ ಅಪಘಾತ ನಡೆದಿದ್ದು, ಮಾರ್ಚ 11ರಂದು ದಿನೇಶ ಭಟ್ಟ ಅವರ ಬದುಕು ಅಂತ್ಯವಾಗಿದೆ. ಸಿದ್ದಾಪುರ ಕಾನಸೂರಿನ ಗುರುದತ್ತ ಗಂಗಾಧರ ಶೇಟ್ (66) ಅವರು ಮಾರ್ಚ 3ರಂದು ಶಿರಸಿಯ ಮಾರಿಕಾಂಬಾ ದೇವಿ ಜಾತ್ರೆಗೆ ಬಂದಿದ್ದರು. ಜಾತ್ರೆ ಮುಗಿಸಿದ ಅವರು ತಮ್ಮ ಸ್ನೇಹಿತರಾದ ಕಾನಸೂರಿನ ನಿವೃತ್ತ ನಿವೃತ್ತ ಬ್ಯಾಂಕ್ ನೌಕರ ಸುಬ್ರಾಯ ವಾಮನ ಶೇಟ್ ಅವರ ಜೊತೆ ಮನೆಗೆ ಮರಳುತ್ತಿದ್ದರು. ಆ ದಿನ ರಾತ್ರಿ 10.30ಕ್ಕೆ ಅವರು ಯಡಳ್ಳಿ ಬಳಿ ತಲುಪಿದ್ದು, ಹಿಂದಿನಿAದ ವೇಗವಾಗಿ ಬೈಕ್ ಓಡಿಸಿಕೊಂಡು ಬಂದ ನಿವೃತ್ತ ಸರ್ಕಾರಿ ನೌಕರ ದಿನೇಶ ಗಣಪತಿ ಭಟ್ಟ ಅವರು ಗುರುದತ್ತ ಶೇಟ್ ಅವರ ಬೈಕಿಗೆ ಡಿಕ್ಕಿ ಹೊಡೆದರು. ಆ ಡಿಕ್ಕಿ ರಭಸಕ್ಕೆ ಎರಡೂ ಬೈಕಿನಲ್ಲಿದ್ದವರು ನೆಲಕ್ಕೆ ಬಿದ್ದರು. ಎರಡು ಬೈಕು ಜಖಂ ಆಗಿದ್ದು, ಎಲ್ಲರೂ ಗಾಯಗೊಂಡರು. ಆ ಪೈಕಿ ದಿನೇಶ ಭಟ್ಟ ಅವರು ಗಂಭೀರ ಪ್ರಮಾಣದಲ್ಲಿ ನೋವು ಅನುಭವಿಸಿದರು. ಅವರ ತಲೆಗೂ ಗಾಯವಾಗಿದ್ದು, ಆಸ್ಪತ್ರೆ ಸೇರಿದರು. ದಿನೇಶ ಭಟ್ಟ ಅವರನ್ನು ಹುಬ್ಬಳ್ಳಿಯ ಸೂಪರ್ ಸ್ಪೆಶಾಲಿಟಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಅವರು ಅಲ್ಲಿನ ಚಿಕಿತ್ಸೆಗೂ ಸ್ಪಂದಿಸಲಿಲ್ಲ. ಈ ದಿನ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಅಪಘಾತದಲ್ಲಿ ಗುರುದತ್ತ ಶೇಟ್ ಅವರ ಬೈಕಿನಲ್ಲಿದ್ದ ಸುಬ್ರಾಯ ಶೇಟ್ ಅವರ ತಲೆಗೂ ಭಾರೀ ಪ್ರಮಾಣದಲ್ಲಿ ಪೆಟ್ಟಾಗಿದ್ದು, ಅವರು ಚೇತರಿಸಿಕೊಳ್ಳುತ್ತಿದ್ದಾರೆ.
- [ಸ್ಮಶಾನ ಗುಡ್ಡ ಏರಿದ ಸೀತಾಬಾಯಿ: ಸಾವು!](https://mobiletime.in/2026/03/sitabai-climbed-the-cremation-ground-death/): ಮನೆಯಲ್ಲಿ ಮಲಗಿದ್ದ ಸೀತಾಬಾಯಿ ಹರಿಕಂತ್ರ ಅವರು ತಡರಾತ್ರಿ ಎದ್ದು ಸ್ಮಶಾನಕ್ಕೆ ಹೋಗಿದ್ದಾರೆ. ಮರುದಿನ ಬೆಳಗ್ಗೆ ಅಲ್ಲಿಯೇ ಅವರ ಶವ ಸಿಕ್ಕಿದೆ! ಅಂಕೋಲಾದ ಕೇಣಿ ಗಾಭೀತವಾಡದಲ್ಲಿ ಸೀತಾಬಾಯಿ ಹರಿಕಂತ್ರ ಅವರು ವಾಸವಾಗಿದ್ದರು. 67 ವರ್ಷದ ಅವರು ಮೀನುಗಾರಿಕೆ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಮಾರ್ಚ 10ರಂದು ರಾತ್ರಿ ಅವರು ತಮ್ಮ ಮನೆಯಲ್ಲಿ ಮಲಗಿದ್ದರು. ನಸುಕಿನ 3 ಗಂಟೆ ಆಸುಪಾಸಿನಲ್ಲಿ ಎದ್ದ ಅವರು ಒಂಟಿಯಾಗಿ ಗಾಭೀತವಾಡದ ಸ್ಮಶಾನದ ಕಡೆ ಹೆಜ್ಜೆ ಹಾಕಿದರು. ಅವರು ಎಲ್ಲಿ ಏಕೆ ಹೋದರು? ಎಂಬುದು ಯಾರಿಗೂ ಗೊತ್ತಾಗಲಿಲ್ಲ. ಮಾರ್ಚ 11ರಂದು ಅವರು ಅಲ್ಲಿಯೇ ಶವವಾಗಿದ್ದರು. ಸೀತಾಬಾಯಿ ಹರಿಕಂತ್ರ ಅವರಿಗೆ ಸರಿಯಾಗಿ ಕಣ್ಣು ಕಾಣುತ್ತಿರಲಿಲ್ಲ. ಹೀಗಾಗಿ ಗುಡ್ಡದಿಂದ ಕೆಳಗಿಳಿದು ಬರಲು ಅವರಿಗೆ ಸಾಧ್ಯವಾಗಿಲ್ಲ. ಹೀಗಾಗಿ ಅವರು ಅಲ್ಲಿಯೇ ಅಸ್ವಸ್ಥರಾಗಿ ಸಾವನಪ್ಪಿದ ಬಗ್ಗೆ ಅಂದಾಜಿಸಲಾಗಿದೆ. ಸ್ಮಶಾನದ ಬಳಿ ತಾಯಿ ಶವ ನೋಡಿದ ಸುಧಾಕರ ಹರಿಕಂತ್ರ ಅವರು ಈ ಬಗ್ಗೆ ಅಂಕೋಲಾ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಸಂಘದ ಸಾಲ: ಬಡ್ಡಿ ಕಟ್ಟಿದವರಿಗೆ ಮೂರು ನಾಮ!](https://mobiletime.in/2026/03/sangha-loan-three-names-for-those-who-paid-interest/): ಮಹಿಳಾ ಸ್ವಸಹಾಯ ಸಂಘ ರಚಿಸಿ ಅವುಗಳಿಗೆ ಸಾಲ ಒದಗಿಸಿದ್ದ ನಾಗರಾಜ ಕಾಳೇರ್ ಅವರು ಸಾಲ ಮರು ಪಾವತಿ ಹಣವನ್ನು ಸ್ವಂತಕ್ಕೆ ಬಳಸಿದ್ದಾರೆ. ಶಿರಸಿ ಸುತ್ತಮುತ್ತಲು 33 ಸಂಘಗಳಿಗೆ ಫೈನಾನ್ಸ್ ಕಂಪನಿ ಮೂಲಕ ಸಾಲ ನೀಡಿ ಸಾಲದ ಕಂತು ದುರುಪಯೋಗ ಮಾಡಿದ್ದಾರೆ. ಹಾವೇರಿಯ ಹಾನಗಲ್ಲಿನ ನಾಗರಾಜ ನಿಂಗಪ್ಪ ಕಾಳೇರ್ ಅವರು ಶಿರಸಿಯ ಭಾರತ ಫೈನಾನ್ಸ್’ನ ಬ್ರಾಂಚ್ ಕ್ರೆಡಿಟ್ ಮ್ಯಾನೇಜರ್ ಆಗಿದ್ದರು. ಅವರು ಶಿರಸಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ 20-25 ಮಹಿಳೆಯರನ್ನು ಒಟ್ಟುಗೂಡಿಸಿ ಸಂಘ ಕಟ್ಟಿದ್ದರು. ಒಟ್ಟು 33 ಸಂಘ ರಚಿಸಿ ಆ ಸಂಘದ ಮೂಲಕ ಮಹಿಳೆಯರಿಗೆ ಸಾಲ ಸೌಲಭ್ಯ ಒದಗಿಸಿದ್ದರು. ಸ್ವಾವಲಂಬಿ ಜೀವನ ನಡೆಸುವುದಕ್ಕಾಗಿ ಅವರು ಸಾಲ ನೀಡಿದ್ದು, ಪ್ರತಿ ವಾರವೂ ಅವರು ಮಹಿಳೆಯರಿಂದ ಸಾಲದ ಕಂತು ವಸೂಲಿ ಮಾಡುತ್ತಿದ್ದರು. ಆದರೆ, ವಸೂಲಿ ಮಾಡಲಾದ ಸಾಲದ ಕಂತನ್ನು ಅವರು ಕಂಪನಿಗೆ ಪಾವತಿ ಮಾಡುತ್ತಿರಲಿಲ್ಲ. ಮಹಿಳೆಯರಿಗೆ ಸಾಲ ಮರು ಪಾವತಿ ರಸೀದಿ ನೀಡಿದರೂ ಕಂಪನಿಗೆ ಮಾತ್ರ ಆ ಹಣ ಸೇರುತ್ತಿರಲಿಲ್ಲ. ಭಾರತ ಫೈನಾನಸ್ಸಿಯಲ್ ಲಿಮಿಟೆಡ್’ನ ಡಿವಿಜನಲ್ ಮ್ಯಾನೇಜರ್ ಶಂಕರಗೌಡ ನಾಗಪ್ಪ ಹಿತ್ತಲಮನಿ ಅವರು ವಿಚಾರಣೆ ನಡೆಸಿದಾಗ ಈ ವಿಷಯ ಗಮನಕ್ಕೆ ಬಂದಿತು. ಹೀಗಾಗಿ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಹಣ ದುರ್ಬಳಕೆ ಆರೋಪದ ಅಡಿ ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಟಿಎಂಎಸ್ ಉಳಿಸಿ: ಮುಷ್ಕರದಲ್ಲಿ ಭಾಗವಹಿಸಿ!](https://mobiletime.in/2026/03/save-tms-participate-in-the-strike/): ಯಲ್ಲಾಪುರ ಟಿಎಂಎಸ್ ಆಡಳಿತಾಧಿಕಾರಿ ವಿರುದ್ಧ `ಟಿಎಂಎಸ್ ಉಳಿಸಿ’ ಹೋರಾಟ ಸಮಿತಿಯವರು ಪ್ರತಿಭಟನೆ ನಡೆಸಿದ್ದಾರೆ. ಸದ್ಯ ಟಿಎಂಎಸ್ ಆಡಳಿತಾಧಿಕಾರಿಗಳ ನಡವಳಿಕೆಯನ್ನು ಪ್ರತಿಭಟನಾಕಾರರು ವಿರೋಧಿಸಿದ್ದು, ಅವರನ್ನು ವಜಾ ಮಾಡಬೇಕು ಎಂದು ಪಟ್ಟುಹಿಡಿದಿದ್ದಾರೆ. `ಈಗಿನ ಟಿಎಂಎಸ್ ಆಡಳಿತಾಧಿಕಾರಿ ಮಾಡಿದ ಎಲ್ಲಾ ಠರಾವುಗಳು ರದ್ಧಾಗಬೇಕು. ಹೊಸ ಆಡಳಿತಾಧಿಕಾರಿ ನೇಮಕಾತಿ ನಡೆಯಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ. `ಉನ್ನತ ಅಧಿಕಾರಿಗಳಿಂದ ಸ್ಪಷ್ಟ ಭರವಸೆ ಸಿಗುವವರೆಗೂ ಹೋರಾಟ ಹಿಂಪಡೆಯುವುದಿಲ್ಲ’ ಎಂದು ಧರಣಿನಿರತರು ಹೇಳಿದ್ದಾರೆ. ಪ್ರತಿಭಟನಾಕಾರರ ಮನವಿ ಆಲಿಸಲು ಸಹಕಾರ ಸಂಘಗಳ ಸಹಾಯಕ ನಿಬಂಧಕ ಅಜಿತ ಶಿರಹಟ್ಟಿ ಅವರು ಸ್ಥಳಕ್ಕೆ ಬಂದಿದ್ದು, ಸಹಕಾರಿ ದುರೀಣರು ಅವರನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. `ನೀವು ನಮ್ಮ ಬೇಡಿಕೆ ಈಡೇರಿಸುವುದಾದರೆ ಮಾತ್ರ ಮಾತನಾಡಿ. ಇಲ್ಲವಾದರೆ ಮಾತನಾಡುವುದೇ ಬೇಡ’ ಎಂದು ಪ್ರತಿಭಟನಾಕಾರರು ತಾಕೀತು ಮಾಡಿದ್ದಾರೆ. `ಉನ್ನತ ಅಧಿಕಾರಿಗಳನ್ನು ಸ್ಥಳಕ್ಕೆ ಕರೆಯಿಸಿ’ ಎಂದು ಪ್ರತಿಭಟನಾಕಾರರು ಪಟ್ಟುಹಿಡಿದಿದ್ದು, ಇದರಿಂದ ಅಧಿಕಾರಿಗಳೇ ತಬ್ಬಿಬ್ಬಾಗಿದ್ದಾರೆ. `ಪ್ರತಿಭಟನೆಯ ಭಾಗವಾಗಿ ಗುರುವಾರ ರಸ್ತೆ ತಡೆ ನಡೆಸುತ್ತೇವೆ. ನ್ಯಾಯ ಸಿಗುವವರೆಗೂ ಹೋರಾಟ ಮುಂದುವರೆಸುತ್ತೇವೆ’ ಎಂದು ಈ ವೇಳೆ ಟಿಎಂಎಸ್ ಉಳಿಸಿ ಹೋರಾಟ ಸಮಿತಿ ಅಧ್ಯಕ್ಷ ನಾರಾಯಣ ಭಟ್ಟ ಅಗ್ಗಾಶಿಕುಂಬ್ರಿ ಅವರು ದೃಢವಾಗಿ ಘೋಷಿಸಿದ್ದಾರೆ. `ಗುರುವಾರ ಸಂಜೆಯ ಒಳಗೆ ಆಡಳಿತಾಧಿಕಾರಿ ವಜಾ ಆಗದೇ ಇದ್ದರೆ ಶುಕ್ರವಾರದಿಂದ ಏಕಾಂಗಿಯಾಗಿ ಅಮರಣಾಂತ ಉಪವಾಸ ಸತ್ಯಾಗ್ರಹ ನಡೆಸುತ್ತೇನೆ’ ಎಂದು ಅವರು ಘೋಷಣೆ ಮಾಡಿದ್ದಾರೆ. `ನಾರಾಯಣ ಭಟ್ಟರ ನಿಲುವಿಗೆ ನಾವು ಬದ್ಧ’ ಎಂದು ವೆಂಕಟ್ರಮಣ ಬೆಳ್ಳಿ ಅವರು ಹೇಳಿದ್ದಾರೆ. `ರೈತರ ಹಿತ ಗಮನದಲ್ಲಿರಿಸಿ ಹೋರಾಟ ಶುರು ಮಾಡಿದ್ದೇವೆ. ಸಂಸ್ಥೆ ಕಟ್ಟಿ 27 ವರ್ಷದ ನಂತರ ಬೈಲಾ ತಿದ್ದುಪಡಿ ಅಗತ್ಯವೇ ಇಲ್ಲ’ ಎಂದು ಹರಿಪ್ರಕಾಶ ಕೋಣೆಮನೆ ಅವರು ಹೇಳಿದ್ದಾರೆ. ಪ್ರಸಾದ ಹೆಗಡೆ, ಸುಬ್ಬಣ್ಣ ಬೋಳ್ಮನೆ, ವೆಂಕಟ್ರಮಣ ಕಿರುಕುಂಬತ್ತಿ. ಪ್ರಮೋದ ಹೆಗಡೆ, ಗಣಪತಿ ಮಾನಿಗದ್ದೆ, ನಾಗರಾಜ ಕವಡಿಕೆರೆ ಇತರರು ಧರಣಿಯಲ್ಲಿ ಭಾಗವಹಿಸಿದ್ದಾರೆ.
- [ಸ್ವರ್ಣವಲ್ಲಿ ಶ್ರೀಗಳ ಶಪಥ: ನದಿ ಉಳಿವಿಗಾಗಿ ಭಜನಾ ಅಭಿಯಾನ](https://mobiletime.in/2026/03/swarnavallis-vow-bhajan-campaign-for-the-survival-of-the-river/): ಬೇಡ್ತಿ, ಅಘನಾಶಿನಿ ಹಾಗೂ ಶಾಲ್ಮಲಾ ನದಿಗಳ ತಿರುವು ಯೋಜನೆಗಳನ್ನು ಕೈಬಿಡಬೇಕು ಎಂಬ ಉದ್ದೇಶದಿಂದ ಭಕ್ತರಲ್ಲಿ ಜಾಗೃತಿ ಮೂಡಿಸಲು ಸೋಂದಾ ಸ್ವರ್ಣವಲ್ಲೀ ಮಹಾಸಂಸ್ಥಾನವೂ ಭಜನಾ ಅಭಿಯಾನ ನಡೆಸಲು ನಿರ್ಧರಿಸಿದೆ. ಈ ಯೋಜನೆ ನಿಲ್ಲಿಸುವಂತೆ ದೇವರಲ್ಲಿ ಪ್ರಾರ್ಥಿಸಲು ಯುಗಾದಿಯಿಂದ ರಾಮನವಮಿಯವರೆಗೆ ಒಂಬತ್ತು ದಿನಗಳ ಕಾಲ ಎಲ್ಲಾ ದೇವಾಲಯಗಳಲ್ಲಿ ಭಜನೆ ನಡೆಯಲಿದೆ. ಭಜನೆ ಮೂಲಕ ದೇವರಲ್ಲಿ ಪ್ರಾರ್ಥಿಸುವಂತೆ ಸೋಂದಾ ಸ್ವರ್ಣವಲ್ಲೀ ಮಹಾಸಂಸ್ಥಾನ ಶಿಷ್ಯವರ್ಗಕ್ಕೆ ಸೂಚನೆ ನೀಡಿದೆ. ಸ್ವರ್ಣವಲ್ಲಿಯ ಗಂಗಾಧರೇAದ್ರ ಸರಸ್ವತೀ ಮಹಾಸ್ವಾಮಿಗಳವರ ಮಾರ್ಗದರ್ಶನದಲ್ಲಿ ಈ ಅಭಿಯಾನ ನಡೆಯಲಿದೆ. ಇತ್ತೀಚೆಗೆ ಬೇಡ್ತಿ ಮತ್ತು ಅಘನಾಶಿನಿ ನದಿಗಳಲ್ಲಿ ನಡೆಸಿದ ಪೂಜೆ ಹಾಗೂ ಗಂಗಾರತಿ ಕಾರ್ಯಕ್ರಮಗಳು ಚಳುವಳಿಗೆ ಬಲ ನೀಡಿದ್ದು, `ನದಿ ಪೂಜೆಯೇ ನದಿ ಉಳಿಸಿ ಸತ್ಯಾಗ್ರಹ’ ಎಂದು ಶ್ರೀಗಳು ಹೇಳಿದ್ದಾರೆ. ಅದರ ಭಾಗವಾಗಿ `ಯುಗಾದಿಯಿಂದ ರಾಮನವಮಿಯವರೆಗೆ ಪ್ರತಿದಿನ ಎರಡು ಗಂಟೆಗಳ ಕಾಲ ದೇವಸ್ಥಾನಗಳಲ್ಲಿ ಭಜನಾ ಕಾರ್ಯಕ್ರಮ ಆಯೋಜಿಸಿ, ನದಿ ತಿರುವು ಯೋಜನೆಗಳನ್ನು ರಾಜ್ಯ ಹಾಗೂ ಕೇಂದ್ರ ಸರ್ಕಾರಗಳು ಕೈಬಿಡಬೇಕು’ ಎಂಬ ಸಂದೇಶವನ್ನು ಭಕ್ತರಲ್ಲಿ ಹಂಚುವAತೆ ಸೂಚಿಸಲಾಗಿದೆ. ಭಜನೆ ಆರಂಭದಲ್ಲಿ ಇದರ ಕುರಿತು ಮಾಹಿತಿ ನೀಡುವುದರ ಜೊತೆಗೆ ಕಾರ್ಯಕ್ರಮದ ಅಂತ್ಯದಲ್ಲಿ ದೇವರಲ್ಲಿ ಪ್ರಾರ್ಥನೆ ಸಲ್ಲಿಸಿ ಎರಡು ನಿಮಿಷ ಧ್ಯಾನ ಮಾಡಲಾಗುತ್ತದೆ. ಬಳಿಕ ಮಹಾಮಂಗಳಾರತಿ ಹಾಗೂ ಪ್ರಸಾದ ವಿತರಣೆ ನಡೆಯಲಿದೆ. ಇನ್ನೂ ಭಜನಾ ಕಾರ್ಯಕ್ರಮದಲ್ಲಿ ಭಾಗವಹಿಸುವವರ ಹೆಸರು ಹಾಗೂ ಸಹಿ ಸಂಗ್ರಹಿಸುವ ವ್ಯವಸ್ಥೆಯನ್ನೂ ಮಾಡಲಾಗುತ್ತದೆ. ಅಲ್ಲದೆ, ನದಿ ಉಳಿಸುವ ಹೋರಾಟಕ್ಕೆ ಬೆಂಬಲವಾಗಿ ಪತ್ರ ಚಳುವಳಿಗೂ ಚಾಲನೆ ನೀಡಲಾಗಿದ್ದು, ಭಕ್ತರು ತಮ್ಮ ಸಹಿಸಹಿತ ಪತ್ರಗಳನ್ನು ನೀಡುವಂತೆ ಕೋರಲಾಗಿದೆ. ಸಮಿತಿ ಸಂಚಾಲಕರು, ಸೀಮೆಗಳ ಪ್ರಮುಖರು, ಮಾತೃಮಂಡಳಿ ಹಾಗೂ ವಿವಿಧ ಉಪಸಮಿತಿಗಳು ಭಜನಾ ಕಾರ್ಯಕ್ರಮ ಯಶಸ್ವಿಯಾಗಲು ಸಂಯೋಜಿತವಾಗಿ ಕಾರ್ಯನಿರ್ವಹಿಸುವಂತೆ ಸೂಚಿಸಲಾಗಿದೆ. ಪರೀಕ್ಷೆ ಮುಗಿಸಿರುವ ಹೈಸ್ಕೂಲು ಮತ್ತು ಕಾಲೇಜು ವಿದ್ಯಾರ್ಥಿಗಳು ಕೂಡ ಈ ಅಭಿಯಾನದಲ್ಲಿ ಭಾಗವಹಿಸುವಂತೆ ಮನವಿ ಮಾಡಲಾಗಿದೆ. ಗ್ರಾಮ ಹಾಗೂ ಬೀದಿ ಮಟ್ಟದಲ್ಲಿ ನಡೆಯುವ ಈ ಕಾರ್ಯಕ್ರಮಗಳ ವರದಿಯನ್ನು ಸಂಗ್ರಹಿಸಿ ಶ್ರೀಮಠಕ್ಕೆ ಸಲ್ಲಿಸುವ ವ್ಯವಸ್ಥೆಯನ್ನೂ ಮಾಡಲಾಗಿದ್ದು, ಇದು ಉತ್ತರ ಕನ್ನಡ ಜಿಲ್ಲೆಯಲ್ಲಿ ನಡೆಯುವ ಪರಿಸರ ಜಾಗೃತಿ ಅಭಿಯಾನದ ಭಾಗವಾಗಿದೆ ಎಂದು ಶ್ರೀ ಸೋಂದಾ ಸ್ವರ್ಣವಲ್ಲೀ ಮಹಾಸಂಸ್ಥಾನ ತಿಳಿಸಿದೆ.
- [ಸದನದ ಸಮಾಚಾರ: ಕಾಣೆಯಾದ ಕಾಮಗಾರಿ ಪ್ರಶ್ನಿಸಿದ ಶಾಸಕ](https://mobiletime.in/2026/03/house-news-mla-questions-missing-work/): ಉತ್ತರ ಕನ್ನಡ ಉಸ್ತುವಾರಿ ಸಚಿವರೂ ಆಗಿರುವ ಮೀನುಗಾರಿಕಾ ಸಚಿವ ಮಂಕಾಳು ವೈದ್ಯ ಅವರಿಗೆ ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ್ ಅವರು ವಿವಿಧ ಬಗೆ ಪ್ರಶ್ನೆಗಳನ್ನು ಕೇಳಿದ್ದಾರೆ. ಚುಕ್ಕಿ ಗುರುತಿನ ಪ್ರಶ್ನೆಗೆ ಸೂಕ್ತ ಉತ್ತರ ಸಿಗದ ಕಾರಣ ಗಣಪತಿ ಉಳ್ವೇಕರ್ ಅವರು ಸದನಲ್ಲಿ ಎದ್ದು ನಿಂತು ಪ್ರಶ್ನಿಸಿದ್ದು, ಅದಕ್ಕೆ ಮಂಕಾಳು ವೈದ್ಯ ಅವರು ಸಮಾಧಾನದ ಉತ್ತರ ನೀಡಿದ್ದಾರೆ. ಬಂದರು ಇಲಾಖೆಯಲ್ಲಿ ಖಾಲಿ ಇರುವ ಹುದ್ದೆಗಳು ಭರ್ತಿ ಮಾಡಲು ಕೈಗೊಂಡ ಕ್ರಮ, ಹುದ್ದೆ ನೇಮಕಾತಿ ವಿಷಯದಲ್ಲಿನ ಗೊಂದಲ, ನಿರ್ದೇಶಕ ಹುದ್ದೆಗೆ ಅರ್ಹತೆಯ ಕುರಿತು ಗಣಪತಿ ಉಳ್ವೇಕರ್ ಅವರು ಪ್ರಶ್ನಿಸಿದ್ದಾರೆ. ಅದರೊಂದಿಗೆ ಕಾರವಾರದ ಸದಾಶಿವಗಡದಲ್ಲಿ ತೇಲುವ ಜಟ್ಟಿ ಎಲ್ಲಿದೆ? ಎಂದು ಕಾಣಿಸಿಕೊಡಬೇಕು ಎಂದು ಮನವಿ ಮಾಡಿದ್ದಾರೆ. ಇದಕ್ಕೆ ಉತ್ತರಿಸಿದ ಮಂಕಾಳು ವೈದ್ಯ ಅವರು `ಬಂದರು ನಿರ್ದೇಶಕಕ್ಕೆ ಸಂಬAಧಿಸಿ ಮೂರು ಹುದ್ದೆ ಖಾಲಿ, ಒಂದು ಹೊರ ಗುತ್ತಿಗೆ ಆಧಾರದಲ್ಲಿ ನೇಮಕಾತಿ ಮಾಡಲಾಗಿದೆ’ ಎಂದಿದ್ದಾರೆ. `ಇನ್ನೆರಡು ಹುದ್ದೆಯನ್ನು ಆದಷ್ಟು ಬೇಗ ಭರ್ತಿ ಮಾಡಬೇಕು’ ಎಂದು ಗಣಪತಿ ಉಳ್ವೇಕರ್ ಅವರು ಆಗ್ರಹಿಸಿದ್ದು, ಅದಕ್ಕೂ ಮಂಕಾಳು ವೈದ್ಯ ಅವರು ಭರವಸೆ ನೀಡಿದ್ದರೆ. ಈ ವೇಳೆ ಸಭಾಪತಿ ಬಸವರಾಜ ಹೊರಟ್ಟಿ ಅವರು `ಎರಡು ತಿಂಗಳು ಅಥವಾ ನಾಲ್ಕು ತಿಂಗಳ ಒಳಗೆ ಹುದ್ದೆ ಭರ್ತಿ ಮಾಡುತ್ತೇನೆ ಎಂದು ಖಚಿತವಾಗಿ ತಿಳಿಸಬೇಕು’ ಎಂದು ತಾಕೀತು ಮಾಡಿದ್ದಾರೆ. `ಹುದ್ದೆಗೆ ಅರ್ಜಿ ಕರೆಯಲಾಗಿದೆ. ಯಾರೂ ಅರ್ಜಿ ಹಾಕುತ್ತಿಲ್ಲ’ ಎಂದು ಈ ವೇಳೆ ಮಂಕಾಳು ವೈದ್ಯ ಅವರು ಸದನಕ್ಕೆ ತಿಳಿಸಿದ್ದು, ಶೀಘ್ರದಲ್ಲಿಯೇ ಕ್ರಮ ಜರುಗಿಸುವ ಭರವಸೆ ನೀಡಿದ್ದಾರೆ. ಅದಾದ ನಂತರ `ಕಾರವಾರದ ಸದಾಶಿವಗಡದಲ್ಲಿ ತೇಲುವ ಜಟ್ಟಿ ನಿರ್ಮಿಸಲಾಗಿದೆ ಎಂದು ತಮಗೆ ಉತ್ತರ ಸಿಕ್ಕಿದೆ. ಆದರೆ, ಆ ಜಟ್ಟಿ ಎಲ್ಲಿದೆ?’ ಎಂದು ಗಣಪತಿ ಉಳ್ವೇಕರ್ ಅವರು ಪ್ರಶ್ನಿಸಿದ್ದಾರೆ. `ಹಿಂದಿನ ಸರ್ಕಾರದವರು ಸಿಆರ್‌ಜಡ್ ಅನುಮತಿಪಡೆಯದೇ ತೇಲುವ ಜಟ್ಟಿ ನಿರ್ಮಿಸಿದ್ದರು. ಸದ್ಯ ತೇಲುವ ಜಟ್ಟಿ ತೆರವು ಮಾಡಲಾಗಿದ್ದು, ಸಿಆರ್‌ಜಡ್ ಅನುಮತಿಪಡೆದು ಅದನ್ನು ಮತ್ತೆ ನಿರ್ಮಿಸುತ್ತೇವೆ’ ಎಂದು ಮಂಕಾಳು ವೈದ್ಯ ಅವರು ಹೇಳಿದ್ದಾರೆ.
- [ಸಮಾಜ ಸೇವಕನಿಂದ ಶೈಕ್ಷಣಿಕ ಕೊಡುಗೆ](https://mobiletime.in/2026/03/educational-contribution-from-a-social-worker/): ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ಮಾಡಿದ ಐವರಿಗೆ ಮುಂದಿನ ಶಿಕ್ಷಣಕ್ಕೆ ನೆರವು ನೀಡುವುದಾಗಿ ಅಂಕೋಲಾ ಹಟ್ಟಿಕೇರಿಯ ಮಾವಿನಕೇರಿ ನಿತ್ಯಾನಂದ ರತ್ನಾಕರ ನಾಯ್ಕ ಅವರು ಘೋಷಿಸಿದ್ದಾರೆ. ತಮ್ಮ ಜನ್ಮದಿನದ ಅಂಗವಾಗಿ ಅವರು ಈ ಘೋಷಣೆ ಮಾಡಿದ್ದಾರೆ. ಅವರ್ಸಾದ ಶ್ರೀ ಕಾತ್ಯಾಯನಿ ಪ್ರೌಢಶಾಲೆಯಲ್ಲಿ ಅವರು ಈ ಘೋಷಣೆ ಮಾಡಿದರು. `ಸರ್ಕಾರಿ ಶಾಲಾ ಮಕ್ಕಳು ಉತ್ತಮವಾಗಿ ಬೆಳೆಯಬೇಕು. ಅವರಿಗೆ ಉತ್ತೇಜನ ಸಿಗಬೇಕು’ ಎಂಬ ಉದ್ದೇಶದಿಂದ ಈ ನಿರ್ಧಾರ ಕೈಗೊಂಡಿರುವುದಾಗಿ ಅವರು ಹೇಳಿದರು. ನಿತ್ಯಾನಂದ ನಾಯ್ಕ ಅವರು ಈ ಹಿಂದೆಯೂ ಸಾಕಷ್ಟು ಜನರಿಗೆ ನೆರವಾಗಿದ್ದಾರೆ. ಅನಾರೋಗ್ಯದಿಂದ ಬಳಲುತ್ತಿರುವವರಿಗೆ ನೆರವು, ಸಂಕಷ್ಟದಲ್ಲಿರುವ ಕುಟುಂಬಗಳಿಗೆ ಕೈಲಾದ ಸಹಾಯ, ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಪ್ರೋತ್ಸಾಹ, ಧಾರ್ಮಿಕ, ಕ್ರೀಡಾ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳಿಗೆ ಬೆಂಬಲ ನೀಡುವ ಮೂಲಕ ಅವರು ಜನರ ಮನಸ್ಸು ಗೆದ್ದಿದ್ದಾರೆ. ಕಾರವಾರ – ಅಂಕೋಲಾ ಭಾಗದಲ್ಲಿ ಬಸ್ ಸೌಲಭ್ಯ ಸಮಸ್ಯೆಗಳ ಕುರಿತು ನಿರಂತರವಾಗಿ ಹೋರಾಟ ನಡೆಸಿ ಹಲವು ಸಮಸ್ಯೆಗಳಿಗೆ ಪರಿಹಾರ ದೊರಕಿಸುವಲ್ಲಿಯೂ ಅವರ ಕೊಡುಗೆ ಅಪಾರ. ವಿಶೇಷವಾಗಿ ರಾತ್ರಿ ವೇಳೆಯಲ್ಲಿ ಕಾರವಾರದಿಂದ ಅಂಕೋಲಾ ಕಡೆ ತೆರಳಲು ಬಸ್ ಸೌಲಭ್ಯ ಇಲ್ಲದ ಸಂದರ್ಭಗಳಲ್ಲಿ ತಮ್ಮದೇ ಸ್ವಂತ ಟೆಂಪೋದಲ್ಲಿ ಹಿರಿಯ ನಾಗರಿಕರು ಹಾಗೂ ಮಹಿಳೆಯರನ್ನು ಸುರಕ್ಷಿತವಾಗಿ ತಲುಪಿಸಿದ ನಿದರ್ಶನಗಳಿವೆ. ಗ್ರಾಮ ಪಂಚಾಯತ್ ಸದಸ್ಯರಾಗಿ ಸೇವೆ ಸಲ್ಲಿಸಿರುವ ಅವರು ಟೆಂಪೋ ಚಾಲಕರ ಯೂನಿಯನ್ ಅಧ್ಯಕ್ಷರಾಗಿಯೂ ಗುರುತಿಸಿಕೊಂಡಿದ್ದಾರೆ. ಜನಶಕ್ತಿ ವೇದಿಕೆ ಸಂಘಟನೆಯ ಸಂಘಟನಾ ಕಾರ್ಯದರ್ಶಿಯಾಗಿಯೂ ಕೆಲಸ ಮಾಡಿದ್ದಾರೆ.
- [ದಲಿತರಿಗೆ ದೇಗುಲ ಪ್ರವೇಶ ನಿಷಿದ್ಧ: ಜನಶಕ್ತಿ ವೇದಿಕೆ ಖಂಡನೆ](https://mobiletime.in/2026/03/dalits-are-barred-from-entering-temples-janshakti-vedike-condemns/): `ಗೌರಿಬಿದನೂರಿನ ಉಚ್ಚೋದನಹಳ್ಳಿಯ ಜೀರ್ಣೋದ್ಧಾರಗೊಂಡ ಸಲ್ಲಾಪುರದಮ್ಮ ದೇವಸ್ಥಾನಕ್ಕೆ ಪರಿಶಿಷ್ಟ ಜಾತಿಯ ಜನರಿಗೆ ಪ್ರವೇಶ ನಿರಾಕರಿಸಿರುವ ಘಟನೆ ಅಮಾನವೀಯವಾಗಿದ್ದು, ಇದು ಇಡೀ ನಾಗರಿಕ ಸಮಾಜ ತಲೆತಗ್ಗಿಸುವಂತಹ ವಿಚಾರ’ ಎಂದು ಎಂದು ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಅವರು ಹೇಳಿದ್ದಾರೆ. `ದೇಶಕ್ಕೆ ಸ್ವಾತಂತ್ರ‍್ಯ ಬಂದು 75 ವರ್ಷಗಳು ಕಳೆದರೂ ಇಂದಿಗೂ ದೇವಸ್ಥಾನ ಪ್ರವೇಶದಂತಹ ಹಕ್ಕುಗಳಿಗಾಗಿ ಹೋರಾಡಬೇಕಿರುವುದು ಖೇದನೀಯ. ಬಸವಣ್ಣ, ಅಂಬೇಡ್ಕರ್ ಅವರಂತಹ ಮಹನೀಯರು ಸಮಾನತೆಯ ಸಂದೇಶ ಸಾರಿದ ಈ ನಾಡಿನಲ್ಲಿ ಇಂತಹ ಅನಿಷ್ಠ ಪದ್ಧತಿಗಳು ಮರುಕಳಿಸುತ್ತಿರುವುದು ಸಾಮಾಜಿಕ ವ್ಯವಸ್ಥೆಯ ದುರಂತ’ ಎಂದವರು ಹೇಳಿದ್ದಾರೆ. `ಸ್ವಾತಂತ್ರ‍್ಯಪೂರ್ವದಲ್ಲೇ ಮಹಾತ್ಮ ಗಾಂಧೀಜಿಯವರು ಕಾರವಾರ ಮತ್ತು ಉಡುಪಿಗೆ ಭೇಟಿ ನೀಡಿ ಹರಿಜನರ ಹಕ್ಕುಗಳಿಗಾಗಿ ಜಾಗೃತಿ ಮೂಡಿಸಿದ್ದರು. ಅಂದು ಕನಕದಾಸರಿಗೆ ದೇವಸ್ಥಾನದ ಪ್ರವೇಶ ನಿರಾಕರಿಸಿದಾಗ ಅವರ ನಿಷ್ಕಲ್ಮಶ ಭಕ್ತಿಗೆ ಮೆಚ್ಚಿ ಕೃಷ್ಣನೇ ತಿರುಗಿ ದರ್ಶನ ನೀಡಿದ ನಿದರ್ಶನವಿದೆ. ಅಸ್ಪೃಶ್ಯತೆ ಎಂಬ ಅನಿಷ್ಠದ ವಿರುದ್ಧ ಸಮರ ಸಾರಿದ ಬ್ರಹ್ಮಶ್ರೀ ನಾರಾಯಣ ಗುರುಗಳ ಪಾದಸ್ಪರ್ಶವಾದ ಈ ಪುಣ್ಯಭೂಮಿ ಕರ್ನಾಟಕದಲ್ಲಿ ಜಾತಿ ವೈಷಮ್ಯದ ಕಿಡಿ ಹಬ್ಬುತ್ತಿರುವುದು ಬೇಸರದ ಸಂಗತಿ’ ಎಂದವರು ಹೇಳಿದ್ದಾರೆ. `ದೇವಸ್ಥಾನದ ಜೀರ್ಣೋದ್ಧಾರ ಕಾಯಕದಲ್ಲಿ ದಲಿತರ ಸಹಕಾರವೂ ಇತ್ತು. ಆದರೆ, ಜೀರ್ಣೋದ್ಧಾರದ ನಂತರ ಪೂಜೆಗೆ ಅವಕಾಶ ಕೇಳಿದರೆ ನಿರಾಕರಿಸಿರುವುದು, ಎಐ ಕಾಲಘಟ್ಟದಲ್ಲೂ ನಮ್ಮ ಸಮಾಜ ಇಂದಿಗೂ ಮೂಢನಂಬಿಕೆಯೆoಬ ಸುಳಿವಿನಿಂದ ಹೊರಬರದಿರುವುದು ಖೇದಕರ’ ಎಂದಿದ್ದಾರೆ. `ಘಟನೆಗೆ ಸಂಬoಧಿಸಿದವರ ವಿರುದ್ಧ ಕರ್ನಾಟಕ ಸರ್ಕಾರ ಮತ್ತು ಜಿಲ್ಲಾಡಳಿತ ಕೂಡಲೇ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು. ಕೇವಲ ಶಿಕ್ಷೆಯಷ್ಟೇ ಸಾಲದು, ಅಧಿಕಾರಿಗಳು ಗ್ರಾಮ ಮಟ್ಟದಲ್ಲಿ ಅಸ್ಪೃಶ್ಯತೆ ವಿರುದ್ಧ ಸಮರೋಪಾದಿಯಲ್ಲಿ ಜನಜಾಗೃತಿ ಮೂಡಿಸಬೇಕು. ಸಂವಿಧಾನದ ಆಶಯದಂತೆ ಪ್ರತಿಯೊಬ್ಬರಿಗೂ ಸಮಾನ ಗೌರವ ದೊರೆಯುವುದನ್ನು ಆಡಳಿತ ವರ್ಗವು ಖಚಿತಪಡಿಸಿಕೊಳ್ಳಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ.
- [ಅಳಿಯನ ಕೊಂದ ಮಾವನಿಗೆ ಜೀವನಪೂರ್ತಿ ಜೈಲು!](https://mobiletime.in/2026/04/father-in-law-who-killed-son-in-law-gets-life-in-prison/): ಸರಾಯಿ ಕುಡಿಯಲು ಕಾಸುಕೊಡದ ಕಾರಣ ಅಳಿಯನ್ನೇ ಕೊಲೆ ಮಾಡಿದ ಶಿರಸಿ ವೆಂಕಟ್ರಮಣ ಗೌಡ ಅವರಿಗೆ ನ್ಯಾಯಾಲಯ ಜೀವನಪೂರ್ತಿ ಜೈಲು ಶಿಕ್ಷೆ ಅನುಭವಿಸುವಂತೆ ಆದೇಶಿಸಿದೆ. ಶಿರಸಿಯ ನೆಗ್ಗು ಬಳಿಯ ಮಳಲಿಯಲ್ಲಿ ವೆಂಕಟ್ರಮಣ ಗಣಪಾ ಗೌಡ ಅವರು ವಾಸವಾಗಿದ್ದರು. ಹುಲೆಕಲ್ ತಂಡಿಗುAಡಿಯ ಮಂಜುನಾಥ ರಾಮಾ ಗೌಡ ಅವರು ವೆಂಕಟ್ರಮಣ ಗೌಡ ಅವರ ಅಳಿಯನಾಗಿದ್ದು, ಮನೆ ಅಳಿಯತನಕ್ಕಾಗಿ ಮಳಲಿಗೆ ಬಂದಿದ್ದರು. ವೆಂಕಟ್ರಮಣ ಗೌಡ ಅವರ ಮನೆಯಲ್ಲಿಯೇ ಮಂಜುನಾಥ ಗೌಡ ಅವರು ವಾಸವಾಗಿದ್ದರು. ಹೀಗಿರುವಾಗ ಅಳಿಯನ ಬಳಿ ವೆಂಕಟ್ರಮಣ ಗೌಡ ಅವರು ನಿತ್ಯವೂ ಕಾಸು ಕೇಳುತ್ತಿದ್ದರು. ಕುಡಿತದ ಚಟಕ್ಕೆ ಕಾಸು ಕೊಡಲು ಮಂಜುನಾಥ ಗೌಡ ಅವರು ನಿರಾಕರಿಸಿದ್ದರು. ಇದೇ ದ್ವೇಷದಲ್ಲಿದ್ದ ವೆಂಕಟ್ರಮಣ ಗೌಡ ಅವರು 2024ರ ಮೇ 2ರಂದು ಬಡಿಗೆಯಿಂದ ಬಡಿದು ಅಳಿಯನನ್ನೇ ಕೊಲೆ ಮಾಡಿದ್ದರು. ಸಹೋದರನ ಕೊಲೆಯ ಬಗ್ಗೆ ಹುಲೆಕಲ್ ಬಳಿಯ ತಂಡಿಗುAಡಿಯ ಸುರೇಶ ರಾಮಾ ಗೌಡ ಅವರು ಪೊಲೀಸ್ ದೂರು ನೀಡಿದ್ದರು. ಶಿರಸಿ ಗ್ರಾಮೀಣ ಠಾಣೆಯ ಆಗಿನ ಪಿಸೈ ಪ್ರತಾಪ ಪಚ್ಚಪ್ಪನವರ್ ಅವರು ದೂರು ಸ್ವೀಕರಿಸಿ ಪ್ರಕರಣ ದಾಖಲಿಸಿದ್ದರು. ಮನೆ ಅಳಿಯನಾಗಿದ್ದ ಮಂಜುನಾಥ ಗೌಡ ಅವರನ್ನು ತಮ್ಮ ಮನೆಯಿಂದ ಓಡಿಸಬೇಕು ಎಂಬ ಪ್ರಯತ್ನದಲ್ಲಿದ್ದ ವೆಂಕಟ್ರಮಣ ಗೌಡ ಅವರು ಅದು ಸಾಧ್ಯವಾಗದೇ ಕೊಲೆ ಮಾಡಿದ್ದರು. ತನಿಖೆಯಲ್ಲಿ ಕುಟುಂಬದವರೆಲ್ಲರೂ ಮದುವೆ ಮನೆಗೆ ಹೋದಾಗ ವೆಂಕಟ್ರಮಣ ಗೌಡ ಅವರು ಮಂಜುನಾಥ ಗೌಡ ಅವರನ್ನು ಕೊಲೆ ಮಾಡಿದ್ದು ಗೊತ್ತಾಗಿತ್ತು. ಅದಕ್ಕೆ ಪೂರಕ ಸಾಕ್ಷಿಗಳು ಸಹ ಸಿಕ್ಕಿದ್ದವು. ಶಿರಸಿ ಗ್ರಾಮೀಣ ಠಾಣೆಯ ಪಿಐ ಆಗಿದ್ದ ಸೀತಾರಾಮ ಪಿ ಅವರು ಈ ಪ್ರಕರಣದ ಬಗ್ಗೆ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದರು. ಪೊಲೀಸ್ ಸಿಬ್ಬಂದಿ ಮಹೇಶ ನಾಯ್ಕ, ಶಂಕರಾಚಾರಿ ಎನ್ ಅವರು ಕಾಲಕಾಲಕ್ಕೆ ಅನುಗುಣವಾಗಿ ಸಾಕ್ಷಿಗಳನ್ನು ಹಾಜರುಪಡಿಸಿದರು. ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ನ್ಯಾಯಾಲಯದಲ್ಲಿ ತಮ್ಮ ವಾದ ಮಂಡಿಸಿದರು. `ಅಳಿಯನನ್ನು ಕೊಲೆ ಮಾಡಿದ ವೆಂಕಟ್ರಮಣ ಗೌಡರಿಗೆ ಕಠಿಣ ಶಿಕ್ಷೆ ವಿಧಿಸಬೇಕು’ ಎಂದು ಅವರು ವಾದಿಸಿದರು. ಶಿರಸಿ ನಗರ 1ನೇ ಅಧಿಕ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ಕಾರವಾರ ಪೀಠಾಸೀನ ನ್ಯಾಯಾಧೀಶ ಕಿರಣ ಕಿಣಿ ಅವರು ವಾದ ಆಲಿಸಿ ತಮ್ಮ ಆದೇಶ ಪ್ರಕಟಿಸಿದರು. ಅದರ ಪ್ರಕಾರ, ವೆಂಕಟ್ರಮಣ ಗೌಡ ಅವರ ಮೇಲಿದ್ದ ಕೊಲೆ ಆರೋಪ ಸಾಭೀತಾಗಿದೆ. ಈ ಹಿನ್ನಲೆ ವೆಂಕಟ್ರಮಣ ಗೌಡ ಅವರು ಜೀವಾವಧಿ ಶಿಕ್ಷೆಗೆ ಗುರಿಯಾಗಿದ್ದಾರೆ. ಜೊತೆಗೆ 10 ಸಾವಿರ ರೂ ದಂಡವನ್ನು ಅವರು ಪಾವತಿಸಬೇಕಿದ್ದು, ಮಂಜುನಾಥ ಗೌಡ ಅವರ ಪತ್ನಿಗೆ 50 ಸಾವಿರ ರೂ ಪರಿಹಾರವನ್ನು ಕೊಡಬೇಕಿದೆ. `ಸಂತ್ರಸ್ತೆ ಕಾನೂನು ಸೇವಾ ಪ್ರಾಧಿಕಾರದಿಂದಲೂ ಹೆಚ್ಚಿನ ಪರಿಹಾರಪಡೆಯಲು ಅರ್ಹರಾಗಿದ್ದಾರೆ’ ಎಂದು ನ್ಯಾಯಾಧೀಶ ಕಿರಣ ಕಿಣಿ ಅವರು ಆದೇಶ ಹೊರಡಿಸಿದರು.
- [ಮಂಜುಗುಣಿ: ಸ್ವಚ್ಛತೆಯಲ್ಲಿ ದೇವರನ್ನು ಕಂಡ ಶುಭ್ರ ವಸ್ತ್ರದಾರಿ!](https://mobiletime.in/2026/04/manjuguni-the-one-in-clean-clothes-who-saw-god-in-cleanliness/): ನಿತ್ಯ ಸಾವಿರಾರು ಜನ ಭೇಟಿ ನೀಡುತ್ತಿರುವ ಶಿರಸಿಯ ಮಂಜುಗುಣಿಯಲ್ಲಿ ಅದೇ ಪ್ರಮಾಣದಲ್ಲಿ ತ್ಯಾಜ್ಯ ಬೀಳುತ್ತಿದ್ದು, ಕೂರ್ಸೆಯ ಅರವಿಂದ ಹೆಗಡೆ ಅವರು ಸ್ವ ಖುಷಿಯಿಂದ ಆ ತ್ಯಾಜ್ಯ ಆರಿಸುವ ಕಾಯಕದಲ್ಲಿ ತೊಡಗಿದ್ದಾರೆ. `ಸ್ವಚ್ಚತೆ ಕಾಪಾಡುವುದು ಸಹ ದೇವರೆ ಸೇವೆ’ ಎಂದು ನಂಬಿ ಅವರು ಶ್ರೀ ಕ್ಷೇತ್ರದ ಪರಿಸರ ರಕ್ಷಣೆಗೆ ತಮ್ಮದೇ ಆದ ರೀತಿಯಲ್ಲಿ ಕೊಡುಗೆ ನೀಡುತ್ತಿದ್ದಾರೆ. ಅರವಿಂದ ಹೆಗಡೆ ಅವರು ಶಿರಸಿ ಮಂಜುಗುಣಿ ಸಮೀಪದ ಕೂರ್ಸೆ ಎಂಬ ಊರಿನವರು. ಕೃಷಿಕರಾಗಿ ಬದುಕು ಕಟ್ಟಿಕೊಂಡಿರುವ ಅವರು ಅನೇಕರ ಪಾಲಿಗೆ ಆಪತ್ಬಾಂದವರಾಗಿದ್ದಾರೆ. ಯಾವುದೇ ಪ್ರಚಾರ, ಲಾಭದ ನಿರೀಕ್ಷೆಯಿಲ್ಲದೇ ತಮ್ಮ ಪಾಡಿಗೆ ತಾವು ಜನ ಸೇವೆ ಮಾಡುತ್ತಿದ್ದಾರೆ. ಊರಿನಲ್ಲಿ ಯಾರಿಗೆ ಕಷ್ಟ ಎಂದರೂ ಅಲ್ಲಿಗೆ ಅರವಿಂದ ಹೆಗಡೆ ಅವರು ಹೋಗಿ ತಮ್ಮ ಕೈಲಾದ ರೀತಿ ನೆರವು ನೀಡುತ್ತಾರೆ. ಮಂಜುಗುಣಿ ರಥೋತ್ಸವದ ಹಿನ್ನಲೆ ಭಕ್ತಿಯಿಂದ ಶ್ರೀಕ್ಷೇತ್ರಕ್ಕೆ ಆಗಮಿಸಿದ ಅವರು ಅಲ್ಲಿಯೂ ತಮ್ಮ ಸೇವಾ ಚಟುವಟಿಕೆಯನ್ನು ಮುಂದುವರೆಸಿದ್ದಾರೆ. ರಥೋತ್ಸವದಲ್ಲಿ ಭಾಗವಹಿಸಲು ಮಂಜುಗುಣಿಗೆ ಆಗಮಿಸಿದ್ದ ಅರವಿಂದ ಹೆಗಡೆ ಅವರಿಗೆ ಅಲ್ಲಿನ ಪರಿಸರದಲ್ಲಿ ಅಪಾರ ಪ್ರಮಾಣದಲ್ಲಿ ತ್ಯಾಜ್ಯ ಕಾಣಿಸಿತು. ಬಂದ ಭಕ್ತರೆಲ್ಲರೂ ಎಲ್ಲೆಂದರಲ್ಲಿ ಕಸ ಎಸೆಯುವುದುನ್ನು ನೋಡಿದ ಅವರು ಭಕ್ತರ ಮುಂದೆಯೇ ಕಸಗಳನ್ನು ಆರಿಸುವ ಮೂಲಕ ಅವರಲ್ಲಿ ಅರಿವು ಮೂಡಿಸಿದರು. ಬಿಳಿ ಅಂಗಿ-ಲುoಗಿ ಧರಿಸಿ ಆಗಮಿಸಿದ ಅರವಿಂದ ಹೆಗಡೆ ಅವರು ಅದೇ ಧರಿಸಿನಲ್ಲಿ ಅಲ್ಲಿನ ಪರಿಸರ ಸ್ವಚ್ಚತೆಯ ಬಗ್ಗೆ ಕಾಳಜಿವಹಿಸಿದರು. ಕಸ ಎಸೆದವರನ್ನು ಸಹ ದೂಷಿಸದೇ, ಆ ಬಗ್ಗೆ ಯಾರನ್ನು ದೂರದೇ, ಯಾರನ್ನು ಪ್ರಶ್ನಿಸದೇ ಅವರು ಆ ಕಸ ಆರಿಸುವ ಕಾಯಕ ನಡೆಸಿದರು. ಮಂಜುಗುಣಿಯ ರಥೋತ್ಸವದ ವೇಳೆ ಸಾವಿರ ಸಂಖ್ಯೆಯ ಭಕ್ತರು ಆಗಮಿಸಿದ್ದು, ಸ್ವಚ್ಚತೆ ಬಗ್ಗೆ ಕಾಳಜಿವಹಿಸಿ ಅವರೆಲ್ಲರಿಗೂ ಅರವಿಂದ ಹೆಗಡೆ ಅವರು ಪ್ರೇರಣೆಯಾದರು. ಬಿಸಿಲಿನಲ್ಲಿಯೂ ಸಹ ಅವರು ವಿರಾಮಪಡೆಯದೇ ತಮ್ಮ ಕಾಯಕ ಮುಂದುವರೆಸಿದರು. ರಥ ಎಳೆಯುವ ಮುನ್ನ ಪರಿಸರ ಸ್ವಚ್ಚಗೊಳಿಸಿದ ಅರವಿಂದ ಹೆಗಡೆ ಅವರು ರಥ ಎಳೆದ ನಂತರವೂ ಅಲ್ಲಿ ಬಿದ್ದಿದ್ದ ತ್ಯಾಜ್ಯಗಳನ್ನು ಆರಿಸಿ ಕಸದ ಡಬ್ಬಿ ತುಂಬಿಸಿದರು. ಆ ಭಾಗದಲ್ಲಿ ಬಿದ್ದಿದ್ದ ಪ್ಲಾಸ್ಟಿಕ್ ಬಾಟಲಿ ಹಾಗೂ ಇನ್ನಿತರ ಕಸಗಳನ್ನು ವೈಜ್ಞಾನಿಕ ವಿಲೇವಾರಿ ಮಾಡಲು ಅರವಿಂದ ಹೆಗಡೆ ಅವರು ತಮ್ಮದೇ ಆದ ಕೊಡುಗೆ ನೀಡಿದರು.
- [ತಾಮೀರ್ ಕೋ ಆಪರೇಟಿವ್'ನಲ್ಲಿಯೂ  ಅಪರಾತಪರ!](https://mobiletime.in/2026/04/tamir-is-also-a-criminal-in-the-bank/): ತಾಮೀರ ಕೊ ಆಪರೇಟಿವ್ ಸೊಸೈಟಿಯಲ್ಲಿ 5.90 ಕೋಟಿ ರೂ ಅಪರಾತಪರ ನಡೆದಿದೆ. ಸಾವಿರಾರು ಸದಸ್ಯರು ಸೊಸೈಟಿಯಲ್ಲಿರಿಸಿದ ಹಣವನ್ನು ಅಲ್ಲಿನ ಅಧಿಕಾರಿ-ಸಿಬ್ಬಂದಿಯೇ ಕೊಳ್ಳೆಹೊಡೆದಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಅನೇಕ ತಾಲೂಕುಗಳಲ್ಲಿ ತಾಮೀರ ಕೊ ಆಪರೇಟಿವ್ ಸೊಸೈಟಿ ಕಾರ್ಯ ನಿರ್ವಹಿಸುತ್ತಿದೆ. ಸದ್ಯ ದಾಂಡೇಲಿ ಶಾಖೆಯಲ್ಲಿ ಅಪರಾತಪರ ನಡೆದಿರುವುದು ಬಹಿರಂಗವಾಗಿದೆ. ಲೆಕ್ಕ ಪರಿಶೋಧನಾ ವರದಿಯಲ್ಲಿ ಈ ವಿಷಯ ಬೆಳಕಿಗೆ ಬಂದಿದ್ದು, ಸದಸ್ಯರ ಹೆಸರಿನಲ್ಲಿ ನಕಲಿ ಖಾತೆ ತೆರೆದು, ನಕಲಿ ಚಿನ್ನಾಭರಣ ಅಡವಿರಿಸಿ ಸಾಲಪಡೆದು ಮೋಸ ಮಾಡಿರುವುದು ಗೊತ್ತಾಗಿದೆ. 2021ರ ಮಾರ್ಚ 17ರಿಂದ 2024ರ ಜನವರಿ 2ರವರೆಗಿನ ಅವಧಿಯಲ್ಲಿ ಈ ಅವ್ಯವಹಾರ ನಡೆದಿದೆ. ಸದಸ್ಯರಿಂದ ಯಾವುದೇ ದಾಖಲೆ ಹಾಗೂ ಕೆವೈಸಿಪಡೆಯದೇ ಖಾತೆ ಸೃಷ್ಠಿಸಿದ ಬಗ್ಗೆ ಪರಿಶೀಲನೆ ಮಾಡಿದಾಗ ಅವರ ಖಾತೆ ಮೂಲಕ ವ್ಯವಹರಿಸಿದ ಚಿನ್ನವೂ ನಕಲಿ ಎಂಬುದು ಗೊತ್ತಾಗಿದೆ. ಸೊಸೈಟಿಯ ಶಾಖಾ ಮ್ಯಾನೇಜರ್ ಆಗಿದ್ದ ಮೀರಕರೀಂ ಮೀರ ಇಸ್ಮಾಯಲ್ ಹಾಗೂ ಕಲೀಮುದ್ದೀನ್ ಖಾನ್ ಸರದಾರ್ ಖಾನ್ ಸೇರಿ ಹಣಹೊಡೆಯುವ ತಂತ್ರ ರೂಪಿಸಿದ್ದಾರೆ. ಇದಕ್ಕೆ ಆ ಶಾಖೆಯಲ್ಲಿ ಕ್ಲರ್ಕ & ಕ್ಯಾಶಿಯರ್ ಆಗಿರುವ ಮಂಚಾಣಿ ಚೂಡಾಮಣಿ ನೇತ್ರೇಕರ್, ನಿವೃತ್ತ ಸಿಬ್ಬಂದಿ ಮಹಮದಹನೀಪ್ ಖಾಸಿಂಸಾಬ್ ಮೋಮೀನ್, ಕ್ಲರ್ಕ & ಕ್ಯಾಶಿಯರ್ ಆಗಿರುವ ಮಹಮದ್ ಇಬ್ರಾಹಿಂ ಗುಲಾಮ ಮಹಮದ್ದೀನ್, ಸಿಫಾಯಿ ಆಗಿರುವ ನೂರ್‌ಅಹ್ಮದ್ ಉಸ್ಮಾನ್‌ಸಾಬ್ ಮುಲ್ಲಾ, ಕ್ಲರ್ಕ ಆಗಿ ಕೆಲಸಕ್ಕೆ ಸೇರಿದ ಫಯಾಜ್ ಅಬ್ದುಲ್ ಶೇಖ್ ಹಾಗೂ ಹಲೀಬಾಬಾ ಶಬೀರ್ ಖಾನ್ ಅವರ ಜೊತೆ ಸಫಾರರಾಗಿರುವ ಸಂಜಯ ಸದಾನಂದ ರೇವಣಕರ್ ಅವರು ಕೈ ಜೋಡಿಸಿದ್ದಾರೆ. ಅವರೆಲ್ಲರೂ ಸೇರಿ ಸೊಸೈಟಿ ಸದಸ್ಯರು ಹೂಡಿಕೆ ಮಾಡಿದ್ದ ಒಟ್ಟು 5,09,09,450ರೂ ಲೂಟಿ ಮಾಡಿದ್ದಾರೆ. ಈ ಹಣ ಕೊಳ್ಳೆ ಹೊಡೆಯುವುದಕ್ಕಾಗಿ ಅವರೆಲ್ಲರೂ ಸೇರಿ ಕಾರ್ಯತಂತ್ರ ರೂಪಿಸಿದ್ದಾರೆ. ಇದಕ್ಕಾಗಿ ಮೊದಲು ಸದಸ್ಯರ ಹೆಸರಿನಲ್ಲಿ 208 ನಕಲಿ ಖಾತೆ ಸೃಷ್ಠಿಸಿದ್ದಾರೆ. ಅವರನ್ನು ಸಾಲಗಾರರು ಎಂದು ಬಿಂಬಿಸಿ, ಅವರ ಹೆಸರಿನಲ್ಲಿ ನಕಲಿ ಬಂಗಾರ ಅಡವಿರಿಸಿ ಸಾಲ ಮಂಜೂರಿ ಮಾಡಿಸಿದ್ದಾರೆ. ಅದಾದ ನಂತರ ಆ ಸಾಲದ ಹಣವನ್ನು ತಾವುಪಡೆದು ಮೋಸ ಮಾಡಿದ್ದಾರೆ. 2025ರ ಜೂನ್ 25ರಂದು ದೊರೆತ ಲೆಕ್ಕ ಪರಿಶೋಧನಾ ವರದಿಯಲ್ಲಿ ಮಾಹಿತಿ ಹೊರಬಿದ್ದಿದೆ. ಸದ್ಯ ತಾಮೀರ ಕೊ ಆಪರೇಟಿವ್ ಸೊಸೈಟಿಗೆ ಆಡಳಿತ ಮಂಡಳಿ ಅಸ್ತಿತ್ವದಲ್ಲಿ ಇಲ್ಲದ ಕಾರಣ ಆಡಳಿತಾಧಿಕಾರಿಗಳು ಈ ಅಪರಾತಪರ ಗಮನಿಸಿದ್ದಾರೆ. ಅಂಕೋಲಾದ ತಾಮೀರ ಕೋ ಆಪರೇಟಿವ್ ಕ್ರೆಡಿಟ್ ಸೊಸೈಟಿ ಜನರಲ್ ಮ್ಯಾನೇಜರ್ ಮಹಮದ್ ಅಜೀಮ್ ರುಕ್ಮುದ್ದೀನ್ ಶೇಖ್ ಈ ಬಗ್ಗೆ ಚರ್ಚಿಸಿ, ಪೊಲೀಸ್ ದೂರು ನೀಡಿದ್ದಾರೆ.
- [ಹುಟಕಮನೆ: ಮತ್ತೆ ಮುನ್ನಲೆಗೆ ಬಂದ ಗುಡ್ಡದ ಭೂತ!](https://mobiletime.in/2026/04/hutakamane-the-ghost-of-the-hill-has-come-to-the-fore-again/): ಯಲ್ಲಾಪುರದ ಹುಟಕಮನೆ ಬಳಿ ಗುಡ್ಡ ಕೊರೆದ ಪ್ರಕರಣ ಮತ್ತೆ ಮುನ್ನೆಲೆಗೆ ಬಂದಿದೆ. ಬೆಂಗಳೂರಿನ ಭೂ ಕಬಳಿಕೆ ನಿಷೇಧ ವಿಶೇಷ ನ್ಯಾಯಾಲಯ ಸರ್ಕಾರಿ ಬೆಟ್ಟವನ್ನು ಅನಧಿಕೃತವಾಗಿ ಕೊರೆದ ಪ್ರಕರಣದ ಬಗ್ಗೆ ಗಮನಹರಿಸಿದೆ. ಯಲ್ಲಾಪುರ ತಾಲೂಕಿನ ಹುಟಕಮನೆ ಬಳಿಯಿದ್ದ ಗುಡ್ಡವನ್ನು ಹಳವಳ್ಳಿಯ ದೀಪಕ ನಾಯ್ಕ ಖರೀದಿಸಿದ್ದು, ಅವರು ಅಲ್ಲಿನ ಸರ್ಕಾರಿ ಗುಡ್ಡವನ್ನು ನೆಲಸಮ ಮಾಡಿರುವ ಬಗ್ಗೆ ಹೋರಾಟಗಾರ ಮಂಜುನಾಥ ಹೆಗಡೆ ಅವರು ದೂರಿದ್ದರು. ಈ ಬಗ್ಗೆ ಅವರು ಸರ್ಕಾರಕ್ಕೆ ಪದೇ ಪದೇ ತಕರಾರು ಅರ್ಜಿ ಸಲ್ಲಿಕೆ ಮಾಡಿದ್ದು, ಹುಟಕಮನೆ ಗ್ರಾಮಕ್ಕೆ ಹಗಲು-ರಾತ್ರಿ ಎನ್ನದೇ ವಿವಿಧ ಇಲಾಖೆ ಅಧಿಕಾರಿಗಳು ಭೇಟಿ ನೀಡುತ್ತಿದ್ದರು. ಗುಡ್ಡ ಕೊರೆತಕ್ಕೆ ಬಳಸಿದ ಯಂತ್ರವನ್ನು ವಶಕ್ಕೆಪಡೆದಿದ್ದು ಬಿಟ್ಟು ಬೇರೆ ಯಾವುದೇ ಕಾನೂನು ಕ್ರಮ ಆಗಿರಲಿಲ್ಲ. ಸರ್ಕಾರಿ ಜಾಗ ಅತಿಕ್ರಮಣವಾದ ಬಗ್ಗೆ ಸರ್ವೇ ನಡೆಸುವುದಾಗಿ ಅಧಿಕಾರಿಗಳು ಭರವಸೆ ನೀಡಿದ್ದು, ಈವರೆಗೂ ಆ ಭರವಸೆ ಈಡೇರದ ಕಾರಣ ಮಂಜುನಾಥ ಹೆಗಡೆ ಅವರು ಪ್ರಕರಣವನ್ನು ನ್ಯಾಯಾಲಯದ ಮುಂದಿಟ್ಟಿದ್ದಾರೆ. ನ್ಯಾಯಾಲಯಕ್ಕೆ ಸಲ್ಲಿಸಿದ ದೂರಿನಲ್ಲಿ ಇಡಗುಂದಿ ವಲಯ ಅರಣ್ಯಾಧಿಕಾರಿ, ಯಲ್ಲಾಪುರ ತಹಶೀಲ್ದಾರ್ ಹಾಗೂ ಬೆಂಗಳೂರಿನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳ ವಿರುದ್ಧವೂ ಮಂಜುನಾಥ ಹೆಗಡೆ ಅವರು ಆರೋಪಿಸಿದ್ದಾರೆ. ಈ ಬಗ್ಗೆ ದೂರು ನೀಡಿದರೂ ಕ್ರಮ ಜರುಗಿಸಿಲ್ಲ ಎಂದವರು ಆಕ್ಷೇಪಿಸಿದ್ದಾರೆ. `ಗುಡ್ಡ ಕಟಾವು ವೇಳೆ ಅಲ್ಲಿದ್ದ ಮರಗಳನ್ನು ನಾಶ ಮಾಡಲಾಗಿದೆ’ ಎಂದವರು ದೂರಿದ್ದಾರೆ.
- [ಗಣತಿದಾರರಿಗೆ ನಾಯಿ ಕಾಟ!](https://mobiletime.in/2026/04/dogfight-for-census-takers/): ಜನಗಣತಿಗೆ ನಿಯೋಜನೆಯಾಗಿರುವ ಗಣತಿದಾರರು ಹೊಸ ಸಮಸ್ಯೆಯೊಂದರ ಬಗ್ಗೆ ಸರ್ಕಾರದ ಗಮನಸೆಳೆದಿದ್ದಾರೆ. `ಬೀದಿ ನಾಯಿಗಳ ಜೊತೆ ಮನೆ ಮನೆಯಲ್ಲಿ ಸಾಕಿರುವ ನಾಯಿಗಳಿಂದ ರಕ್ಷಣೆ ಕೊಡಬೇಕು’ ಎಂದು ಗಣತಿದಾರರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಶಿರಸಿ ತಹಶೀಲ್ದಾರ ಪಟ್ಟರಾಜ ಗೌಡಾ ಹಾಗಾ ಪೌರಾಯುಕ್ತ ಪ್ರಕಾಶ ಚನ್ನಪ್ಪನವರ್ ಅವರಿಗೆ ಗಣತಿದಾರರು ಮನವಿ ಸಲ್ಲಿಸಿದ್ದಾರೆ. ಗ್ರಾಮೀಣ ಭಾಗದ ಕರ್ತವ್ಯದ ವೇಳೆ ಕಾಡು ಪ್ರಾಣಿಗಳ ಹಾವಳಿಯಿಂದಲೂ ಜೀವಭಯ ಎದುರಾಗುತ್ತಿರುವ ಬಗ್ಗೆ ಅವರು ವಿವರಿಸಿದ್ದಾರೆ. `ಈಚೆಗೆ ನಗರ ಹಾಗೂ ಗ್ರಾಮೀಣ ಭಾಗದಲ್ಲಿ ಬೀದಿ ನಾಯಿಗಳ ಸಮಸ್ಯೆ ಹೆಚ್ಚಾಗಿದೆ. ಅದರೊಂದಿಗೆ ಅನೇಕರು ಹವ್ಯಾಸಕ್ಕಾಗಿ ವಿಶೇಷ ತಳಿಗಳ ನಾಯಿ ಸಾಕುತ್ತಿದ್ದಾರೆ. ಅಪರಿಚಿತರು ಮನೆ ಬಳಿ ಹೊದಾಗ ಅಂಥ ನಾಯಿಗಳು ದಾಳಿ ಮಾಡುತ್ತಿದ್ದು, ಗಣತಿಗೆ ಇದೇ ದೊಡ್ಡ ಸಮಸ್ಯೆಯಾಗಿದೆ’ ಎಂದವರು ವಿವರಿಸಿದ್ದಾರೆ. `ಅನೇಕರ ಮನೆಯ ಬಳಿ ಒಳಗೆ ಜರ್ಮನ್ ಷಫರ್ಡ, ಮುಧೋಳ, ಪಮೇರಿಯನ್ ಪ್ರಬೇದದ ನಾಯಿಗಳಿವೆ. ದೇಶಿ ತಳಿಯ ನಾಯಿಗಳನ್ನು ಸಾಕುವವರ ಸಂಖ್ಯೆಯೂ ಕಡಿಮೆ ಏನಿಲ್ಲ. ಆದರೆ, ಆ ನಾಯಿಗಳಿಗೆ ಮಾಲಕರು ಶಿಸ್ತು ಕಲಿಸಿಲ್ಲ. ಕಪೌಂಡ್ ಒಳಗಿನ ಬೋನಿನಲ್ಲಿ ನಾಯಿಯನ್ನು ಬಂಧಿಸುತ್ತಿಲ್ಲ. ಅಂಥ ನಾಯಿಗಳು ಮನೆ ಯಜಮಾನನ ಹಿಡಿತಕ್ಕೂ ಸಿಗದೇ ಗಣತಿದಾರರಿಗೆ ಅಪಾಯ ತರುತ್ತಿದೆ’ ಎಂದವರು ನೋವು ತೋಡಿಕೊಂಡಿದ್ದಾರೆ. `ಗ್ರಾಮೀಣ ಭಾಗಗಳಿಗೆ ಗಣತಿಗೆ ಹೋದಾಗ ಕಾಡು ಪ್ರಾಣಿಗಳ ಹಾವಳಿ ಎದುರಾಗುತ್ತಿದೆ. ಊರುಗಳಿಗೆ ಕಾಡು ಪ್ರಾಣಿಗಳು ನುಗ್ಗುವುದರಿಂದ ಗಣತಿ ಕಾರ್ಯದಲ್ಲಿ ತೊಡಗಿದ ಮಹಿಳೆಯರು ಭಯಭೀತರಾಗಿದ್ದಾರೆ. ಈ ಜೀವಿಗಳಿಂದ ತಮಗೆ ರಕ್ಷಣೆ ಕೊಡಿ’ ಎಂದು ಮನವಿ ಮಾಡಿದ್ದಾರೆ. `ನಾಯಿ ಸಾಕುವವರಿಗೆ ಪಶು ಇಲಾಖೆಯಿಂದ ಎಚ್ಚರಿಕೆ ಕೊಡಬೇಕು. ಸಾಕಷ್ಟು ಮುನ್ನಚ್ಚರಿಕೆವಹಿಸುವಂತೆ ಸೂಚಿಸಬೇಕು. ಭವಿಷ್ಯದಲ್ಲಿ ಎದುರಾಗಬಹುದಾದ ಅವಘಡ ತಪ್ಪಿಸಿ, ನೌಕರರಿಗೆ ಸುಗಮವಾಗಿ ಕೆಲಸ ಮಾಡಲು ಅನುಕೂಲ ಮಾಡಿಕೊಡಬೇಕು. ಅದಾಗಿಯೂ, ನಾಯಿ ದಾಳಿ ನಡೆದರೆ ಅದನ್ನು ಸಾಕುವವರಿಗೆ ಶಿಕ್ಷೆ-ದಂಡದ ಜೊತೆ ಸಂತ್ರಸ್ತ ನೌಕರರಿಗೆ ಪರಿಹಾರ ಒದಗಿಸಬೇಕು’ ಎಂದು ಆಗ್ರಹಿಸಿದರು.
- [ವೃದ್ಧೆಗೆ ಗುದ್ದಿದ ಬೈಕು: ಸಾವು!](https://mobiletime.in/2026/04/bike-hits-elderly-man-death/): ಹೊನ್ನಾವರ ಪ್ರಭಾತ ನಗರದ ಉವೈಜ್ ಬೋಗ್ಯಾ ಅವರು ಅಡ್ಡಾದಿಡ್ಡಿ ಬೈಕ್ ಓಡಿಸಿದ ಪರಿಣಾಮ ಆ ಬೈಕು ಗಣಪಿ ನಾಯ್ಕ ಅವರಿಗೆ ಗುದ್ದಿದೆ. ಆಸ್ಪತ್ರೆ ಸೇರುವ ಮುನ್ನವೇ ಗಣಪಿ ನಾಯ್ಕ ಅವರು ಸಾವನಪ್ಪಿದ್ದಾರೆ. ಹೊನ್ನಾವರ ಮಾವಿನಕೂರ್ವಾದ ಸಾಲೆಹಿತ್ಲುವಿನಲ್ಲಿ ಗಣಪಿ ಮಂಜು ನಾಯ್ಕ (80) ಅವರು ವಾಸವಾಗಿದ್ದರು. ಕೃಷ್ಣ ನಾಯ್ಕ ಅವರು ಸೆಕ್ಯುರಿಟಿ ಕೆಲಸ ಮಾಡಿ ತಮ್ಮ ತಾಯಿ ಗಣಪಿ ನಾಯ್ಕ ಅವರನ್ನು ನೋಡಿಕೊಳ್ಳುತ್ತಿದ್ದರು. ಮಾರ್ಚ 31ರಂದು ಮಾವಿನಕೂರ್ವಾ ಹೊನ್ನಾವರ ರಸ್ತೆಯ ಸಾಲೆಹಿತ್ಲು ಗ್ರಾಮ ಒನ್ ಕೇಂದ್ರದ ಎದುರು ಹೇರೆಂಗಡಿಯ ಬಳಿ ನಡೆದ ಬೈಕ್ ಅಪಘಾತದಲ್ಲಿ ಗಣಪತಿ ನಾಯ್ಕ ಅವರು ಸಾವನಪ್ಪಿದರು. ಆ ದಿನ ಪ್ರಭಾತ ನಗರದ ಉವೈಜ್ ಬಾಬೀರ ಬೋಗ್ಯಾ ಅವರು ರಿಯಾನ್ ರಫೀಕ್ ಮುಕ್ತೇಸರ್ ಅವರನ್ನು ಕೂರಿಸಿಕೊಂಡು ವೇಗವಾಗಿ ಬೈಕ್ ಓಡಿಸುತ್ತಿದ್ದರು. ಆ ಬೈಕು ವಲ್ಕಿಯಿಂದ ಹೊನ್ನಾವರದ ಕಡೆ ವೇಗವಾಗಿ ಬಂದ ಆ ಬೈಕು ಸಾಲೆಹಿತ್ಲುವಿನ ಗ್ರಾಮ ಒನ್ ಕೇಂದ್ರದ ಕಡೆ ಹೋಗುತ್ತಿದ್ದ ಗಣಪಿ ಮಂಜು ನಾಯ್ಕ ಅವರಿಗೆ ಡಿಕ್ಕಿ ಹೊಡೆಯಿತು. ಅಪಘಾತದ ರಭಸಕ್ಕೆ ಬೈಕಿನಲ್ಲಿದ್ದ ಇಬ್ಬರ ಜೊತೆ ನಡೆದು ಹೋಗುತ್ತಿದ್ದ ಗಣಪಿ ನಾಯ್ಕ ಅವರು ಸಹ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಗಣಪಿ ನಾಯ್ಕ ಅವರಿಗೆ ಹೊನ್ನಾವರದಲ್ಲಿ ಚಿಕಿತ್ಸೆ ಕೊಡಿಸಿ ಮಂಗಳೂರು ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ಶರಾವತಿ ಸೇತುವೆ ಬಳಿಯೇ ಅವರು ಉಸಿರಾಟ ನಿಲ್ಲಿಸಿದರು. ವೇಗವಾಗಿ ಬೈಕ್ ಓಡಿಸಿ ವೃದ್ಧೆ ಸಾವಿಗೆ ಕಾರಣರಾದ ಉವೈಜ್ ಬೋಗ್ಯಾ ವಿರುದ್ಧ ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ರಾತ್ರಿ ಶಿಕಾರಿ: ಮೀನು ಹಿಡಿಯಲು ಹೋದವ ನೀರುಪಾಲು!](https://mobiletime.in/2026/04/night-hunter-the-one-who-went-fishing-is-drowned/): ರಾತ್ರಿ ವೇಳೆ ಮೀನು ಹಿಡಿಯಲು ನದಿ ತೀರಕ್ಕೆ ಹೋಗಿದ್ದ ಕುಮಟಾದ ನಾಗಪ್ಪ ದೇಶಭಂಡಾರಿ ಅವರು ಅದೇ ನೀರಿನಲ್ಲಿ ಬಿದ್ದು ಸಾವನಪ್ಪಿದ್ದಾರೆ. ಕುಮಟಾದ ಕೊಡ್ಕಣಿ ತಣ್ಣೀರುಹೊಂಡದ ಬಳಿ ನಾಗಪ್ಪ ಗಣಪತಿ ದೇಶಭಂಡಾರಿ (70) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಆಗಾಗ ಮೀನು ಹಿಡಿಯಲು ಹೋಗುತ್ತಿದ್ದರು. ಅದರಂತೆ ಮಾರ್ಚ 30ರ ರಾತ್ರಿ 8 ಗಂಟೆ ವೇಳೆಗೆ ಅವರು ತಣ್ಣೀರುಹೊಂಡದ ಗಜನಿ ಪ್ರದೇಶದ ಬಳಿ ಮೀನು ಹಿಡಿಯಲು ಹೋದರು. ಆ ದಿನ ರಾತ್ರಿ 11 ಗಂಟೆ ಅವಧಿಯೊಳಗೆ ಅವರು ಕಾಲು ಜಾರಿ ನೀರಿಗೆ ಬಿದ್ದಿದ್ದು, ನೀರಿನಿಂದ ಮೇಲೆ ಬರಲಾಗದೇ ಸಾವನಪ್ಪಿದರು. ರಾತ್ರಿ 11 ಗಂಟೆ ವೇಳೆಗೆ ನಾಗಪ್ಪ ದೇಶಭಂಡಾರಿ ಅವರು ಶವವಾಗಿರುವುದು ಗೊತ್ತಾಯಿತು. ಅವರ ಪುತ್ರ ಸುನಿಲ ಭಂಡಾರಿ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗಣತಿ: ಈ ಕೆಲಸ ಮುಗಿಸಿಲು 5 ನಿಮಿಷ ಸಾಕು!](https://mobiletime.in/2026/04/census-5-minutes-is-enough-to-complete-this-task/): ಕೇಂದ್ರ ಸರ್ಕಾರ ನಡೆಸುವ ಜನ ಗಣತಿ ಕಾರ್ಯದಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಭಾಗವಹಿಸಿದ್ದು, ತಮ್ಮ ಮೊಬೈಲ್ ಮೂಲಕ ಐದೇ ನಿಮಿಷದಲ್ಲಿ ಅವರು ಗಣತಿ ದಾಖಲಾತಿಯನ್ನು ಪೂರ್ಣಗೊಳಿಸಿದ್ದಾರೆ. ತಾವು ಗಣತಿಯಲ್ಲಿ ಭಾಗವಹಿಸಿದ ವಿಷಯವನ್ನು ಅವರು ಅಧಿಕಾರಿಗಳ ವಾಟ್ಸಪ್ ಗುಂಪಿನಲ್ಲಿ ಹಂಚಿಕೊAಡಿದ್ದು, ಅದರಿಂದ ಪ್ರೇರಣೆಗೊಂಡ ಇನ್ನಿತರ ಅಧಿಕಾರಿಗಳು ಗಣತಿ ಪ್ರಕ್ರಿಯೆ ಮುಗಿಸಿದ್ದಾರೆ. `ಸ್ವಯಂ ಗಣತಿ ಕಾರ್ಯದಲ್ಲಿ ಪ್ರತಿಯೊಬ್ಬರು ಸ್ವಯಂ ಪ್ರೇರಣೆಯಿಂದ ಭಾಗವಹಿಸಬೇಕು’ ಎಂದು ಕೆ ಲಕ್ಷ್ಮೀಪ್ರಿಯಾ ಅವರು ಈ ವೇಳೆ ಕರೆ ನೀಡಿದ್ದಾರೆ. `ನಮ್ಮ ಜನಗಣತಿ- ನಮ್ಮ ಅಭಿವೃದ್ಧಿ’ ಎಂಬ ಧ್ಯೇಯ ವಾಕ್ಯದೊಂದಿಗೆ ಸರ್ಕಾರ ಜನಗಣತಿ 2027ಕ್ಕೆ ಮುಂದಾಗಿದೆ. ಇದರ ಅಂಗವಾಗಿ ಸರ್ಕಾರ ಸ್ವಯಂ ಗಣತಿ ವ್ಯವಸ್ಥೆಯನ್ನು ಪರಿಚಯಿಸಿದೆ. 2026ರ ಏಪ್ರಿಲ್ 1 ರಿಂದ 15 ರವರೆಗೆ ಜಿಲ್ಲೆಯ ಎಲ್ಲಾ ನಾಗರಿಕರು ಅಧಿಕೃತ ಪೋರ್ಟಲ್ http://se.census.gov.in/ ಮೂಲಕ ತಮ್ಮ ಮಾಹಿತಿ ನೀಡಿ ಗಣತಿ ಕಾರ್ಯದಲ್ಲಿ ಭಾಗವಹಿಸುವಂತೆ ಕೋರಲಾಗಿದೆ. ಈ ಪ್ರಕ್ರಿಯೆಯು ಅತ್ಯಂತ ಸರಳ ಮತ್ತು ಸುರಕ್ಷಿತವಾಗಿದೆ’ ಎಂದು ಜಿಲ್ಲಾಧಿಕಾರಿಗಳೇ ಹೇಳಿದ್ದಾರೆ. `ಮೊಬೈಲ್ ಸಂಖ್ಯೆ ಮತ್ತು ಔಖಿP ಮೂಲಕ ಸುಲಭವಾಗಿ 5ರಿಂದ 10 ನಿಮಿಷಗಳಲ್ಲಿ ಸ್ವಯಂ ಗಣತಿ ಪೂರ್ಣಗೊಳಿಸಬಹುದಾಗಿದ್ದು, ಈ ಪ್ರಕ್ರಿಯೆ ಪೂರ್ಣಗೊಂಡ ನಂತರ ನಿಮ್ಮ ಅರ್ಜಿಯ ಸಂಖ್ಯೆ ದೊರೆಯುತ್ತದೆ. ಈ ಸಂಖ್ಯೆಯನ್ನು ಏಪ್ರಿಲ್ 16ರಿಂದ ಮೇ 15 ರವರೆಗೆ ಮನೆಮನೆಗೆ ಭೇಟಿ ನೀಡುವ ಗಣತಿದಾರರಿಗೆ ನೀಡಿದದರೆ ಗಣತಿದಾರರು ಅತೀ ಕಡಿಮೆ ಸಮಯದಲ್ಲಿ ಗಣತಿ ಪೂರ್ಣಗೊಳಿಸಲು ಸಾಧ್ಯವಾಗಲಿದೆ’ ಎಂದವರು ಹೇಳಿದ್ದಾರೆ. `ಜನಗಣತಿ ನಮ್ಮ ರಾಜ್ಯ ಮತ್ತು ದೇಶದ ಭವಿಷ್ಯ ರೂಪಿಸುವ ಮಹತ್ವದ ಕಾರ್ಯವಾಗಿದ್ದು, ಇದು ದತ್ತಾಂಶ ಆಧಾರಿತ ನಿರ್ಧಾರಗಳಿಗೆ ಸಹಾಯ ಮಾಡುತ್ತದೆ. ಆರೋಗ್ಯ, ಶಿಕ್ಷಣ, ವಸತಿ ಮತ್ತು ಮೂಲಸೌಕರ್ಯ ಕ್ಷೇತ್ರಗಳಲ್ಲಿ ಸಮರ್ಪಕ ಸಂಪನ್ಮೂಲ ಹಂಚಿಕೆಗೆ ದಾರಿ ತೋರುತ್ತದೆ. ಜನಗಣತಿಯಲ್ಲಿ ನಮ್ಮ ಭಾಗವಹಿಸುವಿಕೆ ಅತ್ಯಂತ ಮುಖ್ಯವಾಗಿದ್ದು, ಇಂದು ನಾವು ನೀಡುವ ನಿಖರ ಮಾಹಿತಿಯು, ನಾಳೆಯ ಉತ್ತಮ ನೀತಿಗಳು ಮತ್ತು ಸೇವೆಗಳಿಗೆ ಆಧಾರವಾಗುತ್ತದೆ. ಜನಗಣತಿಯಿಂದ ಯಾರು ಬಿಟ್ಟು ಹೋಗದಂತೆ ಸರ್ಕಾರ ಮುತುವರ್ಜಿವಹಿಸಿದೆ. ನಿಗದಿತ ಅವಧಿಯಲ್ಲಿ ಸ್ವಯಂ ಗಣತಿಯನ್ನು ಪೂರ್ಣಗೊಳಿಸಿ, ಜಿಲ್ಲೆಯಲ್ಲಿ ಜನಗಣತಿ 2027 ಅನ್ನು ಯಶಸ್ವಿಗೊಳಿಸಲು ನಾವೆಲ್ಲರೂ ಕೈ ಜೋಡಿಸೋಣ’ ಎಂದು ಜಿಲ್ಲಾಧಿಕಾರಿಗಳು ನಾಗರಿಕರಲ್ಲಿ ಮನವಿ ಮಾಡಿದ್ದಾರೆ. ಗಣತಿಯಲ್ಲಿ ಭಾಗವಹಿಸಲು ಇಲ್ಲಿ ಕ್ಲಿಕ್ಕಿಸಿ: `ಗಣತಿ’  
- [ಅರಣ್ಯ ಹಕ್ಕು ಹೋರಾಟಕ್ಕೆ ಸ್ವಾಮೀಜಿ ಬೆಂಬಲ](https://mobiletime.in/2026/04/swamiji-supports-the-struggle-for-forest-rights/): ಅರಣ್ಯ ಅತಿಕ್ರಮಣದಾರರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಅರಿತ ಚಿಕ್ಕಮಂಗಳೂರಿನ ಬಾಳೆಹೊನ್ನೂರು ಪೀಠದದ ರಂಭಾಪುರಿ ವೀರಸೋಮೆಶ್ವರ ಸ್ವಾಮೀಜಿ ಅವರು ಭೂಮಿ ಹಕ್ಕಿನ ಹೋರಾಟಕ್ಕೆ ಕೈ ಜೋಡಿಸಿದ್ದಾರೆ. ಪಾರಂಪರಿಕ ಅರಣ್ಯವಾಸಿಗಳು ನಡೆಸುವ ಜಾಥಾಗೆ ಅವರು ಬೆಂಬಲ ನೀಡಿದ್ದಾರೆ. `ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಪಾರಂಪರಿಕ ಅರಣ್ಯವಾಸಿಗಳ ಸಾಗುವಳಿ ಹಕ್ಕಿಗೆ 3 ತಲೆಮಾರಿನ ವೈಯಕ್ತಿಕ ದಾಖಲೆಗೆ ಒತ್ತಾಯಿಸತಕ್ಕದ್ದಲ್ಲ’ ಎಂಬ ವಿಷಯದ ಕುರಿತು ಜಾಥಾ ನಡೆಸಲು ನಿರ್ಧರಿಸಲಾಗಿದೆ. ಈ ಜಾಥಾಗೆ ರಂಭಾಪುರಿ ವೀರಸೋಮೆಶ್ವರ ಸ್ವಾಮೀಜಿ ಚಾಲನೆ ನೀಡಲಿದ್ದಾರೆ. ಏಪ್ರಿಲ್ 2ರಂದು ಬೆಳಗ್ಗೆ 10.30ಕ್ಕೆ ಕರಪತ್ರ ಬಿಡುಗಡೆ ಮೂಲಕ ಈ ಕಾನೂನು ಜಾಗೃತಿ ಜಾಥಾಗೆ ಚಾಲನೆ ಸಿಗಲಿದೆ. ಈ ಬಗ್ಗೆ ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. `ರಾಜ್ಯದಲ್ಲಿ ಅರಣ್ಯ ಹಕ್ಕು ಕಾಯಿದೆ ಮಂಜೂರಿ ಪ್ರಕ್ರಿಯೆಯಲ್ಲಿ ಕಾನೂನಿಗೆ ವ್ಯತಿರಿಕ್ತವಾಗಿ ಅರ್ಜಿ ತಿರಸ್ಕಾರವಾಗಿರುವುದರಿಂದ ಅರಣ್ಯವಾಸಿಗಳಲ್ಲಿ ದಾಖಲೆಗೆ ಸಂಬAಧಿಸಿದ ಕಾನೂನು ಅಂಶವನ್ನ ಜಾಗೃತಿ ಮಾಡುವ ಉದ್ದೇಶದಿಂದ ಮೂರು ತಲೆಮಾರಿನ ದಾಖಲೆ ಒತ್ತಾಯಿಸತಕ್ಕದ್ದಲ್ಲ ಎಂಬ ಶಿರೋನಾಮೆ ಅಡಿಯಲ್ಲಿ ರಾಜ್ಯಾದ್ಯಂತ ಜಾಥ ಸಂಘಟಿಸಲಾಗಿದೆ’ ಎಂದವರು ಹೇಳಿದ್ದಾರೆ.  
- [ಉಗ್ರ ಹೋರಾಟ ನಡೆಸಿ.. 53ರೂ ಉಳಿಸಿ!](https://mobiletime.in/2026/04/fight-fiercely-save-rs-53/): ಕುಮಟಾದ ಸರ್ಕಾರಿ ಪದವಿ ಕಾಲೇಜಿನ ವಿದ್ಯಾರ್ಥಿಗಳಿಗೆ ಐಡಿ ಕಾರ್ಡ ಮಾಡಿಸಲು ಪ್ರಾಚಾರ್ಯೆ ವಿಜಯಾ ನಾಯ್ಕ ಅವರು 53 ರೂ ವಸೂಲಿ ಮಾಡಿದ್ದು, ಅದರ ಲೆಕ್ಕ ಒಪ್ಪಿಸದ ಕಾರಣ ಭಾರೀ ಪ್ರಮಾಣದ ಪ್ರತಿಭಟನೆ ಎದುರಿಸಿದ್ದಾರೆ. `ಗುರುವಿನ ಗುಲಾಮನಾಗುವತನಕ ದೊರೆಯದಣ್ಣ ಮುಕುತಿ’ ಎಂಬ ಪುರಂದರದಾಸರ ವಾಣಿಗೆ ವಿರುದ್ಧವಾಗಿ ಗುರುಗಳನ್ನೇ ಗುಲಾಮರಾಗಿಸಿದ ಪ್ರತಿಭಟನಾಕಾರರು 53ರೂಪಾಯಿಗಾಗಿ ಆ ಪ್ರಾಚಾರ್ಯರ ಜೊತೆ ಉಪನ್ಯಾಸಕರು ಸಹ ಕ್ಷಮೆ ಕೋರುವಂತೆ ಮಾಡಿದ್ದಾರೆ! ಕಾಲೇಜಿಗೆ ವಿದ್ಯಾರ್ಥಿ ದಾಖಲಾಗುವ ಪೂರ್ವದಲ್ಲಿ ದಾಖಲಾತಿ ಶುಲ್ಕ ಪಡೆಯಲಾಗುತ್ತದೆ. ಆ ಶುಲ್ಕದಲ್ಲಿ ಕಾಲೇಜು ಅಭಿವೃದ್ಧಿ, ಕ್ರೀಡೆ, ಗ್ರಂಥಾಲಯ ಸೇರಿದಂತೆ ವಿವಿಧ ವಿಭಾಗಕ್ಕೆ ಶುಲ್ಕ ವಿಂಗಡಣೆ ಮಾಡಲಾಗುತ್ತದೆ. ಅದರಂತೆ ವಿದ್ಯಾರ್ಥಿಗಳಿಗೆ ಗುರುತಿನ ಚೀಟಿ ಕೊಡುವುದಕ್ಕೆ ಸಹ 53 ರೂಪಾಯಿಪಡೆಯಲಾಗಿದ್ದು, `ಕೆಲ ವಿದ್ಯಾರ್ಥಿಗಳು ತಮಗೆ ಗುರುತಿನ ಚೀಟಿ ಅಗತ್ಯವಿಲ್ಲ. ಆ ಹಣ ಮರಳಿಸಿ’ ಎಂದು ಕೇಳಿದ್ದಾರೆ. ಆದರೆ, ಸರ್ಕಾರಿ ನಿಯಮಗಳ ಪ್ರಕಾರ ಪ್ರತಿಯೊಬ್ಬ ವಿದ್ಯಾರ್ಥಿಗಳು ಗುರುತಿನ ಚೀಟಿಪಡೆಯುವುದು ಕಡ್ಡಾಯವಾಗಿದ್ದು, ಆ ಹಣ ಮರಳಿಸಲು ಅಸಾಧ್ಯ’ ಎಂದು ಪ್ರಾಚಾರ್ಯೆ ವಿಜಯಾ ನಾಯ್ಕ ಅವರು ಹೇಳಿದ್ದಾರೆ. ಇದರಿಂದ ವಿದ್ಯಾರ್ಥಿಗಳು ಸಿಟ್ಟಾಗಿದ್ದು, ಅದೇ ವೇಳೆ ಹಾಜರಾತಿ ಕಡಿಮೆಯಿರುವ ವಿದ್ಯಾರ್ಥಿಗಳ ಬಗ್ಗೆ ಪ್ರಾಚಾರ್ಯರು ಕಠಿಣ ಕ್ರಮಕ್ಕೆ ಮುಂದಾಗಿದ್ದಾರೆ. ಈ ವೇಳೆ ವಿದ್ಯಾರ್ಥಿಗಳೇ ತಪ್ಪೊಪ್ಪಿಗೆಯನ್ನು ಬರೆದುಕೊಟ್ಟಿದ್ದಾರೆ. ಆದರೆ, ಈ ಎಲ್ಲಾ ಘಟನಾವಳಿಗಳ ನಂತರ ಕಾಲೇಜಿಗೆ ಇನ್ನಿತರರ ಪ್ರವೇಶವಾಗಿದೆ. 53 ರೂಪಾಯಿ ವಿಷಯದಲ್ಲಿ ವಿದ್ಯಾರ್ಥಿಗಳಿಗೆ ಆದ ಅನ್ಯಾಯವನ್ನು ಖಂಡಿಸಿದ್ದು, ಈ ವಿಷಯ ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಪಾಲಕರ ಹೆಸರಿನಲ್ಲಿ ಒಬ್ಬರು ಕಾಲೇಜು ಪ್ರಾಚಾರ್ಯೆ ಹಾಗೂ ಉಪನ್ಯಾಸಕರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಜೊತೆಗೆ ಪ್ರಾಚಾರ್ಯರು ಸಹ ಪಾಲಕರು ಹಾಗೂ ವಿದ್ಯಾರ್ಥಿಗಳಿಬ್ಬರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ವಿದ್ಯಾರ್ಥಿಗಳ ವಿರುದ್ಧ ಪೊಲೀಸ್ ದೂರು ದಾಖಲಾಗಿದ್ದರಿಂದ ಅವರ ಭವಿಷ್ಯದ ಬಗ್ಗೆ ಪ್ರಶ್ನೆ ಎದುರಾಗಿದ್ದು, ಇನ್ನಿತರ ವಿದ್ಯಾರ್ಥಿಗಳು ಸೇರಿ ಪ್ರತಿಭಟನೆ ಶುರು ಮಾಡಿದ್ದಾರೆ. ಆ ಪ್ರತಿಭಟನೆ ಅಂಗವಾಗಿ ರಾಜಕೀಯ ನಾಯಕರು ಕಾಲೇಜು ಆವರಣ ಪ್ರವೇಶಿಸಿ ಭಾಷಣ ಮಾಡಿದ್ದಾರೆ. `ಪ್ರಾಚಾರ್ಯರನ್ನು ಅಮಾನತು ಮಾಡಬೇಕು. ಜೊತೆಗೆ ಇಲ್ಲಿಂದ ವರ್ಗಾಯಿಸಬೇಕು’ ಎಂಬುದು ಪ್ರತಿಭಟನಾಕಾರರ ಪ್ರಮುಖ ಬೇಡಿಕೆಯಾಗಿದ್ದು, `ಅಲ್ಲಿಗೆ 53 ರೂ ಮರಳಿಸಬೇಕು’ ಎಂಬ ಮುಖ್ಯ ಬೇಡಿಕೆ ನೆನೆಗುದಿಗೆ ಬಿದ್ದಿದೆ. ಪ್ರತಿಭಟನೆಗೆ ಬೆದರಿದ ಪ್ರಾಚಾರ್ಯೆ ವಿಜಯ ನಾಯ್ಕ ಅವರು ಈ ಪ್ರಕರಣ ಇಲ್ಲಿಗೆ ಮುಗಿಸುವುದಕ್ಕಾಗಿ ಕ್ಷಮೆ ಕೋರಿದ್ದಾರೆ. ಪ್ರತಿಭಟನಾಕಾರರ ಜೊತೆ ಫೋನಿನಲ್ಲಿ ಮಾತನಾಡಿದ ಉಸ್ತುವಾರಿ ಸಚಿವರು ಕ್ರಮ ಜರುಗಿಸುವ ಭರವಸೆಯನ್ನು ನೀಡಿದ್ದಾರೆ. ಆದರೆ, ಈ ಪ್ರಮಾಣದಲ್ಲಿ ಪ್ರತಿಭಟನೆ ನಡೆಸಿದರೂ 53ರೂ ಹಿಂಪಡೆಯಲು ಸಾಧ್ಯವಾಗಿಲ್ಲ. ಐಡಿ ಕಾರ್ಡ ಮಾಡಿಸಲುಪಡೆದ ಹಣವನ್ನು ಮರಳಿಸಲು ಕಾನೂನಿನಲ್ಲಿಯೂ ಅವಕಾಶವಿಲ್ಲದ ಕಾರಣ ಐಡಿ ಕಾರ್ಡಪಡೆಯುವುದೊಂದೇ ವಿದ್ಯಾರ್ಥಿಗಳಿಗಿರುವ ದಾರಿ.
- [ಗುಂಡಿಯೊಳಗೆ ಗುಳುಂ ಆದ 8 ಲಕ್ಷ ರೂ!](https://mobiletime.in/2026/04/rs-8-lakh-found-buried-in-a-pothole/): ಹಳಿಯಾಳದ ಜನಗಾ ಕ್ರಾಸಿನಿಂದ ಸಂಕನಕೊಪ್ಪದವರೆಗಿನ ರಸ್ತೆ ಸಂಪೂರ್ಣವಾಗಿ ಹದಗೆಟ್ಟಿದ್ದು, ರಸ್ತೆ ರಿಪೇರಿಗಾಗಿ ಸರ್ಕಾರ ಟೆಂಡರ್ ಕರೆದಿದೆ. ಆದರೆ, 8 ಲಕ್ಷ ರೂಪಾಯಿಗೆ ಗುತ್ತಿಗೆಪಡೆದವರಿಗೆ ಆ ಕೆಲಸ ಮಾಡಲು ಆಸಕ್ತಿ ಇಲ್ಲ. ಸರಿಯಾಗಿ ಕೆಲಸ ಮಾಡದೆಯೇ ಆ 8 ಲಕ್ಷ ರೂ ಕಬಳಿಸಲು ಗುತ್ತಿಗೆದಾರ ಸಂಚು ರೂಪಿಸಿದ ಅನುಮಾನ ಜನರನ್ನು ಕಾಡುತ್ತಿದೆ. ಜನಗಾ ಕ್ರಾಸಿನಿಂದ ಸಂಕನಕೊಪ್ಪದವರೆಗಿನ ರಸ್ತೆಯಲ್ಲಿ ಹಲವು ಗುಂಡಿಗಳಿವೆ. ಗುಂಡಿ ಹೆಚ್ಚಿರುವ ಕಾರಣದಿಂದಲೇ ಇಲ್ಲಿ ಪದೇ ಪದೇ ಅಪಘಾತಗಳಾಗುತ್ತಿವೆ. ಮಳೆಗಾಲದ ಅವಧಿಯಲ್ಲಿ ರಸ್ತೆ ಗುಂಡಿಯಲ್ಲಿ ನೀರು ತುಂಬುವುದರಿAದ ಅದರ ಆಳ-ಅಗಲವೂ ಸರಿಯಾಗಿ ಗೊತ್ತಾಗುತ್ತಿಲ್ಲ. ಅದರಲ್ಲಿಯೂ ರಾತ್ರಿ ವೇಳೆ ಓಡಾಡುವ ವಾಹನ ಸವಾರರು ಇಲ್ಲಿ ನಿತ್ಯವೂ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಸಾರ್ವಜನಿಕರ ಹೋರಾಟದ ಎಚ್ಚರಿಕೆ ನಂತರ ರಸ್ತೆ ರಿಪೇರಿಗಾಗಿ ಅಧಿಕಾರಿಗಳು ಆಸಕ್ತಿವಹಿಸಿದ್ದಾರೆ. ಇದಕ್ಕಾಗಿ 8 ಲಕ್ಷ ರೂ ಮೊತ್ತದಲ್ಲಿ ಗುತ್ತಿಗೆಯನ್ನು ಕರೆದಿದ್ದಾರೆ. ಆದರೆ, ಗುತ್ತಿಗೆಪಡೆದವರು ಅಲ್ಲಿ-ಇಲ್ಲಿ ಒಂದೊAದು ಗುಂಡಿ ಮುಚ್ಚುವ ಮೂಲಕ ತೇಪೆ ಸಾರುವ ಕೆಲಸ ಮಾಡಿದ್ದಾರೆ. `8 ಲಕ್ಷ ರೂ ಸರಿಯಾಗಿ ವಿನಿಯೋಗ ಆದರೆ ಇಡೀ ರಸ್ತೆ ಸುಧಾರಣೆ ಆಗುತ್ತದೆ. ಕೆಲವೇ ಕೆಲ ಗುಂಡಿಗಳನ್ನು ಮುಚ್ಚಿ ಉಳಿದವನ್ನು ಹಾಗೇ ಬಿಡುವುದರಿಂದ ಯಾರಿಗೂ ಪ್ರಯೋಜನವಿಲ್ಲ’ ಎಂಬುದು ಜನರ ಮಾತು. `ಸಾರ್ವಜನಿಕ ಹಿತ ಗಮನಿಸದ ಗುತ್ತಿಗೆದಾರರು ಅಪೂರ್ಣ ಕಾಮಗಾರಿ ಮಾಡಿದ್ದಾರೆ. ನಿಗಧಿತ ಅವಧಿಯಲ್ಲಿ ಕಾಮಗಾರಿ ಮುಗಿಯಬೇಕಿದ್ದರೂ ಅದು ಮುಗಿದಿಲ್ಲ. ಗುತ್ತಿಗೆದಾರರು ಏಕೆ ಈ ಕಾಮಗಾರಿ ಮುಗಿಸಿಲ್ಲ? ಎಂದು ಅಧಿಕಾರಿಗಳು ಸಹ ಪ್ರಶ್ನಿಸುತ್ತಿಲ್ಲ. ಸರ್ಕಾರದ ನಿಯಮದ ಪ್ರಕಾರ ಸೂಕ್ತ ನಾಮಫಲಕಗಳನ್ನು ಸಹ ಅಳವಡಿಸಿಲ್ಲ. ಈ ಬಗ್ಗೆ ದೂರಿದರೂ ಅಧಿಕಾರಿಗಳು ಗಮನಹರಿಸಿಲ್ಲ’ ಎಂಬುದು ಆ ಭಾಗದಲ್ಲಿ ನಿತ್ಯ ಓಡಾಡುವವರ ಆಕ್ಷೇಪ. ಈ ರಸ್ತೆಯಲ್ಲಿ ಪ್ರತಿದಿನ ಶಾಲಾ ಮಕ್ಕಳು, ಕಾಲೇಜು ವಿದ್ಯಾರ್ಥಿಗಳು, ಉದ್ಯೋಗಸ್ಥರು, ರೈತರು ಸೇರಿದಂತೆ ವಿವಿಧ ವರ್ಗದ ಜನರು ಸಂಚರಿಸುತ್ತಾರೆ. ಗುತ್ತಿಗೆದಾರ ಮಾಡಿದ ತಪ್ಪಿನಿಂದ ಅವರೆಲ್ಲರೂ ಓಡಾಡುವ ವಾಹನ ಅಪಘಾತಕ್ಕೀಡಾಗುತ್ತಿದೆ. ಈ ಬಗ್ಗೆ ಜನಪ್ರತಿನಿಧಿಗಳ ಗಮನಕ್ಕೆ ತಂದರೂ ಅವರು ಮೌನವಾಗಿರುವುದು ಗ್ರಾಮಸ್ಥರ ಅನುಮಾನಕ್ಕೆ ಕಾರಣವಾಗಿದೆ. `ಉತ್ತಮ ರಸ್ತೆಪಡೆಯುವುದು ನಮ್ಮ ಹಕ್ಕು. ಹೋರಾಟದ ಮೂಲಕ ರಸ್ತೆ ರಿಪೇರಿಗೆ ಅನುದಾನ ಸಿಕ್ಕಿದ್ದು, ಕೆಲಸ ಸರಿಯಾಗಿ ಆಗದಿದ್ದರೆ ಇನ್ನಷ್ಟು ಹೋರಾಟ ನಡೆಸಲು ಸಿದ್ಧ’ ಎಂದು ಊರಿನವರು ಎಚ್ಚರಿಸಿದ್ದಾರೆ.
- [PDOಗೆ ಕೊಲೆ ಬೆದರಿಕೆ!](https://mobiletime.in/2026/03/death-threat-to-pdo/): ಸಿದ್ದಾಪುರದ ಶಿರಳಗಿ ಗ್ರಾಮ ಪಂಚಾಯತ ಅಭಿವೃದ್ಧಿ ಅಧಿಕಾರಿ ರಾಜೇಶ ನಾಯ್ಕ ಅವರಿಗೆ ಕೊಲೆ ಬೆದರಿಕೆ ಬಂದಿದೆ. ವಡಗೇರಿಯ ಪ್ರಭು ದೊಡ್ಡಮನೆ ಅವರು ಈ ಬೆದರಿಕೆ ಹಾಕಿದ್ದು, ಸರ್ಕಾರಿ ಅಧಿಕಾರಿ ಮೇಲೆ ಕೈ ಮಾಡಿದ್ದಾರೆ. ರಾಜೇಶ್ ರಾಮಚಂದ್ರ ನಾಯ್ಕ ಅವರು ಸಿದ್ದಾಪುರದ ಶಿರಳಗಿ ಗ್ರಾಮ ಪಂಚಾಯತದಲ್ಲಿ ಪಿಡಿಓ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಪ್ರಭು ದೊಡ್ಡಮನೆ ಅವರು ಗ್ರಾಮ ಪಂಚಾಯತ ಕಚೇರಿಗೆ ಅರ್ಜಿಯೊಂದನ್ನು ಸಲ್ಲಿಸಿದ್ದು, ಮಂಗಳವಾರ ಆ ಅರ್ಜಿ ವಿಷಯವಾಗಿ ಮಾತುಕಥೆಗೆ ಆಗಮಿಸಿದ್ದಾರೆ. ಮಧ್ಯಾಹ್ನ 1 ಗಂಟೆ ವೇಳೆಗೆ ಪಿಡಿಓ ಗ್ರಾಮ ಪಂಚಾಯತ ಕಚೇರಿಯಲ್ಲಿರುವಾಗ ಅಲ್ಲಿಗೆ ಆಗಮಿಸಿದ ಪ್ರಭು ದೊಡ್ಡಮನೆ ಅವರು ತಮ್ಮ ಅರ್ಜಿಯ ಬಗ್ಗೆ ಪ್ರಶ್ನಿಸಿದ್ದಾರೆ. `ಅರ್ಜಿಯಲ್ಲಿನ ಮಾಹಿತಿ ಅಸ್ಪಷ್ಟವಾಗಿದ್ದು, ಅಗತ್ಯ ದಾಖಲೆ ಒದಗಿಸಿ’ ಎಂದು ರಾಜೇಶ ನಾಯ್ಕ ಅವರು ಹೇಳಿದ್ದಾರೆ. `ಮಾರ್ಚ ಅಂತ್ಯವಾಗಿದ್ದರಿOದ ಕೆಲಸದ ಒತ್ತಡ ಹೆಚ್ಚಿದೆ. ಗುರುವಾರ ಹಿಂಬರಹ ಕೊಡುವೆ’ ಎಂದು ಸಹ ರಾಜೇಶ ನಾಯ್ಕ ಅವರು ತಿಳಿಸಿದ್ದಾರೆ. ಪ್ರಭು ದೊಡ್ಡಮನೆ ಅವರು ಪತ್ನಿ ಹೆಸರಿನಲ್ಲಿ ವಾರದ ಹಿಂದೆ ಉದ್ದಿಮೆ ಪರವಾನಿಗೆಗಾಗಿ ಅರ್ಜಿ ಸಲ್ಲಿಸಿದ್ದು, ಅದು ಸಿಗದ ಕಾರಣ ಅರ್ಜಿದಾರರು ಸಿಟ್ಟಾಗಿದ್ದಾರೆ. ಕಚೇರಿ ಕೆಲಸ ಮುಗಿಸಿ ಮಧ್ಯಾಹ್ನ ಊಟಕ್ಕೆ ಹೊರಟಿದ್ದ ರಾಜೇಶ ನಾಯ್ಕ ಅವರನ್ನು ಪ್ರಭು ದೊಡ್ಡಮನೆ ಅವರು ಅಡ್ಡಗಟ್ಟಿದ್ದಾರೆ. ಕೆಲಸ ಮಾಡಿಕೊಡದ ಕಾರಣ ಅತ್ಯಂತ ಕೆಟ್ಟದಾಗಿ ನಿಂದಿಸಿ, ಅವರ ಮೇಲೆ ಕೈ ಮಾಡಿದ್ದಾರೆ. `ನೀ ಈ ಪಂಚಾಯತದಲ್ಲಿ ಹೇಗೆ ಕೆಲಸ ಮಾಡುತ್ತೀಯಾ ಎಂದು ನೋಡುತ್ತೇನೆ. ನಿನ್ನ ಸುಮ್ಮನೆ ಬಿಡುವುದಿಲ್ಲ. ಕೊಲೆ ಮಾಡುತ್ತೇನೆ’ ಎಂದು ಪ್ರಭು ದೊಡ್ಡಮನೆ ಅವರು ರಾಜೇಶ ನಾಯ್ಕ ಅವರಿಗೆ ಬೆದರಿಸಿದ್ದಾರೆ. ತಮ್ಮ ಮೇಲಾದ ಹಲ್ಲೆ, ಕೊಲೆ ಬೆದರಿಕೆ ಹಾಗೂ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಹಿನ್ನಲೆ ಪ್ರಭು ದೊಡ್ಡಮನೆ ಅವರ ವಿರುದ್ಧ ರಾಜೇಶ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಉತ್ತರ ಕನ್ನಡ ಡೀಸಿ ಕಳವಳ: ಸ್ಮಶಾನದ ಮೇಲೆಯೂ ಭೂ ಮಾಫಿಯಾ ಕಣ್ಣು!](https://mobiletime.in/2026/03/uttara-kannada-dc-concern-land-mafia-eyes-cemetery-too/): ಉತ್ತರ ಕನ್ನಡ ಜಿಲ್ಲೆ ಸ್ಮಶಾನ ಭೂಮಿಯ ಮೇಲೆಯೂ ಭೂ ಮಾಫಿಯಾದವರು ಕಣ್ಣು ಹಾಕಿದ್ದಾರೆ. ಸ್ಮಶಾನ ಭೂಮಿ ಅತಿಕ್ರಮಣದ ಬಗ್ಗೆ ಉತ್ತರ ಕನ್ನಡ ಜಿಲ್ಲಾಡಳಿತಕ್ಕೆ ದೂರು ಸಲ್ಲಿಕೆಯಾಗುತ್ತಿದೆ. `ಸ್ಮಶಾನ ಭೂಮಿ ಅತಿಕ್ರಮಣಕ್ಕೆ ಅವಕಾಶ ಕೊಡಬೇಡಿ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಅಧೀನ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. `ಜಿಲ್ಲೆಯಲ್ಲಿ ಸ್ಮಶಾನಗಳಿಗೆ ಮೀಸಲಿಟ್ಟ ನಿವೇಶಗಳನ್ನು ಅತಿಕ್ರಮಣ ಮಾಡಿರುವ ಕುರಿತು ದೂರುಗಳು ಕೇಳಿ ಬರುತ್ತಿದೆ. ಈ ದೂರಿನ ಬಗ್ಗೆ ಸಮಗ್ರ ವಿಚಾರಣೆ ನಡೆಸಿ ವರದಿ ಸಲ್ಲಿಸಿ’ ಎಂದು ಅವರು ಸೂಚನೆ ನೀಡಿದ್ದಾರೆ. ಈ ವೇಳೆ ಅಲೆಮಾರಿ ಜನಾಂಗದವರಿಗೆ ವಸತಿ ಸೌಲಭ್ಯ ಕಲ್ಪಿಸುವ ನಿಟ್ಟಿನಲ್ಲಿ ಅಗತ್ಯ ಕ್ರಮ ಕೈಗೊಳ್ಳುವಂತೆ ಅವರು ತಿಳಿಸಿದ್ದಾರೆ. ಮಂಗಳವಾರ ಜಿಲ್ಲಾಧಿಕಾರಿ ಕಚೆರಿ ಸಭಾಂಗಣದಲ್ಲಿ ನಡೆದ ಜಿಲ್ಲಾ ಮಟ್ಟದ ಜಾಗೃತ ಮತ್ತು ಉಸ್ತುವಾರಿ ಸಮಿತಿ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದ ಜಿಲ್ಲಾಧಿಕಾರಿಗಳು `ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದವರ ಕುಂದು ಕೊರತೆಗಳನ್ನು ತಮ್ಮ ಹಂತದಲ್ಲಿ ಪರಿಶೀಲಿಸಿ ಸಮಸ್ಯೆಗಳನ್ನು ಶೀಘ್ರವಾಗಿ ಇತ್ಯರ್ಥಪಡಿಸಿ’ ಎಂದು ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿಗಳಿಗೆ ನಿರ್ದೇಶಿಸಿದ್ದಾರೆ. `ಜಿಲ್ಲೆಯಲ್ಲಿ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದವರ ಮೇಲೆ ನಡೆಯುವ ದೌರ್ಜನ್ಯವನ್ನು ತಡೆಯುವ ನಿಟ್ಟಿನಲ್ಲಿ ತಕ್ಷಣವೇ ಸಂತ್ರಸ್ತರಿಗೆ ಸ್ಪಂದಿಸಬೇಕು. ಈ ಹಿಂದೆ ನಡೆದಿರುವ ದೌರ್ಜನ್ಯದ ಪ್ರಕರಣಗಳನ್ನು ಶೀಘ್ರವಾಗಿ ಪರಿಹರಿಸಬೇಕು’ ಎಂದವರು ಹೇಳಿದ್ದಾರೆ. ಈ ಸಭೆಯಲ್ಲಿ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಕೃಷ್ಣಮೂರ್ತಿ, ಸಮಾಜ ಕಲ್ಯಾಣ ಇಲಾಖೆಯ ಉಪ ನಿರ್ದೇಶಕ ಉಮೇಶ ವೈ ಕೆ, ವಿವಿಧ ಇಲಾಖೆಯ ಜಿಲ್ಲಾ ಮಟ್ಟದ ಅಧಿಕಾರಿಗಳು ಸಮಿತಿ ಸದಸ್ಯರು ಮತ್ತಿತರರು ಇದ್ದರು.
- [ಐಫೋನಿನಲ್ಲಿ ಅಡಗಿದ್ದ ಖಾಸಗಿ ವಿಡಿಯೋ!](https://mobiletime.in/2026/03/private-video-hidden-in-iphone/): ಭಟ್ಕಳದ ವ್ಯಾಪಾರಿ ಗತಫಾನ್ ಅಹ್ಮದ್ ಅವರು ತಾವು ಖರೀದಿಸಿದ್ದ ಐಫೋನ್’ನ್ನು ಮಹಮದ್ ಅಶೀಲ್ ಅವರಿಗೆ ಮಾರಾಟ ಮಾಡಿದ್ದಾರೆ. ಆದರೆ, ಮಾರಾಟ ಮಾಡುವ ಮುನ್ನ ಅದರಲ್ಲಿದ್ದ ಫೋಟೋ-ವಿಡಿಯೋ ಡಿಲಿಟ್ ಮಾಡಿಲ್ಲ. ಹೀಗಾಗಿ ಗತಫಾನ್ ಅಹ್ಮದ್ ಅವರ ಪತ್ನಿಯ ಖಾಸಗಿ ಫೋಟೋ-ವಿಡಿಯೋಗಳು ಐಫೋನ್ ಖರೀದಿಸಿದವರಿಗೆ ಸಿಕ್ಕಿದೆ! ಭಟ್ಕಳ ಬಂದರು ರಸ್ತೆಯ ಕೋಕ್ತಿನಗರದಲ್ಲಿ ಗತಫಾನ್ ಅಹ್ಮದ್ ಜಾಫರ್ ಸಯ್ಯದ್ ಮೊಹಿದ್ಧೀನ್ (23) ಅವರು ವಾಸವಾಗಿದ್ದಾರೆ. ವ್ಯಾಪಾರ-ವ್ಯವಹಾರ ಮಾಡಿಕೊಂಡು ಅವರು ಜೀವನ ಕಟ್ಟಿಕೊಂಡಿದ್ದಾರೆ. 2025ರ ಮೇ 7ರಂದು ಅವರು ಮೊಬೈಲ್ ಖರೀದಿಗೆ ಯೋಚಿಸಿದ್ದು, ಇದಕ್ಕಾಗಿ ಸಂಗೀತಾ ಮೊಬೈಲಿಗೆ ಭೇಟಿ ನೀಡಿದ್ದಾರೆ. ಅಲ್ಲಿ 75 ಸಾವಿರ ರೂ ಮೌಲ್ಯದ ಐಫೋನ್ – 16 ಅವರನ್ನು ಆಕರ್ಶಿಸಿದೆ. ಆದರೆ, 75 ಸಾವಿರ ರೂ ಹಣವಿಲ್ಲದ ಕಾರಣ ಆ ಫೋನ್ ಖರೀದಿಗಾಗಿ ಗತಫಾನ್ ಅಹ್ಮದ್ ಅವರು ಸಾಲ ಮಡಿದ್ದರೆ. 15 ಸಾವಿರ ರೂ ಪಾವತಿಸಿ ಉಳಿದ 59 ಸಾವಿರ ರೂಪಾಯಿಯನ್ನು ಕಂತಿನ ಮೂಲಕ ಪಾವತಿಸುವ ಭರವಸೆ ನೀಡಿ ಆ ಫೋನ್ ಖರೀದಿಸಿದ್ದಾರೆ. ಹೊಸದಾಗಿ ಐಫೋನ್ ಖರೀದಿಸಿದ ಖುಷಿಯಲ್ಲಿದ್ದ ಗತಫಾನ್ ಅಹ್ಮದ್ ಅವರು ಆ ಫೋನಿನಲ್ಲಿ ಅನೇಕ ಫೋಟೋ-ವಿಡಿಯೋಗಳನ್ನು ಮಾಡಿದ್ದಾರೆ. ತಮ್ಮ ಪತ್ನಿಯ ಖಾಸಗಿ ವಿಡಿಯೋಗಳನ್ನು ಸಹ ಅದರಲ್ಲಿ ಸೆರೆಹಿಡಿದಿದ್ದಾರೆ. ಅದಾದ ನಂತರ ಅವರು ಸಹಜವಾಗಿ ಆ ಫೋನ್ ಬಳಸುತ್ತಿದ್ದು, ನಾಲ್ಕು ತಿಂಗಳ ಹಿಂದೆ ಆ ಫೋನ್ ಮೇಲೆ ಭಟ್ಕಳ ಜಾಲಿ ರಸ್ತೆಯ ಆಜಾದ್ ನಗರದ ಮಹಮದ್ ಅಶೀಲ್ ಮಹಮದ್ ಶಕೀಲ್ ರುಕ್ನುದ್ದೀನ್ ಅವರು ಕಣ್ಣು ಹಾಕಿದ್ದಾರೆ. `ಆ ಫೋನ್ ತನಗೆ ಕೊಡು’ ಎಂದು ಮಹಮದ್ ಅಶೀಲ್ ಅವರು ದುಂಬಾಲು ಬಿದ್ದಿದ್ದಾರೆ. ಸೆಕೆಂಡ್ ಹ್ಯಾಂಡ್ ಫೋನ್ ಖರೀದಿಯ ಮಾತುಕಥೆಯನ್ನು ನಡೆಸಿದ್ದು, `ನಂತರ ಹಣ ಕೊಡುವೆ’ ಎಂದು ತಿಳಿಸಿ ಫೋನ್‌ಪಡೆದಿದ್ದಾರೆ. ಆದರೆ, ಎಷ್ಟು ದಿನ ಕಳೆದರೂ ಮಹಮದ್ ಅಶೀಲ್ ಅವರು ಐಫೋನ್ ಖರೀದಿಸಿದ ಹಣವನ್ನು ಗತಫಾನ್ ಅಹ್ಮದ್ ಅವರಿಗೆ ಪಾವತಿಸಿಲ್ಲ. ಸಾಕಷ್ಟು ಬಾರಿ ಹಣ ಕೇಳಿದರೂ `ನಂತರ ಕೊಡುವೆ’ ಎಂದು ಉತ್ತರಿಸುತ್ತಲೇ ಮಹಮದ್ ಅಶೀಲ್ ಅವರು ಕಾಲ ಕಳೆದಿದ್ದಾರೆ. ಈ ಎಲ್ಲದರ ನಡುವೆ ಫೆ 26ರಂದು ಮಹಮದ್ ಅಶೀಲ್ ದೇಶ ಬಿಟ್ಟು ಹೋಗಿದ್ದಾರೆ. ಮಹಮದ್ ಅಶೀಲ್ ಅವರು ದುಬೈಗೆ ಹೋದ ವಿಷಯ ಅರಿತ ಗತಫಾನ್ ಅಹ್ಮದ್ ಅವರು `ಈಗಾದರೂ ದುಡ್ಡು ಕೊಡು’ ಎಂದು ದುಂಬಾಲು ಬಿದ್ದಿದ್ದಾರೆ. ಅದರಿಂದ ಸಿಟ್ಟಾದ ಮಹಮದ್ ಅಶೀಲ್ `ಹಣ ಕೊಡುವುದಿಲ್ಲ’ ಎಂದಿದ್ದಾರೆ. `ಮತ್ತೆ ಮತ್ತೆ ಹಣ ಕೇಳಿದರೆ ಆ ಫೋನಿನಲ್ಲಿರುವ ಪತ್ನಿಯ ಖಾಸಗಿ ವಿಡಿಯೋ ವೈರಲ್ ಮಾಡುವೆ’ ಎಂದು ಬೆದರಿಸಿದ್ದಾರೆ. ಆಗಲೇ ಗತಫಾನ್ ಅಹ್ಮದ್ ಅವರಿಗೆ ತಾವು ಮಾಡಿದ ತಪ್ಪಿನ ಅರಿವಾಗಿದೆ. ಮೊಬೈಲ್ ಮಾರಾಟ ಮಾಡುವಾಗ ಹಳೆಯ ಡಾಟಾ ಡಿಲಿಟ್ ಮಾಡದೇ ನೀಡದನ್ನು ಅರಿತು ಗತಫಾನ್ ಅಹ್ಮದ್ ಅವರು ಕಂಗಾಲಾಗಿದ್ದಾರೆ. ಹಣವನ್ನು ಕೊಡದೇ, ಖಾಸಗಿ ಫೋಟೋ-ವಿಡಿಯೋ ವೈರಲ್ ಮಾಡುವುದಾಗಿ ವಿದೇಶದಿಂದ ಬೆದರಿಸಿದ ಮಹಮದ್ ಅಶೀಲ್ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸುವ ಚಿಂತನೆ ನಡೆಸಿದ್ದಾರೆ. ನಡೆದ ಘಟನಾವಳಿಗಳ ಬಗ್ಗೆ ಗತಫಾನ್ ಅಹ್ಮದ್ ಅವರು ಭಟ್ಕಳ ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಗಾಂಜಾ ಮಾರಿದವನಿಗೆ ಜೈಲುವಾಸ!](https://mobiletime.in/2026/03/man-who-sold-marijuana-gets-jail-time/): ದಿನಕ್ಕೆ 10 ಸಾವಿರ ರೂ ದುಡಿಯುವ ಆಸೆಯಿಂದ ಗಾಂಜಾ ವ್ಯಾಪಾರ ಶುರು ಮಾಡಿದ್ದ ದಾಂಡೇಲಿಯ ಥಾಕೇಶ್ ಅಮೋದೆ ಜೈಲು ಪಾಲಾಗಿದ್ದಾರೆ. 10 ಸಾವಿರ ರೂ ಮೌಲ್ಯದ ಗಾಂಜಾಹಿಡಿದು ಗಿರಾಕಿ ಹುಡುಕುತ್ತಿದ್ದ ಥಾಕೇಶ್ ಅಮೋದೆ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದು ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ದಾಂಡೇಲಿಯ ಗಣೇಶನಗರದಲ್ಲಿ ಥಾಕೇಶ್ ಮಾನಿಕ್ ಅಮೋದೆ ಅವರು ವಾಸವಾಗಿದ್ದರು. 23 ವರ್ಷದ ಅವರಿಗೆ ದುಡಿದು ತಿನ್ನುವ ಬಗ್ಗೆ ಹೆಚ್ಚಿನ ಆಸಕ್ತಿಯಿರಲಿಲ್ಲ. ಹೇಗಾದರೂ ಮಾಡಿ ಬೇಗ ದುಡ್ಡು ಮಾಡಬೇಕು ಎಂಬ ಆತುರಕ್ಕೆ ಬಿದ್ದ ಥಾಕೇಶ್ ಅಮೋದೆ ಅವರು ಅಡ್ಡದಾರಿ ಹಿಡಿದರು. ಸ್ಕೂಟಿಯಲ್ಲಿ ಗಾಂಜಾ ತುಂಬಿಸಿ ಅದನ್ನು ವಿವಿಧ ಕಡೆ ಸಾಗಿಸುವ ಪ್ರಯತ್ನ ಮಾಡಿದ್ದು, ಅದೇ ವೇಳೆ ಪೊಲೀಸರಿಗೆ ಸಿಕ್ಕಿ ಬಿದ್ದರು. ಮಾರ್ಚ 29ರಂದು ದಾಂಡೇಲಿ ನಗರದ ಡಿ ಎಫ್ ಎ ಮೈದಾನದ ಬಳಿಯಿರುವ ಹಳೆ ಆರ್ ಟಿ ಓ ಕಚೇರಿ ಹತ್ತಿರ ಥಾಕೇಶ್ ಅಮೋದೆ ಅವರು ನಿಂತಿದ್ದರು. ಪೊಲೀಸ್ ಜೀಪ್ ಚಾಲಕ ಮಹಾಂತೇಶ ಜಾಮಗೌಡ ಅವರ ಜೊತೆ ಪಿಸೈ ಅಮೀನಸಾಬ್ ಅತ್ತಾರ್ ಅವರು ನಗರ ಸಂಚಾರ ನಡೆಸಿದ್ದರು. ಈ ವೇಳೆ ಅನುಮಾನಾಸ್ಪದ ರೀತಿ ಕಾಣಿಸಿದ ಥಾಕೇಶ್ ಅಮೋದೆ ಅವರನ್ನು ಅವರು ಮಾತನಾಡಿಸಿದರು. ಪಿಸೈ ಕಿರಣ ಬಿ ಪಾಟೀಲ, ಸಿಬ್ಬಂದಿ ಬಸವರಾಜ ತೇಲಸಂಗ, ಕೃಷ್ಣ ಬೆಳ್ಳುವರಿ, ಚಂದ್ರಶೇಖರ ಪಾಟೀಲ, ಇಮ್ರಾನ್ ಕಂಬಾರಗಣವಿ, ರಮೇಶ ನಿಂಬರAಗಿ, ಜಯನಗೌಡ ಪಾಟೀಲ್ ಸಹ ಅಲ್ಲಿಗೆ ಧಾವಿಸಿದರು. ಅವರೆಲ್ಲರೂ ಸೇರಿ ಸ್ಕೂಟಿಯ ಶೋಧ ನಡೆಸಿದಾಗ ಬಟ್ಟೆಯಲ್ಲಿ ಕಟ್ಟಿದ ಚೀಲವೊಂದು ಕಾಣಿಸಿತು. ಅದನ್ನು ತೆರೆದು ನೋಡಿದಾಗ ಅಲ್ಲಿ 253 ಗ್ರಾಂ ತೂಕದ ಗಾಂಜಾ ಸಿಕ್ಕಿತು. ಕೂಡಲೇ ಪೊಲೀಸರು ಆ ಮಾದಕ ವಸ್ತುವನ್ನು ವಶಕ್ಕೆಪಡೆದರು. ಸ್ಕೂಟಿಯನ್ನು ಜಪ್ತು ಮಾಡಿದರು. ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದ ಥಾಕೇಶ್ ಅಮೋದೆ ಅವರನ್ನು ಬಂಧಿಸಿದರು. ನಿಷೇಧಿತ ವಸ್ತು ಮಾರಾಟ ಹಾಗೂ ಸೇವನೆಯ ದುಷ್ಪರಿಣಾಮದ ಬಗ್ಗೆ ಅರಿವು ಮೂಡಿಸಿದ ಪೊಲೀಸರು ಈ ಬಗ್ಗೆ ಪ್ರಕರಣ ದಾಖಲಿಸಿದರು. ಆರೋಪಿಯನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಪ್ರಕರಣದ ಗಂಭೀರತೆ ಅರಿತ ನ್ಯಾಯಾಲಯ ಥಾಕೇಶ್ ಮಾನಿಕ್ ಅಮೋದೆ ಅವರಿಗೆ ನ್ಯಾಯಾಂಗ ಬಂಧನ ವಿಧಿಸಿತು.
- [ಪ್ರಾಚಾರ್ಯೆ ವಿರುದ್ಧ ಪ್ರತಿಭಟನೆ!](https://mobiletime.in/2026/03/protest-against-the-principal/): ಕುಮಟಾ ಸರ್ಕಾರಿ ಪದವಿ ಕಾಲೇಜು ಪ್ರಾಚಾರ್ಯೆ ವಿರುದ್ಧ ವಿದ್ಯಾರ್ಥಿಗಳ ಗುಂಪೊoದು ಪ್ರತಿಭಟನೆ ನಡೆಸಿದೆ. ಎಬಿವಿಪಿ ಮುಂದಾಳತ್ವದಲ್ಲಿ ಈ ಪ್ರತಿಭಟನೆ ನಡೆದಿದ್ದರೂ ಕಾಂಗ್ರೆಸ್ ಮುಖಂಡ ಭಾಸ್ಕರ ಪಟಗಾರ ಹಾಗೂ ಜೆಡಿಎಸ್ ಜಿಲ್ಲಾಧ್ಯಕ್ಷ ಸೂರಜ್ ನಾಯ್ಕ ಸೋನಿ ಪ್ರತಿಭಟನಾಕಾರರಿಗೆ ಬೆಂಬಲ ನೀಡಿದ್ದಾರೆ. ಬಿಜೆಪಿ ಬೆಂಬಲಿತರಾದ ಶಾಸಕ ದಿನಕರ ಶೆಟ್ಟಿ ಅವರು ಆಗಮಿಸಿ, ಸಮಸ್ಯೆ ಆಲಿಸಿದ್ದಾರೆ. ಕುಮಟಾ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ವಿಜಯಾ ಡಿ ನಾಯ್ಕ ಅವರು ಪ್ರಾಚಾರ್ಯರಾಗಿದ್ದಾರೆ. ಹಿರಿಯ ಅನುಭವಿ ಪ್ರಾದ್ಯಾಪಕಿಯಾಗಿರುವ ಅವರ ವಿರುದ್ಧ ಇಷ್ಟು ವರ್ಷಗಳ ಕಾಲ ಯಾವುದೇ ಆರೋಪಗಳಿರಲಿಲ್ಲ. ಆದರೆ, ಅದೇ ಕಾಲೇಜಿನ ವಿದ್ಯಾರ್ಥಿಗಳಾದ ಚೈತ್ರೇಯಾ ಮುಕ್ರಿ ಹಾಗೂ ಜ್ಞಾನೇಶ ನಾಯ್ಕ ಅವರು ಲೆಕ್ಕಪತ್ರದ ಬಗ್ಗೆ ಪ್ರಾಚಾರ್ಯರಲ್ಲಿ ಪ್ರಶ್ನಿಸಿದ್ದು ಹಾಗೂ ಅದಕ್ಕೆ ಸಮಾಧಾನಕರ ಉತ್ತರ ಸಿಗದಿರುವುದು ವಿವಾದಕ್ಕೆ ಕಾರಣವಾಗಿದೆ. ಇದೇ ವಿಷಯವಾಗಿ ನಡೆದ ಹೋರಾಟ ಹಾಗೂ ಸಮರ್ಥನೆಯಲ್ಲಿ ಕಾಲೇಜಿಗೆ ಸಂಬAಧಿಸದವರೂ ಸಹ ಕಾಲೇಜಿನ ಒಳಗೆ ಪ್ರವೇಶಿಸಿದ್ದಾರೆ. ಹೀಗಾಗಿ ಈ ವಿಷಯ ಇನ್ನಷ್ಟು ದೊಡ್ಡದಾಗಿದ್ದು, ಸದ್ಯ ಪ್ರತಿಭಟನೆಯ ಮಾರ್ಗಕ್ಕೆ ತಿರುಗಿದೆ. `ಲೆಕ್ಕ ಕೇಳಿದ ಕಾರಣ ಕಾಲೇಜಿನಿಂದ ಡಿಬಾರ್ ಮಾಡುವುದಾಗಿ ಪ್ರಾಚಾರ್ಯರು ಬೆದರಿಸಿದ್ದಾರೆ’ ಎಂಬುದು ಚೈತ್ರೇಯಾ ಮುಕ್ರಿ ಅವರ ಆರೋಪ. ಇದೇ ವಿಷಯವಾಗಿ ಪಾಲಕರಾದ ತಿಮ್ಮಪ್ಪ ಮುಕ್ರಿ ಅವರು ಕಾಲೇಜು ಪ್ರಾಚಾರ್ಯೆ ವಿಜಯಾ ಡಿ ನಾಯ್ಕ, ಉಪನ್ಯಾಸಕರಾದ ವಿದ್ಯಾಧರ ನಾಯ್ಕ, ಶಿಲ್ಪಾ ಬಿ ಎಂ, ಸಂದೇಶ ಎಚ್ ಹಾಗೂ ಉಷಾರಾಣಿ ಅವರ ವಿರುದ್ಧ ದೂರಿದ್ದಾರೆ. ವಿದ್ಯಾರ್ಥಿ ಚೈತ್ರೇಯಾ ಮುಕ್ರಿ ಹಾಗೂ ಜ್ಞಾನೇಶ ನಾಯ್ಕ ಅವರು ನಡೆದುಕೊಂಡ ರೀತಿ ಹಾಗೂ ಪಾಲಕರ ಹೆಸರಿನಲ್ಲಿ ಕಾಲೇಜು ಪ್ರವೇಶಿಸಿ ಅನುಚಿತವಾಗಿ ವರ್ತಿಸಿದ ತಿಮ್ಮಪ್ಪ ಮುಕ್ರಿ ಹಾಗೂ ಸವಿತಾ ಮುಕ್ರಿ ಅವರ ವಿರುದ್ಧವೂ ಪ್ರಾಚಾರ್ಯೆ ವಿಜಯಾ ಡಿ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ. ಇದೆಲ್ಲದರ ಬೆನ್ನಲ್ಲೆ ಮಂಗಳವಾರ ಸರಕಾರಿ ಪದವಿ ಕಾಲೇಜ್ ಪ್ರಾಚಾರ್ಯೆ ವಿರುದ್ದ ಕೆಲವು ವಿದ್ಯಾರ್ಥಿಗಳು ಘೋಷಣೆ ಕೂಗುತ್ತ ಕಾಲೇಜಿನ ಆವರಣದಲ್ಲಿ ಪ್ರತಿಭಟನೆ ನಡೆಸಿದ್ದಾರೆ. `ಪ್ರಾಚಾರ್ಯರು ವಿದ್ಯಾರ್ಥಿಗಳಿಂದ ಸಂಗ್ರಹಿಸಿದ ಶುಲ್ಕದ ಖರ್ಚು-ವೆಚ್ಚದ ಬಗ್ಗೆ ಮಾಹಿತಿ ಕೊಟ್ಟಿಲ್ಲ. ಪ್ರಶ್ನಿಸಿದರೆ ಡಿಬಾರ್ ಮಾಡುವುದಾಗಿ ಬೆದರಿಸುತ್ತಿದ್ದಾರೆ’ ಎಂಬುದು ವಿದ್ಯಾರ್ಥಿಗಳ ಮುಖ್ಯ ಆರೋಪವಾಗಿತ್ತು. ಪ್ರತಿಭಟನೆ ನಿರತ ವಿದ್ಯಾರ್ಥಿಗಳಿಗೆ ರಾಜಕೀಯ ನಾಯಕರು ಆಗಮಿಸಿ ಬೆಂಬಲ ವ್ಯಕ್ತಪಡಿಸಿದರು. `ಪ್ರಾಚಾರ್ಯರನ್ನು ಅಮಾನತು ಮಾಡಬೇಕು. ಇಲ್ಲಿಂದ ವರ್ಗಾಯಿಸಬೇಕು’ ಎಂದು ವಿದ್ಯಾರ್ಥಿಗಳು ಪಟ್ಟುಹಿಡಿದರು. `ವಿದ್ಯಾರ್ಥಿಗಳು ಮತ್ತು ಪ್ರಾಚಾರ್ಯರ ನಡುವೆ ಒಳ್ಳೆಯ ಬಾಂಧವ್ಯ ಇರಬೇಕು. ಪ್ರಾಚಾರ್ಯರ ವರ್ಗಾವಣೆಯಿಂದ ಸಮಸ್ಯೆ ಪರಿಹಾರವಾಗುವುದಿಲ್ಲ’ ಎಂದು ದಿನಕರ ಶೆಟ್ಟಿ ಅವರು ಹೇಳಿ ಪ್ರತಿಭಟನಾಕಾರರನ್ನು ಸಮಾಧಾನ ಮಾಡುವ ಪ್ರಯತ್ನ ಮಾಡಿದರು. ಅಲ್ಲಿಂದಲೇ ಜಿಲ್ಲಾ ಉಸ್ತುವಾರಿ ಸಚಿವರಿಗೆ ಫೋನ್ ಮಾಡಿ ವಿದ್ಯಮಾನಗಳ ಬಗ್ಗೆ ವಿವರಣೆ ನೀಡಿದರು. ಫೋನ್ ಮೂಲಕ ಮಾತನಾಡಿದ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಕ್ರಮ ಜರುಗಿಸುವ ಭರವಸೆ ನೀಡಿದ್ದು, ಈ ಹಿನ್ನಲೆ ಪ್ರತಿಭಟನಾಕಾರರು ತಹಶೀಲ್ದಾರರಿಗೆ ಮನವಿ ಸಲ್ಲಿಸಿ ಸಮಾಧಾನದಿಂದ ಮನೆಗೆ ಮರಳಿದರು. `ಇದೇ ವಿಷಯವಾಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಅವನ್ನು ಹಾಗೇ ಮುಂದುವರೆಸದೇ ಸೌಹಾರ್ದಯುತವಾಗಿ ಬಗೆಹರಿಸಿಕೊಳ್ಳಿ. ಸಣ್ಣ-ಪುಟ್ಟ ಸಮಸ್ಯೆಗಳನ್ನು ಆಯಾ ಹಂತದಲ್ಲಿಯೇ ಮುಗಿಸಿಕೊಳ್ಳುವುದು ಉತ್ತಮ’ ಎಂದು ಸೂರಜ ನಾಯ್ಕ ಸೋನಿ ಹಾಗೂ ಇನ್ನಿತರರು ವಿದ್ಯಾರ್ಥಿಗಳ ಜೊತೆ ಪಾಲಕರು, ಉಪನ್ಯಾಸಕರಿಗೂ ಕಿವಿಮಾತು ಹೇಳಿದರು.
- [ಅನಾರೋಗ್ಯ ಎಂದು ಊರಿಗೆ ಬಂದವ ಆತ್ಮಹತ್ಯೆ!](https://mobiletime.in/2026/03/a-man-who-came-to-town-because-he-was-sick-committed-suicide/): ದುಡಿಯುವುದಕ್ಕಾಗಿ ಬೆಂಗಳೂರಿಗೆ ಹೋಗಿದ್ದ ಶಿರಸಿ ಸಾಲ್ಕಣಿಯ ರಾಜು ಶೆಟ್ಟಿ ಅವರು ಅನಾರೋಗ್ಯದ ಕಾರಣ ಊರಿಗೆ ಬಂದಿದ್ದು, ಮನೆ ಹಿಂದೆ ಹೊಸದಾಗಿ ನಿರ್ಮಿಸಿದ ಕೊಠಡಿಗೆ ಹೋಗಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಶಿರಸಿ ಸಾಲ್ಕಣಿಯಲ್ಲಿ ರಾಜು ಸುಬ್ಬಣ್ಣ ಶೆಟ್ಟಿ (48) ಅವರು ವಾಸವಾಗಿದ್ದರು. ದುಡಿಯುವುದಕ್ಕಾಗಿ ಅವರು ಬೆಂಗಳೂರಿಗೆ ಹೋಗಿದ್ದರು. ನೆಲಮಂಗಲದ ಹೊಟೇಲ್ ಒಂದರಲ್ಲಿ ಅವರು ಕುಕ್ ಹಾಗೂ ವೇಟರ್ ಆಗಿ ಕೆಲಸ ಮಾಡುತ್ತಿದ್ದರು. ದುಡಿಮೆಯ ಬಹುಪಾಲು ಹಣವನ್ನು ಅವರು ಸರಾಯಿ ಅಂಗಡಿಗೆವ್ಯಯಿಸುತ್ತಿದ್ದರು. ವಿಪರೀತ ಸರಾಯಿ ಸೇವನೆ ಕಾರಣ ರಾಜು ಶೆಟ್ಟಿ ಅವರು ಅನಾರೋಗ್ಯಕ್ಕೆ ಒಳಗಾದರು. ಆರೋಗ್ಯ ಸರಿ ಇಲ್ಲದ ಕಾರಣ ರಾಜು ಶೆಟ್ಟಿ ಅವರು ಊರಿಗೆ ಮರಳಿದ್ದರು. ಆದರೆ, ಇಲ್ಲಿಯೂ ಅವರು ಮದ್ಯ ಸೇವನೆಯನ್ನು ಬಿಟ್ಟಿರಲಿಲ್ಲ. ಆರೋಗ್ಯ ಸರಿ ಇಲ್ಲದಿದ್ದರೂ ಕುಡಿತದಂದ ದೂರವಿರಲು ರಾಜು ಶೆಟ್ಟಿ ಅವರು ಮನಸ್ಸು ಮಾಡಲಿಲ್ಲ. ಮಾರ್ಚ 29ರ ರಾತ್ರಿಯೂ ಅವರು ಕಂಠಪೂರ್ತಿ ಕುಡಿದು ಮನೆಗೆ ಆಗಮಿಸಿದ್ದರು. ಪತ್ನಿ ಹಾಗೂ ಮಗಳು ಮಲಗಿದ ನಂತರ ಮನೆ ಹಿಂದೆ ಹೊಸದಾಗಿ ನಿರ್ಮಿಸಿದ ಕೊಠಡಿಗೆ ಹೋದರು. ಅಲ್ಲಿಯೇ ಇದ್ದ ನೈಲಾನ್ ಹಗ್ಗ ಬಳಸಿ ರಾಜು ಶೆಟ್ಟಿ ಅವರು ನೇಣು ಹಾಕಿಕೊಂಡರು. ರಾಜು ಶೆಟ್ಟಿ ಅವರ ಪತ್ನಿ ಸರೋಜಾ ಶೆಟ್ಟಿ ಅವರು ಬೆಳಗ್ಗೆ ಪತಿ ಸಾವನಪ್ಪಿರುವುದನ್ನು ನೋಡಿ ಆಘಾತಕ್ಕೆ ಒಳಗಾದರು. ಈ ಸಾವಿನ ಬಗ್ಗೆ ಅವರೇ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗಾಂಜಾ ಗುಂಗಿನಲ್ಲಿ ಬೀದಿಗೆ ಬಿದ್ದ ಯುವಕ!](https://mobiletime.in/2026/03/a-young-man-fell-into-the-street-under-the-influence-of-marijuana/): ಕಾರವಾರ ಕಾಜುಭಾಗದ ದರ್ಶನ ರೇವಣಕರ್ ಅವರು ಗಾಂಜಾ ಸೇವಿಸಿ ಬೀದಿಗೆ ಬಿದ್ದಿದ್ದಾರೆ. ಪೊಲೀಸರೇ ಅವರನ್ನು ಉಪಚಿರಿಸಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಕಾರವಾರದ ಕಾಜುಭಾಗದ ಸಂಕ್ರೀವಾಡದಲ್ಲಿ ದರ್ಶನ ಗಜಾನನ ರೇವಣಕರ್ ಅವರು ವಾಸವಾಗಿದ್ದಾರೆ. 27 ವರ್ಷದ ಅವರು ಸಣ್ಣ ವಯಸ್ಸಿನಲ್ಲಿಯೇ ದಾರಿ ತಪ್ಪಿದ್ದಾರೆ. ಸಹವಾಸ ದೋಷದಿಂದ ಅವರು ದುಶ್ಚಟದ ದಾಸರಾಗಿದ್ದು, ಕುಟುಂಬದವರಿಗೆ ಯಾರಿಗೂ ಗೊತ್ತಾಗದ ಹಾಗೇ ಗಾಂಜಾ ಸೇವಿಸಿದ್ದಾರೆ. ಮಾರ್ಚ 30ರ ಬೆಳಗ್ಗೆಯೇ ನಶೆ ಏರಿಸಿಕೊಂಡ ದರ್ಶನ್ ರೇವಣಕರ್ ಅವರು ಕಾರವಾರದಲ್ಲಿ ಎಲ್ಲೆಂದರಲ್ಲಿ ಅಲೆದಾಡಿದ್ದಾರೆ. ಕೊನೆಗೆ ಕಾರವಾರ ಕಡಲತೀರದ ಹನುಮಾನ್ ಮೂರ್ತಿಯ ಬಳಿ ಬಿದ್ದಿದ್ದಾರೆ. ಅಮಲಿನಲ್ಲಿ ತೇಲಾಡುತ್ತಿದ್ದ ದರ್ಶನ್ ರೇವಣಕರ್ ಅವರನ್ನು ಕಾರವಾರ ಶಹರ ಪೊಲೀಸ್ ಠಾಣೆಯ ಪಿಸೈ ಬಾಬು ಆಗೇರ್ ಅವರು ಮಾತನಾಡಿಸಿದ್ದಾರೆ. ಮಾತನಾಡುವ ಸ್ಥಿತಿಯಲ್ಲಿಯೂ ಇರದ ಅವರನ್ನು ಪೊಲೀಸರೇ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಈ ವೇಳೆ ವೈದ್ಯರು ನಡೆಸಿದ ತಪಾಸಣೆಯಲ್ಲಿ ದರ್ಶನ್ ರೇವಣಕರ್ ಅವರು ಮಾದಕ ವ್ಯಸನ ಸೇವನೆ ಮಾಡಿದ್ದು ದೃಢವಾಗಿದೆ. ದರ್ಶನ್ ರೇವಣಕರ್ ಅವರು ಗಾಂಜಾ ಸೇವಿಸಿದ್ದು ಖಚಿತವಾದ ಹಿನ್ನಲೆ ಪೊಲೀಸರು ಅವರ ವಿರುದ್ಧ ಕಠಿಣ ಕ್ರಮ ಜರುಗಿಸಿದ್ದಾರೆ. ನಿಷೇಧಿತ ವಸ್ತು ಸೇವನೆ ಹಿನ್ನಲೆ ಅವರ ವಿರುದ್ಧ ಪ್ರಕರಣವನ್ನು ದಾಖಲಿಸಿದ್ದಾರೆ. `ಮಾದಕ ವ್ಯಸನ ಜೀವನಕ್ಕೆ ಮಾರಕ’  
- [ಪೊರಕೆ ಹಿಡಿದು ಬೀದಿ ಗುಡಿಸಿದ ಕಾಂಗ್ರೆಸ್ ಶಾಸಕ!](https://mobiletime.in/2026/03/congress-mla-sweeps-the-street-with-a-broom/): ಹಳಿಯಾಳ ವಿಧಾನಸಭಾ ಕ್ಷೇತ್ರದ ಹಲವು ಕಡೆ ಕಸ ಹೆಚ್ಚಾಗಿರುವುದನ್ನು ನೋಡಿದ ಆ ಭಾಗದ ಶಾಸಕ ಆರ್ ವಿ ದೇಶಪಾಂಡೆ ಅವರು ಸೋಮವಾರ ಸ್ವತಃ ಪೊರಕೆ ಹಿಡಿದು ಬೀದಿ ಗುಡಿಸಿದ್ದಾರೆ. ಇನ್ನೂ ಎರಡು ದಿನಗಳ ಕಾಲ ಕ್ಷೇತ್ರದ ಎಲ್ಲಡೆ ಸಂಚರಿಸಿ ಸ್ವಚ್ಛತಾ ಅಭಿಯಾನ ನಡೆಸುವುದಾಗಿ ಅವರು ಘೋಷಿಸಿದ್ದಾರೆ. `ರಾಷ್ಟçಪಿತ ಮಹಾತ್ಮಾ ಗಾಂಧೀಜಿಯವರು ಹಾಕಿಕೊಟ್ಟ ಸ್ವಚ್ಛತೆಯ ಹಾದಿಯಲ್ಲಿ ನಾವು ಸಾಗಬೇಕು. ಸ್ವಚ್ಛತೆಯ ಕೆಲಸಕ್ಕೆ ಪೂರ್ಣವಿರಾಮ ಬೇಕಿಲ್ಲ. ಸಾರ್ವಜನಿಕರ ಸಹಕಾರದೊಂದಿಗೆ ಪ್ರತಿ ಹಳ್ಳಿ, ಪಟ್ಟಣ, ಶೌಚಾಲಯ ಹಾಗೂ ಉದ್ಯಾನವನಗಳು ಸ್ವಚ್ಛವಾಗಿರಬೇಕು. ಈ ನಿಟ್ಟಿನಲ್ಲಿ ಅರಿವು ಮೂಡಿಸಲು ಹಳಿಯಾಳ ವಿಧಾನ ಸಭಾ ಕ್ಷೇತ್ರದಾದ್ಯಂತ ಮಾರ್ಚ 30ರಿಂದ ಏಪ್ರಿಲ್ 1ರವರೆಗೆ ನಿರಂತರವಾಗಿ 3 ದಿನಗಳ ಕಾಲ ಸಂಪೂರ್ಣ ಸ್ವಚ್ಛತಾ ಕಾರ್ಯ ಆಯೋಜಿಸಲು ನಿರ್ಧರಿಸಲಾಗಿದೆ’ ಎಂದವರು ಮಾಹಿತಿ ನೀಡಿದರು. `ಹಳಿಯಾಳ ವಿಧಾನ ಸಭಾ ಕ್ಷೇತ್ರದ ಹಳಿಯಾಳ ದಾಂಡೇಲಿ, ಜೋಯಿಡಾ ತಾಲೂಕುಗಳ ನಗರ, ಗ್ರಾಮ ಮತ್ತು ಪಟ್ಟಣ ಪ್ರದೇಶಗಳಲ್ಲಿ ಸಂಪೂರ್ಣ ಸ್ವಚ್ಛತಾ ಕಾರ್ಯ ನಡೆಯಲಿದೆ. ಜನಪ್ರತಿನಿಧಿಗಳು ಮತ್ತು ಅಧಿಕಾರಿಗಳ ಸಹಕಾರದೊಂದಿಗೆ ಈ ಸ್ವಚ್ಛತಾ ಕಾರ್ಯಕ್ರಮ ಆಯೋಜಿಸಲಾಗಿದೆ’ ಎಂದರು. ತಹಸೀಲ್ದಾರ್ ಫಿರೋಜ್ ಷಾ ಮಾತನಾಡಿ `ಗಾಂಧೀಜಿಯವರ ಸ್ವಚ್ಛತೆಯೇ ಸೇವೆ ಮತ್ತು ಬಸವಣ್ಣನವರ ಕಾಯಕವೇ ಕೈಲಾಸ ಎಂಬ ಧ್ಯೇಯವಾಕ್ಯಗಳೊಂದಿಗೆ ಶಾಸಕರ ಸೂಚನೆಯ ಮೇರೆಗೆ ಹಳಿಯಾಳ ತಾಲೂಕಿನ ಸಂಪೂರ್ಣ ಸ್ವಾಸ್ಥ್ಯಕ್ಕಾಗಿ ಈ ಸ್ವಚ್ಛತಾ ಅಭಿಯಾನ ನಡೆಯುತ್ತಿದೆ. ಇದು ಕೇವಲ ಒಂದು ದಿನದ ಕಾರ್ಯಕ್ರಮವಲ್ಲ. ನಿರಂತರವಾಗಿ ಸ್ವಚ್ಛತೆಯನ್ನು ಕಾಯ್ದುಕೊಳ್ಳುವ ಗುರಿಯನ್ನು ಹೊಂದಿದ್ದು, ಹಳಿಯಾಳ ತಾಲೂಕಿನ ಸಾರ್ವಜನಿಕರು ಈ ಅಭಿಯಾನಕ್ಕೆ ಸಂಪೂರ್ಣವಾಗಿ ಸಹಕರಿಸುತ್ತಿದ್ದಾರೆ’ ಎಂದರು.
- [ತೋಟಕ್ಕೆ ಹೋದವನ ಮೇಲೆ ಜೇನು ದಾಳಿ: ಸಾವು!](https://mobiletime.in/2026/03/bees-attack-man-in-garden-death/): ಶಿರಸಿ ಬೈರುಂಬೆ ಬಳಿಯ ರಾಮಕೃಷ್ಣ ಹೆಗಡೆ ಅವರ ತೋಟದ ಕೆಲಸಕ್ಕೆ ಹೋಗಿದ್ದ ಜಟ್ಟಿ ಮುಕ್ರಿ ಅವರಿಗೆ ಜೇನು ಹುಳ ಕಚ್ಚಿದೆ. ಆ ನೋವು ಸಹಿಸಲಾಗದೇ ಅವರು ಸಾವನಪ್ಪಿದ್ದಾರೆ. ಶಿರಸಿ ಬೈರುಂಬೆ ಬಳಿ ಜಟ್ಟಿ ನಾಗು ಮುಕ್ರಿ (61) ಅವರು ವಾಸವಾಗಿದ್ದರು. ಸುತ್ತಲಿನ ಊರುಗಳಲ್ಲಿ ಕೂಲಿ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದರು. ಮಾರ್ಚ 29ರಂದು ಅವರು ಬೈರುಂಬೆ ಬಳಿಯ ಕಾಳೆಸರದ ರಾಮಕೃಷ್ಣ ಸುಬ್ರಾಯ ಹೆಗಡೆ ಅವರ ತೋಟದ ಕೆಲಸಕ್ಕೆ ಹೋಗಿದ್ದರು. ಇನ್ನಿತರ ಕಾರ್ಮಿಕರ ಜೊತೆ ಅವರು ಕೆಲಸ ಮಾಡುತ್ತಿದ್ದರು. ಈ ವೇಳೆ ಬೆಟ್ಟದಿಂದ ಒಂದಷ್ಟು ಜೇನು ಹುಳ ತೋಟದ ಕಡೆ ಧಾವಿಸಿದವು. ಅಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕರಿಗೆ ಆ ಹುಳಗಳು ಕಚ್ಚಿದವು. ಜಟ್ಟಿ ಮುಕ್ರಿ ಅವರಿಗೆ ಒಮ್ಮೆಲೆ 15 ಜೇನು ಹುಳ ಕಚ್ಚಿದ್ದು, ಆ ನೋವಿನಿಂದ ಅವರು ಅಸ್ವಸ್ಥರಾದರು. ಉಳಿದವರಿಗೆ ಒಂದೆರಡು ಜೇನು ಹುಳ ಮಾತ್ರ ಕಚ್ಚಿದ್ದು, ಅವರು ದೊಡ್ಡ ಸಮಸ್ಯೆ ಅನುಭವಿಸಲಿಲ್ಲ. ಅಸ್ವಸ್ಥಗೊಂಡ ಜಟ್ಟಿ ಮುಕ್ರಿ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಲಾಯಿತು. ಆ ದಿನ ಸಂಜೆಯೇ ಅವರು ಆಸ್ಪತ್ರೆಯಿಂದ ಮನೆಗೆ ಮರಳಿದರು. ಜೇನು ಕಚ್ಚಿದ ನೋವಿನಿಂದ ಬಳಲುತ್ತಿದ್ದ ಜಟ್ಟಿ ಮುಕ್ರಿ ಅವರು ಮಾರ್ಚ 30ರ ನಸುಕಿನಲ್ಲಿ ಒಮ್ಮೆಲೆ ದೊಡ್ಡ ಉಸಿರು ಎಳೆದರು. ಅದೇ ಅವರ ಕೊನೆ ಉಸಿರಾಗಿತ್ತು. ಈ ವೇಳೆ ಜೊತೆಯಲ್ಲಿದ್ದ ಜಟ್ಟಿ ಮುಕ್ರಿ ಅವರ ಮಗ ರಾಘು ಮುಕ್ರಿ ಅವರು ತಂದೆಯನ್ನು ಮಾತನಾಡಿಸುವ ಪ್ರಯತ್ನ ಮಾಡಿದರು. ಆದರೆ, ಅದು ಸಾಧ್ಯವಾಗಲಿಲ್ಲ. ಜೇನು ಕಚ್ಚಿದ ಪರಿಣಾಮ ಜಟ್ಟಿ ಮುಕ್ರಿ ಅವರು ಸಾವನಪ್ಪಿದ ಬಗ್ಗೆ ರಾಘು ಮುಕ್ರಿ ಅವರು ಮಾಹಿತಿ ನೀಡಿದ್ದು, ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [FIR ದಾಖಲಿಸಿದರೂ ಚಿಂತೆ ಇಲ್ಲ.. ಸುಪಾರಿ ಕೊಟ್ಟಿದ್ದು ಸೈಲ್ ಅಲ್ಲ!](https://mobiletime.in/2026/03/dont-worry-even-if-an-fir-is-filed-sail-was-not-the-one-who-gave-the-supari/): `ಕಾರವಾರ – ಅಂಕೋಲಾ ಕ್ಷೇತ್ರದ ಶಾಸಕ ಸತೀಶ್ ಸೈಲ್ ಮತ್ತು ಗೋಪಾಲಕೃಷ್ಣ ನಾಯಕ ನಡುವೆ ರಾಜಕೀಯ ಭಿನ್ನಾಭಿಪ್ರಾಯವಿದ್ದರೂ ವೈಯಕ್ತಿಕ ದ್ವೇಷ ಇಲ್ಲ. ಹೀಗಾಗಿ ಕೆಪಿಸಿಸಿ ಮಾಜಿ ಕಾರ್ಯದರ್ಶಿ, ಅಂಕೋಲಾದ ಕಾಂಗ್ರೆಸ್ ನಾಯಕ ಗೋಪಾಲಕೃಷ್ಣ ನಾಯಕ ಅವರ ಕೊಲೆ ಪ್ರಯತ್ನದ ಹಿಂದೆ ಶಾಸಕ ಸತೀಶ್ ಸೈಲ್ ಪಾತ್ರ ಏನೂ ಇಲ್ಲ’ ಎಂದು ಸತೀಶ್ ಸೈಲ್ ಅವರ ಆಪ್ತ ಶಂಭು ಶೆಟ್ಟಿ ಅವರು ಹೇಳಿದ್ದಾರೆ. `ಅನಗತ್ಯವಾಗಿ ಈ ಪ್ರಕರಣದಲ್ಲಿ ಸತೀಶ್ ಸೈಲ್ ಅವರ ಹೆಸರು ಹಾಳಾಗುತ್ತಿದೆ’ ಎಂದವರು ಆಕ್ಷೇಪವ್ಯಕ್ತಪಡಿಸಿದ್ದಾರೆ. `ಅಗತ್ಯವಿದ್ದರೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸಲಿ’ ಎಂದು ಸಹ ಶಂಭು ಶೆಟ್ಟಿ ಸವಾಲು ಹಾಕಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಅಂಕೋಲಾದ ಕೆಪಿಸಿಸಿ ಮುಖಂಡ ಗೋಪಾಲಕೃಷ್ಣ ನಾಯಕರ ಮೇಲೆ ನಡೆದ ಕೊಲೆ ಯತ್ನ ಪ್ರಕರಣದಲ್ಲಿ ಶಾಸಕ ಸತೀಶ ಸೈಲ್ ಅವರ ಯಾವುದೇ ಪಾತ್ರವಿಲ್ಲ. ಸುಖಾಸುಮ್ಮನೆ ಇಲ್ಲಿ ಸತೀಶ್ ಸೈಲ್ ಹೆಸರನ್ನು ಎಳೆದು ತರಲಾಗುತ್ತಿದೆ. ಅಗತ್ಯವಿದ್ದರೆ ಪೊಲೀಸರು ಎಫ್‌ಐಆರ್ ದಾಖಲಿಸಿ ತನಿಖೆ ಮಾಡಲಿ. ಆರೋಪ ಸಾಭೀತಾದರೆ ಕಠಿಣ ಕ್ರಮ ಜರುಗಿಸಲಿ’ ಎಂದು ಹೇಳಿದರು. `ಸೈಲ್ ಅವರ ವಿರುದ್ಧ ಗೋಪಾಲಕೃಷ್ಣ ನಾಯಕ ಮಾಡಿದ ಆರೋಪಗಳು ಆಧಾರರಹಿತವಾಗಿದ್ದು, ಆರೋಪಕ್ಕೆ ದಾಖಲೆಗಳಿದ್ದರೆ ಅವರು ನೇರವಾಗಿ ಪೋಲಿಸರಿಗೆ ನೀಡಬೇಕು’ ಎಂದು ಆಗ್ರಹಿಸಿದರು. `ಗೋಪಾಲಕೃಷ್ಣ ನಾಯಕ ಅವರು ಮಾಡಿದ ಆರೋಪಗಳಿಂದ ಕೇವಲ ಸತೀಶ ಸೈಲ್ ವರಿಗೆ ಮಾತ್ರವಲ್ಲ. ಇಡೀ ಕಾಂಗ್ರೆಸ್ ಪಕ್ಷದ ವರ್ಚಸ್ಸಿಗೂ ಧಕ್ಕೆ ಉಂಟಾಗುತ್ತಿದೆ. ಹೀಗಾಗಿ ಗೋಪಾಲಕೃಷ್ಣ ನಾಯಕ ಅವರು ತಮ್ಮ ಮೇಲೆ ನಡೆದ ದಾಳಿಯ ಹಿಂದೆ ಇರುವವರ ವಿರುದ್ಧ ಸೂಕ್ತ ದಾಖಲೆಗಳೊಂದಿಗೆ ಕೆಪಿಸಿಸಿಗೆ ದೂರು ನೀಡಬೇಕು’ ಎಂದು ಒತ್ತಾಯಿಸಿದರು. `ಗೋಪಾಲಕೃಷ್ಣ ನಾಯಕ ಅವರು ಮಾಡಿದ ಆರೋಪ ಸುಳ್ಳು ಎಂದಾದರೆ ಅವರ ವಿರುದ್ಧವೂ ಸ್ವಯಂ ಪ್ರೇರಿತ ಪ್ರಕರಣ ದಾಖಲಿಸಬೇಕು’ ಎಂದು ಹೇಳಿದರು. ಘಟನೆ ಬಗ್ಗೆ ಈವರೆಗೂ ಮೌನವಾಗಿಯೇ ಇದ್ದ ಕಾಂಗ್ರೆಸ್ ಜಿಲ್ಲಾ ಅಧ್ಯಕ್ಷ ಸಾಯಿ ಗಾಂವಕರ್ ಅವರು ಈ ದಿನ ಆ ಬಗ್ಗೆ ಮಾತನಾಡಿದ್ದು, `ಜಿಲ್ಲಾ ಕಾಂಗ್ರೆಸ್ ಕೂಡ ಈ ಘಟನೆಯನ್ನು ಖಂಡಿಸಿದೆ’ ಎಂದರು. `ಪ್ರೀತಿ ಆಧಾರಿತ ರಾಜಕಾರಣಕ್ಕೆ ಕಾಂಗ್ರೆಸ್ ಬದ್ಧವಾಗಿದ್ದು, ಈ ಘಟನೆ ಹಿಂದಿರುವ ನಿಜಾಂಶಗಳು ಶೀಘ್ರದಲ್ಲೇ ಬಹಿರಂಗವಾಗಬೇಕು’ ಎಂದು ಒತ್ತಾಯಿಸಿದರು. ಬ್ಲಾಕ್ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ಸಮೀರ ನಾಯ್ಕ ಮಾತನಾಡಿ `ಶಿರೂರು ಗುಡ್ಡದ ದುರಂತದ ವೇಳೆ ಸಿಎಂ ಸಿದ್ದರಾಮಯ್ಯ ಅಂಕೋಲಾಕ್ಕೆ ಬಂದಾಗ ಗೋಪಾಲಕೃಷ್ಣ ನಾಯಕ ಪ್ರೋಟೋಕಾಲ್ ಉಲ್ಲಂಘಿಸಿ ಅವರನ್ನು ತನ್ನ ಮನೆಗೆ ಕರೆದುಕೊಂಡು ಹೋಗಿದ್ದರು’ ಎಂದು ದೂರಿದರು. `ಆ ವೇಳೆ ಶಾಸಕ ಸತೀಶ ಸೈಲ್ ಅವರು ಸೀಎಂ ಬರುವವರೆಗೆ ಗೋಪಾಲಕೃಷ್ಣ ನಾಯಕ ಅವರ ಮನೆ ಗೇಟ್ ಬಳಿ ಕಾದಿದ್ದರು’ ಎಂಬ ವಿಷಯ ತಿಳಿಸಿದರು. ಅರವಿಂದ ಕಲಗುಟ್ಕರ್, ಕೃಷ್ಣ ಮೇಥಾ, ಸೀಮಾ ಪಾಟೀಲ್, ಜ್ಯೋತಿ, ದೀಪಕ್ ವೇರ್ಣೇಕರ್, ದಿಲ್ಯಾದ್, ಸಿದ್ದಾರ್ಥ, ನೂತನ ಜೈನ್ ಇತರರು ಶಾಸಕ ಸತೀಶ್ ಸೈಲ್ ಅವರ ಬೆಂಬಲವಾಗಿ ಮಾತನಾಡಿದರು.
- [ಗಂಡನೂ ಇಲ್ಲ.. ಚಿನ್ನದ ತಾಳಿಯೂ ಇಲ್ಲ!](https://mobiletime.in/2026/03/no-husband-no-gold-bracelet/): ಸಿದ್ದಾಪುರದ ಲಲಿತಾ ಹೆಗಡೆ ಅವರು ಡಬ್ಬಿಯಲ್ಲಿ ಅಡಗಿಸಿಟ್ಟಿದ್ದ ಚಿನ್ನದ ತಾಳಿ ಕಳ್ಳರ ಪಾಲಾಗಿದೆ. ಲಲಿತಾ ಹೆಗಡೆ ಅವರು ಶಿರಸಿಯ ಸಂಬoಧಿಕರ ಮನೆಗೆ ಹೋಗಿರುವುದನ್ನು ಅರಿತ ಕಳ್ಳರು ಅವರ ಮನೆಗೆ ನುಗ್ಗಿ ಕಳ್ಳತನ ಮಾಡಿದ್ದಾರೆ. ಸಿದ್ದಾಪುರದ ಆಡುಕಟ್ಟಾದ ಲಲಿತಾ ಹೆಗಡೆ (65) ಅವರು ವಾಸವಾಗಿದ್ದಾರೆ. ಲಲಿತಾ ಹೆಗಡೆ ಅವರ ಪತಿ ಜಯಪ್ರಕಾಶ ಹೆಗಡೆ ಅವರು ನಿಧನರಾಗಿದ್ದಾರೆ. ಐದು ವರ್ಷದ ಹಿಂದೆ ಜಯಪ್ರಕಾಶ ಹೆಗಡೆ ಅವರು ಲಲಿತಾ ಹೆಗಡೆ ಅವರಿಗೆ ಚಿನ್ನದ ತಾಳಿ ಮಾಡಿಸಿಕೊಟ್ಟಿದ್ದರು. ಪತಿ ಮರಣದ ನಂತರ ಲಲಿತಾ ಹೆಗಡೆ ಅವರು ಆ ತಾಳಿಯನ್ನು ಭದ್ರವಾಗಿ ಕಪಾಟಿನಲ್ಲಿರಿಸಿದ್ದರು. 2.40 ಲಕ್ಷ ರೂ ಮೌಲ್ಯದ ಆ ತಾಳಿಯನ್ನು ಇದೀಗ ಕಳ್ಳರು ಅಪಹರಿಸಿದ್ದಾರೆ. ಲಲಿತಾ ಹೆಗಡೆ ಅವರು ತಮ್ಮ ಮನೆಯ ದೇವರಕೋಣೆ ಪಕ್ಕದ ಮತ್ತೊಂದು ಕೋಣೆಯಲ್ಲಿ ಕಪಾಟು ಇರಿಸಿದ್ದರು. ಆ ಕಪಾಟಿನ ಒಳಗೆ ಪ್ಲಾಸ್ಟಿಕ್ ಡಬ್ಬಿಯಲ್ಲಿ ಪತಿ ಕೊಡಿಸಿದ ತಾಳಿಯನ್ನಿರಿಸಿದ್ದರು. ಮಾರ್ಚ 27ರಂದು ಲಲಿತಾ ಹೆಗಡೆ ಅವರು ಶಿರಸಿಯ ಸಂಬoಧಿಕರ ಮನೆಗೆ ಹೋಗಿದ್ದರು. ಮರುದಿನ ಮನೆಗೆ ಮರಳಿದಾಗ ಮನೆಯ ಬಾಗಿಲು ಒಡೆದಿರುವುದನ್ನು ನೋಡಿದರು. ಒಳಗೆ ಹೋಗಿ ಗಮನಿಸಿದಾಗ ಕಳ್ಳರು ತಾಳಿ ಕದ್ದಿರುವುದು ಗೊತ್ತಾಯಿತು. ಕಳ್ಳರ ಕಾಟಕ್ಕೆ ಬೇಸತ್ತ ಲಲಿತಾ ಹೆಗಡೆ ಅವರು ಸಿದ್ದಾಪುರ ಪೊಲೀಸ್ ಠಾಣೆಗೆ ಹೋದರು. ತಮ್ಮ ಮನೆಯಲ್ಲಿ ನಡೆದ ಕಳ್ಳತನದ ಬಗ್ಗೆ ವರದಿ ಒಪ್ಪಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಶೋಧ ಶುರು ಮಾಡಿದರು.
- [ಪತ್ನಿ ಮುಂದೆ ಪೌರುಷ ಮೆರೆದ ಪತಿ!](https://mobiletime.in/2026/03/manly-husband-in-front-of-his-wife/): ಶಿರಸಿ ಮುಸ್ಲಿಂ ಗಲ್ಲಿಯ ರಹನಾ ಬುಡ್ನನವರ್ ಅವರ ಮೇಲೆ ಅವರ ಪತಿ ಇಸಾಕ್ ಅಹಮದ್ ಹುಸೇನ್ ಸಾಬ್ ಅವರು ಹಲ್ಲೆ ಮಾಡಿದ್ದಾರೆ. ಇದರಿಂದ ರಹನಾ ಬುಡ್ನನವರ್ ಅವರು ಆಸ್ಪತ್ರೆ ಸೇರಿದ್ದಾರೆ. ರಹನಾ ಇಸಾಕ್ ಅಹಮದ್ ಬುಡ್ನನವರ್ (46) ಅವರು 2004ರಲ್ಲಿ ಇಸಾಕ್ ಅಹಮದ್ ಹುಸೇನ್ ಸಾಬ್ ಅವರನ್ನು ಮದುವೆ ಆಗಿದ್ದರು. ಮದುವೆ ಆದ ಕೆಲ ವರ್ಷಗಳ ಕಾಲ ಅವರಿಬ್ಬರು ಅನ್ಯೋನ್ಯವಾಗಿ ಜೀವಿಸುತ್ತಿದ್ದರು. ಅವರಿಬ್ಬರಿಗೂ ಮೂವರು ಮಕ್ಕಳು ಆಗಿದ್ದರು. ಹೀಗಿರುವಾಗ ಇಸಾಕ್ ಅಹಮದ್ ಅವರು ಏಕಾಏಕಿ ವ್ಯಸನಕ್ಕೆ ಒಳಗಾದರು. ಕುಡಿತದ ಚಟಕ್ಕೆ ದಾಸರಾದ ಅವರು ಪತ್ನಿ ಮೇಲೆ ಸಂಶಯ ಶುರು ಮಾಡಿದರು. ನಿತ್ಯವೂ ಕಂಠಪೂರ್ತಿ ಸರಾಯಿ ಕುಡಿದು ಆಗಮಿಸುವ ಇಸಾಕ್ ಅಹಮದ್ ಅವರು ಪತ್ನಿಗೆ ಹೊಡೆಯುತ್ತಿದ್ದರು. ಈ ಕಾಟ ಸಹಿಸಲಾಗದೇ ರಹನಾ ಬುಡ್ನನವರ್ ಅವರು ಪ್ರತ್ಯೇಕ ಮನೆ ಮಾಡಿದರು. ತಮ್ಮ ಮೂರು ಮಕ್ಕಳ ಜೊತೆ ರಹನಾ ಬುಡ್ನನವರ್ ಅವರು ಬೇರೆ ಕಡೆ ವಾಸಿಸಲು ಶುರು ಮಾಡಿದರು. ಅದಾಗಿಯೂ, ಇಸಾಕ್ ಅಹಮದ್ ಅವರ ಕಾಟ ತಪ್ಪಲಿಲ್ಲ. ತಾವು ಅನುಭವಿಸುವ ಹಿಂಸೆಯ ಬಗ್ಗೆ ರಹನಾ ಬುಡ್ನನವರ್ ಅವರು ಜಮಾತ್ ಬಳಿ ಹೇಳಿದರು. ಆದರೆ, ಅದರಿಂದಲೂ ಯಾವುದೇ ಪ್ರಯೋಜನ ಆಗಲಿಲ್ಲ. ಹೀಗಾಗಿ ವಿಚ್ಚೇದನ ಕೋರಿ ಅವರು ನ್ಯಾಯಾಲಯದ ಮೊರೆ ಹೋದರೂ ಸಹ ಬಾಡಿಗೆ ಮನೆ ಬಳಿ ಇಸಾಕ್ ಅಹಮದ್ ಆಗಮಿಸಿ ಗಲಾಟೆ ಮಾಡುವುದು ತಪ್ಪಲಿಲ್ಲ. ಈ ಎಲ್ಲದರ ನಡುವೆ ಮಾರ್ಚ 27ರಂದು ಕರಿಗುಂಡಿ ರಸ್ತೆ ಮೂಲಕ ಮುಸ್ಲಿಂ ಗಲ್ಲಿ ಕಡೆ ರಹನಾ ಅವರು ನಡೆದು ಹೋಗುತ್ತಿದ್ದರು. ಇಸಾಕ್ ಅಹಮದ್ ಅವರು ಬೈಕಿನಲ್ಲಿ ಅವರನ್ನು ಹಿಂಬಾಲಿಸಿ ಬಂದರು. ರಸ್ತೆ ಮದ್ಯೆಯೇ ಜಗಳ ಮಾಡಿ ಒಂದು ಏಟು ಹಾಕಿದರು. ರಹನಾ ಅವರು ಈ ವೇಳೆ ಇಸಾಕ್ ಅವರಿಂದ ತಪ್ಪಿಸಿಕೊಂಡು ತಮ್ಮ ಮನೆಗೆ ಆಗಮಿಸಿದ್ದು, ಅಲ್ಲಿಯೂ ಇಸಾಕ್ ಅಹಮದ್ ಅವರು ಆಗಮಿಸಿ ಹಲ್ಲೆ ಮಾಡಿದರು. ಈ ವೇಳೆ ಅಲ್ಲಿದ್ದ ತಮ್ಮ ಎರಡನೇ ಮಗಳ ಮೇಲಯೂ ಕೈ ಮಾಡಿ, ಕೆಟ್ಟದಾಗಿ ಬೈದರು. ಈ ಅನ್ಯಾಯ ಸಹಿಸದ ರಹನಾ ಬುಡ್ನನ್ನವರ್ ಅವರು ನ್ಯಾಯ ಕೋರಿ ಪೊಲೀಸರ ಮೊರೆ ಹೋದರು. ಶಿರಸಿ ಮಾರುಕಟ್ಟೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದರು.
- [ಅಧಿಕ ಭಾರದ ಲಾರಿ.. ಅಮಲಿನಲ್ಲಿದ್ದ ಚಾಲಕ!](https://mobiletime.in/2026/03/a-lorry-that-was-not-carrying-enough-weight-a-drunk-driver/): ಸಾಮರ್ಥ್ಯಕ್ಕಿಂತಲೂ ಅಧಿಕ ಭಾರ ಹೊತ್ತು ಅಂಕೋಲಾದಲ್ಲಿ ಅಲೆದಾಡುತ್ತಿದ್ದ ಲಾರಿಯನ್ನು ಪೊಲೀಸರು ತಡೆದಿದ್ದಾರೆ. ಈ ವೇಳೆ ಲಾರಿ ಚಾಲಕನೂ ಕಂಠಪೂರ್ತಿ ಕುಡಿದು ಲಾರಿ ಓಡಿಸುತ್ತಿರುವುದು ಗೊತ್ತಾಗಿದೆ. ಪೊಲೀಸರು ಆ ಲಾರಿ ತಡೆದ ಪರಿಣಾಮ ಜನರ ಜೀವ ಉಳಿದಿದೆ. ಬಾಗಲಕೋಟೆಯ ನಾಗಪ್ಪ ಮಾದರ್ ಅವರು ಲಾರಿಯೊಂದರಲ್ಲಿ ಕೋಕ್ ಸಾಗಿಸುತ್ತಿದ್ದರು. ಹೆಚ್ಚುವರಿ ಹಣದ ಆಸೆಗಾಗಿ ಅವರು ಲಾರಿ ಸಾಮರ್ಥ್ಯಕ್ಕಿಂತಲೂ ಅಧಿಕ ಪ್ರಮಾಣದಲ್ಲಿ ಕೋಕ್ ತುಂಬಿಸಿದ್ದರು. ಮಾರ್ಚ 27ರಂದು ಅಂಕೋಲಾದಿAದ ಯಲ್ಲಾಪುರ ಕಡೆಗೆ ಆ ಲಾರಿ ವೇಗವಾಗಿ ಸಾಗಿದ್ದು, ಎಕ್ಕೆಗುಳಿ ಕ್ರಾಸಿನ ಹತ್ತಿರ ಆ ಲಾರಿ ಬಲಬದಿಗೆ ಬಂದಿತು. ಅಲ್ಲಿದ್ದ ಲೈನ್ ಕ್ರಾಸ್ ಮಾಡಿದಲ್ಲದೇ ಲಾರಿ ಅಡ್ಡಾದಿಡ್ಡಿ ಓಡಿರುವುದನ್ನು ಪಿಸೈ ದೇವಿದಾಸ ಚಾಪೋಲಿಕರ್ ಅವರು ಗಮನಿಸಿದರು. ತಕ್ಷಣ ಅವರು ಅಲ್ಲಿಗೆ ಧಾವಿಸಿ ಲಾರಿಯನ್ನು ತಡೆದರು. ಲಾರಿ ಚಾಲಕ ನಾಗಪ್ಪ ಮಾದರ್ ಅವರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಅದಾಗಿಯೂ, ಪೊಲೀಸರು ಅವರ ಬಾಯಿಯ ಬಳಿ ಆಲ್ಕೋ ಮೀಟರ್ ಹಿಡಿದರು. ಬ್ರೀಥ್ ಅನಾಲೈಸರ್ ಟೆಸ್ಟ್ ಮಾಡಿಸಿದಾಗ ಚಾಲಕ ವಿಪರೀತ ಪ್ರಮಾಣದಲ್ಲಿ ಮದ್ಯ ಸೇವಿಸಿರುವುದು ಗೊತ್ತಾಯಿತು. ಅದಾದ ನಂತರ ಸಮೀಪದಲ್ಲಿದ್ದ ಐ ಆರ್ ಬಿ ಕಂಪನಿಯ ವೇಬ್ರಿಜ್ ಕಡೆ ಲಾರಿ ಓಡಿಸಿ ತೂಕ ಮಾಡಿಸಲಾಯಿತು. ಆಗ, ಲಾರಿಯಲ್ಲಿ 2760ಕೆಜಿ ಅಧಿಕ ಬಾರದ ಕೋಕ್ ಸಾಗಿಸುತ್ತಿರುವುದು ದೃಢವಾಯಿತು. ಪೊಲೀಸರು ಚಾಲಕನನ್ನು ಮತ್ತೊಮ್ಮೆ ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದ್ದು, ವೈದ್ಯರು ಸಹ ಚಾಲಕ ಅಮಲಿನಲ್ಲಿರುವುದನ್ನು ಖಚಿತಪಡಿಸಿದರು. ಅಧಿಕ ಭಾರ ಸಾಗಾಟ ಹಾಗೂ ಅಮಲಿನಲ್ಲಿ ಲಾರಿ ಓಡಿಸಿದ ಚಾಲಕನ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ, ಚಾಲಕ ಮಾಡಿದ ತಪ್ಪಿನ ಬಗ್ಗೆ ನ್ಯಾಯಾಲಯಕ್ಕೆ ವರದಿ ಒಪ್ಪಿಸಿದರು.
- [ಜಡೆ ಜಗಳ: ಸಿಸಿ ಟಿವಿ ನೋಡಿ ಸಿಕ್ಕಿಬಿದ್ದ ವಿದೇಶಿಗ!](https://mobiletime.in/2026/03/jade-fight-foreign-national-caught-on-cctv/): ಜಾಗ ಹಾಗೂ ಅಲ್ಲಿ ಅಳವಡಿಸಿದ ಬೇಲಿ ವಿಷಯವಾಗಿ ಕುಮಟಾದಲ್ಲಿ ಮಹಿಳೆಯರಿಬ್ಬರ ನಡುವೆ ಜಗಳ-ಹೊಡೆದಾಟ ನಡೆದಿದ್ದು, ವಿದೇಶದಲ್ಲಿರುವ ವ್ಯಕ್ತಿಯೊಬ್ಬರು ಈ ಹೊಡೆದಾಟ ದೃಶ್ಯವನ್ನು ಸಿಸಿ ಕ್ಯಾಮರಾದಲ್ಲಿ ನೋಡಿದ್ದಾರೆ. ಹೊಡೆದಾಟದಲ್ಲಿ ಭಾಗಿಯಾದ ಮಹಿಳೆಯೊಬ್ಬರು ಸಿಸಿ ಕ್ಯಾಮರಾದ ದೃಶ್ಯಾವಳಿ ನೋಡಿದವರ ವಿರುದ್ಧವೂ ಕಾನೂನು ಕ್ರಮಕ್ಕಾಗಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಕುಮಟಾ ಕಲಾವೆ ಸೊಪ್ಪಿನ ಹೊಸಳ್ಳಿಯ ಶಾಂತಿ ವ್ಯಾಲೆಂತ್ ಪಿಂಟೋ ಹಾಗೂ ಅವರ ಪಕ್ಕದ ಮನೆಯ ಪ್ರೇಮಾ ಕಿರಣ ಪಿಂಟೋ ಅವರ ನಡುವೆ ಮಾರಾಮಾರಿ ನಡೆದಿದೆ. ಈ ಹೊಡೆದಾಟಕ್ಕೆ ಶಾಂತಿ ಪಿಂಟೋ ಅವರ ಜೊತೆ ಅವರ ಅಣ್ಣ ಜಾನಿ ಸಾವೇರ್ ಫರ್ನಾಂಡಿಸ್ ಅವರು ಕೈ ಜೋಡಿಸಿದ್ದಾರೆ. ಪ್ರೇಮಾ ಪಿಂಟೋ ಅವರಿಗೆ ಸಂದೀಪ ಸಂತ ಪಿಂಟೋ ಹಾಗೂ ಉಲ್ಲಾಸ ರೋಜಾರಿಯೋ ಅವರು ಸಹಾಯ ಮಾಡಿದ್ದಾರೆ. ಪ್ರೇಮಾ ಪಿಂಟೋ ಅವರ ಗಂಡನ ಸಹೋದರ ವಾಲೆಂತ್ ಜಾಕಿ ಪಿಂಟೋ ಅವರು ಇಸ್ರೇಲಿನಲ್ಲಿದ್ದು, ಸಿಸಿ ಕ್ಯಾಮರಾದಲ್ಲಿ ಅವರು ಜಗಳ ನೋಡಿದ್ದಾರೆ. ಅದಾದ ನಂತರ ಕ್ಯಾಮರಾ ಮೂಲಕವೇ ಅವರು ಬುದ್ದಿವಾದ ಹೇಳುವ ಪ್ರಯತ್ನ ಮಾಡಿದ್ದು, ಇದನ್ನು ಸಹಿಸದ ಪ್ರೇಮಾ ಪಿಂಟೋ ಅವರು ವಾಲೆಂತ್ ಪಿಂಟೋ ಅವರ ವಿರುದ್ಧವೂ ಕಾನೂನು ಕ್ರಮಕ್ಕಾಗಿ ಆಗ್ರಹಿಸಿ ಪೊಲೀಸ್ ದೂರು ದಾಖಲಿಸಿದ್ದಾರೆ. ಕಲಾವೆ ಸೊಪ್ಪಿನಹೊಸಳ್ಳಿಯಲ್ಲಿ ವಾಸವಾಗಿರುವ ಶಾಂತಿ ಪಿಂಟೋ ಅವರು ತಮ್ಮ ಮನೆ ಸುತ್ತಲು ತಂತಿ ಬೇಲಿ ಮಾಡಿದ್ದಾರೆ. ಅವರ ಪಕ್ಕದ ಮನೆಯ ಪ್ರಾಮೇ ಪಿಂಟೋ ಅವರು ತಮ್ಮ ಮನೆ ಬಳಿ ಅಂಗಡಿ ನಿರ್ಮಿಸಲು ಉದ್ದೇಶಿಸಿದ್ದು, ಮಾರ್ಚ 27ರಂದು ಕಲ್ಲು ಸಾಗಾಟಕ್ಕೆ ಪ್ರಯತ್ನಿಸಿದ್ದಾರೆ. ಆದರೆ, ತಂತಿ ಬೇಲಿ ಅಡ್ಡವಾಗಿದ್ದರಿಂದ ಆ ಬೇಲಿ ತೆಗೆಯುವಂತೆ ಅವರು ಶಾಂತಿ ಪಿಂಟೋ ಅವರಿಗೆ ವಿನಂತಿಸಿದ್ದಾರೆ. ಇದಕ್ಕೆ ಶಾಂತಿ ಪಿಂಟೋ ಅವರು ಒಪ್ಪದ ಕಾರಣ ವಾಗ್ವಾದ ನಡೆದಿದೆ. ಅದು ಹೊಡೆದಾಟದ ಸ್ವರೂಪಪಡೆದಿದೆ. ಶಾಂತಿ ಪಿಂಟೋ ಅವರು ತಮ್ಮ ಅಣ್ಣ ಜಾನಿ ಫರ್ನಾಂಡಿಸ್ ಅವರಿಗೆ ಫೋನ್ ಮಾಡಿ ಕರೆಯಿಸಿದ್ದು, ಜಾನಿ ಪಿಂಟೋ ಅವರು ಪ್ರೇಮಾ ಪಿಂಟೋ ಅವರ ಮೇಲೆ ಕೈ ಮಾಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ಪ್ರೇಮಾ ಪಿಂಟೋ ಅವರು ಕಿರಣ ಪಿಂಟೋ ಅವರನ್ನು ಕರೆದಿದ್ದು, ಅವರು ಶಾಂತಿ ಪಿಂಟೋ ಅವರ ಕೈಯಲ್ಲಿದ್ದ ಮೊಬೈಲ್ ಕಸಿದು ಅದರಿಂದಲೇ ಹಣೆಗೆ ಹೊಡೆದಿದ್ದಾರೆ. ಈ ಹೊಡೆದಾಟದಲ್ಲಿ ಪ್ರೇಮಾ ಪಿಂಟೋ ಅವರಿಗೂ ಕಟ್ಟಿಗೆಯಿಂದ ಒದೆ ಬಿದ್ದಿದೆ. ಈ ಎಲ್ಲಾ ಹೊಡೆದಾಟದ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಇಸ್ರೇಲಿನಿಂದಲೇ ಸಿಸಿ ಕ್ಯಾಮರಾ ನೋಡಿದ ಪ್ರೇಮಾ ಪಿಂಟೋ ಅವರ ಗಂಡನ ತಮ್ಮ ವಾಲೆಂತ್ ಪಿಂಟೋ ಬುದ್ದಿ ಹೇಳಿದ್ದಾರೆ. ಇದನ್ನು ಸಹಿಸದ ಪ್ರೇಮಾ ಪಿಂಟೋ ಅವರು ತಮ್ಮ ಮೇಲೆ ದಾಳಿ ನಡೆಸಿದ ಶಾಂತಿ ಪಿಂಟೋ, ಅವರ ಅಣ್ಣ ಜಾನಿ ಫರ್ನಾಂಡಿಸ್ ಹಾಗೂ ಸಿಸಿ ಕ್ಯಾಮರಾ ನೋಡಿ ಬೈದ ವಾಲೆಂತ್ ಪಿಂಟೋ ಅವರ ವಿರುದ್ಧ ದೂರು ನೀಡಿದ್ದಾರೆ. ಶಾಂತಿ ಪಿಂಟೋ ಅವರು ಸಹ ಬೇಲಿ ಮುರಿಯಲು ಆಗಮಿಸಿದ ಪ್ರೇಮಾ ಪಿಂಟೋ ಹಾಗೂ ಕಿರಣ ಪಿಂಟೋ ವಿರುದ್ಧ ದೂರಿದ್ದಾರೆ. ಎರಡು ಕಡೆಯವರ ದೂರು ಆಲಿಸಿದ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಯಕ್ಷಶ್ರೀ: ಅಭಿಮನ್ಯುವಾಗಿ ಮಿಂಚಿದ ಬಾಲೆ!](https://mobiletime.in/2026/03/yakshashri-the-child-who-shone-as-abhimanyu/): ಶಿರಸಿ ನಗರದ ಟಿಎಂಎಸ್ ಸಭಾಂಗದಣದಲ್ಲಿ ನಡೆದ ಯಕ್ಷಗಾನ ವೇದಿಕೆಯಲ್ಲಿ ಹುತಗಾರ ಸನ್ನಿಧಿ ಭಟ್ ಅವರು ಅ ಕೃಷ್ಣಾರ್ಜುನದ ಅಭಿಮನ್ಯುವಾಗಿ ಮಿಂಚಿದ್ದಾರೆ. ಬಾಲಕಿಯ ಪ್ರತಿಭೆ ನೋಡಿ ಪ್ರೇಕ್ಷಕರು ಚಪ್ಪಾಳೆ ತಟ್ಟಿ ಪ್ರೋತ್ಸಾಹಿಸಿದ್ದಾರೆ. ಆಟವಾಡುತ್ತಿದ್ದ ಅಭಿಮನ್ಯುವನ್ನು ತಾಯಿ ಕರೆದು ಅಪ್ಪ ಅರ್ಜುನನಲ್ಲಿಗೆ ಕರೆದೋಯ್ದು ಗಯನ ಬಿಡುಗಡೆಗೆ ಕೇಳಿಕೊಳ್ಳುವಳು. ಆದರೆ ಅಭಿಮನ್ಯು ಗಯನನ್ನು ರಕ್ಷಿಸುವಂತೆ ಹೇಳುವನು. ಅಪ್ಪನ ನಲ್ಲಿ ಲಾಲಿಸಿ ಕೇಳೆನ್ನ ಮಾತ ಪದ್ಯದಿಂದಲೇ ತನ್ನ ಲಾಲಿತ್ಯ ಪೂರ್ಣ ಅಭಿನಯದ ಮೂಲಕ ಸನ್ನಿಧಿ ಭಟ್ ಅವರು ಪ್ರೇಕ್ಷಕರ ಮನಗೆದ್ದರು. ಪೌರಾಣಿಕ ಪ್ರಸಂಗ ಕವಿ ಹಳೇಮಕ್ಕಿ ರಾಮ ವಿರಚಿತ ಕೃಷ್ಣಾರ್ಜುನ ಕಾಳಗ ಯಕ್ಷಗಾನವೂ ಕಲಾಸಕ್ತರಮನ ತಣಿಸಿತು. ಹಿರಿಯ ಕಲಾವಿದ ಬಳಕೂರು ಕೃಷ್ಣಯಾಜಿ 70 ಇಳಿ ವಯಸ್ಸಿನಲ್ಲೂ ಅರ್ಜುನ ಪಾತ್ರಧಾರಿಯಾಗಿ ಗಂಭೀರವಾಗಿ ರಂಗವೇರಿದರೆ, ವಿನಯ ಬೇರೊಳ್ಳಿ ಕೃಷ್ಣನಾಗಿ ಮಿಂಚಿದರು. ಸುಭದ್ರೆಯಾಗಿ ಅಶ್ವಿನಿ ಕೊಂಡದಕುಳಿ, ದಾರುಕನಾಗಿ ಶ್ರೀಧರ ಹೆಗಡೆ ಚಪ್ಪರಮನೆ, ಭೀಮನಾಗಿ ಹಿಲ್ಲೂರು ಮಂಜುನಾಥ ಅಭಿನಯದಲ್ಲಿ ಮಿಂಚಿದರು. ಅಭಿಮನ್ಯುವಾಗಿದ್ದ ಯಕ್ಷಕುವರಿ ಸನ್ನಿಧಿ ಭಟ್ಟ ಹುತ್ಗಾರ ಬಾಲ ಅಭಿನಯದ ಮೂಲಕ ಜನರ ಮನಗೆದ್ದರು. ಹಿರಿಯ ಭಾಗವತ ಸುರೇಶ ಶೆಟ್ಟಿ ಮತ್ತು ಪ್ರಸಿದ್ಧ ಭಾಗವತ ರಾಮಕೃಷ್ಣ ಹೆಗಡೆ ಹಿಲ್ಲೂರು ಭಾಗವತಿಕೆಯಲ್ಲಿ ಮದ್ದಲೆಯಲ್ಲಿ ನಾದಶಂಕರ ಶಂಕರ ಭಾಗವತ ಯಲ್ಲಾಪುರ, ಚಂಡೆ ವಾದನದಲ್ಲಿ ಪ್ರಸನ್ನ ಭಟ್ಟ ಹೆಗ್ಗಾರ, ಸಾಂತೂರು ಗಜಾನನ ಸಹಕಾರ ನೀಡಿದರು. ಪ್ರಶಸ್ತಿ ಕಾರ್ಯಕ್ರಮದ ಪೂರ್ವದಲ್ಲಿ ನಡೆದ ಗಾನ ವೈಭವದಲ್ಲಿ ಶ್ರೀಪಾದ ಹೆಗಡೆ ಬಾಳೆಗದ್ದೆ, ಗಜಾನನ ಭಟ್ಟ ತುಳಗೇರಿ, ಸೃಜನ ಹೆಗಡೆ ಸಾಗರ ದ್ವಂದ್ವವಾಗಿ ಹಾಗೂ ಏಕ ವ್ಯಕ್ತಿಯಾಗಿ ಯಕ್ಷಗಾನದ ಶೃಂಗಾರರಸ, ವೀರರಸ, ಹಾಸ್ಯ, ಪಿಠೀಕೆ ಹೀಗೆ ವಿವಿಧ ಪ್ರಸಂಗದ ಪದ್ಯಗಳನ್ನು ಹಾಡಿದರು. ಮದ್ದಲೆಯಲ್ಲಿ ಶಂಕರ ಭಾಗವತ ಯಲ್ಲಾಪುರ, ಮಂಜುನಾಥ ಗುಡ್ಡೆದಿಂಬ, ಚಂಡೆ ವಾದನದಲ್ಲಿ ಪ್ರಸನ್ನ ಹೆಗ್ಗಾರ, ಗಜಾನನ ಸಾಂತೂರು ಪಾಲ್ಗೊಂಡು ವಾದನದ ಮೇಲಿನ ಕೈಚಳಕ ತೋರಿದರು. ನಾಗರಾಜ ಜೋಶಿ ಪ್ರಸಂಗ ಹಾಗೂ ಪದ್ಯಗಳ ವಿವರಣೆ ನೀಡಿದರು. ಹಿಲ್ಲೂರು ಯಕ್ಷಮಿತ್ರ ಬಳಗ ಆಯೋಜಿಸಿದ್ದ ಗಾನ ವೈಭವ, ಪ್ರಶಸ್ತಿ ಪ್ರದಾನ, ಯಕ್ಷಗಾನ ಪ್ರದರ್ಶನದ ಕಾರ್ಯಕ್ರಮ ಅರ್ಥಪೂರ್ಣವಾಗಿ ನಡೆದಿದ್ದು ಆಗಮಿಸಿದ ಅನೇಕರು ರಸದೌತಣ ಸವಿದರು. ಇಡೀ ಸಮಾರಂಭ ಈ ನೆಲದ ಕಲೆಯ ಉಳಿವು, ಜಾಗೃತಿ, ಅಭಿನಂದನೆ, ಮುಂದಿನ ಪೀಳಿಗೆಗೆಗ ಹಸ್ತಾಂತರಿಸುವ ಕುರಿತು ಸಮಾಲೋಚನೆಯ ವೇದಿಕೆಯಾಗಿ ಕಾಣಿಸಿತು. ಈ ವೇದಿಕೆಯಲ್ಲಿ ಹಿಲ್ಲೂರು ಯಕ್ಷ ಮಿತ್ರ ಪ್ರಶಸ್ತಿಯನ್ನು ಯಕ್ಷಗಾನದ ಮೇರು ಭಾಗವತ ಸುರೇಶ ಶೆಟ್ಟಿ ಶಂಕರನಾರಾಯಣ ಅವರಿಗೆ ಪ್ರದಾನ ಮಾಡಲಾಯಿತು. ಸ್ಮರಣಿಕೆ, ಹತ್ತು ಸಾವಿರ ರೂ. ನಗದು, ಶಾಲು, ಸನ್ಮಾನ ಪತ್ರ ಒಳಗೊಂಡ ಗೌರವವನ್ನು ನೀಡಿ ಅಭಿನಂದಿಸಲಾಯಿತು. ಹಿರಿಯ ಕಲಾವಿದ ಕೃಷ್ಣ ಯಾಜಿ ಬಳಕೂರು ಹಾಗೂ ಅವರ ಪತ್ನಿ ಶಾಂತಾ ಯಾಜಿ ಅವರಿಗೆ 10 ಸಾವಿರ ರೂ ನಗದು ಸನ್ಮಾನ ಪತ್ರ ನೀಡುವ ಮೂಲಕ ಗೌರವಿಸಲಾಯಿತು. ಇದೇ ವೇಳೆ ಪ್ರಾಣಿ ಪ್ರಿಯ, ಅನಾಥ ಪ್ರಾಣಿಗಳ ರಕ್ಷಕ ರಾಜೇಂದ್ರ ಶಿರಸಿಕರ್ ಅವರಿಗೆ 5 ಸಾವಿರ ರೂ ಪ್ರೋತ್ಸಾಹಕ ಬಹುಮಾನ ನೀಡಿ ಪುರಸ್ಕರಿಸಲಾಯಿತು. ಪ್ರಶಸ್ತಿ ಪ್ರದಾನದಲ್ಲಿ ಭಾಗವಹಿಸಿದ ಎಂಇಎಸ್ ಅಧ್ಯಕ್ಷ ಜಿ ಎಂ ಹೆಗಡೆ ಮುಳಖಂಡ ಅವರು `ಯಕ್ಷಗಾನ ದಂಥ ಕಲೆಯ ಉಳಿವಿಗೆ ಎಲ್ಲರ ಸಹಕಾರ ಅಗತ್ಯ’ ಎಂದರು. ಧಾರವಾಡ ಹಾಲು ಒಕ್ಕೂಟ ಉಪಾಧ್ಯಕ್ಷ ಸುರೇಶ್ಚಂದ್ರ ಹೆಗಡೆ ಕೆಶಿನ್ಮನೆ ಅವರು `ಹಿಲ್ಲೂರು ಭಾಗವತರು ಯಕ್ಷಗಾನ ಕ್ಷೇತ್ರಕ್ಕೆ ನೀಡುತ್ತಿರುವ ಕೊಡುಗೆ ಅಪಾರ’ ಎಂದು ಶ್ಲಾಘಿಸಿದರು. ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ, ಯಲ್ಲಾಪುರ ಟಿಎಂಎಸ್ ಪ್ರಮುಖ ನರಸಿಂಹ ಕೋಣೆಮನೆ, ಕೆಡಿಸಿಸಿ ಮಾಜಿ ಆರ್ ಜಿ ಭಾಗವತ, ಚೈತನ್ಯ ಪಿಯು ಅಧ್ಯಕ್ಷ ಕೆ ಬಿ ಲೋಕೇಶ ಹೆಗಡೆ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಇದೇ ವೇಳೆ ವಿದ್ವಾನ್ ದತ್ತಮೂರ್ತಿ ಭಟ್ಟ ಶಿವಮೊಗ್ಗ, ಪತ್ರಕರ್ತ ಗಿರಿಧರ ಕಬ್ನಳ್ಳಿ ಮಾತನಾಡಿದರು. ಅಭಿನಂದನಾ ನುಡಿ ಆಡಿದ ದತ್ತಮೂರ್ತಿ ಭಟ್ಟ ಅವರು `ಶಾಸಕರ ಅನುದಾನದಲ್ಲಿ ಶಾಲಾ ಮಕ್ಕಳಿಗೆ ಯಕ್ಷಗಾನ ಕಲಿಕೆ ದಕ್ಷಿಣ ಕನ್ನಡದಲ್ಲಿ ನಡೆಯುತ್ತಿದೆ. ಯಕ್ಷಗಾನದಿಂದ ಆಂಗಿಕ, ಸಾತ್ವಿಕ, ಪೌರಾಣಿಕ ಎಲ್ಲ ಸಂಗತಿಗಳು ಇವೆ. ಉತ್ತರ ಕನ್ನಡದಲ್ಲೂ ಶಾಸಕರ ಅನುದಾನ ಅಡಿಯಲ್ಲಿ ಮಕ್ಕಳಿಗೆ ಶಾಲೆಯಲ್ಲಿ ಯಕ್ಷಗಾನ ಪಾಠದ ಕಾರ್ಯ ಆಗಬೇಕು’ ಎಂದು ಆಶಿಸಿದರು. ಬಳಗದ ರಮ್ಯ ರಾಮಕೃಷ್ಣ, ಗುರುಪಾದ ಭಟ್ಟ, ಚಿತ್ರಾ ಹೆಗಡೆ, ರವಿ ಮುರೂರು, ಯಾಜಿ ಅವರ ಪತ್ನಿ ಶಾಂತಾ ಯಾಜಿ ಇತರರು ಇದ್ದರು. ವಿವೇಕ ಹೆಗಡೆ ಸ್ವಾಗತಿಸಿದರು. ರಾಮಕೃಷ್ಣ ಹೆಗಡೆ ಹಿಲ್ಲೂರು ಪ್ರಸ್ತಾವಿಕ ಮಾತನಾಡಿದರು. ನಾಗರಾಜ ಕವಲಕ್ಕಿ ನಿರ್ವಹಿಸಿದರು.
- [ರಜೆಯ ಮೋಜಿಗೆ ಮಕ್ಕಳ  ಶಿಬಿರ](https://mobiletime.in/2026/03/childrens-camp-for-holiday-fun/): ಪ್ರತಿ ವರ್ಷದ ಹಾಗೇ ಈ ವರ್ಷವೂ ಯಲ್ಲಾಪುರದ `ರಂಗ ಸಹ್ಯಾದ್ರಿ’ ಬಳಗದವರು ಮಕ್ಕಳಿಗಾಗಿ ಬೇಸಿಗೆ ಶಿಬಿರ ಆಯೋಜಿಸಿದ್ದಾರೆ. ಏಪ್ರಿಲ್ 11ರಿಂದ ಮೇ 3ರವರೆಗೆ ಈ ಶಿಬಿರ ನಡೆಯಲಿದೆ. `ಕಳೆದ 20 ವರ್ಷಗಳಿಂದ ಈ ಶಿಬಿರ ಆಯೋಜಿಸಲಾಗುತ್ತಿದೆ. ಈ ಬಾರಿಯೂ ಯಲ್ಲಾಪುರ ಪಟ್ಟಣದ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಿಬಿರ ನಡೆಯಲಿದೆ’ ಎಂದು ರಂಗ ಸಹ್ಯಾದ್ರಿಯ ಅಧ್ಯಕ್ಷ ಡಿ ಎನ್ ಗಾಂವ್ಕರ್ ಅವರು ಮಾಹಿತಿ ನೀಡಿದರು. ಪ್ರತಿದಿನ ಬೆಳಿಗ್ಗೆ 9.30ರಿಂದ ಸಂಜೆ 5ಗಂಟೆಯವರೆಗೆ ಶಿಬಿರ ನಡೆಯಲಿದೆ. ಮಕ್ಕಳ ರಜಾ ದಿನವನ್ನು ಅರ್ಥಪೂರ್ಣವಾಗಿ ಆಚರಿಸಲು ರೂಪುರೇಷೆ ಸಿದ್ಧಪಡಿಸಲಾಗಿದೆ’ ಎಂದವರು ತಿಳಿಸಿದರು. `ಈ ಶಿಬಿರದಲ್ಲಿ ವಿವಿಧ ತಜ್ಞರಿಂದ ತರಗತಿ ನಡೆಯಲಿದೆ. ಭಗವದ್ಗೀತೆ ಶ್ಲೋಕ ಪಠಣ, ಯೋಗ, ಸಂಗೀತ, ನೃತ್ಯ, ನಾಟಕ, ಚಿತ್ರಕಲೆ, ಕರಾಟೆ, ಮರಕಾಲು ನಡಿಗೆ, ಅರ್ಟ, ಕ್ರಾಪ್ಸ್, ರಿಂಗ್ ಡಾನ್ಸ್, ಬಾಲ್ ಜಗಲಿಂಗ್, ರೂಬಿಸ್ ಕ್ಯೂಬ್, ಕಂಪ್ಯೂಟರ್ ಕುರಿತು ಪ್ರಾಥಮಿಕ ಮಾಹಿತಿ ನೀಡಲಾಗುತ್ತದೆ. ಮಹಾಭಾರತ ಹಾಗೂ ರಾಮಾಯಣ ಕಥೆಗಳ ಮೂಲಕ ನೈತಿಕ ಮೌಲ್ಯಗಳ ಪಾಠ ಮಾಡಲಾಗುತ್ತದೆ. ಶಿಬಿರದ ಅವಧಿಯಲ್ಲಿ ಮಕ್ಕಳಿಗೆ ಊಟದ ವ್ಯವಸ್ಥೆಯಿರಲಿದ್ದು, ಮನರಂಜನೆ ಮತ್ತು ಕಲಿಕೆ ಎರಡೂ ಏಕಕಾಲದಲ್ಲಿ ಸಿಗುವಂತೆ ವಿನ್ಯಾಸ ಮಾಡಲಾಗಿದೆ’ ಎಂದವರು ವಿವರಿಸಿದರು ಸುಮಂಗಲಾ ಜೋಶಿ, ಪಾರ್ವತಿ ಕಟ್ಟಿಮನಿ, ಲಕ್ಷ್ಮೀ ಶಂಕರ ಹೆಗಡೆ, ಪರಮೇಶ್ವರ ನಾಯ್ಕ, ಸೋನು ಭಟ್ಟ ಇದ್ದರು.
- [`ನಾಯಕರ ವಿರುದ್ಧ ಅನಗತ್ಯ ಆರೋಪ'](https://mobiletime.in/2026/03/unnecessary-allegations-against-leaders/): ಕೆಪಿಸಿಸಿ ಮಾಜಿ ಕಾರ್ಯದರ್ಶಿ, ಅಂಕೋಲಾದ ಕಾಂಗ್ರೆಸ್ ನಾಯಕ ಗೋಪಾಲಕೃಷ್ಣ ನಾಯಕ ಅವರ ಮೇಲೆ ನಡೆದ ದಾಳಿ ಪ್ರಕರಣ ದಿನಕ್ಕೊಂದು ಸ್ವರೂಪಪಡೆಯುತ್ತಿದೆ. ಈ ಬಗ್ಗೆ ಮಾತನಾಡಿದ ಗೋಪಾಲಕೃಷ್ಣ ನಾಯಕ ಅವರು ಆರ್ ಎನ್ ನಾಯಕ ಅವರ ಪುತ್ರರ ಮೇಲೆ ಆರೋಪ ಮಾಡಿದ್ದು, ಈ ಆರೋಪವನ್ನು ಮಯೂರ ನಾಯಕ ಕುಟುಂಬದವರು ಅಲ್ಲಗೆಳೆದಿದ್ದಾರೆ. `ಗೋಪಾಲಕೃಷ್ಣ ನಾಯಕ ಅವರ ಮೇಲೆ ನಡೆದ ಹಲ್ಲೆ ಪ್ರಕರಣದಲ್ಲಿ ನಮ್ಮ ಕುಟುಂಬದ ಹೆಸರನ್ನು ಅನವಶ್ಯಕವಾಗಿ ಎಳೆದು ತರಲಾಗಿದೆ. ದುರುದ್ದೇಶದಿಂದ ಈ ಆರೋಪ ಮಾಡಲಾಗಿದ್ದು, ವೈಯಕ್ತಿಕವಾಗಿ ತೇಜೋವಧೆ ಮಾಡುವ ಹುನ್ನಾರ ನಡೆದಿದೆ’ ಎಂದು ಉದ್ಯಮಿ ಮಯೂರ ಆರ್ ನಾಯಕ ಕುಟುಂಬ ತಿಳಿಸಿದೆ. `ಹಲ್ಲೆ ಪ್ರಕರಣದ ಈ ಅವಕಾಶವನ್ನು ಬಳಸಿಕೊಂಡು ಗೋಪಾಲಕೃಷ್ಣ ನಾಯಕ ಅನವಶ್ಯಕವಾಗಿ ಆರ್ ಎನ್ ನಾಯಕ ಹಾಗೂ ಮಯೂರ ನಾಯಕ ಹೆಸರನ್ನು ಪ್ರಸ್ತಾಪಿಸಿರುವುದು ಸರಿಯಲ್ಲ. ತಮ್ಮ ದ್ವೇಷಕ್ಕೆ, ದುರುದ್ದೇಶಕ್ಕೆ ಒಂದು ದಿಕ್ಕು ಗೊತ್ತುಮಾಡುವ ಹಾಗೂ ಸ್ವಪ್ರಚಾರ ಪಡೆದುಕೊಳ್ಳುವ ಸಲುವಾಗಿ ಈ ಬಗ್ಗೆ ಆರೋಪಿಸಲಾಗಿದೆ. ತಾವು ನಿಶ್ಚಿತವಾಗಿ ಆರೋಪಿಸಬೇಕಾದ ವ್ಯಕ್ತಿಯ ಗೊತ್ತು ಗುರಿಯಿಲ್ಲದೆಯೋ ಅಥವಾ ಅವರನ್ನು ತಲುಪಲು ಸಾಧ್ಯವಾಗದು ಎಂಬ ಕಾರಣದಿಂದ ಪ್ರಕರಣದ ದಿಕ್ಕು ತಪ್ಪಿಸಲು ಮಯೂರ ನಾಯಕ ಅವರ ಕಡೆ ಆರೋಪ ಮಾಡಿದ ಹಾಗೇ ಭಾಸವಾಗುತ್ತಿದೆ. ಪ್ರಕರಣದ ದಿಕ್ಕು ತಪ್ಪಿಸಿಯಾದರೂ ಲಾಭ ಪಡೆದುಕೊಳ್ಳಬೇಕು ಎಂಬ ಉದ್ದೇಶಕ್ಕೆ ಈ ಮಾರ್ಗ ಅನುಸರಿಸುತ್ತಿರುವಂತೆ ಕಾಣುತ್ತಿದೆ’ ಎಂದು ಮಯೂರ್ ನಾಯಕ ಅವರ ಕುಟುಂಬದವರು ಹೇಳಿಕೆ ನೀಡಿದ್ದಾರೆ. `ಈ ಪ್ರಕರಣಕ್ಕೆ ಯಾವುದೇ ರೀತಿಯ ಸಂಬoಧ ಇಲ್ಲದೆ ಇದ್ದರೂ ಕೂಡ ಹಿರಿಯ ಪೊಲೀಸ್ ಅಧಿಕಾರಿಗಳ ಮೂಲಕ ಒತ್ತಡ ಹಾಕಿಸಿ ಕೇಸನ್ನು ಮಯೂರ ನಾಯಕ ಮೇಲೆ ಎಳೆಯುವ ಹುನ್ನಾರ ನಡೆಸುವ ಅನುಮಾನವೂ ಕಾಡಿದೆ. ಸಹಕಾರಿ ಚುನಾವಣೆಯಲ್ಲಿ ಹಲವರೊಂದಿಗೆ ಗೋಪಾಲಕೃಷ್ಣ ನಾಯಕ ವಾಗ್ವಾದ ನಡೆಸಿದ ಕುರಿತು ಮಾಧ್ಯಮಗಳಲ್ಲಿಯೂ ವರದಿಯಾಗಿದೆ. ಆದರೆ ಕೇವಲ ಮಯೂರ ನಾಯಕ ಹೆಸರನ್ನು ಮಾತ್ರ ಬಳಕೆ ಮಾಡಿರುವುದು ಅಲ್ಲದೇ ಕೆಲವು ಮಾಧ್ಯಮಗಳ ವರದಿಗಳಲ್ಲಿ ತಪ್ಪು ಕಲ್ಪನೆ ಮೂಡುವಂತೆ ಆ ಮೂಲಕ ಸಾರ್ವಜನಿಕ ಅಭಿಪ್ರಾಯವನ್ನು ಬೇರೆಡೆಗೆ ಸೆಳೆಯುವ ಕುತಂತ್ರ ಅಡಗಿದೆ. ಹೀಗಾಗಿ ಆರ್ ಎನ್ ನಾಯಕ ಕುಟುಂಬದ ಆತ್ಮೀಯ ಬಾಂಧವರು ಈ ವದಂತಿ ಇಲ್ಲವೇ ಕಪೋಕಲ್ಪಿತ ಊಹಾಪೋಹಗಳಿಗೆ ತಲೆಕೆಡಿಸಿಕೊಳ್ಳಬಾರದು’ ಎಂದು ಮಯೂರ ನಾಯಕ ಕುಟುಂಬದವರು ಮನವಿ ಮಾಡಿದ್ದಾರೆ. ಜೊತೆಗೆ `ಹಲ್ಲೆ ಪ್ರಕರಣದ ತನಿಖೆ ನ್ಯಾಯೋಚಿತವಾಗಿ ನಡೆಯುವುದೆಂಬ ಭರವಸೆ ನಮಗೂ ಇದೆ’ ಎಂದವರು ಮಾಧ್ಯಮ ಪ್ರಕಟಣೆ ಮೂಲಕ ಹೇಳಿದ್ದಾರೆ.
- [ಮದುವೆಗೆ ಹೆದರಿವ ಮನೆಬಿಟ್ಟು ಹೋದ!](https://mobiletime.in/2026/03/he-left-home-afraid-of-marriage/): ಮದುವೆ ಆಗಲು ಇಷ್ಟವಿಲ್ಲದ ಕಾರಣ ಯಲ್ಲಾಪುರದ ಕನ್ನಡಗಲ್-ವಡೆಹೊಕ್ಕಳಿ ಬಳಿಯ ಸತೀಶ ಮಳಿಕ ಅವರು ಮನೆ ಬಿಟ್ಟು ಹೋಗಿದ್ದಾರೆ. ಮನೆ ಬಿಡುವ ಮುನ್ನ ಅವರು ಸಹೋದರನಿಗೆ ಮೆಸೆಜ್ ಮಾಡಿದ್ದು, `ಮದುವೆ ಇಷ್ಟವಿಲ್ಲ’ ಎಂದು ಹೇಳಿದ್ದಾರೆ. ಯಲ್ಲಾಪುರದ ಕನ್ನಡಗಲ್ ಪ್ರದೇಶದ ವಡೆಹೊಕಳಿ ಸಮೀಪದ ಚಿನ್ನೆಹುಕ್ಕಳಿಯಲ್ಲಿ ಸತೀಶ ರಮೇಶ ಮಳಿಕ ಅವರು ವಾಸವಾಗಿದ್ದರು. 26ವರ್ಷದ ಅವರು ಕಾರ್ಪರೆಂಟರ್ ಆಗಿ ಬದುಕು ನಡೆಸುತ್ತಿದ್ದರು. ಕುಟುಂಬದವರೆಲ್ಲ ಸೇರಿ ಸತೀಶ ಮಳಿಕ ಅವರಿಗೆ ಮದುವೆ ಮಾಡಲು ಯೋಚಿಸಿದ್ದರು. ಆದರೆ, ಸತೀಶ್ ಮಳಿಕ ಅವರಿಗೆ ಕುಟುಂಬದವರ ಈ ನಿರ್ಣಯ ಇಷ್ಟವಾಗಿರಲಿಲ್ಲ. ಮದುವೆ ವಿಷಯವಾಗಿ ಮಾನಸಿಕವಾಗಿ ನೊಂದಿದ್ದ ಸತೀಶ ಮಳಿಕ ಅವರು ಮಾರ್ಚ 28ರಂದು ತಮ್ಮ ಸಹೋದರ ವಿಷ್ಣು ರಮೇಶ ಮಳಿಕ್ ಅವರಿಗೆ ಮೆಸೆಜ್ ಮಾಡಿದರು. `ಮದುವೆ ಇಷ್ಟವಿಲ್ಲದ ಕಾರಣ ಮನೆ ಬಿಟ್ಟು ಹೋಗುತ್ತಿದ್ದೇನೆ’ ಎಂದವರು ಇಂಗ್ಲಿಷಿನಲ್ಲಿ ಬರೆದಿದ್ದರು. ಮಧ್ಯಾಹ್ನ 3.23ಕ್ಕೆ ಮನೆಯಿಂದ ಹೊರಟ ಅವರು ಮರುದಿನವಾದರೂ ಮರಳಿ ಬರಲಿಲ್ಲ. ಇದರಿಂದ ಆತಂಕಕ್ಕೆ ಒಳಗಾದ ಕುಟುಂಬದವರು ಎಲ್ಲಾ ಕಡೆ ಹುಡುಕಾಟ ನಡೆಸಿದರು. ಸತೀಶ್ ಮಳಿಕ್ ಅವರಿಗಾಗಿ ಸಂಬAಧಿಕರ ಮನೆಗೆ ಫೋನ್ ಮಾಡಿದರು. ಪರಿಚಯದವರ ಬಳಿ ವಿಚಾರಣೆ ನಡೆಸಿದರು. ಆದರೆ, ಎಲ್ಲಿಯೂ ಸತೀಶ್ ಮಳಿಕ್ ಅವರ ಸುಳಿವು ಸಿಗಲಿಲ್ಲ. ಹೀಗಾಗಿ ವಿಷ್ಣು ಮಳಿಕ್ ಅವರು ಪೊಲೀಸರ ಸಹಾಯಪಡೆದರು. ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸತೀಶ್ ಮಳಿಕ್ ಅವರನ್ನು ಹುಡುಕಿಕೊಡುವ ಭರವಸೆ ನೀಡಿದರು.  
- [ಬೈಕುಗಳ ನಡುವೆ ಡಿಕ್ಕಿ: ಮನೆಯಿಂದ ಹೊರಟ ಮೀನುಗಾರ ಮಸಣ ಸೇರಿದ!](https://mobiletime.in/2026/03/collision-between-bikes-fisherman-who-left-home-ends-up-in-a-ditch/): ಅಂಕೋಲಾದ ಹಾರವಾಡದ ಬಳಿ ಎರಡು ಬೈಕುಗಳ ನಡುವೆ ಮುಖಾಮುಖಿ ಡಿಕ್ಕಿ ನಡೆದಿದ್ದು, ಈ ದುರಂತದಲ್ಲಿ ಅದೇ ಭಾಗದ ಸಚಿನ ಹರಿಕಂತ್ರ ಅವರು ಸಾವನಪ್ಪಿದ್ದಾರೆ. ಅಪಘಾತಕ್ಕೆ ಕಾರಣನಾದ ಅಪರಿಚಿತ ಬೈಕ್ ಸವಾರ ಪಲ್ಸರ್ ಬೈಕ್ ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದು, ಆ ಅಪರಿಚಿತನ ಶೋಧ ಶುರುವಾಗಿದೆ. ಸಚಿನ ಬುದ್ದು ಹರಿಕಂತ್ರ (30) ಅವರು ಹಾರವಾಡ ತರಂಗಮೇಟುವಿನ ಬಳಿ ವಾಸವಾಗಿದ್ದರು. ಮೀನುಗಾರಿಕೆ ಮಾಡಿಕೊಂಡು ಅವರು ಬದುಕು ನಡೆಸುತ್ತಿದ್ದರು. ಮಾರ್ಚ 28ರ ರಾತ್ರಿ ಅವರು ಮನೆಯಿಂದ ಹೊರಬಿದ್ದಿದ್ದು, ಬೈಕ್ ಚಾಲು ಮಾಡಿದ್ದರು. ಹಾರವಾಡದಿಂದ ಅವರ್ಸಾ ಕಡೆ ಹೋರಟಿದ್ದ ಪಲ್ಸರ್ ಬೈಕು ಸಚೀನ್ ಹರಿಕಂತ್ರ ಅವರ ಬೈಕಿಗೆ ಮೂಡೆಕಟ್ಟಾ ಕ್ರಾಸಿನ ಬಳಿ ಗುದ್ದಿತು. ಆ ಬೈಕ್ ಗುದ್ದಿದ ರಭಸಕ್ಕೆ ಸಚಿನ ಹರಿಕಂತ್ರ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಎದೆ, ಕೈ-ಕಾಲುಗಳಿಗೆ ಗಾಯವಾಗಿದ್ದ ಅವರನ್ನು ಅಂಕೋಲಾದ ಆರ್ಯ ಮೆಡಿಕಲ್’ಗೆ ದಾಖಲಿಸಲಾಯಿತು. ಅಪಘಾತ ಗಮನಿಸಿದ ಪಲ್ಸರ್ ಬೈಕ್ ಸವಾರ ತಮ್ಮ ಬೈಕನ್ನು ಅಲ್ಲಿಯೇ ಬಿಟ್ಟು ಪರಾರಿಯಾದರು. ಸಾಕಷ್ಟು ಚಿಕಿತ್ಸೆ ನೀಡಿದರೂ ಸಚಿನ್ ಹರಿಕಂತ್ರ ಅವರು ಬದುಕಲಿಲ್ಲ. ಅದೇ ದಿನ ರಾತ್ರಿ ಅವರು ಕೊನೆಯುಸಿರೆಳೆದರು. ಈ ಅಪಘಾತದ ಬಗ್ಗೆ ಹಾರವಾಡದ ಮೀನು ವ್ಯಾಪಾರಿ ಮಂಗಲಾ ಪಾಂಡುರAಗ ಹರಿಕಂತ್ರ ಅವರು ಮಾಹಿತಿ ನೀಡಿದರು. ಆ ಮಾಹಿತಿ ಆಧರಿಸಿ ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದರು. ಸದ್ಯ ಅಪಘಾತಕ್ಕೆ ಕಾರಣನಾದ ಪಲ್ಸರ್ ಬೈಕ್ ಚಾಲಕನ ಶೋಧ ಶುರುವಾಗಿದೆ.  
- [ಸಿಸಿ ಟಿವಿ ಶಾರ್ಟ ಸರ್ಕೀಟ್: ಯುಕೆ ಬ್ಯಾಂಕಿಗೆ ಬೆಂಕಿ!](https://mobiletime.in/2026/03/cctv-short-circuit-uk-bank-catches-fire/): ಹೊನ್ನಾವರ ಪಟ್ಟಣದಲ್ಲಿರುವ ಯುಕೆ ಸೌಹಾರ್ದ ಕೋ ಆಪರೇಟಿವ್ ಸೊಸೈಟಿಗೆ ಬೆಂಕಿ ಬಿದ್ದಿದೆ. ಬ್ಯಾಂಕಿನಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮರಾ ವಯರ್ ಶಾರ್ಟ ಸರ್ಕೀಟ್ ಆಗಿದ್ದೇ ಅಗ್ನಿ ಅವಘಡಕ್ಕೆ ಕಾರಣವಾಗಿದೆ. ಇಲ್ಲಿನ ಜೇನು ಸೊಸೈಟಿ ಮೇಲ್ಬಾಗದ ಕಟ್ಟಡದಲ್ಲಿ ಯುಕೆ ಬ್ಯಾಂಕ್ ಕಚೇರಿ ಇತ್ತು. ಭಾನುವಾರ ಮಧ್ಯಾಹ್ನ ಬ್ಯಾಂಕಿನ ಕಚೇರಿಯಲ್ಲಿ ಹೊಗೆ ಕಾಣಿಸಿಕೊಂಡಿದ್ದು, ಸಮೀಪ ಹೋಗಿ ನೋಡಿದಾಗ ಬೆಂಕಿ ಬಿದ್ದಿರುವುದು ಗೊತ್ತಾಗಿದೆ. ಅಗ್ನಿ ಅವಘಡದಲ್ಲಿ ಲಕ್ಷಾಂತರ ರೂ ಮೌಲ್ಯದ ವಸ್ತುಗಳು ಹಾನಿಗೆ ಒಳಗಾಗಿದೆ. ಬೆಂಕಿ ವೇಗವಾಗಿ ವ್ಯಾಪಿಸಿದ ಪರಿಣಾಮ ಬ್ಯಾಂಕಿನಲ್ಲಿದ್ದ ಕಂಪ್ಯೂಟರ್ ಸುಟ್ಟು ಕರಕಲಾಗಿದೆ. ದಾಖಲೆಗಳನ್ನು ಸಂಗ್ರಹಿಸುವ ಚೆಂಬರ್ ಬಳಿಯೂ ಬೆಂಕಿ ಕಾಣಿಸಿಕೊಂಡಿದೆ. ಅಲ್ಲಿದ್ದ ಖುರ್ಚಿ ಸೇರಿ ವಿವಿಧ ವಸ್ತುಗಳು ಬೂದಿಯಾಗಿದೆ. ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಬೆಂಕಿ ಆರಿಸಿದ್ದಾರೆ. ಆ ಮೂಲಕ ಭಾರೀ ಪ್ರಮಾಣದ ಅನಾಹುತವನ್ನು ತಪ್ಪಿಸಿದ್ದಾರೆ.  
- [ಅತಿಯಾದ ಆಯಾಸ: ಅರಣ್ಯ ಸಿಬ್ಬಂದಿ ಜೀವನ ಅಂತ್ಯ!](https://mobiletime.in/2026/03/excessive-fatigue-forest-staffs-life-ends/): ಕರ್ತವ್ಯ ಮುಗಿಸಿ ಮನೆಗೆ ಬಂದಿದ್ದ ಹಳಿಯಾಳದ ಅರಣ್ಯ ಸಿಬ್ಬಂದಿ ಮಲ್ಲಪ್ಪ ಯಲಗೋಡು ಅವರು ಏಕಾಏಕಿ ಬೆವರಲು ಶುರು ಮಾಡಿದ್ದು, ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಹಳಿಯಾಳದ ಭಾಗವತಿ ಅರಣ್ಯ ಪ್ರದೇಶದಲ್ಲಿ ಮಲ್ಲಪ್ಪ ಶಂಕರಪ್ಪ ಯಲಗೋಡು (53) ಅವರು ವಾಚರ್ ಆಗಿ ಕೆಲಸ ಮಾಡುತ್ತಿದ್ದರು. ಭಾಗವತಿಯಲ್ಲಿಯೇ ವಾಸವಾಗಿದ್ದ ಅವರು ಮಾರ್ಚ 27ರ ಸಂಜೆ ಕರ್ತವ್ಯ ಮುಗಿಸಿ ಮನೆಗೆ ಮರಳಿದ್ದರು. ಮನೆಗೆ ಮರಳಿದ ಕೂಡಲೇ ಅವರು ಬೆವರಲು ಶುರು ಮಾಡಿದ್ದು, ಇದನ್ನು ನೋಡಿದವರು ತಕ್ಷಣ ಹಳಿಯಾಳ ಆಸ್ಪತ್ರೆಗೆ ದಾಖಲಿಸಿದರು. ಅಲ್ಲಿಂದ ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ಮಲ್ಲಪ್ಪ ಯಲಗೋಡು ಅವರನ್ನು ಧಾರವಾಡಕ್ಕೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ದಾರಿ ಮಧ್ಯೆಯೇ ಅವರು ಉಸಿರಾಟ ನಿಲ್ಲಿಸಿದರು. ಅದಾಗಿಯೂ ಅವರನ್ನು ಧಾರವಾಡ ಸಿವಿಲ್ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ಅಲ್ಲಿನ ವೈದ್ಯರು ಸಾವನ್ನು ದೃಢಪಡಿಸಿದರು. ಸಹೋದ್ಯೋಗಿ ಸಂಗಪ್ಪ ಯಲಗೋಡು ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ದರೋಡೆಗೆ ಬಂದಿದ್ದ ಡಕಾಯಿತ ಸೆರೆ!](https://mobiletime.in/2026/03/robber-arrested/): ರಸ್ತೆಯಲ್ಲಿ ಹೋಗಿ-ಬರುವ ಜನರಿಗೆ ಖಾರದಪುಡಿ ಎರಚಿ ಅವರ ಬಳಿಯಿಂದ ಬಂಗಾರ ಹಾಗೂ ಹಣ ದರೋಡೆಗೆ ಪ್ರಯತ್ನಿಸಿದ್ದ ಅಜಯ ಮಡ್ಲಿ ಅವರನ್ನು ಮುಂಡಗೋಡು ಪೊಲೀಸರು ಬಂಧಿಸಿದ್ದಾರೆ. ಜನರನ್ನು ಹೆದರಿಸಲು ಬಳಸುತ್ತಿದ್ದ ರಾಡ್, ಚಾಕು ಸೇರಿ ವಿವಿಧ ಬಗೆಯ ಆಯುಧವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಧಾರವಾಡದ ಅಜಯ ಪಕ್ಕೀರಪ್ಪ ಮಡ್ಲಿ ಅವರು ಮಾರ್ಚ 28ರಂದು ಮುಂಡಗೊಡಿಗೆ ಬಂದಿದ್ದರು. ಆ ದಿನ ರಾತ್ರಿ ಅವರು ಟಿಬೇಟಿಯನ್ ಕ್ಯಾಂಪ್ ಕಡೆಯಿಂದ ತೆಗ್ಗಿನಕೊಪ್ಪ ರಸ್ತೆಯಂಚಿನಲ್ಲಿ ಮಾರಕ ವಸ್ತುಗಳನ್ನು ಹಿಡಿದು ನಿಂತಿದ್ದರು. ಆ ಮಾರ್ಗವಾಗಿ ಬರುವ ಜನರ ಮೇಲೆ ಕೆಂಪು ಬಣ್ಣದ ಬೆಳಕು ಬಿಟ್ಟು ಹೆದರಿಸುವುದು ಅವರ ಉದ್ದೇಶವಾಗಿತ್ತು. ಹೆದರದವರ ಮೇಲೆ ಹಲ್ಲೆ ನಡೆಸಿ, ಖಾರದಪುಡಿ ಎರಚಲು ಅವರು ಸಿದ್ಧತೆ ಮಾಡಿಕೊಂಡಿದ್ದರು. ದಾರಿಹೋಕರ ಬಳಿಯಿದ್ದ ಚಿನ್ನ-ಹಣ ದೋಚಿ ಪರಾರಿಯಾಗಲು ಎಲ್ಲಾ ಬಗೆಯ ಸಿದ್ಧತೆ ಮಾಡಿದ್ದರು. ಈ ವಿಷಯ ಅರಿತ ಪಿಸೈ ಮಂಜುನಾಥ ಗೌಡರ್ ಅವರು ಅದೇ ಮಾರ್ಗವಾಗಿ ಹೋದರು. ಪೊಲೀಸ್ ಸಿಬ್ಬಂದಿ ಜೊತೆ ಹೊರಟ ಮಂಜುನಾಥ ಗೌಡರ್ ಅವರು ಡಕಾಯಿತನ ಹೆಡೆಮುರಿ ಕಟ್ಟಿದರು. ಅಜಯ ಮಡ್ಲಿ ಅವರ ಬಳಿಯಿದ್ದ ಬೈಕನ್ನು ಜಪ್ತು ಮಾಡಿ ಕಾನೂನು ಕ್ರಮ ಜರುಗಿಸಿದರು. ಖಾರದಪುಡಿ, ಚಾಕು, ರಾಡುಗಳನ್ನು ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಡಕಾಯಿತನ ವಿರುದ್ಧ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದರು.
- [ಕತ್ತಲ ದಾರಿಯಲ್ಲಿ ಕಪ್ಪು ಚಿರತೆ: ವೃದ್ಧನಿಗೂ ವಿನಾಯಿತಿ ನೀಡದ ವ್ಯಾಘ್ರ!](https://mobiletime.in/2026/03/black-leopard-on-a-dark-path-a-tiger-that-does-not-spare-even-the-elderly/): ಭಟ್ಕಳ ನವಾಯಿತ ಕಾಲೋನಿಯ ಕತ್ತಲ ದಾರಿಯಲ್ಲಿ ಶನಿವಾರ ರಾತ್ರಿ ಕಪ್ಪು ಚಿರತೆ ಓಡಾಟ ನಡೆಸಿದೆ. ಈ ಮಾರ್ಗವಾಗಿ ಸಂಚರಿಸುತ್ತಿದ್ದ ಹಸನ್ ಎಂಬಾತರ ಮೇಲೆ ಮರ್ಯಮ್ ಅಲಿ ಮಸೀದಿ ಬಳಿ ಈ ಚಿರತೆ ದಾಳಿ ಮಾಡಿದೆ. ೬೦ ವರ್ಷದ ವೃದ್ಧ ಹಸನ ಅವರು ಕೂಗಿದಾಗ ಅವರ ಮಗ ಶಫಿ ಆಗಮಿಸಿ ಜೀವ ಕಾಪಾಡಿದ್ದಾರೆ. ಹಸನ್ ಅವರು ಶನಿವಾರ ಇಶಾ ಪ್ರಾರ್ಥನೆ ಸಲ್ಲಿಸಿ ಮರ್ಯಮ್ ಅಲಿ ಮಸೀದಿಯ ಹಿಂದಿನ ರಸ್ತೆಯಿಂದ ಮನೆಗೆ ಮರಳುತ್ತಿದ್ದರು. ಅವರ ಮನೆಯ ಹತ್ತಿರದಲ್ಲಿಯೇ ಅಡಗಿದ್ದ ಕಪ್ಪು ಚಿರತೆ ಏಕಾಏಕಿ ದಾಳಿ ನಡೆಸಿತು. ಬೆದರಿದ ಅವರು ದೊಡ್ಡದಾಗಿ ಬೊಬ್ಬೆಹೊಡೆದು ನೆಲಕ್ಕೆ ಬಿದ್ದಿದ್ದು, ಈ ವೇಳೆ ಶಫಿ ಅವರು ಆಗಮಿಸಿದ್ದರಿಂದ ಚಿರತೆ ಕಾಡಿನ ಕಡೆ ಓಡಿತು. ಆ ವೇಳೆ ಸಮೀಪದ ಪೊದೆಗಳ ಬಳಿ ಚಿರತೆಗಾಗಿ ಸಾಕಷ್ಟು ಹುಡುಕಾಟ ನಡೆಸಿದರೂ ಅದು ಸಿಗಲಿಲ್ಲ. ಚಿರತೆ ದಾಳಿಯ ಸುದ್ದಿ ಕೇಳಿ ನೂರಾರು ಜನ ಅಲ್ಲಿ ಜಮಾಯಿಸಿದರು. ಮಸೀದಿಯಿಂದ ೨೦೦ ಮೀ ದೂರದಲ್ಲಿ ವಾಸಿಸುವ ಬಶೀರ್ ಅಹ್ಮದ್ ಅವರು ತಮ್ಮ ಮನೆ ಹೊರಗೆ ಕಪ್ಪು ಚಿರತೆ ನೋಡಿರುವುದಾಗಿ ಹೇಳಿದರು. ಈ ಮಾಹಿತಿ ಆಧರಿಸಿ ಅರಣ್ಯ ಇಲಾಖೆ ಸಿಬ್ಬಂದಿ ಶೋಧ ನಡೆಸಿದರು. ಚಿರತೆಯನ್ನು ಓಡಿಸಲು ಪಟಾಕಿಯನ್ನು ಸಿಡಿಸಿದರು. ಅದಾದ ನಂತರ ಮರಿಯಮ್ ಅಲಿ ಮಸೀದಿಯ ಹಿಂದಿನಿAದ ಹತ್ತಿರದ `ಮಾಂಗೋ ಫಾರ್ಮ್’ ಮತ್ತು ಪಕ್ಕದ ಅರಣ್ಯ ಪ್ರದೇಶದಲ್ಲಿ ಚಿರತೆಗಾಗಿ ಹುಡುಕಾಟ ನಡೆಯಿತು. ಸಾಗರ ರಸ್ತೆ ಅರಣ್ಯದಿಂದ ಕಡ್ವಿನಕಟ್ಟೆ ಮಾರ್ಗದ ಮೂಲPರೀ ಚಇರತೆ ವಸತಿ ಪ್ರದೇಶ ಬಂದಿರುವ ಅನುಮಾನವ್ಯಕ್ತವಾಯಿತು. ಇದಕ್ಕೆ ಪೂರಕವಾಗಿ ಸ್ಥಳೀಯ ಯುವಕ ಅಬ್ದುಲ್ ರೆಹಮಾನ್ `ಎರಡು ದಿನಗಳ ಹಿಂದೆ ಹೆಗ್ಗಲ್ ನದಿಯ ಬಳಿ ಚಿರತೆ ನೋಡಿದ್ದೇನೆ’ ಎಂದರು. ಗುರುವಾರ ಸಂಜೆ ನದಿಯ ದಡದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದಾಗ ಚಿರತೆ ಕಾಣಿಸಿದ್ದು, ಬ್ಯಾಟ್ರಿ ಬೆಳಕು ಕಾಣಿಸಿದಾಗ ಕಾಡಿನ ಕಡೆ ಹೋಗಿರುವುದಾಗಿ ಅವರು ಮಾಹಿತಿ ನೀಡಿದರು. ಮರ್ಯಮ್ ಅಲಿ ಮಸೀದಿಯಿಂದ ಮುಝಮ್ಮಿಲ್ ಮಸೀದಿ ಮತ್ತು ಕಾರಗದ್ದೆ ಪ್ರದೇಶಗಳವರೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಬೀದಿ ನಾಯಿಗಳಿರುವ ಕಾರಣ ಚಿರತೆ ಆಹಾರ ಅರೆಸಿ ಅಲ್ಲಿ ಆಗಮಿಸಿದ ಅನುಮಾನವ್ಯಕ್ತವಾಯಿತು.
- [ಕಾಲೇಜು ಲೆಕ್ಕದಲ್ಲಿ ಅಪರಾತಪರ: ಪ್ರಶ್ನಿಸಿದವರ ವಿರುದ್ಧ ಪ್ರಾಚಾರ್ಯರ ದೂರು!](https://mobiletime.in/2026/03/college-accounts-are-in-disarray-principal-files-complaint-against-those-who-questioned-him/): ಕುಮಟಾ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಗಲಾಟೆ ನಡೆದಿದೆ. ಕಾಲೇಜಿನ ಲೆಕ್ಕಪತ್ರ ವಿಷಯದಲ್ಲಿ ಅಪರಾತಪರ ನಡೆದ ಬಗ್ಗೆ ಅನುಮಾನವ್ಯಕ್ತವಾಗಿದ್ದು, ಇದೇ ವಿಷಯ ಗಲಾಟೆಗೆ ಕಾರಣವಾಗಿದೆ. ಕುಮಟಾ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಸಿದ್ಧನಭಾವಿಯ ವಿಜಯ ದೇವಪ್ಪ ನಾಯ್ಕ ಅವರು ಪ್ರಾಚಾರ್ಯರಾಗಿ ಕೆಲಸ ಮಾಡುತ್ತಿದ್ದಾರೆ. ಅದೇ ಕಾಲೇಜಿನ ವಿದ್ಯಾರ್ಥಿಗಳಾದ ಕಡೇಕೋಡಿ ನಾಗತೀರ್ಥದ ಚೈತ್ರೀಯ ಮುಕ್ರಿ ಹಾಗೂ ಹಿರೇಗುತ್ತಿಯ ಜ್ಞಾನೇಶ್ ನಾಯ್ಕ ಅವರು ಕಾಲೇಜಿನ ಲೆಕ್ಕಪತ್ರಗಳ ಬಗ್ಗೆ ಮಾಹಿತಿ ಕೇಳಿದ್ದಾರೆ. ಆ ಮಾಹಿತಿ ಸಿಗದ ಕಾರಣ ಅವರು ಆಧಾರರಹಿತ ಆರೋಪ ಮಾಡುತ್ತಿದ್ದಾರೆ ಎಂಬುದು ಪ್ರಾಚಾರ್ಯ ವಿಜಯ ನಾಯ್ಕ ಅವರ ಆರೋಪ. ಈ ವಿಷಯವಾಗಿ ಮಾತನಾಡಲು ಮಾರ್ಚ 27ರಂದು ಆ ಎರಡು ವಿದ್ಯಾರ್ಥಿಗಳನ್ನು ಪ್ರಾಚಾರ್ಯ ವಿಜಯ ನಾಯ್ಕ ಅವರು ಕ್ರೀಡಾ ಕೊಠಡಿಗೆ ಕರೆದಿದ್ದಾರೆ. ಇಲ್ಲಸಲ್ಲದ ಆರೋಪ ಮಾಡಿದ ಬಗ್ಗೆ ಅವರು ಪ್ರಶ್ನಿಸಿದ್ದಾರೆ. `ನೀವು ತಿನ್ನದಿದ್ದರೆ ಅದನ್ನು ಬರೆದುಕೊಡಿ’ ಎಂದು ಆಗ ಚೈತ್ರೀಯ ಮುಕ್ರಿ ಅವರು ದೊಡ್ಡದಾಗಿ ಕೂಗಿದ್ದಾರೆ. ಈ ವೇಳೆ ಚೈತ್ರೀಯ ಮುಕ್ರಿ ಅವರ ಹಾಜರಾತಿ ಗಮನಿಸಿದ ಪ್ರಾಚಾರ್ಯ ವಿಜಯ ನಾಯ್ಕ ಅವರು `ಹಾಜರಾತಿ ಕಡಿಮೆ ಇರುವ ಕಾರಣ ಪಾಲಕರನ್ನು ಕರೆದುಕೊಂಡು ಬರಬೇಕು’ ಎಂದು ಸೂಚಿಸಿದ್ದಾರೆ. ತಕ್ಷಣ ಚೈತ್ರೀಯ ಮುಕ್ರಿ ಅವರು ತಪ್ಪೊಪ್ಪಿಗೆ ಪತ್ರ ಬರೆದುಕೊಟ್ಟು, ತಪ್ಪಿಸಿಕೊಂಡಿದ್ದಾರೆ. ಆ ವಿದ್ಯಾರ್ಥಿಗಳಿಬ್ಬರು ಕೇಳಿದ ಲೆಕ್ಕದ ಬಗ್ಗೆ ಊಹಾಪೂಹ ಹಬ್ಬಿದ್ದರಿಂದ ಪ್ರಾಧ್ಯಾಪಕರ ಸಭೆಯಲ್ಲಿ ಅದಕ್ಕೆ ಸ್ಪಷ್ಠೀಕರಣ ಕೊಡಲು ಪ್ರಾಚಾರ್ಯ ವಿಜಯ ನಾಯ್ಕ ಅವರು ನಿರ್ಧರಿಸಿದ್ದಾರೆ. ಹೀಗಾಗಿ ಅದೇ ದಿನ ಮಧ್ಯಾಹ್ನ ಸಭೆ ಆಯೋಜಿಸಿದ್ದು, ಅದಕ್ಕೆ ಚೈತ್ರೀಯ ಮುಕ್ರಿ ಹಾಗೂ ಜ್ಞಾನೇಶ ನಾಯ್ಕ ಅವರನ್ನು ಕರೆದಿದ್ದಾರೆ. ಮಧ್ಯಾಹ್ನ 3ಗಂಟೆಗೆ ಸಭೆ ಶುರುವಾಗಿದ್ದು, ಸಭೆ ನಡೆಯುವಾಗ ಅಲ್ಲಿ ವಿದ್ಯಾರ್ಥಿಗಳ ಪರವಾಗಿ ಮತ್ತಿಬ್ಬರು ಆಗಮಿಸಿದ್ದಾರೆ. ಪೊಷಕರು, ಆರ್ ಟಿ ಐ ಕಾರ್ಯಕರ್ತರು ಹಾಗೂ ಎಸ್‌ಸಿ ಎಸ್ಟಿ ಮುಖಂಡರು ಎಂದು ಪರಿಚಯಿಸಿಕೊಂಡ ಕುಮಟಾ ಕಡೇಕೊಡಿಯ ತಿಮ್ಮಪ್ಪ ಮುಕ್ರಿ ಹಾಗೂ ಸವಿತಾ ಮುಕ್ರಿ ಸೇರಿ ಪ್ರಾಚಾರ್ಯರಿಗೆ ಬೈದಿದ್ದಾರೆ. ಏರುಧ್ವನಿಯಲ್ಲಿ ಮಾತನಾಡಿದ ತಿಮ್ಮಪ್ಪ ಮುಕ್ರಿ ಹಾಗೂ ಸವಿತಾ ಮುಕ್ರಿ ಅವರು `ನೀವೆಂಥ ಶಿಕ್ಷಕರು?’ ಎಂದು ಏಕವಚನದಲ್ಲಿ ಪ್ರಶ್ನಿಸಿದ್ದಾರೆ. `ಎಲ್ಲರನ್ನು ಟ್ರಾನ್ಸಫರ್ ಮಾಡಿಸುತ್ತೇನೆ’ ಎಂದು ಬೆದರಿಸಿದ್ದಾರೆ. ಕಚೇರಿ ಸಿಬ್ಬಂದಿಗೂ ಏಕವಚನದಲ್ಲಿ ಮಾತನಾಡಿ, ಶೈಕ್ಷಣಿಕ ಸಭೆಗೆ ಅಡ್ಡಿಪಡಿಸಿದ ಕಾರಣ ಕಾಲೇಜು ಪ್ರಾಚಾರ್ಯ ವಿಜಯ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ. ತಿಮ್ಮಪ್ಪ ಮುಕ್ರಿ, ಸವಿತಾ ಮುಕ್ರಿ ಅವರ ಜೊತೆ ವಿದ್ಯಾರ್ಥಿಗಳಾದ ಚೈತ್ರೀಯ ಮುಕ್ರಿ ಹಾಗೂ ಜ್ಞಾನೇಶ್ ನಾಯ್ಕ ಅವರ ವಿರುದ್ಧವೂ ವಿಜಯ  ನಾಯ್ಕ ಅವರು ಪ್ರಕರಣ ದಾಖಲಿಸಿದ್ದಾರೆ.
- [ನರ್ಸಿಂಗ್ ಕ್ಷೇತ್ರದಲ್ಲಿ ಸಾಧನೆ: ದಾಸ್ ಪ್ರಮೋಶನ್'ಗೆ ಸುವರ್ಣ ಕಿರೀಟ!](https://mobiletime.in/2026/03/achievement-in-the-field-of-nursing-das-promotion-receives-golden-crown/): ಉತ್ತರ ಕನ್ನಡದ ಅನೇಕರಿಗೆ ನರ್ಸಿಗ್ ತರಬೇತಿ ಹಾಗೂ ಅದೇ ಕ್ಷೇತ್ರದಲ್ಲಿ ಉದ್ಯೋಗ ನೀಡಿರುವ ಮಂಗಳೂರಿನ `ದಾಸ್ ಪ್ರಮೋಶನ್ ಹೋಂ ನರ್ಸಿಂಗ್ ಹೆಲ್ತ್ ಕೇರ್’ಗೆ `ಸುರ್ವಣ ಕನ್ನಡಿಗ-2026’ರ ಪ್ರಶಸ್ತಿ ಸಿಕ್ಕಿದೆ. ಈ ಸಂಸ್ಥೆಯ ರೂವಾರಿ, ಮ್ಯಾನೆಜಿಂಗ್ ಡೈರೆಕ್ಟರ್ ಅನಿಲದಾಸ್ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಕನ್ನಡಪ್ರಭ-ಸುವರ್ಣ ನ್ಯೂಸ್ ಅವರು ಬೆಂಗಳೂರಿನ ಖಾಸಗಿ ಹೊಟೇಲಿನಲ್ಲಿ ಆಯೋಜಿಸಿದ ಸಮಾರಂಭದಲ್ಲಿ ಅವರು ಈ ಗೌರವಪಡೆದಿದ್ದಾರೆ. ಅನಿಲದಾಸ್ ಅವರ ಜೊತೆ ಅವರ ಪತ್ನಿ ಆಶಾಲತಾ ಅವರನ್ನು ಈ ವೇಳೆ ಸನ್ಮಾನಿಸಲಾಗಿದೆ. ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ, ಪ್ರವಾಸೋದ್ಯಮ ಸಚಿವ ಎಚ್ ಕೆ ಪಾಟೀಲ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವೆ ಲಕ್ಷಿö್ಮÃ ಹೆಬ್ಬಾಳಕರ್, ಚಿತ್ರನಟ ಅನಿರುದ್ಧ ಜಟ್ಕರ್, ಕನ್ನಡಪ್ರಭ ಸಂಪಾದಕ ರವಿ ಹೆಗಡೆ ಈ ವೇಳೆ ಹಾಜರಿದ್ದರು. `ಸನ್ಮಾನ ಸಿಕ್ಕಿದ್ದರಿಂದ ಸಂತೋಷವಾಗಿದೆ. ಜೊತೆಗೆ ತಮ್ಮ ಜವಾಬ್ದಾರಿಯೂ ಹೆಚ್ಚಿದೆ’ ಎಂದು ಅನಿಲದಾಸ್ ಅವರು ಅನಿಸಿಕೆಹಂಚಿಕೊAಡರು
- [ಥಟ್ ಅಂತ ಹೇಳಿ: ಈ ಫೋಟೋದಲ್ಲಿರುವವರನ್ನು ಗುರುತಿಸಿ!](https://mobiletime.in/2026/03/tell-me-identify-the-people-in-this-photo/): ಅಖಿಲ್ ಹಾಗೂ ನಿಖಿಲ್ ಎಂಬ ಹೆಸರಿನಲ್ಲಿ ಶಿರಸಿ ಮಾರಿಕಾಂಬಾ ದೇವಿ ಸನ್ನಿಧಿಯಲ್ಲಿ ದೇಣಿಗೆ ಪಾವತಿಸಿದ ವ್ಯಕ್ತಿಯೊಬ್ಬರು ಯಲ್ಲಾಪುರ ಅರಣ್ಯ ಪ್ರದೇಶಕ್ಕೆ ಆಗಮಿಸಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕೈ ಚೀಲ ಹಿಡಿದು ಯಲ್ಲಾಪುರ ಪಟ್ಟಣದಲ್ಲಿ ಅವರು ಓಡಾಡಿದ ದೃಶ್ಯವಾಗಳಿಗಳು ಸೆರೆಯಾಗಿದ್ದು, ಅದೇ ಆಧಾರದಲ್ಲಿ ಪೊಲೀಸರು ಸಾವನಪ್ಪಿದವರ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ. ಯಲ್ಲಾಪುರ ಪಟ್ಟಣದಿಂದ ಅನತಿ ದೂರದ ಮಾಗೋಡು ಕ್ರಾಸಿನ ಬಳಿಯಿರುವ ಕಪ್ಪೆಗದ್ದೆ ಕಾಡಿನಲ್ಲಿ ಅಪರಿಚಿತ ವ್ಯಕ್ತಿಯ ಶವ ಪತ್ತೆಯಾಗಿದೆ. ಭಾನುವಾರ ಬೆಳಗ್ಗೆ ನೇಣು ಹಾಕಿಕೊಂಡ ಸ್ಥಿತಿಯಲ್ಲಿ ಶವ ಕಾಣಿಸಿದ್ದು, 10 ದಿನದ ಹಿಂದೆಯೇ ಆತ್ಮಹತ್ಯೆ ನಡೆದಿರುವ ಅನುಮಾನ ಕಾಡುತ್ತಿದೆ. ನಾಯ್ಕನಕೆರೆಯ ವ್ಯಾಪಾರಿ ಸಂಜೀವ ಗೋಪಾಲ ಪಟಗಾರ ಅವರ ಅಂಗಡಿ ಮುಂದೆ ಮಹಿಳೆಯೊಬ್ಬರು ಆಗಮಿಸಿ, `ಕಾಡಿನಿಂದ ಕೆಟ್ಟ ವಾಸನೆ ಬರುತ್ತಿದೆ’ ಎಂದಿದ್ದಾರೆ. ಆ ವಾಸನೆ ಅರೆಸಿ ಹೊರಟ ಸಂಜೀವ ಪಟಗಾರ ಅವರಿಗೆ ಕೊಳೆತ ಶವ ಕಾಣಿಸಿದೆ. ತಕ್ಷಣ ಸಂಜೀವ ಪಟಗಾರ ಅವರು ಪೊಲೀಸರಿಗೆ ಫೋನ್ ಮಾಡಿ ವಿಷಯ ಮುಟ್ಟಿಸಿದ್ದಾರೆ. ಸಾವನಪ್ಪಿದ ಅಪರಿಚಿತ ವ್ಯಕ್ತಿ ಅದೇ ಹೊಳಗೇರಿ ಮರದ ಟೊಂಗೆಗೆ ಕೈ ಚೀಲ ನೇತು ಹಾಕಿದ್ದು, ಅದರಲ್ಲಿ ಮಾರಿಕಾಂಬಾ ದೇವಿಗೆ ದೇಣಿಗೆ ಅರ್ಪಿಸಿದ ರಸೀದಿಯಿದೆ. ಮಾರ್ಚ 19ರಂದು ದೇಣಿಗೆ ಸಲ್ಲಿಸಿದ್ದು, ಅದೇ ದಿನ ಮಧ್ಯಾಹ್ನ 2 ಗಂಟೆ ಅವಧಿಗೆ ಶಿರಸಿ-ಯಲ್ಲಾಪುರ ಬಸ್ಸಿನ ಮೂಲಕ ಯಲ್ಲಾಪುಕ್ಕೆ ಆಗಮಿಸಿದ ಸಾಕ್ಷಿಯಾಗಿ ಬಸ್ಸಿನ ಟಿಕೆಟ್ ಸಹ ಸಿಕ್ಕಿದೆ. ಅದಾದ ನಂತರ ಬಸ್ ನಿಲ್ದಾಣ ಸುತ್ತಲಿನ ಪ್ರದೇಶದಲ್ಲಿ ಆ ಅಪರಿಚಿತ ಓಡಾಡಿದ ಬಗ್ಗೆ ಸಿಸಿ ಕ್ಯಾಮರಾ ದಾಖಲೆಗಳು ಸಾಕ್ಷಿ ಹೇಳಿವೆ. ಪೊಲೀಸರು ಇನ್ನಷ್ಟು ಶೋಧ ನಡೆಸಿದಾಗ ಸಾವನಪ್ಪಿದ ಸ್ಥಳದಲ್ಲಿ ಸರಾಯಿ ಕುಡಿದು ಬಿಸಾಡಿದ ಟ್ರೆಟ್ರಾಪ್ಯಾಕ್, ಖಾಲಿ ನೀರಿನ ಬಾಟಲಿ, ಪ್ಲಾಸ್ಟಿಕ್ ಲೋಟವೂ ಅಲ್ಲಿ ಸಿಕ್ಕಿದೆ. ಆದರೆ, ಸಾವನಪ್ಪಿದ ವ್ಯಕ್ತಿ ಕಾಣೆಯಾದ ಬಗ್ಗೆ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿಲ್ಲ. ಆ ಅಪರಿಚಿತ ವ್ಯಕ್ತಿಯ ಬಗ್ಗೆ ಹುಡುಕಿದರೂ ಯಾವುದೇ ಮಾಹಿತಿ ಸಿಕ್ಕಿಲ್ಲ. ಅಖಿಲ್ ಹಾಗೂ ನಿಖಿಲ್ ಎಂಬ ಹೆಸರಿನಲ್ಲಿ ಮಾರಿಕಾಂಬಾ ದೇವಿಗೆ ದೇಣಿಗೆ ಪಾವತಿ ಆಗಿದ್ದರೂ ಅವರಿಬ್ಬರು ಯಾರು? ಎಂದು ಗೊತ್ತಾಗಿಲ್ಲ. ಸಾವನಪ್ಪಿದ ವ್ಯಕ್ತಿಯ ಸಂಬAಧಿಕರು ಸಹ ಪೊಲೀಸ್ ಠಾಣೆಗೆ ಆಗಮಿಸಿಲ್ಲ. ದುಡಿಯುವುದಕ್ಕಾಗಿ ಆಗಮಿಸಿದ ಕೂಲಿ ಕಾರ್ಮಿಕರೊಬ್ಬರು ತಮ್ಮ ದುಡುಕು ನಿರ್ಧಾರದಿಂದ ಆತ್ಮಹತ್ಯೆಗೆ ಶರಣಾದ ಅನುಮಾನಗಳಿವೆ. ಆದರೆ, ಆ ವ್ಯಕ್ತಿ ಯಾರು? ಎಲ್ಲಿಯವರು? ಅವರ ವಾರಸುದಾರರು ಯಾರು? ಎನ್ನುವುದರ ಬಗ್ಗೆ ಶೋಧ ನಡೆಯುತ್ತಿದೆ. ಈ ಎಲ್ಲಾ ಮಾಹಿತಿ ಕಲೆಹಾಕುವ ಹಿನ್ನಲೆ ಯಲ್ಲಾಪುರ ಪೊಲೀಸರು ಸಾರ್ವಜನಿಕರ ಸಹಾಯ ಬಯಸಿದ್ದಾರೆ. ಫೋಟೋದಲ್ಲಿರುವ ವ್ಯಕ್ತಿಯ ಬಗ್ಗೆ ಮಾಹಿತಿ ಇದ್ದರೆ ಫೋನ್ ಮಾಡಿ ಎಂದು ಮನವಿ ಮಾಡಿದ್ದಾರೆ. ಯಲ್ಲಾಪುರ ಪೊಲೀಸ್ ಸಹಾಯವಾಣಿ ಸಂಖ್ಯೆ: 9480805257 ಅಥವಾ 9480805273  
- [ಪುಠಾಣಿ ಜೀವಿಗಳ ಪ್ರಪಂಚ ಪರ್ಯಟನೆ!](https://mobiletime.in/2026/03/a-sea-turtle-embarks-on-a-world-tour/): ಹೊನ್ನಾವರದ ಕಾಸರಕೋಡ ಟೊಂಕ ಕಡಲತೀರದಲ್ಲಿ ನೂರಕ್ಕೂ ಅಧಿಕ ಕಡಲಾಮೆ ಮೊಟ್ಟೆಗಳು ಒಡೆದಿವೆ. ಒಟ್ಟು 102 ಕಡಲಾಮೆಗಳು ಭಾನುವಾರ ಸಮುದ್ರ ಸೇರಿವೆ. ರಿಡ್ಲೆ ಜಾತಿಯ ಕಡಲ ಆಮೆ ಇಲ್ಲಿ ಆಗಮಿಸಿತ್ತು. ಆ ಆಮೆ ನಾಲ್ಕು ಗೂಡು ನಿರ್ಮಿಸಿದ್ದು, ನಾಲ್ಕನೇ ಗೂಡಿನಲ್ಲಿ 113 ಮೊಟ್ಟೆಯನ್ನಿರಿಸಿತ್ತು. ಉದಯ ತಾಂಡೇಲ ಮತ್ತು ಗುರು ಮಾದೇವ ತಾಂಡೇಲ ಅವರ ಜೊತೆ ಸ್ಥಳೀಯರಾದ ವಿಠ್ಠಲ ತಾಂಡೇಲ, ಗಣಪತಿ ತಾಂಡೇಲ ಇತರರು ಆ ಮೊಟ್ಟೆಯನ್ನು ಸಂರಕ್ಷಿಸಿದ್ದರು. ಅದರ ಪರಿಣಾಮ ಭಾನುವಾರ ಆ ಪೈಕಿ 102 ಮೊಟ್ಟೆ ಒಡೆದಿದ್ದು, ಕಡಲಾಮೆ ಮರಿಗಳು ಭೂಮಿ ಸ್ಪರ್ಶಿಸಿದವು. ಅರಣ್ಯ ಇಲಾಖೆ ಉಸ್ತುವಾರಿಯಲ್ಲಿ ಆ ಆಮೆ ಮರಿಗಳನ್ನು ಸಮುದ್ರಕ್ಕೆ ಬಿಡಲಾಯಿತು. ಜೈನಜಟಕೇಶ್ವರ ಸಂಘದ ಭಾಸ್ಕರ್ ತಾಂಡೇಲ, ರಮೇಶ ತಾಂಡೇಲ ಮತ್ತು ರಾಜುದತ್ತಾ ತಾಂಡೇಲ ಅವರು ಕಡಲಾಮೆ ಮರಿಗಳನ್ನು ಸಂರಕ್ಷಿಸಿದರು. ಮೊಟ್ಟೆಯಿಂದ ಹೊರಬಿದ್ದ ಮರಿಗಳಿಗೆ ಅವರು ಸಮುದ್ರದ ದಾರಿ ತೋರಿದರು.
- [ಕಾಮಿಡಿ ಕಿಲಾಡಿ ಕುಟುಂಬದಲ್ಲಿ ಕಣ್ಣೀರು!](https://mobiletime.in/2026/03/tears-in-the-comedy-family/): ಕಿವಿ ಕೇಳದ ಹಾಗೂ ಕಣ್ಣು ಮಂಜಾಗಿರುವ ನೋವಿನಲ್ಲಿಯೂ ಬೇರೆಯವರನ್ನು ಬಾಯ್ತುಂಬ ನಗಿಸುತ್ತಿದ್ದ ಲಕ್ಷ್ಮೀ ಅಜ್ಜಿ ಅವರು ಭೂಲೋಕದ ಯಾತ್ರೆ ಮುಗಿಸಿದ್ದಾರೆ. ದೈಹಿಕವಾಗಿ ಅವರು ಎಲ್ಲರನ್ನು ಅಗಲಿದ್ದರೂ ತಮ್ಮ ವಿಡಿಯೋಗಳ ಮೂಲಕ ಲಕ್ಷಾಂತರ ಅಭಿಮಾನಿಗಳ ಮನದಲ್ಲಿ ಅವರು ಶಾಶ್ವತವಾಗಿ ಉಳಿದಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲೂಕಿನ ಮಂಚಿಕೇರಿ ಬಳಿಯ ಕೆರೆಹೊಸಳ್ಳಿ ಮೂಲದ ಈ ಅಜ್ಜಿ ಪ್ರಸ್ತುತ ಕಂಚಿನಳ್ಳಿಯಲ್ಲಿ ವಾಸವಾಗಿದ್ದರು. ಕಿವಿ ಸರಿಯಾಗಿ ಕೇಳುವುದಿಲ್ಲ ಎಂಬುದನ್ನು ಹೊರತುಪಡಿಸಿ ದೈಹಿಕ ಹಾಗೂ ಮಾನಸಿಕವಾಗಿ ಅವರು 20ರ ತರುಣಿಯರನ್ನು ನಾಚಿಸುವ ಹಾಗೇ ಬದುಕಿದ್ದರು. 93 ವರ್ಷದ ಅವರು `ಜಾಸ್ತಿ ನೀರು ಕುಡಿಯುವುದು ಹಾಗೂ ರಾಗಿ ಗಂಜಿಯೇ ಆರೋಗ್ಯದ ಗುಟ್ಟು’ ಎಂದು ಅವರು ಸಂದರ್ಶನದ ವೇಳೆ ಹೇಳಿಕೊಂಡಿದ್ದರು. ವರ್ಷದ ಹಿಂದೆ ಸತ್ಯ ನಾರಾಯಣ ಕಥೆಯ ಪ್ರಸಾದ ಕೊಡಲು ಆಹಾರ ಮೇಳಕ್ಕೆ ತೆರಳಿದ್ದ ಅವರು ಆಹಾರ ಮೇಳದ ಮೊದಲ ಬಹುಮಾನ ಪಡೆದಿದ್ದರು. ಅದಕ್ಕೂ ಮೊದಲು ಹೆಣ್ಣು ನೋಡುವ ಶಾಸ್ತ್ರ ಮಾಡಿಸಿ ಜನರನ್ನು ನಗೆ ಕಡಲಿನಲ್ಲಿ ತೇಲಿಸಿದ್ದರು. ಇಂಥ ನೂರಾರು ಹಾಸ್ಯವನ್ನು ಒಳಗೊಂಡ ಸೂರಜ್ ಹಾಗೂ ಲಕ್ಷ್ಮೀ ಅಜ್ಜಿಯ ಕಾಮಿಡಿ ವಿಡಿಯೋಗಳನ್ನು ನೋಡಿ ಜನ ಮನಸ್ಸು ಹಗುರ ಮಾಡಿಕೊಳ್ಳುತ್ತಿದ್ದರು. ಅಜ್ಜಿಯನ್ನು ಮುಖ್ಯ ವೇದಿಕೆಗೆ ತರುವಲ್ಲಿ ಸೂರಜ್ ಅವರ ಪಾತ್ರ ಅಪಾರವಾಗಿದ್ದು, ಅಜ್ಜಿಗೂ ಸಹ ಸೂರಜ್ ಎಂದರೆ ಅಚ್ಚುಮೆಚ್ಚಾಗಿತ್ತು. ಅಂದ ಹಾಗೇ, ಈ ಅಜ್ಜಿ ನಿಜವಾಗಿಯೂ ಸೂರಜ್ ಅವರ ಅಜ್ಜಿ ಮಾತ್ರವಲ್ಲ. ಸೂರಜ್ ಅವರ ಅಮ್ಮನ ಅಮ್ಮನ ಅಮ್ಮನಾಗಿದ್ದರು. ಹುಬ್ಬಳ್ಳಿ-ಮಂಚಿಕೇರಿ ಹಾಗೂ ಬೆಂಗಳೂರು ತಿರುಗಾಟ ನಡೆಸಿ ಸ್ನೇಹಿತರ ಜೊತೆ ಸೇರಿ ಅವರು ನವಿರಾದ ಹಾಸ್ಯ ವಿಡಿಯೋ ಮಾಡುವ ಸೂರಜ್ ಅವರು ಡಬ್ಬಿಂಗ್, ಕ್ಯಾಮರಾ, ಸಂಭಾಷಣೆ, ವಿಡಿಯೋ ಎಡಿಟಿಂಗ್ ಎಲ್ಲವನ್ನು ಒಬ್ಬರೇ ನಿಭಾಯಿಸುತ್ತಿದ್ದು ಊರಿನಲ್ಲಿರುವಾಗ ಮುತ್ತಜ್ಜಿಯ ಜೊತೆ ಕಾಲ ಕಳೆಯುತ್ತಿದ್ದರು. ಆ ವೇಳೆಯಲ್ಲಿಯೇ ಅವರು ಅಜ್ಜಿಯ ಜೊತೆ ವಿಡಿಯೋ ಮಾಡಿ ಹರಿಬಿಡುತ್ತಿದ್ದರು. ಆದರೆ, ಇನ್ಮುಂದೆ ಸೂರಜ್ ಅವರ ವಿಡಿಯೋದಲ್ಲಿ ಲಕ್ಷ್ಮೀ ಅಜ್ಜಿ ಕಾಣಿಸುವುದಿಲ್ಲ. ಕಾರಣ ಆ ಅಜ್ಜಿ ಇನ್ನಿಲ್ಲ. ಈವರೆಗೂ ಅಜ್ಜಿಯ ಕಾಮಿಡಿ ವಿಡಿಯೋದಲ್ಲಿ ಜನರ ಮೇಲೆ ದುಷ್ಪರಿಣಾಮ ಬೀರುವ ಜಾಹೀರಾತುಗಳ ಪ್ರಚಾರ ನಡೆಸಿಲ್ಲ. `ಗಿಡ ಮರಗಳನ್ನು ಬೆಳೆಸಿ. ನೀವು ಒಳ್ಳೆಯರಾಗಿರಿ.. ಬೇರೆಯವರಿಗೂ ಒಳ್ಳೆಯದು ಮಾಡೋಣ’ ಎಂಬುದು ಅಜ್ಜಿಯ ಹಿತನುಡಿಯಾಗಿದ್ದು, ಅವರ ಅಭಿಮಾನಿಗಳು ಅದನ್ನು ಪಾಲಿಸಿದರೆ ಅದುವೇ ಆ ಹಿರಿಯ ಚೇತನಕ್ಕೆ ನಾವು ಸಲ್ಲಿಸುವ ನಮನ.
- [ಸಿಡಿಲಿನ ಅಬ್ಬರಕ್ಕೆ ಅಗ್ನಿಸ್ಪರ್ಶ: ಕರಕಲಾದ ಕಲ್ಪವೃಕ್ಷ!](https://mobiletime.in/2026/03/fire-ignited-by-a-bolt-of-lightning-a-charred-fig-tree/): ಉತ್ತರ ಕನ್ನಡ ಜಿಲ್ಲೆಯ ಹಲವು ಕಡೆ ಕಳೆದ ಮೂರು ದಿನಗಳಿಂದ ಗುಡುಗು-ಮಳೆಯಾಗುತ್ತಿದೆ. ಈ ವೇಳೆ ಅಲ್ಲಲ್ಲಿ ಸಿಡಿಲು ಬಿದ್ದಿದ್ದು, ದಾಂಡೇಲಿಯಲ್ಲಿ ಸಿಡಿಲಿನ ಅಬ್ಬರಕ್ಕೆ ತೆಂಗಿನ ಮರಕ್ಕೆ ಬೆಂಕಿ ಹೊತ್ತಿಕೊಂಡಿದೆ. ದಾoಡೇಲಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಈ ದಿನ ಗುಡುಗು ಸಿಡಿಲುಸಹಿತ ಜೋರು ಮಳೆಯಾಗಿದೆ. ಮಳೆಗೂ ಮುನ್ನ ಬಂದ ಸಿಡಿಲು ತೆಂಗಿನ ಮರಕ್ಕೆ ಬಡಿದಿದ್ದು, ಅಲ್ಲಿದ್ದ ಫಸಲಿನ ಜೊತೆ ಗರಿಗಳಿಗೂ ಬೆಂಕಿ ತಗುಲಿದೆ. ದಾಂಡೇಲಿ ನಗರದ ಟೌನ್ ಶಿಪ್ಪಿನ ಶಂಕರಮಠ ಹತ್ತಿರ ಈ ಅವಘಡ ನಡೆದಿದೆ. ಅಲ್ಲಿನ ಮನೆ ಮುಂದಿದ್ದ ತೆಂಗಿನ ಮರ ಬೆಂಕಿಯಿAದ ಉರಿಯುವುದನ್ನು ನೋಡಿ ಜನ ಆಂತಕಕ್ಕೆ ಒಳಗಾಗಿದ್ದಾರೆ. ಎಸ್ ಪಿ ನಾಯ್ಕ ಅವರಿಗೆ ಸೇರಿದ ತೆಂಗಿನ ಮರದ ಗರಿಗಳು ಸಿಡಿಲಿನ ವೇಗಕ್ಕೆ ಕರಕಲಾಗಿದೆ. ಸಂಜೆ ವೇಳೆಗೆ ಬಡಿದ ಸಿಡಿಲು ನೋಡಲು ನೂರಾರು ಜನ ಜಮಾಯಿಸಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಬೆಂಕಿ ಆರಿಸುವ ಪ್ರಯತ್ನ ಮಾಡಿದರೂ ಅದು ಪೂರ್ಣ ಪ್ರಮಾಣದಲ್ಲಿ ಪ್ರಯೋಜನಕ್ಕೆ ಬರಲಿಲ್ಲ. ಅದಾದ ನಂತರ ಸುರಿದ ಮಳೆಗೆ ಬೆಂಕಿ ಅಲ್ಪ ಪ್ರಮಾಣದಲ್ಲಿ ನಿಯಂತ್ರಣಕ್ಕೆ ಬಂದಿದೆ. ಮಳೆ ನಿಂತ ನಂತರವೂ ಬೆಂಕಿ ಉರಿಯುತ್ತಿದ್ದು, ನೂರಾರು ಜನ ಆಗಮಿಸಿ ಅದನ್ನು ವೀಕ್ಷಿಸಿದ್ದಾರೆ.
- [ಸಿದ್ದಾಪುರ ಪೊಲೀಸರ ಸಾಹಸ: 10 ಲಕ್ಷ ರೂ ಹಣ ವಶ!](https://mobiletime.in/2026/03/siddapur-polices-bravery-rs-10-lakh-seized/): ಕುರಿ ಕಾಯುವ ಹುಡುಗನಿಗೆ ಬಂಗಾರದ ಆಸೆ ತೋರಿಸಿ 10 ಲಕ್ಷ ರೂಪಡೆದು ಮೋಸ ಮಾಡಿದ ವಂಚಕನ್ನು ಸಿದ್ದಾಪುರ ಪೊಲೀಸರು ಸೆದೆಬಡಿದಿದ್ದಾರೆ. ಸಿದ್ದಾಪುರ – ಸಾಗರ ರಸ್ತೆಯಲ್ಲಿರುವ ಹಿತ್ತಲಕೊಪ್ಪ ಕ್ರಾಸಿನ ಬಳಿ ಬೆಳಗಾವಿಯ ಕುರಿ ವ್ಯಾಪಾರಿ ಆಕಾಶ ಅಬುಬಕ್ಕರ್ ಕಲಾಲ್ ಅವರು ಮೋಸ ಹೋಗಿದ್ದರು. `ಭೂಮಿ ಅಗೆಯುವಾಗ 2 ಕೆಜಿ ಚಿನ್ನ ಸಿಕ್ಕಿದೆ. 10 ಲಕ್ಷ ರೂಪಾಯಿಗೆ ಅದನ್ನು ಮಾರಾಟ ಮಾಡುವೆ’ ಎಂದು ನಂಬಿಸಿ ಚಿಕ್ಕಮಗಳೂರಿನ ಹೊಸಳ್ಳಿಯ ರವಿ ಎಂಬಾತರು 10 ಲಕ್ಷ ರೂಪಡೆದು ನಕಲಿ ಬಂಗಾರ ನೀಡಿ ಯಾಮಾರಿಸಿದ್ದರು. ನಡೆದ ಸೌದತ್ತಿ ಯಲ್ಲಮ್ಮನ ಜಾತ್ರೆಯಲ್ಲಿ ಆಕಾಶ ಕಲಾಲ್ ಹಾಗೂ ಹೊಸಳ್ಳಿಯ ರವಿ ಪರಿಚಿತರಾಗಿದ್ದು, ರವಿ ಅವರು ಆ ಪರಿಚಯವನ್ನು ತಮ್ಮ ಮೋಸಕ್ಕೆ ಬಳಸಿಕೊಂಡಿದ್ದರು. `ತನ್ನ ಮನೆಯ ನೆಲ ಅಗೆಯುವಾಗ 2 ಕೆಜಿ ಬಂಗಾರ ಸಿಕ್ಕಿದೆ’ ಎಂದು ಆಕಾಶ ಅವರ ಮಾವನಿಗೆ ಫೋನ್ ಮಾಡಿ ನಂಬಿಸಿದ ರವಿ ಅವರು ಅದರ ಮಾರಾಟ ವ್ಯವಹಾರ ನಡೆಸಲು ಸಿದ್ದಾಪುರಕ್ಕೆ ಆಮಂತ್ರಿಸಿದ್ದರು. ಮೊದಲು ಅಸಲಿ ಚಿನ್ನದ ನಾಣ್ಯ ಕೊಟ್ಟು, ಹಣಪಡೆದ ನಂತರ ನಕಲಿ ನಾಣ್ಯ ನೀಡಿ ಪರಾರಿಯಾಗಿದ್ದರು. 10 ಲಕ್ಷ ರೂಪಾಯಿಗೆ 2 ಕೆಜಿ ಚಿನ್ನ ಸಿಗುತ್ತದೆ ಎಂಬ ಆಸೆಗೆ ಬಿದ್ದ ಆಕಾಶ ಅವರು ಫೆಬ್ರವರಿ 23ರಂದು 10 ಲಕ್ಷ ರೂ ಹಣವನ್ನು ಕೊಟ್ಟು ಮೋಸ ಹೋಗಿದ್ದರು. ಮಾವ ಮತ್ತು ತಮ್ಮನ ಜೊತೆ ಬಾಡಿಗೆ ಕಾರಿನಲ್ಲಿ ಸಿದ್ದಾಪುರಕ್ಕೆ ಬಂದಿದ್ದ ಆಕಾಶ ಅವರನ್ನು ರವಿ ಅವರು ಎಲ್ಲಾ ಕಡೆ ಸುತ್ತಾಡಿಸಿ ಕೊನೆಗೆ ಸಿದ್ದಾಪುರ-ಸಾಗರ ರಸ್ತೆಯ ಕವಂಚೂರು ಗ್ರಾಮದ ಹಿತ್ತಲಕೊಪ್ಪ ಕ್ರಾಸಿನ ಬಳಿ ಕರೆದಿದ್ದರು. ರವಿ ಅವರ ಜೊತೆ ಮತ್ತೆ 5 ಜನ ಅಪರಿಚಿತರಿದ್ದು, ಅವರೆಲ್ಲರೂ ಸೇರಿ ಬಿಳಿ ಬಟ್ಟೆಯಲ್ಲಿ ಸುತ್ತಿರುವ ಎರಡು ಗಂಟುಗಳನ್ನು ನೀಡಿ, `ಅದರಲ್ಲಿ ಚಿನ್ನದ ನಾಣ್ಯಗಳಿವೆ’ ಎಂದು ನಂಬಿಸಿ ಆಕಾಶ ಅವರಿಂದ ಹತ್ತು ಲಕ್ಷ ರೂ ಪಡೆದು ಪರಾರಿಯಾಗಿದ್ದರು. ಅದಾದ ನಂತರ ನಕಲಿ ನಾಣ್ಯಗಳ ಬಗ್ಗೆ ಅರಿತ ಆಕಾಶ ಅವರು ಸಿದ್ದಾಪುರ ಠಾಣೆಯಲ್ಲಿ ಪೊಲೀಸ್ ದೂರು ನೀಡಿದ್ದರು. ದೂರಿನ ಬಗ್ಗೆ ವಿಚಾರಣೆ ನಡೆಸಿದ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಡಿವೈಎಸ್ಪಿ ಗೀತಾ ಪಾಟೀಲ್ ಅವರ ಜೊತೆ ಚರ್ಚಿಸಿ ಆರೋಪಿತರ ಪತ್ತೆಗೆ ತಂಡ ರಚಿಸಿದರು. ಸಿದ್ದಾಪುರ ಪಿಐ ಜೆಬಿ ಸೀತಾರಾಮ, ಪಿಸೈ ಶಾಂತಿನಾಥ ಪಾಸಾನೆ, ಸಿಬ್ಬಂದಿ ರಮೇಶ ಕುಡಲ, ಚೇತನಕುಮಾರ, ಸಂತೋಷ ತಳವಾರ್, ಮೋಹನ ಗಾವಡಿ, ಮಣಿಕಂಠ, ಪ್ರಶಾಂತ, ರೋಹಿತ, ಗಿರೀಶ ಅವರು ಆರೋಪಿ ಪತ್ತೆಗೆ ಬಲೆ ಬೀಸಿದರು. ಆ ಬಲೆಗೆ ಶಿವಮೊಗ್ಗದ ಶಿಕಾರಿಪುರದ ಗಜೇಂದ್ರ ಹಾಲೇಶಪ್ಪ ಕೊರಚರ ಅವರು ಸಿಕ್ಕಿಬಿದ್ದರು. ಅವರೇ ಈ ವಂಚನೆಯ ಪ್ರಮುಖ ಆರೋಪಿಯಾಗಿದ್ದು, ನಕಲಿ ಬಂಗಾರ ನೀಡಿಪಡೆದಿದ್ದ 10 ಲಕ್ಷ ರೂಪಾಯಿ ಹಣವನ್ನು ಪೊಲೀಸರು ಜಪ್ತು ಮಾಡಿದರು. ಆರೋಪಿ ಬಳಿಯಿದ್ದ ಬಜಾಜ್ ಬೈಕ್ ಹಾಗೂ ಕೀಪ್ಯಾಡ್ ಮೊಬೈಲ್’ನ್ನು ವಶಕ್ಕೆಪಡೆದು ವಂಚಕನನ್ನು ಜೈಲಿಗೆ ಕಳುಹಿಸಿದರು.
- [ಸುಪಾರಿ ಸಂಚು | ಶಾಸಕರ ಸಂಪರ್ಕ: ಉದ್ಯಮಿ ಮೇಲೆ ಅನುಮಾನ!](https://mobiletime.in/2026/03/betel-nut-plot-mla-contact-doubt-on-businessman/): ಕೆಪಿಸಿಸಿ ಮಾಜಿ ಕಾರ್ಯದರ್ಶಿ, ಅಂಕೋಲಾದ ಕಾಂಗ್ರೆಸ್ ನಾಯಕ ಗೋಪಾಲಕೃಷ್ಣ ನಾಯಕ ಅವರ ಕೊಲೆಗೆ ಪ್ರಭಾವಿ ಉದ್ಯಮಿಯೊಬ್ಬರು ಪ್ರಯತ್ನಿಸಿದ ಅನುಮಾನವ್ಯಕ್ತವಾಗಿದೆ. ಆ ಉದ್ಯಮಿಯ ಜೊತೆ ಶಾಸಕರು ಸಂಪರ್ಕದಲ್ಲಿರುವ ಬಗ್ಗೆ ಗೋಪಾಲಕೃಷ್ಣ ನಾಯಕ ಅವರೇ ಶಂಕೆವ್ಯಕ್ತಪಡಿಸಿದ್ದಾರೆ. ಮಣಿಪಾಲ್ ಆಸ್ಪತ್ರೆಯಿಂದ ಬಿಡುಗಡೆಯಾಗಿ ಆಗಮಿಸಿದ ಗೋಪಾಲಕೃಷ್ಣ ನಾಯಕ ಅವರು ಅತ್ಯಂತ ಮಾರ್ಮಿಕವಾಗಿ ಮಾತನಾಡಿದ್ದಾರೆ. ತನ್ನ ಮೇಲೆ ರಾಜಕೀಯ ಕಾರಣದಿಂದ ಈ ದಾಳಿ ನಡೆದಿದೆ’ ಎಂದು ಅವರು ಹೇಳಿದ್ದಾರೆ. `ತಮ್ಮ ಮೇಲೆ ದಾಳಿ ಮಾಡಿದವರ ಜೊತೆ ಶಾಸಕರ ಸಂಪರ್ಕದಲ್ಲಿದ್ದಾರೆ’ ಎಂದು ಸಹ ಅವರು ಸ್ಪೋಟಕ ಹೇಳಿಕೆ ನೀಡಿದ್ದಾರೆ. `ಹೆಣ್ಣು, ಹೊನ್ನು ಹಾಗೂ ಮಣ್ಣಿಗಾಗಿ ಕೊಲೆಗಳಾಗುತ್ತವೆ. ನಾನು ಈವರೆಗೆ ಯಾರ ಆಸ್ತಿ ತೆಗೆದುಕೊಂಡಿಲ್ಲ. ಆಸ್ತಿ ಹೊಡೆದಿಲ್ಲ. ಆಸ್ತಿ ಪ್ರಕರಣಗಳಿಲ್ಲ. ಅದ್ಯಾವುದು ಇಲ್ಲ. ಹೀಗಾಗಿ ಇರುವುದೇ ರಾಜಕೀಯ ದ್ವೇಷ. ಬರುವ ಚುನಾವಣೆಯಲ್ಲಿ ವಿಧಾನಸಭೆಗೆ ಸ್ಪರ್ಧೆ ಮಾಡುತ್ತೇನೆ ಎಂಬ ದ್ವೇಷದಿಂದ ಈ ರೀತಿ ಆಗಿರಬಹುದು ಎಂಬುದು ಸ್ನೇಹಿತರ ಅಭಿಪ್ರಾಯ’ ಎಂದಿದ್ದಾರೆ. `ಸಹಕಾರಿ ಚುನಾವಣೆಯಲ್ಲಿ ದ್ವೇಷ ನಡೆದಿದ್ದು ನಿಜ. ಅದರಲ್ಲಿ ಮುಚ್ಚುಮರೆ ಏನೂ ಇಲ್ಲ. ಏಳು ಸ್ಥಾನಕ್ಕೆ ಸ್ಪರ್ಧೆ ಮಾಡಿದಾಗ ಆ ಏಳು ಸ್ಥಾನವನ್ನು ನಾವು ಗೆದ್ದಿದ್ದೇವೆ. ಜನ ಆಶೀರ್ವಾದ ಮಾಡಿದಕ್ಕೆ ಗೆದ್ದಿದ್ದೇವೆ. ಗೆದ್ದ ದಿನ ಆರ್ ಎನ್ ನಾಯಕ ಅವರ ಪುತ್ರ ಅಲ್ಲಿ ಆಗಮಿಸಿ ಅವರದ್ದೇ ಆದ ಭಲ ಪ್ರದರ್ಶನಕ್ಕೆ ಯತ್ನಿಸಿದ್ದು, ಅದಕ್ಕೆ ನಾವು ಅವಕಾಶ ಕೊಡಲಿಲ್ಲ. ಅವರ ಪರ ನಮ್ಮ ಶಾಸಕರು ಇದ್ದರು. ಇದೆಲ್ಲವೂ ಎಲ್ಲರಿಗೂ ಗೊತ್ತಿರುವ ವಿಷಯ. ಅದರಲ್ಲಿಯೂ ಮುಚ್ಚುಮರೆ ಇಲ್ಲ’ ಎಂದು ಹೇಳಿದ್ದಾರೆ. ಇನ್ನೂ, ಶಿರೂರು ಗುಡ್ಡ ಕುಸಿತ ವೇಳೆ ಮುಖ್ಯಮಂತ್ರಿಗಳು ತಮ್ಮ ಮನೆಗೆ ಆಗಮಿಸಿದ್ದರು. ಆಗ, ಸ್ಥಳೀಯ ಶಾಸಕರು ಗೇಟಿನಿಂದ ಒಳಗೆ ಬರಲಿಲ್ಲ. ರಾಜಿನಾಮೆ ಬೇಕಾದರೂ ಕೊಡುತ್ತೇನೆ. ನಮ್ಮ ಮನೆಗೆ ಬರುವುದಿಲ್ಲ ಎಂದು ಶಾಸಕರು ಹೇಳಿದ್ದು, `ಮನೆ ಗೇಟಿನ ಒಳಗೆ ಬರಲಿಲ್ಲ. ನೀವು ಮುಖ್ಯಮಂತ್ರಿ ಆಗಬೇಕು ಎನ್ನುವ ಕಾರಣಕ್ಕೆ ನಾವು ಈ ಶಾಸಕರನ್ನು ಗೆಲ್ಲಿಸಿದ್ದೇವೆ ಎಂದು ಆ ದಿನ ಮುಖ್ಯಮಂತ್ರಿಗಳ ಮುಂದೆಯೇ ಹೇಳಿದ್ದೇನೆ’ ಎನ್ನುತ್ತ ಗೋಪಾಲಕೃಷ್ಣ ನಾಯಕ ಅವರು ಹಳೆಯ ಘಟನಾವಳಿಗಳನ್ನು ನೆನಪಿಸಿಕೊಂಡರು. ಶಾಸಕರು ಹಾಗೂ ತಮ್ಮ ನಡುವೆ ರಾಜಕೀಯ ದ್ವೇಷವಿರುವುದು ಹಳೆಯ ವಿಷಯ. ಆದರೆ, ಅವರು ಈ ಮಟ್ಟಕ್ಕೆ ಇಳಿಯುವ ಮನಸ್ಥಿತಿಯವರಲ್ಲ. ಆದರೆ, ಸುಪಾರಿ ನೀಡಿದವರು ಎನ್ನಲಾದ ವ್ಯಕ್ತಿಗಳ ಜೊತೆ ಶಾಸಕರು ಸಂಪರ್ಕದಲ್ಲಿರುವ ಸಾಧ್ಯತೆಗಳಿವೆ. ಮೊದಲೆ ಗೊತ್ತಾಗಿದ್ದರೆ ಸೂಕ್ತ ರಕ್ಷಣೆಪಡೆಯುತ್ತಿದ್ದೆ’ ಎಂದು ಗೋಪಾಲಕೃಷ್ಣ ನಾಯಕ ಅವರು ಹೇಳಿದ್ದಾರೆ.  
- [ಕೈ ನಾಯಕನ ತಲೆಗೆ ಹಲವು ಹೊಲಿಗೆ!](https://mobiletime.in/2026/03/kai-leader-needs-many-stitches-on-his-head/): ದುಷ್ಕರ್ಮಿಗಳ ದಾಳಿಗೆ ಒಳಗಾಗಿ ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾಗಿದ್ದ ಅಂಕೋಲಾದ ಕಾಂಗ್ರೆಸ್ ನಾಯಕ ಗೋಪಾಲಕೃಷ್ಣ ನಾಯಕ ಅವರು ಇದೀಗ ಚೇತರಿಸಿಕೊಂಡಿದ್ದಾರೆ. ಆಕ್ರಮಣದ ನಂತರ ಅವರನ್ನು ತುರ್ತಾಗಿ ಆಸ್ಪತ್ರೆಗೆ ದಾಖಲಿಸಿದ ಪರಿಣಾಮ ಅವರು ಜೀವಾಪಾಯದಿಂದ ಪಾರಾಗಿದ್ದಾರೆ. ಗೋಪಾಲಕೃಷ್ಣ ನಾಯಕ ಅವರ ಮೇಲೆ ಆರು ಜನ ದಾಳಿ ಮಾಡಿದ್ದು, ಸಮಯಪ್ರಜ್ಞೆಯಿಂದ ಅವರು ತಮ್ಮ ಅಲ್ಲಿಂದ ಓಡಿ ಹೊಗಿ ತಪ್ಪಿಸಿಕೊಂಡಿದ್ದರು. ಮಾರಣಾಂತಿಕವಾಗಿ ಗಾಯಗೊಂಡಿದ್ದ ಅವರನ್ನು ನೆರೆಜಿಲ್ಲೆಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿ ಅವರ ತಲೆ ಹಾಗೂ ಕೈಗೆ ಆದ ಗಾಯಕ್ಕೆ ಚಿಕಿತ್ಸೆ ನೀಡಿ ಗುಣಪಡಿಸಲಾಗಿದೆ. ತಲೆಗೆ ಹೊಲಿಗೆ ಹಾಕಿರುವುದು ಕಾಣಿಸುತ್ತಿದೆ. ಮೂರು ದಿನದ ಚಿಕಿತ್ಸೆ ನಂತರ ಗೋಪಾಲಕೃಷ್ಣ ನಾಯಕ ಅವರು ಊರಿಗೆ ಮರಳಿದ್ದಾರೆ. ಮಣಿಪಾಲ್ ಆಸ್ಪತ್ರೆಯಲ್ಲಿ ಗೋಪಾಲಕೃಷ್ಣ ನಾಯಕ ಅವರನ್ನು ತೀವೃ ನಿಗಾ ಘಟಕದಲ್ಲಿರಿಸಿ ಆರೈಕೆ ಮಾಡಲಾಗಿದೆ. ಗೃಹ ಸಚಿವ ಜಿ ಪರಮೇಶ್ವರ ಅವರು ಸಹ ತಮ್ಮ ಆಪ್ತನ ಮೇಲಾಗಿರುವ ದಾಳಿಯನ್ನು ಖಂಡಿಸಿದ್ದು, ಪಾದರರ್ಶಕ ತನಿಖೆಗೆ ಸೂಚಿಸಿದ್ದಾರೆ. ಆಸ್ಪತ್ರೆಯಿಂದ ಬಿಡುಗಡೆ ಆದ ನಂತರ ಅವರು ಅಂಕೋಲಾದ ಕಣಕಣೇಶ್ವರ ದೇವಾಲಯದಲ್ಲಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಅದಾದ ನಂತರ ಮಾಧ್ಯಮದವರ ಜೊತೆ ಮನಬಿಚ್ಚಿ ಮಾತನಾಡಿದ್ದಾರೆ. `ಕೊಲ್ಲಲು ನೂರಾರು ಜನ ಇದ್ದಾಗ ಕಾಯಲು ಒಬ್ಬ ಇರುತ್ತಾನೆ. ಪೊಲೀಸ್ ತನಿಖೆ ಮೇಲೆ ವಿಶ್ವಾಸವಿದೆ. ಶೀಘ್ರದಲ್ಲಿಯೇ ಸತ್ಯ ಹೊರಬರಲಿದೆ’ ಎಂದು ಅವರು ಹೇಳಿದರು.  
- [ಮುಂಜಿ ಮನೆಯಲ್ಲಿ ಚಿನ್ನ ಕಳ್ಳತನ!](https://mobiletime.in/2026/03/gold-stolen-from-munjis-house/): ಅಂಕೋಲಾ ಹಿಲ್ಲೂರಿನ ಶ್ರೀದೇವಿ ಹೆಬ್ಬಾರ್ ಹಾಗೂ ಶೇವಕಾರಿನ ಪ್ರೇಮಾ ಹೆಬ್ಬಾರ್ ಅವರ ಬಳಿಯಿದ್ದ ಚಿನ್ನಾಭರಣಗಳು ಕಳ್ಳತನವಾಗಿದೆ. ಗೋಕರ್ಣದಲ್ಲಿರುವ ಸಂಬoಧಿಕರ ಮನೆಗೆ ಹೋದಾಗ ಅವರಿಬ್ಬರು ತಮ್ಮ ಬಳಿಯಿದ್ದ ಆಭರಣ ಕಳೆದುಕೊಂಡಿದ್ದಾರೆ. ಗೋಕರ್ಣದ ರಥಬೀದಿಯಲ್ಲಿರುವ ವಿದ್ಯಾ ಮಹಾಬಲೇಶ್ವರ ತಾಮ್ರಗೌರಿ ಅವರ ಮನೆಯಲ್ಲಿ ಧಾರ್ಮಿಕ ಕಾರ್ಯಕ್ರಮವನ್ನು ನಿಶ್ಚಯಿಸಲಾಗಿತ್ತು. ವಿದ್ಯಾ ತಾಮ್ರಗೌರಿ ಅವರು ತಮ್ಮ ಮೊಮ್ಮಗನ ಮುಂಜಿಗೆ ಆಗಮಿಸುವಂತೆ ಬಂಧು-ಮಿತ್ರರಿಗೆ ಆಮಂತ್ರಣ ನೀಡಿದ್ದರು. ಬ್ರಹ್ಮೋಪದೇಶ ಕಾರ್ಯಕ್ರಮದಲ್ಲಿ ಭಾಗವಹಿಸುವುದಕ್ಕಾಗಿ ಅಂಕೋಲಾ ತಿಂಗಳಬೈಲಿನ ಶ್ರೀದೇವಿ ಅನಂತ ಹೆಬ್ಬಾರ್ ಅವರು ಅಕ್ಕನ ಮನೆಗೆ ಹೋಗಿದ್ದರು. ಗ್ರಾಮ ಪಂಚಾಯತ ಸದಸ್ಯೆಯಾಗಿರುವ ಹೆಗ್ಗಾರ್ ಶೇವಕಾರಿನ ಪ್ರೇಮಾ ರಮೇಶ ಹೆಬ್ಬಾರ್ ಅವರು ಸಹ ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಮಾರ್ಚ 27ರ ರಾತ್ರಿ ಅವರಿಬ್ಬರು ಅಲ್ಲಿಯೇ ವಸತಿ ಹೂಡಿದ್ದರು. ಆ ದಿನ ಎಲ್ಲಾ ಧಾರ್ಮಿಕ ಕಾರ್ಯಕ್ರಮ ಮುಗಿಸಿ ಮಲಗುವಾಗ ರಾತ್ರಿ 11.55ರ ಸಮಯವಾಗಿತ್ತು. ಆ ವೇಳೆ ಅವರ ಬಳಿಯಿದ್ದ ಚಿನ್ನಾಭರಣಗಳೆಲ್ಲವೂ ಸರಿಯಾಗಿದ್ದವು. ಮರುದಿನ ಬೆಳಗ್ಗೆ 6 ಗಂಟೆಗೆ ಎದ್ದು ನೋಡಿದಾಗ ಕಂಠಿಸರ, ಚಿನ್ನದ ಚೈನ್, ಉಂಗುರ, ಕಿವಿಗೆ ಹಾಕುವ ಮಕ್ಕ, ಕಿವಿಯ ಸರಪಳಿ, ಕುಡುಕು ಮತ್ತು ಜುಮುಕಿ ಸೇರಿ ವಿವಿಧ ಆಭರಣಗಳು ಕಣ್ಮರೆಯಾಗಿದ್ದವು. ಪಕ್ಕದ ಮನೆಯ ಶೌಚಾಲಯದ ದಾರಿಯಿಂದ ಬಂದ ಕಳ್ಳರು ಹಾಲಿನಲ್ಲಿದ್ದ ಚಾವಿ ಬಳಸಿ ಕೋಣೆ ಪ್ರವೇಶಿಸಿದ್ದು, ಮಹಿಳೆಯರ ಆಭರಣ ಕದ್ದು ಪರಾರಿಯಾದ ಅನುಮಾನ ಕಾಡಿತು. ಶ್ರೀದೇವಿ ಹೆಬ್ಬಾರ್ ಅವರ ಬಳಿಯಿದ್ದ 3.60 ಲಕ್ಷ ರೂ ಮೌಲ್ಯದ 30 ಗ್ರಾಂ ಬಂಗಾರದ ಕಂಠಿಸರ, 1.80 ಲಕ್ಷ ರೂ ಮೌಲ್ಯದ 15 ಗ್ರಾಮಿನ ಚಿನ್ನದ ಚೈನ್, 27 ಸಾವಿರ ರೂ ಮೌಲ್ಯದ 6 ಗ್ರಾಂ ತೂಕದ ಉಂಗುರವನ್ನು ಕಳ್ಳರು ಎಗರಿಸಿದ್ದರು. ಪ್ರೇಮಾ ಹೆಬ್ಬಾರ್ ಅವರ ಬಳಿಯಿದ್ದ 92 ಸಾವಿರ ರೂ ಮೌಯದ ಕಿವಿಗೆ ಹಾಕುವ ಮಕ್ಕ, 4 ಗರಾಮ ತೂಕದ 48 ಸಾವಿರ ರೂ ಮೌಲ್ಯದ ಕಿವಿಯ ಸರಪಳಿ, 60 ಸಾವಿರ ರೂ ಮೌಲ್ಯದ ಐದು ಗ್ರಾಂ ತೂಕದ ಕುಡುಕು ಹಾಗೂ ಜುಮಕಿಯನ್ನು ಅಪಹರಿಸಿದ್ದರು. ಎಲ್ಲಾ ಸೇರಿ 10.44 ಲಕ್ಷ ರೂ ಮೌಲ್ಯದ ಚಿನ್ನಾಭರಣಗಳು ಕಳ್ಳರ ಪಾಲಾದವು. ಈ ವಿಷಯದ ಬಗ್ಗೆ ಶ್ರೀದೇವಿ ಹೆಬ್ಬಾರ್ ಅವರು ಮಾಹಿತಿ ನೀಡಿದ್ದು, ಗೋಕರ್ಣ ಪೊಲೀಸರು ಕಳ್ಳರ ಹುಡುಕಾಟ ನಡೆಸಿದರು. ಸದ್ಯ ಚಿನ್ನಾಭರಣ ಕಾಣೆಯಾದ ಬಗ್ಗೆ ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
- [ನಿತ್ಯಾನಂದ ಮಂದಿರದಲ್ಲಿ ರಾಮ ನಾಮ ಸ್ಮರಣೆ](https://mobiletime.in/2026/03/ram-naam-smarana-at-nityananda-temple/): ಶಿರಸಿಯ ಮರಾಠಿಕೊಪ್ಪದ ನಿತ್ಯಾನಂದ ಮಂದಿರದಲ್ಲಿ ರಾಮನವಮಿ ಅಂಗವಾಗಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆದಿವೆ. ಇಲ್ಲಿ ನಡೆದ ಶ್ರೀ ರಾಮ ರಥೋತ್ಸವ ಕಾರ್ಯಕ್ರಮದಲ್ಲಿ ಸಾವಿರಾರು ಸಂಖ್ಯೆ ಭಕ್ತರು ಭಾಗವಹಿಸಿದ್ದು, ಜಪ-ಉತ್ಸವ-ಅನ್ನ ಸಂತರ್ಪಣೆ ಸೇರಿ ಬಗೆ ಬಗೆಯ ಚಟುವಟಿಕೆಯಲ್ಲಿ ತಮ್ಮನ್ನು ಭಕ್ತಿಭಾವದಿಂದ ತೊಡಗಿಸಿಕೊಂಡಿದ್ದಾರೆ. ಸoಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಸೇರಿ ಅನೇಕ ಗಣ್ಯರು ರಾಮನವಮಿ ಉತ್ಸವದಲ್ಲಿ ಭಾಗಿಯಾಗಿದ್ದಾರೆ. ಮಾರ್ಚ 25ರಿಂದ 28ರವರೆಗೆ ನಡೆದ ಧಾರ್ಮಿಕ ಕಾರ್ಯಕ್ರಮ ನಡೆದಿದ್ದು, ಅತ್ಯಂತ ಶ್ರದ್ಧಾ ಭಕ್ತಿಯಿಂದ ಭಕ್ತರು ರಾಮ ಮಂತ್ರ ಪಠಿಸಿದ್ದಾರೆ. ರಥೋತ್ಸವದ ಹಿನ್ಮಲೆಯಲ್ಲಿ ಮೊದಲ ದಿವಸ ಅಖಂಡ ಶ್ರೀರಾಮ ತಾರಕ ಜಪ ನಡೆಯಿತು. ಎರಡನೇ ದಿವಸ ಶ್ರೀ ರಾಮನವಮಿ ಉತ್ಸವ ನಡೆದಿದ್ದು, ಅನ್ನ ಸಂತರ್ಪಣೆಸಹಿತ ಧಾರ್ಮಿಕ ಕಾರ್ಯಕ್ರಮ ಜರುಗಿತು. ಕೊನೆಯ ದಿವಸ ಶುಕ್ರವಾರ ರಥೋತ್ಸವ ನಡೆದಿದ್ದು, ಸಾವಿರಾರು ಭಕ್ತರು ಪಾಲ್ಗೊಂಡು ಕೃತಜ್ಞರಾದರು. ಕಾರ್ಯಕ್ರಮದ ಅಂಗವಾಗಿ ಸುಂದರವಾದ ರಾಮನ ಮೂರ್ತಿ ನಿರ್ಮಾಣ ಮಾಡಲಾಗಿತ್ತು. ಕಾರ್ಯಕ್ರಮದಲ್ಲಿ ದುಡಿದ ಕಾರ್ಯಕರ್ತರು, ದಾನಿಗಳಿಗೆ ಈ ವೇಳೆ ಗೌರವ ಸಲ್ಲಿಸಲಾಯಿತು. ಮಠದ ಅಧ್ಯಕ್ಷ ವಿಷ್ಣು ಹರಿಕಾಂತ, ಚಂದು ಮಾದನಗೇರಿ, ವಿನಾಯಕ ಶೆಟ್ಟಿ, ಲಿಂಗಪ್ಪ ಕೊಂಡ್ಲಿ, ಶರ್ಮಿಳಾ ಮಾದನಗೇರಿ ಇನ್ನಿತರು ಕಾರ್ಯಕ್ರಮದ ಉಸ್ತುವಾರಿವಹಿಸಿದ್ದು, ಶಿಸ್ತು ಬದ್ಧವಾಗಿ ಸಂಘಟನೆ ಮಾಡಿದ್ದರು.  
- [ಆರೋಗ್ಯ ಕ್ಷೇತ್ರಕ್ಕೆ LIC ಕೊಡುಗೆ](https://mobiletime.in/2026/03/lics-contribution-to-the-healthcare-sector/): ಸಮಾಜಮುಖಿ ಕೆಲಸಗಳಲ್ಲಿ ನಿರತವಾಗಿರುವ ಲೈಫ್ ಇನ್ಶೂರೆನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (LIC) ಗೋಲ್ಡನ್ ಜ್ಯೂಬಿಲಿ ಫೌಂಡೇಶನ್, ಬೆಂಗಳೂರಿನ ಪ್ರಮುಖ ಕ್ಯಾನ್ಸರ್ ಚಿಕಿತ್ಸಾ ಕೇಂದ್ರವಾದ Sri Shankara Cancer Hospitalಗೆ ಅತ್ಯಾಧುನಿಕ ವೈದ್ಯಕೀಯ ಉಪಕರಣಗಳನ್ನು ದೇಣಿಗೆಯಾಗಿ ನೀಡಿದೆ. ಸುಮಾರು 4.31 ಕೋಟಿ ಮೌಲ್ಯದ 64-ಸ್ಲೈಸ್ CT ಸ್ಕ್ಯಾನ್ ಯಂತ್ರ ಹಾಗೂ ಹಾರ್ಟ್-ಲಂಗ್ ಮಷೀನ್ ಅನ್ನು ಆಸ್ಪತ್ರೆಗೆ ಹಸ್ತಾಂತರಿಸಲಾಯಿತು. ಈ ಉಪಕರಣಗಳು ಕ್ಯಾನ್ಸರ್ ರೋಗಿಗಳ ತಪಾಸಣೆ ಮತ್ತು ಚಿಕಿತ್ಸೆಯಲ್ಲಿ ಮಹತ್ವದ ನೆರವಾಗಲಿದ್ದು, ಬೆಂಗಳೂರು ಹಾಗೂ ಕರ್ನಾಟಕದ ವಿವಿಧ ಭಾಗಗಳಿಂದ ಬರುವ ಸಾವಿರಾರು ರೋಗಿಗಳಿಗೆ ಹೆಚ್ಚಿನ ಅನುಕೂಲ ಕಲ್ಪಿಸಲಿದೆ. ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ಎಲ್ಐಸಿಯ ಸಿಇಒ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾದ ಡಾ. ಆರ್ ದೊರೆಸ್ವಾಮಿ ಅವರು ಮಾತನಾಡಿ, ಸಮಾಜಕ್ಕೆ ಉಪಕಾರವಾಗುವ ಸಂಸ್ಥೆಗಳೊಂದಿಗೆ ಕೈಜೋಡಿಸುವುದು ಎಲ್ಐಸಿ ಗೋಲ್ಡನ್ ಜ್ಯೂಬಿಲಿ ಫೌಂಡೇಶನ್‌ನ ಮುಖ್ಯ ಉದ್ದೇಶವಾಗಿದೆ. ಈ ಆಸ್ಪತ್ರೆ ಕಡಿಮೆ ವೆಚ್ಚದಲ್ಲಿ ಮತ್ತು ಉಚಿತವಾಗಿ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿರುವುದು ಶ್ಲಾಘನೀಯ. ಈ ದೇಣಿಗೆಯಿಂದ ಇನ್ನಷ್ಟು ಜನರಿಗೆ ಗುಣಮಟ್ಟದ ಚಿಕಿತ್ಸೆ ಸಿಗಲಿದೆ ಎಂದು ಹೇಳಿದರು. ಆಸ್ಪತ್ರೆಯ ಪರವಾಗಿ ಮಾತನಾಡಿದ ಡಾ. ಬಿ ಎಸ್ ಶ್ರೀನಾಥ್ ಅವರು, ಈ ಅತ್ಯಾಧುನಿಕ ಯಂತ್ರಗಳ ದೇಣಿಗೆಯಿಂದ ನಮ್ಮ ಚಿಕಿತ್ಸಾ ಸಾಮರ್ಥ್ಯ ಬಹಳಷ್ಟು ವೃದ್ಧಿಯಾಗಿದೆ. ಸಾವಿರಾರು ರೋಗಿಗಳಿಗೆ ಇದರಿಂದ ನೇರ ಪ್ರಯೋಜನವಾಗಲಿದೆ. ಎಲ್ಐಸಿ ಗೋಲ್ಡನ್ ಜ್ಯೂಬಿಲಿ ಫೌಂಡೇಶನ್ ಮತ್ತು ಡಾ. ಆರ್. ದೊರೆಸ್ವಾಮಿ ಸೇರಿದಂತೆ ಅವರ ತಂಡಕ್ಕೆ ಹೃತ್ಪೂರ್ವಕ ಧನ್ಯವಾದಗಳನ್ನು ಸಲ್ಲಿಸುತ್ತೇವೆ ಎಂದು ಹೇಳಿದರು. ಕಾರ್ಯಕ್ರಮದಲ್ಲಿ ಎಲ್ ಐ ಸಿಯ ಹಿರಿಯ ಅಧಿಕಾರಿಗಳಾದ ಶ್ರೀ ಪುನೀತ್ ಕುಮಾರ್, ಆಶಿಶ್ ಕುಮಾರ್ ಪರಸ್ ನಾಥ್ ಜ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
- [ಮಂಜುಗುಣಿ ಮಹಿಮೆ: ಬರುವ ಭಕ್ತರಿಗಾಗಿ ಸಾವಿರ ಸಾವಿರ ಅತ್ರಾಸ ಸಿದ್ಧ!](https://mobiletime.in/2026/03/manjaguni-mahima-thousands-of-offerings-are-ready-for-the-devotees-who-come/): ಶಿರಸಿಯ ಶ್ರೀಕ್ಷೇತ್ರ ಮಂಜುಗುಣಿ ಶ್ರೀ ವೆಂಕಟರಮಣ ದೇವಸ್ಥಾನದ ವಾರ್ಷಿಕ ರಥೋತ್ಸವಕ್ಕೆ ಕ್ಷಣಗಣನೆ ಶುರುವಾಗಿದೆ. ಏಪ್ರಿಲ್ 2ರಂದು ನಡೆಯಲಿರುವ ಈ ಭವ್ಯ ರಥೋತ್ಸವದ ದಿನ ಭಕ್ತರಿಗೆ ವಿತರಿಸಲು ವಿಶೇಷ ಪ್ರಸಾದ ಸಿದ್ಧವಾಗುತ್ತಿದೆ. ಯುಗಾದಿ ಹಬ್ಬದ ದಿನದಿಂದಲೇ ದೇವಸ್ಥಾನದ ಪ್ರಸಾದ ಗೃಹದಲ್ಲಿ ಅತ್ರಾಸ ಹಾಗೂ ಲಡ್ಡುಗಳನ್ನು ತಯಾರಿಸಲಾಗುತ್ತಿದೆ. ದೇವಸ್ಥಾನದ ಸಂಪ್ರದಾಯದAತೆ ಅತ್ಯಂತ ಶುದ್ಧವಾದ ಅಕ್ಕಿ, ಬೆಲ್ಲ, ಬೋಳಕಾಳು ಮತ್ತು ಏಲಕ್ಕಿ ಬಳಸಿ ಅತ್ರಾಸ ಪ್ರಸಾದವನ್ನು ತಯಾರಿಸಲಾಗುತ್ತಿದೆ. ಈ ಅತ್ರಾಸಕ್ಕೆ ಎಣ್ಣೆ ಬಳಸದೇ ತುಪ್ಪವನ್ನು ಮಾತ್ರ ಬಳಕೆ ಮಾಡಲಾಗುತ್ತಿದೆ. ತುಪ್ಪದಲ್ಲಿ ಮಿಂದ ಅತ್ರಾಸವನ್ನು ಅಚ್ಚುಕಟ್ಟಾಗಿ ಜೋಡಿಸಿಡಲಾಗುತ್ತಿದೆ. ಸುಮಾರು 15 ಸಾವಿರ ಅತ್ರಾಸ ಸಿದ್ಧಪಡಿಸಲಾಗುತ್ತಿದ್ದು, ಬರುವ ವ್ಯವಸ್ಥಿತವಾಗಿ ಭಕ್ತರಿಗೆ ಅದನ್ನು ಹಂಚುವ ತಯಾರಿ ನಡೆದಿದೆ. ಕಳೆದ ಎಂಟು ದಿನಗಳಿಂದ ಇಲ್ಲಿ ಪ್ರಸಾದ ಸಿದ್ಧಪಡಿಸುವ ಕಾರ್ಯದಲ್ಲಿ ಸ್ವಯಂ ಸೇವಕರು ತೊಡಗಿದ್ದಾರೆ. ಪ್ರಸಾದದ ಗುಣಮಟ್ಟ ಮತ್ತು ಸಾಂಪ್ರದಾಯಿಕ ರುಚಿಯನ್ನು ಕಾಪಾಡಿಕೊಳ್ಳಲು ವಿಶೇಷ ಗಮನ ಹರಿಸಲಾಗಿದ್ದು, ಯಾವುದೇ ರಾಸಾಯನಿಕ ಬಳಕೆ ಮಾಡುತ್ತಿಲ್ಲ. ನೈಸರ್ಗಿಕ ಪದಾರ್ಥಗಳಿಂದಲೇ ಈ ಪ್ರಸಾದ ಸಿದ್ಧಪಡಿಸಲಾಗುತ್ತಿದೆ. ಪ್ರಸಾದ ತಯಾರಿಯ ಈ ಮಹತ್ಕಾರ್ಯದಲ್ಲಿ ಪ್ರಸಾದ ತಯಾರಿಕಾ ತಜ್ಞರು ಮತ್ತು ಸ್ವಯಂ ಸೇವಕರು ಹಗಲಿರುಳು ಶ್ರಮಿಸುತ್ತಿದ್ದಾರೆ. ಮೂವರು ಪ್ರಸಾದ ತಯಾರಿಕಾ ಪರಿಣತರು ಅತ್ರಾಸ ತಯಾರಿಕೆಯಲ್ಲಿ ನಿರಂತರವಾಗಿ ತೊಡಗಿಸಿಕೊಂಡಿದ್ದಾರೆ. ಕಳೆದ ಎಂಟು ದಿನಗಳಿಂದ ಇಬ್ಬರು ಲಾಡು ತಯಾರಕರು ಇಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಈ ಸಂಪೂರ್ಣ ಸಿದ್ಧತೆಯ ಉಸ್ತುವಾರಿಯನ್ನು ಗಣಪತಿ ಭಟ್ ಸೂರನಜಡ್ಡಿ ಅವರುವಹಿಸಿಕೊಂಡಿದ್ದಾರೆ. ಅವರಿಗೆ ಪೂರಕವಾಗಿ ಅನೇಕರು ಸಕ್ರಿಯವಾಗಿ ಕೈಜೋಡಿಸಿ ಪ್ರಸಾದ ವಿತರಣೆಗೆ ಸಿದ್ಧತೆ ನಡೆಸುತ್ತಿದ್ದಾರೆ. ಏಪ್ರಿಲ್ 2ರಂದು ನಡೆಯುವ ರಥೋತ್ಸವಕ್ಕೆ ದೇಶದ ನಾನಾ ಭಾಗಗಳಿಂದ ಭಕ್ತರು ಬರುವ ನಿರೀಕ್ಷೆಯಿದೆ. ಬರುವ ಎಲ್ಲಾ ಭಕ್ತರಿಗೂ ಈ ಪ್ರಸಾದ ತಲುಪಬೇಕು ಎನ್ನುವುದು ದೇಗುಲ ಆಡಳಿತ ಮಂಡಳಿಯ ಕಳಕಳಿ. ಈ ಹಿನ್ನಲೆ ಅಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಸ್ವಯಂ ಸೇವಕರು ಶ್ರಮಿಸುತ್ತಿದ್ದಾರೆ.
- [ಮಕ್ಕಳಾಗದ ಕೊರಗು: ಮಸಣ ಸೇರಿದ ಮಹಿಳೆ!](https://mobiletime.in/2026/03/the-lament-of-not-having-children-a-woman-who-has-joined-the-masana/): ಮದುವೆಯಾಗಿ 24 ವರ್ಷ ಕಳೆದರೂ ಮಕ್ಕಳಾಗದ ಕಾರಣ ಶಿರಸಿಯ ಶಕುಂತಲಾ ಹೆಗಡೆ ಅವರು ಬಾವಿಗೆ ಹಾರಿದ್ದಾರೆ. ಆಳದ ಬಾವಿಯಲ್ಲಿದ್ದ ನೀರು ಕುಡಿದು ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಶಿರಸಿ ಉಳ್ಳಾಳ ದ್ಯಾವರ್ಸದಲ್ಲಿ ಶಕುಂತಲಾ ಗಣಪತಿ ಹೆಗಡೆ (46) ಅವರು ವಾಸವಾಗಿದ್ದರು. 24 ವರ್ಷದ ಹಿಂದೆ ಶಕುಂತಲಾ ಹೆಗಡೆ ಅವರ ವಿವಾಹ ನಡೆದಿತ್ತು. ಗಣಪತಿ ನರಸಿಂಹ ಹೆಗಡೆ ಅವರನ್ನು ಶಕುಂತಲಾ ಹೆಗಡೆ ಅವರು ವರಿಸಿದ್ದರು. ಆದರೆ, ಈ ದಂಪತಿಗೆ ಮಕ್ಕಳಾಗಿರಲಿಲ್ಲ. ಮಕ್ಕಳಿಲ್ಲದ ಕಾರಣ ಶಕುಂತಲಾ ಹೆಗಡೆ ಅವರು ಸಾಕಷ್ಟು ನೊಂದಿದ್ದರು. ಇದೇ ವಿಷಯವಾಗಿ ಅವರು ಮಾನಸಿಕವಾಗಿಯೂ ಕುಗ್ಗಿದ್ದರು. ಮಾರ್ಚ 26ರ ರಾತ್ರಿ 11.30ಕ್ಕೆ ಶಕುಂತಲಾ ಹೆಗಡೆ ಅವರ ಗಂಡ ಮನೆಯಲ್ಲಿರಲಿಲ್ಲ. ವಯಸ್ಸಾದ ಅತ್ತೆ ಮನೆಯಲ್ಲಿ ಮಲಗಿದ್ದರು. ಅವರ ಅರಿವಿಗೆ ಬಾರದಂತೆ ಮನೆ ಬಾಗಿಲ ಚಿಲಕ ತೆಗೆದ ಶಕುಂತಲಾ ಹೆಗಡೆ ಅವರು ಹೊರಗಡೆಯಿಂದ ಬಾಗಿಲ ಲಾಲದಂಡೆ ಹಾಕಿದರು. ಅದಾದ ನಂತರ ಮನೆ ಮುಂದಿದ್ದ ಸಿಮೆಂಟ್ ರಿಂಗಿನ ಬಾವಿಯ ಕಡೆ ಹೆಜ್ಜೆ ಹಾಕಿದರು. ಬಾವಿಯ ಮುಚ್ಚಳ ತೆರೆದು ಅದರೊಳಗೆ ಹಾರಿದರು. ಬೆಳಕು ಹರಿಯುವಷ್ಟರಲ್ಲಿ ಶಕುಂತಲಾ ಹೆಗಡೆ ಅವರು ಶವವಾಗಿದ್ದರು. ತಂಗಿ ಸಾವಿನ ಸುದ್ದಿ ಕೇಳಿ ಬೆಂಗಳೂರಿನಲ್ಲಿ ಖಾಸಗಿ ಕಂಪನಿ ಉದ್ಯೋಗಿಯಾಗಿರುವ ಮಹೇಂದ್ರ ದಿಗಂಬರ ಹಬ್ಬು ಅವರು ಊರಿಗೆ ಬಂದರು. ಸಾವಿನ ಬಗ್ಗೆ ಅವರು ಪೊಲೀಸರಿಗೆ ವರದಿ ಒಪ್ಪಿಸಿದ್ದು, ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಸರ್ಕಾರಿ ಕಚೇರಿ ದುರುಪಯೋಗ: ಕ್ರಮಕ್ಕೆ ಆಗ್ರಹ](https://mobiletime.in/2026/03/misuse-of-government-office-a-call-for-action/): ಸರ್ಕಾರಿ ಕಚೇರಿಯಲ್ಲಿ ಕುಳಿತು ಸರ್ಕಾರದ ವಿರುದ್ಧ ಮಾತನಾಡಿದ ಶಿರಸಿಯ ಚುನಾಯಿತ ಗ್ರಾಮ ಪ್ರತಿನಿಧಿಗಳ ಒಕ್ಕೂಟದ ನವೀನ ಶೆಟ್ಟಿ ಅವರ ವಿರುದ್ಧ ಕಾಂಗ್ರೆಸಿಗರು ಕಿಡಿಕಾರಿದ್ದಾರೆ. ನವೀನ ಶೆಟ್ಟಿ ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಆಗ್ರಹಿಸಿ ಧರಣಿ ನಡೆಸಿದ್ದಾರೆ. ಶಿರಸಿಯ ಚುನಾಯಿತ ಗ್ರಾಮ ಪ್ರತಿನಿಧಿಗಳ ಒಕ್ಕೂಟದ ಸದಸ್ಯರು ಸರ್ಕಾರಿ ಕಟ್ಟಡವನ್ನು ದುರುಪಯೋಗಪಡಿಸಿಕೊಂಡ ಆರೋಪ ಎದುರಿಸುತ್ತಿದ್ದಾರೆ. ಶಿರಸಿಯ ಸರ್ಕಾರಿ ಕಚೇರಿ ದುರುಪಯೋಗವಾದ ಬಗ್ಗೆ ಕಾಂಗ್ರೆಸಿಗರು ಆಕ್ಷೇಪಿಸಿ ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಶಿರಸಿ ಚುನಾಯಿತ ಗ್ರಾಮ ಪ್ರತಿನಿಧಿಗಳ ಒಕ್ಕೂಟದ ಅಧ್ಯಕ್ಷ ನವೀನ್ ಶೆಟ್ಟಿ ಅವರು ಗುರುವಾರ ತಾಲೂಕು ಪಂಚಾಯತ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿದ್ದರು. ಆಡಳಿತ ವೈಪಲ್ಯದ ಬಗ್ಗೆ ಅವರು ಮಾಧ್ಯಮದ ಎದುರು ಮಾತನಾಡಿದ್ದರು. ಸರ್ಕಾರವನ್ನು ಟೀಕಿಸುವುದಕ್ಕಾಗಿ ಸರ್ಕಾರಿ ಕಚೇರಿಯನ್ನು ಬಳಕೆ ಮಾಡಿದಕ್ಕಾಗಿ ಕಾಂಗ್ರೆಸಿಗರು ಅಸಮಧಾನವ್ಯಕ್ತಪಡಿಸಿದರು. ತಾಲೂಕ ಪಂಚಾಯತ್ ಎದುರು ಜಮಾಯಿಸಿದ ಎಸ್ ಕೆ ಭಾಗ್ವತ, ಜಗದೀಶ ಗೌಡ, ರಾಘು ಕಾನಡೆ, ಜೋಪಿ ಪೀಟರ್, ಪ್ರಸನ್ನ ಶೆಟ್ಟಿ ಮೊದಲಾದವರು ತಮ್ಮ ಸಹಚರರ ಜೊತೆ ಧರಣಿಗೆ ಕುಳಿತರು. `ತಾಲೂಕು ಪಂಚಾಯತ್ ಸಭಾ ಭವನ ಸರಕಾರಕ್ಕೆ ಸೇರಿದೆ. ಅಲ್ಲಿ ರಾಜಕೀಯಪ್ರೇರಿತ ಟೀಕೆಗಳಿಗೆ ಅವಕಾಶ ನೀಡುವುದು ಸರಿಯಲ್ಲ’ ಎಂದು ಅವರು ಅಧಿಕಾರಿಗಳಿಗೂ ತಿಳಿಸಿದರು. ಕ್ರಮ ಆಗುವವರೆಗೂ ಹೋರಾಟ ನಡೆಸುವುದಾಗಿ ಎಚ್ಚರಿಸಿದರು.
- [ಬೋನಿಗೆ ಬಿದ್ದ ಚಿರತೆ!](https://mobiletime.in/2026/03/a-leopard-caught-in-a-trap/): ಕಾರವಾರ ಜನರ ನಿದ್ದೆಗೆಡಿಸಿದ್ದ ಚಿರತೆ ಬೋನಿಗೆ ಬಿದ್ದಿದೆ. ಕಳೆದ ಒಂದು ವಾರದಿಂದ ಜನರ ಆತಂತಕ್ಕೆ ಕಾರಣವಾಗಿದ್ದ ವನ್ಯಜೀವಿಯನ್ನು ಅರಣ್ಯ ಇಲಾಖೆಯವರು ಬಂಧಿಸಿದ್ದಾರೆ. ಕಾರವಾರದ ಚಿತ್ತಾಕುಲ ಪಂಚಾಯತ್ ವ್ಯಾಪ್ತಿಯ ಸಾವರಪೈ ಬಳಿ ಚಿರತೆ ಓಡಾಟ ಜೋರಾಗಿತ್ತು. ಆ ಭಾಗದ ಎಲ್ಲಡೆ ಓಡಾಡುವ ಚಿರತೆ ನೋಡಿ ಜನ ಭಯಪಟ್ಟಿದ್ದರು. ಚಿರತೆ ನೋಡಿದ ಜನ ಸಂಜೆ ವೇಳೆ ಮನೆಯಿಂದ ಹೊರಬರಲು ಹೆದರುತ್ತಿದ್ದರು. ಊರಿಗೆ ಚಿರತೆ ಬಂದ ಬಗ್ಗೆ ಜನ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದು, ಅಧಿಕಾರಿಗಳು ಅಲ್ಲಲ್ಲಿ ಬೋನುಗಳನ್ನಿರಿಸಿದ್ದರು. ಶುಕ್ರವಾರ ಆ ಭೋನಿಗೆ ಚಿರತೆ ಬಿದ್ದಿದೆ. ಅರಣ್ಯಾಧಿಕಾರಿ ವಿ ಪಿ ನಾಯ್ಕ ಅವರ ತಂಡ ಸ್ಥಳಕ್ಕೆ ಭೇಟಿ ನೀಡಿ ಚಿರತೆ ಓಡಾಟದ ಚಲನ-ವಲನ ಗಮನಿಸಿದ್ದರು. ಚಿರತೆ ಹೆಚ್ಚಾಗಿ ಬರುವ ಪ್ರದೇಶ ಆಯ್ಕೆ ಮಾಡಿ ಅಲ್ಲಿ ಬೋನು ಇರಿಸಿದ್ದರು. ಆಹಾರ ಅರೆಸಿ ಬಂದ ಚಿರತೆಗೆ ಶುಕ್ರವಾರ ಸಂಜೆ ಬೋನಿನಲ್ಲಿರುವ ಜೀವಿ ಕಾಣಿಸಿತು. ಅದರ ಭಕ್ಷಣೆಗಾಗಿ ಬೋನಿನ ಒಳಗೆ ಹೋದ ಚಿರತೆಗೆ ಹೊರಬರಲು ಸಾಧ್ಯವಾಗಲಿಲ್ಲ. ಚಿರತೆ ಬೋನಿಗೆ ಬಿದ್ದಿದ್ದು ಕಂಡು ಕೂಡಲೇ ಅರಣ್ಯ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿದರು. ನಂತರ ಆ ಚಿರತೆಯನ್ನು ಸುರಕ್ಷಿತವಾಗಿ ಅರಣ್ಯ ಪ್ರದೇಶ ಬಿಟ್ಟು ಬಂದರು. ಒಂದು ವಾರದಿಂದ ಊರಿನಲ್ಲಿ ಓಡಾಡುತ್ತಿದ್ದ ಚಿರತೆ ಬೋನಿಗೆ ಬಿದ್ದಿದ್ದನ್ನು ನೋಡಿ ಗ್ರಾಮದ ಜನರು ನಿರಾಳರಾದರು.
- [ಪತ್ರಕರ್ತರಿಗೂ ಕಾಡಿಸಿದ ಕಿಡಿಗೇಡಿ: ಕಠಿಣ ಕ್ರಮಕ್ಕೆ ಆಗ್ರಹ](https://mobiletime.in/2026/03/demand-for-action-against-mischief-makers/): `ಕುಮಟಾದ ಪತ್ರಕರ್ತ ರಾಘವೇಂದ್ರ ದಿವಾಕರ್ ಅವರಿಗೆ ಕಾಡಿಸಿದ ಶ್ರೀಧರ ಕುಮಟಾಕರ್ ವಿರುದ್ಧ ಕ್ರಮ ಜರುಗಿಸಬೇಕು’ ಎಂದು ಕಾರ್ಯನಿರತ ಪತ್ರಕರ್ತರ ಸಂಘ ಆಗ್ರಹಿಸಿದೆ. ಈ ಬಗ್ಗೆ ಪೊಲೀಸ್ ಠಾಣೆಗೆ ತೆರಳಿದ ಪತ್ರಕರ್ತರು ಅಧಿಕಾರಿಗಳ ಮುಂದೆ ಹಕ್ಕೊತ್ತಾಯ ಮಾಡಿದ್ದಾರೆ. `ಕುಮಟಾ ಪಟ್ಟಣದ ಪೈರಗದ್ದೆಯ ಶ್ರೀಧರ ಕುಮಟಾಕರ್ ಅವರು ನೈತಿಕ ಪೋಲಿಸಗಿರಿ ಮಾಡುತ್ತಿದ್ದಾರೆ. ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು’ ಎಂದು ಶುಕ್ರವಾರ ಪತ್ರಕರ್ತರು ಲಿಖಿತವಾಗಿ ಆಗ್ರಹಿಸಿದ್ದಾರೆ. ಪತ್ರಕರ್ತ ಸಂಘದ ಅಧ್ಯಕ್ಷ ಅನ್ಸಾರ್ ಶೇಖ ಅವರು ಈ ಪತ್ರ ನೀಡಿದ್ದು, ಸಂಘದ ಸದಸ್ಯರಾದ ಎಂ ಜಿ ನಾಯ್ಕ, ಎಸ್ ಜಿ ಭಟ್ಟ, ಚರಣರಾಜ ನಾಯ್ಕ, ಸುಧೀರ ನಾಯ್ಕ, ಸದಾಶಿವ ಹೆಗಡೆ, ಸುಬ್ರಹ್ಮಣ್ಯ ಭಟ್ಟ, ದಿಪೇಶ ನಾಯ್ಕ, ರಾಘವೇಂಧ್ರ ದಿವಾಕರ ಹಾಗೂ ವಿನೋದ ಹರಿಕಂತ್ರ ಸೇರಿ ಶ್ರೀಧರ ಕುಮಟಾಕರ್ ಅವರ ವಿರುದ್ಧ ಕಿಡಿಕಾರಿದ್ದಾರೆ. `ಮಾರ್ಚ 26ರ ರಾತ್ರಿ 10.30ಕ್ಕೆ ಗಿಬ್ ಸರ್ಕಲ್‌ನಲ್ಲಿ ಲಾರಿ ಅಡ್ಡಹಾಕಿ ಚಾಲಕರಿಗೆ ಕಿರುಕುಳ ನೀಡುತ್ತಿದ್ದರು. ಸಾರ್ವಜನಿಕರು ನೀಡಿದ ಮಾಹಿತಿ ಆಧರಿಸಿ ಪತ್ರಕರ್ತ ರಾಘವೇಂದ್ರ ದಿವಾಕರ್ ಅವರು ಅಲ್ಲಿಗೆ ಹೋಗಿದ್ದು, ಘಟನಾವಳಿಗಳ ವಿಡಿಯೋ ಮಾಡಿದ್ದರು. ಇದನ್ನು ನೋಡಿ ಸಿಟ್ಟಾದ ಶ್ರೀಧರ ಕುಮಟಾಕರ್ ಅವರು ರಾಘವೇಂದ್ರ ದಿವಾಕರ್ ಅವರಿಗೆ ಬೈದು ವಿಡಿಯೋ ಡಿಲಿಟ್ ಮಾಡುವಂತೆ ಒತ್ತಾಯಿಸಿದ್ದಾರೆ. ಒಪ್ಪದ ಕಾರಣ ಎದೆಗೆ ಕೈ ಹಾಕಿ ದೂಡಿ ಹಲ್ಲೆ ಮಾಡಿದ್ದಾರೆ’ ಎಂದು ಪತ್ರಕರ್ತರು ವಿವರಿಸಿದರು. ವಂಚನೆ ಸೇರಿ ವಿವಿಧ ಪ್ರಕರಣದಲ್ಲಿ ಭಾಗಿಯಾಗಿರುವ ಶ್ರೀಧರ ಕುಮಟಾಕರ್ ವಿರುದ್ಧ ಕ್ರಮ ಜರುಗಿಸಬೇಕು’ ಎಂದು ಆಗ್ರಹಿಸಿದರು.
- [ಉತ್ತರ ಕನ್ನಡದಲ್ಲಿ ಉಸ್ತುವಾರಿ ಕಾರ್ಯದರ್ಶಿ ಸಭೆ](https://mobiletime.in/2026/03/in-charge-secretary-meeting-in-uttara-kannada/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅನೇಕ ಮಳೆ ಮಾಪನ ಯಂತ್ರಗಳು ಹಾಳಾಗಿದ್ದು, ಅದರ ದುರಸ್ಥಿಗೆ ಕ್ರಮ ಜರುಗಿಸಬೇಕು. ಹೊಸ ಯಂತ್ರ ಅಳವಡಿಕೆ ಆಗುವವರೆಗೆ ಬೆಳೆ ವಿಮೆ ಪಾವತಿಗೆ ಈ ಹಿಂದಿನoತೆ ಗ್ರಾಮ ಪಂಚಾಯತ್‌ಗಳಲ್ಲಿ ಅಳವಡಿಸಿರುವ ಮ್ಯಾನ್ಯುಯಲ್ ಗೇಜ್ ಯಂತ್ರಗಳ ಮಾಪನವನ್ನು ವಿಮಾ ಪರಿಹಾರದ ಮೊತ್ತ ಪಾವತಿಗೆ ಪರಿಗಣಿಸಬೇಕು’ ಎಂದು ಉತ್ತರ ಕನ್ನಡ ಉಸ್ತುವಾರಿ ಕಾರ್ಯದರ್ಶಿ ಸುಷಮಾ ಗೋಡಬೋಲೆ ಅವರು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಈ ಕುರಿತು ತೋಟಗಾರಿಕಾ ಇಲಾಖೆ ಮೂಲಕ ಇಲಾಖೆಯ ಕೇಂದ್ರ ಕಚೇರಿಗೆ ಪತ್ರ ಬರೆಯುವಂತೆಯೂ ಅವರು ತಿಳಿಸಿದ್ದಾರೆ. ಶುಕ್ರವಾರ ಸಭೆ ನಡೆಸಿದ ಅವರು `ಉತ್ತರ ಕನ್ನಡ ಜಿಲ್ಲೆಯ ಯಾವ ಭಾಗದಲ್ಲಿಯೂ ಕುಡಿಯುವ ನೀರಿನ ಸಮಸ್ಯೆ ಬಾರದ ರೀತಿ ಕ್ರಮ ಜರುಗಿಸಿ’ ಎಂದು ಜಿಲ್ಲಾ ಪಂಚಾಯತ್ ಆಡಳಿತಾಧಿಕಾರಿಯೂ ಆಗಿರುವ ಉತ್ತರ ಕನ್ನಡ ಉಸ್ತುವಾರಿ ಕಾರ್ಯದರ್ಶಿ ಸುಷಮಾ ಗೋಡಬೋಲೆ ಅವರು ಅಧಿಕಾರಿಗಳಿಗೆ ತಾಕೀತು ಮಾಡಿದ್ದಾರೆ. `ಬೇಸಿಗೆಯಲ್ಲಿ ಕುಡಿಯುವ ನೀರಿನ ಸಮಸ್ಯೆ ಕಂಡು ಬರಬಹುದಾದ ಗ್ರಾಮಗಳ ಪಟ್ಟಿಯನ್ನು ಮುಂಚಿತವಾಗಿ ಸಿದ್ದಪಡಿಸಿಕೊಳ್ಳಬೇಕು. ಆ ಗ್ರಾಮಗಳಲ್ಲಿ ಖಾಸಗಿ ಬೋರ್‌ವೆಲ್ ಸೇರಿದಂತೆ ಪರ್ಯಾಯ ನೀರಿನ ವ್ಯವಸ್ಥೆಗೆ ಅಗತ್ಯ ಸಿದ್ದತೆಗಳನ್ನು ನಡೆಸಬೇಕು. ಹೊಸ ಬೋರ್‌ವೆಲ್ ಕೊರೆಯುವ ಸಂದರ್ಭದಲ್ಲಿ ಕಡ್ಡಾಯವಾಗಿ ವೈಜ್ಞಾನಿಕವಾಗಿ ಅಂತರ್ಜಲ ಮರುಪೂರಣ ವ್ಯವಸ್ಥೆ ಅವಡಿಸಿಕೊಂಡಲ್ಲಿ ಮಾತ್ರ ಅನುಮತಿಯನ್ನು ನೀಡಬೇಕು’ ಎಂದು ನಿರ್ದೇಶನ ನೀಡಿದರು. `ಮುಂಡಗೋಡದಲ್ಲಿ ಎಸ್.ಎಸ್.ಎಲ್.ಸಿ ಪರೀಕ್ಷೆ ವಂಚಿತ ವಿದ್ಯಾರ್ಥಿಗಳಿಗೆ ಪರೀಕ್ಷೆ-2 ರಲ್ಲಿ ಪರೀಕ್ಷೆ ಬರೆಯಲು ಅಗತ್ಯವಿರುವ ಎಲ್ಲಾ ರೀತಿಯ ನೆರವು ಮತ್ತು ಪ್ರೋತ್ಸಾಹ ನೀಡುವ ಮೂಲಕ ಮತ್ತೊಮ್ಮೆ ಪರೀಕ್ಷೆ ಬರೆಯಲು ಅವಕಾಶ ಕಲ್ಪಿಸಲು ಅಗತ್ಯವಿರುವ ಕ್ರಮಗಳನ್ನು ಕೈಗೊಳ್ಳಬೇಕು. ಅವರು ಪರೀಕ್ಷೆಗೆ ಹಾಜರಾಗುವಂತೆ ನೋಡಿಕೊಳ್ಳಿ’ ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳಿಗೆ ಸೂಚಿಸಿದರು. `ಗ್ಯಾಸ್ ಸಿಲೆಂಡರ್ ಸಮಸ್ಯೆಯಿಂದ ಜಿಲ್ಲೆಯಲ್ಲಿ ಬಿಸಿಯೂಟ ಯೋಜನೆಗೆ ಯಾವುದೇ ಸಮಸ್ಯೆಯಾಗಿಲ್ಲ’ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. `ಜಿಲ್ಲೆಯಲ್ಲಿ ಆರೋಗ್ಯ ಕೇಂದ್ರಗಳು ಮತ್ತು ಅಂಗನವಾಡಿಗಳ ಕಟ್ಟಡ ನಿರ್ಮಾಣದ ಬಾಕಿ ಇರುವ ಕಾಮಗಾರಿಗಳನ್ನು ನಿಗಧಿತ ಅವಧಿಯೊಳಗೆ ಮುಕ್ತಾಯಗೊಳಿಸುವಂತೆ ಸೂಚಿಸಿದರು. ಜಲ ಜೀವನ್ ಮಿಷನ್ ಅಡಿಯಲ್ಲಿ ಕೈಗೊಂಡಿರುವ ಕಾಮಗಾರಿಗಳನ್ನು ಸಂಪೂರ್ಣವಾಗಿ ಮುಕ್ತಾಯಗೊಳಿಸುವಂತೆ ಸೂಚಿಸಿದ ಅವರು, ಜಿಲ್ಲೆಯಲ್ಲಿ ಅಂತರ್ಜಲ ವೃಧ್ದಿಗೆ ಹೆಚ್ಚಿನ ಆದ್ಯತೆ ನೀಡುವಂತೆ ಹಾಗೂ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ, ಸಣ್ಣ ನೀರಾವರಿ ಇಲಾಖೆ ಮತ್ತು ಕೃಷಿ ಇಲಾಖೆವತಿಯಿಂದ ನಿರ್ಮಿಸಿರುವ ನೀರು ಸಂಗ್ರಹ ಕಾಮಗಾರಿಗಳ ಸ್ಥಳಗಳನ್ನು ಮ್ಯಾಪಿಂಗ್ ಮಾಡುವಂತೆ ನಿರ್ದೇಶಿಸಿದರು. ಪ್ರಸಕ್ತ ಸಾಲಿನಲ್ಲಿ ಜಿ.ಪಂ. ಅಧೀನದ ಎಲ್ಲಾ ಇಲಾಖೆಗಳು ತಮಗೆ ನೀಡಿದ ಅನುದಾನವನ್ನು ಸಮರ್ಪಕವಾಗಿ ಮತ್ತು ಸಂಪೂರ್ಣವಾಗಿ ಬಳಕೆ ಮಾಡಿರುವ ಬಗ್ಗೆ ಮತ್ತು ಕೈಗೊಂಡಿರುವ ಕಾಮಗಾರಿಗಳ ಪ್ರಗತಿಯ ಬಗ್ಗೆ ವಿಸ್ತೃತವಾಗಿ ಚರ್ಚಿಸಿದರು. ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪಂಚಾಯತ್ ಎಲ್ಲಾ ಶಾಖಾ ಮುಖ್ಯಸ್ಥರು ಮತ್ತು ಜಿಲ್ಲಾ ಮಟ್ಟದ ಇಲಾಖಾಧಿಕಾರಿಗಳು ಹಾಜರಿದ್ದರು.
- [ಮೊಬೈಲ್ ಮುಂದೆ ಬಟ್ಟೆ ಬಿಚ್ಚಿದ ಯುವತಿಗೆ ಸಂಕಷ್ಟ!](https://mobiletime.in/2026/03/a-young-woman-who-undressed-in-front-of-her-mobile-phone-is-in-trouble/): ಶಿರಸಿಯ ಕಾಲೇಜುವೊಂದರಲ್ಲಿ ಓದುವ ಯಲ್ಲಾಪುರದ ಯುವತಿಯೊಬ್ಬರು ಮೊಬೈಲ್ ಕ್ಯಾಮರಾ ಮುಂದೆ ಬಟ್ಟೆ ಬಿಚ್ಚಿದ್ದಾರೆ. ಅದನ್ನು ವಿಡಿಯೋ ಮಾಡಿಕೊಂಡ ಹಳಿಯಾಳದ ಯುವಕನೊಬ್ಬ ಜಾಲತಾಣದಲ್ಲಿ ನಕಲಿ ಖಾತೆ ಸೃಷ್ಠಿಸಿ ಆ ವಿಡಿಯೋ ವೈರಲ್ ಮಾಡಿದ್ದು, ಆ ಯುವತಿ ಇದೀಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಯಲ್ಲಾಪುರದ ಮಂಚಿಕೇರಿ ಬಳಿಯ ರೇವತಿ (ಹೆಸರು ಬದಲಿಸಿದೆ) ಅವರು ಶಿರಸಿಯ MES ಕಾಲೇಜಿನಲ್ಲಿ ಓದುತ್ತಿದ್ದಾರೆ. ಅವರು ತಮ್ಮ ಓದಿಗೆ ಅನುಕೂಲವಾಗುವಂತೆ ಅವರು ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದಾರೆ. 2021ರಲ್ಲಿ ಅವರಿಗೆ ಸಾಮಾಜಿಕ ಜಾಲತಾಣದಲ್ಲಿ ಹಳಿಯಾಳ ಭಾಗವತಿಯ ಪ್ರಕಾಶ ಸಂತಾನ ಸಿದ್ದಿ ಅವರ ಪರಿಚಯವಾಗಿದೆ. ಆ ಪ್ರಕಾಶ ಸಿದ್ದಿ ಅವರೇ ಉಪಾಯವಾಗಿ ರೇವತಿ ಅವರ ನಗ್ನ ಚಿತ್ರಗಳನ್ನುಪಡೆದು ಅದನ್ನು ವೈರಲ್ ಮಾಡಿದ್ದಾರೆ. ರೇವತಿ ಅವರ ಸ್ನೇಹಿತ ಅಕ್ಷಯ ಉಪ್ಪಾರ್ ಅವರ ಹೆಸರಿನಲ್ಲಿ ಜಾಲತಾಣದಲ್ಲಿ ನಕಲಿ ಖಾತೆ ತೆರೆದು ಅದರ ಮೂಲಕ ನಗ್ನ ವಿಡಿಯೋ ಹರಿಬಿಟ್ಟಿದ್ದಾರೆ. ಪ್ರಕಾಶ ಸಿದ್ದಿ ಅವರು ರೇವತಿ ಅವರ ಸ್ನೇಹ ಬೆಳೆಸಿದ್ದು, ನಂತರ ಪ್ರೀತಿ-ಪ್ರೇಮದ ನಾಟಕವಾಡಿದ್ದಾರೆ. ಆ ಬಲೆಗೆ ಬಿದ್ದ ರೇವತಿ ಅವರು ಮದುವೆಗೂ ಒಪ್ಪಿಗೆ ನೀಡಿದ್ದಾರೆ. ಪದವಿ ಪೂರೈಸಿದ ನಂತರ ಮದುವೆ ಆಗುವ ಬಗ್ಗೆ ಅವರು ಮಾತನಾಡಿಕೊಂಡಿದ್ದಾರೆ. ಪ್ರೀತಿ-ಪ್ರೇಮ-ಪ್ರಣಯದ ಕನಸು ಕಂಡಿದ್ದ ಆ ಜೋಡಿ ಪರಸ್ಪರ ಖಾಸಗಿ ಫೋಟೋಗಳನ್ನು ಹಂಚಿಕೊoಡಿದ್ದಾರೆ. ವಾಟ್ಸಪ್ ಕಾಲ್ ಮಾಡುತ್ತಿದ್ದ ಪ್ರಕಾಶ ಸಿದ್ದಿ ಅವರ ಮುಂದೆ ರೇವತಿ ಅವರು ಬೆತ್ತಲಾಗಿದ್ದಾರೆ. ರೇವತಿ ಅವರ ಅರಿವಿಗೆ ಬಾರದಂತೆ ಪ್ರಕಾಶ ಸಿದ್ದಿ ಅದನ್ನು ವಿಡಿಯೋ ಮಾಡಿದ್ದಾರೆ. ಅದಾದ ಮೇಲೆ ಪ್ರಕಾಶ ಸಿದ್ದಿ ಬೇರೆ ಹುಡುಗಿಯನ್ನು ಮದುವೆ ಆಗುವ ಬಗ್ಗೆ ಆಮಂತ್ರಣ ಪತ್ರಿಕೆ ಕಳುಹಿಸಿದ್ದಾರೆ. ಇದಕ್ಕೆ ರೇವತಿ ಅವರು ವಿರೋಧವ್ಯಕ್ತಪಡಿಸಿದಾಗ ಪ್ರಕಾಶ ಸಿದ್ದಿ ಕ್ಷಮೆ ಕೇಳಿ `ಆ ಆಮಂತ್ರಣ ಪತ್ರಿಕೆಯೇ ಸುಳ್ಳು’ ಎಂದು ನಂಬಿಸಿದ್ದಾರೆ. ಅದಾದ ನಂತರ ರೇವತಿ ಅವರಿಗೆ ತಮ್ಮ ಅಂಗಾಗ ಪ್ರದರ್ಶನದ ವಿಡಿಯೋ ಪ್ರಕಾಶ ಸಿದ್ದಿ ಅವರ ಬಳಿಯಿರುವುದು ಗೊತ್ತಾಗಿದೆ. ನಗ್ನ ವಿಡಿಯೋ ಹಂಚಿಕೆ ಮಾಡುವುದಾಗಿ ಪ್ರಕಾಶ ಸಿದ್ದಿ ಬೆದರಿಸಿದ್ದಾರೆ. ಇದೇ ವಿಷಯವಾಗಿ ಅವರಿಬ್ಬರ ನಡುವೆ ವಾಗ್ವಾದವೂ ನಡೆದಿದೆ. ಈ ಎಲ್ಲದರ ನಡುವೆ ಮಾರ್ಚ 15ರಂದು ರೇವತಿ ಅವರ ಸ್ನೇಹಿತ ಅಕ್ಷಯ ಉಪ್ಪಾರ್ ಅವರ ಹೆಸರಿನಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ನಕಲಿ ಖಾತೆ ರಚನೆಯಾಗಿದೆ. ಆ ಖಾತೆಗೆ ಅಕ್ಷಯ ಅವರ ಫೋಟೋ ಅಳವಡಿಸಿದ ಪ್ರಕಾಶ ಸಿದ್ದಿ ಅವರು ರೇವತಿ ಅವರ ನಗ್ನ ವಿಡಿಯೋವನ್ನು ಅಲ್ಲಿ ಹರಿಬಿಟ್ಟಿದ್ದಾರೆ. ನಗ್ನ ವಿಡಿಯೋ ವೈರಲ್ ಆಗಿದ್ದರಿಂದ ಆಘಾತಕ್ಕೆ ಒಳಗಾದ ರೇವತಿ ಅವರು ನ್ಯಾಯ ಕೋರಿ ಪೊಲೀಸರ ಮೊರೆ ಹೋಗಿದ್ದಾರೆ. ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಪ್ರಕಾಶ ಸಿದ್ದಿ ಅವರ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ. ‘16 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಿಗೆ ಮೊಬೈಲ್ ಬಳಕೆ ನಿಷೇಧಿಸಿದೆ. ಮೊಬೈಲ್ ಮಾಯೆಯಿಂದ ಹೊರ ಬನ್ನಿ’
- [ಹಾರ್ನ್ ಹೊಡೆದ ವಿಚಾರವಾಗಿ ಹೊಡೆದಾಟ: ಇಬ್ಬರಿಗೆ ಚಾಕು ಇರಿತ!](https://mobiletime.in/2026/03/fight-over-horn-honking-two-stabbed/): ರಸ್ತೆಯಲ್ಲಿ ಸಂಚರಿಸುತ್ತಿದ್ದ ವಾಹನ ಕರ್ಕಶವಾಗಿ ಹಾರ್ನ್ ಮಾಡಿದ ವಿಚಾರವಾಗಿ ಭಟ್ಕಳದಲ್ಲಿ ಗಲಾಟೆ ನಡೆದಿದೆ. ಈ ಗಲಾಟೆಯಲ್ಲಿ ಚಾಕು-ಚೂರಿ ಸದ್ದು ಮಾಡಿದ್ದು, ಇಬ್ಬರಿಗೆ ಗಾಯವಾಗಿದೆ. ಈ ಗಲಾಟೆಯಲ್ಲಿ ಭಾಗವಹಿಸಿದ ಮೂವರನ್ನು ಪೊಲೀಸರು ಬಂಧಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ. ಈ ವಿಷಯವಾಗಿ ಜಾಲಿ ರಸ್ತೆಯ ಸಯ್ಯದ್ ಮಹ್ಮದ್ ಫಾಹೀಸ್ ಸೈಯ್ಯದ್ ಇಸ್ಮಾಯಿಲ್ ಅವರು ನೀಡಿದ ಮಾಹಿತಿ ಪ್ರಕಾರ, ಗುರುವಾರ ಸಂಜೆ 6.30ರ ಸುಮಾರಿಗೆ ಈ ಗಲಾಟೆ ನಡೆದಿದೆ. ಅವರು ಜಾಲಿ ಬೀಚ್ ಕಡೆಗೆ ಹೋಗುತ್ತಿದ್ದಾಗ ವಾಹನದ ಹಾರ್ನ್ ಶಬ್ದದ ಬಗ್ಗೆ ನವಾಯತ ಮುಸ್ಲಿಂ ಮತ್ತು ಬ್ಯಾರಿ ಮುಸ್ಲಿಂ ಯುವಕರ ನಡುವೆ ವಾಗ್ವಾದ ನಡೆದಿದೆ. ಸಯ್ಯದ್ ಅವರು ಜಾಲಿ ಬೀಚ್ ರಸ್ತೆಯಿಂದ ಮನೆಗೆ ಬರುತ್ತಿರುವಾಗ ಮುಸ್ಬಾ ಹೌಸ್ ಎದುರಿಗೆ ಹಿಂದಿನಿoದ ಒಂದು ಬಿಳಿ ಬಣ್ಣದ ಬೊಲೆರೋ ವಾಹನ ಹಾರ್ನ್ ಹೊಡೆದಿದ್ದು `ನೀವು ಅನಗತ್ಯವಾಗಿ ಹಾರ್ನ್ ಹೊಡೆಯಬೇಡಿ. ಈ ರಸ್ತೆ ದೊಡ್ಡದಾಗಿದೆ ನಿಮ್ಮ ವಾಹನ ಇಲ್ಲಿಂದ ಪಾಸ್ ಆಗುತ್ತದೆ’ ಎಂದು ಸಯ್ಯದ್ ಅವರು ಹೇಳಿದ್ದಾರೆ. ಇದೇ ವಿಷಯ ದೊಡ್ಡದಾಗಿದ್ದು, ರಾತ್ರಿ ಜಾಲಿಯ ದೇವಿ ನಗರ ಕ್ರಾಸ್ ಆಟೋರಿಕ್ಷಾ ಸ್ಟ್ಯಾಂಡ್ ಬಳಿ ಪರಿಸ್ಥಿತಿ ಬದಲಾಗಿದೆ. ಅದು ಹಿಂಸಾಚಾರಕ್ಕೆ ತಿರುಗಿದೆ. ಸಂಜೆ 7 ಗಂಟೆ ಸಮಯಕ್ಕೆ ಭಟ್ಕಳದ ಜಾಲಿ ದೇವಿ ನಗರ ಕ್ರಾಸ್ ಹತ್ತಿರ ಬೊಲೆರೋ ವಾಹನ ಮತ್ತು ಕೆಂಪು ಬಣ್ಣದ ಮಾರುತಿ ಸ್ವಿಫ್ಟ್ ಕಾರ್ ಹಾಗೂ ಜಾವಾ ಬೈಕಿನಲಿ ಕೆಲವರು ಆಗಮಿಸಿ ಗಲಾಟೆ ಮಾಡಿದ್ದಾರೆ. ದೇವಿನಗರದ ಮೊಹಮ್ಮದ್ ತಾಹಿರ್ ಮೊಹಮ್ಮದ್ ಹುಸೇನ್ ಕುಟ್ಟಿ , ಕೈಫ್ ಕುಟ್ಟಿ, ಜಾಮಿಯಾಬಾದಿನ ಯಾಸೀನ್ ಪಾಷಾ, ಮೂಸಾನಗರದ ಮೊಹಮ್ಮದ್ ಮೌಲಾ ಅಲಿಯಾಸ್ ಮುಸ್ತಫ್ ಮುಕ್ಬುಲ್ ಸಾಬ್ ಕಲ್ಲೂರು, ದೇವಿನಗರದ ಮೊಹಮ್ಮದ್ ಖಾಸಿಂ ಅಬ್ದುಲ್ ಖಾದೀರ್ ಕುಟ್ಟಿ ಮತ್ತು ಇತರರು ಸ್ಥಳಕ್ಕೆ ಬಂದು ಸಯ್ಯದ್ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ಹಲ್ಲೆಯಲ್ಲಿ ತೌಸೀಫ್ ಖತೀಬ್ ತಂದೆ ತಲ್ಹಾ ಖತೀಬ್ ಹೊಟ್ಟೆಗೆ ಇರಿತದ ಗಾಯವಾಗಿದ್ದು, ಮೊಹಮ್ಮದ್ ಜುಫಾಫ್ ಅರ್ಮರ್ ಅವರ ಕುತ್ತಿಗೆಯ ಬಲ ಭಾಗದ ಬಳಿ ಚಾಕು ಚುಚ್ಚಿದೆ. ಮೊಹಮ್ಮದ್ ವಸೀಮ್ ದಾಮ್ದಾ ಅವರ ಕೈಗೆ ಗಾಯಗಳಾಗಿದ್ದು ಜಗಳ ಬಿಡಿಸಲು ಬಂದ ಆಸರಕೇರಿಯ ಮಹ್ಮದ್ ಅವುನ್ ತಂದೆ ಅಬ್ದುಲ್ ಖಾದೀರ್ ಭಾಷಾ ಇಕ್ಕೇರಿ ಅವರ ಬಲಗಣ್ಣಿನ ಭಾಗಕ್ಕೆ ನೋವಾಗಿದೆ. ಈ ಗಲಾಟೆಯಲ್ಲಿ ಗಾಯಾಳು ತೌಸೀಪ್ ಖತೀಬ್ ಇವರ ಸುಮಾರು 20 ಲಕ್ಷ ರೂ ಮೌಲ್ಯದ ಕೈಗಡಿಯಾರ ಮತ್ತು 40 ಸಾವಿರ ರೂ ಹಣವೂ ಕಾಣೆಯಾಗಿದೆ. ಗಾಯಗೊಂಡವರನ್ನು ಮೊದಲು ಭಟ್ಕ ಸರ್ಕಾರಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಯಿತು. ನಂತರ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಘಟನಾ ಸ್ಥಳಕ್ಕೆ ಏಕಾಏಕಿ ನೂರಾರು ಜನರು ಆಸ್ಪತ್ರೆಗೆ ಧಾವಿಸಿದ್ದರಿಂದ ಉದ್ವಿಗ್ನ ವಾತಾವರಣ ನಿರ್ಮಾಣವಾಯಿತು. ದಾಳಿಗೆ ಸಂಬAಧಿಸಿದ ವೀಡಿಯೊಗಳು ಹರಿದಾಡಿದ್ದು, ಆರೋಪಿಗಳ ಬಂಧನಕ್ಕೆ ಜನ ಒತ್ತಾಯಿಸಿದರು. ಪೊಲೀಸರು ಆಗಮಿಸಿ ಪರಿಸ್ಥಿತಿ ನಿಯಂತ್ರಿಸಿದರು. ನAತರ, ಭಟ್ಕಳ ಪಟ್ಟಣ ಪೊಲೀಸ್ ಠಾಣೆಯ ಹೊರಗೆ ಕೂಡ ಹೆಚ್ಚಿನ ಸಂಖ್ಯೆಯ ಜನರು ಜಮಾಯಿಸಿ, ದಾಳಿಕೋರರ ವಿರುದ್ಧ ತ್ವರಿತ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದರು. ಪರಿಸ್ಥಿತಿಯ ಗಂಭೀರತೆಯನ್ನು ಪರಿಗಣಿಸಿ, ಡಿವೈಎಸ್ಪಿ ಗಿರೀಶ್ ಮತ್ತು ಪಿಐ ದಿವಾಕರ ಪಿ ಎಂ ಪ್ರತಿಭಟನಾಕಾರರನ್ನು ಶಾಂತಗೊಳಿಸಲು ಪ್ರಯತ್ನಿಸಿದರು. ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡಲು ಹೆಚ್ಚುವರಿ ಪೊಲೀಸ್ ಪಡೆಗಳನ್ನು ನಿಯೋಜಿಸಲಾಯಿತು. ಸದ್ಯ ಭಟ್ಕಳ ಪೊಲೀಸರು ಮೊಹಮ್ಮದ್ ತಾಹಿರ್, ಮೊಹಮ್ಮದ್ ಮೌಲಾ ಮತ್ತು ಮೊಹಮ್ಮದ್ ಖಾಸಿಂ ಎಂಬಾತರನ್ನು ಬಂಧಿಸಿದ್ದಾರೆ.
- [ಶಿರಸಿ | ಶೆಟ್ಟಿ VS ಶೆಟ್ಟಿ!](https://mobiletime.in/2026/03/sirsi-shetty-vs-shetty/): ಶಿರಸಿ – ಸಿದ್ದಾಪುರ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಹಾಗೂ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಸದ್ಯ ರಾಜಕೀಯ ಕಚ್ಚಾಟದಿಂದ ಕೊಂಚ ದೂರವಿದ್ದರೂ ಅವರ ಬೆಂಬಲಿಗರು ಪರಸ್ಪರ ಕಾಲೆಳೆಯುವುದನ್ನು ಬಿಟ್ಟಿಲ್ಲ. ಶಿರಸಿ ರಾಜಕಾರಣದಲ್ಲಿ ಇದೀಗ `ಶೆಟ್ಟಿ VS ಶೆಟ್ಟಿ’ ಎಂಬ ಸಮರ ಶುರುವಾಗಿದೆ. ಕಳೆದ ಎರಡು ದಿನಗಳಿಂದ ಭೀಮಣ್ಣ ನಾಯ್ಕ ಅವರ ಆಪ್ತ ಪ್ರಸನ್ನ ಶೆಟ್ಟಿ ಹಾಗೂ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ಆಪ್ತ ನಾಗರಾಜ ಶೆಟ್ಟಿ ಕಾದಾಟ ಶುರು ಮಾಡಿದ್ದಾರೆ. `ಕೆನರಾ ಕ್ಷೇತ್ರ ಸಂಸದ ಕೇವಲ ಪ್ರಚಾರಕಷ್ಟೇ ಸೀಮಿತ’ ಎಂದು ಕಾಂಗ್ರೆಸ್ ಸಾಮಾಜಿಕ ಜಾಲತಾಣದ ಅಧ್ಯಕ್ಷ ಪ್ರಸನ್ನ ಶೆಟ್ಟಿ ಅವರು ಲೇವಡಿ ಮಾಡಿದ್ದಾರೆ. ಇದಕ್ಕೆ ಪ್ರತಿಯಾಗಿ `ಕಾಗೇರಿ ಅವರು ಮಂಜೂರಿ ಮಾಡಿದ ಕಾಮಗಾರಿಗಳನ್ನು ಉದ್ಘಾಟಿಸಿ ಭೀಮಣ್ಣ ನಾಯ್ಕ ಅವರು ಪ್ರಚಾರಪಡೆಯುತ್ತಿದ್ದಾರೆ’ ಎಂದು ನಾಗರಾಜ ಶೆಟ್ಟಿ ಅವರು ಕಾಲೆಳೆದಿದ್ದಾರೆ. `ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಜನರು ಓಡಾಡುವುದೇ ಕಷ್ಟವಾಗಿದೆ’ ಎಂದು ಉತ್ತರ ಕನ್ನಡ ಜಿಲ್ಲಾ ಸಾಮಾಜಿಕ ಜಾಲತಾಣದ ಅಧ್ಯಕ್ಷ ಪ್ರಸನ್ನ ಶೆಟ್ಟಿ ಅವರು ಹೇಳಿದ್ದು, `ಕಾಗೇರಿಯವರ ಕಾಲದಲ್ಲಿ ರಸ್ತೆಯ ಮರುಡಾಂಬರೀಕರಣ ಎನ್ನುವುದು ಒಂದು ಸಹಜ ಪ್ರಕ್ರಿಯೆಯಾಗಿತ್ತು. ಕಾಗೇರಿ ಅವರು ಶಾಸಕರಾಗಿದ್ದಾಗ ಅನೇಕ ಹಳ್ಳಿಗಳಿಗೆ ಹೊಸ ಸೇತುವೆ ನಿರ್ಮಾಣವಾಗಿದೆ. ಆದರೆ, ಭೀಮಣ್ಣ ನಾಯ್ಕ ಅವರು ಶಾಸಕರಾಗಿ ಒಂದೇ ಒಂದು ಹೊಸ ಸೇತುವೆ ನಿರ್ಮಿಸಿದ ದಾಖಲೆಯಿದ್ದರೆ ತೋರಿಸಲಿ’ ಎಂದು ಸವಾಲು ಹಾಕಿದ್ದಾರೆ. `ಪ್ರತಿ ವರ್ಷದಂತೆ ಈ ವರ್ಷವೂ ಸಹ ಅಡಿಕೆ ವಿಮೆ ಬಂದಿದೆ. ಆದರೆ, ಕಾಗೇರಿಯವರು ಅದೇ ತಮ್ಮ ದೊಡ್ಡ ಸಾಧನೆ ಎಂದು ಪ್ರಚಾರಪಡೆಯುತ್ತಿದ್ದಾರೆ’ ಎಂದು ಪ್ರಸನ್ನ ಶೆಟ್ಟಿ ಅವರು ದೂರಿದ್ದಾರೆ. `ಅಲ್ಪ ಪ್ರಮಾಣದಲ್ಲಿ ವಿಮೆ ಸಂದಾಯವಾದ ಗ್ರಾಮ ಪಂಚಾಯತ ಮಟ್ಟದ ರೈತರಿಗೆ ಕಾಗೇರಿ ಅವರು ಸಹಾಯ ಮಾಡಿಲ್ಲ’ ಎಂದು ಸಹ ಪ್ರಸನ್ನ ಶೆಟ್ಟಿ ಅವರು ದೂರಿದ್ದಾರೆ. `ಬೆಳೆ ವಿಮೆಯ ವಿಷಯದಲ್ಲಿ ರಾಜ್ಯ ಸರ್ಕಾರದ ಬೇಜವಾಬ್ದಾರಿತನ ಎದ್ದು ಕಾಣುತ್ತಿದೆ. ಕಳೆದ ಎರಡು ವರ್ಷಗಳಿಂದ ಸ್ವತಃ ಕಾಗೇರಿಯವರೇ ಕೇಂದ್ರದಿAದ ವಿಶೇಷ ಆದೇಶ ಮಾಡಿಸಿ ರಾಜ್ಯ ಸರ್ಕಾರದ ಬೇಜವಾಬ್ದಾರಿಯನ್ನು ಎತ್ತಿ ತೋರಿಸಿದ್ದಾರೆ. ಅಲ್ಪ ಪ್ರಮಾಣದ ವಿಮೆ ಪಡೆದ ಗ್ರಾಮ ಪಂಚಾಯಿತಿಗಳ ರೈತರ ಬೆನ್ನಿಗೆ ಶಾಸಕರು ನಿಲ್ಲುವುದು ಅವರ ಕರ್ತವ್ಯವಾಗಿದ್ದು, ಸಂಸದರು ತಮ್ಮ ಕಲಸವನ್ನು ಪ್ರಾಮಾಣಿಕವಾಗಿ ಮಾಡಿದ್ದಾರೆ’ ಎಂದು ತಾಲೂಕು ಪಂಚಾಯತ ಮಾಜಿ ಸದಸ್ಯ ನಾಗರಾಜ ಅವರು ಪ್ರತಿಕ್ರಿಯಿಸಿದ್ದಾರೆ. `ಶಿರಸಿ ಕ್ಷೇತ್ರದ ಶಾಸಕರ ಅಸಮರ್ಥತೆ ಮತ್ತು ಬೇಜವಾಬ್ದಾರಿತನದಿಂದ ಅರ್ಹ ರೈತರಿಗೆ ಅನ್ಯಾಯವಾಗಿದೆ. ಇದಕ್ಕೆ ರಾಜ್ಯ ಸರ್ಕಾರವೇ ಹೊಣೆ ಹೊರಬೇಕು. ಎಲೆ ಚುಕ್ಕಿ ರೋಗದಿಂದ ಅಡಿಕೆ ಬೆಳೆ ಕುಂಠಿತವಾಗಿ ರೈತರು ಸಂಕಷ್ಟದಲ್ಲಿದ್ದಾರೆ’ ಎಂದು ಸಹ ನಾಗರಾಜ ಶೆಟ್ಟಿ ಅವರು ವಿವರಿಸಿದ್ದಾರೆ. `ಸಣ್ಣ ಪುಟ್ಟ ಕೆಲಸಗಳಿಗೂ ಕಾಗೇರಿ ಅವರು ಭಾರೀ ಪ್ರಮಾಣದಲ್ಲಿ ಪ್ರಚಾರಪಡೆಯುತ್ತಿದ್ದಾರೆ. ತಾವೇ ವಿಧಾನಸಭಾ ಅಧ್ಯಕ್ಷರಾಗಿದ್ದಾಗ ತಮ್ಮ ಊರಿನ ರಸ್ತೆಗೆ ತಮ್ಮ ಮನೆಯ ಹತ್ತಿರದವರೆಗೂ ರೆಫ್ಲೆಕ್ಟರ್ ಹಾಕಿಸಿಕೊಂಡ ಕಾಗೇರಿ ಅವರು ಸದ್ಯ ಜನರು ಓಡಾಡುವ ಮಟ್ಟಿಗಾದರೂ ರಸ್ತೆ ಒದಗಿಸಲಿ’ ಎಂದು ಪ್ರಸನ್ನ ಶೆಟ್ಟಿ ಅವರು ಒತ್ತಾಯಿಸಿದ್ದಾರೆ. ಇದಕ್ಕೆ ಪ್ರತಿಯಾಗಿ `ಕಾಗೇರಿ ಅವರು ಎಂದಿಗೂ ಸಣ್ಣ ಸಣ್ಣ ಕೆಲಸ ಮಾಡಿದಾಗ ಪುಟಗಟ್ಟಲೆ ಪ್ರಚಾರಪಡೆದಿಲ್ಲ. ಆದರೆ, ಭೀಮಣ್ಣ ನಾಯ್ಕ ಅವರು ಕೊಡುವುದು ಮೂರು ಕಾಸು-ಹೇಳುವುದು ಮೂರು ತಾಸು ಎನ್ನುವಂತೆ ಪ್ರಚಾರದ ನಾಟಕ ಮಾಡುತ್ತಿದ್ದಾರೆ’ ಎಂದು ನಾಗರಾಜ ಶೆಟ್ಟಿ ಅವರು ಹೇಳಿದ್ದಾರೆ. ಜೊತೆಗೆ `ಕಾಗೇರಿಯವರು ಸಭಾಧ್ಯಕ್ಷರಾಗಿದ್ದಾಗ ಹೈಟೆಕ್ ಆಸ್ಪತ್ರೆ, ಸಿದ್ದಾಪುರಕ್ಕೆ ಶಾಶ್ವತ ಕುಡಿಯುವ ನೀರಿನ ಯೋಜನೆ, ಕೃಷಿ ಇಲಾಖೆಯ ನೂತನ ಕಟ್ಟಡ, ತಾಲೂಕು ಪಂಚಾಯತ್ ಕಟ್ಟಡ ಹಾಗೂ ಭವ್ಯವಾದ ಆಡಳಿತ ಸೌಧ, ಶಿರಸಿಯ ಮತ್ತು ಸಿದ್ದಾಪುರದ ಬಸ್ ನಿಲ್ದಾಣಗಳು ಇಂದಿಗೂ ಅವರ ಸಾಧನೆಗೆ ಸಾಕ್ಷಿಯಾಗಿವೆ’ ಎಂದು ನಾಗರಾಜ ಶೆಟ್ಟಿ ಅವರು ಹೇಳಿದ್ದಾರೆ.
- [ಕೆರೆ ಕಟ್ಟಿದ ಕಂಪನಿ](https://mobiletime.in/2026/03/the-company-that-built-the-lake/): ಬೆಂಗಳೂರಿನ ಯಲಹಂಕದಲ್ಲಿರುವ ವಿಸ್ತಾರವಾದ ಕೇಂದ್ರ ಮೀಸಲು ಪೊಲೀಸ್ ಪಡೆ (ಸಿ ಆರ್‌ ಪಿ ಎಫ್) ಆವರಣದಲ್ಲಿ ಮೂರು ಎಕರೆ ವಿಸ್ತೀರ್ಣದ ನೂತನ ಕೆರೆ ನಿರ್ಮಿಸಲಾಗಿದೆ. ಸಾಮಾಜಿಕ ಜವಾಬ್ದಾರಿ ಮತ್ತು ಸಾಂಸ್ಥಿಕ ಪಾಲುದಾರರ ನೇತೃತ್ವದ ಮೂರು ತಿಂಗಳ ಯೋಜನೆ ಈಗ ಸಂಪೂರ್ಣಗೊಂಡಿದೆ. ಆಟೋಮೊಟಿವ್ ತಂತ್ರಜ್ಞಾನದಲ್ಲಿ, ಮುಂಚೂಣಿಯಲ್ಲಿರುವ ಟೆಕಿಯಾನ್ ಸಂಸ್ಥೆ ಮತ್ತು ಬ್ಲೂ ಡಾಟ್ ಪ್ರತಿಷ್ಠಾನದ ನೇತೃತ್ವದಲ್ಲಿ, ಹಾಗೂ ಇತರೆ ಕಂಪನಿಗಳ ಸಹಭಾಗಿತ್ವದೊಂದಿಗೆ, ಒಂದು ಕಾಲದಲ್ಲಿ ಕೆಸರು ಮತ್ತು ಮಣ್ಣಿನಿಂದ ಹೂಳು ತುಂಬಿದ್ದ ತೀವ್ರ ಹದಗೆಟ್ಟ ಪರಿಸ್ಥಿತಿಯ ಚಿಕ್ಕ ಕೆರೆಯನ್ನು ಸಂಪೂರ್ಣವಾಗಿ ಬದಲಿಸಲಾಗಿದೆ. ಹಿಂದೆ ನಿರ್ಲಕ್ಷ್ಯಕ್ಕೊಳಗಾಗಿದ್ದ ಈ ಸ್ಥಳ ಈಗ ಆರಂಭದಿಂದಲೇ ಅಚ್ಚುಕಟ್ಟಾಗಿ ವಿನ್ಯಾಸಗೊಂಡ ಸಮೃದ್ಧ ಪರಿಸರ ವ್ಯವಸ್ಥೆ ಹೊಂದಿದೆ. “ಈ ಸಹಭಾಗಿತ್ವದ ಕಾರ್ಯದಿಂದ ನಮ್ಮ ಯಲಹಂಕ ಸಿ ಆರ್‌ ಪಿ ಎಫ್ ಆವರಣದಲ್ಲಿ ಮೂರು ಏಕರೆ ವ್ಯಾಪ್ತಿಯಲ್ಲಿ ಜೀವಂತ ಕೆರೆಯೊಂದು ನಿರ್ಮಾಣವಾಗಿದೆ, ಇದು ಜೈವಿಕ ವೈವಿಧ್ಯತೆ ಮತ್ತು ಸ್ಥಳೀಯ ಪರಿಸರ ವ್ಯವಸ್ಥೆಯನ್ನು ಉತ್ತೇಜಿಸಿದೆ,” ಎಂದು ಕೇಂದ್ರ ಮೀಸಲು ಪೊಲೀಸ್ ಪಡೆ ಉಪ ಮಹಾನಿರೀಕ್ಷಕರಾದ ಪದ್ಮ ಕುಮಾರ್ ಹೇಳಿದರು. ಈ ಯೋಜನೆಯು ದೀರ್ಘಕಾಲದ ಸ್ಥಿರತೆಯ ವೈಜ್ಞಾನಿಕ ಕ್ರಮಗಳನ್ನು ಒಳಗೊಂಡಿದೆ, ಉದಾಹರಣೆಗೆ ನಿಶ್ಚಿತ ಆಳ ಮತ್ತು ನೀರಿನ ಸಾಮರ್ಥ್ಯ ಹೆಚ್ಚಿಸಲು ಕೆಸರನ್ನು ತೆಗೆಯುವುದು, ಮಳೆ ನೀರನ್ನು ಗರಿಷ್ಠವಾಗಿ ಸಂಗ್ರಹಿಸಲು ಕುಸಿತ ಪ್ರದೇಶದ ಸುಧಾರಣೆಗಳನ್ನು ಮಾಡುವುದು. ಪಕ್ಷಿಗಳು ಹಾಗೂ ವನ್ಯಜೀವಿಗಳಿಗೆ ಸಹಾಯ ಮಾಡಲು ಸ್ಥಳೀಯ ಸಸ್ಯಗಳನ್ನು ನೆಡಲಾಯಿತು. “ಪಕ್ಷಿಗಳು ಮತ್ತು ಪ್ರಾಣಿಗಳಿಗೆ ಹೊಸ ವಾಸಸ್ಥಾನವಾಗಲು ನಾವು ವೈಜ್ಞಾನಿಕವಾಗಿ ಈ ಕೆರೆಯನ್ನು ನಿರ್ಮಿಸಿದ್ದೇವೆ, ಪರಿಸರ ಸಮತೋಲನ ಕಾಪಾಡಲು ನಮ್ಮ ಪ್ರಾಥಮಿಕ ಗಮನ ಸಂಪೂರ್ಣ ಸ್ಥಳೀಯ ಸಸ್ಯಗಳ ಮೇಲೆ ಇರಿಸಿದೆ.” ಎಂದು ಬ್ಲೂಡಾಟ್‌ ಪ್ರತಿಷ್ಠಾನ ಸಂಸ್ಥಾಪಕ ಹಾಗೂ ನಿರ್ದೇಶಕ ಹರ್ಷ ತೇಜ್ ಹೇಳಿದರು. ಈ ಯೋಜನೆ ಟೆಕಿಯಾನ್ ಸಂಸ್ಥಾಪಕ ಹಾಗೂ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜಯ ವಿಜಯನ್ ಮತ್ತು ಮುಖ್ಯ ತಂತ್ರಜ್ಞಾನ ಅಧಿಕಾರಿ ಬಿನು ಮೆಥ್ಯೂ ನೇತೃತ್ವದಲ್ಲಿ ನಡೆದ ಗಿಡ ನೆಡುವ ಕಾರ್ಯದಿಂದ ಆಚರಿಸಲಾಯಿತು. ಪರಿಸರಬದ್ಧತೆಯ ಭಾಗವಾಗಿ, ಟೆಕಿಯಾನ್ ತನ್ನ ಸಾಮಾಜಿಕ ಜವಾಬ್ದಾರಿ ಕಾರ್ಯಕ್ರಮದ ಮೂಲಕ ಪ್ರತಿ ವರ್ಷ ಒಂದೊಂದು ಕೆರೆಯನ್ನು ಜೀರ್ಣೋದ್ಧಾರ ಮಾಡುವ ಉದ್ದೇಶಿಸಿದೆ. “ಕಳೆದ 4 ವರ್ಷಗಳಲ್ಲಿ, ನಾವು ಕರ್ನಾಟಕ ಮತ್ತು ತಮಿಳುನಾಡುಗಳಲ್ಲಿ ಆರು ಕೆರೆಗಳನ್ನು ಜೀರ್ಣೋದ್ಧಾರ ಮಾಡಿದ್ದೇವೆ,” ಎಂದು ಟೆಕಿಯಾನ್‌ ಸಂಸ್ಥೆಯ ಹಿರಿಯ ನಿರ್ದೇಶಕ ಅರವಿಂದ ಗೌಡ ಹೇಳಿದರು. ನೈಸರ್ಗಿಕ ಜಲಮೂಲಗಳು ತೀವ್ರ ಒತ್ತಡದಲ್ಲಿರುವ ನಗರ ಪ್ರದೇಶಗಳಲ್ಲಿ ಇಂತಹ ಯೋಜನೆಗಳು ಅತ್ಯಂತ ಮುಖ್ಯವೆಂದು ಗಮನಿಸಿದ ಸಿ ಆರ್‌ ಪಿ ಎಫ್ ಅಧಿಕಾರಿಗಳು ಈ ಕಾರ್ಯವನ್ನು ಶ್ಲಾಘಿಸಿ ಮೆಚ್ಚುಗೆ ವ್ಯಕ್ತಪಡಿಸಿದರು. ಹೊಸ ಕೆರೆ ಮುಂಬರುವ ಮಳೆಗಾಲದಲ್ಲಿ ಹರಿಯುವ ನೀರನ್ನು ಸಂಗ್ರಹಿಸಲು ಈಗ ಸಜ್ಜಾಗಿದೆ.
- [ಅಡಿಕೆಗೆ ಆಧಾರವಾದ ಮತ್ತಿಮರ: ಮರ ಕಡಿದವನ ನೆನಪು ಮಾತ್ರ ಅಮರ!](https://mobiletime.in/2026/03/the-areca-nut-tree-is-the-basis-for-the-areca-nut-tree-only-the-memory-of-the-one-who-cut-the-tree-is-immortal/): ಶಿರಸಿಯ ರಮೇಶ ನಿಲೇಕಣಿ ಅವರು ಅಡಿಕೆ ಮರ ಕಡಿಯುವಾಗ ಆ ಮರ ಅವರ ಮೈಮೇಲೆ ಬಿದ್ದಿದೆ. ಅಡಿಕೆ ಮರದ ಬುಡ ತಲೆಮೇಲೆ ತಿರುಗಿ ಬಿದ್ದ ಪರಿಣಾಮ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಶಿರಸಿ ತಾರಗೋಡಿನ ದಾಸನಗದ್ದೆ ಕೆರೆಕೊಪ್ಪದಲ್ಲಿ ರಮೇಶ ಸುಬ್ರಾಯ ನಿಲೇಕಣಿ ಅವರು ವಾಸವಾಗಿದ್ದರು. 62 ವರ್ಷದ ಅವರು ದಾಸನಕೊಪ್ಪದಲ್ಲಿ ಕೃಷಿ ಭೂಮಿ ಹೊಂದಿದ್ದರು. ಅಲ್ಲಿ ಅವರು ಅಡಿಕೆ ತೋಟ ನಿರ್ಮಿಸಿದ್ದರು. ನಿತ್ಯವೂ ಅವರು ಆ ತೋಟಕ್ಕೆ ಹೋಗಿ ಕೃಷಿ ಕೆಲಸ ಮಾಡುತ್ತಿದ್ದು, ಮಾರ್ಚ 26ರಂದು ಸಹ ಎಂದಿನAತೆ ತೋಟಕ್ಕೆ ಹೋಗಿದ್ದರು. ಈ ದಿನ ಎಲ್ಲಾ ಅಡಿಕೆ ಮರದ ಚೆಂಡೆ ನೋಡುತ್ತ ಹೋದ ಅವರು ಚಂಡೆ ಒಣಗಿದ ಅಡಿಕೆ ಮರಗಳ ಕಟಾವಿಗೆ ನಿರ್ಧರಿಸಿದರು. ಬೆಳಗ್ಗೆ 11 ಗಂಟೆ ವೇಳೆಗೆ ಚೆಂಡೆ ಒಣಗಿದ ಅಡಿಕೆ ಮರವೊಂದನ್ನು ತುಂಡರಿಸಿದರು. ಆ ವೇಳೆ ಮುರಿದ ಅಡಿಕೆ ಮರ ಎದುರಿಗಿದ್ದ ಮತ್ತಿ ಮರಕ್ಕೆ ಸಿಕ್ಕಿ ಬಿದ್ದಿತು. ಆ ವೇಳೆ ಅಡಿಕೆ ಮರದ ಬುಡ ಒಮ್ಮೆಲೆ ಆಕಾಶದ ಕಡೆ ಹಾರಿದ್ದು, ಜೋರಾಗಿ ನೆಲಕ್ಕೆ ಅಪ್ಪಳಿಸಿತು. ನೆಲಕ್ಕೆ ಅಪ್ಪಳಿಸುವ ಪೂರ್ವದಲ್ಲಿ ಅಲ್ಲಿಯೇ ನಿಂತಿದ್ದ ರಮೇಶ ನಿಲೇಕಣಿ ಅವರ ತಲೆಗೆ ಆ ಬುಡ ಬಡಿಯಿತು. ಕ್ಷಣ ಮಾತ್ರದಲ್ಲಿ ನಡೆದ ಈ ಅನಾಹುತದಿಂದ ರಮೇಶ ನಿಲೇಕಣಿ ಅವರು ಅಲ್ಲಿಯೇ ಕುಸಿದು ಬಿದ್ದರು. ಕುಟುಂಬದವರು ಬಂದು ನೋಡುವಷ್ಟರಲ್ಲಿ ಅವರು ಸಾವನಪ್ಪಿದ್ದರು. ಪತಿಯ ಸಾವಿನ ಬಗ್ಗೆ ಅಂಬಿಕಾ ರಮೇಶ ನಿಲೇಕಣಿ ಅವರು ಮಾಹಿತಿ ನೀಡಿದರು. ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಬೈಕಿಗೆ ಗುದ್ದಿದ ಕಾರು: ಕೆಡಿಸಿಸಿ ಬ್ಯಾಂಕ್ ಸಿಬ್ಬಂದಿಗೆ ಗಾಯ](https://mobiletime.in/2026/03/kdcc-bank-staff-injured-after-car-hits-bike/): ಜೊಯಿಡಾ ಕ್ಯಾಸಲರಾಕ್’ನ ಕೆಡಿಸಿಸಿ ಕೆಡಿಸಿಸಿ ಬ್ಯಾಂಕ್ ಮ್ಯಾನೇಜರ್ ಸಂಗಯ್ಯ ಕರಯ್ಯನವರ್ ಅವರು ತೆರಳುತ್ತಿದ್ದ ಬೈಕಿಗೆ ದಾಂಡೇಲಿ ಬಳಿ ಕಾರು ಗುದ್ದಿದೆ. ಈ ಅಪಘಾತದಲ್ಲಿ ಅದೇ ಬ್ಯಾಂಕಿನ ಉದ್ಯೋಗಿ ನಾಗೇಶ್ವರ ಚೌಹಾಣ್ ಅವರು ಗಾಯಗೊಂಡಿದ್ದಾರೆ. ಸoಗಯ್ಯ ಕರಯ್ಯನವರ್ ಹಾಗೂ ನಾಗೇಶ್ವರ ಚೌಹಾಣ್ ಅವರು ಒಂದೇ ಬ್ಯಾಂಕಿನ ಉದ್ಯೋಗಿಯಾಗಿದ್ದು, ಅವರಿಬ್ಬರು ಹಳಿಯಾಳದವರಾಗಿದ್ದಾರೆ. ಮಾರ್ಚ 20ರಂದು ಬ್ಯಾಂಕಿಗೆ ರಜೆ ಇದ್ದ ಕಾರಣ ಅವರಿಬ್ಬರು ಒಟ್ಟಿಗೆ ಊರಿಗೆ ಹೋಗಿದ್ದರು. ಮಾರ್ಚ 23ರಂದು ಬ್ಯಾಂಕ್ ಕೆಲಸಕ್ಕಾಗಿ ಅವರು ಒಟ್ಟಿಗೆ ಊರಿನಿಂದ ಹೊರಟಿದ್ದರು. ಈ ವೇಳೆ ನಾಗೇಶ್ವರ ಚೌಹಾಣ್ ಅವರು ಬೈಕ್ ಓಡಿಸುತ್ತಿದ್ದು, ಸಂಗಯ್ಯ ಕರಯ್ಯನವರ್ ಅವರು ಸಹ ಸವಾರರಾಗಿದ್ದರು. ದಾಂಡೇಲಿಯ ಸಿಂಗರಗಾವ್ ಮಾರ್ಗವಾಗಿ ಜಗಲಪೇಟೆ ಕಡೆ ಅವರಿಬ್ಬರು ಬೈಕಿನಲ್ಲಿ ಬರುವಾಗ ಎದುರಿನಿಂದ ಬಂದ ಕಾರು ಬೈಕಿಗೆ ಡಿಕ್ಕಿ ಹೊಡೆಯಿತು. ಈ ವೇಳೆ ನಾಗೇಶ್ವರ ಚೌಹಾಣ್ ಅವರು ನಿಧಾನವಾಗಿ ಬೈಕಿನ ಬ್ರೆಕ್ ಅದುಮಿದರು. ಅದಾಗಿಯೂ, ಡಿಕ್ಕಿ ರಭಸಕ್ಕೆ ಬೈಕಿನಲ್ಲಿದ್ದವರು ನೆಲಕ್ಕೆ ಬಿದ್ದರು. ಈ ಅಪಘಾತದಲ್ಲಿ ನಾಗೇಶ್ವರ ಚೌಹಾಣ್ ಅವರಿಗೆ ಗಾಯವಾಯಿತು. ಅಪಘಾತಕ್ಕೀಡಾದ ಕಾರಿನಲ್ಲಿಯೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಮಾರ್ಚ ಎಂಡ್ ಗಡಿಬಿಡಿ ಕಾರಣ ಕೆಡಿಸಿಸಿ ಕೆಡಿಸಿಸಿ ಬ್ಯಾಂಕ್ ಮ್ಯಾನೇಜರ್ ಸಂಗಯ್ಯ ಕರಯ್ಯನವರ್ ಅವರು ಆ ದಿನ ಅಪಘಾತದ ಬಗ್ಗೆ ಪೊಲೀಸರಿಗೆ ಮಾಹಿತಿ ಕೊಡಲಿಲ್ಲ. ತಮ್ಮ ಕಚೇರಿ ಕೆಲಸ ಮುಗಿದ ನಂತರ ಅವರು ಈ ಬಗ್ಗೆ ರಾಮನಗರ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದು, ಹೆಸರು-ವಿಳಾಸ ಗೊತ್ತಿಲ್ಲದ ಕಾರು ಚಾಲಕನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಹೊಟೇಲ್ ಕಾರ್ಮಿಕನ ಜೊತೆ ಗುತ್ತಿಗೆದಾರನಿಗೆ ದ್ವೇಷ!](https://mobiletime.in/2026/03/hotel-worker-and-contractor-have-a-feud/): ಕಾರವಾರದ ಗುತ್ತಿಗೆದಾರ ಶ್ರವಣ ಶಿರೂಡಕರ್ ಅವರು ಹೊಟೇಲ್ ಕಾರ್ಮಿಕ ಪ್ರಥಮೇಶ ಮರಾಠೆ ಅವರೊಂದಿಗೆ ದ್ವೇಷ ಸಾಧಿಸಿದ್ದಾರೆ. ಈ ದ್ವೇಷದ ಪರಿಣಾಮ ಶ್ರವಣ ಶಿರೂಡಕರ್ ಅವರ ಮನೆ ಮುಂದೆ ನಿಲ್ಲಿಸಿದ್ದ ಕಾರು, ಟಿಪ್ಪರ್ ಸೇರಿ ಮೂರು ವಾಹನ ಧ್ವಂಸವಾಗಿದೆ. ಕಾರವಾರದ ಬೈತಕೋಲ್ ಬಳಿಯ ಸೀಬರ್ಡ ರಸ್ತೆ ಬಳಿ ಶ್ರವಣ ಉಮೇಶ ಶಿರೂಡಕರ್ (62) ಅವರು ವಾಸವಾಗಿದ್ದಾರೆ. ಶ್ರವಣ ಶಿರೂಡಕರ್ ಅವರು ಗುತ್ತಿಗೆದಾರರಾಗಿ ಕೆಲಸ ಮಾಡಿಕೊಂಡಿದ್ದಾರೆ. ಬೈತಕೋಲಿನಲ್ಲಿಯೇ ಪ್ರಥಮೇಶ ಸಂದೀಪ ಮರಾಠೆ (22) ಅವರು ಸಹ ವಾಸವಾಗಿದ್ದು, ಪ್ರಥಮೇಶ ಮರಾಠೆ ಅವರು ಹೊಟೇಲ್ ಕಾರ್ಮಿಕರಾಗಿ ದುಡಿಯುತ್ತಿದ್ದಾರೆ. ಶ್ರವಣ ಶಿರೂಡಕರ್ ಹಾಗೂ ಪ್ರಥಮೇಶ ಮರಾಠೆ ಅವರ ನಡುವೆ ವೈಮನಸ್ಸು ಮೂಡಿದೆ. ಅದೇ ದ್ವೇಷ ದೊಡ್ಡದಾಗಿದ್ದು, ಪ್ರಥಮೇಶ ಮರಾಠೆ ಅವರು ಶ್ರವಣ ಶಿರೂಡಕರ್ ಅವರ ಮನೆ ಮುಂದೆ ನಿಂತಿದ್ದ ವಿವಿಧ ವಾಹನಗಳಿಗೆ ಕಲ್ಲು ಹೊಡೆದಿದ್ದಾರೆ. ಮಾರ್ಚ 14ರಂದು ರಾತ್ರಿ 10 ಗಂಟೆ ಸುಮಾರಿಗೆ ಶ್ರವಣ ಶಿರೂಡಕರ್ ಅವರ ಮನೆ ಮುಂದೆ ಕಲ್ಲು ತೂರಾಟ ನಡೆದಿದೆ. ಈ ವೇಳೆ ಮನೆ ಮುಂದೆ ನಿಲ್ಲಿಸಿದ ಟಿಪ್ಪರ್, ಸ್ಕಾರ್ಪಿಯೋ ಹಾಗೂ ಮತ್ತೊಂದು ವಾಹನಕ್ಕೆ ಕಲ್ಲು ತಾಗಿದೆ. ಪರಿಣಾಮ ಆ ವಾಹನಗಳ ಗಾಜು ಪುಡಿಪುಡಿಯಾಗಿದೆ. ಪ್ರಥಮೇಶ ಮರಾಠೆ ಅವರ ದಾಳಿಯಿಂದ ಆದ ನಷ್ಟದ ಬಗ್ಗೆ ಶ್ರವಣ ಶಿರೂಡಕರ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಅದಾದ ನಂತರ ನ್ಯಾಯಾಲಯದ ಮೊರೆ ಹೋದ ಶ್ರವಣ ಶಿರೂಡಕರ್ ಅವರು ಪ್ರಥಮೇಶ ಮರಾಠೆ ಅವರ ವಿರುದ್ಧ ಕಾನೂನು ಕ್ರಮಕ್ಕಾಗಿ ಪ್ರಕರಣ ದಾಖಲಿಸಿದ್ದಾರೆ. ಕಾರವಾರ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿಚಾರಣೆ ಶುರು ಮಾಡಿದ್ದಾರೆ.
- [ಭತ್ತದ ಅಡಿ ಅಕ್ರಮ ಅಕ್ಕಿ!](https://mobiletime.in/2026/03/illegal-rice-under-paddy-fields/): ಭತ್ತದ ಚೀಲ ಸಾಗಿಸುವ ಲಾರಿಯಲ್ಲಿ ಸರ್ಕಾರ ನೀಡುವ ಪಡಿತರ ಅಕ್ಕಿಯನ್ನು ಕಳ್ಳ ಸಾಗಾಟ ಮಾಡುತ್ತಿದ್ದವರು ಸಿಕ್ಕಿಬಿದ್ದಿದ್ದಾರೆ. ಅಂಕೋಲಾ ಬೆಳಸೆ ತಳಗದ್ದೆ ಕ್ರಾಸಿನ ಬಳಿ ಅಂಕೋಲಾದ ಆಹಾರ ನಿರೀಕ್ಷಕ ಮಂಜುನಾಥ ರೆಡ್ಡಿ ಸಿ ಹುಚ್ಚಣ್ಣನವರ್ ಅವರು ಲಾರಿ ತಪಾಸಣೆ ಮಾಡಿದಾಗ ಅಕ್ರಮ ಬಯಲಾಗಿದೆ. ಭತ್ತದ ಚೀಲಗಳ ನಡುವೆ ತುಂಬಿಕೊoಡು ಸಾಗಿಸುತ್ತಿದ್ದ ಭಾರಿ ಪ್ರಮಾಣದ ಪಡಿತ ಅಕ್ಕಿಯನ್ನು ಆಹಾರ ಇಲಾಖೆಯ ಅಧಿಕಾರಿಗಳು ಅಂಕೋಲಾದಲ್ಲಿ ವಶಕ್ಕೆ ಪಡೆದಿದ್ದು, ಅವರ ವಿರುದ್ಧ ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಲಾರಿಯ ಮೇಲ್ಬಾಗ ಭತ್ತದ ಚೀಲಗಳನ್ನು ತುಂಬಿ ಒಳಗಡೆ ಯಾವುದೇ ದಾಖಲೆ ಇಲ್ಲದ 50 ಕೆಜಿಯ ಒಟ್ಟು 152 ಪಡಿತರ ಅಕ್ಕಿಯ ಚೀಲ ಸಾಗಾಟ ಬೆಳಕಿಗೆ ಬಂದಿದೆ. ಅAಕೋಲಾದ ವಂದಿಗೆಯ ರಾಜೇಶ ಎಸ್ ಶೆಟ್ಟಿ, ಪ್ರತೀಕ ರಾಜೇಶ ಶೆಟ್ಟಿ, ವಾಹನದ ಮಾಲೀಕ ಕುಮಟಾದ ಹರೀಶ ಪಟಗಾರ, ವಾಹನ ಚಾಲಕ ಯಲ್ಲಾಪುರದ ನಾರಾಯಣ ಶಂಕರ್ ಸಾಳಸ್ಕರ್, ಹಮಾಲಿ ಜಗದೀಶ ಸುರೇಶ ಆಗೇರ ಈ ವೇಳೆ ಸಿಕ್ಕಿ ಬಿದ್ದಿದ್ದಾರೆ. ಲಾರಿಯಲ್ಲಿದ್ದ ಒಟ್ಟು 3.07,200 ರೂ ಮೌಲ್ಯದ ಅಕ್ಕಿಯನ್ನು ವಶಕ್ಕೆ ಪಡೆಯಲಾಗಿದೆ. ತಪ್ಪಿತಸ್ಥರ ವಿರುದ್ಧ ಪ್ರಕರಣ ದಾಕಲಿಸಿದ್ದು, ಕಾನೂನು ಕ್ರಮವಾಗಿದೆ.
- [ಆನಗೋಡಿನಲ್ಲಿ ಅಷ್ಟಬಂಧ](https://mobiletime.in/2026/03/ashtabandha-in-anagode/): 800 ವರ್ಷಕ್ಕೂ ಅಧಿಕ ಹಿಂದಿನ ಯಲ್ಲಾಪುರದ ಆನಗೋಡು ಗೋಪಾಲಕೃಷ್ಣ ದೇವಸ್ಥಾನದಲ್ಲಿ ಅಷ್ಟಬಂಧ ಮಹೋತ್ಸವ ನಡೆಸಲು ಆಡಳಿತ ಮಂಡಳಿ ನಿರ್ಣಯಿಸಿದೆ. ಅದರಂತೆ, ಏಪ್ರಿಲ್ 8ರಿಂದ 11ರವರೆಗೆ ಇಲ್ಲಿ ವಿವಿಧ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ದೇವಸ್ಥಾನದ ಆಡಳಿತ ಮಂಡಳಿಯ ಅಧ್ಯಕ್ಷ ಗಣಪತಿ ಮಾನಿಗದ್ದೆ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಏಪ್ರಿಲ್ 4ರಂದು ಕಲಾ ಸಂಕೋಚ ನಡೆಯಲಿದ್ದು, ಏ 8 ಹಾಗೂ 9ರಂದು ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ. 10ರಂದು ದೇವರ ಪ್ರತಿಷ್ಠೆ, ಶಿಖರ ಪ್ರತಿಷ್ಠೆ ನಡೆಯಲಿದೆ. ಏ 11ರಂದು ವಿವಿಧ ಹವನಗಳು ನಡೆಯಲಿದ್ದು, ಸ್ವರ್ಣವಲ್ಲೀ ಶ್ರೀಗಳು ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಲಿದ್ದಾರೆ’ ಎಂದವರು ತಿಳಿಸಿದರು. `ಏಪ್ರಿಲ್ 11ರಂದು ಕಾರ್ಯಕ್ರಮದ ಸಮಾರೋಪ ಸಮಾರಂಭದಲ್ಲಿ ವಾಗ್ಮಿ ಚಕ್ರವರ್ತಿ ಸೂಲಿಬೆಲೆ, ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ, ಶಾಸಕ ಶಿವರಾಮ ಹೆಬ್ಬಾರ, ವಿಧಾನ ಪರಿಷತ್ ಸದಸ್ಯ ಶಾಂತಾರಾಮ ಸಿದ್ದಿ, ಮಾಜಿ ಶಾಸಕಿ ರೂಪಾಲಿ ನಾಯ್ಕ ಇತರರು ಭಾಗವಹಿಸಲಿದ್ದಾರೆ. ಈ ಸಂದರ್ಭದಲ್ಲಿ ಎನ್ ಕೆ ಭಟ್ಟ, ಗಣಪತಿ ಭಟ್ಟ, ಸತೀಶ ಯಲ್ಲಾಪುರ, ಗೋಪಾಲಕೃಷ್ಣ ಭಟ್ಟ, ಮಹಾದೇವಿ ಭಟ್ಟ, ಗಿರೀಶ ಭಟ್ಟ ಅಗ್ಗಾಶಿಮನೆ ಅವರನ್ನು ಸನ್ಮಾನಿಸಲಾಗುತ್ತದೆ’ ಎಂದರು. `ಉತ್ಸವದ ಪ್ರಯುಕ್ತ ಪ್ರತಿದಿನ ಸಂಜೆ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಏರ್ಪಡಿಸಲಾಗಿದೆ. ಏ 8ಕ್ಕೆ ಸಂಗೀತ ಕಾರ್ಯಕ್ರಮ, 9ರಂದು ಭಜನೆ, 10ರಂದು ಸತೀಶ ಯಲ್ಲಾಪುರ, ನೀರ್ನಳ್ಳಿ ಗಣಪತಿ ಅವರ ನೇತೃತ್ವದಲ್ಲಿ ಗಾನ ಕುಂಚ ಕಾರ್ಯಕ್ರಮ ನಡೆಯಲಿದೆ’ ಎಂಬ ಮಾಹಿತಿ ತಿಳಿಸಿದರು. ಸಮಿತಿ ಕಾರ್ಯದರ್ಶಿ ನರಸಿಂಹ ಗಾಂವ್ಕರ, ಸ್ಥಳೀಯ ಪ್ರಮುಖರಾದ ದಾಮೋದರ ಗಾಂವ್ಕರ, ವಿಶ್ವೇಶ್ವರ ಗಾಂವ್ಕರ, ನಾಗೇಂದ್ರ ಭಟ್ಟ, ಕೆ ಎಸ್ ಭಟ್ಟ, ಸತ್ಯನಾರಾಯಣ ಹೆಗಡೆ, ಶ್ರೀಕಾಂತ ಹೊನ್ನೆಬೈಲ, ಗಣಪತಿ ದೋಣಿಗದ್ದೆ ಇತರರಿದ್ದರು.    
- [ಅಕ್ರಮ ಸಂಬoಧದ ಅನುಮಾನ: ಹೊಡೆದಾಟದಲ್ಲಿ ಮುಗಿದ ರಾಜಿ ಸಂಧಾನ!](https://mobiletime.in/2026/03/suspicion-of-illicit-relationship-compromise-negotiations-that-ended-in-a-fight/): ಅಕ್ರಮ ಸಂಬoಧದ ಅನುಮಾನದ ಹಿನ್ನಲೆ ಗಂಡ-ಹೆoಡತಿ ಬೇರೆ ಬೇರೆಯಾಗಿದ್ದು, ಆ ಕುಟುಂಬ ಒಂದುಗೂಡಿಸುವ ನಿಟ್ಟಿನಲ್ಲಿ ಶಿರಸಿಯ ಸರ್ಕಾರಿ ಅಧಿಕಾರಿಗಳು ರಾಜಿ ಪಂಚಾಯ್ತಿ ಮಾಡಿದ್ದಾರೆ. ಆದರೆ, ಸರ್ಕಾರಿ ಕಚೇರಿಯಲ್ಲಿ ರಾಜಿ ಪಂಚಾಯ್ತಿ ಅವಧಿಯಲ್ಲಿಯೇ ಮಾರಾಮಾರಿ ನಡೆದಿದೆ. ಶಿರಸಿಯ ಆಯಿಶಾ ನಾಯ್ಕ (ಹೆಸರು ಬದಲಿಸಿದೆ) ಅವರು ತಮ್ಮ ದೂರದ ಸಂಬoಧಿ ಮತ್ತಿಗಾರದ ಮಂಜುನಾಥ ರಾಮಚಂದ್ರ ನಾಯ್ಕ ಅವರ ಜೊತೆ ಅಕ್ರಮ ಸಂಬoಧ ಹೊಂದಿದ ಅನುಮಾನವ್ಯಕ್ತವಾಗಿತ್ತು. ಈ ಹಿನ್ನಲೆ ಆಯಿಶಾ ನಾಯ್ಕ ಹಾಗೂ ಅವರ ಪತಿ ಉಮೇಶ ನಾಯ್ಕ ಅವರ ನಡುವೆ ವೈಮನಸ್ಸು ಮೂಡಿದ್ದು, ಅವರು ಬೇರೆ ಬೇರೆಯಾಗಿದ್ದರು. ಹೀಗಾಗಿ ಆಯಿಶಾ ನಾಯ್ಕ ಅವರು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ನೆರವು ಕೋರಿದ್ದರು. ಸರ್ಕಾರದ ಶಕ್ತಿ ಸದನದಲ್ಲಿ ಆಯಿಷಾ ನಾಯ್ಕ ಅವರು ಆಶ್ರಯಪಡೆದಿದ್ದರು. ಕೆಲ ದಿನದ ನಂತರ `ತಾನು ಸ್ವತಂತ್ರವಾಗಿ ಬದುಕಬೇಕಿದ್ದು, ಶಕ್ತಿ ಸದನದಿಂದ ಬಿಡುಗಡೆ ಮಾಡಿ’ ಎಂದು ಅವರು ಸರ್ಕಾರಕ್ಕೆ ಅರ್ಜಿ ಸಲ್ಲಿಸಿದ್ದರು. ಈ ಅರ್ಜಿ ವಿಚಾರಣೆಗಾಗಿ ಅಧಿಕಾರಿಗಳು ಸಂಬAಧಿಸಿದ ಎಲ್ಲರಿಗೂ ನೋಟಿಸ್ ನೀಡಿದ್ದರು. ವಿಚಾರಣೆಗೆ ಹಾಜರಾಗುವಂತೆ ಸೂಚನೆ ನೀಡಿದ್ದರು. ಆಯಿಶಾ ನಾಯ್ಕ ಅವರ ಪತಿ ಉಮೇಶ ನಾಯ್ಕ, ದೂರದ ಸಂಬoಧಿ ಮಂಜುನಾಥ ನಾಯ್ಕ, ಅವರ ಪತ್ನಿ ಯಶೋಧಾ ನಾಯ್ಕ, ಆಯಿಶಾ ನಾಯ್ಕ ಅವರ ಅಣ್ಣ ಅಣ್ಣಪ್ಪ (ದೇವೇಂದ್ರ) ಮಂಜುನಾಥ ನಾಯ್ಕ, ಚಿಕ್ಕಪ್ಪ ನೆಹರು ನಾಯ್ಕ ಅವರು ವಿಚಾರಣೆಗೆ ಆಗಮಿಸಿದ್ದರು. ಮಾರ್ಚ 18ರ ಮಧ್ಯಾಹ್ನ ಈ ವಿಚಾರಣೆ ಶುರುವಾಗಿದ್ದು, ಕಾನೂನು ಸಲಹೆಗಾರರಾದ ಗಗನ ಆಚಾರಿ ಅವರು ಎಲ್ಲರ ಅಹವಾಲು ಆಲಿಸಿದರು. ಈ ವೇಳೆ ಆಯಿಷಾ ನಾಯ್ಕ ಅವರ ಅಣ್ಣ `ತಂದೆ-ತಾಯಿಗೆ ಹುಷಾರಿಲ್ಲ. ಹೀಗಾಗಿ ಆಯಿಷಾ ನಾಯ್ಕ ಅವರು ತಮ್ಮ ಮನೆಗೆ ಬರಬೇಕು’ ಎಂದು ಕೇಳಿಕೊಂಡರು. `ತಾನು ಬರುವುದಿಲ್ಲ. ಸ್ವತಂತ್ರವಾಗಿ ಬದುಕುವೆ’ ಎಂದು ಆಯಿಷಾ ನಾಯ್ಕ ಅವರು ಹೇಳಿದರು. ಆಗ, ವಕೀಲೆ ಗಗನ ಆಚಾರಿ ಅವರು `ಹಾಗೆಲ್ಲ ಬಿಡಲು ಬರುವುದಿಲ್ಲ. ಕುಟುಂಬದವರ ಜೊತೆ ಹೋಗುವುದಾದರೆ ಮಾತ್ರ ಬಿಡುಗಡೆ ಮಾಡುತ್ತೇವೆ’ ಎಂದು ತಿಳಿಸಿದರು. ಇದರಿಂದ ಕಂಗಾಲಾದ ಆಯಿಶಾ ನಾಯ್ಕ ಅವರು `ತಾನು ತವರು ಮನೆಗೂ ಹೋಗುವುದಿಲ್ಲ. ಗಂಡನ ಮನೆಗೂ ಹೋಗುವುದಿಲ್ಲ. ಶಕ್ತಿ ಸದನದಲ್ಲಿಯೇ ಉಳಿಯುವೆ’ ಎಂದು ಬರೆದುಕೊಡುವ ಸಿದ್ಧತೆ ಮಾಡಿದರು. ಈ ವೇಳೆ ಆಯಿಶಾ ನಾಯ್ಕ ಅವರ ಅಣ್ಣ ದೇವೇಂದ್ರ ನಾಯ್ಕ ಹಾಗೂ ದೂರದ ಸಂಬoಧಿ ಮಂಜುನಾಥ ನಾಯ್ಕ ಅವರು ಪರಸ್ಪರ ಮಾತನಾಡುತ್ತಿದ್ದರು. ಆಗ, ಮಂಜುನಾಥ ನಾಯ್ಕ ಅವರು ಆಯಿಶಾ ಅವರನ್ನು ಉದ್ದೇಶಿಸಿ `ನೀನು ಒಂದು ವಾರ ತವರು ಮನೆಗೆ ಹೋಗಿ ಬಾ. ನಾನು ನನ್ನ ಹೆಂಡತಿಗೆ ಡೈವರ್ಸ ಕೊಟ್ಟು ನಿನ್ನನ್ನು ಕರೆದುಕೊಂಡು ಹೋಗುವೆ’ ಎಂದರು. ಇದರಿಂದ ಸಿಟ್ಟಾದ ದೇವೇಂದ್ರ ನಾಯ್ಕ ಅವರು `ಅವಳಿಗೆ ಅಲ್ಲಿ ಉಳಿದು ಬಾ ಹೇಳಲು ನೀ ಯಾರು?’ ಎಂದು ಪ್ರಶ್ನಿಸಿದರು. ಅಲ್ಲಿದ್ದ ಖುರ್ಚಿಯಿಂದ ಮಂಜುನಾಥ ನಾಯ್ಕ ಅವರ ತಲೆಗೆ ಹೊಡೆದರು. ಕೆಟ್ಟದಾಗಿ ಬೈದು ನಿಂದಿಸಿದರು. ಈ ವೇಳೆ ಅಲ್ಲಿದ್ದ ಶಿಶು ಅಭಿವೃದ್ಧಿ ಯೋಜನೆಯ ಹಿರಿಯ ಮೇಲ್ವಿಚಾರಕಿ ಸುಶೀಲಾ ಸಣಕೋಸ್ ಮೊಗೇರ್ ಹಾಗೂ ಸಿಬ್ಬಂದಿ ಅಂಜಲಿ ನಾಯ್ಕ ಸೇರಿ ಮಂಜುನಾಥ ನಾಯ್ಕ ಅವರನ್ನು ಕಾಪಾಡಿದರು. ಅದಾದ ನಂತರ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುವುದಾಗಿ ತಿಳಿಸಿ ಮಂಜುನಾಥ ನಾಯ್ಕ ಅವರು ಕಚೇರಿಯಿಂದ ಹೊರಬಿದ್ದಿದ್ದು, ಘಟನಾವಳಿಗಳ ಬಗ್ಗೆ ಸುಶೀಲಾ ಮೊಗೇರ್ ಅವರು ಮಾಹಿತಿ ನೀಡಿದರು. ಸರ್ಕಾರಿ ಕಚೇರಿಯಲ್ಲಿ ಅನುಚಿತವಾಗಿ ವರ್ತಿಸಿ ಹಲ್ಲೆ ಮಾಡಿದ ದೇವೇಂದ್ರ ನಾಯ್ಕ ಅವರ ವಿರುದ್ಧ ಶಿರಸಿ ಶಹರ ಠಾಣೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಮಹಿಳೆಯ ಮೈ ಮುಟ್ಟಿದ ಮಂತ್ರವಾದಿ: ವಿಡಿಯೋ ಕಾಲಿನಲ್ಲಿಯೇ ತಲಾಕ್ ಹೇಳಿದ ಪತಿ!](https://mobiletime.in/2026/03/a-magician-touched-a-womans-body-the-husband-pronounced-talaq-on-video/): ಮಾಟ-ಮಂತ್ರ ಮಾಡುವ ನೆಪದಲ್ಲಿ ಮನೆ ಪ್ರವೇಶಿಸಿದ ಮಂತ್ರವಾದಿಯೊಬ್ಬರು ಶಿರಸಿಯ ಮಹಿಳೆಯೊಬ್ಬರ ಮೈ ಮುಟ್ಟಿದ್ದಾರೆ. ಸಾಕಷ್ಟು ಬಾರಿ ಅನ್ಯಾಯಕ್ಕೆ ಒಳಗಾದ ಮಹಿಳೆಗೆ ವಿಡಿಯೋ ಕಾಲ್ ಮಾಡಿದ ಆಕೆಯ ಪತಿ ಮೂರು ಬಾರಿ `ತಲಾಕ್’ ಹೇಳಿ ಸಂಬoಧ ಮುರಿದುಕೊಂಡಿದ್ದಾರೆ! ಶಿರಸಿಯ ಮರಾಠಿಕೊಪ್ಪದ ವೈಭವ ಕಾಲೋನಿಯಲ್ಲಿ ನಸೀಬಾ ಶೇಖ್ (22) ಅವರು ವಾಸವಾಗಿದ್ದಾರೆ. 2023ರ ಜನವರಿ 15ರಂದು ಅವರು ಶಿರಸಿ ರಾಮನಬೈಲಿನ ಅರ್ಬಾಜ್ ಶೇಖ್ ಅವರನ್ನು ಮದುವೆ ಆಗಿದ್ದಾರೆ. ಮಂಗಳೂರಿನಲ್ಲಿ ಅವರಿಬ್ಬರ ಮದುವೆ ನಡೆದಿದ್ದು, ಮದುವೆ ವೇಳೆ ನಸೀಬಾ ಶೇಖ್ ಕಡೆಯುವರು 25 ಗ್ರಾಂ ಬಂಗಾರದ ಚೈನ್, ಉಂಗುರ ಹಾಗೂ 1 ಲಕ್ಷ ರೂ ಮೌಲ್ಯದ ಮನೆ ಬಳಕೆ ವಸ್ತುಗಳ ಉಡುಗರೆಯಾಗಿ ನೀಡಿದ್ದಾರೆ. ಜೊತೆಗೆ ಮದುವೆ ಮಂಟಪದ ಹಾಜಿ ಶೇಖ್ ಸಾಬು ಸಾಹೇಬ್ ಟ್ರಸ್ಟಿನವರು 50 ಗ್ರಾಂ ತೂಕದ ಬಂಗಾರದ ನೆಕ್ಲೇಸ್ ಹಾಗೂ ಕಿವಿಯೋಲೆ ಉಡುಗರೆಯಾಗಿ ನೀಡಿದ್ದಾರೆ. ಮದುವೆ ನಂತರ ಒಂದು ವರ್ಷಗಳ ಕಾಲ ನಸೀಬಾ ಶೇಖ್ ಅವರು ರಾಮನಬೈಲಿನ ಗಂಡನ ಮನೆಯಲ್ಲಿ ವಾಸವಾಗಿದ್ದು, ಈ ವೇಳೆ ಸಾಕಷ್ಟು ಹಿಂಸೆ ಅನುಭವಿಸಿದ್ದಾರೆ. ರಾಮನಬೈಲಿನಲ್ಲಿ ನಸೀಬಾ ಶೇಖ್ ಅವರು ವಾಸವಾಗಿದ್ದ ಗಂಡನ ಮನೆಯಲ್ಲಿ ಅರ್ಬಾಜ್ ಶೇಖ್, ಮಾವ ಅಬ್ದುಲ್ ಘನಿ ಶೇಖ್, ಅತ್ತೆ ಅಮೀನಾ ಅಬ್ದುಲ್ ಘನಿ ಶೇಖ್, ನಾದಿನಿ ಸಮೀಯಾ ಎಜಾಜ್ ಶೇಖ್ ಹಾಗೂ ಮೈದುನ ಫೈಜಾನ್ ಅಬ್ದುಲ್ ಘನಿ ಶೇಖ್ ಒಟ್ಟಿಗೆ ವಾಸವಾಗಿದ್ದರು. ಮದುವೆ ಆದ ಹೊಸತರಲ್ಲಿ ಎಲ್ಲರೂ ಒಳ್ಳೆಯರಂತೆ ನಟಿಸಿದ್ದು, ಮೂರು ತಿಂಗಳ ನಂತರ ತಮ್ಮ ಅಸಲಿ ಮುಖ ಪ್ರದರ್ಶಿಸಿದರು. ಅವರೆಲ್ಲರೂ ಸೇರಿ ನಸೀಬಾ ಶೇಖ್ ಅವರಿಗೆ ನಿಂದಿಸಲು ಶುರು ಮಾಡಿದ್ದರು. ಸಣ್ಣಪುಟ್ಟ ವಿಷಯಕ್ಕೆ ಜಗಳ, ಹಿಂಸೆ, ಬೈಗುಳ ಸಾಮಾನ್ಯವಾಗಿದ್ದು ಅದನ್ನು ನಸೀಬಾ ಶೇಖ್ ಅವರು ಸಹಿಸಿಕೊಂಡು ಸಂಸಾರ ನಡೆಸುತ್ತಿದ್ದರು. ಈ ನಡುವೆ `ನಸೀಬಾ ಶೇಖ್ ಅವರಿಗೆ ದೆವ್ವ ಹಿಡಿದಿದೆ’ ಎಂದು ಅವರ ಮಾವ ಅಬ್ದುಲ್ ಘನಿ ಶೇಖ್ ಪುಕಾರು ತೆಗೆದರು. ದೆವ್ವ ಓಡಿಸುವುದಕ್ಕಾಗಿ ವಿಜಯಪುರದಿಂದ ಅನ್ವರ ಹುಸೇನ್ ಹಾಗೂ ಶಿವಮೊಗ್ಗದ ಶಬ್ಬೀರ್ ಅಬ್ದುಲ್ ವಹಾಬ್ ಎಂಬ ಮಂತ್ರವಾದಿಯನ್ನು ಕರೆಯಿಸಿದರು. ಈ ಸನ್ನಿವೇಶ ದುರುಪಯೋಗಪಡಿಸಿಕೊಂಡ ಮಂತ್ರವಾದಿ ಅನ್ವರ ಹುಸೇನ್ ಅವರು ನಸೀಬಾ ಶೇಖ್ ಅವರ ಅಂಗಾಗ ಸ್ಪರ್ಶ ಮಾಡಿ, ದೈಹಿಕ ಹಿಂಸೆ ನೀಡಿದರು. ಮತ್ತೊಬ್ಬ ಮಂತ್ರವಾದಿ ಶಬ್ಬೀರ್ ಅಬ್ದುಲ್ ವಹಾಬ್ ಬೆತ್ತದಿಂದ ಬಾಸುಂಡೆ ಬರುವ ರೀತಿ ಹೊಡೆದು ಕೂಡಿ ಹಾಕಿದ್ದರು. ಎರಡು ತಿಂಗಳ ಕಾಲ ಗೃಹ ಬಂಧನದಲ್ಲಿದ್ದ ನಸೀಬಾ ಶೇಖ್ ಅವರ ಕೊಲೆ ಪ್ರಯತ್ನವೂ ನಡೆಯಿತು. ನಸೀಬಾ ಶೇಖ್ ಅವರ ಬಳಿಯಿದ್ದ 70 ಗ್ರಾಂ ತೂಕದ ಬಂಗಾರವನ್ನು ಅವರ ಅತ್ತೆ ಅಮೀನಾ ಅಬ್ದುಲ್ ಘನಿ ಶೇಖ್ ಕಸಿದುಕೊಂಡರು. ಅದಾದ ನಂತರ ಆ ಕುಟುಂಬದವರೆಲ್ಲರೂ ಸೇರಿ ಮಂತ್ರವಾದಿ ಸಹಾಯದಿಂದ ನಸೀಬಾ ಶೇಖ್ ಅವರಿದ್ದ ಕೋಣೆಯಲ್ಲಿ ಮೆಣಸಿನ ಹೊಗೆ ಹಾಕಿದರು. ಮೆಣಸಿನ ಹೊಗೆ ಸೇವಿಸಿ ಅಸ್ವಸ್ಥರಾದ ನಸೀಬಾ ಶೇಖ್ ಅವರು ಅಲ್ಲಿಯೇ ಕುಸಿದು ಬಿದ್ದಿದ್ದು, ಈ ವೇಳೆ ಅಲ್ಲಿ ನಸೀಬಾ ಶೇಖ್ ಅವರ ತಂದೆ ಆಗಮಿಸಿ ಅವರ ಜೀವ ಕಾಪಾಡಿದರು. ಆಸ್ಪತ್ರೆ ಸೇರಿದ ನಸೀಬಾ ಶೇಖ್ ಅವರು ಚೇತರಿಸಿಕೊಂಡಿದ್ದು, ತಮ್ಮ ವೈಭವ ಕಾಲೋನಿಯಲ್ಲಿರುವ ತವರುಮನೆಯಲ್ಲಿ ಕಾಲ ಕಳೆದರು. ಈ ವೇಳೆ ತವರುಮನೆಗೆ ಬಂದ ನಸೀಬಾ ಶೇಖ್ ಅವರ ಪತಿ ಅರ್ಬಾಜ್ ಶೇಖ್ ಅವರು ಕುಟುಂಬದವರ ಮನವೊಲೈಸಿ ಪತ್ನಿಯನ್ನು ಕರೆದೊಯ್ದರು. ಅವರಿಬ್ಬರು ಸೇರಿ ರಾಮನಬೈಲಿನ ಸರ್ಫಾಜ್ ಮಂಜಿಲ್ ಅವರಿಂದ ಬಾಡಿಗೆ ಮನೆಪಡೆದು ಸಂಸಾರ ಶುರು ಮಾಡಿದರು. 2025ರ ಮೇ 21ರಂದು ನಸೀಬಾ ಶೇಖ್ ಅವರಿಗೆ ಹೆಣ್ಣು ಮಗು ಜನಿಸಿತು. ಆದರೆ, ಆ ಮಗುವಿನ ಆರೈಕೆಗೆ ಅರ್ಬಾಜ್ ಶೇಖ್ ಒಪ್ಪಲಿಲ್ಲ. ಪತ್ನಿಯನ್ನು ಸಹ ಅವರು ದೂರ ಮಾಡಿದ್ದು, ಇದರಿಂದ ನೊಂದ ನಸೀಬಾ ಶೇಖ್ ಅವರು ಉಡುಪಿಯಲ್ಲಿರುವ ಚಿಕ್ಕಮ್ಮನ ಮನೆಗೆ ಹೋಗಿ ಆಶ್ರಯಪಡೆದರು. 2025ರ ಸೆಪ್ಟೆಂಬರಿನಲ್ಲಿ `ತನ್ನ ಬಂಗಾರ ತನಗೆ ಕೊಡಿ’ ಎಂದು ನಸೀಬಾ ಶೇಖ್ ಮನವಿ ಮಾಡಿದರು. `ಸ್ವಲ್ಪ ದಿನ ಬಿಟ್ಟು ಕೊಡುವೆ’ ಎಂದು ಗಂಡನ ಕುಟುಂಬದವರು ಹೇಳಿದರು. ಈ ಎಲ್ಲದರ ನಡುವೆ 2026ರ ಮಾರ್ಚ 3ರಂದು ಅರ್ಬಾಜ್ ಶೇಖ್ ಅವರು ವಿಡಿಯೋ ಕಾಲ್ ಮಾಡಿ, `ಒಡವೆ ಕೊಡುವುದಿಲ್ಲ’ ಎಂದು ಬೆದರಿಸಿದರು. ವಿಡಿಯೋ ಕಾಲ್ ಮೂಲಕವೇ ಮೂರು ಬಾರಿ `ತಲಾಕ್’ ಎಂದು ಉಚ್ಚರಿಸುವ ಮೂಲಕ ದಾಪಂತ್ಯ ಜೀವನಕ್ಕೆ ಕೊನೆ ಹಾಡಿದರು. ತಮಗಾದ ಅನ್ಯಾಯ, ದೈಹಿಕ ಹಿಂಸೆ, ಗಂಡ ಮಾಡಿದ ದ್ರೋಹದ ಬಗ್ಗೆ ನಸೀಬಾ ಶೇಖ್ ಅವರು ಪೊಲೀಸರ ಬಳಿ ವಿವರಿಸಿದರು. ಮಂತ್ರವಾದಿಗಳಿಬ್ಬರ ಜೊತೆ ಅರ್ಬಾಜ್ ಶೇಖ್ ಅವರ ಕುಟುಂಬದವರ ವಿರುದ್ಧ ಶಿರಸಿ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.  
- [ಇವರೇ ಆ ಸುಪಾರಿ ಕಿಲ್ಲರ್ಸ!](https://mobiletime.in/2026/03/these-are-the-betel-nut-killers/): ಕಾಂಗ್ರೆಸ್ ಮುಖಂಡ, ಕೆಪಿಸಿಸಿ ಮಾಜಿ ಕಾರ್ಯದರ್ಶಿ, ಗೃಹ ಸಚಿವ ಜಿ ಪರಮೇಶ್ವರ ಅವರ ಆಪ್ತ ಗೋಪಾಲಕೃಷ್ಣ ನಾಯಕ ಅವರ ಕೊಲೆಗೆ ಸಂಚು ರೂಪಿಸಿದ ನಾಲ್ವರು ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದು, ಮತ್ತಿಬ್ಬರ ಶೋಧ ಮುಂದುವರೆದಿದೆ. ಕೊಲೆ ಪ್ರಯತ್ನದ ವೇಳೆ ಪೂರ್ಣ ತೋಳಿನ ಬಿಳಿ ಬಣ್ಣದ ಶರ್ಟ ಧರಿಸಿದ ವ್ಯಕ್ತಿ ಹಾಗೂ ಮರೂನ್ ಬಣ್ಣದ ಚಕ್ಸ್ ಶರ್ಟ ಧರಿಸಿದ ಮತ್ತೊಬ್ಬರ ಹುಡುಕಾಟ ಜೋರಾಗಿದೆ. 2026ರ ಮಾರ್ಚ 25ರ ಬೆಳಗ್ಗೆ 10.15ಕ್ಕೆ ಅಂಕೋಲಾದ ಕಾಂಗ್ರೆಸ್ ನಾಯಕ ಗೋಪಾಲಕೃಷ್ಣ ನಾಯಕ ಅವರ ಮೇಲೆ ಮಾರಣಾಂತಿಕ ದಾಳಿ ನಡೆದಿದೆ. ಆ ಕ್ಷಣದ ಸಮಯಪ್ರಜ್ಞೆಯಿಂದಾಗಿ ಗೋಪಾಲಕೃಷ್ಣ ನಾಯಕ ಅವರು ಚಾಕು ಚುಚ್ಚಿಸಿಕೊಂಡರೂ ಬದುಕುಳಿದಿದ್ದಾರೆ. ಸದ್ಯ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುತ್ತಿದ್ದು, ಜೀವಾಪಾಯದಿಂದ ಪಾರಾದ ಬಗ್ಗೆ ವೈದ್ಯರು ಹೇಳಿದ್ದಾರೆ. ಕೊಲೆಗೆ ಪ್ರಯತ್ನಿಸಿದ ಆರೋಪಿತರ ಬೆನ್ನು ಬಿದ್ದ ಪೊಲೀಸರಿಗೆ ನಾಲ್ವರು ಸಿಕ್ಕಿಬಿದ್ದಿದ್ದಾರೆ. ಗೋವಾದ ಜಾಕಿರ್, ನೈಜರ್, ಸದ್ದಾಂ ಮತ್ತು ಇರ್ಫಾನ್ ಎಂಬಾತರು ಮತ್ತಿಬ್ಬರ ಜೊತೆ ಸೇರಿ ಗೋಪಾಲಕೃಷ್ಣ ನಾಯಕ ಅವರ ಮೇಲೆ ದಾಳಿ ನಡೆಸಿದ್ದು ದೃಢವಾಗಿದೆ. ಸಿಕ್ಕಿ ಬಿದ್ದ ನಾಲ್ವರು ಬಡ ಕಾರ್ಮಿಕರಾಗಿದ್ದಾರೆ. ಆ ಪೈಕಿ ಒಬ್ಬರು ಚಾಲಕರಾಗಿ ಕೆಲಸ ಮಾಡಿಕೊಂಡಿದ್ದು, ಮತ್ತೊಬ್ಬರು ರಿಯಲ್ ಎಸ್ಟೇಟ್ ಎಜೆಂಟರಾಗಿ ದುಡಿಯುತ್ತಿದ್ದಾರೆ. ಒಬ್ಬರು ಬೌನ್ಸರ್ ಆಗಿ ಕೆಲಸ ಮಾಡಿಕೊಂಡಿದ್ದರೆ ಇನ್ನೊಬ್ಬರು ಸೆಂಟ್ರಿoಗ್ ಕೆಲಸದಲ್ಲಿ ಸಹಾಯಕರಾಗಿ ಜೀವನ ನಡೆಸುತ್ತಿದ್ದಾರೆ. ಅವರಿಗೆ ಆಮೀಷ ಒಡ್ಡಿ ಗೋಪಾಲಕೃಷ್ಣ ನಾಯಕ ಅವರ ಕೊಲೆಗೆ ಸುಪಾರಿ ನೀಡಿದ ಅನುಮಾನಗಳಿವೆ. ದಾಳಿ ವೇಳೆ ಮತ್ತಿಬ್ಬರು ಸ್ಥಳದಲ್ಲಿದ್ದು, ಗೋಪಾಲಕೃಷ್ಣ ನಾಯಕ ಅವರ ಜೊತೆಗಿದ್ದ ರಾಘವೇಂದ್ರ ನಾಯಕ ಅವರು ಆ ಇಬ್ಬರನ್ನು ಗುರುತಿಸಿದ್ದಾರೆ. ಕೊಲೆ ಪ್ರಯತ್ನದ ವೇಳೆ ಪೂರ್ಣ ತೋಳಿನ ಬಿಳಿ ಬಣ್ಣದ ಶರ್ಟ ಧರಿಸಿದ ವ್ಯಕ್ತಿ ಹಾಗೂ ಮರೂನ್ ಬಣ್ಣದ ಚಕ್ಸ್ ಶರ್ಟ ಧರಿಸಿದ ಮತ್ತೊಬ್ಬರು ಇದ್ದ ಬಗ್ಗೆ ರಾಘವೇಂದ್ರ ನಾಯಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಈ ಹಿನ್ನಲೆ ಅವರಿಬ್ಬರ ಹುಡುಕಾಟ ಮುಂದುವರೆದಿದೆ. ಪೊಲೀಸರು ಘಟನಾ ಸ್ಥಳದಿಂದ ಗೋವಾ ನೋಂದಣಿಯ ಕಾರು ಹಾಗೂ ಎರಡು ಪಲ್ಸರ್ ಬೈಕ್‌ಗಳನ್ನು ಜಪ್ತಿ ಮಾಡಿದ್ದು, ಪರಾರಿಯಾಗಲು ಸ್ಥಳೀಯ ಬಾಡಿಗೆ ಕಾರನ್ನು ಬಳಸಿರುವುದು ಪ್ರಾಥಮಿಕ ತನಿಖೆಯಲ್ಲಿ ಬಹಿರಂಗವಾಗಿದೆ. `ಈ ದಾಳಿ ಸುಪಾರಿ ಹತ್ಯೆಯ ಯತ್ನವೇ ಅಥವಾ ರಾಜಕೀಯ ದ್ವೇಷದಿಂದ ನಡೆದಿದೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಪ್ರಕರಣದ ನಿಖರ ಹಿನ್ನೆಲೆಯನ್ನು ಪತ್ತೆಹಚ್ಚಲು ಮತ್ತು ಇತರ ಆರೋಪಿಗಳನ್ನು ಬಂಧಿಸಲು ನಾಲ್ಕು ವಿಶೇಷ ತಂಡಗಳನ್ನು ರಚಿಸಲಾಗಿದ್ದು, ತನಿಖೆ ತೀವ್ರಗತಿಯಲ್ಲಿ ಮುಂದುವರಿದಿದೆ’ ಎಂದು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಹೇಳಿದ್ದಾರೆ.  
- [ಗೃಹ ಸಚಿವರ ಆಪ್ತ ಸುರಕ್ಷಿತ!](https://mobiletime.in/2026/03/home-ministers-close-aide-is-safe/): ಗೃಹ ಸಚಿವ ಜಿ ಪರಮೇಶ್ವರ ಅವರ ಆಪ್ತರಾಗಿರುವ ಅಂಕೋಲಾದ ಗೋಪಾಲಕೃಷ್ಣ ನಾಯಕ ಅವರ ಕೊಲೆ ಪ್ರಯತ್ನ ನಡೆದಿದ್ದು, ತಕ್ಷಣ ಚಿಕಿತ್ಸೆಗೆ ದಾಖಲಾದ ಪರಿಣಾಮ ಅವರು ಜೀವಾಪಾಯದಿಂದ ಪಾರಾಗಿದ್ದಾರೆ. ತಮ್ಮ ಬೆಂಬಲಿಗನ ಮೇಲೆ ನಡೆದ ಮಾರಣಾಂತಿಕ ದಾಳಿಯನ್ನು ಗೃಹ ಸಚಿವ ಜಿ ಪರಮೇಶ್ವರ ಅವರು ಗಂಭೀರವಾಗಿ ಪರಿಗಣಿಸಿದ್ದಾರೆ. ಈ ಕುರಿತು ಜಿ ಪರಮೇಶ್ವರ್ ಅವರು ಮಾಧ್ಯಮದವರ ಜೊತೆ ಮಾತನಾಡಿದ್ದು ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಜರುಗಿಸುವುದಾಗಿ ಹೇಳಿದ್ದಾರೆ. ಕೆಪಿಸಿಸಿ ಮಾಜಿ ಕಾರ್ಯದರ್ಶಿಯಾಗಿದ್ದ ಗೋಪಾಲಕೃಷ್ಣ ನಾಯಕ ಅವರು ಬುಧವಾರ ತಮ್ಮ ಕಾರಿನಲ್ಲಿ ಅಂಕೋಲಾಗೆ ಆಗಮಿಸಿದ್ದರು. ಮೀನು ಮಾರುಕಟ್ಟೆ ಬಳಿ ಹೊಗಿದ್ದ ಅವರು ಅದಾದ ನಂತರ ಗುಡ್ ಲಕ್ ಸಲೂನ್ ಒಳಗೆ ಹೊಕ್ಕಿದ್ದರು. ಶೇವಿಂಗ್ ಮುಗಿಸಿ ಹೊರ ಬರುವಾಗ ಆರು ಜನ ಆಗಂತುಕರು ಅವರ ಮೇಲೆ ದಾಳಿ ಮಾಡಿದರು. ಅದರಲ್ಲಿ ಒಬ್ಬರು ಚಾಕು ಹಿಡಿದು ಓಡಿ ಬಂದಿದ್ದು, ಗೋಪಾಲಕೃಷ್ಣ ನಾಯಕ ಅವರ ಎದೆಗೆ ಚುಚ್ಚುವ ಪ್ರಯತ್ನ ಮಾಡಿದ್ದರು. ಈ ವೇಳೆ ಗೋಪಾಲಕೃಷ್ಣ ನಾಯಕ ಅವರು ತಮ್ಮ ಕೈಯನ್ನು ಅಡ್ಡಹಿಡಿದು ತಪ್ಪಿಸಿಕೊಂಡಿದ್ದಾರೆ. ಆಗ ಮತ್ತೊಬ್ಬರು ಗೋಪಾಲಕೃಷ್ಣ ನಾಯಕ ಅವರ ತಲೆಗೆ ಹೊಡೆದಿದ್ದಾರೆ. ಚಾಕು ಹಿಡಿದ ವ್ಯಕ್ತಿ ನೆಲಕ್ಕೆ ಬಿದ್ದಾಗ ಇನ್ನಷ್ಟು ಜನ ಆಗಮಿಸಿ ಗೋಪಾಲಕೃಷ್ಣ ನಾಯಕ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಈ ವೇಳೆ ಕಾರಿನಲ್ಲಿದ್ದ ರಾಘವೇಂದ್ರ ರಾಮದಾಸ ನಾಯಕ ಅವರು ಗೋಪಾಲಕೃಷ್ಣ ನಾಯಕ ವರ ರಕ್ಷಣೆಗೆ ಆಗಮಿಸಿದ್ದಾರೆ. ರಾಘವೇಂದ್ರ ನಾಯಕ ಅವರ ಮೇಲೆಯೂ ಆಗಂತುಕರು ಕೈ ಮಾಡಿದ್ದಾರೆ. ಈ ವೇಳೆ ಗೋಪಾಲಕೃಷ್ಣ ನಾಯಕ ಅವರು ಆ ಆಗಂತುಕರಿAದ ತಪ್ಪಿಸಿಕೊಂಡು ಶ್ರೀನಿವಾಸ ನಾಯಕ ಅವರ ಮನೆ ಕಡೆ ಓಡಿದ್ದು, ಅಲ್ಲಿಂದ ವೆಂಕಟ್ರಮಣ ದೇವಸ್ಥಾನಕ್ಕೆ ತೆರಳುವ ರಸ್ತೆಯ ಕಡೆ ಬಂದಿದ್ದಾರೆ. ಅಲ್ಲಿದ್ದ ಅಂಕೋಲಾ ಸಿಂಡಿಕೇಟ್ ಕೋ ಆಪರೇಟಿವ್ ಸೊಸೈಟಿ ಕಚೇರಿ ಒಳಗೆ ಹೋಗಿ ರಕ್ಷಣೆಪಡೆದಿದ್ದಾರೆ. ಕೂಡಲೇ ಸೊಸೈಟಿಯ ಶೆಟರ್ಸ ಮುಚ್ಚಿದ ಕಾರಣ ಆಗಂತುಕರಿಗೆ ಸೊಸೈಟಿ ಒಳಗೆ ನುಗ್ಗಲು ಸಾಧ್ಯವಾಗಿಲ್ಲ. ಅದಾಗಿಯೂ ಈ ದಾಳಿಯಲ್ಲಿ ಗೋಪಾಲಕೃಷ್ಣ ನಾಯಕ ಅವರ ತಲೆ, ಕೈ-ಕಾಲುಗಳಿಗೆ ಗಾಯವಾಗಿದೆ. ರಕ್ತದ ಮಡುವಿನಲ್ಲಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದ್ದು ಸದ್ಯ ಉನ್ನತ ಮಟ್ಟದ ಚಿಕಿತ್ಸೆಗಾಗಿ ನೆರೆ ಜಿಲ್ಲೆಗೆ ಸ್ಥಳಾಂತರಿಸಲಾಗಿದೆ. ಆ ಅಪರಿಚಿತರು ಚಾಕುವಿನಿಂದ ಚುಚ್ಚಿದ ಚಿತ್ರಗಳು ಸಮೀಪದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಅವರು ಆಗಮಿಸಿದ ಕಾರು, ಧರಿಸಿದ ಬಟ್ಟೆ ಹಾಗೂ ವಿವಿಧ ಮಾಹಿತಿ ಆಧರಿಸಿ ಪೊಲೀಸರು ಹತ್ಯೆ ಮಾಡಲು ಬಂದವರನ್ನು ಬಂಧಿಸಿದ್ದಾರೆ. ಗೋವಾಗೆ ಪರಾರಿಯಾಗಲು ಯತ್ನಿಸಿದ ಆಗಂತುಕರು ಮಾಜಾಳಿ ಗಡಿಯಲ್ಲಿ ಸಿಕ್ಕಿ ಬಿದ್ದಿದ್ದಾರೆ. ಅವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ವಿಚಾರಣೆ ವೇಳೆ ಆ ಆರು ಜನ ಆಗಂತುಕರು ಗೋಪಾಲಕೃಷ್ಣ ನಾಯಕ ಅವರ ಕೊಲೆಗೆ ಎಲ್ಲಾ ಬಗೆಯ ಸಿದ್ಧತೆ ಮಾಡಿಕೊಂಡು ಬಂದಿದ್ದರು. ಕಟಿಂಗ್ ಸಲೂನ್ ಬಳಿ ಗೋಪಾಲಕೃಷ್ಣ ನಾಯಕ ಅವರು ಒಂಟಿಯಾಗಿ ಸಂಚರಿಸುವುದನ್ನು ಅರಿತು ಅಲ್ಲಿಯೇ ದಾಳಿ ಮಾದ ವಿಷಯ ಬಹಿರಂಗವಾಗಿದೆ. ತಮ್ಮ ಆಪ್ತರ ಮೇಲೆ ನಡೆದ ದಾಳಿಯ ಬಗ್ಗೆ ಗೃಹ ಸಚಿವ ಜಿ ಪರಮೇಶ್ವರ ಅವರು ಮಾಹಿತಿಪಡೆದಿದ್ದಾರೆ. ಜೊತೆಗೆ ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. `ರಾಜಕಾರಣದಲ್ಲಿ ಸಕ್ರಿಯವಾಗಿದ್ದ ಗೋಪಾಲಕೃಷ್ಣ ನಾಯಕ ಅವರು ಕಳೆದ ವಿಧಾನಸಭೆಗೆ ಟಿಕೆಟ್ ಕೇಳಿದ್ದರು. ಇದಕಿದ್ದ ಹಾಗೇ ಅವರ ಮೇಲೆ ಹಲ್ಲೆ ನಡೆದಿದೆ. ಹಲ್ಲೆ ನಡೆಸಿದವರು ಯಾರು? ಎಂದು ಗೊತ್ತಾಗಿಲ್ಲ. ಪ್ರಕರಣದಲ್ಲಿ ನಾಲ್ಕು ಜನರನ್ನು ಬಂಧಿಸಿದ್ದು, ವಿಚಾರಣೆ ಮುಂದುವರೆದಿದೆ. ಗೋಪಾಲಕೃಷ್ಣ ನಾಯಕ ಅವರು ಸುರಕ್ಷಿತವಾಗಿದ್ದಾರೆ’ ಎಂದು ಜಿ ಪರಮೇಶ್ವರ್ ಅವರು ಮಾಧ್ಯಮದ ಮುಂದೆ ಮಾತನಾಡಿದ್ದಾರೆ.
- [ಸೈಲ್ ಪುತ್ರಿಯ ಮೋಹಕ ನಡೆ!](https://mobiletime.in/2026/03/sails-daughters-charming-move/): ಕಾರವಾರ ಶಾಸಕ ಸತೀಶ್ ಸೈಲ್ ಅವರ ಪುತ್ರಿ ಸ್ವಾದಿ ಸೈಲ್ ಅವರು ತಮ್ಮ ಸೌಂದರ್ಯದಿoದ ಜನರ ಮನಗೆದ್ದಿದ್ದಾರೆ. `ಫೆಮಿನಾ ಮಿಸ್ ಇಂಡಿಯಾ’ ಸ್ಪರ್ಧೆಯ ಅಂತಿಮ ಸುತ್ತಿಗೆ ಸ್ವಾದಿ ಸೈಲ್ ಅವರು ಆಯ್ಕೆಯಾಗಿದ್ದಾರೆ. ಕೆಐಐಟಿ ಸಂಸ್ಥೆಯವರು `ಫೆಮಿನಾ ಮಿಸ್ ಇಂಡಿಯಾ’ ಸ್ಪರ್ಧೆಯನ್ನು ಆಯೋಜಿಸುತ್ತಾರೆ. ಅವರು ಆಯೋಜಿಸಿದ 63ನೇ ಸುತ್ತಿನ ಸ್ಪರ್ಧೆ ಇದಾಗಿದೆ. ಅಂತಿಮ ಆಡಿಶನ್ ಮುಕ್ತಾಯದ ಹಿನ್ನಲೆ ಅದರ ಫಲಿತಾಂಶವನ್ನು ಕೆಐಐಟಿ ಪ್ರಕಟಿಸಿದ್ದು, ಅದರಲ್ಲಿ ಸ್ವಾದಿ ಸೈಲ್ ಅವರ ಹೆಸರು ಮುನ್ನೆಲೆಗೆ ಬಂದಿದೆ. ದೇಶದ ಎಲ್ಲಾ ಭಾಗಗಳಿಂದ ನೂರಾರು ಸ್ಪರ್ಧಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು, ಸೌಂದರ್ಯದ ವಿಷಯದಲ್ಲಿ ಅವರೆಲ್ಲರನ್ನು ಹಿಂದಿಕ್ಕಿ ಸ್ವಾದಿ ಸೈಲ್ ಅವರು ಸಾಧನೆ ಮಾಡಿದ್ದಾರೆ. ಸೌಂದರ್ಯ ಆರಾದಕರ ಕಣ್ಮನ ಸೆಳೆದಿರುವ ಸ್ವಾದಿ ಸೈಲ್ ಅವರು 23 ತರುಣಿಯರ ಪಟ್ಟಿಯಲ್ಲಿ ಸ್ಥಾನಪಡೆದಿದ್ದಾರೆ. ಈ ರಾಷ್ಟ್ರೀಯ ವೇದಿಕೆಯಲ್ಲಿ ಅವರು ಗೋವಾ ರಾಜ್ಯವನ್ನು ಪ್ರತಿನಿಧಿಸಿದ್ದಾರೆ. ತಮ್ಮ ವಿದ್ಯಾಬ್ಯಾಸದ ಜೊತೆ ಮಾಡಲಿಂಗ್ ಕ್ಷೇತ್ರದಲ್ಲಿಯೂ ಸ್ವಾದಿ ಸೈಲ್ ಅವರು ಮಿಂಚುತ್ತಿದ್ದಾರೆ. ಅನೇಕ ಸೌಂದರ್ಯ ಸ್ಪರ್ಧೆಗಳಲ್ಲಿಯೂ ಅವರು ಭಾಗವಹಿಸಿ ಗಮನಸೆಳೆದಿದ್ದಾರೆ.
- [ಭೂ ವ್ಯಾಜ್ಯ: ಮನೆಗೆ ನುಗ್ಗಿ ಗಲಾಟೆ!](https://mobiletime.in/2026/03/land-dispute-breaking-into-a-house-and-causing-a-commotion/): ಕಬ್ಬಿಣದ ರಾಡು, ಸೊಟ್ಟೆಹಿಡಿದ ಆರು ಜನ ಕುಮಟಾದ ಬೀರಾ ಗೌಡ ಅವರ ಮನೆಗೆ ನುಗ್ಗಿ ದಾಂದಲೆ ಮಾಡಿದ್ದಾರೆ. ತಾವು ಹೇಳಿದಂತೆ ಕೇಳದಿದ್ದರೆ ಇಡೀ ಮನೆಯನ್ನು ನಾಶ ಮಾಡುವುದಾಗಿ ಬೆದರಿಕೆ ಒಡ್ಡಿದ್ದಾರೆ. ಕುಮಟಾ ಹೆಗಡೆ ಕಲಕೋಡದಲ್ಲಿ ಬೀರಾ ವಾಸು ಗೌಡ ಅವರು ವಾಸವಾಗಿದ್ದಾರೆ. ಅದೇ ಊರಿನ ಶ್ರೀಧರ ನಾರಾಯಣ ಗೌಡ, ಲಕ್ಷೀ ಶ್ರೀಧರ ಗೌಡ, ಮಾದೇವ ನಾಗು ಗೌಡ, ಪಾರ್ವತಿ ಮಾದೇವ ಗೌಡ, ಗಣಪತಿ ಮಹಾಬಲೇಶ್ವರ ಗೌಡ ಹಾಗೂ ಮಾದೇವಿ ಗೌಡ ಅವರು ಬೀರಾ ಗೌಡ ಅವರ ಮನೆಗೆ ನುಗ್ಗಿ ರಂಪಾಟ ಮಾಡಿದ್ದಾರೆ. ಅವರೆಲ್ಲರ ಕೈಯಲ್ಲಿ ಕಬ್ಬಿಣದ ರಾಡು ಸೊಟ್ಟೆಯಿರುವುದನ್ನು ನೋಡಿ ಬೀರಾ ಗೌಡ ಅವರ ಪತ್ನಿ ಹಾಗೂ ಮಕ್ಕಳು ಬೆದರಿದ್ದಾರೆ. ಬೀರಾ ಗೌಡ ಹಾಗೂ ಎದುರಾಳಿಗಳ ನಡುವೆ ಭೂ ವ್ಯಾಜ್ಯ ಪ್ರಕರಣವೊಂದು ನಡೆಯುತ್ತಿದೆ. ಈ ಕೇಸು ಕೋರ್ಟಿನಲ್ಲಿ ವಿಚಾರಣಾ ಹಂತದಲ್ಲಿದೆ. ನ್ಯಾಯಾಲಯದಲ್ಲಿರುವ ಪ್ರಕರಣವನ್ನು ಹಿಂಪಡೆಯುವAತೆ ಆ ಆರು ಜನ ಬೀರಾ ಗೌಡ ಅವರ ಮನೆಗೆ ನುಗ್ಗಿ ಒತ್ತಾಯಿಸಿದ್ದಾರೆ. ಮಾರ್ಚ 13ರ ರಾತ್ರಿ ಅವರೆಲ್ಲರೂ ಮನೆಗೆ ನುಗ್ಗಿ ಗಲಾಟೆ ಮಾಡಿದ್ದು, ಆ ವೇಳೆ ಬೀರಾ ಗೌಡ ಅವರು ಮನೆಯಲ್ಲಿಲ್ಲದ ಕಾರಣ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. `ಕೋರ್ಟಿನಲ್ಲಿದ್ದ ಕೇಸು ವಾಪಸ್‌ಪಡೆಯದಿದ್ದರೆ ಈ ಹಿಂದೆ ಕಪೌಂಡ್ ನಾಶ ಮಾಡಿದ ಹಾಗೇ ನಿಮ್ಮ ಮನೆಯನ್ನು ನಾಶ ಮಾಡುತ್ತೇವೆ’ ಎಂದು ಅವರೆಲ್ಲರೂ ಬೆದರಿಸಿದ್ದಾರೆ. ಮನೆಗೆ ಬಂದ ನಂತರ ಈ ವಿಷಯ ಅರಿತ ಬೀರಾ ಗೌಡ ಅವರು ತಮಗೆ ಬೆದರಿಕೆ ಬಂದಿರುವ ಬಗ್ಗೆ ಪೊಲೀಸ್ ದೂರು ನೀಡಿದ್ದಾರೆ. ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದಾರೆ.
- [ಸಿದ್ದಿ ಸಾಧಕನಿಗೆ ಸಿಕ್ಕಿದ ಸಭಾಪತಿ ಹುದ್ದೆ!](https://mobiletime.in/2026/03/a-siddhi-practitioner-got-the-post-of-speaker/): ಬಿಜೆಪಿಯ ಸಾಮಾನ್ಯ ಕಾರ್ಯಕರ್ತರಾಗಿದ್ದ ಯಲ್ಲಾಪುರದ ಶಾಂತರಾಮ ಸಿದ್ದಿ ಅವರು ತಮ್ಮ ಪಕ್ಷನಿಷ್ಠೆ ಪರಿಣಾಮವಾಗಿ ವಿಧಾನ ಪರಿಷತ್ ಸದಸ್ಯರಾಗಿದ್ದು, ಅದರ ಮುಂದುವರೆದ ಭಾಗವಾಗಿ ಬುಧವಾರ ಸಭಾಪತಿ ಹುದ್ದೆ ನಿಭಾಯಿಸಿದ್ದಾರೆ. ಈ ದಿನ ಅವರು ಅಚ್ಚುಕಟ್ಟಾಗಿ ಸದನ ನಡೆಸಿದ್ದು, ಸಾಮಾನ್ಯ ವ್ಯಕ್ತಿಯೊಬ್ಬರು ಉನ್ನತ ಹುದ್ದೆ ಅಲಂಕರಿಸಿರುವುದು ಸಿದ್ದಿ ಸಮುದಾಯದವರ ಹರ್ಷ ಹೆಚ್ಚಿಸಿದೆ. ಸಾಮಾನ್ಯವಾಗಿ ಅತ್ಯಂತ ಹಿರಿಯ ಶಾಸಕರಿಗೆ ಸಭಾಪತಿ ಹುದ್ದೆ ಸಿಗುತ್ತದೆ. ಆದರೆ, ಇದೇ ಮೊದಲ ಬಾರಿ ವಿಧಾನ ಪರಿಷತ್ ಸದಸ್ಯರಾಗಿರುವ ಶಾಂತರಾಮ ಸಿದ್ದಿ ಅವರಿಗೆ ಈ ದಿನ ಸಭಾಪತಿ ಖುರ್ಚಿ ಸಿಕ್ಕಿದೆ. ಬಸವರಾಜ ಹೊರಟ್ಟಿ ಅವರ ಗೈರು ಹಿನ್ನಲೆ ಶಾಂತರಾಮ ಸಿದ್ದಿ ಅವರು ಸಭಾಪತಿ ಸ್ಥಾನ ಅಲಂಕರಿಸಿದ್ದು, ಕಲಾಪಗಳನ್ನು ನಡೆಸಿದರು. ಸಭಾಪತಿ ಹುದ್ದೆ ನಿರ್ವಹಿಸಿ ಅನುಭವ ಇಲ್ಲದಿದ್ದರೂ ಶಾಂತರಾಮ ಸಿದ್ದಿ ಅವರು ಆ ಬಗ್ಗೆ ಅಂಜಿಕೆ ಹೊಂದಲಿಲ್ಲ. ಅನುಭವಿ ಸಭಾಪತಿಗಳ ಹಾಗೇ ಅವರು ಆ ಆಸನದಲ್ಲಿ ಆಸೀನರಾಗಿ ತಮ್ಮ ಕರ್ತವ್ಯ ನಿಭಾಯಿಸಿದರು. `ಕರ್ನಾಟಕ ಶಾಸನ ಸಭೆಯ ಅತ್ಯುನ್ನತ ಮತ್ತು ಪವಿತ್ರ ಸ್ಥಾನವಾದ ಸಭಾಪತಿ ಪೀಠವನ್ನು ಮೊಟ್ಟ ಮೊದಲ ಬಾರಿ ಅಲಂಕರಿಸಿರುವುದು  ಹೆಮ್ಮೆಯ ಸಂಗತಿ’ ಎಂದು ಶಾಂತರಾಮ ಸಿದ್ದಿ ಅವರು ಹೇಳಿಕೊಂಡಿದ್ದಾರೆ. ಶಾಂತರಾಮ ಸಿದ್ದಿ ಅವರಿಗೆ ಈ ಅತ್ಯುನ್ನತ ಅವಕಾಶ ಸಿಕ್ಕಿದಕ್ಕಾಗಿ ಅನೇಕರು ಅಚ್ಚರಿಯ ಜೊತೆ ಸಂತಸವ್ಯಕ್ತಪಡಿಸಿದ್ದಾರೆ.
- [ಸ್ನೇಹಿತರ ಜೊತೆಯಿದ್ದವನಿಗೆ ಹಿಗ್ಗಾಮುಗ್ಗ ಥಳಿತ!](https://mobiletime.in/2026/03/a-man-who-was-with-friends-was-brutally-beaten/): ಕಾರವಾರದ ಗೀತೇಶ ಕಲ್ಗುಟ್ಕರ್ ಅವರಿಗೆ ವೈಭವ ಥಾಮ್ಸೆ ಹಾಗೂ ಅವರ ಸಹಚರರು ಸೇರಿ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಆ ನೋವು ಸಹಿಸಲಾಗದೇ ಗೀತೇಶ ಕಲ್ಗುಟ್ಕರ್ ಅವರು ಆಸ್ಪತ್ರೆ ಸೇರಿದ್ದಾರೆ. ಕಾರವಾರ ಕೋಡಿಭಾಗದ ಆಳ್ವೇವಾಡದಲ್ಲಿ ಗೀತೇಶ ಪ್ರೇಮಾನಂದ ಕಲ್ಗುಟ್ಕರ್ (28) ಅವರು ವಾಸವಾಗಿದ್ದಾರೆ. ಮೀನುಗಾರಿಕೆ ನಡೆಸಿ ಅವರು ಜೀವನ ನಡೆಸುತ್ತಿದ್ದಾರೆ. ಕೋಡಿಭಾಗ ಮಧ್ಯವೇವಾಡದ ವೈಭವ ಥಾಮ್ಸೆ, ಕಿಶನ್ ಕಲ್ಗುಟ್ಕರ್, ಸಾಯಿಕಟ್ಟಾದ ಆದೇಶ ಹಾಗೂ ತಾಮ್ಸೆವಾಡದ ಶಿವಾನಂದ ಸೇರಿ ಗೀತೇಶ ಕಲ್ಗುಟ್ಕರ್ ಅವರ ಮೇಲೆ ಆಕ್ರಮಣ ನಡೆಸಿದ್ದಾರೆ. ಮಾರ್ಚ 22ರ ರಾತ್ರಿ 10.30ಕ್ಕೆ ಈ ದಾಳಿ ನಡೆದಿದ್ದು, ರಕ್ತ ಬರುವ ಹಾಗೇ ಆ ನಾಲ್ವರು ಥಳಿಸಿದ್ದಾರೆ. ಗೀತೇಶ ಕಲ್ಗುಟ್ಕರ್ ಅವರು ಕಾರವಾರ ಅಳ್ವೇವಾಡದ ಜಟ್ಟಿ ಹತ್ತಿರ ಸ್ನೇಹಿತರ ಜೊತೆ ಮಾತನಾಡುತ್ತಿರುವಾಗ ಅಲ್ಲಿ ವೈಭವ ಥಾಮ್ಸೆ ಅವರು ಆಗಮಿಸಿದ್ದು, ವೈಭವ ಥಾಮ್ಸೆ ಅವರು ಕೆಟ್ಟದಾಗಿ ಬೈಗುಳ ಶುರು ಮಾಡಿದ್ದಾರೆ. ಅದನ್ನು ವಿರೋಧಿಸಿದ ಕಾರಣ ಗೀತೇಶ ಕಲ್ಗುಟ್ಕರ್ ಅವರಿಗೆ ಪೆಟ್ಟು ಬಿದ್ದಿದೆ. ವೈಭವ ಥಾಮ್ಸೆ ಅವರೇ ಮೊದಲು ಗೀತೇಶ ಕಲ್ಗುಟ್ಕರ್ ಅವರ ಮೇಲೆ ಕೈ ಮಾಡಿದ್ದು, ಇದನ್ನು ನೋಡಿದ ಕಿಶನ್ ಕಲ್ಗುಟ್ಕರ್, ಆದೇಶ ಹಾಗೂ ಶಿವಾನಂದ ಅವರು ಗೀತೇಶ ಕಲ್ಗುಟ್ಕರ್ ಅವರನ್ನು ನೆಲಕ್ಕೆ ದೂಡಿ ಕಾಲಿನಿಂದ ತುಳಿದಿದ್ದಾರೆ. ಕಾಲಿನಿಂದ ಕೆನ್ನೆಯ ಮೇಲೆ ಒದ್ದ ಪರಿಣಾಮ ಗೀತೇಶ ಕಲ್ಗುಟ್ಕರ್ ಅವರಿಗೆ ರಕ್ತ ಬಂದಿದೆ. ಆಸ್ಪತ್ರೆ ಸೇರಿದ ಅವರು ತಮ್ಮ ಮೇಲೆ ಆಕ್ರಮಣ ನಡೆಸಿದವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಕಾರವಾರ ಶಹರ ಪೊಲೀಸರು ಪ್ರಕರಣ ದಾಖಲಿಸಿ ವಿಚಾರಣೆ ಶುರು ಮಾಡಿದ್ದಾರೆ.
- [ಅತಿವೇಗ: ಬೈಕಿನಿಂದ ಬಿದ್ದ ಸವಾರ!](https://mobiletime.in/2026/03/speeding-rider-falls-off-bike/): ರಾತ್ರಿ ಹೊತ್ತಿನಲ್ಲಿಯೂ ವೇಗವಾಗಿ ಬೈಕ್ ಓಡಿಸುತ್ತಿದ್ದ ಶಿರಸಿಯ ಆದಿತ್ಯ ಪೂಜಾರಿ ಅವರು ಅಪಘಾತಕ್ಕೀಡಾಗಿದ್ದಾರೆ. ಆ ಅಪಘಾತದಲ್ಲಿ ಅವರ ತಲೆ, ಮುಖ, ಕೈ-ಕಾಲಿಗೆ ಗಾಯವಾಗಿದೆ. ಶಿರಸಿಯ ಬೊಪ್ಪನಳ್ಳಿ ಬಳಿಯ ಮಾವಿನಸರದಲ್ಲಿ ಆದಿತ್ಯ ರಾಜು ಪೂಜಾರಿ ಅವರು ವಾಸವಾಗಿದ್ದಾರೆ. 19 ವರ್ಷದ ಅವರಿಗೆ ವೇಗವಾಗಿ ಬೈಕ್ ಓಡಿಸುವುದು ಎಂದರೆ ಎಲ್ಲಿಲ್ಲದ ಖುಷಿ. ಹೀಗಾಗಿ ರಾತ್ರಿ ಅವಧಿಯಲ್ಲಿಯೂ ಅವರು ಬೈಕಿನ ವೇಗವನ್ನು ಕಡಿಮೆ ಮಾಡುತ್ತಿಲ್ಲ. ಮಾರ್ಚ 23ರ ಸಂಜೆ ಮಾವಿನಸರಕ್ಕೆ ಹೋಗಿದ್ದ ಅವರು ಅದಾದ ನಂತರ ರಾತ್ರಿ 10.45ಕ್ಕೆ ಬೆಳಲೆ ಕಡೆಯಿಂದ ದಾನಂದಿ ಕಡೆ ಸಂಚರಿಸುತ್ತಿದ್ದರು. ಉಬ್ಬುತಗ್ಗಿನ ರಸ್ತೆಯಲ್ಲಿಯೂ ಅವರು ಬೈಕಿನ ವೇಗ ಕಡಿಮೆ ಮಾಡಿರಲಿಲ್ಲ. ಪರಿಣಾಮ ಆ ಬೈಕು ಸ್ಕಿಡ್ ಆಯಿತು. ಆದಿತ್ಯ ಪೂಜಾರಿ ಅವರು ರಸ್ತೆ ಮೇಲೆ ಬಿದ್ದು ಪೆಟ್ಟು ಮಾಡಿಕೊಂಡರು. ಡಾಂಬರ್ ರಸ್ತೆ ಮೇಲೆ ಬಿದ್ದ ಪರಿಣಾಮ ಆದಿತ್ಯ ಪೂಜಾರಿ ಅವರ ತಲೆಗೆ ನೋವಾಯಿತು. ಮುಖ, ಕೈ, ಕಾಲುಗಳಿಂದಲೂ ರಕ್ತ ಸುರಿಯಿತು. ಈ ಅಪಘಾತದ ಬಗ್ಗೆ ಜನಾರ್ಧನ ಗಂಗಾಧರ ಪೂಜಾರಿ ಅವರು ಮಾಹಿತಿ ನೀಡಿದರು. ಅತಿವೇಗ ಅಪಘಾತಕ್ಕೆ ಕಾರಣವಾದ ಕಾರಣ ಆದಿತ್ಯ ರಾಜು ಪೂಜಾರಿ ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. ಶಿರಸಿ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ವೇಗವಾಗಿ ಬೈಕ್ ಓಡಿಸಿ ಬಿದ್ದ ತಪ್ಪಿಗೆ ಆದಿತ್ಯ ಪೂಜಾರಿ ಅವರು ಕಾನೂನು ಸಂಕಷ್ಟವನ್ನು ಅನುಭವಿಸುತ್ತಿದ್ದಾರೆ.
- [ಮನೆ ಮೇಲೆ ಕಲ್ಲು ಎಸೆದ ಕಟ್ಟಡ ಕಾರ್ಮಿಕ!](https://mobiletime.in/2026/03/construction-worker-throws-stone-at-house/): ಮುಂಡಗೋಡದ ಇಂದೂರಿನ ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರ ಮನೆ ಮೇಲೆ ಅದೇ ಊರಿನ ದಾವಲಸಾಬ್ ಹಸನಸಾಬ ಕುನ್ನೂರ ಅವರು ಕಲ್ಲು ತೂರಾಟ ಮಾಡಿದ್ದಾರೆ. ಇದನ್ನು ಪ್ರಶ್ನಿಸಿದ ಕಾರಣ ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರನ್ನು ಬಗ್ಗಿಸಿ ಬೆನ್ನ ಮೇಲೆ ಹೊಡೆದಿದ್ದಾರೆ. ಇಂದೂರಿನ ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರು ಕೃಷಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಅವರ ಪಕ್ಕದ ಮನೆಯಲ್ಲಿ ದಾವಲಸಾಬ್ ಹಸನಸಾಬ ಕುನ್ನೂರ ಅವರು ವಾಸವಗಿದ್ದು, ಅವರು ಗೌಂಡಿಯಾಗಿ ದುಡಿಯುತ್ತಿದ್ದಾರೆ. ಮಾರ್ಚ 3ರ ರಾತ್ರಿ 10.30ಕ್ಕೆ ದಾವಲಸಾಬ್ ಹಸನಸಾಬ ಕುನ್ನೂರ ಅವರು ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರ ಮನೆ ಮೇಲೆ ಕಲ್ಲು ಎಸೆದಿದ್ದಾರೆ. ಮನೆಯಿಂದ ಹೊರ ಬಂದ ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರು ಇದನ್ನು ಪ್ರಶ್ನಿಸಿದ್ದು, `ನಿನ್ನ ಮನೆಯ ಗೋಡೆ ನನ್ನ ಜಾಗದಲ್ಲಿದೆ’ ಎಂದು ದಾವಲಸಾಬ್ ಹಸನಸಾಬ ಕುನ್ನೂರ ಅವರು ಉತ್ತರಿಸಿದ್ದಾರೆ. ಜೊತೆಗೆ ದಾವಲಸಾಬ್ ಹಸನಸಾಬ ಕುನ್ನೂರ ಅವರು ಕೆಟ್ಟದಾಗಿ ಬೈಗುಳ ಶುರು ಮಾಡಿದ್ದು, ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರನ್ನು ಅಲ್ಲಿಯೇ ಅಡ್ಡಗಟ್ಟಿ ನೆಲಕ್ಕೆ ದೂಡಿದ್ದಾರೆ. ಮೇಲೆಳಲು ಪ್ರಯತ್ನಿಸಿದ ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರನ್ನು ಬಗ್ಗಿಸಿ ಬೆನ್ನಿನ ಮೇಲೆ ಹೊಡೆದಿದ್ದಾರೆ. ಈ ಹೊಡೆದಾಟ ತಪ್ಪಿಸಲು ಬಂದ ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರ ತಮ್ಮ ಶೌಕೀತಲಿ ಹುಲಗೋರ ಹಾಗೂ ಪತ್ನಿ ನಸ್ರೀನಭಾನು, ತಮ್ಮನ ಪತ್ನಿ ಜೈನಭಿ ಅವರಿಗೂ ದಾವಲಸಾಬ್ ಹಸನಸಾಬ ಕುನ್ನೂರ ಅವರು ಥಳಿಸಿದ್ದಾರೆ. ಈ ಅನ್ಯಾಯದ ಬಗ್ಗೆ ಮಸ್ತಾಕ ಮಕ್ಬುಲಸಾಬ್ ಹುಲಗೂರ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [10 ಸಾವಿರ ಕೊಟ್ಟು ಕೆಟ್ಟ ಸ್ನೇಹಿತ!](https://mobiletime.in/2026/03/give-me-10-thousand-and-ill-be-a-bad-friend/): ಹಾನಗಲ್ಲಿನ ವಿನಾಯಕ ಜಾಡರ್ ಅವರು ಮುಂಡಗೋಡಿನ ಜನಾರ್ಧನ ಆಚಾರಿ ಅವರಿಗೆ 10 ಸಾವಿರ ರೂ ಸಾಲ ನೀಡಿದ್ದು, ಸಾಲ ಮರಳಿ ಕೇಳಿ ಪೆಟ್ಟು ತಿಂದಿದ್ದಾರೆ. ಹಣ ಕೇಳಿದ ಕಾರಣ ಜನಾರ್ಧನ ಆಚಾರಿ ಅವರು ಮೈಮೇಲೆ ಖಾರದಪುಡಿ ಎರಜಿ ಬಡಿಗೆಯಿಂದ ಬಡಿದಿದ್ದಾರೆ. ಹಾನಗಲ್ಲಿನ ಸಮ್ಮಸಗಿಯ ವಿನಾಯಕ ಗುಡ್ಡಪ್ಪ ಜಾಡರ್ ಅವರು ಮುಂಡಗೋಡದ ಮಳಗಿ ಧರ್ಮಾ ಕಾಲೋನಿಯಲ್ಲಿ ಆಚಾರಿ ಕೆಲಸ ಮಾಡುವ ಜನಾರ್ಧನ ವಾಸು ಆಚಾರಿ ಅವರಿಗೆ ಸಾಲ ಕೊಟ್ಟಿದ್ದರು. ಎರಡುವರೆ ತಿಂಗಳ ಹಿಂದೆ ಅವರು 10 ಸಾವಿರ ರೂ ಸಾಲ ನೀಡಿದ್ದು, ಮಾರ್ಚ 17ರಂದು ಅದನ್ನು ಮರಳಿಸುವಂತೆ ಕೇಳಿದರು. ಇದರಿಂದ ಸಿಟ್ಟಾದ ಜನಾರ್ಧನ ಆಚಾರಿ ಅವರು `ಹಣ ಕೊಡುವುದಿಲ್ಲ’ ಎಂದರು. ಮತ್ತೆ ಮತ್ತೆ ಕೇಳಿದಾಗ ಹೊಡೆದಾಟಕ್ಕೆ ಮುಂದಾದರು. ಮನೆ ಒಳಗೆ ಹೋದ ಜನಾರ್ಧನ ಆಚಾರಿ ಅವರು ಅಲ್ಲಿಂದ ಖಾರದಪುಡಿ ತಂದು ವಿನಾಯಕ ಜಾಡರ್ ಅವರ ಮೈಮೇಲೆ ಎರಚಿದರು. ಕೆಟ್ಟದಾಗಿ ಬೈಯುತ್ತ ಹೊಡೆಯಲು ಶುರು ಮಾಡಿದರು. ಅಲ್ಲಿದ್ದ ಕಟ್ಟಿಗೆಯ ದೊಣ್ಣೆಯಿಂದ ವಿನಾಯಕ ಜಾಡರ್ ಅವರಿಗೆ ಹಿಗ್ಗಾಮುಗ್ಗ ಥಳಿಸಿದರು. ಹಣ ಕೊಟ್ಟ ತಪ್ಪಿಗೆ ಏಟು ತಿಂದ ವಿನಾಯಕ ಜಾಡರ್ ಅವರು ಜನಾರ್ಧನ ಆಚಾರಿ ಅವರು ಮಾಡಿದ ಅನ್ಯಾಯದ ಬಗ್ಗೆ ಪೊಲೀಸ್ ದೂರು ನೀಡಿದರು. ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದಾರೆ.
- [ಸಿವಿಲ್ ಇಂಜಿನಿಯರ್ ಫೋನ್ ಸ್ವಿಚ್ ಆಫ್!](https://mobiletime.in/2026/03/the-civil-engineers-phone-is-switched-off/): ಶಿರಸಿಯ ಸಿವಿಲ್ ಇಂಜಿನಿಯರ್ ಅನಿಲ ನಾಯಕ ಅವರ ಫೋನ್ ಸ್ವಿಚ್ ಆಫ್ ಆಗಿದೆ. ಅನಿಲ ನಾಯಕ ಅವರು ಯಾರ ಸಂಪರ್ಕಕ್ಕೂ ಸಿಗದೇ ಕಣ್ಮರೆಯಾಗಿದ್ದಾರೆ. ಶಿರಸಿ ಬನವಾಸಿ ರಸ್ತೆಯ ನೇತ್ರಾವತಿ ಹೊಟೇಲ್ ಬಳಿ ಅನಿಲ ಆನಂದ ನಾಯಕ ಅವರು ವಾಸವಾಗಿದ್ದರು. ಸಿವಿಲ್ ಇಂಜಿನಿಯರ್ ಆಗಿದ್ದ ಅವರು ಮಾರ್ಚ 24ರ ಬೆಳಗ್ಗೆ 10.30ಕ್ಕೆ ಮನೆಯಿಂದ ಹೊರಟರು. ತಮ್ಮ ಬಳಿ ಕೆಲಸ ಮಾಡುವ ವೆಲ್ಡರ್ ಯಾಸಿನ್ ಅಬ್ದುಲ್ ಅಜಿಮಸಾಬ್ ಅವರ ಜೊತೆ ಸ್ಕೂಟಿ ಏರಿದ ಅವರು ಮಧ್ಯಾಹ್ನ ಮನೆಗೆ ಬರಲಿಲ್ಲ. ಹೀಗಾಗಿ, ಅನಿಲ ನಾಯಕ ಅವರ ಪತ್ನಿ ಅನುಶ್ರೀ ನಾಯಕ ಅವರು ತಮ್ಮ ಪತಿಗೆ ಫೋನ್ ಮಾಡಿದರು. 1.30ಕ್ಕೆ ಫೋನ್ ಮಾಡಿದಾಗ ಆ ಫೋನ್ ಸ್ವಿಚ್ ಆಫ್ ಆಗಿತ್ತು. ಕೂಡಲೇ ಅನುಶ್ರೀ ನಾಯಕ ಅವರು ವೆಲ್ಡರ್ ಯಾಸಿನ್ ಅಬ್ದುಲ್ ಅಜಿಮಸಾಬ್ ಅವರಿಗೆ ಫೋನ್ ಮಾಡಿದರು.`ತನ್ನ ಪತಿ ಎಲ್ಲಿ?’ ಎಂದು ಅವರು ಪ್ರಶ್ನಿಸಿದರು. `ಅವರು ಇಂದು ಕೆಲಸಕ್ಕೆ ಬರಲಿಲ್ಲ’ ಎಂದು ವೆಲ್ಡರ್ ಯಾಸಿನ್ ಅಬ್ದುಲ್ ಅಜಿಮಸಾಬ್ ಅವರು ಉತ್ತರಿಸಿದರು. `ಬೆಳಗ್ಗೆ ಒಟ್ಟಿಗೆ ಹೊರಟರಲ್ಲ?’ ಎಂದು ಕೇಳಿದಾಗ `ಕೇಂದ್ರೀಯ ಬಸ್ ನಿಲ್ದಾಣದ ಬಳಿ ಕೆಲಸವಿದೆ’ ಎಂದು ಅನಿಲ ನಾಯಕ ಅವರು ಬಸ್ ನಿಲ್ದಾಣದ ಬಳಿ ತೆರಳಿದ ವಿಷಯ ತಿಳಿಸಿದರು. ಅದಾದ ನಂತರ ಅನುಶ್ರೀ ನಾಯಕ ಅವರು ಮೂರು ಬಾರಿ ಅನಿಲ ನಾಯಕ ಅವರಿಗೆ ಫೋನ್ ಮಾಡಿದರು. ಆದರೆ, ಆ ಫೋನ್ ರಿಂಗಣಿಸಲಿಲ್ಲ. ಇದರಿoದ ಆತಂಕಕ್ಕೆ ಒಳಗಾದ ಅನುಶ್ರೀ ನಾಯಕ ಅವರು ಮೈದುನ ರಾಜೇಶ ನಾಯಕ ಅವರ ಜೊತೆಗೂಡಿ ಹುಡುಕಾಟ ನಡೆಸಿದರು. ಬಸ್ ನಿಲ್ದಾಣ, ಐದು ರಸ್ತೆ, ಬಿಡ್ಕಿ, ಸಿಪಿ ಬಜಾರ್ ಸೇರಿ ಎಲ್ಲಾ ಕಡೆ ಹುಡುಕಿದರೂ ಅನಿಲ ನಾಯಕ ಅವರು ಕಾಣಲಿಲ್ಲ. ಸಂಬoಧಿಕರ ಮನೆಗೆ ಫೋನ್ ಮಾಡಿದರೂ ಅಲ್ಲಿ ಅನಿಲ ನಾಯಕ ಅವರು ಆಗಮಿಸಿರಲಿಲ್ಲ. ಮನಸ್ಸಿಗೆ ಆದ ಬೇಸರದಿಂದ ಅನಿಲ ನಾಯಕ ಅವರು ಮನೆ ಬಿಟ್ಟು ಹೋಗಿರುವ ಬಗ್ಗೆ ಅನುಶ್ರೀ ನಾಯಕ ಅವರು ಅಂದಾಜಿಸಿದರು. `ಪತಿಯನ್ನು ಹುಡುಕಿಕೊಡಿ’ ಎಂದವರು ಪೊಲೀಸರ ಮೊರೆ ಹೋದರು. ಶಿರಸಿ ಶಹರ ಠಾಣೆ ಪೊಲೀಸರು ಇದೀಗ ಅನಿಲ ನಾಯಕ ಅವರ ಹುಡುಕಾಟ ನಡೆಸಿದ್ದಾರೆ.
- [ಸಣ್ಣ ಜಗಳಕ್ಕೆ ಪ್ರತಿಕಾರ: ದೊಡ್ಡ ಪ್ರಮಾಣದಲ್ಲಿ ಹೊಡೆದಾಟ!](https://mobiletime.in/2026/03/revenge-for-a-small-quarrel-a-big-fight/): ಹಳಿಯಾಳದಲ್ಲಿ 14 ಜನ ಗುಂಪು ಕಟ್ಟಿಕೊಂಡು ಬಂದು ವಿದ್ಯಾರ್ಥಿಯೊಬ್ಬರನ್ನು ಥಳಿಸಿದ್ದಾರೆ. ಈ ಹೊಡೆದಾಟ ತಪ್ಪಿಸಲು ಬಂದವರ ಮೇಲೆಯೂ ಗುಂಪಿನಲ್ಲಿದ್ದವರು ಹಲ್ಲೆ ಮಾಡಿದ್ದಾರೆ. ಹಳಿಯಾಳದ ಮದ್ನಳ್ಳಿಯ ಮಹೇಶ ಸಾರಂಗೇಕರ್ (20) ಅವರ ಮೇಲೆ ಈ ದಾಳಿ ನಡೆದಿದೆ. ಮದ್ನಳ್ಳಿಯ ಮಹೇಶ ಸಾರಂಗೇಕರ್ ಹಾಗೂ ಅದೇ ಊರಿನ ಮಲ್ಲೇಶ ಮಾಸ್ತಮರೆಡಿ, ಆಕಾಶ ಗಳಗಿ, ಸುನಿಲ ಪಕಿರಪ್ಪಾ ಹೊಂಡಪ್ಪನವರ್ ಹಾಗೂ ಕಾರ್ತಿಕ ಪಕೀರಪ್ಪಾ ಹೊಂಡೆಪ್ಪನವರ್ ನಡುವೆ ಮಾರ್ಚ 22ರಂದು ಜಗಳ ನಡೆದಿತ್ತು. ಆ ಜಗಳವೇ ಮರುದಿನದ ಹೊಡೆದಾಟಕ್ಕೆ ಕಾರಣವಾಗಿದೆ. ಮಾರ್ಚ 23ರ ರಾತ್ರಿ ಮಹೇಶ ಸಾರಂಗೇಕರ್ ಅವರು ತಮ್ಮ ಗೆಳೆಯರಾದ ಜಗನ್ನಾಥ ವೀರಭದ್ರಪ್ಪ ನಾಡಗೌಡರ್, ವಿನಾಯಕ ಬಸವರಾಜ ಬಸ್ತವಾಡ ಹಾಗೂ ಪ್ರಶಾಂತ ದೇವೇಂದ್ರ ಕಲಗರ ಅವರ ಜೊತೆ ಗಜಲಕ್ಷಿ ದೇವಾಲಯದ ಎದುರು ಇದ್ದಾಗ ಮಲ್ಲೇಶ ಮಾಸ್ತಮರೆಡಿ ಅವರು ದೊಡ್ಡ ಗುಂಪು ಕರೆದುಕೊಂಡು ಬಂದು ಹೊಡೆದಾಟ ಮಾಡಿದ್ದಾರೆ. ಆಕಾಶ ಗಳಗಿ, ಸುನಿಲ ಪಕಿರಪ್ಪಾ ಹೊಂಡಪ್ಪನವರ್ ಅವರ ಜೊತೆ ಅನಿಲ ಮಾದವ ಬೋನರಡ್ಡಿ ಅವರು ಈ ಹೊಡೆದಾಟದಲ್ಲಿ ಭಾಗಿಯಾಗಿದ್ದಾರೆ. ಅದರ ಜೊತೆ ಮದ್ನಳ್ಳಿಯ ಕರವೀರ ಉದ್ದಣ್ಣನವರ, ಕುಮಾರ ರವಿ ಅರ್ಲವಾಡ, ವಿಠ್ಠಲ ಮಹೇಶ ಇಟಗಿ, ಪುನಿತ ಬಸವರಾಜ ಕೊಪ್ಪದ, ಪ್ರಜ್ವಲ ಶಂಕರ ಹೀರೆಮಠ, ಸೋಮನಾಥ ರಾಜು ಹೊಂಡಪ್ಪನವರ್, ಮಲ್ಲೇಶಿ ಬಸವರಾಜ ಮುತ್ತಲಮರಿ, ಗುರುನಾಥ ಮಾಸ್ತಮರಡಿ ಹಾಗೂ ಪಿಂಡು ಸುಭಾಷ ಚಲವಾದಿ ಸೇರಿ ಮಹೇಶ ಸಾರಂಗೇಕರ್ ಅವರನ್ನು ಥಳಿಸಿದ್ದಾರೆ. ಪೈಪಿನಿಂದ ಹೊಡೆದು ಗಾತ ಮಾಡಿದ್ದಾರೆ. ಈ ಹೊಡೆದಾಟ ತಪ್ಪಿಸಲು ಬಂದ ಮಹೇಶ ಅವರ ಅಣ್ಣ ಮೋಹನ ಸುರೇಶ ಸಾಗರೇಕರ್ ಹಾಗೂ ಸ್ನೇಹಿತ ಅಜಯ ಕುಂಬಾರ್ ಸಹ ಪೆಟ್ಟು ತಿಂದಿದ್ದಾರೆ. ಕೊನೆಗೆ ಊರಿನ ಜನ ಆಗಮಿಸಿ ಹೊಡೆದಾಟ ತಪ್ಪಿಸಿದ್ದು, ಜನ ಜಮಾಯಿಸುವುದನ್ನು ನೋಡಿದ ಆ 14 ಜನ ಅಲ್ಲಿಂದ ಓಡಿ ಪರಾರಿಯಾಗಿದ್ದಾರೆ. ಈ ಎಲ್ಲಾ ವಿದ್ಯಮಾನಗಳ ಬಗ್ಗೆ ಮಹೇಶ ಸಾರಂಗೇಕರ್ ಅವರು ಹಳಿಯಾಳ ಪೊಲೀಸರಿಗೆ ದೂರಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದಾರೆ.  
- [ಬೆಳೆ ವಿಮೆ | ಸಂಸದರಿಗೆ ಅಭಿನಂದನೆ: ಶಾಸಕರ ವರ್ತನೆಗೆ ಖಂಡನೆ!](https://mobiletime.in/2026/03/crop-insurance-congratulations-to-mps-condemnation-of-mlas-behavior/): ಉತ್ತರ ಕನ್ನಡ ಜಿಲ್ಲೆಯ ರೈತರ ಬ್ಯಾಂಕ್ ಖಾತೆಗೆ ಸರಿಸುಮಾರು 70 ಕೋಟಿ ರೂ ಬೆಳೆ ವಿಮೆ ಪರಿಹಾರ ದೊರೆತಿದೆ. ಈ ಹಿನ್ನಲೆ ಯಲ್ಲಾಪುರದ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರನ್ನು ಅಭಿನಂದಿಸಿದ್ದಾರೆ. ಜೊತೆಗೆ ಮಳೆ ಮಾಪನ ಯಂತ್ರ ಸರಿಪಡಿಸಲು ಮುತುವರ್ಜಿವಹಿಸದ ಶಾಸಕ ಶಿವರಾಮ ಹೆಬ್ಬಾರ್ ವರ ವರ್ತನೆಯನ್ನು ಖಂಡಿಸಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ವಿಶೇಷ ಪ್ರಯತ್ನದಿಂದ ಬೆಳೆ ವಿಮೆ ಪರಿಹಾರ ಮೊತ್ತ ರೈತರಿಗೆ ಸಿಕ್ಕಿದೆ. ಕೇಂದ್ರ ಸರ್ಕಾರದ ಮಟ್ಟದಲ್ಲಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ವಿಮೆ ಪರಿಹಾರ ದೊರೆಯುವಂತೆ ಮಾಡಿ ರೈತರಿಗೆ ಅನುಕೂಲ ಮಾಡಿಕೊಟ್ಟಿದ್ದಾರೆ. ನಿರೀಕ್ಷೆ ಪ್ರಕಾರ ಇನ್ನಷ್ಟು ಪರಿಹಾರ ಬರಬೇಕಿದ್ದು, ಮಳೆ ಮಾಪನ ಯಂತ್ರಗಳು ಸರಿಯಾಗಿರದ ಕಾರಣ ಅವು ಬಂದಿಲ್ಲ. ರಾಜ್ಯ ಸರ್ಕಾರ ಮಳೆ ಮಾಪನ ಕೇಂದ್ರಗಳನ್ನು ದುರಸ್ಥಿ ಮಾಡಿಲ್ಲ. ಕೆಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾಗಿರುವ ಯಲ್ಲಾಪುರ ಕ್ಷೇತ್ರ ಶಾಸಕ ಶಿವರಾಮ ಹೆಬ್ಬಾರ್ ಅವರು ಮಳೆ ಮಾಪನ ಕೇಂದ್ರ ದುರಸ್ಥಿಗಾಗಿ ರಾಜ್ಯ ಸರ್ಕಾರದ ಮೇಲೆ ಒತ್ತಡ ಹಾಕಿಲ್ಲ’ ಎಂದವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಪ್ರಸಾದ ಹೆಗಡೆ ಅವರ ಮಾತಿಗೆ ಬಿಜೆಪಿ ಪ್ರಮುಖ ಉಮೇಶ ಭಾಗ್ವತ ಅವರು ತಲೆಯಾಡಿಸಿದ್ದು, ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. `ಬೆಳೆ ಸಾಲ ಹಾಗೂ ಮಾಧ್ಯಮಿಕ ಸಾಲ ಮರು ಪಾವತಿ ಅವಧಿಯಲ್ಲಿ ಬೆಳೆ ವಿಮೆ ಜಮಾ ಆಗಿದ್ದರಿಂದ ರೈತರಿಗೆ ಅನುಕೂಲವಾಗಿದೆ. ಈ ಹಣವನ್ನು ರೈತರು ಸದುಪಯೋಗಪಡಿಸಿಕೊಂಡು ಸೊಸೈಟಿ ಸಾಲ ತೀರಿಸಲು ಬಳಸುತ್ತಿದ್ದಾರೆ. ಅದರಿಂದ ಸೊಸೈಟಿಗೂ ಸಾಕಷ್ಟು ಅನುಕೂಲ ಆಗಲಿದೆ’ ಎಂದು ಬಿಜೆಪಿ ಪ್ರಮುಖರಾದ ನಾಗರಾಜ ಕವಡಿಕೆರೆ ಅವರು ಹೇಳಿದ್ದಾರೆ. ಪ್ರಮುಖರಾದ ಮಹೇಶ ದೇಸಾಯಿ ಹಾಗೂ ರವಿ ದೇವಾಡಿಗ ಅವರು ಈ ವೇಳೆ ಹಾಜರಿದ್ದು, ಬೆಳೆ ವಿಮೆ ಪರಿಹಾರ ಸಿಕ್ಕಿದಕ್ಕೆ ಸಂತಸವ್ಯಕ್ತಪಡಿಸಿದ್ದಾರೆ.
- [ಹಲಸಿನ ಮೇಳ | ಭಟ್ಕಳಕ್ಕೆ ಬಂದವರಿಗೆ ಸಿಗಲಿದೆ ಬಗೆ ಬಗೆಯ ಖಾದ್ಯ!](https://mobiletime.in/2026/03/jackfruit-fair-those-who-come-to-bhatkal-will-get-a-variety-of-delicacies/): ಭಟ್ಕಳದ ಅರ್ಬನ್ ಬ್ಯಾಂಕ್ ಹತ್ತಿರ ಹಲಸಿನ ಮೇಳ ಶುರುವಾಗಿದೆ. ಇಲ್ಲಿನ ಸಯ್ಯದ್ ಕಾಜ್ಮಿ ಟವರ್‌ನಲ್ಲಿ ಮೇಳವನ್ನು ಆಯೋಜಿಸಲಾಗಿದೆ. ಹಲಸಿನ ಜೊತೆ ಮಾವಿನ ಹಣ್ಣುಗಳು ಇಲ್ಲಿ ಸಿಗುತ್ತವೆ. ಜೊತೆಗೆ ಹಣ್ಣಿನಿಂದ ಸಿದ್ಧಪಡಿಸಿದ ಹಲ್ವಾ ಮಾರಾಟವೂ ನಡೆದಿದೆ. `ಹಲಸು ಹಾಗೂ ಮಾವಿನ ಹಣ್ಣು ಸಿಗುವವರೆಗೂ ಇಲ್ಲಿ ನಿತ್ಯ ಹಲಸು ಮೇಳ ಆಯೋಜಿಸಲು ನಿರ್ಧರಿಸಲಾಗಿದೆ. ನಿಗದಿಪಡಿಸಲಾದ ದರ ಕೊಟ್ಟು ಗ್ರಾಹಕರು ಅಗತ್ಯ ಹಣ್ಣು ಖರೀದಿಸಬಹುದಾಗಿದ್ದು, ಖಾದ್ಯಗಳ ಸವಿಗೂ ಅವಕಾಶವಿದೆ. ಈ ನಿತ್ಯ ಹಲಸು ಮೇಳಕ್ಕೆ ಹಿರಿಯ ಪತ್ರಕರ್ತ ರಾಧಾಕೃಷ್ಣ ಭಟ್ಟ ಅವರು ಚಾಲನೆ ನೀಡಿದ್ದಾರೆ. ಹಲಸಿನ ಗಿಡಕ್ಕೆ ನೀರೆರೆದ ಅವರು `ಗಿಡ ಹೆಮ್ಮರವಾಗಿ ಬೆಳೆಯಲಿ’ ಎಂದು ಹಾರೈಸಿದ್ದಾರೆ. ಭಟ್ಕಳದ ಜನರಿಗಾಗಿ ಬೇರೆ ಬೇರೆ ಹಣ್ಣುಗಳನ್ನು ತರಿಸಿದ ಪಾಂಡುರoಗ ನಾಯ್ಕ ಬೆಳಕೆ ಅವರ ಕಾರ್ಯವನ್ನು ಶ್ಲಾಘಿಸಿದ್ದಾರೆ. ಸಮಾಜ ಸೇವಕ ನಜೀರ್ ಕಾಶಿಮಜಿ, ಪ್ರಮುಖರಾದ ಪಾಂಡುರoಗ ನಾಯ್ಕ, ಅಬ್ದುಲ್ ವಾಸಿಫ್, ರಿಜ್ವಾನ್, ಭಟ್ಕಳ ಎಜ್ಯುಕೇಶನ್ ಟ್ರಸ್ಟ್ ಅಧ್ಯಕ್ಷ ಸುರೇಶ ನಾಯಕ, ಹಿರಿಯ ವೈದ್ಯೆ ಡಾ ಸವಿತಾ ಕಾಮತ್, ಸನಾ ಆಪ್ಟಿಶಿಯನ್ಸ್ನ ಅಬ್ದುಲ್ ಜಬ್ಬಾರ್ ಇತರರು ಹಲಸು ಮೇಳಕ್ಕೆ ಆಗಮಿಸಿದ್ದಾರೆ.
- [ಸೊಸೈಟಿ ಅವ್ಯವಹಾರ: ಬಡವರ ಚಿನ್ನ ಕದ್ದ ದುಷ್ಟ ಹೆಗ್ಗಣ!](https://mobiletime.in/2026/03/societys-corruption-an-evil-gang-that-stole-the-gold-of-the-poor/): ದಿ ದೈವಜ್ಞ ಕೋ ಆಪ್ ಕ್ರೆಡಿಟ್ ಸೊಸೈಟಿಯ ಸಿಬ್ಬಂದಿಯೊಬ್ಬರು ತಮ್ಮದೇ ಸೊಸೈಟಿಯ ಸೇಫ್ ಲಾಕರಿನಲ್ಲಿರಿಸಿದ್ದ ಚಿನ್ನ ಕದ್ದಿದ್ದಾರೆ. ಜೊತೆಗೆ ಸೊಸೈಟಿಯ ಹಣವನ್ನು ಅವರು ಲಪಟಾಯಿಸಿದ್ದಾರೆ. ಅಂಕೋಲಾದ ದಿ ದೈವಜ್ಞ ಕೋ ಆಪ್ ಕ್ರೆಡಿಟ್ ಸೊಸೈಟಿಯಲ್ಲಿ ಈ ಅಪರಾತಪರ ನಡೆದಿದೆ. ಸೊಸೈಟಿ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದ ಅವಿನಾಶ ಅಶೋಕ ಶೇಟ್ ಅವರೇ ಅಕ್ರಮ ನಡೆಸಿದವರಾಗಿದ್ದು, ತುರ್ತು ಸನ್ನಿವೇಶದಲ್ಲಿ ಚಿನ್ನ ಅಡವಿಟ್ಟು ಸಾಲಪಡೆದ ಗ್ರಾಹಕರಿಗೆ ಅವರು ಅನ್ಯಾಯ ಮಾಡಿದ್ದಾರೆ. 2025ರ ಅಕ್ಟೊಬರ್ 19ರಿಂದ 2026ರ ಫೆಬ್ರವರಿ 2ರವರೆಗೆ ಅಧಿಕಾರದಲ್ಲಿದ್ದ ಅವಿನಾಶ ಶೇಟ್ ಅವರು ಸೊಸೈಟಿಯಲ್ಲಿ ಈವರೆಗೆ 10.30 ಲಕ್ಷ ರೂ ಅಕ್ರಮ ನಡೆಸಿದ್ದು ಗೊತ್ತಾಗಿದೆ. ದಿ ದೈವಜ್ಞ ಕೋ ಆಪ್ ಕ್ರೆಡಿಟ್ ಸೊಸೈಟಿಯಲ್ಲಿ ಸಾಲ ಮಾಡಿದ್ದ ಸುಶೀಲಾ ರಾಮಾ ಪಡ್ತಿ, ರವಿಕುಮಾರ ಪಾಂಡುರAಗ ನಾಯ್ಕ, ರಕ್ಷಿತಾ ರವಿಕುಮಾರ ನಾಯ್ಕ ಹಾಗೂ ಗಿರೀಶ ಕೇಶವ ಗಾಂವ್ಕರ್ ಅವರ ಸಹಿ ಪೋರ್ಜರಿಯಾಗಿದೆ. ಈ ನಾಲ್ವರು ಸೊಸೈಟಿಯಲ್ಲಿರಿಸಿದ್ದ ಚಿನ್ನವೂ ಕಾಣೆಯಾಗಿದೆ. ಅವಿನಾಶ ಶೇಟ್ ಅವರು ಈ ನಾಲ್ವರ ಸಹಿ ಪೊರ್ಜರಿ ಮಾಡಿ 208.800 ಗ್ರಾಂ ಚಿನ್ನವನ್ನು ಎಗರಿಸಿದ್ದಾರೆ. ಜೊತೆಗೆ ಅದೇ ಸೊಸೈಟಿಯ ಗ್ರಾಹಕರಾದ ಕಾಶಿನಾಥ ನಾರಾಯಣ ರಾಯ್ಕರ್ ಹಾಗೂ ವೀಣಾ ಕಾಶಿನಾಥ ರಾಯ್ಕರ್ ಅವರ ಖಾತೆಯಲ್ಲಿದ್ದ ಹಣವನ್ನು ಕದ್ದಿದ್ದಾರೆ. ಅಪರಾತಪರ ಮಾಡಿದ ಹಣವನ್ನು ಇನ್ನಿತರ ಖಾತೆಗಳಿಗೂ ವರ್ಗಾಯಿಸಿದ್ದು, ಕೈಯಲ್ಲಿ ಉಳಿದ ಇನ್ನಷ್ಟು ಹಣವನ್ನು ನಿಯಮಾನುಸಾರ ಶಿರಸಿ ಅರ್ಬನ್ ಬ್ಯಾಂಕ್ ಹಾಗೂ ಕೆಡಿಸಿಸಿ ಬ್ಯಾಂಕ್ ಖಾತೆಗೆ ಜಮಾ ಮಾಡದೇ ಸೊಸೈಟಿಗೂ ಮೋಸ ಮಾಡಿದ್ದಾರೆ. ಕಾರವಾರ ಮಾರುತಿಗಲ್ಲಿಯಲ್ಲಿ ವಾಸವಾಗಿರುವ ಶ್ಯಾಮ ಬಾಂದೇಕರ್ ಅವರು ಈಚೆಗೆ ಪ್ರಭಾರಿಯಾಗಿ ದಿ ದೈವಜ್ಞ ಕೋ ಆಪ್ ಕ್ರೆಡಿಟ್ ಸೊಸೈಟಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಅಧಿಕಾರವಹಿಸಿಕೊಂಡಿದ್ದು, ಅವರು ಈ ಎಲ್ಲಾ ಅಕ್ರಮಗಳನ್ನು ಪತ್ತೆ ಮಾಡಿದ್ದಾರೆ. ಸುಳ್ಳು ದಾಖಲೆ ಸೃಷ್ಠಿಸಿ ಗ್ರಾಹಕರ ಜೊತೆ ಸೊಸೈಟಿಗೂ ಮೋಸ ಮಾಡಿದ ಅವಿನಾಶ ಶೇಟ್ ವಿರುದ್ಧ ದೂರು ನೀಡಿದ್ದಾರೆ. ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ಕಾಂಗ್ರೆಸ್ ಕಾರ್ಯಕರ್ತನ ಕೊಲೆಗೆ ಯತ್ನ!](https://mobiletime.in/2026/03/attempted-murder-of-congress-worker/): ಕೆಪಿಸಿಸಿ ಮಾಜಿ ಕಾರ್ಯದರ್ಶಿ ಗೋಪಾಲಕೃಷ್ಣ ನಾಯಕ ಅವರ ಮೇಲೆ ದುಷ್ಕರ್ಮಿಗಳು ದಾಳಿ ನಡೆಸಿದ್ದಾರೆ. ಗೋಪಾಲಕೃಷ್ಣ ನಾಯಕ ಅವರ ತಲೆ ಹಾಗೂ ಕುತ್ತಿಗೆಗೆ ಚಾಕುವಿನಿಂದ ಚುಚ್ಚಿ ಗೋವಾ ದಿಕ್ಕಿನ ಕಡೆ ಓಡಿದ್ದಾರೆ. ಅಂಕೋಲಾದ ಗೋಪಾಲಕೃಷ್ಣ ನಾಯಕ ಅವರು ಸಾಮಾನ್ಯ ಕಾಂಗ್ರೆಸ್ ಕಾರ್ಯಕರ್ತರಾಗಿ ಕೆಲಸ ಶುರು ಮಾಡಿದ್ದು, ತಮ್ಮ ನಾಯಕತ್ವ ಗುಣದಿಂದಾಗಿ ಅವರು ಕಾಂಗ್ರೆಸ್ ಪಕ್ಷದ ಅನೇಕ ಹುದ್ದೆಗಳನ್ನು ಅನುಭವಿಸಿದ್ದಾರೆ. ಕೆಪಿಸಿಸಿ ಸದಸ್ಯರಾಗಿಯೂ ಅವರು ಪಕ್ಷ ಸಂಘಟನೆಗಾಗಿ ಶ್ರಮಿಸಿದ್ದಾರೆ. ತಮ್ಮ ರಾಜಕೀಯ ವರ್ಚಸ್ಸು ಹಾಗೂ ಪ್ರಭಾವದಿಂದ ಅವರು ಗೃಹ ಸಚಿವ ಜಿ ಪರಮೇಶ್ವರ ಅವರಿಗೆ ಆಪ್ತರಾಗಿದ್ದಾರೆ. ವರ್ಷದ ಹಿಂದೆ ಅಂಕೋಲಾಗೆ ಭೇಟಿ ನೀಡಿದ್ದ ಸಚಿವ ಜಿ ಪರಮೇಶ್ವರ ಅವರು ಮನೆಗೆ ಭೇಟಿ ನೀಡಿ ಆತಿಥ್ಯ ಸ್ವೀಕರಿಸುವಷ್ಟರ ಮಟ್ಟಿಗೆರವರೆಗೂ ಗೋಪಾಲಕೃಷ್ಣ ನಾಯಕ ಅವರು ರಾಜಕೀಯವಾಗಿ ಬೆಳೆದಿದ್ದಾರೆ. ಭವಿಷ್ಯದಲ್ಲಿ ಶಾಸಕರಾಗುವ ಕನಸು ಕಂಡಿರುವ ಗೋಪಾಲಕೃಷ್ಣ ನಾಯಕ ಅವರು ಕಾರವಾರ-ಅಂಕೋಲಾ ವಿಧಾನಸಭಾ ಚುನಾವಣೆಯ ಆಕಾಂಕ್ಷಿಯೂ ಆಗಿದ್ದಾರೆ. ಹೀಗಿರುವಾಗ ಗೋಪಾಲಕೃಷ್ಣ ನಾಯಕ ಅವರ ಏಳಿಗೆ ಸಹಿಸದವರು ಅವರನ್ನು ಕೊಲೆ ಮಾಡುವುದಕ್ಕಾಗಿ ಸುಪಾರಿ ನೀಡಿದ್ದಾರೆ. ಬಿಹಾರದಿಂದ ಆಗಮಿಸಿದ ಹಂತಕರು ಮೂರು ದಿನಗಳ ಕಾಲ ಗೋಪಾಲಕೃಷ್ಣ ನಾಯಕ ಅವರ ಚಲನ-ವಲನ ಗಮನಿಸಿದ್ದು, ಬುಧವಾರ ಬೆಳಗ್ಗೆ ಅವರ ಮೇಲೆ ಏಕಾಏಕಿ ದಾಳಿ ಮಾಡಿದ್ದಾರೆ. ಅಂಕೋಲಾ ಪಟ್ಟಣದ ಕಣಕಣೇಶ್ವರ ದೇವಾಲಯದ ಬಳಿ ಗೋಪಾಲಕೃಷ್ಣ ನಾಯಕ ಅವರು ಕಾರಿನಿಂದ ಇಳಿಯುವ ವೇಳೆ ಆರು ಜನ ಅವರ ಮೇಲೆ ಮುಗಿಬಿದ್ದಿದ್ದಾರೆ. ಹಠಾತ್ ದಾಳಿಯಿಂದ ತತ್ತರಿಸಿದ ಗೋಪಾಲಕೃಷ್ಣ ನಾಯಕ ಅವರು ಸಮೀಪದ ಬ್ಯಾಂಕ್ ಒಂದಕ್ಕೆ ತೆರಳಿ ಬಾಗಿಲು ಭದ್ರಪಡಿಸಿಕೊಂಡಿದ್ದಾರೆ. ಅದಾಗಿಯೂ ದುಷ್ಕರ್ಮಿಗಳು ಗೋಪಾಲಕೃಷ್ಣ ನಾಯಕ ಅವರ ತಲೆ, ಕುತ್ತಿಗೆ ಹಾಗೂ ಹೊಟ್ಟೆಗೆ ಚಾಕು ಚುಚ್ಚಿದ್ದಾರೆ. ಗೋಪಾಲಕೃಷ್ಣ ನಾಯಕ ಅವರ ಜೊತೆಗಿದ್ದ ಮತ್ತೊಬ್ಬರಿಗೂ ಚಾಕು ತಗುಲಿದ್ದು ಗಾಯಗೊಂಡ ಇಬ್ಬರನ್ನು ಸದ್ಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಥಳಕ್ಕೆ ಪೊಲೀಸರು ಆಗಮಿಸಿದ್ದು, ಹಂತಕರ ಶೋಧ ನಡೆಸಿದ್ದಾರೆ. ಗೋವಾ ನೋಂದಣಿಯ ವಾಹನದಲ್ಲಿ ಹಂತಕರು ಆಗಮಿಸಿದ ಮಾಹಿತಿ ಹಿನ್ನಲೆ ಮಾಜಾಳಿಯಲ್ಲಿ ತಪಾಸಣೆ ಚುರುಕಾಗಿದ್ದು, ಸದ್ಯದ ಮಾಹಿತಿ ಪ್ರಕಾರ ಶಂಕಿತರನ್ನು ವಿಚಾರಣೆಗೊಳಪಡಿಸಲಾಗಿದೆ. ಗೋಪಾಲಕೃಷ್ಣ ನಾಯಕ ಅವರ ಫೋಟೋಹಿಡಿದು ಆಗಮಿಸಿದ ದುಷ್ಕರ್ಮಿಗಳು ಆ ಫೋಟೋ ಆಧಾರದಲ್ಲಿಯೇ ಅವರನ್ನು ಗುರುತಿಸಿ ದಾಳಿ ನಡೆಸಿದ ಮಾಹಿತಿ ಲಭ್ಯವಾಗಿದೆ. ಬೆಳಗ್ಗೆ 9.30ರ ವೇಳೆಗೆ ಕೊಲೆ ಪ್ರಯತ್ನ ನಡೆದಿದ್ದು, ಮಧ್ಯಾಹ್ನದ ಒಳಗೆ ಪೊಲೀಸರು ಶಂಕತರನ್ನು ಹಿಡಿದಿದ್ದಾರೆ. ನಾಲ್ವರು ಸಿಕ್ಕಿಬಿದ್ದಿದ್ದು, ಇನ್ನಿಬ್ಬರ ಶೋಧ ಮುಂದುವರೆದಿದೆ. ಪೊಲೀಸರು ಶಂಕಿತರ ವಿಚಾರಣೆ ಮುಂದುವರೆಸಿದ್ದು, ಕೊಲೆಗೆ ಸುಪಾರಿ ಕೊಟ್ಟವರು ಯಾರು? ಯಾವ ದ್ವೇಷಕ್ಕಾಗಿ ಕೊಲೆ ಪ್ರಯತ್ನ ನಡೆಯಿತು? ಎನ್ನುವ ಮಾಹಿತಿ ಬಹಿರಂಗವಾಗಬೇಕಿದೆ.
- [ಫಾರೀನ್ ಪೋರಿಯ ಹೈಟೆಕ್ ಭಿಕ್ಷಾಟನೆ!](https://mobiletime.in/2026/03/high-tech-begging-from-foreign-workers/): ಜಪಾನ್’ನ ಝಕೋ ಅವರು ಭಿಕ್ಷೆ ಬೇಡುವುದಕ್ಕಾಗಿಯೇ ಭಾರತಕ್ಕೆ ಬಂದಿದ್ದಾರೆ. ಗೋಕರ್ಣದ ಬೀದಿ ಬೀದಿಯಲ್ಲಿ ಕೊಳಲು ಊದಿ ಭಿಕ್ಷೆ ಬೇಡುವ ಅವರಿಗೆ ಜನ ಚಿಲ್ಲರೆ ಕಾಸು ಹಾಕುತ್ತಿದ್ದಾರೆ! ಕರ್ನಾಟಕದಲ್ಲಿ ಭಿಕ್ಷಾಟನೆ ನಿಷೇಧ ಕಾಯ್ದೆ ಜಾರಿಯಲ್ಲಿದೆ. ಇಲ್ಲಿ ಭಿಕ್ಷೆ ಬೇಡುವುದು ಅಪರಾಧವಾಗಿದ್ದು, ಅದರ ಬಗ್ಗೆ ಅರಿವಿದ್ದರೂ ಈ ನೆಲದ ಕಾನೂನು ಗಾಳಿಗೆ ತೂರಿ ಝಕೋ ಅವರು ಭಿಕ್ಷೆ ಬೇಡುತ್ತಿದ್ದಾರೆ. ಪ್ರವಾಸಿ ವೀಸಾ ಆಧಾರದಲ್ಲಿ ಝಕೋ ಅವರು ಭಾರತಕ್ಕೆ ಬಂದಿದ್ದಾರೆ. ಈ ಮಹಿಳೆ ಸದ್ಯ ಗೋಕರ್ಣದ ಮಹಾಗಣಪತಿ ಮಂದಿರದ ಮಂಭಾಗ ಕಾಣಿಸಿಕೊಳ್ಳುತ್ತಿದ್ದಾರೆ. ಇಲ್ಲಿನ ಇಂದ್ರೇಶ್ವರ ದೇವಾಲಯದ ಬಳಿ ಕುಳಿತ ಝಕೋ ಅವರು ತಾಟಿನಲ್ಲಿ ಕೃಷ್ಣನ ಮೂರ್ತಿಯಿರಿಸಿಕೊಂಡು ಕೊಳಲು ಊದುತ್ತಾರೆ. ಆಗಾಗ ವಿವಿಧ ಹಾಡುಗಳನ್ನು ಹೇಳಿ ಜನರ ಮುಂದೆ ಕೈ ಒಡ್ಡುತ್ತಾರೆ. ಬಸ್ ನಿಲ್ದಾಣ, ರಥಬೀದಿ ಸೇರಿ ವಿವಿಧ ಭಾಗಗಳಿಗೂ ಸಂಚರಿಸಿ ಝಕೋ ಅವರು ಭಿಕ್ಷಾಟನೆ ಮಾಡುತ್ತಿದ್ದಾರೆ.
- [ಕರೆದರೂ ಬಾರದ ಅಧಿಕಾರಿಗಳು: ದಲಿತ ಮುಖಂಡರು ಕೆಂಡಾಮoಡಲ!](https://mobiletime.in/2026/03/officials-who-dont-come-even-when-called-dalit-leaders-should-not-be-alarmed/): ಅoಬೇಡ್ಕರ್ ಜಯಂತಿ ಅಂಗವಾಗಿ ಸಿದ್ದಾಪುರದಲ್ಲಿ ನಡೆದ ಸಭೆಯಲ್ಲಿ ಅಧಿಕಾರಿಗಳೇ ಗೈರಾಗಿದ್ದಾರೆ. ಹೀಗಾಗಿ ದಲಿತ ಸಂಘಟನೆ ಪ್ರಮುಖರು ಸಭೆ ಬಹಿಷ್ಕರಿಸಿ ಆಕ್ರೋಶವ್ಯಕ್ತಪಡಿಸಿದ್ದಾರೆ. ತಹಶೀಲ್ದಾರ್ ಕಚೇರಿ ಸಭಾಂಗಣದಲ್ಲಿ ಮಂಗಳವಾರ ಬಿ ಆರ್ ಅಂಬೇಡ್ಕರ್ ಜಯಂತಿ ಆಚರಣೆಯ ಪೂರ್ವಭಾವಿ ಸಭೆ ಕರೆಯಲಾಗಿತ್ತು. ತಹಶೀಲ್ದಾರ್ ಅಧ್ಯಕ್ಷತೆಯ ಈ ಸಭೆಗೆ ಅನೇಕ ಅಧಿಕಾರಿಗಳು ಗೈರಾಗಿದ್ದರು. ಇದನ್ನು ಖಂಡಿಸಿ ದಲಿತ ಮುಖಂಡರು ಒಕ್ಕೊರಲಿನಿಂದ ಸಭೆ ಬಹಿಷ್ಕರಿಸಿದರು. ಅಂಬೇಡ್ಕರ್ ಶಕ್ತಿ ಸಂಘದ ಅಧ್ಯಕ್ಷ ನಂದನ್ ಬೋರ್ಕರ್ ಅವರು ಮಾತನಾಡಿ `ಈ ಹಿಂದೆ ನಡೆದ ದಲಿತರ ಕುಂದುಕೊರತೆ ಸಭೆಗಳಲ್ಲೂ ಇದೇ ರೀತಿ ಅಧಿಕಾರಿಗಳು ಗೈರುಹಾಜರಾಗಿದ್ದರು. ಕೇವಲ ಕೆಳಹಂತದ ಸಿಬ್ಬಂದಿ ಮಾತ್ರ ಸಭೆಗೆ ಬರುತ್ತಿದ್ದು, ಅಧಿಕಾರಿಗಳು ಬೇಜವಬ್ದಾರಿಯಿಂದ ವರ್ತಸುತ್ತಿದ್ದಾರೆ’ ಎಂದು ದೂರಿದರು. `ಸಭೆಗೆ ಅಧಿಕಾರಿಗಳು ಹಾಜರಾಗುವವರೆಗೆ ನಾವು ಯಾವುದೇ ಪೂರ್ವಭಾವಿ ಸಭೆಗಳಲ್ಲಿ ಭಾಗವಹಿಸುವುದಿಲ್ಲ’ ಎಂಬ ಹೇಳಿಕೆ ನೀಡಿದರು. ಡಿಎಸ್‌ಎಸ್ ಮುಖಂಡ ಎಚ್ ಕೆ ಶಿವಾನಂದ ಅವರು ಮಾತನಾಡಿ `ಪ್ರತಿ ವರ್ಷವೂ ಇಂತಹ ಘಟನೆಗಳು ಮರುಕಳಿಸುತ್ತಿದ್ದು, ಜಯಂತಿಯನ್ನು ಕೇವಲ ಹೆಸರಿಗಷ್ಟೇ ಮಾಡುವ ಸಂಪ್ರದಾಯ ನಿಲ್ಲಬೇಕು. ಜಿಲ್ಲಾಧಿಕಾರಿಗಳು ಈ ಬಗ್ಗೆ ಗಮನಿಸಬೇಕು’ ಎಂದು ಒತ್ತಾಯಿಸಿದರು. ಎಚ್ ಎನ್ ಕಿರಣ ಕುಮಾರ ಅವರು ಮಾತನಾಡಿ `ದಲಿತರ ಬಗ್ಗೆ ಅಧಿಕಾರಿಗಳಿಗೆ ಕಾಳಜಿಯಿಲ್ಲ. ಅದಕ್ಕಾಗಿ ಅಂಬೇಡ್ಕರ್ ಅವರ ಜಯಂತಿ ಸಭೆಗೂ ಬಂದಿಲ್ಲ’ ಎಂದು ಆಕ್ಷೇಪಿಸಿದರು.
- [ಬಸ್ಸಿಗೆ ಗುದ್ದಿದ ಬೈಕು: ಅಗ್ನಿಸ್ಪರ್ಶಕ್ಕೆ ಸವಾರನ ಸಾವು!](https://mobiletime.in/2026/03/bike-hits-bus-rider-dies-after-being-hit-by-fire/): ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಸಾಗುತ್ತಿದ್ದ ಬಸ್ಸಿಗೆ ಯಲ್ಲಾಪುರದಲ್ಲಿ ಬೈಕು ಡಿಕ್ಕಿಯಾಗಿದ್ದು, ಡಿಕ್ಕಿ ರಭಸಕ್ಕೆ ಬೆಂಕಿ ಹತ್ತಿಕೊಂಡಿದೆ. ಪರಿಣಾಮ ಆ ಬೈಕು ಸುಟ್ಟು ಕರಕಲಾಗಿದ್ದು, ಹಳಿಯಾಳದ ಬೈಕ್ ಸವಾರ ಭಾವತೀಸ್ ಘಾಡಿ ಸ್ಥಳದಲ್ಲಿಯೇ ಸಾವನಪ್ಪಿದ್ದಾರೆ. ಕುಮಟಾ ಸರ್ಕಾರಿ ಬಸ್ ಡಿಪೋದ ರವಿ ಚಿಗರಿ ಅವರು ಕುಮಟಾ-ವಿಜಯಪುರ ಮಾರ್ಗದ ಚಾಲಕರಾಗಿದ್ದಾರೆ. ಮಾರ್ಚ 23ರಂದು ಅವರು ವಿಜಯಪುರಕ್ಕೆ ಹೋಗಿದ್ದು, ಮಾರ್ಚ 24ರಂದು ಅಲ್ಲಿಂದ ಪ್ರಯಾಣಿಕರನ್ನು ಕರೆದುಕೊಂಡು ಕುಮಟಾ ಮಾರ್ಗವಾಗಿ ಸಂಚರಿಸುತ್ತಿದ್ದರು. ಆ ಬಸ್ಸು ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಯಲ್ಲಾಪುರದ ಕಡೆ ಬರುತ್ತಿತ್ತು. ನಸುಕಿನ 1.20ಕ್ಕೆ ಕೋಳಿಕೆರೆ ಕ್ರಾಸಿನ ಬಳಿ ಎದುರಿನಿಂದ ಬಂದ ಟಿವಿಎಸ್ ಎಕ್ಸಲ್ ಬೈಕು ಬಸ್ಸಿಗೆ ಡಿಕ್ಕಿ ಹೊಡೆಯಿತು. ಆ ಟಿವಿಎಸ್ ಎಕ್ಸಲ್ ಬೈಕು ಬಸ್ಸಿನ ಬಲಬದಿಯ ಲೈಟಿಗೆ ಗುದ್ದಿತು. ಪರಿಣಾಮ ಅಲ್ಲಿ ಬೆಂಕಿ ಹತ್ತಿಕೊಂಡಿತು. ಬಸ್ಸಿನ ಚಾಲಕ ರವಿ ಚಿಗರಿ ಹಾಗೂ ನಿರ್ವಾಹಕ ಅಬ್ದುಲ್ ನಜೀರ್ ಅಮೀನಸಾಬ್ ಗೌಂಡಿ ಸೇರಿ ಆ ಬೆಂಕಿ ಆರಿಸಿದರು. ಆದರೆ, ಬೈಕಿಗೆ ಹೊತ್ತಿದ ಬೆಂಕಿ ಆರಿಸಲು ಅವರಿಂದ ಸಾಧ್ಯವಾಗಲಿಲ್ಲ. ಬೈಕ್ ಸವಾರ ಬಾವಿತೀಸ ರೇಮತ್ ಘಾಡಿ ಅವರ ಹಣೆ, ಮುಖಕ್ಕೆ ಗಂಭೀರ ಗಾಯವಾಗಿದನ್ನು ಅವರಿಬ್ಬರು ಗಮನಿಸಿದರು. ಗಾಯಾಳುವನ್ನು ಮಾತನಾಡಿಸುವ ಪ್ರಯತ್ನ ಮಾಡಿದರು. ಆದರೆ, ಅವರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಕೂಡಲೇ ಖಾಸಗಿ ಆಂಬುಲೆನ್ಸಿನ ಮೂಲಕ ಗಾಯಾಳುವನ್ನು ಬಸ್ಸಿನವರು ಆಸ್ಪತ್ರೆಗೆ ಸೇರಿಸಿದರು. ಆಸ್ಪತ್ರೆಯವರು ಭಾವತೀಸ್ ಘಾಡಿ ಅವರ ಸಾವನ್ನು ದೃಢೀಕರಿಸಿದರು. ಪಿಸೈ ಸಿದ್ದಪ್ಪ ಗುಡಿ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದು, ಪ್ರಕರಣ ದಾಖಲಿಸಿದರು.
- [ಹೊಟ್ಟೆಕಿಚ್ಚಿನ ಹೊಡೆತಕ್ಕೆ ಉದ್ಯೋಗವಕಾಶ ನಷ್ಟ!](https://mobiletime.in/2026/03/job-loss-due-to-jealousy/): ರೋಗಿಗಳ ಪಾಲಿನ ಅನುಕೂಲಕ್ಕಾಗಿ ಕಾರವಾರದ ಕಿಮ್ಸ್ ಬಳಿ ಎರಡು ಟೀ ಸ್ಟಾಲ್ ನಿರ್ಮಿಸಲು ವೈದ್ಯಕೀಯ ವಿಜ್ಞಾನ ಸಂಸ್ಥೆ ಆಸಕ್ತಿವಹಿಸಿದ್ದು, ಟೀ ಸ್ಟಾಲ್ ನಿರ್ಮಾಣಕ್ಕೆ ಸಾಕಷ್ಟು ವಿರೋಧವ್ಯಕ್ತವಾಗಿದೆ. ಈ ವಿರೋಧ ಜಿಲ್ಲಾಧಿಕಾರಿ ಕಚೇರಿಯವರೆಗೆ ತಲುಪಿದ್ದರಿಂದ ಟೀ ಸ್ಟಾಲ್ ನಿರ್ಮಾಣ ಚಿಂತನೆಯನ್ನೇ ರದ್ಧು ಮಾಡಲಾಗಿದೆ! ಕಾರವಾರದ ಕಿಮ್ಸ್ ಎದುರು 10*10 ಅಡಿ ಜಾಗದಲ್ಲಿ ಎರಡು ಟೀ ಸ್ಟಾಲ್ ನಿರ್ಮಾಣಕ್ಕೆ ಉದ್ದೇಶಿಸಲಾಗಿತ್ತು. ಮಾಸಿಕ 2500ರೂ ದರದಲ್ಲಿ ಈ ಜಾಗವನ್ನು ಬಾಡಿಗೆಗೆ ಕೊಡಲು ನಿರ್ಧರಿಸಲಾಗಿತ್ತು. ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಬಾಡಿಗೆ ದರ ನಿಗದಿ ಮಾಡಿದ್ದರು. ಟೀ ಸ್ಟಾಲ್ ನಡೆಸುವವರಿಗಾಗಿ ವೈದ್ಯಕೀಯ ವಿಜ್ಞಾನ ಸಂಸ್ಥೆ ಅರ್ಜಿಯನ್ನು ಕರೆದಿದ್ದು, ಸ್ವ ಉದ್ಯೋಗ ಮಾಡಲು ಆಸಕ್ತರಾಗಿರುವ ಅನೇಕರು ಅರ್ಜಿ ಹಾಕಿದ್ದರು. ಅರ್ಜಿ ಹಾಕಿದವರೆಲ್ಲರೂ ತಮಗೆ ಆ ಸ್ಟಾಲ್ ಸಿಗುವ ನಿಟ್ಟಿನಲ್ಲಿ ಪ್ರಯತ್ನವನ್ನು ಮಾಡಿದ್ದರು. ಸ್ವ ಉದ್ಯೋಗ ಮಾಡುವುದರ ಜೊತೆ ರೋಗಿಗಳ ಸೇವೆ ಮಾಡಲು ಅವಕಾಶ ಸಿಗುವ ನಿಟ್ಟಿನಲ್ಲಿ ಕನಸು ಕಂಡಿದ್ದರು. ಆದರೆ, ಅದೇ ಪ್ರಮಾಣದಲ್ಲಿ ಅಲ್ಲಿ ಟೀ ಸ್ಟಾಲ್ ನಿರ್ಮಾಣಕ್ಕೆ ವಿರೋಧವೂ ವ್ಯಕ್ತವಾಯಿತು. ಇಲ್ಲಿ ಟೀ ಸ್ಟಾಲ್ ಆದರೆ ಜನರಿಗೆ ಅನುಕೂಲವಾಗುತ್ತಿತ್ತು. ರೋಗಿಗಳ ಜೊತೆ ಅವರ ಜೊತೆ ಬರುವ ಸಂಬAಧಿಕರಿಗೂ ಅಲ್ಲಿ ಅಲ್ಪ ಉಪಹಾರ-ಚಹಾ ಸಿಗುತ್ತಿತ್ತು. ಜೊತೆಗೆ ಎರಡು ಉದ್ದಿಮೆದಾರರಿಗೆ ಕೆಲಸದ ಜೊತೆ ಇನ್ನಿತರರಿಗೂ ಉದ್ಯೋಗ ಸಿಗುತ್ತಿತ್ತು. ಆದರೆ, ಹೊಟ್ಟೆಕಿಚ್ಚಿನ ಕಾರಣದಿಂದ ಆ ಟೀ ಸ್ಟಾಲ್ ಯೋಜನೆ ನೆನೆಗುದಿಗೆ ಬಿದ್ದಿತು. `ತಾನೂ ಉದ್ದಾರ ಆಗದಿದ್ದರೂ ಪರವಾಗಿಲ್ಲ. ಬೇರೆಯವರು ಉದ್ದಾರ ಆಗಬಾರದು’ ಎಂಬ ಮನಸ್ಥಿತಿಹೊಂದಿದ ಕೆಲವರು ಅನಗತ್ಯ ಅರ್ಜಿ ಪ್ರಯೋಗ ಮಾಡಿದರು. ಟೀ ಸ್ಟಾಲ್ ನಿರ್ಮಾಣದ ಸಾಧಕ-ಬಾದಕಗಳ ಬಗ್ಗೆ ಕುಳಿತು ಬಗೆಹರಿಸಿಕೊಳ್ಳಬೇಕಾದ ವಿಷಯದ ಬಗ್ಗೆ ಚರ್ಚಿಸಿದೇ ಟಿ ಸ್ಟಾಲ್ ಯೋಜನೆಯನ್ನೇ ರದ್ಧುಪಡಿಸುವಷ್ಟರ ಮಟ್ಟಿಗೆ ಪ್ರಭಾವ ಮೂಡಿಸಿದರು. ಅದರ ಪರಿಣಾಮವಾಗಿ `ಟೀ ಸ್ಟಾಲ್ ನಿರ್ಮಾಣಕ್ಕೆ ಕಿಮ್ಸ್ ಸಿದ್ಧತೆ ಮಾಡಿಲ್ಲ’ ಎಂಬ ಅರ್ಜಿಯೊಂದು ಮೊದಲು ಸಲ್ಲಿಕೆಯಾಯಿತು. ನಂತರ `ತಮಗೆ ಬೇಕಾದವರಿಗೆ ಮಾತ್ರ ಸ್ಟಾಲ್ ಕೊಡುವ ತಯಾರಿ ನಡೆದಿದೆ’ ಎಂಬ ಆರೋಪ ಬಂದಿತು. `ಜಾಗದ ಗುರುತು ಸರಿಯಾಗಿ ಮಾಡಿಲ್ಲ. ದರ ನಿಗದಿ ಸರಿಯಾಗಿಲ್ಲ. ಅಗತ್ಯ ಸೌಕರ್ಯ ಕೊಟ್ಟಿಲ್ಲ’ ಎನ್ನುವ ಕುರಿತಾದ ಅರ್ಜಿಗಳು ಸರ್ಕಾರಿ ಕಡತ ಸೇರಿದವು. ಈ ಎಲ್ಲಾ ಹಿನ್ನಲೆ ಕಾರವಾರ ವೈದ್ಯಕೀಯ ವಿಜ್ಞಾನ ಸಂಸ್ಥೆಯವರು ಟೀ ಸ್ಟಾಲ್ ನಿರ್ಮಾಣ ಯೋಜನೆಯನ್ನು ಕೈ ಬಿಟ್ಟರು. ಟೀ ಸ್ಟಾಲ್ ಬಾಡಿಗೆಗೆಪಡೆಯಲು ಅರ್ಜಿ ಸಲ್ಲಿಸಿದ ಎಲ್ಲರೂ ಅರ್ಜಿಯ ಜೊತೆ ಡಿಡಿ ಮೂಲಕ ಸಲ್ಲಿಸಿದ ಠೇವಣಿ ಮೊತ್ತವನ್ನು ಹಿಂಪಡೆಯುವoತೆ ಕಾರವಾರ ವೈದ್ಯಕಿಯ ವಿಜ್ಞಾನಗಳ ಸಂಸ್ಥೆಯ ನಿರ್ದೇಶಕರು ಪ್ರಕಟಣೆ ಹೊರಡಿಸಿದರು. `ಆಕ್ಷೆಪಣೆ ಹಿನ್ನಲೆ ಟೀ ಸ್ಟಾಲ್ ಬಾಡಿಗೆ ನೀಡುವ ವಿಚಾರನ್ನು ರದ್ಧುಪಡಿಸಲಾಗಿದೆ. ಈ ಬಗ್ಗೆ ಅವಕಾಶ ಇದ್ದರೆ ಮತ್ತೊಮ್ಮೆ ಚರ್ಚಿಸಿ ಮತ್ತೆ ಅರ್ಜಿ ಕರೆಯಲಾಗುತ್ತದೆ’ ಎಂದು ಕಿಮ್ಸ್ ನಿರ್ದೇಶಕಿ ಡಾ ಪೂರ್ಣಿಮಾ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಪ್ರತಿಕ್ರಿಯಿಸಿದರು.  
- [ಭಟ್ಟರ ದೇವರ ಮನೆಯಲ್ಲಿ ಹೆಗಡೆರ ಆಟ!](https://mobiletime.in/2026/03/hegdes-game-at-bhattars-gods-house/): ಶಿರಸಿಯ ಶ್ರೀಧರ ಭಟ್ಟ ಅವರ `ದೇವರು’ ಎಂಬ ಹೆಸರಿನ ಕಟ್ಟಡದಲ್ಲಿ ವಾನಳ್ಳಿಯ ಪ್ರಕಾಶ ಹೆಗಡೆ ಅವರು ಅನಧಿಕೃತ ಇಸ್ಪಿಟ್ ಕ್ಲಬ್ ನಡೆಸುತ್ತಿದ್ದು, ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಆ ಅಕ್ರಮ ಆಟವನ್ನು ಬಂದ್ ಮಾಡಿಸಿದ್ದಾರೆ. ಪೊಲೀಸರು ದಾಳಿ ಮಾಡಿದ ವೇಳೆ ಪ್ರಕಾಶ ಹೆಗಡೆ ಅವರು ಅಲ್ಲಿ ಸಿಕ್ಕಿ ಬಿದ್ದಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು 20 ಜನರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಶಿರಸಿಯ ಹೊಸಪೇಟೆ ರಸ್ತೆಯಲ್ಲಿ ಶ್ರೀಧರ ಭಟ್ಟ ಅವರು ಕಟ್ಟಡವೊಂದನ್ನು ಹೊಂದಿದ್ದಾರೆ. ಆ ಕಟ್ಟಡಕ್ಕೆ ಅವರು `ದೇವರು’ ಎಂದು ಹೆಸರಿಟ್ಟಿದ್ದಾರೆ. ಆ ಕಟ್ಟಡದ ಕೋಣೆಯೊಂದನ್ನು ವಾನಳ್ಳಿಯ ಪ್ರಕಾಶ ಶ್ರೀಪಾದ ಹೆಗಡೆ ಅವರು ಪಡೆದಿದ್ದು, ಅಲ್ಲಿ ಅನಧಿಕೃತವಾಗಿ ಕ್ಲಬ್ ನಡೆಸುತ್ತಿದ್ದಾರೆ. ಈ ಕ್ಲಬ್ಬಿನಲ್ಲಿ ಬಿಸಲಕೊಪ್ಪದ ಶಂಕರ್ ರಾಮಚಂದ್ರ ನಾಯ್ಕ ಅವರು ಮ್ಯಾನೇಜರ್ ಆಗಿದ್ದಾರೆ. ಈ ಕ್ಲಬ್ಬಿನಲ್ಲಿ ಶ್ರದ್ಧಾನಂದಗಲ್ಲಿಯ ರಾಕೇಶ ಗಜಾನನ ಮಡಗಾಂವ್ಕರ್, ಕಸ್ತೂರಿಬಾ ನಗರದ ಸಯ್ಯದಪಯಾಜ್ ಸಯ್ಯದ ಅಬ್ದುಲ್ ರಹೀಮ್ ಹಾಗೂ ಶಿರಸಿ ಮಾರಿಗುಡಿ ರಸ್ತೆಯ ಭತ್ತದ ಓಣಿಯ ಪ್ರಶಾಂತ ಅನಂತ ಭತ್ತದ ಅವರು ಕೆಲಸ ಮಾಡಿಕೊಂಡಿದ್ದಾರೆ. ಮಾರ್ಚ 22ರ ಸಂಜೆ 7.30ಕ್ಕೆ ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಆ ಕ್ಲಬ್ಬಿನ ಮೇಲೆ ದಾಳಿ ಮಾಡಿದ್ದಾರೆ. ಆಗ, ಅಲ್ಲಿ ಹಣದ ಬದಲು ವಿವಿಧ ಮುಖಬೆಲೆಯ ಟೋಕನ್ ನೀಡಿ ಇಸ್ಪಿಟ್ ಆಟ ಆಡಿಸುತ್ತಿರುವುದು ಗಮನಕ್ಕೆ ಬಂದಿದೆ. ನಿಲೇಕೇಣಿಯ ಕೃಷಿಕ ಗಣಪತಿ ಮಂಜುನಾಥ ಹೆಗಡೆ, ಸಾಗರ ಹೆಗ್ಗೋಡಿನ ತೋಟ ಕೆಲಸಗಾರ ರತ್ನಾಕರ ರಾಮಪ್ಪ ಹೆಗ್ಗರಗಿ, ಮರಾಠಿಕೊಪ್ಪ ಪುಟ್ಟನಮನೆಯ ಹೊಟೇಲ್ ಕಾರ್ಮಿಕ ಉಲ್ಲಾಸ ಗಣಪತಿ ಶೆಟ್ಟಿ, ಯಲ್ಲಾಪುರ ಉಮ್ಮಚ್ಗಿಯ ಕೃಷಿಕ ಪ್ರದೀಪ ದೇವು ಗೌಡ, ಸಿದ್ದಾಪುರ ಹೊಸಗದ್ದೆಯ ಕೃಷಿಕ ರವಿ ರಾಮಚಂದ್ರ ನಾಯ್ಕ, ಶಿರಸಿ ಬಾಶಿಯ ಕೃಷಿಕ ಪ್ರವೀಣ ಚನ್ನಬಸಪ್ಪ ಗೌಡ, ಶಿರಸಿ ದೋಬಿಹಂಡ ಬಳಿಯ ಮರಾಠಿಕೊಪ್ಪದ ನಿವೃತ್ತ ಪಿಗ್ಮಿ ಎಜೆಂಟ್ ಪ್ರಮೋದ ಗೋವಿಂದ ಕಾಮತ್ ಅವರು ಆಟದಲ್ಲಿ ತಲ್ಲೀನರಾಗಿದ್ದನ್ನು ಪೊಲೀಸರು ಗಮನಿಸಿದ್ದಾರೆ. ಶಿರಸಿ ಅಶೋಕನಗರದ ವ್ಯವಹಾರಸ್ಥ ಸುರೇಶ ಅನಂತ ಬಂಕಾಪುರ, ಬೆಂಗಳೆ ಬನವಾಸಿ ರಸ್ತೆಯ ಕಾರ್ಪರೆಂಟರ್ ರವಿ ಚಂದ್ರಶೇಖರ ಮೇಸ್ತಾ, ಜಡ್ಡಿಗದ್ದೆಯ ಕೃಷಿಕ ವಿನಾಯಕ ಚಂದ್ರಶೇಖರ ನಾಯ್ಕ, ಸೊರಬ ಬಸ್ತಾರಪೇಟೆಯ ಕುಮಾರ ನಾಗಪ್ಪ ಜಡೆ, ಹೊನ್ನಾವರ ಕರ್ಕಿಯ ಸೆಂಟ್ರಿAಗ್ ಕಾರ್ಮಿಕ ಗಜಾನನ ನಾರಾಯಣ ನಾಯ್ಕ, ಶಿರಸಿ ಗಣೇಶನಗರ ಪುಟ್ಟನಮನೆಯ ಆದರ್ಶ ರಾಘವ ಭಟ್ಟ, ಗಣೇಶನಗರದ ಗುತ್ತಿಗೆದಾರ ರಮೇಶ ಗೋಪಾಲ ನಾಯ್ಕ, ಸೊರಬದ ನಂದೀಶ ಬಸವನಗೌಡ ತುಂಬ್ರಿಕೊಪ್ಪ ಅವರು ಸಹ ಅನಧಿಕೃತವಾಗಿ ಜೂಜಾಡುತ್ತಿರುವುದನ್ನು ಪೊಲೀಸರು ನೋಡಿದ್ದಾರೆ. ಈ ವೇಳೆ ಆ ಜೂಜಿನ ಮನೆಯಲ್ಲಿ ಪ್ರಕಾಶ ಹೆಗಡೆ ಅವರು ಹಾಜರಿದ್ದು, ಅವರು ನೇಮಿಸಿದ ಸಿಬ್ಬಂದಿ ಜೂಜಾಡಲು ಬಂದವರಿಗೆ ಸಕಲ ವ್ಯವಸ್ಥೆ ಮಾಡಿಕೊಟ್ಟಿದನ್ನು ಪೊಲೀಸರು ದಾಖಲೆಯಲ್ಲಿ ನಮೂದಿಸಿದ್ದಾರೆ. ತಕ್ಷಣ ಪೊಲೀಸರು ಆ ಅಕ್ರಮ ಆಟಕ್ಕೆ ತಡೆ ಒಡ್ಡಿದ್ದಾರೆ. ಈ ವಿಷಯದ ಬಗ್ಗೆ ನ್ಯಾಯಾಲಯಕ್ಕೆ ವರದಿ ಸಲ್ಲಿಸಿದ್ದಾರೆ. ಹಣದ ಬದಲು ಟೋಕನ್ ನೀಡಿ ಅದರ ಆಧಾರದಲ್ಲಿ ಜೂಜಾಟ ಆಡುತ್ತಿರುವ ಬಗ್ಗೆಯೂ ವಿವರಿಸಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಆ ಇಸ್ಪಿಟ್ ಕ್ಲಬ್ ಬಂದ್ ಮಾಡಿಸಿದ್ದಾರೆ. `ಜೂಜಾಟ ಜೀವನಕ್ಕೆ ಮಾರಕ’
- [ಕದಂಬ ನೌಕಾನೆಲೆ: ನಿವೃತ್ತ ನೌಕರರಿಗೆ ಇಲ್ಲ ನೆಲೆ!](https://mobiletime.in/2026/03/kadamba-naval-base-no-home-for-retired-employees/): ಕಾರವಾರದ ಕದಂಬ ನೌಕಾನೆಲೆ ವ್ಯಾಪ್ತಿಯಲ್ಲಿ ಸ್ಥಳೀಯರು ಹಾಗೂ ನಿವೃತ್ತ ನೌಕಾಪಡೆ ಸಿಬ್ಬಂದಿ ಸಣ್ಣ-ಪುಟ್ಟ ಅಂಗಡಿ ನಡೆಸುತ್ತಿದ್ದು, ಅದನ್ನು ತೆರವು ಮಾಡಲು ಸ್ಥಳೀಯ ಆಡಳಿತ ನಿರ್ಧರಿಸಿದೆ. ಈ ನಿರ್ಣಯಕ್ಕೆ ಸಾಕಷ್ಟು ವಿರೋಧವ್ಯಕ್ತವಾಗಿದೆ. ಈ ವಿಷಯವಾಗಿ ಕಾರವಾರ ನೌಕಾನೆಲೆ ನಿರಾಶ್ರಿತರ ಗುತ್ತಿಗೆ ಕಾರ್ಮಿಕರ ಸಹಕಾರಿ ಸಂಘದವರು ಮಂಗಳವಾರ ಜಿಲ್ಲಾಧಿಕಾರಿಗಳನ್ನು ಭೇಟಿಯಾಗಿದ್ದಾರೆ. `ತೆರವು ಕಾರ್ಯಾಚರಣೆಯನ್ನು ತಕ್ಷಣ ಸ್ಥಗಿತಗೊಳಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. “ನೌಕಾನೆಲೆಗಾಗಿ ಭೂಮಿ ಕಳೆದುಕೊಂಡ ಕುಟುಂಬಗಳು ಹಾಗೂ ದೇಶ ಸೇವೆ ಸಲ್ಲಿಸಿ ನಿವೃತ್ತರಾದ ಸಿಬ್ಬಂದಿ ಜೀವನೋಪಾಯಕ್ಕಾಗಿ ಇಲ್ಲಿ ಸಣ್ಣ ವ್ಯಾಪಾರ ಅವಲಂಬಿಸಿದ್ದಾರೆ. ಈಗ ಏಕಾಏಕಿ ಅಂಗಡಿ ಮುಚ್ಚುವಂತೆ ಸೂಚಿಸಿರುವುದು ನೂರಾರು ಕುಟುಂಬಗಳನ್ನು ಬೀದಿಗೆ ತಳ್ಳಿದ ಹಾಗಾಗುತ್ತದೆ’ ಎಂದು ಸಂಘದವರು ವಿವರಿಸಿದ್ದಾರೆ. `ಕೊರೊನಾ ಸಂಕಷ್ಟದ ಸಮಯದಲ್ಲಿ ನೌಕಾನೆಲೆಯ ಅಧಿಕಾರಿಗಳ ಅನುಮತಿಪಡೆದು ಅಂಗಡಿ ನಿರ್ಮಿಸಲಾಗಿದೆ. ಸದ್ಯ ಯಾವುದೇ ಕಾರಣ ನೀಡದೇ ಸ್ಥಳೀಯರ ಅಂಗಡಿ ತೆರವು ಮಾಡುವುದು ಸರಿಯಲ್ಲ. ಹೊರ ರಾಜ್ಯದವರ ಅಂಗಡಿಗಳಿಗೆ ಯಾವುದೇ ತೊಂದರೆ ನೀಡದೇ ಸ್ಥಳೀಯರನ್ನು ಮಾತ್ರ ಗುರಿಯಾಗಿರಿಸಿಕೊಂಡು ಅನ್ಯಾಯ ಮಾಡಲಾಗುತ್ತಿದೆ’ ಎಂದವರು ದೂರಿದ್ದಾರೆ. `ಹೊರ ರಾಜ್ಯದವರ ಅಂಗಡಿಗಳನ್ನು ಬಿಟ್ಟು ಕೇವಲ ಸ್ಥಳೀಯರ ಅಂಗಡಿಗಳ ಮೇಲೆ ಕ್ರಮ ಕೈಗೊಳ್ಳುತ್ತಿರುವುದನ್ನು ತಡೆಯಬೇಕು. ಜಿಲ್ಲಾಡಳಿತವು ಸ್ಥಳಕ್ಕೆ ಭೇಟಿ ನೀಡಿ ವಾಸ್ತವ ಸ್ಥಿತಿಯನ್ನು ಪರಿಶೀಲಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ನೌಕಾನೆಲೆಗೆ ಭೂಮಿ ನೀಡಿರುವ ತ್ಯಾಗದ ಹಿನ್ನೆಲೆ ಹಾಗೂ ನಿವೃತ್ತ ಸೈನಿಕರ ಹಿತದೃಷ್ಟಿಯಿಂದ ಜಿಲ್ಲಾಡಳಿತವು ಮಧ್ಯಪ್ರವೇಶಿಸಿ ನಮಗೆ ನ್ಯಾಯ ಒದಗಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. ಸಂಘದ ಅಧ್ಯಕ್ಷ ಉಮಾಕಾಂತ ಹರಿಕಂತ್ರ, ಪ್ರಮುಖರಾದ ಗಣಪತಿ ತಾಂಡೇಲ್, ಚೇತನ್ ನಾಯ್ಕ, ಪ್ರವೀಣ ತಾಂಡೇಲ್, ಕೃಷ್ಣ ಮುದುಗೇಕರ್, ಕಾರ್ತಿಕ ತಾಂಡೇಲ್, ರಾಜೇಶ ಬಾಂದೇಕರ್ ಮುಂತಾದವರು ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರನ್ನು ಭೇಟಿಯಾಗಿ ಮನವಿ ಸಲ್ಲಿಸಿದ್ದಾರೆ.
- [ಶಿರಸಿಯ ಮ್ಯಾನೇಜರ್ ಸದಾಶಿವಗಡದಲ್ಲಿ ನಾಪತ್ತೆ!](https://mobiletime.in/2026/03/sirsis-manager-goes-missing-in-sadashivagad/): `ಶಿರಸಿ ಜಾತ್ರೆಗೆ ಬರುವೆ’ ಎಂದು ಫೋನ್ ಮಾಡಿ ಹೇಳಿದ್ದ ಕಾರವಾರದ ಯಮಹಾ ಬೈಕ್ ಶೋರೂಮಿನ ಮ್ಯಾನೇಜರ್ ವಿವೇಕ ದೇವಾಡಿಗ ಅವರು ನಿಗೂಢವಾಗಿ ಕಣ್ಮರೆಯಾಗಿದ್ದಾರೆ. ಸದಾಶಿವಗಡದಲ್ಲಿ ವಾಸವಾಗಿದ್ದ ಅವರ ಮನೆಗೂ ಬೀಗ ಹಾಕಲಾಗಿದ್ದು, ಈವರೆಗೂ ವಿವೇಕ ದೇವಾಡಿಗ ಅವರ ಸುಳಿವು ಸಿಕ್ಕಿಲ್ಲ. ಶಿರಸಿಯ ಹುಸುರಿ ಬಳಿಯ ಕಾನಕೊಪ್ಪದಲ್ಲಿ ವಿವೇಕ ಕೃಷ್ಣ ದೇವಾಡಿಗ ಅವರು ವಾಸವಾಗಿದ್ದರು. 25 ವರ್ಷದ ಅವರು ಕಳೆದ ಎರಡುವರೆ ವರ್ಷದಿಂದ ಕಾರವಾರದಲ್ಲಿ ನೆಲೆಸಿದ್ದರು. ಸದಾಶಿವಗಡದಲ್ಲಿರುವ ಯಮಹಾ ಶೋರೂಮಿನಲ್ಲಿ ಅವರು ಮ್ಯಾನೇಜರ್ ಆಗಿ ಕೆಲಸ ಮಾಡಿಕೊಂಡಿದ್ದರು. ಅಲ್ಲಿಯೇ ಬಾಡಿಗೆ ಮನೆಪಡೆದು ವಾಸವಾಗಿದ್ದರು. ಮಾರ್ಚ 3ರ ರಾತ್ರಿ 11 ಗಂಟೆಗೆ ವಿವೇಕ ದೇವಾಡಿಗ ಅವರು ತಮ್ಮ ತಂದೆ ಕೃಷ್ಣ ದೇವಾಡಿಗ ಅವರಿಗೆ ಕೊನೆಯದಾಗಿ ಫೋನ್ ಮಾಡಿದ್ದರು. `ಶಿರಸಿ ಜಾತ್ರೆಗೆ ಬರುವೆ’ ಎಂದು ಅವರು ಆ ಫೋನಿನಲ್ಲಿ ಹೇಳಿದ್ದರು. ಬೆಂಗಳೂರಿನಲ್ಲಿರುವ ತಮ್ಮ ಹಾಗೂ ಶಿರಸಿಯಲ್ಲಿರುವ ತಾಯಿ ಜೊತೆ ಜಾತ್ರೆ ಪೇಟೆಗೆ ಹೋಗುವುದಾಗಿ ಅವರು ತಿಳಿಸಿದ್ದರು. ಆದರೆ, ಆ ದಿನ ಅವರು ಜಾತ್ರೆಯಲ್ಲಿ ಕಾಣಲಿಲ್ಲ. ಅದಾದ ನಂತರ ತಂದೆಯ ಸಂಪರ್ಕಕ್ಕೂ ಸಿಗಲಿಲ್ಲ. ಇದರಿಂದ ಆತಂಕಕ್ಕೆ ಒಳಗಾದ ಕೃಷ್ಣ ದೇವಾಡಿಗ ಅವರು ಮಾರ್ಚ 6ರಂದು ಕಾರವಾರಕ್ಕೆ ಆಗಮಿಸಿ ಶೋಧ ನಡೆಸಿದರು. ಮಗ ವಾಸವಿದ್ದ ಮನೆ ಬಳಿ ತೆರಳಿದಾಗ ಅದಕ್ಕೆ ಬೀಗ ಹಾಕಿತ್ತು. ಯಮಹಾ ಶೋರೂಮಿಗೆ ಹೋಗಿ ನೋಡಿದಾಗ ವಿವೇಕ ದೇವಾಡಿಗ ಅವರು ಅಲ್ಲಿಯೂ ಇರಲಿಲ್ಲ. ಅಲ್ಲಿನ ಸಿಬ್ಬಂದಿ ಬಳಿ ವಿಚಾರಿಸಿದಾಗ ಅಲ್ಲಿಯೂ ಕೆಲಸಕ್ಕೆ ಬಾರದಿರುವುದು ಅರಿವಿಗೆ ಬಂದಿತು. ಇಷ್ಟು ದಿನಗಳ ಕಾಲ ಮಗನಿಗಾಗಿ ಹುಡುಕಾಟ ನಡೆಸಿದ ಕೃಷ್ಣ ದೇವಾಡಿಗ ಅವರು ಇದೀಗ ಪೊಲೀಸರ ಮೊರೆ ಹೋದರು. ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿವೇಕ ದೇವಾಡಿಗ ಅವರ ಹುಡುಕಾಟ ಶುರು ಮಾಡಿದ್ದಾರೆ.
- [ಸ್ಕೋಡ್‌ವೆಸ್ ಸಾಧನೆಗೆ ಪ್ರಶಸ್ತಿಯ ಗರಿ](https://mobiletime.in/2026/03/scodves-achievement-is-rewarded-with-a-feather/): ರಾಜ್ಯ ಸರ್ಕಾರ ನೀಡುವ `ಕಿತ್ತೂರು ರಾಣಿ ಚೆನ್ನಮ್ಮ’ ಪ್ರಶಸ್ತಿಗೆ ಶಿರಸಿಯ ಸ್ಕೋಡ್‌ವೆಸ್ ಸಂಸ್ಥೆ ಭಾಜನವಾಗಿದೆ. ಮಹಿಳಾ ಮತ್ತು ಮಕ್ಕಳ ಸಂರಕ್ಷಣೆ ಮತ್ತು ಅಭಿವೃದ್ಧಿ ಕ್ಷೇತ್ರದಲ್ಲಿ ಮಾಡಿರುವ ಗಣನೀಯ ಸಾಧನೆಗಾಗಿ ಈ ಪ್ರಶಸ್ತಿ ಸಿಕ್ಕಿದೆ. ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ನಡೆದ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮದಲ್ಲಿ ಸ್ಕೊಡ್‌ವೆಸ್ ಸಂಸ್ಥೆಯ ಅಧ್ಯಕ್ಷರು ಆಗಿರುವ ಹಂಪಿ ಕನ್ನಡ ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಪತಿ ಹಿ ಚಿ ಬೋರಲಿಂಗಯ್ಯ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಹಾಗೂ ವಿಕಲಚೇತನರ ಮತ್ತು ಹಿರಿಯ ನಾಗರಿಕರ ಸಬಲೀಕರಣ ಇಲಾಖಾ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಅವರು ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ. ಪ್ರಶಸ್ತಿ ವಿತರಿಸಿ ನಂತರ ಮಾತನಾಡಿದ ಲಕ್ಷ್ಮೀ ಹೆಬ್ಬಾಳ್ಕರ್ ಅವರು ಸ್ಕೊಡ್‌ವೆಸ್ ಸಂಸ್ಥೆಯ ಸಾಮಾಜಿಕ ಕಳಕಳಿಯನ್ನು ಶ್ಲಾಘಿಸಿದರು. `ಮಹಿಳಾ ಮತ್ತು ಮಕ್ಕಳ ಕ್ಷೇತ್ರದಲ್ಲಿ ಸುದೀರ್ಘವಾಗಿ ಸೇವೆ ಸಲ್ಲಿಸುತ್ತಾ ಬಂದಿರುವ ಸ್ಕೊಡ್‌ವೆಸ್ ಸಂಸ್ಥೆ ಇತರ ಸಂಸ್ಥೆಗಳಿಗೂ ಮಾದರಿ’ ಎಂದವರು ಹೇಳಿದರು. `ಕಳೆದ 20 ವರ್ಷಗಳಿಂದ ಮಹಿಳೆಯರು, ಮಕ್ಕಳು, ವಿಶೇಷ ಚೇತನರು, ವೃದ್ಧರ ಬಲವರ್ಧನೆಗೆ ಶ್ರಮಿಸುತ್ತಿರುವ ಸಂಸ್ಥೆಗೆ ರಾಜ್ಯ ಸರ್ಕಾರ ಪ್ರಶಸ್ತಿ ನೀಡಿ ಗೌರವಿಸುವುದರ ಮೂಲಕ ಇನ್ನೂ ಹೆಚ್ಚಿನ ಸೇವೆ ಸಲ್ಲಿಸಲು ಪ್ರೋತ್ಸಾಹ ಸಿಕ್ಕಿದೆ’ ಎಂದು ಹಿ ಚಿ ಬೋರಲಿಂಗಯ್ಯ ಅವರು ಅಭಿಪ್ರಾಯಪಟ್ಟರು. ಸಾಮಾಜಿಕ ಕ್ಷೇತ್ರದಲ್ಲಿ ಗಣನೀಯವಾಗಿ ಸೇವೆ ಸಲ್ಲಿಸುತ್ತಿರುವ ಸ್ಕೊಡ್‌ವೆಸ್ ಸಂಸ್ಥೆಗೆ ರಾಜ್ಯ ಸರ್ಕಾರದ ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ ಬಂದಿರುವುದಕ್ಕೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ, ಶಿರಸಿ-ಸಿದ್ದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅಭಿನಂದನೆ ಸಲ್ಲಿಸಿದರು. `ಸ್ಕೊಡ್‌ವೆಸ್ ಸಂಸ್ಥೆ ಸ್ಥಾಪಿತವಾಗಿರುವುದೇ ಮಹಿಳೆಯರ ಮತ್ತು ಮಕ್ಕಳ ಸಬಲೀಕರಣಕ್ಕಾಗಿ. ನಮ್ಮ ಸೇವೆಯನ್ನು ಪರಿಗಣಿಸಿ ಸರ್ಕಾರ ಕಿತ್ತೂರು ರಾಣಿ ಚೆನ್ನಮ್ಮ ರಾಜ್ಯ ಪ್ರಶಸ್ತಿ ನೀಡಿರುವುದಕ್ಕೆ ಸಂತಸವಾಗಿದೆ’ ಎಂದು ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಅನಿಸಿಕೆವ್ಯಕ್ತಪಡಿಸಿದರು. `ಮಹಿಳೆಯರ ಮತ್ತು ಮಕ್ಕಳ ಆರೋಗ್ಯ, ಶಿಕ್ಷಣ, ಉದ್ಯೋಗ, ಆರ್ಥಿಕ ಸಬಲೀಕರಣ, ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದು, ಸರ್ಕಾರ ನಮ್ಮ ಸಾಧನೆಯನ್ನು ಪರಿಗಣಿಸಿರುವುದು ಇಷ್ಟು ವರ್ಷಗಳ ಶ್ರಮವನ್ನು ಗೌರವಿಸಿದ ಹಾಗಾಗಿದೆ’ ಎಂದು ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿ ಅಧ್ಯಕ್ಷೆ ಸರಸ್ವತಿ ಎನ್ ರವಿ ಅವರು ಪ್ರತಿಕ್ರಿಯಿಸಿದರು.
- [ತಜ್ಞರ ಕಣ್ಣಿಗೆ ಕಾಣದ ಮೊಸಳೆ!](https://mobiletime.in/2026/03/a-crocodile-that-experts-couldnt-see/): ಯಲ್ಲಾಪುರದ ಜೋಡುಕೆರೆಯಲ್ಲಿ ಆಶ್ರಯಪಡೆದ ಮೊಸಳೆ ಕಳೆದ ಮೂರು ದಿನಗಳಿಂದ ದಡಕ್ಕೆ ಬರುತ್ತಿದೆ. ಜನ ಸಾಮಾನ್ಯರು ಓಡಾಡುವಾಗ ದಡಕ್ಕೆ ಬಂದು ಆತಂಕವನ್ನುoಟು ಮಾಡುವ ಮೊಸಳೆ ತಜ್ಞರು ಆಗಮಿಸಿದಾಗ ನೀರಿನಿಂದ ಹೊರ ಬರುತ್ತಿಲ್ಲ. ಕೆರೆಯಲ್ಲಿ ನೀರು ಅಪಾರ ಪ್ರಮಾಣದಲ್ಲಿರುವುದರಿಂದ ಮೊಸಳೆಯನ್ನು ಹಿಡಿಯಲು ಸಾಧ್ಯವಾಗುತ್ತಿಲ್ಲ. 2025ರ ನವೆಂಬರ್ 26ರಂದು ಯಲ್ಲಾಪುರದ ಜೋಡುಕೆರೆಯಲ್ಲಿ ಮೊಸಳೆ ಕಾಣಿಸಿತು. ಇದರಿಂದ ಜನ ಆತಂಕಕ್ಕೆ ಒಳಗಾಗಿದ್ದು, ಅರಣ್ಯ ಇಲಾಖೆಯವರು ಮೊಸಳೆ ಹಿಡಿಯುವ ಸಾಹಸ ಮಾಡಿದರು. ಆದರೆ, ಸ್ಥಳೀಯ ಅರಣ್ಯ ಸಿಬ್ಬಂದಿಯಿoದ ಅದು ಸಾಧ್ಯವಾಗಲಿಲ್ಲ. ಹೀಗಾಗಿ ಅದೇ ದಿನ ಅರಣ್ಯಾಧಿಕಾರಿಗಳು ದಾಂಡೇಲಿಯ ಮೊಸಳೆ ತಜ್ಞರಿಗೆ ಫೋನ್ ಮಾಡಿ ವಿಷಯ ತಿಳಿಸಿದರು. ಅದಾದ ನಂತರ ಪತ್ರ ಬರೆದು ಮೊಸಳೆ ಸ್ಥಳಾಂತರದ ಕಾರ್ಯಾಚರಣೆ ನಡೆಸುವಂತೆ ಕೋರಿದರು. ಈ ಹಿನ್ನಲೆ ದಾಂಡೇಲಿಯ ತಜ್ಞರು ಜೋಡುಕರೆಗೆ ಆಗಮಿಸಿ ಪರಿಶೀಲನೆ ಮಾಡಿದರು. ಆದರೆ, ಮೊಸಳೆಯನ್ನು ಬಲೆಗೆ ಬೀಳಿಸುವ ಉದ್ದೇಶದಿಂದ ಆಗಮಿಸಿದ ದಾಂಡೇಲಿಯ ತಜ್ಞರಿಂದ ಆ ಜೀವಿ ತಪ್ಪಿಸಿಕೊಂಡಿತು. ದಾoಡೇಲಿಯಿoದ ಬಂದ ತಜ್ಞರು ದಿನವಿಡೀ ಕಾದರೂ ಆ ವೇಳೆ ಮೊಸಳೆ ದಡಕ್ಕೆ ಬರಲಿಲ್ಲ. ದಡದಲ್ಲಿರಿಸಿದ ಬೋನಿಗೂ ಮೊಸಳೆ ಬೀಳಲಿಲ್ಲ. ಸಣ್ಣ ಪುಟ್ಟ ಮಾಂಸ ನೀಡಿ ಆಮೀಷ ಒಡ್ಡುವ ಕೆಲಸ ನಡೆದರೂ ಅದಕ್ಕೆ ಆ ಮೊಸಳೆ ಒಪ್ಪಲಿಲ್ಲ. ಅದಾಗಿಯೂ ಅರಣ್ಯ ಒಲಾಖೆ ಮೊಸಳೆ ಹಿಡಿಯುವ ನಿಟ್ಟಿನಲ್ಲಿ ತಮ್ಮ ನಿಲುವು ಬದಲಿಸಿಲ್ಲ. ಹೇಗಾದರೂ ಮಾಡಿ ಮೊಸಳೆ ಹಿಡಿಯಲೇ ಬೇಕು ಎಂದು ಕಾದು ಕುಳಿತಿರುವ ಅರಣ್ಯ ಸಿಬ್ಬಂದಿ, ಸದ್ಯ ಆ ಮೊಸಳೆಯ ಚಲನ-ವಲನದ ಮೇಲೆ ನಿಗಾವಿರಿಸಿದ್ದಾರೆ. `ಜೋಡುಕೆರೆಯಲ್ಲಿ ನೀರಿರುವ ಕಾರಣ ಮೊಸಳೆ ಹಿಡಿಯಲು ತಜ್ಞರಿಂದಲೂ ಸಾಧ್ಯವಾಗುತ್ತಿಲ್ಲ. ಕೋಳಿ ತ್ಯಾಜ್ಯವನ್ನು ಒಂದಡೆ ಇರಿಸಿ ಅಲ್ಲಿಯೇ ಮೊಸಳೆ ಆಹಾರ ಸೇವನೆಗೆ ಬರುವ ರೂಢಿ ಮಾಡಿಸಲಾಗುತ್ತಿದೆ. ಆಹಾರ ಸೇವನೆಗಾಗಿ ಮೊಸಳೆ ಆಗಮಿಸಿದಾಗ ಸಮಯ ಸಾಧಿಸಿ ಅದನ್ನು ಸೆರೆಹಿಡಿಯುವ ಪ್ರಯತ್ನ ನಡೆದಿದೆ’ ಎಂದು ವಲಯ ಅರಣ್ಯಾಧಿಕಾರಿ ನರೇಶ ಕೆವಿ ಅವರು ಮಾಹಿತಿ ನೀಡಿದ್ದಾರೆ. ಮೊಸಳೆ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವುದರೊಂದಿಗೆ ಮೊಸಳೆ ದಡಕ್ಕೆ ಬಂದಾಗಲೆಲ್ಲ ಮಾಹಿತಿ ಕೊಡುವುದಕ್ಕಾಗಿ ಅರಣ್ಯ ಸಿಬ್ಬಂದಿಯೊಬ್ಬರು ಜೋಡುಕೆರೆ ಸುತ್ತಲು ಸಂಚರಿಸುತ್ತಿದ್ದಾರೆ. ಈ ಎಲ್ಲದರ ನಡುವೆ ಮಂಜುನಾಥ ನಗರದ ಜನ ಮೊಸಳೆ ವಿರುದ್ಧ ವೈಮನಸ್ಸು ಹೊಂದಿದ್ದಾರೆ. ನಿತ್ಯ ಓಡಾಡುವ ಜನರಿಗೆ ಆತಂಕವನ್ನುoಟು ಮಾಡುವ ಮೊಸಳೆಯನ್ನು ತಾವೇ ಹಿಡಿಯುವುದಾಗಿ ಅವರು ಘೋಷಿಸಿದ್ದಾರೆ. ದಾಂಡೇಲಿಯ ಹಾವು ತಜ್ಞ ಗಜಾನನ ಮೂಳೆ ಅವರನ್ನು ಸಂಪರ್ಕಿಸಿದ ಮಂಜುನಾಥ ನಗರದ ಸತೀಶ ನಾಯ್ಕ ಅವರು ಅವರನ್ನು ಕರೆಯಿಸಿ ಮೊಸಳೆ ಹಿಡಿಸುವ ಬಗ್ಗೆ ಮಾತನಾಡಿದ್ದಾರೆ. `ಮಳೆ ಸುರಿದ ಅವಧಿಯಲ್ಲಿಯೂ ಮೊಸಳೆ ದಡಕ್ಕೆ ಆಗಮಿಸಿದೆ. ಆ ವೇಳೆ ಮೊಸಳೆ ನೋಡಿದ ಜನ ಆತಂಕಕ್ಕೆ ಒಳಗಾಗಿದ್ದಾರೆ. ಅರಣ್ಯ ಇಲಾಖೆಯವರು ಈ ಮೊಸಳೆ ಹಿಡಿಯದೇ ಇದ್ದರೆ ನಾವೇ ಮೊಸಳೆ ಹಿಡಿದು ಅರಣ್ಯ ಇಲಾಖೆಗೆ ಒಪ್ಪಿಸುತ್ತೇವೆ’ ಎಂದು ಸತೀಶ ನಾಯ್ಕ ಅವರು ಹೇಳಿದ್ದಾರೆ.
- [ಆಕಳ ಕೊಂದು ಮಾಂಸ ಕದ್ದ ದುಷ್ಟರು!](https://mobiletime.in/2026/03/the-wicked-ones-who-killed-the-cow-and-stole-the-meat/): ಹೊನ್ನಾವರದ ಗಣಪತಿ ಭಟ್ಟ ಅವರು ಸಾಕಿದ ಹಸುವನ್ನು ದುಷ್ಟರು ಕದ್ದಿದ್ದು, ಅದರ ಮಾಂಸದ ಜೊತೆ ಪರಾರಿಯಾಗಿದ್ದಾರೆ. ಮೇವಿಗೆ ತೆರಳಿದ ಹಸು ಕಾಡಿನಲ್ಲಿಯೇ ಶವವಾಗಿದೆ. ಹೊನ್ನಾವರದ ವಂದೂರಿನ ಜಡ್ಡಿಗದ್ದೆಯ ಬಳಿ ಗಣಪತಿ ಮಹಾಬಲೇಶ್ವರ ಭಟ್ಟ ಅವರು ವಾಸವಾಗಿದ್ದಾರೆ. ಕೃಷಿ ಕೆಲಸದ ಜೊತೆ ಅವರು ಹೈನುಗಾರಿಕೆಯನ್ನು ಮಾಡಿಕೊಂಡಿದ್ದು, ಅವರು ಸಾಕಿದ ಹಸು ನಿನ್ನೆ ಕಾಣೆಯಾಗಿದೆ. ಹುಡುಕಾಟ ನಡೆಸಿ ಹೊರಟಾಗ ಆ ಹಸುವಿನ ಚರ್ಮ-ಮೂಳೆಗಳು ಕಾಡಿನಲ್ಲಿ ಕಾಣಿಸಿವೆ. ಗಣಪತಿ ಭಟ್ಟ ಅವರ ಗೇರು ನಡುತೋಪಿಗೆ ನುಗ್ಗಿದ ಗೋ ಭಕ್ಷಕರು ಅಲ್ಲಿದ್ದ ಹಸುವಿನ ಕುತ್ತಿಗೆ ಕತ್ತರಿಸಿದ್ದಾರೆ. ಅದಾದ ನಂತರ ಸಮೀಪದ ಅರಣ್ಯ ಪ್ರದೇಶಕ್ಕೆ ಒಯ್ದು ಅಲ್ಲಿ ಮಾಂಸ ತೆಗೆದಿದ್ದಾರೆ. ಸದ್ಯ ಹೊನ್ನಾವರ ಪಿಐ ಸಿದ್ದರಾಮೇಶ್ವರ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಗೋ ಭಕ್ಷಕರ ಪತ್ತೆಗಾಗಿ ಅವರು ಶೋಧ ಶುರು ಮಾಡಿದ್ದಾರೆ.  
- [ಸರ್ಕಾರಿ ಜಾಗದಲ್ಲಿ ಖಾಸಗಿ ರೆಸಾರ್ಟು: ಶುಭಾರಂಭ!](https://mobiletime.in/2026/03/private-resort-on-government-land-a-good-start/): ಕುಮಟಾದ ನಾಡುಮಾಸ್ಕೇರಿ ಸುತ್ತಲಿನ ಸರ್ಕಾರಿ ಜಾಗದಲ್ಲಿದ್ದ ರೆಸಾರ್ಟುಗಳನ್ನು ಅಧಿಕಾರಿಗಳು ಬಂದ್ ಮಾಡಿಸಿದ್ದು, ಅವರು ಇದೀಗ ಮತ್ತೆ ಕಾರ್ಯಾಚರಣೆ ಶುರು ಮಾಡಿವೆ. ದುಬ್ಬಿನಸಶಿ ಭಾಗದಲ್ಲಿ ರಾತ್ರಿ ವೇಳೆ ರೆಸಾರ್ಟುಗಳು ದೀಪಾಲಂಕಾರದಿoದ ಕಂಗೊಳಿಸುತ್ತಿವೆ. ಕಳೆದ ವಾರ ಅಕ್ರಮ ರೆಸಾರ್ಟು, ಹೊಟೇಲುಗಳನ್ನು ಅಧಿಕಾರಿಗಳು ತೆರವು ಮಾಡುವಂತೆ ಸೂಚಿಸಿದ್ದರು. ಇದಕ್ಕೆ ವಿರೋಧವ್ಯಕ್ತಪಡಿಸಿ ಸಾಕಷ್ಟು ಹೋರಾಟ ನಡೆದರೂ ಅದು ಪ್ರಯೋಜನಕ್ಕೆ ಬಂದಿರಲಿಲ್ಲ. ಕೊನೆಗೆ ಕೆಲವರು ಸ್ವಯಂ ಪ್ರೇರಣೆಯಿಂದ ಕಟ್ಟಡಗಳನ್ನು ತೆರವು ಮಾಡಿದ್ದರು. ಇನ್ನೂ ಕೆಲವು ಹಾಗೇ ಇದ್ದು, ಅವರು ಇದೀಗ ಮೊದಲಿನಂತೆ ತಮ್ಮ ಕಾರ್ಯ ಚಟುವಟಿಕೆ ಶುರು ಮಾಡಿವೆ. ಕೆಲ ರೆಸಾರ್ಟ ಮಾಲಕರು ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ಇನ್ನೂ ಕೆಲ ಕಟ್ಟಡಗಳಿಗೆ ಅಧಿಕಾರಿಗಲು ಬೀಗ ಹಾಕಿದ್ದಾರೆ. ಅಲ್ಲಿ `ಪ್ರವೇಶ ನಿಷೇಧ’ ಎಂಬ ಫಲಕವನ್ನು ಅಳವಡಿಸಿದ್ದಾರೆ. ಅಲ್ಲಲ್ಲಿ ಕಟ್ಟಡಗಳಿಗೆ ವಿದ್ಯುತ್ ಸಂಪರ್ಕವನ್ನು ಕಡಿತ ಮಾಡಲಾಗಿದ್ದು, ಸದ್ಯ 32 ರೆಸಾರ್ಟಗಳಿಗೆ ವಿದ್ಯುತ್ ಸಂಪರ್ಕ ಮತ್ತೆ ಜೋಡಿಸಲಾಗಿದೆ.  
- [ಮಂಜುಗುಣಿ ರಥೋತ್ಸವ: ಎಲ್ಲರೂ ಬನ್ನಿ!](https://mobiletime.in/2026/03/manjuguni-chariot-festival-come-on-everyone/): ಕರ್ನಾಟಕದ ತಿರುಪತಿ ಎಂದೇ ಪ್ರಸಿದ್ಧಿಪಡೆದಿರುವ ಶಿರಸಿಯ ಮಂಜುಗುಣಿಯಲ್ಲಿ ಶ್ರೀ ವೆಂಕಟರಮಣ ದೇವಸ್ಥಾನದ ವಾರ್ಷಿಕ ಮಹಾರಥೋತ್ಸವವು ಏಪ್ರಿಲ್ 2ರಂದು ನಡೆಯಲಿದೆ. ತಿರುಮಲ ಯೋಗಿವರ್ಯರಿಂದ ಸ್ಥಾಪಿಸಲ್ಪಟ್ಟ ಈ ಕ್ಷೇತ್ರದಲ್ಲಿ ಪರಂಪರಾಗತ ಆಗಮಶಾಸ್ತ್ರೋಕ್ತವಾಗಿ ವಿವಿಧ ಧಾರ್ಮಿಕ ವಿಧಿವಿಧಾನಗಳ ಮೂಲಕ ರಥೋತ್ಸವ ನಡೆಯಲಿದೆ. ಉತ್ಸವದ ಅಂಗವಾಗಿ ಮಾರ್ಚ 27ರಂದು ಪ್ರಾರ್ಥನೆ, ಬೀಜಾವಾಪ, ಉತ್ಸವ ಸಂಕಲ್ಪ, ಮಾತೃಕಾ ಸ್ಥಾಪನೆ, ದೇವನಾಂದಿ, ವರಣ, ಮಧುಪರ್ಕ, ಭೇರಿತಾಡನ, ಯಾಗಶಾಲಾ ಪ್ರವೇಶ, 28ರಂದು ಧ್ವಜಪೂಜಾ, ಧ್ವಜಾರೋಹಣ, ಕ್ಷೇತ್ರಪ್ರಾಕಾರ ಬಲಿ, ರತ್ನ ಮಂಟಪೋತ್ಸವ, 29ರಂದು ಸೂರ್ಯಪ್ರಭಾ ಉತ್ಸವ, ಗಜಯಂತ್ರೋತ್ಸವ, 30ರಂದು ಸಿಂಹ ಯಂತ್ರೋತ್ಸವ, 31ರಂದು ಶೇಷ ಯಂತ್ರೋತ್ಸವ ಜರುಗಲಿದೆ. ಏಪ್ರಿಲ್ 1ರಂದು ದೇವರ ವರ್ಧಂತಿ ಉತ್ಸವ, ಮಹಾದಂಡಬಲಿ, ಗರುಡಯಂತ್ರೋತ್ಸವ ನಡೆಯಲಿದೆ. ಉತ್ಸವದ ಪ್ರಮುಖ ಆಕರ್ಷಣೆಯಾದ ಶ್ರೀಮನ್ಮಹಾರಥೋತ್ಸವವು ಏಪ್ರಿಲ್ 2ರ ಗುರುವಾರ ಅದ್ದೂರಿಯಾಗಿ ನಡೆಯಲಿದೆ. ಅಂದು ಬೆಳಿಗ್ಗೆ 7 ಗಂಟೆಯಿAದ ರಥಾರೋಹಣ, 8 ಗಂಟೆಗೆ ರಥ ಎಳೆಯುವುದು ನಂತರ 9 ಗಂಟೆಯಿoದ ರಥ ದರ್ಶನ ಪ್ರಾರಂಭವಾಗಲಿದೆ. ಅಂದು ರಾತ್ರಿ 12 ಗಂಟೆಯವರೆಗೆ ಭಕ್ತರಿಗೆ ದೇವರ ದರ್ಶನ ಹಾಗೂ ಹಣ್ಣು-ಕಾಯಿ ಸೇವೆ ಸಲ್ಲಿಸಲು ಅವಕಾಶವಿರುತ್ತದೆ. ಏಪ್ರಿಲ್ 3ರ ಶುಕ್ರವಾರ ಅವಭೃತ ಸ್ನಾನ ಹಾಗೂ ಧ್ವಜಾವರೋಹಣದೊಂದಿಗೆ ಉತ್ಸವ ಸಂಪನ್ನಗೊಳ್ಳಲಿದೆ. ಏಪ್ರಿಲ್ 17ರಂದು ಸಂಪ್ರೋಕ್ಷಣಾ ಕಾರ್ಯಕ್ರಮ ನಡೆಯಲಿದೆ. ಈ ಎಲ್ಲಾ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ದೇವರ ಕೃಪೆಗೆ ಪಾತ್ರರಾಗಬೇಕೆಂದು ದೇವಸ್ಥಾನದ ಆಡಳಿತ ಮಂಡಳಿ ವಿನಂತಿಸಿದೆ.
- [ಕೆರೆ ಬಿಟ್ಟು ರಸ್ತೆಗೆ ಬಂದ ಮೊಸಳೆ!](https://mobiletime.in/2026/03/the-crocodile-left-the-lake-and-came-to-the-road/): ಯಲ್ಲಾಪುರದ ಜೋಡುಕೆರೆಯಲ್ಲಿ ಕಾಣಿಸಿಕೊಂಡಿದ್ದ ಮೊಸಳೆ ಸದ್ಯ ರಾತ್ರಿ ವೇಳೆ ಹೆದ್ದಾರಿಗೆ ಬರುತ್ತಿದೆ. ಹುಬ್ಬಳ್ಳಿ-ಅಂಕೋಲಾ ಹೆದ್ದಾರಿ ಅಂಚಿನಲ್ಲಿ ಮೊಸಳೆ ನೋಡಿದ ಜನ ಅದರ ವಿಡಿಯೋ ಮಾಡಿದ್ದಾರೆ. ಯಲ್ಲಾಪುರ ಜಾತ್ರೆಗೂ ಮೊದಲು ಜೋಡಕೆರೆಯಲ್ಲಿ ಮೊಸಳೆ ಕಾಣಿಸಿಕೊಂಡಿತ್ತು. ಆ ಮೊಸಳೆಯನ್ನು ಹಿಡಿದು ದಾಂಡೇಲಿಗೆ ಸಾಗಿಸುವ ಪ್ರಯತ್ನ ನಡೆದಿತ್ತು. ಅರಣ್ಯ ಇಲಾಖೆಯವರು ಪಂಚರವಿರಿಸಿದ್ದರೂ ಅದರಲ್ಲಿ ಮೊಸಳೆ ಬಿದ್ದಿರಲಿಲ್ಲ. ಕೆಲ ದಿನದ ನಂತರ ಆ ಮೊಸಳೆ ಅಲ್ಲಿ ಯಾರಿಗೂ ಕಾಣಿಸಿರಲಿಲ್ಲ. ಈಚೆಗೆ ಜೋಡುಕೆರೆಯಲ್ಲಿ ಅಪರಿಚಿತ ಶವವೊಂದು ಸಿಕ್ಕಿದ್ದು, ಆ ಶವಕ್ಕೆ ಸಹ ಮೊಸಳೆ ಘಾಸಿ ಮಾಡಿರಲಿಲ್ಲ. ಹೀಗಾಗಿ ಆ ಮೊಸಳೆ ಅಲ್ಲಿಂದ ಬೇರೆ ಕಡೆ ತೆರಳಿರಬಹುದು ಎಂದು ಜನ ಭಾವಿಸಿದ್ದರು. ಜೋಡುಕೆರೆಯ ಬಳಿ ಎಂದಿನoತೆ ದಿನ ನಿತ್ಯದ ಚಟುವಟಿಕೆಗಳು ಮುಂದುವರೆದಿದ್ದವು. ಅದಾಗಿಯೂ, ಮುನ್ನಚ್ಚರಿಕೆ ಕ್ರಮವಾಗಿ ಜೋಡುಕೆರೆಯಲ್ಲಿ ಮೊಸಳಗೆ ಆಗಮಿಸಿದ ನಾಮಫಲಕ ಅಳವಡಿಸಿದ್ದು ಅದು ಹಾಗೇ ಇದೆ. ಈ ಎಲ್ಲದರ ನಡುವೆ ಮೊನ್ನೆ ರಾತ್ರಿ ಅಲ್ಲಿ ಮತ್ತೆ ಮೊಸಳೆ ಕಾಣಿಸಿಕೊಂಡಿದೆ. ಈ ಬಾರಿ ಹೆದ್ದಾರಿ ಅಂಚಿನವರೆಗೂ ಮೊಸಳೆ ಬಂದಿದ್ದು, ಜನರ ಓಡಾಟ ನೋಡಿ ತಕ್ಷಣ ಕೆರೆಗೆ ಧುಮುಕಿದೆ. ನದಿ ಜೋಡಣೆಯೇ ಇಲ್ಲದ ಕೆರೆಗೆ ಮೊಸಳೆ ಆಗಮನದ ಬಗ್ಗೆ ಜನ ಆಶ್ಚರ್ಯವ್ಯಕ್ತಪಡಿಸಿದ್ದಾರೆ. ಅನೇಕ ತಿಂಗಳ ಹಿಂದೆಯೇ ಮರಿ ಮೊಸಳೆಯನ್ನು ವ್ಯಕ್ತಿಯೊಬ್ಬರು ಇಲ್ಲಿ ತಂದು ಬಿಟ್ಟ ಅನುಮಾನಗಳಿವೆ. ಅದೇ ಮೊಸಳೆ ದೊಡ್ಡದಾಗಿ ಇದೀಗ ದಡದಲ್ಲಿ ಕಾಣಿಸಿಕೊಂಡ ಬಗ್ಗೆ ಶಂಕಿಸಲಾಗಿದೆ. ರಾತ್ರಿ ವೇಳೆ ಹೆದ್ದಾರಿ ಅಂಚಿನಲ್ಲಿ ಕಾಣಿಸಿದ ಮೊಸಳೆಯನ್ನು ವ್ಯಕ್ತಿಯೊಬ್ಬರು ಮೊಬೈಲಿನಲ್ಲಿ ಚಿತ್ರಿಕರಿಸಿದ್ದಾರೆ.
- [ದುಡ್ಡುಪಡೆದ ಡಾಕ್ಟರಿಗೆ ಮತ್ತೊಂದು ಸಂಕಷ್ಟ!](https://mobiletime.in/2026/03/another-problem-for-the-doctor-who-made-money/): ಹೆರಿಗೆಗೆ ಬರುವ ಬಡ ಗರ್ಭಿಣಿಯರಿಂದ 15-20 ಸಾವಿರ ರೂ ವಸೂಲಿ ಮಾಡುತ್ತಿದ್ದ ದಾಂಡೇಲಿಯ ಸರ್ಕಾರಿ ವೈದ್ಯರಿಬ್ಬರಿಗೆ ಹಳಿಯಾಳ ಕ್ಷೇತ್ರದ ಶಾಸಕ ಆರ್ ವಿ ದೇಶಪಾಂಡೆ ಅವರು ತರಾಠೆಗೆ ತೆಗೆದುಕೊಂಡಿದ್ದು, ಅದರ ಬೆನ್ನಲ್ಲೇ ಆ ಇಬ್ಬರು ವೈದ್ಯರಿಗೆ ಮತ್ತೊಂದು ಸಂಕಷ್ಟ ಶುರುವಾಗಿದೆ. ಈಚೆಗೆ ಆರೋಗ್ಯ ರಕ್ಷಾ ಸಮಿತಿ ಸಭೆಯಲ್ಲಿ ದಾಂಡೇಲಿಯ ನಗರದ ತಾಯಿ ಮತ್ತು ಮಕ್ಕಳ ಆರೈಕೆ ಆರೋಗ್ಯ ಆಸ್ಪತ್ರೆಯ ಭ್ರಷ್ಟಾಚಾರದ ಬಗ್ಗೆ ಚರ್ಚೆ ನಡೆದಿತ್ತು. ಆ ವೇಳೆ ಡಾ ಅಖಿಲ ಕಿತ್ತೂರ ಹಾಗೂ ಡಾ ಕೀರ್ತಿ ಅವರು ತಾವು ನಡೆಸಿದ ಹಣಕಾಸು ವ್ಯವಹಾರದ ಬಗ್ಗೆ ಅವರೇ ಒಪ್ಪಿಕೊಂಡಿದ್ದರು. `ನಾವು ಯಾರಿಗೂ ದುಡ್ಡು ಕೇಳಿಲ್ಲ. ಖುಷಿಗೆ ಕೊಟ್ಟಿದನ್ನು ಮಾತ್ರ ಸ್ವೀಕರಿಸಿದ್ದೇವೆ’ ಎಂದವರು ಹೇಳಿಕೆ ನೀಡಿದ್ದರು. ಇದರಿಂದ ಆರ್ ವಿ ದೇಶಪಾಂಡೆ ಇನ್ನಷ್ಟು ಗರಂ ಆಗಿದ್ದು, ಅವರಿಬ್ಬರ ವಿರುದ್ಧ ಕಾನೂನು ಕ್ರಮಕ್ಕೆ ಒತ್ತಾಯಿಸಿದ್ದರು. ಸದ್ಯ ಆರೋಗ್ಯ ಇಲಾಖೆಯ ಬೆಳಗಾವಿ ವಿಭಾಗದ ವಿಭಾಗೀಯ ಜಂಟಿ ನಿರ್ದೇಶಕಿ ಡಾಪುಷ್ಪಾ ಅವರು ಸೋಮವಾರ ದಾಂಡೇಲಿಗೆ ಭೇಟಿ ನೀಡಿದ್ದಾರೆ. ಆಸ್ಪತ್ರೆಯ ವೈದ್ಯರಿಬ್ಬರ ಜೊತೆ ಎಲ್ಲಾ ಸಿಬ್ಬಂದಿಯನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಈ ಸಂದರ್ಭದಲ್ಲಿ ಡಿವೈಎಫ್‌ಐ ರಾಜ್ಯ ಸಮಿತಿ ಸದಸ್ಯ ಡಿ ಸ್ಯಾಮಸನ್ ಅವರು ಡಾ ಪುಷ್ಪಾ ಅವರನ್ನು ಭೇಟಿಯಾಗಿ ತಾಯಿ ಮತ್ತು ಮಕ್ಕಳ ಆರೈಕೆ ಆರೋಗ್ಯ ಆಸ್ಪತ್ರೆಯಲ್ಲಿ ನಡೆಯುತ್ತಿರುವ ಘಟನಾವಳಿಗಳ ಕುರಿತು ಕುಲಂಕುಶ ತನಿಖೆಗೆ ಆಗ್ರಹಿಸಿದರು. ತಾಯಿ ಮತ್ತು ಮಕ್ಕಳ ಆಸ್ಪತ್ರೆಯ ವೈದ್ಯರು ಹಾಗೂ ಸಿಬ್ಬಂದಿ ಜೊತೆ ತನಿಖಾಧಿಕಾರಿಗಳು ಸಭೆ ನಡೆಸಿ ಕಿವಿಮಾತು ಹೇಳಿದರು. `ಭ್ರಷ್ಟಾಚಾರರಹಿತ ಸೇವೆ ನೀಡಬೇಕು’ ಎಂದು ತಾಕೀತು ಮಾಡಿದರು. `ಹಣ ಬೇಡುವುದಲ್ಲ, ಖುಷಿಗೆ ಕೊಟ್ಟರೂ ಅದನ್ನು ಪಡೆಯಬಾರದು’ ಎಂದು ತಾಕೀತು ಮಾಡಿದರು. `ರೋಗಿಗಳನ್ನು ಧಾರವಾಡಕ್ಕೆ ರೆಫರ್ ಮಾಡುವುದರ ಬದಲು ಸಾಧ್ಯವಾದಷ್ಟು ಇಲ್ಲಿಯೇ ಸೇವೆ ನೀಡಬೇಕು’ ಎಂಬ ನಿರ್ದೇಶನ ನೀಡಿದರು. `ಸ್ಥಳೀಯರಿಂದಲೂ ವಿವಿಧ ಮಾಹಿತಿ ಸಂಗ್ರಹಿಸಲಾಗಿದೆ. ಈ ಬಗ್ಗೆ ಮೇಲಧಿಕಾರಿಗಳಿಗೆ ವರದಿ ಸಲ್ಲಿಸಲಾಗುತ್ತದೆ’ ಎಂದು ಡಾ ಪುಷ್ಪಾ ಅವರು ಮಾಧ್ಯಮಕ್ಕೆ ಮಾಹಿತಿ ನೀಡಿದರು. `ಹೆರಿಗೆ ಮಾಡಿಸಿಕೊಳ್ಳಲು ಹಣ ಕೊಟ್ಟಿರುವುದರ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಿ ವರದಿಯನ್ನ ಕೊಡುವಂತೆ ತಾಲೂಕು ಆರೋಗ್ಯ ವೈದ್ಯಾಧಿಕಾರಿಯವರಿಗೆ ನಿರ್ದೇಶನವನ್ನು ನೀಡಿದ್ದೇನೆ’ ಎಂದು ತಿಳಿಸಿದರು. ಜಿಲ್ಲಾ ಆರೋಗ್ಯ ವೈದ್ಯಾಧಿಕಾರಿ ಡಾ. ಶಂಕರ ಮತ್ತು ತಾಲೂಕು ಆರೋಗ್ಯ ವೈದ್ಯಾಧಿಕಾರಿ ಅನಿಲಕುಮಾರ ನಾಯ್ಕ ಜೊತೆಗಿದ್ದರು.
- [ಬೆಳೆ ವಿಮೆ: ತಾರತಮ್ಯ ನೀತಿಗೆ ಶಾಸಕರೇ ಕಾರಣ!](https://mobiletime.in/2026/03/crop-insurance-mlas-are-responsible-for-discriminatory-policy/): ಕಳೆದ ವರ್ಷ ವ್ಯಾಪಕ ಮಳೆಯಾದ ಪ್ರದೇಶದ ರೈತರಿಗೂ ಅತ್ಯಂತ ಕಡಿಮೆ ಪ್ರಮಾಣದ ಬೆಳೆ ವಿಮಾ ಪರಿಹಾರ ಸಿಕ್ಕಿದ್ದು, `ಅಧಿಕಾರಿಗಳು ಮಾಡಿದ ಎಡವಟ್ಟೇ ಇದಕ್ಕೆ ಕಾರಣ’ ಎಂದು ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಆರೋಪಿಸಿದ್ದಾರೆ. `ರಾಜ್ಯ ಸರಕಾರದ ಅಧಿಕಾರಿಗಳು ಮನಸ್ಸಿಗೆ ಬಂದ ಹಾಗೆ ಮಳೆ ವರದಿ ಕೊಟ್ಟಿದ್ದಾರೆ. ಪಕ್ಕದ ಪಂಚಾಯತ್ ಬಂದಿರುವ ಮಳೆ ಪ್ರಮಾಣ ಆಧರಿಸಿ ಇನ್ನೊಂದು ಪಂಚಾಯತಗೆ ವರದಿ ಕೊಟ್ಟಿದ್ದಾರೆ. ಹೀಗಾಗಿ ಒಂದೇ ಪ್ರಕಾರದ ಮಳೆ ಬಂದಿರುವ ಮತ್ತಿಘಟ್ಟಕ್ಕೆ ಗುಂಟೆಗೆ 170 ರೂ, ಬಂಡಲ ಪಂಚಾಯತ್ ಗುಂಟೆಗೆ 900 ರೂ ಪರಿಹಾರ ಬಂದಿದೆ. ದೊಡ್ನಳ್ಳಿ ಪಂಚಾಯತ್ ಗುಂಟೆಗೆ 50 ರೂ ಬಂದರೆ ಬಿಸಲಕೊಪ್ಪದಲ್ಲಿ 500 ರೂ ಬಂದಿದೆ. ಈ ಅವಾಂತರಕ್ಕೆ ಕಾಂಗ್ರೆಸ್ ಶಾಸಕ ಹಾಗೂ ಸಚಿವರೇ ಕಾರಣ’ ಎಂದವರು ದೂರಿದ್ದಾರೆ. `ಶಾಸಕರ ಹಾಗು ಸಚಿವರ ಅಸಡ್ಡೆಯಿಂದ ಅಡಿಕೆ ಬೆಳೆಗಾರರು ಹೈರಣಾಗಿದ್ದಾರೆ. ವಿಮಾ ಕಂಪನಿ ರಾಜ್ಯ ಸರ್ಕಾರದ ಜೊತೆ ಶಾಮೀಲಾಗಿ ಹಣ ಉಳಿಸುವ ಕಾರ್ಯ ಮಾಡಿದ ಬಗ್ಗೆ ಜನ ಮಾತನಾಡುತ್ತಿದ್ದಾರೆ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಜಿಲ್ಲೆಯ ರೈತರು ಪ್ರಸ್ತುತ ಸಾಲಿನಲ್ಲಿ ತೀವ್ರ ಸಂಕಷ್ಟದಲ್ಲಿದ್ದು, ಈ ಕೂಡಲೇ ಕ್ಷೇತ್ರದ ಶಾಸಕರು ತಮ್ಮ ನೇತೃತ್ವದಲ್ಲಿ ರೈತರು ಸಹಕಾರಿ ಸಂಘಗಳ ಪ್ರಮುಖರ ಸಭೆ ನಡೆಸಬೇಕು. ಕೃಷಿ ವಿಜ್ಞಾನಿಗಳು, ತೋಟಗಾರಿಕಾ ಅಧಿಕಾರಿಗಳನ್ನು ಕರೆಯಿಸಿ ತುರ್ತು ಪರಿಹಾರ ಒದಗಿಸಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. `ಎಲೆಚುಕ್ಕಿ ರೋಗದ ತೀವ್ರತೆಗೆ ಜಿಲ್ಲೆಯ ಜನ ಹೈರಾಣಾಗಿದ್ದು, ನಿತ್ಯದ ಬದುಕನ್ನು ಸಾಗಿಸುವುದು ಸಹ ಕಷ್ಟಕರವಾಗಿದೆ. ಸಂಕಷ್ಟದಲ್ಲಿರುವ ರೈತರ ಪರವಾಗಿ ಬಿಜೆಪಿ ಸದಾ ನಿಲ್ಲಲಿದ್ದು, ಅದೇ ಕಾರಣಕ್ಕೆ ಮಳೆ ಮಾಪನ ಯಂತ್ರ ಸರಿಯಿಲ್ಲದಿದ್ದರೂ ಸಹ ಕಳೆದ ಅವಧಿಯಲ್ಲಿ ಸಂಸದರಾದ ವಿಶ್ವೇಶ್ವರ ಹೆಗಡೆ ಕಾಗೇರಿಯವರ ಪ್ರಯತ್ನದ ಫಲವಾಗಿ ರೈತರಿಗೆ ಬೆಳೆವಿಮೆ ಹಣ ದೊರಕಿಸಿಕೊಡಲಾಗಿದೆ. ಈ ವರ್ಷವೂ ಸಹ ಸಂಸದರ ಪ್ರಯತ್ನದ ಫಲವಾಗಿ ಬೆಳೆವಿಮೆ ಹಣ ಜಮಾ ಆಗುತ್ತಿದೆ. ಕಳೆದ ವರ್ಷವೇ ಮಳೆ ಮಾಪನ ಯಂತ್ರವನ್ನು ಸರಿಪಡಿಸುವಂತೆ ಸಂಸದರು ತಾಕೀತು ಮಾಡಿದ್ದರೂ ಸಹ ರಾಜ್ಯ ಸರಕಾರದ ನಿಷ್ಕಾಳಜಿ ತೋರುವ ಮೂಲಕ ಜಿಲ್ಲೆಯ ರೈತರ ಬದುಕಿನಲ್ಲಿ ಚೆಲ್ಲಾಟ ಮಾಡುತ್ತಿದೆ’ ಎಂದವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ವಿಧಾನಸಭೆ ಅಧಿವೇಶನದಲ್ಲಿ ಶಿರಸಿ ಕ್ಷೇತ್ರದ ಶಾಸಕರು ಕೇವಲ ಕ್ಷೇತ್ರದ ಜನತೆಯೆದರು ಪ್ರಚಾರಕ್ಕಾಗಿ ಕಾಟಾಚಾರಕ್ಕೆ ಪ್ರಶ್ನೆ ಕೇಳಿ ಸುಮ್ಮನೆ ಕೂತಿದ್ದಾರೆ. ಎಲೆ ಚುಕ್ಕೆ ರೋಗಕ್ಕೆ ಔಷಧಿ ಸಹಾಯ ಧನ ಸರ್ಕಾರ 62 ಕೋಟಿ ರೂಪಾಯಿ ಮೀಸಲಿರಿಸಿದೆ ಎಂದು ಹೇಳಿಕೊಂಡಿದ್ದು, ಆದರೆ, ಈವರೆಗೆ ಕೇವಲ 5.25 ಕೋಟಿ ರೂಪಾಯಿ ಮಾತ್ರ ಖರ್ಚಾಗಿದೆ ಎಂದು ಸರ್ಕಾರವೇ ಒಪ್ಪಿಕೊಂಡಿದೆ. ಹಾಗಿದ್ದಲ್ಲಿ ಬಾಕಿ ಉಳಿದಿರುವ 56.75 ಕೋಟಿ ರೂಪಾಯಿ ಎಲ್ಲಿ ಹೋಯಿತು? ಸರ್ಕಾರದ ವರದಿಯ ಪ್ರಕಾರ ಕೇವಲ 16,000 ಜನರಿಗೆ ಮಾತ್ರ ಪರಿಹಾರ ನೀಡಲಾಗಿದೆ. ಆದರೆ ಉತ್ತರ ಕನ್ನಡ ಜಿಲ್ಲೆಯೊಂದರಲ್ಲೇ 22,000ಕ್ಕೂ ಹೆಚ್ಚು ರೈತರು ಈ ರೋಗದಿಂದ ಸಂಕಷ್ಟಕ್ಕೀಡಾಗಿದ್ದಾರೆ. ಕೂಡಲೇ ತೋಟಗಾರಿಕೆ ಮಂತ್ರಿ ಜಿಲ್ಲೆಗೆ ಆಗಮಿಸಿ ಪರಿಸ್ಥಿತಿ ಅವಲೋಕನ ನಡೆಸಬೇಕು’ ಎಂದವರು ಹೇಳಿದ್ದಾರೆ.
- [ಜೀತ ಪದ್ಧತಿ: ಬಾಲ ಕಾರ್ಮಿಕರನ್ನು ದುಡಿಸಿಕೊಂಡ ವ್ಯಾಪಾರಿಗೆ ಜೈಲು!](https://mobiletime.in/2026/03/slavery-businessman-jailed-for-employing-child-laborers/): ಬೇರೆ ಬೇರೆ ರಾಜ್ಯದಿಂದ ಬಾಲ ಕಾರ್ಮಿಕರನ್ನು ಕರೆಯಿಸಿ ಅವರನ್ನು ಅಂಕೋಲಾದಲ್ಲಿ ದುಡಿಸಿಕೊಳ್ಳುತ್ತಿದ್ದ ವ್ಯಾಪಾರಿಯೊಬ್ಬನನ್ನು ಅಂಕೋಲಾ ಎಸೈ ಮಹಾಬಲೇಶ್ವರ ಗಡರ್ ಅವರು ತಮ್ಮ ಚಾಣಾಕ್ಷತನದಿಂದ ಬಂಧಿಸಿದ್ದಾರೆ. ಏಳು ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಪಿ ರಾಮರ್ ಪೆರುಮೇರಾ ತೆವರ್ ಅವರು ಮಧುರೈನಲ್ಲಿ ಸಿಕ್ಕಿಬಿದ್ದಿದ್ದಾರೆ. ಅಂಕೋಲಾ ತಾಲೂಕಿನ ಮಾದನಗೇರಿ ಬಳಿ ರಾಮನ್ ಅಯ್ಯರ್ ತೇವರ್ ಹಾಗೂ ಅವರ ಪತ್ನಿ ಮಾಗಾದೇವಿ ತೇವರ್ ಜೊತೆ ಪಿ ರಾಮರ್ ಪೆರುಮೇರಾ ತೆವರ್ ಎಂಬಾತರು ಸೇರಿ ಬೇಕರಿ ನಡೆಸುತ್ತಿದ್ದರು. ತಮ್ಮ ಬೇಕರಿ ಕೆಲಸಕ್ಕಾಗಿ ಅವರು 16 ವರ್ಷದ ಇಬ್ಬರು ಹಾಗೂ 14 ವರ್ಷದ ಒಬ್ಬರನ್ನು ಕೆಲಸಕ್ಕೆ ನೇಮಿಸಿಕೊಂಡಿದ್ದರು. ಅವರ ಜೊತೆ 21 ವರ್ಷದ ಮತ್ತೊಬ್ಬರು ಇದ್ದು, ಆ ಎಲ್ಲರನ್ನು ತಮ್ಮ ಮನೆ ಕೆಲಸಕ್ಕೆ ಸಹ ನಿಯೋಜಿಸಿದ್ದರು. ಬೇರೆ ಬೇರೆ ಕಡೆ ಪೇಟಿಂಗ್ ಕೆಲಸಕ್ಕೆ ಸಹ ಆ ಬಾಲ ಕಾರ್ಮಿಕರನ್ನು ಕಳುಹಿಸುತ್ತಿದ್ದರು. ಮಧುರೈಯ ಆ ಮೂವರು ಬಾಲಕರು ಶಿಕ್ಷಣದಿಂದ ವಂಚಿತರಾಗಿದನ್ನು ಅಧಿಕಾರಿಗಳು ಗಮನಿಸಿದ್ದರು. 2019ರಲ್ಲಿ ಮಾದನಗೇರಿಯಲ್ಲಿರುವ ಮನೆ ಹಾಗೂ ಬೇಕರಿ ಮೇಲೆ ಅಧಿಕಾರಿಗಳು ದಾಳಿ ಮಾಡಿದ್ದರು. ಆಗ, ಮಣಿಕಂಠ, ಶ್ರವಣ, ಪರಮೇಶ, ಶಿವಾ ಎಂಬ ಬಾಲಕರು ಅತ್ಯಂತ ಶೋಚನೀಯ ಸ್ಥಿತಿಯಲ್ಲಿ ದುಡಿಯುತ್ತಿರುವುದು ಕಾಣಿಸಿತು. ಮಣಿಕಂಟ ಅವರನ್ನು ಹೊರತುಪಡಿಸಿ ಉಳಿದ ಮೂವರು ಅಪ್ರಾಪ್ತರಾಗಿದ್ದು, ಜೀತ ಕಾರ್ಮಿಕರಾಗಿ ಬಾಲಕರನ್ನು ದುಡಿಸಿಕೊಳ್ಳುತ್ತಿದ್ದ ರಾಮನ್ ಅಯ್ಯರ್ ತೇವರ್ ಹಾಗೂ ಅವರ ಪತ್ನಿ ಮಾಗಾದೇವಿ ತೇವರ್ ಅವರನ್ನು ಪೊಲೀಸರು ಬಂಧಿಸಿದರು. ಈ ವೇಳೆ ಮತ್ತೊಬ್ಬ ಆರೋಪಿ ಪಿ ರಾಮರ್ ಪೆರುಮೇರಾ ತೆವರ್ ಓಡಿ ಪರಾರಿಯಾಗಿದ್ದರು. ಬಾಲ ಕಾರ್ಮಿಕರನ್ನು ದುಡಿಸಿಕೊಂಡ ತಪ್ಪಿಗೆ ಅವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿ, ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು. ಆದರೆ, ಪರಾರಿಯಾಗಿದ್ದ ಪಿ ರಾಮರ್ ಪೆರುಮೇರಾ ತೆವರ್ ಈವರೆಗೂ ಪತ್ತೆ ಆಗಿರಲಿಲ್ಲ. ಪರಾರಿಯಾದವನ ಪತ್ತೆಗಾಗಿ ಪೊಲೀಸರು ವಿಶೇಷ ತಂಡ ರಚಿಸಿದರು. ಅಂಕೋಲಾ ಎಸೈ ಮಹಾಬಲೇಶ್ವರ ಗಡರ್ ಅವರು ಆ ತಂಡದ ನೇತ್ರತ್ವವಹಿಸಿದ್ದು, ಪೊಲೀಸ್ ಸಿಬ್ಬಂದಿ ಮೋಹನ್ ಅವರು ಶೋಧ ಕಾರ್ಯ ಶುರು ಮಾಡಿದರು. ಈ ವೇಳೆ ಪಿ ರಾಮರ್ ಪೆರುಮೇರಾ ತೆವರ್ ಅವರು ತಮಿಳುನಾಡಿನಲ್ಲಿರುವ ವಿಷಯ ಗೊತ್ತಾಯಿತು. ತಮಿಳುನಾಡಿನ ರಾಮನಾಥಪುರ ವಧುಗಪಟ್ಟಿಯ ಆಸ್ಲಿಮಪಟ್ಟಿ ಪೊಲೀಸ್ ಠಾಣೆ ಸಿಬ್ಬಂದಿ ಸಹಕಾರದಲ್ಲಿ ಅಂಕೋಲಾ ಪೊಲೀಸರು ಕಾರ್ಯಾಚರಣೆ ಮಾಡಿದರು. ಅಲ್ಲಿ ಅಡಗಿದ್ದ ಪಿ ರಾಮರ್ ಪೆರುಮೇರಾ ತೆವರ್ ಏಳು ವರ್ಷದ ನಂತರ ಸಿಕ್ಕಿ ಬಿದ್ದರು. ಆರೋಪಿಯನ್ನು ಬಂಧಿಸಿದ ಪೊಲೀಸರು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ನ್ಯಾಯಾಲಯ ಆರೋಪಿಗೆ ನ್ಯಾಯಾಂಗ ಬಂಧನವಿಧಿಸಿದೆ. ಸದ್ಯ ಪಿ ರಾಮರ್ ಪೆರುಮೇರಾ ತೆವರ್ ಅವರು ಕಾರವಾರ ಕಾರಾಗೃಹದಲ್ಲಿ ಕಾಲ ಕಳೆಯುತ್ತಿದ್ದಾರೆ.  
- [ಶ್ರೀಗಳ ಸಮಾಧಿ ಮೇಲೆ ಶರಾವತಿ ಯೋಜನೆ: ಸರ್ಕಾರಕ್ಕೆ ಸ್ವಾಮೀಜಿಯ ಸವಾಲು!](https://mobiletime.in/2026/03/sharavati-project-on-the-grave-of-a-saint-a-challenge-to-the-government/): ಸಾಕಷ್ಟು ವಿರೋಧದ ನಡುವೆಯೂ ಸರ್ಕಾರ ಹೊನ್ನಾವರದಲ್ಲಿ ಶರಾವತಿ ಪಂಪ್ ಸ್ಟೋರೇಜ್ ಯೋಜನೆಗೆ ಆಸಕ್ತಿವಹಿಸಿದ್ದು, ಬಂಗಾರಮಕ್ಕಿ ವೀರಾಂಜನೇಯ ಸಂಸ್ಥಾನದ ಮಾರುತಿ ಗುರೂಜಿ ಈ ಅವೈಜ್ಞಾನಿಕ ಯೋಜನೆ ವಿರುದ್ಧ ಇನ್ನಷ್ಟು ಆಕ್ರೋಶಹೊರಹಾಕಿದ್ದಾರೆ. `ಜನ ವಿರೋಧದ ನಡುವೆಯೂ ಈ ಯೋಜನೆ ಮಾಡುವುದಾದರೆ ತನ್ನ ಸಮಾಧಿ ಮೇಲೆ ಮಾಡಲಿ’ ಎಂದು ಮಾರುತಿ ಗುರೂಜಿ ಸಿಟ್ಟಿನಿಂದ ಹೇಳಿದ್ದಾರೆ. ಕಾರವಾರದಲ್ಲಿ ಮಾಧ್ಯಮದವರ ಜೊತೆ ಮಾತನಾಡಿದ ಅವರು `ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆ ಅನುಷ್ಟಾನ ಪ್ರದೇಶವು ಪಶ್ಚಿಮ ಘಟ್ಟಗಳ ವ್ಯಾಪ್ತಿಗೆ ಬರುತ್ತದೆ. ಪಶ್ವಿಮ ಘಟ್ಟಗಳನ್ನು ಯುನೆಸ್ಕೋ ಪಾರಂಪರಿಕ ತಾಣ ಎಂದು ಘೋಷಿಸಿದೆ’ ಎಂದು ತಿಳಿಸಿದರು. `ಯುನೆಸ್ಕೋ ಪಶ್ಚಿಮಘಟ್ಟ ರಕ್ಷಣೆಗಾಗಿ ಕಳೆದ 10 ವರ್ಷದಲ್ಲಿ 8.16 ಬಿಲಿಯನ್ ಅಂದರೆ, 12 ಸಾವಿರ ಕೋಟಿ ವಿನಿಯೋಗಿಸಿದೆ. ಹೀಗಾಗಿ ಪಶ್ಚಿಮಘಟ್ಟದ ಬಗ್ಗೆ ಯುನೆಸ್ಕೋ ಕಾಳಜಿಹೊಂದಿದೆ. ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಯಿಂದ ಇಡೀ ಪಶ್ಚಿಮ ಘಟ್ಟದಲ್ಲಿನ ಅಪರೂಪದ ಜೀವ ವೈವಿಧ್ಯತೆ ನಾಶವಾಗಲಿರುವ ಕುರಿತು ಯುನೆಸ್ಕೋ ಗಮನಕ್ಕೆ ತರಲಾಗಿದೆ’ ಎಂಬ ಮಾಹಿತಿ ಬಹಿರಂಗಪಡಿಸಿದರು. `ಪಂಪ್ಡ್ ಸ್ಟೋರೇಜ್ ನಿರ್ಮಾಣ ಯೋಜನೆಯ ವಿವರವನ್ನು ಯುನೆಸ್ಕೋ ಗಮನಕ್ಕೆ ತಂದಿದ್ದೇವೆ. ಯುನೆಸ್ಕೋ ಸಹ ಸರ್ಕಾರಕ್ಕೆ ಕೆಲ ಸ್ಪಷ್ಟ ನಿರ್ದೇಶನ ನೀಡಿದೆ’ ಎಂದವರು ವಿವರಿಸಿದರು. `ಶರಾವತಿ ಭೂಗತ ಯೋಜನೆಯಿಂದ ಅಳಿವಿನಂಚಿನಲ್ಲಿರುವ ಸಿಂಹಬಾಲದ ಸಿಂಗಳೀಕ, ಕೆಂದಳಿಲು, ಕಾಳಿಂಗ ಸರ್ಪ, ಮಂಗಟ್ಟೆ ಹಕ್ಕಿಗಳ ಜೊತೆ ಅಪರೂಪದ ಔಷಧೀಯ ಸಸ್ಯಗಳು ನಾಶವಾಗಲಿದೆ’ ಎಂದವರು ಎಚ್ಚರಿಸಿದರು. `ಶರಾವತಿ ಯೋಜನೆಗಾಗಿ 18 ಸಾವಿರ ಟನ್ ಸ್ಫೋಟಕಗಳನ್ನು ಬಳಸಲಾಗುತ್ತದೆ. ಭೂಗತ ಬಂಡೆಗಳನ್ನು ಒಡೆದು ಸುರಂಗ ಮಾರ್ಗ ಕೊರೆಯಲಾಗುತ್ತದೆ. ಇದರಿಂದ ಸುತ್ತಮುತ್ತಲಿನ ಪ್ರದೇಶದಲ್ಲಿ ಅಪಾರ ಪ್ರಮಾಣದಲ್ಲಿ ಪರಿಸರ ನಾಶವಾಗಲಿದೆ’ ಎಂದವರು ಆತಂಕವ್ಯಕ್ತಪಡಿಸಿದರು. `ಪಂಪ್ಡ್ ಸ್ಟೋರೇಜ್ ಯೋಜನೆಯಿಂದಾಗುವ ಅನಾಹುತಗಳನ್ನು ಮನಗೊಂಡು ಜಗತ್ತಿನ ನಂ.1 ದೇಶವಾದ ಅಮೇರಿಕಾವೇ ತನ್ನಲ್ಲಿರುವ ಎಲ್ಲಾ ಈ ಪಂಪ್ಡ್ ಸ್ಟೋರೇಜ್ ವಿದ್ಯುತ್ ಘಟಕಗಳನ್ನು ಬಂದ್ ಮಾಡುತ್ತಿದೆ’ ಎಂದರು. `ಈ ಜನವಿರೋಧಿ, ಪರಿಸರ ಹಾಗೂ ಜೀವ ವೈವಿಧ್ಯತೆಗಳಿಗೆ ಮಾರಕವಾದ ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಯನ್ನು ಜನಹೋರಾಟದ ಮೂಲಕ ಓಡಿಸುತ್ತೇವೆ. ಅದಾಗಿಯೂ, ಸರ್ಕಾರ ಯೋಜನೆ ಮಾಡಿದರೆ ಅದು ತನ್ನ ಸಮಾಧಿ ಮೇಲೆಯೇ ಮಾಡಬೇಕು. ಯೋಜನೆ ಶುರುವಾದ ಕ್ಷಣದಲ್ಲಿ ತಾನು ಇರಲ್ಲ’ ಎಂದು ಎಚ್ಚರಿಸಿದರು.  
- [ಅಗ್ನಿ ಅವಘಡ: ಕಾಗದ ಕಾರ್ಖಾನೆಯ ಪ್ಲಾಸ್ಟಿಕ್ ಭಸ್ಮ!](https://mobiletime.in/2026/03/fire-accident-plastic-from-paper-factory-burns/): ದಾಂಡೇಲಿಯ ಕೆರವಾಡ ಪ್ರದೇಶದಲ್ಲಿರುವ ಶ್ರೇಯಸ್ ಪೇಪರ್ ಮಿಲ್ಲಿಗೆ ಭಾರೀ ಪ್ರಮಾಣದಲ್ಲಿ ಬೆಂಕಿ ಬಿದ್ದಿದೆ. ಕಂಪನಿ ಆವರಣದಲ್ಲಿ ಸಂಗ್ರಹಿಸಿದ್ದ ಪ್ಲಾಸ್ಟಿಕ್ ತ್ಯಾಜ್ಯ ಹೊತ್ತಿ ಉರಿದಿದೆ. ಇಲ್ಲಿ ಕಳೆದ ಅನೇಕ ವರ್ಷಗಳಿಂದ ಪ್ಲಾಸ್ಟಿಕ್ ಸಂಗ್ರಹಿಸಿಡಲಾಗಿತ್ತು. ಭಾನುವಾರ ಆ ಪ್ಲಾಸ್ಟಿಕ್ ರಾಶಿಗೆ ಬೆಂಕಿ ತಗುಲಿದ್ದರಿಂದ ದಟ್ಟ ಹೊಗೆ ಕಾಣಿಸಿತು. ಕಾರ್ಖಾನೆ ಸುತ್ತಲಿನ 500ಮೀ ಪ್ರದೇಶದಲ್ಲಿ ಬೆಂಕಿಯ ಜ್ವಾಲೆ ಆವರಿಸಿದ್ದು, ಆ ಪ್ರಮಾಣದಲ್ಲಿ ಬೆಂಕಿ ನೋಡಿದ ಜನ ಆತಂಕಕ್ಕೆ ಒಳಗಾದರು. ಗಾಳಿಯ ವೇಗಕ್ಕೆ ತಕ್ಕ ಹಾಗೇ ಬೆಂಕಿಯೂ ಎಲ್ಲಡೆ ಬಹುಬೇಗ ಪ್ರಸರಿಸಿದ್ದರಿಂದ ಒಮ್ಮೆಲೆ ನಿಯಂತ್ರಣ ಸಾಧ್ಯವಾಗಲಿಲ್ಲ. ಎರಡು ವಾರದ ಹಿಂದೆಯೂ ಈ ಭಾಗದಲ್ಲಿ ಅಗ್ನಿ ಅನಾಹುತ ನಡೆದಿತ್ತು. ಆ ವೇಳೆ ದೊಡ್ಡ ಪ್ರಮಾಣದಲ್ಲಿ ಅನಾಹುತ ನಡೆದಿರಲಿಲ್ಲ. ಆದರೆ, ಈ ಬಾರಿ ಕಾರ್ಖಾನೆ ಕಟ್ಟಡದವರೆಗೂ ಬೆಂಕಿ ಸಮೀಪಿಸಿದ್ದು, ಶೈಲೇಶ್ ಪರಮಾನಂದ ಹಾಗೂ ಪಿಐ ಶಿವಾನಂದ ಅಂಬಿಗೇರ ಸ್ಥಳಕ್ಕೆ ದೌಡಾಯಿಸಿ ಬೆಂಕಿ ನಂದಿಸುವ ಕಾರ್ಯಾಚರಣೆ ಬಗ್ಗೆ ಚರ್ಚಿಸಿದರು. ಕಾಗದ ಕಂಪನಿಯ ಅಗ್ನಿಶಾಮಕ ಸಿಬ್ಬಂದಿ ಜೊತೆ ದಾಂಡೇಲಿ, ಹಳಿಯಾಳ ಮತ್ತು ಜೊಯಿಡಾ ಭಾಗದಿಂದಲೂ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ ಬೆಂಕಿ ಆರಿಸುವ ಪ್ರಯತ್ನ ಮಾಡಿದರು. ಭಾನುವಾರ ಮಧ್ಯಾಹ್ನದ ವೇಳೆ ಅಗ್ನಿ ಅವಘಡ ನಡೆದಿದ್ದು, ರಾತ್ರಿ 9 ಗಂಟೆಯವರೆಗೆ ಕಾರ್ಯಾಚರಣೆ ನಡೆದರೂ ಬೆಂಕಿ ಆರಲಿಲ್ಲ. ಸೋಮವಾರ ಬೆಳಗ್ಗೆ ಮತ್ತೆ ಕಾರ್ಯಾಚರಣೆ ಮುಂದುವರೆದಿದ್ದು, ಸದ್ಯ ದೊಡ್ಡ ಅನಾಹುತ ಆಗದಂತೆ ಮುನ್ನಚ್ಚರಿಕೆವಹಿಸಲಾಗಿದೆ.
- [ಚಾಕು ತೋರಿಸಿ ಬೆದರಿಕೆ: ಆಟೋ ಚಾಲಕನ ಮನೆಗೆ ನುಗ್ಗಿದ ಆಗಂತುಕರು!](https://mobiletime.in/2026/03/threatened-with-a-knife-strangers-barged-into-auto-drivers-house/): ಹೊನ್ನಾವರದ ಗಣೇಶ ನಾಯ್ಕ ಅವರ ಮನೆಗೆ ನಾಲ್ವರು ನುಗ್ಗಿದ್ದು, ಕುಟುಂಬದವರಿಗೆ ಚಾಕು ತೋರಿಸಿ ಬೆದರಿಸಿದ್ದಾರೆ. ಆಗ, ಕುಟುಂಬದವರೆಲ್ಲರೂ ಮನೆಯ ಮೂಲೆಗೆ ಹೋಗಿದ್ದು, ಆ ಆಗಂತುಕರು ಕೋಣೆಗೆ ಹೋಗಿ ಶೋಧ ನಡೆಸಿದ್ದಾರೆ. ನಗರಬಸ್ತಿಕೇರಿ ಗಾಳಕೂರಿನಲ್ಲಿ ಗಣೇಶ ನರಸಿಂಹ ನಾಯ್ಕ ಅವರು ವಾಸವಾಗಿದ್ದಾರೆ. ಆಟೋ ಚಾಲಕರಾಗಿ ಅವರು ಜೀವನ ನಡೆಸುತ್ತಿದ್ದಾರೆ. ಮಾರ್ಚ 19ರ ಮಧ್ಯಾಹ್ನ 2.45ಕ್ಕೆ ಅವರ ಮನೆಗೆ ನಾಲ್ವರು ಆಗಮಿಸಿದ್ದಾರೆ. ಬೈಕಿನಲ್ಲಿ ಬಂದ ಜನ ಚಾಕು ತೋರಿಸಿ ಮನೆಯಲ್ಲಿದ್ದವರನ್ನು ಹೆದರಿಸಿದ್ದಾರೆ. `ಯಾರು ಮುಂದೆ ಬರಬಾರದು’ ಎಂದು ಆ ನಾಲ್ವರು ಬೆದರಿಸಿದ್ದು, ಇದರಿಂದ ಗಣೇಶ ನಾಯ್ಕ ಅವರ ಕುಟುಂಬದವರು ಕಂಗಾಲಾಗಿದ್ದಾರೆ. ಈ ವೇಳೆ ಆ ನಾಲ್ವರು ಮನೆಯ ಕೋಣೆಯೊಂದಕ್ಕೆ ನುಗ್ಗಿದ್ದಾರೆ. ಅಲ್ಲಿರುವ ವಸ್ತುಗಳನ್ನು ಚಲ್ಲಾಪಿಲ್ಲಿ ಮಾಡಿದ್ದಾರೆ. ಅಲ್ಲಿರುವ ದಾಖಲೆಗಳನ್ನು ಹುಡುಕಾಡಿದ್ದಾರೆ. ಆಗ, ಗಣೇಶ ನಾಯ್ಕ ಅವರ ತಾಯಿ ಜೋರಾಗಿ ಬೊಬ್ಬೆ ಹೊಡೆದಿದ್ದು, ಗಣೇಶ ನಾಯ್ಕ ಅವರ ಪತ್ನಿಯೂ ದೊಡ್ಡದಾಗಿ ಕೂಗಿದ್ದಾರೆ. ಅಕ್ಕ-ಪಕ್ಕದ ಮನೆಯ ಜನ ಬರುವುದನ್ನು ನೋಡಿ ಆ ನಾಲ್ವರು ಆಗಂತುಕರು ಅಲ್ಲಿಂದ ಪರಾರಿಯಾಗಿದ್ದಾರೆ. ಆ ಆಗಂತುಕರು ಅಲ್ಲಿಂದ ಪರಾರಿಯಾಗುವ ಮೊದಲು `ಈ ವಿಷಯ ಬೇರೆ ಯಾರಿಗಾದರೂ ಹೇಳಿದರೆ ರಾತ್ರಿ ಮತ್ತೆ ಬರುತ್ತೇವೆ’ ಎಂದು ಎಚ್ಚರಿಕೆ ನೀಡಿದ್ದಾರೆ. `ರಾತ್ರಿ ಬಂದಾಗ ನಿಮ್ಮೆಲ್ಲರನ್ನು ಮುಗಿಸುತ್ತೇವೆ’ ಎಂದು ಹೆದರಿಸಿದ್ದಾರೆ. ಅದಾಗಿಯೂ, ಗಣೇಶ ನಾಯ್ಕ ಅವರು ಈ ವಿಷಯದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಅದೇ ಊರಿನ ಕಮಲೇಶ ಗಜಾನನ ನಾಯ್ಕ ಅವರ ಕುಮ್ಮಕ್ಕಿನಿಂದ ಆ ನಾಲ್ವರು ಆಗಮಿಸಿದ ಬಗ್ಗೆ ಗಣೇಶ ನಾಯ್ಕ ಅವರು ದೂರಿದ್ದಾರೆ. `ಕಮಲೇಶ ನಾಯ್ಕ ಹಾಗೂ ತಮ್ಮ ನಡುವೆ ಜಮೀನು ವಿಷಯವಾಗಿ ತಕರಾರು ನಡೆದಿದ್ದು, ಅದೇ ಕಾರಣಕ್ಕೆ ಬೆದರಿಕೆ ಒಡ್ಡಿದ್ದಾರೆ. ಅರಣ್ಯ ಇಲಾಖೆ ಜಾಗದಲ್ಲಿ ರಸ್ತೆ ಮಾಡಿದ ವಿಷಯವಾಗಿ ಅರಣ್ಯ ಇಲಾಖೆಗೆ ದೂರು ಸಲ್ಲಿಕೆಯಾಗಿದ್ದರಿಂದ ಕಮಲೇಶ ನಾಯ್ಕ ಅವರು ತಮ್ಮ ಮೇಲೆ ಸಂಶಯಪಟ್ಟು ಬೆದರಿಕೆ ಒಡ್ಡಿದ್ದರು. ನಮ್ಮ ಮನೆಯ ಬಾಗಿಲು ಒಡೆದು ಬರುವುದಾಗಿ ಬೆದರಿಸಿದ್ದರು. ಅವರ ಪ್ರಚೋದನೆಯಿಂದಲೇ ನಾಲ್ವರು ತಮ್ಮ ಮನೆಗೆ ನುಗ್ಗಿ ಹೆದರಿಸಿದ್ದಾರೆ’ ಎಂದು ಗಣೇಶ ನಾಯ್ಕ ಅವರು ಹೇಳಿದ್ದಾರೆ. ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸತ್ಯಾಸತ್ಯತೆಯ ಪರಿಶೀಲನೆ ಶುರು ಮಾಡಿದ್ದಾರೆ.
- [ಡಿವೈಡರಿಗೆ ಗುದ್ದಿದ ಬೈಕು: ಸೆಂಟ್ರಿoಗ್ ಕಾರ್ಮಿಕ ಮೃತ್ಯು!](https://mobiletime.in/2026/03/bike-hits-divider-centrifugal-worker-dies/): ವೇಗವಾಗಿ ಬೈಕ್ ಓಡಿಸಿದ ಪರಿಣಾಮ ರಾಮಚಂದ್ರ ದೇವಾಡಿಗ ಅವರ ಬೈಕು ಅಪಘಾತಕ್ಕೀಡಾಗಿದ್ದು, ಬೈಕಿನಿಂದ ಬಿದ್ದು ಅವರು ಸಾವನಪ್ಪಿದ್ದಾರೆ. ಭಟ್ಕಳದ ಬೈಲೂರಿನ ಸಣ್ಣಬಳಸೆ ಬಳಿ ರಾಮಚಂದ್ರ ಮಂಜುನಾಥ ದೇವಾಡಿಗ (40) ಅವರು ವಾಸವಾಗಿದ್ದರು. ಸೆಂಟ್ರಿAಗ್ ಕೆಲಸ ಮಾಡಿ ಅವರು ಬದುಕು ನಡೆಸುತ್ತಿದ್ದರು. ರಾಮಚಂದ್ರ ದೇವಾಡಿಗ ಅವರು ಯಾವಾಗಲೂ ವೇಗವಾಗಿ ಬೈಕ್ ಓಡಿಸುತ್ತಿದ್ದು, ಅದೇ ವೇಗ ಅವರ ಜೀವನ ಯಾತ್ರೆ ಮುಗಿಸಿದೆ. ಮಾರ್ಚ 21ರ ರಾತ್ರಿ ನಡೆದ ಅಪಘಾತದಲ್ಲಿ ಅವರು ಸಾವನಪ್ಪಿದ್ದಾರೆ. ಆ ದಿನ ರಾತ್ರಿ ರಾಮಚಂದ್ರ ದೇವಾಡಿಗ ಅವರು ಮುರುಡೇಶ್ವರದಿಂದ ಬೈಲೂರು ಕಡೆಗೆ ಬೈಕ್ ಓಡಿಸುತ್ತಿದ್ದರು. ಅವರ ಬೈಕು ಗುದಿಗದ್ದೆ ಕ್ರಾಸಿನ ಬಳಿ ನಿಯಂತ್ರಣ ತಪ್ಪಿತು. ಪರಿಣಾಮ ಬೈಕು ಡಿವೈಡರಿಗೆ ಗುದ್ದಿತು. ತಲೆಗೆ ಹಾಗೂ ಮುಖಕ್ಕೆ ಗಂಭೀರ ಗಾಯವಾದ ರಾಮಚಂದ್ರ ದೇವಾಡಿಗ ಅವರು ಅಲ್ಲಿಯೇ ಸಾವನಪ್ಪಿದರು. ತಮ್ಮನ ಸಾವಿನ ಬಗ್ಗೆ ಪರಮಯ್ಯ ದೇವಾಡಿಗ ಅವರು ಮಾಹಿತಿ ನೀಡಿದ್ದು, ಮುರುಡೇಶ್ವರ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. `ಅತಿ ವೇಗವದ ವಾಹನ ಚಾಲನೆ ಅಪಾಯಕಾರಿ’
- [ಕಾನ್ಸರಿಗೆ ಬೆದರಿದ ಮಹಿಳೆ: ಆತ್ಮಹತ್ಯೆ!](https://mobiletime.in/2026/03/woman-terrified-of-cancer-commits-suicide/): ಗಂಟಲು ಕಾನ್ಸರಿನಿಂದ ಸಮಸ್ಯೆ ಅನುಭವಿಸಿದ್ದ ಶಿರಸಿಯ ಗಿರಿಜಾ ನಾಯ್ಕ ಅವರು ಅರಣ್ಯದಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಶಿರಸಿ ಬಾಳೆಗದ್ದೆ ಬಳಿಯ ಮದ್ಯ ಇಡ್ತಳ್ಳಿಯಲ್ಲಿ ಗಿರಿಜಾ ಈಶ್ವರ ನಾಯ್ಕ (65) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರಿಗೆ ಐದು ವರ್ಷದ ಹಿಂದೆ ಅನಾರೋಗ್ಯ ಕಾಡಿತು. ತಪಾಸಣೆ ನಡೆಸಿದಾಗ ಗಂಟಲು ಕಾನ್ಸರ್ ಕಾಡುತ್ತಿರುವುದು ಗೊತ್ತಾಯಿತು. 2023ರಲ್ಲಿ ಅವರು ಶಸ್ತç ಚಿಕಿತ್ಸೆಗೂ ಒಳಗಾದರು. ಆದರೆ, ಅವರ ಆರೋಗ್ಯ ಸುಧಾರಿಸಲಿಲ್ಲ. ತಮ್ಮ ಆರೋಗ್ಯದ ಬಗ್ಗೆ ಗಿರಿಜಾ ನಾಯ್ಕ ಅವರು ಚಿಂತೆಗೆ ಒಳಗಾದರು. ಅನಾರೋಗ್ಯದ ಕಾರಣ ಮಾನಸಿಕ ವೇದನೆ ಅನುಭವಿಸಿದರು. ಅನಾರೋಗ್ಯಕ್ಕೆ ಒಳಗಾಗಿ ಜೀವಿಸುವುದಕ್ಕಿಂತಲೂ ಸಾವನಪ್ಪುವುದೇ ಉತ್ತಮ ಎಂದು ಅವರು ಭಾವಿಸಿದರು. ಹೀಗಾಗಿ ಮಾರ್ಚ 21ರಂದು ಹಿತ್ಲಜಡ್ಡಿ ಅರಣ್ಯ ಪ್ರದೇಶಕ್ಕೆ ಹೋದ ಅವರು ಅಲ್ಲಿದ್ದ ಕುಬ್ಸಲು ಬಳ್ಳಿಗೆ ವೇಲು ಕಟ್ಟಿದರು. ಅಲ್ಲಿಯೇ ನೇಣು ಹಾಕಿಕೊಂಡು ಸಾವನಪ್ಪಿದರು. ಮರಾಠಿಕೊಪ್ಪದ ಜೋಡಕಟ್ಟೆ ಬಳಿ ನರ್ಸ ಕೆಲಸ ಮಾಡುವ ಶಶಿಕಲಾ ನಾಗರಾಜ ಭಂಡಾರಿ ಅವರು ತಾಯಿ ಸಾವಿನ ಬಗ್ಗೆ ಪೊಲೀಸರಿಗೆ ವರದಿ ಒಪ್ಪಿಸಿದ್ದು, ಶಿರಸಿ ಗ್ರಾಮೀಣ ಠಾಣಾ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. `ಸಮಸ್ಯೆಗಳಿಗೆ ಆತ್ಮಹತ್ಯೆಯೇ ಪರಿಹಾರವಲ್ಲ’
- [21 ವರ್ಷದ ಹೋರಾಟ: ಸಹೋದದರಿಗೆ ಸವಾಲು ಹಾಕಿ ಭೂಮಿಪಡೆದ ಅಕ್ಕ-ತಂಗಿಯರು!](https://mobiletime.in/2026/03/21-year-struggle-sisters-who-challenged-their-brothers-to-get-land/): 21 ವರ್ಷದ ಕಾನೂನು ಹೋರಾಟದ ನಂತರ ನಾಲ್ವರು ಸಿದ್ದಾಪುರದ ಮಹಿಳೆಯರು ಪಿತ್ರಾರ್ಜಿತ ಆಸ್ತಿಯಲ್ಲಿ ಸಮಪಾಲುಪಡೆದಿದ್ದಾರೆ. ಈಚೆಗೆ ಶಿರಸಿ ನ್ಯಾಯಾಲಯದಲ್ಲಿ ನಡೆದ ಲೋಕ ಅದಾಲತ್ ಮೂಲಕ ಹೆಣ್ಣು ಮಕ್ಕಳಿಗೂ ಭೂಮಿಯ ಹಕ್ಕು ಸಿಕ್ಕಿದೆ. 2001ರಲ್ಲಿ ಗಣಪತಿ ಎಂಬಾತರು ಸಾವನಪ್ಪಿದ್ದರು. ಅವರಿಗೆ ನಾಲ್ವರು ಗಂಡು ಹಾಗೂ ನಾಲ್ವರು ಹೆಣ್ಣು ಮಕ್ಕಳಿದ್ದು, ಹೆಣ್ಣು ಮಕ್ಕಳಿಗೆ ಸಮಾನ ಹಕ್ಕು ನೀಡಲು ಗಂಡು ಮಕ್ಕಳು ಮಾನಸಿಕವಾಗಿ ಸಿದ್ಧವಾಗಿರಲಿಲ್ಲ. ಹೀಗಾಗಿ ಹಿರಿಯ ಮಗ ದೇವರು ಅವರ ಮೂಲಕ ಈ ಪ್ರಕರಣ 2005ರಲ್ಲಿ ಈ ಆಸ್ತಿ ವಿಭಜನೆಯ ಕಲಹ ನ್ಯಾಯಾಲಯದ ಮೆಟ್ಟಿಲೇರಿತು. `ಹೆಣ್ಣು ಮಕ್ಕಳ ಮದುವೆ ವೇಳೆ ಸಾಕಷ್ಟು ಕೊಡುಗೆ ನೀಡಲಾಗಿದೆ. ಆ ವೇಳೆ ಕುಟುಂಬದ ಆಸ್ತಿಯನ್ನು ಕರಗಸಿ ಸಾಕಷ್ಟು ಖರ್ಚು ಮಾಡಲಾಗಿದೆ’ ಎಂದು ಗಂಡು ಮಕ್ಕಳು ವಾದಿಸಿದ್ದರು. ವಾದ-ಪ್ರತಿವಾದ ಉಚ್ಚ ನ್ಯಾಯಾಲಯದವರೆಗೂ ಹೋಗಿದ್ದು, ಅಲ್ಲಿಯೂ ಸಮಸ್ಯೆ ಸಂಪೂರ್ಣವಾಗಿ ಬಗೆಹರಿದಿರಲಿಲ್ಲ. ಈ ಎಲ್ಲದರ ನಡುವೆ ಮಾರ್ಚ 14ರಂದು ಶಿರಸಿ ನ್ಯಾಯಾಲಯದಲ್ಲಿ ಲೋಕ ಅದಾಲತ್ ನಡೆಯಿತು. ವಾಜ್ಯದ ಕಾರಣ ಜಮೀನು ಹಾಳು ಬಿಡುವ ಬದಲು ಅವರವರಿಗೆ ಅದರ ಹಕ್ಕು ನೀಡುವಂತೆ ಕಕ್ಷಿದಾರರಿಗೆ ವಕೀಲರು ಮನವರಿಕೆ ಮಾಡಿದರು. `ಹಣ, ಸಮಯ ಹಾಗೂ ಶ್ರಮ ಉಳಿತಾಯಕ್ಕೆ ಲೋಕ ಅದಾಲತ್ ನೆರವಾಗಲಿದೆ’ ಎಂದು ನ್ಯಾಯಾಧೀಶೆ ಶಾರದಾದೇವಿ ಹಟ್ಟಿ ಅವರು ಕಿವಿಮಾತು ಹೇಳಿದರು. ಈ ಹಿನ್ನಲೆ ಭೂಮಿ ವಿಷಯವಾಗಿ 25 ವರ್ಷದಿಂದ ವೈರತ್ವ ಕಟ್ಟಿಕೊಂಡಿದ್ದವರು ರಾಜಿ ನಿರ್ಣಯದಿಂದ ಒಂದಾದರು. ಗಂಡು ಮಕ್ಕಳು ತಮ್ಮ ಸಹೋದರಿಯರಿಗೆ ಸಮಾನ ಹಕ್ಕು ನೀಡಲು ಒಪ್ಪಿದರು. ನ್ಯಾಯವಾದಿ ಜಿಪಿಎನ್ ಹೆಗಡೆ ಅವರು ಕಕ್ಷಿದಾರರ ಜೊತೆ ಮಾತನಾಡಿದ್ದು, ಹಿಂದೂ ಅವಿಭಕ್ತ ಕುಟುಂಬದಲ್ಲಿ ಬೆಳೆದಿದ್ದ ಹೆಣ್ಣು ಮಕ್ಕಳಿಗೆ ಭೂಮಿ ಹಕ್ಕು ಕೊಡಿಸಿದರು.  
- [ಹೊಟ್ಟೆನೋವು: ಮರುದಿನವೇ ಮಹಿಳೆಯ ಮರಣ!](https://mobiletime.in/2026/04/stomach-ache-woman-dies-the-next-day/): ಮುರುಡೇಶ್ವರ ಬಳಿಯ ಮಾಲತಿ ನಾಯ್ಕ ಅವರಿಗೆ ಹೊಟ್ಟೆನೋವು ಕಾಣಿಸಿಕೊಂಡಿದ್ದು, ಮರುದಿನ ಆಸ್ಪತ್ರೆಗೆ ಹೋದರೂ ಅವರು ಬದುಕಲಿಲ್ಲ. ಭಟ್ಕಳದ ಸಂಶನೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿ, ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಉಡುಪಿ ಕಡೆ ಕರೆದೊಯ್ಯುವಾಗ ಅವರು ಸಾವನಪ್ಪಿದ್ದಾರೆ. ಭಟ್ಕಳದ ಮುರುಡೇಶ್ವರ ಬಳಿಯ ಮುಡಶಿರಾಲಿಯಲ್ಲಿ ಮಾಲತಿ ನಾಗರಾಜ ನಾಯ್ಕ (42) ಅವರು ವಾಸವಾಗಿದ್ದರು. ಮನೆ ಕೆಲಸ ಮಾಡಿಕೊಂಡಿದ್ದ ಅವರು ಆರೋಗ್ಯವಾಗಿಯೇ ಇದ್ದರು. ಏಪ್ರಿಲ್ 16ರಂದು ಅವರಿಗೆ ಹೊಟ್ಟೆನೋವು ಕಾಣಿಸಿಕೊಂಡಿತು. ಆ ದಿನ ಮನೆಯಲ್ಲಿಯೇ ವಿಶ್ರಾಂತಿಪಡೆದ ಅವರು ಮರು ದಿನ ಆಸ್ಪತ್ರೆಗೆ ಹೋಗಲು ನಿರ್ಧರಿಸಿದರು. ಅದರಂತೆ, ಏಪ್ರಿಲ್ 17ರಂದು ಮಾಲತಿ ನಾಯ್ಕ ಅವರನ್ನು ಭಟ್ಕಳದ ಸಂಶನೂರು ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿನ ಚಿಕಿತ್ಸೆಯಲ್ಲಿ ಚೇತರಿಕೆಯಾಗದ ಕಾರಣ ಬೇರೆ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಉಡುಪಿ ಕಡೆ ತೆರಳುತ್ತಿದ್ದಾಗ ದಾರಿ ಮದ್ಯೆಯೇ ಮಾಲತಿ ನಾಯ್ಕ ಅವರು ಉಸಿರು ನಿಲ್ಲಿಸಿದರು. ಸಾವಿನ ಬಗ್ಗೆ ಮಾಲತಿ ಅವರ ಪತಿ ನಾಗರಾಜ ನಾಯ್ಕ ಅವರು ಮಾಹಿತಿ ನೀಡಿದ್ದು, ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕಳ್ಳರ ಕಾಟ: ಸೂಪರ್ ಮಾರ್ಟಿಗೆ ಸಮಸ್ಯೆ!](https://mobiletime.in/2026/04/thieves-menace-a-problem-for-super-mart/): ಹೊನ್ನಾವರದ ಹೃದಯಭಾಗದಲ್ಲಿರುವ ಸೂಪರ್ ಮಾರ್ಟಗೆ ಕಳ್ಳರು ನುಗ್ಗಿದ್ದಾರೆ. ಆ ಕಟ್ಟಡದ ಗ್ಲಾಸ್ ಒಡೆದ ಕಳ್ಳರು ಅಲ್ಲಿದ್ದ ಹಣ ಹಾಗೂ ವಸ್ತುಗಳನ್ನು ದೋಚಿ ಪರಾರಿಯಾಗಿದ್ದಾರೆ. ಹೊನ್ನಾವರ ಪಟ್ಟಣದ ಬಸ್ ನಿಲ್ದಾಣ ಬಳಿಯಿರುವ `ಎ ಆರ್ ಎಂ ಬಜಾರ್’ನಲ್ಲಿ ಕಳ್ಳತನ ನಡೆದಿದೆ. ಏಪ್ರಿಲ್ 15ರ ರಾತ್ರಿ ಕಳ್ಳರು ಸೂಪರ್ ಮಾರ್ಟ ಪ್ರವೇಶಿಸಿ ದರೋಡೆ ಮಾಡಿದ್ದು, ಮರುದಿನ ಬೆಳಕಿಗೆ ಬಂದಿದೆ. ಇಲ್ಲಿ ಒಂದನೇ ಮಹಡಿಗೆ ಅಳವಡಿಸಲಾಗಿದ್ದ 6 ಅಡಿ ಉದ್ದ ಮತ್ತು 3 ಅಡಿ ಅಗಲದ 12 ಎಂಎA ದಪ್ಪದ ವಾಲ್ ಗ್ಲಾಸ್ ಒಡದ ಕಳ್ಳರು ಅಲ್ಲಿಂದಲೇ ಒಳಗೆ ನುಗ್ಗಿದ್ದಾರೆ. ಬಳಿಕ ಕ್ಯಾಶ್ ಕೌಂಟರ್ ಹಾಗೂ ಲಾಕರ್ ಜಾಲಾಡಿ ಅಲ್ಲಿದ್ದ ಹಣ ದೋಚಿದ್ದಾರೆ, ಲಾಕರ್‌ನಲ್ಲಿದ್ದ 1.20 ಲಕ್ಷ ರೂ ಹಣ, 25 ಸಾವಿರ ರೂ ಮೌಲ್ಯದ ಎನ್‌ವಿಆರ್ ಕಳ್ಳತನವಾಗಿದೆ. ಜೊತೆಗೆ ಗ್ಲಾಸ್ ಒಡೆದ ಕಾರಣ ಸೂಪರ್ ಮಾರ್ಟ ಮಾಲಕರಾದ ಹೊನ್ನಾವರದ ಗಾಂಧಿನಗರದ ಮಂಜುನಾಥ್ ಅಪ್ಪು ನೇಸರಗಿ ಅವರಿಗೆ 30 ಸಾವಿರ ರೂ ನಷ್ಟವಾಗಿದೆ. ಕಳ್ಳರ ಕಾಟಕ್ಕೆ ಬೇಸತ್ತ ಅವರು ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಪೊಲೀಸರು ಕಳ್ಳರ ಶೋಧ ಶುರು ಮಾಡಿದ್ದಾರೆ.
- [ಮಹಿಳೆ ಮನೆ ಮೇಲೆ ಕಲ್ಲು ತೂರಾಟ!](https://mobiletime.in/2026/04/stones-thrown-at-a-womans-house/): ಹಳಿಯಾಳದ ಮಂಗಳವಾಡದಲ್ಲಿನ ರುಕ್ಮಿಣಿ ಭಂಡಾರಿ ಅವರ ಮನೆಗೆ ಅದೇ ಊರಿನ ಶಾಂತರಾಮ ಜುವಳೇಕರ್ ಅವರು ಕಲ್ಲು ಹೊಡೆದಿದ್ದಾರೆ. ಮರು ದಿನ ಮತ್ತೆ ಅಲ್ಲಿಗೆ ಆಗಮಿಸಿದ ಶಾಂತರಾಮ ಜುವಳೇಕರ್ ಅವರು ಮನೆಯ ಬಾಗಿಲಿಗೆ ಮತ್ತೆ ಕಲ್ಲು ಹೊಡೆದಿದ್ದು, ಪ್ರಶ್ನಿಸಿದ ಕಾರಣ ಮಹಿಳೆಯನ್ನು ನಿಂದಿಸಿದ್ದಾರೆ. ಹಳಿಯಾಳದ ಮಂಗಳವಾಡದದಲ್ಲಿ ರುಕ್ಮಿಣಿ ಕೃಷ್ಣ ಭಂಡಾರಿ ಅವರು ವಾಸವಾಗಿದ್ದಾರೆ. ಅದೇ ಊರಿನ ಶಾಂತರಾಮ ಮಾತೃ ಜುವಳೇಕರ್ ಅವರು ರುಕ್ಮಿಣಿ ಭಂಡಾರಿ ಅವರನ್ನು ದ್ವೇಷಿಸುತ್ತಿದ್ದು, ಏಪ್ರಿಲ್ 16ರಂದು ರುಕ್ಮಿಣಿ ಭಂಡಾರಿ ಅವರ ಮನೆ ಮೇಲೆ ಕಲ್ಲು ಹೊಡೆದು ಪರಾರಿಯಾಗಿದ್ದಾರೆ. ಆ ದಿನ ಕಲ್ಲು ಹೊಡೆದವರ ಬಗ್ಗೆ ಗೊತ್ತಿದ್ದರೂ ರುಕ್ಮಿಣಿ ಭಂಡಾರಿ ಅವರು ಮೌನವಾಗಿದ್ದು, ಮರುದಿನ ಮ ಜುವಳೇಕರ್ ಅವರು ಮತ್ತೆ ಆಗಮಿಸಿ ಕಲ್ಲು ತೂರಾಟ ಮಾಡಿದ್ದಾರೆ. ಈ ವೇಳೆ ಆ ಕಲ್ಲು ರುಕ್ಮಿಣಿ ಭಂಡಾರಿ ಅವರ ಮನೆ ಬಾಗಿಲಿಗೆ ತಾಗಿದೆ. ಕಲ್ಲು ಜಜ್ಜಿದ ಪರಿಣಾಮ ಮನೆಯ ಬಾಗಿಲು ಒಡೆದಿದ್ದು, ಇದರಿಂದ ರುಕ್ಮಿಣಿ ಭಂಡಾರಿ ಅವರು ಸಿಟ್ಟಾಗಿದ್ದಾರೆ. ಕಲ್ಲು ತೂರಾಟ ನಡೆಸಿದ ಶಾಂತರಾಮ ಜುವಳೇಕರ್ ಅವರನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. ಈ ವೇಳೆ ಶಾಂತರಾಮ ಜುವಳೇಕರ್ ಹಾಗೂ ರುಕ್ಮಿಣಿ ಭಂಡಾರಿ ಅವರ ನಡುವೆ ಜೋರಾಗಿ ಜಗಳ ನಡೆದಿದೆ. ರುಕ್ಮಿಣಿ ಭಂಡಾರಿ ಅವರನ್ನು ಕೆಟ್ಟದಾಗಿ ನಿಂದಿಸಿದ ಶಾಂತರಾಮ ಜುವಳೇಕರ್ ಅವರು ಬೆದರಿಕೆ ಒಡ್ಡಿದ್ದಾರೆ. ಈ ಬಗ್ಗೆ ರುಕ್ಮಿಣಿ ಭಂಡಾರಿ ಅವರು ಮನೆಯವರ ಬಳಿ ಚರ್ಚಿಸಿ ಪೊಲೀಸ್ ಠಾಣೆಯ ಮೊರೆ ಹೋಗಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದಾರೆ.
- [ಆಳದ ಬಾವಿಯಲ್ಲಿ ಅಡಗಿದ್ದ ಕಾರ್ಮಿಕನ ಶವ!](https://mobiletime.in/2026/04/the-body-of-a-worker-was-found-hidden-in-a-deep-well/): ಶಿರಸಿ ಊರುತೋಟದ ಸುಬ್ರಾಯ ಹೆಗಡೆ ಅವರ ಬಾವಿಯಲ್ಲಿ ಮಳಲಿಯ ಪರಮಾ ಗೌಡ ಅವರ ಶವ ಸಿಕ್ಕಿದೆ. ಮರದ ರೆಂಬೆಯ ನಡುವೆ ಸಿಲುಕಿದ ಪರಮಾ ಗೌಡ ಅವರು ಮೇಲೆ ಬರಲಾಗದೇ ಅಲ್ಲಿಯೇ ಸಾವನಪ್ಪಿದ್ದಾರೆ. ಶಿರಸಿ ನೆಗ್ಗು ಬಳಿಯ ಮಳಲಿಯಲ್ಲಿ ಪರಮಾ ಈರಾ ಗೌಡ (62) ಅವರು ವಾಸವಾಗಿದ್ದರು. ಊರುತೋಟದ ಸುಬ್ರಾಯ ಗಣೇಶ ಹೆಗಡೆ ಅವರ ಬಳಿ ಕೆಲಸ ಕೇಳಿಕೊಂಡು ಹೋಗಿದ್ದ ಪರಮಾ ಗೌಡ ಅವರಿಗೆ ಸುಬ್ರಾಯ ಹೆಗಡೆ ಅವರು ಆಶ್ರಯ ಕೊಟ್ಟಿದ್ದರು. ಅವರ ತೋಟದಲ್ಲಿ ಕೂಲಿ ಕೆಲಸ ಮಾಡಿಕೊಂಡು ಪರಮಾ ಗೌಡ ಅವರು ಜೀವಿಸುತ್ತಿದ್ದರು. ಹೆಗಡೆರ ತೋಟದಲ್ಲಿದ್ದ ಇದ್ದ ಪಂಪ್ ಶೆಡ್’ನಲ್ಲಿಯೇ ಪರಮಾ ಗೌಡ ಅವರು ವಸತಿ ಹೂಡಿದ್ದರು. 5 ವರ್ಷದ ಹಿಂದೆ ಪರಮಾ ಗೌಡ ಅವರ ಮಗ ಮಹೇಶ ಗೌಡ ಅವರು ಆತ್ಮಹತ್ಯೆಗೆ ಶರಣಾಗಿದ್ದರು. ಇದರಿಂದ ನೊಂದಿದ್ದ ಪರಮಾ ಗೌಡ ಅವರು ಕುಡಿತದ ಚಟಕ್ಕೆ ಒಳಗಾಗಿದ್ದರು. ಈಚೆಗೆ ಅವರ ವ್ಯಸನ ತೀರಾ ಹೆಚ್ಚಾಗಿದ್ದು, ಊಟ-ತಿಂಡಿಯನ್ನು ಸಹ ಸರಿಯಾಗಿ ಮಾಡುತ್ತಿರಲಿಲ್ಲ. ಸರಾಯಿ ಸೇವನೆಯಲ್ಲಿಯೇ ಜೀವನ ನಡೆಸುತ್ತಿದ್ದ ಪರಮಾ ಗೌಡ ಅವರು ಏಪ್ರಿಲ್ 15ರ ಬೆಳಗ್ಗೆ 9.30ರವರೆಗೂ ತೋಟದಲ್ಲಿ ಕಾಣಿಸಿಕೊಂಡಿದ್ದರು. ಅದಾದ ನಂತರ ಅವರು ಕಣ್ಮರೆಯಾಗಿದ್ದರು. ಏಪ್ರಿಲ್ 17ರಂದು ಸುಬ್ರಾಯ ಹೆಗಡೆ ಅವರ ತೋಟದ ಬಾವಿಯಲ್ಲಿ ಮರ ಬಿದ್ದಿರುವುದು ಕಾಣಿಸಿತು. ಆ ಮರದಲ್ಲಿಯೇ ಪರಮಾ ಗೌಡ ಅವರು ಸಿಕ್ಕಿ ಬಿದ್ದಿದ್ದರು. 20 ಅಡಿ ಆಳದ ಬಾವಿಯನ್ನು ಸರಿಯಾಗಿ ಗಮನಿಸಿದಾಗ ಅಲ್ಲಿ ಪರಮಾ ಗೌಡ ಅವರು ಸಾವನಪ್ಪಿರುವುದು ಗೊತ್ತಾಯಿತು. ಪಂಪ್‌ಸೆಟ್ ಮುಂದಿದ್ದ ಮಣ್ಣಿನ ಧರೆಯ ಇಳಿಜಾರಿನಲ್ಲಿ ಪರಮಾ ಗೌಡ ಅವರು ಆಕಸ್ಮಿಕವಾಗಿ ಬಿದ್ದು ಬಾವಿ ಸೇರಿದ್ದು, ಮೇಲೆ ಬರಲಾಗದೇ ಸಾವನಪ್ಪಿದ ಶಂಕೆವ್ಯಕ್ತವಾಯಿತು. ಚಿಕ್ಕಪ್ಪನ ಸಾವಿನ ಬಗ್ಗೆ ಗಣಪತಿ ಈಶ್ವರ ಗೌಡ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಶಿರಸಿ ಗ್ರಾಮೀಣ ಠಾಣಾ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಕಾರಿನ ಮೇಲೆ ಬಿದ್ದ ಮರ!](https://mobiletime.in/2026/04/tree-falls-on-car/): ಕುಮಟಾದ ತದಡಿ ಬಳಿ ಕಾರಿನ ಮೇಲೆ ಮರ ಬಿದ್ದಿದೆ. ಕಾರಿನ ಜೊತೆ ಪಕ್ಕದಲ್ಲಿ ನಿಲ್ಲಿಸಿದ್ದ ಎರಡು ಸ್ಕೂಟರ್ ಸಹ ಜಖಂ ಆಗಿದೆ. ತದಡಿ ಯುವಕ ಸಂಘದ ಕ್ರೀಡಾಂಗಣದ ಪಕ್ಕದಲ್ಲಿ ಶನಿವಾರ ಪ್ರವಾಸಿಗರೊಬ್ಬರು ಕಾರು ನಿಲ್ಲಿಸಿದ್ದರು. ತೆಲಂಗಾಣದಿAದ ಬಂದ ಪ್ರವಾಸಿಗರು ಅಲ್ಲಿ ಕಾರು ನಿಲ್ಲಿಸಿದ್ದು, ಅದರ ಪಕ್ಕ ಹಾವೇರಿ ಪ್ರವಾಸಿಗರ ಕಾರು ಸಹ ನಿಂತಿತ್ತು. ಜೊತೆಗೆ ಸ್ಥಳೀಯರಿಬ್ಬರು ತಮ್ಮ ಸ್ಕೂಟರನ್ನು ಅಲ್ಲಿ ನಿಲುಗಡೆ ಮಾಡಿದ್ದರು. ನಂತರ ಪ್ರವಾಸಿಗರೆಲ್ಲರೂ ಬೋಟಿಂಗ್ ಹೋಗಿದ್ದು, ಈ ವೇಳೆ ಅಲ್ಲಿದ್ದ ಮರ ಮುರಿದು ಬಿದ್ದಿತು. ಮರದ ನೆರಳಿನಲ್ಲಿ ಕಾರು ನಿಲ್ಲಿಸಿ ಬೋಟಿಂಗ್ ಹೋದವರು ಮರಳಿ ಬಂದಾಗ ಆ ಕಾರು ಅಲ್ಲಿಂದ ಕದಲುವ ಸ್ಥಿತಿಯಲ್ಲಿರಲಿಲ್ಲ. ಆಲದ ಮರದ ರೆಂಬೆ-ಕೊoಬೆಗಳು ಮುರಿದು ಬಿದ್ದ ಪರಿಣಾಮ ಕಾರು ಜಖಂ ಆಗಿತ್ತು. ಜೊತೆಗಿದ್ದ ಎರಡು ಸ್ಕೂಟರ್ ಸಹ ಪುಡಿಯಾಗಿತ್ತು. ಅವಘಡದ ವೇಳೆ ಮರದ ಅಡಿ ಜನ ಇರಲಿಲ್ಲ. ದೂರದಲ್ಲಿದ್ದ ಕೆಲವರು ಮರ ಬೀಳುವುದನ್ನು ನೋಡಿದ್ದು, ಸಮೀಪ ಹೋಗಲು ಹೆದರಿದರು. ಮರ ಮುರಿದು ಬಿದ್ದ ನಂತರ ಕಾರು ಜಖಂ ಆದ ಬಗ್ಗೆ ಅವರು ಮಾಹಿತಿ ನೀಡಿದರು.
- [ಬಿಸಿ ಗಾಳಿ: ಈ ಸೂಚನೆ ಪಾಲಿಸದಿದ್ದರೆ ಅಪಾಯ ಖಚಿತ!](https://mobiletime.in/2026/04/hot-air-danger-is-certain-if-this-instruction-is-not-followed/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬಿಸಿ ಗಾಳಿ ಮುಂದುವರೆದಿದ್ದು, ಇನ್ನೂ ನಾಲ್ಕು ದಿನ ವಾತಾವರಣ ಹಾಗೇ ಮುಂದುವರೆಯುವ ಲಕ್ಷಣಗಳಿವೆ. ಬಿಸಿಲು ಹಾಗೂ ಒಣ ಹವೆಯ ಪ್ರಭಾವದಿಂದ ಜನರ ಆರೋಗ್ಯದಲ್ಲಿಯೂ ವ್ಯತ್ಯಾಸವಾಗುತ್ತಿದೆ. ಸೂರ್ಯನ ಶಾಖದಿಂದ ರಕ್ಷಿಸಿಕೊಳ್ಳುವುದರ ಜೊತೆ ಆರೋಗ್ಯ ಕಾಪಾಡಿಕೊಳ್ಳುವುದಕ್ಕಾಗಿ ಜಿಲ್ಲಾಡಳಿತ ಜನರಿಗೆ ವಿವಿಧ ಸೂಚನೆ ರವಾನಿಸಿದೆ. `ನಿತ್ಯ ಮಧ್ಯಾಹ್ನ 12ಗಂಟೆಯಿoದ 3 ಗಂಟೆ ಅವಧಿಯಲ್ಲಿ ಶಾಖ ಹೆಚ್ಚಾಗುತ್ತಿರುವುದರಿಂದ ಆ ಅವಧಿಯಲ್ಲಿ ಬಿಸಿಲಿಗೆ ಹೋಗುವುದನ್ನು ತಪ್ಪಿಸಿ’ ಎಂದು ಜಿಲ್ಲಾಡಳಿತ ಮನವಿ ಮಾಡಿದೆ. `ಬಾಯಾರಿಕೆ ಇಲ್ಲದಿದ್ದರೂ ಪ್ರತಿಯೊಬ್ಬರು ಸಾಕಷ್ಟು ನೀರು ಕುಡಿಯಬೇಕು. ಹಗುರವಾದ, ತಿಳಿ ಬಣ್ಣದ, ಸಡಿಲವಾದ ಮತ್ತು ಹತ್ತಿ ಬಟ್ಟೆಗಳನ್ನು ಧರಿಸಬೇಕು. ಬಿಸಿಲಿನಲ್ಲಿ ಹೋಗುವಾಗ ರಕ್ಷಣೆಗಾಗಿ ಕನ್ನಡಕ, ಛತ್ರಿ, ಟೋಪಿ, ಬೂಟು ಅಥವಾ ಚಪ್ಪಲಿಗಳನ್ನು ಬಳಸಬೇಕು’ ಎಂದು ಸಲಹೆ ನೀಡಿದೆ. `ಮಧ್ಯಾಹ್ನ 12 ರಿಂದ 3ರವರೆಗೆ ಶ್ರಮದಾಯಕ ಚಟುವಟಿಕೆಗಳನ್ನು ಆದಷ್ಟು ತಪ್ಪಿಸಬೇಕು. ಪೂರ್ವಾಹ್ನ 11 ಗಂಟೆಯಿAದ ಸಂಜೆ 4 ಗಂಟೆಯ ಅವಧಿಯಲ್ಲಿ ಹೊರಾಂಗಣ ಸಭೆಗಳು, ಚಟುವಟಿಕೆಗಳು ನಡೆಯುವ ಪ್ರದೇಶದಲ್ಲಿ ಸಾರ್ವಜನಿಕರಿಗೆ ಬಿಸಿಲಿನಿಂದ ರಕ್ಷಣೆಯನ್ನು ನೀಡಲು ಅಗತ್ಯ ಶಾಮಿಯಾನ ವ್ಯವಸ್ಥೆ ಮಾಡಬೇಕು’ ಎಂದು ಸೂಚಿಸಿದೆ. `ಉತ್ತಮ ಗಾಳಿಯಾಡುವ ವ್ಯವಸ್ಥೆ ಹಾಗೂ ಸಭಿಕರಿಗೆ ಕುಡಿಯುವ ನೀರಿನ ವ್ಯವಸ್ಥೆಯನ್ನು ಕಡ್ಡಾಯವಾಗಿ ಮಾಡಬೇಕು. ಪ್ರಯಾಣಿಸುವಾಗ ನೀರನ್ನು ಜೊತೆಯಲ್ಲಿ ಕೊಂಡೊಯ್ಯಬೇಕು. ದೇಹವನ್ನು ನಿರ್ಜಲೀಕರಣಗೊಳಿಸುವ ಆಲ್ಕೋಹಾಲ್, ಚಹಾ, ಕಾಫಿ ಮತ್ತು ಕಾರ್ಬೋನೇಟೆಡ್ ತಂಪು ಪಾನೀಯಗಳನ್ನು ಸೇವಿಸದಿರಿ’ ಎಂದು ಸಲಹೆ ನೀಡಿದೆ. `ಬಿಸಿ ಆಹಾರವನ್ನು ಸೇವಿಸಬೇಕು. ನಿಲ್ಲಿಸಿದ ವಾಹನಗಳಲ್ಲಿ ಮಕ್ಕಳನ್ನು ಅಥವಾ ಸಾಕು ಪ್ರಾಣಿಗಳನ್ನು ಬಿಡುವುದು ಸರಿಯಲ್ಲ. ಮೂರ್ಛೆ ಅಥವಾ ಅನಾರೋಗ್ಯ ಅನಿಸಿದ್ದಲ್ಲಿ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ ಸೂಕ್ತ ಚಿಕಿತ್ಸೆ ಪಡೆಯಬೇಕು’ ಎಂದು ಸೂಚಿಸಲಾಗಿದೆ. `ನಿಂಬೆ ನೀರು, ಮಜ್ಜಿಗೆ ಮುಂತಾದ ಮನೆಯಲ್ಲಿ ತಯಾರಿಸಿದ ಪಾನೀಯಗಳನ್ನು ಬಳಸಬೇಕು. ಈ ಋತುಮಾನದಲ್ಲಿ ಲಭ್ಯವಿರುವ ಹಾಗೂ ಹೆಚ್ಚಿನ ನೀರಿನ ಅಂಶವನ್ನು ಹೊಂದಿರುವ ಕಲ್ಲಂಗಡಿ, ಕರಬೂಜ, ಕಿತ್ತಳೆ, ದ್ರಾಕ್ಷಿ, ಅನಾನಸ್ ಹಣ್ಣುಗಳನ್ನು, ತರಕಾರಿ, ಸೊಪ್ಪು, ಎಳನೀರುಗಳನ್ನು ಹೆಚ್ಚಾಗಿ ಸೇವಿಸಬೇಕು. ಸಾಕು ಪ್ರಾಣಿಗಳನ್ನು ನೆರಳಿನಲ್ಲಿ ಇರಿಸಿ, ಅವುಗಳಿಗೆ ಕುಡಿಯಲು ಸಾಕಷ್ಟು ನೀರು ಒದಗಿಸಬೇಕು. ಮನೆಯನ್ನು ತಂಪಾಗಿರಿಸಲು ಪರದೆ, ಶಟರ್ ಅಥವಾ ಸನ್‌ಶೇಡ್‌ಗಳನ್ನು ಬಳಸಬೇಕು’ ಎಂದು ಸೂಚಿಸಲಾಗಿದೆ. `ಅತೀ ಹೆಚ್ಚು ತಾಪಮಾನಕ್ಕೆ ತುತ್ತಾದ ವ್ಯಕ್ತಿಯನ್ನು ನೆರಳಿನ ಅಡಿಯಲ್ಲಿ ತಂಪಾದ ಸ್ಥಳಕ್ಕೆ ಸ್ಥಳಾಂತರಿಸಬೇಕು. ಒದ್ದೆಯಾದ ಬಟ್ಟೆಯಿಂದ ಮೈ ಒರೆಸಬೇಕು ಹಾಗೂ ದೇಹದ ಉಷ್ಣತೆೆಯನ್ನು ತಗ್ಗಿಸಲು ತಲೆಯ ಮೇಲೆ ನೀರನ್ನು ಹಾಕಬೇಕು. ನೀರು ಅಥವಾ ಪುನರ್ಜಲೀಕರಣ ಪಾನೀಯಗಳಾದ ಓ.ಆರ್.ಎಸ್, ನಿಂಬೆ ಪಾನಕ ನೀಡಬೇಕು. ವ್ಯಕ್ತಿಗೆ ತಂಪಾದ ಗಾಳಿಯ ವ್ಯವಸ್ಥೆ ಮಾಡಬೇಕು. ರೋಗ ಲಕ್ಷಣಗಳು ಉಲ್ಬಣಗೊಂಡಲ್ಲಿ ಅಥವಾ ದೀರ್ಘಕಾಲದವರೆಗೆ ಇದ್ದಲ್ಲಿ ಅಥವಾ ವ್ಯಕ್ತಿಯು ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದರೆ ವೈದ್ಯರನ್ನು ಸಂಪರ್ಕಿಸಬೇಕು. ಈ ಸಂದರ್ಭದಲ್ಲಿ ಮದ್ಯಪಾನ, ಕಾಫಿ, ಶೇಖರಿಸಿದ ಪಾನೀಯಗಳನ್ನು ನೀಡಬಾರದು’ ಎಂದು ತಿಳಿಸಲಾಗಿದೆ. `ಅತೀ ಹೆಚ್ಚು ತಾಪಮಾನದಿಂದ ಬಳಲಿಕೆಗೆ ತುತ್ತಾದವರ ಮೇಲೆ ತಂಪಾದ ಒದ್ದೆ ಬಟ್ಟೆಯನ್ನು ಹಾಕುವ ಮೂಲಕ ವ್ಯಕ್ತಿಯನ್ನು ತಂಪಾಗಿರಿಸಬೇಕು. ಉತ್ತಮ ಗಾಳಿಗಾಗಿ ಬಟ್ಟೆಗಳನ್ನು ಸಡಿಲಗೊಳಿಸಬೇಕು. ಅತೀ ಹೆಚ್ಚು ತಾಪಮಾನದಿಂದ ಉದ್ಭವಿಸಬಹುದಾದ ರೋಗಲಕ್ಷಣಗಳನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಆರೋಗ್ಯ ಇಲಾಖೆಯಿಂದ ಆಗಿಂದಾಗ್ಗೆ ನೀಡುವ ಮಾರ್ಗಸೂಚಿಗಳನ್ನು ಪಾಲಿಸಬೇಕು’ ಎಂದು ಸೂಚಿಸಲಾಗಿದೆ.
- [ಶಿರಸಿಯಲ್ಲಿ ಮತ್ತೊಂದು ಸಹಸ್ರ ಹೊಂಡ!](https://mobiletime.in/2026/04/another-thousand-hole-pit-in-sirsi/): 177 ಕೋಟಿ ರೂ ವೆಚ್ಚದಲ್ಲಿ ಶಿರಸಿ-ಹಾವೇರಿ ಹೆದ್ದಾರಿ ಕಾಮಗಾರಿ ನಡೆಯುತ್ತಿದ್ದು, ಐದು ವರ್ಷಗಳಿಂದ ಆ ರಸ್ತೆ ಕೆಲಸ ಅರೆಬರೆಯಾಗಿದೆ. ಅತಿಯಾದ ಧೂಳು, ಹದಗೆಟ್ಟ ರಸ್ತೆ, ಚಕ್ರದ ಅಡಿ ಸಿಲುಕಿದ ಕಲ್ಲುಗಳ ಹಾರಾಟದಿಂದ ಜನ ಅಪಘಾತದ ಆತಂಕ ಎದುರಿಸುತ್ತಿದ್ದಾರೆ. ಜೊತೆಗೆ ಈ ಮಾರ್ಗದಲ್ಲಿ ಪ್ರಯಾಣಿಸಿದವರು ಆರೋಗ್ಯ ಸಮಸ್ಯೆಗೂ ಒಳಗಾಗಿದ್ದಾರೆ. ನಿತ್ಯ ಸಾವಿರಾರು ವಾಹನಗಳು ಈ ಹೆದ್ದಾರಿ ಮೂಲಕ ಸಂಚರಿಸುತ್ತವೆ. ಪ್ರತಿ ವಾಹನ ಓಡಾಟದ ನಂತರವೂ ಆ ಭಾಗದಲ್ಲಿ ವ್ಯಾಪಕ ಪ್ರಮಾಣದಲ್ಲಿ ಧೂಳು ಏಳುತ್ತದೆ. ಇದರಿಂದ ಮುಂದೆ ಹೋದ ವಾಹನದ ಹಿಂದೆ ಬರುವ ಪ್ರಯಾಣಿಕರು ಉಸಿರಾಟ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಹೆದ್ದಾರಿ ಪಕ್ಕ ನಿಂತವರಿಗೆ `ಥೂ.. ಇವ್ರ ಜನ್ಮಕ್ಕಿಷ್ಟು, ಯೋಗ್ಯತೆಗಿಷ್ಟು, ಅಯೋಗ್ಯರು.. ನಾಲಾಯಕರು’ ಎಂದು ಪ್ರಯಾಣಿಕರು ರಾಜಕಾರಣಿಗಳಿಗೆ ಬೈಯುವ ಶಬ್ದಗಳು ಕೇಳಿಸುತ್ತಿವೆ. ಆದರೆ, ಆ ಬೈಗುಳ ಕೇಳಿಸಿದರೂ ರಾಜಕಾರಣಗಳು `ತಮಗೆ ಅದು ಸಂಬAಧಿಸಿಲ್ಲ’ ಎನ್ನುವ ರೀತಿ ಸುಮ್ಮನಿದ್ದಾರೆ. ಹೀಗಾಗಿ `ಅವರಿಗೆ ಎಷ್ಟು ಬೈದರೂ ಪ್ರಯೋಜನ ಇಲ್ಲ.. ಇವ್ರ ಯೋಗ್ಯತೆಯೇ ಇಷ್ಟು’ ಎಂದು ಜನ ಅದೇ ದಾರಿಯಲ್ಲಿ ಮುಂದೆ ಸಾಗುತ್ತಿದ್ದಾರೆ! ಇಲ್ಲಿನ ನಾಲ್ಕರ ಕ್ರಾಸ್‌ನಿಂದ ಶಿರಸಿಯ ನಿಲೇಕಣಿವರೆಗೆ ಸುಮಾರು 38 ಕಿಲೋಮೀಟರ್ ರಸ್ತೆ ಕಾಮಗಾರಿ ನಡೆಯುತ್ತಿದೆ. ಸಾಗರಮಾಲಾ ಯೋಜನೆ ಅಡಿ ಈ ಕಾಮಗಾರಿ ಮಾಡಲಾಗುತ್ತಿದ್ದು, ಬಳ್ಳಾರಿ ಮೂಲದ ಅಮ್ಮಾಪುರಂ ಕನ್ಸ್ಟ್ರಕ್ಷನ್ ಕಂಪನಿ ಈ ಕೆಲಸದ ಗುತ್ತಿಗೆಪಡೆದಿದೆ. ಆ ಕಂಪನಿ ಮತ್ತೊಂದು ಕಂಪನಿಗೆ ಉಪಗುತ್ತಿಗೆ ಕೊಟ್ಟು ಕೆಲಸ ಮಾಡಿಸುತ್ತಿದ್ದು, ಹೀಗಾಗಿ ಇಲ್ಲಿ ಕೆಲಸ ಮಾಡುವವರ ಮೇಲೆ ಯಾರಿಗೂ ಹಿಡಿತವಿಲ್ಲ. ಸದ್ಯ ಇಡೀ ರಸ್ತೆಯನ್ನು ಅಗೆಯಲಾಗಿದೆ. ಅಲ್ಲಲ್ಲಿ ದೊಡ್ಡ ದೊಡ್ಡ ಕಲ್ಲುಗಳನ್ನು ರಾಶಿ ಹಾಕಿ ಕೆಲಸವನ್ನು ಸಹ ನಿಲ್ಲಿಸಲಾಗಿದೆ. ಇದರಿಂದ ಕಲ್ಲಿನ ಧೂಳು ಜನರ ಕಣ್ಣು-ಮೂಗು-ಬಾಯಿಗೆ ಬಡಿಯುತ್ತಿದೆ. ಇಲ್ಲಿನ ಧೂಳು ಹೇಗಿದೆ ಎಂದರೆ ಎದುರಿನಿಂದ ಬರುವ ವಾಹನ ಸಹ ಕಾಣುವುದಿಲ್ಲ! ಚಿಪಗಿ, ಇಸಳೂರು, ಗೌಡಳ್ಳಿ ಸಣ್ಣಕೇರಿ, ಬಿಸಲಕೊಪ್ಪ ಭಾಗದಲ್ಲಿ ಹೆದ್ದಾರಿಗೆ ಡಾಂಬರ್ ಸಹ ಹಾಕಿಲ್ಲ. ಅಲ್ಲಲ್ಲಿ ಗುಡ್ಡ-ಮರ ಕಟಾವು ನಡೆಸಿ ಅಪಾಯಕಾರಿ ವಾತಾವರಣ ನಿರ್ಮಿಸಲಾಗಿದೆ. ಆ ಧೂಳು ತಿಂದ ಪ್ರಯಾಣಿಕರು ಕೆಮ್ಮು, ಉಸಿರಾಟ ತೊಂದರೆ, ಕಣ್ಣಿನ ಉರಿ, ಅಸ್ತಮಾದಂತಹ ಕಾಯಿಲೆಗೆ ಒಳಗಾಗಿದ್ದಾರೆ. ಉತ್ತಮ ಆಸ್ಪತ್ರೆಯೂ ಇಲ್ಲದ ಕಾರಣ ಚಿಕಿತ್ಸೆಗಾಗಿ ಬೇರೆ ಕಡೆ ಹೋಗುತ್ತಿದ್ದಾರೆ. ರಸ್ತೆ ಬದಿ ಮನೆ ಕಟ್ಟಿಕೊಂಡವರAತೂ ನಿತ್ಯ ನರಕ ಅನುಭವಿಸುತ್ತಿದ್ದಾರೆ. `ಸಾರ್ವಜನಿಕ ಅಪಾಯ ಮತ್ತು ನಿರ್ವಹಣೆಯಲ್ಲಿ ನಿರ್ಲಕ್ಷಿಸಿದ ಶಿರಸಿ- ದಾಸನಕೊಪ್ಪ ರಾಷ್ಟಿಯ ಹೆದ್ದಾರಿ ಅಭಿವೃದ್ಧಿ ಪ್ರಾಧೀಕಾರ ಗುತ್ತಿಗೆದಾರ ಮತ್ತು ಅಧಿಕಾರಿಗಳ ಮೇಲೆ ಆಡಳಿತ ವ್ಯವಸ್ಥೆ ಅಥವಾ ಪೋಲೀಸ್ ಇಲಾಖೆ ಸ್ವಪ್ರೇರಣೆಯ ಕ್ರಿಮಿನಲ್ ಪ್ರಕರಣ ದಾಖಲಿಸಬೇಕು’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಆಗ್ರಹಿಸಿದ್ದಾರೆ. `ಭಾರತೀಯ ಸಂವಿಧಾನದ 21ನೇ ವಿಧಿ ಜೀವನದ ಹಕ್ಕು ಆಗಿರುವುದಲ್ಲದೇ, ಸುರಕ್ಷಿತ ಹಾಗೂ ಗುಂಡಿಗಳಿಲ್ಲದ ಸಂಚಾರಿ ಪೂರಕವಾದ ರಸ್ತೆಗಳ ಹಕ್ಕು ಮೂಲಭೂತ ಹಕ್ಕಾಗಿದೆ. ನಿರ್ಲಕ್ಷವಹಿಸಿದವರ ವಿರುದ್ಧ ಕ್ರಿಮಿನಲ್ ಪ್ರಕರಣ ಜರುಗಿಸಲು ಅನೇಕ ಉಚ್ಛ ನ್ಯಾಯಾಲಯದ ತೀರ್ಪುಗಳಿವೆ’ ಎಂದವರು ಹೇಳಿದ್ದಾರೆ.
- [ಕಾಸು ಕೊಡದ ಪ್ರೇಯಸಿಗೆ ಕಪಾಳಮೋಕ್ಷ!](https://mobiletime.in/2026/04/slap-for-the-mistress-who-doesnt-give-money/): ಶಿರಸಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ನಾಗಸಿರಿ ಮರಾಠಿ ಹಾಗೂ ಗಣೇಶ ಆಚಾರಿ ಅವರ ನಡುವಿನ ಪ್ರೀತಿ ಮುರಿದು ಬಿದ್ದಿದೆ. ಪ್ರೀತಿಯ ಸಂಕೇತವಾಗಿ ಗಣೇಶ ಆಚಾರಿ ಅವರು ಕೈ ಮೇಲೆ ಟ್ಯಾಟು ಹಾಕಿಸಿಕೊಂಡಿದ್ದು, ಆ ಟ್ಯಾಟು ತೆಗಿಸಲು ಹಣ ಕೊಡುವಂತೆ ನಾಗಸಿರಿ ಅವರಲ್ಲಿ ದುಂಬಾಲು ಬಿದ್ದಿದ್ದಾರೆ! ಶಿರಸಿ ಗ್ರಾಮೀಣ ಭಾಗದ ನಾಗಸಿರಿ ಮರಾಠಿ (ಹೆಸರು ಬದಲಿಸಿದೆ) ಅವರು ಪ್ರಥಮ ವರ್ಷದ ವಿದ್ಯಾರ್ಥಿನಿ. ಅದೇ ಕಾಲೇಜಿನಲ್ಲಿ ಓದುವ ಭಾಶಿಯ ಗಣೇಶ ಮಂಜುನಾಥ ಆಚಾರಿ (21) ಅವರು ನಾಗಸಿರಿ (19) ಅವರನ್ನು ಪ್ರೀತಿಸಲು ಶುರು ಮಾಡಿದ್ದು, ಎಂಟು ತಿಂಗಳ ಹಿಂದೆ ನಾಗಸಿರಿ ಅವರು ಸಹ ಆ ಪ್ರೀತಿಯನ್ನು ಮನ್ನಿಸಿದ್ದಾರೆ. ಕಾಲೇಜು ಕಲಿಕೆ ಅವಧಿಯಲ್ಲಿಯೇ ಭವಿಷ್ಯದ ಬಗ್ಗೆ ಕನಸು ಕಟ್ಟಿಕೊಂಡ ಈ ಜೋಡಿ ಪ್ರೀತಿ-ಪ್ರೇಮ ಎಂದು ಎಲ್ಲಡೆ ಸುತ್ತಾಟ ನಡೆಸಿದ್ದಾರೆ. ಆ ಪ್ರೀತಿಯ ಸಂಕೇತವಾಗಿ ಗಣೇಶ ಆಚಾರಿ ಅವರು ತಮ್ಮ ಕೈ ಮೇಲೆ ಹೃದಯದ ಆಕಾರದ ಟ್ಯಾಟು ಹಾಕಿಸಿಕೊಂಡಿದ್ದಾರೆ. ನಾಲ್ಕು ತಿಂಗಳ ನಂತರ ಅವರಿಬ್ಬರ ಪ್ರೀತಿಯಲ್ಲಿ ಸಣ್ಣ ಬಿರುಕು ಮೂಡಿದೆ. `ಬೇರೆ ಹುಡುಗರ ಜೊತೆ ಮಾತನಾಡಬಾರದು’ ಎಂದು ಗಣೇಶ ಆಚಾರಿ ಅವರು ತಮ್ಮ ಪ್ರೇಯಸಿಗೆ ಸೂಚನೆ ನೀಡಿದ್ದಾರೆ. ಎಲ್ಲರ ಜೊತೆಯೂ ಸ್ನೇಹದಿಂದಿದ್ದ ನಾಗಸಿರಿ ಅವರಿಗೆ ಪ್ರಿಯತಮನ ಈ ಮಾತಿಗೆ ಬೆಲೆ ಕೊಟ್ಟಿಲ್ಲ. `ತಾನು ಪ್ರೀತಿಸುವ ಹುಡುಗಿ ತನ್ನ ಮಾತನ್ನು ಪಾಲಿಸುತ್ತಿಲ್ಲ’ ಎಂಬ ಕಾರಣದಿಂದ ಗಣೇಶ ಆಚಾರಿ ಅವರು ಸಿಟ್ಟಾಗಿದ್ದಾರೆ. ಬೇರೆ ಬೇರೆ ಹುಡುಗರ ಜೊತೆ ಅನ್ಯೋನ್ಯವಾಗಿದ್ದ ನಾಗಸಿರಿ ಅವರ ಮೇಲೆ ಗಣೇಶ ಆಚಾರಿ ಅವರಿಗೆ ಸಂಶಯ ಶುರುವಾಗಿದೆ. ಕಾಡಿಸಿ-ಪೀಡಿಸಿ ಪ್ರೀತಿಸುತ್ತಿದ್ದ ಗಣೇಶ ಆಚಾರಿ ವರ್ತನೆ ಬದಲಾದ ಕಾರಣ ನಾಗಸಿರಿ ಅವರು ಪ್ರಿಯತಮನಿಂದ ಅಂತರ ಕಾಯ್ದುಕೊಂಡಿದ್ದಾರೆ. ಗಣೇಶ ಆಚಾರಿ ಅವರ ಜೊತೆ ಮಾತನಾಡುವುದನ್ನು ಬಿಟ್ಟಿದ್ದಾರೆ. ಇದರಿಂದ ಗಣೇಶ ಆಚಾರಿ ಅವರ ಸಿಟ್ಟು ಇನ್ನಷ್ಟು ಹೆಚ್ಚಾಗಿದ್ದು, ಅವರಿಬ್ಬರು ತಮ್ಮ ಪ್ರೀತಿ ಮುರಿದುಕೊಂಡಿದ್ದಾರೆ. ಈ ವೇಳೆ ಪ್ರೀತಿಯ ಸಂಕೇತವಾಗಿ ಹಾಕಿಕೊಂಡಿದ್ದ ಹೃದಯ ಆಕಾರದ ಟ್ಯಾಟು ತೆಗೆಸಲು ಗಣೇಶ ಆಚಾರಿ ಅವರು ನಿರ್ಧರಿಸಿದ್ದಾರೆ. ಆ ಟ್ಯಾಟು ತೆಗಿಸಲು 16 ಸಾವಿರ ರೂ ಖರ್ಚಾಗುವ ಬಗ್ಗೆ ಅರಿತು, ಆ ಹಣ ಕೊಡುವಂತೆ ನಾಗಸಿರಿ ಅವರಲ್ಲಿ ಕೇಳಿದ್ದಾರೆ. `ತನ್ನ ಬಳಿ ಅಷ್ಟು ಹಣವಿಲ್ಲ’ ಎಂದು ನಾಗಸಿರಿ ಅವರು ಹೇಳಿದ್ದಾರೆ. `ನಿನಗಾಗಿ ಹಾಕಿಸಿಕೊಂಡ ಟ್ಯಾಟೋ. ಅದನ್ನು ತೆಗೆಸಲು ನೀನೇ ಹಣ ಕೊಡಬೇಕು’ ಎಂದು ಗಣೇಶ ಆಚಾರಿ ಅವರು ದುಂಬಾಲು ಬಿದ್ದಿದ್ದಾರೆ. ಏಪ್ರಿಲ್ 15ರಂದು ಮತ್ತೊಮ್ಮೆ ಹಣ ಕೊಡುವಂತೆ ಕೇಳಿದ ಗಣೇಶ ಆಚಾರಿ ಆ ಹಣ ಕೊಡದ ಕಾರಣ ನಾಗಸಿರಿ ಅವರ ಕೆನ್ನೆಗೆ ಹೊಡೆದಿದ್ದಾರೆ. ಟಿಪ್ಪು ನಗರದ ಕಾಲೇಜು ಸಮೀಪದ ರಸ್ತೆಯಲ್ಲಿ ನಾಗಸಿರಿ ಅವರನ್ನು ಅಡ್ಡಹಾಕಿ, ಅವರ ಕೈ ಹಿಡಿದು ಎಳೆದಿದ್ದಾರೆ. `ಹಣ ಕೊಡದೇ ನೀ ಹೇಗೆ ಮನೆಗೆ ಹೋಗುತ್ತೀಯಾ? ಎಂದು ನೋಡುತ್ತೇನೆ’ ಎಂದು ಹೇಳಿ ಬೆದರಿಸಿದ್ದಾರೆ. ಕೆನ್ನೆ ಮೇಲೆ ಏಟು ಬಿದ್ದ ನೋವಿನಲ್ಲಿದ್ದ ನಾಗಸಿರಿ ಅವರು ಪ್ರೀತಿಸಿದ ಹುಡುಗನಿಂದಲೇ ಆದ ಅನ್ಯಾಯದ ಬಗ್ಗೆ ಪೊಲೀಸರಿಗೆ ಹೇಳಿದ್ದಾರೆ. 16 ಸಾವಿರ ರೂ ಕೊಡದ ಕಾರಣ ಕೆನ್ನೆಗೆ ಹೊಡೆದ ಗಣೇಶ ಆಚಾರಿ ವಿರುದ್ಧ ಶಿರಸಿ ಗ್ರಾಮೀಣ ಠಾಣಾ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ.
- [ರಕ್ತಸ್ರಾವ: ಬಾಣಂತಿ ಸಾವು!](https://mobiletime.in/2026/04/bleeding-mother-dies/): ಸಿದ್ದಾಪುರ ಸರ್ಕಾರಿ ಆಸ್ಪತ್ರೆಯಲ್ಲಿ ಸಹಜ ಹೆರಿಗೆಗೆ ಒಳಗಾಗಿದ್ದ ಬಾಣಂತಿಯೊಬ್ಬರು ತೀವೃ ರಕ್ತಸ್ರಾವದಿಂದ ಸಾವನಪ್ಪಿದ್ದಾರೆ. ಶಿವಮೊಗ್ಗದ ಮೆಗ್ಗಾನ್, ಮಣಿಪಾಲದ ಕೆ ಎಂ ಸಿ ಆಸ್ಪತ್ರೆಗೆ ದಾಖಲಿಸಿ ಅವರಿಗೆ ಉನ್ನತ ಚಿಕಿತ್ಸೆ ಕೊಡಿಸಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಸಾಗರದ ಹೀರೇನೆಲ್ಲೂರಿನ ಸೋಮಪ್ಪ ಮಂಜಪ್ಪ ಅವರ ಪುತ್ರಿ ವನೀತಾ (27) ಅವರನ್ನು ಸಾಗರದ ಕೆ ಜಿ ಕೊಪ್ಪ ಭಾಗದ ಹರೀಶ ಅವರಿಗೆ ಮದುವೆ ಮಾಡಿ ಕೊಡಲಾಗಿತ್ತು. ಎರಡನೇ ಮಗುವಿನ ಜನನಕ್ಕಾಗಿ ವನೀತಾ ಅವರು ಸಿದ್ದಾಪುರದ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದರು. ಮಾರ್ಚ 30ರಂದು ಅವರಿಗೆ ಸಹಜ ಹೆರಿಗೆಯಾಗಿದ್ದು, ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಹೆರಿಗೆ ನಂತರ ವನೀತಾ ಅವರಿಗೆ ತೀವೃ ಪ್ರಮಾಣದಲ್ಲಿ ರಕ್ತಸ್ರಾವ ಶುರುವಾಯಿತು. ವೈದ್ಯರು ಚಿಕಿತ್ಸೆ ನೀಡಿದರೂ ಸಹ ರಕ್ತಸ್ರಾವ ನಿಲ್ಲಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ವನೀತಾ ಅವರನ್ನು ಅದೇ ದಿನ ಉನ್ನತ ಚಿಕಿತ್ಸೆಗಾಗಿ ಶಿವಮೊಗ್ಗ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ಮೂರು ದಿನ ಚಿಕಿತ್ಸೆಪಡೆದರೂ ಆರೋಗ್ಯದಲ್ಲಿ ಸುಧಾರಣೆ ಕಾಣಲಿಲ್ಲ. ಹೀಗಾಗಿ ವನೀತಾ ಅವರನ್ನು ಮಣಿಪಾಲ್ ಕೆ ಎಂ ಸಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ವನೀತಾ ಅವರಿಗೆ ಎರಡು ಬಾರಿ ಅಧಿಕ ರಕ್ತದೊತ್ತಡ ಹೆಚ್ಚಾಗಿದ್ದು, ಅದಾದ ನಂತರ ಮೆದುಳಿನಲ್ಲಿ ರಕ್ತಸ್ರಾವ ಶುರುವಾಯಿತು. ಅದಕ್ಕೆ ಚಿಕಿತ್ಸೆಪಡೆ ವನೀತಾ ಅವರು ಏಪ್ರಿಲ್ 16ರಂದು ಅಲ್ಲಿಯೇ ಕೊನೆಯುಸಿರೆಳೆದರು.
- [ಕೆಟ್ಟ ಕಾರಿನಲ್ಲಿ ಸುಟ್ಟ ಶವ: ಕೊಲೆ ಮಾಡಿ ಬೆಂಕಿ ಹಚ್ಚಿದವರಿಗೆ ಜೈಲು!](https://mobiletime.in/2026/04/burnt-body-in-a-bad-car-prison-for-those-who-murdered-and-set-fire-to-it/): ಯಲ್ಲಾಪುರದ ಅರಬೈಲ್ ಘಟ್ಟದ ಬಳಿ ಕಳೆದ ವಾರ ಕೆಟ್ಟ ಕಾರಿನಲ್ಲಿ ಸುಟ್ಟ ಶವ ಸಿಕ್ಕ ಪ್ರಕರಣ ಮತ್ತೊಂದು ತಿರುವುಪಡೆದಿದ್ದು, ಮೂವರು ಸೇರಿ ವ್ಯಕ್ತಿಯೊಬ್ಬರನ್ನು ಕೊಲೆ ಮಾಡಿದ್ದು ದೃಢವಾಗಿದೆ. ಆ ಮೂವರು ಸಾಕ್ಷಿ ನಾಶಕ್ಕಾಗಿ ಕಾರಿಗೆ ಬೆಂಕಿ ಹಚ್ಚಿ ಪರಾರಿಯಾಗಿದನ್ನು ಪಿಐ ರಮೇಶ ಹಾನಾಪುರ ಅವರು ಕಂಡುಹಿಡಿದಿದ್ದು, ಕೊಲೆಗೆಡುಕರನ್ನು ಹಿಡಿದು ಜೈಲಿಗೆ ಹಾಕಿದ್ದಾರೆ. 2026ರ ಏಪ್ರಿಲ್ 8ರಂದು ಅರಬೈಲ್ ಘಟ್ಟ ಪ್ರದೇಶದ ತಾಳಿಕುಂಬ್ರಿ ಬಸ್ ನಿಲ್ದಾಣದ ಬಳಿ ಕಾರೊಂದು ಬೆಂಕಿಗೆ ಆಹುತಿಯಾದ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು. ಆ ಕಾರಿನಲ್ಲಿ ವ್ಯಕ್ತಿಯೊಬ್ಬರ ಶವ ಸಿಕ್ಕಿದ್ದು, ಅದು ಸಂಪೂರ್ಣವಾಗಿ ಸುಟ್ಟು ಕರಕಲಾಗಿತ್ತು. ಎಲುಬು ಮಾತ್ರ ಕಾಣಿಸಿದ್ದರಿಂದ ಸಾವನಪ್ಪಿದವರ ಗುರುತು ಪತ್ತೆ ಹಚ್ಚುವುದು ಸಹ ಸವಾಲಾಗಿತ್ತು. ಮೊದಲು ಇದನ್ನು ಅಪಘಾತ ಎಂದೇ ಭಾವಿಸಲಾಗಿದ್ದು, ಪೊಲೀಸರು ಅಪಘಾತ ಪ್ರಕರಣವನ್ನು ದಾಖಲಿಸಿದ್ದರು. ಆ ದಿನ ಏನಾಗಿತ್ತು? ಇದನ್ನು ಓದಿ: ಅರೆಬೆಂದ ಕಾರು-ಕರಕಲಾದ ಶವ! ಅದಾದ ನಂತರ ಬೆಳಗಾವಿಯ ಕನಬರಗಿಯ ನಿತೀಶ್ ಧಾಪಳೆ ಅವರು ಕಾರಿನಲ್ಲಿ ಸುಟ್ಟು ಕರಕಲಾದ ಬಗ್ಗೆ ಮಾಹಿತಿ ಬಂದಿತ್ತು. ಅವರ ತಂದೆ ಜಗನ್ನಾಥ ದಾಫಳೆ ಅವರು ಕಾರಿನ ಗುರುತು ಹಿಡಿದು ತಮ್ಮ ಮಗ ಸಾವನಪ್ಪಿರುವ ಬಗ್ಗೆ ಶಂಕೆವ್ಯಕ್ತಪಡಿಸಿದ್ದರು. ಆದರೆ, ಮರುದಿನ ಮತ್ತೆ ಪೊಲೀಸ್ ಠಾಣೆಗೆ ಹಾಜರಾದ ಜಗನ್ನಾಥ ದಾಫಳೆ ಅವರು ಕಾರಿನಲ್ಲಿ ಶವ ಚಾಲಕನ ಸೀಟಿನಲ್ಲಿರುವ ಬದಲು ಹಿಂದಿನ ಸೀಟಿನಲ್ಲಿದ್ದ ಕಾರಣ ಕೊಲೆಯ ಅನುಮಾನವ್ಯಕ್ತಪಡಿಸಿದ್ದರು. ಜೊತೆಗೆ ನಿತೀಶ್ ಧಾಪಳೆ ಅವರು ಪತ್ನಿಗೆ ಫೋನ್ ಮಾಡಿ ನಯೀಂ ಎಂಬಾತರ ಜೊತೆ ಗೋವಾಗೆ ಹೋಗುವ ಬಗ್ಗೆ ತಿಳಿಸಿದನ್ನು ಹೇಳಿದ್ದರು. ಜಗನ್ನಾಥ ದಾಫಳೆ ಹೇಳಿದ್ದೇನು? ಇಲ್ಲಿ ಓದಿ: ಕಂದಕಕ್ಕೆ ಬಿದ್ದ ಕಾರಿಗೆ ಬೆಂಕಿ-ಅನುಮಾನ! ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಘಟನಾ ಸ್ಥಳಕ್ಕೆ ಭೇಟಿ ನೀಡಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಹಾಗೂ ಡಿವೈಎಸ್ಪಿ ಗೀತಾ ಪಾಟೀಲ್ ಅವರ ಜೊತೆ ಚರ್ಚಿಸಿದ ಯಲ್ಲಾಪುರ ಪಿಐ ರಮೇಶ ಹಾನಾಪುರ ಅವರು ವಿಶೇಷ ತಂಡ ರಚಿಸಿದರು. ಪಿಸೈ ರಾಜಶೇಖರ್ ವಂದಲಿ, ಸಿದ್ದಪ್ಪ ಗುಡಿ ಜೊತೆ ಪೊಲೀಸ್ ಸಿಬ್ಬಂದಿ ಮಹಮದ್ ಶಫೀ ಶೇಖ್, ಬಸವರಾಜ ಹಗರಿ, ಧರ್ಮ ನಾಯ್ಕ, ಉಮೇಶ ತುಂಬರಗಿ, ಶೋಭಾ ನಾಯ್ಕ, ಗಿರೀಶ ಲಮಾಣಿ, ಪರಮೇಶ್ವರ ಎಸ್, ಸುರೇಶ ಕಾಂಟ್ರಾಕ್ಟರ್, ಮಹಾವೀರ ಡಿಎಸ್, ರಾಚಪ್ಪ, ಸಂತೋಷ ಬಾಳೇರ್ ಕಾರ್ಯಾಚರಣೆಗಿಳಿದರು. ಕಾರವಾರ ಟೆಕ್ನಿಕಲ್ ವಿಭಾಗದ ಬಬನ್ ಕದಂ, ಉದಯ ಗುನಗಾ ಹಾಗೂ ಮಹಾಲಿಂಗ ಸಾವಳಗಿ ಅವರು ತಾಂತ್ರಿಕ ಆಧಾರದಲ್ಲಿ ಆರೋಪಿತರನ್ನು ಹುಡುಕಿದರು. ವಿವಿಧ ಸಿಸಿ ಕ್ಯಾಮರಾ ದೃಶ್ಯಾವಳಿಗಳ ಶೋಧನೆ, ಖಚಿತ ಮಾಹಿತಿ ಹಾಗೂ ಇನ್ನಿತರ ದಾಖಲೆಗಳನ್ನು ಸಂಗ್ರಹಿಸಿದ ಪೊಲೀಸರಿಗೆ ಕೊಲೆಗೆಡುಕರು ಸಿಕ್ಕಿಬಿದ್ದರು. ಹಳೆ ಹುಬ್ಬಳ್ಳಿಯ ಅಬ್ದುಲ್ ನಹೀಂ ಬಸೀರ್ ಅಹಮದ್ ಮುಜಾವರ್ ಹೆಗ್ಗೇರಿ, ಮೌಲಸಾಬ್ ಬಾಬಾಜನ್ ಬಾಡ, ದಾದಾಪಿರ್ (ಅಲ್ತಾಪ್) ಮೆಹಬೂಬ್ ಸಾಬ್ ಬಾಳಸಂಗಿ ಸೇರಿ ನಿತೀಶ್ ದಾಫಳೆ ಅವರನ್ನು ಕೊಲೆ ಮಾಡಿದನ್ನು ಪೊಲೀಸರು ಕಂಡುಹಿಡಿದರು. ವೈಯಕ್ತಿಕ ದ್ವೇಷದ ಹಿನ್ನಲೆ ನಿತೀಶ್ ದಾಫಳೆ ಅವರನ್ನು ಕೊಂದ ಮೂವರನ್ನು ಸೆದೆಬಡಿದು ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ಭಟ್ಕಳ: ಬಸ್ಸಿಗೆ ಬೆಂಕಿ!](https://mobiletime.in/2026/04/bhatkal-bus-catches-fire/): ಕುಮಟಾದಿoದ ಭಟ್ಕಳದ ಕಡೆ ಸಾಗುತ್ತಿದ್ದ ಸರ್ಕಾರಿ ಬಸ್ಸಿಗೆ ಶುಕ್ರವಾರ ಮುರುಡೇಶ್ವರದಲ್ಲಿ ಬೆಂಕಿ ತಗುಲಿದೆ. ಚಾಲಕನ ಸಮಯಪ್ರಜ್ಞೆಯಿಂದಾಗಿ ಭಾರೀ ಪ್ರಮಾಣದ ಅನಾಹುತ ತಪ್ಪಿದೆ. ಶುಕ್ರವಾರ ಮಧ್ಯಾಹ್ನ ಈ ಕೆಎಸ್‌ಆರ್‌ಟಿಸಿ ಬಸ್ಸು ಸಂಚರಿಸುತ್ತಿದ್ದು, ಅದರಲ್ಲಿ 23 ಪ್ರಯಾಣಿಕರಿದ್ದರು. ಮುರುಡೇಶ್ವರ ನಾಕ್ಕಿಯಿಂದ ಬಸ್ ನಿಲ್ದಾಣದತ್ತ ತೆರಳುವ ವೇಳೆ ಜನತಾ ವಿದ್ಯಾಲಯ ಸಮೀಪ ಬಸ್ಸಿನ ಮುಂದಿನ ಎಡ ಚಕ್ರ ಬಳಿ ಬೆಂಕಿ ಕಾಣಿಸಿತು. ಇದನ್ನು ಗಮನಿಸಿದ ಚಾಲಕ ಗಣಪತಿ ಚಿದಾನಂದ ಚೌಡಕಿ ಅವರು ತಕ್ಷಣ ಬಸ್ಸನ್ನು ನಿಲ್ಲಿಸಿದರು. ಪರಿಶೀಲನೆ ನಡೆಸುವಾಗ ಇಂಜಿನ್ ಭಾಗದಿಂದ ಹೊಗೆ ಕಾಣಿಸಿಕೊಂಡು ಕೆಲವೇ ಕ್ಷಣಗಳಲ್ಲಿ ಬೆಂಕಿ ಹೊತ್ತಿಕೊಂಡಿತು. ಪರಿಸ್ಥಿತಿ ಗಂಭೀರವಾಗುತ್ತಿರುವುದನ್ನು ಅರಿತ ಚಾಲಕ ಹಾಗೂ ನಿರ್ವಾಹಕ ಶ್ರೀಪಾದ್ ಹನುಮಂತ್ ಮಡಿವಾಳ ಅವರು ಬಸ್ಸಿನಲ್ಲಿದ್ದ ಪ್ರಯಾಣಿಕರನ್ನು ತಕ್ಷಣ ಸುರಕ್ಷಿತವಾಗಿ ಕೆಳಗಿಳಿಸಿದರು. ನಂತರ ಸ್ಥಳೀಯ,ಆಟೋ ಚಾಲಕ ಮಂಜುನಾಥ ಮೊಗೇರ, ಬಸ್ ಸಿಬ್ಬಂದಿ ಹಾಗೂ ಅಗ್ನಿಶಾಮಕ ದಳದ ಸಹಕಾರದಿಂದ ಬೆಂಕಿಯನ್ನು ನಂದಿಸಲಾಯಿತು. ಭಟ್ಕಳ ಡಿಪೋದಿಂದ ಮೆಕಾನಿಕ್‌ಗಳು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸುತ್ತಿದ್ದಾರೆ. ಪ್ರಾಥಮಿಕ ಮಾಹಿತಿಯಂತೆ ಚಕ್ರದ ಲೈನರ್ ಜಾಮ್ ಆಗಿರುವುದೇ ಬೆಂಕಿಗೆ ಕಾರಣವಾಗಿದೆ.
- [ಪಾನ್‌ವಾಲನ ಪಾನೀಯ ಸೇವೆ!](https://mobiletime.in/2026/04/panwalas-beverage-service/): ಶಿರಸಿಯ ಹೊಸಪೇಟೆ ರಸ್ತೆಯಲ್ಲಿ ಪಾನ್ ಅಂಗಡಿ ನಡೆಸುವ ರವಿ ಹೆಗಡೆ ಅವರು ನಿತ್ಯವೂ ಪ್ರಾಣಿ-ಪಕ್ಷಿಗಳಿಗೆ ನೀರುಣಿಸಿ ಅವರ ದಾಹ ತೀರಿಸುತ್ತಿದ್ದಾರೆ. ಹೀಗಾಗಿ ನಿತ್ಯವೂ ಅವರ ಅಂಗಡಿಗೆ ಗ್ರಾಹಕರ ಜೊತೆ ಬಣ್ಣ ಬಣ್ಣದ ಚಿಟ್ಟೆ, ಗುಬ್ಬಿ, ಪಾರಿವಾಳಗಳ ಜೊತೆ ಬಗೆ ಬಗೆಯ ಜೀವಗಳ ಆಗಮನವಾಗುತ್ತಿದೆ. ರವಿ ಹೆಗಡೆ ಅವರ ತಂದೆ ಮಂಜುನಾಥ ಹೆಗಡೆ ಅವರು ಶಿರಸಿಯಲ್ಲಿ ಪಾನ್ ಅಂಗಡಿ ನಡೆಸುತ್ತಿದ್ದರು. 20 ವರ್ಷದ ಹಿಂದೆ ಆ ಪಾನ್ ಅಂಗಡಿಯ ಜವಾಬ್ದಾರಿಯನ್ನು ರವಿ ಹೆಗಡೆ ಅವರುವಹಿಸಿಕೊಂಡರು. ಪಾನ್ ಅಂಗಡಿಯಲ್ಲಿ ಕುಳಿತು ವ್ಯಾಪಾರ ನಡೆಸುವಾಗ ಪ್ರಾಣಿ-ಪಕ್ಷಿಗಳ ಬಾಯರಿಕೆ ಬಗ್ಗೆ ಯೋಜಿಸಿದ ಅವರು ಅಂದಿನಿAದಲೇ ಮೂಕ ಜೀವಿಗಳ ಸೇವೆ ಶುರು ಮಾಡಿದರು. ಕಳೆದ ಎಂಟು ವರ್ಷಗಳಿಂದ ಒಂದು ದಿನವೂ ಬಿಡದೇ ರವಿ ಹೆಗಡೆ ಅವರು ತಮ್ಮ ಅಂಗಡಿ ಮುಂದೆ ಪ್ರಾಣಿ-ಪಕ್ಷಿಗಳಿಗೆ ನೀರಿಡುತ್ತಿದ್ದಾರೆ. ಅನೇಕ ಜೀವಿಗಳಿಗೆ ಇಲ್ಲಿ ನೀರು ಸಿಗುವ ವಿಷಯ ಗೊತ್ತಾಗಿದ್ದು, ಅವು ಆಗಮಿಸಿ ದಾಹ ತೀರಿಸಿಕೊಳ್ಳುತ್ತಿವೆ. ನೀರು ಕುಡಿಯಲು ಬರುವ ಕಾಗೆಗಳು ಅಲ್ಲಿ ಪಿಟ್ಟಿ ಮಾಡುತ್ತವೆ. ದನ-ಕರುಗಳು ಆಗಮಿಸಿ ರಂಪಾಟ ನಡೆಸುತ್ತವೆ. ಇನ್ನೂ ಕೆಲ ಜೀವಿಗಳು ಆಗಮಿಸಿ ಅಲ್ಲಿಯೇ ಸ್ನಾನ ಮಾಡುತ್ತವೆ. ಆದರೆ, ಅಂಗಡಿ ಮುಂದೆ ಗಲೀಜು ಆದರೂ ಅದಕ್ಕೆ ರವಿ ಹೆಗಡೆ ಅವರು ಬೇಸರಿಸಿಕೊಳ್ಳುತ್ತಿಲ್ಲ. ಪ್ರತಿ ದಿನ ಅಲ್ಲಿನ ಗಲೀಜು ಸ್ವಚ್ಚ ಮಾಡುವ ರವಿ ಹೆಗಡೆ ಅವರು ಮತ್ತೆ ಅದೇ ಪ್ರದೇಶದಲ್ಲಿ ನೀರಿಡುತ್ತಿದ್ದಾರೆ. ಪ್ರಾಣಿ-ಪಕ್ಷಿಗಳು ಅಲ್ಲಿಗೆ ಆಗಮಿಸಿ ದಣಿವು ಆರಿಸಿಕೊಳ್ಳುವುದನ್ನು ನೋಡಿ ಅದರಲ್ಲಿಯೇ ಅವರು ಸಂತ್ರಪ್ತಿ ಕಾಣುತ್ತಿದ್ದಾರೆ. ಸಣ್ಣ ಸಣ್ಣ ಗುಬ್ಬಿಗಳಿಗೆ ದೊಡ್ಡ ತೊಟ್ಟಿಯಿಂದ ನೀರು ಕುಡಿಯಲು ಸಾಧ್ಯವಾಗದಿರುವುದನ್ನು ಗಮನಿಸಿ, ಚಾಕಲೇಟು ಡಬ್ಬಿಗಳಲ್ಲಿ ಅವರು ನೀರುಣಿಸುತ್ತ ಬಂದಿದ್ದಾರೆ. ಬೆಳಗ್ಗಿನ ಅವಧಿಯಲ್ಲಿ ಚಿಟ್ಟೆ, ಕಾಗೆ, ಪಾರಿವಾಳಗಳು ಅಂಗಡಿ ಮುಂದೆ ಕಾಣಿಸುತ್ತವೆ. ಮಧ್ಯಾಹ್ನ ನಾಯಿ, ಬೆಕ್ಕು, ದನಗಳು ಆಗಮಿಸಿ ದಣಿವು ಆರಿಸಿಕೊಳ್ಳುತ್ತವೆ. `ಪ್ರತಿಯೊಬ್ಬರು ಒಂದು ಚಿಕ್ಕ ಬಟ್ಟಲು, ಬೊಗಸೆ ನೀರಿನಿಂದ ಮೂಕ ಜೀವಿಗಳ ದಾಹ ತೀರಿಸುವ ಕೆಲಸ ಮಾಡಲು ಸಾಧ್ಯ’ ಎಂದು ರವಿ ಹೆಗಡೆ ಅವರು ಹೇಳುತ್ತಾರೆ. `ನಮ್ಮ ಮನೆ, ಬೀದಿ, ಸುತ್ತಲಿನ ಪರಿಸರದಲ್ಲಿಯೂ ಹೀಗೆ ನೀರಿಡುವ ಮೂಲಕ ಪ್ರಾಣಿ-ಪಕ್ಷಿಗಳ ಆಯಾಸ ದೂರ ಮಾಡಲು ಸಾಧ್ಯವಿದೆ. ರವಿ ಹೆಗಡೆ ಅವರ ಕಾಯಕ ಎಲ್ಲರಿಗೂ ಪ್ರೇರಣೆಯಾಗಲಿ’ ಎಂದು ಶಿರಸಿಯ ವೈದ್ಯ ಡಾ ರವಿಕಿರಣ ಪಟವರ್ಧನ ಅವರು ಅಭಿಪ್ರಾಯಪಟ್ಟಿದ್ದಾರೆ.
- [ಚಾಲಕನಿಗೆ ಬುದ್ದಿ ಹೇಳಿದವನಿಗೆ ಥಳಿತ!](https://mobiletime.in/2026/04/the-person-who-warned-the-driver-was-beaten/): ಕಾರವಾರದ ಕಿನ್ನರ ಮಸೀದಿ ಬಳಿ ವೇಗವಾಗಿ ಟಿಪ್ಪರ್ ಚಲಿಸಿದ್ದು, ಅದನ್ನು ಪ್ರಶ್ನಿಸಿದ ಕಾರಣ ಅಂಬೇಜೂಗದ ವಿಜಯ ನಾಗೇಕರ್ ಅವರ ಮೇಲೆ ಹಲ್ಲೆಯಾಗಿದೆ. ಶೇಜವಾಡದ ಮಂಜುನಾಥ ಬಾಂದೇಕರ್, ಜೀವನ ಪವಾರ್ ಹಾಗೂ ಮತ್ತೆ ಮೂರು ಜನ ಸೇರಿ ಈ ಆಕ್ರಮಣ ನಡೆಸಿದ್ದಾರೆ. ಕಾರವಾರದ ಕಿನ್ನರ ಬಳಿಯ ಅಂಬೇಜೂಗದಲ್ಲಿ ವಿಜಯ ತುಕಾರಾಮ ನಾಗೇಕರ್ ಅವರು ವಾಸವಾಗಿದ್ದಾರೆ. ಏಪ್ರಿಲ್ 15ರ ರಾತ್ರಿ 11.30ಕ್ಕೆ ಅವರು ಕಿನ್ನರ ಮಸೀದಿ ಬಳಿ ನಡೆದು ಹೋಗುತ್ತಿದ್ದರು. ಆಗ, ಟಿಪ್ಪರೊಂದು ಸಮೀಪದಿಂದ ವೇಗವಾಗಿ ಸಂಚರಿಸಿದ್ದು, ಅದರಿಂದ ವಿಜಯ ನಾಗೇಕರ್ ಅವರು ಆತಂಕಕ್ಕೆ ಒಳಗಾದರು. ಕೂಡಲೇ ಜೋರಾಗಿ ಕೂಗಿದ ವಿಜಯ ನಾಗೇಕರ್ ಅವರು `ನಿಧಾನವಾಗಿ ಹೋಗು’ ಎಂದು ಟಿಪ್ಪರ್ ಚಾಲಕನಿಗೆ ಸೂಚಿಸಿದರು. ಅದಾದ ನಂತರ ಆ ಟಿಪ್ಪರ್ ಅಲ್ಲಿಯೇ ನಿಂತಿತು. ಅದರ ಚಾಲಕ ವಿಜಯ ನಾಗೇಕರ್ ಅವರ ಬಳಿ ನಡೆದು ಬಂದು ಜಗಳ ಮಾಡಿದರು. ಆ ಚಾಲಕ ಫೋನ್ ಮಾಡಿ ಅಲ್ಲಿ ಜನರನ್ನು ಕರೆಯಿಸಿದರು. ಆಗ, ಶೇಜವಾಡದ ಮಂಜುನಾಥ ಬಾಂದೇಕರ್ ಹಾಗೂ ಜೀವನ ಪವಾರ್ ಅಲ್ಲಿಗೆ ಆಗಮಿಸಿದರು. ಅವರಿಬ್ಬರು ಮತ್ತಿಬ್ಬರನ್ನು ಕರೆದುಕೊಂಡು ಬಂದಿದ್ದು, ಟಿಪ್ಪರ್ ಚಾಲಕನೂ ಸೇರಿ ಒಟ್ಟು ಐದು ಜನ ವಿಜಯ ನಾಗೇಕರ್ ಅವರ ಮೇಲೆ ಮುಗಿಬಿದ್ದರು. ಆ ಐದು ಜನ ವಿವಿಧ ಆಯುಧಗಳಿಂದ ವಿಜಯ ನಾಗೇಕರ್ ಅವರ ಬೆನ್ನು, ಸೊಂಟಕ್ಕೆ ಹೊಡೆದರು. ಕಾಲಿನಿಂದ ಒದ್ದು ನೋವು ಮಾಡಿದರು. ಪರಿಣಾಮ ವಿಜಯ ನಾಗೇಕರ್ ಅವರು ಗಾಯಗೊಂಡು ಆಸ್ಪತ್ರೆ ಸೇರಿದರು. ಆಸ್ಪತ್ರೆಯಿಂದಲೇ ಪೊಲೀಸ್ ಹೇಳಿಕೆ ನೀಡಿದ ವಿಜಯ ನಾಗೇಕರ್ ಅವರು ಆ ಐದು ಜನರ ವಿರುದ್ಧ ದೂರು ನೀಡಿದರು. ಕಾರವಾರ ಗ್ರಾಮೀಣ ಠಾಣಾ ಪೊಲೀಸರು ಸದ್ಯ ಪ್ರಕರಣ ದಾಖಲಿಸಿದ್ದು, ವಿಚಾರಣೆ ನಡೆಸಿದ್ದಾರೆ.
- [ರಾಜಿ-ಸಂದಾನದ ಮೂಲಕ ಪ್ರಕರಣ ಬಗೆಹರಿದ ಕಾರಣ ಈ ವರದಿ ಪ್ರಸಾರ ತಡೆಹಿಡಿಯಲಾಗಿದೆ](https://mobiletime.in/2026/04/the-driver-who-stole-the-car/)
- [ಅಜ್ಜಿ ನೋಡಲು ಬಂದಿದ್ದ ಆಶಿತೋಷ್: ಹೆಗಡೆ ಪುತ್ರ ಸದ್ಯಕ್ಕೆ ನಿರಾಳ!](https://mobiletime.in/2026/04/ashitos-came-to-see-his-grandmother-hegdes-son-is-at-peace-for-now/): ಉತ್ತರ ಕನ್ನಡ ಮಾಜಿ ಸಂಸದ ಅನಂತಕುಮಾರ ಹೆಗಡೆ ಅವರ ಪುತ್ರ ಆಶಿತೋಷ ಹೆಗಡೆ ಅವರ ವಿರುದ್ಧ ದಾಖಲಾದ ಹೊಡೆದಾಟ ಪ್ರಕರಣಕ್ಕೆ ಸಂಬoಧಿಸಿ ನ್ಯಾಯಾಲಯ ಪೊಲೀಸ್ ವಿಚಾರಣೆಗೆ ತಡೆ ನೀಡಿದೆ. 2025ರ ಜೂನ್ ಅವಧಿಯಲ್ಲಿ ತುಮಕೂರಿನ ಬಳಿ ಸೈಫ್ ಖಾನ್ ಎಂಬಾತರು ಅನಂತಕುಮಾರ ಹೆಗಡೆ ಅವರ ಕಾರು ಹಿಂದಿಕ್ಕಿದ್ದರು. ಆ ವೇಳೆ ಗಲಾಟೆ ನಡೆದಿದ್ದು, ಅನಂತಕುಮಾರ ಹೆಗಡೆ ಅವರ ಗನ್ ಮ್ಯಾನ್ ಪಿಸ್ತೂಲು ತೋರಿಸಿ ಹೆದರಿಸಿದ್ದರು. ಈ ವೇಳೆ ಅನಂತಕುಮಾರ ಹೆಗಡೆ ಅವರ ಪುತ್ರ ಅಶುತೋಷ್ ಹೆಗಡೆ ಅವರು ಸಹ ಅದೇ ಕಾರಿನಲ್ಲಿದ್ದು, ಕಾರಿನಿಂದ ಇಳಿದು ಗಲಾಟೆ ಮಾಡಿದ್ದರು. ಅದಾದ ನಂತರ ಸೈಫ್ ಖಾನ್ ಅವರು `ಅನಂತಕುಮಾರ ಹೆಗಡೆ ಅವರ ಕಾರಿನಲ್ಲಿದ್ದವರು ನಮ್ಮ ಕಾರನ್ನು ಅಡ್ಡಗಟ್ಟಿ ಹಲ್ಲೆ ಮಾಡಿದ್ದಾರೆ. ಈ ವೇಳೆ ಸಲ್ಮಾನ್ ಖಾನ್ ಅವರ ಮೂರು ಹಲ್ಲು ಮುರಿದಿದೆ. ಅನಂತಕುಮಾರ್ ಹೆಗಡೆ ಅವರು ನಮ್ಮ ತಾಯಿಯ ಮೇಲೆಯೂ ಹಲ್ಲೆ ನಡೆಸಿದ್ದಾರೆ. ಅವರ ಭದ್ರತಾ ಸಿಬ್ಬಂದಿ ಪಿಸ್ತೂಲ್ ತೋರಿಸಿ ಜೀವ ಬೆದರಿಸಿದ್ದಾರೆ’ ಎಂದು ದೂರಿದ್ದರು. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸಿದ್ದರು. `ಅಶುತೋಷ್ ಹೆಗಡೆ ಅವರು ವಿದೇಶದಲ್ಲಿ ವ್ಯಾಸಂಗ ಮಾಡುತ್ತಿದ್ದು, ಅವರ ವಿರುದ್ಧ ದಾಖಲಾದ ಹೊಡೆದಾಟ ಪ್ರಕರಣ ಉನ್ನತ ಶಿಕ್ಷಣಕ್ಕೆ ಅಡ್ಡಿಯಾಗಿದೆ. ಹೊಡೆದಾಟ ಪ್ರಕರಣದಲ್ಲಿ ಅಶುತೋಷ್ ಹೆಗಡೆ ಅವರು ಆರೋಪಿಯಾಗಿರುವುದರಿಂದ ಅವರಿಗೆ ಪಾರ್ಸಪೋರ್ಟ ಸಮಸ್ಯೆ ಎದುರಾಗಿದೆ. ಹೀಗಾಗಿ ಅವರನ್ನು ಪ್ರಕರಣದಿಂದ ಕೈ ಬಿಡಬೇಕು’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೈಕೋರ್ಟ ಮೊರೆ ಹೋಗಿದ್ದರು. `ವಿದೇಶದಲ್ಲಿ ಓದುತ್ತಿದ್ದ ಆಶಿತೋಷ ಹೆಗಡೆ ಅವರು ತಮ್ಮ ಅಜ್ಜ-ಅಜ್ಜಿ ನೋಡಲು ಭಾರತಕ್ಕೆ ಮರಳಿದ್ದರು. ಪ್ರಕರಣದಲ್ಲಿ ಆಶಿತೋಷ ಹೆಗಡೆ ಅವರ ಹೆಸರಿದ್ದರೂ ಆರೋಪ ಪಟ್ಟಿಯಲ್ಲಿ ಯಾವುದೇ ಅಂಶ ದಾಖಲಾಗಿಲ್ಲ. ಆಶಿತೋಷ್ ಹೆಗಡೆ ಅವರ ವಿರುದ್ಧ ದಾಖಲೆಗಳು ಇಲ್ಲ. ತಾಂತ್ರಿಕ ಕಾರಣದಿಂದ ಆಶಿತೋಷ ಹೆಗಡೆ ಅವರು ಸಮಸ್ಯೆ ಅನುಭವಿಸುವುದು ಸರಿಯಲ್ಲ’ ಎಂದು ಹೆಗಡೆ ಪರ ವಕೀಲ ಪವನಚಂದ್ರ ಶೆಟ್ಟಿ ಅವರು ವಾದಿಸಿದರು. `ಈ ಹಿನ್ನಲೆ ಆಶಿತೋಷ ಹೆಗಡೆ ಅವರ ಹೆಸರನ್ನು ಪ್ರಕರಣದಿಂದ ಕೈ ಬಿಡಬೇಕು’ ಎಂದು ಮನವಿ ಮಾಡಿದರು. ವಿಚಾರಣೆ ನಡೆಸಿದ ನ್ಯಾಯಾಲಯ ಈ ಹೊಡೆದಾಟ ಪ್ರಕರಣದಲ್ಲಿ ನಾಲ್ಕನೇ ಆರೋಪಿಯಾಗಿದ್ದ ಆಷಿತೋಷ ಹೆಗಡೆ ಅವರ ಬಗ್ಗೆ ವಿಚಾರಣೆಗೆ ತಡೆ ನೀಡಿದೆ. ಜೊತೆಗೆ ಪ್ರಕರಣದ ಮುಂದಿನ ವಿಚಾರಣೆಯನ್ನು ಮುಂದೂಡಿದೆ.
- [ಗ್ಯಾಸ್ ಟ್ರಬಲ್ | ಸೀಮೆಎಣ್ಣೆ ಮೊರೆಹೋದ ಸರ್ಕಾರ!](https://mobiletime.in/2026/04/gas-trouble-government-turns-to-kerosene/): ಗ್ಯಾಸ್ ಸಿಲೆಂಡರ್ ಸಮಸ್ಯೆ ಹಿನ್ನಲೆ ಕೇಂದ್ರ ಸರ್ಕಾರವೂ ರಾಜ್ಯ ಸರ್ಕಾರಕ್ಕೆ ಹೆಚ್ಚುವರಿ ಸೀಮೆಎಣ್ಣೆ ಹಂಚಿಕೆ ಮಾಡಿದ್ದು, ಉತ್ತರ ಕನ್ನಡ ಜಿಲ್ಲೆಯ ಒಂದು ಲಕ್ಷಕ್ಕೂ ಅಧಿಕ ಜನರಿಗೆ ಮೂರು ಲೀಟರ್ ಸೀಮೆಎಣ್ಣೆ ಸಿಗಲಿದೆ. ಮಾರ್ಚ ತಿಂಗಳ ಅವಧಿಯಲ್ಲಿಯೂ ಲಕ್ಷಾಂತರ ಜನರಿಗೆ ಸೀಮೆಎಣ್ಣೆ ವಿತರಿಸಲಾಗಿದ್ದು, ಏಪ್ರಿಲ್ ತಿಂಗಳಿನಲ್ಲಿಯೂ ಅದನ್ನು ಮುಂದುವರೆಸಲು ಸರ್ಕಾರ ನಿರ್ಧರಿಸಿದೆ. ಹೀಗಾಗಿ ಏಪ್ರಿಲ್ ತಿಂಗಳ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ 189725 ಕುಟುಂಬಗಳಿಗೆ ಈ ಸೀಮೆಎಣ್ಣೆ ಭಾಗ್ಯ ಸಿಗಲಿದೆ. ಪ್ರತಿ ಲೀಟರಿಗೆ 35 ರೂಪಾಯಿ ಹಣ ಪಾವತಿಸಿ ಅರ್ಹರು ಸೀಮೆಎಣ್ಣೆಪಡೆಯಯಬಹುದಾಗಿದ್ದು, ನ್ಯಾಯ ಬೆಲೆ ಅಂಗಡಿಯವರು ಸರಿಯಾಗಿ ಸೀಮೆಎಣ್ಣೆ ನೀಡದೇ ಇದ್ದರೂ ದೂರು ನೀಡುವಂತೆಯೂ ಅಧಿಕಾರಿಗಳು ಹೇಳಿದ್ದಾರೆ. ಯುದ್ಧ ಸನ್ನಿವೇಶದ ಕಾರಣ ಗ್ರಾಮೀಣ ಭಾಗದ ಜನ 45 ದಿನದ ನಂತರ ಗ್ಯಾಸ್ ಸಿಲೆಂಡರ್ ಬುಕ್ ಮಾಡುವ ಪರಿಸ್ಥಿತಿ ಬಂದಿದೆ. ಜನ ಸಮಸ್ಯೆಗೆ ಸಿಲುಕಿರುವುದನ್ನು ಅರಿತ ಸರ್ಕಾರ ತಾತ್ಕಾಲಿಕವಾಗಿ ಸಮಸ್ಯೆ ದೂರ ಮಾಡುವುದಕ್ಕಾಗಿ ಸೀಮೆಎಣ್ಣೆಯ ಮೊರೆ ಹೊಗಿದೆ. ಈ ಮೊದಲು ಅರ್ಹರಿಗೆ ಅವರವರ ಅಗತ್ಯಕ್ಕೆ ಅನುಗುಣವಾಗಿ ಒಂದು ಅಥವಾ ಎರಡು ಲೀಟರ್ ಸೀಮೆಎಣ್ಣೆ ನೀಡಲಾಗುತ್ತಿತ್ತು. ಸದ್ಯ ಆ ಎಲ್ಲಾ ಅರ್ಹರಿಗೂ ಮೂರು ಲೀಟರ್ ಸೀಮೆಎಣ್ಣೆ ನೀಡಲಾಗುತ್ತಿದೆ. 639 ಅನಿಲರಹಿತ ಪಡಿತರ ಚೀಟಿದಾರರಿಗೂ ಈ ಮೂರು ಲೀಟರ್ ಸೀಮೆಎಣ್ಣೆ ಸಿಗಲಿದೆ. ಸೀಮೆಎಣ್ಣೆ ವಿತರಣೆಯಲ್ಲಿ ಲೋಪ ನಡೆದರೆ ಆಹಾರ ಶಿರಸ್ತೇದಾರ್ ಅಥವಾ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಉಪನಿರ್ದೇಶಕರಿಗೆ ದೂರು ನೀಡುವಂತೆ ಅಧಿಕಾರಿಗಳು ಹೇಳಿದ್ದಾರೆ.
- [ಆತನ ಆಧಾರ್ ಕಾರ್ಡೇ ಡುಪ್ಲಿಕೇಟ್!](https://mobiletime.in/2026/04/his-aadhaar-card-is-a-duplicate/): ನ್ಯಾಯಾಲಯಕ್ಕೆ ನಕಲಿ ಆಧಾರ್ ಕಾರ್ಡ ನೀಡಿದ್ದ ವ್ಯಕ್ತಿಯನ್ನು ಭಟ್ಕಳ ಪೊಲೀಸರು ಬಂಧಿಸಿದ್ದಾರೆ. ದರೋಡೆಕೋರರಿಗೆ ಜಾಮೀನು ನೀಡಲು ಬಂದಿದ್ದ ಮಹೇಶ ನಾಯಕ ಅವರು ನ್ಯಾಯಾಲಯದಿಂದ ಓಡಿ ಪರಾರಿಯಾಗಿದ್ದು, ಪೊಲೀಸರ ಕಣ್ತಪ್ಪಿಸಿಕೊಂಡು ಓಡಾಡುತ್ತಿದ್ದ ಅವರು ಇದೀಗ ಸಿಕ್ಕಿ ಬಿದ್ದಿದ್ದಾರೆ. 2025ರ ಮೇ 28ರಂದು ಭಟ್ಕಳದ ಬಿಳಾಲಖಂಡ ಗ್ರಾಮದ ಸಾಗರ ರಸ್ತೆ ಐದು ಜನ ದರೋಡೆಗೆ ಸಂಚು ರೂಪಿಸಿದ್ದರು. ಇನೋವಾ ಕಾರಿನಲ್ಲಿದ್ದ ಆ ಐವರು ಆ ಮಾರ್ಗದಲ್ಲಿ ಸಾಗುವ ಜನರಿಗೆ ಖಾರದಪುಡಿ ಎರಚಿ ದರೋಡೆ ಮಾಡುವ ಪ್ರಯತ್ನ ಮಾಡಿದ್ದರು. ದಕ್ಷಿಣ ಕನ್ನಡದ ಜಲೀಲ್ ಮಯುದ್ದೀನ್, ಹೆಬಳೆ ಗಾಂಧೀನಗರದ ನಾಸೀರ್ ಅಹ್ಮದ್ ಖಾದರ್, ಪುರವರ್ಗ ಗಣೇಶ ನಗರದ ರಿಹಾನ್ ಶೇಖ್, ಭಟ್ಕಳ ಮುಗ್ದಂ ಕಾಲೋನಿಯ ಜಿಶಾನ್ ಹಾಗೂ ನಬೀಲ್ ಎಂಬ ಡಕಾಯಿತರನ್ನು ಪೊಲೀಸರು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದ್ದರು. ಈ ಆರೋಪಿತರಿಗೆ ಜಾಮೀನು ಕೊಡಲು ಮಂಗಳೂರಿನ ಮರೋಳ್ಳಿ ಬಳಿಯ ಮಹೇಶ ಮೋಹನ ನಾಯಕ ಅವರು ಆಗಮಿಸಿದ್ದರು. ಈ ವೇಳೆ ಮಹೇಶ ನಾಯಕ ಅವರು ನ್ಯಾಯಾಲಯಕ್ಕೆ ನಕಲಿ ಆಧಾರ್ ಕಾರ್ಡ ಹಾಗೂ ಪಹಣಿ ಪತ್ರಿಕೆ ನೀಡಿದ್ದು, ನ್ಯಾಯಾಲಯ ಸಿಬ್ಬಂದಿ ಅದನ್ನು ಪತ್ತೆ ಮಾಡಿದ್ದರು. ನಕಲಿ ದಾಖಲೆ ನೀಡಿದ ಮಹೇಶ ನಾಯಕ ಅವರನ್ನು ಕೂಡಲೇ ಬಂಧಿಸಲು ನ್ಯಾಯಾಲಯ ಸೂಚಿಸಿದ್ದು, ಪೊಲೀಸರ ಕಣ್ತಪ್ಪಿಸಿ ಅವರು ಅಲ್ಲಿಂದ ಓಡಿದ್ದರು. ಮಹೇಶ ನಾಯಕ ಅವರ ಹುಡುಕಾಟ ನಡೆಸಿದ ಪೊಲೀಸರಿಗೆ ಅವರು ಮಂಗಳೂರಿನಲ್ಲಿಯೇ ಅಡಗಿರುವ ಅನುಮಾನ ಕಾಡಿತು. ಎಲ್ಲಾ ಕಡೆ ಹುಡುಕಾಟ ನಡೆಸಿದಾಗ ಮಂಗಳೂರಿನಲ್ಲಿಯೇ ಮಹೇಶ ನಾಯಕ ಅವರು ಸಿಕ್ಕಿಬಿದ್ದರು. ಏಪ್ರಿಲ್ 5ರಂದು ಪೊಲೀಸರು ಮಹೇಶ ನಾಯಕ ಅವರನ್ನು ಬಂಧಿಸಿ, ನ್ಯಾಯಾಲಯಕ್ಕೆ ಒಪ್ಪಿಸಿದರು. ನಕಲಿ ದಾಖಲೆ ನೀಡಿದ್ದ ಆರೋಪಿಗೆ ನ್ಯಾಯಾಲಯ ನ್ಯಾಯಾಂಗ ಬಂಧನ ವಿಧಿಸಿದೆ. ಭಟ್ಕಳ ಶಹರ ಠಾಣೆ ಪಿಐ ದಿವಾಕರ್ ಪಿ ಎಂ, ಪಿಸೈ ನವೀನ ನಾಯ್ಕ ಹಾಗೂ ಸಿಬ್ಬಂದಿ ದಿನೇಶ ನಾಯಕ, ಮಹಾಂತೇಶ ಹಿರೇಮಠ್ ಅವರು ಹರಸಾಹಸದಿಂದ ಮೋಹನ ನಾಯಕ ಅವರನ್ನು ಹಿಡಿದಿದ್ದಾರೆ.    
- [ಪೆಟ್ರೋಲ್ ತುಂಬಿದ ಟ್ಯಾಂಕರ್ ಸ್ಪೋಟ!](https://mobiletime.in/2026/04/a-tanker-full-of-petrol-exploded/): ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾ ಬಳಿ ಪೆಟ್ರೋಲ್ ಸಾಗಿಸುತ್ತಿದ್ದ ಟ್ಯಾಂಕರ್ ಸ್ಪೋಟವಾಗಿದೆ. ಅಗಸೂರು ಸಮೀಪದ ಕಂಚಿನಬಾಗಿಲು ಹೆದ್ದಾರಿಯಲ್ಲಿ ಟ್ಯಾಂಕರ್ ಹೊತ್ತಿ ಉರಿದಿದೆ. ಪ್ರಾಥಮಿಕ ಮಾಹಿತಿ ಪ್ರಕಾರ, ಕೆಎ 48 ಎ 2330 ನೋಂದಣಿ ಸಂಖ್ಯೆಯ ಟ್ಯಾಂಕರ್ ಪೆಟ್ರೋಲಿಯಂ ಉತ್ಪನ್ನ ಸಾಗಿಸುತ್ತಿತ್ತು. ಚಾಲಕನ ನಿಯಂತ್ರಣ ತಪ್ಪಿದ್ದರಿಂದ ಆ ಟ್ಯಾಂಕರ್ ಅಪಘಾತಕ್ಕೀಡಾಯಿತು. ಅಪಘಾತದ ವೇಳೆ ಅಗ್ನಿಸ್ಪರ್ಶವಾಗಿದ್ದು, ಟ್ಯಾಂಕರ್ ಹೊತ್ತಿ ಉರಿಯಿತು. ಬಾಂಬ್ ಸಿಡಿದ ರೀತಿಯಲ್ಲಿ ದೊಡ್ಡ ಸ್ಪೋಟ ಸಂಭವಿಸಿದ್ದು, ಸುತ್ತಲಿನ ಜನ ಬೆಚ್ಚಿ ಬಿದ್ದರು. ಟ್ಯಾಂಕರ್ ಹೊತ್ತಿ ಉರಿಯುತ್ತಿದ್ದರೂ ಅಲ್ಲಿದ್ದ ಜನರಿಂದ ಸಮೀಪ ಹೋಗಲು ಸಾಧ್ಯವಾಗಲಿಲ್ಲ. ಇನ್ನಷ್ಟು ದೊಡ್ಡ ಪ್ರಮಾಣದ ಬೆಂಕಿ ಆವರಿಸುವ ಹಿನ್ನಲೆ ಸ್ಥಳೀಯರು ಭಯಭೀತರಾಗಿರುವುದು ಕಾಣಿಸಿತು. ಟ್ಯಾಂಕರ್‌ಗೆ ಬೆಂಕಿ ಬಿದ್ದ ವಿಷಯದ ಬಗ್ಗೆ ತುರ್ತು ಸಹಾಯವಾಣಿಗೆ ಫೋನ್ ಮಾಡಲು ಪ್ರಯತ್ನಿಸಿದರಾದರೂ ನೆಟ್‌ವರ್ಕ ಸಮಸ್ಯೆ ಕಾಡಿತು. ಅದಾಗಿಯೂ, ಅಲ್ಲಿದ್ದ ಪ್ರತ್ಯಕ್ಷದರ್ಶಿಗಳು ಅಗ್ನಿಶಾಮಕ ಸಿಬ್ಬಂದಿ, ಹೈವೇ ಪೆಟ್ರೋಲ್ ಹಾಗೂ ಪೊಲೀಸರಿಗೆ ಫೋನ್ ಮಾಡಿ ವಿಷಯ ಮುಟ್ಟಿಸಿದರು. ಅವಘಡದ ವೇಳೆ ಟ್ಯಾಂಕರ್ ಒಳಗಿದ್ದ ಚಾಲಕ ಹಾರಿದನ್ನು ಅಲ್ಲಿದ್ದವರು ನೋಡಿದ್ದಾರೆ. ಬಾಗಲಕೋಟೆಯ ಉದ್ಯಮಿಯೊಬ್ಬರಿಗೆ ಸೇರಿದ ಟ್ಯಾಂಕರ್ ಇದಾಗಿದ್ದು, ಈ ಟ್ಯಾಂಕರ್ ಯಲ್ಲಾಪುರದಿಂದ ಅಂಕೋಲಾ ಮಾರ್ಗವಾಗಿ ಚಲಿಸುವಾಗ ಅವಘಡ ನಡೆದಿದೆ. ಅವಘಡದಲ್ಲಿ ಚಾಲಕನಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಅಗ್ನಿ ಅವಘಡದ ಪರಿಣಾಮ ದಟ್ಟ ಹೊಗೆ ಕಾಣಿಸಿಕೊಂಡಿದೆ. ಬಿಸಿಲಿನ ಜೊತೆ ಅಗ್ನಿಯ ಶಾಖವೂ ಸುತ್ತಲಿನ ಪ್ರದೇಶವನ್ನು ಆವರಿಸಿದೆ. ಹೆದ್ದಾರಿ ಸಂಚಾರವನ್ನು ಬಂದ್ ಮಾಡಲಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಶುರುವಾಗಿದೆ. ಸದ್ಯ ಬೆಂಕಿ ಆರಿಸುವ ಪ್ರಯತ್ನ ಮುಂದುವರೆದಿದೆ. ಟ್ಯಾಂಕರ್ ಹೊತ್ತಿ ಉರಿಯಲು ಸ್ಪಷ್ಟ ಕಾರಣ ಹಾಗೂ ಚಾಲಕನ ಸ್ಥಿತಿ-ಗತಿ ಬಗ್ಗೆ ಇನ್ನಷ್ಟು ಮಾಹಿತಿ ಬರಬೇಕಿದೆ.  
- [ಅಪ್ಪನ ಜೊತೆ ಬಾರದ ಅಪ್ರಾಪ್ತೆ: ಸಾಂತ್ವಾನ ಕೇಂದ್ರದಲ್ಲಿಯೇ ಆರೈಕೆ!](https://mobiletime.in/2026/04/a-minor-who-does-not-come-with-his-father-care-at-the-comfort-center/): ಜೊಯಿಡಾದಿಂದ ಕಾಣೆಯಾಗಿದ್ದ ಬಾಲಕಿಯೊಬ್ಬರು ತಿಂಗಳ ನಂತರ ಸಿಕ್ಕಿದ್ದು, ಆ ಬಾಲಕಿ ತಂದೆ ಜೊತೆ ಮನೆಗೆ ಹೋಗಲು ನಿರಾಕರಿಸಿದ ಕಾರಣ ಸಾಂತ್ವಾನ ಕೇಂದ್ರದಲ್ಲಿ ಆಶ್ರಯ ನೀಡಲಾಗಿದೆ. ಒಂದು ತಿಂಗಳ ಕಾಲ ಆಕೆ ಎಲ್ಲಿದ್ದಳು? ಎನ್ನುವುದರ ಬಗ್ಗೆ ತನಿಖೆ ನಡೆಸುವಂತೆ ಬಾಲಕಿ ತಂದೆ ಪೊಲೀಸ್ ದೂರು ನೀಡಿದ್ದಾರೆ. ಜೊಯಿಡಾದ ಇಳವಾ ಗಣೇಶಗುಡಿಯಲ್ಲಿ ತುಳಸಿದಾಸ ನಿಕ್ಕಂ ಅವರು ವಾಸವಾಗಿದ್ದಾರೆ. ಅವರ ಪುತ್ರಿ ಮನಿಷಾ (ಹೆಸರು ಬದಲಿಸಿದೆ) 10ನೇ ತರಗತಿಯವರೆಗೆ ಓದಿದ್ದು, ನಂತರ ಮನೆಯಲ್ಲಿಯೇ ಇದ್ದರು. ತಾಯಿಗೆ ಸಹಾಯ ಮಾಡಿಕೊಂಡಿದ್ದ ಮನಿಷಾ ಅವರು ಮಾರ್ಚ 14ರ ನಸುಕಿನ 3 ಗಂಟೆ ಅವಧಿಯಲ್ಲಿ ಕಾಣೆಯಾಗಿದ್ದರು. ಹಿಂದಿನ ದಿನ ರಾತ್ರಿ ಎಲ್ಲರೂ ಊಟ ಮಾಡಿ ಒಟ್ಟಿಗೆ ಮಲಗಿದ್ದು, ಮರುದಿನ ಬೆಳಗ್ಗೆ ಮಗಳು ಕಾಣೆಯಾಗಿದ್ದರಿಂದ ಕುಟುಂಬದವರೆಲ್ಲರೂ ಆತಂಕಕ್ಕೆ ಒಳಗಾಗಿದ್ದರು. ಮಾರ್ಚ 14ರ ನಸುಕಿನಲ್ಲಿ ಮನಿಷಾ ಅವರು ತಂದೆಯನ್ನು ಎಬ್ಬಿಸಿ `ಕೆಲಸಕ್ಕೆ ಸಮಯವಾಯ್ತು. ಹೊರಡಿ’ ಎಂದಿದ್ದರು. `ಇನ್ನೂ ಬೆಳಗಾಗಿಲ್ಲ’ ಎಂದು ಹೇಳಿ ತುಳಸಿದಾಸ ನಿಕ್ಕಂ ಅವರು ಮತ್ತೆ ನಿದ್ರಿಸಿದ್ದರು. ಆ ಅವಧಿಯಲ್ಲಿಯೇ ಮನಿಷಾ ಅವರು ಮನೆಯಿಂದ ಹೊರಗೆ ಹೋಗಿದ್ದು, ಮರಳಿ ಬಂದಿರಲಿಲ್ಲ. ಪೊಲೀಸರು ಸಾಕಷ್ಟು ಹುಡುಕಾಟ ನಡೆಸಿದ್ದು, ಏಪ್ರಿಲ್ 14ರಂದು ಮನಿಷಾ ಅವರು ದಾಂಡೇಲಿಯಲ್ಲಿ ಪತ್ತೆಯಾದರು. ತುಳಸಿದಾಸ ನಿಕ್ಕಂ ಅವರು ಮಗಳನ್ನು ಕಂಡು ಖುಷಿಯಾಗಿದ್ದು, ಆಕೆಯಲ್ಲಿ ಮನೆಗೆ ಬರುವಂತೆ ಕೇಳಿಕೊಂಡರು. ಆದರೆ, ಮನಿಷಾ ಅವರು ತಂದೆ ಜೊತೆ ಮನೆಗೆ ಬರಲು ಒಪ್ಪಲಿಲ್ಲ. ಹೀಗಾಗಿ ಪೊಲೀಸರು ಬಾಲಕಿಯನ್ನು ದಾಂಡೇಲಿ ಸಾಂತ್ವಾನ ಕೇಂದ್ರಕ್ಕೆ ಒಪ್ಪಿಸಿದರು. 17 ವರ್ಷದ ಮಗಳನ್ನು ದುಷ್ಕರ್ಮಿಗಳು ಪುಸಲಾಯಿಸಿ ಕರೆದೊಯ್ದ ಅನುಮಾನದ ಹಿನ್ನಲೆ ತುಳಸಿದಾಸ ನಿಕ್ಕಂ ಅವರು ಆ ಕಿಡಿಗೇಡಿಗಳ ಪತ್ತೆಗಾಗಿ ಪೊಲೀಸ್ ಠಾಣೆ ಮೆಟ್ಟಿಲೇರಿದರು. `ಒಂದು ತಿಂಗಳ ಕಾಲ ಮಗಳು ಯಾರ ಜೊತೆ ಇದ್ದರು? ಯಾರು ಆಕೆಯನ್ನು ಪುಸಲಾಯಿಸಿ ಕರೆದೊಯ್ದರು?’ ಎನ್ನುವ ಬಗ್ಗೆ ತನಿಖೆ ನಡೆಸುವಂತೆ ಆಗ್ರಹಿಸಿ ದೂರು ನೀಡಿದರು. ಪ್ರಕರಣ ದಾಖಲಿಸಿದ ಪೊಲೀಸರು ಆ ಬಗ್ಗೆ ವಿಚಾರಣೆ ಶುರು ಮಾಡಿದ್ದಾರೆ.
- [ಕೈಗಾ: ನಿವೃತ್ತ ನೌಕರನಿಗೆ ಮೂರು ನಾಮ!](https://mobiletime.in/2026/04/kaiga-three-names-for-a-retired-employee/): ಸದ್ಯ ಕಾರವಾರದಲ್ಲಿ ವಾಸವಾಗಿರುವ ಶಿರಸಿಯ ಮೆಥ್ಯು ಫರ್ನಾಂಡಿಸ್ ಅವರಿಗೆ ಮೋಸವಾಗಿದೆ. ತಮ್ಮ ಬಳಿಯಿದ್ದ 21 ಲಕ್ಷ ರೂ ಹಣ ದುಪ್ಪಟ್ಟು ಮಾಡಿಕೊಳ್ಳುವ ಆಸೆಗೆ ಬಿದ್ದ ಅವರು ಆ ಎಲ್ಲಾ ಹಣವನ್ನು ಕಳೆದುಕೊಂಡಿದ್ದಾರೆ. ಶಿರಸಿಯ ಶಿರಸಿ ಡಾನ್ ಬಾಸ್ಕೋ ಚರ್ಚ ಬಳಿಯ ಗಾಳಿ ಮಾಸ್ತಿ ದೇವಸ್ಥಾನ ಬಳಿ ಮೆಥ್ಯು ಡಿಯೋಗ ಫರ್ನಾಂಡಿಸ್ ಅವರು ವಾಸವಾಗಿದ್ದರು. ಉದ್ಯೋಗದ ನಿಮಿತ್ತ ಕಾರವಾರದ ಮಲ್ಲಾಪುರದ ಕೈಗಾ ಟೌನ್‌ಶಿಫ್ ಸೇರಿದ ಅವರು ನಿವೃತ್ತಿ ನಂತರವೂ ಅಲ್ಲಿಯೇ ಬದುಕು ಕಟ್ಟಿಕೊಂಡರು. ಅವರ ಬಳಿ 21 ಲಕ್ಷ ರೂ ಹಣವಿದ್ದು, ಆ ಹಣವನ್ನು ದುಪ್ಪಟ್ಟು ಮಾಡುವ ದುರಾಸೆಗೆ ಬಿದ್ದಿದ್ದರು. ಇದಕ್ಕಾಗಿ ಅವರು ಆನ್‌ಲೈನ್ ಟ್ರೇಡಿಂಗ್ ಮಾಡುವ ಸಾಹಸ ನಡೆಸಿದರು. ವಾಟ್ಸಪ್ ಮೂಲಕ ಮೆಥ್ಯು ಫರ್ನಾಂಡಿಸ್ ಅವರನ್ನು ಸಂಪರ್ಕಿಸಿದ ಮೀನಾ ಜೋಶಿ ಹಾಗೂ ರಾಜೇಶ ಮುಡಿ ಅವರು ನಯವಾಗಿ ಮಾತನಾಡಿದರು. ತಾವು ಸೂಚಿಸಿದ ಕಡೆ ಹಣ ಹೂಡಿದರೆ ಹೆಚ್ಚಿನ ಲಾಭ ಕೊಡುವುದಾಗಿ ನಂಬಿಸಿದರು. ಟ್ರೆಡಿಂಗ್ ಮಾಹಿತಿ ಕೊಡುವ ವಾಟ್ಸಪ್ ಗುಂಪಿಗೆ ಮೆಥ್ಯು ಫರ್ನಾಂಡಿಸ್ ಅವರನ್ನು ಸೇರಿಸಿದರು. ಅದಾದ ನಂತರ ತಾವು ಹೇಳಿದ ಕಡೆ ಹಣ ಹೂಡಿಕೆ ಮಾಡುವಂತೆ ಸಲಹೆ ನೀಡಿದರು. ಅದರ ಪ್ರಕಾರ ಮೆಥ್ಯು ಫರ್ನಾಂಡಿಸ್ ಅವರು ತಮ್ಮಲ್ಲಿದ್ದ 21,76,100 ರೂಪಾಯಿಯನ್ನು ಟ್ರೇಡಿಂಗ್ ಅಪ್ಲಿಕೇಶನ್ ಮೂಲಕ ಜಮಾ ಮಾಡಿದರು. ಆದರೆ, ಮೆಥ್ಯು ಫರ್ನಾಂಡಿಸ್ ಅವರಿಗೆ ಹೂಡಿಕೆ ಹಣವೂ ಸಿಗಲಿಲ್ಲ. ಲಾಭವೂ ದೊರೆಯಲಿಲ್ಲ. ಇದರಿಂದ ಕಂಗಾಲಾದ ಮೆಥ್ಯು ಫರ್ನಾಂಡಿಸ್ ಅವರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋದರು. ಆದ ಘಟನಾವಳಿಗಳ ಬಗ್ಗೆ ವಿವರಿಸಿ ಸೈಬರ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು. ಸೈಬರ್ ವಂಚನೆಯ ಬಗ್ಗೆ ಪೊಲೀಸರು ಅವರಿಗೆ ಅರಿವು ಮೂಡಿಸಿದರು.
- [ಅವರ ಜಾಗದಲ್ಲಿ ಇವರ ಬೇಲಿ: ಹೊಡೆದಾಟ!](https://mobiletime.in/2026/04/their-fence-in-their-place-a-fight/): ಶಿರಸಿ ಮಲೆನಳ್ಳಿಯ ಅಜಿತಾ ಗೌಡ ಅವರು ನಿರ್ಮಿಸಿದ ಬೇಲಿಯನ್ನು ಪಕ್ಕದಮನೆಯವರು ಕಿತ್ತಿದ್ದಾರೆ. ಅದನ್ನು ಪ್ರಶ್ನಿಸಿದ ಕಾರಣ ಅಜಿತಾ ಗೌಡ ಅವರ ಮೇಲೆ ಮೂವರು ಸೇರಿ ಹೊಡೆದಿದ್ದಾರೆ. ಹೊಡೆದಾಟ ತಪ್ಪಿಸಲು ಹೋದ ಅಜಿತಾ ಗೌಡ ಅವರ ಪತಿ ಮಂಜುನಾಥ ಗೌಡ ಅವರಿಗೂ ಆ ಮೂವರು ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಶಿರಸಿ ಮಲೆನಳ್ಳಿಯ ಅರಸಾಪುರದಲ್ಲಿ ಅಜೀತಾ ಮಂಜುನಾಥ ಗೌಡ ಅವರು ವಾಸವಾಗಿದ್ದಾರೆ. ಅಲ್ಲಿಯೇ ಅವರು ಅಡಿಕೆ ತೋಟ ಹೊಂದಿದ್ದು, ಆ ತೋಟದ ತುದಿಗೆ ಶ್ರೀಧರ ಗೌಡ ಅವರ ಮನೆಯಿದೆ. ಆ ಮನೆಯಲ್ಲಿ ಶ್ರೀಧರ ಮಹಾದೇವ ಗೌಡ, ಮಹಾದೇವ ನಾರಾಯಣ ಗೌಡ ಹಾಗೂ ನೇತ್ರಾವತಿ ಮಹಾದೇವ ಗೌಡ ಅವರು ವಾಸವಾಗಿದ್ದಾರೆ. ಅಜೀತಾ ಗೌಡ ಅವರ ಅಡಿಕೆ ತೋಟಕ್ಕೆ ಪದೇ ಪದೇ ದನ-ಕರುಗಳು ನುಗ್ಗುತ್ತಿದ್ದು, ಜಾನುವಾರು ಹಾವಳಿ ತಡೆಗಾಗಿ ಅವರು ತೋಟದ ಸುತ್ತ ಬೇಲಿ ನಿರ್ಮಿಸಿದ್ದಾರೆ. ಆದರೆ, ಏಪ್ರಿಲ್ 8ರಂದು ಶ್ರೀಧರ ಗೌಡ ಅವರ ಕುಟುಂಬದವರು ಆ ಬೇಲಿಯನ್ನು ಮುರಿದಿದ್ದಾರೆ. ತಾವು ತೋಟಕ್ಕೆ ನಿರ್ಮಿಸಿದ ಬೇಲಿ ಮುರಿದ ಕಾರಣ ಕೇಳಲು ಅಜೀತಾ ಗೌಡ ಅವರು ಶ್ರೀಧರ ಗೌಡ ಅವರ ಮನೆಗೆ ಹೋಗಿದ್ದಾರೆ. `ನಮ್ಮ ಜಾಗದಲ್ಲಿ ನೀವು ಬೇಲಿ ಮಾಡಿದ್ದೀರಿ’ ಎಂದು ಶ್ರೀಧರ ಗೌಡ ಅವರ ಕುಟುಂಬದವರು ದಬಾಯಿಸಿದ್ದಾರೆ. ಜೊತೆಗೆ ಅಜೀತಾ ಗೌಡ ಅವರ ಕೈ ಹಿಡಿದು ಶ್ರೀಧರ ಗೌಡ ಅವರು ಎಳೆದಿದ್ದಾರೆ. ಈ ವೇಳೆ ಮಹಾದೇವ ಗೌಡ ಹಾಗೂ ನೇತ್ರಾವತಿ ಗೌಡ ಅವರು ಅಜೀತಾ ಗೌಡ ಅವರ ಬೆನ್ನಿಗೆ ಬಾರಿಸಿದ್ದಾರೆ. ಈ ಹೊಡೆದಾಟ ನೋಡಿದ ಅಜೀತಾ ಗೌಡ ಅವರ ಪತಿ ಮಂಜುನಾಥ ಗೌಡ ಅವರು ಅಲ್ಲಿಗೆ ಧಾವಿಸಿದ್ದು, ಆ ಮೂವರು ಸೇರಿ ಮಂಜುನಾಥ ಗೌಡ ಅವರ ಮೇಲೆಯೂ ಕೈ ಮಾಡಿದ್ದಾರೆ. ಅಡಿಕೆ ತೋಟದ ರಕ್ಷಣೆಗೆ ನಿರ್ಮಿಸಿದ ಬೇಲಿ ಹಾಳು ಮಾಡಿದಲ್ಲದೇ, ತಮಗೂ ರಕ್ಷಣೆಯಿಲ್ಲದ ಹಾಗೇ ಮಾಡಿದ ಎದುರಾಳಿಗಳ ವಿರುದ್ಧ ಅಜೀತಾ ಗೌಡ ಅವರು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ನೀರಿನ ಘಟಕಕ್ಕೆ ವಾಸ್ತು ದೋಷ: ಉದ್ಘಾಟನೆಗೂ ಮುನ್ನವೇ ಧ್ವಂಸ!](https://mobiletime.in/2026/04/vastu-defect-in-water-unit-demolition-before-inauguration/): ಕುಮಟಾದ ಮೂರೂರಿನಲ್ಲಿ ಲಕ್ಷಾಂತರ ರೂ ವೆಚ್ಚ ಮಾಡಿ ಕುಡಿಯುವ ನೀರಿನ ಘಟಕ ನಿರ್ಮಿಸಲಾಗಿದೆ. ಆದರೆ, ಆ ಘಟಕ ಒಂದು ದಿನವೂ ನೀರು ಪೂರೈಸಿಲ್ಲ. ಹೀಗಿದ್ದರೂ, ಇದೀಗ ಆ ಕುಡಿಯುವ ನೀರಿನ ಘಟಕವನ್ನು ಗ್ರಾಮ ಪಂಚಾಯತವೇ ಒಡೆದು ಧ್ವಂಸ ಮಾಡಿದೆ! ದಶಕದ ಹಿಂದೆಯೇ 1ರೂಪಾಯಿ ನಾಣ್ಯ ಹಾಕಿ ಶುದ್ದ ಕುಡಿಯುವ ನೀರು ಪಡೆಯುವ ಘಟಕವನ್ನು ರಾಜ್ಯದ ಎಲ್ಲಡೆ ಶುರುವಾಡಲಾಗಿದೆ. ಅದರ ಪ್ರಕಾರ, ಕುಮಟಾದ ಮೂರೂರಿನಲ್ಲಿ ಸಹ ಈ ಶುದ್ಧ ಕುಡಿಯುವ ನೀರಿನ ಘಟಕ ಪ್ರಾರಂಭಿಸಲಾಗಿದ್ದು, ಒಂದು ಹನಿ ನೀರನ್ನು ಈ ಘಟಕ ಜನರಿಗೆ ನೀಡಿಲ್ಲ. ಮೂರುರು ವ್ಯವಸಾಯ ಸೇವಾ ಸಹಕಾರಿ ಸಂಘದ ಆವರಣದ ಪಕ್ಕ ಈ ಘಟಕ ಸ್ಥಾಪಿಸಿದ್ದು, ಘಟಕದ ಉದ್ಘಾಟನೆಗೂ ಮುನ್ನವೇ ಅದನ್ನು ನಾಶ ಮಾಡಲಾಗಿದೆ. ಲಕ್ಷಾಂತರ ರೂ ವೆಚ್ಚ ಮಾಡಿ ನಿರ್ಮಿಸಿದ ಘಟಕವನ್ನು ಉದ್ಘಾಟಿಸದೇ ಇರಲು ಕಾರಣವೇನು? ಅದನ್ನು ಇದೀಗ ಧ್ವಂಸ ಮಾಡಿದ ಉದ್ದೇಶವೇನು? ಎಂದು ಯಾರಿಗೂ ಗೊತ್ತಿಲ್ಲ. ಶುದ್ಧ ನೀರು ಕೊಡಬೇಕಾದ ಘಟಕವೇ ಇದೀಗ ಅಶುದ್ಧವಾಗಿದ್ದು, ಗ್ರಾಮ ಪಂಚಾಯತ ವಿರುದ್ಧ ಜನಾಕ್ರೋಶವ್ಯಕ್ತವಾಗಿದೆ. `ಸದ್ಯ ಕುಡಿಯುವ ನೀರಿನ ಘಟಕವಿರುವ ಸ್ಥಳದಲ್ಲಿ ಕಟ್ಟಡ ನಿರ್ಮಿಸಲು ಗ್ರಾಮ ಪಂಚಾಯತ ಆಸಕ್ತಿವಹಿಸಿದ ಮಾಹಿತಿಯಿದ್ದು, ಬೆಲೆ ಬಾಳುವ ಉಪಕರಣಗಳನ್ನು ಹಾಳು ಮಾಡಿದ್ದು ಸರಿಯಲ್ಲ’ ಎಂದು ಮಂಡಲ ಬಿಜೆಪಿ ಅಧ್ಯಕ್ಷ ಜಿ ಐ ಹೆಗಡೆ ಅವರು ಹೇಳಿದ್ದಾರೆ. `ವಾಸ್ತು ದೋಷದ ಕಾರಣ ಅಲ್ಲಿರುವ ನೀರಿನ ಘಟಕ ಹಾಳು ಮಾಡಿದ್ದಾರೆ’ ಎಂದು ಸಹ ಜನ ದೂರಿದ್ದಾರೆ. `ಸರ್ಕಾರದ ಯೋಜನೆಗಳು ಜನ ಪರವಾಗಿರಬೇಕು. ಲಭ್ಯ ಸಂಪನ್ಮೂಲಗಳು ಉಪಯೋಗ ಬರುವ ರೀತಿ ಅಧಿಕಾರಿಗಳು ವರ್ತಿಸಬೇಕು. ಅದನ್ನು ಬಿಟ್ಟು ಉದ್ಘಾಟನೆಗೂ ಮುನ್ನವೇ ಶುದ್ಧ ನೀರಿನ ಘಟಕವನ್ನು ಧ್ವಂಸ ಮಾಡುವುದು ಸರಿಯಲ್ಲ’ ಎಂದು ಜಿ ಐ ಹೆಗಡೆ ಅವರು ಆಕ್ಷೇಪವ್ಯಕ್ತಪಡಿಸಿದ್ದಾರೆ.
- [ನಿಷೇಧದ ನಡುವೆಯೂ ಮದ್ಯ ಮಾರಾಟ!](https://mobiletime.in/2026/04/alcohol-sales-despite-the-ban/): ಅಂಬೇಡ್ಕರ್ ಜಯಂತಿ ಹಿನ್ನಲೆ ಶಿರಸಿಯಲ್ಲಿ ಮದ್ಯ ಮಾರಾಟ ನಿಷೇಧಿಸಿ ಜಿಲ್ಲಾಡಳಿತ ಆದೇಶ ಹೊರಡಿಸಿದ್ದು, ಆ ಆದೇಶವನ್ನು ಉಲ್ಲಂಘಿಸಿ ಅಕ್ರಮ ಮದ್ಯ ಮಾರಾಟ ನಡೆದಿದೆ. ಮದ್ಯ ಮಾರಾಟ ನಿಷೇಧದ ದಿನ ಗೂಡಂಗಡಿಗಳಲ್ಲಿ ದುಪ್ಪಟ್ಟು ಬೆಲೆಗೆ ಸರಾಯಿ ಮಾರಾಟ ನಡೆದಿದೆ. ಶಿರಸಿ ಬಿಡ್ಕಿಬೈಲಿನ ಅಂಚೆ ಕಚೇರಿ ಹಿಂದೆ ಅಶೋಕ ಚೆನ್ನಬಸಪ್ಪ ಅವರು ಗೂಡಗಂಡಿ ಹೊಂದಿದ್ದು, ಅಲ್ಲಿ ರಾಜಾರೋಷವಾಗಿ ಸರಾಯಿ ಮಾರಾಟ ಮಾಡುತ್ತಿದ್ದಾರೆ. ಮದ್ಯ ಮಾರಾಟದ ವಿಡಿಯೋ ವೈರಲ್ ಆಗಿದ್ದು, ಅಕ್ರಮ ಮದ್ಯದಂಗಡಿ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಶಿರಸಿ ನಗರ ಪೊಲೀಸ್ ಠಾಣೆ ಪಿಸೈ ನರಸಿಂಹಲು ಅವರು ಆ ಗೂಡಂಗಡಿ ಬಳಿ ತೆರಳಿದಾಗ ಅಲ್ಲಿ ಮದ್ಯ ಮಾರಾಟ ನಡೆದಿರುವುದು ಖಚಿತವಾಗಿದೆ. ಅಂಬೇಡ್ಕರ್ ಜಯಂತಿ ಹಿನ್ನಲೆ ಮದ್ಯ ಮಾರಾಟ ನಿಷೇಧಿಸಲಾಗಿದ್ದು, ಅದಾಗಿಯೂ ಗೂಡಂಗಡಿಯಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ನಡೆದಿದನ್ನು ಪೊಲೀಸರು ಪ್ರಶ್ನಿಸಿದ್ದಾರೆ. ಅಂಗಡಿ ಮೇಲೆ ದಾಳಿ ನಡೆಸಿದಾಗ ಅಲ್ಲಿ ಮದ್ಯ ಮಾರಾಟ ಮಾಡಿದ ಅನೇಕ ಸುಳಿವು ಕಾಣಿಸಿದೆ. ಮದ್ಯದ ಪ್ಯಾಕೇಟುಗಳ ಜೊತೆ ವಿವಿಧ ಬಾಟಲಿಗಳು ಸಹ ಆ ಗೂಡಂಗಡಿಯಲ್ಲಿ ಸಿಕ್ಕಿದೆ. ಈ ಎಲ್ಲಾ ಹಿನ್ನಲೆ ಪೊಲೀಸರು ಅಕ್ರಮ ಮದ್ಯ ಮಾರಾಟಗಾರ ಅಶೋಕ ಚೆನ್ನಬಸಪ್ಪ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಅವರ ಅಂಗಡಿಯಲ್ಲಿದ್ದ ಮದ್ಯದ ಬಾಟಲಿ ಹಾಗೂ ಪ್ಯಾಕೇಟ್ ಜೊತೆ ಇನ್ನಿತರ ವಸ್ತುಗಳನ್ನು ಜಪ್ತು ಮಾಡಿ ಪ್ರಕರಣ ದಾಖಲಿಸಿದ್ದಾರೆ.  
- [ಮತ್ತೆ ಬೆಳಗದ ಪ್ರಕಾಶ: ಸ್ವಯಂ ಶಿಕ್ಷೆಗೆ ಒಳಗಾದ ಶಿಕ್ಷಕ!](https://mobiletime.in/2026/04/a-light-that-never-shines-again-a-teacher-who-was-subjected-to-self-punishment/): ಯಲ್ಲಾಪುರದ ವಿವಿಧ ಶಾಲೆಗಳಲ್ಲಿ ಶಿಕ್ಷಕರಾಗಿ ಸೇವೆ ಸಲ್ಲಿಸಿದ್ದ ಪ್ರಕಾಶ ನಾಯಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಈಚೆಗೆ ಸ್ವಯಂ ನಿವೃತ್ತಿಪಡೆದಿದ್ದ ಅವರು ಬುಧವಾರ ದುಡುಕು ನಿರ್ಧಾರಕ್ಕೆ ಒಳಗಾಗಿದ್ದಾರೆ. ಅಂಕೋಲಾ ತಾಲೂಕಿನ ಮೊಗಟಾದ ಪ್ರಕಾಶ ನಾಯಕ ಅವರು ಯಲ್ಲಾಪುರದಲ್ಲಿಯೇ ಮನೆ ಮಾಡಿದ್ದರು. ಅವರ ಪತ್ನಿ ಭಾರತಿ ನಾಯಕ ಅವರು ಸಹ ಶಿಕ್ಷಕರಾಗಿದ್ದು, ಪ್ರಕಾಶ ನಾಯಕ ಅವರು ಹೆಮ್ಮಾಡಿ, ಕುಂದರಗಿ, ಬಾಳೆಗದ್ದೆ, ಡೊಮಗೇರಿ ಹಾಗೂ ಕೆಜಿಎಸ್ ಶಾಲೆಯಲ್ಲಿ ಸೇವೆ ಸಲ್ಲಿಸಿದ್ದರು. ಕೆಲ ಕಾಲ ಸಂಪನ್ಮೂಲ ಅಧಿಕಾರಿಯಾಗಿಯೂ ಪ್ರಕಾಶ ನಾಯಕ ಅವರು ಕೆಲಸ ಮಾಡಿದ್ದರು. ಯುವಜನ ಸೇವಾ ಕ್ರೀಡಾಧಿಕಾರಿಯಾಗಿ ಅವರು ಅತ್ಯಂತ ಉತ್ಸಾಹದಿಂದ ದುಡಿದಿದ್ದರು. ಸರ್ಕಾರಿ ನೌಕರರ ಸಂಘದ ತಾಲೂಕು ಅಧ್ಯಕ್ಷರಾಗಿಯೂ ಅವರು ಶ್ರಮಿಸಿದ್ದರು. ಮೂರು ದಶಕಗಳಿಂದ ಅವರು ಶೈಕ್ಷಣಿಕ ಸೇವೆಯಲ್ಲಿದ್ದರು. ಕಳೆದ ವರ್ಷ ಒಮ್ಮೆ ಸೇವೆಯಿಂದ ಅಮಾನತು ಆಗಿದ್ದ ಅವರು ಕೆಲ ದಿನದ ನಂತರ ಮತ್ತೆ ಕರ್ತವ್ಯಕ್ಕೆ ಮರುನಿಯೋಜನೆಯಾಗಿದ್ದು, ಅದರ ಬೆನ್ನಲ್ಲೆ ಸ್ವಯಂ ನಿವೃತ್ತಿಪಡೆದಿದ್ದರು. ಬುಧವಾರ ಬೆಳಗ್ಗೆ ಮನೆಯಲ್ಲಿಯೇ ಇದ್ದ ಪ್ರಕಾಶ ನಾಯಕ ಅವರು ದಿಡೀರ್ ಆಗಿ ದುಡುಕು ನಿರ್ಧಾರಕ್ಕೆ ಒಳಗಾದರು. ನೇಣಿಗೆ ಶರಣಾದ ಅವರನ್ನು ತಕ್ಷಣ ಕೆಳಗಿಳಿಸಿ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ಅದರಿಂದ ಪ್ರಯೋಜನ ಆಗಲಿಲ್ಲ. ಆಸ್ಪತ್ರೆಗೆ ತೆರಳುವ ಮುನ್ನವೇ ಪ್ರಕಾಶ ನಾಯಕ ಅವರು ಕೊನೆಯುಸಿರೆಳೆದರು. ಅವರ ಈ ದುಡುಕು ನಿರ್ಧಾರಕ್ಕೆ ಸ್ಪಷ್ಟ ಕಾರಣ ಗೊತ್ತಾಗಲಿಲ್ಲ.
- [ಅಂಬೇಡ್ಕರ್ ಜಯಂತಿ: ಫೋಟೋಗೆ ಮಾತ್ರ ಸೀಮಿತ!](https://mobiletime.in/2026/04/ambedkar-jayanti-limited-to-photos-only/): ಅಂಕೋಲಾದ ಡೋಂಗ್ರಿ ಗ್ರಾಮ ಪಂಚಾಯತ ಕಚೇರಿಯಲ್ಲಿ 20 ನಿಮಿಷಗಳ ಕಾಲ ನಡೆದ ಅಂಬೇಡ್ಕರ್ ಜಯಂತಿ ಆಚರಣೆಯಲ್ಲಿ 10 ಜನ ಸಹ ಭಾಗವಹಿಸಿಲ್ಲ. ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮ ಫೋಟೋಗೆ ಮಾತ್ರ ಸೀಮಿತವಾಗಿದ್ದು, ಕಾಟಾಚಾರಕ್ಕೆ ಜಯಂತಿ ಆಚರಣೆ ನಡೆದ ಬಗ್ಗೆ ಅಸಮಧಾನವ್ಯಕ್ತವಾಗಿದೆ. ಡೋಂಗ್ರಿ ಗ್ರಾಮ ಪಂಚಾಯತದಲ್ಲಿ ನಡೆದ ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮದಲ್ಲಿ ಪಿಡಿಓ ಮಹಾದೇವ ಗೌಡ ಅವರು ಭಾಗವಹಿಸಿಲ್ಲ. ಆಡಳಿತಾಧಿಕಾರಿಯಾಗಿರುವ ಅರಣ್ಯಾಧಿಕಾರಿ ಸುರೇಶ ನಾಯ್ಕ ಅವರು ಸಹ ಕಾರ್ಯಕ್ರಮಕ್ಕೆ ಆಗಮಿಸಿಲ್ಲ. `ರಾಷ್ಟ್ರೀಯ ನಾಯಕರ ಜಯಂತಿಗಳನ್ನು ಆಚರಿಸುವಾಗ ಪಾಲಿಸಬೇಕಾದ ನಿಯಮಗಳು ಮತ್ತು ವಿಧಾನಗಳನ್ನು ಕಡೆಗಣಿಸಿ ಕಾಟಾಚಾರಕ್ಕೆ ಅಂಬೇಡ್ಕರ್ ಜಯಂತಿ ಆಚರಿಸಲಾಗಿದೆ’ ಎಂದು ಗ್ರಾಮ ಪಂಚಾಯತ ಮಾಜಿ ಅಧ್ಯಕ್ಷ ಮಂಜುನಾಥ ಸಿದ್ಧಿ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಕಳೆದ ವರ್ಷ ಸಹ ಕಾಟಾಚಾರಕ್ಕೆ ಅಂಬೇಡ್ಕರ್ ಜಯಂತಿ ಆಚರಿಸಲಾಗಿದ್ದು, ಈ ಬಾರಿಯೂ ಅದೇ ರೀತಿ ಮಾಡಲಾಗಿದೆ’ ಎಂದವರು ದೂರಿದ್ದಾರೆ. `ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮದ ಬಗ್ಗೆ ಗ್ರಾಮ ಪಂಚಾಯತ ಪೂರ್ವಭಾವಿ ಸಭೆ ನಡೆಸಿಲ್ಲ. ಅಂಬೇಡ್ಕರ್ ಅವರ ತತ್ವ-ಸಿದ್ಧಾಂತದ ಬಗ್ಗೆ ಜನರಲ್ಲಿ ಅರಿವು ಮೂಡಿಸಲು ಆಸಕ್ತಿವಹಿಸಿಲ್ಲ. ಕಾರ್ಯಕ್ರಮ ನಡೆಸುವ ಬಗ್ಗೆ ಯಾರಿಗೂ ಅಧಿಕೃತ ಮಾಹಿತಿ ನೀಡಿಲ್ಲ. ಅಲ್ಲಿನ ಸಿಬ್ಬಂದಿಯೇ ಸೇರಿ ಅಂಬೇಡ್ಕರ್ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಫೋಟೋ ತೆಗೆಸಿಕೊಂಡಿದ್ದು, ಸಾರ್ವಜನಿಕರ ಸಹಭಾಗಿತ್ವದಲ್ಲಿ ಈ ಕಾರ್ಯಕ್ರಮ ನಡೆದಿಲ್ಲ’ ಎಂದವರು ಆಕ್ರೋಶಹೊರಹಾಕಿದ್ದಾರೆ. `ಗ್ರಾಮ ಪಂಚಾಯತ್ ಒಂದು ಸಾರ್ವಜನಿಕ ಹಾಗೂ ಪ್ರಜಾಪ್ರಭುತ್ವ ಸಂಸ್ಥೆಯಾಗಿದೆ. ಇಲ್ಲಿ ನಡೆಯುವ ಪ್ರತಿಯೊಂದು ಕಾರ್ಯಕ್ರಮವೂ ನಿಯಮಾನುಸಾರ ಮತ್ತು ಪಾರದರ್ಶಕವಾಗಿ ನಡೆಯಬೇಕು. ಆದರೆ ಇಲ್ಲಿ ಜನಪ್ರತಿನಿಧಿಗಳನ್ನು ಸಂಪೂರ್ಣವಾಗಿ ಕಡೆಗಣಿಸಿ, ಕೆಲವು ಸಿಬ್ಬಂದಿ ಮಾತ್ರ ಕಾಟಾಚಾರಕ್ಕೆ ಕಾರ್ಯಕ್ರಮ ನಡೆಸಿರುವುದು ಖಂಡನೀಯ’ ಎಂದವರು ಹೇಳಿದ್ದಾರೆ. `ಗ್ರಾಮ ಪಂಚಾಯತ್ ಮಟ್ಟದಲ್ಲಿ ನಡೆಯುವ ಸರ್ಕಾರಿ ಕಾರ್ಯಕ್ರಮಗಳಿಗೆ ಪೂರ್ವಸಿದ್ಧತೆ ಮಾಡಿಕೊಳ್ಳಬೇಕು. ಸಭೆ ನಡೆಸುವ ಬಗ್ಗೆ ಸದಸ್ಯರಿಗೆ ಮಾಹಿತಿ ನೀಡಬೇಕು. ಅಧಿಕಾರಿಗಳ ಸಮ್ಮುಖದಲ್ಲಿ ಆಚರಣೆ ನಡೆಯಬೇಕು. ಆದರೆ, ಇಲ್ಲಿ ಇದ್ಯಾವುದು ನಡೆದಿಲ್ಲ’ ಎಂದವರು ದೂರಿದ್ದಾರೆ. `ಅಧಿಕಾರಿಗಳು ಯಾವ ಕಾರಣಕ್ಕೆ ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮದಲ್ಲಿ ಭಾಗಿಯಾಗಿಲ್ಲ? ಎಂದು ಸ್ಪಷ್ಟನೆ ಕೊಡಬೇಕು. ಅಂಬೇಡ್ಕರ್ ಜಯಂತಿಗೆ ಅವಮಾನ ಮಾಡುವಂಥ ಇಂಥ ಘಟನೆ ಮರುಕಳಿಸದ ಹಾಗೇ ಎಚ್ಚರಿಕೆವಹಿಸಬೇಕು. ಮೇಲಧಿಕಾರಿಗಳು ಸಹ ಈ ಬಗ್ಗೆ ಕ್ರಮ ಜರುಗಿಸಬೇಕು’ ಎಂದವರು ಒತ್ತಾಯಿಸಿದ್ದಾರೆ. ಗ್ರಾಮ ಪಂಚಾಯತ್ ಆಡಳಿತದ ಕಾರ್ಯವೈಖರಿಯ ಕುರಿತು ಹಲವು ಪ್ರಶ್ನೆಗಳು ಉದ್ಬವಿಸಿದ್ದು, ಈ ಬಗ್ಗೆ ಮೇಲಧಿಕಾರಿಗಳಿಗೂ ದೂರು ನೀಡುವುದಾಗಿ ಮಂಜುನಾಥ ಸಿದ್ಧಿ ಅವರು ಹೇಳಿದ್ದಾರೆ.
- [ತಾಯಿಗೆ ನಿಂದನೆ: ಪ್ರಶ್ನಿಸಿದವನ್ನು ಕೊಂದವನಿಗೆ ಉಗ್ರ ಶಿಕ್ಷೆ!](https://mobiletime.in/2026/04/abuse-of-mother-severe-punishment-for-the-person-who-killed-the-one-who-questioned-her/): ತಾಯಿಗೆ ಕೆಟ್ಟದಾಗಿ ಬೈದಿದನ್ನು ಪ್ರಶ್ನಿಸಿದ ರಂಗನಾಥ ಮಡಗಾಂವ್ಕರ್ ಅವರನ್ನು ಕೊಲೆ ಮಾಡಿದ ರಮೇಶ ಮಡಗಾಂವ್ಕರ್ ಅವರಿಗೆ ಶಿರಸಿ ನ್ಯಾಯಾಲಯ ಜೀವನಪೂರ್ತಿ ಜೈಲು ಶಿಕ್ಷೆ ಅನುಭವಿಸುವಂತೆ ಆದೇಶಿಸಿದೆ. ಈ ಕೊಲೆಗೆ ಸಹಕರಿಸಿದ ರಮೇಶ ಮಡಗಾಂವ್ಕರ್ ಅವರ ತಾಯಿ ಸಾವಿತ್ರಿ ಮಡಗಾಂವ್ಕರ್ ಅವರಿಗೂ ದಂಡ ವಿಧಿಸಿದೆ. ಶಿರಸಿ ಶೃದ್ಧಾನಂದ ಗಲ್ಲಿಯಲ್ಲಿ ರಂಗನಾಥ ಮಡಗಾಂವ್ಕರ್ ಅವರು ವಾಸವಾಗಿದ್ದರು. ರಮೇಶ ಗಜಾನನ ಮಡಗಾಂವ್ಕರ್ ಅವರು ಸಹ ಪಕ್ಕದ ಮನೆಯಲ್ಲಿ ವಾಸವಾಗಿದ್ದು, ಅವರಿಬ್ಬರ ನಡುವೆ ಆಸ್ತಿ ವಿಷಯವಾಗಿ ವೈಮನಸ್ಸಿತ್ತು. ಸಣ್ಣ ಸಣ್ಣ ವಿಷಯಗಳಿಗೂ ಈ ಎರಡು ಕುಟುಂಬದವರು ಆಗಾಗ ಜಗಳ ಮಾಡಿಕೊಳ್ಳುವುದು ಸಾಮಾನ್ಯವಾಗಿತ್ತು. 2025ರ ಡಿಸೆಂಬರ್ 7ರಂದು ಸಹ ಈ ಎರಡು ಕುಟುಂಬದವರ ನಡುವೆ ಜಗಳವಾಗಿತ್ತು. ಆ ದಿನ ಪಾಂಡುರAಗ ಮಡಗಾಂವ್ಕರ್ ಅವರ ತಾಯಿ ಶಕೋ ನಾರಾಯಣ ಮಡಗಾಂವ್ಕರ್ ಅವರು ಮನೆ ಹಿಂದೆ ಕಸ ಚೆಲ್ಲಿದ್ದರು. ಕಸ ಚೆಲ್ಲಿದ ವಿಷಯವಾಗಿ ಶಕೋ ಮಡಗಾಂವ್ಕರ್ ಹಾಗೂ ಅವರ ಪಕ್ಕದ ಮನೆಯ ಸಾವಿತ್ರಿ ಮಡಗಾಂವ್ಕರ್ ಅವರ ನಡುವೆ ಜಗಳ ಶುರುವಾಯಿತು. ಈ ವೇಳೆ ಸಾವಿತ್ರಿ ಮಡಗಾಂವ್ಕರ್ ಅವರು ಶಕೋ ಮಡಗಾಂವ್ಕರ್ ಅವರನ್ನು ಕೆಟ್ಟದಾಗಿ ಬೈದು ನಿಂದಿಸಿದರು. ತಾಯಿಗೆ ಬೈದಿರುವುದನ್ನು ಸಹಿಸದ ರಂಗನಾಥ ಮಡಗಾಂವ್ಕರ್ ಈ ಬಗ್ಗೆ ಪ್ರಶ್ನಿಸಿದರು. ರಂಗನಾಥ ಮಡಗಾಂವ್ಕರ್ ಅವರ ಮಾತನ್ನು ರಮೇಶ ಮಡಗಾಂವ್ಕರ್ ಅವರು ಸಹ ಸಹಿಸಲಿಲ್ಲ. ಆಸ್ತಿ ಗಲಾಟೆ, ಹಳೆಯ ದ್ವೇಷ ಹಾಗೂ ಸದ್ಯದ ಜಗಳ ಎಲ್ಲದರಿಂದ ಸಿಟ್ಟಾಗಿದ್ದ ರಮೇಶ ಮಡಗಾಂವ್ಕರ್ ಅವರು ರಂಗನಾಥ ಮಡಗಾಂವ್ಕರ್ ಅವರ ಮೇಲೆ ಆಕ್ರಮಣ ಮಾಡಿದರು. ಸಾವಿತ್ರಿ ಮಡಗಾಂವ್ಕರ್ ಅವರ ಜೊತೆ ಸೇರಿ ರಂಗನಾಥ ಮಡಗಾಂವ್ಕರ್ ಅವರನ್ನು ಮನೆಯಿಂದ ಹೊರಗೆಳೆದು ತಂದರು. ರಸ್ತೆ ಬೀದಿಯಲ್ಲಿ ಅವರನ್ನು ಮಲಗಿಸಿ ಕಾಲಿನಿಂದ ಒದ್ದರು. ರಸ್ತೆಗೆ ಅವರ ತಲೆ ಚಜ್ಜಿ ಗಂಭೀರ ಪ್ರಮಾಣದಲ್ಲಿ ಗಾಯ ಮಾಡಿದರು. ಈ ಎಲ್ಲಾ ನೋವು ಅನುಭವಿಸಿದ ರಂಗನಾಥ ಮಡಗಾಂವ್ಕರ್ ಅವರು ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದಿದ್ದು, ಆಂಬುಲೆನ್ಸ ಸಹಾಯದಿಂದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಚಿಕಿತ್ಸೆಗೆ ಸ್ಪಂದಿಸದೇ ರಂಗನಾಥ ಮಡಗಾಂವ್ಕರ್ ಅವರು ಸಾವನಪ್ಪಿದರು. ರಮೇಶ ಮಡಗಾಂವ್ಕರ್ ಹಾಗೂ ಅವರ ತಾಯಿ ಸಾವಿತ್ರಿ ಮಡಗಾಂವ್ಕರ್ ಅವರ ಹಿಂಸೆಯಿAದಲೇ ರಂಗನಾಥ ಮಡಗಾಂವ್ಕರ್ ಅವರು ಸಾವನಪ್ಪಿದ ಬಗ್ಗೆ ಶಕೋ ಮಡಗಾಂವ್ಕರ್ ಅವರು ಪೊಲೀಸ್ ದೂರು ನೀಡಿದರು. ಆಗಿನ ಶಿರಸಿ ಸಿಪಿಐ ಆರ್ ಎಲ್ ಗಣಪತಿ ಅವರು ಈ ಬಗ್ಗೆ ತನಿಖೆ ನಡೆಸಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದರು. ಪಿಸೈ ನರಸಿಂಹಲು ಹಾಗೂ ಪೊಲೀಸ್ ಸಿಬ್ಬಂದಿ ತುಕಾರಾಮ ಬಣಗಾರ ಅವರು ಕೋರ್ಟ ಮಾನಟಿರಿಂಗ್ ಕೆಲಸದ ಜೊತೆ ಸಾಕ್ಷಿಗಳನ್ನು ಹಾಜರುಪಡಿಸಿದರು. ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಸುದೀರ್ಘವಾಗಿ ವಾದ ಮಂಡಿಸಿದರು. `ತಪ್ಪಿತಸ್ಥರಿಗೆ ಉಗ್ರ ಶಿಕ್ಷೆವಿಧಿಸಬೇಕು’ ಎಂದವರು ನ್ಯಾಯಾಲಯಕ್ಕೆ ಮನವಿ ಮಾಡಿದರು. ಈ ವಾದ ಆಲಿಸಿದ ಶಿರಸಿ ನಗರದ 1ನೇ ಜಿಲ್ಲಾ ಸತ್ರ ನ್ಯಾಯಾಲಯದ ನ್ಯಾಯಧೀಶ ಕಿರಣ ಕಿಣಿ ಅವರು ಬುಧವಾರ ತಮ್ಮ ಆದೇಶ ಪ್ರಕಟಿಸಿದರು. ಅದರ ಪ್ರಕಾರ, ರಮೇಶ ಮಡಗಾಂವ್ಕರ್ ಅವರಿಗೆ ಜೀವಾವಧಿ ಶಿಕ್ಷೆ ಪ್ರಕಟಿಸಿದರು. ಜೊತೆಗೆ ರಮೇಶ ಮಡಗಾಂವ್ಕರ್ ಅವರು 25 ಸಾವಿರ ರೂ ದಂಡ ಹಾಗೂ ಸಂತ್ರಸ್ತೆ ಶಕೋ ಮಡಗಾಂವ್ಕರ್ ಅವರಿಗೆ 50 ಸಾವಿರ ರೂ ಪರಿಹಾರ ಕೊಡಬೇಕು ಎಂದು ಆದೇಶಿಸಿದರು. ರಮೇಶ ಮಡಗಾಂವ್ಕರ್ ಅವರ ತಾಯಿ ಸಾವಿತ್ರಿ ಮಡಗಾಂವ್ಕರ ಅವರು 2 ಸಾವಿರ ರೂ ದಂಡ ಪಾವತಿಸಬೇಕು ಎಂದು ತೀರ್ಫು ಪ್ರಕಟಿಸಿದರು. ಶಕೋ ಮಡಗಾಂವ್ಕರ್ ಅವರು ಕಾನೂನು ಸೇವಾ ಪ್ರಾಧಿಕಾರದಿಂದಲೂ ಹೆಚ್ಚಿನ ಪರಿಹಾರಪಡೆಯಲು ಅರ್ಹರಿದ್ದಾರೆ ಎಂದು ನ್ಯಾಯಾಧೀಶ ಕಿರಣ ಕಿಣಿ ಅವರು ಆದೇಶದಲ್ಲಿ ಉಲ್ಲೇಖಿಸಿದರು.  
- [ಕೈ ಕೊಟ್ಟ ಕಾಂಗ್ರೆಸ್: ಆರ್ ಎಸ್ ಎಸ್ ಕಾರ್ಯಕರ್ತನ ಅಧಿಕಾರ ಮೊಟಕು!](https://mobiletime.in/2026/04/congress-gives-up-rss-workers-power-curtailed/): ಯಲ್ಲಾಪುರ-ಮುಂಡಗೋಡು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಗೆ ಬರುವ ಬನವಾಸಿಯಲ್ಲಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಕಾರ್ಯಕರ್ತರೊಬ್ಬರು ಕಾಂಗ್ರೆಸ್ ಘಟಕ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದು, ಅವರ ಅಧಿಕಾರವನ್ನು ಉತ್ತರ ಕನ್ನಡ ಜಿಲ್ಲಾ ಕಾಂಗ್ರೆಸ್ ಮೊಟಕುಗೊಳಿಸಿದೆ. ಬನವಾಸಿಯ ಕಾಂಗ್ರೆಸ್ ಘಟಕ ಅಧ್ಯಕ್ಷರಾಗಿದ್ದ ಸಿದ್ಧವೀರೇಶ ನರೇಗಲ್ ಅವರ ನೇಮಕಾತಿ ಆದೇಶವನ್ನು ಕಾಂಗ್ರೆಸ್ ಹಿಂಪಡೆದಿದೆ. ಆರ್‌ಎಸ್‌ಎಸ್ ಹಾಗೂ ಕಾಂಗ್ರೆಸ್ ಸೈದ್ಧಾಂತಿಕವಾಗಿ ಬದ್ಧ ವಿರೋಧಿಯಾಗಿದ್ದರೂ ಆರ್ ಎಸ್ ಎಸ್ ಗಣವೇಶಧಾರಿಯಾಗಿದ್ದ ಸಿದ್ಧವೀರೇಶ ನರೇಗಲ್ ಅವರನ್ನು ಬನವಾಸಿ ಪಂಚಾಯತ್ ಘಟಕದ ಅಧ್ಯಕ್ಷ ಸ್ಥಾನಕ್ಕೆ ನೇಮಕ ಮಾಡಲಾಗಿತ್ತು. ಬನವಾಸಿ ಬ್ಲಾಕ್ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷರಾದ ಗಣಪತಿ ನಾಯ್ಕ ಅವರು ತಮ್ಮ ವ್ಯಾಪ್ತಿಯ ವಿವಿಧ ಗ್ರಾಮ ಪಂಚಾಯತ್‌ಗಳ ನೂತನ ಕಾಂಗ್ರೆಸ್ ಘಟಕದ ಅಧ್ಯಕ್ಷರ ಆಯ್ಕೆ ಪಟ್ಟಿ ಪ್ರಕಟಿಸಿದ್ದು, ಅದರಲ್ಲಿ ಸಿದ್ಧವೀರೇಶ ನರಗಲ್ ಅವರ ಹೆಸರಿತ್ತು. ಇದಕ್ಕೆ ಕಾಂಗ್ರೆಸ್ ವಲಯದಲ್ಲಿಯೇ ಅಸಮಧಾನವ್ಯಕ್ತವಾಗಿತ್ತು. ಆರ್‌ಎಸ್‌ಎಸ್ ಕಾರ್ಯಕರ್ತರಿಗೆ ಕಾಂಗ್ರೆಸ್ ಹುದ್ದೆ ನೀಡಿದ ಕಾರಣ ಕಾಂಗ್ರೆಸಿಗರು ಗರಂ ಆಗಿದ್ದರು. ಈ ವಿಷಯ ಜಿಲ್ಲಾ ಕಾಂಗ್ರೆಸ್ ಸಮಿತಿ ಗಮನಕ್ಕೆ ಹೋಗಿದ್ದು, `ವರ್ಷಗಳ ಕಾಲ ಪಕ್ಷಕ್ಕಾಗಿ ನಿಷ್ಠೆಯಿಂದ ದುಡಿದ ತಮ್ಮದೇ ಮೂಲ ಕಾಂಗ್ರೆಸ್ ಕಾರ್ಯಕರ್ತರನ್ನು ಈ ನೇಮಕಾತಿಯಲ್ಲಿ ಸಂಪೂರ್ಣವಾಗಿ ಕಡೆಗಣಿಸಲಾಗಿದೆ’ ಎಂಬ ದೂರು ಸಲ್ಲಿಕೆಯಾಗಿತ್ತು. ಈ ಎಲ್ಲಾ ಹಿನ್ನಲೆ ಉತ್ತರ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿ ಜಿಲ್ಲಾಧ್ಯಕ್ಷ ಸಾಯಿ ಗಾಂವ್ಕರ್ ಅವರು ಗಣಪತಿ ನಾಯ್ಕ ಅವರ ನೇಮಕಾತಿ ಆದೇಶವನ್ನು ರದ್ದು ಮಾಡಿದ್ದಾರೆ. `ಜಿಲ್ಲಾ ಸಮಿತಿಯ ಅನುಮೋದನೆಪಡೆಯದೇ ನೇಮಕಾತಿ ಮಾಡಿದ ಕಾರಣ ಈ ನಿರ್ಣಯ ಕೈಗೊಂಡಿರುವೆ’ ಎಂದವರು ಹೇಳಿದ್ದಾರೆ.
- [ಫ್ರೆಂಚ್ ಪ್ರಜೆಯಿಂದ ಅಕ್ರಮ ಹೊಟೇಲ್!](https://mobiletime.in/2026/04/illegal-hotel-run-by-a-french-citizen/): ಉತ್ತರ ಕನ್ನಡ ಜಿಲ್ಲೆಯ ಗೋಕರ್ಣದಲ್ಲಿ ಫ್ರೆಂಚ್ ಪ್ರಜೆಯೊಬ್ಬರು 15 ವರ್ಷಗಳಿಂದ ಅನಧಿಕೃತವಾಗಿ ಹೊಟೇಲ್ ನಡೆಸುತ್ತಿದ್ದಾರೆ. 2010ರಿಂದ ಗೋಕರ್ಣದಲ್ಲಿ ಅನಧಿಕೃತ ರೆಸ್ಟೋರೆಂಟ್ ನಡೆಯುತ್ತಿದ್ದರೂ ಅದನ್ನು ಯಾರೂ ಗಂಭೀರವಾಗಿ ಪರಿಗಣಿಸಿಲ್ಲ. ಇದೀಗ ಈ ವಿಷಯ ನ್ಯಾಯಾಲಯದ ಮುಂದೆ ಬಂದಿದ್ದು, ಆ ಫ್ರೆಂಜ್ ಪ್ರಜೆ ದೇಶಬಿಟ್ಟು ಹೊರಡುವುದು ಸೂಕ್ತ ಎಂದು ನ್ಯಾಯಾಲಯ ಹೇಳಿದೆ. ಪ್ರವಾಸಿ ವೀಸಾದ ಅಡಿ ಭಾರತಕ್ಕೆ ಬಂದ ಕ್ರಿಸ್ಟೋಫ್ ಸ್ಟೀಫನ್ ಮಾನ್ಸಿಯನ್ ಅವರು ಗೋಕರ್ಣ ಮುಖ್ಯ ಕಡಲತೀರದ ಬಳಿ ಉದ್ದಿಮೆ ಸ್ಥಾಪಿಸಿದರು. ಅದಕ್ಕೆ `ಫ್ರೆಂಚ್ ಕಫೆ’ ಎಂಬ ಹೆಸರಿಟ್ಟು ರೆಸ್ಟೋರೆಂಟ್ ಮಾದರಿಯಲ್ಲಿ ಅದನ್ನು ಶೃಂಗರಿಸಿದರು. ವಿದೇಶಿ ಬಗೆಯ ಆಹಾರಗಳ ಜೊತೆ ದೇಶಿಯ ಮದ್ಯವನ್ನು ಅವರು ಅಲ್ಲಿ ಮಾರಾಟ ಮಾಡುತ್ತಿದ್ದರು. ವಿದೇಶಿಗರ ಜೊತೆ ಭಾರತೀಯ ಐಟಿ ಉದ್ಯೋಗಿಗಳನ್ನು ಆಕರ್ಷಿಸಲು ಡಿಜೆ ಬಳಕೆ ಮಾಡಿದರು. ಮದ್ಯ-ಮಾಂಸದ ಜೊತೆ ಸಂಗೀತವನ್ನು ಉಣಬಡಿಸಿ ದುಬಾರಿ ಬೆಲೆಯ ಬಿಲ್ ಕೊಡುತ್ತಿದ್ದರು. ಅನೇಕರು ಫ್ರೆಂಚ್ ಕಫೆಗೆ ಮುತ್ತಿಗೆ ಹಾಕುತ್ತಿದ್ದು, ಅವರ ನೆರವಿನಿಂದಲೇ ಕ್ರಿಸ್ಟೋಫ್ ಸ್ಟೀಫನ್ ಬಹುಬೇಗ ಶ್ರೀಮಂತರಾದರು. ಕೋಟಿ ಲೆಕ್ಕಾಚಾರದಲ್ಲಿ ಕಾಸು ಮಾಡಿದರು. ಪ್ರವಾಸಿ ವೀಸಾದ ಅಡಿ ಭಾರತಕ್ಕೆ ಬರುತ್ತಿದ್ದ ಕ್ರಿಸ್ಟೋಫ್ ಸ್ಟೀಫನ್ ಆಗಾಗ ಫ್ರೆಂಚ್ ದೇಶಕ್ಕೆ ಮರಳುತ್ತಿದ್ದು, ಮತ್ತೆ ಪ್ರವಾಸಿ ವೀಸಾಪಡೆದು ಗೋಕರ್ಣಕ್ಕೆ ಬರುತ್ತಿದ್ದರು. ತಮ್ಮ ಉದ್ದಿಮೆ ಚನ್ನಾಗಿ ನಡೆಯುತ್ತಿರುವ ಕಾರಣ ಭಾರತ ಬಿಟ್ಟು ಹೋಗಲು ಕ್ರಿಸ್ಟೋಫ್ ಸ್ಟೀಫನ್ ಮನಸ್ಸು ಮಾಡಿರಲಿಲ್ಲ. ಪ್ರವಾಸಿ ವೀಸಾದ ಅಡಿಯಲ್ಲಿಯೇ ಇಲ್ಲಿ ಶಾಶ್ವತವಾಗಿ ನೆಲೆಸಲು ಪ್ರಯತ್ನಿಸುತ್ತಿದ್ದರು. ಈ ಎಲ್ಲದರ ನಡುವೆ ಕ್ರಿಸ್ಟೋಫ್ ಸ್ಟೀಫನ್ ಅವರಿಗೆ `ಲೀವ್ ಇಂಡಿಯಾ’ ನೋಟಿಸ್ ಬಂದಿತು. ಭಾರತ ಬಿಟ್ಟು ಹೊರಡಿ ಎಂಬ ನೋಟಿಸ್ ನೋಡಿದ ಕ್ರಿಸ್ಟೋಫ್ ಸ್ಟೀಫನ್ ಅವರು ಇದನ್ನು ಪ್ರಶ್ನಿಸಿ ನ್ಯಾಯಾಲಯದ ಮೊರೆ ಹೋದರು. ವಿಚಾರಣೆ ವೇಳೆ ಕ್ರಿಸ್ಟೋಫ್ ಸ್ಟೀಫನ್ ಅವರು 15 ವರ್ಷದಿಂದ ನಿರಂತರವಾಗಿ ಭಾರತದಲ್ಲಿರುವ ಬಗ್ಗೆ ಗೊತ್ತಾಯಿತು. ಗೋಕರ್ಣದಲ್ಲಿ ಅವರು ಅನಧಿಕೃತವಾಗಿ ರೆಸ್ಟೋರೆಂಟ್ ನಡೆಸುತ್ತಿರುವ ವಿಷಯ ತಿಳಿದು ನ್ಯಾಯಾಧೀಶರು ಸಹ ಅಚ್ಚರಿವ್ಯಕ್ತಪಡಿಸಿದರು. ಜೊತೆ ಪ್ರವಾಸಿ ವೀಸಾದ ಅಡಿ ಆಗಮಿಸಿ ಇಲ್ಲಿಯೇ ರೆಸ್ಟೋರೆಂಟ್ ತೆರೆದ ಬಗ್ಗೆ ಆಕ್ಷೇಪಿಸಿದರು. ನ್ಯಾಯಮೂರ್ತಿ ಸಚಿನ್ ಶಂಕರ್ ಮಗದುಮ್ ಅವರು ಏಕ ಸದಸ್ಯ ಪೀಠದಲ್ಲಿ ವಿಚಾರಣೆ ನಡೆದಿದ್ದು, ಡೆಪ್ಯೂಟಿ ಸಾಲಿಸಿಟರ್ ಜನರಲ್ ಎಚ್. ಶಾಂತಿ ಭೂಷಣ್ ಅವರು ಕ್ರಿಸ್ಟೋಫ್ ಸ್ಟೀಫನ್ ಅವರ ಬಗ್ಗೆ ನ್ಯಾಯಾಲಯಕ್ಕೆ ಮಾಹಿತಿ ನೀಡಿದರು. `ಕ್ರಿಸ್ಟೋಫ್ ಸ್ಟೀಫನ್ ಅವರು ಆಗಾಗ ಫ್ರಾನ್ಸಿಗೆ ಹೋಗಿ ಮತ್ತೆ ಭಾರತಕ್ಕೆ ಬರುವ ತಂತ್ರ ಅನುಸರಿಸಿದ್ದಾರೆ. ಗೋಕರ್ಣದಲ್ಲಿ ರೆಸ್ಟೋರೆಂಟ್ ವ್ಯವಹಾರ ಮಾಡುತ್ತಿದ್ದಾರೆ’ ಎಂದು ಡೆಪ್ಯೂಟಿ ಸಾಲಿಸಿಟರ್ ಜನರಲ್ ಅವರು ವಾದಿಸಿದರು. ಟೂರಿಸ್ಟ್ ವೀಸಾದಲ್ಲಿ 15 ವರ್ಷಗಳಿಂದ ಭಾರತದಲ್ಲಿದ್ದು, ರೆಸ್ಟೋರೆಂಟ್ ನಡೆಸುತ್ತಿರುವ ಬಗ್ಗೆ ಅರಿತ ನ್ಯಾಯಾಲಯ `ಕ್ರಿಸ್ಟೋಫ್ ಸ್ಟೀಫನ್ ಅವರು ತಕ್ಷಣ ದೇಶ ಬಿಡುವುದೇ ಉತ್ತಮ’ ಎಂದು ಹೇಳಿದೆ. ಈ ವೇಳೆ ಕ್ರಿಸ್ಟೋಫ್ ಸ್ಟೀಫನ್ ತಮ್ಮ ಟೂರಿಸ್ಟ್ ವೀಸಾ ನಿಯಮ ಉಲ್ಲಂಗಿಸಿರುವುದು ಗೊತ್ತಾಗಿದೆ. `ಕ್ರಿಸ್ಟೋಫ್ ಸ್ಟೀಫನ್ ಅವರು ಭಾರತದಲ್ಲಿ ಒಂದು ದಿನವೂ ಉಳಿಯುವ ಅರ್ಹತೆ ಕಳೆದುಕೊಂಡಿದ್ದಾರೆ.’ ಎಂದು ನ್ಯಾಯಾಲಯ ಹೇಳಿದೆ. ಈ ಎಲ್ಲಾ ಹಿನ್ನಲೆ ಕ್ರಿಸ್ಟೋಫ್ ಸ್ಟೀಫನ್ ಅವರ ರೆಸ್ಟೋರೆಂಟ್ ಬಾಗಲು ಮುಚ್ಚಿದ್ದು, ಅವರು ಸದ್ಯ ಗೋಕರ್ಣದಿಂದ ಪರಾರಿಯಾಗಿದ್ದಾರೆ.
- [ನ್ಯಾಯವಾದಿ ಕಾರಿಗೆ ಕಲ್ಲಿನ ಏಟು!](https://mobiletime.in/2026/04/a-stone-was-thrown-at-a-lawyers-car/): ಶಿರಸಿಯ ನ್ಯಾಯವಾದಿ ಸವಿತಾ ಐತಾಳ್ ಅವರನ್ನು ನೇರವಾಗಿ ಎದುರಿಸಲು ಸಾಧ್ಯವಾಗದ ಕಿಡಿಗೇಡಿಗಳು ಅವರ ಕಾರಿನ ಮೇಲೆ ಕೆಟ್ಟದಾಗಿ ಗೀಜಿ ಸೇಡು ತೀರಿಸಿಕೊಂಡಿದ್ದಾರೆ. ನ್ಯಾಯಾಲಯದ ಆವರಣದಲ್ಲಿ ನಿಲ್ಲಿಸಿದ ಕಾರನ್ನು ದುಷ್ಕರ್ಮಿಗಳು ಕಲ್ಲಿನಿಂದ ಜಜ್ಜಿ ಗಲೀಜು ಮಾಡಿದ್ದಾರೆ. ಶಿರಸಿಯ ಹುಲೆಕಲ್ ರಸ್ತೆಯ ಸಮೀಕ್ಷಾ ಆಯುರ್ವೇದ ಬಳಿಯ ಮಾರಿಕಾಂಬಾ ಕೃಫಾದಲ್ಲಿ ಸವಿತಾ ದೀಪಕ್ ಐತಾಳ್ ಅವರು ವಾಸವಾಗಿದ್ದಾರೆ. ವಕೀಲೆಯಾಗಿರುವ ಅವರು ಕಕ್ಷಿದಾರರ ಪರ ಕೋರ್ಟಿನಲ್ಲಿ ವಾದ ಮಂಡಿಸುತ್ತಿದ್ದು, ಇದನ್ನು ಅವರ ಎದುರಾಳಿಗಳು ಸಹಿಸುತ್ತಿಲ್ಲ. ಸವಿತಾ ಐತಾಳ್ ಅವರು ಮಹೇಂದ್ರ ಕಂಪನಿಯ ಥಾರ್ ಕಾರನ್ನು ಹೊಂದಿದ್ದು, ದುಷ್ಕರ್ಮಿಗಳು ಸದ್ಯ ಕಾರಿನ ಮೇಲೆ ದಾಳಿ ಮಾಡಿದ್ದಾರೆ. ಮಾರ್ಚ 25ರಂದು ಕಿಡಿಗೇಡಿಗಳು ಸವಿತಾ ಐತಾಳ್ ಅವರ ಕಾರು ಮುಟ್ಟಿದ್ದಾರೆ. ಅವರು ನ್ಯಾಯಾಲಯದ ಆವರಣದಲ್ಲಿ ಕಾರು ನಿಲ್ಲಿಸಿ ಕೋರ್ಟಿಗೆ ಹೋದಾಗ ಕಾರಿನ ಮೇಲೆ ಕೆಟ್ಟದಾಗಿ ಗೀಚಿದ್ದಾರೆ. ಆ ದಿನ ಮಧ್ಯಾಹ್ನ ನ್ಯಾಯಾಲಯದ ಕಾರ್ಯ ಕಲಾಪ ಮುಗಿಸಿ ಮನೆಗೆ ಹೋಗಲು ಕಾರಿನ ಬಳಿ ಬಂದಾಗ ಕಾರಿನ ಬಾಗಿಲ ಮೇಲೆ ಗೀಚಿರುವುದನ್ನು ನೋಡಿ ಸವಿತಾ ಐತಾಳ್ ಅವರಿಗೆ ಸಿಟ್ಟು ಬಂದಿದೆ. ವಕೀಲರನ್ನು ಹೆದರಿಸುವುದಕ್ಕಾಗಿ ಈ ರೀತಿ ಮಾಡಿರುವ ಬಗ್ಗೆ ಅವರು ಅಂದಾಜಿಸಿದ್ದಾರೆ. `ಸದ್ಯ ಕಾರಿನ ಮೇಲೆ ದಾಳಿ ಮಾಡಿರುವ ಆಗಂತುಕರು ಭವಿಷ್ಯದಲ್ಲಿ ತಮ್ಮ ಮೇಲೆಯೂ ಆಕ್ರಮಣ ನಡೆಸಬಹುದು’ ಎಂದು ಯೋಚಿಸಿದ ಸವೀತಾ ಐತಾಳ್ ಅವರು ಕಾನೂನಿನ ಮೊರೆ ಹೋಗಿದ್ದಾರೆ. ದುಷ್ಕರ್ಮಿಗಳು ವೃತ್ತಿ ಜೀವನದ ಜೊತೆ ತಮ್ಮ ಜೀವಕ್ಕೂ ಹಾನಿ ಮಾಡುವ ಸಾಧ್ಯತೆ ಹಿನ್ನಲೆ ಈ ವಿಷಯವನ್ನು ಅವರು ನ್ಯಾಯಾಲಯದ ಗಮನಕ್ಕೆ ತಂದಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಕೀಲರ ಕಾರು ಮುಟ್ಟಿದ ಕಿಡಿಗೇಡಿಗಳ ಶೋಧ ನಡೆಸಿದ್ದಾರೆ.
- [ಮದುವೆಗೆ ನಿರಾಕರಿಸಿದ ಪ್ರಿಯಕರ: ಪ್ರೀತಿ ಒಪ್ಪದ ಚಲುವೆ!](https://mobiletime.in/2026/04/beloved-who-refused-to-marry-love-is-a-trick-that-does-not-agree/): ಪ್ರೀತಿ-ಪ್ರೇಮ ಎಂದು ಊರುರು ಅಲೆದಾಡುತ್ತಿದ್ದ ಕುಮಟಾ ದಿವಗಿಯ ಪ್ರವೀಣ ಅಂಬಿಗ ಹಾಗೂ ಮಿರ್ಜಾನಿನ ಚಾರಿತ್ರಾ ಮುಕ್ರಿ (ಹೆಸರು ಬದಲಿಸಿದೆ) ಸದ್ಯ ದೂರವಾಗಿದ್ದಾರೆ. ಈ ನಡುವೆ ಪ್ರವೀಣ ಅಂಬಿಗ ಅವರು ಚಾರಿತ್ರಾ ಮುಕ್ರಿ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಕುಮಟಾ ಮಿರ್ಜಾನಿನ ಕಲ್ಮಟೆ ಬಳಿ ವಾಸಿಸುವ ಚಾರಿತ್ರಾ ಮುಕ್ರಿ (20) ಅವರು ಕಂಪ್ಯುಟರ್ ತರಬೇತುದಾರರಾಗಿದ್ದಾರೆ. ಕೂಲಿ ಕೆಲಸ ಮಾಡಿಕೊಂಡಿದ್ದ ದಿವಗಿಯ ಪ್ರವೀಣ ತಿಮ್ಮಪ್ಪ ಅಂಬಿಗ (32) ಅವರು ಚಾರಿತ್ರಾ ಅವರನ್ನು ಪ್ರೀತಿಸುವುದಾಗಿ ಬೆನ್ನು ಬಿದ್ದಿದ್ದು, ಆ ಪ್ರೀತಿಯನ್ನು ಚಾರಿತ್ರಾ ಅವರು ಒಪ್ಪಿದ್ದಾರೆ. ಪ್ರೀತಿ-ಪ್ರೇಮ-ಪ್ರಣಯ ಎಂದು ಅವರಿಬ್ಬರು ಎಲ್ಲಡೆ ಸುತ್ತಾಟ ಮಾಡಿದ್ದಾರೆ. ಅದಾದ ನಂತರ ಕುಟುಂಬದವರು ಸಹ ಅವರ ಪ್ರೀತಿಯನ್ನು ಒಪ್ಪಿ ಮದುವೆ ಮಾಡಲು ನಿರ್ಧರಿಸಿದ್ದಾರೆ. ಆದರೆ, ಮದುವೆ ನಿಗದಿ ಆದ ನಂತರ ಪ್ರವೀಣ ಅಂಬಿಗ ಅವರು ಉಲ್ಟಾ ಹೊಡೆದಿದ್ದು, ಇದರಿಂದ ಚಾರಿತ್ರಾ ಅವರು ಮಾನಸಿಕವಾಗಿ ನೊಂದಿದ್ದಾರೆ. ಮುಂದಿನ ಭವಿಷ್ಯದ ಬಗ್ಗೆ ಪ್ರಶ್ನಿಸಿದಾಗ ಪ್ರವೀಣ ಅಂಬಿಗ ಅವರು `ರಿಜಿಸ್ಟರ್ ಮದುವೆ ಆಗೋಣ’ ಎಂದಿದ್ದಾರೆ. ಆದರೆ, ಸಾಕಷ್ಟು ಬಾರಿ ಕೇಳಿಕೊಂಡರೂ ಅವರು ರಿಜಿಸ್ಟರ್ ಮದುವೆಯನ್ನು ಸಹ ಆಗಿಲ್ಲ. ಹೀಗಾಗಿ ಚಾರಿತ್ರಾ ಮುಕ್ರಿ ಅವರು ಪ್ರವೀಣ ಅಂಬಿಗ ಅವರಿಂದ ಸಂಪೂರ್ಣವಾಗಿ ದೂರವಾಗಿದ್ದಾರೆ. ಪ್ರೇಯಸಿ ಮಾತನಾಡದ ಕಾರಣ ಪ್ರವೀಣ ಅಂಬಿಗ ಅವರ ಸಿಟ್ಟು ಹೆಚ್ಚಾಗಿದೆ. ಏಪ್ರಿಲ್ 8ರಂದು ಚಾರಿತ್ರಾ ಅವರು ತಾಯಿ ಜಯಶ್ರೀ ಮುಕ್ರಿ ಅವರ ಜೊತೆ ಕುಮಟಾಗೆ ಹೋಗಿದನ್ನು ಪ್ರವೀಣ ಅಂಬಿಗ ಅವರು ನೋಡಿದ್ದಾರೆ. ಆ ದಿನ ಸಂಜೆ ಅವರು ಬಸ್ಸಿನಲ್ಲಿ ಊರಿಗೆ ಮರಳುತ್ತಿರುವುದನ್ನು ಗಮನಿಸಿ ಸ್ಕೂಟರಿನಲ್ಲಿ ಹಿಂಬಾಲಿಸಿದ್ದಾರೆ. ಮಿರ್ಜಾನ್ ಬಿಜಿಎಸ್ ಶಾಲೆ ಬಳಿ ನಡೆದು ಹೋಗುತ್ತಿದ್ದ ಜಯಶ್ರೀ ಮುಕ್ರಿ ಹಾಗೂ ಅವರ ಮಗಳನ್ನು ಪ್ರವೀಣ ಅಂಬಿಗ ಅವರು ಅಡ್ಡ ಹಾಕಿದ್ದಾರೆ. `ನಿನ್ನ ಮಗಳು ನನ್ನನ್ನು ಪ್ರೀತಿಸುತ್ತಿಲ್ಲ’ ಎಂದು ಪ್ರವೀಣ ಅಂಬಿಗ ಅವರು ದೂರಿದ್ದಾರೆ. ಮದುವೆ ಆಗುವ ಭರವಸೆ ನೀಡಿ ಮೋಸ ಮಾಡಿದ ಬಗ್ಗೆ ಜಯಶ್ರೀ ಅವರು ಪ್ರಶ್ನಿಸಿದ್ದಾರೆ. ಆಗ, ಪ್ರವೀಣ ಅಂಬಿಗ ಅವರು ಅಲ್ಲಿದ್ದ ಚಾರಿತ್ರಾ ಮುಕ್ರಿ ಅವರ ಕೆನ್ನೆಗೆ ಬಾರಿಸಿದ್ದಾರೆ. ತಪ್ಪಿಸಲು ಹೋದ ಜಯಶ್ರೀ ಮುಕ್ರಿ ಅವರಿಗೂ ಹೊಡೆದಿದ್ದಾರೆ. ಕೈಯಲ್ಲಿದ್ದ ಬಳೆ ಒಡೆದು ಗಾಯ ಮಾಡಿದ್ದಾರೆ. ಅಲ್ಲಿನ ನಾರಾಯಣ ವೆಂಕಟ್ರಮಣ ಅಂಬಿಗ ಅವರ ಅಂಗಡಿ ಬಳಿ ಮತ್ತೆ ಪ್ರವೀಣ ಅಂಬಿಗ ಅವರು ಗಲಾಟೆ ಮಾಡಿದ್ದು, ಅಲ್ಲಿಯೂ ಚಾರಿತ್ರಾ ಮುಕ್ರಿ ಅವರ ಮೇಲೆ ಕೈ ಮಾಡಿದ್ದಾರೆ. ಅಲ್ಲಿದ್ದ ಕಲ್ಲಿನಿಂದಲೂ ಹೊಡೆಯುವ ಪ್ರಯತ್ನ ಮಾಡಿದ್ದಾರೆ. ಈ ಎಲ್ಲಾ ವಿಷಯವನ್ನು ಜಯಶ್ರೀ ಮುಕ್ರಿ ಅವರು ಕುಟುಂಬದವರಲ್ಲಿ ಹೇಳಿಕೊಂಡಿದ್ದು, ಅವರ ಸಲಹೆ ಮೇರೆಗೆ ಪೊಲೀಸ್ ದೂರು ನೀಡಿದ್ದಾರೆ. ಕುಮಟಾ ಪೊಲೀಸರು ಪ್ರವೀಣ ಅಂಬಿಗ ಅವರ ವಿರುದ್ಧ ಕಠಿಣ ಕ್ರಮ ಜರುಗಿಸಿದ್ದಾರೆ.
- [ಅಂತಿಮ ದರ್ಶನಕ್ಕೆ ಹೋದವನ ಅಂತ್ಯ ಸಂಸ್ಕಾರ!](https://mobiletime.in/2026/04/the-last-rites-of-the-one-who-went-for-the-last-darshan/): ಯಲ್ಲಾಪುರ-ಅoಕೋಲಾ ಹೆದ್ದಾರಿಯ ಗುಳ್ಳಾಪುರದ ಬಳಿ ಕಾರು ಹಾಗೂ ಲಾರಿ ನಡುವೆ ಅಪಘಾತ ನಡೆದಿದ್ದು, ಈ ಅಪಘಾತದಲ್ಲಿ ಗುಳ್ಳಾಪುರದ ಶಿವಾನಂದ ಅಂಬಿಗ ಅವರು ಸಾವನಪ್ಪಿದ್ದಾರೆ. ಜೊತೆಗೆ ಇನ್ನೂ ಮೂರು ಜನ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಸೋಮವಾರ ಸಂಬoಧಿಯೊಬ್ಬರ ಸಾವಿನ ಹಿನ್ನಲೆ ಶಿವಾನಂದ ಅಂಬಿಗ ಅವರು ತಮ್ಮ ಕುಟುಂಬದವರ ಜೊತೆ ಇಕೋ ಕಾರಿನಲ್ಲಿ ಅಂತ್ಯ ಸಂಸ್ಕಾರಕ್ಕೆ ಹೋಗಿದ್ದರು. ಅಲ್ಲಿಂದ ಮರಳಿ ಮನೆ ಕಡೆ ಬರುವಾಗ ಅವರು ಓಡಿಸುತ್ತಿದ್ದ ಇಕೋ ಕಾರಿಗೆ ಲಾರಿ ಗುದ್ದಿತು. ಈ ಅಪಘಾತದ ರಭಸಕ್ಕೆ ಶಿವಾನಂದ ಅಂಬಿಗ ಅವರು ಅಲ್ಲಿಯೇ ಸಾವನಪ್ಪಿದರು. ಕಾರಿನಲ್ಲಿದ್ದ ಇನ್ನಿತರರು ಗಂಭೀರವಾಗಿ ಗಾಯಗೊಂಡರು. ಗೋಕಾಕ್‌ನಿAದ ಎಂ-ಸ್ಯಾoಡ್ ತುಂಬಿಕೊoಡು ಬಂದ ಲಾರಿ ವೇಗವಾಗಿ ಚಲಿಸಿದ್ದು, ಈ ಅಪಘಾತಕ್ಕೆ ಕಾರಣ. ಅಪಘಾತದ ನಂತರ ಲಾರಿ ಚಾಲಕ ಪರಾರಿಯಾಗಿದ್ದರಿಂದ ಆರೋಪಿಯ ಶೋಧ ನಡೆದಿದೆ. ಅಪಘಾತದ ವೇಳೆ ಕಾರಿನಲ್ಲಿ ನಾಲ್ಕು ಜನರಿದ್ದು, ಗಾಯಗೊಂಡವರೆಲ್ಲರೂ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ. ಅಪಘಾತದ ರಭಸಕ್ಕೆ ಕಾರು ಸಂಪೂರ್ಣವಾಗಿ ಜಖಂ ಆಗಿದೆ. ಲಾರಿ ಪಲ್ಟಿಯಾಗಿದೆ. ಅಪಘಾತದ ಪರಿಣಾಮ ಹೆದ್ದಾರಿಯಲ್ಲಿ ವಾಹನ ಸಂಚಾರ ಅಸ್ತವ್ಯಸ್ತವಾಗಿದೆ. ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಡುತ್ತಿದ್ದಾರೆ.
- [ಡುಪ್ಲಿಕೇಟ್ ಡಾಕ್ಟರ್!](https://mobiletime.in/2026/04/duplicate-doctor/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ನಕಲಿ ವೈದ್ಯರ ಹಾವಳಿ ಹೆಚ್ಚಾಗಿದೆ. ವೈದ್ಯರ ಸೋಗಿನಲ್ಲಿ ಕೆಲವರು ನಕಲಿ ಕ್ಲಿನಿಕ್ ಸಹ ನಡೆಸುತ್ತಿದ್ದಾರೆ. ನಕಲಿ ಕ್ಲಿನಿಕ್ ಹಾಗೂ ನಕಲಿ ವೈದ್ಯರ ವಿರುದ್ಧ ಆರೋಗ್ಯ ಇಲಾಖೆ ಕಟ್ಟುನಿಟ್ಟಿನ ಕ್ರಮಕ್ಕೆ ಮುಂದಾಗಿದೆ. ಅದಾಗಿಯೂ, ನಕಲಿ ವೈದ್ಯರ ಸಂಖ್ಯೆ ಮಾತ್ರ ಕಡಿಮೆ ಆಗಿಲ್ಲ. ಮುಂಡಗೋಡು, ಅಂಕೋಲಾ ಹಾಗೂ ಭಟ್ಕಳದಲ್ಲಿನ ನಕಲಿ ವೈದ್ಯರನ್ನು ಆರೋಗ್ಯಾಧಿಕಾರಿಗಳು ಪತ್ತೆ ಮಾಡಿ ಕಾನೂನು ಕ್ರಮ ಜರುಗಿಸಿದ್ದಾರೆ. ಅಧಿಕಾರಿಗಳು ದಾಳಿ ನಡೆಸಿ ಕ್ಲಿನಿಕ್ ಬಂದ್ ಮಾಡಿದ ಕೆಲವೇ ದಿನಗಳಲ್ಲಿ ಮತ್ತೆ ಅದೇ ಸ್ಥಳದಲ್ಲಿ ಕ್ಲಿನಿಕ್ ಶುರುವಾದ ಉದಾಹರಣೆಗಳು ಸಾಕಷ್ಟಿವೆ. ಇದೆಲ್ಲದರ ನಡುವೆ ಆಯುರ್ವೇದ ಓದಿ ಇಂಗ್ಲಿಷ್ ಔಷಧಿ ನೀಡುವುದು, ಅಧಿಕಾರ ಇಲ್ಲದಿದ್ದರೂ ಚುಚ್ಚುಮದ್ದು ಕೊಡುವುದು ಹಾಗೂ ತಮ್ಮದೇ ಆದ ಔಷಧಿ ಅಂಗಡಿಗಳನ್ನು ತೆರೆದು ಅನಗತ್ಯ ಮಾತ್ರೆಗಳನ್ನು ಮಾರಾಟ ಮಾಡುವವರ ಸಂಖ್ಯೆಯೂ ಹೆಚ್ಚಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕ್ಲಿನಿಕ್’ಗಳು ನಿಯಮಗಳ ಪ್ರಕಾರ ನಡೆಯುತ್ತಿಲ್ಲ. ಸರಿಯಾದ ದಾಖಲೆಗಳಿಲ್ಲದೇ ಆಸ್ಪತ್ರೆ ನಡೆಸುವವರು ಹಾಗೂ ಪ್ರಮಾಣ ಪತ್ರಗಳಿಲ್ಲದೇ ಚಿಕಿತ್ಸೆ ನೀಡುವ ವೈದ್ಯರು ರೋಗಿಗಳ ಜೀವದ ಜೊತೆ ಚೆಲ್ಲಾಟವಾಡುತ್ತಿದ್ದಾರೆ. ಜಿಲ್ಲೆಯ ಅನೇಕ ಸರ್ಕಾರಿ ಆಸ್ಪತ್ರೆಗಳಲ್ಲಿ ವೈದ್ಯರ ಕೊರತೆಯಿದೆ. ಜೊತೆಗೆ ರೋಗಿಗಳ ಆರೈಕೆ ಮಾಡುವ ಸಿಬ್ಬಂದಿ ಸಹ ಕಡಿಮೆ ಇದ್ದಾರೆ. ಹೀಗಾಗಿ ಸರ್ಕಾರಿ ಆಸ್ಪತ್ರೆಯಲ್ಲಿ ಸಮಯಕ್ಕೆ ಸರಿಯಾಗಿ ವೈದ್ಯರ ಭೇಟಿ ಅಸಾಧ್ಯವಾಗಿದ್ದು, ಜನ ಖಾಸಗಿ ಕ್ಲಿನಿಕ್ ಮೊರೆ ಹೋಗುತ್ತಿದ್ದಾರೆ. ಆದರೆ, ಹಲವು ಖಾಸಗಿ ಕ್ಲಿನಿಕ್ ಅನಧಿಕೃತ ಪಟ್ಟಿಯಲ್ಲಿದೆ. ಅನುಭವ ಇಲ್ಲದೇ ಚಿಕಿತ್ಸೆ ನೀಡುವವರಿಂದಾಗಿ ರೋಗಿಗಳು ಸಮಸ್ಯೆಗೆ ಸಿಲುಕುತ್ತಿದ್ದಾರೆ. ಸರ್ಕಾರಿ ಆಸ್ಪತ್ರೆಯಲ್ಲಿನ ವೈದ್ಯರ ಕೊರತೆಯೇ ಡೋಂಗಿ ಡಾಕ್ಟರ್’ಗಳ ಬಂಡವಾಳ. ಯಾವುದೇ ವೈದ್ಯಕೀಯ ಕೋರ್ಸ ಮಾಡದೇ ಕ್ಲಿನಿಕ್ ತೆರೆಯುವ ಅಂಥವರು ದಾಳಿ ನಡೆದಾಗ ಊರು ತೊರೆಯುತ್ತಾರೆ. ಆದರೆ, ಮತ್ತೊಂದು ಊರಿನಲ್ಲಿ ಹೊಸ ಹೆಸರಿನ ಜೊತೆ ಹೊಸ ಕ್ಲಿನಿಕ್ ತೆರೆಯುತ್ತಿದ್ದಾರೆ. ಗ್ರಾಮೀಣ ಭಾಗದ ಅಮಾಯಕರ ಜೊತೆ ಪಟ್ಟಣದ ಜನ ಸಹ ನಕಲಿ ವೈದ್ಯರ ಪ್ರಯೋಗ ಶಾಲೆಗೆ ಬಲಿಯಾಗುತ್ತಿದ್ದಾರೆ.
- [ಚಿರತೆಗೆ ಉರುಳು ಹಾಕಿದ ದುರುಳ!](https://mobiletime.in/2026/04/the-leopard-was-trapped-by-a-snake/): ಹೊನ್ನಾವರದ ಸಾಲ್ಕೋಡ್ ಭಾಗದಲ್ಲಿ ಚಿರತೆ ಓಡಾಟ ಜಾಸ್ತಿಯಾಗಿದ್ದು, ಅರೆ ಅಂಗಡಿ ಸಮೀಪ ವ್ಯಕ್ತಿಯೊಬ್ಬರು ಉರುಳು ಹಾಕಿ ಚಿರತೆಯನ್ನು ಬಂಧಿಸಿದ್ದಾರೆ. ಚಿರತೆ ಉರುಳಿಗೆ ಸಿಲುಕಿ ಸಾವು-ಬದುಕಿನ ನಡುವೆ ಹೋರಾಡುತ್ತಿರುವ ವಿಷಯ ಕೇಳಿ ಅರಣ್ಯ ಇಲಾಖೆಯವರು ಅಲ್ಲಿ ದೌಡಾಯಿಸಿದ್ದಾರೆ. ಸಾಲ್ನೋಡ್ ಬಳಿಯ ಅರೇ ಅಂಗಡಿ ಸಮೀಪದ ಗೇರು ಪ್ಲಾಂಟೇಶನ್ ಪ್ರದೇಶದಲ್ಲಿ ಭಾನುವಾರ ಬೆಳಗ್ಗೆ ಚಿರತೆಯೊಂದು ಕಾಣಿಸಿದೆ. ಕುತ್ತಿಗೆಗೆ ಕಟ್ಟಿದ ಹಗ್ಗದಿಂದ ಬಿಡಿಸಿಕೊಳ್ಳಲಾಗದೇ ಒದ್ದಾಡುತ್ತಿದ್ದ ಚಿರತೆ ನೋಡಿದ ಜನ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ. ತಕ್ಷಣ ಅರಣ್ಯ ಸಿಬ್ಬಂದಿ ಅಲ್ಲಿಗೆ ಆಗಮಿಸಿದ್ದು, ಬಂಧನಕ್ಕೆ ಒಳಗಾದ ಚಿರತೆಯನ್ನು ಬಿಡುಗಡೆ ಮಾಡುವ ಪ್ರಯತ್ನ ಮಾಡಿದ್ದಾರೆ. ಚಿರತೆ ಘರ್ಜನೆ ಶಬ್ದ ಕೇಳಿ ಸಮೀಪ ಹೋದ ಜನ ಹೌಹಾರಿದ್ದಾರೆ. ಅದಾದ ನಂತರ ಅಧಿಕಾರಿಗಳು ಆಗಮಿಸಿದ್ದು, ಗೇರು ಪ್ಲಾಂಟೇಶನ್ ಪ್ರದೇಶದಲ್ಲಿ ಕಾಡು ಪ್ರಾಣಿಗಳಿಂದ ರಕ್ಷಣೆಗಾಗಿ ಅಳವಡಿಸಿದ ಉರುಳಿಗೆ ಚಿರತೆ ಸಿಕ್ಕಿರುವ ಬಗ್ಗೆ ಮಾಹಿತಿ ನೀಡಿದ್ದಾರೆ. ಬಂಧನಕ್ಕೆ ಒಳಗಾದ ಚಿರತೆಯ ಚೀರಾಟ ಜೋರಾಗಿದ್ದು, ಅನೇಕರು ಅದನ್ನು ನೋಡಲು ಆಗಮಿಸಿದ್ದಾರೆ. ಹೀಗಾಗಿ ಚಿರತೆ ರಕ್ಷಣೆಯ ಕಾರ್ಯಾಚರಣೆಗೂ ಅಡ್ಡಿಯಾಗಿದೆ. ಸದ್ಯ ಚಿರತೆ ಇನ್ನಷ್ಟು ವ್ಯಾಘ್ರ ಸ್ವರೂಪಪಡೆದಿದ್ದು, ಅರವಳಿಕೆ ನೀಡಿ ಅದನ್ನು ರಕ್ಷಿಸುವ ಬಗ್ಗೆ ಚಿಂತನೆ ನಡೆದಿದೆ. ಸಾರ್ವಜನಿಕರು ಸಮೀಪ ಬಾರದಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ. ಹಿರಿಯ ಅಧಿಕಾರಿಗಳು ಸಹ ರಕ್ಷಣಾ ಕಾರ್ಯಾಚರಣೆಗೆ ಮಾರ್ಗದರ್ಶನ ಮಾಡುತ್ತಿದ್ದಾರೆ.
- [ಕ್ರಿಕೆಟ್ ಬೆಟ್ಟಿಂಗ್: ಜೂಜುಕೋರರ ಬಳಿ ಸಿಕ್ಕಿತು ಐಫೋನ್!](https://mobiletime.in/2026/04/cricket-betting-iphone-found-with-gamblers/): ರಾಯಲ್ ಚಾಲೆಂಜರ್ಸ ಬೆಂಗಳೂರು ಹಾಗೂ ರಾಜಸ್ಥಾನ ರಾಯರ್ಲ್ಸ ನಡುವೆ ನಡೆದ ಐಪಿಎಲ್-ಟಿ 20 ಪಂದ್ಯಾವಳಿ ವೇಳೆ ಬೆಟ್ಟಿಂಗ್ ಕಟ್ಟಿದ್ದ ನಾಲ್ವರ ವಿರುದ್ಧ ದಾಂಡೇಲಿ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಜೂಜಾಟಗಾರರ ಬಳಿಯಿದ್ದ ಐಫೋನ್’ನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ದಾಂಡೇಲಿ ನಿರ್ಮಲನಗರದ ಬಾರಿನಲ್ಲಿ ದುಡಿಯುವ ಅನೀಲ ಲಕ್ಷö್ಮಣ ಬಳ್ಳಾರಿ, ರೆಸಾರ್ಟಿನಲ್ಲಿ ಕೆಲಸ ಮಾಡುವ ಟಿ ಆರ್ ಟಿ ಕ್ರಾಸಿನ ಬಾಲರಾಜ ನಾಗೇಶ ಗಿರಿಯಾಲ್ ಅವರು ದಾಂಡೇಲಿಯ ಶ್ರವಣ ಎಂಬಾತರ ಜೊತೆ ಬೆಟ್ಟಿಂಗ್ ಕಟ್ಟಿದ್ದರು. ದಾಂಡೇಲಿ ಬಾಂಬೆಚಾಳದಲ್ಲಿ ಪೆಂಡಾಲ್ ಹಾಕುವ ಕೆಲಸ ಮಾಡುವ ಇಮ್ಯಾನುವೆಲ್ ಸ್ವಾಮಿಲ್ ಬೈಲಾ ಹಾಗೂ ಸುಭಾಸನಗರದ ಕೂಲಿ ಕಾರ್ಮಿಕ ಬಸವರಾಜ್ ನಾಗೇಶ ಗಿರಿಯಾಲ ಸಹ ಶ್ರವಣ ಅವರ ಜೊತೆ ಬೆಟ್ಟಿಂಗ್ ಕಟ್ಟಿದ್ದರು. ಏಪ್ರಿಲ್ 10ರ ರಾತ್ರಿ ದಾಂಡೇಲಿ ಅಂಬೆವಾಡಿ ಸರ್ಕಾರಿ ಕಾಲೇಜಿನ ಹತ್ತಿರ ಪಿಸೈ ಅಮೀನಸಾಬ್ ಅತ್ತಾರ್ ಅವರು ದಾಳಿ ನಡೆಸಿದಾಗ ಅನೀಲಬಳ್ಳಾರಿ ಹಾಗೂ ಬಾಲರಾಜ ಗಿರಿಯಾಲ್ ಅವರು ಸಿಕ್ಕಿಬಿದ್ದರು. ಅವರ ಬಳಿಯಿದ್ದ 2500ರೂ ಹಣ ಹಾಗೂ ಐಫೋನ್’ನ್ನು ಪೊಲೀಸರು ವಶಕ್ಕೆಪಡೆದರು. ಈ ವೇಳೆ ಫೋನ್ ಮೂಲಕವೇ ಅವರಿಬ್ಬರು ದಾಂಡೇಲಿಯ ಶ್ರವಣ್ ಎಂಬಾತರ ಬಳಿ ಬೆಟ್ಟಿಂಗ್ ಕಟ್ಟಿರುವುದು ಗೊತ್ತಾಯಿತು. ಪಿಸೈ ಕಿರಣ ಪಾಟೀಲ್ ಅವರು ಅದೇ ದಿನ ಅಂಬೇವಾಡಿ ಬಳಿ ದಾಳಿ ನಡೆಸಿದಾಗ ಅಲ್ಲಿ ಮ್ಯಾನುವೆಲ್ ಸ್ವಾಮಿಲ್ ಬೈಲಾ ಹಾಗೂ ಬಸವರಾಜ್ ಗಿರಿಯಾಲ ಅವರು ಕ್ರಿಕೆಟ್ ಬೆಟ್ಟಿಂಗ್ ದಂಧೆಯಲ್ಲಿ ತೊಡಗಿದ್ದರು. ಅವರ ಬಳಿಯಿದ್ದ ಐಫೋನನ್ನು ಪೊಲೀಸರು ಜಪ್ತು ಮಾಡಿದ್ದು, ಜೂಜಾಟಕ್ಕೆ ಬಳಸಿದ್ದ 3 ಸಾವಿರ ರೂ ಹಣವನ್ನು ವಶಕ್ಕೆಪಡೆದರು. ಅವರಿಬ್ಬರು ಸಹ ದಾಂಡೇಲಿಯ ಶ್ರವಣ ಎಂಬಾತರ ಜೊತೆ ಬೆಟ್ಟಿಂಗ್ ಕಟ್ಟಿರುವುದು ಗೊತ್ತಾಯಿತು. ಈ ಹಿನ್ನಲೆ ಅವರೆಲ್ಲರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದರು.
- [ದೇವರ ಊರಿನಲ್ಲಿ ಸ್ಪೋಟಕ್ಕೆ ಸಿದ್ಧತೆ!](https://mobiletime.in/2026/04/preparing-for-an-explosion-in-the-city-of-god/): ಯಲ್ಲಾಪುರದ ಕಾನೂರು-ಕಾರವಾರದ ದೇವಕಾರ ನಡುವಿನ ಪ್ರದೇಶದಲ್ಲಿ ಭಾರೀ ಪ್ರಮಾಣದ ಸ್ಪೋಟಕ ಬಳಸಿ ಗಣಿಗಾರಿಕೆ ನಡೆಸಲು ಸಿದ್ಧತೆ ನಡೆದಿದೆ. ಕೈಗಾ ಅಣು ವಿದ್ಯುತ್ ಘಟಕದಲ್ಲಿ 5 ಹಾಗೂ 6ನೇ ಸ್ಥಾವರ ಸ್ಥಾಪನೆಗಾಗಿ ಕಲ್ಲುಗಳ ಅಗತ್ಯವಿದ್ದು, ಆ ಕಲ್ಲುಗಳನ್ನು ಈ ಪ್ರದೇಶದಿಂದಪಡೆಯಲು ತಯಾರಿ ನಡೆದಿದೆ. ದೇವಕಾರದಲ್ಲಿ ಸುಂದರ ಜಲಪಾತವಿದೆ. ಕಾರವಾರ ಹಾಗೂ ಸುತ್ತಲಿನ ಜನ ಇದನ್ನು `ವಜ್ರ ಜಲಪಾತ’ ಎಂದು ಕರೆಯುತ್ತಾರೆ. ಯಲ್ಲಾಪುರದ ಕಾನೂರು ಮಾರ್ಗವಾಗಿಯೂ ಈ ಜಲಪಾತದ ಮೇಲ್ಬಾಗಕ್ಕೆ ತೆರಳಬಹುದಾಗಿದ್ದು, ಯಲ್ಲಾಪುರ ಹಾಗೂ ಸುತ್ತಲಿನ ಜನ ಇದನ್ನು `ಕಾನೂರು ಜಲಪಾತ’ ಎಂದು ಕರೆಯುತ್ತಾರೆ. ಈ ಪ್ರದೇಶ ಕಾಳಿ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶದ ಸಮೀಪವಿದ್ದು, ಅಲ್ಲಿ ಗಣಿಗಾರಿಕೆ ನಡೆಸಲು ತಯಾರಿ ನಡೆದಿದ್ದು ಆತಂಕಕ್ಕೆ ಕಾರಣವಾಗಿದೆ. ದಟ್ಟ ಅರಣ್ಯ, ನಡುವೆ ಕೃಷಿ ಭೂಮಿ, ಸುಂದರ ಕಲಪಾತ, ಸಮೀಪದಲ್ಲಿ ಹರಿಯುವ ನದಿಯಿಂದ ದೇವಕಾರ ಊರು ಸಮೃದ್ಧವಾಗಿತ್ತು. ಆ ಊರಿನಲ್ಲಿ 30 ಕುಟುಂಬದವರು ವಾಸಿಸುತ್ತಿದ್ದರು. ಕದ್ರಾ ಅಣೆಕಟ್ಟು ಹಾಗೂ ಕೈಗಾ ಅಣು ವಿದ್ಯು ಸ್ಥಾವರದಿಂದಾಗಿ ಊರಿಗೆ ಊರೇ ಖಾಲಿಯಾಯಿತು. ಕದ್ರಾ ಅಣೆಕಟ್ಟೆಯ ನಿರ್ಮಾಣದ ನಂತರ ಊರಿನ ಮೂರು ಭಾಗದಲ್ಲಿ ನೀರು ತುಂಬುತ್ತಿದ್ದು, ಊರಿಗೆ ಮೂಲಭೂತ ಸೌಕರ್ಯ ಸಿಗುತ್ತಿರಲಿಲ್ಲ. ಒಂದು ಕಡೆಯಿದ್ದ ರಸ್ತೆಯನ್ನು ಸಹ ಕೈಗಾ ಅಣು ವಿದ್ಯುತ್ ಸ್ಥಾವರವಾದ ನಂತರ ಬಂದ್ ಮಾಡಲಾಯಿತು. ಹೀಗಾಗಿ ದೇವಕಾರ ಊರು ದ್ವೀಪವಾಗಿದ್ದು, ಯಾವ ಸೌಕರ್ಯ ಇಲ್ಲದಿದ್ದರೂ ಜನ ಅಲ್ಲಿ ವಾಸಿಸುತ್ತಿದ್ದರು. ಆದರೆ, ಅರಣ್ಯ ಇಲಾಖೆಯವರು ಊರಿನ ಕೃಷಿ ಭೂಮಿಯಲ್ಲಿ ಅಕೇಶಿಯಾ ನೆಟ್ಟರು. ಅಲ್ಪ ಪ್ರಮಾಣದ ಪರಿಹಾರಪಡೆದ ಊರಿನವರು ಅನಿವಾರ್ಯವಾಗಿ ಅಲ್ಲಿಂದ ಬೇರೆ ಕಡೆ ತೆರಳಿದರು. ಸದ್ಯ ದೇವಕಾರ ಎಂಬ ಇಡೀ ಗ್ರಾಮ ಖಾಲಿಯಾಗಿದೆ. ಆದರೆ, ಅಲ್ಲಿನ ಪರಿಸರ ಹಾಗೇ ಇದ್ದು, ಅದೂ ಸಹ ಇದೀಗ ಕಲುಷಿತವಾಗುವ ಆತಂಕ ಎದುರಾಗಿದೆ. ಕೈಗಾ ಅಣು ವಿದ್ಯುತ್ ಸ್ಥಾವರಕ್ಕಾಗಿ ದೇವಕಾರ ಗ್ರಾಮದಲ್ಲಿ ಕಲ್ಲು ಕ್ವಾರಿ ನಡೆಸಲು ಅನುಮತಿ ನೀಡಬಹುದು ಎಂದು ಅರಣ್ಯ ಇಲಾಖೆ ಉಪ ಮಹಾ ನಿರ್ದೇಶಕರು (ಡಿಡಿಜಿಎಫ್) ಕೇಂದ್ರ ಪರಿಸರ ಮಂತ್ರಾಲಯಕ್ಕೆ ಶಿಫಾರಸು ಮಾಡಿದ್ದಾರೆ. ದೇವಕಾರ ಗ್ರಾಮದ ಸರ್ವೇ ನಂಬರ್ 87ರಲ್ಲಿ 3.70 ಹೆಕ್ಟೇರ್ ಪ್ರದೇಶವನ್ನು ಕೈಗಾದಲ್ಲಿ ಐದು ಮತ್ತು ಆರನೇ ಘಟಕ ನಿರ್ಮಾಣಕ್ಕಾಗಿ ನೀಡಬಹುದು ಎಂದು ಶಿಫಾರಸ್ಸು ಮಾಡಲಾಗಿದೆ. ದೇವಕಾರ ಗ್ರಾಮವು ಪರಿಸರ ಸೂಕ್ಷ್ಮ ಪ್ರದೇಶವಾಗಿದ್ದು, ಅಲ್ಲಿ ಗಣಿಗಾರಿಕೆ ನಡೆಸಿದರೆ ಪರಿಸರಕ್ಕೆ ಭಾರೀ ಪ್ರಮಾಣದಲ್ಲಿ ಹಾನಿ ಆಗಲಿದೆ. ಅದಾಗಿಯೂ, ಅದೇ ಪ್ರದೇಶದಿಂದ ಕೈಗಾ ಅಣು ಘಟಕಕ್ಕೆ ಕಲ್ಲುಗಳನ್ನು ಒಯ್ಯಲು ನಿರ್ಧರಿಸಲಾಗಿದೆ. ಪರಿಸರ ಹೋರಾಟಗಾರ ಗಿರಿಧರ ಕುಲಕರ್ಣಿ ಅವರು ಪರಿಸರ ಮಂತ್ರಾಲಯಕ್ಕೆ ಪತ್ರ ಬರೆದು ಈ ಶಿಫಾರಸ್ಸಿನ ಬಗ್ಗೆ ಆಕ್ಷೇಪಿಸಿದ್ದಾರೆ. `ಕೈಗಾ ಅಣು ವಿದ್ಯುತ್ ಸ್ಥಾವರಕ್ಕಾಗಿ 1994ರಲ್ಲಿ ಪಡೆದ ಕಾರವಾರ ಡಿಸಿಎಫ್ ಶಿಫಾರಸಿರುವ ಅನುಮತಿಯನ್ನೇ ಮತ್ತೆ ಸಲ್ಲಿಸಲಾಗಿದೆ. ಅರಣ್ಯ, ವನ್ಯಜೀವಿ ಮಂಡಳಿಯ ಅನುಮೋದನೆ ಪಡೆಯದೇ ನೇರವಾಗಿ ಕೇಂದ್ರ ಸರ್ಕಾರಕ್ಕೆ ಪ್ರಾಥಮಿಕ ಅನುಮೋದನೆಗೆ ಸಲ್ಲಿಸಲಾಗಿದೆ. ಇದು ಕಾನೂನಿಗೆ ವಿರುದ್ಧ’ ಎಂದವರು ವಿವರಿಸಿದ್ದಾರೆ. `ಕೈಗಾದಲ್ಲಿ 5 ಮತ್ತು 6 ನೇ ಘಟಕ ನಿರ್ಮಾಣಕ್ಕೆ ನೀಡಿರುವ ಪರಿಸರ ಅನುಮತಿಯ ವ್ಯಾಪ್ತಿಗೆ ಕಲ್ಲು ಕ್ವಾರಿಯೂ ಒಪಪಡುತ್ತದೆ ಎಂದು ಬಿಂಬಿಸಲಾಗುತ್ತಿದೆ. ಅಣು ವಿದ್ಯುತ್ ಘಟಕ ನಿರ್ಮಾಣ ಹಾಗೂ ಗಣಿಗಾರಿಕೆ ಪ್ರತ್ಯೇಕ ಚಟುವಟಿಕೆಗಳಾಗಿವೆ. ಕಲ್ಲು ಗಣಿಗಾರಿಕೆಗೆ ಮಂತ್ರಾಲಯದಿAದ ಪ್ರತ್ಯೇಕ ಅನುಮತಿ ಪಡೆಯಬೇಕು’ ಎಂದವರು ಮಂತ್ರಾಲಯಕ್ಕೆ ಮನವಿ ಮಾಡಿದ್ದಾರೆ.
- [ಹೋಮಿಯೋಪತಿ: ಆ ಔಷಧಕ್ಕಿಂತಲೂ ಈ ಔಷಧ ಉತ್ತಮ](https://mobiletime.in/2026/04/homeopathy-this-medicine-is-better-than-that-medicine/): `ಇಂಗ್ಲಿಷ್ ಔಷಧಿ ಸೇವನೆಯಿಂದ ತಾತ್ಕಾಲಿಕವಾಗಿ ರೋಗ ವಾಸಿಯಾದರೂ ಕೆಲ ದಿನದ ನಂತರ ಮತ್ತೆ ಆ ರೋಗ ಮರುಕಳಿಸುವ ಸಾಧ್ಯತೆಯಿದೆ. ಆದರೆ, ಹೋಮಿಯೋಪತಿ ಚಿಕಿತ್ಸೆಯಿಂದ ಯಾವುದೇ ಅಡ್ಡಪರಿಣಾಮಗಳಿಲ್ಲದೇ ರೋಗವನ್ನು ಶಾಶ್ವತವಾಗಿ ಗುಣಪಡಿಸಲು ಸಾಧ್ಯವಿದೆ’ ಎಂದು ನಿವೃತ್ತ ಎಸೈ ಶಿವಾನಂದ ನಾಯ್ಕ ಅವರು ಹೇಳಿದ್ದಾರೆ. ಅಂಕೋಲಾದ ಆಯುಷ್ ಹೋಮಿಯೋಪತಿ ಕ್ಲಿನಿಕ್‌ನಲ್ಲಿ ಹೋಮಿಯೋಪತಿ ಸಂಸ್ಥಾಪಕ ಫ್ರೆಡ್ರಿಚ್ ಸಾಮ್ವೆಲ್ ಹಾನಿಮ್ಯಾನ್ ಅವರ 271ನೇ ಜನ್ಮ ದಿನದ ಅಂಗವಾಗಿ ಆಯೋಜಿಸಲಾಗಿದ್ದ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರವನ್ನು ಉದ್ಘಾಟಿಸಿ ಮಾತನಾಡಿದ ಅವರು `ತ್ವರಿತವಾಗಿ ಗುಣಮುಖರಾಗಲು ಅನೇಕರು ಇಂಗ್ಲಿಷ್ ಔಷಧಿಯ ಮೊರೆ ಹೋಗುತ್ತಾರೆ. ಆಕರ್ಷಕ ಜಾಹೀರಾತು ನೋಡಿ ಆಯುರ್ವೇದ ಹೆಸರಿನಲ್ಲಿ ಸಿಗುವ ನಕಲಿ ಔಷಧಿಗಳನ್ನು ಜನ ಬಳಸುತ್ತಿರುವುದು ಆತಂಕಕಾರಿ. ಅಂಥವು ಆರೋಗ್ಯಕ್ಕೆ ಸಹ ಹಾನಿಕಾರಕ’ ಎಂದು ಎಚ್ಚರಿಸಿದರು. `ಹೋಮಿಯೋಪತಿ ಚಿಕಿತ್ಸೆಯಿಂದ ನನ್ನ ಮೂತ್ರಪಿಂಡದ ಕಲ್ಲು ಸಮಸ್ಯೆ ನಿವಾರಣೆಯಾಗಿದೆ. ನನ್ನ ಪತ್ನಿಯ ಮಂಡಿ ನೋವು ಕಡಿಮೆಯಾಗಿದ್ದು, ಅವರ ಆರೋಗ್ಯದಲ್ಲೂ ಗಣನೀಯ ಸುಧಾರಣೆ ಕಂಡುಬAದಿದೆ’ ಎಂದು ಅನುಭವ ಹಂಚಿಕೊAಡರು. ಆಯುಷ್ ಹೋಮಿಯೋಪತಿ ಕ್ಲಿನಿಕ್ ವೈದ್ಯೆ ಡಾ ಮಧುರಾ ನಾಯಕ ಅವರು ಮಾತನಾಡಿ `ಹೋಮಿಯೋಪತಿಯಲ್ಲಿ ನೀಡುವ ಬಿಳಿ ಗುಳಿಗೆಗಳು ಮೇಲ್ನೋಟಕ್ಕೆ ಒಂದೇ ರೀತಿ ಕಂಡರೂ ಪ್ರತಿ ರೋಗಿಯ ಸಮಸ್ಯೆಗೆ ಹಾಗೂ ರೋಗದ ಗುಣಲಕ್ಷಣಕ್ಕೆ ಅನುಗುಣವಾಗಿ ಅವುಗಳಲ್ಲಿ ಬಳಸುವ ಔಷಧೀಯ ಅಂಶಗಳು ಬೇರೆ ಬೇರೆಯಾಗಿರುತ್ತವೆ’ ಎಂದು ತಿಳಿಸಿದರು. ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಮಾತನಾಡಿ `ಪುರಾತನ ವೈದ್ಯ ಪದ್ಧತಿಯಾದ ಹೋಮಿಯೋಪತಿಯು ಅತ್ಯಂತ ಸುರಕ್ಷಿತ’ ಎಂದರು. ಈ ಶಿಬಿರದಲ್ಲಿ ಸಾರ್ವಜನಿಕರಿಗೆ ಉಚಿತವಾಗಿ ರಕ್ತದೊತ್ತಡ ಮತ್ತು ಮಧುಮೇಹ ತಪಾಸಣೆ ನಡೆಸಲಾಯಿತು. ರಿಯಾಯಿತಿ ದರದಲ್ಲಿ ಔಷಧ ಮಾರಾಟ ನಡೆಯಿತು. ಕಾರ್ಯಕ್ರಮದಲ್ಲಿ ಶಿಲ್ಪಾ ನಾಯಕ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
- [ಸಂಗೀತ ಆಸಕ್ತರಿಗೆ ಸುವರ್ಣ ಅವಕಾಶ](https://mobiletime.in/2026/04/golden-opportunity-for-music-lovers/): ಸಂಗೀತ ಕಲಿಯಲು ಬಯಸುವ ಆಸಕ್ತರಿಗಾಗಿ ಯಲ್ಲಾಪುರದ ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿಯೂ ಸಂಗೀತ ತರಗತಿಗಳನ್ನು ಆಯೋಜಿಸುತ್ತಿದೆ. ಹಿಂದೂಸ್ತಾನಿ ಸಂಗೀತ, ಕೀಬೋರ್ಡ ತರಬೇತಿ, ಕರೋಕೆ ಸೇರಿ ವಿವಿಧ ತರಗತಿಗಳನ್ನು ಆಯೋಜಿಸಲು ನಿರ್ಧರಿಸಲಾಗಿದೆ. ಯಲ್ಲಾಪುರ ಬಸ್ ನಿಲ್ದಾಣ ಬಳಿಯ ವೈಭವ್ ಬಿಲ್ಡಿಂಗ್’ನಲ್ಲಿ ಈ ತರಗತಿಗಳು ಶುರುವಾಗಲಿದೆ. ಸಂಗೀತ ಕಲಿಯಲು ಆಸಕ್ತರಾಗಿರುವ ಯಾರು ಬೇಕಾದರೂ ಇಲ್ಲಿ ಪ್ರವೇಶಪಡೆಯಬಹುದಾಗಿದ್ದು, ವಯಸ್ಸಿನ ಮಿತಿ ಇಲ್ಲ. ನುರಿತ ಕಲಾವಿದರು ಆಗಮಿಸಿ ಇಲ್ಲಿ ಅಭ್ಯರ್ಥಿಗಳಿಗೆ ಸಂಗೀತ ಅಭ್ಯಾಸ ಮಾಡಿಸಲಿದ್ದಾರೆ. ಇಲ್ಲಿ ಸಂಗೀತ ಅಭ್ಯಾಸ ಮಾಡುವ ಅಭ್ಯರ್ಥಿಗಳಿಗೆ ಸಂಸ್ಥೆಯವತಿಯಿAದಲೇ ವಿವಿಧ ವೇದಿಕೆ ಕಾರ್ಯಕ್ರಮಗಳಲ್ಲಿ ಅವಕಾಶ ನೀಡಲಾಗುತ್ತದೆ. ಜೊತೆಗೆ ಆಕಾಶವಾಣಿ, ಟಿವಿ ಆಡಿಶನ್ ಸೇರಿ ಅನೇಕ ಮುಖ್ಯ ವೇದಿಕೆಗಳಿಗೂ ಶಿಫಾರಸ್ಸು ಮಾಡಲಾಗುತ್ತದೆ. ಚಿಕ್ಕ ಮಕ್ಕಳಿಗೆ ಹೆಚ್ಚಿನ ಮುತುವರ್ಜಿವಹಿಸಿ ಸಂಗೀತ ಅಭ್ಯಾಸ ಮಾಡಿಸಲಾಗುತ್ತದೆ. ಸ್ಥಳೀಯ ಪ್ರತಿಭೆಗಳಿಗೆ ಉತ್ತಮ ಅವಕಾಶ ಒದಗಿಸಿಕೊಡಬೇಕು ಎಂಬ ನಿಟ್ಟಿನಲ್ಲಿ ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿ ಶ್ರಮಿಸುತ್ತಿದೆ. ತೆರೆಮರೆಯ ಕಲಾವಿದರನ್ನು ಗುರುತಿಸಿ, ಗೌರವಿಸುವುದರ ಜೊತೆ ಅವರನ್ನು ಪ್ರೋತ್ಸಾಹಿಸಲು ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿ ಶುರುವಾಗಿದ್ದು, ಸಂಗೀತ ತರಗತಿಯ ಪ್ರವೇಶಕ್ಕಾಗಿ ಫೋನ್/ವಾಟ್ಸಪ್ ಮಾಡಿ: 7975670097 ಅಥವಾ 9480452405
- [ಮಾಲಕನ ನಿರ್ಲಕ್ಷಕ್ಕೆ ಕಾರ್ಮಿಕನಿಗೆ ನೋವು!](https://mobiletime.in/2026/04/the-worker-suffers-due-to-the-employers-negligence/): ಹೊನ್ನಾವರದ ಎನ್ ಜೆ ಕನ್ಸಟ್ರಕ್ಷನ್ ಕಂಪನಿ ನಿರ್ಲಕ್ಷಕ್ಕೆ ಅಲ್ಲಿ ದುಡಿಯುವ ಕಾರ್ಮಿಕರು ಸಮಸ್ಯೆಗೆ ಸಿಲುಕಿದ್ದಾರೆ. ಎನ್ ಜೆ ಕನ್ಸಟ್ರಕ್ಷನ್ ಕಂಪನಿ ಮಾಲಕ ಬಾಲಚಂದ್ರ ಗೌಡ ಅವರು ಕಾರ್ಮಿಕರ ಸುರಕ್ಷತೆಗೆ ಒತ್ತು ನೀಡದ ಕಾರಣ ಅಲ್ಲಿ ದುಡಿಯುವ ಮಾರುತಿ ಗೌಡ ಅವರು ನೋವು ಅನುಭವಿಸುತ್ತಿದ್ದಾರೆ. ಹೊನ್ನಾವರದ ಹೂವಿನಹಿತ್ಲದ ಹೊದ್ಕೆ ಶಿರೂರಿನಲ್ಲಿ ಬಾಲಚಂದ್ರ ನಾರಾಯಣ ಗೌಡ ಅವರು ವಾಸವಾಗಿದ್ದಾರೆ. 33 ವರ್ಷದ ಅವರು ಎನ್ ಜೆ ಕನ್ಸಟ್ರಕ್ಷನ್ ಕಂಪನಿ ಮಾಲಕರಾಗಿದ್ದಾರೆ. ಕಟ್ಟಡ ನಿರ್ಮಾಣದ ಗುತ್ತಿಗೆಪಡೆಯುವ ಬಾಲಚಂದ್ರ ಗೌಡ ಅವರು ವಿವಿಧ ಕಡೆ ಮನೆ ನಿರ್ಮಾಣ ಕೆಲಸ ಮಾಡಿಕೊಂಡಿದ್ದು, ತಮ್ಮಲ್ಲಿ ಕೆಲಸಕ್ಕೆ ಬರುವ ಕಾರ್ಮಿಕರ ಸುರಕ್ಷತೆಗೆ ಅವರು ಒತ್ತು ನೀಡುತ್ತಿಲ್ಲ. ಎನ್ ಜೆ ಕನ್ಸಟ್ರಕ್ಷನ್ ಕಂಪನಿಯಿAದ ಕುಮಟಾ ಮೂರೂರಿನ ಹನುಮಂತ ದೇವಸ್ಥಾನದ ಬಳಿ ಮನೆ ನಿರ್ಮಾಣ ಕೆಲಸ ನಡೆಯುತ್ತಿದೆ. ಇಲ್ಲಿನ ಜಟ್ಟು ನಾಗು ಗೌಡ ಅವರು ಎನ್ ಜೆ ಕನ್ಸಟ್ರಕ್ಷನ್ ಕಂಪನಿಗೆ ಮನೆ ನಿರ್ಮಾಣ ಕೆಲಸವನ್ನು ಗುತ್ತಿಗೆಗೆ ನೀಡಿದ್ದಾರೆ. ಈ ಕೆಲಸಕ್ಕಾಗಿ ಬಾಲಚಂದ್ರ ಗೌಡ ಅವರು ಮೂರುರು ಕರ್ಕಿಮಕ್ಕಿಯ ಮಾರುತಿ ಗಣಪು ಗೌಡ ಅವರನ್ನು ದುಡಿಸಿಕೊಳ್ಳುತ್ತಿದ್ದಾರೆ. ಆದರೆ, ಮನೆ ಮೊದಲ ಮಹಡಿ ನಿರ್ಮಾಣ ಹಂತದಲ್ಲಿದ್ದರೂ ಮಾರುತಿ ಗೌಡ ಅವರಿಗೆ ಅಗತ್ಯ ಸುರಕ್ಷತಾ ಸಾಮಗ್ರಿ ಒದಗಿಸಿಲ್ಲ. ಏಪ್ರಿಲ್ 7ರಂದು ಮನೆ ನಿರ್ಮಾಣ ಕೆಲಸಕ್ಕಾಗಿ ದುಡಿಯುತ್ತಿದ್ದ ಮಾರುತಿ ಗೌಡ ಅವರು ಮೊದಲ ಮಹಡಿಯಿಂದ ನೆಲಕ್ಕೆ ಬಿದ್ದಿದ್ದಾರೆ. `ಕಟ್ಟಡ ನಿರ್ಮಾಣ ಸುರಕ್ಷತಾ ಸಾಮಗ್ರಿಗಳಿದ್ದರೆ ಅವರು ನೋವು ಅನುಭವಿಸುತ್ತಿರಲಿಲ್ಲ. ಆ ಸಾಮಗ್ರಿ ನೀಡದೇ ದುಡಿಸಿದ ಕಾರಣ ಮಾರುತಿ ಗೌಡ ಅವರಿಗೆ ಸಾಕಷ್ಟು ಪೆಟ್ಟಾಗಿದೆ’ ಎಂಬುದು ಅವರ ಕುಟುಂಬದವರ ದೂರು. ಒಂದನೇ ಮಹಡಿಯಿಂದ ಬಿದ್ದ ಮಾರುತಿ ಗೌಡ ಅವರ ಗುತ್ತಿಗೆ ಹಾಗೂ ಬೆನ್ನಿನ ಮೂಳೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಇದಕ್ಕೆ ಮನೆ ನಿರ್ಮಾಣ ಮಾಡುತ್ತಿರುವ ಜಟ್ಟು ಗೌಡ ಹಾಗೂ ಗುತ್ತಿಗೆವಹಿಸಿಕೊಂಡಿರುವ ಬಾಲಚಂದ್ರ ಗೌಡ ಅವರೇ ಕಾರಣ ಎಂದು ಕುಟುಂಬದವರು ದೂರಿದ್ದಾರೆ.
- [ಬಗ್ಗೋಣ: ಬಾವಿಗೆ ಬಿದ್ದ ಹಸುವಿನ ರಕ್ಷಣೆ](https://mobiletime.in/2026/04/baggona-saving-a-cow-that-fell-into-a-well/): ಕುಮಟಾದಲ್ಲಿ ಕಟ್ಟೆ ಇಲ್ಲದ ಬಾವಿಗೆ ಬಿದ್ದ ಆಕಳನ್ನು ಅಗ್ನಿಶಾಮಕ ಸಿಬ್ಬಂದಿ ರಕ್ಷಿಸಿದ್ದಾರೆ. ಬಗ್ಗೋಣದ ಬಾವಿಯಲ್ಲಿದ್ದ ಹಸುವಿಗೆ ಶನಿವಾರ ಮರುಜನ್ಮ ಸಿಕ್ಕಿದೆ. ಬಗ್ಗೋಣದ ವಿಶ್ವಾಸ ಗುನಗ ಅವರ ಮನೆಯ ಎದುರಿಗೆ 30 ಅಡಿ ಆಳದ ಬಾವಿಯಿದೆ. ಹುಲ್ಲು ಮೇಯುತ್ತಿದ್ದ ಗೋವು ನೀರಿದ್ದ ಆ ಬಾವಿಗೆ ಆಕಸ್ಮಿಕವಾಗಿ ಬಿದ್ದಿದೆ. ಇದನ್ನು ನೋಡಿದ ವಿಶ್ವಾಸ ಗುನಗ ಅವರು ಕುಮಟಾದ ಅಗ್ನಿಶಾಮಕ ಠಾಣೆಗೆ ಫೋನ್ ಮಾಡಿದ್ದಾರೆ. ತಕ್ಷಣ ಸ್ಥಳಕ್ಕೆ ಆಗಮಿಸಿದ ಠಾಣಾಧಿಕಾರಿ ಟಿ ಎನ್ ಗೊಂಡ ಅವರು ಕಾರ್ಯಾಚರಣೆಗಿಳಿದಿದ್ದಾರೆ. ಬಾವಿಗೆ ಇಳಿದ ಅಗ್ನಿಶಾಮಕ ಸಿಬ್ಬಂದಿ ಸಾಹಸದಿಂದ ಆ ಹಸುವನ್ನು ಮೇಲೆತ್ತಿದ್ದಾರೆ. ಹಗ್ಗದ ಸಹಾಯದಿಂದ ಹಸು ಹಂತ ಹಂತವಾಗಿ ಮೇಲೆ ಬಂದಿದ್ದು, ನೆಮ್ಮದಿಯಿಂದ ದಡ ಸೇರಿದೆ. ಅದಾದ ನಂತರ ಹಸುವಿನ ದೇಹದ ಮೇಲೆ ಗಾಯವಾಗಿರಬಹುದು ಎಂದು ಅಂದಾಜಿಸಿ ಪರಿಶೀಲನೆ ನಡೆಸಲಾಗಿದ್ದು, ಯಾವುದೇ ಗಾಯ ಕಾಣಿಸಲಿಲ್ಲ. ಹಸುವನ್ನು ಅತ್ಯಂತ ಸುರಕ್ಷಿತವಾಗಿ ಬಾವಿಯಿಂದ ಮೇಲೆತ್ತಿದ ಸಿಬ್ಬಂದಿಗೆ ಜನ ಕೃತಜ್ಞತೆ ಸಲ್ಲಿಸಿದರು.
- [ಕಳ್ಳತನ: ಮನೆಗೆ ಮರಳಿದ ಚಿನ್ನ!](https://mobiletime.in/2026/04/theft-gold-returned-home/): ಶಿರಸಿ, ಸಿದ್ದಾಪುರ, ಯಲ್ಲಾಪುರ ಹಾಗೂ ಮುಂಡಗೋಡಿನ ಕೆಲವರು ಕಳೆದುಕೊಂಡಿದ್ದ ಚಿನ್ನಾಭರಣಗಳು ಮರಳಿ ಸಿಕ್ಕಿದ್ದು, ಕೋಟ್ಯಂತರ ರೂ ಮೌಲ್ಯದ ಆಭರಣವನ್ನು ಪೊಲೀಸರು ಮಾಲಕರಿಗೆ ಒಪ್ಪಿಸಿದ್ದಾರೆ. ಕಳ್ಳತನ ಪ್ರಕರಣಗಳನ್ನು ಬೆನ್ನತ್ತಿದ ಪೊಲೀಸರಿಗೆ ಕಳ್ಳರು ಸಿಕ್ಕಿಬಿದ್ದಿದ್ದು, ಅವರು ಕದ್ದ ಆಭರಣ ಹಾಗೂ ಹಣವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ನ್ಯಾಯಾಲಯದ ಅನುಮತಿಪಡೆದು ಆ ಚಿನ್ನಾಭರಣ ಹಾಗೂ ಹಣವನ್ನು ವಾರಸುದಾರರಿಗೆ ಒಪ್ಪಿಸಿದ್ದಾರೆ. ಶಿರಸಿ ನಗರ ಠಾಣೆ, ಮಾರುಕಟ್ಟೆ ಠಾಣೆ, ಬನವಾಸಿ ಠಾಣೆ, ಶಿರಸಿ ಗ್ರಾಮೀಣ ಠಾಣೆ, ಮುಂಡಗೋಡ, ಯಲ್ಲಾಪುರ ಮತ್ತು ಸಿದ್ದಾಪುರ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಸಿಕ್ಕ ಸ್ವತ್ತುಗಳನ್ನು ಮಾಲಕರಿಗೆ ಕೊಡಲಾಗಿದೆ. ಒಟ್ಟು 17 ಪ್ರಕರಣಗಳ ಸ್ವತ್ತುಗಳು ಮರಳಿ ಮಾಲಕರ ಮನೆ ಸೇರಿದೆ. ಶ್ರೀ ಗುರುಸಿದ್ದೇಶ್ವರ ಸಾಂಸ್ಕೃತಿಕ ಭವನದ ಬಣ್ಣದ ಮಠದಲ್ಲಿ ಈ ಎಲ್ಲಾ ಸಾಮಗ್ರಿಗಳನ್ನು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಹಸ್ತಾಂತರಿಸಿದರು. `ಪೊಲೀಸ್ ಅಧಿಕಾರಿ ಹಾಗೂ ಸಿಬ್ಬಂದಿಯ ಸಮರ್ಪಣಾ ಮನೋಭಾವ ಮತ್ತು ಅತ್ಯುತ್ತಮ ಕಾರ್ಯವೈಖರಿಯಿಂದ ಈ ಎಲ್ಲಾ ಸ್ವತ್ತು ಸಿಕ್ಕಿದೆ’ ಎಂದವರು ಹೇಳಿದರು. ಡಿವೈಎಸ್ಪಿ ಗೀತಾ ಪಾಟೀಲ, ಶಿರಸಿ ವೃತ್ತದ ಸಿಪಿಐ ಶಶಿಕಾಂತ ವರ್ಮ, ಗ್ರಾಮೀಣ ಠಾಣೆ ಪಿಐ ರಮೇಶ ಹೂಗಾರ, ಯಲ್ಲಾಪುರದ ರಮೇಶ ಹಾನಾಪುರ, ಮುಂಡಗೋಡಿನ ರಂಗನಾಥ ನೀಲಮ್ಮನರ್, ಸಿದ್ದಾಪುರ ಠಾಣೆಯ ಜೆ ಬಿ ಸೀತಾರಾಮ ಇತರರು ಇದ್ದರು.
- [ವೈದ್ಯ ವಿದ್ಯಾರ್ಥಿ ಪಾಲಿಗೆ ಅವರೇ ದೇವರು!](https://mobiletime.in/2026/04/he-is-a-god-to-a-medical-student/): ಗೋಕರ್ಣ ಕಡಲ ತೀರಕ್ಕೆ ಬಂದಿದ್ದ ಪ್ರವಾಸಿಗರೊಬ್ಬರು ಏಕಾಏಕಿ ಅಸ್ವಸ್ಥರಾಗಿ ಕುಸಿದು ಬಿದ್ದಿದ್ದು, ಅಲ್ಲಿದ್ದ ಜೀವ ರಕ್ಷಕ ಸಿಬ್ಬಂದಿ ಸಮಯಪ್ರಜ್ಞೆಯಿಂದ ಪ್ರವಾಸಿಗನ ಜೀವ ಉಳಿದಿದೆ. ಶಿಕಾರಿಪುರದ 24 ಜನ ಶನಿವಾರ ಗೋಕರ್ಣಕ್ಕೆ ಬಂದಿದ್ದರು. ಅವರೆಲ್ಲರೂ ಮುಖ್ಯ ಕಡಲ ತೀರದಲ್ಲಿ ವಿಹಾರ ನಡೆಸುತ್ತಿದ್ದರು. ಎಲ್ಲರೂ ನೀರಿಗಿಳಿದು ಆಟ ವಾಡುತ್ತಿರುವಾಗ ಅವರಲ್ಲೊಬ್ಬರು ಅಸ್ವಸ್ಥರಾದರು. ದಂತ ವೈದ್ಯಕೀಯ ವಿದ್ಯಾರ್ಥಿ ಪ್ರಮೋದಜಯಪ್ಪ (20) ಅವರು ಅನಾರೋಗ್ಯದಿಂದ ಅಸ್ವಸ್ಥರಾಗಿದ್ದು, ಕುಸಿದು ಬಿದ್ದ ಅವರನ್ನು ಜೀವ ರಕ್ಷಕ ಸಿಬ್ಬಂದಿ ನೋಡಿದರು. ತಕ್ಷಣ ಅವರು ಆಂಬುಲೆನ್ಸಿಗೆ ಫೋನ್ ಮಾಡಿ, ಅಸ್ವಸ್ಥಗೊಂಡ ಪ್ರವಾಸಿಗರನ್ನು ಹೊತ್ತೊಯ್ದು ಆಸ್ಪತ್ರೆಗೆ ಕರೆದೊಯ್ದರು. ಪ್ರಮೋದಜಯಪ್ಪ ಅವರಿಗೆ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ ನಂತರ ಕುಮಟಾ ಆಸ್ಪತ್ರೆಗೆ ಸಾಗಿಸಲಾಗಿದೆ. ಅಲ್ಲಿ ಇನ್ನೂ ಹೆಚ್ಚಿನ ಚಿಕಿತ್ಸೆ ಕೊಡಲಾಗುತ್ತಿದೆ. ಸಕಾಲದಲ್ಲಿ ಚಿಕಿತ್ಸೆ ಸಿಕ್ಕ ಕಾರಣ ಪ್ರವಾಸಿಗ ಬದುಕುಳಿದಿದ್ದು, ಜೀವ ರಕ್ಷಕ ಸಿಬ್ಬಂದಿ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ.
- [ಆರು ತಿಂಗಳಿನಲ್ಲಿ 682 ಮೊಬೈಲ್ ಕಾಣೆ!](https://mobiletime.in/2026/04/682-mobile-phones-missing-in-six-months/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಳೆದ ಆರು ತಿಂಗಳ ಅವಧಿಯಲ್ಲಿ 682 ಮೊಬೈಲ್ ಫೋನುಗಳು ಕಾಣೆಯಾಗಿದೆ. ಈ ಪೈಕಿ 157 ಮೊಬೈಲ್ ಫೋನುಗಳನ್ನು ಪೊಲೀಸರು ಹುಡುಕಿದ್ದು, ಮಾಲಕರಿಗೆ ಒಪ್ಪಿಸಿದ್ದಾರೆ. ಕಳೆದು ಹೋದ ಮೊಬೈಲ್ ಫೋನ್ ಪತ್ತೆ ಮಾಡುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಸಿಎಐರ್ ಎಂಬ ಪೋರ್ಟಲ್ ಸ್ಥಾಪಿಸಿದೆ. ಮೊಬೈಲ್ ಫೋನ್ ಕಳೆದುಕೊಂಡವರು ಅಲ್ಲಿ ದೂರು ನೀಡಿದರೆ ಪೊಲೀಸರು ಆ ಫೋನ್ ಹುಡುಕುವ ಕೆಲಸ ಶುರು ಮಾಡುತ್ತಾರೆ. ಕಳೆದ ಫೋನ್’ನ ಐಎಂಇಐ ಸಂಖ್ಯೆಯನ್ನು ಬ್ಲಾಕ್ ಮಾಡಿ, ಫೋನ್ ದುರುಪಯೋಗ ಆಗದಂತೆ ತಡೆಯುತ್ತಾರೆ. ಮೊಬೈಲ್ ಫೋನ್ ಕಳೆದ ಬಗ್ಗೆ ಪೊಲೀಸ್ ಠಾಣೆಗೆ ದೂರು ನೀಡಿದರೂ ಸಹ ಈ ಪೋರ್ಟಲ್ ಮೂಲಕ ದೂರು ದಾಖಲಿಸುವುದು ಅನುಕೂಲ. ಈ ವೆಬ್ ಪೊರ್ಟಲ್ ಮೂಲಕ ದೂರು ದಾಖಲಿಸಿದರೆ ಕಳೆದು ಹೋದ ಮೊಬೈಲ್ ದೇಶದ ಯಾವ ಭಾಗದಲ್ಲಿದ್ದರೂ ಅದರ ಮಾಹಿತಿ ಸಿಗುತ್ತದೆ. ಅದೇ ಆಧಾರದಲ್ಲಿ ಪೊಲೀಸರು ಆ ಮೊಬೈಲನ್ನು ಹುಡುಕುತ್ತಾರೆ. ಮೊಬೈಲ್ ಕಳ್ಳರಿಗೆ ಈ ಫೋರ್ಟಲ್ ಸಮಸ್ಯೆ ತಂದಿದ್ದು, ಸಿಕ್ಕಿದ ಮೊಬೈಲ್’ನ್ನು ಕಿಸೆಯೊಳಗೆ ಹಾಕಿಕೊಳ್ಳುವವರಿಗೂ ಪೊಲೀಸರು ಬಿಸಿ ಮುಟ್ಟಿಸುತ್ತಿದ್ದಾರೆ. ಕಳೆದ ಆರು ತಿಂಗಳಿನಿAದ ಉತ್ತರ ಕನ್ನಡ ಪೊಲೀಸರು ಸಹ ಕಳೆದ ಮೊಬೈಲ್ ಪತ್ತೆಗಾಗಿ ವಿಶೇಷ ಅಭಿಯಾನ ನಡೆಸಿದ್ದು, 157 ಮೊಬೈಲ್ ಹುಡುಕಿದ್ದಾರೆ. ಈ ಅವಧಿಯಲ್ಲಿ ಒಟ್ಟು 682 ಮೊಬೈಲ್ ಕಾಣೆಯಾದ ಬಗ್ಗೆ ಪೊಲೀಸರಿಗೆ ದೂರು ಬಂದಿದೆ. 22 ಪೊಲೀಸ್ ಠಾಣೆಗಳ ಮೂಲಕ ಆ ದೂರು ಸ್ವೀಕರಿಸಿದ ಪೊಲೀಸರು ಅದರ ಹುಡುಕಾಟ ನಡೆಸಿದ್ದಾರೆ. ಈ ವೇಳೆ 157 ಮೊಬೈಲ್ ಸಿಕ್ಕಿದ್ದು, ಅದನ್ನು ವಾರಸುದಾರರಿಗೆ ಒಪ್ಪಿಸಿದ್ದಾರೆ. ಇನ್ನೂ 525 ಮೊಬೈಲುಗಳ ಹುಡುಕಾಟ ಮುಂದುವರೆದಿದೆ.
- [ಹೊಡೆದಾಟ ಪ್ರಕರಣ: ಹೆಗಡೆ ಪುತ್ರನ ಶಿಕ್ಷಣಕ್ಕೆ ಅಡ್ಡಿ-ಆತಂಕ!](https://mobiletime.in/2026/04/fight-case-hegdes-sons-education-disrupted-fears/): ಉತ್ತರ ಕನ್ನಡದ ಮಾಜಿ ಸಂಸದ ಅನಂತಕುಮಾರ ಹೆಗಡೆ ಅವರ ಪುತ್ರ ಅಶುತೋಷ್ ಹೆಗಡೆ ಅವರು ವಿದೇಶದಲ್ಲಿ ವ್ಯಾಸಂಗ ಮಾಡುತ್ತಿದ್ದು, ಅವರ ವಿರುದ್ಧ ದಾಖಲಾದ ಹೊಡೆದಾಟ ಪ್ರಕರಣ ಉನ್ನತ ಶಿಕ್ಷಣಕ್ಕೆ ಅಡ್ಡಿಯಾಗಿದೆ. ಹೊಡೆದಾಟ ಪ್ರಕರಣದಲ್ಲಿ ಅಶುತೋಷ್ ಹೆಗಡೆ ಅವರು ಆರೋಪಿಯಾಗಿರುವುದರಿಂದ ಅವರಿಗೆ ಪಾರ್ಸಪೋರ್ಟ ಸಮಸ್ಯೆ ಎದುರಾಗಿದೆ. 2025ರ ಜೂನ್ ಅವಧಿಯಲ್ಲಿ ತುಮಕೂರಿನ ಬಳಿ ಸೈಫ್ ಖಾನ್ ಎಂಬಾತರು ಅನಂತಕುಮಾರ ಹೆಗಡೆ ಅವರ ಕಾರು ಹಿಂದಿಕ್ಕಿದ್ದರು. ಆ ವೇಳೆ ಗಲಾಟೆ ನಡೆದಿದ್ದು, ಅನಂತಕುಮಾರ ಹೆಗಡೆ ಅವರ ಗನ್ ಮ್ಯಾನ್ ಪಿಸ್ತೂಲು ತೋರಿಸಿ ಹೆದರಿಸಿದ್ದರು. ಈ ವೇಳೆ ಅನಂತಕುಮಾರ ಹೆಗಡೆ ಅವರ ಪುತ್ರ ಅಶುತೋಷ್ ಹೆಗಡೆ ಅವರು ಸಹ ಅದೇ ಕಾರಿನಲ್ಲಿದ್ದು, ಕಾರಿನಿಂದ ಇಳಿದು ಗಲಾಟೆ ಮಾಡಿದ್ದರು. ಅದಾದ ನಂತರ ಸೈಫ್ ಖಾನ್ ಅವರು `ಅನಂತಕುಮಾರ ಹೆಗಡೆ ಅವರ ಕಾರಿನಲ್ಲಿದ್ದವರು ನಮ್ಮ ಕಾರನ್ನು ಅಡ್ಡಗಟ್ಟಿ ಹಲ್ಲೆ ಮಾಡಿದ್ದಾರೆ. ಈ ವೇಳೆ ಸಲ್ಮಾನ್ ಖಾನ್ ಅವರ ಮೂರು ಹಲ್ಲು ಮುರಿದಿದೆ. ಅನಂತಕುಮಾರ್ ಹೆಗಡೆ ಅವರು ನಮ್ಮ ತಾಯಿಯ ಮೇಲೆಯೂ ಹಲ್ಲೆ ನಡೆಸಿದ್ದಾರೆ. ಅವರ ಭದ್ರತಾ ಸಿಬ್ಬಂದಿ ಪಿಸ್ತೂಲ್ ತೋರಿಸಿ ಜೀವ ಬೆದರಿಸಿದ್ದಾರೆ’ ಎಂದು ದೂರಿದ್ದರು. ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸಿದ್ದರು. ಈ ವಿಷಯದಲ್ಲಿ ಅನಂತಕುಮಾರ ಹೆಗಡೆ ಅವರ ಪುತ್ರ ಅಶುತೋಷ್ ಹೆಗಡೆ ಅವರು ಸಹ ಆರೋಪಿಯಾಗಿದ್ದು, ಅದೇ ಅವರ ಶಿಕ್ಷಣಕ್ಕೆ ಸಮಸ್ಯೆಯಾಯಿತು. ಹೊಡೆದಾಟ ಪ್ರಕರಣ ನ್ಯಾಯಾಲಯದಲ್ಲಿರುವುದರಿಂದ ವಿದೇಶದಲ್ಲಿ ವ್ಯಾಸಂಗ ಮಾಡುವ ಅಶುತೋಷ್ ಹೆಗಡೆ ಅವರಿಗೆ ಪಾಸ್‌ಪೋರ್ಟ ಸಮಸ್ಯೆ ಕಾಡಿತು. ಈ ಹಿನ್ನಲೆ `ಮಗನ ಮೇಲಿನ ಪ್ರಕರಣವನ್ನು ಕೈ ಬಿಡಬೇಕು’ ಎಂದು ಅನಂತಕುಮಾರ ಹೆಗಡೆ ಅವರು ನ್ಯಾಯಾಲಯದ ಮೊರೆ ಹೋಗಿದ್ದು, ಸರ್ಕಾರಿ ಅಭಿಯೋಜಕರು ಇದಕ್ಕೆ ತಕರಾರು ಸಲ್ಲಿಸಿದರು. `ಅನಂತಕುಮಾರ್ ಅವರ ಪುತ್ರ ಅಶುತೋಷ್ ಹೆಗಡೆ ವಿದೇಶದಲ್ಲಿ ವ್ಯಾಸಾಂಗ ಮಾಡುತ್ತಿದ್ದಾರೆ. ಈ ಗಲಾಟೆ ಪ್ರಕರಣದಿಂದಾಗಿ ಅವರಿಗೆ ಪಾಸ್‌ಪೋರ್ಟ್ ಪಡೆಯಲು ಸಮಸ್ಯೆಯಾಗುತ್ತಿದೆ. ಆದ್ದರಿಂದ ಅವರ ಹೆಸರನ್ನು ಪ್ರಕರಣದಿಂದ ಕೈಬಿಡಬೇಕು’ ಎಂದು ಅನಂತಕುಮಾರ ಹೆಗಡೆ ಪರ ವಕೀಲರು ಹೈಕೋರ್ಟಿಗೆ ಮನವಿ ಮಾಡಿದರು. `ಹೊಡೆದಾಟ ಪ್ರಕರಣದಲ್ಲಿ ಅಶುತೋಷ್ ಹೆಗಡೆ ಅವರು ಭಾಗಿಯಾಗಿದ್ದಾರೆ. ಈ ಬಗ್ಗೆ ವಿಡಿಯೋಗಳಿವೆ’ ಎಂದು ಸರ್ಕಾರಿ ಅಭಿಯೋಜಕರು ವಾದ ಮಂಡಿಸಿದರು. ಈ ವಾದ ಆಲಿಸಿದ ನ್ಯಾಯಮೂರ್ತಿ ಎಸ್ ಸುನಿಲ್ ದತ್ ಯಾದವ್ ಅವರು ಅಶುತೋಷ್ ಹೆಗಡೆ ಅವರ ಹೆಸರನ್ನು ಪ್ರಕರಣದಿಂದ ಕೈಬಿಡುವ ಕುರಿತಾದ ಮನವಿಯನ್ನು ಏಪ್ರಿಲ್ 16ರಂದು ವಿಚಾರಣೆ ನಡೆಸಲು ನಿರ್ಧರಿಸಿತು.
- [ಕಂದಕಕ್ಕೆ ಬಿದ್ದ ಕಾರಿಗೆ ಬೆಂಕಿ: ಅದು ಅಪಘಾತವೂ ಅಲ್ಲ.. ಆಕಸ್ಮಿಕವೂ ಅಲ್ಲ!](https://mobiletime.in/2026/04/car-caught-fire-after-falling-into-ditch-it-was-not-an-accident-nor-was-it-an-accident/): ಯಲ್ಲಾಪುರದ ಅರಬೈಲ್ ಘಟ್ಟ ಸಮೀಪದ ತಾಳಿಕುಂಬ್ರಿ ಕಂದಕದಲ್ಲಿ ಕಾರು ಸುಟ್ಟ ಪ್ರಕರಣದ ಮತ್ತೊಂದು ತಿರುವುಪಡೆದಿದೆ. ಸ್ನೇಹಿತರೇ ಸೇರಿ ನಿತೀಶ ಧಾಪಳೆ ಅವರನ್ನು ಕೊಲೆ ಮಾಡಿ, ಕಾರಿನಲ್ಲಿ ಸುಟ್ಟಿರುವ ಅನುಮಾನ ಕಾಡುತಿದೆ. ಬೆಳಗಾವಿಯ ಕನಬರಗಿ ರಸ್ತೆಯ ಚಂದ್ರಮೌಳಿ ಕಾಲೋನಿಯಲ್ಲಿ ನಿತೀಶ್ ಧಾಪಳೆ (35) ಅವರು ವಾಸವಾಗಿದ್ದರು. ನಿವೃತ್ತ ನೌಕರ ಜಗನ್ನಾಥ ಧಾಪಳೆ ಅವರ ಮಗನಾಗಿದ್ದ ನಿತೀಶ್ ಅವರು ಗೋವಾ ಪ್ರವಾಸಕ್ಕೆ ಯೋಜಿಸಿದ್ದರು. ತಮ್ಮ ಸ್ನೇಹಿತರಾದ ನಯೀಮ್ ಹಾಗೂ ಇನ್ನಿತರರ ಜೊತೆ ಅವರು ಗೋವಾಗೆ ಹೋಗಲು ನಿರ್ಧರಿಸಿದ್ದರು. ಅದರಂತೆ, ಏಪ್ರಿಲ್ 8ರಂದು ಅವರು ಕಾರಿನಲ್ಲಿ ಹುಬ್ಬಳ್ಳಿ-ಅಂಕೋಲಾ ಹೆದ್ದಾರಿ ಮೂಲಕ ಸಂಚರಿಸಿದ್ದರು. ಆ ಕಾರು ಅರಬೈಲ್ ಘಟ್ಟ ಪ್ರದೇಶದ ತಾಳಿಕುಂಬ್ರಿ ಬಸ್ ನಿಲ್ದಾಣದ ಬಳಿ ಅಪಘಾತವಾದ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು. ಜೊತೆಗೆ ಆ ಕಾರಿನಲ್ಲಿ ವ್ಯಕ್ತಿಯೊಬ್ಬರ ದೇಹ ಸಂಪೂರ್ಣವಾಗಿ ಕರಕಲಾಗಿತ್ತು. ಕಾರು ಸುಟ್ಟಿದ್ದರಿಂದ ಅದರೊಳಗಿದ್ದ ವ್ಯಕ್ತಿಯ ಎಲುಬುಗಳು ಮಾತ್ರ ಕಾಣುತ್ತಿದ್ದವು. ಅಪಘಾತದಲ್ಲಿ ಕಾರಿಗೆ ಬೆಂಕಿ ತಗುಲಿ ಚಾಲಕ ಸಜೀವ ದಹನವಾಗಿರುವ ಬಗ್ಗೆ ಎಲ್ಲರೂ ಅಂದಾಜಿಸಿದ್ದರು. ಯಲ್ಲಾಪುರಕ್ಕೆ ಆಗಮಿಸಿದ್ದ ಜಗನ್ನಾಥ ಧಾಪಳೆ ಅವರು ಸಹ ಹಾಗೇ ಭಾವಿಸಿ ಪೊಲೀಸ್ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಕಾರಿನ ಹಿಂದಿನ ಆಸನದಲ್ಲಿ ಶವವಿರುವುದನ್ನು ಜಗನ್ನಾಥ ಧಾಪಳೆ ಅವರು ಗಮನಿಸಿದರು. ಕಾರು ಅಪಘಾತವಾಗಿ ಚಾಲಕ ಸಾವನಪ್ಪಿದ್ದರೆ ಆ ಶವ ಮುಂದಿನ ಆಸನದಲ್ಲಿರಬೇಕಿತ್ತು ಎಂದು ಅಂದಾಜಿಸಿದ ಅವರು ಈ ಬಗ್ಗೆ ಅನುಮಾನವ್ಯಕ್ತಪಡಿಸಿದರು. ಆಗ, ನಿತೀಶ್ ಧಾಪಳೆ ಅವರ ಪತ್ನಿ ಗಂಗಮ್ಮ ದಾವಣಗೆರೆ ಅವರು ಸ್ಪೋಟಕ ಮಾಹಿತಿಯೊಂದನ್ನು ಬಿಚ್ಚಿಟ್ಟರು. `ನಯೀಮ್ ಹಾಗೂ ಇನ್ನಿತರ ಸ್ನೇಹಿತರ ಜೊತೆ ನಿತೀಶ್ ಧಾಪಳೆ ಅವರು ಗೋವಾಗೆ ಹೊರಟಿದ್ದರು. ಈ ವಿಷಯವನ್ನು ನಿತೀಶ್ ಅವರು ತನಗೆ ವಾಟ್ಸಪ್ ಕಾಲ್ ಮಾಡಿ ತಿಳಿಸಿದ್ದರು’ ಎಂದು ಗಂಗಮ್ಮ ಅವರು ಮಾಹಿತಿ ನೀಡಿದರು. ಈ ಎಲ್ಲಾ ಹಿನ್ನಲೆ ನಿತೀಶ್ ಅವರನ್ನು ಅವರ ಸ್ನೇಹಿತರೇ ಕೊಲೆ ಮಾಡಿ, ಕಂದಕದಲ್ಲಿ ಕಾರು ಅಪಘಾತಪಡಿಸಿ ಅದಕ್ಕೆ ಬೆಂಕಿ ಹಚ್ಚಿರುವ ಅನುಮಾನ ಜೋರಾಯಿತು. ಈ ಹಿನ್ನಲೆ ಏಪ್ರಿಲ್ 10ರಂದು ಮತ್ತೆ ಯಲ್ಲಾಪುರಕ್ಕೆ ಆಗಮಿಸಿದ ಜಗನ್ನಾಥ ಧಾಪಳೆ ಅವರು ತಮ್ಮ ಮಗ ನಿತೀಶ್ ಅವರ ಸಾವಿನ ಹಿಂದಿರುವ ಅನುಮಾನಗಳ ಬಗ್ಗೆ ಪೊಲೀಸರಿಗೆ ತಿಳಿಸಿದರು. `ನಿತೀಶ್ ಅವರನ್ನು ಎಲ್ಲಿಯೂ ಕೊಲೆ ಮಾಡಿ ಕಾರುಸಹಿತ ಕಂದಕಕ್ಕೆ ದೂಡಲಾಗಿದೆ. ಅದಾದ ನಂತರ ಕಾರಿಗೆ ಬೆಂಕಿ ಹಚ್ಚಿ ಅಪಘಾತ ಎಂದು ಬಿಂಬಿಸುವ ಪ್ರಯತ್ನ ನಡೆದಿದೆ’ ಎಂದವರು ದೂರಿದರು. ಈ ಬಗ್ಗೆಯೂ ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದರು.
- [ಆರ್ ಎಸ್ ಎಸ್ ಕಾರ್ಯಕರ್ತನೇ ಕಾಂಗ್ರೆಸ್ ಅಧ್ಯಕ್ಷ!](https://mobiletime.in/2026/04/an-rss-worker-is-the-congress-president/): ಯಲ್ಲಾಪುರ-ಮುಂಡಗೋಡು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಗೆ ಬರುವ ಬನವಾಸಿಯಲ್ಲಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಕಾರ್ಯಕರ್ತರೊಬ್ಬರು ಕಾಂಗ್ರೆಸ್ ಘಟಕ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಸಿದ್ಧವೀರೇಶ ನರೇಗಲ್ ಅವರು ಬನವಾಸಿಯ ಕಾಂಗ್ರೆಸ್ ಘಟಕ ಅಧ್ಯಕ್ಷರಾಗಿ ನೇಮಕವಾಗಿದ್ದಾರೆ. `ಆರ್ ಎಸ್ ಎಸ್ ಕಾರ್ಯಕರ್ತರು ಕಾಂಗ್ರೆಸ್ ಪದಾಧಿಕಾರಿ ಆಗಬಾರದು’ ಎಂದು ಯಾವುದೇ ನಿಯಮವಿಲ್ಲ. ಆದರೆ, ಆರ್‌ಎಸ್‌ಎಸ್ ಹಾಗೂ ಕಾಂಗ್ರೆಸ್ ಸೈದ್ಧಾಂತಿಕವಾಗಿ ಬದ್ಧ ವಿರೋಧಿಯಾಗಿದ್ದು, ಕಾಂಗ್ರೆಸಿಗರು ಆರ್‌ಎಸ್‌ಎಸ್ ತತ್ವವನ್ನು ಒಪ್ಪುವುದಿಲ್ಲ. ಹೀಗಾಗಿ ಆರ್‌ಎಸ್‌ಎಸ್‌ನವರು ಸಹ ಕಾಂಗ್ರೆಸ್ ಕಾರ್ಯಕರ್ತರನ್ನು ಹತ್ತಿರಕ್ಕೆ ಸೇರಿಸುವುದಿಲ್ಲ. ಅದಾಗಿಯೂ, ಬನವಾಸಿಯಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸಾಮಾನ್ಯ ಕಾರ್ಯಕರ್ತರೊಬ್ಬರಿಗೆ ಕಾಂಗ್ರೆಸ್ ಘಟಕದ ಅಧ್ಯಕ್ಷ ಸ್ಥಾನ ಸಿಕ್ಕಿರುವುದು ಅಚ್ಚರಿ ಮೂಡಿಸಿದೆ. ಇದರೊಂದಿಗೆ ಕಾಂಗ್ರೆಸ್ ವಲಯದಲ್ಲಿ ಇದಕ್ಕೆ ವಿರೋಧವೂ ವ್ಯಕ್ತವಾಗಿದೆ. ಬನವಾಸಿ ಬ್ಲಾಕ್ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷರಾದ ಗಣಪತಿ ಐ ನಾಯ್ಕ ಅವರು ತಮ್ಮ ವ್ಯಾಪ್ತಿಯ ವಿವಿಧ ಗ್ರಾಮ ಪಂಚಾಯತ್‌ಗಳ ನೂತನ ಕಾಂಗ್ರೆಸ್ ಘಟಕದ ಅಧ್ಯಕ್ಷರ ಆಯ್ಕೆ ಪಟ್ಟಿ ಪ್ರಕಟಿಸಿದ್ದಾರೆ. ಇದರಲ್ಲಿ ಬನವಾಸಿ ಪಂಚಾಯತ್ ಘಟಕದ ಅಧ್ಯಕ್ಷ ಸ್ಥಾನವನ್ನು ಆರ್ ಎಸ್ ಎಸ್ ಗಣವೇಷಧಾರಿ ಹಾಗೂ ಸಂಘದ ಸಕ್ರಿಯ ಕಾರ್ಯಕರ್ತರಾಗಿರುವ ಸಿದ್ಧವೀರೇಶ ಮೇಘರಾಜ ನರೇಗಲ್ ಅವರಿಗೆವಹಿಸಿದ್ದಾರೆ. ಆರ್‌ಎಸ್‌ಎಸ್ ಕಾರ್ಯಕರ್ತರಿಗೆ ಕಾಂಗ್ರೆಸ್ ಹುದ್ದೆ ನೀಡಿದ ಕಾರಣ ಆ ಭಾಗದ ಕಾಂಗ್ರೆಸಿಗರು ಗರಂ ಆಗಿದ್ದಾರೆ. `ವರ್ಷಗಳ ಕಾಲ ಪಕ್ಷಕ್ಕಾಗಿ ನಿಷ್ಠೆಯಿಂದ ದುಡಿದ ತಮ್ಮದೇ ಮೂಲ ಕಾಂಗ್ರೆಸ್ ಕಾರ್ಯಕರ್ತರನ್ನು ಈ ನೇಮಕಾತಿಯಲ್ಲಿ ಸಂಪೂರ್ಣವಾಗಿ ಕಡೆಗಣಿಸಲಾಗಿದೆ’ ಎಂದವರು ಅಸಮಧಾನವ್ಯಕ್ತಪಡಿಸಿದ್ದಾರೆ.  
- [ಕೈ ಅಧ್ಯಕ್ಷನ ವಿರುದ್ಧ ಕಮಲ ಕಾರ್ಯಕರ್ತನ ಆಕ್ಷೇಪ](https://mobiletime.in/2026/04/kamala-activist-objects-to-kai-chairman/): ಕಾಂಗ್ರೆಸ್ ರಾಷ್ಟ್ರೀಯ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ವಿರುದ್ಧ ಯಲ್ಲಾಪುರದ ಬಿಜೆಪಿ ಕಾರ್ಯಕರ್ತ ರಜತ್ ಬದ್ದಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರ ಜೊತೆ ಇನ್ನೂ ಅನೇಕರು ಖರ್ಗೆ ವಿರುದ್ಧ ಕಠಿಣ ಕ್ರಮಕ್ಕಾಗಿ ಪೊಲೀಸರ ಮೇಲೆ ಒತ್ತಡ ಹಾಕಿದ್ದಾರೆ. `ಮಲ್ಲಿಕಾರ್ಜುನ ಖರ್ಗೆ ಅವರು ಧಾರ್ಮಿಕ ಭಾವನೆಗೆ ಅಡ್ಡಿ ತರುವ ರೀತಿ ಭಾಷಣ ಮಾಡಿದ್ದಾರೆ’ ಎಂಬುದು ದೂರಿನ ಸಾರಾಂಶ. ಜೊತೆಗೆ `ಆರ್ ಎಸ್ ಎಸ್ ಹಾಗೂ ಬಿಜೆಪಿ ಕಾರ್ಯಕರ್ತರ ವಿರುದ್ಧ ಸೇಡು ತೀರಿಸಿಕೊಳ್ಳುವ ನಿಟ್ಟಿನಲ್ಲಿ ಅವರು ಪ್ರಚೋದನಕಾರಿ ಮಾತನಾಡಿದ್ದಾರೆ. ಅಲ್ಪ ಸಂಖ್ಯಾತರ ಓಲೈಕೆಗಾಗಿ ಬಿಜೆಪಿ ಹಾಗೂ ಆರ್ ಎಸ್ ಎಸ್ ಕಾರ್ಯಕರ್ತರ ಜೀವಕ್ಕೆ ಅಪಾಯ ತರುವ ನಿಟ್ಟಿನಲ್ಲಿ ಹೇಳಿಕೆ ನೀಡಿದ್ದಾರೆ’ ಎಂದವರು ದೂರಿದ್ದಾರೆ. `ಮಲ್ಲಿಕಾರ್ಜುನ ಖರ್ಗೆ ಅವರ ಭಾಷಣದಿಂದ ಹಿಂಸಾಚಾರವಾಗುವ ಸಾಧ್ಯತೆಯಿದೆ. ಈ ಹಿನ್ನಲೆ ಕೂಡಲೇ ಅವರನ್ನು ಬಂಧಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. ವಿನೋದ ತಳ್ಳೇಕರ್, ನಾಗಾರ್ಜುನ ಬದ್ಧಿ, ವಿಠ್ಠು ಶಳಕೆ ಇನ್ನಿತರರು ಪತ್ರಕ್ಕೆ ಸಹಿ ಹಾಕಿದ್ದು, ಬಿಜೆಪಿಯ ಅನೇಕರು ಸೇರಿ ಈ ದೂರನ್ನು ಪೊಲೀಸರಿಗೆ ನೀಡಿದ್ದಾರೆ.
- [PUC ಫಲಿತಾಂಶ: ಅರ್ಜುನ ವಿದ್ಯಾರ್ಥಿಗಳ ಪರಾಕ್ರಮ!](https://mobiletime.in/2026/04/puc-result-the-prowess-of-arjuna-students/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ವಿದ್ಯಾರ್ಥಿಗಳ ಭವಿಷ್ಯ ರೂಪಿಸಿದ ಧಾರವಾಡ ಅರ್ಜುನ ಕಾಲೇಜು ಈ ಬಾರಿಯ ಪಿಯುಸಿ ಫಲಿತಾಂಶದಲ್ಲಿಯೂ ಮಹತ್ವದ ಸಾಧನೆ ಮಾಡಿದೆ. ಈ ಕಾಲೇಜಿನ ಪ್ರವೇಶಪಡೆದಿದ್ದ ಶಿರಸಿಯ ದರ್ಶನ ಭಟ್ಟ ಹಾಗೂ ಯಲ್ಲಾಪುರದ ಪ್ರಣತಿ ಮೆಣಸುಮನೆ ಅವರು ಕ್ರಮವಾಗಿ ರಾಜ್ಯಕ್ಕೆ 8 ಹಾಗೂ 9ನೇ ರ‍್ಯಾಂಕ್ ಪಡೆದಿದ್ದಾರೆ. 600 ಅಂಕದ ಪರೀಕ್ಷೆಯಲ್ಲಿ ದರ್ಶನ್ ಭಟ್ ಅವರು 592 ಅಂಕಗಳಿಸಿದ್ದಾರೆ. ಪ್ರಣತಿ ಮೆಣಸುಮನೆ ಅವರು 591ಅಂಕಪಡೆದಿದ್ದಾರೆ. ಇದರೊಂದಿಗೆ ಈ ಕಾಲೇಜಿನ ವಿದ್ಯಾರ್ಥಿಗಳಾದ ಅನ್ಮೋಲ್ ಪ್ರಭು ಅವರು 588, ಅನ್ನಪೂರ್ಣ ನಾಯ್ಕ್ ಅವರು 585, ಆದರ್ಶ ಆರ್ ಭಟ್ ಅವರು 585, ವಿನೀತ್ ಚೌಹಾನ್ ಅವರು 585, ಅನನ್ಯ ಶಾಸ್ತ್ರಿ ಅವರು 584, ಮಾನ್ಯ ಹೆಗಡೆ ಅವರು 584, ಚಿನ್ಮಯ್ ಶಾನಭಾಗ ಅವರು 584ರ ಅಂಕಪಡೆದು ಕಾಲೇಜಿನ ಕೀರ್ತಿ ಹೆಚ್ಚಿಸಿದ್ದಾರೆ. ಜೊತೆಗೆ ಪ್ರೀತಮ್ ಚವ್ಹಾಣ 584, ಸುಧನ್ವಾ ದೇಶಪಾಂಡೆ 582, ಅನನ್ಯ ಪೂಜಾರ್ 581, ಇಶಾನ ಶಾನಭಾಗ 580, ನಿಧಿ ಹಬ್ಬು 579, ಸಂಜನಾ ಪಂಡಿತ್ 579, ಆದರ್ಶ ಎ ಭಟ್ 578, ಸಿಂಚನಾ ಭಟ್ 578, ವಿಘ್ನೇಶ್ವರ 578, ರೇಣುಕಾ ಪಾಟೀಲ 577, ಸಾಧನಾ ದೇಶಪಾಂಡೆ 577, ದರ್ಶನ್ ನಾಯ್ಕ್ 576, ಕೇದಾರ ಜೋಶಿ 576, ಸಮೀಕ್ಷಾ ಹೆಗಡೆ 576, ಅನೀಶ್ ನಾಯ್ಕ್ 575, ಪ್ರೀತಂ ಯಡಹಳ್ಳಿ 574, ಸುಶಾಂತ್ ಎಂ ನಾಯ್ಕ್ 574, ಆಕಾಶ್ ಎಂ ರಾಥೋಡ್ 573, ಸೃಜನ್ ಪಾಟೀಲ್ 573, ಸಚಿನ್ ಜೋಶಿ 572, ಸತೀಶ್ ಹೆಗಡೆ 572, ಯಶಸ್ವಿನಿ ನೆಗಲೂರು 572, ಅನುಜ್ಞಾ ಗಾಂವ್ಕರ್ 571, ಸುಚೇತ್ ಭಟ್ 571, ಅಪೂರ್ವ ಹೆಗಡೆ 570 ಅಂಕಪಡೆದಿದ್ದಾರೆ. ಇಲ್ಲಿನ 34 ವಿದ್ಯಾರ್ಥಿಗಳು ಶೇ 94ಕ್ಕೂ ಅಧಿಕ ಅಂಕಪಡೆದಿದ್ದಾರೆ. 29 ವಿದ್ಯಾರ್ಥಿಗಳು ಶೇ 90ರ ಮೇಲ್ಪಟ್ಟ ಸಾಧನೆ ಮಾಡಿದ್ದಾರೆ. 108 ವಿದ್ಯಾರ್ಥಿಗಳು ಉನ್ನತ ಶ್ರೇಣಿಯಲ್ಲಿ ಪಾಸಾಗಿದ್ದಾರೆ. ಇದರೊಂದಿಗೆ ಸಂಸ್ಕೃತ ವಿಷಯದಲ್ಲಿ 11 ವಿದ್ಯಾರ್ಥಿಗಳು, ಭೌತಶಾಸ್ತ್ರದಲ್ಲಿ 4, ರಸಾಯನಶಾಸ್ತ್ರದಲ್ಲಿ 1, ಗಣಿತ ಶಾಸ್ತ್ರದಲ್ಲಿ 20, ಗಣP Àಶಾಸ್ತ್ರದಲ್ಲಿ 9, ಜೀವಶಾಸ್ತ್ರದಲ್ಲಿ 2 ಮತ್ತು ಸಂಖ್ಯಾಶಾಸ್ತ್ರದಲ್ಲಿ 5 ವಿದ್ಯಾರ್ಥಿಗಳು 100ಕ್ಕೆ 100ಅಂಕಪಡೆದಿದ್ದಾರೆ. ಈ ಸಾಧನೆ ಹಿಂದೆ ಮಕ್ಕಳ ಶ್ರಮದ ಜೊತೆ ಶಿಕ್ಷಕರ ನಿರಂತರ ಪ್ರಯತ್ನ ಅಡಗಿದೆ ಎಂದು ಪ್ರಾಚಾರ್ಯರು ಹೇಳಿದ್ದಾರೆ. ವಿದ್ಯಾರ್ಥಿಗಳ ಸಾಧನೆಗೆ ಕಾಲೇಜು ಆಡಳಿತ ಮಂಡಳಿ ಹರ್ಷವ್ಯಕ್ತಪಡಿಸಿದೆ.
- [ಹಂದಿ ಎದುರು ಹೆಣವಾದ ಬೈಕ್ ಸವಾರ!](https://mobiletime.in/2026/04/biker-killed-in-front-of-pig/): ಕಾರವಾರದ ನಿವಳೆಯ ನಾಗರಾಜ ಗೌಡ ಅವರು ಹಂದಿಗೆ ಸ್ಕೂಟರ್ ಗುದ್ದಿ ಸಾವನಪ್ಪಿದ್ದಾರೆ. ಅಪಘಾತದ ನಂತರ ಅವರನ್ನು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ನಡೆದರೂ ಪ್ರಯೋಜನವಾಗಿಲ್ಲ. ಕಾರವಾರದ ಮಲ್ಲಾಪುರದ ಬಳಿಯಿರುವ ನಿವಳೆಯಲ್ಲಿ ನಾಗರಾಜ ಗೋವಿಂದ ಗೌಡ (25) ಅವರು ವಾಸವಾಗಿದ್ದರು. ಚಾಲಕರಾಗಿ ಅವರು ಜೀವನ ನಡೆಸುತ್ತಿದ್ದರು. ಬುಧವಾರ ರಾತ್ರಿ ಅವರು ತಮ್ಮ ಸ್ಕೂಟಿಯಲ್ಲಿ ವೈಲವಾಡದಿಂದ ನಿವಳೆ ಕಡೆ ಬರುವಾಗ ಕಾಡು ಹಂದಿ ಬೈಕಿಗೆ ಗುದ್ದಿತು. ನೈತಿಸಾವರದ ಬಳಿ ಈ ಅಪಘಾತ ನಡೆದಿದ್ದು, ಪರಿಣಾಮ ನಾಗರಾಜ ಗೌಡ ಅವರ ಮೂಗಿನಿಂದ ರಕ್ತ ಸುರಿಯಿತು. ಕೈ-ಕಾಲುಗಳಿಗೂ ಗಾಯವಾಯಿತು. ಅಪಘಾತ ನೋಡಿದವರು ನಾಗರಾಜ ಗೌಡ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರು. ತಲೆಗೂ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದ್ದರಿಂದ ನಾಗರಾಜ ಗೌಡ ಅವರು ಬದುಕಲಿಲ್ಲ. ಏಪ್ರಿಲ್ 9ರ ರಾತ್ರಿ ಅವರು ಪ್ರಾಣಬಿಟ್ಟರು. ನಿವಳೆ ಮಾವಿನಜಡ್ಡಿಯ ರೂಪೇಶ ವೆಂಕು ಗೌಡ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಮಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗಟಾರಕ್ಕೆ ಹಾರಿದ ಮ್ಯಾಂಗನೀಸ್ ಲಾರಿ!](https://mobiletime.in/2026/04/manganese-lorry-falls-into-gutter/): ಹೊಸಪೇಟೆಯಿಂದ ಗೋವಾಗೆ ಅದಿರು ಸಾಗಿಸುತ್ತಿದ್ದ ಲಾರಿ ದಾಂಡೇಲಿ ಬಳಿಯ ಆನಮೋಡದಲ್ಲಿ ಅಪಘಾತಕ್ಕೀಡಾಗಿದೆ. ಅರಣ್ಯ ಇಲಾಖೆ ತಪಾಸಣಾ ಕೇoದ್ರದ ಬಳಿಯೇ 16 ಚಕ್ರದ ಲಾರಿ ಚರಂಡಿಗೆ ಬಿದ್ದಿದೆ. ಶುಕ್ರವಾರ ಗೋವಾ – ಬೆಳಗಾವಿ ರಾಷ್ಟ್ರೀಯ ಹೆದ್ದಾರಿಯ ಆನಮೋಡ್ ಮೂಲಕ ಲಾರಿ ಸಂಚರಿಸುತ್ತಿತ್ತು. ಆ ಲಾರಿ ತುಂಬ ಮ್ಯಾಂಗನೀಸ್ ಅದಿರು ತುಂಬಿದ್ದು, ಚೆಕ್ ಪೋಸ್ಟಿನಲ್ಲಿ ಲಾರಿಯ ತಪಾಸಣೆ ನಡೆಯಿತು. ಅದಾದ ನಂತರ ಲಾರಿಯ ಕಾಗದಪತ್ರಗಳಿಗೆ ಅರಣ್ಯ ಇಲಾಖೆ ಮೊಹರು ಹಾಕಿಸುವ ಪದ್ಧತಿಯಿದ್ದು, ಲಾರಿ ಚಾಲಕ ಆ ಪ್ರಕ್ರಿಯೆಗಾಗಿ ತಪಾಸಣಾ ಕೇಂದ್ರದ ಬಳಿ ಹೋಗಿದ್ದರು. ಈ ವೇಳೆ ಆ ಲಾರಿ ಏಕಾಏಕಿ ಹಿಂದೆ ಚಲಿಸಿ ಗಟಾರಕ್ಕೆ ಬಿದ್ದಿತು. ಈ ಅರ್ವಡದಲ್ಲಿ ತಪಾಸಣಾ ಕೇಂದ್ರದ ಗೇಟ್, ಫಾಸ್ಟ್ಟ್ಯಾಗ್ ಯಂತ್ರ, ಸೋಲಾರ್ ಲೈಟ್ ಹಾಗೂ ಸಿಸಿ ಟಿವಿ ಕ್ಯಾಮೆರಾಗಳಿಗೆ ಹಾನಿಯಾಗಿದೆ. ಲಾರಿ ಹಿಂದೆ ಚಲಿಸುವುದನ್ನು ನೋಡಿದ ತಪಾಸಣಾ ಸಿಬ್ಬಂದಿ ತಕ್ಷಣ ಅಲ್ಲಿಂದ ಹಾರಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಅದಾದ ನಂತರ ಲಾರಿ ಗಟಾರಕ್ಕೆ ಸಿಲುಕಿದ್ದು, ಚಾಲಕನ ಜೊತೆ ಅಲ್ಲಿದ್ದ ಸಿಬ್ಬಂದಿ ಪ್ರಯತ್ನಿಸಿದರೂ ಮೇಲೇರಿಸಲು ಸಾಧ್ಯವಾಗಲಿಲ್ಲ. ನಂತರ ಕ್ರೇನ್ ಮೂಲಕ ಲಾರಿ ಮೇಲೆತ್ತುವ ಪ್ರಕ್ರಿಯೆ ನಡೆದಿದೆ.  
- [ಆರ್ಥಿಕ ಅಪರಾತಪರ: ಅಕ್ರಮ ನಡೆಸಿದ ವಿಕ್ರಂ ಸೆರೆ!](https://mobiletime.in/2026/04/financial-offender-vikram-arrested-for-illegal-activities/): ಹಣಕಾಸು ಅವ್ಯವಹಾರ ನಡೆಸಿ ಪರಾರಿಯಾಗಿದ್ದ ಅಂಕೋಲಾದ ಆರೋಪಿ ವಿಕ್ರಮ ಪಂತಾ ಅವರನ್ನು ಕಾರವಾರ ಪೊಲೀಸ್ ಸಿಬ್ಬಂದಿ ಗುರು ನಾಯಕ್ ಅವರು ಹಿಡಿದಿದ್ದಾರೆ. ನಾಲ್ಕು ವರ್ಷಗಳಿಂದ ಪೊಲೀಸರ ಕಣ್ತಪ್ಪಿಸಿಕೊಂಡು ಓಡಾಡುತ್ತಿದ್ದ ವಿಕ್ರಮ ಪಂತಾ ಅವರು ಗುರು ನಾಯಕ್ ಅವರ ಕಣ್ಣಿಗೆ ಬಿದ್ದಿದ್ದರಿಂದ ಜೈಲು ಪಾಲಾಗಿದ್ದಾರೆ. 2022ರಲ್ಲಿ ಕಾರವಾರದಲ್ಲಿ ನಡೆದ ಅಪರಾತಪರದಲ್ಲಿ ಅಂಕೋಲಾ ಅಲಗೇರಿಯ ವಿಕ್ರಮ ಎನ್ ಪಂತ ಅವರು ಮುಖ್ಯ ಆರೋಪಿಯಾಗಿದ್ದರು. ಆರ್ಥಿಕ ಅವ್ಯವಹಾರದಲ್ಲಿ ಭಾಗಿಯಾಗಿದ್ದ ವಿಕ್ರಮ ಪಂತ ಅವರು ನ್ಯಾಯಾಲಯಕ್ಕೆ ಹಾಜರಾಗದೇ ತಪ್ಪಿಸಿಕೊಂಡಿದ್ದರು. ಸಾಕಷ್ಟು ಕಡೆ ಪೊಲೀಸರು ಹುಡುಕಿದರೂ ಸಹ ವಿಕ್ರಮ ಪಂತಾ ಅವರು ಸಿಕ್ಕಿರಲಿಲ್ಲ. ಈ ಹಿನ್ನಲೆ ನ್ಯಾಯಾಲಯ ವಿಕ್ರಮ ಪಂತಾ ಪತ್ತೆಗೆ ವಾರೆಂಟ್ ಜಾರಿ ಮಾಡಿತ್ತು. ನಾಲ್ಕು ವರ್ಷಗಳಿಂದ ತಲೆಮರೆಸಿಕೊಂಡು ಓಡಾಡುತ್ತಿದ್ದ ವಿಕ್ರಮ ಪಂತಾ ಅವರ ಬಂಧನಕ್ಕೆ ಪೊಲೀಸರು ರಹಸ್ಯ ಕಾರ್ಯಾಚರಣೆ ನಡೆಸಿದರು. ಏಪ್ರಿಲ್ 8ರಂದು ವಿಕ್ರಮ ಪಂತಾ ಅವರ ಅಡಗು ತಾಣವನ್ನು ಕಾರವಾರ ಶಹರ ಠಾಣೆ ಪೊಲೀಸರು ಪತ್ತೆ ಮಾಡಿದರು. ಆ ಠಾಣೆಯ ಪೊಲೀಸ್ ಸಿಬ್ಬಂದಿ ಗುರು ನಾಯಕ ಅವರು ತಮ್ಮ ಚಾಣಾಕ್ಷತನದಿಂದ ಆರೋಪಿ ಬಂಧಿಸಲು ಬಲೆ ಬೀಸಿದರು. ಯಾರ ಕೈಗೂ ಸಿಗದೇ ಪರಾರಿಯಾಗುತ್ತಿದ್ದ ವಿಕ್ರಮ ಪಂತಾ ಈ ದಿನ ಪೊಲೀಸರ ಬಲೆಗೆ ಬಿದ್ದರು. ಕೂಡಲೇ ಪೊಲೀಸರು ಆರೋಪಿ ವಿಕ್ರಮ ಪಂತಾ ಅವರನ್ನು ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ಸೈಂಟ್ ಆಂಥೊನಿ ಶಾಲೆ: ಇದೇಂಥ ಸಂಸ್ಕೃತಿ.. ಇದೇಂಥ ಸಭ್ಯತೆ?!](https://mobiletime.in/2026/04/st-anthonys-school-such-a-culture-such-decency/): ವಿದ್ಯಾರ್ಥಿಗಳಿಗೆ ಉತ್ತಮ ಸಂಸ್ಕಾರ-ಶಿಕ್ಷಣ ಕೊಡಿಸಬೇಕು ಎಂದು ಅನೇಕರು ಶಿರಸಿಯ ಸೈಂಟ್ ಆಂಥೊನಿ ಶಾಲೆಗೆ ಮಕ್ಕಳನ್ನು ಕಳುಹಿಸುತ್ತಾರೆ. ಆದರೆ, ಆ ಶಿಕ್ಷಣ ಸಂಸ್ಥೆ ಮಕ್ಕಳಲ್ಲಿ ಶಿಸ್ತು ಮೂಡಿಸುವ ಬದಲು ಧಾರ್ಮಿಕ ಭಾವನೆಗೆ ಅಡ್ಡಿಪಡಿಸುವ ಕಾರ್ಯಕ್ಕೆ ಮುಂದಾದ ಆರೋಪವ್ಯಕ್ತವಾಗಿದೆ. ಶಿರಸಿಯ ಸೈಂಟ್ ಆಂಥೊನಿ ಶಾಲೆ ಹೆಸರಾಂತ ಶಿಕ್ಷಣ ಸಂಸ್ಥೆ. ಹೀಗಾಗಿ ಅನೇಕರು ಜಾತಿ-ಧರ್ಮ ಮೀರಿ ಈ ಶಾಲೆಗೆ ಮಕ್ಕಳನ್ನು ಕಳುಹಿಸುತ್ತಾರೆ. ಆದರೆ, ಇದೀಗ `ಸೈಂಟ್ ಆಂಥೊನಿ ಶಾಲೆಗೆ ಬರುವ ವಿದ್ಯಾರ್ಥಿನಿಯರು ಹಣೆಗೆ ಕುಂಕುಮವಿಡುವ ಹಾಗಿಲ್ಲ. ಕೈಗೆ ಬಳೆ ತೊಡುವ ಹಾಗಿಲ್ಲ. ಹಿಂದೂ ಸಂಪ್ರದಾಯದ ಪ್ರಕಾರ ನಡೆದುಕೊಳ್ಳುವ ಹಾಗಿಲ್ಲ’ ಎಂದು ಅಲ್ಲಿನ ಮುಖ್ಯಾಧ್ಯಾಪಕರು ಫಾರ್ಮಾನು ಹೊರಡಿಸಿದ ಬಗ್ಗೆ ಪಾಲಕರು ದೂರಿದ್ದಾರೆ. ಅಂದ ಹಾಗೇ, ಇಲ್ಲಿನ ಮುಖ್ಯಾಧ್ಯಾಪಕರ ವಿರುದ್ಧ ದೂರು ಕೇಳಿ ಬರುತ್ತಿರುವುದು ಇದೇ ಮೊದಲಲ್ಲ. ಎಲ್ಲಾ ಶಾಲೆಗಳಲ್ಲಿಯೂ ಆವರಣಕ್ಕೆ ಭೇಟಿ ನೀಡುವ ಪಾಲಕರನ್ನು ಅಲ್ಲಿನ ಸಿಬ್ಬಂದಿ ಗೌರವದಿಂದ ನಡೆಸಿಕೊಳ್ಳುತ್ತಾರೆ. ಖುರ್ಚಿ ಹಾಕಿ ಕೂರಿಸಿ ಮಾತನಾಡುತ್ತಾರೆ. ಆದರೆ, ಮೂರು ದಿನಗಳ ಹಿಂದೆ ಪ್ರವೇಶಾತಿ ಮಾಹಿತಿ ಪಡೆಯಲು ಪಾಲಕರೊಬ್ಬರು ಸೈಂಟ್ ಆಂಥೊನಿ ಶಾಲೆಗೆ ಹೋದಾಗ ಅವರಿಗೆ ಅಲ್ಲಿನ ಮುಖ್ಯಾಧ್ಯಾಪಕರು ಅವಮಾನ ಮಾಡಿದ್ದಾರೆ. 20 ನಿಮಿಷಗಳ ಕಾಲ ಪಾಲಕರನ್ನು ಹೊರಗಡೆಯೇ ನಿಲ್ಲಿಸಿ ಮಾತನಾಡಿದ್ದಾರೆ. ಪಾಲಕರು ಹೊರಗೆ ನಿಂತಿರುವುದನ್ನು ನೋಡಿ ಕೊಠಡಿಯೊಳಗೆ ಅವರನ್ನು ಕಳುಹಿಸಿದ ಶಾಲಾ ಸಿಬ್ಬಂದಿಗೆ ಸಹ ಕೆಟ್ಟದಾಗಿ ನಿಂದಿಸಿದ್ದಾರೆ. ಮುಖ್ಯಾಧ್ಯಾಪಕರ ಉದ್ದಟತನದ ವರ್ತನೆಗೆ ಶಾಲೆ ಹೆಸರು ಹಾಳಾಗುತ್ತಿದೆ. ಈ ಶಾಲೆಯಲ್ಲಿ ಶಿಸ್ತಿನ ಹೆಸರಿನಲ್ಲಿ ಅತಿರೇಕದ ವರ್ತನೆ ಹೆಚ್ಚಾದ ಬಗ್ಗೆ ಅನೇಕರು ದೂರಿದ್ದಾರೆ. ವಿದ್ಯಾರ್ಥಿಗಳ ಮೇಲೆ ಒತ್ತಡ ತರುವ ಪ್ರಾಚಾರ್ಯರು ಶಾಲೆಗೆ ಬರುವ ಹೆಣ್ಣು ಮಕ್ಕಳು ಹಿಂದೂ ಸಂಪ್ರದಾಯ ಪಾಲಿಸುತ್ತಿದ್ದರೆ ಅವರನ್ನು ಅವಮಾನ ಮಾಡುತ್ತಿರುವ ದೂರುಗಳಿವೆ. `ಬಳೆ ತೊಡಬಾರದು, ಕಾಲ್ಗಜ್ಜೆ ಧರಿಸಬಾರದು. ಹಣೆಯಲ್ಲಿ ಸಿಂಧೂರವೂ ಇರಬಾರದು’ ಎಂದು ಇಲ್ಲಿ ವಿದ್ಯಾರ್ಥಿನಿಯರಿಗೆ ಫಾರ್ಮಾನು ಹೊರಡಿಸಿದ ಆರೋಪವಿದೆ. ಕಳೆದ ವರ್ಷ ಇದೇ ಶಾಲೆಯಲ್ಲಿ ಮಗುವಿನ ಆರೋಗ್ಯ ಹದಗೆಟ್ಟರೂ ಆ ಮಗುವನ್ನು ಮೂರು ತಾಸು ಕಾಯಿಸಿ ಬಳಿಕ ಆಸ್ಪತ್ರೆಗೆ ಕರೆದೊಯ್ದ ವಿದ್ಯಮಾನವೂ ಇದೀಗ ಚರ್ಚೆಗೆ ಬಂದಿದೆ. `ಪ್ರವೇಶಾತಿ ಪ್ರಕ್ರಿಯೆ ಬಗ್ಗೆ ಮಾಹಿತಿಪಡೆಯಲು ನಾನು ಶಾಲೆಗೆ ಹೋದಾಗ ಮುಖ್ಯಾಧ್ಯಾಪಕರು ಅವಮಾನ ಮಾಡಿದ್ದಾರೆ. ಈ ಬಗ್ಗೆ ಪ್ರಶ್ನಿಸಿದಾಗ ಎಸ್ ಎಸ್ ಎಲ್ ಸಿ ಮೌಲ್ಯಮಾಪನ ನಡೆಯುತ್ತಿದ್ದು, ಆ ಒತ್ತಡದಲ್ಲಿ ಮುಖ್ಯಾಧ್ಯಾಪಕಿ ಪಾಲಕರಿಗೆ ಬೈದಿರುವುದಾಗಿ ಸಂಸ್ಥೆಯವರು ಸಮಜಾಯಿಶೀ ನೀಡಿದ್ದಾರೆ. ಗುರುವಾರ ಮೌಲ್ಯಮಾಪನ ನಡೆಯುವಾಗ ಶಾಲಾ ಆವರಣದಲ್ಲಿ ಐವರು ಅನಾಮಿಕರು ಕೆಲಸ ಮಾಡುತ್ತಿದ್ದು, ಆ ಬಗ್ಗೆಯೂ ತನಿಖೆ ನಡೆಯಬೇಕು’ ಎಂದು ನಾಗರಾಜ ಶೆಟ್ಟಿ ಅವರು ಆಗ್ರಹಿಸಿದ್ದಾರೆ.
- [ಒಬ್ಬರ ಕೊಲೆ: ಮೂವರಿಗೆ ಶಿಕ್ಷೆ!](https://mobiletime.in/2026/04/murder-of-one-three-sentenced/): ಆಸ್ತಿಯಲ್ಲಿ ಪಾಲು ಕೇಳಿದ ಕಾರಣ ಮಗನನ್ನೇ ಕೊಲೆ ಮಾಡಿದ ಅಪ್ಪ-ಅಮ್ಮನ ಜೊತೆ ಅವರ ಮತ್ತೊಬ್ಬ ಮಗನಿಗೂ ನ್ಯಾಯಾಲಯ ಜೀವಾವಧಿ ಜೈಲು ಶಿಕ್ಷೆ ವಿಧಿಸಿದೆ. ಉತ್ತರ ಕನ್ನಡ ಜಿಲ್ಲೆಯ ಹಳಿಯಾಳದ ಬಿದ್ರಳ್ಳಿಯಲ್ಲಿ 2019ರಲ್ಲಿ ಕೇಶವ ಕಿತ್ತೂರಕರ್ ಅವರ ಕೊಲೆ ನಡೆದಿತ್ತು. ಪಾಂಡುರAಗ ಕಿತ್ತೂರಕರ್ ಅವರು ತಮ್ಮ ಪತ್ನಿ ಲತಾ (ತುಳಸಾಯಿ) ಕಿತ್ತೂರಕರ್ ಹಾಗೂ ಕಿರಿಯ ಮಗ ಅಕ್ಷಯ (ಆಕಾಶ) ಕಿತ್ತೂರಕರ್ ಅವರ ಜೊತೆ ಸೇರಿ ಕೇಶವ ಕಿತ್ತೂರಕರ್ ಅವರ ಕೊಲೆ ಮಾಡಿದ್ದರು. ಅದಾದ ನಂತರ ಗಣಪತಿ ಯಲ್ಲಪ್ಪಾ ಕಿತ್ತೂರಕರ್ ಹಾಗೂ ಲಕ್ಷö್ಮಣ ಕೇದಾರಿ ಕಿತ್ತೂರಕರ್ ಎಂಬಾತರ ಸಹಾಯಪಡೆದು ಸಾಕ್ಷಿ ನಾಶದ ಪ್ರಯತ್ನ ಮಾಡಿದ ಆರೋಪದ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಸುಶೀಲಾ ನಾಗೇಂದ್ರ ಕುಲಿ ಎಂಬಾತರು ಈ ಕೊಲೆಯನ್ನು ಕಣ್ಣಾರೆ ನೋಡಿದ್ದು, ಅವರೇ ಪೊಲೀಸ್ ದೂರು ನೀಡಿದ್ದರು. ಕೇಶವ ಕಿತ್ತೂರಕರ್ ಅವರು ಆಸ್ತಿಯಲ್ಲಿ ಭಾಗ ಕೇಳಿದ ಕಾರಣ ಅದನ್ನು ಅಕ್ಷಯ ಕಿತ್ತೂರಕರ್ ಅವರು ಸಹಿಸದೇ ಕೊಲೆ ಮಾಡಿರುವುದು ತನಿಖೆಯಲ್ಲಿ ಗೊತ್ತಾಯಿತು. 2019ರ ಸೆಪ್ಟೆಂಬರ್ 3ರ ಸಂಜೆ ಕೇಶವ ಕಿತ್ತೂರಕರ್ ಅವರ ಕೈಕಾಲು ಕಟ್ಟಿ ಕುಟುಂಬದವರು ಥಳಿಸಿದ್ದರು. ಅಕ್ಷಯ ಕಿತ್ತೂರಕರ್ ಅವರ ಜೊತೆ ಅವರ ತಂದೆ ಪಾಂಡುರAಗ ಕಿತ್ತೂರಕರ್ ಅವರು ತಮ್ಮ ಪತ್ನಿ ಲತಾ ಕಿತ್ತೂರಕರ್ ಅವರು ಸಹ ಮಗನ ಮೇಲೆ ಹಲ್ಲೆ ಮಾಡಿದ್ದರು. ಮನೆಯ ಕಂಬಕ್ಕೆ ಕೇಶವ ಕಿತ್ತೂರಕರ್ ಅವರನ್ನು ಕಟ್ಟಿಹಾಕಿ ಕಟ್ಟಿಗೆಯಿಂದ ಬಡಿದಿದ್ದರು. ಹಗ್ಗದಿಂದ ಅವರ ಕೇಶವ ಕಿತ್ತೂರಕರ್ ಅವರ ಕುತ್ತಿಗೆ ಅದುಮಿ ಕೊಲೆ ಮಾಡಿದ್ದರು. ಅದಾದ ನಂತರ ಗಣಪತಿ ಕಿತ್ತೂರಕರ್ ಹಾಗೂ ಲಕ್ಷö್ಮಣ ಕಿತ್ತೂರಕರ್ ಅವರ ಸಹಾಯಪಡೆದು ಶವದ ಮೇಲಿದ್ದ ಬಟ್ಟೆ ಬದಲಿಸಿ ಸಾಕ್ಷಿ ನಾಶ ಮಾಡಿದ ಆರೋಪದ ಬಗ್ಗೆ ತನಿಖೆ ನಡೆದಿತ್ತು. ಸಮಗ್ರ ವಿಚಾರಣೆ ನಡೆಸಿದ ಅಂದಿನ ಪೊಲೀಸ್ ನಿರೀಕ್ಷಕ ಬಿ ಎಸ್ ಲೋಕಾಪುರ ಅವರು ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು. ಪೊಲೀಸ್ ಸಿಬ್ಬಂದಿ ಹನುಮಂತ ಬರ್ಗಿ ಅವರು ಸಾಕ್ಷಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ದಾಖಲೆಗಳ ಆಧಾರದಲ್ಲಿ ವಾದ ಮಂಡಿಸಿದರು. `ಆಸ್ತಿ ಆಸೆಗಾಗಿ ಸ್ವಂತದವರನ್ನೇ ಕೊಂದವರಿಗೆ ಉಗ್ರ ಶಿಕ್ಷೆ ನೀಡಬೇಕು’ ಎಂದವರು ನ್ಯಾಯಾಲಯಕ್ಕೆ ಮನವಿ ಮಾಡಿದರು. ಶಿರಸಿಯ 1ನೇ ಅಧಿಕ ಜಿಲ್ಲಾ ಮತ್ತು ಸೆಶನ್ಸ್ ನ್ಯಾಯಾಲಯ ಶುಕ್ರವಾರ ಪ್ರಕರಣದ ತೀರ್ಪು ಪ್ರಕಟಿಸಿದ್ದು, ಮೂವರ ಮೇಲಿನ ಆರೋಪ ಸಾಭೀತಾದ ಕಾರಣ ಅವರಿಗೆ ಜೀವಾವಧಿ ಶಿಕ್ಷೆ ವಿಧಿಸಿತು. ಪಾಂಡುರAಗ ಕಿತ್ತೂರಕರ್, ಲತಾ ಕಿತ್ತೂರಕರ್ ಹಾಗೂ ಅಕ್ಷಯ ಕಿತ್ತೂರಕರ್ ಅವರು ಜೈಲು ಪಾಲಾಗುವುದು ಖಚಿತವಾಯಿತು. ಸಾಕ್ಷಿ ಕೊರತೆ ಕಾರಣದಿಂದ ಗಣಪತಿ ಕಿತ್ತೂರಕರ್ ಹಾಗೂ ಲಕ್ಷö್ಮಣ ಕಿತ್ತೂರಕರ್ ಪ್ರಕರಣದಿಂದ ಪಾರಾದರು. ಯಲ್ಲಾಪುರ ಪೀಠಾಸಿನ ನ್ಯಾಯಾಧೀಶರಾದ ಕಿರಣ ಕಿಣಿ ಅವರು ಈ ತೀರ್ಪು ನೀಡಿದರು.
- [ರೋಗಿಯ ನೋವಿಗೆ ಮಿಡಿದ ಹೋಮಿಯೋಪತಿ](https://mobiletime.in/2026/04/homeopathy-that-helped-the-patients-pain/): 18ನೇ ಶತಮಾನದ ಅಂತ್ಯದ ಅವಧಿಯು ವೈದ್ಯಕೀಯ ಇತಿಹಾಸದಲ್ಲಿ ಒಂದು ಕರಾಳ ಪರ್ವವೆಂದೇ ಹೇಳಬಹುದು. ಅಂದು ಚಾಲ್ತಿಯಲ್ಲಿದ್ದ ಚಿಕಿತ್ಸಾ ವಿಧಾನಗಳು ವೈಜ್ಞಾನಿಕ ತಳಹದಿಯಿಲ್ಲದೆ, ರೋಗಿಗಳಿಗೆ ಅತ್ಯಂತ ನೋವು ಮತ್ತು ಹಿಂಸೆ ನೀಡುವಂತಿದ್ದವು. ರೋಗಿಗಳ ದೇಹದಿಂದ ರಕ್ತವನ್ನು ಹೊರತೆಗೆಯುವ ‘ಬ್ಲಡ್‌ಲೆಟಿಂಗ್’ (Bloodletting) ಮತ್ತು ಬಲವಾದ ರಾಸಾಯನಿಕಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ನೀಡುವುದು ಅಂದಿನ ಸಾಮಾನ್ಯ ಪದ್ಧತಿಯಾಗಿತ್ತು. ಈ ವಿಧಾನಗಳಿಂದ ರೋಗಿಗಳು ಗುಣಮುಖರಾಗುವ ಬದಲು ದೈಹಿಕವಾಗಿ ಜರ್ಝರಿತರಾಗುತ್ತಿದ್ದರು. ಇದನ್ನು ಕಂಡು ಮರುಗಿದ ಜರ್ಮನಿಯ ವೈದ್ಯ ಡಾ. ಸ್ಯಾಮ್ಯುಯೆಲ್ ಹಾನಿಮ್ಯಾನ್, ಈ ಕ್ರೂರ ಪದ್ಧತಿಗಳಿಂದ ದೂರವಿರಲು ನಿರ್ಧರಿಸಿ ತಮ್ಮ ವೈದ್ಯಕೀಯ ವೃತ್ತಿಯನ್ನೇ ತ್ಯಜಿಸಿದರು. ವೈದ್ಯಕೀಯ ಅಭ್ಯಾಸ ನಿಲ್ಲಿಸಿದ ನಂತರ ಹಾನಿಮ್ಯಾನ್ ಅವರು ಜೀವನೋಪಾಯಕ್ಕಾಗಿ ವೈದ್ಯಕೀಯ ಗ್ರಂಥಗಳ ಅನುವಾದದಲ್ಲಿ ತೊಡಗಿಸಿಕೊಂಡರು. ಈ ಸಂದರ್ಭದಲ್ಲಿ ಅವರು ಸ್ಕಾಟಿಷ್ ವೈದ್ಯ ವಿಲಿಯಂ ಕಲ್ಲನ್ ಅವರ ಲೇಖನವೊಂದನ್ನು ಅನುವಾದಿಸುವಾಗ, ಮಲೇರಿಯಾ ನಿವಾರಕ ‘ಸಿಂಕೊನಾ ಬಾರ್ಕ್’ (Cinchona Bark) ಬಗ್ಗೆ ಓದಿದರು. ಅದರ ಗುಣಪಡಿಸುವ ಶಕ್ತಿಯ ಬಗ್ಗೆ ಕುತೂಹಲಗೊಂಡ ಅವರು, ಅದನ್ನು ಸ್ವತಃ ತಾವೇ ಸೇವಿಸಿ ಪರೀಕ್ಷಿಸಲು ಮುಂದಾದರು. ಆಶ್ಚರ್ಯವೆಂದರೆ, ಆರೋಗ್ಯವಂತ ವ್ಯಕ್ತಿಯಾಗಿದ್ದ ಹಾನಿಮ್ಯಾನ್ ಅವರಲ್ಲಿ ಆ ಔಷಧವು ಮಲೇರಿಯಾ ರೋಗದಂತಹ ಚಳಿ ಮತ್ತು ಜ್ವರದ ಲಕ್ಷಣಗಳನ್ನು ಉಂಟುಮಾಡಿತು. ಈ ಪ್ರಾಯೋಗಿಕ ಸತ್ಯವು ವೈದ್ಯಕೀಯ ಲೋಕದಲ್ಲಿ ಹೊಸ ಕ್ರಾಂತಿಗೆ ನಾಂದಿ ಹಾಡಿತು. “ಒಂದು ಪದಾರ್ಥವು ಆರೋಗ್ಯವಂತ ವ್ಯಕ್ತಿಯಲ್ಲಿ ಯಾವ ರೋಗದ ಲಕ್ಷಣಗಳನ್ನು ಉಂಟುಮಾಡುತ್ತದೋ, ಅದೇ ಪದಾರ್ಥವು ಅಂತಹದ್ದೇ ಲಕ್ಷಣಗಳನ್ನು ಹೊಂದಿರುವ ರೋಗಿಯನ್ನು ಗುಣಪಡಿಸಬಲ್ಲದು” ಎಂಬ ಅದ್ಭುತ ತತ್ವವನ್ನು ಅವರು ಕಂಡುಕೊಂಡರು. ಇದನ್ನು ಅವರು “ಸಿಮಿಲಿಯಾ ಸಿಮಿಲಿಬಸ್ ಕ್ಯುರೆಂಟರ್” (Similia Similibus Curentur) ಎಂದು ಕರೆದರು. ಇದೇ ತತ್ವವು ಮುಂದೆ ‘ಹೋಮಿಯೋಪತಿ’ ಎಂಬ ನೂತನ ವೈದ್ಯಕೀಯ ಪದ್ಧತಿಯ ಜನ್ಮಕ್ಕೆ ಕಾರಣವಾಯಿತು. ಹಾನಿಮ್ಯಾನ್ ಕೇವಲ ಒಂದು ಸಿದ್ಧಾಂತಕ್ಕೆ ಸೀಮಿತವಾಗಲಿಲ್ಲ. ಅವರು ಪ್ರತಿಯೊಂದು ಔಷಧಿಯನ್ನು ರೋಗಿಗಳಿಗೆ ನೀಡುವ ಮೊದಲು ಅದನ್ನು ಆರೋಗ್ಯವಂತ ಮನುಷ್ಯರ ಮೇಲೆ ಪ್ರಯೋಗಿಸಿ, ಅದರ ಪರಿಣಾಮಗಳನ್ನು ಅತ್ಯಂತ ಸೂಕ್ಷ್ಮವಾಗಿ ದಾಖಲಿಸುತ್ತಿದ್ದರು. ಇದನ್ನು ಅವರು ‘ಔಷಧ ಗುಣಪರೀಕ್ಷೆ’ (Drug Proving) ಎಂದು ಕರೆದರು. ಪ್ರಾಣಿಗಳ ಮೇಲೆ ಪ್ರಯೋಗ ಮಾಡುವುದಕ್ಕಿಂತ ಮಾನವರ ಮೇಲೆ ಪ್ರಯೋಗ ಮಾಡುವುದೇ ಹೆಚ್ಚು ನಿಖರ ಎಂದು ಅವರು ನಂಬಿದ್ದರು. ಈ ಪ್ರಕ್ರಿಯೆಯಲ್ಲಿ ಅವರು ಔಷಧದ ಪ್ರಮಾಣವನ್ನು ಕಡಿಮೆ ಮಾಡುತ್ತಾ ಹೋಗಿ, ಅದರ ಶಕ್ತಿಯನ್ನು ಹೆಚ್ಚಿಸುವ ‘ಪೊಟೆಂಟೈಸೇಶನ್’ ಎಂಬ ವಿಶಿಷ್ಟ ತಂತ್ರವನ್ನು ಕಂಡುಹಿಡಿದರು. ಇದು ಔಷಧಿಗಳಲ್ಲಿನ ವಿಷಕಾರಿ ಅಂಶವನ್ನು ಹೋಗಲಾಡಿಸಿ, ಕೇವಲ ಗುಣಪಡಿಸುವ ಶಕ್ತಿಯನ್ನು ಮಾತ್ರ ಉಳಿಸಿಕೊಳ್ಳಲು ಸಹಕಾರಿಯಾಯಿತು. ಹಾನಿಮ್ಯಾನ್ ಅವರು ಕೇವಲ ರೋಗಕ್ಕಲ್ಲದೆ, ರೋಗಿಯ ಮಾನಸಿಕ ಮತ್ತು ದೈಹಿಕ ಸ್ಥಿತಿಗತಿಗಳನ್ನು ಆಧರಿಸಿ ಚಿಕಿತ್ಸೆ ನೀಡುವ ವಿಧಾನವನ್ನು ಅಭಿವೃದ್ಧಿಪಡಿಸಿದರು. ವೈದ್ಯಕೀಯ ಚಿಕಿತ್ಸೆ ಸುರಕ್ಷಿತವೂ, ಸರಳವೂ ಆಗಿರಬೇಕೆಂಬ ಅವರ ಆಶಯ ಇಂದು ಕೋಟ್ಯಂತರ ಜನರ ಆರೋಗ್ಯ ರಕ್ಷಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ.
- [PUC ಫಲಿತಾಂಶ: ಈ ಏಳು ಕಾಲೇಜಿನ 9 ಮಕ್ಕಳೇ ಜಿಲ್ಲೆಯ ಟಾಪರ್ಸ್](https://mobiletime.in/2026/04/puc-results-9-students-from-these-seven-colleges-are-the-district-toppers/): ಗುರುವಾರ ಪ್ರಕಟವಾದ ಪಿಯುಸಿ ಫಲಿತಾಂಶದಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಏಳು ಕಾಲೇಜಿನ ವಿದ್ಯಾರ್ಥಿಗಳು ಮೊದಲ ಮೂರು ಸ್ಥಾನವನ್ನು ಹಂಚಿಕೊoಡಿದ್ದಾರೆ. ಅದರಲ್ಲಿಯೂ ಶಿರಸಿ ಹಾಗೂ ಭಟ್ಕಳದ ವಿದ್ಯಾರ್ಥಿಗಳು ಪರೀಕ್ಷಾ ಫಲಿತಾಂಶದ ಮೂಲಕ ತಮ್ಮ ಸಾಧನೆ ಪ್ರದರ್ಶಿಸಿದ್ದಾರೆ. ಕಲಾ, ವಾಣಿಜ್ಯ ಹಾಗೂ ವಿಜ್ಞಾನ ವಿಭಾಗದಲ್ಲಿ ಮೊದಲ ಮೂರು ಸ್ಥಾನಪಡೆದವರ ಕಾಲೇಜು ಪರಿಶೀಲಿಸಿದಾಗ ಶಿರಸಿಯ ಎಂಇಎಸ್ ಪಿಯು ಕಾಲೇಜಿನ ವಿದ್ಯಾರ್ಥಿಯೊಬ್ಬರು ವಿಜ್ಞಾನ ವಿಭಾಗದಲ್ಲಿ ಮೊದಲಿಗರಾಗಿದ್ದಾರೆ. ಇದೇ ಕಾಲೇಜಿನ ಮತ್ತೊಬ್ಬ ವಿದ್ಯಾರ್ಥಿ ವಾಣಿಜ್ಯ ವಿಭಾಗದಲ್ಲಿ ದ್ವಿತೀಯ ಸ್ಥಾನಪಡೆದಿದ್ದಾರೆ. ಭಟ್ಕಳದ ಅಂಜುಮಾನ್ ಪಿಯು ಕಾಲೇಜಿನ ವಿದ್ಯಾರ್ಥಿಯೊಬ್ಬರು ಕಲಾ ವಿಭಾಗದಲ್ಲಿ ಮೊದಲ ಸ್ಥಾನಪಡೆದಿದ್ದು, ಇದೇ ಕಾಲೇಜಿನ ಮತ್ತೊಬ್ಬ ವಿದ್ಯಾರ್ಥಿ ವಿಜ್ಞಾನ ವಿಭಾಗದಲ್ಲಿ ದ್ವಿತೀಯ ಸ್ಥಾನಪಡೆದಿದ್ದಾರೆ. ಇದರೊಂದಿಗೆ ಸಿದ್ದಾಪುರದ ಚೇತನಾ ಪಿಯು ಕಾಲೇಜು, ಭಟ್ಕಳದ ನ್ಯೂ ಇಂಗ್ಲಿಷ್ ಪಿಯು ಕಾಲೇಜು, ಸಿದ್ದಾಪುರದ ಚೇತನಾ ಪಿಯು ಕಾಲೇಜು, ಹೊನ್ನಾವರದ ಎಸ್‌ಡಿಎಂ ಪಿಯು ಕಾಲೇಜು, ಕಾರವಾರ ಸರ್ಕಾರಿ ಪಿಯು ಕಾಲೇಜು ಹಾಗೂ ಕುಮಟಾ ಹಿರೇಗುತ್ತಿಯ ಸರ್ಕಾರಿ ಪಿಯು ಕಾಲೇಜಿನ ವಿದ್ಯಾರ್ಥಿಗಳು ಮಹತ್ವದ ಸಾಧನೆ ಮಾಡಿದ್ದಾರೆ. ಕಲಾ ವಿಭಾಗದಲ್ಲಿ ಅಂಜುಮಾನ್ ಪಿಯು ಕಾಲೇಜಿನ ಶಫಾ ಆನಂ 591ರ ಅಂಕಗಳಿಸಿ ಶೇ 98.50ರ ಸಾಧನೆ ಮಾಡಿದ್ದಾರೆ. ಕುಮಟಾ ಹಿರೇಗುತ್ತಿಯ ಸರ್ಕಾರಿ ಕಾಲೇಜಿನ ಜಾಹ್ನವಿ ಮಾಸ್ತಿ ಗೌಡ ಅವರು 587ರ ಅಂಕಗಳಿಸಿ ಶೇ 96.83ರ ಸಾಧನೆ ಮಾಡಿದ್ದಾರೆ. ಕಾರವಾರ ಸರ್ಕಾರಿ ಪಿಯು ಕಾಲೇಜಿನ ಸತೀಶ ವಿನೋದ ನಾಯ್ಕ ಅವರು 585 ಅಂಕಗಳಿಸಿ ಶೇ 97.5ರ ಸಾಧನೆ ಮಾಡಿದ್ದಾರೆ. ವಾಣಿಜ್ಯ ವಿಭಾಗದಲ್ಲಿ ಹೊನ್ನಾವರ ಎಸ್‌ಡಿಎಂ ಪಿಯು ಕಾಲೇಜಿನ ಚಿನ್ಮಯಿ ಮಂಜುನಾಥ ಶೆಟ್ಟಿ ಅವರು 596 ಅಂಕಗಳಿಸಿ ಶೇ 99.33ರ ಸಾಧನೆ ಮಾಡಿದ್ದಾರೆ. ಶಿರಸಿ ಎಂಇಎಸ್ ಪಿಯು ಕಾಲೇಜಿನ ಪ್ರವೀಣ ಭಟ್ಟ ಅವರು 594 ಅಂಕಗಳಿಸಿ ಶೇ 99ರ ಸಾಧನೆ ಮಾಡಿದ್ದಾರೆ. ಭಟ್ಕಳದ ದ ನ್ಯೂ ಇಂಗ್ಲಿಷ್ ಪಿಯು ಕಾಲೇಜಿನ ಸಂಜನಾ ನಾಗಪ್ಪ ನಾಯ್ಕ ಅವರು 593 ಅಂಕಗಳಿಸಿ ಶೇ 98.83ರ ಸಾಧನೆ ಮಾಡಿದ್ದಾರೆ. ವಿಜ್ಞಾನ ವಿಭಾಗದಲ್ಲಿ ಶಿರಸಿ ಎಂಇಎಸ್ ಕಾಲೇಜಿನ ಚೈತನ್ಯ ಜಿ ಹೆಗಡೆ ಅವರು 595ರ ಅಂಕಗಳಿಸಿ ಶೇ 99.16ರ ಸಾಧನೆ ಮಾಡಿದ್ದಾರೆ. ಭಟ್ಕಳ ಅಂಜುಮಾನ್ ಪಿಯು ಕಾಲೇಜಿನ ಮೈಮುನಾ ಆಜಾಬ್ ಅವರು 594 ಅಂಕಗಳಿಸಿ ಶೇ 99ರ ಸಾಧನೆ ಮಾಡಿದ್ದಾರೆ. ಸಿದ್ದಾಪುರದ ಚೇತನಾ ಪಿಯು ಕಾಲೇಜಿನ ರಾಘು ಶರಶ್ಚಂದ್ರ ಹೆಗಡೆ ಅವರು 593 ಅಂಕಗಳಿಸಿ ಶೇ 98ರ ಸಾಧನೆ ಮಾಡಿದ್ದಾರೆ. ರಾಜ್ಯದ ಪಿಯುಸಿ ಫಲಿತಾಂಶದಲ್ಲಿ ಉತ್ತರ ಕನ್ನಡ ಜಿಲ್ಲೆ ಕಳೆದ ಬಾರಿ ನಾಲ್ಕನೇ ಸ್ಥಾನಕ್ಕಿದ್ದು, ಈ ಬಾರಿ 5ನೇ ಸ್ಥಾನಕ್ಕೆ ಏರಿಕೆ ಕಂಡಿದೆ.  
- [ಅರಣ್ಯ ಹಕ್ಕು: ಅಧಿಕಾರಿಗಳು ಎಡವಿದ್ದೆಲ್ಲಿ?](https://mobiletime.in/2026/04/forest-rights-where-did-the-authorities-stumble/): ಅರಣ್ಯ ಹಕ್ಕು ಅರ್ಜಿಗಳ ಮರುಪರಿಶೀಲನೆ ಅವಧಿಯಲ್ಲಿ ಅಧಿಕಾರಿಗಳು ಸಾಕಷ್ಟು ತಪ್ಪು ಮಾಡಿದ್ದಾರೆ. ಆ ಪೈಕಿ ಆರು ತಪ್ಪುಗಳ ಬಗ್ಗೆ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಗಮನಸೆಳೆದಿದ್ದು, ತಪ್ಪು ತಿದ್ದುಪಡಿಗಾಗಿ ಸರ್ಕಾರದ ಗಮನಸೆಳೆದಿದ್ದಾರೆ. `ಮಹಜರ್ ಸಂದರ್ಭದಲ್ಲಿ ಅಧಿಕಾರಿ ತಂಡದೊoದಿಗೆ ಸ್ಥಳೀಯ ಮುಖಂಡರನ್ನು ಸೇರಿಸಿಕೊಳ್ಳದಿರುವುದು ಸಮಿತಿಯ ಮೊದಲ ತಪ್ಪಾಗಿದೆ. ಜಂಟಿ ಮಹಜರ್ ಸರಿಯಾಗಿ ನಡೆಸದಿರುವುದು, ಅಪೂರ್ಣ ಅಂಕಿ-ಅoಶಗಳಿoದ ಕೂಡಿದ ದಾಖಲೆ ಹಾಗೂ ಅರಣ್ಯವಾಸಿಗಳಿಗೆ ಮುಂಚಿತ ಮಾಹಿತಿ ನೀಡದಿರುವುದು ಸಹ ಪ್ರಮುಖ ತಪ್ಪುಗಳಾಗಿವೆ. ಸಾಗುವಳಿ ಮತ್ತು ವಾಸ್ತವ್ಯಕ್ಕೆ ಸಂಭAಧಿಸಿದ ದಾಖಲೆಗಳನ್ನು ಮಹಜರಿನಲ್ಲಿ ಉಲ್ಲೇಖಿಸಿದಿರುವುದು ಸಹ ದೊಡ್ಡ ತಪ್ಪಾಗಿದೆ. ಅಲ್ಪ ಕಂದಾಯ ಭೂಮಿ ಹೊಂದಿ ಅರಣ್ಯ ಭೂಮಿಯ ಮೇಲೆ ಅವಲಂಭಿತರಾಗಿರುವ ಅರಣ್ಯವಾಸಿಗಳ ಪ್ರತ್ಯೇಕ ಮನೆ, ಪ್ರತ್ಯೇಕ ರೇಷನ್ ಕಾರ್ಡ ಹೊಂದಿರುವ ಒಂದೇ ಕುಟುಂಬದ ಒಂದಕ್ಕಿAತ ಹೆಚ್ಚು ಕುಟುಂಬ ಸದಸ್ಯರ ಅರ್ಜಿಯನ್ನು ಮಹಜರ್ ಪ್ರಕ್ರಿಯೆಗೆ ಅಳವಡಿಸದೇ ಸಮಿತಿ ಲೋಪ ಎಸಗಿದೆ. ಇದರೊಂದಿಗೆ ಮಹಜರ್ ಸಂದರ್ಭದಲ್ಲಿ ಅವಶ್ಯ ಅಧಿಕಾರ ವರ್ಗದವರು ಉಪಸ್ಥಿತರಿರಲಿಲ್ಲ. ಜಂಟಿ ಮಹಜರ್ ಪ್ರಕ್ರಿಯೆಯಲ್ಲಿ ತಿರಸ್ಕರಿಸಿದ ಎಲ್ಲಾ ಅರ್ಜಿಗೆ ಸಂಬ0ಧಿಸಿ ಮಹಜರ್ ಗಣನೆಗೆ ತೆಗೆದುಕೊಂಡಿಲ್ಲ. ಜಂಟಿ ಮಹಜರಿಗೆ ಕೆಲವು ಕಡೆ ಅರಣ್ಯವಾಸಿಯ ಸಹಿಯನ್ನು ದಾಖಲಿಸಿಲ್ಲ. ಇದೆಲ್ಲವೂ ಸರ್ಕಾರದ ನೀತಿಗೆ ವ್ಯತಿರಿಕ್ತವಾಗಿ ಜಂಟಿ ಮಹಜರ್ ಪ್ರಕ್ರಿಯೆಯ ನ್ಯೂನ್ಯತೆಯ ಅಂಶಗಳಾಗಿವೆ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ವಿವರಿಸಿದೆ. ಈ ಬಗ್ಗೆ ಶಿರಸಿಯಲ್ಲಿ ಉಪವಿಭಾಗಾಧಿಕಾರಿಗಳಿಗೆ ಪತ್ರವನ್ನು ನೀಡಿದ್ದು, ಅದನ್ನು ದಾಖಲೀಕರಣ ಮಾಡಲಾಗಿದೆ.
- [ಮದುವೆ ಮನೆ | ಸಿಲೆಂಡರ್ ಸ್ವೀಕರಿಸಿದವರಿಗೆ ಸಂಕಷ್ಟ!](https://mobiletime.in/2026/04/wedding-house-trouble-for-those-who-received-the-cylinder/): ರಾಜ್ಯದ ಎಲ್ಲಡೆ ಗ್ಯಾಸ್ ಸಿಲೆಂಡರ್ ಕೊರತೆ ಹೆಚ್ಚಾಗಿದ್ದು, ಈ ನಡುವೆ ಮದುವೆ ಮಕ್ಕಳಿಗೆ ಸಿಲೆಂಡರ್ ಉಡುಗರೆ ನೀಡಿದ ಸುದ್ದಿ ಅಧಿಕಾರಿಗಳನ್ನು ತಬ್ಬಿಬ್ಬು ಮಾಡಿದೆ. ಸಪ್ತಪದಿ ಸಡಗರದಲ್ಲಿ ಉಡುಗರೆಯಾಗಿ ಸಿಕ್ಕ ಸಿಲೆಂಡರ್‌ಪಡೆದ ಜೋಡಿಗೂ ಸಂಕಷ್ಟ ಶುರುವಾಗಿದೆ. ಆ ಸಿಲೆಂಡರ್ ಅರೆಸಿ ಅಧಿಕಾರಿಗಳು ಮದುವೆ ಮನೆಗೆ ಭೇಟಿ ನೀಡಿದ್ದು, ಕುಟುಂಬದವರಿಗೆ ಅಧಿಕಾರಿಗಳು ವಿವಿಧ ಪ್ರಶ್ನೆ ಕೇಳಿದ್ದಾರೆ! ಭಟ್ಕಳ ಶಹರದಲ್ಲಿ ಈಚೆಗೆ ವಿವೇಕ ಮಹಾಲೆ ಹಾಗೂ ನಾಗ ಸಂಧ್ಯಾ ಶಾಂತಿ ಅವರ ಮದುವೆ ನಡೆದಿತ್ತು. ಮದುವೆಗೆ ಆಗಮಿಸಿದ ಆಪ್ತರು ಗ್ಯಾಸ್ ಸಿಲೆಂಡರ್ ಉಡುಗರೆಯಾಗಿ ನೀಡಿದ್ದರು. ಗ್ಯಾಸ್ ಸಿಲೆಂಡರ್ ದರ ಏರಿಕೆ ಹಾಗೂ ದುಬಾರಿ ಹಿನ್ನಲೆ ಅದನ್ನು ಉಡುಗರೆಯಾಗಿ ನೀಡಿ ಸರ್ಕಾರವನ್ನು ಅಣುಕಿಸಿದ್ದರು. ಮೊಬೈಲ್ ಮಿಡಿಯಾ ನೆಟ್‌ವರ್ಕನ mobiletime.in ಸೇರಿ ವಿವಿಧ ಮಾಧ್ಯಮಗಳು ಈ ವರದಿ ಪ್ರಸಾರ ಮಾಡಿದ್ದು, ಅದು ಅಧಿಕಾರಿಗಳಿಗೂ ತಲುಪಿತು. ಸಿಲೆಂಡರ್ ಉಡುಗರೆ ನೀಡಿದ ವಿಷಯ ಅರಿತ ಅಧಿಕಾರಿಗಳು ಆ ಸಿಲೆಂಡರ್ ಮೂಲ ಅರೆಸಿ ಹೊರಟರು. ಈ ವೇಳೆ ಸ್ನೇಹಿತರು ಖಾಲಿ ಸಿಲೆಂಡರ್’ನ್ನು ಅಣಕು ಕಾರ್ಯಾಚರಣೆ ರೀತಿ ಉಡುಗರೆ ಮಾಡಿರುವುದಾಗಿ ಮದು ಮಕ್ಕಳ ಕುಟುಂಬದವರು ವಿವರಿಸಿದರು. ಅದಾಗಿಯೂ, ಆಹಾರ ಮತ್ತು ನಾಗರೀಕ ಸರಬರಾಜು ಮತ್ತು ಗ್ರಾಹಕ ಇಲಾಖೆ ಅಧಿಕಾರಿಗಳು ಈ ಬಗ್ಗೆ ತಲೆಕೆಡಿಸಿಕೊಂಡಿದ್ದು, `ಸಿಲೆಂಡರ್ ಉಡುಗರೆ ನೀಡಿದ್ದು ಯಾರು?’ ಎಂದು ಕುಟುಂಬದವರನ್ನು ಪ್ರಶ್ನಿಸಿದರು. `ನೋಂದಾಯಿತ ಸಿಲೆಂಡರ್’ನ್ನು ಉಡುಗರೆಯಾಗಿ ನೀಡಲಾಗಿದೆಯೇ?’ ಎಂದು ಸಹ ವಿಚಾರಿಸಿದರು. `ಗೃಹ ಬಳಕೆಗಾಗಿಪಡೆದ ಸಿಲೆಂಡರ್’ನ್ನು ಉಡುಗರೆಯಾಗಿ ಬೇರೆಯವರಿಗೆ ನೀಡಲು ಕಾನೂನಿನಲ್ಲಿ ಅವಕಾಶವಿದೆಯೇ?’ ಎನ್ನುವುದರ ಬಗ್ಗೆಯೂ ಅಧಿಕಾರಿಗಳು ಚರ್ಚಿಸಿದರು. ಇದನ್ನು ಓದಿ: ವಧು-ವರರಿಗೆ ಗ್ಯಾಸ್ ಸಿಲೆಂಡರ್ ಉಡುಗರೆ ಕೊನೆಗೆ `ಸಿಲೆಂಡರ್ ಉಡುಗರೆ ಪ್ರಹಸನ ಮನರಂಜನೆಗೆ ಮಾತ್ರ’ ಎಂದು ಕುಟುಂಬದವರು ಮತ್ತೊಮ್ಮೆ ಸಮಜಾಯಿಶೀ ನೀಡಿದರು. `ಪ್ರಸ್ತುತ ಸನ್ನಿವೇಶದಲ್ಲಿ ಸಿಲೆಂಡರ್ ಮಹತ್ವ ವಿವರಿಸಲು ಈ ರೀತಿ ಮಾಡಲಾಗಿದೆ’ ಎಂದು ತಿಳಿಸಿದರು. `ತುಂಬಿದ ಸಿಲೆಂಡರ್ ಬದಲು ಖಾಲಿ ಸಿಲೆಂಡರ್ ಮಾತ್ರ ಉಡುಗರೆ ಪ್ರಹಸನಕ್ಕೆ ಬಳಸಲಾಗಿದೆ’ ಎಂದು ಹೇಳಿದರು. ಈ ಎಲ್ಲಾ ವಿಷಯ ಆಲಿಸಿದ ಅಧಿಕಾರಿಗಳು `ಮೇಲಧಿಕಾರಿಗಳಿಗೆ ವರದಿ ಒಪ್ಪಿಸುವೆ’ ಎಂದು ತಿಳಿಸಿ ಅಲ್ಲಿಂದ ಹೊರಟರು.
- [ಅರಬೈಲ್ ಘಟ್ಟ | ಕಂದಕದ ಅಂಚಿನಲ್ಲಿ ಕರಕಲಾದ ಕಾರು: SP ಭೇಟಿ-ಪರಿಶೀಲನೆ-ಸಮಗ್ರ ತನಿಖೆಗೆ ಸೂಚನೆ!](https://mobiletime.in/2026/04/arabail-ghat-car-crushed-on-the-edge-of-a-ditch-sp-visits-and-inspects/): ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಸಂಚರಿಸುತ್ತಿದ್ದ ಕಾರು ಯಲ್ಲಾಪುರದ ಅರಬೈಲ್ ಘಟ್ಟ ಪ್ರದೇಶದಲ್ಲಿ ಅಗ್ನಿಗೆ ಆಹುತಿಯಾಗಿದ್ದು, ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಈ ವೇಳೆ ಕಾರಿನಲ್ಲಿ ಸುಟ್ಟು ಕರಕಲಾದ ವ್ಯಕ್ತಿಯ ವಿವರವೂ ಗೊತ್ತಾಗಿದೆ. ಬೆಳಗಾವಿ ಕನ್ನಬರಗಿ ರಸ್ತೆಯ ನಿತೀಶ್ ಜಗನ್ನಾಥ ದಾಪಳೆ ಅವರು ಬುಧವಾರ ಈ ಮಾರ್ಗದಲ್ಲಿ ಕಾರು ಓಡಿಸಿಕೊಂಡು ಬಂದಿದ್ದರು. ಅದೇ ಕಾರು ಅರಬೈಲ್ ಬಳಿಯ ತಾಳೆಕುಂಬ್ರಿ ಬಸ್ ನಿಲ್ದಾಣ ಸಮೀಪ ಅಪಘಾತಕ್ಕೀಡಾಗಿತ್ತು. ಕಾರಿನ ವೇಗ ಜಾಸ್ತಿಯಾಗಿರುವುದೇ ಅಪಘಾತಕ್ಕೆ ಕಾರಣ ಎಂಬ ಮಾಹಿತಿಯಿದ್ದು, ಕಾರು ಕಂದಕದ ಕಡೆ ಬಿದ್ದಾಗ ಅದಕ್ಕೆ ಬೆಂಕಿ ತಗುಲಿತು. ಕಾರಿಗೆ ಏಕಾಏಕಿ ಬೆಂಕಿ ತಗುಲಿದ್ದರಿಂದ ಒಳಗಿದ್ದ ವ್ಯಕ್ತಿಗೆ ಹೊರ ಬರುವ ಅವಕಾಶ ಸಿಗಲಿಲ್ಲ. ಹೀಗಾಗಿ ಅದೇ ಕಾರಿನಲ್ಲಿ ಚಾಲಕನ ಆಸನದಲ್ಲಿದ್ದವರು ಸಜೀವವಾಗಿ ದಹನವಾದರು. ವೆಕ್ಸೋವೇಗನ್ ಕಂಪನಿಗೆ ಸೇರಿದ ಕಾರು ಇದಾಗಿದ್ದು, ಕಾರಿನ ಮಾಲಕ ಹಾಗೂ ಸಾವನಪ್ಪಿದವರ ಬಗ್ಗೆ ಪೊಲೀಸರು ವಿಚಾರಣೆ ನಡೆಸಿದರು. ಕಾರಿನ ಒಳಗಿದ್ದ ದೇಹ ಗುರುತು ಸಿಗದಷ್ಟರ ಮಟ್ಟಿಗೆ ಕರಕಲಾಗಿದ್ದು, ಎಲುಬು ಮಾತ್ರ ಕಾಣುವ ಸ್ಥಿತಿಯಲ್ಲಿತ್ತು. ಕಾರಿನ ದಾಖಲೆಗಳು ಸಹ ಸಂಪೂರ್ಣವಾಗಿ ಸುಟ್ಟಿದ್ದವು. ಪ್ರಾಥಮಿಕ ಮಾಹಿತಿ ಪ್ರಕಾರ ನಿತೀಶ್ ದಾಪಳೆ ಅವರೇ ಕಾರು ಓಡಿಸಿಕೊಂಡು ಬಂದಿದ್ದು, ಅವರೇ ಅಲ್ಲಿ ಸಜೀವ ದಹನವಾಗಿರುವ ಶಂಕೆಯಿದೆ. ಕಾರಿನ ನೋಂದಣಿ ಆಧಾರದಲ್ಲಿ ಪೊಲೀಸರು ಮಾಲಕರ ಪತ್ತೆಗೆ ಮುಂದಾದರು. ಬೆಳಗಾವಿಯಿಂದ ಯಲ್ಲಾಪುರಕ್ಕೆ ಬಂದ ಜಗನ್ನಾಥ ದಾಪಳೆ ಅವರು ಕಾರನ್ನು ಗುರುತಿಸಿದರು. `ಇದು ತಮ್ಮ ಮಗನ ಕಾರು’ ಎಂದು ಅವರು ಮಾಹಿತಿ ನೀಡಿದರಾದರೂ ಮಗ ನಿತೀಶ್ ದಾಪಳೆ ಅವರು ಸಾವನಪ್ಪಿರುವುದನ್ನು ಅವರು ಒಪ್ಪಿಕೊಳ್ಳಲು ಸಿದ್ಧವಿರಲಿಲ್ಲ. ಅದಾಗಿಯೂ, ಕಾರು ಸುಟ್ಟಿರುವ ಬಗ್ಗೆ ಜಗನ್ನಾಥ ಪಿಕಳೆ ಅವರು ಪೊಲೀಸ್ ದೂರು ನೀಡಿದರು. ಸಾವನಪ್ಪಿದ ವ್ಯಕ್ತಿ ತಮ್ಮ ಮಗನಾ? ಅಥವಾ ಬೇರೆಯವರಾ? ಎನ್ನುವುದರ ಬಗ್ಗೆ ತನಿಖೆ ನಡೆಸಬೇಕು ಎಂದು ಅವರು ಮನವಿ ಮಾಡಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದು, ಅಧೀನ ಅಧಿಕಾರಿಗಳಿಗೆ ಮಾರ್ಗದರ್ಶನ ಮಾಡಿದರು. ಅದರನ್ವಯ ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಾರು ಅಗ್ನಿ ಅವಘಡಕ್ಕೆ ಒಳಗಾದ ಬಗ್ಗೆ ವಿಚಾರಣೆ ನಡೆಸುತ್ತಿದ್ದಾರೆ.  
- [ಕುಡಿದು ಫೋನ್ ಮಾಡುವವರ ಕಾಟಕ್ಕೆ ಆನಂದ ಅಸ್ನೋಟಿಕರ್ ಸುಸ್ತು!](https://mobiletime.in/2026/04/ananda-asnotikar-is-tired-of-the-menace-of-drunk-phone-calls/): ಶಾಸಕರು-ಸಚಿವರ ಜೊತೆ ಮಾಜಿ ಜನಪ್ರತಿನಿಧಿಗಳ ಬಳಿಯೂ ಜನ ಸಮಸ್ಯೆ ಹೇಳಿ ಬರುವುದು ಸಾಮಾನ್ಯ. ಅನೇಕರು ಫೋನ್ ಮೂಲಕ ತಮ್ಮ ಸಮಸ್ಯೆ ಹೇಳಿ ಅದಕ್ಕೆ ಪರಿಹಾರಪಡೆಯುತ್ತಿದ್ದು, ಮಾಜಿ ಸಚಿವ ಆನಂದ ಅಸ್ನೋಟಿಕರ್ ಅವರಿಗೆ ಕೆಲವರು ಕಂಠಪೂರ್ತಿ ಕುಡಿದು ಫೋನ್ ಮಾಡುತ್ತಿದ್ದಾರೆ! ಕಾರವಾರ ವಿಧಾನಸಭಾ ಕ್ಷೇತ್ರದಿಂದ ಶಾಸಕ ಸ್ಥಾನಕ್ಕೆ ಸ್ಪರ್ಧಿಸಿ ಎಳೆಯ ವಯಸ್ಸಿನಲ್ಲಿಯೇ ಸಚಿವರಾಗಿಯೂ ಅಧಿಕಾರ ಅನುಭವಿಸಿದ ಆನಂದ ಅಸ್ನೋಟಿಕರ್ ಅವರು ಈಗಲೂ ಕ್ಷೇತ್ರದ ಜನರ ಜೊತೆ ಸಂಪರ್ಕದಲ್ಲಿದ್ದಾರೆ. ಜನ ಸಾಮಾನ್ಯರ ಜೊತೆ ಅವರು ಬೆರೆಯುತ್ತಿದ್ದಾರೆ. ಹೀಗಾಗಿ ನಿತ್ಯ ನೂರಾರು ಜನ ಆನಂದ ಅಸ್ನೋಟಿಕರ್ ಅವರ ಬಳಿ ತಮ್ಮ ಸಮಸ್ಯೆ ಹೊತ್ತು ತರುತ್ತಾರೆ. ತಮ್ಮ ರಾಜಕೀಯ ಪ್ರಭಾವದ ಮೂಲಕ ಅವರು ಜನರ ಸಮಸ್ಯೆಗೆ ಪರಿಹಾರ ಒದಗಿಸುತ್ತಿದ್ದಾರೆ. ಈ ಎಲ್ಲದರ ನಡುವೆ ಆನಂದ ಅಸ್ನೋಟಿಕರ್ ಅವರಿಗೆ ಕೆಲವರು ಫೋನ್ ಮಾಡುತ್ತಿದ್ದು, ಕಂಠಪೂರ್ತಿ ಕುಡಿದವರು ಮಾತನಾಡುವ ಸ್ಥಿತಿಯಲ್ಲಿ ಸಹ ಇರುವುದಿಲ್ಲ. ಅದಾಗಿಯೂ, ಆನಂದ ಅಸ್ನೋಟಿಕರ್ ಅವರು ಅಂಥವರನ್ನು ಫೋನ್ ಮೂಲಕವೇ ಸಮಾಧಾನ ಮಾಡುತ್ತಿದ್ದಾರೆ. ಆನಂದ ಅಸ್ನೋಟಿಕರ್ ಅವರು ಸದ್ಯ ಜೆಡಿಎಸ್ ಪಕ್ಷದಲ್ಲಿದ್ದು, ಮಾಜಿ ಮುಖ್ಯಮಂತ್ರಿಯೂ ಆಗಿರುವ ಕೇಂದ್ರ ಸಚಿವ ಎಚ್ ಡಿ ಕುಮಾರಸ್ವಾಮಿ ಅವರ ಜೊತೆ ಒಡನಾಟ ಹೊಂದಿದ್ದಾರೆ. ರಾಜಕಾರಣದ ಆಳ-ಅಗಲದ ಬಗ್ಗೆ ಆನಂದ ಅಸ್ನೋಟಿಕರ್ ಅವರು ಸಾಕಷ್ಟು ಅನುಭವಪಡೆದಿದ್ದಾರೆ. ವಸಂತ ಅಸ್ನೋಟಿಕರ್ ಅವರ ಗರಡಿಯಲ್ಲಿ ಪಳಗಿದ ಕಾರಣ ಆನಂದ ಅಸ್ನೋಟಿಕರ್ ಅವರಿಗೆ ಕ್ಷೇತ್ರದ ಜನರು ಸಹ ಅದೇ ಪ್ರಮಾಣದಲ್ಲಿ ಗೌರವಿಸುತ್ತಿದ್ದು, ತಮ್ಮ ಬಳಿ ಬಂದವರಿಗೆ ಕೈಲಾದ ಮಟ್ಟಿಗೆ ಸಹಾಯ ಮಾಡುವ ಸ್ವಭಾವವನ್ನು ಅವರು ಪಾಲಿಸುತ್ತಿದ್ದಾರೆ. ಹೀಗಾಗಿ ನಿತ್ಯ ನೂರಾರು ಜನ ಆನಂದ ಅಸ್ನೋಟಿಕರ್ ಅವರಲ್ಲಿ ಸಹಾಯ ಕೇಳಿ ಬರುತ್ತಾರೆ. ಹೀಗೆ ಸಹಾಯ ಕೇಳಿ ಬರುವವರಿಂದ ಆನಂದ ಅಸ್ನೋಟಿಕರ್ ಅವರಿಗೆ ಯಾವುದೇ ಸಮಸ್ಯೆ ಆಗಿಲ್ಲ. ಆದರೆ, ಮದ್ಯ ಸೇವಿಸಿ ಪದೇ ಪದೇ ಫೋನ್ ಮಾಡುವವರ ಕಾಟಕ್ಕೆ ಕೊನೆ ಬೀಳುತ್ತಿಲ್ಲ. ಈಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ ಕುಡಿದು ಫೋನ್ ಮಾಡುವವರ ಬಗ್ಗೆ ಆನಂದ ಅಸ್ನೋಟಿಕರ್ ಅವರು ಬಹಿರಂಗವಾಗಿಯೇ ಹೇಳಿದ್ದಾರೆ. ಜೆಡಿಎಸ್ ಕಾರ್ಯಕಾರಣಿ ಸಭೆಯಲ್ಲಿ ತಮ್ಮ ತಾಳ್ಮೆ ಹಾಗೂ ಸಹನೆ ಬಗ್ಗೆ ಮಾತನಾಡಿದ ಆನಂದ ಅಸ್ನೋಟಿಕರ್ ಅವರು `ಕುಡಿದು ಫೋನ್ ಮಾಡುವವರಿಗೆ ಸಹ ತಾನು ಸಮಾಧಾನದಿಂದ ಉತ್ತರಿಸುತ್ತೇನೆ’ ಎಂದಿದ್ದಾರೆ. `ಅಂಥವರು ಸಮಸ್ಯೆ ಹೇಳಿ ಫೋನ್ ಮಾಡಿದರೂ ತನಗೆ ತೊಂದರೆ ಇಲ್ಲ. ಫೋನ್ ಮಾಡಿದವರ ಸಮಸ್ಯೆ ದೂರವಾಗಬೇಕು ಎಂಬುದೇ ತಮ್ಮ ನಿಲುವು. ನಿಮ್ಮೆಲ್ಲರ ಜೊತೆ ತಾನು ಯಾವಾಗಲು ಇರುತ್ತೇನೆ’ ಎಂದು ಆನಂದ ಅಸ್ನೋಟಿಕರ್ ಅವರು ಭಾಷಣದಲ್ಲಿ ಹೇಳಿದ್ದಾರೆ. ಇದರೊಂದಿಗೆ `ಪ್ರತಿ ಬೂತ್ ಮಟ್ಟದಲ್ಲಿಯೂ ಪಕ್ಷ ಸಂಘಟನೆ ಮಾಡಲಾಗುತ್ತದೆ’ ಎಂದವರು ಘೋಷಿಸಿದ್ದಾರೆ.
- [ಕುಮಟಾ ಎಸಿ ಕಚೇರಿ: ಇಲ್ಲಿ ದುಡ್ಡು ಕೊಟ್ಟರೂ ಕೆಲಸ ಆಗಲ್ಲ!](https://mobiletime.in/2026/04/kumta-ac-office-even-if-you-pay-money-here-it-wont-work/): ಕುಮಟಾ ಉಪವಿಭಾಗಾಧಿಕಾರಿ ಕಚೇರಿಯಲ್ಲಿ ದುಡ್ಡು ಕೊಟ್ಟರೂ ಸಮಯಕ್ಕೆ ಸರಿಯಾಗಿ ಕೆಲಸ ಮಾತ್ರ ಆಗುತ್ತಿಲ್ಲ. ಹೀಗಾಗಿ ಹೊಟೇಲ್ ಪರವಾನಿಗೆ ನವೀಕರಣಕ್ಕಾಗಿ ಅರ್ಜಿ ಸಲ್ಲಿಸಿದವರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಗೋಕರ್ಣದಲ್ಲಿ ನೂರಾರು ಹೊಟೇಲುಗಳಿವೆ. ಅನೇಕರು ಅಧಿಕೃತ ಪರವಾನಿಗೆಪಡೆದು ವ್ಯಾಪಾರ-ವಹಿವಾಟು ನಡೆಸುತ್ತಿದ್ದಾರೆ. ಹೀಗಿರುವಾಗ ಹೊಟೇಲ್ ಪರವಾನಿಗೆ ಮುಕ್ತಾಯವಾದ ಕಾರಣ ಕೆಲವರು ನವೀಕರಣಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ಅರ್ಜಿ ಸಲ್ಲಿಕೆ ನಂತರ ಶುಲ್ಕವನ್ನು ಪಾವತಿಸಿದ್ದಾರೆ. ಆದರೆ, ಎರಡು ವರ್ಷ ಕಳೆದರೂ ಹೊಟೇಲ್ ಪರವಾನಿಗೆಗೆ ಸಲ್ಲಿಸಿದ ಅರ್ಜಿ ಮುಂದೆ ಹೋಗಿಲ್ಲ. ಕುಮಟಾ ಉಪವಿಭಾಗಾಧಿಕಾರಿ ಕಚೇರಿ ಸಿಬ್ಬಂದಿ ಬೇಜವಬ್ದಾರಿಯಿಂದ ಕೆಲಸಗಳು ಸರಿಯಾಗಿ ಆಗುತ್ತಿಲ್ಲ ಎಂಬ ಆರೋಪವ್ಯಕ್ತವಾಗಿದೆ. ಇಲ್ಲಿನ ಸಿಬ್ಬಂದಿ ಸರ್ಕಾರಿ ಕೆಲಸ ಮಾಡಿಕೊಡಲು ಅನಗತ್ಯವಾಗಿ ಸತಾಯಿಸುತ್ತಿದ್ದಾರೆ ಎಂದು ಅರ್ಜಿದಾರರು ಆಕ್ಷೇಪಿಸಿದ್ದಾರೆ. ಕೆಲ ಹೊಟೇಲ್ ಮಾಲಕರು ತಮ್ಮಲ್ಲಿ ಮದ್ಯ ಮಾರಾಟವನ್ನು ಮಾಡುತ್ತಿದ್ದು, ಇದಕ್ಕೆ ಅವಕಾಶ ಕೋರಿ ಅಬಕಾರಿ ಇಲಾಖೆಗೆ ಅರ್ಜಿ ಸಲ್ಲಿಸಿದ್ದಾರೆ. ಅಬಕಾರಿ ಇಲಾಖೆಯಿಂದ ಬಹುಬೇಗ ಪರವಾನಿಗೆ ಹಾಗೂ ನವೀಕರಣ ಕೆಲಸ ನಡೆಯುತ್ತಿದೆ. ಆದರೆ, ಕುಮಟಾ ಉಪವಿಭಾಗಾಧಿಕಾರಿ ಕಚೇರಿ ಕಡತಗಳು ಮಾತ್ರ ಎರಡು ವರ್ಷ ಸಾಗಿದರೂ ಟೇಬಲ್ ದಾಟಿ ಮುಂದೆ ಹೋಗುತ್ತಿಲ್ಲ. ಇಲ್ಲಿನ ಅಧಿಕಾರಿಗಳಿಗೆ ಅಧೀನ ಸಿಬ್ಬಂದಿ ಮೇಲೆ ಹಿಡಿತವಿಲ್ಲ. ಅಧಿಕಾರಿಗಳು ಉತ್ತಮವಾಗಿದ್ದರೂ ಸಿಬ್ಬಂದಿ ಲೋಪದಿಂದ ಕೆಲಸ-ಕಾರ್ಯಗಳು ಸರಿಯಾಗಿ ಸಾಗುತ್ತಿಲ್ಲ ಎಂಬುದು ಹೊಟೇಲ್ ಮಾಲಕರ ದೂರು. ಪ್ರತಿಯೊಬ್ಬರು ಪ್ರತಿ ವರ್ಷವೂ ಹೊಟೇಲ್ ನವೀಕರಣ ಮಾಡಿಕೊಳ್ಳುವುದು ಕಡ್ಡಾಯವಾಗಿದ್ದು, ನವೀಕರಣ ಅರ್ಜಿ ಕೊಟ್ಟು ನವೀಕರಣ ಆಗಿ ಬರುವುದರೊಳಗೆ ಮತ್ತೆ ನವೀಕರಣಕ್ಕೆ ಅರ್ಜಿ ಕೊಡುವ ದಿನ ಬರುತ್ತದೆ. ಹೊಟೇಲ್ ಪರವಾನಿಗೆಪಡೆಯುವುದಕ್ಕೆ ಸಹ ಮಾಲಕರು ಅದೇ ಪ್ರಮಾಣದಲ್ಲಿ ಅಲೆದಾಡುವುದು ಅನಿವಾರ್ಯವಾಗಿದೆ ಎಂಬುದು ಉದ್ಯಮಿಗಳ ನೋವು. ಅಧಿಕೃತ ಪರವಾನಿಗೆಪಡೆದು ಉದ್ದಿಮೆ ನಡೆಸುವವರಿಗೆ ನಾನಾ ಬಗೆಯ ನಿಯಮಗಳಿವೆ. ಆದರೆ, ಪರವಾನಿಗೆಪಡೆಯದೇ ಹೊಟೇಲು ನಡೆಸುವವರಿಗೆ ಇದ್ಯಾವ ತಲೆಬಿಸಿಯೂ ಇಲ್ಲ. ಅನಧಿಕೃತ ಹೊಟೇಲುಗಳ ವಿರುದ್ಧ ಅಧಿಕಾರಿಗಳು ಯಾವುದೇ ಕ್ರಮ ಜರುಗಿಸುವುದಿಲ್ಲ ಎಂಬುದು ಉದ್ಯಮಿ ನಾಗರಾಜ ಹಿತ್ತಲಮಕ್ಕಿ ಅವರ ದೂರು. `ಎರಡು ವರ್ಷದ ಹಿಂದೆ ಹೊಟೇಲ್ ಪರವಾನಿಗೆ ನವೀಕರಣಕ್ಕೆ ಶುಲ್ಕ ಪಾವತಿಸಿದ್ದು, ಈವರೆಗೂ ನವೀಕರಣ ನಡೆದಿಲ್ಲ’ ಎಂದವರು ರಸೀದಿ ತೋರಿಸಿದರು.
- [ಅಪರಾತಪರ: ಜೈಲಿಗೆ ಹೋದರೂ ಬುದ್ದಿ ಕಲಿಯದ ಸೊಸೈಟಿ ಕಾರ್ಯದರ್ಶಿ!](https://mobiletime.in/2026/04/innocent-society-secretary-who-didnt-learn-his-lesson-even-after-going-to-jail/): ಕೆಡಿಸಿಸಿ ಬ್ಯಾಂಕ್ ಚುನಾವಣೆಯ ಮೇಲೆಯೂ ಪ್ರಭಾವ ಬೀರಿದ್ದ ಕುಮಟಾ ಬರಗದ್ದೆ ಸೊಸೈಟಿಯ ಅಪರಾತಪರ ಪ್ರಕರಣ ಇನ್ನೊಂದು ತಿರುವುಪಡೆದಿದೆ. ಕುಮಟಾದ ಬರಗದ್ದೆ ಗ್ರಾಮೀಣ ವ್ಯವಸಾಯ ಸೇವಾ ಸಹಕಾರಿ ಸಂಘದ ಅವ್ಯವಹಾರ ಪ್ರಕರಣಕ್ಕೆ ಸಂಬAಧಿಸಿ ಮುಖ್ಯ ಆರೋಪಿ ಲಕ್ಷ್ಮಣ ಎಚ್ ಪಟಗಾರ ಅವರನ್ನು ತನಿಖಾಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಲಕ್ಷ್ಮಣ ಹನುಮಂತ ಪಟಗಾರ ಅವರು ಈ ಸೊಸೈಟಿಯ ಕಾರ್ಯದರ್ಶಿಯಾಗಿದ್ದರು. ರೈತರಿಗೆ ನೀಡಿದ್ದ ಕೋಟ್ಯಂತರ ರೂಪಾಯಿಯ ಬೆಳೆ ಸಾಲ ಹಾಗೂ ಮಾಧ್ಯಮಿಕ ಸಾಲವನ್ನು ಅವರು ದುರುಪಯೋಗಪಡಿಸಿಕೊಂಡಿದ್ದರು. ಇದೇ ಆರೋಪದ ಅಡಿ ಸಿಒಡಿ ಪೊಲೀಸರು ಬುಧವಾರ ಲಕ್ಷ್ಮಣ ಪಟಗಾರ ಅವರನ್ನು ಬಂಧಿಸಿದ್ದಾರೆ. 2017-18ನೇ ಸಾಲಿನಿಂದ 2020-21ರವರೆಗೆ ನಡೆದ 2.31 ಕೋಟಿ ರೂಪಾಯಿಯ ಅವ್ಯವಹಾರದ ಬಗ್ಗೆ ತನಿಖಾಧಿಕಾರಿಗಳು ವಿಚಾರಣೆ ನಡೆಸುತ್ತಿದ್ದಾರೆ. 2011 ರಿಂದ 2020ರವರೆಗೆ ಸಂಘದ ಮುಖ್ಯ ಹುದ್ದೆಯಲ್ಲಿ ಕೆಲಸ ಮಾಡುತ್ತಿದ್ದ ಲಕ್ಷ್ಮಣ ಪಟಗಾರ ಅವರ ವಿರುದ್ಧ ಸಂಘದ ಅಧ್ಯಕ್ಷ ಗಣಪತಿ ಗೋಪಾಲಕೃಷ್ಣ ಹೆಗಡೆ ಅವರು 2023ರಲ್ಲಿ ಕುಮಟಾ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಕೆಡಿಸಿಸಿ ಬ್ಯಾಂಕಿನಿoದ ರೈತರ ಉಳಿತಾಯ ಖಾತೆಗೆ ಜಮೆ ಆಗಬೇಕಿದ್ದ ಹಣ ದುರುಪಯೋಗ ಆದ ಹಿನ್ನಲೆ ಸಂಘದವರೇ ಪಟಗಾರರನ್ನು ಅಮಾನತು ಮಾಡಿದ್ದರು. ಅದಾದ ನಂತರ ಈ ಪ್ರಕರಣ ಸಿಒಡಿ ತನಿಖೆಗೆ ಶಿಫಾರಸ್ಸು ಆಗಿದ್ದು, ಪ್ರಕರಣದ ವಿಚಾರಣೆ ಕೈಗೆತ್ತಿಕೊಂಡ ಬೆಂಗಳೂರು ಸಿಒಡಿ ರವಿ ಸಿ ವಿ ನೇತ್ರತ್ವದ ತಂಡ ನಾಲ್ಕು ದಿನಗಳ ಹಿಂದೆಯೇ ಕುಮಟಾಗೆ ಆಗಮಿಸಿತು. ಬುಧವಾರ ಕುಮಟಾ ಸಿದ್ದನಬಾವಿಯಲ್ಲಿರುವ ಲಕ್ಷ್ಮಣ ಪಟಗಾರ ಅವರ ಮನೆ ಮೇಲೆ ದಾಳಿ ನಡೆಸಿ, ಅಲ್ಲಿಯೇ ಅವರನ್ನು ಬಂಧಿಸಿತು. ಸದ್ಯ ಕುಮಟಾ ನ್ಯಾಯಾಲಯಕ್ಕೆ ಲಕ್ಷ್ಮಣ ಪಟಗಾರ ಅವರನ್ನು ಹಾಜರುಪಡಿಸಲಾಗಿದೆ. ಸರ್ಕಾರಿ ಅಭಿಯೋಜಕ ಗಿರೀಶ ಪಟಗಾರ ಅವರು ವಾದ ಮಂಡಿಸಿ ಆರೋಪಿಯ ವಿಚಾರಣೆಗೆ ಮನವಿ ಮಾಡಿದ್ದು, ನ್ಯಾಯಾಲಯ ಎರಡು ದಿನದ ಪೊಲೀಸ್ ಕಸ್ಟಡಿಗೆ ಒಪ್ಪಿಸಿದೆ. ಈ ಮೊದಲು ಕೆಡಿಸಿಸಿ ಬ್ಯಾಂಕ್ ನಿರ್ದೇಶಕರಾಗಿದ್ದ ಶ್ರೀಧರ ಭಾಗ್ವತ ಅವರು ಲಕ್ಷ್ಮಣ ಪಟಗಾರ ಅವರ ಪರ ಒಲವು ತೋರಿದ ಕಾರಣ ಕೆಡಿಸಿಸಿ ಬ್ಯಾಂಕ್ ಚುನಾವಣೆಯಲ್ಲಿ ಸೋಲು ಅನುಭವಿಸಿದ್ದರು. ಹೀಗಾಗಿ ಕೆಡಿಸಿಸಿ ಬ್ಯಾಂಕ್ ಚುನಾವಣೆಯಲ್ಲಿ ಸಹ ಈ ಪ್ರಕರಣ ಸದ್ದು ಮಾಡಿತ್ತು.
- [ಮರಿ ಪುಡಾರಿಗಳಿಗೆ ನಡುಕ: ಐದು ರೌಡಿಗಳಿಗೆ ಗಡಿಪಾರು ಶಿಕ್ಷೆ!](https://mobiletime.in/2026/04/a-shock-for-the-young-people-five-rowdies-sentenced-to-exile/): ಮುರುಡೇಶ್ವರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಪದೇ ಪದೇ ಅಪರಾಧ ಚಟುವಟಿಕೆ ನಡೆಸುತ್ತಿದ್ದ ಐವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಹೊರ ಹಾಕಲಾಗಿದೆ. ಕಳೆದ ಎರಡು ದಿನದ ಅವಧಿಯಲ್ಲಿ ಐದು ರೌಡಿಗಳಿಗೆ ಪೊಲೀಸರು ನಡುಕ ಹುಟ್ಟಿಸಿದ್ದಾರೆ. ಮುರುಡೇಶ್ವರ ಚಂದ್ರಹಿತ್ಲುವಿನ ಭಾಸ್ಕರ ಮಹಾದೇವ ನಾಯಕ ಅವರು 5 ಕ್ರಿಮಿನಲ್ ಪ್ರಕರಣದಲ್ಲಿ ಭಾಗಿಯಾಗಿದ್ದರು. 40 ವರ್ಷದ ಅವರ ಮೇಲೆ ಪೊಲೀಸರು ಕೆಲ ವರ್ಷದಿಂದ ನಿಗಾವಹಿಸಿದ್ದರು. ಸಾಕಷ್ಟು ಎಚ್ಚರಿಕೆ ನೀಡಿದರೂ ಭಾಸ್ಕರ ನಾಯಕ ಅವರು ಅಪರಾಧ ಚಟುವಟಿಕೆಗಳನ್ನು ಕಡಿಮೆ ಮಾಡಿರಲಿಲ್ಲ. ಚಾಲಕ ವೃತ್ತಿಯ ಜೊತೆ ಅವರು ಅವರಿವರನ್ನು ಬೆದರಿಸುವ ಕಾಯಕವನ್ನು ಮುಂದುವರೆಸಿದ್ದರು. ಈ ಎಲ್ಲಾ ಹಿನ್ನಲೆ ಭಾಸ್ಕರ ನಾಯಕ ಅವರ ಗಡಿಪಾರಿಗೆ ಆದೇಶವಾಗಿದ್ದು, ಭಾಸ್ಕರ ನಾಯಕ ಅವರನ್ನು ಪೊಲೀಸರು ಭಾಗಲಕೋಟೆ ಜಿಲ್ಲೆಯ ನಗನಗರಕ್ಕೆ ಕರೆದೊಯ್ದು ಬಿಟ್ಟು ಬಂದರು. ಮುರುಡೇಶ್ವರ ಬಳಿಯೇ ವ್ಯಾಪಾರ-ವ್ಯವಹಾರ ಮಾಡಿಕೊಂಡಿದ್ದ 36 ವರ್ಷದ ರಾಜು ಮಹಾದೇವ ನಾಯಕ ಅವರು ಸಹ 9 ಕ್ರಿಮಿನಲ್ ಪ್ರಕರಣದಲ್ಲಿ ಆರೋಪಿಯಾಗಿದ್ದರು. ರಾಜು ನಾಯಕ ಅವರಿಗೂ ಪೊಲೀಸರು ಸಾಕಷ್ಟು ತಿಳುವಳಿಕೆ ಮೂಡಿಸಿದ್ದರು. ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾದರೆ ಗಡಿಪಾರು ಮಾಡುವುದಾಗಿ ಎಚ್ಚರಿಕೆಯನ್ನು ನೀಡಿದ್ದರು. ಅದಾಗಿಯೂ, ರಾಜು ನಾಯಕ ಅವರ ವರ್ತನೆಯಲ್ಲಿ ಯಾವುದೇ ಬದಲಾವಣೆ ಆಗಿರಲಿಲ್ಲ. ಊರಿನಲ್ಲಿ ಶಾಂತಿ ಕಾಪಾಡುವ ನಿಟ್ಟಿನಲ್ಲಿ ರಾಜು ನಾಯಕ ಅವರನ್ನು ಸಹ ಗಡಿಪಾರು ಮಾಡಲು ಪೊಲೀಸರು ನಿರ್ಧರಿಸಿದ್ದರು. ಅದರ ಪ್ರಕಾರ, ಭಟ್ಕಳ ಉಪವಿಭಾಗಾಧಿಕಾರಿಗಳಿಗೆ ಶಿಫಾರಸ್ಸು ಮಾಡಿ, ಗಡಿಪಾರು ಆದೇಶಪಡೆದರು. ಸದ್ಯ ರಾಜು ನಾಯಕ ಅವರನ್ನು ಪೊಲೀಸರು ಬೀದರ್ ಜಿಲ್ಲೆಯ ನ್ಯೂಟನ್ ಗ್ರಾಮಕ್ಕೆ ಕರೆದೊಯ್ದು ಅಲ್ಲಿಯೇ ಬಿಟ್ಟು ಬಂದರು. ಮುರುಡೇಶ್ವರ ಚಂದ್ರಹಿತ್ಲುವಿನಲ್ಲಿದ್ದ ಕೇಶವ ಋತಿಕ ಮಹಾದೇವ ನಾಯಕ ಅವರು ತಮ್ಮ 27ನೇ ವಯಸ್ಸಿನಲ್ಲಿಯೇ ಅಪರಾಧ ಲೋಕದಲ್ಲಿ ಹೆಸರುಗಳಿಸಿದ್ದು, 6 ಕ್ರಿಮಿನಲ್ ಪ್ರಕರಣದಲ್ಲಿ ಭಾಗಿಯಾಗಿದ್ದರು. ಸಾಕಷ್ಟು ಬಾರಿ ಪೊಲೀಸರು ಕೇಶವ ಋತಿಕ ನಾಯಕ ಅವರಿಗೂ ಎಚ್ಚರಿಕೆ ನೀಡಿದ್ದರು. ಅಡ್ಡದಾರಿ ಹಿಡಿದಯಂತೆ ಸಾಕಷ್ಟು ಸಲಹೆ ನೀಡಿದ್ದರು. ಅದಾಗಿಯೂ, ಕೇಶವ ಋತಿಕ ಮಹಾದೇವ ನಾಯಕ ಅವರು ಅಪರಾಧ ಚಟುವಟಿಕೆಯಲ್ಲಿ ಮುಂದುವರೆದಿದ್ದು, ಅವರಿಗೆ ಬುದ್ದಿ ಕಲಿಸಲು ಪೊಲೀಸರು ನಿರ್ಧರಿಸಿದ್ದರು. ಗಡಿಪಾರು ಆದೇಶಕ್ಕಾಗಿ ಹಿರಿಯ ಅಧಿಕಾರಿಗಳಲ್ಲಿ ನಿವೇದಿಸಿ, ಅವರನ್ನು ಗದಗ ಜಿಲ್ಲೆಯ ಬೆಟಗೇರಿ ವ್ಯಾಪ್ತಿಗೆ ಗಡಿಪಾರು ಮಾಡಿದರು. ಇದರೊಂದಿಗೆ ರೂಮ್ ಬಾಯ್ ಆಗಿ ಕೆಲಸ ಮಾಡಿಕೊಂಡಿದ್ದ ಬೈಲೂರಿನ ಗಣೇಶ ಬಾಬು ನಾಯಕ ಅವರು ಸಹ ತಮ್ಮ 25 ವರ್ಷದಲ್ಲಿಯೇ ನಾಲ್ಕು ಅಪರಾಧ ಪ್ರಕರಣದಲ್ಲಿ ಭಾಗಿ ಆಗಿದ್ದರು. ಅದರೊಂದಿಗೆ ಮುರುಡೇಶ್ವರ ಕನ್ನಡ ಶಾಲೆ ಬಳಿಯ ಗಣೇಶ ಜಾಕ್ಲಿ ಜಯಂತ ನಾಯಕ ಅವರು ತಮ್ಮ 23 ವರ್ಷದೊಳಗೆ 5 ಕ್ರಿಮಿನಲ್ ಪ್ರಕರಣದಲ್ಲಿ ತೊಡಗಿದ್ದರು. ಈ ಎರಡು ಜನರ ಮೇಲೆ ಪೊಲೀಸರು ನಿಗಾವಹಿಸಿದ್ದು, ಸರ್ಕಾರಿ ದಾಖಲೆಗಳಲ್ಲಿಯೇ ಅವರಿಬ್ಬರನ್ನು ರೌಡಿ ಶೀಟರ್ ಎಂದು ಗುರುತಿಸಿದ್ದರು. ಅವರಿಬ್ಬರ ರಂಪಾಟ ಜಾಸ್ತಿ ಆದ ಹಿನ್ನಲೆ ಇಬ್ಬರನ್ನು ಉತ್ತರ ಕನ್ನಡ ಜಿಲ್ಲೆ ಬಿಟ್ಟು ಹೊರಗೆ ಓಡಿಸಿದರು. ಸದ್ಯ ಗಣೇಶ ನಾಯಕ ಅವರು ವಿಜಯಪುರ ಜಿಲ್ಲೆಯ ಗಾಂಧೀಚೌಕಕ್ಕೆ ಹಾಗೂ ಗಣೇಶ ಜಾಕ್ಲಿ ನಾಯಕ ಅವರು ಕಲಬುರಗಿ ಜಿಲ್ಲೆಯ ಚೌಕ್ ಗ್ರಾಮಕ್ಕೆ ಗಡಿಪಾರು ಆಗಿದ್ದಾರೆ. ಆರು ತಿಂಗಳ ಕಾಲ ಈ ಎಲ್ಲರಿಗೂ ಉತ್ತರ ಕನ್ನಡ ಜಿಲ್ಲೆ ಪ್ರವೇಶಿಸದ ಹಾಗೇ ಸೂಚಿಸಲಾಗಿದೆ. ದುಡಿದು ತಿನ್ನುವ ವಯಸ್ಸಿನಲ್ಲಿಯೇ ಅಡ್ಡದಾರಿಹಿಡಿದು ರೌಡಿ ವರ್ತನೆ ತೋರಿದವರ ಮೇಲೆ ಪೊಲೀಸರು ನಿಗಾವಹಿಸಿದ್ದು, ಕಾನೂನುಬಾಹಿರ ಚಟುವಟಿಕೆ ನಡೆಸುವವರಿಗೆ ಕಠಿಣ ಸಂದೇಶ ರವಾನಿಸಿದ್ದಾರೆ. ಅದಾಗಿಯೂ, ರೌಡಿ ವರ್ತನೆ ಮುಂದುವರೆದರೆ ಗಡಿಪಾರು ಸೇರಿ ಇನ್ನಷ್ಟು ಬಗೆಯ ಕ್ರಮ ಜರುಗಿಸುತ್ತಿದ್ದಾರೆ.
- [ಸಿದ್ದಾಪುರದಿಂದ ಓಡಿದವ ಭಟ್ಕಳದಲ್ಲಿ ಶರಣು: ಕೋರ್ಟು-ಕೇಸಿಗೆ ಹೆದರಿದವನಿಗೆ ಜೈಲು!](https://mobiletime.in/2026/04/a-man-who-fled-from-siddapur-surrenders-in-bhatkal-jail-for-a-man-who-feared-court-case/): ಸಿದ್ದಾಪುರ ಕೋರ್ಟಿಗೆ ಬಂದ ವೇಳೆ ಪೊಲೀಸರ ಕಣ್ತಪ್ಪಿಸಿ ಪರಾರಿಯಾಗಿದ್ದ ಆರೋಪಿ ಮತ್ತೆ ಸಿಕ್ಕಿಬಿದ್ದಿದ್ದು, ಆ ಆರೋಪಿಗೆ ನ್ಯಾಯಾಲಯ ಮತ್ತೆ ಮೂರು ತಿಂಗಳ ಜೈಲು ಶಿಕ್ಷೆ ಪ್ರಕಟಿಸಿದೆ. ಮೂರು ತಿಂಗಳ ಕಾಲ ತಲೆಮರೆಸಿಕೊಂಡಿದ್ದ ಆರೋಪಿಗೆ ಮೂರು ತಿಂಗಳ ಕಾಲ ಜೈಲು ಶಿಕ್ಷೆ ಅನುಭವಿಸುವಂತೆ ನ್ಯಾಯಾಲಯ ಸೂಚಿಸಿದೆ. 2023ರ ಅವಧಿಯಲ್ಲಿ ಸಿದ್ದಾಪುರದಲ್ಲಿ ನಡೆದ ಪ್ರಕರಣವೊಂದರದಲ್ಲಿ ಶಿವಮೊಗ್ಗ ಶಿಕಾರಿಪುರದ ಹಳ್ಳೂರಕೇರಿಯ ಜಿಯಾವುಲ್ಲಾ ಅವರು ಎರಡನೇ ಆರೋಪಿಯಾಗಿದ್ದರು. ಈ ಹಿನ್ನಲೆ ಪೊಲೀಸರು ಜಿಯಾವುಲ್ಲಾ ಅವರನ್ನು ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ನ್ಯಾಯಾಲಯದ ಪೊಲೀಸರ ಕಣ್ತಪ್ಪಿಸಿ ಜಿಯಾವುಲ್ಲಾ ಅಲ್ಲಿಂದ ಪರಾರಿಯಾಗಿದ್ದರು. ಮೂರು ತಿಂಗಳ ಕಾಲ ತಲೆಮರೆಸಿಕೊಂಡಿದ್ದ ಜಿಯಾವುಲ್ಲಾ ಅವರನ್ನು ಪೊಲೀಸರು ಸಾಕಷ್ಟು ಹುಡುಕಾಟ ನಡೆಸಿದರು. ಜಿಯಾವುಲ್ಲಾ ಅವರು ಭಟ್ಕಳದಲ್ಲಿ ಅಡಗಿರುವ ಮಾಹಿತಿ ಆಧರಿಸಿ ಅಲ್ಲಿ ಪೊಲೀಸರು ದಾಳಿ ಮಾಡಿದರು. ಏಪ್ರಿಲ್ 6ರಂದು ಸಿಕ್ಕಿಬಿದ್ದ ಜಿಯಾವುಲ್ಲಾ ಅವರನ್ನು ಪೊಲೀಸರು ಸಿದ್ದಾಪುರ ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಈ ಹಿಂದೆ ನ್ಯಾಯಾಲಯದಿಂದಲೇ ತಪ್ಪಿಸಿಕೊಂಡು ಪರಾರಿಯಾಗಿದನ್ನು ವಿವರಿಸಿದರು. ನ್ಯಾಯಾಲಯದ ಆವರಣದಲ್ಲಿಯೇ ಉದ್ಧಟತನ ತೋರಿದ ಕಾರಣ ಜಿಯಾವುಲ್ಲಾ ಅವರಿಗೆ ನ್ಯಾಯಾಲಯ ಶಿಕ್ಷೆ ವಿಧಿಸಲು ನಿರ್ಧರಿಸಿತು. ಅದರ ಪ್ರಕಾರ ಮೂರು ತಿಂಗಳ ಕಾರಾಗೃಹ ಶಿಕ್ಷೆ ವಿಧಿಸಿ ಆದೇಶ ಹೊರಡಿಸಿತು. ಸಿದ್ದಾಪುರ ಪಿಸೈ ಶಾಂತಿನಾಥ ಪಾಸಾನೆ, ಪೊಲೀಸ್ ಸಿಬ್ಬಂದಿ ಚೇತನಕುಮಾರ, ಅನಿಲ್ ನಾಯ್ಕ, ಪ್ರಸನ್ನ ನಾಯ್ಕ, ಭರತಕುಮಾರ, ಶಶಿಕಾಂತ ಹಾಗೂ ನ್ಯಾಯಾಲಯ ಸಿಬ್ಬಂದಿ ಮೋಹನ ಲಮಾಣಿ ಈ ಕಾರ್ಯಾಚರಣೆ ನಡೆಸಿದ್ದರು.
- [ಅರಬೈಲ್ ಘಟ್ಟ | ಅರೆಬಂದ ಕಾರು-ಕರಕಲಾದ ಶವ!](https://mobiletime.in/2026/04/arabail-ghat-car-collided-with-arabail-a-charred-corpse/): ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಸಂಚರಿಸುತ್ತಿದ್ದ ಕಾರು ಯಲ್ಲಾಪುರದ ಅರಬೈಲ್ ಘಟ್ಟ ಪ್ರದೇಶದಲ್ಲಿ ಅಗ್ನಿಗೆ ಆಹುತಿಯಾಗಿದೆ. ಕಾರು ಓಡಿಸುತ್ತಿದ್ದ ವ್ಯಕ್ತಿಯೊಬ್ಬರು ಅಲ್ಲಿಯೇ ಸುಟ್ಟು ಕರಕಲಾಗಿದ್ದಾರೆ. ಬುಧವಾರ ನಸುಕಿನಲ್ಲಿ ಈ ದುರಂತ ನಡೆದಿದೆ. ಚಲಿಸುತ್ತಿದ್ದ ಕಾರಿಗೆ ಏಕಾಏಕಿ ಬೆಂಕಿ ತಗುಲಿದ್ದು, ಈ ಅವಘಡಕ್ಕೆ ನಿಖರ ಕಾರಣ ಗೊತ್ತಾಗಿಲ್ಲ. ಕಾರು ವೇಗವಾಗಿ ಚಲಿಸುತ್ತಿದ್ದು ಹೆದ್ದಾರಿ ಅಂಚಿಗೆ ಹೋಗಿದೆ. ಕಾರು ಅಪಘಾತಕ್ಕೀಡಾಗಿದ್ದು, ಆ ಅಪಘಾತದ ವೇಳೆಯಲ್ಲಿಯೇ ಅಗ್ನಿ ಸ್ಪರ್ಶವಾಗಿರುವ ಅನುಮಾನವ್ಯಕ್ತವಾಗಿದೆ. ಕಾರಿಗೆ ಏಕಾಏಕಿ ಬೆಂಕಿ ತಗುಲಿದ್ದರಿಂದ ಚಾಲಕನಿಗೆ ಹೊರ ಬರುವ ಅವಕಾಶ ಸಿಗಲಿಲ್ಲ. ಹೀಗಾಗಿ ಅದೇ ಕಾರಿನಲ್ಲಿ ಅವರು ಸಜೀವವಾಗಿ ದಹನವಾಗಿದ್ದಾರೆ. ವೆಕ್ಸೋವೇಗನ್ ಕಂಪನಿಗೆ ಸೇರಿದ ಕಾರು ಇದಾಗಿದ್ದು, ಕಾರಿನ ಮಾಲಕ ಹಾಗೂ ಸಾವನಪ್ಪಿದ ಚಾಲಕನ ಬಗ್ಗೆ ವಿಚಾರಣೆ ನಡೆಯುತ್ತಿದೆ. ಕಾರಿನ ಒಳಗಿದ್ದ ದೇಹ ಗುರುತು ಸಿಗದಷ್ಟರ ಮಟ್ಟಿಗೆ ಕರಕಲಾಗಿದೆ. ಕಾರಿನ ದಾಖಲೆಗಳು ಸಹ ಸುಟ್ಟಿವೆ. ಕಾರು ಹೊತ್ತಿ ಉರಿಯುವುದನ್ನು ನೋಡಿದವರು ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿ ಆಗಮಿಸುವುದರೊಳಗೆ ಕಾರು ಕರಕಲಾಗಿದೆ. ಅದಾದ ನಂತರ ಕಾರಿನ ಒಳಗೆ ವ್ಯಕ್ತಿಯೂ ದಹನವಾಗಿರುವುದು ಗಮನಕ್ಕೆ ಬಂದಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.
- [ವಧು-ವರರಿಗೆ ಗ್ಯಾಸ್ ಸಿಲೆಂಡರ್ ಉಡುಗರೆ!](https://mobiletime.in/2026/04/the-bride-and-groom-are-wearing-gas-cylinders/): ಸಪ್ತಪದಿ ಸಡಗರದಲ್ಲಿರುವ ವಿವೇಕ ಮಹಾಲೆ ಹಾಗೂ ನಾಗ ಸಂಧ್ಯಾ ಶಾಂತಿ ಅವರ ಸಂಕಷ್ಟ ದೂರ ಮಾಡುವುದಕ್ಕಾಗಿ ಅವರ ಸ್ನೇಹಿತರು ಗ್ಯಾಸ್ ಸಿಲೆಂಡರ್ ಉಡುಗರೆಯಾಗಿ ನೀಡಿದ್ದಾರೆ. ರಾಜ್ಯದ ಎಲ್ಲಡೆ ಅಡುಗೆ ಸಿಲೆಂಡರ್ ಸಿಗುವುದೇ ದೊಡ್ಡ ಸಮಸ್ಯೆಯಾಗಿದೆ. ಅದರಲ್ಲಿಯೂ ಮದುವೆ ಹಾಗೂ ಇನ್ನಿತರ ಕಾರ್ಯಕ್ರಮ ನಡೆಸುವವರು ಗ್ಯಾಸ್ ಸಿಗದೇ ಪರದಾಡುತ್ತಿದ್ದಾರೆ. ಅನೇಕ ಹೊಟೇಲಿನವರು ಸಹ ಗ್ಯಾಸ್ ಸಮಸ್ಯೆಯಿಂದ ಹೊಟೇಲ್ ಬಂದ್ ಮಾಡಿದ್ದಾರೆ. ಹೀಗಾಗಿ ಗ್ಯಾಸ್ ಸಿಲೆಂಡರ್ ಪಡೆಯಲು ಎಲ್ಲರೂ ಸಾಲಿನಲ್ಲಿ ನಿಲ್ಲುತ್ತಿದ್ದು, ಈ ವಿಷಯದಲ್ಲಿ ಅನೇಕರು ಅಸಹಾಯಕರಾಗಿದ್ದಾರೆ. ಈ ಎಲ್ಲಾ ವಿಷಯ ಅರಿತ ಭಟ್ಕಳದ ವಿವೇಕ ಮಹಾಲೆ ಅವರ ಸ್ನೇಹಿತರು ವಧು-ವರರಿಗೆ ಗ್ಯಾಸ್ ಸಿಲೆಂಡರ್ ಉಡುಗರೆಯಾಗಿ ನೀಡಿದ್ದಾರೆ. ಅದೇ ಗ್ಯಾಸ್ ಬಳಸಿ ಗೃಹ ಪ್ರವೇಶದ ವೇಳೆ ಶಾಸ್ತೊçÃಕ್ತವಾಗಿ ಹಾಲು ಉಕ್ಕಿಸುವಂತೆ ಕೋರಿದ್ದಾರೆ. ಭಟ್ಕಳ ಶಹರದಲ್ಲಿ ವಿವೇಕ ಮಹಾಲೆ ಮತ್ತು ನಾಗ ಸಂಧ್ಯಾ ಶಾಂತಿ ಅವರ ವಿವಾಹ ಮಹೋತ್ಸವದಲ್ಲಿ ಭಾಗಿಯಾದವರೆಲ್ಲರೂ ಗ್ಯಾಸ್ ಸಿಲೆಂಡರ್ ಉಡುಗರೆಯನ್ನು ವಿಶೇಷವಾಗಿ ನೋಡಿದರು. ಪ್ರಸ್ತುತ ಪರಿಸ್ಥಿತಿಯಲ್ಲಿ ಗ್ಯಾಸ್ ಸಿಲಿಂಡರ್ ಅಪರೂಪದ ವಸ್ತು ಎಂಬoತೆ ಕಾಣಿಸಿಕೊಂಡಿದ್ದು, ಸ್ನೇಹಿತರ ಸಹಾಯವನ್ನು ಆಗಮಿಸಿದವರು ಸ್ಮರಿಸಿದರು. ಕೆಲವರು ಇದನ್ನು ಹಾಸ್ಯದ ರೂಪದಲ್ಲಿಯೂ ನೋಡಿ, ಸದ್ಯದ ಪರಿಸ್ಥಿತಿ ಬಗ್ಗೆ ಮರುಕವ್ಯಕ್ತಪಡಿಸಿದರು.
- [ಮನೆಗೆ ಮರಳದ ಹೆಸ್ಕಾಂ ಸಿಬ್ಬಂದಿ!](https://mobiletime.in/2026/04/hescom-staff-who-did-not-return-home/): ಶಿರಸಿಯ ಹೆಸ್ಕಾಂ ಸಿಬ್ಬಂದಿ ಅಕ್ಷಯ ಕುಲಕರ್ಣಿ ಅವರು ನಿಗೂಢವಾಗಿ ಕಾಣೆಯಾಗಿದ್ದಾರೆ. ಕಳೆದ ಎರಡು ದಿನದಿಂದ ಕುಟುಂಬದವರು ಅಕ್ಷಯ ಕುಲಕರ್ಣಿ ಅವರ ಹುಡುಕಾಟ ನಡೆಸಿದ್ದಾರೆ. ಶಿರಸಿಯ ಚಿಪಗಿ ಬಳಿಯ ಜವಳಗುಂಡಿಯಲ್ಲಿ ಅಕ್ಷಯ ಕೃಷ್ಣಮೂರ್ತಿ ಕುಲಕರ್ಣಿ ಅವರು ವಾಸವಾಗಿದ್ದರು. 33 ವರ್ಷದ ಅವರು ಹೆಸ್ಕಾಂ ಮೀಟರ್ ರೀಡಿಂಗ್ ಕೆಲಸ ಮಾಡುತ್ತಿದ್ದರು. ಏಪ್ರಿಲ್ 6ರ ಮಧ್ಯಾಹ್ನ 3ಗಂಟೆಯವರೆಗೂ ಮನೆಯಲ್ಲಿದ್ದ ಅವರು ನಂತರ ಮನೆಯಿಂದ ಹೊರ ಹೋಗಿದ್ದರು. ಆದರೆ, ಅವರು ಮತ್ತೆ ಮನೆಗೆ ಬರಲಿಲ್ಲ. ಅಣ್ಣ ಮನೆಗೆ ಬಾರದ ಕಾರಣ ಆಕಾಶ ಕುಲಕರ್ಣಿ ಅವರು ಆತಂಕಕ್ಕೆ ಒಳಗಾದರು. ಸ್ನೇಹಿತರು-ಸಂಬAಧಿಕರಿಗೆ ಫೋನ್ ಮಾಡಿಯೂ ಅವರು ಸಹೋದರನ ಬಗ್ಗೆ ವಿಚಾರಿಸಿದರು. ಆದರೆ, ಅಕ್ಷಯ ಕುಲಕರ್ಣಿ ಅವರ ಬಗ್ಗೆ ಯಾವುದೇ ಮಾಹಿತಿ ಸಿಗಲಿಲ್ಲ. ಚಿಪಗಿ ಜವಳಗುಂಡಿಯಲ್ಲಿರುವ ಮನೆಯಿಂದ ಹೊರಹೋದ ಅಕ್ಷಯ ಕುಲಕರ್ಣಿ ಅವರು ಮನೆಗೆ ಬಾರದ ಕಾರಣ ಅಕ್ಷಯ ಕುಲಕರ್ಣಿ ಅವರು ಪೊಲೀಸರ ಮೊರೆ ಹೋದರು. ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಅಕ್ಷಯ ಕುಲಕರ್ಣಿ ಅವರ ಹುಡುಕಾಟ ನಡೆಸಿದ್ದಾರೆ.  
- [ಕೋಟ್ಯಾಧೀಶ ಕಮಲಾಕರನ ಕಾಮ ಪುರಾಣ: ಕೊಲೆ ಕೇಸಿನ ಆರೋಪಿಗೆ ಮತ್ತೊಂದು ಸಂಕಷ್ಟ!](https://mobiletime.in/2026/04/billionaire-kamalakars-kama-purana-another-trouble-for-the-accused-in-the-murder-case/): ಅಕ್ರಮ ಸಂಬoಧ ಉಳಿಸಿಕೊಳ್ಳುವುದಕ್ಕಾಗಿ ಪ್ರೇಯಸಿಯ ಪತಿಯನ್ನ ಕೊಲೆ ಮಾಡುವ ಹಂತಕ್ಕೆ ಹೋಗಿದ್ದ ಸಿದ್ದಾಪುರದ ಜ್ಯೋತಿಷಿ ಕಮಲಾಕರ ಭಟ್ಟ ಜೈಲು ಸೇರಿ ತಿಂಗಳು ಕಳೆದಿದೆ. ಈ ನಡುವೆ ಕಮಲಾಕರ ಭಟ್ಟ ವಿರುದ್ಧ ಅಪ್ರಾಪ್ತೆಯ ವಿರುದ್ಧ ಅತ್ಯಾಚಾರ ಪ್ರಕರಣವೂ ದಾಖಲಾಗಿದ್ದು, ಈ ಪ್ರಕರಣ ಕಮಲಾಕರ ಭಟ್ಟರ ಪಾಲಿಗೆ ಮತ್ತೊಂದು ಸಂಕಷ್ಟ ಎದುರಾಗಿದೆ. . ಸಿದ್ದಾಪುರದ ವಸಂತ ನಾಯ್ಕ ಹತ್ಯೆ ಪ್ರಕರಣದ ಜ್ಯೋತಿಷಿ ಕಮಲಾಕರ್ ಭಟ್ ಜೈಲು ಸೇರಿದ್ದಾರೆ. ಶಿವಮೊಗ್ಗದಲ್ಲಿಯೂ ಕಮಲಾಕರ ಭಟ್ಟ ವಿರುದ್ಧ ಪೋಕ್ಸೋ ಪ್ರಕರಣ ದಾಖಲಾಗಿದ್ದು, ಈ ಪ್ರಕರಣದ ವಿಷಯವಾಗಿ ಅಲ್ಲಿನ ಪೊಲೀಸರು ಕಮಲಾಕರ ಭಟ್ಟರನ್ನು ವಶಕ್ಕೆಪಡೆದಿದ್ದಾರೆ. ಅಪ್ರಾಪ್ತೆಯ ಹೇಳಿಕೆಯನ್ನು ಪಡೆದಿರುವ ಪೊಲೀಸರು ಅದೇ ವಿಷಯವಾಗಿ ಕಮಲಾಕರ ಭಟ್ಟರನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪೋಕ್ಸೋ ಪ್ರಕರಣ ದಾಖಲಾಗಿದ್ದರೂ, ತನಿಖಾ ಹಿತದೃಷ್ಟಿಯಿಂದ ಅದನ್ನು ಶಿವಮೊಗ್ಗಕ್ಕೆ ವರ್ಗಾವಣೆ ಮಾಡಲಾಗಿತ್ತು. ಪ್ರಕರಣದ ವಿಚಾರಣೆ ನಡೆಸಿದ ಶಿವಮೊಗ್ಗ ನ್ಯಾಯಾಲಯ ಆರೋಪಿಯನ್ನು ಎರಡು ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ಒಪ್ಪಿಸಿ ಮಹತ್ವದ ಆದೇಶ ಹೊರಡಿಸಿದೆ. ನ್ಯಾಯಾಲಯದ ಆದೇಶದ ಬೆನ್ನಲ್ಲೇ ಕಾರವಾರ ಜೈಲಿನಲ್ಲಿದ್ದ ಕಮಲಾಕರ್ ಭಟ್ ಅವರನ್ನು ಶಿವಮೊಗ್ಗಕ್ಕೆ ಕರೆದುಕೊಂಡು ಹೋಗಲಾಗಿದೆ. ಪೊಲೀಸರು ಶಿವಮೊಗ್ಗದ ನ್ಯಾಯಾಲಯಕ್ಕೆ ಆರೋಪಿಯನ್ನು ಹಾಜರುಪಡಿಸಿದ್ದು, ವಿಚಾರಣೆಗಾಗಿ ನ್ಯಾಯಾಲಯ ಅನುಮತಿ ನೀಡಿದೆ. ವಸಂತ್ ನಾಯ್ಕ ಕೊಲೆ ಪ್ರಕರಣದಲ್ಲಿಯೂ ಆರೋಪಿಯಾಗಿರುವ ಕಮಲಾಕರ್ ಭಟ್ ವಿರುದ್ಧ ವಿವಿಧ ಪ್ರಕರಣಗಳು ದಾಖಲಾಗಿದ್ದು, ಈಗ ಪೋಕ್ಸೋ ಪ್ರಕರಣದ ತನಿಖೆ ಮತ್ತಷ್ಟು ಗಂಭೀರಗೊAಡಿದೆ. ಸದ್ಯ ಎರಡು ದಿನಗಳ ಪೊಲೀಸ್ ಕಸ್ಟಡಿಗೆ ತೆಗೆದುಕೊಂಡಿರುವ ಪೊಲೀಸರು ಆರೋಪಿ ಕಮಲಾಕರ ಭಟ್‌ನಿಂದ ಇನ್ನೂ ಹೆಚ್ಚಿನ ಮಾಹಿತಿ ಕಲೆ ಹಾಕುತ್ತಿದ್ದಾರೆ. ಈ ಎಲ್ಲದರ ನಡುವೆ ಕಮಲಾಕರ ಭಟ್ಟ ಅವರು ಔಷಧಿ ಇಲ್ಲದ ರೋಗದಿಂದ ಬಳಲುತ್ತಿರುವ ಬಗ್ಗೆಯೂ ಮಾಹಿತಿ ಲಭಿಸಿದೆ.
- [ಸೊಸೈಟಿ ಆವರಣದಲ್ಲಿ ಹೊಡೆದಾಟ!](https://mobiletime.in/2026/04/fight-in-the-society-premises/): ಹಳಿಯಾಳದ ಕೆಕೆ ಹಳ್ಳಿ ಗ್ರಾಮದಲ್ಲಿರುವ ಸತ್ಯಪುರುಷ ವಿವಿದೋದ್ಧೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘಕ್ಕೆ ಹೋಗಿದ್ದ ನಾಗರಾಜ ಗೌಡ ಅವರ ಮೇಲೆ ದಾಳಿ ನಡೆದಿದೆ. ಸಂಘದ ಕೋಣೆಯಲ್ಲಿ ಬಂಧಿಸಿ ಬೆಂಕಿ ಹಾಕುವುದಾಗಿ ಇಬ್ಬರು ಅವರನ್ನು ಬೆದರಿಸಿದ್ದಾರೆ. ಹಳಿಯಾಳದ ಮುರ್ಕವಾಡ ಗ್ರಾಮದಲ್ಲಿ ನಾಗರಾಜ ಅರ್ಜುನ ಗೌಡ ಅವರು ವಾಸವಾಗಿದ್ದಾರೆ. ರೈತರಾಗಿ ಬದುಕು ಕಟ್ಟಿಕೊಂಡಿರುವ ಅವರು ಕೆಕೆ ಹಳ್ಳಿ ಗ್ರಾಮದಲ್ಲಿರುವ ಸತ್ಯಪುರುಷ ವಿವಿದೋದ್ಧೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘದ ಮಹತ್ವದ ಜವಾಬ್ದಾರಿಗಳನ್ನು ನಿಭಾಯಿಸುತ್ತಿದ್ದಾರೆ. ಆಡಳಿತ ವಿಷಯದ ಮಾತುಕಥೆಗಾಗಿ ಅವರು ಆಗಾಗ ಸೊಸೈಟಿಗೆ ಭೇಟಿ ನೀಡುತ್ತಿದ್ದು, ಸೊಸೈಟಿಗೆ ಹೋಗಿದ್ದ ಅವರನ್ನು ಆಗಂತುಕರಿಬ್ಬರು ಅಡ್ಡಗಟ್ಟಿದ್ದಾರೆ. ಮುಗುದಕೊಪ್ಪದ ರಾಮು ಕಲ್ಲಪ್ಪ ಸುಣಗಾರ ಹಾಗೂ ಮುರ್ಕವಾಡದ ಆಂಜಿನೇಯ ವೆಂಕಪ್ಪ ಆಕಳವಾಡ ಸೇರಿ ನಾಗರಾಜ ಗೌಡ ಅವರನ್ನು ಹಿಡಿದು ಥಳಿಸಿದ್ದಾರೆ. ರಾಮು ಸುಣಗಾರ್ ಹಾಗೂ ಆಂಜಿನೇಯ ಆಕಳವಾಡ ಅವರು ನಾಗರಾಜ ಗೌಡ ಅವರ ಮೇಲೆ ಹಲ್ಲೆ ನಡೆಸಲು ಕಾರಣ ಏನು? ಎಂಬುದು ಗೊತ್ತಾಗಿಲ್ಲ. ಥಳಿಸಲು ಶುರು ಮಾಡಿದವರು ಸೂಕ್ತ ಕಾರಣವನ್ನು ಸಹ ಹೇಳಲಿಲ್ಲ. `ಸಂಘದ ಕೋಣೆಯಲ್ಲಿ ತುಂಬಿ ಬೆಂಕಿ ಹಾಕುವೆ’ ಎಂದು ಅವರಿಬ್ಬರು ನಾಗರಾಜ ಗೌಡ ಅವರಿಗೆ ಬೆದರಿಸಿದ್ದಾರೆ. ತಮ್ಮ ಮೇಲಾದ ದಾಳಿಯ ಬಗ್ಗೆ ನಾಗರಾಜ ಗೌಡ ಅವರು ಸಂಘದ ಇನ್ನಿತರ ನಿರ್ದೇಶಕರು ಹಾಗೂ ಕುಟುಂಬದವರ ಜೊತೆ ಚರ್ಚಿಸಿದ್ದಾರೆ. ಅದಾದ ನಂತರ ಅವರು ಪೊಲೀಸ್ ದೂರು ನೀಡಿದ್ದಾರೆ. ಹಳಿಯಾಳ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.
- [ವೈದ್ಯೆ ಅಪಹರಣ ಪ್ರಯತ್ನ: ಕೊಲೆಗೆ ಯತ್ನ!](https://mobiletime.in/2026/04/attempted-kidnapping-of-a-doctor-attempted-murder/): ಅಕ್ರಮ ಮರಳುಗಾರಿಕೆ ವಿರುದ್ಧ ಧ್ವನಿ ಎತ್ತಿದ ಕಾರಣ ದುಷ್ಕರ್ಮಿಗಳು ವೈದ್ಯೆ ಹಾಗೂ ಅವರ ಪತಿ ವಿರುದ್ಧ ದ್ವೇಷ ಸಾಧಿಸಿದ್ದಾರೆ. ಕಾರವಾರದ ಸದಾಶಿವಗಡದ ಬಳಿ ವೈದ್ಯೆಯ ಅಪಹರಣ ಪ್ರಯತ್ನ ನಡೆದಿದ್ದು, ನಂತರ ಅವರ ಕೊಲೆ ಪ್ರಯತ್ನವೂ ನಡೆದಿದೆ. ಈ ವೇಳೆ ವೈದ್ಯೆ ಸುಮಾ ಪಡವಾಳಕರ್ ಅವರ ಜೊತೆ ಅವರ ಪತಿ ಪ್ರಶಾಂತ ಗೋವೇಕರ್ ಅವರನ್ನು ಸಹ ಎದುರಾಳಿಗಳು ಹಿಡಿದು ಥಳಿಸಿದ್ದಾರೆ. ಪ್ರಶಾಂತ ದತ್ತಾರಾಮ ಗೋವೇಕರ್ ಅವರು ಕಾರವಾರ ತಾಲೂಕು ಪಂಚಾಯತ ಮಾಜಿ ಸದಸ್ಯರಾಗಿದ್ದಾರೆ. ಕಾರವಾರದಲ್ಲಿ ಮಿತಿ ಮೀರಿ ಅಕ್ರಮ ಮರಳುಗಾರಿಕೆ ನಡೆಯುತ್ತಿದ್ದು, ಅದರ ವಿರುದ್ಧ ಅವರು ಧ್ವನಿ ಎತ್ತಿದ್ದಾರೆ. ಮರಳುಗಾರಿಕೆ ಮಾಡುವವರ ವಿರುದ್ಧ ದೂರು ನೀಡಿದ ಕಾರಣ ಅವರ ಮೇಲೆ ಈ ಹಿಂದೆಯೂ ದಾಳಿ ನಡೆದಿದ್ದು, ಇದೀಗ ಅವರ ಕುಟುಂಬವನ್ನು ಗುರಿಯಾಗಿರಿಸಿಕೊಂಡು ಆಕ್ರಮಣ ನಡೆದಿದೆ. ಏಪ್ರಿಲ್ 6ರಂದು ಗೋವಾ ನೋಂದಣಿಯ ಕಾರಿನಲ್ಲಿ ಬಂದ ಮೂವರು ಪ್ರಶಾಂತ ಗೋವೇಕರ್ ಹಾಗೂ ಅವರ ಪತ್ನಿ ಸುಮಾ ಪಡವಾಳಕರ್ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಕಾರವಾರದ ಸದಾಶಿವಗಡ ಬಳಿಯ ಕಣಸಗಿರಿಯ ಮಾದೇವ ದೇವಾಲಯ ಹತ್ತಿರ ಸುಮಾ ಪಡವಾಳಕರ್ ಅವರು ವಾಸವಾಗಿದ್ದಾರೆ. ಕಾರವಾರದ ಜ್ನಾನೇಶ್ವರ ಕೋಳಂಬಕರ್, ವಿಶಾಲ ಕೋಳಂಬಕರ್ ಹಾಗೂ ದರ್ಶನ್ ಕೋಳಂಬಕರ್ ಎಂಬಾತರು ತಮ್ಮ ಅಪಹರಣಕ್ಕೆ ಪ್ರಯತ್ನ ಮಾಡಿರುವುದಾಗಿ ಅವರು ದೂರಿದ್ದಾರೆ. `ಸದಾಶಿವಗಡದ ತಾರಿವಾಡದಿಂದ ಅಪಹರಣ ಪ್ರಯತ್ನ ನಡೆದಿದ್ದು, ಅದು ಸಾಧ್ಯವಾಗದೇ ಇದ್ದಾಗ ಕೊಲೆ ಪ್ರಯತ್ನ ಮಾಡಿದ್ದಾರೆ. ಅದು ಆಗದಿದ್ದಾಗ ಹಲ್ಲೆ ಮಾಡಿ ಪರಾರಿಯಾಗಿದ್ದಾರೆ’ ಎಂದವರು ವಿವರಿಸಿದ್ದಾರೆ. ಈ ವೇಳೆ ಪ್ರಶಾಂತ ಗೋವೇಕರ್ ಅವರ ಮೇಲೆಯೂ ಹಲ್ಲೆ ನಡೆದಿದ್ದು, ಪ್ರಶಾಂತ ಗೋವೇಕರ್ ಅವರು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ವೈದ್ಯೆ ಸುಮಾ ಪಡವಾಳಕರ್ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದು ಮನೆಗೆ ಮರಳಿದ್ದಾರೆ. ತಮ್ಮ ಮೇಲೆ ನಡೆದ ದಾಳಿಯ ಬಗ್ಗೆ ಸುಮಾ ಪಡವಾಳಕರ್ ಅವರು ಪೊಲೀಸ್ ದೂರು ನೀಡಿದ್ದಾರೆ. ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಗೋವಾ ನೋಂದಣಿಯ ಕಾರನ್ನು ವಶಕ್ಕೆಪಡೆದಿದ್ದಾರೆ. ಹಲ್ಲೆ ನಡೆಸಿದವರಿಗಾಗಿ ಪೊಲೀಸರು ಶೋಧ ಶುರು ಮಾಡಿದ್ದಾರೆ. `ಅಕ್ರಮ ಮರಳುಗಾರಿಕೆ ವಿರುದ್ಧ ಹೋರಾಟ ನಡೆಸಿದ ಕಾರಣ ತಮ್ಮ ಮೇಲೆ ದಾಳಿ ನಡೆದಿದೆ. ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮವಾಗಬೇಕು’ ಎಂದು ಪ್ರಶಾಂತ ಗೋವೇಕರ್ ಅವರು ಆಗ್ರಹಿಸಿದ್ದಾರೆ.
- [ಮದುವೆ-ಮುಂಜಿಗೆ ಹೋದವರಿಗೆ ಹೊಟ್ಟೆನೋವು!](https://mobiletime.in/2026/04/stomach-aches-for-those-who-went-to-the-wedding/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ಮದುವೆ-ಮುಂಜಿ ಕಾರ್ಯಕ್ರಮಗಳು ಹೆಚ್ಚಾಗಿದ್ದು, ವಿಪರೀತ ಪ್ರಮಾಣದಲ್ಲಿ ತಿರುಗಾಟ ನಡೆಸುವ ಅನೇಕರಲ್ಲಿ ಹೊಟ್ಟೆನೋವು-ವಾಂತಿ-ಭೇದಿ ಸಮಸ್ಯೆ ಕಾಣಿಸುತ್ತಿದೆ. ಬಹುತೇಕ ಜನ ದಿನವೀಡಿ ಆರೋಗ್ಯವಾಗಿದ್ದರೂ ರಾತ್ರಿ ವೇಳೆ ಇದ್ದಕ್ಕಿದ್ದ ಹಾಗೇ ಅನಾರೋಗ್ಯಕ್ಕೆ ಒಳಗಾಗುತ್ತಿದ್ದಾರೆ. ವ್ಯಾಪಕವಾದ ಬಿಸಿಲು, ಆಗಾಗ ಬೀಳುವ ಮಳೆ, ಶುಚಿತ್ವದ ಕೊರತೆ, ದಿನವಡೀ ದುಡಿದ ಆಯಾಸ, ಅತಿಯಾದ ತಿರುಗಾಟ ಹಾಗೂ ಆಹಾರ ಸೇವನೆಯಲ್ಲಿನ ವ್ಯತ್ಯಾಸ ಅನಾರೋಗ್ಯಕ್ಕೆ ಪ್ರಮುಖ ಕಾರಣ. ಬಿಸಿಲಿನಲ್ಲಿ ಓಡಾಟ, ಮಳೆಯಲ್ಲಿ ನೆನೆದವರ ಜೊತೆ ಮದುವೆ-ಮುಂಜಿ ಎಂದು ತಿರುಗಾಟ ನಡೆಸಿದ ಬಹುತೇಕರ ಮನೆಯ ಸದಸ್ಯರು ಇಂಥ ಸಮಸ್ಯೆಗೆ ಬಳಲಿದ್ದಾರೆ. `ಆಪ್ತರ ಮನೆಯ ಮದುವೆ-ಮುಂಜಿಗಳಲ್ಲಿ ಭಾಗವಹಿಸದೇ ವಿಧಿ ಇಲ್ಲ. ಅಲ್ಲಿನ ಊಟ ಮಾಡಿದ ನಂತರ ಆಸ್ಪತ್ರೆ ಓಡಾಟ ತಪ್ಪಿದ್ದಲ್ಲ’ ಎಂಬ ಮಾತುಗಳು ಅಲ್ಲಲ್ಲಿ ಕೇಳಿ ಬಂದಿವೆ. ಹೊಟ್ಟೆ ತೊಳಸಿದಂತಾಗುವಿಕೆ, ಆಗಾಗ ವಾಂತಿಯ ಲಕ್ಷಣಗಳಿಂದ ಮಕ್ಕಳು, ವೃದ್ಧರು ಸಹ ಆಯಾಸಗೊಂಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಾವಿರಕ್ಕೂ ಅಧಿಕ ವೈದ್ಯರಿದ್ದು, ನಿತ್ಯ ಸಾವಿರಾರು ಜನರಿಗೆ ಅವರು ಚಿಕಿತ್ಸೆ ನೀಡುತ್ತಿದ್ದಾರೆ. ಸದ್ಯದ ಪರಿಸ್ಥಿತಿಯಲ್ಲಿ ವಾಂತಿ-ಭೇದಿ ಸಮಸ್ಯೆಯಿಂದ ಬಳಲುವವರಿಗೆ ಅವರು ಔಷಧಿ ನೀಡುವುದರಲ್ಲಿ ನಿರತರಾಗಿದ್ದಾರೆ. ಕಳೆದ ಕೆಲ ದಿನಗಳಿಂದ ಈ ಕ್ಲಿನಿಕ್‌ಗೆ ಬರುವ ರೋಗಿಗಳಲ್ಲಿ ವಾಂತಿ, ಬೇಧಿ ಪ್ರಕರಣಗಳೇ ಜಾಸ್ತಿ ಆಗಿದ್ದು, `ಎಲ್ಲಿ ಊಟ ಮಾಡಿದ್ದೀರಿ? ಎಲ್ಲಿ ತಿರುಗಾಟ ನಡೆಸಿದ್ದೀರಿ?’ ಎಂಬುದು ವೈದ್ಯರ ಸಾಮಾನ್ಯ ಪ್ರಶ್ನೆಯಾಗಿದೆ. ವಾಂತಿ-ಭೇದಿ-ಆಯಾಸ ಎಂದು ಬಳಲಿ ಬರುವವರಿಗೆ ಧೈರ್ಯ ಹೇಳಿ ಔಷಧಿ ಕೊಡುವುದರಲ್ಲಿಯೇ ವೈದ್ಯರ ದಿನ ಕಳೆಯುತ್ತಿದೆ. `ವಾತಾವರಣ ಬದಲಾವಣೆಯಾದಾಗ ಮನುಷ್ಯನ ದೇಹ ಒಮ್ಮೆಲೇ ಬದಲಾದ ವಾತಾವರಣಕ್ಕೆ ಹೊಂದಿಕೊಳ್ಳುವುದಿಲ್ಲ. ವಾತಾವರಣದಲ್ಲಿ ಉತ್ಪನ್ನವಾಗುವ ಬ್ಯಾಕ್ಟೀರಿಯಾಗಳನ್ನು ನಾಶ ಮಾಡುವ ಶಕ್ತಿ ಈ ದಿನಗಳಲ್ಲಿ ದೇಹಕ್ಕೆ ಕಡಿಮೆ ಇರುತ್ತವೆ. ಹೀಗಾಗಿ ವಾಂತಿ, ಬೇಧಿ ಸಮಸ್ಯೆ ಹೆಚ್ಚಾಗಿದೆ’ ಎಂಬುದು ವೈದ್ಯರ ಮಾತು. `ಯುವಕರಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿರುವುದರಿಂದ ಸಮಸ್ಯೆ ಇಲ್ಲ. ಆದರೆ, ಮಕ್ಕಳು ಮತ್ತು ವಯಸ್ಸಾದವರಲ್ಲಿ ವಾಂತಿ, ಬೇಧಿ ಸಮಸ್ಯೆ ಕಾಣಿಸುತ್ತಿದೆ. ಕಲುಷಿತ ನೀರು, ಆಹಾರ ಕ್ರಮದಲ್ಲಿಯ ಬದಲಾವಣೆ ಹಾಗೂ ಅತಿ ಬಿಸಿಲಿನಲ್ಲಿ ಸಂಚರಿಸಿದವರಲ್ಲಿ ವಾಂತಿ, ಬೇಧಿ ಪ್ರಕರಣಗಳು ಜಾಸ್ತಿಯಾಗಿ ಕಂಡುಬoದಿವೆ’ ಎಂದು ವೈದ್ಯರು ಹೇಳುತ್ತಾರೆ. ಇನ್ನೂ ಹಳ್ಳಿ ಔಷಧದ ಅನುಭವ ಇದ್ದ ಕೆಲ ಹಿರಿಯರು ಇಂತಹ ಪರಿಸ್ಥಿತಿಗಳಲ್ಲಿ ನೇರಳೆ ಮರದ ತೊಟೆಯನ್ನು ಕಷಾಯ ಮಾಡಿ ಸ್ವೀಕರಿಸುವ ಮೂಲಕವೂ ವಾಂತಿ, ಬೇಧಿಗೆ ಪರಿಹಾರ ಕಂಡುಕೊಳ್ಳುತ್ತಿದ್ದಾರೆ. `ವಾಂತಿ ಬೇಧಿ ಉಂಟಾದಾಗ ದೇಹದಲ್ಲಿ ನೀರಿನ ಅಂಶ ಕಡಿಮೆ ಆಗುತ್ತದೆ. ಈ ವೇಳೆ ಒಆರ್‌ಎಸ್ ಅಥವಾ ಮನೆಯಲ್ಲೇ ತಯಾರಿಸಿದ ಸಕ್ಕರೆ- ಉಪ್ಪಿನ ನೀರನ್ನು ಆಗಾಗ ಕುಡುಯುತ್ತಿರಬೇಕು’ ಎಂಬುದು ವೈದ್ಯರ ಸಲಹೆ. `ಎಳನೀರು, ಮಜ್ಜಿಗೆ, ನಿಂಬೆ ಪಾನಕದಂತಹದ ದ್ರವ ರೂಪದ ಆಹಾರ ಸೇವಿಸಿ ಜೀರ್ಣಕ್ರಿಯೆ ಹೆಚ್ಚಿಸಿಕೊಳ್ಳಬೇಕು. ಹಣ್ಣು, ತರಕಾರಿಗಳನ್ನು ಸ್ವಚ್ಛವಾಗಿ ತೊಳೆದು ತಿನ್ನಬೇಕು. ಹೊರ ಪ್ರದೇಶದ ತಿಂಡಿಗಳನ್ನು ತಿನ್ನುವುದನ್ನು ಕಡಿಮೆಗೊಳಿಸಬೇಕು. ವಾಂತಿ, ಬೇಧಿಯನ್ನು ನಿರ್ಲಕ್ಷ್ಯ ಮಾಡದೇ ಆದಷ್ಟು ಬೇಗ ವೈದ್ಯರ ಬಳಿ ತಪಾಸಣೆ ಮಾಡಿಸುವುದು ಉತ್ತಮ’ ಎಂಬುದು ತಜ್ಞರ ನುಡಿ.
- [ಲೋಕಾಯುಕ್ತ | ಸಂತೋಷ ಹೆಗ್ಡೆ ಆರೋಗ್ಯದಲ್ಲಿ ಚೇತರಿಕೆ](https://mobiletime.in/2026/04/lokayukta-santosh-hegdes-health-improving/): ಕಾರ್ಯಕ್ರಮವೊಂದರಲ್ಲಿ ಕುಸಿದು ಬಿದ್ದು ಅಸ್ವಸ್ಥರಾಗಿದ್ದ‌ ಲೋಕಾಯುಕ್ತ ನಿವೃತ್ತ ನ್ಯಾಯಮೂರ್ತಿ ಸಂತೋಷ ಹೆಗಡೆ ಅವರ ಆರೋಗ್ಯದಲ್ಲಿ ಚೇತರಿಕೆಯಾಗಿದೆ. ಕಾರವಾರದ ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಅವರು ನಿವೃತ್ತ ಲೋಕಾಯುಕ್ತ ನ್ಯಾಯಮೂರ್ತಿ ಸಂತೋಷ್ ಹೆಗ್ಡೆ ಅವರನ್ನು ಭೇಟಿಯಾಗಿ ಆರೋಗ್ಯ ವಿಚಾರಿಸಿದ್ದಾರೆ. ಈ ದಿನ ಬೆಂಗಳೂರಿಗೆ ಹೋದ ಮಾಧವ ನಾಯಕ ಅವರು ಸಂತೋಷ ಹೆಗ್ಡೆ ಅವರ ನಿವಾಸಕ್ಕೆ ಹೋಗಿದ್ದು, ಅವರ ಆರೋಗ್ಯ ವಿಚಾರಿಸಿದರು. ಈ ವೇಳೆ ‘ನನಗೆ ಈಗ 86 ವರ್ಷ ವಯಸ್ಸಾಯಿತು. ನನ್ನ ಅಣ್ಣ ಕಳೆದ ಜನವರಿ 2ರಂದು ಆಕಸ್ಮಿಕವಾಗಿ ಬಿದ್ದು ಮೃತಪಟ್ಟರು’ ಎಂದು ಸಂತೋಷ ಹೆಗ್ಡೆ ಅವರು ಹೇಳಿ ಭಾವುಕರಾದರು. ಇದೇ ವೇಳೆ ಮಾಧವ ನಾಯಕ ಅವರು ಕಾರವಾರ ಭಾಗದ ಸಾರ್ವಜನಿಕ ಸಮಸ್ಯೆಗಳ ಬಗ್ಗೆ ಹೆಗ್ಡೆ ಅವರ ಗಮನ ಸೆಳೆದರು. ವಿಶೇಷವಾಗಿ ಕಾರವಾರದ ಸರ್ಕಾರಿ ಆಸ್ಪತ್ರೆಗಳಲ್ಲಿ ಇರುವ ಮೂಲಸೌಕರ್ಯಗಳ ಕೊರತೆ ಮತ್ತು ಸಾರ್ವಜನಿಕರು ಎದುರಿಸುತ್ತಿರುವ ಆರೋಗ್ಯ ಸಮಸ್ಯೆಗಳ ಕುರಿತು ಚರ್ಚಿಸಿದರು.
- [ಡಾಕ್ಟರ್ ಡುಪ್ಲಿಕೇಟ್ ವಿರುದ್ಧ ಕಠಿಣ ಕ್ರಮ!](https://mobiletime.in/2026/04/strict-action-against-doctor-duplicates/): ಭಟ್ಕಳದಲ್ಲಿ ಸಂಚಾರ ನಡೆಸಿದ ಆರೋಗ್ಯ ಅಧಿಕಾರಿಗಳು ಅಲ್ಲಿ‌ನ ಮೂರು ನಕಲಿ ವೈದ್ಯರನ್ನು ಪತ್ತೆ ಮಾಡಿದ್ದಾರೆ. ದಾಖಲೆ ಇಲ್ಲದೇ ಆಸ್ಪತ್ರೆ‌ ನಡೆಸಿದ ಕಾರಣ ಆ ಆಸ್ಪತ್ರೆಗಳಿಗೆ ಬೀಗ ಜಡಿದಿದ್ದಾರೆ. ಭಟ್ಕಳ ಶಹರದಲ್ಲಿ ನಾಲ್ಕು ಹಾಗೂ ಶಿರಾಲಿಯಲ್ಲಿನ ಒಂದು ಕ್ಲಿನಿಕ್ ಮೇಲೆ ಅಧಿಕಾರಿಗಳು ದಾಳಿ ಮಾಡಿದರು. ಅಲ್ಲಿ ವೈದ್ಯರ ದಾಖಲೆಗಳನ್ನು ತಪಾಸಣೆ ಮಾಡಿದರು. ಈ ವೇಳೆ‌ ನಿಯಮಬಾಹಿರವಾಗಿ ಕಾರ್ಯನಿರ್ವಹಿಸುತ್ತಿದ್ದ ಮೂರು ಕ್ಲಿನಿಕ್ ಪತ್ತೆಯಾಯಿತು. ಅದನ್ನು ಸೀಜ್ ಮಾಡಿದ ಅಧಿಕಾರಿಗಳು ಬಾಗಿಲಿಗೆ ನೋಟಿಸ್ ಅಂಟಿಸಿದರು. ಈ ವೇಳೆ ಅಲ್ಲಿದ್ದ ನಕಲಿ ಡಾಕ್ಟರ್ ಓಡಿ ಪರಾರಿಯಾದರು. ನಿಯಮಬಾಹಿರವಾಗಿದ್ದ ಕ್ಲಿನಿಕ್‌ಗಳ ವಿರುದ್ಧದ ಮಾಹಿತಿಯನ್ನು ಜಿಲ್ಲಾ ಆರೋಗ್ಯ ಇಲಾಖೆಗೆ ರವಾನಿಸಲಾಗಿದ್ದು ಸಮಗ್ರ ತನಿಖೆಯ ಬಳಿಕ ಮುಂದಿನ ಕ್ರಮ ಕೈಗೊಳ್ಳಲಾಗುವದು ಎಂದು ಅಧಿಕಾರಿಗಳು ತಿಳಿಸಿದರು. ‘ಪಟ್ಟಣ ಭಾಗ ಸೇರಿದಂತೆ ತಾಲೂಕಿನ ವಿವಿಧ ಭಾಗಗಳಲ್ಲಿ ಪರಿಶೀಲನಾ ಕಾರ್ಯ ನಿರಂತರವಾಗಿ ನಡೆಯಲಿದೆ. ಸಾರ್ವಜನಿಕರು ಅನಧಿಕೃತ ವೈದ್ಯರ ಕ್ಲಿನಿಕ್‌ಗಲ್ಲಿ ಚಿಕಿತ್ಸೆ ಪಡೆಯಬಾರದು’ ಎಂದು ಆರೋಗ್ಯಾಧಿಕಾರಿ ಟಿ‌ ಸನಾ ಮನವಿ ಮಾಡಿದರು.
- [ತೆಂಗಿನಮರದಿoದ ಬಿದ್ದ ಕಾರ್ಮಿಕ: ಸಾವು!](https://mobiletime.in/2026/04/worker-falls-from-coconut-tree-death/): ಸೀಯಾಳ ಕೊಯ್ಯುವುದಕ್ಕಾಗಿ ತೆಂಗಿನ ಮರ ಏರಿದ್ದ ಅಂಕೋಲಾದ ವಿನಾಯಕ ನಾಯ್ಕ ಅವರು ಮರದಿಂದ ಬಿದ್ದು ಸಾವನಪ್ಪಿದ್ದಾರೆ. ಅಂಕೋಲಾದ ಬೆಳಾದಲ್ಲಿ ವಿನಾಯಕ ಹೊನ್ನಪ್ಪ ನಾಯ್ಕ (45) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ತೆಂಗಿನ ಮರ ಏರಿ ಕಾಯಿ ಕೊಯ್ಯುವುದರಲ್ಲಿಯೂ ಪರಿಣಿತಿಪಡೆದಿದ್ದರು. ಏಪ್ರಿಲ್ 5ರಂದು ತಮ್ಮ ಮನೆ ಹಿಂದಿನ ತೆಂಗಿನ ಮರ ಏರಿದ ಅವರು ಸೀಯಾಳ ಕೊಯ್ಯಲು ಶುರು ಮಾಡಿದ್ದರು. ಈ ವೇಳೆ ಅವರ ಕಾಲು ಜಾರಿತು. ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡ ವಿನಾಯಕ ನಾಯ್ಕ ಅವರನ್ನು ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಅಲ್ಲಿ ಚಿಕಿತ್ಸೆಗೆ ಸ್ಪಂದಿಸದೇ ಅವರು ಸಂಜೆ ವೇಳೆ ಸಾವನಪ್ಪಿದರು. ಪತಿಯ ಸಾವಿನ ಬಗ್ಗೆ ವಿನಯಾ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಜಲಪಾತ ನೋಡಲು ಬಂದವ ಜಲ ಸಮಾಧಿ!](https://mobiletime.in/2026/04/those-who-came-to-see-the-waterfall-will-be-buried-in-water/): ಸ್ನೇಹಿತರ ಜೊತೆ ಪ್ರವಾಸಕ್ಕೆ ಬಂದಿದ್ದ ವ್ಯಕ್ತಿಯೊಬ್ಬರು ವಿಭೂತಿ ಜಲಪಾತದಲ್ಲಿ ಬಿದ್ದು ಸಾವನಪ್ಪಿದ್ದಾರೆ. ತೆಲಂಗಾಣದ ಅಜಯ್ ಶೀಲಾಮ್ (24) ಅವರು ಸೋಮವಾರ ಸ್ನೇಹಿತರ ಜೊತೆ ವಿಭೂತಿ ಜಲಪಾತಕ್ಕೆ ಬಂದಿದ್ದರು. ನೀರಿನಲ್ಲಿ ಆಟವಾಡುತ್ತಿರುವಾಗ ಅವರು ಆಳಕ್ಕೆ ಬಿದ್ದರು. ನೀರಿನ ಆಳಕ್ಕೆ ಮುಳುಗಿದ ಅಜಯ್ ಶೀಲಾಮ್ ಅವರು ಮೇಲೆ ಬರಲಾಗದೇ ಸಮಸ್ಯೆ ಅನುಭವಿಸಿದರು. ಸ್ನೇಹಿತರು ಪ್ರಯತ್ನಿಸಿದರೂ ಸಹ ಅವರು ನೀರಿನಿಂದ ಮೇಲೆ ಬರಲಾಗಲಿಲ್ಲ. ಜಲಪಾತದ ಬಳಿಯಿದ್ದ ಜೀವ ರಕ್ಷಕ ಸಿಬ್ಬಂದಿ ತಕ್ಷಣ ನೀರಿಗಿಳಿದು ಶೋಧ ನಡೆಸಿದರು. ಅದಾಗಿಯೂ, ಅಜಯ್ ಶೀಲಾಮ್ ಅವರ ಸುಳಿವು ಸಿಗಲಿಲ್ಲ. ಅಂಕೋಲಾ ಅಗ್ನಿಶಾಮಕ ಸಿಬ್ಬಂದಿ ವಿಷಯ ಅರಿತು ಅಲ್ಲಿಗೆ ದೌಡಾಯಿಸಿದರು. ಸ್ಥಳೀಯರ ಸಹಕಾರದಲ್ಲಿ ಕಾರ್ಯಾಚರಣೆ ನಡೆಸುತ್ತಿರುವಾಗಲೇ ಅನತಿ ದೂರದಲ್ಲಿ ಅಜಯ್ ಶೀಲಾಮ್ ಅವರ ಶವ ಕಾಣಿಸಿತು.
- [ಭೂತೇಶ್ವರರ ಸೊಸೈಟಿಗೆ ಪ್ರಶಸ್ತಿಗಳ ಸುರಿಮಳೆ!](https://mobiletime.in/2026/04/a-shower-of-awards-for-the-bhuteshwara-society/): `ಲೋಕಧ್ವನಿ ಹೆಮ್ಮೆಯ ಸಾಧಕ’ ಪ್ರಶಸ್ತಿಗೆ ಭಾಜನವಾಗಿದ್ದ ಶಿರಸಿಯ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘಕ್ಕೆ ಇದೀಗ `ಉತ್ತಮ ರ‍್ಬನ್ ಪತ್ತಿನ ಸಹಕಾರಿ ಸಂಘ & ನೌಕರರ ಪತ್ತಿನ ಸಂಘ’ ಪ್ರಶಸ್ತಿ ಸಿಕ್ಕಿದೆ. ಕೆಡಿಸಿಸಿ ಬ್ಯಾಂಕ್ ಈ ಪ್ರಶಸ್ತಿಯ ಘೋಷಣೆ ಮಾಡಿದೆ. ಕೆಡಿಸಿಸಿ ಬ್ಯಾಂಕ್ ಪ್ರತಿ ರ‍್ಷ ಸಹಕಾರಿ ಸಪ್ತಾಹದ ಅವಧಿಯಲ್ಲಿ ಕರ‍್ಯಕ್ರಮ ನಡೆಸಿ ಪ್ರಶಸ್ತಿ ಪ್ರದಾನ ಮಾಡುತ್ತದೆ. ಈ ಬಾರಿ ಚುನಾವಣೆ ಕಾರಣದಿಂದ ಕರ‍್ಯಕ್ರಮ ನಡೆಸದೇ ಪ್ರಶಸ್ತಿ ನೀಡಲಾಗುತ್ತಿದೆ. ಅದರ ಪ್ರಕಾರ ಉತ್ತಮ ಸಂಘಕ್ಕೆ ನೀಡುವ 10 ಸಾವಿರ ರೂ ಮೊತ್ತದ ಬಹುಮಾನ ಭೂತೇಶ್ವರ ಪತ್ತಿನ ಸಹಕಾರಿ ಸಂಘಕ್ಕೆ ಜಮಾ ಆಗಿದೆ. ಅದರೊಂದಿಗೆ ಕೆಡಿಸಿಸಿ ಬ್ಯಾಂಕ್ ವ್ಯವಸ್ಥಾಪಕ ನರ‍್ದೇಶಕರು ಭೂತೇಶ್ವರ ಪತ್ತಿನ ಸಹಕಾರಿ ಸಂಘಕ್ಕೆ ಅಭಿನಂದನಾ ಪತ್ರ ಕಳುಹಿಸಿದ್ದಾರೆ. 2024-25ನೇ ಸಾಲಿನಲ್ಲಿ ಅತ್ಯುತ್ತಮವಾಗಿ ಕರ‍್ಯ ನರ‍್ವಹಣೆ ಮಾಡಿರುವ ಕಾರಣ ಸಂಘಕ್ಕೆ ಪ್ರಶಸ್ತಿ ದೊರೆತಿದೆ. ಈ ಹಿಂದೆ ಇದೇ ಕೆಡಿಸಿಸಿ ಬ್ಯಾಂಕ್ ನಲ್ಲಿ ವಿಭಾಗೀಯ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದ ಸಹಕಾರಿ ಧುರೀಣ ವಸಂತ ಶೆಟ್ಟಿ ಅವರಿಂದ ಸ್ಥಾಪಿತವಾದ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ತನ್ನ ಬೆಳ್ಳಿ ಹಬ್ಬದ ಸಂರ‍್ಭದಲ್ಲಿ ಉತ್ತಮ ಸಂಘ ಪ್ರಶಸ್ತಿಗೆ ಪಾತ್ರವಾಗಿರುವುದು ಇಲ್ಲಿನ ವಿಶೇಷ. ಪ್ರಶಸ್ತಿ ನೀಡಿ ಗೌರವಿಸಿದ್ದಕ್ಕಾಗಿ ಸಂಘದ ಅಧ್ಯಕ್ಷ ಶ್ರೀಧರ ಮೊಗೇರ್, ಉಪಾಧ್ಯಕ್ಷ ಭಾಸ್ಕರ ಶೆಟ್ಟಿ, ಆಂತರಿಕ ಸಲಹೆಗಾರ ಪಿ ಡಿ ಮದ್ಗುಣಿ, ಮುಖ್ಯ ಕರ‍್ಯನರ‍್ವಾಹಕ ವಿನಾಯಕ ಶೆಟ್ಟಿ ಹಾಗೂ ಸಂಘದ ನರ‍್ದೇಶಕ ಮಂಡಳಿ-ಸಿಬ್ಬಂದಿ ರ‍್ಗದವರು ರ‍್ಷ ವ್ಯಕ್ತಪಡಿಸಿದ್ದಾರೆ.
- [ಪೊಲೀಸರ ಮುಂದೆಯೇ ಮಾರಾಮಾರಿ: ಕಠಿಣ ಕ್ರಮ!](https://mobiletime.in/2026/04/fight-in-front-of-the-police-strict-action/): ಕಾರವಾರದ ಕಡವಾಡದಲ್ಲಿ ತಡರಾತ್ರಿ ಹೊಡೆದಾಟ ನಡೆದಿದೆ. ಕಿನ್ನರ ಸಿದ್ಧವಾಡದ ಪ್ರಶಾಂತ ಗೋವೇಕರ್, ಸಿದ್ಧರ ಐಟಿಐ ಕಾಲೇಜು ಬಳಿಯ ಜ್ಞೇನೇಶ್ವರ ಕೋಳಂಬಕರ್, ನಿತಿನ್ ಕೋಳಂಬಕರ್ ಹಾಗೂ ಗಣೇಶ ಕೋಳಂಬಕರ್ ನಡುವೆ ಈ ಜಟಾಪಟಿ ನಡೆದಿದೆ. ಮಾರ್ಚ 4ರ ರಾತ್ರಿ 11.40ಕ್ಕೆ ಕಡವಾಡ ಕ್ರಾಸಿನ ಬಳಿ ಈ ಮಾರಾಮಾರಿ ನಡೆದಿದ್ದು, ರಸ್ತೆ ಮದ್ಯೆಯೇ ಗಲಾಟೆ ನಡೆಯುತ್ತಿರುವ ಬಗ್ಗೆ ಆ ಭಾಗದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ವಿಷಯ ಕೇಳಿದ ತಕ್ಷಣ ಪೊಲೀಸರು ಅಲ್ಲಿ ದೌಡಾಯಿಸಿದ್ದಾರೆ. ಈ ವೇಳೆ ಕಾರವಾರ ಕಿನ್ನರ ಸಿದ್ದವಾಡದ ಪ್ರಶಾಂತ ದತ್ತಾರಾಮ ಗೋವೇಕರ್, ಸಿದ್ದರ ಐಟಿಐ ಕಾಲೇಜು ಬಳಿಯ ಜ್ಞಾನೇಶ್ವರ ಶಂಬು ಕೋಳಂಬಕರ್, ನಿತಿನ್ ಶಂಬು ಕೋಳಂಬಕರ್ ಹಾಗೂ ಗಣೇಶ ಶಂಬು ಕೋಳಂಬಕರ್ ಪರಸ್ಪರ ಹೊಡೆದಾಟದಲ್ಲಿ ಭಾಗಿಯಾಗಿರುವುದನ್ನು ಪೊಲೀಸರು ನೋಡಿದ್ದಾರೆ ಅದಾದ ನಂತರ ಪೊಲೀಸರು ಆ ಹೊಡೆದಾಟ ತಪ್ಪಿಸುವ ಪ್ರಯತ್ನ ಮಾಡಿದ್ದಾರೆ. ಕಾರವಾರ ಗ್ರಾಮೀಣ ಠಾಣಾ ಪೊಲೀಸ್ ಸಿಬ್ಬಂದಿ ಹನುಮಂತ ರೆಡ್ಡಿ ಅವರು `ಈ ರೀತಿ ಹೊಡೆದಾಟ ಮಾಡಬೇಡಿ’ ಎಂದು ಬುದ್ದಿ ಹೇಳಿದ್ದಾರೆ. ಅದಾಗಿಯೂ, ಅವರೆಲ್ಲರೂ ಹೊಡೆದಾಟ ಮುಂದುವರೆಸಿದ್ದಾರೆ. ಈ ನಾಲ್ವರ ನಡುವೆ ಹೊಡೆದಾಟಕ್ಕೆ ಕಾರಣ ಏನು? ಎಂಬುದು ಗೊತ್ತಾಗಿಲ್ಲ. ಅದಾಗಿಯೂ, ಪೊಲೀಸರ ಮುಂದೆಯೇ ಹೊಡೆದಾಡಿಕೊಂಡ ಆ ನಾಲ್ವರ ವಿರುದ್ಧವೂ ಪ್ರಕರಣ ದಾಖಲಾಗಿದೆ. ಕಾರವಾರ ಗ್ರಾಮೀಣ ಠಾಣಾ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ.
- [ದೂರದ ಬೈಕ್ ಯಾನ: ಮುಗಿದ ಬದುಕಿನ ಪ್ರಯಾಣ!](https://mobiletime.in/2026/04/long-distance-bike-ride-the-journey-of-a-lifetime/): ಮೀನುಗಾರಿಕೆಗೆ ಅಗತ್ಯವಿರುವ ಬಲೆ ಖರೀದಿಗಾಗಿ ಮಲ್ಪೆಗೆ ಹೊರಟಿದ್ದ ಕುಮಟಾದ ಸುಬ್ರಮಣ್ಯ ಅಂಬಿಗ ಅವರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಅವರ ಜೊತೆಗಿದ್ದ ಭಗೀರಥ ಅಂಬಿಗ ಅವರಿಗೂ ಗಾಯಗಳಾಗಿವೆ. ಕುಮಟಾದ ಹೆಗಡೆ ಬಳಿ ಸುಬ್ರಮಣ್ಯ ಬೀರಪ್ಪ ಅಂಬಿಗ (35) ಹಾಗೂ ಭಗೀರಥ ಮಹಾದೇವ ಅಂಬಿಗ (25) ಅವರು ವಾಸವಾಗಿದ್ದರು. ಮೀನುಗಾರಿಕೆ ನಂಬಿ ಬದುಕು ಕಟ್ಟಿಕೊಂಡಿದ್ದ ಅವರು ಭಾನುವಾರ ಮಲ್ಪೆಗೆ ಹೋಗಲು ನಿರ್ಧರಿಸಿದ್ದರು. ಮಲ್ಪೆಗೆ ಹೋಗಿ ಮೀನುಗಾರಿಕಾ ಬಲೆ ಹಾಗೂ ಇನ್ನಿತರ ಸಾಮಗ್ರಿಗಳನ್ನು ಖರೀದಿಸಲು ಅವರು ಯೋಚಿಸಿದ್ದು, ಅದರ ಪ್ರಕಾರ ಬೈಕಿನಲ್ಲಿಯೇ ಅವರು ಬಹುದೂರದ ಪ್ರಯಾಣ ಶುರು ಮಾಡಿದ್ದರು. ಈ ಬೈಕನ್ನು ಸುಬ್ರಮಣ್ಯ ಅಂಬಿಗ ಅವರು ಓಡಿಸುತ್ತಿದ್ದರು. ಭಗೀರಥ ಅಂಬಿಗ ಅವರು ಹಿಂದೆ ಕುಳಿತಿದ್ದರು. ಬೈಕು ಗಿಬ್ ಸರ್ಕಲ್ ಬಳಿ ಬಂದಾಗ ಲಾರಿಯೊಂದು ಗುದ್ದಿತು. ಗುದ್ದಿದ ರಭಸಕ್ಕೆ ಬೈಕು ಲಾರಿ ಅಡಿಗೆ ಬಿದ್ದಿದ್ದು, ಬೈಕ್ ಓಡಿಸುತ್ತಿದ್ದ ಸುಬ್ರಮಣ್ಯ ಅಂಬಿಗ ಅವರು ಅಲ್ಲಿಯೇ ಪ್ರಾಣಬಿಟ್ಟರು. ಗಾಯಗೊಂಡಿದ್ದ ಭಗೀರಥ ಅಂಬಿಗ ಅವರನ್ನು ಸ್ಥಳೀಯರು ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಿದರು.
- [ಆ ದಿನ ಅಪಘಾತ: ಈ ದಿನ ನಡೆದದ್ದು ದುರಂತ!](https://mobiletime.in/2026/04/the-accident-that-day-what-happened-on-this-day-was-a-tragedy/): ಶಿರಸಿಯಲ್ಲಿ ನಡೆದ ಬೈಕ್ ಅಪಘಾತದಲ್ಲಿ ಗಾಯಗೊಂಡಿದ್ದ ಪೂಜನ್ ಭಂಡಾರಿ ಅವರು ಧಾರವಾಡದ ಎಸ್ ಡಿ ಎಂ ಆಸ್ಪತ್ರೆಗೆ ದಾಖಲಿಸಿದರೂ ಬದುಕಲಿಲ್ಲ. ಎರಡು ವಾರಗಳ ಕಾಲ ಆರೈಕೆ ಮಾಡಿದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಪೂಜನ್ ಬಾಲಚಂದ್ರ ಭಂಡಾರಿ ಅವರು ಶಿರಸಿಯ ಗಾಂಧೀನಗರದಲ್ಲಿ ವಾಸವಾಗಿದ್ದರು. 30 ವರ್ಷದ ಅವರು ಮ್ಯಾಕಾನಿಕ್ ಆಗಿ ತಮ್ಮ ಜೀವನ ರೂಪಿಸಿಕೊಂಡಿದ್ದರು. 2026ರ ಮಾರ್ಚ 9ರಂದು ಅವರು ಮರಾಠಿಕೊಪ್ಪದ ಮ್ಯೆಕಾನಿಕ್ ಜಾನ್ಸನ್ ಮಾರ್ಷಲ್ ಡಿಸೋಜಾ ಅವರ ಜೊತೆ ಬೈಕಿನಲ್ಲಿ ಸಂಚಾರ ನಡೆಸಿದ್ದರು. ರಿಪೇರಿ ಮಾಡಿದ್ದ ಬೈಕಿನ ಟ್ರಯಲ್ ನೋಡಲು ಹೊರಟಾಗ ಅವರ ಬೈಕು ಸುಬ್ರಾಯ ನಾರಾಯಣ ಹೆಗಡೆ ಅವರ ಸ್ಕೂಟಿಗೆ ಡಿಕ್ಕಿ ಹೊಡೆದಿತ್ತು. ಆ ದಿನ ಸಂಜೆ ವಿವೇಕಾನಂದ ನಗರದ ನಿವೃತ್ತ ನೌಕರ ಸುಬ್ರಾಯ ನಾರಾಯಣ ಹೆಗಡೆ ಅವರು ತಮ್ಮ ಮನೆಯಿಂದ ಟಿ ಎಸ್ ಎಸ್ ಸೂಪರ್ ಮಾರ್ಟಿಗೆ ಹೋಗಲು ನಿರ್ಧರಿಸಿದ್ದರು. ಹುಬ್ಬಳ್ಳಿ ರಸ್ತೆಯ ಭೂಮಾ ಪ್ರೌಢಶಾಲೆಯ ತಿರುವಿನಲ್ಲಿ ಅವರು ಸ್ಕೂಟಿ ನಿಲ್ಲಿಸಿದ್ದು, ಅಲ್ಲಿ ರಸ್ತೆ ದಾಟುವ ಪ್ರಯತ್ನ ಮಾಡಿದ್ದರು. ಈ ವೇಳೆ ಹುಬ್ಬಳ್ಳಿ ಕಡೆಯಿಂದ ಬೈಕ್ ಓಡಿಸಿಕೊಂಡು ಬಂದ ಪೂಜನ್ ಭಂಡಾರಿ ಅವರು ಸುಬ್ರಾಯ ಹೆಗಡೆ ಅವರ ಸ್ಕೂಟಿಗೆ ತಮ್ಮ ವಾಹನ ಗುದ್ದಿದರು. ಪರಿಣಾಮ ಪೂಜನ್ ಭಂಡಾರಿ ಅವರ ಜೊತೆ ಜಾನ್ಸನ್ ಡಿಸೋಜಾ ಅವರು ಸಹ ಗಾಯಗೊಂಡಿದ್ದರು. ಆ ಪೈಕಿ ಗಂಭೀರ ಗಾಯಗೊಂಡ ಪೂಜನ್ ಭಂಡಾರಿ ಅವರನ್ನು ಧಾರವಾಡದ ಎಸ್ ಡಿ ಎಂ ಆಸ್ಪತ್ರೆಗೆ ದಾಖಲಿಸಲಾಯಿತು. ಎರಡು ವಾರಗಳ ಕಾಲ ಅವರ ಆರೈಕೆ ನಡೆಯಿತು. ಆದರೆ, ಅದರಿಂದ ಯಾವುದೇ ಪ್ರಯೋಜನ ಆಗಲಿಲ್ಲ. ಏಪ್ರಿಲ್ 5ರಂದು ಪೂಜನ್ ಭಂಡಾರಿ ಅವರು ಕೊನೆಯುಸಿರೆಳೆದರು.
- [ಅಪ್ರಾಪ್ತರ ಬೈಕ್ ಚಾಲನೆ: ವಿದ್ಯಾರ್ಥಿ ಸಾವು!](https://mobiletime.in/2026/04/minors-riding-bikes-student-dies/): ಲೈಸನ್ಸ್ ಸಹ ಇಲ್ಲದ ವಿದ್ಯಾರ್ಥಿಯೊಬ್ಬ ತಲೆಗೆ ಹೆಲ್ಮೆಟ್ ಸಹ ಧರಿಸದೇ ರಾತ್ರಿ ವೇಳೆ ವೇಗವಾಗಿ ಬೈಕ್ ಓಡಿಸಿದ್ದು, ಆ ಬೈಕು ಹಳಿಯಾಳ-ದಾಂಡೇಲಿ ರಸ್ತೆಯಲ್ಲಿ ಅಪಘಾತಕ್ಕೀಡಾಗಿದೆ. ಅಪಘಾತದ ರಭಸಕ್ಕೆ ಆ ವಿದ್ಯಾರ್ಥಿಯ ಬದುಕು ಅಂತ್ಯವಾಗಿದೆ. ಹಳಿಯಾಳದ ಕಾನ್ವಿಂಟ್ ರಸ್ತೆಯ ಮೆರಿಯಾನ್ ಎಂ ಲೂಯಿಸ್ ಅವರು ತಮ್ಮ ಪುತ್ರ ಜಾನ್‌ವಿಯಾನಿ ಜೇಮ್ಸ ಡಿಸೋಜಾ ಅವರನ್ನು ಅತ್ಯಂತ ಪ್ರೀತಿಯಿಂದ ಬೆಳೆಸಿದ್ದರು. 17 ವರ್ಷದ ಜಾನ್‌ವಿಯಾನಿ ಜೇಮ್ಸ ಡಿಸೋಜಾ ಅವರ ಬಳಿ ವಾಹನ ಪರವಾನಿಗೆ ಇಲ್ಲದಿದ್ದರೂ ಅವರಿಗೆ ಬೈಕ್ ಓಡಿಸಲು ಬಿಟ್ಟಿದ್ದರು. ಬೈಕ್ ಓಡಿಸುವ ಹುಮ್ಮಸ್ಸಿನಲ್ಲಿದ್ದ ಜೇಮ್ಸ್ ಡಿಸೋಜಾ ಕಾನೂನಿಗೆ ಬೆಲೆ ಕೊಡುತ್ತಿರಲಿಲ್ಲ. ಸಂಚಾರಿ ನಿಯಮವನ್ನು ಸಹ ಪಾಲಿಸುತ್ತಿರಲಿಲ್ಲ. ಏಪ್ರಿಲ್ 4ರಂದು ರಾತ್ರಿ ಹಳಿಯಾಳದ ಸೆಂಟ್ ಮಿಲಾಗ್ರಿಸ್ ಚರ್ಚಿನಲ್ಲಿ ಮೆರಿಯಾನ್ ಎಂ ಲೂಯಿಸ್ ಅವರ ಕುಟುಂಬದವರೆಲ್ಲರೂ ಈಸ್ಟರ್ ಹಬ್ಬದ ಆಚರಣೆಯಲ್ಲಿದ್ದರು. ಆ ರಾತ್ರಿ 2 ಗಂಟೆಗೆ ಜಾನ್‌ವಿಯಾನಿ ಜೇಮ್ಸ ಡಿಸೋಜಾ ಅವರು ಅಲ್ಲಿಂದ ಹೊರಟರು. ಎಂದಿನAತೆ ವೇಗವಾಗಿ ಬೈಕ್ ಓಡಿಸಿಕೊಂಡು ಹೊರಟ ಜಾನ್‌ವಿಯಾನಿ ಅವರು ಹಳಿಯಾಳ-ದಾಂಡೇಲಿ ರಸ್ತೆ ಮಾರ್ಗವಾಗಿ ಸಂಚರಿಸಿದರು. ಅಜಗಾಂವಿನ ಬಳಿ ಅವರ ಬೈಕು ಅಪಘಾತಕ್ಕೀಡಾಗಿದ್ದು, ಜಾನ್‌ವಿಯಾನಿ ಅವರು ರಸ್ತೆ ಪಕ್ಕದ ಕಬ್ಬಿನ ಗದ್ದೆಗೆ ಹೋಗಿ ಬಿದ್ದರು. ಬೈಕ್ ಅಪಘಾತದ ರಭಸಕ್ಕೆ ಅವರ ತಲೆಗೆ ಭಾರೀ ಪ್ರಮಾಣದ ಪೆಟ್ಟಾಯಿತು. ಅಜಗಾಂವಿನ ಹರಿದಾಸ ಶಿಂಧೆ ಅವರ ಕಬ್ಬಿನ ಗದ್ದೆಯಲ್ಲಿ ಬಿದ್ದಿದ್ದ ಜಾನ್‌ವಿಯಾನಿ ಅವರ ಕೂಗು ಯಾರಿಗೂ ಕೇಳಲಿಲ್ಲ. ಅಪಘಾತದಲ್ಲಿ ಅವರು ಗಾಯಗೊಂಡಿದ್ದರಿAದ ಆಸ್ಪತ್ರೆಗೆ ಹೋಗುವಷ್ಟು ತ್ರಾಣವೂ ಇರಲಿಲ್ಲ. ಅಲ್ಲಿಯೇ ಅವರು ನರಳಾಟ ನಡೆಸಿ ಸಾವನಪ್ಪಿದರು. ಏಪ್ರಿಲ್ 5ರ ಬೆಳಗ್ಗೆ ಮೆರಿಯಾನ್ ಎಂ ಲೂಯಿಸ್ ಅವರಿಗೆ ಕುಟುಂಬದವರ ಫೋನ್ ಬಂದಿದ್ದು, ಜಾನ್‌ವಿಯಾನಿ ಅವರ ಬೈಕು ಅಪಘಾತಕ್ಕೀಡಾಗಿರುವ ಮಾಹಿತಿ ಸಿಕ್ಕಿತು. ಕೂಡಲೇ ಮೆರಿಯಾನ್ ಎಂ ಲೂಯಿಸ್ ಅವರು ಸ್ಥಳಕ್ಕೆ ಹೋಗಿ ನೋಡಿದರು. ಅಷ್ಟರಲ್ಲಿ ಜಾನ್‌ವಿಯಾನಿ ಅವರು ಸಾವನಪ್ಪಿದ್ದರು. ಕಬ್ಬಿನ ಗದ್ದೆ ಮಾಲಕರಾದ ಅಜಗಾಂವಿನ ಹರಿದಾಸ ಶಿಂಧೆ ಅವರಲ್ಲಿ ವಿಚಾರಿಸಿದಾಗ ಬೆಳಗ್ಗೆ 9 ಗಂಟೆಯ ವೇಳೆಗೆ ಶವ ನೋಡಿರುವುದಾಗಿ ತಿಳಿಸಿದರು. ಹಳಿಯಾಳದಿಂದ ದಾಂಡೇಲಿ ಕಡೆ ವೇಗವಾಗಿ ಬೈಕ್ ಓಡಿಸಿಕೊಂಡು ಹೊರಟಿದ್ದ ಜಾನ್‌ವಿಯಾನಿ ಜೇಮ್ಸ ಡಿಸೋಜಾ ಅವರು ಅಪಘಾತದಲ್ಲಿ ಸಾವನಪ್ಪಿದ ಬಗ್ಗೆ ಮೆರಿಯಾನ್ ಎಂ ಲೂಯಿಸ್ ಅವರು ಪೊಲೀಸರಿಗೆ ತಿಳಿಸಿದ್ದು, ದಾಂಡೇಲಿ ಗ್ರಾಮೀಣ ಠಾಣೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ವಕೀಲನನ್ನು ಬೆದರಿಸಿದ ಶಿಕ್ಷಕ!](https://mobiletime.in/2026/04/teacher-threatens-lawyer/): ಸಿದ್ದಾಪುರ ವಕೀಲ ಸುದರ್ಶನ ನಾಯ್ಕ ಅವರಿಗೆ ಜೀವ ಬೆದರಿಕೆ ಬಂದಿದೆ. ಪ್ರಕರಣವೊಂದರ ಕುರಿತು ವಾದ ಮಂಡಿಸದoತೆ ಅವರಿಗೆ ಶಿಕ್ಷಕರೊಬ್ಬರು ಬೆದರಿಕೆ ಹಾಕಿದ್ದಾರೆ. ಸಿದ್ದಾಪುರ ಹುಲಿಮನೆ ಬಳಿಯ ಬೇಡ್ಕಣಿಯ ಸುದರ್ಶನ ಸೀತಾರಾಮ ನಾಯ್ಕ ಅವರು ಸದ್ಯ ಹೊಸಪೇಟೆ ಬಳಿ ವಾಸವಾಗಿದ್ದಾರೆ. 33 ವರ್ಷದ ಅವರು ಕಳೆದ ಎಂಟು ವರ್ಷದಿಂದ ವಕೀಲ ವೃತ್ತಿಯಲ್ಲಿದ್ದಾರೆ. ಹೀಗಿರುವಾಗ, ಬೇಡ್ಕಣಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಶಿಕ್ಷಕ ಕೆ ಪಿ ರವಿ ಅವರು ವಿದ್ಯಾರ್ಥಿಯೊಬ್ಬರ ಮೇಲೆ ಹಲ್ಲೆ ನಡೆಸಿದ ವಿಷಯ ವಕೀಲ ಸುದರ್ಶನ ನಾಯ್ಕ ಅವರಿಗೆ ಗೊತ್ತಾಗಿದೆ. ಈ ಬಗ್ಗೆ ಎನ್ ಎಸ್ ಯು ಐ ಸಂಘಟನೆಯ ಜಿಲ್ಲಾಧ್ಯಕ್ಷ ವಿಷ್ಣು ಗೌಡ ಅವರು ವಕೀಲ ಸುದರ್ಶನ ನಾಯ್ಕ ಅವರಿಗೆ ಮಾಹಿತಿ ನೀಡಿದ್ದಾರೆ. 2025ರ ಜನವರಿ 11ರ ರಾತ್ರಿ ವಿಷ್ಣು ಗೌಡ ಅವರು ಈ ಬಗ್ಗೆ ಸುದರ್ಶನ ನಾಯ್ಕ ಅವರಿಗೆ ಮಾಹಿತಿ ನೀಡಿದ್ದು, ಆ ಬಗ್ಗೆ ಕಾನೂನು ಹೋರಾಟ ನಡೆಸುವ ಬಗ್ಗೆ ಸಲಹೆ ಕೇಳಿದ್ದಾರೆ. ವಿದ್ಯಾರ್ಥಿಗೆ ಥಳಿಸಿದ ಶಿಕ್ಷಕನ ವಿರುದ್ಧ ಕಠಿಣ ಕ್ರಮವಾಗುವ ನಿಟ್ಟಿನಲ್ಲಿ ಹೋರಾಟ ನಡೆಸುವುದಕ್ಕಾಗಿ ಸುದರ್ಶನ ನಾಯ್ಕ ಅವರು ನಿರ್ಧರಿಸಿದ್ದಾರೆ. ಈ ವಿಷಯ ಅರಿತ ಶಿಕ್ಷಕ ಕೆಪಿ ರವಿ ಅವರು ವಕೀಲ ಸುದರ್ಶನ ನಾಯ್ಕ ಅವರಿಗೆ ಫೋನ್ ಮಾಡದ್ದಾರೆ. `ನೀ ಊರಿಗೆ ಹೋಗುವಾಗ ನಮ್ಮ ಊರು ದಾಟಿಯೇ ಹೋಗಬೇಕು. ಆಗ, ವಿಚಾರಿಸಿಕೊಳ್ಳುವೆ’ ಎಂಬ ಅರ್ಥದಲ್ಲಿ ಕೆಪಿ ರವಿ ಅವರು ಸುದರ್ಶನ ನಾಯ್ಕ ಅವರಿಗೆ ಬೆದರಿಸಿದ್ದಾರೆ. ಜನವರಿ 13ರ ರಾತ್ರಿ ವಕೀಲ ಸುದರ್ಶನ ನಾಯ್ಕ ಅವರಿಗೆ ಬೇಡ್ಕಣಿಯ ಗಜಾನನ ವೆಂಕಟ್ರಮಣ ನಾಯ್ಕ ಅವರ ಮೊಬೈಲಿನಿಂದ ಫೋನ್ ಬಂದಿದ್ದು, ಆ ವೇಳೆಯಲ್ಲಿಯೇ ಶಿಕ್ಷಕ ಕೆ ಪಿ ರವಿ ಅವರು ಮಾತನಾಡಿದ್ದಾರೆ. `ವಿಶ್ವ ಗೌಡ ಅವರ ಪರ ವಕಾಲತ್ತುವಹಿಸಿದರೆ ಸುಮ್ಮನಿರುವುದಿಲ್ಲ’ ಎಂದು ಹೇಳಿ ಹೆದರಿಸಿದ್ದಾರೆ. ಜೊತೆಗೆ ವಕೀಲ ವೃತ್ತಿಯ ಬಗ್ಗೆ ಕೆಟ್ಟದಾಗಿ ಬೈದು ನಿಂದಿಸಿದ್ದಾರೆ. ಅದಾದ ನಂತರ `ಸುದರ್ಶನ ನಾಯ್ಕ ಅವರು 1 ಲಕ್ಷ ರೂ ಹಣಪಡೆದಿದ್ದಾರೆ’ ಎಂದು ಊರಿನ ಎಲ್ಲಡೆ ಸುದ್ದಿ ಹಬ್ಬಿಸಿದ್ದಾರೆ. ಹಣಪಡೆಯದಿದ್ದರೂ ಹಣಪಡೆದ ಬಗ್ಗೆ ಪುಕಾರು ಹಬ್ಬಿಸಿದಲ್ಲದೇ, ತಮಗೂ ಬೆದರಿಕೆ ಹಾಕಿದ ಶಿಕ್ಷಕ ಕೆ ಪಿ ರವಿ ವಿರುದ್ಧ ಸುದರ್ಶನ ನಾಯ್ಕ ಅವರು ನ್ಯಾಯಾಲಯದ ಗಮನಕ್ಕೆ ತಂದಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರುವಾಗಿದೆ.
- [ಒಂದೇ ಕಾರಿಗೆ ಎರಡು ನಂಬರ್ ಪ್ಲೇಟ್!](https://mobiletime.in/2026/04/two-number-plates-for-the-same-car/): ಒಂದೇ ಕಾರಿಗೆ ಎರಡು ನಂಬರ್ ಪ್ಲೇಟ್ ಸಿಕ್ಕಿಸಿಕೊಂಡ ದುರುಳರು ರಾತ್ರಿ ವೇಳೆ ಕಳ್ಳತನಕ್ಕೆ ಬರುತ್ತಿದ್ದು, ಭಟ್ಕಳದಲ್ಲಿ ಗೊವು ಕಳ್ಳತನಕ್ಕೆ ಯತ್ನಿಸಿದವರ ವಿರುದ್ಧ ಸಾರ್ವಜನಿಕರು ಸಿಡಿದೆದ್ದಿದ್ದಾರೆ. ಜನ ಬರುವುದನ್ನು ನೋಡಿದ ದುಷ್ಕರ್ಮಿಗಳು ಕಾರಿನ ಜೊತೆ ಮೊಬೈಲನ್ನು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ. ಶನಿವಾರ ಭಟ್ಕಳದ ಜಾಲಿ ತಲಗೇರಿಯ ವಿವೇಕಾನಂದ ನಗರದಲ್ಲಿ ಹಸು ಕಳ್ಳತನ ಪ್ರಯತ್ನ ನಡೆದಿದೆ. ರಾತ್ರಿ ವೇಳೆ ಹಸು ಕೂಗುವುದನ್ನು ನೋಡಿದ ಜನ ಅಲ್ಲಿಗೆ ಜಮಾಯಿಸಿದ್ದು, ಜನರನ್ನು ನೋಡಿದ ದುರಳರು ಓಡಿ ತಪ್ಪಿಸಿಕೊಂಡಿದ್ದಾರೆ. ಕಾರಿನೊಳಗೆ ಸಿಕ್ಕಿಬಿದ್ದಿದ್ದ ಹಸುವನ್ನು ಜನ ಈ ವೇಳೆ ರಕ್ಷಿಸಿದ್ದಾರೆ. ಬಿಳಿ ಬಣ್ಣದ ಸಿಪ್ಟ್ ಕಾರಿನಲ್ಲಿ ರಾತ್ರಿ 3.45ಕ್ಕೆ ದುಷ್ಕರ್ಮಿಗಳು ಹಸುವನ್ನು ತುಂಬಿಸಿದ್ದರು. ಮತ್ತೊಂದು ತಂಡವನ್ನು ಸ್ಥಳಕ್ಕೆ ಕರೆಯಿಸಿ ಆ ಗೋವನ್ನು ಅಪಹರಿಸುವ ಉಪಾಯ ಮಾಡಿದ್ದರು. ಜನ ಬರುವುದನ್ನು ನೋಡಿ ದುರುಳರು ಕರಿಕಲ್ ರಸ್ತೆಯ ಖಾಸಗಿ ಬ್ಯಾಂಕ್ ಹಿಂಭಾಗದಲ್ಲಿ ಅವಿತುಕೊಂಡಿದ್ದು, ಪೊಲೀಸರು ಅವರನ್ನು ಹಿಡಿಯುವ ಪ್ರಯತ್ನ ಮಾಡಿದರು. ಆದರೆ, ಅಲ್ಲಿಂದ ಅವರು ತಪ್ಪಿಸಿಕೊಂಡರು. ಈ ವೇಳೆ ಎರಡು ನಂಬರ್ ಪ್ಲೇಟ್ ಹೊಂದಿದ ಕಾರಿನ ಜೊತೆ ಒಂದು ಬೈಕು ಸಹ ಸಿಕ್ಕಿದೆ. ಗೋ ಕಳ್ಳತನ ನಡೆಸುವುದಕ್ಕಾಗಿಯೇ ಕಾರಿಗೆ ಎರಡು ನಂಬರ್ ಪ್ಲೇಟ್ ಅಳವಡಿಸಿದ ಅನುಮಾನವ್ಯಕ್ತವಾಗಿದೆ. ಭಟ್ಕಳ ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ಶುರು ಮಾಡಿದ್ದು, ಆರೋಪಿತರ ಹುಡುಕಾಟ ನಡೆಸಿದ್ದಾರೆ.
- [ಅರಣ್ಯ ಅತಿಕ್ರಮಣ: ಅರ್ಜಿ ಪರಿಶೀಲನೆಯಲ್ಲಿಯೇ ಆರು ಲೋಪ!](https://mobiletime.in/2026/04/forest-encroachment-six-omissions-in-the-application-review-itself/): ಅರಣ್ಯ ಹಕ್ಕಿಗಾಗಿ ಅತಿಕ್ರಮಣದಾರರು ಸಲ್ಲಿಸಿದ ಅರ್ಜಿ ಪರಿಶೀಲಿಸುವ ಸಮಿತಿ ಪ್ರಮುಖವಾಗಿ ಆರು ಬಗೆಯ ಲೋಪ ಮಾಡಿದೆ. ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಆ ಆರು ಲೋಪಗಳ ಬಗ್ಗೆ ಸರ್ಕಾರಕ್ಕೆ ಮಾಹಿತಿ ನೀಡುವ ಸಿದ್ಧತೆ ಮಾಡಿಕೊಂಡಿದ್ದಾರೆ. ಏಪ್ರಿಲ್ 9ರಂದು ಶಿರಸಿಯಲ್ಲಿ ಅವರು ಆ ಲೋಪಗಳ ಪಟ್ಟಿಯನ್ನು ಬಿಡುಗಡೆ ಮಾಡಲಿದ್ದಾರೆ. ಭಾನುವಾರ ಯಲ್ಲಾಪುರದ ವೆಂಕಟ್ರಮಣ ದೇವಸ್ಥಾನದಲ್ಲಿ ರವೀಂದ್ರ ನಾಯ್ಕ ಅವರು ಅರಣ್ಯ ಅತಿಕ್ರಮಣದಾರರ ಸಭೆ ನಡೆಸಿದ್ದು, ಈ ವೇಳೆ ಸಮಿತಿಯ ಕಾನೂನುಬಾಹಿರ ಚಟುವಟಿಕೆಯ ಬಗ್ಗೆ ವಿವರಿಸಿದ್ದಾರೆ. `ಅರಣ್ಯ ಹಕ್ಕು ಕಾಯಿದೆ ಮತ್ತು ರಾಜ್ಯ ಸರ್ಕಾರದ ನಿರ್ದೇಶನ ಉಲ್ಲಂಘಿಸಿ, ರಾಜ್ಯ ಮಟ್ಟದ ಉಸ್ತವಾರಿ ಸಮಿತಿಯ ನಡವಳಿಕೆಗೆ ವ್ಯತಿರಿಕ್ತವಾಗಿ ಜಂಟಿ ಮಹಜರ್ ಜರುಗುತ್ತಿದೆ’ ಎಂದವರು ಹೇಳಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ 18 ಸಾವಿರಕ್ಕೂ ಅಧಿಕ ಅರಣ್ಯವಾಸಿಗಳು ಡಿಸೆಂಬರ್ 6ರಂದು ಕಾರವಾರದಲ್ಲಿ ಪ್ರತಿಭಟಿಸಿದ್ದು, ಮೂರು ತಲೆಮಾರಿನ ದಾಖಲೆಗೆ ಆಕ್ಷೇಪಿಸಿದ್ದರು. ಈ ಹಿನ್ನಲೆ ರಾಜ್ಯ ಅರಣ್ಯ ಹಕ್ಕು ಉಸ್ತವಾರಿ ಸಮಿತಿಯ ಅಧ್ಯಕ್ಷರಾದ ಸರ್ಕಾರದ ಮುಖ್ಯ ಕಾರ್ಯದರ್ಶಿಗಳು ಜನವರಿ 6ರ ಸಭೆಯಲ್ಲಿ ಮಹಜರ್ ಕುರಿತು ನಡವಳಿಕೆ ದಾಖಲಿಸಿದ್ದರು. ಮುಖ್ಯ ಕಾರ್ಯದರ್ಶಿಯವರ ಅಧ್ಯಕ್ಷತೆಯಲ್ಲಿ ರಾಜ್ಯ ಮಟ್ಟದ ಅರಣ್ಯ ಹಕ್ಕು ಕಾಯಿದೆಯ ಉಸ್ತುವಾರಿ ಸಮಿತಿ ತೆಗೆದುಕೊಂಡ ನಿರ್ಣಯದಲ್ಲಿ ಅರ್ಜಿಗಳು ದಾಖಲಾತಿ ಅಲಭ್ಯತೆ ಕಾರಣಕ್ಕೆ ತಿರಸ್ಕರಿಸಿದಲ್ಲಿ ಅರಣ್ಯ, ಕಂದಾಯ, ಗ್ರಾಮೀಣಾಭೀವೃದ್ದಿ ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆಗಳ ಅಧಿಕಾರಿಗಳು ಮತ್ತು ಸ್ಥಳೀಯ ಮುಖಂಡರನ್ನು ಒಳಗೊಂಡ ತಂಡದಿAದ ಮುಂದಿನ 45 ದಿನಗಳೊಳಗಾಗಿ ಮಹಜರ್ ಮಾಡಿ, ಅದರ ವರದಿಯನ್ನು ದಾಖಲೆಯನ್ನಾಗಿ ಪರಿಗಣಿಸಲು ಸೂಚಿಸಲಾಗಿತ್ತು’ ಎಂದವರು ವಿವರಿಸಿದ್ದಾರೆ. ಈ ನಡವಳಿಕೆಗೆ ಮತ್ತು ಕಾನೂನಿಗೆ ವ್ಯತಿರಿಕ್ತವಾಗಿ ಜಿಲ್ಲಾಡಳಿತವು ನ್ಯೂನ್ಯತೆಯಿಂದ ಪ್ರಕ್ರಿಯೆ ಜರುಗಿಸಿದೆ’ ಎಂದವರು ಹೇಳಿದ್ದಾರೆ. ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಸಂಚಾಲಕ ಇಬ್ರಾಹೀಂ ಸಾಬ ಗೌಡಳ್ಳಿ, ಪ್ರಮುಖರಾದ ದಿವಾಕರ್ ಮರಾಠಿ ಆನಗೋಡ, ಯೋಗೇಶ್ ಪುಟ್ಟ ನಾಯ್ಕ ಚಂದಗುಳಿ, ವಿಷ್ಣು ಗಾವಡೆ, ಈಶ್ವರ ನಾಯ್ಕ, ಸುಬ್ರಾಯ ಹೆಗಡೆ ಆನಗೋಡ, ಚಂದ್ರಕಾAತ ಮರಾಠಿ ಹಾಸಣಗಿ, ಬಸ್ತಾö್ಯಂವ್ ಡಿಸೋಜಾ ಕಣ್ಣಿಗೇರಿ, ಶಿವಾನಂದ ನಾಯ್ಕ ಮದನೂರು, ಗಣಪತಿ ಹೆಗಡೆ ಇಡಗುಂದಿ, ರಾಮಚಂದ್ರ ದೇಸಾಯಿ, ಪ್ರೇಮಾನಂದ ಭಂಡಾರಿ ಮಾವಿನಮನೆ, ಸುಭಾಷ್ ಸಿದ್ದಿ, ರಾಮ ತುಕರಾಮ ಗಾವಡೆ, ಶಿವರಾಮ ಆಚಾರಿ ಇತರರು ಸಭೆಯಲ್ಲಿದ್ದರು.
- [ಪ್ರಜಾಕೀಯ | ಉತ್ತರ ಕನ್ನಡದಲ್ಲಿಯೂ ಉಪೇಂದ್ರ ಹವಾ!](https://mobiletime.in/2026/04/prajakiya-upendra-hawa-in-uttara-kannada-too/): ರಿಯಲ್ ಸ್ಟಾರ್ ಉಪೇಂದ್ರ ಅವರ ಪ್ರಜಾಕೀಯ ಪಕ್ಷವು ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಕಾರ್ಯಚಟುವಟಿಕೆ ಶುರು ಮಾಡಿದ್ದು, ಇಲ್ಲಿನ 195 ಸಮಸ್ಯೆಗಳ ಬಗ್ಗೆ ಜನರೇ ಪ್ರಜಾಕೀಯ ಪಕ್ಷದ ಪ್ರಮುಖರಿಗೆ ಮಾಹಿತಿ ನೀಡಿದ್ದಾರೆ. ರಾಜಕಾರಣದಲ್ಲಿ ಬದಲಾವಣೆ ತರಬೇಕು ಎಂಬ ಉದ್ದೇಶದಿಂದ ಚಿತ್ರನಟ ಉಪೇಂದ್ರ ಅವರು `ಪ್ರಜಾಕೀಯ’ ಎಂಬ ಪಕ್ಷ ಕಟ್ಟಿದ್ದಾರೆ. ಅದಕ್ಕೆ ಅನುಗುಣವಾಗಿ ಅವರು ಪ್ರಜಾಕೀಯ ಹೆಸರಿನಲ್ಲಿ ಅವರು ವೆಬ್‌ಸೈಟ್ ಹಾಗೂ ಮೊಬೈಲ್ ಅಪ್ಲಿಕೇಶನ್ ಸ್ಥಾಪಿಸಿದ್ದಾರೆ. ಅದರಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಆರು ವಿಧಾನಸಭಾ ಕ್ಷೇತ್ರ ಹಾಗೂ ಒಂದು ಲೋಕಸಭಾ ಕ್ಷೇತ್ರದ ಮಾಹಿತಿ ಹಾಕಿದ್ದಾರೆ. ಇದರೊಂದಿಗೆ ಗ್ರಾಮ ಪಂಚಾಯತ ಕ್ಷೇತ್ರವನ್ನು ಸೇರಿ ಪುರಸಭೆ, ಪಟ್ಟಣ ಪಂಚಾಯತ ಹಾಗೂ ನಗರಸಭೆಯ ವಿವರ ದಾಖಲಿಸಿದ್ದಾರೆ. ಪ್ರತಿ ವಿಧಾನಸಭಾ ಕ್ಷೇತ್ರ ಹಾಗೂ ಪೂರ್ತಿ ಲೋಕಸಭಾ ಕ್ಷೇತ್ರವನ್ನು ಆಯ್ಕೆ ಮಾಡಿ ಅಲ್ಲಿ ಸಮಸ್ಯೆಗಳ ಮುಂದಿರುವ ಬಟನ್ ಒತ್ತುವ ಮೂಲಕ ಆ ಸಮಸ್ಯೆಗಳ ಬಗ್ಗೆ ಸಾರ್ವಜನಿಕರು ಧ್ವನಿಯೆತ್ತುವ ರೀತಿ ಅಪ್ಲಿಕೇಶನ್ ಸಿದ್ಧವಾಗಿದೆ. `ಮೂರ್ಖರ ದಿನ’ ಎಂದು ಬಿಂಬಿಸಲಾದ ಏಪ್ರಿಲ್ 1ನ್ನು `ಬುದ್ದಿವಂತರ ದಿನ’ ಎಂದು ಉಪೇಂದ್ರ ಅವರು ಕರೆದಿದ್ದು, ಅದೇ ದಿನ `ಪ್ರಜಾಕೀಯ ಮೊಬೈಲ್ ಅಪ್ಲಿಕೇಶನ್’ ಬಿಡುಗಡೆ ಮಾಡಿದ್ದಾರೆ. ಈ ಐದು ದಿನದ ಅವಧಿಯಲ್ಲಿ ಆ ಆಫ್ ಮೂಲಕ ಜನ ತಮ್ಮೂರಿನ ಸಮಸ್ಯೆಗಳ ಬಗ್ಗೆ ವಿವರಿಸಿದ್ದು, ಉತ್ತರ ಕನ್ನಡ ಜಿಲ್ಲೆಯಿಂದಲೂ 195 ಸಮಸ್ಯೆಗಳ ಬಗ್ಗೆ ವರದಿ ಸಲ್ಲಿಕೆಯಾಗಿದೆ. ಯಾವ ಸಮಸ್ಯೆಯ ಬಗ್ಗೆ ಜನ ಹೆಚ್ಚಿನ ಪ್ರಮಾಣದಲ್ಲಿ ಧ್ವನಿ ಎತ್ತಿದ್ದಾರೆ? ಎನ್ನುವುದರ ಬಗ್ಗೆ ಅಲ್ಲಿ ಪ್ರದರ್ಶನವಾಗುತ್ತಿದೆ. ವಿವಿಧ ವಿಧಾನಸಭಾ ಕ್ಷೇತ್ರದ ಜನ ಅನುಭವಿಸುತ್ತಿರುವ ತೊಂದರೆ-ತಾಪತ್ರೆಯಗಳ ಬಗ್ಗೆ ಆ ಅಪ್ಲಿಕೇಶನ್ ಮೂಲಕ ಉಪೇಂದ್ರ ಅವರ ಗಮನಸೆಳೆಯುವ ಪ್ರಯತ್ನ ಮಾಡಿದ್ದಾರೆ. ಮುಖ್ಯವಾಗಿ ರಸ್ತೆ, ಕುಡಿಯುವ ನೀರು, ಒಳ ಚರಂಡಿ, ಉದ್ಯೋಗ, ಆರೋಗ್ಯ, ಶಿಕ್ಷಣ ಸೇರಿ ವಿವಿಧ ಸಮಸ್ಯೆಗಳ ಬಗ್ಗೆ ಜನ ಹೇಳಿಕೊಂಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಆರು ವಿಧಾನಸಭಾ ಕ್ಷೇತ್ರದ ಮಾಹಿತಿಯನ್ನು ಪ್ರಜಾಕೀಯ ಪಕ್ಷದ ವೆಬ್‌ಸೈಟಿನಲ್ಲಿ ಅಳವಡಿಸಲಾಗಿದ್ದು, ಅಲ್ಲಿಯೇ ಜನ ಸಮಸ್ಯೆಗಳ ಬಗ್ಗೆ ತಿಳಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ವಿಷಯವಾಗಿ ಉದ್ಯೋಗ ಸಮಸ್ಯೆಯ ಕುರಿತು 17, ಆರೋಗ್ಯ ಸಮಸ್ಯೆ ಕುರಿತು 18, ಶಿಕ್ಷಣ ಸಮಸ್ಯೆಯ ಕುರಿತು 14 ಹಾಗೂ ರಸ್ತೆ ಸಮಸ್ಯೆ ಕುರಿತು 21 ಜನ ಉಪೇಂದ್ರ ಅವರಿಗೆ ತಿಳಿಸುವ ಪ್ರಯತ್ನ ಮಾಡಿದ್ದಾರೆ. ಇದರೊಂದಿಗೆ 11 ಜನ ನೀರಿನ ಸಮಸ್ಯೆ, 12 ಜನ ಒಳ ಚರಂಡಿ ಸಮಸ್ಯೆ, 13 ಜನ ಕಸದ ಸಮಸ್ಯೆ ಹಾಗೂ 11 ಜನ ಬೀದಿ ದೀಪ ಸಮಸ್ಯೆಯ ಬಗ್ಗೆ ಹೇಳಿದ್ದಾರೆ. ಭದ್ರತಾ ಸಮಸ್ಯೆ ಬಗ್ಗೆ 11, ಉದ್ಯಾನವನ ಸಮಸ್ಯೆ 6, ನಿರ್ಮಾಣ ಸಮಸ್ಯೆ ಕುರಿತು 6, ವಿದ್ಯುತ್ ಸಮಸ್ಯೆ ಬಗ್ಗೆ 7, ಅರಣ್ಯ ಹಾಗೂ ಪರಿಸರ ಸಮಸ್ಯೆ ಬಗ್ಗೆ 8, ಸರ್ಕಾರಿ ಸೇವೆಯಲ್ಲಿನ ತೊಂದರೆಗಳ ಕುರಿತು 15 ಹಾಗೂ ಮೂಲಭೂತ ಸೌಕರ್ಯ ಮತ್ತು ಇನ್ನಿತರ ಸಮಸ್ಯೆಗಳ ಬಗ್ಗೆ 25 ವರದಿಗಳು ಪ್ರಜಾಕೀಯ ಪಕ್ಷದ ಕಡತ ಸೇರಿದೆ. ಆಕ್ಷಾಂಕ್ಷಿ ಸ್ಥಾನಕ್ಕೆ ಒಬ್ಬರೂ ಇಲ್ಲ! ಉಪೇಂದ್ರ ಅವರ ಪ್ರಜಾಕೀಯ ಪಕ್ಷದಿಂದ ವಿವಿಧ ಚುನಾವಣೆ ವೇಳೆ ಟಿಕೆಟ್‌ಪಡೆಯಲು ಸಹ ಇದೇ ಅಪ್ಲಿಕೇಶನ್ ಮೂಲಕ ಅರ್ಜಿ ಹಾಕುವ ಅವಕಾಶ ಕೊಡಲಾಗಿದೆ. ಲೋಕಸಭೆ, ವಿಧಾನಸಭೆ ಜೊತೆ ಸ್ಥಳೀಯ ಸಂಸ್ಥೆಗಳ ಹೆಸರು ಆರಿಸಿ ಅಲ್ಲಿ ಅಭ್ಯರ್ಥಿಗಳು ಸ್ವ ವಿವರ ದಾಖಲಿಸುವುದರ ಮೂಲಕ ಅರ್ಜಿ ಹಾಕುವಂತೆ ಮಾಡಲಾಗಿದೆ. ಆಯಾ ಕ್ಷೇತ್ರದಿಂದ ಅಭ್ಯರ್ಥಿ ಸ್ಥಾನ ಬಯಸಿ ಪ್ರತಿಯೊಬ್ಬರು ಅರ್ಜಿ ಹಾಕುವ ಅವಕಾಶ ನೀಡಿದ್ದು, ಅರ್ಜಿ ಹಾಕಿದವರನ್ನು ಮೂಲಕ ಪ್ರಜಾಕೀಯ ಪಕ್ಷದ ಪ್ರಮುಖರು ಸಂದರ್ಶನ ಮಾಡುತ್ತಾರೆ. ಮೂರು ಹಂತದಲ್ಲಿ ಈ ಸಂದರ್ಶನ ನಡೆಯಲಿದ್ದು, ಅರ್ಜಿ ಹಾಕುವ ವೇಳೆಯಲ್ಲಿಯೇ ಸಂದರ್ಶನದ ಸಮಯ ನಿಗದಿ ಮಾಡಲಾಗುತ್ತದೆ. ಮೊದಲು ಆನ್‌ಲೈನ್ ಮೂಲಕ ಸಂದರ್ಶನ ನಡೆಸಲಿದ್ದು, ನಂತರ ನೇರ ಭೇಟಿಯ ಸಂದರ್ಶನವನ್ನು ಮಾಡುವ ರೀತಿ ಮೊಬೈಲ್ ಅಪ್ಲಿಕೇಶನ್ ಆಯ್ಕೆಗಳಿವೆ. ಆದರೆ, ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕ್ಷೇತ್ರಗಳಿಂದ ಟಿಕೆಟ್ ಬಯಸಿ ಈವರೆಗೆ ಒಂದೂ ಅರ್ಜಿ ಸಲ್ಲಿಕೆ ಆಗಿಲ್ಲ.
- [ಫೋಟೋಗ್ರಾಫರ್ ಮನೆಗೆ ಕನ್ನ!](https://mobiletime.in/2026/04/the-photographers-house-was-broken-into/): ಕಾರವಾರದ ಫೋಟೋಗ್ರಾಫರ್ ಸೂರಜ್ ಜೋಗಳೇಕರ್ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಸೂರಜ್ ಜೋಗಳೇಕರ್ ಅವರ ಮನೆಗೆ ನುಗ್ಗಿದ ಕಳ್ಳರು 65 ಸಾವಿರ ರೂ ಹಣ ಕದ್ದು ಪರಾರಿಯಾಗಿದ್ದಾರೆ. ಕಾರವಾರದ ಕಾಜುಭಾಗದಲ್ಲಿರುವ ರಾಯಲ್ ಎಂಬಸಿ ಅಪಾರ್ಟಮೆಂಟಿನಲ್ಲಿ ಸೂರಜ್ ನಾರಾಯಣ ಜೋಗಳೇಕರ್ ಅವರು ವಾಸವಾಗಿದ್ದಾರೆ. ಫೋಟೋಗ್ರಾಫರ್ ಆಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಮಾರ್ಚ 28ರಂದು ರಾತ್ರಿ 10ಗಂಟೆ ನಂತರ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಏಪ್ರಿಲ್ 4ರ ಬೆಳಗ್ಗೆ ಅವರು ಅಪಾರ್ಟಮೆಂಟಿಗೆ ಬಂದು ನೋಡಿದಾಗ ಮನೆ ಬಾಗಿಲಿನ ಕೊಂಡಿ ಒಡೆದಿರುವುದು ಗೊತ್ತಾಗಿದೆ. sÀಸೂರಜ್ ಜೋಗಳೇಕರ್ ಅವರು ಮನೆ ಒಳಗೆ ಹೋಗಿ ಪರಿಶೀಲನೆ ನಡೆಸಿದಾಗ ಟ್ರೀಜರಿಯಲ್ಲಿದ್ದ 65ಸಾವಿರ ಕಾಣಲಿಲ್ಲ. ಮನೆಯ ಎಲ್ಲಾ ಕಡೆ ಅವರು ಹುಡುಕಾಟ ನಡಸಿದರೂ ಆ ಹಣ ಸಿಗಲಿಲ್ಲ. ಅಕ್ಕಪಕ್ಕದ ಮನೆಯವರ ಬಳಿ ವಿಚಾರಿಸಿದರೂ ಕಳ್ಳತನ ಮಾಡಿದವರ ಸುಳಿವು ಸಿಕ್ಕಿಲ್ಲ. ಹೀಗಾಗಿ ಸೂರಜ್ ಜೋಗಳೇಕರ್ ಅವರು ಪೊಲೀಸರ ಮೊರೆ ಹೋಗಿದ್ದು, `ಕಳ್ಳರನ್ನು ಹುಡುಕಿ.. ಹಣ ಮರಳಿಸಿ’ ಎಂದು ಮನವಿ ಮಾಡಿದ್ದಾರೆ. ಕಾರವಾರ ಶಹರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಶೋಧ ಶುರು ಮಾಡಿದ್ದಾರೆ.
- [ಕಡತ ಕಾಣೆಯಾಗಿದ್ದರೆ ಪೊಲೀಸ್ ಪ್ರಕರಣ ಕಡ್ಡಾಯ!](https://mobiletime.in/2026/04/if-the-file-is-missing-a-police-report-is-mandatory/): `ಸರ್ಕಾರಿ ಕಚೇರಿಯಲ್ಲಿನ ಕಡತ ಕಾಣೆಯಾದರೆ ಕೂಡಲೇ ಪೊಲೀಸ್ ಪ್ರಕರಣ ದಾಖಲಿಸಬೇಕು’ ಎಂದು ರಾಜ್ಯ ಮಾಹಿತಿ ಆಯೋಗದ ಆಯುಕ್ತ ಹರೀಶ್ ಕುಮಾರ್ ಅವರು ಸೂಚನೆ ನೀಡಿದ್ದಾರೆ. ಕಾರವಾರದ ಜಿಲ್ಲಾಧಿಕಾರಿ ಕಚೇರಿಗೆ ಭೇಟಿ ನೀಡಿದ ಅವರು ಮಾಹಿತಿ ಹಕ್ಕು ಕಾಯ್ದೆ ಕುರಿತು ಜಾಗೃತಿ ಕಾರ್ಯಗಾರ ಹಾಗೂ ಸಂವಾದ ಕಾರ್ಯಕ್ರಮ ನಡೆಸಿದ್ದು, ಕಾಯ್ದೆ ಅನುಷ್ಠಾನದ ಬಗ್ಗೆ ಅಧಿಕಾರಿಗಳಲ್ಲಿ ಅರಿವು ಮೂಡಿಸಿದ್ದಾರೆ. `ಮಾಹಿತಿ ಹಕ್ಕು ಕಾಯಿದೆ 2005ರಡಿ ಮಾಹಿತಿ ಕೋರಿ ಸಾರ್ವಜನಿಕರು ಸಲ್ಲಿಸುವ ಅರ್ಜಿಗಳಿಗೆ ನಿಗಧಿತ ಅವಧಿಯೊಳಗೆ ಅಗತ್ಯ ಮಾಹಿತಿ ಒದಗಿಸುವುದು ಎಲ್ಲಾ ಇಲಾಖೆಗಳ ಮಾಹಿತಿ ಅಧಿಕಾರಿಗಳ ಕಡ್ಡಾಯ ಜವಾಬ್ದಾರಿ’ ಎಂದವರು ಹೇಳಿದ್ದಾರೆ. ಮಾಹಿತಿ ಹಕ್ಕು ಕಾಯಿದೆಯು ಸಾರ್ವಜನಿಕ ಆಡಳಿತ ವ್ಯವಸ್ಥೆಯಲ್ಲಿ ಪಾರದರ್ಶಕತೆ ಮತ್ತು ಕಾನೂನಾತ್ಮಕವಾಗಿ ಸಾರ್ವಜನಿಕ ಕೆಲಸಗಳನ್ನು ಮಾಡಲು ಸಹಕಾರಿಯಾಗಿದ್ದು, ಇದು ಸಾರ್ವಜನಿಕರ ಕುಂದುಕೊರತೆಗಳನ್ನು ನಿವಾರಣೆ ಮಾಡುವ ಕಾಯಿದೆಯಾಗಿ ಬದಲಾಗಿದೆ. ಈ ಕಾಯಿದೆಯ ಅಧಿಕಾರಿಗಳು ಪ್ರಾಮಾಣಿಕವಾಗಿ ಮತ್ತು ತಪ್ಪುಗಳನ್ನು ಮಾಡದಂತೆ ಕೆಲಸ ನಿರ್ವಹಿಸಲು ಸಹಕಾರಿಯಾಗಿದೆ’ ಎಂದವರು ಹೇಳಿದ್ದಾರೆ. `ಕಾಯಿದೆಯ ಕುರಿತು ಆಗಾಗ ಸರ್ವೋಚ್ಛ ನ್ಯಾಯಾಲಯ, ರಾಜ್ಯ ಹೈಕೋರ್ಟ್ಗಳು ನೀಡುವ ತೀರ್ಪುಗಳ ಕುರಿತು ಮಾಹಿತಿ ಅಧಿಕಾರಿಗಳು ಅರಿವುಹೊಂದಿರಬೇಕು. ಕಾಯಿದೆಯಲ್ಲಿನ ಎಲ್ಲಾ ಅಂಶಗಳ ಬಗ್ಗೆ ಸಮಗ್ರವಾಗಿ ಅರಿತುಕೊಂಡು ಸಾರ್ವಜನಿಕರಿಗೆ ಮಾಹಿತಿಗಳನ್ನು ಒದಗಿಸಬೇಕು. ಪ್ರಥಮ ಮೇಲ್ಮನವಿ ಮತ್ತು ಎರಡನೇ ಮೆಲ್ಮನವಿಗಳ ಸಲ್ಲಿಕೆಗೆ ಅವಕಾಶ ನೀಡದೇ ಅರ್ಜಿಗಳನ್ನು ಮೊದಲ ಹಂತದಲ್ಲಿಯೇ ವಿಲೇಗೊಳಿಸಬೇಕು. ನಿಗಧಿತ ಅವಧಿಯೊಳಗೆ ಮಾಹಿತಿ ಒದಗಿಸದ ಅಧಿಕಾರಿಗಳಿಗೆ 25 ಸಾವಿರ ರೂ ದಂಡ ಹಾಗೂ ಕರ್ತವ್ಯ ಲೋಪದ ಶಿಸ್ತು ದಂಡ ವಿಧಿಸುವಂತೆ ಸಂಬoಧಪಟ್ಟ ಪ್ರಾಧಿಕಾರಕ್ಕೆ ಸೂಚಿಸುವ ಅಧಿಕಾರ ಆಯೋಗಕ್ಕಿದೆ’ ಎಂದವರು ವಿವರಿಸಿದರು. `ಸಾರ್ವಜನಿಕರಿಗೆ ಶೀಘ್ರದಲ್ಲಿ ಮತ್ತು ಸಮರ್ಪಕವಾದ ಮಾಹಿತಿ ನೀಡಲು ಅನುಕೂಲವಾಗುವಂತೆ ಕಚೇರಿಗಳಲ್ಲಿ ಕಡತಗಳನ್ನು ವರ್ಗಿಕರಣ ಮಾಡಿಟ್ಟುಕೊಳ್ಳಬೇಕು. ಕಡತಗಳನ್ನು ನಿಯಮಾನುಸಾರ ನಾಶಪಡಿಸಿದ್ದರೆ ಈ ಬಗ್ಗೆ ದಾಖಲೆ ಇರಬೇಕು. ಕಡತಗಳು ಕಣ್ಮರೆಯಾಗಿದ್ದಲ್ಲಿ FIR ದಾಖಲಿಸಬೇಕು. ಇಲ್ಲವಾದಲ್ಲಿ ಸಂಬAಧÀಪಟ್ಟ ಅಧಿಕಾರಿಯ ವಿರುದ್ಧವೇ ಶಿಕ್ಷೆ ವಿಧಿಸಬಹುದಾಗಿದೆ’ ಎಂದವರು ತಿಳಿಸಿದರು. ಮಾಹಿತಿ ಹಕ್ಕು ಕಾಯಿದೆಯ ವಿವಿಧ ಸೆಕ್ಷನ್‌ಗಳಡಿ ಅಧಿಕಾರಿಗಳು ಕಾರ್ಯನಿರ್ವಹಿಸಬೇಕಾದ ಕಾರ್ಯಗಳ ಕುರಿತು ವಿವರವಾದ ಮಾಹಿತಿ ನೀಡಿದ ಅವರು `ಕಾಯಿದೆಯನ್ನು ಅತ್ಯಂತ ಪರಿಣಾಮಕಾರಿಯಾಗಿ ಹಾಗೂ ಸಮರ್ಪಕವಾಗಿ ಅನುಷ್ಠಾನಗೊಳಿಸುವಂತೆ ನಿರ್ದೇಶನ ನೀಡಿದರು. ಎಲ್ಲಾ ಕಚೇರಿಗಳಲ್ಲಿ ಕಚೇರಿಯ ಸಾರ್ವಜನಿಕ ಮಾಹಿತಿ ಅಧಿಕಾರಿಗಳ ಮತ್ತು ಮೇಲ್ಮನವಿ ಅಧಿಕಾರಿಗಳ ವಿವರಗಳನ್ನು ಹಾಗೂ ಸೆಕ್ಷನ್ 4 (1)ಎ ಮತ್ತು 4 (1)ಬಿ ಮಾಹಿತಿಯನ್ನು ಅಳಡಿಸುವಂತೆ ಕಡ್ಡಾಯವಾಗಿ ಅಳವಡಿಸುವಂತೆ ಸೂಚಿಸಿದರು. ಮಾಹಿತಿ ಆಯೋಗದ ಆಯುಕ್ತ ಬದ್ರುದ್ದೀನ್ ಮಾತನಾಡಿ `ಮಾಹಿತಿ ಹಕ್ಕು ಕಾಯಿದೆಯಡಿ ಅರ್ಜಿದಾರರು ಕೋರುವ ಮಾಹಿತಿಯನ್ನು ವಿವರವಾಗಿ ಪರಿಶೀಲಿಸಿ ಅಗತ್ಯ ಮಾಹಿತಿಯನ್ನು ನಿಗಧಿತ ಶುಲ್ಕಪಡೆದು ನೀಡಬೇಕು. ಈ ಕಾಯಿದೆಯ ದುರ್ಬಳಕೆ ಕುರಿತು ಕೂಡಾ ಆಯೋಗಕ್ಕೆ ದೂರುಗಳು ಬಂದಿದ್ದು, ಆಯೋಗವು ಇದುವರೆಗೆ 26 ಜನರನ್ನು ಕಪ್ಪುಪಟ್ಟಿಗೆ ಸೇರ್ಪಡೆ ಮಾಡಿದೆ. ಕಳೆದ ವರ್ಷ ಫೆಬ್ರವರಿಯಲ್ಲಿ ಆಯೋಗದಲ್ಲಿ 55,400 ಮೇಲ್ಮನವಿ ಅರ್ಜಿಗಳು ವಿಚಾರಣೆಗೆ ಬಾಕಿ ಇದ್ದು, ಅವುಗಳಲ್ಲಿ 26,670 ಅರ್ಜಿಗಳನ್ನು ವಿಲೇವಾರಿ ಮಾಡಲಾಗಿದೆ. ಪ್ರಸ್ತುತ 28,730 ಬಾಕಿ ಇವೆ. ಉತ್ತರ ಕನ್ನಡ ಜಿಲ್ಲೆಗೆ ಸಂಬAದಿಸಿದoತೆ 524 ಅರ್ಜಿಗಳು ಬಾಕಿ ಇದ್ದು ಜಿಲ್ಲೆಯು ರಾಜ್ಯದಲ್ಲಿ 17 ನೇ ಸ್ಥಾನದಲ್ಲಿದ್ದು, ಜಿಲ್ಲೆಯ ಅರ್ಜಿಗಳಲ್ಲಿ 164 ಅರ್ಜಿಗಳು ಆರ್.ಡಿ.ಪಿ.ಆರ್ ಮತ್ತು 110 ಅರ್ಜಿಗಳು ಕಂದಾಯ ಇಲಾಖೆಗೆ ಸೇರಿದ್ದು, ಉಳಿದದ್ದು ಇತರೆ ಇಲಾಖೆಗಳದ್ದಾಗಿದೆ’ ಎಂದರು. `ಮೇಲ್ಮನವಿ ಅರ್ಜಿಗಳನ್ನು ಪ್ರಥಮ ಮೇಲ್ಮನವಿ ಅಧಿಕಾರಿಗಳ ಹಂತದಲ್ಲೇ ವಿಲೇ ಮಾಡುವ ಉದ್ದೇಶದಿಂದ ಜಿಲ್ಲೆಯಲ್ಲಿ ಎಲ್ಲಾ ಇಲಾಖಾಧಿಕಾರಿಗಳು ತಮ್ಮ ಹಂತದಲ್ಲಿ ಪರಿಶೀಲನಾ ಸಭೆಯನ್ನು ನಡೆಸುವಂತೆ ಮತ್ತು ತ್ರೆöÊಮಾಸಿಕ ಕಡಿಪಿ ಸಭೆಯಲ್ಲಿ ಮಾಹಿತಿ ಹಕ್ಕು ಅರ್ಜಿಗಳ ವಿಲೇವಾರಿಯನ್ನು ಒಂದು ವಿಷಯವನ್ನಾಗಿ ತೆಗೆದುಕೊಂಡು ಪ್ರಗತಿ ಪರಿಶೀಲನೆ ನಡೆಸಬೇಕು’ ಎಂದು ತಿಳಿಸಿದರು. ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಮಾತನಾಡಿ `ಜಿಲ್ಲೆಯಲ್ಲಿ ಕಂದಾಯ, ಅರಣ್ಯ, ಪೊಲೀಸ್, ಗ್ರಾಮೀಣಭಿವೃದ್ಧಿ ಇಲಾಖೆಗಳಿಗೆ ಸಂಬoಧಿಸಿದAತೆ ಹೆಚ್ಚಿನ ಸಂಖ್ಯೆಯಲ್ಲಿ ಮಾಹಿತಿ ಹಕ್ಕು ಕಾಯಿದೆ ಅರ್ಜಿಗಳು ಸಲ್ಲಿಕೆಯಾಗುತ್ತಿದ್ದು, ಕಾಯಿದೆಯು ಸಾರ್ವಜನಿಕರಿಗೆ ಆಡಳಿತ ವ್ಯವಸ್ಥೆ ಮೇಲೆ ನಂಬಿಕೆ ಮೂಡಿಸುವ ಮತ್ತು ಪ್ರಜಾಪ್ರಭುತ್ವದ ಬಲಪಡಿಸಲು ಸಹಾಯವಾಗಲಿದೆ. ಕಂದಾಯ ಇಲಾಖೆಯಲ್ಲಿ ಡಿಜಿಟಲೀಕರಣ ನಡೆಯುತ್ತಿರುವುದರಿಂದ ಮುಂದಿನ ದಿನಗಳಲ್ಲಿ ಅತ್ಯಂತ ಶೀಘ್ರದಲ್ಲಿ ಮಾಹಿತಿ ಒದಗಿಸಲು ಸಾಧ್ಯವಾಗಲಿದ್ದು, ಪಾರದರ್ಶಕತೆ ತರಲು ಸಾಧ್ಯವಾಗಲಿದೆ. ಜಿಲ್ಲೆಯ ಎಲ್ಲಾ ಅಧಿಕಾರಿಗಳು ಕಾಯಿದೆಯ ಕುರಿತಂತೆ ಸಂಪೂರ್ಣ ಅರಿವು ಹೊಂದಿರಬೇಕು’ ಎಂದರು. ಮಾಹಿತಿ ಆಯುಕ್ತ ನಾರಾಯಣ ಚನ್ನಾಳ, ಜಿ ಪಂ. ಸಿಇಓ ದಿಲೀಷ್ ಶಶಿ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಹಾಗೂ ಜಿಲ್ಲೆಯ ಎಲ್ಲಾ ಇಲಾಖೆಗಳ ಸಾರ್ವಜನಿಕ ಮಾಹಿತಿ ಅಧಿಕಾರಿಗಳು ಇದ್ದರು. ನಂತರ ಸಾರ್ವಜನಿಕರು ಹಾಗೂ ಮಾಧ್ಯಮದವರೊಂದಿಗೆ ಮಾಹಿತಿ ಹಕ್ಕು ಕಾಯ್ದೆ ಕುರಿತು ಸಂವಾದ ಚರ್ಚೆ ನಡೆಯಿತು.
- [ಒಗ್ಗಟ್ಟಿನ ಹೋರಾಟದಲ್ಲಿ ಒಡಕು!](https://mobiletime.in/2026/04/division-in-the-struggle-for-unity/): ಅಂಕೋಲಾದ ಕೇಣಿ ವಾಣಿಜ್ಯ ಬಂದರು ವಿಷಯವಾಗಿ ಆ ಭಾಗದ ಜನ ಒಗ್ಗಟ್ಟಿನಿಂದ ಹೋರಾಟ ನಡೆಸಿದ್ದು, ಈ ಹೋರಾಟದಲ್ಲಿ ಇದೀಗ ಒಡಕು ಮೂಡಿದೆ. ಹಣಕಾಸು ವಿಷಯವಾಗಿ ಹೋರಾಟಗಾರರಲ್ಲಿ ಸಣ್ಣ ಪ್ರಮಾಣದಲ್ಲಿ ಮನಸ್ತಾಪ ಉಂಟಾಗಿದ್ದು, ಅದನ್ನು ಹೋರಾಟಗಾರರೊಬ್ಬರು ಬಹಿರಂಗವಾಗಿವ್ಯಕ್ತಪಡಿಸಿದ್ದಾರೆ. `ಕೇಣಿಯಲ್ಲಿ ಉದ್ದೇಶಿತ ಖಾಸಗಿ ಗ್ರೀನಫೀಲ್ಡ್ ವಾಣಿಜ್ಯ ಬಂದರು ನಿರ್ಮಾಣ ಯೋಜನೆಯನ್ನು ವಿರೋಧಿ ಹೋರಾಟ ಸಮಿತಿಯವರು ಹಣಕಾಸಿನ ದುರುಪಯೋಗ ಮಾಡಿದ್ದಾರೆ. ಹೋರಾಟ ಸಮಿತಿಯ ಕೆಲವರು ಗುತ್ತಿಗೆ ಕಂಪನಿಯವರ ಜೊತೆ ಒಳ ಒಪ್ಪಂದ ಮಾಡಿಕೊಂಡಿರುವ ಶಂಕೆಯಿದೆ’ ಎಂದು ಕೇಣಿ ಬಂದರು ವಿರೋಧಿ ಹೋರಾಟ ಸಮಿತಿಯ ಸದಸ್ಯ ರಾಜು ಹರಿಕಂತ್ರ ಅವರು ಆರೋಪಿಸಿದ್ದಾರೆ. ಜಿಲ್ಲಾ ಮೀನು ಮಾರಾಟ ಫೇಡರೇಶನ್ ಮಾಜಿ ನಿರ್ದೇಶಕರೂ ಆಗಿರುವ ಅವರು `ಕೇಣಿ ಬಂದರು ವಿರೋಧಿಸಿ ಕಳೆದ ಒಂದು ವರ್ಷದಿಂದ ಹೋರಾಟ ನಡೆಯುತ್ತಿದೆ. ಇದಕ್ಕಾಗಿ ಹೋರಾಟ ಸಮಿತಿಯನ್ನು ಸಹ ರಚಿಸಲಾಗಿದೆ. ಅನೇಕ ದಾನಿಗಳಿಂದ ಹೋರಾಟ ಸಮಿತಿಯವರು ಹಣಪಡೆದಿದ್ದು, ಪಡೆದ ಹಣದ ಬಗ್ಗೆ ಲೆಕ್ಕಾಚಾರ ನೀಡುತ್ತಿಲ್ಲ. ಖರ್ಚು-ವೆಚ್ಚದ ಬಗ್ಗೆ ಪ್ರಶ್ನಿಸಿದರೂ ಉದ್ದಟತನದ ಮಾತನಾಡುತ್ತಿದ್ದಾರೆ’ ಎಂದವರು ದೂರಿದ್ದಾರೆ. `ಕೇಣಿಯಲ್ಲಿ ಬಂದರು ನಿರ್ಮಾಣದಿಂದ ಅಂಕೋಲಾ ತಾಲೂಕಿನ ಮೀನುಗಾರರಿಗೆ ಹಾಗೂ ಸುತ್ತಮುತ್ತಲಿನ ಸಾರ್ವಜನಿಕರ ಜೊತೆ ರೈತರಿಗೆ ಹಾಗೂ ಕೂಲಿ ಕಾರ್ಮಿಕರಿಗೆ ತೊಂದರೆ ಆಗುತ್ತದೆ. ಮನೆ, ಫಲವತ್ತಾದ ಭೂಮಿಯನ್ನು ಕಳೆದುಕೊಳ್ಳಬೇಕಾಗುತ್ತದೆ. ಇದೇ ಆತಂಕದಿAದ ಅನೇಕರು ಹೋರಾಟಕ್ಕೆ ಬೆಂಬಲ ನೀಡಿದ್ದಾರೆ. ಮಾಹಿತಿಗಳ ಪ್ರಕಾರ ಪ್ರತಿ ಮನೆಯಿಂದ 2 ಸಾವಿರ ರೂಪಾಯಿಗಳಂತೆ 373 ಮನೆಗಳಿಂದ ಹಣ ಸಂಗ್ರಹಿಸಲಾಗಿದ್ದು, ಆ ಹಣದ ಲೆಕ್ಕಾಚಾರದ ಬಗ್ಗೆ ಯಾರೂ ಮಾಹಿತಿ ಕೊಡುತ್ತಿಲ್ಲ’ ಎಂದು ದೂರಿದರು. `ವಿವಿಧ ಉದ್ಯಮಿಗಳಿಂದ, ಸಂಘ ಸಂಸ್ಥೆಯವರಿAದ, ಮೀನುಗಾರರ ಫೆಡರೇಷನ್ ಹಾಗೂ ಮೀನುಗಾರರ ಯುನಿಯನ್ ಮೂಲಕವೂ 10 ಲಕ್ಷಕ್ಕೂ ಅಧಿಕ ಹಣ ಸಂಗ್ರಹಿಸಲಾಗಿದೆ. ಹೆಸರು ಹೇಳಲು ಇಚ್ಚಿಸದ ಉದ್ದಿಮೆದಾರರು ಲಕ್ಷಕ್ಕೂ ಅಧಿಕ ಹಣ ನೀಡಿದ್ದಾರೆ. ಹೀಗೆ ಸಂಗ್ರಹಿಸಿದ ಹಣ ಪ್ರಮುಖ ಹೋರಾಟಗಾರರ ಬಳಿಯಿದ್ದು, ಅದರ ಬಗ್ಗೆ ಅವರು ಮಾಹಿತಿ ನೀಡುತ್ತಿಲ್ಲ’ ಎಂದು ದೂರಿದರು. `ಈ ಮಧ್ಯೆ ಹೋರಾಟ ಸಮಿತಿಯ ಮುಖಂಡರ ಜೊತೆ ಸಮಿತಿಯ ಸದಸ್ಯರಲ್ಲದ ಕೇಣಿ ಭಾಗದ ಸುಮಾರು 10 ರಿಂದ 15 ಯುವಕರು ಬಂದರು ಅಧ್ಯಯನ ಅಥವಾ ತರಬೇತಿ ಪ್ರವಾಸಕ್ಕೆಂದು ಗುಜರಾತ, ಕೇರಳ, ಮಹಾರಾಷ್ಟç ದೆಹಲಿ, ಬೆಂಗಳೂರು ಹೀಗೆ ಅನೇಕ ಕಡೆಗಳಲ್ಲಿ ಹೋಗಿ ಬಂದಿದ್ದು ಇವರ ಪ್ರವಾಸಕ್ಕಾಗಿ ರೈಲು, ವಿಮಾನ ಹಾಗೂ ಉಳಿದ ಖರ್ಚು ವೆಚ್ಚಗಳನ್ನು ನೋಡಿಕೊಂಡ ಉದ್ಯಮಿ ಅಥವಾ ಸಂಸ್ಥೆ ಯಾವುದು? ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಅವರಿಗೆ ನೀಡಿದ ತರಬೇತಿಯ ಉದ್ದೇಶವಾದರೂ ಏನು? ಅಧ್ಯಯನ ಮಾಡಿ ಬಂದ ಮೇಲೆ ಈ ಕುರಿತು ಮಾಹಿತಿ ನೀಡಿದ್ದಾರೆಯೇ? ಎಂದು ಪ್ರಶ್ನಿಸಿದರು. `ಒಳ್ಳೆಯ ಉದ್ದೇಶದಿಂದ ಅದ್ಯಯನಕ್ಕೆ ಹೊರಟಿದ್ದರೆ ಹೋರಾಟದಲ್ಲಿ ಪಾಲ್ಗೊಂಡ ಎಲ್ಲ ಸಮಾಜದವರನ್ನೂ ಯಾಕೆ ಕರೆದೊಯ್ಯಲಿಲ್ಲ? ಎಂದು ರಾಜು ಹರಿಕಂತ್ರ ಅವರು ಕೇಳಿದ್ದಾರೆ. `ಈ ಎಲ್ಲ ಗುಪ್ತ ವಿದ್ಯಮಾನಗಳನ್ನು ನೋಡಿದರೆ ಬಂದರು ವಿರೋಧಿ ಹೋರಾಟ ಸಮಿತಿಯ ಪ್ರಮುಖರು ಹಾಗೂ ಇನ್ನಿತರ ಕೆಲವರು ಸೇರಿ ಗುತ್ತಿಗೆ ಕಂಪನಿಗಳ ಜೊತೆ ಒಳ ಒಪ್ಪಂದ ಮಾಡಿಕೊಂಡು ಜೆಎಸ್‌ಡಬ್ಲೂö್ಯ ಕಂಪನಿಯವರೊAದಿಗೆ ಕೋಟಿಗಟ್ಟಲೆ ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆಯೇ? ಎನ್ನುವ ಸಂಶಯ ಮೂಡುತ್ತಿದೆ. ಇದಕ್ಕೆ ಪುಷ್ಟಿ ಎನ್ನುವಂತೆ ಹೋರಾಟ ಸಮಿತಿಯ ಪ್ರಮುಖರು ಅಂಕೋಲಾ ಪಟ್ಟದಲ್ಲಿ ಮನೆ, ಜಮೀನು ಖರೀದಿಸಲು ಹುಡುಕಾಟ ನಡೆಸಿದ್ದಾರೆ’ ಎಂಬ ವಿಷಯವನ್ನು ಬಹಿರಂಗಪಡಿಸಿದರು. `ಈ ಹಿಂದೆ ಶಾಸಕರಾದ ಸತೀಶ ಸೈಲ್ ಅವರು ಬಹಿರಂಗ ಸಭೆಯೊಂದರಲ್ಲಿ ಕೇಣಿ ಭಾಗದ ಹೋರಾಟಗಾರರಲ್ಲಿ ಕೆಲವರು ಕಂಪನಿಯಿAದ ಹಣ ಪಡೆದಿರುವ ಕುರಿತು ಸ್ಫೋಟಕ ಹೇಳಿಕೆ ನೀಡಿದ್ದರು. ಆದರೆ ಅಂದು ನಾವು ಸತ್ಯಕ್ಕೆ ದೂರವಾದ ಸಂಗತಿ ಎಂದೇ ನಂಬಿದ್ದೆವು. ಆದರೆ ಇತ್ತೀಚೆಗೆ ನಡೆಯುತ್ತಿರುವ ಬೆಳವಣಿಗೆಯನ್ನು ಗಮನಿಸಿದರೆ ಶಾಸಕರ ಮಾತು ಸತ್ಯ ಎನಿಸುತ್ತಿದೆ’ ಎಂದವರು ಹೇಳಿದರು.
- [2 ಸಾವಿರ ರೂ ದಂಡ.. 2 ಸಾವಿರ ರೂ ಪರಿಹಾರ!](https://mobiletime.in/2026/04/rs-2000-fine-rs-2000-compensation/): ಸರ್ಕಾರಿ ಸೇವೆಯಲ್ಲಿದ್ದ ನೌಕರರಿಬ್ಬರ ಮೇಲೆ ಹಲ್ಲೆ ಮಾಡಿದ ಆರೋಪಿತರಿಗೆ ನ್ಯಾಯಾಲಯ 2 ಸಾವಿರ ರೂ ದಂಡವಿಧಿಸಿದ್ದು, ಸಂತ್ರಸ್ತರಿಗೂ 2 ಸಾವಿರ ರೂ ಪರಿಹಾರ ಒದಗಿಸುವಂತೆ ಆರೋಪಿತರಿಗೆ ಆದೇಶಿಸಿದೆ. 2018ರ ಮಾರ್ಚ 2ರಂದು ದಾಂಡೇಲಿ ಅರಣ್ಯ ಇಲಾಖೆ ಸಿಬ್ಬಂದಿ ಮೇಲೆ ದಾಳಿ ನಡೆದಿತ್ತು. ಸಂಜೆ 5.30ರ ವೇಳೆಗೆ ಮೌಳಂಗಿ ಇಕೋ ಪಾರ್ಕಿನಲ್ಲಿ ಕರ್ತವ್ಯದ ಮೇಲಿದ್ದ ಅರಣ್ಯ ಸಿಬ್ಬಂದಿ ಮಹೇಶ ಅಧಿವಾಸಿ ಹಾಗೂ ನೀಲೇಷ ಚಿಕ್ಕೋಡಿ ಅವರ ಮೇಲೆ ರಫೀಕ್ ಅಹ್ಮದ್ ಹಾಗೂ ವಿಷ್ಣು ಎಂಬಾತರು ಆಕ್ರಮಣ ನಡೆಸಿದ್ದರು. ನೌಕರರಿಬ್ಬರಿಗೂ ಕೆಟ್ಟದಾಗಿ ಬೈದು, ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದರು. ಇದರಿಂದ ನೊಂದ ನೌಕರರಿಬ್ಬರೂ ಪೊಲೀಸರ ಮೊರೆ ಹೋಗಿದ್ದರು. ಪ್ರಕರಣದ ಗಂಭೀರತೆ ಅರಿತ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ದಾಂಡೇಲಿ ಗ್ರಾಮೀಣ ಪೊಲೀಸ್ ಠಾಣೆಯ ಪಿಸೈ ಸುನೀಲಕುಮಾರ್ ಅವರು ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿಯನ್ನು ಸಲ್ಲಿಸಿದ್ದರು. ಶಿರಸಿಯ 1ನೇ ಹೆಚ್ಚುವರಿ ಜಿಲ್ಲಾ ನ್ಯಾಯಾಲಯ ಈ ಪ್ರಕರಣದ ವಿಚಾರಣೆ ನಡೆಸಿತು. ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ಪ್ರಕರಣದ ಬಗ್ಗೆ ವಾದ ಮಂಡಿಸಿದ್ದು, ವಿವಿಧ ಸಾಕ್ಷಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಆ ದಿನ ನಡೆದ ಘಟನಾವಳಿಗಳ ಬಗ್ಗೆ ವಿವರಿಸಿ ಆರೋಪಿತರು ಮಾಡಿದ ಅಪರಾಧವನ್ನು ಸಾಭೀತು ಮಾಡಿದರು. ವಾದ ಆಲಿಸಿದ ನ್ಯಾಯಾಧೀಶ ಕಿರಣ ಕಿಣಿ ಅವರು ಆರೋಪಿ ರಫೀಕ್ ಅಹ್ಮದ್ ಮತ್ತು ವಿಷ್ಣು ಅವರಿಗೆ ತಲಾ 2 ಸಾವಿರ ರೂ ದಂಡ ವಿಧಿಸಿದರು. ಜೊತೆಗೆ ಹಲ್ಲೆಗೆ ಒಳಗಾದ ಅರಣ್ಯ ಸಿಬ್ಬಂದಿಗೂ ಆರೋಪಿತರು ತಲಾ 2 ಸಾವಿರ ರೂ ಪರಿಹಾರ ಒದಗಿಸಬೇಕು ಎಂದು ಆದೇಶಿಸಿದರು.
- [BSNL: ಕೇಬಲ್ ಕಳ್ಳತನ!](https://mobiletime.in/2026/04/bsnl-cable-theft/): ತಾಮ್ರದ ತಂತಿ ಆಸೆಗೆ ಬಿದ್ದ ಕಳ್ಳರು ಮುಂಡಗೋಡು ಪಟ್ಟಣದಲ್ಲಿ ಬಿಎಸ್‌ಎನ್‌ಎಲ್ ಕೇಬಲ್ ಕದ್ದಿದ್ದಾರೆ. ಪವರ್ ಪ್ಲಾಂಟ್’ಗೆ ಅಳವಡಿಸಿದ್ದ ಕೇಬಲ್ ಕಾಣೆಯಾಗಿದ್ದು, ಜ್ಯುನಿಯರ್ ಟೆಲಿಕಾಂ ಆಫಿಸರ್ ನಿತಿನ್ ಪ್ರಕಾಶ ಅವರು ಆ ಕೇಬಲ್ ಹುಡುಕಾಟ ನಡೆಸಿದ್ದಾರೆ. ಮಾರ್ಚ 18ರ ರಾತ್ರಿ 8 ಗಂಟೆಯವರೆಗೂ ಅಲ್ಲಿ ಕೇಬಲ್ ಇರುವುದನ್ನು ಜನ ನೋಡಿದ್ದಾರೆ. ಮರುದಿನ ಬೆಳಗ್ಗೆ 6 ಗಂಟೆ ವೇಳೆಗೆ ಆ ಕೇಬಲ್ ಕಾಣೆಯಾಗಿದೆ. ಸುಮಾರು 70ಮೀಟರ್ ಉದ್ದದ ಕೇಬಲನ್ನು ಕಳ್ಳರು ಒಯ್ದಿದ್ದಾರೆ. ಆ ಕೇಬಲ್ ಒಳಗೆ 300ಚ.ಮೀ ತಾಮ್ರವಿದ್ದು ಅದರ ಮೌಲ್ಯ 70 ಸಾವಿರ ರೂಪಾಯಿಗಳಷ್ಟಿದೆ. ಪವರ್ ಪ್ಲಾಂಟ್ ಬ್ಯಾಟರಿಗೆ ಅಳವಡಿಸಿದ್ದ ಕೇಬಲ್ ಕಾಣೆಯಾಗಿದನ್ನು ಅರಿತು ಯಲ್ಲಾಪುರ ಹಾಗೂ ಮುಂಡಗೋಡು ಬಿಎಸ್‌ಎನ್‌ಎಲ್ ಜ್ಯುನಿಯರ್ ಟೆಲಿಕಾಂ ಆಫಿಸರ್ ನಿತಿನ್ ಪ್ರಕಾಶ ಅವರು ಕಂಗಾಲಾಗಿದ್ದಾರೆ. ಎಲ್ಲಾ ಕಡೆ ಆ ಕೇಬಲ್ ಹುಡುಕಾಟ ನಡೆಸಿದ್ದಾರೆ. ಆದರೆ, ಎಲ್ಲಿಯೂ ಕೇಬಲ್ ಸಿಕ್ಕಿಲ್ಲ. ಅದನ್ನು ಕದ್ದವರ ಮಾಹಿತಿಯೂ ಗೊತ್ತಾಗಿಲ್ಲ. ಹೀಗಾಗಿ ಕೇಬಲ್ ಕಳ್ಳರ ವಿರುದ್ಧ ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದ ನಿತಿನ್ ಅವರು ನಂತರ ಪೊಲೀಸರ ಮೊರೆ ಹೋಗಿದ್ದಾರೆ. ಸರ್ಕಾರಿ ಸ್ವತ್ತಾದ ಕೇಬಲ್ ಕದ್ದವರನ್ನು ಹುಡುಕಿ, ಕಠಿಣ ಕ್ರಮ ಜರುಗಿಸುವಂತೆ ಅವರು ಲಿಖಿತವಾಗಿ ತಿಳಿಸಿದ್ದಾರೆ. ಈ ಹಿನ್ನಲೆ ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕೇಬಲ್ ಕದ್ದವರ ಶೋಧ ಶುರು ಮಾಡಿದ್ದಾರೆ.
- [ಕಾರವಾರ | ಕಠಿಣ ಸಮಸ್ಯೆಗಳ ಬಗ್ಗೆ ಶ್ರೀಗಳ ಕಳವಳ!](https://mobiletime.in/2026/04/karwar-his-holiness-concern-about-difficult-issues/): ನಿರುದ್ಯೋಗ, ಮೀನುಗಾರರು ಅನುಭವಿಸುತ್ತಿರುವ ಸಮಸ್ಯೆ, ಮೂಲಭೂತ ಸೌಕರ್ಯದ ಕೊರತೆ ಹಾಗೂ ಕೈಗಾ ಹಾಗೂ ಸೀಬರ್ಡ ನೌಕಾನೆಲೆಯಿಂದ ಸ್ಥಳೀಯರಿಗೆ ಆಗುತ್ತಿರುವ ಅನ್ಯಾಯದ ಬಗ್ಗೆ ಗೋವಾದ ಪರ್ತಗಾಳಿ ಮಠದ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಅವರು ಕಳವಳವ್ಯಕ್ತಪಡಿಸಿದ್ದಾರೆ. ಜನರ ಕಷ್ಟಗಳಿಗೆ ಸ್ಪಂದಿಸಿ, ನ್ಯಾಯ ಕೊಡಿಸಲು ಪ್ರಯತ್ನಿಸುವಂತೆ ಸ್ವಾಮೀಜಿ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರಿಗೆ ಸೂಚಿಸಿದ್ದಾರೆ. ಶುಕ್ರವಾರ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠದ ಪೀಠಾಧಿಪತಿ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಅವರನ್ನು ಮಾಧವ ನಾಯಕ ಅವರು ಭೇಟಿ ಮಾಡಿದ್ದಾರೆ. ಈ ವೇಳೆ ಕಾರವಾರದ ಜನ ಅನುಭವಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಮಾಧವ ನಾಯಕ ಅವರು ಶ್ರೀಗಳಲ್ಲಿ ವಿವರಿಸಿದ್ದಾರೆ. ತಾವು ನಡೆದು ಬಂದ ದಾರಿ, ಹೋರಾಟದ ಬಗ್ಗೆಯೂ ಮಾಧವ ನಾಯಕ ಅವರು ತಿಳಿಸಿದ್ದಾರೆ. ಕಾರವಾರ ಭಾಗದ ಜನರ ಪ್ರಸ್ತುತ ಸ್ಥಿತಿಗತಿಗಳು, ಮೀನುಗಾರಿಕೆ ವಲಯದ ಸವಾಲುಗಳು, ನಿರುದ್ಯೋಗ ಸಮಸ್ಯೆ ಹಾಗೂ ಸ್ಥಳೀಯರು ಎದುರಿಸುತ್ತಿರುವ ಇತರ ಮೂಲಭೂತ ಸಮಸ್ಯೆಗಳ ಬಗ್ಗೆ ಅವರು ಸ್ವಾಮೀಜಿಗಳಿಗೆ ಮಾಹಿತಿ ನೀಡಿದ್ದಾರೆ. ಕೈಗಾ ವಿದ್ಯುತ್ ಅಣುಸ್ಥಾವರ, ಸೀಬರ್ಡ್ ನೌಕಾನೆಲೆಗಳಲ್ಲಿ ಸ್ಥಳೀಯರಿಗೆ ತಕ್ಕಮಟ್ಟಿಗೆ ಉದ್ಯೋಗ ಸಿಗದೇ ಇರುವುದರಿಂದ ಆದ ಅನ್ಯಾಯದ ಬಗ್ಗೆ ವಿವರಿಸಿದ್ದಾರೆ. ಈ ಎಲ್ಲಾ ಮಾಹಿತಿಪಡೆದ ಶ್ರೀಗಳು ಮಾಧವ ನಾಯಕ ಅವರನ್ನು ಆಶೀರ್ವದಿಸಿ, ಹೋರಾಟಕ್ಕೆ ಸ್ಪೂರ್ತಿ ತುಂಬಿದ್ದಾರೆ. ಆಧ್ಯಾತ್ಮಿಕ ಕ್ಷೇತ್ರದ ಬಗ್ಗೆಯೂ ಮಾತನಾಡಿದ ಶ್ರೀಗಳು `ನೈಜ ಆಧ್ಯಾತ್ಮಿಕ ಜ್ಞಾನ ಸಮಾಜಕ್ಕೆ ಉಪಕಾರಿಯಾಗಿರುತ್ತದೆ. ಆಧ್ಯಾತ್ಮಿಕ ಚಿಂತನೆಯಿರುವವರು ಸಾಮಾಜಿಕ ಕಳಕಳಿ ಮೂಲಕ ಹೊರಾಟ ನಡೆಸಿದರೆ ಅದಕ್ಕೆ ಯಶಸ್ಸು ಸಿಗುತ್ತದೆ’ ಎಂದಿದ್ದಾರೆ. ಇದಕ್ಕೆ ಪ್ರತಿಯಾಗಿ ಮಾಧವ ನಾಯಕ ಅವರು `ತಮ್ಮ ಪ್ರವಚನಗಳನ್ನು ಆಲಿಸಿದ ನಂತರ ಅದ್ಭುತ ಜ್ಞಾನದ ಪರಿಚಯವಾಯಿತು. ತಮ್ಮ ವೈಚಾರಿಕತೆ ಮತ್ತು ಚಿಕ್ಕ ವಯಸ್ಸಿನಲ್ಲಿ ಅಪಾರ ಪಾಂಡಿತ್ಯವನ್ನು ಕಂಡು ಸ್ವತಃ ಭೇಟಿಯಾಗಲು ಆಗಮಿಸಿದ್ದೇನೆ’ ಎಂದರು. ಮಾಧವ ನಾಯಕ ಅವರ ಪತ್ನಿ ಸ್ನೇಹಾ, ಮಗಳು ಯಶಸ್ವಿನಿ ಅವರಿಗೂ ಫಲ ಮಂತ್ರಾಕ್ಷತೆ ನೀಡಿ ಶ್ರೀಗಳು ಆಶೀರ್ವದಿಸಿದರು.
- [ಬೆಂಕಿಯಲ್ಲಿ ಬೆಂದ ಮಹಿಳೆ: ಸಾವು!](https://mobiletime.in/2026/04/woman-caught-in-fire-death/): ಅಡುಗೆ ಮಾಡುವುದಕ್ಕಾಗಿ ಒಲೆ ಉರಿಸಿದ್ದ ಹೊನ್ನಾವರದ ಸವಿತಾ ಅಂಬಿಗ ಅವರು ಅದೇ ಒಲೆಯ ಬೆಂಕಿಗೆ ಆಹುತಿಯಾಗಿದ್ದಾರೆ. ಬೆಂಕಿಯ ಜ್ವಾಲೆಗೆ ಮೈ ಸುಟ್ಟ ಪರಿಣಾಮ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಿದರೂ ಪ್ರಯೋಜನವಾಗಿಲ್ಲ. ಕುಮಟಾ ಹೆಗಡೆಯ ಸವಿತಾ ಅಂಬಿಗ (37) ಅವರು ಹೊನ್ನಾವರದ ಮಾವಿನಕೂರ್ವಾ ಬಳಿಯ ಮಂಡಲಕೂರ್ವಾದ ಸುಬ್ರಾಯ ಅಂಬಿಗ ಅವರನ್ನು ಮದುವೆ ಆಗಿದ್ದರು. ಎಂಟು ವರ್ಷದ ಹಿಂದೆ ಸುಬ್ರಾಯ ಅಂಬಿಗ ಅವರು ನಿಧನರಾಗಿದ್ದು, ತಮ್ಮ ಇಬ್ಬರು ಮಕ್ಕಳ ಜೊತೆ ಅವರು ವಾಸವಾಗಿದ್ದರು. ಜನವರಿ 20ರಂದು ಮನೆಯಲ್ಲಿ ಅವರು ಅಡುಗೆ ಮಾಡುತ್ತಿರುವಾಗ ಕಟ್ಟಿಗೆ ಒಲೆಯ ಬೆಂಕಿ ಅವರು ಧರಿಸಿದ್ದ ಬಟ್ಟೆಗೆ ತಾಗಿತು. ಬೆಂಕಿಯ ಜ್ವಾಲೆಗೆ ಸವಿತಾ ಅಂಬಿಗ ಅವರ ಮೈ ಸುಟ್ಟಿತು. ಗಾಯಗೊಂಡ ಅವರನ್ನು ಹೊನ್ನಾವರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಯಿತು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕಾರವಾರ ಜಿಲ್ಲಾಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ, ಚಿಕಿತ್ಸೆ ಫಲಕಾರಿಯಾಗದ ಕಾರಣ ಏಪ್ರಿಲ್ 2ರಂದು ಅವರು ಸಾವನಪ್ಪಿದರು. ಸಹೋದರಿ ಸಾವಿನ ಬಗ್ಗೆ ಕುಮಟಾ ಹೆಗಡೆಯ ಮೋಹನ ಮಾದೇವ ಅಂಬಿಗ ಅವರು ಮಾಹಿತಿ ನೀಡಿದ್ದು, ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದರು.  
- [ಬಸ್ಸುಗಳ ನಡುವೆ ಡಿಕ್ಕಿ: 40ಕ್ಕೂ ಅಧಿಕ ಜನರಿಗೆ ಗಾಯ](https://mobiletime.in/2026/04/collision-between-buses-more-than-40-people-injured/): ಶಿರಸಿ-ಕುಮಟಾ ಮಾರ್ಗದ ಕೊಳಗಿಬೀಸ್ ಬಳಿ ಎರಡು ಬಸ್ಸುಗಳ ನಡುವೆ ಡಿಕ್ಕಿ ನಡೆದಿದೆ. ಈ ಅಪಘಾತದಲ್ಲಿ 40ಕ್ಕೂ ಅಧಿಕ ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಭಟ್ಕಳದಿoದ ಬಾಗಲಕೋಟೆಗೆ ಹೊರಟಿದ್ದ ಸರ್ಕಾರಿ ಬಸ್ಸು ಹಾಗೂ ಶಿರಸಿಯಿಂದ ಕುಮಟಾಗೆ ಹೊರಟಿದ್ದ ಖಾಸಗಿ ಬಸ್ಸಿನ ನಡುವೆ ಮುಖಾಮುಖಿ ಡಿಕ್ಕಿ ನಡೆದಿದೆ. ಎರಡು ಬಸ್ಸಿನ ವೇಗ ಜಾಸ್ತಿಯಿದ್ದ ಕಾರಣ ಅಪಘಾತ ತಪ್ಪಿಸಲು ಸಾಧ್ಯವಾಗಿಲ್ಲ. ಅಪಘಾತದ ರಭಸಕ್ಕೆ ಬಸ್ಸಿನ ಮುಂಭಾಗ ಜಖಂ ಆಗಿದೆ. ಅಪಘಾತದ ಪರಿಣಾಮ ಅಧಿಕ ಪ್ರಮಾಣದಲ್ಲಿ ಸಂಚಾರ ದಟ್ಟಣೆ ಉಂಟಾಗಿದ್ದು, ಎರಡು ಕಡೆ ವಿವಿಧ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಅಪಘಾತದಿAದ ಗಾಯಗೊಂಡ ಪ್ರಯಾಣಿಕರು ರಕ್ಷಣೆಗಾಗಿ ಕೂಗಿಕೊಂಡಿದ್ದು, ವಿವಿಧ ಆಂಬುಲೆನ್ಸ ಬಳಸಿ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಅಪಘಾತದಲ್ಲಿ ಕೆಲವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಹಲವರು ಅಪಾಯದಿಂದ ಪಾರಾಗಿದ್ದಾರೆ. ಸ್ಥಳಕ್ಕೆ ಪೊಲೀಸರು ದೌಡಾಯಿಸಿದ್ದು, ಅಪಘಾತಕ್ಕೀಡಾದ ಬಸ್ಸುಗಳನ್ನು ರಸ್ತೆ ಪಕ್ಕಕ್ಕೆ ಸರಿಸಿ ಉಳಿದ ವಾಹನ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದ್ದಾರೆ.
- [ಕೊಲೆಗಾರನಿಂದ ಕಾಸು ಕೇಳಿದ ಕಾರಾಗೃಹ ಅಧಿಕಾರಿ!](https://mobiletime.in/2026/04/prison-officer-asks-for-money-from-murderer/): ಹಳಿಯಾಳ ಕಾರಾಗೃಹದ ಜೈಲರ್ ಕಲ್ಲಪ್ಪ ಗಸ್ತಿ ಅವರು ಕೊಲೆ ಆರೋಪಿಯಿಂದ ಲಂಚ ಬೇಡಿದ್ದಾರೆ. ಹೀಗಾಗಿ ಲೋಕಾಯುಕ್ತರು ಕಾರಾಗೃಹದ ಮೇಲೆ ದಾಳಿ ಮಾಡಿ, ಏಳು ತಾಸು ತಪಾಸಣೆ ನಡೆಸಿದ್ದಾರೆ. 2022ರಲ್ಲಿ ಯಡೋಗಾ ಗ್ರಾಮದ ರಾಜಕುಮಾರ ಹುಂದೇಕರ ಅವರು ತಮ್ಮ ಪತ್ನಿ ಕೊಲೆ ಮಾಡಿದ ಪ್ರಕರಣದಲ್ಲಿ ಬಂಧನಕ್ಕೆ ಒಳಗಾಗಿದ್ದರು. ವಿಚಾರಣಾಧೀನ ಕೈದಿಯಾಗಿ ಅವರು ಜೈಲಿನಲ್ಲಿದ್ದರು. ರಾಜಕುಮಾರ ಹುಂದೇಕರ ಅವರು ಜೈಲಿನಲ್ಲಿ ಕೂಲಿ ಕೆಲಸ ಮಾಡಿದ್ದ 1.40 ಲಕ್ಷ ರೂ ಹಣಪಡೆಯಲು ಜೈಲರ್ ಕಲ್ಲಪ್ಪ ಗಸ್ತಿ ಅವರು 60 ಸಾವಿರ ರೂ ಲಂಚ ಬೇಡಿದ್ದರು. ಇದರಿಂದ ಬೇಸತ್ತ ರಾಜಕುಮಾರ ಹುಂದೇಕರ್ ಲೋಕಾಯುಕ್ತರಿಗೆ ದೂರು ನೀಡಿದ್ದರು. ಈ ದೂರು ಆಧರಿಸಿ ಗುರುವಾರ ಮುಂಜಾನೆ ಲೋಕಾಯುಕ್ತ ಅಧಿಕಾರಿಗಳು ಸಬ್ ಜೈಲ್ ಮೇಲೆ ದಾಳಿ ನಡೆಸಿದ್ದಾರೆ. ಏಳು ಗಂಟೆಗಳ ಕಾಲ ವಿಚಾರಣೆ ನಡೆಸಿದ ಲೋಕಾಯುಕ್ತರಿಗೆ ಪ್ರಮುಖ ಸಾಕ್ಷಿಗಳು ಸಿಕ್ಕಿವೆ. ಮೊಬೈಲ್ ವಶಕ್ಕೆ ಪಡೆದ ಲೋಕಾಯುಕ್ತರಿಗೆ ಧ್ವನಿ ಮಾದರಿ ಸೇರಿದಂತೆ ಪ್ರಮುಖ ಮಾಹಿತಿಗಳು ದೊರೆತಿವೆ. ಇನ್ನೂ ಹಣ ಸ್ವೀಕರಿಸುವ ವೇಳೆ ಜೈಲರ್ ನೇರವಾಗಿ ಸ್ವೀಕರಿಸಲು ಮುಂದಾಗದೆ ಪದೇ ಪದೇ ಸ್ಥಳ ಬದಲಾಯಿಸುತ್ತಿರುವ ಅಂಶವೂ ಹೊರಬಿದ್ದಿದೆ. ಈ ನಡುವೆ ಧಾರವಾಡದ ಮಹಿಳಾ ನ್ಯಾಯವಾದಿಯೊಬ್ಬರಿಗೆ ಜೈಲರ್ 10 ಸಾವಿರ ರೂ ಪಾವತಿಸುವಂತೆ ಸೂಚಿಸಿದ್ದು, ಫೋನ್ ಪೇ ಮೂಲಕ ಪಾವತಿಸಿದ ಹಣವೂ ಪ್ರಮುಖ ಸಾಕ್ಷಿಯಾಗಿದೆ. ಹಣದ ಬೇಡಿಕೆ ಹಾಗೂ ಡಿಜಿಟಲ್ ವ್ಯವಹಾರಗಳಿಗೆ ಸಂಬAಧಿಸಿದ ಸಾಕ್ಷಾಧಾರಗಳು ಲಭ್ಯವಾಗಿದ್ದು, ಜೈಲರ್ ಭ್ರಷ್ಟಾಚಾರದಲ್ಲಿ ತೊಡಗಿರುವುದಕ್ಕೆ ಪ್ರಾಥಮಿಕ ದಾಖಲೆ ಸಿಕ್ಕಿದೆ. ಇನ್ನಷ್ಟು ದಾಖಲೆ ಸಂಗ್ರಹಕ್ಕಾಗಿ ಲೋಕಾಯುಕ್ತರು ಎರಡು ತಂಡ ರಚಿಸಿದ್ದಾರೆ.
- [ದೇವರ ದುಡ್ಡು ಬಿಡದ ಕಳ್ಳರು!](https://mobiletime.in/2026/04/thieves-who-dont-spare-gods-money/): ಕುಮಟಾ ಹಿರೇಗುತ್ತಿಯ ಶ್ರೀ ಬ್ರಹ್ಮ ಜಟಕ ದೇವಸ್ಥಾನದ ಮೇಲೆ ಕಳ್ಳರು ಕಣ್ಣು ಹಾಕಿದ್ದಾರೆ. ಇಲ್ಲಿದ್ದ ಕಾಣಿಕೆ ಹುಂಡಿ ಒಡೆದು ಅಲ್ಲಿದ್ದ ಹಣ ಎಗರಿಸಿದ್ದಾರೆ. ಏಪ್ರಿಲ್ 1ರ ರಾತ್ರಿ ಈ ಕಳ್ಳತನ ನಡೆದಿದೆ. ಕಾಣಿಕೆ ಹುಂಡಿಗೆ ಭದ್ರವಾದ ಬೀಗ ಹಾಕಿದ್ದರೂ ಕಳ್ಳರು ಅದನ್ನು ಒಡೆದಿದ್ದಾರೆ. ಬೀಗವನ್ನು ಮೀಟಿ ಕಾಣಿಕೆ ಹುಂಡಿ ಬಾಗಿಲು ತೆರೆದು ಅದರಲ್ಲಿದ್ದ ಹಣ ಕದ್ದಿದ್ದಾರೆ. ಏಪ್ರಿಲ್ 2ರ ಬೆಳಗ್ಗೆ ಕಳ್ಳತನ ನಡೆದಿರುವುದು ಊರಿನವರಿಗೆ ಗೊತ್ತಾಗಿದೆ. ಪೊಲೀಸರು ಸಹ ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ಮಾಡಿದ್ದಾರೆ. ದೇವರ ಹುಂಡಿ ಒಡೆದ ಕಳ್ಳರಿಗೆ ಅಂದಾಜು 10 ಸಾವಿರ ರೂ ಸಿಕ್ಕಿರುವ ಅನುಮಾನಗಳಿವೆ. ಹಿರೇಗುತ್ತಿಯ ಕೃಷಿಕ ಚಂದ್ರಹಾಸ ಹೊಸಬು ನಾಯಕ ಅವರು ಕಳ್ಳತನದ ವರದಿ ಒಪ್ಪಿಸಿದ್ದಾರೆ. ಅದರನ್ವಯ ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಶೋಧ ಶುರು ಮಾಡಿದ್ದಾರೆ. ಸಿಕ್ಕಿಬಿದ್ದ ಕಳ್ಳ: ಹಿರೇಗುತ್ತಿಯ ಬ್ರಹ್ಮಜಟಕ ದೇವಾಲಯದ ಕಳ್ಳತನ ಪ್ರಕರಣ ದಾಖಲಿಸಿದ ಪೊಲೀಸರು ಕಳ್ಳನನ್ನು ಹುಡುಕಿದ್ದಾರೆ. ಹೊನ್ನಾವರ ಕಡತೋಕದ ಗಣೇಶ ಗೋಪಾಲ ದೇಶಭಂಡಾರಿ(೩೬) ಕಳ್ಳತನ ಮಾಡಿರುವುದು ಗೊತ್ತಾಗಿದೆ. ಆರೋಪಿಯನ್ನು ಪೊಲೀಸರು ಬಂಧಿಸಿ, ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ.
- [ಅಮಲಿನ ನಶೆಯಲ್ಲಿ ಅನುಚಿತ ವರ್ತನೆ: ಮೂವರ ವಿರುದ್ಧ ಕಾನೂನು ಕ್ರಮ](https://mobiletime.in/2026/04/inappropriate-behavior-while-intoxicated-legal-action-against-three/): ಅಮಲಿನ ನಶೆಯಲ್ಲಿ ಅನುಮಾನಾಸ್ಪದವಾಗಿ ಅಲೆದಾಡುತ್ತಿದ್ದ ಮೂವರ ವಿರುದ್ಧ ಭಟ್ಕಳ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ನಿಷೇಧಿತ ಮಾದಕ ವಸ್ತು ಸೇವಿಸಿ ಅನುಚಿತವಾಗಿ ವರ್ತಿಸುತ್ತಿದ್ದವರು ಕಾನೂನು ಕ್ರಮಕ್ಕೆ ಒಳಗಾಗಿದ್ದಾರೆ. ಗುಳ್ಮೆ ಬೆಳಲಖಂಡ ನಿವಾಸಿ ಮಹಮ್ಮದ್ ಹುಸೇನ್ (56) ಸಾರ್ವಜನಿಕ ಸ್ಥಳದಲ್ಲಿ ಸಂಶಯಾಸ್ಪದವಾಗಿ ವರ್ತಿಸುತ್ತಿರುವುದನ್ನು ಗಮನಿಸಿದ ಭಟ್ಕಳ ಗ್ರಾಮೀಣ ಠಾಣಾ ಪೊಲೀಸರು ಅವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದರು. ಈ ವೇಳೆ ಗಾಂಜಾ ಸೇವನೆ ಮಾಡಿರುವುದು ತಿಳಿದುಬಂದಿದೆ. ಬಳಿಕ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ ಅದು ದೃಢಪಟ್ಟಿದೆ. ಗಾಂಧಿನಗರದ ಶಮ್ಸ್ ಶಾಲೆಯ ಎದುರಿನ ಸಾರ್ವಜನಿಕ ಸ್ಥಳದಲ್ಲಿ ಆಜಾದ್ ನಗರ 7ನೇ ಕ್ರಾಸ್ ನಿವಾಸಿ ಮಲೀಕ ರೆಹಾನ (27) ಗಾಂಜಾ ಸೇವನೆ ಮಾಡುತ್ತಿದ್ದಾಗಲೇ ಪೊಲೀಸರು ಬಂಧಿಸಿದ್ದಾರೆ. ಸಂಶಯಾಸ್ಪದ ವರ್ತನೆಯ ಹಿನ್ನೆಲೆಯಲ್ಲಿ ಪರಿಶೀಲನೆ ನಡೆಸಿದಾಗ ಗಾಂಜಾ ಸೇವನೆ ಮಾಡಿರುವುದು ಬೆಳಕಿಗೆ ಬಂದಿದೆ. ವೈದ್ಯಕೀಯ ಪರೀಕ್ಷೆಯಲ್ಲಿಯೂ ಇದು ದೃಢಪಟ್ಟಿದೆ. ಭಟ್ಕಳದ ಅಲ್ ಬೇಕ್ ರೆಸ್ಟೋರೆಂಟಿನಲ್ಲಿ ಕೆಲಸ ಮಾಡುವ ಇರ್ಪಾನ್ ಅಜ್ವೀರ್ ಖಾನ್ ಸಹ ಗಾಂಜಾ ಸೇವಿಸಿ ಸಿಕ್ಕಿ ಬಿದ್ದಿದ್ದಾರೆ. ಭಟ್ಕಳ ಶಹರ ಠಾಣೆ ಪೊಲೀಸರು ಈ ಕಾರ್ಯಾಚರಣೆ ನಡೆಸಿದ್ದು, ಅವರ ವೈದ್ಯಕೀಯ ವರದಿಯಲ್ಲಿಯೂ ಮಾದಕ ವ್ಯಸನ ಸೇವನೆ ದೃಢವಾಗಿದೆ. ಈ ಹಿನ್ನಲೆ ಈ ಮೂರು ಜನರ ವಿರುದ್ಧ ಭಟ್ಕಳ ಪೊಲೀಸರು ಕ್ರಮ ಜರುಗಿಸಿದ್ದಾರೆ.
- [ರಾಜೇಶ ನಾಯ್ಕ ಬೆಂಬಲಕ್ಕೆ ನಿಂತ ಗಿರೀಶ ನಾಯಕ!](https://mobiletime.in/2026/04/girish-nayak-stands-in-support-of-rajesh-nayak/): `ಸಿದ್ದಾಪುರದ ಪ್ರಭು ದೊಡ್ಡಮನಿ ಅವರು ನಿಯಮಬಾಹಿರವಾಗಿ ಪ್ರಮಾಣ ಪತ್ರಪಡೆಯುವ ಪ್ರಯತ್ನ ಮಾಡಿದ್ದು, ಅದನ್ನು ನಿರಾಕರಿಸಿದ ಕಾರಣ ಶಿರಳಗಿ ಗ್ರಾ ಪಂ ಪಿಡಿಓ ರಾಜೇಶ ನಾಯ್ಕ ಅವರ ಮೇಲೆ ಹಲ್ಲೆ ನಡೆದಿದೆ. ಆರೋಪಿ ವಿರುದ್ಧ ಕೂಡಲೇ ಕಠಿಣ ಕ್ರಮ ಜರುಗಿಸಬೇಕು’ ಎಂದು ಉತ್ತರ ಕನ್ನಡ ಜಿಲ್ಲಾ ಪಂಚಾಯತಿ ಅಭಿವೃದ್ಧಿ ಅಧಿಕಾರಿಗಳ ಕ್ಷೇಮಾಭಿವೃದ್ಧಿ ಸಂಘದ ಜಿಲ್ಲಾಧ್ಯಕ್ಷ ಗಿರೀಶ್ ನಾಯಕ ಅವರು ಆಗ್ರಹಿಸಿದ್ದಾರೆ. ಈ ಬಗ್ಗೆ ಅವರು ಪೊಲೀಸ್ ಅಧೀಕ್ಷಕರು, ಜಿ ಪಂ ಕಾರ್ಯನಿರ್ವಹಣಾಧಿಕಾರಿಗಳು ಹಾಗೂ ಜಿಲ್ಲಾಧಿಕಾರಿಗಳಿಗೆ ಪತ್ರ ಬರೆದಿದ್ದಾರೆ. `ಪಿಡಿಓ ರಾಜೇಶ ನಾಯ್ಕ ಅವರ ಮೇಲೆ ನಡೆದ ಹಲ್ಲೆ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಲಾಗುತ್ತದೆ. ಆರೋಪಿ ವಿರುದ್ಧ ಸೂಕ್ತ ರೀತಿಯಲ್ಲಿ ಕ್ರಮ ಜರುಗಿಸಲಾಗುತ್ತದೆ’ ಎಂದು ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಶ್ ಶಶಿ ಅವರು ಭರವಸೆ ನೀಡಿದ್ದಾರೆ. `ಸರ್ಕಾರಿ ಅಧಿಕಾರಿ ಮೇಲೆ ನಡೆದ ದಾಳಿಯ ಬಗ್ಗೆ ಜಿಲ್ಲಾಧಿಕಾರಿ ಹಾಗೂ ಪೊಲೀಸ್ ಅಧೀಕ್ಷಕರ ಬಳಿಯೂ ಚರ್ಚಿಸುವುದಾಗಿ ಅವರು ಹೇಳಿದ್ದಾರೆ. ಪಿಡಿಓಗಳು ಅನುಭವಿಸುವ ಇನ್ನಿತರ ಸಮಸ್ಯೆಗಳ ಬಗ್ಗೆಯೂ ಗಿರೀಶ ನಾಯಕ ಅವರು ಮೇಲಧಿಕಾರಿಗಳ ಬಳಿ ಚರ್ಚಿಸಿದ್ದಾರೆ. `ಶಿರಸಿ ತಾಲೂಕಿನ ಪಿಡಿಒಗಳನ್ನು ಜನಗಣತಿ ಕರ್ತವ್ಯಕ್ಕೆ ನಿಯೋಜನೆ ಮಾಡುವಲ್ಲಿ ವಿವಿಧ ಸಮಸ್ಯೆಯಾಗಿದೆ. ಕಾರವಾರ ತಾಲೂಕಿನ ಕಡವಾಡ ಗ್ರಾಮ ಪಂಚಾಯಿತಿ ಕಾರ್ಯದರ್ಶಿಯವರನ್ನು ಇಲಾಖೆಯ ಅಧಿಕಾರಿಗಳ ಗಮನಕ್ಕೆ ತರದೆ ಬಿಎಲ್‌ಓ ಕೆಲಸಕ್ಕೆ ನಿಯೋಜಿಸಲಾಗಿದೆ. ಈ ಬಗ್ಗೆಯೂ ಗಮನಿಸಬೇಕು’ ಎಂದು ಸಂಘದವರು ಮನವಿ ಮಾಡಿದ್ದಾರೆ. ಇದಕ್ಕೆ ಜಿ ಪಂ ಸಿಇಓ ದಿಲೀಪ ಶಶಿ ಅವರು ಪೂರಕವಾಗಿ ಸ್ಪಂದಿಸಿದ್ದಾರೆ. `ಪಂಚಾಯತ ಅಭಿವೃದ್ಧಿ ಅಧಿಕಾರಿಗಳಿಗೆ ಎಲ್ಲಿಯೇ ಅನ್ಯಾಯವಾದರೂ ಅದನ್ನು ಸಂಘ ಸಹಿಸುವುದಿಲ್ಲ. ಉತ್ತರ ಕನ್ನಡ ಜಿಲ್ಲಾ ಪಂಚಾಯತಿ ಅಭಿವೃದ್ಧಿ ಅಧಿಕಾರಿಗಳ ಕ್ಷೇಮಾಭಿವೃದ್ಧಿ ಸಂಘ ನೌಕರರ ಹಿತರಕ್ಷಣೆಗೆ ಬದ್ಧವಾಗಿದೆ’ ಎಂದು ಈ ವೇಳೆ ಗಿರೀಶ ನಾಯಕ ಅವರು ಹೇಳಿದರು.
- [ಲಂಚ ಬೇಡಿದ PDO: ಪೊಲೀಸರ ವಿರುದ್ಧವೂ ಮಹಿಳೆಯ ಅಸಮಧಾನ!](https://mobiletime.in/2026/04/pdo-who-demanded-bribe-womans-dissatisfaction-with-police-too/): ದಾಖಲೆಗಳ ಪ್ರಕಾರ ಹೋದರೆ 15 ಸಾವಿರ ಖರ್ಚಾಗುತ್ತದೆ. 2 ಸಾವಿರ ರೂ ಕೊಟ್ಟರೆ ಈಗಲೇ ಕೆಲಸ ಮಾಡುತ್ತೇವೆ ಎಂದು ಸಿದ್ದಾಪುರದ ಶಿರಳಗಿ ಪಿಡಿಓ ರಾಜೇಶ ನಾಯ್ಕ ಅವರು ಹೇಳಿದ್ದು, ಇದನ್ನು ಬರೆದುಕೊಡಿ ಎಂದು ಹೇಳಿದ ಕಾರಣ ಪ್ರಭು ದೊಡ್ಡಮನಿ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಪೊಲೀಸ್ ಠಾಣೆಗೆ ಹೋದರೂ ಪೊಲೀಸರು ಸರಿಯಾಗಿ ಸ್ಪಂದಿಸದೇ ದಿಕ್ಕು ತಪ್ಪಿಸುವ ಕೆಲಸ ಮಾಡಿದ್ದಾರೆ’ ಎಂದು ಪ್ರಭು ದೊಡ್ಡಮನಿ ಅವರ ಪತ್ನಿ ಕಾವ್ಯಶ್ರೀ ಅವರು ಆರೋಪಿಸಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಕಾವ್ಯಶ್ರೀ ಅವರು `ನನ್ನ ಗಂಡನ ಬಳಿ ಲಂಚ ಬೇಡಿದ ಪಿಡಿಓ ರಾಜೇಶ ನಾಯ್ಕ ಅವರು ಹಣ ಕೊಡದ ಕಾರಣ ಹಲ್ಲೆ ಮಾಡಿದ್ದಾರೆ. ಅದಾದ ನಂತರ ನಮ್ಮ ವಿರುದ್ಧವೇ ಅನಗತ್ಯ ಆರೋಪ ಮಾಡುತ್ತಿದ್ದು, ಪೊಲೀಸರು ಸಹ ನಮಗೆ ಸ್ಪಂದಿಸಿಲ್ಲ’ ಎಂದು ದೂರಿದ್ದಾರೆ. `ನಾವು ನೀಡಿದ ದೂರಿಗೆ ಪೊಲೀಸರು ಕೇವಲ ಸ್ವೀಕೃತಿ ನೀಡಿ ಕಳುಹಿಸಿದ್ದು, ಆದರೆ, ರಾಜೇಶ್ ನಾಯ್ಕ ಅವರು ನೀಡಿದ ದೂರಿಗೆ ತಕ್ಷಣವೇ ಎಫ್‌ಐಆರ್ ದಾಖಲಿಸಿದ್ದಾರೆ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಉದ್ಯಮ ಆರಂಭಿಸಲು ಪರವಾನಗಿ ಕೋರಿ ಅರ್ಜಿ ಸಲ್ಲಿಸಿ 8 ದಿನ ಕಳೆದರೂ ಪ್ರಮಾಣಪತ್ರ ಸಿಗದ ಕಾರಣ ಅದರ ಬಗ್ಗೆ ವಿಚಾರಿಸಲು ಪ್ರಭು ದೊಡ್ಡಮನಿ ಗ್ರಾಮ ಪಂಚಾಯತ್‌ಗೆ ಹೋಗಿದ್ದರು. ಈ ವೇಳೆ ಪಿಡಿಒ ಅವರು ಇನ್ನೂ ಹಲವು ದಾಖಲೆಗಳು ಹಾಗೂ ಬಾಂಡ್ ಪೇಪರ್ ಬೇಕು ಎಂದಿದ್ದಾರೆ. ಅದನ್ನು ಪೇಪರ್‌ನಲ್ಲಿ ಬರೆದುಕೊಡಿ ಎಂದು ಕೇಳಿದಾಗ ಐದು ನಿಮಿಷ ಕಾಯಿರಿ ಎಂದು ಹೇಳಿದ್ದಾರೆ. ನಂತರ ಪುನಃ ವಿಚಾರಿಸಿದಾಗ, ಕೆಲಸ ತಕ್ಷಣ ಆಗಬೇಕೆಂದರೆ ಎರಡು ಸಾವಿರ ಕೊಡಬೇಕು’ ಎಂದು ಹಣ ಬೇಡಿದ್ದಾರೆ. ಒಂದು ವೇಳೆ ದಾಖಲೆಗಳ ಪ್ರಕಾರ ಹೋದರೆ 10-15 ಸಾವಿರ ರೂ ಬೇಕಾಗುತ್ತದೆ, ಇದನ್ನು ಮೇಲಧಿಕಾರಿಗಳಿಗೂ ನೀಡಬೇಕು’ ಎಂದಿರುವ ಬಗ್ಗೆ ಕಾವ್ಯಶ್ರೀ ಅವರು ಮಾಹಿತಿ ನೀಡಿದ್ದಾರೆ. `ನಾವು ಕೂಲಿ ಕೆಲಸ ಮಾಡುವವರು. ಅಷ್ಟು ಹಣ ಎಲ್ಲಿಂದ ತರಲಿ ಎಂದು ಪ್ರಶ್ನಿಸಿದಾಗ, ಪಿಡಿಒ ಅವರು ಅವಾಚ್ಯ ಶಬ್ದಗಳಿಂದ ಬೈಯ್ದು ಕುತ್ತಿಗೆ ಹಿಸುಕಿ ಹಲ್ಲೆ ಮಾಡಿದ್ದಾರೆ. ಅಲ್ಲಿಯೇ ಇದ್ದ ಸಿಬ್ಬಂದಿ ಸಹ ಗಲಾಟೆ ಬಿಡಿಸುವ ಬದಲು ಪಿಡಿಓಗೆ ಪ್ರಚೋದನೆ ನೀಡಿದ್ದಾರೆ’ ಎಂದು ಕಾವ್ಯಶ್ರೀ ಅವರು ವಿವರಿಸಿದ್ದಾರೆ. `ಘಟನೆಯ ನಂತರ ಗಂಡ ಕರೆ ಮಾಡಿ ವಿಷಯ ತಿಳಿಸಿದ ಕೂಡಲೇ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಆಸ್ಪತ್ರೆಗೆ ಬಂದ ಪೊಲೀಸರು ಹೇಳಿಕೆ ಪಡೆದು ಠಾಣೆಗೆ ಬಂದು ದೂರು ನೀಡಲು ತಿಳಿಸಿದರು. ಆದರೆ, ಸಂಜೆ 5 ಗಂಟೆಗೆ ಠಾಣೆಗೆ ಹೋದರೆ ಕೇವಲ ಸ್ವೀಕೃತಿ ನೀಡಿ, ನಾಳೆ ಬನ್ನಿ ಎಫ್‌ಐಆರ್ ಮಾಡೋಣ ಎಂದು ಕಳುಹಿಸಿದರು. ಮರುದಿನ ಹೋದಾಗ ನಮ್ಮ ಮೇಲೆ ದಾಖಲಾದ ಕೇಸಿನ ಎಫ್‌ಐಆರ್ ಪ್ರತಿ ನೀಡಿದ್ದಾರೆ. ನಾವು ಮೊದಲು ದೂರು ನೀಡಿದ್ದರೂ ಅದನ್ನು ಪರಿಗಣಿಸದೇ ಪಿಡಿಒ ನೀಡಿದ ದೂರಿಗೆ ಆದ್ಯತೆ ನೀಡಿದ್ದಾರೆ. ಈ ಬಗ್ಗೆ ಮೇಲಾಧಿಕಾರಿಗಳು ಸೂಕ್ತ ತನಿಖೆ ನಡೆಸಿ ನಮಗೆ ನ್ಯಾಯ ಒದಗಿಸಬೇಕು’ ಎಂದು ಅವರು ಆಗ್ರಹಿಸಿದರು. ಸದ್ಯ ಪಿಡಿಓ ವಿರುದ್ಧವೂ ಪೊಲೀಸ್ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.
- [ದೊಡ್ಮನಿ ಹತ್ರ ದುಡ್ಡು ಕೇಳಿದ PDO: ಲಂಚ ಬೇಡಿದ ಅಧಿಕಾರಿಗೆ ಹಿಗ್ಗಾಮುಗ್ಗ ಥಳಿತ!](https://mobiletime.in/2026/04/pdo-asked-for-bribe-officer-beaten-up-for-demanding-bribe/): ಸಿದ್ದಾಪುರದ ಶಿರಳಗಿ ಗ್ರಾಮ ಪಂಚಾಯತ ಅಭಿವೃದ್ಧಿ ಅಧಿಕಾರಿ ರಾಜೇಶ ನಾಯ್ಕ ಅವರಿಗೆ ಅವರ ಮೇಲೆ ನಡೆದ ದಾಳಿ ಮತ್ತೊಂದು ಸ್ವರೂಪಪಡೆದಿದೆ. ಆ ದಿನ ಪಿಡಿಓ 2 ಸಾವಿರ ರೂ ಲಂಚ ಬೇಡಿದ ಬಗ್ಗೆ ಹಲ್ಲೆ ನಡೆಸಿದ ಪ್ರಭು ದೊಡ್ಡಮನೆ ಅವರು ದೂರಿದ್ದಾರೆ. ಮಾರ್ಚ 31ರಂದು ಪಿಡಿಓ ರಾಜೇಶ ನಾಯ್ಕ ಅವರ ಮೇಲೆ ದಾಳಿ ನಡೆದ ಬಗ್ಗೆ ಪೊಲೀಸ್ ದೂರು ದಾಖಲಾಗಿತ್ತು. `ತಮಗೆ ಜೀವ ಬೆದರಿಕೆಯಿದೆ’ ಎಂದು ರಾಜೇಶ ನಾಯ್ಕ ಅವರೇ ಪೊಲೀಸರ ಬಳಿ ದೂರಿದ್ದರು. ಪ್ರಭು ದೊಡ್ಡಮನೆ ಅವರು ಗ್ರಾಮ ಪಂಚಾಯತ ಕಚೇರಿಗೆ ಅರ್ಜಿಯೊಂದನ್ನು ಸಲ್ಲಿಸಿದ್ದು, ಆ ಅರ್ಜಿ ವಿಷಯವಾಗಿ ಮಾತುಕಥೆಗೆ ಬಂದಾಗ ಹಲ್ಲೆ ನಡೆಸಿದ ಬಗ್ಗೆ ಆರೋಪಿಸಿದ್ದರು. `ಅರ್ಜಿಯಲ್ಲಿನ ಮಾಹಿತಿ ಅಸ್ಪಷ್ಟವಾಗಿದ್ದು, ಅಗತ್ಯ ದಾಖಲೆ ಒದಗಿಸಿ’ ಎಂದು ಹೇಳಿದಾಗ ಹಲ್ಲೆ ನಡೆಸಿ, ಕೊಲೆ ಬೆದರಿಕೆಯನ್ನು ಹಾಕಿದ ಬಗ್ಗೆ ದೂರಿದ್ದರು. ಆದರೆ, ಅದಕ್ಕೆ ವ್ಯತಿರಿಕ್ತವಾಗಿ ಇದೀಗ ಪ್ರಭು ದೊಡ್ಡಮನೆ ಅವರು ಪೊಲೀಸರ ಬಳಿ ಹೇಳಿಕೆ ನೀಡಿದ್ದಾರೆ. ಅದರೊಂದಿಗೆ ನ್ಯಾಯಾಲಯಕ್ಕೂ ಹೋದ ಪ್ರಭು ದೊಡ್ಡಮನಿ ಅವರು ಪಿಡಿಓ ವಿರುದ್ಧವೂ ಪ್ರಕರಣ ದಾಖಲಿಸಿದ್ದಾರೆ. `ಲಂಚ ಕೊಡದ ಕಾರಣ ಪಿಡಿಓ ತಮ್ಮ ಕುತ್ತಿಗೆ ಹಿಸುಕಿ ಹೊಡೆದಿದ್ದಾರೆ’ ಎಂಬ ನಿಟ್ಟಿನಲ್ಲಿ ಪ್ರಭು ದೊಡ್ಡಮನೆ ಅವರು ದೂರಿದ್ದಾರೆ. ಇಲೆಕ್ಟಿçಕಲ್ ಕೆಲಸ ಮಾಡಿಕೊಂಡಿರುವ ಪ್ರಭು ಈರಪ್ಪ ದೊಡ್ಡಮನಿ ಅವರು ಶಿರಳಗಿ ಬಳಿಯ ವಡಗೇರಿ ನಿವಾಸಿಯಾಗಿದ್ದು, ಪತ್ನಿ ಹೆಸರಿನಲ್ಲಿ ಉದ್ದಿಮೆ ಪ್ರಮಾಣ ಪತ್ರಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ಮಾರ್ಚ 24ರಂದು ಸಲ್ಲಿಸಿದ ಅರ್ಜಿಗೆ ಮಾರ್ಚ 31ರವರೆಗೂ ಗ್ರಾಮ ಪಂಚಾಯತದವರು ಹಿಂಬರಹ ನೀಡಿಲ್ಲ. ಹೀಗಾಗಿ ಆ ಬಗ್ಗೆ ವಿಚಾರಿಸಲು ಬಿಕ್ಕಳಸೆಯಲ್ಲಿರುವ ಗ್ರಾಮ ಪಂಚಾಯತ ಕಚೇರಿಗೆ ಪ್ರಭು ದೊಡ್ಡಮನಿ ಅವರು ಹೋಗಿದ್ದು, ಅಲ್ಲಿದ್ದ ಪಿಡಿಓ ಸರಿಯಾಗಿ ಮಾತನಾಡಿಸಿಲ್ಲ. ಈ ವೇಳೆ ಪಿಡಿಓ `ಮಾಹಿತಿ ಕೊಡಲು ಎರಡು ದಿನ ಸಮಯ ಬೇಕು. ಇಂದೇ ಬೇಕಾದರೆ 2 ಸಾವಿರ ರೂ ಕೊಡಬೇಕು’ ಎಂದಿದ್ದಾರೆ. ಇದರಿಂದ ಸಿಟ್ಟಾದ ಪ್ರಭು ದೊಡ್ಡಮನಿ ಪಿಡಿಓ ಮೇಲೆ ಹಲ್ಲೆ ನಡೆಸಿದ್ದು, ಇದಕ್ಕೆ ಪ್ರತಿಯಾಗಿ ಪಿಡಿಓ ರಾಜೇಶ ನಾಯ್ಕ ಅವರು ಸಹ ಪ್ರತಿ ದಾಳಿ ಮಾಡಿದ್ದಾರೆ. ಆ ದಿನ ರಾಜೇಶ ನಾಯ್ಕ ಅವರ ದೂರು ಆಲಿಸಿ ಪ್ರಕರಣ ದಾಖಲಿಸಿದ್ದ ಪೊಲೀಸರು ಈ ದಿನ ಪ್ರಭು ದೊಡ್ಡಮನಿ ಅವರ ಅಳಲನ್ನು ಆಲಿಸಿ ಮತ್ತೊಂದು ಪ್ರಕರಣ ದಾಖಲಿಸಿದ್ದಾರೆ. ಸಿದ್ದಾಪುರ ಠಾಣೆಯ ಪೊಲೀಸರು ಈ ಎರಡು ಜನರ ಹೇಳಿಕೆ ಆಧರಿಸಿ ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.
- [ನ್ಯಾಯವಾದಿ ಬೆಂಬಲಕ್ಕೆ ನಿಂತ ರಂಭಾಪುರಿ ಶ್ರೀ](https://mobiletime.in/2026/04/rambhapuri-sri-stood-in-support-of-the-lawyer/): ಅರಣ್ಯ ಹಕ್ಕು ವಿಷಯವಾಗಿ ಹೋರಾಡುತ್ತಿರುವ ನ್ಯಾಯವಾದಿ ರವೀಂದ್ರ ನಾಯ್ಕ ಅವರಿಗೆ ಚಿಕ್ಕಮಂಗಳೂರಿನ ಎನ್ ಆರ್ ಪುರದ ಬಾಳೆಹೊನ್ನೂರು ಪೀಠದ ರಂಭಾಪುರಿ ವೀರಸೋಮೆಶ್ವರ ಸ್ವಾಮೀಜಿ ಆಶೀರ್ವಾದ ಮಾಡಿದ್ದಾರೆ. `ಅರಣ್ಯ ಭೂಮಿ ಹಕ್ಕಿಗೆ ಸಂಬoಧಿಸಿ ಸರ್ಕಾರದ ನೀತಿ ಅವಶ್ಯ. ಅರಣ್ಯ ಭೂಮಿ ಹಕ್ಕಿಗಾಗಿ ಕಾನೂನು ಜಾಗೃತಿ ಅರಣ್ಯವಾಸಿಗಳ ಪೂರಕವಾದ ಕಾರ್ಯ’ ಎಂದು ಶ್ರೀಗಳು ಹೇಳಿದ್ದಾರೆ. ಜಾಥದ ಅಂಗವಾಗಿ ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯು ಮುದ್ರಿಸಿದ ಕಾನೂನು ಜಾಗೃತ ಕರಪತ್ರವನ್ನು ಶ್ರೀಗಳು ಬಿಡುಗಡೆ ಮಾಡಿದ್ದು, `ಪಾರಂಪರಿಕ ಅರಣ್ಯವಾಸಿಗಳ ಸಾಗುವಳಿ ಹಕ್ಕಿಗೆ 3 ತಲೆಮಾರಿನ ನಿರ್ಧಿಷ್ಟ ವಯಕ್ತಿಯ ದಾಖಲೆಗೆ ಒತ್ತಾಯಿಸತಕ್ಕದ್ದಲ್ಲ. ಕಾನೂನು, ಸುತ್ತೋಲೆ ಮತ್ತು ನ್ಯಾಯಾಲಯದ ತೀರ್ಪಿನಂತೆ ಸಾಂಧರ್ಭಿಕ ದಾಖಲೆಗಳ ಅಡಿಯಲ್ಲಿ ಸಾಗುವಳಿ ಹಕ್ಕನ್ನ ವಿತರಿಸಬೇಕು ಎಂಬ ವಿಷಯವನ್ನು ಕರಪತ್ರದಲ್ಲಿ ವಿಶ್ಲೇಷಿಸಲಾಗಿದೆ’ ಎಂದರು. `ಅರಣ್ಯ ಹಕ್ಕು ಕಾಯಿದೆ ಮಂಜೂರಿ ಪ್ರಕ್ರಿಯೆಯಲ್ಲಿ ಕಾನೂನಿಗೆ ವ್ಯತಿರಿಕ್ತವಾಗಿ ರಾಜ್ಯದಲ್ಲಿ ಒಟ್ಟು 2,95,176 ಅರ್ಜಿಗಳು ದಾಖಲಾಗಿದ್ದು, ಅವುಗಳಲ್ಲಿ 16,700 ಅರ್ಜಿಗಳಿಗೆ (ಶೇ. 5.65 ) ಅರ್ಜಿಗಳಿಗೆ ಮಾನ್ಯತೆ ದೊರಕಿದೆ. ಈ ಪೈಕಿ 262415 ಅರ್ಜಿಗಳು (ಶೇ 88.90) ಅರ್ಜಿಗಳು ತಿರಸ್ಕರಿಸ್ಪಟ್ಟಿದೆ’ ಎಂದು ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ವಿವರಿಸಿದರು. ಪ್ರಮುಖರಾದ ಮಲ್ಲೇಶಿ ಬಸವಂತಪ್ಪ ಬಾಳೆಹಳ್ಳಿ, ರಾಜಶೇಖರ್ ಬಿ ಗೌಡ, ದೇವರಾಜ ಕೊವೇರ ವದ್ದಲ, ಲಕ್ಷಣ ದೊಡ್ನಳ್ಳಿ, ಸತೀಶ್ ಎಚ್ ಚೌಡರ್, ಬಸಪ್ಪ ಬಸಾಪುರ, ಮಲ್ಲಿಕಾರ್ಜುನ್ ಲೆಕ್ಕದ್, ಗುತ್ಯಪ್ಪ ಬಳಗಿ, ಗುರುಪಾದಪ್ಪ ಹಡಪಾದ ಇತರರಿದ್ದರು.
- [ಶ್ರೀಕ್ಷೇತ್ರ ಮಂಜುಗುಣಿ: ದಿನವಿಡೀ ನಡೆದ ಗೋವಿಂದ ನಾಮ ಸ್ಮರಣೆ](https://mobiletime.in/2026/04/srikshetra-manjuguni-day-long-govinda-nama-samar/): ಶಿರಸಿಯ ಶ್ರೀಕ್ಷೇತ್ರ ಮಂಜುಗುಣಿಯಲ್ಲಿ ಶ್ರೀ ವೇಂಕಟರಮಣನ ಭವ್ಯ ಮಹಾರಥೋತ್ಸವ ಅತ್ಯಂತ ಅದ್ಧೂರಿಯಾಗಿ ನಡೆದಿದೆ. ಸಾವಿರಾರು ಭಕ್ತರ ಹರ್ಷೋದ್ಗಾರ, ಶ್ರೀ ಗೋವಿಂದ ನಾಮ ಸಂಕೀರ್ತನೆ, ಭಕ್ತರ ಭಾವುಕ ಕ್ಷಣಗಳಿಗೆ ಈ ಸನ್ನಿಧಾನ ಸಾಕ್ಷಿಯಾಗಿದೆ. ಪರಾಭವ ನಾಮ ಸಂವತ್ಸರದ ದೇವರ ವಾರ್ಷಿಕ ರಥೋತ್ಸವದ ವಿವಿಧ ಧಾರ್ಮಿಕ ಕೈಂಕರ್ಯಗಳು, ವಿಧಿವಿಧಾನಗಳು ಯುಗಾದಿಯಿಂದ ಆರಂಭಗೊAಡಿತ್ತು. ಉತ್ಸವದ ಪ್ರಮುಖ ಆಕರ್ಷಣೆಯಾದ ಮಹಾರಥೋತ್ಸವವು ಚೈತ್ರ ಶುದ್ಧ ಹುಣ್ಣಿಮೆಯ ದಿನವಾದ ಗುರುವಾರ ಸಾಂಗವಾಗಿ ನೆರವೇರಿತು. ಬೆಳಗ್ಗೆ 7 ಗಂಟೆಗೆ ದೇವಸ್ಥಾನದ ಪ್ರಧಾನ ಅರ್ಚಕರಾದ ವೇದಮೂರ್ತಿ ಶ್ರೀನಿವಾಸ ಭಟ್ ನೇತೃತ್ವದಲ್ಲಿ ಶ್ರೀ ದೇವರ ಪೂಜಾದಿ ವಿಧಿವಿಧಾನಗಳು ಶುರುವಾದವು. 7.30ಕ್ಕೆ ವಾದ್ಯ, ನಗಾರಿಗಳು ಹಾಗೂ ವೇದಘೋಷಗಳೊಂದಿಗೆ ಛತ್ರ ಚಾಮರದೊಂದಿಗೆ ಶ್ರೀದೇವಿ ಭೂದೇವಿಯರನ್ನೊಳಗೊಂಡ ಶ್ರೀ ವೆಂಕಟರಮಣ ದೇವರ ಉತ್ಸವ ಮೂರ್ತಿಯನ್ನು ರಥದಲ್ಲಿ ಪ್ರತಿಷ್ಠಾಪಿಸಲಾಯಿತು. ರಥದಲ್ಲಿ ಸ್ಥಾಪಿತನಾದ ವೆಂಕಟರಮಣನಿಗೆ ವೈದಿಕರ ಮಂತ್ರಘೋಷದೊAದಿಗೆ ಪೂಜೆ, ಪ್ರಾರ್ಥನೆಗಳು ಸಲ್ಲಿಕೆಯಾದವು. ಬಳಿಕ ಸಾವಿರಾರು ಭಕ್ತರ ಸಮ್ಮುಖದಲ್ಲಿ ರಥೋತ್ಸವಕ್ಕೆ ಚಾಲನೆ ಸಿಕ್ಕಿತು. ಮೂಲ ನೆಲೆಯಿಂದ ರಥವು 8ಗಂಟೆಗೆ ಹೊರಟು ಶ್ರೀ ಕ್ಷೇತ್ರದ ವಿಶಾಲ ರಥಬೀದಿಯಲ್ಲಿ ಸಾಗಿತು. ರಾಜ್ಯದ ವಿವಿಧ ಭಾಗಗಳಿಂದ ಆಗಮಿಸಿದ ಅಪಾರ ಭಕ್ತರು ಜಯಘೋಷಗಳನ್ನು ಮೊಳಗಿಸಿದರು. ಶ್ರೀ ದೇವರನ್ನು ಪ್ರಾರ್ಥಿಸಿ ಹಸಿಕಡಲೆ ಹಾಗೂ ಬಾಳೆಹಣ್ಣನ್ನು ರಥಕ್ಕೆ ಎಸೆದು ಭಕ್ತಿಯ ಪರಾಕಾಷ್ಠೆಯನ್ನು ಮೆರೆದರು. ಸಂಪ್ರದಾಯದAತೆ ರಥದ ಚಕ್ರಕ್ಕೆ ಕಾಯಿ ಒಡೆಯಲಾಯಿತು. `ಗೋವಿಂದಾ ಗೋವಿಂದಾ’ ಎಂಬ ಸಂಕೀರ್ತನೆಯೊAದಿಗೆ ಭಕ್ತರು ರಥದ ಹಗ್ಗವನ್ನು ಹಿಡಿದು ರಥವನ್ನ ಎಳೆದರು. ಸುಮಾರು 8.45 ಕ್ಕೆ ರಥಬೀದಿಯ ಕೊನೆಯಲ್ಲಿ ಶ್ರೀ ದಾಸ ಮಾರುತಿ ದೇವಸ್ಥಾನದವರೆಗೆ ರಥ ಸಾಗಿತು. ಅಲ್ಲಿ ಪೂಜೆಗಳ ನಂತರ ಮತ್ತೆ ತಿರುಗಿ ಹೋರಟ ಮಹಾರಥವು ಸುಮಾರು 9.30ಕ್ಕೆ ದೇವಸ್ಥಾನದ ಮೂಲ ನೆಲೆಗೆ ತಲುಪಿತು. ಬಳಿಕ ಪ್ರಧಾನ ಅರ್ಚಕರಾದ ಶ್ರೀನಿವಾಸ ಭಟ್ ಮಹಾರಥೋತ್ಸವದ ಸಂದೇಶವನ್ನ ತಿಳಿಸಿ ಶ್ರೀ ದೇವರ ಸೇವೆಯಲ್ಲಿ ನಿಸ್ವಾರ್ಥವಾಗಿ ತೊಡಗಿಸಿಕೊಂಡ ಕಾರ್ಯಕರ್ತರಿಗೆ, ಆರಕ್ಷಕರಿಗೆ ಧನ್ಯವಾದ ಸಲ್ಲಿಸಿದರು. ನಂತರ 10 ಗಂಟೆಯ ನಂತರ ರಥದರ್ಶನಕ್ಕೆ ಅವಕಾಶ ಕಲ್ಪಿಸಲಾಯಿತು. ಸರತಿ ಸಾಲಿನಲ್ಲಿ ನಿಂತು ರಥಾರೂಢನಾದ ಶ್ರೀ ವೆಂಕಟರಮಣ ದೇವರ ದರ್ಶನ ಪಡೆದ ಭಕ್ತರು, ಹರಕೆ ಅರ್ಪಿಸಿ ಪುನೀತರಾದರು. ಈ ವೇಳೆ ಅನೇಕರು ಹಣ್ಣು ಕಾಯಿ ಸೇವೆಯನ್ನು ಸಮರ್ಪಿಸಿ ಕೃತಾರ್ಥರಾದರು. ರಥದರ್ಶನದ ಬಳಿಕ ದೇವಾಲಯಕ್ಕೆ ತೆರಳಿ ಶ್ರೀ ದೇವರ ದರ್ಶನ ಪಡೆದು, ಪದ್ಮಾವತಿ ದೇವಿಗೆ ಉಡಿ ಸೇವೆ ಸಮರ್ಪಿಸಿದರು. ಪ್ರಸಾದ ರೂಪದಲ್ಲಿ ಅತ್ರಾಸ ಹಾಗೂ ಲಾಡುವನ್ನು ಸ್ವೀಕರಿಸಿದರು. ಶ್ರೀ ದೇವರ ಉತ್ಸವವನ್ನು ಕಾರ್ಯಕರ್ತರ ಸಹಕಾರದೊಂದಿಗೆ ದೇವಾಲಯ ಆಡಳಿತ ಮಂಡಳಿ ಮತ್ತು ಸಿಬ್ಬಂದಿ ಅಚ್ಚುಕಟ್ಟಾಗಿ ನಿರ್ವಹಿಸಿದರು.
- [ಅಪಘಾತ: ಕಾಂಗ್ರೆಸ್ ಕಾರ್ಯಕರ್ತನಿಗೆ ಅಪಾರ ನಷ್ಟ!](https://mobiletime.in/2026/04/accident-huge-loss-for-congress-worker/): ಹೊನ್ನಾವರದಲ್ಲಿ ಅಪಘಾತದಲ್ಲಿ ಕಾಂಗ್ರೆಸ್ ಹಿಂದುಳಿದ ವರ್ಗದ ಅಧ್ಯಕ್ಷ ಬಾಲಚಂದ್ರ ನಾಯ್ಕ ಅವರ ಮಗ ಕಿರಣ ನಾಯ್ಕ ಅವರು ಸಾವನಪ್ಪಿದ್ದಾರೆ. ಸ್ನೇಹಿತನ ತಾಯಿಯ ಅನಾರೋಗ್ಯದ ಸುದ್ದಿ ಕೇಳಿ ಅಲ್ಲಿಗೆ ಹೋಗಿ ಮರಳುತ್ತಿದ್ದ ಕಿರಣ ನಾಯ್ಕ ಅವರು ಬಾರದ ಲೋಕಕ್ಕೆ ತೆರಳಿದ್ದಾರೆ. ಹೊನ್ನಾವರದ ಕೆಳಗಿನ ಇಡಗುಂಜಿ ಮೂಲದ ಕಿರಣ ನಾಯ್ಕ ಅವರು ಬುಧವಾರ ರಾತ್ರಿ ಬೈಕಿನಲ್ಲಿ ಸಂಚರಿಸುತ್ತಿದ್ದರು. ಕಾಸರಕೋಡ ಗ್ರಾಮದ ದುರ್ಗಾಂಬಾ ಹೋಟೆಲ್ ಎದುರು ಅವರಿಗೆ ಅಪರಿಚಿತ ವಾಹನವೊಂದು ಡಿಕ್ಕಿಯಾಗಿದೆ. ಸ್ಥಳದಲ್ಲಿಯೇ ಕಿರಣ ನಾಯ್ಕ ಅವರು ಸಾವನಪ್ಪಿದ್ದಾರೆ. ಕಿರಣ ನಾಯ್ಕ ಅವರಿಗೆ ಗುದ್ದಿದ ವಾಹನ ಯಾವುದು ಎಂದು ಗೊತ್ತಾಗಿಲ್ಲ. ಈ ಭಾಗದಲ್ಲಿ ಅಪಾರ ಪ್ರಮಾಣದಲ್ಲಿ ಅಕ್ರಮ ಮರಳು ಸಾಗಾಟ ನಡೆಯುತ್ತಿದ್ದು, ಮರಳು ಸಾಗಾಟದ ಲಾರಿಯೇ ಗುದ್ದಿರುವ ಅನುಮಾನಗಳು ವ್ಯಕ್ತವಾಗಿದೆ. ಈ ಬಗ್ಗೆಯೂ ತನಿಖೆ ಮುಂದುವರೆದಿದೆ. ಕಿರಣ ನಾಯ್ಕ ಅವರ ತಂದೆ ಬಾಲಚಂದ್ರ ನಾಯ್ಕ ಅವರು ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗ ಅಧ್ಯಕ್ಷರಾಗಿದ್ದಾರೆ. ಅಪಘಾತದ ವಿಷಯ ಅರಿತು ಕುಟುಂಬದವರ ಜೊತೆ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಮರು ದಿನ ಬೆಳಗ್ಗೆ ಸಾವಿರಾರು ಜನ ಆಗಮಿಸಿ ಬಾಲಚಂದ್ರ ನಾಯ್ಕ ಅವರಿಗೆ ಸಾಂತ್ವಾನ ಹೇಳಿದ್ದು, ಕಿರಣ ನಾಯ್ಕ ಅವರ ಅಂತಿಮ ದರ್ಶನಪಡೆದರು. ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ, ಕುಮಟಾ ಬ್ಲಾಕ್ ಅಧ್ಯಕ್ಷ ಭುವನ್ ಭಾಗವತ್, ಹೊನ್ನಾವರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಹೇಶ್ ನಾಯ್ಕ್, ಮಂಕಿ ಬ್ಲಾಕ್ ಅಧ್ಯಕ್ಷ ಗೋವಿಂದ ನಾಯ್ಕ್ ಆಸ್ಪತ್ರೆಗೆ ಭೇಟಿ ನೀಡಿದರು.
- [ಮರ್ಮಾಂಗಕ್ಕೆ ಮರ್ಮಘಾತ!](https://mobiletime.in/2026/04/heartbreaking/): ತಿಂಗಳ ಹಿಂದೆ ಮಹಿಳೆಯರಿಂದ ಪೆಟ್ಟು ತಿಂದು ಮರ್ಮಾಂಗಕ್ಕೆ ನೋವು ಮಾಡಿಕೊಂಡಿದ್ದ ದಾಂಡೇಲಿಯ ನಾಗರಾಜ ಬಾದರದಿನ್ನೆ ಅವರು ಇದೀಗ ಚೇತರಿಸಿಕೊಂಡಿದ್ದು, ಇದೀಗ ಮತ್ತೆ ಐದು ಜನ ಸೇರಿ ಅವರಿಗೆ ಥಳಿಸಿದ್ದಾರೆ. ಈ ಬಾರಿಯೂ ನಾಗರಾಜ ಬಾದರದಿನ್ನೆ ಅವರ ಮರ್ಮಾಂಗಕ್ಕೆ ಪೆಟ್ಟು ಬಿದ್ದಿದೆ! ದಾಂಡೇಲಿಯ ಜಾಂಬೆಚಾಳದಲ್ಲಿ ವಾಸವಾಗಿರುವ ನಾಗರಾಜ ದಿನ್ನೆ ಅವರು ತಮ್ಮ ಆರೋಗ್ಯ ಸುಧಾರಿಸಿದ ನಂತರ ಹಾಲೆಮಡ್ಡಿಯ ದಾಂಡೇಲಪ್ಪ ದೇವಸ್ಥಾನಕ್ಕೆ ಹೋಗಿ ದೇವರ ದರ್ಶನಪಡೆದಿದ್ದರು. ಟಿಂಬರ್ ಡಿಪೋ ರಸ್ತೆ ಮೂಲಕ ಹಳೆ ದಾಂಡೇಲಿಗೆ ಹೋಗುತ್ತಿದ್ದ ನಾಗರಾಜ ಬಾದರದಿನ್ನೆ ಅವರಿಗೆ ಅಲ್ಲಿನ ಗಣಪತಿ ದೇವಸ್ಥಾನದ ಹಿಂದಿರುವ ಗೂಡಂಗಡಿಯಲ್ಲಿ ತಿಂಡಿ ತಿನ್ನುವ ಬಯಕೆಯಾಯಿತು. ಹೀಗಾಗಿ ಅವರು ಅಲ್ಲಿ ತಿಂಡಿ ತಿನ್ನಲು ತೆರಳುವ ವೇಳೆ ರಸ್ತೆ ಮೇಲಿದ್ದ ಮಾರಿಯೋ ಫ್ರಾನ್ಸೆಸ್ ಅವರು ನಾಗರಾಜ ಬಾದರದಿನ್ನೆ ಅವರನ್ನು ಅಡ್ಡಗಟ್ಟಿದರು. ಮಾರಿಯೋ ಫ್ರಾನ್ಸೆಸ್ ಅವರ ಜೊತೆ ಪ್ರಾನ್ಸಿಸ್ ಮಂಡೇಸ್ ಅವರು ಇದ್ದು, ಜೊತೆಗೆ ಅಪರಿಚಿತ ಮೂವರಿದ್ದರು. ಈ ಹಿಂದೆ ನಡೆದಿದ್ದ ಹೊಡೆದಾಟ ಪ್ರಕರಣ ವಿಷಯವಾಗಿ ನಾಗರಾಜ ಬಾದರದಿನ್ನೆ ಹಾಗೂ ಪ್ರಾನ್ಸಿಸ್ ಮಂಡೇಸ್ ಅವರ ನಡುವೆ ಜಗಳ ಶುರುವಾಯಿತು. ಆ ಜಗಳ ಹೊಡೆದಾಟದ ಸ್ವರೂಪಪಡೆದಿದ್ದು, ಪ್ರಾನ್ಸಿಸ್ ಮಂಡೇಸ್ ಕಡೆಯವರು ನಾಗರಾಜ ಬಾದರದಿನ್ನೆ ಅವರ ಕೆನ್ನೆಗೆ ಬಾರಿಸಿದರು. ಅದಾದ ನಂತರ ಅವರಲ್ಲಿದ್ದ ಚಾಕುವಿನಿಂದ ದಾಳಿ ಮಾಡಿದರು. ಈ ವೇಳೆ ನೆಲಕ್ಕೆ ಬಿದ್ದ ನಾಗರಾಜ ಬಾದರದಿನ್ನೆ ಅವರ ಮರ್ಮಾಂಗಕ್ಕೆ ಗುದ್ದಿ ನೋವು ಮಾಡಿದರು. ತಮ್ಮ ಈ ನೋವಿನ ಬಗ್ಗೆ ನಾಗರಾಜ ಬಾದರದಿನ್ನೆ ಅವರು ದಾಂಡೇಲಿ ಪೊಲೀಸರಿಗೆ ದೂರಿ, ಪ್ರಕರಣ ದಾಖಲಿಸಿದರು. ಆ ದಿನ ಏನಾಗಿತ್ತು? ಇಲ್ಲಿ ಓದಿ: ಮಹಿಳಾ ಮಣಿಗಳಿಂದ ಥಳಿತ: ಪುರುಷನ ಪೌರುಷಕ್ಕೆ ಆಘಾತ! ಆದರೆ, ಇದೇ ವಿಷಯವಾಗಿ ಪೊಲೀಸರಿಗೆ ಇನ್ನೊಂದು ಮಾಹಿತಿ ನೀಡಿದ ಮಾರಿಯೋ ಪ್ರಾನ್ಸಿಸ್ ಡಿಸೋಜಾ ಅವರು `ನಾಗರಾಜ ಹೊನ್ನಪ್ಪ ಬಾದರದಿನ್ನಿ ಅವರೇ ತಮ್ಮ ಮೇಲೆ ದಾಳಿ ಮಾಡಿದ್ದಾರೆ’ ಎಂದು ದೂರಿದ್ದಾರೆ. `ಪಿಯುಸಿ ವಿದ್ಯಾರ್ಥಿಯಾಗಿರುವ ತಾನು ಪರೀಕ್ಷೆ ಮುಗಿಸಿ ಎರಡು ವಾರದಲ್ಲಿ ದಾಂಡೇಲಿ ಅರಣ್ಯ ಇಲಾಖೆಯ ಟಿಂಬರ್ ಡೀಪೋದಲ್ಲಿ ಕೆಲಸ ಮಾಡುತ್ತಿದ್ದೇನೆ. ಹೀಗಿರುವಾಗ ಜಾಂಬೆಚಾಳ ನಾಗರಾಜ ಹೊನ್ನಪ್ಪ ಬಾದರದಿನ್ನಿ ಅವರು ಕಳೆದ ಮೂರು ದಿನದಿಂದ ಹಿಂಬಾಲಿಸುತ್ತಿದ್ದು, `ನಿನ್ನ ತಾಯಿ ನೀಡಿದ ದೂರು ಹಿಂಪಡೆಯಬೇಕು’ ಎಂದು ಬೆದರಿಸುತ್ತಿದ್ದಾರೆ. ಕೆಲಸ ಮುಗಿಸಿ ಮನೆಗೆ ಹೋಗಲು ಹಾರ್ನಬಿಲ್ ಭವನದ ಬಳಿ ನಿಂತಾಗ ಬೈಕಿನಲ್ಲಿ ಬಂದ ನಾಗರಾಜ ಬಾದರದಿನ್ನಿ ತನ್ನ ಕನ್ನಡಕ ತೆಗೆದು ಬಿಸಾಡಿ ಕೆನ್ನೆಗೆ ಹೊಡೆದಿದ್ದಾರೆ. ಅಲ್ಲಿದ್ದ ಮಣ್ಣಿನ ಹಂಟೆಯಿoದ ಹೊಡೆದು ನೋವು ಮಾಡಿದ್ದಾರೆ. ಧರಿಸಿದ್ದ ಶರ್ಟ ಹರಿದು ಅವಮಾನ ಮಾಡಿದ್ದಾರೆ. ಈ ವೇಳೆ ಪ್ರಾನ್ಸಿಸ್ ಮಂಡೇಸ್ ಆಗಮಿಸಿ ತನ್ನನ್ನು ರಕ್ಷಿಸಿದ್ದಾರೆ’ ಎಂದು ಮಾರಿಯೋ ಪ್ರಾನ್ಸಿಸ್ ಡಿಸೋಜಾ ಅವರು ದೂರಿದ್ದಾರೆ. ಎರಡು ಕಡೆಯವರ ಮಾತು ಆಲಿಸಿದ ಪೊಲೀಸರು ಪ್ರಕರಣ ದಾಖಲಿಸಿ ಸತ್ಯಾಸತ್ಯತೆಯ ಬಗ್ಗೆ ತನಿಖೆ ಶುರು ಮಾಡಿದ್ದಾರೆ.
- [ಮಗನ ಜೊತೆಗಿದ್ದ ಮಹಿಳೆಗೆ ನಿಂದನೆ: ದೂರು!](https://mobiletime.in/2026/04/woman-with-son-abused-complaint-filed/): ಕುಡಿಯುವ ನೀರಿನ ಬಾಟಲಿ ಖರೀದಿಗೆ ಮುಂಡಗೋಡಿನ ಪಾತ್ರೆ ಅಂಗಡಿಗೆ ಬಂದಿದ್ದ ಶಿರಸಿ ಮೂಲದ ಸವಿತಾ ಲಮಾಣಿ ಅವರಿಗೆ ಮುಂಡಗೋಡಿನ 10 ಜನ ಸೇರಿ ನಿಂದಿಸಿದ್ದಾರೆ. ಅತ್ಯಂತ ಕೆಟ್ಟ ಶಬ್ದಗಳಿಂದ ಬೈದವರ ವಿರುದ್ಧ ಸವಿತಾ ಲಮಾಣಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಶಿರಸಿ ದಾಸನಕೊಪ್ಪ ಬಳಿಯ ಬಂಕನಾಳದ ಸವಿತಾ ದೇವರಾಜ ಲಮಾಣಿ ಅವರು ಸದ್ಯ ಮುಂಡಗೋಡಿನ ಹಳ್ಳೂರು ಓಣಿಯಲ್ಲಿ ವಾಸವಾಗಿದ್ದಾರೆ. ಏಪ್ರಿಲ್ 29ರಂದು ತಮ್ಮ ಮಗ ವಿರಾಜ ಜೊತೆ ಮುಂಡಗೋಡದ ಬಸವ ಬೀದಿಗೆ ಹೋಗಿದ್ದರು. ಅಲ್ಲಿನ ಪಾತ್ರೆ ಅಂಗಡಿ ಪ್ರವೇಶಿಸಿದ ಸವಿತಾ ಅವರು ಮಗನಿಗಾಗಿ ಸ್ಟೀಲ್ ಬಾಟಲಿ ಖರೀದಿಗೆ ಮುಂದಾಗಿದ್ದರು. ಆಗ ಅಲ್ಲಿಗೆ ಬಂದಿದ್ದ ಮುಂಡಗೋಡಿನ ಯಶವಂತ ಶೇಖರ್ ಲಮಾಣಿ ಅವರು ಸವಿತಾ ಲಮಾಣಿ ಅವರನ್ನು ಅವಮಾನಿಸಿದರು. ಜೊತೆಗಿದ್ದ ಲಲಿತಾ ಶೇಖರ್ ಲಮಾಣಿ, ಶೇಖರ್ ಲಮಾಣಿ, ಅನುಸೂಯಾ ಮಂಜು ಲಮಾಣಿ, ಮಂಜು ಲಮಾಣಿ, ಹೇಮಂತ ಲಮಾಣಿ, ಸುರೇಶ ಲಮಾಣಿ ಹಾಗೂ ನಾಗರಾಜ ಲಮಾಣಿ ಅವರು ತಮ್ಮ ಬೈಗುಳ ಶುರು ಮಾಡಿದರು. ಅತ್ಯಂತ ಕೆಟ್ಟ ಶಬ್ದಗಳಿಂದ ಅವರೆಲ್ಲರೂ ಸವಿತಾ ಲಮಾಣಿ ಅವರನ್ನು ನಿಂದಿಸಿದ್ದು, ಮಗನ ಮುಂದೆ ಅಂತ ಶಬ್ದ ಪ್ರಯೋಗ ನಡೆದಿದನ್ನು ಸವಿತಾ ಲಮಾಣಿ ಅವರು ಸಹಿಸಿಕೊಳ್ಳಲಿಲ್ಲ. ಈ ನಡುವೆ ಅವರೆಲ್ಲರೂ `ದೇವರಾಜನ ಜೀವನ ಹಾಳು ಮಾಡಿದವಳು’ ಎಂದು ಸಹ ಹೇಳಿ ಅವಮಾನ ಮಾಡಿದರು. ಅವರೆಲ್ಲರೂ ಸೇರಿ ಸವಿತಾ ಲಮಾಣಿ ಅವರನ್ನು ದೂಡಿ ಹಾಕಿದರು. `ನಿನ್ನ ಜೊತೆ ಮಗನನ್ನು ಮುಗಿಸುತ್ತೇವೆ’ ಎಂದು ಬೆದರಿಸಿದರು. ಈ ಹಿನ್ನಲೆ ಸವಿತಾ ಲಮಾಣಿ ಅವರು ಪೊಲೀಸ್ ದೂರು ನೀಡಿದರು.
- [ಸರಾಯಿ ಕೊಡಿಸದ ಸ್ನೇಹಿತನಿಗೆ ಥಳಿತ: ತಲೆಮರೆಸಿಕೊಂಡಿದ್ದ ಆರೋಪಿ ಸೆರೆ](https://mobiletime.in/2026/04/friend-beaten-up-for-not-giving-him-a-drink-suspect-who-was-absconding-arrested/): ಸರಾಯಿ ಕೊಡಿಸದ ಕಾರಣ ಸ್ನೇಹಿತನಿಗೆ ಹೊಡೆದು ಪರಾರಿಯಾಗಿದ್ದ ಶಿರಸಿ ಇಂದಿರಾ ನಗರದ ಸಾಯಿಬ್ ಅಹಮದ್ ಅವರು ಎರಡು ವರ್ಷದ ನಂತರ ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಪೊಲೀಸರನ್ನು ಕಂಡ ತಕ್ಷಣ ತಪ್ಪಿಸಿಕೊಳ್ಳುತ್ತಿದ್ದ ಸಾಹಿಬ್ ಅಹಮದ್ ಅವರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ. ಶಿರಸಿ ಬಾಪೂಜಿ ನಗರ ಬಳಿಯ ರಾಮನಬೈಲಿನ ವಿಜಯಕುಮಾರ ಗಣೇಶ ಮೇಸ್ತಾ ಅವರು ವಾಸವಾಗಿದ್ದು, ಅವರು ಚಾಲಕರಾಗಿದ್ದರು. ೨೦೨೩ರ ಅಗಸ್ಟ ೧೩ರಂದು ಅವರು ಶಿರಸಿಯ ಟೆಂಪೋ ನಿಲ್ದಾಣದ ಬಳಿ ನಿಂತಿದ್ದರು. ಅಲ್ಲಿರುವ ವಿಶ್ವ ವೈನ್ ಶಾಪಿಗೆ ಹೋಗಿ ಗಣೇಶ ಮೇಸ್ತ ಅವರು ಸರಾಯಿ ಕುಡಿದಿದ್ದು, ಈ ವೇಳೆ ಅಲ್ಲಿ ಇಂದಿರಾ ನಗರದ ಸಾಯಿಬ್ ಅಹಮದ್ ಅಬ್ದುಲ್ ಖಾದರ್ ಅವರು ಆಗಮಿಸಿದರು. ಸಾಯಿಬ್ ಅಹಮದ್ ಅವರು `ತನಗೂ ಸರಾಯಿ ಕೊಡಿಸು’ ಎಂದು ವಿಜಯಕುಮಾರ ಮೇಸ್ತಾ ಅವರ ಬಳಿ ಕೇಳಿದರು. ಆಗ, `ನನ್ನಲ್ಲಿ ಕಾಸಿಲ್ಲ’ ಎಂದರು. ಇದರಿAದ ಸಿಟ್ಟಾದ ಸಾಯಿಬ್ ಅಹಮದ್ ಅವರು ವಿಜಯಕುಮಾರ ಮೇಸ್ತ ಅವರಿಗೆ ಕೆಟ್ಟದಾಗಿ ನಿಂದಿಸಿದರು. ಅದಾದ ನಂತರ ಹರಿತವಾದ ಬ್ಲೇಡಿನಿಂದ ಅವರಿಗೆ ಹೊಡೆದರು. ಜನ ಬರುವುದನ್ನು ನೋಡಿ ಓಡಿ ಪರಾರಿಯಾಗಿದ್ದರು. ಈ ಬಗ್ಗೆ ದೂರು ದಾಖಲಿಸಿಕೊಂಡ ಪೊಲೀಸರು ಆರೋಪಿ ಸಾಯಿಬ್ ಅಹಮದ್ ಅವರನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ಜಾಮೀನಿನ ಮೇಲೆ ಹೊರ ಬಂದಿದ್ದ ಸಾಯಿಬ್ ಮಹಮದ್ ನಂತರ ನ್ಯಾಯಾಲಯಕ್ಕೆ ಹೋಗಿರಲಿಲ್ಲ. ಈ ಹಿನ್ನಲೆ ಶಿರಸಿ ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿದ್ದು, ಎರಡು ವರ್ಷದಿಂದ ತಲೆಮರೆಸಿಕೊಂಡಿದ್ದ ಸಾಯಿಬ್ ಅಹಮದ್ ಅವರನ್ನು ಶಿರಸಿ ನಗರ ಠಾಣೆ ಪಿಸೈ ನರಸಿಂಹಲು, ಪೊಲೀಸ್ ಸಿಬ್ಬಂದಿ ಈರಣ್ಣ ಹಕ್ಕಿಗುಂಡಿಮಠ, ನಜೀರ್ ಸಾಬ್ ಪಿಂಜಾರ್ ಸೇರಿ ಬಂಧಿಸಿದರು.
- [ಆ ದಿನ ಓಡಿ ಹೋದವ.. ಈ ದಿನ ಸಿಕ್ಕಿಬಿದ್ದ!](https://mobiletime.in/2026/04/the-one-who-ran-away-that-day-was-caught-today/): ಶಿರಸಿ ನೆಹರು ನಗರದ ಪಂಚಾಕ್ಷರಿ ಕಲ್ಲೂರು ಹಾಗೂ ಹೆಗಡೆಕಟ್ಟಾದ ಅಂತೋನಿ ವಲವೇರಾ ಅವರು ಸಂಚರಿಸುತ್ತಿದ್ದ ರಿಕ್ಷಾಗೆ ಬುಲೆರೋ ಗುದ್ದಿ ಪರಾರಿಯಾಗಿದ್ದ ಕೆಎಚ್‌ಬಿ ಕಾಲೋನಿಯ ಮೋಹನ ಪಾಲಕರ್ ಅವರು ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದಾರೆ. ಮೂರು ವರ್ಷಗಳಿಂದ ನ್ಯಾಯಾಲಯಕ್ಕೂ ಬಾರದೇ ತಪ್ಪಿಸಿಕೊಂಡಿದ್ದ ಮೋಹನ್ ಪಾಲಕರ್ ಅವರನ್ನು ಹಿಡಿದ ಪೊಲೀಸರು ನ್ಯಾಯಾಧೀಶರ ಮುಂದೆ ಹಾಜರುಪಡಿಸಿದ್ದಾರೆ. 2018ರ ಜೂನ್ 25ರ ಸಂಜೆ ನೆಹರು ನಗರದ ಪಂಚಾಕ್ಷರಿ ಈರಣ್ಣ ಕಲ್ಲೂರು ಅವರು ಹೆಗಡೆಕಟ್ಟಾದ ಅಂತೋನಿ ವಲವೇರಾ ಅವರನ್ನು ಕೂರಿಸಿಕೊಂಡು ರಿಕ್ಷಾದಲ್ಲಿ ಹೊರಟಿದ್ದರು. ಹೆಗಡೆಕಟ್ಟಾದಿಂದ ಶಿರಸಿ ಕಡೆ ಹೋಗುವಾಗ ರುದ್ರಮೂಲೆ ಬಳಿಯ ತಿರುವಿನಲ್ಲಿ ಅವರ ರಿಕ್ಷಾಗೆ ಬುಲೇರೋ ಡಿಕ್ಕಿ ಹೊಡೆದಿತ್ತು. ರಿಕ್ಷಾದಲ್ಲಿದ್ದ ಇಬ್ಬರಿಗೂ ಗಾಯವಾಗಿದ್ದು, ಬುಲೆರೋ ಚಾಲಕ ಅಲ್ಲಿಂದ ಪರಾರಿಯಾಗಿದ್ದರು. ಅದಾದ ನಂತರ ಪೊಲೀಸರು ಆರೋಪಿತ ಚಾಲಕನನ್ನು ಹುಡುಕಿದ್ದರು. ಕೆಎಚ್‌ಬಿ ಕಾಲೋನಿಯ ಮೋಹನ ಗಣಪತಿ ಪಾಲಕರ್ ಅವರು ಆ ದಿನ ಬುಲೆರೋ ಓಡಿಸುತ್ತಿರುವುದು ಗೊತ್ತಾಗಿದ್ದು, ಅವರನ್ನು ಕೋರ್ಟಿಗೆ ಹಾಜರುಪಡಿಸಿದ್ದರು. ಆದರೆ, ಮೋಹನ ಪಾಲಕರ್ ಅವರು ಮೂರು ವರ್ಷದಿಂದ ತಲೆಮರೆಸಿಕೊಂಡು ಓಡಾಡುತ್ತಿದ್ದರು. ನ್ಯಾಯಾಲಯಕ್ಕೂ ಹಾಜರಾಗದೇ ತಪ್ಪಿಸಿಕೊಂಡಿದ್ದರು. ಈ ಹಿನ್ನಲೆ ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿದ್ದು, ಶಿರಸಿ ನಗರ ಪೊಲೀಸರು ಆರೋಪಿಯ ಶೋಧ ನಡೆಸಿದರು. ಪಿಸೈ ನರಸಿಂಹಲು, ಪೊಲೀಸ್ ಸಿಬ್ಬಂದಿ ತುಕರಾಮ ಬಣಗಾರ್, ರಾಮಯ್ಯ ಪೂಜಾರಿ, ಹನುಮಂತ ಮಕಾಪುರ ಸೇರಿ ಆರೋಪಿಯನ್ನು ಹಿಡಿದರು. ಸಿಕ್ಕಿಬಿದ್ದ ಮೋಹನ ಪಾಲಕರ್ ಅವರನ್ನು ಮತ್ತೆ ನ್ಯಾಯಾಲಯಕ್ಕೆ ಹಾಜರುಪಡಿಸಿದರು.
- [ನಿಷೇಧದ ಗುಮ್ಮ: ಕಡಲ ಮಕ್ಕಳ ಹೋರಾಟಕ್ಕೆ ಜಯ!](https://mobiletime.in/2026/04/banned-scarecrow-victory-for-the-struggle-of-the-children-of-the-sea/): ಮೀನುಗಾರಿಕೆ ವಿಷಯವಾಗಿ ತನ್ನ ಅಧಿಕಾರ ಮೀರಿ ಹೊರಡಿಸಿದ್ದ ಆದೇಶವನ್ನು ಪ್ರವಾಸೋದ್ಯಮ ಇಲಾಖೆ ಹಿಂಪಡೆದಿದೆ. ಹೀಗಾಗಿ `ಕಡಲತೀರದಿಂದ 2ಕಿಮೀ ದೂರದಲ್ಲಿ ಮೀನುಗಾರಿಕೆ ಮಾಡುವ ಹಾಗಿಲ್ಲ’ ಎಂದು ಎಂಬ ಆದೇಶಕ್ಕೆ ಇನ್ಮುಂದೆ ಮಾನ್ಯತೆ ಇಲ್ಲ. `ಕಡಲತೀರದಿಂದ ಎರಡು ಕಿಮೀ ದೂರದಲ್ಲಿ ಮೀನುಗಾರಿಕಾ ಚಟುವಟಿಕೆ ಕೈಗೊಳ್ಳುವ ಹಾಗಿಲ್ಲ’ ಎಂದು ಪ್ರವಾಸೋದ್ಯಮ ಇಲಾಖೆ ಸೂಚಿಸಿತ್ತು. ಜಲಸಾಹಸ ಕ್ರೀಡೆ ನಡೆಸಲು ನೀಡಿದ ಟೆಂಡರಿನಲ್ಲಿ ಪ್ರವಾಸೋದ್ಯಮ ಇಲಾಖೆ ಈ ಬಗೆಯ ಸೂಚನೆ ನೀಡಿದ್ದು, ಗೋಕರ್ಣ-ಬೇಲೆಹಿತ್ತಲ-ದುಬ್ಬನಸಸಿ-ಗಂಗಾವಳಿ ಹಾಗೂ ಗಂಗೆಕೊಳ್ಳ ಭಾಗದಲ್ಲಿ ಮೀನುಗಾರಿಕೆ ನಿಷೇಧದ ವಿಷಯ ಪ್ರಸ್ತಾಪಿಸಿತ್ತು. ಇದಕ್ಕೆ ಮೀನುಗಾರರಿಂದ ಭಾರೀ ಪ್ರಮಾಣದ ವಿರೋಧವ್ಯಕ್ತವಾಗಿತ್ತು. ಜಿಲ್ಲಾ ಪಂಚಾಯತ ಮಾಜಿ ಸದಸ್ಯ ಪ್ರದೀಪ ನಾಯಕ, ಮೀನುಗಾರರ ಮುಖಂಡರಾದ ಶಿವರಾಮ ಹರಿಕಂತ್ರ, ಜಗದೀಶ ಹರಿಕಂತ್ರ ಅವರು `ಎರಡು ಕಿಲೋಮೀಟರ್ ಸಮುದ್ರದವರೆಗೆ ಮೀನುಗಾರಿಕೆ ನಿಷೇಧ ಮಾಡುವುದರಿಂದ ಸಾಂಪ್ರದಾಯಿಕ ಮೀನುಗಾರಿಕೆ ಮಾಡುವವರಿಗೆ ಸಮಸ್ಯೆ ಆಗಲಿದೆ’ ಎಂದು ಸಭೆಗೆ ವಿವರಿಸಿದರು. `ಈ ರೀತಿ ನಿಷೇಧ ಹೇರುವ ಅಧಿಕಾರ ಪ್ರವಾಸೋದ್ಯಮ ಇಲಾಖೆಗೆ ಇಲ್ಲ. ಈಗಾಗಲೆ ಹೊರಡಿಸಿದ ಆದೇಶದವನ್ನು ಪರಿಶೀಲಿಸಿ ಸೂಕ್ತ ಕ್ರಮ ಜರುಗಿಸುವೆ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಕುಮಟಾದಲ್ಲಿ ನಡೆದ ಸಭೆಯಲ್ಲಿ ಭರವಸೆ ನೀಡಿದರು. ಸದ್ಯ ಕುಮಟಾ ತಾಲೂಕಿನ ಗೋಕರ್ಣ ಕಡಲತೀರ, ಓಂ ಬೀಚ್, ಪ್ಯಾರಾಡೈಸ್ ಬೀಚ್, ಹಾಪ್ ಮೂನ್ ಬೀಚ್’ನ ಜಲಸಹಾಸ ಕ್ರೀಡೆ ಸಂಬAದ ಟೆಂಡರ್ ಪ್ರಕ್ರಿಯೆ ನಡೆಸಿ ಅಂತಿಮಗೊಳಿಸಲಾಗಿದೆ. ಟೆಂಡರ್ ಪ್ರದೇಶದ ಸುತ್ತಮುತ್ತ 2 ಕಿ.ಮೀ ವ್ಯಾಪ್ತಿಯಲ್ಲಿ ಯಾವುದೇ ರೀತಿಯ ಮೀನುಗಾರಿಕೆ ಚಟುವಟಿಕೆ ಕೈಗೊಳ್ಳುವಂತಿಲ್ಲ ಎಂಬ ವಿಷಯವನ್ನು ಹಿಂಪಡೆಯಲಾಗಿದೆ. ಈ ಬಗ್ಗೆ ರಿವರ್ ರಾಪ್ಟಿçಂಗ್ ಮತ್ತು ಜಲ ಸಾಹಸ ಕ್ರೀಡೆ ನಿರ್ವಹಣೆ ಮತ್ತು ಮೇಲುಸ್ತುವಾರಿ ಸಮಿತಿಯ ಸದಸ್ಯ ಕಾರ್ಯದರ್ಶಿಗಳು ಆಗಿರುವಪ್ರವಾಸೋದ್ಯಮ ಇಲಾಖೆಯ ಉಪ ನಿರ್ದೇಶಕಿ ಮಂಗಲಗೌರಿ ಭಟ್ಟ ಅವರು ಮಾಹಿತಿ ನೀಡಿದ್ದಾರೆ.
- [ಸ್ನೇಹಿತನಿಗೆ ಸಹಾಯ ಮಾಡಿದವನಿಗೆ ಸಂಕಷ್ಟ!](https://mobiletime.in/2026/04/woe-to-the-one-who-helped-his-friend/): ಮುರುಡೇಶ್ವರದ ಬಳಿ ಶಿಲ್ಪಿ ಕೆಲಸ ಮಾಡಿಕೊಂಡಿದ್ದ ನಾಗರಾಜ ನಾಯ್ಕ ಅವರು ತಮ್ಮ ಸ್ನೇಹಿತ ದರ್ಶನ್ ಅವರಿಗೆ ಸಹಾಯ ಮಾಡಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ನಾಗರಾಜ ನಾಯ್ಕ ಅವರು ಅಭಿಷೇಕ ನಾಯ್ಕ ಅವರ ಬಳಿ ತುರ್ತಾಗಿ 30 ಸಾವಿರ ರೂ ಹಣಪಡೆದು ಅದನ್ನು ದರ್ಶನ್ ಅವರಿಗೆ ನೀಡಿದ್ದು, ಆ ಹಣವನ್ನು ದರ್ಶನ್ ಅವರು ಮರಳಿಸುತ್ತಿಲ್ಲ. ಹಣ ಕೊಟ್ಟಿದ್ದ ಅಭಿಷೇಕ ನಾಯ್ಕ ಅವರು ನಾಗರಾಜ ನಾಯ್ಕ ಅವರನ್ನು ಬಿಡುತ್ತಿಲ್ಲ. ಭಟ್ಕಳದ ಮುರುಡೇಶ್ವರ ಬಳಿಯ ಬೈಲೂರು ನೀರಗದ್ದೆಯಲ್ಲಿ ನಾಗರಾಜ ಚಂದ್ರಹಾಸ ನಾಯ್ಕ ಅವರು ವಾಸವಾಗಿದ್ದಾರೆ. ಶಿಲ್ಪಿ ಕೆಲಸ ಮಾಡಿಕೊಂಡಿರುವ ಅವರು ಸ್ನೇಹಿತರ ನೋವಿಗೆ ತ್ವರಿತವಾಗಿ ಸ್ಪಂದಿಸುವ ಸ್ವಭಾವದವರಾಗಿದ್ದು, ತಮ್ಮ ಸ್ನೇಹಿತನಿಗೆ ಸಹಾಯ ಮಾಡಿ ಸಮಸ್ಯೆಗೆ ಸಿಲುಕಿದ್ದಾರೆ. ಸ್ನೇಹಿತ ದರ್ಶನ್ ಅವರ ಆರ್ಥಿಕ ಸಮಸ್ಯೆ ನೋಡಿದ ನಾಗರಾಜ ನಾಯ್ಕ ಅವರು ಮುರುಡೇಶ್ವರದ ಚಂದ್ರಹಿತ್ಲುವಿನ ಅಭಿಷೇಕ ನಾಗರಾಜ ನಾಯ್ಕ ಅವರ ಸಹಾಯ ಯಾಚಿಸಿದ್ದಾರೆ. ಅಭಿಷೇಕ್ ನಾಯ್ಕ ಅವರು ನೀಡಿದ 30 ಸಾವಿರ ರೂ ಹಣವನ್ನು ಅವರು ದರ್ಶನ್ ಅವರಿಗೆ ನೀಡಿದ್ದಾರೆ. ಆದರೆ, ಆ ಹಣವನ್ನು ದರ್ಶನ್ ಅವರು ಮರಳಿ ಕೊಟ್ಟಿಲ್ಲ. ಈ ನಡುವೆ ಅಭಿಷೇಕ್ ನಾಯ್ಕ ಅವರು ನಿತ್ಯವೂ ನಾಗರಾಜ ನಾಯ್ಕ ಅವರಿಗೆ ಫೋನ್ ಮಾಡಿ ಹಿಂಸೆ ನೀಡುತ್ತಿದ್ದಾರೆ. `ತನ್ನ ಹಣ ಕೊಡು’ ಎಂದು ಅವರು ಪದೇ ಪದೇ ಹೇಳುತ್ತಿದ್ದು, ಇದರಿಂದ ನಾಗರಾಜ ನಾಯ್ಕ ಅವರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಏಪ್ರಿಲ್ 22ರಂದು ಮುರುಡೇಶ್ವರ ಕನ್ನಡ ಶಾಲೆ ಬಳಿ ನಾಗರಾಜ ನಾಯ್ಕ ಅವರನ್ನು ಅಭಿಷೇಕ್ ನಾಯ್ಕ ಅವರು ಅಡ್ಡಗಟ್ಟಿದ್ದಾರೆ. `ಹಣ ಕೊಡದಿದ್ದರೆ ಕೊಲೆ ಮಾಡುವೆ’ ಎಂದು ಅವರು ಬೆದರಿಸಿದ್ದಾರೆ. ಈ ಬೆದರಿಕೆ ಕಾರಣ ನಾಗರಾಜ ನಾಯ್ಕ ಅವರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಬೆದರಿಕೆಯ ಬಗ್ಗೆ ಪೊಲೀಸ್ ದೂರು ನೀಡಿದ್ದು, ಸದ್ಯ ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದಾರೆ. `ಹಣ ಕೊಟ್ಟು ಸ್ನೇಹ ಕಳೆದುಕೊಳ್ಳಬೇಡಿ’
- [ಮಕ್ಕಳ ಮನಸಿಗೆ ಮದ ನೀಡುವ ಮನಸ್ವಿನಿ: ಇದು ಮಹಿಳೆಯರೇ ಮುನ್ನೆಡೆಸುವ ವಿದ್ಯಾ ಸಂಸ್ಥೆ](https://mobiletime.in/2026/04/manaswini-a-school-that-provides-education-to-children-this-is-an-educational-institution-led-by-women/): ರೇಖಾ ಭಟ್ಟ ಕೋಟೆಮನೆ ಅವರ ಮುಂದಾಳತ್ವದಲ್ಲಿ ಯಲ್ಲಾಪುರದ ಹೀರೆಸರದ ಬಳಿ ಮಹಿಳೆಯರೇ ಸೇರಿ ಮನಸ್ವಿನಿ ಎಂಬ ವಿದ್ಯಾ ಸಂಸ್ಥೆ ಕಟ್ಟಿದ್ದಾರೆ. ಎರಡು ಎಕರೆ ಪ್ರದೇಶದಲ್ಲಿರುವ ಈ ಶಿಕ್ಷಣ ಸಂಸ್ಥೆ ಗುರುಕುಲ ಪದ್ಧತಿಯಲ್ಲಿ ಮಕ್ಕಳಿಗೆ ಆಂಗ್ಲ ಮಾಧ್ಯಮ ಶಿಕ್ಷಣ ನೀಡುತ್ತಿದೆ. `ಇಲ್ಲಿ ಮನೆಯಲ್ಲಿ ಕನ್ನಡ ಮಾತನಾಡುವವರಿಗೂ ಆಂಗ್ಲ ಮಾಧ್ಯಮದಲ್ಲಿ ಅರ್ಥವಾಗುವ ರೀತಿ ಶಿಕ್ಷಣ ನೀಡಲಾಗುತ್ತದೆ.ಪೂರ್ವ ಪ್ರಾಥಮಿಕದಿಂದ ಶುರುವಾಗಿ ಪ್ರೌಢ ಶಿಕ್ಷಣದವರೆಗೆ ಒಂದೇ ಸೂರಿನಲ್ಲಿ ಶಿಕ್ಷಣ ನೀಡಲಾಗುತ್ತದೆ. ಹಳ್ಳಿಯ ವಾತಾವರಣದಲ್ಲಿ ಶಾಲೆಯಿರುವುದರಿಂದ ವಾಹನಗಳ ಓಡಾಟ ಇಲ್ಲ. ಹೀಗಾಗಿ ಮಕ್ಕಳ ಸುರಕ್ಷತೆ ಬಗ್ಗೆ ಆತಂಕಪಡಬೇಕಾಗಿಲ್ಲ. ಬೇರೆ ಬೇರೆ ಶಾಲೆಗಳ ಹಾಗೇ ಇಲ್ಲಿ ಶುಲ್ಕ ಪಾವತಿಗಾಗಿ ಮಕ್ಕಳ ಮೇಲೆ ಒತ್ತಡ ಹಾಕುವುದಿಲ್ಲ’ ಎಂದು ಮುಖ್ಯಾಧ್ಯಾಪಕಿ ಸವಿತಾ ಭಟ್ಟ ಅವರು ಮಾಹಿತಿ ನೀಡಿದ್ದಾರೆ. `2018-19ನೇ ಸಾಲಿನಲ್ಲಿ 10 ಮಕ್ಕಳಿಂದ ಶುರುವಾದ ಈ ಶಾಲೆಯಲ್ಲಿ ಸದ್ಯ 130 ಮಕ್ಕಳಿದ್ದಾರೆ. ಮೊದಲು ಬಾಡಿಗೆ ಕಟ್ಟದಲ್ಲಿ ಶಾಲೆ ಶುರು ಮಾಡಿದ್ದು, ಇದೀಗ ಸ್ವಂತ ಜಾಗದಲ್ಲಿ ಸುಂದರ ಕಟ್ಟಡ ನಿರ್ಮಿಸಿ ಕಲಿಕೆ ಮುಂದುವರೆಸಲಾಗಿದೆ. ಹಳ್ಳಿ ಮಕ್ಕಳ ಅನುಕೂಲಕ್ಕೆ ಶಾಲೆಯವರೆಗೆ ವಾಹನ ವ್ಯವಸ್ಥೆ ಮಾಡಲಾಗಿದೆ. ಈ ವರ್ಷ ಯಲ್ಲಾಪುರ ಪಟ್ಟಣದಲ್ಲಿಯೂ ಶಾಲಾ ವಾಹನ ಸಂಚಾರ ನಡೆಯಲಿದೆ’ ಎಂದವರು ವಿವರಿಸಿದರು. `ಚವತ್ತಿ, ಕಾತೂರುವರೆಗೆ ವಾಹನ ಓಡಾಟ ಮೊದಲಿನಿಂದಲೂ ಇದೆ. ಇದರಿಂದ ಆ ಭಾಗದ ಅನೇಕ ಮಕ್ಕಳಿಗೆ ಅನುಕೂಲವಾಗಿದೆ’ ಎಂದರು. `ಈ ಶಾಲೆಯಲ್ಲಿ ವಾರಕ್ಕೆ ಎರಡು ದಿನ ಅಭಾಕಾಸ್, ತಬಲಾ, ಸಂಗೀತ ತರಗತಿ ನಡೆಸಲಾಗುತ್ತದೆ. ಇಲ್ಲಿನ ಎಲ್ಲಾ ಶಿಕ್ಷಕರು ಮಹಿಳೆಯರೇ ಆಗಿದ್ದು, ಪ್ರತಿ ಮಗುವಿನ ಬಗ್ಗೆ ವೈಯಕ್ತಿಕ ಕಾಳಜಿವಹಿಸುತ್ತಾರೆ. ಹೀಗಾಗಿ ಮನೆಯ ವಾತಾವರಣದಲ್ಲಿ ಶಿಕ್ಷಣಪಡೆಯಲು ಸಾಧ್ಯವಿದೆ’ ಎಂದು ರೇಖಾ ಭಟ್ಟ ಕೋಟೆಮನೆ ಅವರು ಹೇಳಿದರು. `ನೃತ್ಯ, ಗಾಯನದ ಜೊತೆ ಭಗವದ್ಘೀತೆ ಬಗ್ಗೆಯೂ ಇಲ್ಲಿ ಕಲಿಸಲಾಗುತ್ತದೆ. ಪ್ರತಿ ದಿನ ಮಕ್ಕಳಿಗೆ ನೀತಿ ಕಥೆಗಳನ್ನು ಹೇಳಿ, ಜೀವನ ಮೌಲ್ಯಗಳ ಬಗ್ಗೆ ವಿವರಿಸಲಾಗುತ್ತದೆ’ ಎಂದರು. `ಮನಸ್ವಿನಿ ವಿದ್ಯಾಲಯದಿಂದ ಹಾಸ್ಟೇಲ್ ಸೌಲಭ್ಯವನ್ನು ಮಾಡಿಕೊಡಲಾಗಿದೆ. ಸದ್ಯ 12 ಮಕ್ಕಳು ಹಾಸ್ಟೇಲಿನಲ್ಲಿದ್ದು, ಶಿಕ್ಷಣಪಡೆಯುತ್ತಿದ್ದಾರೆ. ಭವಿಷ್ಯದಲ್ಲಿ ಕಡ್ಡಾಯ ಶಿಕ್ಷಣ ಹಕ್ಕು ಕಾಯ್ದೆ ಅಡಿ ಬರಲಿದೆ’ ಎಂಬ ಮಾಹಿತಿ ನೀಡಿದರು. ಪ್ರಮುಖರಾದ ಮಂಜುನಾಥ ಹೆಗಡೆ, ಪ್ರಶಾಂತ ಹೆಗಡೆ, ಸದಾನಂದ ಮೊಗೇರ ಇದ್ದರು.  
- [ಸದ್ದಿಲ್ಲದೇ ನಡೆದ ಸಮೀಕ್ಷೆ!](https://mobiletime.in/2026/04/a-survey-conducted-without-any-noise/): ನದಿ ಜೋಡಣೆ ವಿಷಯವಾಗಿ ಜನ ಹೋರಾಟ ನಡೆಸುತ್ತಿದ್ದು, ಅದರ ನಡುವೆಯೂ ಕಾಡು ಗ್ರಾಮಗಳಲ್ಲಿ ಯೋಜನೆ ಅನುಷ್ಠಾನದ ಸಮೀಕ್ಷೆ ನಡೆದಿದೆ. ರಾಷ್ಟ್ರೀಯ ಜಲ ಅಭಿವೃದ್ಧಿ ಸಂಸ್ಥೆ ಅಧಿಕಾರಿಗಳು ಶಿರಸಿ – ಯಲ್ಲಾಪುರ ಭಾಗದ ಕಾಡಿಗೆ ಭೇಟಿ ನೀಡಿ ಅಲ್ಲಿದ್ದ ನದಿ ನೀರು ನೋಡಿದ್ದಾರೆ. ಲಭ್ಯವಿರುವ ಅಲ್ಪ ಪ್ರಮಾಣದ ನೀರನ್ನು ದೊಡ್ಡ ದೊಡ್ಡ ಕೊಳವೆಗಳ ಮೂಲಕ ಬೇರೆ ಕಡೆ ಒಯ್ಯುವ ಯೋಜನೆ ಮುಂದುವರೆಸಿದ್ದಾರೆ. ವಿವಿಧ ಕ್ಷೇತ್ರಗಳಿಗೆ ಭೇಟಿ ನೀಡಿದ ಅಧಿಕಾರಿಗಳು ಪಂಪ್‌ಹೌಸ್, ಬ್ಯಾರೇಜ್ ಮುಂತಾದ ಸ್ಥಳ ನಿರ್ಮಾಣದ ಜಾಗ ಪರಿಶೀಲನೆ ಮಾಡಿದ್ದಾರೆ. ಎನ್‌ಡಬ್ಲ್ಯುಡಿಎ ಈ ಹಿಂದೆ ರಚಿಸಿದ ಡಿಪಿಆರ್‌ನಲ್ಲಿ ಇದ್ದ ಅಂಶಗಳನ್ನು ಆಧರಿಸಿ ಅಧಿಕಾರಿಗಳ ತಂಡ ಸ್ಥಳ ಭೇಟಿ ನಡೆಸಿದೆ. ಸಮುದ್ರಕ್ಕೆ ಹರಿದು ಹೋಗುವ ನೀರಿನಲ್ಲಿ ಶೇ 8ರಿಂದ 10ರಷ್ಟು ನೀರನ್ನು ಮಾತ್ರ ಬಳಸಿಕೊಂಡು ಈ ಯೋಜನೆ ರೂಪಿಸುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ. ಅರಣ್ಯ ಪ್ರದೇಶಕ್ಕೆ ಅತಿ ಕಡಿಮೆ ಹಾನಿಯಾಗುವಂತೆ ಅಲ್ಪ ಭಾಗ ಮಾತ್ರ ಕಾಲುವೆಗಳನ್ನು ನಿರ್ಮಿಸುವುದಾಗಿಯೂ ವಿವರಿಸಿದ್ದಾರೆ. ಪೈಪ್‌ಲೈನ್ ಹಾಗೂ ಸುರಂಗದ ಮೂಲಕ ನೀರನ್ನು ಹೇಗೆ ಸಾಗಿಸಬಹುದು? ಎನ್ನುವುದರ ಬಗ್ಗೆ ಅಧಿಕಾರಿಗಳ ತಂಡದವರು ಪರಿಶೀಲಿಸಿದ್ದಾರೆ. ಈ ಭಾಗದ ಮಣ್ಣು ಪರೀಕ್ಷೆ, ಅರಣ್ಯ ಹಾಗೂ ವನ್ಯಜೀವಿಗಳಿಗೆ ಹಾನಿ ಉಂಟಾಗುವ ವಿಚಾರಗಳ ಬಗ್ಗೆ ಈವರೆಗೂ ಸಮೀಕ್ಷೆ ನಡೆದಿಲ್ಲ. ಆ ಸಮೀಕ್ಷೆಯೂ ಪೂರ್ಣವಾದ ಬಳಿಕ ಸಮಿತಿ ವರದಿ ಸಿದ್ಧಪಡಿಸಲಿದೆ. ಅದಾದ ನಂತರ ಪರಿಷ್ಕೃತ ಡಿಪಿಆರ್ ಸಿದ್ಧವಾಗಲಿದ್ದು, ಡಿಪಿಆರ್ ಆಧರಿಸಿ ಕೇಂದ್ರ ಪರಿಸರ ಮಂತ್ರಾಲಯಕ್ಕೆ ಪರಿಸರ ಅನುಮತಿಗಾಗಿ ಅರ್ಜಿ ಸಲ್ಲಿಸಲಾಗುತ್ತದೆ. ಆ ನಂತರ ಸಾರ್ವಜನಿಕ ಅಹವಾಲು ಸಭೆ ನಡೆಯಲಿದೆ. ಉತ್ತರ ಕನ್ನಡ ಜಿಲ್ಲೆಯ ಜನ ಈ ಅವೈಜ್ಞಾನಿಕ ಯೋಜನೆಗೆ ವಿರೋಧವ್ಯಕ್ತಪಡಿಸಿದ್ದಾರೆ. ಜನಪ್ರತಿನಿಧಿಗಳು ಸಹ ಯೋಜನೆ ಬಗ್ಗೆ ವಿರೋಧಿಸಿದ್ದು, ಸಚಿವರನ್ನು ಭೇಟಿಯಾಗಿ ಚರ್ಚಿಸಿದ್ದಾರೆ. `ಈ ಯೋಜನೆ ಬೇಡವೇ ಬೇಡ’ ಎಂದು ಸಮೀಪದ ನಿವಾಸಿಗಳು ಹೇಳುತ್ತಿದ್ದಾರೆ. ಅದಾಗಿಯೂ, ಸರ್ಕಾರ ಯೋಜನೆ ಮಾಡಲು ಆಸಕ್ತಿವಹಿಸಿದ್ದು, ಜನರ ಆಕ್ರೋಶಕ್ಕೆ ಕಾರಣವಾಗಿದೆ.
- [ಲಾರಿ ಪಲ್ಟಿ: ಚಾಲಕನ ರಕ್ಷಣೆ](https://mobiletime.in/2026/04/lorry-overturns-driver-rescued/): ಯಲ್ಲಾಪುರದಿಂದ ಶಿರಸಿ ಮಾರ್ಗವಾಗಿ ಸಿಮೆಂಟ್ ತುಂಬಿಕೊoಡು ಹೊರಟಿದ್ದ ಲಾರಿ ಪಲ್ಟಿಯಾಗಿದೆ. ಲಾರಿ ಅಡಿ ಸಿಕ್ಕಿಬಿದ್ದಿದ್ದ ಚಾಲಕನನ್ನು ಆನಂದ ಭೋವಿವಡ್ಡರ್, ನಿತಿನ ನಾಯ್ಕ, ವಸಂತ ನಾಯ್ಕ ಸೇರಿ ರಕ್ಷಿಸಿದ್ದಾರೆ. ಮಂಗಳವಾರ ಮಧ್ಯಾಹ್ನ ವಿಜಯಪುರದ ಚಾಲಕರೊಬ್ಬರು ಸಿಮೆಂಟ್ ಚೀಲವನ್ನು ತುಂಬಿಕೊoಡು ಯಲ್ಲಾಪುರ-ಶಿರಸಿ ಮಾರ್ಗವಾಗಿ ಹೊರಟಿದ್ದರು. ಚವತ್ತಿ ತಿರುವಿನ ಬಳಿ ಆ ಲಾರಿ ಅಪಘಾತಕ್ಕೀಡಾಯಿತು. ಲಾರಿ ಸಂಪೂರ್ಣವಾಗಿ ಉಲ್ಟಾ ಆಗಿದ್ದು, ಲಾರಿ ಚಾಲಕ ಅಡಿಗೆ ಬಿದ್ದರು. ನೋವಿನಲ್ಲಿ ನರಳಾಡುತ್ತಿದ್ದ ಚಾಲಕನನ್ನು ಉಮ್ಮಚ್ಗಿಯ ಆನಂದ ಭೋವಿವಡ್ಡರ್ ಅವರು ನೋಡಿದರು. ಚಿಪಗೇರಿಯ ನಿತಿನ್ ನಾಯ್ಕ, ವಸಂತ ನಾಯ್ಕ ಅವರ ಜೊತೆ ಸೇರಿ ಆ ಚಾಲಕನನ್ನು ಲಾರಿಯಿಂದ ಹೊರಗೆಳೆದರು. ಈ ವೇಳೆ ಉಮ್ಮಚ್ಗಿಯ ಭರತ ನಾಯ್ಕ ಹಾಗೂ ಸುಮಂತ ಅವರು ಅಲ್ಲಿಗೆ ಆಗಮಿಸಿದ್ದು, ರಕ್ಷಣಾ ಕಾರ್ಯಾಚರಣೆಗೆ ಕೈ ಜೋಡಿಸಿದರು. ಅಲ್ಲಿದ್ದವರೇ ಆಂಬುಲೆನ್ಸ್’ಗೆ ಫೋನ್ ಮಾಡಿ ಮಾಹಿತಿ ನೀಡಿದ್ದು, ಆಂಬುಲೆನ್ಸ ಚಾಲಕ ಪವನ ನಾಯ್ಕ ಅವರು ಮುತುವರ್ಜಿವಹಿಸಿ ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಿದರು. ಆ ವೇಳೆಗೆ ಅಲ್ಲಿಗೆ ಪೊಲೀಸರು ಸಹ ಆಗಮಿಸಿದ್ದು, ಅಪಘಾತದ ವಿಧಾನದ ಬಗ್ಗೆ ಚರ್ಚಿಸಿದರು. ಸದ್ಯದ ಮಾಹಿತಿ ಪ್ರಕಾರ, ಚಾಲಕನ ಅತಿಯಾದ ವೇಗ ಹಾಗೂ ನಿರ್ಲಕ್ಷದ ಚಾಲನೆ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ.
- [ಅಂಕೋಲಾ: ಅಣು ಸ್ಥಾವರದ ಬಗ್ಗೆ ಆತಂಕ ಬೇಡ!](https://mobiletime.in/2026/04/ankola-dont-worry-about-the-nuclear-plant/): ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾದಲ್ಲಿ ಅಣು ಸ್ಥಾವರ ಸ್ಥಾಪನೆಗೆ NTPC ಆಸಕ್ತಿವಹಿಸಿದ್ದು, `ಈ ಪ್ರದೇಶ ಘಟಕ ಸ್ಥಾಪನೆಗೆ ಸೂಕ್ತವಲ್ಲ’ ಎಂದು ಜಿಲ್ಲಾಡಳಿತ ಹೇಳಿದೆ. ಅಂಕೋಲಾದ ಭಾವಿಕೇರಿ ಗ್ರಾಮ ವ್ಯಾಪ್ತಿಯಲ್ಲಿ ಅಣು ಸ್ಥಾವರ ಸ್ಥಾಪನೆ ವಿಷಯವಾಗಿ ಸರ್ಕಾರ ಜಿಲ್ಲಾಡಳಿತದ ಬಳಿ ವರದಿ ಕೇಳಿತ್ತು. ಈ ಬಗ್ಗೆ ವರದಿ ನೀಡಿದ ಜಿಲ್ಲಾಡಳಿತ `ಅಣು ಸ್ಥಾವರ ಸ್ಥಾಪನೆಗೆ ಭಾವಿಕೇರಿ ಸೂಕ್ತವಲ್ಲ’ ಎಂದು ಸರ್ಕಾರಕ್ಕೆ ತಿಳಿಸಿದೆ. `ಭಾವಿಕೇರಿ ಗ್ರಾಮವು ಪ್ರಸ್ತಾಪಿತ ಭಾರತೀಯ ನೌಕಾಪಡೆ ವಿಮಾನ ನಿಲ್ದಾಣ ಯೋಜನೆಯ ವ್ಯಾಪ್ತಿಗೆ ಒಳಪಟ್ಟಿದೆ. ನೌಕಾಪಡೆ ಆವರಣಗಳು ಗ್ರಾಮ ಮಿತಿಯೊಳಗೆ ಬರುತ್ತವೆ. ಈ ಕಾರಣದಿಂದ ಈ ಪ್ರದೇಶವು ತಂತ್ರಮೂಲಕ ಹಾಗೂ ಭದ್ರತಾ ದೃಷ್ಟಿಯಿಂದ ಅತ್ಯಂತ ಸಂವೇದನಾಶೀಲವಾಗಿದೆ’ ಎಂದು ಜಿಲ್ಲಾಡಳಿತ ತನ್ನ ವರದಿಯಲ್ಲಿ ಪ್ರಸ್ತಾಪಿಸಿದೆ. ಜೊತೆಗೆ `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈಗಾಗಲೇ ಕಾರ್ಯನಿರ್ವಹಿಸುತ್ತಿರುವ ಕೈಗಾ ಅಣು ವಿದ್ಯುತ್ ಸ್ಥಾವರವು ಭಾವಿಕೇರಿ ಗ್ರಾಮದಿಂದ ಸುಮಾರು 45-50 ಕಿಮೀ ವೈಮಾನಿಕ ದೂರದಲ್ಲಿ ಸ್ಥಿತಿಯಲ್ಲಿದ್ದು, ಈ ಪ್ರದೇಶವು ಭದ್ರತಾ ದೃಷ್ಟಿಯಿಂದ ಮಹತ್ವದ ವಲಯವಾಗಿರುತ್ತದೆ. ಭಾವಿಕೇರಿ ಗ್ರಾಮದಲ್ಲಿ ರಾಷ್ಟ್ರೀಯ ಹೆದ್ದಾರಿ & ನೌಕಾನೆಲೆ ಯೋಜನೆಗಳಲ್ಲಿ ಭೂಮಿ ಕಳೆದುಕೊಂಡಿರುವ ಭೂ ನಿರಾಶ್ರಿತರು ನೆಲೆಸಿದ್ದು ಇರುತ್ತದೆ’ ಎಂದವರು ವಿವರಿಸಿದ್ದಾರೆ. ಈ ಎಲ್ಲಾ ಅಂಶಗಳನ್ನು ಪರಿಗಣಿಸಿದಾಗ `ವಿಶೇಷವಾಗಿ ಭದ್ರತಾ ಹಾಗೂ ತಂತ್ರಮೂಲಕ ಪರಿಗಣನೆಗಳ ಹಿನ್ನೆಲೆಯಲ್ಲಿ ಭಾವಿಕೇರಿ ಗ್ರಾಮ ವ್ಯಾಪ್ತಿಯ ಭೂಮಿಯು NTPC ಯೋಜನೆ ಸ್ಥಾಪನೆಗೆ ಸೂಕ್ತವಿಲ್ಲ ಎಂದು ಸರ್ಕಾರಕ್ಕೆ ವರದಿ ಸಲ್ಲಿಸಲಾಗಿದೆ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮಿಪ್ರಿಯಾ ಅವರು ಹೇಳಿದ್ದಾರೆ.
- [ಗಡ್ಡಕ್ಕೆ ಬಡಿದ ಗ್ರಿಲ್ ಮಿಶನ್ ಬ್ಲೇಡು: ಗೌಂಡಿ ಸಾವು!](https://mobiletime.in/2026/04/grill-mission-blade-hits-beard-goundi-dies/): ಹೊನ್ನಾವರದ ಜೋಗಿಮಠದಲ್ಲಿರುವ ಡಿ ವಿ ಕಾಮತ್ ಅವರ ಮನೆ ನಿರ್ಮಾಣ ಕೆಲಸಕ್ಕೆ ಹೋಗಿದ್ದ ಹಳದಿಪುರ ಬಳಿಯ ರಾಘವೇಂದ್ರ ಗೌಡ ಅವರಿಗೆ ಕಬ್ಬಿಣದ ಬ್ಲೇಡು ತಾಗಿದೆ. ರಕ್ತದ ಮಡುವಿನಲ್ಲಿ ಹೊರಳಾಡಿ ರಾಘವೇಂದ್ರ ಗೌಡ ಅವರು ಸಾವನಪ್ಪಿದ್ದಾರೆ. ಹೊನ್ನಾವರದ ಹಳದಿಪುರ ಅಗ್ರಹಾರ ಬಡಗಣಿ ಬಳಿ ರಾಘವೇಂದ್ರ ಗಣಪು ಗೌಡ (45) ಅವರು ವಾಸವಾಗಿದ್ದರು. ಕಟ್ಟಡ ಕಾರ್ಮಿಕರಾಗಿ ದುಡಿದು ಅವರು ಕುಟುಂಬ ನಡೆಸುತ್ತಿದ್ದರು. ಹೊನ್ನಾವರ ಪಟ್ಟಣದ ಜೋಗಿಮಠದಲ್ಲಿರುವ ಡಿ ವಿ ಕಾಮತ್ ಅವರ ಮನೆ ನಿರ್ಮಾಣ ಕೆಲಸದ ಜವಾಬ್ದಾರಿಯನ್ನು ಅವರು ಹೊತ್ತಿದ್ದರು. ರಾಘವೇಂದ್ರ ಗೌಡ ಅವರು ಏಪ್ರಿಲ್ 28ರಂದು ಅವರ ಮನೆಯ ಕಿಟಕಿ ಕೂರಿಸುವ ಕೆಲಸದಲ್ಲಿ ತೊಡಗಿದ್ದರು. ಕಿಟಕಿಗೆ ಗ್ರಿಲ್ ಮಾಡುತ್ತಿದ್ದಾಗ ಆ ಗ್ರಿಲ್ ಯಂತ್ರಕ್ಕೆ ಇದ್ದ ಬ್ಲೇಡು ಕಳಚಿ ಬಿದ್ದಿತು. ತುಂಡಾಗಿ ಬೀಳುವ ಮುನ್ನ ಆ ಬ್ಲೇಡು ರಾಘವೇಂದ್ರ ಗೌಡ ಅವರ ಗಡ್ಡಕ್ಕೆ ಬಡಿಯಿತು. ರಕ್ತದ ಮಡುವಿನಲ್ಲಿ ಹೊರಳಾಟ ನಡೆಸಿದ ರಾಘವೇಂದ್ರ ಗೌಡ ಅವರನ್ನು ಹೊನ್ನಾವರದ ಶ್ರೀದೇವಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿದ ವೈದ್ಯರು ಹೆಚ್ಚಿನ ಚಿಕಿತ್ಸೆಗೆ ಶಿಫಾರಸ್ಸು ಮಾಡಿದರು. ಹೀಗಾಗಿ ರಾಘವೇಂದ್ರ ಗೌಡ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲ್ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಭಟ್ಕಳ ದಾಡಿದಾಗ ಅವರಲ್ಲಿ ಉಸಿರಾಟ ಸಮಸ್ಯೆ ಕಾಣಿಸಿತು. ಹೀಗಾಗಿ ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಲ್ಲಿನ ವೈದ್ಯರು ರಾಘವೇಂದ್ರ ಗೌಡ ಅವರು ಸಾವನಪ್ಪಿದ ವಿಷಯ ತಿಳಿಸಿದರು. ಈ ಸಾವಿನ ಬಗ್ಗೆ ರಾಘವೇಂದ್ರ ಗೌಡ ಅವರ ತಮ್ಮ, ಆಟೋ ಚಾಲಕರಾಗಿರುವ ನಾಗರಾಜ ಗಣಪು ಗೌಡ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅವೈಜ್ಞಾನಿಕ ಯೋಜನೆಗೆ ಹೋರಾಟಗಾರರ ವಿರೋಧ](https://mobiletime.in/2026/04/activists-oppose-unscientific-plan/): `ಅವೈಜ್ಞಾನಿಕ ಶರಾವತಿ ಪಂಪ್ ಸ್ಟೋರೇಜ್ ಯೋಜನೆಯನ್ನು ಸರ್ಕಾರ ಸಂಪೂರ್ಣವಾಗಿ ಕೈ ಬಿಡಬೇಕು’ ಎಂದು ಹೋರಾಟಗಾರ ಚಂದ್ರಕಾoತ ಕೊಚರೇಕರ ಅವರು ಆಗ್ರಹಿಸಿದ್ದಾರೆ. `ಪಶ್ಚಿಮಘಟ್ಟದ ಅಮೂಲ್ಯ ಮಳೆಕಾಡನ್ನು ನಾಶಪಡಿಸಿ ಇಂಥ ಯೋಜನೆ ಜಾರಿ ಮಾಡುವ ಅಗತ್ಯವೇ ಇಲ್ಲ’ ಎಂದವರು ಪ್ರತಿಪಾದಿಸಿದ್ದಾರೆ. `ಪರಿಸರ ಸೂಕ್ಷ್ಮ ಶರಾವತಿ ಕಣಿವೆಯ ಎರಡು ಜಲಾಶಯಗಳ ನಡುವೆ ಭೂಗತ ಸುರಂಗ ಕೊರೆದು ಪಂಪ್ಡ ಸ್ಟೋರೇಜ ವಿದ್ಯುತ್ ಯೋಜನೆ ಅನುಷ್ಠಾನಿಸುವ ರಾಜ್ಯ ಸರ್ಕಾರದ ಅವಾಸ್ತವಿಕ ಅವೈಜ್ಞಾನಿಕ ನಿರ್ಧಾರವನ್ನು ಕೂಡಲೇ ಕೈಬಿಡಬೇಕು’ ಎಂದು ಶರಾವತಿ ನದಿ ಕಣಿವೆ ಉಳಿಸಿ ಹೋರಾಟ ಸಮಿತಿಯ ಪರವಾಗಿ ಆ ಸಮಿತಿ ಅಧ್ಯಕ್ಷ ಚಂದ್ರಕಾAತ ಕೊಚರೇಕರ ಅವರು ರಾಜ್ಯದ ಇಂಧನ ಸಚಿವ ಕೆ ಜೆ ಜಾರ್ಜ ಅವರಿಗೆ ಪತ್ರವನ್ನು ಬರೆದಿದ್ದಾರೆ. `ಶರಾವತಿ ಕೊಳ್ಳದಲ್ಲಿ ಪಂಪ್ ಸ್ಟೋರೇಜ ಭೂಗತ ವಿದ್ಯುತ ಯೋಜನೆಯ ಅನುಷ್ಠಾನದಿಂದ ಹೊನ್ನಾವರ ತಾಲ್ಲೂಕಿನ ವಿನಾಶ ನಿಶ್ಚಿತ ಎಂದು ತಜ್ಞರು ಮತ್ತು ಭಾರತೀಯ ವಿಜ್ಞಾನ ಸಂಸ್ಥೆಯ ಟಿ ವಿ ರಾಮಚಂದ್ರನ್ ಮತ್ತು ಸುಭಾಷಚಂದ್ರ ಅವರೇ ಹೇಳಿದ್ದಾರೆ. ಈ ಹಿನ್ನೆಲೆಯಲ್ಲಿ ಜಿಲ್ಲೆಯ ಸರ್ವ ಪಕ್ಷಗಳ ಅಧ್ಯಕ್ಷರು ಮತ್ತು ಜಿಲ್ಲೆಯ ಉಸ್ತುವಾರಿ ಸಚಿವರು ಸೇರಿದಂತೆ ಪ್ರಜ್ಞಾವಂತ ನಾಗರಿಕರು ರಾಮಚಂದ್ರಾಪುರ ಮಠದ ರಾಘವೇಶ್ವರ ಶ್ರೀಗಳ ಅಧ್ಯಕ್ಷತೆಯಲ್ಲಿ ಸಭೆ ನಡೆಸಿದ್ದಾರೆ. ಉದ್ದೇಶಿತ ಶರಾವತಿ ಪಂಪ್ಡ ಸ್ಟೋರೇಜ ಯೋಜನೆಯನ್ನು ಕೈಬಿಡಬೇಕು. ಪಶ್ಚಿಮಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶದಲ್ಲಿ ಪಂಪ್ ಸ್ಟೋರೇಜ್ ಯೋಜನೆ ಅನುಷ್ಠಾನ ಮಾಡುವ ಬದಲಿಗೆ ಸರಕಾರ ಬೇರೆ ಬದಲೀ ಸುರಕ್ಷಿತ ಇಂದನ ಮೂಲಗಳ ಮೊರೆ ಹೋಗಬೇಕು ಎಂದು ಸಭೆ ಮೂಲಕ ಆಗ್ರಹಿಸಲಾಗಿದೆ’ ಎಂದವರು ವಿವರಿಸಿದ್ದಾರೆ. `ತಜ್ಞರು ನೀಡಿರುವ ಎಚ್ಚರಿಕೆಯ ಬಗ್ಗೆ ಹಾಗೂ ಭೂಮಿಯ ಧಾರಣಾ ಸಾಮರ್ಥ್ಯದ ಅಧ್ಯಯನ ಆಗದೇ ಜಿಲ್ಲೆಯ ಜನರನ್ನು ಅತಂತ್ರರನ್ನಾಗಿಸುವ ಪರಿಸರ ನಾಶಮಾಡುವ ಯಾವುದೇ ಯೋಜನೆಯ ಹೇರಿಕೆ ಮಾಡುವದನ್ನು ಸರ್ಕಾರಗಳು ನಿಲ್ಲಿಸಬೇಕು. ಕೇಂದ್ರದ ಅಧ್ಯಯನ ತಂಡ ಈಗಾಗಲೇ ತನ್ನ ವರದಿಯನ್ನು ಸಲ್ಲಿಸಿದ್ದು ಯೋಜನೆಯ ಅನುಷ್ಠಾನಕ್ಕೆ ತನ್ನ ಆಕ್ಷೇಪಣೆಯನ್ನು ಸಲ್ಲಿಸಿದೆ. ಹೀಗಿರುವಲ್ಲಿ ಅದರ ವರದಿಯನ್ನು ನಿರ್ಲಕ್ಷ್ಯ ಮಾಡಿ ರಾಜ್ಯ ಸರ್ಕಾರ ಪಂಪ್ ಸ್ಟೋರೇಜ ಯೋಜನೆಯ ಅನುಷ್ಠಾನಕ್ಕೆ ಹಠ ಹಿಡಿದಿರುವದು ಸರಿಯಲ್ಲ’ ಎಂದಿದ್ದಾರೆ.
- [ಮಾರಿಕಾಂಬಾ ಪ್ರೌಢಶಾಲೆ: ಮಕ್ಕಳ ಸಾಧನೆಗೆ ತಾಂತ್ರಿಕ ಕೌಶಲ್ಯವೇ ಕಾರಣ](https://mobiletime.in/2026/04/marikamba-high-school-technical-skills-are-the-reason-for-childrens-success/): `ವಿದ್ಯಾರ್ಥಿಗಳ ತಾಂತ್ರಿಕ ಕೌಶಲ್ಯವನ್ನು ಹೆಚ್ಚಿಸಲು ಸ್ಟೆಮ್ ಲ್ಯಾಬ್ ಸಹಾಯಕಾರಿ’ ಎಂದು ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರು ಹೇಳಿದ್ದಾರೆ. ಶಿರಸಿಯ ಮಾರಿಕಾಂಬಾ ಪ್ರೌಢಶಾಲೆಯಲ್ಲಿ ಸ್ಥಾಪಿಸಲಾದ `ಸ್ಟೆಮ್ ಲ್ಯಾಬ್’ ವೀಕ್ಷಿಸಿ ಅವರು `ಈ ಬಗೆಯ ಕೌಶಲ್ಯ ಸಾಧನಗಳನ್ನು ಕೆ.ಪಿ.ಎಸ್. ಶಾಲೆಗಳಲ್ಲೂ ಸಹ ಅಳವಡಿಸಲಾಗುತ್ತಿದೆ’ ಎಂದಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆ ಹಾಗೂ ಗುಜರಾತ್‌ನ ದೇಸಾಯಿ ಫೌಂಡೇಶನ್‌ನ ಸಹಯೋಗದಲ್ಲಿ ಮಾರಿಕಾಂಬಾ ಪ್ರೌಢಶಾಲೆಯಲ್ಲಿ ಸ್ಟೆಮ್ ಲ್ಯಾಬ್’ನ್ನು ಸ್ಥಾಪಿಸಲಾಗಿದೆ. `ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಹಂತದಲ್ಲಿಯೇ ವಿದ್ಯಾರ್ಥಿಗಳಲ್ಲಿ ಇರುವ ತಾಂತ್ರಿಕ ಪ್ರತಿಭೆಗಳನ್ನು ಗುರುತಿಸಿ ಕೌಶಲ್ಯಗಳನ್ನು ಹೆಚ್ಚಿಸಲು ಸ್ಟೆಮ್ ಲ್ಯಾಬ್ ಮಾದರಿಯ ಸೌಲಭ್ಯ ಸಹಕಾರಿ’ ಎಂದು ಶಿಕ್ಷಣ ಸಚಿವರು ಹೇಳಿದ್ದಾರೆ. ಸರ್ಕಾರಿ ಶಾಲೆಗಳಲ್ಲಿ ಓದುತ್ತಿರುವ ಮಕ್ಕಳಿಗಾಗಿ ಸ್ಟೆಮ್ ಲ್ಯಾಬ್‌ನಂತಹ ಕಾರ್ಯಕ್ರಮಗಳನ್ನು ಅಳವಡಿಸಿರುವುದಕ್ಕೆ ದೇಸಾಯಿ ಫೌಂಡೇಶನ್ ಮತ್ತು ಸ್ಕೊಡ್‌ವೆಸ್ ಸಂಸ್ಥೆಯನ್ನು ಅವರು ಅಭಿನಂದಿಸಿದರು. ಶಿರಸಿ-ಸಿದ್ದಾಪುರ ವಿಧಾನಸಭಾಕ್ಷೆತ್ರದ ಶಾಸಕ ಬೀಮಣ್ಣ ನಾಯ್ಕ ಅವರು ಮಾತನಾಡಿ, `ಮಾರಿಕಾಂಬಾ ಶಾಲೆಯಲ್ಲಿ ಓದುತ್ತಿರುವ ಮಕ್ಕಳು ಸ್ಟೆಮ್ ಲ್ಯಾಬ್ ಬಳಕೆಯಿಂದ ಹೆಚ್ಚಿನ ಅಂಕ ಪಡೆಯಲು ಸಾಧ್ಯವಾಯಿತು’ ಎಂದು ಸಚಿವರಿಗೆ ಮಾಹಿತಿ ನೀಡಿದರು. ಈ ಸಂದರ್ಭದಲ್ಲಿ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ಡಿ ಆರ್ ನಾಯಕ್, ಬಿಇಒ. ನಾಗರಾಜ ನಾಯ್ಕ, ಸ್ಕೊಡ್‌ವೆಸ್ ಸಂಸ್ಥೆಯ ನಿರ್ದೇಶಕ ಕೆ ಎನ್ ಹೊಸಮನಿ, ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ಅವರು ಹಾಜರಿದ್ದರು. ಸ್ಕೊಡ್‌ವೆಸ್ ಸಂಸ್ಥೆಯಿAದ ಸರ್ಕಾರಿ ಶಾಲೆಗಳಿಗೆ ಆಸಾನಿ ಸ್ಯಾನಿಟರಿ ನಾಪಕಿನ್‌ನ್ನು ಉಚಿತವಾಗಿ ಪೂರೈಸಲಾಗುತ್ತಿರುವ ಬಗ್ಗೆ ಮಾಹಿತಿ ಪಡೆದು, ಮುಂದಿನ ದಿನಗಳಲ್ಲಿ ಈ ಯೋಜನೆಯನ್ನು ರಾಜ್ಯದಾದ್ಯಂತ ವಿಸ್ತರಿಸುವ ಬಗ್ಗೆ ಸಂಬAಧಪಟ್ಟ ಅಧಿಕಾರಿಗಳೊಂದಿಗೆ ಚರ್ಚಿಸಿ ನಿರ್ಧಾರ ಕೈಗೊಳ್ಳುವುದಾಗಿಯೂ ಸಚಿವರು ತಿಳಿಸಿದರು.
- [ಮಾನವ ಹಕ್ಕು: ಇಲ್ಲಿ ದೂರು ಸಲ್ಲಿಕೆಗೆ ಎಜೆಂಟರು ಬೇಕಿಲ್ಲ!](https://mobiletime.in/2026/04/human-rights-no-agents-needed-to-file-a-complaint-here/): `ಮಾನವ ಹಕ್ಕು ಉಲ್ಲಂಘನೆ ಕುರಿತು ಆನ್‌ಲೈನ್ ಮೂಲಕ ದೂರು ಸಲ್ಲಿಸಲು ಅವಕಾಶವಿದ್ದು, ಮಾಧ್ಯಮ ಪ್ರಕಟಣೆಗಳ ಆಧಾರದಲ್ಲಿಯೂ ಮಾನವ ಹಕ್ಕು ಆಯೋಗ ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಳ್ಳಲಿದೆ’ ಎಂದು ಕರ್ನಾಟಕ ರಾಜ್ಯ ಮಾನವ ಹಕ್ಕುಗಳ ಆಯೋಗದ ಅಧ್ಯಕ್ಷ ಟಿ ಶ್ಯಾಮ ಭಟ್ ಅವರು ಹೇಳಿದ್ದಾರೆ. `ಮಾನವ ಹಕ್ಕುಗಳ ಉಲ್ಲಂಘನೆ ಮತ್ತು ಸಂರಕ್ಷಣೆ ಕುರಿತು ದೂರದಾರರು ನೇರವಾಗಿ ಅಂಚೆ ಮೂಲಕ ಸಹ ದೂರು ಕೊಡಬಹುದಾಗಿದೆ’ ಎಂದವರು ಹೇಳಿದ್ದಾರೆ. ಬುಧವಾರ ಕಾರವಾರದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಆಯೋಗದಲ್ಲಿ ಶೇ 60ರಷ್ಟು ದೂರುಗಳು ಸ್ವಯಂ ಪ್ರೇರಿತವಾಗಿ ದಾಖಲಾಗಿಸಲಾಗುತ್ತದೆ. ದಾಖಲಾದ ಪ್ರಕರಣಗಳಲ್ಲಿ ಅಧಿಕಾರಿಗಳಿಂದ ಮಾನವ ಹಕ್ಕುಗಳ ಸಂರಕ್ಷಣೆಯಾಗದೇ ಇರುವ ಮತ್ತು ಲೋಪಗಳು ಕಂಡು ಬಂದಲ್ಲಿ ಸತ್ಯಾಸತ್ಯತೆ ಪರಿಶೀಲಿಸಿ ಶಿಸ್ತು ಕ್ರಮ ಕೈಗೊಳ್ಳಲು ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗುತ್ತದೆ. ದೂರುದಾರಿಗೆ ಪರಿಹಾರ ನೀಡಬೇಕಿದ್ದಲ್ಲಿ ಸಹ ಸರ್ಕಾರಕ್ಕೆ ಶಿಪಾರಸ್ಸು ಮಾಡಲಾಗುತ್ತದೆ’ ಎಂದವರು ತಿಳಿಸಿದರು. `ಆಗುಹೋಗುಗಳ ಬಗ್ಗೆ ಮಾಧ್ಯಮದವರಿಗೆ ಹೆಚ್ಚಿನ ಮಾಹಿತಿ ಇರುವುದರಂದ ಮಾನವ ಹಕ್ಕುಗಳ ಸಂರಕ್ಷಣೆಯಲ್ಲಿ ಮಾಧ್ಯಮದವರ ಪಾತ್ರ ಮುಖ್ಯವಾಗಿದೆ’ ಎಂದರು. `ಮಾನವ ಹಕ್ಕುಗಳ ಉಲ್ಲಂಘನೆ, ಸಂರಕ್ಷಣೆ ಮತ್ತು ಮೂಲಭೂತ ಸೌಕರ್ಯಗಳ ಕುರಿತು ಮಾಧ್ಯಮದಲ್ಲಿ ಪ್ರಸಾರವಾಗುವ ವರದಿಯನ್ನು ನೇರವಾಗಿ ಅಥವಾ ಜಿಲ್ಲಾ ವಾರ್ತಾಧಿಕಾರಿಗಳ ಮೂಲಕವಾದರೂ ಆಯೋಗಕ್ಕೆ ಕಳುಹಿಸಬಹುದಾಗಿದೆ. ಇದರಿಂದ ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಳ್ಳಲು ಸಾಧ್ಯವಾಗಲಿದೆ’ ಎಂದರು. `ಮಾನವ ಹಕ್ಕುಗಳ ಆಯೋಗದ ಕಚೇರಿ ಕೇವಲ ಬೆಂಗಳೂರು ನಲ್ಲಿ ಮಾತ್ರ ಇದ್ದು, ಎಲ್ಲಿಯೂ ಶಾಖಾ ಕಚೇರಿಗಳು ಇಲ್ಲ. ಆಯೋಗದಿಂದ ಮಾನ್ಯತೆ ಪಡೆದ ಯಾವುದೇ ಸಂಘ ಸಂಸ್ಥೆಗಳು ಕೆಲಸ ಮಾಡುತ್ತಿಲ್ಲ. ಆಯೋಗದ ಹೆಸರನ್ನು ಹೋಲುವಂತೆ ಹೆಸರು ಬಳಸಿ ಕೆಲವು ಸಂಘ ಸಂಸ್ಥೆಗಳು ಜಿಲ್ಲೆಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಬಗ್ಗೆ ದೂರುಗಳು ಸಲ್ಲಿಕೆಯಾಗಿದ್ದು, ಬೆದರಿಸುವ ಕೆಲಸ ಮಾಡುವವರ ವಿರುದ್ಧ ಕ್ರಮ ಜರುಗಿಸಲಾಗುತ್ತದೆ’ ಎಂದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿನ ರಾಜ್ಯ ಮಾನವ ಹಕ್ಕುಗಳ ಆಯೋಗದದಲ್ಲಿ ದಾಖಲಾದ 30 ಪ್ರಕರಣಗಳಲ್ಲಿ 27 ಪ್ರಕರಣಗಳು ಇತ್ಯರ್ಥ ಪಡಿಸಲಾಗಿದ್ದು, 3 ಪ್ರಕರಣಗಳಲ್ಲಿ ದೂರುದಾರ ಅಭಿಪ್ರಾಯ ಪಡೆಯಲು ಕಳುಹಿಸಲಾಗಿದೆ. ಜೊತೆಗೆ ಈ ದಿನ ಐದು ಹೊಸ ಪ್ರಕರಣ ದಾಖಲಿಸಲಾಗಿದೆ. ಬೇರೆ ಜಿಲ್ಲೆಗೆ ಹೋಲಿಸಿದರೆ ಇಲ್ಲಿ ಕಡಿಮೆ ಪ್ರಕರಣ ದಾಖಲಾಗಿವೆ’ ಎಂದರು. ಆಯೋಗದ ನ್ಯಾಯಾಂಗ ಸದಸ್ಯ ಎಸ್ P .ವಂಟಿಗೋಡಿ, ಜಿಲ್ಲಾಧಿಕಾರಿ ಕೆ ಲಕ್ಷಿö್ಮÃಪ್ರಿಯಾ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಇದ್ದರು.  
- [ಮನೆಯಲ್ಲಿಯೇ ಮೊಬೈಲ್ ಬಿಟ್ಟ ಮಹಿಳೆ](https://mobiletime.in/2026/04/woman-who-left-her-mobile-phone-at-home/): ಕಾರವಾರ ಕಣಸಗಿರಿ ಬಳಿಯ ಸ್ಮಿತಾ ಕಾಣಕೋಣಕರ್ ಅವರು ಮನೆ ಬಿಟ್ಟು ಹೋಗಿದ್ದು, ಕುಟುಂಬದವರು ಆತಂಕಕ್ಕೆ ಒಳಗಾಗಿದ್ದಾರೆ. ಎಲ್ಲಿ ಹುಡುಕಿದರೂ ಅವರ ಸುಳಿವು ಸಿಕ್ಕಿಲ್ಲ. ಕಾರವಾರದ ಕಣಸಗಿರಿ ಬಂದರವಾಡದಲ್ಲಿ ಸ್ಮೀತಾ ಮನೋಜ್ ಕಾಣಕೋಣಕರ ಅವರು ವಾಸವಾಗಿದ್ದರು. 22 ವರ್ಷದ ಅವರು ಏಪ್ರಿಲ್ 28ರಂದು ಮನೆಯಿಂದ ಹೊರಗೆ ಹೋಗಿದ್ದರು. ಮನೆಯಲ್ಲಿ ಮೊಬೈಲ್ ಬಿಟ್ಟು ಹೋದ ಅವರು ನಂತರ ಯಾರ ಕಣ್ಣಿಗೂ ಕಾಣಿಸಿಕೊಂಡಿಲ್ಲ. ಕುಟುಂಬದವರು ಹುಡುಕಾಟ ನಡೆಸಿದರೂ ಅವರು ಸಿಗಲಿಲ್ಲ. ಮನೆಯಿಂದ ಹೊರ ಹೋಗುವ ಮುನ್ನ ಸ್ಮಿತಾ ಕಾಣಕೋಣಕರ್ ಅವರು ಆ ಮನೆಗೆ ಬೀಗ ಹಾಕಿದ್ದಾರೆ. ಅವರಿಗೆ ಫೋನ್ ಮಾಡಿದಾಗ ಮೊಬೈಲ್ ಮನೆಯೊಳಗೆ ಇರುವುದು ಗೊತ್ತಾಗಿದೆ. ಸದ್ಯ ಸ್ಮಿತಾ ಕಾಣಕೋಣಕರ್ ಅವರನ್ನು ಚಿತ್ತಾಕುಲ ಪೊಲೀಸರು ಹುಡುಕಾಡುತ್ತಿದ್ದಾರೆ. ಅವರನ್ನು ನೋಡಿದರೆ, 9480805248ಗೆ ಫೋನ್ ಮಾಡುವಂತೆ ಪೊಲೀಸರು ಮನವಿ ಮಾಡಿದ್ದಾರೆ.
- [ವಿಡಿಯೋ ಕಾಲ್ ಮಾಡುವವರು ಪೊಲೀಸರೇ ಅಲ್ಲ!](https://mobiletime.in/2026/04/the-police-are-not-the-ones-making-the-video-call/): ಯಲ್ಲಾಪುರದ ಉಮ್ಮಚ್ಗಿಯ ಶಿವಾನಂದ ಹೆಗಡೆ ಅವರಿಗೆ ಪೊಲೀಸ್ ಅಧಿಕಾರಿಯೊಬ್ಬರು ವಿಡಿಯೋ ಕಾಲ್ ಮಾಡಿದ್ದು, ಅವರು ಬೆದರಿಸಿದ ಕಾರಣ ಶಿವಾನಂದ ಹೆಗಡೆ ಅವರು 1.74 ಕೋಟಿ ರೂ ಹಣ ನೀಡಿದ್ದಾರೆ. ಅದಾದ ನಂತರ ಫೋನ್ ಮಾಡಿದವರು ಪೊಲೀಸ್ ಅಧಿಕಾರಿಯೇ ಅಲ್ಲ ಎಂದು ಗೊತ್ತಾಗಿದೆ! ಯಲ್ಲಾಪುರದ ಉಮ್ಮಚ್ಗಿ ಪ್ರೌಢಶಾಲೆ ಎದುರು ಶಿವಾನಂದ ತಿಮ್ಮಪ್ಪ ಹೆಗಡೆ ಅವರು ವಾಸವಾಗಿದ್ದಾರೆ. ಎಲ್ ಐ ಸಿ ಎಜೆಂಟರಾಗಿ ಅವರು ಕೆಲಸ ಮಾಡಿಕೊಂಡಿದ್ದು, ಅದರ ಜೊತೆ ಕೃಷಿ ಕಾಯಕದಲ್ಲಿಯೂ ಅವರು ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಜೀವನಪೂರ್ತಿ ತಾವು ದುಡಿದ ಹಣವನ್ನು ಅವರು ವಿವಿಧ ಕಡೆ ಹೂಡಿಕೆ ಮಾಡಿದ್ದಾರೆ. ಹೀಗಿರುವಾಗ ಏಪ್ರಿಲ್ 21ರಂದು ಶಿವಾನಂದ ಹೆಗಡೆ ಅವರಿಗೆ ಪೊಲೀಸರ ಹೆಸರಿನಲ್ಲಿ ಫೋನ್ ಬಂದಿದೆ. ಮಾತನಾಡಿದ ವ್ಯಕ್ತಿ ಪೊಲೀಸ್ ಸಮವಸ್ತç ಧರಿಸಿದ್ದು, ತಮ್ಮನ್ನು ಪೊಲೀಸರೆಂದು ಪರಿಚಯಿಸಿಕೊಂಡಿದ್ದಾರೆ. ಪೊಲೀಸರನ್ನು ನೋಡಿ ಶಿವಾನಂದ ಹೆಗಡೆ ಅವರು ಸಹ `ನಮಸ್ಕಾರ’ ಎಂದು ಕೈ ಮುಗಿದಿದ್ದಾರೆ. ಅದಾದ ನಂತರ ಫೋನ್ ಮಾಡಿದ ವ್ಯಕ್ತಿ `ನಿಮ್ಮ ಆಧಾರ್ ಕಾರ್ಡ ಬಳಸಿ ಉಗ್ರಗ್ರಾಮಿಗಳು ಕೋಟ್ಯಂತರ ರೂ ಹಣ ವರ್ಗಾವಣೆ ಮಾಡಿದ್ದಾರೆ. ಕೆನರಾ ಬ್ಯಾಂಕ್ ಖಾತೆ ಮೂಲಕ ಹಣ ವರ್ಗವಾಗಿದೆ. ಹೀಗಾಗಿ ನಿಮ್ಮ ಹೆಸರಿನಲ್ಲಿರುವ ಬ್ಯಾಂಕ್ ಖಾತೆಯಿಂದ ಅಕ್ರಮ ಹಣ ವರ್ಗಾವಣೆ ನಡೆದ ಬಗ್ಗೆ ಪ್ರಕರಣ ದಾಖಲಿಸಿದ್ದೇವೆ’ ಎಂದು ಹೇಳಿದ್ದಾರೆ. `ತಾನೇನು ತಪ್ಪು ಮಾಡಿಲ್ಲ’ ಎಂದು ಶಿವಾನಂದ ಹೆಗಡೆ ಅವರು ಹೇಳಿದರೂ, ಫೋನ್ ಮಾಡಿದವರು ಅದನ್ನು ಕೇಳಿಸಿಕೊಂಡಿಲ್ಲ. `ನಿಮ್ಮ ಕೆನರಾ ಬ್ಯಾಂಕ್ ಖಾತೆಯ ಎಟಿಎಂ ಕಾರ್ಡ ಕಳುಹಿಸಿ’ ಎಂದು ಸೂಚಿಸಿದ ಕಾರಣ ಶಿವಾನಂದ ಹೆಗಡೆ ಅವರು ಅದನ್ನು ಕಳುಹಿಸಿದ್ದಾರೆ. ಅದಾದ ನಂತರ `ನಿಮ್ಮನ್ನು ನಾವು ಬಂಧಿಸುತ್ತೇವೆ’ ಎಂದು ಶಿವಾನಂದ ಹೆಗಡೆ ಅವರನ್ನು ಹೆದರಿಸಿದ್ದಾರೆ. ನಂತರ ಮತ್ತೊಬ್ಬ ವ್ಯಕ್ತಿ ವಿಡಿಯೋ ಕಾಲ್ ಮಾಡಿ, `ಮುಂಬೈನ ಐಪಿಎಸ್ ಅಧಿಕಾರಿ’ ಎಂದು ಪರಿಚಯಿಸಿಕೊಂಡಿದ್ದಾರೆ. `ನಿಮ್ಮನ್ನು ಡಿಜಿಟಲ್ ಅರೆಸ್ಟ್ ಮಾಡಲಾಗಿದೆ. ನಿಮ್ಮ ಬ್ಯಾಂಕ್ ಖಾತೆಯಲ್ಲಿರುವ ಎಲ್ಲಾ ಹಣವನ್ನು ರಿಸರ್ವ್ ಬ್ಯಾಂಕ್’ಗೆ ಜಮಾ ಮಾಡಬೇಕು. ತನಿಖೆಯಲ್ಲಿ ನೀವು ನಿರ್ದೋಷಿ ಎಂದು ಕಂಡುಬAದರೆ ಹಣವನ್ನು ಮರಳಿ ಕೊಡುತ್ತೇವೆ’ ಎಂದು ಶಿವಾನಂದ ಹೆಗಡೆ ಅವರಲ್ಲಿ ಹೇಳಿದ್ದಾರೆ. `ತನಿಖೆ ಮುಗಿಯುವವರೆಗೆ ಈ ವಿಷಯವನ್ನು ಯಾರಿಗೂ ಹೇಳಬಾರದು. ಹೇಳಿದರೆ, ತಕ್ಷಣ ನಿಮ್ಮನ್ನು ಜೈಲಿಗೆ ಹಾಕುತ್ತೇವೆ’ ಎಂದು ಬೆದರಿಸಿದ್ದಾರೆ. ನಂತರ ಮತ್ತೊಬ್ಬ ವ್ಯಕ್ತಿ ಡಿಐಜಿ ಹುದ್ದೆಯ ಅಧಿಕಾರಿ ಎಂದು ಹೇಳಿ ಮತ್ತೆ ವಿಡಿಯೋ ಕಾಲ್ ಮಾಡಿ, `ತಕ್ಷಣ ಹಣ ವರ್ಗಾವಣೆ ಮಾಡಿ’ ಎಂದಿದ್ದಾರೆ. ಈ ವೇಳೆ ಶಿವಾನಂದ ಹೆಗಡೆ ಅವರು `ತಾನು ದುಡಿದ ಹಣವೆಲ್ಲವೂ ಫಿಕ್ಸ್ ಡಿಪಾಜಿಟ್ ಆಗಿದೆ. ಅದನ್ನು ತೆಗೆಯಲು ಸಮಯ ಬೇಕು’ ಎಂದಿದ್ದಾರೆ. ಆಗ, ಫೋನ್ ಮಾಡಿದವರು `ಪ್ರತಿ ದಿನ ನೀವು ನಿಮ್ಮ ಲೊಕೇಶನ್ ಹಾಗೂ ಫೋಟೋ ವಾಟ್ಸಪ್ ಮಾಡಬೇಕು. ಎಲ್ಲಾ ಎಲ್ಲಾ ಹಣ ವರ್ಗಾಯಿಸಬೇಕು’ ಎಂದು ಸೂಚಿಸಿದ್ದಾರೆ. ಪೊಲೀಸರು ನಿಜವಾಗಿಯೇ ತನಿಖೆ ನಡೆಸುತ್ತಿದ್ದಾರೆ ಎಂದು ಭಾವಿಸಿದ ಶಿವಾನಂದ ಹೆಗಡೆ ಅವರು ಏಪ್ರಿಲ್ 24ರವರೆಗೆ ತಮ್ಮ ಖಾತೆಯಲ್ಲಿದ್ದ ಹಣವನ್ನು ಫೋನ್ ಮಾಡಿದವರು ಸೂಚಿಸಿದ ಖಾತೆಗೆ ವರ್ಗಾಯಿಸಿದ್ದಾರೆ. ವಿವಿಧ ಬ್ಯಾಂಕ್ ಖಾತೆಗಳಿಗೆ ಒಟ್ಟು 1,74,50,000 ರೂ ಹಣವನ್ನು ಅವರು ಕಳುಹಿಸಿದ್ದಾರೆ. ಅದಾದ ನಂತರ ಅತ್ತ ಕಡೆಯಿಂದ ಯಾವುದೇ ಪ್ರತಿಕ್ರಿಯೆ ಇಲ್ಲದೇ ಹೋದಾಗ ತಾವು ಮೋಸ ಹೋದ ವಿಷಯ ಗೊತ್ತಾಗಿದೆ. ಕಾರವಾರಕ್ಕೆ ಹೋದ ಶಿವಾನಂದ ಹೆಗಡೆ ಅವರು ತಮಗಾದ ಅನ್ಯಾಯ, ಮೋಸದ ಬಗ್ಗೆ ಸೈಬರ್ ಅಪರಾಧ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
- [ಬಗರ್ ಹುಕುಂ ಜಮೀನು ಸಕ್ರಮಕ್ಕೆ ಶಿವರಾಂ ಹೆಬ್ಬಾರ್ ಸಮ್ಮತಿ](https://mobiletime.in/2026/04/shivaram-hebbar-agrees-to-formalize-bagar-hukum-land/): ಮುಂಡಗೋಡು ರೈತರ ಬಹುಕಾಲದ ಬೇಡಿಕೆಗಳಲ್ಲಿ ಒಂದಾದ ಬಗರ್ ಹುಕುಂ ಸಾಗುವಳಿ ಸಕ್ರಮ ಪ್ರಕ್ರಿಯೆ ವಿಷಯವಾಗಿ ಶಾಸಕ ಶಿವರಾಮ ಹೆಬ್ಬಾರ್ ಮಂಗಳವಾರ ಸಭೆ ನಡೆಸಿದ್ದು, 30 ಪ್ರಕರಣ ವಿಚಾರಣೆ ನಡೆಸಿದ್ದಾರೆ. ಪ್ರಿ-ಗ್ರಾಂಟ್ ಸ್ಕೆಚ್ ಹಂತದಲ್ಲಿರುವ ನಾಲ್ಕು ಪ್ರಕರಣಗಳ ಸಕ್ರಮಕ್ಕೆ ಅವರು ಸಮಿತಿ ಮೂಲಕ ಶಿಫಾರಸ್ಸು ಮಾಡಿದ್ದಾರೆ. ಮಂಗಳವಾರ ತಾಲೂಕು ಆಡಳಿತ ಕಚೇರಿಯಲ್ಲಿ ಮಹತ್ವದ ಸಭೆ ನಡೆಸಿದ ಶಾಸಕ ಶಿವರಾಮ್ ಹೆಬ್ಬಾರ್, ಬಗರ್ ಹುಕುಂ ಸಾಗುವಳಿ ಸಕ್ರಮೀಕರಣ ಸಮಿತಿಯ ಅರ್ಜಿಗಳ ಕುರಿತು ವಿಚಾರಿಸಿದರು. 30 ಪ್ರಕರಣಗಳ ಪೈಕಿ ಒಂದು ತಕರಾರಿನಲ್ಲಿದ್ದ ಕಾರಣ ಆ ಬಗ್ಗೆ ಚರ್ಚಿಸಲಿಲ್ಲ. ಈ ಸಭೆಯಲ್ಲಿ ಬಾಕಿ ಉಳಿದಿರುವ ಅರ್ಜಿಗಳ ಕುರಿತು ಸುದೀರ್ಘ ಚರ್ಚೆ ನಡೆದಿದ್ದು, ಕೊನೆಗೆ ಒಟ್ಟು 04 ಪ್ರಕರಣಗಳಲ್ಲಿ ಜಮೀನು ಸಕ್ರಮಗೊಳಿಸಲು ಸಮಿತಿಯು ಶಿಫಾರಸ್ಸು ನಡೆಯಿತು. `ಅರ್ಹ ರೈತರಿಗೆ ಯಾವುದೇ ತೊಂದರೆಯಾಗದAತೆ ನಿಯಮಾನುಸಾರ ಸಾಗುವಳಿ ಚೀಟಿ ನೀಡುವ ಪ್ರಕ್ರಿಯೆಯನ್ನು ತ್ವರಿತಗೊಳಿಸಬೇಕು’ ಎಂದು ಶಿವರಾಮ ಹೆಬ್ಬಾರ್ ಅವರು ಈ ವೇಳೆ ಸೂಚಿಸಿದರು. ತಹಶೀಲ್ದಾರ್ ಶಂಕರ ಗೌಡಿ ಇತರರಿದ್ದರು.
- [ಗಟಾರಕ್ಕೆ ಹಾರಿದ ಬೈಕು: ಸಾವು-ನೋವು!](https://mobiletime.in/2026/04/bike-falls-into-gutter-death-and-injury/): ಶಿರಸಿಯ ಹನುಮಂತಿ ಬಳಿ ಮಗುವಿನ ಜೊತೆ ದಂಪತಿ ಸಂಚರಿಸುತ್ತಿದ್ದ ಬೈಕು ಅಪಘಾತಕ್ಕೀಡಾಗಿದೆ. ಅಪಘಾತದಲ್ಲಿ ವೆಂಕಟ್ರಮಣ ಗೌಡ ಅವರು ಸಾವನಪ್ಪಿದ್ದಾರೆ. ಹಾರುಗಾರದ ವೆಂಕಟ್ರಮಣ ಗಣಪ ಗೌಡ (35) ಅವರು ತಮ್ಮ ಪತ್ನಿ ಹಾಗೂ ಪುಟ್ಟ ಮಗುವಿನ ಜೊತೆ ಮಂಗಳವಾರ ಸಂಜೆ ಸಂಚಾರ ಮಾಡುತ್ತಿದ್ದರು. ಹನುಮಂತಿ ಬಳಿ ಅವರ ಬೈಕು ನಿಯಂತ್ರಣ ತಪ್ಪಿ ಮೋರಿಗೆ ಗುದ್ದಿತು. ನಂತರ ಅಲ್ಲಿದ್ದ ತಡೆಗೋಡಿ ಅಡಿಭಾಗಕ್ಕೆ ಬೈಕ್ ಸಂಚರಿಸಿದ್ದು, ಮಗುವಿನ ಜೊತೆಯಿದ್ದ ತಾಯಿ ಪಕ್ಕದ ಪೊದೆ ಮೇಲೆ ಬಿದ್ದು ಪ್ರಾಣ ಉಳಿಸಿಕೊಂಡರು. ವೆಂಕಟ್ರಮಣ ಗೌಡ ಅವರ ತಲೆ ನೆಲಕ್ಕೆ ಬಿಡದ ಪರಿಣಾಮ ಅವರು ಅಲ್ಲಿಯೇ ಸಾವನಪ್ಪಿದರು. ಬೈಕು ನೀರು ಹರಿಯುವ ಕಾಲುವೆಗೆ ಬಿದ್ದು, ಸಣ್ಣ ಸೇತುವೆ ಅಡಿಗೆ ಸಿಲುಕಿತು. ವೆಂಕಟ್ರಮಣ ಗೌಡ ಅವರ ಪತ್ನಿ ಹಾಗೂ ಮಗು ಗಾಯಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ಮಾಡಿದ್ದಾರೆ.
- [ಉರಿ ಬಿಸಿಲಿಗೆ ಎಂಟು ಎಕರೆ ಬೆಟ್ಟ ಕರಕಲು!](https://mobiletime.in/2026/04/eight-acres-of-hill-scorched-by-the-scorching-sun/): ಭಾರೀ ಪ್ರಮಾಣದ ಬಿಸಿಲು ಬಿದ್ದ ಹಿನ್ನಲೆ ಶಿರಸಿಯ ಮಂಜಗುಣಿ ಬಳಿ ಬೆಟ್ಟಕ್ಕೆ ಬೆಂಕಿ ಬಿದ್ದಿದೆ. ಭರಸಗುಣಿಯ ಸಮೀಪ ಏಳು ಎಕರೆ ಗೇರು ತೋಟ ಹೊತ್ತಿ ಉರಿದಿದೆ. ಜೊತೆಗೆ ಪಕ್ಕದಲ್ಲಿದ್ದ ಅಕೇಶಿಯಾ, ಅಡಿಕೆ ತೋಟವೂ ಸುಟ್ಟು ಕರಕಲಾಗಿದೆ. ಕಳೆದ ಮೂರು ದಿನಗಳಿಂದ ಈ ಭಾಗದಲ್ಲಿ ವ್ಯಾಪಕ ಪ್ರಮಾಣದಲ್ಲಿ ಬಿಸಿಲಿದೆ. ಮಂಗಳವಾರ ಮಧ್ಯಾಹ್ನದ ವೇಳೆ ಬಿಸಿಲಿನ ಜೊತೆ ಬೆಂಕಿಯೂ ಕಾಣಿಸಿಕೊಂಡಿದೆ. ಅದರ ಪರಿಣಾಮ, ಬರಸಗುಣಿಯ ಶ್ರೀರಾಮ ಹೆಗಡೆ, ಸುಬ್ರಾಯ ಹೆಗಡೆ, ಶ್ರೀಪತಿ ಹೆಗಡೆ ಅವರು ಕಸಿ ಮಾಡಿದ 600ಕ್ಕೂ ಅಧಿಕ ಅಂಗುರಲಾ ಗೇರು ಗಿಡಗಳು ನಾಶವಾಗಿದೆ. ತಲಾ 100ರೂ ನೀಡಿ ಅವರು ತಂದು ನೆಟ್ಟಿದ್ದ ಏಳು ಎಕರೆ ಪ್ರದೇಶದಲ್ಲಿನ ಗೇರು ಗಿಡಗಳು ಸುಟ್ಟು ಕರಕಲಾಗಿದೆ. ಫಸಲು ಬರುವ ಮುನ್ನವೇ ಗಿಡ ಬಾಡಿದನ್ನು ನೋಡಿ ರೈತರು ಕಣ್ಣೀರಾಗಿದ್ದಾರೆ. `ಗೇರು ಮರಕ್ಕೆ ಈ ವರ್ಷ ಫಸಲು ಬಂದಿತ್ತು. ಬಿಸಿಲಿನ ಕಾರಣಕ್ಕೆ ಕೊಯ್ಲು ಆಗಿರಲಿಲ್ಲ. ಮಂಗಳವಾರ ಮಧ್ಯಾಹ್ನ ಭಾರಿ ಬಿಸಿಲಿಗೆ ಸುಟ್ಟು ಹೋಗಿದೆ’ ಎಂದು ರೈತರು ಅಳಲು ತೋಡಿಕೊಂಡರು. ಮನೆಯಿಂದ 1ಕಿಮಿ ದೂರದಲ್ಲಿ ತೋಟ ಇದ್ದು, ಸುದ್ದಿ ತಿಳಿದು ಜನರು ಬೆಂಕಿ ಕಂಡು ನಂದಿಸಲು ಮುಂದಾದರು. ಗಿಡ ಉಳಿಸಲು ಆಗಲಿಲ್ಲ. ಸಮೀಪವೇ ಇದ್ದ ಶಾರದಾ ಭಟ್ಟರ ಒಂದು ಎಕರೆ ಅಕೇಶಯಾ ಪ್ಲಾಟ ಸಹ ಈ ವೇಳೆ ಸುಟ್ಟು ಹೋಗಿದೆ. ನಾರಾಯಣ ಮರಾಠಿ ಅವರ ಸುಮಾರು ಅರ್ಧ ಎಕರೆ ಅಡಿಕೆ ತೋಟವು ಬೆಂಕಿಯ ಹಾನಿಗೆ ಒಳಗಾಗಿದೆ. ಪರಿಣಾಮ ಸುಮಾರು 10¯ಕ್ಷರೂ ಮೀರಿ ನಷ್ಟವಾಗಿದೆ.
- [ಶಿವಾಜಿ ಮಂದಿರ: ಶೇ 100ರ ಸಾಧನೆ](https://mobiletime.in/2026/04/shivaji-temple-100-percent-achievement/): ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ ನಡೆಸಿದ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಕಾರವಾರದ ಅಸ್ನೋಟಿ ಶಿವಾಜಿ ವಿದ್ಯಾ ಮಂದಿರ ಶೇ 100ರ ಸಾಧನೆ ಮಾಡಿದೆ. ಪರೀಕ್ಷೆ ಎದುರಿಸಿದ 45 ವಿದ್ಯಾರ್ಥಿಗಳು ಉತ್ತಮ ಅಂಕಪಡೆದು ಪಾಸಾಗಿದ್ದಾರೆ. ಈ ಶಾಲೆಯ ವಿದ್ಯಾರ್ಥಿನಿ ಅಶ್ವಿತಾ ದೇಸಾಯಿ ಶೇ 93 ಅಂಕಗಳನ್ನುಗಳಿಸಿ ಶಾಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾರೆ. ನಾಗರತ್ನಾ ವೇಳಿಪ (92%), ಚೈತಾಲಿ ಮಿರಾಶಿ (89%), ಭೂಮೇಶ ಮಿರಾಶಿ (88%), ರಿದಿಶಾ ಗಾಂವಕರ (87%), ನಮ್ರತಾ ವೇಳಿಪ (86%), ಧೀರಜ ನಾಯ್ಕ (85%), ಗಾಯತ್ರಿ ಅವಲ್ (85%), ಶ್ರದ್ಧಾ ಮಿರಾಶಿ (84%), ಪ್ರಿಯಾ ಬಿರಂಗತ (83%), ಚೈತ್ರಾ ವೇಳಿಪ (83%), ಸುಧರ್ಶನ ದೇಸಾಯಿ (83%), ಸುನೀಲ ಮಿರಾಶಿ (82%), ಸಂಗೀತಾ ಮಿರಾಶಿ (81%)ರ ಸಾಧನೆ ಮಾಡಿದ್ದಾರೆ. ವಿದ್ಯಾರ್ಥಿಗಳ ಈ ಗಮನಾರ್ಹ ಸಾಧನೆಗೆ ಶಾಲೆಯ ಆಡಳಿತ ಮಂಡಳಿ, ಅಧ್ಯಕ್ಷರಾದ ಉಮೇಶ ಸಾಳುಂಕೆ, ಕಾರ್ಯದರ್ಶಿಗಳಾದ ಸಂಜಯ ಸಾಳುಂಕೆ, ಉಪಾಧ್ಯಕ್ಷರಾದ ಗಿರೀಶ ದೇಸಾಯಿ, ಹಾಗೂ ಪ್ರೇಮಾಶ್ರಮ ಚಾರಿಟೇಬಲ್ ಟ್ರಸ್ಟ್ ಅಧ್ಯಕ್ಷರಾದ ಸೀತಾರಾಮ ಗಾಂವಕರ, ಕಾರ್ಯದರ್ಶಿಗಳಾದ ದಿನೇಶ ಗಾಂವಕರ, ಟ್ರಸ್ಟಿ ಶ್ಯಾಮಕುಮಾರ ದೇಸಾಯಿ ಶಿಕ್ಷಣಪ್ರೇಮಿ ಅನೀಲಕುಮಾರ ಗಾಂವಕರ, ಓ.ಎಸ್.ಜಿ ಗ್ರುಪ್ ಅಧ್ಯಕ್ಷರಾದ ಪವನ ಸಾವಂತ ಮಾತೋಶ್ರೀ ಸರೋಜಾ ಬಾಳಾ ದೇಸಾಯಿ ಟ್ರಸ್ಟ್ (ಕಾರವಾರ)ದ ನರೇಂದ್ರ ದೇಸಾಯಿ, ಕಲ್ಲೂರು ಎಜುಕೇಶನ್ ಟ್ರಸ್ಟ್ ಅಧ್ಯಕ್ಷರಾದ ಇಬ್ರಾಹಿಂ ಕಲ್ಲೂರು, ಉದ್ಯಮಿಗಳಾದ ದಿನಕರ ಸಾಳುಂಕೆ, ಅಸ್ನೋಟಿ ಶಿಕ್ಷಣ ಸಂಸ್ಥೆಯವರು ಸಂತಸವ್ಯಕ್ತಪಡಿಸಿದ್ದಾರೆ. ಶಾಲಾ ಮುಖ್ಯೋಪಾಧ್ಯಾಕ ಗಣೇಶ್ ಬಿಷ್ಣಣ್ಣನವರ ಮತ್ತು ಶಾಲಾ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ಸಾಧಕರಿಗೆ ಶುಭ ಕೋರಿದ್ದಾರೆ.
- [ದಾರಿ ಬಿಡದ ಚಿರತೆ!](https://mobiletime.in/2026/04/a-leopard-that-wont-give-up/): ಗೋಕರ್ಣದ ಓಂ ಕಡಲತೀರದ ಬಳಿ ಚಿರತೆ ಕಾಣಿಸಿಕೊಂಡಿದೆ. ಓಂ ಬೀಚಿನಿಂದ ಗೋಗರ್ಭ ಹಾಗೂ ಕುಡ್ಲೆ ಕಡಲತೀರಕ್ಕೆ ಹೋಗುವ ದಾರಿಯಲ್ಲಿ ಚಿರತೆ ಓಡಾಟ ನಡೆಸಿದೆ. ಸೋಮವಾರ ರಾತ್ರಿ ಪ್ರವಾಸಿಗರು ಈ ಮಾರ್ಗದಲ್ಲಿ ತೆರಳುವಾಗ ಚಿರತೆ ನೋಡಿದ್ದಾರೆ. ಕೆಲ ಕಾಲ ರಸ್ತೆಗೆ ಅಡ್ಡಲಾಗಿ ನಿಂತ ಚಿರತೆ ನಂತರ ನಿಧಾನವಾಗಿ ಕಾಡು ಸೇರಿದೆ. ಮಹಾರಾಷ್ಟçದ ಪ್ರವಾಸಿಗರು ರಸ್ತೆ ಅಂಚಿನಲ್ಲಿ ಚಿರತೆ ನಿಂತ ವಿಡಿಯೋ ಮಾಡಿದ್ದು, ಅದು ವೈರಲ್ ಆಗುತ್ತಿದೆ. ಕೋಟಿತೀರ್ಥದ ಗೋಪಾಲಕೃಷ್ಣ ದೇವಾಲಯದ ಬಳಿಯೂ ಕೆಲ ದಿನಗಳ ಹಿಂದೆ ಚಿರತೆ ಕಾಣಿಸಿಕೊಂಡಿತ್ತು. ಬೆಳಗ್ಗಿನ ಅವಧಿಯಲ್ಲಿ ಚಿರತೆ  ನೋಡಿದ ಜನ ಆತಂಕಕ್ಕೆ ಒಳಗಾಗಿದ್ದರು. ನಾಗಬೀದಿ ಹಾಗೂ ಓಂ ಕುಡ್ಲೆ ತೀರಕ್ಕೆ ಸಾಗುವ ಕುಡ್ಲೆ ಕಡಲತೀರ ವೀಕ್ಷಣಾ ಸ್ಥಳದ ಬಳಿ ಸಹ ಚಿರತೆ ಕಾಣಿಸಿಕೊಂಡಿದ್ದು, ಆ ಜೀವಿಯ ಸ್ಥಳಾಂತರಕ್ಕೆ ಒತ್ತಾಯಿಸಿದ್ದರು. ಜನ ವಸತಿ ಪ್ರದೇಶದಲ್ಲಿ ಚಿರತೆ ಕಾಣಿಸಿದರೂ ಅರಣ್ಯ ಇಲಾಖೆಯವರು ಕ್ರಮ ಜರುಗಿಸಿರಲಿಲ್ಲ. ಹೀಗಾಗಿ ಜನ ಆಕ್ರೋಶವ್ಯಪಡಿಸಿದ್ದರು. ಇದೀಗ, ಪ್ರವಾಸಿಗರು ಓಡಾಡುವ ಸ್ಥಳದಲ್ಲಿ ವನ್ಯಜೀವಿ ದರ್ಶನವಾಗಿದೆ. ಹೀಗಾಗಿ ಜನ ಮತ್ತೆ ಅರಣ್ಯ ಇಲಾಖೆಯ ಮೊರೆ ಹೋಗಿದ್ದಾರೆ.
- [ಡಕೋಟಾ ಎಕ್ಸಪ್ರೆಸ್ಸು: ನೀರು ಹಾಕಿದರೆ ಮಾತ್ರ ಓಡುವುದು ಈ ಬಸ್ಸು!](https://mobiletime.in/2026/04/dakota-express-this-bus-only-runs-when-its-filled-with-water/): ಕುಮಟಾದಿಂದ ಅಂಕೋಲಾಗೆ ಹೊರಟಿದ್ದ ಸರ್ಕಾರಿ ಬಸ್ಸಿನಲ್ಲಿ ಹೊಗೆ ಕಾಣಿಸಿಕೊಂಡಿದ್ದು, ಇಂಜಿನ್ ಭಾಗಕ್ಕೆ ನೀರು ಹಾಕಿದ ನಂತರ ಬಸ್ಸು ಮುಂದೆ ಚಲಿಸಿದೆ. ಈ ಬಸ್ಸು ಕುಮಟಾದಿಂದ ಅಂಕೋಲಾಗೆ ಬರುವವರೆಗೂ ಸುಮಾರು 100 ಲೀಟರ್ ನೀರು ಕುಡಿದಿದೆ. ಕುಮಟಾದಿಂದ ಹೊರಟ ಬಸ್ಸು 500ಮೀ ಚಲಿಸಿದಾಗ ಹೊಗೆ ಕಾಣಿಸಿದೆ. ಆತಂಕಕ್ಕೆ ಒಳಗಾದ ಕೆಲ ಪ್ರಯಾಣಿಕರು ಟಿಕೆಟ್ ಮಾಡಿದ್ದರೂ ಆ ಬಸ್ಸಿನಿಂದ ಆಗಲೇ ಕೆಳಗೆ ಇಳಿದಿದ್ದಾರೆ. ಆ ಕ್ಷಣಕ್ಕೆ ಡಿಪೋದವರು ಬೇರೆ ಬಸ್ಸು ಕಳುಹಿಸದ ಕಾರಣ ಉಳಿದ ಪ್ರಯಾಣಿಕರನ್ನು ಕರೆದೊಯ್ದು ಆ ಬಸ್ಸು ಅಂಕೋಲಾ ಕಡೆ ಸಾಗಿದೆ. ಈ ವೇಳೆ ಬಸ್ಸಿನ ಇಂಜಿನ್ ಭಾಗದಿಂದ ಹೊಗೆ ಬರುತ್ತಲೇ ಇದ್ದು, ಚಾಲಕ ಹೊಗೆ ಹೋಗಲಾಡಿಸಲು ನೀರು ಸುರಿದಿದ್ದಾರೆ. ಅದಾದ ನಂತರ ಪ್ರಯಾಣಿಕರು ಸಹ ತಾವು ದುಡ್ಡು ಕೊಟ್ಟು ಖರೀದಿಸಿದ್ದ ನೀರನ್ನು ಬಸ್ಸಿನ ಇಂಜಿನ್ ಕಡೆ ಸುರಿದಿದ್ದಾರೆ. ನೀರು ಹಾಕಿದ ಕೆಲ ಕಾಲ ಹೊಗೆ ಬರುವುದು ನಿಂತಿದ್ದು, ಹಾಗೇ ಬಸ್ಸು ಅಂಕೋಲಾವರೆಗೂ ಬಂದಿದೆ. ಕುಮಟಾದಿAದ ಅಂಕೋಲಾಗೆ ಬರುವವರೆಗೂ 10ಕ್ಕೂ ಅಧಿಕ ಕಡೆ ಬಸ್ಸನ್ನು ನೀರು ಹಾಕುವುದಕ್ಕಾಗಿಯೇ ನಿಲ್ಲಿಸಲಾಯಿತು. ನೀರು ಸಿಕ್ಕ ಕಡೆಗಳೆಲ್ಲ ಪ್ರಯಾಣಿಕರ ಜೊತೆ ಚಾಲಕ-ನಿರ್ವಾಹಕರು ಬಾಟಲಿ ತುಂಬಿಸಿಕೊAಡು ಮುಂದೆ ಸಾಗಿದರು. ಸಮಸ್ಯೆ ಸಂಪೂರ್ಣವಾಗಿ ನಿವಾರಣೆ ಆಗದಿದ್ದರೂ ಡಕೋಟಾ ಬಸ್ಸನ್ನು ಅನಿವಾರ್ಯವಾಗಿ ಅಂಕೋಲಾದವರೆಗೆ ಓಡಿಸಿದರು. ಬಸ್ ಚಲಿಸುವಾಗಲೇ ಪ್ರಯಾಣಿಕರು ನೀರು ಹಾಕಿ ಸಮಾಧಾನ ಮಾಡುತ್ತಿದ್ದು, ಆತಂಕದ ನಡುವೆಯೇ ಪ್ರಯಾಣ ಮುಂದುವರೆಸಿದರು. `ಅAಕೋಲಾ ಸಾರಿಗೆ ಘಟಕದಲ್ಲಿ ಸಂಚರಿಸುತ್ತಿರುವ ಅನೇಕ ಬಸ್‌ಗಳು ಹಳೆಯದ್ದಾಗಿದೆ. ಹೀಗಾಗಿ ಇಂಥ ಘಟನೆಗಳು ಇಲ್ಲಿ ಸಾಮಾನ್ಯ’ ಎಂದು ಪ್ರಯಾಣಿಕರು ಹೇಳಿದರು.
- [ಆತ ಹಗಲಿನಲ್ಲಿ ಭಿಕ್ಷುಕ.. ರಾತ್ರಿ ವೇಳೆ ಭಕ್ಷಕ!](https://mobiletime.in/2026/04/he-is-a-beggar-during-the-day-a-eater-at-night/): ಭಿಕ್ಷುಕನ ವೇಷ ಧರಿಸಿ ಮನೆ ಮನೆ ಸಂಚಾರ ನಡೆಸುವ ಫಾರುಖ್ ಉಲ್ಲಾ ಅವರು ರಾತ್ರಿ ವೇಳೆ ಸಂಚು ರೂಪಿಸಿ ಕಳ್ಳತನ ಮಾಡುತ್ತಿದ್ದು, ಸಿದ್ದಾಪುರ ಪೊಲೀಸರು ಆ ಕಳ್ಳನ ಹೆಡೆಮುರಿ ಕಟ್ಟಿದ್ದಾರೆ. ಶಿವಮೊಗ್ಗ ಶಿರಾಳಿಕೊಪ್ಪದ ಫಾರುಖ್ ಉಲ್ಲಾ ಜೋಗಿ ಬಾಷಾಸಾಬ (24) ಎಳೆಯ ವಯಸ್ಸಿನಲ್ಲಿಯೇ ಕಳ್ಳತನದ ದಾರಿ ಹಿಡಿದಿದ್ದರು. ರಾಜ್ಯದ ನಾನಾ ಕಡೆ ಸಂಚರಿಸಿ ಅವರು ಕಳ್ಳತನ ಮಾಡಿದ್ದರು. ಪೊಲೀಸರಿಂದ ತಪ್ಪಿಸಿಕೊಳ್ಳುವುದಕ್ಕಾಗಿ ಫಾರುಖ್ ಉಲ್ಲಾ ಅವರು ಭಿಕ್ಷÄಕನ ವೇಷ ಧರಿಸಿ ತಿರುಗಾಡುತ್ತಿದ್ದರು. ಸಿದ್ದಾಪುರದಲ್ಲಿಯೂ ಒಂದು ಕಳ್ಳತನ ಪ್ರಕರಣದಲ್ಲಿ ಫಾರುಖ್ ಉಲ್ಲಾ ಅವರು ಸಿಕ್ಕಿಬಿದ್ದಿದ್ದು, ನಂತರ ಅವರು ಪರಾರಿಯಾಗಿದ್ದರು. ನ್ಯಾಯಾಲಯಕ್ಕೆ ಸಹ ಹಾಜರಾಗದೇ ತಲೆಮರೆಸಿಕೊಂಡಿದ್ದರು. ಕಳೆದ ನಾಲ್ಕು ವರ್ಷಗಳಿಂದ ಪೊಲೀಸರು ಫಾರುಖ್ ಉಲ್ಲಾ ಅವರ ಹುಡುಕಾಟ ನಡೆಸಿದ್ದು, ಭಿಕ್ಷÄಕನ ವೇಷ ಧರಿಸಿ ಸಂಚರಿಸುತ್ತಿದ್ದ ಕಾರಣ ಪತ್ತೆಯಾಗಿರಲಿಲ್ಲ. ಫಾರುಖ್ ಉಲ್ಲಾ ಅವರ ಪತ್ತೆಗೆ ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿತು. ಸಿದ್ದಾಪುರ ಪೊಲೀಸರು ಆರೋಪಿತನ ಪತ್ತೆಗಾಗಿ ಶಿವಮೊಗ್ಗ, ಹಾವೇರಿ, ಮಂಗಳೂರು ಸೇರಿ ವಿವಿಧ ಕಡೆ ಹುಡುಕಾಟ ನಡೆಸಿದರು. ಉಡುಪಿಯ ತ್ರಾಸಿ ಬಳಿ ವೇಷ ಬದಲಿಸಿಕೊಂಡಿದ್ದ ಫಾರುಖ್ ಉಲ್ಲಾ ಈ ದಿನ ಸಿಕ್ಕಿ ಬಿದ್ದರು.
- [ಅಘನಾಶಿನಿ ಉಳಿವಿಗಾಗಿ ನದಿ ರಕ್ಷಣಾ ಆಯೋಗದ ಮೊರೆ](https://mobiletime.in/2026/04/river-protection-commission-appeals-for-the-survival-of-aghanashini/): ಅಘನಾಶಿನಿ ಏತ ನೀರಾವರಿ ಯೋಜನೆಯ ಬಗ್ಗೆ ಶಿರಸಿ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ನದಿಗಳ ರಕ್ಷಣಾ ಆಯೋಗದ ಅಧ್ಯಕ್ಷ ಎಚ್ ಎಲ್ ನಾಗಮೋಹನ್ ದಾಸ್ ಅವರ ಬಳಿ ಚರ್ಚಿಸಿದ್ದು, ಈ ಯೋಜನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ವಿವರಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆ ಸಿದ್ದಾಪುರ ತಾಲೂಕಿನಲ್ಲಿ ನಿಯೋಜನೆಗೊಳ್ಳುವ ಅಘನಾಶಿನಿ ಏತ ನಿರಾವರಿ ಯೋಜನೆಯೂ ಜನ ಮತ್ತು ಪರಿಸರ ವಿರೋಧಿ ಯೋಜನೆಯಾಗಿದೆ. ಅದನ್ನು ಸ್ಥಗಿತಗೊಳಿಸುವುದು ಅನಿವಾರ್ಯ’ ಎಂದವರು ಹೇಳಿದರು. `ರಾಷ್ಟಿçÃಯ ನೀರು ಅಭೀವೃಧ್ಧಿ ಪ್ರಾಧೀಕಾರವು ಅಘನಾಶಿನಿ- ವೇದಾವತಿ(ವಾಣಿ ವಿಲಾಸ ಸಾಗರ) ಜೋಡಣೆ ಯೋಜನೆ ಕುರಿತು ಪ್ರಾಥಮಿಕ ಸಾಧ್ಯತೆ ವರದಿಯನ್ನು ಅಕ್ಟೋಬರ್ 2025 ರಂದು ಯೋಜನೆ ಸಿದ್ಧಪಡಿಸಲಾಗಿದೆ’ ಎಂಬ ವಿಷಯವನ್ನು ಅವರು ವಿವರಿಸಿದರು. `ಅಘನಾಶಿನಿ ನದಿ ನೀರು ಎತ್ತುವಿಕೆ ಯೋಜನೆಯು 23 ಸಾವಿರ ಕೋಟಿ ವೆಚ್ಚದ್ದಾಗಿದೆ. 35 ಸಾವಿರ ಟಿಎಂಸಿ ನೀರನ್ನು ವಾಣಿ ವಿಲಾಸ ಜಲಾಯಶಯಕ್ಕೆ ಒಯ್ಯುವ ಬಗ್ಗೆ ಪ್ರಸ್ತಾಪಿಸಲಾಗಿದೆ. ಇದರಿಂದ ಪಶ್ಚಿಮ ಘಟ್ಟ ಪ್ರದೇಶದ ಜನ ಜೀವನ, ಪ್ರಾಣಿ, ಪಕ್ಷಿಗಳ ಹಾಗೂ ಅತ್ಯಮೂಲ್ಯ ಗಿಡ ಸಸ್ಯಗಳ ಮೇಲೆ ಪರಿಣಾಮ ಬೀಳಲಿದೆ’ ಎಂದವರು ಆತಂಕವ್ಯಕ್ತಪಡಿಸಿದರು. `ನೈಸರ್ಗಿಕ ಅಸಮತೋಲನಕ್ಕೆ ಯೋಜನೆಯು ಕಾರಣವಾಗಲಿದೆ. ಈ ಯೋಜನೆಗೆ ವಿರೋಧವ್ಯಕ್ತಪಡಿಸಿ 25 ಸಾವಿರಕ್ಕೂ ಅಧೀಕ ಕುಟುಂಬದವರು ಕೇಂದ್ರ ಪರಿಸರ ಮತ್ತು ಅರಣ್ಯ ಮಂತ್ರಾಲಯ ಆಕ್ಷೇಪಣಾ ಪತ್ರ ಸಲ್ಲಿಸಿದ್ದಾರೆ’ ಎಂದು ವಿವರಿಸಿದರು. `ವಿಶ್ವ ಪರಂಪರೆಯ ಸಮಾವೇಶದ ಮಾರ್ಗಸೂಚಿಗಳ ನಿಬಂಧನೆಗಳಿಗೆ ಅನುಸಾರವಾಗಿ ಕ್ರಮ ಜರುಗಿಸಬೇಕು’ ಎಂದು ಯುನೆಸ್ಕೋ ಸಹ ಭಾರತ ಸರ್ಕಾರಕ್ಕೆÀ ಸೂಚನೆ ನೀಡಿದೆ’ ಎಂದವರು ಹೇಳಿದರು.
- [ಈ ಸೊಸೈಟಿ ಬಳಿ ಠೇವಣಿ ಮರಳಿಸಲು ದುಡ್ಡಿಲ್ಲ!](https://mobiletime.in/2026/04/this-society-has-no-money-to-return-the-deposit/): ಶಿರಸಿ ದಾಸನಕೊಪ್ಪದ ಕಾಳಂಗಿ ವ್ಯವಸಾಯ ಸಹಕಾರಿ ಸಂಘದಲ್ಲಿ ಭಾರೀ ಪ್ರಮಾಣದ ಅವ್ಯವಹಾರ ನಡೆದ ಅನುಮಾನವ್ಯಕ್ತವಾಗಿದೆ. ಹಾವೇರಿಯಲ್ಲಿ ಮೀಟರ್ ಬಡ್ಡಿ ವ್ಯವಹಾರ ನಡೆಸುವ ವ್ಯಕ್ತಿಯೊಬ್ಬರಿಗೆ ಸೊಸೈಟಿಯಿಂದ 69 ಲಕ್ಷ ರೂ ವರ್ಗವಾಗಿದ್ದು, ಇದರೊಂದಿಗೆ 1.88 ಕೋಟಿ ರೂ ಅಕ್ರಮ ಹಣಕಾಸು ವ್ಯವಹಾರ ನಡೆದ ಬಗ್ಗೆ ದೂರಿದೆ. ಈ ಎಲ್ಲಾ ಅಪರಾತಪರದ ಸಮಗ್ರ ತನಿಖೆಗಾಗಿ ರೈತರು ಪ್ರತಿಭಟನೆ ನಡೆಸಿದ್ದಾರೆ. ಕಳೆದ ಮೂರು ದಿನಗಳಿಂದ ಸೊಸೈಟಿಯ ಆರ್ಥಿಕ ವ್ಯವಹಾರದ ಬಗ್ಗೆ ಎಲ್ಲಡೆ ಚರ್ಚೆ ನಡೆಯುತ್ತಿದೆ. ರೈತರ ಹೆಸರಿನಲ್ಲಿ ನಕಲಿ ಖಾತೆ ತೆರೆದು ಸಾಲದ ಹಣ ದುರುಪಯೋಗಪಡಿಸಿಕೊಂಡ ಆರೋಪವೂ ಕೇಳಿ ಬಂದಿದೆ. ರೈತರ ಗಮನಕ್ಕೆ ಬಾರದ ರೀತಿ ಕೆಲ ಸಾಲಪಡೆದು ಅವ್ಯವಹಾರ ನಡೆಸಿದ ದೂರುಗಳಿವೆ. ಸುಮಂತ ಧನಂಜಯ ಸಾಕಣ್ಣನವರ್ ಹಾಗೂ ನಂಜುAಡಿ ಸಾಕಣ್ಣನವರ್ ಎಂಬ ರೈತರ ಹೆಸರಿನಲ್ಲಿ ವಂಚನೆಯಿAದ ಸಾಲಪಡೆಯಲಾಗಿದ್ದು, ಈ ವಿಷಯ ಬಹಿರಂಗವಾಗಿದೆ. ಅದಾದ ನಂತರಪಡೆದ ಸಾಲವನ್ನು ಸೊಸೈಟಿಗೆ ಮರುಪಾವತಿ ಮಾಡಿ ಪ್ರಕರಣವನ್ನು ಅಲ್ಲಿಗೆ ಮುಚ್ಚುವ ಪ್ರಯತ್ನವೂ ನಡೆದಿದೆ. ಈ ಎಲ್ಲಾ ಹಿನ್ನಲೆ ಬುಧವಾರ ಸೊಸೈಟಿ ಸದಸ್ಯರು ಪ್ರತಿಭಟನೆ ಮಾಡಿದ್ದಾರೆ. ರೈತರು ಇಟ್ಟಿರುವ ಠೇವಣಿ ಹಣವನ್ನು ಮರಳಿಸುವಂತೆ ಸದಸ್ಯರು ಪಟ್ಟು ಹಿಡಿದಿದ್ದಾರೆ. ಆದರೆ, ಸೊಸೈಟಿ ಖಾತೆಯಲ್ಲಿ ಹಣವಿಲ್ಲ ಎಂಬ ವಿಷಯ ಅರಿತು ಆಕ್ರೋಶವ್ಯಕ್ತಪಡಿಸುತ್ತಿದ್ದಾರೆ. ಈ ಸೊಸೈಟಿಯಲ್ಲಿ ಐದು ಲಕ್ಷ ರೂ ಹಣವಿಟ್ಟ ರೈತರೊಬ್ಬರು ಆ ಹಣ ಮರಳಿಪಡೆಯುವುದಕ್ಕಾಗಿ 10 ದಿನಗಳಿಂದ ಓಡಾಟ ನಡೆಸಿದ್ದು ಅದು ಸಿಗದ ಕಾರಣ ಇನ್ನಷ್ಟು ರೈತರು ಹಣ ಮರಳಿಪಡೆಯಲು ಆಗಮಿಸುತ್ತಿದ್ದಾರೆ. ಲಕ್ಷ ರೂ ಕೇಳಿದವರಿಗೆ 25 ಸಾವಿರ ರೂ ಮಾತ್ರ ನೀಡುವುದಾಗಿ ಸೊಸೈಟಿ ಸಿಬ್ಬಂದಿ ಹೇಳಿದ್ದು ಸಹ ರೈತರ ಅನುಮಾನಕ್ಕೆ ಕಾರಣವಾಗಿದೆ. ಸೊಸೈಟಿ ಹಗರಣದ ಸುದ್ದಿ ಕೇಳಿ ಜನ ಕಚೇರಿಯ ಕಡೆ ದೌಡಾಯಿಸುತ್ತಿದ್ದಾರೆ. ಈಗಾಗಲೇ ಹಿಪ್ಪನಳ್ಳಿ ಹಾಗೂ ಗೋಳಿ ಸೊಸೈಟಿ ದಾರಿ ತಪ್ಪಿದ್ದು, ಅದೇ ದಾರಿಯಲ್ಲಿ ದಾಸನಕೊಪ್ಪದ ಕಾಳಂಗಿ ಸೊಸೈಟಿ ಸಹ ಸಾಗಿರುವ ಅನುಮಾನವ್ಯಕ್ತವಾಗಿದೆ.
- [ಏಪ್ರಿಲ್ 30ರಿಂದ ಪಿಯುಸಿ ಪರೀಕ್ಷೆ](https://mobiletime.in/2026/04/puc-exams-from-april-30/): `ಏಪ್ರಿಲ್ 30ರಿಂದ ಮೇ 13ರವರೆಗೆ ದ್ವಿತೀಯ ಪಿಯುಸಿ ಪರೀಕ್ಷೆ-2 ನಡೆಯಲಿದ್ದು, ಈ ಪರೀಕ್ಷೆಗಳಿಗೆ ಜಿಲ್ಲೆಯಲ್ಲಿ ಒಟ್ಟು 2820 ಪರೀಕ್ಷಾರ್ಥಿಗಳು ನೋಂದಾಯಿಸಿಕೊoಡಿದ್ದಾರೆ. 11 ಪರೀಕ್ಷಾ ಕೇಂದ್ರಗಳಲ್ಲಿ ಪರೀಕ್ಷೆಯು ಜರುಗಲಿದೆ. `ಯಾವುದೇ ಗೊಂದಲಕ್ಕೆ ಆಸ್ಪದ ನೀಡದೇ ಪರೀಕ್ಷಾ ಕಾರ್ಯವನ್ನು ನಡೆಸಬೇಕು’ ಎಂದು ಜಿಲ್ಲಾಧಿಕಾರಿ ಕೆ.ಲಕ್ಷಿಪ್ರಿಯಾ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಅವರು ಸೋಮವಾರ ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ನಡೆದ ಸಭೆಯ ಅಧ್ಯಕ್ಷತೆವಹಿಸಿ ಅವರು ಮಾತನಾಡಿದ್ದು, `ಜಿಲ್ಲೆಯಲ್ಲಿ ದ್ವಿತೀಯ ಪಿಯುಸಿ ಪರೀಕ್ಷೆ-1 ಅನ್ನು ಅತ್ಯಂತ ಯಶಸ್ವಿಯಾಗಿ ನಿರ್ವಹಿಸಲಾಗಿದ್ದು, ಅದೇ ರೀತಿಯಾಗಿ ದ್ವಿತೀಯ ಪಿಯುಸಿ ಪರೀಕ್ಷೆ-2ಯಲ್ಲಿ ಯಾವುದೇ ಸಮಸ್ಯೆಯಾಗದಂತೆ ವ್ಯವಸ್ಥಿತವಾಗಿ ಪರೀಕ್ಷಾ ಕಾರ್ಯನಿರ್ವಹಿಸಬೇಕು. ಪರೀಕ್ಷಾ ಮಂಡಳಿಯು ನೀಡಿರುವ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು’ ಎಂದರು. ಎಲ್ಲಾ ಪರೀಕ್ಷಾ ಕೇಂದ್ರದಲ್ಲಿ ಸಿ.ಸಿ ಕ್ಯಾಮರವನ್ನು ಪರಿಶೀಲಿಸಿಕೊಂಡು ಸುಸ್ಥಿತಿಯಲ್ಲಿಡಲು ಪರೀಕ್ಷಾ ಕೇಂದ್ರ ಮುಖ್ಯಸ್ಥರಿಗೆ ಸೂಚನೆ ನೀಡಿದ ಅವರು, ಸಿಸಿಟಿವಿ ಅಡಿಯಲ್ಲಿ ಕೇಂದ್ರಗಳಲ್ಲಿ ಪ್ರಶ್ನೆ ಪತ್ರಿಕೆ ಬಂಡಲ್ ತೆರೆಯುವುದು ಮತ್ತು ಉತ್ತರ ಪತ್ರಿಕೆಗಳನ್ನು ಸ್ವೀಕರಿಸಿ ಬಂಡಲ್ ಮಾಡುವ ಕಾರ್ಯಗಳನ್ನು ನಿರ್ವಹಿಸಬೇಕು. ಜಿಲ್ಲಾ ಪಂಚಾಯತ್ ನಲ್ಲಿ ಸಿಸಿಟಿವಿ ವೀಕ್ಷಣೆಗೆ ವೆಬ್ ಕಾಸ್ಟಿಂಗ್ ವ್ಯವಸ್ಥೆಗೆ ಅಗತ್ಯವಿರುವ ಸಿದ್ದತೆಗಳನ್ನು ಕೈಗೊಳ್ಳುವಂತೆ ತಿಳಿಸಿದರು.ಪರೀಕ್ಷಾ ಕೇಂದ್ರದಲ್ಲಿ ಕುಡಿಯುವ ನೀರು, ಶೌಚಾಲಯ ಹಾಗೂ ಇನ್ನಿತರ ಸೌಕರ್ಯಗಳನ್ನು ಸುಸ್ಥಿತಿಯಲ್ಲಿಡಲು ಪರೀಕ್ಷಾ ಕೇಂದ್ರ ಮುಖ್ಯಸ್ಥರಿಗೆ ಸೂಚಿಸಿ, ಎಲ್ಲಾ ಪರೀಕ್ಷಾ ಕೇಂದ್ರಗಳಿಗೆ ಮತ್ತು ಪ್ರಶ್ನೆ ಪತ್ರಿಕೆ ಮತ್ತು ಉತ್ತರ ಪತ್ರಿಕೆ ಸಾಗಾಟ ವಾಹನಗಳಿಗೆ ಸೂಕ್ತ ಪೊಲೀಸ್ ಭದ್ರತೆ ಒದಗಿಸಬೇಕು ಎಂದರು. ಎಲ್ಲಾ ಪರೀಕ್ಷೆ ಕೇಂದ್ರಗಳಿಗೆ ಆರೋಗ್ಯ ಸಹಾಯಕರುಗಳನ್ನು ನಿಯೋಜಿಸಬೇಕು, ಪರೀಕ್ಷಾ ಕೇಂದ್ರಗಳಿಗೆ ಪರೀಕ್ಷೆ ನಡೆಯುವ ದಿನದಂದು ವಿದ್ಯುತ್ ವ್ಯತ್ಯಯವಾಗದಂತೆ ಅಗತ್ಯ ಕ್ರಮ ಕೈಗೊಳ್ಳಲು ಹೆಸ್ಕಾಂ ಅಧಿಕಾರಿಗಳಿಗೆ ಮತ್ತು ಪರೀಕ್ಷಾ ದಿನದಂದು ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರಗಳಿಗೆ ತಲುಪಲು ಏSಖಖಿಅ ಯವರು ಬಸ್ಸಿನ ವ್ಯವಸ್ಥೆಯನ್ನು ಒದಗಿಸುವಂತೆ ಸೂಚಿಸಿದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಪದವಿ ಪೂರ್ವ ಶಿಕ್ಷಣ ಇಲಾಖೆ ಉಪ ನಿರ್ದೇಶಕ ಸತೀಸ್ ನಾಯ್ಕ ಹಾಗೂ ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿರುವ ಎಲ್ಲಾ ಅಧಿಕಾರಿಗಳು ಹಾಗೂ ವೀಡಿಯೋ ಕಾನ್ಫರೆನ್ಸ್ ಮೂಲಕ ಎಲ್ಲಾ ತಾಲೂಕುಗಳ ತಹಸೀಲ್ದಾರ್‌ಗಳು ಇದ್ದರು.
- [ಬೈಕ್ ಓಡಿಸಿದ ಮಗ: ದಂಡ ಕಟ್ಟಿದ ಅಪ್ಪ!](https://mobiletime.in/2026/04/son-who-rode-a-bike-dad-fined/): ಲೈಸನ್ಸ ಇಲ್ಲದೇ ಬೈಕ್ ಓಡಿಸಿದ ಬಾಲಕನನ್ನು ಭಟ್ಕಳ ಪೊಲೀಸರು ಹಿಡಿದಿದ್ದು, ಆ ಬಾಲಕನ ಅಪ್ಪನಿಗೆ ನ್ಯಾಯಾಲಯ 25 ಸಾವಿರ ರೂ ದಂಡ ವಿಧಿಸಿದೆ. ಮಗನಿಗೆ ಮತ್ತೆ ಬೈಕ್ ಕೊಡದಂತೆಯೂ ನ್ಯಾಯಾಲಯ ಸೂಚಿಸಿದೆ. ಮುರುಡೇಶ್ವರ ಬಳಿ ಬಸ್ತಿ ಕಾಯ್ಕಿಣಿ ನಿವಾಸಿ ರಾಜೇಶ್ ನಾಗಪ್ಪ ನಾಯ್ಕ ಅವರು ಅಪ್ರಾಪ್ತನಿಗೆ ಬೈಕ್ ನೀಡಿದ ಆರೋಪದ ಅಡಿ ಸಿಕ್ಕಿ ಬಿದ್ದಿದ್ದರು. ಮುರುಡೇಶ್ವರ ಪಿಎಸ್‌ಐ ಹನುಮಂತ ಬಿರಾದಾರ ಅವರು ಮೋಟಾರ್ ವಾಹನ ಕಾಯ್ದೆಯ ಅನ್ವಯ ದೋಷಾರೋಪಣಾ ಪತ್ರವನ್ನು ನ್ಯಾಯಾಲಯಕ್ಕೆ ಸಲ್ಲಿಸಿದ್ದರು. ನ್ಯಾಯಾಲಯ ಪ್ರಕರಣ ವಿಚಾರಣೆ ನಡೆಸಿದ್ದು, ಅಪ್ರಾಪ್ತರ ಬೈಕ್ ಚಾಲನೆಯನ್ನು ಗಂಭೀರವಾಗಿ ಪರಿಗಣಿಸಿತು. ಅಪ್ರಾಪ್ತನಿಗೆ ವಾಹನ ಚಾಲನೆಗೆ ಅವಕಾಶ ಮಾಡಿಕೊಟ್ಟ ಹಿನ್ನಲೆ ರಾಜೇಶ ನಾಗಪ್ಪ ನಾಯ್ಕ ಅವರಿಗೆ 25 ಸಾವಿರ ದಂಡ ವಿಧಿಸಿ ಆದೇಶಿಸಿತು. ನ್ಯಾಯಾಲಯದ ಆದೇಶದ ಹಿನ್ನಲೆ ಅವರು ದಂಡ ಪಾವತಿಸಿದ್ದು, ಈ ರೀತಿ ಪುನರಾವರ್ತನೆ ಆಗದಂತೆ ನೋಡಿಕೊಳ್ಳುವಂತೆಯೂ ನ್ಯಾಯಾಲಯ ಸೂಚಿಸಿತು. `ಅಪ್ರಾಪ್ತರಿಗೆ ವಾಹನ ನೀಡುವುದು ಗಂಭೀರ ಅಪರಾಧವಾಗಿದ್ದು, ಇಂತಹ ಪ್ರಕರಣಗಳ ಮೇಲೆ ಮುಂದುವರೆದoತೆ ಕಠಿಣ ಕ್ರಮ ಕೈಗೊಳ್ಳಲಾಗುತ್ತದೆ’ ಎಂದು ಪೊಲೀಸರು ಹೇಳಿದ್ದಾರೆ.
- [ದುಶ್ಚಟಕ್ಕೆ ದಾಸನಾಗಿದ್ದ ಗೌಂಡಿಯ ದುಡುಕು ನಿರ್ಧಾರ!](https://mobiletime.in/2026/04/goundi-who-was-a-slave-to-vice-made-a-rash-decision/): ಯಲ್ಲಾಪುರದ ಮಾವಿನಕಟ್ಟಾ ಗ್ರಾಮದ ಗುರುಪ್ರಸಾದ ನಾಯ್ಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಗೌಂಡಿ ಕೆಲಸ ಮಾಡಿಕೊಂಡಿದ್ದ ಅವರು ದಿಢೀರ್ ಆಗಿ ದುಡುಕು ನಿರ್ಧಾರಕ್ಕೆ ಒಳಗಾಗಿದ್ದಾರೆ. ಯಲ್ಲಾಪುರದ ಮಾವಿನಕಟ್ಟ ಬಳಿಯ ಕೆಸಿನಕೊಡ್ಲುವಿನಲ್ಲಿ ಗುರುಪ್ರಸಾದ ವಾಸು ನಾಯ್ಕ ಅವರು ವಾಸವಾಗಿದ್ದರು. 25 ವರ್ಷದ ಅವರು ಕಟ್ಟಡ ಕಾರ್ಮಿಕರಾಗಿ ದುಡಿಯುತ್ತಿದ್ದರು. ಸುತ್ತಲಿನ ಊರುಗಳಲ್ಲಿ ಗೌಂಡಿ ಕೆಲಸ ಮಾಡಿ ಅವರು ಜೀವನ ನಡೆಸುತ್ತಿದ್ದರು. ಈ ನಡುವೆ ಗುರುಪ್ರಸಾದ ನಾಯ್ಕ ಅವರು ದುಶ್ಚಟಕ್ಕೆ ದಾಸರಾಗಿದ್ದು, ಸರಾಯಿ ಸೇವನೆ ಶುರು ಮಾಡಿದ್ದರು. ತೀರಾ ಈಚೆಗೆ ಗುರುಪ್ರಸಾದ ನಾಯ್ಕ ಅವರ ವರ್ತನೆಯಲ್ಲಿ ಬದಲಾಗಿತ್ತು. ಸರಾಯಿ ಸೇವನೆ ವಿಪರೀತ ಪ್ರಮಾಣ ತಲುಪಿತ್ತು. ಇದರಿಂದ ಮಾನಸಿಕವಾಗಿಯೂ ಅವರು ಕುಗ್ಗಿದ್ದರು. ಯಾವುದೋ ಒಂದು ವಿಷಯದ ಬಗ್ಗೆ ಅವರು ಚಿಂತಿಸುತ್ತಿದ್ದರು. ಆದರೆ, ಆ ವಿಷಯದ ಬಗ್ಗೆ ಅವರು ಯಾರಲ್ಲಿಯೂ ಹೇಳಿರಲಿಲ್ಲ. ಹೀಗಿರುವಾಗ ಏಪ್ರಿಲ್ 26ರ ರಾತ್ರಿ 11 ಗಂಟೆ ವೇಳೆಗೆ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಏಪ್ರಿಲ್ 27ರ ಬೆಳಿಗ್ಗೆ 8.15ರ ವೇಳೆಯಲ್ಲಿ ಗುರುಪ್ರಸಾದ ನಾಯ್ಕ ಅವರು ಶವವಾಗಿದ್ದರು. ಮನೆಯ ಕಟ್ಟಿಗೆಯ ಮುಂಡಗೆ ಹಗ್ಗ ಕಟ್ಟಿ ಮತ್ತೊಂದು ತುದಿಯನ್ನು ಕುತ್ತಿಗೆಗೆ ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಅವರನ್ನು ನೋಡಿದ ಅಣ್ಣ ಮಣಿಕಂಠ ವಾಸು ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮದುವೆ ವಿಷಯ: ಹುಡುಗನಿಗೆ ಹಲ್ಲೆ!](https://mobiletime.in/2026/04/marriage-issue-boy-attacked/): ಭಟ್ಕಳದ ಆಜಾದ್ ನಗರದ ಚಾಲಕ ಹಸೀನ ಖಾನ್ ಅವರ ಮೇಲೆ ಹಲ್ಲೆ ನಡೆದಿದೆ. ಆಸಿಫ್ ಕೋಲಾ, ಪೌಜಾನ, ಸಯ್ಯದ ಅಲಿ, ಮುಖೀದ ಅಸ್ಕೇರಿ, ನ್ಯಾಮತ ಮೋಟಿಯಾ, ಸಲೀಮ್ ಕೋಲಾ, ಮಯೀದ, ಸಾಲೀಮ ಚೆನ್ನಾ ಅವರು ಸೇರಿ ಹಸೀನ ಖಾನ್ ಅವರನ್ನು ಅಡ್ಡಗಟ್ಟಿ ಹೊಡೆದಿದ್ದಾರೆ. ಭಾನುವಾರ ರಾತ್ರಿ 10:30ಕ್ಕೆ ಹಸೀನ ಖಾನ್ ಅವರು ಹನೀಫಾಬಾದ್ ಕ್ರಾಸ್ ಪೆಟ್ರೋಲ್ ಬಂಕ್ ಹತ್ತಿರ ನಡೆದುಕೊಂಡು ಹೋಗುತ್ತಿದ್ದರು. ಆ ವೇಳೆ ಅಲ್ಲಿಗೆ ಆಗಮಿಸಿದ ಆರೋಪಿತರು `ನಮ್ಮ ಜಾತಿಯ ಹುಡುಗಿಯನ್ನು ನೀನು ಹೇಗೆ ಮದುವೆಯಾದೆ?’ ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಉತ್ತರಿಸುವ ಮೊದಲೇ ಹೊಡೆಯಲು ಶುರು ಮಾಡಿದ್ದಾರೆ. ನೆಲಕ್ಕೆ ಬಿದ್ದ ಹಸೀನ ಖಾನ್ ಅವರನ್ನು ಕಾಲಿನಿಂದ ಒದ್ದು ನೋವು ಮಾಡಿದ್ದಾರೆ. ಆಸಿಫ್ ಕೋಲಾ, ಪೌಜಾನ, ಸಯ್ಯದ ಅಲಿ, ಮುಖೀದ ಅಸ್ಕೇರಿ, ನ್ಯಾಮತ ಮೋಟಿಯಾ, ಸಲೀಮ್ ಕೋಲಾ, ಮಯೀದ, ಸಾಲೀಮ ಚೆನ್ನಾ ಅವರುಹಸೀನ ಖಾನ್ ಅವರು ಗುಂಪು ಕಟ್ಟಿಕೊಂಡು ಆಗಮಿಸಿ ಹಲ್ಲೆ ನಡೆಸಿದ ಬಗ್ಗೆ ಹಸೀನ ಖಾನ್ ಅವರು ದೂರಿದ್ದಾರೆ. ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕಾನೂನು ಕ್ರಮ ಕೈಗೊಂಡಿದ್ದಾರೆ.  
- [ಕ್ರಿಪ್ಟೋ ಕರೆನ್ಸಿ: LIC ಎಂಜ0ಟರಿಗೆ ಮೂರು ನಾಮ!](https://mobiletime.in/2026/04/cryptocurrency-three-names-for-lic-engineers/): ಕಾರವಾರದಲ್ಲಿ ಎಲ್ ಐ ಸಿ ಎಜೆಂಟ್ ಆಗಿರುವ ದಾಮೋದರ್ ಭಟ್ಟ ಅವರಿಗೆ ಕ್ರಿಪ್ಟೋ ಕರೆನ್ಸಿ ವಿಷಯದಲ್ಲಿ ಮೋಸವಾಗಿದೆ. ಫೇಸ್ಬುಕ್’ಲಿ ಬರುವ ಜಾಹೀರಾತು ನೋಡಿ ಅವರು ಹಣ ಹೂಡಿಕೆ ಮಾಡಿದ್ದು, 20.44 ಲಕ್ಷ ರೂಪಾಯಿಯನ್ನು ಅವರು ಕಳೆದುಕೊಂಡಿದ್ದಾರೆ. ದಾಮೋದರ ಪಾಂಡುರOಗ ಭಟ್ಟ ಅವರು ಕಾರವಾರದ ಸುಂಕೇರಿ ಬಳಿಯ ವೆಂಕಟೇಶ ದೇವಸ್ಥಾನದ ಹತ್ತಿರ ವಾಸವಾಗಿದ್ದಾರೆ. 71 ವರ್ಷದ ಅವರು ಫೇಸ್ಬುಕ್ ಬಳಸುತ್ತಿದ್ದು, ಅಲ್ಲಿ ಬಂದ ಜಾಹೀರಾತುಗಳನ್ನು ಆಸಕ್ತಿಯಿಂದ ಗಮನಿಸುತ್ತಾರೆ. ಅದರಂತೆ, `ಅಂತರಾಷ್ಟ್ರೀಯ ಷೇರು ಮಾರುಕಟ್ಟೆಯಲ್ಲಿ ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭ ಸಿಗುತ್ತದೆ’ ಎಂಬ ನಕಲಿ ಜಾಹೀರಾತನ್ನು ಅವರು ನೋಡಿದ್ದಾರೆ. ಹಣದ ಆಸೆಗೆ ಬಿದ್ದ ಅವರು ವಂಚಕರ ಮಾತು ಕೇಳಿ ಹೂಡಿಕೆ ಮಾಡಿದ್ದಾರೆ. 2022ರ ಫೆಬ್ರವರಿ ತಿಂಗಳಲ್ಲಿ ದಾಮೋದರ ಭಟ್ಟ ಅವರು ಹೂಡಿಕೆ ಶುರು ಮಾಡಿದ್ದು, ಆರೋಪಿತರು ಯುಪಿಐ ಐಡಿ ಕಳುಹಿಸಿ ಅದರ ಮೂಲಕ ಹಣಪಡೆದಿದ್ದಾರೆ. ನಂತರ 2025ರ ಅಕ್ಟೋಬರ್ ತಿಂಗಳಲ್ಲಿ ವಾಟ್ಸಪ್ ಕರೆ ಮೂಲಕ ವ್ಯಕ್ತಿಯೊಬ್ಬರು `2022ರಲ್ಲಿ ಹೂಡಿಕೆ ಮಾಡಿದ್ದ ದಕ್ಷಿಣ ಆಫ್ರಿಕಾದ ಕಂಪನಿಯ ವಿರುದ್ಧ ಭ್ರಷ್ಟಾಚಾರ ಮತ್ತು ವಂಚನೆ ಪ್ರಕರಣ ದಾಖಲಾಗಿದ್ದು, ಕಂಪನಿ ಸ್ಥಗಿತಗೊಂಡಿದೆ’ ಎಂದು ತಿಳಿಸಿದ್ದಾರೆ. `ಆದರೆ, ಹೂಡಿಕೆ ಮಾಡಿದ ಹಣಕ್ಕೆ ಲಾಭಾಂಶ ಸೇರಿ ಒಟ್ಟು 51 ಲಕ್ಷ ಹಣ ನಿಮ್ಮ ಖಾತೆಯಲ್ಲಿ ಜಮಾ ಆಗಿದೆ. ಆ ಹಣವನ್ನು ಭಾರತಕ್ಕೆ ಮರಳಿ ಪಡೆಯಲು ಕ್ರಿಪ್ಟೋ ಕರೆನ್ಸಿಗೆ ಪರಿವರ್ತನೆ, ಪೆನಾಲ್ಟಿ, ತೆರಿಗೆ ಮತ್ತು ಇತರ ಶುಲ್ಕಗಳನ್ನು ಪಾವತಿಸಬೇಕಾಗಿದೆ’ ಎಂದು ಹೇಳಿದ್ದಾರೆ. 2025ರ ನವೆಂಬರ್ 21ರಿಂದ 2026ರ ಫೆಬ್ರವರಿ 3ರವರೆಗೆ ವಿವಿಧ ಬ್ಯಾಂಕ್ ಖಾತೆಗಳಿಗೆ ಒಟ್ಟು 20,44,000ರೂ ಹಣವನ್ನು ಭಟ್ಟರು ಜಮಾ ಮಾಡಿ ಮೋಸ ಹೋಗಿದ್ದಾರೆ.
- [ಸೊಸೈಟಿ ಹಗರಣ: ರೈತರಿಗೆ ವಂಚಿಸಿದ ಮ್ಯಾನೇಜರ್'ಗೆ ಮತ್ತೊಂದು ಸಂಕಷ್ಟ!](https://mobiletime.in/2026/04/society-scam-another-trouble-for-the-manager-who-cheated-farmers/): ರೈತರಿಗೆ ನೀಡುವ ಬೆಳೆ ಸಾಲ ಹಾಗೂ ಮಾಧ್ಯಮಿಕ ಸಾಲ ದುರುಪಯೋಗಪಡಿಸಿಕೊಂಡ ಕುಮಟಾ ಬರಗದ್ದೆಯ ಗ್ರಾಮೀಣ ಸೇವಾ ಸಹಕಾರಿ ಸಂಘದ ವಿರುದ್ಧ ನ್ಯಾಯಾಲಯದಲ್ಲಿ ವಿಚಾರಣೆ ಮುಂದುವರೆದಿದ್ದು, ಮಾಜಿ ಕಾರ್ಯನಿರ್ವಾಹಕ ಅಧಿಕಾರಿ ಲಕ್ಷö್ಮಣ ಪಟಗಾರ ಅವರ ವಿರುದ್ಧ ದಾಖಲಾದ ದೂರು ಇದೀಗ ವಿಶೇಷ ನ್ಯಾಯಾಲಯಕ್ಕೆ ವರ್ಗವಾಗಿದೆ. ತನಿಖೆ ನಡೆಸುತ್ತಿರುವ ಸಿಐಡಿ ಮನವಿಯನ್ನು ಪುರಸ್ಕರಿಸಿರುವ ಪ್ರಧಾನ ಸಿವಿಲ್ ನ್ಯಾಯಾಧೀಶರು ಪ್ರಕರಣವನ್ನು ಕಾರವಾರದ ವಿಶೇಷ ಸೆಷನ್ಸ್ ನ್ಯಾಯಾಲಯಕ್ಕೆ ವರ್ಗಾಯಿಸಿ ಆದೇಶ ಹೊರಡಿಸಿದ್ದಾರೆ. ಇದೇ ಪ್ರಕರಣದ ಸಲುವಾಗಿ ಲಕ್ಷ್ಮಣ ಪಟಗಾರ ಅವರನ್ನು ಏಪ್ರಿಲ್ 6ರಂದು ಬಂಧಿಸಲಾಗಿತ್ತು. ಹೆಚ್ಚಿನ ತನಿಖೆಗಾಗಿ ಅವರನ್ನು ಪೊಲೀಸ್ ಕಸ್ಟಡಿಗೆ ಕೋರಿದ್ದು, ಆರೋಪಿ ಪರ ವಕೀಲರು ಒಂದೇ ಅಪರಾಧಕ್ಕೆ ಎರಡು ಬಾರಿ ವಿಚಾರಣೆ ನಡೆಸುವುದನ್ನು ವಿರೋಧಿಸಿದ್ದರು. ಆದರೆ, ಪ್ರತಿ ಪ್ರಕರಣವೂ ವಿಭಿನ್ನವಾಗಿದ್ದು ತನಿಖೆಗೆ ಅಡ್ಡಿಪಡಿಸಬಾರದು ಎಂದು ನ್ಯಾಯಾಲಯ ಅಭಿಪ್ರಾಯಪಟ್ಟು ಏಪ್ರಿಲ್ 10ರವರೆಗೆ ಪೊಲೀಸ್ ಕಸ್ಟಡಿಗೆವಹಿಸಿತ್ತು. ಪೊಲೀಸ್ ಕಸ್ಟಡಿ ಮುಗಿದ ನಂತರ ಆರೋಪಿಯನ್ನು ಮತ್ತೆ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು. ಈ ಸಂದರ್ಭದಲ್ಲಿ ತನಿಖಾಧಿಕಾರಿಗಳು ಆರೋಪಿಯ ವಿರುದ್ಧ ಭ್ರಷ್ಟಾಚಾರ ತಡೆ ಕಾಯ್ದೆಯ ಅಡಿ ವಿಚಾರಣೆಗೆ ಅನುಮತಿ ಕೋರಿದ್ದರು. ಈ ವೇಳೆ ಆರೋಪಿ ಪರವಾಗಿ ಸಲ್ಲಿಕೆಯಾಗಿದ್ದ ಮಧ್ಯಂತರ ಜಾಮೀನು ಅರ್ಜಿಯನ್ನು ನ್ಯಾಯಾಲಯವು ತಿರಸ್ಕರಿಸಿತ್ತು. ಆರೋಪಿಯ ಮೇಲೆ ಹೊರಿಸಲಾದ ಅಪರಾಧಗಳು ಗಂಭೀರ ಸ್ವರೂಪದ್ದಾಗಿದ್ದು, 10 ವರ್ಷಗಳವರೆಗೆ ಶಿಕ್ಷೆ ವಿಧಿಸಬಹುದಾದ ಜಾಮೀನು ರಹಿತ ಪ್ರಕರಣಗಳಾಗಿವೆ ಎಂದು ನ್ಯಾಯಾಲಯ ತನ್ನ ಆದೇಶದಲ್ಲಿ ತಿಳಿಸಿ, ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿತ್ತು. ಏಪ್ರಿಲ್ 25ರಂದು ನಡೆದ ವಿಚಾರಣೆಯಲ್ಲಿ ತನಿಖಾ ಸಂಸ್ಥೆಯು ಸಂಗ್ರಹಿಸಿದ ಪುರಾವೆಗಳ ಆಧಾರದ ಮೇಲೆ ಭ್ರಷ್ಟಾಚಾರ ತಡೆ ಕಾಯ್ದೆಯ ಅಡಿಯಲ್ಲಿ ತನಿಖೆ ಮುಂದುವರಿಸಲು ಮತ್ತು ಪ್ರಕರಣವನ್ನು ವಿಶೇಷ ನ್ಯಾಯಾಲಯಕ್ಕೆ ವರ್ಗಾಯಿಸಲು ವಿನಂತಿಸಿತು. ಆರೋಪಿ ಪರ ವಕೀಲರು ಇದನ್ನು ವಿರೋಧಿಸಿದರೂ, ತನಿಖೆಯ ಈ ಪ್ರಾಥಮಿಕ ಹಂತದಲ್ಲಿ ನ್ಯಾಯಾಲಯವು ಮಧ್ಯಪ್ರವೇಶಿಸುವುದು ಸರಿಯಲ್ಲ ಎಂದು ನ್ಯಾಯಾಧೀಶರು ಅಭಿಪ್ರಾಯಪಟ್ಟರು. ತನಿಖಾ ಸಂಸ್ಥೆಗೆ ಮುಕ್ತವಾಗಿ ತನಿಖೆ ನಡೆಸುವ ಅಧಿಕಾರವಿದೆ ಮತ್ತು ಈ ಹಂತದಲ್ಲಿ ವಿನಂತಿಯನ್ನು ತಿರಸ್ಕರಿಸುವುದು ನ್ಯಾಯದ ದೃಷ್ಟಿಯಿಂದ ಸರಿಯಲ್ಲ ಎಂದು ನ್ಯಾಯಾಲಯ ಹೇಳಿದೆ. ಅಂತಿಮವಾಗಿ, ಪ್ರಕರಣದ ಎಲ್ಲಾ ದಾಖಲೆಗಳನ್ನು ಕಾರವಾರದ ಭ್ರಷ್ಟಾಚಾರ ತಡೆ ಕಾಯ್ದೆಯ ವ್ಯಾಪ್ತಿ ಹೊಂದಿರುವ ವಿಶೇಷ ನ್ಯಾಯಾಲಯಕ್ಕೆ ವರ್ಗಾಯಿಸಲು ನ್ಯಾಯಾಲಯ ಆದೇಶಿಸಿದೆ. ಆರೋಪಿ ಲಕ್ಷö್ಮಣ ಪಟಗಾರ ಅವರು ಸದ್ಯ ನ್ಯಾಯಾಂಗ ಬಂಧನದಲ್ಲಿದ್ದಾರೆ.
- [ಕಾರು ಅಪಘಾತ: ಮೂವರಿಗೆ ಗಾಯ](https://mobiletime.in/2026/04/car-accident-three-injured/): ದಾಂಡೇಲಿ ಬಳಿ ಮರಕ್ಕೆ ಕಾರು ಗುದ್ದಿದೆ. ಪರಿಣಾಮ ಕಾರಿನಲ್ಲಿದ್ದ ಮೂವರು ಗಾಯಗೊಂಡಿದ್ದಾರೆ. ದಾಂಡೇಲಿಯ ಜನತಾ ಕಾಲೋನಿ ಸಮೀಪ ತಿರುವಿನಲ್ಲಿ ಈ ಅಪಘಾತ ನಡೆದಿದೆ. ಭಾನುವಾರ ರಾತ್ರಿ 10:30ಕ್ಕೆ ಈ ಅವಘಡ ನಡೆದಿದೆ. ಕೋಲಾರದಿಂದ ಪ್ರವಾಸಕ್ಕೆ ಬಂದಿದ್ದ ಸ್ನೇಹಿತರು ಊರಿಗೆ ಮರಳುವ ವೇಳೆ ಅಪಘಾತ ನಡೆದಿದೆ. ಕಾರು ವೇಗವಾಗಿ ಸಾಗಿರುವುದೇ ಅಪಘಾತಕ್ಕೆ ಮುಖ್ಯ ಕಾರಣ.‌ ಡಿಕ್ಕಿಯ ರಭಸಕ್ಕೆ ಕಾರು ಸಂಪೂರ್ಣ ಜಖಂ ಆಗಿದೆ. ಕಾರಿನಲ್ಲಿ ಮೂವರು ಪ್ರಯಾಣಿಸುತ್ತಿದ್ದು, ಅದರಲ್ಲಿ ಇಬ್ಬರಿಗೆ ಗಂಭೀರ ಗಾಯವಾಗಿದೆ. ಒಬ್ಬರಿಗೆ ಅಲ್ಪಸ್ವಲ್ಪ ಗಾಯವಾಗಿದೆ. ಸ್ಥಳೀಯರ ಸಹಾಯದಿಂದ ಗಾಯಗೊಡವರನ್ನು ತಕ್ಷಣ ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತು. ನಂತರ ಒಬ್ಬರನ್ನು ಹೆಚ್ಚಿನ ಚಿಕಿತ್ಸೆಗೆ ಧಾರವಾಡಕ್ಕೆ ಕಳುಹಿಸಲಾಯಿತು.
- [ಅನುಮಾನಾಸ್ಪದ ವಾಹನ ತಪಾಸಣೆ: ಪುಣ್ಯಕೋಟಿಯ ರಕ್ಷಣೆ](https://mobiletime.in/2026/04/suspicious-vehicle-inspection-punyakotis-protection/): ಯಲ್ಲಾಪುರ – ಶಿರಸಿ ಮಾರ್ಗವಾಗಿ ಸಂಚರಿಸುತ್ತಿದ್ದ ವಾಹನವೊಂದರಿಂದ ರಕ್ತ ಸುರಿಯುತ್ತಿದ್ದು,‌ ಮಂಚಿಕೇರಿ ಬಳಿ ಆ ವಾಹನವನ್ನು ಜನ ಅಡ್ಡಗಟ್ಟಿದ್ದಾರೆ. ಈ ವೇಳೆ ಎಲ್ಲಾ ಬಾಗಿಲು ಮುಚ್ಚಿದ ವಾಹನದಲ್ಲಿ ದನಗಳನ್ನು ಸಾಗಾಟ ಮಾಡುತ್ತಿರುವುದು ಗಮನಕ್ಕೆ ಬಂದಿದೆ. ತಕ್ಷಣ ಜನ ಆ ಗಾಡಿಯನ್ನು ಮಂಚಿಕೇರಿ ಪೊಲೀಸ್ ಠಾಣೆಗೆ ಒಯ್ದರು. ಅಲ್ಲಿದ್ದ ಪೊಲೀಸ್ ಸಿಬ್ಬಂದಿ ದೀಪಕ ನಾಯ್ಕ ಅವರು ದಾಖಲೆಗಳ ತಪಾಸಣೆ ಮಾಡಿದರು. ಈ ವೇಳೆ ಗೋವುಗಳನ್ನು ಹುಲೆಕಲ್ ಬಳಿಯ ಗೋಶಾಲೆಗೆ ಒಯ್ಯುತ್ತಿರುವುದಾಗಿ ಆ ಗಾಡಿಯವರು ತಿಳಿಸಿದರು. ಅಲ್ಲಿದ್ದ ಫಕೀರಪ್ಪ ಭೋವಿವಡ್ಡರ, ನಿತಿನ್ ನಾಯ್ಕ, ಪವನ ನಾಯ್ಕ, ಮುನ್ನ ಸುಗಮ, ಪ್ರಥಮ್ ನಾಯ್ಕ ಅವರು ವಾಹನದಲ್ಲಿದ್ದವರ ವಿವರ ವಿಚಾರಿಸಿದರು. ಅಮಿತ್ ಗಬ್ಬುರ್, ನಾಗರಾಜ ಭೋವಿವಡ್ಡರ , ರಿಹಾನ್ ಶೇಕ್, ನಿತಿನ್ ನಾಯ್ಕ, ರಾಘವೇಂದ್ರ ಭಟ್ಟ, ಗಣಪತಿ ಹಾಗೂ ಜಾಫರ್ ಸೇರಿ ಆ ಜಾನುವಾರುಗಳು ಗೋಶಾಲೆಗೆ ಹೋಗುತ್ತಿರುವುದನ್ನು ಖಚಿತಪಡಿಸಿಕೊಂಡರು. ಹಿಂಸಾತ್ಮಕ ರೀತಿಯಲ್ಲಿ ಹಸು ಸಾಗಾಟ ಮಾಡದಂತೆ ಎಲ್ಲರೂ ಸೇರಿ ವಾಹನದವರಿಗೆ ಸೂಚನೆ ನೀಡಿದರು. ನಂತರ ಜಾನುವಾರುಗಳಿಗೆ ಆಹಾರ-ನೀರು ಒದಗಿಸಿ ಗೋಶಾಲೆಗೆ ಕಳುಹಿಸಿದರು.
- [ಅರೇ.. ಗಂಡು ಮಗು!](https://mobiletime.in/2026/04/hey-baby-boy/): ಕಾರವಾರ–ಯಶವಂತಪುರ ರೈಲಿನಲ್ಲಿ ಗರ್ಭಿಣಿಯೊಬ್ಬರು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಆ ರೈಲಿನಲ್ಲಿದ್ದ ಸಹ ಪ್ರಯಾಣಿಕರೇ ಹೆರಿಗೆ ಮಾಡಿಸಿದ್ದಾರೆ. ಕಾರವಾರದಿಂದ ಯಶವಂತಪುರಕ್ಕೆ ತೆರಳುತ್ತಿದ್ದ ಎಕ್ಸ್‌ಪ್ರೆಸ್ ರೈಲಿನಲ್ಲಿ ಗರ್ಭಿಣಿಯೊಬ್ಬರು ಪ್ರಯಾಣ ಬೆಳೆಸಿದ್ದರು. ನಿರಿಕ್ಷಿತ ದಿನಕ್ಕೂ ಮೊದಲೇ ಅವರಿಗೆ ಹೆರಿಗೆ ನೋವು ಕಾಣಿಸಿತು. ಆದರೆ, ಚಲಿಸುವ ರೈಲಿನಲ್ಲಿ ಅವರಿಗೆ ವೈದ್ಯಕೀಯ ನೆರವು ಸಿಗಲಿಲ್ಲ. ಮುಂದಿನ ನಿಲ್ದಾಣ ಬರುವವರೆಗೂ ಕಾಯುವ ಪರಿಸ್ಥಿತಿ ಸಹ ಇರಲಿಲ್ಲ. ಪರಿಸ್ಥಿತಿ ಅರಿತ ಇನ್ನಿತರ ಮಹಿಳೆಯರು ಹೆರಿಗೆ ಮಾಡಿಸಲು ಸಜ್ಜಾದರು. ಮೊದಲು ಆ ಬೋಗಿಗೆ ಬೆಡ್‌ಶೀಟ್ ಪರದೆ ಕಟ್ಟಿ ಅದನ್ನು ತಾತ್ಕಾಲಿಕ ಪ್ರಸೂತಿ ಗೃಹವಾಗಿ ಮಾರ್ಪಡಿಸಿದರು. ರೈಲು ಬಂಟ್ವಾಳ ತಲುಪುವ ಹೊತ್ತಿಗೆ ಗರ್ಭಿಣಿ ಗಂಡು ಮಗುವಿಗೆ ಜನ್ಮ ನೀಡಿದರು. ಮಗುವಿನ ಮೊದಲ ಅಳು ಕೇಳಿದಾಗ ರೈಲಿನಲ್ಲಿದ್ದ ಪ್ರಯಾಣಿಕರು ನಿಟ್ಟುಸಿರು ಬಿಟ್ಟರು. ಸದ್ಯ ತಾಯಿ ಮತ್ತು ನವಜಾತ ಶಿಶುವನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇಬ್ಬರೂ ಆರೋಗ್ಯವಾಗಿದ್ದಾರೆ.
- [ಚಾಕು ಚುಚ್ಚಿದ ಆರೋಪಿ ಗಡಿಪಾರು!](https://mobiletime.in/2026/04/the-accused-who-stabbed-the-victim-was-deported/): ಕಾರವಾರದ ಸೂರ್ಯಕಾಂತ ಕಳಸ್ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದೆ. ಸೂರ್ಯಕಾಂತ ಚಂದ್ರಕಾoತ ಕಳಸ್ ಅವರು ವಿವಿಧ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದರು. ಚಾಕು ಇರಿತ ಸೇರಿ ಏಳು ಪ್ರಕರಣಗಳು ಅವರ ವಿರುದ್ಧವಾಗಿದ್ದವು. ವಿವಿಧ ಹೋರಾಟ, ಧಾರ್ಮಿಕ ಚಟುವಟಿಕೆಗಳಲ್ಲಿಯೂ ಚಂದ್ರಕಾoತ ಕಳಸ್ ಅವರು ಗುರುತಿಸಿಕೊಂಡಿದ್ದರು. ಏಳು ಪ್ರಮುಖ ಪ್ರಕರಣಗಳಲ್ಲಿ ಆರೋಪಿಯಾಗಿರುವ ಕಾರಣ ಪೊಲೀಸರು ಸೂರ್ಯಕಾಂತ ಕಳಸ್ ಅವರ ಮೇಲೆ ಕಣ್ಣಿಟ್ಟಿದ್ದರು. ಭವಿಷ್ಯದಲ್ಲಿನ ಅಪಾಯ ತಡೆಗಟ್ಟುವುದಕ್ಕಾಗಿ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದು, ಈ ಹಿನ್ನಲೆ ಸೂರ್ಯಕಾಂತ ಕಳಸ್ ಅವರನ್ನು ಗಡಿಪಾರು ಮಾಡಿದ್ದಾರೆ. ಸಾಮಾನ್ಯವಾಗಿ ಆರು ತಿಂಗಳ ಕಾಲ ಗಡಿಪಾರು ಮಾಡಿ ಆದೇಶ ಹೊರಡಿಸಲಾಗುತ್ತದೆ. ಗಡಿ ಪಾರು ಆದವರನ್ನು ಪೊಲೀಸರೇ ಬೇರೆ ಜಿಲ್ಲೆಗೆ ಕರೆದೊಯ್ದು ಬಿಟ್ಟು ಬರುತ್ತಾರೆ. ಸದ್ಯ ಸೂರ್ಯಕಾಂತ ಕಳಸ್ ಅವರನ್ನು ಚಿಕ್ಕಮಂಗಳೂರು ಜಿಲ್ಲೆಗೆ ಗಡಿಪಾರು ಮಾಡಲಾಗಿದೆ.
- [1ರೂಪಾಯಿಗೆ 80ರೂ: ಆಸೆ ಪಟ್ಟು ಹೋದವರಿಗೆ ನಿರಾಸೆ!](https://mobiletime.in/2026/04/80-rupees-for-1-rupee-disappointment-for-those-who-went-there-with-their-hopes/): ಯಲ್ಲಾಪುರದ ಬಾಳಗಿಮನೆಯ ವ್ಯಾಪಾರಿ ರಾಘವೇಂದ್ರ ದೇವಾಡಿಗ ಅವರು 1ರೂಪಾಯಿ ಹೂಡಿಕೆ ಮಾಡಿದವರಿಗೆ 80ರೂ ಹಣ ಕೊಡುವ ಆಮೀಷ ಒಡ್ಡಿದ್ದು, ಆ ಆಟಕ್ಕೆ ಪೊಲೀಸರು ಕಡಿವಾಣ ಹಾಕಿದ್ದಾರೆ. ಆಮೀಷ ಒಡ್ಡಿ ಜನರಿಂದ ಸಂಗ್ರಹಿಸಿದ್ದ ಹಣವನ್ನು ಪಿಸೈ ಸಿದ್ದಪ್ಪ ಗುಡಿ ಅವರು ವಶಕ್ಕೆಪಡೆದಿದ್ದಾರೆ. ಯಲ್ಲಾಪುರ ಪಟ್ಟಣದ ಗೋಲ್ಡನ್ ಬೇಕರಿ ಬಳಿ ರಾಘವೇಂದ್ರ ದೇವಾಡಿಗ ಅವರು ಜೂಜಾಟ ನಡೆಸುವಾಗ ಸಿಕ್ಕಿ ಬಿದ್ದಿದ್ದಾರೆ. ಏಪ್ರಿಲ್ 25ರಂದು ಅವರು ಹಣದ ಮೇಲೆ ಹೂಡಿಕೆ ಮಾಡಿ ಲಾಭಗಳಿಸುವ ಆಮೀಷ ಒಡ್ಡುತ್ತಿರುವುದನ್ನು ನೋಡಿ ಪೊಲೀಸರು ದಾಳಿ ಮಾಡಿದ್ದಾರೆ. 1ರೂಪಾಯಿಗೆ 80ರೂ ಕೊಡುವುದಾಗಿ ಹೇಳುತ್ತಿದ್ದ ರಾಘವೇಂದ್ರ ದೇವಾಡಿಗ ಅವರು ಜನರಿಂದ ಹಣಪಡೆಯುವಾಗಲೇ ಈ ದಾಳಿ ನಡೆದಿದೆ. ಒಂದೆರಡು ತಾಸು ಆಮೀಷ ಒಡ್ಡುವ ಕೆಲಸ ಮಾಡಿದ ರಾಘವೇಂದ್ರ ದೇವಾಡಿಗ ಅವರು ಒಟ್ಟು 560ರೂ ಹಣ ಸಂಪಾದಿಸಿದ್ದು, ಆ ಹಣವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಜೊತೆಗೆ `ಓಸಿ-ಮಟ್ಕಾ ಆಡಿಸುವುದು ಕಾನೂನುಬಾಹಿರ’ ಎಂದು ರಾಘವೇಂದ್ರ ದೇವಾಡಿಗ ಅವರಿಗೆ ಬುದ್ದಿ ಹೇಳಿದ್ದಾರೆ. ಮಟ್ಕಾ ಆಡಿಸಲು ಬಳಸಿದ್ದ ಪೆನ್ನು-ಪೆಪರನ್ನು ಪೊಲೀಸರು ವಶಕ್ಕೆಪಡೆದಿದ್ದು, ಕೇಸು ದಾಖಲಿಸಿದ್ದಾರೆ.
- [ದಾರಿ ಪ್ರಕರಣ: ಎದುರಾಳಿ ಆಸ್ತಿಯಲ್ಲಿದ್ದ ಕಲ್ಪವೃಕ್ಷ ಕಟಾವು!](https://mobiletime.in/2026/04/dari-case-kalpa-tree-on-opponents-property-was-harvested/): ಕಾರವಾರದ ತೋಡೂರಿನ ಸಣ್ಣು ಗೌಡಾ ಅವರು ಬೆಳೆಸಿದ್ದ ತೆಂಗಿನ ಮರವನ್ನು ಭಜನಕೇರಿಯ ಜಗ್ಗು ಗುನಗಿ, ಪ್ರೇಮಾನಂದ ಗುನಗಿ ಹಾಗೂ ಅಮೀನ ಸಾಬ್ ಸೇರಿ ಕಡಿದಿದ್ದಾರೆ. ಸಣ್ಣು ಗೌಡ ಅವರ ಮಗ ಸುರೇಶ ಗೌಡ ಅವರು ಜನರ ಓಡಾಟಕ್ಕೆ ದಾರಿ ಬಿಡಿದ ಸಿಟ್ಟಿಗೆ ಕಲ್ಪವೃಕ್ಷ ಬಲಿಯಾಗಿದೆ. ಕಾರವಾರದ ತೋಡೂರು ಕಾಲೋನಿಯಲ್ಲಿ ಸುರೇಶ ಜಂಗಾ ಗೌಡ ಅವರು ವಾಸವಾಗಿದ್ದಾರೆ. ಅಲ್ಲಿ ಸುರೇಶ ಗೌಡ ಅವರ ಹೆಸರಿನಲ್ಲಿ 11 ಗುಂಟೆ ಭೂಮಿಯಿದ್ದು, ಅದೇ ಭೂಮಿಯಲ್ಲಿ ಭಜನಕೇರಿಯ ಜನರ ಓಡಾಟಕ್ಕೆ ಅನುಕೂಲವಾಗುವ ಕಾಲು ದಾರಿಯಿದೆ. ಆ ದಾರಿಯಿಂದ ಜನ ಓಡಾಟ ನಡೆಸಲು ಸುರೇಶ ಗೌಡ ಅವರು ಅಡ್ಡಿಪಡಿಸಿದ್ದು, ಈ ವಿಷಯವಾಗಿ 2023ರಲ್ಲಿಯೇ ಜಗಳ ನಡೆದಿದೆ. ಆ ಪ್ರಕರಣ ನ್ಯಾಯಾಲಯದ ಮೆಟ್ಟಿಲೇರಿ ವಿಚಾರಣೆ ನಡೆಯುತ್ತಿದೆ. ಹೀಗಿರುವಾಗ, ಊರಿನ ಕೆಲವರ ಜೊತೆ ಚರ್ಚಿಸಿದ ಸುರೇಶ ಗೌಡ ಅವರು ಆ ದಾರಿಯಲ್ಲಿ ಕಪೌಂಡ್ ನಿರ್ಮಿಸಲು ಮುಂದಾಗಿದ್ದಾರೆ. ಇದನ್ನು ಸಹಿಸದ ತೋಡೂರು ಭಜನಕೇರಿಯ ಜಗ್ಗು ಗುನಗಿ, ಪ್ರೇಮಾನಂದ ಗುನಗಿ ಹಾಗೂ ಅಮೀನ ಸಾಬ್ ಸೇರಿ ಅಲ್ಲಿದ್ದ ತೆಂಗಿನ ಮರವನ್ನು ಕಡಿದು ನಾಶ ಮಾಡಿದ್ದಾರೆ. ತಾನು ನೆಟ್ಟು ಬೆಳೆಸಿದ ತೆಂಗಿನ ಮರ ಕಡಿದಿದನ್ನು ನೋಡಿ ಸುರೇಶ ಗೌಡ ಅವರ ತಾಯಿ ಸಣ್ಣು ಗೌಡ ಅವರು ಸಿಟ್ಟಾಗಿದ್ದಾರೆ. ತಮಗಾದ ಅನ್ಯಾಯದ ಬಗ್ಗೆ ಸಣ್ಣು ಗೌಡ ಅವರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದು, ಅಲ್ಲಿ ಸಮಾಧಾನವಾಗದ ಕಾರಣ ಕೋರ್ಟಿಗೆ ಹೋಗಿದ್ದಾರೆ. ಸದ್ಯ ಕಾರವಾರ ನ್ಯಾಯಾಲಯವೂ ತೆಂಗಿನ ಮರ ಕಟಾವು ಮಾಡಿದ ಆ ಮೂವರ ವಿರುದ್ಧ ಕೇಸು ದಾಖಲಿಸುವಂತೆ ಸೂಚಿಸಿದೆ. ಈ ಹಿನ್ನಲೆ ಜಗ್ಗು ಗುನಗಿ, ಪ್ರೇಮಾನಂದ ಗುನಗಿ ಹಾಗೂ ಅಮೀನ ಸಾಬ್ ಅವರ ವಿರುದ್ಧ ಕಾರವಾರ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಸಾಯುವಾಗಲೂ ಸರಾಯಿ ಸೇವಿಸಿದ ಕಾರ್ಪರೆಂಟರ್!](https://mobiletime.in/2026/04/a-carpenter-who-drank-alcohol-even-when-he-was-dying/): ಅoಕೋಲಾದ ವಂದಿಗೆಯ ರವಿಚಂದ್ರ ನಾಯ್ಕ ಅವರು ನೇಣಿಗೆ ಶರಣಾಗಿದ್ದಾರೆ. ಸಾವಿಗೂ ಮುನ್ನ ಅವರು ಸರಾಯಿ ಸೇವಿಸಿದ್ದಾರೆ. ಅಂಕೋಲಾ ವಂದಿಗೆಯಲ್ಲಿ ರವಿಚಂದ್ರ ವಿಠ್ಠಲ ನಾಯ್ಕ (34) ಅವರು ವಾಸವಾಗಿದ್ದರು. ಕಾರ್ಪರೆಂಟರ್ ಆಗಿ ಕೆಲಸ ಮಾಡಿಕೊಂಡಿದ್ದರು. ಮಾನಸಿಕ ಅಸ್ವಸ್ಥತೆಯಿಂದ ಬಳಲುತ್ತಿದ್ದ ಅವರು ಸರಾಯಿ ಚಟಕ್ಕೆ ಅಂಟಿಕೊAಡಿದ್ದರು. ರವಿಚಂದ್ರ ನಾಯ್ಕ ಅವರ ಅಕ್ಕ ರೇಶ್ಮಾ ಚಲುವಾದಿ ಅವರು ಹೇಳುವ ಪ್ರಕಾರ, ಮನೆಯಲ್ಲಿ ಯಾರೂ ಇಲ್ಲದ ಸಮಯ ನೋಡಿ ಅವರು ಆತ್ಮಹತ್ಯೆಗೆ ಶರಣಾದರು. ಏಪ್ರಿಲ್ 24 ಬೆಳಗ್ಗೆ 9 ಗಂಟೆಗೆ ರವಿಚಂದ್ರ ನಾಯ್ಕ ಅವರನ್ನು ಜನ ನೋಡಿದ್ದರು. ಏಪ್ರಿಲ್ 25ರ ಸಂಜೆ ಅವರು ಶವವಾಗಿದ್ದರು. ತಮ್ಮ ಕೋಣೆಯಲ್ಲಿದ್ದ ಸೀರೆಯಿಂದ ನೇಣು ಹಾಕಿಕೊಂಡು ಅವರು ಸಾವನಪ್ಪಿದರು. ರವಿಚಂದ್ರ ನಾಯ್ಕ ಅವರ ದುಡುಕು ನಿರ್ಧಾರಕ್ಕೆ ಕಾರಣ ಗೊತ್ತಾಗಲಿಲ್ಲ. ಸ್ಥಳ ಭೇಟಿ ಮಾಡಿದ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಜಮೀರ್ ಹತ್ಯೆ: ಪಿಸ್ತುಲಿನ ಜೊತೆ ಸಿಕ್ಕಿಬಿದ್ದ ಹಂತಕ!](https://mobiletime.in/2026/04/jamirs-murder-the-killer-caught-with-a-pistol/): ಮುoಡಗೋಡದಲ್ಲಿ ಮೀಟರ್ ಬಡ್ಡಿ ದಂಧೆ ನಡೆಸುತ್ತಿದ್ದ ಜಮೀರ್ ಅಹ್ಮದ್ ದರ್ಗಾವಾಲೆ ಅವರ ಕೊಲೆಗೆ ಮಂಜುನಾಥ ನಾಗೇಂದ್ರ ಕಾಜಗಾರ ಎಂಬಾತರು ಸುಪಾರಿ ನೀಡಿರುವುದು ಗೊತ್ತಾಗಿದೆ. ಆ ಸುಪಾರಿ ಶೂರರ ಜೊತೆ ಸ್ವತಃ ಮಂಜುನಾಥ ನಾಗೇಂದ್ರ ಕಾಜಗಾರ ಕೊಲೆಗೆ ರಣತಂತ್ರ ರೂಪಿಸಿದ್ದು, ಸದ್ಯ ಜಮೀರ್ ಅಹ್ಮದ್ ಕೊಲೆ ಮಾಡಿದ ಐವರನ್ನು ಪೊಲೀಸರು ಬಂಧಿಸಿದ್ದಾರೆ. ಮುAಡಗೋಡದ ಸಾಲಗಾಂವಿಯ ಮಂಜುನಾಥ ನಾಗೇಂದ್ರ ಕಾಜಗಾರ (38) ಹಾಗೂ ಜಮೀರ್ ಅಹ್ಮದ್ ದರ್ಗಾವಾಲೆ ನಡುವೆ ವೈಮನಸ್ಸಿತ್ತು. ಮಂಜುನಾಥ ಕಾಜಗಾರ್ ಅವರು ಈ ಮೊದಲು ಸಹ ಕೊಲೆ ಪ್ರಕರಣದಲ್ಲಿ ಆರೋಪಿಯಾಗಿದ್ದರು. ಮಂಜುನಾಥ ಕಾಜಾಗಾರ್ ಅವರಲ್ಲಿ ಕೆಲಸ ಮಾಡುತ್ತಿದ್ದ ಇಬ್ಬರನ್ನು ಜಮೀರ್ ಅಹ್ಮದ್ ತಮ್ಮ ಕಡೆ ಸೆಳೆದುಕೊಂಡಿರುವುದು ಸಹ ಅವರಿಬ್ಬರ ದ್ವೇಷಕ್ಕೆ ಕಾರಣವಾಗಿತ್ತು. ಇದರೊಂದಿಗೆ ರಿಯಲ್ ಎಸ್ಟೇಟ್, ಹಣಕಾಸು ವ್ಯವಹಾರ, ಮೀಟರ್ ಬಡ್ಡಿ ವಿಷಯವಾಗಿ ಅವರಿಬ್ಬರ ನಡುವೆ ಕದನ ನಡೆದಿತ್ತು. ಆ ದ್ವೇಷವೇ ಕೊಲೆಗೆ ಕಾರಣವಾಗಿದ್ದು, ಕೊಲೆ ನಂತರ ಬೆಂಗಳೂರಿಗೆ ಪರಾರಿಯಾಗಿದ್ದ ಐವರನ್ನು ಪೊಲೀಸರು ಬಂಧಿಸಿದ್ದಾರೆ. ಇಂದಿರಾನಗರದ ಶ್ರೀಕಾಂತ ರಾಜಶೇಖರ ಕಿರಣ್ಣನವರ (22), ಧಾರವಾಡದ ಮಂಜುನಾಥ ವಿಷ್ಣು ಬೆಳಗಾಂವ್(20) ಅಭಿಷೇಕ ತಂದೆ ಮಲ್ಲಕಾರ್ಜುನ ಬಡಶೆಟ್ಟಿ (22), ದೀಪಕ ನಾಗರಾಜ ನವಲೆ ಅವರನ್ನು ಪೊಲೀಸರು ವಶಕ್ಕೆಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಬೆಂಗಳೂರು ಸಮೀಪದ ನೆಲಮಂಗಲದ ಬಳಿ ಆರೋಪಿತರನ್ನು ಬಂಧಿಸಲಾಗಿದ್ದು, ವಿಚಾರಣೆಗಾಗಿ ಅವರನ್ನು ಜಿಲ್ಲೆಗೆ ಕರೆತರಲಾಗಿದೆ. ಆರೋಪಿತರ ಬಳಿಯಿದ್ದ ಪಿಸ್ತೂಲು, ಸಜೀವ ಗುಂಡುಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ.
- [ಒಂಟಿ ಜೀವನ: ಸಾವಿನಲ್ಲಿ ಇಲ್ಲ ಅನುಮಾನ!](https://mobiletime.in/2026/04/single-life-there-is-no-doubt-in-death/): ತಾಯಿ ಮರಣದ ನಂತರ ಒಂಟಿಯಾಗಿದ್ದ ಅಂಕೋಲಾ ಅವರ್ಸಾದ ಕಿಶೋರ ಭಾನಾವಳಿಕರ್ ಅವರು ಮೂರು ವಾರಗಳ ಹಿಂದೆಯೇ ಸಾವನಪ್ಪಿದ್ದು, ಕೊಳೆತ ಸ್ಥಿತಿಯಲ್ಲಿ ಅವರ ಶವ ದೊರೆತಿದೆ. ಗಬ್ಬು ವಾಸನೆ ಬರುವುದನ್ನು ನೋಡಿ ಮನೆ ಬಳಿ ಹೋದವರಿಗೆ ಅಲ್ಲಿ ಕಿಶೋರ್ ಭಾನಾವಳಿಕರ್ ಅವರು ಸಾವನಪ್ಪಿರುವುದು ಗೊತ್ತಾಗಿದೆ. ಅಂಕೋಲಾ ಅವರ್ಸಾದ ಕವಲಗದ್ದೆ ಕಾನಭಾಗ ಬಳಿ ಕಿಶೋರ ರೋಹಿದಾಸ ಭಾನಾವಳಿಕರ್ (38) ಅವರು ವಾಸವಾಗಿದ್ದರು. ಅಕ್ಕ ವಿಜಯಲಕ್ಷಿ ನಾಗೇಶ ಕುಡ್ತಳಕರ್ ಅವರ ವಿವಾಹದ ನಂತರ ಕಿಶೋರ್ ಭಾನಾವಳಿಕರ್ ಅವರು ತಾಯಿ ಜೊತೆ ವಾಸವಾಗಿದ್ದರು. ಐದು ವರ್ಷದ ಹಿಂದೆ ಅವರ ತಾಯಿ ನಿಧನರಾಗಿದ್ದು, ಮನೆಯಲ್ಲಿ ಒಂಟಿಯಾಗಿದ್ದರು. ಈ ನಡುವೆ ಕಿಶೋರ್ ಭಾನಾವಳಿಕರ್ ಅವರು ಸರಾಯಿ ಚಟಕ್ಕೆ ಅಂಟಿಕೊAಡಿದ್ದರು. ಕ್ಷಯ ರೋಗದಿಂದಲೂ ಅವರು ಬಳಲುತ್ತಿದ್ದರು. ಸರಾಯಿ ಚಟ, ತಮಗಿರುವ ರೋಗದ ಹಿನ್ನಲೆ ರೋಹಿದಾಸ ಭಾನಾವಳಿಕರ್ ಅವರು ಸಾವನಪ್ಪಿದರು. ರೋಹಿದಾಸ ಭಾನಾವಳಿಕರ್ ಅವರು ವಾಸವಿದ್ದ ಪ್ರದೇಶ ಗಿಡ-ಗಂಟಿಗಳಿAದ ಕೂಡಿದ್ದು ಅಲ್ಲಿ ಯಾರೂ ಹೋಗುತ್ತಿರಲಿಲ್ಲ. ಹೀಗಾಗಿ ಅವರು ಸಾವನಪ್ಪಿ 20 ದಿನ ಕಳೆದರೂ ಆ ವಿಷಯ ಯಾರಿಗೂ ಗೊತ್ತಾಗಲಿಲ್ಲ. ಏಪ್ರಿಲ್ 24ರಂದು ಆ ಪ್ರದೇಶದಿಂದ ಗಬ್ಬು ವಾಸನೆ ಬರುವುದು ಗಮನಕ್ಕೆ ಬಂದಿತು. ಊರಿನ ಕೆಲವರು ರೋಹಿದಾಸ್ ಭಾನಾವಳಿಕರ್ ಅವರ ಮನೆ ಕಡೆ ಹೋದಾಗ ಅಲ್ಲಿ ಕೊಳೆತ ಶವ ಕಾಣಿಸಿತು. ಜನ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಸ್ಥಳಕ್ಕೆ ಆಗಮಿಸಿದರು. ಅಂಕೋಲಾದ ಪಾಲನಕರ್ ಕಪೌಂಡಿನಲ್ಲಿ ವಾಸವಾಗಿರುವ ವಿಜಯಲಕ್ಷಿ ಕುಡ್ತಳಕರ್ ಅವರು ತಮ್ಮನ ಶವ ಗುರುತಿಸಿದರು. ಮುಂದಿನ ಕಾನೂನು ಕ್ರಮಕ್ಕಾಗಿ ಅವರು ಪೊಲೀಸರಿಗೆ ಮನವಿ ಮಾಡಿದ್ದು, ಮರಣೋತ್ತರ ಪರೀಕ್ಷೆ ನಂತರ ಶವಪಡೆದರು.
- [ಗುಡುಗಿನ ಅಬ್ಬರ: ಮಾವಿನ ಮರ ಏರಿದ್ದ ವ್ಯಾಪಾರಿಗೆ ಬಡಿದ ಸಿಡಿಲು!](https://mobiletime.in/2026/04/thunderstorm-lightning-strikes-a-merchant-who-was-climbing-a-mango-tree/): ಮಾವಿನ ಹಣ್ಣು ಕೀಳಲು ಹಳಿಯಾಳದ ಬೆಳವಟಿಗಿಯಲ್ಲಿ ಮರ ಏರಿದ್ದ ಶಿವಾನಂದ ಅಂಗಡಿ ಅವರಿಗೆ ಸಿಡಿಲು ಬಡಿದಿದೆ. ಅಲ್ಲಿಯೇ ಅವರು ಸಾವನಪ್ಪಿದ್ದಾರೆ. ಅಳ್ನಾವರ ತಾಲೂಕಿನ ಕೊಗಿಲಗೇರಿಯ ಶಿವಾನಂದ ರುದ್ರಪ್ಪ ಅಂಗಡಿ (60) ಅವರು ಹಣ್ಣಿನ ವ್ಯಾಪಾರಿ ಆಗಿದ್ದರು. ಹಳಿಯಾಳ ಬೆಳವಟಗಿ ಗ್ರಾಮದ ತೋಟಕ್ಕೆ ಬಂದಿದ್ದ ಅವರು ಅಲ್ಲಿನ ಮಾವಿನ ಮರ ನೋಡಿದ್ದರು. ಅಲ್ಲಿನ ಮಹಾಬಲೇಶ್ವರ ಶಂಭಾಜಿ ಮಂಗನಗೌಡ್ರು ಅವರ ತೋಟದಲ್ಲಿದ್ದ ಮಾವಿನ ಹಣ್ಣುಗಳನ್ನು ಕೀಳುವುದಕ್ಕಾಗಿ ಅವರು ಮರ ಏರಿದ್ದರು. ಶನಿವಾರ ಮಳೆಯ ಜೊತೆ ಸಿಡಿಲು ಬಡಿದಿದ್ದು, ಮಾವಿನ ಮರ ಏರಿದ್ದ ಶಿವಾನಂದ ಅಂಗಡಿ ಅವರು ಆಘಾತಕ್ಕೆ ಒಳಗಾದರು. ಸಿಡಿಲು ಬಡಿದ ಪರಿಣಾಮ ಮರದಿಂದ ಬಿದ್ದ ಶಿವಾನಂದ ಅಂಗಡಿ ಅವರನ್ನು ಖಾಸಗಿ ವಾಹನದಲ್ಲಿ ಹಳಿಯಾಳ ತಾಲೂಕು ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಈಗಾಗಲೇ ಅವರು ಸಾವನಪ್ಪಿದ ಬಗ್ಗೆ ವೈದ್ಯರು ಹೇಳಿದರು. ತಂದೆ ಸಾವಿನ ಬಗ್ಗೆ ಗಂಗಾಧರ ಅಂಗಡಿ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಬಿಸಿಲಿನ ತಾಪ: ಆತನ ಪಾಲಿಗೆ ಸಮುದ್ರವೇ ಮೃತ್ಯುಕೂಪ!](https://mobiletime.in/2026/04/the-heat-of-the-sun-for-him-the-sea-is-a-death-trap/): ಬಿಸಿಲಿನ ತಾಪ ಸಹಿಸಲಾಗದೇ ಸಮುದ್ರ ಸ್ನಾನಕ್ಕೆ ಹೋಗಿದ್ದ ಗೋಕರ್ಣದ ಸುರೇಶ ಗೌಡ ಅವರು ಅದೇ ಸಮುದ್ರದ ನೀರು ಕುಡಿದು ಸಾವನಪ್ಪಿದ್ದಾರೆ. ಸಮುದ್ರದಲ್ಲಿ ಈಜಾಡುತ್ತಿರುವಾಗ ಅಸ್ವಸ್ಥರಾದ ಸುರೇಶ ಗೌಡ ಅವರು ದಡಕ್ಕೆ ಆಗಮಿಸಿದ ಕೆಲವೇ ಕ್ಷಣದಲ್ಲಿ ಕೊನೆಯುಸಿರೆಳೆದಿದ್ದಾರೆ. ಗೋಕರ್ಣದ ಮಿಡ್ಲ ಕಡಲತೀರದ ಬಳಿ ಸುರೇಶ ಗೌಡ (54) ಅವರು ವಾಸವಾಗಿದ್ದರು. ಭಾನುವಾರದ ಬಿಸಿಲು ಸಹಿಸದೇ ಅವರು ಸಮುದ್ರ ಸ್ನಾನಕ್ಕೆ ನಿರ್ಧರಿಸಿದ್ದರು. ಈಜಾಡುವುದಕ್ಕಾಗಿ ನೀರಿಗೆ ಹಾರಿದ ಅವರು ಕೆಲ ಕಾಲ ಅಲ್ಲಿ ದೇಹವನ್ನು ತಂಪಾಗಿಸಿಕೊAಡರು. ಈ ವೇಳೆ ಅಲೆಗಳ ಅಬ್ಬರಕ್ಕೆ ಸಿಲುಕಿದ ಅವರು ಸಮುದ್ರದ ನೀರು ಕುಡಿದರು. ಅದೇ ನೀರನ್ನು ಉಸಿರಾಡಿ ಅಸ್ವಸ್ಥರಾದರು. ಅದಾದ ನಂತರ ಅಲೆಗಳ ಅಬ್ಬರದಿಂದ ತಪ್ಪಿಸಿಕೊಂಡ ಸುರೇಶ ಗೌಡ ಅವರು ದಡಕ್ಕೆ ಬಂದರು. ಅಸ್ವಸ್ಥರಾಗಿದ್ದ ಅವರನ್ನು ಆಂಬುಲೆನ್ಸಿನ ಮೂಲಕ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ದರು. ಆಸ್ಪತ್ರೆ ಸೇರುವುದರೊಳಗೆ ಸುರೇಶ ಗೌಡ ಅವರು ಸಾವನಪ್ಪಿದ್ದರು. ಆರೋಗ್ಯ ಕೇಂದ್ರದ ಆಡಳಿತ ವೈದ್ಯಾಧಿಕಾರಿಯಾದ ಡಾ ಜಗದೀಶ ನಾಯ್ಕ, ಸಂತೆಗಳಿ ಆರೋಗ್ಯ ಕೇಂದ್ರದ ಡಾ ಶಿವಾ ನಾಯ್ಕ ಸೇರಿ ಸುರೇಶ ಗೌಡ ಅವರ ಮರಣೋತ್ತರ ಪರೀಕ್ಷೆ ನಡೆಸಿದರು.
- [ಉತ್ತರ ಕನ್ನಡ | ಆದಿ ಮಾನವನ ಅಸ್ತಿತ್ವ ಪತ್ತೆ!](https://mobiletime.in/2026/04/uttara-kannada-discover-the-existence-of-the-first-human/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಐದು ಸಾವಿರ ವರ್ಷದ ಹಿಂದೆಯೇ ಮನುಷ್ಯ ವಾಸವಾಗಿದ್ದ ಕುರುಹುಗಳು ಸಿಕ್ಕಿವೆ. ಚೀರೆಕಲ್ಲು ಕ್ವಾರೆಯ ಗುಹೆಗಳಲ್ಲಿ ಆದಿ ಮಾನವರು ಬಳಸಿದ್ದ ಕೆಲ ವಸ್ತುಗಳು ಕಾಣಿಸಿವೆ. ಹೀಗಾಗಿ ನವ ಶಿಲಾಯುಗಕ್ಕೂ ಮೊದಲೇ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜನವಸತಿ ಇತ್ತು ಎಂಬುದು ಇನ್ನಷ್ಟು ದೃಢವಾಗಿದೆ. ಭಾರತ ಸರ್ಕಾರದ ಪುರಾತತ್ವ ಸರ್ವೇಕ್ಷಣಾ ಇಲಾಖೆ ಉತ್ತರ ಕನ್ನಡದ ಕರಾವಳಿ ಭಾಗದಲ್ಲಿ ಸಮೀಕ್ಷೆ ನಡೆಸಿದೆ. ಕಾರವಾರದಿಂದ ಭಟ್ಕಳದವರೆಗೆ ಈ ಸಮೀಕ್ಷೆ ನಡೆದಿದ್ದು, ಅಲ್ಲಲ್ಲಿ ಪ್ರಾಗೈತಿಹಾಸಿಕ ಅವಶೇಷಗಳು ಪತ್ತೆಯಾಗಿವೆ. ಐದು ಸಾವಿರ ವರ್ಷಗಳ ಹಿಂದೆ ಈ ಭಾಗದಲ್ಲಿ ಮಾನವನ ವಾಸವಿತ್ತು ಎನ್ನುವುದಕ್ಕೆ ಪೂರಕವಾದ ಅವಶೇಷಗಳು ಅದಾಗಿವೆ. ಬೃಹತ್ ಅಥವಾ ಮಧ್ಯ ಶಿಲಾಯುಗ ಹಾಗೂ ನವ ಶಿಲಾಯುಗದದ ಸೇರಿದ ಪ್ರಾಗೈತಿಹಾಸಿಕ ಅವಶೇಷಗಳನ್ನು ಭಾರತ ಸರ್ಕಾರದ ಪುರಾತತ್ವ ಸರ್ವೇಕ್ಷಣಾ ಇಲಾಖೆಯವರು ತಮ್ಮ ಸಮೀಕ್ಷೆಯಲ್ಲಿ ದಾಖಲಿಸಿದ್ದಾರೆ. ಕರಾವಳಿ ಪ್ರದೇಶದ ಕೆಂಪುಗಲ್ಲು ಗುಡ್ಡಗಳ ಮೇಲೆಅಧ್ಯಯನ ಮಾಡಿದಾಗ ಕೆಲ ಕೇಂದ್ರಗಳ ಬಗ್ಗೆ ಆಸಕ್ತಿ ಮೂಡಿದೆ. ಅಲ್ಲಿ ಹೋಗಿ ಸೂಕ್ಷö್ಮವಾಗಿ ತಪಾಸಣೆ ಮಾಡಿದಾಗ 120 ಮೀಟರ್ ಎತ್ತರದ ಗುಡ್ಡಗಳ ಮೇಲೆ ಅನಾಧಿಕಾಲದ ಕೆಲ ಉಪಕರಣಗಳು ದೊರೆತಿವೆ. ಮೊನಚಾದ ಕಲ್ಲು, ಈಟಿ, ಹೊಂಡ ಕೊರೆಯುವ ಕಲ್ಲು, ಬೆಣಚು ಕಲ್ಲುಗಳ ಜೊತೆ ವಸ್ತುಗಳನ್ನು ತುಂಡರಿಸಲು ಬಳಸುವ ಬ್ಲೇಡ್ ಬಗೆಯ ಕಲ್ಲುಗಳನ್ನು ತಜ್ಞರು ಗುರುತಿಸಿದ್ದಾರೆ. ಕಲ್ಲಿನ ಮೇಲ್ಪದರ ಕೆತ್ತಿ ಸಿದ್ಧಪಡಿಸಲಾದ ಆಯುಧಗಳು ಸಹ ದೊರೆತಿದೆ. 30 ಮೀಟರಿನಿಂದ 120 ಮೀಟರ್‌ವರೆಗಿನ ಕೆಂಪು ಗುಡ್ಡದ ಮೇಲೆ ಈ ಆಯುಧಗಳು ಸಿಕ್ಕಿದ್ದು, ಅವು ಪ್ರಾಣಿಗಳನ್ನು ಭೇಟೆ ಆಡಲು ಹಾಗೂ ಪ್ರಾಣಿಗಳ ಚರ್ಮ ತೆಗೆಯಲು ಬಳಸುತ್ತಿರುವ ಬಗ್ಗೆ ಅಧ್ಯಯನ ಹೇಳಿದೆ. ಶಿಲಾಯುಗದಲ್ಲಿ ಮರಗಳನ್ನು ಕೆರೆಯಲು ಸಹ ಅಂಥ ಆಯುಧ ಬಳಕೆ ಮಾಡುವ ಬಗ್ಗೆ ವಿಶ್ಲೇಷಿಸಲಾಗಿದೆ. ಸಿಕ್ಕ ಅವಶೇಷಗಳಲ್ಲಿ ಬೇಟೆಯಾಡಲು ಬಳಸುತ್ತಿದ್ದ ಈಟಿಯಾಕಾರದ ಮೊನಚಾದ ಕಲ್ಲುಗಳ ಸಂಖ್ಯೆ ಹೆಚ್ಚಿದೆ. ಅವೆಲ್ಲವೂ ಸ್ಪಟಿಕ ಹಾಗೂ ಕಂದು ಬಣ್ಣದ ಶಿಲೆಗಳಿಂದ ರಚಿತವಾಗಿದೆ. ಇದರೊಂದಿಗೆ ನವ ಶಿಲಾಯುಗಕ್ಕೆ ಸೇರಿದ ಕೊಡಲಿ ಹಾಗೂ ಗದೆಯ ಆಕಾರದ ವಸ್ತುಗಳು ಸಹ ಸಿಕ್ಕಿದೆ. ಅಂಕೋಲಾದ ಬೇಲೆಕೇರಿ, ಬಾವಿಕೇರಿ, ಕಂಚಿನಬೈಲ್, ಶಿರಗುಂಜಿ ಮತ್ತು ಸರಳೆಬೈಲ್ ಪ್ರದೇಶಗಳಲ್ಲಿ ಇಂಥ ಅನಾಧಿ ಕಾಲದ ಆಯುಧಗಳು ಸಿಕ್ಕಿವೆ. ಅದರೊಂದಿಗೆ ಭಟ್ಕಳದ ತಲಾಂದ, ಕುಮಟಾದ ಗೋಕರ್ಣ, ಮೂಡಂಗಿ, ಹರ್ನಿರ್ ಎಂಬಲ್ಲಿ ಮಧ್ಯ ಶಿಲಾಯುಗದ ಅವಶೇಷಗಳು ಸಿಕ್ಕಿವೆ. ಹೊನ್ನಾವರದ ನೀಲಕೋಡ ಹೊಸ ಶಿಲಾಯುಗದ ಅವಶೇಷಗಳು ದೊರಕಿವೆ. ಕುಮಟಾ ಮಿರ್ಜಾನ್‌ನಲ್ಲಿರುವ ಒಂದು ಗುಹೆಯಲ್ಲಿ ಶಿಲಾಯುಗದ ಅವಶೇಷಗಳು ಕಾಣಿಸಿವೆ.
- [ಆಧಾರ್ ಕಾರ್ಡ ಅವಾಂತರ: ಜರಾಕ್ಸ್ ಮಳಿಗೆ ಮಾಲಕನಿಗೆ ಕಷ್ಟ ಕಷ್ಟ!](https://mobiletime.in/2026/04/aadhaar-card-scam-xerox-shop-owner-in-trouble/): ಕಾರವಾರ ಕೋರ್ಟಿಗೆ ನಕಲಿ ಆಧಾರ್ ಕಾರ್ಡ ನೀಡಿದ್ದ ಮಹಿಳೆ ನ್ಯಾಯಾಂಗ ವ್ಯವಸ್ಥೆಯನ್ನೇ ಯಾಮಾರಿಸಲು ಪ್ರಯತ್ನಿಸಿದ್ದು, ಸದ್ಯ ಆ ಆಧಾರ್ ಕಾರ್ಡ ಜರಾಕ್ಸ್ ಮಾಡಿದ ಮಳಿಗೆಯವರು ಪೇಚಿಗೆ ಸಿಲುಕಿದ್ದಾರೆ. ಪ್ರಕರಣದ ಸಾಕ್ಷಿಯಾಗಿ ಪೊಲೀಸರು ಜರಾಕ್ಸ್ ಅಂಗಡಿ ಮಾಲಕನ ಮೊಬೈಲ್ ಜಪ್ತು ಮಾಡಿದ್ದಾರೆ! ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನ ಅಲೈಸ್ ಕುರಿಯನ್ ಚಾಕೋ ಎಂಬ ಮಹಿಳೆ ನ್ಯಾಯಾಲಯಕ್ಕೆ ನಕಲಿ ಆಧಾರ್ ಕಾರ್ಡ ಕೊಡುವುದನ್ನು ರೂಢಿಸಿಕೊಂಡಿದ್ದರು. ವಿವಿಧ ಪ್ರಕರಣಗಳಲ್ಲಿ ಜೈಲು ಸೇರುವ ಕೈದಿಗಳಿಗೆ ಅಲೈಸ್ ಚಾಕೋ ಅವರು ಜಾಮೀನು ನೀಡುತ್ತಿದ್ದು, ಜಾಮೀನು ನೀಡುವ ವೇಳೆ ನಕಲಿ ದಾಖಲೆಗಳನ್ನು ಹಾಜರುಪಡಿಸುತ್ತಿದ್ದರು. 2025ರ ಜೂನ್ 23ರಂದು ಕಾರವಾರದ ನ್ಯಾಯಾಲಯಕ್ಕೆ ಆಗಮಿಸಿದ್ದ ಅಲೈಸ್ ಚಾಕೋ ಅವರು ಪ್ರಮುಖ ಪ್ರಕರಣದ ಆರೋಪಿಗಳಿಗೆ ಜಾಮೀನು ನೀಡಿದ್ದರು. ಜಾಮೀನು ನೀಡುವ ವೇಳೆ ಅವರು ನೀಡಿದ್ದ ಆಧಾರ್ ಕಾರ್ಡ ಪರಿಶೀಲಿಸಿದಾಗ ಅದು ನಕಲಿ ಎಂದು ಗೊತ್ತಾಗಿತ್ತು. ಈ ಬಗ್ಗೆ ತಪಾಸಣೆ ನಡೆಸಿದಾಗ ರಾಜ್ಯದ ಎಂಟು ಕಡೆ ಅಲೈಸ್ ಚಾಕೋ ಅವರು ನಕಲಿ ಆಧಾರ್ ಕಾರ್ಡ ನೀಡಿ ಕೈದಿಗಳಿಗೆ ಜಾಮೀನು ನೀಡಿರುವ ಅಂಶ ಬೆಳಕಿಗೆ ಬಂದಿತ್ತು. ಆ ಎಲ್ಲಾ ಆಧಾರ್ ಕಾರ್ಡ ಸಂಖ್ಯೆಗಳು ಬೇರೆ ಬೇರೆಯಾಗಿದ್ದು, ನ್ಯಾಯಾಧೀಶರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದರು. ಜೊತೆಗೆ ಅಲೈಸ್ ಕುರಿಯನ್ ಚಾಕೋ ವಿರುದ್ಧ ಕೇಸು ದಾಖಲಿಸಲು ಸೂಚನೆ ನೀಡಿದ್ದರು. ಈ ಹಿನ್ನಲೆ ನ್ಯಾಯಾಲಯದ ಸಿಬ್ಬಂದಿ ರವೀಂದ್ರ ನಾಯ್ಕ ಅವರು ಕಾರವಾರ ಶಹರ ಠಾಣೆಯಲ್ಲಿ ನಕಲಿ ಆಧಾರ್ ಕಾರ್ಡ ನೀಡುತ್ತಿದ್ದ ಅಲೈಸ್ ಕುರಿಯನ್ ಚಾಕೋ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಈ ಪ್ರಕರಣ ಬೆನ್ನತ್ತಿದ ಪೊಲೀಸರು ನಕಲಿ ಆಧಾರ್ ಕಾರ್ಡ ಜರಾಕ್ಸ್ ಅಂಗಡಿಯ ಬಳಿ ತೆರಳಿದರು. ಕಾರವಾರದ ಬ್ರಾಹ್ಮಣಗಲ್ಲಿಯಲ್ಲಿರುವ ಮಾಹಾಮಾಯಿ ಜರಾಕ್ಸ್ ಮಳಿಗೆಯ ಕದ ತಟ್ಟಿದ ಪೊಲೀಸರು ಆಧಾರ್ ಕಾರ್ಡ ಬಗ್ಗೆ ಪ್ರಶ್ನಿಸಿದರು. ಅಲ್ಲಿದ್ದ ಗಜಾನನ ಮೇಸ್ತಾ ಅವರು `ಆ ಮಹಿಳೆ ತನ್ನ ಮೊಬೈಲಿಗೆ ಕಳುಹಿಸಿದ ಆಧಾರ್ ಕಾರ್ಡನ್ನು ಜರಾಕ್ಸ್ ಮಾಡಿ ಕೊಟ್ಟಿದ್ದೇನೆ’ ಎಂಬ ಸತ್ಯ ಬಿಚ್ಚಿಟ್ಟರು. `ಆ ಮೊಬೈಲ್ ತೋರಿಸಿ’ ಎಂದು ಹೇಳಿದ ಪೊಲೀಸರು ಸಾಕ್ಷಿಯಾಗಿ ಆ ಮೊಬೈಲನ್ನು ಜಪ್ತು ಮಾಡಿದರು. `ಆರೋಪಿತ ಮಹಿಳೆ ಬಸ್ಸು-ರೈಲಿನಲ್ಲಿ ಸಹ ಓಡಾಡಿದ್ದಾಳೆ. ಆ ಬಸ್ಸು-ರೈಲನ್ನು ಸಹ ಜಪ್ತು ಮಾಡಿ’ ಎಂದು ಅಂಗಡಿ ಮಾಲಕರು ಆಗ್ರಹಿಸಿದರೂ ಅದನ್ನು ಯಾರೂ ಕೇಳಲಿಲ್ಲ! ಮೊಬೈಲಿಗೆ ಬಂದ ಆಧಾರ್ ಕಾರ್ಡ ಜರಾಕ್ಸ ಮಾಡಿ ಕೊಟ್ಟ ಕಾರಣ ಮೊಬೈಲ್ ಜಪ್ತು ಮಾಡಿದ ವಿಷಯದ ಬಗ್ಗೆ ಸಾಮಾಜಿಕ ಕಾರ್ಯಕರ್ತ ಸಂಜಯ ಶಾನಭಾಗ ಅವರಿಗೆ ಗೊತ್ತಾಯಿತು. ಈ ಕ್ರಮದ ಬಗ್ಗೆ ಅವರು ಗೃಹ ಸಚಿವರಿಗೆ ಪತ್ರ ಬರೆದಿದ್ದಾರೆ. `ಸದ್ಯ ಆ ಮೊಬೈಲ್ ಡೆಟ್ ಆಗಿದೆ. ಸಿಮ್ ರೀಚಾರ್ಜ ಮಾಡದ ಕಾರಣ ಆಕ್ಟಿವ್ ಆಗಿಲ್ಲ. ಹೀಗಿದ್ದರೂ ಮೊಬೈಲ್ ಇಟ್ಟುಕೊಂಡು ಪ್ರಯೋಜನವಿಲ್ಲ. ಅದನ್ನು ಮರಳಿಸಬೇಕು’ ಎಂದವರು ಕಾನೂನು ಹೋರಾಟ ಶುರು ಮಾಡಿದ್ದಾರೆ.
- [ಮುರುಡೇಶ್ವರ | ಚಿನ್ನ ಕರಗಿಸಿದ ಕಳ್ಳ ಭಕ್ತೆ!](https://mobiletime.in/2026/04/murudeshwara-thief-devotee-who-melted-gold/): ಮುರುಡೇಶ್ವರ ದೇಗುಲಕ್ಕೆ ಬಂದಿದ್ದ ಭಕ್ತರ ಬಂಗಾರ ಕದ್ದ ಕಳ್ಳಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಕಳ್ಳ ಭಕ್ತೆಯಿಂದ ಎರಡು ಚಿನ್ನದ ಗಟ್ಟಿಯನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. 2025ರ ಡಿಸೆಂಬರ್ 31ರಂದು ಕೇರಳ ರಾಜ್ಯದ ಕಣ್ಣೂರಿನ ಹೈಯಂತ್ ವೇಣುಗೋಪಾಲ ಅವರು ತಮ್ಮ ಪತ್ನಿ ಹಾಗೂ ತಾಯಿಯ ಜೊತೆ ಮುರುಡೇಶ್ವರಕ್ಕೆ ಬಂದಿದ್ದರು. ಅದೇ ದಿನ ಅಲ್ಲಿಗೆ ಬಂದಿದ್ದ ಗದಗ ಜಿಲ್ಲೆಯ ಬೆಟಗೇರಿ ಗಾಂಧಿನಗರ ಸೆಟ್ಲಮೆಂಟ್ ನಿವಾಸಿ ಗಂಗಮ್ಮ ಅವರು ಭಕ್ತರ ಚಿನ್ನದ ಮೇಲೆ ಕಣ್ಣು ಹಾಕಿದ್ದು, ವೇಣುಗೋಪಾಲ ಅವರ ತಾಯಿ ಧರಿಸಿದ್ದ ಬಂಗಾರದ ಸರ ಎಗರಿಸಿದ್ದರು. ರುದ್ರಾಕ್ಷಿಯನ್ನು ಹೊಂದಿದ ಸರ ಕಾಣೆಯಾದ ಬಗ್ಗೆ ಆತಂಕಗೊAಡ ವೇಣುಗೋಪಾಲ ಅವರು ಪೊಲೀಸ್ ದೂರು ನೀಡಿದ್ದರು. 36 ಗ್ರಾಂ ತೂಕದ ಬಂಗಾರದ ಸರ ಕಳ್ಳತನವಾಗಿರುವ ಕುರಿತು ಮುರುಡೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಕಳ್ಳರ ಶೋಧ ನಡೆಸಿದ್ದರು. ಪಿಸೈ ಲೋಕನಾಥ ರಾಥೋಡ, ಹಣಮಂತ ಬೀರಾದರ್ ಹಾಗೂ ಸಿಬ್ಬಂದಿ ವನಿತಾ ನಾಯ್ಕ, ಮಂಜುನಾಥ ಲಕ್ಕಾಪುರ, ವಿಜಯ ನಾಯ್ಕ ನೇತೃತ್ವದ ತಂಡದವರಿಗೆ ಏಪ್ರಿಲ್ 24ರಂದು ಅನುಮಾನಾಸ್ಪದ ವ್ಯಕ್ತಿಯೊಬ್ಬರು ಎದುರಾದರು. ಏಪ್ರಿಲ್ 24ರಂದು ಮುರ್ಡೇಶ್ವರ ರೈಲ್ವೆ ನಿಲ್ದಾಣದಲ್ಲಿದ್ದ ಗದಗ ಜಿಲ್ಲೆಯ ಬೆಟಗೇರಿ ಗಾಂಧಿನಗರ ಸೆಟ್ಲಮೆಂಟ್ ನಿವಾಸಿ ಗಂಗಮ್ಮ (65) ಅವರನ್ನು ವಶಕ್ಕೆಪಡೆದು ವಿಚಾರಣೆ ನಡೆಸಿದರು. ಈ ವೇಳೆ ಗಂಗಮ್ಮ ಅವರೇ ಚಿನ್ನದ ಸರ ಕದ್ದಿರುವುದು ಗೊತ್ತಾಯಿತು. ಗಂಗಮ್ಮ ಅವರ ಬಳಿಯಿದ್ದ ಬಂಗಾರದ ಗಟ್ಟಿಗಳನ್ನು ಪೊಲೀಸರು ಜಪ್ತು ಮಾಡಿದರು. 3.28 ಲಕ್ಷ ರೂ ಮೌಲ್ಯದ ಚಿನ್ನದ ಜೊತೆ ಗಂಗಮ್ಮ ಅವರು ಮತ್ತೆ ಕಳ್ಳತನಕ್ಕಾಗಿ ಮುರುಡೇಶ್ವರಕ್ಕೆ ಬಂದು ಸಿಕ್ಕಿಬಿದ್ದಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಭಟ್ಕಳ ಉಪ ವಿಭಾಗದ ಡಿವೈಎಸ್‌ಪಿ ಗಿರೀಶ ಬಿ ಹಾಗೂ ಮುರುಡೇಶ್ವರ ವೃತ್ತದ ಸಿಪಿಐ ಜಗದೀಶ ಹಂಚಿನಾಳ ಅವರು ಈ ಕಾರ್ಯಾಚರಣೆಗೆ ಮಾರ್ಗದರ್ಶನ ನೀಡಿದ್ದರು.
- [ಶೌಚಾಲಯದಲ್ಲಿ ಬಿದ್ದ ವೃದ್ಧೆ: ಸಾವು!](https://mobiletime.in/2026/04/elderly-woman-dies-after-falling-into-toilet/): ಮೂತ್ರ ವಿಸರ್ಜನೆಗಾಗಿ ಶೌಚಾಲಯಕ್ಕೆ ಹೋಗಿದ್ದ ಹಳಿಯಾಳದ ಯಲ್ಲವ್ವಾ ಮುಮ್ಮಿಗಟ್ಟಿ ಅವರು ಕಾಲು ಜಾರಿ ಬಿದ್ದು ಸಾವನಪ್ಪಿದ್ದಾರೆ. ತಲೆಗೆ ಪೆಟ್ಟಾಗಿ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಹಳಿಯಾಳದ ಗುತ್ತಿಗೇರಿ ಗಲ್ಲಿಯಲ್ಲಿ ಯಲ್ಲವ್ವಾ ಗುರುಪಾದ ಮುಮ್ಮಿಗಟ್ಟಿ ಅವರು ವಾಸವಾಗಿದ್ದರು. 67 ವರ್ಷದ ಅವರು ಏಪ್ರಿಲ್ 21ರಂದು ಮಧ್ಯಾಹ್ನ ಶೌಚಾಲಯಕ್ಕೆ ಹೋಗಿದ್ದರು. ನೆಲ ತೇವವಾಗಿದ್ದರಿಂದ ಅವರು ಅಲ್ಲಿ ಕಾಲು ಜಾರಿ ಬಿದ್ದರು. ಪರಿಣಾಮ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದ್ದು, ಅವರನ್ನು ತಕ್ಷಣ ಹಳಿಯಾಳ ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಯಿತು. ನಂತರ ವೈದ್ಯರು ಹೆಚ್ಚಿನ ಚಿಕಿತ್ಸೆಗೆ ಸೂಚಿಸಿದ ಹಿನ್ನೆಲೆಯಲ್ಲಿ ಧಾರವಾಡ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿಯೂ ಹೆಚ್ಚಿನ ಚಿಕಿತ್ಸೆಗೆ ಸಲಹೆ ನೀಡಿದ ಕಾರಣ ಅದೇ ದಿನ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ನಿರಂತರ ಆರೈಕೆ ಮಾಡಲಾಯಿತು. ಆದರೆ, ಮೂರು ದಿನ ಕಳೆದರೂ ಅವರು ಚೇತರಿಸಿಕೊಳ್ಳಲಿಲ್ಲ. ಏಪ್ರಿಲ್ 24ರಂದು ಸಂಜೆ 5.53ಕ್ಕೆ ಯಲ್ಲವ್ವಾ ಅವರು ಸಾವನಪ್ಪಿದರು. ಈ ಕುರಿತು ಮುತ್ತು ಜಯಪಾಲ ಕುಲಕರ್ಣಿ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಬಾವಿಗೆ ಬಿದ್ದ ಭಟ್ಟ!](https://mobiletime.in/2026/04/bhatt-fell-into-the-well/): ಕೆಲ ದಿನಗಳಿಂದ ಕಾಣೆಯಾಗಿದ್ದ ಶಿರಸಿಯ ಗಣಪತಿ ಭಟ್ಟ ಅವರು ಉಡುಪಿಯ ಬಾವಿಯೊಂದರಲ್ಲಿ ಶವವಾಗಿ ಸಿಕ್ಕಿದ್ದಾರೆ. ಶನಿವಾರ ಬಾವಿ ಆಳದಲ್ಲಿ ಶವ ನೋಡಿದ ಅಗ್ನಿಶಾಮಕ ಸಿಬ್ಬಂದಿ ದೇಹವನ್ನು ಮೇಲೆತ್ತಿದ್ದಾರೆ. ಗಣಪತಿ ಭಟ್ಟ (55) ಅವರು ಉಡುಪಿಯ ಎಂ ಜಿ ಎಂ ಕಾಲೇಜಿನಲ್ಲಿ ಉಪನ್ಯಾಸಕರಾಗಿದ್ದರು. ಸಂಸ್ಕೃತ ಪಾಠ ಮಾಡುತ್ತಿದ್ದ ಅವರು ಕಾಲೇಜು ಸಮೀಪವೇ ಬಾಡಿಗೆ ಮನೆ ಮಾಡಿಕೊಂಡಿದ್ದರು. ವಠಾರದಲ್ಲಿನ ಎಲ್ಲರ ಜೊತೆ ಅವರು ಅನ್ಯೋನ್ಯವಾಗಿಯೇ ಇದ್ದರು. ಗಣಪತಿ ಭಟ್ಟ ಅವರಿಗೆ ಮದುವೆ ಆಗಿರಲಿಲ್ಲ. ಒಂಟಿಯಾಗಿ ಅವರು ಜೀವನ ನಡೆಸುತ್ತಿದ್ದರು. ಕೆಲ ದಿನಗಳ ಹಿಂದೆ ಗಣಪತಿ ಭಟ್ಟ ಅವರು ದಿಢೀರ್ ಆಗಿ ಕಾಣೆಯಾಗಿದ್ದು, ಪೊಲೀಸರು ಸಹ ಅವರ ಶೋಧ ಶುರು ಮಾಡಿದ್ದರು. ಶನಿವಾರ ವಠಾರದ ಬಾವಿಯಲ್ಲಿ ಶವವೊಂದು ತೇಲುತ್ತಿರುವುದು ಗಮನಕ್ಕೆ ಬಂದಿತು. ಆ ಶವ ಮೇಲೆತ್ತಿದಾಗ ಅದು ಗಣಪತಿ ಭಟ್ಟ ಅವರ ದೇಹ ಎಂಬುದು ಖಚಿತವಾಯಿತು. ವೈಯಕ್ತಿಕ ಕಾರಣದಿಂದ ನೊಂದಿದ್ದ ಗಣಪತಿ ಭಟ್ಟ ಅವರು ಬಾವಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿರುವ ಅನುಮಾನ ಕಾಡುತ್ತಿದೆ. ಸಾವಿನ ನಿಖರ ಕಾರಣ ತಿಳಿಯಲು ಪೊಲೀಸರು ಶ್ರಮಿಸುತ್ತಿದ್ದಾರೆ.
- [ಮದುವೆಗೆ ಬಾರದ ವಧು!](https://mobiletime.in/2026/04/the-bride-who-didnt-come-to-the-wedding/): ಈ ದಿನ ಶಿರಸಿಯಲ್ಲಿ ನಡೆಯಬೇಕಿದ್ದ ಮದುವೆಯೊಂದು ದಿಢೀರ್ ಆಗಿ ರದ್ಧಾಗಿದೆ. ಕಾರಣ, ಹಸಮಣೆ ಏರಬೇಕಿದ್ದ ವಧು ನಿಶ್ಚಿತಾರ್ಥ ಮಾಡಿಕೊಂಡ ವ್ಯಕ್ತಿ ಬಿಟ್ಟು ಮತ್ತೊಬ್ಬರನ್ನು ಅರೆಸಿ ಹೋಗಿದ್ದಾರೆ. ಏಪ್ರಿಲ್ 25ರಂದು ಶಿರಸಿಯ ಸೀಫಾ ಖಾನ್ ಅವರ ವಿವಾಹ ನಡೆಯಬೇಕಿತ್ತು. ಲಂಡನ್’ನಲ್ಲಿ ವಾಸವಾಗಿರುವ ವ್ಯಕ್ತಿಯನ್ನು ಸೀಫಾ ಖಾನ್ ಅವರು ವರಿಸಬೇಕಿತ್ತು. ಈ ಮದುವೆಯನ್ನು ಅದ್ಧೂರಿಯಾಗಿ ಮಾಡಲು ನಿರ್ಧರಿಸಲಾಗಿತ್ತು. ಈ ವಿವಾಹಕ್ಕಾಗಿ ದೇಶ-ವಿದೇಶದಿಂದ ಬಂದು-ಮಿತ್ರರು ಬಂದಿದ್ದರು. ಶಿರಸಿಯ ಉಸರಿ ರಸ್ತೆಯ ಕಲ್ಯಾಣ ಮಂಟಪವನ್ನು ಮದುವೆಗಾಗಿ ಅಲಂಕರಿಸಲಾಗಿತ್ತು. ಮದುವೆಯ ಎಲ್ಲಾ ಬಗೆಯ ತಯಾರಿಗಳು ಜೋರಾಗಿ ನಡೆದಿತ್ತು. ಆದರೆ, ಸೀಫಾ ಖಾನ್ ಅವರಿಗೆ ಲಂಡನ್ ವರನನ್ನು ವರಿಸಲು ಇಷ್ಟವಿರಲಿಲ್ಲ. ವೈದ್ಯಕೀಯ ವಿದ್ಯಾರ್ಥಿಯೊಬ್ಬರನ್ನು ಸೀಫಾ ಖಾನ್ ಅವರು ಪ್ರೀತಿಸುತ್ತಿದ್ದು, ಅವರ ಜೊತೆಯೇ ಬಾಳಿ ಬದುಕುವ ಕನಸು ಕಂಡಿದ್ದರು. ಹೀಗಾಗಿ ಮದುವೆ ಮಂಟಪಕ್ಕೆ ಬರುವ ಮುನ್ನವೇ ಸೀಫಾ ಖಾನ್ ಅವರು ಕಾಣೆಯಾದರು. ಮದು ಮಗಳನ್ನು ಸಿದ್ಧಪಡಿಸಲು ನೆಂಟರು ವಧುವಿನ ಕೋಣೆ ಪ್ರವೇಶಿಸಿದಾಗ ಅಲ್ಲಿ ಸೀಫಾ ಖಾನ್ ಅವರು ಕಾಣಲಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಅವರ ಸುಳಿವು ಸಿಗಲಿಲ್ಲ. ಮದುವೆ ಮಗಳು ಕಾಣೆಯಾದ ಬಗ್ಗೆ ಕುಟುಂಬದವರು ಆತಂಕಕ್ಕೆ ಒಳಗಾದರು. ಮದುವೆ ನಿಂತು ಹೋಗಿದ್ದರಿಂದ ಮನೆಯವರು ಆಘಾತ ಅನುಭವಿಸಿದರು. ದೂರ ದೂರದ ಊರುಗಳಿಂದ ಆಗಮಿಸಿದ ಬಂದು-ಮಿತ್ರರು ಸಹ ಈ ಘಟನೆಯಿಂದ ನೋವು ಅನುಭವಿಸಿದರು. ಎಲ್ಲಿ ಹುಡುಕಿದರೂ ಯುವತಿ ಪತ್ತೆಯಾಗದ ಹಿನ್ನೆಲೆ ಪಾಲಕರು ಪೊಲೀಸ್ ಠಾಣೆ ಮೆಟ್ಟಿಲೇರಿದರು. ಈ ವೇಳೆ ಸೀಫಾ ಖಾನ್ ಅವರು ವೈದ್ಯಕೀಯ ವಿದ್ಯಾರ್ಥಿಯೊಬ್ಬರನ್ನು ಪ್ರೀತಿಸುತ್ತಿದ್ದ ವಿಷಯ ಹೊರಬಂದಿತು. ಆ ವಿದ್ಯಾರ್ಥಿ ಜೊತೆಯೇ ಪರಾರಿಯಾಗಿರುವ ಬಗ್ಗೆ ಕುಟುಂಬದವರು ಅನುಮಾನವ್ಯಕ್ತಪಡಿಸಿದರು. ಕೆಲ ದಿನಗಳ ಹಿಂದೆ ಈ ಪ್ರೀತಿ ವಿಷಯ ಗೊತ್ತಾಗಿದ್ದು, ಅದನ್ನು ಒಪ್ಪದ ಬಗ್ಗೆಯೂ ಪಾಲಕರು ಬಾಯ್ಬಿಟ್ಟರು. ಅದಾಗಿಯೂ, ಮಗಳನ್ನು ಹುಡುಕಿ ಕೊಡಿ ಎಂದು ಝಹೀರ್ ಖಾನ್ ಅವರು ಪೊಲೀಸರಿಗೆ ಮನವಿ ಮಾಡಿದರು. ಸದ್ಯ ಶಿರಸಿಯ ಹೊಸ ಮಾರುಕಟ್ಟೆ ಠಾಣೆ ಪೊಲೀಸರು ಸೀಫಾ ಖಾನ್ ಅವರ ಶೋಧ ಶುರು ಮಾಡಿದ್ದಾರೆ.
- [ಪಿಕಪ್ ಪಲ್ಟಿ!](https://mobiletime.in/2026/04/pickup-flip/): ಯಲ್ಲಾಪುರದ ಇಡಗುಂದಿ ಸೊಸೈಟಿಯ ಮಹೇಂದ್ರ ಬೊಲೇರೊ ಪಿಕಪ್ ಜೊಯಿಡಾದಲ್ಲಿ ಅಪಘಾತಕ್ಕೀಡಾಗಿದೆ. ಉಳವಿ-ಶಿವಪುರ ಮಾರ್ಗದಲ್ಲಿ ಪಿಕಪ್ ಪಲ್ಟಿಯಾಗಿದೆ. ಯಲ್ಲಾಪುರ ಬೀರಗದ್ದೆಯ ಗೋಪಾಲಕೃಷ್ಣ ನಾರಾಯಣ ಗೌಡ ಅವರು ಈ ಪಿಕಪ್ ಓಡಿಸುತ್ತಿದ್ದರು. ಅವರು ಏಪ್ರಿಲ್ 22ರ ಸಂಜೆ 6.30ಕ್ಕೆ ಉಳುವಿಯಿಂದ ಶಿವಪುರದ ಕಡೆ ಹೊರಟಿದ್ದರು. ಪಿಕಪ್ ವೇಗ ಹೆಚ್ಚಾಗಿದ್ದು, ವಾಹನ ನಿಯಂತ್ರಿಸಲಾಗದೇ ಅದನ್ನು ಅಪಘಾತಕ್ಕೀಡು ಮಾಡಿದರು. ಗದ್ದೆಮನೆ ಸಮೀಪದ ರಸ್ತೆ ತಿರುವಿನ ತಗ್ಗಿನಲ್ಲಿ ಪಿಕಪ್ ಚಾಲಕನ ನಿಯಂತ್ರಣ ತಪ್ಪಿತು. ಅಲ್ಲಿಯೇ ಅದು ಪಲ್ಟಿಯಾಯಿತು. ಈ ಅಪಘಾತದಲ್ಲಿ ಗೋಪಾಲಕೃಷ್ಣ ಗೌಡ ಅವರಿಗೆ ಸಣ್ಣ ನೋವಾಗಿದ್ದರೂ ಜೀವಕ್ಕೆ ಸಮಸ್ಯೆ ಆಗಲಿಲ್ಲ. ಆದರೆ, ವಾಹನ ಜಖಂ ಆಗಿದೆ. ಅತಿ ವೇಗವಾಗಿ ಪಿಕಪ್ ಓಡಿಸಿ ವಾಹನ ಅಪಘಾತಕ್ಕೀಡು ಮಾಡಿದ ಚಾಲಕನ ವಿರುದ್ಧ ಸೊಸೈಟಿ ಸಿಬ್ಬಂದಿ ಪೊಲೀಸ್ ದೂರು ನೀಡಿದ್ದಾರೆ. ಹಂಸನಗದ್ದೆ, ಬಳಗಾರ ನಿವಾಸಿಯಾಗಿರುವ ಇಡುಗುಂದಿ ಸೊಸೈಟಿಯ ಸಿಬ್ಬಂದಿ ವಿನಯ ವಾಸುದೇವ ಭಟ್ಟ ಅವರು ಗೋಪಾಲಕೃಷ್ಣ ಗೌಡ ಅವರ ದುಡುಕುತನದ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಈ ಹಿನ್ನಲೆ ಜೊಯಿಡಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ. ಪ್ರಕರಣ ದಾಖಲಿಸಿ, ತನಿಖೆಯನ್ನು ಶುರು ಮಾಡಿದ್ದಾರೆ.
- [ಡಿಜಿಟಲ್ ಸಾಕ್ಷರತೆಗೆ ಸ್ಕೋಡ್‌ವೆಸ್ ಸೇವೆ](https://mobiletime.in/2026/04/skodves-service-for-digital-literacy/): ಮೈಕ್ರೋಸಾಫ್ಟ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಜೊತೆ ಒಪ್ಪಂದ ಮಾಡಿಕೊಂಡ ಶಿರಸಿಯ ಸ್ಕೋಡ್‌ವೆಸ್ ಸಂಸ್ಥೆ ಗ್ರಾಮೀಣ ವಿದ್ಯಾರ್ಥಿಗಳ ಅನುಕೂಲಕ್ಕೆ ಕಂಪ್ಯುಟರ್ ತರಬೇತಿ ನೀಡಲು ಉದ್ದೇಶಿಸಿದೆ. ಮುಂಡಗೋಡಿನ ಹಿಂದುಳಿದ ಪ್ರದೇಶದ ಪ್ರೌಢಶಾಲಾ ಮಕ್ಕಳ ಅನುಕೂಲಕ್ಕಾಗಿ ಕಂಪ್ಯುಟರ್ ತರಬೇತಿ ಕೇಂದ್ರ ಸ್ಥಾಪನೆಗೂ ನಿರ್ಧರಿಸಿದೆ. ಸ್ಕೋಡ್ ವೆಸ್ ಸಂಸ್ಥೆ ಈಗಾಗಲೇ ಬೀಳೂರು ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಕಂಪ್ಯೂಟರ್ ತರಬೇತಿ ಕೇಂದ್ರವನ್ನು ಶುರು ಮಾಡಿದೆ. ಕೊಳಗೀಬೀಸ್ ಸರ್ಕಾರಿ ಪದವಿಪೂರ್ವ ಮಹಾವಿದ್ಯಾಲಯದಲ್ಲಿ ಎ.ಐ ಕಂಪ್ಯೂಟರ್ ಲ್ಯಾಬ್ ಸ್ಥಾಪಿಸಲು ಸಿದ್ಧತೆ ನಡೆಸಿದೆ. `ಪ್ರಾಥಮಿಕ ಹಾಗೂ ಪ್ರೌಢಶಾಲಾ ಹಂತದಲ್ಲಿಯೇ ಮಕ್ಕಳಿಗೆ ಕಂಪ್ಯುಟರ್ ಜ್ಞಾನ ಅವಶ್ಯಕತೆಯಿರುವುದರಿಂದ ಡಿಜಿಟಲ್ ಸಾಕ್ಷರತೆಗೆ ಸ್ಕೋಡ್‌ವೆಸ್ ಉತ್ತೇಜನ ನೀಡಿದೆ’ ಎಂದು ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಹೇಳಿದ್ದಾರೆ. ಈ ದಿನ ಜಿಲ್ಲೆಯ ಕೆಲವು ಪ್ರತಿಭಾವಂತ ಬಡ ವಿದ್ಯಾರ್ಥಿಗಳಿಗೆ ಮೈಕ್ರೋಸಾಫ್ಟ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ನೀಡಿದ ಕಂಪ್ಯುಟರ್’ನ್ನು ಸ್ಕೋಡ್‌ವೆಸ್ ಸಂಸ್ಥೆ ಪ್ರಮುಖರು ವಿತರಿಸಿದ್ದಾರೆ. ಸಂಸ್ಥೆಯ ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿ ಹಾಗೂ ಯೋಜನಾ ವಿಭಾಗದ ಮುಖ್ಯಸ್ಥ ವಿರೇಂದ್ರ ಸಿ ಅವರ ಮೂಲಕ ಕಂಪ್ಯುಟರ್’ಗಳು ಅರ್ಹ ವಿದ್ಯಾರ್ಥಿಗಳಿಗೆ ತಲುಪಿವೆ.
- [ಬಡ್ಡಿ ಮಗನ ಬರ್ಬರ ಹತ್ಯೆ!](https://mobiletime.in/2026/04/the-brutal-murder-of-a-friends-son/): ನೂರಕ್ಕೂ ಅಧಿಕ ಮರಿ ಪುಡಾರಿಗಳಿಗೆ ಆಶ್ರಯ ನೀಡಿ ಕಾನೂನುಬಾಹಿರ ಮೀಟರ್ ಬಡ್ಡಿ ದಂಧೆ ನಡೆಸುತ್ತಿದ್ದ ಮುಂಡಗೋಡಿನ ಜಮೀರ್ ಅಹ್ಮದ್ ದುರ್ಗಾವಾಲೆ ಅವರ ಬರ್ಬರ ಹತ್ಯೆ ನಡೆದಿದೆ. ಕಳೆದ ವರ್ಷ ಅಪಹರಣಕ್ಕೊಳಗಾಗಿ ಪ್ರಾಣಾಪಾಯದಿಂದ ತಪ್ಪಿಸಿಕೊಂಡು ಬಂದಿದ್ದ ಜಮೀರ್ ಈ ವರ್ಷ ಶವವಾಗಿದ್ದಾರೆ. ಜಮೀರ್ ಅಹ್ಮದ್ ದುರ್ಗಾವಾಲೆ ಅವರು ಮುಂಡಗೋಡಿನಲ್ಲಿ ಮೀಟರ್ ಬಡ್ಡಿಯ ಸಾಮ್ರಾಜ್ಯ ಕಟ್ಟಿದ್ದರು. ಜೈಲಿನಿಂದ ಜಾಮೀನಿನ ಮೇಲೆ ಹೊರಬರುವ ಕೈದಿಗಳಿಗೆ ಅದ್ಧೂರಿ ಸ್ವಾಗತ-ಮೆರವಣಿಗೆ ಮಾಡಿ ಅವರನ್ನು ತಮ್ಮ ಗುಂಪಿಗೆ ಸೇರಿಸಿಕೊಳ್ಳುತ್ತಿದ್ದರು. ಕಾನೂನುಬಾಹಿರ ಚಟುವಟಿಕೆಗಳಿಗೆ ಆ ಕೈದಿಗಳನ್ನು ಬಳಸಿಕೊಂಡು ಅಕ್ರಮ ಮರಳುಗಾರಿಕೆ, ಬೆಟ್ಟಿಂಗ್, ಬ್ಲಾಕ್ ಟಿಕೆಟ್ ಮಾರಾಟ, ಮಟ್ಕಾ, ಹಪ್ತಾ ವಸೂಲಿ ಜೊತೆ ಮೀಟರ್ ಬಡ್ಡಿ ದಂಧೆ ನಡೆಸುತ್ತಿದ್ದರು. ನೂರಕ್ಕೂ ಅಧಿಕ ಅಪರಾಧ ಹಿನ್ನಲೆ ಹೊಂದಿದವರು ಜಮೀರ್ ಅಹ್ಮದ್ ದುರ್ಗಾವಾಲೆ ಅವರ ಸಹಚರರಾಗಿದ್ದರು. ಜಮೀರ್ ಅಹ್ಮದ್ ದುರ್ಗಾವಾಲೆ ಅವರು ಎನ್ ಎಂ ಡಿ ಎಂಬ ಕಂಪನಿ ಕಟ್ಟಿ ಉದ್ಯಮಿ ಎಂದು ಗುರುತಿಸಿಕೊಂಡಿದ್ದರು. ಧಾರವಾಡದಲ್ಲಿ ಕೊಲೆ ಆರೋಪದ ಅಡಿ ಜೈಲು ಸೇರಿದ್ದ ರಹೀಮ್ ಹಾಗೂ ಅಜಯ್ ಎಂಬಾತರನ್ನು ಜಮೀರ್ ಅಹ್ಮದ್ ದುರ್ಗಾವಾಲೆ ಅವರು ಪರಿಚಯಿಸಿಕೊಂಡು, ಅವರ ಸ್ನೇಹ ಬೆಳೆಸಿದ್ದರು. ಅವರಿಬ್ಬರು ಜಮೀರ್ ಅವರ ಮನೆಗೆ ಬಂದಾಗ ಅಲ್ಲಿನ ಶ್ರೀಮಂತಿಕೆ ನೋಡಿ, ಮುಂಡಗೋಡಿನ ಖಾಜಾ ಎಂಬಾತರ ಜೊತೆ ಸೇರಿ ಜಮೀರ್ ಅವರ ಅಪಹರಣಕ್ಕೆ ಸಂಚು ರೂಪಿಸಿದ್ದರು. ಆ ಕಾರ್ಯಾಚರಣೆಗಿಳಿದವರು ಜಮೀರ್ ಅಹ್ಮದ್ ದುರ್ಗಾವಾಲೆ ಅವರ ಅಪಹರಣ ನಡೆಸಿ, 30 ಲಕ್ಷ ರೂಪಾಯಿಗೆ ಬೇಡಿಕೆ ಇಟ್ಟಿದ್ದರು. ಈ ವೇಳೆ ಹೆದರಿದ ಜಮೀರ್ ಕುಟುಂಬದವರು 18 ಲಕ್ಷ ರೂ ನೀಡಿ ರಾಜಿ ಮಾಡಿಕೊಂಡಿದ್ದರು. ಈ ಪ್ರಕರಣದಲ್ಲಿ 10 ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದು, ಅವರು ತಪ್ಪಿಸಿಕೊಳ್ಳುವ ಪ್ರಯತ್ನ ನಡೆದಾಗ ಅವರ ಕಾಲಿಗೆ ಗುಂಡು ಹೊಡೆದಿದ್ದರು. ಈ ಎಲ್ಲಾ ವಿಷಯಗಳ ಬೆನ್ನಲ್ಲೆ ಶುಕ್ರವಾರ ರಾತ್ರಿ ಜಮೀರ್ ಅಹ್ಮದ್ ದುರ್ಗಾವಾಲೆ ಅವರ ಕೊಲೆಯಾಗಿದೆ. ಜಮೀರ್ ಅಹ್ಮದ್ ಅವರು ಊಟಕ್ಕಾಗಿ ಮುಂಡಗೋಡ ಬಸ್ ನಿಲ್ದಾಣದ ಮುಂಭಾಗದಲ್ಲಿರುವ ಅಂಬಿಕಾ ಹೋಟೆಲ್‌ನಲ್ಲಿದ್ದಾಗ ನಾಲ್ವರು ಆಗಮಿಸಿ ಮಾರಕಾಸ್ತ್ರಗಳಿಂದ ಹೊಡೆದು ಅವರ ಕೊಲೆ ಮಾಡಿದ್ದಾರೆ. ಅದಕ್ಕೂ ಮುನ್ನ ದುಷ್ಕರ್ಮಿಗಳು ಮುಖಕ್ಕೆ ಖಾರದ ಪುಡಿ ಎರಚಿದ್ದಾರೆ. ಊಟ ಮಾಡಲು ಸಹ ಸಮಯ ಕೊಡದೇ ಕೊಚ್ಚಿ ಹಾಕಿದ್ದಾರೆ. ಹಣಕಾಸು ವಿಷಯವಾಗಿ ಜಮೀರ್ ಅಹ್ಮದ್ ದುರ್ಗಾವಾಲೆ ಸಾಕಷ್ಟು ಶತ್ರುಗಳನ್ನುಹೊಂದಿದ್ದು, ಸದ್ಯ ಯಾವ ಉದ್ದೇಶಕ್ಕೆ ಕೊಲೆ ನಡೆದಿದೆ? ಎನ್ನುವುದರ ಬಗ್ಗೆ ಖಚಿತ ಮಾಹಿತಿ ಇಲ್ಲ. ಕೊಲೆ ವಿಷಯ ಅರಿತ ಕೂಡಲೇ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಹಂತಕರ ಹುಡುಕಾಟ ಶುರುವಾಗಿದೆ.
- [ಸಮುದ್ರ ಅಂಚಿನಲ್ಲಿ ಮೀನುಗಾರಿಕೆ ನಿಷೇಧ: ಆಕ್ಷೇಪ!](https://mobiletime.in/2026/04/fishing-ban-on-the-seashore-objection/): `ಕಡಲತೀರದಿಂದ ಎರಡು ಕಿಮೀ ದೂರದಲ್ಲಿ ಮೀನುಗಾರಿಕಾ ಚಟುವಟಿಕೆ ಕೈಗೊಳ್ಳುವ ಹಾಗಿಲ್ಲ’ ಎಂದು ಪ್ರವಾಸೋದ್ಯಮ ಇಲಾಖೆ ಸೂಚಿಸಿದ್ದು, ಇದಕ್ಕೆ ವಿರೋಧವ್ಯಕ್ತವಾಗಿದೆ. ಜಲಸಾಹಸ ಕ್ರೀಡೆ ನಡೆಸಲು ನೀಡಿದ ಟೆಂಡರಿನಲ್ಲಿ ಪ್ರವಾಸೋದ್ಯಮ ಇಲಾಖೆ ಈ ಬಗೆಯ ಸೂಚನೆ ನೀಡಿದ್ದು, ಗೋಕರ್ಣ-ಬೇಲೆಹಿತ್ತಲ-ದುಬ್ಬನಸಸಿ-ಗಂಗಾವಳಿ ಹಾಗೂ ಗಂಗೆಕೊಳ್ಳ ಭಾಗದ ಮೀನುಗಾರರು ಆಕ್ಷೇಪಣೆ ಸಲ್ಲಿಸಿದ್ದಾರೆ. ಶುಕ್ರವಾರ ಕುಮಟಾದ ಆಡಳಿತ ಸೌಧದಲ್ಲಿ ನಡೆದ ಸಾರ್ವಜನಿಕ ಅಹವಾಲು ಸಭೆಯಲ್ಲಿ ಈ ಸೂಚನೆ ಪ್ರಸ್ತಾಪವಾಗಿದ್ದು, ಜನ ತಮ್ಮ ವಿರೋಧವ್ಯಕ್ತಪಡಿಸಿದರು. ಈ ಬಗೆಯ ಆದೇಶ ಹಿಂಪಡೆಯಬೇಕು ಎಂದು ಸಭೆಯ ಅಧ್ಯಕ್ಷತೆವಹಿಸಿದ್ದ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರನ್ನು ಆಗ್ರಹಿಸಿದರು. ಜಿಲ್ಲಾ ಪಂಚಾಯತ ಮಾಜಿ ಸದಸ್ಯ ಪ್ರದೀಪ ನಾಯಕ, ಮೀನುಗಾರರ ಮುಖಂಡರಾದ ಶಿವರಾಮ ಹರಿಕಂತ್ರ, ಜಗದೀಶ ಹರಿಕಂತ್ರ ಅವರು `ಎರಡು ಕಿಲೋಮೀಟರ್ ಸಮುದ್ರದವರೆಗೆ ಮೀನುಗಾರಿಕೆ ನಿಷೇಧ ಮಾಡುವುದರಿಂದ ಸಾಂಪ್ರದಾಯಿಕ ಮೀನುಗಾರಿಕೆ ಮಾಡುವವರಿಗೆ ಸಮಸ್ಯೆ ಆಗಲಿದೆ’ ಎಂದು ಸಭೆಗೆ ವಿವರಿಸಿದರು. ಈ ವೇಳೆ ಶಾಸಕ ದಿನಕರ ಶೆಟ್ಟಿ ಮಾತನಾಡಿ `ಈ ವಿಷಯದ ಕುರಿತು ಜಿಲ್ಲಾ ಉಸ್ತುವಾರಿ ಸಚಿವರ ಉಪಸ್ಥಿತಿಯಲ್ಲಿ ಪ್ರತ್ಯೇಕ ಸಭೆ ಮಾಡೋಣ’ ಎಂದು ಸಲಹೆ ನೀಡಿದರು. `ಈ ರೀತಿ ನಿಷೇಧ ಹೇರುವ ಅಧಿಕಾರ ಪ್ರವಾಸೋದ್ಯಮ ಇಲಾಕೆಗೆ ಇಲ್ಲ. ಈಗಾಗಲೆ ಹೊರಡಿಸಿದ ಆದೇಶದವನ್ನು ಪರಿಶೀಲಿಸಿ ಸೂಕ್ತ ಕ್ರಮ ಜರುಗಿಸುವೆ’ ಎಂದು ಜಿಲ್ಲಾಧಿಕಾರಿಗಳು ಭರವಸೆ ನೀಡಿದರು. ಜಲಸಾಹಸ ಕ್ರೀಡೆ ನಡೆಸಲು ಟೆಂಡರ್‌ಪಡೆದವರು ಸಭೆಗೆ ಆಗಮಿಸಿ `ಯಾವುದೇ ನ್ಯೂನ್ಯತೆಗಳಿಲ್ಲದಿದ್ದರೂ ಏಕಾಎಕಿ ಟೆಂಡರ್ ರದ್ದುಪಡಿಸಿದರೆ ತಮಗೆ ಅನ್ಯಾಯವಗುತ್ತದೆ’ ಎಂದು ಹೇಳಿದರು.  
- [ಮೊಮ್ಮಗಳ ಮದುವೆಗೆ ಹೋದವರಿಗೆ ಸೊಂಟ ಮುರಿತ!](https://mobiletime.in/2026/04/a-man-who-went-to-his-granddaughters-wedding-suffered-a-hip-fracture/): ಮೊಮ್ಮಗಳ ಮದುವೆ ಮುಗಿಸಿ ಮನೆಗೆ ಮರಳಬೇಕಿದ್ದ ಲಲಿತಾ ಹೆಗಡೆ ಅವರು ಶಿರಸಿ-ಹಾವೇರಿ ಹೆದ್ದಾರಿಯಲ್ಲಿ ಪ್ರಯಾಣಿಸಿದ್ದು, ಪರಿಣಾಮ ಅವರ ಸೊಂಟ ಮುರಿದಿದೆ. ಸೊಂಟಕ್ಕೆ ಬೆಲ್ಟ್ ಹಾಕಿದ ವೈದ್ಯರು ಏಳು ತಿಂಗಳ ವಿಶ್ರಾಂತಿಗೆ ಸೂಚಿಸಿದ್ದಾರೆ! ಶಿರಸಿ-ಹಾವೇರಿ ಹೆದ್ದಾರಿ ಸಂಪೂರ್ಣವಾಗಿ ಹದಗೆಟ್ಟಿದ್ದು, ನಿತ್ಯ ಸಾವಿರಾರು ಜನ ಇಲ್ಲಿ ಸಮಸ್ಯೆ ಅನುಭವಿಸುತ್ತಿದ್ದಾರೆ. ರಾಜಕಾರಣಿಗಳ ಅಸಡ್ಡೆ, ಗುತ್ತಿಗೆದಾರರ ಬೇಜವಬ್ದಾರಿಯಿಂದ ಜನ ಹೈರಣಾಗಿದ್ದಾರೆ. ಹದಗೆಟ್ಟ ರಸ್ತೆ, ಅತಿಯಾದ ಧೂಳಿನಿಂದ ಅನೇಕರು ಆರೋಗ್ಯ ಸಮಸ್ಯೆಯನ್ನು ಅನುಭವಿಸುತ್ತಿದ್ದಾರೆ. ವಿವಿಧ ಮಾಧ್ಯಮ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿಯೂ ಶಿರಸಿ-ಹಾವೇರಿ ಹೆದ್ದಾರಿ ಬಗ್ಗೆ ವಿಷಯ ಬರುತ್ತಿದೆ. ಸದ್ಯ ರಸ್ತೆಯ ಪ್ಯಾಚ್‌ವರ್ಕ ಕೆಲಸ ನಡೆಯುತ್ತಿದ್ದರೂ ಜನ ಅದರಿಂದ ಸಮಾಧಾನವಾಗಿಲ್ಲ. ಈ ಹೆದ್ದಾರಿ ಹದಗೆಟ್ಟ ಕಾರಣ ಈಗಾಗಲೇ ಎರಡು ಸಾವಾಗಿದೆ. ರಸ್ತೆ ಪಕ್ಕದ ನಿವಾಸಿಗಳು ಅಸ್ತಮಾ ರೋಗಕ್ಕೆ ತುತ್ತಾಗಿದ್ದಾರೆ. ಈ ಎಲ್ಲದರ ನಡುವೆ ವೃದ್ಧೆಯೊಬ್ಬರು ಈ ಮಾರ್ಗದ ಬಸ್ಸಿನಲ್ಲಿ ಸಂಚರಿಸಿ ಸಮಸ್ಯೆಗೆ ಸಿಲುಕಿದ್ದಾರೆ. ಈ ದಿನ 76 ವರ್ಷದ ಲಲಿತಾ ಹೆಗಡೆ ಅವರು ಆಸ್ಪತ್ರೆ ಸೇರಿದ ಸುದ್ದಿ ಬಂದಿದ್ದು, ಹದಗೆಟ್ಟ ರಸ್ತೆಯಿಂದ ಈ ಸಮಸ್ಯೆ ಬಂದಿರುವುದನ್ನು ಕೇಳಿ ಆಸ್ಪತ್ರೆಯ ವೈದ್ಯರು ದಂಗಾಗಿದ್ದಾರೆ. ಸದ್ಯ ಪೂನಾದಲ್ಲಿ ವಾಸವಾಗಿರುವ ಲಲಿತಾ ಭಟ್ಟ ಅವರು ಮೊಮ್ಮಗಳ ಮದುವೆಗಾಗಿ ಶಿರಸಿಗೆ ಬಂದಿದ್ದು, ಮರಳುವ ವೇಳೆ ಸೊಂಟ ಮುರಿದುಕೊಂಡಿದ್ದಾರೆ. ಪರಿಣಾಮ ಪತಿ ಹಾಗೂ ಮಗ ಸೇರಿ ಲಲಿತಾ ಹೆಗಡೆ ಅವರ ಆರೈಕೆ ಮಾಡುವ ಹಾಗಾಗಿದೆ. ವಿ ಆರ್ ಎಲ್ ಬಸ್ಸಿನಲ್ಲಿ ಮುಂಗಡವಾಗಿ ಕಾಯ್ದಿರಿಸಿದ ಬಸ್ಸಿನಲ್ಲಿ ಪೂನಾಗೆ ಹೋಗಬೇಕಿದ್ದ ಅವರಿಗೆ ಕೊನೆಯ ಆಸನ ಸಿಕ್ಕಿದ್ದು, ಅಲ್ಲಿ ಅವರು ಆಸೀನರಾಗಿದ್ದಾರೆ. ಬಸ್ಸು ಹಾವೇರಿ ಹೆದ್ದಾರಿ ಚಲಿಸುವಾಗ ಸೊಂಟ ನೋವು ಬಂದರೂ ಪ್ರಯಾಣದಲ್ಲಿ ಅದು ಸಾಮಾನ್ಯ ಎಂದವರು ಭಾವಿಸಿದ್ದಾರೆ. ಶಿರಸಿಯಿಂದ ಹಾವೇರಿ ಮಾರ್ಗವಾಗಿ ಹೊರಟ ಬಸ್ಸು ಪೂನಾ ತಲುಪಿದ್ದು, ಊರು ಮುಟ್ಟಿದ ಮೇಲೆ ಸೊಂಟ ಮುರಿದಿರುವುದು ಗೊತ್ತಾಗಿದೆ. ಸ್ಲೀಪರ್ ಬಸ್ಸಿನಲ್ಲಿ ಮಲಗಿದಾಗ ಸೊಂಟ ಉಳುಕಿದ ಹಾಗಾಗಿದ್ದರೂ ಸಾಮಾನ್ಯ ನೋವು ಎಂದು ಭಾವಿಸಿದ್ದ ಲಲಿತಾ ಹೆಗಡೆ ಅವರಿಗೆ ಇದೀಗ ಆಘಾತವಾಗಿದೆ. ಸದ್ಯ ನೋವು ಜಾಸ್ತಿ ಆಗಿದ್ದರಿಂದ ಕುಳಿತುಕೊಳ್ಳಲು ಆಗದೇ, ಮಲಗಲು ಆಗದೇ ಅವರು ನರಕ ಅನುಭವಿಸುತ್ತಿದ್ದಾರೆ. ಇನ್ನೂ 76 ವರ್ಷ ಆದ ಕಾರಣ `ಶಸ್ತ್ರಚಿಕಿತ್ಸೆ ಸಾಧ್ಯವಿಲ್ಲ’ ಎಂದು ವೈದ್ಯರು ತಿಳಿಸಿದ್ದಾರೆ. ಇದೀಗ ಏಳು ತಿಂಗಳ ಔಷಧ ಚಿಕಿತ್ಸೆ ಮತ್ತು ನಿರಂತರ ನೋವಿನ ನಡುವೆ ಅವರು ಬದುಕು ಸಾಗಿಸುವ ಪರಿಸ್ಥಿತಿಗೆ ಸಿಲುಕಿದ್ದಾರೆ.
- [ಸ್ಮಶಾನ ಭೂಮಿ ಹಕ್ಕಿನ ವಿಷಯ: ಹೊಡೆದಾಟ!](https://mobiletime.in/2026/04/cemetery-land-rights-issue-fight/): ಸ್ಮಶಾನ ಭೂಮಿಗೆ ಬೋರ್ಡ ಅಳವಡಿಸಿದ ಕಾರಣಕ್ಕಾಗಿ ಭಟ್ಕಳದಲ್ಲಿ ಹೊಡೆದಾಟ ನಡೆದಿದೆ. ತಲಗೇರಿಯ ಹರೀಶ ನಾಯ್ಕ ಅವರಿಗೆ ಮೂವರು ಸೇರಿ ಹೊಡೆದಿದ್ದಾರೆ. ಭಟ್ಕಳದ ತಲಗೇರಿಯಲ್ಲಿ ಹರೀಶ ಸುಕ್ರಪ್ಪ ನಾಯ್ಕ (30) ಅವರು ವಾಸವಾಗಿದ್ದಾರೆ. ಕಟ್ಟಡ ಕಾರ್ಮಿಕರಾಗಿರುವ ಅವರು ಸೆಂಟ್ರಿAಗ್ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಅವರ ಮೇಲೆ ಜಾಲಿ ದೇವಿ ನಗರದ ದಯಾನಂದ ಮಂಜುನಾಥ ನಾಯ್ಕ, ಸತೀಶ ಮಂಜುನಾಥ ನಾಯ್ಕ ಹಾಗೂ ಮಂಜುನಾಥ ತಿಮ್ಮಯ್ಯ ನಾಯ್ಕ ಅವರು ಮುಗಿ ಬಿದ್ದಿದ್ದಾರೆ. ಕಬ್ಬಿಣದ ಸಲಾಕೆಯಿಂದ ಹರೀಶ ನಾಯ್ಕ ಅವರಿಗೆ ಹೊಡೆದಿದ್ದಾರೆ. ಏಪ್ರಿಲ್ 23ರಂದು ದೇವಿನಗರ ಕ್ರಾಸ್ ಬಳಿಯ ಸಂತೋಷ ನಾಗಪ್ಪ ನಾಯ್ಕ ಅವರ ಅಂಗಡಿ ಬಳಿ ಈ ಹೊಡೆದಾಟ ನಡೆದಿದೆ. ಹರೀಶ ನಾಯ್ಕ ಅವರು ತಮ್ಮ ಬೈಕ್ ಸರ್ವೀಸ್’ಗೆ ಕೊಟ್ಟು ಅಂಗಡಿ ಬಳಿ ನಿಂತಿರುವಾಗ ಆ ಮೂವರು ಆಗಮಿಸಿ ದಾಳಿ ಮಾಡಿದ್ದಾರೆ. ಜಾಲಿ ಪಂಚಾಯತಗೆ ಮಾಹಿತಿ ನೀಡದೇ ಹಿಂದೂ ರುದ್ರಭೂಮಿಗೆ ನಾಮಫಲಕ ಅಳವಡಿಸಿದ ವಿಷಯ ಹೊಡೆದಾಟಕ್ಕೆ ಕಾರಣ. `ರುದ್ರಭೂಮಿಯ ವಿಷಯ ಕೇಳಲು ನಿನಗೆ ಹಕ್ಕಿಲ್ಲ’ ಎಂದು ಹೇಳಿ ಆ ಮೂವರು ಹರೀಶ ನಾಯ್ಕ ಅವರಿಗೆ ಹೊಡೆದಿದ್ದಾರೆ. ಕಬ್ಬಿಣದ ಸಲಾಕೆಯಿಂದ ಪೆಟ್ಟು ತಿಂದ ಹರೀಶ ನಾಯ್ಕ ಅವರು ದಯಾನಂದ ನಾಯ್ಕ, ಸತೀಶ ನಾಯ್ಕ ಹಾಗೂ ಮಂಜುನಾಥ ನಾಯ್ಕ ಅವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಭಟ್ಕಳ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.  
- [ಲಾರಿಗೆ ಗುದ್ದಿದ ರಿಕ್ಷಾ: ಮೂವರಿಗೆ ಗಾಯ](https://mobiletime.in/2026/04/rickshaw-hits-truck-three-injured/): ಯಲ್ಲಾಪುರದಿಂದ ಹುಬ್ಬಳ್ಳಿ ಕಡೆ ಹೊರಟಿದ್ದ ರಿಕ್ಷಾ ಲಾರಿಗೆ ಗುದ್ದಿದೆ. ಪರಿಣಾಮ ರಿಕ್ಷಾದಲ್ಲಿದ್ದ ಮೂವರಿಗೆ ಪೆಟ್ಟಾಗಿದೆ. ಯಲ್ಲಾಪುರದ ಕೋಳಿಕೇರಿಯ ಮಹಮದ್ ಗೌಸ್ ಕಮಲಸಾಬ್ (70) ಅವರು ಏಪ್ರಿಲ್ 23ರ ಮಧ್ಯಾಹ್ನ ಹುಬ್ಬಳ್ಳಿ ಕಡೆ ರಿಕ್ಷಾ ಓಡಿಸುತ್ತಿದ್ದರು. ಆ ರಿಕ್ಷಾದಲ್ಲಿ ಚೆನ್ನಬಸಪ್ಪ ಸೇಲಿಕೇರಿ ಹಾಗೂ ಥೋಮಸ್ ಜೋಸೆಪ್ ಎಂಬಾತರು ಕೂತಿದ್ದರು. ವೇಗವಾಗಿ ಚಲಿಸಿದ ಆ ರಿಕ್ಷಾ ಜೋಗಿಕೊಪ್ಪ ಕ್ರಾಸಿನ ಬಳಿ ಲಾರಿಗೆ ಗುದ್ದಿತು. ಹುಬ್ಬಳ್ಳಿ ಅಗಡಿಯ ಶಿವರಾಜ ಕಲ್ಲಪ್ಪ ಮಡಿವಾಳರ್ ಅವರು ಆ ಲಾರಿ ಓಡಿಸುತ್ತಿದ್ದು, ಹಿಂದಿನಿoದ ರಿಕ್ಷಾ ಗುದ್ದಿದ ಕಾರಣ ತಮ್ಮ ವಾಹನ ನಿಲ್ಲಿಸಿದರು. ಅಪಘಾತವನ್ನು ನೋಡಿದ ಅವರಿಗೆ ರಿಕ್ಷಾದಲ್ಲಿದ್ದ ಮೂವರು ಗಾಯಗೊಂಡಿರುವುದು ಗೊತ್ತಾಯಿತು. ಕೈ-ಕಾಲು ಮೂಗಿಗೆ ಪೆಟ್ಟು ಮಾಡಿಕೊಂಡಿದ್ದವರಿಗೆ ಲಾರಿ ಚಾಲಕ ಆರೈಕೆ ಮಾಡಿ, ಆಸ್ಪತ್ರೆಗೆ ಸೇರಿಸುವ ಪ್ರಯತ್ನ ಮಾಡಿದರು. ಅದಾದ ನಂತರ ಅಪಘಾತದ ಬಗ್ಗೆ ಅವರು ಪೊಲೀಸರಿಗೆ ವರದಿ ಒಪ್ಪಿಸಿ, ಪ್ರಕರಣ ದಾಖಲಿಸಿದರು.
- [ಆರು ವರ್ಷದ ಶೋಧ: ಬಲೆಗೆ ಬಿದ್ದ ಗಾಂಜಾ ಮಾರಾಟಗಾರ!](https://mobiletime.in/2026/04/six-year-search-marijuana-seller-caught/): ಎರಡುವರೆ ಕೆಜಿ ಗಾಂಜಾ ಹಿಡಿದು ಶಿರಸಿಗೆ ಬಂದಿದ್ದ ಮೊಹ್ಮದ್ ಅಸ್ಬಾಕ್ ಪೊಲೀಸರನ್ನು ಕಂಡು ಪರಾರಿಯಾಗಿದ್ದು, ಆರು ವರ್ಷದ ನಂತರ ಸಿಕ್ಕಿ ಬಿದ್ದಿದ್ದಾರೆ. ಗಾಂಜಾ ಮಾರಾಟಗಾರನನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. 2021ರ ಮಾರ್ಚ 19ರಂದು ಮುಂಡಗೋಡು ಮುಂಡಗೋಡು ಮಳಗಿ ಸಿದ್ದಾಪುರ ಓಣಿಯ ಶಬ್ಬಿರ ಪೀರಸಾಬ್ ಶೇಖ್ ಹಾಗೂ ಕೇರಳದ ಮಹ್ಮದ್ ಅಸ್ಪಾಕ್ ಜಾಹೀರ ಅಹ್ಮದ್ ಶೇಖ್ ಸೇರಿ ಗಾಂಜಾ ಮಾರಾಟಕ್ಕಾಗಿ ಶಿರಸಿಗೆ ಬಂದಿದ್ದರು. ಎಂ ಇ ಎಸ್ ಕಾಲೇಜು ರಸ್ತೆಯ ಮಾರಿಕಾಂಬಾ ಕ್ರೀಡಾಂಗಣ ಕ್ರಾಸಿನ ಬಳಿ ಅವರಿಬ್ಬರು ಸೇರಿ 2 ಸಾವಿರ ರೂ ಮೌಲ್ಯದ ಗಾಂಜಾ ಮಾರಾಟ ಮಾಡಿದ್ದರು. 75 ಸಾವಿರ ರೂ ಮೌಲ್ಯದ ಎರಡುವರೆ ಕೆಜಿ ಗಾಂಜಾವನ್ನು ಅವರು ಹೊಂದಿದ್ದು, ಅದನ್ನು ಮಾರಾಟ ಮಾಡುವುದಕ್ಕಾಗಿ ಗಿರಾಕಿ ಹುಡುಕುತ್ತಿದ್ದರು. ಪಿಸೈ ನಾಗಪ್ಪ ಅವರು ಅವರಿಬ್ಬರನ್ನು ನೋಡಿದರು. ಪೊಲೀಸರನ್ನು ಕಂಡ ತಕ್ಷಣ ಮಹ್ಮದ್ ಅಸ್ಪಾಕ್ ಜಾಹೀರ ಅಹ್ಮದ್ ಶೇಖ್ ಅಲ್ಲಿಂದ ಓಡಿ ಪರಾರಿಯಾದರು. ಶಬ್ಬಿರ ಪೀರಸಾಬ್ ಶೇಖ್ ಆ ವೇಳೆ ಸಿಕ್ಕಿಬಿದ್ದಿದ್ದು, ಅವರ ಬಳಿಯಿದ್ದ ಗಾಂಜಾ ಜೊತೆ ಹಣ, ಮೊಬೈಲನ್ನು ಪೊಲೀಸರು ಜಪ್ತು ಮಾಡಿದರು. ಜೊತೆಗೆ ಅವರಿಬ್ಬರ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದರು. ಆದರೆ, ಆ ದಿನ ಓಡಿ ಪರಾರಿಯಾಗಿದ್ದ ಮಹ್ಮದ್ ಅಸ್ಪಾಕ್ ಜಾಹೀರ ಅಹ್ಮದ್ ಶೇಖ್ ನಂತರ ಎಲ್ಲಿಯೂ ಕಾಣಿಸಿಕೊಳ್ಳಲಿಲ್ಲ. ಪೊಲೀಸರು ಹುಡುಕಾಟ ನಡೆಸಿದರೂ ಸಿಗಲಿಲ್ಲ. ಈ ಪ್ರಕರಣ ನ್ಯಾಯಾಲಯದಲ್ಲಿ ವಿಚಾರಣೆ ನಡೆದಿದ್ದು, ಓಡಿ ಪರಾರಿಯಾಗಿದ್ದ ಮಹ್ಮದ್ ಅಸ್ಪಾಕ್ ಜಾಹೀರ ಅಹ್ಮದ್ ಶೇಖ್ ಹುಡುಕಾಟಕ್ಕೆ ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿತು. ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆ ಪಿಸೈ ಬಸವರಾಜ ಕನಕಶೆಟ್ಟಿ ಅವರು ವಿಶೇಷ ತಂಡ ರಚಿಸಿ ಆರೋಪಿ ಶೋಧ ಮಾಡಿದರು. ಪೊಲೀಸ್ ಸಿಬ್ಬಂದಿ ಮೋಹನ ನಾಯ್ಕ, ವಿಶ್ವನಾಥ ಭಂಡಾರಿ, ಪ್ರದೀಪ ನಾಯಕ, ಅಶೋಕ ಹರಿಕಂತ್ರ, ರಮೇಶ ಮಚ್ಚಂಡಿ ಸೇರಿ ಮಹ್ಮದ್ ಅಸ್ಪಾಕ್ ಜಾಹೀರ ಅಹ್ಮದ್ ಶೇಖ್ ಅವರನ್ನು ಹುಡುಕಿದರು. ಸಿಕ್ಕಿಬಿದ್ದ ಆರೋಪಿಯನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದು, ನ್ಯಾಯಾಲಯ ಮುಂದಿನ ಕ್ರಮ ಜರುಗಿಸಿದೆ.
- [ಅನಿರುದ್ಧ್ ರವಿಚಂದರ್ ಡಿ ಕನ್ಸ್ ಸ್ಟ್ರಕ್ಟ್ ಬ್ರಾಂಡ್ ಪಾರ್ಟ್ನರ್](https://mobiletime.in/2026/04/anirudh-ravichander-d-construct-brand-partner/): ಸುಪ್ರಸಿದ್ಧ ಸ್ಕಿನ್ ಕೇರ್ ಬ್ರಾಂಡ್ ಡಿಕನ್ಸ್ ಸ್ಟ್ರಕ್ಟ್  ತನ್ನ ಬ್ರಾಂಡ್ ಪಾರ್ಟ್ನರ್ ಆಗಿ ಸುಪ್ರಸಿದ್ಧ ಸಂಗೀತ ನಿರ್ದೇಶಕ    ಅನಿರುದ್ಧ್ ರವಿಚಂದರ್ ಅವರನ್ನು ಘೋಷಣೆ ಮಾಡಿದೆ. ರವಿಚಂದರ್ ಅವರ instagram ರೀಲ್ ನಲ್ಲಿ ಸ್ಕಿನ್ ಕೇರ್ ಡಿಕನ್ಸ್ ಸ್ಟ್ರಕ್ಟ್ ಇತ್ತು. ಇದನ್ನು ಅಭಿಮಾನಿಗಳು ಗಮನಿಸಿದರು. ಆ ಬಳಿಕ ಇದು ದೊಡ್ಡ ಮಟ್ಟದ ಚರ್ಚೆಯನ್ನು ಹುಟ್ಟು ಹಾಕಿತು. ಇಂಟರ್ನೆಟ್ ನಲ್ಲಿ ಸೆನ್ಸೇಶನ್ ಆದ ವಿಷಯ ಈಗ ಪಾರ್ಟ್ನರ್ ಶಿಪ್ ಗೆ ಎಡೆ ಮಾಡಿಕೊಟ್ಟಿದೆ. ಈ ಬಗ್ಗೆ ಸಂಸ್ಥೆಯ ಸಿಇಒ ಮಾಲಿನಿ ಅಡಪುರೆಡ್ಡಿ ಅವರು ಮಾತನಾಡಿದ್ದಾರೆ. ಜನರು ಸಹಜವಾಗಿ ಸ್ಪಂದಿಸಿ ಬ್ರಾಂಡ್ ನ್ನು ನೋಡಿದಾಗ ಅದನ್ನು ಮುಂದುವರಿಸಿಕೊಂಡು ಹೋಗುವುದು ನಮಗೆ ಸರಿ ಅನಿಸಿತು. ಅನಿರುದ್ಧ್ ಅವರು ನಮ್ಮ ಬ್ರಾಂಡಿಗೆ ಸರಿ ಹೊಂದುತ್ತಾರೆ. ಹೀಗಾಗಿ ಇಂಟರ್ನೆಟ್ ನಲ್ಲಿ ಉಂಟಾದ ವಿಡಿಯೋದ ಪ್ರಭಾವ ಸಹಯೋಗಕ್ಕೆ ಪ್ರೇರಣೆ ನೀಡಿತು ಎಂದು ಹೇಳಿದ್ದಾರೆ. ತಮ್ಮ ಹಿಟ್ ಹಾಡುಗಳು ಗಳಿಂದ ಯುವ ಜನರ ಮೇಲೆ ಅಪಾರ ಪ್ರಭಾವ ಬೀರಿರುವ ಅನಿರುದ್ಧ ರವಿಚಂದರ್ ಪ್ರೇಕ್ಷಕರಿಗೆ ಅವರ ಸ್ಟೈಲ್ ಮತ್ತು ವ್ಯಕ್ತಿತ್ವದಿಂದ ಇಷ್ಟವಾಗುತ್ತಾ ಬಂದಿದ್ದಾರೆ. ಈಗ ಪ್ರಸಿದ್ಧ ಸನ್ ಸ್ಕ್ರೀನ್  ಬ್ರಾಂಡ್ ನ ಪಾರ್ಟ್ನರ್ ಆಗಿ ಅವರು ಹೊರ ಹೊಮ್ಮಿದ್ದಾರೆ.
- [RTO ಕಚೇರಿಗೆ ಬೆಂಕಿ!](https://mobiletime.in/2026/04/fire-at-rto-office/): ಕಾರವಾರದ ಆರ್ ಟಿ ಓ ಕಚೇರಿಯಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಅಧಿಕಾರಿ ಕೊಠಡಿಯಲ್ಲಿಯೇ ಅಗ್ನಿ ಅವಘಡ ನಡೆದಿದೆ. ಶುಕ್ರವಾರ ಮಧ್ಯಾಹ್ನ ಆರ್ ಟಿ ಓ ಅಧಿಕಾರಿಯೊಬ್ಬರು ಕಚೇರಿಗೆ ಆಗಮಿಸಿ, ಫ್ಯಾನ್ ಹಾಕಿದರು. ಈ ವೇಳೆ ವಿದ್ಯುತ್ ಶಾರ್ಟ ಸರ್ಕೀಟ್ ಉಂಟಾಗಿದೆ. ಕಂಪ್ಯುಟರ್ ಕೆಲಸ ಶುರು ಮಾಡುವ ಮುನ್ನವೇ ಹೊಗೆ ಕಾಣಿಸಿಕೊಂಡಿದ್ದರಿAದ ಸಿಬ್ಬಂದಿ ಆಘಾತಕ್ಕೆ ಒಳಗಾಗಿದ್ದಾರೆ. ತಕ್ಷಣ ಅಲ್ಲಿದ್ದವರು ವಿದ್ಯುತ್ ಸಂಪರ್ಕ ಕಡಿತಗೊಳಿಸಿ ಅನಾಹುತ ತಪ್ಪಿಸಿದ್ದಾರೆ. ಏಕಾಏಕಿ ಅನಾಹುತ ನಡೆದಿದ್ದರಿಂದ ಅಲ್ಲಿದ್ದ ಜನರು ಆತಂಕವ್ಯಕ್ತಪಡಿಸಿದರು. ಈ ವೇಳೆ ಯಾರಿಗೂ ಅಪಾಯ ಆಗದ ಕಾರಣ ಜನ ಸಮಾಧಾನಕ್ಕೊಳಗಾದರು. ಅನಾಹುತದ ಬಗ್ಗೆ ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ವಿದ್ಯುತ್ ವಿಭಾಗದವರು ಸಹ ಆಗಮಿಸಿ ಪರಿಶೀಲೆ ಮಾಡಿದ್ದಾರೆ. ವಿದ್ಯುತ್ ಸಂಪರ್ಕ ದೋಷ ಅವಘಡಕ್ಕೆ ಕಾರಣ ಎಂಬ ಮಾಹಿತಿಯಿದ್ದು, ಅದನ್ನು ಸರಿಪಡಿಸುವ ಕೆಲಸ ನಡೆದಿದೆ.  
- [ಕರೆಂಟ್ ಕಂಬಕ್ಕೆ ಬಡಿದ KSRTC ಬಸ್ಸು!](https://mobiletime.in/2026/04/ksrtc-bus-hits-an-electricity-pole/): ಕುಮಟಾದ ಹಿರೇಗುತ್ತಿ ಬಳಿ ಕೆಎಸ್‌ಆರ್‌ಟಿಸಿ ಬಸ್ಸು ಕರೆಂಟ್ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಅಪಘಾತದ ರಭಸಕ್ಕೆ ಬಸ್ಸು ಸಂಪೂರ್ಣವಾಗಿ ಜಖಂ ಆಗಿದೆ. ಹುಬ್ಬಳ್ಳಿಯಿಂದ ಯಲ್ಲಾಪುರ, ಅಂಕೋಲಾ ಮಾರ್ಗವಾಗಿ ಬಂದ ಈ ಬಸ್ಸು ಮಂಗಳೂರಿಗೆ ಹೋಗಬೇಕಿತ್ತು. ತಲುಪಬೇಕಾದ ಸ್ಥಳ ತಲುಪಲು ತಡವಾದ ಕಾರಣ ಬಸ್ ಚಾಲಕ ವೇಗವಾಗಿ ವಾಹನ ಓಡಿಸಿದ್ದು, ಅವಾಂತರಕ್ಕೆ ಕಾರಣವಾಯಿತು. ಶುಕ್ರವಾರ ನಸುಕಿನಲ್ಲಿ ಈ ಬಸ್ಸು ಅಪಘಾತಕ್ಕೀಡಾಯಿತು. ಈ ಬಸ್ಸಿನಲ್ಲಿ 52 ಜನ ಪ್ರಯಾಣಿಕರಿದ್ದು ಅವರೆಲ್ಲರೂ ಜೀವಾಪಾಯದಿಂದ ಪಾರಾಗಿದ್ದಾರೆ. ಅದಾಗಿಯೂ, ಮೂವರು ಪ್ರಯಾಣಿಕರಿಗೆ ಪೆಟ್ಟಾಗಿದೆ. ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. ಬಸ್ಸು ಕರೆಂಟ್ ಕಂಬಕ್ಕೆ ಗುದ್ದಿದ ರಭಸಕ್ಕೆ ಕಂಬ ಮುರಿದು ಬಸ್ಸಿನ ಮೇಲೆಯೇ ಬಿದ್ದಿದೆ. ಕಂಬ ಮುರಿದು ಬಿದ್ದ ತಕ್ಷಣ ವಿದ್ಯುತ್ ಸರಬರಾಜು ನಿಂತಿದ್ದರಿAದ ಇನ್ನಷ್ಟು ದೊಡ್ಡ ಅನಾಹುತ ನಡೆದಿಲ್ಲ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ. ಬಸ್ಸಿನಲ್ಲಿದ್ದ ಪ್ರಯಾಣಿಕರನ್ನು ಬೇರೆ ಬಸ್ಸಿನ ಮೂಲಕ ಸುರಕ್ಷಿತವಾಗಿ ಕಳುಹಿಸಲಾಗಿದೆ.
- [ಶಕ್ತಿ ಸದನಕ್ಕೆ ಸೋಲಾರ್ ಹೊದಿಕೆ](https://mobiletime.in/2026/04/solar-roof-for-shakti-sadan/): `ಸೌರಶಕ್ತಿಯ ಬಳಕೆಯಿಂದ ಮಾತ್ರ ಇಂಧನದ ಮೇಲಿನ ಒತ್ತಡ ತಡೆಯಲು ಸಾಧ್ಯ’ ಎಂದು ಗೋಕಲ್‌ದಾಸ್ ಎಕ್ಸಪೋರ್ಟ್ ಫೌಂಡೇಶನ್‌ನ ಸಿಎಸ್‌ಆರ್ ಮುಖ್ಯಸ್ಥ ರಾಜೇಂದ್ರ ಪ್ರಸಾದ್ ಅವರು ಹೇಳಿದ್ದಾರೆ. ಭಾರತ ಸರ್ಕಾರ ಹಾಗೂ ಕರ್ನಾಟಕ ಸರ್ಕಾರದ ಸಹಯೋಗದಲ್ಲಿ ಸರ್ಕಾರಿ ಸಹಭಾಗಿತ್ವದಲ್ಲಿ ಸ್ಕೋಡ್‌ವೆಸ್ ಸಹಯೋಗದ ನಿರ್ವಹಣೆಯಲ್ಲಿರುವ ಶಿರಸಿಯ ಶಕ್ತಿ ಸದನಕ್ಕೆ ಸೋಲಾರ್ ವಾಟರ್ ಹೀಟರ್ ವಿತರಿಸಿ ಮಾತನಾಡಿದ ಅವರು `ಮುಂದಿನ ಪೀಳಿಗೆಯ ಅವಶ್ಯಕತೆಗಳನ್ನು ಪೂರೈಸುವಲ್ಲಿ ಇಂಧನಗಳು ಮುಖ್ಯ ಮಾತ್ರ ನಿಭಾಯಿಸುತ್ತಿದೆ. ಜಾಗತಿಕ ಇಂಧನ ಉದ್ಯಮದಲ್ಲಾಗುತ್ತಿರುವ ತಲ್ಲಣಗಳು ನವೀಕರಿಸಬಹುದಾದ ಇಂಧನ ಬಳಕೆಯ ಅವಶ್ಯಕತೆಯನ್ನು ಒತ್ತಿ ಹೇಳುತ್ತಿವೆ. ಮುಂದಿನ ಪೀಳಿಗೆಯ ಅವಶ್ಯಕತೆಗಳನ್ನು ಪೂರೈಸುವಲ್ಲಿ ಇಂಧನಗಳೂ ಸಹ ಬಹುಮುಖ್ಯ ಪಾತ್ರವಹಿಸುವುದರಿಂದ ನೈಸರ್ಗಿಕ ಹಾಗೂ ನವೀಕರಿಸಬಹುದಾದ ಇಂಧನದ ಉತ್ಪಾದನೆ ಮತ್ತು ಬಳಕೆಯ ಬಗ್ಗೆ ಹೆಚ್ಚಿನ ಗಮನವಹಿಸುವುದು ಸೂಕ್ತ’ ಎಂದವರು ಹೇಳಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು `ಪಶ್ಚಿಮ ಘಟ್ಟಗಳ ಅಂಚಿನಲ್ಲಿರುವ ಗ್ರಾಮಗಳ ಅರಣ್ಯ ಅವಲಂಬಿತ ಕುಟುಂಬಗಳ ಉರುವಲು ಮೇಲಿನ ಒತ್ತಡವನ್ನು ಕಡಿಮೆ ಮಾಡಲು ಸೋಲಾರ್ ಹಾಗೂ ಜೈವಿಕ ಇಂಧನ ಬಳಕೆಯ ಬಗ್ಗೆ ಜಾಗೃತಿ ಮೂಡಿಸಲಾಗುತ್ತಿದೆ’ ಎಂದರು. ಸಂಸ್ಥೆಯ ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿ, ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ, ಯೋಜನಾ ವಿಭಾಗದ ಮುಖ್ಯಸ್ಥ ವಿರೇಂದ್ರ ಸಿ ಅವರು ಸೋಲಾರ್ ಉಪಕರಣ ಸ್ವೀಕರಿಸಿ, ಕೃತಜ್ಞತೆ ಸಲ್ಲಿಸಿದರು.
- [ಅಂಧ ವಿದ್ಯಾರ್ಥಿನಿ ಬಾಳಿಗೆ ಆಶಾಕಿರಣ: ಬಲ ಪ್ರದರ್ಶಿಸಿದ ಭೀಮಣ್ಣ!](https://mobiletime.in/2026/04/a-ray-of-hope-for-the-life-of-a-beautiful-student-bhimanna-demonstrated-his-strength/): ಶಿರಸಿಯ ಅಂಧ ವಿದ್ಯಾರ್ಥಿನಿ ಲಿಝಾ ಖಾನಮ್ ಅವರು ಪರೀಕ್ಷೆ ಬರೆದಿದ್ದರೂ `ಗೈರು’ ಎಂದು ಫಲಿತಾಂಶ ನೀಡಿದ್ದ ಪರೀಕ್ಷಾ ಮಂಡಳಿ ನಡೆಯನ್ನು ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ಪ್ರಶ್ನಿಸಿದ್ದು, ಎಚ್ಚೆತ್ತ ಪರೀಕ್ಷಾ ಮಂಡಳಿ ಒಂದೇ ದಿನದಲ್ಲಿ ಸರಿಯಾದ ಫಲಿತಾಂಶ ನೀಡಿದೆ. ಜೊತೆಗೆ ಪರೀಕ್ಷಾ ಮಂಡಳಿಯಯವರೇ ವಿದ್ಯಾರ್ಥಿ ಪಾಲಕರಿಗೆ ಫೋನ್ ಮಾಡಿ ಕ್ಷಮೆಯನ್ನು ಕೋರಿದ್ದಾರೆ. ಶಿರಸಿಯ ಯೂನಿಯನ್ ಪ್ರೌಢಶಾಲೆಯ ವಿದ್ಯಾರ್ಥಿನಿ ಲಿಝಾ ಖಾನಮ್ ಅವರು ಬಾಲ್ಯದಿಂದಲೂ ಕುರುಡರಾಗಿದ್ದು, ಅವರ ಅಂಗವಿಕಲತೆ ಸಾಧನೆಗೆ ಅಡ್ಡಿ ಆಗಿರಲಿಲ್ಲ. ಆದರೆ, ಎಸ್ ಎಸ್ ಎಲ್ ಸಿ ಪರೀಕ್ಷೆ ಎದುರಿಸಿದರೂ ಅವರು ಪರೀಕ್ಷೆಗೆ ಗೈರಾದ ಬಗ್ಗೆ ಅಂಕಪಟ್ಟಿಯಲ್ಲಿ ನಮೂದಿಸಿದ್ದು ಆಘಾತಕ್ಕೆ ಕಾರಣವಾಗಿತ್ತು. ಪರೀಕ್ಷಾ ಮಂಡಳಿ ಮಾಡಿದ ಅವಾಂತರದಿoದ ಲಿಝಾ ಖಾನಮ್ ಅವರು ಹೆದರಿದ್ದರು. ತಮಗಾದ ಅನ್ಯಾಯದ ಬಗ್ಗೆ ಅವರು ಶಾಸಕ ಭೀಮಣ್ಣ ನಾಯ್ಕ ಅವರಲ್ಲಿ ಹೇಳಿಕೊಂಡಿದ್ದರು. ತಕ್ಷಣ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರಿಗೆ ಭೀಮಣ್ಣ ನಾಯ್ಕ ಅವರು ಫೋನ್ ಮಾಡಿ, ಸಮಸ್ಯೆ ಹೇಳಿದ್ದರು. ಲಿಝಾ ಖಾನಮ್ ಅವರು ಪ್ರಥಮ ಭಾಷೆ ಉರ್ದುವಿನಲ್ಲಿ 124, ಕನ್ನಡದಲ್ಲಿ 100 ಅಂಕಪಡೆದಿದ್ದರು. ಉಳಿದ ಪರೀಕ್ಷೆಯಲ್ಲಿಯೂ ಉತ್ತಮ ಅಂಕಪಡೆದಿದ್ದರು. ಆದರೆ, ಸಮಾಜ ವಿಜ್ಞಾನ ಪರೀಕ್ಷೆಗೆ ಹಾಜರಾಗದ ಬಗ್ಗೆ ಅಂಕಪಟ್ಟಿಯಲ್ಲಿ ನಮೂದಿಸಲಾಗಿತ್ತು. ಶಿಕ್ಷಣ ಇಲಾಖೆ ಮಾಡಿದ ಎಡವಟ್ಟಿನಿಂದ ಅಂದ ವಿದ್ಯಾರ್ಥಿನಿಗೆ ಅನ್ಯಾಯವಾಗಿದ್ದು, ಮಾನಸಿಕ ಹಿಂಸೆ ಅನುಭವಿಸಿದ್ದರು. ಈ ವಿಷಯ ಅರಿತ ಭೀಮಣ್ಣ ನಾಯ್ಕ ಅವರು ತಮ್ಮ ಬಲ ಪ್ರದರ್ಶಿಸಿದ್ದು, ಶಿಕ್ಷಣ ಇಲಾಖೆ ಅಧಿಕಾರಿಗಳು ಆದ ಪ್ರಮಾದ ಸರಿಪಡಿಸಿದರು. ವಿಷಯ ಹೊರಬಿದ್ದ ಒಂದೇ ದಿನದಲ್ಲಿ ಪರೀಕ್ಷಾ ಮಂಡಳಿ ತಪ್ಪನ್ನು ಸರಿಪಡಿಸಿದೆ. ಇದರಿಂದ ಲಿಝಾ ಖಾನಮ್ ಅವರ ಎಸ್ ಎಸ್ ಎಲ್ ಸಿ ಫಲಿತಾಂಶ ಶೇ 96.48ರಷ್ಟಾಗಿದೆ. ಕನ್ನಡಕ್ಕೆ 100, ಉರ್ದು 124, ಇಂಗ್ಲಿಷ್ 92, ಅರ್ಥಶಾಸ್ತ್ರ 98, ರಾಜ್ಯಶಾಸ್ತ್ರ 92 ಅಂಕಪಡೆದಿರುವ ಅವರು ಸಮಾಜ ಶಾಸ್ತ್ರದಲ್ಲಿಯೂ 97 ಅಂಕಪಡೆದಿದ್ದಾರೆ.
- [ಅಪಘಾತ: ದೂರು ನೀಡದಂತೆ ಒತ್ತಡ!](https://mobiletime.in/2026/04/accident-pressure-not-to-file-a-complaint/): ಸಿದ್ದಾಪುರದ ವಸಂತ ನಾಯ್ಕ ಅವರು ವೇಗವಾಗಿ ಕಾರು ಓಡಿಸಿದ್ದು, ಆ ಕಾರು ರಿಕ್ಷಾಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ರಿಕ್ಷಾದಲ್ಲಿದ್ದ ಮೂವರು ಪ್ರಯಾಣಿಕರ ಜೊತೆ ಚಾಲಕ ಶ್ರೀನಿವಾಸ ಮಡಿವಾಳ ಅವರು ಗಾಯಗೊಂಡಿದ್ದಾರೆ. ಅದಾದ ನಂತರ ವಸಂತ ನಾಯ್ಕ ಅವರು ಅಪಘಾತದ ಬಗ್ಗೆ ದೂರು ನೀಡದಂತೆ ಶ್ರೀನಿವಾಸ ಮಡಿವಾಳ ಅವರಿಗೆ ಬೆದರಿಸಿದ್ದಾರೆ! ಸದ್ಯ ಸಿದ್ದಾಪುರದ ಕೊಂಡ್ಲಿ ಗೋರಿಗುಡ್ಡದಲ್ಲಿ ವಾಸವಾಗಿರುವ ಬಾಲಿಕೊಪ್ಪ ಶ್ರೀನಿವಾಸ ನಾರಾಯಣ ಮಡಿವಾಳ ಅವರು ರಿಕ್ಷಾ ಚಾಲಕರಾಗಿ ಜೀವನ ನಡೆಸುತ್ತಿದ್ದಾರೆ. ಏಪ್ರಿಲ್ 15ರಂದು ಅವರ ರಿಕ್ಷಾಗೆ ಸೆಂಟ್ರೋ ಕಾರು ಗುದ್ದಿದೆ. ಹಾಳಾದಕಟ್ಟಾ ಕಡೆಯಿಂದ ಸಿದ್ದಾಪುರ ಕಡೆ ಹೊರಟಿದ್ದ ಬೇಡ್ಕಣಿ ಹುಲಿಮನೆಯ ವಸಂತ ರಾಮಾ ನಾಯ್ಕ ಅವರು ರಿಕ್ಷಾಗೆ ಕಾರು ಗುದ್ದಿದ್ದಾರೆ. ಪರಿಣಾಮ ಶ್ರೀನಿವಾಸ ಮಡಿವಾಳ ಅವರ ಮೂಗಿನಿಂದ ರಕ್ತ ಸುರಿದಿದೆ. ಜೊತೆಗೆ ಕುತ್ತಿಗೆ, ಬೆನ್ನು, ಎದೆಗೂ ಪೆಟ್ಟಾಗಿದೆ. ಆ ರಿಕ್ಷಾದಲ್ಲಿ ಸಂಚರಿಸುತ್ತಿದ್ದ ಸಿದ್ದಾಪುರದ ಪ್ರಣಮ್ಯ ರಾಘವೇಂದ್ರ ಆಚಾರಿ (11), ಗಾಯತ್ರಿ ನಾಗಭೂಷಣ (42), ಚಂದ್ರಶೇಖರ್ ಗಣಪತಿ ಆಚಾರಿ (59) ಅವರು ಸಹ ಅಪಘಾತದಿಂದ ನೋವು ಅನುಭವಿಸಿದ್ದಾರೆ. ಬಸವನಗಲ್ಲಿಯ ವಿಠ್ಠೋಬಾ ದೇವಾಲಯ ಎದುರು ಈ ಅಪಘಾತ ನಡೆದಿದ್ದು, ಬಿಕ್ಕಳಸೆ ಕಡೆ ಹೊರಟಿದ್ದ ಬಾಲಿಕೊಪ್ಪದ ಶ್ರೀನಿವಾಸ ಮಡಿವಾಳ ಅವರು ಅದೇ ದಿನ ಸಿದ್ದಾಪುರ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದಿದ್ದಾರೆ. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಸಾಗರದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಏಪ್ರಿಲ್ 15ರಂದು ಅಪಘಾತ ನಡೆದಿದ್ದರೂ ಈ ವಿಷಯವನ್ನು ಶ್ರೀನಿವಾಸ ಮಡಿವಾಳ ಅವರು ಯಾರಿಗೂ ಹೇಳಿರಲಿಲ್ಲ. ಉಳಿದ ಪ್ರಯಾಣಿಕರು ಸಹ ಅಪಘಾತದ ಬಗ್ಗೆ ಮೌನವಾಗಿದ್ದು, ನೋವು ಅನುಭವಿಸಿದ್ದರು. ಹಾಲಿನ ಡೈರಿಯಲ್ಲಿ ಕೆಲಸ ಮಾಡುವ ಶ್ರೀನಿವಾಸ ಮಡಿವಾಳ ಅವರ ಪತ್ನಿ ದಾಕ್ಷಾಯಣಿ ಮಡಿವಾಳ ಅವರು ವಿಚಾರಿಸಿದಾಗ ಅಪಘಾತದ ಬಗ್ಗೆ ದೂರು ನೀಡದಂತೆ ವಸಂತ ನಾಯ್ಕ ಅವರು ಬೆದರಿಕೆ ಒಡ್ಡಿರುವುದು ಗೊತ್ತಾಯಿತು. ಅಪಘಾತ ಮಾಡಿದಲ್ಲದೇ ದೂರು ನೀಡದಂತೆಯೂ ಒತ್ತಡ ಹಾಕಿದ ವಸಂತ ನಾಯ್ಕ ಅವರ ವಿರುದ್ಧ ದಾಕ್ಷಾಯಣಿ ನಾಯ್ಕ ಅವರೇ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡಿದರು. ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದರು.
- [ಕೂಲಿ ಕೆಲಸ ಬಿಟ್ಟವ ಕಳ್ಳನಾದ!](https://mobiletime.in/2026/04/the-one-who-quit-his-job-became-a-thief/): ಸಿದ್ದಾಪುರ ಹೆರೂರಿನ ಅಬ್ದುಲ್ ಖುದ್ದುಸ್ ಅವರು ಕೂಲಿ ಕೆಲಸ ಬಿಟ್ಟು ಕಳ್ಳತನಕ್ಕೆ ಕೈ ಹಾಕಿದ್ದಾರೆ. ಶಿರಸಿಯ ಟೀಚರ್ ಕಾಲೋನಿಯಲ್ಲಿದ್ದ ಶಹತಾಜ್ ಸಾಹೇಬ್ ಅವರ ಮನೆಯಲ್ಲಿ ಅವರು 1 ಲಕ್ಷ ರೂ ಹಣ ಕದ್ದಿದ್ದಾರೆ. ಏಪ್ರಿಲ್ 18ರಂದು ಶಿರಸಿಯ ಶಹತಾಜ್ ತಂಬ್ರೇಜ್ ಸಾಬ್ ಅವರ ಮನೆಯಲ್ಲಿ ಕಳ್ಳತನ ನಡೆದಿತ್ತು. ಮನೆಯಲ್ಲಿದ್ದ 1 ಲಕ್ಷ ರೂ ಹಣದ ಜೊತೆ 1.30 ಲಕ್ಷ ರೂ ಮೌಲ್ಯದ ಬಂಗಾರದ ಉಂಗುರಗಳು ಕಾಣೆಯಾಗಿದ್ದವು. ಏಪ್ರಿಲ್ 19ರಂದು ಈ ವಿಷಯ ಗಮನಕ್ಕೆ ಬಂದಿದ್ದು, ಶಹತಾಜ್ ಸಾಬ್ ಅವರು ಪೊಲೀಸ್ ದೂರು ನೀಡಿದ್ದರು. ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ಆರೋಪಿಯ ಶೋಧ ಶುರು ಮಾಡಿದ್ದರು. ಸಿದ್ದಾಪುರದ ಹೆರೂರಿನಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದ ಅಬ್ದುಲ್ ಖುದ್ದುಸ್ ಕಳ್ಳತನದ ದುಡ್ಡಿನಲ್ಲಿ ಹಾಯಾಗಿದ್ದರು. 1 ಲಕ್ಷ ರೂಪಾಯಿ ಹಣ ಕದ್ದ ಅವರು ಒಂದೇ ವಾರದಲ್ಲಿ 90 ಸಾವಿರ ರೂ ಹಣವನ್ನು ಅವರು ಖಾಲಿ ಮಾಡಿದ್ದರು. ತನಿಖೆ ನಡೆಸಿದ ಪೊಲೀಸರಿಗೆ ಅಬ್ದುಲ್ ಖುದ್ದುಸ್ ಸಿಕ್ಕಿಬಿದ್ದಿದ್ದು, ಈ ವೇಳೆ ಅವರ ಬಳಿಯಿದ್ದ 10ಸಾವಿರ ರೂ ಹಣವನ್ನು ಪೊಲೀಸರು ಜಪ್ತು ಮಾಡಿದರು. ಜೊತೆಗೆ ತಹತಾಜ್ ಅವರ ಮನೆಯಲ್ಲಿ ಕದ್ದಿದ್ದ ಬಂಗಾರದ ಉಂಗುರವನ್ನು ವಶಕ್ಕೆಪಡೆದರು. ಕಳ್ಳತನಕ್ಕೆ ಸಹಕರಿಸಿದ್ದ ಸ್ಕಾನರ್ ಹಾಗೂ ಮೊಬೈಲನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಕಳ್ಳನನ್ನು ಸಹ ಹಿಡಿದು ಜೈಲಿಗೆ ಕಳುಹಿಸಿದರು. ಪಿಸೈ ಬಸವರಾಜ ಕನಶೆಟ್ಟಿ ಅವರ ಜೊತೆ ಎಸೈ ಮಂಗಳಮೂರ್ತಿ ಶಿರಹಟ್ಟಿ, ಪೊಲೀಸ್ ಸಿಬ್ಬಂದಿ ಸಂತೋಷ ಆರ್ ಕೆ, ಸಂದೀಪ ನಿಂಬಾಯಿ, ರಾಕೇಶ ಎಚ್ ಎನ್, ಅರುಣ ಲಮಾಣಿ, ಮಂಜುನಾಥ ಕೆ, ಪ್ರಸಾದ ಎಂ, ಹನುಮಂತ ವಾಲೀಕರ್ ಈ ಕಾರ್ಯಾಚರಣೆ ರೂವಾರಿಯಾಗಿದ್ದರು. ಟೆಕ್ನಿಕಲ್ ವಿಭಾಗದ ಉದಯ ಗುನಗಾ ಹಾಗೂ ಬಬನ್ ಕದಂ ಸಹ ನೆರವು ನೀಡಿದರು.
- [ಕಾನೂನು ಪದವಿ:  ಶಾಖಾಧಿಕಾರಿ ಹುದ್ದೆಗೆ ನೇರ ನೇಮಕಾತಿ!](https://mobiletime.in/2026/04/law-degree-direct-recruitment-for-the-post-of-branch-officer/): ರಾಜ್ಯ ಕಾನೂನು ಸೇವಾ ಪ್ರಾಧಿಕಾರದ ವ್ಯಾಪ್ತಿಗೆ ಒಳಪಡುವ ಕಚೇರಿಗಳಲ್ಲಿ ಶಾಖಾಧಿಕಾರಿ ಹುದ್ದೆ ಭರ್ತಿ ಮಾಡಲು ಆಸಕ್ತಿವಹಿಸಿದೆ. ಒಟ್ಟು 19 ಹುದ್ದೆಗಳು ಖಾಲಿಯಿದ್ದು, ಅರ್ಹರ ಹುಡುಕಾಟ ನಡೆದಿದೆ. ಈ ಪೈಕಿ 17 ಹುದ್ದೆಗಳಿಗೆ ಮೂಲ ವೃಂದದಡಿಯಲ್ಲಿ ಹಾಗೂ ಎರಡು ಹುದ್ದೆಗಳಿಗೆ ಕಲ್ಯಾಣ ಕರ್ನಾಟಕ ವೃಂದದಡಿ ನೇರ ನೇಮಕಾತಿ ನಡೆಯಲಿದೆ. ಇದಕ್ಕಾಗಿ ಅರ್ಜಿ ಸಲ್ಲಿಸಲು ಅಧಿಸೂಚನೆಯನ್ನು ಹೊರಡಿಸಲಾಗಿದೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ವೆಬ್‌ಸೈಟ್ ಮೂಲಕ ಅರ್ಹರು ಅರ್ಜಿ ಸಲ್ಲಿಸುವ ಅವಕಾಶ ಕೊಡಲಾಗಿದೆ. ಅರ್ಜಿ ಸಲ್ಲಿಸಲು ಮೇ 15ಕ್ಕೆ ಕೊನೆ ದಿನ. 40 ವರ್ಷದೊಳಗಿನ ಸಾಮಾನ್ಯ ಅಭ್ಯರ್ಥಿಗಳು ಹಾಗೂ ಪರಿಶಿಷ್ಟ ಸಮುದಾಯದ 45 ವರ್ಷದೊಳಗಿನ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಹಿಂದೂಳಿದ ಪ ವರ್ಗದ 43 ವಯಸ್ಸಿನವರಿಗೂ ಅವಕಾಶವಿದೆ. ಸಾಮಾನ್ಯ ವರ್ಗದವರಿಗೆ 1 ಸಾವಿರ ರೂ ಹಾಗೂ ಮೀಸಲಾತಿಯವರಿಗೆ 500ರೂ ಅರ್ಜಿ ಶುಲ್ಕವಿದೆ. ಸರಿಯಾಗಿ ಅರ್ಜಿ ಭರ್ತಿ ಮಾಡದೇ ಇದ್ದರೆ ಅಂಥ ಅಭ್ಯರ್ಥಿಗಳನ್ನು ಪರಿಗಣಿಸುವುದಿಲ್ಲ. ನೇಮಕಾತಿ ಹುದ್ದೆ ಎರಡು ವರ್ಷಗಳವರೆಗೆ ವಾಯಿದೆಯಿರಲಿದ್ದು, ಅಗತ್ಯವಿದ್ದರೆ ಅದನ್ನು ವಿಸ್ತರಿಸಲಾಗುತ್ತದೆ. ಅರ್ಜಿ ಸಲ್ಲಿಸಿದ ಅಭ್ಯರ್ಥಿಗಳಿಗೆ ಸ್ಪರ್ಧಾತ್ಮಕ ಮಾದರಿಯ ಪರೀಕ್ಷೆ ನಡೆಸಲಾಗುತ್ತದೆ. ಬೆಂಗಳೂರಿನಲ್ಲಿ ಈ ಪರೀಕ್ಷೆ ನಡೆಯಲಿದೆ. ಕಾನೂನು ಪದವಿ ಪೂರೈಸಿದ ಬಗ್ಗೆ ದಾಖಲೆ, ಗೌರವಾನ್ವಿತ ವ್ಯಕ್ತಿಗಳಿಬ್ಬರ ಶಿಫಾರಸ್ಸು ಪತ್ರವನ್ನು ಅಭ್ಯರ್ಥಿಗಳು ಕೊಡಬೇಕು. ಶಾಖಾಧಿಕಾರಿ ಹುದ್ದೆಗಳ ನೇರ ನೇಮಕಾತಿಗಾಗಿ ಆನ್ ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ ಮಾಡಿ: ಶಾಖಾಧಿಕಾರಿ ಹುದ್ದೆಗೆ ಅರ್ಜಿ  
- [`ಅರಣ್ಯ ಸಂರಕ್ಷಣೆಗೆ ಬೇಕು ಸಿಎಸ್‌ಆರ್ ನಿಧಿ'](https://mobiletime.in/2026/04/csr-funds-are-needed-for-forest-conservation/): `ಸಂಘಟನಾತ್ಮಕ ಅರಣ್ಯ, ಪರಿಸರ ಸಂರಕ್ಷಣಾ ಕಾರ್ಯಕ್ಕೆ ಹೆಚ್ಚಿನ ಸಿಎಸ್‌ಆರ್ ಅನುದಾನ ವಿನಿಯೋಗವಾಗಲಿ’ ಎಂದು ಕೆನರಾ ವೃತ್ತದ ಅರಣ್ಯ ಸಂರಕ್ಷಣಾಧಿಕಾರಿ ಹೀರಾಲಾಲ್ ಅವರು ಹೇಳಿದ್ದಾರೆ. ಶಿರಸಿಯ ಸುಪ್ರಿಯಾ ಇಂಟರ್‌ನ್ಯಾಷನಲ್ ಹೊಟೇಲ್‌ನಲ್ಲಿ ಪ್ರತಿಷ್ಠಿತ ಸ್ಕೊಡ್‌ವೆಸ್ ಸಂಸ್ಥೆ ಸಂಘಟಿಸಿದ್ದ ರಾಜ್ಯಮಟ್ಟದ ಭಾಗೀದಾರರ ಸಮಾವೇಶವನ್ನು ಉದ್ಘಾಟಿಸಿ ಮಾತನಾಡಿದ ಅವರು `ಪಶ್ಚಿಮ ಘಟ್ಟಗಳು ಹಾಗೂ ಈಶಾನ್ಯ ರಾಜ್ಯಗಳ ಅರಣ್ಯ ಪ್ರದೇಶಗಳು ಇಡೀ ದೇಶದ ನೈಸರ್ಗಿಕ ವಾತಾವರಣವನ್ನು ನಿಯಂತ್ರಿಸುತ್ತಿರುವುದರಿoದ ಇವುಗಳ ರಕ್ಷಣೆ ಎಲ್ಲರ ಜವಾಬ್ದಾರಿಯಾಗಬೇಕಿದೆ’ ಎಂದು ಕರೆ ನೀಡಿದ್ದಾರೆ. `ವಿಶಿಷ್ಟವಾದ ಸಸ್ಯ ಮತ್ತು ವನ್ಯ ಜೀವಿ ಪ್ರಭೇದಗಳು, ವಿಶ್ವದ ತಾಪಮಾನ ನಿರ್ವಹಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿರುವುದರಿಂದ ಪಶ್ಚಿಮ ಘಟ್ಟಗಳನ್ನು ವಿಶ್ವ ಜೀವವೈವಿಧ್ಯತೆಯ ತಾಣವೆಂದು ಯುನೆಸ್ಕೋ ಘೋಷಿಸಿದೆ. ಇಂತಹ ಸಂದರ್ಭದಲ್ಲಿ ವನ್ಯ ಮತ್ತು ಮನುಷ್ಯನ ಸಂಘರ್ಷಗಳು ನಡೆಯುತ್ತಿದೆ. ಈ ಎಲ್ಲಾ ಸಮಸ್ಯೆಗಳಿಗೂ ಸಂಘಟನಾತ್ಮಕ ಸಮಾಲೋಚನೆ ಮತ್ತು ಪರಿಹಾರ ಒದಗಿಸಬೇಕಾಗಿರುವುದರಿಂದ ಸಿಎಸ್‌ಆರ್ ಕಾರ್ಯಕ್ರಮಗಳ ಮುಖ್ಯಸ್ಥರು ಸ್ಥಳೀಯ ಸಂಸ್ಥೆಗಳು ಮತ್ತು ಇಲಾಖೆಯೊಂದಿಗೆ ಕೈ ಜೋಡಿಸಿ’ ಎಂದವರು ಮನವಿ ಮಾಡಿದರು. `ಮುಖ್ಯ ಅತಿಥಿಗಳಾಗಿದ್ದ ಮೈಸೂರಿನ ಗ್ರಾಮ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ಬಸವರಾಜು ಶ್ರೇಷ್ಠ ಅವರು ಮಾತನಾಡಿ `ಸಮಾಜದ ಬೇಡಿಕೆ ಮತ್ತು ಅವಶ್ಯಕತೆಗನುಗುಣವಾಗಿ ಯೋಜನೆಗಳು ರೂಪುಗೊಳ್ಳದೇ ಇರುವುದರಿಂದ ನಿಜವಾದ ಸಮಸ್ಯೆಗಳಿಗೆ ಪರಿಹಾರ ಒದಗಿಸಲು ಸಾಧ್ಯವಾಗುತ್ತಿಲ್ಲ. ರಾಜಕೀಯ ದೃಷ್ಟಿಕೋನದಲ್ಲಿ ಸಂಪನ್ಮೂಲಗಳ ಹಂಚಿಕೆ, ಸೌಲಭ್ಯ ಒದಗಿಸುವಲ್ಲಿ ತಾರತಮ್ಯ, ವಾಸ್ತವ ಅಂಶಗಳನ್ನು ಮರೆಮಾಚಿ ಅಂಕಿ ಅಂಶಗಳ ಮೂಲಕ ಸಮಾಜದ ದಿಕ್ಕು ತಪ್ಪಿಸುವ ಪ್ರಯತ್ನಗಳು ಸಾಮಾಜಿಕ ಬದಲಾವಣೆಯ ಅನಿಷ್ಠಗಳಾಗಿವೆ. ಸರ್ಕಾರ, ಸಂಘ-ಸAಸ್ಥೆಗಳು, ಸಿ ಎಸ್ ಆರ್. ಯೋಜನೆಗಳ ಮುಖ್ಯಸ್ಥರು ಸಮಸ್ಯೆಗಳ ಮೂಲವನ್ನು ಅರಿತು ಜವಾಬ್ದಾರಿ ನಿರ್ವಹಿಸಬೇಕು’ ಎಂದು ಕರೆ ನೀಡಿದರು. ಅಧ್ಯಕ್ಷತೆ ವಹಿಸಿದ್ದ ಹಂಪಿ ವಿಶ್ವ ವಿದ್ಯಾಲಯದ ವಿಶ್ರಾಂತ ಕುಲಪತಿ ಹಾಗೂ ಸ್ಕೊಡ್‌ವೆಸ್ ಸಂಸ್ಥೆಯ ಅಧ್ಯಕ್ಷ ಹಿ ಚಿ ಬೋರಲಿಂಗಯ್ಯ ಅವರು ಸ್ಕೊಡ್‌ವೆಸ್ ಸಂಸ್ಥೆ ನಡೆದು ಬಂದ ದಾರಿಯನ್ನು ವಿವರಿಸಿದರು. ಮುಂದಿನ 05 ವರ್ಷಗಳ ಯೋಜನೆಗಳ ಬಗ್ಗೆ ಸಭೆಗೆ ಪರಿಚಯಿಸಿದರು. ಸ್ಕೊಡ್‌ವೆಸ್ ಸಂಸ್ಥೆಯು ಪ್ರತೀ ವರ್ಷವೂ ಸಂಘಟಿಸುವ ಭಾಗೀದಾರರ ಸಮಾವೇಶದಲ್ಲಿ ಈ ಬಾರಿ ಗುಜರಾತ್ ದೇಸಾಯಿ ಫೌಂಡೇಶನ್‌ನ ನಿತಿನ್ ಸಿಂಗ್, ಬಯೋಕಾನ್ ಫೌಂಡೇಶನ್‌ನ ಡಾ.ವಿಕ್ರಮ್, ನಯನ ಜ್ಯೋತಿ ಟ್ರಸ್ಟ್ನ ಡಾ. ಜಯರಾಮನ್, ಗೋಕಲ್‌ದಾಸ್ ಎಕ್ಸ್ಪೋರ್ಟ್ಸ್ನ ರಾಜೇಂದ್ರಪ್ರಸಾದ, ನಾರಾಯಣ ಹೆಲ್ತ್ನ ಮುತ್ತರಾಜು, ಕ್ವೆಸ್ಟ್ ಅಲೈಯನ್ಸ್ನ ಅಭಿಷೇಕ್, ಕೆವಿಕೆಯ ರೂಪಾ ಪಾಟೀಲ್ ಸೇರಿದಂತೆ 15ಕ್ಕೂ ಹೆಚ್ಚು ಸಂಸ್ಥೆಗಳ ಮುಖ್ಯಸ್ಥರು ಉಪಸ್ಥಿತರಿದ್ದರು. ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ಹಾಗೂ ಯೋಜನಾ ಮುಖ್ಯಸ್ಥ ವಿರೇಂದ್ರ ಸಿ ಸಂಸ್ಥೆಯ ಯೋಜನೆಗಳ ಪರಿಚಯ ಮಾಡಿದರು. ಭಾಗೀದಾರರ ಸಮಾವೇಶದ ಮೊಡರೇಟರ್ ಆಗಿದ್ದ ಅರಣ್ಯ ಮಹಾವಿದ್ಯಾಲಯದ ಡೀನ್ ಆರ್ ವಾಸುದೇವರವರು ಮಂಡನೆಯಾದ ಎಲ್ಲಾ ವಿಷಯಗಳ ಸಾರಾಂಶವನ್ನು ಸಮೀಕರಿಸಿ ವರದಿ ಮಂಡಿಸಿದರು. ಇದೇ ಸಂದರ್ಭದಲ್ಲಿ ಸ್ಕೊಡ್‌ವೆಸ್‌ನ ಆಡಳಿತ ಮಂಡಳಿಯ ನಿರ್ದೇಶಕರಾದ ದಯಾನಂದ ಅಗಾಸೆ, ಪ್ರತಿಭಾ ಭಟ್, ಸದಸ್ಯೆ ಲಲಿತಾ ಹೆಗಡೆ ಉಪಸ್ಥಿತರಿದ್ದರು. ಸ್ಕೊಡ್‌ವೆಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಪ್ರಾಸ್ತಾವಿಕವಾಗಿ ಮಾತನಾಡಿ ಎಲ್ಲರನ್ನೂ ಸ್ವಾಗತಿಸಿದರು. ನಿರ್ದೇಶಕ ಕೆ ಎನ್ ಹೊಸಮನಿ ವಂದಿಸಿದರು. ಸಂಸ್ಥೆಯ ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿಯವರ ನಿರ್ದೇಶನದಲ್ಲಿ ಪಶ್ಚಿಮ ಬಂಗಾಳದ ಶ್ರೇಯಾ ಮಜುಮದಾರ್ ಸಮಾವೇಶ ನಿರ್ವಹಣೆಯೊಂದಿಗೆ ಕಾರ್ಯಕ್ರಮ ಯಶಸ್ವಿಗೊಳಿಸಿದರು.
- [ಉಪ್ಪು-ಖಾರವಿಲ್ಲದ ಅಡುಗೆ: ತಾಯಿಗೆ ಥಳಿಸಿದ ಮಗ!](https://mobiletime.in/2026/04/cooking-without-salt-son-beats-up-mother/): ರುಚಿಯಾಗಿ ಅಡುಗೆ ಮಾಡದ ಕಾರಣ ಕುಮಟಾ ದೇವರಗದ್ದೆಯ ಸಂದೀಪ ನಾಯ್ಕ ಅವರು ತಾಯಿಯ ಕೆನ್ನೆಗೆ ಹೊಡೆದಿದ್ದಾರೆ. ದೇವಕಿ ನಾಯ್ಕ ಅವರ ಮೇಲೆ ಆಕ್ರಮಣ ನಡೆದಿದನ್ನು ನೋಡಿ ಪ್ರಶ್ನಿಸಿದ ಅವರ ಪತಿ ಶ್ರೀಧರ ನಾಯ್ಕ ಅವರ ಮೇಲೆಯೂ ಸಂದೀಪ ನಾಯ್ಕ ಅವರು ದಾಳಿ ಮಾಡಿದ್ದಾರೆ. ಕುಮಟಾದ ಹೆಬೈಲ್ ದೇವರಗದ್ದೆಯಲ್ಲಿ ಶ್ರೀಧರ ವೆಂಕಟ್ರಮಣ ನಾಯ್ಕ ಅವರು ವಾಸವಾಗಿದ್ದಾರೆ. 66 ವರ್ಷದ ಅವರು ಕೂಲಿ ಕೆಲಸ ಮಾಡಿ ಕುಟುಂಬ ನಡೆಸುತ್ತಿದ್ದಾರೆ. ಶ್ರೀಧರ ನಾಯ್ಕ ಅವರ ಹಿರಿಯ ಮಗ ಸಂದೀಪ ನಾಯ್ಕ ಅವರು ಕುಡಿತದ ಚಟಕ್ಕೆ ದಾಸರಾಗಿದ್ದು, ನಿತ್ಯವೂ ಅವರು ಮನೆಯಲ್ಲಿ ಒಂದಿಲ್ಲೊAದು ಗಲಾಟೆ ಮಾಡುತ್ತಿದ್ದಾರೆ. ಮೊನ್ನೆ ಊಟ ಸರಿಯಿಲ್ಲದ ಕಾರಣ ಸಂದೀಪ ನಾಯ್ಕ ಅವರು ತಾಯಿಯ ಮೇಲೆ ಕೈ ಮಾಡಿದ್ದು, ಇದನ್ನು ಖಂಡಿಸಿದ ತಂದೆಗೂ ಬೋ.. ಮಗನೆ ಎಂದು ಬೈದಿದ್ದಾರೆ. ಏಪ್ರಿಲ್ 21ರಂದು ದೇವಕಿ ನಾಯ್ಕ ಅವರ ಜೊತೆ ಶ್ರೀಧರ ನಾಯ್ಕ ಅವರು ಮನೆಯಲ್ಲಿ ಊಟ ಮಾಡುತ್ತಿದ್ದರು. ಮಧ್ಯಾಹ್ನವೇ ಕಂಠಪೂರ್ತಿ ಕುಡಿದು ತೂರಾಡುತ್ತ ಬಂದ ಸಂದೀಪ ನಾಯ್ಕ ಅವರು ನೇರವಾಗಿ ಅಡುಗೆ ಮನೆ ಪ್ರವೇಶಿಸಿದರು. ದೇವಕಿ ನಾಯ್ಕ ಅವರು ಈ ವೇಳೆ ಮಗನಿಗೆ ಊಟ ಬಡಿಸಿದ್ದು, `ಉಪ್ಪು-ಖಾರ ಏನೂ ಸರಿಯಿಲ್ಲ’ ಎಂದು ಸಂದೀಪ ನಾಯ್ಕ ಅವರು ಕೂಗಾಡಿದರು. ಸಮಾಧಾನ ಮಾಡಲು ಯತ್ನಿಸಿದ ತಾಯಿ ದೇವಕಿ ನಾಯ್ಕ ಅವರ ಕೆನ್ನೆಗೆ ಹೊಡೆದು ಬೆನ್ನಿಗೆ ಗುದ್ದಿದರು. ಅಲ್ಲಿಯೇ ಇದ್ದ ಶ್ರೀಧರ ನಾಯ್ಕ ಅವರು ಮಗನ ವರ್ತನೆ ವಿರುದ್ಧ ಮಾತನಾಡಿದರು. ಹೀಗಾಗಿ ಸಂದೀಪ ನಾಯ್ಕ ಅವರು ತಂದೆ ಶ್ರೀಧರ ನಾಯ್ಕ ಅವರಿಗೂ ಬಡಿಗೆಯಿಂದ ಬಡಿಯಲು ಶುರು ಮಾಡಿದರು. ಈ ವೇಳೆ ಶ್ರೀಧರ ನಾಯ್ಕ ಅವರು ತಪ್ಪಿಸಿಕೊಳ್ಳುವುದಕ್ಕಾಗಿ ಮನೆ ಅಂಗಳದ ಕಡೆ ಓಡಿದರು. ಆದರೂ, ಬೆಂಬಿಡದೇ ಬಂದ ಸಂದೀಪ ನಾಯ್ಕ ಅವರು ತಂದೆಯ ಬೆನ್ನಿಗೆ ಬಡಿಗೆಯಿಂದ ಬಡಿದರು. ಈ ಹೊಡೆದಾಟ ತಪ್ಪಿಸಲು ಆಗಮಿಸಿದ ದೇವಕಿ ನಾಯ್ಕ ಅವರಿಗೂ ಸಂದೀಪ ನಾಯ್ಕ ಅವರು ಕಟ್ಟಿಗೆಯಿಂದ ಹೊಡೆದು ಇನ್ನಷ್ಟು ನೋವು ಮಾಡಿದರು. ಮಗನ ಕಾಟ ಸಹಿಸದ ಶ್ರೀಧರ ನಾಯ್ಕ ಅವರು ಕುಮಟಾ ಪೊಲೀಸ್ ಠಾಣೆಗೆ ಹೋಗಿ ರಕ್ಷಣೆ ಕೋರಿದರು. ಪೊಲೀಸರು ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [SSLC ಫಲಿತಾಂಶ: ಸಾಧಕ ವಿದ್ಯಾರ್ಥಿಗಳಿಗೆ ಅಭಿನಂದನೆ](https://mobiletime.in/2026/04/sslc-result-congratulations-to-the-meritorious-students/): ಕಾರವಾರದ ಕಿನ್ನರ ಹೈಸ್ಕೂಲಿನ ಎಲ್ಲಾ ಮಕ್ಕಳು ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಪಾಸಾಗಿದ್ದಾರೆ. ಶೇ 100ರಷ್ಟು ಫಲಿತಾಂಶ ದಾಖಲಾದ ಕಾರಣ ಶಾಲಾ ಸಮಿತಿಯವರು ಸಂತಸವ್ಯಕ್ತಪಡಿಸಿದ್ದಾರೆ. `ಶಿಕ್ಷಕರ ನಿರಂತರ ಪ್ರಯತ್ನ, ವಿದ್ಯಾರ್ಥಿಗಳ ಪರಿಶ್ರಮ ಹಾಗೂ ಪೊಷಕರ ಸಹಕಾರದಿಂದ ಈ ಸಾಧನೆ ಸಾಧ್ಯವಾಗಿದೆ’ ಎಂದು ಮುಖ್ಯಾಧ್ಯಾಪಕ ಸಂದೀಪ ರಾಣೆ ಅವರು ಹೇಳಿದ್ದಾರೆ. ಎಲ್ಲಾ ಸಾಧಕ ವಿದ್ಯಾರ್ಥಿಗಳಿಗೆ ತಾಲೂಕು ಪಂಚಾಯತ ಮಾಜಿ ಸದಸ್ಯ ಪ್ರಶಾಂತ ಗೋವೇಕರ್ ಶುಭಕೋರಿದ್ದಾರೆ. ಕುಮಟಾ ತಾಲೂಕಿನ ಗೋಕರ್ಣ ಹೋಬಳಿಯ ಗಂಗೆಕೊಳ್ಳದಲ್ಲಿರುವ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯೂ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಶೇ 100ರ ಸಾಧನೆ ಮಾಡಿದೆ. ಸತತ ಐದು ವರ್ಷಗಳಿಂದ ಈ ಶಾಲೆ ಶೇ 100ರ ಸಾಧನೆ ಮಾಡುತ್ತಿದೆ. ಪರೀಕ್ಷೆಯಲ್ಲಿ 35 ವಿದ್ಯಾರ್ಥಿನಿಯರಲ್ಲಿ 19 ವಿದ್ಯಾರ್ಥಿನಿಯರು ವಿಶಿಷ್ಟ ಶ್ರೇಣಿಯಲ್ಲಿ, 15 ವಿದ್ಯಾರ್ಥಿನಿಯರು ಪ್ರಥಮ ದರ್ಜೆಯಲ್ಲಿ ಹಾಗೂ 1 ವಿದ್ಯಾರ್ಥಿ ದ್ವಿತೀಯ ದರ್ಜೆಯಲ್ಲಿ ಉತ್ತೀರ್ಣರಾಗಿದ್ದಾರೆ. ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯ ಹಿರೋಶಿ 96.80% ಅಂಕಗಳನ್ನು ಪಡೆದು ಪ್ರಥಮ ಸ್ಥಾನ, ನಮಿತಾ ರಮೇಶ ಗೌಡ 93.28% ದ್ವಿತೀಯ ಸ್ಥಾನ, ಅಂಬಿಕಾ ಪ್ರದೀಪ ನಾಯಕ 92.48% ತೃತಿಯ ಸ್ಥಾನ, ನೇಹಾ ರಮೇಶ ನಾಯ್ಕ, 92.0% ಚತುರ್ಥ ಸ್ಥಾನ, ಭವಾನಿ ವಿನಾಯಕ ಬೆಂಡ್ಲಗಟ್ಟಿ, 91.84% ಅಂಕಗಳನ್ನು ಪಡೆದು ಐದನೇ ಸ್ಥಾನಪಡೆದಿದ್ದಾರೆ ಎಂದು ಸಮಾಜ ಕಲ್ಯಾಣ ಇಲಾಖೆಯ ಉಪನಿರ್ದೇಶಕ ಉಮೇಶ ವೈ ಕೆ ಹಾಗೂ ವಸತಿ ಶಾಲೆಯ ಪ್ರಾಂಶುಪಾಲ ಎನ್ ಆರ್ ನಾಯಕ ಅವರು ಮಾಹಿತಿ ನೀಡಿದ್ದಾರೆ. ಅಂಕೋಲಾ ತಾಲೂಕಿನ ಬೆಳಸೆ ಶ್ರೀಮತಿ ಇಂದಿರಾ ಗಾಂಧಿ ವಸತಿ ಶಾಲೆಯ ವಿದ್ಯಾರ್ಥಿಗಳು ಪ್ರಸ್ತುತ ಸಾಲಿನ ಎಸ್.ಎಸ್.ಎಲ್.ಸಿ ಫಲಿತಾಂಶದಲ್ಲಿ ಶೇ 100ರಷ್ಟು ಸಾಧನೆ ಮಾಡಿದ್ದಾರೆ. ಇಲ್ಲಿ ಪರೀಕ್ಷೆಯಲ್ಲಿ ಹಾಜರಾದ 30 ವಿದ್ಯಾರ್ಥಿಗಳು ತೇರ್ಗಡೆಯಾಗಿದ್ದು, 8 ವಿದ್ಯಾರ್ಥಿಗಳು ಡಿಸ್ಟಿಂಕ್ಷನ್ ಹಾಗೂ 17 ವಿದ್ಯಾರ್ಥಿಗಳು ಪ್ರಥಮ ದರ್ಜೆಯಲ್ಲಿ ತೇರ್ಗಡೆಯಾಗಿದ್ದು, ಶಾಲೆಯ ಗುಣಾತ್ಮಕ ಶ್ರೇಣಿ 86.22% ಪಡೆದುಕೊಂಡಿದೆ. ಸೃಷ್ಟಿ ನವೀನ ಗೌಡ (92.8%) ಪ್ರಥಮ, ಅನೇಶ ಸಾಯಿನಾಥ ಕಾಂಬ್ಳೆ (91.2%) ದ್ವಿತೀಯ, ಶ್ರೀರಾಮ ಬಿರಣ್ಣ ನಾಯಕ (90.72%) ತೃತೀಯ, ದಿವ್ಯಾ ಪರಶುರಾಮ ಪೊಪಳೆ 90.2% ಟಾಪ್ 4 ಸ್ಥಾನ ಪಡೆದುಕೊಂಡಿದ್ದಾರೆ ಎಂದು ಜಿಲ್ಲಾ ಸಮನ್ವಯಾಧಿಕಾರಿ ರಾಜು ಗಾಂವಕರ, ಶಾಲೆಯ ಪ್ರಾಂಶುಪಾಲ ವಿನೋದ ಗಾಂವಕರ ಅವರು ಮಾಹಿತಿ ನೀಡಿದ್ದಾರೆ.
- [SSLC ಫಲಿತಾಂಶ | ಅಂಕಪಟ್ಟಿಯಲ್ಲಿಯೇ ದೋಷ: ಅಂದ ವಿದ್ಯಾರ್ಥಿನಿಗೆ ಅನ್ಯಾಯ!](https://mobiletime.in/2026/04/sslc-result-error-in-the-mark-sheet-itself-injustice-to-the-beautiful-student/): ಎರಡು ಕಣ್ಣು ಕಾಣದಿದ್ದರೂ ಧೈರ್ಯದಿಂದ ಎಸ್ ಎಸ್ ಎಲ್ ಸಿ ಪರೀಕ್ಷೆ ಎದುರಿಸಿದ ಶಿರಸಿಯ ವಿದ್ಯಾರ್ಥಿನಿಗೆ ಸರ್ಕಾರ ಅನ್ಯಾಯ ಮಾಡಿದೆ. ಶ್ರೀಮೈಲ್ ಖಾನ್ ಅವರು ಎಲ್ಲಾ ಪರೀಕ್ಷೆಗೆ ಹಾಜರಾಗಿದ್ದರೂ ಅವರು ಗೈರಾದ ಬಗ್ಗೆ ಫಲಿತಾಂಶ ಪ್ರಕಟಿಸಿದೆ! `ಆ ವಿದ್ಯಾರ್ಥಿನಿಗೆ ಹುಟ್ಟಿದಾಗಲಿನಿಂದಲೂ ಕಣ್ಣಿಲ್ಲ. ಆದರೆ, ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯನಿರ್ಣಯ ಮಂಡಳಿಯವರಿಗೂ ಕಣ್ಣಿಲ್ಲವೇ?’ ಎಂದು ಜನ ಪ್ರಶ್ನಿಸುತ್ತಿದ್ದಾರೆ. ಪರೀಕ್ಷೆಗೆ ಹಾಜರಾದರೂ ಗೈರು ಎಂದು ಫಲಿತಾಂಶ ನೀಡಿದ ಕಾರಣ ಪಾಲಕರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಬಾಲ್ಯದಿಂದಲೂ ಕಷ್ಟದಿಂದಲೇ ಬೆಳೆದು ಬಂದ ಶ್ರೀಮೈಲ್ ಖಾನ್ ಪ್ರತಿಭಾನ್ವಿತ ವಿದ್ಯಾರ್ಥಿನಿಯಾಗಿದ್ದು, ತಮ್ಮ ಫಲಿತಾಂಶ ನೋಡಿ ಅವರೇ ಆಘಾತಕ್ಕೆ ಒಳಗಾಗಿದ್ದಾರೆ. ತಮಗಾದ ಅನ್ಯಾಯದ ಬಗ್ಗೆ ಅವರು ನೋವು ತೋಡಿಕೊಂಡಿದ್ದಾರೆ. ಶಿರಸಿಯ ಯೂನಿಯನ್ ಪ್ರೌಢಶಾಲೆಯಲ್ಲಿ ಶ್ರೀಮೈಲ್ ಖಾನ್ ಅವರು ಪ್ರವೇಶಪಡೆದಿದ್ದು, ಅಲ್ಲಿಂದಲೇ ಎಸ್ ಎಸ್ ಎಲ್ ಸಿ ಪರೀಕ್ಷೆಯನ್ನು ಎದುರಿಸಿದ್ದಾರೆ. ಹುಟ್ಟಿದಾಗಲಿನಿಂದಲೂ ಎರಡೂ ಕಣ್ಣು ಕಾಣದಿರುವ ಶ್ರೀಮೈಲ್ ಖಾನ್ ಅವರು ಆರು ವಿಷಯಗಳ ಪರೀಕ್ಷೆಗೆ ಹಾಜರಾಗಿದ್ದಾರೆ. ಶ್ರೀಮೈಲ್ ಖಾನ್ ಅವರು ಪ್ರಥಮ ಭಾಷೆ ಉರ್ದುವಿನಲ್ಲಿ 124, ಕನ್ನಡದಲ್ಲಿ 100 ಅಂಕಪಡೆದಿದ್ದು, ಸಮಾಜ ವಿಜ್ಞಾನ ಪರೀಕ್ಷೆಗೆ ಹಾಜರಾಗದ ಬಗ್ಗೆ ಅಂಕಪಟ್ಟಿಯಲ್ಲಿ ನಮೂದಿಸಲಾಗಿದೆ. ಸಹಾಯಕರ ಸಹಾಯಪಡೆದು ಅವರು ಎಲ್ಲಾ ಪರೀಕ್ಷೆಯನ್ನು ಸಮರ್ಥವಾಗಿ ಎದುರಿಸಿದರೂ ಸಮಾಜ ವಿಜ್ಞಾನ ಪರೀಕ್ಷೆ ಬರೆದಿದನ್ನು ಪರೀಕ್ಷಾ ಮಂಡಳಿ ಪರಿಗಣಿಸಿಲ್ಲ. ಶಿಕ್ಷಣ ಇಲಾಖೆ ಮಾಡಿದ ಎಡವಟ್ಟಿನಿಂದ ಶ್ರೀಮೈಲ್ ಖಾನ್ ಅವರಿಗೆ ಅನ್ಯಾಯವಾಗಿದೆ. ಮಂಡಳಿಯ ತಪ್ಪು ನಿರ್ಧಾರದಿಂದ ಶ್ರೀಮೈಲ್ ಖಾನ್ ಅವರು ಮಾನಸಿಕ ಹಿಂಸೆ ಅನುಭವಿಸುತ್ತಿದ್ದಾರೆ. `ಅಧಿಕಾರಿಗಳು ಪರೀಕ್ಷಾ ಕೇಂದ್ರದ ಹಾಜರಾತಿ ವರದಿಯನ್ನು ಪರಿಶೀಲಿಸಬೇಕು. ತಕ್ಷಣವೇ ಈ ಅಚಾತುರ್ಯವನ್ನು ಸರಿಪಡಿಸಿ, ವಿದ್ಯಾರ್ಥಿನಿಗೆ ನ್ಯಾಯಕೊಡಿಸಬೇಕು’ ಎಂದು ಪಾಲಕರು ಆಗ್ರಹಿಸಿದ್ದಾರೆ.
- [ಪಾತ್ರೆ ವ್ಯಾಪಾರಿಯೇ ಗಂಟೆ ಕಳ್ಳ!](https://mobiletime.in/2026/04/the-pot-merchant-is-a-bell-thief/): ಯಲ್ಲಾಪುರದ ಶೇಡಿಕೆರೆ ಮಹಾಗಣಪತಿ ದೇವಾಲಯದಲ್ಲಿದ್ದ ಗಂಟೆ ಹಾಗೂ ಇನ್ನಿತರ ಸಾಮಗ್ರಿ ಕದ್ದ ಕಳ್ಳ ಸಿಕ್ಕಿಬಿದ್ದಿದ್ದು, ಆ ಕಳ್ಳನಿಂದ 1.19 ಲಕ್ಷ ರೂ ಮೌಲ್ಯದ ಸಾಮಗ್ರಿಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಯಲ್ಲಾಪುರದಲ್ಲಿ ಪಾತ್ರೆ ವ್ಯಾಪಾರ ಮಾಡಿಕೊಂಡಿದ್ದ ಕೃಷ್ಣಾನಂದ ಇಂಗಳೇ ಕಳ್ಳತನದ ಕೃತ್ಯ ನಡೆಸಿರುವುದು ಗೊತ್ತಾಗಿದೆ. ಏಪ್ರಿಲ್ 18ರ ರಾತ್ರಿ ಯಲ್ಲಾಪುರದ ಶೇಡಿಕೆರೆ ಮಹಾಗಣಪತಿ ದೇವಸ್ಥಾನದ ಗರ್ಭಗುಡಿಯ ಒಳಗೆ ಕಳ್ಳರು ನುಗ್ಗಿದ್ದರು. ದೇವರ ಮುಂದೆ ತೂಗುತ್ತಿದ್ದ ಗಂಟೆ ಸೇರಿ ಅಲ್ಲಿದ್ದ 21 ಸಾವಿರ ರೂ ಮೌಲ್ಯದ ಸಾಮಗ್ರಿಗಳನ್ನು ದೋಚಿ ಪರಾರಿಯಾಗಿದ್ದರು. ಐತಿಹಾಸಿಕ ದೇವಸ್ಥಾನದಲ್ಲಿ ಕಳ್ಳತನ ನಡೆದಿರುವುದರಿಂದ ಗ್ರಾಮಸ್ಥರ ಜೊತೆ ಭಕ್ತರು ಆತಂಕಕ್ಕೆ ಒಳಗಾಗಿದ್ದರು. ಇಡಗುಂದಿ ಬಳಿಯ ಕೋಮಡಿಯ ಸುಣಜೋಗದ ಶಿವರಾಮ ಕೃಷ್ಣ ಭಟ್ಟ ಅವರು ಬಂದು ನೋಡಿದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದ್ದು, ಊರಿನವರ ಜೊತೆ ಚರ್ಚಿಸಿ ಅವರು ಪೊಲೀಸ್ ದೂರು ನೀಡಿದ್ದರು. ಗರ್ಭಗುಡಿ ಮುಂದೆ ತೂಗುತ್ತಿದ್ದ ನಾಲ್ಕು ದೊಡ್ಡ ಗಂಟೆಗಳು ಸೇರಿ 10 ಗಂಟೆ, ಅಲ್ಲಿದ್ದ ತಾಮ್ರದ ಕೊಡ, ಹಿತ್ತಾಳೆಯ ಆರತಿ, ಹಿತ್ತಾಳೆ ತಾಟು, ಹಿತ್ತಾಳೆ ಚಂಬು, ದೀಪ, ಆಲ್ಯುಮಿನಿಯಂ ಹಾಗೂ ಸ್ಟೀಲ್ ತೋಪುಗಳು ಕಾಣೆಯಾಗಿರುವುದನ್ನು ಅವರು ವಿವರಿಸಿದ್ದರು. ಹಂಡೆಯನ್ನು ಸಹ ಕಳ್ಳರು ದೋಚಿರುವ ಬಗ್ಗೆ ದೂರಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಡಿವೈಎಸ್ಪಿ ಗೀತಾ ಪಾಟೀಲ ಅವರ ಮಾರ್ಗದರ್ಶನಪಡೆದ ಪಿಐ ರಮೇಶ ಹಾನಾಪುರ ಅವರು ಕಳ್ಳರ ಪತ್ತೆಗೆ ಬಲೆ ಬೀಸಿದರು. ಪಿಐ ರಾಜಶೇಖರ ವಂದಲಿ, ಮಹಾವೀರ ಕಾಂಬಳೆ, ಶೇಡಜಿ ಚೌಹಾಣ್ ಸೇರಿ ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದರು. ಪೊಲೀಸ್ ಸಿಬ್ಬಂದಿ ಬಸವರಾಜ ಹಗರಿ, ಮಹಾವೀರ ಡಿಎಸ್, ಮಹಂತೇಶ ಕಡಪಟ್ಟಿ ಸೇರಿ ಅನುಮಾನಾಸ್ಪದ ವ್ಯಕ್ತಿಯ ವಿಚಾರಣೆ ಮಾಡಿದರು. ಅಂಬೇಡ್ಕರ್ ನಗರದ ಕೃಷ್ಣಾನಂದ ಪರಶುರಾಮ ಇಂಗಳೆ ಅವರನ್ನು ವಿಚಾರಿಸಿದಾಗ ಅವರೇ ಈ ಕಳ್ಳತನ ಮಾಡಿರುವುದನ್ನು ಒಪ್ಪಿಕೊಂಡರು. ಕಳ್ಳತನಕ್ಕೆ ಬಳಸಿದ್ದ ಓಮಿನಿಯನ್ನು ಜಪ್ತು ಮಾಡಿದ ಪೊಲೀಸರು ವಿವಿಧ ಸಾಮಗ್ರಿಗಳನ್ನು ವಶಕ್ಕೆಪಡೆದರು. ಪಾತ್ರೆ ವ್ಯಾಪಾರ ಮಾಡಿಕೊಂಡಿದ್ದ ಕೃಷ್ಣಾನಂದ ಇಂಗಳೆ ಅವರು ಕಳ್ಳತನಕ್ಕೆ ಕೈ ಹಾಕಿ ಜೈಲು ಸೇರಿದರು.
- [JEE ಪರೀಕ್ಷೆ | ಅರ್ಜುನ ಕಾಲೇಜು: ಉತ್ತರ ಕರ್ನಾಟಕಕ್ಕೆ ಪ್ರಥಮ!](https://mobiletime.in/2026/04/jee-exam-arjuna-college-first-for-north-karnataka/): ಉತ್ತರ ಕನ್ನಡ ಜಿಲ್ಲೆಯ ಅನೇಕರ ಭವಿಷ್ಯ ರೂಪಿಸಿದ ಧಾರವಾಡದ ಅರ್ಜುನ ಕಾಲೇಜು JEE ಪರೀಕ್ಷೆಯಲ್ಲಿ ಉತ್ತರ ಕರ್ನಾಟಕಕ್ಕೆ ಪ್ರಥಮ ಸ್ಥಾನಪಡೆದಿದೆ. ವಿದ್ಯಾ ಕಾಶಿ ಎಂದು ಗುರುತಿಸಿಕೊಂಡಿರುವ ಧಾರವಾಡದಲ್ಲಿ ಹೆಸರಾಂತ ವಿದ್ಯಾಸಂಸ್ಥೆಯಾಗಿ ಬೆಳೆದಿರುವ ಅರ್ಜುನ ವಿಜ್ಞಾನ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿಗಳು ರಾಷ್ಟ್ರೀಯ ಪರೀಕ್ಷಾ ಮಂಡಳಿ ನಡೆಸುವ ಎಇಇ ಪರೀಕ್ಷೆಯ ಎರಡನೇ ಆವೃತ್ತಿಯಲ್ಲಿ ಉತ್ತರ ಕರ್ನಾಟಕಕ್ಕೆ ಪ್ರಥಮ ಸ್ಥಾನಗಳಿಸಿ ಸಾಧನೆ ಮಾಡಿದ್ದಾರೆ. ಕಳೆದ ಬಾರಿಗಿಂತ ಈ ಬಾರಿ ಇನ್ನೂ ಹೆಚ್ಚಿನ ಫಲಿತಾಂಶದೊAದಿಗೆ ಕಾಲೇಜು ಗುರುತಿಸಿಕೊಂಡಿದೆ. ಅನ್ಮೋಲ್ ಪ್ರಭು (99.90) ಅವರು ಉತ್ತರ ಕರ್ನಾಟಕಕ್ಕೆ ಪ್ರಥಮ ಸ್ಥಾನಪಡೆದಿದದ್ದಾರೆ. ಆಲ್ ಇಂಡಿಯಾ ರಾಂಕಿAಗ್‌ನಲ್ಲಿಯೂ ಅವರು 1705ನೇ ಸ್ಥಾನಪಡೆದು ಸಂಸ್ಥೆಯ ಹಿರಿಮೆ ಹೆಚ್ಚಿಸಿದ್ದಾರೆ. ಇದರ ಜೊತೆಗೆ ಕೇದಾರ್ ಜೋಶಿ 99.84ರ ಸಾಧನೆ ಮಾಡಿ ಆಲ್ ಇಂಡಿಯಾ ರಾಂಕಿAಗ್‌ನಲ್ಲಿ 2688, ದರ್ಶನ್ ಭಟ್ ಅವರು 99.60ರ ಸಾಧನೆ ಮಾಡಿ ಆಲ್ ಇಂಡಿಯಾ ರಾಂಕಿAಗ್‌ನಲ್ಲಿ 6468, ಅನೀಶ್ ನಾಯ್ಕ್ ಅವರು 99.56ರ ಸಾಧನೆ ಮಾಡಿ, ಆಲ್ ಇಂಡಿಯಾ ರಾಂಕಿAಗ್‌ನಲ್ಲಿ 1596 ಸ್ಥಾನಪಡೆದಿದ್ದಾರೆ. ಈ 4 ವಿದ್ಯಾರ್ಥಿಗಳು ಪ್ರತಿಶತ 99ಕ್ಕಿಂತ ಹೆಚ್ಚಿನ ಫಲಿತಾಂಶ ದಾಖಲಿಸಿದ್ದಾರೆ. ಪರೀಕ್ಷೆ ಬರೆದ ವಿದ್ಯಾರ್ಥಿಗಳಲ್ಲಿ ಧ್ರುವಂತ್ ಎಸ್ ಎಂ (98.52), ವಿನೀತ ಚವಾನ್ (98.04), ಆಕಾಶ ರಾಥೋಡ್ (97.61), ಪ್ರೀತಮ್ ಚೌಹಾನ್ (96.46), ಕಾರ್ತಿಕ್ ಭಜಂತ್ರಿ (96.38), ಈಶಾನ್ ಶಾನ್ಭಾಗ್ (96.08), ನಂದನ್ ಹೆಗ್ಡೆ (95.39), ರಜತ್ ಭಟ್ (95.36), ಸೃಜನ್ ಪಾಟೀಲ್ (94.62), ಪ್ರಣತಿ ಮೆಣಸು ಮನೆ (94.37), ಸಿಂಚನಾ ಭಟ್ (93.92), ಭಾರ್ಗವ್ ಹೆಬ್ಬಾರ್ (93.62), ಪ್ರಗತಿ ನರೋಣಿ (93.40), ಅನನ್ಯ ಪೂಜಾರ್ (93.11), ನಿಹಾಲ್ ಗಳಗಿ (92.30) ಸುಶಾಂತ್ ನಾಯ್ಕ್ (92.23), ಪೂರ್ವಿ ಹೆಗಡೆ(92.04), ಪ್ರೀತಮ್ ಯಡಳ್ಳಿ (91.70), ಮಾನಸ್ ದೇಶಪಾಂಡೆ (91.52), ಆದರ್ಶ ಭಟ್ (91.44), ಅಪೂರ್ವ ಹೆಗಡೆ (90.14), ಸಚಿನ್ ಜೋಶಿ (90.85), ನಿಶಾಂತ್ ನಂದವಾಡಗಿ (90.62)ರಷ್ಟು ಸಾಧನೆ ಮಾಡಿದ್ದಾರೆ. ಇದರೊಂದಿಗೆ ಶೇಕಡ 99 ಕ್ಕಿಂತ ಹೆಚ್ಚು 4 ವಿದ್ಯಾರ್ಥಿಗಳು, ಶೇ 95ಕ್ಕಿಂತ ಹೆಚ್ಚು 12 ವಿದ್ಯಾರ್ಥಿಗಳು, ಶೇ 90ಕ್ಕಿಂತ ಹೆಚ್ಚು 28 ವಿದ್ಯಾರ್ಥಿಗಳು ಮತ್ತು 85ಕ್ಕಿಂತ ಹೆಚ್ಚು 50ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಪರ್ಸೆಂಟೈಲ್ ಮಾಡುವುದರ ಮೂಲಕ ಉತ್ತಮ ಫಲಿತಾಂಶ ದಾಖಲಿಸಿದ್ದಾರೆ. ಸಾಧಕ ವಿದ್ಯಾರ್ಥಿಗಳಿಗೆ ಕಾಲೇಜು ಪ್ರಾಚಾರ್ಯ ಹಾಗೂ ಸಿಬ್ಬಂದಿ ಶುಭ ಹಾರೈಸಿದ್ದಾರೆ.  
- [ಸರಾಯಿ ಸಹವಾಸ.. ಷೇರು ಮಾರುಕಟ್ಟೆಯ ದುಸ್ಸಾಹಸ.. ವಿದ್ಯಾರ್ಥಿ ಬದುಕು ಅಂತ್ಯ!](https://mobiletime.in/2026/04/sarais-company-stock-market-misadventure-end-of-student-life/): ಕಡಿಮೆ ಸಮಯದಲ್ಲಿ ಹೆಚ್ಚು ಹಣ ಮಾಡಬೇಕು ಎಂದು ಶೇರು ಮಾರುಕಟ್ಟೆ ಪ್ರವೇಶಿಸಿದ ಸಿದ್ದಾಪುರದ ಹರ್ಷವರ್ಧನ ಪಂಡಿತ ಅವರು ಅಲ್ಲಿ ಹೂಡಿಕೆ ಮಾಡಿದ ಹಣವನ್ನು ಕಳೆದುಕೊಂಡಿದ್ದಾರೆ. ಹಣ ಕಳೆದುಕೊಂಡ ನೋವಿನಲ್ಲಿಯೇ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಸಿದ್ದಾಪುರ ರಾಜಮಾರ್ಗದಲ್ಲಿ ಹರ್ಷವರ್ಧನ ಪಂಡಿತ (22) ಅವರು ವಾಸವಾಗಿದ್ದರು. ಕಾಲೇಜು ವಿದ್ಯಾರ್ಥಿಯಾಗಿದ್ದ ಅವರು ಬಹುಬೇಗ ದುಡ್ಡು ಮಾಡಬೇಕು ಎಂಬ ಕನಸು ಕಂಡಿದ್ದರು. ಅದಕ್ಕಾಗಿ ಅವರು ಶೇರು ಮಾರುಕಟ್ಟೆಯ ಮಾರ್ಗ ಆರಿಸಿಕೊಂಡಿದ್ದರು. ಮೊಬೈಲಿನಲ್ಲಿ ಸ್ಟಾಕ್ ಎಕ್ಸಚೈಂಚ್ ಟ್ರೇಡಿಂಗ್ ಅಪ್ಲಿಕೇಶನ್ ಹಾಕಿದ ಹರ್ಷವಧನ ಅವರು ಅಲ್ಲಿ ಹಣ ಹೂಡಿಕೆ ಮಾಡಿದ್ದರು. ಆದರೆ, ಹೂಡಿಕೆ ಮಾಡಿದ ಹಣವನ್ನು ಸಹ ಮರಳಿಪಡೆಯಲು ಅವರಿಂದ ಸಾಧ್ಯವಾಗಲಿಲ್ಲ. ಹಣ ಕಳೆದುಕೊಂಡ ನೋವಿನಲ್ಲಿದ್ದ ಅವರು ಆ ನೋವು ಮರೆಯುವುದಕ್ಕಾಗಿ ಸರಾಯಿ ಸೇವನೆ ಶುರು ಮಾಡಿದರು. ಸರಾಯಿ ಸೇವನೆ ವಿಪರೀತವಾದ ಪರಿಣಾಮ ಹರ್ಷವರ್ಧನ ಪಂಡಿತ ಅವರ ಆರೋಗ್ಯ ಹದಗೆಟ್ಟಿತು. ಮತ್ತಷ್ಟು ಹಣವೂ ಖಾಲಿಯಾಯಿತು. ಇದರಿಂದ ಇನ್ನಷ್ಟು ಕುಗ್ಗಿದ ಹರ್ಷವರ್ಧನ ಪಂಡಿತ ಅವರು ದುಡುಕು ನಿರ್ಧಾರಕ್ಕೆ ಮುಂದಾದರು. ಏಪ್ರಿಲ್ 22ರ ನಸುಕಿನಲ್ಲಿ ಮನೆಯ ಕೋಣೆಯಲ್ಲಿದ್ದ ಅವರು ಅಲ್ಲಿದ್ದ ಫ್ಯಾನಿಗೆ ಟವೆಲ್ ಸುತ್ತಿದರು. ಆ ಟವೆಲಿಗೆ ಕೊರಳನ್ನು ಒಡ್ಡಿ ನೇಣು ಹಾಕಿಕೊಂಡರು. ಬೆಳಗ್ಗೆ ಎದ್ದ ತಕ್ಷಣ ಮಗನ ಶವ ನೋಡಿದ ವೈದ್ಯ ಚಂದ್ರಶೇಖರ ಪಂಡಿತ್ ಅವರು ಆಘಾತಕ್ಕೆ ಒಳಗಾದರು. ಮಗನ ದುಡುಕು ನಿರ್ಧಾರ ಹಾಗೂ ಅದಕ್ಕೆ ಶೇರು ಮಾರುಕಟ್ಟೆಯ ವ್ಯವಹಾರ ಕಾರಣವಾದ ಬಗ್ಗೆ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಸಿದ್ದಾಪುರ ಪೊಲೀಸರು ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ಬೈಕಿಗೆ ಗುದ್ದಿದ ಕ್ರೂಸರ್: ಒಬ್ಬರ ಸಾವು.. ಮತ್ತೊಬ್ಬರಿಗೆ ನೋವು!](https://mobiletime.in/2026/04/cruiser-hits-bike-one-dead-another-hurt/): ಜೊಯಿಡಾದ ಬಾಬು ಕರೋಶಿ ಅವರು ಓಡಿಸುತ್ತಿದ್ದ ಕ್ರೂಸರ್ ಬೈಕಿಗೆ ಗುದ್ದಿದೆ. ಪರಿಣಾಮ ಆ ಬೈಕಿನಲ್ಲಿದ್ದ ವಿನಾಯಕ ಗಂಜಿಗಟ್ಟಿ ಅವರು ಸಾವನಪ್ಪಿದ್ದಾರೆ. ಜೊಯಿಡಾದ ಗುಂದ ಗ್ರಾಮದ ಅವರ್ಲಿ ಬಳಿ ಮಂಗಳವಾರ ಈ ಅಪಘಾತ ನಡೆದಿದ್ದು, ಗಾಯಗೊಂಡಿದ್ದ ಧಾರವಾಡದ ವಿನಾಯಕ ಗಂಜಿಗಟ್ಟಿ ಅವರನ್ನು ಎಸ್‌ಡಿಎಂ ಆಸ್ಪತ್ರೆಗೆ ದಾಖಲಿಸುವ ಪ್ರಯತ್ನ ನಡೆಯಿತು. ಆದರೆ, ಆಸ್ಪತ್ರೆ ಸೇರುವ ಮುನ್ನ ಅವರು ಸಾವನಪ್ಪಿದರು. ನಾಲ್ವರು ಸ್ನೇಹಿತರು ಎರಡು ಬೈಕಿನಲ್ಲಿ ಉಳವಿ ದೇವಸ್ಥಾನಕ್ಕೆ ಆಗಮಿಸಿದ್ದು, ಊರಿಗೆ ಮರಳುವ ವೇಳೆ ಈ ಅವಘಡ ನಡೆದಿದೆ. ಆಕಾಶ ಚವಗಿ ಅವರು ಸಹ ಅಪಘಾತದಲ್ಲಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಜೊಯಿಡಾ ಗಾವಡೆವಾಡದ ಬಾಬು ಕರೋಶಿ ಅವರು ಕ್ರೂಸರ್ ಓಡಿಸುತ್ತಿದ್ದರು. ಅವರೇ ವೇಗವಾಗಿ ಬಂದು ಬೈಕಿಗೆ ಕ್ರೂಸರ್ ಡಿಕ್ಕಿ ಹೊಡೆದರು. ಈ ಬಗ್ಗೆ ಧಾರವಾಡದ ಮಂಜುನಾಥ ಗಂಜಿಗಟ್ಟಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಬಾಬು ಕರೋಶಿ ಅವರ ವಿರುದ್ಧ ಜೊಯಿಡಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಒಂಟೆ ಸಾಗಾಟ ಮಾಡಿದವರಿಗೆ ಜೈಲೂಟ!](https://mobiletime.in/2026/04/jail-for-camel-smugglers/): ಒಂಟೆಗಳನ್ನು ಕೊಂದು ಅದರ ಮಾಂಸದ ಆಹಾರ ಬೇಯಿಸಲು ಉದ್ದೇಶಿಸಿದ್ದ ಮೂವರನ್ನು ಭಟ್ಕಳ ಪೊಲೀಸರು ಬಂಧಿಸಿದ್ದಾರೆ. 3.25 ಲಕ್ಷ ರೂ ಮೌಲ್ಯದ ಎಂಟು ಒಂಟೆಗಳನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಮಧ್ಯಪ್ರದೇಶದ ಕರಣ ಬಾಬರ, ಕೊಲ್ಲಾಪುರದ ಸುಹಾಸ ಸೂರ್ಯವಂಶಿ ಹಾಗೂ ಯಶ ಗೋಟಕಿಂಡೆ ಅವರು ಭಟ್ಕಳಕ್ಕೆ ಒಂಟೆ ಸಾಗಾಟ ಮಾಡುತ್ತಿದ್ದರು. ಆ ಒಂಟೆಗಳನ್ನು ಮಾಂಸ ತಿನ್ನುವವರಿಗೆ ಮಾರಾಟ ಮಾಡಿ ಅದರಿಂದ ಕಾಸು ಸಂಪಾದಿಸಲು ಅವರು ಯೋಚಿಸಿದ್ದರು. ಶಿರಾಲಿ ಕಡೆಯಿಂದ ಉಳ್ಳಾಲ ಕಡೆಗೆ ಬರುತ್ತಿದ್ದ ಲಾರಿಗೆ ಪೊಲೀಸರು ಅಡ್ಡಲಾಗಿ ಕೈ ಮಾಡಿದರು. ಆಗ, ಆ ಲಾರಿಯಲ್ಲಿ ಎಂಟು ಒಂಟೆಗಳನ್ನು ಹಿಂಸಾತ್ಮಕವಾಗಿ ಕಟ್ಟಿ ಸಾಗಾಟ ಮಾಡುತ್ತಿರುವುದು ಗಮನಕ್ಕೆ ಬಂದಿತು. ನೀರು-ಮೇವು ಇಲ್ಲದೇ ತೊಂದರೆ ಅನುಭವಿಸುತ್ತಿದ್ದ ಒಂಟೆಗಳನ್ನು ಪೊಲೀಸರು ರಕ್ಷಿಸಿದರು. ಅವುಗಳ ಸಾಗಾಟಕ್ಕೆ ಅನುಮತಿ ಇಲ್ಲದಿರುವುದನ್ನು ಗಮನಿಸಿದರು. ಲಾರಿ ಜೊತೆ ಒಂಟೆಗಳನ್ನು ವಶಕ್ಕೆಪಡೆದರು. ಪ್ರಕರಣ ದಾಖಲಿಸಿದ ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ಆ ಮೂವರನ್ನು ಬಂಧಿಸಿದರು.
- [ಹೊಡೆದಾಟ ಸಹಿಸದವ ವಿಷ ಸೇವಿಸಿದ!](https://mobiletime.in/2026/04/he-who-cannot-stand-fighting-has-drunk-poison/): ಮುಂಡಗೋಡು ಅಗಡಿಯ ಸುರೇಶ ಅಕ್ಕಿ ಅವರ ಮನೆಗೆ ನುಗ್ಗಿದ 10ಕ್ಕೂ ಅಧಿಕ ಜನ ಕುಟುಂಬದವರ ಮೇಲೆ ಆಕ್ರಮಣ ಮಾಡಿದ್ದಾರೆ. ಇದನ್ನು ಸಹಿಸದ ಸುರೇಶ ಅಕ್ಕಿ ಅವರ ಸಹೋದರ ಪಕ್ಕಿರಪ್ಪ ಅಕ್ಕಿ ಅವರು ಅಲ್ಲಿಯೇ ವಿಷ ಸೇವಿಸಿದ್ದಾರೆ. ಮುಂಡಗೋಡು ಅಗಡಿಯ ಸುರೇಶ ಅಕ್ಕಿ ಅವರು ರೈತಾಪಿ ಕೆಲಸ ಮಾಡಿಕೊಂಡಿದ್ದಾರೆ. ಅವರ ಮನೆಯಲ್ಲಿ ಗಿರಿಜಾ ಅಕ್ಕಿ, ಪಕ್ಕಿರಪ್ಪ ಅಕ್ಕಿ, ಲಕ್ಷಿö್ಮÃ ಅಕ್ಕಿ ಹಾಗೂ ಗಂಗವ್ವ ಅಕ್ಕಿ ಅವರು ವಾಸವಾಗಿದ್ದಾರೆ. ಅದೇ ಊರಿನ ಕಲ್ಲಪ್ಪ ತಳವಾರ, ಮಲ್ಲೇಶಿ ಲಮಾಣಿ, ಕನಕಪ್ಪ ಹರಿಜನ, ಕಲ್ಲಪ್ಪ ಕರಡಿಕೊಪ್ಪ ಹಾಗೂ ಸಜೀನ ಮಧು ನಾಯಕ ಅವರು ಸುರೇಶ ಅಕ್ಕಿ ಅವರ ಮನೆಗೆ ನುಗ್ಗಿ ದಾಂಧಲೆ ಮಾಡಿದ್ದಾರೆ. ಆ ಆಗಂತುಕರ ಜೊತೆ ಮತ್ತೆ 10ಕ್ಕೂ ಅಧಿಕ ಜನ ಆಗಮಿಸಿದ್ದು, ಇದನ್ನು ನೋಡಿ ಸುರೇಶ ಅಕ್ಕಿ ಅವರ ಕುಟುಂಬದವರು ಕಂಗಾಲಾಗಿದ್ದಾರೆ. ಅವರೆಲ್ಲರೂ ಸೇರಿ ಸುರೇಶ ಅಕ್ಕಿ ಅವರನ್ನು ಹಿಡಿದು ಥಳಿಸಿದ್ದು, ಸುರೇಶ ಅಕ್ಕಿ ಅವರ ಪತ್ನಿ ಗಿರಿಜಾ ಅಕ್ಕಿ ಅವರ ಮೈ ಮುಟ್ಟಿದ್ದಾರೆ. ಇದನ್ನು ನೋಡಿ ಸಹಸಲಾಗದ ಸುರೇಶ ಅಕ್ಕಿ ಅವರ ತಮ್ಮ ಪಕ್ಕಿರಪ್ಪ ಅಕ್ಕಿ ಅವರು ಮನೆಯಲ್ಲಿದ್ದ ಕ್ರಿಮಿನಾಶಕ ಸೇವಿಸಿದ್ದಾರೆ. ಈ ಗಲಾಟೆ ಹಾಗೂ ಕ್ರಿಮಿನಾಶಕ ಸೇವನೆ ವಿಷಯದ ಬಗ್ಗೆ ಅರಿತ ಪೊಲೀಸರು ಆರೋಪಿತರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಎದೆಗೆ ನಾಟಿದ ಏರ್‌ಗನ್ ಗುಂಡು: ಆತನ ಅಣ್ಣನೇ ಆರೋಪಿ!](https://mobiletime.in/2026/04/airgun-shot-in-the-chest-his-brother-is-the-accused/): ಮಂಗನನ್ನು ಓಡಿಸಲು ಏರ್‌ಗನ್ ಹಿಡಿದು ಹೊರಟಿದ್ದ ಹೊನ್ನಾವರದ ಸುಬ್ರಹ್ಮಣ್ಯ ಮರಾಠಿ ಅದೇ ಏರ್ ಗನ್ ಗುಂಡಿಗೆ ಬಲಿಯಾಗಿದ್ದು, ಒಂದು ತಿಂಗಳ ನಂತರ ಸುಬ್ರಹ್ಮಣ್ಯ ಮರಾಠಿ ಅವರ ಸಹೋದರ ಮಾಬ್ಲು ಮರಾಠಿ ವಿರುದ್ಧ ಸಂಶಯ ಶುರುವಾಗಿದೆ. ಹೊನ್ನಾವರದ ಗೇರುಸೊಪ್ಪ ಬಳಿಯ ಕೊಂಕಣಮಕ್ಕಿಯ ಹಾಡಗೇರಿ ಗ್ರಾಮದಲ್ಲಿ 2026ರ ಮಾರ್ಚ 15ರಂದು ಸುಬ್ರಹ್ಮಣ್ಯ ಮರಾಠಿ ಅವರು ಸಾವನಪ್ಪಿದ್ದರು. ಮಂಗನನ್ನು ಓಡಿಸಲು ಏರ್‌ಗನ್ ಹಿಡಿದು ಹೊರಟ ಅವರು ಅದೇ ಏರ್ ಗನ್ ಗುಂಡಿನಿoದ ಸಾವನಪ್ಪಿದ್ದರು. ಈ ವೇಳೆ ಸುಬ್ರಹ್ಮಣ್ಯ ಮರಾಠಿ ಅವರ ತಾಯಿ ಗಂಗೆ ಮರಾಠಿ ಹಾಗೂ ಅವರ ಪತಿ ಮನೆಯಲ್ಲಿ ಊಟ ಮಾಡುತ್ತಿದ್ದರು. ಹಿರಿಯ ಮಗ ಮಾಬ್ಲು ಮರಾಠಿ ಮನೆ ಹೊರಗೆ ಅಡಿಕೆ ಸುಲಿಯುತ್ತಿದ್ದರು. ಸುಬ್ರಹ್ಮಣ್ಯ ಮರಾಠಿ ಅವರು ಕೂಗಿದ ಸದ್ದು ಕೇಳಿ ಬಂದು ನೋಡುವಷ್ಟರಲ್ಲಿ ಅವರು ಶವವಾಗಿದ್ದರು. ಅಂಗಳದಲ್ಲಿ ಮಗ ನರಳಾಡುವುದನ್ನು ನೋಡಿದ ಗಂಗೆ ಮರಾಠಿ ಅವರು ಆಘಾತಕ್ಕೆ ಒಳಗಾಗಿದ್ದರು. `ಆಸ್ಪತ್ರೆಗೆ ಕರೆದುಕೊಂಡು ಹೋಗು’ ಎಂದು ಸುಬ್ರಹ್ಮಣ್ಯ ಮರಾಠಿ ಹೇಳಿದ್ದು, ಆಸ್ಪತ್ರೆಗೆ ಒಯ್ಯುವ ಮುನ್ನ ಅವರು ಶವವಾಗಿದ್ದರು. ಇದನ್ನು ಓದಿ: ಆ ದಿನ ನಡೆದಿದ್ದೇನು? ಎದೆಗೆ ನಾಟಿದ ಏರ್‌ಗನ್ ಗುಂಡು ಶವದ ಪಕ್ಕ ಬಿದ್ದಿದ್ದ ಏರ್ ಗನ್, ರಕ್ತದ ಓಕಳಿ ನೋಡಿ ಆತಂಕದಲ್ಲಿದ್ದ ಗಂಗೆ ಮರಾಠಿ ಅವರು ಸಾವಿನ ಬಗ್ಗೆ ಸಂಶಯವ್ಯಕ್ತಪಡಿಸಿ ಪೊಲೀಸ್ ದೂರು ನೀಡಿದ್ದರು. ಮೇಲ್ನೋಟಕ್ಕೆ ಆಕಸ್ಮಿಕವಾಗಿ ಏರಗನ್ ಗುಂಡು ತಗುಲಿ ಸುಬ್ರಹ್ಮಣ್ಯ ಮರಾಠಿ ಅವರು ಸಾವನಪ್ಪಿದ ರೀತಿ ಕಾಣಿಸಿದ್ದರೂ ಪೊಲೀಸರು ಅದನ್ನು ಒಪ್ಪಲು ಸಿದ್ಧವಾಗಿರಲಿಲ್ಲ. ಸುಬ್ರಹ್ಮಣ್ಯ ಮರಾಠಿ ಅವರೇ ಏರ್‌ಗನ್’ನಿಂದ ಗುಂಡು ಹೊಡೆದುಕೊಂಡಿದನ್ನು ನೋಡಿದವರಿರಲಿಲ್ಲ. ಈ ಹಿನ್ನಲೆ ಪೊಲೀಸರು ಈ ವಿಷಯದ ಬಗ್ಗೆ ಗುಪ್ತ ಮಾಹಿತಿ ಸಂಗ್ರಹಿಸಲು ಶುರು ಮಾಡಿದ್ದರು. ಮಾಬ್ಲಾ ಮಂಜಾ ಮರಾಠಿ ಅವರು ಏರ್‌ಗನ್ ಬಳಸುವ ವೇಳೆ ಆ ಗುಂಡು ಸುಬ್ರಹ್ಮಣ್ಯ ಮರಾಠಿ ಅವರಿಗೆ ತಗುಲಿದ ಬಗ್ಗೆ ಊರಿನವರು ಮಾತನಾಡುತ್ತಿದ್ದರು. ಪೊಲೀಸ್ ಸಿಬ್ಬಂದಿ ವಿಠ್ಠಲ ಗೌಡ ಅವರು ಈ ಬಗ್ಗೆ ಅಲ್ಲಲ್ಲಿ ವಿಚಾರಿಸಿದ್ದು, ಈ ಬಾತ್ಮಿಯನ್ನು ಖಚಿತಪಡಿಸಿಕೊಂಡರು. ಸುಬ್ರಹ್ಮಣ್ಯ ಮರಾಠಿ ಅವರ ಸಹೋದರ ಮಾಬ್ಲಾ ಮರಾಠಿ ಅವರನ್ನು ಆರೋಪಿ ಸ್ಥಾನದಲ್ಲಿರಿಸಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಲವ್ ಜಿಹಾದ್ | ಯುವತಿ ಆತ್ಮಹತ್ಯೆ ಪ್ರಕರಣಕ್ಕೆ ಮತ್ತೊಂದು ತಿರುವು!](https://mobiletime.in/2026/04/love-jihad-another-twist-in-the-young-womans-suicide-case/): ಸಿದ್ದಾಪುರದ ಇಜಾಜ್ ಶೇಖ್ ಅವರು ಬಿಕ್ಕಳಸೆಯ ಮಲ್ಲಿಕಾ ಮಡಿವಾಳ ಅವರನ್ನು ಪ್ರೀತಿಸಿ ಮೋಸ ಮಾಡಿದ್ದು, ಅದೇ ನೋವಿನಲ್ಲಿ ಮಲ್ಲಿಕಾ ಮಡಿವಾಳ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಲವ್ ಜಿಹಾದ್ ಹೆಸರಿನಲ್ಲಿ ಬಿಜೆಪಿಗರು ಪ್ರತಿಭಟನೆ ನಡೆಸಿದ ಬೆನ್ನಲ್ಲೆ ಮಲ್ಲಿಕಾ ಮಡಿವಾಳ ಅವರ ಸಹೋದರಿ ಮಾಲತಿ ಜಯರಾಜ್ ಅವರು ಇಜಾಜ್ ಶೇಖ್ ಅವರ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಬಿಕ್ಕಳಸೆಯಲ್ಲಿ ನಡೆದ ಹಿಂದೂ ಯುವತಿಯ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬAಧಿಸಿದAತೆ ಸಾರ್ವಜನಿಕ ವಲಯದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. ಈ ವಿಷಯವಾಗಿ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದಾರೆ. ಮಲ್ಲಿಕಾ ಮಡಿವಾಳ ಅವರ ಆತ್ಮಹತ್ಯೆ ಪ್ರಕರಣವನ್ನು ಮೊದಲು `ಅಸ್ವಾಭಾವಿಕ ಸಾವು’ ಎಂದು ಪರಿಗಣಿಸಲಾಗಿದ್ದು, ಮಂಗಳವಾರ ಈ ಪ್ರಕರಣ ತಿರುವುಪಡೆದಿದೆ. ಇಜಾಜ್ ಶೇಖ್ ಅವರ ಪ್ರಚೋದನೆಯಿಂದ ಮಲ್ಲಿಕಾ ಮಡಿವಾಳ ಅವರು ಸಾವನಪ್ಪಿದ ಬಗ್ಗೆ ದೂರಲಾಗಿದೆ. ಆರೋಪಿ ಇಜಾಜ್ ಶೇಖ್ ತಾನು ಮುಸ್ಲಿಂ ಎಂಬುದನ್ನು ಮರೆಮಾಚಿ ಮಲ್ಲಿಕಾ ಮಡಿವಾಳ ಅವರನ್ನು ಪ್ರೀತಿಸಿದ್ದು, ಅದಾದ ನಂತರ ಮದುವೆ ಆಗಲು ನಿರಾಕರಿಸಿದ್ದಾರೆ. ಆತನ ವಿಷಯ ಅರಿತ ಮಲ್ಲಿಕಾ ಮಡಿವಾಳ ಅವರು ಮಾರ್ಚ 15ರಂದು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಸೊರಬಾ ರಸ್ತೆಯಲ್ಲಿನ ಅಂಗಡಿಯೊAದರಲ್ಲಿ ಕೆಲಸ ಮಾಡುವ ಇಜಾಜ್ ಶೇಖ್ ಪ್ರೀತಿ-ಪ್ರೇಮದ ನಾಟಕವಾಡಿ ಮೋಸ ಮಾಡಿದ ಆರೋಪ ಎದುರಿಸುತ್ತಿದ್ದಾರೆ. ಈ ಹಿನ್ನಲೆ ಆತ್ಮಹತ್ಯೆಗೆ ಒಳಗಾದ ಯುವತಿಯ ಮೊಬೈಲ್‌ಪಡೆದು ದಾಖಲೆ ಪರಿಶೀಲಿಸುವಂತೆ ಅವರ ಸಹೋದರಿ ಪೊಲೀಸರಲ್ಲಿ ಮನವಿ ಮಾಡಿದ್ದಾರೆ. ಈ ಪ್ರಕರಣದ ತನಿಖೆಯಲ್ಲಿ ಯುವತಿಯ ಮೊಬೈಲ್ ಫೋನ್ ಅತ್ಯಂತ ನಿರ್ಣಾಯಕ ಸಾಕ್ಷಿಯಾಗಿದೆ. ಆದರೆ ಫೋನ್ ಲಾಕ್ ಆಗಿರುವುದರಿಂದ ಪೊಲೀಸರಿಗೆ ನೇರವಾಗಿ ಮಾಹಿತಿ ಸಂಗ್ರಹಿಸಲು ಸಾಧ್ಯವಾಗಿಲ್ಲ ಎನ್ನುವ ಮಾಹಿತಿಯಿದೆ. ಈ ಹಿನ್ನೆಲೆಯಲ್ಲಿ, ಫೋನ್ ಅನ್‌ಲಾಕ್ ಮಾಡಲು ಮತ್ತು ಅದರಲ್ಲಿರುವ ಕರೆಗಳ ವಿವರ ಹಾಗೂ ಇತರ ದತ್ತಾಂಶಗಳನ್ನು ಪಡೆಯಲು ಮೊಬೈಲ್ ಅನ್ನು ಈಗಾಗಲೇ ಎಫ್‌ಎಸ್‌ಎಲ್’ಗೆ ಕಳುಹಿಸಲಾಗಿದೆ. ಘಟನಾ ಸ್ಥಳದಲ್ಲಿ ಲಭ್ಯವಾಗಿರುವ ಡೆತ್ ನೋಟ್‌ನಲ್ಲಿ ಯುವತಿಯು ಯಾರ ಮೇಲೆಯೂ ನೇರ ಆರೋಪ ಮಾಡಿಲ್ಲ. ಬದಲಾಗಿ ತನ್ನ ಕುಟುಂಬ ಮತ್ತು ತಾಯಿಯ ಬಗ್ಗೆ ಕಾಳಜಿಯ ಮಾತುಗಳನ್ನು ಬರೆದಿದ್ದಾರೆ.
- [500ರೂಪಾಯಿಗೆ ಕೊಲೆ: ಕಾರ್ಮಿಕನಿಗೆ ಜೀವಾವಧಿ ಜೈಲು ಶಿಕ್ಷೆ!](https://mobiletime.in/2026/04/murder-for-rs-500-laborer-sentenced-to-life-imprisonment/): 500ರೂಪಾಯಿ ಕೊಡದ ಕಾರಣ ಕೆಲಸ ಕೊಟ್ಟವರನ್ನೇ ಕೊಂದ ಕಾರ್ಮಿಕನಿಗೆ ಶಿರಸಿ ನ್ಯಾಯಾಲಯ ಜೀವಾವಧಿ ಜೈಲು ಶಿಕ್ಷೆ ವಿಧಿಸಿದೆ. ಶಿರಸಿಯ ಸೋಂದಾ ಬಳಿಯ ಮಠದಕೇರಿ ಸಮೀಪದ ಕಮಟಗೇರಿಯಲ್ಲಿ ರವೀಶ ಚೆನ್ನಯ್ಯ ಅವರು ವಾಸವಾಗಿದ್ದರು. ರವೀಶ ಚೆನ್ನಯ್ಯ ಅವರು ಶೇರುಗಾರರಾಗಿದ್ದು, ವಿವಿಧ ತೋಟದ ಮಾಲಕರಿಂದ ಕೆಲಸಗಳನ್ನು ಗುತ್ತಿಗೆಪಡೆಯುತ್ತಿದ್ದರು. ನಂತರ ಕೂಲಿ ಕಾರ್ಮಿಕರನ್ನು ನೇಮಿಸಿ ಆ ಕೆಲಸ ಮಾಡಿಸುತ್ತಿದ್ದರು. ರವೀಶ ಚೆನ್ನಯ್ಯ ಅವರ ಬಳಿ ಅದೇ ಭಾಗದ ಮಂಜುನಾಥ ಚೆನ್ನಯ್ಯ ಅವರು ಸಹ ಕೂಲಿ ಕೆಲಸ ಮಾಡಿಕೊಂಡಿದ್ದರು. ಮಂಜುನಾಥ ಚೆನ್ನಯ್ಯ ಅವರು ಪದೇ ಪದೇ ದುಡ್ಡು ಕೇಳುತ್ತಿದ್ದು, ರವೀಶ ಚೆನ್ನಯ್ಯ ಅವರು ಸಮಾಧಾನ ಮಾಡಿ ಕಳುಹಿಸುತ್ತಿದ್ದರು. ಅದಾಗಿಯೂ, ರವೀಶ ಚೆನ್ನಯ್ಯ ಅವರು ಮಂಜುನಾಥ ಚೆನ್ನಯ್ಯ ಅವರಿಗೆ 500ರೂ ಕೊಡಬೇಕಿತ್ತು. 2025ರ ಅಗಸ್ಟ 8ರಂದು 500ರೂ ಕೊಡುವಂತೆ ಮಂಜುನಾಥ ಚೆನ್ನಯ್ಯ ಅವರು ಗಲಾಟೆ ಮಾಡಿದ್ದರು. `ಎರಡು ದಿನದ ನಂತರ 500ರೂ ಕೊಡುವೆ’ ಎಂದು ರವೀಶ ಚೆನ್ನಯ್ಯ ಅವರು ಆ ದಿನ ಸಮಾಧಾನ ಮಾಡಿ ಕಳುಹಿಸಿದ್ದರು. ಅಗಸ್ಟ 18ರಂದು ರವೀಶ ಚೆನ್ನಯ್ಯ ಅವರು ಮಂಜುನಾಥ ಚೆನ್ನಯ್ಯ ಅವರ ಮನೆಗೆ ಹೋಗಿ, `ನಾಳೆ ಕೆಲಸಕ್ಕೆ ಬಾ’ ಎಂದು ಕರೆದಿದ್ದರು. ಆಗಲೂ ಮಂಜುನಾಥ ಚೆನ್ನಯ್ಯ ಅವರು 500ರೂ ಹಣ ಕೇಳಿದ್ದು, `ಮೂರು ದಿನದಲ್ಲಿ ಕೊಡುವೆ’ ಎಂದು ಭರವಸೆ ನೀಡಿದ್ದರು. ಹಣ ಕೊಡದ ಕಾರಣ ರವೀಶ ಚೆನ್ನಯ್ಯ ಅವರ ಮೇಲೆ ಮಂಜುನಾಥ ಚೆನ್ನಯ್ಯ ಅವರು ಸಿಟ್ಟು ಮಾಡಿಕೊಂಡಿದ್ದರು. ಅದೇ ಸಿಟ್ಟಿನಲ್ಲಿ ಆ ದಿನ ರಾತ್ರಿ ಕಬ್ಬಿಣದ ಕೊಡಲಿ ಹಿಡಿದ ಮಂಜುನಾಥ ಚೆನ್ನಯ್ಯ ಅವರು ರವೀಶ ತಲೆಗೆ ಹೊಡೆದರು. ಆ ಏಟಿಗೆ ರವೀಶ ಚೆನ್ನಯ್ಯ ಅವರು ಅಲ್ಲಿಯೇ ಸಾವನಪ್ಪಿದರು. ಮಾವನನನ್ನೂ ಕೊಂದಿದ್ದ ಮಂಜುನಾಥ! ಮoಜುನಾಥ ಚೆನ್ನಯ್ಯ ಅವರಿಗೆ ಈ ಕೊಲೆ ಮೊದಲನೆಯದ್ದಾಗಿರಲಿಲ್ಲ. 2002ರಲ್ಲಿ ಸಹ ಮಂಜುನಾಥ ಚೆನ್ನಯ್ಯ ಅವರು ಒಂದು ಕೊಲೆ ಮಾಡಿದ್ದರು. ಹೆಣ್ಣು ಕೊಟ್ಟ ಮಾವನನ್ನು ಸಹ ಕೊಂದಿದ್ದ ಮಂಜುನಾಥ ಚೆನ್ನಯ್ಯ ಅವರು ಈ ಮೊದಲು 14 ವರ್ಷಗಳ ಕಾಲ ಜೈಲು ಶಿಕ್ಷೆ ಅನುಭವಿಸಿದ್ದರು. ಶಿಕ್ಷೆ ಮುಗಿಸಿ ಊರಿಗೆ ಮರಳಿದ್ದ ಅವರು ರವೀಶ ಚೆನ್ನಯ್ಯ ಅವರಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದು, 500ರೂ ಕೊಡದ ಕಾರಣ ರವೀಶ ಚೆನ್ನಯ್ಯ ಅವರ ತಲೆ ಒಡೆದು ಜೈಲು ಸೇರಿದ್ದರು. ರವೀಶ ಚೆನ್ನಯ್ಯ ಅವರ ಪತ್ನಿ ಚೇತನಾ ಚೆನ್ನಯ್ಯ ಅವರು ನೀಡಿದ ದೂರಿನ ಅನ್ವಯ ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು. ಆಗಿನ ಪಿಐ ಶಶಿಕಾಂತ ವರ್ಮಾ ಅವರು ತನಿಖೆ ನಡೆಸಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದರು. ಪೊಲೀಸ್ ಸಿಬ್ಬಂದಿ ಶಂಕರಾಚಾರ್ಯ ಅವರು ಸಾಕ್ಷಿದಾರರನ್ನು ಹಾಜರುಪಡಿಸಿದರು. ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ವಾದ ಮಂಡಿಸಿದ್ದು, ಆರೋಪಿ ಮಂಜುನಾಥ ಚೆನ್ನಯ್ಯ ಅವರ ಕ್ರೂರ ಸ್ವಭಾವವನ್ನು ನ್ಯಾಯಾಲಯಕ್ಕೆ ಮನವರಿಕೆ ಮಾಡಿದರು. ಮಾವನನ್ನು ಕೊಂದು ಜೈಲು ಸೇರಿದ ಘಟನೆಯನ್ನು ನೆನಪಿಸಿದರು. ಜೊತೆಗೆ 500ರೂಪಾಯಿ ಹಣಕ್ಕಾಗಿ ಕೊಲೆ ಮಾಡುವ ಮಟ್ಟಕ್ಕೆ ಹೋದ ಕಾರ್ಮಿಕನಿಗೆ ಕಠಿಣ ಶಿಕ್ಷೆ ವಿಧಿಸಿಬೇಕು ಎಂದವರು ಕೇಳಿಕೊಂಡರು. ಪ್ರಕರಣದ ಸಮಗ್ರ ವಿಚಾರಣೆ ನಡೆಸಿದ ನ್ಯಾಯಾಲಯ ವಿವಿಧ ಸಾಕ್ಷಿಗಳನ್ನು ಪರಿಗಣಿಸಿತು. ಆರೋಪಿ ಮಂಜುನಾಥ ಚೆನ್ನಯ್ಯ ಅವರ ಮೇಲಿದ್ದ ಆರೋಪ ಸಾಭೀತಾದ ಹಿನ್ನಲೆ ನ್ಯಾಯಾಧೀಶ ಕಿರಣ ಕಿಣಿ ಅವರು ಬುಧವಾರ ತಮ್ಮ ಆದೇಶ ಪ್ರಕಟಿಸಿದರು. ಮಂಜುನಾಥ ಚೆನ್ನಯ್ಯ ಅವರನ್ನು ಜೀವಾವಧಿ ಶಿಕ್ಷೆಗೆ ಒಳಪಡಿಸಿದರು. ಜೊತೆಗೆ 25 ಸಾವಿರ ರೂ ದಂಡವನ್ನು ಪಾವತಿಸುವಂತೆ ಆದೇಶಿಸಿದರು. ಇದರೊಂದಿಗೆ `ಸಂತ್ರಸ್ತೆ ಚೇತನಾ ಚೆನ್ನಯ್ಯ ಅವರಿಗೂ ಮಂಜುನಾಥ ಚೆನ್ನಯ್ಯ ಅವರು 50 ಸಾವಿರ ರೂ ಪರಿಹಾರ ಕೊಡಬೇಕು. ಚೇತನಾ ಚೆನ್ನಯ್ಯ ಅವರು ಕಾನೂನು ಸೇವಾ ಪ್ರಾಧಿಕಾರದಿಂದಲೂ ಹೆಚ್ಚಿನ ಪರಿಹಾರಪಡೆಯಲು ಅರ್ಹರು’ ಎಂದು ತೀರ್ಪು ನೀಡಿದರು.
- [ಬ್ಯಾಂಕ್ ಮ್ಯಾನೇಜರ್ ಕೊಲೆ ಪ್ರಯತ್ನ: ದೊಣ್ಣೆ ಹಿಡಿದ ದಾಂಡಿಗನಿಗೆ ಜೈಲು!](https://mobiletime.in/2026/04/attempted-murder-of-bank-manager-jail-for-stick-wielding-assailant/): ಬ್ಯಾಂಕ್ ಮ್ಯಾನೇಜರ್ ಕೊಲೆಗೆ ಪ್ರಯತ್ನಿಸಿದ ಸಿದ್ದಾಪುರದ ವೀರಭದ್ರ ನಾಯ್ಕ ಅವರಿಗೆ ನ್ಯಾಯಾಲಯ ಆರು ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ. ಸಿದ್ದಾಪುರದ ಕೋರ್ಲಕೈ ಬಳಿಯ ಆಡುಕಟ್ಟಾದಲ್ಲಿ ತಿಮ್ಮಪ್ಪ ಎಚ್ ಎಂ ಹೇರಂಬ ರಾವ್ ಅವರು ತಮ್ಮ ಕುಟುಂಬದ ಜೊತೆ ವಾಸವಾಗಿದ್ದರು. ಬ್ಯಾಂಕ್ ಮ್ಯಾನೇಜರ್ ಆಗಿ ಅವರು ಕೆಲಸ ಮಾಡಿಕೊಂಡಿದ್ದರು. ತಿಮ್ಮಪ್ಪ ರಾವ್ ಅವರು ಅಲ್ಲಿ ತೋಟವನ್ನು ಹೊಂದಿದ್ದು, ಅಲ್ಲಿ ಶೆಟ್ಟಳ್ಳಿ ಆಡುಕಟ್ಟಾದ ವೀರಭದ್ರ ತಿಮ್ಮ ನಾಯ್ಕ ಅವರು ಕೆಲಸಕ್ಕೆ ಬರುತ್ತಿದ್ದರು. ಕೆಲ ವರ್ಷಗಳ ಕಾಲ ನಿಯತ್ತಾಗಿ ಕೆಲಸ ಮಾಡಿದ ವೀರಭದ್ರ ನಾಯ್ಕ ಅವರು ಕ್ರಮೇಣ ತಮ್ಮ ವರಸೆ ಬದಲಿಸಿದರು. ತಿಮ್ಮಪ್ಪ ರಾವ್ ಅವರ ಜೊತೆ ಅವರ ಪತ್ನಿಗೆ ಸಹ ವೀರಭದ್ರ ನಾಯ್ಕ ಅವರು ಕೆಟ್ಟದಾಗಿ ನಿಂದಿಸಲು ಶುರು ಮಾಡಿದ್ದರು. ಇದನ್ನು ಸಹಿಸದ ತಿಮ್ಮಪ್ಪ ರಾವ್ ಅವರು ವೀರಭದ್ರ ನಾಯ್ಕ ಅವರಿಗೆ ಬುದ್ದಿ ಹೇಳಿದ್ದರು. ಸುಧಾರಿಸಿಕೊಳ್ಳಲು ಸಾಕಷ್ಟು ಸಮಯವನ್ನು ಕೊಟ್ಟಿದ್ದರು. ಆದರೆ, ವೀರಭದ್ರ ನಾಯ್ಕ ಅವರ ವರ್ತನೆ ಮಾತ್ರ ಬದಲಾಗಲಿಲ್ಲ. ವೀರಭದ್ರ ನಾಯ್ಕ ಅವರು ತಿಮ್ಮಪ್ಪ ರಾವ್ ಕುಟುಂಬವನ್ನು ಉದ್ದೇಶಿಸಿ ಇನ್ನಷ್ಟು ಕೆಟ್ಟದಾಗಿ ಬೈಯಲು ಶುರು ಮಾಡಿದ್ದರು. ಹೀಗಾಗಿ ತಿಮ್ಮಪ್ಪ ರಾವ್ ಅವರು ಅನಿವಾರ್ಯವಾಗಿ ವೀರಭದ್ರ ನಾಯ್ಕ ಅವರನ್ನು ಕೆಲಸದಿಂದ ತೆಗೆದರು. `ನಾಳೆಯಿಂದ ಕೆಲಸಕ್ಕೆ ಬರುವುದು ಬೇಡ’ ಎಂದು ಸೂಚಿಸಿದರು. ಕೆಲಸ ಕಳೆದುಕೊಂಡ ವೀರಭದ್ರ ನಾಯ್ಕ ಅವರು ತಿಮ್ಮಪ್ಪ ರಾವ್ ಅವರ ವಿರುದ್ಧ ಸಿಟ್ಟಾದರು. ಎದುರು ಸಿಕ್ಕಾಗಲೆಲ್ಲ ಅವರನ್ನು ಕೆಟ್ಟದಾಗಿ ಬೈಯುವುದನ್ನು ರೂಢಿಸಿಕೊಂಡರು. ದಾರಿಯಲ್ಲಿ ಸಿಕ್ಕಾಗ ಸಹ ಎಲ್ಲರ ಎದುರು ನಿಂದಿಸಿ ಅವಮಾನ ಮಾಡುತ್ತಿದ್ದರು. `ನಿನಗೆ ಒಂದು ಗತಿ ಕಾಣಿಸುವೆ’ ಎಂದು ವೀರಭದ್ರ ನಾಯ್ಕ ಅವರು ಪದೇ ಪದೇ ಹೇಳುತ್ತಿದ್ದು, ಅದಕ್ಕೆ ತಿಮ್ಮಪ್ಪ ರಾವ್ ಅವರು ಹೆಚ್ಚಿಗೆ ತಲೆಕೆಡಿಸಿಕೊಂಡಿರಲಿಲ್ಲ. 2025ರ ಬೆಳಗ್ಗೆ ಏಪ್ರಿಲ್ 30ರಂದು ತಿಮ್ಮಪ್ಪ ರಾವ್ ಅವರು ಬೈಕಿನ ಮೇಲೆ ಆಡುಕಟ್ಟಾದ ಕಡೆ ಹೊರಟಿದ್ದರು. ಪಶು ಸಂಗೋಪನಾ ಇಲಾಖೆ ಎದುರು ತಿಮ್ಮಪ್ಪ ರಾವ್ ಅವರನ್ನು ವೀರಭದ್ರ ನಾಯ್ಕ ಅವರು ಅಡ್ಡಗಟ್ಟಿದರು. ಕೈಯಲ್ಲಿ ಕತ್ತಿ ಹಿಡಿದು ಬಂದಿದ್ದ ವೀರಭದ್ರ ನಾಯ್ಕ ಅವರು `ನನ್ನನ್ನು ಕೆಲಸಕ್ಕೆ ಬರಬೇಡ ಎನ್ನಲು ನೀ ಯಾರು?’ ಎಂದು ಪ್ರಶ್ನಿಸಿ ಆ ಕತ್ತಿ ಬೀಸಿದರು. ಕತ್ತಿ ಏಟಿನಿಂದ ತಪ್ಪಿಸಿಕೊಂಡ ತಿಮ್ಮಪ್ಪ ರಾವ್ ಅವರಿಗೆ ಬಡಿಗೆಯಿಂದ ಬಡಿದರು. ತಿಮ್ಮಪ್ಪ ರಾವ್ ಅವರ ಕೈಯಿಂದ ರಕ್ತ ಸುರಿಯುವುದನ್ನು ನೋಡಿದ ವೀರಭದ್ರ ನಾಯ್ಕ ಅವರು ಮತ್ತೊಮ್ಮೆ ಬೆದರಿಸಿ ಅಲ್ಲಿಂದ ಪರಾರಿಯಾದರು. ತಮ್ಮ ಮೇಲೆ ನಡೆದ ಆಕ್ರಮಣದ ಬಗ್ಗೆ ತಿಮ್ಮಪ್ಪ ರಾವ್ ಅವರು ಪೊಲೀಸ್ ದೂರು ನೀಡಿದರು. ಸಿದ್ದಾಪುರ ಪೊಲೀಸ್ ಠಾಣೆಯ ಎಸೈ ಸುಭಾಷ್ ಬಿಳಿಯ ನಾಯಕ್ ಅವರು ತನಿಖೆ ನಡೆಸಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದರು. ಒಂದನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ವಿಚಾರಣೆ ನಡೆಸಿದ್ದು, ಎಸೈ ಗಣಪತಿ ಬಂಟ್ ಅವರು ಸಾಕ್ಷಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಸಮಗ್ರ ದಾಖಲೆಗಳ ಜೊತೆ ಸರ್ಕಾರಿ ಅಭಿಯೋಜಕ ರಾಜೇಶ ಮಳಗಿಕರ್ ಅವರು ನ್ಯಾಯಾಧೀಶರ ಮುಂದೆ ವಾದ ಮಂಡಿಸಿದರು. ಈ ಎಲ್ಲಾ ಹಿನ್ನಲೆ ನ್ಯಾಯಾಧೀಶ ಕಿರಣ ಕಿಣಿ ಅವರು ಬುಧವಾರ ತಮ್ಮ ಆದೇಶ ಪ್ರಕಟಿಸಿದ್ದು, ಬ್ಯಾಂಕ್ ಮ್ಯಾನೇಜರ್ ತಿಮ್ಮಪ್ಪ ರಾವ್ ಅವರ ಕೊಲೆಗೆ ಪ್ರಯತ್ನಿಸಿ ಹಲ್ಲೆ ನಡೆಸಿದ್ದ ವೀರಭದ್ರ ನಾಯ್ಕ ಅವರು ಆರು ತಿಂಗಳು ಜೈಲು ಶಿಕ್ಷೆ ಅನುಭವಿಸಬೇಕು’ ಎಂದು ತೀರ್ಪು ಪ್ರಕಟಿಸಿದರು.
- [ಆತ ಐದು ದಿನ ಬದುಕಿದ್ದೇ ಪವಾಡ!](https://mobiletime.in/2026/04/its-a-miracle-he-survived-for-five-days/): ಅಂಕೋಲಾದ ಬಳಿ ಪೆಟ್ರೋಲಿಯಂ ಉತ್ಪನ್ನ ಸಾಗಿಸುತ್ತಿದ್ದ ಟ್ಯಾಂಕರ್ ಸ್ಪೋಟದಿಂದ ಚಾಲಕ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದು, ಆ ಚಾಲಕನನ್ನು ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಸ್ಪೋಟದ ವೇಳೆ ಬೆಂಕಿಯಿoದ ಹಾರಿ ತಪ್ಪಿಸಿಕೊಂಡಿದ್ದ ಚಿತ್ರದುರ್ಗದ ಚಾಲಕ ಮುರುಗೇಂದ್ರಯ್ಯ ಅವರು ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. 2026ರ ಏಪ್ರಿಲ್ 16ರಂದು ಅಂಕೋಲಾದ ಅಗಸೂರು ಸಮೀಪದ ಕಂಚಿನಬಾಗಿಲು ಹೆದ್ದಾರಿಯಲ್ಲಿ ಪೆಟ್ರೋಲಿಯಂ ಉತ್ಪನ್ನ ಸಾಗಿಸುತ್ತಿದ್ದ ಟ್ಯಾಂಕರ್ ಅಪಘಾತಕ್ಕೀಡಾಗಿತ್ತು. ಅಪಘಾತದ ಪರಿಣಾಮ ಟ್ಯಾಂಕರ್ ಸ್ಪೋಟವಾಗಿ ಭಾರೀ ಪ್ರಮಾಣದಲ್ಲಿ ಅಗ್ನಿ ಅನಾಹುತ ಸಂಭವಿಸಿತ್ತು. ಈ ಅನಾಹುತದಿಂದ ಚಿತ್ರದುರ್ಗದ ಚಾಲಕ ಮುರುಗೇಂದ್ರಯ್ಯ ಅವರು ಪಾರಾಗಿ ಬಂದಿದ್ದರು. ಆದರೆ, ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ಅವರನ್ನು ಅಂಕೋಲಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿತ್ತು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಬೆಂಕಿ ಬಿದ್ದ ಸ್ಥಳಕ್ಕೆ ದೌಡಾಯಿಸಿದ್ದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ಆರಿಸುವ ಪ್ರಯತ್ನ ಮಾಡಿದ್ದರು. ಪ್ರಾಥಮಿಕ ಮಾಹಿತಿ ಪ್ರಕಾರ ಚಾಲಕನ ನಿಯಂತ್ರಣ ತಪ್ಪಿದ್ದರಿಂದ ಆ ಟ್ಯಾಂಕರ್ ಅಪಘಾತಕ್ಕೀಡಾಗಿರುವುದು ಗೊತ್ತಾಗಿದ್ದು, ಚಾಲಕನನ್ನು ಆರೋಪಿಯನ್ನಾಗಿಸಿ ಪ್ರಕರಣ ದಾಖಲಿಸಲಾಗಿತ್ತು. ಹೆಬ್ಬುಳದ ಸಂತೋಷ ನಾನಾ ತಾಳೆಕರ್ ಅವರು ಪ್ರತ್ಯಕ್ಷದರ್ಶಿಯಾಗಿ ಪೊಲೀಸರಿಗೆ ವರದಿ ಒಪ್ಪಿಸಿದ್ದರು. ಐದು ದಿನಗಳ ಕಾಲ ಆಸ್ಪತ್ರೆಯಲ್ಲಿದ್ದ ಚಾಲಕ ಮುರುಗೇಂದ್ರಯ್ಯ ಅವರು ಈ ದಿನ ಸಾವನಪ್ಪಿದರು. ಕೆ ಎಸ್ ಹೆಗಡೆ ಆಸ್ಪತ್ರೆಯವರು ಈ ಬಗ್ಗೆ ಅಂಕೋಲಾ ಪೊಲೀಸರಿಗೆ ಮಾಹಿತಿ ನೀಡಿದರು.
- [ಬೆಳ್ಳಿಮನೆ ಬಿಲ್ಡಿಂಗ್: ಬಾಡಿಗೆ ಕೋಣೆಯಲ್ಲಿ ರಾಜಾ-ರಾಣಿ ಆಟ!](https://mobiletime.in/2026/04/silver-house-building-king-queen-game-in-a-rented-room/): ಶಿರಸಿ ಅಶ್ವಿನಿ ಸರ್ಕಲ್ ಬಳಿಯ ಬೆಳ್ಳಿಮನೆ ಕಟ್ಟಡದಲ್ಲಿ ಅನಧಿಕೃತ ಕ್ಲಬ್ ನಡೆಯುತ್ತಿದೆ. ಅಲ್ಲಿನ 2ನೇ ಮಹಡಿಯಲ್ಲಿರುವ ಕೊಠಡಿಯನ್ನು ಕುಮಟಾದ ವೆಂಕಟೇಶ ನಾಯ್ಕ ಅವರು ಬಾಡಿಗೆಪಡೆದಿದ್ದು, ಜೂಜಾಟ ನಡೆಸುತ್ತಿದ್ದಾರೆ. ಈ ಜೂಜು ಕೇಂದ್ರಕ್ಕೆ ಶಿವಮೊಗ್ಗ ಹರೀಶಿಯ ಕ್ಲಬ್ ಮ್ಯಾನೇಜರ್ ಭರತ್ ಬಂಗಾರಪ್ಪ ಮಡಿವಾಳ ಅವರು ಮ್ಯಾನೇಜರ್ ಆಗಿದ್ದಾರೆ. ಬಣ್ಣ ಬಣ್ಣದ ಟೋಕನ್ ನೀಡಿ ಇಲ್ಲಿ ಆಟ ಆಡಿಸಲಾಗುತ್ತದೆ. ಈ ಬಣ್ಣದ ಆಟಕ್ಕೆ ಶಿರಸಿ ಅಂಬಾಗಿರಿ ಮುಖ್ಯರಸ್ತೆಯ ವ್ಯಾಪಾರಿ ರಮೇಶ ಶಿವಮೂರ್ತಿ ಹೊಂಬಾಳೆ ಅವರು ಮರಳಾಗಿದ್ದಾರೆ. ಜೊತೆಗೆ ಬಿಸಿಲಕೊಪ್ಪ ಉಲ್ಲಾಳದ ಕಾರ್ಮಿಕ ಮಂಜುನಾಥ ಆನಂದ ನಾಯ್ಕ, ಕಾನಗೋಡಿನ ಚಾಲಕ ಶ್ರೀಪಾದ ಕರಿಯಾ ನಾಯ್ಕ, ಬೈರುಂಬೆ ದೊಡ್ಡಬೈಲಿನ ಕೃಷಿಕ ನಾರಾಯಣ ಗಣಪತಿ ಮರಾಠಿ, ರಾಮನಬೈಲ್ ಐದನೇ ಕ್ರಾಸಿನ ಕಾರ್ಪರೆಂಟರ್ ಶ್ರೀಧರ ಹನುಮಂತ ನಾಯ್ಕ ಅವರು ಸಹ ಅಲ್ಲಿ ಟೊಕನ್‌ಪಡೆದು ಜೂಜಾಟ ಆಡುತ್ತಾರೆ. ಸ್ವಯಂ ಸೇವಾ ಸಂಸ್ಥೆಯಲ್ಲಿ ಕೆಲಸ ಮಾಡುವ ಬಾಳೆಗದ್ದೆ ಬಳಿಯ ಹೊನಗದ್ದೆಯ ದಿನೇಶ ಗಣಪತಿ ಹೆಗಡೆ, ಸಾಲ್ಕಣಿಯ ಕೃಷಿಕ ರಾಜೇಶ ಶಂಕರ ದೀಕ್ಷಿತ್, ಹುಸುರಿಯ ಕೃಷಿಕ ಕೃಷ್ಣಮೂರ್ತಿ ನಾಗರಾಜ ನಾಯ್ಕ, ಮಾರಿಕಾಂಬಾ ನಗರದ ಚಾಲಕ ಮಂಜುನಾಥ ಗೋವಿಂದ ನಾಯ್ಕ ಅವರು ಸಹ ಜೂಜಾಟದಲ್ಲಿ ಹಿಂದೆ ಬಿದ್ದಿಲ್ಲ. ಅಶ್ವಿನಿ ಸರ್ಕಲ್ ಬಳಿಯ ಬೆಳ್ಳಿಮನೆ ಕಟ್ಟಡಕ್ಕೆ ಆಗಮಿಸುವ ಅವರೆಲ್ಲರೂ ಅಲ್ಲಿ ಕಾಸು ಕೊಟ್ಟು ಟೊಕನ್ ಖರೀದಿಸುತ್ತಿದ್ದಾರೆ. ನಂತರ ಕಾಸಿನ ಬದಲು ಬಣ್ಣ ಬಣ್ಣದ ಟೊಕನ್ ವಿನಿಯಮ ಮಾಡಿ ಜೂಜಾಡುತ್ತಾರೆ. ಏಪ್ರಿಲ್ 19ರಂದು ಈ ಜೂಜು ಕೇಂದ್ರಕ್ಕೆ ಶಿರಸಿ ಮಾರುಕಟ್ಟೆ ಠಾಣೆ ಪಿಸೈ ಪಿಸೈ ಬಸವರಾಜ ಕನಶೆಟ್ಟಿ ಅವರು ಭೇಟಿ ನೀಡಿದ್ದಾರೆ. ಅನಧಿಕೃತ ಆಟ ಆಡಿಸುತ್ತಿದ್ದ ವೆಂಕಟೇಶ ನಾಯ್ಕ ಹಾಗೂ ಭರತ ಮಡಿವಾಳ ಅವರನ್ನು ಮಾತನಾಡಿಸಿದ್ದಾರೆ. ಜೊತೆಗೆ ಆ ಆಟ ಆಡಲು ಆಗಮಿಸಿದ್ದವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಬಣ್ಣದ ಟೊಕನ್ ಹಿಡಿದು ಜೂಜಾಡುತ್ತಿದ್ದವರಿಗೆ ಕಠಿಣ ಕ್ರಮವಾಗಿದೆ.
- [14 ವರ್ಷದ ಹೆಣ್ಣು ಮಕ್ಕಳಿಗೆ ಈ ಲಸಿಕೆ ಕಡ್ಡಾಯ!](https://mobiletime.in/2026/04/this-vaccine-is-mandatory-for-14-year-old-girls/): `ಉತ್ತರ ಕನ್ನಡ ಜಿಲ್ಲೆಯಲ್ಲಿರುವ 14-15 ವರ್ಷದ ಎಲ್ಲಾ ಹೆಣ್ಣು ಮಕ್ಕಳಿಗೆ ಗರ್ಭಕಂಠದ ಕ್ಯಾನ್ಸರ್‌ನ್ನು ತಡೆಗಟ್ಟುವ ಲಸಿಕೆ ಹಾಕಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಆರೋಗ್ಯ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. `ಮಹಿಳೆಯರಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಕಂಡುಬರುವ ಗರ್ಭಕಂಠದ ಕ್ಯಾನ್ಸರ್‌ನ್ನು ತಡೆಗಟ್ಟಲು ಮುಂಜಾಗ್ರತಾ ಕ್ರಮವಾಗಿ ಉಚಿತವಾಗಿ ಎಚ್ ಪಿ ವಿ ಲಸಿಕೆ ಹಾಕಬೇಕು’ ಎಂದವರು ಹೇಳಿದ್ದಾರೆ. ಮಂಗಳವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಸಭೆ ನಡೆಸಿದ ಅವರು `ಗರ್ಭಕಂಠದ ಕ್ಯಾನ್ಸರ್ ಭಾರತದಲ್ಲಿ ಮಹಿಳೆಯರಲ್ಲಿ ಕಂಡು ಬರುವ ಎರಡನೇ ಅತ್ಯಂತ ಸಾಮಾನ್ಯವಾದ ಕ್ಯಾನ್ಸರ್ ಎಂದು ಪರಿಗಣಿಸಲಾಗಿದೆ. ಗರ್ಭಕಂಠದ ಕ್ಯಾನ್ಸರಿಗೆ ಒಳಗಾಗುವುದನ್ನು ತಡೆಗಟ್ಟಲು ಆರೋಗ್ಯ ಇಲಾಖೆಯಿಂದ ಅಭಿಯಾನ ನಡೆಸಬೇಕು. ಜಿಲ್ಲೆಯಲ್ಲಿರುವ 14 ಹಾಗೂ 15 ವರ್ಷದೊಳಗಿನ ಎಲ್ಲಾ ಹೆಣ್ಣು ಮಕ್ಕಳಿಗೂ ಎಚ್ ಪಿ ವಿ ಲಸಿಕೆ ನೀಡಬೇಕು’ ಎಂದು ಸೂಚಿಸಿದ್ದಾರೆ. `ಶಿಕ್ಷಣ ಇಲಾಖೆಯ ಮೂಲಕ ಹೆಣ್ಣು ಮಕ್ಕಳ ಪೋಷಕರಿಗೆ ತಮ್ಮ ಮಕ್ಕಳಿಗೆ ಹೆಚ್ ಪಿ ವಿ ಲಸಿಕೆ ನೀಡುವ ಕುರಿತು ಮಾಹಿತಿ ನೀಡಬೇಕು. ಎಲ್ಲಾ ಗ್ರಾಮಗಳು ಮತ್ತು ನಗರ ಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ಸ್ವಚ್ಛತಾ ವಾಹನಗಳ ಮೂಲಕ ಲಸಿಕೆಯ ಮಹತ್ವದ ಕುರಿತು ವ್ಯಾಪಕ ಅರಿವು ಮೂಡಿಸಬೇಕು’ ಎಂದರು. `ಈ ಲಸಿಕೆಯು ಅತ್ಯಂತ ಸುರಕ್ಷಿತವಾಗಿದ್ದು, ಇದರಿಂದ ಯಾವುದೇ ಅಡ್ಡ ಪರಿಣಾಮಗಳಿಲ್ಲ. ಪೋಷಕರು ತಮ್ಮ ಅರ್ಹ ಹೆಣ್ಣು ಮಕ್ಕಳಿಗೆ ಈ ಲಸಿಕೆಯನ್ನು ಕೊಡಿಸುವ ಮೂಲಕ ತಮ್ಮ ಮಕ್ಕಳು ಭವಿಷ್ಯದಲ್ಲಿ ಗರ್ಭಕಂಠದ ಕ್ಯಾನ್ಸರ್‌ಗೆ ಒಳಗಾಗುವುದನ್ನು ತಪ್ಪಿಸಬೇಕು’ ಎಂದು ಕರೆ ನೀಡಿದರು. ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಆರ್ ಸಿ ಹೆಚ್ ಅಧಿಕಾರಿ ಡಾ ನಟರಾಜ್, ಡಾ ರಮೇಶ್ ರಾವ್, ಡಾ ಹರ್ಷಾ ಹಾಗೂ ವಿಡಿಯೋ ಕಾನ್ಫರೆನ್ಸ್ ಮೂಲಕ ಜಿಲ್ಲೆಯ ಎಲ್ಲಾ ತಾಲೂಕು ವೈದ್ಯಾಧಿಕಾರಿಗಳು, ಶಿಕ್ಷಣ ಇಲಾಖೆಯ ಅಧಿಕಾರಿಗಳು, ತಾ.ಪಂ. ಕಾರ್ಯನಿರ್ವಹಣಾಧಿಕಾರಿಗಳು ಹಾಜರಿದ್ದರು.
- [ಆಕೆಯ ಆತ್ಮಹತ್ಯೆ ಹಿಂದೆ ಲವ್ ಜಿಹಾದ್ ಕುಮ್ಮಕ್ಕು!](https://mobiletime.in/2026/04/love-jihad-was-behind-her-suicide/): ಸಿದ್ದಾಪುರದಲ್ಲಿ ಯುವತಿಯೊಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದು, ಇದರ ಹಿಂದೆ `ಲವ್ ಜಿಹಾದ್’ ಆರೋಪ ಕೇಳಿಬಂದಿದೆ. `ಮುಸ್ಲೀಂ ಯುವಕನೊಬ್ಬ ತನ್ನ ಧರ್ಮ ಮರೆಮಾಚಿ ಯುವತಿಯನ್ನು ಪ್ರೀತಿಸಿದ್ದು, ನಂತರ ನೀಡಿದ ಮಾನಸಿಕ ಹಿಂಸೆಯೇ ಆಕೆಯ ಆತ್ಮಹತ್ಯೆಗೆ ಕಾರಣ’ ಎಂದು ಆರೋಪಿಸಿ ಪ್ರತಿಭಟನೆಯೂ ನಡೆದಿದೆ. ಬಿಜೆಪಿ ಮಂಡಳದಿAದ ಪೊಲೀಸ್ ಠಾಣೆ ಎದುರು ಪ್ರತಿಭಟನೆ ನಡೆದಿದ್ದು, `ಇದನ್ನು ಸಾಮಾನ್ಯ ಆತ್ಮಹತ್ಯೆ ಎಂದು ಪರಿಗಣಸಿದೇ ಸಮಗ್ರ ತನಿಖೆ ನಡೆಸಬೇಕು’ ಎಂದು ಪ್ರಮುಖರು ಆಗ್ರಹಿಸಿದ್ದಾರೆ. `ತಪ್ಪಿತಸ್ಥರಿಗೆ ಕಾನೂನು ಪ್ರಕಾರ ಕಠಿಣ ಶಿಕ್ಷೆ ವಿಧಿಸಬೇಕು’ ಎಂದು ಪ್ರತಿಭಟನಾಕಾರರು ಧರಣಿ ನಡೆಸಿದ್ದಾರೆ. `ಯುವಕನೊಬ್ಬ ತನ್ನನ್ನು ಹಿಂದೂ ಎಂದು ನಂಬಿಸಿ ಯುವತಿಯನ್ನು ಪ್ರೀತಿಸಿದ್ದು, ನಂತರ ಯುವತಿಗೆ ಸತ್ಯ ಗೊತ್ತಾಗಿದೆ. ಯುವಕನ ಹಿಂಸೆ ಸಹಿಸದೇ ಯುವತಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಆತ್ಮಹತ್ಯೆಗೂ ಒಂದು ವಾರ ಮುಂಚೆ ಕುಟುಂಬದವರಿಗೆ ಆ ಯುವಕನ ಬಗ್ಗೆ ಗೊತ್ತಾಗಿದ್ದು, ಆತ್ಮಹತ್ಯೆ ನಡೆದು ಹಲವು ದಿನ ಕಳೆದರೂ ಮರಣೋತ್ತರ ವರದಿ ಬಂದಿಲ್ಲ’ ಎಂದು ಬಿಜೆಪಿ ಸಿದ್ದಾಪುರ ಮಂಡಲ ಅಧ್ಯಕ್ಷ ತಿಮ್ಮಪ್ಪ ಎಂ ಕೆ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಹಿಂದೂ ಸಂಘಟನೆಯವರು ಈ ಬಗ್ಗೆ ತಹಶೀಲ್ದಾರರಿಗೆ ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ. ತನಿಖೆ ದಾರಿ ತಪ್ಪಿಸುವ ಪ್ರಯತ್ನ ನಡೆದಿದೆ’ ಎಂದು ಬಿಜೆಪಿಗರು ಕಿಡಿಕಾರಿದ್ದಾರೆ. `ಪೊಲೀಸರು ಈವರೆಗೂ ಆರೋಪಿ ಯುವಕನ ಫೋನ್ ಕಾಲ್ ಪರಿಶೀಲಿಸಿಲ್ಲ. ಆತನ ವಿಚಾರಣೆ ನಡೆಸಿಲ್ಲ. ಹೀಗಾಗಿ ಪೊಲೀಸರ ಮೇಲೆ ನಂಬಿಕೆ ಕಡಿಮೆಯಾಗಿದೆ’ ಎಂದು ಪ್ರತಿಭಟನಾಕಾರರು ಹೇಳಿದ್ದಾರೆ. ಒಂದು ವಾರದಲ್ಲಿ ಆರೋಪಿ ಬಂಧನ ಆಗದಿದ್ದರೆ ಉಗ್ರ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಸಿದ್ದಾರೆ.
- [ಅಲ್ಲಿ ಇಲ್ಲಿ ಅಲೆದಾಟ-ವೈನ್‌ಶಾಪ್ ಎದುರು ಹೊಡೆದಾಟ!](https://mobiletime.in/2026/04/wandering-here-and-there-fighting-in-front-of-the-wine-shop/): ಮುರುಡೇಶ್ವರ ಬಳಿಯ ಕಾಯ್ಕಿಣಿಯ ಕುಮಾರ ಬಾಕಡ ಅವರು ಅದೇ ಊರಿನ ಮೂವರ ಜೊತೆ ಜಗಳ ಮಾಡಿದ್ದಾರೆ. ಪರಿಣಾಮ ಚಂದ್ರು ಬಾಕಡ, ಶ್ರೀಧರ ಬಾಕಡ ಹಾಗೂ ರವಿ ಬಾಕಡ ಸೇರಿ ಕುಮಾರ ಬಾಕಡ ಅವರನ್ನು ಹಿಡಿದು ಥಳಿಸಿದ್ದಾರೆ. ಭಟ್ಕಳದ ಮುರುಡೇಶ್ವರದ ಕಾಯ್ಕಿಣಿ ಗುಮ್ಮನಹಕ್ಲುವಿನ ಬಾಕಡಕೇರಿಯ ಕುಮಾರ ಶ್ರೀನಿವಾಸ ಬಾಕಡ ಅವರು ವಾಸವಾಗಿದ್ದಾರೆ. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಏಪ್ರಿಲ್ 19ರಂದು ಕೋಟದಮಕ್ಕಿ ಬಳಿಯ ಜ್ಯೋತಿ ವೈನ್ ಶಾಪ್ ಬಳಿ ಹೋಗಿದ್ದು, ಅಲ್ಲಿಯೇ ಹೊಡೆದಾಟ ನಡೆದಿದೆ. ಚಂದ್ರು ಮಾದೇವ ಬಾಕಡ ಹಾಗೂ ಕುಮಾರ ಶ್ರೀನಿವಾಸ ಬಾಕಡ ಅವರ ನಡುವೆ ಮೊದಲಿನಿಂದಲೂ ವೈಮನಸ್ಸಿದ್ದು, ಇದೇ ಹೊಡೆದಾಟಕ್ಕೆ ಮುಖ್ಯ ಕಾರಣ. `ಚಂದ್ರು ಬಾಕಡ ಅವರು ಸರಾಯಿ ಕುಡಿದು ಜಗಳ ಮಾಡುತ್ತಿದ್ದು, ಅನಗತ್ಯವಾಗಿ ತಮ್ಮನ್ನು ಗುರಾಯಿಸುತ್ತಾರೆ’ ಎಂಬುದು ಕುಮಾರ ಬಾಕಡ ಅವರ ದೂರು. `ಆ ದಿನ ಕೋಟದಮಕ್ಕಿ ಬಳಿಯ ಜ್ಯೋತಿ ವೈನ್ ಶಾಪ್ ಬಳಿ ಚಂದ್ರು ಬಾಕಡ ಅವರ ಜೊತೆ ಶ್ರೀಧರ ಬಾಬು ಬಾಕಡ ಹಾಗೂ ರವಿ ಮಾದವ ಬಾಕಡ ಸಹ ಇದ್ದರು. ತಾನು ಅಲ್ಲಿ ಹೋದಾಗ ಅವರೆಲ್ಲರೂ ಬೈದಿದ್ದು, ಈ ಬಗ್ಗೆ ಪ್ರಶ್ನಿಸಿದಾಗ ಹೊಡೆದರು’ ಎಂದು ಕುಮಾರ ಬಾಕಡ ಅವರು ದೂರಿದ್ದಾರೆ. `ಈ ವೇಳೆ ಕಲ್ಲಿನಿಂದ ತಮ್ಮ ಮೇಲೆ ಹಲ್ಲೆ ನಡೆದಿದೆ’ ಎಂದವರು ಮುರುಡೇಶ್ವರ ಪೊಲೀಸರಲ್ಲಿ ಹೇಳಿದ್ದಾರೆ.
- [ಮಕ್ಕಳ ಜೊತೆ ಮಹಿಳೆಯೂ ಕಾಣೆ!](https://mobiletime.in/2026/04/the-woman-and-her-children-are-also-missing/): ಕುಮಟಾ ದಿವಳ್ಳಿಯ ರೇಷ್ಮಾ ನಾಯ್ಕ ಅವರು ತಮ್ಮ ಮಕ್ಕಳಿಬ್ಬರ ಜೊತೆ ಮನೆ ಬಿಟ್ಟು ಹೋಗಿದ್ದಾರೆ. ಐದು ದಿನ ಕಳೆದರೂ ಅವರು ಮನೆಗೆ ಮರಳಿಲ್ಲ. ಏಪ್ರಿಲ್ 16ರ ಮಧ್ಯಾಹ್ನ ರೇಷ್ಮಾ ನಾಯ್ಕ ಅವರು ತಮ್ಮ 10 ವರ್ಷದ ಮಗಳು ಜಾಹ್ನವಿ ಹಾಗೂ ಏಳು ವರ್ಷದ ಯಶಿಕಾ ಅವರ ಜೊತೆ ಮನೆಯಿಂದ ಹೊರಗೆ ಹೋಗಿದ್ದಾರೆ. ತವರು ಮನೆಗೆ ಹೋಗುವುದಾಗಿ ಹೇಳಿ ಹೋಗಿದ್ದ ರೇಷ್ಮಾ ನಾಯ್ಕ ಅವರು ತವರು ಮನೆ ತಲುಪಿಲ್ಲ. ಪತಿಯ ಮನೆಗೆ ಸಹ ಅವರು ಮರಳಲಿಲ್ಲ. ಮೂವರು ಕಾಣೆಯಾದ ಬಗ್ಗೆ ಕುಟುಂಬದವರು ಆತಂಕ್ಕೆ ಒಳಗಾಗಿದ್ದಾರೆ. ಆ ಮೂವರ ಬಗ್ಗೆ ಕುಟುಂಬದವರು ಎಲ್ಲಾ ಕಡೆ ಫೋನ್ ಮಾಡಿ ವಿಚಾರಿಸಿದ್ದಾರೆ. ಬಂಧು-ಮಿತ್ರರ ಮನೆಗೂ ಹೋಗಿ ಹುಡುಕಾಟ ನಡೆಸಿದ್ದಾರೆ. ಆದರೆ, ತಾಯಿ-ಮಕ್ಕಳು ಎಲ್ಲಿಯೂ ಸಿಕ್ಕಿಲ್ಲ. ಅವರ ಬಗ್ಗೆ ಯಾವ ಸುಳಿವು ಸಹ ಗೊತ್ತಾಗಿಲ್ಲ. ಸದ್ಯ ಪೊಲೀಸರು ಸಹ ರೇಷ್ಮಾ ನಾಯ್ಕ ಅವರ ಜೊತೆ ಮಕ್ಕಳ ಹುಡುಕಾಟ ಶುರು ಮಾಡಿದ್ದಾರೆ. ಕನ್ನಡ ಹಾಗೂ ಕೊಂಕಣಿ ಮಾತನಾಡುವ ಅವರು ಕಂಡರೆ ಫೋನ್ ಮಾಡಿ ಎಂದು ಪೊಲೀಸರು ಮನವಿ ಮಾಡಿದ್ದಾರೆ. ಫೋನ್ ಮಾಡಬೇಕಾದ ಸಂಖ್ಯೆ: 9480805272
- [ಕಳ್ಳತನಕ್ಕೆ ಕೈ ಹಾಕಿದ ಹೊಟೇಲ್ ಉದ್ಯೋಗಿ!](https://mobiletime.in/2026/04/hotel-employee-involved-in-theft/): ಹೊನ್ನಾವರಕ್ಕೆ ಹೋಗಿದ್ದ ದಾಂಡೇಲಿಯ ಮುಜಾಫರ್ ಶೇಖ್ ಅವರು ಅಲ್ಲಿನ ಎಆರ್‌ಎಂ ಸೂಪರ್ ಮಾರ್ಟಿಗೆ ನುಗ್ಗಿ ಕಳ್ಳತನ ಮಾಡಿದ್ದಾರೆ. ಹೊಟೇಲ್ ಕೆಲಸ ಮಾಡಿಕೊಂಡಿದ್ದ ಮಜಾಫರ್ ಶೇಖ್ ಕುಮಟಾದ ಸೀತಾರ ಹೊಟೇಲ್ ಎದುರು ಸಿಕ್ಕಿಬಿದ್ದಿದ್ದು, ಕಳ್ಳತನದ ಹಾದಿ ಹಿಡಿದ ಅವರನ್ನು ಪೊಲೀಸರು ಜೈಲಿಗೆ ಕಳುಹಿಸಿದ್ದಾರೆ. ಏಪ್ರಿಲ್ 16ರಂದು ಹೊನ್ನಾವರದ ಬಸ್ ನಿಲ್ದಾಣ ಸಮೀಪ ಕಳ್ಳತನ ನಡೆದಿತ್ತು. ಇಲ್ಲಿನ ಎಆರ್‌ಎಂ ಸೂಪರ್ ಮಾರ್ಟ ಬಂದ್ ಆದ ನಂತರ ದಾಂಡೇಲಿ ಸುಭಾಷನಗರದ ಮುಜಾಫರ್ ಮಹಮದ್ ಸಾಬ್ ಶೇಖ್ ಅವರು ಒಳಗೆ ನುಗ್ಗಿದ್ದರು. ಗಾಜು ಒಡೆದು ಒಳಗೆ ಪ್ರವೇಶಿಸಿದ ಮುಜಾಫರ್ ಶೇಖ್ ಅವರು ಸೂಪರ್ ಮಾರ್ಟಿನ ಎಲ್ಲಾ ಕಡೆ ಜಾಲಾಡಿದ್ದರು. ಅಲ್ಲಿದ್ದ ಹಣ ಹಾಗೂ ಎನ್ ವಿ ಆರ್ ದೋಚಿ ಪರಾರಿಯಾಗಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಡಿವೈಎಸ್ಪಿ ಗಿರೀಶ್ ಬಿ ಸೇರಿ 48 ಗಂಟೆಯೊಳಗೆ ಆ ಕಳ್ಳನನ್ನು ಹಿಡಿಯುವ ಶಪಥ ಮಾಡಿದರು. ಅದರಂತೆ ಯೋಜನೆ ರೂಪಿಸಿ ತಂಡ ರಚಿಸಿದ ಪೊಲೀಸರು, ಹೊನ್ನಾವರ ಪಿಐ ಸಿದ್ದರಾಮೇಶ್ವರ ಎಸ್ ಅವರಿಗೆ ಸಂಪೂರ್ಣ ಜವಾಬ್ದಾರಿ ಕೊಟ್ಟರು. ಪಿಸೈ ಮಹಂತೇಶ ವಾಲ್ಮೀಕಿ, ಮಂಜುನಾಥ, ಬೆರಳೆಚ್ಚು ವಿಭಾಗದ ಪಿಐ ರಾಘವೇಂದ್ರ, ಪೊಲೀಸ್ ಸಿಬ್ಬಂದಿ ಲಿಂಗಜ್ಜ, ಸುಬ್ರಹ್ಮಣ್ಯ ಪಟಗಾರ, ರವಿ ನಾಯ್ಕ, ವಿನಾಯಕ ದುರ್ಗದ್ ಸೇರಿ ಕಾರ್ಯಾಚರಣೆ ನಡೆಸಿದರು. ಕುಮಟಾ ಸೀತಾರ ಹೊಟೇಲ್ ಎದುರು ಆರೋಪಿ ಸಿಕ್ಕಿಬಿದ್ದಿದ್ದು, ಪೊಲೀಸರು ಮುಜಾಫರ್ ಶೇಖ್ ಅವರಿಂದ ಸತ್ಯ ಬಾಯ್ಬಿಡಿಸಿದರು. ಕಳ್ಳತನ ಮಾಡಿರುವುದು ಖಚಿತವಾದ ಹಿನ್ನಲೆ ಆರೋಪಿಯನ್ನು ನ್ಯಾಯಾಲಯಕ್ಕೆ ಒಪ್ಪಿಸಿ ಜೈಲಿನ ದಾರಿ ತೋರಿಸಿದರು.
- [ಚಿನ್ನದ ವ್ಯಾಮೋಹ: 70ನೇ ವಯಸ್ಸಿನಲ್ಲಿ ಕೊಲೆ ಮಾಡಿದವ ಜೈಲು ಸೇರಿದ!](https://mobiletime.in/2026/04/gold-craze-murderer-at-the-age-of-70-goes-to-prison/): ಶಿರಸಿಯ ಆಯುರ್ವೇದ ವೈದ್ಯ ಡಾ ರಮೇಶ ಕಲಗೂಟ್ಕರ್ ಅವರ ಕೊಲೆ ಪ್ರಕರಣ ಬೇದಿಸಿದ ಪೊಲೀಸರಿಗೆ 70 ವರ್ಷದ ವೃದ್ಧರೊಬ್ಬರು ಸಿಕ್ಕಿಬಿದ್ದಿದ್ದು, ಚಿನ್ನದ ಆಸೆಗಾಗಿ ಅವರೇ ಕೊಲೆ ಮಾಡಿರುವುದು ಖಚಿತವಾಗಿದೆ. 15 ಲಕ್ಷ ರೂ ಮೌಲ್ಯದ ಚಿನ್ನದ ಆಸೆಗೆ ಬಿದ್ದು ವೈದ್ಯರನ್ನು ಕೊಲೆ ಮಾಡಿದ ಮಂಜುನಾಥ ನಾಯ್ಕ ಇದೀಗ ಜೈಲು ಸೇರಿದ್ದಾರೆ. ಶಿವಮೊಗ್ಗದ ತೀರ್ಥಹಳ್ಳಿ ಬಳಿಯ ಮಳಲೂರು ಪಡಲಬೈಲಿನಲ್ಲಿ ಮಂಜುನಾಥ ಲಿಂಗಯ್ಯ ನಾಯ್ಕ ಅವರು ವಾಸವಾಗಿದ್ದರು. ಹೊಟೇಲ್ ವ್ಯಾಪಾರ ಮಾಡಿಕೊಂಡು ಚನ್ನಾಗಿಯೇ ಇದ್ದ ಮಂಜುನಾಥ ನಾಯ್ಕ ಅವರಿಗೆ ಶಿರಸಿಯಲ್ಲಿ ಆಸ್ಪತ್ರೆ ನಡೆಸುತ್ತಿದ್ದ ಡಾ ರಮೇಶ ಕಲಗೂಟ್ಕರ್ ಅವರು ಪರಿಚಯವಾಗಿದ್ದರು. ಮಂಜುನಾಥ ನಾಯ್ಕ ಅವರು ಡಾ ರಮೇಶ ಕಲಗೂಟ್ಕರ್ ಅವರ ಸ್ನೇಹ ಸಂಪಾದಿಸಿ, ಅವರ ನಂಬಿಕೆಗಳಿಸಿದ್ದರು. ಹೀಗಾಗಿ ಡಾ ರಮೇಶ ಕಲಗೂಟ್ಕರ್ ಅವರು ತಮ್ಮ ಜೀವನದ ವಿಷಯಗಳನ್ನು ಮಂಜುನಾಥ ನಾಯ್ಕ ಅವರ ಬಳಿ ಹಂಚಿಕೊAಡಿದ್ದರು. ಡಾ ರಮೇಶ ಕಲಗೂಟ್ಕರ್ ಅವರು ತಮ್ಮ ಮೊದಲ ಪತ್ನಿ ಸಾವನಪ್ಪಿದ ನಂತರ ಮತ್ತೊಂದು ಮದುವೆಗೆ ಸಿದ್ಧತೆ ನಡೆಸಿದ್ದರು. ಸೋಮವಾರ ಅವರು ಹಸಮಣೆ ಏರಲಿದ್ದು, ಪತ್ನಿ ಸಂಬAಧಿಯನ್ನೇ ವರಿಸಲು ವೇದಿಕೆಯನ್ನು ಸಿದ್ಧಪಡಿಸಿದ್ದರು. ಮದುವೆ ದಿನ ಧರಿಸಲು ಬಂಗಾರದ ಆಭರಣಗಳನ್ನು ಸಹ ತಂದಿರಿಸಿಕೊAಡಿದ್ದರು. ಈ ವಿಷಯದ ಬಗ್ಗೆ ಅರಿತಿದ್ದ ಮಂಜುನಾಥ ನಾಯ್ಕ ಅವರು ಉಪಾಯವಾಗಿ ಡಾ ರಮೇಶ ಕಲಗೂಟ್ಕರ್ ಅವರ ಮನೆ ಸೇರಿ, ಅಲ್ಲಿದ್ದ ಬಂಗಾರ ಹಾಗೂ ಹಣದ ಆಸೆಗಾಗಿ ಡಾ ರಮೇಶ ಕಲಗೂಟ್ಕರ್ ಅವರನ್ನು ಕೊಲೆ ಮಾಡಿದರು. ನಂತರ ಆ ಹಣ ಹಾಗೂ ಬಂಗಾರ ದೋಚಿ, ಮನೆಗೆ ಬಾಗಿಲು ಹಾಕಿ ಪರಾರಿಯಾದರು. ವೈದ್ಯರ ಸಾವಿನ ಬಗ್ಗೆ ಅರಿತು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಸ್ಥಳಕ್ಕೆ ದೌಡಾಯಿಸಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ ಅವರ ಜೊತೆ ಚರ್ಚಿಸಿದ ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಎರಡು ವಿಶೇಷ ತಂಡ ರಚಿಸಿದರು. ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದ ಪಿಐ ಶಶಿಕಾಂತ ವರ್ಮಾ, ರಮೇಶ ಹೂಗಾರ್ ಅವರಿಗೆ ಕೆಲ ಸುಳಿವುಗಳು ದೊರೆತವು. ಪಿಸೈ ಬಸವರಾಜ ಕನಶೆಟ್ಟಿ ಅವರ ನೇತ್ರತ್ವದಲ್ಲಿ ಆರೋಪಿ ಶೋಧ ನಡೆದಿದ್ದು, ಎಸೈ ರವೀಂದ್ರ ನಾಯ್ಕ, ರವಿ ಗಾಂಜೇಕರ್, ಮಂಗಲಮೂರ್ತಿ ಶಿರಹಟ್ಟಿ ಜೊತೆ ಸಿಬ್ಬಂದಿ ಮಂಜುನಾಥ ಕೆಂಚರೆಡ್ಡಿ, ಪ್ರಸಾದ ಮಡಿವಾಳ, ಮಾರುತಿ ಮಳಗಿ, ಅರುಣ ಲಮಾಣಿ ತನಿಖೆ ಶುರು ಮಾಡಿದರು. ಪೊಲೀಸ್ ಸಿಬ್ಬಂದಿ ಸಂದೀಪ ನಿಂಬಾಯಿ, ರಾಕೇಶ ದಯಾನಂದ, ಸಂತೋಷ, ಗಜಾನನ ಪೂಜಾರಿ ಜೊತೆ ಮಹಾಂತೇಶ, ಅರುಣ, ಗಣಪತಿ, ವೆಂಕಟ್ರಮಣ, ಪ್ರಶಾಂತ ಅವರು ಕಾರ್ಯಾಚರಣೆ ನಡೆಸಿದರು. ಕಾರವಾರ ಟೆಕ್ನಿಕಲ್ ವಿಭಾಗದ ಬಬನ ಕದಂ, ಉದಯ ಗುನಗಾ ಜೊತೆ ಜೀಪ್ ಚಾಲಕ ಹನುಮಂತ ವಾಲಿಕರ್, ಪಾಂಡು ನಗೋಜಿ ಅವರ ಸಹಕಾರದಲ್ಲಿ ಪೊಲೀಸರು ಆರೋಪಿ ಮಂಜುನಾಥ ನಾಯ್ಕ ಅವರನ್ನು ಹಿಡಿದರು. 15 ಲಕ್ಷ ರೂ ಮೌಲ್ಯದ ಚಿನ್ನಾಭರಣ ಹಾಗೂ 50 ಸಾವಿರ ರೂ ಹಣವನ್ನು ಪೊಲೀಸರು ಜಪ್ತು ಮಾಡಿದರು. ಮಂಜುನಾಥ ನಾಯ್ಕ ಅವರನ್ನು ನ್ಯಾಯಾಲಯಕ್ಕೆ ಒಪ್ಪಿಸಿ, ಜೈಲಿಗೆ ಕಳುಹಿಸಿದರು.
- [ಸಹವಾಸ ದೋಷ: ಚಾಲಕನ ದೋಸ್ತಿಯಿಂದ ವಿದ್ಯಾರ್ಥಿ ಕೆಟ್ಟ!](https://mobiletime.in/2026/04/misconduct-student-becomes-bad-due-to-drivers-friendship/): ಕುಮಟಾದ ಕಗಾಲದ ಮಣಿಕಂಠ ಗೌಡ ಅವರ ಜೊತೆ ಸೇರಿ ನಿತ್ಯಾನಂದ ನಾಯ್ಕ ಅವರು ಅಡ್ಡದಾರಿ ಹಿಡಿದಿದ್ದಾರೆ. ಅವರಿಬ್ಬರು ದುಶ್ಚಟದ ದಾಸರಾಗಿ ತಮ್ಮ ಭವಿಷ್ಯ ಹಾಳು ಮಾಡಿಕೊಂಡಿದ್ದಾರೆ. ಕುಮಟಾದ ಕಗಾಲ ಬಳಿಯಿರುವ ಗೌಡರಕೇರಿಯಲ್ಲಿ ಮಣಿಕಂಠ ನಾರಾಯಣ ಗೌಡ ಅವರು ವಾಸವಾಗಿದ್ದಾರೆ. 24 ವರ್ಷದ ಅವರು ಚಾಲಕರಾಗಿ ಜೀವನ ನಡೆಸುತ್ತಿದ್ದು, ಕಗಾಲ ಸೊಸೈಟಿ ಹತ್ತಿರ ವಾಸವಾಗಿರುವ ನಿತ್ಯಾನಂದ ಹರಿ ನಾಯ್ಕ ಅವರ ಸ್ನೇಹ ಸಂಪಾದಿಸಿದ್ದಾರೆ. 19 ವರ್ಷದ ನಿತ್ಯಾನಂದ ನಾಯ್ಕ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಚಾಲಕ ಮಣಿಕಂಠ ಗೌಡ ಅವರ ಸಹವಾಸಕ್ಕೆ ಬಿದ್ದು ಮಾದಕ ವ್ಯಸನಗಳ ಸೇವನೆ ಶುರು ಮಾಡಿದ್ದಾರೆ. ಏಪ್ರಿಲ್ 19ರಂದು ಕುಮಟಾ ರೈಲ್ವೆ ನಿಲ್ದಾಣದ ಬಳಿ ಮಣಿಕಂಠ ಗೌಡ ಅವರ ಜೊತೆ ಸೇರಿ ನಿತ್ಯಾನಂದ ನಾಯ್ಕ ಅಮಲಿನ ನಶೆಯಲ್ಲಿ ತೇಲಾಡುತ್ತಿದ್ದರು. ಮೈಮೇಲೆ ಪ್ರಜ್ಞೆ ಇಲ್ಲದ ಸ್ಥಿತಿಯಲ್ಲಿ ಅಲೆದಾಡುತ್ತಿದ್ದ ಅವರನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದರು. ಕುಮಟಾ ಪಿಸೈ ಖಾದರ್ ಭಾಷಾ ಅವರು ರೈಲು ನಿಲ್ದಾಣದ ಬಳಿ ಆಗಮಿಸಿ ಅವರಿಬ್ಬರನ್ನು ಮಾತನಾಡಿಸುವ ಪ್ರಯತ್ನ ಮಾಡಿದರು. ಅಮಲಿನಲ್ಲಿದ್ದ ಅವರಿಬ್ಬರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಹೀಗಾಗಿ ಪೊಲೀಸರೇ ಅವರಿಬ್ಬರನ್ನು ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದರು. ಏಪ್ರಿಲ್ 20ರಂದು ಮಣಿಕಂಠ ಗೌಡ ಅವರ ಜೊತೆ ಸೇರಿ ನಿತ್ಯಾನಂದ ನಾಯ್ಕ ಅವರಿಬ್ಬರ ವೈದ್ಯಕೀಯ ವರದಿ ಹೊರ ಬಂದಿತು. ಅವರಿಬ್ಬರು ಗಾಂಜಾ ಸೇವಿಸಿರುವುದನ್ನು ಆಸ್ಪತ್ರೆ ವೈದ್ಯರು ದೃಢಪಡಿಸಿದರು. ಗಾಂಜಾ ಸೇವನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಪೊಲೀಸರು ಈಗಾಗಲೇ ಸಾಕಷ್ಟು ಪ್ರಚಾರ ನೀಡಿದ್ದು, ನಿಷೇಧಿತ ವಸ್ತು ಸೇವನೆ ಅಪರಾಧ ಎಂಬ ಅರಿವಿದ್ದರೂ ಆ ದುಶ್ಚಟಕ್ಕೆ ದಾಸರಾದ ಕಾರಣ ಅವರಿಬ್ಬರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು.
- [ಪ್ರವೇಶವಿಲ್ಲದ ಗರ್ಭಗುಡಿಗೆ ದುಷ್ಟರ ಪ್ರವೇಶ!](https://mobiletime.in/2026/04/the-evil-one-enters-the-sanctum-sanctorum-where-there-is-no-access/): ಯಲ್ಲಾಪುರದ ಶೇಡಿಕೆರೆ ಮಹಾಗಣಪತಿ ದೇವಸ್ಥಾನದ ಗರ್ಭಗುಡಿಯ ಒಳಗೆ ಕಳ್ಳರು ನುಗ್ಗಿದ್ದಾರೆ. ದೇವರ ಮುಂದೆ ತೂಗುತ್ತಿದ್ದ ಗಂಟೆ ಸೇರಿ ಅಲ್ಲಿದ್ದ 21 ಸಾವಿರ ರೂ ಮೌಲ್ಯದ ಸಾಮಗ್ರಿಗಳನ್ನು ದೋಚಿ ಪರಾರಿಯಾಗಿದ್ದಾರೆ. ಯಲ್ಲಾಪುರದ ಅರಬೈಲ್ ಗ್ರಾಮದ ಕಸಬೆ ಬಳಿ ಶೇಡಿಕೆರೆ ಮಹಾಗಣಪತಿ ದೇವಸ್ಥಾನವಿದೆ. ಐತಿಹಾಸಿಕ ಹಿನ್ನಲೆಯಿರುವ ಈ ದೇಗುಲಕ್ಕೆ ಸಾವಿರಾರು ಭಕ್ತರು ನಡೆದುಕೊಳ್ಳುತ್ತಾರೆ. ಅತ್ಯಂತ ಶೃದ್ಧಾ-ಭಕ್ತಿಯಿಂದ ಇಲ್ಲಿ ಪೂಜೆ-ಪುನಸ್ಕಾರ ನಡೆದು ಬರುತ್ತಿದ್ದು, ಸದ್ಯ ಆ ದೇಗುಲದ ಮೇಲೆ ಕಳ್ಳರು ಕಣ್ಣು ಹಾಕಿದ್ದಾರೆ. ದೇವಾಲಯದ ಒಳಗೆ ನುಗ್ಗಿದ ದುಷ್ಟರು ಅಲ್ಲಿದ್ದ ಅನೇಕ ವಸ್ತುಗಳನ್ನು ದೋಚಿದ್ದಾರೆ. ಏಪ್ರಿಲ್ 18ರ ಸಂಜೆ ದೇವಾಲಯದಲ್ಲಿ ಎಲ್ಲವೂ ಸಹಜವಾಗಿದ್ದು, ಮರುದಿನ ಬೆಳಗ್ಗೆ ಇಡಗುಂದಿ ಬಳಿಯ ಕೋಮಡಿಯ ಸುಣಜೋಗದ ಶಿವರಾಮ ಕೃಷ್ಣ ಭಟ್ಟ ಅವರು ಬಂದು ನೋಡಿದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಗರ್ಭಗುಡಿ ಮುಂದೆ ತೂಗುತ್ತಿದ್ದ ನಾಲ್ಕು ದೊಡ್ಡ ಗಂಟೆಗಳು ಕಾಣೆಯಾಗಿರುವುದನ್ನು ಅವರು ನೋಡಿದ್ದಾರೆ. ಗರ್ಭಗುಡಿಯ ಒಳಗಿದ್ದ ಎರಡು ಗಂಟೆಗಳು ಸಹ ಕಾಣಿಸಿಲ್ಲ. ಎಲ್ಲಾ ಸೇರಿ 10 ಹಿತ್ತಾಳೆ ಗಂಟೆಗಳನ್ನು ಕಳ್ಳರು ಅಪಹರಿಸಿದ್ದಾರೆ. ಜೊತೆಗೆ ದೇವಾಲಯದ ಪಕ್ಕದ ಕೋಣೆಯ ಬೀಗ ಒಡೆದು ಅಲ್ಲಿದ್ದ ತಾಮ್ರದ ಕೊಡ, ಹಿತ್ತಾಳೆಯ ಆರತಿ, ಹಿತ್ತಾಳೆ ತಾಟು, ಹಿತ್ತಾಳೆ ಚಂಬು, ದೀಪ, ಆಲ್ಯುಮಿನಿಯಂ ಹಾಗೂ ಸ್ಟೀಲ್ ತೋಪುಗಳನ್ನು ಕದ್ದಿದ್ದಾರೆ. ಹಂಡೆಯನ್ನು ಸೇರಿ ಒಟ್ಟು 21900ರೂ ಮೌಲ್ಯದ ದೇವಾಲಯದ ಸಾಮಗ್ರಿಗಳು ಕಳ್ಳರ ಪಾಲಾಗಿದೆ. ಈ ಬಗ್ಗೆ ಶಿವರಾಮ ಭಟ್ಟ ಅವರು ಊರಿನವರಲ್ಲಿ ಚರ್ಚಿಸಿದ್ದು, ಅವರೆಲ್ಲರ ಸಲಹೆ-ಸೂಚನೆ ಮೇರೆಗೆ ಪೊಲೀಸ್ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿದ ಪೊಲೀಸರು ಕಳ್ಳರ ಶೋಧ ಶುರು ಮಾಡಿದ್ದಾರೆ.
- [ಮರಕ್ಕೆ ಗುದ್ದಿದ ಕಾರು: ಎರಡು ದೇಹ ಚೂರು ಚೂರು!](https://mobiletime.in/2026/04/car-hits-tree-two-bodies-shattered-into-pieces/): ದಾಂಡೇಲಿಯ ಕರ್ಕಾ ಕ್ರಾಸಿನ ಅಜಗೌನ್ ಬಳಿ ಸೋಮವಾರ ರಾತ್ರಿ ಕಾರು ಅಪಘಾತಕ್ಕೀಡಾಗಿದೆ. ಅಪಘಾತದ ರಭಸಕ್ಕೆ ಕಾರಿನಲ್ಲಿದ್ದ ಪ್ರಯಾಣಿಕರಿಬ್ಬರು ಅಲ್ಲಿಯೇ ಸಾವನಪ್ಪಿದ್ದಾರೆ. ಧಾರವಾಡದ ಫಾರೂಖ್ ಸಾಬ್ ಹಾಗೂ ಹಳಿಯಾಳದ ಮುದಸ್ಸಿರ್ ಇಸ್ಮಾಯಿಲ್ ಮುಲ್ಲಾ ಅವರು ಮತ್ತೊಬ್ಬರ ಜೊತೆ ಈ ಮಾರ್ಗವಾಗಿ ಹೋಗುತ್ತಿದ್ದರು. ಚಾಲಕನ ನಿಯಂತ್ರಣ ತಪ್ಪಿದ ಕಾರು ಮರಕ್ಕೆ ಗುದ್ದಿತು. ಎರಡು ಮರಗಳ ನಡುವೆ ಕಾರು ಸಿಲುಕಿದ್ದರಿಂದ ವಾಹನ ಮುಂದಿನ ಭಾಗ ಸಂಪೂರ್ಣವಾಗಿ ಪುಡಿಪುಡಿಯಾಯಿತು. ಆ ಕಾರಿನಲ್ಲಿದ್ದವರು ಸಹ ಅಲ್ಲಿಯೇ ಸಿಲುಕಿದ್ದು, ಹೊರಬರಲಾಗದೇ ಕೊನೆಯುಸಿರೆಳೆದರು. ಆ ಕಾರಿನಲ್ಲಿದ್ದ ಮತ್ತೊಬ್ಬರು ನರಳಾಡುತ್ತಿದ್ದು, ಅವರನ್ನು ಸ್ಥಳೀಯರು ರಕ್ಷಿಸಿದ್ದಾರೆ. ಗಾಯಗೊಂಡ ಮತ್ತೊಬ್ಬ ಪ್ರಯಾಣಿಕರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ. ಜೀವಾಪಾಯದಿಂದ ಪಾರಾದವರು ಆ ಕಾರಿನ ಚಾಲಕರಾಗಿದ್ದು, ದಾಂಡೇಲಿ ಗ್ರಾಮೀಣ ಠಾಣೆಯ ಪಿಸೈ ಶಿವಾನಂದ ನಾವಲಗಿ ಅವರು ಸ್ಥಳಕ್ಕೆ ಭೇಟಿ ನೀಡಿ ವಿಚಾರಣೆ ನಡೆಸಿದ್ದಾರೆ.
- [ಕಡತ ಕಳ್ಳತನ: ಸಮಗ್ರ ವರದಿಗೆ ಸೂಚನೆ!](https://mobiletime.in/2026/04/file-theft-notice-for-a-comprehensive-report/): ಕಾರವಾರ ಆರ್ ಟಿ ಓ ಕಚೇರಿಯಲ್ಲಿನ ಕಡತ ಕಳ್ಳತನ ಪ್ರಕರಣದ ಕುರಿತು ದೂರು ಸ್ವೀಕರಿಸಿದ ಬೆಳಗಾವಿ ವಿಭಾಗದ ಜಂಟಿ ಸಾರಿಗೆ ಆಯುಕ್ತರು ಈ ಬಗ್ಗೆ ಸಮಗ್ರ ವರದಿ ನೀಡುವಂತೆ ಪ್ರಾದೇಶಿಕ ಸಾರಿಗೆ ಅಧಿಕಾರಿಗೆ ಸೂಚಿಸಿದ್ದಾರೆ. ಕಡತ ಕಣ್ಮರೆಯ ಬಗ್ಗೆ ಲಾರಿ ಮಾಲಕರ ಸಂಘದ ಅಧ್ಯಕ್ಷ  ಮಾಧವ ನಾಯಕ ನೀಡಿದ ದೂರಿಗೆ ಹಿರಿಯ ಅಧಿಕಾರಿಗಳು ಸ್ಪಂದಿಸಿ ಈ ಸೂಚನೆ ರವಾನಿಸಿದ್ದಾರೆ. `ಕಾರವಾರದ ಆರ್ ಟಿ ಓ ಕಚೇರಿಯಲ್ಲಿನ ಕಡತಗಳು ಕಾಣೆಯಾಗಿವೆ. ಮುಖ್ಯ ದಾಖಲೆಗಳು ಅಲ್ಲಿನ ಅಧಿಕಾರಿಗಳ ಕೈಗೆ ಸಿಗುತ್ತಿಲ್ಲ. ಇದರಿಂದ ಜನ ಸಮಸ್ಯೆ ಅನುಭವಿಸುತ್ತಿದ್ದಾರೆ’ ಎಂದು ಮಾಧವ ನಾಯಕ ಅವರು ದೂರಿದ್ದರು. `ಕಡತ ಕಾಣೆಯಾಗಿದ್ದರೂ ಅಧಿಕಾರಿಗಳು ದೂರು ದಾಖಲಿಸದೇ ಇರುವುದು ಇನ್ನಷ್ಟು ಅನುಮಾನ ಹುಟ್ಟಿಸಿದೆ. ಈ ಬಗ್ಗೆ ಪ್ರಶ್ನಿಸಿದರೂ ಅಧಿಕಾರಿಗಳು ಸರಿಯಾಗಿ ಮಾತನಾಡುತ್ತಿಲ್ಲ. ಸಮಸ್ಯೆಗೆ ಸ್ಪಂದಿಸುವ ಕೆಲಸವನ್ನು ಮಾಡುತ್ತಿಲ್ಲ’ ಎಂದವರು ಅಸಮಧಾನವ್ಯಕ್ತಪಡಿಸಿದ್ದರು. ಅದಾದ ನಂತರ ಕಡತ ಕಾಣೆ ವಿಷಯದ ಬಗ್ಗೆ ಚರ್ಚಿಸಲು ಸಾರಿಗೆ ಇಲಾಖೆಗೆ ಮಾಧವ ನಾಯಕ ಅವರು ಭೇಟಿ ನೀಡಿ ಪ್ರಶ್ನಿಸಿದ್ದು, ಸರಿಯಾದ ಉತ್ತರ ಸಿಗದ ಕಾರಣ ದೂರು ನೀಡಿದ್ದರು. ಈ ನಡುವೆ ಎಲ್ಲಾ ಕಡತ ಹುಡುಕಿಸುವುದಾಗಿ ಆರ್ ಟಿ ಓ ಜಾನ್ ಮಿಸ್ಕಿನ್ ಪ್ರತಿಕ್ರಿಯಿಸಿದ್ದು, ಅವರು ನೀಡಿದ ಭರವಸೆ ಈಡೇರಿಸಿರಲಿಲ್ಲ. ಹೀಗಾಗಿ ಆ ದೂರು ಸ್ವೀಕರಿಸಿದ ಬೆಳಗಾವಿ ವಿಭಾಗದ ಜಂಟಿ ಸಾರಿಗೆ ಆಯುಕ್ತರು ಸಮಗ್ರ ವರದಿ ಸಲ್ಲಿಸುವಂತೆ ಸೂಚಿಸಿದ್ದಾರೆ. ವಿವಿಧ ಸೇವೆಗಳಿಗೆ ಅರ್ಜಿ ಸಲ್ಲಿಸಿದವರ ಅರ್ಜಿ ಜೊತೆ ಅವರ ವೈಯಕ್ತಿಕ ಕಡತಗಳು ಕಾಣೆಯಾಗಿದ್ದರಿಂದ ಅದರ ದುರುಪಯೋಗದ ಅನುಮಾನವೂ ಜನರನ್ನು ಕಾಡುತ್ತಿದೆ. ತನಿಖಾ ವರದಿ ಸರಿಯಾಗಿ ಬಂದರೆ ಸತ್ಯ ಹೊರಬರುವ ಸಾಧ್ಯತೆ ಹೆಚ್ಚಿದೆ.
- [ಒಂದೇ ದಾರಿಯಲ್ಲಿ ಎರಡು ಚಿರತೆ!](https://mobiletime.in/2026/04/two-leopards-on-the-same-path/): ಭಟ್ಕಳದ ಕೋಣಾರ ಬಳಿಯ ಮಂಜುನಾಥ ಹೆಬ್ಬಾರ್ ಅವರ ಮನೆ ಅಂಗಳಕ್ಕೆ ಚಿರತೆ ಆಗಮಿಸಿದೆ. ಅಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮರಾದಲ್ಲಿ ಎರಡು ಚಿರತೆಯ ಚಲನ-ವಲನ ಸೆರೆಯಾಗಿದೆ. ಜನ ವಸತಿ ಪ್ರದೇಶಕ್ಕೆ ಚಿರತೆ ನುಗ್ಗಿರುವುದಕ್ಕೆ ಆ ಭಾಗದ ನಿವಾಸಿಗಳು ಆತಂಕವ್ಯಕ್ತಪಡಿಸಿದ್ದಾರೆ. ಅಂದಾಜು 3 ವರ್ಷದ ಚಿರತೆ ಇಲ್ಲಿ ಓಡಾಟ ನಡೆಸಿದ್ದು, ಜನ ಭಯಗೊಂಡಿದ್ದಾರೆ. ಒಂದಾದ ಮೇಲೆ ಒಂದರAತೆ ಎರಡು ಚಿರತೆ ಒಂದೇ ಮಾರ್ಗದಲ್ಲಿ ಓಡಾಡಿರುವುದು ಕ್ಯಾಮರಾ ಕಣ್ಣಿಗೆ ಸೆರೆಯಾಗಿದೆ. ಸಮೀಪದ ಮನೆಯವರು ಸಾಕಿದ್ದ ನಾಯಿಯೊಂದು ಕಣ್ಮರೆಯಾಗಿರುವುದು ಈ ವೇಳೆ ಗಮನಕ್ಕೆ ಬಂದಿದೆ. ಆ ನಾಯಿ ಚಿರತೆಗೆ ಆಹಾರವಾದ ಬಗ್ಗೆ ಅಲ್ಲಿನವರು ಶಂಕಿಸಿದ್ದಾರೆ. `ಸಂಜೆ ವೇಳೆ ಮನೆಯಿಂದ ಹೊರಬರಲು ಹೆದರಿಕೆಯಾಗುತ್ತಿದೆ. ಚಿರತೆಯನ್ನು ಇಲ್ಲಿಂದ ಸ್ಥಳಾಂತರಿಸಬೇಕು’ ಎಂದು ಆ ಭಾಗದ ಜನ ಆಗ್ರಹಿಸಿದ್ದಾರೆ. `ಚಿರತೆ ಸಂಚಾರ ದೃಢವಾಗಿದ್ದು, ಇಲಾಖೆಯವರು ಚಿರತೆಯನ್ನು ನೋಡಿದ್ದಾರೆ. ಆಹಾರ ಅರೆಸಿ ಅವರು ನಾಡಿನ ಕಡೆ ಬಂದಿವೆ. ಜಾನುವಾರುಗಳಿಗೆ ತೊಂದರೆ ಆದ ದೂರು ಬಂದರೆ ಚಿರತೆ ಸ್ಥಳಾಂತರಕ್ಕೆ ಕ್ರಮಜರುಗಿಸಲಾಗುತ್ತದೆ’ ಎಂದು ವಲಯ ಅರಣ್ಯಾಧಿಕಾರಿ ವಿ ವಿಶ್ವನಾಥ ಅವರು ಹೇಳಿದ್ದಾರೆ. `ಸದ್ಯ ಸಿಡಿಮದ್ದುಗಳನ್ನು ಸಿಡಿಸಿ ಚಿರತೆ ಕಾಡಿನ ಕಡೆ ಹೋಗುವ ಹಾಗೇ ಮಾಡಲಾಗಿದೆ’ ಎಂದು ಅವರು ಹೇಳಿದ್ದಾರೆ.
- [ನಾಯಿ ಕಾಟ: ಸಹಾಯ ಮಾಡಿದವನಿಗೆ ಸಂಕಷ್ಟ!](https://mobiletime.in/2026/04/dog-bite-trouble-for-the-one-who-helped/): ಅನ್ನ-ನೀರು ಇಲ್ಲದೇ ಅಲೆದಾಡುತ್ತಿದ್ದ ಬೀದಿ ನಾಯಿಗೆ ಕಾರವಾರದ ಬೈರೆಯ ತುಶಾರ್ ಲೊಳೆಕರ್ ಅವರು ಊಟ ಹಾಕಿದ್ದು, ಅದೇ ಅವರಿಗೆ ದೊಡ್ಡ ಸಮಸ್ಯೆಯಾಗಿದೆ. ಆ ನಾಯಿಯನ್ನು ಅವರೇ ಸಾಕಬೇಕು. ನಾಯಿಯ ಸಂಪೂರ್ಣ ಆರೈಕೆ ಮಾಡಬೇಕು’ ಎಂದು ಅಲ್ಲಿನ ಗ್ರಾಮ ಪಂಚಾಯತವೂ ತುಶಾರ್ ಲೊಳೆಕರ್ ಅವರಿಗೆ ನೋಟಿಸ್ ನೀಡಿದ್ದು, ಅದನ್ನು ಪಾಲಿಸದೇ ಇದ್ದರೆ ಕಾನೂನು ಕ್ರಮ ಜರುಗಿಸುವುದಾಗಿ ಎಚ್ಚರಿಕೆ ನೀಡಿದೆ. ಕೆಲ ದಿನಗಳ ಹಿಂದೆ ಬೈರೆ ಬಸ್ ನಿಲ್ದಾಣದ ಬಳಿ ನಾಯಿಯೊಂದು ಅಸ್ವಸ್ಥಗೊಂಡಿತ್ತು. ಮೂರು ದಿನಗಳಿಂದ ಆಹಾರ ಸೇವಿಸದ ನಾಯಿ ಬಗ್ಗೆ ಅರಿತ ತುಶಾರ್ ಲೊಳೆಕರ್ ಅವರು ಆ ನಾಯಿಗೆ ಊಟ ಹಾಕಿದರು. ಊಟ ಹಾಕಿದ ಕಾರಣ ಕೃತಜ್ಞತೆ ಸಲ್ಲಿಸಿದ ಆ ನಾಯಿ ತುಶಾರ್ ಲೊಳೆಕರ್ ಅವರನ್ನು ಹಿಂಬಾಲಿಸಿಕೊoಡು ಬಂದಿತು. ಅದಾದ ನಂತರ ತಮ್ಮ ಮನೆಯಲ್ಲಿ ಉಳಿದ ಊಟವನ್ನು ಆ ನಾಯಿಗೆ ಹಾಕುವುದನ್ನು ರೂಢಿಸಿಕೊಂಡರು. ಆ ನಾಯಿ ತುಶಾರ್ ಲೊಳೆಕರ್ ಅವರ ಮನೆ ಸುತ್ತ ಅಲೆದಾಡುತ್ತಿದ್ದು, ತುಶಾರ್ ಲೊಳೆಕರ್ ಅವರೇ ಆ ನಾಯಿ ಸಾಕುತ್ತಿದ್ದಾರೆ ಎಂದು ಊರಿನವರು ಭಾವಿಸಿದ್ದರು. ಸದ್ಯ ಆ ನಾಯಿಗೆ ಹುಚ್ಚು ಹಿಡಿದಿದ್ದು, ಕೆಲವರ ಮೇಲೆ ದಾಳಿ ನಡೆಸಿದೆ. ಇದರಿಂದ ರೊಚ್ಚಿಗೆದ್ದ ಜನ ತುಶಾರ್ ಲೊಳೆಕರ್ ಅವರನ್ನು ಪ್ರಶ್ನಿಸುತ್ತಿದ್ದಾರೆ. `ಆ ನಾಯಿಗೆ ವಿಷ ಹಾಕಿ ಸಾಯಿಸು’ ಎಂದು ಜನ ಒತ್ತಡ ಹಾಕಿದ್ದಾರೆ. `ನಾಯಿಯನ್ನು ಕೊಲ್ಲುವಷ್ಟು ಕಟುಕ ನಾನಲ್ಲ’ ಎಂದು ತುಶಾರ್ ಲೊಳೆಕರ್ ಅವರು ಹೇಳಿದ್ದಾರೆ. ಆದರೆ, ಅಲ್ಲಿನವರು ಈ ವಿಷಯ ಒಪ್ಪುತ್ತಿಲ್ಲ. ಗ್ರಾಮ ಪಂಚಾಯತ ಕಚೇರಿಯವರೆಗೆ ಈ ವಿಷಯ ಮುಟ್ಟಿದ್ದು, ಇದೀಗ ಅಲ್ಲಿನ ಅಧಿಕಾರಿಗಳು ನಾಯಿ ವಿಷಯವಾಗಿ ತುಶಾರ್ ಲೊಳೆಕರ್ ಅವರಿಗೆ ನೋಟಿಸ್ ನೀಡಿದ್ದಾರೆ. ನಾಯಿಗೆ ಅನ್ನ ಹಾಕಿದ ಕಾರಣ ತುಶಾರ್ ಲೊಳೆಕರ್ ಅವರನ್ನು ಜವಾಬ್ದಾರರನ್ನಾಗಿ ಮಾಡಿದ ಗ್ರಾಮ ಪಂಚಾಯತದವರು ಆ ಶ್ವಾನದ ಸಂಪೂರ್ಣ ಆರೈಕೆ ಹಾಗೂ ನಿಯಂತ್ರಣ ಮಾಡುವಂತೆ ತುಶಾರ್ ಲೊಳೆಕರ್ ಅವರಿಗೆ ಸೂಚನೆ ನೀಡಿದ್ದಾರೆ. ಗ್ರಾಮ ಪಂಚಾಯತ ನೋಟಿಸ್ ನೀಡಿದ ಕ್ರಮವನ್ನು ತುಶಾರ್ ಲೊಳೆಕರ್ ಅವರು ಖಂಡಿಸಿದ್ದಾರೆ. `ಮಾನವೀಯ ನೆಲೆಯಲ್ಲಿ ನಾಯಿಗೆ ಅನ್ನ ಹಾಕಿದನ್ನು ತಪ್ಪು ಎಂದು ಪರಿಗಣಿಸಲಾಗಿದೆ. ಗ್ರಾಮ ಪಂಚಾಯತ ಕ್ರಮವನ್ನು ಪ್ರಶ್ನಿಸಿ ಜಿಲ್ಲಾಡಳಿತಕ್ಕೆ ಮನವಿ ಸಲ್ಲಿಸಿದ್ದು, ಬೀದಿ ನಾಯಿಗಳ ನಿರ್ವಹಣೆ ಮಾಡುವ ಪ್ರಾಧಿಕಾರದವರು ಈ ಜವಾಬ್ದಾರಿವಹಿಸಿಕೊಳ್ಳಬೇಕು’ ಎಂದು ತುಶಾರ್ ಲೊಳೆಕರ್ ಅವರು ಹೇಳಿದ್ದಾರೆ.  
- [ದಿಕ್ಕು ತಪ್ಪಿದ ವಿಮಾನ ಯಾನ!](https://mobiletime.in/2026/04/a-misdirected-flight/): ಹೈದರಬಾದಿನಿಂದ ಹುಬ್ಬಳ್ಳಿಗೆ ಬರಬೇಕಿದ್ದ ವಿಮಾನವೊಂದು ದಿಕ್ಕು ತಪ್ಪಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹಾರಾಟ ನಡೆಸಿದೆ. ಮುಂಡಗೋಡು ಹಾಗೂ ಹಳಿಯಾಳದ ವಿವಿಧ ಕಡೆ ಸುತ್ತಾಟ ನಡೆಸಿದ ಆ ವಿಮಾನ ಕೊನೆಗೆ ಹುಬ್ಬಳ್ಳಿ ಬದಲು ಬೆಂಗಳೂರಿಗೆ ಹೋಗಿ ಭೂ ಸ್ಪರ್ಶ ಮಾಡಿದೆ! Fly91 ಏರ್ ಲೈನ್ಸ್ ವಿಮಾನ ಹೈದರಬಾದಿನಿಂದ ಹೊರಟಿದ್ದು, ಆ ವಿಮಾನ ಹುಬ್ಬಳ್ಳಿಗೆ ತಲುಪಬೇಕಿತ್ತು. ಆದರೆ, ಆ ವಿಮಾನ ನಿಯಂತ್ರಣ ಕಳೆದುಕೊಂಡಿದ್ದು, ನಾಲ್ಕು ಗಂಟೆಗಳ ಕಾಲ ಆಕಾಶದಲ್ಲಿ ಹೆಚ್ಚುವರಿಯಾಗಿ ಹಾರಾಟ ನಡೆಸಿತು. ವಿಮಾನ ಏಕಾಏಕಿ ನಿಯಂತ್ರಣ ತಪ್ಪಿದ್ದರಿಂದ ಪ್ರಯಾಣಿಕರು ಆತಂಕಕ್ಕೆ ಒಳಗಾದರು. ಅನೇಕರು ತುರ್ತು ಪರಿಸ್ಥಿತಿಯ ಬಗ್ಗೆ ತಮ್ಮ ಕುಟುಂಬದವರಿಗೆ ಮೆಸೆಜ್ ಮಾಡಿ ಸಾವು-ಬದುಕಿನ ಮದ್ಯೆ ಹೋರಾಡುತ್ತಿರುವ ಸನ್ನಿವೇಶವನ್ನು ವಿವರಿಸಿದರು. ಹವಾಮಾನ ವೈಪರಿತ್ಯದಿಂದ ವಿಮಾನ ಹುಬ್ಬಳ್ಳಿಯಲ್ಲಿ ಇಳಿಯುತ್ತಿಲ್ಲ ಎಂದು ವಿಮಾನಯಾನ ಸಂಸ್ಥೆಯವರು ಹೇಳಿದ್ದು, ಜನ ಅದನ್ನು ಒಪ್ಪಲು ಸಿದ್ಧವಿರಲಿಲ್ಲ. ಹುಬ್ಬಳ್ಳಿಯಲ್ಲಿ ಭೂ ಸ್ಪರ್ಶವಾಗಬೇಕಿದ್ದ ವಿಮಾನ ಇಲ್ಲಿ ಲ್ಯಾಂಡಿAಗ್ ಸಮಸ್ಯೆ ಅನುಭವಿಸಿತು. ಆಕಾಶದಲ್ಲಿ ಹಾರಾಟ ನಡೆಸುತ್ತಲೇ ಆ ವಿಮಾನ ಉತ್ತರ ಕನ್ನಡ ಜಿಲ್ಲೆಯನ್ನು ತಲುಪಿತು. ಮುಂಡಗೋಡು ಹಾಗೂ ಹಳಿಯಾಳ ಭಾಗದಲ್ಲಿ ಆ ವಿಮಾನ ಅತ್ಯಂತ ವೇಗವಾಗಿ ಸಂಚರಿಸಿದ್ದು, ಒಳಗಿದ್ದ ಪ್ರಯಾಣಿಕರು ಆತಂಕಕ್ಕೆ ಒಳಗಾದರು. ದೇವರಿಗೆ ಕೈ ಮುಗಿದು ಪ್ರಯಾಣಿಕರು `ನಮ್ಮನ್ನು ಜೀವಂತವಾಗಿ ಮರಳಿಸು’ ಎಂದು ಬೇಡಿಕೊಂಡರು. `ನಾವು ಜೀವಂತವಾಗಿ ಬರುವುದು ಅನುಮಾನ’ ಎಂದು ಸಹ ಕೆಲವರು ಕುಟುಂಬದವರಿಗೆ ಮೆಸೆಜ್ ಮಾಡಿದ್ದರು. `ವಿಮಾನ ನಿಯಂತ್ರಣ ತಪ್ಪಿದರೂ ಪ್ರಯಾಣಿಕರಿಗೆ ಸರಿಯಾದ ಮಾಹಿತಿ ನೀಡಿಲ್ಲ’ ಎಂದು ಕೆಲವರು ಆರೋಪಿಸಿದರು. ಹವಾಮಾನ ಸಹಕರಿಸದ ಕಾರಣ ಮತ್ತು ತಾಂತ್ರಿಕ ದೋಷದ ಭೀತಿಯಿಂದಾಗಿ ಪೈಲಟ್ ವಿಮಾನವನ್ನು ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದತ್ತ ತಿರುಗಿಸಿದರು. ಅಲ್ಲಿ ವಿಮಾನ ಸುರಕ್ಷಿತವಾಗಿ ಭೂಮಿಯನ್ನು ಸ್ಪರ್ಶಿಸಿತು.
- [ಬಂಗಾರದ ಆಸೆಗೆ ಬರ್ಬರ ಹತ್ಯೆ: ಮದುವೆಗೂ ಮುನ್ನ ಮಸಣ ಸೇರಿದ ವೈದ್ಯ!](https://mobiletime.in/2026/04/brutal-murder-for-the-desire-for-gold-doctor-who-joined-the-family-before-marriage/): ಸೋಮವಾರ ಬೆಳಗ್ಗೆ ಹಸಮಣೆ ಏರಬೇಕಿದ್ದ ಶಿರಸಿಯ ವೈದ್ಯ ಡಾ ರಮೇಶ ಕಲಗೂಟ್ಕರ್ ಅವರು ಮದುವೆಗೂ ಮುನ್ನವೇ ಮಸಣ ಸೇರಿದ್ದಾರೆ. ಡಾ ರಮೇಶ ಕಲಗೂಟ್ಕರ್ ಅವರ ಬಳಿಯಿದ್ದ ಬಂಗಾರದ ಆಸೆಗಾಗಿ ದುಷ್ಕರ್ಮಿಗಳು ವೈದ್ಯರನ್ನು ಕೊಲೆ ಮಾಡಿದ್ದಾರೆ. ಡಾ ರಮೇಶ ಕಲಗೂಟ್ಕರ್ ಅವರು ಕಳೆದ ಕೆಲ ವರ್ಷಗಳಿಂದ ಶಿರಸಿಯಲ್ಲಿ ವಾಸವಾಗಿದ್ದರು. ಅವರು ಇಲ್ಲಿಯೇ ಆಯುರ್ವೇದ ವೈದ್ಯರಾಗಿ ಗುರುತಿಸಿಕೊಂಡಿದ್ದು, ಸಾವಿರಾರು ಜನರಿಗೆ ಚಿಕಿತ್ಸೆ ನೀಡಿದ್ದರು. 55 ವರ್ಷದ ಡಾ ರಮೇಶ ಕಲಗೂಟ್ಕರ್ ಅವರಿಗೆ ಇಬ್ಬರು ಮಕ್ಕಳು ಇದ್ದು ಅವರು ಬೇರೆ ಬೇರೆ ಕಡೆ ಉದ್ಯೋಗದಲ್ಲಿದ್ದರು. ಐದು ತಿಂಗಳ ಹಿಂದೆ ಡಾ ರಮೇಶ ಕಲಗೂಟ್ಕರ್ ಅವರ ಪತ್ನಿ ನಿಧನರಾಗಿದ್ದು, ಸೋಮವಾರ ಮತ್ತೊಂದು ಮದುವೆಗೆ ತಯಾರಿ ನಡೆಸಿದ್ದರು. ಮಂಜಗುಣಿಯಲ್ಲಿ ಡಾ ರಮೇಶ ಕಲಗೂಟ್ಕರ್ ಮದುವೆ ಸಿದ್ಧತೆ ನಡೆದಿತ್ತು. ಮದುವೆ ದಿನ ಧರಿಸುವುದಕ್ಕಾಗಿ ಅವರು ಮನೆಯಲ್ಲಿ ಆಭರಣಗಳನ್ನು ತಂದಿರಿಸಿದ್ದರು. ಆ ಆಭರಣದ ಆಸೆಗೆ ಡಾ ರಮೇಶ ಕಲಗೂಟ್ಕರ್ ಅವರ ಕೊಲೆಯಾಗಿರುವುದು ಖಚಿತವಾಗಿದೆ. ಈ ಮದುವೆಗೆ ಬೇರೆ ಬೇರೆ ಊರುಗಳಿಂದ ಸಂಬoಧಿಕರು ಆಗಮಿಸುತ್ತಿದ್ದು, ಭಾನುವಾರ ಸಂಜೆ ಡಾ ರಮೇಶ ಕಲಗೂಟ್ಕರ್ ಅವರ ಅಕ್ಕ ಸಹ ಶಿರಸಿಗೆ ಬಂದಿದ್ದರು. ಡಾ ರಮೇಶ ಕಲಗೂಟ್ಕರ್ ಅವರು ಎಷ್ಟು ಬಾರಿ ಫೋನ್ ಮಾಡಿದರೂ ರಿಸಿವ್ ಮಾಡದ ಕಾರಣ ಅವರ ಅಕ್ಕ ಮನೆ ಬಳಿ ಹೋಗಿದ್ದರು. ಮನೆ ಬಾಗಿಲು ಹಾಕಿದ್ದರಿಂದ ಅನುಮಾನಗೊಂಡು ಆ ಬಾಗಿಲು ಒಡೆದಿದ್ದು, ಆಗ ಅಲ್ಲಿ ಡಾ ರಮೇಶ ಕಲಗೂಟ್ಕರ್ ಅವರು ಶವವಾಗಿರುವುದು ಕಾಣಿಸಿದೆ. ಮದುವೆಗೆ ಬರಬೇಕಿದ್ದ ಸಂಬoಧಿಕರೆಲ್ಲರೂ ರಾತ್ರಿಯೊಳಗೆ ಶಿರಸಿ ತಲುಪಿದ್ದು, ಡಾ ರಮೇಶ ಕಲಗೂಟ್ಕರ್ ಅವರು ಶವವಾಗಿರುವುದನ್ನು ನೋಡಿ ಮರುಕವ್ಯಕ್ತಪಡಿಸಿದರು. ಬಲೆಗೆ ಬಿದ್ದ ಕೊಲೆ ಆರೋಪಿ ಅದಾದ ನಂತರ ಈ ಸಾವಿನ ಬಗ್ಗೆ ಡಾ ರಮೇಶ ಕಲಗೂಟ್ಕರ್ ಅವರ ಸಹೋದರ ಈರಪ್ಪ ಕಲಗೂಟ್ಕರ್ ಅವರು ಪೊಲೀಸ್ ದೂರು ನೀಡಿದರು. ತಕ್ಷಣ ಸ್ಥಳಕ್ಕೆ ಧಾವಿಸಿದ ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದರು. ಬೆರಳಚ್ಚು ತಂಡದ ತಜ್ಞರು ಹಾಗೂ ಶ್ವಾನದಳದವರು ಸಹ ಅಲ್ಲಿಗೆ ಆಗಮಿಸಿ ತನಿಖೆಗೆ ನೆರವು ನೀಡಿದರು. ಅದರ ಪರಿಣಾಮವಾಗಿ ಕೊಲೆ ಆರೋಪಿ ಸಿಕ್ಕಿ ಬಿದ್ದಿದ್ದು, ಪೊಲೀಸರು ವಿಚಾರಣೆ ಮುಂದುವರೆಸಿದ್ದಾರೆ. `ಆಯುಧದಿಂದ ಹೊಡೆದು ಡಾ ರಮೇಶ ಕಲಗೂಟ್ಕರ್ ಅವರ ಕೊಲೆ ಮಾಡಿರುವುದು ಖಚಿತವಾಗಿದೆ. ಮದುವೆಗೆ ತಂದಿದ್ದ ಚಿನ್ನಾಭರಣ ಕಾಣೆಯಾದ ಪರಿಣಾಮ ತನಿಖೆ ನಡೆಸಿದಾಗ ಆರೋಪಿ ಪತ್ತೆಯಾಗಿದ್ದು, ವಿಚಾರಣೆ ಮುಂದುವರೆದಿದೆ. ಆರೋಪಿ ಹಾಗೂ ಡಾ ರಮೇಶ ಕಲಗೂಟ್ಕರ್ ಅವರು ಅನ್ಯೋನ್ಯವಾಗಿದ್ದು, ಪರಿಚಿತನಿಂದಲೇ ಈ ಕೃತ್ಯ ನಡೆದಿದೆ. ಈ ಬಗ್ಗೆ ಸಮಗ್ರ ತನಿಖೆ ನಡೆಸಲಾಗುತ್ತಿದೆ’ ಎಂದು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಮಾಧ್ಯಮಕ್ಕೆ ತಿಳಿಸಿದರು. ಆರೋಪಿ ಹೆಸರು ಹಾಗೂ ವಿಳಾಸವನ್ನು ಅವರು ಬಹಿರಂಗಪಡಿಸಿಲ್ಲ.
- [ಮಿಸ್ ಇಂಡಿಯಾ: ಸೈಲ್ ಪುತ್ರಿ ಸೌಂದರ್ಯಕ್ಕೆ ಮತ್ತೊಂದು ಕಿರೀಟ!](https://mobiletime.in/2026/04/miss-india-sails-daughter-wins-another-crown/): ಕಾರವಾರ ಕ್ಷೇತ್ರದ ಶಾಸಕ ಸತೀಶ್ ಸೈಲ್ ಅವರ ಪುತ್ರಿ ಸಾಧ್ವಿ ಸೈಲ್ ಅವರು `ಮಿಸ್ ಇಂಡಿಯಾ’ ಕಿರೀಟ ಧರಿಸಿದ್ದಾರೆ. ಒಡಿಶಾದ ಭುವನೇಶ್ವರದಲ್ಲಿ ನಡೆದ ಸ್ಪರ್ಧೆಯಲ್ಲಿ ಭಾಗವಹಿಸಿದ ಅವರು ತಮ್ಮ ಸೌಂದರ್ಯ ಪ್ರದರ್ಶನದಿಂದ ಜನರ ಮನ ಗೆದ್ದಿದ್ದಾರೆ. ಗೋವಾ ರಾಜ್ಯ ಪ್ರತಿನಿಧಿಸಿ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಸಾಧ್ವಿ ಸೈಲ್ ಅವರು `ಮಿಸ್ ಇಂಡಿಯಾ’ ಕಿರೀಟ ಧರಿಸಿದ್ದು, 2027ರಲ್ಲಿ ನಡೆಯುವ ಮಿಸ್ ವರ್ಡ ಸ್ಪರ್ಧೆಯಲ್ಲಿ ಅವರು ಭಾರತವನ್ನು ಪ್ರತಿನಿಧಿಸಿ ಭಾಗವಹಿಸಲಿದ್ದಾರೆ. ಈ ಸಾಧನೆ ನಂತರ ಮಾತನಾಡಿದ ಸ್ವಾಧ್ವಿ ಸೈಲ್ ಅವರು `ಗ್ರಾಮೀಣ ಸಮುದಾಯಗಳ ಬದುಕು, ಹೋರಾಟ ಮತ್ತು ಕಥೆಗಳು ಹೆಚ್ಚು ಜನರಿಗೆ ತಲುಪಬೇಕು’ ಎಂಬ ಆಶಯವನ್ನು ವ್ಯಕ್ತಪಡಿಸಿದ್ದಾರೆ. ಭವಿಷ್ಯದಲ್ಲಿ ಸ್ವಂತ ವಿಶ್ವವಿದ್ಯಾಲಯ ಆರಂಭಿಸುವ ಕನಸನ್ನೂ ಅವರು ಹಂಚಿಕೊAಡಿದ್ದಾರೆ. `ವಿದೇಶದಲ್ಲಿ ಓದುತ್ತಿದ್ದಾಗ ಹಣಕಾಸು ನಿರ್ವಹಣೆ, ತೆರಿಗೆ ಸಲ್ಲಿಕೆ ಹಾಗೂ ದೈನಂದಿನ ಜೀವನ ಕೌಶಲ್ಯಗಳ ಬಗ್ಗೆ, ಶಿಕ್ಷಣ ವ್ಯವಸ್ಥೆಯಲ್ಲಿ ಕೊರತೆ ಇದೆ. ಆದ್ದರಿಂದ ವಿದ್ಯಾರ್ಥಿಗಳಿಗೆ ಹಣಕಾಸಿನ ಅರಿವು, ಜೀವನ ಕೌಶಲ್ಯ, ಸೃಜನಶೀಲತೆ, ಆಧ್ಯಾತ್ಮ ಮತ್ತು ಪ್ರಾಯೋಗಿಕ ಜ್ಞಾನ ಕಲಿಸುವ ಶಿಕ್ಷಣ ಸಂಸ್ಥೆ ಆರಂಭಿಸುವ ಆಸೆಯಿದೆ’ ಎಂದವರು ಹೇಳಿದ್ದಾರೆ. `ಮಹಿಳೆಯರು ತಮ್ಮ ಹಣಕಾಸನ್ನು ಸ್ವತಃ ನಿರ್ವಹಿಸಲು ಕಲಿತರ ಅದು ದೇಶಕ್ಕೆ ದೊಡ್ಡ ಬದಲಾವಣೆಯಾಗುತ್ತದೆ’ ಎಂಬ ಅಭಿಪ್ರಾಯವನ್ನೂ ಅವರು ವ್ಯಕ್ತಪಡಿಸಿದ್ದಾರೆ. ಮಿಸ್ ಇಂಡಿಯಾ ಕಿರೀಟ ವಿಜೇತೆಯಾದ ಸ್ವಾಧ್ವಿ ಸೈಲ್ ಅವರಿಗೆ ಕಾರವಾರ ಶಾಸಕ ಸೈಲ್ ಅವರು ವಿಡಿಯೋ ಕಾಲ್ ನಲ್ಲಿ ಅಭಿನಂದಿಸಿದ್ದಾರೆ.
- [ಸಂಗೀತ ಸಾಧನೆಗೆ ವೇದಿಕೆ ಸಿದ್ಧ!](https://mobiletime.in/2026/04/the-stage-is-set-for-musical-achievement/): ಯಲ್ಲಾಪುರ ಬಸ್ ನಿಲ್ದಾಣ ಬಳಿಯ ವೈಭವ ಬಿಲ್ಡಿಂಗ್’ನಲ್ಲಿ ಸಂಗೀತ ಕಚೇರಿಯೊಂದು ಶುರುವಾಗಿದೆ. ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿಯೂ ಇಲ್ಲಿ ಶಾಖೆ ತೆರೆದಿದ್ದು, ಸಂಗೀತ ಆಸಕ್ತರಿಗೆ ಪ್ರಾಯೋಗಿಕ ತರಗತಿ ನಡೆಸುತ್ತಿದೆ. ಟಿವಿ ಆಡಿಶನ್’ನಲ್ಲಿ ಭಾಗವಹಿಸಬೇಕು ಎನ್ನುವವರನ್ನು ಮುಖ್ಯ ಗುರಿಯನ್ನಾಗಿಸಿಕೊಂಡು ಇಲ್ಲಿ ತರಬೇತಿ ನೀಡಲಾಗುತ್ತದೆ. ಜೊತೆಗೆ ಸಂಗೀತ ಕಲಿಯಲು ಬಯಸುವ ಎಲ್ಲರಿಗೂ ಇಲ್ಲಿ ಮುಕ್ತ ಪ್ರವೇಶವಿದ್ದು, ಅತ್ಯಾಧುನಿಕ ಸಂಗೀತ ಉಪಕರಣಗಳನ್ನು ಅಳವಡಿಸಲಾಗಿದೆ. ಹಿಂದೂಸ್ತಾನಿ ಸಂಗೀತ, ಕೀಬೋರ್ಡ ತರಬೇತಿ, ಕರೋಕೆ ಸೇರಿ ವಿವಿಧ ತರಗತಿಗಳು ಶುರುವಾಗಿದೆ. ಭಾನುವಾರ ಹಿಂದೂಸ್ತಾನಿ ಶಾಸ್ತ್ರಿಯ ಸಂಗೀತ, ಕೀಬೋರ್ಡ್ ಮತ್ತು ಕರೋಕೆ ತರಗತಿಗಳ ಉದ್ಘಾಟನೆ ನೆರವೇರಿದೆ. ವೈಭವ್ ಬಿಲ್ಡಿಂಗ್ ಮಾಲಕ ಮೋತಿಲಾಲ್ ಕಲಬುರ್ಗಿ ಅವರು ರಿಬನ್ ಕಟ್ ಮಾಡಿ ಈ ತರಗತಿಗಳಿಗೆ ಚಾಲನೆ ನೀಡಿದ್ದು, ಅದಾದ ನಂತರ ದೀಪ ಬೆಳಗಿಸಿ, ಸಂಗೀತ ಉಪಕರಣಗಳಿಗೆ ಪೂಜೆ ಸಲ್ಲಿಸಲಾಗಿದೆ. ಈ ದಿನ ಶಿಕ್ಷಕ ಉಮೇಶ ಗೌಡ ಅವರು ತರಗತಿಗಳನ್ನು ಶುರು ಮಾಡಿದ್ದಾರೆ. ಅವರ ಜೊತೆ ಇನ್ನಿತರ ನುರಿತ ಕಲಾವಿದರು ಆಗಮಿಸಿ ಇಲ್ಲಿ ತರಬೇತಿ ನೀಡಲಿದ್ದು, ಅದಕ್ಕೆ ಎಲ್ಲಾ ಬಗೆಯ ತಯಾರಿಗಳು ನಡೆದಿವೆ. ಸಂಗೀತ ತರಗತಿಯ ಪ್ರವೇಶ ಪ್ರಕ್ರಿಯೆ ಶುರುವಾಗಿದ್ದು, ಆಸಕ್ತರು ಇಲ್ಲಿ ಫೋನ್ ಮಾಡಿ: 7975670097 ಅಥವಾ 9480452405
- [ಹೊನ್ನಾವರ: ಸುಂದರ ಕಡಲಿಗೆ ಬ್ಯೂ ಫ್ಲಾಗ್ ಮಾನ್ಯತೆ](https://mobiletime.in/2026/04/honnavar-beau-flag-recognition-for-beautiful-sea/): ದೇಶದಲ್ಲಿ 14 ಕಡಲ ತೀರಗಳಿಗೆ ಈ ಬಾರಿ `ಬ್ಯೂ ಫ್ಲಾಗ್’ ಮಾನ್ಯತೆ ಸಿಕ್ಕಿದ್ದು, ಹೊನ್ನಾವರದ ಕಾಸರಕೋಡು ಕಡಲತೀರಕ್ಕೆ ಸತತ 6ನೇ ಬಾರಿ ಈ ಮಾನ್ಯತೆಗೆ ಪಾತ್ರವಾಗಿದೆ. ಕಡಲತೀರದ ಸ್ವಚ್ಛತೆ, ಪ್ರವಾಸಿಗರ ಸುರಕ್ಷತೆ, ಉತ್ತಮ ಮೂಲಸೌಕರ್ಯ ಹಾಗೂ ನೈಸರ್ಗಿಕ ವಸ್ತುಗಳ ಬಳಕೆಯ ಮೂಲಕ ಅಭಿವೃದ್ಧಿಪಡಿಸಿರುವುದನ್ನು ಪರಿಗಣಿಸಿ ಈ ಗೌರವ ನೀಡಲಾಗಿದೆ. ರಾಜ್ಯದಲ್ಲಿ ಮೂರು ಕಡಲ ತೀರಗಳಿಗೆ `ಬ್ಯೂ ಫ್ಲಾಗ್’ ಮಾನ್ಯತೆ ಸಿಕ್ಕಿದೆ. ಅವುಗಳಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಕಾಸರಕೋಡ ಕಡಲತೀರವೂ ಒಂದಾಗಿದ್ದು, ಭಾನುವಾರ ಪ್ರವಾಸೋದ್ಯಮ ಇಲಾಖೆಯ ಉಪನಿರ್ದೇಶಕಿ ಮಂಗಳಗೌರಿ ಭಟ್ ಅವರು `ಬ್ಲೂ ಫ್ಲಾಗ್’ನ ಧ್ವಜಾರೋಹಣ ಮಾಡಿದ್ದಾರೆ. ನಂತರ ಮಾತನಾಡಿದ ಅವರು `ಕಾಸರಕೋಡು ಕಡಲತೀರದಲ್ಲಿ ಸ್ವಚ್ಛತೆಯನ್ನು ಕಾಪಾಡಲು ಭಾರತ ಸರ್ಕಾರದಿಂದ ಸ್ವಚ್ಛತಾ ಯಂತ್ರಗಳನ್ನು ಒದಗಿಸಲಾಗಿದೆ. ಈ ಯಂತ್ರದ ಮೂಲಕ ಹಾಗೂ ಹೊರಗುತ್ತಿಗೆ ಆಧಾರದ ಮೇಲೆ ಸಿಬ್ಬಂದಿಯನ್ನು ನೇಮಕ ಮಾಡಿಕೊಳ್ಳಲಾಗಿದ್ದು, ಅವರಿಂದ ಸ್ವಚ್ಛತೆ, ಪ್ರವಾಸಿಗರ ಸುರಕ್ಷತೆ ಹಾಗೂ ಮೂಲಸೌಕರ್ಯ ನಿರ್ವಹÀಣೆ ಮಾಡಲಾಗುತಿದೆ’ ಎಂಬ ಮಾಹಿತಿ ನೀಡಿದರು. `ಈ ಕಡಲ ತೀರದಲ್ಲಿ ಜೀವ ರಕ್ಷಕರನ್ನು ನಿಯೋಜಿಸಲಾಗಿದೆ. ಕಾರವಾರದ ರವೀಂದ್ರ ಕಡಲತೀರ ಹಾಗೂ ಅಪ್ಸರಕೊಂಡ ಕಡಲತೀರಗಳನ್ನು ಸಹ ಮುಂದಿನ ದಿನಗಳಲ್ಲಿ ಬ್ಲೂ ಫ್ಲಾಗ್ ಮಾದರಿಯಲ್ಲಿ ಅಭಿವೃದ್ಧಿಪಡಿಸುವ ಯೋಜನೆ ಇದೆ’ ಎಂದವರು ಹೇಳಿದರು. `ಹೊನ್ನಾವರ ತಾಲೂಕಿನ ಕಾಸರಕೋಡ ಕಡಲತೀರಕ್ಕೆ ಸತತ 6ನೇ ಬಾರಿ ಬ್ಲೂ ಫ್ಲಾಗ್ ಮಾನ್ಯತೆ ದೊರೆತಿದ್ದು ಖುಷಿಯ ಸಂಗತಿ’ ಎಂದರು.  
- [500ರೂಪಾಯಿಗೆ ಬರಪೂರ ಮೀನು!](https://mobiletime.in/2026/04/a-whole-lot-of-fish-for-500-rupees/): ಶಿರಸಿಯ ಉಲ್ಲಾಳದಲ್ಲಿ ಕೆರೆ ಬೇಟೆ ಕಾರ್ಯಕ್ರಮ ನಡೆದಿದ್ದು, 500ರೂ ಪಾವತಿಸಿದ ಜನ ಬುಟ್ಟಿ ತುಂಬ ಮೀನು ಹಿಡಿದಿದ್ದಾರೆ. ಬೇರೆ ಬೇರೆ ಊರುಗಳಿಂದ ಆಗಮಿಸಿದ ಜನ ಅತ್ಯಂತ ಉತ್ಸಾಹದಿಂದ ಈ ಸಡಗರದಲ್ಲಿ ಭಾಗವಹಿಸಿದ್ದಾರೆ. ಇಲ್ಲಿನ ಮಾರಿಕಾಂಬಾ ದೇವಸ್ಥಾನದ ಜೀರ್ಣೋದ್ಧಾರಕ್ಕಾಗಿ ಊರಿನವರು ಕೆರೆ ಬೇಟೆ ಕಾರ್ಯಕ್ರಮ ಆಯೋಜಿಸಿದ್ದರು. ಇದಕ್ಕೆ ಪೂರ್ವಭಾವಿಯಾಗಿ ಅಲ್ಲಿನ ಕೆರೆಯಲ್ಲಿ ಬಗೆ ಬಗೆಯ ಮೀನುಗಳನ್ನು ಬಿಟ್ಟು ಬೆಳೆಸಿದ್ದರು. ಉಲ್ಲಾಳ ಕೆರೆಯಲ್ಲಿ ಪಾರಂ ಮೀನು, ಕಟ್ಲಾ ಮೀನು, ಗ್ರಾಸ್ಕರ್ ಮೀನು ಮೊದಲಾದ ತಳಿಯಿರುವ ಬಗ್ಗೆ ಅರಿತ ಜನ ಮುಗಿಬಿದ್ದು ಮೀನು ಹಿಡಿಯುವ ಕಾಯಕದಲ್ಲಿ ತೊಡಗಿದರು. ಕಬ್ಬಿಣದ ತಂತಿಯಿAದ ಮಾಡಿದ ಕುಣಿ ಜೊತೆ ಆಗಮಿಸಿದ ಜನ ಟೊಕನ್‌ಪಡೆದು ನೀರಿಗಿಳಿದರು. ಅತ್ಯಂತ ಉತ್ಸಾಹದಿಂದ ಅಲ್ಲಿದ್ದ ಮೀನುಗಳನ್ನು ಹಿಡಿದು ಖುಷಿ ಪಟ್ಟರು. ಮಕ್ಕಳು ಸಹ ಮೀನು ಹಿಡಿಯುವ ಕಾಯಕದಲ್ಲಿ ತೊಡಗಿದ್ದು, ಸ್ಪರ್ಧಾ ಮನೋಭಾವನೆಯಿಂದ ಪೈಪೋಟಿಗಿಳಿದು ಬುಟ್ಟಿ ತುಂಬಿಸಿಕೊAಡರು. ಅನೇಕರಿಗೆ ಹೆಚ್ಚಿನ ಪ್ರಮಾಣದಲ್ಲಿ ಮೀನು ಸಿಕ್ಕಿತು. ಕೆಲವರಿಗೆ ಮಾತ್ರ ಒಂದೆರಡು ಮೀನು ಮಾತ್ರ ದೊರೆಯಿತು. ದೇವಾಲಯದ ಅಭಿವೃದ್ಧಿಗಾಗಿ ಈ ಕೆರೆ ಬೇಟೆ ನಡೆದಿರುವುದರಿಂದ ಕಡಿಮೆ ಮೀನು ಸಿಕ್ಕವರು ಸಹ ಬೇಸರಿಸಿಕೊಳ್ಳಲಿಲ್ಲ. ಈ ಕಾರ್ಯಕ್ರಮ ನೋಡಲು ಸಹ ನೂರಾರು ಜನ ಭಾಗವಹಿಸಿದ್ದು, ಸಂತಸ ವ್ಯಕ್ತಪಡಿಸಿದರು.
- [ದುಡಿಯುವ ಕೈಗಳಿಗೆ ಕಾಸು ಕೊಡುವ ಅಂಚೆ ವಿಮೆ](https://mobiletime.in/2026/04/postal-insurance-that-pays-for-working-hands/): ಅಂಚೆ ಇಲಾಖೆಯ ಯೋಜನೆಗಳ ಬಗ್ಗೆ ಜನರಲ್ಲಿ ಮಾಹಿತಿ ನೀಡಿ, ಆ ಮೂಲಕ ಉದ್ಯೋಗ ಮಾಡಲು ಬಯಸುತ್ತೀರಾ? ಹಾಗಿದ್ದರೆ, ಉತ್ತರ ಕನ್ನಡ ಜಿಲ್ಲೆಯ ಕರಾವಳಿ ಐದು ತಾಲೂಕುಗಳಲ್ಲಿ ಅಂಚೆ ಪ್ರತಿನಿಧಿಯಾಗಿ ಕೆಲಸ ಮಾಡುವ ಅವಕಾಶ ಅರೆಸಿ ಬಂದಿದೆ. ಭಾರತೀಯ ಅಂಚೆ ಇಲಾಖೆ ಜೀವ ವಿಮಾ ಯೋಜನೆಯನ್ನು ಹೊಂದಿದ್ದು ಆ ಯೋಜನೆಯ ಪ್ರಚಾರ, ಪ್ರತಿನಿಧಿ ನೇಮಕಾತಿಗಾಗಿ ಅರ್ಜಿ ಕರೆದಿದೆ. ಕಾರವಾರ, ಅಂಕೋಲಾ, ಕುಮಟಾ, ಹೊನ್ನಾವರ, ಭಟ್ಕಳ ತಾಲೂಕಿನಲ್ಲಿ ಈ ಯೋಜನೆಗಾಗಿ ದುಡಿಯುವವರನ್ನು ಅಂಚೆ ಇಲಾಖೆ ಹುಡುಕುತ್ತಿದೆ. ಅರ್ಜಿ ಹಾಕುವವರು 10ನೇ ತರಗತಿ ಪಾಸಾಗಿರಬೇಕು ಎಂಬ ನಿಯಮವಿದೆ. 18 ವರ್ಷ ಮೇಲ್ಪಟ್ಟವರು ಮಾತ್ರ ಅರ್ಜಿ ಹಾಕಲು ಅರ್ಹರು. ಅರ್ಜಿ ಹಾಕುವವರು ಸ್ಥಳೀಯರಾಗಿರಬೇಕು. ಅರ್ಜಿಯನ್ನು ಅಂಚೆ ಕಚೇರಿಯಲ್ಲಿಯೇ ಪಡೆದು ಅದನ್ನು ಭರ್ತಿ ಮಾಡಿ ಸಲ್ಲಿಸಬೇಕು. ಅರ್ಜಿ ಹಾಕಿದವರನ್ನು ಕಾರವಾರದ ಅಂಚೆ ಅಧೀಕ್ಷಕರು ಸಂದರ್ಶನ ಮಾಡಲಿದ್ದು, ಆಯ್ಕೆ ಪ್ರಕ್ರಿಯೆ ನಡೆಸಲಿದ್ದಾರೆ. ಆಯ್ಕೆಯಾದ ಅಭ್ಯರ್ಥಿಗಳಿಗೆ ವೇತನ ಇರುವುದಿಲ್ಲ. ಆದರೆ, ಕಮಿಷನ್ ಆಧಾರದಲ್ಲಿ ಹಣ ಪಾವತಿಸಲಾಗುತ್ತದೆ. ಅರ್ಜಿ ಜೊತೆ ಎಸ್ ಎಸ್ ಎಲ್ ಸಿ ಅಂಕಪಟ್ಟಿ, ಅಂಚೆ ಇಲಾಖೆ ಫಾಸ್‌ಬುಕ್, ಪಾನ್ ಕಾರ್ಡ, ಆಧಾರ್ ಕಾರ್ಡ ಜರಾಕ್ಸ್ ಪ್ರತಿಗಳನ್ನು ಒದಗಿಸಬೇಕು. ಆಯ್ಕೆಯಾದ ಅಭ್ಯರ್ಥಿಗಳು 5000ರೂ ರಾಷ್ಟಿಯ ಉಳಿತಾಯ ಪತ್ರ ಅಥವಾ ಕಿಸಾನ್ ವಿಕಾಸ ಪತ್ರಪಡೆದು ಆ ಹಣವನ್ನು ಭದ್ರತಾ ಠೇವಣಿಯಾಗಿರಿಸಬೇಕು. ಇಲ್ಲಿ ಆಯ್ಕೆ ಆದ ನಂತರ ಬೇರೆ ವಿಮಾ ಕಂಪನಿಯ ಎಜೆಂಟ್ ಆಗಿ ಕೆಲಸ ನಿರ್ವಹಿಸುವ ಅವಕಾಶ ಇರುವುದಿಲ್ಲ. ಅರ್ಜಿ ಹಾಕಿದವರಿಗೆ ಮೇ 12ರಂದು ಸಂದರ್ಶನ ನಡೆಯಲಿದೆ.ಹೆಚ್ಚಿನ ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 9945865299
- [ದೇವರ ದುಡ್ಡಿನಲ್ಲಿ ಮೊಕ್ತೇಸರರ ದರ್ಬಾರ್!](https://mobiletime.in/2026/04/the-court-of-the-moktesar-in-the-greatness-of-god/): ಕಾರವಾರದ ಅಸ್ನೋಟಿಯ ಮೇದವಾಡಾ ಗ್ರಾಮದ ರಾಮನಾಥ ದೇವಾಲಯದಲ್ಲಿ ಭಾರೀ ಪ್ರಮಾಣದ ಹಗರಣ ನಡೆದಿದೆ. ಈ ಬಗ್ಗೆ ಗ್ರಾಮಸ್ಥರು ದೂರು ನೀಡಿದರೂ ಮುಜರಾಯಿ ಇಲಾಖೆ ಮೌನವಾಗಿರುವುದು ಇನ್ನಷ್ಟು ಅನುಮಾನಕ್ಕೆ ಕಾರಣವಾಗಿದೆ. ಕಾರವಾರದ ಅಸ್ನೋಟಿಯ ಮೇದವಾಡಾ ಗ್ರಾಮದಲ್ಲಿ ಅನಾಧಿಕಾಲದಿಂದಲೂ ರಾಮನಾಥ ದೇವಾಲಯವಿದೆ. ಸುತ್ತಲಿನ ಅನೇಕ ಊರಿನ ಭಕ್ತರು ಇಲ್ಲಿನ ದೇವರಿಗೆ ನಡೆದುಕೊಳ್ಳುತ್ತಾರೆ. ನಾನಾ ರಾಜ್ಯದ ಭಕ್ತರು ಇಲ್ಲಿಗೆ ಆಗಮಿಸಿ ದೇವರ ಸೇವೆ ಮಾಡುತ್ತಾರೆ. ಹೀಗಿರುವಾಗ ದೇವಸ್ಥಾನದ ಜಮೀನು ಅಕ್ರಮ ಹಸ್ತಾಂತರ ಹಾಗೂ ಹಣಕಾಸು ಅವ್ಯವಹಾರದ ಆರೋಪ ದೇವಾಲಯವನ್ನು ಆವರಿಸಿದೆ. `ದೇವಸ್ಥಾನದ ಹೆಸರಿನಲ್ಲಿದ್ದ ಜಮೀನನ್ನು ಮಾಜಿ ಮುಕ್ತಸರರು ನಕಲಿ ದಾಖಲೆಗಳ ಮೂಲಕ ಬೇರೆಯವರ ಹೆಸರಿಗೆ ವರ್ಗಾಯಿಸಿದ್ದಾರೆ’ ಎಂದು ಅದೇ ಊರಿನ ಜನ ದೂರಿದ್ದಾರೆ. `ಕೊಂಕಣ ಮರಾಠಾ ಸಮುದಾಯ ಭವನ ನಿರ್ಮಾಣಕ್ಕಾಗಿ ದತ್ತಿ ಇಲಾಖೆಯ ಅನುಮತಿಪಡೆಯದೇ ಜಮೀನನ್ನು ದಾನವಾಗಿ ನೀಡಲಾಗಿದೆ. ಸಾರ್ವಜನಿಕರ ವಿರೋಧದ ಕಾರಣ ಕಾಮಗಾರಿ ಅರ್ದಕ್ಕೆ ನಿಂತಿದ್ದು, ಕಟ್ಟಡ ಸಾಮಗ್ರಿಗಳು ಶಾಲಾ ಮಕ್ಕಳ ಆಟದ ಮೈದಾನದಲ್ಲಿ ಬಿದ್ದಿರುವುದು ಅಪಾಯಕ್ಕೆ ಆಹ್ವಾನ ನೀಡುತ್ತಿದೆ’ ಎಂಬುದು ಊರಿನವರ ಅಳಲು. `ಈ ಅನಧಿಕೃತ ಕಟ್ಟಡವನ್ನು ತೆರವುಗೊಳಿಸಲು ಇಲಾಖೆ ಮುಂದಾಗಿಲ್ಲ. ದೇವಾಲಯದ ಆರ್ಥಿಕ ವಿಷಯಗಳ ಬಗ್ಗೆ ಅಧಿಕೃತ ಆಡಿಟ್ ಸಹ ನಡೆದಿಲ್ಲ’ ಎಂಬುದು ಅಲ್ಲಿನವರ ಅಸಮಧಾನ. `ದೇವಸ್ಥಾನವು ಸಿ ವರ್ಗದಡಿ ನೋಂದಣಿಯಾಗಿದ್ದರೂ 2005ರಿಂದ 2026ರವರೆಗೆ ಆಡಿಟ್ ನಡೆಸಿಲ್ಲ. ದೇವಸ್ಥಾನದ ಹುಂಡಿಗೆ ಇಲಾಖೆಯು ಸೀಲ್ ಹಾಕಿಲಾಗಿದ್ದರೂ ಅದರ ಕೀಲಿ ಮಾಜಿ ಮೊಕ್ತೇಸರರ ವಶದಲ್ಲಿದೆ. ಜಾತ್ರೆ ಹಾಗೂ ಇನ್ನಿತರ ಕಾರ್ಯಕ್ರಮಗಳ ಹೆಸರಿನಲ್ಲಿ ಇಲಾಖೆಯ ಮೊಹರು ಇಲ್ಲದ ರಸೀದಿಗಳನ್ನು ನೀಡಿ ಲಕ್ಷಾಂತರ ರೂಪಾಯಿ ದೇಣಿಗೆ ಸಂಗ್ರಹಿಸಲಾಗುತ್ತಿದ್ದು, ಅದನ್ನು ಮೋಕ್ತೆಸರರು ಸ್ವಂತಕ್ಕೆ ಬಳಸಿದ್ದಾರೆ’ ಎಂದು ಅಲ್ಲಿನವರು ದೂರಿದ್ದಾರೆ. ಊರಿನ ಗಜೇಂದ್ರ ನಾಯ್ಕ ಅವರು ಈ ಬಗ್ಗೆ ಮಾತನಾಡಿದ್ದು, `ಹಗರಣದ ಎಲ್ಲಾ ಕಡತ ಬೆಂಗಳೂರಿನ ಆಯುಕ್ತರಿಗೆ ರವಾನೆಯಾಗಿದೆ. ಜಿಲ್ಲಾಡಳಿತ ಕಳುಹಿಸಿದ ಕಡತದ ಬಗ್ಗೆ ಆಯುಕ್ತರು ಕ್ರಮ ಜರುಗಿಸುತ್ತಿಲ್ಲ’ ಎಂದಿದ್ದಾರೆ. `ದೂರು ನೀಡಿದ ಗ್ರಾಮಸ್ಥರಿಗೆ ನ್ಯಾಯ ನೀಡುವ ಬದಲು ಅಧಿಕಾರಿಗಳು ಲೋಪಗಳನ್ನು ಮರೆಮಾಚುತ್ತಿದ್ದಾರೆ’ ಎಂದು ಅವರು ಆರೋಪಿಸಿದ್ದಾರೆ. `ಸರ್ಕಾರ ಕೂಡಲೇ ಮಧ್ಯಪ್ರವೇಶಿಸಿ ಆಡಳಿತ ಮಂಡಳಿಯ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು’ ಎಂದು ಅಲ್ಲಿನ ಗಣಪತಿ ಆಚಾರಿ, ಕನನ್ಯಾ ವಾರಿಕರ, ಸೂರಜ್ ಅಸ್ನೋಟಿಕರ್, ಸಂಜಯ ದೇವದಾಸ, ವಿಷ್ಣು ಕೊಳಗೇಕರ್, ಕಿಶನ್ ವಾರಿಕರ್ ಇತರರು ಆಗ್ರಹಿಸಿದ್ದಾರೆ.
- [ಬೈಕ್ ಸ್ಕಿಡ್: ಸಹಸವಾರ ಸಾವು!](https://mobiletime.in/2026/04/bike-skid-rider-dies-2/): ಹೊನ್ನಾವರದ ನಗರಬಸ್ತಿಕೇರಿಯ ಜಗದೀಶ ನಾಯ್ಕ ಅವರು ಓಡಿಸುತ್ತಿದ್ದ ಬೈಕ್ ಅಪಘಾತಕ್ಕೀಡಾಗಿದೆ. ಈ ಅಪಘಾತದಲ್ಲಿ ಜಗದೀಶ ನಾಯ್ಕ ಅವರ ಜೊತೆಗಿದ್ದ ಸಂತೋಷ ಅಂಬಿಗ ಅವರು ಸಾವನಪ್ಪಿದ್ದಾರೆ. ಹೊನ್ನಾವರದ ನಗರಬಸ್ತಿಕೇರಿಯಲ್ಲಿ ಜಗದೀಶ ಗೋಪಾಲಕೃಷ್ಣ ನಾಯ್ಕ (36) ಅವರು ವಾಸವಾಗಿದ್ದರು. ಚಾಲಕರಾಗಿ ಅವರು ಜೀವನ ನಡೆಸುತ್ತಿದ್ದರು. ಅವರು ಸದಾ ವೇಗವಾಗಿ ಬೈಕ್ ಓಡಿಸುತ್ತಿದ್ದು, ಏಪ್ರಿಲ್ 17ರ ರಾತ್ರಿ ಅವರು ವೇಗವಾಗಿ ಬೈಕ್ ಓಡಿಸಿದ ಕಾರಣ ಆ ಬೈಕಿನಲ್ಲಿದ್ದ ಸಹ ಸವಾರ ಸಂತೋಷ ಅಂಬಿಗ ಅವರು ಸಾವನಪ್ಪಿದರು.ಸಂತೋಷ ಅಂಬಿಗ ಅವರನ್ನು ಬದುಕಿಸಿಕೊಳ್ಳುವುದಕ್ಕಾಗಿ ಹೊನ್ನಾವರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ, ನಂತರ ಮಂಗಳೂರಿನ ವೆನ್‌ಲಾಕ್ ಆಸ್ಪತ್ರೆಗೆ ಕಳುಹಿಸಿದರೂ ಪ್ರಯೋಜನ ಆಗಲಿಲ್ಲ. ಸಂತೋಷ ಸಣ್ಣು ಅಂಬಿಗ (38) ಅವರು ಹೊನ್ನಾವರ ನಗರಬಸ್ತಿಕೇರಿಯ ಮಠದಕೇರಿಯವರಾಗಿದ್ದರು. ಅಲ್ಲಿ ಅವರು ಮೀನುಗಾರಿಕೆ ನಡೆಸಿ ಬದುಕು ಕಟ್ಟಿಕೊಂಡಿದ್ದರು. ಜಗದೀಶ್ ನಾಯ್ಕ ಅವರು ವೇಗವಾಗಿ ಬೈಕ್ ಓಡಿಸುವಾಗ ಅವರು ಹಿಂದೆ ಕುಳಿತಿದ್ದು, ಗೇರುಸೊಪ್ಪದ ಮನೋಜ ಶ್ರೀಕಾರ ನಾಟಿಕರ್ ಅವರ ಮನೆ ಮುಂದೆ ಆ ಬೈಕ್ ಸ್ಕಿಡ್ ಆಯಿತು. ಪರಿಣಾಮ ಜಗದೀಶ ನಾಯ್ಕ ಹಾಗೂ ಸಂತೋಷ ಅಂಬಿಗ ಇಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಇಬ್ಬರನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸುವ ಪ್ರಯತ್ನ ನಡೆದಿದ್ದು, ಸದ್ಯ ಜಗದೀಶ ನಾಯ್ಕ ಅವರು ಚಿಕಿತ್ಸೆಪಡೆಯುತ್ತಿದ್ದಾರೆ. ಆಸ್ಪತ್ರೆಯವರು ಸಂತೋಷ ಅಂಬಿಗ ಅವರ ಶವ ಪರೀಕ್ಷೆ ನಡೆಸಿ, ಶವವನ್ನು ಕುಟುಂಬಕ್ಕೆ ಮರಳಿಸಿದ್ದಾರೆ. ನಗರಬಸ್ತಿಕೇರಿಯ ನಾರಾಯಣ ಸಣ್ಣಕೋಸ ಅಂಬಿಗ ಅವರು ನೀಡಿದ ಮಾಹಿತಿ ಮೇರೆಗೆ ಹೊನ್ನಾವರ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.  
- [ಆರ್ ಸಿ ಬಿ: ಕ್ರಿಕೆಟ್ ಪಾರ್ಟಿಯಲ್ಲಿ ಕಿರಿಕ್!](https://mobiletime.in/2026/05/rcb-a-ruckus-at-the-cricket-party/): ಭಟ್ಕಳದ ಗೊರಟೆ ಕ್ರಾಸಿನಲ್ಲಿರುವ ಆರಾಧನಾ ಬಾರ್’ನಲ್ಲಿ ಆರ್‌ಸಿಬಿ ಗೆದ್ದ ಸಂಭ್ರಮಾಚರಣೆ ನಡೆದಿದ್ದು, ಈ ವೇಳೆ ಬಾರ್ ಸಿಬ್ಬಂದಿ ಹಾಗೂ ಗ್ರಾಹಕರ ನಡುವೆ ಹೊಡೆದಾಟ ನಡೆದಿದೆ. ಬಾರ್ ಬಂದ್ ಆಗುವ ವೇಳೆ ಬಿಯರ್ ಕೊಡದ ಕಾರಣ ಮುಂಡಳ್ಳಿ ನೀರಗದ್ದೆಯ ಮಹೇಂದ್ರ ನಾಯ್ಕ ಅವರು ಅಲ್ಲಿದ್ದ ಬಿಯರ್ ಬಾಟಲಿಯಿಂದಲೇ ಬಾರ್ ಮಾಲಕ ಯಶೋಧರ ನಾಯ್ಕ ಅವರಿಗೆ ಹೊಡೆದಿದ್ದಾರೆ. ಮೇ 10ರ ರಾತ್ರಿ 11.45ಕ್ಕೆ ಮುಂಡಳ್ಳಿ ನೀರಗದ್ದೆಯ ಮಹೇಂದ್ರ ಶನಿಯಾರ ನಾಯ್ಕ, ಮಂಜುನಾಥ ಶನಿಯಾರ್ ನಾಯ್ಕ, ಚಂದನ ಮಾರುತಿ ನಾಯ್ಕ, ರಾಜೇಶ ನಾಗಪ್ಪ ನಾಯ್ಕ ಅವರು ಮತ್ತೊಬ್ಬರ ಜೊತೆ ಆರಾಧನಾ ಬಾರ್ ಪ್ರವೇಶಿಸಿದ್ದರು. ಕಂಠಪೂರ್ತಿ ಕುಡಿದ ಅವರು ಆರ್‌ಸಿಬಿ ಗೆದ್ದ ಸಂಭ್ರಮಾಚರಣೆಯನ್ನು ನಡೆಸಿದರು. ಈ ವೇಳೆ ಮಹೇಂದ್ರ ನಾಯ್ಕ ಅವರು `ಚಿಯರ್ಸ’ ಎಂದು ಕೂಗಿ ಅಲ್ಲಿದ್ದ ಟೇಬಲ್ ಮೇಲೆ ಬಿಯರ್ ಚೆಲ್ಲಿದರು. ಇದನ್ನು ನೋಡಿದ ಬಾರ್ ಮಾಲಕ ಯಶೋಧರ್ ನಾಯ್ಕ ಅವರು `ಈ ರೀತಿ ಬಿಯರ್ ಚೆಲ್ಲಬೇಡಿ’ ಎಂದು ಕಿವಿಮಾತು ಹೇಳಿದರು. ಬಾರ್ ಮಾಲಕರ ಬುದ್ದಿವಾದದಿಂದ ಸಿಟ್ಟಾದ ಮಹೇಂದ್ರ ನಾಯ್ಕ ಅವರು ಏಕಾಏಕಿ ಕೂಗಾಡಲು ಶುರು ಮಾಡಿದರು. ಕೈಯಲ್ಲಿದ್ದ ಬಿಯರ್ ಬಾಟಲಿಯನ್ನು ಟೇಬಲ್ ಮೇಲೆ ಬಡಿದರು. `ಈ ಬಾರಿಗೆ ಲೈಸೆನ್ಸ್ ಇದೆಯಾ?’ ಎಂದು ಪ್ರಶ್ನಿಸಿದರು. `ಮತ್ತೊಂದು ಬಿಯರ್ ಕೊಡಿ’ ಎಂದು ತಾಕೀತು ಮಾಡಿದರು. ಈ ವೇಳೆ ಬಾರಿನಲ್ಲಿ ಕೆಲಸ ಮಾಡುವ ರಮೇಶ ವಸಂತ ನಾಯ್ಕ ಅವರು ಆಗಮಿಸಿ `ಬಾರ್ ಬಂದ್ ಮಾಡುವ ಟೈಂ ಆಗಿದೆ. ನಿಮಗೆ ಬಿಯರ್ ಪಾರ್ಸಲ್ ಕೊಡಲೇ?’ ಎಂದು ಪ್ರಶ್ನಿಸಿದರು. ಇದರಿಂದ ಇನ್ನಷ್ಟು ಕೆಂಡಾಮAಡಲರಾದ ಮಹೇಂದ್ರ ನಾಯ್ಕ ಅವರು ಕೆಟ್ಟದಾಗಿ ಬೈದು ಅಲ್ಲಿದ್ದ ಬಿಯರ್ ಬಾಟಲಿಯನ್ನು ನೆಲಕ್ಕೆ ಒಡೆದರು. ಈ ವೇಳೆ ಅಲ್ಲಿದ್ದ ಚಂದನ ನಾಯ್ಕ ಅವರು ರಮೇಶ ನಾಯ್ಕ ಅವರನ್ನು ದೂಡಿಕೊಂಡು ಕೌಂಟರಿನವರೆಗೆ ಬಂದು ಗಲಾಟೆ ಮಾಡಿದರು. ಮಹೇಂದ್ರ ನಾಯ್ಕ ಅವರ ಜೊತೆಗಿದ್ದ ಮಂಜುನಾಥ ನಾಯ್ಕ, ಚಂದನ ನಾಯ್ಕ, ರಾಜೇಶ ನಾಯ್ಕ ಹಾಗೂ ಮತ್ತೊಬ್ಬ ಅಪರಿಚಿತ ಸೇರಿ ರಮೇಶ ನಾಯ್ಕ ಅವರಿಗೆ ಹೊಡೆದರು. ತಪ್ಪಿಸಲು ಬಂದ ಯಶೋಧರ ನಾಯ್ಕ ಅವರಿಗೂ ಬಿಯರ್ ಬಾಟಲಿಯಿಂದ ಹೊಡೆದರು. ಬಿಯರ್ ಬಾಟಲಿ ಏಟು ತಪ್ಪಿಸಿಕೊಂಡ ಯಶೋಧರ ನಾಯ್ಕ ಅವರಿಗೆ ಆ ಐದು ಜನ ಸೇರಿ ಥಳಿಸಿ, ಅಲ್ಲಿಂದ ಹೊರಗೆ ಹೋದರು.
- [ಬೈಕ್ ಸ್ಕಿಡ್: ಒಬ್ಬರ ಸಾವು-ಮತ್ತೊಬ್ಬರಿಗೆ ನೋವು!](https://mobiletime.in/2026/05/bike-skid-one-person-death-another-pain/): ಯಲ್ಲಾಪುರದ ಉಪಳೇಶ್ವರ ಬಳಿ ನಡೆದ ಅಪಘಾತದಲ್ಲಿ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಮುಂಡಗೋಡಿನ ಪ್ರದೀಪ ಎಂಬಾತರು ವೇಗವಾಗಿ ಬೈಕ್ ಓಡಿಸಿದ್ದು ಅಪಘಾತಕ್ಕೆ ಕಾರಣ. ಮುಂಡಗೋಡಿನ ಕರ್ಲಿ ಬಳಿಯ ಪ್ರದೀಪ (26) ಎಂಬಾತರು ಸೋಮವಾರ ಶಿರಸಿ ಕಡೆ ಹೊರಟಿದ್ದರು. ಅವರು ಹೊರಟ ಬೈಕಿನಲ್ಲಿ ಅದೇ ಭಾಗದ ಮನ್ವತ್ (33) ಎಂಬಾತರು ಕೂತಿದ್ದರು. ಯಲ್ಲಾಪುರದಿಂದ ಶಿರಸಿ ಮಾರ್ಗವಾಗಿ ಹೊರಟ ಬೈಕು ಉಪಳೇಶ್ವರದಿಂದ ಕೊಂಚ ಮುಂದೆ ಅಪಘಾತಕ್ಕೀಡಾಯಿತು. ಮಳಲಗಾವಿನ ಬಳಿ ಬೈಕ್ ಸ್ಕಿಡ್ ಆದ ಪರಿಣಾಮ ಬೈಕಿನಲ್ಲಿದ್ದ ಇಬ್ಬರೂ ರಸ್ತೆ ಬದಿಗೆ ಹಾರಿ ಬಿದ್ದರು. ಅಪಘಾತದ ತೀವೃತೆಗೆ ಪ್ರದೀಪ ಅವರು ಸ್ಥಳದಲ್ಲಿಯೇ ಸಾವನಪ್ಪಿದರು. ಬೈಕಿನ ಹಿಂಬದಿ ಸವಾರ ಮನ್ವತ್ ಅವರಿಗೂ ಗಂಭೀರವಾಗಿ ಗಾಯವಾಗಿದ್ದು, ಅವರು ಆಸ್ಪತ್ರೆ ಸೇರಿದರು. ಅಪಘಾತ ನೋಡಿದ ಜನ ತಕ್ಷಣ ನೆರವಿಗೆ ಧಾವಿಸಿದರು. ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸುವಲ್ಲಿ ಸಹಕರಿಸಿದರು. ಸದ್ಯ ಮನ್ವಿತ್ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ಕರೆದೊಯ್ಯಲಾಗಿದೆ. ಅವರ ಪರಿಸ್ಥಿತಿಯೂ ಚಿಂತಾಜನಕವಾಗಿದ್ದು, ಮನ್ವಿತ್ ಅವರನ್ನು ಉಳಿಸಿಕೊಳ್ಳಲು ವೈದ್ಯರು ಶ್ರಮಿಸುತ್ತಿದ್ದಾರೆ.
- [ನೀರು ಕೊಡದ ಗುತ್ತಿಗೆದಾರನಿಗೆ ಕಪ್ಪು ಪಟ್ಟಿ!](https://mobiletime.in/2026/05/blacklist-for-contractor-who-doesnt-provide-water/): ಉತ್ತರ ಕನ್ನಡ ಜಿಲ್ಲೆಯ ಹಲವು ಕಡೆ ಏಪ್ರಿಲ್-ಮೇ ಅವಧಿಯಲ್ಲಿ ಕುಡಿಯುವ ನೀರಿಗೆ ಅಭಾವ ಎದುರಾಗುತ್ತಿದೆ. ಜಲಜೀವನ ಯೋಜನೆ ಅಡಿ ಕೇಂದ್ರ ಸರ್ಕಾರ ಶಾಶ್ವತ ಕುಡಿಯುವ ನೀರಿನ ಯೋಜನೆ ರೂಪಿಸಿದರೂ ಎಲ್ಲಾ ಕಡೆ ಅದು ಹಳ್ಳ ಹಿಡಿದಿದೆ. ಜೆಜೆಎಂ ಕಾಮಗಾರಿ ವಿಳಂಬವಾಗುತ್ತಿರುವ ಬಗ್ಗೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅಸಮಧಾನವ್ಯಕ್ತಪಡಿಸಿದ್ದು, ವಿನಾಕಾರಣ ವಿಳಂಬ ಮಾಡಿದ ಗುತ್ತಿಗೆದಾರರನ್ನು ಕಪ್ಪು ಪಟ್ಟಿಗೆ ಸೇರಿಸುವಂತೆ ಸೂಚಿಸಿದ್ದಾರೆ. ಸೋಮವಾರ ಕಾರವಾರದಲ್ಲಿ ಸಭೆ ನಡೆಸಿದ ಅವರು `ಜಿಲ್ಲೆಯಲ್ಲಿ ಕುಡಿಯುವ ನೀರಿನ ಅಭಾವ ಮರುಕಳಿಸುವ ನಿಶ್ಚಿತ ಗ್ರಾಮಗಳನ್ನು ಗುರುತಿಸಬೇಕು. ಸಮರ್ಪಕವಾಗಿ ಕುಡಿಯುವ ನೀರು ಪೂರೈಕೆ ಮಾಡಲು ಜೆಜೆಎಂ 2 ಹಂತದಲ್ಲಿ ಶಾಶ್ವತ ಪರಿಹಾರ ಒದಗಿಸಲು ಕ್ರಮವಹಿಸಬೇಕು’ ಎಂದು ಸೂಚಿಸಿದರು. `ಸರಿಯಾಗಿ ಕೆಲಸ ಮಾಡಿದ ಗುತ್ತಿಗೆದಾರರಿಗೆ ನೋಟಿಸ್ ನೀಡಿ, ಕಪ್ಪು ಪಟ್ಟಿಗೆ ಸೇರಿಸಿ’ ಎಂದರು. `ಜಿಲ್ಲೆಯಲ್ಲಿ ಬೇಸಿಗೆ ಅವಧಿಯಲ್ಲಿ ಕೆಲವು ಗ್ರಾಮಗಳಲ್ಲಿ ಕುಡಿಯುವ ನೀರಿನ ಅಭಾವ ಉಂಟಾಗುತ್ತಿದ್ದು, ಈಗಾಗಲೇ ಗ್ರಾಮ ಪಂಚಾಯತ, ತಾಲೂಕು ಪಂಚಾಯತದಿAದ ಖಾಸಗಿ ಬೋರ್‌ವೆಲ್, ಕೊಳವೆ ಬಾವಿ ಹಾಗೂ ಟ್ಯಾಂಕರ್ ಮೂಲಕ ಕುಡಿಯುವ ನೀರು ಒದಗಿಸಲಾಗುತ್ತಿದೆ. ಜೆಜೆಎಂ ಕಾಮಗಾರಿಗಳ ವಿಳಂಬದ ಕುರಿತು ದೂರುಗಳು ಬರುತ್ತಿದ್ದು, ಜೆಜೆಎಂ ಕಾಮಗಾರಿಗಳ ಕಳಪೆ ಕಾಮಗಾರಿ ಮತ್ತು ಗುಣಮಟ್ಟದಲ್ಲಿ ಲೋಪವಾಗದಂತೆ ಅಧಿಕಾರಿಗಳು ಕ್ರಮವಹಿಸಬೇಕು’ ಎಂದರು. ಜಿಲ್ಲೆಯಲ್ಲಿ ಜೆಜೆಎಂ ಯೋಜನೆಯಡಿ 965 ಕಾಮಗಾರಿಗಳ ಪೈಕಿ ಪ್ರಥಮ ಹಂತದಲ್ಲಿ 256, 2ನೇ ಹಂತದಲ್ಲಿ 228, 3 ನೇ ಹಂತದಲ್ಲಿ 26 ಹಾಗೂ 4 ಹಂತದಲ್ಲಿ 232 ಕಾಮಗಾರಿ ಮುಕ್ತಯವಾಗಿದೆ. ಪ್ರಥಮ ಹಂತದಲ್ಲಿ ಬಿಟ್ಟು ಹೋದ 250 ಗ್ರಾಮಗಳಿಗೆ ಜೆಜೆಎಂ 2 ಹಂತದಲ್ಲಿ ಮುಂದುವರಿಸಿಕೊoಡು ಹೊಗಲು ಅನುಮತಿ ದೊರೆತ್ತಿದ್ದು, ಜೆಜೆಎಂ, ಬಹುಗ್ರಾಮ ಕುಡಿಯುವ ನೀರು ಮತ್ತು ಅಮೃತ ಯೋಜನೆಯ ಎಲ್ಲಾ ಕಾಮಗಾರಿಗಳನ್ನು ಸಮರ್ಪಕವಾಗಿ ಅನುಷ್ಠಾನ ಮಾಡುವಲ್ಲಿ ಹಾಗೂ ನಿರ್ವಹಣೆಗೆ ಆದ್ಯತೆ ನೀಡಿದ್ದಲ್ಲಿ ಕುಡಿಯುವ ನೀರನ ಸಮಸ್ಯೆ ಬಗೆಹರಿಸಬಹುದಾಗಿದ್ದು, ಅಧಿಕಾರಿಗಳು ತಳ ಮಟ್ಟದಿಂದ ಯೋಜನೆಗಳನ್ನು ಸಮರ್ಪಕವಾಗಿ ಅನುಷ್ಠಾನ ಮಾಡಿ, ಜನರಿಗೆ ಯೋಜನೆಯ ಸೌಲಭ್ಯಗಳು ದೊರೆಯುವಂತೆ ಮಾಡಬೇಕು ಎಂದರು. ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ದಿಲೀಷ್ ಶಶಿ ಮಾತನಾಡಿ `ಹಳಿಯಾಳ, ಮುಂಡಗೋಡನಲ್ಲಿ ಖಾಸಗಿ ಬೋರ್‌ವೇಲ್ ಮೂಲಕ ನೀರು ಪೂರೈಕೆ ಮಾಡಲಾಗುತ್ತಿದ್ದು, 31 ಗ್ರಾಮ ಪಂಚಾಯತನಲ್ಲಿ 68 ಕಡೆ ಹಾಗೂ ಮಂಕಿಯ 16 ವಾರ್ಡನಲ್ಲಿ ಟ್ಯಾಂಕರ್ ಮೂಲಕ ನೀರು ಪೂರೈಸಲಾಗುತ್ತಿದೆ’ ಎಂದರು. ಸಭೆಯಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ, ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ ಇತರರಿದ್ದರು.
- [ಹೀರೋ ಆಗಬೇಕಿದ್ದವ ವಿಲನ್ ಆದ!](https://mobiletime.in/2026/05/the-one-who-was-supposed-to-be-a-hero-became-a-villain/): ನಟ ದರ್ಶನ್ ಜೊತೆಯೂ ಚಿತ್ರರಂಗದಲ್ಲಿ ಮಿಂಚಿದ್ದ ಶಿರಸಿಯ ಸಂಕೇತ ಮೇಸ್ತಾ ಅವರು ಹೊಡೆದಾಟ ಪ್ರಕರಣವೊಂದರಲ್ಲಿ ಭಾಗಿಯಾಗಿದ್ದಾರೆ. ಹೀರೋ ಆಗಬೇಕು ಎಂದು ಕನಸು ಕಂಡಿದ್ದ ಅವರು ಕೆಲವರಿಗೆ ವಿಲನ್ ಆಗಿ ಕಾಣಿಸಿದ್ದಾರೆ. ಸಂಕೇತ ಮೇಸ್ತಾ ಅವರು ಈ ಹಿಂದೆ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡಿದ್ದರು. ಚಲನಚಿತ್ರದಲ್ಲಿ ಖಳ ನಾಯಕನ ಪಾತ್ರ ನಿಭಾಯಿಸಿ ಜನರ ಮೆಚ್ಚುಗೆಗಳಿಸಿದ್ದರು. ಶಿರಸಿಯ ಬೇಡರ ವೇಷಕ್ಕೆ ಸಂಕೇತ ಮೇಸ್ತ ಅವರು ಮೆರಗು ತಂದುಕೊಟ್ಟಿದ್ದರು. ಸದ್ಯ ಶಿರಸಿಯ ತೆರಕನಹಳ್ಳಿಯಲ್ಲಿ ಹಣಕಾಸು ವಿಷಯವಾಗಿ ಹೊಡೆದಾಟ ನಡೆದಿದ್ದು, ಚಿತ್ರರಂಗದಲ್ಲಿ ಮಿಂಚಿ ಮೆರೆಯಬೇಕಿದ್ದ ಸಂಕೇತ ಮೇಸ್ತಾ ಅವರು ಸಹ ಈ ಹೊಡೆದಾಟದಲ್ಲಿ ಭಾಗಿಯಾದ ಆರೋಪ ಎದುರಿಸುತ್ತಿದ್ದಾರೆ. ಸಂಕೇತ ಮೇಸ್ತ ಅವರಿಗೂ ಪೆಟ್ಟು ಬಿದ್ದಿರುವ ಮಾಹಿತಿಯಿದೆ. ಕಾರು-ಜೀಪುಗಳಲ್ಲಿ ಗುಂಪು ಕಟ್ಟಿಕೊಂಡು ಬಂದ ಜನ ತುಕಾರಾಮ ನಾಯ್ಕ, ಸುನೀಲ ನಾಯ್ಕ, ರೇಖಾ ನಾಯ್ಕ, ಸುಭಾಸ್ ನಾಯ್ಕ, ಕವಿತಾ ನಾಯ್ಕ ಹಾಗೂ ಸುಮನಾ ಸುಭಾಸ್ ನಾಯ್ಕ ಎಂಬಾತರ ಮೇಲೆ ದಾಳಿ ಮಾಡಿದ್ದಾರೆ. 20ಕ್ಕೂ ಅಧಿಕ ಜನ ಈ ಆಕ್ರಮಣ ನಡೆಸಿದ್ದು, ಕುಟುಂಬದವರು ಆ ದಾಳಿಗೆ ನಲುಗಿದ್ದಾರೆ. ಶಿರಸಿಯ ರಾಮನಬೈಲಿನ 20 ಮಂದಿಯ ಗುಂಪು ಏಕಾಏಕಿ ದಾಳಿ ನಡೆಸಿದ ದೂರಿದ್ದು, ಕಬ್ಬಿಣದ ರಾಡ್, ಪಂಚ್ ಸೇರಿದಂತೆ ವಿವಿಧ ಮಾರಕಾಸ್ತ್ರಗಳನ್ನು ಬಳಸಿ ದಾಳಿ ನಡೆಸಿದ ಆರೋಪಗಳಿವೆ. ಈ ಹೊಡೆದಾಟದಲ್ಲಿ ಏಳು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಕಿರುತೆರೆ ನಟ ಸಂಕೇತ್ ಮೇಸ್ತಾ ಅವರ ಜೊತೆ ನಾಗರಾಜ ಮೇಸ್ತಾ, ಜನ್ನು ಮೇಸ್ತಾ, ಪೃಥ್ವಿ ಶಿವರಾಜ್, ಶಿವರಾಜ್, ಗಗನ್ ಮೇಸ್ತಾ, ಶರತ್ ಮೇಸ್ತಾ, ರಫಿಕ್ ಇತರರು ದಾಳಿ ನಡೆಸಿದ ಬಗ್ಗೆ ದೂರಲಾಗಿದೆ. ಹಲ್ಲೆಗೊಳಗಾದ ತುಕಾರಾಮ ನಾಯ್ಕ ಹಾಗೂ ಸಂಕೇತ್ ಮೇಸ್ತಾ ಸಂಬoಧಿ ನಾಗರಾಜ್ ಮೇಸ್ತಾ ನಡುವೆ ಹಣಕಾಸಿನ ವಿಚಾರವಾಗಿ ಕೆಲ ದಿನಗಳಿಂದ ಜಗಳ ನಡೆಯುತ್ತಿದ್ದು, ಇದೇ ಈ ಹೊಡೆದಾಟಕ್ಕೆ ಕಾರಣ ಎಂಬ ಮಾಹಿತಿಯಿದೆ.
- [ಕುಟುಂಬ ಕಾಳಗ: ಗಾನ ವೈಭವಕ್ಕೆ ಅಡ್ಡಿ-ಆತಂಕ!](https://mobiletime.in/2026/05/family-feud-ganas-glory-is-hindered-concern/): ಶಿರಸಿಯ ಕಲಗಾರಒಡ್ಡದಲ್ಲಿ ಕಳೆದ 12 ವರ್ಷಗಳಿಂದ ಚಂದ್ರಶೇಖರ ಭಟ್ಟ ಅವರು `ಗಾನ ವೈಭವ’ ಆಯೋಜಿಸುತ್ತ ಬಂದಿದ್ದು, ಕಳೆದ ಎರಡು ವರ್ಷಗಳಿಂದ ಅವರ ಕುಟುಂಬದವರೇ ಅದಕ್ಕೆ ಅಡ್ಡಿಪಡಿಸುತ್ತಿದ್ದಾರೆ. ಈ ವರ್ಷ ಯಕ್ಷಗಾನ ಆಯೋಜನೆ ವಿಷಯವಾಗಿ ಕುಟುಂಬದವರ ನಡುವೆ ದೊಡ್ಡ ಯುದ್ದವೇ ನಡೆದಿದೆ. ಯುದ್ಧದಲ್ಲಿ ಪೊರಕೆ-ಚಪ್ಪಲಿ-ದೊಣ್ಣೆಗಳ ಪ್ರಯೋಗವೂ ಆಗಿದೆ! ಮೇ 9ರಂದು ಶಿರಸಿಯ ಕಲಗಾರಒಡ್ಡದಲ್ಲಿ ಮಹಿಳೆಯರ ನಡುವೆ ಮಾರಾಮಾರಿ ನಡೆದಿದ್ದು, ಅಡ್ಡ ಬಂದ ಪುರುಷರಿಗೂ ಒದೆ ಬಿದ್ದಿದೆ. ಇದರ ವಿಡಿಯೋ ಸಹ ಎಲ್ಲಡೆ ವೈರಲ್ ಆಗಿದೆ. ಅದರ ಬೆನ್ನಲ್ಲೆ ಈ ಪ್ರಕರಣ ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಎರಡು ಕಡೆಯವರ ದೂರು ಆಲಿಸಿದ ಪೊಲೀಸರು ವಿವಿಧ ಸಾಕ್ಷಿಗಳ ಆಧಾರದಲ್ಲಿ ತನಿಖೆ ಶುರು ಮಾಡಿದ್ದಾರೆ. `ಚಂದ್ರಶೇಖರ ಭಟ್ಟ ಹಾಗೂ ಮಂಜುನಾಥ ಭಟ್ಟ ಅವರು ಸಹೋದರರಾಗಿದ್ದು, ಒಂದೇ ಮನೆಯಲ್ಲಿ ಪ್ರತ್ಯೇಕ ಅಡುಗೆ ಮಾಡಿ ವಾಸಿಸುತ್ತಿದ್ದಾರೆ. ಮನೆ ಅಂಗಳದಲ್ಲಿ ನಡೆಸುವ ಯಕ್ಷಗಾನ ಕಾರ್ಯಕ್ರಮಕ್ಕೆ ಮಂಜುನಾಥ ಭಟ್ಟ ಅವರು ಅಡ್ಡಿಪಡಿಸುತ್ತಿದ್ದಾರೆ’ ಎಂದು ಚಂದ್ರಶೇಖರ ಭಟ್ಟ ಅವರ ಪತ್ನಿ ನೇತ್ರಾವತಿ ಭಟ್ಟ ಅವರು ದೂರಿದ್ದಾರೆ. ಇದೇ ವಿಷಯವಾಗಿ ನಡೆದ ಹೊಡೆದಾಟದಲ್ಲಿ ಈ ಬಾರಿ ಯಲ್ಲಾಪುರ ಹಿತ್ಲಳ್ಳಿಯ ರಶ್ಮಿ ಗೋಪಾಲಕೃಷ್ಣ ಹೆಗಡೆ, ಗೋಪಾಲಕೃಷ್ಣ ಸುಬ್ರಹ್ಮಣ್ಯ ಹೆಗಡೆ ಅವರು ಕೈ ಜೋಡಿಸಿದ್ದಾರೆ. `ಭಾರತಿ ಮಂಜುನಾಥ ಭಟ್ಟ ಹಾಗೂ ರಜನಿ ಮಂಜುನಾಥ ಭಟ್ಟ ಅವರು ಸಹ ತಮ್ಮ ಮೇಲೆ ಕೈ ಮಾಡಿದ್ದಾರೆ’ ಎಂದು ನೇತ್ರಾವತಿ ಭಟ್ಟ ಅವರು ಅಳಲು ತೋಡಿಕೊಂಡಿದ್ದಾರೆ. `ಕಳೆದ ವರ್ಷವೂ ಕಾರ್ಯಕ್ರಮಕ್ಕೆ ಅಡ್ಡಿ-ಆತಂಕ ನಡೆಸಿದಾಗ ಬೇರೆ ಕಡೆ ಗಾನ ವೈಭವ ನಡೆದಿತ್ತು. ಈ ಸಲ ಮೇ 10ರಂದು ಕಾರ್ಯಕ್ರಮ ನಡೆಸಲು ಸಿದ್ಧತೆ ನಡೆಸಿದಾಗ ಗೋಪಾಲಕೃಷ್ಣ ಭಟ್ಟ ಹಾಗೂ ರಶ್ಮೀ ಭಟ್ಟ ಅವರು ಅಡ್ಡಿಪಡಿಸಿದರು. ಮಂಜುನಾಥ ಭಟ್ಟ ಹಾಗೂ ಭಾರತಿ ಭಟ್ಟ ಅವರು ಆಗಮಿಸಿ ಗಲಾಟೆ ಮಾಡಿದ್ದು, ಭಾರತಿ ಭಟ್ಟ ಅವರು ಚಪ್ಪಲಿಯಿಂದ ಹೊಡೆದಿದ್ದಾರೆ’ ಎಂದು ನೇತ್ರಾವತಿ ಭಟ್ಟ ಅವರು ದೂರಿದ್ದಾರೆ. `ಕಾರ್ಯಕ್ರಮಕ್ಕೆ ಆಗಮಿಸುವ ಜನರಿಗೆ ಊಟ ಬಡಿಸಲು ಸಿದ್ಧಪಡಿಸಿದ ಜಾಗದಲ್ಲಿ ಕೋಳಿ ಗೊಬ್ಬರ ದಾಸ್ತಾನು ಮಾಡಿ ಗಲೀಜು ಮಾಡಿದ್ದಾರೆ. ಪ್ರಶ್ನಿಸಿದ ಕಾರಣ ಮಂಜುನಾಥ ಭಟ್ಟ ಅವರು ತಮ್ಮ ಚೂಡಿದಾರ ಹರಿದಿದ್ದಾರೆ’ ಎಂದು ಸಹ ನೇತ್ರಾವತಿ ಭಟ್ಟ ಅವರು ದೂರಿದ್ದಾರೆ. ಈ ಹೊಡೆದಾಟದಲ್ಲಿ ಮಂಜುನಾಥ ಗಣಪತಿ ಭಟ್ಟ ಅವರು ಆಸ್ಪತ್ರೆ ಸೇರಿದ್ದಾರೆ. ಆಸ್ಪತ್ರೆಯಿಂದಲೇ ಪೊಲೀಸ್ ದೂರು ನೀಡಿದ ಅವರು `ಚಂದ್ರಶೇಖರ ಭಟ್ಟ ಹಾಗೂ ನೇತ್ರಾವತಿ ಭಟ್ಟ ಅವರು ತಮ್ಮ ಮೇಲೆ ಹಲ್ಲೆ ಮಾಡಿದ್ದಾರೆ. ದೊಣ್ಣೆಯಿಂದ ಹೊಡೆದಿದ್ದಾರೆ. ಗೊಬ್ಬರ ಇಳಿಸಲು ಕೊಟ್ಟಿಲ್ಲ’ ಎಂದು ದೂರಿದ್ದಾರೆ. `ವಯಸ್ಸಾದ ಕಾರಣ ದೊಡ್ಡದಾಗಿ ಧ್ವನಿ ವರ್ಧಕ ಬಳಸಬೇಡಿ’ ಎಂದಿದ್ದಕ್ಕೆ ಈ ರೀತಿ ಹಲ್ಲೆ ಮಾಡಲಾಗಿದೆ. ತನ್ನೊಂದಿಗೆ ಪತ್ನಿ ಭಾರತಿ ಭಟ್ಟ ಅವರ ಮೇಲೆಯೂ ದಾಳಿ ನಡೆದಿದೆ’ ಎಂದವರು ವಿವರಿಸಿದ್ದಾರೆ. ಎರಡು ಕಡೆಯವರ ದೂರು ಆಲಿಸಿದ ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.
- [ಬಹುಕೋಟಿ ಹಗರಣ: ಕೆಡಿಸಿಸಿ ಮಾಜಿ ಅಧಿಕಾರಿ ನಿರಾಳ!](https://mobiletime.in/2026/05/multi-crore-scam-former-kdcc-officer-relieved/): ಕುಮಟಾ ಬರಗದ್ದೆ ಗ್ರಾಮೀಣ ಸೇವಾ ಸಹಕಾರಿ ಸಂಘದಲ್ಲಿ ನಡೆದ ಬಹುಕೋಟಿ ಹಗರಣಕ್ಕೆ ಸಂಬoಧಿಸಿ ಕೆಡಿಸಿಸಿ ಬ್ಯಾಂಕ್ ಶಿರಸಿ ಶಾಖೆಯ ಮಾಜಿ ಸಹಾಯಕ ಮಹಾಪ್ರಬಂಧಕ ರಾಮ ಗಣಪತಿ ಭಾಗವತ್ ಅವರಿಗೆ ನ್ಯಾಯಾಲಯ ನಿರೀಕ್ಷಣಾ ಜಾಮೀನು ನೀಡಿದೆ. `ಪ್ರತಿ 15 ದಿನಗಳಿಗೊಮ್ಮೆ ಪೊಲೀಸ್ ಠಾಣೆಗೆ ಹಾಜರಾಗುವುದರ ಜೊತೆ ತನಿಖೆಗೆ ಸಂಪೂರ್ಣವಾಗಿ ಸಹಕರಿಸಬೇಕು’ ಎಂಬ ಷರತ್ತಿನ ಜೊತೆ ಜಾಮೀನು ಮಂಜೂರಿ ಮಾಡಿದೆ. ಕುಮಟಾ ತಾಲೂಕಿನ ಬರಗದ್ದೆ ಗ್ರಾಮೀಣ ಸೇವಾ ಸಹಕಾರಿ ಸಂಘದಲ್ಲಿ 2017ರಿಂದ 2020ರ ಅವಧಿಯಲ್ಲಿ ಸುಮಾರು 7.23 ಕೋಟಿ ರೂ ಹಣ ದುರುಪಯೋಗ ನಡೆದಿತ್ತು.2 023ರಲ್ಲಿ ಪೊಲೀಸ್ ಪ್ರಕರಣ ದಾಖಲಾಗಿತ್ತು. ಬಳಿಕ ಪ್ರಕರಣದ ತನಿಖೆಯನ್ನು ಸಿಐಡಿಗೆ ಹಸ್ತಾಂತರಿಸಲಾಗಿತ್ತು. ತನಿಖೆ ವೇಳೆ ಕೆಡಿಸಿಸಿ ಬ್ಯಾಂಕ್ ಶಿರಸಿ ಶಾಖೆಯಲ್ಲಿ ಎಜಿಎಂ ಆಗಿದ್ದ ರಾಮ ಗಣಪತಿ ಭಾಗವತ್ ಅವರು ಹಣ ದುರುಪಯೋಗ ಮಾಡಲು ಸಹಕಾರ ನೀಡಿದ್ದರು ಎಂಬ ಸಂಗತಿ ಬೆಳಕಿಗೆ ಬಂದಿತ್ತು. ಆದರೆ, ರಾಮ ಭಾಗವತ ಪರ ವಕೀಲರು ಇದನ್ನು ಅಲ್ಲಗಳೆದಿದ್ದರು. ಮೂಲ ದೂರಿನಲ್ಲಿ ಅವರ ಹೆಸರಿನಲ್ಲ ಎಂದು ವಆದಿಸಿದ್ದರು. ಆದರೆ, ಸರ್ಕಾರಿ ವಕೀಲರು ಆರೋಪಿತರಿಗೆ `ರಾಮ ಭಾಗವತ್ ಅವರು ಸಹಕಾರ ನೀಡಿದ ಗಂಭೀರ ಆರೋಪವಿದ್ದು, ಅವರನ್ನು ಬಂಧಿಸಿ ವಿಚಾರಣೆ ನಡೆಸಬೇಕು’ ಎಂದು ವಾದಿಸಿದ್ದರು. `ಜಾಮೀನು ನೀಡಿದರೆ ಸಾಕ್ಷ್ಯ ನಾಶಪಡಿಸುವ ಅಥವಾ ಸಾಕ್ಷಿದಾರರ ಮೇಲೆ ಪ್ರಭಾವ ಬೀರುವ ಸಾಧ್ಯತೆ ಇದೆ’ ಎಂದು ಹೇಳಿದರು. ನ್ಯಾಯಾಲಯವು ಪ್ರಕರಣದ ದಾಖಲೆಗಳನ್ನು ಪರಿಶೀಲಿಸಿ, ಅರ್ಜಿದಾರರ ವಿರುದ್ಧ ನೇರ ಆರೋಪಗಳು ಎಫ್‌ಐಆರ್‌ನಲ್ಲಿ ಇಲ್ಲ ಎಂಬುದನ್ನು ಗಮನಿಸಿತು. ಹೀಗಾಗಿ ಷರತ್ತುಬದ್ಧ ಜಾಮೀನು ಮಂಜೂರಿ ಮಾಡಿತು. ನ್ಯಾಯಾಲಯ ರಾಮ ಗಣಪತಿ ಭಾಗವತ್ ಅವರಿಗೆ 1 ಲಕ್ಷ ರೂಪಾಯಿಯ ವೈಯಕ್ತಿಕ ಬಾಂಡ್ ಹಾಗೂ ಸಮಾನ ಮೊತ್ತದ ಒಬ್ಬ ಜಾಮೀನುದಾರರ ಭದ್ರತೆಯ ಮೇಲೆ ನಿರೀಕ್ಷಣಾ ಜಾಮೀನು ಮಂಜೂರು ಮಾಡಿದೆ. ಇನ್ನೂ ಸಂಘದ ಮಾಜಿ ಕಾರ್ಯನಿರ್ವಾಹಕ ಅಧಿಕಾರಿ ಲಕ್ಷöಣ ಪಟಗಾರ ಅವರ ವಿರುದ್ಧ ದಾಖಲಾದ ದೂರು ವಿಶೇಷ ನ್ಯಾಯಾಲಯದಲ್ಲಿದ್ದು, ವಿಚಾರಣೆ ಮುಂದುವರೆದಿದೆ.
- [ಅಪಘಾತಕ್ಕೀಡಾದ ಮದುವೆ ದಿಬ್ಬಣ!](https://mobiletime.in/2026/05/a-wedding-that-was-marred-by-an-accident/): ಯಲ್ಲಾಪುರದ ಅರಬೈಲ್ ಘಟ್ಟದಲ್ಲಿ ಮದುವೆ ದಿಬ್ಬಣ ಪಲ್ಟಿಯಾಗಿದೆ. ಮದುವೆ ಮುಗಿಸಿ ಮನೆಗೆ ಮರಳುತ್ತಿದ್ದವರು ಅಪಘಾತದಲ್ಲಿ ಗಾಯಗೊಂಡಿದ್ದಾರೆ. ಯಲ್ಲಾಪುರದ ಅರಬೈಲ್ ಮೂಲದ ಕುಟುಂಬದವರು ಭಾನುವಾರ ಬೆಳಗಾವಿಯಲ್ಲಿ ನಡೆಯುವ ಮದುವೆಗೆ ಹೋಗಲು ನಿರ್ಧರಿಸಿದ್ದರು. ಇದಕ್ಕಾಗಿ ಸ್ಥಳೀಯ ಟೆಂಪೋವನ್ನು ಬಾಡಿಗೆಗೆಪಡೆದಿದ್ದರು. ಮದುವೆ ಮುಗಿಸಿ ಮನೆಗೆ ಮರಳುವಾಗ ಅರಬೈಲ್ ಘಟ್ಟದಲ್ಲಿ ಅವರಿದ್ದ ಟೆಂಪೋ ಅಪಘಾತಕ್ಕಿಡಾಯಿತು. ಮದುವೆ ಮುಗಿಸಿ ಮನೆಗೆ ಮರಳುತ್ತಿದ್ದ 10ಕ್ಕೂ ಅಧಿಕ ಜನ ಅಪಘಾತದಲ್ಲಿ ಗಾಯಗೊಂಡರು. ಮನೆಗೆ ತಲುಪಲು 2ಕಿಮೀ ದೂರದಲ್ಲಿರುವಾಗ ಟೆಂಪೋ ಅಪಘಾತಕ್ಕೀಡಾಗಿದೆ. ಅರಬೈಲ್ ಘಟ್ಟದಲ್ಲಿ ಚಾಲಕ ವಾಹನದ ಮೇಲಿನ ನಿಯಂತ್ರಣ ಕಳೆದುಕೊಂಡ ಕಾರಣ ಅವಘಡ ನಡೆದಿದೆ. ಎದುರಿನಿಂದ ಬಂದ ವಾಹನ ತಪ್ಪಿಸುವ ತರಾತುರಿಯಲ್ಲಿ ಈ ಅಪಘಾತ ನಡೆದಿದೆ. ಅಪಘಾತದ ರಭಸಕ್ಕೆ ಟೆಂಪೋ ಮುಂದಿನ ಭಾಗ ಜಖಂ ಆಗಿದೆ. ಅಪಘಾತದ ಬಗ್ಗೆ ಅರಿತ ಸ್ಥಳೀಯರು ರಕ್ಷಣೆಗೆ ಧಾವಿಸಿದ್ದಾರೆ. ಸದ್ಯ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಂತೋಷ ರಾಯ್ಕರ್ ಎಂಬಾತರಿಗೆ ಸೇರಿದ ಟೆಂಪೋ ಇದಾಗಿದೆ.  
- [ಅಪಘಾತ: ಆಪ್ತ ರಕ್ಷಕನಾದ ಶಿರಸಿ ಶಾಸಕ!](https://mobiletime.in/2026/05/accident-sirsi-mla-becomes-close-protector/): ಶಿರಸಿ-ಸಿದ್ದಾಪುರ ಮಾರ್ಗವಾಗಿ ಚಲಿಸುತ್ತಿದ್ದ ಶಾಸಕ ಭೀಮಣ್ಣ ನಾಯ್ಕ ಅವರು ಭಾನುವಾರ ಅದೇ ದಾರಿಯಲ್ಲಿ ಅಪಘಾತವಾಗಿರುವುದನ್ನು ನೋಡಿದ್ದು, ತಮ್ಮದೇ ಕಾರಿನಲ್ಲಿ ಗಾಯಾಳುವನ್ನು ಆಸ್ಪತ್ರೆಗೆ ಕಳುಹಿಸಿದ್ದಾರೆ. ಅದಾದ ನಂತರ ಬೇರೆ ವಾಹನದ ಮೂಲಕ ಅವರು ಮುಂದಿನ ಪ್ರಯಾಣ ಬೆಳೆಸಿದ್ದಾರೆ. ತುರ್ತು ಕೆಲಸದ ನಿಮಿತ್ತ ಭೀಮಣ್ಣ ನಾಯ್ಕ ಅವರು ಸಿದ್ದಾಪುರದ ಕಡೆ ಹೊರಟಿದ್ದರು. ಮಾರ್ಗ ಮಧ್ಯೆ ಅಪಘಾತವೊಂದನ್ನು ಅವರು ನೋಡಿ, ತಮ್ಮ ಕಾರು ನಿಲ್ಲಿಸಿದರು. ಗಾಯಾಳುವಿನ ಕ್ಷೇಮ ವಿಚಾರಿಸಿದ ಅವರು ಆಂಬುಲೆನ್ಸ್ ಬರುವುದು ತಡವಾಗಲಿದೆ ಎಂಬ ಸತ್ಯ ಅರಿತರು. ತಕ್ಷಣ ತಮ್ಮ ಕಾರನ್ನೇ ಆಂಬುಲೆನ್ಸ್ ಆಗಿ ಬದಲಿಸಿ, ಗಾಯಾಳುವನ್ನು ಆಸ್ಪತ್ರೆಗೆ ಕಳುಹಿಸಿದರು. ಗಂಭೀರ ಗಾಯಗೊಂಡ ವ್ಯಕ್ತಿಯ ಬಗ್ಗೆ ಭೀಮಣ್ಣ ನಾಯ್ಕ ಅವರು ವೈದ್ಯರಿಗೆ ಫೋನ್ ಮಾಡಿದರು. ಗಾಯಾಳುವಿಗೆ ಸೂಕ್ತ ಚಿಕಿತ್ಸೆ ಕೊಡುವಂತೆ ಸೂಚನೆ ನೀಡಿದರು. ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದರೆ ಅದರ ವೆಚ್ಚವನ್ನು ಪಾವತಿಸುವ ಭರವಸೆ ನೀಡಿದರು. ಅದಾದ ನಂತರ ಮತ್ತೊಂದು ವಾಹನದ ಮೂಲಕ ಭೀಮಣ್ಣ ನಾಯ್ಕ ಅವರು ಮುಂದಿನ ಪ್ರಯಾಣ ಬೆಳೆಸಿದರು.
- [ಪತ್ನಿ ಕಾಟ ಸಹಿಸದೇ ಸಾವಿಗೆ ಶರಣು!](https://mobiletime.in/2026/05/unable-to-bear-the-pain-of-his-wife-he-surrendered-to-death/): ಕಾರವಾರದ ತೋಡೂರಿನ ಬಳಿ ಪ್ರದೀಪ ಪೂಜಾರಿ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಪ್ರದೀಪ ಪೂಜಾರಿ ಅವರು ಅವರ ಎರಡನೇ ಪತ್ನಿ ಪೂಜಾ ಕಡೆಕರ್ ಅವರ ಕಾಟ ಸಹಿಸಲಾಗದೇ ಆತ್ಮಹತ್ಯೆಗೆ ಶರಣಾಗಿರುವುದು ವಾಟ್ಸಪ್ ಸಂದೇಶದಿoದ ಗೊತ್ತಾಗಿದೆ. ಕುಂದಾಪುರ ಮೂಲದ ಪ್ರದೀಪ ಸೋಮಾ ಪೂಜಾರಿ ಅವರು ಅದೇ ಊರಿನ ಮಂಗಳಾ ಪೂಜಾರಿ ಅವರನ್ನು ವಿವಾಹವಾಗಿದ್ದರು. ಅನ್ಯೋನ್ಯವಾಗಿದ್ದ ಈ ದಂಪತಿ ಒಂದಷ್ಟು ವರ್ಷ ಚನ್ನಾಗಿಯೇ ಇದ್ದರು. ಎಂಟು ತಿಂಗಳ ಹಿಂದೆ ಪ್ರದೀಪ ಪೂಜಾರಿ ಅವರು ಮಂಗಳಾ ಪೂಜಾರಿ ಅವರಿಗೆ ಡೈವರ್ಸ ಕೊಟ್ಟಿದ್ದರು. ಅದಾದ ನಂತರ ಕಾರವಾರದ ಮಾಜಾಳಿಯ ಪೂಜಾ ಮಹೇಂದ್ರ ಕಡೇಕರ್ ಅವರನ್ನು ಮದುವೆ ಆಗಿದ್ದರು. ಈ ಘಟನಾವಳಿಗಳ ಬಳಿಕ ಮಂಗಲಾ ಪೂಜಾರಿ ಅವರು ಪ್ರದೀಪ ಪೂಜಾರಿ ಅವರ ಜೊತೆ ಮಾತು ಬಿಟ್ಟಿದ್ದರು. ಆದರೆ, ಪ್ರದೀಪ ಪೂಜಾರಿ ಅವರು ಆಗಾಗ ಮಕ್ಕಳ ಜೊತೆ ಮಾತನಾಡುತ್ತಿದ್ದರು. ಎರಡನೇ ಮದುವೆ ನಂತರ ಪ್ರದೀಪ ಪೂಜಾರಿ ಅವರು ಪೂಜಾ ಕಡೆಕರ್ ಅವರ ಜೊತೆ ತೋಡೂರಿನ ಸೋನಾರವಾಡದಲ್ಲಿ ವಾಸವಾಗಿದ್ದರು. ಪೂಜಾ ಕಡೇಕರ್ ಅವರು ಸಹ ವಿವಾಹ ವಿಚ್ಚೇದಿತರಾಗಿದ್ದು, ಈಗಾಗಲೇ ಮಂಗಲಾ ಪೂಜಾರಿ ಅವರಿಂದ ದೂರವಾಗಿದ್ದ ಪ್ರದೀಪ ಪೂಜಾರಿ ಅವರಿಗೆ ಹತ್ತಿರವಾಗಿದ್ದರು. ಆದರೆ, ಕೆಲ ದಿನಗಳ ನಂತರ ಅವರಿಬ್ಬರ ನಡುವೆಯೂ ವೈಮನಸ್ಸು ಕಾಣಿಸಿತು. ಮೇ 3ರಂದು ಪ್ರದೀಪ ಪೂಜಾರಿ ಅವರು ಮಂಗಲಾ ಪೂಜಾರಿ ಅವರಿಗೆ ವಾಟ್ಸಪ್ ಮೂಲಕ ಮೆಸೆಜ್ ಮಾಡಿದ್ದರು. ಆ ಧ್ವನಿ ಸಂದೇಶದಲ್ಲಿ ಪೂಜಾ ಕಡೇಕರ್ ಅವರು ಕಾಟ ಕೊಡುವ ಬಗ್ಗೆ ತಿಳಿಸಿದ್ದರು. ಆದರೆ, ಮಂಗಲಾ ಪೂಜಾರಿ ಅವರು ಇದಕ್ಕೆ ಪ್ರತಿಕ್ರಿಯಿಸಿರಲಿಲ್ಲ. ಮೇ 4ರಂದು ಸಹ ಪ್ರದೀಪ ಪೂಜಾರಿ ಅವರು ಮತ್ತೆ ಮೆಸೆಜ್ ಮಾಡಿ ಆತ್ಮಹತ್ಯೆಗೆ ಶರಣಾಗುವ ಬಗ್ಗೆ ಹೇಳಿದ್ದರು. ಎರಡನೇ ಪತ್ನಿ ತೊಂದರೆ ಕೊಡುವ ಕಾರಣ ಸಾವಿಗೆ ಶರಣಾಗುತ್ತಿದ್ದು, ಸಾವಿನ ನಂತರ ಈ ವಿಷಯವನ್ನು ಪೊಲೀಸರಿಗೆ ಹೇಳುವಂತೆ ಮನವಿ ಮಾಡಿದ್ದರು. ಆದರೆ, ಈ ಸಂದೇಶವನ್ನು ಸಹ ಮಂಗಲಾ ಪೂಜಾರಿ ಅವರು ಗಂಭೀರವಾಗಿ ಪರಿಗಣಿಸಿರಲಿಲ್ಲ. ಮೇ 5ರಂದು ಮತ್ತೊಮ್ಮೆ ಮೆಸೆಜ್ ಮಾಡಿ, ಪ್ರದೀಪ ಪೂಜಾರಿ ಅವರು ಆತ್ಮಹತ್ಯೆಗೆ ಶರಣಾದರು. ತೋಡೂರಿನ ಮನೆ ಮಾಲಕರು ಮಂಗಲಾ ಪೂಜಾರಿ ಅವರಿಗೆ ಫೋನ್ ಮಾಡಿ ವಿಷಯ ಮುಟ್ಟಿಸಿದ್ದು, ಮುರುಡೇಶ್ವರದಲ್ಲಿದ್ದ ಮಂಗಲಾ ಪೂಜಾರಿ ಅವರು ಕಾರವಾರಕ್ಕೆ ದೌಡಾಯಿಸಿದರು. ಪ್ರದೀಪ ಪೂಜಾರಿ ಅವರ ಸಾವಿಗೆ ಪೂಜಾ ಕಡೆಕರ್ ಅವರೇ ಕಾರಣರಾಗಿರುವ ಬಗ್ಗೆ ಅವರು ಪೊಲೀಸರಿಗೆ ಹೇಳಿದ್ದು, ಕಾರವಾರ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು.  
- [ಹಾವಿನ ಬಾಯಿಂದ ತಪ್ಪಿಸಿಕೊಂಡ ಉರಗ ತಜ್ಞ!](https://mobiletime.in/2026/05/a-reptile-expert-escaped-from-the-snakes-mouth/): ಕಳೆದ ಮೂರು ದಶಕಗಳಿಂದ ಹಾವುಗಳನ್ನು ಹಿಡಿಯುತ್ತಿದ್ದ ದಾಂಡೇಲಿಯ ರಜಾಕ್ ಶಾ ಅವರ ಮೇಲೆ ಭಾನುವಾರ ಹೆಬ್ಬಾವು ದಾಳಿ ಮಾಡಿದೆ. ರಜಾಕ್ ಅವರ ಕೈ ಗುರಿಯಾಗಿರಿಸಿಕೊಂಡು ಹಾವು ಆಕ್ರಮಣ ಮಾಡಿದ್ದು, ಕ್ಷಣಾರ್ದದಲ್ಲಿ ಅವರು ತಪ್ಪಿಸಿಕೊಂಡಿದ್ದಾರೆ. ದಾoಡೇಲಿ ನಗರದ ಅಂಬೇವಾಡಿಯಲ್ಲಿರುವ ವಿಟಿಯು ಕಾಲೇಜು ಆವರಣದಲ್ಲಿ ಶನಿವಾರ ಹೆಬ್ಬಾವು ಕಾಣಿಸಿಕೊಂಡಿತು. ಆ ಭಾಗದ ಜನ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದರು. ಅರಣ್ಯ ಸಿಬ್ಬಂದಿ ರಜಾಕ್ ಶಾ ಅವರ ಜೊತೆ ಸ್ಥಳಕ್ಕೆ ಆಗಮಿಸಿ ಕಾರ್ಯಾಚರಣೆ ಶುರು ಮಾಡಿದರು. ಅಲ್ಲಿನ ಗಟಾರದಲ್ಲಿ 15 ಅಡಿಯ ಹೆಬ್ಬಾವು ಅಡಗಿದ್ದು, ರಜಾಕ್ ಶಾ ಅವರು ಅದನ್ನು ಹೊರತರುವ ಪ್ರಯತ್ನ ಮಾಡಿದರು. ಆ ವೇಳೆ ಒಮ್ಮೆಲೆ ಹೆಬ್ಬಾವು ಆಕ್ರಮಣ ನಡೆಸಿತು. ವಿಟಿಯು ಕಾಲೇಜು ವಿದ್ಯಾರ್ಥಿಗಳು ಹೆಬ್ಬಾವಿನ ಆಕ್ರಮಣ ನೋಡಿ ಆಘಾತಕ್ಕೆ ಒಳಗಾದರು. ಆದರೆ, ಏನೂ ಆಗಿಲ್ಲ ಎಂದು ರಜಾಕ್ ಶಾ ಅವರು ಸಮಾಧಾನ ಮಾಡಿದರು. ಹಾವಿನ ಬಾಯಿಗೆ ರಜಾಕ್ ಅವರ ಬಟ್ಟೆ ಸಿಕ್ಕಿದ್ದು, ಆ ಬಟ್ಟೆಯನ್ನು ಹಾವು ಘಾಸಿಗೊಳಿಸಿತು. ಕೆಲ ಸಮಯದ ನಂತರ ಹಾವು ಚೀಲದೊಳಗೆ ಸಿಕ್ಕಿ ಬಿದ್ದಿತು. ರಜಾಕ್ ಶಾ ಅವರು ಆ ಹಾವನ್ನು ಕಾಡಿಗೆ ಬಿಟ್ಟರು.
- [ಅಗ್ನಿ ಅವಘಡ: ಕಿರಾಣಿ ಅಂಗಡಿ ಆಹುತಿ](https://mobiletime.in/2026/05/fire-accident-grocery-store-gutted/): ಕಾರವಾರದ ಶಿರವಾಡ ಜಾಂಬಾ ಕ್ರಾಸಿನ ಬಳಿ ಅಗ್ನಿ ಅನಾಹುತ ನಡೆದಿದೆ. ಅಲ್ಲಿದ್ದ ಕಿರಾಣಿ ಅಂಗಡಿಗೆ ಆಕಸ್ಮಿಕ ಬೆಂಕಿ ತಗುಲಿದೆ. ಸೀಮಾ ರಾಮದಾಸ್ ಶೇಟ್ ಅವರು ನಡೆಸುತ್ತಿದ್ದ `ಸಾಗರ್ ಜನರಲ್ ಸ್ಟೋರ್’ಗೆ ಬೆಂಕಿ ಬಿದ್ದಿದೆ. ಭಾನುವಾರ ನಸುಕಿನ 1ಗಂಟೆ ವೇಳೆಗೆ ಈ ಅವಘಡ ನಡೆದಿದೆ. ವಿದ್ಯುತ್ ಮೀಟರಿನಲ್ಲಿ ಆದ ಅನಾಹುತದಿಂದ ಬೆಂಕಿ ಕಾಣಿಸಿಕೊಂಡಿದ್ದು, ಸಣ್ಣ ಕಿಡಿ ಇಡೀ ಅಂಗಡಿಗೆ ಆವರಿಸಿದೆ.ಕಿರಾಣಿ ಅಂಗಡಿಯಲ್ಲಿದ್ದ ಸಾಮಗ್ರಿಗಳೆಲ್ಲವೂ ಬೆಂಕಿಗೆ ಆಹುತಿಯಾಗಿದೆ. ಈ ಬಗ್ಗೆ ಮಾಹಿತಿ ಸಿಕ್ಕ ತಕ್ಷಣ ಅಗ್ನಿಶಾಮಕ ಸಿಬ್ಬಂದಿ ಅಲ್ಲಿ ದೌಡಾಯಿಸಿದ್ದಾರೆ. ನೀರು ಹಾಯಿಸಿ ಬೆಂಕಿ ಆರಿಸಿದ್ದಾರೆ. ಅಗ್ನಿಶಾಮಕ ಠಾಣಾಧಿಕಾರಿ ಮಹಾಬಲೇಶ್ವರ್ ಗೌಡ ಹಾಗೂ ಸಿಬ್ಬಂದಿ ಸಪ್ನಿಲ್ ಪೆಡ್ನೇಕರ್, ರವಿರಾಜ್ ಭೂತೆ, ಟೋನಿ ಬಾರಬೋಜ, ದೀಪಕ್ ಅಂಕೋಲೇಕರ್ ಮತ್ತು ಚಂದನ್ ದಳವಾಯಿ ದೊಡ್ಡ ಪ್ರಮಾಣದ ಅಪಾಯ ತಪ್ಪಿಸಿದ್ದಾರೆ.
- [ಕರಡಿ ಕಾಟ: ಪಶು ಪಾಲಕನಿಗೆ ಸಂಕಷ್ಟ!](https://mobiletime.in/2026/05/bear-attack-trouble-for-livestock-farmer/): ಜೊಯಿಡಾದ ಕೋಳಗದ್ದದಲ್ಲಿ ಕಾಡು ಪ್ರಾಣಿಗಳ ಕಾಟ ಹೆಚ್ಚಾಗಿದ್ದು, ಭಾನುವಾರ ಎಮ್ಮೆ ಮೇಯಿಸಲು ಹೋಗಿದ್ದ ವಿಠೋ ಪಾಟೀಲ್ ಅವರ ಮೇಲೆ ಕರಡಿ ದಾಳಿ ನಡೆದಿದೆ. ಸಾಕಷ್ಟು ಸಮಯಗಳ ಕಾಲ ವಿಠೋ ಪಾಟೀಲ್ ಅವರು ಕರಡಿ ಜೊತೆ ಸೆಣೆಸಾಟ ನಡೆಸಿ ಜೀವ ಉಳಿಸಿಕೊಂಡಿದ್ದಾರೆ. ನಾಗೋಡಾ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಕೋಳಗದ್ದ ಗ್ರಾಮದಲ್ಲಿ ಈಚೆಗೆ ಹೆಚ್ಚಿನ ಪ್ರಮಾಣದಲ್ಲಿ ಕಾಡು ಪ್ರಾಣಿಗಳು ಕಾಣಿಸುತ್ತಿವೆ. ವಿಠೋ ಪಾಟೀಲ್ ಅವರು ಜಾನುವಾರು ಸಾಕಾಣಿಕೆ ಮಾಡಿ ಬದುಕು ಕಟ್ಟಿಕೊಂಡಿದ್ದು, ಭಾನುವಾರ ಎಮ್ಮೆ ಮೇಯಿಸಲು ಹೋದಾಗ ವನ್ಯಜೀವಿ ಆಕ್ರಮಣಕ್ಕೆ ಒಳಗಾಗಿದ್ದಾರೆ. ಪೊದೆ ಅಂಚಿನಲ್ಲಿ ಅಡಗಿದ್ದ ಕರಡಿ ಏಕಾಏಕಿ ದಾಳಿ ನಡೆಸಿದೆ. ವಿಠೋ ಪಾಟೀಲ್ ಅವರ ಕಾಲುಗಳನ್ನು ಕಚ್ಚಿ ಗಾಯಗೊಳಿಸಿದೆ. ಈ ವೇಳೆ ವಿಠೋ ಪಾಟೀಲ್ ಅವರು ಕರಡಿ ಜೊತೆ ಹೋರಾಟ ನಡೆಸಿದ್ದಾರೆ. ತಮ್ಮ ಜೀವ ಉಳಿಸಿಕೊಳ್ಳುವುದಕ್ಕಾಗಿ ಜೋರಾಗಿ ಬೊಬ್ಬೆ ಹೊಡೆದಿದ್ದಾರೆ. ಈ ವೇಳೆ ಇನ್ನಿತರರು ಅಲ್ಲಿಗೆ ಆಗಮಿಸಿದ್ದು, ಜನರನ್ನು ನೋಡಿದ ಕರಡಿ ಅಲ್ಲಿಂದ ಪರಾರಿಯಾಗಿದೆ. ಸದ್ಯ ವಿಠೋ ಪಾಟೀಲ ಜೋಯಿಡಾ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಬೆಳಗ್ಗೆ ಹಾಗೂ ಸಂಜೆ ಅವಧಿಯಲ್ಲಿ ಕರಡಿ ಸಂಚಾರ ಅಧಿಕವಾಗಿದ್ದು, ಜನ ಆತಂಕಕ್ಕೆ ಒಳಗಾಗಿದ್ದಾರೆ.
- [ಕಾಗೇರಿ ಮಾತಿಗೆ ಕಿಮ್ಮತ್ತೇ ಇಲ್ಲ!](https://mobiletime.in/2026/05/there-is-no-point-in-talking-nonsense/): ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಪ್ರತಿ ಬಾರಿ ದಿಶಾ ಸಭೆ ನಡೆಸಿದಾಗಲೂ `ಸೂರ್ಯಘರ್ ಯೋಜನೆ ಬಗ್ಗೆ ವ್ಯಾಪಕ ಪ್ರಚಾರ ಮಾಡಿ’ ಎಂದು ತಾಕೀತು ಮಾಡುತ್ತಾರೆ. ಆದರೆ, ಈ ವಿಷಯವನ್ನು ಮಾತ್ರ ಯಾರೂ ಗಂಭೀರವಾಗಿ ಪರಿಗಣಿಸುತ್ತಿಲ್ಲ! 2025ರ ಸೆಪ್ಟೆಂಬರ್ 12ರಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಕಾರವಾರದಲ್ಲಿ ದಿಶಾ ಸಭೆ ನಡೆಸಿದ್ದರು. ಜಿಲ್ಲಾ ಪಂಚಾಯತ ಸಭಾಂಗಣದಲ್ಲಿ ನಡೆದ ಅಧಿಕಾರಿಗಳ ಸಭೆಯಲ್ಲಿ `ಸೂರ್ಯಘರ್ ಯೋಜನೆ’ ಕುರಿತು ಮಾತನಾಡಿದ್ದರು. `ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷಿ ಯೋಜನೆ ಬಗ್ಗೆ ವ್ಯಾಪಕ ಪ್ರಚಾರ ಕೊಡಿ’ ಎಂದು ಸೂಚನೆ ನೀಡಿದ್ದರು. `ವಿವಿಧ ಬಸ್ ನಿಲ್ದಾಣ, ರೈಲು ನಿಲ್ದಾಣ ಜೊತೆ ಸರ್ಕಾರಿ ಕಚೇರಿಗಳಲ್ಲಿಯೂ ಈ ಯೋಜನೆಯ ಬಗ್ಗೆ ಫಲಕ ಅಳವಡಿಸಿ’ ಎಂದು ಸೂಚಿಸಿದ್ದರು. 2026ರ ಫೆಬ್ರವರಿ 27ರಂದು ಸಹ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಮತ್ತೊಮ್ಮೆ ದಿಶಾ ಸಭೆ ನಡೆಸಿದ್ದು, ಆ ಸಭೆಯಲ್ಲಿಯೂ ಅವರು `ಸೂರ್ಯಘರ್ ಯೋಜನೆ’ ಕುರಿತು ಮಾತನಾಡಿದ್ದರು. ಈ ಯೋಜನೆಯ ಬಗ್ಗೆ ಸಾಕಷ್ಟು ಪ್ರಚಾರ ಕೊಡುವಂತೆ ಮತ್ತೊಮ್ಮೆ ಸೂಚಿಸಿದ್ದರು. ಆದರೆ, ವಿಶ್ವೇಶ್ವರ ಹೆಗಡೆ ಅವರು ನೀಡಿದ ಈ ಸೂಚನೆ ಸರ್ಕಾರಿ ಕಡತದಲ್ಲಿ ದಾಖಲೆಯಾಗಿದೆಯೇ ವಿನ: ಅನುಷ್ಠಾನಕ್ಕೆ ಮಾತ್ರ ಬಂದಿಲ್ಲ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸೂರ್ಯಘರ್ ಯೋಜನೆಗಾಗಿ ಐದಾರು ಸೋಲಾರ್ ಕಂಪನಿಗಳು ಕೆಲಸ ಮಾಡುತ್ತಿವೆ. ಈ ಯೋಜನೆಯನ್ನು ಜನರಿಗೆ ಸಬ್ಸಿಡಿ ದರದಲ್ಲಿ ತಲುಪಿಸುವುದು ಆ ಕಂಪನಿಯ ಹೊಣೆಯಾಗಿದೆ. ಆದರೆ, ಸಬ್ಸಿಡಿ ಕುರಿತು ಪ್ರಚಾರ ಮಾಡಿ, ಕೇಂದ್ರ ಸರ್ಕಾರ ಹಾಗೂ ಸಂಸದರಿಗೆ ಶ್ರೇಯಸ್ಸು ಕೊಡುವುದಕ್ಕಿಂತಲೂ ಬೇರೆ ಉತ್ಪನ್ನ ಮಾರಾಟ ಮಾಡುವುದೇ ಆ ಕಂಪನಿಗಳಿಗೆ ಸುಲಭದ ಕೆಲಸವಾಗಿದೆ. ಸಬ್ಸಿಡಿ ಕುರಿತು ಜನರಿಗೆ ಸರಿಯಾಗಿ ಮಾಹಿತಿ ದೊರೆತರೆ ಫಲಾನುಭವಿಗಳ ದಾಖಲೆ ಸಂಗ್ರಹಿಸಿ, ಅದನ್ನು ಸರ್ಕಾರಕ್ಕೆ ನೀಡಿ ಸಬ್ಸಿಡಿ ಮೊತ್ತ ಜಮಾ ಮಾಡಿಸುವುದು ಕಂಪನಿಗೆ ಹೆಚ್ಚುವರಿ ಕೆಲಸ. ಹೀಗಾಗಿ ಸಬ್ಸಿಡಿ ಯೋಜನೆಯ ಬಗ್ಗೆ ಮಾಧ್ಯಮ ಜಾಹೀರಾತುಗಳ ಮೂಲಕ ಅರಿವು ಮೂಡಿಸುವ ಅವಕಾಶವಿದ್ದರೂ ಕಂಪನಿಗಳು ಅದಕ್ಕೆ ಆಸಕ್ತಿವಹಿಸುತ್ತಿಲ್ಲ. ಸ್ವತಃ ಸಂಸದರೇ ಈ ಬಗ್ಗೆ ಪ್ರಚಾರ ನೀಡುವಂತೆ ಸೂಚಿಸಿದರೂ ಅವರ ಮಾತಿಗೆ ಕವಡೆ ಕಾಸಿನ ಕಿಮ್ಮತ್ತು ನೀಡುತ್ತಿಲ್ಲ.
- [ಆ ಹೊಡೆದಾಟಕ್ಕೆ ದೇವರೇ ಸಾಕ್ಷಿ!](https://mobiletime.in/2026/05/fight-before-god/): ಕಾರವಾರದ ಸಾಯಿ ಮಂದಿರದ ಎದುರು ಎರಡು ಗುಂಪುಗಳ ನಡುವೆ ಮಾರಾಮಾರಿ ನಡೆದಿದೆ. ಒಟ್ಟು 10 ಜನ ಸೇರಿ ಇಲ್ಲಿ ಹೊಡೆದಾಡಿಕೊಂಡಿದ್ದಾರೆ. ಕಾರವಾರ ನಗರದ ಸಾಯಿಕಟ್ಟಾ ಬಳಿಯಿರುವ ಸಾಯಿ ಮಂದಿರದ ಮುಂದೆ ಈ ಗಲಾಟೆ ನಡೆದಿದೆ. ಮೇ 8ರ ಬೆಳಗ್ಗೆ 11.30ರ ಅವಧಿಯಲ್ಲಿ ಶಾಂತಿ ಭಂಗ ನಡೆದ ಬಗ್ಗೆ ಆ ಭಾಗದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಪೊಲೀಸ್ ಸಿಬ್ಬಂದಿ ಗುರು ಗಾಂವಕಾರ್ ಅವರು ಅಲ್ಲಿ ಹೋಗಿ ನೋಡಿದ್ದಾರೆ. ಈ ವೇಳೆ ಎರಡು ಗುಂಪುಗಳಲ್ಲಿ 10 ಜನ ಸೇರಿ ಪರಸ್ಪರ ಹೊಡೆದಾಡಿಕೊಳ್ಳುತ್ತಿರುವುದನ್ನು ಗಮನಿಸಿದ್ದಾರೆ. ಆ ಹೊಡೆದಾಟ ತಪ್ಪಿಸುವ ಪ್ರಯತ್ನ ಮಾಡಿದರೂ ಆ ಕ್ಷಣಕ್ಕೆ ಪ್ರಯೋಜನವಾಗಿಲ್ಲ. ಕೋಡಿಭಾಗ ಸಾಯಿಕಟ್ಟಾದ ವಿದ್ಯಾಧರ ಸುರೇಶ್ ಮೇತ್ರಿ, ಕೃಷ್ಣಾನಂದ ನಾರಾಯಣ ನಾಯ್ಕ, ಜಗದೀಶ ಶಾಂತರಾಮ ನಾಯ್ಕ, ಸಂಜಯ ಪ್ರಭಾಕರ ನಾಯ್ಕ, ಓಂಕಾರ ವಾಸುದೇವ ನಾಯ್ಕ, ಸಾಯಿಕಿರಣ ರವೀಂದ್ರ ಪಂಚೇಕರ್, ರೋಹನ ದಿನಕರ ನಾಯ್ಕ, ವೈಭವ ಉಲ್ಲಾಸ್ ಕುಡ್ತರಕರ್ ಜೊತೆ ಸರ್ವೋದಯ ನಗರದ ವಿಜಯ ಬಾಬು ಮೊಗೇರ್ ಹಾಗೂ ಮಾಲಾದೇವಿ ಮೈದಾನ ಬಳಿಯ ವೇದ ವಿನಯ ಪಾವಸ್ಕರ್ ಅವರು ಈ ಹೊಡೆದಾಟದಲ್ಲಿ ಭಾಗಿಯಾಗಿದ್ದಾರೆ. ಅವರಲ್ಲಿನ ಹೊಡೆದಾಟಕ್ಕೆ ಕಾರಣ ಏನು? ಎಂಬುದು ಗೊತ್ತಾಗಿಲ್ಲ. ಆದರೆ, ಆ ಗಲಾಟೆ ನೋಡಿದ ಜನ ಆತಂಕಕ್ಕೆ ಒಳಗಾಗಿದ್ದು, ತಮಗಾದ ತೊಂದರೆಯ ಬಗ್ಗೆ ಪೊಲೀಸರಿಗೆ ವಿವರಿಸಿದ್ದಾರೆ.
- [ಕಾಲೇಜು ಕನ್ಯೆಗೆ ಕುಂಡೆ ಕಾಣಿಸಿದವನ ವಿರುದ್ಧ ಕಾನೂನು ಕ್ರಮ!](https://mobiletime.in/2026/05/legal-action-against-the-one-who-showed-a-penis-to-a-college-girl/): ಕುಮಟಾದ ಕಾಲೇಜು ಕನ್ಯೆಗೆ ಕುಂಡೆ ಕಾಣಿಸಿದ ಹಳಕಾರಿನ ಮಂಜುನಾಥ ಪಟಗಾರ ಅವರ ವಿರುದ್ಧ ಎರಡು ವರ್ಷದ ನಂತರ ಕಾನೂನು ಕ್ರಮವಾಗಿದೆ. ಅದೇ ಊರಿನ ಐಶ್ವರ್ಯ ಶ್ಯಾನಭಾಗ ಅವರು ಮಹಿಳಾ ಆಯೋಗಕ್ಕೆ ನೀಡಿದ ದೂರಿನ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. 2024ರ ಜೂನ್ 22ರಂದು ಹಳಕಾರಿನ ಮಂಜುನಾಥ ಲಕ್ಷ್ಮಣ ಪಟಗಾರ ಅವರು ಅದೇ ಊರಿನ ಐಶ್ವರ್ಯ ಗುರುನಾಥ ಶ್ಯಾನಭಾಗ್ (23) ಅವರಿಗೆ ಕುಂಡೆ ಕಾಣಿಸಿದ್ದರು. `ಇದರ ಫೋಟೋ ತೆಗೆ’ ಎಂದು ಹೇಳಿ ಅಸಭ್ಯವಾಗಿ ವರ್ತಿಸಿದ್ದರು. ಹಳಕಾರಿನ ಅಂಚೆ ಕಚೇರಿ ಎದುರು ನಡೆದ ಈ ವಿದ್ಯಮಾನದಿಂದ ಐಶ್ವರ್ಯ ಶ್ಯಾನಭಾಗ ಅವರು ಅವಮಾನ ಅನುಭವಿಸಿದ್ದರು. ಅದಾದ ನಂತರ ತಮಗಾದ ಅವಮಾನ ಹಾಗೂ ಮಂಜುನಾಥ ಪಟಗಾರ ಅವರ ಅಸಭ್ಯ ವರ್ತನೆಯ ಬಗ್ಗೆ ರಾಜ್ಯ ಮಹಿಳಾ ಆಯೋಗಕ್ಕೆ ಪತ್ರ ಬರೆದಿದ್ದರು. ಹಳಕಾರ್ ಅಂಚೆ ಕಚೇರಿಯ ಕೆಲ ಖಾತೆಗಳಿಗೆ ಹಣ ಪಾವತಿಗೆ ಹೋದಾಗ ನಡೆದ ವಿದ್ಯಮಾನಗಳ ಬಗ್ಗೆ ಐಶ್ವರ್ಯ ಶ್ಯಾನಭಾಗ ಅವರು ಸಮಗ್ರವಾಗಿ ವಿವರಿಸಿದ್ದರು. ಮಂಜುನಾಥ ಪಟಗಾರ ಅವರ ಜೊತೆ ಲಲಿತಾ ಪಟಗಾರ ಹಾಗೂ ಕಮಲಾ ಪಟಗಾರ ಅವರು ನಡೆದುಕೊಂಡ ರೀತಿಯನ್ನು ಆಕ್ಷೇಪಿಸಿ ದೂರು ನೀಡಿದ್ದರು. ಅಂಚೆ ಕಚೇರಿಗೆ ಪಾವತಿಸಬೇಕಿದ್ದ 1100ರೂ ಹಣ ಕೊಡುವಂತೆ ಪೀಡಿಸಿ, ಅದನ್ನು ಕೊಡಲು ನಿರಾಕರಿಸಿದಾಗ ಕೆಟ್ಟ ಶಬ್ದಗಳಿಂದ ನಿಂದಿಸಿದನ್ನು ಅವರು ಉಲ್ಲೇಖಿಸಿದ್ದರು. ಕೆಟ್ಟದಾಗಿ ಬೈದಿದನ್ನು ವಿಡಿಯೋ ಮಾಡುತ್ತಿರುವಾಗ ಎಲ್ಲರ ಮುಂದೆಯೇ ಮಂಜುನಾಥ ಪಟಗಾರ ಅವರು ಕುಂಡೆ ಕಾಣಿಸಿ `ಇದನ್ನು ಫೋಟೋ ತೆಗಿ’ ಎಂದು ಹೇಳಿ ಅವಮಾನ ಮಾಡಿದ ಬಗ್ಗೆ ವಿವರವಾಗಿ ಹೇಳಿಕೊಂಡಿದ್ದರು. ಐಶ್ವರ್ಯ ಶ್ಯಾನಭಾಗ ಅವರು ಅನುಭವಿಸಿದ ಅವಮಾನ ಗಮನಿಸಿದ ಮಹಿಳಾ ಆಯೋಗದವರು ಉತ್ತರ ಕನ್ನಡ ಪೊಲೀಸ್ ಅಧೀಕ್ಷಕರಿಗೆ ಪತ್ರ ಬರೆದು ಕಾನೂನು ಕ್ರಮಕ್ಕೆ ಸೂಚಿಸಿದ್ದರು. ಪೊಲೀಸ್ ಅಧೀಕ್ಷಕರ ಕಚೇರಿಯಿಂದ ಬಂದ ಸೂಚನೆ ಮೇರೆಗೆ ಕುಮಟಾ ಪೊಲೀಸರು ಮಂಜುನಾಥ ಪಟಗಾರ ಅವರ ಜೊತೆ ಲಲಿತಾ ಪಟಗಾರ ಹಾಗೂ ಕಮಲಾ ಪಟಗಾರ ಅವರ ವಿರುದ್ಧವೂ ಪ್ರಕರಣ ದಾಖಲಿಸಿದ್ದಾರೆ.
- [ದೋಣಿ ದುರಂತ: ಅಲೆಗಳ ಅಬ್ಬರಕ್ಕೆ ಸಿಲುಕಿದ ಮೀನುಗಾರ](https://mobiletime.in/2026/05/boat-accident-fisherman-caught-in-raging-waves/): ಅರಬ್ಬಿ ಸಮುದ್ರಕ್ಕೆ ಮೀನುಗಾರಿಕೆಗೆ ಹೋಗಿದ್ದ ಹೊನ್ನಾವರದ ಚಂದ್ರಕಾoತ ಖಾರ್ವಿ ಅವರು ದೋಣಿ ದುರಂತದಲ್ಲಿ ಸಾವನಪ್ಪಿದ್ದಾರೆ. ಅಲೆಗಳ ಅಬ್ಬರಕ್ಕೆ ಸಿಲುಕಿ ದೋಣಿ ಮುಗುಚಿದ್ದು, ಕುಟುಂಬದಲ್ಲಿ ಶೋಕ ಆವರಿಸಿದೆ. ಮೇ 9ರ ಶನಿವಾರ ಕೇಶವ ರಾಮ ಖಾರ್ವಿ ಅವರ `ಶ್ರೀರಾಮ’ ಎಂಬ ದೋಣಿಯಲ್ಲಿ ಚಂದ್ರಕಾoತ ಖಾರ್ವಿ ಅವರು ಮೀನುಗಾರಿಕೆಗೆ ಹೋಗಿದ್ದರು. ಅಪ್ಸರಕೊಂಡದಲ್ಲಿನ ಅಲೆಗಳ ಅಬ್ಬರಕ್ಕೆ ಆ ದೋಣಿ ಪಲ್ಟಿಯಾಗಿದೆ. ಅದೇ ಭಾಗದ ಚಂದ್ರಕಾoತ ಲಕ್ಷಣ ಖಾರ್ವಿ (38) ಅವರು ಸಮುದ್ರದಲ್ಲಿ ಮುಳುಗಿ ಸಾವನಪ್ಪಿದ್ದಾರೆ. ಕಡಲತೀರದಿಂದ 1.5ಕಿಮೀ ದೂರದಲ್ಲಿ ಈ ದುರಂತ ನಡೆದಿದೆ. ಹಠಾತ್ ಎದುರಾದ ಅಲೆಗಳನ್ನು ಎದುರಿಸಲಾಗದೇ ದೋಣಿ ಮುಗುಚಿ ಬಿದ್ದಿದ್ದು, ಈ ವೇಳೆ ಕೇಶವ ಅವರು ದೋಣಿ ಹಿಡಿದುಕೊಂಡು ಜೀವ ಉಳಿಸಿಕೊಂಡಿದ್ದಾರೆ. ಅಸ್ವಸ್ಥರಾಗಿದ್ದ ಚಂದ್ರಕಾAತ ಅವರನ್ನು ರಕ್ಷಿಸುವ ಪ್ರಯತ್ನ ಮಾಡಿದ್ದಾರೆ. ಹಗ್ಗದ ಸಹಾಯದಿಂದ ಚಂದ್ರಕಾoತ ಅವರನ್ನು ದೋಣಿಯ ಸಮೀಪ ಕರೆತಂದಿದ್ದು, ನಂತರ ಅಸ್ವಸ್ಥರಾದ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ, ಅದರಿಂದ ಪ್ರಯೋಜನವಾಗಿಲ್ಲ.
- [ಆ ನಾಯಕರು ಆಮಂತ್ರಣ ಇಲ್ಲದೇ ಬಂದಿದ್ದಲ್ಲ!](https://mobiletime.in/2026/05/those-leaders-didnt-come-without-an-invitation/): `ಅoಕೋಲಾದ ವಂದಿಗೆಯಲ್ಲಿ ನಡೆದ ಯಕ್ಷಗಾನ ಕಾರ್ಯಕ್ರಮಕ್ಕೆ ನ್ಯಾಯವಾದಿ ನಾಗರಾಜ ನಾಯಕ ಅವರಿಗೆ ಆಮಂತ್ರಣವೇ ಇರಲಿಲ್ಲ’ ಎಂದು ಕಾಂಗ್ರೆಸ್ ನಾಯಕ ಗೋಪಾಲಕೃಷ್ಣ ನಾಯಕ ಅವರು ಹೇಳಿದ್ದು, ವಂದಿಗೆ ಗ್ರಾಮದ ಜನ ಇದನ್ನು ಅಲ್ಲಗಳೆದಿದ್ದಾರೆ. `ನಾವು ಆಮಂತ್ರಿಸಿದ ಕಾರಣಕ್ಕಾಗಿಯೇ ನಾಗರಾಜ ನಾಯಕ ಅವರು ಆಗಮಿಸಿದ್ದರು’ ಎಂದು ಆ ಭಾಗದ ಜನ ಪೊಲೀಸರಿಗೆ ಸಮಜಾಯಿಶೀ ಕೊಟ್ಟಿದ್ದಾರೆ. ಕಾರವಾರದಲ್ಲಿ ಮಾತನಾಡಿದ ಗೋಪಾಲಕೃಷ್ಣ ನಾಯಕ ಅವರು `ಯಕ್ಷಗಾನ ಕಾರ್ಯಕ್ರಮಕ್ಕೆ ರಾಜಕಾರಣಿಗಳನ್ನು ಕರೆಯದಿರಲು ಜನ ನಿರ್ಧರಿಸಿದ್ದರು. ಆದರೆ, ಆಮಂತ್ರಣ ಇಲ್ಲದಿದ್ದರೂ ನಾಗರಾಜ ನಾಯಕ ಅವರು ಅಲ್ಲಿಗೆ ಹೋಗಿದ್ದ ಕಾರಣ ವಾಗ್ವಾದ ನಡೆದಿತ್ತು’ ಎಂದು ಹೇಳಿದ್ದರು. ಆದರೆ, `ಮೇ 6ರಂದು ವಂದಿಗೆಯಲ್ಲಿ ನಡೆದ ಕಾರ್ಯಕ್ರಮಕ್ಕೆ ನಾಗರಾಜ ನಾಯಕರನ್ನು ಊರಿನ ಸಂಘಟಕರಾದ ನಾವೇ ಆಹ್ವಾನಿಸಿದ್ದೇವೆಯೇ ಹೊರತು ಅವರಾಗಿಯೇ ಬಂದಿಲ್ಲ’ ಎಂದು ವಂದಿಗೆ ಗ್ರಾಮಸ್ಥರು ಹೇಳಿದ್ದಾರೆ. `ಮೇ 6 ರಂದು ದಿವಂಗತರಾದ 65 ಕಲಾವಿದರ ನೆನಪಿನಲ್ಲಿ ಯಕ್ಷಗಾನ ಕಾರ್ಯಕ್ರಮ ಆಯೋಜಿಸಿದ್ದು ಆ ಕಾರ್ಯಕ್ರಮದ ಉದ್ಘಾಟನೆಗೆ ಯಕ್ಷಗಾನದ ಕಲಾವಿದರನ್ನು ಕರೆಯಬೇಕೆಂದು ನಾವೇ ನಿರ್ಧರಿಸಿದ್ದೇವು. ಆ ಪ್ರಕಾರ ಶಿವಾನಂದ ನಾಯಕ, ನ್ಯಾಯವಾದಿ ನಾಗರಾಜ ನಾಯಕ ಮತ್ತು ಬೊಮ್ಮಯ್ಯ ಗಾಂವಕರ ಅವರನ್ನು ಆಹ್ವಾನಿಸಿದ್ದೆವು. ಅದಕ್ಕೆ ಪೂರ್ವದಲ್ಲಿಯೇ ಈ ಅತಿಥಿಗಳನ್ನು ಕರೆಯುವುದು ಎಂದು ಸಂಘಟಕರು ನಿರ್ಧಾರ ಮಾಡಿ ನಾಗರಾಜ ನಾಯಕರಿಗೆ ಆಹ್ವಾನ ನೀಡುವ ಜವಾಬ್ದಾರಿಯನ್ನು ಗ್ರಾಮದ ಗಣಪತಿ ವಿಠೋಬ ನಾಯಕರಿಗೆ ನೀಡಲಾಗಿತ್ತು’ ಎಂದವರು ಹೇಳಿದ್ದಾರೆ. ಈ ಮಧ್ಯದಲ್ಲಿ ಸಂಘಟನೆಯ ನಿರ್ಧಾರವಾದ ನಂತರ ಮಂಜುನಾಥ ಗಣಪತಿ ನಾಯಕ, ನಾರಾಯಣ ಹರೀಶ ನಾಯಕ ಮತ್ತು ಸೂರಜ ಹಮ್ಮಣ್ಣ ನಾಯಕ ಬಂದು ಮೊದಲು ನಾಗರಾಜ ನಾಯಕರನ್ನು ಕರೆಯುವುದೇ ಬೇಡ ಎಂದು ಹೇಳಿದ್ದರು. ಆಮೇಲೆ ನಾಗರಾಜ ನಾಯಕರನ್ನು ಕರೆದರೆ ಗೋಪಾಲಕೃಷ್ಣ ನಾಯಕರನ್ನು ಕರೆಯಬೇಕಾಗುತ್ತದೆ ಎಂದು ಇಲ್ಲವಾದಲ್ಲಿ ಸಮಸ್ಯೆಯಾಗಲಿದೆ’ ಎಂದಿದ್ದರು. ಸಂಘಟನೆಯವರಾದ ನಾವೆಲ್ಲ ತೆಗೆದುಕೊಂಡ ನಿರ್ಧಾರವನ್ನು ಹಿಂಪಡೆಯುವುದಿಲ್ಲ ಎಂದು ನಾಗರಾಜ ನಾಯಕರಿಗೆ ಗಣಪತಿ ನಾಯಕರ ಮುಖಾಂತರ ದೂರವಾಣಿ ಕರೆ ಮಾಡಿ ಕಾರ್ಯಕ್ರಮಕ್ಕೆ ಆಹ್ವಾನ ನೀಡಲಾಯಿತು’ ಎಂಬ ವಿಷಯವನ್ನು ಹೇಳಿದ್ದಾರೆ.
- [ಗೋಪಾಲಕೃಷ್ಣನ ಆರೋಪ: ದಿಕ್ಕು ತಪ್ಪಿಸಿದ ನಾಗರಾಜ!](https://mobiletime.in/2026/05/gopalakrishnas-accusation-nagaraja-misled/): `ಅಂಕೋಲಾದ ಕಾಂಗ್ರೆಸ್ ಮುಖಂಡ ಗೋಪಾಲಕೃಷ್ಣ ನಾಯಕ ಅವರ ಕೊಲೆ ಪ್ರಯತ್ನ ಪ್ರಕರಣದ ದಿಕ್ಕು ತಪ್ಪಿಸಲು ನ್ಯಾಯವಾದಿ ನಾಗರಾಜ ನಾಯಕ ಅವರು ಹೋರಾಟದ ಮುಖವಾಡ ಧರಿಸಿದ್ದಾರೆ’ ಎಂದು ಗೋಪಾಲಕೃಷ್ಣ ನಾಯಕ ಅವರ ಬೆಂಬಲಿಗರು ಹೇಳಿದ್ದಾರೆ. ಗೋಪಾಲಕೃಷ್ಣ ನಾಯಕ ಅವರು ಅದೇ ಮಾತನ್ನು ಪುನರುಚ್ಚರಿಸಿದ್ದಾರೆ. `ಕೊಲೆ ಯತ್ನ ಪ್ರಕರಣವನ್ನು ದಿಕ್ಕು ತಪ್ಪಿಸುವ ಉದ್ದೇಶದಿಂದ ನಾಗರಾಜ ನಾಯಕ ಅವರು ಸುಳ್ಳು ಆರೋಪ ಶುರು ಮಾಡಿದ್ದಾರೆ. ಸಾರ್ವಜನಿಕರ ಗಮನ ಬೇರೆಡೆ ಸೆಳೆಯುವ ಪ್ರಯತ್ನ ಈ ಹೋರಾಟದ ಹಿಂದಿದೆ’ ಎಂದು ಗೋಪಾಲಕೃಷ್ಣ ನಾಯಕ ಅವರು ಹೇಳಿದ್ದಾರೆ. `ವಂದಿಗೆಯಲ್ಲಿ ನಡೆದ ಯಕ್ಷಗಾನ ಕಾರ್ಯಕ್ರಮಕ್ಕೆ ನಾಗರಾಜ ನಾಯಕರಿಗೆ ಆಹ್ವಾನವಿರಲಿಲ್ಲ. ಆದರೂ, ಅವರು ಅಲ್ಲಿಗೆ ಆಗಮಿಸಿದ್ದಾಗ ಕೆಲವು ಯುವಕರು ಆಕ್ಷೇಪ ವ್ಯಕ್ತಪಡಿಸಿದ್ದರು. ಆಗ ವಾಗ್ವಾದ ನಡೆದಿದ್ದು, ಅದನ್ನೇ ಕೊಲೆ ಬೆದರಿಕೆ ಎಂದು ಬಿಂಬಿಸಿ ದೂರು ಕೊಡಲಾಗಿದೆ. ದೂರು ದಾಖಲಾದ ನಂತರವೂ ಪ್ರತಿಭಟನೆ ನಡೆಸಿರುವುದು ವಿಷಯದ ದಿಕ್ಕು ಬದಲಿಸುವ ತಂತ್ರ’ ಎಂದು ದೂರಿದರು. `ಧರಣಿ ವೇಳೆ ನಾಗರಾಜ ನಾಯಕರು ತಹಶೀಲ್ದಾರ್ ಕಚೇರಿ ಬಳಿಯ ಗೋಡೆ ಗಣಪತಿಯ ಮೇಲೆ ಆಣೆ ಮಾಡುವಂತೆ ಸವಾಲು ಹಾಕಿದ್ದರು. ಆ ಸವಾಲನ್ನು ಸ್ವೀಕರಿಸಿ ಅಂದೇ ರಾತ್ರಿ ದೇವರ ಮುಂದೆ ಹೋಗಿ ಈ ಪ್ರಕರಣದಲ್ಲಿ ನನ್ನ ಯಾವುದೇ ಕುಮ್ಮಕ್ಕಿಲ್ಲ ಎಂದು ಆಣೆ ಮಾಡಿ ಬಂದಿದ್ದೇನೆ’ ಎಂದು ಸ್ಪಷ್ಟಪಡಿಸಿದರು. `ನಾನು ಊರಿನಲ್ಲಿ ಇಲ್ಲದಿದ್ದರೂ ನನ್ನ ಪ್ರಭಾವವಿದೆ ಎಂದು ಸುಳ್ಳು ದೂರು ನೀಡಲಾಗಿದೆ. ನನ್ನ ಮೇಲೆ ಹತ್ಯೆ ಯತ್ನ ನಡೆಸಿದ ನಿಜವಾದ ಆರೋಪಿಗಳ ಬಂಧನಕ್ಕೆ ಆಗ್ರಹಿಸುವುದನ್ನು ಬಿಟ್ಟು ನಾರಾಯಣ ನಾಯಕ ಹಾಗೂ ವಂದಿಗೆ ಸೊಸೈಟಿ ಅಧ್ಯಕ್ಷ ಸೂರಜ್ ನಾಯಕ ಅವರಂತಹ ಗೌರವಾನ್ವಿತರ ಮೇಲೆ ದೂರು ನೀಡಿ ಗೊಂದಲ ಸೃಷ್ಠಿಸಲಾಗಿದೆ’ ಎಂದು ಆರೋಪಿಸಿದರು. `ಸ್ನೇಹಿತರ ಮೇಲೆ ಸುಳ್ಳು ದೂರು ದಾಖಲಾದ ಕಾರಣ ನಾನು ಅವರ ಬೆಂಬಲಕ್ಕೆ ಬಂದಿದ್ದೇನೆ’ ಎಂದರು. `ನನ್ನ ಮೇಲೆ ನಡೆದ ಕೊಲೆ ಯತ್ನದ ಆರೋಪಿಗಳನ್ನು ಪೊಲೀಸರು ಇನ್ನೂ ಬಂಧಿಸದಿರುವುದು ನೋವು ತಂದಿದೆ. ಆದರೂ ಪೊಲೀಸ್ ಇಲಾಖೆಯ ಮೇಲೆ ನನಗೆ ನಂಬಿಕೆಯಿದೆ’ ಎಂದರು. ನಗರಸಭೆ ಮಾಜಿ ಸದಸ್ಯ ರಾಜೇಶ್ ಮಾಜಾಳಿಕರ್, ವಂದಿಗೆ ಗ್ರಾ ಪಂ ಮಾಜಿ ಅಧ್ಯಕ್ಷ ನಾರಾಯಣ ನಾಯಕ, ಕಿಶೋರ್, ವಿಶಾಲ್, ಸೂರಜ್ ನಾಯಕ, ಪ್ರೀತಮ್ ನಾಯಕ ಇದ್ದರು.
- [ಆಹಾರ ತ್ಯಜಿಸಿದ ನ್ಯಾಯವಾದಿ!](https://mobiletime.in/2026/05/a-lawyer-who-gave-up-food/): `ಗೃಹ ಸಚಿವ ಜಿ ಪರಮೇಶ್ವರ ಅವರ ಆಪ್ತ ಗೋಪಾಲಕೃಷ್ಣ ನಾಯಕ ಅವರ ವಿರುದ್ಧದ ಅಳಲು ಆಲಿಸಲು ಗೃಹ ಸಚಿವರೇ ಬರಬೇಕು’ ಎಂದು ನ್ಯಾಯವಾದಿ ನಾಗರಾಜ ನಾಯಕ ಅವರು ಪಟ್ಟುಹಿಡಿದಿದ್ದಾರೆ. ನಾಗರಾಜ ನಾಯಕ ಅವರು ನಡೆಸುತ್ತಿರುವ ಈ ಹೋರಾಟ ಶನಿವಾರ ಮೂರನೇ ದಿನ ಮುಗಿಸಿದೆ. ಹೋರಾಟಕ್ಕೆ ಸರ್ಕಾರ ಸ್ಪಂದಿಸದ ಕಾರಣ ಶನಿವಾರದಿಂದ ನಾಗರಾಜ ನಾಯಕ ಅವರು ಅನ್ನ-ಆಹಾರ ತ್ಯಜಿಸಿದ್ದಾರೆ. ಅಂಕೋಲಾದ ವಂದಿಗೆಯಲ್ಲಿ ನಡೆದ ಯಕ್ಷಗಾನ ಕಾರ್ಯಕ್ರಮದಲ್ಲಿ ನಾಗರಾಜ ನಾಯಕ ಅವರು ಅತಿಥಿಯಾಗಿದ್ದು, ಅವರ ಭಾಷಣದ ವೇಳೆ ಕೆಲವರು ಕೂಗಾಟ ನಡೆಸಿದ್ದರು. ಆಗ, ನಾಗರಾಜ ನಾಯಕ ಅವರು ಪುಂಡರನ್ನು ಗದರಿಸಿದ್ದು ಈ ಪ್ರಕರಣ ಪೊಲೀಸ್ ಠಾಣೆ ಮೆಟ್ಟಿಲೇರಿತ್ತು. ಗೋಪಾಲಕೃಷ್ಣ ನಾಯಕ ಅವರ ಕುಮ್ಮಕ್ಕಿನಿಂದಲೇ ಅವರ ಆಪ್ತರು ಈ ರೀತಿ ವರ್ತಿಸಿದ ಬಗ್ಗೆ ನಾಗರಾಜ ನಾಯಕ ಅವರು ದೂರಿದ್ದರು. ಪೊಲೀಸರ ವರ್ತನೆಯನ್ನು ಖಂಡಿಸಿ ಅವರು ಆ ದಿನ ರಾತ್ರಿಯೇ ಹೋರಾಟ ಶುರು ಮಾಡಿದ್ದು, ಶನಿವಾರ ಆ ಹೋರಾಟ ಮೂರನೇ ದಿನ ಮುಗಿಸಿದೆ. ನಾಗರಾಜ ನಾಯಕ ಅವರ ಹೋರಾಟ ಅರಿತ ಗೋಪಾಲಕೃಷ್ಣ ನಾಯಕ ಅವರು ಬೆಂಗಳೂರಿನಿoದಲೇ ಪ್ರತಿಕ್ರಿಯೆ ನೀಡಿದ್ದರು. `ನನಗೂ ಆ ವಿದ್ಯಮಾನಕ್ಕೂ ಸಂಬoಧವಿಲ್ಲ. ಈ ಬಗ್ಗೆ ದೇವರ ಮೇಲೆ ಪ್ರಮಾಣ ಮಾಡುವೆ’ ಎಂದು ಗೋಪಾಲಕೃಷ್ಣ ನಾಯಕ ಅವರು ಹೇಳಿದ್ದರು. ಅದರಂತೆ, ವಂದಿಗೆಗೆ ಬಂದ ಅವರು ದೇವರ ಮೇಲೆ ಪ್ರಮಾಣ ಮಾಡಿದ್ದರು. ಅದಾಗಿಯೂ, `ನಾಗರಾಜ ನಾಯಕ ಅವರು ಗೃಹ ಸಚಿವರು ಸ್ಥಳಕ್ಕೆ ಬರಬೇಕು’ ಎಂದು ಹೋರಾಡುತ್ತಿದ್ದು, ಇದಕ್ಕೆ ಗೃಹ ಸಚಿವರಿಂದ ಯಾವುದೇ ಉತ್ತರ ಸಿಕ್ಕಿಲ್ಲ. ಹೀಗಾಗಿ ಅವರು ಶನಿವಾರ ಅನ್ನ-ಆಹಾರ ತ್ಯಜಿಸಿ ಹೋರಾಟ ಮುಂದುವರೆಸಿದ್ದಾರೆ. ಅನ್ನ ಆಹಾರ ತ್ಯಜಿಸಿದ ಈ ಹೋರಾಟ ಅಹೋರಾತ್ರಿ ನಡೆಯಲಿದೆ. ಮೂರನೇ ದಿನದ ಹೋರಾಟಕ್ಕೆ ಹಲವರು ಆಗಮಿಸಿ ಬೆಂಬಲ ವ್ಯಕ್ತಪಡಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಗೋಪಾಲಕೃಷ್ಣ ನಾಯಕ ಮತ್ತು ಸಹಚರರ ಅಕ್ರಮಗಳಿಗೆ ಕಡಿವಾಣ ಹಾಕಬೇಕು. ಅಕ್ರಮ ಚಟುವಟಿಕೆಗಳಿಂದ ಹುಟ್ಟಿಕೊಂಡಿರುವ ಗೂಂಡಾಗಿರಿ ಸಂಪೂರ್ಣವಾಗಿ ನಿಲ್ಲಬೇಕು. ಜಿಲ್ಲಾಧಿಕಾರಿಗಳು, ಅಕ್ರಮ ಚಟುವಟಿಕೆಗಳಿಗೆ ಅವಕಾಶ ಮಾಡಿಕೊಡುತ್ತಿರುವ ಅಧಿಕಾರಿಗಳ ಮೇಲೆ ಕ್ರಮ ಜರುಗಿಸಬೇಕು’ ಎಂದು ನಾಗರಾಜ ನಾಯಕ ಅವರ ಬೆಂಬಲಿಗರು ಆಗ್ರಹಿಸಿದ್ದಾರೆ. ಬೇಡಿಕೆ ಈಡೇರುವವರೆಗೂ ಪ್ರತಿಭಟನೆ ಮುಂದುವರೆಸುವುದಾಗಿ ನಾಗರಾಜ ನಾಯಕ ಅವರು ಘೋಷಿಸಿದ್ದಾರೆ.
- [ಮಕ್ಕಳ ಆಟ: ಹೆತ್ತವರಿಗೆ ಸಂಕಟ!](https://mobiletime.in/2026/05/childrens-play-parents-suffer/): ಸಿದ್ದಾಪುರದ ನೆಜ್ಜೂರಿನ ಹಪಿಜುಲ್ಲಾ ಖಾನ್ ಅವರ ಮೊಮ್ಮಕ್ಕಳು ನೀರು ಆಡುವಾಗ ಆ ನೀರು ರಿಯಾಜ್ ಶೇಖ್ ಅವರಿಗೆ ಸಿಡಿದಿದೆ. ಇದರಿಂದ ಸಿಟ್ಟಾದ ರಿಯಾಜ್ ಶೇಖ್ ಅವರು ಹಪಿಜುಲ್ಲಾ ಖಾನ್ ಅವರ ಮನೆಯೊಳಗೆ ನುಗ್ಗಿ ಗಲಾಟೆ ಮಾಡಿದ್ದು, ಆ ಬಗ್ಗೆ ಹಪಿಜುಲ್ಲಾ ಖಾನ್ ಅವರು ಪೊಲೀಸ್ ದೂರು ನೀಡಿದ್ದಾರೆ. ಪೊಲೀಸ್ ದೂರು ನೀಡಿದ ಸಿಟ್ಟಿಗೆ ರಿಯಾಜ್ ಶೇಖ್ ಅವರು ಈ ದಿನ ಹಪಿಜುಲ್ಲಾ ಖಾನ್ ಅವರ ಕಡೆ ಕತ್ತಿ ಬೀಸಿದ್ದಾರೆ. ಸಿದ್ದಾಪುರದ ನೆಜ್ಜೂರಿನಲ್ಲಿ ಹಪಿಜುಲ್ಲಾ ಖಾದರ್ ಖಾನ್ (56) ಅವರು ವಾಸವಾಗಿದ್ದಾರೆ. ಏಪ್ರಿಲ್ 13ರಂದು ರಾತ್ರಿ ಅವರ ಮೊಮ್ಮಕ್ಕಳು ಮನೆಯ ಮುಂದೆ ನೀರಿನ ಆಟ ಆಡುತ್ತಿದ್ದು, ಆಗ ಅಲ್ಲಿ ಅದೇ ಊರಿನ ರಿಯಾಜ್ ಶೇಖ್ ಭಾಷಾ ಅವರು ಆಗಮಿಸಿದ್ದರು. ಮಕ್ಕಳು ಆಡುತ್ತಿದ್ದ ನೀರು ರಿಯಾಜ್ ಶೇಖ್ ಅವರಿಗೆ ತಾಗಿದ್ದರಿಂದ ಸಿಟ್ಟಾಗಿದ್ದರು. ಬಳಿಕೆ ಹಪಿಜುಲ್ಲಾ ಖಾನ್ ಅವರ ಮನೆಗೆ ಅಕ್ರಮ ಪ್ರವೇಶ ಮಾಡಿ ಅಲ್ಲಿದ್ದವರಿಗೆ ನಿಂದಿಸಿದ್ದರು. ಈ ನಿಂದನೆ ಸಹಿಸದ ಹಪಿಜುಲ್ಲಾ ಖಾನ್ ಕುಟುಂಬದವರು ಪೊಲೀಸ್ ದೂರು ನೀಡಿದ್ದರು. ಆ ದೂರು ನೀಡಿದ ಹಿನ್ನಲೆ ರಿಯಾಜ್ ಶೇಖ್ ಅವರು ಇನ್ನಷ್ಟು ಸಿಟ್ಟಾದರು. ಮೇ 8ರ ರಾತ್ರಿ ಹಪಿಜುಲ್ಲಾ ಖಾನ್ ಅವರ ಮನೆ ಬಳಿ ಬಂದ ರಿಯಾಜ್ ಶೇಖ್ ಬಾಗಿಲು ಒದ್ದು ಗಲಾಟೆ ಮಾಡಿದ್ದರು. ಜೊತೆಗೆ ಹಪಿಜುಲ್ಲಾ ಖಾನ್ ಅವರ ಮಗನ ಅಂಗಡಿಗೆ ಬೆಂಕಿ ಹಾಕುವುದಾಗಿ ಬೆದರಿಸಿದ್ದರು. ಮೇ 9ರಂದು ಹಪಿಜುಲ್ಲಾ ಖಾನ್ ಅವರು ಮಗನ ಅಂಗಡಿಯಲ್ಲಿದ್ದಾಗ ಅಲ್ಲಿಯೂ ಕತ್ತಿ ಹಿಡಿದು ಬಂದ ರಿಯಾಜ್ ಖಾನ್ ಆ ಕತ್ತಿಯನ್ನು ಅಂಗಡಿ ಕಡೆ ಬೀಸಿದರು. ಕತ್ತಿ ಏಟಿನಿಂದ ಹಪಿಜುಲ್ಲಾ ಖಾನ್ ಅವರು ತಪ್ಪಿಸಿಕೊಂಡರಾದರೂ ಆ ಕತ್ತಿ ಅಂಗಡಿಗೆ ತಾಗಿತು. ಇದರಿಂದ ಬೆದರಿದ ಹಪಿಜುಲ್ಲಾ ಖಾನ್ ಅವರು ಮತ್ತೆ ಪೊಲೀಸ್ ಠಾಣೆ ಮೆಟ್ಟಿಲೇರಿದರು. ಆದ ಅನ್ಯಾಯದ ಬಗ್ಗೆ ವಿವರಿಸಿ, ದೂರು ನೀಡಿದರು.
- [ಬೈಕಿಗೆ ಗುದ್ದಿದ ಬುಲೇರೋ: ಮೃತ್ಯು!](https://mobiletime.in/2026/05/bulero-hit-by-bike-death/): ಮುಂಡಗೋಡಿನ ಮಳಗಿ ಬಳಿ ಬೈಕ್ ಹಾಗೂ ಬುಲೇರೋ ನಡುವೆ ಅಪಘಾತವಾಗಿದೆ. ಈ ಅಪಘಾತದಲ್ಲಿ ಹಾನಗಲ್’ನ ಮಾಲತೇಶ ನಗರದ್ ಅವರು ಸಾವನಪ್ಪಿದ್ದಾರೆ. ಹಾನಗಲ್ ತಾಲೂಕಿನ ಗುಡಗುಡಿ ಗ್ರಾಮದ ಮಾಲತೇಶ ನಗರದ (29) ಅವರು ಶನಿವಾರ ವೇಗವಾಗಿ ಬೈಕ್ ಓಡಿಸಿಕೊಂಡು ಹೊರಟಿದ್ದರು. ಅದೇ ವೇಗದಲ್ಲಿ ಬುಲೇರೋ ಸಹ ಬಂದಿದ್ದು, ಆ ಬುಲೇರೋ ಬೈಕಿಗೆ ಗುದ್ದಿತು. ಅಪಘಾತದ ರಭಸಕ್ಕೆ ಬೈಕ್ ತುಸು ದೂರ ಹಾರಿ ಬಿದ್ದಿತು. ಮಾಲತೇಶ್ ಅವರು ಸಹ ರಸ್ತೆಯ ಮೇಲೆ ಬಿದ್ದು ಗಾಯಗೊಂಡರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ಮಾಲತೇಶ ನಗರದ್ ಅವರನ್ನು ಮುಂಡಗೋಡು ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಚಿಕಿತ್ಸೆಗೆ ಅವರು ಸ್ಪಂದಿಸಲಿಲ್ಲ. ರಕ್ತದ ಮಡುವಿನಲ್ಲಿ ನರಳಾಡಿ ಮಾಲತೇಶ್ ಅವರು ಸಾವನಪ್ಪಿದರು. ಅತಿ ವೇಗವೇ ಅಪಘಾತಕ್ಕೆ ಕಾರಣವಾಗಿದ್ದು, ಪೊಲೀಸರು ತನಿಖೆ ಶುರು ಮಾಡಿದರು.
- [ವ್ಯಸನದಿಂದ ವಿದ್ಯಾರ್ಥಿ ಜೀವನ ಹಾಳು!](https://mobiletime.in/2026/05/student-life-ruined-by-addiction/): ಯಲ್ಲಾಪುರದ ಆನಗೋಡಿನ ಪ್ರಥಮ ಬಾಂದೇಕರ್ ಅವರು ಮಾದಕ ವ್ಯಸನಕ್ಕೆ ದಾಸರಾಗಿದ್ದಾರೆ. ನಶೆಯ ಗುಂಗಿನಲ್ಲಿರುವಾಗಲೇ ಅವರು ಪಿಸೈ ರಾಜಶೇಖರ ವಂದಲಿ ಅವರ ಬಳಿ ಸಿಕ್ಕಿಬಿದ್ದಿದ್ದಾರೆ. ಯಲ್ಲಾಪುರದ ಆನಗೋಡಿನ ಹುಲಿಮುಂಡಗಿಯಲ್ಲಿ ಪ್ರಥಮ್ ಗಣಪತಿ ಬಾಂದೇಕರ್ (19) ಅವರು ವಾಸವಾಗಿದ್ದಾರೆ. ಕಾಲೇಜು ವಿದ್ಯಾರ್ಥಿಯಾಗಿರುವ ಅವರು ತಮ್ಮ ಉನ್ನತ ಭವಿಷ್ಯದ ಬಗ್ಗೆ ಯೋಚಿಸದೇ ವ್ಯಸನಕ್ಕೆ ಅಂಟಿಕೊAಡಿದ್ದಾರೆ. ಮೇ 9ರಂದು ಯಲ್ಲಾಪುರದ ವಿನಾಯಕ ನಗರದ ಬಳಿ ಅವರು ಗಾಂಜಾ ಸೇವಿಸಿ ಅಲೆದಾಡುತ್ತಿದ್ದು, ಈ ಮಾಹಿತಿ ಆಧರಿಸಿ ಪೊಲೀಸರು ಅಲ್ಲಿಗೆ ಧಾವಿಸಿದ್ದಾರೆ. ಪ್ರಥಮ ಬಾಂದೇಕರ್ ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ ಅವರು ಅತಿಯಾಗಿ ಮಾದಕ ವ್ಯಸನ ಸೇವನೆ ಮಾಡಿದ್ದು ಗೊತ್ತಾಗಿದೆ. ದುಶ್ಚಟಕ್ಕೆ ದಾಸರಾದ ಪ್ರಥಮ ಬಾಂದೇಕರ್ ಅವರಿಗೆ ಬುದ್ದಿ ಹೇಳಿದ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಿಸಿ ನ್ಯಾಯಾಲಯಕ್ಕೂ ವರದಿ ಒಪ್ಪಿಸಿದ್ದಾರೆ.
- [ಅನಾರೋಗ್ಯ: ಆಸ್ಪತ್ರೆ ಎದುರು ಮುಷ್ಠಿಯುದ್ಧ!](https://mobiletime.in/2026/05/illness-fist-fight-in-front-of-the-hospital/): ಮಗನಿಗೆ ಹುಷಾರಿಲ್ಲದ ಕಾರಣ ಅಂಕೋಲಾ ಅಂಬಾರಕೊಡ್ಲದ ಕೃಷ್ಣ ನಾಯ್ಕ ಅವರು ಆರ್ಯ ಆಸ್ಪತ್ರೆಗೆ ದೌಡಾಯಿಸಿದ್ದು, ಬಡಗೇರಿಯ ಗಂಗಾಧರ ಗೌಡ ಅವರು ಆಸ್ಪತ್ರೆ ಎದುರೇ ಕೃಷ್ಣ ನಾಯ್ಕ ಅವರನ್ನು ಅಡ್ಡಗಟ್ಟಿದ್ದಾರೆ. ಹಣಕಾಸು ವಿಷಯವಾಗಿ ಪ್ರಶ್ನಿಸಿ ಅಲ್ಲಿಯೇ ಕೃಷ್ಣ ನಾಯ್ಕ ಅವರ ಮೇಲೆ ಆಕ್ರಮಣ ಮಾಡಿದ್ದಾರೆ. ಅಂಕೋಲಾದ ಶಿರಕುಳಿ ಬಳಿಯ ಅಂಬಾರಕೊಡ್ಲದಲ್ಲಿ ಕೃಷ್ಣ ಅನಂತ ನಾಯ್ಕ ಅವರು ವಾಸವಾಗಿದ್ದಾರೆ. ಅವರು ವಿವಿಧ ವ್ಯವಹಾರ ಮಾಡಿಕೊಂಡಿದ್ದು, ಕೃಷ್ಣ ನಾಯ್ಕ ಅವರ ಪತ್ನಿ ಸುಮಂಗಲಾ ನಾಯ್ಕ ಅವರು ಖಾಸಗಿ ಶಾಲೆಯಲ್ಲಿ ಶಿಕ್ಷಕಿಯಾಗಿದ್ದಾರೆ. ಹೀಗಿರುವಾಗ ಬಡಗೇರಿಯ ಗಂಗಾಧರ ಗೌಡ ಅವರು ಕೃಷ್ಣ ನಾಯ್ಕ ಅವರ ಜೊತೆ ಹಣಕಾಸಿನ ವ್ಯವಹಾರ ಮಾಡಿದ್ದಾರೆ. ಆ ವ್ಯವಹಾರದಲ್ಲಿನ ಅಸಮಧಾನದಿಂದಾಗಿ ಅವರು ಕೋರ್ಟಿನಲ್ಲಿ ಕೇಸು ಹಾಕಿದ್ದಾರೆ. ಈ ಎಲ್ಲದರ ನಡುವೆ ಮೇ 5ರ ರಾತ್ರಿ ಕೃಷ್ಣ ನಾಯ್ಕ ಅವರ ಮಗನಿಗೆ ಅನಾರೋಗ್ಯ ಕಾಡಿದೆ. ಮಗನನ್ನು ತುರ್ತಾಗಿ ಆಸ್ಪತ್ರೆಗೆ ದಾಖಲಿಸುವುದಕ್ಕಾಗಿ ಕೃಷ್ಣ ನಾಯ್ಕ ಹಾಗೂ ಸುಮಂಗಲ ನಾಯ್ಕ ದಂಪತಿ ಪ್ರಯತ್ನಿಸಿದ್ದಾರೆ. ಮಗನನ್ನು ಕಾರಿನಲ್ಲಿ ಕೂರಿಸಿಕೊಂಡು ಅವರು ಆರ್ಯ ಆಸ್ಪತ್ರೆ ಬಳಿ ಹೋಗಿದ್ದಾರೆ. ಈ ವೇಳೆ ಸ್ಕೂಟಿಯಲ್ಲಿ ಬಂದ ಗಂಗಾಧರ ಗೌಡ ಅವರು ಆ ಕಾರನ್ನು ಅಡ್ಡಗಟ್ಟಿದ್ದಾರೆ. ಗಂಗಾಧರ ಗೌಡ ಹಾಗೂ ಕೃಷ್ಣ ನಾಯ್ಕ ಅವರ ನಡುವೆ ಈ ವೇಳೆ ಗಲಾಟೆ ನಡೆದಿದೆ. `ಹಣ ಕೊಡು’ ಎಂದು ಗಂಗಾಧರ ಗೌಡ ಅವರು ಹೇಳಿದ್ದಾರೆ. `ಕೇಸು ಮುಗಿದ ಮೇಲೆ ಕೊಡುವೆ’ ಎಂದು ಕೃಷ್ಣ ನಾಯ್ಕ ಅವರು ಹೇಳಿದ್ದಾರೆ. ಇದರಿಂದ ಸಿಟ್ಟಾದ ಗಂಗಾಧರ ಗೌಡ ಅವರು ಕಾರಿನಲ್ಲಿ ಕುಳಿತಿದ್ದ ಕೃಷ್ಣ ನಾಯ್ಕ ಅವರಿಗೆ ಕೈ ಮುಷ್ಟಿಯಿಂದ ಹೊಡೆದಿದ್ದಾರೆ. ಅದಾದ ನಂತರ ಅಲ್ಲಿ ಜನ ಸೇರಿದ್ದು, ಜನ ಬರುವುದನ್ನು ನೋಡಿ ಪರಾರಿಯಾಗಿದ್ದಾರೆ. ಮಗನನ್ನು ಆಸ್ಪತ್ರೆಗೆ ಸೇರಿಸಲು ಬಂದಿದ್ದ ಕೃಷ್ಣ ನಾಯ್ಕ ಅವರು ಚಿಕಿತ್ಸೆಪಡೆದು ಮನೆಗೆ ಮರಳಿದ್ದಾರೆ.
- [23ನೇ ವರ್ಷಕ್ಕೆ ಜೈಲು ಸೇರಿದ ಡ್ರಗ್ ಪೆಡ್ಲರ್!](https://mobiletime.in/2026/05/drug-peddler-sentenced-to-23-years-in-prison/): ಅಪಾಯಕಾರಿಯಾದ ಡ್ರಗ್ಸ್’ಗಳನ್ನು ಯುವಕರಿಗೆ ಕೊಡಿಸಿ ಅವರ ಕುಟುಂಬವನ್ನು ಬೀದಿ ಪಾಲು ಮಾಡಿದ ದಾಂಡೇಲಿಯ ಆಯಾನ್ ಖಾನ್ ಅವರು ಬಳ್ಳಾರಿ ಜೈಲಿಗೆ ಹೋಗಿದ್ದಾರೆ. ಮತ್ತೆ ಅವರು ಮಾಧಕ ವ್ಯಸನ ಮಾರಾಟ-ಸಾಗಾಟ ಹಾಗೂ ದಾಸ್ತಾನು ಮಾಡದ ಹಾಗೇ ತಡೆಯುವುದಕ್ಕಾಗಿ ಪೊಲೀಸರು ಈ ಕಠಿಣ ಕ್ರಮ ಜರುಗಿಸಿದ್ದಾರೆ. ದಾಂಡೇಲಿಯ ಸುಭಾಷನಗರದಲ್ಲಿ ಆಯಾನ್ ಶಾನವಾಜ್ ಇಮ್ತಿಯಾಜ್ ಖಾನ್ ಅವರು ವಾಸವಾಗಿದ್ದರು. ಸಣ್ಣ ವಯಸ್ಸಿನಲ್ಲಿಯೇ ಮಾದಕ ಮೋಹಕ್ಕೆ ಒಳಗದ ಅವರು ತಮ್ಮ 23ನೇ ವಯಸ್ಸಿನಲ್ಲಿ `ಡ್ರಗ್ ಪ್ಲೆಡ್ಲರ್’ ಆಗಿ ಕುಖ್ಯಾತರಾದರು. ಮಾದಕ ವಸ್ತುಗಳ ಸಾಗಾಟ, ಮಾರಾಟ ಹಾಗೂ ದಾಸ್ತಾನು ಪ್ರಕ್ರಿಯಲ್ಲಿ ತೊಡಗಿದ್ದ ಆಯನ್ ಅವರ ಮೇಲೆ ಪೊಲೀಸರು ಸಾಕಷ್ಟು ಬಾರಿ ದಾಳಿ ಮಾಡಿದ್ದರು. ಅವರ ಬಳಿ ಸಿಕ್ಕಿದ್ದ ಮಾದಕ ವ್ಯಸನಗಳನ್ನು ವಶಕ್ಕೆಪಡೆದು ಕೇಸು ದಾಖಲಿಸಿದ್ದರು. ದಾಂಡೇಲಿಯಲ್ಲಿ ಐದು ಕೇಸು ಹಾಗೂ ಹುಬ್ಬಳ್ಳಿಯಲ್ಲಿ ಒಂದು ಕೇಸು ದಾಖಲಾದರೂ ಆಯನ್ ಖಾನ್ ವರ್ತನೆಯಲ್ಲಿ ಬದಲಾವಣೆ ಆಗಲಿಲ್ಲ. ಮತ್ತೆ ಮತ್ತೆ ಡ್ರಗ್ ಸಾಗಾಟ ಹಾಗೂ ಮಾರಾಟ ಪ್ರಕ್ರಿಯಲ್ಲಿ ಆಯನ್ ಖಾನ್ ತಮ್ಮನ್ನು ತೊಡಗಿಸಿಕೊಂಡಿದ್ದು, ಪೊಲೀಸರು ಅವರನ್ನು ಬಂಧಿಸಿದರು. ಬಂದನದಲ್ಲಿದ್ದರೂ ಆಯನ್ ಖಾನ್ ಒಂಚೂರು ಬದಲಾಗಲಿಲ್ಲ. ಡ್ರಗ್ ಮಾರಾಟದ ಮೂಲಕ ಯುವ ಜನರ ಆರೋಗ್ಯ, ಭವಿಷ್ಯ ಹಾಗೂ ಆರ್ಥಿಕತೆ ಮೇಲೆ ದುಷ್ಪರಿಣಾಮ ಬೀರುತ್ತಿದ್ದ ಆಯನ್ ಖಾನ್ ಅವರನ್ನು ಬಳ್ಳಾರಿ ಜೈಲಿಗೆ ಕಳುಹಿಸಲು ಪೊಲೀಸರು ನಿರ್ಧರಿಸಿದರು. ಡ್ರಗ್ ಮಾರಾಟ-ಸಾಗಾಟ ತಡೆಯ ಮುನ್ನಚ್ಚರಿಕಾ ಕ್ರಮವಾಗಿ ಆಯನ್ ಖಾನ್ ಅವರನ್ನು ಬಳ್ಳಾರಿ ಕಾರಾಗೃಹಕ್ಕೆ ಕಳುಹಿಸಲು ಶಿಫಾರಸ್ಸು ನಡೆದಿದ್ದು, ಇದಕ್ಕೆ ಮಂಗಳೂರು ವಲಯದ ಪೊಲೀಸ್ ಮಹಾನಿರೀಕ್ಷಕರು ಸಮ್ಮತಿ ನೀಡಿದರು. ಈ ಹಿನ್ನಲೆ ಡ್ರಗ್ ಪೆಡ್ಲರ್ ಆಯಿನ್ ಖಾನ್ ಬಳ್ಳಾರಿ ಜೈಲು ಸೇರಿದರು. ಆಯಿನ್ ಖಾನ್ ಅವರು ಡ್ರಗ್ ಮಾರಾಟ ವಿಷಯವಾಗಿ ಉತ್ತರ ಕನ್ನಡ ಜಿಲ್ಲೆಯಿಂದ ಬಳ್ಳಾರಿ ಜೈಲಿಗೆ ಹೋದ ಮೊದಲ ವ್ಯಕ್ತಿಯಾಗಿದ್ದಾರೆ. ಮಾದಕ ವಸ್ತು ಮಾರಾಟ-ಸಾಗಾಟ ಮಾಡುವವರಿಗೆ ಕಠಿಣ ಕ್ರಮ ಜರುಗಿಸುವುದಾಗಿ ಪೊಲೀಸರು ಎಚ್ಚರಿಸಿದ್ದಾರೆ.
- [ಸಮಸ್ಯೆಯ ಸುಳಿಯಲ್ಲಿ ಅರಣ್ಯ ಹಕ್ಕು!](https://mobiletime.in/2026/05/forest-rights-in-the-throes-of-a-problem/): `ಅರಣ್ಯ ಹಕ್ಕು ಕಾಯಿದೆ ಅನುಷ್ಟಾನವು ಕಾನೂನಾತ್ಮಕ ಸಮಸ್ಯೆಗಳ ಸುಳಿಯಲ್ಲಿ ಸಿಲುಕಿದೆ. ಕಾನೂನಿಗೆ ವ್ಯತಿರಿಕ್ತವಾಗಿ ಮಂಜೂರಿ ಪ್ರಕ್ರಿಯೆ ನಡೆಸಿದ ಹಿನ್ನಲೆಯಲ್ಲಿ ದೇಶದಲ್ಲಿ ಹಕ್ಕು ಪತ್ರ ವಿತರಣೆಯ ಅಂಕೆ ಸಂಖ್ಯೆಯಲ್ಲಿ ಕರ್ನಾಟಕ 16ನೇ ಸ್ಥಾನದಲ್ಲಿದೆ’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. ಶಿರಸಿಯ ಹೋರಾಟಗಾರರ ವೇದಿಕೆಯ ಕಾರ್ಯಾಲಯದಲ್ಲಿ ಅರಣ್ಯವಾಸಿಗಳ ಜೊತೆ ಚರ್ಚೆ ನಡೆಸಿದ ಅವರು ಈ ಸಮಸ್ಯೆಗಳ ಬಗ್ಗೆ ಮಾಹಿತಿ ನೀಡಿದರು. `ದೇಶದ ಇಪ್ಪತ್ತೋಂದು ರಾಜ್ಯಗಳಲ್ಲಿ 5,123,104 ಅರ್ಜಿಗಳನ್ನು ಅರಣ್ಯ ಹಕ್ಕು ಕಾಯಿದೆಯಲ್ಲಿ ಸಲ್ಲಿಸಿದ್ದು ಅವುಗಳಲ್ಲಿ 25,11,375 ಅರ್ಜಿಗಳ ಹಕ್ಕು ಪತ್ರ ವಿತರಿಸಲಾಗಿದೆ. ದೇಶದಲ್ಲಿ 18,62,056 ಅರ್ಜಿಗಳು ತಿರಸ್ಕಾರವಾಗಿದೆ’ ಎಂದವರು ವಿವರಿಸಿದರು. `ಪ್ರಥಮ ಹಂತದ ಮಂಜೂರಿ ಪ್ರಕ್ರಿಯೆಯಲ್ಲಿ 8,44,530 ಅರ್ಜಿಗಳು ಉತ್ತರ ಕನ್ನಡದಲ್ಲಿ ಸ್ವೀಕರಿಸಿದ್ದು, 2,863 ಅರ್ಜಿಗಳಿಗೆ ಮಾನ್ಯತೆ ದೊರಕಿದೆ. 73,859 ಅರಣ್ಯವಾಸಿಯ ಅರ್ಜಿಗಳು ತಿರಸ್ಕಾರವಾಗಿರುವುದು ವಿಷಾಧನೀಯ’ ಎಂದರು. `ಮAಜೂರಿ ಪ್ರಕ್ರಿಯೆಯಲ್ಲಿ ಮೂರು ತಲೆಮಾರಿನ ದಾಖಲೆ ಒತ್ತಾಯಿಸುವಿಕೆ ಮತ್ತು ಕಾನೂನಿಗೆ ವ್ಯಕ್ತಿರಿಕ್ತವಾಗಿ ಪ್ರಕ್ರಿಯೆ ಜರುಗಿಸುವುದರಿಂದ ಶೇ 73ರಷ್ಟು ಅರ್ಜಿಗಳು ತಿರಸ್ಕರಿಸಲ್ಪಟ್ಟಿದೆ’ ಎಂದರು. ಸಂಘಟನೆ ಸಂಚಾಲಕ ಯಾಕುಬ್ ಸಾಬ, ಜೆ ಜೆ ಕುರಿಯಾ ಕೊಸ್ , ಶಿವರಾಮ ಮಾಬ್ಲೇಶ್ವರ ಗೌಡ , ವೆಂಕಟ ಹೊನ್ನಪ್ಪ ಗೌಡ, ರಾಘವೇಂದ್ರ ಬೀರಪ್ಪ ಗೌಡ, ರೇವು ಯಂಕು ಮರಾಠಿ, ವಿನಾಯಕ ದುರ್ಗು ಮುಕ್ರಿ, ಸುರೇಶ ರಾಮ ಮರಾಠಿ, ಗಣಪತಿ ಮಾಸ್ತಿ ಅಡಿಗುಂಡಿ, ಮಾಬ್ಲೇಶ್ವರ ಕೃಷ್ಣ ಗೌಡ, ಕೃಷ್ಣ ಮಾಬ್ಲೇಶ್ವರ ಗೌಡ, ನಾಗು ನಾಗು ಗೌಡ, ರಾಘು ಹನುಮಂತ ನಾಯ್ಕ, ಮಂಜುನಾಥ ಗೌಡ, ಮಂಜುನಾಥ ತುಳಸು ಗೌಡ ಇತರರಿದ್ದರು.    
- [ಭಟ್ಕಳದಲ್ಲಿ ಬಂಗಾರ ಕಳವು](https://mobiletime.in/2026/05/gold-theft-in-bhatkal/): ಭಟ್ಕಳದ ಕಿದ್ವಾಯಿ ರಸ್ತೆಯಲ್ಲಿನ ಮನೆಯೊಂದಕ್ಕೆ ಕಳ್ಳರು ನುಗ್ಗಿದ್ದಾರೆ. ಕಿಟಕಿ ಗ್ಲಾಸ್ ಒಡೆದು ಕಳ್ಳರು ಒಳಗೆ ಪ್ರವೇಶಿಸಿದ್ದಾರೆ. ಭಟ್ಕಳದ 1ನೇ ಕ್ರಾಸಿನ ಕಿದ್ವಾಯಿ ರಸ್ತೆಯ ನಾಹಿದ್ ಅಕ್ತರ್ ಬಂಟವಾಲ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಮೇ 8ರ ಮಧ್ಯಾಹ್ನ 12.50ರ ವೇಳೆಗೆ ಕಳ್ಳರು ಮನೆಯ ಹಿಂದಿನ ಬಾಗಿಲು ಬಳಿ ಬಂದಿದ್ದಾರೆ. ಪಕ್ಕದಲ್ಲಿದ್ದ ಕಿಟಕಿ ಗ್ಲಾಸ್ ಒಡೆದು ಅಲ್ಲಿಂದ ಮನೆ ಬಾಗಿಲಿನ ಚಿಲಕ ತೆಗೆದಿದ್ದಾರೆ. ಅದಾದ ನಂತರ ರಾಜಾರೋಷವಾಗಿ ಮನೆ ಒಳಗೆ ಪ್ರವೇಶಿಸಿ ಎಲ್ಲಾ ಕಡೆ ಶೋಧ ಶುರು ಮಾಡಿದ್ದಾರೆ. ನಾಹಿದ್ ಅಕ್ತರ್ ಬಂಟವಾಲ ಅವರ ಮನೆಯಲ್ಲಿದ್ದ 5.50 ಲಕ್ಷ ರೂ ಮೌಲ್ಯದ ಚಿನ್ನಾಭರಣ ಹಾಗೂ 10 ಸಾವಿರ ರೂ ಹಣವನ್ನು ಕಳ್ಳರು ಕದ್ದಿದ್ದಾರೆ. 55 ಗ್ರಾಂ ತೂಕದ ಚಿನ್ನ ಕಾಣೆಯಾದ ಬಗ್ಗೆ ಕುಟುಂಬದವರು ಪೊಲೀಸರಿಗೆ ದೂರಿದ್ದಾರೆ. ಭಟ್ಕಳ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಸಿದ್ದಾಪುರ ಪೊಲೀಸರು ಪ್ರಾಮಾಣಿಕರು](https://mobiletime.in/2026/05/siddapur-police-are-honest/): ಸಿದ್ದಾಪುರದ ಚೌಡಮ್ಮ ಮಡಿವಾಳ ಅವರು ಚಿನ್ನದ ಸರ ಕಳೆದುಕೊಂಡಿದ್ದು, ಆ ಸರ ಪೊಲೀಸರಿಗೆ ಸಿಕ್ಕಿದೆ. ಚೌಡಮ್ಮ ಅವರ ಕುಟುಂಬದವರನ್ನು ಸಂಪರ್ಕಿಸಿದ ಪೊಲೀಸರು ಅದನ್ನು ಮರಳಿಸಿದ್ದಾರೆ. ಆ ದಿನ ಮಧ್ಯಾಹ್ನ ಅವರು ಓಡಾಡಿದ ಎಲ್ಲಾ ಕಡೆ ಹುಡುಕಿದರೂ ಚಿನ್ನದ ಸರ ಸಿಕ್ಕಿರಲಿಲ್ಲ. ಹೀಗಾಗಿ ಚೌಡಮ್ಮ ಮಡಿವಾಳ ಅವರು ಪೊಲೀಸರ ಮೊರೆ ಹೋದರು. ಚಿನ್ನದ ಸರ ಕಾಣೆಯಾದ ವಿಷಯ ತಿಳಿಸಿದರು. ಈ ವಿಷಯ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರವರೆಗೆ ತಲುಪಿತು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ ಹಾಗೂ ಶಿರಸಿ ಉಪವಿಭಾಗದ ಪೊಲೀಸ್ ಉಪಾಧೀಕ್ಷಕಿ ಗೀತಾ ಪಾಟೀಲ್ ಅವರು ಅಜ್ಜಿಗೆ ಆದ ಅನ್ಯಾಯವನ್ನು ಗಮನಿಸಿದರು. ಸಿದ್ದಾಪುರ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕರಾದ ಜೆ ಬಿ ಸೀತಾರಾಮ ಅವರ ಮುಂದಾಳತ್ವದಲ್ಲಿ ಚಿನ್ನದ ಸರದ ಶೋಧ ಶುರುವಾಯಿತು. ತನಿಖಾ ವಿಭಾಗದ ಪಿಸೈ ನಾಗಪ್ಪ ಬಿ ಹಾಗೂ ಶಾಂತಿನಾಥ ಪಾಸಾನೆ ಜೊತೆ ಸಿಬ್ಬಂದಿ ಮಣಿಕಂಠ, ಸಂದೀಪ್ ನಾಯ್ಕ, ಗಿರೀಶಯ್ಯ, ಮೋಹನ ಗಾವಡಿ, ಚೇತನ ಹಲಗೇರಿ ಸೇರಿ ಆ ಚಿನ್ನದ ಸರ ಹುಡುಕಿದರು. ಜೆ ಬಿ ಸೀತಾರಾಮ ಅವರು ಆ ಚಿನ್ನದ ಸರವನ್ನು ಕುಟುಂಬ ಸದಸ್ಯರಾದ ಕುಮಾರ ಗೌಡ ಅವರಿಗೆ ಹಸ್ತಾಂತರಿಸಿದರು. ಜೊತೆಗೆ `ಬೆಳೆಬಾಳುವ ವಸ್ತುಗಳ ಬಗ್ಗೆ ಕಾಳಜಿವಹಿಸಿ’ ಎಂದು ಕಿವಿಮಾತು ಹೇಳಿದರು.
- [LSMPಗೆ 75ರ ವಸಂತ](https://mobiletime.in/2026/05/spring-of-75-for-lsmp/): ಯಲ್ಲಾಪುರದ ಎಲ್‌ಎಸ್‌ಎಂಪಿ ಸೊಸೈಟಿಯೂ ಈ ವರ್ಷ ವಜ್ರ ಮಹೋತ್ಸವ ಮಹೋತ್ಸವದ ಸಂಭ್ರಮದಲ್ಲಿದೆ. ಮೇ 12ರಂದು ಸೊಸೈಟಿಯ ನೂತನ ಕಟ್ಟಡವೂ ಉದ್ಘಾಟನೆ ಆಗಲಿದೆ. ಆ ದಿನ ಬೆಳಗ್ಗೆ 10.30ಕ್ಕೆ ವಜ್ರ ಮಹೋತ್ಸವ ಸಭಾ ಕಾರ್ಯಕ್ರಮ ನಡೆಯಲಿದೆ. ಈ ವೇಳೆ ನೂತನ ಕಟ್ಟಡವನ್ನು ಶಾಸಕ ಶಿವರಾಮ ಹೆಬ್ಬಾರ, ಸಭಾಭವನವನ್ನು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ, ಸಭಾ ಭವನವನ್ನು ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಉದ್ಘಾಟಿಸಲಿದ್ದಾರೆ. ಅದೇ ದಿನ ಮಧ್ಯಾಹ್ನ 3ಗಂಟೆಗೆ ಸಂಘದ ಮಾಜಿ ಅಧ್ಯಕ್ಷರು, ಮಾಜಿ ಉಪಾಧ್ಯಕ್ಷರು ಹಾಗೂ ಮಾಜಿ ಮುಖ್ಯಕಾರ್ಯನಿರ್ವಾಹಕರನ್ನು ಸನ್ಮಾನಿಸಲಾಗುತ್ತದೆ. ಸಂಜೆ 5.30 ಕ್ಕೆ ಸಂಘದ ಭದ್ರತಾ ಕೊಠಡಿಯನ್ನು ಸ್ವರ್ಣವಲ್ಲಿಯ ಶ್ರೀ ಗಂಗಾಧರೇ0ದ್ರ ಸರಸ್ವತೀ ಸ್ವಾಮೀಜಿ ಉದ್ಘಾಟಿಸಿ, ಸಮಾರೋಪ ಸಮಾರಂಭದ ಸಾನ್ನಿಧ್ಯವಹಿಸಲಿದ್ದಾರೆ. ರಾತ್ರಿ 8.30ಕ್ಕೆ ಪೆರ್ಡೂರು ಮೇಳ ಹಾಗೂ ಅತಿಥಿ ಕಲಾವಿದರಿಂದ ಚಂದ್ರಹಾಸ ಚರಿತ್ರೆ ಹಾಗೂ ಮಾಯಾ ಮೃಗಾವತಿ ಯಕ್ಷಗಾನ ಪ್ರದರ್ಶನ ನಡೆಯಲಿದೆ. ಈ ಎಲ್ಲಾ ವಿಷಯಗಳ ಬಗ್ಗೆ ಯಲ್ಲಾಪುರ ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘದ ಅಧ್ಯಕ್ಷ ನಾಗರಾಜ ಕವಡಿಕೆರೆ ಮಾಹಿತಿ ನೀಡಿದ್ದಾರೆ. `1950 ರಲ್ಲಿ 10 ಸದಸ್ಯರಿಂದ ಆರಂಭವಾದ ಸಂಘವು ಈಗ 3500 ಸದಸ್ಯರನ್ನು ಹೊಂದಿದೆ. ಉಪಳೇಶ್ವರ ಹಾಗೂ ನಂದೊಳ್ಳಿಯಲ್ಲಿ ಶಾಖೆಗಳನ್ನು ಹೊಂದಿದ್ದು, ಸದಸ್ಯರಿಗಾಗಿ ಹಲವು ಸೌಲಭ್ಯಗಳನ್ನು ನೀಡಲಾಗುತ್ತಿದೆ’ ಎಂದವರು ಹೇಳಿದ್ದಾರೆ. `ಆಪತ್ ಠೇವು, ಚಿಕಿತ್ಸೆಗೆ ಸಹಾಯ, ವಿದ್ಯಾರ್ಥಿ ವೇತನ, ಶಾಲೆಗಳಿಗೆ ಕುಡಿಯುವ ನೀರಿನ ಸೌಲಭ್ಯ, ಅಂತ್ಯ ಸಂಸ್ಕಾರ ನಿಧಿ, ಆರೋಗ್ಯ ತಪಾಸಣಾ ಶಿಬಿರವನ್ನು ಸೊಸೈಟಿ ಆಯೋಜಿಸಿದೆ’ ಎಂದವರು ತಿಳಿಸಿದ್ದಾರೆ. ಸೊಸೈಟಿ ಉಪಾಧ್ಯಕ್ಷ ಟಿ ಆರ್ ಹೆಗಡೆ, ನಿರ್ದೇಶಕರಾದ ಸುಬ್ಬಣ್ಣ ದಾನ್ಯಾನಕೊಪ್ಪ, ಅಪ್ಪು ಆಚಾರಿ, ಮಹಾಬಲೇಶ್ವರ ಭಟ್ಟ ಮಾಲದಮನೆ, ಗಾಬ್ರಿಯಲ್ ಫರ್ನಾಂಡೀಸ್, ಗೋಪಾಲಕೃಷ್ಣ ಭಟ್ಟ, ಗಣಪತಿ ಕವಡಿಕೆರೆ, ಮುಖ್ಯಕಾರ್ಯನಿರ್ವಾಹಕ ಎಂ ಎಸ್ ಹೆಗಡೆ ಅವರು ಇದ್ದರು.  
- [ಅದೃಷ್ಟದ ಆಟಗಾರನಿಗೆ ವಕ್ರದೆಸೆ!](https://mobiletime.in/2026/05/a-twist-for-the-lucky-player/): ಅಂಕಿ-ಸoಖ್ಯೆಗಳ ಆಧಾರದಲ್ಲಿ ಅದೃಷ್ಟದ ಆಟ ಆಡಿಸಿ ಹಣ ಮಾಡುತ್ತಿದ್ದ ಅಂಕೋಲಾದ ಶ್ಯಾಮಸುಂದರ ಬಂಟ್ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಹೊರಗೋಡಿಸಲಾಗಿದೆ. ಮುಂದಿನ ಆರು ತಿಂಗಳ ಕಾಲ ಶ್ಯಾಮಸುಂದರ್ ಬಂಟ್ ಅವರು ಜಿಲ್ಲೆಗೆ ಕಾಲಿರಿಸುವ ಹಾಗಿಲ್ಲ! ಅಂಕೋಲಾದ ಕೇಣಿಯಲ್ಲಿ ಶ್ಯಾಮಸುಂದರ ಗೋಪಿನಾಥ ಬಂಟ್ ಅವರು ವಾಸವಾಗಿದ್ದರು. ಜೀವನಕ್ಕಾಗಿ ಗೂಡಂಗಡಿಯಿರಿಸಿ ಚಿಲ್ಲರೆ ವ್ಯಾಪಾರ ಮಾಡಿಕೊಂಡಿದ್ದ ಅವರು ಕ್ರಮೇಣ ಅಲ್ಲಿ ಮಟ್ಕಾ ಸಂಖ್ಯೆಗಳ ಮಾರಾಟ ಶುರು ಮಾಡಿದ್ದರು. ಜೊತೆಗೆ ಸಣ್ಣಪುಟ್ಟ ಜಗಳ-ಹೊಡೆದಾಟ ಪ್ರಕರಣಗಳಲ್ಲಿಯೂ ಅವರು ತಮ್ಮನ್ನು ತೊಡಗಿಸಿಕೊಂಡಿದ್ದರು. ಪೊಲೀಸರು ಸಾಕಷ್ಟು ಬಾರಿ ಎಚ್ಚರಿಕೆ ನೀಡಿದರೂ ಶ್ಯಾಮಸುಂದರ್ ಬಂಟ್ ಅವರ ವರ್ತನೆಯಲ್ಲಿ ಬದಲಾವಣೆ ಆಗಿರಲಿಲ್ಲ. 2011ರಿಂದಲೂ ಪೊಲೀಸರು ಶ್ಯಾಮಸುಂದರ ಬಂಟ್ ಅವರ ಮೇಲೆ ಕಣ್ಣಿಟ್ಟದರು. ಒಟ್ಟು 10 ಪೊಲೀಸ್ ಕೇಸುಗಳನ್ನು ಸಹ ಅವರು ಎದುರಿಸುತ್ತಿದ್ದರು. ಶ್ಯಾಮಸುಂದರ ಬಂಟ್ ಅವರಿಗೆ ಸಾಕಷ್ಟು ಎಚ್ಚರಿಕೆ ಕೊಟ್ಟರೂ ಅವರಲ್ಲಿ ಸುಧಾರಣೆ ಕಾಣಲಿಲ್ಲ. ಹೀಗಾಗಿ ಅಂಕೋಲಾ ಪೊಲೀಸರು ಶ್ಯಾಮಸುಂದರ ಅವರನ್ನು ಜಿಲ್ಲೆಯಿಂದಲೇ ಗಡಿಪಾರು ಮಾಡಬೇಕು ಎಂದು ಮೇಲಧಿಕಾರಿಗಳಿಗೆ ಮನವಿ ಮಾಡಿದರು. ಅಂಕೋಲಾ ಠಾಣೆಯಿಂದ ಬಂದ ಶಿಫಾರಸ್ಸು ವರದಿ ಗಮನಿಸಿದ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸಹ ಶ್ಯಾಮಸುಂದರ ಬಂಟ್ ಅವರಿಗೆ ನೋಟಿಸ್ ಜಾರಿ ಮಾಡಿದರು. ಆ ನೋಟಿಸಿಗೆ ಸಹ ಖ್ಯಾರೇ ಅನ್ನದ ಕಾರಣ ಜಿಲ್ಲೆಯಿಂದ ಗಡಿಪಾರು ಮಾಡಿ ಆದೇಶಿಸಿದರು. ಮೇ 7ರಂದು ಶ್ಯಾಮಸುಂದರ ಬಂಟ್ ಅವರನ್ನು ಪೊಲೀಸರು ವಶಕ್ಕೆಪಡೆದರು. ತಮ್ಮದೇ ವಾಹನದಲ್ಲಿ ಅವರನ್ನು ಗುಲ್ಬರ್ಗಾಗೆ ಕರೆದೊಯ್ದರು. ಅಲ್ಲಿನ ಚೌಕ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಶ್ಯಾಮಸುಂದರ ಬಂಟ್ ಅವರನ್ನು ಅಲ್ಲಿಯೇ ಬಿಟ್ಟರು. ಪೊಲೀಸ್ ಅಧೀಕ್ಷಕರು ಹೊರಡಿಸಿದ ಆದೇಶವನ್ನು ಅವರ ಕೈಗೆ ಕೊಟ್ಟು ಮುಂದಿನ ಆರು ತಿಂಗಳ ಕಾಲ ಊರಕಡೆ ಬಾರದಂತೆ ಸೂಚಿಸಿದರು. ಗುಲ್ಬರ್ಗಾ ಪೊಲೀಸರಿಗೂ ಶ್ಯಾಮಸುಂದರ ಬಂಟ್ ಅವರ ದಾಖಲಾತಿಗಳ ಕಡತ ನೀಡಿ ಅಂಕೋಲಾ ಪೊಲೀಸರು ಊರಿಗೆ ಮರಳಿದರು.
- [ನಿಗೂಢ ವಿಮಾನ: ಸಿಕ್ಕಿತು ಕಾರಣ!](https://mobiletime.in/2026/05/mysterious-plane-found-the-reason/): ಕಳೆದ ಒಂದು ವಾರದಿಂದ ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ಅತ್ಯಂತ ಕೆಳಮಟ್ಟದಿಂದ ವಿಮಾನ ಹಾರಾಟ ನಡೆಯುತ್ತಿದೆ. ಈ ವಿಮಾನ ಹಾರಾಟ ನೋಡಿದ ಶಿರಸಿ-ಸಿದ್ದಾಪುರ ಭಾಗದ ಜನ ಆತಂಕವ್ಯಕ್ತಪಡಿಸಿದ್ದಾರೆ. ಸದ್ಯ, ಆ ವಿಮಾನ ಹಾರಾಟಕ್ಕೆ ನೈಜ ಕಾರಣ ಏನು? ಎಂಬುದು ಗೊತ್ತಾಗಿದೆ. ಜಿಲ್ಲೆಯ ಅನೇಕ ಕಡೆ 100-150 ಮೀಟರ್ ಎತ್ತರದಲ್ಲಿ ವಿಮಾನ ಹಾರಾಟ ನಡೆದಿದೆ. ಸಿದ್ದಾಪುರ ತಾಲ್ಲಕಿನ ಹೆಗ್ಗರಣಿ, ಹೇರೂರು, ಗೋಳಿಮಕ್ಕಿ, ಕಾನಸೂರ, ಶಿರಸಿಯ ಕುಳವೆ ಹಾಗೂ ಬನವಾಸಿ ಹೋಬಳಿಯ ಗ್ರಾಮಗಳಲ್ಲಿ ಅತಿ ಹೆಚ್ಚು ಬಾರಿ ವಿಮಾನ ಹಾರಾಟ ನಡೆಸಿದೆ. ಬೇಡ್ತಿ-ವರದಾ ನದಿ ಜೋಡಣೆ ಕಾರ್ಯಕ್ಕಾಗಿ ಈ ವಿಮಾನ ಹಾರಾಟ ನಡೆದಿರುವ ಬಗ್ಗೆ ಜನರು ಅಂದಾಜಿಸಿದ್ದು, ಸದ್ಯ ಆ ಯೋಜನೆಗೂ ಈ ವಿಮಾನ ಹಾರಾಟಕ್ಕೂ ಸಂಬoಧವಿಲ್ಲ ಎಂಬ ಸತ್ಯ ಹೊರಬಿದ್ದಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹಾರಾಟ ನಡೆಸುತ್ತಿರುವ ವಿಮಾನ ಆಸ್ಟ್ರೇಲಿಯಾದಲ್ಲಿ ನೋಂದಾಯಿತ ಸೆಸ್ನಾ 208ಬಿ ಗ್ರಾಂಡ್ ಕಾರವಾನ್ ಮಾದರಿಯ ವೈಜ್ಞಾನಿಕ ಭೂ ಭೌತಿಕ ಸಮೀಕ್ಷೆಗೆ ಬಳಸುವ ವಿಮಾನವಾಗಿದೆ. ಭೂಮಿಯ ಚುಂಬಕ ವ್ಯತ್ಯಾಸಗಳನ್ನು ಪತ್ತೆಹಚ್ಚುವ ಸಾಮರ್ಥ್ಯವುಳ್ಳ ಮ್ಯಾಗ್ನೆಟೋ ಮೀಟರ್ ಸ್ಟಿಂಗರ್ ಸಾಧನವನ್ನು ಈ ವಿಮಾನಕ್ಕೆ ಅಳವಡಿಸಲಾಗಿದೆ. ಭಾರತೀಯ ಭೂವೈಜ್ಞಾನಿಕ ಸರ್ವೆಕ್ಷಣಾ ಸಂಸ್ಥೆಯೂ National Aero geophysical Mapping Programme  (NAGMP) ಭಾಗವಾಗಿ NAGMP Block-7 ಸರ್ವೇ ಕೆಲಸಕ್ಕಾಗಿ ಈ ವಿಮಾನ ಹಾರಾಟ ನಡೆಸುತ್ತಿದೆ. ಮಹಾರಾಷ್ಟ್ರ, ಗೋವಾ ಹಾಗೂ ಕರ್ನಾಟಕದಲ್ಲಿ ಈ ಸರ್ವೇ ಕೆಲಸ ನಡೆಯುತ್ತಿದೆ. ವೈಜ್ಞಾನಿಕ ಉಪಕರಣಗಳನ್ನು ಅಳವಡಿಸಿಕೊಂಡ ವಿಮಾನ ಉತ್ತರ ಕನ್ನಡ ಜಿಲ್ಲೆಯಾದ್ಯಂತ ಸಂಚರಿಸಿದ್ದು, ಈ ಸರ್ವೇಯಿಂದ ಸಿಕ್ಕ ಅಂಶಗಳನ್ನು ಖನಿಜಾನ್ವೇಷಣೆಯಲ್ಲಿ ತೊಡಗಿರುವ ಸರ್ಕಾರಿ, ಖಾಸಗಿ ಸಂಸ್ಥೆಗಳಿಗೆ ನೀಡಲಾಗುತ್ತದೆ. ಜನ ಸಾಮಾನ್ಯರು ಸಹ ಇದನ್ನು ಗಮನಿಸುವುದಕ್ಕಾಗಿ National Geoscience Data Repository  (NGDR) ವೆಬ್‌ಸೈಟ್ ಮೂಲಕ ಪ್ರಕಟಿಸಲಾಗಿದೆ. `ವಿಮಾನ ಹಾರಾಟ ವಿಷಯವಾಗಿ ಆತಂಕ ಬೇಡ’ ಎಂದು ಜಿಲ್ಲಾಡಳಿತ ಹೇಳಿದೆ.
- [ಅಪಘಾತ: ಅತಿ ವೇಗ ತಂದ ಅನಾಹುತ!](https://mobiletime.in/2026/05/accident-a-disaster-brought-on-by-excessive-speed/): ಹಳಿಯಾಳದ ಮದ್ನಳ್ಳಿ ಬಳಿಯಿರುವ ಅಟಲ್ ಬಿಹಾರಿ ವಾಜಪೇಯಿ ವಸತಿ ಶಾಲೆಯ ಎದುರು ಕಾರೊಂದು ಲಾರಿಗೆ ಡಿಕ್ಕಿಯಾಗಿದೆ. ಈ ಅಪಘಾತದಲ್ಲಿ ಮಡಕೇರಿಯ ಪ್ರಶಾಂತ ಸಿ ಎಚ್ ಅವರು ಸಾವನಪ್ಪಿದ್ದಾರೆ. ಮೇ 8ರ ಬೆಳಗ್ಗೆ ಮಂಗಳೂರಿನ ಮಹಮದ್ ರಫೀಕ್ ಇಸ್ಮಾಯಲ್ ಬ್ಯಾರಿ ಅವರು ಆಳ್ನಾವರದಿಂ ಹಳಿಯಾಳದ ಕಡೆ ಕಾರು ಓಡಿಸಿಕೊಂಡು ಬರುತ್ತಿದ್ದರು. ಈ ಕಾರಿನಲ್ಲಿ ಮಡಿಕೇರಿಯ ಕೃಷ್ಣ ಎಚ್ ಟಿ, ಮೈಸೂರಿನ ಎಂ ಟಿ ಕುಮಾರ, ಕೊಡಗುವಿನ ಸಂತೋಷಕುಮಾರ ಎಚ್ ಕೆ ಹಾಗೂ ಮಡಿಕೇರಿಯ ಪ್ರಶಾಂತ ಸಿ ಎಸ್ ಅವರು ಕುಳಿತಿದ್ದರು. ಕಾರು ವೇಗವಾಗಿ ಸಾಗಿದ್ದು, ಮದ್ನಳ್ಳಿ ಬಳಿ ಚಾಲಕನ ನಿಯಂತ್ರಣ ತಪ್ಪಿತು. ಈ ವೇಳೆ ಆಳ್ನಾವರದಿಂದ ಹಳಿಯಾಳಕಡೆ ಬರುತ್ತಿದ್ದ ಲಾರಿಗೆ ಆ ಕಾರು ಗುದ್ದಿತು. ಕಾರು ಗುದ್ದಿದ ರಭಸಕ್ಕೆ ಎಲ್ಲರೂ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಕಾರಿನಲ್ಲಿದ್ದವರು ಕೈ-ಕಾಲು, ಸೊಂಟ ಮುರಿದುಕೊಂಡರು. ಅಪಘಾತದ ತೀವ್ರತೆಗೆ ಕಾರಿನ ಮುಂಭಾಗ ಸಂಪೂರ್ಣವಾಗಿ ನುಜ್ಜುಗುಜ್ಜಾಗಿದ್ದು, ವಾಹನದೊಳಗೆ ಸಿಲುಕಿದ್ದ ಸವಾರರು ತೀವ್ರ ರಕ್ತಸ್ರಾವದಿಂದ ಒದ್ದಾಡುತ್ತಿದ್ದರು. ತಕ್ಷಣವೇ ನೆರವಿಗೆ ಧಾವಿಸಿದ ಸ್ಥಳೀಯರು ಹಾಗೂ ತುರ್ತು ಸೇವಾ ಸಿಬ್ಬಂದಿಯ ಸಹಾಯದಿಂದ ಗಾಯಾಳುಗಳನ್ನು ರಕ್ಷಿಸಿ, ಹೆಚ್ಚಿನ ಚಿಕಿತ್ಸೆಯ ವ್ಯವಸ್ಥೆ ಮಾಡಿದರು. ಈ ಅಪಘಾತದಲ್ಲಿ ಪ್ರಶಾಂತ ಸಿ ಎಸ್ ಅವರ ಕಿವಿ-ಮೂಗಿನಿಂದ ರಕ್ತ ಬರುತ್ತಿದ್ದುೆಲ್ಲರ ಜೊತೆ ಅವರನ್ನು ಆಸ್ಪತ್ರೆಗೆ ಸೇರಿಸುವ ಪ್ರಯತ್ನ ನಡೆಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಚಿಕಿತ್ಸೆ ನೀಡಿದರೂ ಅದಕ್ಕೆ ಸ್ಪಂದಿಸದೇ ಪ್ರಶಾಂತ ಅವರು ಸಾವನಪ್ಪಿದರು. ಈ ಅಪಘಾತದಲ್ಲಿ ಕಾರು ಚಾಲಕ ಮಹಮದ್ ರಫೀಕ್ ಅವರಿಗೂ ಗಾಯವಾಗಿದ್ದು, ಅವರು ಚಿಕಿತ್ಸೆಗೆ ದಾಖಲಾಗಿದ್ದಾರೆ. ಲಾರಿ ಸಹ ಜಖಂ ಆಗಿದೆ. ವೇಗವಾಗಿ ಕಾರು ಓಡಿಸಿ ಅಪಘಾತಪಡಿಸಿದ ಚಾಲಕನ ವಿರುದ್ಧ ಹಳಿಯಾಳ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಕೆಲಸಕ್ಕೆ ಹೋದ ಕನ್ಯೆ ಕಣ್ಮರೆ!](https://mobiletime.in/2026/05/the-girl-who-went-to-work-disappeared/): ಶಿರಸಿಯ ಮಲ್ಲಿಕಾರ್ಜುನ ಫೈನಾನ್ಸಿಗೆ ಹೋಗಿದ್ದ ಶಾರದಾ ಲಮಾಣಿ ಅವರು ದಿಢೀರ್ ಆಗಿ ಕಾಣೆಯಾಗಿದ್ದಾರೆ. ಫೈನಾನ್ಸ್ ಮಾಲಕ ಸುರೇಶ ಮಂಡಕ್ಕಿ ಅವರನ್ನು ವಿಚಾರಿಸಿದಾಗ `ತಮಗೇನೂ ಗೊತ್ತಿಲ್ಲ’ ಎನ್ನುತ್ತಿದ್ದಾರೆ. ಶಿರಸಿ ರಾಮನಬೈಲಿನ ಮಾರಿಗುಡಿ ಹಿಂದಿನ ಪ್ರದೇಶದಲ್ಲಿ ಉಮೇಶ ಲಮಾಣಿ ಅವರು ವಾಸವಾಗಿದ್ದಾರೆ. ಅವರ ಪುತ್ರಿ ಶಾರದಾ ಲಮಾಣಿ (20) ಅವರು ಮಲ್ಲಿಕಾರ್ಜುನ ಫೈನಾನ್ಸಿನಲ್ಲಿ ಕೆಲಸಕ್ಕಿದ್ದಾರೆ. ಎಂದಿನAತೆ ಮೇ 6ರಂದು ಶಾರದಾ ಅವರು ಮಲ್ಲಿಕಾರ್ಜುನ ಫೈನಾನ್ಸಿಗೆ ಹೋಗಿದ್ದಾರೆ. ಸಂಜೆಯವರೆಗೂ ಅವರು ಅಲ್ಲಿ ಕೆಲಸ ಮಾಡಿದ್ದಾರೆ. ಅದಾದ ನಂತರ ಅಲ್ಲಿಂದಲೇ ಅವರು ನಿಗೂಢವಾಗಿ ಕಾಣೆಯಾಗಿದ್ದಾರೆ. ರಾತ್ರಿಯಾದರೂ ಮಗಳು ಮನೆಗೆ ಬಾರದ ಕಾರಣ ಉಮೇಶ ಲಮಾಣಿ ಅವರು ಆತಂಕಕ್ಕೆ ಒಳಗಾಗಿದ್ದಾರೆ. ಶಾರದಾ ಲಮಾಣಿ ಅವರಿಗಾಗಿ ಎಲ್ಲಾ ಕಡೆ ಹುಡುಕಾಟ ಮಾಡಿದ್ದಾರೆ. ಎಲ್ಲಿಯೂ ಸಿಗದ ಕಾರಣ ಮಲ್ಲಿಕಾರ್ಜುನ ಫೈನಾನ್ಸ್ ಮಾಲಕ ಸುರೇಶ ಮಂಡಕ್ಕಿ ಅವರಲ್ಲಿ ವಿಚಾರಿಸಿದ್ದಾರೆ. `ಸಂಜೆ 6 ಗಂಟೆಗೆ ಮಳಿಗೆಗೆ ಬಾಗಿಲು ಹಾಕಿದ್ದು, ಅಲ್ಲಿಯವರೆಗೂ ಶಾರದಾ ಇಲ್ಲೇ ಇದ್ದರು. ಅದಾದ ನಂತರ ಇಲ್ಲಿಂದ ಹೋಗಿದ್ದಾಳೆ’ ಎಂದು ಸುರೇಶ ಮಂಡಕ್ಕಿ ಅವರು ಹೇಳಿದ್ದಾರೆ. `ಅದಾದ ನಂತರ ಯಾವ ಕಡೆ ಹೋದಳು?’ ಎಂದು ಪ್ರಶ್ನಸಿದಾಗ `ತಮಗೇನೂ ಗೊತ್ತಿಲ್ಲ’ ಎಂದವರು ಹೇಳಿದ್ದಾರೆ. ಎಲ್ಲಾ ಕಡೆ ಹುಡುಕಿದರೂ ಮಗಳು ಸಿಗದ ಕಾರಣ ಉಮೇಶ ಲಮಾಣಿ ಅವರು ಪೊಲೀಸರ ಸಹಾಯಪಡೆದಿದ್ದಾರೆ. ಪ್ರಕರಣ ದಾಖಲಿಸಿದ ಶಿರಸಿ ನಗರ ಠಾಣೆ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.
- [ಡೋಂಗ್ರಿ: ಮಾಜಿ ಅಧ್ಯಕ್ಷರ ಮೇಲೆ ಹಲ್ಲೆ!](https://mobiletime.in/2026/05/dongri-former-president-attacked/): ಅಂಕೋಲಾ ಹಳವಳ್ಳಿಯ ಗಣೇಶ ಸಿದ್ದಿ ಅವರು ಅದೇ ಭಾಗದ ಗ್ರಾಮ ಪಂಚಾಯತ ಮಾಜಿ ಅಧ್ಯಕ್ಷ ಮಂಜುನಾಥ ಸಿದ್ದಿ ಅವರ ಮುಖಕ್ಕೆ ಕಬ್ಬಿಣದ ರಾಡಿನಿಂದ ಹೊಡೆದಿದ್ದಾರೆ. ಮಂಜುನಾಥ ಸಿದ್ದಿ ಅವರ ಪತ್ನಿ ಹೇಮಾ ಸಿದ್ದಿ ಅವರ ಜೊತೆಯೂ ಗಣೇಶ ಸಿದ್ದಿ ಅವರು ಅಸಭ್ಯವಾಗಿ ವರ್ತಿಸಿದ್ದಾರೆ. ಮಂಜುನಾಥ ಸಿದ್ದಿ ಅವರು ಡೋಂಗ್ರಿ ಗ್ರಾಮ ಪಂಚಾಯತಗೆ ಸದಸ್ಯರಾಗಿ ಆಯ್ಕೆಯಾಗಿದ್ದು, ಅಧ್ಯಕ್ಷರಾದ ನಂತರ ಸಾಕಷ್ಟು ಕೆಲಸ ಮಾಡಿದ್ದಾರೆ. ಅಧಿಕಾರ ಅವಧಿ ಮುಗಿದ ನಂತರ ಅವರು ಜಮೀನು ಸಮದಟ್ಟು ಮಾಡುವುದು ಹಾಗೂ ಅಗತ್ಯವಿದ್ದವರಿಗೆ ಮಣ್ಣು ಪೂರೈಕೆಯ ಕೆಲಸ ಮಾಡಿಕೊಂಡಿದ್ದಾರೆ. ಹಳವಳ್ಳಿ ಬಳಿಯ ಮಳಲಗಾವಿನ ಗಣೇಶ ಸಿದ್ದಿ ಅವರು ಒಂದು ಲಾರಿ ಮಣ್ಣು ಬೇಕಿರುವ ಬಗ್ಗೆ ಮಂಜುನಾಥ ಸಿದ್ದಿ ಅವರಿಗೆ ಹೇಳಿದ್ದಾರೆ. ಆ ಮಣ್ಣು ವ್ಯವಹಾರದ ಸಲುವಾಗಿ ಮಂಜುನಾಥ ಸಿದ್ದಿ ಅವರ ಮನೆಗೆ ಭೇಟಿ ನೀಡಿದ ಗಣೇಶ ಸಿದ್ದಿ ಅವರು ಅಲ್ಲಿದ್ದ ಹೇಮಾ ಸಿದ್ದಿ ಅವರ ಬಳಿ ಅಸಹ್ಯವಾಗಿ ಮಾತನಾಡಿದ್ದಾರೆ. ಮಂಜುನಾಥ ಸಿದ್ದಿ ಅವರು ಮನೆಯಲ್ಲಿ ಇಲ್ಲದ ವೇಳೆ ಮನೆಗೆ ಹೋಗುತ್ತಿದ್ದ ಗಣೇಶ ಸಿದ್ದಿ ಅವರು ಹೇಮಾ ಸಿದ್ದಿ ಅವರಿಗೆ ಮುಜುಗರ ಆಗುವ ರೀತಿ ವರ್ತಿಸಿದ್ದಾರೆ. ಈ ಬಗ್ಗೆ ಹೇಮಾ ಸಿದ್ದಿ ಅವರು ಮಂಜುನಾಥ ಸಿದ್ದಿ ಅವರಿಗೆ ವಿಷಯ ಮುಟ್ಟಿಸಿದ್ದಾರೆ. ಏಪ್ರಿಲ್ 24ರಂದು ಸಹ ಗಣೇಶ ಸಿದ್ದಿ ಅವರು ಮಂಜುನಾಥ ಸಿದ್ದಿ ಅವರ ಮನೆಗೆ ಹೋಗಿದ್ದು, ಹೇಮಾ ಸಿದ್ದಿ ಅವರ ಬಳಿ `ನಿನ್ನ ಗಂಡ ಇದ್ದಾನೆಯೇ?’ ಎಂದು ಪ್ರಶ್ನಿಸಿದ್ದಾರೆ. ಈ ವೇಳೆ ಮನೆಯಿಂದ ಹೊರಬಂದ ಮಂಜುನಾಥ ಸಿದ್ದಿ ಅವರ ಮೇಲೆ ಏಕಾಏಕಿ ಆಕ್ರಮಣ ಮಾಡಿದ್ದಾರೆ. ಹೊಡೆದಾಟ ತಪ್ಪಿಸಲು ಮುಂದಾದ ಹೇಮಾ ಸಿದ್ದಿ ಅವರ ಬಟ್ಟೆ ಎಳೆದು ಅವಮಾನ ಮಾಡಿದ್ದಾರೆ. ಅದಾದ ನಂತರ ಮಂಜುನಾಥ ಸಿದ್ದಿ ಅವರು ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದಿದ್ದಾರೆ. ಈ ವೇಳೆ ಗಣೇಶ ಸಿದ್ದಿ ಅವರ ತಾಯಿ ಭಾಗೀರಥಿ ಬಾಲಚಂದ್ರ ಸಿದ್ದಿ ಹಾಗೂ ಅತ್ತಿಗೆ ವನಿತಾ ಗಣಪತಿ ಸಿದ್ದಿ ಅವರು ಹೇಮಾ ಸಿದ್ದಿ ಅವರ ಮನೆ ಬಳಿ ಸುಳಿದಾಡಿದ್ದಾರೆ. ಗಾಯಗೊಂಡಿದ್ದ ಮಂಜುನಾಥ ಸಿದ್ದಿ ಅವರ ಆರೋಗ್ಯ ವಿಚಾರಣೆಗೆ ಆಗಮಿಸಿದ್ದ ಸುಜಾತಾ ನಾಗೇಂದ್ರ ಸಿದ್ದಿ ಅವರಿಗೂ ಅವರಿಬ್ಬರು ಬೈದು ನಿಂದಿಸಿದ್ದಾರೆ. ಪ್ರಶ್ನಿಸಿದಾಗ ಹೊಡೆದು ನೋವುಂಟು ಮಾಡಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಹೇಮಾ ಸಿದ್ದಿ ಅವರು ಅಂಕೋಲಾ ಪೊಲೀಸರಿಗೆ ದೂರಿದ್ದು, ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ದೂರು ದಾಖಲಿಸಿದ್ದಾರೆ.
- [ಕುಮಟಾದಲ್ಲಿ ಖುರ್ಚಿ ಕದನ!](https://mobiletime.in/2026/05/chair-fight-in-kumta/): ಕುಮಟಾ ಪುರಸಭಾ ಮುಖ್ಯಾಧಿಕಾರಿಯಾಗಿದ್ದ ಸ್ವಾಮಿ ಮೈಸೂರು ಅವರನ್ನು ದಿಢೀರ್ ಆಗಿ ವರ್ಗಾವಣೆ ಮಾಡಲಾಗಿದ್ದು, ಅದೇ ವೇಗದಲ್ಲಿ ಅವರ ವರ್ಗಾವಣೆಗೆ ತಡೆ ಬಿದ್ದಿದೆ. ಸ್ವಾಮಿ ಅವರು ಕುಮಟಾಗೆ ಬಂದು ಒಂದು ವರ್ಷ ಸಹ ಕಳೆದಿಲ್ಲ. ಅವರ ವಿರುದ್ಧ ಯಾವುದೇ ಗಂಭೀರ ಆರೋಪಗಳಿಲ್ಲ. ಆಡಳಿತ ಹಿತದೃಷ್ಟಿ ಕಾರಣದಿಂದಲೂ ಅವರನ್ನು ವರ್ಗಾವಣೆ ಮಾಡಬೇಕೆನ್ನುವ ಶಿಫಾರಸ್ಸಿಲ್ಲ. ಅದಾಗಿಯೂ, ದಿಢೀರ್ ಆಗಿ ಅವರನ್ನು ಕುಮಟಾದಿಂದ ವರ್ಗ ಮಾಡಲಾಗಿದೆ. ಇದನ್ನು ಪ್ರಶ್ನಿಸಿ ಸ್ವಾಮಿ ಅವರು ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ಹೀಗಾಗಿ ನ್ಯಾಯಾಲಯ ವರ್ಗಾವಣೆಗೆ ತಡೆ ಹಿಡಿದಿದೆ. ಈ ಹಿಂದೆ ಕುಮಟಾದಲ್ಲಿ ಕೆಲಸ ಮಾಡಿದ್ದ ಮತ್ತೊಬ್ಬ ಅಧಿಕಾರಿ ಮತ್ತೆ ಅದೇ ಸ್ಥಳಕ್ಕೆ ಬರಲು ಆಸಕ್ತರಾಗಿದ್ದಾರೆ. ಹೀಗಾಗಿ ಸ್ವಾಮಿ ಅವರನ್ನು ಅಲ್ಲಿಂದ ವರ್ಗ ಮಾಡಿಸಬೇಕು ಎಂದು ಅವರು ರಾಜಕೀಯ ಪ್ರಭಾವ ಬೀರಿ ಕಸರತ್ತು ನಡೆಸಿದ್ದಾರೆ ಎಂಬ ಮಾತುಗಳಿವೆ. ಈ ಮಾತಿಗೆ ಪೂರಕವಾಗಿ ಬಸವನವಾಗೇವಾಡಿಯಿಂದ ಬಂದ ಕಲಾದಗಿ ಅವರು ಕುಮಟಾ ಪುರಸಭೆಯ ಅಧಿಕಾರವಹಿಸಿಕೊಂಡಿದ್ದು, ಸದ್ಯ ಸ್ವಾಮಿ ಅವರು ನ್ಯಾಯಾಲಯದಿಂದ ತಡೆಯಾಜ್ಞೆ ತಂದಿದ್ದರಿAದ ಅಧಿಕಾರವಹಿಸಿಕೊಂಡವರ ಅಧಿಕಾರ ಮೊಟಕಾಗಿದೆ. ಕುಮಟಾ ಪುರಸಭೆಯ ಮುಖ್ಯಾಧಿಕಾರಿ ಖುರ್ಚಿಗೆ ಏಕೆ ಅಷ್ಟು ಪೈಪೋಟಿ? ಎಂಬುದು ಯಾರಿಗೂ ಗೊತ್ತಾಗಿಲ್ಲ. `ಅಲ್ಲೇನಾದರೂ ನಿಧಿ ಇದೆಯೇ?’ ಎಂದು ಜನ ಪ್ರಶ್ನಿಸುತ್ತಿದ್ದಾರೆ. ಸದ್ಯ ಖುರ್ಚಿ ಕದನ ಮುಂದುವರೆಯಲಿದ್ದು, ಸೋಮವಾರ ಆ ಖುರ್ಚಿಗೆ ಹಕ್ಕುದಾರ ಯಾರು? ಎಂಬ ಪ್ರಶ್ನೆಗೆ ಸೂಕ್ತ ಉತ್ತರ ಸಿಗುವ ನಿರೀಕ್ಷೆಯಿದೆ.
- [ವಿದೇಶದಲ್ಲಿಯೂ ಮಾವಿನ ಪರಿಮಳ: ವಿಮಾನ ಏರಿದ ಕರಿ ಇಶಾಡ!](https://mobiletime.in/2026/05/the-scent-of-mangoes-abroad-too-kari-ishada-boards-a-plane/): ತನ್ನ ವಿಶಿಷ್ಟ ರುಚಿಯಿಂದ ಪ್ರಸಿದ್ಧಿಪಡೆದಿರುವ ಅಂಕೋಲಾದ ಕರಿ ಇಶಾಡ ಮಾವಿನ ಹಣ್ಣಿಗೆ ಇದೀಗ ವಿದೇಶದಿಂದಲೂ ಬೇಡಿಕೆ ಬಂದಿದೆ. ಇಲ್ಲಿನ ಮಾದೇವ ಗೌಡ ಅವರು ಆ ಹಣ್ಣುಗಳನ್ನು ಪ್ರಪಂಚದ ಎಲ್ಲಡೆ ಪರಿಚಯಿಸುವ ತಯಾರಿ ನಡೆಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾದ ಬೆಳಂಬಾರ ಮೂಲದ ಮಾದೇವ ಗೌಡ ಅವರು ಸದ್ಯ ಕೋಗ್ರೇಯಲ್ಲಿ ವಾಸವಾಗಿದ್ದಾರೆ. ತಮ್ಮ ಮೂಲ ಮನೆಯ ಜೊತೆ ವಾಸ ಸ್ಥಳದ ಬಳಿಯೂ ಅವರು ಕೆಲ ಮಾವಿನ ಗಿಡಗಳನ್ನು ನೆಟ್ಟಿದ್ದಾರೆ. ಅದರೊಂದಿಗೆ ಸುತ್ತಲಿನ ಅನೇಕ ರೈತರ ಬಳಿಯಿರುವ ಮಾವಿನ ಮರಗಳನ್ನು ಗುತ್ತಿಗೆ ಮೂಲಕಪಡೆದು ಅದರ ಫಸಲು ಕೊಯ್ಯುತ್ತಾರೆ. ಆ ಫಸಲನ್ನೇ ಇದೀಗ ಅವರು ದೇಶ-ವಿದೇಶಗಳಿಗೂ ರಪ್ತು ಮಾಡುತ್ತಿದ್ದಾರೆ. ಅಂಕೋಲಾದಲ್ಲಿ ಎರಡು ಶತಮಾನಕ್ಕೂ ಹಳೆಯ ಮಾವಿನ ಮರಗಳಿವೆ. ಪ್ರತಿ ವರ್ಷ ಅತ್ಯಂತ ರುಚಿಕರ ಹಣ್ಣು ನೀಡುವ ಮರಗಳನ್ನು ಮಾದೇವ ಗೌಡ ಅವರು ಗುರುತಿಸಿದ್ದು, ಹೂವು ಬಿಟ್ಟ ಕೂಡಲೇ ಮರ ನೋಡಿ ಆ ಮರಗಳನ್ನು ಗುತ್ತಿಗೆ ಮಾಡಿಕೊಳ್ಳುತ್ತಾರೆ. ಮಾವು ಬೆಳೆಯುವವರೆಗೂ ನಿಷ್ಠೆಯಿಂದ ಕಾದು, ಬಲಿತ ಕಾಯಿಗಳನ್ನು ಕೊಯ್ದು ಹಣ್ಣು ಮಾಡುತ್ತಾರೆ. ಕಳೆದ ಅನೇಕ ವರ್ಷಗಳಿಂದ ಮುಂಚಿತವಾಗಿ ಬೇಡಿಕೆ ಸಲ್ಲಿಸಿದವರಿಗೆ ಆ ಮಾವುಗಳನ್ನು ಪೂರೈಸುವ ಕಾಯಕದಲ್ಲಿ ಮಾದೇವ ಗೌಡ ಅವರು ತೊಡಗಿಸಿಕೊಂಡಿದ್ದಾರೆ. ಸ್ವತಃ ಕರಿ ಇಶಾಡು ಮಾವು ಬೆಳೆಗಾರರಾಗಿರುವ ಮಾದೇವ ಗೌಡ ಅವರು ರೈತರಿಂದಲೂ ನೇರವಾಗಿಪಡೆದು ಅದನ್ನು ಅಗತ್ಯವಿದ್ದವರಿಗೆ ತಲುಪಿಸುತ್ತಾರೆ. ಸದ್ಯ ಇಟಲಿಯಲ್ಲಿ ನಡೆಯುವ ಸಮ್ಮೇಳನವೊಂದಕ್ಕೆ ಮಾವಿನ ಹಣ್ಣು ಪೂರೈಸುವಂತೆ ಮಾದೇವ ಗೌಡ ಅವರಿಗೆ ಸೂಚನೆ ಬಂದಿದೆ. ಅದರ ಅನ್ವಯ ಅವರು 25 ಕೆಜಿ ಕರಿ ಇಶಾಡು ಮಾವನ್ನು ಬೆಂಗಳೂರಿಗೆ ಕಳುಹಿಸಿದ್ದು, ಗುರುವಾರ ಆ ಹಣ್ಣು ವಿಮಾನ ಏರಿ ಇಟಲಿ ಕಡೆ ಸಾಗಿದೆ. ಕರಿ ಇಶಾಡು ಹಣ್ಣಿಗೆ ಜಿಐ ಟ್ಯಾಗ್ ದೊರಕಿಸಿಕೊಡುವಲ್ಲಿಯೂ ಮಾದೇವ ಗೌಡ ಅವರು ಸಾಕಷ್ಟು ಶ್ರಮಿಸಿದ್ದು, ಅಂಕೋಲಾ ಹಣ್ಣನ್ನು ವಿಶ್ವ ಪ್ರಸಿದ್ಧಿ ಮಾಡಿದ್ದಾರೆ. ಬೆಂಗಳೂರಿನ ರಪ್ತು ಸಂಸ್ಥೆಯೊAದು ಮಾವಿನ ಹಣ್ಣನ್ನು ವಿದೇಶಕ್ಕೆ ಕಳುಹಿಸುವ ಜವಾಬ್ದಾರಿವಹಿಸಿಕೊಂಡಿದೆ. ಜಾಗತಿಕ ಮಾರುಕಟ್ಟೆಗೆ ಕರಿ ಇಶಾಡ್ ಹಣ್ಣು ಅಧಿಕೃತವಾಗಿ ರಪ್ತಾಗುತ್ತಿರುವುದು ಇದೇ ಮೊದಲು.
- [ಗಣಿ ದಣಿಗಳಿಗೆ ಎಚ್ಚರಿಕೆ - ಬೆದರಿಕೆ!](https://mobiletime.in/2026/05/warning-to-mine-owners-threat/): ಮುಂಬೈ ಮೂಲದ ವ್ಯಕ್ತಿಯೊಬ್ಬರು ಕಾರವಾರದ ಸದಾಶಿವಗಡದ ಕಣಸಗಿರಿಯಲ್ಲಿ ಗಣಿಗಾರಿಕೆ ನಡೆಸುತ್ತಿದ್ದಾರೆ. . ಸದಾಶಿವಗಡದ ಸುಧಾಕರ್ ದುರ್ಗೇಕರ್ ಹಾಗೂ ಸತೀಶ ವರ್ಣೇಕರ್ ಸೇರಿ ಆ ಗಣಿಗಾರಿಕೆ ತಡೆಯುವ ಪ್ರಯತ್ನ ಮಾಡಿದ್ದಾರೆ. ಭಾರತ ಮೈನ್ ಟೆಕ್ ಕಂಪನಿ ಮೂಲಕ ಕಾರವಾರದ ಸದಾಶಿವಗಡದ ಕಣಸಗಿರಿಯಲ್ಲಿ ಗಣಿಗಾರಿಕೆ ನಡೆಯುತ್ತಿದೆ. ಈ ಗಣಿ ಕಂಪನಿಗೆ ಸದಾಶಿವಗಡದ ಕುಲ್ಸಂಬಿ ರೆಸಿಡೆನ್ಸಿಯಲ್ಲಿ ವಾಸವಾಗಿರುವ ಮಹಮದ್ ರಫೀಕ್ ಅವರು ಮ್ಯಾನೇಜರ್ ಆಗಿದ್ದಾರೆ. ಚಿತ್ತಾಕುಲ ಸೀಬರ್ಡ ಕಾಲೋನಿಯ ಸುಧಾಕರ್ ಪಾಂಡು ದುರ್ಗೇಕರ್ ಹಾಗೂ ಸದಾಶಿವಗಡ ಬಿಡ್ತುಲ್‌ಭಾಗದ ಮಾರುತಿ ದೇಗುಲ ಸಮೀಪದ ಸತೀಶ್ ವರ್ಣೇಕರ್ ಸೇರಿ ಆ ಗಣಿಕಾರಿಕೆ ನಿಲ್ಲಿಸುವ ಸಾಹಸ ಮಾಡಿದ್ದಾರೆ. ಇದಕ್ಕಾಗಿ ಅವರು ಮ್ಯಾನೇಜರ್ ರಫೀಕ್ ಅವರಿಗೆ ಎಚ್ಚರಿಕೆಯನ್ನು ನೀಡಿದ್ದಾರೆ. ಮಾರ್ಚ 9ರಂದು ಸುಧಾಕರ್ ದುರ್ಗೇಕರ್ ಹಾಗೂ ಸತೀಶ ವರ್ಣೇಕರ್ ಸೇರಿ ಗಣಿಗಾರಿಕೆ ಪ್ರದೇಶದ ಸರ್ವೇ ಮಾಡಿದ್ದಾರೆ. ಆ ಪ್ರದೇಶಕ್ಕೆ ಹೋಗಿ ಅಲ್ಲಿದ್ದ ಗೇಟು ಮುರಿದಿದ್ದಾರೆ. ಜೊತೆಗೆ ಗಣಿಗಾರಿಕೆ ಕಂಪನಿಯ ವರು ಅಲ್ಲಿ ಅಳವಡಿಸಿದ್ದ ಬೋರ್ಡಿಗೆ ಕತ್ತಿ ಹೊಡೆದಿದ್ದಾರೆ. ಆ ಬೋರ್ಡನ್ನು ಕಿತ್ತು ಕಾಳಿ ನದಿಗೆ ಎಸೆದಿದ್ದಾರೆ. ಅದಾದ ನಂತರ ಒಳಗೆ ಪ್ರವೇಶಿಸಿ ಅಲ್ಲಿದ್ದ ಮ್ಯಾನೇಜರ್’ಗೆ `ಇಲ್ಲಿ ಚಿಪ್ಪೆಕಲ್ಲು ಗಣಿಗಾರಿಕೆ ಮಾಡಲು ಬಿಡುವುದಿಲ್ಲ’ ಎಂದು ಹೇಳಿ ಹೆದರಿಸಿದ್ದಾರೆ. ಸುಧಾಕರ್ ದುರ್ಗೇಕರ್ ಹಾಗೂ ಸತೀಶ ವರ್ಣೇಕರ್ ಅವರ ಎಚ್ಚರಿಕೆಯ ಬಗ್ಗೆ ರಫೀಕ್ ಅವರು ಮುಂಬೈಯಲ್ಲಿರುವ ಮಾಲಕರಿಗೆ ಫೋನ್ ಮಾಡಿದ್ದಾರೆ. ಮಾಲಕರು ನೀಡಿದ ಸೂಚನೆ ಮೇರೆಗೆ ರಫೀಕ್ ಅವರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಗಣಿಗಾರಿಕೆಗೆ ಅಡ್ಡಿಪಡಿಸಿದ ಆರೋಪದ ಅಡಿ ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಸುಧಾಕರ್ ದುರ್ಗೇಕರ್ ಹಾಗೂ ಸತೀಶ ವರ್ಣೇಕರ್ ಅವರ ವಿರುದ್ಧ ದೂರು ನೀಡಿದ್ದಾರೆ.
- [ಮೂರು ತಿಂಗಳ ಶ್ರಮ.. ಮೂರು ನಿಮಿಷದಲ್ಲಿ ಹೋಮ!](https://mobiletime.in/2026/05/three-months-of-hard-work-homa-in-three-minutes/): ಮೂರು ತಿಂಗಳ ಹಿಂದೆ ಭಾರೀ ಪ್ರಮಾಣದ ಯಂತ್ರೋಪಕರಣಗಳನ್ನು ಹೊತ್ತು ಗುಜರಾತ್‌ನಿಂದ ಹೊರಟ ಲಾರಿ ಕೈಗಾ ಅಣು ವಿದ್ಯುತ್ ಘಟಕಕ್ಕೆ 3ಕಿಮೀ ದೂರ ಬಾಕಿಯಿರುವಾಗ ಲಗಾಟಿ ಹೊಡೆದಿದೆ. ಅಲ್ಲಿಂದ ಇಲ್ಲಿಯವರೆಗೆ ಹೊತ್ತು ತಂದ ಯಂತ್ರೋಪಕರಣಗಳೆಲ್ಲವೂ ಲಾರಿಯ ಜೊತೆ ನೆಲಕ್ಕೆ ಉರುಳಿವೆ. ಕಾರವಾರ ಸಮೀಪದ ಕೈಗಾದಲ್ಲಿ ಸದ್ಯ 5 ಹಾಗೂ 6ನೇ ಅಣು ವಿದ್ಯುತ್ ಘಟಕ ಸ್ಥಾಪನೆ ಕಾರ್ಯ ಜೋರಾಗಿದೆ. ಈ ಘಟಕ ಸ್ಥಾಪನೆಗಾಗಿ ಬೇರೆ ಬೇರೆ ಕಡೆಗಳಿಂದ ಯಂತ್ರೋಪಕರಣಗಳು ಬರುತ್ತಿವೆ. ಅದರಂತೆ ಗುಜರಾತಿನಿಂದ ಭಾರೀ ಪ್ರಮಾಣದ ಲಾರಿಯೊಂದು ಆಗಮಿಸಿದ್ದು, ಅದು ಕಾರವಾರದ ಹರ್ಟುಗಾ ಬಳಿ ಪಲ್ಟಿಯಾಗಿದೆ. ಕಳೆದ 20 ದಿನಗಳಿಂದ ಕಾರವಾರದಲ್ಲಿ ಆಮೆಗತಿಯಲ್ಲಿ ಸಾಗುತ್ತಿದ್ದ ಲಾರಿ ಕೊನೆ ಕ್ಷಣದಲ್ಲಿ ಕೈ ಕೊಟ್ಟಿದೆ. ಮಲ್ಲಾಪುರ ಮಾರ್ಗವಾಗಿ ಹೊರಟಿದ್ದ ಲಾರಿ ಅತ್ಯಂತ ನಿಧಾನವಾಗಿ ಸಾಗುತ್ತಿತ್ತು. ಈ ಯಂತ್ರ ಸಾಗಾಣಿಕೆಗಾಗಿ ರಸ್ತೆಯ ಅಂಚಿನ ಗಿಡ-ಮರಗಳ ಕಟಾವು ಸಹ ನಡೆದಿತ್ತು. ಏಪ್ರಿಲ್ 15ರಂದು ಕಾರವಾರ ಪ್ರವೇಶಿಸಿದ್ದ ಈ ಲಾರಿ ಪ್ರತಿ ಹೆಜ್ಜೆಯಿಡುವಾಗಲೂ ಸಾಕಷ್ಟು ಯೋಚಿಸಿ ಮುಂದೆ ತೆವಳುತ್ತಿತ್ತು. ಹೀಗಿದ್ದರೂ ಭೂಮಿಯ ಮೇಲಿನ ಸಮತೋಲನ ತಪ್ಪಿದ ಕಾರಣ ಹರ್ಟುಗಾದಲ್ಲಿ ಲಾರಿ ಉಲ್ಟಾ ಆಯಿತು. ಲಾರಿ ಬಿದ್ದ ಪರಿಣಾಮ ಆ ರಸ್ತೆಯೂ ಹಾಳಾಯಿತು. ರಸ್ತೆ ಮಾರ್ಗವಾಗಿ ಸಂಚರಿಸುವ ಪ್ರಯಾಣಿಕರು ಸಮಸ್ಯೆ ಅನುಭವಿಸಿದರು. ಸದ್ಯ ಯಂತ್ರೋಪಕರಣಗಳನ್ನು ಮೇಲೆತ್ತುವ ಕಾರ್ಯ ನಡೆಯುತ್ತಿದೆ. ಅದು ಸಹ ಅತ್ಯಂತ ನಾಜೂಕಿನ ಕೆಲಸವಾಗಿದ್ದು, ನಿಧಾನವಾಗಿ ಚಟುವಟಿಕೆಯನ್ನು ಮುಂದುವರೆಸಲಾಗಿದೆ.
- [ಆನ್‌ಲೈನ್ ಬ್ಯುಸಿನೆಸ್: ಟ್ರೆಂಡಿoಗ್ ವ್ಯವಹಾರದಲ್ಲಿ ಮೋಸ!](https://mobiletime.in/2026/05/online-business-fraud-in-the-trendyog-business/): ಕುಮಟಾ ಗಾಂಧೀನಗರದ ಗಣೇಶ ಶೇಟ್ ಅವರು ಹಣ ಡಬಲ್ ಮಾಡುವ ಆಸೆಗೆ ಬಿದ್ದು 9.24 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಆನ್‌ಲೈನ್ ಟ್ರೇಡಿಂಗ್ ಮೂಲಕ ಹಣ ಡಬಲ್ ಮಾಡಿಕೊಡುವುದಾಗಿ ನಂಬಿಸಿದ ವಂಚಕರು ಅವರಲ್ಲಿದ್ದ ಹಣವನ್ನು ಕಸಿದಿದ್ದಾರೆ. ಕುಮಟಾದ ಗಾಂಧೀನಗರ 6ನೇ ಕ್ರಾಸಿನಲ್ಲಿ ಗಣೇಶ ನಾಗೇಶ್ ಶೇಟ್ ಅವರು ವಾಸವಾಗಿದ್ದಾರೆ. ತಮ್ಮದೇ ಆದ ಸ್ವ ಉದ್ದಿಮೆಯನ್ನು ಅವರು ನಡೆಸುತ್ತಿದ್ದು, ಆ ಉದ್ದಿಮೆಯಿಂದ ಬಂದ ಹಣವನ್ನು ಬಹುಬೇಗ ಡಬಲ್ ಮಾಡಿಕೊಳ್ಳುವ ಆಮೀಷಕ್ಕೆ ಬಿದ್ದಿದ್ದಾರೆ. 2025ರ ಅಕ್ಟೋಬರ್ ತಿಂಗಳ ಎರಡನೇ ವಾರ ಅವರು ಫೇಸ್ಬುಕ್ ನೋಡುವಾಗ ಅಲ್ಲೊಂದು ಮೆಸೆಜ್ ಕಾಣಿಸಿದೆ. ಫೇಸ್‌ಬುಕ್ ಮೆಸೇಂಜರ್ ಮೂಲಕ ಆರೋಪಿತರು ಟ್ರೇಡಿಂಗ್ ಇನ್ವೆಸ್ಟ್ಮೆಂಟ್ ಕುರಿತು ಸಂದೇಶ ಕಳುಹಿಸಿ, `ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭ ಸಿಗುತ್ತದೆ’ ಎಂದು ನಂಬಿಸಿದ್ದಾರೆ. ನAತರ ಆರೋಪಿತರು ಕಳುಹಿಸಿದ್ದ ವಾಟ್ಸಪ್ ಗ್ರೂಪಿಗೆ ಗಣೇಶ್ ಶೇಟ್ ಅವರು ಸೇರಿದ್ದಾರೆ. ಒಂದು ತಿಂಗಳ ಕಾಲ ಗ್ರೂಪ್‌ನಲ್ಲಿದ್ದ ಇತರರು ಲಾಭ ಗಳಿಸುತ್ತಿರುವಂತೆ ತೋರಿಸಲಾಗಿದ್ದು, ಬಳಿಕ ಆರೋಪಿತರು ವೈಯಕ್ತಿಕವಾಗಿ ಸಂಪರ್ಕಿಸಿ ಟ್ರೇಡಿಂಗ್‌ನಲ್ಲಿ ಹಣ ಹೂಡಲು ಪ್ರೇರೇಪಿಸಿದ್ದಾರೆ. ವಾಟ್ಸಪ್ ಮೂಲಕ ಕಳುಹಿಸಿದ ಲಿಂಕ್ ಮೂಲಕ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿಸಿಕೊಂಡು, ಅದರಲ್ಲಿ ವೈಯಕ್ತಿಕ ಮಾಹಿತಿ ದಾಖಲಿಸುವಂತೆ ವಂಚಕರು ಸೂಚಿಸಿದ್ದು, ಅದನ್ನು ಗಣೇಶ್ ಶೇಟ್ ಅವರು ನಿಯತ್ತಾಗಿ ಪಾಲಿಸಿದ್ದಾರೆ. ಅದಾದ ನಂತರ ಆರೋಪಿತರ ಸೂಚನೆಯಂತೆ ವಿವಿಧ ಬ್ಯಾಂಕ್ ಖಾತೆಗಳು ಹಾಗೂ ಯುಪಿಐ ಐಡಿಗಳಿಗೆ ಹಂತ ಹಂತವಾಗಿ ಒಟ್ಟು 9,34,413ರೂ ಹಣ ವರ್ಗಾವಣೆ ಮಾಡಿದ್ದಾರೆ. ನಂತರ ಮೋಸ ಹೋಗಿರುವುದನ್ನು ಅರಿತು ಆನ್‌ಲೈನ್ ಮೂಲಕವೇ ದೂರು ನೀಡಿದ್ದಾರೆ. ಅದಾಗಿಯೂ, ಹಣ ಬಾರದ ಕಾರಣ ಕುಮಟಾ ಪೊಲೀಸ್ ಠಾಣೆಗೆ ಹೋಗಿ ಪ್ರಕರಣ ದಾಖಲಿಸಿದ್ದಾರೆ.
- [ರಮಾನಂದ ನಾಯಕರ ನಿಧನಕ್ಕೆ ಮಾಧವ ನಾಯಕರ ಸಂತಾಪ](https://mobiletime.in/2026/05/madhav-nayak-condoles-the-death-of-ramananda-nayak/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಜ್ಜನ ರಾಜಕಾರಣಿ ಎಂದು ಗುರುತಿಸಿಕೊಂಡಿದ್ದ ರಮಾನಂದ ನಾಯಕ ಅವರು ನಿಧನರಾಗಿದ್ದಾರೆ. ಕೆಲ ದಿನಗಳಿಂದ ಅನಾರೋಗ್ಯಕ್ಕೆ ಒಳಗಾಗಿದ್ದ ಅವರು ಬೆಂಗಳೂರಿನಲ್ಲಿ ಚಿಕಿತ್ಸೆಪಡೆಯುತ್ತಿದ್ದು, ಗುರುವಾರ ಚಿಕಿತ್ಸೆಗೆ ಸ್ಪಂದಿಸದೇ ಕೊನೆಯುಸಿರೆಳೆದಿದ್ದಾರೆ. ಜಿಲ್ಲಾ ಪಂಚಾಯತ ಮಾಜಿ ಅಧ್ಯಕ್ಷರಾಗಿದ್ದ ರಮಾನಂದ ನಾಯಕ ಅವರ ನಿಧನಕ್ಕೆ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಸಂತಾಪ ಸೂಚಿಸಿದ್ದಾರೆ. `ರಮಾನಂದ ನಾಯಕರು ಕೇವಲ ಅಧಿಕಾರಕ್ಕಾಗಿ ರಾಜಕಾರಣ ಮಾಡಿದವರಲ್ಲ. ಬದಲಾಗಿ ಜನರ ಕಷ್ಟಗಳಿಗೆ ಸ್ಪಂದಿಸುವ ಜನಪರ ಕಾಳಜಿಯ ನಾಯಕರಾಗಿದ್ದರು. ಉತ್ತರ ಕನ್ನಡ ಜಿಲ್ಲಾ ಪರಿಷತ್ತಿನ ಮೊದಲ ಅಧ್ಯಕ್ಷರಾಗಿ ಅವರು ಕೈಗೊಂಡ ಅಭಿವೃದ್ಧಿ ಕಾರ್ಯಗಳು ಜಿಲ್ಲೆಯ ಇತಿಹಾಸದಲ್ಲಿ ಸುವರ್ಣಾಕ್ಷರಗಳಲ್ಲಿ ಬರೆಯುವ ಹಾಗಿದ್ದವು’ ಎಂದು ಮಾಧವ ನಾಯಕ ಅರು ಸ್ಮರಿಸಿದ್ದಾರೆ. `ರಾಜಕೀಯದಲ್ಲಿ ಮೌಲ್ಯಗಳನ್ನು ಎತ್ತಿಹಿಡಿದ ಅವರು ಇಂದಿನ ತಲೆಮಾರಿನ ರಾಜಕಾರಣಿಗಳಿಗೆ ಒಂದು ಜೀವಂತ ಪಾಠಶಾಲೆಯಂತಿದ್ದರು. ಅವರೊಬ್ಬ ಅಜಾತಶತ್ರು, ಸಾಹಿತ್ಯ ಮತ್ತು ಸಾಂಸ್ಕೃತಿಕ ಲೋಕದ ಬಗ್ಗೆಯೂ ಅಪಾರ ಕಾಳಜಿ ಹೊಂದಿದ್ದ ಬಹುಮುಖ ಪ್ರತಿಭೆಯ ಸಂಪನ್ಮೂಲ ವ್ಯಕ್ತಿಯಾಗಿದ್ದರು. ಅವರ ಅಗಲುವಿಕೆಯಿಂದ ಜಿಲ್ಲೆಯ ಸಾಮಾಜಿಕ ಹೋರಾಟದ ಒಂದು ಯುಗವೇ ಅಂತ್ಯವಾದAತಾಗಿದೆ’ ಎಂದು ಭಾವುಕರಾಗಿ ನುಡಿದಿದ್ದಾರೆ. `ರಮಾನಂದ ನಾಯಕರ ನಿಧನವು ಜಿಲ್ಲೆಗೆ ಮಾತ್ರವಲ್ಲದೆ ಇಡೀ ನಾಡಿಗೆ ತುಂಬಲಾರದ ನಷ್ಟ. ಅವರ ನಿಸ್ವಾರ್ಥ ಬದುಕು ಮತ್ತು ಸಜ್ಜನಿಕೆಯ ಹಾದಿ ನಮ್ಮೆಲ್ಲರಿಗೂ ಸದಾ ದಾರಿದೀಪವಾಗಲಿ. ಭಗವಂತನು ಅವರ ಆತ್ಮಕ್ಕೆ ಚಿರಶಾಂತಿಯನ್ನು ನೀಡಲಿ’ ಎಂದು ಮಾಧವ ನಾಯಕರು ಪ್ರಾರ್ಥಿಸಿದ್ದಾರೆ.
- [ನಾನೇನು ಮಾಡಿಲ್ಲ.. ನಂದೇನೂ ತಪ್ಪಿಲ್ಲ!](https://mobiletime.in/2026/05/i-didnt-do-anything-i-didnt-do-anything-wrong/): ಗೃಹ ಸಚಿವ ಜಿ ಪರಮೇಶ್ವರ ಅವರ ಆಪ್ತ ಗೋಪಾಲಕೃಷ್ಣ ನಾಯಕ ಅವರ ವಿರುದ್ಧ ವಿವಿಧ ಆರೋಪಿಸಿ ನ್ಯಾಯವಾದಿ ನಾಗರಾಜ ನಾಯಕ ಅವರು ಪ್ರತಿಭಟನೆ ನಡೆಸಿದ್ದು, ಇದಕ್ಕೆ ಪ್ರತಿಯಾಗಿ ಗೋಪಾಲಕೃಷ್ಣ ನಾಯಕ ಅವರು ವಿಡಿಯೋ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ. `ನಾನೇನು ಮಾಡಿಲ್ಲ. ನಂದೇನು ತಪ್ಪಿಲ್ಲ’ ಎಂಬರ್ಥದಲ್ಲಿ ಗೋಪಾಲಕೃಷ್ಣ ನಾಯಕ ಅವರು ಹೇಳಿಕೊಂಡಿದ್ದಾರೆ. `ತನ್ನ ಮೇಲೆ ಮಾರಣಾಂತಿಕ ದಾಳಿ ನಡೆದ ಕಾರಣ ಅದರ ಚಿಕಿತ್ಸೆಗಾಗಿ ಬೆಂಗಳೂರಿನಲ್ಲಿದ್ದೇನೆ. ಕಳೆದ ಮೂರು ದಿನಗಳಿಂದ ನಾನು ಚಿಕಿತ್ಸೆಪಡೆಯುತ್ತಿದ್ದು, ಅಂಕೋಲಾದ ವಂದಿಗೆಯಲ್ಲಿ ನಡೆದ ಗಲಾಟೆ ಬಗ್ಗೆ ನನಗೆ ಯಾವುದೇ ಮುನ್ಸೂಚನೆಯಿರಲಿಲ್ಲ. ಗಲಾಟೆ ನಡೆದ ನಂತರ ಆ ವಿಷಯ ಗೊತ್ತಾಗಿದ್ದು, ದೇವರ ಸಾಕ್ಷಿಯಾಗಿ ಈ ಬಗ್ಗೆ ಪ್ರಮಾಣ ಮಾಡಲು ಸಿದ್ಧ’ ಎಂದು ಗೋಪಾಲಕೃಷ್ಣ ನಾಯಕ ಅವರು ಹೇಳಿದ್ದಾರೆ. `ನನ್ನ ಕೊಲೆ ಪ್ರಯತ್ನ ನಡೆದು ದಿನ ಕಳೆದರೂ ಆರೋಪಿಗಳ ಬಂಧನ ಆಗಿಲ್ಲ. ಹೀಗಾಗಿ ನಾಗರಾಜ ನಾಯಕ ಅವರಿಗಿಂತಲೂ ಹೆಚ್ಚಿನ ಪ್ರಮಾಣದಲ್ಲಿ ಜನರನ್ನು ಸೇರಿಸಿ ನಾನು ಪ್ರತಿಭಟಿಸಬೇಕಿತ್ತು. ಆದರೆ, ಪೊಲೀಸರ ಮೇಲೆ ನಂಬಿಕೆಯಿರುವುದರಿAದ ನಾನು ಪ್ರತಿಭಟನೆ ಮಾಡಿಲ್ಲ. ಅದಾಗಿಯೂ, ನನ್ನ ವಿರುದ್ಧ ಪ್ರತಿಭಟಿಸುತ್ತಿರುವ ನಾಗರಾಜ ನಾಯಕ ಅವರಿಗೆ ದೇವರ ಮುಂದೆ ಪ್ರಮಾಣ ಮಾಡಲಿ’ ಎಂದು ಸವಾಲು ಹಾಕಿದರು.. `ಈ ಗಲಾಟೆಗೆ ನಾನು ಕಾರಣನಲ್ಲ ಎಂದು ವಂದಿಗೆಯ ಮಹಾಮಾಯಿ ದೇವಸ್ಥಾನ ಹಾಗೂ ಹೊನ್ನಾರಿಕಾ ದೇವಸ್ಥಾನಕ್ಕೆ ಬಂದು ನಾನು ಪ್ರಸಾದ ಎತ್ತಿ ಹೇಳುವೆ. ನಾಗರಾಜ ನಾಯಕ ಅವರು ಅಲ್ಲಿಗೆ ಬಂದು ಈ ಘಟನೆಗೆ ನಾನೇ ಕಾರಣ ಎಂದು ಹೇಳಲಿ ನೋಡೋಣ’ ಎಂದು ಸವಾಲು ಹಾಕಿದರು. ` ಅನಗತ್ಯವಾಗಿ ನನ್ನ ವಿರುದ್ಧ ದೂರು ನೀಡಲಾಗುತ್ತಿದ್ದು, ನಾನು ಏನೂ ಎಂದು ನನ್ನನ್ನು ಅರಿತಿರುವ ಜನರಿಗೆ ಗೊತ್ತು’ ಎಂದು ಗೋಪಾಲಕೃಷ್ಣ ನಾಯಕ ಅವರು ಸಮರ್ಥಿಸಿಕೊಂಡರು.
- [ವಿಜ್ಞಾನ ಶಿಕ್ಷಕರಿಗೆ ಹೊಸ ಸಂಘ: ಯಲ್ಲಾಪುರದ ಶಿಕ್ಷಕನಿಗೆ ಸಹಕಾರ್ಯದರ್ಶಿ ಹೊಣೆ](https://mobiletime.in/2026/05/new-association-for-science-teachers-yellapur-teacher-to-be-responsible-for-cooperative/): `ಸಮಸ್ಯೆ ಬಂದಾಗ ಅದನ್ನು ವಾಟ್ಸಪ್-ಫೇಸ್ಬುಕ್ ಮೂಲಕ ಚರ್ಚಿಸುವ ಬದಲು ಸರ್ಕಾರಕ್ಕೆ ಮುಟ್ಟಿಸುವ ಪ್ರಯತ್ನ ನಡೆಯಬೇಕು’ ಎಂದು ಎಂದು ಕರ್ನಾಟಕ ರಾಜ್ಯ ವಿಜ್ಞಾನ ಶಿಕ್ಷಕರ ಸಂಘದ ಅಧ್ಯಕ್ಷರಾದ ಶ್ರೀಧರ್ ಪಾಟೀಲ್ ಕುಲಕರ್ಣಿ ಅವರು ಹೇಳಿದ್ದಾರೆ. ಧಾರವಾಡದಲ್ಲಿ ಶಿಕ್ಷಕರ ಕಾರ್ಯಕಾರಿಣಿ ಸಭೆಯಲ್ಲಿ ಮಾತನಾಡಿದ ಅವರು ಬಲಿಷ್ಠ ಸಂಘಟನೆಗೆ ಕರೆ ನೀಡಿದ್ದಾರೆ. ಈ ವೇಳೆ ಸಂಘದ ಪದಾಧಿಕಾರಿಗಳನ್ನು ಅವರು ಆಯ್ಕೆ ಮಾಡಿದ್ದು, ಯಲ್ಲಾಪುರದ ಶಿಕ್ಷಕ ಎಂ ರಾಜೇಶೇಖರ್ ಅವರು ಸಹ ಕಾರ್ಯದರ್ಶಿಯಾಗಿ ಜವಾಬ್ದಾರಿವಹಿಸಿಕೊಂಡಿದ್ದಾರೆ. `ವಿಜ್ಞಾನ, ವಿದ್ಯಾರ್ಥಿ, ವಿಜ್ಞಾನ ಶಿಕ್ಷಕದ ಅಭ್ಯುದಯ ಹಾಗೂ ಪ್ರಗತಿಯ ದೃಷ್ಟಿಕೋನ ಬದಲಾಗಿದ್ದು, ಈ ಸನ್ನಿವೇಶದಲ್ಲಿ ಗುಣಮಟ್ಟದ ಹಾಗೂ ಏಕರೂಪದ ಸಂಶೋಧನೆಗಳನ್ನು ಎಲ್ಲರಿಗೂ ತಲುಪಿಸಬೇಕಿದೆ. ವಿಜ್ಞಾನ ಶಿಕ್ಷಕರು ಅನುಭವಿಸುತ್ತಿದ್ದ ಸಾಕಷ್ಟು ಸಮಸ್ಯೆಗಳಿಗೆ ಪರಿಹಾರ ಕಲ್ಪಿಸಲಾಗಿದ್ದು, ರಾಜ್ಯಮಟ್ಟದಲ್ಲಿ ಏಕರೂಪತೆ ತರುವುದಕ್ಕಾಗಿ ವಿಜ್ಞಾನ ಶಿಕ್ಷಕರ ಸಂಘ ನೋಂದಾಯಿಸಲಾಗಿದೆ’ ಎಂದವರು ಹೇಳಿದ್ದಾರೆ. ಸಂಘದ ಧೇಯೋದ್ದೇಶ ಹಾಗೂ ಸಂಘಟನೆಯ ಅವಶ್ಯಕತೆಯ ಬಗ್ಗೆ ಅವರು ಸದಸ್ಯರಿಗೆ ವಿವರಿಸಿದ್ದಾರೆ. `ಬಹಳ ವರ್ಷಗಳಿಂದ ನಾವು ಕೇವಲ ಸಮೂಹ ಮಾಧ್ಯಮ, ವಾಟ್ಸಪ್ ಮೂಲಕ ಸಮಸ್ಯೆ ಹೇಳಿ ಸುಮ್ಮನಾಗುತ್ತಿದ್ದೇವು. ಸರ್ಕಾರದ ಮಟ್ಟದಲ್ಲಿ ಅದನ್ನು ಪ್ರತಿಪಾದಿಸುವಾಗ ನಮಗೆ ಸಂಘಟನೆಯ ಕೊರತೆ ಉಂಟಾಗುತ್ತಿತ್ತು. ಆ ಕೊರತೆಯನ್ನು ಇದೀಗ ನೀಗಿಸಲಾಗಿದೆ. ರಾಜ್ಯದ ಎಲ್ಲಾ ಸರಕಾರಿ, ಅನುದಾನಿತ ಹಾಗೂ ಅನುದಾನರಹಿತ ಶಾಲೆಗಳಲ್ಲಿ ಕಾರ್ಯನಿರ್ವಹಿಸುವ ವಿಜ್ಞಾನ ಶಿಕ್ಷಕರ ಸಹಯೋಗದೊಂದಿಗೆ ಸಂಘವನ್ನು ಬಲಪಡಿಸಲಾಗುತ್ತದೆ’ ಎಂದವರು ಘೋಷಿಸಿದರು. ಧಾರವಾಡದ ಶಿಕ್ಷಕ ಪ್ರಮೋದ್ ವಾದಿರಾಜ ಅವರು ಸಂಘಕ್ಕೆ ಶುಲ್ಕವಿಲ್ಲದೇ ಕೊಠಡಿ ನೀಡುವುದಾಗಿ ಹೇಳಿದರು. ರಾಜ್ಯದ ನಾಲ್ಕು ವಿಭಾಗಗಳಿಂದ ನಾಲ್ಕು ಉಪಾಧ್ಯಕ್ಷರನ್ನು ಆಯ್ಕೆ ಮಾಡಲಾಯಿತು. ಕಾರ್ಯದರ್ಶಿಗಳಾಗಿ ಬಸವರಾಜ್, ಸಹ ಕಾರ್ಯದರ್ಶಿಯಾಗಿ ಎಂ ರಾಜಶೇಖರ್, ಸಂಘಟನಾ ಕಾರ್ಯದರ್ಶಿಯಾಗಿ ಸಂತೋಷ್ ಗಜಕೋಶ, ಖಜಾಂಚಿಯಾಗಿ ಸಂತೋಷ್ ಕುಮಾರ ಸಂವಹನಕಾರರಾಗಿ ಹಾಗೂ ಪತ್ರಿಕಾ ನಿಧಿಯಾಗಿ ಸಂಜೀವ ಕುಮಾರ್ ಭೂಶೆಟ್ಟಿ ಅವರು ಆಯ್ಕೆಯಾದರು. ರಾಜ್ಯದ ಎಲ್ಲಾ ಎಲ್ಲ ಜಿಲ್ಲೆಗಳಿಂದ ವಿಜ್ಞಾನ ಶಿಕ್ಷಕ ಪ್ರತಿನಿಧಿಗಳನ್ನು ಒಳಗೊಂಡ ರಾಜ್ಯದ ಕಾರ್ಯಕಾರಣಿ ಸಭೆ ನಡೆಸಲು ನಿರ್ಧರಿಸಲಾಯಿತು.
- [ಅಸಭ್ಯ ವರ್ತನೆ ಆರೋಪ: ಬಟ್ಟೆ ಬಿಚ್ಚಿ ಹಿಗ್ಗಾಮುಗ್ಗ ಥಳಿತ!](https://mobiletime.in/2026/05/accused-of-indecent-behavior-undressed-and-brutally-beaten/): ಮುಂಡಗೋಡಿನ ಮನೆಯಲ್ಲಿ ಸುಮ್ಮನೆ ಮಲಗಿದ್ದ ಮಂಜುನಾಥ ತಳವಾರ್ ಅವರಿಗೆ ಅಗಡಿ ಗ್ರಾಮದ ದೇವರಾಜ್ ಲಮಾಣಿ ಅವರು ಫೋನ್ ಮಾಡಿದ್ದು, ರಾತ್ರಿ ವೇಳೆ ದೇವರಾಜ ಲಮಾಣಿ ಅವರ ಮನೆಗೆ ಹೋದ ಮಂಜುನಾಥ ಲಮಾಣಿ ಹಿಗ್ಗಾಮುಗ್ಗ ಹೊಡೆತ ತಿಂದಿದ್ದಾರೆ. ಮನೆಯಲ್ಲಿದ್ದ ಹೆಣ್ಣು ಮಕ್ಕಳ ಜೊತೆ ಅಸಭ್ಯವಾಗಿ ವರ್ತಿಸಿದ ಆರೋಪಹೋರಿಸಿದ ದೇವರಾಜ ಲಮಾಣಿ ಕುಟುಂಬದವರು ಮಂಜುನಾಥ ಲಮಾಣಿ ಅವರ ಬಟ್ಟೆ ಬಿಚ್ಚಿ ಹೊಡೆದಿದ್ದಾರೆ. ಮುಂಡಗೋಡಿನ ಅಗಡಿಯಲ್ಲಿ ಮಂಜುನಾಥ ಬಸವರಾಜ ತಳವಾರ್ ಅವರು ವಾಸವಾಗಿದ್ದಾರೆ. ಕೃಷಿ ಕೆಲಸ ಮಾಡಿಕೊಂಡು ಅವರು ಬದುಕು ನಡೆಸುತ್ತಿದ್ದಾರೆ. ಏಪ್ರಿಲ್ 19ರ ರಾತ್ರಿ 10 ಗಂಟೆ ವೇಳೆಗೆ ಅವರಿಗೆ ಫೋನ್ ಬಂದಿದೆ. ಅದೇ ಊರಿನ ದೇವರಾಜ್ ಶಿವಪ್ಪ ಲಮಾಣಿ ಅವರು ಫೋನ್ ಮಾಡಿದ್ದು, ಅದಾದ ನಂತರ ಮಂಜುನಾಥ ತಳವಾರ್ ಅವರನ್ನು ತಮ್ಮ ಮನೆಗೆ ಕರೆದುಕೊಂಡು ಹೋಗಿದ್ದಾರೆ. ದೇವರಾಜ ಲಮಾಣಿ ಅವರ ಮನೆಗೆ ಹೋಗಿದ್ದ ಮಂಜನಾಥ ತಳವಾರ್ ಅವರ ಮೇಲೆ ಅಲ್ಲಿದ್ದವರು ಅಸಭ್ಯ ವರ್ತನೆಯ ಆರೋಪ ಹೋರಿಸಿದ್ದಾರೆ. ಮನೆ ಬಾಗಿಲಿಗೆ ಕಟ್ಟಿದ್ದ ಹಗ್ಗ ತೋರಿಸಿದ ದೇವರಾಜ ಲಮಾಣಿ ಅವರು `ತಂಗಿಗೆ ಮಲಗಲು ಕರೆಯುವೆಯಾ?’ ಎಂದು ಖಾರವಾಗಿ ಪ್ರಶ್ನಿಸಿದ್ದಾರೆ. ಅದಕ್ಕೆ ಉತ್ತರಿಸುವುದರೊಳಗೆ ದೇವರಾಜ ಲಮಾಣಿ ಅವರು ಮಂಜುನಾಥ ತಳವಾರ್ ಅವರ ಮೇಲೆ ಕೈ ಮಾಡಿದ್ದಾರೆ. ಈ ವೇಳೆ ಸಂಜು ಪರಶುರಾಮ ಲಮಾಣಿ ಹಾಗೂ ಅರುಣ ಪರಶುರಾಮ ಲಮಾಣಿ ಅವರು ಸಹ ಮಂಜುನಾಥ ತಳವಾರ್ ಅವರಿಗೆ ಹಿಗ್ಗಾಮುಗ್ಗ ಹೊಡೆದಿದ್ದಾರೆ. ತಲೆ, ಕಿವಿ, ಮುಖ, ಕುತ್ತಿಗೆಗೆ ಪೆಟ್ಟು ಬಿದ್ದ ಕಾರಣ ಮಂಜುನಾಥ ತಳವಾರ್ ಅವರು ನರಳಾಡಿದ್ದಾರೆ. ಈ ವೇಳೆ ಅಲ್ಲಿ ಸೇರಿದ ಜನ ಮಂಜುನಾಥ ತಳವಾರ್ ಅವರನ್ನು ರಕ್ಷಿಸಿ ಮನೆಗೆ ಕಳುಹಿಸಿದ್ದಾರೆ. ಆದರೆ, ಮನೆಯವರೆಗೂ ಹಿಂಬಾಲಿಸಿಕೊAಡು ಬಂದ ದೇವರಾಜ ಲಮಾಣಿ, ಸಂಜು ಲಮಾಣಿ ಹಾಗೂ ಅರುಣ ಲಮಾಣಿ ಅವರು ಅಲ್ಲಿಯೂ ಬಟ್ಟೆ ಹರಿಯುವಂತೆ ಹೊಡೆದಿದ್ದಾರೆ. ಈ ವೇಳೆ ಮಂಜುನಾಥ ತಳವಾರ್ ಅವರ ಪತ್ನಿ ಸುಗಂದ ತಳವಾರ್ ಹಾಗೂ ಪುತ್ರ ಪ್ರೀತಂ ತಳವಾರ್ ತಪ್ಪಿಸಲು ಬಂದಿದ್ದು, ಅವರಿಗೂ ಆ ಮೂವರು ನಿಂದಿಸಿದ್ದಾರೆ.    
- [ಬಿಸಿಲ ಬೇಗೆ: ಬಿಸಿಲಕೊಪ್ಪದಲ್ಲಿ ಬಿಗುವಿನ ವಾತಾವರಣ!](https://mobiletime.in/2026/05/hot-weather-the-atmosphere-is-tense-in-bisilakoppa/): ಶಿರಸಿ – ಹಾವೇರಿ ರಾಷ್ಟ್ರೀಯ ಹೆದ್ದಾರಿ ಅವ್ಯವಸ್ಥೆಯ ವಿರುದ್ಧ ಪ್ರಯಾಣಿಕರ ಪ್ರತಿಭಟನೆ ಮುಂದುವರೆದಿದೆ. ಬಿಸಿಲಕೊಪ್ಪದಲ್ಲಿನ ಬಿಸಿಲ ಬೇಗೆಯನ್ನು ಲೆಕ್ಕಿಸದೇ ಪ್ರತಿಭಟನಾಕಾರರು ಧರಣಿ ನಡೆಸುತ್ತಿದ್ದಾರೆ. ಶಿರಸಿ-ಹಾವೇರಿ ರಸ್ತೆ ಸಂಪೂರ್ಣವಾಗಿ ಹದಗೆಟ್ಟಿದೆ. ರಸ್ತೆ ಸುಧಾರಣೆಗೆ ಸಾಕಷ್ಟು ಸಮಯಪಡೆದರೂ ಗುತ್ತಿಗೆ ಕಂಪನಿ ಅಭಿವೃದ್ಧಿ ಕೆಲಸಕ್ಕೆ ವೇಗ ನೀಡಿಲ್ಲ. ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು ಸಹ ಗುತ್ತಿಗೆದಾರರನ್ನು ಗಂಭೀರವಾಗಿ ವಿಚಾರಿಸಿಲ್ಲ. ಇದರ ಪರಿಣಾಮ ಜನ ಸಾಮಾನ್ಯರು ಸಮಸ್ಯೆ ಅನುಭವಿಸುತ್ತಿದ್ದು, ಅದೇ ಜನ ಸಾಮಾನ್ಯರು ಬೀದಿಗಿಳಿದು ಹೋರಾಟ ಶುರು ಮಾಡಿದ್ದಾರೆ. ರಸ್ತೆಯಲ್ಲಿ ವಾಹನ ಓಡಾಡುವಾಗ ಉದ್ಬವಿಸುವ ಧೂಳಿನಿಂದ ಸ್ಥಳೀಯರು ಆರೋಗ್ಯ ಸಮಸ್ಯೆಗೆ ಒಳಗಾಗಿದ್ದಾರೆ. ಆ ರೋಗಿಗಳ ಜೊತೆ ರೋಗಿಗಳ ಆರೈಕೆದಾರರು ಸಹ ಆಗಮಿಸಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಜೊತೆಗೆ ದಿನವೂ ಇದೇ ದಾರಿಯಲ್ಲಿ ತಿರುಗಾಡುವ ಜನ ಹೆದ್ದಾರಿ ಅವ್ಯವಸ್ಥೆ ವಿರುದ್ಧ ಅಸಮಧಾನವ್ಯಕ್ತಪಡಿಸಿದ್ದಾರೆ. ತುರ್ತಾಗಿ ರಸ್ತೆ ರಿಪೇರಿ ನಡೆಯಬೇಕು ಎಂದು ಆಗ್ರಹಿಸಿ ಹೋರಾಟ ನಡೆಯುತ್ತಿದೆ. ನೂರಾರು ಸಂಖ್ಯೆಯ ಜನ ಆಗಮಿಸಿ ಪ್ರತಿಭಟನೆಗೆ ಬೆಂಬಲ ನೀಡಿದ್ದು, ಅಧಿಕಾರಿಗಳನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. ಪ್ರತಿಭಟನಾ ಸ್ಥಳಕ್ಕೆ ಎನ್‌ಎಚ್‌ಎಐ ಪ್ರಾಜೆಕ್ಟ್ ಡೈರೆಕ್ಟರ್ ಶಿವಕುಮಾರ್ ಭೇಟಿ ನೀಡಿದಾಗ ಜನ ಅವರ ಬಳಿ ಸಾಕಷ್ಟು ಪ್ರಶ್ನೆಗಳನ್ನು ಕೇಳಿದ್ದಾರೆ. ಅದಕ್ಕೆ ಉತ್ತರ ಸಿಗದ ಕಾರಣ ಹಿಡಿಶಾಪ ಹಾಕಿದ್ದಾರೆ.
- [ನ್ಯಾಯವಾದಿಗೆ ಅನ್ಯಾಯ!](https://mobiletime.in/2026/05/injustice-to-the-just/): ಅಂಕೋಲಾದ ವಂದಿಗೆಯಲ್ಲಿ ಯಕ್ಷಗಾನ ನಡೆಯುತ್ತಿದ್ದ ವೇಳೆ ಪುಂಡರು ಅಸಭ್ಯವಾಗಿ ವರ್ತಿಸಿದ್ದಾರೆ. ಇದನ್ನು ವಿರೋಧಿಸಿದ ನ್ಯಾಯವಾದಿ ನಾಗರಾಜ ನಾಯಕ ಹಾಗೂ ಅವರ ಬೆಂಬಲಿಗರಿಗೆ ಅನ್ಯಾಯವಾಗಿದೆ! ಪುಂಡಾಟ ನಡೆಸಿದವರ ಮೇಲೆ ಪ್ರಕರಣ ದಾಖಲಿಸುವ ಬದಲು ಅದನ್ನು ಪ್ರಶ್ನಿಸಿದವರ ವಿರುದ್ಧ ಪ್ರಕರಣ ದಾಖಲಿಸುವ ಕ್ರಮ ಖಂಡಿಸಿ ನಾಗರಾಜ ನಾಯಕ ಅವರು ದಿಢೀರ್ ಆಗಿ ಧರಣಿ ಶುರು ಮಾಡಿದ್ದಾರೆ. ಪೊಲೀಸ್ ಠಾಣೆ ಹಾಗೂ ತಹಶೀಲ್ದಾರ್ ಕಚೇರಿ ಎದುರು ಭಾಗದಲ್ಲಿ ನಾಗರಾಜ ನಾಯಕ ಅವರು ಧರಣಿ ನಡೆಸುತ್ತಿದ್ದು, ಗೃಹ ಸಚಿವ ಜಿ ಪರಮೇಶ್ವರ್ ಅವರು ಸ್ಥಳಕ್ಕೆ ಬರುವವರೆಗೂ ಧರಣಿ ಮುಂದುವರೆಸುವುದಾಗಿ ಅವರು ಘೋಷಿಸಿದ್ದಾರೆ. ಗೃಹ ಸಚಿವ ಜಿ ಪರಮೇಶ್ವರ್ ಅವರ ಆಪ್ತರಾಗಿರುವ ಅಂಕೋಲಾದ ಗೋಪಾಲಕೃಷ್ಣ ನಾಯಕ ಅವರ ಬೆಂಬಲಿಗರು ನೀಡಿದ ದೂರಿನ ಅನ್ವಯ ತಮ್ಮ ವಿರುದ್ಧ ಸುಳ್ಳು ಪ್ರಕರಣ ದಾಖಲಿಸಿದ್ದು, ತಪ್ಪಿತಸ್ಥರ ವಿರುದ್ಧ ಕ್ರಮವಾಗಬೇಕು ಎಂದು ನಾಗರಾಜ ನಾಯಕ ಅವರು ಆಗ್ರಹಿಸಿದ್ದಾರೆ. ನಾಗರಾಜ ನಾಯಕ ಅವರು ನಡೆಸುತ್ತಿರುವ ಧರಣಿಗೆ ವಂದಿಗೆ ಗ್ರಾಮದ ಜನರು ಬೆಂಬಲ ನೀಡಿದ್ದಾರೆ. `ಯಕ್ಷಗಾನ ಕಾರ್ಯಕ್ರಮ ಕೆಡಿಸಲು ಆಗಮಿಸಿದ್ದವರ ವಿರುದ್ಧ ಮೊದಲು ಕ್ರಮವಾಗಬೇಕು’ ಎಂದು ಆ ಭಾಗದವರು ಆಗ್ರಹಿಸಿದ್ದಾರೆ. `ಕಾರ್ಯಕ್ರಮಕ್ಕೆ ಅಡ್ಡಿಪಡಿಸಿದವರ ವಿರುದ್ಧ ದೂರು ನೀಡಿದರೂ ಪೊಲೀಸರು ಪ್ರಕರಣ ದಾಖಲಿಸಿಲ್ಲ. ಆದರೆ, ಕಾರ್ಯಕ್ರಮಕ್ಕೆ ಅಡ್ಡಿಪಡಿಸಿದನ್ನು ವಿರೋಧಿಸಿದ ಕಾರಣ ತಕ್ಷಣ ಪ್ರಕರಣ ದಾಖಲಿಸಲಾಗಿದೆ. ಅಂಕೋಲಾ ಪೊಲೀಸ್ ಠಾಣೆ ಗೋಪಲಕೃಷ್ಣ ನಾಯಕ ಅವರ ಹಿಡಿತದಲ್ಲಿದ್ದು, ಅವರು ಹೇಳಿದ ಹಾಗೇ ಪೊಲೀಸರು ವರ್ತಿಸುತ್ತಿದ್ದಾರೆ’ ಎಂದು ನಾಗರಾಜ ನಾಯಕ ಅವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಅಂಕೋಲಾ ಪೊಲೀಸರ ವಿರುದ್ಧವೂ ನಾಗರಾಜ ನಾಯಕ ಅವರು ಕಿಡಿಕಾರಿದ್ದಾರೆ. `ಪೊಲೀಸರು ಅಮಾಯಕರ ವಿರುದ್ಧ ಕೇಸು ದಾಖಲಿಸುತ್ತಿದ್ದಾರೆ. ಅದರಿಂದ ಶಾಂತಿಯಿAದ ಕೂಡಿದ ಊರಿನಲ್ಲಿ ಅಶಾಂತಿ ಶುರುವಾಗಿದೆ’ ಎಂದು ನಾಗರಾಜ ನಾಯಕ ಅವರು ಹೇಳಿದ್ದಾರೆ.
- [ಬಿಡುಗಡೆಗೆ ಸಿದ್ಧಗೊಂಡ `ದಿ ವಾಂಡರರ್ ಹೂ ಇನ್ಸ್ ದಿ ವರ್ಡ'](https://mobiletime.in/2026/05/the-wanderer-who-insists-on-the-word-set-for-release/): ಆಧ್ಯಾತ್ಮಿಕ ಗುರು ಶ್ರೀ ಯೋಗಿ ಅವರು ರಚಿಸಿದ `ದಿ ವಾಂಡರರ್ ಹೂ ಇನ್ಸ್ ದಿ ವರ್ಡ’ ಪುಸ್ತಕ ಬಿಡುಗಡೆಗೆ ಸಿದ್ಧಗೊಂಡಿದೆ. ಮೇ 7ರ ಗುರುವಾರ ಪುಸ್ತಕ ಬಿಡುಗಡೆ ಆಗಲಿದ್ದು, ನಂತರ ಈ ಪುಸ್ತಕ ಶಿರಸಿಯಲ್ಲಿಯೂ ಸಿಗಲಿದೆ. ಬೆಂಗಳೂರಿನ ಇಂದಿರಾ ನಗರದಲ್ಲಿರುವ ಆಟ್ಟಾ ಗಲಾಟ್ಟದಲ್ಲಿ ಪುಸ್ತಕ ಬಿಡುಗಡೆ ಕಾರ್ಯಕ್ರಮ ನಡೆಯಲಿದೆ. ಸಂಜೆ 5ಗಂಟೆಗೆ ಈ ಪುಸ್ತಕ ಲೋಕಾರ್ಪಣೆ ಆಗಲಿದೆ. ಅದಾದ ನಂತರ ದೇಶದ ಎಲ್ಲಡೆ ಪುಸ್ತಕ ಪೂರೈಕೆಗೆ ನಿರ್ಧರಿಸಲಾಗಿದೆ. `ಪೆಂಗ್ವಿನ್ ರಾಂಡಮ್ ಹೌಸ್ ಇಂಡಿಯಾ’ ಈ ಪುಸ್ತಕದ ಪ್ರಕಾಶನ ಜವಾಬ್ದಾರಿವಹಿಸಿಕೊಂಡಿದೆ. ಆಧುನಿಕ ಜೀವನ ಶೈಲಿ, ಯಶಸ್ಸು, ಗುರುತು ಹಾಗೂ ಅಂತರAಗದ ನೆಮ್ಮದಿಯ ಕುರಿತಾಗಿ ಶ್ರೀಗಳು ಪುಸ್ತಕ ಬರೆದಿದ್ದಾರೆ. ಈ ವೈಚಾರಿಕ ಕೃತಿಯಲ್ಲಿ ಹತ್ತು ಹಲವು ಅಂಶಗಳ ಬಗ್ಗೆ ವಿವರಿಸಲಾಗಿದೆ. ಸಂಸದ ಸಿ ಎನ್ ಮಂಜುನಾಥ್, ಡಿವೈಎಸ್ಪಿ ಸುಧೀರ್ ಎಂ ಹೆಗ್ಡೆ, ನಿವೃತ್ತ ಪ್ರಾಧ್ಯಾಪಕ ಜಿ ಅಶ್ವತ್ಥನಾರಾಯಣ್, ಮೂಳೆ ತಜ್ಞ ಡಾ ದೇವೇಂದ್ರ ಗುಪ್ತಾ ಕೆ ಎಸ್, ವೈದ್ಯರಾದ ಡಾ ಸಂಜಯ್ ನೀರಲಗಿ, ಡಾ ಸವಿತಾ ಎಸ್ ನೀರಲಗಿ, ಡಾ ಪದ್ಮನಾಭನ್ ಅವರು ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗಿ ಆಗಲಿದ್ದಾರೆ. ಕವಿಗಳಾದ ಮಂಡಲಗಿರಿ ಪ್ರಸನ್ನ, ನಟಿ ತಾರಾ ಅನುರಾಧ, ನಟ ರಾಣಾ ಹಾಗೂ ಉದ್ಯಮಿ ಸುಂಕು ನರೇಂದ್ರನಾಥ್‌ಅವರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಶಿರಸಿಯಲ್ಲಿ ಪುಸ್ತಕಪಡೆಯಲು ಇಲ್ಲಿ ಫೋನ್ ಮಾಡಿ: 9448760413
- [ಅಲೆಗಳ ಅಬ್ಬರಕ್ಕೆ ಎರಡು ಬಲಿ!](https://mobiletime.in/2026/05/two-killed-by-the-roar-of-the-waves/): ಉತ್ತರ ಪ್ರದೇಶದ ಯುವಕರಿಬ್ಬರು ಉತ್ತರ ಕನ್ನಡ ಜಿಲ್ಲೆಯ ಕಡಲಿಗೆ ಇಳಿದಿದ್ದು, ಭಟ್ಕಳದಲ್ಲಿ ಅವರು ಸಾವನಪ್ಪಿದ್ದಾರೆ. ಮಂಡಳಿಯ ನಸ್ತಾರ್ ಬಳಿ ಅಲೆಗಳ ಅಬ್ಬರಕ್ಕೆ ಸಿಲುಕಿ ಕೊನೆಯುಸಿರೆಳೆದಿದ್ದಾರೆ. ಬುಧವಾರ ಮಧ್ಯಾಹ್ನ ಮಹಮದ್ ಅಪ್ರೋಜ್ ಹಾಗೂ ರಿಜ್ವಾನ್ ಸಾಕೀರ ಅವರು ತಮ್ಮ ಸ್ನೇಹಿತರ ಜೊತೆ ಭಟ್ಕಳಕ್ಕೆ ಬಂದಿದ್ದರು. ಏಳು ಜನ ಸೇರಿ ಸಮುದ್ರ ಸ್ನಾನಕ್ಕೆ ಮುಂದಾಗಿದ್ದರು. ಈ ವೇಳೆ ರಭಸವಾಗಿ ಬೀಸಿದ ಅಲೆಯೊಂದು ಮಹಮದ್ ಅಪ್ರೋಜ್ ಹಾಗೂ ರಿಜ್ವಾನ್ ಸಾಕೀರ ಅವರನ್ನು ಎಳೆದೊಯ್ದಿತು. ಸಮುದ್ರ ನೀರು ಕುಡಿದ ಅವರು ದಡಕ್ಕೆ ಬರಲು ತೊಂದರೆ ಅನುಭವಿಸಿದರು. ಅವರ ಜೊತೆ ಮತ್ತೊಬ್ಬರು ಕೊಚ್ಚಿ ಹೋಗಿದ್ದು, ಸ್ಥಳೀಯರಾದ ಸೌದ್ ಗವಾಯಿ ಹಾಗೂ ಸಾಜೀಪ್ ಸೇರಿ ಅವರನ್ನು ರಕ್ಷಿಸಿದರು. ಮತ್ತೆ ಐದು ಜನ ಅಸ್ವಸ್ಥರಾಗಿದ್ದು ಅವರನ್ನು ದಡಕ್ಕೆ ತಂದರು. ಆದರೆ, ಮಹಮದ್ ಅಪ್ರೋಜ್ ಹಾಗೂ ರಿಜ್ವಾನ್ ಸಾಕೀರ ಅವರನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ.
- [ಪಶು ಸಖಿಯ ಫೋನ್ ನಂ ಪಡೆಯಲು ಕಾದಾಟ: ಪತಿಯ ಕೈ ಕಚ್ಚಿದ ಭೂಪ!](https://mobiletime.in/2026/05/fight-to-get-animal-lovers-phone-number-bhupa-bites-husbands-hand/): ಹೊನ್ನಾವರ ಹೊಸಕುಳಿಯ ಪ್ರವೀಣ ನಾಯ್ಕ ಅವರು ಸಂತೆಗುಳಿಯಲ್ಲಿ ಪಶು ಸಖಿಯಾಗಿರುವ ದಿವ್ಯಾ ಮುಕ್ರಿ ಅವರ ಬೆನ್ನು ಬಿದ್ದಿದ್ದಾರೆ. ನಿತ್ಯವೂ ದಿವ್ಯಾ ಮುಕ್ರಿ ಅವರನ್ನು ಹಿಂಬಾಲಿಸುವ ಪ್ರವೀಣ ನಾಯ್ಕ ಅವರು `ಫೋನ್ ನಂ ಕೊಡು’ ಎಂದು ಕಾಡಿಸುತ್ತಿದ್ದಾರೆ. ಈ ವಿಷಯವನ್ನು ದಿವ್ಯಾ ಮುಕ್ರಿ ಅವರು ಪತಿ ಗಣಪತಿ ಮುಕ್ರಿ ಅವರ ಬಳಿ ಹೇಳಿದ್ದು, ಪ್ರಶ್ನಿಸಿದ ಗಣಪತಿ ಮುಕ್ರಿ ಅವರ ಕೈಗೆ ಪ್ರವೀಣ ನಾಯ್ಕ ಅವರು ಕಚ್ಚಿ ಗಾಯ ಮಾಡಿದ್ದಾರೆ! ಹೊನ್ನಾವರದ ಹೊಸಾಕುಳಿ ಬಳಿಯ ಶಶಿಹಿತ್ಲುವಿನ ಗಣಪತಿ ಮಾಸ್ತಿ ಮುಕ್ರಿ ಅವರು ವಾಸವಾಗಿದ್ದಾರೆ. ರೈತರಾಗಿರುವ ಅವರು ವ್ಯಾಪಾರ ಹಾಗೂ ಕಟ್ಟಡ ಕಾರ್ಮಿಕ ಕೆಲಸವನ್ನು ಮಾಡಿಕೊಂಡಿದ್ದಾರೆ. ಅವರ ಪತ್ನಿ ದಿವ್ಯಾ ಮುಕ್ರಿ ಅವರು ಸಂತೆಗುಳಿಯಲ್ಲಿ ಪಶು ಸಖಿ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಹೊನ್ನಾವರ ಹೊಸಾಕುಳಿ ಬಳಿಯ ಮೂಡರೆಯ ಪ್ರವೀಣ ನಾಗೇಶ ನಾಯ್ಕ ಅವರು ದಿವ್ಯಾ ಮುಕ್ರಿ ಅವರು ಕೆಲಸ ಮಾಡುವ ಸ್ಥಳ ನೋಡಿದ್ದಾರೆ. ಅದಾದ ನಂತರ ನಿತ್ಯವೂ ದಿವ್ಯಾ ಮುಕ್ರಿ ಅವರು ಓಡಾಡುವ ಕಡೆ ತಿರುಗಾಡುತ್ತಿದ್ದು, ದಿವ್ಯಾ ಮುಕ್ರಿ ಅವರನ್ನು ಹಿಂಬಾಲಿಸುತ್ತಿದ್ದಾರೆ. ಜೊತೆಗೆ ಅನಗತ್ಯವಾಗಿ ದಿವ್ಯಾ ಮುಕ್ರಿ ಅವರನ್ನು ಮಾತನಾಡಿಸುತ್ತಿದ್ದಾರೆ. ಈಚೆಗೆ `ನಿನ್ನ ಫೋನ್ ನಂ ಕೊಡು’ ಎಂದು ಸಹ ಪ್ರವೀಣ ನಾಯ್ಕ ಅವರು ಕೇಳಿದ್ದಾರೆ. ಪ್ರವೀಣ ನಾಯ್ಕ ಅವರಿಂದ ಆಗುವ ಮಾನಸಿಕ ಹಿಂಸೆಯ ಬಗ್ಗೆ ದಿವ್ಯಾ ಮುಕ್ರಿ ಅವರು ಪತಿಯಲ್ಲಿ ಹೇಳಿದ್ದಾರೆ. `ಆತ ಸಿಕ್ಕಾಗ ನೋಡೋಣ’ ಎಂದು ಗಣಪತಿ ಮುಕ್ರಿ ಅವರು ಸುಮ್ಮನಾಗಿದ್ದಾರೆ. ಏಪ್ರಿಲ್ 28ರ ರಾತ್ರಿ ಸಂತೆಗುಳಿ ಅಂಗಡಿ ಮಾರ್ಗವಾಗಿ ಗಣಪತಿ ಮುಕ್ರಿ ಅವರು ಮನೆಗೆ ಮರಳುವಾಗ ಅಲ್ಲಿನ ಬಸ್ ನಿಲ್ದಾಣದ ಬಳಿ ಪ್ರವೀಣ ನಾಯ್ಕ ಅವರನ್ನು ನೋಡಿದ್ದಾರೆ. ಅವರಲ್ಲಿ ಹೋದ ಗಣಪತಿ ಮುಕ್ರಿ ಅವರು `ಪತ್ನಿಗೆ ತೊಂದರೆ ಕೊಡಬೇಡ. ಫೋನ್ ನಂ ಕೇಳಬೇಡ’ ಎಂದು ಸೂಚಿಸಿದ್ದಾರೆ. ಸಿಟ್ಟಿನಿಂದ ಪ್ರವೀಣ ನಾಯ್ಕ ಅವರು ಏಕಾಏಕಿ ಆಕ್ರಮಣ ನಡೆಸಿದ್ದು, ಗಣಪತಿ ಮುಕ್ರಿ ಅವರ ಎಡಗೈಗೆ ಬಾಯಿ ಹಾಕಿದ್ದಾರೆ. ಹೆಬ್ಬರಳು ಕಚ್ಚಿ ನೋವು ಮಾಡಿದ ಅವರು ಕೈಯಲ್ಲಿದ್ದ ಉಂಗುರವನ್ನು ಕಿತ್ತು ಬಿಸಾಡಿದ್ದಾರೆ. ಪ್ರವೀಣ ನಾಯ್ಕ ಅವರು ಮೊದಲಿನಿಂದಲೂ ಕ್ರೂರ ಸ್ವಭಾವದವರಾಗಿದ್ದು, ನಿತ್ಯವೂ ಒಂದಿಲ್ಲೊAದು ಗಲಾಟೆ ಮಾಡುತ್ತಿರುವುದು ಈ ವೇಳೆ ಗಣಪತಿ ಮುಕ್ರಿ ಅವರಿಗೆ ನೆನಪಾಗಿದೆ. ಜನ ಬಲ, ಹಣ ಬಲದ ಜೊತೆ ರಾಜಕೀಯ ಬೆಂಬಲವಿರುವ ಪ್ರವೀಣ ನಾಯ್ಕ ಅವರ ಬೆದರಿಕೆಯಿಂದ ಗಣಪತಿ ಮುಕ್ರಿ ಅವರು ಕಂಗಾಲಾಗಿದ್ದಾರೆ. ಈ ವೇಳೆ ದೇವರಾಜ ಮುಕ್ರಿ ಅವರು ಅಲ್ಲಿಗೆ ಬರುವುದನ್ನು ನೋಡಿ ಪ್ರವೀಣ ನಾಯ್ಕ ಅವರು ಪರಾರಿಯಾಗಿದ್ದು, ಗಾಯಗೊಂಡ ಗಣಪತಿ ಮುಕ್ರಿ ಅವರು ಆಸ್ಪತ್ರೆ ಸೇರಿದ್ದಾರೆ. ಜೊತೆಗೆ, ರಕ್ಷಣೆ ಕೋರಿ ಪೊಲೀಸರಿಗೂ ಪತ್ರ ಬರೆದಿದ್ದಾರೆ.
- [ಅಪಘಾತ: 2 ಸಾವಿರ ರೂಪಾಯಿಗಾಗಿ ಹೊಡೆದಾಟ!](https://mobiletime.in/2026/05/accident-fight-over-2-thousand-rupees/): ಶಿರಸಿಯಲ್ಲಿ ಕಾರೊಂದು ಬೈಕಿಗೆ ಹಿಂದಿನಿoದ ಗುದ್ದಿದ್ದು, ಇದೇ ವಿಷಯವಾಗಿ ಕಾರು ಹಾಗೂ ಬೈಕ್ ಮಾಲಕರ ನಡುವೆ ಹೊಡೆದಾಟ ನಡೆದಿದೆ. ಶಿರಸಿ ಗಣೇಶ ನಗರದ ಚಾಲಕ ರಕ್ಷಕ ನಾಯ್ಕ ಹಾಗೂ ಅವರ ತಂದೆ ಸೋಮಶೇಖರ ನಾಯ್ಕ ಅವರಿಗೆ ಚೌಡೇಶ್ವರಿ ಕಾಲೋನಿಯ ಅಭಿಷೇಕ ಕುರುಬರ್ ಹಾಗೂ ಅವರ ಕುಟುಂಬದವರು ಥಳಿಸಿದ್ದಾರೆ. ಶಿರಸಿ ಗಣೇಶ ನಗರದ ಚಾಲಕ ರಕ್ಷಕ ಸೋಮಶೇಖರ ನಾಯ್ಕ (33) ಅವರು ವಾಸವಾಗಿದ್ದಾರೆ. ಚಾಲಕರಾಗಿ ಅವರು ದುಡಿಮೆ ಮಾಡಿಕೊಂಡಿದ್ದಾರೆ. ಮೇ 4ರಂದು ರಕ್ಷಕ ನಾಯ್ಕ ಅವರ ಇಂಟ್ರಾ ಕಾರು ರಿವರ್ಸ ತೆಗೆಯುವಾಗ ಬೈಕಿಗೆ ತಾಗಿದೆ. ಪರಿಣಾಮ ಚೌಡೇಶ್ವರಿ ಕಾಲೋನಿಯ ಅಭಿಷೇಕ ಕುರುಬರ್ ಅವರ ಬೈಕಿಗೆ ಹಾನಿಯಾಗಿದ್ದು, ಆ ಹಾನಿ ಭರಿಸಲು ಅಭಿಷೇಕ ಕುರುಬರ್ ಅವರು 2 ಸಾವಿರ ರೂ ಕೇಳಿದ್ದಾರೆ. ಆ ಹಣ ಕೊಡಲು ಒಪ್ಪದ ಕಾರಣ ಈ ಹೊಡೆದಾಟ ನಡೆದಿದೆ. ಮೇ 5ರ ರಾತ್ರಿ ಗಣೇಶ ನಗರದ ಮಂಜುನಾಥ ಕಾಲೋನಿಯ ಹೈಸ್ಕೂಲ್ ಹತ್ತಿರ ರಕ್ಷಕ ನಾಯ್ಕ ಅವರು ಹೋಗುತ್ತಿದ್ದಾಗ ಅಲ್ಲಿಗೆ ಅಭಿಷೇಕ ಕುರುಬರ್ ಅವರು ಆಗಮಿಸಿದ್ದಾರೆ. ಬೈಕಿನ ಹಾನಿ ಭರಿಸಲು 2 ಸಾವಿರ ರೂ ಕೊಡುವಂತೆ ಕೇಳಿದ್ದಾರೆ. ಆಗ, ರಕ್ಷಕ ನಾಯ್ಕ ಅವರು 1 ಸಾವಿರ ರೂ ಮಾತ್ರ ಕೊಡುವುದಾಗಿ ಹೇಳಿದ್ದಾರೆ. ಇದರಿಂದ ಸಿಟ್ಟಾದ ಅಭಿಷೇಕ ಕುರುಬರ್ ಅವರು ಕಿರಣ ಲೋಕೇಶ ಕುರುಬರ್, ಲೋಕೇಶ ಕುರುಬರ ಅವರನ್ನು ಫೋನ್ ಮಾಡಿ ಕರೆಯಿಸಿದ್ದಾರೆ. ಅವರೆಲ್ಲರೂ ಸೇರಿ ರಕ್ಷಕ ನಾಯ್ಕ ಅವರ ಮೇಲೆ ಆಕ್ರಮಣ ಮಾಡಿದ್ದಾರೆ. ಕೆಟ್ಟದಾಗಿ ನಿಂದಿಸಿ ಹೊಡೆದಿದ್ದಾರೆ. ಈ ವೇಳೆ ರಕ್ಷಕ ನಾಯ್ಕ ಅವರ ತಂದೆ ಸೋಮಶೇಖರ್ ಅವರು ಸ್ಥಳಕ್ಕೆ ಆಗಮಿಸಿ ಜಗಳ ಬಿಡಿಸುವ ಪ್ರಯತ್ನ ಮಾಡಿದ್ದಾರೆ. ಅಭಿಷೇಕ ಕುರುಬರ್ ಹಾಗೂ ಅವರ ಸಹಚರರು ಸೋಮೇಶೇಖರ್ ಅವರಿಗೂ ಕಲ್ಲಿನಿಂದ ಹೊಡೆದಿದ್ದಾರೆ. ಎದೆ ಮೇಲೆ ಹತ್ತಿ ಕುಣಿದು ನೋವು ಮಾಡಿದ್ದಾರೆ.
- [ಬೆಟ್ಟ ಅತಿಕ್ರಮಣ: ದೂರು ನೀಡಿದವನ ಮೇಲೆ ಹಲ್ಲೆ!](https://mobiletime.in/2026/05/hill-encroachment-the-person-who-complained-was-attacked/): ಸೊಪ್ಪಿನ ಬೆಟ್ಟ ಅತಿಕ್ರಮಣದ ಬಗ್ಗೆ ಅರಣ್ಯ ಇಲಾಖೆಗೆ ದೂರು ನೀಡಿದ ಸಿದ್ದಾಪುರ ಹುಲ್ಲುಂಡೆ ಬಳಿಯ ಗಣೇಶ ಹೆಗಡೆ ಅವರಿಗೆ ನೆಡಕಾರೆಮನೆಯ ಮಾದೇವ ಗೌಡ, ಅವರ ಮಗ ಅರುಣ ಗೌಡ ಸೇರಿ ಹಿಗ್ಗಾಮುಗ್ಗ ಹೊಡೆದಿದ್ದಾರೆ. ತಮ್ಮ ಮೇಲೆ ನಡೆದ ದಾಳಿಯ ಬಗ್ಗೆಯೂ ಗಣೇಶ ಹೆಗಡೆ ಅವರು ಪೊಲೀಸ್ ದೂರು ನೀಡಿದ್ದಾರೆ. ಸಿದ್ದಾಪುರದ ಹುಲ್ಲುಂಡೆ ಕೊಡ್ನಮನೆ ಗಣೇಶ ತಿಮ್ಮಪ್ಪ ಹೆಗಡೆ (32) ಅವರು ವಾಸವಾಗಿದ್ದಾರೆ. ಹೆಗ್ಗರಣಿ ಗ್ರಾಮ ಪಂಚಾಯತ ವ್ಯಾಪ್ತಿಗೆ ಒಳಪಡುವ ಉಂಬಳಮನೆ ಹೋಬಳಿಯ ನೆಡಕಾರೆಮನೆ ಬಳಿ ಗಣೇಶ ಹೆಗಡೆ ಅವರ ತೋಟವಿದೆ. ಆ ತೋಟದ ವಹಿವಾಟಿಗಾಗಿ ಸೊಪ್ಪಿನ ಬೆಟ್ಟವಿದ್ದು, ಆ ಬೆಟ್ಟವನ್ನು ನೆಡಕಾರೆಮನೆಯ ಮಾದೇವ ಗೌಡ ಹಾಗೂ ಅವರ ಮಗ ಅರುಣ ಗೌಡ ಅತಿಕ್ರಮಿಸುವ ಪ್ರಯತ್ನ ಮಾಡಿದ್ದಾರೆ. ಗದ್ದೆಗೆ ಮಣ್ಣು ಹಾಕುವ ವಿಷಯವಾಗಿ ಮಾದೇವ ಗೌಡ ಹಾಗೂ ಅರುಣ ಗೌಡ ಅವರು ಸೊಪ್ಪಿನ ಬೆಟ್ಟ ಅಗೆದಿದ್ದು, ಇದನ್ನು ಸಹಿಸದ ಗಣೇಶ ಹೆಗಡೆ ಅವರು ಅರಣ್ಯ ಇಲಾಖೆಗೆ ದೂರು ನೀಡಿದ್ದಾರೆ. ಅದಾದ ನಂತರ ಅರಣ್ಯ ಇಲಾಖೆಯವರು ಅಲ್ಲಿಗೆ ಆಗಮಿಸಿ ಅತಿಕ್ರಮಣ ತಡೆದಿದ್ದಾರೆ. ಬೆಟ್ಟ ಅತಿಕ್ರಮಣ ನಡೆಸದಂತೆ ಗೌಡರ ಕುಟುಂಬಕ್ಕೆ ಎಚ್ಚರಿಕೆಯನ್ನು ನೀಡಿದ್ದಾರೆ. ಅದರಿಂದ ಹೆಗಡೆಯವರ ವಿರುದ್ಧ ಗೌಡರಿಗೆ ದ್ವೇಷ ಶುರುವಾಗಿದ್ದು, ಹೊಡೆದಾಟದ ಮೂಲಕ ಸೇಡು ತೀರಿಸಿಕೊಂಡಿದ್ದಾರೆ. ಮೇ 4ರಂದು ಗಣೇಶ ಹೆಗಡೆ ಅವರು ತೋಟಕ್ಕೆ ಗೊಬ್ಬರ ಹಾಕುವುದಕ್ಕಾಗಿ ಅಲ್ಲಿಗೆ ಹೋಗಿದ್ದರು. ಆಗ, ಎದುರಾದ ಮಾದೇವ ಗೌಡ ಹಾಗೂ ಅರುಣ ಗೌಡ ಏಕಾಏಕಿ ಆಕ್ರಮಣ ನಡೆಸಿದರು. ಗಣೇಶ ಹೆಗಡೆ ಅವರನ್ನು ಅಡ್ಡಗಟ್ಟಿ ಹಲ್ಲೆ ಮಾಡಿದರು. ಗಣೇಶ ಹೆಗಡೆ ಅವರ ಮುಖಕ್ಕೆ ಗಾಯ ಮಾಡಿದ್ದು, ಅವರ ಅಣ್ಣನನ್ನು ಕೊಲೆ ಮಾಡುವುದಾಗಿ ಬೆದರಿಸಿದರು.
- [ಅಡ್ಡದಾರಿ ಹಿಡಿದ ಅಜ್ಜ!](https://mobiletime.in/2026/05/grandpa-youre-on-the-wrong-path/): ದಾಂಡೇಲಿ ಗಾಂಧಿನಗರದ ಅಲಿಸಾಬ್ ಸಿದ್ದಿನಾಯ್ಕ ಅವರು ಗಾಂಜಾ ಮಾರಾಟ ಮಾಡುವಾಗ ಸಿಕ್ಕಿ ಬಿದ್ದಿದ್ದಾರೆ. ಪೊಲೀಸರ್ ಅಲಿಸಾಬ್ ಸಿದ್ದಿನಾಯ್ಕ ಅವರನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ದಾಂಡೇಲಿ ಗಾಂಧಿನಗರದಲ್ಲಿ ಅಲಿಸಾಬ ರಾಜೇಸಾಬ ಸಿದ್ದಿನಾಯ್ಕ ಅವರು ವಾಸವಾಗಿದ್ದರು. 75 ವರ್ಷದ ಅವರಿಗೆ ದುಡಿಯಲು ಮೈಯಲ್ಲಿ ತ್ರಾಣವಿರಲಿಲ್ಲ. ಹೀಗಾಗಿ ಅಡ್ಡದಾರಿ ಹಿಡಿದ ಅವರು ಯುವಕರನ್ನು ಅಡ್ಡದಾರಿಗೆ ಎಳೆಯುವ ಪ್ರಯತ್ನ ಮಾಡಿದ್ದರು. ದಾಂಡೇಲಿ: ನಗರದ ಟಿ ಆರ ಟಿ ಕ್ರಾಸ್ ವಾಟರ್ ಟ್ಯಾಂಕ ಹತ್ತಿರದ ಗಾಂಜಾ ಮಾರಾಟ ಪ್ರಯತ್ನದಲ್ಲಿದ್ದ ಅಲಿಸಾಬ್ ಪೊಲೀಸರ ಬಲೆಗೆ ಬಿದ್ದರು. ಮಂಗಳವಾರ ರಾತ್ರಿ 270ಗ್ರಾಂ ತೂಕದ ಗಾಂಜಾ ಹಿಡಿದು ಅಲೆದಾಡುತ್ತಿದ್ದ ಅಲಿಸಾಬ್ ಅವರನ್ನು ನಗರಠಾಣೆ ಪಿಸೈ ಕಿರಣ ಪಾಟೀಲ್ ಅವರು ವಿಚಾರಿಸಿದರು. ಕೈಯಲ್ಲಿದ್ದ ಬ್ಯಾಗ್ ಪರಿಶೀಲಿಸಿದಾಗ ಅದರಲ್ಲಿ ಮಾದಕ ವ್ಯಸನ ಕಾಣಿಸಿದ್ದು, ಗಾಂಜಾ ಮಾರಾಟಕ್ಕೆ ಬಂದಿರುವುದಾಗಿಯೂ ಅಲಿಸಾಬ್ ಒಪ್ಪಿಕೊಂಡರು. 15 ಸಾವಿರ ರೂ ಮೌಲ್ಯದ ಗಾಂಜಾ ಜಪ್ತು ಮಾಡಿದ ಪೊಲೀಸರು ಆರೋಪಿಯನ್ನು ವಶಕ್ಕೆಪಡೆದರು. ಪಿಎಸ್‌ಐ ಅಮೀನ್ ಅತ್ತಾರ ಅವರು ಪ್ರಕರಣ ದಾಖಲಿಸಿ ತನಿಖೆ ನಡೆಸಿದ್ದಾರೆ.
- [ಸ್ಮಶಾನ ಭೂಮಿ ಅತಿಕ್ರಮಣ: ಅರಣ್ಯ ಇಲಾಖೆಯ ಮೌನ!](https://mobiletime.in/2026/05/cemetery-land-encroachment-forest-departments-silence/): ಭಟ್ಕಳದ ಜಾಲಿ ದೇವಿನಗರದಲ್ಲಿರುವ ಸ್ಮಶಾನ ಭೂಮಿ ಅತಿಕ್ರಮಣವಾಗುತ್ತಿದೆ. ಸ್ಮಶಾನ ಭೂಮಿ ಅಂಚಿನ ಅರಣ್ಯ ಜಾಗವೂ ಆಕ್ರಮಣಕ್ಕೆ ಒಳಗಾಗಿದ್ದು, ಈ ಬಗ್ಗೆ ಅರಿವಿದ್ದರೂ ಅರಣ್ಯ ಇಲಾಖೆ ಮೌನವಾಗಿದೆ. ಭಟ್ಕಳ ತಾಲೂಕಿನ ಜಾಲಿಯ ದೇವಿನಗರದಲ್ಲಿ ಅನೇಕ ವರ್ಷಗಳಿಂದ ಹಿಂದೂ ರುದ್ರಭೂಮಿಯಿದೆ. ಅರಣ್ಯ ಇಲಾಖೆಯ ವ್ಯಾಪ್ತಿಗೆ ಒಳಪಟ್ಟಿರುವ ಈ ಜಾಗದಲ್ಲಿ ಕೆಲವರು ಅತಿಕ್ರಮಣ ನಡೆಸಿದ್ದಾರೆ. ಅಲ್ಲಿ ಮನೆಯನ್ನು ನಿರ್ಮಿಸಿದ್ದು, ಸ್ಮಶಾನ ಭೂಮಿ ಬಿಟ್ಟುಕೊಡುವಂತೆ ಜನ ಬೇಡಿಕೊಂಡರೂ ಪ್ರಯೋಜನವಾಗಿಲ್ಲ. ಅರಣ್ಯ ಇಲಾಖೆಗೆ ದೂರು ನೀಡಿದರೂ ಅವರು ಕಾನೂನು ಕ್ರಮ ಜರುಗಿಸಿಲ್ಲ. ಗ್ರಾಮದವರು ದೂರು ನೀಡಿದಾಗಲೆಲ್ಲ ಅರಣ್ಯ ಅಧಿಕಾರಿಗಳು ಸ್ಥಳ ಭೇಟಿ ಮಾಡುತ್ತಾರೆ. ಅತಿಕ್ರಮಣದಾರರಿಗೆ ಎಚ್ಚರಿಕೆ ನೀಡುತ್ತಾರೆ. ಆದರೆ, ಹೊಸದಾಗಿ ನಡೆಯುವ ಅತಿಕ್ರಮಣ ತಡೆಯುತ್ತಿಲ್ಲ. ಅಲ್ಲಿ ನಿರ್ಮಾಣವಾಗುವ ಕಟ್ಟಡಗಳನ್ನು ನಿಲ್ಲಿಸುತ್ತಿಲ್ಲ. ಹೀಗಾಗಿ ಹಂತ ಹಂತವಾಗಿ ಸ್ಮಶಾನ ಭೂಮಿ ತುಂಬ ಮನೆ ನಿರ್ಮಾಣವಾಗುವ ಆತಂಕ ಎದುರಾಗಿದ್ದು, ಜನ ಅಸಮಧಾನವ್ಯಕ್ತಪಡಿಸಿದ್ದಾರೆ. ಈ ಎಲ್ಲದರ ನಡುವೆ ರುದ್ರಭೂಮಿ ಸಮೀಪದಲ್ಲಿರುವ ನಾಗಯಕ್ಷ ಚೌಡಿ ದೇವಸ್ಥಾನ ಹಾಗೂ ಅಯ್ಯಪ್ಪ ಭಜನಾ ಮಂದಿರದ ಅಭಿವೃದ್ಧಿಗೆ ಅರಣ್ಯ ಇಲಾಖೆ ಅಡ್ಡಗಾಲು ಹಾಕಿದೆ. ಸ್ಮಶಾನ ಭೂಮಿ ರಕ್ಷಣೆಗೆ ಮುಂದಾಗದ ಅಧಿಕಾರಿಗಳು ದೇಗುಲ ಅಭಿವೃದ್ಧಿಗೆ ತಡೆ ಒಡ್ಡುತ್ತಿರುವುದಕ್ಕೆ ಆಕ್ಷೇಪವ್ಯಕ್ತವಾಗಿದೆ. ಸ್ಥಳೀಯ ಮುಖಂಡ ದಯಾ ನಾಯ್ಕ ಅವರು ಅಧಿಕಾರಿಗಳ ನಡೆಯ ವಿರುದ್ಧ ಕಿಡಿಕಾರಿದ್ದಾರೆ.
- [ಆಸಿಡ್ ಟ್ಯಾಂಕರ್ ಪಲ್ಟಿ: ಚಾಲಕ ಸಾವು!](https://mobiletime.in/2026/05/acid-tanker-overturns-driver-dies/): ಯಲ್ಲಾಪುರದ ಅರಬೈಲ್ ಘಟ್ಟದಲ್ಲಿ ಟ್ಯಾಂಕರ್ ಕಂದಕಕ್ಕೆ ಬಿದ್ದಿದೆ. ಅಪಘಾತದ ರಭಸಕ್ಕೆ ಟ್ಯಾಂಕರ್ ಚಾಲಕ ಅಲ್ಲಿಯೇ ಸಾವನಪ್ಪಿದ್ದು, ಶವವನ್ನು ಮೇಲೆತ್ತಲಾಗಿದೆ. ತೆಲಂಗಾಣ ರಾಜ್ಯದ ಜೋಗಲಾಂಬಾ ಗದ್ವಾಲ ಜಿಲ್ಲೆಯ ಪೈಪಾಡು ಗ್ರಾಮದ ವಡ್ಲ ಆಂಜನೇಯಲು (43) ಅವರು ಹುಬ್ಬಳ್ಳಿ ಅಂಕೋಲಾ ಮಾರ್ಗವಾಗಿ ಟ್ಯಾಂಕರ್ ಓಡಿಸುತಿದ್ದರು. ಆಂಧ್ರ ಪ್ರದೇಶದ ಕರುನೂಲಿನಿಂದ ಹೊರಟ ಈ ಟ್ಯಾಂಕರ್ ಯಲ್ಲಾಪುರ ಪ್ರವೇಶಿಸಿದ್ದು, ಮುಂದೆ ಅರಬೈಲ್ ಮಾರ್ಗವಾಗಿ ಚಲಿಸಿತು. ಹೈಡ್ರೋಕ್ಲೋರಿಕ್ ಆಸಿಡ್ ಸಾಗಣೆ ಮಾಡಿಕೊಂಡು ಟ್ಯಾಂಕರ್ ಅರಬೈಲ್ ಘಟ್ಟದ ತಿರುವಿನಲ್ಲಿ ಅಪಘಾತಕ್ಕೀಡಾಯಿತು. ಮೇ 5ರಂದು ರಾತ್ರಿ ಸುಮಾರು 11 ಗಂಟೆಯ ಸುಮಾರಿಗೆ ಅರಬೈಲ್ ಘಟ್ಟದ ತಿರುವಿನಲ್ಲಿ ಟ್ಯಾಂಕರ್ ಪಲ್ಟಿಯಾದ ಪರಿಣಾಮ ಚಾಲಕನಿಗೆ ಗಾಯವಾಯಿತು. ಆ ನೋವಿನಲ್ಲಿಯೇ ವಡ್ಲ ಆಂಜನೇಯಲು ಅವರು ಸಾವನಪ್ಪಿದರು. ಈ ಸಂಬAಧ ಯಲ್ಲಾಪುರ ಪೊಲೀಸರು ಸ್ಥಳ ಭೇಟಿ ಮಾಡಿದ್ದು, ಪ್ರಕರಣ ದಾಖಲಿಸಿದ್ದಾರೆ.  
- [ಡಾಲರ್ ಆಸೆಗೆ ಲಕ್ಷ ರೂ ಖೋತಾ!](https://mobiletime.in/2026/05/forging-lakhs-of-rupees-for-the-sake-of-dollars/): ಫೇಸ್‌ಬುಕ್’ನಲ್ಲಿ ಕಾಣಿಸಿದ ಜಾಹೀರಾತು ನೋಡಿ ದಾಂಡೇಲಿ ನಿವೃತ್ತ ಸೈನಿಕ ದಿವಾಕರ್ ನಾರಾಯಣ ಅವರು 10 ಲಕ್ಷ ರೂ ಕಳೆದುಕೊಂಡಿದ್ದಾರೆ. ದಿವಾಕರ್ ನಾರಾಯಣ ಅವರ ಪತ್ನಿ ಮಾಡಿದ ತಪ್ಪಿಗೆ ಕುಟುಂಬದವರು ಪಶ್ಚಾತಾಪಪಡುತ್ತಿದ್ದಾರೆ. ದಾಂಡೇಲಿಯ ಸಾಯಿ ನಗರದಲ್ಲಿ ದಿವಾಕರ ನಾರಾಯಣ ಅವರು ವಾಸವಾಗಿದ್ದಾರೆ. 66 ವರ್ಷದ ಅವರು ನಿವೃತ್ತ ಸೈನಿಕರಾಗಿದ್ದು, ಅತ್ಯಂತ ಶಿಸ್ತಿನಿಂದ ಬದುಕಿದವರಾಗಿದ್ದಾರೆ. ಆದರೆ, ಹಣದ ಆಸೆಗೆ ಬಿದ್ದ ಅವರ ಪತ್ನಿ ಫೇಸ್‌ಬುಕ್ ಕಾಣಿಸಿದ ಜಾಹೀರಾತು ನೋಡಿ ಮೋಸ ಹೋಗಿದ್ದಾರೆ. ಸ್ಟೇಟ್ ಬ್ಯಾಂಕ್ ಇಂಡಿಯಾದ ಜಂಟಿ ಖಾತೆಯಲ್ಲಿದ್ದ ಹಣವನ್ನು ಅವರು ಕಳೆದುಕೊಂಡಿದ್ದಾರೆ. 2025ರಲ್ಲಿ ಫೇಸ್ಬುಕ್ ನೋಡುತ್ತಿರುವಾಗ `ಡಾಲರ್ ಲೆಕ್ಕದಲ್ಲಿ ದುಡ್ಡುಗಳಿಸಿ’ ಎಂಬ ಜಾಹೀರಾತು ನೋಡಿದರು. ಆ ಜಾಹೀರಾತು ಮೇಲೆ ಕ್ಲಿಕ್ ಮಾಡಿದರು. ಆಗ ಅಲ್ಲಿ ಹೊಸ ವೆಬ್‌ಸೈಟ್ ತೆರೆದುಕೊಂಡಿದ್ದು, ಅಲ್ಲಿ ತಮ್ಮ ವೈಯಕ್ತಿಕ ವಿವರ ದಾಖಲಿಸಿದರು. ಅದಾದ ನಂತರ ನೋಂದಣಿ ಶುಲ್ಕ ಎಂದು 10 ಸಾವಿರ ಹಾಗೂ 12 ಸಾವಿರ ರೂ ಪಾವತಿ ಮಾಡಿದರು. ಡಿಸೆಂಬರ್ ಅವಧಿಯಲ್ಲಿ `ಡಾಲರ್ ದುಡ್ಡನ್ನು ರೂಪಾಯಿಗೆ ಪರಿವರ್ತಿಸಲು ಹಣ ಕೊಡಬೇಕು’ ಎಂಬ ಫೋನ್ ಬಂದಿದ್ದು, ಅಲ್ಲಿಯೂ ಹಣ ಪಾವತಿಸಿದರು. ಈವರೆಗೆ 1060346ರೂ ಹಣ ಹೂಡಿಕೆ ಮಾಡಿ ಮೋಸ ಹೋದರು.
- [ಬಿಜೆಪಿ ಅಧ್ಯಕ್ಷರಿಂದ ಭೂ ಅಕ್ರಮ ಆರೋಪ: ಆ ಭೂಮಿ ಅರಣ್ಯವೇ ಅಲ್ಲ!](https://mobiletime.in/2026/05/bjp-president-alleges-illegal-land-use-that-land-is-not-a-forest-at-all/): ಕುಮಟಾ ಬಿಜೆಪಿ ಮಂಡಳ ಅಧ್ಯಕ್ಷ ಜಿ ಐ ಹೆಗಡೆ ಅವರು ಭೂ ಅಕ್ರಮ ನಡೆಸಿದ ಬಗ್ಗೆ ಹರ್ಷ ಹೆಗಡೆ ಸಹಚರರು ಆರೋಪಿಸಿದ್ದು, `ನಾನು ಯಾರಿಗೂ ಅನ್ಯಾ ಮಾಡಿಲ್ಲ‘ ಎಂದು ಇದೀಗ ಜಿ ಐ ಹೆಗಡೆ ಅವರೇ ಹೇಳಿಕೆ ನೀಡಿದ್ದಾರೆ. `ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವುದನ್ನು ಸಹಿಸದ ಜನ ತಮ್ಮ ವಿರುದ್ಧ ದೂರು ನೀಡಿದ್ದಾರೆ. ಆ ದೂರಿನಲ್ಲಿ ಸತ್ಯಾಂಶವಿಲ್ಲ’ ಎಂದು ಜಿ ಐ ಹೆಗಡೆ ಅವರು ಸ್ಪಷ್ಟನೆ ನೀಡಿದ್ದಾರೆ. `ಬಿಜೆಪಿ: ಮಂಡಳ ಅಧ್ಯಕ್ಷರಿಂದಲೇ ಭೂ ಅಕ್ರಮ’ ತಲೆಬರಹದ ಅಡಿ ಮಂಗಳವಾರ ಮೊಬೈಲ್ ಮಿಡಿಯಾ ನೆಟ್‌ವರ್ಕ ವರದಿ ಪ್ರಸಾರ ಮಾಡಿತ್ತು. ಹರ್ಷ ಹೆಗಡೆ ಹಾಗೂ ಸಹಚರರು ಸರ್ಕಾರಕ್ಕೆ ಸಲ್ಲಿಸಿದ ದೂರಿನ ಆಧಾರದಲ್ಲಿ ಈ ವರದಿ ಪ್ರಸಾರವಾಗಿದ್ದು, ವಿವಿಧ ಮಾಧ್ಯಮಗಳಲ್ಲಿಯೂ ಈ ವಿಷಯ ಚರ್ಚೆ ನಡೆದಿತ್ತು. ಅದೇ ಭೂಮಿ ವಿಷಯವಾಗಿ ಬುಧವಾರ ಜಿ ಐ ಹೆಗಡೆ ಅವರು ದಾಖಲೆ ಬಿಡುಗಡೆ ಮಾಡಿದ್ದಾರೆ. `ಆ ಭೂಮಿ ಅರಣ್ಯ ಇಲಾಖೆ ಆಸ್ತಿಯೇ ಅಲ್ಲ’ ಎಂದು ಅವರು ಹೇಳಿದ್ದಾರೆ. `ಕುಮಟಾ ಮೂರೂರು ಗ್ರಾಮದ ಸರ್ವೆ ನಂಬರ್ 191/1ಅ ಕ್ಷೇತ್ರದಲ್ಲಿ ದತ್ತಾತ್ರೇಯ ಭಟ್ಟ ಅವರು 3 ಎಕರೆ ಭೂಮಿಯನ್ನು ಖರೀದಿಸಿದ್ದಾರೆ. ಆ ಭೂಮಿಗೆ ಕಪೌಂಡ್ ಹಾಕಲು ಕೆಲವರು ತೊಂದರೆ ನೀಡುತ್ತಿದ್ದು, ಸಹಾಯ ಕೇಳಿ ಬಂದ ದತ್ತಾತ್ರೇಯ ಭಟ್ಟ ಅವರ ದಾಖಲೆಗಳನ್ನು ನೋಡಿ ತಾನು ನೆರವು ನೀಡಿದ್ದೇನೆ. ಅನ್ಯಾಯಕ್ಕೆ ಒಳಗಾದವರಿಗೆ ನ್ಯಾಯ ಕೊಡಿಸುವುದು ನಮ್ಮ ಕರ್ತವ್ಯವಾಗಿದ್ದು, ಅದನ್ನು ಸಹಿಸದೇ ಕೆಲವರು ಅನಗತ್ಯ ಆರೋಪ ಮಾಡುತ್ತಿದ್ದಾರೆ’ ಎಂದು ಜಿ ಐ ಹೆಗಡೆ ಅವರು ಹೇಳಿದ್ದಾರೆ. `3 ಎಕ್ರೆ ಸರಕಾರಿ ಅರಣ್ಯ ಭೂಮಿಯನ್ನು ರಾಜಕೀಯ ಪ್ರಭಾವ ಬಳಿಸಿ ಒತ್ತುವರಿಗೆ ಯತ್ನಿಸಿರುವುದಾಗಿ ಕೇಳಿ ಬಂದ ಆರೋಪದಲ್ಲಿ ಸ್ವಲ್ಪವೂ ಸತ್ಯವಿಲ್ಲ’ ಎಂದವರು ಪುನರುಚ್ಚರಿಸಿದ್ದಾರೆ. `ದತ್ತಾತ್ರೇಯ ಭಟ್ಟ ಅವರು ಅಧಿಕೃತವಾಗಿ ಖರೀದಿಸಿದ ಭೂಮಿಗೆ ಕಪೌಂಟ್ ನಿರ್ಮಿಸಲು ಅರಣ್ಯ ಇಲಾಖೆ ಸಮಸ್ಯೆ ಮಾಡಿತ್ತು. ಆ ಬಗ್ಗೆ ಅವರು ನನ್ನಲ್ಲಿ ಹೇಳಿಕೊಂಡಿದ್ದು, ದಾಖಲೆಗಳನ್ನು ಗಮನಿಸಿಯೇ ನಾನು ಮುಂದಿನ ಹೆಜ್ಜೆಯಿಟ್ಟಿದ್ದೇನೆ. ದತ್ತಾತ್ರೇಯ ಭಟ್ಟ ಅವರು ಖರೀದಿಸಿದ ಭೂಮಿಯಲ್ಲಿ ಜಟಕ ದೇವರಿಲ್ಲ. ಜಟಕ ದೇವರಿರುವ ಕ್ಷೇತ್ರದ ಮೇಲೆ ಅವರು ಕಣ್ಣು ಹಾಕಿಲ್ಲ. ತಾನೂ ಸಹ ಅನ್ಯರಿಗೆ ತೊಂದರೆ ಕೊಡುವ ಉದ್ದೇಶ ಹೊಂದಿಲ್ಲ’ ಎಂದು ಜಿ ಐ ಹೆಗಡೆ ಅವರು ಹೇಳಿದ್ದಾರೆ. ದತ್ತಾತ್ರೇಯ ಭಟ್ಟ ಅವರು ಮಾತನಾಡಿ `ಮೂರೂರು ಗ್ರಾಮದ 191 ಸರ್ವೇ ನಂಬರಿಗೆ ಸಂಬoಧಿಸಿ ಇದ್ದ 175 ಎಕರೆ ಅರಣ್ಯ ಪ್ರದೇಶದಲ್ಲಿನ 3 ಎಕರೆ ಪ್ರದೇಶವನ್ನು ಶ್ರೀಧರ ಮಹಾಭಲೇಶ್ವರ ಹೆಗಡೆ ಅವರಿಗೆ 1995-96ರಲ್ಲಿ ಜಿಲ್ಲಾಧಿಕಾರಿಗಳು ಮಂಜೂರಿ ಮಾಡಿದ್ದರು. ಈ 3 ಎಕರೆ 189 ಸರ್ವೇ ನಂಬರ ಚಕ್ ಬಂಧಿಯ ಲಗ್ತ ಇರುವ 191/ಅ1 ಪ್ರದೇಶ ಎಂದು ಸೂಚಿಸಿದ್ದರು. ಈ ರೀತಿ ಮಂಜೂರಾದ ಹಾಗೂ ಸೂಚಿತ 3 ಎಕರೆ ಜಾಗವನ್ನು ನಾನು ಹಾಗೂ ಮಂಜುನಾಥ ವೆಂಕಟ್ರಮಣ ಹೆಗಡೆ ಜಂಟಿಯಾಗಿ 2014ರಲ್ಲಿ ಖರೀದಿಸಿದ್ದು, ಈ ಸ್ಥಳದ ಕುರಿತು ಅರಣ್ಯ ಹಾಗೂ ಸರ್ವೇ ಇಲಾಖೆಯಿಂದ ಜಂಟಿ ಸರ್ವೆ ನಡೆದಿದೆ. ಗಡಿ ಗುರುತು ಹಾಕಲಾಗಿದೆ’ ಎಂದವರು ವಿವರಿಸಿದರು. `ನಾವು ಖರೀದಿಸಿದ ಈ ಜಾಗದಲ್ಲಿ ಜಟಕ ದೇವರಿಲ್ಲ. ಜಟಕ ದೇವರು ನಮ್ಮ ಜಾಗದಿಂದ ತುಂಬಾ ದೂರದಲ್ಲಿದ್ದು, ಖರೀದಿ ಜಾಗಕ್ಕೆ ಕಪೌಂಡ್ ಹಾಕಲು ಮುಂದಾದಗಲೆಲ್ಲ ವಿರೋಧವಾಗುತ್ತಿರುವುದಕ್ಕೆ ಕಾರಣ ಗೊತ್ತಾಗುತ್ತಿಲ್ಲ. ಈ ಸಮಸ್ಯೆ ನಿವಾರಣೆಗಾಗಿ ನಾವು ಜಿ ಐ ಹೆಗಡೆ ಅವರನ್ನು ಕೋರಿಕೊಂಡಿದ್ದು, ಕಿಡಿಗೇಡಿಗಳು ಇದೀಗ ಅವರ ವಿರುದ್ಧ ಅನಗತ್ಯ ಆರೋಪ ಮಾಡಿದ್ದಾರೆ’ ಎಂದು ದೂರಿದರು. ಶ್ರೀಧರ ಮಹಾಬಲೇಶ್ವರ ಹೆಗಡೆ, ಕೃಷ್ಣಮೂರ್ತಿ ಹೆಗಡೆ ಹಾಗೂ ಮಂಜುನಾಥ ವೆಂಕಟ್ರಮಣ ಹೆಗಡೆ ಅವರು ಹಾಜರಿದ್ದು, `ಜಿ ಐ ಹೆಗಡೆ ಅವರದ್ದು ಯಾವುದೇ ತಪ್ಪಿಲ್ಲ’ ಎಂದರು.
- [ಕ್ರಿಕೆಟ್ ಆಟ: ಹೊಡೆದಾಟ!](https://mobiletime.in/2026/05/cricket-game-fight/): ಹೊನ್ನಾವರದ ಖಾರ್ವಾ ಗ್ರಾಮದ ಬಳಿಯಿರುವ ಶಾಲಾ ಮೈದಾನದಲ್ಲಿ ಕ್ರಿಕೆಟ್ ಆಟ ನಡೆದಿದ್ದು, ಆ ಆಟದ ವೇಳೆ ಹೊಡೆದಾಟವೂ ನಡೆದಿದೆ. ಅಬ್ದುಲ್ ರೆಹಮಾನ್ ಅವರು `ಔಟ್’ ಆದ ಬಗ್ಗೆ ಅಂಪೈರ್ ತೀರ್ಪು ನೀಡಿದಾಗ, ಅದನ್ನು ವಿರೋಧಿಸಿ ಸುಬಾನ ಫಕರ್ದಿನ ಮತ್ತು ಮೇಹದಿ ಫಕರ್ದಿನ ಗಲಾಟೆ ಮಾಡಿದ್ದಾರೆ. ಹೊನ್ನಾವರ ತಾಲೂಕಿನ ಖರ್ವಾ ಗ್ರಾಮದ ವಲ್ಕಿ ಬಳಿಯ ಕೊಳಗದ್ದೆ ಶಾಲಾ ಮೈದಾನದಲ್ಲಿ ಮೇ 5ರಂದು ಕ್ರಿಕೆಟ್ ಆಯೋಜಿಸಲಾಗಿತ್ತು. ಪಂದ್ಯದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದ ಅಬ್ದುಲ್ ರೆಹಮಾನ್ ಔಟ್ ಆಗಿದ್ದು, ಅಂಪೈರ್ `ಔಟ್’ ಎಂದು ತೀರ್ಪು ನೀಡಿದ್ದರು. ಆಗ, ಅದೇ ಊರಿನ ಸುಬಾನ ಖಾಜಾ ಫಕರ್ದಿನ (24) ಮತ್ತು ಮೇಹದಿ ಖಾಜಾ ಫಕರ್ದಿನ (21) ಇದನ್ನು ವಿರೋಧಿಸಿದರು. ಈ ವೇಳೆ ಜಗಳ ಶುರುವಾಗಿದ್ದು, ಶೇಖ್ ಮಹಮದ್ ಜುಬೇರ್ ಹಾಜಿ ಶರೀಫ್ ಅವರು ಜಗಳ ತಡೆಯುವ ಪ್ರಯತ್ನ ಮಾಡಿದ್ದರು. ಆದರೆ, ಜಗಳ ತಡೆಯಲು ಬಂದವರಿಗೆ ಆರೋಪಿತರು ಹೊಡೆದರು. ಶೇಖ್ ಮಹಮದ್ ಜುಬೇರ್ ಹಾಜಿ ಶರೀಫ್ ಅವರಿಗೆ ಬ್ಯಾಟಿನಿಂದ ಏಟು ಬಿದ್ದ ಪರಿಣಾಮ ಅವರು ಗಾಯಗೊಂಡರು. ಈ ಬಗ್ಗೆ ಅವರು ಹೊನ್ನಾವರ ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಕಾನ್ಸರ್ ರೋಗಿಗೆ ಕೂದಲು ಕೊಟ್ಟ ಬಾಲಕಿ!](https://mobiletime.in/2026/05/the-girl-who-donated-her-hair-to-a-cancer-patient/): ಕಾನ್ಸರ್ ರೋಗಿಗಳ ಅಂತರಾಳ ಅರಿತ ಸ್ತುತಿ ಹೆಗಡೆ ಅವರು ತಮ್ಮ ಕೂದಲು ದಾನ ಮಾಡಿದ್ದಾರೆ. ಆ ಮೂಲಕ ಕಾನ್ಸರ್ ರೋಗಿಗಳಲ್ಲಿ ಆತ್ಮ ವಿಶ್ವಾಸ ತುಂಬುವ ಕಾಯಕಕ್ಕೆ ಕೈ ಜೋಡಿಸಿದ್ದಾರೆ. ಶಿರಸಿಯ ಕೊಳಗಿಬೀಸ್ ಬಳಿಯ ಹೆಗ್ಗರ್ಸಿಮನೆಯ ಸ್ತುತಿ ಹೆಗಡೆ ಅವರು 7ನೇ ತರಗತಿಯ ವಿದ್ಯಾರ್ಥಿನಿ. ಅವರ ತಂದೆ ರಾಘವೇಂದ್ರ ಹೆಗಡೆ ಅವರು ಜಾನ್ಮನೆ ಸೊಸೈಟಿಯಲ್ಲಿ ವ್ಯವಸ್ಥಾಪಕರಾಗಿದ್ದು, ತಾಯಿ ಗಾಯತ್ರಿ ಹೆಗಡೆ ಅವರು ಹೆಗಡೆಕಟ್ಟಾ ಸೊಸೈಟಿ ಸಿಬ್ಬಂದಿಯಾಗಿದ್ದಾರೆ. ತಾಯಿ ತವರುಮನೆಯಾದ ಒಣಿಕೈ ಬಳಿ ಸ್ತುತಿ ಹೆಗಡೆ ಅವರು ಕುಟುಂಬದ ಜೊತೆ ವಾಸವಾಗಿದ್ದು, ಅಲ್ಲಿಯೇ ಸಮೀಪದಲ್ಲಿರುವ ಪಂಚಲಿoಗ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಓದುತ್ತಿದ್ದಾರೆ. ಸದ್ಯ ಸೊಂಪಾಗಿ ಬೆಳೆದಿದ್ದ ತಲೆಗೂದಲನ್ನು ಅವರು ಸ್ವಯಂ ಪ್ರೇರಣೆಯಿಂದ ಕಾನ್ಸರ್ ರೋಗಿಗಳಿಗೆ ದಾನ ಮಾಡಿದ್ದಾರೆ. ಮತ್ತೆ ಮೂರು ವರ್ಷದಲ್ಲಿ ಮತ್ತೆ 14 ಇಂಚು ಉದ್ದ ಕುದಲು ಬೆಳೆಯುವ ನಿರೀಕ್ಷೆಯಿದ್ದು, 10ನೇ ತರಗತಿ ತಲುಪಿದಾಗ ಮತ್ತೊಮ್ಮೆ ಕೂದಲು ದಾನ ಮಾಡಲು ನಿರ್ಧರಿಸಿದ್ದಾರೆ. ಸ್ತುತಿ ಹೆಗಡೆ ಅವರ ಕೂದಲು ಬಾಲ್ಯದಿಂದಲೂ ಸೊಂಪಾಗಿ ಬೆಳೆದಿತ್ತು. ಏಳನೇ ತರಗತಿಯವರೆಗೆ ಬರುವವರೆಗೆ ಅವರ ಕೂದಲು ಇನ್ನಷ್ಟು ಸಮೃದ್ಧವಾಗಿತ್ತು. ಆ ಕೂದಲನ್ನು ಕತ್ತರಿಸಲು ಪಾಲಕರು ನಿರ್ಧರಿಸಿದ್ದರು. ಕೂದಲನ್ನು ತುಂಡರಿಸಿ ಹಾಳು ಮಾಡುವ ಬದಲು ಅದನ್ನು ಬೇರೆಯವರ ಉಪಯೋಗಕ್ಕೆ ಬಳಸುವ ಬಗ್ಗೆ ರಾಘವೇಂದ್ರ ಹೆಗಡೆ ಹಾಗೂ ಗಾಯತ್ರಿ ಹೆಗಡೆ ಅವರು ಚಿಂತಿಸಿದರು. ಈ ಬಗ್ಗೆ ಶೋಧ ನಡೆಸಿದಾಗ ಕಾನ್ಸರ್ ರೋಗಿಗಳ ಬಳಕೆಗೆ ಕೂದಲು ಅಗತ್ಯವಿರುವ ಬಗ್ಗೆ ಅರಿವಾಯಿತು. ಇನ್ನಷ್ಟು ಹುಡುಕಾಟ ನಡೆಸಿದಾಗ ಶಿರಸಿಯಲ್ಲಿಯೇ ಇರುವ ಅಸ್ಮಿತೆ ಪೌಂಡೇಶನ್ ಕಾನ್ಸರ್ ರೋಗಿಗಳಿಗಾಗಿ ಶ್ರಮಿಸುತ್ತಿರುವುದು ಗಮನಕ್ಕೆ ಬಂದಿತು. ಕಾನ್ಸರ್ ರೋಗಿಗಳಿಗೆ ಕುದಲು ನೀಡುವ ಬಗ್ಗೆ ತಿಳಿಸಿದಾಗ ಸ್ತುತಿ ಹೆಗಡೆ ಅವರು ಅತ್ಯಂತ ಖುಷಿಪಟ್ಟರು. ಅಸ್ಮಿತೆ ಪೌಂಡೇಶನ್ ಅವರನ್ನು ಸಂಪರ್ಕಿಸಿದ ರಾಘವೇಂದ್ರ ಹೆಗಡೆ ಅವರು ತಮ್ಮ ಮಗಳ ಕೂದಲನ್ನು ಕಾನ್ಸರ್ ರೋಗಿಗಳ ಅನುಕೂಲಕ್ಕೆ ನೀಡುವ ವಿಷಯ ತಿಳಿಸಿದರು. ಅಸ್ಮಿತೆ ಪೌಂಡೇಶನ್ ಕಾರ್ಯನಿರ್ವಾಹಕ ನಿರ್ದೇಶಕ ಡಾ ರಿಯಾಜ್ ಸಾಗರ್ ಅವರು ಬಾಲಕಿ ಕಾರ್ಯವನ್ನು ಮೆಚ್ಚಿ, ಅವರನ್ನು ಕರೆಯಿಸಿ ವೈಜ್ಞಾನಿಕ ಪದ್ಧತಿಯಲ್ಲಿ ಕೂದಲುಪಡೆದರು. ಕಳೆದ ನಾಲ್ಕು ವರ್ಷಗಳಿಂದ ಆರೈಕೆಯಿಂದ ಬೆಳೆಸಿದ್ದ ಕೂದಲನ್ನು ಸ್ತುತಿ ಹೆಗಡೆ ಅವರು ದಾನ ಮಾಡಿದರು. ಒಟ್ಟು 14 ಇಂಚಿನ ಕೂದಲನ್ನು ಅಚ್ಚುಕಟ್ಟಾಗಿ ತುಂಡರಿಸಿ, ಅದನ್ನು ಪ್ಲಾಸ್ಟಿಕ್ ಕವರಿನಲ್ಲಿ ಸುತ್ತಿ ರಬ್ಬರ್ ಬ್ಯಾಂಡ್ ಬಿಗಿದು ಬೆಂಗಳೂರಿಗೆ ಕಳುಹಿಸಿದರು. ಇಂಡಿಯನ್ ಕಾನ್ಸರ್ ಸೊಸೈಟಿಯವರು ಆ ಕೂದಲು ಸ್ವೀಕರಿಸಿದ್ದು, ಕಾನ್ಸರ್ ರೋಗಿಗಳಿಗೆ ಕಸಿ ಮಾಡುವ ಕಾಯಕ ನಡೆಸಿದ್ದಾರೆ. ಕಾನ್ಸರ್ ರೋಗಕ್ಕೆ ತುತ್ತಾದವರನ್ನು ರಕ್ಷಿಸುವುದಕ್ಕಾಗಿ ಚಿಕಿತ್ಸೆಯ ಭಾಗವಾಗಿ ಕಿಮೋಥೆರಪಿ ನಡೆಸಲಾಗುತ್ತದೆ. ಆ ವೇಳೆ ದೇಹದಲ್ಲಿದ್ದ ಕಾನ್ಸರ್ ಕೋಶಗಳು ನಾಶವಾಗಲಿದ್ದು, ಅದರೊಂದಿಗೆ ಆರೋಗ್ಯಕರ ಜೀವ ಕೋಶಗಳು ನಶಿಸುತ್ತವೆ. ಅದರ ಪರಿಣಾಮ ರೋಗಿಗಳು ತಮ್ಮ ಕೂದಲನ್ನು ಸಂಪೂರ್ಣವಾಗಿ ಕಳೆದುಕೊಳ್ಳುತ್ತಾರೆ. ಹೀಗೆ ಕೂದಲು ಕಳೆದುಕೊಂಡ ಮಹಿಳೆ ಹಾಗೂ ಮಕ್ಕಳು ಮಾನಸಿಕವಾಗಿ ಕುಗ್ಗುವ ಸಾಧ್ಯತೆಯಿದ್ದು, ಈಗಾಗಲೇ ಕಾನ್ಸರ್ ಚಿಕಿತ್ಸೆಗಾಗಿ ಸಾಕಷ್ಟು ಖರ್ಚು ಮಾಡಿದವರು ಕೂದಲಿನ ಸೌಂದರ್ಯಕ್ಕಾಗಿ ಇನ್ನಷ್ಟು ಹಣ ಖರ್ಚು ಮಾಡುವ ಪರಿಸ್ಥಿತಿಯಲ್ಲಿರುವುದಿಲ್ಲ. ರೋಗಿಗಳ ತಲೆಗೆ ಕೂದಲು ಕಸಿ ಮಾಡುವುದರಿಂದ ಅವರ ಮನಸ್ಸಿನ ನೋವು, ಕೀಳರಿಮೆ ದೂರವಾಗಲಿದ್ದು, ಇಂಥ ಸನ್ನಿವೇಶದಲ್ಲಿ ಸ್ತುತಿ ಹೆಗಡೆ ಅವರಂಥವರು ಮಾಡಿದ ಸಣ್ಣ ಕೊಡುಗೆಯೂ ಕಾನ್ಸರ್ ರೋಗಿಗಳ ಪಾಲಿಗೆ ದೊಡ್ಡ ಭರವಸೆ ನೀಡುತ್ತದೆ. ಆರೋಗ್ಯ ಶಿಬಿರ, ಜನಜಾಗೃತಿ ಸಂದೇಶಗಳ ಮೂಲಕ ಕಾನ್ಸರ್ ಬಗ್ಗೆ ನಿರಂತರ ಅರಿವು ಮೂಡಿಸುತ್ತಿರುವ ಅಸ್ಮಿತೆ ಪೌಂಡೇಶನ್ ಇಂಥ ಮಹತ್ವದ ಕಾರ್ಯಗಳಿಗೆ ಬೆನ್ನೆಲುಬಾಗಿದೆ.
- [ಅಜ್ಜಿಯ ಕಾಸು ಕದ್ದ ಮೊಮ್ಮಕ್ಕಳು: 300ರೂಪಾಯಿಗಾಗಿ ಸಾವಿರ ರೂ ಖರ್ಚು!](https://mobiletime.in/2026/05/grandchildren-stole-grandmothers-money-spending-a-thousand-rupees-for-300-rupees/): ಕುಮಟಾದ ಸುಮಿತ್ರಾ ನಾಯ್ಕ ಅವರು ತಲೆದಿಂಬಿನ ಅಡಿಯಿರಿಸಿದ್ದ 300ರೂ ಕಳ್ಳತನವಾಗಿದೆ. ಆ ಹಣದ ಬಗ್ಗೆ ಅವರು ಮೊಮ್ಮಕ್ಕಳ ಬಳಿ ವಿಚಾರಿಸಿದ್ದು, ಮೂವರು ಮೊಮ್ಮಕ್ಕಳು ಅಜ್ಜಿಯ ಕೆನ್ನೆಗೆ ಬಾರಿಸಿ, ಕಾಲಿನಿಂದ ಒದ್ದು ನೋವುಂಟು ಮಾಡಿದ್ದಾರೆ. ನೋವಿನಿಂದ ಬಳಲಿದ ಅಜ್ಜಿ ಚಿಕಿತ್ಸೆಗಾಗಿ ಸಾವಿರ ರೂ ಖರ್ಚು ಮಾಡಿದ್ದಾರೆ. ಕುಮಟಾದ ಗೂಡ ಕಗಾಲದಲ್ಲಿ ಸುಮಿತ್ರಾ ಪಾಂಡು ನಾಯ್ಕ ಅವರು ವಾಸವಾಗಿದ್ದಾರೆ. ತಾವು ಕೂಡಿಟ್ಟ 300ರೂ ಹಣವನ್ನು ಅವರು ತಲೆದಿಂಬಿನ ಅಡಿ ಜೋಪಾನವಾಗಿರಿಸಿಕೊಂಡಿದ್ದು, ಆ ಹಣ ಸದ್ಯ ಕಳ್ಳತನವಾಗಿದೆ. ರಾತ್ರಿ ವೇಳೆ ಸುಮಿತ್ರಾ ನಾಯ್ಕ ಅವರು ಶೌಚಾಲಯಕ್ಕೆ ಹೋಗಿ ಮರಳಿ ಬಂದು ನೋಡಿದಾಗ ಹಣ ಕಾಣೆಯಾಗಿರುವುದು ಗೊತ್ತಾಗಿದೆ. ತಾವು ದುಡಿದು ಕೂಡಿಟ್ಟ ಹಣ ಕಾಣೆಯಾಗಿದ್ದರಿಂದ ಅವರು ಮೊಮ್ಮಕ್ಕಳಾದ ಕವನ ಶ್ರೀಧರ ನಾಯ್ಕ, ಮಹಿಮಾ ಶ್ರೀಧರ ನಾಯ್ಕ ಹಾಗೂ ಕರುಣಾ ಶ್ರೀಧರ ನಾಯ್ಕ ಅವರ ಮೇಲೆ ಅನುಮಾನವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಸುಮಿತ್ರಾ ನಾಯ್ಕ ಅವರು ಮೊದಲು ಕವನ ನಾಯ್ಕ ಅವರನ್ನು ಪ್ರಶ್ನಿಸಿದ್ದಾರೆ. ಇದರಿಂದ ಸಿಟ್ಟಾದ ಕವನ ನಾಯ್ಕ ಅವರು ಕೂಡಲೇ ಸುಮಿತ್ರಾ ನಾಯ್ಕ ಅವರ ಕೆನ್ನೆಗೆ ಹೊಡೆದಿದ್ದಾರೆ. ಅದಾದ ನಂತರ ಮಹಿಮಾ ನಾಯ್ಕ ಹಾಗೂ ಕರುಣಾ ನಾಯ್ಕ ಅವರು ಸೇರಿ ಸುಮಿತ್ರಾ ನಾಯ್ಕ ಅವರಿಗೆ ಕಾಲಿನಿಂದ ಒದ್ದಿದ್ದಾರೆ. ಅವರೆಲ್ಲ ಸೇರಿ ಸುಮಿತ್ರಾ ನಾಯ್ಕ ಅವರ ತಲೆಗೂ ಹೊಡೆದಿದ್ದು, ಈ ವೇಳೆ ಆ ಮೂರು ಮಕ್ಕಳ ತಾಯಿ ಯಶೋಧಾ ನಾಯ್ಕ ಅವರು ಅಲ್ಲಿಗೆ ಆಗಮಿಸಿ ಜಗಳ ಬಿಡಿಸದ್ದಾರೆ. ಆದರೆ, ಯಶೋಧಾ ನಾಯ್ಕ ಅವರು ಮಕ್ಕಳಿಗೆ ಬುದ್ದಿ ಹೇಳುವ ಬದಲು ಸುಮಿತ್ರಾ ನಾಯ್ಕ ಅವರಿಗೆ ಕೆಟ್ಟದಾಗಿ ಬೈದು ನಿಂದಿಸಿದ್ದಾರೆ. ತಾಯಿ ಮೇಲೆ ನಡೆದ ಆಕ್ರಮಣದ ಬಗ್ಗೆ ನಿವೃತ್ತ ಕಂಡೆಕ್ಟರ್ ನಾಗೇಶ ಪಾಂಡು ನಾಯ್ಕ ಅವರಿಗೆ ಗೊತ್ತಾಗಿದೆ. ಚಿಲ್ಲರೆ ಕಾಸಿಗಾಗಿ ಈ ಪ್ರಮಾಣದಲ್ಲಿ ಹೊಡೆದಾಟ ನಡೆಸಿದ ತಮ್ಮನ ಕುಟುಂಬದವರ ವಿರುದ್ಧ ನಾಗೇಶ ನಾಯ್ಕ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ಶ್ರೀಧರ ನಾಯ್ಕ ಅವರ ಮಕ್ಕಳಿಂದ ತಾಯಿ ಮೇಲೆ ನಡೆದ ದೌರ್ಜನ್ಯದ ಬಗ್ಗೆ ಅವರು ಪೊಲೀಸ್ ದೂರು ನೀಡಿದ್ದು, ಕುಮಟಾ ಪೊಲೀಸರು ತನಿಖೆ ನಡೆಸಿದ್ದಾರೆ. 300ರೂ ಕದ್ದ ವಿಚಾರ ಪ್ರಶ್ನಿಸಿ ದಾಳಿಗೆ ಒಳಗಾದ ಅಜ್ಜಿಯ ಚಿಕಿತ್ಸೆಗೆ ಸಾವಿರ ರೂ ವೆಚ್ಚವಾಗಿದೆ.
- [ಹದಗೆಟ್ಟ ಹೆದ್ದಾರಿ: ಸಚಿವರಿಂದಲೂ ಅಸಮಧಾನ!](https://mobiletime.in/2026/05/deteriorated-highway-even-the-minister-is-unhappy/): ಕಾರವಾರದಿಂದ ಭಟ್ಕಳದವರೆಗಿನ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿ ಶುರುವಾಗಿ 15 ವರ್ಷ ಕಳೆದರೂ ಅದು ಮುಕ್ತಾಯವಾಗದ ಬಗ್ಗೆ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅಸಮಧಾನವ್ಯಕ್ತಪಡಿಸಿದ್ದಾರೆ. ಶಿರಸಿಯಿಂದ ಹಾವೇರಿವರೆಗೆ ನಡೆಯುತ್ತಿರುವ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಯಿಂದಲೂ ಮಳೆಗಾಲದಲ್ಲಿ ಸಾರ್ವಜನಿರಿಗೆ ತೊಂದರೆಯಾಗದ ಹಾಗೇ ತುರ್ತು ಕ್ರಮ ಜರುಗಿಸಬೇಕು’ ಎಂದು ಅವರು ತಾಕೀತು ಮಾಡಿದ್ದಾರೆ. `ಕಾಮಗಾರಿಯ ಮುಕ್ತಾಯಕ್ಕೆ ಅನಗತ್ಯ ವಿಳಂಬ ಮಾಡದೇ ಬಾಕಿ ಇರುವ ಎಲ್ಲಾ ಪ್ರಪೋಸಲ್ ಒಂದೇ ಬಾರಿ ಸಲ್ಲಿಸಿ ಅಗತ್ಯ ಅನುಮೋದನೆ ಪಡೆದು ಕಾಮಗಾರಿಗೆ ವೇಗ ನೀಡಬೇಕು. ಮಳೆಗಾಲಕ್ಕೆ ಮುಂಚೆ ಒಂದು ಲೇಯರ್ ಆದರೂ ಡಾಂಬರ್ ಹಾಕಿ ವಾಹನ ಸುಗಮ ವಾಹನ ಸಂಚಾರಕ್ಕೆ ವ್ಯವಸ್ಥೆ ಮಾಡಬೇಕು’ ಎಂದವರು ಸೂಚಿಸಿದ್ದಾರೆ. ಕಾಮಗಾರಿ ಮುಕ್ತಾಯಕ್ಕೆ ನಿಗಧಿಪಡಿಸಿರುವ ಅವಧಿಯನ್ನು ಯಾವುದೇ ಕಾರಣಕ್ಕೂ ವಿಸ್ತರಣೆ ಮಾಡದಂತೆ ನಿರ್ದೇಶನ ನೀಡಿದ್ದಾರೆ. `ಶಿರಸಿ-ಹಾವೇರಿ ರಸ್ತೆಯಲ್ಲಿ ಸಾರ್ವಜನಿಕರಿಗೆ ಉಸಿರು ಕಟ್ಟುವ ವಾತಾವರಣ ನಿರ್ಮಾಣವಾಗಿದೆ. ಧೂಳಿನಿಂದ ಉಸಿರಾಟ ಸಮಸ್ಯೆ ಕಂಡುಬರುತ್ತಿದೆ. ಕೊನೆಯ ಪಕ್ಷ ಧೂಳು ಏಳದಂತೆ ನೀರು ಸಿಂಪಡಿಸುವ ಕೆಲಸವೂ ಆಗುತ್ತಿಲ್ಲ’ ಎಂದು ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಮಳೆಗಾಲದಲ್ಲಿ ರಾಷ್ಟ್ರೀಯ ಹೆದ್ದಾರಿ ಸೇರಿದಂತೆ ಎಲ್ಲಾ ರಸ್ತೆಗಳ ಪಕ್ಕದಲ್ಲಿರುವ ಚರಂಡಿಗಳನ್ನು ಸ್ವಚ್ಛಗೊಳಿಸಿ ನೀರು ನಿಲ್ಲದಂತೆ ಎಚ್ಚರವಹಿಸಬೇಕು. ವಿದ್ಯುತ್ ಕಂಬಗಳು ಮತ್ತು ಟ್ರಾನ್ಸ್ಫಮ್ ದಾಸ್ಥಾನು ಇರುವಂತೆ ನೋಡಿಕೊಳ್ಳಬೇಕು. ಅಂಗನವಾಡಿ, ಶಾಲೆ ಸೇರಿದಂತೆ ಸಾರ್ವಜನಿಕ ಸ್ಥಳದಲ್ಲಿರುವ ಅಪಾಯಕಾರಿ ಮರಗಳನ್ನು ತೆರವುಗೊಳಿಸಬೇಕು. ಯಾವುದೇ ಅನಾಹುತ ಸಂಭವಿಸಿದಲ್ಲಿ 24 ಗಂಟೆಯ ಒಳಗೆ ಪರಿಹಾರ ವಿತರಿಸಬೇಕು’ ಎಂದು ಸಚಿವರು ಸೂಚಿಸಿದ್ದಾರೆ.
- [ಸಿಮೆಂಟ್ ರಸ್ತೆಗೆ ಡಾಂಬರ್ ಸುರಿದ ಗುತ್ತಿಗೆದಾರ!](https://mobiletime.in/2026/05/contractor-pours-asphalt-on-cement-road/): ಕೋಟ್ಯಂತರ ರೂ ವೆಚ್ಚ ಮಾಡಿ ಕಾರವಾರ-ಹಬ್ಬುವಾಡ ಮಾರ್ಗವನ್ನು ಸಿಮೆಂಟ್ ರಸ್ತೆಯನ್ನಾಗಿ ಮಾಡಲಾಗಿದ್ದು, ಸದ್ಯ ಆ ಸಿಮೆಂಟ್ ರಸ್ತೆಗೆ ಡಾಂಬರ್ ಸುರಿಯಲಾಗಿದೆ. ಗುತ್ತಿಗೆದಾರ ಮಾಡಿದ ಅವಾಂತರ ನೋಡಿ ಅಧಿಕಾರಿಗಳೇ ಕಕ್ಕಾಬಿಕ್ಕಿಯಾಗಿದ್ದಾರೆ! ಕಳೆದ ವರ್ಷ ಕಾರವಾರ-ಹಬ್ಬುವಾಡ ರಸ್ತೆ ನಿರ್ಮಾಣ ನಡೆದಿತ್ತು. ಇಲ್ಲಿ ಸಿಮೆಂಟ್ ರಸ್ತೆ ನಿರ್ಮಿಸಲಾಗಿದ್ದು, ವಾಹನ ಸವಾರರ ಸುಗಮ ಸಂಚಾರಕ್ಕೆ ಸಮಸ್ಯೆಯಿರಲಿಲ್ಲ. ಹೀಗಿರುವಾಗ ಮಂಗಳವಾರ ವಿಜಯಪುರದ ಗುತ್ತಿಗೆದಾರ ಎಸ್ ಎಸ್ ಆಲೂರು ಅವರು ಆ ರಸ್ತೆ ಮೇಲೆ ಸಿಮೆಂಟ್ ಸುರಿದಿದ್ದಾರೆ. ಡಾಂಬರ್ ರಸ್ತೆಯನ್ನು ಸಿಮೆಂಟ್ ರಸ್ತೆಯನ್ನಾಗಿ ಮಾಡುವುದು ಸಾಮಾನ್ಯ. ಆದರೆ, ಸಿಮೆಂಟ್ ರಸ್ತೆಯನ್ನು ಡಾಂಬರೀಕರಣ ಮಾಡುತ್ತಿರುವುದನ್ನು ನೋಡಿ ಜನ ಅಚ್ಚರಿಗೆ ಒಳಗಾದರು. ಸರಿಯಾಗಿದ್ದ ರಸ್ತೆಯ ಮೇಲೆ ಡಾಂಬರ್ ಸುರಿದ ಬಗ್ಗೆ ಜನ ಪ್ರಶ್ನಿಸಿದಾಗ `ನಮ್ಮಲ್ಲಿ ಆರ್ಡರ್ ಇದೆ’ ಎಂದು ಗುತ್ತಿಗೆದಾರ ಹೇಳಿದ್ದು ಜನರನ್ನು ಕೆರಳಿಸಿತು. ಸರಿಯಾಗಿದ್ದ ರಸ್ತೆಯನ್ನು ಹಾಳು ಮಾಡಿದ ಬಗ್ಗೆ ಜನ ಚಿಂತಿಸಿದರು. `ಇದೊಂದು ಹೊಸ ತಂತ್ರಜ್ಞಾನವಿರಬಹುದು’ ಎಂದು ಕೆಲವರು ಗೂಗಲ್ ಮೊರೆ ಹೋದರು. ಆದರೆ, ಎಲ್ಲಿಯೂ ಅದಕ್ಕೆ ಉತ್ತರ ಸಿಗಲಿಲ್ಲ. ಕೊನೆಗೆ ಬೇರೆ ನಗರಗಳ ಪರಿಣಿತರಿಗೆ ಕರೆ ಮಾಡಿದಾಗ ಇದು ಕೇವಲ ಒಂದು ತಾಂತ್ರಿಕ ಎಡವಟ್ಟು ಎಂಬುದು ಗೊತ್ತಾಯಿತು. ರಸ್ತೆಯ ಗುಣಮಟ್ಟವನ್ನು ಹೆಚ್ಚಿಸುವ ಬದಲು, ಇರುವ ರಸ್ತೆಯನ್ನೇ ಹಾಳು ಮಾಡುತ್ತಿರುವುದನ್ನು ಮನಗಂಡ ಜನರು ತಕ್ಷಣವೇ ನಗರಸಭೆ ಮತ್ತು ಲೋಕೋಪಯೋಗಿ ಅಧಿಕಾರಿಗಳನ್ನು ಸಂಪರ್ಕಿಸಿ ತರಾಟೆಗೆ ತೆಗೆದುಕೊಂಡರು. ಅಧಿಕಾರಿಗಳು ಕೂಡಲೇ ಕಾಮಗಾರಿ ಸ್ಥಗಿತಗೊಳಿಸಲು ಆದೇಶಿಸಿದರು. ಆದರೆ, ಅಷ್ಟರಲ್ಲಾಗಲೇ ಸುಮಾರು ಒಂದು ಕಿಲೋಮೀಟರ್ ಉದ್ದದ ರಸ್ತೆಯು ಡಾಂಬರ್ ಹಾಲಾಗಿತ್ತು. ಪರಿಣಾಮ ಆ ರಸ್ತೆಯ ಅಂದ ಹಾಗೂ ಬಾಳಿಕೆ ಎರಡೂ ಹಾಳಾಗಿದೆ. ಕಾಂಕ್ರೀಟ್ ರಸ್ತೆಯ ಮೇಲೆ ಡಾಂಬರ್ ಹಾಕುವುದರಿಂದ ಮಳೆಗಾಲದಲ್ಲಿ ರಸ್ತೆ ಜಾರಿಕೆಯಾಗಿ ಅಪಘಾತ ನಡೆಯುವ ಸಾಧ್ಯತೆಯೂ ಹೆಚ್ಚಿದೆ.
- [ಬೈಕ್ ಡಿಕ್ಕಿ: ವೃದ್ಧನ ಸ್ಥಿತಿ ಗಂಭೀರ](https://mobiletime.in/2026/05/bike-collision-elderly-man-in-critical-condition/): ಹೊನ್ನಾವರದ ಕವಲಕ್ಕಿ ಬಳಿ ಈಶ್ವರ ಹೆಗಡೆ ಅವರಿಗೆ ಬೈಕ್ ಗುದ್ದಿದೆ. ಅಪಘಾತದ ನಂತರ ಬೈಕ್ ಸವಾರ ಸ್ಥಳದಿಂದ ಪರಾರಿಯಾಗಿದ್ದಾರೆ. ಮೇ 4ರಂದು ಹೊನ್ನಾವರದ ಅರೆಅಂಗಡಿ ಬಳಿಯ ಹೆಬ್ಬಿನಕಾನದ ಈಶ್ವರ ನಾರಾಯಣ ಹೆಗಡೆ (90)ಅವರು ತಮ್ಮ ಸಂಬAಧಿಯಾದ ಕಲವಕ್ಕಿ ನಿವಾಸಿ ಗಣೇಶ ಗಣಪತಿ ಹೆಗಡೆ ಅವರ ಮನೆಗೆ ಹೋಗಿದ್ದರು. ಗಣೇಶ ಹೆಗಡೆ ಅವರ ಮನೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಭಾಗಿಯಾದ ಅವರು ಅಲ್ಲಿಯೇ ಉಳಿದುಕೊಂಡಿದ್ದರು. ಸಂಜೆ ಅವರು ಕವಲಕ್ಕಿಯ ಲಕ್ಷಿ ಮೆಡಿಕಲ್’ಗೆ ಹೋಗಲು ಮನೆಯಿಂದ ಹೊರ ಬಿದ್ದರು. ಆಗ, ಹೊನ್ನಾವರದಿಂದ ಹಡಿನಬಾಳದ ಕಡೆ ವೇಗವಾಗಿ ಬೈಕೊಂದು ಚಲಿಸಿತು. ಆ ಬೈಕು ಈಶ್ವರ ಹೆಗಡೆ ಅವರಿಗೆ ಗುದ್ದಿತು. ಈ ವೇಳೆ ಗಣೇಶ ಹೆಗಡೆ ಅವರು ಮನೆ ಅಂಗಳದಲ್ಲಿದ್ದರು. ಆ ಅಪಘಾತ ನೋಡಿದ ಅವರು ಕೂಡಲೇ ಬೈಕ್ ನೋಂದಣಿ ಸಂಖ್ಯೆ ಬರೆದಿಟ್ಟುಕೊಂಡರು. ಈ ವೇಳೆ ಅಲ್ಲಿ ಜನ ಸೇರಿದ್ದು, ಜನರ ಗುಂಪಿನಲ್ಲಿದ್ದ ಬೈಕ್ ಸವಾರ ನಂತರ ನಿಧಾನವಾಗಿ ಅಲ್ಲಿಂದ ಪರಾರಿಯಾದರು. ಆ ಬೈಕ್ ಸವಾರ ಹಡಿನಬಾಳದ ಕಡೆ ಹೋಗಿದನ್ನು ಜನ ನೋಡಿದರು. ಅದಾದ ನಂತರ ಗಾಯಗೊಂಡ ವೃದ್ಧರನ್ನು ನವೀನ ಮರಾಠೆ ಅವರು ತಮ್ಮ ಆಂಬುಲೆನ್ಸಿನ ಮೂಲಕ ಆಸ್ಪತ್ರೆಗೆ ಕರೆದೊಯ್ದರು. ಈ ಎಲ್ಲಾ ವಿಷಯದ ಬಗ್ಗೆ ಅರಿತು ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅರಣ್ಯ ಹಕ್ಕು: ಶೀಘ್ರದಲಿಯೇ ಉನ್ನತ ಮಟ್ಟದ ಸಭೆ](https://mobiletime.in/2026/05/forest-rights-high-level-meeting-soon/): ಅರಣ್ಯ ಅತಿಕ್ರಮಣ ಸಕ್ರಮಗೊಳಿಸುವ ವಿಷಯವಾಗಿ ತಲೆದೂರಿರುವ ಎಲ್ಲಾ ಗೊಂದಲ ಬಗೆಹರಿಸುವುದಕ್ಕಾಗಿ ಹೋರಾಟ ಪ್ರಮುಖರ ಜೊತೆ ಉನ್ನತಾಧಿಕಾರದ ಸಭೆ ನಡೆಸಲು ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ನಿರ್ಧರಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲಾ ಅರಣ್ಯ ಭೂಮಿ ಸಾಗುವಳಿದಾರರ ಹೋರಾಟ ಸಮಿತಿಯ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರಿಗೆ ಮಂಕಾಳು ವೈದ್ಯ ಅವರು ಈ ಬಗೆಯ ಸಭೆ ನಡೆಸುವುದಾಗಿ ಭರವಸೆ ನೀಡಿದ್ದಾರೆ. ಚಂದ್ರಕಾoತ ಕೋಚ್ರೇಕರ್ ಅವರು ಹೊನ್ನಾವರದಲ್ಲಿ ಮಂಕಾಳು ವೈದ್ಯ ಅವರನ್ನು ಭೇಟಿಯಾಗಿ ಗೊಂದಲಗಳ ಬಗ್ಗೆ ಚರ್ಚಿಸಿದರು. ಆಗ, ಜಿಲ್ಲಾಧಿಕಾರಿಗಳ ಉಪಸ್ಥಿತಿಯಲ್ಲಿ ಉನ್ನತ ಮಟ್ಟದ ಜಂಟಿ ಸಭೆ ನಡೆಸುವುದಾಗಿ ಸಚಿವರು ಭರವಸೆ ನೀಡಿದರು. ಆ ಸಭೆಯ ಮೂಲಕ ಅರಣ್ಯ ಹಕ್ಕು ಕಾಯ್ದೆಯ ಅನುಷ್ಠಾನ ಪ್ರಕ್ರಿಯೆಯಲ್ಲಿನ ಗೊಂದಲಗಳನ್ನು ಬಗೆಹರಿಸುವ ಪ್ರಯತ್ನ ಮಾಡುವುದಾಗಿ ಆಶ್ವಾಸನೆ ನೀಡಿದರು. `ಈ ಹಿಂದೆ ತಿರಸ್ಕ್ರತಗೊಂಡಿರುವ ಅರಣ್ಯ ಹಕ್ಕು ಕ್ಲೇಮು ಅರ್ಜಿಗಳ ಪುನರ್ ಪರಿಶಿಲನೆ ನಡೆಸಲು ಉಚ್ಚ ನ್ಯಾಯಾಲಯ ಮತ್ತು ರಾಜ್ಯ ಮಟ್ಟದ ಅರಣ್ಯ ಹಕ್ಕು ಮೇಲ್ವಿಚಾರಣ ಸಮಿತಿ ಆದೇಶ ಮಾಡಿದರೂ ಸಹ ಅನುಷ್ಠಾನ ಪ್ರಕ್ರಿಯೆಯಲ್ಲಿ ಗೊಂದಲವಾಗುತ್ತಿದೆ. ಪರಿಣಾಮ ಬಹುತೇಕ ಅರ್ಜಿಗಳು ತಿರಸ್ಕಾರವಾಗಿದ್ದು, ಜನರ ಆಕ್ರೋಶ ಹೆಚ್ಚಾಗಿದೆ. ಈ ಬಗ್ಗೆ ಮುಖ್ಯಮಂತ್ರಿಗಳ ಬಳಿ ನಿಯೋಗ ತೆರಳಿ ಮನವಿ ನೀಡಿದ ಪರಿಣಾಮ ಅರಣ್ಯ ಭೂಮಿಯಲ್ಲಿನ ಸಾಗುವಳಿ ಸ್ಥಳದ ಮಹಜರು ನಡೆಸಲು ಮತ್ತು ತಿರಸ್ಕಾರವಾಗಿರುವ ಅರ್ಜಿಗಳ ಪುನರ್‌ಪರಿಶೀಲನೆ ನಡೆಸಲು ನಿರ್ದೇಶನ ಸಿಕ್ಕಿದೆ. ಆದರೆ, ಸ್ಥಳದಲ್ಲಿನ ಸಾಂದರ್ಭಿಕ ಸಾಕ್ಷಿಗಳನ್ನು ಗುರುತಿಸಿ, ಅರ್ಜಿಗಳ ಪುನರಪರಿಶೀಲನೆಯ ಸಂದರ್ಭದಲ್ಲಿ ಮಹಜರು ದೃಢೀಕರಣ ಪುರಾವೆಯಾಗಿ ಪರಿಗಣಿಸಿ ಭೂಮಿ ಹಕ್ಕು ನೀಡಲು ಸೂಚಿಸಿದರೂ ಅದರ ವ್ಯತಿರಿಕ್ತವಾಗಿ ಮಹಜರು ಪ್ರಕ್ರಿಯೆ ನಡೆಸಲಾಗುತ್ತಿದೆ’ ಎಂದು ಚಂದ್ರಕಾ0ತ ಕೋಚ್ರೇಕರ್ ಅವರು ದೂರಿದರು. ಹೋರಾಟ ಸಮಿತಿಯ ಪ್ರಮುಖರಾದ ಶ್ರೀಧರ ಶೆಟ್ಟಿ ಹಿರೇಬೈಲ, ವಾಮನ ನಾಯ್ಕ ಮಂಕಿ, ಅಶ್ಫಕ್ ಶೇಖ್, ಶ್ರೀಕಾಂತ ನಾಯ್ಕ ಗುಂಡಿಬೈಲ, ಮಂತು ಫರ್ನಾಂಡಿಸ್ ಜನಕಡ್ಕಲ್, ಪ್ರಮುಖರಾದ ಗೋವಿಂದ ಎಸ್ ನಾಯ್ಕ, ಸಂಕೇತ ನಾಯ್ಕ ಇತರರು ಇದ್ದರು.
- [ಸಬ್ಸಿಡಿ ಯೋಜನೆಗಾಗಿ ಕೈ ಬಿಸಿ ಮಾಡಿದ ರೈತ: ಕಾಸುಪಡೆದವರ ಊರು ಬಿಟ್ಟು ಪರಾರಿ!](https://mobiletime.in/2026/05/farmer-who-got-his-hands-dirty-for-the-subsidy-scheme-he-fled-the-village-of-those-who-got-the-money/): ಗ್ರಾಮ ಪಂಚಾಯತ ಕಚೇರಿ ಮೂಲಕ ಸರ್ಕಾರಿ ಯೋಜನೆ ಕೊಡಿಸುವುದಾಗಿ ಜನರನ್ನು ನಂಬಿಸಿದ ಮುಂಡಗೋಡು ಹುನಗುಂದದ ಪ್ರಶಾಂತ ಪಾಟೀಲ್ ಅನೇಕರಿಂದ ಹಣ ವಸೂಲಿ ಮಾಡಿದ್ದಾರೆ. ಆ ಸೌಲಭ್ಯ ಕೊಡಿಸದೇ ಅವರು ಪರಾರಿಯಾಗಿದ್ದಾರೆ. ಮುಂಡಗೋಡು ಹುನಗುಂದದ ಗ್ರಾಮ ಪಂಚಾಯತ ಕಚೇರಿ ಬಳಿ ಪ್ರಶಾಂತ ಗುರುಪಾದಪ್ಪ ಪಾಟೀಲ ಅವರು ಸುಳಿದಾಡುತ್ತಿದ್ದರು. ಗ್ರಾಮ ಪಂಚಾಯತ ಕಚೇರಿ ಪ್ರವೇಶಿಸಿ ಅವರು ಅಲ್ಲಿ ಕೆಲಸ ಮಾಡುತ್ತಿದ್ದರು. ಗ್ರಾಮ ಪಂಚಾಯತಗೆ ಬರುವ ಜನರಿಗೆ ಪ್ರಶಾಂತ ಪಾಟೀಲ ಅವರು ಸರ್ಕಾರಿ ಯೋಜನೆಗಳ ಬಗ್ಗೆ ಮಾಹಿತಿ ನೀಡುತ್ತಿದ್ದರು. ಗಂಗಾ ಕಲ್ಯಾಣ, ವಿಧವಾ ವಸತಿ ಗೃಹ, ಆಶ್ರಯ ಯೋಜನೆ, ಅಂಗವಿಕಲ ವಿವಾಹ ಪ್ರೋತ್ಸಾಹಧನ ಹಾಗೂ ಅಲ್ಪ ಸಂಖ್ಯಾತರ ಯೋಜನೆಗಳ ಬಗ್ಗೆ ಸಮಗ್ರ ಮಾಹಿತಿ ನೀಡುತ್ತಿದ್ದ ಪ್ರಶಾಂತ ಪಾಟೀಲ್ ಅವರು ಆ ಯೋಜನೆಯ ಫಲಾನುಭವಿಗಳಿಂದ ಅರ್ಜಿ ಸ್ವೀಕಾರ ಮಾಡುತ್ತಿದ್ದರು. ಜೊತೆಗೆ ಯೋಜನೆ ದೊರಕಿಸಿ ಕೊಡುವುದಾಗಿ ಹೇಳಿ ಹಣವನ್ನುಪಡೆಯುತ್ತಿದ್ದರು. ಅದೇ ಊರಿನ ಫಕ್ಕಿರೇಶ್ ಶೇಖಪ್ಪ ಜಾದವ್ ಅವರು ಯೋಜನೆ ಪ್ರಯೋಜನಪಡೆಯಲು ಮೊದಲು 50 ಸಾವಿರ ರೂ ಕೊಟ್ಟಿದ್ದರು. ಅದಾದ ನಂತರ ಮತ್ತೆ 1 ಲಕ್ಷ ರೂ ಹಣ ನೀಡಿದ್ದರು. ಫಕ್ಕಿರೇಶ್ ಜಾದವ್ ಅವರು ಹಣ ನೀಡಿದನ್ನು ನೋಡಿ ಆ ಊರಿನ ಚನ್ನಬಸವ ಬಸವರಾಜ ಬೆಟದೂರು ಅವರಯ ಸಹ 50 ಸಾವಿರ ರೂ ಕೊಟ್ಟಿದ್ದರು. ಪತ್ತೆಸಾಬ್ ಚಮನಸಾಬ್ ಬೆಲವಂತರ ಅವರಿಂದ 70 ಸಾವಿರ ರೂ, ಚಂದ್ರಕಲಾ ಶ್ಯಾಮ್ ಬಗಾಯಿ ಅವರಿಂದ 50 ಸಾವಿರ ರೂ, ಇಮ್ತಿಯಾಜ್ ಅಹಮದ್ ಶೇಖ್ ಅವರಿಂದ 20 ಸಾವಿರ ರೂ, ರಮೇಶ ನಾಗಪ್ಪ ಹಡಪದ ಅವರಿಂದ 10 ಸಾವಿರ ರೂ, ಫಕ್ಕಿರೇಶ ಹರಿಜನ ಅವರಿಂದ 22 ಸಾವಿರ ರೂ ಹಾಗೂ ಬಸವರಾಜ ಹರಿಜನ ಅವರಿಂದ 22 ಸಾವಿರ ರೂಪಡೆದ ಪ್ರಶಾಂತ ಪಾಟೀಲ್ ಅವರು ಆ ಊರು ಬಿಟ್ಟರು. ಸರ್ಕಾರಿ ಯೋಜನೆ ಲಾಭಪಡೆಯುವುದಕ್ಕಾಗಿ ಪ್ರಶಾಂತ ಪಾಟೀಲ್ ಅವರನ್ನು ನಂಬಿದ್ದ ಜನ ಮೋಸ ಹೋದರು. ಹಣ ಮರಳಿಸದೇ ಮೋಸ ಮಾಡಿದ ಪ್ರಶಾಂತ ಪಾಟೀಲ್ ವಿರುದ್ಧ ಪೊಲೀಸ್ ದೂರು ನೀಡಿದರು. ಒಟ್ಟು 394000ರೂ ಪಡೆದು ಮೋಸ ಮಾಡಿದ ಪ್ರಶಾಂತ ಪಾಟೀಲ್ ಅವರ ವಿರುದ್ಧ ಫಕ್ಕಿರೇಶ್ ಶೇಖಪ್ಪ ಜಾದವ್ ಅವರು ನೀಡಿದ ದೂರಿನ ಅನ್ವಯ ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದರು.
- [ಹೆದ್ದಾರಿ ಪ್ರಾಧಿಕಾರಕ್ಕೆ ಶ್ರದ್ಧಾಂಜಲಿ!](https://mobiletime.in/2026/05/tribute-to-the-highway-authority/): ಹದಗೆಟ್ಟ ಶಿರಸಿ-ಹಾವೇರಿ ರಾಷ್ಟಿಯ ಹೆದ್ದಾರಿ ವಿರುದ್ಧ ಶಿರಸಿಯ ಜನ ಸಿಡಿದೆದ್ದಿದ್ದಾರೆ. ಆ ಹೆದ್ದಾರಿ ಸಂಚಾರ ಬಂದ್ ಮಾಡಿ ಬೀದಿಗಿಳಿದು ಪ್ರತಿಭಟನೆ ಮಾಡಿದ್ದಾರೆ. ಶಿರಸಿ-ಹಾವೇರಿ ರಸ್ತೆ ಕೆಲ ನಿಧಾನವಾಗಿರುವುದನ್ನು ಪ್ರತಿಭಟನಾಕಾರರು ಖಂಡಿಸಿದ್ದಾರೆ. ಜೊತೆಗೆ ಅವೈಜ್ಞಾನಿಕ ಕಾಮಗಾರಿಯಿಂದ ಆಗುತ್ತಿರುವ ಅನಾಹುತಗಳ ಬಗ್ಗೆ ಗಮನಸೆಳೆದಿದ್ದಾರೆ. `ಹೆದ್ದಾರಿ ಪ್ರಾಧಿಕಾರಕ್ಕೆ ಶ್ರದ್ಧಾಂಜಲಿ’ ಎಂಬ ಕಟೌಟ್ ನಿಲ್ಲಿಸಿ ತಮ್ಮ ಆಕ್ರೋಶಹೊರಹಾಕಿದ್ದಾರೆ. ಸುಡುವ ಬಿಸಿಲಿನಲ್ಲಿಯೂ ಸಾವಿರಾರು ಜನ ಪ್ರತಿಭಟನೆಗೆ ಆಗಮಿಸಿದ್ದು, ಆಡಳಿತದ ವಿರುದ್ಧ ಧಿಕ್ಕಾರ ಕೂಗಿದ್ದಾರೆ. ಪ್ರತಿಭಟನೆ ಶುರುವಾದ ಅವಧಿಯಿಂದಲೂ ಅಧಿಕಾರಿಗಳು ಜನರ ಮನವೊಲೈಸುವ ಪ್ರಯತ್ನ ಮಾಡಿದರೂ ಅದು ಪ್ರಯೋಜನಕ್ಕೆ ಬಂದಿಲ್ಲ. `ಜನರ ಸಮಸ್ಯೆ ಆಲಿಸುವುದಕ್ಕಾಗಿ ಜಿಲ್ಲಾಧಿಕಾರಿಗಳು ಸ್ಥಳಕ್ಕೆ ಬರಬೇಕು’ ಎಂದು ಆಗ್ರಹಿಸಿ ಪ್ರತಿಭಟನೆ ನಡೆದಿದೆ. ಬಿಸಲಕೊಪ್ಪ ಬಳಿ ಸಂಚರಿಸುವ ಎಲ್ಲಾ ವಾಹನಗಳನ್ನು ತಡೆದು ಜನ ಪ್ರತಿಭಟನೆ ಮಾಡಿದ್ದಾರೆ. ಬಿಸಿಲಕೊಪ್ಪದ ಸರ್ಕಲ್ ಬಳಿ `ಬದುಕಿಗಾಗಿ ಹೋರಾಟ’ ಎಂದು ಹೇಳಿದ ಪ್ರತಿಭಟನಾಕಾರರು ಆ ಮಾರ್ಗವಾಗಿ ಸಂಚರಿಸುವ ವಾಹನ ಸವಾರರ ಬೆಂಬಲ ಕೋರಿದ್ದಾರೆ. ಹೆದ್ದಾರಿ ಮಾರ್ಗವಾಗಿ ವಾಹನ ಓಡಾಟಕ್ಕೆ ಅವಕಾಶ ಕೊಡದೇ ತಮ್ಮ ಅಸಮಧಾನವನ್ನು ಸರ್ಕಾರಕ್ಕೆ ಮುಟ್ಟಿಸುವ ಪ್ರಯತ್ನ ಮಾಡಿದ್ದಾರೆ. ರಸ್ತೆ ಅವ್ಯವಸ್ಥೆಯ ಬಗ್ಗೆ ವಾಹನ ಸವಾರರು ಸಹ ಆಕ್ರೋಶವ್ಯಕ್ತಪಡಿಸಿದ್ದು, ಅವರು ಸ್ವಯಂ ಪ್ರೇರಣೆಯಿಂದ ಪ್ರತಿಭಟನೆಯನ್ನು ಬೆಂಬಲಿಸಿದ್ದಾರೆ. ಹೋರಾಟಗಾರರು ಜನಪ್ರತಿನಿಧಿ ಹಾಗೂ ಗುತ್ತಿಗೆದಾರರ ವಿರುದ್ಧ ಸಾಕಷ್ಟು ಸಲ ಧಿಕ್ಕಾರ ಕೂಗಿದರು. ಶಾಸಕ, ಸಂಸದರ ವಿರುದ್ಧವೂ ಅಸಮಧಾನವ್ಯಕ್ತಪಡಿಸಿದರು. ಅಧಿಕಾರಿಗಳ ಬೇಜವಬ್ದಾರಿ ವಿರುದ್ಧ ಕಿಡಿಕಾರಿದರು. ಪ್ರತಿಭಟನಾ ಸ್ಥಳದಿಂದ ಕಿಲೋ ಮೀಟರ್ ದೂರದಲ್ಲಿ ವಾಹನಗಳು ಸಾಲುಗಟ್ಟಿ ನಿಂತಿದ್ದು, ಹದಗೆಟ್ಟ ಹೆದ್ದಾರಿ ಜೊತೆ ಪ್ರತಿಭಟನೆಯ ಕಾವು ಏರಿದ್ದರಿಂದ ಆ ವಾಹನದಲ್ಲಿದ್ದವರೆಲ್ಲರೂ ಪರಿತಪಿಸಿದರು. ನೂರಾರು ಮಹಿಳೆಯರು ಸಹ ತಮ್ಮ ಮಕ್ಕಳ ಜೊತೆ ಪ್ರತಿಭಟನೆಗೆ ಆಗಮಿಸಿ ಸಮಸ್ಯೆ ಬಗ್ಗೆ ವಿವರಿಸಿದರು. ಪ್ರತಿಭಟನೆಯ ಕಾವು ಏರಿದ ಕಾರಣ ಪೊಲೀಸರು ಹೈರಣಾದರು. ಹೆದ್ದಾರಿ ಮೂಲಕ ಸಂಚರಿಸಬೇಕಿದ್ದ ವಾಹನಗಳ ಮಾರ್ಗ ಬದಲಿಸಿದರು. ಶಿರಸಿ-ಬಿಸಿಲುಕೊಪ್ಪ ಮಾರ್ಗದಲ್ಲಿ ಭಾರೀ ವಾಹನಗಳ ಸಂಚಾರ ನಿಷೇಧಿಸಿ, ಲಾರಿ-ಟಿಪ್ಪರಗಳಿಗೆ ಸರ್ಕಾರಿ ಮತ್ತು ಖಾಸಗಿ ಬಸ್ಸುಗಳಿಗೆ ಮಳಗಿ-ದಾಸನಕೊಪ್ಪ-ಬನವಾಸಿ-ಶಿರಸಿ ಮಾರ್ಗವಾಗಿ ಸಂಚರಿಸಲು ಸೂಚಿಸಿದರು. ಹಾವೇರಿ ಕಡೆಯಿಂದ ಬರುವ ವಾಹನಗಳು ದಾಸನಕೊಪ್ಪ-ಬನವಾಸಿ- ಶಿರಸಿ ಮಾರ್ಗದಲ್ಲಿ ತೆರಳಬೇಕು ಎಂದು ಹೇಳಿದರು. ಅದಾದ ನಂತರ ತಾತ್ಕಾಲಿಕವಾಗಿ ಪ್ರತಿಭಟನೆ ಹಿಂಪಡೆಯಲಾಗಿದ್ದು, ಬೇಡಿಕೆ ಈಡೇರದೇ ಇದ್ದರೆ ಮತ್ತೊಮ್ಮೆ ಬೀದಿಗಿಳಿಯುವುದಾಗಿ ಜನ ಎಚ್ಚರಿಸಿದರು.  
- [ಬಾಳಿ ಬದುಕಬೇಕಿದ್ದ ಯುವತಿ.. ಬೆಂಕಿಗೆ ಆಹುತಿ!](https://mobiletime.in/2026/05/a-young-woman-who-was-supposed-to-live-was-burned-to-death/): ಬಿಸಿ ನೀರು ಕಾಯಿಸಲು ಬಚ್ಚಲು ಮನೆಗೆ ಬೆಂಕಿ ಹಾಕಿದ್ದ ಕುಮಟಾದ ಶಾಹೀನ್ ಲಂಗಡೋ ಅವರು ಅದೇ ಬೆಂಕಿಯಲ್ಲಿ ಬೆಂದು ಸಾವನಪ್ಪಿದ್ದಾರೆ. ಕೈಯಲ್ಲಿದ್ದ ಸೀಮೆ ಎಣ್ಣೆಗೆ ಮೊದಲು ಅಗ್ನಿಸ್ಪರ್ಶವಾಗಿದ್ದು, ಅದರ ಜ್ವಾಲೆ ಶಾಹೀನ್ ಅವರ ಮೈ ಸುಟ್ಟಿದೆ. ಕುಮಟಾದ ವನ್ನಳ್ಳಿಯಲ್ಲಿ ಶಾಹೀನ್ ದಾವೂದ್ ಲಂಗಡೋ (28) ಅವರು ವಾಸವಾಗಿದ್ದರು. ಮನೆ ಕೆಲಸ ಮಾಡಿಕೊಂಡಿದ್ದ ಅವರು ನಿತ್ಯವೂ ಬಚ್ಚಲು ಮನೆಗೆ ಬೆಂಕಿ ಹಾಕಿ ಬಿಸಿ ನೀರು ಕಾಯಿಸುತ್ತಿದ್ದರು. ಇದಕ್ಕಾಗಿ ಅವರು ಸೀಮೆ ಎಣ್ಣೆ ಬಳಸುತ್ತಿದ್ದರು. ಪ್ಲಾಸ್ಟಿಕ್ ಬಾಟಲಿಯಲ್ಲಿ ಸೀಮೆ ಎಣ್ಣೆ ಶೇಖರಿಸಿಕೊಂಡು, ನಿತ್ಯವೂ ಅದನ್ನು ಅಲ್ಪ-ಸ್ವಲ್ಪ ಬಳಕೆ ಮಾಡುತ್ತಿದ್ದರು. ಏಪ್ರಿಲ್ 22ರ ಬೆಳಗ್ಗೆಯೂ ಅವರು ಎಂದಿನAತೆ ಬಚ್ಚಲು ಮನೆ ಪ್ರವೇಶಿಸಿದರು. ಬಿಸಿ ನೀರು ಇಲ್ಲದ ಕಾರಣ ಸೀಮೆ ಎಣ್ಣೆ ಹಿಡಿದು ಬೆಂಕಿಯ ಬಳಿ ಬಂದರು. ಕಟ್ಟಿಗೆಗೆ ಅಂಟಿದ ಬೆಂಕಿ ಆ ಸೀಮೆ ಎಣ್ಣೆ ಬಾಟಲಿಯವರೆಗೂ ಬಂದಿದ್ದು, ದಿಢೀರ್ ಆಗಿ ಜ್ವಾಲೆ ದೊಡ್ಡದಾಯಿತು. ಆ ಬೆಂಕಿ ಬಟ್ಟೆಗೆ ತಾಗಿ ಕೈ-ಮುಖವನ್ನು ಸುಟ್ಟಿತು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ಶಾಹೀನ್ ಲಂಗಡೋ ಅವರನ್ನು ಮಂಗಳೂರಿಗೆ ದಾಖಲಿಸಲಾಯಿತು. ಪಾದರ್ ಮುಲ್ಲಾ ಆಸ್ಪತ್ರೆಯ ಆರೈಕೆಯಲ್ಲಿದ್ದ ಶಾಹೀನ್ ಲಂಗಡೋ ಅವರು ಚೇತರಿಸಿಕೊಳ್ಳಲಿಲ್ಲ. ಪದೇ ಪದೇ ಅವರ ದೇಹ ಕ್ಷಿಣಿಸಲು ಶುರುವಾಗಿದ್ದು, ಮೇ 3ರಂದು ಕೊನೆಯುಸಿರೆಳೆದರು. ಕುಮಟಾದ ಕಿಮಾನಿ ಮೂಲದ ಹಸೀನಾ ಕಾಲಿದ್ ಪನಸುಕರ್ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅರಣ್ಯ ಹಕ್ಕು: ಭೂಮಿಗಾಗಿ ಕಾನೂನು ಹೋರಾಟ](https://mobiletime.in/2026/05/forest-rights-legal-fight-for-land/): `ಮೂರು ಎಕರೆಗಿಂತ ಕಡಿಮೆ ಅರಣ್ಯ ಭೂಮಿ ತೆರವಿಗೆ ನಿರ್ಬಂಧಿಸಿ ಆದೇಶಿಸಿದ ಕ್ರಮಕ್ಕೆ ಕೇಂದ್ರ ಸರ್ಕಾರದ ಪರವಾನಿಗೆ ಇಲ್ಲದಿರುವುದರಿಂದ ಅದನ್ನು ರದ್ಧುಪಡಿಸಬೇಕು’ ಎಂದು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಕೆಯಾಗಿದೆ. ಈ ಅರ್ಜಿ ವಿಷಯವಾಗಿ ಅರಣ್ಯವಾಸಿಗಳ ಪರ ಕಾನೂನು ಹೋರಾಟ ನಡೆಸಲು ನಿರ್ಧರಿಸಿರುವ ಬಗ್ಗೆ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. ಕುಮಟಾದ ಮಾಸ್ತಿಕಟ್ಟ ದೇವಸ್ಥಾನದಲ್ಲಿ ಅರಣ್ಯವಾಸಿಗಳ ಸಭೆ ನಡೆಸಿದ ಅವರು `ವಾಸ್ತವ್ಯ ಮತ್ತು ಸಾಗುವಳಿಗಾಗಿ ಮೂರು ಎಕರೆಗಿಂತ ಕಡಿಮೆ ಇರುವ ಅರಣ್ಯ ಒತ್ತುದಾರರಿಗಾಗಿ ಸಾಗುವಳಿ ಭದ್ರತೆ ಕೊಡುವ ಉದ್ದೇಶದಿಂದ ರಾಜ್ಯ ಸರ್ಕಾರವು ಮೂರು ಎಕರೆಗಿಂತ ಕಡಿಮೆ ಇರುವ ಒತ್ತುದಾರರನ್ನು ಮುಂದಿನ ಸೂಚನೆವರೆಗೆ ಒಕ್ಕಲೆಬ್ಬಿಸಬಾರದು ಎಂದು ಸೂಚನೆ ಹೊರಡಿಸಿದೆ. ಆದರೆ, ಸಾರ್ವಜಿನಿಕ ಹಿತಾಸಕ್ತಿ ಅರ್ಜಿ ದಾಖಲಾದ ಕಾರಣ ಕೇಂದ್ರ ಸರ್ಕಾರದ ಪರವಾನಿಗೆ ಇಲ್ಲದೇ ಮಾಡಿದಂತ ರಾಜ್ಯ ಸರ್ಕಾರದ ಆದೇಶದದ ಕಾನೂನು ಮೌಲ್ಯತೆಯನ್ನ ನ್ಯಾಯಾಲಯದ ಮೊರೆ ಹೋಗಿದೆ. ಈ ವಿಷಯವಾಗಿ ಅರಣ್ಯವಾಸಿಗಳ ಪರವಾಗಿ ಕಾನೂನು ಹೋರಾಟಕ್ಕೆ ಅನಿವಾರ್ಯ’ ಎಂದರು. `ಹೋರಾಟಗಾರರ ವೇದಿಕೆಯು ಮುರುಡೇಶ್ವರದಿಂದ ಕಾರವಾರದವರೆಗೆ ಅರಣ್ಯ ಹಕ್ಕು ಕಾಯಿದೆ ಜಾಗೃತೆ ಪಾದಯಾತ್ರೆ ಸಂಘಟಿಸುವ ಹಿನ್ನಲೆಯಲ್ಲಿ ಕಾಗೋಡ ತಿಮ್ಮಪ್ಪ ಅವರ ವಿಶೇಷ ಆಸಕ್ತಿಯಿಂದ ಆ ಆದೇಶ ಪ್ರಕಟವಾಗಿತ್ತು. ಆದರೆ, ಆದೇಶದ ಕಾನೂನಿನ ಮೌಲ್ಯತೆ ಉಚ್ಚ ನ್ಯಾಯಾಲಯದಲ್ಲಿ ಪ್ರಶ್ನಿಸಿಸುತ್ತಿರುವುದು ವಿಷಾಧನೀಯ’ ಎಂದು ಮಂಜುನಾಥ ಮರಾಠಿ ನಾಗೂರು ಅವರು ಆತಂಕದ ಮಾತನಾಡಿದರು.`ಅರಣ್ಯ ಭೂಮಿ ಹಕ್ಕಿಗೆ ಕಾನೂನಾತ್ಮಕ ಹೋರಾಟ ಅನಿವಾರ್ಯ’ ಎಂದು ಮಹೇಶ ನಾಯ್ಕ ಕಾನಕ್ಕಿ ಅವರು ಹೇಳಿದರು. ಮಹೇಂದ್ರ ನಾಯ್ಕ ಕತಗಾಲ, ಸೀತಾರಾಮ ನಾಯ್ಕ ಬುಗುರಿಬೈಲ, ಜಗದೀಶ್ ಹರಿಕಾಂತ್ರ ಶಶಿಕೋಟೆ, ಗಜಾನನ ತಿಮ್ಮ ಪಟಗಾರ ಹೆಗಡೆ ಮಾತನಾಡಿದರು. ಗಣಪತಿ ಮರಾಠಿ, ಯೋಗೇಶ ಗೌಡ, ಶಂಕರ ಗೌಡ ಕಂದವಳ್ಳಿ, ಮುಜಾಫರ್ ಸಂತೆಗುಳಿ, ಯಾಕುಬ್ ಸಾಬ ಬೆಟ್ಕುಳಿ, ಕೃಷ್ಣ ಮುಕ್ರಿ ವನಳ್ಳಿ, ಸುನೀಲ ಹರಿಕಂತ್ರ ಕಿಮಾನಿ, ಶಾಂತಿ ಮುಕ್ರಿ ಬೆಳ್ಳಂಗಿ, ಜಗದೀಶ್ ನಾಯ್ಕ ಹೆಬ್ಬೆöÊಲ್, ರಾಜು ಗೌಡ ಕತಗಾಲ, ಕೆ ಜೆ ಕುರಿಯಾನ್ ಸೊಪ್ಪಿನಹೊಸಳ್ಳಿ, ಸಾರಂಬಿ ಬೆಟ್ಕುಳಿ, ಜ್ಯೋತಿ ಅಂಬಿಗ ಲುಕ್ಕೇರಿ, ವೆಂಕಟರಮಣ ಪಟಗಾರ ಇತರರಿದ್ದರು.
- [ಪ್ರಾಮಾಣಿಕತೆ ಮರೆತ ಪತ್ರಕರ್ತ: ದಂಡ!](https://mobiletime.in/2026/05/journalist-who-forgets-honesty-penalty/): ಶಿರಸಿಯ ಪತ್ರಕರ್ತರೊಬ್ಬರಿಗೆ ನಗರಸಭೆ ಮಾಜಿ ಸದಸ್ಯರೊಬ್ಬರು 3 ಲಕ್ಷ ರೂ ಸಾಲ ನೀಡಿದ್ದು, ಆ ಸಾಲಪಡೆಯಲು ಹರಸಾಹಸ ಮಾಡಿದ್ದಾರೆ. ಕೊನೆಗೆ ನ್ಯಾಯಾಲಯದ ಮೊರೆ ಹೋಗಿ ಆ ಸಾಲ ವಸೂಲಿ ಮಾಡಿದ್ದಾರೆ. ಶಿರಸಿ ನಗರಸಭೆ ಮಾಜಿ ಸದಸ್ಯ ಶ್ರೀಧರ ಹಿರಿಯಾ ಮೊಗೇರ ಅವರು ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವ ಸ್ವಭಾವಹೊಂದಿದ್ದರು. ಶಿರಸಿಯ ವರದಿಗಾರ ಹುಲಿಗೇಶ ಭೋವಿವಡ್ಡರ್ ಅವರು ಸಹಾಯ ಕೇಳಿ ಆಗಮಿಸಿದಾಗ ಶ್ರೀಧರ ಮೊಗೇರ್ ಅವರಿಗೆ ಇಲ್ಲ ಎನ್ನಲು ಸಾಧ್ಯವಾಗಿಲ್ಲ. ಸಾಲ ಕೇಳಿ ಬಂದ ಹುಲಿಗೇಶ್ ಭೋವಿವಡ್ಡರ್ ಅವರಿಗೆ ಶ್ರೀಧರ ಮೊಗೇರ್ ಅವರು 3 ಲಕ್ಷ ರೂ ನೀಡಿದ್ದರು. ಆದರೆ, ಈ ಹಣವನ್ನು ಮರಳಿಸಲು ಹುಲಿಗೇಶ್ ಅವರು ಮರೆತಿದ್ದರು. ಸಾಕಷ್ಟು ಬಾರಿ ನೆನಪಿಸಿದ ನಂತರ 2024ರಲ್ಲಿ ಹುಲಿಗೇಶ್ ಅವರು ಸಾಲ ಮರುಪಾವತಿಗಾಗಿ ಚೆಕ್ ನೀಡಿದ್ದರು. ಆದರೆ, ಆ ಚೆಕ್’ನ್ನು ಬ್ಯಾಂಕಿಗೆ ಹಾಕಿದಾಗ ನಗದು ಆಗಿರಲಿಲ್ಲ. ಚೆಕ್ ಅಮಾನ್ಯವಾದ ಹಿನ್ನಲೆ ಶ್ರೀಧರ್ ಮೊಗೇರ್ ಅವರು ಶಿರಸಿ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿದರು. ವಕೀಲ ಪ್ರಶಾಂತ ನಾಯ್ಕ ಅವರು ವಾದ ಮಂಡಿಸಿ ಶ್ರೀಧರ ಮೊಗೇರ್ ಅವರಿಗೆ ಆದ ಅನ್ಯಾಯದ ಬಗ್ಗೆ ಮನವರಿಕೆ ಮಾಡಿದರು. ವಾದ ಹಾಗೂ ಪ್ರತಿವಾದ ಆಲಿಸಿದ ನ್ಯಾಯಾಧೀಶೆ ಶಾರದಾದೇವಿ ಸಿ ಹಟ್ಟಿ ಅವರು ಸಾಲ ನೀಡಿದ್ದ ಶ್ರೀಧರ ಹಿರಿಯಾ ಮೊಗೇರ ಅವರಿಗೆ ಸಾಲಪಡೆದಿದ್ದ ಹುಲಿಗೇಶ ಭೋವಿವಡ್ಡರ್ ಅವರು 3,05,000ರೂ ಕೊಡಬೇಕು ಎಂದು ಆದೇಶಿಸಿದರು. `ಅದರಲ್ಲಿ 1ಸಾವಿರ ರೂ ದಂಡವನ್ನು ಪಾವತಿಸಬೇಕು. ಇದಕ್ಕೆ ತಪ್ಪಿದರೆ 6 ತಿಂಗಳು ಜೈಲು ಶಿಕ್ಷೆ ಅನುಭವಿಸಬೇಕು’ ಎಂದು ತೀರ್ಪು ಹೊರಡಿಸಿದರು.
- [ಸ್ನೇಹಭಾವಕ್ಕೆ ಸಾಕ್ಷಿಯಾದ ಸೀಬರ್ಡ ಕ್ರೀಡಾಕೂಟ](https://mobiletime.in/2026/05/seabird-games-a-testament-to-friendship/): ಕಾರವಾರದಲ್ಲಿ ಎಲ್ & ಟಿ ಪ್ರಾಜೆಕ್ಟ್ ಸೀಬರ್ಡ ಅಂತರ ವಿಭಾಗೀಯ ಕ್ರಿಕೆಟ್ ಟೂರ್ನಿ ನಡೆದಿದೆ. ಕಾರ್ಮಿಕರು ಮತ್ತು ಕ್ಲೈಂಟ್ ಪ್ರತಿನಿಧಿಗಳ ಕಲ್ಯಾಣಕ್ಕಾಗಿ ಮಾಲಾದೇವಿ ಮೈದಾನದಲ್ಲಿ ಈ ಕ್ರೀಡಾಕೂಟ ಸಂಘಟಿಸಲಾಗಿದ್ದು, ಅದು ಯಶಸ್ವಿಯಾಗಿದೆ. ಈ ಕ್ರೀಡಾಕೂಟದಲ್ಲಿ ವಿವಿಧ ವಿಭಾಗಗಳಿಂದ ಒಟ್ಟು 6 ತಂಡಗಳು ಭಾಗವಹಿಸಿದ್ದವು. ಕಾರ್ಯಕ್ರಮಕ್ಕೆ ಎಲ್ & ಟಿ ಪ್ರಾಜೆಕ್ಟ್ ಡೈರೆಕ್ಟರ್ ಪಿ. ವಿಜಯ್, AECOM ಸಂಸ್ಥೆಯ ರೆಸಿಡೆಂಟ್ ಎಂಜಿನಿಯರ್ ಜೆ ರಾಜದುರೈ, ನಿವೃತ್ತ ಲೆಫ್ಟಿನೆಂಟ್ ಕಮಾಂಡರ್ ಹಿರೇಮಠ ಭದ್ರಯ್ಯ ಹಾಗೂ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಮುಖ್ಯ ಅತಿಥಿಯಾಗಿದ್ದರು. ಪ್ರಾಜೆಕ್ಟ್ ಅಕೌಂಟೆOಟ್ ಸಿ ಎಸ್ ಪ್ರದೀಪ್, ಸೆಫ್ಟಿ ಇನ್‌ಚಾರ್ಜ್ ಕೃಷ್ಣಕಾಂತ್ ನಾಯಕ್ ಮತ್ತು ಐಆರ್ ಇನ್‌ಚಾರ್ಜ್ ಕುಮಾರ್ ಅವರು ಭಾಗವಹಿಸಿದ್ದರು. ಫೈನಲ್ ಪಂದ್ಯದಲ್ಲಿ ಎಲ್ & ಟಿ MWC-4 ತಂಡ ಮತ್ತು ಎಲ್ & ಟಿ ಸರ್ವಿಸ್ ವಿಭಾಗದ ತಂಡಗಳ ನಡುವೆ ರೋಚಕ ಪೈಪೋಟಿ ನಡೆಯಿತು. ಅತ್ಯುತ್ತಮ ಪ್ರದರ್ಶನ ತೋರಿದ ಎಲ್ & ಟಿ ಖSW ತಂಡ ಚಾಂಪಿಯನ್ ಪಟ್ಟವನ್ನು ಗೆದ್ದುಕೊಂಡಿತು. ಎಲ್ & ಟಿ ಸರ್ವಿಸ್ ವಿಭಾಗ ರನ್ನರ್ ಅಪ್ ಸ್ಥಾನಪಡೆಯಿತು. ವಿಜೇತರಿಗೆ ಮಾಧವ ನಾಯಕ ಅವರು ಬಹುಮಾನ ವಿತರಿಸಿದ್ದು, ರನ್ನರ್ ಅಪ್ ತಂಡಗಳನ್ನು ಸನ್ಮಾನಿಸಿದರು. ಈ ಕಾರ್ಯಕ್ರಮಕ್ಕೆ ಸಿಬ್ಬಂದಿ, ಕ್ಲೈಂಟ್ ಪ್ರತಿನಿಧಿಗಳು ಹಾಗೂ ಕಾರ್ಮಿಕರು ಕುಟುಂಬದವರ ಜೊತೆ ಆಗಮಿಸಿದ್ದರು. ಈ ಟೂರ್ನಿ ಸಂಸ್ಥೆಯ ಒಳಾಂಗಣ ಐಕ್ಯತೆ, ಸ್ನೇಹಭಾವ ಮತ್ತು ಕಲ್ಯಾಣ ಚಟುವಟಿಕೆಗಳನ್ನು ಮತ್ತಷ್ಟು ಬಲಪಡಿಸಿದೆ. An inter-departmental cricket tournament was organized by the L&T Project Seabird in Karwar. The sports event was held at Maladevi Ground for the welfare of workers and client representatives, and it was successfully conducted. A total of six teams from various departments participated in the tournament. The chief guests included L&T Project Director P. Vijay, AECOM Resident Engineer J. Rajadurai, retired Lieutenant Commander Hiremath Bhadrayya, and Janashakti Vedike President Madhav Nayak. Project Accountant C.S. Pradeep, Safety In-charge Krishnakant Nayak, and IR In-charge Kumar were also present. In the final match, there was an exciting contest between the L&T KSW team and the L&T Service Department team. The L&T KSW team delivered an excellent performance and won the championship title, while the L&T Service Department finished as the runner-up. Prizes were distributed to the winners by Madhav Nayak, who also honored the runner-up team. Staff members, client representatives, and workers attended the event along with their families. The tournament helped strengthen internal unity, camaraderie, and welfare activities within the organization.
- [ಬಿಜೆಪಿ: ಮಂಡಳ ಅಧ್ಯಕ್ಷರಿಂದಲೇ ಭೂ ಅಕ್ರಮ!](https://mobiletime.in/2026/05/bjp-land-illegality-by-the-mandal-president-himself/): ಕುಮಟಾ ಬಿಜೆಪಿ ಮಂಡಳ ಅಧ್ಯಕ್ಷ ಜಿ ಐ ಹೆಗಡೆ ಅವರು ದೈವಸ್ಥಾನ ಜಾಗ ಒತ್ತುವರಿ ಪ್ರಯತ್ನ ಮಾಡಿದ ಆರೋಪಕ್ಕೆ ಒಳಗಾಗಿದ್ದಾರೆ. ಅರಣ್ಯ ಜಾಗಕ್ಕೂ ಅವರು ಬೇಲಿ ಹಾಕುವ ಪ್ರಯತ್ನ ಮಾಡಿದ್ದು, ಇದನ್ನು ನೋಡಿದ ಜನ ತಡೆ ಒಡ್ಡಿದ್ದಾರೆ. ಕುಮಟಾ ತಾಲೂಕಿನ ಮೂರೂರು ಗ್ರಾಮ ಬಹುತೇಕ ಅರಣ್ಯ ಪ್ರದೇಶದಿಂದ ಕೂಡಿದೆ. ಇಲ್ಲಿನ ಸರ್ವೆ ನಂಬರ್ 191ರಲ್ಲಿ `ಜಟಕ’ ದೇವರಿದ್ದು, ಸುತ್ತಲಿನ ಅನೇಕ ಗ್ರಾಮದವರು ದೇವರಿಗೆ ನಡೆದುಕೊಳ್ಳುತ್ತಾರೆ. `ಆ ದೇವರಿಂದಲೇ ಕಾಡು ಉಳಿದಿದೆ’ ಎಂದು ಜನ ನಂಬಿದ್ದಾರೆ. ಹೀಗಿರುವಾಗ, ಆ ದೇವರ ಜಾಗವೇ ಅತಿಕ್ರಮಣಕ್ಕೆ ಒಳಗಾಗುವ ಆತಂಕ ಶುರುವಾಗಿದೆ. ವಿವಾದಿತ ಪ್ರದೇಶದ ಪಕ್ಕದ ಭೂಮಿಗೆ ದತ್ತಾತ್ರೇಯ ಭಟ್ಟ ಎಂಬಾತರು ಮಾಲಕರಾಗಿದ್ದು, ಅವರಿಗೆ ಸಹಾಯ ಮಾಡಲು ಹೋಗಿ ಜಿ ಐ ಹೆಗಡೆ ಅವರು ಸಿಕ್ಕಿಬಿದ್ದಿದ್ದಾರೆ. ಮೂರು ಎಕರೆ ಖಾಸಗಿ ಭೂಮಿಯ ಜೊತೆ ಪಕ್ಕದಲ್ಲಿದ್ದ ಅರಣ್ಯ ಭೂಮಿಯನ್ನು ಸೇರಿ ಕಪೌಂಡ್ ನಿರ್ಮಿಸುವ ದುಸ್ಸಾಹಸ ನಡೆದಿದ್ದು, ಈ ಕೆಲಸಕ್ಕೆ ಮುಂದಾದ ಜಿ ಐ ಹೆಗಡೆ ಅವರನ್ನು ಜನ ತರಾಠೆಗೆ ತೆಗೆದುಕೊಂಡಿದ್ದಾರೆ. ಸದ್ಯ ಕಪೌಂಡ್ ಹಾಕಲು ತಂದಿದ್ದ ಚೀರೆಕಲ್ಲುಗಳು ಅರಣ್ಯ ಭೂಮಿ ಪ್ರದೇಶದಲ್ಲಿ ರಾಶಿ ರಾಶಿಯಾಗಿ ಬಿದ್ದಿದೆ. `700ಕ್ಕೂ ಅಧಿಕ ಕುಟುಂಬಗಳು ಆರಾಧಿಸುವ ದೈವಸ್ಥಾನದ ಪ್ರದೇಶ ಯಾವುದೇ ಕಾರಣಕ್ಕೂ ಅತಿಕ್ರಮಣವಾಗಬಾರದು’ ಎಂದು ಆ ಭಾಗದ ಜನ ಆಗ್ರಹಿಸಿದ್ದಾರೆ. ಮೂರೂರು ಗ್ರಾಮದಲ್ಲಿ ಅರಣ್ಯ ಭೂಮಿ ಮತ್ತು ದೈವಸ್ಥಾನದ ಜಾಗವನ್ನು ಒತ್ತುವರಿ ಮಾಡಲು ಯತ್ನಿಸಿದ ಆರೋಪದ ಮೇಲೆ ಕುಮಟಾ ತಾಲೂಕು ಬಿಜೆಪಿ ಮಂಡಲ ಅಧ್ಯಕ್ಷ ಜಿ ಐ ಹೆಗಡೆ ವಿರುದ್ಧ ಗ್ರಾಮಸ್ಥರು ತಿರುಗಿಬಿದ್ದಿದ್ದು, ಈ ವಿಷಯದ ಬಗ್ಗೆ ಸರ್ಕಾರದ ಗಮನಸೆಳೆದಿದ್ದಾರೆ. `500ಕ್ಕೂ ಅಧಿಕ ಜನ ಒಟ್ಟಾಗಿ ಭೂ ಅತಿಕ್ರಮಣ ತಡೆದಿದ್ದೇವೆ. ರಾಜಕೀಯ ಪ್ರಭಾವಕ್ಕೆ ಮಣಿದು ಮತ್ತೆ ಅತಿಕ್ರಮಣಕ್ಕೆ ಅವಕಾಶ ಕೊಡುವ ಹಾಗಿಲ್ಲ’ ಎಂದು ಮೂರೂರಿನ ಹರ್ಷ ಹೆಗಡೆ ಅವರು ತಾಕೀತು ಮಾಡಿದ್ದಾರೆ. ದತ್ತಾತ್ರೇಯ ಭಟ್ಟ ಅವರಿಗೆ ಅವರು ಹೊಂದಿರುವ 3 ಎಕರೆ ಇಳಿಜಾರು ಪ್ರದೇಶದ ಬದಲಾಗಿ ಅರಣ್ಯ ಇಲಾಖೆಯ ಸಮದಟ್ಟು ಜಾಗವನ್ನು ಅಕ್ರಮವಾಗಿ ಕೊಡಿಸುವ ಹುನ್ನಾರ ಇಲ್ಲಿ ನಡೆದಿದೆ. ಇದಕ್ಕೆ ಬಿಜೆಪಿ ಮಂಡಳ ಅಧ್ಯಕ್ಷ ಜಿ ಐ ಹೆಗಡೆ ಅವರು ಮುಂದಾಳತ್ವವಹಿಸಿದ್ದು, ಇದು ಕಾನೂನುಬಾಹಿರ’ ಎಂದು ಆ ಭಾಗದ ಮಾದೇವ ನಾಯ್ಕ್, ಭಾರತಿ ನಾಯ್ಕ್, ನಾಗೇಶ ನಾಯ್ಕ ಹಾಗೂ ಗಣೇಶ ಮುಕ್ರಿ ಅವರು ಹೇಳಿದ್ದಾರೆ. `2021ರಲ್ಲಿ ಅರಣ್ಯ ಇಲಾಖೆ ಮತ್ತು ತಹಶೀಲ್ದಾರರು ಸ್ಥಳ ಪರಿಶೀಲನೆ ನಡೆಸಿದ್ದರು. ಸದರಿ ಜಾಗವು ಕಂದಾಯ ಇಲಾಖೆಗೆ ಸೇರಿದ್ದಲ್ಲ ಎಂಬುದು ಸ್ಪಷ್ಠವಾಗಿದೆ. ಈ ಪ್ರದೇಶ ಅರಣ್ಯ ಇಲಾಖೆಗೆ ಸೇರಿದ ದಾಖಲೆಗಳಿವೆ. ಹೀಗಿದ್ದರೂ, ರಾಜಕೀಯ ಒತ್ತಡ ಬಳಸಿ ಸರ್ವೆ ಕಾರ್ಯ ಮತ್ತು ಗಡಿ ಗುರುತಿಸುವಿಕೆ ಮಾಡುವ ಮೂಲಕ ಭೂಮಿಯನ್ನು ಕಬಳಿಸಲು ನಿರಂತರ ಸಂಚು ನಡೆಯುತ್ತಿದೆ’ ಎಂದು ಈಶ್ವರ ಮುಕ್ರಿ, ವಿಷ್ಣು ಗೌಡ ಕೇರ್ಗಜನಿ, ಭಾಸ್ಕರ್ ಮಡಿವಾಳ ಮೂರೂರ್, ಈಶ್ವರ ನಾಯ್ಕ್ ಮೂರೂರು, ಕುಪ್ಪು ಗೌಡ, ವೆಂಕಟಿ ಮುಕ್ರಿ ಮೂರೂರು ಅವರು ದೂರಿದ್ದಾರೆ. ಕೆಲವು ದಿನಗಳ ಹಿಂದೆ ಅತಿಕ್ರಮಣ ಚಟುವಟಿಕೆಗಳು ನಡೆಯುತ್ತಿದ್ದ ವಿಷಯ ತಿಳಿದ ತಕ್ಷಣ ಅಲ್ಲಿ ಜನ ಜಮಾಯಿಸಿದ್ದು, ಅಲ್ಲಿದ್ದ ಜಿ ಐ ಹೆಗಡೆ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. `ಗ್ರಾಮದ ಆಸ್ತಿ ಮತ್ತು ದೈವದ ಜಾಗವನ್ನು ಬಿಟ್ಟುಕೊಡುವುದಿಲ್ಲ’ ಎಂದು ಜನ ಪಟ್ಟು ಹಿಡಿದು ಒತ್ತುವರಿಯನ್ನು ತಡೆದಿದ್ದಾರೆ. ಅದಾಗಿಯೂ, ರಾಜಕೀಯ ಒತ್ತಡದಿಂದ ಅರಣ್ಯ ಭೂಮಿ ಹಾಗೂ ಧಾರ್ಮಿಕ ಸ್ಥಳ ಅನ್ಯರ ಪಾಲಾಗುವ ಸಾಧ್ಯತೆ ಹಿನ್ನಲೆ ಊರಿನವರು ಈ ವಿಷಯವನ್ನು ಸರ್ಕಾರದ ಗಮನಕ್ಕೆ ತಂದಿದ್ದಾರೆ. ಒತ್ತುವರಿ ಪ್ರಯತ್ನ ಮುಂದುವರೆದರೆ ಉಗ್ರ ಪ್ರತಿಭಟನೆಯ ಎಚ್ಚರಿಕೆಯನ್ನು ನೀಡಿದ್ದಾರೆ. ಊರಿನವರ ಸಮಸ್ಯೆ ಆಲಿಸಿದ ತಹಶೀಲ್ದಾರ್ ಶ್ರೀಕೃಷ್ಣ ಕಾಮುಕರ್ ಅವರು ಮನವಿ ಪತ್ರ ಸ್ವೀಕರಿಸಿದ್ದಾರೆ.
- [ಡಿಗ್ಗಿ ಡಾಕ್ಟರ್ ಸಾವಿನಲ್ಲಿ ಸಾವಿರ ಅನುಮಾನ!](https://mobiletime.in/2026/05/there-are-a-thousand-doubts-about-the-death-of-diggy-doctor/): ತಮಗೆ ತಾವೇ ಚಿಕಿತ್ಸೆ ಮಾಡಿಕೊಳ್ಳುತ್ತಿದ್ದ ಜೊಯಿಡಾದ ಡಿಗ್ಗಿಯ ಡಾ ಲೆನ್ಸರ್ ಲೋಬೋ ಅವರ ಅನುಮಾನಾಸ್ಪದ ರೀತಿಯಲ್ಲಿ ಸಾವನಪ್ಪಿದ್ದಾರೆ. ಅವರ ಸಾವಿನ ಸಮಗ್ರ ತನಿಖೆಗಾಗಿ ಕುಟುಂಬದವರು ಆಗ್ರಹಿಸಿದ್ದಾರೆ. ಜೊಯಿಡಾ ತಾಲೂಕಿನ ಡಿಗ್ಗಿ ಆಸ್ಪತ್ರೆಯಲ್ಲಿ ಲೆನ್ಸರ್ ಲೋಬೊ ಅವರು ಕರ್ತವ್ಯದಲ್ಲಿದ್ದರು. ಜೋಯಿಡಾದ ಇಬ್ರಾಹಿಂ ಎಂಬಾತರ ಜೊತೆ ಅವರು ಸ್ನೇಹಹೊಂದಿದ್ದರು. ಏಪ್ರಿಲ್ 25 ಹಾಗೂ 26ರಂದು ಲೋಬೋ ಅವರು ಗೋವಾಗೆ ಹೋಗಿದ್ದರು. ಮರಳಿ ಬಂದಾಗ ಅವರು ಅನಾರೋಗ್ಯಕ್ಕೆ ಒಳಗಾಗಿದ್ದು, ಸ್ವಯಂ ಚಿಕಿತ್ಸೆ ಮಾಡಿಕೊಂಡಿದ್ದರು. ಅನಾರೋಗ್ಯದ ಅವಧಿಯಲ್ಲಿ ಅವರು ಊಟವನ್ನು ಮಾಡಿರಲಿಲ್ಲ. ಏಪ್ರಿಲ್ 30ರಂದು ಅವರು ನಿತ್ರಾಣರಾಗಿದ್ದು, ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾದ ಲೆನ್ಸರ್ ಲೋಬೊ ಅವರನ್ನು ಅವರ ಪತ್ನಿ ಆಸ್ಪತ್ರೆಗೆ ದಾಖಲಿಸಿದ್ದರು. ಜೊಯಿಡಾ ಆಸ್ಪತ್ರೆ ವೈದ್ಯರು ಡಾ ಲೋಬೋ ಅವರು ಸಾವನಪ್ಪಿದ ವಿಷಯವನ್ನು ಘೋಷಿಸಿದರು. ಈ ಸಾವಿನಲ್ಲಿ ಲೋಬೋ ಅವರ ಪತ್ನಿಗೆ ಅನುಮಾನ ಕಾಡಿದ್ದು, ಅದರ ತನಿಖೆಗಾಗಿ ಕುಟುಂಬದವರು ಪೊಲೀಸರ ಮೊರೆ ಹೋಗಿದ್ದಾರೆ. ಅತಿಯಾದ ಕುಡಿತ ಅಥವಾ ವಿಷ ಆಹಾರ ಸೇವನೆಯಿಂದ ಈ ಸಾವು ಸಂಭವಿಸಿದ ಬಗ್ಗೆ ಕುಟುಂಬದವರು ಅನುಮಾನವ್ಯಕ್ತಪಡಿಸಿದ್ದಾರೆ. ವೈದ್ಯರ ಜೊತೆ ಗೋವಾಗೆ ಹೋಗಿದ್ದ ಸ್ನೇಹಿತನ ಮೇಲೆ ಸಂಶಯವಿರುವುದಾಗಿಯೂ ಹೇಳಿದ್ದಾರೆ.
- [ಒಂದೇ ವರ್ಷದಲ್ಲಿ 90 ಶಿಶುಗಳ ಸಾವು!](https://mobiletime.in/2026/05/90-babies-died/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಳೆದ ಒಂದೇ ವರ್ಷದಲ್ಲಿ 90 ನವಜಾತ ಶಿಶುಗಳ ಮರಣವಾಗಿದೆ. ಈ ಅವಧಿಯಲ್ಲಿ 15 ಸಾವಿರ ಹೆರಿಗೆ ನಡೆದಿದ್ದು, ಆ ಪೈಕಿ 90 ಶಿಶುಗಳು ಸಾವನಪ್ಪಿರುವುದು ಕಳವಳ ಹೆಚ್ಚಿಸಿದೆ. ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರ ಅಧ್ಯಕ್ಷತೆಯಲ್ಲಿ ಜಿಲ್ಲಾ ಪಂಚಾಯಿತಿ ಸಭಾಭವನದಲ್ಲಿ ನಡೆದ ಆರೋಗ್ಯ ಮಿಶನ್ ಸಭೆಯಲ್ಲಿ ಈ ಅಂಕಿ-ಅoಶಗಳ ಬಗ್ಗೆ ಚರ್ಚೆ ನಡೆದಿದೆ. 2025-26ರ ಅವಧಿಯಲ್ಲಿ ವಿವಿಧ ವೈದ್ಯಕೀಯ ಕಾರಣಗಳಿಂದ 69 ಶಿಶುಗಳು ಸಾವನಪ್ಪಿದ್ದು, 21 ಶಿಶುಗಳು ರೋಗಗಳಿಂದ ಅಸುನೀಗಿವೆ. ಅದಾಗಿಯೂ, `ಇದಕ್ಕಿಂತ ಹಿಂದಿನ ವರ್ಷಗಳಿಗೆ ಹೋಲಿಸಿದರೆ ಶಿಶು ಮರಣ ಪ್ರಮಾಣ ಕಡಿಮೆಯಾಗಿದೆ’ ಎಂಬುದು ಅಧಿಕಾರಿಗಳ ಮಾತು. `ನವಜಾತ ಶಿಶುಗಳ ಮರಣ ಪ್ರಮಾಣವನ್ನು ಶೂನ್ಯಕ್ಕೆ ತರಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. `ಗರ್ಭಿಣಿಯರನ್ನು ನಿಗಧಿತ ಅವಧಿಯೊಳಗೆ ನೋಂದಣಿ ಮಾಡಿಕೊಂಡು ತಾಯಿ ಕಾರ್ಡ್ ವಿತರಿಸಬೇಕು. ಗರ್ಭಿಣಿ ಮತ್ತು ಶಿಶುವಿನ ಆರೋಗ್ಯವಂತ ಬೆಳವಣಿಗೆ ಮತ್ತು ಸುರಕ್ಷಿತ ಹೆರಿಗೆಯಾಗುವ ರೀತಿಯಲ್ಲಿ ನಿಯಮಿತವಾಗಿ ತಪಾಸಣೆ ನಡೆಸಬೇಕು. ಅವರಿಗೆ ಅಗತ್ಯವಿರುವ ಆರೋಗ್ಯ ಸೇವೆಗಳನ್ನು ಒದಗಿಸಬೇಕು’ ಎಂದು ಡೀಸಿ ಸೂಚಿಸಿದ್ದಾರೆ. `ಗರ್ಭಿಣಿಯರಿಗೆ ನವಜಾತ ಶಿಶುವಿನ ಪಾಲನೆ ಮತ್ತು ಹಾಲುಣಿಸುವ ವಿಧಾನಗಳ ಕುರಿತಂತೆ ಹೆಚ್ಚಿನ ಅರಿವು ಮೂಡಿಸಬೇಕು. ಹೆಚ್‌ಪಿವಿ ಲಸಿಕೆ ಸೇರಿದಂತೆ ವಿವಿಧ ಲಸಿಕೆಗಳನ್ನು ನೀಡುವ ಕಾರ್ಯಕ್ರಮಗಳಲ್ಲಿ ಶೇ 100ರ ಪ್ರಗತಿ ಸಾಧಿಸಬೇಕು’ ಎಂದುವರು ತಾಕೀತು ಮಾಡಿದ್ದಾರೆ.
- [ಉತ್ತರ ಕನ್ನಡದಲ್ಲಿಯೇ ಅತ್ಯುತ್ತಮ ಶಿಕ್ಷಣ ನೀಡುತ್ತಿರುವ ವಿಧಾತ್ರಿಯ ಸರಸ್ವತಿ ಪಿ.ಯು ಕಾಲೇಜು](https://mobiletime.in/2026/05/vidhatriya-saraswati-pu-college-which-provides-the-best-education-in-uttara-kannada/): ಉನ್ನತ ಶಿಕ್ಷಣದ ಕನಸು ಹೊತ್ತು ಬೆಂಗಳೂರು-ಮಂಗಳೂರಿಗೆ ಹೋಗುತ್ತಿದ್ದ ವಿದ್ಯಾರ್ಥಿಗಳಿಗೆ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೇ ಗುಣಮಟ್ಟದ ಶಿಕ್ಷಣ ಕೊಡಬೇಕು ಎಂಬುದು ಕುಮಟಾದ ಕೊಂಕಣ ಎಜ್ಯುಕೇಶನ್ ಟ್ರಸ್ಟ್ ನವರ ಕನಸು. ಇದಕ್ಕೆ ಪೂರಕವಾಗಿ ಪ್ರಾರಂಭವಾಗಿದ್ದು ಸರಸ್ವತಿ ಪಿ.ಯು ಕಾಲೇಜು. ಈ ಕಾಲೇಜಿನ ವಿಜ್ಞಾನ ವಿಭಾಗಕ್ಕಾಗಿ ಮಂಗಳೂರಿನ ವಿಧಾತ್ರಿ ಅಕಾಡೆಮಿಯ ಸಹ ಸಂಸ್ಥಾಪಕರಾದ ಗುರುರಾಜ ಶೆಟ್ಟಿ ಅವರನ್ನು ಸಂಪರ್ಕಿಸಿದ ಈ ಕಾಲೇಜಿನವರು, ಅವರ ಮೂಲಕ ತಮ್ಮ ಕನಸನ್ನು ನನಸು ಮಾಡಿಕೊಂಡಿದ್ದಾರೆ. ಮಂಗಳೂರು ಹಾಗೂ ಶಿವಮೊಗ್ಗದಲ್ಲಿ ಗುಣಮಟ್ಟದ ಶಿಕ್ಷಣ ನೀಡಿ ಜನ ಮನ್ನಣೆಗಳಿಸಿದ ವಿಧಾತ್ರಿ ಅಕಾಡೆಮಿಯು ಕಳೆದ ಆರು ವರ್ಷಗಳಿಂದ ಕುಮಟಾದಲ್ಲಿಯೂ ಶೈಕ್ಷಣಿಕ ಕ್ರಾಂತಿ ಮಾಡುತ್ತಿದೆ. ವಿಧಾತ್ರಿ ಅಕಾಡಮಿ ಹಾಗೂ ಕೊಂಕಣ ಎಜ್ಯುಕೇಶನ್ ಟ್ರಸ್ಟ್ ಸಹಯೋಗದಲ್ಲಿ ಕುಮಟಾದಲ್ಲಿ ಸರಸ್ವತಿ ಪಿಯು ಕಾಲೇಜು ಮುನ್ನಡೆಯುತ್ತಿದ್ದು, ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಸಾಧಾರಣ ಅಂಕದೊಂದಿಗೆ ಪಾಸಾದವರೂ ಸಹ ಇಲ್ಲಿ ಪಿಯುಸಿ ಪರೀಕ್ಷೆಯಲ್ಲಿ ಸಾಧನೆ ಮಾಡಿದ್ದಾರೆ. ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಮಹತ್ವದ ಅಂಕಗಳಿಸಿದವರಿಗೆ ಎಲ್ಲಾ ಕಾಲೇಜಿನವರು ಕೈ ಬೀಸಿ ಕರೆಯುತ್ತಾರೆ. ಆದರೆ, ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಕಡಿಮೆ ಅಂಕಪಡೆದವರನ್ನು ಸಹ ಮುಖ್ಯ ವಾಹಿನಿಗೆ ತರುವಲ್ಲಿ ವಿಧಾತ್ರಿ ಅಕಾಡೆಮಿ ಶ್ರಮಿಸುತ್ತಿದೆ. ಕೊಂಕಣ ಎಜ್ಯುಕೇಶನ್ ಟ್ರಸ್ಟ್ ಸಹಯೋಗದಲ್ಲಿ ನಡೆಯುತ್ತಿರುವ ಸರಸ್ವತಿ ಪಿಯು ಕಾಲೇಜು ಶೇ 50 ಅಂಕದೊಂದಿಗೆ ಪಾಸಾದವರಿಗೂ ಪ್ರವೇಶ ನೀಡಿ, ಅವರಲ್ಲಿನ ಪ್ರತಿಭೆಗೆ ವೇದಿಕೆ ಒದಗಿಸಿದೆ. ಹೀಗಾಗಿ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಶೇ 50ರಷ್ಟು ಅಂಕಪಡೆದು ಈ ಕಾಲೇಜಿಗೆ ಪ್ರವೇಶಪಡೆದವರು ಪಿಯುಸಿ ವಿಜ್ಞಾನ ವಿಭಾಗದಲ್ಲಿಯೇ ಶೇ 90ರ ಸಾಧನೆ ಮಾಡಿದ್ದಾರೆ. 2020ರಿಂದ ಈವರೆಗೂ ಸರಸ್ವತಿ ಪಿಯು ಕಾಲೇಜು ಒಂದಿಲ್ಲೊಂದು ದಾಖಲೆ ಬರೆಯುತ್ತಲೇ ಇದೆ. ತಾಲೂಕು ಮಟ್ಟದಿಂದ ಶುರುವಾಗಿ ರಾಜ್ಯಮಟ್ಟದವರೆಗೂ ಇಲ್ಲಿನ ಪ್ರತಿಭೆಗಳು ಬೆಳಗಿವೆ. NEET, JEE, KCET ಸೇರಿದಂತೆ ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿಯೂ ಇಲ್ಲಿನ ವಿದ್ಯಾರ್ಥಿಗಳು ವಿಶಿಷ್ಟ ಸಾಧನೆ ಮಾಡಿದ್ದಾರೆ. ಪ್ರತಿ ವರ್ಷವೂ ಈ ಕಾಲೇಜು ಶೇ 100ರ ಸಾಧನೆ ಮಾಡುತ್ತಿದೆ. ಕಾಲೇಜಿನಲ್ಲಿರುವ ನುರಿತ ಉಪನ್ಯಾಸಕರು ಹಾಗೂ ಅವರ ಮಾರ್ಗದರ್ಶನವೇ ಇದಕ್ಕೆ ಕಾರಣ. ಪ್ರತಿ ವಿದ್ಯಾರ್ಥಿಯ ಓದಿನ ಜೊತೆ ಅವರ ಬೇಕು-ಬೇಡಗಳಿಗೆ ಸ್ಪಂದಿಸಿ, ಮಕ್ಕಳ ಆತ್ಮವಿಶ್ವಾಸ ಬೆಳಸುವುದಕ್ಕಾಗಿ ಉಪನ್ಯಾಸಕರು ಶ್ರಮಿಸುತ್ತಿದ್ದಾರೆ. ಅದರಲ್ಲಿಯೂ, ಕಲಿಕೆಯಲ್ಲಿ ಹಿಂದುಳಿದ ವಿದ್ಯಾರ್ಥಿಗಳನ್ನು ದತ್ತು ಯೋಜನೆಗಳ ಅಡಿ ವಿಶೇಷ ಗಮನಹರಿಸಿ ಅವರನ್ನು ಮುಖ್ಯ ವಾಹಿನಿಗೆ ತರುವ ಕೆಲಸ ನಿರಂತರವಾಗಿದೆ. ಈ ಎಲ್ಲಾ ಹಿನ್ನಲೆ ವರ್ಷದಿಂದ ವರ್ಷಕ್ಕೆ ಹೆಮ್ಮರವಾಗಿ ಬೆಳೆಯುತ್ತಿದೆ. ಸರಸ್ವತಿ ಪಿಯು ಕಾಲೇಜು ಜನರ ಪ್ರೀತಿ-ವಿಶ್ವಾಸವನ್ನು ಇಮ್ಮಡಿಗೊಳಿಸಿದೆ. ಇಡೀ ಉತ್ತರ ಕನ್ನಡ ಜಿಲ್ಲೆಯ ಜನರ ನಂಬಿಕೆಯ ಶಿಕ್ಷಣ ಕೇಂದ್ರವಾಗಿ ಗುರುತಿಸಿಕೊಂಡಿದೆ. `ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಕಡಿಮೆ ಅಂಕ ಬಂತು’ ಎಂದು ಮಂಕಾಗಿರುವ ವಿದ್ಯಾರ್ಥಿಗಳನ್ನು ಹುರಿದುಂಬಿಸಿ ಅವರ ಭದ್ರ ಭವಿಷ್ಯಕ್ಕೆ ಈ ಕಾಲೇಜು ಅಡಿಪಾಯ ಹಾಕುತ್ತಿದೆ. ವಿದ್ಯಾಗಿರಿಯಲ್ಲಿರುವ ಸರಸ್ವತಿ ಪಿಯು ಕಾಲೇಜು ವಿದ್ಯೆಯನ್ನು ದಾರೆ ಎರೆಯುವ ಕಾಯಕವನ್ನು ಯಶಸ್ವಿಯಾಗಿ ಮುನ್ನಡೆಸುತ್ತಿದೆ. ವಿಧಾತ್ರಿಯ ವಿದ್ಯಾಧಾಮ ವಿಧಾತ್ರಿ ಅಕಾಡೆಮಿ ಮುಂದಾಳತ್ವದಲ್ಲಿ ನಡೆಯುವ ಸರಸ್ವತಿ ಪಿಯು ಕಾಲೇಜಿನಲ್ಲಿ ಬಾಲಕ-ಬಾಲಕಿಯರಿಗಾಗಿ ಪ್ರತ್ಯೇಕ ಹಾಸ್ಟೇಲ್’ಗಳಿವೆ. ‘ವಿದ್ಯಾಧಾಮ’ ಎಂಬ ಹೆಸರಿನಲ್ಲಿರುವ ಈ ಹಾಸ್ಟೇಲ್ ನಲ್ಲಿ ವಿದ್ಯಾರ್ಥಿಗಳಿಗೂ ಅನೇಕ ಸೌಕರ್ಯಗಳನ್ನು ಕಲ್ಪಿಸಲಾಗಿದೆ. ಊಟ-ವಸತಿ ಜೊತೆ ವಿಶೇಷ ತರಗತಿಗಳನ್ನು ಆಯೋಜಿಸಿ ಮಕ್ಕಳ ವೈಯಕ್ತಿಕ ಬೆಳವಣಿಗೆಗೆ ವಿಶೇಷ ಒತ್ತು ನೀಡಲಾಗುತ್ತದೆ. ವಿಶೇಷ ತರಗತಿಗಳಿಗೆ ಪೂರಕವಾಗಿ ಪ್ರತಿ ವಾರ ಪರೀಕ್ಷೆಗಳು ನಡೆಯುತ್ತದೆ. ಇದರೊಂದಿಗೆ ಮಕ್ಕಳಲ್ಲಿ ಶಿಸ್ತು ಬೆಳೆಸಲು ನಿವೃತ್ತ ಸೈನಿಕರೊಬ್ಬರು ಇಲ್ಲಿ ಕಾರ್ಯ ನಿರ್ವಹಿಸುತ್ತಾರೆ. ಆಪ್ತ ಸಮಾಲೋಚನೆಗಾಗಿ ಮಾನಸಿಕ ತಜ್ಞರನ್ನು ಸಂಸ್ಥೆ ನೇಮಿಸಿದೆ. ವೈದ್ಯಕೀಯ, ಇಂಜಿನಿಯರಿಂಗ್ ಸೇರಿದಂತೆ ವಿವಿಧ ವೃತ್ತಿಪರ ಕೋರ್ಸ್ಗಳಲ್ಲಿ ಪ್ರವೇಶ ಪಡೆಯಲು ಬಯಸುವ ವಿದ್ಯಾರ್ಥಿಗಳಿಗೆ ಈ ಕಾಲೇಜು ಭವಿಷ್ಯದ ಕನಸು ಈಡೇರಿಕೆಗೆ ನೆರವು ನೀಡುತ್ತದೆ. ಈಗಾಗಲೇ ಅನೇಕ ವಿದ್ಯಾರ್ಥಿಗಳು ಕಾಲೇಜು ಪ್ರವೇಶ ಪ್ರಕ್ರಿಯೆಗೆ ಆಗಮಿಸಿದ್ದು, ನಿಮ್ಮ ಮಗುವಿನ ಪ್ರವೇಶಕ್ಕಾಗಿ ಇಲ್ಲಿ ಫೋನ್ ಮಾಡಿ: 9972664155 ಅಥವಾ 9972663855 #Sponsored
- [ಕುಡಿಯುವ ನೀರಿಗೆ ಕಲ್ಲು ಹಾಕಿದ ಕಿಡಿಗೇಡಿ!](https://mobiletime.in/2026/05/the-scoundrel-who-threw-stones-into-the-drinking-water/): ಕುಮಟಾದ ಅಘನಾಶಿನಿ ಬಳಿ ಸಾರ್ವಜನಿಕ ಕುಡಿಯುವ ನೀರಿನ ವ್ಯವಸ್ಥೆಗೆ ಆರು ಜನ ಅಡ್ಡಪಡಿಸಿದ್ದಾರೆ. ಸರ್ಕಾರಿ ಪ್ರೌಢಶಾಲೆ ಬಳಿಯಿರುವ ನೀರಿನ ಟಾಕಿಗೆ ಕಲ್ಲು, ಮಣ್ಣು, ಕಟ್ಟಿಗೆ ಹಾಕಿ ಹಾಳು ಮಾಡಿದ್ದಾರೆ! ಕುಮಟಾದ ಕಗಾಲ ಗ್ರಾಮ ಪಂಚಾಯತ ಪ್ರದೇಶ ವ್ಯಾಪ್ತಿಯ ಕೆಲವಡೆ ಕುಡಿಯುವ ನೀರಿನ ಸಮಸ್ಯೆಗಳಿವೆ. ಅಲ್ಲಿನ ಗ್ರಾಮ ಪಂಚಾಯತವು ಜನರಿಗೆ ನೀರು ಕುಡಿಸುವ ಮಹತ್ವದ ಹೊಣೆಗಾರಿಕೆ ಹೊತ್ತಿದೆ. ಇದಕ್ಕಾಗಿ ಅಲ್ಲಲ್ಲಿ ಕೊಳವೆ ಬಾವಿಗಳನ್ನು ನಿರ್ಮಿಸಲಾಗಿದ್ದು, ಅದರ ಮೂಲಕ ಟಾಕಿಗಳಿಗೆ ನೀರು ಸರಬರಾಜು ಮಾಡಲಾಗುತ್ತದೆ. ಪಂಚಾಯತ ದಿನಗೂಲಿ ನೌಕರರಾದ ಹನುಮಂತ ಧಾಮೋದರ ನಾಯ್ಕ ಹಾಗೂ ಗಣಪತಿ ದೇವು ಹರಿಕಂತ್ರ ಅವರು ನೀರು ಸರಬರಾಜುವ್ಯವಸ್ಥೆಯನ್ನು ನೋಡಿಕೊಳ್ಳುತ್ತಾರೆ. ಹೀಗಿರುವಾಗ ಏಪ್ರಿಲ್ 24ರಂದು ಹನುಮಂತ ನಾಯ್ಕ ಹಾಗೂ ಗಣಪತಿ ಹರಿಕಂತ್ರ ಅವರು ತಮ್ಮ ಕರ್ತವ್ಯಕ್ಕೆ ಹೋಗಿದ್ದರು. ಆ ದಿನ ಸಂಜೆ ಅವರು ಅಘನಾಶಿನಿ ಬಳಿಯ ಕೊಳವೆಬಾವಿ ಸಮೀಪ ಹೋದಾಗ ಅಲ್ಲಿ ಅದೇ ಊರಿನ ಗೌರೀಶ ಸುಕ್ರು ಗೌಡ, ಸತೀಶ ತುಳಸು ಗೌಡ ಹಾಗೂ ನಾಗೇಂದ್ರ ಬೀರಾ ಗೌಡ ಅವರು ಅಲ್ಲಿಗೆ ಆಗಮಿಸಿದರು. ಆ ಮೂವರು ಸೇರಿ ಕೊಳವೆ ಬಾವಿಯ ಹೂಳೆತ್ತುವ ಕೆಲಸಕ್ಕೆ ಅಡ್ಡಿಪಡಿಸಿದರು. ದಿನಗೂಲಿ ನೌಕರರಿಬ್ಬರನ್ನು ದೂಡಿ ಹಾಕಿದರು. ಆಗ, ಅಲ್ಲಿ ಗಿರೀಶ ನಾಗು ಗೌಡ, ಪ್ರಕಾಶ ಜಾನು ಗೌಡ, ಗಣೇಶ ಗಣಪು ಗೌಡ, ದಿನೇಶ ಈಶ್ವರ ಗೌಡ ಹಾಗೂ ಜೈವಂತ ತಿಮ್ಮಾ ಗೌಡ ಅವರು ಅಲ್ಲಿಗೆ ಆಗಮಿಸಿದರು. ಅವರೆಲ್ಲರೂ ಒಬ್ಬಬ್ಬರಾಗಿ ಆಗಮಿಸಿ ಕೆಲಸಕ್ಕೆ ಅಡ್ಡಿಪಡಿಸಿದರು. ಅದಾದ ನಂತರ ಅವರೆಲ್ಲರೂ ಸೇರಿ ಆ ಕೊಳವೆ ಬಾವಿಗೆ ಇನ್ನಷ್ಟು ಕಲ್ಲು-ಮಣ್ಣು ಸುರಿದರು. ಕಟ್ಟಿಗೆಗಳನ್ನು ಹಾಕಿ ನೀರು ಬಾರದಂತೆ ತಡೆದರು. ಅದಾದ ಮೇಲೆ ಅವರೆಲ್ಲರೂ ಅಘನಾಶಿನಿ ಸರ್ಕಾರಿ ಪ್ರೌಢಶಾಲೆ ಬಳಿಯಿರುವ ನೀರು ಶೇಖರಣಾ ಟಾಕಿಗೂ ಕಲ್ಲು, ಮಣ್ಣು ಕಟ್ಟಿಗೆ ಹಾಕಿ ಹಾನಿ ಮಾಡಿದರು. ಕುಡಿಯುವ ನೀರು ಸರಬರಾಜಿಗೆ ಅಡ್ಡಿಪಡಿಸಿದ ಆ ಎಲ್ಲಾ ಕಿಡಿಗೇಡಿಗಳ ವಿರುದ್ಧ ಕಗಾಲ ಗ್ರಾ ಪಂ ಅಧಿಕಾರಿ ನವೀನ ವೆಂಕಟ್ರಮಣ ನಾಯ್ಕ ಅವರು ಮೇಲಧಿಕಾರಿಗಳಿಗೆ ದೂರಿದರು. ಮೇಲಧಿಕಾರಿಗಳ ಸೂಚನೆ ಮೇರೆಗೆ ಪೊಲೀಸ್ ದೂರು ನೀಡಿದರು.
- [ಚಿರತೆ ದಾಳಿ: ಸಾವನ್ನೇ ಸೋಲಿಸಿದ ಅಜ್ಜಿ!](https://mobiletime.in/2026/05/leopard-attack-grandma-defeats-death/): ಜೊಯಿಡಾದ ಕಾಳಿ ಹುಲಿ ಯೋಜನೆ ವ್ಯಾಪ್ತಿಯಲ್ಲಿ ಚಿರತೆ ಕಾಟ ಜೋರಾಗಿದೆ. ಪಣಸೋಲಿ ಬಳಿ ವೃದ್ಧೆಯೊಬ್ಬರ ಮೇಲೆ ಚಿರತೆ ಆಕ್ರಮಣ ಮಾಡಿದೆ. 70 ವರ್ಷದ ಸುಶೀಲಾ ದೇವಿದಾಸ್ ಅವರು ಚಿರತೆ ಜೊತೆ ಸೆಣಸಾಟ ನಡೆಸಿ ಸಾವು ಗೆದ್ದು ಬಂದಿದ್ದಾರೆ! ಪಣಸೋಲಿ ಸಮೀಪದ ಅರ್ವುಲಿಯ ದಾಬೆಯ ಸುಶೀಲಾ ಶಾಂತರಾಮ್ ದೇವಿದಾಸ್ ಅವರ ಮೇಲೆ ಚಿರತೆ ದಾಳಿ ಮಾಡಿದೆ. ಸೋಮವಾರ ನಸುಕಿನಲ್ಲಿ ಅವರು ಮನೆಯಿಂದ ಹೊರ ಬಂದಾಗ ಕಾದು ಕುಳಿತಿದ್ದ ಚಿರತೆ ಏಕಾಏಕಿ ಆಕ್ರಮಣ ಮಾಡಿದ್ದು, ಆ ಆಘಾತದಲ್ಲಿಯೂ ಸುಶೀಲಾ ದೇವಿದಾಸ್ ಅವರು ಸಾಕಷ್ಟು ಹೋರಾಟ ನಡೆಸಿದ್ದಾರೆ. ಸುಶೀಲಾ ಅವರ ಕೂಗು-ಆಕಂದ್ರನಕ್ಕೆ ಚಿರತೆ ಅಲ್ಲಿಂದ ಪರಾರಿಯಾಗಿದೆ. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ಸುಶೀಲ ದೇವಿದಾಸ್ ಅವರು ಸದ್ಯ ಆಸ್ಪತ್ರೆ ಸೇರಿದ್ದಾರೆ. ನಸುಕಿನ 4 ಗಂಟೆ ವೇಳೆಗೆ ಸುಶೀಲಾ ಅವರಿಗೆ ಎಚ್ಚರವಾಗಿದ್ದು, ಮೂತ್ರ ವಿಸರ್ಜನೆಗಾಗಿ ಅವರು ಮನೆಯಿಂದ ಹೊರ ಹೋಗಿದ್ದಾರೆ. ಮನೆ ಅಂಚಿನ ಪೊದೆಯಲ್ಲಿ ಅವಿತಿದ್ದ ಚಿರತೆ ಈ ವೇಳೆ ಸುಶೀಲಾ ಅವರ ಮೈಮೇಲೆ ಹಾರಿದೆ. ಬಾಗಿಲು ತೆರೆದ ತಕ್ಷಣ ಕಾಡು ಪ್ರಾಣಿ ಕಂಡ ಸುಶೀಲಾ ಅವರು ತಕ್ಷಣ ರಕ್ಷಣೆಗೆ ಪ್ರಯತ್ನಿಸಿದರಾದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ಈ ವೇಳೆ ಚಿರತೆಯ ಉಗುರುಗಳಿಂದ ಸುಶೀಲಾ ಅವರ ಮೈ ಪರಿಚಿದ್ದು, ಪ್ರತಿಯಾಗಿ ಸುಶೀಲಾ ಅವರು ಸಹ ಚಿರತೆಯನ್ನು ದೂರ ತಳ್ಳುವ ಪ್ರಯತ್ನ ಮಾಡಿದ್ದಾರೆ. ಈ ದಾಳಿಯಲ್ಲಿ ಸುಶೀಲಾ ದೇವಿದಾಸ್ ಅವರ ತಲೆ ಹಾಗೂ ದೇಹದ ವಿವಿಧ ಭಾಗಗಳಿಗೆ ಗಂಭೀರ ಗಾಯಗಳಾಗಿವೆ. ನಂತರ ಅವರು ಅಸ್ವಸ್ಥರಾಗಿ ಕುಸಿದು ಬಿದ್ದಿದ್ದು, ಸ್ಥಳೀಯರು ನೆರವಿಗೆ ಆಗಮಿಸಿದ್ದಾರೆ. ಚಿರತೆ ದಾಳಿಯ ಬಗ್ಗೆ ಅಲ್ಲಿನ ಜನ ಅರಣ್ಯ ಇಲಾಖೆಗೂ ಮಾಹಿತಿ ನೀಡಿದ್ದಾರೆ. ಮನುಷ್ಯನ ಮೇಲೆ ಚಿರತೆ ದಾಳಿ ಮಾಡಿದ್ದರಿಂದ ಅವುರ್ಲಿ ದಾಬೆ ಗ್ರಾಮದಲ್ಲಿ ಭೀತಿಯ ವಾತಾವರಣ ಕಂಡುಬAದಿದೆ. ಪಣಸೋಲಿ ವಲಯದ ಅರಣ್ಯಾಧಿಕಾರಿ ರವಿಕಿರಣ್ ಸಂಪಗಾವಿ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಗಾಂಜಾ ಸೇವಿಸಿದವರು ಕೇಸಿನಿಂದಲೇ ಖುಲಾಸೆ!](https://mobiletime.in/2026/05/those-who-consumed-marijuana-were-acquitted-from-the-case-2/): ಮೋಜು ಮಸ್ತಿಗಾಗಿ ಗೋಕರ್ಣಕ್ಕೆ ಬಂದಿದ್ದ ನಾಲ್ವರು ನಶೆಯ ಗುಂಗಿನಲ್ಲಿರುವಾಗ ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದು, ಆ ನಾಲ್ವರನ್ನು ನ್ಯಾಯಾಲಯ ಪ್ರಕರಣದಿಂದ ಖುಲಾಸೆ ಮಾಡಿದೆ. ಪೊಲೀಸರು ಸಂಗ್ರಹಿಸಿದ್ದ ಸಾಕ್ಷಿಯ ನೈಜತೆ ಆಧಾರದಲ್ಲಿ ನ್ಯಾಯವಾದಿ ರಂಜನ್ ನಾಯಕ ಅವರು ವಾದ ಮಂಡಿಸಿದ್ದು, ಆ ವಾದ ಒಪ್ಪಿದ ನ್ಯಾಯಾಲಯ ಆರೋಪಿತರನ್ನು ದೋಷಮುಕ್ತಗೊಳಿಸಿದೆ. 2024ರಲ್ಲಿ ಹೊರ ರಾಜ್ಯದ ನಾಲ್ಕು ಜನ ಪ್ರವಾಸಿಗರು ಗೋಕರ್ಣಕ್ಕೆ ಬಂದಿದ್ದರು. ಮುಖ್ಯ ಕಡಲತೀರದ ರೆಸಾರ್ಟ ಒಂದರಲ್ಲಿ ವಾಸ್ತವ್ಯವಿದ್ದಾಗ ಅಲ್ಲಿ ಪೊಲೀಸರು ದಾಳಿ ಮಾಡಿದ್ದರು. ಆ ವೇಳೆ ಅಲ್ಲಿದ್ದ ತಂಗಿದ್ದ ಸೌರಭಕುಮಾರ ಶರ್ಮಾ, ಪಲ್ಲಿವಿಕಾಸ, ರಾಮಕೃಷ್ಣಬಾಬು, ವಿನಯಾ ಶೇಖರ ಎಂಬಾತರು ನಶೆಯಲ್ಲಿದ್ದರು. ಪೊಲೀಸರು ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದ್ದು, ಗಾಂಜಾ ಸೇವನೆ ದೃಢವಾಗಿತ್ತು. ಆದರೆ, ಆ ಆರೋಪಿತರು ಗಾಂಜಾ ಸೇವಿಸಿರುವುದನ್ನು ಒಪ್ಪಿಕೊಂಡಿರಲಿಲ್ಲ. ಅದಾಗಿಯೂ, ಪೊಲೀಸರು ಅವರೆಲ್ಲರ ಮೇಲೆ ಕೇಸು ದಾಖಲಿಸಿದ್ದರು. ಕುಮಟಾ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿಯನ್ನು ಸಲ್ಲಿಸಿದ್ದರು. ಮಾದಕ ವ್ಯಸನ ಸೇವಿಸುರುವ ಬಗ್ಗೆ ಇದ್ದ ದಾಖಲೆಗಳನ್ನು ಹಾಜರುಪಡಿಸಿದ್ದರು. ಆ ಎಲ್ಲಾ ಆರೋಪಿತರ ಪರ ನ್ಯಾಯವಾದಿ ರಂಜನ ನಾಯಕ ನಾಡುಮಾಸ್ಕೇರಿ ಅವರು ವಾದ ಮಂಡಿಸಿದ್ದು, ಇದಕ್ಕೂ ಮೊದಲು ಅವರು ತಮ್ಮ ಕಕ್ಷಿದಾರರ ಬಳಿ ವಿವಿಧ ಪ್ರಶ್ನೆ ಕೇಳಿದರು. `ನಾವು ಗಾಂಜಾ ಸೇವಿಸಿಲ್ಲ’ ಎಂದು ಆ ನಾಲ್ವರು ವಕೀಲರ ಬಳಿ ಹೇಳಿದ್ದರು. ಗಾಂಜಾ ಸೇವನೆ ಮಾಡದಿದ್ದರೂ ಮೂತ್ರ ಪರೀಕ್ಷೆಯಲ್ಲಿ ಮಾದಕ ವ್ಯಸನ ಸೇವನೆ ದೃಢವಾದ ಬಗ್ಗೆ ರಂಜನ್ ನಾಯಕ ಅವರು ಅಧ್ಯಯನ ನಡೆಸಿದರು. ಆಗ, ಔಷಧ ಸೇವಿಸಿದರೂ ಸಹ ಮೂತ್ರ ಪರೀಕ್ಷೆಯಲ್ಲಿ ಪಾಸಿಟಿವ್ ವರದಿ ಬರುವುದನ್ನು ಕಂಡುಕೊ0ಡರು. ಅದಾದ ನಂತರ ಈ ಪ್ರಕರಣ ವಿಷಯವಾಗಿ ರಂಜನ ನಾಯಕ ಅವರು ನ್ಯಾಯಾಲಯದಲ್ಲಿ ವೈದ್ಯರನ್ನು ಮಾತನಾಡಿಸಿದರು. `ಮೂತ್ರ ತಪಾಸಣೆಯಿಂದ ಗಾಂಜಾ ಸೇವನೆ ದೃಢ ಎಂದು ಶೇ 100ರಷ್ಟು ನಿಖರವಾಗಿ ಹೇಳಲು ಸಾಧ್ಯವಿಲ್ಲ’ ಎಂದು ವೈದ್ಯರು ವಿವರಿಸಿದರು. ಮೂತ್ರ ಪರೀಕ್ಷೆ ಮಾಡುವ ಸಾಧನದ ಶುಚಿತ್ವ ಹಾಗೂ ಅದರ ಮಾನದಂಡವನ್ನು ನ್ಯಾಯವಾದಿ ರಂಜನ್ ನಾಯಕ ಅವರು ಪ್ರಶ್ನಿಸಿದರು. `ತೂಕದ ಯಂತ್ರವನ್ನು ಸಹ ಆಗಾಗ ತಪಾಸಣೆ ಮಾಡಲಾಗುತ್ತದೆ. ಆದರೆ, ವೈದ್ಯಕೀಯ ಯಂತ್ರದ ತಪಾಸಣೆ ನಡೆಯದಿರುವುದು ಹಾಗೂ ಅದರ ಮಾನದಂಡ ಸರಿಯಿಲ್ಲದಿರುವುದು ಸಮಸ್ಯೆ’ ಎಂದು ನ್ಯಾಯವಾದಿಗಳು ಕೋರ್ಟಿನ ಗಮನಸೆಳೆದರು. ಇದರೊಂದಿಗೆ ಮಾದಕ ವ್ಯಸನ ಸೇವನೆ ಪ್ರಕರಣದಲ್ಲಿ ನ್ಯಾಯಮೂರ್ತಿ ನಾಗಪ್ರಸನ್ನ ಅವರು ನೀಡಿದ ಆದೇಶವನ್ನು ಉಲ್ಲೇಖಿಸಿ ವಾದ ಮಂಡಿಸಿದರು. `ಕೇವಲ ಮೂತ್ರ ಪರೀಕ್ಷೆಯಿಂದ ಗಾಂಜಾ ಸೇವನೆ ದೃಢ ಎನ್ನಲು ಸಾಧ್ಯವಿಲ್ಲ. ರಕ್ತ ಪರೀಕ್ಷೆ ಹಾಗೂ ಗ್ಯಾಸ್ ಕ್ರೊಮೆಟೋಗ್ರಾಫಿಯಿಂದ ಮಾತ್ರ ಗಾಂಜಾ ಸೇವನೆಯನ್ನು ಶೇ 100ರಷ್ಟು ದಾಖಲೆಗಳೊಂದಿಗೆ ದೃಢಪಡಿಸಲು ಸಾಧ್ಯವಿದೆ’ ಎಂದು ನ್ಯಾಯವಾದಿ ರಂಜನ್ ನಾಯಕ ಅವರು ವಾದಿಸಿದರು. ಈ ವಾದ ಆಲಿಸಿದ ನ್ಯಾಯಾಲಯವೂ ಆ ನಾಲ್ವರು ಆರೋಪಿತರನ್ನು ಖುಲಾಸೆ ಮಾಡಿತು. `ಗಾಂಜಾ ಸೇವನೆ ಅನುಮಾನವಿದ್ದವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿ, ವೈದ್ಯಕೀಯ ವರದಿ ಪಡೆಯುತ್ತಾರೆ. ಈ ಪ್ರಕರಣದಲ್ಲಿ 10 ಸಾವಿರ ರೂ ದಂಡ ವಿಧಿಸಲಾಗುತ್ತದೆ. ಆದರೆ, ತನ್ನ ಕಕ್ಷಿದಾರರು ನಿಜವಾಗಿಯೂ ಗಾಂಜಾ ಸೇವಿಸಿರಲಿಲ್ಲ. ಹೀಗಾಗಿ ಅವರು 10 ಸಾವಿರ ರೂ ದಂಡ ಪಾವತಿಸದೇ ಪ್ರಕರಣದಲ್ಲಿ ಹೋರಾಟ ನಡೆಸಿದರು. ಅವರೆಲ್ಲರೂ ಹೊರ ರಾಜ್ಯದವರಾಗಿದ್ದು, ಜಾರ್ಖಂಡ್ ಹಾಗೂ ಆಂದ್ರ ಪ್ರದೇಶದಿಂದ ಇಲ್ಲಿನ ನ್ಯಾಯಾಲಯಕ್ಕೆ ಹಾಜರಾಗುತ್ತಿದ್ದರು. ಈ ಪ್ರಯಾಣಕ್ಕಾಗಿಯೇ ಅವರು 4 ಲಕ್ಷ ರೂ ಹಣ ವೆಚ್ಚ ಮಾಡಿದ್ದಾರೆ. ತಮ್ಮ ಮೇಲಿದ್ದ ಆರೋಪದಿಂದ ಮುಕ್ತರಾಗಲು ಅವರು ಈ ಹೋರಾಟ ನಡೆಸಿದ್ದು, ಅವರಿಗೆ ನ್ಯಾಯ ಒದಗಿಸಿದ ತೃಪ್ತಿ ನನಗಿದೆ’ ಎಂದು ನ್ಯಾಯವಾದಿ ರಂಜನ ನಾಯಕ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಪ್ರತಿಕ್ರಿಯಿಸಿದರು.
- [ಮೂರು ದಶಕದ ಹಳೆ ಕೇಸು: ಐದು ವರ್ಷ ಜೈಲು!](https://mobiletime.in/2026/05/three-decade-old-case-five-years-in-prison/): ಕಾರವಾರದಲ್ಲಿ 33 ವರ್ಷಗಳ ಹಿಂದೆ ನಡೆದಿದ್ದ ಕೊಲೆ ಪ್ರಕರಣದಲ್ಲಿ ಅಸ್ನೋಟಿ ಭಗತವಾಡದ ದಿಲೀಪ್ ತಳೇಕರ್ ಎಂಬಾತರು ಸಿಕ್ಕಿಬಿದ್ದಿದ್ದು, ಅಪರಾಧ ಸಾಭೀತಾದ ಹಿನ್ನಲೆ ದಿಲೀಪ್ ತಳೇಕರ್ ಅವರಿಗೆ ನ್ಯಾಯಾಲಯ ಜೈಲು ಶಿಕ್ಷೆವಿಧಿಸಿದೆ. 1993ರ ಅವಧಿಯಲ್ಲಿ ಕಾರವಾರದಲ್ಲಿ ಪ್ರಶಾಂತ ಎಂಬಾತರ ಕೊಲೆ ನಡೆದಿತ್ತು. ವೈಯಕ್ತಿಕ ದ್ವೇಷಕ್ಕೆ ಪ್ರಶಾಂತ ಅವರು ಬಲಿಯಾಗಿದ್ದರು. ಬಡಿಗೆಯಿಂದ ಬಡಿದು ಪ್ರಶಾಂತ ಅವರನ್ನು ಹತ್ಯೆ ಮಾಡಲಾಗಿತ್ತು. ಆ ಪ್ರಕರಣದಲ್ಲಿ ಅಸ್ನೋಟಿ ಭಗತವಾಡದ ದಿಲೀಪ್ ತಳೇಕರ್ ಅವರು ಆರೋಪಿಯಾಗಿದ್ದರು. ಕೊಲೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಯ ಶೋಧ ನಡೆಸಿದ್ದರು. ಆಗಿನ ಕದ್ರಾ ಸಿಪಿಐ ಡಿ ಕೆ ನಿಕ್ಕಿಂ ಅವರು ಈ ಪ್ರಕರಣದ ತನಿಖಾಧಿಕಾರಿಯಾಗಿದ್ದರು. ಆರೋಪಿ ದಿಲೀಪ್ ತಳೇಕರ್ ಅವರನ್ನು ಬಂಧಿಸಿ ಅವರು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ಜೊತೆಗೆ ದೋಷಾರೋಪಣ ಪಟ್ಟಿಯನ್ನು ಸಲ್ಲಿಸಿದ್ದರು. ವಿಚಾರಣಾ ಅವಧಿಯಲ್ಲಿ ಜಾಮೀನುಪಡೆದಿದ್ದ ದಿಲೀಪ್ ತಳೇಕರ್ ನಂತರ ನ್ಯಾಯಾಲಯಕ್ಕೆ ಹಾಜರಾಗಿರಲಿಲ್ಲ. 2021ರವರೆಗೂ ತಲೆಮರೆಸಿಕೊಂಡು ಅವರು ಓಡಾಟ ನಡೆಸಿದ್ದು, 2021ರ ಏಪ್ರಿಲ್’ನಲ್ಲಿ ಈ ಬಗ್ಗೆ ಅರಿತ ಚಿತ್ತಾಕುಲ ಪಿಸೈ ಆಗಿದ್ದ ಪ್ರವೀಣಕುಮಾರ ಆರೋಪಿ ಹುಡುಕಾಟ ನಡೆಸಿದ್ದರು. ಆಗ, ಸಿಕ್ಕಿಬಿದ್ದ ದಿಲೀಪ್ ತಳೇಕರ್ ಅವರನ್ನು ಬಂಧಿಸಿ ಮತ್ತೆ ನ್ಯಾಯಾಲಯಕ್ಕೆ ಒಪ್ಪಿಸಿದ್ದರು. ಕೊಲೆ ಆರೋಪದ ದಾಖಲೆಗಳ ಜೊತೆ ಸರ್ಕಾರಿ ಅಭಿಯೋಜಕಿ ಸುನಿತಾ ನಾಗೇಕರ್ ಅವರು ವಾದ ಮಂಡಿಸಿದರು. ದಿಲೀಪ್ ತಳೇಕರ್ ಅವರು ಮಾಡಿದ ಅಪರಾಧದ ಗಂಭೀರತೆಯನ್ನು ನ್ಯಾಯಾಲಯಕ್ಕೆ ಮನವರಿಕೆ ಮಾಡಿದರು. ಏಪ್ರಿಲ್ 28ರಂದು ಕಾರವಾರ ನ್ಯಾಯಾಲಯ ಆದೇಶ ಪ್ರಕಟಿಸಿದ್ದು, ದಿಲೀಪ್ ತಳೇಕರ್’ಗೆ ಐದು ವರ್ಷ ಜೈಲು ಶಿಕ್ಷೆ ಅನುಭವಿಸುವಂತೆ ಸೂಚಿಸಿತು. ಜೊತೆಗೆ 7 ಸಾವಿರ ರೂ ದಂಡವನ್ನು ವಿಧಿಸಿತು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರ ಜೊತೆ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಡಿವೈಎಸ್ಪಿ ಗಿರೀಶ ವಿ ಅವರ ಮಾರ್ಗದರ್ಶನದಲ್ಲಿ ಪಿಸೈ ಪರಶುರಾಮ ಮಿರ್ಚಗಿ, ಎಸೈ ಸಂತೋಷ ನಾಯ್ಕ, ಪೊಲೀಸ್ ಸಿಬ್ಬಂದಿ ಆಂಜನೇಯ ಎಚ್ ಕೆ, ಶ್ರೀಕಾಂತ ನಾಯ್ಕ, ಗಣೇಶ ನಾಯ್ಕ ಅವರು ಈ ಪ್ರಕರಣಕ್ಕೆ ಶ್ರಮಿಸಿದ್ದಾರೆ.
- [ತೆಂಗಿನ ಮರದಿಂದ ಬಿದ್ದ ಕುಶಲಕರ್ಮಿ: ಸಾವು!](https://mobiletime.in/2026/05/craftsman-falls-from-coconut-tree-and-dies/): ಹೊನ್ನಾವರ ಹೊಸಾಕುಳಿಯ ಶ್ರೀಪಾದ ನಾಯ್ಕ ಅವರು ತೆಂಗಿನ ಮರದಿಂದ ಬಿದ್ದು ಸಾವನಪ್ಪಿದ್ದಾರೆ. ಮಂಜುನಾಥ ನಾಯ್ಕ ಅವರ ತೋಟದಲ್ಲಿ ಕಾಯಿ ಕೀಳುವಾಗ ಈ ಅವಘಡ ನಡೆದಿದೆ. ಹೊನ್ನಾವರದ ದೊಡ್ಡಹಿತ್ತಲು ಬಳಿಯ ಹೊಸಾಕುಳಿಯಲ್ಲಿ ಶ್ರೀಪಾದ ಗಣಪತಿ ನಾಯ್ಕ (55) ಅವರು ವಾಸವಾಗಿದ್ದರು. ಕೃಷಿ ಕೂಲಿ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದರು. ತೆಂಗಿನ ಮರ ಹತ್ತಿ ಕಾಯಿ ಕೊಯ್ಯುವ ಕೆಲಸವನ್ನು ಸಹ ಅವರು ಮಾಡುತ್ತಿದ್ದರು. ಮೇ 2ರಂದು ಅವರು ಹೊಸಾಕುಳಿ ದೊಡ್ಡಹಿತ್ತಲು ಗ್ರಾಮದಲ್ಲಿರುವ ಮಂಜುನಾಥ ತಿಮ್ಮಪ್ಪ ನಾಯ್ಕ ಅವರ ತೋಟಕ್ಕೆ ಹೋಗಿದ್ದರು. ಬೆಳಗ್ಗೆಯಿಂದ ಕಾಯಿ ಕೊಯ್ಯುತ್ತಿದ್ದ ಅವರು ಮಧ್ಯಾಹ್ನದ ವೇಳೆಗೆ ಆಯಾಸಕೊಂಡರು. ಆದರೂ, ತಮ್ಮ ಕೆಲಸ ಮುಂದುವರೆಸಿದರು. 12.30ರ ಸುಮಾರಿಗೆ ಕಾಲು ಜಾರಿ ಮರದಿಂದ ಕೆಳಗೆ ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದರು. ತಕ್ಷಣ ಅವರನ್ನು ಹೊನ್ನಾವರ ತಾಲೂಕು ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆಗೆ ಉಡುಪಿ ಆಸ್ಪತ್ರೆಗೆ ಸಾಗಿಸುವ ವೇಳೆ ಭಟ್ಕಳ ಸಮೀಪ ಸಾವನಪ್ಪಿದರು. ಅಣ್ಣನ ಸಾವಿನ ಬಗ್ಗೆ ಮಂಜುನಾಥ ನಾಯ್ಕ ಅವರು ಮಾಹಿತಿ ನೀಡಿದ್ದು, ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಡ್ರಿಂಕ್ & ಡ್ರೈವ್: ಪ್ರಶ್ನಿಸಿದ ಯುವತಿಗೆ ಹಲ್ಲೆ!](https://mobiletime.in/2026/05/drink-drive-young-woman-attacked-after-questioning/): ಕಂಠಪೂರ್ತಿ ಕುಡಿದು ಅಡ್ಡಾದಿಡ್ಡಿ ಬೈಕ್ ಓಡಿಸಿದ ಮುಂಡಗೋಡು ಚಿಟಗೇರಿಯ ಗಂಗು ಎಡಿಗೆ ಅವರು `ನಿಧಾನವಾಗಿ ಬೈಕ್ ಓಡಿಸು’ ಎಂದು ಹೇಳಿದ ದೀಪಶ್ರೀ ಓಣಿಕೇರಿ ಅವರಿಗೆ ಬಡಿಗೆಯಿಂದ ಬಡಿದಿದ್ದಾರೆ. ಜೊತೆಗೆ ದೀಪಶ್ರೀ ಓಣಿಕೇರಿ ಅವರ ಕತ್ತಿನಲ್ಲಿದ್ದ ಚಿನ್ನದ ಸರವನ್ನು ಎಳೆದು ಪರಾರಿಯಾಗಿದ್ದಾರೆ. ಮುಂಡಗೋಡಿನ ಬಸವರಾಜ ಓಣಿಕೇರಿ ಅವರು ಕುಟುಂಬಸಹಿತ ಶಿರಸಿಯಲ್ಲಿ ನಡೆದ ಸಂಬoಧಿಕರ ಮದುವೆಗೆ ಹೋಗಿದ್ದರು. ಮದುವೆ ಮುಗಿಸಿ ಸಂಜೆ ಅವರು ಯಲ್ಲಾಪುರದ ಉಮ್ಮಚ್ಗಿ ಮಾರ್ಗವಾಗಿ ಮನೆಗೆ ಮರಳುತ್ತಿದ್ದರು. ಚಿಟಗೇರಿ ಬಳಿ ಗಂಗು ಎಡಿಗೆ ಎಂಬಾತರು ಕಂಠಪೂರ್ತಿ ಕುಡಿದು ಅಡ್ಡಾದಿಡ್ಡಿ ಬೈಕ್ ಓಡಿಸುತ್ತಿದ್ದರು. ಬಸವರಾಜ ಓಣಿಕೇರಿ ಅವರ ಕಾರಿಗೆ ಪದೇ ಪದೇ ಬೈಕ್ ಅಡ್ಡ ಬರುತ್ತಿದ್ದು, ಇದನ್ನು ಬಸವರಾಜ ಓಣಿಕೇರಿ ಅವರು ಪ್ರಶ್ನಿಸಿದರು. `ಸರಿಯಾಗಿ ಬೈಕ್ ಓಡಿಸು. ನಿಧಾನವಾಗಿ ಹೋಗು’ ಎಂದು ಕಾರಿನಲ್ಲಿದ್ದವರು ಕಿವಿಮಾತು ಹೇಳಿದರು. ಇದರಿಂದ ಸಿಟ್ಟಾದ ಗಂಗು ಎಡಿಗೆ ಕಾರಿಗೆ ಅಡ್ಡಲಾಗಿ ಬೈಕ್ ನಿಲ್ಲಿಸಿ, ಬಸವರಾಜ ಓಣಿಕೇರಿ ಅವರನ್ನು ನಿಂದಿಸಲು ಶುರು ಮಾಡಿದರು. ಗಂಗು ಎಡಿಗೆ ಅವರು ಬಸವರಾಜ ಓಣಿಕೇರಿ ಅವರ ಮೈ ಮುಟ್ಟಲು ಬಂದಾಗ ಕಾರಿನಲ್ಲಿದ್ದ ಅವರ ಪತ್ನಿ ಮೇಘನಾ ಓಣಿಕೇರಿ, ಮಗಳು ಮೇಘನಾ ಓಣಿಕೇರಿ ಹಾಗೂ ಮತ್ತೊಬ್ಬ ಮಗಳು ದೀಪಶ್ರೀ ಓಣಿಕೇರಿ ಅವರು ಅದನ್ನು ತಡೆಯುವ ಪ್ರಯತ್ನ ಮಾಡಿದರು. ಈ ವೇಳೆ ಹೊಡೆದಾಟ ತಪ್ಪಿಸಲು ಮುಂದಾದ ದೀಪಶ್ರೀ ಓಣಿಕೇರಿ ಅವರ ಮೇಲೆ ಗಂಗು ಎಡಿಗೆ ಕೈ ಮಾಡಿದ್ದು, ಅಲ್ಲಿದ್ದ ಬಡಿಗೆಯಿಂದ ತಲೆಗೆ ಬಾರಿಸಿದರು. ಜೊತೆಗೆ ದೀಪಶ್ರೀ ಅವರ ಕತ್ತಿನಲ್ಲಿದ್ದ ಚಿನ್ನದ ಸರ ಎಳೆದರು. ಈ ಗಲಾಟೆಯಲ್ಲಿ ಚಿನ್ನದ ಸರದ ಜೊತೆ ಮೊಬೈಲ್ ಸಹ ಕಣ್ಮರೆಯಾಯಿತು. ದೀಪಶ್ರೀ ಅವರ ತಲೆಭಾಗದಿಂದ ರಕ್ತ ಬರುತ್ತಿದ್ದ ಕಾರಣ ತುರ್ತು ಚಿಕಿತ್ಸೆ ಅಗತ್ಯವಿತ್ತು. ಹೀಗಾಗಿ ಬಸವರಾಜ ಓಣಿಕೇರಿ ಅವರು ಚಿನ್ನದ ಸರ ಹಾಗೂ ಮೊಬೈಲಿಗಾಗಿ ತಲೆಕೆಡಿಸಿಕೊಂಡಿಲ್ಲ. ತಕ್ಷಣ ಅವರು ಮಗಳನ್ನು ಆಸ್ಪತ್ರೆಗೆ ಕರೆದೊಯ್ದರು. ದೀಪಶ್ರೀ ಓಣಿಕೇರಿ ಅವರಿಗೆ ಮುಂಡಗೋಡು ಆಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿ, ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಗೆ ಕಳುಹಿಸಲಾಯಿತು. ಅದಾದ ನಂತರ ಮತ್ತೆ ಮುಂಡಗೋಡು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪೊಲೀಸರು ಈ ವಿಷಯದ ಬಗ್ಗೆ ಮಾಹಿತಿಪಡೆದಿದ್ದು, ಗಂಗು ಎಡಿಗೆ ಅವರ ವಿಚಾರಣೆ ನಡೆಸಿದ್ದಾರೆ.
- [ಊಟ-ವಸತಿ ಉಚಿತ: ಗುಣಮಟ್ಟದ ಶಿಕ್ಷಣ ಖಚಿತ!](https://mobiletime.in/2026/05/free-food-and-accommodation-quality-education-guaranteed/): ಕಾರವಾರದ ಅಮದಳ್ಳಿ ಹಾಗೂ ಶಿರಸಿಯ ಬನವಾಸಿಯಲ್ಲಿ ವಿದ್ಯಾಲಯಹೊಂದಿರುವ ಎಜುಕೇರ್ ವಸತಿ ಶಾಲೆಯೂ ಈ ಬಾರಿ 50 ಮಕ್ಕಳಿಗೆ ಉಚಿತ ಊಟ – ವಸತಿ ಕೊಡಲು ನಿರ್ಧರಿಸಿದೆ. ಕನ್ನಡ ಮಾಧ್ಯಮದಲ್ಲಿ ಓದುವ ಮಕ್ಕಳಿಗೆ ಉಚಿತ ಊಟ-ವಸತಿ ಜೊತೆ ಉಚಿತ ಶಿಕ್ಷಣ ಹಾಗೂ ಆಂಗ್ಲ ಮಾಧ್ಯಮದಲ್ಲಿ ಓದುವ ವಿದ್ಯಾರ್ಥಿಗಳಿಗೆ ಉಚಿತ ಊಟ- ವಸತಿ ಕೊಡುವುದಾಗಿ ಶಿಕ್ಷಣ ಸಂಸ್ಥೆ ಘೋಷಿಸಿದೆ. ಉಚಿತ ವಸತಿ ಜೊತೆ ಮೂರು ಹೊತ್ತಿನ ಊಟದ ಹೊಣೆಯನ್ನು ಸಹ ಈ ಸಂಸ್ಥೆಯೇವಹಿಸಿಕೊoಡಿದೆ. 6ರಿAದ 10ನೇ ತರಗತಿ ಓದುವ ವಿದ್ಯಾರ್ಥಿಗಳಿಗಾಗಿ ಈ ಯೋಜನೆ ಜಾರಿಗೆ ತರಲಾಗಿದೆ. ವಿವಿಧ ದಾನಿಗಳು ಇದಕ್ಕೆ ಕೈ ಜೋಡಿಸಿದ್ದು, ಎಲ್ಲರ ಸಹಕಾರದಿಂದ 50 ವಿದ್ಯಾರ್ಥಿಗಳ ಶೈಕ್ಷಣಿಕ ಭವಿಷ್ಯಕ್ಕೆ ಸಹಕಾರ ನೀಡಲು ನಿರ್ಧರಿಸಲಾಗಿದೆ. ಉಚಿತ ಊಟ, ವಸತಿ, ಶಿಕ್ಷಣದ ಜೊತೆ ವಸತಿ ನಿಲಯದ ವಿದ್ಯಾರ್ಥಿಗಳಿಗಾಗಿ ಇನ್ನೂ ಅನೇಕ ವಿಶೇಷ ತರಗತಿಗಳನ್ನು ಆಯೋಜಿಸಲಾಗುತ್ತದೆ. ಮುಖ್ಯವಾಗಿ ವ್ಯಕ್ತಿತ್ವ ವಿಕಸನಕ್ಕೆ ಅನುಕೂಲಕರ ವಾತಾವರಣ ಹಾಗೂ ತರಗತಿಗಳನ್ನು ಇಲ್ಲಿ ನಡೆಸಲಾಗುತ್ತದೆ. ಪ್ರತಿ ದಿನ ಯೋಗ, ಪ್ರಾರ್ಥನೆಯಿಂದ ದಿನ ಶುರುವಾಗಲಿದೆ. ಸಂಸ್ಕಾರಯುತ ಶಿಕ್ಷಣದ ಜೊತೆ ಜೀವನ ಮೌಲ್ಯಗಳ ಬಗ್ಗೆ ಅರಿವು ಮೂಡಿಸಲಾಗುತ್ತದೆ. ಮಕ್ಕಳ ಮನಸ್ಸನ್ನು ಅರ್ಥ ಮಾಡಿಕೊಳ್ಳುವ ಮೃದು ಸ್ವಭಾವದ ಶಿಕ್ಷಕರನ್ನು ಸಹ ಈಗಾಗಲೇ ನಿಯೋಜಿಸಲಾಗಿದೆ. ಈ ವರ್ಷ 50 ಮಕ್ಕಳ ಪ್ರವೇಶಕ್ಕೆ ಅರ್ಜಿ ಕರೆಯಲಾಗಿದ್ದು, ಭವಿಷ್ಯದಲ್ಲಿ ಇನ್ನಷ್ಟು ಅಧಿಕ ಮಕ್ಕಳಿಗೆ ಇಲ್ಲಿ ಅನುಕೂಲ ಮಾಡಿಕೊಡುವ ವಿಚಾರವಿದೆ. ಇನ್ನೂ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಫೋನ್ ಮಾಡಿ: 9845250328  
- [ಸ್ವರ ಸಂಗಮ: ದಿನವಿಡೀ ನಡೆದ ಸರಿಗಮಪ!](https://mobiletime.in/2026/05/swara-sangam-a-day-long-celebration/): ಶಿರಸಿಯ ಶ್ರೀಸಾಯಿ ಸಂಗೀತ ವಿದ್ಯಾಲಯ ಈ ವರ್ಷ 44ನೇ ವಸಂತಕ್ಕೆ ಕಾಲಿರಿಸಿದೆ. ಈ ವಾರ್ಷಿಕ ಉತ್ಸವ ಹಾಗೂ ಹುತಗಾರ ಸ್ವರ ಸಂಗಮ ವಿದ್ಯಾಲಯದ ಸಂಯುಕ್ತ ಸಂಗೀತ ಸಮ್ಮೇಳನ ಒಟ್ಟಿಗೆ ನಡೆದಿದೆ. ಈ ಎರಡೂ ಕಾರ್ಯಕ್ರಮಗಳ ಅಂಗವಾಗಿ ವೆಂಕಟ್ರಮಣ ದೇವಸ್ಥಾನದ ಕೆಳ ಆವರಣ ಸಂಗೀತದಿoದ ಮೊಳಗಿದ್ದು, ಅಲ್ಲಿನ ಗಾಯನಕ್ಕೆ ಜನ ತಲೆದೂಗಿದ್ದಾರೆ. ಸಂಗೀತ ಕಾರ್ಯಕ್ರಮಗಳ ಜೊತೆಗೆ ನಡೆದ ಸನ್ಮಾನ ಕಾರ್ಯಕ್ರಮದಲ್ಲಿ ಹಿರಿಯ ಸಂಗೀತ ನಾಟಕ ಕಲಾವಿದ ವಿಶ್ವನಾಥ ಹೆಗಡೆ ಕಾನಳ್ಳಿ ಮತ್ತು ಜಿ ವಿ ಹೆಗಡೆ ಕುಂಬ್ರಿ ಅವರನ್ನು ಸನ್ಮಾನಿಸಲಾಗಿದೆ. ಕಾರ್ಯಕ್ರಮದ ಆಧ್ಯಕ್ಷತೆವಹಿಸಿ ಮಾತನಾಡಿದ ಸಾಮಾಜಿಕ ಕಾರ್ಯಕರ್ತ, ಮೊಕ್ತೇಸರ ವಿಷ್ಣುದಾಸ ಕಾಸರಗೋಡ ಅವರು `ಇಲ್ಲಿನ ರಾಯರ ಪೇಟೆಯ ಐದು ದೇವಸ್ಥಾನಗಳ ನಡುವೆ ಇದ್ದು ಸಂಗೀತ ತರಗತಿ ಮತ್ತು ಸಂಗೀತ ಕಾರ್ಯಕ್ರಮಗಳನ್ನು ಮಾಡಿದ ಶ್ರೇಯಸ್ಸು ಸಾಯಿ ಸಂಗೀತ ವಿದ್ಯಾಲಯಕ್ಕಿದೆ. ಈ ವಿದ್ಯಾಲಯದ ಮೂಲಕ ವಿದ್ಯಾರ್ಥಿಗಳು ಸಾಧನೆ ಮಾಡಿದ್ದಾರೆ’ ಎಂದು ಬಣ್ಣಿಸಿದರು. ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಮಾತನಾಡಿ `ತಾಯಂದಿರು ಶಾಸ್ತ್ರೀಯ ಸಂಗೀತ ಕಲಿತರೆ ಮಕ್ಕಳು ಅವರನ್ನು ಸ್ವಾಭಾವಿಕವಾಗಿಯೇ ಅನುಸರಿಸುತ್ತಾರೆ ಎಂದರು. ಯಮುನಾ ರಂಗನಾಥ ಹೆಗಡೆ ಶೀಗೇಹಳ್ಳಿ ಅವರು ಹಾಜರಿದ್ದರು. ಅತಿಥಿ ಕಲಾವಿದರಾಗಿ ಪ್ರಸಿದ್ಧ ಗಾಯಕಿ ರಾಧಾ ದೇಸಾಯಿ ಧಾರವಾಡ, ಶ್ರೀಪಾದ ಹೆಗಡೆ ಸೋಮನಮನೆ ಗಾಯನ ಪ್ರಸ್ತುತಪಡಿಸಿದರು. ತಬಲಾ ಸಾಥ್ ನಲ್ಲಿ ಅಕ್ಷಯ್ ಭಟ್ ಅಂಸಳ್ಳಿ, ಹಾರ್ಮೋನಿಯಂ ಸಾಥ್‌ನಲ್ಲಿ ಭರತ್ ಹೆಗಡೆ ಹೆಬ್ಬಲಸು ಸಹಕರಿಸಿದರು. ದಿನವಿಡೀ ಸಂಗೀತ ಶಾಲೆಯ ಹಿರಿಕಿರಿಯ ವಿದ್ಯಾರ್ಥಿಗಳಿಂದ ಗಾಯನ ವಾದನ ಕಾರ್ಯಕ್ರಮಗಳು ಜರುಗಿದವು. ಸಾಯಿ ಸಂಗೀತ ವಿದ್ಯಾಲಯದ ಪ್ರಾಚಾರ್ಯರ ಎಂ ಪಿ ಹೆಗಡೆ ಪಡಿಗೆರೆ ಅವರು ಕಾರ್ಯಕ್ರಮದ ಕೊನೆಯಲ್ಲಿ ಗಾಯನ ಪ್ರಸ್ತುತಪಡಿಸಿದರು. ಸ್ವರ ಸಂಗಮ ವಿದ್ಯಾಲಯದ ಪ್ರಾಚಾರ್ಯ ದಿನೇಶ ಹೆಗಡೆ ವಂದಿಸಿದರು.
- [ಪ್ರೇಮ ಆಶ್ರಮ: ಗುಡ್ಡಗಾಡು ಮಕ್ಕಳ ಆಶಾಕಿರಣ](https://mobiletime.in/2026/05/prema-ashram-a-ray-of-hope-for-hill-children/): ಕಾರವಾರದ ಅಮದಳ್ಳಿಯಲ್ಲಿರುವ ಪ್ರೇಮ ಆಶ್ರಮ ಚ್ಯಾರಿಟಬಲ್ ಟ್ರಸ್ಟಿನವರು ಅಸ್ನೋಟಿಯಲ್ಲಿ ಬಾಲಕಿಯರ ವಸತಿ ನಿಲಯ ಸ್ಥಾಪಿಸಿದ್ದು, ಅಲ್ಲಿನ ವಿದ್ಯಾರ್ಥಿನಿಯರು ಮಹತ್ವದ ಸಾಧನೆ ಮಾಡಿದ್ದಾರೆ. ಗುಡ್ಡಗಾಡು ಪ್ರದೇಶದ ಜನರಿಗೆ ಇಲ್ಲಿ ಆಶ್ರಯ ನೀಡಲಾಗಿದ್ದು, ಲಭ್ಯ ಅವಕಾಶ ಬಳಸಿಕೊಂಡ ವಿದ್ಯಾರ್ಥಿನಿಯರು ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ದಾಖಲೆ ಬರೆದಿದ್ದಾರೆ. ಜೋಯಿಡಾ ತಾಲೂಕಿನ ಗುಡ್ಡಗಾಡು ಪ್ರದೇಶದ ವಿದ್ಯಾರ್ಥಿನಿಯರಿಗಾಗಿಯೇ 2010ರಲ್ಲಿ ಅಸ್ನೋಟಿಯಲ್ಲಿ ಬಾಲಕಿಯರ ವಸತಿ ನಿಲಯ ಶುರುವಾಯಿತು. ಜಿ ಎಸ್ ನಾಯ್ಕ ಅವರು ಇದನ್ನು ತಮ್ಮ ಜೀವಿತಾವಧಿಯ ನಂತರವೂ ಸಾವಿರಾರು ವಿದ್ಯಾರ್ಥಿಗಳಿಗೆ ಅವರು ನೆರವಾಗುತ್ತಿದ್ದಾರೆ. ಗ್ರಾಮೀಣ ಪ್ರದೇಶದ ಬಾಲಕಿಯರು ಸೌಲಭ್ಯ ಕೊರತೆಯಿಂದ ಶಿಕ್ಷಣದಿಂದ ದೂರವಾಗಬಾರದು ಎಂಬ ಸಂಕಲ್ಪದೊoದಿಗೆ ಈ ವಸತಿ ನಿಲಯ ನಡೆಯುತ್ತಿದೆ. ಅಮದಳ್ಳಿಯಲ್ಲಿರುವ ಪ್ರೇಮ ಆಶ್ರಮ ಚ್ಯಾರಿಟಬಲ್ ಟ್ರಸ್ಟಿನವರು ಈ ನಿಲಯಕ್ಕೆ ಬೆನ್ನೆಲುಬಾಗಿದ್ದಾರೆ. ಈ ವರ್ಷದ ಎಸ್ ಎಸ್ ಎಲ್ ಸಿ ಪರೀಕ್ಷಾ ಫಲಿತಾಂಶದಲ್ಲಿ ವಸತಿ ನಿಲಯದಲ್ಲಿದ್ದ ಅಶ್ವಿತಾ ದೇಸಾಯಿ ಶೇ 93 ,ನಾಗರತ್ನಾ ವೇಳಿಪ ಶೇ 92, ಚೈತಾಲಿ ಮಿರಾಶಿ ಶೇ 89, ನಮ್ರತಾ ವೇಳಿಪ ಶೇ 86, ಗಾಯತ್ರಿ ಆವಳ್ಕರ ಶೇ 84 ಸಾಧನೆ ಮಾಡಿದ್ದಾರೆ. ಜೊತೆಗೆ ಶ್ರದ್ದಾ ಮಿರಾಶಿ, ಸಂಗೀತಾ ಮಿರಾಶಿ, ಪ್ರೀಯಾ ಬಿರಂಗತ, ರತಿಕಾ ಮಸ್ಕಾರ, ಮನಿಷಾ ವೇಳಿಪ, ಚೈತ್ರಾ ವೇಳಿಪ,ಪ್ರತಿಕ್ಷಾ ಮಿರಾಶಿ ಅವರು ಉತ್ತಮ ಶ್ರೇಣಿಯಲ್ಲಿ ಪಾಸಾಗಿದ್ದಾರೆ. ಈ ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ ಮತ್ತು ವಸತಿ ನಿಲಯದ ಮೇಲ್ವಿಚಾರಕಿ ಗೌರಿ ದೇಸಾಯಿ ಮತ್ತು ಶಿವಾಜಿ ವಿದ್ಯಾಮಂದಿರದ ಮುಖ್ಯಾಧ್ಯಾಪಕ-ಸಿಬ್ಬಂದಿ ಜೊತೆ ಪ್ರೇಮ ಆಶ್ರಮ ಚ್ಯಾರಿಟೆಬಲ್ ಟ್ರಸ್ಟ್ ಅಧ್ಯಕ್ಷ ಸೀತಾರಾಮ ಗಾಂವಕರ, ಕಾರ್ಯದರ್ಶಿ ದಿನೇಶ ಗಾಂವಕರ, ಟ್ರಸ್ಟಿ ಶ್ಯಾಮಕುಮಾರ ದೇಸಾಯಿ ಶಿಕ್ಷಣ ಪ್ರೇಮಿಗಳಾದ ಅನಿಲಕುಮಾರ ಗಾಂವಕರ, ಪ್ರಕಾಶ ಗಾಂವಕರ ಅವರು ಶುಭ ಹಾರೈಸಿದ್ದಾರೆ.
- [ಮನುಷ್ಯನನ್ನು ನುಂಗಿದ ಮೊಸಳೆ!](https://mobiletime.in/2026/05/a-crocodile-swallowed-a-man/): ದಾಂಡೇಲಿಯ ಕಾಳಿ ನದಿಯ ಕಡೆ ಚಂಬು ಹಿಡಿದು ಹೊರಟಿದ್ದ ಆನಂದ್ ನಲ್ಲೂಜಿ ಅವರ ಮೇಲೆ ಮೊಸಳೆ ದಾಳಿ ಮಾಡಿದೆ. ಆನಂದ್ ನಲ್ಲೂಜಿ ಅವರ ಕಾಲನ್ನು ಮೊಸಳೆ ನುಂಗಿದ್ದು, ಸದ್ಯ ಮೊಸಳೆ ಬಾಯಿಂದ ತಪ್ಪಿಸಿಕೊಂಡ ಅವರು ಆಸ್ಪತ್ರೆ ಸೇರಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ದಾಂಡೇಲಿಯ ಕಾಳಿ ನದಿಯಲ್ಲಿ ಅಪಾರ ಪ್ರಮಾಣದಲ್ಲಿ ಮೊಸಳೆಗಳಿವೆ. ಆದರೆ, ಆ ಮೊಸಳೆಗಳು ಮನುಷ್ಯನ ಮೇಲೆ ದಾಳಿ ಮಾಡಿದ ನಿದರ್ಶನಗಳು ಅಪರೂಪ. ಭಾನುವಾರ ಬೆಳಗ್ಗೆ ಕುಳಗಿ ರಸ್ತೆ ಅಂಚಿನಲ್ಲಿ ಹರಿಯುವ ಕಾಳಿ ನದಿ ಬಳಿ ಆನಂದ್ ನಲ್ಲೂಜಿ ಅವರು ಹೋಗಿದ್ದರು. ಅಲ್ಲಿ ಅವರು ಶೌಚಕ್ಕೆ ಕುಳಿತಾಗ ಸಂಚು ರೂಪಿಸಿದ ಮೊಸಳೆ ಏಕಾಏಕಿ ದಾಳಿ ಮಾಡಿತು. ಈ ವೇಳೆ ಆನಂದ ನಲ್ಲೂಜಿ ಅವರು ದೊಡ್ಡದಾಗಿ ಕೂಗಿಕೊಂಡಿದ್ದು, ಸಮೀಪದಲ್ಲಿದ್ದ ಜನ ಅವರನ್ನು ರಕ್ಷಿಸಿದರು. ಮೊಸಳೆ ದಾಳಿಯಿಂದಾಗಿ ಆನಂದ ನಲ್ಲೂಜಿ ಅವರ ಕಾಲಿಗೆ ದೊಡ್ಡ ಪ್ರಮಾಣದಲ್ಲಿ ಗಾಯವಾಗಿದೆ. ಮೊಸಳೆಯ ಹಲ್ಲುಗಳು ಕಾಲಿನ ಮೇಲೆ ದೊಡ್ಡ ಗುರುತಾಗಿ ಕಾಣಿಸಿಕೊಂಡಿದೆ. ದೇಹನ ಇನ್ನಿತರ ಭಾಗಗಳಿಗೂ ನೋವಾಗಿದೆ. ಭಾರೀ ಪ್ರಮಾಣದಲ್ಲಿ ಗಾಯಗೊಂಡ ಆನಂದ ನಲ್ಲೂಜಿ ಅವರು ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಅಲ್ಲಿ ಅವರಿಗೆ ಪ್ರಾಥಮಿಕ ಚಿಕಿತ್ಸೆ ನೀಡಿ, ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ಧಾರವಾಡಕ್ಕೆ ಕಳುಹಿಸಲಾಗಿದೆ. ಮೊಸಳೆಯೊಂದು ಮನುಷ್ಯನ ಮೇಲೆ ದಾಳಿ ಮಾಡಿದ್ದರಿಂದ ಜನ ಆಘಾತಕ್ಕೆ ಒಳಗಾಗಿದ್ದಾರೆ. ನದಿ ಅಂಚಿನ ಪ್ರದೇಶದಲ್ಲಿ ಓಡಾಟದಂತೆ ಎಚ್ಚರಿಸುತ್ತಿದ್ದಾರೆ.
- [13 ವರ್ಷದ ಹುಡುಗಿಗೆ ಹೃದಯಘಾತ!](https://mobiletime.in/2026/05/13-year-old-girl-suffers-heart-attack/): ಉತ್ತರ ಕನ್ನಡ ಜಿಲ್ಲೆಯ ಜೊಯಿಡಾದಲ್ಲಿ 13 ವರ್ಷದ ಹುಡುಗಿಗೆ ಹೃದಯಘಾತ ಸಂಭವಿಸಿದೆ. ಎಲ್ಲರ ಜೊತೆ ಸಹಜವಾಗಿ ಆಟವಾಡುತ್ತಿದ್ದ ಗಂಗು ಗೌಳಿ ಅವರು ದಿಢಿರ್ ಆಗಿ ವಾಂತಿ ಮಾಡಿಕೊಂಡಿದ್ದು, ಎದೆನೋವು ಸಹಿಸಲಾಗದೇ ಸಾವನಪ್ಪಿದ್ದಾರೆ. ಜೊಯಿಡಾದ ಅಸು ಗ್ರಾಮ ಪಂಚಾಯತ ವ್ಯಾಪ್ತಿಯ ಚಾಪಾಲಿ ಗೌಳಿವಾಡದಲ್ಲಿ ಗಂಗು ನವಿಲು ಗೌಳಿ ಅವರು ವಾಸವಾಗಿದ್ದರು. 13 ವರ್ಷದ ಅವರು 7ನೇ ತರಗತಿ ವಿದ್ಯಾರ್ಥಿನಿಯಾಗಿದ್ದರು. ರಾಮನಗರದ ಹನುಮಾನ್ ಗಲ್ಲಿಯಲ್ಲಿರುವ ಶಾಲೆಯಲ್ಲಿ ಅವರು ಓದುತ್ತಿದ್ದರು. ಬೇಸಿಗೆ ರಜೆ ಅಂಗವಾಗಿ ಗಂಗು ಗೌಳಿ ಅವರು ಮನೆಗೆ ಬಂದಿದ್ದರು. ಮನೆ ಕೆಲಸದಲ್ಲಿ ಕುಟುಂಬದವರಿಗೆ ಸಹಾಯ ಮಾಡುತ್ತಿದ್ದ ಗಂಗು ಗೌಳಿ ಅವರು ಸಣ್ಣಪುಟ್ಟ ಆಟ-ಓಟಗಳಲ್ಲಿ ಭಾಗಿಯಾಗಿದ್ದರು. ಎಲ್ಲರ ಜೊತೆ ಆಟವಾಡುತ್ತಿದ್ದ ಗಂಗು ಗೌಳಿ ಅವರಿಗೆ ಒಮ್ಮೆ ವಾಂತಿ ಶುರುವಾಯಿತು. ಅದಾದ ಕೆಲವೇ ಕ್ಷಣದಲ್ಲಿ ಗಂಗು ಗೌಳಿ ಅವರ ಪ್ರಾಣ ಪಕ್ಷಿ ಹಾರಿ ಹೋಯಿತು. ಗಂಗು ಗೌಳಿ ಅವರಿಗೆ ಯಾವುದೇ ದೀರ್ಘ ಕಾಲದ ರೋಗಗಳಿರಲಿಲ್ಲ. ಹೃದಯ ಸಮಸ್ಯೆಯೂ ಕಾಣಿಸಿಕೊಂಡಿರಲಿಲ್ಲ. ಆಟ-ಪಾಠಗಳಲ್ಲಿ ಸಕ್ರೀಯವಾಗಿ ತೊಡಗಿಕೊಂಡಿದ್ದ ಬಾಲಕಿಯ ದಿಢೀರ್ ಮರಣದಿಂದ ಜನ ಆಘಾತಕ್ಕೆ ಒಳಗಾದರು. `ಆರೋಗ್ಯದ ಕಡೆ ಜೋಪಾನ’
- [ಬಾಲಕಿ ಮೈ ಮುಟ್ಟಿದ ಕಾಮುಕ!](https://mobiletime.in/2026/05/the-girl-touched-me-with-her-lust/): ಚಾಕಲೇಟು ಖರೀದಿಗೆ ಅಂಗಡಿಗೆ ಹೋಗಿದ್ದ ಬಾಲಕಿಯನ್ನು ಹಿಂಬಾಲಿಸಿಕೊoಡು ಬಂದ ಹುಸೇನ್ ಆ ಬಾಲಕಿಯ ಅತ್ಯಾಚಾರಕ್ಕೆ ಪ್ರಯತ್ನಿಸಿದ್ದು, ಹಳಿಯಾಳದ ಗುಂಡೊಳ್ಳಿ ಗ್ರಾಮದವರು ಸೇರಿ ಬಾಲಕಿಯನ್ನು ರಕ್ಷಿಸಿದ್ದಾರೆ. ಅದಾದ ನಂತರ ಆರೋಪಿ ಹುಸೇನ್’ನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಗುಂಡೊಳ್ಳಿ ಗ್ರಾಮದ 9 ವರ್ಷದ ಬಾಲಕಿಯೊಬ್ಬರು ಮೇ 1ರ ರಾತ್ರಿ ಅಂಗಡಿಗೆ ಹೋಗಿದ್ದರು. ಆ ಅಂಗಡಿಯಲ್ಲಿ ಸಾಮಗ್ರಿ ಖರೀದಿಸಿ ಮನೆಗೆ ಬರುವಾಗ ಅಲ್ಲಿಯೇ ಇದ್ದ ಹುಸೇನ್ (30) ಮಗುವನ್ನು ಹಿಂಬಾಲಿಸಿದರು. ಬಾಲಕಿಯನ್ನು ಒತ್ತಾಯಪೂರ್ವಕವಾಗಿ ಬೇರೆಡೆ ಕರೆದುಕೊಂಡು ಹೋಗಿದ್ದು, ಊರಿನ ಜನ ಇದನ್ನು ನೋಡಿದರು. ಬಾಲಕಿ ಈ ವೇಳೆ ಜೋರಾಗಿ ಕೂಗಿದ್ದು, ಅತ್ಯಾಚಾರ ಪ್ರಯತ್ನ ನಡೆದಿರುವುದನ್ನು ಅರಿತ ಜನ ಸಂತ್ರಸ್ತೆಗೆ ಸಹಾಯ ಮಾಡಿದರು. ಅಲ್ಲಿಂದ ತಪ್ಪಿಸಿಕೊಂಡು ಬಂದ ಬಾಲಕಿ ತಮಗಾದ ಅನ್ಯಾಯದ ಬಗ್ಗೆ ಮನೆಯಲ್ಲಿ ತಿಳಿಸಿದ್ದು, ಇನ್ನಷ್ಟು ಜನ ಸೇರಿ ಆರೋಪಿಯನ್ನು ಹಿಡಿದರು. ನಂತರ ಹಳಿಯಾಳ ಪೊಲೀಸ್ ಠಾಣೆಗೆ ಫೋನ್ ಮಾಡಿ ಪೊಲೀಸರನ್ನು ಕರೆಯಿಸಿದರು. ಪಿಸೈ ಕೃಷ್ಣಗೌಡ ಅರಕೇರಿ ಅವರು ಸಿಬ್ಬಂದಿ ಜೊತೆ ಆಗಮಿಸಿ ಆರೋಪಿಯನ್ನು ವಶಕ್ಕೆಪಡೆದರು. ಪಿಐ ಜಯಪಾಲ್ ಪಾಟೀಲ್ ಅವರು ಆರೋಪಿಯ ವಿಚಾರಣೆ ನಡೆಸಿದ್ದಾರೆ.
- [ಪೊಲೀಸ್ ಮನೆಗೆ ಕನ್ನ: ಗೋಕರ್ಣದಲ್ಲಿ ಸಿಕ್ಕಿಬಿದ್ದ ಕೇರಳದ ಕಳ್ಳ!](https://mobiletime.in/2026/05/robbery-at-police-house-kerala-thief-caught-in-gokarna/): ಕುಮಟಾ ಹಿರೇಗುತ್ತಿಯಲ್ಲಿ ಮನೆ ಮಾಡಿಕೊಂಡಿರುವ ಪೊಲೀಸ್ ಸಿಬ್ಬಂದಿ ಚಂದ್ರಕಾoತ ಮಸಾಕಲ್ ಅವರ ಮನೆಗೆ ನುಗ್ಗಿದ್ದ ಕಳ್ಳರು ಪತ್ತೆಯಾಗಿದ್ದಾರೆ. ಗೋಕರ್ಣ ಪಿಐ ಶ್ರೀಧರ್ ಎಸ್ ಆರ್ ಅವರು ನಡೆಸಿದ ಕಾರ್ಯಾಚರಣೆಯಲ್ಲಿ ಅಂತರಾಜ್ಯ ದರೋಡೆಕೋರರು ಸಿಕ್ಕಿಬಿದ್ದಿದ್ದು, ಲಕ್ಷಾಂತರ ರೂ ಮೌಲ್ಯದ ವಸ್ತುಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಜನವರಿ 9ರಂದು ಪೊಲೀಸ್ ಸಿಬ್ಬಂದಿ ಚಂದ್ರಕಾAತ್ ಮಸಾಕಲ್‌ರವರ ಮನೆಯಲ್ಲಿ ಕಳ್ಳತನ ನಡೆದಿತ್ತು. ಮನೆಯಲ್ಲಿದ್ದ ಚಿನ್ನಾಭರಣವನ್ನು ಕಳ್ಳರು ದೋಚಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸ್ಥಳ ಭೇಟಿ ಮಾಡಿ ಪರಿಶೀಲನೆ ಮಾಡಿದ್ದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಭಟ್ಕಳ ವಿಭಾಗದ ಉಪಾಧೀಕ್ಷಕ ಗಿರೀಶ್ ಬಿ ವೈ, ಕುಮಟಾ ಪೊಲೀಸ್ ನಿರೀಕ್ಷಕ ಯೋಗೇಶ್ ಕೆ ಎಮ್ ಸೇರಿ ಕಳ್ಳರ ಶೋಧ ಶುರು ಮಾಡಿದ್ದರು. Àಗೋಕರ್ಣ ಪಿಐ ಶ್ರೀಧರ ಎಸ್ ಆರ್ ಅವರು ಕಳ್ಳರ ಪತ್ತೆಗೆ ಕಾರ್ಯಾಚರಣೆ ನಡೆಸಿದರು. ಪಿಸೈ ಅನಿಲ ಬಿ ಎಂ, ಅಪರಾಧ ವಿಭಾಗದ ರಾಜೇಶ್ ಹೆಚ್ ನಾಯ್ಕ, ಶ್ರೀಕಾಂತ್ ಕಟಬರ್, ಪರಮೇಶ್ವರ ಬೆಂಡ್ಲಗಟ್ಟಿ, ಕಿರಣ್ ಬಾಳೂರ್ ಅವರ ಜೊತೆ ಯಲ್ಲಾಪುರ ಪೊಲೀಸ್ ಠಾಣೆ ಮಹಮ್ಮದ್ ಶಫಿ, ಯೋಗೇಶ್ ಕುಮಾರ್ ಅವರು ಕೈ ಜೋಡಿಸಿದರು. ಪೊಲೀಸ್ ಸಿಬ್ಬಂದಿ ಉದಯ ಗುನಗಾ, ಬಬನ್ ಕದಂ ಅವರು ನೀಡಿದ ತಾಂತ್ರಿಕ ಸಹಾಯ ಕಳ್ಳರ ಪತ್ತೆಗೆ ಸಹಾಯ ಮಾಡಿತು. ಕೇರಳ, ತಮಿಳುನಾಡು ಸೇರಿ 40ಕ್ಕೂ ಅಧಿಕ ಕಡೆ ಕಳ್ಳತನ, ದರೋಡೆ ಮಾಡಿದ್ದ ಕೇರಳದ ತ್ರಿಶೂರ ಸತ್ಯೇಶಪುರುಶೋತ್ತಮ (40) ಹಾಗೂ ಶಿಜು ರಾಮಕೃಷ್ಣನ್ (47) ಅವರು ಈ ದಿನ ಪೊಲೀಸರ ಬಳಿ ಸಿಕ್ಕಿಬಿದ್ದರು. ಅವರ ಬಳಿಯಿದ್ದ 66 ಗ್ರಾಂ ಬಂಗಾರದ ಆಭರಣ ಹಾಗೂ ಕೃತ್ಯಕ್ಕೆ ಬಳಸಿದ 08 ಲಕ್ಷ ಮೌಲ್ಯದ ಕಾರನ್ನು ಪೊಲೀಸರು ಜಪ್ತು ಮಾಡಿದರು. ಸದ್ಯ ಆರೋಪಿತರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ. ನ್ಯಾಯಾಲಯವೂ 15 ದಿನಗಳ ನ್ಯಾಯಾಂಗ ಬಂಧನವಿಧಿಸಿದೆ.
- [ಮೆದುಳು ಸಮಸ್ಯೆ: ನೇಣಿಗೆ ಶರಣಾದ ಯುವಕ](https://mobiletime.in/2026/05/brain-problem-young-man-hangs-himself/): ಯಲ್ಲಾಪುರದಲ್ಲಿ ಬೇಕರಿ ವ್ಯಾಪಾರ ನಡೆಸಿಕೊಂಡು ಬದುಕಿದ್ದ ಅಜೀಜ ಶೇಕ್ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮೆದುಳು ರೋಗದಿಂದ ಬಳಲುತ್ತಿದ್ದ ಅವರು ಆ ರೋಗ ಎದುರಿಸಲಾಗದೇ ದುಡುಕಿನ ನಿರ್ಧಾರ ಮಾಡಿದ್ದಾರೆ. ಯಲ್ಲಾಪುರದ ಶಾರದಾಗಲ್ಲಿಯಲ್ಲಿ ಅಜೀಜ್ ಶಂಶುದ್ದಿನ್ ಶೇಖ್ ಅವರು ವಾಸವಾಗಿದ್ದರು. 38 ವರ್ಷದ ಅವರು ಬೇಕರಿಯೊಂದರಲ್ಲಿ ವ್ಯಾಪಾರಿಯಾಗಿದ್ದರು. ಒಂದು ವರ್ಷದ ಹಿಂದೆ ಅಜೀಜ್ ಅವರಿಗೆ ಆರೋಗ್ಯ ಹದಗೆಟ್ಟಿತು. ಆಸ್ಪತ್ರೆ ಓಡಾಟ ನಡೆಸಿದಾಗ ಮೆದುಳಿನ ರೋಗ ಪತ್ತೆಯಾಯಿತು. ಯಲ್ಲಾಪುರ, ಹುಬ್ಬಳ್ಳಿ ಹಾಗೂ ಗೋವಾಗೆ ತೆರಳಿ ಅವರು ಚಿಕಿತ್ಸೆಪಡೆದಿದ್ದರು. ಆದರೆ, ಯಾವ ಆಸ್ಪತ್ರೆಗೆ ಹೋದರೂ ಅಜೀಜ್ ಅವರ ರೋಗ ವಾಸಿ ಆಗಲಿಲ್ಲ. ದಿನದಿಂದ ದಿನಕ್ಕೆ ಅವರ ದೇಹ ಕ್ಷೀಣಿಸುತ್ತಿದ್ದು, ಅದರಿಂದ ಚಿಂತೆಗೀಡಾಗಿದ್ದರು. ಮೇ 1ರ ಮಧ್ಯಾಹ್ನ ಅಜೀಜ್ ಶೇಖ್ ಅವರು ಮನೆಯಿಂದ ಹೊರ ಹೋಗಿದ್ದು, ರಾತ್ರಿ ಮರಳಿ ಬಂದಿರಲಿಲ್ಲ. ಹುಡುಕಾಟ ನಡೆಸಿದಾಗ ಮೇ 2ರಂದು ಅವರು ಶವವಾಗಿದ್ದರು. ಕೆ ಮಿಲನ್ ಹೊಟೇಲ್ ಬಳಿಯಿದ್ದ ಬಿಡಿಕರ್ ಜಮೀನಿನ ಮಾವಿನ ಮರಕ್ಕೆ ಅಜೀಜ್ ಶೇಖ್ ಅವರು ನೇಣು ಹಾಕಿಕೊಂಡಿದ್ದರು. ಅಜೀಜ್ ಶೇಖ್ ಅವರ ಶವ ನೋಡಿದ ಅವರ ಸಹೋದರ ಮಹಮದ್ ಹುಸೇನ್ ಅವರು ಈ ಬಗ್ಗೆ ಪೊಲೀಸರಿಗೆ ಫೋನ್ ಮಾಡಿದರು. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿದ್ದು, ಪ್ರಕರಣ ದಾಖಲಿಸಿದರು. `ಸಮಸ್ಯೆಗಳಿಗೆ ಆತ್ಮಹತ್ಯೆಯೇ ಪರಿಹಾರವಲ್ಲ’
- [ಶೀರ್ಷಾಸನದಲ್ಲಿ ಶಿವತಾಂಡವ ಪಠಿಸಿದ ಪೋರ!](https://mobiletime.in/2026/05/the-young-man-recited-shiva-tandava-while-sitting-on-the-headrest/): ಶಿರಸಿಯ ಶ್ರೀನಿಕೇತನ ಶಾಲೆಯಲ್ಲಿ 3ನೇ ತರಗತಿ ಓದುವ ಓಂ ಎನ್ ಅವರು ಶೀರ್ಷಾಸನದಲ್ಲಿ ಶಿವವತಾಂಡವ ಸ್ತೋತ್ರ ಪಠಿಸಿದ್ದು, ಈ ಸಾಧನೆ ಅವರಿಗೆ ವಿಶ್ವ ದಾಖಲೆಯ ಪುಟ ಸೇರಿದೆ. ಶಿರಸಿಯ ಇಸಳೂರಿನಲ್ಲಿರುವ ಶ್ರೀನಿಕೇತನ ಶಾಲೆಯಲ್ಲಿ ಓಂ ಎನ್ ಅವರು 3ನೇ ತರಗತಿ ಓದುತ್ತಿದ್ದಾರೆ. ಬಾಲ್ಯದಿಂದಲೂ ಪ್ರತಿಭಾನ್ವಿತರಾಗಿರುವ ಅವರನ್ನು ಕಂಡರೆ ಎಲ್ಲರಿಗೂ ಅಚ್ಚುಮೆಚ್ಚು. ಶಿವರಾತ್ರಿಯ ದಿನ ಓಂ ಎನ್ ಅವರು ವಿಶ್ವದಾಖಲೆಯ ಸಾಹಸವೊಂದನ್ನು ಮಾಡಿದ್ದಾರೆ. 8 ವರ್ಷದ ಅವರು ಶೀರ್ಷಾಸನ ಭಂಗಿಯಲ್ಲಿ ನಿಂತು ಶಿವತಾಂಡವ ಸ್ತೋತ್ರವನ್ನು ಪಠಿಸಿದ್ದಾರೆ. 3ನಿಮಿಷ 42 ಸೆಕೆಂಡುಗಳ ಅವಧಿಯಲ್ಲಿ ಅವರು ಶಿವತಾಂಡವ ಸ್ತೋತ್ರಪಡಿಸಿದ್ದು, ಈ ಸಾಧನೆಯನ್ನು ಇಂಟರ್‌ನ್ಯಾಷಲ್ ಬುಕ್ ಆಫ್ ರೆಕಾರ್ಡ್ಸ್ ಸಂಸ್ಥೆ ಗುರುತಿಸಿದೆ. ಜೊತೆಗೆ ಇದನ್ನು ವಿಶ್ವ ದಾಖಲೆ ಎಂದು ಪರಿಗಣಿಸಿ ವರ್ಡ್ ರೆಕಾರ್ಡ್ ಪುಸ್ತಕದಲ್ಲಿ ಈ ದಾಖಲೆಯನ್ನು ಉಲ್ಲೇಖಿಸಿದೆ. ಓಂ ಎನ್ ಅವರಿಗೆ ಪ್ರಶಸ್ತಿಯನ್ನು ನೀಡಿ ಗೌರವಿಸಿದೆ. ಓಂ ಎನ್ ಅವರು 6ನೇ ವಯಸ್ಸಿನಲ್ಲಿಯೇ 1 ನಿಮಿಷ 42 ಸೆಕೆಂಡಿನಲ್ಲಿ ಏಷ್ಯಾ ಖಂಡದ ಎಲ್ಲ 48 ದೇಶಗಳ ಹೆಸರು, ಅವುಗಳ ರಾಜಧಾನಿ ಹಾಗೂ ಕರೆನ್ಸಿಗಳ ಬಗ್ಗೆ ಹೇಳಿ ವಿಶ್ವ ದಾಖಲೆ ನಿರ್ಮಿಸಿದ್ದರು. ಆ ದಾಖಲೆಗಳ ಸಾಲಿಗೆ ಇದೀಗ ಇನ್ನೊಂದು ಸೇರ್ಪಡೆಯಾಗಿದೆ. ಓಂ ಎನ್ ಶಿರಸಿಯ ನಿವೃತ್ತ ಸೈನ್ಯಾಧಿಕಾರಿ ಶ್ರೀನಿವಾಸ ನಾಯ್ಕ ಹಾಗೂ ಉಪನ್ಯಾಸಕಿ ಅಪರ್ಣಾ ಕರ್ಕಿ ಅವರ ಮಗ. ಓಂ ಎನ್ ಅವರ ಸಾಧನೆಗೆ ಶಿರಸಿಯ ಮದನ್ ಫೋಟೋಸ್ ಅವರು ತಾಂತ್ರಿಕ ಸಹಕಾರ ಹಾಗೂ ವಿಡಿಯೋ ಸಹಾಯ ಮಾಡಿದ್ದಾರೆ.
- [ಸರಾಯಿ ಸಿಗದೇ ಸಾವನಪ್ಪಿದ ರಿಕ್ಷಾ ಚಾಲಕ!](https://mobiletime.in/2026/05/rickshaw-driver-dies-after-not-finding-a-tavern/): ಕಾರವಾರ ಕದ್ರಾದ ಡುಮ್ಮಿಂಗ್ ರೋಡಿಗ್ರಿಸ್ ಅವರು ಆಸ್ಪತ್ರೆಗೆ ದಾಖಲಾಗಿದ್ದು, ಅಲ್ಲಿ ಸರಾಯಿ ಸಿಗದ ಕಾರಣ ತಪ್ಪಿಸಿಕೊಂಡು ಮನೆಗೆ ಬಂದಿದ್ದಾರೆ. ಮನೆಯಲ್ಲಿಯೂ ಸರಾಯಿ ಕುಡಿಯಲು ಕೊಡದ ಕಾರಣ ಬೇಸತ್ತು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕಾರವಾರ ಕದ್ರಾದ ಚರ್ಚವಾಡದಲ್ಲಿ ಡುಮ್ಮಿಂಗ್ ಮನ್ವೇಲ್ ರೋಡಿಗ್ರಿಸ್ ಅವರು (49) ವಾಸವಾಗಿದ್ದರು. ರಿಕ್ಷಾ ಚಾಲಕರಾಗಿ ಅವರು ಕೆಲಸ ಮಾಡಿಕೊಂಡಿದ್ದರು. ತಮ್ಮ ದುಡಿಮೆಯ ಎಲ್ಲಾ ಹಣವನ್ನು ಅವರು ಸರಾಯಿ ಅಂಗಡಿಗೆ ಕೊಡುತ್ತಿದ್ದರು. ವಿಪರೀತ ಪ್ರಮಾಣದಲ್ಲಿ ಸರಾಯಿ ಕುಡಿದ ಕಾರಣ ಅವರಿಗೆ ಲಿವರ್ ಸಮಸ್ಯೆ ಕಾಡಿತು. ಅನಾರೋಗ್ಯಕ್ಕೆ ಒಳಗಾದ ಡುಮ್ಮಿಂಗ್ ರೋಡಿಗ್ರಿಸ್ ಅವರನ್ನು ಕುರ್ನಿಪೇಟೆಗೆ ಕರೆತರಲಾಯಿತು. ಅಲ್ಲಿದ್ದ ಡಾ ಸುರೇಶ್ ಅವರ ಮಲ್ಟಿಸ್ಪೆಶಾಲಿಟಿ ಆಸ್ಪತ್ರೆಯಲ್ಲಿ (ಆಯುರ್ವೇದ) ಅವರನ್ನು ದಾಖಲಿಸಲಾಯಿತು. ಚಿಕಿತ್ಸೆ ನೀಡಿದ ವೈದ್ಯರು `ಸರಾಯಿ ಸೇವನೆ ಬಿಡಬೇಕು’ ಎಂದು ಸೂಚಿಸಿದರು. `ಸರಾಯಿ ಕುಡಿಯಲು ಕೊಡಬೇಡಿ’ ಎಂದು ಕುಟುಂಬದವರಿಗೆ ಸಹ ತಾಕೀತು ಮಾಡಿದರು. ಅದಾಗಿಯೂ, ಡುಮ್ಮಿಂಗ್ ರೋಡಿಗ್ರಿಸ್ ಅವರಿಗೆ ಸರಾಯಿ ಬಿಟ್ಟು ಬದುಕಲು ಸಾಧ್ಯವಾಗುತ್ತಿರಲಿಲ್ಲ. ಹೀಗಾಗಿ ಸರಾಯಿ ತಂದುಕೊಡುವAತೆ ಅವರು ಪತ್ನಿ ಅನಿತಾ ರೋನಿ ರಜರತ್ ಅವರಲ್ಲಿ ಕೇಳಿದ್ದರು. ಆದರೆ, ವೈದ್ಯರೇ ಸರಾಯಿ ಸೇವಿಸದಂತೆ ಸೂಚಿಸಿದ ಕಾರಣ ಅನಿತಾ ಅವರು ಪತಿಗೆ ಸರಾಯಿ ಪೂರೈಕೆ ಮಾಡಲಿಲ್ಲ. ಆಸ್ಪತ್ರೆಯಲ್ಲಿ ಸರಾಯಿ ಸಿಗದ ಕಾರಣ ಡುಮ್ಮಿಂಗ್ ರೋಡಿಗ್ರಿಸ್ ಅವರು ಅಲ್ಲಿಂದ ತಪ್ಪಿಸಿಕೊಂಡರು. ಮೇ 1ರಂದು ಮನೆಗೆ ಬಂದ ಅವರು ಅಲ್ಲಿ ಸರಾಯಿ ಹುಡುಕಿದರು. ಸಿಗದ ಕಾರಣ ಅಲ್ಲಿಯೇ ಆತ್ಮಹತ್ಯೆಗೆ ಶರಣಾದರು. `ಆತ್ಮಹತ್ಯೆ ಅಪರಾಧ’  
- [ಗೋಲ್ಡ್ ಲೋನ್: ಮಣಿಪುರಂ ಫೈನಾನ್ಸಿಗೆ ಮೋಸ!](https://mobiletime.in/2026/05/gold-loan-manipuram-finance-scam/): `ಮುತೂಡ್ ಪಿನ್‌ಕಾರ್ಪಿನಿಂದ ಚಿನ್ನ ಬಿಡಿಸಿಕೊಂಡು ಬರುವೆ’ ಎಂದು ಮಣಿಪುರಂ ಫೈನಾನಿನವರನ್ನು ನಂಬಿಸಿದ ಹಳಿಯಾಳದ ರಾಕೇಶ ವಾಲೇಕರ್ ಅವರು 2.70 ಲಕ್ಷ ರೂ ಹಣಪಡೆದು ಮೋಸ ಮಾಡಿದ್ದಾರೆ. ಚಿನ್ನ ಬರುವ ಆಸೆಗಾಗಿ ಆರ್ಥಿಕ ನೆರವು ನೀಡಿದ ಮಣಿಪುರಂ ಫೈನಾನ್ಸಿನವರು ಇದೀಗ `ಚಿನ್ನವೂ ಇಲ್ಲ. ಕೊಟ್ಟ ಹಣವೂ ಬಂದಿಲ್ಲ’ ಎಂಬ ಕಾರಣಕ್ಕೆ ಪೊಲೀಸರ ಮೊರೆ ಹೋಗಿದ್ದಾರೆ. ಹಳಿಯಾಳ ಬಸ್ ನಿಲ್ದಾಣದ ಬಳಿ ರಾಕೇಶ ದಿನಕರ್ ವಾಲೇಕರ್ ಅವರು ವಾಸವಾಗಿದ್ದಾರೆ. ಅವರು ಮಣಿಪುರಂ ಫೈನಾನ್ಸಿಗೆ ಹೋಗಿ ವಿವಿಧ ದಾಖಲೆಗಳನ್ನು ನೀಡಿದ್ದಾರೆ. ಶಿರಸಿ ಕಾಳಂಗಿಯ ಸಿದ್ದಲಿಂಗೇಶ ವೀರೇಶ ಕಲ್ಮಟ್ಟಿ ಅವರು ಹಳಿಯಾಳದಲ್ಲಿ ಮಣಪುರಂ ಫೈನಾನ್ಸ್ ಮ್ಯಾನೇಜರ್ ಆಗಿದ್ದು, ರಾಕೇಶ್ ವಾಲೇಕರ್ ಅವರು ಸಿದ್ದಲಿಂಗೇಶ ಕಲ್ಮಟ್ಟಿ ಅವರ ನಂಬಿಕೆಗಳಿಸಿ ಹಣಪಡೆದಿದ್ದಾರೆ. ಈ ವೇಳೆ `ಮುತೂಡ್ ಪಿನ್‌ಕಾರ್ಪಿನಿಂದ ಚಿನ್ನ ಬಿಡಿಸಿಕೊಂ ಬಂದು ತಮಗೆ ಕೊಡುವೆ’ ಎಂದು ಭರವಸೆ ನೀಡಿದ್ದಾರೆ. ಆದರೆ, ಅದಾದ ನಂತರ ರಾಕೇಶ್ ವಾಲೇಕರ್ ಅವರು ಮಣಿಪುರಂ ಫೈನಾನ್ಸ್ ಕಚೇರಿ ಕಡೆ ತಲೆಯನ್ನೇ ಹಾಕಿಲ್ಲ. ಮಾರ್ಚ 4ರಂದು ರಾಕೇಶ್ ವಾಲೇಕರ್ ಅವರು ಹಣಪಡೆದಿದ್ದು, ಎರಡು ತಿಂಗಳು ಕಳೆದರೂ ಬಾರದ ಕಾರಣ ಸಿದ್ದಲಿಂಗೇಶ ಕಲ್ಮಟ್ಟಿ ಅವರು ಆ ಬಗ್ಗೆ ವಿಚಾರಿಸಿದ್ದಾರೆ. ಆಗ, ಮೋಸ ಮಾಡುವ ಉದ್ದೇಶದಿಂದಲೇ ರಾಕೇಶ್ ವಾಲೇಕರ್ ಈ ರೀತಿ ಮಾಡಿರುವುದು ಗೊತ್ತಾಗಿದೆ. ಈ ಹಿನ್ನಲೆ ಸಿದ್ಧಲಿಂಗೇಶ್ ಕಲ್ಮಟ್ಟಿ ಅವರು ಹಳಿಯಾಳ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ.
- [ಸ್ವರ್ಣವಲ್ಲೀ: ಇಲ್ಲಿ ಎಂದಿಗೂ ಗ್ಯಾಸ್ ಕೊರತೆಯೇ ಇಲ್ಲ!](https://mobiletime.in/2026/05/swarnavalli-there-is-never-any-shortage-of-gas-here/): ಶಿರಸಿ ಸೋಂದಾ ಸ್ವರ್ಣವಲ್ಲಿಯಲ್ಲಿ ನಿತ್ಯವೂ 180ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ಅನ್ನದಾಸೋಹ ನಡೆಯುತ್ತದೆ. ಜೊತೆಗೆ ಮಠಕ್ಕೆ ಬರುವ ಭಕ್ತರಿಗೂ ಪ್ರಸಾದ ಭೋಜನ ವಿತರಣೆ ನಡೆಯುತ್ತಿದ್ದು, ಹಬ್ಬ-ಹರಿದಿನಗಳ ಅವಧಿಯಲ್ಲಿ 2 ಸಾವಿರಕ್ಕೂ ಅಧಿಕ ಜನ ಇಲ್ಲಿ ಊಟ ಮಾಡುತ್ತಾರೆ. ಆದರೆ, ಎಂದಿಗೂ ಇಲ್ಲಿ ಅಡುಗೆಗೆ ಗ್ಯಾಸ್ ಕೊರತೆಯೇ ಆಗಿಲ್ಲ ಸ್ವರ್ಣವಲ್ಲಿ ಮಹಾಸಂಸ್ಥಾನದ ಮಠವು ತನ್ನ ಆವರಣದಲ್ಲಿ ಗೋಶಾಲೆಹೊಂದಿದ್ದು, ಈ ಗೋಶಾಲೆಯಲ್ಲಿ 80ಕ್ಕೂ ಅಧಿಕ ಜಾನುವಾರುಗಳಿವೆ. ಆಕಳ ಸಗಣಿಯಿಂದ ತಯಾರಾಗುವ ಗೊಬ್ಬರ ಗ್ಯಾಸ್ ಬಳಸಿಯೇ ಇಲ್ಲಿ ಅಗ್ನಿ ಆಹ್ವಾಹನೆ ನಡೆಯುತ್ತದೆ. ಅದೇ ಅಗ್ನಿಯಿಂದ ನಿತ್ಯವೂ ಅನ್ನ ಬೇಯಿಸಿ ಊಟ ಬಡಿಸಲಾಗುತ್ತದೆ. ಹೆಚ್ಚಿನ ಪ್ರಮಾಣದಲ್ಲಿ ಗೋವುಗಳಿರುವುದರಿಂದ ನಿತ್ಯ 400 ಕೆಜಿಗೂ ಅಧಿಕ ಸಗಣಿ ಸಂಗ್ರಹವಾಗುತ್ತಿದ್ದು, ಸ್ವಚ್ಛ ಭಾರತ್ ಮಿಷÀನ್ ಯೋಜನೆ ಅಡಿ ಇಲ್ಲಿ ಗೊಬ್ಬರ ಗ್ಯಾಸ್ ಘಟಕ ಸ್ಥಾಪಿಸಲಾಗಿದೆ. ಹೀಗಾಗಿ ಎಲ್ಲಾ ಕಡೆ ಸಿಲೆಂಡರ್ ಗ್ಯಾಸಿಗಾಗಿ ಹಾಹಾಕಾರ ನಡೆಯುತ್ತಿದ್ದರೂ, ಸೋಂದಾ ಸ್ವರ್ಣವಲ್ಲೀ ಸಂಸ್ಥಾನದಲ್ಲಿ ಅಡುಗೆ ಅನಿಲ ಕೊರತೆ ಆಗಿಲ್ಲ. ಸ್ವರ್ಣವಲ್ಲಿಯಲ್ಲಿ 11 ಲಕ್ಷ ರೂ ವೆಚ್ಚ ಮಾಡಿ 40 ಕ್ಯೂಬಿಕ್ ಮೀಟರ್ ಸಾಮರ್ಥ್ಯದ ಗೋಬರ್‌ಧನ್ ಘಟಕವನ್ನು ನಿರ್ಮಿಸಲಾಗಿದೆ. 11 ಲಕ್ಷ ರೂಪಾಯಿಗಳಲ್ಲಿ 10.45 ಲಕ್ಷ ರೂಪಾಯಿಗಳನ್ನು ಸರ್ಕಾರ ನೀಡಿದೆ. ಉಳಿದ ಮೊತ್ತವನ್ನು ಮಠ ಭರಿಸಿದ್ದು, ಅಲ್ಲಿ ಉತ್ಪಾದನೆಯಾಗುವ 400 ಕೆಜಿ ಸಗಣಿಯಿಂದ ನಿತ್ಯ 18 ಕೆಜಿ ಗ್ಯಾಸ್ ಉತ್ಪಾದಿಸಲಾಗುತ್ತದೆ. ಮೊದಲು ಗ್ಯಾಸ್ ಸಿಲೆಂಡರಿಗೆ ಪ್ರತಿ ವರ್ಷ 2.50 ಲಕ್ಷ ರೂ ವೆಚ್ಚವಾಗುತ್ತಿದ್ದು, ಆ ಸಂಪೂರ್ಣ ಹಣ ಇದೀಗ ಮಠಕ್ಕೆ ಉಳಿದಿದೆ. ಜೊತೆಗೆ ಗ್ಯಾಸ್ ಘಟಕದಿಂದ ಹೊರ ಬರುವ ಗೊಬ್ಬರದಿಂದ ಸಾವಯವ ಗೊಬ್ಬರ ಸಿಗುತ್ತಿದ್ದು, ಅದನ್ನು ಇಲ್ಲಿನ ಗಿಡ-ಮರಗಳ ಆರೈಕೆಗೆ ಬಳಸಲಾಗುತ್ತಿದೆ. ಸರ್ಕಾರವೂ ಸಮುದಾಯಗಳಿಗೆ ನೆರವಾಗುವ ಉದ್ದೇಶದಿಂದ ಜಾನುವಾರುಗಳ ಸಗಣಿ, ಹಸಿ ಕಸದಂತಹ ಜೈವಿಕ ತ್ಯಾಜ್ಯ ಹೆಚ್ಚು ಉತ್ಪಾದನೆಯಾಗುವ ಪ್ರದೇಶಗಳಲ್ಲಿ ಗೋಬರ್‌ಧನ್ ಘಟಕಗಳ ಸ್ಥಾಪನೆಗೆ ಯೊಜನೆಯಡಿ ಅನುವು ಮಾಡಿಕೊಟ್ಟಿದೆ. ಸ್ವರ್ಣವಲ್ಲಿ ಮಠದಲ್ಲಿ ಸ್ಥಾಪಿಸುವ ಮೂಲಕ ನವೀಕರಿಸಬಹುದಾದ ಇಂಧನದ ಉತ್ಪಾದನೆಗೆ ಹೆಚ್ಚಿನ ಒತ್ತು ನೀಡಲಾಗಿದ್ದು, ಮಠದ ಕಾರ್ಯ ಮಾದರಿಯಾಗಿದೆ. ಹಸಿ ತ್ಯಾಜ್ಯದಿಂದ ಕೇವಲ ಗೊಬ್ಬರವನ್ನಷ್ಟೇ ಅಲ್ಲದೆ ಮಿಥೇನ್ ಅನಿಲವನ್ನು ಕೂಡ ಉತ್ಪಾದನೆ ಮಾಡಬಹುದಾಗಿದ್ದು, ಈ ಅನಿಲವನ್ನು ಅಡುಗೆ ಮಾಡಲು ಹಾಗೂ ವಿದ್ಯುತ್ ಆಗಿಯೂ ಕೂಡ ಬಳಕೆ ಮಾಡಲಾಗುತ್ತದೆ. ಸಮುದಾಯ ಹಂತದಲ್ಲಿ ಮಾತ್ರವಲ್ಲದೇ ವೈಯುಕ್ತಿಕವಾಗಿ ಮನೆಗಳಲ್ಲೂ ಗೋಬರ್ ಧನ್ ಘಟಕವನ್ನು ನಿರ್ಮಿಸಲು ಸರ್ಕಾರ ಉತ್ತೇಜನ ನೀಡುತ್ತಿದೆ. ಮನೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಹಸಿ ತ್ಯಾಜ್ಯ ಉತ್ಪಾದನೆ ಆಗುತ್ತಿದ್ದರೆ ಅದರಿಂದಲೂ ಬಯೋಗ್ಯಾಸ್ ಉತ್ಪಾದಿಸಲು ಸಾಧ್ಯ. ಮನೆಯಲ್ಲಿ ಪ್ರತಿದಿನ ಅಡುಗೆ ಮನೆಯಲ್ಲಿ ಉತ್ಪತ್ತಿಯಾಗುವ ಹಣ್ಣು, ತರಕಾರಿಗಳ ತ್ಯಾಜ್ಯ, ಉಳಿದ ಆಹಾರಗಳು ಜೊತೆಗೆ ಕೃಷಿ ತ್ಯಾಜ್ಯಗಳನ್ನು ಗೋಬರ್ ಧನ್ ಘಟಕಕ್ಕೆ ಬಳಸಬಹುದು. ಗೋಬರ್ ಧನ್ ಘಟಕದಿಂದ ಉತ್ಪತ್ತಿಯಾಗುವ ಸ್ಲರಿ ಕೂಡ ಕೃಷಿಗೆ ಅತ್ಯಂತ ಉಪಯುಕ್ತ ಗೊಬ್ಬರ. ಇದೇ ಸ್ಲರಿಯಿಂದ ಎರೆಹುಳ ಗೊಬ್ಬರ ತಯಾರಿಸಿ ಮಾರಾಟ ಮಾಡಿ ಆರ್ಥಿಕ ಲಾಭವೂ ಸಾಧ್ಯವಿದೆ. `ಮಠದ ಗೋಶಾಲೆಗೆ ಸರ್ಕಾರದಿಂದ ನೀಡಿರುವ ಸಮುದಾಯ ಹಂತದ ಗೋಬರ್ ಗ್ಯಾಸ್ ಘಟಕವು ಅತ್ಯಂತ ಉಪಯುಕ್ತವಾಗಿದೆ. ಇದರಿಂದಾಗಿ ಗೋ ಶಾಲೆಯ ಸಗಣೆ ಹಾಗೂ ಹಸಿ ತ್ಯಾಜ್ಯದ ಮೂಲಕ ಉತ್ಪಾದನೆಯಾಗುವ ಮಿಥೇನ್ ಗ್ಯಾಸ್ ಅನ್ನದಾಸೋಹದ ಅಡುಗೆಗೆ ಉಪಯುಕ್ತವಾಗಿದೆ. ಸಿಲಿಂಡರ್ ಕೊರತೆಯ ಸಂದರ್ಭದಲ್ಲಿ ಅತ್ಯಂತ ಉಪಯುಕ್ತವಾಗಿದೆ. ಪರಿಸರ ಸ್ನೇಹಿಯಾದ ಇಂತಹ ಯೋಜನೆಯನ್ನು ಅನ್ನದಾಸೋಹ ನಡೆಯುವ ಮಠ, ಸಂಸ್ಥೆಗಳಿಗೆ ನೀಡಿದರೆ ಅತ್ಯಂತ ಉಪಯುಕ್ತವಾಗುತ್ತದೆ’ ಎಂಬುದು ಗಂಗಾಧರೇoದ್ರ ಸರಸ್ವತೀ ಶ್ರೀಗಳ ನುಡಿ.
- [ಪತಿಯ ಪ್ರಾಣ ತೆಗೆದ ರೀಲ್ಸ್ ರಾಣಿ!](https://mobiletime.in/2026/05/the-queen-of-reels-who-took-her-husbands-life/): ಪರ ಪುರುಷರ ಜೊತೆ ರೀಲ್ಸ್ ಮಾಡಿ ಪತಿಯನ್ನು ಪೀಡಿಸುತ್ತಿದ್ದ ಮೇಘಾ ವಾಡಕರ್ ಅವರ ಕಾಟಕ್ಕೆ ಅವರ ಪತಿ ರಾಘವೇಂದ್ರ ವಾಡಕರ್ ಸಾವನಪ್ಪಿದ್ದಾರೆ. ಕತ್ತಿಯಿಂದ ಕೈ ಕೊಯ್ದುಕೊಂಡ ರಾಘವೇಂದ್ರ ವಾಡಕರ್ ಅವರು ಅದಾದ ನಂತರ ನೇಣು ಹಾಕಿಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ದಾಂಡೇಲಿಯಲ್ಲಿ ರಾಘವೇಂದ್ರ ವಾಡಕರ್ (32) ಅವರು ವಾಸವಾಗಿದ್ದರು. ಏಳು ವರ್ಷಗಳ ಹಿಂದೆ ರಾಘವೇಂದ್ರ ವಾಡಕರ್ ಅವರು ಮೇಘಾ ವಾಡಕರ್ (28) ಅವರನ್ನು ಮದುವೆ ಆಗಿದ್ದರು. ರಾಘವೇಂದ್ರ ವಾಡಕರ್ ಅವರು ತಮ್ಮ ಕುಟುಂಬದ ಜೊತೆ ವಾಸವಾಗಿದ್ದು, ಇದನ್ನು ಸಹಿಸದ ಮೇಘಾ ವಾಡಕರ್ ಅವರು ಮದುವೆ ಆದ ದಿನದಿಂದಲೂ ಬೇರೆ ಮನೆ ಮಾಡುವಂತೆ ಒತ್ತಾಯಿಸುತ್ತಿದ್ದರು. ಪತ್ನಿಯ ಒತ್ತಡಕ್ಕೆ ಮಣಿದ ರಾಘವೇಂದ್ರ ಅವರು ಜಾಂಬೆಚಾಳದಲ್ಲಿ ಬೇರೆ ಮನೆ ಮಾಡಿದ್ದರು. ಅದಾಗಿಯೂ, ಮೇಘಾ ವಾಡಕರ್ ಅವರ ಮನಸ್ಸು ಸಮಾಧಾನವಾಗಿರಲಿಲ್ಲ. ಪತಿ ಜೊತೆ ಆಗಾಗ ಜಗಳ ಮಾಡುತ್ತಿದ್ದ ಮೇಘಾ ಅವರು ನಾಲ್ಕು ವರ್ಷದ ಹಿಂದೆ ಮನೆ ಬಿಟ್ಟು ಹೋಗಿದ್ದರು. ರಾಘವೇಂದ್ರ ವಾಡಕರ್ ಅವರು ಅನಾರೋಗ್ಯದ ಕಾರಣ ಬೇರೆ ಊರಿಗೆ ಹೋಗಿ ಮನೆಗೆ ಮರಳುವಷ್ಟರಲ್ಲಿ ಮೇಘಾ ವಾಡಕರ್ ಅವರು ತವರು ಮನೆ ಸೇರಿದ್ದರು. ಧಾರವಾಡದಲ್ಲಿದ್ದ ಮೇಘಾ ಅವರ ಮನವೊಲೈಸಲು ರಾಘವೇಂದ್ರ ಅವರ ಜೊತೆ ಅವರ ತಂದೆ-ತಾಯಿ ಸಹ ಸಾಕಷ್ಟು ಪ್ರಯತ್ನಿಸಿದ್ದರು. ಆದರೆ, ಆ ವೇಳೆ ಪ್ರಯೋಜನವಾಗಿರಲಿಲ್ಲ. ಮತ್ತೊಮ್ಮೆ ಪತ್ನಿಯನ್ನು ಮನೆ ತುಂಬಿಸಿಕೊಳ್ಳಲು ರಾಘವೇಂದ್ರ ವಾಡಕರ್ ಅವರು ಧಾರವಾಡಕ್ಕೆ ಹೋದಾಗ `ಹುಬ್ಬಳ್ಳಿಯ ಹುಡುಗರಿಂದ ನಿನ್ನ ಕೊಲೆ ಮಾಡಿಸುವೆ’ ಎಂದು ಮೇಘಾ ವಾಡಕರ್ ಅವರು ಬೆದರಿಸಿದ್ದರು. ಅದಾದ ನಂತರವೂ ಸಾಕಷ್ಟು ಬಾರಿ ಮೇಘಾ ವಾಡಕರ್ ಅವರು ಪತಿ ರಾಘವೇಂದ್ರ ವಾಡಕರ್ ಅವರಿಗೆ ಫೋನ್ ಮಾಡಿ ಹೆದರಿಸುತ್ತಿದ್ದರು. ಈ ಎಲ್ಲದರ ನಡುವೆ ಮೂರು ವರ್ಷದ ಹಿಂದೆ ರಾಘವೇಂದ್ರ ವಾಡಕರ್ ಅವರು ಊರು ಬಿಟ್ಟರು. ಉದ್ಯೋಗಕ್ಕಾಗಿ ಅವರು ಮಲೇಷಿಯಾಗೆ ಹೋದರು. ಈ ವೇಳೆ ಮೇಘಾ ವಾಡಕರ್ ಅವರು ಸಾಮಾಜಿಕ ಜಾಲತಾಣಗಳಲ್ಲಿ ರೀಲ್ಸ್ ಮಾಡಲು ಶುರು ಮಾಡಿದ್ದರು. ಬೇರೆ ಬೇರೆ ಹುಡುಗರ ಜೊತೆ ನೃತ್ಯ ಮಾಡುತ್ತ ರೀಲ್ಸ್ ಮಾಡುವುದನ್ನು ಅವರು ನೋಡಿದವರು ಆ ವಿಡಿಯೋಗಳನ್ನು ರಾಘವೇಂದ್ರ ವಾಡಕರ್ ಅವರಿಗೆ ಕಳುಹಿಸುತ್ತಿದ್ದರು. ಅದನ್ನು ನೋಡಿಯೂ, ನೋಡದ ಹಾಗೇ ರಾಘವೇಂದ್ರ ವಾಡಕರ್ ಅವರು ಸುಮ್ಮನಿರುತ್ತಿದ್ದರು. ಏಪ್ರಿಲ್ 27ರಂದು ರಾಘವೇಂದ್ರ ವಾಡಕರ್ ಅವರು ದಾಂಡೇಲಿಗೆ ಮರಳಿದ್ದು, ಆಗಲೂ ಮೇಘಾ ವಾಡಕರ್ ಅವರು ಫೋನ್ ಮಾಡಿ ಬೆದರಿಸಿದ್ದರು. `ನಿನ್ನನ್ನು ಸಾಯಿಸುವೆ’ ಎಂದು ಪತಿಯನ್ನು ಹೆದರಿಸಿದ್ದರು. `ನೀ ಹೇಗೆ ಜೀವನ ಮಾಡುವೆ ಎಂದು ನೋಡುವೆ. ಎಲ್ಲಾದರೂ ಹೋಗಿ ಸಾಯಿ’ ಎಂದು ಮೇಘಾ ವಾಡಕರ್ ಅವರು ಫೋನ್ ಮಾಡಿ ಹೇಳಿದ್ದರು. ಈ ಎಲ್ಲದರ ನಡುವೆ ಮೇಘಾ ವಾಡಕರ್ ಅವರು ಪರ ಪುರುಷನ ಜೊತೆಗಿರುವ ಫೋಟೋವನ್ನು ಜಾಲತಾಣದಲ್ಲಿ ಹಾಕಿದ್ದರು. ವಿದೇಶದಿಂದ ಬಂದಿದ್ದ ರಾಘವೇಂದ್ರ ವಾಡಕರ್ ಅವರು ಪತ್ನಿ ನಡವಳಿಕೆಗೆ ಬೇಸತ್ತು ಕೈ ಕೊಯ್ದುಕೊಂಡರು. ಕೈ ಕೊಯ್ದುಕೊಂಡ ಫೋಟೋವನ್ನು ಅವರು ಪತ್ನಿಗೆ ಕಳುಹಿಸಿದಾಗ `ನೀ ಸತ್ತರೂ ನನಗೆ ಬೇಸರವಿಲ್ಲ’ ಎಂದು ಮೇಘಾ ವಾಡಕರ್ ಅವರು ಪ್ರತಿಕ್ರಿಯಿಸಿದ್ದರು. ಇದರಿಂದ ಬೇಸತ್ತ ರಾಘವೇಂದ್ರ ವಾಡಕರ್ ಅವರು ಮೇ 1ರಂದು ನೇಣಿಗೆ ಶರಣಾದರು. ಸಾವಿಗೂ ಮುನ್ನ ರಾಘವೇಂದ್ರ ವಾಡಕರ್ ಅವರು ತಮ್ಮ ಜೀವನದ ಕಥೆಯನ್ನು ಬರೆದಿದ್ದು, ಮರಣ ಪತ್ರದಲ್ಲಿ ಪತ್ನಿಯ ಕಾಟದ ಬಗ್ಗೆ ವಿವರಿಸಿದ್ದಾರೆ. ಮೇಘಾ ಅವರ ಜೊತೆ ಅವರ ತಾಯಿ ನೀಡಿದ ಹಿಂಸೆಯ ಬಗ್ಗೆಯೂ ಬರೆದಿದ್ದಾರೆ. ರಾಘವೇಂದ್ರ ವಾಡಕರ್ ಅವರ ಸಹೋದರಿ ನರ್ಮದಾ ವಾಡಕರ್ ಅವರು ಈ ಬಗ್ಗೆ ಪೊಲೀಸ್ ದೂರು ನೀಡಿದ್ದು, ಪೊಲೀಸರು ಆರೋಪಿತರನ್ನು ಬಂಧಿಸಿದ್ದಾರೆ.
- [ಆತ್ಮಹತ್ಯೆ.. ಆದರೂ, ಅನುಮಾನ!](https://mobiletime.in/2026/05/suicide-but-still-suspicious/): ಮುಂಡಗೋಡಿನ ನಂದಿಗಟ್ಟಾದಲ್ಲಿ ಯುವತಿಯೊಬ್ಬರು ನೇಣು ಹಾಕಿಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಅವರ ಸಾವಿನಲ್ಲಿ ಸಂಶಯ ಶುರುವಾಗಿದೆ. ಮುಂಡಗೋಡಿನ ನಂದಿಗಟ್ಟಾದಲ್ಲಿ ಲಕ್ಷ್ಮಿ ಸಿಂಗೇರಿ ಅವರು ವಾಸವಾಗಿದ್ದರು. 17 ವರ್ಷದ ಅವರು ಕಾಲೇಜಿಗೆ ಹೋಗುತ್ತಿರಲಿಲ್ಲ. ಮನೆಯಲ್ಲಿಯೇ ಇದ್ದು ಅವರು ಮನೆಯ ಎಲ್ಲಾ ಕೆಲಸಗಳನ್ನು ನೋಡಿಕೊಳ್ಳುತ್ತಿದ್ದರು. ಮೇ 1ರಂದು ಅವರು ದಿಢೀರ್ ಆಗಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಲಕ್ಷಿö್ಮÃ ಸಿಂಗೇರಿ ಅವರು ಯಾಕೆ ಹೀಗೆ ಮಾಡಿಕೊಂಡರು? ಎನ್ನುವುದು ಯಾರಿಗೂ ಗೊತ್ತಾಗಲಿಲ್ಲ. ಬೆಳಗ್ಗೆ 8.30ಕ್ಕೆ ಲಕ್ಷ್ಮಿ ಸಿಂಗೇರಿ ಅವರ ತಂದೆ ಸಣ್ಣಪ್ಪ ಮಾರೆಪ್ಪ ಸಿಂಗೇರಿ ಅವರು ಮನೆಯಿಂದ ಹೊರ ಹೋಗಿದ್ದರು. 9.30ಕ್ಕೆ ಮರಳಿ ಮನೆಗೆ ಬಂದಾಗ ಲಕ್ಷ್ಮಿ ಸಿಂಗೇರಿ ಅವರು ಶವವಾಗಿದ್ದರು. ಮನೆಯ ಅಟ್ಟಕ್ಕೆ ಅಡ್ಡಲಾಗಿ ಕಟ್ಟಿದ ಕಟ್ಟಿಗೆಗೆ ಮಗಳು ಅವರು ನೇತಾಡುತ್ತಿರುವುದನ್ನು ನೋಡಿ ಸಣ್ಣಪ್ಪ ಸಿಂಗೇರಿ ಅವರು ಆಘಾತಕ್ಕೆ ಒಳಗಾದರು. ಈ ಸಾವಿನಲ್ಲಿ ಸಂಶಯವಿರುವ ಬಗ್ಗೆ ಅವರು ಪೊಲೀಸರಿಗೆ ತಿಳಿಸಿದರು. ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ. `ಆತ್ಮಹತ್ಯೆ ಅಪರಾಧ’
- [ಅಪಘಾತ: ಪಾದಚಾರಿ ಸಾವು!](https://mobiletime.in/2026/05/accident-pedestrian-dies/): ಮುಂಡಗೋಡು ಜಿಗಳ್ಳಿಯ ನವೀನ್ ಜಾದವ್ ಅವರು ಗಣೇಶಪುರದ ಶಿವರಾಜ ಬನವಾಸಿ ಅವರಿಗೆ ಬೈಕ್ ಗುದ್ದಿದ್ದಾರೆ. ಪರಿಣಾಮ ಶಿವರಾಜ ಬನವಾಸಿ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಏಪ್ರಿಲ್ 30ರ ರಾತ್ರಿ ಗಣೇಶಪುರ ಗ್ರಾಮದ ಶಿವಾಜಿ ಸರ್ಕಲ್ ಬಳಿ ಈ ಅಪಘಾತ ನಡೆದಿದೆ. ಚಿಗಳ್ಳಿಯ ನವೀನ್ ಹನುಮಂತಪ್ಪ ಜಾದವ್ ಅವರು ತಮ್ಮ ಬೈಕಿನಲ್ಲಿ ಅಣ್ಣಪ್ಪ ವಿಷ್ಣು ಮೀಟಗಾರ್ ಅವರನ್ನು ಕೂರಿಸಿಕೊಂಡು ಕಾತೂರು ಕಡೆಯಿಂದ ಮುಂಡಗೋಡು ಕಡೆಗೆ ಹೊರಟಿದ್ದರು. ಆ ವೇಳೆ ಶಿವರಾಜ ಶಿವಪ್ಪ ಬನವಾಸಿ ಅವರು ನಡೆದು ಹೊರಟಿದ್ದರು. ಗಣೇಶಪುರ ಗ್ರಾಮದ ಶಿವಾಜಿ ಸರ್ಕಲ್ ಬಳಿ ಶಿವರಾಜ ಬನವಾಸಿ ಅವರು ನಡೆದು ಹೋಗುತ್ತಿದ್ದರು. ಹಿಂದಿನಿoದ ಬಂದ ಬೈಕು ಅವರಿಗೆ ಗುದ್ದಿದ್ದು, ಅಲ್ಲಿಯೇ ಬಿದ್ದು ಅವರು ಸಾವನಪ್ಪಿದರು. ಈ ಅಪಘಾತದ ಬಗ್ಗೆ ನಾಗನೂರಿನ ಸಂಜೀವ ಚಂದ್ರಪ್ಪ ಬದನಗೋಡು ಅವರು ಮಾಹಿತಿ ನೀಡಿದ್ದು, ಮುಂಡಗೋಡು ಪೊಲೀಸರು ಪ್ರಕರಣ ದಾಖಲಿಸಿದರು.
- [ಹಣ ಅಸಲಿ-ಬಂಗಾರ ನಕಲಿ!](https://mobiletime.in/2026/05/the-money-is-real-the-gold-is-fake/): ಮುಂಡಗೋಡ ಬೊಮ್ಮನಳ್ಳಿಯ ಸಂತೋಷ ಟೋಪಾಜಿ ಅವರಿಗೆ ಬಂಗಾರದ ಆಸೆಗೆ ಬಿದ್ದು ಮೋಸ ಹೋಗಿದ್ದಾರೆ. ಅವರಿಗೆ ಇಬ್ಬರು ನಕಲಿ ಬಂಗಾರ ನೀಡಿ ಲಕ್ಷಾಂತರ ರೂ ಯಾಮಾರಿಸಿದ್ದಾರೆ. ಮುಂಡಗೋಡದ ಬೊಮ್ಮನಳ್ಳಿಯಲ್ಲಿ ಸಂತೋಷ ನಿಂಗಪ್ಪ ಟೋಪಾಜಿ ಅವರು ವಾಸವಾಗಿದ್ದರು. ಹಾನಗಲ್ಲಿನ ವಿಷ್ಣುಕಾಂತ ರಾವಳ ಹಾಗೂ ಶಿಕಾರಿಪುರದ ಬಳ್ಳಾರಿ ನಾಗ ಅವರು ಸಂತೋಷ ಟೋಪಾಜಿ ಅವರಿಗೆ ಪರಿಚಿತರಾದರು. 2025ರ ಮಾರ್ಚ್ 1ರಂದು ರಾತ್ರಿ ಮರಗಡಿ ಗ್ರಾಮದಲ್ಲಿ ಅವರಿಬ್ಬರು ಬಂಗಾರದ ಆಭರಣ ಮಾರಾಟ ಮಾಡುವುದಾಗಿ ಹೇಳಿ ಸಂತೋಷ ಅವರಿಂದ 5,76,000 ರೂ ಹಣಪಡೆದರು. ಅದಾದ ನಂತರ ಬಂಗಾರವನ್ನು ನೀಡಿ ಅಲ್ಲಿಂದ ಹೊರಟರು. ಆ ಬಂಗಾರದ ಪರಿಶೀಲಿಸಿದಾಗ ಅದು ನಕಲಿ ಎಂಬುದು ಗೊತ್ತಾಯಿತು. ಆದರೆ, ಆರೋಪಿತರಿಬ್ಬರು ಆಗಲೇ ಪರಾರಿಯಾಗಿದ್ದು, ಸಂತೋಷ ಅವರಿಗೆ ಮೋಸದ ಅರಿವಾಯಿತು. ಈ ಕುರಿತು ಮುಂಡಗೋಡ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿತರ ಹುಡುಕಾಟ ನಡೆಸಿದ್ದಾರೆ.
- [ಅನಾರೋಗ್ಯದ ಜೊತೆ ವ್ಯವಹಾರದಲ್ಲಿ ನಷ್ಟ: ಚಿನ್ನದ ವ್ಯಾಪಾರಿ ನಿಗೂಢ ನಾಪತ್ತೆ!](https://mobiletime.in/2026/05/loss-in-business-due-to-illness-gold-trader-mysteriously-disappears/): ಚಿನ್ನದ ಕುಸುರಿ ಕೆಲಸ ಮಾಡುತ್ತಿದ್ದ ಕಾರವಾರದ ವೆಂಕಟರಾಯ ಕುಡ್ತರಕರ್ ಅವರು ನಿಗೂಢವಾಗಿ ಕಣ್ಮರೆಯಾಗಿದ್ದಾರೆ. `ಹಬ್ಬುವಾಡಕ್ಕೆ ಹೋಗಿ ಬರುವೆ’ ಎಂದು ಹೊರಟ ಅವರು ಮತ್ತೆ ಮನೆಗೆ ಮರಳಿಲ್ಲ. ಕಾರವಾರದ ಸುಂಕೇರಿ ಕಠಿಣಕೋಣದ ಮೂರು ದೇವಸ್ಥಾನದ ಹತ್ತಿರ ವೆಂಕಟರಾಯ ನಾರಾಯಣ ಕುಡ್ತರಕರ್ (36) ಅವರು ವಾಸವಾಗಿದ್ದರು. ವೆಂಕಟರಾಯ್ ಕುಡ್ತರಕರ್ ಅವರ ಪತ್ನಿ ಪೂಜಾ ಕುಡ್ತರಕರ್ ಅವರು ಕೆನರಾ ಬ್ಯಾಂಕಿನಲ್ಲಿ ಕೆಲಸ ಮಾಡುತ್ತಿದ್ದು, ಈಚೆಗೆ ಚಿನ್ನದ ಕುಸೂರಿ ಕೆಲಸದಲ್ಲಿ ವೆಂಕಟರಾಯ ಕುಡ್ತರಕರ್ ಅವರು ನಷ್ಟ ಅನುಭವಿಸಿದ್ದರು. ಜೊತೆಗೆ ಕಿಡ್ನಿ ಕಲ್ಲು ಸಮಸ್ಯೆ ಅವರನ್ನು ಕಾಡಿಸಿದ್ದು, ಅದರಿಂದಲೂ ಬೇಸರಿಸಿಕೊಂಡಿದ್ದರು. ಏಪ್ರಿಲ್ 28ರ ರಾತ್ರಿ 10 ಗಂಟೆಗೆ ವೆಂಕಟರಾಯ್ ಕುಡ್ತಕರಕರ್ ಅವರು ತಮ್ಮ ಪತ್ನಿಗೆ ಫೋನ್ ಮಾಡಿದ್ದರು. ನನಗೆ ಹಬ್ಬುವಾಡದಲ್ಲಿ ಸ್ವಲ್ಪ ಕೆಲಸವಿದೆ. ಮುಗಿಸಿ ಮನೆಗೆ ಬರುವೆ’ ಎಂದಿದ್ದರು. ಆದರೆ, ಮರು ದಿನವಾದರೂ ಅವರು ಬರಲಿಲ್ಲ. ಆತಂಕಗೊAಡ ಪೂಜಾ ಕುಡ್ತರಕರ್ ಅವರು ಎಲ್ಲಾ ಕಡೆ ಹುಡುಕಾಟ ನಡೆಸಿದರು. ಆಗ, ಕಾರವಾರದ ಮಿತ್ರ ಸಮಾಜದ ಹತ್ತಿರ ಅವರ ಕಾರು ಪತ್ತೆಯಾಯಿತು. ಕಾರಿನ ಒಳಗೆ ಮೊಬೈಲ್ ಕಾಣಿಸಿತು. ಆದರೆ, ವೆಂಕಟರಾಯ ಕುಡ್ತರಕರ್ ಅವರು ಮಾತ್ರ ಎಲ್ಲಿಯೂ ಸಿಗಲಿಲ್ಲ. ಈ ಹಿನ್ನಲೆ ಪೂಜಾ ಕುಡ್ತರಕರ್ ಅವರು ಪೊಲೀಸ್ ದೂರು ನೀಡಿದ್ದು, ಪೊಲೀಸರು ಹುಡುಕಾಟ ನಡೆಸಿದ್ದಾರೆ.  
- [ಅಂದರ್ ಬಾಹರ್ ಆಡುತ್ತಿದ್ದವರು ಅಂದರ್!](https://mobiletime.in/2026/05/andar-bahar-was-playing-andar/): ಕಾರವಾರದ ಶೇಜವಾಡದ ಸದಾನಂದ ಹಾಲ್ ಹಿಂಭಾಗದ ಗಿಡಗಂಟಿಗಳ ನಡುವೆ ಕುಳಿತು ಅಂದರ್ ಬಾಹರ್ ಆಡುತ್ತಿದ್ದವರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಪೊಲೀಸರನ್ನು ಕಂಡ ಸಂದೀಪ ರೇವಣಕರ್ ಪರಾರಿಯಾಗಿದ್ದು, ಉಳಿದವರು ಸಿಕ್ಕಿ ಬಿದ್ದಿದ್ದಾರೆ. ಬಂಗಾರಪ್ಪ ಪುಟ್ಟಪ್ಪ ಬಡ್ನಿ (ಹಾನಗಲ್), ನಿಜಗುಣಯ್ಯ ಶಂಕ್ರಯ್ಯ ಚೌಕಿಮಠ (ಬಾದಾಮಿ), ಬಸವರಾಜ ಹನುಮಂತಪ್ಪ ಡುಮ್ಮಾಳಿ (ಗುಳೇದಗುಡ್ಡ), ಕಲ್ಪೇಶ ಶೇಖರ ಉಳ್ವೇಕರ (ಕಾರವಾರ) ಮತ್ತು ಅಮೀತ ವಿನಾಯಕ ಭಂಡಾರಿ (ಕಾರವಾರ) ಸಿಕ್ಕಿ ಬಿದ್ದಿದ್ದಾರೆ. ಆರೋಪಿತ ಸಂದೀಪ ಗಿರಿನಾಥ ರೇವಣಕರ ಪರಾರಿಯಾಗಿದ್ದು, ಪೊಲೀಸರು ಶೋಧ ಮುಂದುವರೆಸಿದ್ದಾರೆ. ಏಪ್ರಿಲ್ 26ರ ಸಂಜೆ ಶೇಜವಾಡದ ಸದಾನಂದ ಹಾಲ್ ಹಿಂಭಾಗದ ನಿರ್ಜನ ಪ್ರದೇಶದಲ್ಲಿ ಗುಂಪಾಗಿ ಕುಳಿತು ಅಂದರ್-ಬಾಹರ್ ಆಡುತ್ತಿದ್ದರು. ಕಾರವಾರ ಗ್ರಾಮೀಣ ಠಾಣೆಯ ಪಿಎಸ್‌ಐ ನೇಹಾಲ್ ಖಾನ್ ಮತ್ತು ತಂಡ ಅಲ್ಲಿ ದಾಳಿ ನಡೆಸಿತು. ಈ ವೇಳೆ ಆರೋಪಿಗಳಿಂದ 5,280 ರೂಪಾಯಿ ನಗದು ಮತ್ತು ಜುಗಾರಾಟಕ್ಕೆ ಬಳಸುತ್ತಿದ್ದ ಪರಿಕರಗಳನ್ನು ಪೊಲೀಸರು ವಶಕ್ಕೆಪಡೆದರು.
- [ಬಂಡಿಹಬ್ಬ: ಐಸ್ ಕ್ರೀಂ ಮಾರಾಟಕ್ಕೆ ಬಂದವನ ಮರಣ!](https://mobiletime.in/2026/05/bandihabba-a-man-who-came-to-sell-ice-cream-died/): ಕಾರವಾರದ ತೋಡೂರು ಬಂಡಿ ಹಬ್ಬದಲ್ಲಿ ಐಸ್ ಕ್ರೀಂ ಮಾರಾಟ ಮಾಡುತ್ತಿದ್ದ ಕೋಡಿಭಾಗದ ರಾಜೇಶ್ ಮಾಸೂಕರ್ ಅವರು ಹೃದಯಘಾತಕ್ಕೆ ಒಳಗಾಗಿದ್ದಾರೆ. ಎದೆನೋವು ಸಹಿಸಲಾಗದೇ ಅವರು ಸಾವನಪ್ಪಿದ್ದಾರೆ. ಕೋಡಿಬಾಗದನ ತಾಮ್ಸೇವಾಡದಲ್ಲಿ ರಾಜೇಶ್ ಗೋವಿಂದ ಮಾಸೂರಕರ್ (60) ಅವರು ವಾಸವಾಗಿದ್ದರು. ಐಸ್ ಕ್ರೀಂ ಮಾರಾಟ ಮಾಡಿ ಅವರು ಬದುಕು ಕಂಡುಕೊAಡಿದ್ದರು. ಜಾತ್ರೆ, ಹಬ್ಬ-ಹರಿದಿನದ ವೇಳೆ ವಿವಿಧ ಊರುಗಳಿಗೆ ಸಂಚರಿಸಿ ಅವರು ಐಸ್ ಕ್ರೀಂ ಮಾರಾಟ ಮಾಡುತ್ತಿದ್ದರು. ಏಪ್ರಿಲ್ 28ರಂದು ತೋಡೂರು ಗ್ರಾಮದ ಬಂಡಿಹಬ್ಬದ ಹಿನ್ನಲೆಯಲ್ಲಿ ದೇವಸ್ಥಾನದ ಹತ್ತಿರ ರಾಜೇಶ್ ಅವರು ಐಸ್ ಕ್ರೀಂ ವ್ಯಾಪಾರ ಮಾಡುತ್ತಿದ್ದರು. ಮಧ್ಯಾಹ್ನ ಸುಮಾರು 3:30 ಗಂಟೆಯ ಹೊತ್ತಿಗೆ ಅವರಿಗೆ ಇದ್ದಕ್ಕಿದ್ದಂತೆ ತೀವ್ರ ಎದೆನೋವು ಕಾಣಿಸಿಕೊಂಡಿತು. ಎದೆನೋವಿನ ಪರಿಣಾಮ ರಾಜೇಶ್ ಮಾಸೂರಕರ್ ಅವರು ಸ್ಥಳದಲ್ಲೇ ಕುಸಿದು ಬಿದ್ದರು. ಇದನ್ನು ಕಂಡ ಅವರ ಸಹೋದರ ಮಂಜುನಾಥ ಮಸೂರಕರ್ ಅವರು ಕೂಡಲೇ ಅವರನ್ನು ಕಾರವಾರದ ಕ್ರಿಮ್ಸ್ ಆಸ್ಪತ್ರೆಗೆ ಕರೆದುಕೊಂಡು ಬಂದರು. ಆದರೆ, ಆಸ್ಪತ್ರೆಯ ವೈದ್ಯರು ಪರೀಕ್ಷಿಸಿದಾಗ ರಾಜೇಶ್ ಅವರು ಮಾರ್ಗಮಧ್ಯದಲ್ಲೇ ಮೃತಪಟ್ಟಿರುವುದು ಗೊತ್ತಾಯಿತು.
- [ಪುಕ್ಕಟ್ಟೆ ಐಫೋನ್ ನೀಡಿದ ಪ್ಲಿಪ್‌ಕಾರ್ಟ್](https://mobiletime.in/2026/05/flipkart-gives-away-free-iphone/): ಪ್ಲಿಪ್‌ಕಾರ್ಟ್ ಮೂಲಕ 1.50 ಲಕ್ಷ ರೂ ಮೌಲ್ಯದ ಐಫೋನ್ ಆರ್ಡರ್ ಮಾಡಿದ ವ್ಯಕ್ತಿಯೊಬ್ಬರು ಅದನ್ನು ಪುಕ್ಕಟ್ಟೆಯಾಗಿಪಡೆದಿದ್ದಾರೆ. ಗ್ರಾಹಕ ಮಾಡಿದ ಮೋಸದ ಬಗ್ಗೆ ನಂತರ ಪ್ಲಿಪ್‌ಕಾರ್ಟ್ ಮಾರಾಟಗಾರರಿಗೆ ತಿಳಿದಿದ್ದು, ಡಿಲೆವರಿ ಬಾಯ್ ಮೂಲಕ ಸೇಲರ್ ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ. ಕುಮಟಾ ತಾಲೂಕಿನ ಮಿರ್ಜಾನಿನ ಜಿತೇಶ್ ದಿವಾಕರ ನಾಯ್ಕ ಅವರು ಕಳೆದ ನಾಲ್ಕು ವರ್ಷಗಳಿಂದ ಇನ್‌ಸ್ಟಾಕಾರ್ಟ್ ಸರ್ವಿಸಸ್‌ನಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸದ್ಯ ಅವರು ಫ್ಲಿಪ್‌ಕಾರ್ಟ್ನಲ್ಲಿ ಡೆಲಿವರಿ ಬಾಯ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಮಾರ್ಚ್ 6ರಂದು ಪೀಲ್ಡ್ಎಕ್ಸ್ ಮೊಬೈಲ್ ಅಪ್ಲಿಕೇಶನ್ ಮೂಲಕ ಬಂದ ಪಾರ್ಸಲ್‌ಗಳನ್ನು ಅವರು ಡೆಲಿವರಿ ಮಾಡಿದ್ದಾರೆ. ಈ ವೇಳೆ ಕೈ ಚಳಕ ಪ್ರದಶಿಸಿದ ಗ್ರಾಹಕರೊಬ್ಬರು ಪುಕ್ಕಟೆಯಾಗಿ ಐಫೋನ್‌ಪಡೆದಿದ್ದಾರೆ. ಆ ದಿನ ಇಶಾನ್ ಎಂಬ ಹೆಸರಿನಲ್ಲಿ ಮೂರು ಪಾರ್ಸಲ್ ಇರುವುದನ್ನು ಜಿತೇಶ ನಾಯ್ಕ ಅವರು ನೋಡಿದ್ದಾರೆ. ಅಂಕೋಲಾ ಸಡಗೇರಿ ಬಳಿಯ ಗೋಕರ್ಣ ಕ್ರಾಸಿನ ಬಳಿ ಆ ವಿಳಾಸವಿದ್ದ ಕಾರಣ ಅಲ್ಲಿಗೆ ಹೋಗಿ ಫೋನ್ ಮಾಡಿದ್ದಾರೆ. ಕರೆ ಸ್ವೀಕರಿಸಿದ ಇಶಾನ್ ಎಂಬಾತರು ಪೆಟ್ರೋಲಿಯಂ ಪಂಪ್ ಹತ್ತಿರ ಬರಲು ಸೂಚಿಸಿದ್ದಾರೆ. ಅಲ್ಲಿಗೆ ಹೋದಾಗ ಅಲ್ಲಿ ಇಬ್ಬರು ಅಪರಿಚಿತರು ನಿಂತಿದ್ದು, ಅದರಲ್ಲಿ ಒಬ್ಬರು ಪಾರ್ಸಲ್‌ಪಡೆದಿದ್ದಾರೆ. ಈ ವೇಳೆ ಮತ್ತೊಬ್ಬ ವ್ಯಕ್ತಿ ಮಾತುಕಥೆ ನಡೆಸುತ್ತ ಜಿತೇಶ್ ನಾಯ್ಕ ಅವರ ಗಮನವನ್ನು ಬೇರೆಡೆ ಸೆಳೆದು ಇಶಾನ್ ಎಂಬ ಹೆಸರಿನಲ್ಲಿದ್ದ ಐಫೋನ್ ಪರಿಶೀಲಿಸುವ ಹಾಗೇ ನಟಿಸಿದ್ದಾರೆ. ಇಶಾನ್ ಅವರ ಜೊತೆಗಿದ್ದ ವ್ಯಕ್ತಿ ಈ ಪರಿಶೀಲನೆ ವೇಳೆ ಬಾಕ್ಸಿನ ಒಳಗೆ ತಮ್ಮ ಬಳಿಯಿದ್ದ ನಕಲಿ ಐಫೋನ್ ಇರಿಸಿ ನಿಜವಾದ ಐಫೋನ್ ಜೇಬಿಗೆ ಹಾಕಿಕೊಂಡಿದ್ದಾರೆ. ನಂತರ ಡಿಲೆವರಿ ಬಾಯ್ ಆಗಿದ್ದ ಜಿತೇಶ್ ನಾಯ್ಕ ಅವರ ಬಳಿ ಇಶಾನ್ ಅವರು `ಹೊಸ ಐಫೋನ್’ನ ಸಿಮ್ ಟ್ರೇ ತೋರಿಸು’ ಎಂದಿದ್ದಾರೆ. `ಓಪನ್ ಬಾಕ್ಸ್ ಡಿಲೆವರಿ’ ಮಾಡಿದಾಗ ಮೊಬೈಲ್ ಹಾಳಾಗಿದೆ ಎಂದು ಹೇಳಿ ಆ ಮೂರು ಪಾರ್ಸಲ್ ಕಾನ್ಸಲ್ ಮಾಡಿದ್ದಾರೆ. ಅದಾದ ನಂತರ ಪ್ಲಿಪ್‌ಕಾರ್ಟಿನಿಂದ ಆ ಹಣ ಗ್ರಾಹಕರಿಗೆ ಮರು ಸಂದಾಯವಾಗಿದೆ. ಆ ಪಾರ್ಸಲ್ ಪ್ಲಿಪ್‌ಕಾರ್ಟ ಸೇಲರ್’ಗೆ ಮರಳಿದ್ದು, ಮೊಬೈಲ್ ಪರಿಶೀಲಿಸಿದಾಗ, ಅದರ ಐಎಮ್‌ಇಐ ಸಂಖ್ಯೆ ಆರ್ಡರ್ ಮಾಡಿದ ಮೊಬೈಲ್‌ನ ಸಂಖ್ಯೆ ಬೇರೆ ಬೇರೆಯಾಗಿರುವುದು ಗೊತ್ತಾಗಿದೆ. ಸೆಲ್ಲರ್ ಸಂಸ್ಥೆಯಾದ ಇಂಟರ್ನ್ಯಾಷನಲ್ ವ್ಯಾಲ್ಯೂ ರೀಟೈಲ್ ಪ್ರೈವೇಟ್ ಲಿಮಿಟೆಡ್ ಈ ಬಗ್ಗೆ ಇಮೇಲ್ ಮೂಲಕ ಮಾಹಿತಿ ನೀಡಿದ್ದು, ಆ ದಿನ ನಡೆದ ಮೋಸದ ಬಗ್ಗೆ ಜಿತೇಶ್ ನಾಯ್ಕ ಅವರಿಗೆ ಗೊತ್ತಾಗಿದೆ. ಸಂಶಯಾಸ್ಪದ ಆರೋಪಿತರಾಗಿ ಇಶಾನ್ ಹಾಗೂ ಮತ್ತೊಬ್ಬನ ಹುಡುಕಾಟ ನಡೆಸಿದ ಜಿತೇಶ್ ಅವರಿಗೆ ಆ ಕಳ್ಳರಿಬ್ಬರ ಸುಳಿವು ಸಿಕ್ಕಿಲ್ಲ. ಹೀಗಾಗಿ ಅವರು ಅವರಿಬ್ಬರ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಅಂಕೋಲಾ ಪೊಲೀಸರು ಐಫೋನ್ ಕದ್ದವರ ಹುಡುಕಾಟ ಶುರು ಮಾಡಿದ್ದಾರೆ.
- [ಸ್ವರ್ಣವಲ್ಲೀ ರಥೋತ್ಸವಕ್ಕೆ ಸರ್ವ  ಧರ್ಮಿಯರ ಸಹಕಾರ!](https://mobiletime.in/2026/05/cooperation-of-all-religions-for-the-golden-chariot-festival/): ಸರ್ವ ಧರ್ಮಗಳ ಸಹಕಾರದಲ್ಲಿ ಶಿರಸಿಯ ಸೋಂದಾ ಸ್ವರ್ಣವಲ್ಲೀ ಮಹಾಸಂಸ್ಥಾನದಲ್ಲಿ ಲಕ್ಷ್ಮೀನೃಸಿಂಹ ದೇವರ ವಾರ್ಷಿಕ ರಥೋತ್ಸವ ನಡೆದಿದೆ. ಗುರುವಾರ ರಾತ್ರಿ ಭಕ್ತಿ, ಸಂಪ್ರದಾಯ ಮತ್ತು ಭಾವೈಕ್ಯದ ವಾತಾವರಣದಲ್ಲಿ ನಡೆದ ಈ ಉತ್ಸವದಲ್ಲಿ ಸಾವಿರಾರು ಭಕ್ತರು ಭಾಗವಹಿಸಿ ದೇವರ ದರ್ಶನ ಮಾಡಿದ್ದಾರೆ. ಹಿಂದು ಸಮುದಾಯದೊಂದಿಗೆ ಮುಸ್ಲಿಂ ಮತ್ತು ಕ್ರಿಶ್ಚಿಯನ್ ಸಮುದಾಯದ ಜನರೂ ಉತ್ಸವದ ವಿವಿಧ ವ್ಯವಸ್ಥೆಗಳಲ್ಲಿ ಕೈಜೋಡಿಸಿದ್ದು, ಇಲ್ಲಿನ ವಿಶೇಷ. ಹೀಗಾಗಿ ಈ ಉತ್ಸವ ಭಾವೈಕ್ಯತೆಯ ರಥೋತ್ಸವವಾಗಿ ಮೂಡಿ ಬಂದಿತು. ಧರ್ಮಗಳ ನಡುವೆ ಸೌಹಾರ್ದ ಮತ್ತು ಪರಸ್ಪರ ಗೌರವವನ್ನು ಸಾರುವ ಅಪೂರ್ವ ಉದಾಹರಣೆಯಾಗಿ ಈ ಉತ್ಸವ ಎಲ್ಲರ ಗಮನ ಸೆಳೆಯಿತು. ಶಿರಸಿಯ ಶ್ರೀ ಸೋಂದಾ ಸ್ವರ್ಣವಲ್ಲೀ ಮಹಾಸಂಸ್ಥಾನದ ಆರಾಧ್ಯ ದೇವರಾದ ಶ್ರೀ ಲಕ್ಷ್ಮೀನೃಸಿಂಹ ದೇವರ ವಾರ್ಷಿಕ ರಥೋತ್ಸವಕ್ಕೆ ಬೇರೆ ಬೇರೆ ಊರುಗಳಿಂದ ಭಕ್ತರು ಬಂದಿದ್ದರು. ರಥೋತ್ಸವದ ಅಂಗವಾಗಿ ಕಳೆದ ಮೂರು ದಿನಗಳಿಂದ ಹಾಗೂ ಜಯಂತಿಯ ಮುಂಜಾನೆಯಿoದಲೇ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಿತು. ದೇವರಿಗೆ ಮಹಾಪೂಜೆ, ಪಂಚಾಮೃತ ಅಭಿಷೇಕ, ವಿಶೇಷ ಅಲಂಕಾರ, ಧ್ವಜಸ್ಥಾಪನೆ, ಅನ್ನಪೂರ್ಣೇಶ್ವರಿ ಪೂಜೆ, ವೇದಘೋಷ, ಮಂಗಳಾರತಿ ಹಾಗೂ ಭಜನಾ ಕಾರ್ಯಕ್ರಮಗಳು ಭಕ್ತಿಭಾವವನ್ನು ಹೆಚ್ಚಿಸಿತು. ಮಠದ ಆವರಣವು ವಿದ್ಯುತ್ ದೀಪಾಲಂಕಾರ ಮತ್ತು ಹೂವಿನ ಅಲಂಕಾರಗಳಿoದ ಕಂಗೊಳಿಸುತ್ತಿತ್ತು. ಶ್ರೀ ಶ್ರೀ ಗಂಗಾಧರೇoದ್ರ ಸರಸ್ವತೀ ಮಹಾಸ್ವಾಮಿಗಳ ಹಾಗೂ ಶ್ರೀ ಶ್ರೀ ಆನಂದಬೋಧೇAದ್ರ ಸರಸ್ವತೀ ಮಹಾಸ್ವಾಮಿಗಳ ಸಾನ್ನಿಧ್ಯದಲ್ಲಿ ರಥೋತ್ಸವ ನಡೆದಿದ್ದು, ಎಲ್ಲಡೆಯಿಂದ ಭಕ್ತರ ಹರ್ಷೋದ್ಘಾರ ಕೇಳಿಸಿತು. ರಾತ್ರಿ ವಿಶೇಷ ಆಕರ್ಷಣೆಯಾಗಿದ್ದ ಶ್ರೀ ದೇವರ ರಥೋತ್ಸವ ಭಕ್ತರ ಜಯಘೋಷಗಳ ನಡುವೆ ನಡೆಯಿತು. ರಥಾರೂಢನಾದ ಶ್ರೀ ಲಕ್ಷ್ಮೀನೃಸಿಂಹ ದೇವರ ದರ್ಶನ ಪಡೆಯಲು ಭಕ್ತರು ಮುಗಿಬಿದ್ದರು. ರಾತ್ರಿ 11 ಗಂಟೆಗೆ ರಥಾ ರೂಢನಾದ ದೇವರ ರಥೋತ್ಸವ 11.30ಕ್ಕೆ ಆರಂಭವಾಯಿತು. ರಾತ್ರಿ 1 ಗಂಟೆ ವೇಳೆಗೆ ರಥ ವಾಪಸ್ಸಾಯಿತು. ರಥೋತ್ಸವದಲ್ಲಿ ಸಂಭ್ರಮದ ಬಾಣಬಿರುಸುಗಳು ಆಕಾಶವನ್ನು ಬೆಳಗಿಸಿದವು. ತಾಳ, ವಾದ್ಯಗಳ ನಿನಾದ, ಭಕ್ತರ ಜಯಘೋಷದ ನಡುವೆ ರಥೋತ್ಸವವು ಮನಸೆಳೆಯಿತು. ರಥೋತ್ಸವದ ಬಳಿಕ ನಡೆದ ಯಕ್ಷಗಾನ ಕಾರ್ಯಕ್ರಮವೂ ಭಕ್ತರನ್ನು ರಂಜಿಸಿತು. ಯಕ್ಷಶಾಲಾ ಸಂಸ್ಥೆ ನೇತೃತ್ವದಲ್ಲಿ ಖ್ಯಾತ ಕಲಾವಿದರಿಂದ ಪ್ರದರ್ಶಿತವಾದ “ಸುಭದ್ರಾ ಕಲ್ಯಾಣ” ಯಕ್ಷಗಾನ ಪ್ರದರ್ಶನ ಮೆಚ್ಚುಗೆಗೆ ಕಾರಣವಾಯಿತು.
- [ಬಚ್ಚಲು ಮನೆಗೆ ಹೋಗಿದ್ದ ಬಾಲಕಿಯ ಬದುಕು ಅಂತ್ಯ!](https://mobiletime.in/2026/05/the-life-of-a-girl-who-went-to-the-bathroom-ended/): ಕೈ ತೊಳೆಯುವುದಕ್ಕಾಗಿ ಬಚ್ಚಲುಮನೆಗೆ ಹೋಗಿದ್ದ ಹೊನ್ನಾವರದ ಆಶೀಕಾ ನಾಯ್ಕ ಅವರಿಗೆ ವಿದ್ಯುತ್ ಸ್ಪರ್ಶವಾಗಿದೆ. ಅಲ್ಲಿಯೇ ಅಸ್ವಸ್ಥರಾಗಿದ್ದ ಆಶೀಕಾ ನಾಯ್ಕ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಹೊನ್ನಾವರದ ಮಂಕಿ ಬಳಿ ಹೊಸಪಟ್ಟಣ ಬಳಿ ಹರೀಶ ನಾಯ್ಕ ಅವರು ವಾಸವಾಗಿದ್ದಾರೆ. ಅವರ ಐದು ವರ್ಷದ ಪುತ್ರಿ ಆಶೀಕಾ ನಾಯ್ಕ ಅವರು ದುರಂತ ಅಂತ್ಯ ಕಂಡಿದ್ದಾರೆ. ಬಚ್ಚಲು ಮನೆಯಲ್ಲಿ ಬಿದ್ದಿದ್ದ ವಿದ್ಯುತ್ ತಂತಿ ಸ್ಪರ್ಶದಿಂದ ಅವರು ಸಾವನಪ್ಪಿದ್ದಾರೆ. ಹರೀಶ ನಾಯ್ಕ ಅವರು ತಮ್ಮ ಬಚ್ಚಲು ಮನೆಯಲ್ಲಿ ವಿದ್ಯುತ್ ಉಪಕರಣ ಕೂರಿಸಿದ್ದರು. ಅಲ್ಲಿಯೇ ಪಂಪ್‌ಸೆಟ್ ಇದ್ದು, ಪಂಪ್‌ಸೆಟ್’ಗೆ ವಿದ್ಯುತ್ ಹರಿಯುವ ತಂತಿ ತುಂಡಾಗಿ ಬಿದ್ದಿತ್ತು. ಏಪ್ರಿಲ್ 30ರ ಮಧ್ಯಾಹ್ನ ಆಶೀಕಾ ನಾಯ್ಕ ಅವರು ಆ ತಂತಿ ಬಿದ್ದಿರುವುದನ್ನು ನೋಡಲಿಲ್ಲ. ಕೈ ತೊಳೆಯಲು ಬಚ್ಚಲು ಮನೆಗೆ ಹೋಗಿದ್ದ ಅವರು ಅಲ್ಲಿ ಬಿದ್ದ ತಂತಿ ಮೆಟ್ಟಿದರು. ವಿದ್ಯುತ್ ಸ್ಪರ್ಶದಿಂದ ಅವರು ಅಲ್ಲಿಯೇ ಕುಸಿದು ಬಿದ್ದರು. ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾಗಿದ್ದ ಆಶೀಕಾ ನಾಯ್ಕ ಅವರನ್ನು ತಕ್ಷಣ ಆಸ್ಪತ್ರೆಗೆ ಸಾಗಿಸಲಾಯಿತು. ಹೊನ್ನಾವರದ ಶ್ರೀದೇವಿ ಆಸ್ಪತ್ರೆಯವರು ಬಾಲಕಿಯ ದೇಹ ಮುಟ್ಟಿ ನೋಡಿದ್ದು, ಈಗಾಗಲೇ ಸಾವನಪ್ಪಿದ ವಿಷಯ ತಿಳಿಸಿದರು. ಈ ಎಲ್ಲಾ ವಿಷಯದ ಬಗ್ಗೆ ಸುಬ್ರಹ್ಮಣ್ಯ ಅಶೋಕ ನಾಯ್ಕ ಅವರು ಮಾಹಿತಿ ನೀಡಿದರು. ಮಂಕಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದರು. `ಮಕ್ಕಳ ಸುರಕ್ಷತೆ ಬಗ್ಗೆ ಗಮನಹರಿಸಿ’
- [ಸನ್ಯಾಸಿ ಸಾವಿನಲ್ಲಿ ಹಲವು ಅನುಮಾನ!](https://mobiletime.in/2026/04/many-doubts-in-the-death-of-a-monk/): ಮುಂಡಗೋಡಿನ ಟಿಬೆಟಿಯನ್ ಕ್ಯಾಂಪ್‌ನ ಬೌದ್ಧ ಸನ್ಯಾಸಿಯೊಬ್ಬರು ನಿಗೂಢವಾಗಿ ಸಾವನಪ್ಪಿದ್ದಾರೆ. ಅವರ ಶವ ಧಾರವಾಡದ ಬೈಪಾಸ್ ರಸ್ತೆ ಬಳಿ ಸಿಕ್ಕಿದೆ. ಮುಂಡಗೋಡ ತಾಲೂಕಿನ ಟಿಬೆಟಿಯನ್ ಕ್ಯಾಂಪ್ ನಂಬರ್ 1ರ ನಿವಾಸಿ ಥಾಶಿದೊಂಡು (39) ಸಾವನಪ್ಪಿದವರು. ಬೈಪಾಸ್ ರಸ್ತೆ ಪಕ್ಕದಲ್ಲಿ ಬಿದ್ದಿದ್ದ ಸನ್ಯಾಸಿಯ ಮೃತದೇಹದ ಮುಖದ ಮೇಲೆ ಗಂಭೀರ ಗಾಯಗಳ ಗುರುತುಗಳು ಕಂಡುಬAದಿವೆ. ಪ್ರಾಥಮಿಕ ಮಾಹಿತಿಯ ಪ್ರಕಾರ, ಕಿಡಿಗೇಡಿಗಳು ಇವರನ್ನು ಬೇರೆಡೆ ಕೊಲೆ ಮಾಡಿ, ಸಾಕ್ಷ್ಯ ನಾಶಪಡಿಸುವ ಉದ್ದೇಶದಿಂದ ಶವವನ್ನು ಇಲ್ಲಿ ತಂದು ಎಸೆದಿರಬಹುದು ಎಂಬ ಶಂಕೆವ್ಯಕ್ತವಾಗಿದೆ. ಸ್ಥಳಕ್ಕೆ ಧಾರವಾಡ ಗ್ರಾಮಾಂತರ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸದ್ಯ ಧಾರವಾಡ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮರಣೋತ್ತರ ಪರೀಕ್ಷೆಯ ವರದಿ ಬಂದ ನಂತರ ಸಾವಿನ ನಿಖರ ಕಾರಣ ತಿಳಿದುಬರಬೇಕಿದೆ. ಮುಂಡಗೋಡಿನ ಟಿಬೆಟಿಯನ್ ಕ್ಯಾಂಪ್‌ನಲ್ಲೂ ಈ ಘಟನೆಯಿಂದ ಆತಂಕದ ವಾತಾವರಣ ನಿರ್ಮಾಣವಾಗಿದ್ದು, ಪೊಲೀಸರು ಹಂತಕರ ಪತ್ತೆಗಾಗಿ ತನಿಖೆ ಚುರುಕುಗೊಳಿಸಿದ್ದಾರೆ.
- [ಸಣ್ಣ ವಿಷಯಕ್ಕೆ ದೊಡ್ಡ ಹೊಡೆದಾಟ!](https://mobiletime.in/2026/05/a-big-fight-over-a-small-matter/): ಬೈಕಿಗೆ ಬೈಕು ತಾಗಿದ ವಿಷಯವಾಗಿ ಶಿರಸಿಯಲ್ಲಿ ಎರಡು ಗುಂಪುಗಳ ನಡುವೆ ಮಾರಾಮಾರಿ ನಡೆದಿದೆ. ಹಿಂದೂ-ಮುಸ್ಲಿo ಯುವಕರು ಬೀದಿಯಲ್ಲಿ ಹೊಡೆದಾಡಿಕೊಂಡ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮೇ 21ರ ರಾತ್ರಿ ಶಿರಸಿಯ ಸಿಂಪಿಗಲ್ಲಿಯಲ್ಲಿ ಹಿಂದು ಹುಡುಗನ ಬೈಕಿಗೆ ಮುಸ್ಲಿಂ ಯುವಕನ ಬೈಕ್ ತಾಗಿದೆ. ಈ ವೇಳೆ ಅವರಿಬ್ಬರ ನಡುವೆ ಜಗಳ ಶುರುವಾಗಿದೆ. ಇದರಿಂದ ರೊಚ್ಚಿಗೆದ್ದ ಹಿಂದು ಹುಡುಗ ತನ್ನ ಸ್ನೇಹಿತರನ್ನು ಕರೆಯಿಸಿ ಮುಸ್ಲಿಂ ಯುವಕನ ಮೇಲೆ ಕೈ ಮಾಡಿದ್ದು, ಅದಾದ ನಂತರ ಮುಸ್ಲಿಂ ಯುವಕ ತನ್ನ ಇನ್ನಿತರ ಸ್ನೇಹಿತರನ್ನು ಕರೆದುಕೊಂಡು ಬಂದು ಗಲಾಟೆ ಮಾಡಿದ ಮಾಹಿತಿಯಿದೆ. ಎರಡು ಗುಂಪುಗಳ ನಡುವೆ ನಡೆದ ಮಾರಾಮಾರಿ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಆ ದೃಶ್ಯಾವಳಿಗಳು ಸದ್ಯ ಎಲ್ಲಡೆ ಹರಿದಾಡುತ್ತಿದೆ. ದೇವಿಕೇರೆ ಬಳಿ ನಡೆದ ಈ ಪ್ರಕರಣ ಎರಡು ಗುಂಪುಗಳ ನಡುವಿನ ವೈಷಮ್ಯಕ್ಕೆ ಕಾರಣವಾಗಿದೆ. ಸಣ್ಣ ಅಪಘಾತವನ್ನು ಅಲ್ಲಿಯೇ ಮಾತುಕಥೆ ಮೂಲಕ ಬಗೆಹರಿಸಿಕೊಳ್ಳುವ ಬದಲು ದೊಡ್ಡ ಹೊಡೆದಾಟ ಮಾಡಿದಕ್ಕಾಗಿ ಅನೇಕರು ಬೇಸರವ್ಯಕ್ತಪಡಿಸಿದ್ದಾರೆ. ಶಿರಸಿಯ ಅಯಾನ್ ಟಿನಮೇಕರ್, ಸರ್ಪರಾಜ ಟಿನಮೇಕರ್, ಆಧೀಲ್ ಸಕ್ಕರಖಾನ್ ಜೊತೆ ಅಭಯ್ ಹುದಾರ್, ಸರ್ವೇಶ ಹಿರೇಮಠ, ಆಕಾಶ ಕುಂದನಗಾರ ಎಂಬಾತರು ಹೊಡೆದಾಟದಲ್ಲಿ ಭಾಗಿಯಾದ ಬಗ್ಗೆ ಪ್ರಾಥಮಿಕ ಮಾಹಿತಿ ಸಿಕ್ಕಿದೆ.
- [ಮರಿ ಪುಡಾರಿಗಳಿಗೆ ಗಡಿಪಾರು ಶಿಕ್ಷೆ!](https://mobiletime.in/2026/05/deportation-for-child-prostitutes/): ಮುರುಡೇಶ್ವರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಪದೇ ಪದೇ ಹೊಡೆದಾಟದಲ್ಲಿ ಭಾಗಿಯಾಗುತ್ತಿದ್ದ ಶೇಖರ ನಾಯ್ಕ ಹಾಗೂ ಮಿಥುನ್ ನಾಯ್ಕ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಹೊರಗೆ ದಬ್ಬಲಾಗಿದೆ. ಮುಂದಿನ ಆರು ತಿಂಗಳ ಕಾಲ ಅವರಿಬ್ಬರು ಜಿಲ್ಲೆಗೆ ಪ್ರವೇಶಿಸುವುದನ್ನು ನಿಷೇಧಿಸಲಾಗಿದೆ. ಶೇಖರ ಮಂಜುನಾಥ ನಾಯ್ಕ ಅವರು ಮುರುಡೇಶ್ವರದ ಮಾವಳ್ಳಿ ಬಳಿ ವಾಸವಾಗಿದ್ದರು. ಶಿಲ್ಪಿ ಕೆಲಸ ಮಾಡಿಕೊಂಡಿದ್ದ ಅವರು ವಿವಿಧ ಹೊಡೆದಾಟದಲ್ಲಿ ಭಾಗಿಯಾಗಿದ್ದರು. ಮುರುಡೇಶ್ವರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ನಡೆದ ಗುಂಪು ಘರ್ಷಣೆಯಲ್ಲಿ ಶೇಖರ ಮಂಜುನಾಥ ನಾಯ್ಕ ಅವರ ಹೆಸರು ದಾಖಲಾಗಿತ್ತು. ಭಟ್ಕಳ ತೆರ್ನಮಕ್ಕಿಯ ರಾಜೇಶ ನಾಯ್ಕ ಅವರ ಮೇಲೆ ನಡೆದ ಹಲ್ಲೆ ಪ್ರಕರಣದಲ್ಲಿಯೂ ಶೇಖರ ಮಂಜುನಾಥ ನಾಯ್ಕ ಅವರು ಆರೋಪಿಯಾಗಿದ್ದರು. ರೂಮು ಕೊಡಿಸುವ ವಿಷಯದಲ್ಲಿ ನಡೆದ ಹೊಡೆದಾಟದಲ್ಲಿ ಶೇಖರ ನಾಯ್ಕ ಅವರು ಭಾಗಿಯಾಗಿದ್ದು, ಅದನ್ನು ಸೇರಿ ಇನ್ನೆರಡು ಪ್ರಕರಣದಲ್ಲಿ ಪೊಲೀಸರು ಅವರ ವಿರುದ್ಧ ಕೇಸು ದಾಖಲಿಸಿದ್ದರು. ಕೋಣಾರ ಕೆರೆಹಿತ್ತಲ ಬಳಿಯ ಮಿಥುನ್ ಕುಪ್ಪಯ್ಯ ನಾಯ್ಕ ಅವರು ಸಹ ವಿವಿಧ ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿದ್ದರು. ಮುಖ್ಯವಾಗಿ ಅವರು ಹೊಡೆದಾಟ ಪ್ರಕರಣದಲ್ಲಿ ಮುಂಚೂಣಿಯಲ್ಲಿರುತ್ತಿದ್ದರು. ಮಾವಳ್ಳಿ-2ರ ಶಾಲೆ ಬಳಿ ಗೌರೀಶ ಜಯಂತ ನಾಯ್ಕ ಅವರ ಮೇಲೆ ನಡೆದ ದಾಳಿ ಸೇರಿ ವಿವಿಧ ಕೇಸುಗಳನ್ನು ಮಿಥುನ್ ನಾಯ್ಕ ಅವರು ಎದುರಿಸುತ್ತಿದ್ದರು. ಈ ಇಬ್ಬರ ವಿರುದ್ಧವೂ ಪೊಲೀಸರು ಹದ್ದಿನ ಕಣ್ಣಿರಿಸಿದ್ದು, ಗಲಾಟೆ ಮಾಡದಂತೆ ಸಾಕಷ್ಟು ಬಾರಿ ಎಚ್ಚರಿಕೆಯನ್ನು ನೀಡಿದ್ದರು. ಅದಾಗಿಯೂ, ಅವರಿಬ್ಬರು ತಮ್ಮ ಜೀವನ ಪದ್ಧತಿ ಸುಧಾರಿಸಿಕೊಂಡಿರಲಿಲ್ಲ. ಈ ಎಲ್ಲಾ ಹಿನ್ನಲೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಶೇಖರ ಮಂಜುನಾಥ ನಾಯ್ಕ ಹಾಗೂ ಮಿಥುನ್ ಕುಪ್ಪಯ್ಯ ನಾಯ್ಕ ಅವರನ್ನು ಗಡಿಪಾರು ಮಾಡಿದ್ದಾರೆ. ಶೇಖರ ನಾಯ್ಕ ಅವರನ್ನು ತುಮಕೂರು ಜಿಲ್ಲೆಗೆ ಹಾಗೂ ಮಿಥುನ್ ನಾಯ್ಕ ಅವರನ್ನು ವಿಜಯಪುರ ಜಿಲ್ಲೆಗೆ ಪೊಲೀಸರೇ ಬಿಟ್ಟು ಬಂದಿದ್ದಾರೆ.  
- [ಅಣ್ಣನ ಮನೆಯಿದ್ದರೂ ಆಕೆ ಅನಾಥೆ!](https://mobiletime.in/2026/05/even-though-she-lives-in-anna-house-she-is-an-orphan/): ಯಲ್ಲಾಪುರದ ಇಡಗುಂದಿ ಬಸ್ ನಿಲ್ದಾಣದ ಬಳಿ ಅಲೆದಾಡುತ್ತಿದ್ದ ಅನಾಥೆಯನ್ನು ಸ್ಥಳೀಯರು ಸಿದ್ದಾಪುರದ ಪುನೀತರಾಜಕುಮಾರ ಆಶ್ರಯಧಾಮಕ್ಕೆ ಸೇರಿಸಿದ್ದಾರೆ. ಅಣ್ಣನ ಮನೆಯಿಂದ ಹೊರದಬ್ಬಲ್ಪಟ್ಟ ಸರಸ್ವತಿ ಭಟ್ಟ ಅವರು ಆಶ್ರಮದಲ್ಲಿಯೇ ಮುಂದಿನ ಬದುಕು ಕಳೆಯಲು ನಿರ್ಧರಿಸಿದ್ದಾರೆ. ಯಲ್ಲಾಪುರ ಬಾಳಗಿಮನೆ ಬಳಿಯ ಸಿಂಗನಮನೆಯ ಸರಸ್ವತಿ ಮಹಾಬಲೇಶ್ವರ ಭಟ್ಟ ಅವರು ವಾಸವಾಗಿದ್ದರು. ಪತಿ ಹಾಗೂ ಮಗನ ಮರಣದ ನಂತರ ಅವರು ಅನಾಥರಾದರು. ಇಡಗುಂದಿಯಲ್ಲಿ ಸರಸ್ವತಿ ಭಟ್ಟ ಅವರ ಅಣ್ಣನ ಮನೆಯಿದ್ದು, ಅಲ್ಲಿ ಆಶ್ರಯ ಕೇಳಿ ಹೋಗಿದ್ದರು. ಆದರೆ, ಅಣ್ಣನ ಮನೆಯವರು ವೃದ್ಧೆ ಸರಸ್ವತಿ ಭಟ್ಟ ಅವರನ್ನು ಅಲ್ಲಿಂದ ಹೊರದಬ್ಬಿದ್ದರು. ಅದಾದ ನಂತರ ಗುಳ್ಳಾಪುರದ ಮನೆಯೊಂದರಲ್ಲಿ ಅವರು ಮನೆ ಕೆಲಸ ಮಾಡಿಕೊಂಡಿದ್ದರು. ವಯಸ್ಸಾದ ಕಾರಣ ಮನೆ ಕೆಲಸ ಮಾಡಲು ಸಾಧ್ಯವಾಗದ ಪರಿಸ್ಥಿತಿ ಬಂದಿದ್ದು, ಆ ಮನೆಯವರು ಸರಸ್ವತಿ ಭಟ್ಟ ಅವರನ್ನು ಹೊರಗೆ ಹಾಕಿದ್ದರು. ಹೀಗಾಗಿ ಇಡಗುಂದಿ ಬಸ್ ನಿಲ್ದಾಣದ ಬಳಿ ಅವರು ವಾಸವಾಗಿದ್ದು, ವಾಹನಕ್ಕೆ ಸಿಲುಕಿ ಅಪಘಾತಕ್ಕೀಡಾಗುವ ಪರಿಸ್ಥಿತಿಯಲ್ಲಿದ್ದರು. ಪೊಲೀಸರು ಆ ವೃದ್ಧ ಮಹಿಳೆಯನ್ನು ವಿಚಾರಿಸಿದ್ದು, ಸಂಬoಧಿಕರು ಯಾರೂ ಸಮೀಪದಲಿಲ್ಲ ಎಂಬುದು ಅರಿವಾಯಿತು. `ಯಲ್ಲಾಪುರ ಪೊಲೀಸರು ನೀಡಿದ ಮಾಹಿತಿ ಮೇರೆಗೆ ಅವರನ್ನು ಪುನೀತ್ ರಾಜಕುಮಾರ ಆಶ್ರಯಧಾಮಕ್ಕೆ ಸೇರಿಸಲಾಗಿದ್ದು, ಶೇಡಿಕೆರೆಯ ನಾಗೇಂದ್ರ ಭಟ್ಟ ಶಿವರಂಜಿನಿ ಅವರು ಈ ಕೆಲಸಕ್ಕೆ ನೆರವಾಗಿದ್ದಾರೆ’ ಎಂದು ಆಶ್ರಮದ ನಾಗರಾಜ ನಾಯಕ ಅವರು ಹೇಳಿದ್ದಾರೆ.  
- [ಗುಡ್ಡಗಾಡು ಮಕ್ಕಳಿಗೆ ಆಸರೆ: ಮಾತೋಶ್ರೀ ಹೆಸರಿನಲ್ಲಿ ಶೈಕ್ಷಣಿಕ ಸೇವೆ](https://mobiletime.in/2026/05/a-refuge-for-hill-children-educational-service-in-the-name-of-matoshree/): ಗುಡ್ಡಗಾಡಿನ ಮಕ್ಕಳ ಶೈಕ್ಷಣಿಕ ಬದುಕಿಗೆ ಕಾರವಾರದ ಮಾತೋಶ್ರೀ ಸರೋಜಾ ಬಾಳಾ ದೇಸಾಯಿ ಚ್ಯಾರಿಟಬಲ್ ಟ್ರಸ್ಟ್ ಆಸರೆಯಾಗಿದೆ. ಕಳೆದ ನಾಲ್ಕು ವರ್ಷದಿಂದ ಈ ಟ್ರಸ್ಟ್ ಅನೇಕ ವಿದ್ಯಾರ್ಥಿಗಳ ಓದಿಗೆ ನೆರವು ನೀಡುತ್ತಿದ್ದು, ಈ ಕಾರ್ಯ ಈ ವರ್ಷವೂ ಮುಂದುವರೆದಿದೆ. ಆರ್ಥಿಕವಾಗಿ ಹಿಂದುಳಿದ ಹಾಗೂ ವಿಶೇಷ ಅಗತ್ಯವುಳ್ಳ ಮಕ್ಕಳಿಗಾಗಿರುವ ಅಸ್ನೋಟಿ ಶಿವಾಜಿ ವಿದ್ಯಾ ಮಂದಿರದಲ್ಲಿ ವಸತಿ ಜೊತೆ ಶಿಕ್ಷಣ ನೀಡಲಾಗುತ್ತಿದೆ. ಅಂಥ ವಿದ್ಯಾರ್ಥಿಗಳಿಗೆ ಮಾತೋಶ್ರೀ ಸರೋಜಾ ಬಾಳಾ ದೇಸಾಯಿ ಟ್ರಸ್ಟ್ ನೆರವು ನೀಡುತ್ತಿದೆ. ನರೇಂದ್ರ ದೇಸಾಯಿ ಮತ್ತು ಅವರ ಪತ್ನಿ ನೇಹಾ ದೇಸಾಯಿ ಅವರು ಬಡತನದಲ್ಲಿರುವ ಮಕ್ಕಳಿಗೆ ಉಚಿತ ಶಿಕ್ಷಣ ಹಾಗೂ ವಸತಿ ಸೌಲಭ್ಯ ನೀಡುತ್ತಿದ್ದಾರೆ. ಜೊತೆಗೆ ಕೌಶಲ್ಯ ತರಬೇತಿಯನ್ನು ಒದಗಿಸುತ್ತಿದ್ದಾರೆ. ಗ್ರಾಮಿಣ ಭಾಗದ ಹಲವು ವಿಶೇಷ ಶಾಲೆಗಳನ್ನು ಗುರುತಿಸಿ ಟ್ರಸ್ಟ್ ಮುಖೇನ ವಿಶೇಷ ಸೌಲಭ್ಯಗಳನ್ನು ಒದಗಿಸಲಾಗುತ್ತಿದೆ. ವಿನೂತನ ಯೋಜನೆಗಳನ್ನು ಹಾಕಿಕೊಳ್ಳುವದರ ಜೊತೆಗೆ ದುರ್ಬಲ ಸಮುದಾಯದ ಮಕ್ಕಳಿಗೆ ಮೂಲಭೂತ ಕೌಶಲ್ಯಗಳಾದ ಓದು ಮತ್ತು ಬರೆಯುವುದನ್ನು ಕಲಿಯುವಂತೆ ಉತ್ತೇಜಿಸುವುದು ಟ್ರಸ್ಟಿನ ಮುಖ್ಯ ಉದ್ದೇಶ. ಪರಿಶಿಷ್ಟ ಜಾತಿ, ಪಂಗಡ ಮತ್ತು ಗ್ರಾಮೀಣ ಪ್ರದೇಶದ ಬಡ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನವನ್ನು ಟ್ರಸ್ಟ್ ನೀಡುತ್ತಿದೆ. ಈ ಟ್ರಸ್ಟ್ ನೆರವಿನಲ್ಲಿ ಓದಿದ ಅಸ್ನೋಟಿ ಬಾಲಕರ ವಸತಿ ನಿಲಯದಲ್ಲಿದ್ದ 17 ವಿದ್ಯಾರ್ಥಿಗಳು ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಉನ್ನತ ದರ್ಜೆಯಲ್ಲಿ ಉತ್ತೀರ್ಣರಾಗಿದ್ದಾರೆ. ಹಾಸ್ಟೆಲ್ ವಿದ್ಯಾರ್ಥಿಗಳಾದ ಭೂಮೇಶ ಮಿರಾಶಿ, ಧಿರಜ್ ನಾಯ್ಕ, ಸುದರ್ಶನ ದೇಸಾಯಿ, ಸುನೀಲ ಮಿರಾಶಿ, ಪ್ರವಿಣ ವೇಳಿಪ, ನಿವೇಶ ವೇಳಿಪ, ಪ್ರಜ್ವಲ ವೇಳಿಪ, ಅಥರ್ವ ಸಾವಂತ, ದಿಲಶನ್ ಮಿರಾಶಿ, ಕೇಶವ ಗಾವಡಾ, ಅಕುಲ ನಾಯ್ಕ, ಅಭಿಷೇಕ ಮುದ್ಲಾಪುರ, ತನುಜ ಪೂಜಾರಿ, ತನ್ಮಯ ಪೂಜಾರಿ, ರತಿಕ ಲಾಂಡೇಕರ, ಗಜಾನನ ವೇಳಿಪ ಸಾಧನೆ ಮಾಡಿದ್ದಾರೆ.
- [ಆಕೆಯ ಪಾಲಿಗೆ ಅಪ್ಪನೇ ಮೊದಲ ಶತ್ರು!](https://mobiletime.in/2026/05/for-her-her-father-is-her-number-one-enemy/): ಕಂಠಪೂರ್ತಿ ಸರಾಯಿ ಕುಡಿದ ವ್ಯಕ್ತಿಯೊಬ್ಬ ಆತನ ಮಗಳ ಮೇಲೆ ಅತ್ಯಾಚಾರವೆಸಗಿದ್ದು, ಅಂಕೋಲಾ ಪೊಲೀಸರು ಪಾಪಿ ತಂದೆಯನ್ನು ಬಂಧಿಸಿದ್ದಾರೆ. ಅತ್ಯಾಚಾರಕ್ಕೆ ಒಳಗಾದ 13 ವರ್ಷದ ಬಾಲಕಿ ಅಸ್ವಸ್ಥರಾಗಿದ್ದು, ಆಕೆಯ ಆರೈಕೆ ಮುಂದುವರೆದಿದೆ. ಕೇರಳ ಮೂಲದ ರವಿ ರಾಮ ಕಲ್ಕತ್ತು ಎಂಬಾತರು ಭಟ್ಕಳ ಶಿರಾಲಿಯ ಮಹಿಳೆಯೊಬ್ಬರನ್ನು ಮದುವೆ ಆಗಿದ್ದರು. ಈ ದಂಪತಿ ಅಂಕೋಲಾದ ಹೊಸಗದ್ದೆಯಲ್ಲಿ ವಾಸವಾಗಿದ್ದರು. ಆ ದಂಪತಿಗೆ ಹೆಣ್ಣು ಮಗುವಿದ್ದು, ಆ ಮಗು 13 ವರ್ಷದ ಪ್ರಾಯದಲ್ಲಿತ್ತು. ನಾಲ್ಕು ದಿನದ ಹಿಂದೆ ತನ್ನದೇ ಮಗುವಿನ ಮೇಲೆ ರವಿ ರಾಮ ಕಲ್ಕತ್ತು ಕಾಮದೃಷ್ಠಿ ಹಾಯಿಸಿದ್ದಾರೆ. ಒಂದೇ ದಿನ ಐದು ಬಾರಿ ಮಗಳ ಮೇಲೆ ಅತ್ಯಾಚಾರ ಮಾಡಿದ್ದಾರೆ. ಆರೋಪಿ ರವಿ ರಾಮ ಕಲ್ಕತ್ತು ಅವರ ಪತ್ನಿ ಸಹ ವ್ಯಸನಿಯಾಗಿದ್ದಾರೆ. ಹೀಗಾಗಿ ಮಗಳ ಮೇಲೆ ಆಕೆಯ ತಂದೆಯಿAದಲೇ ಅತ್ಯಾಚಾರ ನಡೆದಿದ್ದರೂ ಆ ವಿಷಯ ಮೊದಲು ತಾಯಿಯ ಗಮನಕ್ಕೆ ಬಂದಿಲ್ಲ. ಅಸ್ವಸ್ಥಳಾದ ಮಗು ತನ್ನ ನೋವನ್ನು ಪಕ್ಕದ ಮನೆಯವರಲ್ಲಿ ಹೇಳಿದಾಗ ಈ ವಿಷಯ ಹೊರ ಬಿದ್ದಿದೆ. ಅದಾಗಲೇ ಅತ್ಯಾಚಾರ ನಡೆದು ನಾಲ್ಕು ದಿನಗಳಾಗಿದ್ದು, ವಿಷಯ ಅರಿತ ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಮಗುವಿನ ತಾಯಿಯನ್ನು ವಿವಿಧ ಬಗೆಯಲ್ಲಿ ವಿಚಾರಣೆಗೆ ಒಳಪಡಿಸಿದಾಗ ಸತ್ಯ ಹೊರ ಬಿದ್ದಿದೆ. ಮಗಳ ಮೇಲೆ ಕ್ರೌರ್ಯ ಮೆರೆದ ರವಿ ರಾಮ ಕಲ್ಕತ್ತು ಮೇಲೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಸ್ಟಾರ್ ಸಿಂಗರ್ ಸ್ಪರ್ಧೆಗೆ ಕ್ಷಣಗಣನೆ!](https://mobiletime.in/2026/05/countdown-to-the-star-singer-competition/): ಯಲ್ಲಾಪುರದ ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿ ನಡೆಸುವ `ರೈಸಿಂಗ್ ಸ್ಟಾರ್ – 2026′ ಸೀಸನ್ – 1ರ ಮೆಗಾ ಆಡಿಷನ್’ಗೆ ವೇದಿಕೆ ಸಿದ್ಧವಾಗಿದೆ. ಮೇ 24ರ ಭಾನುವಾರ ಯಲ್ಲಾಪುರ ಬಸ್ ನಿಲ್ದಾಣ ಹಿಂಭಾಗದ ವೈಭವ ಬಿಲ್ಡಿಂಗ್’ನಲ್ಲಿ ಈ ಆಡಷನ್ ನಡೆಯಲಿದೆ. ಕನ್ನಡ ಹಾಗೂ ಹಿಂದಿ ಚಿತ್ರಗೀತೆ ಹಾಡುವ ಕಲಾವಿದರನ್ನು ಗುರುತಿಸಿ ಪ್ರೋತ್ಸಾಹಿಸುವುದಕ್ಕಾಗಿ ಈ ಆಡಿಷನ್ ನಡೆಸಲಾಗುತ್ತಿದೆ. ಗಾಯನ ಕ್ಷೇತ್ರದಲ್ಲಿ ಆಸಕ್ತಿ ಹಾಗೂ ಪ್ರತಿಭೆ ಉಳ್ಳವರಿಗಾಗಿ ಇಲ್ಲಿ ಅವಕಾಶ ನೀಡಲಾಗುತ್ತಿದ್ದು, ಸ್ಪರ್ಧಾ ವಿಜೇತರಿಗೆ ಸ್ಮರಣಿಕೆ ಜೊತೆ ಬಹುಮಾನವನ್ನು ಘೋಷಿಸಲಾಗಿದೆ. ಮೇ 24ರ ಬೆಳಗ್ಗೆ 10 ಗಂಟೆಯಿoದ ಮಧ್ಯಾಹ್ನ 1.30ರವರೆಗೆ ಆಡಿಷನ್ ನಡೆಯಲಿದೆ. ಮೊದಲನೇ ಸುತ್ತಿನಲ್ಲಿ ಯಾವುದೇ ಬಗೆಯ ಹಿನ್ನಲೆ ವಾದ್ಯಗಳಿಲ್ಲದೇ ಆಡಿಷನ್ ನಡೆಸಲಾಗುತ್ತದೆ. ಐದು ವರ್ಷ ಮೇಲ್ಪಟ್ಟ ಎಲ್ಲರೂ ಭಾಗವಹಿಸಲು ಅರ್ಹರಾಗಿದ್ದಾರೆ. ಈ ಸ್ಪರ್ಧೆಯಲ್ಲಿ ಭಾಗವಹಿಸಲು ಆಸಕ್ತಿ ಇದ್ದರೆ ಇಲ್ಲಿ ಫೋನ್ ಮಾಡಿ: 8618732514 ಅಥವಾ 7975670097
- [ಮದುವೆ ಮನೆಯಲ್ಲಿ ಮಕ್ಕಳ ಮನವಿ!](https://mobiletime.in/2026/05/childrens-appeal-in-the-marriage-home/): ಕಾರವಾರದ ಪಾರ್ವತಿ ಶಂಕರ ಭವನದಲ್ಲಿ ಜೀಶಾನ ಹಾಗೂ ಜೀಬಾ ಅವರ ಮದುವೆ ನಡೆದಿದ್ದು, ಮದುವೆ ಮನೆಗೆ ಭೇಟಿ ನೀಡಿದ್ದ ಶಾಸಕ ಸತೀಶ್ ಸೈಲ್ ಅವರಿಗೆ ಕಡವಾಡ ಭಾಗದ ಮಕ್ಕಳು ಮುತ್ತಿಗೆ ಹಾಕಿದ್ದಾರೆ. `ತಮಗೆ ಆಟಿಕೆ ಸಾಮಗ್ರಿ ಕೊಡಿಸಿ’ ಎಂದು ಅವರು ಸತೀಶ್ ಸೈಲ್ ಅವರಲ್ಲಿ ಮನವಿ ಮಾಡಿದ್ದಾರೆ. ಕಾರವಾರದ ಜೀಶಾನ ಹಾಗೂ ಗೋವಾದ ಜೀಬಾ ಅವರು ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದಾರೆ. ಆ ಸಂಭ್ರಮದ ಅಂಗವಾಗಿ ದಂಪತಿ ಶುಕ್ರವಾರ ರಾತ್ರಿ ಪಾರ್ವತಿ ಶಂಕರ ಸಭಾಭವನದಲ್ಲಿ ಆರಕ್ಷತೆ ಸಮಾರಂಭ ಆಯೋಜಿಸಿದ್ದು, ಆ ಕಾರ್ಯಕ್ರಮದಲ್ಲಿ ಶಾಸಕ ಸತೀಶ್ ಸೈಲ್ ಅವರು ಭಾಗಿಯಾಗಿದ್ದಾರೆ. ನವ ದಂಪತಿಗೆ ಶುಭಕೋರಿ ಊಟಕ್ಕೆ ಹೊರಟ ಸತೀಶ್ ಸೈಲ್ ಅವರನ್ನು ಅನೇಕ ಮಕ್ಕಳು ಹಿಂಬಾಲಿಸಿದ್ದಾರೆ. ಊಟಕ್ಕೆ ಕುಳಿತ ಶಾಸಕರನ್ನು ಸುತ್ತುವರೆದ ಮಕ್ಕಳು ತಮ್ಮ ಶಾಲೆಯ ಸಮಸ್ಯೆಯ ಬಗ್ಗೆ ವಿವರಿಸಿದ್ದಾರೆ. `ಕಡವಾಡದ ಬೋವಿವಾಡದಲ್ಲಿ ಆಟ ಆಡಲು ಸಾಕಷ್ಟು ಸ್ಥಳಾವಕಾಶವಿದೆ. ಆದರೆ, ಆಟದ ಸಾಮಗ್ರಿಗಳಿಲ್ಲ. ಹೀಗಾಗಿ ಶಾಸಕರಾದ ತಾವು ನಮ್ಮ ಸಮಸ್ಯೆ ಆಲಿಸಿ, ಆಟದ ಸಾಮಗ್ರಿಗಳನ್ನು ಪೂರೈಸಿ’ ಎಂದು ಅವರು ಮನವಿ ಮಾಡಿದ್ದಾರೆ. `ಶಾಲಾ ಮಕ್ಕಳ ಅನುಕೂಲಕ್ಕಾಗಿ ಜೋಕಾಲಿ, ಜಾರುಗುಂಡಿ ಮೊದಲಾದ ಆಟಿಕೆ ಅಳವಡಿಸಿದರೆ ಅನುಕೂಲ’ ಎಂದವರು ಹೇಳಿದ್ದಾರೆ. ಮಕ್ಕಳ ಮಾತು ಕೇಳಿದ ಸತೀಶ್ ಸೈಲ್ ಆ ಕೂಡಲೇ ಆಟದ ಸಾಮಗ್ರಿ ಪೂರೈಸುವ ಆಶ್ವಾಸನೆ ನೀಡಿದ್ದಾರೆ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಈ ವೇಳೆ ಶಾಸಕ ಸತೀಶ್ ಸೈಲ್ ಅವರ ಜೊತೆಗಿದ್ದು, ಶಾಲೆಗೆ ತಾವೂ ಸಹಾಯ ಮಾಡುವುದಾಗಿ ಘೋಷಿಸಿದ್ದಾರೆ. ಶಾಸಕರಲ್ಲಿ ಮನವಿ ಮಾಡಲು ಬಂದಿದ್ದ ಸಾನ್ವಿ ಉಮಾಕಾಂತ್ ಭೋವಿ, ಆರುಷ್ ರಾಹುಲ್ ಅಜರೇಕರ್, ಸಾತ್ವಿಕ್ ಉಮಾಕಾಂತ್ ಭೋವಿ, ತ್ರಿಷಾ ಅಂಬರೀಶ್ ಅಂಕೋಲೆಕರ ಹಾಗೂ ಶ್ರೀಧತ್ತ ದೀಪಕ್ ಕೇಣಿಕರ್ ಅವರು ಎರಡೆರಡು ನಾಯಕರಿಂದ ನೆರವಿನ ಭರವಸೆ ಸಿಕ್ಕಿದ್ದರಿಂದ ಖುಷಿಯಿಂದ ಮನೆಗೆ ಮರಳಿದ್ದಾರೆ.
- [ಖಿನ್ನತೆಗೆ ಒಳಗಾದ KLE ವೈದ್ಯ: ಸಾವಿಗೂ ಮುನ್ನ ವಾಟ್ಸಪ್ ಸಂದೇಶ!](https://mobiletime.in/2026/05/depressed-kle-doctor-whatsapp-message-before-death/): ಬೆಳಗಾವಿಯ ಕೆಎಲ್‌ಇ ಆಸ್ಪತ್ರೆಯಲ್ಲಿ 40 ವರ್ಷಗಳಿಂದ ವೈದ್ಯಾಧಿಕಾರಿಯಾಗಿದ್ದ ಅಂಕೋಲಾ ಮೂಲದ ಡಾ ದಿನೇಶ ಭಟ್ಕಳ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಪಿಸ್ತೂಲಿನಿಂದ ಗುಂಡು ಹಾರಿಸಿಕೊಂಡು ಅವರು ಸಾವನಪ್ಪಿದ್ದಾರೆ. ಸಾವಿಗೂ ಮುನ್ನ ಅವರು ಕೆಎಲ್‌ಇ ಮಾಜಿ ಕಾರ್ಯಾಧ್ಯಕ್ಷ ಪ್ರಭಾಕರ ಕೋರೆ ಅವರಿಗೆ ವಾಟ್ಸಪ್ ಮೆಸೆಜ್ ಮಾಡಿದ್ದಾರೆ. ಡಾ ದಿನೇಶ ಭಟ್ಕಳ ಅವರು ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾದವರಾಗಿದ್ದು, ಅಂಕೋಲಾದಲ್ಲಿರುವ ಕೆಎಲ್‌ಇ ಸಂಸ್ಥೆಗೆ ಆಡಳಿತಾಧಿಕಾರಿಯೂ ಆಗಿದ್ದರು. 79 ವರ್ಷದ ಅವರು ಶ್ವಾಸಕೋಶದ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದರು. ನಾಲ್ಕು ತಿಂಗಳ ಹಿಂದೆ ಅವರಿಗೆ ಈ ಸಮಸ್ಯೆಯಿರುವುದು ಗೊತ್ತಾಗಿತ್ತು. ಚಿಕಿತ್ಸೆಗೆ ಒಳಗಾಗಿದ್ದ ಅವರು ಈಚೆಗೆ ಬೆಳಗಾವಿಯ ಮನೆಗೆ ಬಂದು ವಾಸವಾಗಿದ್ದರು. ತಮ್ಮ ವೈಯಕ್ತಿಕ ರಕ್ಷಣೆಗಾಗಿ ಅವರು ಪಿಸ್ತೂಲುಪಡೆದಿದ್ದು, ಅದೇ ಪಿಸ್ತೂಲಿನಿಂದ ಗುಂಡು ಹಾರಿಸಿಕೊಂಡು ಸಾವನಪ್ಪಿದ್ದಾರೆ. ಬೆಳಗಾವಿಯ ಟಿಳಕವಾಡಿಯ ಮಂಡೋಲಿ ರಸ್ತೆಯಲ್ಲಿ ಮನೆ ಮಾಡಿಕೊಂಡು ಅಲ್ಲಿಯೇ ಡಾ ದಿನೇಶ ಭಟ್ಕಳ ಅವರು ಕುಟುಂಬಸ್ಥರೊAದಿಗೆ ವಾಸವಿದ್ದರು. ಶ್ವಾಸಕೋಶ ಕ್ಯಾನ್ಸರ್ ಕಾರಣ ಅವರು ಅಸಾಧಾರಣ ನೋವು ಅನುಭವಿಸಿದ್ದು, ಅದೇ ನೋವಿನಿಂದ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಆ ನೋವಿನ ಬಗ್ಗೆ ಅವರು ಆಗಾಗ ಸ್ನೇಹಿತರಲ್ಲಿಯೂ ಹೇಳಿದ ನಿದರ್ಶನಗಳಿವೆ. ಶುಕ್ರವಾರ ಬೆಳಗ್ಗೆ ಎದ್ದ ತಕ್ಷಣ ದಿನೇಶ್ ಅವರಿಗೆ ಎದೆಯಲ್ಲಿ ನೋವು ಕಾಣಿಸಿಕೊಂಡಿದ್ದು, ಈ ವೇಳೆ ಅವರು ತಮ್ಮ ಹಿತೈಷಿಗಳು ಹಾಗೂ ಮಾರ್ಗದರ್ಶಕರಿಗೆ ವಾಟ್ಸಪ್ ಸಂದೇಶ ರವಾನಿಸಿದ್ದಾರೆ. ಅದರಲ್ಲಿ ಕೆಎಲ್‌ಇ ಮಾಜಿ ಕಾರ್ಯಾಧ್ಯಕ್ಷ ಪ್ರಭಾಕರ್ ಕೋರೆಯವರಿಗೂ ಸಹ ವಾಟ್ಸಪ್ ಸಂದೇಶ ಕಳಿಸಿದ್ದಾರೆ. ‘ನನಗೆ ನೀವು ಇಷ್ಟು ವರ್ಷ ಸಹಾಯ ಮಾಡಿದ್ದೀರಿ. ಆದರೆ, ನನಗೆ ತೀವ್ರವಾದ ಎದೆ ನೋವಿದೆ. ನಾನು ನೋವಿನಿಂದ ಬೇಸತ್ತು ಕಠಿಣ ನಿರ್ಧಾರ ತೆಗೆದುಕೊಳ್ಳುತ್ತಿದ್ದೇನೆ. ದಯವಿಟ್ಟು ನನ್ನ ಕುಟುಂಬಕ್ಕೆ ಸಹಾಯ ಮಾಡಿ. ನಗರ ಪೊಲೀಸ್ ಆಯುಕ್ತರಿಗೂ ಮಾಹಿತಿ ನೀಡಿ’ ಎಂದು ಅವರು ಸಂದೇಶ ಕಳುಹಿಸಿ ಸಾವನಪ್ಪಿದ್ದಾರೆ.
- [ಅಂದರ್ ಬಾಹರ್ ಆಡುತ್ತಿದ್ದವರು ಅಂದರ್!](https://mobiletime.in/2026/05/andar-bahar-was-playing-andar-2/): ಶಿರಸಿಯ ಸಾಲ್ಕಣಿಯಿಂದ ಜಡ್ಡಿಗದ್ದೆ ಹೋಗುವ ರಸ್ತೆ ಅಂಚಿನಲ್ಲಿ ಎಂಟು ಜನ ಗುಂಪು ಕಟ್ಟಿಕೊಂಡಿದ್ದು, ಪಿಸೈ ಸಂತೋಷಕುಮಾರ್ ಎಂ ಅವರು ಆ ಗುಂಪನ್ನು ಚದುರಿಸಿದ್ದಾರೆ. ಈ ವೇಳೆ ಆ ಎಂಟು ಜನ ಹಣ ಹೂಡಿ ಅಂದರ್ ಬಾಹರ್ ಆಟವಾಡುತ್ತಿರುವುದು ಗಮನಕ್ಕೆ ಬಂದಿದೆ. ಮೇ 21ರ ರಾತ್ರಿ 12 ಗಂಟೆ ವೇಳೆಗೆ ಸಾಲ್ಕಣಿಯಿಂದ ಜಡ್ಡಿಗದ್ದೆ ಬದಿಯ ಕಾಡಿನಲ್ಲಿ ಹಾಸಣಗಿ ಬಳಿಯ ಕಡಬಾಳದ ಕೃಷಿಕ ಮಂಜುನಾಥ ದೇವು ಗೌಡ ಅವರು ಜನರನ್ನು ಸೇರಿಸಿದ್ದರು. ಅದೇ ಊರಿನಲ್ಲಿ ಕೂಲಿ ಕೆಲಸ ಮಾಡುವ ಯಂಕು ತಿಮ್ಮಾ ಗೌಡ, ಅರ್ಜುನ ಕೇಶವ ಗೌಡ, ಮಂಜುನಾಥ ಕೃಷ್ಣೇ ಗೌಡ, ದೇವನಳ್ಳಿಯ ಕೇಶವ ಬೀರಾ ಗೌಡ, ಹುಣಸೆಕೊಪ್ಪ ಕುಂಟೆಮನೆಯ ಯೋಗೇಶ ಸೀತಾರಾಮ ಗೌಡ ಅವರ ಜೊತೆ ಹಾಸಣಗಿಯ ಮಂಜುನಾಥ ನೇತ್ರಾವತಿ ಗೌಡ ಹಾಗೂ ರಾಘವೇಂದ್ರ ಮಂಜುನಾಥ ಗೌಡ ಅವರು ಅಲ್ಲಿ ಧಾವಿಸಿ ಬಂದಿದ್ದರು. ಅವರೆಲ್ಲರೂ ಸೇರಿ ರಾತ್ರಿಯಿಡೀ ಅಲ್ಲಿ ಹಣ ಹೂಡಿಕೆಯ ಆಟವಾಡುತ್ತಿದ್ದರು. ಪ್ಲಾಸ್ಟಿಕ್ ತಾಡಪತ್ರೆ ಹಾಸಿ ಅದರ ಮೇಲೆ ಕುಳಿತ ಈ ಎಂಟು ಜನ ಚಿಮ್ಮಣಿ ಬೆಳಕಿನಲ್ಲಿ ಅಂದರ್ ಬಾಹರ್ ಆಟ ಶುರು ಮಾಡಿದ್ದರು. ಎಂಟು ಸಾವಿರ ರೂ ಹಣವನ್ನು ಹರಡಿಕೊಂಡಿದ್ದರು. ಅದೇ ಮಾರ್ಗವಾಗಿ ಹೋಗಿದ್ದ ಶಿರಸಿ ಗ್ರಾಮೀಣ ಠಾಣೆ ಪಿಸೈ ಸಂತೋಷಕುಮಾರ್ ಎಂ ಅವರು ಆ ಗುಂಪಿನ ಬಳಿ ಹೋದರು. ಚಿಮಣಿ ಬೆಳಕಿನಲ್ಲಿ ಅವರೆಲ್ಲರೂ ಅಂದರ್ ಬಾಹರ್ ಆಡುತ್ತಿರುವುದನ್ನು ಗಮನಿಸಿದರು. ತಮ್ಮ ಸಿಬ್ಬಂದಿ ಜೊತೆ ದಾಳಿ ಮಾಡಿ ಅವರೆಲ್ಲರನ್ನು ಬಂಧಿಸಿದರು. `ಇಸ್ಪಿಟ್ ಆಡಬೇಡಿ. ಬದುಕು ಹಾಳು ಮಾಡಿಕೊಳ್ಳಬೇಡಿ’
- [ಯುವ ಕಾಂಗ್ರೆಸ್ ಪ್ರತಿಭಟನೆಗೆ ಹಿರಿಯರ ನಾಯಕತ್ವ!](https://mobiletime.in/2026/05/youth-congress-protests-led-by-elders/): ಪೆಟ್ರೋಲ್-ಡಿಸೇಲ್ ಬೆಲೆ ಏರಿಕೆ ವಿರೋಧಿಸಿ ಯಲ್ಲಾಪುರ ಹಾಗೂ ಮುಂಡಗೋಡದಲ್ಲಿ ಯುವ ಕಾಂಗ್ರೆಸ್ ಸಮಿತಿ ಪ್ರತಿಭಟನೆ ನಡೆಸಿದೆ. ಯುವಕರಿಗಿಂತಲೂ ಹೆಚ್ಚಿನದಾಗಿ ಹಿರಿಯ ಕಾಂಗ್ರೆಸ್ಸಿಗರು ಈ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದಾರೆ. ಇಂಧನ ಬೆಲೆ ಏರಿಕೆ ವಿಚಾರದಲ್ಲಿ ಕೇಂದ್ರ ಸರ್ಕಾರದ ನಿಲುವನ್ನು ಪ್ರತಿಭಟನಾಕಾರರು ವಿರೋಧಿಸಿದರು. ನೀಟ್ ಪರೀಕ್ಷೆಯಲ್ಲಿನ ಅಕ್ರಮಗಳ ವಿರುದ್ಧವೂ ಪ್ರತಿಭಟನಾಕಾರರು ಮಾತನಾಡಿದರು. ಯಲ್ಲಾಪುರದಲ್ಲಿ ನಡೆದ ಪ್ರತಿಭಟನೆಯಲ್ಲಿ ಕೆಪಿಸಿಸಿ ಸದಸ್ಯರಾದ ವಿವೇಕ್ ಹೆಬ್ಬಾರ್ ಭಾಷಣ ಮಾಡಿದ್ದು, `ನೀಟ್ ಪ್ರಶ್ನೆ ಪತ್ರಿಕೆ ಸೋರಿಕೆಯಿಂದ ಲಕ್ಷಾಂತರ ವಿದ್ಯಾರ್ಥಿಗಳ ಭವಿಷ್ಯ ಅತಂತ್ರಕ್ಕೊಳಗಾಗಿದೆ’ ಎಂಬ ಆತಂಕವ್ಯಕ್ತಪಡಿಸಿದರು. `ವಿದ್ಯಾರ್ಥಿಗಳು ಹಗಲಿರುಳು ಶ್ರಮಪಟ್ಟು ಪರೀಕ್ಷೆಗೆ ಸಿದ್ಧತೆ ನಡೆಸುತ್ತಿದ್ದರೂ, ಕೇಂದ್ರ ಸರ್ಕಾರದ ನಿರ್ಲಕ್ಷ್ಯ ಹಾಗೂ ಭ್ರಷ್ಟ ವ್ಯವಸ್ಥೆಯಿಂದ ಅವರ ಕನಸುಗಳಿಗೆ ಧಕ್ಕೆಯಾಗಿದೆ’ ಎಂದವರು ಆಕ್ರೋಶದ ಮಾತುಗಳನ್ನಾಡಿದರು. ಮುಂಡಗೋಡದಲ್ಲಿ ಪ್ರವಾಸಿ ಮಂದಿರದಿAದ ಪ್ರತಿಭಟನಾ ಮೆರವಣಿಗೆ ನಡೆದಿದ್ದು, ಅಲ್ಲಿಯೂ ಪ್ರತಿಭಟನಾಕಾರರು ನೀಟ್ ಪರೀಕ್ಷೆ ರದ್ದತಿಯಿಂದಾಗಿ ಯುವಕರಿಗೆ ಆದ ಅನ್ಯಾಯದ ಬಗ್ಗೆ ಅಸಮಧಾನವ್ಯಕ್ತಪಡಿಸಿದರು. ಕೇಂದ್ರ ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿದರು. ಮುಂಡಗೋಡದಲ್ಲಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕೃಷ್ಣ ಹಿರೇಹಳ್ಳಿ, ಮಹಿಳಾ ಘಟಕದ ಅಧ್ಯಕ್ಷೆ ಶಾರದಾಬಾಯಿ ರಾಠೋಡ, ಪ್ರಮುಖರಾದ ಸಲ್ಮಾ ಕಿರಣ್ ಶೇರಖಾನೆ, ರಾಜು ಕುಟ್ರಿ, ರಜಾಖಾನ್ ಪಠಾಣ್, ಗೌಸಮೋದ್ದಿನ್ ಮಕಾಂದರ, ಜೈನು ಬೆಂಡಿಗೇರಿ, ಕಿರಣ್ ಶೇರಖಾನೆ ಪ್ರತಿಭಟನೆಯ ನೇತ್ರತ್ವವಹಿಸಿದ್ದರು. ಯಲ್ಲಾಪುರದಲ್ಲಿ ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯ ವಿಜಯ ಮಿರಾಶಿ, ಬ್ಲಾಕ್ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷ ವಿ ಎಸ್. ಭಟ್, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಎನ್ ಕೆ ಭಟ್, ಪ್ರಮುಖರಾದ ರವಿ ಭಟ್ ಬರಗದ್ದೆ, ನರಸಿಂಹ ನಾಯ್ಕ, ಉಲ್ಲಾಸ್ ಶಾನಭಾಗ, ಫೈರೋಜ್ ಶೇಖ್, ಅಮೋಧ ಶಿರಸಿಕರ್, ವಿಶ್ವಾಸ್ ನಾಯ್ಕ, ಗಣೇಶ ಹೆಗಡೆ, ಮಹೇಶ್ ನಾಯ್ಕ, ಪೂಜಾ ನೇತ್ರೇಕರ, ಸರಸ್ವತಿ ಗುನಗಾ, ಮುಷರತ್ ಖಾನ್ ಇತರರು ಮುಂದಾಳತ್ವವಹಿಸಿದ್ದರು.
- [ಕಳ್ಳರ ಪತ್ತೆಗೆ 8 ತಾಸು ಸಾಕು!](https://mobiletime.in/2026/05/8-hours-is-enough-to-find-the-thieves/): ಭಟ್ಕಳ ಪುರವರ್ಗದ ಬೀಬಿ ಇನ್ಸಿಯಾ ಅವರ ಮನೆಗೆ ನುಗ್ಗಿ 3.49 ಲಕ್ಷ ರೂ ಮೌಲ್ಯದ ಚಿನ್ನಾಭರಣ ಕದ್ದ ಕಳ್ಳರು ಎಂಟು ತಾಸಿನೊಳಗೆ ಸಿಕ್ಕಿ ಬಿದ್ದಿದ್ದಾರೆ. ಭಟ್ಕಳ ಪುರವರ್ಗದ ಗಣೇಶನಗರ ಬಳಿಯ ಬೀಬಿ ಇನ್ಸಿಯಾ ಅವರ ಮನೆಯಲ್ಲಿ ಕಳ್ಳತನ ನಡೆದಿತ್ತು. ಮೇ 20ರಂದು ಕಳ್ಳತನ ನಡೆದಿರುವುದು ಅವರ ಗಮನಕ್ಕೆ ಬಂದಿತ್ತು. ಬೀಗ ಮುರಿದು ಮನೆಯೊಳಗೆ ನುಗ್ಗಿದ ಕಳ್ಳರು ಕಪಾಟಿನಲ್ಲಿದ್ದ 10 ಗ್ರಾಂ ತೂಕದ ಒಂದು ಬಂಗಾರದ ನೆಕ್ಲೆಸ್, 14 ಗ್ರಾಂ ತೂಕದ ಎರಡು ಕಿವಿಯೋಲೆಗಳು ಸೇರಿ 24 ಗ್ರಾಂ ಚಿನ್ನದ ಆಭರಣ ದೋಚಿದ್ದರು. ಜೊತೆಗೆ ಮನೆಯಲ್ಲಿದ್ದ 37 ಸಾವಿರ ರೂ ಹಣವನ್ನು ಕದ್ದಿದ್ದರು. ಕಳ್ಳತನದ ಬಗ್ಗೆ ಬೀಬಿ ಇನ್ಸಿಯಾ ಅವರು ಪೊಲೀಸ್ ದೂರು ನೀಡಿದ್ದು, ಕಳ್ಳರ ಶೋಧ ನಡೆಸಿದ ಪೊಲೀಸರು 8 ತಾಸಿನ ಒಳಗೆ ಕಳ್ಳರಿಬ್ಬರನ್ನು ಬಂಧಿಸಿದರು. ಭಟ್ಕಳ ಪುರವರ್ಗ ಗಣೇಶನಗರದ ಮಹಮದ್ ರಾಹೀಲ್ ಮಹಮದ್ ರೀಬಾ ಸಾಬ್ ನೌಶಾದ್ ಮುಕ್ತಾರ್ ಅಹಮದ್ ಹಂಚಿ ಕಳ್ಳತನ ಮಾಡಿದನ್ನು ಒಪ್ಪಿಕೊಂಡಿದ್ದು, 17 ಗ್ರಾಂ ಚಿನ್ನಾಭರಣವನ್ನು ಪೊಲೀಸರಿಗೆ ಒಪ್ಪಿಸಿದರು. ಅದರ ಜೊತೆ 22860ರೂ ಹಣವನ್ನು ಮರಳಿಸಿದರು. ಅವರಿಬ್ಬರನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಎಂ ಕೃಷ್ಣಮೂರ್ತಿ, ಡಿವೈಎಸ್ಪಿ ಗಿರೀಶ ಬಿ ಅವರ ಜೊತೆ ಪಿಐ ದಿವಾಕರ್ ಪಿ ಎಂ, ಪಿಸೈ ನವೀನ್ ನಾಯ್ಕ, ಸಿಬ್ಬಂದಿ ದಿನೇಶ ನಾಯಕ, ಸತೀಶ ಭಟ್ಟ, ರವಿ ಪಟಗಾರ, ಜಗದೀಶ ನಾಯ್ಕ, ಕಿರಣ ಪಾಟೀಲ, ಕಾಶಿನಾಥ ಕೋಟಗುಣಿ, ಮಲ್ಲಿಕಾರ್ಜುನ ಉಟಗಿ, ವಿದ್ಯಾ ಆಚಾರಿ ಅವರು ಈ ಕಾರ್ಯಾಚರಣೆಯಲ್ಲಿದ್ದರು.
- [ಕೋಟಿ ಕಾಸಿನ ಆಸೆಗೆ ಲಕ್ಷ ರೂ ನಷ್ಟ!](https://mobiletime.in/2026/05/loss-of-lakhs-of-rupees-for-the-desire-of-crores/): ಯಲ್ಲಾಪುರದ ಜಂಬೆಸಾಲಿನ ಪ್ರಮೋದ ಹೆಗಡೆ ಅವರು ಯುಕೆ ಸೌಹಾರ್ದ ಸಹಕಾರಿ ಬ್ಯಾಂಕ್ ಮೂಲಕ ಧಾರವಾಡದ ಮಹಿಳೆಯೊಬ್ಬರ ಖಾತೆಗೆ 12 ಲಕ್ಷ ರೂ ವರ್ಗಾಯಿಸಿದ್ದಾರೆ. ವಾರದ ಒಳಗೆ ಕೋಟಿ ರೂ ಕೊಡುವುದಾಗಿ ನಂಬಿಸಿದ್ದ ಆ ಮಹಿಳೆ ಮತ್ತೆ ಮೂವರ ಜೊತೆ ಸೇರಿ ಮೋಸ ಮಾಡಿದ್ದಾರೆ! ಯಲ್ಲಾಪುರದ ಜಂಬೆಸಾಲಿನಲ್ಲಿ ಪ್ರಮೋದ ಶಿವರಾಮ ಹೆಗಡೆ ಅವರು ವಾಸವಾಗಿದ್ದಾರೆ. ಕೃಷಿ ಜೊತೆ ವಿವಿಧ ವ್ಯವಹಾರಗಳನ್ನು ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಧಾರವಾಡ ನಾರಾಯಣಪುರ ಬಳಿಯ ಹೇಮಾವತಿ ಜಯಪ್ರಕಾಶ ಅವರು ಪ್ರಮೋದ ಶಿವರಾಮ ಹೆಗಡೆ ಅವರಿಗೆ ಮೊದಲಿನಿಂದಲೂ ಪರಿಚಿತರಾಗಿದ್ದಾರೆ. ಹೇಮಾವತಿ ಜಯಪ್ರಕಾಶ ಅವರು ಸರ್ಕಾರಿ ಉದ್ಯೋಗಿಯಾಗಿದ್ದು, ಈಚೆಗೆ ನಿವೃತ್ತಿ ಜೀವನ ನಡೆಸುತ್ತಿದ್ದಾರೆ. ಜಂಬೆಸಾಲಿನ ಪ್ರಮೋದ ಹೆಗಡೆ ಹಾಗೂ ಹೇಮಾವತಿ ಜಯಪ್ರಕಾಶ ಅವರ ನಡುವೆ ಉತ್ತಮ ಬಾಂಧವ್ಯವಿದ್ದು, ಅದೇ ವಿಶ್ವಾಸದ ಆಧಾರದಲ್ಲಿ ಹೇಮಾವತಿ ಜಯಪ್ರಕಾಶ ಅವರು ದುಡ್ಡು ಡಬಲ್ ಮಾಡುವ ಯೋಜನೆಯೊಂದರ ಬಗ್ಗೆ ಪ್ರಸ್ತಾಪಿಸಿದ್ದಾರೆ. 2025ರ ಅಕ್ಟೊಬರ್ 10ರಂದು ಜಂಬೆಸಾಲಿನ ಪ್ರಮೋದ ಹೆಗಡೆ ಅವರಿಗೆ ಫೋನ್ ಮಾಡಿದ ಹೇಮಾವತಿ ಅವರು `ತಾನೊಂದು ದೊಡ್ಡ ಲಾಭದಾಯಕ ಕೆಲಸ ಮಾಡುತ್ತಿದ್ದೇನೆ. ಅದಕ್ಕೆ 15 ಲಕ್ಷ ರೂ ಕೊಟ್ಟರೆ ಒಂದು ವಾರದ ಒಳಗೆ 1 ಕೋಟಿ ರೂ ಮರಳಿ ಕೊಡುವೆ’ ಎಂದು ಹೇಳಿದ್ದಾರೆ. `ತಾನೂ ಸೂಚಿಸಿದ ಕಂಪನಿಯಲ್ಲಿ ಹಣ ಹೂಡಿಕೆ ಮಾಡಬೇಕು. ಆ ಕಂಪನಿಯವರೇ ಲಾಭದ ಹಣ ನೀಡುತ್ತಾರೆ’ ಎಂದು ನಂಬಿಸಿದ್ದಾರೆ. ಆಗ, ಜಂಬೆಸಾಲಿನ ಪ್ರಮೋದ ಹೆಗಡೆ ಅವರು ಈ ಬಗ್ಗೆ ಅನುಮಾನವ್ಯಕ್ತಪಡಿಸಿದ್ದಾರೆ. `ಈ ಯೋಜನೆಗೆ ನಾನೇ ಗ್ಯಾರಂಟಿ. ಹಣ ಬಂದಿಲ್ಲ ಎಂದಾದರೆ ನನ್ನ ಆಸ್ತಿ ಮಾರಾಟ ಮಾಡಿಯಾದರೂ ಕೋಟಿ ರೂ ಕೊಡುವೆ’ ಎಂದು ಹೇಮಲತಾ ಅವರು ಧೈರ್ಯ ಹೇಳಿದ್ದಾರೆ. ಅದಾದ ನಂತರ 15 ಲಕ್ಷ ರೂ ಬದಲಾಗಿ 12 ಲಕ್ಷ ರೂ ತುರ್ತಾಗಿ ತಾನು ಹೇಳಿದ ಖಾತೆಗೆ ಜಮಾ ಮಾಡುವಂತೆ ಹೇಮಲತಾ ಅವರು ಜಂಬೆಸಾಲಿನ ಪ್ರಮೋದ ಹೆಗಡೆ ಅವರಿಗೆ ಸೂಚಿಸಿದ್ದಾರೆ. ಜಂಬೆಸಾಲಿನ ಪ್ರಮೋದ ಹೆಗಡೆ ಅವರ ಖಾತೆಯಲ್ಲಿ ಹಣವಿಲ್ಲದ ಕಾರಣ ಅವರು ಯುಕೆ ಸೌಹಾರ್ದ ಸಹಕಾರಿ ಬ್ಯಾಂಕ್ ಮೂಲಕ ಮೊರೆ ಹೋಗಿದ್ದಾರೆ. ಜಂಬೆಸಾಲ ಪ್ರಮೋದ ಹೆಗಡೆ ಅವರ ಸೂಚನೆ ಪ್ರಕಾರ ಯುಕೆ ಸೌಹಾರ್ದ ಸಹಕಾರಿ ಬ್ಯಾಂಕ್ ನ ಹಣ ಹೈದರಾಬಾದಿನ ಅನುಶ್ರೀ ಎಂಟರಪ್ರೆಸಸ್ ಎಂಬ ಕಂಪನಿಗೆ ಜಮಾ ಆಗಿದೆ. ಅದಾದ ವಾರದ ನಂತರ ಜಂಬೆಸಾಲಿನ ಪ್ರಮೋದ ಹೆಗಡೆ ಅವರು ಹೇಮಲತಾ ಅವರಿಗೆ ಫೋನ್ ಮಾಡಿದ್ದಾರೆ. `ವಾರ ಕಳೆದರೂ ಕೋಟಿ ರೂ ಬಂದಿಲ್ಲ’ ಎಂದು ಅವರು ಹೇಳಿದ್ದಾರೆ. `ಹಣಕಾಸು ಬಟವಡೆ ಕೊಂಚ ತಡವಾಗಿದೆ. ತಿಂಗಳ ಒಳಗೆ ಹಣ ಬರಲಿದೆ’ ಎಂದು ಹೇಮಲತಾ ಅವರು ಭರವಸೆ ನೀಡಿದ್ದಾರೆ. ಒಂದು ತಿಂಗಳ ನಂತರ ಮತ್ತೆ ಫೋನ್ ಮಾಡಿದಾಗ `ಕಂಪನಿಯವರು ಇಲ್ಲಿಯೇ ಇದ್ದಾರೆ’ ಎಂದು ನಂಬಿಸಿದ್ದಾರೆ. ಕಂಪನಿಯ ಸೀಮ್‌ಸನ್, ಶಿರಸಿಯ ಹರ್ಷ ಹಾಗೂ ಬೆಂಗಳೂರಿನ ರಕ್ಷಿತಾ ಎಂಬಾತರನ್ನು ಹೇಮಲತಾ ಅವರು ಪರಿಚಯ ಮಾಡಿಸಿದ್ದಾರೆ. ಆ ಮೂವರ ಜೊತೆ ಮಾತನಾಡಿದಾಗ `ಹಣ ಮರು ಪಾವತಿಗೆ ಮತ್ತೆ 15 ದಿನ ಸಮಯಾವಕಾಶ ಬೇಕು’ ಎಂದಿದ್ದಾರೆ. ಅದಾದ ನಂತರ ಜಂಬೆಸಾಲಿನ ಪ್ರಮೋದ ಹೆಗಡೆ ಅವರು ಮತ್ತೆ ವಿಚಾರಿಸಿದಾಗ `ನನಗೂ ಕಂಪನಿಯಿoದ ಮೋಸವಾಗಿದೆ. ಇದಕ್ಕೂ ನನಗೂ ಸಂಬoಧವೇ ಇಲ್ಲ’ ಎಂದು ಹೇಮಲತಾ ಜಯಪ್ರಕಾಶ ಅವರು ಹೇಳಿದ್ದಾರೆ. `ನಿಮ್ಮ ಲಾಭಕ್ಕಾಗಿ ನೀವು ಅಲ್ಲಿ ಹಣ ಕೊಟ್ಟಿದ್ದು. ಈ ಹಣದ ಬಗ್ಗೆ ನನ್ನಲ್ಲಿ ಕೇಳಬೇಡಿ’ ಎಂದು ಹೇಳಿ ಫೋನ್ ಕಟ್ ಮಾಡಿದ್ದಾರೆ. ವರ್ಷ ಸಮೀಪಿಸಿದರೂ ಹಣ ಬಾರದ ಹಿನ್ನಲೆ ಜಂಬೆಸಾಲಿನ ಪ್ರಮೋದ ಹೆಗಡೆ ಅವರು ಈ ಎಲ್ಲಾ ವಿಷಯಗಳ ಬಗ್ಗೆ ಪೊಲೀಸರ ಮುಂದೆ ವಿವರಿಸಿದ್ದಾರೆ. ನಿವೃತ್ತ ಉದ್ಯೋಗಿ ಹೇಮಲತಾ ಜಯಪ್ರಕಾಶ ಅವರ ಜೊತೆ ಅನುಶ್ರೀ ಎಂಟರಪ್ರೆಸೆಸ್ ಉದ್ಯೋಗಿಗಳಾದ ಹರ್ಷ ಶಿರಸಿ, ರಕ್ಷಿತಾ ಬೆಂಗಳೂರು ಹಾಗೂ ಸೀಮ್‌ಸೆನ್ ಹೈದರಾಬಾದ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಹಣಕಾಸು ವ್ಯವಹಾರ ಮಾಡುವಾಗ ಹುಷಾರು’
- [ಗುರುಕುಲ ಪದ್ಧತಿಯಲ್ಲಿ ಪಿಯು ಶಿಕ್ಷಣ!](https://mobiletime.in/2026/05/pu-education-in-the-gurukul-system/): ಕುಮಟಾದ ಗೋರೆಯಲ್ಲಿರುವ ಮೇಲಿರುವ ಕೆನರಾ ಕೆನರಾ ಎಕ್ಸ್ ಲೆನ್ಸ್ ಪಿಯು ಕಾಲೇಜು ಆಧುನಿಕ ಶಿಕ್ಷಣದ ಪಠ್ಯ ಕ್ರಮದ ಜೊತೆಗೆ ಭಾರತೀಯ ಪಾರಂಪರಿಕ ಶಿಕ್ಷಣವನ್ನು ನೀಡುತ್ತಿದೆ. ಯೋಗ, ಧ್ಯಾನ , ಸಂಗೀತ, ಕ್ರೀಡೆ ಸೇರಿ ಬಗೆ ಬಗೆಯ ಚಟುವಟಿಕೆಗಳ ಮೂಲಕ ವಿದ್ಯಾರ್ಥಿಗಳ ವ್ಯಕ್ತಿತ್ವ ಬೆಳವಣಿಗೆಗಾಗಿ ಈ ಕಾಲೇಜು ಶ್ರಮಿಸುತ್ತಿದೆ. ನಿಸರ್ಗ ರಮಣೀಯ ಪರಿಸರದಲ್ಲಿ ಈ ಕಾಲೇಜು ಕಟ್ಟಲಾಗಿದೆ. ಗುರುಕುಲ ಮಾದರಿಯ ಶಿಕ್ಷಣ ಇಲ್ಲಿದೆ. ಸಮಾಜಮುಖಿ ಚಿಂತಕ, ಖ್ಯಾತ ವೈದ್ಯ ಜಿ ಜಿ ಹೆಗಡೆ ಅವರು ಈ ಕಾಲೇಜಿನ ರೂವಾರಿ. ಪ್ರತಿಭಾವಂತ ವಿದ್ಯಾರ್ಥಿಗಳ ಕನಸನ್ನು ನನಸು ಮಾಡುವುದಕ್ಕಾಗಿ ಅವರು ಜಿ ಎನ್ ಹೆಗಡೆ ಟ್ರಸ್ಟ್ ಅಡಿಯಲ್ಲಿ ಕಾಲೇಜು ಸ್ಥಾಪಿಸಿದ್ದಾರೆ. ಈ ವಿದ್ಯಾ ಸಂಸ್ಥೆಯಲ್ಲಿ ಪಿಯುಸಿ ವಿಜ್ಞಾನ ಮತ್ತು ವಾಣಿಜ್ಯ ವಿಭಾಗಗಳ ಜೊತೆಗೆ ಆಯಾ ಕ್ಷೇತ್ರದಲ್ಲಿ ನುರಿತ ವಿಷಯ ತಜ್ಞರಿಂದ ಜೆಇಇ, ನೀಟ್, ಕೆಸಿಇಟಿ ಸಿಎಸ್‌ಇ ಪೌಂಡೇಷನ್ ತರಬೇತಿಯನ್ನು ನೀಡಲಾಗುತ್ತಿದೆ. ಸುಸಜ್ಜಿತವಾದ ಕಾಲೇಜ್ ಕಟ್ಟಡ, ಅತ್ಯಾಧುನಿಕ ವಿಜ್ಞಾನ ಪ್ರಯೋಗಾಲಯ, ಹೈಟೆಕ್ ಗ್ರಂಥಾಲಯ, ಡಿಜಿಟಲ್ ಲರ್ನಿಂಗ್ ಜೂನ್, ಆಡಿಯೋ ವಿಶ್ಯೂಲ್ ಕ್ಲಾಸ್ ರೂಮ್, ಅನುಭವಿ ಉಪನ್ಯಾಸಕ ವೃಂದ, ವಿಶಾಲ ಕ್ರೀಡಾಂಗಣ, ಸುಸಜ್ಜಿತ ಸಭಾಂಗಣ, ಶುದ್ಧ ಸಸ್ಯಹಾರ ಕ್ಯಾಂಟಿನ್, ಬಾಲಕಿ ಮತ್ತು ಬಾಲಕರಿಗಾಗಿ ಪ್ರತ್ಯೇಕ ವಸತಿ ನಿಲಯ, ಪ್ರತ್ಯೇಕ ಮೇಲ್ವಿಚಾರಕರು, ಮಧ್ಯಾಹ್ನ ಊಟದ ವ್ಯವಸ್ಥೆ ಹಾಗೂ ಸ್ಥಳೀಯ ವಿದ್ಯಾರ್ಥಿಗಳಿಗಾಗಿ ಸಾರಿಗೆ ವ್ಯವಸ್ಥೆ ಈ ಕಾಲೇಜಿನ ವಿಶೇಷಗಳು. ಈ ಎಲ್ಲಾ ಸೌಲಭ್ಯವನ್ನು ಒಂದೇ ಸೂರಿನ ಅಡಿ ಕಲ್ಪಿಸಲಾಗಿದ್ದು, ಕಾಲೇಜು ಪ್ರಾರಂಭವಾದ ನಾಲ್ಕೇ ವರ್ಷದಲ್ಲಿ ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ರಾಜ್ಯ ಮಟ್ಟದ ರ‍್ಯಾಂಕ್ ಜೊತೆಗೆ ಶೇ 100 ರಷ್ಟು ಫಲಿತಾಂಶ ದಾಖಲಿಸಿದೆ. ಈ ವರ್ಷದ ಜೆಇ ಇ ಮೇನ್ಸ್ -2026ರ ಫಲಿತಾಂಶ ಪ್ರಕಟವಾದಾಗ ಈ ಕಾಲೇಜಿನ ದಿಶಾ ಅಶೋಕ್ ಹೆಗಡೆ ಅವರು ಬಿ ಆರ್ಕಿಟೆಕ್ಚರ್ ವಿಭಾಗದಲ್ಲಿ 99.20  99.20 percentile ಅಂಕಗಳಿಸಿ ರಾಷ್ಟ್ರ ಮಟ್ಟದ  GEN-EWSನಲ್ಲಿ 35 ನೇ ಸ್ಥಾನ ಹಾಗೂ CRL 589 ನೇ ಸ್ಥಾನ ಪಡೆದಿದ್ದಾರೆ.  ಗುಣೇಶ್ ಶೆಟ್ಟಿ NDA ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿರುವುದು ಹೆಮ್ಮೆಯ ಸಂಗತಿ. ಹಲವು ವಿಶೇಷಗಳನ್ನು ಹೊಂದಿದ ಕೆನರಾ ಎಕ್ಸ್ಲೆನ್ಸ್ ಪಿಯು ಕಾಲೇಜಿನಲ್ಲಿ ಈಗಾಗಲೇ 2026-27ನೇ ಸಾಲಿನ ಪ್ರವೇಶ ಆರಂಭವಾಗಿದ್ದು, ಕೆಲವೇ ಸೀಟುಗಳು ಲಭ್ಯವಿದೆ. ಕಾಲೇಜು ಪ್ರವೇಶಕ್ಕಾಗಿ ಇಲ್ಲಿ ಭೇಟಿ ನೀಡಿ: ಕೆನರಾ ಎಕ್ಸ್ ಲೆನ್ಸ್ ಪಿಯು ಕಾಲೇಜ್ ಗೋರೆ, ಕುಮಟಾ, ಉತ್ತರ ಕನ್ನಡ ಇನ್ನೂ ಹೆಚ್ಚಿನ ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 9663119845, 9449477473, 9986580703 ಅಥವಾ 9448206380 #sponsored
- [ನ್ಯಾಯವಾದಿ ವಿರುದ್ಧವೇ ಕೇಸು!](https://mobiletime.in/2026/05/the-case-is-against-the-lawyer/): ಕಾರವಾರದ ಖ್ಯಾತ ನ್ಯಾಯವಾದಿ ನಾಗರಾಜ ನಾಯಕ ಅವರು ಅಂಕೋಲಾ ವಂದಿಗೆ ಊರಿನ ಜನರ ಒಗ್ಗಟ್ಟು ಮುರಿಯುವ ಪ್ರಯತ್ನ ನಡೆಸಿದ ಬಗ್ಗೆ ವಂದಿಗೆಯ ನಾರಾಯಣ ನಾಯಕ ಅವರು ದೂರಿದ್ದಾರೆ. ಈ ವಿಷಯವಾಗಿ ಅವರು ನ್ಯಾಯಾಲಯದ ಮೊರೆ ಹೋಗಿ, ಪೊಲೀಸ್ ಪ್ರಕರಣವನ್ನು ದಾಖಲಿಸಿದ್ದಾರೆ! ಮೇ 6ರಂದು ಅಂಕೋಲಾದ ವಂದಿಗೆಯಲ್ಲಿ ಅಲ್ಲಿನ ವಿಠೋಬಾ ನಾಯಕ ಅವರು ಯಕ್ಷಗಾನ ಕಾರ್ಯಕ್ರಮ ಆಯೋಜಿಸಿದ್ದರು. ಆ ದಿನ ರಾತ್ರಿ ಯಕ್ಷಗಾನ ಸಭೆಯಲ್ಲಿ ನ್ಯಾಯವಾದಿ ನಾಗರಾಜ ನಾಯಕ ಅವರು ಭಾಷಣ ಮಾಡುತ್ತಿದ್ದರು. ಕೆಲವರು ಅವರ ಭಾಷಣ ವಿರೋಧಿಸಿದ್ದು, ಅದೇ ವಿಷಯ ದೊಡ್ಡದಾಗಿತ್ತು. ಅಲ್ಲಿ ನಡೆದ ವಾಗ್ವಾದದ ವಿರುದ್ಧ ನಾಗರಾಜ ನಾಯಕ ಅವರು ಒಂದು ವಾರಗಳ ಕಾಲ ಧರಣಿ ನಡೆಸಿದ್ದರು. ಐದು ದಿನ ಉಪವಾಸ ಸತ್ಯಾಗ್ರಹವನ್ನು ಮಾಡಿದ್ದರು. ಆ ದಿನ ನಡೆದ ಗಲಾಟೆಗೆ ಗೃಹ ಸಚಿವ ಜಿ ಪರಮೇಶ್ವರ ಅವರ ಆಪ್ತ ಗೋಪಾಲಕೃಷ್ಣ ನಾಯಕ ಅವರೇ ಕಾರಣ ಎಂದು ದೂರಿದ್ದರು. ತಮ್ಮ ಮನವಿ ಆಲಿಸಲು ಗೃಹ ಸಚಿವರೇ ಆಗಮಿಸಬೇಕು ಎಂದು ನಾಗರಾಜ ನಾಯಕ ಅವರು ಪಟ್ಟುಹಿಡಿದಿದ್ದರು. ವಾರದ ನಂತರ ಅನೇಕರ ಒತ್ತಾಯದ ಮೇರೆಗೆ ನಾಗರಾಜ ನಾಯಕ ಅವರು ತಮ್ಮ ಧರಣಿ ಮುಗಿಸಿದ್ದು, ಅದರ ಬೆನ್ನಲ್ಲೇ ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ನಾಗರಾಜ ನಾಯಕ ಅವರ ವಿರುದ್ಧ ಅಶಾಂತಿ ಮೂಡಿಸುವ ಪ್ರಯತ್ನ ಮಾಡಿದ ಬಗ್ಗೆ ಪ್ರಕರಣ ದಾಖಲಾಗಿದೆ. ನಾಗರಾಜ ನಾಯಕ ಅವರ ಜೊತೆ ಅವರ ಸಹಚರರಾದ ರೋಹನ ರಾಮದಾಸ ನಾಯಕ, ಪ್ರಶಾಂತ ರಾಮಚಂದ್ರ ನಾಯಕ ಹಾಗೂ ರಾಮಮೂರ್ತಿ ತಿಮ್ಮಣ್ಣ ನಾಯಕ ಅವರ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಮೇ 6ರ ರಾತ್ರಿ ಅಂಕೋಲಾದ ವಂದಿಗೆಯಲ್ಲಿ ಯಕ್ಷಗಾನ ಕಾರ್ಯಕ್ರಮ ನಡೆಸಲು ನಿರ್ಧರಿಸಲಾಗಿದ್ದು, ಒಳ್ಳೆಯ ಕಾರ್ಯಕ್ಕೆ ಕೆಟ್ಟ ಹಿತಾಸಕ್ತಿಗಳ ಪ್ರವೇಶವಾಗದಿರಲು ನಿರ್ಧರಿಸಲಾಗಿತ್ತು. ಅದಾಗಿಯೂ, ಆ ನಿಶ್ಚಯದ ವಿರುದ್ಧವಾಗಿ ರೋಹನ ರಾಮದಾಸ ನಾಯಕ, ಪ್ರಶಾಂತ ರಾಮಚಂದ್ರ ನಾಯಕ ಹಾಗೂ ರಾಮಮೂರ್ತಿ ತಿಮ್ಮಣ್ಣ ನಾಯಕ ಸೇರಿ ಬಾಸಗೋಡಿನ ನಾಗರಾಜ ನಾಯಕ ಅವರನ್ನು ಕಾರ್ಯಕ್ರಮಕ್ಕೆ ಕರೆತಂದಿದ್ದಾರೆ. ಈ ಬಗ್ಗೆ ಯಕ್ಷಗಾನ ಆಯೋಜಕರಾದ ವಿಠೋಬಾ ನಾಯಕ ಅವರನ್ನು ಪ್ರಶ್ನಿಸಿದಾಗ ನಾಗರಾಜ ನಾಯಕ ಅವರು ತಮ್ಮನ್ನು ಕೆಟ್ಟದಾಗಿ ನಿಂದಿಸಿದ್ದಾರೆ’ ಎಂದು ವಂದಿಗೆಯ ನಾರಾಯಣ ಹರೀಶ ನಾಯಕ ಅವರು ದೂರಿದ್ದಾರೆ. `ಊರಿನ ವಾತಾವರಣ ಹಾಳು ಮಾಡುವುದಕ್ಕಾಗಿ ಬಾಸಗೋಡಿನ ನಾಗರಾಜ ನಾಯಕ ಅವರನ್ನು ಕರೆಯಿಸಲಾಗಿದ್ದು, `ಗೋಪಾಲಕೃಷ್ಣ ನಾಯಕಗೆ ಆದ ಗತಿಯೇ ನಿಮಗೂ ಆಗುತ್ತದೆ’ ಎಂದು ನಾಗರಾಜ ನಾಯಕ ಅವರು ಬೆದರಿಸಿದ್ದಾರೆ’ ಎಂದು ಸಹ ನಾರಾಯಣ ಹರೀಶ ನಾಯಕ ಅವರು ವಿವರಿಸಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸತ್ಯಾಸತ್ಯತೆಯ ಬಗ್ಗೆ ಶೋಧ ಶುರು ಮಾಡಿದ್ದಾರೆ.
- [ಆ ಅಪ್ರಾಪ್ತ ಅಮಾಯಕನಲ್ಲ!](https://mobiletime.in/2026/05/that-minor-is-not-innocent/): ಭಟ್ಕಳದ ಕಾಲೇಜು ವಿದ್ಯಾರ್ಥಿಯೊಬ್ಬ ಅನೇಕರ ಆಧಾರ್ ಕಾರ್ಡ ಸಂಗ್ರಹಿಸಿ ಅದನ್ನು ದುರುಪಯೋಗಪಡಿಸಿಕೊಂಡಿರುವುದು ಗೊತ್ತಾಗಿದೆ. ಸ್ನೇಹಿತನ ಮೊಬೈಲ್ ಸಂಖ್ಯೆ ಬಳಸಿ ಅದರಿಂದ ಟೆಲಿಗ್ರಾಂ ಖಾತೆ ತೆರೆದ ಅಪ್ರಾಪ್ತ ಅಲ್ಲಿ ಆಧಾರ್ ಕಾರ್ಡ ಹಾಗೂ ಇನ್ನಿತರ ಮಾಹಿತಿ ಹಂಚಿಕೊoಡಿದ್ದು, ಜನರ `ವಿಶ್ವಾಸ’ಕ್ಕೆ ದಕ್ಕೆ ತಂದ ಆತನ ವಿರುದ್ಧ ಪೊಲೀಸರು ಕಾರ್ಯಾಚರಣೆ ಶುರು ಮಾಡಿದ್ದಾರೆ. ಹಾವೇರಿಯ ವಿಶ್ವಾಸಘಾತಕ ಪಾಟೀಲ್ (ಅಪ್ರಾಪ್ತನ ಹೆಸರು ಬದಲಿಸಿದೆ) ಗೌಡಪಾಟೀಲ್ ಅವರು ಭಟ್ಕಳ ಶಿರಾಲಿ ಗುಮ್ಮನಹತ್ಲುವಿನ ಬಳಿ ವಾಸವಾಗಿದ್ದಾರೆ. 17 ವರ್ಷದ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಹೆಬಳೆ ವರಕೊಡ್ಲುವಿನ ಹೊನಗದ್ದೆಯ ರಿತೀಶ್ ದೇವಿದಾಸ ನಾಯ್ಕ ಅವರ ಸ್ನೇಹ ಸಂಪಾದಿಸಿದ್ದಾರೆ. ಸ್ನೇಹಿತನ ಮೊಬೈಲ್‌ಪಡೆದು ಅವರ ಮೊಬೈಲ್ ಸಂಖ್ಯೆ ಆಧಾರದಲ್ಲಿ ಟೆಲಿಗ್ರಾಂ ಐಡಿಯೊಂದನ್ನು ರಚಿಸಿದ್ದಾರೆ. ಆ ಐಡಿ ಮೂಲಕ ವಿವಿಧ ವಿದ್ವಂಸಕ ಕೃತ್ಯಗಳನ್ನು ಮಾಡಿದ್ದಾರೆ. ಜನರ ಖಾಸಗಿ ಮಾಹಿತಿ ಹಾಗೂ ಆಧಾರ್ ಕಾರ್ಡ ಜಾಲತಾಣದಲ್ಲಿ ಹರಿದಾಡುತ್ತಿರುವುದನ್ನು ಪೊಲೀಸರು ನೋಡಿದ್ದಾರೆ. ಭಟ್ಕಳ ಗ್ರಾಮೀಣ ಠಾಣೆಯ ಪಿಸೈ ವೆಂಕಟೇಶ ಮುರನಾಳ ಅವರು ಈ ಬಗ್ಗೆ ತನಿಖೆ ನಡೆಸಿದಾಗ ವಿಶ್ವಾಸಘಾತಕ ಎದುರಾಗಿದ್ದು, ಆತ ಮಾಡಿದ ಕೃತ್ಯಗಳೆಲ್ಲವೂ ಬಯಲಾಗಿದೆ. ಸ್ನೇಹಿತನ ಮೊಬೈಲ್ ಸಂಖ್ಯೆ ದುರುಪಯೋಗಪಡಿಸಿಕೊಂಡ ಆ ಅಪ್ರಾಪ್ತ ಅದಾದ ನಂತರ ಜನರ ವಿವಿಧ ಮಾಹಿತಿಗಳನ್ನು ಸಂಗ್ರಹಿಸಿ ದುರುಪಯೋಗಪಡಿಸುವ ಪ್ರಯತ್ನ ನಡೆಸಿದ ಕಾರಣ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಆ ಅಪ್ರಾಪ್ತ ಜನರ ಆಧಾರ್ ಕಾರ್ಡ ಹಾಗೂ ಇನ್ನಿತರ ಮಾಹಿತಿಯನ್ನು ನಕಲಿ ಐಡಿ ಮೂಲಕ ಹಂಚಿದ್ದು ಏಕೆ? ಎಂಬ ಪ್ರಶ್ನೆಗೆ ಉತ್ತರ ಸಿಕ್ಕಿಲ್ಲ.
- [ನೂರ್ ಅಹ್ಮದ್ ಕದ್ದಿದ್ದು ಇಪ್ಪತ್ತೇ ಮಾವು!](https://mobiletime.in/2026/05/noor-ahmed-stole-the-twentieth-mango/): ಶಿರಸಿ ಹುಸುರಿ ಬಳಿಯ ಭದ್ರಾಪುರದ ನೂರ್ ಅಹ್ಮದ್ ಅವರು ಅರೆಕೊಪ್ಪ ಬಳಿಯಿರುವ ನವೀದ್ ಅಹ್ಮದ್ ಅವರ ತೋಟಕ್ಕೆ ನುಗ್ಗಿ 20 ಮಾವಿನ ಕಾಯಿ ಕದ್ದಿದ್ದಾರೆ. ಆದರೆ, ನವೀದ್ ಅಹ್ಮದ್ ಅವರು ತಮ್ಮ ತೋಟದಲ್ಲಿದ್ದ 50 ಮಾವಿನ ಕಾಯಿ ಕಳ್ಳತನವಾಗಿದೆ ಎಂದು ಪೊಲೀಸ್ ದೂರು ನೀಡಿದ್ದಾರೆ. ಇದೇ ವಿಷಯವಾಗಿ ನೂರ್ ಅಹ್ಮದ್ ಹಾಗೂ ನವೀದ್ ಅಹ್ಮದ್ ಅವರ ನಡುವೆ ಹೊಡೆದಾಟವೂ ನಡೆದಿದೆ. ಶಿರಸಿ ಬಚಗಾಂವ್ ಬಳಿಯ ಅರೆಕೊಪ್ಪ ಹಿತ್ಲಗದ್ದೆಯಲ್ಲಿ ನವೀದ್ ಅಹ್ಮದ್ ಅಬ್ದುಲ್ ಜಾಬರ್ ಶೇಖ್ ಅವರು ವಾಸವಾಗಿದ್ದಾರೆ. ಬಚಗಾಂವದಲ್ಲಿ ಅವರು ಅಡಿಕೆ ತೋಟಹೊಂದಿದ್ದು, ಆ ತೋಟದ ಅಂಚಿನಲ್ಲಿ ಮಲ್ಲಿಕಾ ಮಾವಿನ ಗಿಡಗಳನ್ನು ನೆಟ್ಟಿದ್ದಾರೆ. ಈ ವರ್ಷ ಆ ಗಿಡಗಳಿಗೆ ಅಲ್ಲಲ್ಲಿ ಮಾವಿನ ಕಾಯಿ ಬಿಟ್ಟಿದ್ದು, ನವೀದ್ ಅಹ್ಮದ್ ಅವರು ಆ ಕಾಯಿಯನ್ನು ಜೋಪಾನವಾಗಿ ಕಾಯ್ದಿರಿಸಿಕೊಂಡಿದ್ದರು. ಆದರೆ, ನವೀದ್ ಅವರು ಅಲ್ಲಿರದ ವೇಳೆ ಹುಸುರಿ ಭದ್ರಾಪುರದ ನೂರ್ ಅಹ್ಮದ್ ಮಹಮದ್ ಗೌಸ್ ಅವರು ಅಲ್ಲಿಗೆ ಆಗಮಿಸಿದ್ದರು. ಮಲ್ಲಿಕಾ ಮಾವಿನ ಕಾಯಿಗಳ ಮೇಲೆ ಆಸೆಪಟ್ಟ ಅವರು 20 ಕಾಯಿಗಳನ್ನು ಕೊಯ್ದು ಅದನ್ನು ಹೊತ್ತೊಯ್ದರು. ಶಿರಸಿ ಅರೆಕೊಪ್ಪದ ಜುಬ್ಬಾರ್ ಶೇಖ್, ಜಯೀದ್ ಜುಬ್ಬಾರ್ ಶೇಖ್ ಹಾಗೂ ಮತ್ತೊಬ್ಬರು ಈ ಮಾವಿನ ಕಾಯಿ ಕಳ್ಳತನವನ್ನು ದೂರದಿಂದ ನೋಡುತ್ತಿದ್ದರು. ತೋಟದಲ್ಲಿದ್ದ ಮಾವಿನ ಕಾಯಿಗಳನ್ನು ನೂರ್ ಅಹ್ಮದ್ ಕದ್ದಿರುವ ಬಗ್ಗೆ ಅವರೆಲ್ಲರೂ ಸೇರಿ ನವೀದ್ ಅಹ್ಮದ್ ಅವರ ಬಳಿ ಹೇಳಿದರು. ಇದರಿಂದ ಸಿಟ್ಟಾದ ನವೀದ್ ಅಹ್ಮದ್ ತಮ್ಮ ಸಹಚರರ ಜೊತೆ ನೂರ್ ಅಹ್ಮದ್ ಅವರನ್ನು ಅಡ್ಡಗಟ್ಟಿದರು. `ಅದೇನು ನಿಮ್ಮಪ್ಪನ ತೋಟವಾ?’ ಎಂದು ಪ್ರಶ್ನಿಸಿ ಅವರೆಲ್ಲರೂ ಸೇರಿ ನೂರ್ ಅಹ್ಮದ್ ಅವರಿಗೆ ಹಿಗ್ಗಾಮುಗ್ಗ ಥಳಿಸಿದರು. ಬಡಿಗೆಯಿಂದ ಬಡಿದರು. `50 ಮಾವಿನ ಕಾಯಿ ಕಳ್ಳತನದಿಂದ 2500ರೂ ನಷ್ಟವಾಗಿದೆ’ ಎಂದು ನವೀದ್ ಅಹ್ಮದ್ ಅವರು ಪೊಲೀಸ್ ದೂರು ನೀಡಿದರು. `20 ಮಾವಿನ ಕಾಯಿ ಕದ್ದಿದಕ್ಕಾಗಿ ದೊಣ್ಣೆಯಿಂದ ಬಡಿದರು’ ಎನ್ನುವ ಬಗ್ಗೆ ನೂರ್ ಅಹ್ಮದ್ ಅವರು ಪೊಲೀಸ್ ದೂರು ದಾಖಲಿಸಿದರು. ಎರಡು ಕಡೆಯವರ ದೂರು ಆಲಿಸಿ, ಪ್ರಕರಣ ದಾಖಲಿಸಿದ ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಈ ಬಗ್ಗೆ ಉನ್ನತ ಮಟ್ಟದ ತನಿಖೆ ಶುರು ಮಾಡಿದ್ದಾರೆ. ನಿಜವಾಗಿಯೂ ಕಳ್ಳತನವಾದ ಮಾವಿನ ಕಾಯಿಗಳ ಸಂಖ್ಯೆ ಎಷ್ಟು? ಎಂದು ಈವರೆಗೂ ಗೊತ್ತಾಗಿಲ್ಲ.
- [ಜೀವ ಉಳಿಸಿದ ಸೀಟ್ ಬೆಲ್ಟು!](https://mobiletime.in/2026/05/the-seat-belt-saved-lives/): ಭಟ್ಕಳದ ವೆಂಕ್ಟಾಪುರ ಸೇತುವೆ ಸಮೀಪ ಕಾರುಗಳ ನಡುವೆ ಭೀಕರ ಅಪಘಾತ ನಡೆದಿದೆ. ಕಾರಿನಲ್ಲಿದ್ದವರು ಸೀಟ್ ಬೆಲ್ಟ್ ಧರಿಸಿದ ಕಾರಣ ತಕ್ಷಣ ಏರ್ ಬ್ಯಾಗ್ ತೆರೆದುಕೊಂಡಿದ್ದು, ಪ್ರಯಾಣಿಕರ ಪ್ರಾಣ ಉಳಿದಿದೆ. ಭಟ್ಕಳದಿಂದ ಹೊನ್ನಾವರದ ಕಡೆಗೆ ಸ್ವಿಫ್ಟ್ ಡಿಸೈರ್ ಕಾರು ಚಲಿಸುತ್ತಿತ್ತು. ಮತ್ತೊಂದು ಕಾರು ಭಟ್ಕಳದ ಕಡೆ ಬರುತ್ತಿತ್ತು. ಎರಡು ಕಾರಿನ ವೇಗ ಅತಿಯಾಗಿದ್ದು, ವೆಂಕ್ಟಾಪುರ ಸೇತುವೆ ಸಮೀಪ ಪರಸ್ಪರ ಡಿಕ್ಕಿಯಾಯಿತು. ಹಾವೇರಿ ಮೂಲದ ಬೀಮಪ್ಪ ಹನುಮಂತಪ್ಪ ಗಣಜೂರು ಅವರ ಸ್ವಿಫ್ಟ್ ಡಿಸೈರ್ ಕಾರು ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ಮೂಲದ ಮಾರುತಿ ಸ್ವಿಫ್ಟ್ ಕಾರಿಗೆ ಜೋರಾಗಿ ಗುದ್ದಿತು. ಅಪಘಾತದ ತೀವೃತೆಗೆ ಎರಡು ಕಾರು ಜಖಂ ಆಯಿತು. ಆ ವೇಳೆ ಕಾರಿನ ಏರ್ ಬ್ಯಾಗ್ ತೆರೆದುಕೊಂಡಿದ್ದು, ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾದರು. ಅದಾಗಿಯೂ, ಕಾರಿನಲ್ಲಿದ್ದ ಮೊಹಮ್ಮದ್ ಮುಶಾಫರ್ (26), ಫೌಜಿಯಾ ಎ, ಮೊಹಮ್ಮದ್ ಅಶ್ರಫ್ (29), ಮೊಹಮ್ಮದ್ ಅಶ್ರಫ್ ಇಸ್ಮಾಯಿಲ್ (34), ಅಬ್ದುಲ್ ಖಾದರ್ ಅಜ್ವಲ್ (21) ಹಾಗೂ ಮೊಹಮ್ಮದ್ ಅಸ್ಥಾನ್ (19) ಗಾಯಗೊಂಡು ಆಸ್ಪತ್ರೆ ಸೇರಿದರು.
- [ಅನಾನಸ್ ಲಾರಿಯಿಂದ ಅನಾಹುತ!](https://mobiletime.in/2026/05/disaster-caused-by-pineapple-truck/): ಶಿರಸಿ ನಗರದ ಯಲ್ಲಾಪುರ ರಸ್ತೆಯ ದೇವನಿಲಯದ ಬಳಿ ಬಸ್-ಲಾರಿ-ಮಿನಿ ಟ್ರಕ್ ನಡುವೆ ಅಪಘಾತ ನಡೆದಿದೆ. ಅಪಘಾತದ ಪರಿಣಾಮ ಆ ಜಾಗದಲ್ಲಿ ಸಂಚಾರ ದಟ್ಟಣೆ ಉಂಟಾಗಿದೆ. ಮoಗಳವಾರ ಮಧ್ಯಾಹ್ನ ಮಿನಿ ಟ್ರಕ್‌ವೊಂದರಲ್ಲಿ ಅನಾನಸ್ ಸಾಗಾಟ ನಡೆದಿದ್ದು, ದೇವನಿಲಯದ ಬಳಿ ಆ ಟ್ರಕ್ ಸರ್ಕಾರಿ ಬಸ್ಸಿಗೆ ಡಿಕ್ಕಿಯಾಯಿತು. ಬಸ್ಸಿಗೆ ಹಿಂದಿನಿoದ ಟ್ರಕ್ ಗುದ್ದಿದ್ದರಿಂದ ಬಸ್ಸಿನಲ್ಲಿದ್ದ ಪ್ರಯಾಣಿಕರು ಆಘಾತಕ್ಕೆ ಒಳಗಾದರು. ಅದೇ ವೇಳೆಗೆ ಆ ಟ್ರಕ್‌ಗೆ ಚೀರೆಕಲ್ಲು ತುಂಬಿಕೊoಡು ಬರುತ್ತಿದ್ದ ಮತ್ತೊಂದು ಲಾರಿ ಗುದ್ದಿತು. ಇದರಿಂದ ಟ್ರಕ್ ಇನ್ನೊಮ್ಮೆ ಬಸ್ಸಿಗೆ ಗುದ್ದಿದ್ದು, ಬಸ್ಸಿನಲ್ಲಿದ್ದ ಪ್ರಯಾಣಿಕರು ಕೆಳಗಿಳಿಯುವ ಪ್ರಯತ್ನ ಮಾಡಿದರು. ಆದರೆ, ಪ್ರಯಾಣಿಕರು ಕೆಳಗೆ ಇಳಿಯದಂತೆ ಬಸ್ ಸಿಬ್ಬಂದಿ ಮನವಿ ಮಾಡಿದರು. ಅಷ್ಟರೊಳಗೆ ಅಲ್ಲಿ ಜನ ಜಮಾಯಿಸಿದ್ದು, ತಪ್ಪಿತಸ್ಥರನ್ನು ತರಾಠೆಗೆ ತೆಗೆದುಕೊಂಡರು. ಈ ಸರಣಿ ಅಪಘಾತದಲ್ಲಿ ಯಾವುದೇ ಬಗೆಯ ಪ್ರಾಣ ಹಾನಿ ನಡೆಯಲಿಲ್ಲ. ಅಪಘಾತಕ್ಕೀಡಾದ ವಾಹನಗಳಿಗೆ ಅಲ್ಲಲ್ಲಿ ಹಾನಿಯಾಗಿದೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಸ್ಥಿತಿ ನಿಭಾಯಿಸಿದ್ದಾರೆ.
- [ಒಂಟಿ ಮನೆ.. ಒಂಟಿ ಮಹಿಳೆ: ಭಯಾನಕತೆ ಸೃಷ್ಠಿಸಿದ ವಿಡಿಯೋ ಕಾಲ್!](https://mobiletime.in/2026/05/lonely-house-lonely-woman-a-video-call-that-created-horror/): ಕಾರವಾರದ ಚಿತ್ತಾಕುಲದ ಮನೆಯೊಂದರಲ್ಲಿ ಒಂಟಿಯಾಗಿ ವಾಸವಾಗಿದ್ದ ಮಹಿಳೆಗೆ ಪೊಲೀಸ್ ವೇಷದಾರಿಯೊಬ್ಬರು ಫೋನ್ ಮಾಡಿ ಬೆದರಿಸಿದ್ದು, 10 ಲಕ್ಷ ರೂ ಹಣ ಬೇಡಿದ್ದಾರೆ. ಫೋನ್ ಮಾಡಿದವರ ಸೂಚನೆ ಮೇರೆಗೆ ರೇಶ್ಮಾ ಕೇಣಿ ಅವರು 9.94 ಲಕ್ಷ ರೂ ಹಣ ವರ್ಗಾಯಿಸಿದ್ದಾರೆ! ಕಾರವಾರದ ಚಿತ್ತಾಕುಲದ ಬೆಟ್ಟನಾಯ್ಕವಾಡ ರೇಶ್ಮಾ ಗಜಾನನ ಕೇಣಿ (41) ಅವರು ವಾಸವಾಗಿದ್ದಾರೆ. ಜನವರಿ 23ರಂದು ಅವರಿಗೆ ಕೋರಿಯರ್ ಬಾಯ್ ಒಬ್ಬರು ಫೋನ್ ಮಾಡಿ ಪಾರ್ಸಲ್ ಬಂದಿರುವುದಾಗಿ ಹೇಳಿದ್ದಾರೆ. ಆ ಪಾರ್ಸಲ್ ಒಳಗೆ ಐಫೋನ್ ಹಾಗೂ ಚಿನ್ನದ ನೆಕ್ಲೆಸ್ ಜೊತೆ ಮಾದಕ ವಸ್ತುಗಳು ಇವೆ ಎಂದು ಕೋರಿಯರ್ ಬಾಯ್ ಹೇಳಿದ್ದು, `ಅದು ನನ್ನದಲ್ಲ’ ಎಂದು ರೇಶ್ಮಾ ಕೇಣಿ ಅವರು ಉತ್ತರಿಸಿದ್ದಾರೆ. `ಹಾಗಾದರೆ, ನಿಮ್ಮ ಹೆಸರು-ವಿಳಾಸ ದುರುಪಯೋಗವಾಗಿದೆ. ಪೊಲೀಸ್ ದೂರು ಕೊಡಬೇಕು. ನಾನೇ ಪೊಲೀಸರಿಗೆ ಮಾಹಿತಿ ಕೊಡುವೆ’ ಎಂದು ಕೋರಿಯರ್ ಬಾಯ್ ಹೇಳಿದ್ದು, ಇದಕ್ಕೆ ರೇಶ್ಮಾ ಕೇಣಿ ಅವರು ತಲೆ ಅಲ್ಲಾಡಿಸಿದ್ದಾರೆ. ಅದಾದ ನಂತರ ಮುಂಬೈ ಪೊಲೀಸ್ ಎಂಬ ಹೆಸರಿನಲ್ಲಿ ಖಾಕಿ ಬಟ್ಟೆ ಧರಿಸಿದ ವ್ಯಕ್ತಿಯೊಬ್ಬರು ರೇಶ್ಮಾ ಕೇಣಿ ಅವರಿಗೆ ವಿಡಿಯೋ ಕಾಲ್ ಮಾಡಿದ್ದಾರೆ. `ನಿಮ್ಮ ಹೆಸರಿನಲ್ಲಿ 2 ಕೋಟಿ ರೂ ಅಕ್ರಮ ಹಣ ವರ್ಗಾವಣೆ ಆಗಿದೆ. ಈಗ ಸಿಕ್ಕ ಪಾರ್ಸಲ್‌ನಲ್ಲಿಯೂ ಮಾದಕ ವಸ್ತುಗಳಿವೆ. ನಿಮ್ಮನ್ನು ಬಂಧಿಸುತ್ತೇವೆ’ ಎಂದು ಬೆದರಿಸಿದ್ದಾರೆ. ಆ ಐಫೋನ್, ನೆಕ್ಲೇಸ್ ಹಾಗೂ ಮಾದಕ ವಸ್ತು ನನ್ನದಲ್ಲ’ ಎಂದು ರೇಶ್ಮಾ ಕೇಣಿ ಅವರು ಹೇಳಿದ್ದಾರೆ. `ಅಕ್ರಮ ಹಣ ವರ್ಗಾವಣೆಯಿಂದ ನಿಮ್ಮ ಖಾತೆಗೆ 10 ಲಕ್ಷ ರೂ ಕಮಿಶನ್ ಜಮಾ ಆಗಿದೆ. ಈ ಬಗ್ಗೆ ಇಡಿ ಹಾಗೂ ಸಿಐಡಿ ತನಿಖೆ ನಡೆಸಬೇಕು’ ಎಂದು ಪೊಲೀಸ್ ವೇಷದ ಅಧಿಕಾರಿ ಹೇಳಿದ್ದಾರೆ. `ನಿಮ್ಮ ಮನೆಯಲ್ಲಿ ಮತ್ತೆ ಯಾರಿದ್ದಾರೆ?’ ಎಂದು ಆ ಪೊಲೀಸ್ ವೇಷದಾರಿ ಪ್ರಶ್ನಿಸಿದ್ದು, ರೇಶ್ಮಾ ಕೇಣಿ ಅವರು ಒಂಟಿಯಾಗಿರುವುದನ್ನು ಗಮನಿಸಿ ಇನ್ನಷ್ಟು ಬೆದರಿಸಿದ್ದಾರೆ. ಕೊನೆಗೆ `ನಿಮ್ಮ ಖಾತೆಯಲ್ಲಿರುವ ಎಲ್ಲಾ ಹಣವನ್ನು ಸರ್ಕಾರಕ್ಕೆ ಕೊಡಬೇಕು. ತನಿಖೆ ಮುಗಿದ ನಂತರ ನೀವು ತಪ್ಪಿತಸ್ಥರಲ್ಲ ಎಂದು ಸಾಭೀತಾದರೆ ಹಣ ಮರಳಿಸುತ್ತೇವೆ’ ಎಂದು ಪೊಲೀಸ್ ವೇಷದಾರಿ ಹೇಳಿದ್ದು, ಅದಕ್ಕೆ ಒಪ್ಪಿದ ರೇಶ್ಮಾ ಕೇಣಿ ಅವರು ಏಪ್ರಿಲ್ 9ರವರೆಗೆ ಹಂತಹoತವಾಗಿ 9.94 ಲಕ್ಷ ರೂ ವರ್ಗಾವಣೆ ಮಾಡಿದ್ದಾರೆ. ಅದಾದ ನಂತರ ಫೋನ್ ಮಾಡಿದವರು ಪೊಲೀಸರಲ್ಲ ಎಂದು ಗೊತ್ತಾಗಿದೆ. ಹಣ ಕಳೆದುಕೊಂಡ ರೇಶ್ಮಾ ಕೇಣಿ ಅವರು ಡಿಜಿಟಲ್ ಅರೆಸ್ಟ್’ಗೆ ಒಳಗಾಗಿದ್ದು, ಆ ಹಣ ಮರಳಿ ಕೊಡಿಸುವಂತೆ ನೈಜ ಪೊಲೀಸರ ಮೊರೆ ಹೋಗಿದ್ದಾರೆ.
- [ಅಕ್ರಮ ದಂಧೆಯಲ್ಲಿ ಅಧಿಕಾರಿಗಳೇ ಶಾಮಿಲು!](https://mobiletime.in/2026/05/officials-are-involved-in-the-illegal-business/): ಉತ್ತರ ಕನ್ನಡ ಜಿಲ್ಲೆಯ ಕೈಗಾದಲ್ಲಿ 5 ಹಾಗೂ 6ನೇ ಅಣು ವಿದ್ಯುತ್ ಘಟಕ ಸ್ಥಾಪನೆಗೆ ಭಾರೀ ಪ್ರಮಾಣದಲ್ಲಿ ಸಾಮಗ್ರಿ ಸರಬರಾಜಾಗುತ್ತಿದ್ದು, ಸಾಮರ್ಥ್ಯಕ್ಕಿಂತಲೂ ಅಧಿಕ ಬಾರ ಹೊತ್ತು ಲಾರಿ ಹಾಗೂ ಟಿಪ್ಪರ್ ಸಂಚರಿಸುತ್ತಿದೆ. ಆದರೆ, ಇದನ್ನು ಯಾವ ಅಧಿಕಾರಿಯೂ ಅದನ್ನು ಪ್ರಶ್ನಿಸುತ್ತಿಲ್ಲ! ನಿಯಮಗಳ ಪ್ರಕಾರ 10 ಚಕ್ರದ ಲಾರಿಯಲ್ಲಿ ಲಾರಿ ತೂಕವೂ ಸೇರಿ 28 ಟನ್ ಸಾಮಗ್ರಿ ಸಾಗಾಟಕ್ಕೆ ಮಾತ್ರ ಸರ್ಕಾರ ಅನುಮತಿಸಿದೆ. 12 ಚಕ್ರದ ಲಾರಿಯಲ್ಲಿ ಲಾರಿ ತೂಕವನ್ನು ಸೇರಿ 38 ಟನ್ ಸಾಮಗ್ರಿ ಸಾಗಿಸಲು ಅವಕಾಶ ನೀಡಿದೆ. ಆದರೆ, ಅದಕ್ಕಿಂತಲೂ ಬಾರವಾದ ಕಲ್ಲು-ಪುಡಿಗಳನ್ನು ಕೈಗಾಗೆ ಸಾಗಿಸಲಾಗುತ್ತಿದೆ. ಅರ್ಹತೆಗಿಂತಲೂ ಅಧಿಕ ಸಾಮಗ್ರಿ ತುಂಬಿದ ಲಾರಿಗಳಿಗೂ ಅಧಿಕಾರಿಗಳು ಅಧಿಕೃತ ಮುದ್ರೆ ಒತ್ತಿ ಸಂಚಾರಕ್ಕೆ ಅನುವು ಮಾಡಿಕೊಡುತ್ತಿದ್ದಾರೆ. ಕಳೆದ ಆರು ತಿಂಗಳಿನಿAದ ನಿರಂತರವಾಗಿ ಇಂಥ ಲಾರಿಗಳ ಸಂಚಾರ ನಡೆದಿದೆ. ಪರಿಣಾಮ ರಾಷ್ಟಿçÃಯ ಹೆದ್ದಾರಿಯ ಜೊತೆ ರಾಜ್ಯ ಹೆದ್ದಾರಿಯ ಮೇಲೆಯೂ ಒತ್ತಡ ಹೆಚ್ಚಾಗಿದ್ದು, ಅಧಿಕ ಬಾರದ ಲಾರಿಗಳ ಓಡಾಟದಿಂದ ರಸ್ತೆ ಹಾಳಾಗುತ್ತಿದೆ. ಸದ್ಯ ಹುಬ್ಬಳ್ಳಿ-ಧಾರವಾಡ ಭಾಗದಿಂದ ಜಲ್ಲಿ-ಕಲ್ಲು-ಎಂ ಸ್ಯಾಂಡ್ ತುಂಬಿದ ಲಾರಿಗಳು ಕಾರವಾರಕ್ಕೆ ಬರುತ್ತಿವೆ. ಅತ್ಯಂತ ಅಪಾಯಕಾರಿ ರೀತಿಯಲ್ಲಿ ಈ ಲಾರಿಗಳು ಸಂಚರಿಸುತ್ತಿವೆ. ಯಲ್ಲಾಪುರ ಮಾರ್ಗವಾಗಿ ಅಂಕೋಲಾ ಮೂಲಕ ಈ ಲಾರಿಗಳು ಕಾರವಾರದ ಕೈಗಾಗೆ ತಲುಪುತ್ತಿದ್ದು, ಕಳೆದ ಆರು ತಿಂಗಳಿನಿoದ ಈ ಅಕ್ರಮ ನಡೆಯುತ್ತಿದ್ದರೂ ಅಧಿಕಾರಿಗಳು ಅದನ್ನು ನೋಡಿಯೂ ನೋಡದ ಹಾಗೇ ಮೌನವಾಗಿದ್ದಾರೆ. ಅತ್ಯಧಿಕ ಬಾರ ಹೊತ್ತ ಲಾರಿ ಸಂಚಾರದಿAದ ರಸ್ತೆ ಸಂಚಾರ ಅಸ್ತವ್ಯಸ್ತವಾಗುವ ಬಗ್ಗೆ ಅರಿವಿದ್ದರೂ ಅದನ್ನು ತಡೆಯುವ ಪ್ರಯತ್ನ ಮಾಡುತ್ತಿಲ್ಲ. ಈ ಬಗ್ಗೆ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಹಾಗೂ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಗೆ ಅಧಿಕೃತ ದೂರು ಬಂದರೂ ಕಾಗದ ಪತ್ರಗಳ ವ್ಯವಹಾರದಲ್ಲಿಯೇ ಕಾಲಹರಣ ನಡೆಯುತ್ತಿದೆ. ಸಾಮರ್ಥ್ಯಕ್ಕಿಂತಲೂ ಅಧಿಕ ಬಾರ ಹೊತ್ತ ಲಾರಿಗಳಿಗೆ ಪರವಾನಿಗೆ ನೀಡಲು ಕಾನೂನಿನಲ್ಲಿ ಅವಕಾಶವೇ ಇಲ್ಲ. ಅದಾಗಿಯೂ, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಅಧಿಕಾರಿಗಳು ಅಂಥ ಲಾರಿಗಳ ಸಾಗಾಟಕ್ಕೆ ಪರವಾನಿಗೆ ನೀಡಿದ್ದಾರೆ. 10 ಚಕ್ರದ ಲಾರಿಯಲ್ಲಿ 33.29 ಟನ್ ಕಲ್ಲುಗಳ ಸಾಗಾಟಕ್ಕೆ ಅನುಮತಿ ನೀಡಿ, ಅದಕ್ಕೆ ರಾಜಧನವನ್ನು ಸಹ ಪಾವತಿಸಿಕೊಂಡಿದ್ದಾರೆ. ಈ ವಿಷಯದ ಬಗ್ಗೆ ಅಂಕೋಲಾದ ವಿಶ್ವಜಿತ್ ಜಿ ನಾಯಕ ಅವರು ಧ್ವನಿ ಎತ್ತಿದ್ದಾರೆ. ಕಾರವಾರ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ಅವರು ಕೆಲ ವಾಹನದ ದಾಖಲೆಗಳ ಜೊತೆ ದೂರು ನೀಡಿ ಪ್ರಶ್ನಿಸಿದ್ದಾರೆ. ಆದರೆ, ಸಾರಿಗೆ ಅಧಿಕಾರಿಗಳು ದೂರು ನೀಡಿದವರು ನೀಡಿದ ವಾಹನಗಳ ಮೇಲೆ ಮಾತ್ರ ಕ್ರಮ ಜರುಗಿಸುವ ಪ್ರಕ್ರಿಯೆ ಶುರು ಮಾಡಿದ್ದು, ಉಳಿದ ಲಾರಿಗಳನ್ನು ಹಾಗೇ ಬಿಟ್ಟು ಕಳುಹಿಸುತ್ತಿದ್ದಾರೆ.
- [ಹೈಸ್ಕೂಲ್ ವಿದ್ಯಾರ್ಥಿಗಳ ಸಮಾಗಮ](https://mobiletime.in/2026/05/high-school-student-gathering-2/): 1989ರಲ್ಲಿ ಕುಮಟಾ ಬಾಡ-ಕಾಗಾಲದ ಲೋಕನಾಥ ಹೈಸ್ಕೂಲಿನಲ್ಲಿ ಎಸ್ ಎಸ್ ಎಲ್ ಸಿ ಕಲಿತ ಮಕ್ಕಳೆಲ್ಲರೂ ಇದೀಗ ಮತ್ತೆ ಒಂದಾಗಿದ್ದು, ಬಾಡದ ಕಡಲತೀರದಲ್ಲಿ ಮಿಂದೆದ್ದಿದ್ದಾರೆ. ಅಲ್ಲಿನ ಡೇನಿಸನ್ ರೆಸಾರ್ಟಿನಲ್ಲಿ ಎಲ್ಲರೂ ಸೇರಿ ಹಳೆಯ ಗುರುಗಳ ಸೇವೆ ಸ್ಮರಿಸಿದ್ದಾರೆ. ಜೊತೆಗೆ 37 ವರ್ಷದ ಹಿಂದೆ ತಮಗೆ ಕಲಿಸಿದ ಶಿಕ್ಷಕರನ್ನು ಹುಡುಕಿ ಅವರನ್ನು ಗೌರವಿಸಿದ್ದಾರೆ. ಲೋಕನಾಥ ಹೈಸ್ಕೂಲಿನ ನಿವೃತ್ತ ಮುಖ್ಯ ಶಿಕ್ಷಕ ಜಿ ಕೆ ಪಟಗಾರ, ಕುಸುಮಾ, ರಮಾ, ಯಶೋಧಾ, ತಾಂಡೇಲ್, ಕರೆಮನಿ, ಮೊದಲಾದ ಶಿಕ್ಷಕರನ್ನು ಗೌರವಿಸಿದ್ದಾರೆ. ಸದ್ಯ ಶಾಲೆಯ ಶಿಕ್ಷಕರಾದವರು ಸಹ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಸಂತಸದ ಕ್ಷಣ ಅನುಭವಿಸಿದ್ದಾರೆ. ಸನ್ಮಾನ ಸ್ವೀಕರಿಸಿದ ಗುರುಗಳು ತಮ್ಮ ನೆಚ್ಚಿನ ವಿದ್ಯಾರ್ಥಿಗಳಿಗೆ ನೆನಪಿನ ಕಾಣಿಕೆ ನೀಡಿ, ಆರ್ಶೀರ್ವದಿಸಿದ್ದಾರೆ. ಈ ವೇಳೆ ಹಳೆ ವಿದ್ಯಾರ್ಥಿ ಶಮಶುದ್ದೀನ ದಿಡಗೂರ ಗುರುವಂದನೆಯ ಮಹತ್ವದ ಬಗ್ಗೆ ಮಾತನಾಡಿದ್ದಾರೆ. ಹಳೆಯ ವಿದ್ಯಾರ್ಥಿ ಗಣಪತಿ ಭಂಡಾರಿ, ಜಯಂತ ಪಟಗಾರ, ನಾಗಪ್ಪಾ ಪಟಗಾರ, ಮಹಾಬಳೇಶ್ವರ ಬೀರಕೋಡಿ ಅವರು ತಾವು ಕಲಿತ ಶಾಲೆಯ ವಾತಾವರಣ ಸ್ಮರಿಸಿದ್ದಾರೆ. ಲೋಕನಾಥ ಹೈಸ್ಕೂಲ್ ಆಡಳಿತ ಮಂಡಳಿಯವರು ಹಾಜರಿದ್ದು, ಇಂಥ ಕಾರ್ಯಕ್ರಮ ಸಂಘಟಿಸಿದವರನ್ನು ಸನ್ಮಾನಿಸಿದ್ದಾರೆ. ಕಾರ್ಯಕ್ರಮದ ಮುಖ್ಯ ಶಶಕಲಾ ಹಾಗೂ ದಿನೇಶ ಕಾರ್ಗಿಲ್ ಅವರ ಜೊತೆ ಸಾಧಕ ವಿದ್ಯಾರ್ಥಿಗಳು ಸನ್ಮಾನ ಸ್ವೀಕರಿಸಿದ್ದಾರೆ. ಕಾರವಾರದ ಸರ್ಕಾರಿ ಪ್ರಾಥಮ ದರ್ಜೆ ಕಾಲೇಜಿನ ಉಪನ್ಯಾಸಕ ಸತೀಶ ಬಿರಕೋಡಿ ಅವರು ಕಾರ್ಯಕ್ರಮದಲ್ಲಿ ಭಾಗಿಯಾಗಿ, ಎಲ್ಲರನ್ನು ವಂದಿಸಿದರು.  
- [ಸರ್ಕಾರಿ ಸಿಬ್ಬಂದಿಗೆ ಬೆದರಿಸಿದ ಗುತ್ತಿಗೆದಾರ!](https://mobiletime.in/2026/05/contractor-threatens-government-staff/): ಶಿರಸಿಯಲ್ಲಿ ಕೆಲಸ ಮಾಡುವ ಮುಂಡಗೋಡಿನ ಸರ್ಕಾರಿ ಸಿಬ್ಬಂದಿಗೆ ನಾಲ್ವರು ಸೇರಿ ಬೆದರಿಸಿದ್ದಾರೆ. ಆ ನಾಲ್ವರು ವಿವಿಧ ಕಾಮಗಾರಿಗಳ ಮಾಹಿತಿ ಕೇಳಿದ್ದು, ಅದನ್ನು ನೀಡದ ಕಾರಣ ಹೆದರಿಸಿದ್ದಾರೆ. ಶಿರಸಿಯ ಬನವಾಸಿ ರಸ್ತೆಯಲ್ಲಿ ಕರ್ನಾಟಕ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ ನಿಯಮಿತ ಕಚೇರಿಯಿದೆ. ಅಲ್ಲಿ ಮುಂಡಗೋಡು ಮಳಗಿಯ ಪುನೀತ ಮಂಜುನಾಥ ಭರತನಳ್ಳಿ ಅವರು ಕೆಲಸ ಮಾಡುತ್ತಿದ್ದಾರೆ. ಪುನೀತ ಭರತನಳ್ಳಿ ಅವರು ಅಲ್ಲಿ ಪ್ರಥಮ ದರ್ಜೆ ಸಹಾಯಕರಾಗಿದ್ದಾರೆ. ಹೀಗಿರುವಾಗ ಬೆಳಗಾವಿಯ ಗುತ್ತಿಗೆದಾರ ಸಂಗಮೇಶ್ವರ ಮಹಾಬಲೇಶ್ವರ ಕಟ್ಟಿ ಅವರುಸವದತ್ತಿ, ತೀರ್ಥಹಳ್ಳಿ, ಶಿವಮೊಗ್ಗ, ಹಾವೇರಿ, ಹಾಸನ, ತುಮಕೂರು, ಸಾಗರ, ಚಿಕ್ಕೋಡಿ, ಬೆಳಗಾವಿ, ಕೊಪ್ಪಳ, ಬೆಂಗಳೂರು ಹಾಗೂ ದಾವಣಗೆರೆ ವಿಭಾಗಗಳ ಬಿ ಸಿ ಎಂ ಹಾಸ್ಟೇಲ್‌ಗಳ ದುರಸ್ಥಿ ಮತ್ತು ನವೀಕರಣ ಕಾಮಗಾರಿ ಕೆಲಸಪಡೆದಿದ್ದಾರೆ. ಈ ಬಗ್ಗೆ ವಿವಿಧ ಮಾಹಿತಿ ಕೋರಿ ಸಂಗಮೇಶ್ವರ ಕಟ್ಟಿ ಅವರು ಕಚೇರಿಗೆ ಬಂದಿದ್ದಾರೆ. ಆದರೆ, ಸಂಗಮೇಶ್ವರ ಕಟ್ಟಿ ಅವರಿಗೆ ಆ ಮಾಹಿತಿ ಸಿಕ್ಕಿಲ್ಲ. ಹೀಗಾಗಿ ಮೇ 1ರಂದು ಸಂಗಮೇಶ್ವರ ಕಟ್ಟಿ ಅವರು ಪುನೀತ ಭರತನಳ್ಳಿ ಅವರು ವಾಸವಾಗಿರುವ ಮನೆ ಬಳಿ ಹೋಗಿದ್ದಾರೆ. ಅಲ್ಲಿಯೂ ಮಾಹಿತಿ ಸಿಗದ ಕಾರಣ ಅವರಿಗೆ ಕೆಟ್ಟದಾಗಿ ನಿಂದಿಸಿ ಮರಳಿದ್ದಾರೆ. ಅದಾದ ನಂತರವೂ ವಿವಿಧ ಬಿಲ್ ಒದಗಿಸದೇ ಇದ್ದರೆ ಬ್ಲಾಕ್‌ಮೇಲ್ ಮಾಡುವೆ ಎಂದು ಹೆದರಿಸಿದ್ದಾರೆ. ಇದಾದ ಬಳಿಕ ಮೇ 18ರಂದು ಮಧ್ಯಾಹ್ನ ಸಂಗಮೇಶ್ವರ ಕಟ್ಟಿ ಅವರು ಕಚೇರಿಯಲ್ಲಿ ಪುನೀತ ಭರತನಳ್ಳಿ ಅವರು ಇಲ್ಲದಿರುವಾಗ ಅಲ್ಲಿಗೆ ಹೋಗಿದ್ದಾರೆ. ಈ ವೇಳೆ ಅಸಭ್ಯ ವರ್ತನೆ ತೋರಿದ್ದು, ಸಹದ್ಯೋಗಿಗಳ ಮೂಲಕ ಪುನೀತ ಭರತನಳ್ಳಿ ಅವರಿಗೆ ಬೆದರಿಕೆ ಹಾಕಿದ್ದಾರೆ.
- [ಶ್ರೀಕ್ಷೇತ್ರದಲ್ಲಿ ಶ್ರಾವಣಿ-ಸುಬ್ರಹ್ಮಣ್ಯ!](https://mobiletime.in/2026/05/sravani-subrahmanya-in-the-sacred-place/): ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ `ಶ್ರಾವಣಿ ಸುಬ್ರಹ್ಮಣ್ಯ’ ಧಾರಾವಾಹಿ ತಂಡ ಶ್ರೀಕ್ಷೇತ್ರ ಗೋಕರ್ಣಕ್ಕೆ ಆಗಮಿಸಿದೆ. ಇಲ್ಲಿನ ವಿವಿಧ ಬೀದಿಗಳಲ್ಲಿ ಬುಧವಾರದಿಂದ ಧಾರವಾಹಿ ಚಿತ್ರಿಕರಣ ಶುರುವಾಗಿದೆ. ಶ್ರಾವಣಿ ಸುಬ್ರಹ್ಮಣ್ಯ ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಅತ್ಯಂತ ಜನಪ್ರಿಯ ದೈನಂದಿನ ಧಾರಾವಾಹಿ. 2024ರ ಮಾರ್ಚ 18ರಿಂದ ಈ ಧಾರಾವಾಹಿ ಪ್ರಸಾರವಾಗುತ್ತಿದ್ದು, ವಿಭಿನ್ನ ಬಗೆಯ ಕಥಾಹಂದರವನ್ನು ಹೊಂದಿದೆ. ಧಾರಾವಾಹಿಯ ಕಥೆಯು ಮುಖ್ಯವಾಗಿ ಅಪ್ಪ ಮತ್ತು ಮಗಳ ಭಾವನಾತ್ಮಕ ಸಂಬAಧದ ಸುತ್ತ ಸುತ್ತುವರೆದಿದೆ. ಇಷ್ಟು ದಿನಗಳ ಕಾಲ ಬೆಂಗಳೂರಿನಲ್ಲಿಯೇ ಚಿತ್ರಿಕರಣವಾಗುತ್ತಿದ್ದ ಈ ಧಾರಾವಾಹಿ ಸದ್ಯ ಗೋಕರ್ಣ ಹಾಗೂ ಸುತ್ತಲಿನ ಪ್ರದೇಶವನ್ನು ಆವರಿಸಿದೆ. ಮಹಾಬಲೇಶ್ವರ ಮಂದಿರದ ಮುಂಭಾಗ, ಕೆಲ ಅಂಗಡಿ ಹಾಗೂ ಇನ್ನಿತರ ಕಡೆ ಈ ದಿನ ಚಿತ್ರಿಕರಣ ನಡೆದಿದೆ. ಕಿರುತರೆ ನಟ-ನಟಿಯರು ಗೋಕರ್ಣಕ್ಕೆ ಆಗಮಿಸಿದ್ದು, ಇಲ್ಲಿನ ಸೌಂದರ್ಯ ಆಹ್ವಾದಿಸಿದ್ದಾರೆ. ಖಾಸಗಿ ರೆಸಾರ್ಟಿನಲ್ಲಿ ಅವರು ವಸತಿ ಹೂಡಿದ್ದಾರೆ. ಇನ್ನು ಕೆಲ ದಿನಗಳ ಕಾಲ ಗೋಕರ್ಣ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಚಿತ್ರಿಕರಣ ನಡೆಯಲಿದೆ.
- [ಹೈಸ್ಕೂಲ್ ವಿದ್ಯಾರ್ಥಿಗಳ ಸಮಾಗಮ](https://mobiletime.in/2026/05/high-school-student-gathering/): 1989ರಲ್ಲಿ ಕುಮಟಾ ಬಾಡ-ಕಾಗಾಲದ ಲೋಕನಾಥ ಹೈಸ್ಕೂಲಿನಲ್ಲಿ ಎಸ್ ಎಸ್ ಎಲ್ ಸಿ ಕಲಿತ ಮಕ್ಕಳೆಲ್ಲರೂ ಇದೀಗ ಮತ್ತೆ ಒಂದಾಗಿದ್ದು, ಬಾಡದ ಕಡಲತೀರದಲ್ಲಿ ಮಿಂದೆದ್ದಿದ್ದಾರೆ. ಅಲ್ಲಿನ ಡೇನಿಸನ್ ರೆಸಾರ್ಟಿನಲ್ಲಿ ಎಲ್ಲರೂ ಸೇರಿ ಹಳೆಯ ಗುರುಗಳ ಸೇವೆ ಸ್ಮರಿಸಿದ್ದಾರೆ. ಜೊತೆಗೆ 37 ವರ್ಷದ ಹಿಂದೆ ತಮಗೆ ಕಲಿಸಿದ ಶಿಕ್ಷಕರನ್ನು ಹುಡುಕಿ ಅವರನ್ನು ಗೌರವಿಸಿದ್ದಾರೆ. ಲೋಕನಾಥ ಹೈಸ್ಕೂಲಿನ ನಿವೃತ್ತ ಮುಖ್ಯ ಶಿಕ್ಷಕ ಜಿ ಕೆ ಪಟಗಾರ, ಕುಸುಮಾ, ರಮಾ, ಯಶೋಧಾ, ತಾಂಡೇಲ್, ಕರೆಮನಿ, ಮೊದಲಾದ ಶಿಕ್ಷಕರನ್ನು ಗೌರವಿಸಿದ್ದಾರೆ. ಸದ್ಯ ಶಾಲೆಯ ಶಿಕ್ಷಕರಾದವರು ಸಹ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಸಂತಸದ ಕ್ಷಣ ಅನುಭವಿಸಿದ್ದಾರೆ. ಸನ್ಮಾನ ಸ್ವೀಕರಿಸಿದ ಗುರುಗಳು ತಮ್ಮ ನೆಚ್ಚಿನ ವಿದ್ಯಾರ್ಥಿಗಳಿಗೆ ನೆನಪಿನ ಕಾಣಿಕೆ ನೀಡಿ, ಆರ್ಶೀರ್ವದಿಸಿದ್ದಾರೆ. ಈ ವೇಳೆ ಹಳೆ ವಿದ್ಯಾರ್ಥಿ ಶಮಶುದ್ದೀನ ದಿಡಗೂರ ಗುರುವಂದನೆಯ ಮಹತ್ವದ ಬಗ್ಗೆ ಮಾತನಾಡಿದ್ದಾರೆ. ಹಳೆಯ ವಿದ್ಯಾರ್ಥಿ ಗಣಪತಿ ಭಂಡಾರಿ, ಜಯಂತ ಪಟಗಾರ, ನಾಗಪ್ಪಾ ಪಟಗಾರ, ಮಹಾಬಳೇಶ್ವರ ಬೀರಕೋಡಿ ಅವರು ತಾವು ಕಲಿತ ಶಾಲೆಯ ವಾತಾವರಣ ಸ್ಮರಿಸಿದ್ದಾರೆ. ಲೋಕನಾಥ ಹೈಸ್ಕೂಲ್ ಆಡಳಿತ ಮಂಡಳಿಯವರು ಹಾಜರಿದ್ದು, ಇಂಥ ಕಾರ್ಯಕ್ರಮ ಸಂಘಟಿಸಿದವರನ್ನು ಸನ್ಮಾನಿಸಿದ್ದಾರೆ. ಕಾರ್ಯಕ್ರಮದ ಮುಖ್ಯ ಶಶಕಲಾ ಹಾಗೂ ದಿನೇಶ ಕಾರ್ಗಿಲ್ ಅವರ ಜೊತೆ ಸಾಧಕ ವಿದ್ಯಾರ್ಥಿಗಳು ಸನ್ಮಾನ ಸ್ವೀಕರಿಸಿದ್ದಾರೆ. ಕಾರವಾರದ ಸರ್ಕಾರಿ ಪ್ರಾಥಮ ದರ್ಜೆ ಕಾಲೇಜಿನ ಉಪನ್ಯಾಸಕ ಸತೀಶ ಬಿರಕೋಡಿ ಅವರು ಕಾರ್ಯಕ್ರಮದಲ್ಲಿ ಭಾಗಿಯಾಗಿ, ಎಲ್ಲರನ್ನು ವಂದಿಸಿದರು.  
- [ಮುಂಡಗೋಡು: ಮದ್ಯ ಮಾರಾಟ ಕೇಂದ್ರಕ್ಕೆ ಬೀಗ!](https://mobiletime.in/2026/05/mundagodu-liquor-sales-center-locked/): ಮುಂಡಗೋಡು ಪಟ್ಟಣದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದ ಕೇಂದ್ರಗಳ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಅಕ್ರಮ ಮದ್ಯ ಮಾರಾಟಕ್ಕೆ ಅವರು ತಡೆ ಒಡ್ಡಿದ್ದಾರೆ. ಮುಂಡಗೋಡು ಕಂಬಾರಕಟ್ಟಿ ಪ್ಲಾಟಿನ ದುರ್ಗಪ್ಪ ಭೀಮಣ್ಣ ವಡ್ಡರ್ ಹಾಗೂ ನೆಹರುನಗರದ ಹೊಟೇಲ್ ವ್ಯಾಪಾರಿ ರಾಜೀವ ಬುಜ್ಜಿವನ ಶೆಟ್ಟಿ ಅವರು ಸರ್ಕಾರಿ ನಿಯಮ ಉಲ್ಲಂಘಿಸಿ ಮದ್ಯ ಮಾರಾಟ ಮಾಡುತ್ತಿದ್ದರು. ನಸುಕಿನಲ್ಲಿಯೇ ಅಂಗಡಿ ಬಾಗಿಲು ತೆರೆದು ಅವರು ದುಬಾರಿ ಬೆಲೆಗೆ ಮದ್ಯ ಮಾರುತ್ತಿದ್ದರು. ವೈನ್‌ಶಾಪ್ ತೆಗೆಯುವ ಮುನ್ನವೇ ಇಲ್ಲಿ ಸರಾಯಿ ಸಿಗುವುದರಿಂದ ಅವರಿಗೆ ಅನೇಕ ಗ್ರಾಹಕರು ಇದ್ದರು. ಯಾವುದೇ ರೀತಿಯ ಪರವಾನಿಗೆಪಡೆಯದೇ ಮದ್ಯ ಮಾರಾಟ ಮಾಡುತ್ತಿದ್ದ ಅವರಿಬ್ಬರ ಮೇಲೆ ಪೊಲೀಸರು ದಾಳಿ ಮಾಡಿದರು. ಕಂಬಾರಕಟ್ಟೆ ಬಸ್ ನಿಲ್ದಾಣದ ಎದುರು ಸರಾಯಿ ಮಾರಾಟ ಮಾಡುತ್ತಿದ್ದ ದುರ್ಗಪ್ಪ ಭೀಮಣ್ಣ ವಡ್ಡರ್ ಅವರು ಸಿಕ್ಕಿಬಿದ್ದರು. ಶೆಟ್ಟಿ ಫಿಶ್‌ಲ್ಯಾಂಡ್ ಹಿಂದೆ ಅಕ್ರಮ ಮದ್ಯ ಪೂರೈಸುತ್ತಿದ್ದ ರಾಜೀವ ಬುಜ್ಜಿವನ ಶೆಟ್ಟಿ ಅವರು ಪೊಲೀಸರ ಅತಿಥಿಯಾದರು. ಅಲ್ಲಿ ಮಾರಾಟಕ್ಕಿರಿಸಿದ್ದ ಅಕ್ರಮ ಮದ್ಯದ ಬಾಟಲಿಗಳನ್ನು ವಶಕ್ಕೆಪಡೆದು, ಅವರಿಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿದರು.
- [ಶಿರಸಿ ಬಸ್ ನಿಲ್ದಾಣ: ಕಳ್ಳರಿದ್ದಾರೆ ಎಚ್ಚರಿಕೆ!](https://mobiletime.in/2026/05/sirsi-bus-stand-beware-of-thieves/): ಶಿರಸಿಗೆ ಬಂದಿದ್ದ ಹೊನ್ನಾವರದ ಇಡಗುಂಜಿ ಬಳಿಯ ಮಾದೇವಿ ನಾಯ್ಕ ಅವರು 3.52 ಲಕ್ಷ ರೂ ಮೌಲ್ಯದ ಚಿನ್ನಾಭರಣ ಕಳೆದುಕೊಂಡಿದ್ದಾರೆ. ಜನ ಜಂಗುಳಿಯ ನಡುವೆ ಅವರು ಚಂದ್ರಗುತ್ತಿ-ಹರೀಶಿ ಬಸ್ ಹತ್ತಲು ಪ್ರಯತ್ನಿಸಿದ ವೇಳೆ ಬ್ಯಾಗಿನಲ್ಲಿದ್ದ ಚಿನ್ನದ ಆಭರಣವನ್ನು ಕಳ್ಳರು ಲಪಟಾಯಿಸಿದ್ದಾರೆ. ಹೊನ್ನಾವರ ಇಡಗುಂಜಿ ಬಳಕೂರಿನ ಹಾಮಾಕ್ಕಿ ನಿವಾಸಿ ಮಾದೇವಿ ರಾಮಚಂದ್ರ ನಾಯ್ಕ ಅವರು ಮೇ 19ರಂದು ಶಿರಸಿಗೆ ಬಂದಿದ್ದರು. ಆ ದಿನ ಮಧ್ಯಾಹ್ನ 2.15ಕ್ಕೆ ಚಂದ್ರಗುತ್ತಿ-ಹರೀಶಿ ಮಾರ್ಗದ ಬಸ್ ಬಂದಿದ್ದು, ಆ ಬಸ್ಸಿನ ತುಂಬ ಜನರಿದ್ದರು. ಜೊತೆಗೆ, ಬಸ್ ನಿಲ್ದಾಣದಲ್ಲಿ ಕುಳಿತಿದ್ದ ಜನರು ಆ ಬಸ್ಸು ಹತ್ತಲು ಒಮ್ಮೆಲೆ ಬಂದಿದ್ದರಿAದ ಅಲ್ಲಿ ನೂಕು ನುಗ್ಗಲು ಉಂಟಾಯಿತು. ಮಾದೇವಿ ನಾಯ್ಕ ಅವರ ಜೊತೆ ಅವರ ಪುತ್ರ ದಿಗಂತ, ಅತ್ತೆ ಪಾರ್ವತಿ ಹಾಗೂ ಇನ್ನಿತರ ಸಂಬAಧಿಕರು ಬಸ್ಸಿನ ಬಳಿ ಓಡಿ ಸೀಟು ಹಿಡಿಯುವ ಪ್ರಯತ್ನ ಮಾಡಿದರು. ಈ ವೇಳೆ ಮಾದೇವಿ ನಾಯ್ಕ ಅವರು ತಮ್ಮ ಬಳಿಯಿದ್ದ ಬಂಗಾರದ ಆಭರಣಗಳನ್ನು ಬಾಕ್ಸಿನಲ್ಲಿ ಹಾಕಿದ್ದು, ಆ ಬಾಕ್ಸನ್ನು ತಮ್ಮ ವ್ಯಾನಿಟಿ ಬ್ಯಾಗಿನಲ್ಲಿರಿಸಿಕೊಂಡರು. ಜನ ಹೆಚ್ಚಾಗಿ ನೂಕುನುಗ್ಗಲಾದ ಅವಧಿಯಲ್ಲಿ ಕಳ್ಳರು ಬ್ಯಾಗಿನ ಜಿಪ್ ತೆರೆದು ಚಿನ್ನಾಭರಣವಿದ್ದ ಬಾಕ್ಸನ್ನು ಎಗರಿಸಿದರು. ಬಂಗಾರದ ನೆಕ್ಲೇಸ್, ಬಂಗಾರದ ಹಾರ, ಚಿನ್ನದ ಉಂಗುರ ಹಾಗೂ ಬೆಳ್ಳಿ ನಾಣ್ಯ ಸೇರಿ 3.52 ಲಕ್ಷ ರೂ ಮೌಲ್ಯದ ಚಿನ್ನಾಭರಣಗಳು ಕಳ್ಳರ ಪಾಲಾದವು. ಬಸ್ ಹತ್ತಿದ ನಂತರ ಬ್ಯಾಗಿನ ಜಿಪ್ ತೆರೆದಿರುವುದನ್ನು ನೋಡಿ ಮಾದೇವಿ ನಾಯ್ಕ ಅವರು ಕಂಗಾಲಾದರು. ಆಭರಣ ಕಳ್ಳತನವಾದ ಬಗ್ಗೆ ಅವರು ಪೊಲೀಸ್ ದೂರು ನೀಡಿದರು.
- [ಶಿರೂರು ಗುಡ್ಡ: ನದಿ ಮಣ್ಣಿನ ಸರ್ವೇ ಶುರು!](https://mobiletime.in/2026/05/shirur-hill-river-soil-survey-begins/): ಶಿರೂರು ಗುಡ್ಡ ಕುಸಿತವಾಗಿ ಎರಡು ವರ್ಷ ಸಮೀಪಿಸಿದ ನಂತರ ನದಿ ನೀರಿಗೆ ಬಿದ್ದ ಗುಡ್ಡದ ಮಣ್ಣು ತೆರವು ಕಾರ್ಯಾಚರಣೆ ಶುರುವಾಗಿದೆ. ಸದ್ಯ ಗಂಗಾವಳಿ ನದಿಯಲ್ಲಿ ಶೇಖರಣೆಯಾಗಿರುವ ಮಣ್ಣು ತೆರವಿಗಾಗಿ ಬ್ಯಾಥಮೆಟ್ರಿ ಸರ್ವೇ ಕಾರ್ಯ ನಡೆಸಲಾಗಿದೆ. ಅಂಕೋಲಾದ ಶಿರೂರು ಬಳಿ ಸಂಭವಿಸಿದ ಭೀಕರ ಗುಡ್ಡ ಕುಸಿತ ದುರಂತ ನಡೆದು ಎರಡು ವರ್ಷ ಸಮೀಪಿಸಿದರೂ ಅಲ್ಲಿನ ಅಪಾಯ ಮಾತ್ರ ತಪ್ಪಿಲ್ಲ. ಮುಂದಿನ ಮಳೆಗಾಲದಲ್ಲಿ ಇನ್ನಷ್ಟು ಅನಾಹುತ ನಡೆಯುವ ಸಾಧ್ಯತೆಯಿದೆ. ಅಪಾಯಕಾರಿ ಸ್ಥಳದಲ್ಲಿ ತಡೆಗೋಡೆ ನಿರ್ಮಿಸಲು ನೀಡಿದ ಗಡುವು ಮುಗಿದರೂ ಆ ಕೆಲಸ ಮುಗಿದಿಲ್ಲ. ಗುಡ್ಡದ ಇನ್ನೊಂದು ಭಾಗ ಅಪಾಯಕಾರಿ ರೀತಿ ಭಾಸವಾಗುತ್ತಿದ್ದು, ಅವಘಡ ತಡೆಗೆ ಮಾಡಿದ ಯೋಜನೆಗಳು ಗಂಭೀರವಾಗಿ ಕಾರ್ಯರೂಪಕ್ಕೆ ಬಂದಿಲ್ಲ. 2024ರ ಜುಲೈ ತಿಂಗಳಲ್ಲಿ ಶಿರೂರು ಗುಡ್ಡ ಕುಸಿದವಾಗಿದ್ದರಿಂದ ಗಂಗಾವಳಿ ನದಿ ಸೇರಿದ ಮಣ್ಣು ಅಲ್ಲಿಯೇ ಇದೆ. ಸಾವಿರಾರು ಟನ್ ಮಣ್ಣಿನ ಜೊತೆ ಕಲ್ಬಂಡೆಗಳು ನದಿ ಸೇರಿದ್ದರಿಂದ ನೀರು ಹರಿಯುವಿಕೆಗೂ ಸಮಸ್ಯೆಯಾಗಿದೆ. ನದಿಯಲ್ಲಿ ಕಲ್ಲು-ಮಣ್ಣುಗಳಿರುವುದರಿಂದ ಮಳೆಗಾಲದ ಅವಧಿಯಲ್ಲಿ ನದಿ ನೀರು ಮತ್ತೆ ಹೆದ್ದಾರಿಗೆ ಬರುವ ಸಾಧ್ಯತೆಗಳಿದ್ದು, ಈ ಹಿನ್ನಲೆ ಸದ್ಯ ಆ ಮಣ್ಣನ್ನು ಅಲ್ಲಿಂದ ತೆರವು ಮಾಡುವ ಕಾರ್ಯಕ್ಕೆ ಚಾಲನೆ ದೊರೆತಿದೆ. ಗಂಗಾವಳಿ ನದಿಯಲ್ಲಿ ದೋಣಿ ಮೂಲಕ ಬ್ಯಾಥಮೆಟ್ರಿ ಸರ್ವೇ ಕಾರ್ಯ ನಡೆದಿದ್ದು, ಬಂದರು ಇಲಾಖೆಯ ಇಂಜಿನಿಯರ್ ರಾಜ್‌ಕುಮಾರ್ ಅವರು ಈ ಕಾರ್ಯದಲ್ಲಿ ಭಾಗಿಯಾಗಿದ್ದಾರೆ. ಜಿಲ್ಲಾಧಿಕಾರಿ ಕಚೇರಿಯ ಪ್ರಾಕೃತಿಕ ವಿಕೋಪ ವಿಭಾಗದ ಸಹಾಯಕ ನಿರ್ದೇಶಕ ಪ್ರಶಾಂತ್ ಅವರು ಸ್ಥಳದಲ್ಲಿದ್ದಾರೆ. ಇನ್ನೂ ಮೂರು ದಿನದಲ್ಲಿ ವಿವಿಧ ಯಂತ್ರಗಳನ್ನು ಬಳಸಿ ನದಿಯಲ್ಲಿದ್ದ ಮಣ್ಣು ತೆರವು ಮಾಡುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ.
- [ಸಂತಸದಿoದ ನಡೆದ ಶೃದ್ಧಾಂಜಲಿ ಸಭೆ!](https://mobiletime.in/2026/05/a-joyful-tribute-meeting-was-held/): ಯಲ್ಲಾಪುರದ ಹಿರಿಯ ಅಡಿಕೆ ವರ್ತಕ ಉಮೇಶ ಭಟ್ಟ ಅವರು ನಿಧನರಾಗಿದ್ದು, ಅನೇಕ ಗಣ್ಯರು ಸಂತಾಪ ಸೂಚಿಸಿದ್ದಾರೆ. ಈ ನಡುವೆ ಅವರ ಶೃದ್ಧಾಂಜಲಿ ಸಭೆಯೂ ಅತ್ಯಂತ ಸಡಗರದಿಂದ ನಡೆದಿದೆ. ಸಭೆ ಕೊನೆಗೆ ತೆಗೆದ ಫೋಟೋದಲ್ಲಿಯೂ ಸಭೆಯಲ್ಲಿ ಭಾಗವಹಿಸಿದವರು ಸಂತಸದ ಕ್ಷಣದಲ್ಲಿರುವುದು ಕಾಣಿಸಿದೆ. ಸಾಮಾನ್ಯವಾಗಿ ಶೃದ್ಧಾಂಜಲಿ ಸಭೆ ಅತ್ಯಂತ ದುಖ:ದಿಂದ ಕೂಡಿರುತ್ತದೆ. ಶೃದ್ಧಾಂಜಲಿ ಸಭೆಯಲ್ಲಿ ಭಾಗವಹಿಸಿದವರು ಭಾವನಾತ್ಮಕವಾಗಿರುತ್ತಾರೆ. ಅಗಲಿದ ಚೇತನದ ಗುಣಗಾನ ಮಾಡಿ ಅವರ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳುವ ಬಗ್ಗೆ ಗಣ್ಯರು ಮಾತನಾಡುತ್ತಾರೆ. ಆದರೆ, ಅಡಿಕೆ ವರ್ತಕರಾಗಿದ್ದ ಉಮೇಶ ಭಟ್ಟ ಅವರು ಜೀವನದಲ್ಲಿಯೂ ಸದಾ ಲವಲವಿಕೆಯಿಂದ ಕೂಡಿದ್ದು, ಅವರ ಶೃದ್ಧಾಂಜಲಿ ಸಭೆ ಸಹ ಅಷ್ಟೇ ಲವಲವಿಕೆಯಿಂದ ನಡೆದಿದೆ. ಉಮೇಶ ಭಟ್ಟ ಅವರು ಸಾಕಷ್ಟು ಕಷ್ಟ-ನಷ್ಟಗಳ ನಡುವೆಯೂ ಗೆಲುವು ಸಾಧಿಸಿ ಬದುಕಿದ್ದರು. ಎಷ್ಟೇ ಕಷ್ಟ ಬಂದರೂ ಜನರ ಜೊತೆ ಸಂತಸದಿAದಲೇ ಜೀವಿಸಿದ್ದರು. ಸದ್ಯ ಅವರ ಆಪ್ತರು ಶೃದ್ಧಾಂಜಲಿ ಸಭೆಯಲ್ಲಿಯೂ ಅದನ್ನೇ ಸ್ಮರಿಸಿದರು. ಕುಮಟಾ ಮೂಲದ ಉಮೇಶ ಭಟ್ಟ ಅವರು ಯಲ್ಲಾಪುರಕ್ಕೆ ಆಗಮಿಸಿ ಅಡಿಕೆ ವ್ಯವಹಾರದ ಟ್ರೇಡಿಂಗ್ ಕಂಪನಿ ಕಟ್ಟಿದ್ದರು. ಅನೇಕ ಅಡಿಕೆ ವ್ಯಾಪಾರಿಗಳಿಗೆ ಅವರು ಮಾರ್ಗದರ್ಶಕರಾಗಿದ್ದರು. ಅತ್ಯಂತ ಬಡತನದಲ್ಲಿ ಬದುಕಿದ್ದ ಅವರು ಪ್ರಾರಂಭದಲ್ಲಿ ಸೈಕಲ್ ಮೂಲಕವೇ ಎಲ್ಲಡೆ ಸಂಚರಿಸಿ ವ್ಯಾಪಾರ-ವಹೀವಾಟು ನಡೆಸುತ್ತಿದ್ದರು. 73 ವರ್ಷವಾದರೂ ಅವರ ಜೀವನೋತ್ಸಾಹ ಮಾತ್ರ ಕಡಿಮೆ ಆಗಿರಲಿಲ್ಲ. ಜೀವನದಲ್ಲಿ ಗಂಭೀರತೆಯಿದ್ದರೂ ಉಮೇಶ ಭಟ್ಟ ಅವರು ಆಪ್ತರ ಬಳಿ ನವಿರಾದ ಹಾಸ್ಯದೊಂದಿಗೆ ಮಾತನಾಡುತ್ತಿದ್ದರು. ಮೇ 19ರಂದು ಉಮೇಶ ಭಟ್ಟ ಅವರು ನಿಧನರಾದರು. ಈ ಹಿನ್ನಲೆ ಮೇ 19ರಂದು ವಿವಿಧ ಸಂಘ-ಸoಸ್ಥೆಯವರು ಹಾಗೂ ಅಡಿಕೆ ವ್ಯಾಪಾರಿಗಳು ಎಪಿಎಂಸಿ ಬಳಿ ಶೃದ್ಧಾಂಜಲಿ ಸಭೆ ನಡೆಸಿದರು. ಈ ಶೃದ್ಧಾಂಜಲಿ ಸಭೆಯಲ್ಲಿ ಉಮೇಶ ಭಟ್ಟ ಅವರ ಆತ್ಮಕ್ಕೆ ಶಾಂತಿ ಕೋರಿ ಪ್ರಾರ್ಥಿಸಲಾಯಿತು. ಅದಾದ ನಂತರ ಉಮೇಶ ಭಟ್ಟ ಅವರ ಜೀವನದ ಬಗ್ಗೆ ಕೆಲವರು ಮಾತನಾಡಿದ್ದು, ಅವರಲ್ಲಿದ್ದ ಹಾಸ್ಯಪ್ರಜ್ಞೆಯನ್ನು ಉದಾಹರಣೆಯೊಂದಿಗೆ ವಿವರಿಸಿದರು. ಈ ವೇಳೆ ಶೃದ್ಧಾಂಜಲಿ ಸಭೆಯಲ್ಲಿ ಭಾಗವಹಿಸಿದವರು ದುಖಃ ಮರೆತು ನಗೆಗಡಲಿನಲ್ಲಿ ತೇಲಿದರು. ಶೃದ್ಧಾಂಜಲಿ ಕಾರ್ಯಕ್ರಮದ ಫೋಟೋ ತೆಗೆಯುವ ಕ್ಷಣದಲ್ಲಿಯೂ ಆ ನಗೆ ಹಾಗೇ ಉಳಿದಿದ್ದು, ಚಿತ್ರ ದಾಖಲೆಯಲ್ಲಿ ಸೆರೆಯಾಯಿತು.
- [ಆ ಕೋತಿಗೆ ಕಮಲ ಎಂದರೆ ಪ್ರೀತಿ!](https://mobiletime.in/2026/05/to-that-monkey-lotus-means-love/): ಭಟ್ಕಳದ ಹೆಬಳೆ ಗ್ರಾಮದ ಸಿದ್ದಿವಿನಾಯಕ ದೇವಸ್ಥಾನ ಸಮೀಪ ಮಂಗವೊoದು ಓಡಾಡುತ್ತಿದ್ದು, ಕಮಲ ಎಂಬ ಹೆಸರಿನವರ ಮೇಲೆ ಈ ಕೋತಿ ದಾಳಿ ಮಾಡುತ್ತಿದೆ. ಈಗಾಗಲೇ ಕಮಲ ಎಂಬ ಮೂವರು ಮಹಿಳೆಯರಿಗೆ ಈ ಕೋತಿ ಕಚ್ಚಿದೆ! ಕಳೆದ ಒಂದು ವಾರದಿಂದ ಈ ಭಾಗದಲ್ಲಿ ಕೋತಿಯ ಉಪಟಳ ಹೆಚ್ಚಾಗಿದೆ. ಅದರಲ್ಲಿಯೂ, ಒಂಟಿಯಾಗಿರುವ ಕಪ್ಪು ಮೂತಿಯ ಕೋತಿ ಮನುಷ್ಯರನ್ನು ಹೆದರಿಸುತ್ತಿದೆ. ಮುಖ್ಯವಾಗಿ ಕಮಲ ಎಂಬ ಹೆಸರಿದ್ದವರ ಮೇಲೆ ಕೋತಿ ದಾಳಿ ಮಾಡಿರುವುದು ಇನ್ನೊಂದು ವಿಶೇಷ. ಅಲ್ಲಿಯೇ ಓಡಾಡುತ್ತಿದ್ದ `ಕೋಮಲಾ’ ಎಂಬಾತರಿಗೆ ಏನೂ ಮಾಡಿಲ್ಲ. ಆದರೆ, `ಕಮಲಾ’ ಎಂಬಾತರನ್ನು ಕಂಡರೆ ಮಾತ್ರ ಬಿಡುತ್ತಿಲ್ಲ! ಭಟ್ಕಳ ಹೆಬಳೆ ಗ್ರಾಮದ ಶ್ರೀ ಸಿದ್ದಿವಿನಾಯಕ ದೇವಸ್ಥಾನ ಸಮೀಪ ಕಳೆದ ಕೆಲವು ದಿನಗಳಿಂದ ಮಂಗನ ಕಾಟ ಹೆಚ್ಚಾಗಿದೆ. ಈ ಬಗ್ಗೆ ಅಲ್ಲಿನ ಜನ ಅರಣ್ಯ ಇಲಾಖೆಗೂ ಮಾಹಿತಿ ನೀಡಿದ್ದಾರೆ. ಮಂಗ ಮನೆ ಮನೆಗೂ ನುಗ್ಗಿ ಸಾರ್ವಜನಿಕರನ್ನು ಹೆದರಿಸುತ್ತಿದೆ. ಹೀಗಾಗಿ ಮಹಿಳೆಯರು-ಮಕ್ಕಳು ಮನೆ ಬಾಗಿಲ ಬಳಿ ಬರಲು ಭಯಪಡುತ್ತಿದ್ದಾರೆ. ಮಂಗನನ್ನು ಹಿಡಿಯುವಂತೆ ಜನ ಗ್ರಾಮ ಪಂಚಾಯತಗೆ ಅರ್ಜಿ ಕೊಟ್ಟಿದ್ದಾರೆ. ಅರಣ್ಯಾಧಿಕಾರಿಗಳಿಗೆ ಸಹ ಮನವಿ ಮಾಡಿದ್ದಾರೆ. ಆದರೆ, ಆ ಮಂಗ ಮಾತ್ರ ಬಂಧನದ ಬಲೆಗೆ ಬೀಳುತ್ತಿಲ್ಲ. `ಮಂಗನ ಹಿಡಿಯುವ ಪ್ರಯತ್ನ ನಡೆದಿದೆ. ಅರಣ್ಯ ಸಿಬ್ಬಂದಿ ಸ್ಥಳಕ್ಕೆ ತೆರಳಿ ಕಾರ್ಯಾಚರಣೆ ಮಾಡಿದ್ದಾರೆ. ಅದು ಬೇರೆ ಮಂಗಗಳ ಗುಂಪಿನಲ್ಲಿ ಸೇರಿದ್ದರಿಂದ ಹಿಡಿಯಲು ಸಾಧ್ಯವಾಗಿಲ್ಲ. ಅದಾಗಿಯೂ, ಮಂಗನ ಹಿಡಿಯುವ ಕಾರ್ಯ ಮುಂದುವರೆದಿದೆ’ ಎಂದು ವಲಯ ಅರಣ್ಯಾಧಿಕಾರಿ ವಿಶ್ವನಾಥ ನಾಯ್ಕ ಅವರು ಹೇಳಿದ್ದಾರೆ.
- [ಅಕ್ರಮ ಗೋ ಸಾಗಾಟ: ಕಳ್ಳತನದ ಬಗ್ಗೆ ಕಳವಳ!](https://mobiletime.in/2026/05/illegal-cow-trafficking-concerns-about-theft/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕೆಲ ದಿನಗಳಿಂದ ಜಾನುವಾರು ಕಳ್ಳತನ ಹೆಚ್ಚಾಗುತ್ತಿದ್ದು, ಇದಕ್ಕೆ ನಾಗರಿಕ ವೇದಿಕೆ ಅಧ್ಯಕ್ಷ ರಾಮು ನಾಯ್ಕ ಅವರು ಕಳವಳವ್ಯಕ್ತಪಡಿಸಿದ್ದಾರೆ. `ಕಳೆದ ಒಂದೇ ವಾರದಲ್ಲಿ ಜಾನುವಾರು ಕಳ್ಳತನದ ಮೂರು ಪ್ರಕರಣ ನಡೆದಿದೆ. ದುಬಾರಿ ಬೆಲೆಯ ಕಾರು-ಜೀಪುಗಳಲ್ಲಿ ಆಗಮಿಸಿ ಜಾನುವಾರು ಕದಿಯುತ್ತಿರುವುದು ಗೊತ್ತಾಗಿದೆ. ಹಿಂಸಾತ್ಮಕ ರೀತಿ ಜಾನುವಾರು ಕದಿಯುವವರು ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದರೂ, ತಪ್ಪಿಸಿಕೊಂಡು ಸಾಗಿದವರ ಲೆಕ್ಕವಿಲ್ಲ. ಪೊಲೀಸರು ನಿದ್ದೆ ಬಿಟ್ಟು ವಾಹನ ತಪಾಸಣೆ ಮಾಡಿದರೂ, ಅವರ ಪ್ರಯತ್ನ ಸಾಲುತ್ತಿಲ್ಲ. ಈ ಹಿನ್ನಲೆ ವಿವಿಧ ಇಲಾಖೆಗಳ ವಿಶೇಷ ತಂಡ ರಚಿಸಿ ತಿಂಗಳ ಅಂತ್ಯದವರೆಗೂ ತಪಾಸಣೆ ನಡೆಯಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಪೊಲೀಸರ ಜೊತೆ ಅರಣ್ಯ, ಪಶುಸಂಗೋಪನೆ ಹಾಗೂ ಸ್ಥಳೀಯರು ತಂಡದಲ್ಲಿರಬೇಕು. ಕೆಲವು ನಿರ್ದಿಷ್ಟ ರಸ್ತೆಗಳಲ್ಲಿ ಜಂಟಿ ನಾಕಾಬಂದಿ ಹಾಕಬೇಕು. ಮಳೆಗಾಲ ಪ್ರಾರಂಭವಾದನAತರ ಬಿಡಾಡಿ ದನಗಳು ರಸ್ತೆಯ ಮೇಲೆ ರಾತ್ರಿ ಕಳೆಯುವುದು ಕಡಿಮೆಯಾಗಲಿದ್ದು, ಆಗ ದನಗಳ್ಳರ ಹಾವಳಿಯೂ ತಗ್ಗಲಿದೆ. ಅಲ್ಲಿಯವರೆಗಾದರೂ ಜಿಲ್ಲಾ ಆಡಳಿತ ಈ ಬಗ್ಗೆ ಗಮನ ಹರಿಸಬೇಕು’ ಎಂದು ರಾಮು ನಾಯ್ಕ ಅವರು ಆಗ್ರಹಿಸಿದ್ದಾರೆ.
- [ಲೋಪದೋಷಗಳ ಬಗ್ಗೆ ಇಲ್ಲ ಗಮನ!](https://mobiletime.in/2026/05/dont-worry-about-the-errors/): ಅರಣ್ಯವಾಸಿಗಳು ಅನುಭವಿಸುತ್ತಿರುವ ಸಮಸ್ಯೆ ಬಗ್ಗೆ ಸಿದ್ದಾಪುರದ ಜನ ತಹಶೀಲ್ದಾರರ ಮೊರೆ ಹೋಗಿದ್ದಾರೆ. ರಾಜ್ಯ ಸರ್ಕಾರದ ನೀತಿಗೆ ವ್ಯತಿರಿಕ್ತವಾಗಿ ಜರುಗುತ್ತಿರುವ ಅರಣ್ಯವಾಸಿಗಳ ಜಂಟಿ ಮಹಜರ್ ಪ್ರಕ್ರಿಯೆಯ ನ್ಯೂನ್ಯತೆಯ ಬಗ್ಗೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಗಮನಸೆಳೆದಿದ್ದಾರೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಜಿಲ್ಲಾಧ್ಯಕ್ಷ ರವೀಂದ್ರ ನಾಯ್ಕ ಅವರ ನೇತ್ರತ್ವದಲ್ಲಿ ಹೋರಾಟಗಾರರು ಈ ದಿನ ಸಿದ್ದಾಪುರ ತಾಲೂಕಾ ದಂಡಾಧಿಕಾರಿ ಎಂ ಆರ್ ಕುಲಕರ್ಣಿ ಅವರನ್ನು ಭೇಟಿ ಮಾಡಿದರು. ಸರಕಾರದ ಆದೇಶ, ಸರಕಾರಿ ಅಧಿಕಾರಿಗಳಿಂದ ನಿರ್ಲಕ್ಷದಿಂದ ತಪ್ಪಾದ ಮಹಜರ್ ಪ್ರಕ್ರಿಯೆ ನಡೆಯುತ್ತಿದ್ದು, ಈ ಕುರಿತು ಸ್ಪಷ್ಟೀಕರಣ ನೀಡುವಂತೆ ಆಗ್ರಹಿಸಿದರು. ಅರಣ್ಯವಾಸಿಗಳಿಗೆ ನೋಟೀಸ್ ನೀಡದಿರುವುದು, ಮಹಜರ್ ಸಂದರ್ಭದಲ್ಲಿ ಅವಶ್ಯ ಅಧಿಕಾರ ವರ್ಗದವರ ಅನುಪಸ್ಥಿತಿ, ಜಂಟಿ ಮಹಜರ್ ಪ್ರಕ್ರಿಯೆಯಲ್ಲಿ ತಿರಸ್ಕರಿಸಿದ ಎಲ್ಲಾ ಅರ್ಜಿಗೆ ಸಂಬAಧಿಸಿ ಮಹಜರ್ ಪ್ರಕ್ರಿಯೆ ಅಳವಡಿಸದೇ ಇರುವುದರ ಬಗ್ಗೆ ಗಮನಸೆಳೆದರು. ಅರ್ಜಿದಾರರ ಅನುಪಸ್ಥಿತಿಯಲ್ಲಿ ಮಹಜರ್ ಜರುಗಿಸುವುದು, ಪ್ರಿಂಟೆಡ್ ಮಹಜರ್ ದಾಖಲೆಯೊಂದಿಗೆ ಯಾಂತ್ರಿಕವಾಗಿ ಮಹಜರ್ ಪ್ರಕ್ರಿಯೆ ಜರುಗಿಸುವುದು ಹಾಗೂ ಮೂಲ ಅರ್ಜಿಯಲ್ಲಿ ದಾಖಲಿಸಿದ ಸಾಗುವಳಿ ಕ್ಷೇತ್ರ ಮಹಜರ್ ಉಲ್ಲೇಖಿಸದಿರುವ ಬಗ್ಗೆ ಆಕ್ಷೇಪಿಸಿದರು. ಕೆ ಟಿ ನಾಯ್ಕ ಕ್ಯಾದಗಿ, ಮಾಬ್ಲೇಶ್ವರ್ ನಾಯ್ಕ ಬೇಡ್ಕಣಿ ಅವರು ಈ ಬಗ್ಗೆ ಮಾತನಾಡಿದ್ದು, ನಾಗಪತಿ ಗೌಡ ಹುತ್ಗಾರ್, ಮಂಜುನಾಥ ಮಡಿವಾಳ ಕಿಲಾರ, ರಾಜು ನಾಯ್ಕ ಕಿರೇಕೋಡ, ದಿವಾಕರ ನಾಯ್ಕ ಬಾಳೇಜಡ್ಡಿ, ಮಂಜು ಹುತ್ಗಾರ್, ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ, ಶಿವಾನಂದ ಹೊಸೂರು, ಸಿ,ಟಿ ನಾಯ್ಕ ಮುಂಡಿಗೆ ತಗ್ಗು, ಶ್ರೀಧರ್ ಹೆಗಡೆ ಅವರು ಧ್ವನಿಗೂಡಿಸಿದರು. ಮನವಿ ಸ್ವೀಕರಿಸಿದ ದಂಡಾಧಿಕಾರಿಗಳು `ಮಹಜರ್ ಸಮಸ್ಯೆಗಳ ಕುರಿತು ಶೀಘ್ರ ಜಿಲ್ಲಾಡಳಿತದ ಗಮನಕ್ಕೆ ತರಲಾಗುತ್ತದೆ’ ಎಂದರು.
- [ಅವಳ ಹೆಜ್ಜೆ: ಕಿರುಚಿತ್ರೋತ್ಸವಕ್ಕೆ ಸಕಲ ಸಿದ್ಧತೆ](https://mobiletime.in/2026/05/create-a-short-film-and-earn-lakhs-of-rupees/): ಮಹಿಳಾ ಚಿತ್ರನಿರ್ದೇಶಕಿಯರ ಸೃಜನಶೀಲತೆ ಪ್ರೋತ್ಸಾಹಿಸುವುದಕ್ಕಾಗಿ ಗುಬ್ಬಿವಾಣಿ ಟ್ರಸ್ಟ್ ವಿನೂತನ ಯೋಜನೆಯೊಂದನ್ನು ಸಿದ್ಧಪಡಿಸಿದೆ. ಮೇ 24 ರ ಭಾನುವಾರ ಚಾಮರಾಜಪೇಟೆಯ ಕನ್ನಡ ಸಾಹಿತ್ಯ ಪರಿಷತ್ತಿನಲ್ಲಿ `ಅವಳ ಹೆಜ್ಜೆ ಕಿರುಚಿತ್ರೋತ್ಸವ 2026′ ನಡೆಯಲಿದ್ದು, ಸ್ಪರ್ಧೆಯಲ್ಲಿ ಗೆಲ್ಲುವ ಕೃತಿಗೆ 1 ಲಕ್ಷ ರೂಪಾಯಿಯ ಬಹುಮಾನ ಘೋಷಿಸಿದೆ. ಸಿನೆಮಾ ರಂಗದಲ್ಲಿ ಹೆಣ್ಣಿನ ದೃಷ್ಟಿಕೋನವನ್ನು ಆಚರಿಸುವ ಈ ಹಬ್ಬದಲ್ಲಿ ಆಯ್ದ ಪ್ರಭಾವಶಾಲಿ ಕಿರುಚಿತ್ರಗಳ ಪ್ರದರ್ಶನವೂ ನಡೆಯಲಿದೆ. ಅಂದು ಬೆಳಿಗ್ಗೆ 10:00 ಗಂಟೆಗೆ ಅಧಿಕೃತವಾಗಿ ಚಾಲನೆ ಪಡೆಯಲಿರುವ ಈ ಚಿತ್ರೋತ್ಸವದಲ್ಲಿ ಭಿನ್ನ ಕಥಾಹಂದರ ಹೊಂದಿರುವ ಸಿನಿಮಾಗಳು ತೆರೆಕಾಣಲಿವೆ. ಮೊದಲಾರ್ಧದಲ್ಲಿ ಅನು ಕುಲಕರ್ಣಿಯವರ ‘ಕಾಶಿ ಕೈಲಾಸ’, ಅಶ್ವಿನಿ ಅನೀಶ್ ಅವರ ‘ಸೋರುತಿಹುದು ಮನೆಯ ಮಾಳಿಗಿ’, ಸುಪ್ರಿಯಾ ಶಂಕರ ನಿಪ್ಪಾಣಿ ಅವರ ‘ರೊಟ್ಟಿ’, ಸೀಮಾ ಶಶಿಧರ್ ಅವರ ‘ಎ ಲಿಟ್ಲ್ ಕೇರ್’ ಮತ್ತು ಸೌರಭಾ ರಾವ್ ಅವರ ‘ಹುಲಿಯಪ್ಪ’ ಚಿತ್ರಗಳು ಪ್ರದರ್ಶನಗೊಳ್ಳಲಿವೆ. ದ್ವಿತೀಯಾರ್ಧದಲ್ಲಿ ಸುಷ್ಮಾ ಭಾರದ್ವಾಜ್ ಅವರ `ದಾರಿ’, ಸುನಯನಾ ಸುರೇಶ್ ಅವರ `ಮೌನ ರಾಗ’, ಶ್ರೇಯ ಸುನಿಲ್ ಅವರ `ಆ ಮಾಡಿ’, ಹರ್ಷಿತ ಜಿ. ಹಾಗೂ ರಚನ ಸುವರ್ಣ ಜೋಡಿಯ ‘ಗೆಜ್ಜೆ’ ಮತ್ತು ವನು ಪಾಟೀಲ್ ಅವರ `ನಿತ್ಯ’ ಚಿತ್ರಗಳು ಪ್ರೇಕ್ಷಕರ ಮುಂದೆ ಬರಲಿವೆ. ಕೇವಲ ಸಿನಿಮಾ ನೋಡುವುದಷ್ಟೇ ಅಲ್ಲದೆ, ಪ್ರತಿಯೊಂದು ಪ್ರದರ್ಶನದ ನಂತರ ವೀಕ್ಷಕರು ನಿರ್ದೇಶಕಿಯರ ಜೊತೆ ಮುಖಾಮುಖಿಯಾಗಿ ಕಥೆ ಹಾಗೂ ತಂತ್ರಜ್ಞಾನದ ಕುರಿತು ಪ್ರಶ್ನಿಸುವ ಅಪರೂಪದ ಸಂವಾದವೂ ಇಲ್ಲಿರಲಿದೆ. ಚಿತ್ರೋತ್ಸವದ ಮತ್ತೊಂದು ವಿಶೇಷ ಆಕರ್ಷಣೆ ಸಂಜೆ 5:00 ಗಂಟೆಗೆ ನಡೆಯಲಿರುವ “ಸಿನೆಮಾದಲ್ಲಿ ಅವಳ ಹೆಜ್ಜೆ ‘ಅ – ಅಃ’ ವರೆಗೆ” ಎಂಬ ಗಂಭೀರ ಚರ್ಚಾಗೋಷ್ಠಿ. ಚಿತ್ರೋತ್ಸವದ ಸಾರಥ್ಯ ವಹಿಸಿರುವ ಶಾಂತಲಾ ದಾಮ್ಲ ಅವರ ಸಾರಥ್ಯದಲ್ಲಿ ನಡೆಯುವ ಈ ಸಂವಾದದಲ್ಲಿ ಖ್ಯಾತ ನಟಿ ನೀತು ಶೆಟ್ಟಿ, ಗ್ರೀಷ್ಮಾ ಶ್ರೀಧರ್, ಸಂಗೀತಾ ನಂಜುAಡಸ್ವಾಮಿ ಹಾಗೂ ಸಂಜೋತಾ ಭಂಡಾರಿ ಚಿತ್ರರಂಗದಲ್ಲಿ ಮಹಿಳೆಯರ ಏಳುಬೀಳುಗಳ ಕುರಿತು ಅನಿಸಿಕೆ ಹಂಚಿಕೊಳ್ಳಲಿದ್ದಾರೆ. ಕಾರ್ಯಕ್ರಮದ ಆರಂಭದಲ್ಲಿ ಟ್ರಸ್ಟ್ನ ಸಂಸ್ಥಾಪಕಿ ಮಾಲವಿಕ ಗುಬ್ಬಿವಾಣಿ ಅವರು ಮಾತನಾಡಲಿದ್ದಾರೆ. ಅಂತಿಮವಾಗಿ ಸಂಜೆ 6:00 ಗಂಟೆಗೆ ಸಿನೆಮಾ ಗಣ್ಯರ ಸಮ್ಮುಖದಲ್ಲಿ ತೀರ್ಪುಗಾರರ ನಿರ್ಧಾರದಂತೆ ವಿಜೇತರನ್ನು ಪ್ರಕಟಿಸಿ, ಪ್ರಶಸ್ತಿ ಹಾಗೂ 1 ಲಕ್ಷ ರೂಪಾಯಿ ನಗದು ಪುರಸ್ಕಾರವನ್ನು ಹಸ್ತಾಂತರಿಸಲಾಗುವುದು. ಕಲಾತ್ಮಕ ಸಿನಿಮಾಗಳನ್ನು ಇಷ್ಟಪಡುವ ಪ್ರೇಕ್ಷಕರಿಗೆ ಈ ಉತ್ಸವ ಉತ್ತಮ ಅನುಭವ ನೀಡಲಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಲು ಆಯೋಜಕರು ಆಹ್ವಾನಿಸಿದ್ದಾರೆ.
- [ಸೊಸೈಟಿ ಸಾಲ: ಜಾಮೀನುದಾರನಿಗೆ ದಂಡ!](https://mobiletime.in/2026/05/society-loan-fine-for-guarantor/): ಕಷ್ಟ ಕಾಲದಲ್ಲಿ ಸಾಲ ನೀಡಿದ ಸೊಸೈಟಿಗೆ ಅನ್ಯಾಯವಾಗುತ್ತಿರುವುದನ್ನು ಸಹಿಸದ ಶಿರಸಿ ನ್ಯಾಯಾಲಯ ಸಾಲಕ್ಕೆ ಜಾಮೀನು ನೀಡಿದ ವ್ಯಕ್ತಿಗೆ ದಂಡ ವಿಧಿಸಿದೆ. ಶಿರಸಿ ನಗರದ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದಲ್ಲಿ ದೊಡ್ನಳ್ಳಿಯ ಗೋಪಾಲ ಕೇಶವ ಗಾಣಿಗ ಅವರು ಸಾಲಪಡೆದಿದ್ದರು. 2022ರಲ್ಲಿ ಅವರು 1 ಲಕ್ಷ ರೂ ಸಾಲಪಡೆದಿದ್ದು, ಆ ಸಾಲದ ಹಣವನ್ನು ಸಂಪೂರ್ಣವಾಗಿ ಅನುಭವಿಸಿದ್ದರು. ಈ ಸಾಲಕ್ಕೆ ಅವರ ಸಹೋದರ ಸಂತೋಷ ಕೇಶವ ಗಾಣಿಗ ಅವರು ಜಾಮೀನು ನೀಡಿದ್ದರು. ಕಷ್ಟಕಾಲದಲ್ಲಿ ಸಾಲದ ಹಣ ಬಳಸಿಕೊಂಡು ಅಭಿವೃದ್ಧಿಯಾದ ಗೋಪಾಲ ಗಾಣಿಗ ಅವರು ನಂತರ ಸಾಲ ಮರುಪಾವತಿಗೆ ಆಸಕ್ತಿವಹಿಸಲಿಲ್ಲ. ಜಾಮೀನುದಾರರಾಗಿದ್ದ ಸಂತೋಷ ಗಾಣಿಗ ಅವರು ಸಹ ಆ ಸಾಲ ತೀರಿಸಲು ಮುಂದೆ ಬರಲಿಲ್ಲ. ಕೆಲ ಕಾಲ ಬಡ್ಡಿ ಪಾವತಿ ಮಾಡಿದ ಸಾಲಗಾರರು ನಂತರ ಅದನ್ನು ಮರೆತರು. ಸೊಸೈಟಿ ಸಿಬ್ಬಂದಿ ಸಾಕಷ್ಟು ಬಾರಿ ಓಡಾಡಿದರೂ ಅಸಲು ಹಾಗೂ ಬಡ್ಡಿ ವಸೂಲಿ ಆಗದ ಹಿನ್ನಲೆ ಈ ಬಗ್ಗೆ ನ್ಯಾಯಾಲಯದ ಮೊರೆ ಹೋದರು. ಸಾಲ ಮರು ಪಾವತಿಗೆ ನೀಡಿದ್ದ ಚೆಕ್ ಸಹ ಅಮಾನ್ಯವಾದ ಹಿನ್ನಲೆ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ ಅವರು ನ್ಯಾಯಾಲಯದಲ್ಲಿ ದೂರು ದಾಖಲಿಸಿದರು. ಸಾಲ ಮರುಪಾವತಿಗೆ ಜಾಮೀನುದಾರರು ನೀಡಿದ ಚೆಕ್ ಅಮಾನ್ಯವಾದ ಬಗ್ಗೆ ನ್ಯಾಯಾಲಯಕ್ಕೆ ವಿವರಿಸಿದರು. ಈ ಪ್ರಕರಣದ ಬಗ್ಗೆ ನ್ಯಾಯವಾದಿ ಪ್ರಶಾಂತ ನಾಯ್ಕ ಅವರು ವಾದ ಮಂಡಿಸಿದ್ದು, ಕಷ್ಟದ ಅವಧಿಯಲ್ಲಿ ನೆರವು ನೀಡಿದ ಸೊಸೈಟಿಗೆ ಸಾಲಗಾರರು ಮಾಡಿದ ಅನ್ಯಾಯದ ಬಗ್ಗೆ ವಿವರಿಸಿದರು. ವಾದ ಹಾಗೂ ಪ್ರತಿ ವಾದ ಆಲಿಸಿದ ಜೆ ಎಂ ಎಫ್ ಸಿ ನ್ಯಾಯಾಲಯದ ನ್ಯಾಯಾಧೀಶೆ ಶಾರದಾದೇವಿ ಹಟ್ಟಿ ಅವರು ಸಾಲಕ್ಕೆ ಜಾಮೀನು ನೀಡಿದ ಸಂತೋಷ ಕೇಶವ ಗಾಣಿಗ ಅವರು 1 ಸಾವಿರ ರೂ ಕೋರ್ಟ ಫೀ ಹಾಗೂ 81912ರೂ ಸೊಸೈಟಿಗೆ ಪಾವತಿಸಬೇಕು ಎಂದು ಆದೇಶಿಸಿದರು. ಈ ಆದೇಶ ಪಾಲಿಸದೇ ಇದ್ದರೆ 3 ತಿಂಗಳು ಜೈಲು ಶಿಕ್ಷೆ ಅನುಭವಿಸುವಂತೆಯೂ ತೀರ್ಪು ಪ್ರಕಟಿಸಿದರು.
- [ನಿನ್ನೆ ಆದೇಶ.. ಈ ದಿನ ಉಪದೇಶ!](https://mobiletime.in/2026/05/ordered-yesterday-preached-today/): ಉತ್ತರ ಕನ್ನಡ ಜಿಲ್ಲೆಯಲ್ಲಿನ ಜಲಕ್ರೀಡೆಗಳನ್ನು ನಿಷೇಧಿಸಿ ಸರ್ಕಾರ ಆದೇಶ ಹೊರಡಿಸಿದ್ದು, ಸಮುದ್ರದ ನೀರಿಗೆ ಇಳಿಯದಂತೆ ಪೊಲೀಸರು ಅರಿವು ಮೂಡಿಸುತ್ತಿದ್ದಾರೆ. ಈ ಬೆನ್ನಲ್ಲೆ ಜಲಕ್ರೀಡೆ ನಿಷೇಧದ ಆದೇಶವನ್ನು ಹಿಂಪಡೆಯಲಾಗಿದೆ! ಉತ್ತರ ಕನ್ನಡದ ಜಿಲ್ಲಾಡಳಿತದ ಅಡಿ ರಿವರ್ ರಾಫ್ಟಿಂಗ್ ಮತ್ತು ಜಲಸಾಹಸ ಕ್ರೀಡೆ ನಿರ್ವಹಣೆ ಮತ್ತು ಮೇಲುಸ್ತುವಾರಿ ಎಂಬ ಸಮಿತಿಯೊಂದನ್ನು ರಚಿಸಲಾಗಿದೆ. ಈ ಸಮಿತಿಗೆ ಜಿಲ್ಲಾಧಿಕಾರಿಗಳು ಅಧ್ಯಕ್ಷರಾಗಿದ್ದು, ವಿವಿಧ ಇಲಾಖೆ ಅಧಿಕಾರಿಗಳು ಸದಸ್ಯರಾಗಿದ್ದಾರೆ. ಪ್ರವಾಸೋದ್ಯಮ ಇಲಾಖೆ ಉಪನಿರ್ದೇಶಕರು ಸಮಿತಿಯ ಉಸ್ತುವಾರಿ ನೋಡಿಕೊಳ್ಳುತ್ತಾರೆ. ಉತ್ತರ ಕನ್ನಡ ಜಿಲ್ಲೆಯ ಮಳೆ ನೋಡಿದ ಪ್ರವಾಸೋದ್ಯಮ ಇಲಾಖೆ ಉಪನಿರ್ದೇಶಕಿ ಮಂಗಲಗೌರಿ ಭಟ್ಟ ಅವರು ಮೇ 18ರಂದು ಜಲಕ್ರೀಡೆಗಳನ್ನು ನಿಷೇಧಿಸಿ ಆದೇಶ ಹೊರಡಿಸಿದ್ದರು. ಜೊತೆಗೆ ನದಿ ನೀರಿನಲ್ಲಿ ನಡೆಯುವ ಪ್ರೀ ವೆಡ್ಡಿಂಗ್ ಶೂಟ್’ನ ಸೆಟ್ ಅಳವಡಿಕೆಗೂ ನಿರ್ಬಂಧ ಹೇರಿದ್ದರು. ಮಳೆಗಾಲಕ್ಕೂ ಮುನ್ನವೇ ಈ ಬಗ್ಗೆ ಆದೇಶಿಸಿದ ಕಾರಣ ಆಕ್ಷೇಪವ್ಯಕ್ತವಾಗಿದ್ದು, ಈ ಬಗ್ಗೆ ಮಾಧ್ಯಮ ವರದಿ ಪ್ರಸಾರದ ಹಿನ್ನಲೆ ಆ ಆದೇಶವನ್ನು ಅವರು ಹಿಂಪಡೆದಿದ್ದಾರೆ. ಮೇ 19ರ ಸಂಜೆಯಿAದ ಕಡಲತೀರದಲ್ಲಿ ಅಬ್ಬರ ಕಡಿಮೆಯಾದ ಹಿನ್ನಲೆ ಪ್ರವಾಸೋದ್ಯಮ ಉಪನಿರ್ದೇಶಕಿ ಮಂಗಲಗೌರಿ ಭಟ್ಟ ಅವರು ಮೇ 20ರಂದು ತಮ್ಮ ಆದೇಶ ಹಿಂಪಡೆದು ಮತ್ತೊಂದು ಆದೇಶ ಹೊರಡಿಸಿದ್ದಾರೆ. ದೂರ ದೂರದ ಊರುಗಳಿಂದ ಬರುವ ಪ್ರವಾಸಿಗರಿಗೆ ನಿರಾಸೆ ಆಗದಂತೆ ತಡೆಯುವುದಕ್ಕಾಗಿ ಈ ಹಿಂದೆ ಹೊರಡಿಸಿದ್ದ ಆದೇಶ ಹಿಂಪಡೆದಿರುವುದಾಗಿ ತಿಳಿಸಲಾಗಿದೆ. ಜೊತೆಗೆ ಸುರಕ್ಷತಾ ಕ್ರಮಗಳೊಂದಿಗೆ ಈ ಹಿಂದೆ ನಡೆಸುತ್ತಿದ್ದ ಎಲ್ಲಾ ಜಲಕ್ರೀಡಾ ಚಟುವಟಿಕೆಯನ್ನು ಮುಂದುವರೆಸುವ ಬಗ್ಗೆ ಅವರು ಸೂಚಿಸಿದ್ದಾರೆ. ಅದಾಗಿಯೂ, ಸುರಕ್ಷತೆ ದೃಷ್ಠಿಯಿಂದ ಕಡಲಿಗೆ ಇಳಿಯುವ ಪ್ರವಾಸಿಗರಿಗೆ ಪೊಲೀಸರು ಮುನ್ನಚ್ಚರಿಕೆ ನೀಡುತ್ತಿದ್ದಾರೆ.
- [ಜನೌಷಧಿ ಕೇಂದ್ರಕ್ಕೆ‌ ರಜೆ ಇಲ್ಲ!](https://mobiletime.in/2026/05/there-is-no-holiday-at-the-janaushadhi-center/): ಆನ್‌ಲೈನ್ ಮೂಲಕ ಔಷಧ ಮಾರಾಟ ವಿರೋಧಿಸಿ ಮೇ 20ರಂದು ದೇಶದ ಎಲ್ಲಡೆ ಔಷಧ ವ್ಯಾಪಾರಿಗಳು ಮುಷ್ಕರ ನಡೆಸುತ್ತಿದ್ದಾರೆ. ಆದರೆ, ಜನೌಷಧಿ ಕೇಂದ್ರಗಳು ಈ ಮುಷ್ಕರದಿಂದ ದೂರ ಉಳಿದಿವೆ. ಜೊತೆಗೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಪೋಲೋ, ಮೆಡ್ ಪ್ಲಸ್‌ ಮೊದಲಾದ ಔಷಧ ಮಳಿಗೆಗಳು ಬಾಗಿಲು ತೆರೆದು ಸೇವೆ ಕೊಡಲಿದೆ. ಆನ್‌ಲೈನ್‌ ಮೂಲಕ ಔಷಧ ಮಾರಾಟ ಹಾಗೂ ಅಧಿಕ ರಿಯಾಯಿತಿ ವಿರೋಧಿಸಿ ರಾಜ್ಯದಲ್ಲಿ 20‌ಸಾವಿರಕ್ಕೂ ಅಧಿಕ ಔಷಧಿ ಅಂಗಡಿಯವರು ಮುಷ್ಕರ ನಡೆಸಲು ನಿರ್ಧರಿಸಿದ್ದಾರೆ.‌ ಅಖಿಲ ಭಾರತ ರಸಾಯನಶಾಸ್ತ್ರಜ್ಞರು ಮತ್ತು ರೋಗನಿರ್ಣಯಕಾರರ ಒಕ್ಕೂಟ (AIOCD) ಹಾಗೂ ಕರ್ನಾಟಕ ಕೆಮಿಸ್ಟ್ಸ್ ಮತ್ತು ಡ್ರಗಿಸ್ಟ್ಸ್ ಅಸೋಸಿಯೇಷನ್ (KCDA) ಈ ಮುಷ್ಕರಕ್ಕ ಕರೆ ನೀಡಿದೆ. ಆನ್‌ಲೈನ್ ಕಂಪನಿಗಳು ನಿಯಮ’ಬಾಹಿರವಾಗಿ ಔಷಧಿ ಮಾರಾಟ ಮಾಡುತ್ತಿದ್ದು, ಸಣ್ಣ ವ್ಯಾಪಾರಿಗಳ ಜೀವನೋಪಾಯಕ್ಕೆ ಧಕ್ಕೆ ತರುತ್ತಿವೆ’ ಎಂಬುದು ಅವರ ಆರೋಪವಾಗಿದೆ. ​ಈ ಮುಷ್ಕರದ ಹಿನ್ನಲೆ ಸಾರ್ವಜನಿಕರಿಗೆ ಸಮಸ್ಯೆ ಆಗುವುದನ್ನು ಅರಿತು ಜಿಲ್ಲಾ ಔಷಧ‌‌ ನಿಯಂತ್ರಕರು‌ ತುರ್ತು ಸಂದೇಶ ರವಾನಿಸಿದ್ದಾರೆ. ಅದರ ಪ್ರಕಾರ, ಉತ್ತರ‌ ಕನ್ನಡ ಜಿಲ್ಲೆಯಲ್ಲಿನ ಜನೌಷಧಿ ಕೇಂದ್ರಗಳು ಹಾಗೂ ಆಸ್ಪತ್ರೆಗಳು ಮತ್ತು ಕ್ಲಿನಿಕ್ ಗಳಿಗೆ ಹೊಂದಿಕೊಂಡಿರುವ ಮೆಡಿಕಲ್ ಶಾಪ್ ಗಳು ಎಂದಿನಂತೆ ಕಾರ್ಯ ನಿರ್ವಹಿಸಲಿವೆ ಎಂದವರು ಮಾಹಿತಿ‌ ನೀಡಿದ್ದಾರೆ.  
- [ರೈಲಿನಡಿ ಬಿದ್ದರೂ ಬದುಕಿದ ಮಹಿಳೆ!](https://mobiletime.in/2026/05/a-woman-survived-after-falling-under-a-train/): ಭಟ್ಕಳದಲ್ಲಿ ಮಹಿಳೆಯೊಬ್ಬರು ರೈಲಿನ ಅಡಿ ಬಿದ್ದಿದ್ದಾರೆ. ತಕ್ಷಣ ಸಹ ಪ್ರಯಾಣಿಕರು ರೈಲಿನ ಚೈನ್ ಎಳೆದು, ಮಹಿಳೆಯನ್ನು ಬದುಕಿಸಿದ್ದಾರೆ! ಭಟ್ಕಳ ನಗರದ ರೈಲ್ವೇ ನಿಲ್ದಾಣದಲ್ಲಿ ಮಹಿಳೆಯೊಬ್ಬರು ರೈಲ್ವೇ ಹಳಿಯ ಕೆಳಗಡೆ ಬಿದ್ದಿದ್ದು, ಅವರನ್ನು ಅಲ್ಲಿದ್ದ ಪ್ರಯಾಣಿಕರೇ ರಕ್ಷಿಸಿದ್ದಾರೆ. ಕಾರವಾರದಿಂದ ಬೆಂಗಳೂರಿಗೆ ತೆರಳುವ ಪಂಚಗoಗಾ ರೈಲಿನಲ್ಲಿ ಪ್ರಯಾಣಿಸುತ್ತಿರುವ ಮಹಿಳೆ ಆಯತಪ್ಪಿ ಕೆಳಗೆ ಬಿದ್ದಿದ್ದನ್ನು ನೋಡಿದ ಜನ ತಕ್ಷಣ ಕಾರ್ಯಾಚರಣೆ ನಡೆಸಿದ್ದಾರೆ. ಪ್ರಯಾಣಿಕರ ಸಮಯ ಪ್ರಜ್ಞೆಯಿಂದಾಗಿ ಆ ಮಹಿಳೆ ಬದುಕುಳಿದಿದ್ದಾರೆ. ಆ ಮಹಿಳೆ ರೈಲಿನ ಬಾಗಿಲ ಬಳಿ ನಿಂತು ಪ್ರಯಾಣ ಮಾಡುತ್ತಿದ್ದರು. ಭಟ್ಕಳ ರೈಲ್ವೇ ನಿಲ್ದಾಣದಲ್ಲಿ ರೈಲು ನಿಲ್ಲುವ ಮೊದಲೇ ಬಾಗಿಲಿನ ಸಮೀಪ ಬಂದಿದ್ದರಿAದ ರೈಲಿನಿಂದ ಕೆಳಗೆ ಬಿದ್ದರು. ತಕ್ಷಣ ಜೊತೆಗಿದ್ದ ಪ್ರಯಾಣಿಕರು ರೈಲಿನ ಚೈನ್ ಎಳೆದಿದ್ದಾರೆ. ಈ ವೇಳೆ ರೈಲು ನಿಂತಿದ್ದು, ಮಹಿಳೆಗೆ ಅಪಾಯ ಆಗದಿರುವುದನ್ನು ನೋಡಿ ಜನ ನಿಟ್ಟಿಸುರು ಬಿಟ್ಟಿದ್ದಾರೆ. ಈ ವೇಳೆ ರೈಲನ್ನು ಸ್ವಲ್ಪ ಹಿಂದಕ್ಕೆ ಚಲಿಸಿ ರೈಲ್ವೇ ಹಳಿಯಲ್ಲಿದ್ದ ಪ್ರಯಾಣಿಕ ಮಹಿಳೆಯನ್ನು ರಕ್ಷಿಸಲಾಗಿದೆ. ರಕ್ಷಣೆಗೆ ಒಳಗಾದ ಮಹಿಳೆಯ ಹೆಸರು-ವಿಳಾಸ ಗೊತ್ತಾಗಿಲ್ಲ.
- [ದುಡಿಯಲು ಬಂದವನ ದುರಂತ ಅಂತ್ಯ: ಪಾಲಕರ ನೆನಪಿನಲ್ಲಿ ಪ್ರಾಣ ತ್ಯಾಗ!](https://mobiletime.in/2026/05/tragic-end-for-a-man-who-came-to-work-sacrifice-of-life-in-memory-of-parents/): ಅಮೃತ 2.0 ಯೋಜನೆ ಕೆಲಸಕ್ಕೆ ಸಿದಾಪುರಕ್ಕೆ ಬಂದಿದ್ದ ಕಾರ್ಮಿಕರೊಬ್ಬರು ತಂದೆ-ತಾಯಿ ನೆನಪಿನಲ್ಲಿ ಪ್ರಾಣತ್ಯಾಗ ಮಾಡಿದ್ದಾರೆ. ಊರಿಗೆ ಮರಳಲು ಸಾಧ್ಯವಾಗದ ಕಾರಣ ಅವರು ಸಾವಿಗೆ ಶರಣಾಗಿದ್ದಾರೆ. ಸಿದ್ದಾಪುರ ತಾಲೂಕಿನ ಅಕ್ಕುಂಜಿ ಗ್ರಾಮದಲ್ಲಿ ಅಮೃತ 2.0 ನೀರು ಸರಬರಾಜು ಕಾಮಗಾರಿ ನಡೆಯುತ್ತಿದೆ. ಈ ಕೆಲಸಕ್ಕಾಗಿ ಬಿಹಾರ ಮೂಲದ ಕೂಲಿ ಕಾರ್ಮಿಕ ಕಲ್ಲು ಸತನ ಮಾಂಜಿ ಅವರನ್ನು ಕರೆಯಿಸಲಾಗಿದೆ. ಆದರೆ, 19 ವರ್ಷದ ಕಲ್ಲು ಮಾಂಜಿ ಅವರಿಗೆ ಅಲ್ಲಿ ಕೆಲಸ ಮಾಡಲು ಇಷ್ಟವಿರಲಿಲ್ಲ. `ಊರಿಗೆ ಹೋಗಬೇಕು. ತಂದೆ-ತಾಯಿ ನೋಡಬೇಕು’ ಎಂದುಕೊAಡರೂ ಅದು ಸಾಧ್ಯವಾಗಿರಲಿಲ್ಲ. ಕಳೆದ ನಾಲ್ಕು ತಿಂಗಳ ಹಿಂದೆ ಬಿಹಾರದಿಂದ ಬಂದಿದ್ದ ಕಲ್ಲು ಮಾಂಜಿ ತನ್ನ ತಂದೆ-ತಾಯಿಯನ್ನು ಬಿಟ್ಟಿರಲಾರದೇ ಮಾನಸಿಕವಾಗಿ ಕುಗ್ಗಿದ್ದು, ಊರಿಗೆ ಹೋಗಬೇಕು ಎಂದು ಹಠ ಹಿಡಿದಿದ್ದರು. ಆದರೆ, ಜೊತೆಗಿದ್ದವರು `ಇನ್ನೊಂದು ವಾರದಲ್ಲಿ ಎಲ್ಲರೂ ಒಟ್ಟಿಗೆ ಊರಿಗೆ ಹೋಗೋಣ’ ಎಂದು ಬುದ್ಧಿವಾದ ಹೇಳಿದ್ದರು. ಪಾಲಕರಿಂದ ದೂರವಿದ್ದ ಕಲ್ಲು ಕುಂಜಿ ಸರಾಯಿ ಸೇವನೆ ಶುರು ಮಾಡಿದ್ದು, ಅದಾಗಿಯೂ ತಂದೆ-ತಾಯಿ ನೆನಪಾದ ಹಿನ್ನಲೆ ಆತ್ಮಹತ್ಯೆಯ ನಿರ್ಧಾರ ಮಾಡಿದ್ದಾರೆ. ಮೇ 18ರಂದು ಅರಣ್ಯ ಪ್ರದೇಶದಲ್ಲಿ ಕಲ್ಲು ಕುಂಜಿ ನೇಣಿಗೆ ಶರಣಾದ ಸ್ಥಿತಿಯಲ್ಲಿ ಸಿಕ್ಕಿದ್ದಾರೆ. ಮೇ 16ರಂದೇ ಅವರು ಸಾವನಪ್ಪಿದ ಅನುಮಾನವಿದೆ. ಈ ಬಗ್ಗೆ ಅಜಯ ಮಾಂಜಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
- [ಕಬ್ಬಿಣ ತುಂಬಿದ ಲಾರಿ ಅಪಘಾತ: ಮಾಲಕ ಸಾವು.. ಚಾಲಕ ಪಾರು!](https://mobiletime.in/2026/05/lorry-loaded-with-iron-accident-owner-dies-driver-escapes/): ದೆಹಲಿಯಿಂದ ಕೇರಳಕ್ಕೆ ಕಬ್ಬಿಣ ಸಾಗಿಸುತ್ತಿದ್ದ ಲಾರಿ ಯಲ್ಲಾಪುರದ ಅರಬೈಲ್ ಘಟ್ಟದಲ್ಲಿ ಅಪಘಾತಕ್ಕೀಡಾಗಿದೆ. ಲಾರಿ ಕಂದಕಕ್ಕೆ ಬೀಳುವುದನ್ನು ನೋಡಿ ಲಾರಿಯಿಂದ ಹಾರಿದ ಮಾಲಕ ಸ್ಥಳದಲ್ಲಿಯೇ ಸಾವನಪ್ಪಿದ್ದು, ಲಾರಿ ಓಡಿಸುತ್ತಿದ್ದ ಚಾಲಕ ಅಲ್ಲಿಯೇ ಕುಳಿತು ಪ್ರಾಣ ಉಳಿಸಿಕೊಂಡಿದ್ದಾರೆ. ಹರಿಯಾಣದ ಜಾಲುಲ್ ಜಲಾಲುದ್ಧೀನ್ ಅವರು ಸ್ವಂತ ಲಾರಿ ಹೊಂದಿದ್ದು, ಅದರ ಮೂಲಕ ಸರಕು ಸಾಗಾಣಿಕೆ ಮಾಡುತ್ತಿದ್ದರು. ಆ ಲಾರಿಯಿಂದ ಬಂದ ಆದಾಯದಿಂದಲೇ ಅವರು ಕುಟುಂಬ ನಡೆಸುತ್ತಿದ್ದರು. ಮೇ 14ರಂದು ಅವರ ಲಾರಿ ದೆಹಲಿಯಿಂದ ಕಬ್ಬಿಣದ ಪೈಪು ತುಂಬಿಸಿ ಕೇರಳದ ತಿರುವನಂತಪುರA ಗೆ ಹೊರಟಿತು. ಆ ಲಾರಿಯಲ್ಲಿ ಸ್ವತ: ಜಾಲುಲ್ ಜಲಾಲುದ್ಧೀನ್ ಅವರು ಕೂತಿದ್ದು, ಉತ್ತರ ಪ್ರದೇಶದ ನಜೀರ್ ಮಹಾಜುದ್ದೀನ್ ಲಾರಿ ಓಡಿಸುತ್ತಿದ್ದರು. ಮೇ 18ರಂದು ಆ ಲಾರಿ ಯಲ್ಲಾಪುರ ತಲುಪಿತು. ಸಂಜೆ ಅಂಕೋಲಾ ಕಡೆ ಸಾಗಿದ್ದು, ಅರಬೈಲ್ ಘಟ್ಟದ ಬಳಿ ಅಪಘಾತಕ್ಕೀಡಾಯಿತು. ಎದುರಿನಿಂದ ಬಂದ ವಾಹನ ತಪ್ಪಿಸಲು ಹೋಗಿ ಲಾರಿ ಕಂದಕಕ್ಕೆ ಹಾರಿತು. ಅಪಘಾತದ ವೇಳೆ ಆತುರಕ್ಕೆ ಬಿದ್ದ ಲಾರಿ ಮಾಲಕ ಜಾವೇದ್ ಅವರು ತಕ್ಷಣ ಲಾರಿಯಿಂದ ಹಾರಿದರು. ಪರಿಣಾಮ ಸೊಂಟಕ್ಕೆ ಭಾರೀ ಪ್ರಮಾಣದಲ್ಲಿ ನೋವಾಗಿ ಅವರು ಅಲ್ಲಿಯೇ ಸಾವನಪ್ಪಿದರು. ಲಾರಿ ಓಡಿಸುತ್ತಿದ್ದ ನಜೀರ್ ಮಹಾಜುದ್ದೀನ್ ಅವರಿಗೆ ಅಪಘಾತದಲ್ಲಿ ಗಾಯವಾಗಿದ್ದರೂ ಅವರು ಸಾವು ಗೆದ್ದು ಬಂದರು. ಅಪಘಾತದ ಬಗ್ಗೆ ಜಾವೇದ್ ಅವರ ಸಂಬAಧಿ ಜಾಹುಲ್ ಹಕ್ ಅವರಿಗೆ ನಜೀರ್ ಅವರೇ ಫೋನ್ ಮಾಡಿ ವಿಷಯ ಮುಟ್ಟಿಸಿದರು. ಅಪಘಾತದ ಸುದ್ದಿ ಕೇಳಿ ಜಾಹುಲ್ ಹಕ್ ಯಲ್ಲಾಪುರಕ್ಕೆ ಆಗಮಿಸಿದ್ದು, ಅಪಘಾತಕ್ಕೆ ಕಾರಣರಾದ ನಜೀರ್ ವಿರುದ್ಧ ಪೊಲೀಸ್ ದೂರು ನೀಡಿದರು. ನಂತರ ಸಂಬAಧಿಯ ಶವವನ್ನುಪಡೆದರು.
- [ಬೋನಿಗೆ ಬಿದ್ದ ಚಿರತೆ!](https://mobiletime.in/2026/05/a-leopard-caught-in-a-trap-2/): ಕಾರವಾರದ ಕಣಸಗಿರಿ ಬಳಿ ಕಾಡಿನಿಂದ ಬಂದ ಚಿರತೆ ಬೋನಿಗೆ ಬಿದ್ದಿದ್ದು, ಮತ್ತೆ ಕಾಡು ಸೇರಿದೆ. ಬಂದರವಾಡಾ ಪ್ರದೇಶದ ಜನರನ್ನು ಬೆದರಿಸುತ್ತಿದ್ದ ವನ್ಯಜೀವಿಯನ್ನು ಅರಣ್ಯ ಅಧಿಕಾರಿಗಳು ಹಿಡಿದು ಕಾಡಿಗೆ ಬಿಟ್ಟಿದ್ದಾರೆ. ಕಳೆದ ಕೆಲವು ದಿನಗಳಿಂದ ಗ್ರಾಮದ ಸುತ್ತಮುತ್ತ ಚಿರತೆ ಕಾಣಿಸಿಕೊಳ್ಳುತ್ತಿತ್ತು. ಆ ಚಿರತೆ ನೋಡಿ ಜನ ಆತಂಕಕ್ಕೆ ಒಳಗಾಗಿದ್ದರು. ಸಾಕುಪ್ರಾಣಿಗಳ ಮೇಲೆ ಚಿರತೆ ದಾಳಿ ಮಾಡುವ ಸಾಧ್ಯತೆ ಹಿನ್ನಲೆ ಅರಣ್ಯ ಇಲಾಖೆಯವರು ಬೋನು ಅಳವಡಿಸಿದ್ದರು. ಮಾಂಸದ ಆಸೆಗಾಗಿ ಊರಿಗೆ ಬಂದ ಚಿರತೆ ಬೋನಿಗೆ ಬಿದ್ದಿದೆ. ಬೋನಿನಲ್ಲಿ ಸಿಲುಕಿದ ಬಳಿಕ ಚಿರತೆಯು ಘರ್ಜನೆ ಮಾಡಿ ಹೊರಗೆ ನಿಂತಿದ್ದವರನ್ನು ಬೆದರಿಸಲು ಪ್ರಯತ್ನಿಸಿತು. ಆದರೆ, ಅರಣ್ಯ ಸಿಬ್ಬಂದಿ ಉಪಾಯವಾಗಿ ಪರಿಸ್ಥಿತಿ ನಿಭಾಯಿಸಿದರು. ಸೆರೆ ಹಿಡಿದ ಚಿರತೆಯನ್ನು ವೈದ್ಯಕೀಯ ತಪಾಸಣೆ ನಡೆಸಿ ಕಾಡಿಗೆ ಬಿಟ್ಟರು.
- [ಅಕ್ರಮ ಅಡ್ಡೆಗೂ ಪಾರ್ಟನರ್‌ಶಿಪ್!](https://mobiletime.in/2026/05/partnership-for-illegal-transportation/): ಅಂಕೋಲಾ ಪೂಜಗೇರಿಯ ದಯಾನಂದ ಗಾಂವಕರ, ಸುರೇಶ ಗಾಂವಕರ ಹಾಗೂ ಶ್ರೀಕಾಂತ ಗಾಂವಕರ ಸೇರಿ ಅನುಮತಿಯಿಲ್ಲದೇ ಸರಾಯಿ ವ್ಯಾಪಾರ ಶುರು ಮಾಡಿದ್ದಾರೆ. ಅಂಕೋಲಾ-ಮoಜುಗುಣಿ ರಸ್ತೆಯ ತೆಂಗನಗೇರಿಯಲ್ಲಿ ಅವರು ಸರಾಯಿ ಅಂಗಡಿ ತೆರೆದಿದ್ದು, ಪೊಲೀಸರು ಅವರ ವ್ಯಾಪಾರಕ್ಕೆ ತಡೆ ಒಡ್ಡಿದ್ದಾರೆ. ದಯಾನಂದ ವೆಂಕಟೇಶ ಗಾಂವಕರ (46), ಸುರೇಶ ಲೋಕಪ್ಪ ಗಾಂವಕರ (65) ಹಾಗೂ ಶ್ರೀಕಾಂತ ರಾಮಾ ಗಾಂವಕರ (61) ಅವರು ಪೂಜಗೇರಿಯ ನಿವಾಸಿಗಳಾಗಿದ್ದಾರೆ. ಅವರು ತೆಂಗಿನಗೇರಿ ಬಳಿ ಗೂಡಗಂಡಿ ನಡೆಸುತ್ತಿದ್ದು, ಆ ಗೂಡಂಗಡಿಯನ್ನೇ ಸರಾಯಿ ಅಡ್ಡೆಯನ್ನಾಗಿ ಪರಿವರ್ತಿಸಿದ್ದಾರೆ. ಅಲ್ಲಿಗೆ ಬರುವ ಜನರಿಗೆ ಸರಾಯಿ ಕೊಟ್ಟು ಉಪಚರಿಸಿ ಅಲ್ಲಿಯೇ ಮದ್ಯ ಸೇವನೆಗೆ ಅವಕಾಶವನ್ನು ಮಾಡಿಕೊಟ್ಟಿದ್ದಾರೆ. ಮೇ 18ರಂದು ರಾತ್ರಿ ಅಂಗಡಿ ಎದುರಿಗೆ ಸರಾಯಿ ಮಾರಾಟ ಮಾಡುತ್ತಿದ್ದ ಅವರನ್ನು ಪಿಸೈ ಗುರುನಾಥ ಹಾದಿಮನಿ ಅವರು ನೋಡಿದ್ದಾರೆ. ಅಂಗಡಿ ಮೇಲೆ ದಾಳಿ ನಡೆಸಿದ ಪೊಲೀಸರಿಗೆ ವಿವಿಧ ಬ್ರ‍್ಯಾಂಡ್‌ಗಳ ಮದ್ಯದ ತುಂಬಿದ ಹಾಗೂ ಖಾಲಿ ಟೆಟ್ರಾ ಪ್ಯಾಕೆಟ್‌ಗಳು ಸಿಕ್ಕಿದೆ. ಬಗೆ ಬಗೆಯ ಮದ್ಯದ ಬಾಟಲಿಗಳು ಹಾಗೂ ಪ್ಲಾಸ್ಟಿಕ್ ಗ್ಲಾಸ್‌ಗಳನ್ನು ಪೊಲೀಸರು ವಶಕ್ಕೆಪಡೆದು ಮದ್ಯ ಮಾರಾಟಕ್ಕೆ ತಡೆ ಒಡ್ಡಿದ್ದಾರೆ.
- [ಆತ ಸರ್ ಅಲ್ಲ.. ಬೋ.. ಮಗ!](https://mobiletime.in/2026/05/he-is-not-a-sir-bo-son/): ಶಿರಸಿ-ಹಾವೇರಿ ಹೆದ್ದಾರಿ ಅಭಿವೃದ್ಧಿ ಗುತ್ತಿಗೆ ಕೆಲಸ ಪಡೆದಿದ್ದ ಗುತ್ತಿಗೆದಾರ ಈ ದಿನ ಜನರ ಬಳಿ ಸಿಕ್ಕಿಬಿದ್ದಿದ್ದು, ನೂರಾರು ಜನ ಅವರನ್ನು ಸುತ್ತುವರೆದು `ಬೋಳಿ ಮಗ.. ಬೋಸುಡಿ ಮಗ.. ಹುಚ್ಚು ಮಗ’ ಎಂದು ಬೈದಿದ್ದಾರೆ. ಕನ್ನಡ ಬಾರದ ಆ ಗುತ್ತಿಗೆದಾರ ಜನರ ಬೈಗುಳಕ್ಕೆ ಬೆದರಿ ಬೋಳು ತಲೆ ಮೇಲೆ ಕೈ ಹೊತ್ತು ಕೂತಿದ್ದಾರೆ! ಶಿರಸಿ-ಹಾವೇರಿ ರಾಷ್ಟಿಯ ಹೆದ್ದಾರಿ ಸಂಪೂರ್ಣವಾಗಿ ಹದಗೆಟ್ಟಿದ್ದು, ಜನ ನಿರಂತರವಾಗಿ ಪ್ರತಿಭಟನೆ ನಡೆಸುತ್ತಲೇ ಇದ್ದಾರೆ. ಆ ಹೆದ್ದಾರಿ ಸಂಚಾರ ಬಂದ್ ಮಾಡಿ ಬೀದಿಗಿಳಿದರೂ ಗುತ್ತಿಗೆದಾರ ಮಾತ್ರ ಕೆಲಸಕ್ಕೆ ವೇಗ ನೀಡಿಲ್ಲ. ಅವೈಜ್ಞಾನಿಕ ಕಾಮಗಾರಿಯಿಂದ ಆಗುತ್ತಿರುವ ಅನಾಹುತಗಳ ಬಗ್ಗೆ ಸಾಕಷ್ಟು ಮನವಿ ಸಲ್ಲಿಸಿದರೂ ಯಾರೂ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಈ ಹಿನ್ನಲೆ `ಹೆದ್ದಾರಿ ಪ್ರಾಧಿಕಾರಕ್ಕೆ ಶ್ರದ್ಧಾಂಜಲಿ’ ಎಂಬ ಕಟೌಟ್ ನಿಲ್ಲಿಸಿ ಜನ ಆಕ್ರೋಶವ್ಯಕ್ತಪಡಿಸಿದರೂ ಅದರಿಂದ ಪ್ರಯೋಜನವಾಗಿಲ್ಲ. ಈ ಎಲ್ಲದರ ನಡುವೆ ಮಂಗಳವಾರ ಹೆದ್ದಾರಿ ಕಾಮಗಾರಿಯ ಗುತ್ತಿಗೆದಾರ ಜನರ ಕಣ್ಣಿಗೆ ಬಿದ್ದಿದ್ದಾರೆ. ಚಿಪಗಿ ಬಳಿ ಆ ಗುತ್ತಿಗೆದಾರರನ್ನು ಸುತ್ತುವರೆದ ಸಾರ್ವಜನಿಕರು ಹಿಗ್ಗಾಮುಗ್ಗ ನಿಂದಿಸಿದ್ದಾರೆ. ಹಗ್ಗ ತೆಗೆದುಕೊಂಡು ಬಂದ ಜನ ಗುತ್ತಿಗೆದಾರರನ್ನು ಮರಕ್ಕೆ ಕಟ್ಟಿ ಹಾಕಿ ಪ್ರತಿಭಟಿಸಲು ನಿರ್ಧರಿಸಿದ್ದು, ಹಿರಿಯರ ಸಮಕ್ಷೇಮದಿಂದಾಗಿ ಈ ವೇಳೆ ಗುತ್ತಿಗೆದಾರ ತಪ್ಪಿಸಿಕೊಂಡಿದ್ದಾರೆ. `ರಸ್ತೆಯಿಂದ ಮೇಲ್ಬಾಗ ಕಾಲುವೆ ಮಾಡಿದ್ದಾರೆ. ಕಾಲುವೆಯಲ್ಲಿ ನೀರು ನಿಂತು ಸೊಳ್ಳೆ ಕಾಟ ಶುರುವಾದರೂ ಕ್ರಮ ಜರುಗಿಸಿಲ್ಲ. ಮಣ್ಣು-ಧೂಳಿನ ಸಮಸ್ಯೆ ಬಗೆಹರಿಸಿಲ್ಲ’ ಎಂದು ಜನ ಜಾಡಿಸಿದ್ದಾರೆ. ಈ ವೇಳೆ ಎದುರು ಮಾತನಾಡಿದ ಗುತ್ತಿಗೆದಾರನನ್ನು `ಎರಡು ದಿನ ಇಲ್ಲಿಯೇ ಕಟ್ಟಿ ಹಾಕೋಣ’ ಎಂದು ಜನ ದಬಾಯಿಸಿದ್ದಾರೆ. `ರಸ್ತೆ ಅಭಿವೃದ್ಧಿಗೆ ದುಡ್ಡಿಲ್ಲ ಎಂದರೆ ಬೇಡಿ ಕೊಡುತ್ತೇವೆ, ಮೊದಲು ರಸ್ತೆ ಸರಿ ಮಾಡಿ’ ಎಂದು ಜನ ಒತ್ತಾಯಿಸಿದ್ದಾರೆ. ಈ ವೇಲೆ ಪೊಲೀಸರೊಬ್ಬರು ಗುತ್ತಿಗೆದಾರರನ್ನು `ಸರ್’ ಎಂದು ಸಂಬೋಧಿಸಿದ್ದು, `ಆತನಿಗೆ ಸರ್ ಎಂದು ಕರೆಯಬೇಡಿ’ ಎಂದು ಜನ ಮನವಿ ಮಾಡಿದ್ದಾರೆ. `8ಕಿಮೀ ರಸ್ತೆಯನ್ನು ಸರಿಯಾಗಿ ಮಾಡಲಾಗದ ನಿಮಗೆ ಮಾನ ಮರ್ಯಾದಿ ಇಲ್ಲವೇ? ಎಂದು ಜನ ಗುತ್ತಿಗೆದಾರರನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. `ಬಿಸಿಲಕೊಪ್ಪದಲ್ಲಿ ಪ್ರತಿಭಟನೆ ನಡೆಸಿದಾಗ ಗುತ್ತಿಗೆದಾರರು 10 ದಿನ ಸಮಯ ಕೇಳಿದ್ದರು. ಆದರೆ, ಆ ಸಮಯದ ಅವಧಿಯಲ್ಲಿ ಕೆಲಸ ಮುಗಿದಿಲ್ಲ. ಹೀಗಾಗಿ ಗುತ್ತಿಗೆದಾರರಿಗೆ ಮುತ್ತಿಗೆ ಹಾಕಿದ್ದು, ಐದು ದಿನದಲ್ಲಿ ಚಿಪಗಿಯಿಂದ ಗೌಡಳ್ಳಿವರೆಗೆ ಅಗೆದು ಹಾಕಿದ ರಸ್ತೆ ಸರಿ ಮಾಡಿಕೊಡುವೆ ಎಂಬ ಆಶ್ವಾಸನೆ ನೀಡಿದ್ದಾರೆ’ ಎಂದು ಅಲ್ಲಿನವರು ಮಾಹಿತಿ ನೀಡಿದರು. `ಇನ್ನೂ ನಾಲ್ಕು ದಿನ ಕೆಲಸ ಮಾಡುವುದನ್ನು ನೋಡುತ್ತೇವೆ. ಕೆಲಸ ಮಾಡಿಲ್ಲ ಎಂದಾದರೆ ರಸ್ತೆ ಬಂದ್ ಮಾಡಿಸುತ್ತೇವೆ. ಮಹಿಳೆಯರು ಮನೆ ಮನೆಯಿಂದ ಹಿಡಿ ತಂದು ಹಿಡಿಕಟ್ಟು ಚಳುವಳಿ ನಡೆಸುತ್ತೇವೆ’ ಎಂದು ಎಚ್ಚರಿಸಿದರು. `ಮಳೆ ಶುರುವಾದ ನಂತರ ಜನರ ಸಂಪರ್ಕ ಕಷ್ಟವಾಗುತ್ತದೆ. ಚಿಪಿಗಿಯಲ್ಲಿ ಗಟಾರೆ ತೆರೆದು ಆರು ತಿಂಗಳಾದರೂ ಸರಿ ಮಾಡಿಲ್ಲ. ಶಾಲೆ ಎದುರು ರಸ್ತೆ ಬಂದ್ ಮಾಡಿ ಐದು ತಿಂಗಳಾದರೂ ದಾರಿ ಬಿಟ್ಟಿಲ್ಲ. ಅದನ್ನು ಬಿಟ್ಟು ಕಾಡಿನಲ್ಲಿ ರಸ್ತೆ ಮಾಡುತ್ತಿದ್ದಾರೆ’ ಎಂದು ಆಕ್ರೋಶವ್ಯಕ್ತಪಡಿಸಿದರು.  
- [ಗಾಂಜಾ ಗಿರಾಕಿ ವಿರುದ್ಧ ಕಠಿಣ ಕ್ರಮ!](https://mobiletime.in/2026/05/strict-action-against-cannabis-buyers/): ಯಲ್ಲಾಪುರ ಕಿರವತ್ತಿ ಜಯಂತಿ ನಗರದ ಮಹಮದ್ ಹುಸೇನ್ ಅವರು ಗಾಂಜಾ ನಶೆಯಲ್ಲಿ ಅಸಭ್ಯವಾಗಿ ವರ್ತಿಸಿದ್ದು, ಪಿಸೈ ರಾಜಶೇಖರ ವಂದಿ ಅವರು ಕಾನೂನು ಪಾಠ ಮಾಡಿದ್ದಾರೆ. ಯಲ್ಲಾಪುರ ಕಿರವತ್ತಿ ಜಯಂತಿ ನಗರದ ನೆಮಣಿಗಲ್ಲಿಯಲ್ಲಿ ಮಹಮದ್ ಹುಸೇನ್ ಮಹಮದ್ ರಫೀಕ್ ಅವರು ವಾಸವಾಗಿದ್ದಾರೆ. 18ನೇ ವಯಸ್ಸಿನಲ್ಲಿಯೇ ಅವರು ವ್ಯಸನಕ್ಕೆ ಒಳಗಾಗಿದ್ದಾರೆ. ಶಿಕ್ಷಣ ಮೊಟಕುಗೊಳಿಸಿದ ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದು, ದುಡಿಮೆಯ ಹಣವನ್ನು ಗಾಂಜಾ ವ್ಯಸನಕ್ಕೆ ಬಳಸುತ್ತಿದ್ದಾರೆ. ಮೇ 18ರಂದು ಅವರು ಅಮಲಿನಲ್ಲಿ ಅಲೆದಾಡುತ್ತಿರುವಾಗ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಕಿರವತ್ತಿಯ ಜಯಂತಿ ನಗರದ ಬಳಿ ಅಮಲಿನಲ್ಲಿದ್ದ ಮಹಮದ್ ಹುಸೇನ್ ಅವರನ್ನು ಪಿಸೈ ರಾಜಶೇಖರ ವಂದಿ ಅವರು ವಿಚಾರಿಸಿದ್ದಾರೆ. ಮಾತು ತೊದಲಿದ ಕಾರಣ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ಕರೆತಂದು ಮೂತ್ರ ಪರೀಕ್ಷೆ ಮಾಡಿಸಿದ್ದಾರೆ. ಆಗ, ಮಹಮದ್ ಹುಸೇನ್ ಮಾದಕ ವ್ಯಸನ ಸೇವಿಸಿರುವುದು ಗೊತ್ತಾಗಿದೆ. ವೈದ್ಯರು ನೀಡಿದ ಪಾಸಿಟಿವ್ ವರದಿ ಆಧರಿಸಿ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಗಾಂಜಾ ಸೇವನೆಯ ದುಷ್ಪರಿಣಾಮಗಳ ಬಗ್ಗೆ ಅರಿವು ಮೂಡಿಸಿದ್ದಾರೆ.
- [ಜಲಕ್ರೀಡೆ ಜೊತೆ ಪ್ರಿ ವೆಡ್ಡಿಂಗ್ ಶೂಟ್ ಸಹ ನಿಷೇಧ: ಈ ಕ್ಷಣದಿಂದಲೇ ಜಾರಿ!](https://mobiletime.in/2026/05/water-sports-and-pre-wedding-shoots-are-also-banned-effective-from-this-moment/): ಹೊನ್ನಾವರದ ಪ್ರಮುಖ ಪ್ರವಾಸೋದ್ಯಮ ಆಕರ್ಷಣೆಯಾಗಿದ್ದ ನದಿ ನೀರಿನ `ಪ್ರೀ ವೆಡ್ಡಿಂಗ್ ಶೂಟ್’ ನಿಷೇಧಿಸಿ ಜಿಲ್ಲಾಡಳಿತ ಆದೇಶ ಹೊರಡಿಸಿದೆ. ಅದರೊಂದಿಗೆ ಈ ಕ್ಷಣದಿಂದಲೇ ಜಿಲ್ಲೆಯಲ್ಲಿನ ಎಲ್ಲಾ ಜಲಕ್ರೀಡಾ ಚಟುವಟಿಕೆಗಳನ್ನು ನಿಷೇಧಿಸಲಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತಾಲೂಕಿನ ಗೋಕರ್ಣ ಮುಖ್ಯ ಕಡಲತೀರ, ಓಂ ಬೀಚ್, ಕುಡ್ಲೆ ಬೀಚ್, ಹಾಫ್‌ಮೂನ್ ಬೀಚ್, ಪ್ಯಾರಡೈಸ್ ಬೀಚ್, ಭಟ್ಕಳದ ಮುರುಡೇಶ್ವರ ಬೀಚ್ ಮತ್ತು ಕಾರವಾರ ಕಡಲತೀರದಲ್ಲಿ ಪ್ರವಾಸಿ ಬೋಟಿಂಗ್ ಹಾಗೂ ಜಲಸಾಹಸ ಕ್ರೀಡೆ ಚಟುವಟಿಕೆಗೆ ಪ್ರವಾಸೋದ್ಯಮ ಇಲಾಖೆಯಿಂದ ಟೆಂಡರ್ ಕರೆದು ಕಾರ್ಯಾದೇಶ ನೀಡಲಾಗಿತ್ತು. ಮುರುಡೇಶ್ವರದ ನೇತ್ರಾಣಿ ದ್ವೀಪದಲ್ಲಿ ಸ್ಕೂಬಾ ಡೈವಿಂಗ್ ಚಟುವಟಿಕೆ ನಡೆಸಲೂ ಅನುಮತಿ ನೀಡಲಾಗಿತ್ತು. ಹಾಗೆಯೇ ಕುಮಟಾ ತಾಲೂಕಿನ ತದಡಿ ಅಘನಾಶಿನಿ ನದಿ ತೀರ, ಹೊನ್ನಾವರ ಮತ್ತು ಕಾಸರಕೋಡು ಭಾಗದ ಶರಾವತಿ ಹಿನ್ನೀರಿನಲ್ಲಿ ಪ್ರವಾಸಿ ಬೋಟಿಂಗ್ ಚಟುವಟಿಕೆ ಕೈಗೊಳ್ಳಲು ಅವಕಾಶ ನೀಡಲಾಗಿತ್ತು. ಸದ್ಯ ಅದೆಲ್ಲವನ್ನು ಸ್ಥಗಿತಗೊಳಿಸಲಾಗಿದೆ. ಹವಾಮಾನ ವೈಪರಿತ್ಯ ಹಾಗೂ ಮಳೆಗಾಲದ ಹಿನ್ನೆಲೆಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜಲಸಾಹಸ ಕ್ರೀಡೆಗಳನ್ನು ನಿರ್ಬಂಧಿಸಲಾಗಿದೆ. ಮೇ 19ರಿಂದ ಮಳೆಗಾಲ ಮುಗಿಯುವವರೆಗೂ ಅರಬ್ಬಿ ಸಮುದ್ರ, ಶರಾವತಿ ಹಿನ್ನೀರು ಮತ್ತು ಅಘನಾಶಿನಿ ನದಿಗಳಲ್ಲಿನ ಎಲ್ಲಾ ಜಲ ಕ್ರೀಡಾ ಚಟುವಟಿಕೆಗಳನ್ನು ನಿಷೇಧಿಸಲಾಗಿದೆ. ಹೀಗಾಗಿ ಬೋಟಿಂಗ್, ಸ್ಕೂಬಾ ಡೈವಿಂಗ್ ಸೇರಿದಂತೆ ಎಲ್ಲ ಬಗೆಯ ನೀರಿನ ಆಟಗಳಿಗೆ ಕಡಿವಾಣ ಬಿದ್ದಿದೆ. ನದಿ ನೀರಿನಲ್ಲಿ ದೋಣಿಗಳ ಮೂಲಕ ಪ್ರೀ-ವೆಡ್ಡಿಂಗ್ ಸೆಟ್‌ಗಳ ಅಳವಡಿಕೆಗೂ ನಿರ್ಬಂಧವಿಧಿಸಲಾಗಿದೆ. ಪ್ರವಾಸಿಗರ ಸುರಕ್ಷತೆಯ ದೃಷ್ಟಿಯಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಜಿಲ್ಲಾಡಳಿತ ಹೇಳಿದೆ. ಹವಾಮಾನ ವೈಪರಿತ್ಯ ಹಿನ್ನೆಲೆ ಅರಬ್ಬಿ ಸಮುದ್ರ, ಶರಾವತಿ ಹಿನ್ನೀರು ಮತ್ತು ಅಘನಾಶಿನಿ ನದಿಯಲ್ಲಿ ಅಲೆಗಳ ಅಬ್ಬರ ಜೋರಾಗಿದ್ದು, ಮಳೆಗಾಲ ಮುಗಿಯುವವರೆಗೂ ಜಲಸಾಹಸ ಕ್ರೀಡೆಗೆ ನಿರ್ಬಂಧ ವಿಧಿಸಿ ಜಲಾಸಾಹಸ ಕ್ರಿಡೆ ನಿರ್ವಹಣೆ ಮತ್ತು ಮೇಲುಸ್ತುವಾರಿ ಸಮಿತಿ ನಿಷೇಧದ ಆದೇಶ ಹೊರಡಿಸಿದೆ.ನೀರಲ್ಲಿ ಮೋಜು ಮಸ್ತಿ ಮಾಡಲೆಂದೇ ಜಿಲ್ಲೆಗೆ ಹೆಚ್ಚಾಗಿ ಆಗಮಿಸುತ್ತಿದ್ದ ಹಾಗೂ ನದಿ ನೀರಿನಲ್ಲಿ ಪ್ರೀ ವೆಡ್ಡಿಂಗ್ ಫೋಟೋಗ್ರಾಫಿಗಾಗಿ ಹಾತೊರೆಯುತ್ತಿದ್ದವರಿಗೆ ನಿರಾಸೆಯಾಗಿದೆ.
- [ಹಣಕ್ಲಾಸು: ಕೊಳೆ ಅಡಿಕೆ ಕೊಟ್ಟುಬಿಡಿ.. ಚಾಲಿ-ಕೆಂಪು ಒಟ್ಟಿಗೆ ಮಾರಬೇಡಿ!](https://mobiletime.in/2026/05/money-class-give-away-the-dirty-nuts-dont-sell-the-chali-and-red-ones-together/): ಕಳೆದ ಮೂರು ವರ್ಷದ ಅಡಿಕೆ ವಹಿವಾಟು ವೀಕ್ಷಿಸಿದರೆ ಮೇ ಅಂತ್ಯ ಹಾಗೂ ಜೂನ್ ಮೊದಲ ವಾರ ಅಡಿಕೆಗೆ ಹೆಚ್ಚಿನ ದರ ಸಿಕ್ಕಿದೆ. ಆದರೆ, ಈ ಬಾರಿಯೂ ಹಾಗೇ ಆಗುತ್ತದೆ ಎಂದು ಖಚಿತವಾಗಿ ಹೇಳುವ ಹಾಗಿಲ್ಲ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈ ಬಾರಿ ಶೇ 40ರಷ್ಟು ಅಡಿಕೆ ಇಳುವರಿ ಕಡಿಮೆಯಾಗಿದ್ದರೂ ಕಳೆದ ವಾರಕ್ಕೆ ಹೋಲಿಸಿದರೆ ಈ ವಾರ ಸಾವಿರ ಲೆಕ್ಕದಲ್ಲಿ ಅಡಿಕೆ ದರ ಕಡಿಮೆಯಾಗಿದೆ. ಜೊತೆಗೆ ವಿದೇಶಿ ಅಡಿಕೆಯೂ ಆಮದಾಗುತ್ತಿದೆ. ಅಡಿಕೆ ವ್ಯಾಪಾರದ ಮೇಲೆ ಯುದ್ಧದ ಪರಿಣಾಮವೂ ಬಿದ್ದಿದೆ. ಇದೇ ಅಡಿಕೆ ದರ ಇಳಿಕೆಗೆ ಮುಖ್ಯ ಕಾರಣ ಎಂದು ವಿಶ್ಲೇಷಿಸಲಾಗಿದೆ. ಅಡಿಕೆ ದರ ಕುಸಿತದ ಕಾರಣ ರೈತರು ಆತಂಕಪಡಬೇಕಾಗಿಲ್ಲ. ಅಡಿಕೆ ಗುಣಮಟ್ಟ ಹಾಗೂ ಬೇಡಿಕೆಗೆ ಅನುಗುಣವಾಗಿ ಮಾರುಕಟ್ಟೆಯಲ್ಲಿ ಏರಿಳಿತ ಸಾಮಾನ್ಯವಾಗಿದ್ದರೂ ರೈತರು ಜಾಣ್ಮೆಯಿಂದ ವ್ಯವಹಾರ ಮಾಡುವುದು ಮುಖ್ಯ. ಬಹಳದಿನ ಕಾಯ್ದಿಟ್ಟುಕೊಳ್ಳಲು ಸಾಧ್ಯವಾಗದ ಕೊಳೆ, ಒಡಕು ಇನ್ನಿತರ ಅಡಿಕೆಗಳನ್ನು ಆಗಿದ್ದಾಂಗ ಮಾರಾಟ ಮಾಡುವುದು ಬುದ್ದಿವಂತಿಕೆಯ ಲಕ್ಷಣ. ಒಂದೆರಡು ತಿಂಗಳ ನಂತರ ಅಡಿಕೆ ದರ ಮತ್ತೆ ಏರಿಕೆ ಕಾಣುವ ಸಾಧ್ಯತೆಯಿದ್ದು, ಸದ್ಯದ ಪರಿಸ್ಥಿತಿಯಲ್ಲಿ ಈಗಿರುವ ದರ ದಿಢೀರ್ ಆಗಿ ಕುಸಿತದ ಸಾಧ್ಯತೆಗಳಿಲ್ಲ. ಹೀಗಾಗಿ ಎಲ್ಲಾ ಅಡಿಕೆಯನ್ನು ಒಟ್ಟಿಗೆ ಮಾರಾಟ ಮಾಡುವ ಬದಲು ಹಣದ ಅಗತ್ಯಕ್ಕೆ ಅನುಗುಣವಾಗಿ ಅಷ್ಟಷ್ಟೇ ಮಾರಾಟ ಮಾಡುವುದು ಸೂಕ್ತ ಎಂಬುದು ತಜ್ಞರ ಅಭಿಮತ. ಮಂಗಳೂರಿನ ಅಡಿಕೆಯ ಸ್ವಾದ ಹಾಗೂ ರುಚಿ ಹೆಚ್ಚಿದ್ದರಿಂದ ಅಲ್ಲಿನ ಅಡಿಕೆಗೆ ಹೆಚ್ಚಿನ ಬೇಡಿಕೆಯಿದ್ದು, ಆ ಗುಣಮಟ್ಟದಲ್ಲಿ ಉತ್ತರ ಕನ್ನಡದ ಅಡಿಕೆ ಬರುತ್ತಿಲ್ಲ. ಹೀಗಾಗಿ ಸಾಮಾನ್ಯವಾಗಿ ಅಲ್ಲಿನ ದರ ಇಲ್ಲಿ ಸಿಗುತ್ತಿಲ್ಲ. ಅದಾಗಿಯೂ ಯಲ್ಲಾಪುರ, ಶಿರಸಿ, ಸಿದ್ದಾಪುರ ಹಾಗೂ ಕುಮಟಾ ಮಾರುಕಟ್ಟೆ ಗಮನಿಸಿದಾಗ ಗುಣಮಟ್ಟದ ಉತ್ತಮ ದರ್ಜೆಯ ಅಡಿಕೆಗೆ ಉತ್ತಮ ದರವೇ ಸಿಗುತ್ತಿದೆ. `ಸಾಲ ಮಾಡಿ ಬಡ್ಡಿ ತುಂಬುವ ಅಡಿಕೆ ಬೆಳೆಗಾರರು ಹೆಚ್ಚು ದಿನ ಕಾಯದೇ ಅಡಿಕೆ ಮಾರಾಟ ಮಾಡುವುದು ಉತ್ತಮ. ಸಾಲದ ಚಿಂತೆ ಇಲ್ಲದವರು ಅಡಿಕೆ ಗುಣಮಟ್ಟ ಕಾಯ್ದುಕೊಂಡು ಅದನ್ನು ಹಂತ ಹಂತವಾಗಿ ಮಾರಾಟ ಮಾಡಿದರೆ ಉತ್ತಮ ದರಪಡೆಯಲು ಸಾಧ್ಯ’ ಎಂಬುದು ಯಲ್ಲಾಪುರ ಅಡಿಕೆ ವರ್ತಕರ ಸಂಘದ ಅಧ್ಯಕ್ಷ ರವಿ ಎಚ್ ಹೆಗಡೆ ಅವರ ಮಾತು. `ಈ ಬಾರಿ ಬೆಳೆ ತಡವಾದ ಕಾರಣ ಕೆಂಪಡಿಕೆ ಹೆಚ್ಚಿನ ಪ್ರಮಾಣದಲ್ಲಿದೆ. ಬಯಲು ಸೀಮೆಯವರು ಸಹ ದೊಡ್ಡ ಪ್ರಮಾಣದಲ್ಲಿ ಕೆಂಪಡಿಕೆ ಮಾಡಿದ್ದಾರೆ. ಹೀಗಾಗಿ ಅಡಿಕೆ ಬೆಳೆಯ ಇಳುವರಿ ಕಡಿಮೆ ಆಗಿದ್ದರೂ ಕೆಂಪಡಿಕೆ ಸಾಕಷ್ಟು ಪ್ರಮಾಣದಲ್ಲಿದೆ’ ಎಂದು ಅವರು ವಿವರಿಸಿದ್ದಾರೆ. `ಗುಣಮಟ್ಟದ ಅಡಿಕೆಗೆ ಉತ್ತಮ ದರವಿದೆ. ಶೇ 80ರಷ್ಟು ಅಡಿಕೆವಹಿವಾಟು ಗುಟಕಾ ಕಂಪನಿಗಳ ಮೇಲೆ ನಿರ್ಧಾರವಾಗಿದ್ದು, ಉತ್ತರ ಭಾರತದಲ್ಲಿನ ಹಬ್ಬ-ಹರಿದಿನಗಳು ಸಹ ಇಲ್ಲಿನ ವ್ಯಾಪಾರದ ಮೇಲೆ ಪ್ರಭಾವ ಬೀರುತ್ತದೆ’ ಎಂದವರು ವಿವರಿಸಿದರು.
- [ಕಳ್ಳರ ಕಾರಿನಲ್ಲಿ ಅಕ್ರಮ ಗೋ ಸಾಗಾಟ!](https://mobiletime.in/2026/05/illegal-cow-transport-in-thieves-car/): ಭಟ್ಕಳದ ಬಳಿ ಮಾರುತಿ ಸುಜುಕಿ ಬಲೆನೋ ಕಾರಿನಲ್ಲಿ ಅಕ್ರಮ ಗೋ ಸಾಗಾಟ ನಡೆದಿದ್ದು, ಅರಣ್ಯ ಸಿಬ್ಬಂದಿ ನೋಡಿದ ಕಳ್ಳರು ಅವರನ್ನೇ ಪೊಲೀಸರೆಂದು ಭಾವಿಸಿ ಕಾರು ಬಿಟ್ಟು ಅಲ್ಲಿಂದ ಓಡಿದ್ದಾರೆ. ಅದಾದ ನಂತರ ಆ ಅರಣ್ಯ ಸಿಬ್ಬಂದಿ ಗೋವುಗಳ ಆರೈಕೆ ಮಾಡಿದ್ದಾರೆ. ಭಟ್ಕಳದಲ್ಲಿ ಈಚೆಗೆ ವ್ಯಾಪಕ ಪ್ರಮಾಣದಲ್ಲಿ ಅಕ್ರಮ ಗೋ ಸಾಗಾಟ ನಡೆಯುತ್ತಿದೆ. ಅದರಂತೆ, ಸೋಮವಾರವೂ ಐಷಾರಾಮಿ ಕಾರಿನಲ್ಲಿ ಬಂದ ಕಳ್ಳರು ಗೋ ಕಳ್ಳತನ ಮಾಡಿದ್ದಾರೆ. ಹಾಡುವಳ್ಳಿ ಗ್ರಾಮದ ಹಲ್ಯಾಣಿ ಬಳಿ ಬಂದ ಆ ಕಳ್ಳರಿಗೆ ಎದುರಿಗೆ ಅರಣ್ಯ ಇಲಾಖೆಯವರ ಜೀಪು ಕಾಣಿಸಿದೆ. ಪೊಲೀಸರ ಜೀಪು ಎಂದು ಭಾವಿಸಿದ ಆ ಕಳ್ಳರು ಕಾರನ್ನು ಅಲ್ಲಿಯೇ ಬಿಟ್ಟು ಕಾಡಿನ ಕಡೆ ಓಡಿದ್ದಾರೆ. ಅನುಮಾನಾಸ್ಪದ ರೀತಿ ವರ್ತಿಸಿದವರ ಕಾರನ್ನು ಅಧಿಕಾರಿಗಳು ತಪಾಸಣೆ ಮಾಡಿದ್ದಾರೆ. ಆಗ, ಅಲ್ಲಿ ಅಕ್ರಮ ಗೋ ಸಾಗಾಟ ನಡೆದಿರುವುದು ಗೊತ್ತಾಗಿದೆ. ವಧೆ ಮಾಡಿ ಮಾಂಸ ಮಾರಾಟ ಮಾಡುವ ಉದ್ದೇಶದಿಂದ ಆರೋಪಿತರು ಮಾರುತಿ ಸುಜುಕಿ ಬಲೆನೋ ಕಾರಿನಲ್ಲಿ ಸುಮಾರು 1.03 ಲಕ್ಷ ರೂ. ಮೌಲ್ಯದ ಜಾನುವಾರುಗಳನ್ನು ಸಾಗಿಸುತ್ತಿದ್ದರು. ಇದಕ್ಕೆ ಯಾವುದೇ ಪರವಾನಿಗೆ ಪಡೆದಿರಲಿಲ್ಲ. ಜಾನುವಾರುಗಳನ್ನು ಹಿಂಸಾತ್ಮಕವಾಗಿ ಕಟ್ಟಲಾಗಿತ್ತು. ಹುಲ್ಲು-ನೀರು ಕೊಡದೇ ಸಾಗಿಸಲಾಗುತ್ತಿತ್ತು. ಅರಣ್ಯ ಸಿಬ್ಬಂದಿ ಅದನ್ನು ತಡೆ ಹಿಡಿದು ಜಾನುವಾರುಗಳಿಗೆ ಮರು ಜನ್ಮ ನೀಡಿದ್ದಾರೆ. ಭಟ್ಕಳ ಗ್ರಾಮೀಣ ಠಾಣೆ ಪಿಎಸೈ ಮಲ್ಲಿಕಾರ್ಜುನಯ್ಯ ಕೊರಾಣಿ ಪ್ರಕರಣ ದಾಖಲಿಸಿದ್ದು, ಗೋ ಕಳ್ಳತನದ ರೂವಾರಿಗಳ ಹುಡುಕಾಟ ನಡೆಸಿದ್ದಾರೆ.
- [ಅಸ್ತಮಾ: ರೋಗಕ್ಕೆ ಹೆದರಿ ವಿಷ ಸೇವಿಸಿದ ವೃದ್ಧ!](https://mobiletime.in/2026/05/asthma-an-elderly-man-consumed-poison-out-of-fear-of-the-disease/): ಅಸ್ತಮಾ ರೋಗದಿಂದ ಬಳಲುತ್ತಿದ್ದ ಮುಂಡಗೋಡು ವಡ್ಡರ ಓಣಿಯ ರಾಜಪ್ಪ ಬೋವಿವಡ್ಡರ್ ಅವರು ಆ ರೋಗ ವಾಸಿಯಾಗದ ಕಾರಣ ವಿಷ ಸೇವಿಸಿದ್ದಾರೆ. ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆದಿದ್ದು, ದಾರಿ ನಡುವೆಯೇ ಅವರು ಉಸಿರು ನಿಲ್ಲಿಸಿದ್ದಾರೆ. ಮುಂಡಗೋಡನ ಶಿರಸಿ ರಸ್ತೆಯ ವಡ್ಡರ ಓಣಿಯಲ್ಲಿ ರಾಜಪ್ಪ ಬಸಪ್ಪ ಬೋವಿವಡ್ಡರ್ ಅವರು ವಾಸವಾಗಿದ್ದರು. 67 ವರ್ಷದ ಅವರಿಗೆ 59ನೇ ವಯಸ್ಸಿನಲ್ಲಿ ಅಸ್ತಮಾ ಕಾಣಿಸಿಕೊಂಡಿತು. ಕಳೆದ ಎಂಟು ವರ್ಷಗಳಿಂದ ಅವರು ಆ ರೋಗಕ್ಕೆ ವಿವಿಧ ಬಗೆಯ ಔಷಧಿ ಮಾಡಿದ್ದರು. ಆದರೆ, ರೋಗ ಮಾತ್ರ ವಾಸಿಯಾಗಿರಲಿಲ್ಲ. ಹೀಗಾಗಿ ರಾಜಪ್ಪ ಬೋವಿವಡ್ಡರ್ ಅವರು ಮಾನಸಿಕವಾಗಿ ನೊಂದಿದ್ದರು. ಮೇ 17ರಂದು ರಾಜಪ್ಪ ಬೋವಿವಡ್ಡರ್ ಅವರು ತಮ್ಮ ಹಳೆಯ ಮನೆ ಬಳಿ ಹೋಗಿದ್ದರು. ಅಲ್ಲಿಯೇ ಅವರು ವಿಷ ಸೇವಿಸಿ ಒದ್ದಾಡುತ್ತಿದ್ದರು. ಇದನ್ನು ನೋಡಿದ ಅವರ ಮಗ ಪರಶುರಾಮ ಬಂಡಿವಡ್ಡರ್ ಅವರು ತಂದೆಯನ್ನು ಮುಂಡಗೋಡು ಸರ್ಕಾರಿ ಆಸ್ಪತ್ರೆಗೆ ಸೇರಿಸಿದರು. ನಂತರ ಕಿಮ್ಸ್’ಗೆ ಕರೆದೊಯ್ಯುವ ಪ್ರಯತ್ನ ಮಾಡಿದರು. ಆದರೆ, ಎಪಿಎಂಸಿವರೆಗೆ ತೆರಳುವಾಗಲೇ ಅವರು ಸಾವನಪ್ಪಿದರು.
- [ಯೋಗ್ಯ ನೀರು ಪೂರೈಕೆಗೆ ಸೂಚನೆ](https://mobiletime.in/2026/05/instructions-for-proper-water-supply/): `ಉತ್ತರ ಕನ್ನಡ ಜಿಲ್ಲೆಯ ಶಾಲಾ-ಕಾಲೇಜುಗಳಲ್ಲಿರುವ ನೀರು ಕುಡಿಯಲು ಯೋಗ್ಯವೇ? ಎಂದು ಪರಿಶೀಲಿಸಬೇಕು’ ಎಂದು ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ಅಧೀನ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಸೋಮವಾರ ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ಜಿಲ್ಲಾ ನೀರು ಮತ್ತು ನೈರ್ಮಲ್ಯ ಮಿಷನ್ ಸಮಿತಿ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದ ಅವರು `ಮಳೆಗಾಲ ಪ್ರಾರಂಭವಾಗುವ ಮುನ್ನ ಕುಡಿಯುವ ನೀರಿನ ಮೂಲಗಳು ಮತ್ತು ನೀರಿನ ಮಾದರಿಗಳನ್ನು ಪರೀಕ್ಷಿಸಬೇಕು. ನೀರು ಕಲುಷಿತಗೊಳ್ಳದಂತೆ ಮುಂಜಾಗ್ರತಾ ಕ್ರಮ ಜರುಗಿಸಬೇಕು’ ಎಂದು ನಿರ್ದೇಶಿಸಿದ್ದಾರೆ. `ಶೀಘ್ರದಲ್ಲಿ ಶಾಲಾ ಕಾಲೇಜು ಹಾಗೂ ಅಂಗನವಾಡಿಗಳು ಪ್ರಾರಂಭವಾಗುತ್ತಿದ್ದು, ಇಲ್ಲಿರುವ ಕುಡಿಯುವ ನೀರಿನ ಮೂಲಗಳನ್ನು ಪರೀಕ್ಷಿಸಬೇಕು. ಕುಡಿಯಲು ನೀರು ಯೋಗ್ಯವಾಗಿರುವ ಬಗ್ಗೆ ಖಾತರಿಪಡಿಸಿಕೊಳ್ಳಬೇಕು. ಎಲ್ಲಾ ಶಾಲೆ, ಅಂಗನವಾಡಿ ಮತ್ತು ವಸತಿ ನಿಲಯಗಳಿಗೆ ಶುದ್ಧ ಕುಡಿಯುವ ನೀರು ಸರಬರಾಜು ಮಾಡುವಲ್ಲಿ ಸಮಸ್ಯೆಯಾಗದಂತೆ ನೋಡಿಕೊಳ್ಳಬೇಕು’ ಎಂದಿದ್ದಾರೆ. `ಇಲಾಖೆಗಳ ನಡುವೆ ಸಮನ್ವಯತೆ ಕೊರತೆಯಿಂದ ಸಾರ್ವಜನಿಕರಿಗೆ ತೊಂದರೆಯಾಗುತ್ತಿದೆ. ಹೀಗಾಗಿ ಇಲಾಖೆಗಳ ನಡುವಿನ ಅಧಿಕಾರಿಗಳು ಸಮನ್ವಯದಿಂದ ಕಾರ್ಯ ನಿರ್ವಹಿಸಬೇಕು’ ಎಂದವರು ಹೇಳಿದ್ದಾರೆ. `ಜೆಜೆಎಂ ಕಾಮಗಾರಿಗಳು ಪೂರ್ಣಗೊಂಡಿರುವ ಕಡೆ ಹೆಸ್ಕಾಂ ವತಿಯಿಂದ ಶೀಘ್ರವಾಗಿ ವಿದ್ಯುತ್ ಸಂಪರ್ಕ ಕಲ್ಪಿಸಬೇಕು. ಕುಡಿಯುವ ನೀರಿನ ಸರಬರಾಜಿನಲ್ಲಿ ಯಾವುದೇ ವ್ಯತ್ಯಯವಾಗದಂತೆ ಹಾಗೂ ಟಾಸ್ಕ್ ಪೊರ್ಸ್ ಸಮಿತಿಗೆ ಕಾಮಗಾರಿಗಳ ಕುರಿತು ಪ್ರಸ್ತಾವನೆ ಸಲ್ಲಿಸುವ ಸಂದರ್ಭದಲ್ಲಿ ಸರಿಯಾದ ಮಾಹಿತಿ ಒಳಗೊಂಡ ಸಮಗ್ರ ಪ್ರಸ್ತಾವನೆ ಸಲ್ಲಿಸಬೇಕು’ ಎಂದವರು ಸೂಚಿಸಿದ್ದಾರೆ. ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಉಪಕಾರ್ಯದರ್ಶಿ ಅಲ್ಲಾ ಭಕ್ಷ್, ಮುಖ್ಯ ಲೆಕ್ಕಾಧಿಕಾರಿ ಆನಂದಸಾ ಹಬೀಬ್, ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ ಕಾರ್ಯನಿರ್ವಾಹಕ ಇಂಜನೀಯರ್ ಎಚ್ ಸತ್ಯಪ್ಪ ಹಾಗೂ ವಿವಿಧ ಇಲಾಖೆಯ ಅಧಿಕಾರಿಗಳು ಮತ್ತಿತರರು ಇದ್ದರು.
- [ಹಳೆಯ ವಿದ್ಯಾರ್ಥಿಗಳ ಸಮಾಗಮ-ಸನ್ಮಾನ!](https://mobiletime.in/2026/05/alumni-reunion-and-honors/): 35 ವರ್ಷದ ಹಿಂದೆ ಕಾರವಾರದ ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರದಲ್ಲಿ ಕಲಿತ ವಿದ್ಯಾರ್ಥಿಗಳು ಇದೀಗ ಮತ್ತೆ ಅದೇ ಶಾಲೆಗೆ ಭೇಟಿ ನೀಡಿದ್ದು, ಎಲ್ಲರೂ ಸೇರಿ `ಗುರು ವಂದನಾ’ ಕಾರ್ಯಕ್ರಮ ನಡೆಸಿದ್ದಾರೆ. 1991ರಲ್ಲಿ ಎಸ್ ಎಸ್ ಎಲ್ ಸಿ ಓದಿದ ಮಕ್ಕಳು ದಿಲೀಪ್ ಸಾಳುಂಕೆ ಅವರ ಸಾರಥ್ಯದಲ್ಲಿ ಈ ಕಾರ್ಯಕ್ರಮ ಸಂಘಟಿಸಿದ್ದಾರೆ. ಶಾಲೆಯ ಪ್ರಥಮ ಬ್ಯಾಚಿನ ವಿದ್ಯಾರ್ಥಿಯಾಗಿರುವ ಕೃಷ್ಣಾನಂದ ಸಾಳುಂಕೆ ಅವರು ಸದ್ಯ ಗೆಜೆಟಡ್ ಅಧಿಕಾರಿಯಾಗಿ ನಿವೃತ್ತರಾಗಿದ್ದು,`ನಮ್ಮ ಊರು ನಮ್ಮ ಹೆಮ್ಮೆ’ ಎಂದು ಸಂತಸದ ಮಾತನಾಡಿದ್ದಾರೆ. ದಾಂಡೇಲಿ ನಗರಸಭೆಯ ಮಾಜಿ ಅಧ್ಯಕ್ಷ ನಾಗೇಶ ಸಾಳುಂಕೆ ಅವರು ಸಹ ಈ ಶಾಲೆಯ ಮಾಜಿ ವಿದ್ಯಾರ್ಥಿಯಾಗಿದ್ದು, `ಶಿವಾಜಿ ವಿದ್ಯಾ ಮಂದಿರಕ್ಕೆ ತನ್ನದೆ ಆದ ಇತಿಹಾಸವಿದೆ. ಆ ದಾಖಲೆ ಹೀಗೇ ಮುಂದುವರೆಯಲಿ’ ಎಂದು ಹಾರೈಸಿದ್ದಾರೆ. 1974ರ ಮೆಟ್ರಿಕ್ ವಿದ್ಯಾರ್ಥಿ ಮುಖ್ಯವಾಗಿ ರಾಜ್ಯ ಮಟ್ಟದಲ್ಲಿ ಶಾಲೆಯಿಂದ ಕಬಡ್ಡಿ ತಂಡವನ್ನು ಪ್ರತಿನಿಧಿಸಿದ್ದ ನಿವೃತ್ತ ಯೋಧರಾದ ಶಾಂತರಾಮ ಸಾಳುಂಕೆ ಅವರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ. `ಕ್ರೀಡೆಯ ಅರಿವು ಎಲ್ಲದಕ್ಕೂ ಮಿಗಿಲು’ ಎನ್ನುತ್ತ ಅವರು ಭಾವುಕರಾದರು. ಶಾಲೆಯ ನಿವೃತ್ತ ನೌಕರರಾದ ಶಶಿಕಾಂತ ಸಾಳುಂಕೆ, ಶಾಲಾ ಆಡಳಿತ ಮಂಡಳಿಯ ಕಾರ್ಯದರ್ಶಿಯೂ ಆಗಿರುವ ನ್ಯಾಯವಾದಿ ಸಂಜಯ ಸಾಳುಂಕೆ ಅವರು ಕಾರ್ಯಕ್ರಮದಲ್ಲಿ ಸಂತಸದಿAದ ಭಾಗವಹಿಸಿದ್ದರು. ಸಂಸ್ಥೆಯ ಉಪಾಧ್ಯಕ್ಷರಾದ ಗಿರೀಶ್ ದೇಸಾಯಿ ಅವರು ವೇದಿಕೆಯಲ್ಲಿದ್ದರು. ಶಾಲೆಯ ನಿವೃತ್ತ ಮುಖ್ಯಾಧ್ಯಪಕರಾದ ಸುಮನ್ ನಾಯ್ಕ ಹಾಗೂ ಪ್ರಸ್ತುತ ಮುಖ್ಯ ಗುರುಗಳಾದ ಗಣೇಶ ಬಿಷ್ಟಣ್ಣನವರ.ನಿವೃತ್ತ ಶಾಲಾ ಸಿಬ್ಬಂದಿ ಶಶಿಕಾಂತ ಸಾಳುಂಕೆ ಜೊತೆಗೆ ಶಾಲೆಯ ಹಳೆಯ ವಿದ್ಯಾರ್ಥಿಗಳಾದ ಪ್ರೇಮಾನಂದ ಸಾಳುಂಕೆ, ಮೋಹನ ಸಾಳುಂಕೆ, ಕೃಷ್ಣಾನಂದ ಸಾಳುಂಕೆ ಹಾಗೂ ನಾಗೇಶ ಸಾಳುಂಕೆ ಅವರನ್ನು ಸನ್ಮಾನಿಸಲಾಯಿತು. 1974 ರಲ್ಲಿ ಶಾಲೆಯಿಂದ ರಾಜ್ಯ ಮಟ್ಟಕ್ಕೆ ಸಾಗಿದ್ದ ಕಬಡ್ಡಿ ಆಟಗಾರರ ಜೊತೆ ಪ್ರಸಕ್ತ ವರ್ಷ ಎಸ್ ಎಸ್ ಎಲ್ ಸಿಯಲ್ಲಿ ಶಾಲೆಗೆ ಪ್ರಥಮ ಬಂದ ಅಶ್ವಿತಾ ದೇಸಾಯಿ ಅವರನ್ನು ಗೌರವಿಸಲಾಯಿತು. ನಿವೃತ್ತ ಯೋಧ ದಿಲೀಪ ಸಾಳುಂಕೆ, ಮಾಯಾ ಎಸ್ ಸಾಳುಂಕೆ, ಗುರುನಾಥ ಆರ್ ನಾಯ್ಕ ಕಾರ್ಯಕ್ರಮದಲ್ಲಿ ವಿವಿಧ ಜವಾಬ್ದಾರಿ ನಿಭಾಯಿಸಿದರು.
- [ಉಂಡು ಹೋದ.. ಕೊಂಡು ಹೋದ!](https://mobiletime.in/2026/05/gone-gone/): ದಾಂಡೇಲಿ ಗಾಂಧಿನಗರದ ನಿಲೇಶ ಗಾಗಡೆ ಅವರ ಮನೆಗೆ ಮಹಾರಾಷ್ಟ್ರದಿಂದ ನೆಂಟರು ಬಂದಿದ್ದು, ಊರಿಗೆ ಹೋಗುವಾಗ ವಿವಿಧ ವಸ್ತುಗಳನ್ನು ಕೊಂಡೊಯ್ದಿದ್ದಾರೆ. ಮನೆ ತುಂಬ ಗಲೀಜು ಮಾಡಿದ ಆ ನೆಂಟರು ಆಧಾರ್ ಕಾರ್ಡ, ರೇಶನ್ ಕಾರ್ಡ ಜೊತೆ ಗ್ಯಾಸ್ ಬುಕ್ ಸಹ ಬಿಡದೇ ಕದ್ದಿದ್ದಾರೆ! ದಾಂಡೇಲಿಯ ನಿಲೇಶ ಮಹೇಶ ಗಾಗಡೆ ಅವರು ತಮ್ಮ ಕುಟುಂಬದೊoದಿಗೆ ಗಾಂಧಿನಗರದಲ್ಲಿ ವಾಸವಾಗಿದ್ದಾರೆ. ಮೇ 5ರಂದು ಅವರ ಮನೆಗೆ ನಾಲ್ವರು ನೆಂಟರು ಆಗಮಿಸಿದ್ದಾರೆ. ಪೂಣೆಯ ಯರೋಡಾದಿಂದ ಆಗಮಿಸಿದ ಜಯಶ್ರೀ ಅನೀಲ ಅಂಭಗೆ ಅವರನ್ನು ಕುಟುಂಬದವರು ಸ್ವಾಗತಿಸಿದ್ದಾರೆ. ಮಹಾರಾಷ್ಟçದ ದೊಂಡಾಯಿಚಾದಿAದ ಬಂದಿದ್ದ ಸುನೀಲ ಮಲ್ಕೆ, ಅವರ ಪತ್ನಿ ರಾಜಶ್ರೀ ಮಲ್ಕೆ, ಮಗ ಮನೀಷ್ ಮಲ್ಕೆ ಅವರನ್ನು ಸಹ ನಿಲೇಶ್ ಗಾಗಡೆ ಕುಟುಂಬದವರು ಅದ್ಧೂರಿಯಾಗಿ ಬರಮಾಡಿಕೊಂಡಿದ್ದಾರೆ. ಆ ದಿನ ಅವರ ಮನೆಯಲ್ಲಿಯೇ ಊಟ ಮಾಡಿದ ನೆಂಟರೆಲ್ಲರೂ ರಾತ್ರಿ ಅಲ್ಲಿಯೇ ವಸತಿ ಹೂಡಿದ್ದಾರೆ. ಮರುದಿನ ರಾತ್ರಿ ನಿಲೇಶ ಗಾಗಡೆ ಅವರ ಬಳಿ ನೆಂಟರು ಜಗಳ ಶುರು ಮಾಡಿದ್ದಾರೆ. ಈ ಜಗಳ ನೋಡಿದ ನಿಲೇಶ್ ಗಾಗಡೆ ಅವರ ಸಹೋದರಿ ನಿರ್ಜನಾ ಮಹೇಶ ಗಾಗಡೆ ಅವರು ಸಂಬAಧಿಕರ ಮನೆಗೆ ಹೋಗಿದ್ದಾರೆ. ಈ ವೇಳೆ ನಿಲೇಶ್ ಗಾಗಡೆ ಅವರು ಆ ನಾಲ್ವರು ನೆಂಟರು ಹೊಡೆದು ನೋವು ಮಾಡಿದ್ದಾರೆ. ಮನೆಯಲ್ಲಿದ್ದ ನಿಲೇಶ್ ಗಾಗಡೆ ಅವರ ತಾಯಿ ಮೀನಾ ಗಾಗಡೆ ಅವರ ಕೂದಲು ಹಿಡಿದು ಎಳೆದಿದ್ದಾರೆ. ಅದಾದ ಮರುದಿನ ನಿಲೇಶ್ ಗಾಗಡೆ ಅವರು ಎಂದಿನAತೆ ಕೆಲಸಕ್ಕೆ ಹೋಗಿದ್ದಾರೆ. ಈ ವೇಳೆ ಆ ನಾಲ್ವರು ನೆಂಟರು ಸೇರಿ ಮನೆ ತುಂಬ ಮಲ-ಮೂತ್ರ ವಿಸರ್ಜನೆ ಮಾಡಿ ಗಬ್ಬು ಮಾಡಿದ್ದಾರೆ. ಜೊತೆಗೆ ಮನೆಯಲ್ಲಿದ್ದ ಕಪಾಟು ಒಡೆದು ಅಲ್ಲಿದ್ದ ಚಿನ್ನದ ಆಭರಣ ದೋಚಿದ್ದಾರೆ. 20 ಸಾವಿರ ರೂ ಹಣ ಕದ್ದಿದ್ದಾರೆ. ಜೊತೆಗೆ ಗ್ಯಾಸ್ ಬುಕ್, ಬ್ಯಾಂಕ್ ಪಾಸ್ ಬುಕ್, ಆಧಾರ್ ಕಾರ್ಡ, ರೇಶನ್ ಕಾರ್ಡನ್ನು ಬಿಡದೇ ಒಯಿದ್ದಾರೆ. ಮನೆಯಲ್ಲಿದ್ದ 12 ತಾಮ್ರದ ಪಾತ್ರೆಗಳನ್ನು ಸಹ ಅವರು ಕೊಂಡೊಯ್ದಿದ್ದಾರೆ. ಸಂಬAಧಿಕರ ಮನೆಗೆ ಹೋಗಿದ್ದ ನಿರ್ಜನಾ ಗಾಗಡೆ ಅವರು ಮೇ 7ರ ಮಧ್ಯಾಹ್ನ ಮನೆಗೆ ಬಂದಿದ್ದು, ಮನೆ ತುಂಬ ಗೆಬ್ಬೆದ್ದಿರುವುದನ್ನು ನೋಡಿ ಕಂಗಾಲಾಗಿದ್ದಾರೆ. ಅದಾದ ನಂತರ ವಸ್ತುಗಳೆಲ್ಲವೂ ಕಾಣೆಯಾಗಿದನ್ನು ನೋಡಿ ಪೊಲೀಸ್ ದೂರು ನೀಡಿದ್ದಾರೆ.
- [ರಕ್ಕಿ ಮೇಲೆ ಬಹು ನಿರೀಕ್ಷೆ](https://mobiletime.in/2026/05/high-expectations-on-ricky/): ಬಹು ನಿರೀಕ್ಷಿತ  “ರಕ್ಕಿ” ಚಿತ್ರದ “ರಗಡೋ ರಕ್ಕಿ” ಹಾಡು ಇತ್ತೀಚೆಗೆ PRK Audio ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಯಾಗಿದೆ.  ಯುವಜನತೆ ಹಾಗೂ ಸಂಗೀತ ಪ್ರೇಮಿಗಳಲ್ಲಿ ಭಾರೀ ಸಂಚಲನ ಮೂಡಿಸಿರುವ ಈ ಹಾಡು ಅಧಿಕ ಸಂಖ್ಯೆಯಲ್ಲಿ ವೀಕ್ಷಣೆಯಾಗುತ್ತಿದೆ. ಇದು “ರಕ್ಕಿ” ಚಿತ್ರದ ಮೊದಲ ಗೀತೆಯಾಗಿದೆ. ಈ ಚಿತ್ರದ ಮೂಲಕ ನಾಯಕನಾಗಿ ಚಿತ್ರರಂಗ ಪ್ರವೇಶಿಸುತ್ತಿರುವ ರಕ್ಕಿ ಸುರೇಶ್, ಈ ಹಾಡಿನಲ್ಲಿ ತಮ್ಮ ಎನರ್ಜಿಟಿಕ್ ಸ್ಕ್ರೀನ್ ಪ್ರೆಸೆನ್ಸ್, ಸ್ಟೈಲಿಶ್ ಲುಕ್ ಹಾಗೂ ಅದ್ಭುತ ಡ್ಯಾನ್ಸ್ ಮೂಲಕ  ಪ್ರೇಕ್ಷಕರ ಗಮನ ಸೆಳೆದಿದ್ದಾರೆ. ಭರ್ಜರಿ ನೃತ್ಯ ಸಂಯೋಜನೆ ಹಾಗೂ ಕಲರ್‌ಫುಲ್ ದೃಶ್ಯಗಳೊಂದಿಗೆ ಈ ಹಾಡು ರಕ್ಕಿ ಸುರೇಶ್ ಅವರನ್ನು ಹೊಸ ತಲೆಮಾರಿನ ಮಾಸ್ ಹೀರೋ ಆಗಿ ಪರಿಚಯಿಸುತ್ತದೆ. ಇಂದಿನ Gen Z ಸಂಸ್ಕೃತಿಯನ್ನು ಪ್ರತಿಬಿಂಬಿಸುವ ಈ ಹಾಡು ಟ್ರೆಂಡಿ ಬೀಟ್ಸ್, ಯೂತ್‌ಫುಲ್ ಎನರ್ಜಿ ಮತ್ತು ಸ್ಟೈಲಿಶ್ ಮೇಕಿಂಗ್‌ನಿಂದ ವಿಶೇಷ ಆಕರ್ಷಣೆಯಾಗಿದೆ. “ಹಚ್ಚಿಟ್ಟಿರೋ ಪಟಾಕಿ” ಎಂಬ ಸಾಹಿತ್ಯದ ಮೂಲಕ ನಾಯಕನ ಭರ್ಜರಿ ಎಂಟ್ರಿಯನ್ನು ಹಾಡಿನಲ್ಲಿ ಬಿಂಬಿಸಲಾಗಿದ್ದು, ಸಿಡಿಯಲು ಸಿದ್ಧವಾಗಿರುವ ಪಟಾಕಿಯಂತೆ ರಕ್ಕಿ ಅವರ ಎನರ್ಜಿ ಈ ಹಾಡಿನಲ್ಲಿ ಕಾಣುತ್ತದೆ. ವೇಗದ ನೃತ್ಯ, ಸ್ಟೈಲಿಶ್ ದೃಶ್ಯ ವಿನ್ಯಾಸ ಮತ್ತು ಮಾಸ್ ಫೀಲಿಂಗ್‌ನಿಂದ ಈ ಹಾಡು ಥಿಯೇಟರ್ ಪ್ರೇಕ್ಷಕರಿಗೆ ಹಬ್ಬದ ಅನುಭವ ನೀಡುವಂತಿದೆ. ಈ ಹಾಡಿಗೆ ಸಂಗೀತ ಮತ್ತು ಸಾಹಿತ್ಯವನ್ನು ಲೋಕಿ ತವಸ್ಯ ನೀಡಿದ್ದಾರೆ. ಯುವಜನತೆಯನ್ನು ಸೆಳೆಯುವ ರೀತಿಯ ಸಂಗೀತ ಮತ್ತು ಸಾಹಿತ್ಯ ಹಾಡಿನ ಪ್ರಮುಖ ಆಕರ್ಷಣೆಯಾಗಿದೆ. ಕಂಬಿರಾಜು ಅವರ ನೃತ್ಯ ಸಂಯೋಜನೆ ಹಾಡಿಗೆ ಮತ್ತಷ್ಟು ಭರ್ಜರಿತನ ನೀಡಿದ್ದು, ಪ್ರತಿಯೊಂದು ಸ್ಟೆಪ್ ಕೂಡ ಪ್ರೇಕ್ಷಕರನ್ನು ಕುಣಿಯಿಸುವಂತಿದೆ. ಛಾಯಾಗ್ರಾಹಕ  ಐ ಸಾಕ್ ಪ್ರಭಾಕರ್ ಅವರು ಕಲರ್‌ಫುಲ್ ಫ್ರೇಮ್ಸ್, ಸ್ಟೈಲಿಶ್ ಲೈಟಿಂಗ್ ಮತ್ತು ಅದ್ದೂರಿ ದೃಶ್ಯ ವಿನ್ಯಾಸದ ಮೂಲಕ ಹಾಡಿನ ವೈಭವವನ್ನು ಹೆಚ್ಚಿಸಿದ್ದಾರೆ. ವೆಂಕಟ್ ಭಾರದ್ವಾಜ್ ಅವರ ಕಥೆ, ಚಿತ್ರಕಥೆ ಮತ್ತು ನಿರ್ದೇಶನದಲ್ಲಿ ಮೂಡಿ ಬಂದಿರುವ “ರಕ್ಕಿ” ಚಿತ್ರ, ಸದ್ಯ ಸೆನ್ಸಾರ್ ಹಂತದಲ್ಲಿದ್ದು ಶೀಘ್ರದಲ್ಲೇ ಅದ್ಧೂರಿಯಾಗಿ ಬಿಡುಗಡೆಯಾಗಲಿದೆ. ಈ ಚಿತ್ರಕ್ಕೆ ಶ್ರೀಮತಿ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಅವರ ಆಶೀರ್ವಾದ ಮತ್ತು ಬೆಂಬಲ ದೊರೆತಿರುವುದು ಚಿತ್ರತಂಡಕ್ಕೆ ಮತ್ತಷ್ಟು ಪ್ರೇರಣೆಯಾಗಿದೆ. SNR Productions ಬ್ಯಾನರ್ ಅಡಿಯಲ್ಲಿ ಸುರೇಶ್ ಸಾಲಿಗ್ರಾಮ ನಿರ್ಮಿಸಿರುವ “ರಕ್ಕಿ” ಚಿತ್ರವು ಸಾಹಸ , ಭಾವನೆ, ಸಂಗೀತ, ಪ್ರೇಮ ಮತ್ತು ಮಾಸ್ ಅಂಶಗಳಿಂದ ಕೂಡಿದ ಯುವಜನರ ಮನಗೆಲ್ಲುವ ಕಮರ್ಷಿಯಲ್ ಎಂಟರ್‌ಟೈನರ್ ಚಿತ್ರ ಆಗಲಿದೆ.  ಈಗಾಗಲೇ ಬಿಡುಗಡೆಯಾದ “ರಗಡೋ ರಕ್ಕಿ” ಹಾಡು ಕನ್ನಡ ಸಿನಿ ಪ್ರೇಕ್ಷಕರಲ್ಲಿ ಅಪಾರ ಕುತೂಹಲ ಹುಟ್ಟಿಸಿದ್ದು, ಚಿತ್ರದ ಭರ್ಜರಿ ಬಿಡುಗಡೆಗೆ ವೇದಿಕೆ ಸಿದ್ಧಪಡಿಸಿದೆ.                                                                       ‌                             .                                                    ರಕ್ಕಿ ಸುರೇಶ್, ಪಲ್ಲವಿ ಮಂಜುನಾಥ್, ಆಶಿಕಾ ಸೋಮಶೇಖರ್, ಬಿ.ಸರೇಶ್, ಸಂಪತ್ ಮೈತ್ರೇಯ, ರಮೇಶ್ ಪಂಡಿತ್, ಬಲ ರಾಜವಾಡಿ, ಜಿ ಜಿ, ಹರಿಣಿ ಶ್ರೀಕಾಂತ್ ಮುಂತಾದವರ ಭರ್ಜರಿ ತಾರಾಬಳಗ ಈ ಚಿತ್ರದಲ್ಲಿದೆ.
- [ಮೇ 18: ಈ ದಿನವೂ ಬರಲಿದೆ ಭಾರೀ ಮಳೆ!](https://mobiletime.in/2026/05/may-18-heavy-rains-are-expected-today-too/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮೇ 18ರಂದು ಭಾರೀ ಪ್ರಮಾಣದ ಮಳೆಯಾಗುವ ಸಾಧ್ಯತೆಗಳಿದೆ. ಭಾರತೀಯ ಹವಾಮಾನ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರವೂ ಈ ಬಗ್ಗೆ ಮುನ್ಸೂಚನೆ ನೀಡಿದೆ. ಉತ್ತರ ಕನ್ನಡ ಜಿಲ್ಲೆಯ 12 ತಾಲೂಕುಗಳಲ್ಲಿ ಭಾರೀ ಪ್ರಮಾಣದ ಗಾಳಿ, ಗುಡುಗು ಹಾಗೂ ಮಳೆಯಾಗುವ ಸಾಧ್ಯತೆಗಳಿದೆ. ಮೇ 17ರಿಂದಲೇ ಮಳೆ ಶುರುವಾಗಿದ್ದು, ಅದು ಮುಂದುವರೆಯುವ ಬಗ್ಗೆ ವಿಜ್ಞಾನಿಗಳು ಅಂದಾಜಿಸಿದ್ದಾರೆ. ಈ ದಿನ ಮಳೆಯ ಜೊತೆಗೆ ಗಾಳಿ ಕೂಡಾ 40-60ಕಿಮೀ ವೇಗದಲ್ಲಿ ಬೀಸುವ ಸಾಧ್ಯತೆಗಳಿವೆ. ಈ ಹಿನ್ನಲೆ ಉತ್ತರ ಕನ್ನಡ ಜಿಲ್ಲಾಡಳಿತ ಜನರಿಗೆ ವಿವಿಧ ಸೂಚನೆ ನೀಡಿದೆ. `ಅಪಾಯಕಾರಿ ಮರಗಳಿರುವ ಮನೆ ಅಂಚಿನ ಜನ ಸುರಕ್ಷಿತ ಸ್ಥಳಕ್ಕೆ ಹೋಗಬೇಕು. ಮರಗಳ ಅಡಿಭಾಗ ಆಶ್ರಯಪಡೆಯುವುದು ಅಪಾಯಕಾರಿ’ ಎಂದು ಸರ್ಕಾರ ಹೇಳಿದೆ. ಸಮುದ್ರದಲ್ಲಿ ಅಲೆಗಳು ತೀವ್ರವಾಗಿರುವುದರಿಂದ ಮೀನುಗಾರರು ಕಡಲಿಗೆ ಹೋಗದಂತೆ ಜಿಲ್ಲಾಡಳಿತ ಸೂಚಿಸಿದೆ. ಪ್ರವಾಸಿಗರು ಹಾಗೂ ಸಾರ್ವಜನಿಕರು ನದಿ ಮತ್ತು ನೀರಿರುವ ಪ್ರದೇಶಕ್ಕೆ ತೆರಳದಂತೆ ಸೂಚನೆ ನೀಡಿದೆ. ಸಮುದ್ರ ತೀರಕ್ಕೆ ಮಕ್ಕಳು ಹೋಗದಂತೆ ಪಾಲಕರು ಜಾಗ್ರತೆವಹಿಸಬೇಕು ಎಂದು ಸೂಚಿಸಲಾಗಿದೆ.
- [ಗಾಳಿ ಮಳೆ: ಸಿಡಿಲಿನ ಸ್ಪರ್ಶಕ್ಕೆ ಸ್ವರ್ಗ ಸೇರಿದ ಗೋವು!](https://mobiletime.in/2026/05/wind-and-rain-a-cow-that-went-to-heaven-after-being-struck-by-lightning/): ಹಳಿಯಾಳದಲ್ಲಿಯೂ ಭಾರೀ ಪ್ರಮಾಣದಲ್ಲಿ ಗಾಳಿ-ಮಳೆ ಸುರಿಯುತ್ತಿದ್ದು, ಮಂಗಳವಾಡ ಬಳಿ ಭಾನುವಾರ ಸಿಡಿಲಿನ ಸ್ಪರ್ಶಕ್ಕೆ ಮೂರು ಹಸುಗಳು ಸಾವನಪ್ಪಿದೆ. ಮಂಗಳವಾಡ ಪ್ರೌಢಶಾಲೆಯ ಮೇಲ್ಚಾವಣಿ ಸಹ ಗಾಳಿಗೆ ಹಾರಿ ಹೋಗಿದೆ. ಭಾನುವಾರ ಸಂಜೆ ದಿಢೀರ್ ಆಗಿ ಗಾಳಿ-ಮಳೆ ಶುರುವಾಗಿದ್ದು, ಜನ ಜೀವನಕ್ಕೆ ಸಮಸ್ಯೆಯಾಗಿದೆ. ಹೈನುಗಾರಿಕೆಯನ್ನೇ ನಂಬಿ ಬದುಕುತ್ತಿದ್ದ ರೋಮನ್ ಬಾವಟಿಸ್ ದಾಲ್ಮೆತ್ ಅವರ ಜಾನುವಾರುಗಳು ಸಿಡಿಲಿಗೆ ಸಾವನಪ್ಪಿದೆ. ಇದರಿಂದ ಜಾನುವಾರು ಮಾಲಕರು ಲಕ್ಷಾಂತರ ರೂ ನಷ್ಟ ಅನುಭವಿಸಿದ್ದಾರೆ. ಇದೇ ವೇಳೆ ಭಾರೀ ಗಾಳಿಗೆ ಮಂಗಳವಾಡ ಪ್ರೌಢಶಾಲೆಯ ಮೇಲ್ಚಾವಣಿ ಕಿತ್ತು ಬಿದ್ದಿದೆ. ಶಾಲಾ ಕಟ್ಟಡದ ಒಳಗೆ ಮಳೆ ನೀರು ನುಗ್ಗಿ ಹಾನಿಯಾಗಿದೆ. ಗೋಡೆಗಳು ತೇವಗೊಂಡಿದೆ. ಶಾಲೆಗೆ ಆದ ಹಾನಿ ಬಗ್ಗೆ ಶಿಕ್ಷಣಾಧಿಕಾರಿಗಳು ಮಾಹಿತಿಪಡೆದಿದ್ದಾರೆ. ಸಿಡಿಲಿನ ಸ್ಪರ್ಶದಿಂದ ಸಾವನಪ್ಪಿದ ಜಾನುವಾರು ಮಾಲಕರಿಗೆ ಸೂಕ್ತ ಪರಿಹಾರ ಕೊಡಬೇಕು ಎಂದು ಅಲ್ಲಿನವರು ಆಗ್ರಹಿಸಿದ್ದಾರೆ.
- [ಗಾಳಿ-ಮಳೆ: ಕಾರಿನ ಮೇಲೆ ಬಿದ್ದ ಮರ!](https://mobiletime.in/2026/05/wind-and-rain-tree-falls-on-car/): ಶಿರಸಿಯಲ್ಲಿ ಸುರಿದ ಮಳೆಗೆ ಹಲವು ಅವಾಂತರಗಳು ನಡೆದಿದೆ. ಬನವಾಸಿ ರಸ್ತೆಯಲ್ಲಿ ಮನೆ ಮುಂದೆ ನಿಂತಿದ್ದ ಕಾರಿನ ಮೇಲೆ ತೆಂಗಿನ ಮರ ಬಿದ್ದಿದೆ. ಶುಕ್ರವಾರ ರಾತ್ರಿ ಶಿರಸಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಭಾರೀ ಪ್ರಮಾಣದ ಗುಡುಗು-ಮಳೆಯಾಗಿದೆ. ಅಲ್ಲಲ್ಲಿ ಸಿಡಿಲಿನ ಸದ್ದು ಕೇಳಿಸಿದೆ. ಜೊತೆಗೆ ರಭಸ ಗಾಳಿಯೂ ಬೀಸಿದೆ. ಗ್ರಾಮೀಣ ಪ್ರದೇಶಗಳ ಜನ ಸಂಪರ್ಕ ವ್ಯವಸ್ಥೆ ಇಲ್ಲದೇ ಸಮಸ್ಯೆ ಅನುಭವಿಸಿದ್ದಾರೆ. ದಿಡೀರ್ ಮಳೆ ಪರಿಣಾಮ ಅಲ್ಲಲ್ಲಿ ಮೊಬೈಲ್ ನೆಟ್‌ವರ್ಕ ಸಿಗದ ಸಮಸ್ಯೆಯೂ ಕಾಣಿಸಿಕೊಂಡಿದ್ದರಿoದ ಜನ ತೊಂದರೆಗೆ ಒಳಗಾಗಿದ್ದಾರೆ. ಈ ಎಲ್ಲದರ ನಡುವೆ ಬನವಾಸಿ ರಸ್ತೆಯ ಬಳಿ ತೆಂಗಿನ ಮರ ಮುರಿದು ಬಿದ್ದಿದೆ. ಶಿರಸಿ ನಗರದ ಬನವಾಸಿ ರಸ್ತೆಯಲ್ಲಿನ ಸಂಘಧಾಮದ ಬಳಿ ಸಂಜೆ ವೇಳೆ ದೊಡ್ಡ ಗಾಳಿ ಬೀಸಿದ್ದು, ಆ ಗಾಳಿ ರಭಸಕ್ಕೆ ಮರ ಮುರಿದಿದೆ. ಮುರಿದ ಮರ ಮನೆ ಮುಂದೆ ನಿಲ್ಲಿಸಿದ್ದ ಕಾರಿನ ಮೇಲೆ ಬಿದ್ದಿದ್ದರಿಂದ ಕಾರು ಜಖಂ ಆಗಿದೆ. ಮರ ಮುರಿದ ದೃಶ್ಯ ಸಿಸಿ ಕ್ಯಾಮರಾದಲ್ಲಿಯೂ ಸೆರೆಯಾಗಿದೆ.
- [ಮಂಡಕ್ಕಿ ಗಾಡಿಯಲ್ಲಿ ಗೀರ್ ಗೋವುಗಳ ಕಳ್ಳ ಸಾಗಾಟ!](https://mobiletime.in/2026/05/gir-cows-smuggled-in-a-mandakki-cart/): ಅನುಮಾನಾಸ್ಪದವಾಗಿ ಸಂಚರಿಸಿದ ಬುಲೇರೋ ಬಗ್ಗೆ ಅಂಕೋಲಾ ಗುಂಡುಬಾಳದ ವಿಶ್ವೇಶ್ವರ ಭಟ್ಟ ಅವರು ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಬುಲೇರೋ ತಪಾಸಣೆ ನಡೆಸಿದ ಪೊಲೀಸರಿಗೆ ಮಂಡಕ್ಕಿ ಚೀಲಗಳ ಮಧ್ಯೆ ಗೀರ್ ತಳಿಯ ಹೋರಿಗಳನ್ನು ಹಿಂಸಾತ್ಮಕವಾಗಿ ಸಾಗಿಸುತ್ತಿರುವುದು ಕಾಣಿಸಿದೆ. ಅಂಕೋಲಾ ಗುಂಡುಬಾಳದ ನೆವಳಸೆ ಬಳಿ ವಿಶ್ವೇಶ್ವರ ವಿಷ್ಣು ಭಟ್ಟ ಅವರು ವಾಸವಾಗಿದ್ದಾರೆ. ರೈತರಾಗಿರುವ ಅವರು ಹೈನುಗಾರಿಕೆಯ ಬಗ್ಗೆಯೂ ಅಪಾರ ಆಸಕ್ತಿವಹಿಸಿದ್ದಾರೆ. ಭಾನುವಾರ ನಸುಕಿನ 1ಗಂಟೆ ಅವಧಿಯಲ್ಲಿ ಬುಲೇರೋ ಪಿಕಪ್ ಒಂದು ಅನುಮಾನಾಸ್ಪದವಾಗಿ ಓಡಾಡಿರುವುದನ್ನು ಅವರು ನೋಡಿದ್ದಾರೆ. ಆ ರಾತ್ರಿಯೇ ಅವರು ಪೊಲೀಸರಿಗೆ ಫೋನಾಯಿಸಿ, ಆ ಬುಲೆರೋವನ್ನು ಹಿಂಬಾಲಿಸಿದ್ದಾರೆ. ವಿಶ್ವೇಶ್ವರ ಭಟ್ಟ ಅವರು ಬರುವುದನ್ನು ನೋಡಿ ಬುಲೇರೋ ಇನ್ನಷ್ಟು ವೇಗವಾಗಿ ಚಲಿಸಿದೆ. ಗುಂಡುಬಾಳದ ಮಂಗಖಾನ್ ಬಳಿ ಆ ಬುಲೇರೋ ಚಾಲಕನ ನಿಯಂತ್ರಣ ತಪ್ಪಿದೆ. ಜೊತೆಗೆ ಬುಲೇರೋ ಅಲ್ಲಿಯೇ ಪಲ್ಟಿಯಾಗಿದೆ. ಈ ವೇಳೆಗಾಗಲೇ ಅಲ್ಲಿ ಪೊಲೀಸರು ಆಗಮಿಸಿದ್ದು, ಬುಲೆರೋ ತಪಾಸಣೆ ನಡೆಸಿದಾಗ ಅದರಲ್ಲಿ ಎರಡು ಚೀಲ ಮಂಡಕ್ಕಿ ಸಿಕ್ಕಿದೆ. ಅದಾದ ನಂತರ ಎರಡು ಜಾನುವಾರುಗಳ ಅಕ್ರಮ ಸಾಗಾಟವೂ ಬೆಳಕಿಗೆ ಬಂದಿದೆ. ಗೀರ್ ತಳಿಯ ಹೋರಿಗಳನ್ನು ಮಾಂಸಕ್ಕಾಗಿ ಸಾಗಾಟ ಮಾಡುತ್ತಿದ್ದು, ಅದು ಗೊತ್ತಾಗದಂತೆ ಮಂಡಕ್ಕಿ ಚೀಲ ಅಡ್ಡವಿರಿಸಿದನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಎರಡು ರಾಜಸ್ಥಾನ ಗೀರ ತಳಿಯ ಹೋರಿಗಳನ್ನು ವಶಕ್ಕೆಪಡೆದ ಪೊಲೀಸರು ಬೆಳಗಾವಿ ನೋಂದಣಿ ಹೊಂದಿದ್ದ ಮಹೀಂದ್ರಾ ಬೊಲೆರೊ ವಾಹನವನ್ನು ಜಪ್ತು ಮಾಡಿದ್ದಾರೆ. ಆ ಪಿಕಪ್’ನಲ್ಲಿದ್ದ ಕಿತ್ತೂರಿನ ಅಪ್ಪಾಸಾಬ್ ಹಾಗೂ ಬೈಲಹೊಂಗಲ ನಿವಾಸಿ ಸಚಿನ್ ಬಸಪ್ಪ ಗಡೇದ ಅವರನ್ನು ಬಂಧಿಸಿ, ಜೈಲಿಗೆ ಕಳುಹಿಸಿದ್ದಾರೆ.
- [ದುಡ್ಡು ಕೊಟ್ಟು ಪೆಟ್ಟು ತಿಂದ ಕಾರು ಚಾಲಕ!](https://mobiletime.in/2026/05/the-car-driver-was-beaten-by-giving-urine/): ಬೆಂಗಳೂರಿನಲ್ಲಿ ಬ್ಯಾಂಕ್ ಮ್ಯಾನೇಜರ್ ಆಗಿರುವ ದೀಪಾ ಅಶ್ವಥನಾರಾಯಣ ಅವರು ಕುಟುಂಬದ ಜೊತೆ ಗೋಕರ್ಣಕ್ಕೆ ಬಂದಿದ್ದು, ಇಲ್ಲಿನ ಅಂಗಡಿಕಾರ ಸೂರಜ್ ದೇಶಭಂಡಾರಿ ಅವರಿಗೆ ಥಳಿಸಿದ್ದಾರೆ. ಇದಕ್ಕೆ ಪ್ರತಿಯಾಗಿ ಸೂರಜ್ ದೇಶಭಂಡಾರಿ ಅವರು ಸಹ ದೀಪಾ ಅವರ ಕಾರು ಚಾಲಕ ಗಣೇಶ ಜಿಕೆ ಅವರಿಗೆ ಗಾಜಿನ ಬಾಟಲಿಯಿಂದ ಹೊಡೆದಿದ್ದಾರೆ. ದೀಪಾ ಅಶ್ವಥನಾರಾಯಣ ಅವರು ಶನಿವಾರ ತಮ್ಮ ಕುಟುಂಬದ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಮುಖ್ಯ ಕಡಲತೀರದ ಬಳಿ ಅವರು ತಮ್ಮ ಕಾರು ನಿಲ್ಲಿಸಿದ್ದರು. ಕಾರಿನ ಚಾಲಕ ಗಣೇಶ ಜಿಕೆ ಎಂಬಾತರಿoದ ಅಲ್ಲಿದ್ದವರು ಪಾರ್ಕಿಂಗ್ ಫೀ ವಸೂಲಿ ಮಾಡಿದ್ದರು. ಆದರೆ, ಅಲ್ಲಿ ಅಂಗಡಿ ನಡೆಸುವ ಸೂರಜ ದೇಶಭಂಡಾರಿ ಅವರ ಪತ್ನಿ ಅಂಗಡಿ ಮುಂದೆ ಕಾರು ನಿಲ್ಲಿಸುವುದನ್ನು ವಿರೋಧಿಸಿದ್ದರು. `ಪಾರ್ಕಿಂಕ್ ಫೀ ಕೊಟ್ಟು ಕಾರು ನಿಲ್ಲಿಸಿದ್ದೇವೆ’ ಎಂದಾಗ ಸೂರಜ್ ದೇಶಭಂಡಾರಿ ಅವರು ಹೊರಗೆ ಬಂದು ಗಲಾಟೆ ಶುರು ಮಾಡಿದರು. ಅತ್ಯಂತ ಕೆಟ್ಟ ಶಬ್ದಗಳಿಂದ ಸೂರಜ್ ದೇಶಭಂಡಾರಿ ಅವರು ಬೈದಿದ್ದು, ಈ ಗಲಾಟೆ ಸಹಿಸದ ದೀಪಾ ಅಶ್ವಥನಾರಾಯಣ ಅವರು ಕೈಮುಷ್ಠಿಯ ಶಕ್ತಿ ಪ್ರದರ್ಶಿಸಿದರು. ಈ ವೇಳೆ ಸೂರಜ ದೇಶಭಂಡಾರಿ ಅವರು ಸಹ ಕಾರು ಚಾಲಕ ಗಣೇಶ ಬಿಜೆ ಅವರಿಗೆ ಗಾಜಿನ ಬಾಟಲಿಯಿಂದ ಹೊಡೆದರು. ಜಗಳ ಬಿಡಿಸಲು ಹೋಗಿದ್ದ ದೀಪಾ ಅವರ ಪತಿ ಅಶ್ವಥನಾರಾಯಣ ಅವರಿಗೂ ಸೂರಜ ದೇಶಭಂಡಾರಿ ಅವರು ಹೊಡೆದರು. ಪಾರ್ಕಿಂಗ್ ಫೀ ಪಡೆದಿದ್ದವರು ಅಲ್ಲಿಯೇ ಇದ್ದು, ಸೂರಜ ದೇಶಭಂಡಾರಿ ಅವರಿಗೆ ಬೆಂಬಲಿಸಿದರು. ಗಾಯಗೊಂಡ ಪ್ರವಾಸಿಗರಿಗೆ ಗೋಕರ್ಣ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಎರಡು ಕಡೆಯವರು ಹೊಡೆದಾಟ ನಡೆಸಿದ್ದು, ಸದ್ಯ ಈ ವಿಷಯ ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಪಾರ್ಕಿಂಗ್ ಸ್ಥಳದಲ್ಲಿ ಸಿಸಿ ಕ್ಯಾಮರಾ ಇಲ್ಲದಿರುವುದು ಇನ್ನಷ್ಟು ಸಮಸ್ಯೆಗೆ ಕಾರಣವಾಗಿದೆ.
- [ಹುಲಿ ಲೆಕ್ಕಾಚಾರ: ಕ್ಯಾಮರಾ ಕದ್ದ ಕದೀಮ!](https://mobiletime.in/2026/05/tigers-calculation-kadeema-stole-the-camera/): ಹುಲಿ ಗಣತಿ ಕಾರ್ಯ ನಡೆಸಲು ಅಂಕೋಲಾದ ಕಾಡಿನಲ್ಲಿ ಅಳವಡಿಸಿದ್ದ ಕ್ಯಾಮರಾವನ್ನು ಕಳ್ಳರು ಕದ್ದಿದ್ದಾರೆ. ಹೊಸಕಂಬಿ ಅರಣ್ಯ ಪ್ರದೇಶದಲ್ಲಿನ ಕ್ಯಾಮರಾ ಕಾಣೆಯಾಗಿದ್ದು, ಇದರಿಂದ ಗಣತಿ ಕಾರ್ಯಕ್ಕೆ ಸಮಸ್ಯೆ ಶುರುವಾಗಿದೆ. ಮೇ 1ರಿಂದ 25ರವರೆಗೆ ಆಲ್ ಇಂಡಿಯಾ ಟೈಗರ್ ಎಸ್ಟಿಮೇಶನ್ ಕಾರ್ಯಾಚರಣೆ ನಡೆಯುತ್ತಿದೆ. ಇದರ ಭಾಗವಾಗಿ ಹೊಸಕಂಬಿ ವಲಯದ ಮಾಣಿಕಾರ ತಿಂಗಳಬೈಲ್ ಅರಣ್ಯ ಪ್ರದೇಶದಲ್ಲಿ `ಕಡಿಬ್ಯಾಕ್’ ಕಂಪನಿಯ ಎರಡು ಆಫ್ಲೈನ್ ಕ್ಯಾಮೆರಾಗಳನ್ನು ಅಳವಡಿಸಲಾಗಿತ್ತು. ಪ್ರತಿ ಐದು ದಿನಗಳಿಗೊಮ್ಮೆ ಕ್ಯಾಮೆರಾದ ಮೆಮೊರಿ ಕಾರ್ಡ್ ಬದಲಾಯಿಸಿ, ಅದರಲ್ಲಿನ ಮಾಹಿತಿಯನ್ನು ರೇಂಜ್ ಫಾರೆಸ್ಟ್ ಕಚೇರಿಯ ಕಂಪ್ಯುಟರಿನಲ್ಲಿ ದಾಖಲು ಮಾಡಲಾಗುತ್ತಿತ್ತು. ಮೇ 11ರಂದು ಕೊನೆಯದಾಗಿ ಡೇಟಾ ಸಂಗ್ರಹಣೆ ನಡೆಸಲಾಗಿತ್ತು. ಮೇ 12ರಂದು ಸಿಬ್ಬಂದಿ ಸ್ಥಳಕ್ಕೆ ತೆರಳಿದಾಗ ಕ್ಯಾಮೆರಾ ಅಲ್ಲಿಯೇ ಇತ್ತು. ಆದರೆ, ಮೇ 13ರಂದು ಕರ್ತವ್ಯಕ್ಕೆ ಹೋದ ಸಿಬ್ಬಂದಿಗೆ ಕ್ಯಾಮೆರಾ ಕಾಣಿಸಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಸಿಕ್ಕಿಲ್ಲ. ಈ ಹಿನ್ನಲೆ ಸಿಬ್ಬಂದಿ ಮೇಲಧಿಕಾರಿಗಳಿಗೆ ವಿಷಯ ಮುಟ್ಟಿಸಿದ್ದು, ಸುಮಾರು 25 ಸಾವಿರ ರೂ ಮೌಲ್ಯದ ಎರಡು ಕ್ಯಾಮೆರಾ ಕಾಣೆಯಾದ ಬಗ್ಗೆ ಉಪವಲಯ ಅರಣ್ಯಾಧಿಕಾರಿ ರಾಘವೇಂದ್ರ ಗುರುರಾಜ ಜಿರಗಾಳೆ ಅವರು ಮಾಹಿತಿ ನೀಡಿದ್ದಾರೆ. ಈ ಹಿನ್ನಲೆ ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿ, ಕ್ಯಾಮರಾ ಹುಡುಕಾಟ ನಡೆಸಿದ್ದಾರೆ.
- [ಬಡವನ ಬದುಕಿಗೆ ಬಡಿದ ಸಿಡಿಲು!](https://mobiletime.in/2026/05/a-lightning-bolt-struck-the-life-of-a-poor-man/): ಹೊನ್ನಾವರದ ಅಪ್ಸರಕೊಂಡ ಕಡಲತೀರದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ವಿನಾಯಕ ಖಾರ್ವಿ ಅವರಿಗೆ ಸಿಡಿಲು ಬಡಿದಿದೆ. 35ನೇ ವಯಸ್ಸಿನಲ್ಲಿಯೇ ಅವರ ಬದುಕು ಅಂತ್ಯವಾಗಿದೆ. ಅಪ್ಸರಕೊoಡದ ಖಾರ್ವಿಕೇರಿಯಲ್ಲಿ ವಿನಾಯಕ ಗಣೇಶ ಖಾರ್ವಿ ಅವರು ವಾಸವಾಗಿದ್ದರು. ಮೀನುಗಾರಿಕೆ ನಂಬಿ ಅವರು ಕುಟುಂಬ ನಡೆಸುತ್ತಿದ್ದರು. ಶನಿವಾರ ಅವರು ಎಂದಿನAತೆ ಅರಬ್ಬಿ ಸಮುದ್ರಕ್ಕೆ ಹೋಗಿದ್ದು, ಸಂಜೆ ಮೀನು ಹಿಡಿದು ಮರಳಿದ್ದರು. ದೋಣಿಯನ್ನು ದಡಕ್ಕೆ ಎಳೆಯುವಾಗ ಒಮ್ಮೆಲೆ ಸಿಡಿಲು ಬಡಿದಿದ್ದು, ವಿದ್ಯುತ್ ಆಘಾತದಿಂದ ವಿನಾಯಕ ಖಾರ್ವಿ ಅವರು ಅಲ್ಲಿಯೇ ಕುಸಿದು ಬಿದ್ದರು. ಈ ವೇಳೆ ಆ ಕಡಲತೀರದಲ್ಲಿ ಕೆಲ ಪ್ರವಾಸಿಗರು ಸಹ ಇದ್ದರು. ಅವರಿಗೂ ಸಿಡಿಲಿನ ಸ್ಪರ್ಶವಾಗಿದ್ದು, ಅವರು ಗಾಯಗೊಂಡಿದ್ದಾರೆ. ಸಿಡಿಲ ಸ್ಪರ್ಶದ ಕುರುಹಾಗಿ ವಿನಾಯಕ ಖಾರ್ವಿ ಅವರ ಕಾಲು ಹಾಗೂ ಕೈ ಮೇಲೆ ಗಾಯದ ಗುರುತು ಕಾಣಿಸಿದೆ. ಅವರ ಜೊತೆಗಿದ್ದ ಮೀನುಗಾರರು ಸಹ ಏಕಾಏಕಿ ಬಡಿದ ಸಿಡಿಲನ್ನು ನೋಡಿ ಆಘಾತಕ್ಕೆ ಒಳಗಾಗಿದ್ದಾರೆ.  
- [ಮರಿ ಪುಡಾರಿಗೆ ಅಯ್ಯಪ್ಪ ಮಾಲೆಯೇ ಶ್ರೀರಕ್ಷೆ!](https://mobiletime.in/2026/05/ayyappa-garland-is-the-protection-for-the-newborn/): ಅವರಿವರನ್ನು ಕಾಡಿಸಿ-ಪೀಡಿಸಿ ಹಣ ವಸೂಲಿ ಮಾಡುವುದರ ಜೊತೆ ಅಯ್ಯಪ್ಪ ಸ್ವಾಮಿ ಮಾಲೆ ಧರಿಸಿಯೇ ಅನೇಕರನ್ನು ಬೆದರಿಸುತ್ತಿದ್ದ ಹಳಿಯಾಳದ ರಾಕೇಶ ವಾಲೇಕರ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ರಾಹುಲ್ ಜಯಂತವಾಣಿ ಅವರಿಗೆ ಬೆದರಿಕೆ ಒಡ್ಡಿ ಗೋವಾದಲ್ಲಿ ಅಡಗಿಕೊಂಡಿದ್ದ ರಾಕೇಶ ವಾಲೇಕರ ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದಾರೆ. ಹಳಿಯಾಳ ಪಟ್ಟಣದ ಚವ್ಹಾಣ ಪ್ಲಾಟಿನಲ್ಲಿ ವಾಸವಾಗಿರುವ ರಾಕೇಶ ವಾಲೇಕರ ಅವರು ಸಾಕಷ್ಟು ಜನರನ್ನು ಬೆದರಿಸಿದ್ದರು. ಬೆದರಿಕೆಗೆ ಒಳಗಾದವರ ಬೆದರಿಕೆಯಿಂದ ರಕ್ಷಿಸಿಕೊಳ್ಳುವುದಕ್ಕಾಗಿ ಅವರು ಅಯ್ಯಪ್ಪ ಸ್ವಾಮಿಯ ಮೊರೆ ಹೋಗಿದ್ದರು. ಅಯ್ಯಪ್ಪ ಸ್ವಾಮಿ ಮಾಲೆ ಧರಿಸಿಯೇ ಅವರು ಅಮಾಯಕರನ್ನು ಹೆದರಿಸುತ್ತಿದ್ದರು. ವರ್ಷವಿಡೀ ಅಯ್ಯಪ್ಪ ಸ್ವಾಮಿ ಮಾಲೆ ಧರಿಸುವುದರ ಮೂಲಕ ಹೊಡೆದಾಟಕ್ಕೆ ಬರುವವರಿಂದಲೂ ಅವರು ತಪ್ಪಿಸಿಕೊಳ್ಳುತ್ತಿದ್ದರು. ರಾಕೇಶ ವಾಲೇಕರ ಅವರಿಗೆ ಕೆಟ್ಟದಾಗಿ ಬೈಯ್ಯಲು ಬಂದವರು ಸಹ ಅಯ್ಯಪ್ಪ ಸ್ವಾಮಿ ವೇಷ ನೋಡಿ ಕೈ ಮುಗಿದು ಹೋಗುತ್ತಿದ್ದರು. 2024ರಲ್ಲಿ ಕಾನ್ವೆಂಟ್ ರೋಡ್ ನಿವಾಸಿ ರಾಹುಲ್ ಜಯವಂತವಾಣಿ ಅವರನ್ನು ರಾಕೇಶ ವಾಲೇಕರ್ ಅವರು ಬೆದರಿಸಿದ್ದರು. `1ಲಕ್ಷ ರೂ ಹಣ ಕೊಡು’ ಎಂದು ರಾಕೇಶ ವಾಲೇಕರ್ ದುಂಬಾಲು ಬಿದ್ದಿದ್ದು, ಅದನ್ನು ನೀಡದ ಕಾರಣ ಬೈಕ್ ಅಪಹರಿಸಿಕೊಂಡು ಹೋಗಿದ್ದರು. ಅದಾದ ನಂತರ ಕೊಲೆ ಮಾಡುವುದಾಗಿ ಬೆದರಿಕೆಯನ್ನು ಸಹ ಒಡ್ಡಿದ್ದರು. ಈ ಬಗ್ಗೆ ರಾಹುಲ್ ಜಯಂತವಾಣಿ ಅವರು ನೀಡಿದ ದೂರಿನ ಅನ್ವಯ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದು, ಅದಾದ ನಂತರ ರಾಕೇಶ್ ವಾಲೇಕರ್ ಊರು ಬಿಟ್ಟು ಪರಾರಿಯಾಗಿದ್ದರು. ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಕೆಯಾದರೂ ರಾಕೇಶ್ ವಾಲೇಕರ್ ವಿಚಾರಣೆಗೆ ಬಂದಿರಲಿಲ್ಲ. ಈ ಹಿನ್ನಲೆ ನ್ಯಾಯಾಲಯ ವಾರೆಂಟ್ ಜಾರಿಗೊಳಿಸಿದ್ದು, ಪೊಲೀಸರು ಆರೋಪಿಗಾಗಿ ತೀವೃ ಶೋಧ ಶುರು ಮಾಡಿದರು. ಮೇ 16ರಂದು ರಾಕೇಶ್ ವಾಲೇಕರ್ ಅವರು ಗೋವಾದ ಪೊಂಡಾದಿAದ ಹಳಿಯಾಳಕ್ಕೆ ಬರುತ್ತಿರುವ ಮಾಹಿತಿ ಆಧರಿಸಿ ವಿಶೇಷ ಕಾರ್ಯಾಚರಣೆ ನಡೆಸಿದರು. ನಾಲ್ಕು ಗಂಟೆಗಳ ಕಾಲ ನಡೆದ ಈ ಕಾರ್ಯಾಚರಣೆಯಲ್ಲಿ ವೇಷ ಮರೆಸಿಕೊಂಡಿದ್ದ ರಾಕೇಶ್ ವಾಲೇಕರ್ ಸಿಕ್ಕಿಬಿದ್ದರು. ಅನಮೋಡ ಚೆಕ್‌ಪೋಸ್ಟ್ನಲ್ಲಿ ಪೊಲೀಸರು ಆರೋಪಿಯನ್ನು ಬಂಧಿಸಿ, ನ್ಯಾಯಾಲಯಕ್ಕೆ ಒಪ್ಪಿಸಿದರು. ಹಳಿಯಾಳ ಡಿವೈಎಸ್ಪಿ ಶಿವಾನಂದ ಮದರಕಂಡಿ ಮತ್ತು ಸಿಪಿಐ ಜಯಪಾಲ್ ಪಾಟೀಲ್ ಅವರ ಮುಂದಾಳತ್ವದಲ್ಲಿ ಈ ಕಾರ್ಯಾಚರಣೆ ನಡೆದಿದ್ದು, ಪಿಸೈ ಬಸವರಾಜ ಮಬನೂರ, ಕೃಷ್ಣಾ ಅರಕೇರಿ ಜೊತೆ ಸಿಬ್ಬಂದಿ ಮಹಮ್ಮದ್ ಹನೀಪ್ ಮುಲ್ಲಾ, ಸಂತೋಷ ಡಿ ಉರ್ಮಿ, ರಾಘವೇಂದ್ರ ಕೆರವಾಡ ಆರೋಪಿ ಬಂಧನಕ್ಕೆ ಶ್ರಮಿಸಿದ್ದರು.
- [ಕುಡಿದ ನಶೆಯಲ್ಲಿ ಕಾರ್ಮಿಕನ ಕೊಲೆ!](https://mobiletime.in/2026/05/murder-of-a-worker-while-drunk/): ಕಂಠಪೂರ್ತಿ ಕುಡಿದ ಕಟ್ಟಡ ಕಾರ್ಮಿಕರ ನಡುವೆ ಕಾರವಾರದಲ್ಲಿ ಗಲಾಟೆ ನಡೆದಿದ್ದು, ಈ ಗಲಾಟೆಯಲ್ಲಿ ಒಬ್ಬರ ಜೀವ ಹೋಗಿದೆ. ಅಸ್ನೋಟಿಯಲ್ಲಿ ನಡೆದ ಮಾರಾಮಾರಿಯಲ್ಲಿ ದುಡಿಯಲು ಬಂದಿದ್ದ ಕಾರ್ಮಿಕರೊಬ್ಬರು ಕೊಲೆಯಾಗಿದ್ದಾರೆ. ಬಾಗಲಕೋಟೆಯ ಶಿರೂರಿನ ಶಿವಾನಂದ ನಾಯ್ಕರ್ (45) ಹಾಗೂ ಹಾವೇರಿ ಸವಣೂರಿನ ಮರಿಯಪ್ಪಾ ಹರಿಜನ್ (43) ಸೇರಿ ತಮ್ಮೊಂದಿಗೆ ಕೆಲಸ ಮಾಡುತ್ತಿದ್ದ ಗುಜರಾತಿನ ದೇವೇಶ್ ರಾತೋಡ್ (28) ಅವರನ್ನು ಕೊಲೆ ಮಾಡಿದ್ದಾರೆ. ಈ ಮೂವರು ಕಾರ್ಮಿಕರು ನಿವೃತ್ತ ನೌಕರ ಕಮಲಾಕರ ಗಡಕರ್ ಅವರ ಮನೆಯಲ್ಲಿ ಕೆಲಸ ಮಾಡುತ್ತಿದ್ದರು. ಕಟ್ಟಡ ಕಾರ್ಮಿಕರಾಗಿದ್ದ ಅವರು ಅಲ್ಲಿ ಗಾರೆ ಕೆಲಸ ಮಾಡಿಕೊಂಡಿದ್ದರು. ಎಲ್ಲರೂ ಒಟ್ಟಿಗೆ ದುಡಿಯುತ್ತಿದ್ದು, ಸರಾಯಿ ಕುಡಿದ ನಶೆಯಲ್ಲಿ ಶುರುವಾದ ಸಣ್ಣ ಜಗಳ ಕೊಲೆಯಲ್ಲಿ ಕೊನೆಯಾಗಿದೆ. ದೇವೇಶ್ ರಾತೋಡ್ ಅವರ ಸಾವಿನ ಸುದ್ದಿ ಕೇಳಿದ ತಕ್ಷಣ ಪೊಲೀಸರು ಅಲ್ಲಿಗೆ ದೌಡಾಯಿಸಿದ್ದಾರೆ. ಕೊಲೆ ನಂತರವೂ ನಶೆಯಲ್ಲಿಯೇ ಮುಳಗಿದ್ದ ಶಿವಾನಂದ ನಾಯ್ಕರ್ (45) ಹಾಗೂ ಮರಿಯಪ್ಪಾ ಹರಿಜನ್ ಅವರನ್ನು ಬಂಧಿಸಿದ್ದಾರೆ. ಶಿವಾನಂದ ನಾಯ್ಕರ್ ಹಾಗೂ ಮರಿಯಪ್ಪಾ ಹರಿಜನ್ ಅವರು ದೇವೇಶ್ ರಾತೋಡ್ ಅವರಿಗೆ ಹಿಗ್ಗಾಮುಗ್ಗ ಥಳಿಸಿ ಅವರನ್ನು ಹೊಡೆದು ಸಾಯಿಸಿರುವುದು ವಿಚಾರಣೆ ವೇಳೆ ಖಚಿತವಾಗಿದೆ. ಚಿತ್ತಾಕುಲ ಪೊಲೀಸರು ಆರೋಪಿತರಿಬ್ಬರ ವಿರುದ್ಧ ಪ್ರಕರಣ ದಾಖಲಿಸಿ, ಕಠಿಣ ಕ್ರಮ ಜರುಗಿಸಿದ್ದಾರೆ.
- [ದರ ಏರಿಕೆ ವಿರುದ್ಧ ಕಾಂಗ್ರೆಸ್ ಪ್ರತಿಭಟನೆ!](https://mobiletime.in/2026/05/congress-protests-against-price-hike/): ಪೆಟ್ರೋಲ್ ಹಾಗೂ ಡೀಸೆಲ್ ದರ ಏರಿಕೆ ಖಂಡಿಸಿ ಕಾರವಾರದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರು ಪ್ರತಿಭಟಿಸಿದ್ದಾರೆ. ಟೈಯರಿಗೆ ಬೆಂಕಿ ಹಚ್ಚಿ ಸಂಸದರ ಕಚೇರಿ ನುಗ್ಗಲು ಯತ್ನಿಸಿದ ಪ್ರತಿಭಟನಾಕಾರರನ್ನು ಪೊಲೀಸರು ತಡೆದಿದ್ದಾರೆ. ಶನಿವಾರ ಜಿಲ್ಲಾಧಿಕಾರಿ ಕಚೇರಿ ಎದುರು ಜಮಾಯಿಸಿದ ಕಾಂಗ್ರೆಸ್ ಕಾರ್ಯಕರ್ತರು ಅಲ್ಲಿದ್ದ ಗೇಟ್ ಏರಿ ಸಂಸದರ ಕಚೇರಿ ಒಳಗೆ ನುಗ್ಗುವ ಪ್ರಯತ್ನ ಮಾಡಿದರು. ಮೊದಲು ಶಾಂತವಾಗಿಯೇ ಇದ್ದ ಪ್ರತಿಭಟನೆ ನಂತರ ಮತ್ತೊಂದು ಸ್ವರೂಪಪಡೆದಿದ್ದು, ಪೊಲೀಸರು ಪ್ರತಿಭಟನಾಕಾರರನ್ನು ಸಮಾಧಾನ ಮಾಡಿದರು. ನೀಟ್ ಪ್ರಶ್ನೆ ಪತ್ರಿಕೆ ಸೋರಿಕೆ ವಿಷಯವಾಗಿಯೂ ಕಾಂಗ್ರೆಸ್ಸಿಗರು ಈ ವೇಳೆ ಆಕ್ರೋಶವ್ಯಕ್ತಪಡಿಸಿದರು. ಜಿಲ್ಲಾಧಿಕಾರಿ ಕಚೇರಿ ಎದುರು ಕೆಲವರು ಟೈರ್‌ಗೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚುವ ಪ್ರಯತ್ನ ಮಾಡಿದರು. ಪೊಲೀಸರು ತಕ್ಷಣ ಆ ಟೈಯರನ್ನು ಕಸಿದುಕೊಂಡರು. `ಪೆಟ್ರೋಲ್, ಡೀಸೆಲ್ ಹಾಗೂ ಗ್ಯಾಸ್ ದರ ಏರಿಕೆಯಿಂದ ಸಾಮಾನ್ಯ ಜನರು ಸಂಕಷ್ಟಕ್ಕೆ ಸಿಲುಕಿದ್ದಾರೆ’ ಎಂದು ಪ್ರತಿಭಟನಾಕಾರರು ದೂರಿದರು. ಉತ್ತರ ಕನ್ನಡ ಯೂತ್ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಅಮೋದ್ ಸಿರ್ಸಿಕರ್, ಕಾರವಾರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಅರವಿಂದ ಕಲ್ಗುಟ್ಕರ್, ಪ್ರಮುಖರಾದ ಬಾಬು ಶೇಖ್, ಸೂರಜ್ ಕುರ್ಮಕರ್, ಸಿದ್ದಾರ್ಥ ನಾಯ್ಕ, ಕುಮಟಾದ ಯುವ ಕಾಂಗ್ರೆಸ್ ಅಧ್ಯಕ್ಷ ವೈಭವ್ ನಾಯ್ಕ್, ಶಿರಸಿಯ ಯೋಗಾನಂದ, ಸಂದೇಶ, ನಿಖಿಲ್ ಮಂಕಿ, ತೇಜಸ್ ಭಟ್ಕಳ ಅವರು ಪ್ರತಿಭಟನೆಯಲ್ಲಿ ಕಾಣಿಸಿಕೊಂಡರು.
- [ವಿದ್ಯುತ್ ಕಡಿತ: ಹೆಸ್ಕಾಂ ವಿರುದ್ಧ ರೊಚ್ಚಿಗೆದ್ದ ಬಿಜೆಪಿ!](https://mobiletime.in/2026/05/power-cuts-bjp-furious-with-hescom/): ಕಾರವಾರದಲ್ಲಿ ಪದೇ ಪದೇ ವಿದ್ಯುತ್ ಕಡಿತವಾಗುವುದನ್ನು ವಿರೋಧಿಸಿ ಬಿಜೆಪಿಗರು ಪ್ರತಿಭಟಿಸಿದ್ದರೆ. ಶನಿವಾರ ಹೆಸ್ಕಾಂ ಕಚೇರಿಗೆ ಮುತ್ತಿಗೆ ಹಾಕಿದ ಬಿಜೆಪಿ ಕಾರ್ಯಕರ್ತರು ಅಧಿಕಾರಿಗಳ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಯಾವುದೇ ಮುನ್ಸೂಚನೆ ನೀಡದೇ ನಗರ ಹಾಗೂ ಗ್ರಾಮೀಣ ಭಾಗದಲ್ಲಿ ವಿದ್ಯುತ್ ಕಡಿತ ಮಾಡಲಾಗುತ್ತಿದೆ. ಜನರಿಗೆ ಸಮಸ್ಯೆ ಆಗುವ ಬಗ್ಗೆ ಅರಿವಿದ್ದರೂ ವಿದ್ಯುತ್ ಕಡಿತ ಮುಂದುವರೆದಿದೆ. ಪ್ರಶ್ನಿಸಿದರೆ ಹಳೆಯ ತಂತಿ ಬದಲಾವಣೆ, ರಿಪೇರಿ ಎಂಬ ಸಬೂಬು ನೀಡಲಾಗುತ್ತಿದೆ. ಆದರೆ, ಈ ದುರಸ್ಥಿ ಕೆಲಸ ಎಂದಿಗೂ ಮುಕ್ತಾಯವಾಗುತ್ತಿಲ್ಲ’ ಎಂದು ಪ್ರತಿಭಟನಾಕಾರರು ದೂರಿದರು. ಸಿಬ್ಬಂದಿ ಕೊರತೆ, ದುರಸ್ತಿ ಕಾಮಗಾರಿಗಳ ಅಭಾವ ಹಾಗೂ ದೂರವಾಣಿ ಕರೆಗಳಿಗೆ ಸ್ಪಂದನೆ ಸಿಗದ ಬಗ್ಗೆ ಪ್ರತಿಭಟನಾಕಾರರು ಆಕ್ರೋಶವ್ಯಕ್ತಪಡಿಸಿದರು. ಮಳೆಗಾಲಕ್ಕೂ ಮುನ್ನ ಸಮಸ್ಯೆ ಬಗೆಹರಿಸದಿದ್ದರೆ ಸಾರ್ವಜನಿಕರೊಂದಿಗೆ ಸೇರಿ ಉಗ್ರ ಹೋರಾಟ ನಡೆಸುವುದಾಗಿ ಎಚ್ಚರಿಕೆ ನೀಡಿದರು. ಪ್ರಮುಖರಾದ ಸಂಜಯ ಸಾಲುಂಕೆ, ರವಿರಾಜ ಅಂಕೋಲೆಕರ, ಸುಭಾಷ್ ಗುನಗಿ, ನಾಗೇಶ್ ಕುರ್ಡೇಕರ, ಶುಭಂ ಕಳಸ, ರೋಷನಿ ಮಾಳ್ಸೇಕರ ಪ್ರತಿಭಟನೆ ಸಂಘಟಿಸಿದ್ದರು.
- [ಮಳೆ ಶುರುವಾದರೂ ಮಾಪನ ಸರಿಯಾಗಿಲ್ಲ!](https://mobiletime.in/2026/05/even-though-it-started-raining-the-measurement-was-not-correct/): ಕಳೆದ ಮೂರು ದಿನಗಳಿಂದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಶುರುವಾಗಿದ್ದು, ಈ ವರ್ಷವೂ ಮಳೆ ಮಾಪನ ಯಂತ್ರ ಸರಿಯಾಗುವ ಲಕ್ಷಣಗಳಿಲ್ಲ. ಮಳೆ ಮಾಪನ ಯಂತ್ರದ ದೋಷದಿಂದಾಗಿ ರೈತರಿಗೆ ಬೆಳೆ ವಿಮೆ ಪರಿಹಾರ ಸರಿಯಾಗಿ ಸಿಗುತ್ತಿಲ್ಲ. ಹವಾಮಾನ ಆಧಾರಿತ ಬೆಳೆ ವಿಮೆ ಯೋಜನೆಯಲ್ಲಿ ಉಂಟಾಗಿರುವ ಅವ್ಯವಸ್ಥೆ ಹಾಗೂ ಮಳೆ ಮಾಪನ ಕೇಂದ್ರಗಳ ವೈಫಲ್ಯ ಖಂಡಿಸಿ ಶನಿವಾರ ಬಿಜೆಪಿಗರು ಶಿರಸಿಯಲ್ಲಿ ಪ್ರತಿಭಟನೆ ನಡೆಸಿದ್ದಾರೆ. `ರೈತರಿಗೆ ನ್ಯಾಯಬದ್ಧ ವಿಮೆ ಪರಿಹಾರ ಒದಗಿಸಬೇಕು’ ಎಂದು ಒತ್ತಾಯಿಸಿ ಸಹಾಯಕ ಆಯುಕ್ತರ ಮೂಲಕ ರಾಜ್ಯಪಾಲರಿಗೆ ಪತ್ರ ರವಾನಿಸಿದ್ದಾರೆ. ಸಾಕಷ್ಟು ರೈತರು ಬಿಜೆಪಿ ಪ್ರತಿಭಟನೆಗೆ ಧ್ವನಿಗೂಡಿಸಿದ್ದು, ಸಮಸ್ಯೆಯ ಗಂಭೀರತೆಯ ಬಗ್ಗೆ ಭಾಷಣದ ಮೂಲಕ ವಿವರಿಸಿದ್ದಾರೆ. `ಕಳೆದ ಮೂರು ವರ್ಷಗಳಿಂದ ಜಿಲ್ಲೆಯ ರೈತ ಸಮುದಾಯವು ಹವಾಮಾನ ಆಧಾರಿತ ಬೆಳೆ ವಿಮೆ ಯೋಜನೆಯ ಗಂಭೀರ ಲೋಪದೋಷಗಳಿಂದ ಕೂಡಿದೆ. ಅದರಿಂದ ರೈತರು ಸಂಕಷ್ಟ ಅನುಭವಿಸುತ್ತಿದ್ದು, ಜಿಲ್ಲೆಯಾದ್ಯಂತ ಸ್ಥಾಪಿಸಲಾದ ಅನೇಕ ಮಳೆ ಮಾಪನ ಕೇಂದ್ರಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತಿಲ್ಲ’ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ. `ಮಳೆಯ ನಿಖರ ಮಾಹಿತಿ ದಾಖಲಾಗದಿರುವುದರಿಂದ ನಿಜವಾಗಿಯೂ ಬೆಳೆ ಹಾನಿಗೊಳಗಾದ ರೈತರಿಗೆ ಸಮಸ್ಯೆಯಾಗಿದೆ. ನಷ್ಟಕ್ಕೆ ಒಳಗಾದವರಿಗೆ ಪರಿಹಾರ ಸಿಗುತ್ತಿಲ್ಲ’ ಎಂದಿದ್ದಾರೆ. ಬಿಜೆಪಿ ಮಾಧ್ಯಮ ವಕ್ತಾರ ಸದಾನಂದ ಭಟ್, ಬಿಜೆಪಿ ರೈತ ಮೋರ್ಚಾ ಜಿಲ್ಲಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ, ಪ್ರಮುಖರಾದ ರವಿ ಹೆಗಡೆ, ಪ್ರಸಾದ ಹೆಗಡೆ, ರಾಘವೇಂದ್ರ ಭಟ್, ಆರ್ ಡಿ ಹೆಗಡೆ, ನರಸಿಂಹ ಹೆಗಡೆ ಸೇರಿ ಕಾಂಗ್ರೆಸ್ ಆಡಳಿತದ ವಿರುದ್ಧ ಗರಂ ಆಗಿದ್ದಾರೆ. ಮಳೆ ಮಾಪನ ಯಂತ್ರ ಸರಿಯಾಗದೇ ಇದ್ದರೆ ಇನ್ನಷ್ಟು ಉಗ್ರ ಪ್ರತಿಭಟನೆ ನಡೆಸುವುದಾಗಿಯೂ ಎಚ್ಚರಿಸಿದ್ದಾರೆ.
- [SSLC: ಪಾರದರ್ಶಕ ಪರೀಕ್ಷೆಗೆ ಸೂಚನೆ](https://mobiletime.in/2026/05/sslc-notification-for-transparent-exam/): `ಮೇ 18ರಿಂದ 23ರವರೆಗೆ ನಡೆಯುವ SSLC ಪರೀಕ್ಷೆ – 2 ನಡೆಯಲಿದ್ದು, ಅತ್ಯಂತ ಪಾರದರ್ಶಕವಾಗಿ ಪರೀಕ್ಷೆ ನಡೆಸಬೇಕು’ ಎಂದು ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿರುವ ಅಧಿಕಾರಿಗಳಿಗೆ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಸೂಚಿಸಿದ್ದಾರೆ. ಶನಿವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಪರೀಕ್ಷಾ ಪೂರ್ವಭಾವಿ ಸಭೆ ನಡೆಸಿದ ಅವರು `ಅತ್ಯಂತ ಶಿಸ್ತಿನಿಂದ ಪರೀಕ್ಷೆ ನಡೆಸಬೇಕು’ ಎಂದು ಹೇಳಿದ್ದಾರೆ. ` ಎಸ್ ಎಸ್ ಎಲ್ ಸಿ ಪರೀಕ್ಷೆ-ಗೆ ಕಾರವಾರ ಮತ್ತು ಶಿರಸಿ ಶೈಕ್ಷಣಿಕ ಜಿಲ್ಲೆಯಿಂದ ಒಟ್ಟು 1,773 ವಿದ್ಯಾರ್ಥಿಗಳು ಹಾಜರಾಗಲಿದ್ದು, ಇದಕ್ಕಾಗಿ 12 ಪರೀಕ್ಷಾ ಕೇಂದ್ರಗಳನ್ನು ತೆರೆಯಲಾಗಿದೆ. ಎಲ್ಲಾ ಪರೀಕ್ಷಾ ಕೇಂದ್ರಗಳಲ್ಲಿ ವಿದ್ಯಾರ್ಥಿಗಳಿಗೆ ಕುಡಿಯುವ ನೀರು, ಶೌಚಾಲಯ ಸೇರಿದಂತೆ ಅಗತ್ಯ ಮೂಲಭೂತ ಸೌಕರ್ಯಗಳನ್ನು ಒದಗಿಸಬೇಕು. ಪರೀಕ್ಷಾ ಕೇಂದ್ರಗಳಲ್ಲಿ ಸಿಸಿಟಿವಿ ಅಳವಡಿಸವೇಕು. ಪರೀಕ್ಷಾ ಪಾವಿತ್ರö್ಯತೆಯನ್ನು ಕಾಪಾಡಬೇಕು’ ಎಂದು ಸೂಚಿಸಿದ್ದಾರೆ. `ಪರೀಕ್ಷಾ ಕೇಂದ್ರಗಳಿಗೆ ವಿಕ್ಷಣಾಧಿಕಾರಿಗಳನ್ನು ನೇಮಕ ಮಾಡಬೇಕು, ವೆಬ್ ಕಾಸ್ಟಿಂಗ್ ವ್ಯವಸ್ಥೆ ಸಮರ್ಪಕವಾಗಿರಬೇಕು. ಮುನ್ನೆಚ್ಚರಿಕೆ ಕ್ರಮವಾಗಿ ವೈದ್ಯಕೀಯ ಸಿಬ್ಬಂದಿಗಳನ್ನು ನಿಯೋಜಿಸಬೇಕು, ಪ್ರಶ್ನೆ ಪತ್ರಿಕೆ ಮತ್ತು ಉತ್ತರ ಪತ್ರಿಕೆಗಳ ಸಾಗಾಟ ವಾಹನಗಳಿಗೆ ಪೊಲೀಸ್ ಭದ್ರತೆ ಒದಗಿಸಬೇಕು. ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರಗಳಿಗೆ ಆಗಮಿಸಲು ಬಸ್‌ಗಳ ಕೊರತೆಯಾಗದ ಹಾಗೇ ನೋಡಿಕೊಳ್ಳಬೇಕು. ವಿದ್ಯುತ್ ಸಮಸ್ಯೆಗೂ ಅವಕಾಶ ಕೊಡಬಾರದು’ ಎಂದರು. `ಪರೀಕ್ಷಾ ಕಾರ್ಯಕ್ಕೆ ನಿಯೋಜಿಸಿರುವ ಅಧಿಕಾರಿಗಳು ತಮ್ಮ ಜವಾಬ್ದಾರಿಗಳನ್ನು ಅರಿತು ಸಮನ್ವಯದಿಂದ ಕಾರ್ಯನಿರ್ವಹಿಸಿ, ಪರೀಕ್ಷೆಗಳು ದೋಷರಹಿತವಾಗಿ ನಡೆಯುವಂತೆ ತಮಗೆ ವಹಿಸಲಾಗಿರುವ ಕರ್ತವ್ಯ ನಿರ್ವಹಿಸಬೇಕು’ ಎಂದರು. ಈ ಸಭೆಯಲ್ಲಿ ಶಿಕ್ಷಣಾಧಿಕಾರಿ ಹಾಗೂ ಎಸ್.ಎಸ್.ಎಲ್.ಸಿ ಪರೀಕ್ಷೆಯ ನೋಡೆಲ್ ಅಧಿಕಾರಿಶುಭಾ ನಾಗೇಂದ್ರ ನಾಯಕ ಹಾಗೂ ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿದ್ದ ಅಧಿಕಾರಿಗಳು ಮತ್ತು ವರ್ಚುವಲ್ ಮೂಲಕ ಎಲ್ಲಾ ತಾಲೂಕುಗಳ ತಹಸೀಲ್ದಾರ್‌ಗಳು ಮತ್ತು ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿದ್ದ ಅಧಿಕಾರಿಗಳು ಹಾಜರಿದ್ದರು.
- [ಕೈ ನಾಯಕನಿಗೆ ನಾಗ ದೋಷ: ಉರಗನ ಉಪಟಳಕ್ಕೆ ಕಾಂಗ್ರೆಸ್ ಮುಖಂಡನ ಮರಣ!](https://mobiletime.in/2026/05/naga-dosha-for-kai-nayak-congress-leader-dies-due-to-snake-bite/): ದಾಂಡೇಲಿಗೆ ಬಂದಿದ್ದ ಗೋವಾದ ಕಾಂಗ್ರೆಸ್ ನಾಯಕ ಕೇತನ್ ಭಾಟಿಕರ್ ಅವರಿಗೆ ಹಾವು ಕಚ್ಚಿದೆ. ವಿಷ ನೆತ್ತಿಗೇರಿದ ಪರಿಣಾಮ ಅವರು ತಮ್ಮ 38ನೇ ವಯಸ್ಸಿನಲ್ಲಿಯೇ ಸಾವನಪ್ಪಿದ್ದಾರೆ. ಗುರುವಾರ ರಾತ್ರಿ ಕೇತನ್ ಭಾಟಿಕರ್ ಅವರು ದಾಂಡೇಲಿಗೆ ಬಂದಿದ್ದರು. ಆ ರಾತ್ರಿ ಧಾರಾಕಾರ ಮಳೆಯಿದ್ದು, ಕರ್ನಾಟಕ-ಗೋವಾ ಗಡಿ ಭಾಗದಲ್ಲಿ ಅವರು ಕಾರಿನಿಂದ ಇಳಿದಿದ್ದರು. ಆ ವೇಳೆ ಅವರಿಗೆ ನಾಗರ ಹಾವು ಕಚ್ಚಿದೆ. ಕಾಲಿಗೆ ಹಾವು ಕಚ್ಚಿದ ತಕ್ಷಣ ಅವರನ್ನು ಗೋವಾದ ಆಸ್ಪತ್ರೆಗೆ ದಾಖಲಿಸುವ ಪ್ರಯತ್ನ ನಡೆದಿದ್ದು, ಪ್ರಾಥಮಿಕ ಚಿಕಿತ್ಸೆ ಸಿಗುವ ಮೊದಲೇ ಅವರು ಸಾವನಪ್ಪಿದ್ದಾರೆ. ಗೋವಾ-ಕರ್ನಾಟಕ ಗಡಿ ಭಾಗದಲ್ಲಿ ಕರ್ಮಲ್ ಘಾಟ್ ಪ್ರದೇಶದಲ್ಲಿ ಅವರಿಗೆ ಕೇತನ್ ಭಾಟಿಕರ್ ನಾಗರ ಹಾವು ಕಚ್ಚಿದ್ದು, ಧಾರವಾಡೋರಾದಲ್ಲಿರುವ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ತೆರಳುವ ಮುನ್ನವೇ ಅವರು ಮೃತಪಟ್ಟಿದ್ದಾರೆ. ಕೇತನ್ ಭಾಟಿಕರ್ ಅವರು ಗೋವಾ ಕಾಂಗ್ರೆಸ್‌ನ ಭರವಸೆಯ ನಾಯಕರಾಗಿದ್ದರು. ಫೋಂಡಾ ಉಪಚುನಾವಣೆಗೆ ಅವರು ಕಾಂಗ್ರೆಸ್ ಅಭ್ಯರ್ಥಿಯಾಗಿದ್ದರು. ಆದರೆ, ಹೈಕೋರ್ಟ್ ತೀರ್ಪಿನಿಂದಾಗಿ ಉಪಚುನಾವಣೆ ರದ್ದಾಗಿದ್ದು, ಹೈಕೋರ್ಟ್ ಆದೇಶದ ವಿರುದ್ಧ ಅವರು ಸುಪ್ರೀಂ ಕೋರ್ಟ್ನಲ್ಲಿ ಮೇಲ್ಮನವಿ ಸಲ್ಲಿಸಿದ್ದರು. ಸದ್ಯ ಆ ಪ್ರಕರಣ ವಿಚಾರಣಾ ಹಂತದಲ್ಲಿದ್ದು, ಚುನಾವಣೆ ಎದುರಿಸಿ ಅವರು ಗೆಲ್ಲುವ ನಿರೀಕ್ಷೆಯಲ್ಲಿದ್ದರು.
- [ಕಾಳಂಗಿ ಸೊಸೈಟಿಯಲ್ಲಿ ಅಕ್ರಮ: ಠೇವಣಿದಾರರಿಗೆ ಶಾಸಕ ಶಿವರಾಂ ಅಭಯ!](https://mobiletime.in/2026/05/illegality-in-kalangi-society-mla-shivaram-warns-depositors/): ಶಿರಸಿ ದಾಸನಕೊಪ್ಪದ ಕಾಳಂಗಿ ವಿವಿಧೋದ್ಧೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘದಲ್ಲಿ ಕೋಟ್ಯಂತರ ರೂ ಅವ್ಯವಹಾರ ನಡೆದಿದ್ದು, ಅಕ್ರಮದ ತನಿಖೆಗೆ ಆಗ್ರಹಿಸಿ ಪ್ರತಿಭಟನೆ ನಡೆಯುತ್ತಿದೆ. `ರೈತರ ಸಂಸ್ಥೆ ಹಾಳು ಮಾಡಿ, ರೈತರ ಹಣ ತಿಂದು ಪರಾರಿಯಾದವರು ತಪ್ಪಿಸಿಕೊಳ್ಳಲು ಬಿಡುವುದಿಲ್ಲ’ ಎಂದು ಕೆಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಶಿವರಾಮ ಹೆಬ್ಬಾರ್ ಪ್ರತಿಭಟನಾ ನಿರತರಿಗೆ ಭರವಸೆ ನೀಡಿದ್ದಾರೆ. ಕಾಳಂಗಿ ಸೊಸೈಟಿ ಎದುರು ನೂರಾರು ಸಂಖ್ಯೆಯ ರೈತರು ಅಹೋರಾತ್ರಿ ಧರಣಿ ಮಾಡುತ್ತಿದ್ದು, ಅವರಿಗೆ ಶಿವರಾಮ ಹೆಬ್ಬಾರ್ ಸಮಾಧಾನ ಮಾಡಿದ್ದಾರೆ. `ಕಾಳಂಗಿ ಸೊಸೈಟಿಯಲ್ಲಿ 8 ಕೋಟಿ ರೂ ಮೇಲ್ಪಟ್ಟು ಅವ್ಯವಹಾರ ಆದ ದೂರಿದೆ. ಆಡಳಿತ ಮಂಡಳಿಯವರೇ ಮುಖ್ಯ ಕಾರ್ಯನಿರ್ವಾಹಕರನ್ನು ಬಳಸಿ ಬೇನಾಮಿ ಹೆಸರಿನಲ್ಲಿ ಸಾಲ ತೆಗೆದು ಹಣ ಹೊಡೆದಿದ್ದಾರೆ. ಠೇವಣಿದಾರು ಕೇಳಿದರೂ ಹಣ ಮರಳಿಸಿಲ್ಲ’ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ. `ಕಳೆದ 20 ದಿನದ ಹಿಂದೆ ಸಂಘದ ಆವಾರದಲ್ಲಿ ಪ್ರತಿಭಟಿಸಿದಾಗ ಸಹಕಾರಿ ಸಹಾಯಕ ನಿಬಂಧಕರು ಸ್ಥಳಕ್ಕಾಗಮಿಸಿ ಪ್ರಾಥಮಿಕ ತನಿಖೆ ನಡೆಸಿ, ಏಳು ದಿನದೊಳಗಡೆ ವರದಿ ನೀಡಲಾಗುತ್ತದೆ ಎಂಬ ಭರವಸೆ ನೀಡಿದ್ದರು. ಆದರೆ, ತನಿಖೆಯೂ ನಡೆದಿಲ್ಲ. ವರದಿಯನ್ನು ಬಹಿರಂಗಪಡಿಸಿಲ್ಲ’ ಎಂದು ಪ್ರತಿಭಟನಾಕಾರರು ಆಕ್ಷೇಪಿಸಿದರು. `ಆಡಳಿತ ಮಂಡಳಿಯ 12 ಸದಸ್ಯರ ಮೇಲೆಯೂ ನಮ್ಮ ಆರೋಪವಿದೆ. ಪ್ರತಿ ಸದಸ್ಯರಿಗೂ ಜವಾಬ್ದಾರಿಯಿದೆ. ಹಿಂದಿನ ಆಡಳಿತ ಮೇಲೆ ಆರೋಪ ಮಾಡಿ ಅಧಿಕಾರಕ್ಕೆ ಬಂದವರು ಭ್ರಷ್ಟಾಚಾರ ಮಾಡಿ ಸಂಘದ ಬಾಗಿಲು ಮುಚ್ಚಲು ಹೊರಟಿದ್ದಾರೆ. ಆಡಳಿತ ಮಂಡಳಿ ಅಮಾನತ್ತಿನಲ್ಲಿಟ್ಟು ತನಿಖೆ ಕೈಗೊಳ್ಳಬೇಕು’ ಎಂದು ಆಗ್ರಹಿಸಿದರು. ರೈತರ ಸಮಸ್ಯೆ ಆಲಿಸಿದ ಶಿವರಾಮ ಹೆಬ್ಬಾರ್ `ಜನರು ಕಷ್ಟದಲ್ಲಿದ್ದಾಗ ಅವರ ಸಮಸ್ಯೆಗಳನ್ನು ಆಲಿಸುವುದು ನನ್ನ ಕರ್ತವ್ಯ. ಕಾಳಂಗಿ ಸೊಸೈಟಿಯ ಆಡಳಿತ ಮಂಡಳಿ ಚುನಾವಣೆಯ ಸಮಯದಲ್ಲೇ ಕೆಲ ವಿಚಾರಗಳನ್ನು ತಿಳಿಸಿದ್ದು, ರೈತರು ವಿವಿಧ ಆಸೆ ಹಿನ್ನಲೆ ಮತ ನೀಡಿದ್ದಾರೆ. ಚುನಾವಣೆ ವೇಳೆ ಒಳ್ಳೆಯವರ ಮಾತು ಕೇಳದ ಕಾರಣ ಪ್ರತಿಭಟನೆ ಮಾಡುವ ಸ್ಥಿತಿ ಬಂದಿದೆ’ ಎಂದರು. `ಕೆಡಿಸಿಸಿ ಬ್ಯಾಂಕ್ ವತಿಯಿಂದ 1800 ಕೋಟಿ ರೂ. ಸಾಲ ನೀಡಲಾಗಿದ್ದು, ಬ್ಯಾಂಕ್‌ನಲ್ಲಿ 4 ಸಾವಿರ ಕೋಟಿ ರೂ. ಠೇವಣಿ ಇದೆ. ಆ ಹಣವನ್ನು ರೈತರಿಗೆ ಸಹಾಯ ಮಾಡಲು ಬಳಸಲಾಗುತ್ತಿದೆ. ಸಹಕಾರಿ ಕ್ಷೇತ್ರದಲ್ಲಿ ಸೇವಾ ಮನೋಭಾವದಿಂದ ಕೆಲಸ ಮಾಡಬೇಕು’ ಎಂದರು. `ರೈತರ ಹಾಗೂ ಸಂಘದ ಹಿತ ಬಯಸಬೇಕಾದ ಆಡಳಿತ ಮಂಡಳಿಯೇ ಈ ರೀತಿಯಾಗಿ ನಡೆದುಕೊಂಡರೆ ರೈತರನ್ನು ಯಾರು ಕಾಪಾಡಬೇಕು? ಅನ್ನದಾತ ಯಾವಾಗಲೂ ಸಂಕಷ್ಟದಲ್ಲೇ ಬದುಕುತ್ತಾನೆ. ಕಳೆದ ಬಾರಿ ಬೆಳೆ ಸಾಲ ತೀರಿಸಲು ರೈತರಿಗೆ ಹಣದ ಸಮಸ್ಯೆ ಎದುರಾಗಿತ್ತು. ಆಗ 2,500 ಕುಟುಂಬಗಳು ಸಂಕಷ್ಟಕ್ಕೆ ಸಿಲುಕದಂತೆ ಕೆಡಿಸಿಸಿ ಬ್ಯಾಂಕ್ ಮೂಲಕ ನೆರವು ನೀಡಲಾಗಿತ್ತು. ರೈತರನ್ನು ಕಟ್ ಬಾಕಿ ಸಮಸ್ಯೆಯಿಂದ ರಕ್ಷಿಸಲಾಗಿದೆ’ ಎಂದರು. `ರೈತರನ್ನು ಮೀಟರ್ ಬಡ್ಡಿ ಸಮಸ್ಯೆಯಿಂದ ಹೊರತೆಗೆಯಲು ಕಾಳಂಗಿ ಸೊಸೈಟಿಗೆ ಈಗಾಗಲೇ 45 ಕೋಟಿ ರೂ. ಸಾಲ ನೀಡಿದ್ದೇವೆ. ಕೆಲ ನಿರ್ದೇಶಕರು ನನ್ನ ಬಗ್ಗೆ ಮಾತನಾಡುತ್ತಾರೆ. ಅದಕ್ಕೆ ನಾನು ತಲೆಕೆಡಿಸಿಕೊಳ್ಳುವುದಿಲ್ಲ’ ಎಂದರು. `ಸಾಲ ವಿತರಣೆಗೆ ಮುಖ್ಯ ಕಾರ್ಯನಿರ್ವಾಹಕನ ಸಹಿ ಅವಶ್ಯವಾಗಿದ್ದರಿಂದ ಪ್ರಭಾರಿ ಕಾರ್ಯನಿರ್ವಾಹಕನನ್ನು ನೇಮಿಸಿ ಸಾಲ ವಿತರಿಸಲಾಗಿದೆ. ಆಡಳಿತ ಮಂಡಳಿಯ ನಿರ್ದೇಶಕರ ಜಾಮೀನು ಪಡೆದು ಸಾಲ ನೀಡಲಾಗಿದೆ. ಎಲ್ಲ ದಾಖಲೆಗಳು ನನ್ನ ಕೈಯಲ್ಲಿವೆ. ರೈತರು ಆಕ್ರೋಶಕ್ಕೆ ಒಳಗಾಗುವ ಮುನ್ನವೇ ಸೂಕ್ತ ನಿರ್ಧಾರ ತೆಗೆದುಕೊಳ್ಳುವುದು ಒಳ್ಳೆಯದು. ತಪ್ಪಿನಲ್ಲಿ ಯಾರಾದರೂ ಭಾಗಿಯಾಗಿದ್ದರೆ, ಅವರು ಚುನಾವಣೆಗೆ ಹೋಗಿ ಜನರ ಎದುರು ನಿಲ್ಲಲಿ’ ಎಂದು ಶಿವರಾಮ ಹೆಬ್ಬಾರ್ ಅವರು ಸವಾಲು ಹಾಕಿದರು. `ಆಡಳಿತ ಮಂಡಳಿಯನ್ನು ವಜಾಗೊಳಿಸಲು ಸಿದ್ಧತೆ ನಡೆದಿದೆ. ಮೇ 26ರ ನಂತರ ಬೆಳೆ ಸಾಲ ವಿತರಣೆಯೊಂದಿಗೆ ಕೆಡಿಸಿಸಿ ಬ್ಯಾಂಕ್ ವತಿಯಿಂದ ಲೆಕ್ಕಪರಿಶೋಧಕರ ವಿಶೇಷ ತಂಡ ರಚಿಸಲಾಗಿದೆ. ಹಾಲಿ ಹಾಗೂ ಹಿಂದಿನ ಆಡಳಿತ ಮಂಡಳಿಯ ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಲಾಗುತ್ತದೆ’ ಎಂಬ ಭರವಸೆ ನೀಡಿದರು. `ಸೊಸೈಟಿಯ ವಿಷಯದ ಅಧಿಕಾರಿಗಳ ಸಭೆ ಕರೆಯಲಾಗಿದೆ. ಮುಂದಿನ ಕ್ರಮಗಳ ಕುರಿತು ಸುತ್ತೋಲೆ ಹೊರಡಿಸಲಿದ್ದು, ಯಾರೂ ಭಯಪಡುವ ಅಗತ್ಯವಿಲ್ಲ. ಎಷ್ಟೇ ಪ್ರಭಾವಿ ವ್ಯಕ್ತಿಯಾಗಿದ್ದರೂ ತಪ್ಪು ಮಾಡಿದವರನ್ನು ಬಿಡುವುದಿಲ್ಲ. ರೈತರ ಹಣದಲ್ಲಿ ಮೋಸ ಮಾಡಿದರೆ ನ್ಯಾಯಾಲಯವೂ ಕ್ಷಮಿಸುವುದಿಲ್ಲ’ ಎಂಬ ಎಚ್ಚರಿಕೆಯ ಸಂದೇಶ ರವಾನಿಸಿದರು.  
- [ಕುಳ್ಳರ ಪ್ರಪಂಚ: ನೋಡಿ ಸ್ವಾಮಿ.. ನಾವೀರೋದೇ ಹೀಗೆ!](https://mobiletime.in/2026/05/the-world-of-dwarfs-look-lord-this-is-how-we-are/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ವರ್ಷದಿಂದ ವರ್ಷಕ್ಕೆ ಕುಳ್ಳರ ಸಂಖ್ಯೆ ಹೆಚ್ಚಾಗತ್ತಿದೆ. ಐದು ವರ್ಷದೊಳಗಿನ ಐದು ಸಾವಿರಕ್ಕೂ ಅಧಿಕ ಕುಳ್ಳರು ಈ ಜಿಲ್ಲೆಯಲ್ಲಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸದ್ಯ 73 ಸಾವಿರಕ್ಕೂ ಹೆಚ್ಚಿನ ಮಕ್ಕಳು ಅಂಗನವಾಡಿಗೆ ಹೋಗುತ್ತಿದ್ದಾರೆ. ಆಗಾಗ ಅವರ ತೂಕ ಹಾಗೂ ಎತ್ತರ ಲೆಕ್ಕಾಚಾರ ನಡೆಯುತ್ತಿದ್ದು, ಈ ವೇಳೆ 5 ಸಾವಿರಕ್ಕೂ ಅಧಿಕ ಮಕ್ಕಳು ವಿಶ್ವ ಆರೋಗ್ಯ ಸಂಸ್ಥೆ ಸೂಚಿಸಿದಕ್ಕಿಂತಲೂ ಕಡಿಮೆ ಪ್ರಮಾಣದ ಎತ್ತರವಿರುವುದು ಗೊತ್ತಾಗಿದೆ. ಅಂಥ ಮಕ್ಕಳು ತೂಕದಲ್ಲಿಯೂ ಸಹ ಕಡಿಮೆಯಿದ್ದು, ಅವರಿಗೆ ಪೌಷ್ಠಿಕ ಆಹಾರ ನೀಡುವ ಕಾಯಕ ಮುಂದುವರೆದಿದೆ. ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಐದು ವರ್ಷದ ಗಂಡು ಮಕ್ಕಳು 110ಸೆಂಟಿ ಮೀಟರ್ ಎತ್ತರವಿರಬೇಕು. 18.3ಕೆಜಿ ತೂಕವಿರಬೇಕು. ಐದು ವರ್ಷದ ಹೆಣ್ಣು ಮಕ್ಕಳು 109ಸೆಂಟಿ ಮೀಟರ್ ಉದ್ದ ಹಾಗೂ 18.2 ಕೆಜಿ ತೂಕವಿರಬೇಕು. ತಂದೆ-ತಾಯಿಯ ಪೃಕೃತಿ ಆಧಾರದಲ್ಲಿ ಈ ಉದ್ದ ಹಾಗೂ ತೂಕ ಅಲ್ಪ ಸ್ವಲ್ಪ ಹೆಚ್ಚುಕಡಿಮೆ ಆದರೂ ಸಮಸ್ಯೆ ಏನಿಲ್ಲ. ಇದರಿಂದ ಗಂಭೀರ ಪ್ರಮಾಣದ ಆರೋಗ್ಯ ಸಮಸ್ಯೆಗಳೇನೂ ಕಾಡುವುದಿಲ್ಲ. ಆದರೆ, ಅಂಗನವಾಡಿ ಲೆಕ್ಕಾಚಾರದ ಪ್ರಕಾರ ವಯಸ್ಸಿಗೆ ತಕ್ಕ ಎತ್ತರ ಹಾಗೂ ಎತ್ತರಕ್ಕೆ ಸರಿಯಾಗಿ ತೂಕವಿರದ ಮಕ್ಕಳನ್ನು `ಅಪೌಷ್ಠಿಕತೆಯಿಂದ ಕೂಡಿದ ಮಗು’ ಎಂಬ ಪಟ್ಟಿಗೆ ಸೇರಿಸಲಾಗುತ್ತದೆ. ಸದ್ಯ ಉತ್ತರ ಕನ್ನಡ ಜಿಲ್ಲೆಯಲ್ಲಿ 73939 ಮಕ್ಕಳು ಅಂಗನವಾಡಿಗೆ ಹೋಗುತ್ತಿದ್ದಾರೆ. ಅವರ ಪೈಕಿ 5909ರಷ್ಟು ಮಕ್ಕಳಲ್ಲಿ ಕುಬ್ಜತೆ ಕಾಣಿಸಿಕೊಂಡಿದೆ. ಹಳಿಯಾಳದಲ್ಲಿ 1610, ಸಿದ್ದಾಪುರದಲ್ಲಿ 688, ಕುಮಟಾ 678, ಹೊನ್ನಾವರ 670 ಪುಠಾಣಿ ಕುಳ್ಳರಿದ್ದಾರೆ. ಅದರೊಂದಿಗೆ ಯಲ್ಲಾಪುರ 565, ಜೊಯಿಡಾದಲ್ಲಿ 419, ಮುಂಡಗೋಡದಲ್ಲಿ 404, ಭಟ್ಕಳದಲ್ಲಿ 334, ಅಂಕೋಲಾ 332, ಕಾರವಾರ 172 ಹಾಗೂ ಶಿರಸಿಯಲ್ಲಿ 37 ಮಕ್ಕಳು ಕುಳ್ಳರಾಗಿದ್ದಾರೆ. ಈ ಪೈಕಿ 1280 ಮಕ್ಕಳು ಕಡಿಮೆ ತೂಕವನ್ನು ಹೊಂದಿದ್ದು, 71 ಮಕ್ಕಳು ತೀವೃ ಪ್ರಮಾಣದ ಅಪೌಷ್ಟಿಕತೆಯಿಂದ ಬಳಲುತ್ತಿದ್ದಾರೆ. ತೂಕ ಹಾಗೂ ಎತ್ತರ ಕಡಿಮೆಯಿದ್ದ ಮಾತ್ರಕ್ಕೆ ಆ ಮಗುವಿನ ಚಟುವಟಿಕೆಗಳಲ್ಲಿ ಯಾವದೇ ಸಮಸ್ಯೆ ಇಲ್ಲ. `ಕುಳ್ಳ ಮಗು’ವಾಗಿರುವ ಕಾರಣ ಬೇರೆಯವರ ನಿಂದನೆಯಿoದ ಮಾನಸಿಕವಾಗಿ ಕುಗ್ಗುವ ಸಾಧ್ಯತೆಗಳಿದ್ದು, ಆ ಕೀಳರಿಮೆಯಿಂದ ಹೊರಬರುವಂತೆ ನೋಡಿಕೊಳ್ಳುವುದು ಪಾಲಕರ ಕರ್ತವ್ಯ.  
- [ಕೊಟ್ಟಿಗೆಗೆ ಬಂದ ಕಾಡುಕೋಣ!](https://mobiletime.in/2026/05/a-wild-goat-came-to-the-barn/): ಮುಂಡಗೋಡಿನ ಕುಸೂರಿನ ಕೊಟ್ಟಿಗೆಗೆ ಕಾಡು ಕೋಣ ನುಗ್ಗಿದೆ. ಇಲ್ಲಿನ ದತ್ತಾತ್ರೇಯ ಜನ್ನು ಅವರ ಮನೆ ಹಿತ್ತಲಿನಲ್ಲಿ ಕಾಣಿಸಿಕೊಂಡ ಕಾಡುಕೋಣ ಕೊನೆಗೆ ಕೊಟ್ಟಿಗೆ ಸುತ್ತುವರೆದು ಕಾಡು ಸೇರಿದೆ! ಮುಂಡಗೋಡಿನ ಕುಸೂರಿನ ದತ್ತಾತ್ರೇಯ ಜನ್ನು ಅವರ ಕುಟುಂಬ ಅನಾಧಿಕಾಲದಿಂದಲೂ ಹೈನುಕಾರಿಕೆ ಮಾಡುತ್ತಿದ್ದಾರೆ. ಜಾನುವಾರುಗಳನ್ನು ಅವರು ಅತ್ಯಂತ ಪ್ರೀತಿಯಿಂದ ಸಾಕಿ-ಸಲಹುತ್ತಿದ್ದಾರೆ. ನಿತ್ಯ ಜಾನುವಾರುಗಳನ್ನು ಅವರು ಮೇವಿಗೆ ಬಿಡುತ್ತಿದ್ದು, ಸಂಜೆ ವೇಳೆ ಅವರು ಮನೆಯ ಹಿತ್ತಿಲ ಬಳಿ ಬಂದು ನಿಲ್ಲುತ್ತವೆ. ಶುಕ್ರವಾರ ಸಂಜೆ ಮನೆ ಹಿತ್ತಿಲ ಬಳಿ ಹಸುಗಳ ಜೊತೆ ಕೋಣವೊಂದು ಕಾಣಿಸಿದ್ದು, ಸಮೀಪ ಹೋಗಿ ನೋಡಿದಾಗ ಅದು ಕಾಡುಕೋಣ ಎಂದು ಗೊತ್ತಾಗಿದೆ! ಕೋಣದ ಕಾಲು ಹಾಗೂ ದೇಹದ ಚಹರೆ ಗಮನಿಸಿದ ನಂತರ ಅದು `ಸಾಕು ಪ್ರಾಣಿ ಅಲ್ಲ’ ಎಂಬುದು ಅರಿವಾಗಿದೆ. ಕಾಡಿನಿಂದ ತಪ್ಪಿಸಿಕೊಂಡು ಬಂದ ಕಾಡುಕೋಣ ಕೊಟ್ಟಿಗೆ ಸಮೀಪ ಬಂದಿದ್ದನ್ನು ನೋಡಿ ದತ್ತಾತ್ರೇಯ ಜನ್ನು ಕುಟುಂಬದವರು ಆತಂಕಕ್ಕೆ ಒಳಗಾಗಿದ್ದಾರೆ. ಕಾಡುಕೋಣ ಊರಿಗೆ ಬಂದ ಸುದ್ದಿ ಕೇಳಿ ಇನ್ನಷ್ಟು ಜನ ಜಮಾಯಿಸಿದ್ದಾರೆ. ಆದರೆ, ಕಾಡು ಕೋಣ ಯಾರಿಗೂ ಹೆದರಿಲ್ಲ. ಜನರಿಗೆ ತೊಂದರೆಯನ್ನು ಸಹ ಮಾಡಿಲ್ಲ. ದನಗಳ ಜೊತೆ ಕೆಲ ಕಾಲ ಬೆರೆತ ಆ ಕಾಡು ಕೋಣ ನಂತರ ಕೊಟ್ಟಿಗೆಯ ಸುತ್ತ ಓಡಾಡಿದೆ. ಜನ ಗಾಬರಿಗೊಂಡು ಬೊಬ್ಬೆ ಹೊಡೆದಿದ್ದು, ಆ ಸದ್ದಿಗೆ ಹೆದರಿದ ಕಾಡುಕೋಣ ಕಾಡಿನ ಕಡೆ ಓಡಿದೆ. ಊರಿಗೆ ಬಂದ ಕಾಡು ಕೋಣ ಕಾಡಿಗೆ ಹೋದ ನಂತರ ಜನರು ಸಮಾಧಾನಗೊಂಡಿದ್ದಾರೆ.
- [ಸತ್ತವರ ಖಾತೆಗೂ ಗೃಹಲಕ್ಷ್ಮೀ ದುಡ್ಡು!](https://mobiletime.in/2026/05/grihalakshmi-money-is-also-available-in-the-accounts-of-the-dead/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸತ್ತವರ ಖಾತೆಗೂ ಗೃಹಲಕ್ಷ್ಮೀ ದುಡ್ಡು ಸಂದಾಯವಾಗುತ್ತಿದೆ. 12.37 ಲಕ್ಷ ರೂ ಹಣ ಸಾವನಪ್ಪಿದವರ ಬ್ಯಾಂಕ್ ಖಾತೆಗೆ ಜಮಾ ಆಗಿರುವುದು ಗಮನಕ್ಕೆ ಬಂದಿದೆ. ಇನ್ನೂ ಅಧಿಕ ಮೊತ್ತ ಜಮಾ ಆಗಿರುವ ಸಾಧ್ಯತೆಗಳನ್ನು ಅಲ್ಲಗಳೆಯುವ ಹಾಗಿಲ್ಲ! ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈವರೆಗೆ ಗೃಹಲಕ್ಷ್ಮೀ ಯೋಜನೆಯಡಿ ರೂ.1828.28 ಕೋಟಿ ರೂ ಫಲಾನುಭವಿಗಳ ಖಾತೆಗೆ ಜಮಾ ಆಗಿದೆ. ಅದರಲ್ಲಿ 12.37 ಲಕ್ಷ ರೂ ಹಣ ಸಾವನಪ್ಪಿದವರ ಬ್ಯಾಂಕ್ ಖಾತೆಗೆ ಜಮಾ ಆಗಿರುವುದನ್ನು ಗ್ಯಾರಂಟಿ ಸಮಿತಿಯವರು ಪತ್ತೆ ಮಾಡಿದ್ದಾರೆ. ಸದ್ಯ ಗೃಹಲಕ್ಷ್ಮೀ ಯೋಜನೆಯ ಫಲಾನುಭವಿಗಳು ಸಾವಿನಪ್ಪಿದರೆ ಆ ಬಗ್ಗೆ ಅಂಗನವಾಡಿ ಕಾರ್ಯಕರ್ತರು ಸರ್ಕಾರಕ್ಕೆ ತಿಳಿಸಬೇಕು ಎಂದು ಸೂಚಿಸಲಾಗಿದೆ. ಫಲಾನುಭವಿ ಸಾವನಪ್ಪಿದ ನಂತರ ಆ ಕುಟುಂಬದ ಮತ್ತೊಬ್ಬರು ಫಲಾನುಭವಿ ಆಗಲು ಸರ್ಕಾರ ಅವಕಾಶ ನೀಡಿದ್ದು, ಹೊಸದಾಗಿ ಅರ್ಜಿ ಸಲ್ಲಿಸುವ ವೇಳೆ ಸಾವನಪ್ಪಿದವರ ಬ್ಯಾಂಕ್ ಖಾತೆಗೆ ಜಮಾ ಆದ ಮೊತ್ತ ಮರಳಿಸಬೇಕು ಎಂಬ ನಿರ್ದೇಶವನ್ನು ಸರ್ಕಾರ ನೀಡಿದೆ. ಶುಕ್ರವಾರ ಜಿಲ್ಲಾ ಪಂಚಾಯತ ಸಭಾಂಗಣದಲ್ಲಿ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಗತಿ ಸಭೆ ನಡೆದಿದ್ದು, ಈ ಸಭೆಯಲ್ಲಿ ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರದ ಅಧ್ಯಕ್ಷ ಸತೀಶ್ ನಾಯ್ಕ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. `ತಾಂತ್ರಿಕ ಕಾರಣಗಳಿಂದ ಯೋಜನೆಯ ಹಣ ಸಂದಾಯವಾಗದಿರುವ ಪ್ರಕರಣಗಳಲ್ಲಿರುವ ಸಮಸ್ಯೆಗಳನ್ನು ತ್ವರಿತಗತಿಯಲ್ಲಿ ಇತ್ಯರ್ಥಪಡಿಸಬೇಕು’ ಎಂದು ಅವರು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. `ಗೃಹಲಕ್ಷ್ಮೀ ಯೋಜನೆಯ ಮೃತ ಫಲಾನುಭವಿಗಳಿಗೆ ಜಮೆ ಆಗಿರುವ ಮೊತ್ತವನ್ನು ಈಗಾಗಲೇ ಸರ್ಕಾರಕೆ ಜಮೆ ಮಾಡಲಾಗಿದ್ದು, ಈ ಮೊತ್ತವು ಇನ್ನೂ ಹೆಚ್ಚಿರುವ ಸಾಧ್ಯತೆಗಳಿದೆ. ಆದ್ದರಿಂದ ಮೃತ ಫಲಾನುಭವಿಗಳ ಕುರಿತು ಮಾಹಿತಿ ದೊರೆತಲ್ಲಿ ಗ್ಯಾರಂಟಿ ಸಮಿತಿಯ ಸದಸ್ಯರುಗಳು ತಮ್ಮ ವ್ಯಾಪ್ತಿಯ ಅಂಗನವಾಡಿ ಕಾರ್ಯಕರ್ತೆಯರು ಅಥವಾ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳಿಗೆ ಒದಗಿಸುವ ಮೂಲಕ ಮೃತರ ಖಾತೆಗಳಿಗೆ ಯೋಜನೆಯ ಹಣ ಜಮೆಯಾಗುವುದನ್ನು ತಡೆಯಬೇಕು’ ಎಂದು ಅವರು ಹೇಳಿದ್ದಾರೆ. ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರದ ನಾಗರಾಜ ಮುರ್ಡೆಶ್ವರ, ಜನಾರ್ಧನ ಕುಪ್ಪ ದೇವಾಡಿಗ, ಪುರುಷೋತ್ತಮ ದೇವಪ್ಪ ನಾಯ್ಕ, ಕಾರವಾರ ತಾಲೂಕು ಅಧ್ಯಕ್ಷ ರಾಜೇಂದ್ರ ರಾಣೆ, ಜಿ.ಪಂ. ಉಪ ಕಾರ್ಯದರ್ಶಿ ಪ್ರಕಾಶ್ ಹಾಲಮ್ಮ ನವರ್, ಪ್ರಾಧಿಕಾರದ ಸದಸ್ಯರಾದ ಪಾಂಡುರoಗ ಕೆ ಗೌಡ, ರಿಯಾಜ್ ಅಹಮದ್ ಬಾಬುಸಾಬ್, ಸುಮಾ ರಾಜು ಉಗ್ರಾಣಕರ್, ರಾಜಶೇಖರ್ ರುದ್ರಗೌಡ ಹಿರೇಮಠ, ದೇವಿದಾಸ ನಾಗೇಶ ಶಾನುಭಾಗ, ಅಣ್ಣಪ್ಪ ಮಹಾಬಲೇಶ್ವರ ನಾಯ್ಕ, ರಾಜು ಮಂಜಪ್ಪ ನಾಯ್ಕ, ಅಶೋಕ ಕೃಷ್ಣಗೌಡ ಹಾಗೂ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಇಲಾಖೆಯ ಅಧಿಕಾರಿಗಳು ಸಭೆಯಲ್ಲಿ ಇದ್ದರು.  
- [ಕಾಳಂಗಿ ಸೊಸೈಟಿಯಲ್ಲಿ ಕೋಟಿ ರೂ ಕರ್ಮಕಾಂಡ: ಪ್ರತಿಭಟನೆ!](https://mobiletime.in/2026/05/crore-rupee-ritual-in-kalangi-society-protest/): ಶಿರಸಿ ದಾಸನಕೊಪ್ಪದ ಕಾಳಂಗಿ ವ್ಯವಸಾಯ ಸಹಕಾರಿ ಸಂಘದಲ್ಲಿ ಭಾರೀ ಪ್ರಮಾಣದ ಅವ್ಯವಹಾರ ನಡೆದಿದೆ. ಕಾಗದ ಪತ್ರಗಳಲ್ಲಿ ಲಕ್ಷ ಲಕ್ಷ ಲಾಭ ತೋರಿಸಿರುವ ಸೊಸೈಟಿ ಬಳಿ ಹೂಡಿಕೆದಾರರ ಠೇವಣಿ ಮರಳಿಸಲು ಸಹ ಕಾಸಿಲ್ಲ. ಠೇವಣಿ ಹಣ ಮರಳಿಸುವಂತೆ ಆಗ್ರಹಿಸಿ ಸೊಸೈಟಿ ಸದಸ್ಯರು ಶುಕ್ರವಾರ ಎರಡನೇ ಹಂತದ ಪ್ರತಿಭಟನೆ ನಡೆಸಿದ್ದಾರೆ. ಹಾವೇರಿಯಲ್ಲಿ ಮೀಟರ್ ಬಡ್ಡಿ ವ್ಯವಹಾರ ನಡೆಸುವ ವ್ಯಕ್ತಿಯೊಬ್ಬರಿಗೆ ಸೊಸೈಟಿಯಿಂದ 69 ಲಕ್ಷ ರೂ ಅಕ್ರಮವಾಗಿ ವರ್ಗವಾಗಿರುವು ವಿಷಯ ಈ ದಿನದ ಪ್ರತಿಭಟನೆಯಲ್ಲಿಯೂ ಪ್ರತಿಧ್ವನಿಸಿದೆ. ಇದರೊಂದಿಗೆ 1.88 ಕೋಟಿ ರೂ ಅಕ್ರಮ ಹಣಕಾಸು ವ್ಯವಹಾರ ನಡೆದ ಬಗ್ಗೆಯೂ ಪ್ರತಿಭಟನಾಕಾರರು ದೂರಿದ್ದಾರೆ. ಕಳೆದ ಒಂದು ತಿಂಗಳಿನಿAದ ಸೊಸೈಟಿ ಅಪರಾತಪರದ ಬಗ್ಗೆ ಎಲ್ಲಡೆ ಚರ್ಚೆ ನಡೆಯುತ್ತಿದ್ದು, ರೈತರ ಹೆಸರಿನಲ್ಲಿ ನಕಲಿ ಖಾತೆ ತೆರೆದು ಸಾಲದ ಹಣ ದುರುಪಯೋಗಪಡಿಸಿಕೊಂಡ ಆರೋಪಕ್ಕೆ ಈವರೆಗೂ ಸ್ಪಷ್ಟನೆ ಸಿಕ್ಕಿಲ್ಲ. ಇಲ್ಲಿನ ಸುಮಂತ ಧನಂಜಯ ಸಾಕಣ್ಣನವರ್ ಹಾಗೂ ನಂಜುAಡಿ ಸಾಕಣ್ಣನವರ್ ಎಂಬ ರೈತರ ಹೆಸರಿನಲ್ಲಿ ವಂಚನೆಯಿAದ ಸಾಲಪಡೆದ ಬಗ್ಗೆ ಆಡಳಿತ ಮಂಡಳಿಯವರು ಮಾತನಾಡುತ್ತಿಲ್ಲ. ಈ ಎಲ್ಲಾ ಹಿನ್ನಲೆ ಶುಕ್ರವಾರ ಸೊಸೈಟಿ ಸದಸ್ಯರು ಎರಡನೇ ಹಂತದ ಪ್ರತಿಭಟನೆ ನಡೆಸಿದ್ದಾರೆ. ಠೇವಣಿ ಹಣವನ್ನು ಮರಳಿಸುವಂತೆ ಸದಸ್ಯರು ಪಟ್ಟು ಹಿಡಿದಿದ್ದಾರೆ. ಆದರೆ, ಸೊಸೈಟಿ ಖಾತೆಯಲ್ಲಿ ಹಣವಿಲ್ಲ ಎಂಬ ವಿಷಯ ಅರಿತು ಆಕ್ರೋಶವ್ಯಕ್ತಪಡಿಸುತ್ತಿದ್ದಾರೆ. ಕೆಲ ಸದಸ್ಯರಿಗೆ ಮಾತ್ರ ಸೊಸೈಟಿಯವರು 25 ಸಾವಿರ ರೂ ಹಣ ಮರಳಿಸಿದ್ದು, ಲಕ್ಷಾಂತರ ರೂ ಠೇವಣಿಯಿರಿಸಿದವರು ಕಂಗಾಲಾಗಿದ್ದಾರೆ. ಹಿಪ್ಪನಳ್ಳಿ ಹಾಗೂ ಗೋಳಿ ಸೊಸೈಟಿ ದಾರಿಯಲ್ಲಿಯೇ ದಾಸನಕೊಪ್ಪದ ಕಾಳಂಗಿ ಸೊಸೈಟಿಯೂ ಹಾದಿ ತಪ್ಪಿದ ಬಗ್ಗೆ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಶುಕ್ರವಾರ ನಡೆದ ಧರಣಿಯಲ್ಲಿ `ಸಹಕಾರ ನಿಬಂಧಕರು ಸ್ಥಳಕ್ಕೆ ಬರಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ. `ಸೊಸೈಟಿ ಹಣ ನುಂಗಿದ ಭ್ರಷ್ಟರ ಆಸ್ತಿ ಜಪ್ತು ಮಾಡಿ’ ಎಂದು ಸಹ ಒತ್ತಾಯಿಸಿದ್ದಾರೆ. ಸೊಸೈಟಿ ಎದುರು ಪ್ರತಿಭಟನೆ ನಡೆದಿದ್ದು, ರೈತರು ಅನೇಕರ ವಿರುದ್ಧ ಘೋಷಣೆ ಕೂಗಿದ್ದಾರೆ. `17 ಲಕ್ಷ ಲಾಭ ಎಂದು ತೋರಿಸಿ ಇದೀಗ ನಷ್ಟ ಎನ್ನಲಾಗುತ್ತಿದೆ. ತಿಂಗಳುಗಳಿAದ ಕೇಳಿದರೂ ಯಾವುದೇ ಸ್ಪಷ್ಟನೆ ಸಿಗುತ್ತಿಲ್ಲ. ಅಧಿಕಾರಿಗಳು ಸಹ ವರದಿ ನೀಡುತ್ತಿಲ್ಲ’ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ.
- [ಕರೆಂಟ್ ಕಂಬಕ್ಕೆ ಬಡಿದ ಸಿಡಿಲು: ಮನೆ ನಾಶ!](https://mobiletime.in/2026/05/lightning-strikes-electricity-pole-house-destroyed/): ಕಳೆದ ಮೂರು ದಿನಗಳಿಂದ ಉತ್ತರ ಕನ್ನಡದಲ್ಲಿ ಮಳೆಯಾಗುತ್ತಿದ್ದು, ಶುಕ್ರವಾರ ನಸುಕಿನಲ್ಲಿ ಅಂಕೋಲಾ ಮೊರಬಾದ ಯಾದವ ಹಳ್ಳೇರ್ ಅವರ ಮನೆ ಬಳಿ ಸಿಡಿಲು ಬಡಿದಿದೆ. ಮನೆ ಪಕ್ಕದ ವಿದ್ಯುತ್ ಕಂಬಕ್ಕೆ ಸಿಡಿಲು ಬಡಿದಿದ್ದು, ಆ ಕಂಬ ಮನೆ ಮೇಲೆ ಮುರಿದು ಬಿದ್ದಿದೆ. ಗುರುವಾರ ಮಧ್ಯರಾತ್ರಿಯಿಂದ ಮಳೆ ಶುರುವಾಗಿದ್ದು, ಸುರಿದ ಮಳೆಯಿಂದಾಗಿ ಮೊರಬಾದ ಯಾದವ ದಾನು ಹಳ್ಳೇರ ಅವರ ಕುಟುಂಬ ನಲುಗಿದೆ. ವಿದ್ಯುತ್ ಕಂಬ ಮುರಿದ ಪರಿಣಾಮ ಅವರ ಮನೆಗೂ ಹಾನಿಯಾಗಿದೆ. ಜೋರಾಗಿ ಬೀಸಿದ ಗಾಳಿಯ ರಭಸಕ್ಕೆ ಗೋಕರ್ಣ ಬಳಿಯ ಚಿನ್ನದಕೇರಿಯ ಲಂಬೋಧರ ಆಚಾರಿ ಅವರ ಸ್ನಾನದ ಗೃಹದ ಮೇಲೆ ಮರ ಮುರಿದು ಬಿದ್ದಿದೆ. ಇನ್ನೂ ಅನೇಕ ಕಡೆ ಮನೆಯ ಮೇಲ್ಚಾವಣಿಗಳು ಹಾರಿ ಹೋಗಿದೆ. ಗೋಕರ್ಣ ಹಾಗೂ ಸುತ್ತಲಿನ ಪ್ರದೇಶದ ರಸ್ತೆಗಳಲ್ಲಿ ಭಾರೀ ಪ್ರಮಾಣದಲ್ಲಿ ಕಸದ ರಾಶಿ ಕಾಣುತ್ತಿದೆ. ಮುಖ್ಯ ಕಡಲತೀರಕ್ಕೆ ಸಾಗುವ ಸಂಗಮ ನಾಲಾದ ಹತ್ತಿರ ರಸ್ತೆಯ ಚರಂಡಿ ಮುಚ್ಚಿದ್ದು, ಕೊಳಚೆ ನೀರು ದೇವಾಲಯದ ಅನ್ನ ಪ್ರಸಾದ ಭೋಜನ ಶಾಲೆಯ ಕಡೆ ಸಂಚರಿಸುತ್ತಿದೆ. ಈ ಬಗ್ಗೆ ದೂರು ಬಂದರೂ ಸ್ಥಳೀಯ ಆಡಳಿತ ಗಮನಹರಿಸಿಲ್ಲ.
- [ಅಘನಾಶಿನಿ ಉಳಿಸಿ: ಯುನಿಸ್ಕೋದಿಂದ ಕೇಂದ್ರಕ್ಕೆ ವಾಗ್ದಂಡನೆ!](https://mobiletime.in/2026/05/save-aghanashini-unesco-reprimands-the-center/): `ವಿಶ್ವ ಪರಂಪರೆಯ ಸಂರಕ್ಷಣೆಗಾಗಿ ಕಟ್ಟುನಿಟ್ಟಾಗಿ ನಿಯಮ ಪಾಲಿಸುವಂತೆ ಯುನಿಸ್ಕೋ ಕೇಂದ್ರ ಸರ್ಕಾರಕ್ಕೆ ನಿರ್ದೇಶಿಸಿದ್ದು, ಇದರಿಂದ ಅಘನಾಶಿನಿ ನದಿ ಜೋಡಣೆಗೆ ಬಲ ಬಂದಿದೆ’ ಎಂದು ಜಿ ಪಂ ಮಜಿ ಸದಸ್ಯ ಎನ್ ವಿ ಹೆಗಡೆ ಮುತ್ತಿಗೆ ಅವರು ಹೇಳಿದ್ದಾರೆ. ಸಿದ್ದಾಪುರದ ರಾಘವೇಂದ್ರ ಸಭಾ ಮಂಟಪದಲ್ಲಿ ಶುಕ್ರವಾರ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಆಯೋಜಿಸಿದ್ದ ಸಭೆಯಲ್ಲಿ ಅವರು ಮಾತನಾಡಿದ್ದು, `ಯಾವುದೇ ಅಭಿವೃದ್ದಿ ಅಥವಾ ನದಿ ಜೋಡಣೆ ಯೋಜನೆಯು ವಿಶ್ವ ಪರಂಪರೆಯ ಸಂರಕ್ಷಣಾ ಚೌಕಟ್ಟುಗಳ ಅಡಿಯಲ್ಲಿ ನಿಗದಿಪಡಿಸಿದ ಮಾನದಂಡಗಳನ್ನು ಅನುಸರಿಸಬೇಕು. ಪರಿಸರ ಸಮತೋಲನಕ್ಕೆ ಹಾನಿ ಮಾಡದ ಹಾಗೇ ಕೆಲಸ ನಿರ್ವಹಿಸಬೇಕು ಎಂದು ಯುನಿಸ್ಕೋ ಹೇಳಿದೆ. ಅಘನಾಶಿನಿ – ವೇದಾವತಿ ನದಿ ಜೋಡಣೆ ಯೋಜನೆಯನ್ನು ವಿರೋಧಿಸಿ ಯುನಿಸ್ಕೋ ವಿಶ್ವ ಪರಂಪರೆಯ ಕೇಂದ್ರವು 1972ರ ವಿಶ್ವ ಪರಂಪರೆಯ ಸಮಾವೇಶದ ಪ್ರಕಾರ ನೈಸರ್ಗಿಕ ಪರಂಪರೆಯ ರಕ್ಷಣೆ ಮತ್ತು ಸಂರಕ್ಷಣೆ ಆಯಾ ದೇಶಗಳ ಜವಬ್ದಾರಿಯಾಗಿದೆ’ ಎಂದು ಹೇಳಿದ್ದಾರೆ. ಯುನಿಸ್ಕೋ ಸಂಸ್ಥೆಯು ಪತ್ರದಲ್ಲಿ ಕೇಂದ್ರಕ್ಕೆ ವಾಗ್ದಂಡವನ್ನು ವಿಧಿಸಿರುವುದನ್ನು ಎನ್ ವಿ ಹೆಗಡೆ ಮುತ್ತಿಗೆ ಅವರು ಪ್ರದರ್ಶಿಸಿದ್ದಾರೆ. `ಅಘನಾಶಿನಿ ನದಿ ಉಳುವಿಗೆ ತಾಂತ್ರಿಕ ಮತ್ತು ಕಾನೂನಾತ್ಮಕ ಹೋರಾಟವನ್ನು ಸಾಂಘಿಕ ಸಂಘಟನೆ ಮೂಲಕ ಮುಂದವರೆಸಿಕೊAಡು ಹೋಗಬೇಕು ಎಂದು ಸಭೆಯಲ್ಲಿ ನಿರ್ಣಯಿಸಲಾಗಿದೆ. ಯೋಜನೆಗಳ ಕುರಿತು ಎಮ್ ಎಸ್ ನಾಯ್ಕ ನರಮುಂಡಗಿ, ಸಂಕೇತ ನಾಯ್ಕ ಹಲಗೇರಿ, ವಿದ್ಯಾ ನಾಯ್ಕ ಹಾರ್ಸಿಕಟ್ಟ, ರಾಜು ನಾಯ್ಕ ಕ್ಯಾದಗಿ, ದಿವಾಕರ್ ನಾಯ್ಕ ಬಾಳೆಜಡ್ಡಿ ಮಾತನಾಡಿದ್ದಾರೆ. ಹರಿಹರ ನಾಯ್ಕ ತಂಡಾಗುAಡಿ, ಶ್ರೀಧರ ಹೆಗಡೆ ಕೆರೆಮನೆ, ಎಮ್ ಆರ್ ನಾಯ್ಕ ಬೇಡ್ಕಣಿ, ಉಪಸ್ಥಿತರಿದ್ದರು. ಸುಧಾಕರ ಮಡಿವಾಳ ಬಿಳಗಿ, ಮಂಜು ಹುತ್ಗಾರ, ರಾಮಚಂದ್ರ ನಾಯ್ಕ ತ್ಯಾಗಲಿ ಮನೆ, ತಿಮ್ಮಪ್ಪ ನಾಯ್ಕ ವಾಟಗಾರ, ಅಬ್ದುಲ್ ಸುಭಾನ ಅರೆಂದೂರು, ಉಮೇಶ ನಾಯ್ಕ ತ್ಯಾಗಲಿ, ತಾರ್ತಿಸ್ ಫರ್ನಾಂಡಿಸ್, ಚೌಡು ಗೌಡ ಕಿತ್ತೋಳ್ಳಿ, ದಿನೇಶ ನಾಯ್ಕ ಹಾರ್ಸಿಕಟ್ಟ, ರಾಜು ನಾಯ್ಕ ಕಿರೆಕೋಡ, ಮಂಜುನಾಥ ಶಿವಾನಂದ ಹೆಮ್ಮನಬೈಲ್, ಭಾಸ್ಕರ್ ನಾಯ್ಕ ಕುರಗೇತೋಟ, ಮಂಜುನಾಥ ನಾಯ್ಕ ಬಿದ್ರಖಾನ, ರವಿ ನಾಯ್ಕ ಹಂಜಗಿ, ಮಂಜುನಾಥ ಮಡಿವಾಳ ಕಿಲಾರ ಇತರರು ಅಭಿಪ್ರಾಯವ್ಯಕ್ತಪಡಿಸಿದ್ದಾರೆ. ಕೆ ಟಿ ನಾಯ್ಕ ಹಾಗೂ ಮಾಬ್ಲೇಶ್ವರ ನಾಯ್ಕ ಬೇಡ್ಕಣಿ ಕಾರ್ಯಕ್ರಮ ನಿರ್ವಹಿಸಿದ್ದಾರೆ.
- [ಯಲ್ಲಾಪುರ: ಬಡವರ ಮನೆ ಹಂಚಿಕೆ ಇನ್ನೂ ಕನಸು!](https://mobiletime.in/2026/05/yellapur-house-distribution-to-the-poor-is-still-a-dream/): `ಯಲ್ಲಾಪುರ ಪಟ್ಟಣದಲ್ಲಿ ಜಿ+2 ಮನೆಗಳ ಹಂಚಿಕೆ ಹೆಸರಿನಲ್ಲಿ ಹಗಲು ದರೋಡೆ ನಡೆಯುತ್ತಿದೆ’ ಎಂದು ಬಿಜೆಪಿ ಆರೋಪಿಸಿದೆ. `ಜಾತ್ರೆ ಒಳಗೆ ಮನೆ ನೀಡುವುದಾಗಿ ತಿಳಿಸಿದ್ದ ಪಟ್ಟಣ ಪಂಚಾಯತದವರು ಮಾತು ತಪ್ಪಿದ್ದಾರೆ’ ಎಂದು ಬಿಜೆಪಿಗರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರ ಜೊತೆ ಬಿಜೆಪಿ ನಗರ ಮಹಾಶಕ್ತಿ ಕೇಂದ್ರದ ಅಧ್ಯಕ್ಷ ಸೋಮೇಶ್ವರ ನಾಯ್ಕ ಸುದ್ದಿಗೋಷ್ಠಿ ನಡೆಸಿದ್ದು, ಹೆಬ್ಬಾರ್ ನಗರದಲ್ಲಿ ನಿರ್ಮಿಸಿದ ಮನೆಗಳ ಹಂಚಿಕೆ ಕಾರ್ಯದಲ್ಲಿನ ಲೋಪಗಳ ಬಗ್ಗೆ ಗಮನಸೆಳೆದಿದ್ದಾರೆ. `ಏಳು ವರ್ಷಗಳ ಹಿಂದೆ ಕೊಳಚೆ ನಿರ್ಮೂಲನಾ ಮಂಡಳಿಯಿAದ ಹೆಬ್ಬಾರ್ ನಗರದಲ್ಲಿ ಜಿ+2 ಮನೆಯ ಹಂಚಿಕೆಗಾಗಿ 350 ಫಲಾನುಭವಿಗಳಿಂದ ತಲಾ 50 ಸಾವಿರ ರೂ ಹಣ ವಸೂಲಿ ಮಾಡಲಾಗಿದೆ. ಆದರೆ, ಈವರೆಗೂ ಮನೆ ನಿರ್ಮಾಣ ಕೆಲಸ ಮುಗಿದಿಲ್ಲ. ಮನೆ ಹಂಚಿಕೆಗೂ ಅಧಿಕಾರಿಗಳು ಆಸಕ್ತಿವಹಿಸಿಲ್ಲ. ಎರಡು ತಿಂಗಳ ಹಿಂದೆ ಬಿಜೆಪಿ ಈ ಬಗ್ಗೆ ಪ್ರತಿಭಟಿಸಿದಾಗ ಶೀಘ್ರದಲ್ಲಿಯೇ ಮನೆ ಹಂಚಿಕೆ ಮಾಡುವ ಭರವಸೆ ನೀಡಿದ್ದು, ಆ ಭರವಸೆಯೂ ಈಡೇರಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಈ ನಡವೆ ಜಿ+2 ಮನೆಗಾಗಿ ಫಲಾನುಭವಿಗಳು ಕೊಳಚೆ ನಿರ್ಮೂಲನಾ ಮಂಡಳಿಗೆ ಮತ್ತೆ 50 ಸಾವಿರ ರೂ ಹಾಗೂ ಹೆಬ್ಬಾರ ನಗರ ನಿವಾಸಿಗಳ ಒಕ್ಕೂಟಕ್ಕೆ 25 ಸಾವಿರ ರೂ ಸೇರಿ ಒಟ್ಟು 75 ಸಾವಿರ ರೂ ತುಂಬಬೇಕು ಎಂಬ ಪ್ರಚಾರ ನಡೆಯುತ್ತಿದೆ. ಹಣ ನೀಡಿದವರಿಗೆ ಮಾತ್ರ ಮನೆ ಎಂದು ತಿಳಿಸಿ ಹೆಸರು-ವಿಳಾಸ ಇಲ್ಲದ ಅರ್ಜಿ ನಮೂನೆ ಹಂಚಲಾಗುತ್ತಿದೆ. ಆದರೆ, ಪಟ್ಟಣ ಪಂಚಾಯಿತ ಅಥವಾ ಕೊಳಚೆ ನಿರ್ಮೂಲನಾ ಮಂಡಳಿಗೆ ಈ ವಿಷಯವೇ ಗೊತ್ತಿಲ್ಲ. ಬಡ ಪಲಾನುಭವಿಗಳ ದಿಕ್ಕು ತಪ್ಪಿಸಿ ಮೋಸ ಮಾಡುವ ಜಾಲವನ್ನು ಪತ್ತೆ ಮಾಡಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಶಾಸಕರು ಈ ಹಣ ವಸೂಲಿ ವಿಷಯವನ್ನು ಗಂಭೀರವಾಗಿ ಪರಿಗಣಿಸಬೇಕು. ಬಡ ಫಲಾನುಭವಿಗಳಿಗೆ ಮನೆ ಹಂಚಿಕೆ ಮಾಡಲು ತಕ್ಷಣ ನಿರ್ದೇಶನ ನೀಡುವ ಜೊತೆಗೆ ಮನೆ ಹಂಚಿಕೆ ಮಾಡುವ ದಿನವನ್ನೂ ನಿಗದಿಪಡಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. `ಶಾಸಕ ಶಿವರಾಮ ಹೆಬ್ಬಾರ್ ಅವರು ಬಿಜೆಪಿಯಿಂದ ಮಂತ್ರಿ ಆದ ಅವಧಿಯಲ್ಲಿ ಹಲವು ಅಭಿವೃದ್ಧಿ ಕೆಲಸ ಮಾಡಿದ್ದಾರೆ. ಆದರೆ, ಯಾವ ಯೋಜನೆಯೂ ಪೂರ್ಣಗೊಳಿಸಿಲ್ಲ’ ಎಂದು ಈ ವೇಳೆ ಪ್ರಸಾದ ಹೆಗಡೆ ಅವರು ದೂರಿದ್ದಾರೆ. `ಕುಡಿಯುವ ನೀರಿನ ಯೋಜನೆ, ಕೆರೆ ತುಂಬಿಸುವ ಯೋಜನೆ, ರಸ್ತೆ ಕಾಮಗಾರಿಗಳು, ಜಿ+2 ಮನೆ ಹಂಚಿಕೆ ಎಲ್ಲವೂ ದಾರಿ ತಪ್ಪಿದೆ. ಇದನ್ನು ಪ್ರಶ್ನಿಸಿದರೆ ಅಪಹಾಸ್ಯ ಮಾಡಲಾಗುತ್ತದೆ’ ಎಂದು ಅಸಮಧಾನವ್ಯಕ್ತಪಡಿಸಿದ್ದಾರೆ. ನ್ಯಾಯವಾದಿ ಗಣೇಶ ಪಾಟಣಕರ್ ಮಾತನಾಡಿ `ಜಿ+2 ಮನೆಗಳನ್ನು ನಿರ್ಮಿಸುತ್ತಿರುವ ಹೆಬ್ಬಾರ ನಗರದಲ್ಲಿ ರಸ್ತೆ ನಿರ್ಮಾಣಕ್ಕಾಗಿ ಪಟ್ಟಣದ ಬೇರೆಡೆ ನೀಡಬೇಕಾಗಿದ್ದ ಪರಿಶಿಷ್ಟ ಫಲಾನುಭವಿಗಳ ಅನುದಾನ ಬಳಕೆ ಮಾಡಲಾಗಿದೆ’ ಎಂದು ದೂರಿದ್ದಾರೆ. ಬಿಜೆಪಿ ಮಾಧ್ಯಮ ಸಂಚಾಲಕ ಕೆ ಟಿ ಹೆಗಡೆ, ಒಬಿಸಿ ಮೋರ್ಚಾದ ರವಿ ದೇವಡಿಗ, ಯುವ ಮೋರ್ಚಾದ ರಜತ ಬದ್ದಿ ಅವರು ಇದಕ್ಕೆ ಧ್ವನಿಗೂಡಿಸಿದ್ದಾರೆ. —
- [ಮಣ್ಣಿನ ಮೇಲೆ ಡಾಂಬರ್ ಸುರಿದ ನಗರಸಭೆ: ಅಧಿಕಾರಿಗೆ ಮುತ್ತಿಗೆ-ಆಕ್ರೋಶ!](https://mobiletime.in/2026/05/municipal-council-pours-asphalt-on-soil-officials-under-siege-and-outrage/): ಶಿರಸಿ ಕಸ್ತೂರಿಬಾ ನಗರದಲ್ಲಿ 50 ಲಕ್ಷ ರೂ ವೆಚ್ಚದಲ್ಲಿ ರಸ್ತೆ ಅಗಲೀಕರಣ ಹಾಗೂ ಡಾಂಬರೀಕರಣ ಕೆಲಸ ನಡೆಯುತ್ತಿದ್ದು, ಗುತ್ತಿಗೆದಾರ ಯಶ್ವಂತ ಬೈಂದೂರು ಅವರು ಇಲ್ಲಿ ಮಣ್ಣಿನ ರಸ್ತೆ ಮೇಲೆ ಜಲ್ಲಿ-ಕಡಿ ಹಾಕದೇ ಡಾಂಬರ್ ಸುರಿದಿದ್ದಾರೆ. ಶುರುವಿನಲ್ಲಿ 5.5ಮೀಟರ್ ಅಗಲವಿದ್ದ ರಸ್ತೆ ಮುಂದೆ ಹೋದಂತೆ ಕಿರಿದಾಗುತ್ತ ಬಂದಿದ್ದು, ಕೊನೆಗೆ 3.5ಮೀಟರಿಗೆ ಸೀಮಿತವಾಗಿದೆ! ಕಳಪೆ ಕಾಮಗಾರಿಯ ವಿರುದ್ಧ ಕಸ್ತೂರಿಬಾ ನಗರದ ಜನ ಸಿಡಿದೆದ್ದಿದ್ದಾರೆ. ಶುಕ್ರವಾರ ನಗರಸಭೆ ಅಧಿಕಾರಿ ಪ್ರಶಾಂತ ರೇವಣಕರ್ ಅವರನ್ನು ಸ್ಥಳಕ್ಕೆ ಕರೆಯಿಸಿದ ಜನ ರಸ್ತೆಯ ಅಳತೆ ಮಾಡಿಸಿದ್ದು, ಮಣ್ಣಿನ ಮೇಲೆ ಡಾಂಬರ್ ಹಾಕಿದನ್ನು ಕಾಣಿಸಿದ್ದಾರೆ. ಇಲ್ಲಿನ ಅಲ್ಪೇಟ್ ವಾದ್ ಅಂಗಡಿಯಿAದ ಅಲ್ಸಿಬಾ ಎಸ್‌ಟಿಡಿವರೆಗೆ ಅತ್ಯಂತ ಕಳಪೆ ಗುಣಮಟ್ಟದ ಕಾಮಗಾರಿ ನಡೆದ ಕಾರಣ ನಗರಸಭೆ ಅಧಿಕಾರಿ ಜೊತೆ ಗುತ್ತಿಗೆದಾರರನ್ನು ಸ್ಥಳೀಯರು ತರಾಠೆಗೆ ತೆಗೆದುಕೊಂಡಿದ್ದಾರೆ. `ಕಳೆದ 18 ವರ್ಷಗಳಿಂದ ಕಸ್ತೂರಿಬಾ ನಗರದ ರಸ್ತೆಗೆ ಡಾಂಬರೀಕರಣ ನಡೆದಿಲ್ಲ. ಜನ ಸಾಕಷ್ಟು ಹೋರಾಟ ನಡೆಸಿದ ನಂತರ 50 ಲಕ್ಷ ರೂ ವೆಚ್ಚದಲ್ಲಿ ರಸ್ತೆ ಅಗಲೀಕರಣ ಹಾಗೂ ಮರು ಡಾಂಬರೀಕರಣ ಹೆಸರಿನಲ್ಲಿ ಕಾಮಗಾರಿ ನಡೆಸಲಾಗುತ್ತಿದೆ. 50 ಲಕ್ಷ ರೂಪಾಯಿ ವೆಚ್ಚದ ಈ ಕಾಮಗಾರಿಯ ಹಣದಲ್ಲಿ ರಸ್ತೆ ಕೆಲಸ ನಡೆದಿದ್ದು, ಆರ್ ಟಿ ಓ ಕಚೇರಿ ಬಳಿ ರಸ್ತೆ 5.5ಮೀ ಅಗಲವಿದೆ. ಕಸ್ತೂರಿಬಾ ನಗರ ತಲುಪಿದಾಗ ರಸ್ತೆ 3.5ಮೀ ಅಗಲಕ್ಕೆ ಸೀಮಿತವಾಗಿದೆ’ ಎಂದು ಅಲ್ಲಿನ ಇಮ್ರಾನ್ ಶೇಖ್ ಅವರು ಟೇಪುಹಿಡಿದು ಅಳತೆ ಮಾಡಿ ತೋರಿಸಿದ್ದಾರೆ. ಅಲ್ಲಿ ಸೇರಿದ್ದ ಜನರೇ ಸುರಿದ ಡಾಂಬರ್ ಅಗೆದು ಕಳಪೆ ಕಾಮಗಾರಿಯನ್ನು ಅಧಿಕಾರಿಗಳಿಗೆ ಪ್ರದರ್ಶಿಸಿದ್ದಾರೆ. ರಸ್ತೆ ಅಗಲೀಕರಣ ಹಾಗೂ ಡಾಂಬರೀಕರಣಕ್ಕೆ ಯಶ್ವಂತ ಬೈಂದೂರು ಎಂಬಾತರು ಗುತ್ತಿಗೆಪಡೆದಿದ್ದಾರೆ. ನಂತರ ಅವರು ಆ ಗುತ್ತಿಗೆಯನ್ನು ರಿಯಾಜ್ ಎಂಬಾತರಿಗೆವಹಿಸಿದ್ದಾರೆ. ಗುತ್ತಿಗೆವಹಿಸಿದ ಕೆಲಸವನ್ನು ಸ್ವತಃ ಮುತುವರ್ಜಿಯಿಂದ ಮಾಡುವ ಬದಲು ಉಪಗುತ್ತಿಗೆ ನೀಡಿರುವುದು ಸಹ ಕಳಪೆ ಕಾಮಗಾರಿಗೆ ಕಾರಣ ಎಂಬ ಆರೋಪವ್ಯಕ್ತವಾಗಿದೆ. `ರಸ್ತೆಗೆ ಬಳಸಿದ ಡಾಂಬರ್ ಸಹ ಅತ್ಯಂತ ಕಳಪೆಯಾಗಿದೆ’ ಎಂದು ಜನ ದೂರಿದ್ದಾರೆ. ರಸ್ತೆ ಅಗಲೀಕರಣ ಕೆಲಸದಲ್ಲಿನ ಅವ್ಯವಹಾರದ ಬಗ್ಗೆ ಪ್ರಶ್ನಿಸಿದಾಗ ಅಧಿಕಾರಿಗಳು ಸರಿಯಾಗಿ ಉತ್ತರಿಸಲು ತಡಬಡಾಯಿಸಿದ್ದಾರೆ. ಈ ವೇಳೆ ರಸ್ತೆ ಕೆಲಸವನ್ನು ಸಂಪೂರ್ಣವಾಗಿ ನಿಲ್ಲಿಸಬೇಕು ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದು, ನಂತರ ನಡೆದ ರಾಜಿ-ಸಂಧಾನದ ವೇಳೆ `ಸದ್ಯ ರಸ್ತೆ ಕೆಲಸ ನಿಲ್ಲಿಸುವುದು ಬೇಡ. ಗುಣಮಟ್ಟದ ಕಾಪಾಡಿಕೊಳ್ಳುವಂತೆ ನೋಡಿಕೊಳ್ಳಬೇಕು’ ಎಂದು ಹಿರಿಯರು ಹೇಳಿದ್ದಾರೆ. ಈ ವೇಳೆ ನಗರಸಭೆಯ ಮಾಜಿ ಸದಸ್ಯರೊಬ್ಬರು ಉಡಾಫೆಯಿಂದ ವರ್ತಿಸಿದ ಆರೋಪವ್ಯಕ್ತವಾಗಿದೆ. ನಗರಸಭೆ ಮಾಜಿ ಸದಸ್ಯ ಅಬ್ದುಲ್ ಖಾದರ್ ಅನವಟ್ಟಿ ಅವರು `ಈ ಭಾಗಕ್ಕೆ ರಸ್ತೆ ಮಂಜೂರಿ ಮಾಡಿಸಿದ್ದೇ ದೊಡ್ಡ ಮಾತು’ ಎಂದು ಆಕ್ರೋಶಭರಿತವಾಗಿ ಮಾತನಾಡಿದ ಬಗ್ಗೆ ಅಲ್ಲಿನವರು ದೂರಿದ್ದಾರೆ. `ರಸ್ತೆ ಗುಣಮಟ್ಟ ಕಾಪಾಡಿಕೊಳ್ಳುವುದಕ್ಕೆ ಒತ್ತು ನೀಡಲಾಗುತ್ತದೆ. ಡಾಂಬರ್ ಪರೀಕ್ಷೆ ಮಾಡಿದ ವರದಿಯನ್ನು ನೀಡುತ್ತೇವೆ’ ಎಂದು ಅಧಿಕಾರಿಗಳು ಭರವಸೆ ನೀಡಿದ ನಂತರ ಜನ ಪ್ರತಿಭಟನೆ ಹಿಂಪಡೆದಿದ್ದಾರೆ. ಸ್ಥಳೋಐರಾದ ಇಮ್ರಾನ್ ಶೇಖ್ ಅವರ ಜೊತೆ ಮಹಮದ್ ಆಸೀಂ, ರಿಯಾಜ್ ಶೇಖ್, ಸತ್ತಾರ್ ಶೇಖ್, ಗುರು ಚಂದ್ರು, ತೌಷೀಫ್ ಶೇಖ್, ತಾರೀಕ್ ಮಿಜಗರ್, ಸುವೇಲ್ ಶೇಖ್, ಬಸು ಅವು ಪ್ರತಿಭಟನೆಯಲ್ಲಿ ಕಾಣಿಸಿಕೊಂಡಿದ್ದು ಕಳಪೆ ಕಾಮಗಾರಿ ಮುಂದುವರೆದಲ್ಲಿ ಎಲ್ಲರೂ ಸೇರಿ ಶಾಸಕರ ಮುಂದೆ ಹೋಗಲು ನಿರ್ಧರಿಸಿದ್ದಾರೆ.
- [ಟೀಚರ್'ಗೆ ಗುದ್ದಿದ ಟಾಕ್ಟರ್!](https://mobiletime.in/2026/05/a-teacher-punched-a-teacher/): ಜನ ಗಣತಿ ಕರ್ತವ್ಯಕ್ಕೆ ನಿಯೋಜನೆಯಾಗಿದ್ದ ಸಿದ್ದಾಪುರದ ಶಿಕ್ಷಕಿ ಪೂರ್ಣಿಮಾ ಭಟ್ಟ ಅವರಿಗೆ ಟಾಕ್ಟರ್ ಹಾಯ್ದಿದ್ದು, ಪೂರ್ಣಿಮಾ ಭಟ್ಟ ಅವರು ನಡುರಸ್ತೆಯಲ್ಲಿಯೇ ಶವವಾಗಿದ್ದಾರೆ. ಸ್ಕೂಟಿ ಮೇಲೆ ಪೂರ್ಣಿಮಾ ಭಟ್ಟ ಅವರು ಹೊರಟಾಗ ಎರಡು ದನಗಳು ರಸ್ತೆ ಮೇಲೆ ಕಾದಾಟ ನಡೆಸಿವೆ. ಅದರಿಂದ ನಿಯಂತ್ರಣ ತಪ್ಪಿದ ಪೂರ್ಣಿಮಾ ಭಟ್ಟ ಅವರು ರಸ್ತೆಯ ಮೇಲೆ ಬಿದ್ದಿದ್ದಾರೆ. ಈ ವೇಳೆ ಹಿಂದಿನಿAದ ಬಂದ ಟಾಕ್ಟರ್ ಅವರ ಮೈಮೇಲೆ ಹತ್ತಿದೆ. ಟಾಕ್ಟರ್ ಚಕ್ರ ಮೈ ಮೇಲೆ ಹತ್ತಿದ್ದರಿಂದ ಪೂರ್ಣಿಮಾ ಭಟ್ಟ (46) ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಪೂರ್ಣಿಮಾ ಭಟ್ಟ ಅವರು ಹೊಸೂರು ಶಾಲೆಯ ಶಿಕ್ಷಕಿಯಾಗಿದ್ದರು. ಅವರ ಪತಿ ಜನಾರ್ಧನ ಭಟ್ಟ ಅವರು ಶಿಕ್ಷಕರಾಗಿದ್ದಾರೆ. ಪೂರ್ಣಿಮಾ ಭಟ್ಟ ಅವರು ಗಣತಿ ಕಾರ್ಯದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು. ಗುರುವಾರ ಅವರು ಸಿದ್ಧಪಡಿಸಿದ ವರದಿಯನ್ನು ಮೇಲಧಿಕಾರಿಗಳಿಗೆ ಸಲ್ಲಿಸಿದ್ದು, `ಅದನ್ನು ಕಪ್ಪು ಶಾಯಿಯಲ್ಲೇ ಸಿದ್ಧಪಡಿಸಿ’ ಎಂಬ ಸೂಚನೆ ಬಂದಿತು. ಈ ಹಿನ್ನಲೆ ಅವರು ಮತ್ತೆ ವರದಿ ಸಿದ್ಧಪಡಿಸಿ ಕಚೇರಿಗೆ ತೆರಳುತ್ತಿದ್ದಾಗ ಈ ದುರಂತ ನಡೆದಿದೆ. ಶಿಕ್ಷಕಿಯ ಶವವನ್ನು ತಾಲೂಕಾ ಆಸ್ಪತ್ರೆಗೆ ತರಲಾಗಿದ್ದು, ನೂರಾರು ಶಿಕ್ಷಕರು ಆಗಮಿಸಿ ಸಂತಾಪ ಸೂಚಿಸಿದರು. ತಹಶೀಲ್ದಾರ ಎಂ ಆರ್ ಕುಲಕರ್ಣಿ, ಪೊಲೀಸ್ ಇನ್ಸ್ಪೆಕ್ಟರ್ ಜೆ ಬಿ ಸೀತಾರಾಮ, ಕ್ಷೇತ್ರಶಿಕ್ಷಣಾಧಿಕಾರಿ ಎಂ ಎಚ್ ನಾಯ್ಕ ಹಾಗೂ ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿ ಯಾಕೂಬ್ ಶೇಖ್ ಆಸ್ಪತ್ರೆಗೆ ಭೇಟಿ ನೀಡಿ ಕುಟುಂಬದವರಿಗೆ ಸಾಂತ್ವಾನ ಹೇಳಿದರು.
- [ಅಕ್ರಮ ಸಂಬoಧದ ಅನುಮಾನ: ಮಾನವೀಯತೆ ಮರೆತ ಕಾರ್ ಶೆಡ್ ಮಾಲಕ!](https://mobiletime.in/2026/05/suspicion-of-illegal-relationship-car-shed-owner-who-forgot-humanity/): ಹೊನ್ನಾವರದಲ್ಲಿ `ಕಾರ್ ಶೆಡ್’ ಎಂಬ ಮಳಿಗೆ ಹೊಂದಿದ ಲೋಕೇಶ ಮೇಸ್ತ ಹಾಗೂ ಅಕ್ಷತಾ ಮೇಸ್ತ ದಂಪತಿಗೆ ಹೆಣ್ಣು ಮಗು ಹುಟ್ಟಿ ವರ್ಷ ಕಳೆದಿದೆ. ಆದರೂ, ಲೋಕೇಶ ಮೇಸ್ತ ಅವರು ತವರುಮನೆಯಲ್ಲಿರುವ ಪತ್ನಿ-ಮಗುವನ್ನು ತಮ್ಮ ಮನೆಗೆ ಕರೆದೊಯ್ದಿಲ್ಲ. ಆ ಮಗುವಿನ ಊಟ-ಬಟ್ಟೆಗೆ ಕಾಸು ಸಹ ಕೊಡುತ್ತಿಲ್ಲ! ಹೊನ್ನಾವರದ ಮಲಬಾರಕೇರಿಯಲ್ಲಿ ಲೋಕೇಶ ನಾಗೇಶ ಮೇಸ್ತ (38) ಅವರು ವಾಸವಾಗಿದ್ದಾರೆ. ಅನೇಕ ವರ್ಷಗಳಿಂದ ಅವರು ವ್ಯಾಪಾರ-ವಹೀವಾಟು ಮಾಡುತ್ತಿದ್ದು, ಹೊನ್ನಾವರದಲ್ಲಿ `ಕಾರ್ ಶೇಡ್’ ಎಂಬ ಮಳಿಗೆ ತೆರೆದಿದ್ದಾರೆ. ವಿವಿಧ ಕಾರುಗಳ ಬಿಡಿಭಾಗ ಹಾಗೂ ಕುಶನ್ ಮಾರಾಟದಿಂದ ಅವರು ಉತ್ತಮ ಬದುಕು ನಿರ್ಮಿಸಿಕೊಂಡಿದ್ದಾರೆ. ಮೂರು ವರ್ಷದ ಹಿಂದೆ ಲೋಕೇಶ ಮೇಸ್ತ ಅವರಿಗೆ ಮದುವೆಯಾಗಿದೆ. ಹೆಣ್ಣಿನ ಮನೆಯವರೇ ಮದುವೆ ಖರ್ಚು ನೋಡಿಕೊಂಡು, 15 ತೊಲೆ ಬಂಗಾರವನ್ನು ಹಾಕಿ ಅದ್ಧೂರಿ ಮದುವೆ ಮಾಡಿಕೊಟ್ಟಿದ್ದಾರೆ. ಪ್ರಭಾತನಗರದ ಮೂಡಗಣಪತಿ ದೇವಾಲಯದಲ್ಲಿ ಸಂಪ್ರದಾಯದ ಪ್ರಕಾರ ಲೋಕೇಶ ಮೇಸ್ತಾ ಹಾಗೂ ಅಕ್ಷತಾ ಮೇಸ್ತ ಅವರ ಮದುವೆ ಆಗಿದ್ದು ಲೋಕೇಶ ಮೇಸ್ತ ಅವರ ಅಕ್ಕ ಸುವರ್ಣ ಖಾರ್ವಿ, ಸೀಮಾ, ಮಾವ ಪರಮೇಶ್ವರ ಮೇಸ್ತಾ, ಪತಿಯ ಅಣ್ಣ ವಿಶ್ವನಾಥ ಮೇಸ್ತ ಮದುವೆ ಮುಂದಾಳತ್ವದಲ್ಲಿ ಈ ಮದುವೆ ನಡೆದಿದೆ. ಗಂಡಿನ ಕಡೆಯವರ ಸೂಚನೆ ಮೇರೆಗೆ ಹೆಣ್ಣಿನ ಕಡೆಯವರು ಎಲ್ಲಾ ಖರ್ಚು ನೋಡಿಕೊಂಡಿದ್ದರೂ ಸರಿಯಾಗಿ ಸಂಸಾರ ನಡೆದಿದ್ದು ಒಂದು ತಿಂಗಳು ಮಾತ್ರ. ಮದುವೆ ನಂತರ ಅಕ್ಷತಾ ಅವರನ್ನು ಲೋಕೇಶ್ ಮೇಸ್ತಾ ಅವರು ಮಲಬಾರಕೇರಿಗೆ ಕರೆದುಕೊಂಡು ಹೋಗಿದ್ದು, ಅಲ್ಲಿ ಒಂದು ತಿಂಗಳ ಸಂಸಾರ ಮಾಡಿದ್ದಾರೆ. ಅದಾದ ನಂತರ ಪ್ರಭಾತ ನಗರದಲ್ಲಿ ಬಾಡಿಗೆ ಮನೆ ಮಾಡಿದ್ದು, ಅಲ್ಲಿಂದ ಪತ್ನಿ ಮೇಲೆ ಹಲ್ಲೆ ನಡೆಸಲು ಶುರು ಮಾಡಿದ್ದಾರೆ. ಅಕ್ಷತಾ ಅವರ ಮೇಲೆ ಅನಗತ್ಯ ಅನುಮಾನಪಡುವ ಲೋಕೇಶ್ ಮೇಸ್ತಾ ಅವರು ಸದ್ಯ `ಆ ಮಗು ಸಹ ನನ್ನದಲ್ಲ’ ಎನ್ನುತ್ತಿದ್ದಾರೆ. ಗಂಡನ ಮನೆಯಲ್ಲಿ ಸೀಮಂತ ಮುಗಿಸಿ ತವರಿಗೆ ಹೋಗಿದ್ದ ಅಕ್ಷತಾ ಮೇಸ್ತಾ ಅವರನ್ನು ನೋಡಲು ಸಹ ಲೋಕೇಶ್ ಮೇಸ್ತ ಅವರು ಬಂದಿಲ್ಲ. ಮಗು ಜನನದ ನಂತರ ಮಗುವಿನ ಮುಖವನ್ನು ನೋಡಿಲ್ಲ. ಮಗಳ ವೈವಾಹಿಕ ಜೀವನದಿಂದ ಬೇಸತ್ತ ಶಾರದಾ ಮೇಸ್ತ ಅವರು ಈ ಬಗ್ಗೆ ಲೋಕೇಶ ಮೇಸ್ತ ಅವರ ಅಕ್ಕ-ಮಾವನ ಬಳಿ ಮಾತನಾಡಿದ್ದಾರೆ. ಆದರೆ, ಅಕ್ಕ ಸುವರ್ಣ ಖಾರ್ವಿ, ಸೀಮಾ, ಮಾವ ಪರಮೇಶ್ವರ ಮೇಸ್ತಾ, ಗಂಡನ ಅಣ್ಣ ವಿಶ್ವನಾಥ ಮೇಸ್ತಾ ಹಾಗೂ ಅತ್ತಿಗೆ ಶ್ವೇತಾ ಮೇಸ್ತಾ ಅವರಲ್ಲಿ ನೋವು ಹೇಳಿಕೊಂಡರೂ ಅದರಿಂದ ಯಾವ ಪ್ರಯೋಜನವೂ ಆಗಿಲ್ಲ. ಲೋಕೇಶ್ ಮೇಸ್ತ ಅವರಿಗೆ ತಿಳಿಸಿ ಹೇಳುವ ಬದಲು `ನೀನೇ ಹೊಂದುಕೊoಡು ಹೋಗಬೇಕು’ ಎಂದು ಅಕ್ಷತಾ ಮೇಸ್ತ ಅವರಿಗೆ ಅವರೆಲ್ಲರೂ ಕಿವಿಮಾತು ಹೇಳಿದ್ದಾರೆ. ಈ ಎಲ್ಲದರ ನಡುವೆ ಲೋಕೇಶ ಮೇಸ್ತ ಅವರು ಬೇರೆ ಬೇರೆ ಮಹಿಳೆಯರ ಜೊತೆ ಸಂಬoಧಹೊoದಿರುವ ಬಗ್ಗೆ ಅಕ್ಷತಾ ಮೇಸ್ತ ಅವರಿಗೆ ಮಾಹಿತಿ ಬಂದಿದೆ. ಈ ಬಗ್ಗೆ ಪ್ರಶ್ನಿಸಿದಾಗ `ನಾನು ಇರುವುದೇ ಹಾಗೇ’ ಎಂದು ಲೋಕೇಶ ಮೇಸ್ತ ಉಡಾಫೆಯಾಗಿ ಮಾತನಾಡಿದ್ದಾರೆ. ಅಕ್ಷತಾ ಮೇಸ್ತಾ ಅವರು ಗರ್ಭಿಣಿಯಾಗಿದ್ದಾಗ ಸಹ ಬಿಡದೇ ಹಿಂಸೆ ನೀಡಿದ್ದಾರೆ. ಮಗು ಜನನದ ನಂತರ ನಾಮಕರಣ ವಿಷಯವಾಗಿ ಆಸ್ಪತ್ರೆಯಲ್ಲಿಯೇ ಜಗಳ ಮಾಡಿದ್ದು, `ಅನೈತಿಕ ಸಂಬAಧದ ಮಗು’ ಎಂದು ನಿಂದಿಸಿದ್ದಾರೆ. ಈ ವೇಳೆ ಅಕ್ಷತಾ ಮೇಸ್ತ ಅವರು `ಡಿಎನ್‌ಎ ಪರೀಕ್ಷೆ ಮಾಡಿಸೋಣ’ ಎಂದು ಹೇಳಿದಾ ಅದಕ್ಕೆ ಒಪ್ಪಿಲ್ಲ. ಈ ಎಲ್ಲಾ ಅನ್ಯಾಯದ ಬಗ್ಗೆ ಅಕ್ಷತಾ ಮೇಸ್ತ ಅವರು ಕೊಂಕಣ ಖಾರ್ವಿ ಸಮಾಜದವರಲ್ಲಿ ದೂರು ನೀಡಿದ್ದು, ಸಮಾಜದ ಮುಖಂಡರು ಕರೆದರೂ ಲೋಕೇಶ ಮೇಸ್ತ ಅವರು ಮಾತುಕಥೆಗೆ ಬಂದಿಲ್ಲ. ಹೀಗಾಗಿ ಅಕ್ಷತಾ ಮೇಸ್ತ ಅವರು ಗಂಡನ ವಿರುದ್ಧ ಸಾಂತ್ವಾನ ಕೇಂದ್ರದಲ್ಲಿ ದೂರು ನೀಡಿದ್ದಾರೆ. ಅದಾದ ನಂತರ ಲೋಕೇಶ್ ಅವರು ಅಕ್ಷತಾ ಅವರು ವಾಸವಿದ್ದ ಮನೆ ಬಳಿ ಬಂದು ಗಲಾಟೆ ಮಾಡಿದ್ದಾರೆ. ಗಂಡನ ಕಾಟ ಸಹಿಸಲಾಗದೇ ಅಕ್ಷತಾ ಮೇಸ್ತಾ ಅವರು ವಿವಾಹ ವಿಚ್ಚೇದನ ಹಾಗೂ ಜೀವನಾಂಶ ಕೋರಿ ಅರ್ಜಿ ಹಾಕಿದ್ದು, `ಪೊಲೀಸ್ ದೂರು ಕೊಟ್ಟರೆ ಕಾರು ಹತ್ತಿಸಿ ಕೊಲೆ ಮಾಡುವೆ’ ಎಂದು ಲೋಕೇಶ ಮೇಸ್ತ ಅವರು ಬೆದರಿಸಿದ್ದಾರೆ. ಇದಲ್ಲದೇ ನ್ಯಾಯಾಲಯದ ವಿಚಾರಣೆ ಹಾಗೂ ಎದುರು ಸಿಕ್ಕಾಗಲೆಲ್ಲ ಅಕ್ಷತಾ ಮೇಸ್ತಾ ಅವರನ್ನು ನಿಂದಿಸುತ್ತಿದ್ದಾರೆ. ಈ ಎಲ್ಲಾ ಹಿನ್ನಲೆ ರಕ್ಷಣೆ ಕೋರಿ ಅಕ್ಷತಾ ಮೇಸ್ತಾ ಅವರು ಪೊಲೀಸರ ಮೊರೆ ಹೋಗಿದ್ದಾರೆ.
- [ಮರದಿಂದ ಬಿದ್ದ ರಾಮ: ಮರಣ](https://mobiletime.in/2026/05/rama-fell-from-the-tree-death/): ಎರಡು ತಿಂಗಳ ಹಿಂದೆ ತೆಂಗಿನ ಮರದಿಂದ ಬಿದ್ದು ಸೊಂಟ ಮುರಿದುಕೊಂಡಿದ್ದ ಶಿರಸಿಯ ರಾಮಾ ಮರಾಠಿ ಅವರು ಮೂರು ಆಸ್ಪತ್ರೆಗಳ ಅಲೆದಾಟ ಮಾಡಿದ್ದಾರೆ. ಆದರೂ, ಅವರ ಆರೋಗ್ಯದಲ್ಲಿ ಚೇತರಿಕೆಯಾಗದೇ ಸಾವನಪ್ಪಿದ್ದಾರೆ. ಶಿರಸಿ ಹುಲೆಕಲ್ ಬಳಿಯ ಮರನಕೊಡ್ಲುವಿನಲ್ಲಿ ರಾಮ ಶಂಭಾ ಮರಾಠಿ (53) ಅವರು ವಾಸವಾಗಿದ್ದರು. ಕೃಷಿ, ಕೂಲಿ ಕೆಲಸದ ಜೊತೆ ಅವರು ಮರ ಹತ್ತುವ ಕೌಶಲ್ಯವನ್ನು ಮೈಗೂಡಿಸಿಕೊಂಡಿದ್ದರು. ಅದರಂತೆ, ಮಾರ್ಚ 29ರಂದು ಮನೆ ಮುಂದಿನ ತೆಂಗಿನ ಮರ ನೋಡಿದ ಅವರು ಅಲ್ಲಿದ್ದ ಕಾಯಿ ಕೊಯ್ಯಲು ನಿರ್ಧರಿಸಿದ್ದರು. ಮರ ಏರಿದ ಅವರು 35 ಅಡಿ ಎತ್ತರಕ್ಕೆ ಹೋದಾಗ ಕಾಲು ಜಾರಿದ್ದು, ರಭಸವಾಗಿ ನೆಲಕ್ಕೆ ಅಪ್ಪಳಿಸಿದರು. ಅಷ್ಟು ಎತ್ತರದಿಂದ ಬಿದ್ದ ಪರಿಣಾಮ ರಾಮ ಮರಾಠಿ ಅವರ ಸೊಂಟ ಹಾಗೂ ಕೈಗೆ ಗಾಯವಾಯಿತು. ಕುಟುಂಬದವರು ಅವರನ್ನು ಪಂಡಿತ್ ಆಸ್ಪತ್ರೆಗೆ ಕರೆದೊಯ್ದರು. ಅಲ್ಲಿ ಚಿಕಿತ್ಸೆ ನೀಡಿದ ವೈದ್ಯರು ಉನ್ನತ ಚಿಕಿತ್ಸೆಗಾಗಿ ಬೇರೆ ಆಸ್ಪತ್ರೆಗೆ ಶಿಫಾರಸ್ಸು ಮಾಡಿದರು. ಕಾರವಾರ ಜಿಲ್ಲಾಸ್ಪತ್ರೆಯಲ್ಲಿ ರಾಮ ಮರಾಠಿ ಅವರಿಗೆ ಚಿಕಿತ್ಸೆ ನೀಡಲಾಯಿತು. ಏಪ್ರಿಲ್ 4ರವರೆಗೆ ಚಿಕಿತ್ಸೆ ಕಾರವಾರದಲ್ಲಿ ಚಿಕಿತ್ಸೆಪಡೆದರೂ ಸುಧಾರಿಸಿದ ಕಾರಣ ಮುಂದೆ ಮಂಗಳೂರು ವೆನ್ ಲಾಕ್ ಆಸ್ಪತ್ರೆಗೆ ಅವರನ್ನು ದಾಖಲಿಸಿ, ಆರೈಕೆ ಮಾಡಲಾಯಿತು. ಆದರೆ, ಈ ಮೂರು ಆಸ್ಪತ್ರೆಯ ಓಡಾಟದಿಂದಲೂ ರಾಮ ಮರಾಠಿ ಅವರ ಆರೋಗ್ಯ ಸುಧಾರಿಸಲಿಲ್ಲ. ಮೇ 13ರಂದು ಅವರು ಸಾವನಪ್ಪಿದರು. ಪತಿಯ ಸಾವಿನ ಬಗ್ಗೆ ಮಹಾಲಕ್ಷಿ ಮರಾಠಿ ಅವರು ಮಾಹಿತಿ ನೀಡಿದ್ದು, ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಮುಂದಿನ ಕ್ರಮ ಜರುಗಿಸಿದರು.
- [ಹಾಡು ಹಾಡಿ: ಬಹುಮಾನ ಗೆಲ್ಲಿ!](https://mobiletime.in/2026/05/sing-a-song-win-a-prize/): ಯಲ್ಲಾಪುರದ ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿಯೂ ಮೇ 24ರಂದು ಗಾಯನ ಸ್ಪರ್ಧೆ ಆಯೋಜಿಸಿದ್ದು, ಈ ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನಪಡೆದವರಿಗೆ 3 ಸಾವಿರ ರೂ ಬಹುಮಾನ ನೀಡುವುದಾಗಿ ಘೋಷಿಸಿದೆ. ಈಗಾಗಲೇ ಯಲ್ಲಾಪುರದಲ್ಲಿ ಸಂಗೀತ ತರಗತಿಯನ್ನು ಶುರು ಮಾಡಿರುವ ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿ ಸಂಗೀತ ಪ್ರೇಮಿಗಳ ಪ್ರೋತ್ಸಾಹಕ್ಕಾಗಿ ಈ ಸ್ಪರ್ಧೆ ಆಯೋಜಿಸಿದೆ. ಸದ್ಯ `ರೈಸಿಂಗ್ ಸ್ಟಾರ್-2026′ ಎಂಬ ಶೀರ್ಷಿಕೆಯ ಅಡಿ ಸಂಗೀತ ಸ್ಪರ್ಧೆ ನಡೆಯುತ್ತಿದ್ದು, ಮೇ 24ರ ಬೆಳಗ್ಗೆ 10ಗಂಟೆಯಿAದ ಮಧ್ಯಾಹ್ನ 1ಗಂಟೆಯತವರೆಗೆ ಯಲ್ಲಾಪುರ ಬಸ್ ನಿಲ್ದಾಣ ಹಿಂಭಾಗದ ವೈಭವ್ ಬಿಲ್ಡಿಂಗ್’ನಲ್ಲಿ ಈ ಸ್ಪರ್ಧೆ ನಡೆಯಲಿದೆ. ಈ ಸ್ಪರ್ಧೆ ಯಲ್ಲಾಪುರ ತಾಲೂಕಿನವರಿಗೆ ಮಾತ್ರ ಸೀಮಿತ. ಈ ಸ್ಪರ್ಧೆಯಲ್ಲಿ ಹಾಡುವವರಿಗೆ 5 ವರ್ಷದಿಂದ 13 ವರ್ಷಗಳೊಳಗಿನವರಿಗೆ ಒಂದು ವಿಭಾಗ ಹಾಗೂ 14 ವರ್ಷ ಮೇಲ್ಪಟ್ಟವರಿಗೆ ಮತ್ತೊಂದು ವಿಭಾಗ ಮಾಡಲಾಗಿದೆ. ಕನ್ನಡ ಹಾಗೂ ಹಿಂದಿ ಚಿತ್ರಗೀತೆಗಳನ್ನು ಪ್ರಸ್ತುತಪಡಿಸಬಹುದಾಗಿದೆ. ಮೂರು ಹಂತದಲ್ಲಿ ಗಾಯನ ಸ್ಪರ್ಧೆ ನಡೆಯಲಿದೆ. ಸ್ಪರ್ಧೆಯಲ್ಲಿ ಭಾಗವಹಿಸಲು ಆಧಾರ್ ಕಾರ್ಡ ಕಡ್ಡಾಯವಾಗದ್ದು, 200ರೂ ಪ್ರವೇಶ ಶುಲ್ಕ ಪಾವತಿಸಬೇಕಿದೆ. ಪ್ರಥಮ ಬಹುಮಾನ 3 ಸಾವಿರ ರೂ, ದ್ವಿತೀಯ ಬಹುಮಾನ 2 ಸಾವಿರ ರೂ ಹಾಗೂ ತೃತೀಯ ಬಹುಮಾನ 1 ಸಾವಿರ ರೂ ನೀಡಲಾಗುತ್ತದೆ. ಜೊತೆಗೆ ಆಕರ್ಷಕ ಪದಕದ ಜೊತೆ ಬಹುಮಾನ ವಿಜೇತರನ್ನು ಗೌರವಿಸಲಾಗುತ್ತದೆ. ಹೆಚ್ಚಿನ ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 7975670097 ಅಥವಾ 8618732514
- [ನ್ಯಾಯಕ್ಕಾಗಿ ನ್ಯಾಯವಾದಿ ಧರಣಿ: ಹಾಲಿ-ಮಾಜಿ ಶಾಸಕರ ಮೌನ!](https://mobiletime.in/2026/05/lawyers-sit-in-for-justice-silence-from-current-and-former-mlas/): ನ್ಯಾಯವಾದಿ ನಾಗರಾಜ ನಾಯಕ ಅವರು ಕಳೆದ ಒಂದು ವಾರದಿಂದ ಅಂಕೋಲಾದಲ್ಲಿ ಧರಣಿ ನಡೆಸುತ್ತಿದ್ದು, ಕಾರವಾರ-ಅಂಕೋಲಾ ವಿಧಾನಸಭಾ ಕ್ಷೇತ್ರದ ಪ್ರಮುಖ ಮೂರು ನಾಯಕರು ಈ ಪ್ರತಿಭಟನೆ ಕುರಿತು ಮೌನವಾಗಿದ್ದಾರೆ. ವಿವಿಧ ಹಂತದ ಮುಖಂಡರು ಪ್ರತಿಭಟನೆ ಪರ-ವಿರುದ್ಧ ನಿಲುವುವ್ಯಕ್ತಪಡಿಸಿದರಾದರೂ ಕ್ಷೇತ್ರದ ಹಾಲಿ ಹಾಗೂ ಮಾಜಿ ಶಾಸಕರು ಈ ಕುರಿತು ಈವರೆಗೆ ಯಾವುದೇ ಮಾತನಾಡಿಲ್ಲ! ಸ್ವಚ್ಛತೆ, ಸಂಘಟನೆ, ಕಲಾ ಆರಾಧನೆ, ಕೃಷಿ ಜೊತೆ ಅನ್ಯಾಯಕ್ಕೆ ಒಳಗಾದವರಿಗೆ ನ್ಯಾಯ ಕೊಡಿಸುವ ವಕೀಲರಾಗಿಯೂ ನಾಗರಾಜ ನಾಯಕ ಅವರು ಪ್ರಸಿದ್ಧಿಪಡೆದಿದ್ದಾರೆ. ಬಿಜೆಪಿ ಪಕ್ಷದಲ್ಲಿಯೂ ಅವರು ಸಕ್ರೀಯರಾಗಿದ್ದಾರೆ. ಅನೇಕರ ಜೊತೆ ಅನ್ಯೋನ್ಯವಾಗಿರುವ ಕಾರಣ ನಾಗರಾಜ ನಾಯಕ ಅವರು ನಡೆಸುತ್ತಿರುವ ಧರಣಿಗೆ ಅವರ ಆಪ್ತರೆಲ್ಲರೂ ಆಗಮಿಸಿ ಬೆಂಬಲ ನೀಡಿದ್ದಾರೆ. ನಾಗರಾಜ ನಾಯಕ ಅವರು ಕಾಂಗ್ರೆಸ್ ಮುಖಂಡ ಗೋಪಾಲಕೃಷ್ಣ ನಾಯಕ ಅವರ ವಿರುದ್ಧ ಈ ಧರಣಿ ಶುರು ಮಾಡಿದ್ದು, ಗೋಪಾಲಕೃಷ್ಣ ನಾಯಕ ಅವರ ಬೆಂಬಲಿಗರು ನಾಗರಾಜ ನಾಯಕ ಅವರ ವಿರುದ್ಧ ಕಿಡಿಕಾರುತ್ತಿದ್ದಾರೆ. ಕೇಣಿ ವಾಣಿಜ್ಯ ಬಂದರು ಹೋರಾಟ ಸೇರಿ ವಿವಿಧ ವಿಷಯಗಳ ಬಗ್ಗೆ ಗೋಪಾಲಕೃಷ್ಣ ನಾಯಕ ಅವರು ಬಡವರ ಪರವಾಗಿರುವುದನ್ನು ನೆನಪಿಸಿ ಅವರಿಗೂ ಅನೇಕರು ಬೆಂಬಲ ನೀಡಿದ್ದಾರೆ. ಬೇರೆ ಬೇರೆ ತಾಲೂಕುಗಳಲ್ಲಿಯೂ ಪ್ರತಿಭಟನೆಯ ಪರ ಹಾಗೂ ವಿರೋಧ ಪ್ರತಿಕ್ರಿಯೆವ್ಯಕ್ತವಾಗುತ್ತಿದೆ. ಆದರೆ, ಕಾರವಾರ-ಅಂಕೋಲಾ ವಿಧಾನಸಭಾ ಕ್ಷೇತ್ರದ ರಾಜಕೀಯದ ಮುಖ್ಯ ಮೂವರು ನೇತಾರರು ಈ ವಿಷಯವಾಗಿ ಪರ-ವಿರೋಧವನ್ನು ಕಾಣಿಸಿಕೊಳ್ಳದೇ ಈವರೆಗೂ ತಟಸ್ಥವಾಗಿಯೇ ಇದ್ದಾರೆ. ಸದ್ಯದ ಶಾಸಕ ಸತೀಶ್ ಸೈಲ್ ಕಾಂಗ್ರೆಸ್ಸಿನಲ್ಲಿದ್ದರೂ ಕಾಂಗ್ರೆಸ್ ಮುಖಂಡ ಗೋಪಾಲಕೃಷ್ಣ ನಾಯಕ ಅವರ ವೈರತ್ವ ಕಟ್ಟಿಕೊಂಡಿದ್ದಾರೆ. ಸತೀಶ್ ಸೈಲ್ ಹಾಗೂ ಗೋಪಾಲಕೃಷ್ಣ ನಾಯಕ ಅವರ ನಡುವೆ ಈಗಾಗಲೇ ಸಾಕಷ್ಟು ತೆರೆಮರೆಯ ಹೋರಾಟಗಳು ನಡೆದಿದೆ. ಅದಾಗಿಯೂ, ಗೋಪಾಲಕೃಷ್ಣ ನಾಯಕ ಅವರ ವಿರುದ್ಧ ಬಿಜೆಪಿಯ ನಾಗರಾಜ ನಾಯಕ ಅವರು ನಡೆಸುತ್ತಿರುವ ಹೋರಾಟದಲ್ಲಿ ಅವರು ಒಮ್ಮೆಯೂ ಕಾಣಿಸಿಕೊಂಡಿಲ್ಲ. ಶಾಸಕ ಸತೀಶ್ ಸೈಲ್ ಅವರು ಪ್ರತಿಭಟನಾಕಾರರ ಮನವಿ ಆಲಿಸಿ, ಆ ಬಗ್ಗೆ ಸರ್ಕಾರದ ಗಮನಕ್ಕೆ ತರುವುದಾಗಿ ಸಮಾಧಾನ ಹೇಳುವ ಅವಕಾಶವಿದ್ದರೂ ಅದರಿಂದ ಅವರು ತಪ್ಪಿಸಿಕೊಂಡಿದ್ದಾರೆ. ಕ್ಷೇತ್ರದ ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರು ಸಹ ತಮ್ಮದೇ ಪಕ್ಷದ ಹಿರಿಯ ಮುಖಂಡರು ನಡೆಸುತ್ತಿರುವ ಪ್ರತಿಭಟನೆಗೆ ಬಹಿರಂಗ ಬೆಂಬಲ ಕೊಟ್ಟಿಲ್ಲ. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಪ್ರತಿಭಟನಾ ಸ್ಥಳಕ್ಕೆ ಆಗಮಿಸಿದಾಗಲೂ ರೂಪಾಲಿ ನಾಯ್ಕ ಅವರು ಜೊತೆಗೆ ಬಂದಿಲ್ಲ. ಇನ್ನೂ, ಜೆಡಿಎಸ್ ಪಕ್ಷದ ಸೂರಜ ನಾಯ್ಕ ಸೋನಿ ಹಾಗೂ ಇನ್ನಿತರರು ನಾಗರಾಜ ನಾಯಕ ಅವರ ಪ್ರತಿಭಟನೆಗೆ ಬಂದು ಬೆಂಬಲ ನೀಡಿದರೂ, ಕಾರವಾರ ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕರೂ ಆಗಿರುವ ಮಾಜಿ ಸಚಿವ ಆನಂದ ಅಸ್ನೋಟಿಕರ್ ಅವರು ಈ ಪ್ರತಿಭಟನೆ ಬಗ್ಗೆ ಯಾವುದೇ ಬಹಿರಂಗ ಪ್ರತಿಕ್ರಿಯೆ ನೀಡಿಲ್ಲ. ಕಾರವಾರ ವಿಧಾನಸಭಾ ಕ್ಷೇತ್ರದಲ್ಲಿಯೇ ನಡೆದ ಬೆಳವಣಿಗೆಯ ಬಗ್ಗೆ ಈ ಮೂವರು ನಾಯಕರು ಮೌನವಾಗಿರುವುದರಿಂದ ಈ ಪ್ರತಿಭಟನೆ ವಿಷಯವಾಗಿ ಅವರ ನಿಲುವುಗಳ ಬಗ್ಗೆ ಚರ್ಚೆ ಶುರುವಾಗಿದೆ.  
- [ಈ ದಿನವೂ ಅಷ್ಟೇ.. ಬೆಳಗ್ಗೆ ಬಿಸಿಲು-ಸಂಜೆ ಮಳೆ!](https://mobiletime.in/2026/05/this-day-is-the-same-sunny-in-the-morning-and-rain-in-the-evening/): ಕಳೆದ ಮೂರು ದಿನಗಳಿಂದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಧ್ಯಾಹ್ನದ ವೇಳೆ ಮಳೆಯಾಗುತ್ತಿದೆ. ಗುರುವಾರವೂ ಸಂಜೆ ವೇಳೆ ಜಿಲ್ಲೆಯ ಐದು ತಾಲೂಕುಗಳಲ್ಲಿ ಜೋರು ಮಳೆಯಾಗುವ ಲಕ್ಷಣಗಳಿವೆ. ಹಮಾಮಾನ ಮುನ್ಸೂಚನಾ ನಕ್ಷೆಯ ಪ್ರಕಾರ ಕರಾವಳಿ ಹಾಗೂ ಮಲೆನಾಡು ಭಾಗದ ಅನೇಕ ಕಡೆ ಮೇ 14ರ ಮಧ್ಯಾಹ್ನ ಗುಡುಗುಸಹಿತ ಮಳೆಯಾಗಲಿದೆ. ಶಿರಸಿ, ಸಿದ್ದಾಪುರ, ಮುಂಡಗೋಡ, ಹೊನ್ನಾವರ ಮತ್ತು ಭಟ್ಕಳ ತಾಲೂಕುಗಳಲ್ಲಿ ಮಧ್ಯಾಹ್ನದ ನಂತರ ಮಳೆಯಾಗುವ ಲಕ್ಷಣಗಳು ಹೆಚ್ಚಿವೆ. ಮೇ 15ರ ಬೆಳಗಿನವರೆಗೂ ಉತ್ತರ ಕನ್ನಡದ ಒಳನಾಡಿನ ಭಾಗಗಳಲ್ಲಿ ಮಿಂಚಿನ ಸಾಂದ್ರತೆಗಳಿವೆ. ಮಲೆನಾಡು ಪ್ರದೇಶಗಳಾದ ಶಿರಸಿ, ಸಿದ್ದಾಪುರ ಮತ್ತು ಮುಂಡಗೋಡ ತಾಲೂಕುಗಳಲ್ಲಿ ಗುಡುಗುಸಹಿತ ಭಾರೀ ಪ್ರಮಾಣದ ಮಿಂಚಿನ ಜೊತೆ ಮಳೆಯಾಗಬಹುದು ಎಂದು ಅಂದಾಜಿಸಲಾಗಿದೆ. ಹೊನ್ನಾವರ ಮತ್ತು ಭಟ್ಕಳ ತಾಲೂಕುಗಳಲ್ಲಿ ಸಮುದ್ರದ ತೇವಾಂಶದೊAದಿಗೆ ಮಿಂಚಿನ ಆರ್ಭಟ ಹೆಚ್ಚಿರಲಿದೆ ಎಂದು ವೈಜ್ಞಾನಿಕ ಸಮೀಕ್ಷೆ ಹೇಳಿದೆ. `ಮಿಂಚು ಬರುವಾಗ ಎತ್ತರದ ಮರಗಳು ಅಥವಾ ವಿದ್ಯುತ್ ಕಂಬಗಳ ಕೆಳಗೆ ನಿಲ್ಲಬೇಡಿ’ ಎಂದು ಜಿಲ್ಲಾಡಳಿತ ಮನವಿ ಮಾಡಿದೆ. ಗುಡುಗು ಆರಂಭವಾದಾಗ ಟಿವಿ, ಫ್ರಿಡ್ಜ್ ಮುಂತಾದ ವಿದ್ಯುತ್ ಚಾಲಿತ ಉಪಕರಣಗಳ ಪ್ಲಗ್‌ಗಳನ್ನು ತೆಗೆಯುವುದು ಸೂಕ್ತ. ಗದ್ದೆ ಅಥವಾ ತೋಟಗಳಲ್ಲಿ ಕೆಲಸ ಮಾಡುವವರು ತಕ್ಷಣವೇ ಸುರಕ್ಷಿತ ಕಟ್ಟಡಗಳ ಒಳಗೆ ತೆರಳುವುದು ಒಳಿತು. ಕೆರೆ, ಹಳ್ಳ ಅಥವಾ ನೀರಿರುವ ಪ್ರದೇಶಗಳ ಸಮೀಪ ಸುಳಿಯುವುದು ಸಹ ಅಪಾಯಕಾರಿ. ಇನ್ನೂ, ಮಳೆ ಮತ್ತು ಮಿಂಚಿನ ವೇಳೆ ವಾಹನಗಳನ್ನು ಬಯಲು ಪ್ರದೇಶದಲ್ಲಿ ನಿಲ್ಲಿಸುವುದು ಸುರಕ್ಷಿತ. ಸದ್ಯ ಜಿಲ್ಲೆಯ ಉಳಿದ ತಾಲೂಕುಗಳಲ್ಲಿಯೂ ಸಾಧಾರಣ ಮಿಂಚು-ಮಳೆ ಕಾಣಿಸುವ ಸಾಧ್ಯತೆಗಳಿವೆ.  
- [ಭಾವನಾತ್ಮಕ ಬೀಳ್ಕೊಡುಗೆ: ಜನಸ್ನೇಹಿ ಅಧಿಕಾರಿಗೆ ಪುಷ್ಪ ಮಳೆ!](https://mobiletime.in/2026/05/emotional-farewell-flowers-showered-on-a-people-friendly-officer/): ಯಲ್ಲಾಪುರ ಪೊಲೀಸ್ ಠಾಣೆಯನ್ನು ನಿಜವಾಗಿಯೂ ಜನಸ್ನೇಹಿಯಾಗಿಸಿದ್ದ ಪಿಐ ರಮೇಶ ಹಾನಾಪುರ ಅವರು ಮುಂಡಗೋಡಿಗೆ ವರ್ಗವಾಗಿದ್ದಾರೆ. ಜನ-ಜನಪ್ರತಿನಿಧಿಗಳೊಂದಿಗೆ ಪೊಲೀಸ್ ಸಿಬ್ಬಂದಿ ಜೊತೆಯೂ ಅತ್ಯಂತ ಗೌರವ ಹಾಗೂ ಸೌಜನ್ಯದಿಂದ ವರ್ತಿಸುತ್ತಿದ್ದ ರಮೇಶ ಹಾನಾಪುರ ಅವರನ್ನು ಜನ ಅತ್ಯಂತ ಭಾವನಾತ್ಮಕವಾಗಿ ಬೀಳ್ಕೊಟ್ಟಿದ್ದಾರೆ. ಎರಡುವರೆ ವರ್ಷದ ಹಿಂದೆ ರಮೇಶ ಹಾನಾಪುರ ಅವರು ಯಲ್ಲಾಪುರ ಪಿಐ ಆಗಿ ಅಧಿಕಾರವಹಿಸಿಕೊಂಡಿದ್ದರು. ಈ ಹಿಂದೆ ಲೋಕಾಯುಕ್ತ ಸೇರಿ ವಿವಿಧ ಕಡೆ ಕೆಲಸ ಮಾಡಿದ್ದ ಅನುಭವದ ಆಧಾರದಲ್ಲಿ ಅನೇಕ ಅಪರಾಧ ಪ್ರಕರಣಗಳನ್ನು ಅವರು ಬೇದಿಸಿದರು. ಕೈಯಲ್ಲ ಖಡಕ್ ಅಧಿಕಾರ ಇದ್ದರೂ ಅದನ್ನು ಪ್ರದರ್ಶಿಸುತ್ತಿರಲಿಲ್ಲ. ಯಾರ ಜೊತೆಯೂ ರಮೇಶ ಹಾನಾಪುರ ಅವರು ದರ್ಪದಿಂದ ನಡೆದುಕೊಂಡಿಲ್ಲ. ಜನ ಸಾಮಾನ್ಯರ ಜೊತೆ ಸಾಮಾನ್ಯರಂತೆ ಬೆರೆಯುತ್ತಿದ್ದರು. ಎಲ್ಲರನ್ನು ಪ್ರೀತಿಯಿಂದ ಮಾತನಾಡಿಸಿ, ಗೌರವಿಸಿ ಅವರು ಠಾಣೆಗೆ ಬರಮಾಡಿಕೊಳ್ಳುತ್ತಿದ್ದರು. ಯಾರ ಮನಸ್ಸನ್ನು ಸಹ ನೋಯಿಸದೇ ಅವರು ಕೆಲಸ ಮಾಡುತ್ತಿದ್ದು, ತಮ್ಮ ಚಾಣಾಕ್ಷತನ ಹಾಗೂ ತಾಳ್ಮೆಯಿಂದ ಜನರ ಮನಗೆದ್ದಿದ್ದರು. ತಾವಷ್ಟೇ ಅಲ್ಲ.. ತಮ್ಮ ಪೊಲೀಸ್ ಠಾಣೆಯಲ್ಲಿ ಕೆಲಸ ಮಾಡುವ ಪ್ರತಿ ಸಿಬ್ಬಂದಿಯೂ ಸಾರ್ವಜನಿಕರ ಜೊತೆ ತಾಳ್ಮೆ ಹಾಗೂ ಸೌಜನ್ಯದಿಂದ ವರ್ತಿಸುವ ಹಾಗೇ ಅವರು ನೋಡಿಕೊಂಡಿದ್ದರು. ಅತ್ಯoತ ಕ್ಲಿಷ್ಟಕರ ಕೇಸುಗಳನ್ನು ಸಹ ರಮೇಶ ಹಾನಾಪುರ ಅವರು ಉಪಾಯವಾಗಿ ಬಗೆಹರಿಸಿದ್ದರು. ದ್ವೇಷ, ಗಲಭೆಯ ಪರಿಸ್ಥಿತಿಯನ್ನು ಸಹ ಅಚ್ಚುಕಟ್ಟಾಗಿ ನಿಭಾಯಿಸಿದ್ದರು. ಸಾಕಷ್ಟು ಒತ್ತಡ, ಅಲೆದಾಟಗಳಿದ್ದರೂ ನೊಂದವರಿಗೆ ಅನ್ಯಾಯವಾಗದ ರೀತಿ ನೋಡಿಕೊಳ್ಳುತ್ತಿದ್ದರು. ಜನಸಾಮಾನ್ಯರು ಹಾಗೂ ಪ್ರಭಾವಿಗಳನ್ನು ಅತ್ಯಂತ ನಾಚೂಕು ರೀತಿಯಿಂದ ಸಂಬಾಳಿಸುತ್ತಿದ್ದರು. ಅತ್ಯಂತ ಮೃದು ಸ್ವಭಾವ ಹಾಗೂ ಅಷ್ಟೇ ಪರಿಶುದ್ಧ ಮನಸ್ಸಿನ ವ್ಯಕ್ತಿತ್ವದ ರಮೇಶ ಹಾನಾಪುರ ಅವರು ಈವರೆಗೂ ಯಾರಿಗೂ ಅವರು ಕೆಟ್ಟದಾಗಿ ನಿಂದಿಸಿಲ್ಲ. ಯಾರನ್ನು ಸಹ ಬೈದ ನಿದರ್ಶನಗಳಿಲ್ಲ. ರಮೇಶ ಹಾನಾಪುರ ಅವರ ವ್ಯಕ್ತಿತ್ವ ಹಾಗೂ ಅವರ ಸಾಧನೆಗೆ ರಾಷ್ಟçಪತಿ ಪುರಸ್ಕಾರ ಸಿಕ್ಕಿದೆ. ಮುಖ್ಯಮಂತ್ರಿ ಪದಕ ಸಹ ದೊರೆತಿದೆ. ಅವರು ಯಲ್ಲಾಪುರದಲ್ಲಿ ಸೇವೆ ಸಲ್ಲಿಸುವಾಗಲೇ ಅವರ ಸಾಧನೆಗೆ ಸನ್ಮಾನ ದೊರೆತಿರುವುದರಿಂದ ಇಲ್ಲಿನ ಪೊಲೀಸ್ ಠಾಣೆಯ ಹಿರಿಮೆಯೂ ಹೆಚ್ಚಾಗಿದೆ. ಯಲ್ಲಾಪುರದ ಜಾತ್ರೆ ಅವಧಿಯಲ್ಲಿಯೇ ರಮೇಶ ಹಾನಾಪುರ ಅವರ ವರ್ಗಾವಣೆ ಆದೇಶ ಬಂದಿತ್ತು. ಆದರೆ, ಅವರಿಗೆ ಸ್ಥಳ ನಿಯುಕ್ತಿ ಆಗಿರಲಿಲ್ಲ. ಜೊತೆಗೆ ಅದಾದ ನಂತರ ಯಲ್ಲಾಪುರದಲ್ಲಿ ನಡೆದ ಕೆಲ ಬೆಳವಣಿಗಳು ಆಡಳಿತ ಹಿತದೃಷ್ಠಿ ಕಾರಣದಿಂದ ರಮೇಶ ಹಾನಾಪುರ ಅವರನ್ನು ಇಲ್ಲಿಯೇ ಉಳಿಸಿಕೊಂಡವು. ಬುಧವಾರ ರಮೇಶ ಹಾನಾಪುರ ಅವರು ಮುಂಡಗೋಡು ಪಿಐ ಆಗಿ ಕರ್ತವ್ಯ ನಿಭಾಯಿಸುವಂತೆ ಸರ್ಕಾರದಿಂದ ಸೂಚನೆ ಬಂದಿದ್ದು, ಗುರುವಾರ ಅವರು ಯಲ್ಲಾಪುರ ಪೊಲೀಸ್ ಠಾಣೆಗೆ ವಿದಾಯ ಹೇಳಿದರು. ತಮ್ಮ ಕಚೇರಿಯಿಂದ ಹೊರ ಹೋಗುತ್ತಿದ್ದ ರಮೇಶ ಹಾನಾಪುರ ಅವರನ್ನು ಪೊಲೀಸ್ ಸಿಬ್ಬಂದಿ ಸುತ್ತುವರೆದರು. ಕೈಯಲ್ಲಿದ್ದ ಹೂವುಗಳಿಂದ ಭಾರೀ ಪ್ರಮಾಣದ ಮಳೆ ಸುರಿಸಿದರು. ಎರಡುವರೆ ವರ್ಷಗಳ ಕಾಲ ಅವರ ಜೊತೆ ಮಾಡಿದ ಕೆಲಸವನ್ನು ಸ್ಮರಿಸಿ, ಭಾವನಾತ್ಮಕವಾಗಿ ಬೀಳ್ಕೊಟ್ಟರು.  
- [ಲಾರಿಗೆ ಗುದ್ದಿದ ಸ್ಕೂಟಿ: ಸಾವನಪ್ಪಿದ ಸಹಸವಾರ!](https://mobiletime.in/2026/05/scooty-hits-lorry-one-thousand-riders-killed/): ಹಳಿಯಾಳದ ಕೆಸರೊಳ್ಳಿ ಕ್ರಾಸಿನ ಮುಂದಿರುವ ಪಾಟೀಲ್ ಪೆಟ್ರೊಲ್ ಬಂಕಿನ ಬಳಿ ಸ್ಕೂಟಿಯೊಂದು ಲಾರಿಗೆ ಗುದ್ದಿದೆ. ಪರಿಣಾಮ ಬೆಂಗಳೂರಿನ ವಿದ್ಯಾರ್ಥಿಯೊಬ್ಬರು ಸಾವನಪ್ಪಿದ್ದಾರೆ. ಬೆಂಗಳೂರಿನ ಶ್ಯಾಂಪೂರ ರೇಲ್ವೆ ಟ್ರಾಕ್ ಬೇಕನ ಇಂಗ್ಲಿಶ್ ಮೀಡಿಯಂ ಸ್ಕೂಲ್ ಬಳಿಯ ಮೊಹಮದ್ ರಹೀಂ (22) ಅವರು ಮೇ 13ರಂದು ಹಳಿಯಾಳಕ್ಕೆ ಬಂದಿದ್ದರು. ಸ್ಕೂಟಿಯೊಂದರಲ್ಲಿ ಅವರು ಮೊಹ್ಮಮದ ಜೀಲಾನ ಅಬ್ದುಲ ವಾಜಿದ (21) ಅವರನ್ನು ಕೂರಿಸಿಕೊಂಡು ಹಳಿಯಾಳದಿಂದ ದಾಂಡೇಲಿ ಕಡೆ ಹೊರಟಿದ್ದರು. ಪಾಟೀಲ್ ಪೆಟ್ರೊಲ್ ಬಂಕಿನ ಬಳಿ ಅವರು ಎದುರಿಗಿದ್ದ ಲಾರಿ ಹಿಂದಿಕ್ಕುವ ನಿರ್ಧಾರ ಮಾಡಿದರು. ಅದಕ್ಕಾಗಿ ಮೊಹಮದ್ ರಹೀಂ ಅವರು ವೇಗವಾಗಿ ಸ್ಕೂಟಿ ಓಡಿಸಿದರು. ಆದರೆ, ಲಾರಿಯ ಹಿಂಬದಿ ಚಕ್ರದ ಬಳಿ ಸ್ಕೂಟಿಯ ಮಡಗಾರ್ಡ ತಾಗಿತು. ಆ ಅವಘಡದಲ್ಲಿ ವೇಗವಾಗಿದ್ದ ಸ್ಕೂಟಿ ನೆಲಕ್ಕೆ ಅಪ್ಪಳಿಸಿತು. ಸ್ಕೂಟಿಯ ಸಹಸವಾರರಾಗಿದ್ದ ಮೊಹ್ಮಮದ ಜೀಲಾನ ಅಬ್ದುಲ ವಾಜಿದ ಅವರು ನೆಲಕ್ಕೆ ಬಿದ್ದು ಸಾವನಪ್ಪಿದರು. ಸ್ಕೂಟಿ ಸವಾರ ಮೊಹಮದ್ ರಹೀಂ ಸಹ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು.
- [ಜಾಗದ ಜಗಳ: ದಾರಿಗಾಗಿ ಅಣ್ಣ-ತಂಗಿಯರ ನಡುವೆ ಹೊಡೆದಾಟ!](https://mobiletime.in/2026/05/land-dispute-a-fight-between-siblings-over-the-road/): ಶಿರಸಿ ದೇವನಳ್ಳಿಯ ಶಿರ್ಲೇಬೈಲಿನ ವೆಂಕಟು ಗೌಡ ಹಾಗೂ ಅವರ ಪತ್ನಿ ದೇವಕಿ ಗೌಡ ಸೇರಿ ಲೀಲಾವತಿ ಗೌಡ ಅವರಿಗೆ ಹಿಂಸೆ ನೀಡುತ್ತಿದ್ದಾರೆ. ಲೀಲಾವತಿ ಗೌಡ ಅವರ ಕುಟುಂಬದವರು ಓಡಾಡುವ ದಾರಿಗೂ ಅವರು ಬೇಲಿ ನಿರ್ಮಿಸಿದ್ದಾರೆ. ಶಿರಸಿ ಮಂಜುಗುಣಿ ಬಳಿಯ ಕಸಗೆಯ ಲೀಲಾವತಿ ಮಂಜುನಾಥ ಗೌಡ ಅವರು ತಮ್ಮ ವೃದ್ಧ ತಂದೆ-ತಾಯಿ ಜೊತೆ ದೇವನಳ್ಳಿಯ ಶೀರ್ಲೇಬೈಲ್ ಬಳಿ ವಾಸವಾಗಿದ್ದಾರೆ. ಅವರ ಅಣ್ಣ ವೆಂಕಟು ಗಣಪತಿ ಗೌಡ ಹಾಗೂ ದೇವಕಿ ವೆಂಕಟು ಗೌಡ ಅವರು ಮೊದಲಿನಿಂದಲೂ ಲೀಲಾವತಿ ಗೌಡ ಅವರಿಗೆ ತೊಂದರೆ ನೀಡುತ್ತ ಬಂದಿದ್ದಾರೆ. ಮನೆ ಮತ್ತು ಜಾಗದ ವಿಷಯವಾಗಿ ಈ ಕುಟುಂಬದ ನಡುವೆ ಕಲಹ ಉಂಟಾಗಿದ್ದು, ಅದು ಈವರೆಗೂ ಬಗೆಹರಿದಿಲ್ಲ. ಹೀಗಿರುವಾಗ ಲೀಲಾವತಿ ಗೌಡ ಅವರು ಓಡಾಡುವ ದಾರಿಗೂ ವೆಂಕಟ ಗೌಡ ಅವರು ಅಡ್ಡಿಪಡಿಸಿದ್ದು, ಈ ವಿಷಯ ಹೊಡೆದಾಟದ ಸ್ವರೂಪಪಡೆದಿದೆ. ಮೇ 12ರ ಸಂಜೆ ದಾರಿಗೆ ಅಡ್ಡಲಾಗಿ ವೆಂಕಟ ಗೌಡ ಅವರು ಬೇಲಿ ಕಟ್ಟಿದ್ದಾರೆ. ಬೇಲಿ ಕಟ್ಟದ ಹಾಗೇ ಮನವಿ ಮಾಡಿದ ಲೀಲಾವತಿ ಗೌಡ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಬೇಲಿ ಕಟ್ಟುವ ವಿಡಿಯೋ ಮಾಡಿದ ಕಾರಣ ಇನ್ನಷ್ಟು ಸಿಟ್ಟಾಗಿ ಕೆಟ್ಟದಾಗಿ ಬೈದಿದ್ದಾರೆ. ಜಗಳ ಬಿಡಿಸಲು ಬಂದ ಲೀಲಾವತಿ ಗೌಡ ಅವರ ತಂದೆಗೂ ವೆಂಕಟ ಗೌಡ ಹಾಗೂ ದೇವಕಿ ಗೌಡ ಅವರು ಕೆಟ್ಟದಾಗಿ ನಿಂದಿಸಿದ್ದಾರೆ. ಅಲ್ಲಿ ಬಿದ್ದಿದ್ದ ಕಟ್ಟಿಗೆಯಿಂದ ಲೀಲಾವತಿ ಗೌಡ ಅವರಿಗೆ ಹೊಡೆದ ಪರಿಣಾಮ ಅವರಿಗೆ ರಕ್ತ ಬಂದಿದೆ. ಈ ಎಲ್ಲಾ ಹಿನ್ನಲೆ ಲೀಲಾವತಿ ಗೌಡ ಅವರು ಪೊಲೀಸರ ಬಳಿ ರಕ್ಷಣೆ ಕೋರಿದ್ದಾರೆ.
- [ತಲೆಗೆ ಬಡಿದ ಕಲ್ಲು: ಮನೆ ನಿರ್ಮಾಣಕ್ಕೆ ಅಡ್ಡಗಾಲು!](https://mobiletime.in/2026/05/a-stone-hit-on-the-head-a-setback-to-building-a-house/): ಕಾರವಾರದ ಸದಾಶಿವಗಡ ತಾರಿವಾಡದ ಮಾರುತಿ ಗಜೀನಕರ್ ಅವರು ತಮ್ಮ 72ನೇ ವಯಸ್ಸಿನಲ್ಲಿ ಮನೆ ನಿರ್ಮಾಣಕ್ಕೆ ಅಡಿಪಾಯ ಹಾಕಿದ್ದು, ಅವರದ್ದೇ ಕುಟುಂಬದ ಸಂಜಯ ಗಜೀನಕರ್ ಅವರು ಅದಕ್ಕೆ ಕಲ್ಲು ಹೊಡೆದಿದ್ದಾರೆ. ಆ ಕಲ್ಲು ಬಾಬನಿ ಗಜೀನಕರ್ ಅವರ ತಲೆಗೆ ತಾಗಿ ಅವರು ಆಸ್ಪತ್ರೆ ಸೇರಿದ್ದಾರೆ. ಸದಾಶಿವಗಡ ತಾರಿವಾಡಾದಲ್ಲಿ ಮಾರುತಿ ಬಾಬನಿ ಗಜೀನಕರ (72) ಅವರು ವಾಸವಾಗಿದ್ದಾರೆ. ಜೀವನ ಪೂರ್ತಿ ದುಡಿದ ಅವರು ನಿವೃತ್ತಿ ನಂತರ ಮನೆ ನಿರ್ಮಾಣಕ್ಕೆ ಯೋಚಿಸಿದ್ದಾರೆ. ಅದಕ್ಕಾಗಿ ಕುಟುಂಬದಿAದ ತಮ್ಮ ಪಾಲಿಗೆ ಬಂದ ಭೂಮಿಯಲ್ಲಿ ಗುದ್ದಲಿ ಪೂಜೆ ನೆರವೇರಿಸಿದ್ದಾರೆ. ಅದೇ ಭೂಮಿಯಲ್ಲಿ ಅವರ ಕುಟುಂಬದ ಸಂಜಯ ಸುಬ್ರಾಯ ಗಜೀನಕರ ಹಾಗೂ ಅವರ ಸಹೋದರ ಪ್ರಶಾಂತ ಗಜೀನಕರ ಸಹ ಪಾಲುಪಡೆದಿದ್ದಾರೆ. ಆದರೆ, ಸಂಜೀಯ ಗಜನೀಕರ್ ಅವರು ಇದೀಗ ಮಾರುತಿ ಗಜೀನಕರ್ ಅವರ ಮನೆ ನಿರ್ಮಾಣ ಕೆಲಸಕ್ಕೆ ಅಡ್ಡಿಯಾಗಿದ್ದಾರೆ. ಮರುತಿ ಗಜನಿಕರ್ ಅವರು ಪಾಲಿನ ಜಮೀನಿನಲ್ಲಿ ಮನೆ ನಿರ್ಮಾಣಕ್ಕಾಗಿ ಅಡಿಪಾಯ ಕಾಮಗಾರಿ ಆರಂಭಿಸಿದ್ದು, ಮೇ 11ರ ಮಧ್ಯಾಹ್ನ ಸಂಜಯ ಗಜೀನಕರ ಅವರು ಅಲ್ಲಿಗೆ ಆಗಮಿಸಿ ಕೆಲಸ ನಿಲ್ಲಿಸುವಂತೆ ಸೂಚಿಸಿದ್ದಾರೆ. ಅಲ್ಲಿದ್ದ ಕಾರ್ಮಿಕರಿಗೂ ಬೆದರಿಕೆ ಒಡ್ಡಿದ್ದಾರೆ. ಮಾರುತಿ ಗಜನೀಕರ್ ಅವರು ಈ ಬಗ್ಗೆ ಪ್ರಶ್ನಿಸಿದಾಗ ಕಲ್ಲು ಹೊಡೆದಿದ್ದಾರೆ. ನಂತರ ಬಡಿಗೆಯಿಂದಲೂ ಬಡಿದಿದ್ದಾರೆ. ಗಾಯಗೊಂಡ ಮಾರುತಿ ಗಜನೀಕರ್ ಅವರು ಕಿಮ್ಸ್ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದಿದ್ದಾರೆ.
- [ಮಿಂಚಿ ಮರೆಯಾದ ಯಕ್ಷ ತಾರೆ!](https://mobiletime.in/2026/05/the-yaksha-star-that-has-disappeared/): ಯಕ್ಷಗಾನದ ಕಲಾವಿದ, ಭಾಗವತ ಹಾಗೂ ವಾದಕರಾಗಿಯೂ ಗುರುತಿಸಿಕೊಂಡು `ದಶಾವತಾರಿ’ ಎಂದೇ ಪ್ರಸಿದ್ಧಿಪಡೆದಿದ್ದ ಕಪ್ಪೆಕೆರೆ ಸುಬ್ರಾಯ ಹೆಗಡೆ ಅವರು ಭೂ ಲೋಕದ ಯಾತ್ರೆ ಮುಗಿಸಿದ್ದಾರೆ. 79ನೇ ವಯಸ್ಸಿನಲ್ಲಿ ಅವರು ಕೊನೆಯುಸಿರೆಳೆದಿದ್ದಾರೆ. ಯಕ್ಷಗಾನದಲ್ಲಿ ಒಬ್ಬನೇ ಕಲಾವಿದ ಭಾಗವತ, ವೇಷಧಾರಿ ಹಾಗೂ ವಾದಕರಾಗಿಯೂ ಪಾತ್ರ ನಿಭಾಯಿಸುವುದು ಅಪರೂಪ. ಆದರೆ, ಹೊನ್ನಾವರದ ಸುಬ್ರಾಯ ಹೆಗಡೆ ಅವರು ಈ ಮೂರು ಪಾತ್ರಗಳನ್ನು ಅಚ್ಚುಕಟ್ಟಾಗಿ ನಿಭಾಯಿಸಿ ಅನೇಕರ ಮೆಚ್ಚುಗೆಗಳಿಸಿದ್ದರು. 1947ರಲ್ಲಿ ಹೊನ್ನಾವರ ತಾಲೂಕಿನ ಹಡಿನಬಾಳದಲ್ಲಿ ಈಶ್ವರ ಹೆಗಡೆ ಮತ್ತು ಗೋಪಿ ಹೆಗಡೆ ದಂಪತಿ ಪುತ್ರರಾಗಿ ಜನಿಸಿದ ಸುಬ್ರಾಯ ಹೆಗಡೆ ಅವರಿಗೆ ಯಕ್ಷಗಾನ ಎಂಬುದು ರಕ್ತಗತವಾಗಿ ಬಂದಿತ್ತು. ಹಿರಿಯ ಸಹೋದರ ಕಪ್ಪೆಕೆರೆ ಮಹಾದೇವ ಹೆಗಡೆಯವರ ಹಾದಿಯಲ್ಲೇ ಸಾಗಿದ ಅವರು ಕೆರೆಮನೆ ಮಹಾಬಲ ಹೆಗಡೆ ಮತ್ತು ಗಣಪತಿ ಹೆಗಡೆಯವರಲ್ಲಿ ಕಲೆ ಅಭ್ಯಾಸ ಮಾಡಿ, ಮುಂದೆ ತಮ್ಮದೇ ಆದ ಅಭಿಮಾನಿಗಳಪಡೆಹೊಂದಿದವರಾಗಿದ್ದರು. ಸುಬ್ರಾಯ ಹೆಗಡೆ ಅವರ ತಾಳ ಮತ್ತು ಲಯದ ಮೇಲಿನ ಅಪ್ರತಿಮ ಹಿಡಿತಕ್ಕಾಗಿ ಅವರಿಗೆ ‘ಲಯ ಬ್ರಹ್ಮ’ ಎಂಬ ಬಿರುದು ಒಲಿದುಬಂದಿತ್ತು. ಇಡಗುಂಜಿ, ಗುಂಡಬಾಳ, ಸಾಲಿಗ್ರಾಮ, ಬಚ್ಚಗಾರು ಹಾಗೂ ಅಮೃತೇಶ್ವರಿ ಮೇಳಗಳಲ್ಲಿ ಸುಮಾರು 45 ವರ್ಷಗಳ ಕಾಲ ನಿರಂತರವಾಗಿ ತಿರುಗಾಟ ನಡೆಸಿದ ಅವರು ಯಕ್ಷಗಾನದ ಪೌರಾಣಿಕ ಚೌಕಟ್ಟನ್ನು ಕಾಪಾಡಿಕೊಂಡು ಬಂದವರು. ಕೇವಲ ಪ್ರದರ್ಶನ ನೀಡದೇ ರಂಗನಿರ್ದೇಶಕರಾಗಿ ಪ್ರಸಂಗದ ಗತಿ-ಸ್ಥಿತಿಯನ್ನು ನಿರ್ಧರಿಸುತ್ತಿದ್ದರು. ಯಕ್ಷಗಾನದ ಮೂಲಕ ಅಭಿಮಾನಿಗಳನ್ನುಗಳಿಸಿದ್ದ ಸುಬ್ರಾಯ ಹೆಗಡೆ ಅವರು ಬುಧವಾರ ನಿಧನರಾದರು.
- [ಬಡ್ಡಿ ಮಗನ ಮನೆಯಲ್ಲಿ ಭಾರೀ ಶೋಧ!](https://mobiletime.in/2026/05/massive-search-conducted-at-buddys-sons-house/): ದಾಂಡೇಲಿಯಲ್ಲಿ ಮೀಟರ್ ಬಡ್ಡಿ ದಂಧೆ ನಡೆಸುತ್ತಿದ್ದ ರಿಯಾಜ್ ಲಿಂಬುವಾಲೆ ಮನೆ ಮೇಲೆ ಅಧಿಕಾರಿಗಳು ದಿಢೀರ್ ದಾಳಿ ಮಾಡಿದ್ದಾರೆ. ಈ ವೇಳೆ ಜನರಿಂದಪಡೆದ ಖಾಲಿ ಚೆಕ್ಕು, ಅನುಮಾನಾಸ್ಪದ ಕಡತ ಹಾಗೂ ಮೀಟರ್ ಬಡ್ಡಿ ಲೆಕ್ಕಾಚಾರದ ಪಟ್ಟಿ ಸಿಕ್ಕಿದೆ. ದಾಂಡೇಲಿ ಗಾಂಧಿನಗರ ಆಶ್ರಯ ಕಾಲೋನಿಯಲ್ಲಿ ರಿಯಾಜ್ ಇಬ್ರಾಹಿಂ ಲಿಂಬುವಾಲೆ ಅವರು ವಾಸವಾಗಿದ್ದಾರೆ. ಚಾಲಕರಾಗಿ ಕೆಲಸ ಮಾಡುವ ಅವರು ಅದಕ್ಕಿಂತಲೂ ಹೆಚ್ಚಿನ ಆದಾಯವನ್ನು ಅನಧಿಕೃತ ಮೂಲದಿಂದ ಸಂಪಾದಿಸುತ್ತಿದ್ದಾರೆ. ಬಡವರಿಗೆ ಕೈಗಡ ಸಾಲ ನೀಡುವ ರಿಯಾಜ್ ಲಿಂಬುವಾಲೆ ಅವರು ಅದಕ್ಕೆ ವಿಪರೀತ ಪ್ರಮಾಣದಲ್ಲಿ ಬಡ್ಡಿ ಆಕರಿಸುವ ಆರೋಪವಿದೆ. ನೀಡಿದ ಹಣಕ್ಕಿಂತಲೂ ಮೂರು ಪಟ್ಟು ಪ್ರಮಾಣದಲ್ಲಿ ಬಡ್ಡಿ ವಸೂಲಿ ಮಾಡುತ್ತಿದ್ದ ಕಾರಣ ಸಾಲಪಡೆದವರು ಅವರ ಬಗ್ಗೆ ಗುಪ್ತ ಮಾಹಿತಿ ನೀಡಿದ್ದು, ಆ ಮಾಹಿತಿ ಆಧಾರದಲ್ಲಿ ಅಧಿಕಾರಿಗಳು ಮನೆ ಶೋಧ ಮಾಡಿದ್ದಾರೆ. ಮೇ 12ರಂದು ಸಹಕಾರಿ ಸಂಘಗಳ ಸಹಾಯಕ ನಿಬಂಧಕಿ ಶ್ರೀದೇವಿ ಕಟ್ಟಿಮನಿ ಅವರ ನೇತ್ರತ್ವದಲ್ಲಿ ರಿಯಾಜ್ ಲಿಂಬುವಾಲೆ ಅವರ ಮನೆ ಮೇಲೆ ದಾಳಿ ನಡೆದಿದೆ. ಸಹಕಾರಿ ಸಂಘಗಳ ಸಿಬ್ಬಂದಿ ಜೊತೆ ಪೊಲೀಸರು-ಪಂಚರು ಸಹ ದಾಳಿಯಲ್ಲಿ ಭಾಗವಹಿಸಿದ್ದಾರೆ. ಇಡೀ ಮನೆ ಶೋಧ ನಡೆಸಿದಾಗ ಅಲ್ಲಿ 12 ಚೆಕ್ಕುಗಳು ಸಿಕ್ಕಿವೆ. ಸಾಲಪಡೆದವರು ಭದ್ರತೆಗಾಗಿ ನೀಡಿದ ಚೆಕ್ಕುಗಳನ್ನು ಅಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಅದರೊಂದಿಗೆ 13 ಅನುಮಾನಾಸ್ಪದ ಕಾಗದಪತ್ರಗಳು ದೊರೆತಿವೆ. ಆ ಮನೆಯಲ್ಲಿದ್ದ ಬಡ್ಡಿ ವ್ಯವಹಾರ ಲೆಕ್ಕಾಚಾರದ ಡೈರಿಯನ್ನು ಸಹ ಜಪ್ತು ಮಾಡಿದ್ದಾರೆ. ಬರೀ 32 ವರ್ಷದ ರಿಯಾಜ್ ಲಿಂಬುವಾಲೆ ಅವರು ಅನಧಿಕೃತವಾಗಿ ಇಷ್ಟೊಂದು ದೊಡ್ಡ ಪ್ರಮಾಣದ ವ್ಯವಹಾರ ಮಾಡುತ್ತಿರುವುದನ್ನು ನೋಡಿ ಅಧಿಕಾರಿಗಳೇ ಅಚ್ಚರಿವ್ಯಕ್ತಪಡಿಸಿದ್ದಾರೆ. ಕಾನೂನುಬಾಹಿರ ಕೆಲಸ ಮಾಡಿದ ಕಾರಣ ಪಿಸೈ ಅಮೀನಸಾಬ್ ಅತ್ತಾರ್ ದೂರು ದಾಖಲಿಸಿಕೊಂಡು, ತನಿಖೆ ಶುರು ಮಾಡಿದ್ದಾರೆ.
- [ಕಸದ ಗುಡ್ಡೆಗೆ ಬೆಂಕಿ!](https://mobiletime.in/2026/05/a-garbage-dump-is-on-fire/): ಕುಮಟಾದ ಹೆಗಡೆಯಲ್ಲಿದ್ದ ತ್ಯಾಜ್ಯ ಘಟಕಕ್ಕೆ ಬೆಂಕಿ ಬಿದ್ದಿದೆ. ವಿದ್ಯುತ್ ಶಾರ್ಟ ಸರ್ಕೀಟ್ ಪರಿಣಾಮ ಈ ಅವಘಡ ನಡೆದಿದೆ. ಮೇ 13ರ ಮಧ್ಯಾಹ್ನದ ವೇಳೆ ಘನತ್ಯಾಜ್ಯ ವಿಲೇವಾರಿ ಘಟಕದಿಂದ ಹೊಗೆ ಬರುವುದನ್ನು ಅಲ್ಲಿನವರು ನೋಡಿದ್ದಾರೆ. ನಂತರ ಅವರು ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಗ್ರಾಮ ಪಂಚಾಯತ ಅಧಿಕಾರಿಗಳು ಅಗ್ನಿಶಾಮಕ ಸಿಬ್ಬಂದಿಗೆ ಫೋನ್ ಮಾಡಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ಆರಿಸುವ ಪ್ರಯತ್ನ ಮಾಡಿದ್ದಾರೆ. ಬುಧವಾರ ಕಾರ್ಮಿಕರಿಗೆ ರಜೆ ಇದ್ದ ಕಾರಣ ಅಲ್ಲಿ ಯಾರೂ ಇರಲಿಲ್ಲ. ಹೀಗಾಗಿ ಬೆಂಕಿ ದೊಡ್ಡದಾಗುವವರೆಗೂ ಜನರಿಗೆ ಗಮನಕ್ಕೆ ಬರಲಿಲ್ಲ. ಅಗ್ನಿಶಾಮಕ ಸಿಬ್ಬಂದಿ ಭಾರೀ ಪ್ರಮಾಣದಲ್ಲಿ ನೀರು ಹಾಯಿಸಿ ಬೆಂಕಿ ಆರಿಸಿದ್ದರಿಂದ ದೊಡ್ಡ ಅವಘಡ ನಡೆಯಲಿಲ್ಲ. ಘನತ್ಯಾಜ್ಯ ಘಟಕವನ್ನು ನಿರ್ವಹಿಸುತ್ತಿದ್ದ ರಕ್ಷಾ ಸಂಜೀವಿನಿ ಘಟಕದ ಅಧ್ಯಕ್ಷೆ ನಾಗವೇಣಿ ಮುಕ್ರಿ, ಪ್ರಮುಖರಾದ ಶಾಂತರಾಮ ನಾಯ್ಕ, ಶಿವಾನಂದ ಪಟಗಾರ ಅವರ ಜೊತೆ ಗ್ರಾ ಪಂ ಸಿಬ್ಬಂದಿ ವಸಂತ ನಾಯಕ, ನಾರಾಯಣ ನಾಯಕ, ಗೌರಿ ಮುಕ್ರಿ, ನೀತಾ ಮಡಿವಾಳ ಅವರು ರಕ್ಷಣಾ ಕಾರ್ಯಾಚರಣೆಗೆ ಕೈ ಜೋಡಿಸಿದ್ದಾರೆ
- [ಕೈಗಾದಲ್ಲಿ ಹೊಸ ಅಣು ಘಟಕ: ಜನರ ಬದುಕಿಗೆ ಇನ್ನಷ್ಟು ಕಂಟಕ!](https://mobiletime.in/2026/05/new-nuclear-unit-in-kaiga-more-trouble-for-peoples-lives/): ಕೈಗಾ ಅಣು ವಿದ್ಯುತ್ ಸ್ಥಾವರದಲ್ಲಿ 5 ಮತ್ತು 6ನೇ ಘಟಕ ನಿರ್ಮಾಣಕ್ಕೆ ಎಲ್ಲಾ ಬಗೆಯ ಸಿದ್ಧತೆ ಜೋರಾಗಿದ್ದು, ಅಲ್ಲಿಗೆ ಸರಬರಾಜಾಗುವ ಯಂತ್ರೋಪಕರಣಗಳು ಜನರ ನಿದ್ದೆ ಹಾಳು ಮಾಡಿವೆ. ಯಂತ್ರೋಪಕರಣಗಳ ಅಬ್ಬರಕ್ಕೆ ಕಾರವಾರ-ಕೈಗಾ ರಸ್ತೆಯಂಚಿನ ಜನ ಹೈರಣಾಗುತ್ತಿದ್ದಾರೆ. ಈ ಬಗ್ಗೆ ಹಿರಿಯ ಪತ್ರಕರ್ತ ಹಾಗೂ ಅಂಕಣಕಾರ ಶ್ರೀನಾಥ್ ಜೋಶಿ ಅವರು ಜಿಲ್ಲಾಡಳಿತ ಮತ್ತು ಕೈಗಾ ಯೋಜನಾ ಮಂಡಳಿಗೆ ಕಾನೂನುಬದ್ಧ ದೂರು ಸಲ್ಲಿಸಿ ತುರ್ತು ಕ್ರಮಕ್ಕೆ ಆಗ್ರಹಿಸಿದ್ದಾರೆ. `ಅಭಿವೃದ್ಧಿಯ ಹೆಸರಿನಲ್ಲಿ ಸ್ಥಳೀಯ ಜನರ ಬದುಕುವ ಹಕ್ಕನ್ನು ಕಸಿದುಕೊಳ್ಳಲಾಗುತ್ತಿದೆ’ ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. `ಪ್ರತಿದಿನ ಸಂಜೆ 7 ಗಂಟೆಯಿAದ ಬೆಳಗಿನ 6 ಗಂಟೆಯವರೆಗೆ ಜಲ್ಲಿ, ಮರಳು ಮತ್ತು ಎಂ-ಸ್ಯಾAಡ್ ಸಾಗಿಸುವ ನೂರಾರು ಡಂಪರ್‌ಗಳು ಅತಿ ವೇಗವಾಗಿ ಮತ್ತು ನಿಗದಿತ ಮಿತಿಗಿಂತ ಹೆಚ್ಚಿನ ತೂಕ ಹೊತ್ತು ಸಂಚರಿಸುತ್ತಿವೆ. ಈ ರಾಕ್ಷಸೀ ಸಂಚಾರದಿAದಾಗಿ ರಾತ್ರಿ ಪಾಳಿ ಮುಗಿಸಿ ಬರುವ ಕೆಲಸಗಾರರು, ಬೆಳಗಿನ ಜಾವ ರೈಲಿಗೆ ಹೋಗುವ ಪ್ರಯಾಣಿಕರು ಹಾಗೂ ತುರ್ತು ಚಿಕಿತ್ಸೆಗೆ ಹೋಗಬೇಕಾದ ರೋಗಿಗಳು ಜೀವವನ್ನು ಕೈಯಲ್ಲಿ ಹಿಡಿದುಕೊಂಡು ಓಡಾಡುತ್ತಿದ್ದಾರೆ. ವೇಗವಾಗಿ ಧಾವಿಸುವ ಈ ವಾಹನಗಳು ರಸ್ತೆ ಬದಿಯಲ್ಲಿರುವ ದನಕರುಗಳ ಪ್ರಾಣಕ್ಕೆ ಕಂಟಕವಾಗುವುದರ ಜೊತೆಗೆ, ಪಶ್ಚಿಮ ಘಟ್ಟದ ಸೂಕ್ಷ್ಮ ವಲಯದ ಅಪರೂಪದ ವನ್ಯಜೀವಿಗಳ ಜೀವಕ್ಕೂ ಸಂಚಕಾರ ತಂದಿವೆ’ ಎಂದವರು ವಿವರಿಸಿದ್ದಾರೆ. ಈಚೆಗೆ ಗುಜರಾತ್‌ನಿಂದ ಬಂದ ಭೀಮಕಾಯದ ಯಂತ್ರವೊAದು ತಿಂಗಳುಗಟ್ಟಲೆ ಸಂಚಾರ ಸ್ಥಗಿತಗೊಳಿಸಿ ಅಂತಿಮವಾಗಿ ಉರುಳಿ ಬಿದ್ದ ಘಟನೆಯನ್ನು ಪ್ರಸ್ತಾಪಿಸಿರುವ ಜೋಶಿ ಅವರು `ಈ ಸಾಗಾಟಕ್ಕಾಗಿ ವಿದ್ಯುತ್ ಲೈನ್‌ಗಳನ್ನು ಪದೆ ಪದೆ ತೆರವುಗೊಳಿಸಿದ ಕಾರಣ ಹಳ್ಳಿಗಳು ಕತ್ತಲಲ್ಲಿ ಕಳೆಯುವಂತಾಯಿತು. ಇದರಿಂದ ಮದುವೆ ದಿಬ್ಬಣಗಳು ಹಾಗೂ ಸ್ಥಳೀಯ ಜಾತ್ರೆ-ಬಂಡಿ ಹಬ್ಬಗಳಿಗೆ ತೀವ್ರ ಅಡ್ಡಿಯಾಯಿತು’ ಎಂದು ಹೇಳಿದ್ದಾರೆ. `ಮುಖ್ಯ ರಸ್ತೆಯನ್ನು ಬಿಟ್ಟು ಸಕಲ್‌ವಾಡಾದಿಂದ ಕರ್ಕಲ್ ಮಾರ್ಗವಾಗಿ ಕೆರವಡಿಯ ಒಳರಸ್ತೆಗಳಲ್ಲಿ ಭಾರಿ ವಾಹನಗಳನ್ನು ಸಾಗಿಸುತ್ತಿರುವುದು ಅಲ್ಲಿನ ಹಳೆಯ ಸೇತುವೆಗಳ ಅಸ್ತಿತ್ವಕ್ಕೆ ಧಕ್ಕೆ ತಂದಿದೆ. ಈಗಾಗಲೇ ಕೆರವಡಿಯಿಂದ ಮಲ್ಲಾಪುರದವರೆಗೆ ರಸ್ತೆಯು ಸಂಪೂರ್ಣವಾಗಿ ಕಿತ್ತುಹೋಗಿದ್ದು, ಮುಂಬರುವ ಮಳೆಗಾಲದಲ್ಲಿ ಈ ಭಾಗದ ಸಾರಿಗೆ ಸಂಪರ್ಕ ಕಡಿತಗೊಳ್ಳುವ ಆತಂಕ ಎದುರಾಗಿದೆ’ ಎಂದು ಅವರು ಜಿಲ್ಲಾಡಳಿತದ ಗಮನ ಸೆಳೆದಿದ್ದಾರೆ. `ಈ ಕೂಡಲೇ ಜಿಲ್ಲಾಧಿಕಾರಿಗಳು ಮತ್ತು ಪೊಲೀಸ್ ವರಿಷ್ಠಾಧಿಕಾರಿಗಳು ಮಧ್ಯಪ್ರವೇಶಿಸಿ ವಾಹನಗಳ ತೂಕ ಪರಿಶೀಲನೆ ನಡೆಸಬೇಕು. ವೇಗಕ್ಕೆ ಕಟ್ಟುನಿಟ್ಟಿನ ಮಿತಿ ಹೇರಬೇಕು’ ಎಂದು ಅವರು ಒತ್ತಾಯಿಸಿದ್ದಾರೆ. `ಕೈಗಾ ಮಂಡಳಿಯು ಹದಗೆಟ್ಟ ರಸ್ತೆಗಳ ದುರಸ್ತಿಗೆ ತುರ್ತು ನಿಧಿ ಮೀಸಲಿಡಬೇಕು ಮತ್ತು ಪ್ರತಿ ಹಳ್ಳಿಯಲ್ಲಿ ಸಂಚಾರ ನಿಯಂತ್ರಿಸಲು ಟ್ರಾಫಿಕ್ ಮಾರ್ಷಲ್‌ಗಳನ್ನು ನೇಮಿಸಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಒಂದು ವೇಳೆ ಪರಿಸ್ಥಿತಿ ಸುಧಾರಿಸದಿದ್ದಲ್ಲಿ ಸಿದ್ದರ ಮತ್ತು ಸುತ್ತಮುತ್ತಲ ಗ್ರಾಮಸ್ಥರೊಂದಿಗೆ ಸೇರಿ ಕಾನೂನುಬದ್ಧವಾಗಿ ಉಗ್ರವಾದ ರಸ್ತೆ ತಡೆ ಪ್ರತಿಭಟನೆ ನಡೆಸುವುದಾಗಿ ಶ್ರೀನಾಥ್ ಜೋಶಿ ಅವರು ಎಚ್ಚರಿಸಿದ್ದಾರೆ.
- [ಮಳೆ: ಅವಘಡ ನಡೆದರೆ ಅಧಿಕಾರಿಗಳೇ ಹೊಣೆ!](https://mobiletime.in/2026/05/rain-if-a-disaster-occurs-the-authorities-are-responsible/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈ ವರ್ಷ ಗುಡ್ಡ ಕುಸಿತ ಹಾಗೂ ನೆರೆ ಅನಾಹುತ ನಡೆಯದ ಹಾಗೇ ಮುನ್ನಚ್ಚರಿಕೆವಹಿಸಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಅಧೀನ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. ಬುಧವಾರ ಮಳೆಗಾಲದ ಸಿದ್ಧತೆ ಕುರಿತು ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಸಭೆ ನಡೆಸಿದ ಅವರು `ಮಳೆಗಾಲದಲ್ಲಿ ಸಾರ್ವಜನಿಕರ ಸಮಸ್ಯೆಗಳಿಗೆ ತಕ್ಷಣ ಸ್ಪಂದಿಸಲು ಅನುಕೂಲವಾಗುವಂತೆ ಎಲ್ಲಾ ತಹಶೀಲ್ದಾರ ಕಚೇರಿಗಳಲ್ಲಿ ಮತ್ತು ನಗರ ಸ್ಥಳೀಯ ಸಂಸ್ಥೆಗಳ ಕಚೇರಿಗಳಲ್ಲಿ ಕಂಟ್ರೋಲ್ ರೂಂ ತೆರೆಯಬೇಕು’ ಎಂದು ಸೂಚಿಸಿದರು. ಜೊತೆಗೆ `ಜಿಲ್ಲಾಧಿಕಾರಿ ಕಚೇರಿಯಲ್ಲಿನ ಜಿಲ್ಲಾ ತುರ್ತು ಕಾರ್ಯಚರಣೆ ಕೇಂದ್ರದಲ್ಲಿ ಪೊಲೀಸ್, ಅಗ್ನಿಶಾಮಕ, ಅರಣ್ಯ, ಹೆಸ್ಕಾಂ, ಬಿ.ಎಸ್.ಎನ್.ಎಲ್ ಕಚೇರಿಯ ಸಿಬ್ಬಂದಿಗಳನ್ನು ಕರ್ತವ್ಯಕ್ಕೆ ನಿಯೋಜಿಸಬೇಕು’ ಎಂದು ತಿಳಿಸಿದರು. ರಾಜ್ಯ ವಿಪತ್ತು ಉಪಶಮನ ನಿಧಿ ಅಡಿಯಲ್ಲಿ ಕೈಗೊಂಡಿರುವ ಕಾಮಗಾರಿಗಳಿಗೆ ಪಂ ರಾಜ್ ಮತ್ತು ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ತಕ್ಷಣ ಕಾರ್ಯಾದೇಶ ನೀಡಿ ಕಾಮಗಾರಿಗಳನ್ನು ಕೈಗೊಳ್ಳುವಂತೆ ಸೂಚಿಸಿದ ಅವರು `ರಾಷ್ಟಿçÃಯ ಹೆದ್ದಾರಿ ಪ್ರಾಧಿಕಾರದಿಂದ ಜಿಲ್ಲೆಯಲ್ಲಿ ಕೈಗೊಂಡಿರುವ ರಸ್ತೆ ಕಾಮಗಾರಿಗಳನ್ನು ಈ ತಿಂಗಳೊಳಗೆ ಮುಕ್ತಾಯಗೊಳಿಸಬೇಕು. ರಸ್ತೆಗಳ ಪಕ್ಕದಲ್ಲಿ ಚರಂಡಿ ಕಾಮಗಾರಿಗಳನ್ನು ಸಮರ್ಪಕವಾಗಿ ನಿರ್ವಹಣೆ ಮಾಡಬೇಕು. ಮಳೆ ನೀರು ರಸ್ತೆಯಲ್ಲಿ ನಿಲ್ಲದಂತೆ ಎಚ್ಚರವಹಿಸಬೇಕು’ ಎಂದು ತಾಕೀತು ಮಾಡಿದರು. ಹೆದ್ದಾರಿಯಲ್ಲಿನ ಅಪಾಯಕಾರಿ ಪ್ರದೇಶಗಳಲ್ಲಿ ಸೂಕ್ತ ಎಚ್ಚರಿಕೆ ಫಲಕ, ಬ್ಯಾರಿಕೇಡ್ ಸೇರಿದಂತೆ ಅಗತ್ಯ ರಕ್ಷಣಾ ಕ್ರಮಗಳನ್ನು ಕೈಗೊಳ್ಳುವಂತೆ ಸೂಚನೆ ನೀಡಿದರು. `ಶಿರೂರುನಲ್ಲಿ ಕೈಗೊಂಡಿರುವ ಕಾಮಗಾರಿಯನ್ನು ಈ ತಿಂಗಳ ಅಂತ್ಯದಲ್ಲಿ ಮುಕ್ತಾಯಗೊಳಿಸಲಾಗುತ್ತದೆ. ರಾಷ್ಟಿಯ ಹೆದ್ದಾರಿ ವ್ಯಾಪ್ತಿಯಲ್ಲಿ ಮಳೆ ನೀರು ನಿಲ್ಲದಂತೆ ಡ್ರಜ್ಜಿಂಗ್ ಕೈಗೊಳ್ಳಲಾಗುತ್ತದೆ. ಅಪಾಯಕಾರಿ ಸ್ಥಳಗಳಲ್ಲಿ ನೋ ಪಾರ್ಕಿಂಗ್ ಝೋನ್ ಮಾಡಲಾಗುತ್ತದೆ’ ಎಂದು ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು ತಿಳಿಸಿದರು. ನೌಕಾನೆಲೆ ವ್ಯಾಪ್ತಿಯ ಪ್ರದೇಶಗಳಲ್ಲಿನ ಗ್ರಾಮಗಳಲ್ಲಿ ಮಳೆ ನೀರು ನಿಂತು ಸಾರ್ವಜನಿಕರಿಗೆ ತೊಂದರೆಯಾಗದoತೆ ಈಗಾಗಲೇ ಕೈಗೊಂಡಿರುವ ಕಾಮಗಾರಿಯನ್ನು ಮುಕ್ತಾಯಗೊಳಿಸುವಂತೆ ಮತ್ತು ಮಳೆ ನೀರು ಸರಾಗವಾಗಿ ಹರಿಯಲು ವ್ಯವಸ್ಥೆ ಮಾಡುವಂತೆ ಡೀಸಿ ಸೂಚಿಸಿದರು. ಶಾಲೆ, ಅಂಗನವಾಡಿ, ಕಾಲೇಜುಗಳ ವ್ಯಾಪ್ತಿಯಲ್ಲಿನ ಅಪಾಯಕಾರಿ ಮರಗಳು ಮತ್ತು ವಿದ್ಯುತ್ ತಂತಿಗಳನ್ನು ತೆರವುಗೊಳಿಸುವ ಕುರಿತಂತೆ ಮತ್ತು ಶಿಥಿಲ ಕಟ್ಟಡಗಳಿದ್ದಲ್ಲಿ ಅಗತ್ಯ ಮುನ್ನೆಚ್ಚರಿಕೆ ವಹಿಸುವಂತೆ ಸೂಚಿಸಿದ ಅವರು `ಸುರಕ್ಷತೆ ಕುರಿತಂತೆ ಸಂಬoಧಪಟ್ಟ ಇಲಾಖೆಗಳ ಅಧಿಕಾರಿಗಳು ವರದಿ ನೀಡಬೇಕು. ಈ ಪ್ರದೇಶಗಳಲ್ಲಿ ಯಾವುದೇ ಅವಘಢಗಳು ಸಂಭವಿಸಿದ್ದಲ್ಲಿ ಸಂಬAಧಪಟ್ಟ ಅಧಿಕಾರಿಗಳನ್ನೇ ಹೊಣೆಗಾರರನ್ನಾಗಿ ಮಾಡಲಾಗುತ್ತದೆ’ ಎಂದು ಎಚ್ಚರಿಸಿದರು. ಸೇತುವೆಗಳು, ಕಾಲು ಸಂಕಗಳ ದೃಢತೆಯ ಬಗ್ಗೆ ಸಂಬoಧಪಟ್ಟ ಅಧಿಕಾರಿಗಳು ಪರಿಶೀಲಿಸಿ, ವರದಿ ನೀಡುವಂತೆ ಸೂಚಿಸಿದರು. `ಹೆಸ್ಕಾಂ ವತಿಯಿಂದ ವಿದ್ಯುತ್ ಸಂಪರ್ಕ ಕಡಿತವಾದಲ್ಲಿ ತುರ್ತು ಮರು ಸಂಪರ್ಕಕ್ಕೆ ಅಗತ್ಯವಿರುವ ಉಪಕರಣಗಳು, ವಾಹನಗಳು ಮತ್ತು ಸಿಬ್ಬಂದಿಗಳನ್ನು ಸಿದ್ದವಾಗಿಟ್ಟುಕೊಂಡಿರಬೇಕು. ತುರ್ತು ಸಂದರ್ಭದಲ್ಲಿ ಜಿಲ್ಲಾ ಕಂಟ್ರೋಲ್ ರೂಂ ಗೆ ತಕ್ಷಣ ಮಾಹಿತಿ ನೀಡಬೇಕು. ತುರ್ತು ಸಂದರ್ಭದಲ್ಲಿ ಎಲ್ಲಾ ರಕ್ಷಣಾ ಉಪಕರಣಗಳು ಮತ್ತು ಸಂಪನ್ಮೂಲಗಳು ನೆರವಿಗೆ ದೊರೆಯುವಂತೆ ಸಿದ್ದವಾಗಿಟ್ಟುಕೊಳ್ಳಬೇಕು’ ಎಂದರು. ಅಗ್ನಿಶಾಮಕ ಇಲಾಖೆ ವತಿಯಿಂದ ಎಲ್ಲಾ ಅಗತ್ಯ ಸುರಕ್ಷತಾ ಪರಿಕರಗಳು ಲಭ್ಯವಿರುವಂತೆ ಎಚ್ಚರವಹಿಸಬೇಕು. ಮುಂಗಾರು ಸಮರ್ಪಕ ನಿರ್ವಹಣೆ ಜಿಲ್ಲೆಯ ಎಲ್ಲಾ ತಾಲೂಕು ಮತ್ತು ನಗರಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ಸಭೆಗಳನ್ನು ನಡೆಸಿ ಅಗತ್ಯ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಬೇಕು’ ಎಂದರು. ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಅಪಾಯಕಾರಿಯಾಗಿ ಕಂಡುಬoದಿರುವ 1,780 ಮರಗಳನ್ನು ಗುರುತಿಸಿ ಸಂಬoಧಪಟ್ಟ ಇಲಾಖೆಗಳ ಅಧಿಕಾರಿಗಳು ವರದಿ ನೀಡಿದ್ದು, ಅರಣ್ಯ ಇಲಾಖೆ ವತಿಯಿಂದ ಈ ಮರಗಳನ್ನು ಪರಿಶೀಲಿಸಿ, ಶೀಘ್ರದಲ್ಲಿ ಅವುಗಳನ್ನು ತೆರವುಗೊಳಿಸುವ ಅಥವಾ ಕೊಂಬೆಗಳನ್ನು ಕತ್ತರಿಸುವ ಕಾರ್ಯವನ್ನು ಕೈಗೊಳ್ಳುವಂತೆ ನಿರ್ದೇಶನ ನೀಡಿದರು. `ಪ್ರಸ್ತುತ ಜಿಲ್ಲೆಯಲ್ಲಿರುವ ಮಳೆ ಮಾಪನ ಯಂತ್ರಗಳ ದುರಸ್ತಿ/ ಬದಲಾವಣೆ /ಸ್ಥಳಾಂತರ ಕಾರ್ಯವನ್ನು ಕೈಗೊಳ್ಳುವ ಕುರಿತಂತೆ ರಾಜ್ಯ ಮಟ್ಟದಲ್ಲಿ ಈಗಾಗಲೇ ಟೆಂಡರ್ ಆಗಿದ್ದು, ಜಿಲ್ಲೆಗೆ ಹಂಚಿಕೆಯಾಗಿರುವ ಏಜೆನ್ಸಿಗಳೊಂದಿಗೆ ಸಮನ್ವಯ ಸಾಧಿಸಿ, ಎಲ್ಲಾ ಮಳೆ ಮಾಪನ ಯಂತ್ರಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸುವಂತೆ ನೋಡಿಕೊಳ್ಳಬೇಕು’ ಎಂದು ಎಲ್ಲಾ ತಹಶೀಲ್ದಾರ್‌ಗಳಿಗೆ ಸೂಚನೆ ನೀಡಿದರು. `ಮಾನ್ಸೂನ್ ಅವಧಿಯಲ್ಲಿ ಎಲ್ಲಾ ಅಧಿಕಾರಿ ಮತ್ತು ಸಿಬ್ಬಂದಿಗಳು ಕಡ್ಡಾಯವಾಗಿ ಕೇಂದ್ರ ಸ್ಥಾನದಲ್ಲಿರಬೇಕು, ಎಲ್ಲಾ ಇಲಾಖೆಗಳು ಪರಸ್ಪರ ಸಮನ್ವಯ ಮತ್ತು ಸಹಕಾರದಿಂದ ಒಟ್ಟಾಗಿ ಕಾರ್ಯನಿರ್ವಹಿಸುವುದರ ಮೂಲಕ ಮಾನ್ಸೂನ್ ವೇಳೆಯಲ್ಲಿ ಸಾರ್ವಜನಿಕರ ಸಮಸ್ಯೆಗಳಿಗೆ ತಕ್ಷಣ ಸ್ಪಂದಿಸಿ, ಅಗತ್ಯವಿರುವ ನೆರವು ಒದಗಿಸಬೇಕು’ ಎಂದರು. `ಸಾರ್ವಜನಿಕರು ಯಾವುದೇ ವಿಪತ್ತು ಸಂದರ್ಭದಲ್ಲಿ, ಜಿಲ್ಲಾಧಿಕಾರಿ ಕಚೇರಿಯಲ್ಲಿ ತೆರದಿರುವ ತುರ್ತು ಕಾರ್ಯಚರಣೆ ಕೇಂದ್ರದ ಸಹಾಯವಾಣಿ ಸಂಖ್ಯೆ 94835 11015 ನ್ನು 24*7 ಸಂಪರ್ಕಿಸಿ ಅಗತ್ಯ ನೆರವು ಪಡೆಯಬಹುದು’ ಎಂದ ಅವರು ಎಲ್ಲಾ ತಾಲೂಕು ಕೇಂದ್ರಗಳಲ್ಲಿ ತೆರದಿರುವ ತಾಲೂಕು ಸಹಾಯವಾಣಿ ಸಂಖ್ಯೆಯ ವಿವರಗಳನ್ನು ಸಾರ್ವಜನಿಕರ ಮಾಹಿತಿಗೆ ನೀಡುವಂತೆ ತಿಳಿಸಿದರು ಸಭೆಯಲ್ಲಿ ಉಪವಿಭಾಗಾಧಿಕಾರಿ ಶ್ರವಣ ಕುಮಾರ್, ಜಿ ಪಂ ಉಪಕಾರ್ಯದರ್ಶಿ ಅಲ್ಲಾ ಭಕ್ಷ್ ಇತರರಿದ್ದರು.
- [ಗಾಯನದ ಜೊತೆ ಗಿಟಾರ್ ತರಬೇತಿ: ಸಂಗೀತ ಕಲಿಕೆಗೆ ವಯಸ್ಸಿನ ಹಂಗಿಲ್ಲ!](https://mobiletime.in/2026/05/guitar-training-along-with-singing-there-is-no-age-limit-to-learning-music/): ಸoಗೀತ ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿರುವ ಕಲಾಭಿಮಾನಿಗಳಿಗಾಗಿ ಯಲ್ಲಾಪುರದ ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿಯೂ `ರೈಸಿಂಗ್ ಸ್ಟಾರ್ ಗಿಟಾರ್ ಕ್ಲಾಸ್’ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳ ಸಂವಹನ ಕೇಂದ್ರವನ್ನು ಶುರು ಮಾಡಿದೆ. ಈ ಕೇಂದ್ರದಲ್ಲಿ ಸಂಗೀತದ ಜೊತೆ ಗಿಟಾರ್ ನುಡಿಸುವಿಕೆಯನ್ನು ಕಲಿಸಲಾಗುತ್ತದೆ. ಪ್ರಾಥಮಿಕ ಹಂತದಿAದ ಸುಧಾರಿತ ಹಂತದವರೆಗೆ ಇಲ್ಲಿ ಸಂಗೀತ ತರಬೇತಿ ನೀಡಲಾಗುತ್ತದೆ. ವಿಶೇಷವಾಗಿ ಹಾಡುಗಳೊಂದಿಗೆ ಗಿಟಾರ್ ನುಡಿಸುವುದು ಮತ್ತು ರೆಕಾರ್ಡಿಂಗ್‌ಗೆ ಸಂಬAಧಿಸಿದ ಕಾರ್ಯಕ್ರಮಗಳ ಮಾರ್ಗದರ್ಶನ ನೀಡಲಾಗುತ್ತದೆ. ಇನ್ನಿತರ ಸಾಂಸ್ಕೃತಿಕ ಚಟುವಟಿಕೆಗಳಿಗೆ ಸಹ ಇಲ್ಲಿ ಅವಕಾಶ ಕಲ್ಪಿಸಲಾಗಿದೆ. ಸಂಗೀತ ಕಲಿಯಲು ವಯಸ್ಸು ಅಡ್ಡಿಯಲ್ಲ. ಹೀಗಾಗಿ ಇಲ್ಲಿ ಮಕ್ಕಳಿಂದಹಿಡಿದು ವೃದ್ಧವರವರೆಗೆ ವಯಸ್ಸಿನ ಹಂಗಿಲ್ಲದೇ ಕಲಿಕೆಗೆ ಬರುವ ಅವಕಾಶ ನೀಡಲಾಗಿದೆ. ಎಲ್ಲರಿಗೂ ಮುಕ್ತ ಪ್ರವೇಶ ಕಲ್ಪಿಸಲಾಗಿದ್ದು, ಪ್ರವೇಶಾತಿ ಪ್ರಕ್ರಿಯೆ ಶುರುವಾಗಿದೆ. ಯಲ್ಲಾಪುರದ ಬಸ್ ನಿಲ್ದಾಣದ ಹಿಂಭಾಗದಲ್ಲಿರುವ ವೈಭವ್ ಬಿಲ್ಡಿಂಗ್’ನಲ್ಲಿ ತರಗತಿಗಳು ನಡೆಯಲಿವೆ. ಹೆಚ್ಚಿನ ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 7975670097
- [40 ಮರಿ ಜನನ: ಮೊಸಳೆಯ ಮಾತೃಪ್ರೇಮ!](https://mobiletime.in/2026/05/40-babies-born-a-crocodiles-maternal-love/): ದಾಂಡೇಲಿ ಲೋಕೋಪಯೋಗಿ ಪ್ರವಾಸಿ ಮಂದಿರದ ಬಳಿ ಮೊಸಳೆಯೊಂದು 40ಕ್ಕೂ ಅಧಿಕ ಮರಿ ಹಾಕಿದೆ. ಎರಡು ತಿಂಗಳ ಹಿಂದೆ ದಂಡೆಯ ಉಸುಕಿನ ಪ್ರದೇಶದಲ್ಲಿ ಮೊಸಳೆ ಗವಿಯಾಕಾರದ ಸ್ಥಳ ಮಾಡಿದ್ದು, ಅಲ್ಲಿಟ್ಟಿದ್ದ ಮೊಟ್ಟೆಗಳು ಮೊಸಳೆ ಮರಿಗಳಾಗಿ ಹೊರ ಬಂದಿವೆ. ಆ ಮರಿಗಳನ್ನು ತಾಯಿ ಮೊಸಳೆ ಕಾವಲು ಕಾಯುತ್ತಿದೆ. ಸದ್ಯ ನದಿ ದಂಡೆಯ ಪ್ರದೇಶದಲ್ಲಿ ಮೊಸಳೆ ಮರಿಗಳು ಓಡಾಡಿಕೊಂಡಿರುವುದು ಕಂಡುಬರುತ್ತಿದೆ. ಜನ ಬಂದ ಕೂಡಲೇ ಮೊಸಳೆಗಳು ಒಳಗೆ ಸೇರುತ್ತಿದ್ದು, ಇನ್ನೂ ಕೆಲವು ತಾಯಿ ಮೊಸಳೆ ಮೈಮೇಲೆ ಏರಿ ಕುಳಿತುಕೊಳ್ಳುತ್ತಿವೆ. ತಾಯಿ ಮೊಸಳೆ ಮಾತ್ರ ಆ ಸ್ಥಳವನ್ನು ಬಿಟ್ಟು ಎಲ್ಲೂ ಹೋಗದೇ ಎಲ್ಲರ ಓಡಾಟ ಗಮನಿಸುತ್ತಿದೆ. ಈಚೆಗೆ ನದಿಯಲ್ಲಿನ ಮೊಸಳೆಗಳು ಆಹಾರ ಅರೆಸಿ ಜನವಸತಿ ಪ್ರದೇಶಗಳಿಗೂ ಬರುತ್ತಿವೆ. ಈಗಾಗಲೇ ಮೊಸಳೆ ದಾಳಿಗೆ ಐದು ಸಾವು ಸಹ ಸಂಭವಿಸಿದೆ. ಅನೇಕರು ಮೊಸಳೆ ದಾಳಿಗೆ ಒಳಗಾಗಿ ಗಾಯಗೊಂಡಿದ್ದಾರೆ. ಹೀಗಿರುವಾಗ ಒಂದೇ ಮೊಸಳೆ 40ಕ್ಕೂ ಅಧಿಕ ಮರಿ ಹಾಕಿರುವುದು ಜನರ ಅಚ್ಚರಿಗೆ ಕಾರಣವಾಗಿದೆ. ಇದೇ ರೀತಿ ಎಲ್ಲಾ ಮೊಸಳೆಗಳು 40ರ ಆಸುಪಾಸಿನಲ್ಲಿ ಮರಿ ಹಾಕಿದರೆ ಕಾಳಿ ನದಿ ಪೂರ್ತಿ ಮೊಸಳೆಯಿಂದಲೇ ಕೂಡುವ ಆತಂಕ ಎದುರಾಗಿದೆ.
- [ಸುರಕ್ಷಿತ ಸ್ಥಳದಲ್ಲಿ ಗುಣಮಟ್ಟದ ಶಿಕ್ಷಣ: ಪ್ರವೇಶ ಪ್ರಕಟಣೆ](https://mobiletime.in/2026/05/quality-education-in-a-safe-place-admission-announcement/): ಕುಮಟಾದ ಮಿರ್ಜಾನ್‌ನಲ್ಲಿರುವ ಶ್ರೀ ಆದಿಚುಂಚನಗಿರಿ ಶಿಕ್ಷಣ ಟ್ರಸ್ಟಿನ ಬಿಜಿಎಸ್ ಸೆಂಟ್ರಲ್ ಸ್ಕೂಲ್ ಹಾಗೂ ಆದಿಚುಂಚನಗಿರಿ ಸ್ವತಂತ್ರ ಪದವಿ ಪೂರ್ವ ಕಾಲೇಜುಗಳ ಪ್ರವೇಶಾತಿ ಪ್ರಕ್ರಿಯೆ ಶುರುವಾಗಿದೆ. ಕಳೆದ 14 ವರ್ಷಗಳಿಂದ ಈ ಸಂಸ್ಥೆಯು ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಶೇ 100 ರಷ್ಟು ಫಲಿತಾಂಶವನ್ನು ದಾಖಲಿಸುತ್ತಿದೆ. ಈ ಸಂಸ್ಥೆಯಲ್ಲಿ ಕಲಿತ 69ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ವಿವಿಧ ವೈದ್ಯಕೀಯ ಕಾಲೇಜುಗಳಲ್ಲಿ ಶಿಕ್ಷಣ ಪಡೆಯುತ್ತಿದ್ದಾರೆ. ನರ್ಸರಿಯಿಂದ 10ನೇ ತರಗತಿ: ಸಿಬಿಎಸ್‌ಇ ಪಠ್ಯಕ್ರಮ ಆಧಾರಿತ ಶಿಕ್ಷಣ ಇಲ್ಲಿದೆ. ಪಿಯುಸಿಗೆ ರಾಜ್ಯ ಮಂಡಳಿಯ ಪಠ್ಯಕ್ರಮದ ಅಡಿ ಪಾಠ ಬೋಧನೆ ಮಾಡಲಾಗುತ್ತದೆ. ಸಂಸ್ಥೆಯು ಕೇವಲ ಪಠ್ಯವಲ್ಲದೆ ಸಂಸ್ಕೃತಿ, ಆಧ್ಯಾತ್ಮಿಕತೆ ಮತ್ತು ಜ್ಞಾನವನ್ನೊಳಗೊಂಡ ಮೌಲ್ಯಾಧಾರಿತ ಶಿಕ್ಷಣಕ್ಕೆ ಒತ್ತು ನೀಡುತ್ತಿದೆ. ಸುಸಜ್ಜಿತವಾದ ಆಧುನಿಕ ಮೂಲಸೌಕರ್ಯ, ವ್ಯವಸ್ಥಿತ ಪರೀಕ್ಷಾ ಸರಣಿ, ವೈಯಕ್ತಿಕ ಗಮನ ಮತ್ತು ಮಾರ್ಗದರ್ಶನ ಇಲ್ಲಿನ ವಿಶೇಷತೆ. ಕಲಿಕೆಗೆ ಪೂರಕವಾಗಿ ಸಂಗೀತ, ನೃತ್ಯ ಮತ್ತು ಕಲೆಗಳನ್ನೊಳಗೊಂಡ ವಿಶೇಷ ತರಗತಿಗಳಿವೆ. ವಿದ್ಯಾರ್ಥಿಗಳ ಸುರಕ್ಷತೆಗಾಗಿ ಇಡೀ ಕ್ಯಾಂಪಸ್ ಸಿಸಿ ಟಿವಿ ಕಣ್ಗಾವಲಿನಲ್ಲಿದೆ. ದೂರದ ಊರುಗಳಿಂದ ಬರುವ ವಿದ್ಯಾರ್ಥಿ ಮತ್ತು ವಿದ್ಯಾರ್ಥಿನಿಯರಿಗಾಗಿ ಪ್ರತ್ಯೇಕ ಹಾಗೂ ಸುರಕ್ಷಿತ ವಸತಿ ನಿಲಯದ ವ್ಯವಸ್ಥೆಯಿದೆ. ಪೌಷ್ಟಿಕ ಹಾಗೂ ಆರೋಗ್ಯಕರವಾದ ಸಸ್ಯಾಹಾರಿ ಭೋಜನದ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ. ಹೆಚ್ಚಿನ ಮಾಹಿತಿ ಹಾಗೂ ಪ್ರವೇಶಾತಿಗಾಗಿ ಇಲ್ಲಿ ಫೋನ್ ಮಾಡಿ: 9972489818, 8618651938, 8310016454, 8762573366, 9900339912
- [ನಾಯಕರ ನಡುವೆ `ಸ್ಟೇಟಸ್' ಸಮರ!](https://mobiletime.in/2026/05/a-status-war-between-leaders/): ಅಂಕೋಲಾದಲ್ಲಿ ಧರಣಿನಿರತ ನಾಗರಾಜ ನಾಯಕ ಹಾಗೂ ಅವರ ಎದುರಾಳಿ ಗೋಪಾಲಕೃಷ್ಣ ನಾಯಕ ಅವರ ನಡುವೆ ಇದೀಗ `ಸ್ಟೇಟಸ್’ ಸಮರ ಶುರುವಾಗಿದೆ. ನಾಗರಾಜ ನಾಯಕ ಹಾಗೂ ಗೋಪಾಲಕೃಷ್ಣ ನಾಯಕ ಇಬ್ಬರೂ ಒಂದೇ ರೀತಿಯ ಪೋಸ್ಟರನ್ನು ತಮ್ಮ ವಾಟ್ಸಪ್ ಸ್ಟೇಟಸ್’ಗೆ ಹಾಕಿಕೊಂಡಿದ್ದಾರೆ! ಅಗ್ನಿ ಉರಿಯುತ್ತಿರುವ ಪಂಜಿನ ಚಿತ್ರದ ಜೊತೆ `ಸೂರ್ಯನಂತೆ ಇರಿ. ನಂಬಿದವರಿಗೆ ಬೆಳಕಾಗಿ.. ಉರ್ಕೋಳ್ಳೋರಿಗೆ ಬೆಂಕಿಯಾಗಿ’ ಎಂದು ಬರೆದ ಸ್ಟೇಟಸ್ ಆ ಎರಡೂ ನಾಯಕರ ವಾಟ್ಸಪ್’ನಲ್ಲಿ ಸರಿ ಸುಮಾರು ಏಕಕಾಲಕ್ಕೆ ಕಾಣಿಸಿಕೊಂಡಿದೆ. ಜೀವನಕ್ಕೆ ಸ್ಪೂರ್ತಿ ನೀಡುವ ಈ ಸಾಲುಗಳು ಪರಸ್ಪರ ಕಾಲೆಳೆಯವ ಹಾಗೂ ತಮ್ಮನ್ನು ತಾವು ಸಮರ್ಥಿಸಿಕೊಳ್ಳುವ ರೀತಿಯಲ್ಲಿಯೂ ಭಾಸವಾಗುತ್ತಿದೆ. ಮಂಗಳವಾರ ರಾತ್ರಿ 8.24ಕ್ಕೆ ನಾಗರಾಜ ನಾಯಕ ಅವರು ಈ ಸ್ಟೇಟಸ್ ಅಪ್ಲೋಡ್ ಮಾಡಿದ್ದಾರೆ. 8.49ಕ್ಕೆ ಗೋಪಾಲಕೃಷ್ಣ ನಾಯಕ ಅವರು ಸಹ ಅದೇ ಸ್ಟೇಟಸ್ ಅಪ್ಲೋಡ್ ಮಾಡಿದ್ದಾರೆ. 25 ನಿಮಿಷದ ಅಂತರಲ್ಲಿ ಎರಡು ನಾಯಕರ ನಡುವೆ ಒಂದೇ ಸ್ಟೇಟಸ್ ನೋಡಿದ ಜನ ಅಚ್ಚರಿಗೆ ಒಳಗಾಗಿದ್ದಾರೆ. ಗೋಪಾಲಕೃಷ್ಣ ನಾಯಕ ಹಾಗೂ ನಾಗರಾಜ ನಾಯಕ ಇಬ್ಬರಿಗೂ ಅನೇಕರು ಅತ್ಯಂತ ಆಪ್ತರಾಗಿದ್ದು, ಸದ್ಯ ಅವರ ಸ್ಟೇಟಸ್ಸಿನಲ್ಲಿ ಕಾಣಿಸಿಕೊಂಡ ಪೋಸ್ಟರನ್ನು ಇಬ್ಬರಿಗೂ ಕಳುಹಿಸಿದ ವ್ಯಕ್ತಿಯೂ ಒಬ್ಬನೇ ಆಗಿರಬಹುದೇ? ಎಂಬ ಅನುಮಾನವೂ ಶುರುವಾಗಿದೆ. ಇನ್ನೂ ನಾಗರಾಜ ನಾಯಕ ಅವರು ತಮ್ಮ ಪ್ರತಿಭಟನೆಯ ಇಡೀ ದಿನದ ವಿದ್ಯಮಾನವನ್ನು ಫೇಸ್ಬುಕ್ ಹಾಗೂ ವಾಟ್ಸಪ್ ಮೂಲಕ ಹಂಚಿಕೊಳ್ಳುತ್ತಿದ್ದಾರೆ. ಗೋಪಾಲಕೃಷ್ಣ ನಾಯಕ ಅವರ ಹೆಸರಿನಲ್ಲಿರುವ `ಅಭಿಮಾನಿ ಬಳಗ’ ಎಂಬ ಫೇಸ್ಬುಕ್ ಪುಟದಲ್ಲಿಯೂ ಇದೇ ಹೋರಾಟಕ್ಕೆ ಸಂಬoಧಿಸಿದ ಕೆಲ ಸಾಲುಗಳು ಆಗಾಗ ಕಾಣಿಸುತ್ತಿವೆ. ಜೊತೆಗೆ ಗೋಪಾಲಕೃಷ್ಣ ನಾಯಕ ಅವರು `ನಿಂದನೆ ಕೇಳಿದ ನಂತರವೂ ಶಾಂತವಾಗಿರುವ ವ್ಯಕ್ತಿ ಇಡೀ ಜಗತ್ತು ಗೆಲ್ಲುತ್ತಾನೆ’.. ಬಕೇಡ್ ಹಿಡಿದು ಸ್ನಾನ ಮಾಡಬೇಕು.. ಜೀವನ ಮಾಡಬಾರದು’ ಹಾಗೂ `ಕೆಲವರ ವಿರುದ್ಧ ಎಂದಿಗೂ ಸೇಡು ತೀರಿಸಿಕೊಳ್ಳಬೇಕಿಲ್ಲ. ಕೊಳತ ಹಣ್ಣು ತಾನಾಗಿಯೇ ಉದುರಿ ಹೋಗುತ್ತದೆ’ ಎಂಬ ಬರಹಗಳನ್ನುಹೊಂದಿದ ವಿಚಾರಧಾರೆಗಳನ್ನು ಸಹ ಶೇರ್ ಮಾಡುತ್ತಿದ್ದಾರೆ.
- [ಅನ್ನ-ಆಹಾರ ಇಲ್ಲದೇ ನ್ಯಾಯವಾದಿ ಅಸ್ವಸ್ಥ: ನದಿ ನೀರಿನಲ್ಲಿ ಮುಂದಿನ ಹೋರಾಟ!](https://mobiletime.in/2026/05/lawyer-falls-ill-due-to-lack-of-food-next-fight-in-river-water/): ಗೃಹ ಸಚಿವ ಜಿ ಪರಮೇಶ್ವರ ಅವರ ಆಪ್ತ ಗೋಪಾಲಕೃಷ್ಣ ನಾಯಕ ಅವರ ವಿರುದ್ಧ ನ್ಯಾಯವಾದಿ ನಾಗರಾಜ ನಾಯಕ ಅವರು ಅಂಕೋಲಾದಲ್ಲಿ ಒಂದು ವಾರದಿಂದ ಪ್ರತಿಭಟನೆ ನಡೆಸುತ್ತಿದ್ದು, ಐದು ದಿನಗಳಿಂದ ನಾಗರಾಜ ನಾಯಕ ಅವರು ಅನ್ನ-ಆಹಾರ ಸೇವಿಸಿಲ್ಲ. ಈ ಹಿನ್ನಲೆ ಬುಧವಾರ ನಾಗರಾಜ ನಾಯಕ ಅವರ ಕಣ್ಣುಗಳು ಕೆಂಪಾಗಿದೆ. ಮುಖ ಬಾಡಿದೆ. ನಾಗರಾಜ ನಾಯಕ ಅವರು ಅಸ್ವಸ್ಥರಾಗಿದ್ದರೂ ತಮ್ಮ ಪ್ರತಿಭಟನೆ ಮಾತ್ರ ನಿಲ್ಲಿಸುತ್ತಿಲ್ಲ. `ಗೃಹ ಸಚಿವ ಜಿ ಪರಮೇಶ್ವರ ಅವರು ಸ್ಥಳಕ್ಕೆ ಬರಬೇಕು’ ಎಂದು ಆಗ್ರಹಿಸಿ ನಾಗರಾಜ ನಾಯಕ ಅವರು ಪ್ರತಿಭಟನೆ ನಡೆಸುತ್ತಿದ್ದಾರೆ. ಪ್ರತಿಭಟನೆ ಶುರುವಾಗಿ ಏಳು ದಿನ ಕಳೆದರೂ ಗೃಹ ಸಚಿವರು ಆಗಮಿಸುವ ಯಾವ ಸೂಚನೆಯೂ ಸಿಕ್ಕಿಲ್ಲ. ಅದಾಗಿಯೂ, ನಾಗರಾಜ ನಾಯಕ ಅವರು ಅಂಕೋಲಾದಲ್ಲಿಯೇ ಪ್ರತಿಭಟನೆ ಮುಂದುವರೆಸಿದ್ದು ವಿವಿಧ ಪಕ್ಷ ಹಾಗೂ ಸಂಘಟನೆ ಪ್ರಮುಖರು ಅವರಿಗೆ ಬೆಂಬಲ ನೀಡಿದ್ದಾರೆ. ಅನ್ಯಾಯಕ್ಕೆ ಒಳಗಾದ ಕೆಲವರು ಪ್ರತಿಭಟನಾ ಸ್ಥಳಕ್ಕೆ ಆಗಮಿಸಿ ತಮ್ಮ ನೋವು ತೋಡಿಕೊಂಡಿದ್ದಾರೆ. ಈ ಎಲ್ಲಾ ಚಿತ್ರಣಗಳನ್ನು ನಾಗರಾಜ ನಾಯಕ ಅವರು ತಮ್ಮ ಜಾಲತಾಣ ಪುಟಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಸದ್ಯ ನಾಗರಾಜ ನಾಯಕ ಅವರ ದೇಹದ ಪರಿಸ್ಥಿತಿ ಹದಗೆಟ್ಟಿದೆ. ಆಹಾರವಿಲ್ಲದ ಕಾರಣ ಅವರು ನಿತ್ರಾಣರಾಗಿದ್ದಾರೆ. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಸ್ಥಳಕ್ಕೆ ಆಗಮಿಸಿ `ಆಹಾರ ಸೇವಿಸಿ’ ಎಂದು ಸೂಚಿಸಿದರೂ ಅದನ್ನು ನಾಗರಾಜ ನಾಯಕ ಅವರು ಒಪ್ಪಿಲ್ಲ. `ಜನಸಾಮಾನ್ಯರ ಒಳಿತಿಗಾಗಿ ಧರಣಿ ಮುಂದುವರೆಸುವೆ’ ಎಂದು ನಾಗರಾಜ ನಾಯಕ ಅವರು ಹೇಳುತ್ತಿದ್ದು, ಮೂರು ದಿನದ ಹಿಂದೆಯೇ ಆರೋಗ್ಯ ಸಿಬ್ಬಂದಿ ಅವರ ತಪಾಸಣೆ ನಡೆಸಿದ್ದಾರೆ. ಈ ಎಲ್ಲದರ ನಡುವೆ `ತಮ್ಮ ಧರಣಿ ಹತ್ತಿಕ್ಕುವ ಪ್ರಯತ್ನ ನಡೆದಿದೆ’ ಎಂದು ನಾಗರಾಜ ನಾಯಕ ಅವರು ಆರೋಪಿಸಿದ್ದಾರೆ. ಸದ್ಯ ಜೈಹಿಂದ್ ಮೈದಾನದಲ್ಲಿ ಅವರು ಧರಣಿ ಮುಂದುವರೆಸಿದ್ದು, ತಮ್ಮ ಬೇಡಿಕೆ ಈಡೇರಿಕೆಗಾಗಿ ಸರ್ಕಾರಕ್ಕೆ ಮನವಿ ರವಾನಿಸಿ ಮತ್ತೆ ಧರಣಿ ಮುಂದುವರೆಸಿದ್ದಾರೆ. ಇದರೊಂದಿಗೆ ನಾಗರಾಜ ನಾಯಕ ಅವರು ಧರಣಿ ಸ್ಥಳದಿಂದಲೇ ಅಕ್ರಮ ಮರಳುಗಾರಿಕೆ, ಅನಧಿಕೃತ ಗಣಿಗಾರಿಕೆ ಸೇರಿ ವಿವಿಧ ಮಾಹಿತಿಗಳ ಸಂಗ್ರಹ ಮಾಡುತ್ತಿದ್ದಾರೆ. ಆ ಮಾಹಿತಿಗಳ ಆಧಾರದಲ್ಲಿ ಅಧಿಕಾರಿಗಳಿಗೂ ದೂರು ನೀಡುತ್ತಿದ್ದು, ದೂರು ನೀಡಿದರೂ ಕ್ರಮವಾಗದ ಬಗ್ಗೆ ಅಸಮಧಾನವ್ಯಕ್ತಪಡಿಸಿದ್ದಾರೆ. ಜೊತೆಗೆ, ಈಗಿನ ಧರಣಿಗೂ ಅಡ್ಡಿಪಡಿಸಿದರೆ ನದಿ ನೀರಿನಲ್ಲಿ ಹೋರಾಟ ನಡೆಸುವುದಾಗಿ ಎಚ್ಚರಿಸಿದ್ದಾರೆ. ಪ್ರತಿಭಟನಾ ಸ್ಥಳಕ್ಕೆ ಆಗಮಿಸಿದ 72 ವರ್ಷದ ಬೀರಮ್ಮ ಜಗದೀಶ ನಾಯಕ ಅವರು ಪೂರ್ಣಪ್ರಜ್ಞ ಕಾಲೇಜು ವಿಷಯವಾಗಿ ಮಾತನಾಡಿದ್ದು, ತಮಗೂ ನ್ಯಾಯ ದೊರಕಿಸಿಕೊಡಬೇಕು ಎಂದು ಆಗ್ರಹಿಸಿದ್ದಾರೆ.
- [ಗಡಿ ಗುರುತಿಗೆ ಗೋವಾ ಖ್ಯಾತೆ!](https://mobiletime.in/2026/05/goa-is-famous-for-its-border-markings/): ಉತ್ತರ ಕನ್ನಡ ಜಿಲ್ಲೆಯ ಅರಬ್ಬಿ ಸಮುದ್ರದಲ್ಲಿ ಅನೇಕ ದ್ವೀಪಗಳಿದ್ದು, ಆ ದ್ವೀಪಗಳಿಗೆ ಗುರುತು ನೀಡಲು ಗೋವಾ ಸರ್ಕಾರ ಖ್ಯಾತೆ ತೆಗೆದಿದೆ. ಕೇಂದ್ರ ಗೃಹ ಸಚಿವಾಲಯದ ದಾಖಲೆಗಳ ಪ್ರಕಾರ ಕಾರವಾರ ಕಡಲ ತೀರದಿಂದ 12 ನಾಟಿಕಲ್ ಮೈಲ್ ವ್ಯಾಪ್ತಿಗೆ ಸೇರಿದ ಕೆಲವು ದ್ವೀಪಗಳಿಗೆ ಗೋವಾದ ಯುನೀಕ್ ಐಡಿ ನೀಡಲಾಗಿದೆ. ಅದನ್ನು ಗುರುತಿಸಿ, ಸರಿಪಡಿಸುವಂತೆ ಉತ್ತರ ಕನ್ನಡ ಜಿಲ್ಲಾಡಳಿತವು ವರ್ಷಗಳ ಹಿಂದೆಯೇ ಕೇಂದ್ರಕ್ಕೆ ಪತ್ರವನ್ನು ಬರೆದಿದೆ. ಸದ್ಯ ಉತ್ತರ ಕನ್ನಡ ಜಿಲ್ಲಾಡಳಿತವು ಅರಬ್ಬಿ ಸಮುದ್ರದಲ್ಲಿ ತನ್ನ ವ್ಯಾಪ್ತಿಯಲ್ಲಿರುವ 24 ಸಣ್ಣಪುಟ್ಟ ದ್ವೀಪಗಳನ್ನು ಗುರುತಿಸಿ ಅದಕ್ಕೆ ಹೆಸರು ನೀಡಿದ್ದು, ಪ್ರವಾಸೋದ್ಯಮ ಅಭಿವೃದ್ಧಿಯ ಯೋಜನೆ ರೂಪಿಸಿದೆ. 16 ದ್ವೀಪಗಳ ಅಭಿವೃದ್ಧಿ ಸಂಬAಧ ಕರ್ನಾಟಕ ಮೆರಿಟೈಮ್ ಬೋರ್ಡ್ ಸುಮಾರು 1500 ಕೋಟಿ ರೂಪಾಯಿಯ ಯೋಜನೆ ರೂಪಿಸಲಾಗಿದೆ. ಆದರೆ, ಈ ಬೆಳವಣಿಗೆ ವಿರುದ್ಧ ಗೋವಾ ಸಕಾರ ಸಿಡಿದೆದ್ದಿದೆ. `ಕಾರವಾರದ ಸಮೀಪವಿರುವುದು ಸೇರಿ ಹಲವು ದ್ವೀಪಗಳು ಹಿಂದೆ ಗೋವಾದ ಪೋರ್ಚುಗೀಸರ ಕೈವಶದಲ್ಲಿತ್ತು. ಇದರಿಂದ ಆ ಎಲ್ಲ ದ್ವೀಪಗಳೂ ಈಗಲೂ ಗೋವಾಕ್ಕೇ ಸೇರಬೇಕು’ ಎಂಬುದು ಗೋವಾ ಅಧಿಕಾರಿಗಳ ಅಂಬೋಣ. ಗೋವಾ ಮುಖ್ಯಮಂತ್ರಿ ಪ್ರಮೋದ ಸಾವಂತ ಅವರು ಸಹ ಇದೇ ವಾದ ಮಂಡಿಸುತ್ತಿದ್ದು, ಸದ್ಯ ದ್ವೀಪದ ವಿಷಯ ಗೋವಾ-ಕರ್ನಾಟಕ ನಡುವಿನ ಪತ್ರ ಗುದ್ದಾಟಕ್ಕೆ ಕಾರಣವಾಗಿದೆ.
- [ಉಗ್ರ ಹೋರಾಟ: ರೈತರ ಸಮಸ್ಯೆ ಬಗ್ಗೆ ಬಿಜೆಪಿ ಧ್ವನಿ](https://mobiletime.in/2026/05/violent-struggle-bjp-voices-concern-over-farmers-problems/): ಸದಾ ಒಂದಿಲ್ಲೊoದು ಹೋರಾಟದ ಮೂಲಕ ಶಿರಸಿ-ಸಿದ್ದಾಪುರದಲ್ಲಿ ಪ್ರಚಲಿತದಲ್ಲಿರುತ್ತಿದ್ದ ಅನಂತಮೂರ್ತಿ ಹೆಗಡೆ ಅವರು ಎರಡುವರೆ ತಿಂಗಳ ನಂತರ ಮತ್ತೆ ಹೋರಾಟದಲ್ಲಿ ಕಾಣಿಸಿಕೊಂಡಿದ್ದಾರೆ. ಬನವಾಸಿಯಲ್ಲಿ ಬಿಜೆಪಿ ನಡೆಸಿದ ಪ್ರತಿಭಟನೆಯಲ್ಲಿ ಅವರು ತಲೆಗೆ ಅಡಿಕೆ ಹಾಳೆಯ ಟೋಪಿ ಹಾಕಿಕೊಂಡು ಭಾಷಣ ಮಾಡಿದ್ದಾರೆ. ಫೆಬ್ರವರಿ 19ರಂದು ಅನಂತಮೂರ್ತಿ ಹೆಗಡೆ ಅವರು ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷರಾಗಿ ಅಧಿಕಾರವಹಿಸಿಕೊಂಡಿದ್ದು, ಸದ್ಯ ರೈತರು ಅನುಭವಿಸುತ್ತಿರುವ ಸಮಸ್ಯೆ ಬಗ್ಗೆ ಅವರು ಬೆಳಕು ಚೆಲ್ಲಿದ್ದಾರೆ. ಬನವಾಸಿ ಭಾಗಕ್ಕೆ ವಿದ್ಯುತ್ ಪೂರೈಕೆಯಲ್ಲಿ ಸಮಸ್ಯೆಯಾಗುತ್ತಿದ್ದು, ಅದರಿಂದ ರೈತರು ಅನುಭವಿಸುವ ತೊಂದರೆಯ ಬಗ್ಗೆ ಅವರು ಸರ್ಕಾರದ ಗಮನಸೆಳೆಯುವ ಪ್ರಯತ್ನ ಮಾಡಿದ್ದಾರೆ. ವಿದ್ಯುತ್ ಗ್ರಿಡ್ ಸ್ಥಾಪನೆಯಾಗಿ ಐದು ವರ್ಷ ಕಳೆದರೂ ಅದು ಶುರುವಾಗದ ಬಗ್ಗೆ ಅಸಮಧಾನವ್ಯಕ್ತಪಡಿಸಿದ್ದಾರೆ. ಸಾರ್ವಜನಿಕರು ಪ್ರತಿ ದಿನ ಸಮಸ್ಯೆ ಎದುರಿಸುತ್ತಿರುವ ಬಗ್ಗೆ ಬಿಜೆಪಿ ರೈತ ಮೋರ್ಚಾ ಹಾಗೂ ಬನವಾಸಿ ಬಿಜೆಪಿ ಮಂಡಳದಿAದ ಹೆಸ್ಕಾಂ ಕಚೇರಿಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಲಾಗಿದೆ. ಬನವಾಸಿ ಮಧುಕೇಶ್ವರ ದೇವಾಲಯದಿಂದ ಬೈಕ್ ರ‍್ಯಾಲಿ ಮೂಲಕ ಶಿರಸಿಗೆ ಆಗಮಿಸಿದ ಪ್ರತಿಭಟನಾಕಾರರು, ಮಾರಿಕಾಂಬಾ ದೇವಿಯ ದರ್ಶನ ಪಡೆದುಬಳಿಕ ಹೆಸ್ಕಾಂ ಕಚೇರಿಗೆ ಮುತ್ತಿಗೆ ಹಾಕಿದರು. ಈ ವೇಳೆ ಮಾತನಾಡಿದ ಬಿಜೆಪಿ ಬನವಾಸಿ ಮಂಡಳದ ಅಧ್ಯಕ್ಷ ರಮೇಶನ ನಾಯ್ಕ ಕುಪ್ಪಳ್ಳಿ `ನಮ್ಮ ಶಾಸಕರಿಗೆ ಯಾವುದೋ ಒಂದು ಯೋಜನೆಯನ್ನು ತಂದರೆ ಆ ಯೋಜನೆಯ ಪ್ರತಿಫಲ ಜನರಿಗೆ ಸಿಗುವುದು ಮುಖ್ಯವಲ್ಲ. ಬದಲಾಗಿ ಅವರಿಗೆ ಬರಬೇಕಾದ ಲಾಭ ಅಥವಾ ಕಿಸೆ ತುಂಬಿದರೆ ಸಾಕು ಸಾಕು ಎಂಬAತಾಗಿದೆ’ ಎಂದು ಟೀಕಿಸಿದರು. `ಗ್ರಿಡ್ ಹಾಗೂ ಏತ ನೀರಾವರಿ ಯೋಜನೆಯಡಿ ಕೆರೆ ತುಂಬಿಸುವ ಯೋಜನೆ ಈಗಾಗಲೇ ಎಸ್ಟಿಮೇಷನ್ ಪ್ರಕಾರ ಕೆಲಸ ಮುಗಿದು, ಹಣ ಪಾವತಿಯಾಗಿ ಅವರಿಗೆ ಬರಬೇಕಾದ ಲಾಭ ತಲುಪಿದೆ. ಹಾಗಾಗಿ ಇದರ ಬಗ್ಗೆ ತಲೆಕೆಡಿಸಿಕೊಳ್ಳುವ ಅವಶ್ಯಕತೆ ಶಾಸಕರಿಗೆ ಇಲ್ಲದಂತಾಗಿದೆ. ಅಂಡಗಿಯಲ್ಲಿ ಸುಮಾರು 30 ಕೋಟಿ ರೂಪಾಯಿ ವೆಚ್ಚದಲ್ಲಿ ಶೀತಲೀಕರಣ ಘಟಕವನ್ನು ನಿರ್ಮಿಸಲು ನಮ್ಮ ಯಡಿಯೂರಪ್ಪನವರ ಬಿಜೆಪಿ ಸರ್ಕಾರದಲ್ಲಿ ಮಂಜೂರಾತಿ ನೀಡಲಾಗಿತ್ತು. ಆದರೆ ಇವತ್ತು ಆ ಕಾಮಗಾರಿ ಅರ್ಧಕ್ಕೆ ನಿಂತು ಮಳೆಯಿಂದಾಗಿ ಸೋರುತ್ತಿದೆ’ಎಂಬ ವಿಷಯ ಪ್ರಸ್ತಾಪಿಸಿದರು. ರೈತ ಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಬ್ಯಾಗದ್ದೆ ಮಾತನಾಡಿ `ಬನವಾಸಿ, ದಾಸನಕೊಪ್ಪ ಈ ಭಾಗದ ಅಡಿಕೆ ಬೆಳೆಗಾರರು, ರೈತರು ತಮ್ಮ ನೋವನ್ನು ಹೇಳಿಕೊಳ್ಳಲು ಬೈಕ್ ರ್ಯಾಲಿ ಮುಖಾಂತರವಾಗಿ ಶಿರಸಿಯ ಹೆಸ್ಕಾಂ ಕಚೇರಿಗೆ ಬಂದು ಮನವಿ ನೀಡುತ್ತಿದ್ದಾರೆ. ಇಲ್ಲಿ ಬಂದAತಹ ಎಲ್ಲರೂ ಕೂಡ ಅಪ್ಪಟ ರೈತರರಾಗಿದ್ದು, ಅವರ ಸಮಸ್ಯೆಯನ್ನು ಸರ್ಕಾರ ಬಗೆಹರಿಸಬೇಕು’ ಎಂದು ಆಗ್ರಹಿಸಿದರು. ಈ ವೇಳೆ ಬನವಾಸಿ ಮಂಡಲದ ಉಪಾಧ್ಯಕ್ಷ ರಾಘವೇಂದ್ರ ನಾಯ್ಕ, ಪ್ರಧಾನ ಕಾರ್ಯದರ್ಶಿ ಗಳಾದ ಗಳಾದ ಶಂಕರ ಗೌಡ್ರು ಭಾಶಿ, ಮಂಜುನಾಥ ನಾಯ್ಕ, ಬನವಾಸಿ ಗ್ರಾ ಪಂ ಮಾಜಿ ಅಧ್ಯಕ್ಷ ಗಣೇಶ ಸಣ್ಣಲಿಂಗಣ್ಣನವರ್, ವಿ.ಎಸ್. ನಾಯ್ಕ, ಮಹಿಳಾ ಮೋರ್ಚಾ ಅಧ್ಯಕ್ಷೆ ಶಾಂತಲ ಸಣ್ಣಲಿಂಗಣ್ಣನವರ್, ಗೀತಾ, ಜ್ಯೋತಿ ಚೆನನಯ್ಯ, ಸತ್ಯವತಿ ನಾಯ್ಕ ಇತರರಿದ್ದರು.  
- [ಮಾದಕ ಮೋಹಕ್ಕೆ ಒಳಗಾದ ವೆಲ್ಡಿಂಗ್ ಕಾರ್ಮಿಕ!](https://mobiletime.in/2026/05/a-welding-worker-who-fell-in-love-with-a-woman/): ಶಿರಸಿ ರಾಮನಬೈಲಿನ ಪೈಜಾನ್ ಮುಲ್ಲಾ ಅವರು ಮಾದಕ ವ್ಯಸನ ಸೇವಿಸಿ ಸಿಕ್ಕಿ ಬಿದ್ದಿದ್ದಾರೆ. 22ನೇ ವಯಸ್ಸಿನಲ್ಲಿಯೇ ಅಡ್ಡದಾರಿ ಹಿಡಿದ ಪೈಜಾನ್ ಮುಲ್ಲಾ ಅವರಿಗೆ ಪಿಸೈ ನರಸಿಂಹಲು ಅವರು ಬುದ್ದಿಮಾತು ಹೇಳಿದ್ದಾರೆ. ಶಿರಸಿ ರಾಮನಬೈಲಿನ ಕನ್ನಡ ಶಾಲೆ ಬಳಿ ಪೈಜಾನ್ ಅಬ್ದುಲ್ ಸಮದ್ ಮುಲ್ಲಾ ಅವರು ವಾಸವಾಗಿದ್ದಾರೆ. ವೆಲ್ಡಿಂಗ್ ಕೆಲಸ ಮಾಡಿಕೊಂಡಿರುವ ಅವರು ಮೋಜು-ಮಸ್ತಿಗಾಗಿ ತಮ್ಮ ಜೀವನ ಹಾಳು ಮಾಡಿಕೊಳ್ಳುತ್ತಿದ್ದಾರೆ. ಮೇ 11ರಂದು ಶಿರಸಿ ನಗರದ ಕ್ಯಾಪ್ಟನ್ ಕ್ಯಾಂಪ್ ಕಡೆ ಹೋಗುವ ಕಚ್ಚಾ ರಸ್ತೆಯಲ್ಲಿ ಅನುಮಾನಾಸ್ಪದ ರೀತಿ ಅಲೆದಾಡುತ್ತಿದ್ದ ಅವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ಮಾತನಾಡಲು ಬಾರದ ಸ್ಥಿತಿಯಲ್ಲಿದ್ದ ಪೈಜಾನ್ ಮುಲ್ಲಾ ಅವರನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಶಿರಸಿ ಪಂಡಿತ ಆಸ್ಪತ್ರೆಯಲ್ಲಿ ನಡೆದ ವೈದ್ಯಕೀಯ ಪರೀಕ್ಷೆಯಲ್ಲಿ ಪೈಜಾನ್ ಮುಲ್ಲಾ ಅವರು ಗಾಂಜಾ ಸೇವಿಸಿರುವುದು ದೃಢವಾಗಿದೆ. ಪೊಲೀಸರು ಪ್ರಕರಣ ದಾಖಲಿಸಿ, ಮೇಲಧಿಕಾರಿಗಳಿಗೆ ವರದಿ ಸಲ್ಲಿಸಿದ್ದಾರೆ.
- [ಸಾವು-ಬದುಕಿನ ಹೋರಾಟದಲ್ಲಿ ಸರ್ಕಾರಿ ಸಿಬ್ಬಂದಿ!](https://mobiletime.in/2026/05/government-employees-in-a-life-and-death-struggle/): ಯಲ್ಲಾಪುರ ತಾಲೂಕು ಪಂಚಾಯತದಲ್ಲಿ ಕರ್ತವ್ಯ ನಿಭಾಯಿಸುತ್ತಿದ್ದ ಯೋಗೇಶ ಮಡಿವಾಳ ಅವರಿಗೆ ಸಿದ್ದಾಪುರದಲ್ಲಿ ಲಾರಿ ಗುದ್ದಿದೆ. ಸಾವು-ಬದುಕಿನ ನಡುವೆ ಅವರು ಹೋರಾಡುತ್ತಿದ್ದಾರೆ. ಸಿದ್ದಾಪುರ ತಾಲೂಕಿನ ಗುಂಜಗೂಡು ಬಳಿಯ ಯೋಗೇಶ್ ಶ್ರೀಧರ ಮಡಿವಾಳ (33) ಅವರು ಯಲ್ಲಾಪುರದ ತಾಲೂಕು ಪಂಚಾಯತದ ಎನ್ ಆರ್ ಎಲ್ ಎಂ ವಿಭಾಗದಲ್ಲಿ ಕೆಲಸ ನಿರ್ವಹಿಸುತ್ತಿದ್ದರು. ಮೇ 11ರ ರಾತ್ರಿ ಅವರು ಶಿರಸಿ-ಸಿದ್ದಾಪುರ ಮಾರ್ಗವಾಗಿ ಬೈಕಿನಲ್ಲಿ ಹೋಗುತ್ತಿದ್ದರು. ಈ ವೇಳೆ ಮುಂಡಗೋಡಿನ ಪಾಳಾದ ಅಮೀರ್ ಖಾನ್ ಅವರು ಜೋರಾಗಿ ಲಾರಿ ಓಡಿಸಿಕೊಂಡು ಬಂದಿದ್ದು, ಯೋಗೀಶ ಮಡಿವಾಳ ಅವರಿಗೆ ಆ ಲಾರಿ ಗುದ್ದಿದರು. ತ್ಯಾಗಲಿ ಬಳಿ ಬೈಕಿಗೆ ಲಾರಿ ಗುದ್ದಿದ ರಭಸಕ್ಕೆ ಯೋಗೀಶ ಮಡಿವಾಳ ಅವರು ನೆಲಕ್ಕೆ ಅಪ್ಪಳಿಸಿದರು. ಅಪಘಾತದ ರಭಸಕ್ಕೆ ಯೋಗೀಶ ಮಡಿವಾಳ ಅವರ ತಲೆಗೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ಕಾಲು-ಕೈಗೆ ಸಹ ಗಂಭೀರವಾದ ಗಾಯಗಳಾದವು. ಬೈಕ್ ಸಹ ಜಖಂ ಆಯಿತು. ಗಾಯಗೊಂಡ ಯೋಗೇಶ ಮಡಿವಾಳ ಅವರು ಈ ಅಪಘಾತದಲ್ಲಿ ನೋವುಂಡಿದ್ದು, ಅವರು ಸಾವು-ಬದುಕಿನ ಹೋರಾಟದಲ್ಲಿದ್ದಾರೆ. ಅದೇ ಊರಿನ ಶೃತಿ ಮಡಿವಾಳ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.  
- [ಶ್ವಾನ ಪ್ರೇಮಿಗೆ ಕಪಾಳ ಮೋಕ್ಷ!](https://mobiletime.in/2026/05/a-slap-in-the-face-for-a-dog-lover/): ಕಾರವಾರದ ಸದಾಶಿವಗಡ ಬಳಿಯ ಅನಿಲ ಅಂಬೇಕರ್ ಅವರು ಬೀದಿ ನಾಯಿಗಳಿಗೆ ಹೊಟೇಲಿನಿಂದ ಊಟ ತರಿಸಿ ಹಾಕುವ ಹವ್ಯಾಸ ಹೊಂದಿದ್ದಾರೆ. ಅವರು ನಾಯಿಗೆ ಊಟ ಹಾಕುವುದನ್ನು ಸರ್ವೋದಯ ನಗರದ ಕಿರಣ ಕುಡ್ತಳಕರ್ ಅವರು ವಿರೋಧಿಸಿದ್ದಾರೆ. ಕಾರವಾರದ ಸದಾಶಿವಗಡ ಬಳಿಯ ಮಾಲ್ದರವಾಡದಲ್ಲಿ ಅನಿಲ ಬಾಬು ಅಂಬೇಕರ್ ಅವರು ವಾಸವಾಗಿದ್ದಾರೆ. ವಾಚ್‌ಮೆನ್ ಆಗಿ ಕೆಲಸ ಮಾಡುತ್ತಿರುವ ಅವರಿಗೆ ಬೀದಿ ನಾಯಿಗಳೆಂದರೆ ಅಚ್ಚುಮೆಚ್ಚು. ಹೀಗಾಗಿ ತಮ್ಮ ಸಂಬಳದ ಹಣವನ್ನು ವ್ಯಯಿಸಿ ಅವರು ಬೀದಿ ನಾಯಿಗಳಿಗೆ ಹೊಟೇಲಿನಿಂದ ಊಟ ತರಿಸಿ ಬಡಿಸುತ್ತಾರೆ. ಕಾರವಾರದ ರಾಕ್ ಗಾರ್ಡನ್ ಬಳಿ ಅವರು ಕೆಲಸ ಮಾಡುತ್ತಿದ್ದು, ಅಲ್ಲಿಯೇ ಅವರು ನಾಯಿಗಳಿಗೆ ಆಹಾರ ನೀಡುತ್ತ ಬಂದಿದ್ದಾರೆ. ನಾಯಿಗಳಿಗೆ ಊಟ ನೀಡುವುದಕ್ಕಾಗಿ ಅವರು ಅಲ್ಲಿನ ಅರಣ್ಯ ಇಲಾಖೆಯ ಜಾಗವನ್ನು ಬಳಸಿಕೊಂಡಿದ್ದಾರೆ. ಹೀಗಿರುವಾಗ ಅನಿಲ ಅಂಬೇಕರ್ ಅವರು ನಾಯಿಗೆ ಊಟ ಕೊಡುವುದನ್ನು ಕಾಜುಭಾಗ ಸರ್ವೋದಯ ನಗರದ ಕಿರಣ ಅರ್ಜುನ್ ಕುಡ್ತಳಕರ್ ಅವರು ಸಹಿಸುತ್ತಿಲ್ಲ. ನಾಯಿಗೆ ಊಟ ಹಾಕುವ ಅನಿಲ ಅಂಬೇಕರ್ ಅವರ ಪತ್ನಿಯನ್ನು ನಿಂದಿಸಿ ಕಿರಣ ಕುಡ್ತಳಕರ್ ಅವರು ಮಾತನಾಡುತ್ತಿದ್ದು, ನಾಯಿಗೆ ಊಟ ಬಡಿಸುವ ವಿಚಾರದಲ್ಲಿಯೇ ಅವರ ನಡುವೆ ವೈಮನಸ್ಸು ಮೂಡಿದೆ. ತಿಂಗಳ ಹಿಂದೆ ಅನಿಲ ಅಂಬೇಕರ್ ಅವರು ಹೊಟೇಲಿನಿಂದ ಬಿಸಿ ಬಿಸಿ ಊಟ ತಂದು ನಾಯಿಗಳಿಗೆ ಹಾಕುವಾಗ ಅಲ್ಲಿ ಕಿರಣ ಕುಡ್ತಳಕರ್ ಅವರು ಆಗಮಿಸಿದ್ದಾರೆ. `ನಾಯಿಗೆ ಏಕೆ ಊಟ ಹಾಕುವೆ?’ ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಉತ್ತರಿಸುವುದರೊಳಗೆ ಅನಿಲ ಅಂಬೇಕರ್ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಈ ಬಗ್ಗೆ ಅನಿಲ ಅಂಬೇಕರ್ ಅವರು ಪೊಲೀಸ್ ದೂರು ನೀಡಿದ್ದು, ಸದ್ಯ ನ್ಯಾಯಾಲಯದ ಸೂಚನೆ ಮೇರೆಗೆ ಕಾರವಾರ ಶಹರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಸಹಕಾರಿ ಸಂಘಕ್ಕೆ ರಾಜಕೀಯ ಹಸ್ತಕ್ಷೇಪ: ವಿಧಾನ ಪರಿಷತ್ ಸದಸ್ಯರಿಂದ ವಿಷಾದ](https://mobiletime.in/2026/05/political-interference-in-cooperative-society-legislative-council-members-express-regret/): `ರಾಜಕೀಯ ಹಸ್ತಕ್ಷೇಪದಿಂದ ಮುಕ್ತವಾದಾಗ ಮಾತ್ರ ಸಹಕಾರ ಸಂಘಗಳು ಹೆಚ್ಚಿನ ಅಭಿವೃದ್ಧಿ ಕಾಣಲು ಸಾಧ್ಯ’ ಎಂದು ವಿಧಾನ ಪರಿಷತ್ ಸದಸ್ಯ ಶಾಂತರಾಮ ಸಿದ್ದಿ ಅವರು ಹೇಳಿದ್ದಾರೆ. ಯಲ್ಲಾಪುರದ ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘದ ವಜ್ರ ಮಹೋತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು “ಸಹಕಾರಿ ಸಂಘಗಳೇ ರೈತರ ಜೀವಾಳ’ ಎಂದು ಪ್ರತಿಪಾದಿಸಿದ್ದಾರೆ. `ಸಹಕಾರ ಸಂಘಗಳು ಸದಾ ರೈತರ ಹಿತ ಕಾಯುತ್ತವೆ. ಸಹಕಾರ ಸಂಘಗಳನ್ನು ಉಳಿಸಿ ಬೆಳೆಸಬೇಕಾದದ್ದು ಸಮಾಜದ ಎಲ್ಲರ ಜವಾಬ್ದಾರಿ’ ಎಂದು ಅವರು ಹೇಳಿದ್ದಾರೆ. ಮಂಗಳವಾರ ಪಟ್ಟಣದ ಯಲ್ಲಾಪುರ ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘದ ನೂತನ ಕಟ್ಟಡದ ಉದ್ಘಾಟಿಸಿದ ಅವರು `ಮಲೆನಾಡು ಪ್ರದೇಶದಲ್ಲಿ ಸಹಕಾರ ಸಂಘಗಳು ಸದಾ ರೈತರ ಕಷ್ಟಕ್ಕೆ ಸ್ವಂದಿಸುತ್ತ ಬಂದಿವೆ’ ಎಂದು ಸ್ಮರಿಸಿದ್ದಾರೆ. ಟಿಎಸ್‌ಎಸ್ ಅಧ್ಯಕ್ಷ ಗೋಪಾಲಕೃಷ್ಣ ವೈದ್ಯ ಮಾತನಾಡಿ, `ಹಿರಿಯ ಸಹಕಾರಿಗಳು ಹಾಕಿಕೊಟ್ಟ ಮಾರ್ಗದಲ್ಲಿ ಸಾಗುವ ಮೂಲಕ ಎಲ್‌ಎಸ್‌ಎಂಪಿ ಸೊಸೈಟಿ ಉತ್ತಮ ಸಾಧನೆ ಮಾಡುತ್ತಿದೆ. ರೈತರ ಎಲ್ಲ ಅಗತ್ಯಗಳಿಗೆ ನೆರವಾಗಿದೆ. ಸಹಕಾರ ಸಂಘದಲ್ಲಿ ಆರೋಗ್ಯಪೂಣ9 ಸ್ಪಧೆ9 ಇರಲಿ. ರೈತರು ಸಹಕಾರ ಸಂಘದ ಮೂಲಕವೇ ತಮ್ಮ ಮಹಸೂಲನ್ನು ವಿಕ್ರಿ ಮಾಡಬೇಕು’ ಎಂದು ಕರೆ ನೀಡಿದರು. ವಿಶ್ವದಶನ ಅಧ್ಯಕ್ಷ ಹರಿಪ್ರಕಾಶ ಕೋಣೆಮನೆ ಮಾತನಾಡಿ ಸಹಕಾರಿ ಸಂಘಗಳು ಅನ್ಯಗತ್ಯವಾಗಿ ಕೋರ್ಟು-ಕಚೇರಿ ಕೆಲಸಕ್ಕೆ ಹೋಗುತ್ತಿರುವ ಬಗ್ಗೆ ವಿಷಾಧಿಸಿದರು. ಸಂಘದ ಅಧ್ಯಕ್ಷ ನಾಗರಾಜ ಕವಡಿಕೇರಿ ಅಧ್ಯಕ್ಷತೆವಹಿಸಿದ್ದರು. ಪ್ರಿಯಾ ಎಂ ಭಟ್ಟ ಪ್ರಾಥಿ9ಸಿದರು. ಸಂಘದ ಉಪಾಧ್ಯಕ್ಷ ಟಿ ಆರ್ ಹೆಗಡೆ ಸ್ವಾಗತಿಸಿದರು. ನಿದೇ9ಶಕ ನರಸಿಂಹ ಕೋಣೆಮನೆ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಂಘದ ಮುಖ್ಯಕಾಯ9ನಿವಾ9ಹಕ ಎಂ ಎಸ್ ಹೆಗಡೆ, ಪ್ರಮುಖರಾದ ಪ್ರಮೋದ ಹೆಗಡೆ, ಎಂ ಆರ್ ಹೆಗಡೆ ಕುಂಬ್ರಿಗುಡ್ಡೆ, ಕೃಷ್ಣ ಹೆಗಡೆ ಜೂಜಿನಬೈಲು, ಉಮೇಶ ಭಾಗ್ವತ, ಸಂತೋಷ ಭಟ್ಟ, ಆರ್ ಎಸ್ ಭಟ್ಟ, ಪ್ರಭಾ ಪ್ರಕಾಶ ಭಾಗ್ವತ, ಶ್ಯಾಮಲಾ ಹೆಗಡೆ, ಅಪ್ಪು ಆಚಾರಿ ಇದ್ದರು.
- [ಆತ ಅಧಿಕಾರಿಯೇ ಅಲ್ಲ!](https://mobiletime.in/2026/05/he-is-not-an-officer/): ಅಬ್ದುಲ್ ರಫೀಕ್ ಎಂಬಾತರು ಅಬಕಾರಿ ಅಧಿಕಾರಿ ಎಂದು ಪರಿಚಯಿಸಿಕೊಂಡು ಜೊಯಿಡಾ-ದಾಂಡೇಲಿ ಭಾಗದಲ್ಲಿ ಓಡಾಡುತ್ತಿದ್ದಾರೆ. ಆದರೆ, ಅವರು ಸರ್ಕಾರಿ ಸಿಬ್ಬಂದಿಯೂ ಅಲ್ಲ. ಅಬಕಾರಿ ಅಧಿಕಾರಿಯೂ ಆಗಿಲ್ಲ. ಮೇ 10ರಂದು ಅಬ್ದುಲ್ ರಫೀಕ್ ಅವರು ಜೊಯಿಡಾದ ಅಪ್ಪು ಹೊಟೇಲ್ ಬಳಿ ಬಂದಿದ್ದಾರೆ. `ನಾನು ದಾಂಡೇಲಿ ಅಬಕಾರಿ ಇಲಾಖೆ ಅಧಿಕಾರಿ’ ಎಂದು ಪರಿಚಯಿಸಿಕೊಂಡಿದ್ದಾರೆ. `ಈ ಹೊಟೇಲಿನಲ್ಲಿ ಅಕ್ರಮ ಸರಾಯಿ ಮಾರಾಟ ನಡೆದಿದೆ. ನಾನು ಚೆಕ್ ಮಾಡಬೇಕು’ ಎಂದಿದ್ದಾರೆ. ಕುಂಬಾರವಾಡ ಮೈನೋಳದ ವಿಶ್ವನಾಥ ತುಳಿಯೋ ಗಾವಡಾ ಅವರು ಹೊಟೇಲ್ ತಪಾಸಣೆಗೆ ಅನುಮತಿ ನೀಡಿದ್ದಾರೆ. ಎಲ್ಲಾ ಸಾಮಗ್ರಿಗಳನ್ನು ಚಲ್ಲಾಪಿಲ್ಲಿಯಾಗಿಸಿದ ಅಬ್ದುಲ್ ರಫೀಕ್ ಅವರು ಏನೂ ಸಿಗದೇ ಅಲ್ಲಿಂದ ಮರಳಿದ್ದಾರೆ. ಅದಾದ ನಂತರ ಅಬ್ದುಲ್ ರಫೀಕ್ ಮೇಲೆ ಅಲ್ಲಿನವರಿಗೆ ಅನುಮಾನ ಶುರುವಾಗಿದೆ. ವಿಶ್ವನಾಥ ಗಾವಡಾ ಅವರ ಜೊತೆ ಸಂದೀಪ ನಾಯ್ಕ, ಮುರಳಿ ಗಾವಡಾ ಸೇರಿ ವಿಚಾರಣೆ ನಡೆಸಿದ್ದಾರೆ. ಹೊಟೇಲ್ ಪಕ್ಕದ ಗ್ಯಾರೇಜ್ ಹಾಗೂ ಇನ್ನಿತರ ಅಂಗಡಿಯಲ್ಲಿಯೂ ಇದೇ ರೀತಿ ಅಬ್ದುಲ್ ರಫೀಕ್ ಶೋಧ ನಡೆಸಿರುವುದು ಗೊತ್ತಾಗಿದೆ. ಜನ ಸೇರಿ ಪ್ರಶ್ನಿಸಿದಾಗ ಅಬ್ದುಲ್ ರಫೀಕ್ ಸ್ಕೂಟಿಯಲ್ಲಿ ಪರಾರಿಯಾಗಿದ್ದಾರೆ. ಜನರನ್ನು ಮೋಸ ಮಾಡುವ ಉದ್ದೇಶದೊಂದಿಗೆ ಅಬ್ದುಲ್ ರಫೀಕ್ ಈ ರೀತಿ ವರ್ತಿಸಿದ ಅನುಮಾನವಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಭಟ್ಕಳ ಬಂದ್!](https://mobiletime.in/2026/06/bhatkal-bandh/): ಭಟ್ಕಳದ ಮುರಿನಕಟ್ಟೆ ಧ್ವಂಸ ಪ್ರಕರಣವನ್ನು ಖಂಡಿಸಿ ವಿವಿಧ ಹಿಂದೂಪರ ಸಂಘಟನೆಗಳು ಶುಕ್ರವಾರ ಮಧ್ಯಾಹ್ನ ಸ್ವಯಂ ಪ್ರೇರಿತ ಬಂದ್ ನಡೆದಿದೆ. ಜೊತೆಗೆ, ಭಾರೀ ಪ್ರಮಾಣದ ಜನ ಬೆಂಬಲದಿoದ ಪ್ರತಿಭಟನೆಯನ್ನು ನಡೆಸಿವೆ. ಭಟ್ಕಳದಲ್ಲಿ ಭದ್ರತೆ ದೃಷ್ಟಿಯಿಂದ 900ಕ್ಕೂ ಅಧಿಕ ಪೊಲೀಸರನ್ನು ನೇಮಿಸಲಾಗಿದೆ. ಇದರ ಜೊತೆಗೆ ಪರಿಸ್ಥಿತಿಯನ್ನು ನಿಭಾಯಿಸಲು 5 ಕೆಎಸ್‌ಆರ್‌ಪಿ ಹಾಗೂ 2 ಡಿಆರ್ ತುಕಡಿಗಳನ್ನು ಭದ್ರತಾ ಕಾರ್ಯಕ್ಕಾಗಿ ಬಳಸಿಕೊಳ್ಳಲಾಗುತ್ತಿದೆ. ಉಡುಪಿ ಮತ್ತು ಭಟ್ಕಳ ಗಡಿ ಭಾಗದಲ್ಲಿ ಮುನ್ನೆಚ್ಚರಿಕಾ ಕ್ರಮವಾಗಿ ವಿಶೇಷ ಚೆಕ್‌ಪೋಸ್ಟ್ ಸ್ಥಾಪಿಸಲಾಗಿದ್ದು, ವಿಶೇಷ ಕಟ್ಟೆಚ್ಚರ ವಹಿಸಲಾಗಿದೆ.ರಾಷ್ಟ್ರೀಯ ಹೆದ್ದಾರಿ 6 ರ ಮುರಿನಕಟ್ಟೆ ಪ್ರದೇಶದ ಬಳಿ ಹೆಚ್ಚಿನ ಸಂಖ್ಯೆಯಲ್ಲಿ ಪೊಲೀಸರನ್ನು ನಿಯೋಜಿಸಿ ಪರಿಸ್ಥಿತಿಯನ್ನು ನಿಭಾಯಿಸಲಾಗುತ್ತಿದೆ. ಚನ್ನಪಟ್ಟಣ ಹನುಮದೇವಾಲಯದಿಂದ ಪ್ರತಿಭಟನೆ ಶುರುವಾಗಿ ಉಪವಿಭಾಗಾಧಿಕಾರಿ ಕಚೇರಿವರೆಗೆ ಸಂಚರಿಸಿದೆ. ಅದಾದ ನಂತರ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಮುಖ್ಯಮಂತ್ರಿಗಳಿಗೆ ಪತ್ರ ರವಾನೆಯಾಗಿದೆ. ದೈವಿಕ ಶಕ್ತಿ ಕೇಂದ್ರವಾದ ಮುರಿನಕಟ್ಟೆ ಧ್ವಂಸ ಪ್ರಕರಣವನ್ನು ಹಿಂದೂ ಕಾರ್ಯಕರ್ತರು ಮುಖ್ಯಮಂತ್ರಿಗಳಿಗೆ ವಿವರಿಸಿದ್ದು, ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಹಿಂದೂ ಕಾರ್ಯಕರ್ತರ ಮೇಲೆ ದಾಖಲಿಸಿದ ಪ್ರಕರಣ ಕೈ ಬಿಡಬೇಕು ಎಂದು ಸಹ ಒತ್ತಾಯಿಸಿದ್ದಾರೆ.
- [ವೀರಶೈವ ಲಿಂಗಾಯತ ಮಹಾಸಭಾ: ಸಂಘಟನೆಯೇ ಶಕ್ತಿ.. ಸಹಕಾರವೇ ಸ್ಪೂರ್ತಿ!](https://mobiletime.in/2026/06/veerashaiva-lingayat-mahasabha-organization-is-strength-cooperation-is-inspiration/): ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾದ ಜಿಲ್ಲಾಧ್ಯಕ್ಷರಾಗಿ ಮಾಜಿ ಶಾಸಕ ವಿ ಎಸ್ ಪಾಟೀಲ್ ಅವರು ಆಯ್ಕೆಯಾಗಿದ್ದು, ಸಮುದಾಯದ ಸಮಸ್ಯೆಗಳನ್ನು ಬಗೆಹರಿಸುವುದಕ್ಕಾಗಿ ಓಡಾಡುತ್ತಿದ್ದಾರೆ. ಸಂಘಟನೆಯ ನಿಕಟಪೂರ್ವ ಜಿಲ್ಲಾಧ್ಯಕ್ಷ ಶಿವಲಿಂಗಯ್ಯ ಅಲ್ಲಯ್ಯನವರಮಠ ಅವರು ವಿ ಎಸ್ ಪಾಟೀಲ್ ಅವರಿಗೆ ಬೆನ್ನೆಲುಬಾಗಿದ್ದಾರೆ. ಸಮುದಾಯ ಸಂಘಟನೆಯ ಮೊದಲ ಹಂತವಾಗಿ ನೂತನ ಪದಾಧಿಕಾರಿಗಳ ಆಯ್ಕೆ ಪ್ರಕ್ರಿಯೆ ನಡೆದಿದೆ. ಯಲ್ಲಾಪುರ ಪಟ್ಟಣದ ಅಡಿಕೆ ಭವನದಲ್ಲಿ ಜೂನ್ 6ರಂದು ನೂತನ ಪದಾಧಿಕಾರಿಗಳ ಪದಗ್ರಹಣ ಕಾರ್ಯಕ್ರಮವೂ ನಡೆಯಲಿದೆ. ಇದೇ ಕಾರ್ಯಕ್ರಮದಲ್ಲಿ ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಗೌರವಿಸಲಾಗುತ್ತದೆ. ಸಂಘಟನೆಯ ಮಹಿಳಾ ಘಟಕದ ರಾಷ್ಟ್ರೀಯ ಅಧ್ಯಕ್ಷೆ ವೀಣಾ ಕಾಶಪ್ಪನವರ್, ರಾಜ್ಯಾಧ್ಯಕ್ಷ ಶಂಕರ ಬಿದರಿ ಹಾಗೂ ಮಹಾಸಭಾದ ವಿವಿಧ ಸ್ಥರಗಳ ಪದಾಧಿಕಾರಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಶುಕ್ರವಾರ ವಿ ಎಸ್ ಪಾಟೀಲ್ ಅವರು ಈ ವಿಷಯವನ್ನು ಸುದ್ದಿಗಾರರ ಬಳಿ ಹೇಳಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ 1 ಲಕ್ಷಕ್ಕೂ ಅಧಿಕ ಸಂಖ್ಯೆಯಲ್ಲಿ ವೀರಶೈವ ಲಿಂಗಾಯತ ಸಮುದಾಯದವರಿದ್ದು, ಅವರೆಲ್ಲರಿಗೂ ಈ ಕಾರ್ಯಕ್ರಮಕ್ಕೆ ವಿ ಎಸ್ ಪಾಟೀಲ್ ಅವರು ಆಮಂತ್ರಿಸಿದ್ದಾರೆ. `ಸದ್ಯ 1300 ಸದಸ್ಯರ ಸಮಿತಿ ರಚಿಸಲಾಗಿದೆ. ಎಲ್ಲಾ ರಾಜಕೀಯ ಪಕ್ಷದವರು ಈ ಸಮಿತಿಯಲ್ಲಿದ್ದು, ಭವಿಷ್ಯದಲ್ಲಿ ಸಂಘಟನೆಗೆ ಒತ್ತು ನೀಡಲಾಗುತ್ತದೆ. ಜೊತೆಗೆ ಸಾಧಕರನ್ನು ಗುರುತಿಸಿ ಪ್ರೋತ್ಸಾಹಿಸುವ ಕೆಲಸ ಮಾಡುತ್ತೇವೆ’ ಎಂದು ಅವರು ಘೋಷಿಸಿದ್ದಾರೆ. `ಶೈಕ್ಷಣಿಕ ಹಾಗೂ ಆರ್ಥಿಕ ದುರ್ಬಲರಿಗೆ ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ನೆರವು ನೀಡಲಿದೆ’ ಎಂದವರು ಹೇಳಿದ್ದಾರೆ. ಪ್ರಮುಖರಾದ ಜ್ಯೋತಿ ಪಾಟೀಲ, ರಾಜೇಶ ಹಂಚಿನಾಳಮಠ, ಸಂಗಪ್ಪ ಕೋಳೂರ, ಮಂಜುನಾಥ ಹಿರೇಮಠ, ಮಹೇಶ ದಾವಣಗೆರೆ, ಪ್ರಭಾವತಿ ಗೋವಿ ಈ ವೇಳೆ ಇದ್ದರು.
- [ಮಾವಿನ ಹಣ್ಣು ತಿಂದ ಬಳಿಕ ಗೊರಟೆ ಎಸೆಯಬೇಡಿ](https://mobiletime.in/2026/06/dont-throw-up-after-eating-mangoes-2/): ಮಾವಿನ ಹಣ್ಣು ಎಂದರೆ ಸಿಹಿ. ಆದರೆ ಹಣ್ಣು ತಿಂದ ಬಳಿಕ ಉಳಿಯುವ ಗೊರಟೆಯೂ ಒಂದು ಸವಿಯಾದ ಖಾದ್ಯವಾಗಬಹುದು ಎಂಬುದು ಅನೇಕರಿಗೆ ಗೊತ್ತಿಲ್ಲ. ಮಲೆನಾಡು ಮತ್ತು ಕರಾವಳಿ ಕರ್ನಾಟಕದ ಗ್ರಾಮೀಣ ಮನೆಗಳಲ್ಲಿ ಮಾವಿನ ಗೊರಟೆಯಿಂದ ಪಲ್ಯ ಮಾಡುವ ವಿಶಿಷ್ಟ ಸಂಪ್ರದಾಯ ಇಂದಿಗೂ ಜೀವಂತವಾಗಿದೆ.   ಮಾವಿನ ಹಣ್ಣು ತಿಂದ ಬಳಿಕ ಗೊರಟೆಯನ್ನು ಸಂಗ್ರಹಿಸಿ, ನೀರಿನಲ್ಲಿ ಬೇಯಿಸಬೇಕು. ಅಥವಾ ಒದ್ದೆ ಬಟ್ಟೆಯಲ್ಲಿ ಸುತ್ತಿ ಮೂರ್ನಾಲಕ್ಉ ದಿನ ಇಡಬೇಕು. ಅದರೆ ಗಟ್ಟಿಯಾದ ಪದರ ಬಿಟ್ಟಕೊಂಡ ಬಳಿಕ ಅದನ್ನ ತುರಿಸದು ಅಥವಾ ಚಿಕ್ಕದಾಗಿ ತುಂಡು ಮಾಡಿಕೊಳ್ಳಬೇಕು. ಬಳಿಕ ಉಪ್ಪು ಸೇರಿಸಿ ಒಂದು ಕುದಿ ಬೇಯಿಸಿ ಚೆನ್ನಾಗಿ ತೊಳೆದು ಅದಕ್ಕೆ ತೆಂಗಿನ ತುರಿ, ಮೆಣಸಿನಕಾಯಿ, ಸಾಸಿವೆ ಮತ್ತು ಇತರ ಮಸಾಲೆಗಳನ್ನು ಸೇರಿಸಿ ರುಚಿಕರವಾದ ಪಲ್ಯ ತಯಾರಿಸುತ್ತಿದ್ದರು. ಸಿಹಿ, ಹುಳಿ ಮತ್ತು ಖಾರದ ಸಮ್ಮಿಲನ ಈ ಪಲ್ಯದ ವಿಶೇಷ ರುಚಿ.   ಈ ಪಲ್ಯ ಕೇವಲ ಒಂದು ಖಾದ್ಯವಲ್ಲ. ಅದು ನಮ್ಮ ಹಿರಿಯರ ಮಿತವ್ಯಯ ಮತ್ತು ಪ್ರಕೃತಿಯ ಕೊಡುಗೆಯನ್ನು ಸಂಪೂರ್ಣವಾಗಿ ಬಳಸಿಕೊಳ್ಳುವ ಜೀವನಶೈಲಿಯ ಪ್ರತೀಕವಾಗಿದೆ. ಇಂದಿನ ಆಹಾರ ವ್ಯರ್ಥವಾಗದಿರಲಿ ಎಂಬ ಸಂದೇಶವನ್ನು ನಮ್ಮ ಪೂರ್ವಜರು ಬಹಳ ಹಿಂದೆಯೇ ತಮ್ಮ ಅಡುಗೆಯಲ್ಲಿ ಅಳವಡಿಸಿಕೊಂಡಿದ್ದರು. ಬೇಸಿಗೆಯ ದಿನಗಳಲ್ಲಿ ಮನೆಯಂಗಳದಲ್ಲಿ ಕುಳಿತು ಮಾವಿನ ಹಣ್ಣು ಸವಿಯುವಾಗ ಉಳಿಯುವ ಗೊರಟೆಯನ್ನು ಕಸದ ಬುಟ್ಟಿಗೆ ಎಸೆಯದೆ ರುಚಿಯಾದ ಪಲ್ಯವಾಗಿ ಪರಿವರ್ತಿಸುವ ಕಲೆಯೇ ಗ್ರಾಮೀಣ ಅಡುಗೆಯ ಸೊಬಗು. ಸರಳ ಪದಾರ್ಥಗಳಿಂದ ಸವಿಯಾದ ಖಾದ್ಯ ಸೃಷ್ಟಿಸುವ ಈ ಸಂಪ್ರದಾಯ, ನಮ್ಮ ಜನಪದ ಆಹಾರ ಸಂಸ್ಕೃತಿಯ ಶ್ರೀಮಂತಿಕೆಯನ್ನು ಸಾರುತ್ತದೆ.
- [ಮೊಬೈಲ್‌ನಲ್ಲಿ ಕಾಣುವ ಹಸಿರು ಚುಕ್ಕೆ ಕದ್ದಾಲಿಕೆಯ ಸಂಕೇತವೇ?](https://mobiletime.in/2026/06/is-the-green-dot-on-your-mobile-phone-a-sign-of-eavesdropping/): ಇತ್ತೀಚಿನ ಸ್ಮಾರ್ಟ್‌ಫೋನ್‌ಗಳಲ್ಲಿ ಕೆಲವೊಮ್ಮೆ ಸ್ಕ್ರೀನ್‌ನ ಮೇಲ್ಭಾಗದಲ್ಲಿ ಸಣ್ಣ ಹಸಿರು ಚುಕ್ಕೆ ಕಾಣಿಸುತ್ತದೆ. ಇದನ್ನು ಕಂಡ ತಕ್ಷಣ ಅನೇಕರು “ಯಾರಾದರೂ ನನ್ನ ಫೋನ್‌ನ್ನು ಕದ್ದಾಲಿಸುತ್ತಿದ್ದಾರೆಯೇ?” ಅಥವಾ “ಯಾವುದಾದರೂ ಥರ್ಡ್ ಪಾರ್ಟಿ ಆ್ಯಪ್ ನನ್ನ ಮೇಲೆ ಕಣ್ಗಾವಲು ಇಟ್ಟಿದೆಯೇ?” ಎಂಬ ಅನುಮಾನಕ್ಕೆ ಒಳಗಾಗುತ್ತಾರೆ. ಆದರೆ ಸತ್ಯ ಏನು ?   ವಾಸ್ತವದಲ್ಲಿ ಈ ಹಸಿರು ಚುಕ್ಕೆ ನಿಮ್ಮ ಸುರಕ್ಷತೆಗಾಗಿ ರೂಪಿಸಲಾದ ವಿಶೇಷ ಭದ್ರತಾ ಸೂಚಕವಾಗಿದೆ. ನಿಮ್ಮ ಮೊಬೈಲ್‌ನ ಕ್ಯಾಮೆರಾ ಅಥವಾ ಮೈಕ್ರೋಫೋನ್ ಬಳಕೆಯಲ್ಲಿದ್ದಾಗ ಈ ಚುಕ್ಕೆ ಕಾಣಿಸಿಕೊಳ್ಳುತ್ತದೆ. ವೀಡಿಯೊ ಕರೆ ಮಾಡುತ್ತಿರುವಾಗ, ಫೋಟೋ ತೆಗೆಯುವಾಗ ಅಥವಾ ರೆಕಾರ್ಡ್ ಮಾಡುವಾಗ  ಫೋನ್ ನಿಮಗೆ ಎಚ್ಚರಿಕೆ ನೀಡುತ್ತದೆ.   ಈ ವೈಶಿಷ್ಟ್ಯವನ್ನು ಆಂಡ್ರಾಯ್ಡ್ ಹಾಗೂ ಐಫೋನ್‌ಗಳಲ್ಲಿ ಬಳಕೆದಾರರ ಗೌಪ್ಯತೆಯನ್ನು ಕಾಪಾಡುವ ಉದ್ದೇಶದಿಂದ ಪರಿಚಯಿಸಲಾಗಿದೆ. ಹಿಂದೆ ಕೆಲವು ಆ್ಯಪ್‌ಗಳು ಬಳಕೆದಾರರ ಅರಿವಿಲ್ಲದೆ ಕ್ಯಾಮೆರಾ ಅಥವಾ ಮೈಕ್ರೋಫೋನ್ ಬಳಸುತ್ತಿವೆಯೇ ಎಂಬ ಆತಂಕ ಇತ್ತು. ಈಗ ಹಸಿರು ಚುಕ್ಕೆ ಕಾಣಿಸಿದರೆ ಆ ಕ್ಷಣದಲ್ಲಿ ಯಾವುದೋ ಆ್ಯಪ್ ಈ ಸೌಲಭ್ಯಗಳನ್ನು ಬಳಸುತ್ತಿದೆ ಎಂಬುದು ಸ್ಪಷ್ಟವಾಗುತ್ತದೆ.   ಆದರೆ, ನೀವು ಯಾವುದೇ ಕರೆ ಮಾಡದೇ, ಕ್ಯಾಮೆರಾ ಬಳಸದೇ ಇದ್ದರೂ ಹಸಿರು ಚುಕ್ಕೆ ನಿರಂತರವಾಗಿ ಕಾಣಿಸುತ್ತಿದ್ದರೆ ಎಚ್ಚರಿಕೆಯಿಂದಿರಬೇಕು. ಯಾವ ಆ್ಯಪ್ ಕ್ಯಾಮೆರಾ ಅಥವಾ ಮೈಕ್ರೋಫೋನ್ ಬಳಸುತ್ತಿದೆ ಎಂಬುದನ್ನು ಪರಿಶೀಲಿಸಿ, ಅಗತ್ಯವಿಲ್ಲದ ಅನುಮತಿಗಳನ್ನು ತೆಗೆದುಹಾಕುವುದು ಉತ್ತಮ. ಹೀಗಾಗಿ, ಮೊಬೈಲ್‌ನಲ್ಲಿ ಕಾಣುವ ಹಸಿರು ಚುಕ್ಕೆ ಭಯಪಡುವ ವಿಷಯವಲ್ಲ. ಅದು ನಿಮ್ಮ ಖಾಸಗಿತನವನ್ನು ಕಾಪಾಡಲು ಫೋನ್ ನೀಡುವ ಒಂದು ಚಿಕ್ಕದಾದರೂ ಮಹತ್ವದ ಭದ್ರತಾ ಸಂದೇಶವಾಗಿದೆ. ಸಣ್ಣ ಹಸಿರು ಚುಕ್ಕೆ ನಿಮ್ಮ ಡಿಜಿಟಲ್ ಸುರಕ್ಷತೆಯ ಕಾವಲುಗಾರ ಎಂದರೆ ತಪ್ಪಾಗಲಾರದು.
- [ಪೊಲೀಸ್ ಹುದ್ದೆ ಮಾರಾಟಕ್ಕಿಲ್ಲ!](https://mobiletime.in/2026/06/police-posts-are-not-for-sale/): ಪೊಲೀಸ್ ಹುದ್ದೆ ಕೊಡಿಸುವುದಾಗಿ ಹಣಪಡೆದು ಮೋಸ ಮಾಡಿದ್ದ ಹಳಿಯಾಳದ ಸಣ್ಣನಿಂಗಪ್ಪ ಶೆಟ್ಟಣ್ಣನವರ್ ಹಾಗೂ ಅವರ ಮಕ್ಕಳಿಬ್ಬರು ಪಿಸೈ ಬಸವರಾಜ ಮಬನೂರು ಅವರ ಬಳಿ ಸಿಕ್ಕಿಬಿದ್ದಿದ್ದಾರೆ. ಸಣ್ಣನಿಂಗಪ್ಪ ಶೆಟ್ಟಣ್ಣನವರ್ ಅವರ ಜೊತೆ ಕಿರಣ ಶೆಟ್ಟಣ್ಣನವರ್ ಹಾಗೂ ಮಂಜುನಾಥ ಶೆಟ್ಟಣ್ಣನವರ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿ, ಕಠಿಣ ಕ್ರಮ ಜರುಗಿಸಿದ್ದಾರೆ. ಹಳಿಯಾಳದ ದುರ್ಗಾನಗರದಲ್ಲಿ ವಿಷ್ಣು ಮಹಾಬಲೇಶ್ವರ ಶಿರೋಡ್ಕರ್ (40) ಅವರು ವಾಸವಾಗಿದ್ದಾರೆ. ಸೈನಿಕರಾಗಿ ಸೇವೆ ಸಲ್ಲಿಸಿ ನಿವೃತ್ತರಾದ ವಿಷ್ಣು ಶಿರೋಡ್ಕರ್ ಅವರಿಗೆ ಹಳಿಯಾಳ ಕೆ ಎಚ್ ಬಿ ಕಾಲೋನಿಯ ಸಣ್ಣನಿಂಗಪ್ಪ ಅರ್ಜುನ್ ಶೆಟ್ಟಣ್ಣನವರ್ (58) ಅವರು ಪರಿಚಯರಾಗಿದ್ದಾರೆ. 2023ರಲ್ಲಿ ಸಣ್ಣನಿಂಗಪ್ಪ ಶೆಟ್ಟಣ್ಣನವರ್ ಅವರು `ಪಿಸೈ ಹುದ್ದೆ ಮಾರಾಟಕ್ಕಿದೆ’ ಎಂಬ ವಿಷಯ ಹೇಳಿದ್ದಾರೆ. ಸೈನಿಕರಾಗಿ ಸೇವೆ ಸಲ್ಲಿಸಿದ್ದ ವಿಷ್ಣು ಶಿರೋಡ್ಕರ್ ಅವರು `ಹೇಗಾದರೂ ಮಾಡಿ ಪಿಸೈ ಆಗಬೇಕು’ ಎಂದು ಕನಸು ಕಂಡಿದ್ದಾರೆ. ಆಗ, `ಕಾಸು ಕೊಟ್ಟರೆ ಕೆಲಸ ಆಗುತ್ತದೆ’ ಎಂದು ಸಣ್ಣನಿಂಗಪ್ಪ ಶೆಟ್ಟಣ್ಣನವರ್ ಅವರು ನಂಬಿಸಿದ್ದಾರೆ. ಸಣ್ಣನಿoಗಪ್ಪ ಅರ್ಜುನ್ ಶೆಟ್ಟಣ್ಣನವರ್ ಅವರ ಜೊತೆ ಅವರ ಮಕ್ಕಳಾದ ಕಿರಣ ಸಣ್ಣನಿಂಗಪ್ಪ ಶೆಟ್ಟಣ್ಣನವರ್ (36) ಹಾಗೂ ಮಂಜುನಾಥ ಸಣ್ಣನಿಂಗಪ್ಪ ಶೆಟ್ಟಣ್ಣನವರ್ (34) ಸೇರಿ ಕಾಸು ಕೀಳುವ ಕೆಲಸ ಶುರು ಮಾಡಿದ್ದಾರೆ. 2023ರ ಫೆಬ್ರವರಿ 6ರಿಂದ 2026ರ ಏಪ್ರಿಲ್ 24ರ ಅವಧಿಯಲ್ಲಿ ಈ ಅಪ್ಪ-ಮಕ್ಕಳು ಸೇರಿ ವಿಷ್ಣು ಶಿರೋಡ್ಕರ್ ಅವರಿಂದ 18 ಲಕ್ಷ ರೂ ಹಣಪಡೆದಿದ್ದಾರೆ. ಅದಾದ ನಂತರ ನಂತರ 90 ಸಾವಿರ ರೂ ಫೋನ್ ಫೇ ಮಾಡಿಸಿಕೊಂಡಿದ್ದಾರೆ. ಆದರೆ, ವರ್ಷ ಕಳೆದರೂ ಪಿಸೈ ಹುದ್ದೆ ಮಾತ್ರ ಕೊಡಿಸಿಲ್ಲ. ಈ ಬಗ್ಗೆ ವಿಷ್ಣು ಶಿರೋಡ್ಕರ್ ಅವರು ಪ್ರಶ್ನಿಸಿದಾಗ 708500ರೂ ಮರಳಿ ನೀಡಿದ್ದಾರೆ. ಮತ್ತೊಮ್ಮೆ ಹಣ ಕೇಳಿದಾಗ ಕೆಟ್ಟದಾಗಿ ಬೈದು ನಿಂದಿಸಿದ್ದಾರೆ. ಮತ್ತೆ ಹಣ ಕೇಳಿದರೆ ಕೊಲೆ ಮಾಡುವುದಾಗಿ ಬೆದರಿಸಿದ್ದಾರೆ. ಪಿಸೈ ಹುದ್ದೆಯೂ ಸಿಗದೇ ಹಣ ಕಳೆದುಕೊಂಡ ವಿಷ್ಣು ಶಿರೋಡ್ಕರ್ ಅವರು ತಮಗಾದ ಅನ್ಯಾಯದ ಬಗ್ಗೆ ಪೊಲೀಸರ ಮೊರೆ ಹೋಗಿದ್ದಾರೆ. `ಪಿಸೈ ಹುದ್ದೆ ಎಂದಿಗೂ ಮಾರಾಟಕ್ಕೀಲ್ಲ’ ಎಂದು ಹಳಿಯಾಳ ಪಿಸೈ ಬಸವರಾಜ ಮಬನೂರು ಅವರು ಬುದ್ದಿ ಹೇಳಿದ್ದಾರೆ. ಮೋಸ ಮಾಡಿದ ಮೂವರ ವಿರುದ್ಧ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಅರಣ್ಯದಲ್ಲಿ ಅಂದರ್ ಬಾಹರ್: ಆಡಿದವರು ಎಷ್ಟು? ಓಡಿದವರು ಎಷ್ಟು?](https://mobiletime.in/2026/06/andar-bahar-in-the-forest-how-many-played-how-many-ran/): ಮುಂಡಗೋಡದ ಲಕ್ಕೊಳ್ಳಿ ಅರಣ್ಯ ಪ್ರದೇಶದಲ್ಲಿ ಅಂದರ್ ಬಾಹರ್ ಆಡುತ್ತಿದ್ದವರ ಮೇಲೆ ಪಿಸೈ ಮಂಜುನಾಥ ಗೌಡ ಅವರು ದಾಳಿ ಮಾಡಿದ್ದಾರೆ. ಈ ವೇಳೆ ನಾಲ್ವರು ಸಿಕ್ಕಿಬಿದ್ದಿದ್ದು, ಇಬ್ಬರು ಓಡಿ ಪರಾರಿಯಾಗಿದ್ದಾರೆ. ಜೂನ್ 3ರ ಸಂಜೆ 7.30ಕ್ಕೆ ಕಾಡು ದಾರಿಯಲ್ಲಿ ಜೂಜಾಟ ನಡೆಯುತ್ತಿರುವ ಬಗ್ಗೆ ಪೊಲೀಸರಿಗೆ ಫೋನ್ ಬಂದಿತು. ಪಿಸೈ ಮಂಜುನಾಥ ಗೌಡ ಅವರು ತಮ್ಮ ತಂಡದ ಜೊತೆ ಕಾಡು ಪ್ರವೇಶಿಸಿದರು. ಪೊಲೀಸರನ್ನು ಕಂಡ ಇಂದಿರಾನಗರದ ಮೇಹಬೂಬ್‌ಸಾಬ್ ಬೆಂಡಿಗೇರಿ ಹಾಗೂ ಅಬ್ದುಲ್ ಬಾಕರ್ ಕಲೆಗಾರ ಅಲ್ಲಿಂದ ಓಡಿ ಪರಾರಿಯಾದರು. ಇಂದಿರಾ ನಗರದ ಪೇಂಟಿoಗ್ ಕಾರ್ಮಿಕ ಪೈರೂಜ್‌ಖಾನ್ ಅಮಜದ್‌ಖಾನ್ ಖಾನಜಾದೆ (22), ಅಂಬೇಡ್ಕರ್ ನಗರದ ಕೂಲಿ ಕಾರ್ಮಿಕ ಸೂರಜ್ ಈರಪ್ಪ ಕೊರವರ (29), ಇಂದಿರಾ ನಗರದ ಚಾಲಕ ಶಹಬಾಜ್ ಅಹ್ಮದ್ ಮಹಮ್ಮದ್ ಹನೀಫ್ ಕಲೆಗಾರ (28) ಹಾಗೂ ಅಂಬೇಡ್ಕರ್ ನಗರದ ಉದ್ಯೋಗಿ ಅನಿಲ್ ನಾಗಪ್ಪ ಕೊರವರ (28) ಓಡಲಾಗದೇ ಸಿಕ್ಕಿಬಿದ್ದರು. ಸಿಕ್ಕಿಬಿದ್ದ ಆ ನಾಲ್ವರನ್ನು ವಿಚಾರಣೆಗೊಳಪಡಿಸಿದ ಪೊಲೀಸರು ಓಡಿ ಹೋದವರ ಹೆಸರನ್ನು ಬಾಯ್ಬಿಡಿಸಿದರು. ಜೂಜಾಟಕ್ಕೆ ಬಳಕೆ ಮಾಡಿದ್ದ 9,310ರೂ ಹಣವನ್ನು ವಶಕ್ಕೆಪಡೆದರು. ಅಲ್ಲಿದ್ದ 52 ಇಸ್ಪಿಟ್ ಎಲೆ ಹಾಗೂ ಹಾಸಿ ಕೂತಿದ್ದ ಪ್ಲಾಸ್ಟಿಕ್ ಗೊಬ್ಬರ ಚೀಲವನ್ನು ಸಾಕ್ಷಿಗಾಗಿ ಜಪ್ತು ಮಾಡಿದರು. ಓಡಿ ಹೋದವರ ಹೆಸರನ್ನು ಸೇರಿಸಿ ಪ್ರಕರಣ ದಾಖಲಿಸಿದ್ದು, ಜೂಜಾಟ ಆಡುವವರಿಗೆ ಕಠಿಣ ಕ್ರಮದ ಎಚ್ಚರಿಕೆಯನ್ನು ನೀಡಿದರು.
- [ಮಳೆಗೆ ಮುರಿದ ಸೇತುವೆ!](https://mobiletime.in/2026/06/the-bridge-broke-due-to-the-rain/): ಉತ್ತರ ಕನ್ನಡ ಜಿಲ್ಲೆಯ ದಾಂಡೇಲಿ ಭಾಗದಲ್ಲಿ ಭಾರೀ ಪ್ರಮಾಣದಲ್ಲಿ ಮಳೆಯಾಗುತ್ತಿದೆ. ಬಡಕಾಣಶಿಡಾ ಗ್ರಾಮ ಪಂಚಾಯಿತ ಬಳಿಯ ಸಾಕ್ಷಾಳಿ ಸಮೀಪದ ಬಡಕಾಣಶಿಡಾ – ಸಾಕ್ಷಾಳಿ ಸಂಪರ್ಕ ಸೇತುವೆ ಮಳೆಗೆ ಮುರಿದಿದೆ. ಈ ಸೇತುವೆಯ ಒಂದು ಭಾಗ ಕಡಿತಕ್ಕೆ ಒಳಗಾಗಿರುವುದರಿಂದ ಜನರ ಆತಂಕ ಹೆಚ್ಚಾಗಿದೆ. ಆ ಭಾಗದ ವಾಹನ ಸಂಚಾರಕ್ಕೂ ಸಮಸ್ಯೆಯಾಗುವ ಸಾಧ್ಯತೆಗಳಿವೆ. ಸಂಜೆ ವೇಳೆ ಈ ದುರಂತ ನಡೆದಿದ್ದು, ಸೇತುವೆ ಮೇಲೆ ಪಾದಚಾರಿಗಳು ಸಂಚರಿಸಲು ಹೆದರುತ್ತಿದ್ದಾರೆ. ಸೇತುವೆ ಈಗಾಗಲೇ ದುರ್ಬಲವಾಗಿದ್ದು, ಮತ್ತೊಂದು ಭಾರೀ ಮಳೆಗೆ ಇಡೀ ಸೇತುವೆ ಕೊಚ್ಚಿ ಹೋಗುವ ಆತಂಕ ಎದುರಾಗಿದೆ. ಸೇತುವೆ ಸಂಪೂರ್ಣವಾಗಿ ನಾಶವಾದರೆ, ಬಡಕಾನಶಿರಡಾ ಸೇರಿದಂತೆ ಸುತ್ತಮುತ್ತಲಿನ ಗ್ರಾಮಗಳ ಸಂಪರ್ಕ ಕಡಿತವಾಗಲಿದೆ. ಹೀಗಾಗಿ ಸಮಸ್ಯೆ ಆಗುವ ಮುನ್ನ ಅಧಿಕಾರಿಗಳು ಭೇಟಿ ನೀಡಬೇಕು ಎಂದು ಜನ ಆಗ್ರಹಿಸಿದ್ದಾರೆ. `ಹಾನಿಗೊಳಗಾದ ಸೇತುವೆಯನ್ನು ಶೀಘ್ರವಾಗಿ ದುರಸ್ತಿಪಡಿಸಬೇಕು. ಅಥವಾ ಕೂಡಲೇ ಪುನಃ ನಿರ್ಮಾಣ ಮಾಡಬೇಕು’ ಎಂದು ಅಲ್ಲಿನ ರಮೇಶ ನಾಯ್ಕ ಅವರು ಆಗ್ರಹಿಸಿದ್ದಾರೆ.
- [ಬಸ್ ನಿಲ್ದಾಣದಲ್ಲಿ ಕಳ್ಳರ ಕೈ ಚಳಕ!](https://mobiletime.in/2026/06/thieves-strike-at-the-bus-stop/): ಬಂಗಾರದ ಒಡವೆ ಧರಿಸಿದ್ದ ಸವಿತಾ ನಾಯ್ಕ ಅವರು ಶಿರಸಿಗೆ ಬಂದಾಗ ಆ ಒಡವೆಯನ್ನು ಬ್ಯಾಗಿನಲ್ಲಿರಿಸಿಕೊಂಡಿದ್ದು, ಅದು ಕಳ್ಳರ ಪಾಲಾಗಿದೆ. ಜಂಗುಳಿಯಿoದ ಕೂಡಿದ್ದ ಶಿರಸಿ ಕೇಂದ್ರೀಯ ಬಸ್ ನಿಲ್ದಾಣದಲ್ಲಿಯೇ ಕಳ್ಳರು ಕೈ ಚಳಕ ಪ್ರದರ್ಶಿಸಿದ್ದಾರೆ. ಶಿವಮೊಗ್ಗ ಸೊರಬದ ಚಂದ್ರಗುತ್ತಿ ಬಳಿಯ ಕಲಕೋಡದಲ್ಲಿ ಸವಿತಾ ಆನಂದ ನಾಯ್ಕ ಅವರು ವಾಸವಾಗಿದ್ದಾರೆ. 40 ವರ್ಷದ ಅವರು ಜೂನ್ 3ರಂದು ಶಿರಸಿಗೆ ಆಗಮಿಸಿದ್ದರು. ಮಗ ಧೀರಜ ನಾಯ್ಕ, ಅಕ್ಕ ನಾಗರತ್ನ ಹಾಗೂ ಅಕ್ಕನ ಮಗಳ ಜೊತೆ ಅವರು ಯಲ್ಲಾಪುರ-ಮುಂಡಗೋಡ ರಸ್ತೆಯ ಅಡಿಕೆಸರ ಗ್ರಾಮದಿಂದ ಶಿರಸಿಗೆ ಬಂದಿದ್ದರು. ನೆಂಟರಮನೆಗೆ ಬರುವಾಗ ಅವರು ಬಂಗಾರ ಧರಿಸಿದ್ದ ಅವರು ಶಿರಸಿ ಪೇಟೆಗೆ ಬರುವಾಗ ಅದನ್ನು ತೆಗೆದು ಬ್ಯಾಗಿನಲ್ಲಿರಿಸಿಕೊಂಡಿದ್ದರು. ಶಿರಸಿ ಕೇಂದ್ರೀಯ ಬಸ್ ನಿಲ್ದಾಣದಲ್ಲಿ ಅಕ್ಕ ನಾಗರತ್ನ ಅವರಿಗೆ ಬನವಾಸಿ ಬಸ್ ಹತ್ತಿಸಿದ ಬಳಿಕ ಸವಿತಾ ನಾಯ್ಕ ಅವರು ಬಸ್ ನಿಲ್ದಾಣದ ಒಳಗೆ ಕುಳಿತಿದ್ದರು. ನಂತರ ಮಗನಿಗೆ ತಿಂಡಿ ಕೊಡಿಸಲು ಬಸ್ ನಿಲ್ದಾಣದ ಬೇಕರಿಗೆ ತೆರಳಿದ್ದು, ಹಣ ಪಾವತಿಸಲು ವೆನಿಟಿ ಬ್ಯಾಗ್ ತೆರೆಯುವ ವೇಳೆ ಅದರಲ್ಲಿದ್ದ ಸ್ಟೀಲ್ ಬಾಕ್ಸ್ ಕಾಣೆಯಾಗಿರುವುದು ಗಮನಕ್ಕೆ ಬಂದಿತು. ಆ ಬ್ಯಾಗಿನಲ್ಲಿದ್ದ ಚಿನ್ನಾಭರಣ ಹಾಗೂ ಮೊಬೈಲ್ ಜೊತೆ ಹಣವನ್ನು ಕಳ್ಳರು ದೋಚಿರುವುದು ಆಗ ಗೊತ್ತಾಯಿತು. ಸವಿತಾ ನಾಯ್ಕ ಅವರ ಬಳಿಯಿದ್ದ 20 ಗ್ರಾಂ ತೂಕದ ಚಿನ್ನದ ಸರ, 10 ಗ್ರಾಂ ತೂಕದ ಕಿವಿಯ ಬೆಂಡೋಲೆ, ಸರಪಳಿ ಹಾಗೂ ಮಾಟಿ, ಕೀಪ್ಯಾಡ್ ಮೊಬೈಲ್ ಮತ್ತು 8 ಸಾವಿರ ರೂ ಹಣ ಸೇರಿ 1.59 ಲಕ್ಷ ರೂ ಮೌಲ್ಯದ ವಸ್ತುಗಳು ಕಳ್ಳರ ಪಾಲಾಗಿದೆ. ಪೊಲೀಸರು ಕಳ್ಳರ ಶೋಧ ನಡೆಸಿದ್ದಾರೆ.
- [ದಂಪತಿ ಜೊತೆ ದುರ್ವರ್ತನೆ!](https://mobiletime.in/2026/06/misbehavior-with-the-couple/): ಯಲ್ಲಾಪುರ ಬಸ್ ಡಿಪೋದ ಚಾಲಕರೊಬ್ಬರು ಭಟ್ಕಳ ದಂಪತಿ ಮೇಲೆ ದುರ್ವರ್ತನೆ ತೋರಿದ್ದಾರೆ. ಮಂಗಳೂರಿನಿoದ ಯಲ್ಲಾಪುರ ಕಡೆ ಹೋಗುವ ಬಸ್ ಚಾಲಕನ ವರ್ತನೆ ವಿರುದ್ಧ ದಂಪತಿ ನಿಗಮಕ್ಕೆ ದೂರು ನೀಡಿದ್ದಾರೆ. ಮಂಗಳವಾರ ಭಟ್ಕಳದ ಮಣ್ಕುಳಿಯ ಗಣೇಶ ನಾಯ್ಕ ಹಾಗೂ ಅವರ ಪತ್ನಿ ಸಂಬAದಿಕರ ಮನೆಗೆ ಹೊರಟಿದ್ದರು. ಮುಂಡಳ್ಳಿಯಲ್ಲಿನ ಮನೆಗೆ ಹೊರಟಿದ್ದ ಅವರಿಗೆ ಮಾರುತಿ ಶೋರೂಮಿನ ಬಳಿ ಬಸ್ ಸಿಕ್ಕಿದ್ದು, ಎದುರಿನಿಂದ ಬರುತ್ತಿದ್ದ ಗ್ಯಾಸ್ ಟ್ಯಾಂಕರ್ ಹಿಂದಿಕ್ಕುವ ಬರದಲ್ಲಿ ಕೆಎಸ್‌ಆರ್‌ಟಿಸಿ ಬಸ್ ಚಾಲಕ ಬೈಕಿನಲ್ಲಿದ್ದ ದಂಪತಿ ಮೇಲೆ ಬಸ್ಸು ಹಾಯಿಸಲು ಮುಂದಾಗಿದ್ದರು. ಈ ವೇಳೆ ತಮ್ಮ ಸಮಯಪ್ರಜ್ಞೆಯಿಂದಾಗಿ ಗಣೇಶ ನಾಯ್ಕ ಅವರು ತಪ್ಪಿಸಿಕೊಂಡಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಅದಾದ ನಂತರವೂ ಬಸ್ ಚಾಲಕ ದಂಪತಿಯನ್ನು ಕೆಟ್ಟದಾಗಿ ನಿಂದಿಸಿದ ಆರೋಪ ಎದುರುಸುತ್ತಿದ್ದಾರೆ. ಬಸ್ ನಿಲ್ದಾಣಕ್ಕೆ ಹೋಗಿ ಪ್ರಶ್ನಿಸಿದಾಗ, ಆ ಚಾಲಕ `ನಾನು ನಿಮ್ಮಿಬ್ಬರ ನೋಡುವುದೇ. ನಾನು ಬಸ್ಸಿನಲ್ಲಿದ್ದ ಪ್ರಯಾಣಿಕರನ್ನು ನೋಡೋದಾ’ ಎಂದು ಉಡಾಫೆಯಿಂದ ಮಾತನಾಡಿದ್ದಾರೆ. ಅತಿ ವೇಗವಾಗಿ ಬಸ್ ಓಡಿಸಿದಲ್ಲದೇ ತಮ್ಮ ಜೀವದ ಬಗ್ಗೆ ಹಗುರವಾಗಿ ಮಾತನಾಡಿದ ಕಾರಣ ಚಾಲಕನ ವಿರುದ್ಧ ಗಣೇಶ ನಾಯ್ಕ ಅವರು ಗರಂ ಆಗಿದ್ದಾರೆ. ಈ ಬಗ್ಗೆ ಯಲ್ಲಾಪುರ ಡಿಪೋ ಮ್ಯಾನೇಜರಿಗೆ ಸಹ ಗಣೇಶ ನಾಯ್ಕ ಅವರು ಫೋನ್ ಮಾಡಿ ದೂರಿದ್ದು, ಅವರ ಸೂಚನೆ ಮೇರೆಗೆ ವಾಟ್ಸಪ್ ಮೂಲಕ ಸಮಸ್ಯೆ ಬಗ್ಗೆ ವಿವರಿಸಿದ್ದಾರೆ.
- [ಆನೆ ಬಂತು ಆನೆ!](https://mobiletime.in/2026/06/the-elephant-has-come-2/): ಈಚೆಗೆ ನಾಡಿಗೆ ಬರುವ ಕಾಡು ಪ್ರಾಣಿಗಳ ಸಂಖ್ಯೆ ಹೆಚ್ಚಾಗಿದ್ದು, ಈ ದಿನವೂ ಆನೆಯೊಂದು ರಸ್ತೆ ಮೇಲೆ ಸಂಚರಿಸಿದೆ. ದಾಂಡೇಲಿ ರಸ್ತೆಯಲ್ಲಿ ಕಾಡಾನೆ ರಾಜಾರೋಷವಾಗಿ ಸಂಚರಿಸಿದ್ದು, ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ. ದಾಂಡೇಲಿಯ ಅಂಬೇವಾಡಿ-ಬರ್ಚಿ ರಸ್ತೆಯಲ್ಲಿ ಗುರುವಾರ ಕಾಡಾನೆ ಕಾಣಿಸಿಕೊಂಡಿದೆ. ನಸುಕಿನ ವೇಳೆ ರಸ್ತೆ ಬದಿಯಲ್ಲಿ ಆನೆ ಓಡಾಟ ನಡೆಸಿದೆ. ಈ ವೇಳೆ ವಾಹನದಲ್ಲಿ ಓಡಾಡುತ್ತಿರುವವರು ಆತಂಕಕ್ಕೆ ಒಳಗಾಗಿದ್ದಾರೆ. ನಂತರ ಆನೆಯ ವಿಡಿಯೋವನ್ನು ಚಿತ್ರಿಕರಿಸಿದ್ದಾರೆ. ಆಹಾರ ಅರಸಿ ರಸ್ತೆ ಬಳಿ ಬಂದ ಕಾಡಾನೆ ಏನೂ ಸಿಗದೇ ಮತ್ತೆ ಕಾಡಿಗೆ ಮರಳಿದೆ. ಗಣೇಶಗುಡಿ-ದಾಂಡೇಲಿ ಮಾರ್ಗದಲ್ಲಿಯೂ ಕಾಡಾನೆಯ ದರ್ಶನವಾಗಿದೆ. ಆನೆ ನೋಡಿದ ಜನ ಎಚ್ಚರಿಕೆಯಿಂದ ವಾಹನ ಓಡಿಸಿದ್ದಾರೆ. ಅಂಬೇವಾಡಿ ಬರ್ಚಿ ರಸ್ತೆಯಲ್ಲಿ ಕಾಡಾನೆ ಪ್ರತ್ಯಕ್ಷವಾದ ವಿಡಿಯೊ ವೈರಲ್ ಆಗಿದೆ. ಪಕ್ಕದ ಅರಣ್ಯದಿಂದಲೇ ಆನೆ ಬಂದಿದ್ದು, ನಂತರ ಅದೇ ಕಾಡಿಗೆ ಮರಳಿದೆ. ಆನೆ ಸಂಚಾರ ನೋಡಿದವರು ಕೆಲ ಕಾಲ ಆತಂಕಕ್ಕೆ ಒಳಗಾಗಿದ್ದು, ನಂತರ ಚೇತರಿಸಿಕೊಂಡು ಊರು ಸೇರಿದ್ದಾರೆ.
- [3 ಗಂಟೆಯ ಬಸ್ಸು ಬರುವುದು ಎಷ್ಟು ಗಂಟೆಗೆ?!!](https://mobiletime.in/2026/06/what-time-does-the-3-oclock-bus-arrive/): ಮುoಡಗೋಡು-ಯಲ್ಲಾಪುರ ಮಾರ್ಗವಾಗಿ ಸಂಚರಿಸುವ ಬಸ್ಸುಗಳು ಸಮಯಕ್ಕೆ ಸರಿಯಾಗಿ ಬಾರದ ಬಗ್ಗೆ ಆಕ್ರೋಶವ್ಯಕ್ತವಾಗಿದೆ. ತಾಸುಗಟ್ಟಲೆ ಕಾದರೂ ಬಸ್ಸು ಬಾರದ ಹಿನ್ನಲೆ ಪ್ರಯಾಣಿಕರು ಕೆಎಸ್‌ಆರ್‌ಟಿಸಿ ಸಿಬ್ಬಂದಿಯನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. ಬುಧವಾರ ಮಧ್ಯಾಹ್ನ 3 ಗಂಟೆಗೆ ಮುಂಡಗೋಡು ಬಸ್ ನಿಲ್ದಾಣದಿಂದ ಹೊರಡಬೇಕಾದ ಬಸ್ಸು ಸಂಜೆಯಾದರೂ ಬರಲಿಲ್ಲ. ಗಂಟೆಗಳ ಕಾಲ ಕಾದರೂ ಸಾರಿಗೆ ಸಿಬ್ಬಂದಿ ಬೇರೆ ಬಸ್ಸನ್ನು ಸಹ ಬಿಡಲಿಲ್ಲ. ಇದರಿಂದ ಪ್ರಯಾಣಿಕರು ಆಕ್ರೋಶಗೊಂಡಿದ್ದು, ಬಸ್ ನಿಲ್ದಾಣದಲ್ಲಿಯೇ ಪ್ರತಿಭಟಿಸಿದರು. ಮುಂಡಗೋಡು – ಯಲ್ಲಾಪುರಕ್ಕೆ ಹೋಗುವ ಮಾರ್ಗದಲ್ಲಿ ಹಲವು ಹಳ್ಳಿಗಳಿದ್ದು, ವಿದ್ಯಾರ್ಥಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ತಿರುಗುತ್ತಾರೆ. ಬಸ್ ಸರಿಯಾಗಿಲ್ಲದ ಕಾರಣ ಅವರಿಗೆ ಸಮಸ್ಯೆಯಾಗಿದೆ ಎಂದು ಅನೇಕರು ದೂರಿದರು. `ಬೆಳಿಗ್ಗೆ ಅವಧಿಯಲ್ಲಿಯೂ ಬಸ್ ವ್ಯವಸ್ಥೆ ಸರಿಯಾಗಿಲ್ಲ. ಎರಡು-ಮೂರು ತಾಸು ತಡವಾಗುತ್ತಿದೆ. ಹೀಗಾಗಿ ಜನ ಖಾಸಗಿ ವಾಹನ ಅವಲಂಭಿಸಬೇಕಿದ್ದು, ನಿಗದಿತ ಸಮಯ ಮೀರಿ ಸಂಚರಿಸುವ ಸಾರಿಗೆ ಬಸ್‌ಗಳಿಗೆ ಶಿಸ್ತು ಅಗತ್ಯ’ ಎಂದು ಪ್ರಯಾಣಿಕರು ಆಗ್ರಹಿಸಿದರು. `ತಾಲೂಕಿನಲ್ಲಿಯೇ ಬಸ್ ಘಟಕವಿದ್ದರೂ ಬಸ್ ಸಂಚಾರವ್ಯವಸ್ಥೆ ಸರಿಯಾಗಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು.
- [ಶಿಕಾರಿ ಶೂರನಿಗೆ ಸೆರೆಮನೆವಾಸ!](https://mobiletime.in/2026/06/a-hunter-hero-is-sentenced-to-prison/): ಮಂಗಳೂರಿಗೆ ಹೋಗಿ ಶಿಕಾರಿ ಶುರು ಮಾಡಿದ್ದ ಉತ್ತರ ಕನ್ನಡ ಜಿಲ್ಲೆಯ ಈಶ್ವರ ಮರಾಠಿ ಅರಣ್ಯ ಸಂಚಾರಿ ದಳದವರಿಗೆ ಸಿಕ್ಕಿಬಿದ್ದಿದ್ದಾರೆ. ಮಂಗಳೂರು ನಗರದ ಕೆಪಿಟಿ ಜಂಕ್ಷನ್ ಬಳಿ ಚಿಪ್ಪು ಹಂದಿಯ ಚಿಪ್ಪು ಮಾರಾಟ ಮಾಡುವಾಗ ಅಧಿಕಾರಿಗಳು ದಾಳಿ ಮಾಡಿದ್ದು, ಈಶ್ವರ ಮರಾಠಿ ಅವರನ್ನು ಬಂಧಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳದ ಈಶ್ವರ ನಾಗು ಮರಾಠಿ ಅವರು ಮಂಗಳೂರಿಗೆ ಹೋಗಿದ್ದರು. 3ಕಿಲೋ ಚಿಪ್ಪು ಹಂದಿಯ ಚಿಪ್ಪು ಹಿಡಿದು ಅವರು ಮಾರಾಟಕ್ಕೆ ಕೂತಿದ್ದರು. ಕಾಡು ಮಾಂಸ ಮಾರಾಟಕ್ಕಾಗಿ ಗಿರಾಕಿ ಹುಡುಕುತ್ತಿದ್ದ ಈಶ್ವರ ಮರಾಠಿ ಅವರನ್ನು ಅರಣ್ಯ ಸಿಬ್ಬಂದಿ ಗಮನಿಸಿದರು. ಕಾಡು ಪ್ರಾಣಿ ಹತ್ಯೆ ಮಾಡಿದ ಬಗ್ಗೆ ಅರಣ್ಯ ಸಿಬ್ಬಂದಿ ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದ್ದು, ಅರಣ್ಯ ಸಂಚಾರಿ ದಳದವರು ದಾಳಿ ಮಾಡಿದರು. ಅಧಿಕಾರಿಗಳು ಈಶ್ವರ ಮರಾಠಿ ಅವರನ್ನು ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಅವರ ಬಳಿಯಿದ್ದ ಚಿಪ್ಪು ಹಂದಿಯ ಚಿಪ್ಪುಗಳನ್ನು ವಶಕ್ಕೆಪಡೆದರು. ನ್ಯಾಯಾಲಯ ಈಶ್ವರ ಮರಾಠಿ ಅವರನ್ನು ನ್ಯಾಯಾಂಗ ಬಂಧನಕ್ಕೆವಹಿಸಿದೆ. ಮಂಗಳೂರು ಸಿಐಡಿ ಪೊಲೀಸ್ ಅರಣ್ಯ ಸಂಚಾರಿ ದಳದ ಪೊಲೀಸ್ ಉಪನಿರೀಕ್ಷಕ ದಿಲೀಪ್ ಜಿ ಆರ್ ಹಾಗೂ ಸಿಬಂದಿ ತಾರನಾಥ ಎಸ್ ಮತ್ತು ಅಬ್ದುಲ್ ರವೂಫ್ ಕಾರ್ಯಾಚರಣೆಯಲ್ಲಿದ್ದರು.
- [ಮಂಗಳೂರಿಗೆ ವಿರೋಧ: ಕಾರವಾರ ವಕೀಲರು ಧಾರವಾಡದ ಪರ!](https://mobiletime.in/2026/06/opposition-to-mangaluru-karwar-lawyers-are-in-favor-of-dharwad/): ಉತ್ತರ ಕನ್ನಡ ಜಿಲ್ಲೆಯನ್ನು ಮಂಗಳೂರು ಹೈಕೋರ್ಟ ಪೀಠದ ವಿಭಾಗಕ್ಕೆ ಸೇರಿಸಲು ಎಲ್ಲಡೆ ವಿರೋಧವ್ಯಕ್ತವಾಗುತ್ತಿದ್ದು, ಕಾರವಾರದ ವಕೀಲರ ಸಂಘವೂ ಈ ವಿರೋಧಕ್ಕೆ ಬೆಂಬಲ ನೀಡಿದೆ. `ಜಿಲ್ಲೆಗೆ ಸಂಬoಧಿಸಿದ ಹೈಕೋರ್ಟ ಧಾರವಾಡದಲ್ಲಿಯೇ ಇರಬೇಕು’ ಎಂದು ಆಗ್ರಹಿಸಿದ ಕಾರವಾರದ ವಕೀಲರು `ಅಗತ್ಯವಿದ್ದರೆ ಕರಾವಳಿ ಭಾಗಕ್ಕೆ ಹೊಸ ಹೈಕೋರ್ಟ ಪೀಠ ಘೋಷಿಸಿ, ಮಧ್ಯವರ್ತಿ ಸ್ಥಳವಾದ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೇ ಅದನ್ನು ಸ್ಥಾಪಿಸಿ’ ಎಂದು ಆಗ್ರಹಿಸಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ನ್ಯಾಯವಾದಿ ನಾಗರಾಜ ನಾಯಕ ಅವರು `ಹೊಸ ಪೀಠ ಸ್ಥಾಪನೆ ಸಾಧ್ಯವಾಗದಿದ್ದರೆ ಪ್ರಸ್ತುತ ಇರುವಂತೆ ಧಾರವಾಡ ಪೀಠದ ವ್ಯಾಪ್ತಿಯಲ್ಲೇ ಜಿಲ್ಲೆಯನ್ನು ಮುಂದುವರಿಸಬೇಕು. ಹೈಕೋರ್ಟನ್ನು ಮಂಗಳೂರಿಗೆ ವ್ಯಾಪ್ತಿ ಬದಲಾದರೆ ಸಾರ್ವಜನಿಕರು ಹಾಗೂ ವಕೀಲರಿಗೆ ಭಾರೀ ಅನಾನುಕೂಲ ಉಂಟಾಗಲಿದೆ’ ಎಂದು ವಿವರಿಸಿದರು. ಕಾರವಾರದಿಂದ ಮಂಗಳೂರು 267ಕಿಮೀ ದೂರವಿದ್ದು ಸುಮಾರು 5 ಗಂಟೆಗಳ ಪ್ರಯಾಣ ಬೇಕಾಗುತ್ತದೆ. ಆದರೆ ಧಾರವಾಡ ಕೇವಲ 174ಕಿಮೀ ದೂರದಲ್ಲಿದೆ. ಹಳಿಯಾಳದಿಂದ ಮಂಗಳೂರಿಗೆ 363 ಕಿಮೀ ದೂರವಿದ್ದರೆ, ಧಾರವಾಡ ಕೇವಲ 8ಕಿಮೀ ಅಂತರದಲ್ಲಿದೆ’ ಎಂದು ಅಂಕಿ-ಅAಶಗಳೊAದಿಗೆ ವಿವರಿಸಿದರು. ಅವರ ಜೊತೆಗಿದ್ದ ವಕೀಲರಾದ ಸಂತೋಷ್ ಭಾಗ್ವತ್, ಚರಣ್ ನಾಯ್ಕ, ಶುಭಾ ಗಾಂವಕರ್, ಜ್ಯೋತಿ, ಡಿ ಆರ್ ನಾಯಕ, ಶುಭ ಭಟ್, ಎಂ ಎಲ್ ನಾಯಕ, ರಾಜೇಶ್ ಆಚಾರ್, ಅನಾಮಿಕ ರಾಣೆ, ಅಶೋಕ ಕುಮಾರ ಮತ್ತಿತರರು ಇದೇ ಅಭಿಪ್ರಾಯವ್ಯಕ್ತಪಡಿಸಿದರು. `ಪ್ರಸ್ತುತ ಜಿಲ್ಲೆಯ ಕಂದಾಯ ವಿಭಾಗ ಬೆಳಗಾವಿ ಪೀಠದ ವ್ಯಾಪ್ತಿಯಲ್ಲಿರುವುದರಿಂದ ಹೈಕೋರ್ಟ್ ವ್ಯಾಪ್ತಿಯನ್ನು ಮಂಗಳೂರಿಗೆ ಬದಲಿಸಿದರೆ ಜನರು ಕಂದಾಯ ಮತ್ತು ಸಿವಿಲ್ ಪ್ರಕರಣಗಳಿಗೆ ಬೆಳಗಾವಿ ಹಾಗೂ ಮಂಗಳೂರು ಎರಡೂ ಕಡೆ ಓಡಾಡಬೇಕಾಗುತ್ತದೆ’ ಎಂದು ವಕೀಲರು ಕಳವಳ ವ್ಯಕ್ತಪಡಿಸಿದರು. `ಕರಾವಳಿ ಭಾಗಕ್ಕೆ ಪೀಠ ಸ್ಥಾಪನೆ ಮಾಡುವಾಗ ಕೇವಲ ಮಂಗಳೂರನ್ನು ಪರಿಗಣಿಸುವುದು ಸರಿಯಲ್ಲ. ಉತ್ತರ ಕನ್ನಡ ಜಿಲ್ಲೆಯೂ ಕರಾವಳಿಯ ಭಾಗವಾಗಿದ್ದು, ಭೌಗೋಳಿಕ ಹಾಗೂ ಸಾರ್ವಜನಿಕ ಹಿತದೃಷ್ಟಿಯಿಂದ ಹೊನ್ನಾವರದಂತಹ ಮಧ್ಯವರ್ತಿ ಪ್ರದೇಶ ಸೂಕ್ತ’ ಎಂದು ಹೇಳಿದರು. `ಉಡುಪಿ ಜಿಲ್ಲೆಯಲ್ಲಿ 4 ಹಾಗೂ ದಕ್ಷಿಣ ಕನ್ನಡದಲ್ಲಿ 6 ವಕೀಲರ ಸಂಘಗಳಿದ್ದರೆ ಉತ್ತರ ಕನ್ನಡದಲ್ಲೇ 11 ವಕೀಲರ ಸಂಘಗಳಿವೆ. ಈ ಭಾಗದಲ್ಲಿ ಪ್ರಕರಣಗಳ ಸಂಖ್ಯೆಯೂ ಹೆಚ್ಚಿದೆ. ಆದ್ದರಿಂದ ಹೊಸ ಪೀಠಕ್ಕೆ ಉತ್ತರ ಕನ್ನಡವೇ ಹೆಚ್ಚು ಅರ್ಹತೆ ಹೊಂದಿದೆ’ ಎಂದು ವಕೀಲರ ಸಂಘದವರು ಒಕ್ಕೂರಲಿನಿಂದ ಹೇಳಿದರು. `ಜಿಲ್ಲೆಯಲ್ಲಿ ಪೂರ್ಣ ಪ್ರಮಾಣದ ಹೈಕೋರ್ಟ್ ಪೀಠ ಸಾಧ್ಯವಾಗದಿದ್ದರೆ ವಾರಕ್ಕೆ ಕನಿಷ್ಠ ಮೂರು ದಿನ ಕಾರ್ಯನಿರ್ವಹಿಸುವ ಸಂಚಾರಿ ಪೀಠವನ್ನಾದರೂ ಆರಂಭಿಸಬೇಕು’ ಎಂದು ಆಗ್ರಹಿಸಿದರು. ಮಂಗಳೂರು ಪೀಠದ ವ್ಯಾಪ್ತಿಗೆ ಜಿಲ್ಲೆಯನ್ನು ಸೇರಿಸಲು ಮುಂದಾದರೆ ತೀವ್ರ ಹೋರಾಟ ನಡೆಸುವುದಾಗಿಯೂ ಎಚ್ಚರಿಸಿದರು.
- [ಅರ್ಜುನ ವಿದ್ಯಾರ್ಥಿಗಳ ಪರಾಕ್ರಮ!](https://mobiletime.in/2026/06/the-prowess-of-arjuna-students/): ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA)  ನಡೆಸುವ ಜೆ ಇ ಇ (Advanced) ಪರೀಕ್ಷೆಯಲ್ಲಿ ಧಾರವಾಡದ ಅರ್ಜುನ ಕಾಲೇಜಿನ ವಿದ್ಯಾರ್ಥಿಗಳು ಈ ಬಾರಿಯೂ ಮಹತ್ವದ ಸಾಧನೆ ಮಾಡಿದ್ದಾರೆ. AIR ರ‍್ಯಾಂಕಿoಗ್’ನಲ್ಲಿ ಇಲ್ಲಿನ ವಿದ್ಯಾರ್ಥಿಗಳು ಅತ್ಯುತ್ತಮ ಶ್ರೇಣಿಯಲ್ಲಿ ಪಾಸಾಗಿದ್ದಾರೆ. ಅರ್ಜುನ ಕಾಲೇಜಿನ ಅನ್ಮೋಲ್ ಪ್ರಭು (AIR 1254), ಕೇದಾರ್ ಜೋಶಿ (AIR 2283), ದರ್ಶನ್ ಭಟ್ (AIR  8419, EWS 1044), ಧ್ರುವಂತ (AIR 10282, OBC 2486), ವಿನೀತ್ ಚವ್ಹಾಣ (AIR 11703, OBC 2901), ಅನೀಶ್ ನಾಯ್ಕ್ (AIR 21196, OBC 5809), ಕಾರ್ತಿಕ್ ಭಜಂತ್ರಿ (AIR 22651, SE 720), ಆಕಾಶ ರಾಠೋಡ್ (AIR SE 2369)ರ ಸಾಧನೆ ಮಾಡಿದ್ದಾರೆ. `ಸತತ ಎರಡು ವರ್ಷಗಳ ಪರಿಶ್ರಮ, ಪ್ರಯತ್ನ, ಸಂಸ್ಥೆಯ ಶಿಕ್ಷಕರ ಮಾರ್ಗದರ್ಶನದಿಂದಾಗಿ ಈ ಸಾಧನೆ ಸಾಧ್ಯವಾಗಿದೆ’ ಎಂದು ಕಾಲೇಜು ಆಡಳಿತ ಮಂಡಳಿ ಹೇಳಿದೆ. ವಿದ್ಯಾರ್ಥಿಗಳ ಸಾಧನೆಯಿಂದ ಅರ್ಜುನ ಕಾಲೇಜಿನ ಹಿರಿಮೆ ಹೆಚ್ಚಿದ್ದು, ಸಾಧಕರಿಗೆ ಸಂಸ್ಥೆಯ ಆಡಳಿತ ಮಂಡಳಿ, ಪ್ರಾಚಾರ್ಯರು, ಬೋಧಕ ಬೋಧಕೇತರ ಸಿಬ್ಬಂದಿ ಶುಭ ಹಾರೈಸಿದ್ದಾರೆ.
- [ಮಾನ್ಸೂನ್ ಪ್ರವೇಶ: ಮಾಯದಂಥ ಮಳೆ ಬರುವ ಸಾಧ್ಯತೆ!](https://mobiletime.in/2026/06/monsoon-entry-chance-of-magical-rain/): ಸಾಮಾನ್ಯವಾಗಿ ಜೂನ್ 1ರಂದು ಕೇರಳ ಪ್ರವೇಶಿಸುವ ಮಾನ್ಸೂನ್ ಈ ಬಾರಿ ಮೂರು ದಿನ ತಡವಾಗಿ ಆಗಮಿಸಿದೆ. ಕೇರಳಕ್ಕೆ ನೈಋತ್ಯ ಮಾನ್ಸೂನ್ ಪ್ರವೇಶಿದ ಬಗ್ಗೆ ಅಧಿಕೃತ ಘೋಷಣೆಯಾಗಿದ್ದು, ಅದರ ಪರಿಣಾಮ ಕರ್ನಾಟಕದ ಕರಾವಳಿ ಭಾಗಕ್ಕೂ ಬಿದ್ದಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಮೂರು ದಿನಗಳಿಂದ ಮಳೆಯಾಗುತ್ತಿದೆ. ಸದ್ಯ ಉತ್ತರ ಕನ್ನಡ, ಉಡುಪಿ ಹಾಗೂ ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿ ಮಳೆ ಶುರುವಾಗಿದ್ದು, ಅದು ಹಂತ ಹಂತವಾಗಿ ಜೋರಾಗುತ್ತಿದೆ. ಇದರಿಂದ ನದಿ, ಕೆರೆ ಹಾಗೂ ಜಲಾಶಯಗಳ ನೀರಿನ ಹರಿವು ಹೆಚ್ಚಾಗುತ್ತಿದೆ. ಮಳೆ ಶುರುವಾಗಿದ್ದರಿಂದ ಕೃಷಿ ಚಟುವಟಿಕೆಗಳಿಗೆ ಹೊಸ ಚೈತನ್ಯ ಸಿಗಲಿದೆ. ಭತ್ತ, ಅಡಿಕೆ, ತೆಂಗು, ಮೆಣಸು ಸೇರಿದಂತೆ ವಿವಿಧ ಬೆಳೆಗಳ ಬಿತ್ತನೆಗೆ ಅನುಕೂಲಕರ ವಾತಾವರಣ ನಿರ್ಮಾಣವಾಗಲಿದೆ. ಅಲ್ಲದೆ, ಕಳೆದ ಕೆಲವು ವಾರಗಳಿಂದ ಕಾಡುತ್ತಿದ್ದ ಬಿಸಿಲಿನ ತಾಪಮಾನವೂ ಇದೀಗ ಕಡಿಮೆಯಾಗುತ್ತಿದೆ. ಆದರೆ, ಮಾನ್ಸೂನ್ ಕೇವಲ ಸಂತಸದ ಸುದ್ದಿಯನ್ನಷ್ಟೇ ತರಲ್ಲ. ಕರಾವಳಿ ಹಾಗೂ ಮಲೆನಾಡು ಭಾಗಗಳಲ್ಲಿ ಭಾರೀ ಮಳೆಯಾದರೆ ಗುಡ್ಡ ಕುಸಿತ, ಮರ ಬೀಳುವಿಕೆ, ರಸ್ತೆ ಹಾನಿ ಹಾಗೂ ಪ್ರವಾಹದಂತಹ ಸಮಸ್ಯೆಗಳು ಎದುರಾಗುವ ಸಾಧ್ಯತೆಯಿದೆ. ಸಮುದ್ರದಲ್ಲಿ ಗಾಳಿ ಮತ್ತು ಅಲೆಗಳ ತೀವ್ರತೆ ಹೆಚ್ಚಾಗುವುದರಿಂದ ಮೀನುಗಾರರು ವಿಶೇಷ ಎಚ್ಚರಿಕೆವಹಿಸಬೇಕಾಗುತ್ತದೆ. ಈ ಬಾರಿ ಮಾನ್ಸೂನ್ ತಡವಾಗಿ ಆಗಮಿಸಲು ಅರಬ್ಬಿ ಸಮುದ್ರದ ಮೇಲಿನ ಪಶ್ಚಿಮ ಗಾಳಿಗಳ ದುರ್ಬಲತೆ, ಮೋಡಗಳ ಬೆಳವಣಿಗೆಯಲ್ಲಿ ಕಂಡುಬAದ ವಿಳಂಬ ಹಾಗೂ ಅಗತ್ಯ ವಾತಾವರಣದ ಪರಿಸ್ಥಿತಿಗಳು ತಡವಾಗಿ ರೂಪುಗೊಂಡಿರುವುದೇ ಪ್ರಮುಖ ಕಾರಣಗಳೆಂದು ಹವಾಮಾನ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಒಟ್ಟಾರೆ, ಮಾನ್ಸೂನ್ ಕರ್ನಾಟಕಕ್ಕೆ ಕೃಷಿ, ಕುಡಿಯುವ ನೀರು ಮತ್ತು ಪರಿಸರದ ದೃಷ್ಟಿಯಿಂದ ವರದಾನವಾಗಿದ್ದರೂ, ಭಾರೀ ಮಳೆಯಿಂದ ಉಂಟಾಗಬಹುದಾದ ಅನಾಹುತಗಳ ಬಗ್ಗೆ ಜನರು ಮುನ್ನೆಚ್ಚರಿಕೆ ವಹಿಸುವುದು ಅಗತ್ಯವಾಗಿದೆ.
- [ಏತ ನೀರಾವರಿಯ ಎಡವಟ್ಟು: ರಸ್ತೆ ಬಿಟ್ಟು ಸೈಡಿಗೆ ಹೋದರೆ ಹುಷಾರ್!](https://mobiletime.in/2026/06/the-pitfall-of-lift-irrigation-be-careful-if-you-leave-the-road-and-go-sideways/): ಯಲ್ಲಾಪುರ ಹಾಗೂ ಮುಂಡಗೋಡಿನ ವಿವಿಧ ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿ ಕೆರೆಗಳಿಗೆ ನೀರು ತುಂಬಿಸುವ ಯೋಜನೆ ನಡೆಯುತ್ತಿದೆ. ಆ ಯೋಜನೆಯಿಂದ ಯಾರಿಗೆ ಏನು ಉಪಯೋಗ? ಎಂಬುದು ಯಾರಿಗೂ ಗೊತ್ತಿಲ್ಲ. ಆದರೆ, ಯೋಜನೆಯಿಂದ ಆಗುವ ಉಪದ್ರವ ಮಾತ್ರ ಒಂದೆರಡಲ್ಲ! ಯಲ್ಲಾಪುರ ತಾಲೂಕಿನ ಅನೇಕ ಕೆರೆಗಳು ಹೂಳಿನಿಂದ ತುಂಬಿದೆ. ಆ ಕೆರೆಗಳಲ್ಲಿನ ಹೂಳು ತೆಗೆಯಲು ಲಕ್ಷಾಂತರ ರೂ ಖರ್ಚಾಗಿದ್ದರೂ ಆಳದಲ್ಲಿದ್ದ ಮಣ್ಣು ಮಾತ್ರ ಮೇಲೆ ಬರುತ್ತಿಲ್ಲ. ಹೀಗಿರುವಾಗ ಸರ್ಕಾರ ಕಾಡು ಪ್ರಾಣಿ ಹಾಗೂ ಜಾನುವಾರುಗಳಿಗೆ ನೀರು ಕುಡಿಸುವುದಕ್ಕಾಗಿ ಕೆರೆಗಳಿಗೆ ನೀರು ತುಂಬಿಸಲು ಯೋಜನೆಯೊಂದನ್ನು ಮಾಡಿದೆ. ಸ್ಥಳೀಯವಾಗಿ ಈ ಯೋಜನೆ ಬಗ್ಗೆ ಯಾರಿಗೂ ಮಾಹಿತಿ ಇಲ್ಲ. ಅಧಿಕಾರಿಗಳಿಗೆ ಮಾಹಿತಿ ಇದ್ದರೂ ಯೋಜನೆಯ ಆಳ-ಅಗಲದ ಬಗ್ಗೆ ಬಹಿರಂಗಪಡಿಸುತ್ತಿಲ್ಲ. ಕೆರೆಗಳಿಗೆ ನೀರು ತುಂಬುವುದಕ್ಕಾಗಿ ವಿವಿಧ ಊರುಗಳಲ್ಲಿ ರಸ್ತೆ ಅಂಚಿನಲ್ಲಿ ಅಗೆಯಲಾಗಿದೆ. ಆಳದಲ್ಲಿ ದೊಡ್ಡ ದೊಡ್ಡ ಪೈಪುಗಳನ್ನು ಅಳವಡಿಸಲಾಗಿದೆ. ಪೈಪಿನ ಮೇಲೆ ಅಲ್ಪಸ್ವಲ್ಪ ಪ್ರಮಾಣದಲ್ಲಿ ಮಾತ್ರ ಮಣ್ಣು ಹಾಕಲಾಗಿದ್ದು, ಮಳೆಗಾಲದ ಅವಧಿಯಲ್ಲಿ ರಸ್ತೆ ಕುಸಿತದ ಆತಂಕ ಶುರುವಾಗಿದೆ. ಸದ್ಯ ರಸ್ತೆ ಅಂಚಿನ ಪ್ರದೇಶದಲ್ಲಿ ಮಣ್ಣು ಮೆದುವಾಗಿದ್ದು, ವಾಹನಗಳ ಒಂದು ಚಕ್ರ ಅಲ್ಲಿ ಹೋದರೂ ಇಡೀ ಗಾಡಿ ಸಿಲುಕುತ್ತಿದೆ. ಹುಲಗೋಡು, ಕಣ್ಣಿಗೇರಿ ಸೇರಿ ವಿವಿಧ ಪ್ರದೇಶಗಳಲ್ಲಿ ಇದೇ ಪರಿಸ್ಥಿತಿಯಿದೆ. `ಯಲ್ಲಾಪುರದಲ್ಲಿ ಮೂರು ತಿಂಗಳು ನೀರಿನ ಸಮಸ್ಯೆ ಕಾಡುತ್ತದೆ. ಕಾಡು ಪ್ರಾಣಿ ಹಾಗೂ ಜಾನುವಾರುಗಳಿಗೆ ನೀರು ಒದಗಿಸುವುದಕ್ಕಾಗಿ ಕೆರೆಗಳಿಗೆ ನೀರು ತುಂಬಿಸುವ ಯೋಜನೆ ರೂಪಿಸಲಾಗಿದೆ. ಸಮಸ್ಯೆವಿರುವ ಕಡೆ ಅದನ್ನು ಬಗೆಹರಿಸಲಾಗಿದ್ದು, ರಸ್ತೆ ಅಂಚಿನಲ್ಲಿ ಎಲ್ಲಿಯೂ ಹೊಂಡ ಬೀಳುವ ಪ್ರಸಂಗವಿಲ್ಲ. ಕೆಲ ಅತಿಕ್ರಮಣದಾರರು ಮನೆ ಕಟ್ಟಿಕೊಂಡ ಕಡೆ ಸಮಸ್ಯೆಯಿದ್ದು, ಅವರು ಅಲ್ಲಿ ಸರಿಯಾಗಿ ಮಣ್ಣು ತುಂಬಿಸಲು ಬಿಟ್ಟಿಲ್ಲ’ ಎಂದು ಕರ್ನಾಟಕ ನೀರಾವರಿ ಅಭಿವೃದ್ಧಿ ನಿಗಮದ ಅಧಿಕಾರಿ ಮಹದೇವ್ ಹನುಮಂತಪ್ಪ ಅವರು ಹೇಳಿದರು.
- [ಉಗ್ರ ಹೋರಾಟಕ್ಕೆ ಸಜ್ಜಾದ ಕಾರವಾರ!](https://mobiletime.in/2026/06/karwar-is-ready-for-a-fierce-fight/): ಉತ್ತರ ಕನ್ನಡ ಜಿಲ್ಲಾಕೇಂದ್ರ ಕಾರವಾರದಲ್ಲಿರುವ ಜಿಲ್ಲಾ ಆಸ್ಪತ್ರೆಯನ್ನು ಶಿರಸಿಗೆ ಸ್ಥಳಾಂತರಿಸಲು ಸರ್ಕಾರ ಕಸರತ್ತು ನಡೆಸಿದೆ. ಇದನ್ನು ವಿರೋಧಿಸಿ ಕಾರವಾರದ ಜನ ಉಗ್ರ ಹೋರಾಟ ನಡೆಸಲು ನಿರ್ಧರಿಸಿದ್ದಾರೆ. ವಿವಿಧ ಸಂಘಟನೆ ಪ್ರಮುಖರು ಈ ದಿನ ದಿಢೀರ್ ಸುದ್ದಿಗೋಷ್ಠಿ ನಡೆಸಿ ಹೋರಾಟದ ಎಚ್ಚರಿಕೆ ನೀಡಿದ್ದಾರೆ. ಜಿಲ್ಲಾಸ್ಪತ್ರೆ ಅವ್ಯವಸ್ಥೆ ಹಾಗೂ ನಿರ್ದೇಶಕರ ವರ್ತನೆ ವಿರುದ್ಧ ಕಿಡಿಕಾರುತ್ತಿದ್ದ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಈ ಉಗ್ರ ಹೋರಾಟದ ರೂವಾರಿ. ಅವರ ಜೊತೆ ಪ್ರಮುಖರಾದ ರಾಮಾ ನಾಯ್ಕ, ಅಬ್ಬಾಸ್, ಕೆ ಡಿ. ಪೇಡ್ನೇಕರ, ರಾಜೇಂದ್ರ ಅಂಚೇಕರ, ಗೋಪಾಲಕೃಷ್ಣ ನಾಯಕ, ಸೂರಜ್ ಕುರುಮಕರ್, ಅಲ್ತಾಪ್ ಶೇಖ್ ಸೇರಿ ಹೋರಾಟದ ರೂಪರೇಷೆಯ ಬಗ್ಗೆ ಚರ್ಚಿಸಿದ್ದಾರೆ. `ಜಿಲ್ಲಾಸ್ಪತ್ರೆಯನ್ನು ಕಾರವಾರದಿಂದ ಶಿರಸಿಗೆ ಸ್ಥಳಾಂತರಿಸುವ ಯಾವುದೇ ಪ್ರಯತ್ನ ಫಲ ಕೊಡಲು ಬಿಡುವುದಿಲ್ಲ’ ಎಂದು ಅವರೆಲ್ಲರೂ ಸೇರಿ ಎಚ್ಚರಿಸಿದ್ದಾರೆ. ತಮ್ಮ ಎಚ್ಚರಿಕೆಯನ್ನು ಮೀರಿ ಸ್ಥಳಾಂತರ ಪ್ರಯತ್ನ ನಡೆದರೆ ಸಾರ್ವಜನಿಕರ ಜೊತೆಗೂಡಿ ಹೋರಾಟ ನಡೆಸುವುದಾಗಿ ಮತ್ತೊಂದು ಎಚ್ಚರಿಕೆಯ ಸಂದೇಶ ರವಾನಿಸಿದ್ದಾರೆ. ಗುರುವಾರ ವಿವಿಧ ಸಂಘಟನೆಗಳ ಮುಖಂಡರ ನೇತೃತ್ವದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ಪ್ರಸ್ತಾಪಿಸಲಾಗಿದ್ದು, ಜಿಲ್ಲಾಸ್ಪತ್ರೆಯ ಆಗು-ಹೋಗುಗಳ ಬಗ್ಗೆ ಅವರು ಪ್ರಸ್ತಾಪಿಸಿದ್ದಾರೆ. `2014ರಲ್ಲಿ ಕಾರವಾರದಲ್ಲಿ ಕ್ರಿಮ್ಸ್ ಸ್ಥಾಪನೆಯಾದ ಬಳಿಕ ಜಿಲ್ಲಾಸ್ಪತ್ರೆ ಅದರಲ್ಲಿ ವಿಲೀನಗೊಂಡಿದ್ದು, ಕ್ರಿಮ್ಸ್ ಮೇಲ್ದರ್ಜೆಗೆ ಹೋಗುತ್ತಿದ್ದಂತೆ ಜಿಲ್ಲಾಸ್ಪತ್ರೆಗೆ ಸಿಗಬೇಕಾದ ಅನೇಕ ಸೌಲಭ್ಯಗಳು ತಪ್ಪಿಹೋಗಿವೆ. ಬಿಪಿಎಲ್ ಕಾರ್ಡುದಾರರಿಂದ ಒಪಿಡಿಯಲ್ಲಿ ಶೇ 50ರಷ್ಟು ಶುಲ್ಕ ವಸೂಲಿ ಮಾಡಲಾಗುತ್ತಿದೆ. ವಿವಿಧ ತಪಾಸಣೆಗಳಿಗೆ ಸಾವಿರಾರು ರೂಪಾಯಿ ಬಿಲ್ ಆಗುತ್ತಿದ್ದು, ದಾಖಲಾತಿ ಬಳಿಕ ಉಚಿತವೆಂದರೂ ಆಯುಷ್ಮಾನ್ ಯೋಜನೆಯ ಮೊತ್ತದಿಂದ ಹೊಂದಿಸಿಕೊಳ್ಳಲಾಗುತ್ತಿದೆ’ ಎಂಬ ವಿಷಯದ ಬಗ್ಗೆ ಎಲ್ಲರೂ ಆಕ್ರೋಶದಿಂದ ಮಾತನಾಡಿದ್ದಾರೆ. `ಜಿಲ್ಲಾಸ್ಪತ್ರೆ ಇದ್ದಿದ್ದರೆ ಈ ಎಲ್ಲ ಸೌಲಭ್ಯಗಳು ಉಚಿತವಾಗಿ ಸಿಗುತ್ತಿತ್ತು’ ಎಂಬ ವಿಷಯವನ್ನು ಪ್ರಸ್ತಾಪಿಸಿದ್ದಾರೆ. `ಕಾರವಾರದಲ್ಲಿ ಜಿಲ್ಲಾಸ್ಪತ್ರೆ ಇಲ್ಲದ ಕಾರಣ ಇಲ್ಲಿ ಬರಬೇಕಿದ್ದ ಎಂಆರ್‌ಐ ಯಂತ್ರ ಉಡುಪಿ ಜಿಲ್ಲಾಸ್ಪತ್ರೆಗೆ ತೆರಳಿದೆ. ಇದರಿಂದ ಜಿಲ್ಲೆಯ ಜನರು ಉಚಿತ ಎಂಆರ್‌ಐ ಸೌಲಭ್ಯಕ್ಕಾಗಿ ಉಡುಪಿ ಹಾಗೂ ಮಂಗಳೂರು ಅವಲಂಬಿಸಬೇಕಾಗಿದೆ. ಅಂಕೋಲಾ ಸಮೀಪದ ಹಟ್ಟಿಕೇರಿಯಲ್ಲಿ ಆರೋಗ್ಯ ಇಲಾಖೆಗೆ ಸೇರಿದ ಸುಮಾರು 18 ಎಕರೆ ಜಾಗವಿದ್ದು, ಬಂದರು, ಹೆದ್ದಾರಿ ಹಾಗೂ ಉದ್ದೇಶಿತ ವಿಮಾನ ನಿಲ್ದಾಣ ಸಮೀಪ ಇರುವುದರಿಂದ ಅಲ್ಲಿ ಜಿಲ್ಲಾಸ್ಪತ್ರೆ, ಕ್ಯಾಥ್ ಸೆಂಟರ್ ಹಾಗೂ ಟ್ರಾಮಾ ಕೇರ್ ಕೇಂದ್ರ ಸ್ಥಾಪನೆಗೆ ಅನುಕೂಲಕರವಾಗಿದೆ’ ಎಂದವರು ಹೇಳಿದ್ದಾರೆ. `ಕಾರವಾರ ತಾಲೂಕಿಗೆ ತಾಲೂಕು ಆಸ್ಪತ್ರೆಯೇ ಇಲ್ಲ. ಅಂಗಡಿಯಲ್ಲಿ ಈಗಾಗಲೇ ಸುಸಜ್ಜಿತ ಆಸ್ಪತ್ರೆ ಕಟ್ಟಡವಿದ್ದು ಅದನ್ನು ತಾಲೂಕು ಆಸ್ಪತ್ರೆಗೆ ಬಳಸಬಹುದು. ಹಳೆಯ ಜಿಲ್ಲಾಸ್ಪತ್ರೆ ಹಾಗೂ ಆಯುಷ್ ಇಲಾಖೆಯ ಜಾಗವನ್ನೂ ಉಪಯೋಗಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಕ್ರಿಮ್ಸ್ ನಿರ್ದೇಶಕರಿಗೆ ಅನುಭವದ ಕೊರತೆ ಇರುವುದರಿಂದ ಅಭಿವೃದ್ಧಿಗೆ ಕುಂಟಿತ ಉಂಟಾಗಿದೆ. ಇಲ್ಲಿ ಬರಲು ವೈದ್ಯರು ಒಪ್ಪುತ್ತಿಲ್ಲ, ಈಗ ಕೆಲಸ ಮಾಡುತ್ತಿದ್ದವರೂ ಬೇರೆ ಕಡೆ ತೆರಳುತ್ತಿದ್ದಾರೆ. ಇಂಥ ಸಂದರ್ಭದಲ್ಲಿ ಆರೋಗ್ಯ ಸಚಿವರು ಕಾರವಾರ ಭೇಟಿ ವೇಳೆ ಜಿಲ್ಲಾಸ್ಪತ್ರೆಯನ್ನು ಶಿರಸಿಗೆ ಸ್ಥಳಾಂತರಿಸುವ ಪ್ರಸ್ತಾಪ ಮಾಡಿದ್ದು ಸರಿಯಲ್ಲ’ ಎಂದಿದ್ದಾರೆ. `ಶಿರಸಿ ಉತ್ತರ ಕನ್ನಡ ಜಿಲ್ಲೆಯ ಅವಿಭಾಜ್ಯ ಅಂಗವಾಗಿದ್ದು, ಅಲ್ಲಿ ಆಸ್ಪತ್ರೆ ಸ್ಥಾಪನೆಗೆ ವಿರೋಧ ಇಲ್ಲ. ಆದರೆ ಕಾರವಾರದಲ್ಲಿರುವ ಜಿಲ್ಲಾಸ್ಪತ್ರೆಯನ್ನು ಶಿರಸಿಗೆ ಸ್ಥಳಾಂತರಿಸುವುದನ್ನು ಒಪ್ಪುವುದಿಲ್ಲ’ ಎಂದು ಎಲ್ಲರೂ ಒಗ್ಗಟ್ಟಿನಿಂದ ಹೇಳಿದ್ದಾರೆ.
- [ಸ್ನಾನದಿಂದಲೂ ಸಾವು ಸಂಭವಿಹುದು ಹುಷಾರ್ !!](https://mobiletime.in/2026/06/be-careful-even-bathing-can-cause/): ಸಾಮಾನ್ಯವಾಗಿ ನಾವು ದೇಹದ ಆರೋಗ್ಯ ಹಾಗೂ ಶುಚಿತ್ವ ಕಾಪಾಡಿಕೊಳ್ಳಲು ಸ್ನಾನ ಮಾಡುತ್ತೇವೆ. ನಿತ್ಯದ ಸ್ನಾನ ಇನ್ನು ಒಳ್ಳೆಯದು. ಆದರೆ ಇತ್ತೀಚಿನ ಕೆಲವು ವರದಿಗಳು ಸ್ನಾನ ಮಾಡುವುದರಿಂದಲೂ ಸಾವು ಬರುತ್ತದೆ ಎಂದು ಹೇಳಿವೆ. ಹಾಗಾದರೆ ಸ್ನಾನ ಮಾಡುವುದು ಸರಿಯಲ್ಲವೇ ? ಖಂಡಿತ ಮಾಡಬೇಕು. ಆದರೆ ಹೃದಯ ಸಂಬಂಧಿ ಖಾಯಿಲೆ ಇರುವವರು ಸ್ವಲ್ಪ ಜಾಗೃತೆ ವಹಿಸಬೇಕು. ಸ್ನಾನ ಮಾಡುವಾಗ ಹೃದಯಾಘಾತ ಸಂಭವಿಸಬಹುದು ಎಂಬ ಮಾತು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ್ಗೆ ಕೇಳಿಬರುತ್ತದೆ. ಇದನ್ನು ಕೇಳಿದ ಹಲವರು ಆತಂಕಕ್ಕೊಳಗಾಗುತ್ತಾರೆ. ಆದರೆ ವೈದ್ಯರ ಪ್ರಕಾರ, ಸ್ನಾನ ಮಾಡುವುದರಿಂದಲೇ ನೇರವಾಗಿ ಹೃದಯಾಘಾತ ಉಂಟಾಗುವುದಿಲ್ಲ. ಆದರೂ ಕೆಲವು ಸಂದರ್ಭಗಳಲ್ಲಿ ಎಚ್ಚರಿಕೆ ಅಗತ್ಯ. ತುಂಬಾ ತಣ್ಣನೆಯ ಅಥವಾ ಅತಿಯಾಗಿ ಬಿಸಿಯಾದ ನೀರನ್ನು ಹಠಾತ್ತನೆ ದೇಹಕ್ಕೆ ಸುರಿದಾಗ ದೇಹದ ರಕ್ತನಾಳಗಳಲ್ಲಿ ತಕ್ಷಣದ ಬದಲಾವಣೆ ಉಂಟಾಗಬಹುದು. ತಣ್ಣೀರು ರಕ್ತನಾಳಗಳನ್ನು ಸಂಕುಚಿತಗೊಳಿಸಿ ರಕ್ತದೊತ್ತಡ ಮತ್ತು ಹೃದಯದ ಬಡಿತವನ್ನು ಹೆಚ್ಚಿಸಬಹುದು. ಮತ್ತೊಂದೆಡೆ, ಅತಿಯಾದ ಬಿಸಿನೀರು ರಕ್ತನಾಳಗಳನ್ನು ಹಿಗ್ಗಿಸಿ ತಲೆಸುತ್ತು ಅಥವಾ ಒತ್ತಡದ ಏರುಪೇರಿಗೆ ಕಾರಣವಾಗಬಹುದು. ಹೃದಯರೋಗ, ಅಧಿಕ ರಕ್ತದೊತ್ತಡ ಅಥವಾ ಹೃದಯ ಬಡಿತದ ಅಸಹಜತೆ ಇರುವವರಿಗೆ ಈ ರೀತಿಯ ಹಠಾತ್ ಬದಲಾವಣೆಗಳು ಹೆಚ್ಚು ಪರಿಣಾಮ ಬೀರುವ ಸಾಧ್ಯತೆ ಇದೆ. ವೈದ್ಯರು ಸ್ನಾನ ಆರಂಭಿಸುವಾಗ ಮೊದಲು ಕೈ, ಕಾಲು ಮತ್ತು ಎದೆ ಭಾಗಕ್ಕೆ ನೀರು ಹಾಕಿ, ನಂತರ ನಿಧಾನವಾಗಿ ತಲೆ ಮತ್ತು ಉಳಿದ ದೇಹಕ್ಕೆ ನೀರು ಸುರಿಯುವಂತೆ ಸಲಹೆ ನೀಡುತ್ತಾರೆ. ಆರೋಗ್ಯವಂತ ವ್ಯಕ್ತಿಗಳಿಗೆ ಸಾಮಾನ್ಯವಾಗಿ ಸ್ನಾನದಿಂದ ಯಾವುದೇ ಅಪಾಯವಿಲ್ಲ. ಆದರೆ ದೇಹದ ಸಂಕೇತಗಳನ್ನು ನಿರ್ಲಕ್ಷಿಸಬಾರದು. ಸ್ನಾನದ ವೇಳೆ ಎದೆನೋವು, ತಲೆಸುತ್ತು ಅಥವಾ ಉಸಿರಾಟದ ತೊಂದರೆ ಕಂಡುಬಂದರೆ ತಕ್ಷಣ ವೈದ್ಯಕೀಯ ನೆರವು ಪಡೆಯುವುದು ಉತ್ತಮ ಎಂದು ವರದಿಗಳು ತಿಳಿಸಿವೆ.
- [ಮೆಕ್ಸಿಕೋದಿಂದ ಮಲೆನಾಡಿನ ಮನೆಂಗಳಕ್ಕೆ ಬಂದ ಡೇರೆ](https://mobiletime.in/2026/06/a-tent-that-came-from-mexico-to-a-mountain-home/): ಮಲೆನಾಡಿನ ಮನೆಗಳ ಅಂಗಳದಲ್ಲಿ ಬಣ್ಣಬಣ್ಣವಾಗಿ ಅರಳಿ ಕಣ್ಮನ ಸೆಳೆಯುವ ಡೇರೆ ಹೂವಿನ ಬಗ್ಗೆ ನಿಮಗೆಷ್ಟು ಗೊತ್ತಿದೆ? ಅಂಗಳವನ್ನು ಸುಂದರವನ್ನಾಗಿಸುವ ಹೂವು ಯಾರಿಗೆತಾನೆ ಇಷ್ಟವಿಲ್ಲ. ಅದರಲ್ಲೂ ಮಹಿಳೆಯರು ತುರುಬಿನ ಮೇಲೊಂದು ಮಂಡೆಯಷ್ಟೇ ದೊಡ್ಡದ ಡೇರೆ ಹೂವನ್ನು ಮುಡಿದರೆ ಆ ಚೆಂದವೇ ಬೇರೆ. ಪ್ರತಿ ಮನೆಯಲ್ಲೂ ಕಾಣ ಸಿಗುವ ಈ ಹೂವಿನ ಬಗ್ಗೆ ತಿಳಿದುಕೊಳ್ಳುವ ಗೋಜಿಗೆ ಹೋದವರು ಕಡಿಮೆ. ಅದರ ಮೂಲ ಬಲ್ಲವರೂ ಬೆರಳೆಣಿಕೆ ಜನ ಮಾತ್ರ. ಅದು ಸಾವಿರಾರು ಕಿಲೋಮೀಟರ್ ದೂರದ ದೇಶವಾದ ಮೆಕ್ಸಿಕೋ ದೇಶದಿಂದ ಭಾರತಕ್ಕೆ ಬಂದಿರುವ ಒಂದು ಸುಂದರ ಸಸ್ಯ. ಇಂದು ಮಲೆನಾಡಿನ ಬದುಕಿನ ಭಾಗವಾಗಿಬಿಟ್ಟಿದೆ. ಭಾರತದಲ್ಲಿ ಬ್ರಿಟಿಷರ ಕಾಲಘಟ್ಟದಲ್ಲಿ ಮತ್ತು ತೋಟಗಾರಿಕೆ ಉಚ್ರಾಯ ಸ್ಥಿತಿಯಲ್ಲಿ ಕಾಲದಲ್ಲಿ ವಿದೇಶಿ ಅಲಂಕಾರಿಕ ಸಸ್ಯಗಳೊಂದಿಗೆ ಬಂದ ತಳಿ ಇದು. ಇಲ್ಲಿನ ಪಶ್ಚಿಮ ಘಟ್ಟದ ತೇವಾಂಶಭರಿತ ಪ್ರದೇಶಗಳಲ್ಲಿ, ಅದರಲ್ಲಿಯೂ ವಿಶೇಷವಾಗಿ ಕರ್ನಾಟಕದ ಮಲೆನಾಡು ಭಾಗದ ಹವಾಮಾನ, ಮಳೆ ಮತ್ತು ಮಣ್ಣಿನ ಗುಣಮಟ್ಟ ಈ ಗಿಡಕ್ಕೆ ಅತ್ಯಂತ ಅನುಕೂಲಕರವಾಗಿದ್ದರಿಂದ ಮನೆಗಳ ಅಂಗಳಗಳಲ್ಲಿ ಮೊದಲು ಅಳಿತು. ದೊಡ್ಡ ಆಕರ್ಷಣೆ:  ಬಣ್ಣಬಣ್ಣದ ಹೂಗಳು ಗಾಳಿಗೆ ತೂಗಾಡುತ್ತಾ ಅಂಗಳದ ಸೌಂದರ್ಯವನ್ನು ಹೆಚ್ಚಿಸುತ್ತವೆ. ಬೆಳಗಿನ ಮಂಜಿನ ಹನಿಗಳು ಹೂವಿನ ದಳಗಳ ಮೇಲೆ ಮಿನುಗಿದಾಗ ಅವು ಮುತ್ತಿನ ಹಾರದಂತೆ ಕಾಣುತ್ತವೆ. ಹೂಗಳ ಸುತ್ತ ಚಿಟ್ಟೆಗಳು ಮತ್ತು ಜೇನುನೊಣಗಳು ಹಾರಾಡುವ ದೃಶ್ಯ ಪ್ರಕೃತಿಪ್ರಿಯರಿಗೆ ವಿಶೇಷ ಆನಂದ ನೀಡುತ್ತದೆ. ಈ ಹೂವು ಮನೆ ಮತ್ತು ತೋಟಗಳ ಅಲಂಕಾರಕ್ಕೆ ವ್ಯಾಪಕವಾಗಿ ಬಳಕೆಯಾಗುತ್ತದೆ. ಕೆಲವು ಕಡೆಗಳಲ್ಲಿ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿಯೂ ಇದರ ಬಳಕೆ ಕಂಡುಬರುತ್ತದೆ. ಜೇನುನೊಣಗಳನ್ನು ಆಕರ್ಷಿಸುವ ಗುಣದಿಂದ ಪರಿಸರ ಸಮತೋಲನಕ್ಕೂ ಇದು ನೆರವಾಗುತ್ತದೆ. ಮಾರುಕಟ್ಟೆಯಲ್ಲೂ ಬೇಡಿಕೆ:  ಡೇರೆ ಹೂವಿನ ಗಿಡಗಳಿಗೆ ಉತ್ತಮ ಬೇಡಿಕೆ ಇದೆ. ನರ್ಸರಿಗಳ ಮೂಲಕ ರಾಜ್ಯದ ವಿವಿಧ ಭಾಗಗಳಿಗೆ ಗಿಡಗಳನ್ನು ಮಾರಾಟ ಮಾಡಲಾಗುತ್ತಿದೆ. ಜಾಗತಿಕ ಮಟ್ಟದಲ್ಲಿ ಅಲಂಕಾರಿಕ ಸಸ್ಯಗಳ ವ್ಯಾಪಾರ ಬೆಳೆಯುತ್ತಿರುವ ಹಿನ್ನೆಲೆಯಲ್ಲಿ ಇಂತಹ ಸಸ್ಯಗಳಿಗೆ ಭವಿಷ್ಯದಲ್ಲಿ ಇನ್ನಷ್ಟು ಮಾರುಕಟ್ಟೆ ಅವಕಾಶಗಳು ದೊರೆಯುವ ಸಾಧ್ಯತೆಯಿದೆ. ಸಾವಿರಾರು ಕಿಲೋಮೀಟರ್ ದೂರದ ಮೆಕ್ಸಿಕೋ ದೇಶದಲ್ಲಿ ಹುಟ್ಟಿ, ಸಮುದ್ರಗಳನ್ನು ದಾಟಿ ಭಾರತಕ್ಕೆ ಬಂದು, ಇಂದು ಮಲೆನಾಡಿನ ಮನೆಗಳ ಅಂಗಳವನ್ನು ಅಲಂಕರಿಸುತ್ತಿರುವ ಡೇರೆ ಹೂವು ಪ್ರಕೃತಿಯ ಜಾಗತಿಕ ಪಯಣದ ಸುಂದರ ಉದಾಹರಣೆಯಾಗಿದೆ.
- [ಸರಾಯಿ ಶೆಡ್ಡಿನೊಳಗೆ ನಾಯಿ ಪ್ರವೇಶ: ಸಣ್ಣ ವಿಷಯಕ್ಕೆ ದೊಡ್ಡ ಕಾಳಗ!](https://mobiletime.in/2026/06/dog-enters-sarai-shed-a-big-fight-over-a-small-matter/): ಶೆಡ್ಡಿನೊಳಗೆ ನಾಯಿ ಕರೆತಂದ ವಿಚಾರವಾಗಿ ಭಟ್ಕಳದಲ್ಲಿ ಮಾರಾಮಾರಿ ನಡೆದಿದೆ. ಮೊದಲು ಮಾತಿನ ಚಕಮಕಿಯಲ್ಲಿ ಜಗಳ ಶುರುವಾಗಿದ್ದು, ಅದು ವಿಕೋಪಕ್ಕೆ ತೆರಳಿದೆ. ಪರಿಣಾಮ ಬಿಯರ್ ಬಾಟಲಿಯಿಂದ ವ್ಯಕ್ತಿಯೊಬ್ಬರ ಮೇಲೆ ದಾಳಿ ನಡೆದಿದ್ದು, ಅವರು ಆಸ್ಪತ್ರೆ ಸೇರಿದ್ದಾರೆ. ಬುಧವಾರ ಮಧ್ಯಾಹ್ನ 1ಗಂಟೆ ವೇಳೆಗೆ ಭಟ್ಕಳದ ಮೈನುದ್ದಿನ್ ಗೌಸ್ ಮೋಹಿದ್ದಿನ್ ಯಾದವಾಡ (44) ಅವರು 4 ಸೀಸನ್ ಬಾರ್ & ರೆಸ್ಟೋರೆಂಟ್ ಪಕ್ಕದ ಶೆಡ್‌ನಲ್ಲಿ ಮದ್ಯಪಾನ ಮಾಡುತ್ತಿದ್ದರು. ಇದೇ ವೇಳೆ ಸಾಗರ ತಾಲೂಕಿನ ನಾಗುವಳ್ಳಿ-ಕೋಗಾರ ನಿವಾಸಿ ದಿನೇಶ ಪರಶು ಮರಾಠ (28) ಅವರು ಅಲ್ಲಿಗೆ ನಾಯಿಯೊಂದನ್ನು ಕರೆತಂದರು. ಈ ವೇಳೆ ಆ ನಾಯಿಯನ್ನು ಹೊರಗೆ ಕರೆದೊಯ್ಯುವಂತೆ ಮೈನುದ್ದಿನ್ ಹೇಳಿದ್ದರಿಂದ ಇಬ್ಬರ ನಡುವೆ ವಾಗ್ವಾದ ಶುರುವಾಗಿದೆ. ಈ ವೇಳೆ ಆಕ್ರೋಶಗೊಂಡ ದಿನೇಶ ಅವರು ಅವಾಚ್ಯ ಶಬ್ದಗಳಿಂದ ನಿಂದಿಸಿ ತಮ್ಮ ಕೈಯಲ್ಲಿದ್ದ ಖಾಲಿ ಬಿಯರ್ ಬಾಟಲಿಯಿಂದ ಮೈನುದ್ದಿನ್ ಅವರ ತಲೆಗೆ ಹೊಡೆದಿದ್ದಾರೆ. ಬಳಿಕ ಒಡೆದ ಬಾಟಲಿಯಿಂದ ಎದೆ ಭಾಗಕ್ಕೆ ಚುಚ್ಚಲು ಯತ್ನಿಸಿದ್ದು, ಆತ್ಮರಕ್ಷಣೆಗಾಗಿ ಕೈ ಮುಂದಿಟ್ಟ ಮೈನುದ್ದಿನ್ ಅವರ ಎಡ ಮೊಣಕೈ ಸಮೀಪ ಗಂಭೀರ ಗಾಯವಾಗಿದೆ. ಅದಾದ ಮೇಲೆ ಗಾಯಾಳುವನ್ನು ತಕ್ಷಣ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮಾಹಿತಿ ಪಡೆದ ಭಟ್ಕಳ ನಗರ ಠಾಣೆಯ ಪಿಎಸೈ ನವೀನ ನಾಯ್ಕ ಹಾಗೂ ಸಿಬ್ಬಂದಿ ಗಾಯಾಳುವನ್ನು ಹೆದ್ದಾರಿ ಗಸ್ತು ವಾಹನದಲ್ಲಿ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದು ಪ್ರಾಥಮಿಕ ಚಿಕಿತ್ಸೆ ಕೊಡಿಸಿದ್ದು, ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಉಡುಪಿ ಜಿಲ್ಲಾ ಆಸ್ಪತ್ರೆಗೆ ರವಾನಿಸಿದ್ದಾರೆ. ಗಾಯಾಳು ಮೈನುದ್ದಿನ್ ಗೌಸ್ ಮೋಹಿದ್ದಿನ್ ಯಾದವಾಡ ಅವರ ಪತ್ನಿ ಮುಬೀನಾ ಬಾನು ಮೈನುದ್ದಿನ್ ಯಾದವಾಡ ಅವರು ಈ ಘಟನಾವಳಿಗಳ ಬಗ್ಗೆ ದೂರಿದ್ದಾರೆ.
- [ಫೇಸ್‌ಬುಕ ಮೋಹಕ್ಕೆ ಒಳಗಾದವನ ಪಾಸ್‌ಬುಕ್ ಖಾಲಿ!](https://mobiletime.in/2026/06/the-passbook-of-a-man-who-fell-in-love-with-facebook-is-empty/): ಉತ್ತಮ ಹೂಡಿಕೆ ಬಗ್ಗೆ ಫೇಸ್‌ಬುಕ್ ಮೂಲಕ ಕಾಣಿಸಿದ ಜಾಹೀರಾತು ನೋಡಿದ ಕಮಲಾಕ್ಷ ಭಟ್ಟ ಅವರು ಅಲ್ಲಿ 53 ಲಕ್ಷ ರೂ ಹೂಡಿಕೆ ಮಾಡಿದ್ದಾರೆ. ಎರಡು ತಿಂಗಳು ಕಳೆದರೂ ಅವರ ಹೂಡಿಕೆಗೆ ಲಾಭವೂ ಸಿಕ್ಕಿಲ್ಲ. ಹೂಡಿಕೆ ಮಾಡಿದ ಹಣವೂ ಮರಳಿ ಬಂದಿಲ್ಲ! ಅoಕೋಲಾ ಅವರ್ಸಾ ಮಠಾಕೇರಿಯಲ್ಲಿ ಕಮಲಾಕ್ಷ ಆಪಾ ಭಟ್ಟ (52) ಅವರು ವಾಸವಾಗಿದ್ದಾರೆ. ವ್ಯಾಪಾರ-ವ್ಯವಹಾರ ಮಾಡಿಕೊಂಡಿರುವ ಅವರು ಏಪ್ರಿಲ್ 1ರಂದು ಫೇಸ್‌ಬುಕ್ ಬಳಸುತ್ತಿದ್ದ ವೇಳೆ ಟ್ರೇಡಿಂಗ್ ಕಂಪನಿಯೊAದರಲ್ಲಿ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭ ಸಿಗುವ ವಿಷಯ ಗೊತ್ತಾಗಿದೆ. ನಕಲಿ ಜಾಹೀರಾತು ನೋಡಿದ ಅವರು ಲಿಂಕ್ ಕ್ಲಿಕ್ಕಿಸಿ ಅಲ್ಲಿದ್ದ ಗೂಗಲ್ ಫಾರ್ಮ ಭರ್ತಿ ಮಾಡಿದ್ದಾರೆ. ಅದಾದ ನಂತರ ಅವರಿಗೆ ನಿಖಿತಾ ಎಂಬಾತರು ಫೋನ್ ಮಾಡಿ ಪುಸಲಾಯಿಸಿದ್ದಾರೆ. ಆ ಮಹಿಳೆ ಫೋನ್ ಮಾಡಿ ಟ್ರೇಡಿಂಗ್ ಕಂಪನಿಯಲ್ಲಿ ಖಾತೆ ತೆರೆದಿರುವುದಾಗಿ ತಿಳಿಸಿದ್ದು, ಅದಾದ ನಂತರ ಸೈಯದ್ ಎಂಬಾತರ ಪರಿಚಯವಾಗಿದೆ. ಅಕೌಂಟ್ ಮ್ಯಾನೇಜರ್ ಎಂದು ಹೇಳಿದ ಸಯ್ಯದ್ ಅವರು ವಿವಿಧ ಬ್ಯಾಂಕ್ ಖಾತೆಗೆ ಹಣ ಹಾಕುವಂತೆ ಹೇಳಿದ್ದಾರೆ. ಕಮಲಾಕ್ಷ ಭಟ್ಟ ಅವರು ಮೊದಲು 19908ರೂ ಜಮಾ ಮಾಡಿದ್ದಾರೆ. ಅದಾದ ನಂತರ ಅಶುತೋಷ್ ಎಂಬ ಮತ್ತೊಬ್ಬರು ಫೋನ್ ಮಾಡಿ, ತಮ್ಮಲ್ಲಿ ಹಣ ಹೂಡಿದರೆ ಇನ್ನೂ ಹೆಚ್ಚು ಲಾಭ ಕೊಡಿಸುವುದಾಗಿ ಹೇಳಿದ್ದಾರೆ. ಇದನ್ನು ನಂಬಿದ ಕಮಲಾಕ್ಷ ಭಟ್ ಏಪ್ರಿಲ್ 3ರಿಂದ ಮೇ 18ರವರೆಗೆ ವಿವಿಧ ಬ್ಯಾಂಕ್ ಖಾತೆಗಳಿಗೆ ಒಟ್ಟು 53,19,908 ರೂ ಹಣ ವರ್ಗಾವಣೆ ಮಾಡಿದ್ದಾರೆ. ಆದರೆ ಹೂಡಿಕೆ ಮಾಡಿದ ಮೊತ್ತ ಮರಳಿ ಬಂದಿಲ್ಲ. ಲಾಭವೂ ಸಿಕ್ಕಿಲ್ಲ.
- [ಹತ್ತು ದಿನದಲ್ಲಿ ಸಿಗಲಿದೆ ಉತ್ತರ!](https://mobiletime.in/2026/06/you-will-get-the-answer-in-ten-days/): ಅರಣ್ಯ ಹಕ್ಕು ಕಾಯ್ದೆ ಅಡಿ ತಿರಸ್ಕಾರವಾದ ಅರ್ಜಿ ವಿಷಯವಾಗಿ ಸಿದ್ದಾಪುರ ತಹಶೀಲ್ದಾರರಿಗೆ ಹೋರಾಟಗಾರರು 10 ಪ್ರಶ್ನೆ ಕೇಳಿದ್ದು, ಇದಕ್ಕೆ 10 ದಿನದಲ್ಲಿ ಉತ್ತರ ಕೊಡುವುದಾಗಿ ಎಂದು ಸಿದ್ದಾಪುರದ ತಹಶೀಲ್ದಾರ ಎಮ್ ಆರ್ ಕುಲಕರ್ಣಿ ಅವರು ಹೇಳಿದ್ದಾರೆ. ಅರಣ್ಯವಾಸಿಗಳ ಸಾಗುವಳಿ ಕ್ಷೇತ್ರದ ಮಹಜರ್ ಪ್ರಕ್ರಿಯೆಯಲ್ಲಿ ಉಂಟಾದ ನ್ಯೂನ್ಯತೆಯ ಸ್ಪಷ್ಠೀಕರಣ ಕೋರಿ ಮೇ 20ರಂದು ರವೀಂದ್ರ ನಾಯ್ಕ ಅವರು ಅರ್ಜಿ ಸಲ್ಲಿಸಿದ್ದರು. ಈವರೆಗೂ ಉತ್ತರ ಬಾರದ ಕಾರಣ ಹೋರಾಟ ವೇದಿಕೆಯವರು ಸಿದ್ದಾಪುರದಲ್ಲಿ ಧರಣಿ ನಡೆಸಿದ್ದು, ಅರಣ್ಯವಾಸಿಗಳನ್ನು ತಹಶೀಲ್ದಾರರು ಸಮಾಧಾನ ಮಾಡಿದರು. ರಾಜ್ಯ ಸರ್ಕಾರದ ಆದೇಶವನ್ನು ಉಲ್ಲಂಘಿಸಿ ಮಹಜರ್ ಪ್ರಕ್ರಿಯೆ ನಡೆದ ಬಗ್ಗೆ ಪ್ರತಿಭಟನಾಕಾರರು ಆಕ್ಷೇಪಿಸಿದರು. 3 ತಿಂಗಳಾದರೂ ಸ್ಪಷ್ಠೀಕರಣ ಸಿಗದ ಬಗ್ಗೆ ಪ್ರಶ್ನಿಸಿದರು. ನಂತರ ನಡೆದ ಸೌಹಾರ್ದಯುತ ಚರ್ಚೆಯಲ್ಲಿ 10 ದಿನದ ಒಳಗೆ ಉತ್ತರ ಕೊಡುವುದಾಗಿ ಅಧಿಕಾರಿಗಳು ಹೇಳಿದರು. `ನ್ಯೂನ್ಯತೆಯನ್ನು ಸರಿದೂಗಿಸಿ ಮಹಜರ್ ಪ್ರಕ್ರಿಯೆ ಮುಂದುವರೆಸಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. ವಿವಿಧ ನ್ಯೂನ್ಯತೆಗಳ ಬಗ್ಗೆಯೂ ಮತ್ತೊಮ್ಮೆ ಗಮನಸೆಳೆದರು.
- [ಕಾರವಾರ: ಮೂರು ದಿನ ನೀರಿಲ್ಲ!](https://mobiletime.in/2026/06/karwar-no-water-for-three-days/): ಕಾರವಾರ ನಗರಸಭೆಗೆ ನೀರು ಸರಬರಾಜು ಮಾಡುವ ಕೊಳವೆ ಒಡೆದು ಹೋಗಿದೆ. ಹೀಗಾಗಿ ಅದರ ದುರಸ್ಥಿಗೆ ನಗರಸಭೆ ಶ್ರಮಿಸುತ್ತಿದ್ದು, ವಿವಿಧ ಕಡೆ ನೀರು ಸರಬರಾಜಿನಲ್ಲಿ ಸಮಸ್ಯೆ ಆಗಲಿದೆ. ಕಾರವಾರ ನಗರಸಭೆ ವ್ಯಾಪ್ತಿಯಲ್ಲಿ ನೀರು ಸರಬರಾಜು ಮಾಡುವ ಜೋನ್-2 ಪ್ರದೇಶದಲ್ಲಿ 300 ಎಮ್.ಎಮ್. ನೀರಿನ ಮುಖ್ಯ ಕೊಳವೆ ಒಡೆದು ಹೋಗಿದೆ. ಜೂ 4 ರಿಂದ ಜೂ 7ರವರೆಗೆ ಇದರ ದುರಸ್ಥಿ ಕಾರ್ಯ ನಡೆಸಲು ನಿರ್ಧರಿಸಲಾಗಿದೆ. ಹೀಗಾಗಿ ಕಾಜುಬಾಗ, ಕೋಡಿಬಾಗ ಮುಖ್ಯ ರಸ್ತೆ, ನಂದನಗದ್ದಾ, ಮಧ್ಯವಾಡ, ಶಿವಾಜಿವಾಡಾ, ಟೋಲ್‌ನಾಕಾ, ತಾಮಸೆವಾಡಾ ಭಾಗಗಳಿಗೆ ನೀರು ಸರಬರಾಜು ಆಗುವುದಿಲ್ಲ. ಇದರೊಂದಿಗೆ ನದಿವಾಡ, ಅಂಬೇಡ್ಕರ್ ಕಾಲೋನಿ, ತೆಲಂಗ ರೋಡ್ ಚಂದ್ರಾದೇವಿ, ಗಿಂಡಿವಾಡಾ, ಸುಂಕೇರಿವರೆಗೆ ನೀರು ಪೂರೈಕೆಯಲ್ಲಿ ಸಮಸ್ಯೆ ಆಗಲಿದೆ. ದುರಸ್ಥಿ ಕಾಮಗಾರಿ ಕೈಗೊಳ್ಳಲಿರುವ ಕಾರಣ ಮೂರು ದಿನಗಳವರೆಗೆ ನೀರು ಸರಬರಾಜು ಮಾಡುವಲ್ಲಿ ತೊಂದರೆ ಆಗುವ ಬಗ್ಗೆ ನಗರಸಭೆ ಪೌರಾಯುಕ್ತರು ಹೇಳಿದ್ದಾರೆ. ಸಾರ್ವಜನಿಕರು ಸಹಕರಿಸಬೇಕು ಎಂದು ಅವರು ಮನವಿ ಮಾಡಿದ್ದಾರೆ.  
- [ಇನ್ನೂ ಏಳು ದಿನ ಮಳೆ: ಏನೇ ಆದರೂ ಇಲ್ಲಿಯೇ ಫೋನ್ ಮಾಡಿ!](https://mobiletime.in/2026/06/seven-more-days-of-rain-call-here-no-matter-what/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೂನ್ 4ರಿಂದ ಮುಂದಿನ ನಾಲ್ಕು ದಿನ ಮಳೆಯಾಗುವ ಲಕ್ಷಣಗಳಿವೆ. ಜೂನ್ 4 ಹಾಗೂ 5ರಂದು ಮಧ್ಯಮ ಪ್ರಮಾಣದ ಮಳೆಯಾಗಲಿದ್ದು, ಜೂನ್ 6ರಿಂದ 10ರವರೆಗೆ ಜೋರು ಮಳೆಯಾಗುವ ಸಾಧ್ಯತೆಗಳಿವೆ. ಭಾರತೀಯ ಹವಾಮಾನ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರವು ಮಳೆ ಮಾಹಿತಿ ಹಾಗೂ ಮುನ್ನಚ್ಚರಿಕೆ ನೀಡಿದೆ. ಈ ಹಿನ್ನಲೆ ಜಿಲ್ಲಾಡಳಿತ ಉತ್ತರ ಕನ್ನಡದಲ್ಲಿ 294 ಕಾಳಜಿ ಕೇಂದ್ರಗಳನ್ನು ಗುರುತಿಸಿದ್ದು, ಅದಕ್ಕೆ ಅಧಿಕಾರಿಗಳನ್ನು ನೇಮಿಸಿದೆ. ಜಿಎಸ್‌ಐ 439 ಭೂಕುಸಿತ ಸಂಭವನೀಯ ಸ್ಥಳಗಳ ಪಟ್ಟಿ ನೀಡಿದ್ದು, ಸದರಿ ಭೂಕುಸಿತ ಸಂಭವನೀಯ ಸ್ಥಳಗಳಿಗೆ ನಿರಂತರ ಮೇಲ್ವಿಚಾರಣೆಗಾಗಿ ಸ್ಪಾರ‍್ಸ್’ಗಳನ್ನು ನೇಮಕ ಮಾಡಲಾಗಿದೆ. ಇದರೊಂದಿಗೆ ಚರಂಡಿಗಳಲ್ಲಿ ಹೂಳೆತ್ತುವ ಹಾಗೂ ಸ್ವಚ್ಛಗೊಳಿಸುವ ಮೊದಲನೇ ಸುತ್ತಿನ ಕಾರ್ಯವನ್ನು ಈಗಾಗಲೇ ಸ್ಥಳೀಯ ಸಂಸ್ಥೆಗಳಿAದ ಪೂರ್ಣಗೊಳಿಸಲಾಗಿದೆ. ಮಳೆ ಪ್ರಮಾಣ ಪರಿಶೀಲಿಸಿಕೊಂಡು ಈ ಕಾರ್ಯವನ್ನು ಮುಂದುವರೆಸಲಾಗುವುದು. ಸರ್ಕಾರಿ ಶಾಲೆಗಳು, ಅಂಗನವಾಡಿ ಕೇಂದ್ರಗಳು, ಪ್ರಾಥಮಿಕ ಆರೋಗ್ಯ ಕೇಂದ್ರಗಳು, ವಿದ್ಯಾರ್ಥಿ ನಿಲಯಗಳು ಹಾಗೂ ಇತರೆ ಸರ್ಕಾರಿ ಕಟ್ಟಡಗಳ ಸುರಕ್ಷತೆಯನ್ನು ಪಾಲಿಸಲು ಸಂಬAಧಿಸಿದ ಇಲಾಖಾ ಮುಖ್ಯಸ್ಥರಿಗೆ ನಿರ್ದೇಶನ ನೀಡಲಾಗಿದೆ. ಬಿಎಸ್‌ಎನ್‌ಎಲ್ ಮತ್ತು ಹೆಸ್ಕಾಂ ಇಲಾಖೆಗಳು ಮಳೆಗಾಲದಲ್ಲಿ ಅಗತ್ಯವಿರುವ ಸಾಮಗ್ರಿಗಳನ್ನು ಕ್ರೋಡಿಕರಿಸಿಕೊಳ್ಳುವಂತೆಯೂ ಸೂಚಿಸಲಾಗಿದೆ. ಜಿಲ್ಲಾ ವಿಪತ್ತು ನಿರ್ವಹಣಾ ಕೇಂದ್ರದ 24*7 ಸಕ್ರಿಯವಾಗಿದ್ದು, ಸಾರ್ವಜನಿಕರು ಯಾವುದೇ ತೊಂದರೆಗಳಿದ್ದಲ್ಲಿ ಆಯಾ ತಾಲ್ಲೂಕಿನ ಹಾಗೂ ಜಿಲ್ಲೆಯ ವಿಪತ್ತು ನಿರ್ವಹಣಾ ಕೇಂದ್ರವನ್ನು ಸಂಪರ್ಕಿಸುವoತೆ ಮನವಿ ಮಾಡಲಾಗಿದೆ. ಜಿಲ್ಲಾ ಜಿಲ್ಲಾ ವಿಪತ್ತು ನಿರ್ವಹಣಾ ಕೇಂದ್ರದ ಕಂಟ್ರೋಲ್ ರೂಂ ದೂರವಾಣಿ ಸಂಖ್ಯೆ: 08382-229857, ಮೊ. 9483511015. ಇದರೊಂದಿಗೆ ಇನ್ನಿತರ ಸಹಾಯವಾಣಿಗಳ ಸಂಖ್ಯೆ ಇಂತಿದೆ: ಪೊಲೀಸ್ ಕಂಟ್ರೋಲ್ ರೂಂ. ದೂ. ಸಂ:08382-226550, 9480805200, ತಾಲೂಕು ಕಂಟ್ರೋಲ್ ರೂಂ ಕಾರವಾರ 08382-223350, ಅಂಕೋಲಾ 08388-230243, ಕುಮಟಾ 08386-222054, ಹೊನ್ನಾವರ 08387-220262, ಭಟ್ಕಳ 08385-226422, ಶಿರಸಿ 9448769569, ಸಿದ್ದಾಪುರ 08389-230127, ಯಲ್ಲಾಪುರ 9902571927, ಮುಂಡಗೋಡ 08301-222122, ಹಳಿಯಾಳ 08284-220134, ಜೋಯಿಡಾ 8310703169, ದಾಂಡೇಲಿ 08284-295959
- [ಆಸ್ಪತ್ರೆ ನಿರ್ಮಾಣದಲ್ಲಿ ಅಸಡ್ಡೆ: ಸರ್ಕಾರಕ್ಕೆ ನೋಟಿಸ್ ನೀಡಿದ ಹೈಕೋರ್ಟ್!](https://mobiletime.in/2026/06/high-court-issues-notice-to-government-over-negligence-in-hospital-construction/): ಮೂರು ವರ್ಷದೊಳಗೆ ಮುಗಿಸಬೇಕಿದ್ದ ಶಿರಸಿಯ ಸಾರ್ವಜನಿಕ ಆಸ್ಪತ್ರೆ ಐದು ವರ್ಷ ಕಳೆದರೂ ಮುಗಿಯದ ಬಗ್ಗೆ ಹೈಕೋರ್ಟ ಅಸಮಧಾನವ್ಯಕ್ತಪಡಿಸಿದೆ. ಆಸ್ಪತ್ರೆ ನಿರ್ಮಾಣ ಕಾಮಗಾರಿಯ ನಿಧಾನಗತಿಯನ್ನು ಪ್ರಶ್ನಿಸಿ ರಾಜ್ಯ ಸರ್ಕಾರಕ್ಕೆ ಹೈಕೋರ್ಟ ನೋಟಿಸ್ ನೀಡಿದೆ. ರಾಜ್ಯ ಸರ್ಕಾರ 2020-21ನೇ ಸಾಲಿನ ಬಜೆಟಿನಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಶಿರಸಿಯಲ್ಲಿರುವ 100 ಹಾಸಿಗೆಗಳ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಯನ್ನು 250 ಹಾಸಿಗೆಗಳ ಆಸ್ಪತ್ರೆಯಾಗಿ ಮೇಲ್ದರ್ಜೆಗೆ ಏರಿಸುವ ಬಗ್ಗೆ ಘೋಷಿಸಿತ್ತು. ಇದಕ್ಕಾಗಿ 26.8 ಕೋಟಿ ರೂ ವ್ಯಯಿಸುವ ಬಗ್ಗೆ ತಿಳಿಸಿದ್ದು, ಮೂರು ವರ್ಷದಲ್ಲಿ ಈ ಯೊಜನೆ ಪೂರ್ಣಗೊಳಿಸುವುದಾಗಿ ಭರವಸೆ ನೀಡಿತ್ತು. ನಂತರ ಆಸ್ಪತ್ರೆಯ ನಿರ್ಮಾಣಕ್ಕೆ ಟೆಂಡರ್ ಅಂತಿಮಗೊಳಿಸಲಾಗಿದ್ದರೂ ಐದು ವರ್ಷ ಕಳೆದರೂ ಆಸ್ಪತ್ರೆ ಮೇಲ್ದರ್ಜೆಗೇರಿಸುವ ಕಾಮಗಾರಿ ಮುಗಿದಿರಲಿಲ್ಲ. ಈ ಬಗ್ಗೆ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಪ್ರಶ್ನಿಸಿದ್ದರು. ಜೊತೆಗೆ ಆಸ್ಪತ್ರೆ ವಿಷಯದಲ್ಲಿ ಕಾನೂನು ಹೋರಾಟ ಶುರು ಮಾಡಿದ ಅವರು ಅನಂತಮೂರ್ತಿ ಹೆಗಡೆ ಚಾರಿಟಬಲ್ ಟ್ರಸ್ಟ್ ಮೂಲಕ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿದ್ದರು. ಮುಖ್ಯ ನ್ಯಾಯಮೂರ್ತಿ ವಿಭು ಬು ಹಾಗೂ ನ್ಯಾ ಕೆ ಎಸ್ ಹೇಮಲೇಖಾ ಅವರಿದ್ದ ವಿಭಾಗೀಯ ನ್ಯಾಯಪೀಠ ವಿಚಾರಣೆ ನಡೆಸಿತು. ಅರ್ಜಿದಾರರ ವಾದ ಆಲಿಸಿದ ನ್ಯಾಯಪೀಠ, ಪ್ರತಿವಾದಿಗಳಾದ ರಾಜ್ಯ ಸರ್ಕಾರ, ರಾಜ್ಯ ವೈದ್ಯಕೀಯ ಶಿಕ್ಷಣ ಮತ್ತು ಆರೋಗ್ಯ ಸೇವೆಗಳ ಇಲಾಖೆಯ ಆಡಳಿತ ಇಲಾಖೆಯ ನಿರ್ದೇಶಕರು, ಆರೊಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಸಹಾಯಕ ನಿರ್ದೇಶಕರು, ಮುಖ್ಯ ಎಂಜಿನಿಯರ್, ಉತ್ತರ ಕನ್ನಡ ಜಿಲ್ಲಾಧಿಕಾರಿ, ಜಿಲ್ಲಾ ಸಹಾಯಕ ಆಯುಕ್ತರು ಮತ್ತು ಜಿಲ್ಲಾ ಪಂಚಾಯತ್ ಸಿಇಒಗೆ ನೋಟಿಸ್ ನೀಡಿತು. ನಂತರ ಮುಂದಿನ ವಿಚಾರಣೆಯನ್ನು ಸೆ2ಕ್ಕೆ ಮುಂದೂಡಿತು. `ಸದ್ಯ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹೃದ್ರೋಗ ಹಾಗೂ ನರ ತಜ್ಞರು, ಸರ್ಜನ್‌ಗಳು ಇಲ್ಲ. ಇದರಿಂದ ಶಿರಸಿ, ಸಿದ್ದಾಪುರ, ಮುಂಡಗೋಡ ಮತ್ತು ಹಾನಗಲ್ ಪ್ರದೇಶದಲ್ಲಿ ಹೃದ್ರೋಗ ಹಾಗೂ ನರಗಳ ಸಮಸ್ಯೆ ಅನುಭವಿಸುತ್ತಿರುವ ರೋಗಿಗಳು 125 ಕಿಮೀ ದೂರದ ಹುಬ್ಬಳ್ಳಿಯ ಆಸ್ಪತ್ರೆಗೆ ಹೋಗಬೇಕಿದೆ. ಹೃದಯಘಾತ, ಬ್ರೆನ್ ಹೆಮರೆಜ್ ಕಾಣಿಸಿಕೊಂಡಾಗ ತುರ್ತು ಚಿಕಿತ್ಸಾ ಸೇವೆ ಒದಗಿಸಲು ಹುಬ್ಬಳ್ಳಿಗೆ ಕರೆದೊಯ್ದಿರುವಾಗ ಮಾರ್ಗಮಧ್ಯೆ ಹಲವು ರೋಗಿಗಳು ಸಾವನ್ನಪ್ಪಿದ್ದಾರೆ. ಶೇ 80ರಷ್ಟು ಕಾಮಗಾರಿ ಪೂರ್ಣಗೊಂಡಿದ್ದರು ಸರ್ಕಾರ ಇನ್ನೂ ವೈದ್ಯರು, ನರ್ಸ್, ಸಿಬ್ಬಂದಿಯನ್ನು ಆಸ್ಪತ್ರೆಗೆ ನಿಯೋಜಿಸಿಲ್ಲ ಹಾಗೂ ಜೀವ ರಕ್ಷಕವೈದ್ಯಕೀಯ ಉಪಕರಣಗಳ ಖರೀದಿಸಿಲ್ಲ’ ಎಂದು ಅರ್ಜಿದಾರರು ಆಕ್ಷೇಪಿಸಿದ್ದಾರೆ. `ಕಾಲಮಿತಿಯೊಳಗೆ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಯನ್ನು ಮೇಲ್ದರ್ಜೆಗೇರಿಸುವ ಕಾಮಗಾರಿ ಪೂರ್ಣಗೊಳಿಸಬೇಕು. ಆಸ್ಪತ್ರೆಗೆ ಹೃದ್ರೋಗ ಹಾಗೂ ನರ ತಜ್ಞರು ಸೇರಿದಂತೆ ವೈದ್ಯರು, ನರ್ಸ್, ಸಿಬ್ಬಂದಿಯನ್ನು ನೇಮಿಸಬೇಕು. ಜೀವ ರಕ್ಷಕ ವೈದ್ಯಕೀಯ ಉಪಕರಣಗಳು, ಸಿ.ಟಿ, ಎಂಆರ್‌ಐ ಸ್ಕ್ಯಾನ್ ಯಂತ್ರಗಳನ್ನು ಆಸ್ಪತ್ರೆಯಲ್ಲಿ ಅಳವಡಿಸುವಂತೆ ಸರ್ಕಾರಕ್ಕೆ ನಿರ್ದೇಶಿಸಬೇಕು’ ಎಂದು ಅರ್ಜಿದಾರರು ಕೋರಿದ್ದಾರೆ.
- [ಕೋಳಿ ಗೂಡಿನಲ್ಲಿ ನಿದ್ರಿಸಿದ ಹೆಬ್ಬಾವು!](https://mobiletime.in/2026/06/a-python-sleeping-in-a-chicken-coop/): ಅಂಕೋಲಾ ಹಾರವಾಡದ ವಿಷ್ಣು ನಾಯ್ಕ ಅವರ ಮನೆಗೆ ಬಂದಿದ್ದ ಹೆಬ್ಬಾವು ಅವರು ಸಾಕಿದ್ದ ಕೋಳಿಗಳನ್ನು ನುಂಗಿದೆ. ಹೊಟ್ಟೆ ತುಂಬಿದ ನಂತರ ಹೊರಗೆ ಹೋಗದ ಆ ಹಾವು ಅದೇ ಕೋಳಿ ಗೂಡಿನಲ್ಲಿ ನಿದ್ರಿಸಿದೆ! ಅಂಕೋಲಾದ ವಿಷ್ಣು ನಾಯ್ಕ ಅವರು ಅನೇಕ ಕೋಳಿಗಳನ್ನು ಸಾಕಿದ್ದು, ಕೋಳಿಗಳ ಆಶ್ರಯಕ್ಕಾಗಿ ಅಚ್ಚುಕಟ್ಟಾದ ಗೂಡು ನಿರ್ಮಿಸಿದ್ದಾರೆ. ಕೋಳಿ ಸಾಕಿದ ವಾಸನೆಗೆ ಬುಧವಾರ ಅಲ್ಲಿಗೆ ಬಂದ ಹೆಬ್ಬಾವು ಎರಡು ಕೋಳಿಗಳನ್ನು ಹಿಡಿದಿದೆ. ಗೂಡಿನಲ್ಲಿಯೇ ಮಲಗಿ ಆ ಕೋಳಿಗಳನ್ನು ಭಕ್ಷಿಸಿದೆ. ಈ ವೇಳೆ ಇನ್ನಿತರ ಕೋಳಿಗಳು ತಪ್ಪಿಸಿಕೊಂಡಿದ್ದು, ಅದಾದ ನಂತರ ಹಾವು ಅಲ್ಲಿಯೇ ನಿದ್ರಿಸಿದೆ. ಭಾರೀ ಗಾತ್ರದ ಹೆಬ್ಬಾವು ನೋಡಿದ ಕುಟುಂಬದವರು ಮೊದಲು ಆತಂಕಕ್ಕೆ ಒಳಗಾಗಿದ್ದಾರೆ. ಹಾವಿನ ಚಲನೆ ಇಲ್ಲದಿರುವುದನ್ನು ನೋಡಿ ಅದು ಸಾವನಪ್ಪಿರಬಹುದು ಎಂದು ಅಂದಾಜಿಸಿದ್ದಾರೆ. ಅದಾಗಿಯೂ, ಹಾವು ಮುಟ್ಟುವ ಧೈರ್ಯ ತೋರದೇ ಉರಗ ತಜ್ಞ ಪ್ರಶಾಂತ ಕಳಸ್ ಅವರಿಗೆ ಫೋನ್ ಮಾಡಿದ್ದಾರೆ. ಸ್ಥಳಕ್ಕೆ ಬಂದ ಪ್ರಶಾಂತ ಕಳಸ್ ಅವರು ಮಲಗಿದ್ದ ಹೆಬ್ಬಾವನ್ನು ಎಬ್ಬಿಸಿ, ಚೀಲಕ್ಕೆ ತುಂಬಿದ್ದಾರೆ. ಹಾವುಗಳ ಮಹತ್ವ ಹಾಗೂ ಸಂರಕ್ಷಣೆಯ ಬಗ್ಗೆ ಪ್ರಶಾಂತ ಕಳಸ್ ಅವರು ಜನರಿಗೆ ಅರಿವು ಮೂಡಿಸಿದ್ದಾರೆ. `ಹೆಬ್ಬಾವು ವಿಷಕಾರಿ ಅಲ್ಲ. ಹಸಿವಿನಿಂದಾಗಿ ಅದು ಊರು ಪ್ರವೇಶಿಸಿದ್ದು, ಅದಕ್ಕೆ ತೊಂದರೆ ಕೊಡಬೇಡಿ’ ಎಂದು ಮನವಿ ಮಾಡಿದ್ದಾರೆ. ಅದಾದ ನಂತರ ಹಾವನ್ನು ಅರಣ್ಯಕ್ಕೆ ಬಿಟ್ಟು ಬಂದಿದ್ದಾರೆ.
- [ಮೊಬೈಲಿಗಿಂತಲೂ ಅಪಾಯಕಾರಿ ಈ ಇಯರ್‌ಫೋನ್!](https://mobiletime.in/2026/06/this-earphone-is-more-dangerous-than-a-mobile-phone/): ಇತ್ತೀಚಿನ ದಿನಗಳಲ್ಲಿ ಯುವಕರು ಸೇರಿದಂತೆ ಎಲ್ಲ ವಯೋಮಾನದವರಲ್ಲಿ ಇಯರ್‌ಫೋನ್ ಬಳಕೆ ಹೆಚ್ಚಾಗುತ್ತಿದೆ. ಮೊಬೈಲ್ ಕರೆ, ಸಂಗೀತ, ಆನ್‌ಲೈನ್ ತರಗತಿ ಹಾಗೂ ಕೆಲಸದ ನಿಮಿತ್ತ ಜನರು ಗಂಟೆಗಟ್ಟಲೆ ಇಯರ್‌ಫೋನ್ ಬಳಸುತ್ತಿದ್ದಾರೆ. ಆದರೆ ಅದರ ಬಳಕೆಯಿಂಗದಾಗಿವ ಪರಿಣಾಮದ ಬಗ್ಗೆ ಗೊತ್ತಾ? ಇಯರ್‌ಫೋನ್ ಬಳಕೆಯಿಂದ  ಸಂಗೀತ ಆಲಿಸಲು, ಸ್ಪಷ್ಟವಾಗಿ ಕರೆಗಳನ್ನು ಸ್ವೀಕರಿಸಲು ಹಾಗೂ ಹೊರಗಿನ ಶಬ್ದದ ಅಡಚಣೆಯನ್ನು ತಪ್ಪಿಸಲು ಸಾಧ್ಯವಾಗುತ್ತದೆ. ಆದರೆ ಆರೋಗ್ಯ ತಜ್ಞರು ದೀರ್ಘಕಾಲದ ಇಯರ್‌ಫೋನ್ ಬಳಕೆಯ ಬಗ್ಗೆ ಎಚ್ಚರಿಕೆ ನೀಡಿದ್ದಾರೆ.  ಹೆಚ್ಚಿನ ಧ್ವನಿಯಲ್ಲಿ ನಿರಂತರವಾಗಿ ಇಯರ್‌ಫೋನ್ ಬಳಸುವುದರಿಂದ ಶ್ರವಣಶಕ್ತಿ ಕುಗ್ಗುವ ಅಪಾಯವಿದೆ. ಕಿವಿ ನೋವು, ತಲೆನೋವು, ಕಿವಿಯಲ್ಲಿ ಗಂಟೆ ಶಬ್ದ ಕೇಳಿಸುವುದು ಹಾಗೂ ಸೋಂಕಿನಂತಹ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ರಸ್ತೆಗಳಲ್ಲಿ ನಡೆಯುವಾಗ ಅಥವಾ ವಾಹನ ಚಲಾಯಿಸುವಾಗ ಇಯರ್‌ಫೋನ್ ಬಳಸುವುದು ಅಪಘಾತದ ಅಪಾಯವನ್ನೂ ಹೆಚ್ಚಿಸುತ್ತದೆ. ತಜ್ಞರ ಪ್ರಕಾರ ಧ್ವನಿಯ ಮಟ್ಟವನ್ನು ಶೇ. 60 ಕ್ಕಿಂತ ಕಡಿಮೆ ಇಟ್ಟುಕೊಂಡು, ಪ್ರತಿ ಗಂಟೆ ಬಳಕೆಯ ನಂತರ ವಿರಾಮ ನೀಡುವುದು ಸೂಕ್ತ. ಇಯರ್‌ಫೋನ್‌ಗಳನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಮತ್ತು ಅಗತ್ಯವಿದ್ದಾಗ ಮಾತ್ರ ಬಳಸುವುದು ಕಿವಿಯ ಆರೋಗ್ಯ ಕಾಪಾಡಲು ಸಹಕಾರಿಯಾಗಿದೆ. ಹೀಗಾಗಿ, ಇಯರ್‌ಫೋನ್ ಬಳಕೆ ಅನುಕೂಲಕರವಾಗಿದ್ದರೂ, ಅದರ ಅತಿಯಾದ ಬಳಕೆ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆ ಅಗತ್ಯ. ಕಡಿಮೆ ದರಕ್ಕೆ ಸಿಗುವ ಕಳಪೆ ಏರ್ ಫೋನ್ ಇನ್ನಷ್ಟು ಅಪಾಯಕಾರಿ. ಏರ್ ಫೋನ್ ಬಳಸುವವರು ಗುಣಮಟ್ಟಕ್ಕೆ ಒತ್ತು ಕೊಡುವುದು ಅತಿ ಅಗತ್ಯ. ಅದರಲ್ಲಿಯೂ ಒಬ್ಬರು ಬಳಸಿದ ಏರ್ ಫೋನ್ ಮತ್ತೊಬ್ಬರು ಬಳಸದೇ ಇರುವುದು ಇನ್ನಷ್ಟು ಸೂಕ್ತ. ಸಂಶೋಧನೆಗಳ ಪ್ರಕಾರ, ವೈರ್ ಲೆಸ್ ಏರ್ ಫೋನ್’ಗಳಿಗಿಂತ ವಯರ್ ಏರ್‌ಫೋನ್ ಬಳಕೆಯಿಂದ ಅಡ್ಡಪರಿಣಾಮಗಳು ಕಡಿಮೆ.
- [ಪರ್ತಗಾಳಿ ಮಠಕ್ಕೆ ವಸ್ತ್ರ  ಸಂಹಿತೆ!](https://mobiletime.in/2026/06/dress-code-for-partagali-math/): `ಗೋವಾ ರಾಜ್ಯದ ಪರ್ತಗಾಳಿಯಲ್ಲಿರುವ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಕ್ಕೆ ಆಗಮಿಸುವ ಭಕ್ತರು ಕಡ್ಡಾಯವಾಗಿ ಭಾರತೀಯ ಸಾಂಪ್ರದಾಯಿಕ ಉಡುಪಿನಲ್ಲಿಯೇ ಪ್ರವೇಶಿಸಬೇಕು’ ಎಂದು ಮಠದ ಆಡಳಿತ ಮಂಡಳಿ ಹೇಳಿದೆ. ಮಠದ ಪಾವಿತ್ರತೆ ಹಾಗೂ ಧಾರ್ಮಿಕ ಸಂಪ್ರದಾಯಗಳ ಸಂರಕ್ಷಣೆಯ ದೃಷ್ಟಿಯಿಂದ ಈ ನಿಯಮವನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಲಾಗಿದೆ. `ಮಠಕ್ಕೆ ಬರುವ ಭಕ್ತರು ಭಾರತೀಯ ಶೈಲಿಯ ಉಡುಪು ಧರಿಸಬೇಕು. ಸ್ವಾಮೀಜಿಗಳ ದರ್ಶನ ಹಾಗೂ ಮಠದಲ್ಲಿನ ಎಲ್ಲಾ ಚಟುವಟಿಕೆಗಳಿಗೂ ಮಠವೂ ಸೂಚಿಸಿದ ನಿಗದಿತ ಉಡುಪು ನಿಯಮವನ್ನು ಅನುಸರಿಸಬೇಕು’ ಎಂದು ಸೂಚಿಸಲಾಗಿದೆ. ಅದರ ಪ್ರಕಾರ, `ಪುರುಷ ಭಕ್ತರು ಕೇಸರಿ ಅಥವಾ ಕಾವಿ ಬಣ್ಣದ ಧೋತಿ ಧರಿಸುವುದನ್ನು ತಪ್ಪಿಸಿ. ಬಿಳಿ ಬಣ್ಣದ ಧೋತಿ ಹಾಗೂ ಸಾಂಪ್ರದಾಯಿಕ ಉತ್ತರೀಯ ಧರಿಸುವುದು ಸೂಕ್ತ; ಎಂದು ಹೇಳಲಾಗಿದೆ. `ಭಕ್ತರು ಈ ನಿಯಮಗಳನ್ನು ಪಾಲಿಸುವ ಮೂಲಕ ಮಠದ ಗೌರವ ಕಾಪಾಡುವಲ್ಲಿ ಸಹಕರಿಸಬೇಕು’ ಎಂದು ಮನವಿ ಮಾಡಲಾಗಿದೆ.
- [ಮೊದಲಿದ್ದ ಸ್ಥಳದಲ್ಲಿಯೇ ಮೂರಿನಕಟ್ಟೆ!](https://mobiletime.in/2026/06/the-murinakatte-is-in-the-same-place-as-before/): `ಭಟ್ಕಳದಲ್ಲಿ ಮುರಿತಕ್ಕೊಳಗಾದ ಮೂರಿನಕಟ್ಟೆಯನ್ನು ಮೊದಲಿದ್ದ ಸ್ಥಳದಲ್ಲಿಯೇ ಸ್ಥಾಪಿಸಲಾಗುತ್ತದೆ. ಜಿಲ್ಲಾಡಳಿತದ ಜೊತೆ ಸಾಕಷ್ಟು ಸಭೆ ನಡೆಸಿದ ನಂತರ ಈ ಬಗ್ಗೆ ಅಂತಿಮ ನಿಧಾರಕ್ಕೆ ಬರಲಾಗಿದ್ದು, ಹೆದ್ದಾರಿ ಡಿವೈಡರನಲ್ಲಿ ಮೂಲ ಮೂರಿನಕಟ್ಟೆಯನ್ನು ಯಥಾಸ್ಥಿತಿಯಲ್ಲಿ ನಿರ್ಮಾಣ ಮಾಡುವದಕ್ಕೆ ಜಿಲ್ಲಾಢಳಿತದಿಂದ ಶೀಘ್ರ ರೂಪರೇಷೆಗಳು ನಡೆಸಲಾಗುತ್ತದೆ’ ಎಂದು ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದ್ದಾರೆ. ಮಂಗಳವಾರ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಹೆದ್ದಾರಿ ಅಗಲೀಕರಣದ ಹಿನ್ನೆಲೆ ಹೆದ್ದಾರಿ ಪಕ್ಕದಲ್ಲಿಯೇ ನೂತನ ಮೂರಿನಕಟ್ಟೆಯನ್ನು ಕಟ್ಟಲಾಗಿತ್ತು. ಆದರೆ, ಕೆಲ ಯುವಕರ ತಂಡವು ಅಲ್ಲಿ ಕಟ್ಟಲಾದ ಕಟ್ಟೆಯನ್ನು ಧ್ವಂಸಗೊಳಿಸಿ ಪೋಲೀಸರ ಮೇಲೆ ಹಲ್ಲೆ ನಡೆಸಿದ್ದರು. ಆ ದಿನ ರಾತ್ರಿ ಹಿಂದು ಸಂಘಟನೆ ಹಾಗೂ ಬಿಜೆಪಿ ಪಕ್ಷದ ಮುಖಂಡರಿAದ ಘಟನೆಯ ಖಂಡಿಸಿ ಪ್ರತಿಭಟಿಸಿ ಮರು ನಿರ್ಮಾಣಕ್ಕೆ ಆಗ್ರಹಿಸಲಾಗಿದ್ದು, ಪ್ರತಿಭಟನಾಕಾರರ ಮೇಲೆಯೂ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಅದರ ವಿರುದ್ಧ ಬಿಜೆಪಿ ಹೋರಾಟ ನಡೆಸಿದ್ದು, ಕಾನೂನಾತ್ಮಕ ರೀತಿಯಲ್ಲಿ ಹಾಗೂ ಸಂಘಟನೆಗಳ ಮೂಲಕ ಸಾಕಷ್ಟು ಸಭೆ ನಡೆಸಿದ ಬಳಿಕ ಮೂಲ ಮೂರಿನಕಟ್ಟೆಯನ್ನು ಹೆದ್ದಾರಿಯ ರಸ್ತೆ ವಿಭಜಕದಲ್ಲಿ ನಿರ್ಮಿಸಲು ಉದ್ದೇಶಿಸಲಾಗಿದೆ’ ಎಂಬ ಮಾಹಿತಿ ನೀಡಿದರು. `ಮೂರಿನಕಟ್ಟೆಯ ವಿಚಾರದ ವಿವಾದವನ್ನು ಆದಷ್ಟು ಸೌಹಾರ್ದಯುತವಾಗಿ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಅಧಿಕಾರಿಗಳ ಜೊತೆಗೆ ಸಭೆ ನಡೆಸಿ ಸೂಚನೆ ನೀಡಲಾಗಿದೆ. ಮೂರಿನಕಟ್ಟೆಯಲ್ಲಿ ಮುಸ್ಲಿಂ ಸಮುದಾಯದ ಧಾರ್ಮಿಕ ಭಾವನೆ ಅಥವಾ ಅವರ ಚಟುವಟಿಕೆಗೆ ಸಮಸ್ಯೆ ಇಲ್ಲವಾಗಿದ್ದು, ಇದರಲ್ಲಿ ಅವರು ಮೂಗು ತೂರಿಸುವ ಅವಶ್ಯಕತೆ ಇಲ್ಲ. ಇದು ಆಡಳಿತಾತ್ಮಕ ತೀರ್ಮಾನದಂತೆ ಮುಂದುವರೆಯಲಿದೆ’ ಎಂದರು.
- [ಪ್ರವಾಸಕ್ಕೆ ಬಂದವ ಪರಲೋಕ ಪ್ರವೇಶಿಸಿದ!](https://mobiletime.in/2026/06/the-traveler-has-entered-heaven/): ಗೋಕರ್ಣ ಕಡಲತೀರದ ಬಳಿಯಿದ್ದ ಲಾಡ್ಜವೊಂದನ್ನು ಬಾಡಿಗೆಗೆಪಡೆದಿದ್ದ ಪ್ರವಾಸಿಗರೊಬ್ಬರು ಅಲ್ಲಿಯೇ ನೇಣಿಗೆ ಶರಣಾಗಿದ್ದಾರೆ. ಎಷ್ಟು ಹೊತ್ತಾದರೂ ಪ್ರವಾಸಿಗ ಬಾಗಿಲು ತೆರೆಯದ ಕಾರಣ ಲಾಡ್ಜ್ ಸಿಬ್ಬಂದಿ ಬಾಗಿಲು ಒಡೆದಿದ್ದು, ಆಗ ಪ್ರವಾಸಿಗನ ಆತ್ಮಹತ್ಯೆ ವಿಷಯ ಗೊತ್ತಾಗಿದೆ. ದಾವಣಗೆರೆಯ ಹೊನ್ನಾಳಿಯ ಶಿವಕುಮಾರ (24) ಎಂಬಾತರು ಮತ್ತೊಬ್ಬ ವ್ಯಕ್ತಿಯ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಆ ಇಬ್ಬರು ಸೇರಿ ಕಡಲತೀರದ ಲಾಡ್ಜ್ ಒಂದರಲ್ಲಿ ಬಾಡಿಗೆಗೆ ಕೋಣೆಪಡೆದಿದ್ದರು. ಶಿವಕುಮಾರ ಅವರ ಜೊತೆ ಬಂದಿದ್ದ ವ್ಯಕ್ತಿ ಭಾನುವಾರವೇ ರೂಂ ಖಾಲಿ ಮಾಡಿದ್ದು, ಸೋಮವಾರ ಶಿವಕುಮಾರ ಅವರು ಸಾವನಪ್ಪಿರುವುದು ಬೆಳಕಿಗೆ ಬಂದಿದೆ. `ಬಸ್ಸಿನಲ್ಲಿ ಸಿಕ್ಕ ಶಿವಕುಮಾರ ಅವರ ಪರಿಚಯವಾಗಿದ್ದು, ಇಬ್ಬರು ಗೋಕರ್ಣ ನೋಡಲು ಬಯಸಿದೆವು. ಹೀಗಾಗಿ ಶನಿವಾರ ಗೋಕರ್ಣದಲ್ಲಿ ರೂಂ ಪಡೆದಿದ್ದು, ಭಾನುವಾರ ದೇವರ ದರ್ಶನದ ನಂತರ ನಾನು ಊರಿಗೆ ಮರಳಿದ್ದೇನೆ’ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಜೊತೆಗಿದ್ದವ ಶವವಾದ ವಿಷಯ ಕೇಳಿ ಆ ಪ್ರವಾಸಿಗ ಸಹ ಕಂಗಾಲಾಗಿದ್ದು, ಸಾವಿನ ನೈಜ ಕಾರಣದ ಬಗ್ಗೆ ತನಿಖೆ ಶುರುವಾಗಿದೆ.
- [ಡಿಕೆಶಿ ದೋಸ್ತಿ ಮಾಡಿದ ಅತಿಕ್ರಮಣದಾರ!](https://mobiletime.in/2026/06/the-trespasser-who-made-friends-with-dk/): 33 ವರ್ಷಗಳಿಂದ ಅರಣ್ಯ ಅತಿಕ್ರಮಣ ಹೋರಾಟದ ಮೂಲಕ ಸದ್ದು ಮಾಡುತ್ತಿರುವ ಶಿರಸಿ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಇದೀಗ ಮುಂದಿನ ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರ ಸ್ನೇಹ ಬೆಳೆಸಿದ್ದಾರೆ. ಕಾಂಗ್ರೆಸ್ಸಿನಲ್ಲಿಯೇ ಇದ್ದರೂ ತತ್ವ-ಸಿದ್ಧಾಂತ ಕಾರಣದಿಂದ ದೊಡ್ಡ ದೊಡ್ಡ ನಾಯಕರಿಂದ ಕೊಂಚ ಅಂತರ ಕಾಯ್ದುಕೊಂಡಿದ್ದ ರವೀಂದ್ರ ನಾಯ್ಕ ಅವರು ಡಿಕೆ ಶಿವಕುಮಾರ ಅವರಿಗೆ ಹತ್ತಿರವಾಗಿದ್ದಾರೆ. ಡಿ ಕೆ ಶಿವಕುಮಾರ ಅವರು ಕರ್ನಾಟಕ ಸರ್ಕಾರದ 25ನೇ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸುವುದು ಖಚಿತವಾಗಿದೆ. ಹೀಗಾಗಿ, ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷರಾದ ಡಿ ಕೆ ಶಿವಕುಮಾರ ಅವರಿಗೆ ಉತ್ತರ ಕನ್ನಡ ಜಿಲ್ಲಾ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಶುಭಾಶಯ ಕೋರಿದ್ದಾರೆ. `ಕರ್ನಾಟಕ ಸರ್ಕಾರದ ಮುಖ್ಯಮಂತ್ರಿಯಾಗಿ ಜಿಲ್ಲೆಯ ಅಭಿವೃದ್ದಿ, ಯುವ ಜನಾಂಗದ ಸ್ವಾವಲಂಭನೆ ಮತ್ತು ಜಿಲ್ಲೆಯ ಜ್ವಲಂತ ಸಮಸ್ಯೆಗಳ ಪರಿಹಾರಕ್ಕೆ ಹೆಚ್ಚಿನ ಪ್ರಾತಿನಿಧ್ಯ ಕೊಡಬೇಕು’ ಎಂದು ಸಹ ರವೀಂದ್ರ ನಾಯ್ಕ ಅವರು ಮನವಿ ಮಾಡಿದ್ದಾರೆ. `ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪನವರ ಅನುಯಾಯಿಗಳಾಗಿ ಆಡಳಿತ ವ್ಯವಸ್ಥೆಯಲ್ಲಿ ಸಾಮಾಜಿಕ ನ್ಯಾಯದ ಸಿದ್ದಾಂತ ಪ್ರತಿಪಾದಿಸುವ ಹಾಗಾಗಲಿ’ ಎಂಬ ಆಶಯವನ್ನು ಅವರು ವ್ಯಕ್ತಪಡಿಸಿದ್ದಾರೆ.  
- [ಆಸಿಡ್ ದಾಳಿಗೆ ಬೆದರದವ ಸೀಮೆಎಣ್ಣೆಯಿಂದ ಮೈ ಸುಟ್ಟುಕೊಂಡ!](https://mobiletime.in/2026/06/a-man-who-was-scared-of-an-acid-attack-burned-himself-with-kerosene/): ಮುಖದ ಮೇಲೆ ಆಸಿಡ್ ಚಲ್ಲಿದ ಪರಿಣಾಮ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದ ಶಿರಸಿಯ ನವೀನ್ ಶೇಟ್ ಅವರನ್ನು ವೈದ್ಯರು ಕಷ್ಟಪಟ್ಟು ಬದುಕಿಸಿದ್ದು, ಅದಾದ ನಂತರ ನವೀನ್ ಶೇಟ್ ಅವರು ಸೀಮೆಎಣ್ಣೆ ಮೈಮೇಲೆ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿದ್ದಾರೆ. ಆಸಿಡ್ ಸುಟ್ಟ ನೋವಿಗಿಂತಲೂ ದೊಡ್ಡ ಪ್ರಮಾಣದ ಹಿಂಸೆ ಅನುಭವಿಸಿ ಅವರು ಸಾವನಪ್ಪಿದ್ದಾರೆ. ಶಿರಸಿಯ ಉಂಚಳ್ಳಿ ಬಳಿ ನವೀನ್ ಮಂಜುನಾಥ ಶೇಟ್ (30) ಅವರು ಬಂಗಾರದ ಕೆಲಸ ಮಾಡುವಲ್ಲಿ ನೈಪೂಣ್ಯಹೊಂದಿದ್ದರು. ದುಡಿಮೆಗಾಗಿ ಮಹಾರಾಷ್ಟçಕ್ಕೆ ಹೋಗಿದ್ದ ಅವರು 9 ವರ್ಷಗಳ ಕಾಲ ಅಲ್ಲಿಯೇ ಇದ್ದರು. ಕೊಲ್ಲಾಪುರ ಬಳಿಯ ಕರಾಡದಲ್ಲಿ ಅವರು ಚಿನ್ನದ ಆಭರಣಗಳನ್ನು ಮಾಡಿ ಜೀವನ ನಡೆಸುತ್ತಿದ್ದರು. ಈಚೆಗೆ ಊರಿಗೆ ಬರುವಾಗ ಅವರು ಬೈಕ್ ಮೇಲೆ ಬಂದಿದ್ದು, ಅದೇ ಬೈಕಿನಲ್ಲಿ ಬಂಗಾರ ಶುದ್ಧಗೊಳಿಸುವ ಆಸಿಡ್’ನ್ನು ಹಿಡಿದು ತಂದಿದ್ದರು. ಆದರೆ, ಬೈಕಿನಲ್ಲಿದ್ದ ಆಸಿಡ್ ಚೆಲ್ಲಿ ಅದು ನವೀನ್ ಶೇಟ್ ಅವರ ಮುಖಕ್ಕೆ ತಾಗಿತ್ತು. ಪರಿಣಾಮ ಅವರ ಮೂಗು, ಕೆನ್ನೆ ಸುಟ್ಟು ಗಾಯವಾಗಿತ್ತು. ಮುಖದ ಸ್ವರೂಪವೂ ಬದಲಾಗಿತ್ತು. ಇದರಿಂದ ಅವರು ಚಿಕಿತ್ಸೆಪಡೆದಿದ್ದು, ಮೂಗು ಸುಟ್ಟ ಪರಿಣಾಮ ಉಸಿರಾಟ ಸಮಸ್ಯೆಯಿಂದ ಬಳಲುತ್ತಿದ್ದ ನವೀನ್ ಶೇಟ್ ಅವರನ್ನು ಕಾರವಾರ ಜಿಲ್ಲಾಸ್ಪತ್ರೆ ವೈದ್ಯರು ಬದುಕಿಸಿದ್ದರು. 9 ದಿನಗಳ ಹಿಂದೆ ಆಸ್ಪತ್ರೆಯಿಂದ ಬಿಡುಗಡೆಯಾದರೂ ಆಸಿಡ್ ತಾಗಿ ಮುಖ ಸುಟ್ಟ ನೋವಿನಲ್ಲಿಯೇ ನವೀನ್ ಶೇಟ್ ಅವರು ದಿನ ಕಳೆಯುತ್ತಿದ್ದರು. ಹೀಗಿರುವಾಗ, ಜೂನ್ 1ರಂದು ನವೀನ್ ಶೇಟ್ ಅವರು ಹಾವೇರಿಗೆ ಹೋಗಿದ್ದರು. ಅಲ್ಲಿದ್ದ ಸಹೋದರನ ಮನೆಯಲ್ಲಿ ತಂಗಿದ್ದ ಅವರಿಗೆ ಅಲ್ಲಿ ಸೀಮೆಎಣ್ಣೆ ಕಾಣಿಸಿತು. ಜನವರಿ 2ರಂದು ಅವರು ಆ ಸೀಮೆಎಣ್ಣೆ ಮೈಮೇಲೆ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡರು. ಪರಿಣಾಮ ಇಡೀ ದೇಹ ಸುಟ್ಟು ಕರಕಲಾಯಿತು. ಕಷ್ಟಪಟ್ಟು ಮಗನಿಗೆ ಚಿಕಿತ್ಸೆ ಕೊಡಿಸಿದ್ದ ಕಸ್ತೂರಿ ಶೇಟ್ ಅವರು ಚಿಕಿತ್ಸೆ ನಂತರವೂ ಮಗ ಆತ್ಮಹತ್ಯೆಗೆ ಶರಣಾಗಿರುವುದನ್ನು ನೋಡಿ ಕಣ್ಣೀರಾದರು. ಈ ವಿಷಯದ ಬಗ್ಗೆ ಅವರೇ ಪೊಲೀಸರಿಗೆ ಮಾಹಿತಿ ನೀಡಿ, ಕಾನೂನು ಕ್ರಮಕ್ಕೆ ಮನವಿ ಮಾಡಿದರು.  
- [ಗಾಂಜಾವಾಲಾ: ಅಡ್ಡದಾರಿ ಹಿಡಿದ ವ್ಯಾಪಾರಿ!](https://mobiletime.in/2026/06/ganjawala-a-trader-who-has-gone-astray/): ಮುಂಡಗೋಡಿನ ಬ್ಲೂ ಹಿಲ್ ಹೋಟೆಲ್ ಸಮೀಪ ಗಾಂಜಾ ಮಾರಾಟ ಮಾಡುತ್ತಿದ್ದ ಇಸ್ಮಾಯಿಲ್ ಜಮಖಂಡಿ ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಪೊಲೀಸರು ಗಾಂಜಾ ವ್ಯಾಪಾರಿಯನ್ನು ಬಂಧಿಸಿ ಗಾಂಜಾ ಜೊತೆ 600ರೂ ಹಣವನ್ನು ಜಪ್ತು ಮಾಡಿದ್ದಾರೆ. ಮುಂಡಗೋಡದ ಹಳ್ಳೂರ ಓಣಿಯ ಇಸ್ಮಾಯಿಲ್ ಜಮಖಂಡಿ (40) ಅವರು ವ್ಯಾಪಾರಿಯಾಗಿದ್ದು, ತಮ್ಮ ವ್ಯಾಪಾರದಲ್ಲಿನ ಲಾಭ ಸಾಕಾಗದ ಕಾರಣ ಅಡ್ಡದಾರಿ ಹಿಡಿದಿದ್ದರು. ಯುವ ಸಮುದಾಯದವರಿಗೆ ಗಾಂಜಾ ವ್ಯಾಪಾರ ಮಾಡಿ ತಾವು ಬದುಕು ಕಟ್ಟಿಕೊಳ್ಳಲು ಅವರು ನಿರ್ಧರಿಸಿದ್ದರು. ಆದರೆ, ಮುಂಡಗೋಡು ಪೊಲೀಸರು ಈ ಕಾನೂನುಬಾಹಿರ ಕೆಲಸಕ್ಕೆ ಅವಕಾಶ ಕೊಡಲಿಲ್ಲ. ಯಲ್ಲಾಪುರ – ಮುಂಡಗೋಡ ರಾಜ್ಯ ಹೆದ್ದಾರಿ-6ರ ಬ್ಲೂ ಹಿಲ್ ಹೋಟೆಲ್ ಬಳಿ ಇಸ್ಮಾಯಿಲ್ ಜಮಖಂಡಿ ಗಾಂಜಾ ಮಾರುವಾಗಲೇ ಪೊಲೀಸರು ದಾಳಿ ಮಾಡಿದರು. ಪಿಐ ರಮೇಶ ಹಾನಾಪುರ ಅವರ ತಂಡ ದಾಳಿ ಮಾಡಿದಾಗ ಇಸ್ಮಾಯಿಲ್ ಜಮಖಂಡಿ ಅವರ ಬಳಿ 434 ಗ್ರಾಂ ತೂಕದ ಗಾಂಜಾ ಸಿಕ್ಕಿತು. ಗಾಂಜಾ ಮಾರಾಟದಿಂದ ದುಡಿದ 600ರೂ ಹಣವೂ ಕಿಸೆಯಲ್ಲಿತ್ತು. ಗಾಂಜಾ, ಹಣ ಹಾಗೂ ಅಲ್ಲಿದ್ದ ಬೈಕನ್ನು ಪೊಲೀಸರು ಜಪ್ತು ಮಾಡಿ, ಕಾನೂನು ಕ್ರಮ ಜರುಗಿಸಿದರು.
- [ಮಂಜುಗುಣಿ ಮಹಿಮೆ: ಅಧಿಕ ಮಾಸದಲ್ಲಿ ಅಧಿಕ ಪುಣ್ಯತರುವ ಪೂಜೆ!](https://mobiletime.in/2026/06/manjuguni-mahima-a-puja-that-brings-great-merit-in-the-holy-month/): ಶಿರಸಿಯ ಶ್ರೀ ಕ್ಷೇತ್ರ ಮಂಜುಗುಣಿಯ ಶ್ರೀ ವೆಂಕಟರಮಣ ದೇವಸ್ಥಾನದಲ್ಲಿ ಜೂನ್ 7ರಂದು ಅಧಿಕ ಜ್ಯೇಷ್ಠ ಮಾಸದ ಅಂಗವಾಗಿ ವಿವಿಧ ಕಾರ್ಯಕ್ರಮಗಳು ನಡೆಯಲಿದೆ. ಪ್ರತಿ 3 ವರ್ಷಗಳಿಗೊಮ್ಮೆ ಬರುವ ಅಪರೂಪದ ಅಧಿಕ ಮಾಸದ ಅಂಗವಾಗಿ ಈ ವಿಶೇಷ ಕಾರ್ಯಕ್ರಮ ಆಯೋಜಿಸಲಾಗಿದೆ. ಅಧಿಕ ಮಾಸದಲ್ಲಿ ವಿಶೇಷ ಸೇವೆಗಳನ್ನು ಮಾಡುವುದರಿಂದ ಅಧಿಕ ಪುಣ್ಯ ಲಭಿಸುತ್ತದೆ ಎಂಬ ನಂಬಿಕೆ ಭಕ್ತರಲ್ಲಿದೆ. ಹೀಗಾಗಿ, ಅಧಿಕ ಜ್ಯೇಷ್ಠ ಕೃಷ್ಣ ಪಕ್ಷ ಸಪ್ತಮಿ ಭಾನುವಾರ ವಿಶೇಷ ಪೂಜೆಗಳನ್ನು ನಡೆಸಲು ನಿರ್ಧರಿಸಲಾಗಿದೆ. ಕಾರ್ಯಕ್ರಮದ ಅಂಗವಾಗಿ ಶ್ರೀ ದೇವರ ಗರ್ಭಗುಡಿಯಲ್ಲಿ ಬೆಳಿಗ್ಗೆ 8.30 ಗಂಟೆಗೆ ವಿಶೇಷ ಪೂಜೆ ನಡೆಯಲಿದ್ದು, ಶ್ರೀದೇವರ ಮೂಲಮೂರ್ತಿಗೆ ಶತಧಾರಕ್ಷೀರಾಭಿಷೇಕ ನೆರವೇರಿಸಲಾಗುತ್ತದೆ. ಬೆಳಿಗ್ಗೆ 11ರಿಂದ ನೂತನ ಭೂ ವೈಕುಂಠ ದ್ವಾರ ಮಂಟಪದಲ್ಲಿ ರಜತ ಪೀಠದಲ್ಲಿ ಪ್ರಧಾನ ಉತ್ಸವ ಮೂರ್ತಿಗೆ ವಿಷ್ಣು ಸಹಸ್ರನಾಮದಿಂದ ತುಳಸಿ ಅರ್ಚನೆ, ಹಾಗೂ 333 ದೀಪಾರಾಧನೆ, ದೀಪ ನಮಸ್ಕಾರ, 33 ಅಪೂಪ ಪೂಜೆ ಹಾಗೂ ದಾನ, ದ್ರವ್ಯಾಂಜಲಿ ಸೇವೆಗಳು ನೆರವೇರಲಿದೆ. ನಂತರ ಪ್ರಸಾದ ಭೋಜನ ವ್ಯವಸ್ಥೆಯೂ ಇರಲಿದೆ. ಭಕ್ತರು ತಮ್ಮ ಇಚ್ಛೆಯಂತೆ ಈ ಸೇವೆಗಳಲ್ಲಿ ಭಾಗವಹಿಸಬಹುದಾಗಿದ್ದು, ವಿವಿಧ ಸೇವೆಗಳಿಗಾಗಿ ನಿಗದಿತ ಕಾಣಿಕೆ ವಿವರಗಳನ್ನು ದೇವಸ್ಥಾನ ಪ್ರಕಟಿಸಿದೆ. ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಫೋನ್ ಮಾಡಿ: 8277226708, 6362024921, 9481585013, 8277419657
- [ಟಾಕ್ಟರ್ ಪಲ್ಟಿ: ಶಿವನ ಪಾದ ಸೇರಿದ ಶಂಬುಲಿoಗ!](https://mobiletime.in/2026/06/tractor-flips-over-shambuliga-falls-at-the-feet-of-shiva/): ನೀರಿನ ಟಾಕಿ ಕಟ್ಟಲು ಅಗತ್ಯವಿರುವ ಎಂ ಸ್ಯಾಂಡ್ ತುಂಬಿಕೊoಡು ಸಾಗುತ್ತಿದ್ದ ಟಾಕ್ಟರ್ ಅಂಕೋಲಾದಲ್ಲಿ ಪಲ್ಟಿಯಾಗಿದೆ. ಪರಿಣಾಮ ಟಾಕ್ಟರ್ ಚಾಲಕ ಗಾಯಗೊಂಡು ಸಾವನಪ್ಪಿದ್ದಾರೆ. ಧಾರವಾಡ ಕಲಘಟಗಿಯ ಶಂಭುಲಿoಗಪ್ಪ ಬೊಮ್ಮನಳ್ಳಿ (35) ಅವರು ಅಂಕೋಲಾದಲ್ಲಿ ಟಾಕ್ಟರ್ ಚಾಲಕರಾಗಿ ಬದುಕು ಕಟ್ಟಿಕೊಂಡಿದ್ದರು. ಜೂನ್ 1ರ ಬೆಳಗ್ಗೆ ಅವರು ಕಣಿಗಿಲ್ ಕಡೆಯಿಂದ ಹೊನ್ನೆಬೈಲ್ ಕಡೆಗೆ ಅವರು ಟಾಕ್ಟರ್ ಓಡಿಸಿದ್ದು, ಎಂ ಸ್ಯಾಂಡ್ ತುಂಬಿಕೊoಡಿದ್ದ ಆ ಟಾಕ್ಟರ್ ಭಂಡಾರದೇವಿ ದೇವಾಲಯದ ಬಳಿ ದಿಬ್ಬ ಹತ್ತಿತು. ಟಾಕ್ಟರ್ ವೇಗ ಜಾಸ್ತಿಯಿದ್ದ ಕಾರಣ ಇಂಜಿನ್ ಪಲ್ಟಿಯಾಯಿತು. ನೀರಿನ ಟಾಕಿ ಕಟ್ಟುವ ಸ್ಥಳ ತಲುಪುವ ಮೊದಲೇ ಟಾಕ್ಟರ್ ತಿರುಗಿ ಬಿದ್ದಿತು. ಪರಿಣಾಮ ಟಾಕ್ಟರ್ ಚಾಲಕ ಶಂಭುಲಿoಗಪ್ಪ ಬೊಮ್ಮನಳ್ಳಿ ಅವರು ಗಾಡಿ ಅಡಿಗೆ ಬಿದ್ದು ಗಾಯ ಮಾಡಿಕೊಂಡರು. ಅದಾದ ನಂತರ ಅವರನ್ನು ಅಂಕೋಲಾ ಆಸ್ಪತ್ರೆಗೆ ತರುವ ಪ್ರಯತ್ನ ನಡೆಯಿತು. ಆಸ್ಪತ್ರೆಗೆ ಬರುವ ಮುನ್ನವೇ ಶಂಭುಲಿAಗಪ್ಪ ಬೊಮ್ಮನಳ್ಳಿ ಅವರು ಉಸಿರು ನಿಲ್ಲಿಸಿದರು. ಸರ್ಕಾರಿ ಆಸ್ಪತ್ರೆ ವೈದ್ಯರು ಸಾವನ್ನು ದೃಢಪಡಿಸಿದ್ದು, ಅತಿ ವೇಗವಾಗಿ ಟಾಕ್ಟರ್ ಓಡಿಸಿದ್ದೇ ಅಪಘಾತಕ್ಕೆ ಕಾರಣ ಎಂದು ಧಾರವಾಡದ ಬಸಪ್ಪ ರಾಮಪ್ಪ ಡೊಳ್ಳೀನ ಅವರು ಪೊಲೀಸರಿಗೆ ವರದಿ ಒಪ್ಪಿಸಿದರು. ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕದ್ದು ಮುಚ್ಚಿ ಬಂದು ಹೋದ ಕೇಂದ್ರ ಸಮಿತಿ: ಶರಾವತಿ ವಿರುದ್ಧ ಈಶ್ವರಪ್ಪ ಗುಡುಗು!](https://mobiletime.in/2026/06/the-central-committee-that-came-and-stole-eshwarappa-thunder-against-sharavati/): ಉತ್ತರ ಕನ್ನಡ ಹಾಗೂ ಶಿವಮೊಗ್ಗ ಜಿಲ್ಲೆಯ ಜನ ಶರಾವತಿ ಪಂಪ್ ಸ್ಟೋರೇಜ್ ಯೋಜನೆ ವಿರೋಧಿಸುತ್ತಿದ್ದರೂ ಸರ್ಕಾರ ಮಾತ್ರ ಆ ಯೋಜನೆ ಪರವಾಗಿದೆ. `ಈ ಯೋಜನೆ ತಡೆಯುವಂತೆ ರಾಜ್ಯ ಉಚ್ಚ ನ್ಯಾಯಾಲಯದ ತಡೆಯಿದ್ದರೂ ಕೇoದ್ರ ಸರ್ಕಾರದ ಸೆಂಟ್ರಲ್ ಎಂಪವರ್ಡ್ ಕಮಿಟಿ ಕದ್ದು ಮುಚ್ಚಿ ಸ್ಥಳ ಭೇಟಿ ಮಾಡಿದೆ’ ಎಂದು ರಾಷ್ಟ್ರಭಕ್ತರ ಬಳಗದ ಮುಖ್ಯಸ್ಥ ಕೆ ಎಸ್ ಈಶ್ವರಪ್ಪ ಅವರು ಗುಡುಗಿದ್ದಾರೆ. `ಪರಿಸರ ಮಾರಕ ಯೋಜನೆಯ ವಿರುದ್ಧ ರಾಷ್ಟ್ರಭಕ್ತರ ಬಳಗ ಮತ್ತು ಪರಿಸರಕ್ಕಾಗಿ ನಾವು ಸಂಘಟನೆಗಳು ತೀವ್ರ ವಿರೋಧ ವ್ಯಕ್ತಪಡಿಸುತ್ತ ಬಂದಿದೆ. ಅಲ್ಲದೆ ಕೇಂದ್ರ ಸರ್ಕಾರದ ಪರಿಸರ ಮತ್ತು ಹವಾಮಾನ ಇಲಾಖೆಯ ಸಂಶೋಧನಾ ಮುಖ್ಯಸ್ಥರಾದ ಪ್ರಣೀತಾ ಕೌರ್ ಹಾಗೂ ಇತರ ಕೇಂದ್ರ ಸರ್ಕಾರದ ಪರಿಸರ ಮಂತ್ರಾಲಯದ ಮುಖ್ಯಸ್ಥರೇ ಪಶ್ಚಿಮಘಟ್ಟದ ಸೆರಗಿನಲ್ಲಿರುವ ಶರಾವತಿ ಕಣಿವೆಯಲ್ಲಿ ಯಾವುದೇ ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಳ್ಳಬಾರದು ಎಂಬ ಸ್ಪಷ್ಟ ಅಭಿಪ್ರಾಯ ನೀಡಿದ್ದಾರೆ’ ಎಂದು ಕೆ ಎಸ್ ಈಶ್ವರಪ್ಪ ಅವರು ಹೇಳಿದ್ದಾರೆ. `ರಾಜ್ಯ ಉಚ್ಛ ನ್ಯಾಯಾಲಯವು ಕೂಡ ಈ ಯೋಜನೆಗೆ ತಡೆಯಾಜ್ಞೆ ನೀಡಿದೆ. ಆದಾಗಿಯೂ, ಸಿಇಸಿ ಕಮಿಟಿಯವರು ಯೋಜನಾ ಪ್ರದೇಶಕ್ಕೆ ಭೇಟಿ ನೀಡಿ ಇಲ್ಲಿಯ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಕೆಪಿಸಿಎಲ್ ಅಧಿಕಾರಿಗಳು ಅರಣ್ಯ ಇಲಾಖೆಯ ಅಧಿಕಾರಿಗಳನ್ನು ಭೇಟಿ ಮಾಡಿ ಯೋಜನೆಯ ಸಾಧಕ-ಬಾಧಕಗಳ ಕುರಿತು ಚರ್ಚೆ ನಡೆಸುವ ಬಗ್ಗೆ ಮೇ 18ರಂದು ಹೊರಡಿಸಿದ ಕೇಂದ್ರ ಸರ್ಕಾರದ ಪರಿಸರ ಮಂತ್ರಾಲಯದ ಪತ್ರವೊಂದರಲ್ಲಿ ತಿಳಿಸಿದೆ’ ಎಂದು ಅವರು ಆಕ್ಷೇಪಿಸಿದರು. `ಒಂದು ಸಾಂವಿಧಾನಿಕ, ಸ್ವಾಯತ್ತ ಸಂಸ್ಥೆ ಸ್ಥಳೀಯ ಯೋಜನಾ ಪ್ರದೇಶಕ್ಕೆ ಬರುವ ಸಂದರ್ಭದಲ್ಲಿ ಯೋಜನೆಯ ವಿರುದ್ಧ ಜನಾಭಿಪ್ರಾಯ, ಉಗ್ರ ಹೋರಾಟ ಮಾಡುತ್ತಿರುವ ಸಂಘಟನೆಗಳನ್ನೇ ನಿರ್ಲಕ್ಷಿಸುತ್ತಿರುವುದು ಶೋಚನೀಯ. ಸಮಿತಿಯ ಅಧ್ಯಯನದ ಬಗ್ಗೆ ಸಾರ್ವಜನಿಕರಿಗೆ ಮಾಹಿತಿ ಕೊಡದಿರಲು ಕಾರಣವೇನು?’ ಎಂದು ಪ್ರಶ್ನಿಸಿದರು. `ಈಗಾಗಲೇ ಶರಾವತಿ ಪಂಪ್ಡ್ ಸ್ಟೋರೇಜ್ ವಿರುದ್ಧ 75 ಸಾವಿರಕ್ಕೂ ಹೆಚ್ಚು ಆಕ್ಷೇಪಣೆಗಳು ಸಲ್ಲಿಕೆಯಾಗಿವೆ. ಇಂತಹದ್ದರಲ್ಲಿ ಸಿಇಸಿ ಸೌಜನ್ಯಕ್ಕಾದರೂ ಇಲ್ಲಿಯ ಭೇಟಿಯ ಮಾಹಿತಿಯನ್ನು ಜನರಿಗೆ ಕೊಡಬೇಕಿತ್ತು’ ಎಂದವರು ಆಕ್ರೋಶವ್ಯಕ್ತಪಡಿಸಿದರು.
- [ಕಾರವಾರಕ್ಕೆ ಬಂದ ಮಹಾರಾಷ್ಟ್ರ ಆಮೆ!](https://mobiletime.in/2026/06/a-maharashtra-tortoise-has-arrived-in-karwar/): ಮಹಾರಾಷ್ಟ್ರದ ಕಡಲ ತೀರದಿಂದ ಹೊರಟ ಆಮೆಯೊಂದು 3500ಕಿಮೀ ಕ್ರಮಿಸಿ ಕಾರವಾರ ತಲುಪಿದೆ. ಕಳೆದ 12 ದಿನಗಳಿಂದ ಈ ಆಮೆ ಕಾರವಾರ ಕಡಲತೀರದ ಹೊರ ವಲಯದಲ್ಲಿ ಓಡಾಡುತ್ತಿದೆ. ಆಮೆ ಅತ್ಯಂತ ನಿಧಾನವಾಗಿ ಚಲಿಸುವ ಜೀವಿಯಾಗಿ ಪ್ರಸಿದ್ಧಿಪಡೆದಿದ್ದರೂ, ಸಾವಿರಾರು ಕಿಮೀ ಚಲಿಸಿದ ಉದಾಹರಣೆಗಳಿವೆ. ಅದರಂತೆ, ಇದೀಗ ಅಂಥಹುದೇ ಒಂದು ಆಮೆ ಕಾರವಾರದ ಬಳಿ ಕಾಣಿಸಿಕೊಂಡಿದೆ. 2025ರ ನವೆಂಬರ್‌ನಲ್ಲಿ ಮಹಾರಾಷ್ಟ್ರದ ದಹಾನು ಕರಾವಳಿಯಲ್ಲಿ ಆಮೆಯೊಂದು ಮೀನುಗಾರರ ಬಲೆಗೆ ಬಿದ್ದಿತ್ತು. ಆಲಿವ್ ರೆಡ್ಲಿ ಪ್ರಭೇದದ ಹೆಣ್ಣು ಆಮೆಯನ್ನು ರಕ್ಷಿಸಿ ಅದಕ್ಕೆ `ಧವಳ ಲಕ್ಷ್ಮೀ’ ಎಂದು ವಿಜ್ಞಾನಿಗಳು ಹೆಸರಿಟ್ಟಿದ್ದರು. ಆ ಆಮೆಗೆ ವೈಲ್ಡ್ಲೈಪ್ ಇನ್ಸ್ಟ್ಯೂಟ್ ಆಫ್ ಇಂಡಿಯಾದ ವಿಜ್ಞಾನಿ ಸುರೇಶ ಹಾಗೂ ಮಹಾರಾಷ್ಟ್ರ ಮ್ಯಾಂಗ್ರೋವ್ ಫೌಂಡೇಶನ್ ತಂತ್ರಜ್ಞರು ಸೆಟಲೈಟ್ ಡಿವೈಸ್ ಅಳವಡಿಸಿ ಸಮುದ್ರಕ್ಕೆ ಬಿಟ್ಟಿದ್ದರು. ತಾಂತ್ರಿಕ ಡಿವೈಸ್ ಹೊಂದಿದ ಆಮೆ ಇದೀಗ ಕಾರವಾರದವರೆಗೆ ಬಂದಿದ್ದು, ವಿಜ್ಞಾನಿಗಳು ಆ ಆಮೆಯ ಬಗ್ಗೆ ಇನ್ನಷ್ಟು ಅಧ್ಯಯನ ನಡೆಸುತ್ತಿದ್ದಾರೆ. ಆಮೆ ಓಡಾಟದ ಮಾರ್ಗವನ್ನು ಮ್ಯಾಂಗ್ರೋವ್ ಫೌಂಡೇಶನ್ ಆಫ್ ಮಹಾರಾಷ್ಟ್ರ ನಿರಂತರವಾಗಿ ಅನುಸರಿಸಿ ಅದರ ವರದಿಯನ್ನು ನೀಡುತ್ತಿದೆ. `ಧವಳ ಲಕ್ಷ್ಮೀ ಮಹಾರಾಷ್ಟ್ರ ಕರಾವಳಿಯಿಂದ ಪಶ್ಚಿಮಕ್ಕೆ ಆಳ ಸಮುದ್ರ ದಾಟಿ ಓಮನ್ ಸಮೀಪದ ಮಸೀರಾ ದ್ವೀಪದವರೆಗೂ ತಲುಪಿತ್ತು. ನಂತರ ವಾಪಸ್ ಬಂದಿದ್ದು, ಈಗ ಕಾರವಾರ ಕಾಂಟಿನೆoಟ್ ಶೆಲ್ ಬ್ರೇಕರ್ ಪ್ರದೇಶದಲ್ಲಿ ಓಡಾಡುತ್ತಿದೆ. ಇದೇ ಆಮೆ ಕೇರಳ, ಮುರುಡೇಶ್ವರ ಸೇರಿ ವಿವಿಧ ಪ್ರದೇಶಗಳಿಗೂ ಓಡಾಟ ನಡೆಸಿದೆ. `ಆಮೆಗಳು ಆಹಾರವನ್ನು ಹುಡುಕಿ ಓಡಾಟ ನಡೆಸುತ್ತವೆ. ಕೆಲ ಆಮೆಗಳು ಒಂದೇ ವರ್ಷದಲ್ಲಿ ಸಾವಿರಾರು ಕಿಮೀ ಸಂಚರಿಸಿದ ಉದಾಹರಣೆಗಳಿವೆ. ಎಲ್ಲಿಯೇ ಹೊದರೂ ಆ ಆಮೆಗಳು ಮತ್ತೆ ಮೂಲ ಸ್ಥಾನಕ್ಕೆ ಬರುತ್ತವೆ’ ಎಂಬುದು ಸಾಗರ ವಿಜ್ಞಾನಿ ಡಾ ಶಿವಕುಮಾರ ಹರಗಿ ಅವರ ಮಾತು.
- [ಐವಾನ್ ಡಿಸೋಜಾ ಅವರಿಗೆ ಸಂಪುಟಸಲ್ಲಿ ಸ್ಥಾನ ನೀಡುವಂತೆ ಕ್ಯಾಥೊಲಿಕ್ ಅಸೋಸಿಯೇಶನ್ ಆಗ್ರಹ](https://mobiletime.in/2026/06/catholic-association-demands-cabinet-position-for-ivan-dsouza/): ರಾಜಕೀಯ ಧುರಿಣ, ಕಾನೂನು ತಜ್ಞ ಆಗಿರುವ ವಿಧಾನ ಪರಿಷತ್ ಸದಸ್ಯ ಐವಾನ್ ಡಿಸೋಜಾ ಅವರಿಗೆ ನೂತನ ಸಚಿವ ಸಂಪುಟದಲ್ಲಿ ಸ್ಥಾನ ನೀಡುವಂತೆ ಕ್ಯಾಥೊಲಿಕ್ ಅಸೋಸಿಯೇಶನ್ ಅಧ್ಯಕ್ಷ ಜಾರ್ಜ್ ಫರ್ನಾಂಡೀಸ್ ಆಗ್ರಹಿಸಿದರು.   ಕಾರವಾರ ಪತ್ರಿಕಾ ಭವನದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಐವಾನ್ ಡಿಸೋಜಾ ಅವರು ತಮ್ಮ ರಾಜಕೀಯ ಜೀವನವನ್ನು ಕಾಂಗ್ರೆಸ್ ಪಕ್ಷದ ಸಿದ್ಧಾಂತಗಳು, ಪ್ರಜಾಪ್ರಭುತ್ವ, ಸಾಮಾಜಿಕ ನ್ಯಾಯ ಹಾಗೂ ಶೋಷಿತ ಸಮುದಾಯಗಳ ಹಕ್ಕುಗಳ ರಕ್ಷಣೆಗೆ ಸಮರ್ಪಿಸಿಕೊಂಡಿದ್ದಾರೆ ಎಂದು ಹೇಳಿದರು.    ಜನಸಾಮಾನ್ಯರ ಸಮಸ್ಯೆಗಳ ಕುರಿತು ಸದಾ ಧೈರ್ಯವಾಗಿ ಧ್ವನಿ ಎತ್ತಿದ್ದಾರೆ. ಶಿಕ್ಷಣ, ಆರೋಗ್ಯ, ನಿರುದ್ಯೋಗ ನಿವಾರಣೆ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ತಮ್ಮ ಶಾಸಕರ ಅನುದಾನವನ್ನು ಸಮರ್ಪಕವಾಗಿ ಬಳಸಿದ್ದು, ದಲಿತರು, ಹಿಂದುಳಿದ ವರ್ಗಗಳು ಹಾಗೂ ಅಲ್ಪಸಂಖ್ಯಾತ ಸಮುದಾಯಗಳ ಪರವಾಗಿ ನಿರಂತರ ಹೋರಾಟ ನಡೆಸಿದ್ದಾರೆ ಎಂದು ಆಗ್ರಹಿಸಿದರು.    ಐವಾನ್ ಡಿಸೋಜಾ ಅವರು ಸಂವಿಧಾನಾತ್ಮಕ ಮೌಲ್ಯಗಳ ರಕ್ಷಣೆ, ಭ್ರಷ್ಟಾಚಾರದ ವಿರುದ್ಧ ಹೋರಾಟ ಹಾಗೂ ಜನಸಾಮಾನ್ಯರ ಸಮಸ್ಯೆಗಳನ್ನು ಸದನದಲ್ಲಿ ಪ್ರಸ್ತಾಪಿಸುವ ಮೂಲಕ ಜನರ ವಿಶ್ವಾಸ ಗಳಿಸಿದ್ದಾರೆ.  ಎಂದು ಕ್ರಿಶ್ಚಿಯನ್ ಫೊರಂ ಅಧ್ಯಕ್ಷ ಲಿಯೋ ಲ್ಯುಯಿಸ್ ತಿಳಿಸಿದರು.    ಸ್ಯಾಮಸನ್ ಡಿಸೋಜಾ, ಸ್ಟೀಫನ್ ರೊಡ್ರಿಗಸ್ ಇದ್ದರು.
- [ಮಳೆಗೆ ಮುರಿದ ಮೇಲ್ಚಾವಣಿ](https://mobiletime.in/2026/06/roof-collapses-due-to-heavy-rain/): ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತಾಲೂಕಿನ ಮೊರಬಾ ಗ್ರಾಮದಲ್ಲಿ ಭಾರೀ ಗಾಳಿ ಹಾಗೂ ಮಳೆಯ ಅಬ್ಬರಕ್ಕೆ ಮನೆಯೊಂದರ ಮೇಲೆ ದೊಡ್ಡ ಮರ ಬಿದ್ದು ಮನೆಗೆ ವ್ಯಾಪಕ ಹಾನಿಯಾಗಿದೆ. ಗ್ರಾಮದ ರಾಜು ರಾಮಚಂದ್ರ ನಾಯ್ಕ ಅವರಿಗೆ ಸೇರಿದ ಮನೆಯ ಮೇಲ್ಛಾವಣಿಯ ಮೇಲೆ ಮರ ಉರುಳಿ ಬಿದ್ದ ಪರಿಣಾಮ ಮನೆಯ ಛಾವಣಿ ಕುಸಿದಿದ್ದು, ಮನೆಯೊಳಗಿದ್ದ ಗೃಹೋಪಯೋಗಿ ವಸ್ತುಗಳಿಗೂ ಹಾನಿಯಾಗಿದೆ. ಘಟನೆಯ ವೇಳೆ ಮನೆಯಲ್ಲಿದ್ದ ಕುಟುಂಬ ಸದಸ್ಯರು ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯವಿಲ್ಲದೆ ಪಾರಾಗಿದ್ದಾರೆ. ಮರ ಬಿದ್ದ ತಕ್ಷಣ ಸ್ಥಳೀಯರು ಸ್ಥಳಕ್ಕೆ ಧಾವಿಸಿ ರಕ್ಷಣಾ ಕಾರ್ಯ ಕೈಗೊಂಡು ಕುಟುಂಬ ಸದಸ್ಯರನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಿದ್ದಾರೆ. ಮನೆ ವಾಸಕ್ಕೆ ಅಯೋಗ್ಯವಾಗಿರುವ ಹಿನ್ನೆಲೆಯಲ್ಲಿ ಸಂತ್ರಸ್ತ ಕುಟುಂಬವು ಸದ್ಯ ಸಂಬಂಧಿಕರ ಮನೆಯಲ್ಲಿ ಆಶ್ರಯ ಪಡೆದಿದೆ. ಘಟನೆಯಿಂದ ಕುಟುಂಬ ಸಂಕಷ್ಟಕ್ಕೆ ಸಿಲುಕಿದ್ದು, ಸರ್ಕಾರ ಹಾಗೂ ಜಿಲ್ಲಾಡಳಿತವು ಸೂಕ್ತ ಪರಿಹಾರ ಹಾಗೂ ಅಗತ್ಯ ನೆರವು ನೀಡಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ. ಭಾರೀ ಮಳೆಯ ಹಿನ್ನೆಲೆ ಜಿಲ್ಲೆಯಲ್ಲಿ ಹಲವೆಡೆ ಮರಗಳು ಉರುಳಿ ಬೀಳುವ ಹಾಗೂ ಆಸ್ತಿ ಹಾನಿಯ ಘಟನೆಗಳು ವರದಿಯಾಗುತ್ತಿದ್ದು, ಜನರು ಮುನ್ನೆಚ್ಚರಿಕೆ ವಹಿಸುವಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.
- [ಹೊಟ್ಟೆನೋವು ನಿವಾರಿಸದ ಕೀಟನಾಶಕ!](https://mobiletime.in/2026/06/a-pesticide-that-doesnt-relieve-stomach-pain/): ಹೊಟ್ಟೆನೋವು ಸಹಿಸಲಾಗದ ಕಾರಣ ಕುಮಟಾ ಮೂಲೆಕೇರಿಯ ಸುಕ್ರು ಗೌಡ ಅವರು ವಿಷ ಕುಡಿದಿದ್ದಾರೆ. ಆಗ, ಅವರ ಹೊಟ್ಟೆ ನೋವಿನ ಸಮಸ್ಯೆ ಇನ್ನಷ್ಟು ಉಲ್ಬಣವಗಿದ್ದು ಅದನ್ನು ಸಹಿಸಲಾಗದೇ ಸಾವನಪ್ಪಿದ್ದಾರೆ. ಕುಮಟಾದ ಮೂಲೆಕೇರಿಯಲ್ಲಿ ಸುಕ್ರು ನಾರಾಯಣ ಗೌಡ (65) ಅವರು ವಾಸವಾಗಿದ್ದರು. ಕೃಷಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಈಚೆಗೆ ಅವರಿಗೆ ಹೊಟ್ಟೆನೋವು ಕಾಣಿಸಿಕೊಂಡಿದ್ದು, ಅದಕ್ಕೆ ಚಿಕಿತ್ಸೆಪಡೆದಿದ್ದರು. ವಿವಿಧ ವೈದ್ಯರಲ್ಲಿ ತೋರಿಸಿದರೂ ನೋವು ಮಾತ್ರ ಕಡಿಮೆ ಆಗಿರಲಿಲ್ಲ. ಹೊಟ್ಟೆನೋವಿನ ಕಾರಣದಿಂದ ಸುಕ್ರು ಗೌಡ ಅವರು ಮೇ 30ರ ರಾತ್ರಿಯಿಡಿ ನಿದ್ದೆ ಮಾಡಿರಲಿಲ್ಲ. ನೋವಿನ ನರಳಾಟದಲ್ಲಿ ರಾತ್ರಿ ಕಳೆದ ಅವರು ಮರುದಿನ ದುಡುಕು ನಿರ್ಧಾರಕ್ಕೆ ಮುಂದಾದರು. ಮೇ 31ರಂದು ಗದ್ದೆಗೆ ಬಳಸುವ ಕೀಟ ನಾಶಕ ಸೇವಿಸಿದ ಕಾರಣ ಅವರು ಇನ್ನಷ್ಟು ಸಮಸ್ಯೆ ಅನುಭವಿಸಿದರು. ನರಳಾಡುತ್ತಿದ್ದ ಅವರನ್ನು ಸುಕ್ರ ಗೌಡ ಅವರನ್ನು ಅವರ ಪುತ್ರ ಗುರುರಾಜ ಗೌಡ ಅವರು ಅಂಕೋಲಾ ಆಸ್ಪತ್ರೆಗೆ ಕರೆತಂದರು. ಆದರೆ, ಅಷ್ಟರೊಳಗೆ ಅವರು ಸಾವನಪ್ಪಿದ್ದರು. ಈ ವಿಷಯದ ಬಗ್ಗೆ ಗುರುರಾಜ ಗೌಡ ಅವರು ಗೋಕರ್ಣ ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದರು.
- [ಲೆಕ್ಕ ಕೇಳಿದ ನ್ಯಾಯವಾದಿ!](https://mobiletime.in/2026/06/the-lawyer-who-asked-for-an-account/): ಪ್ರತಿ ವರ್ಷ ಮಳೆಗಾಲದಲ್ಲಿ ಅರಣ್ಯ ಇಲಾಖೆ ಗಿಡ ನೆಡುವ ಕಾರ್ಯಕ್ರಮ ನಡೆಸುತ್ತಿದ್ದು, ಮೂರು ವರ್ಷದ ಅವಧಿಯಲ್ಲಿ ನೆಟ್ಟ ಗಿಡಗಳೆಷ್ಟು? ಎಂದು 30 ದಿನದಲ್ಲಿ ಮಾಹಿತಿ ಒದಗಿಸುವಂತೆ ನ್ಯಾಯವಾದಿ ರವೀಂದ್ರ ನಾಯ್ಕ ಆಗ್ರಹಿಸಿದ್ದಾರೆ. ಸಾರ್ವಜನಿಕ ಹಿತಾಸಕ್ತಿ ಹಾಗೂ ಕಾನೂನು ಅಡಿಯಲ್ಲಿ ಸಾರ್ವತ್ರಿಕವಾಗಿ ಈ ವಿಷಯ ಪ್ರಕಟಿಸಬೇಕು ಎಂದು ಅವರು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಮೂಲಕ ಒತ್ತಾಯಿಸಿದ್ದಾರೆ. ಈ ಕುರಿತು ಕೆನರಾ ಸರ್ಕಲ್ ನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳಿಗೆ ಅವರು ಪತ್ರ ಬರೆದಿದ್ದಾರೆ. ನಡುತೋಪು ಕಾಮಗಾರಿಗೆ ಸಂಬAಧಪಟ್ಟAತೆ ಸಾರ್ವಜನಿಕವಾಗಿ ಸಾಕಷ್ಟು ಟೀಕೆಗಳು ಬರುವ ಬಗ್ಗೆ ಅವರು ಉಲ್ಲೇಖಿಸಿದ್ದು, ಮಾಹಿತಿ ಹಕ್ಕು ಕಾಯ್ದೆಯ ಅಡಿಯಲ್ಲಿಯೂ ಅವರು ಅರ್ಜಿ ಹಾಕಿದ್ದಾರೆ. ಐದು ವರ್ಷದಲ್ಲಿ ಜಿಲ್ಲೆಯಲ್ಲಿ ನಡುತೋಪು ವಿವಿಧ ಯೋಜನೆಯಲ್ಲಿ, ಜಿಲ್ಲೆಯಲ್ಲಿ ಪ್ರತಿವರ್ಷ ನೆಟ್ಟಿರುವ ಗಿಡಗಳ ಸಂಖ್ಯೆ, ನೆಟ್ಟಿರುವ ಒಟ್ಟು ಪ್ರದೇಶ ಹಾಗೂ ತಗಲಿರುವ ಸಂಪೂರ್ಣ ವೆಚ್ಚವನ್ನು ಪ್ರಕಟಿಸುವಂತೆ ಅವರು ಕೋರಿದ್ದಾರೆ. ನಡುತೋಪು ಗಿಡ ನೆಡುವ ಕ್ಷೇತ್ರದಲ್ಲಿ ಸೂಚನ ಫಲಕದಲ್ಲಿ ಗುತ್ತಿಗೆದಾರನ ಹೆಸರು ಮತ್ತು ಕಾಮಗಾರಿ ಮೊತ್ತ ಪ್ರಕಟಿಸದೇ ಇರುವ ಕಾರಣವನ್ನು ಪ್ರಚುರಪಡಿಸುವ ಕುರಿತು ಪ್ರಶ್ನಿಸಿದ್ದಾರೆ. `ಇತ್ತೀಚಿಗೆ ಚಾಲ್ತಿಯಲ್ಲಿರುವ ದೆಹಲಿ ಕೇಂದ್ರ ವನ್ಯ ಜೀವಿ ನಿರ್ವಹಣಾ ಯೋಜನೆಯ ದೃಡೀಕರಣ ವರದಿ ಹಾಗೂ ಅಭಿಯಾರಣ್ಯದಲ್ಲಿ ದೆಹಲಿಯ ಕೇಂದ್ರ ವನ್ಯ ಜೀವಿ ನಿರ್ವಹಣಾ ಯೋಜನೆಯಿಂದ ಮತ್ತು ಕೇಂದ್ರ ಸರ್ಕಾರದ ಪೂರ್ವಾನುಮತಿಯಿಂದ ನಡುತೋಪು ಗಿಡ ನೆಡುವ ತಂತಿ ಬೇಲಿ, ಇಂಗು ಗುಂಡಿ ಹಾಗೂ ಇನ್ನಿತರ ಕಾಮಗಾರಿಗೆ ಅನುಮತಿ ಪಡೆದ ದಾಖಲೆಯನ್ನ ಸಾರ್ವತ್ರಿಕವಾಗಿ ಪ್ರಕಟಿಸುವಂತೆ ಅರಣ್ಯ ಇಲಾಖೆಗೆ ಕೇಳಲಾಗಿದೆ’ ಎಂದು ಅವರು ತಿಳಿಸಿದ್ದಾರೆ. ಜೊತೆಗೆ ಕಾಲಕಾಲಾಕ್ಕೆ `ಸ್ಥಳ ಅಧ್ಯಯಿಸಿ’ ಪ್ರಕಟಗೊಳ್ಳುವ ನೆಟ್ಟಿದ ಗಿಡಗಳಲ್ಲಿ ಬದುಕಿದ ಗಿಡಗಳ ಜೀವಂತಿಕೆ ಪರಿಶೀಲಿಸಿ, ಇತ್ತೀಚಿನ ಮೂರು ಪರಿಶೀಲನ ವರದಿ ಸಾರ್ವಜನಿಕವಾಗಿ ಪ್ರಕಟಿಸಬೇಕು. ಪ್ರಸಕ್ತ ವರ್ಷದ ನೆಡುತೋಪು ಗಿಡನೆಡುವ ಯೋಜನೆಯ ಮಾಹಿತಿಯನ್ನು ವಲಯ ಅರಣ್ಯ ಕಛೇರಿ ಮತ್ತು ಸ್ಥಳೀಯ ಗ್ರಾಮ ಪಂಚಾಯತ್ ಸೂಚನ ಫಲಕದಲ್ಲಿ ಸಾರ್ವತ್ರಿಕವಾಗಿ ಪ್ರತಿವರ್ಷ ಪ್ರಕಟಿಸಬೇಕು’ ಎಂದು ಆಗ್ರಹಿಸಿದ್ದಾರೆ  
- [ಸಾತೊಡ್ಡಿ ಮಾರ್ಗದಲ್ಲಿ ಪಡ್ಡೆ ಹುಡುಗರ ಪುಂಡಾಟ: ಪೊಲೀಸರಿಂದ ಕಾನೂನು ಪಾಠ!](https://mobiletime.in/2026/06/padde-boys-attack-on-satoddi-marg-legal-lesson-from-the-police/): ಯಲ್ಲಾಪುರದ ಸಾತೊಡ್ಡಿ ಜಲಪಾತಕ್ಕೆ ತೆರಳುವ ಮಾರ್ಗದಲ್ಲಿ ಸೋಮವಾರ ಪುಂಡಾಟ ಮಾಡಿದ್ದ ಪಡ್ಡೆ ಹುಡುಗರನ್ನು ಪೊಲೀಸರು ಹಿಡಿದಿದ್ದಾರೆ. ರಸ್ತೆ ಮೇಲೆ ಅಡ್ಡಾದಿಡ್ಡಿ ಬೈಕ್ ಓಡಿಸಿ, ಡಾನ್ಸ್ ಮಾಡಿದವರನ್ನು ಪೊಲೀಸ್ ಠಾಣೆಗೆ ಕರೆತಂದು ಕಾನೂನು ಪಾಠ ಮಾಡಿದ್ದಾರೆ. ಸೋಮವಾರ ಮಧ್ಯಾಹ್ನ ಯಲ್ಲಾಪುರದ ಸಾತೊಡ್ಡಿ ಜಲಪಾತಕ್ಕೆ ತೆರಳುವ ಮಾರ್ಗದಲ್ಲಿ ಹುಬ್ಬಳ್ಳಿಯ ಹುಡುಗರು ಪುಂಡಾಟ ಮೆರೆದಿದ್ದರು. ನೋಂದಣಿ ಸಂಖ್ಯೆ ಸಹ ಇಲ್ಲದ ಬೈಕುಗಳಲ್ಲಿ ಬಂದ ಕಾಲೇಜು ಹುಡುಗರು ಅಡ್ಡಾದಿಡ್ಡಿ ಬೈಕ್ ಓಡಿಸಿ ಇನ್ನಿತರರಿಗೆ ಸಮಸ್ಯೆ ಮಾಡಿದ್ದರು. ಬೈಕ್ ಚಲಿಸುವಾಗಲೇ ದೊಡ್ಡದಾಗಿ ಹಾಡು ಹಾಕಿ ಬೈಕ್ ಮೇಲೆ ನಿಂತು ಡಾನ್ಸ್ ಮಾಡುತ್ತಿದ್ದರು. ಒಟ್ಟು ನಾಲ್ಕು ಬೈಕಿನಲ್ಲಿ ಏಳು ಜನರಿದ್ದು, ಅವರ ವರ್ತನೆ ವಿರುದ್ಧ ಜನ ಆಕ್ರೋಶವ್ಯಕ್ತಪಡಿಸಿದ್ದರು. `ಜನಸ್ನೇಹಿ ಪೊಲೀಸ್’ ವಾಟ್ಸಪ್ ಗುಂಪಿನಲ್ಲಿಯೂ ಈ ಬಗ್ಗೆ ಚರ್ಚೆ ನಡೆದಿದ್ದು, ಪಡ್ಡೆ ಹುಡುಗರ ಫೋಟೋವನ್ನು ವ್ಯಕ್ತಿಯೊಬ್ಬರು ಹಂಚಿಕೊoಡಿದ್ದರು. ಈ ವಿಷಯ ಜಿಲ್ಲಾ ಪೊಲೀಸ್ ಅಧೀಕ್ಷಕರ ಕಚೇರಿ ತಲುಪಿದ್ದು, ಅಲ್ಲಿನ ಸೂಚನೆ ಮೇರೆಗೆ ಯಲ್ಲಾಪುರ ಪಿಸೈ ರಾಜಶೇಖರ ವಂದಲಿ ಅವರು ಸಾತೊಡ್ಡಿ ಜಲಪಾತಕ್ಕೆ ಭೇಟಿ ನೀಡಿದರು. ಲಭ್ಯ ದಾಖಲೆಗಳ ಆಧಾರದಲ್ಲಿ ಆ ಪುಂಡರನ್ನು ವಿಚಾರಣೆಗೆ ಒಳಪಡಿಸಿದರು. ಅವರೆಲ್ಲರನ್ನು ಯಲ್ಲಾಪುರ ಪೊಲೀಸ್ ಠಾಣೆಗೆ ಕರೆದೊಯ್ದು ಕಾನೂನು ಪಾಠ ಮಾಡಿದರು. ಈ ವೇಳೆ ಪೊಲೀಸರಿಗೆ ಪ್ರಭಾವಿ ರಾಜಕಾರಣಿಯೊಬ್ಬರ ಫೋನ್ ಬಂದಿದ್ದು, ಅದಕ್ಕೆ ಮಣಿಯದ ಪೊಲೀಸರು ಪ್ರತಿ ಬೈಕಿಗೂ 2 ಸಾವಿರ ರೂಪಾಯಿಗಳ ಹಾಗೇ ಒಟ್ಟು 8 ಸಾವಿರ ರೂ ದಂಡ ವಿಧಿಸಿದರು. ಆ ಏಳು ಜನ ಹುಡುಗರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದು, ನಿಯಮ ಉಲ್ಲಂಘಿಸಿದ ವಿದ್ಯಾರ್ಥಿಗಳಿಗೆ ಎಚ್ಚರಿಕೆಯನ್ನು ನೀಡಿದರು.
- [ಬೈಕ್ ಸವಾರನನ್ನು ಕೊಂದ ಟಿಪ್ಪರ್ ಲಾರಿ!](https://mobiletime.in/2026/06/a-tipper-lorry-killed-a-biker-2/): ಯಲ್ಲಾಪುರ-ಹುಬ್ಬಳ್ಳಿ ಹೆದ್ದಾರಿಯಲ್ಲಿ ಟಿಪ್ಪರ್ ಬೈಕಿಗೆ ಗುದ್ದಿದೆ. ಪರಿಣಾಮ ಬೈಕಿನಲ್ಲಿ ಸಂಚರಿಸುತ್ತಿದ್ದ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಯಲ್ಲಾಪುರದ ಕಾಳಮ್ಮ ನಗರದ ಅಕ್ಬರ್‌ಸಾಬ್ ಸಬ್ಬೀರ ಶೇಖ್ ಅವರ ದುಡುಕುತನವೇ ಈ ಅಪಘಾತಕ್ಕೆ ಕಾರಣ. ಟಿಪ್ಪರ್ ಚಾಲಕರಾಗಿದ್ದ ಅಕ್ಬರ್‌ಸಾಬ್ ಅವರು ಮುಂದಿದ್ದ ವಾಹನ ಹಿಂದಿಕ್ಕುವ ಬರದಲ್ಲಿ ಯಲ್ಲಾಪುರದ ಕೆಜಿಎನ್ ಬ್ರಿಕ್ಸ್ ಇಂಡಸ್ಟಿ ಬಳಿ ವೇಗವಾಗಿ ವಾಹನ ಓಡಿಸಿದ್ದರು. ಈ ವೇಳೆ ಯಲ್ಲಾಪುರ ನೂತನ ನಗರ ಜಡ್ಡಿಯ ರಾಘವೇಂದ್ರ ಶ್ಯಾಮರಾವ್ ಕುಲಕರ್ಣಿ ಅವರು ಬೈಕಿನಲ್ಲಿ ಚಲಿಸುತ್ತಿದ್ದು, ಬೈಕಿನ ಬಂಪರಿಗೆ ಟಿಪ್ಪರ್ ಲಾರಿ ಸಿಕ್ಕಿ ಬಿದ್ದಿತು. ಅದಾಗಿಯೂ, ಅದೇ ವೇಗದಲ್ಲಿ ಲಾರಿ ಸಂಚರಿಸಿದ ಪರಿಣಾಮ ರಾಘವೇಂದ್ರ ಕುಲಕರ್ಣಿ ಅವರು ಬೈಕಿನಿಂದ ಬಿದ್ದು ಸಾವನಪ್ಪಿದರು. ರಾಘವೇಂದ್ರ ಕುಲಕರ್ಣಿ ಅವರು ದಾಂಡೇಲಿ ಮೂಲದವರಾಗಿದ್ದು, ಖಾಸಗಿ ನೌಕರಿಯಲ್ಲಿದ್ದರು. ಕುಟುಂಬದ ಜೊತೆ ಅವರು ನೂತನ ನಗರ ಜಡ್ಡಿಯಲ್ಲಿ ವಾಸವಾಗಿದ್ದರು. ಅಪಘಾತದ ನಂತರ ಅವರನ್ನು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ನಡೆದರೂ ಪ್ರಯೋಜನವಾಗಲಿಲ್ಲ. ಪೆಟ್ರೋಲ್ ಬಂಕಿನಲ್ಲಿ ಕೆಲಸ ಮಾಡುವ ಬೆಳಗೇರೆಯ ದಯಾನಂದ ಕೃಷ್ಣ ಮರಾಠಿ ಅವರು ಅಪಘಾತದ ಪ್ರತ್ಯಕ್ಷದರ್ಶಿಯಾಗಿದ್ದು, ಅವರೇ ಈ ವಿಷಯದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು.
- [ಶಾಲೆ ಶುರು.. ಮಳೆ ಜೋರು!](https://mobiletime.in/2026/06/school-has-started-its-raining-heavily/): ಜೂನ್ 1ರಿಂದ ಶಾಲೆ ಶುರುವಾಗಿದ್ದು, ಶಾಲೆ ಶುರುವಾದ ಮೊದಲ ದಿನದಿಂದಲೇ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆಯೂ ಜೋರಾಗಿದೆ. ಮುಂದಿನ ಮೂರು ದಿನಗಳ ಕಾಲ ಸಾಧಾರಣ ಮಳೆಯಾಗುವ ಸಾಧ್ಯತೆಗಳಿವೆ. ಜೂನ್ 1ರಿಂದ ಜೂನ್ 3ರವರೆಗೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಾಧಾರಣ ಮಳೆಯಾಗುವ ಬಗ್ಗೆ ಹವಾಮಾನ ತಜ್ಞರು ಅಂದಾಜಿಸಿದ್ದರು. ಆದರೆ, ಜೂನ್ 1ರ ಸಂಜೆ ಅದಕ್ಕೆ ವಿರುದ್ಧವಾಗಿ ಜೋರು ಮಳೆಯಾಗಿದೆ. ಅದಾಗಿಯೂ, ಜೂನ್ 2 ಹಾಗೂ 3ರಂದು ಸಹ ಸಾಧಾರಣ ಮಳೆಯಾಗುವ ಸಾಧ್ಯತೆಗಳಿರುವ ಬಗ್ಗೆ ವಿಪತ್ತು ಕೋಶದವರು ಮಾಹಿತಿ ನೀಡಿದ್ದಾರೆ. ರಾಜ್ಯ ವಿಪತ್ತು ನಿರ್ವಹಣಾ ಕೋಶದವರ ಪ್ರಕಾರ ಮುಂದಿನ ಎರಡು ದಿನಗಳ ಕಾಲ ಗರಿಷ್ಟ 15.5ಮಿಲಿ ಮೀಟರ್ ಮಳೆಯಾಗುವ ಲಕ್ಷಣಗಳಿವೆ. ಸರ್ಕಾರ ನೀಡಿದ ಅಂಕಿ-ಸAಖ್ಯೆಗಳ ಪ್ರಕಾರ ಕಳೆದ 24 ತಾಸು ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ 2.2ಮಿಲಿ ಮೀಟರ್ ಮಾತ್ರ ಮಳೆಯಾಗಿದೆ. ವಾಡಿಕೆಗಳ ಪ್ರಕಾರ ಈ ದಿನ ಜಿಲ್ಲೆಯಲ್ಲಿ 3.9ಮಿಲಿ ಮೀಟರ್ ಮಳೆಯಾಗಬೇಕಿದ್ದು, ಕಳೆದ ಏಳು ದಿನಗಳ ಸರಾಸರಿ ಮಳೆ ಪ್ರಮಾಣವೂ ಕಡಿಮೆಯಿದೆ. ಅದಾಗಿಯೂ, ಮುಂದಿನ ಎರಡು ದಿನಗಳಲ್ಲಿ ಮಳೆ ಪ್ರಮಾಣ ಏರಿಕೆಯಾಗುವ ಬಗ್ಗೆ ತಜ್ಞರು ಅಂದಾಜಿಸಿದ್ದಾರೆ. ಅದರಲ್ಲಿಯೂ, ಸೆಖೆಯಿಂದ ಬೆಂದಿರುವ ಕರಾವಳಿ ಭಾಗದಲ್ಲಿ ಹೆಚ್ಚಿನ ಪ್ರಮಾಣದ ಮಳೆಯಾಗುವ ನಿರೀಕ್ಷೆಗಳಿವೆ.  
- [ಮತ್ತೆ ಸಿಕ್ಕಿಬಿದ್ದ ಬೈಕ್ ಕಳ್ಳ!](https://mobiletime.in/2026/06/bike-thief-caught-again/): ಕಾರವಾರದಲ್ಲಿ ವಾಸವಾಗಿದ್ದ ಶಿರಸಿಯ ತಿಲಕ್ ಬೈಂದೂರು ಅವರ ಬೈಕ್ ಕದ್ದಿದ್ದ ಶಿರಸಿಯ ನೆಹರು ನಗರದ ಕೋಟೆಕೆರೆ ನಿವಾಸಿ ನಿಯಾಜ್ ಮೋಟು ದಸ್ತಗಿರ್ ಶೇಖ್ ಮತ್ತೆ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಎರಡು ವರ್ಷದಿಂದ ಮಾರುವೇಷದಲ್ಲಿ ಓಡಾಡುತ್ತಿದ್ದ ಆರೋಪಿಯನ್ನು ಪೊಲೀಸರು ಶಿವಮೊಗ್ಗದ ಸಾಗರದಲ್ಲಿ ಹಿಡಿದಿದ್ದಾರೆ. ಶಿರಸಿ ಗಾಂಧೀನಗರದ ತಿಲಕ್ ಬೈಂದೂರು ಅವರು ಇಂಜಿನಿಯರ್ ಆಗಿದ್ದಾರೆ. ಅವರು 2018ರಲ್ಲಿ ಕಾರವಾರದ ಮಾರುತಿ ಗಲ್ಲಿಯಲ್ಲಿ ಬಾಡಿಗೆ ಮನೆ ಮಾಡಿಕೊಂಡಿದ್ದರು. ಮನೆ ಮುಂದೆ ನಿಲ್ಲಿಸಿದ್ದ ಬೈಕನ್ನು ನಿಯಾಜ್ ಶೇಖ್ ಅವರು ಕದ್ದಿದ್ದರು. ಜೂನ್ 2ರ ರಾತ್ರಿ ಜೋರು ಮಳೆಯಿದ್ದ ಕಾರಣ ರಾಯಲ್ ಎನ್‌ಪಿಲ್ಡ್ ಬೈಕ್ ಕಾಣೆಯಾದರೂ ಆ ಬಗ್ಗೆ ಅದೇ ದಿನ ಅವರ ಗಮನಕ್ಕೆ ಬಂದಿರಲಿಲ್ಲ. ಮರುದಿನ ಎಲ್ಲಾ ಕಡೆ ಹುಡುಕಿದರೂ ಬೈಕ್ ಸಿಕ್ಕಿರಲಿಲ್ಲ. ಬೈಕ್ ಕದ್ದವರು ಅದನ್ನು ಅಂಕೋಲಾ ಅಥವಾ ಕುಮಟಾದಲ್ಲಿ ಬಿಟ್ಟು ಹೋಗಬಹುದು ಎಂದು ಅಂದಾಜಿಸಿದ ತಿಲಕ್ ಬೈಂದೂರು ಅವರು ಅಲ್ಲಿಯೂ ಶೋಧ ನಡೆಸಿದ್ದರು. ಆದರೆ, ಬೈಕ್ ಮಾತ್ರ ಸಿಕ್ಕಿರಲಿಲ್ಲ. ಅದಾದ ನಂತರ ಬೈಕ್ ಕಾಣೆಯಾದ ಬಗ್ಗೆ ತಿಲಕ್ ಬೈಂದೂರು ಅವರು ಕಾರವಾರ ಶಹರ ಪೊಲೀಸ್ ಠಾಣೆಗೆ ದೂರಿದ್ದರು. ಪಿಸೈ ಸುಂದರಿ ಅವರು ಪ್ರಕರಣ ದಾಖಲಿಸಿ ಬೈಕ್ ಹುಡುಕಾಟ ಶುರು ಮಾಡಿದ್ದರು. ಆಗ, ಶಿರಸಿಯ ನೆಹರು ನಗರದ ಕೋಟೆಕೆರೆ ಸಮೀಪದ ನಿವಾಸಿ ನಿಯಾಜ್ ಅಲಿಯಾಸ್ ಮೋಟು ದಸ್ತಗಿರ್ ಶೇಖ್ ಬೈಕ್ ಕದ್ದಿರುವುದು ಗೊತ್ತಾಯಿತು. ಪೊಲೀಸರು ಆಗಲೇ ಆರೋಪಿಯನ್ನು ಹಿಡಿದು ನ್ಯಾಯಾಲಯಕ್ಕೆ ಒಪ್ಪಿಸಿದ್ದರು. ಆದರೆ, ಜಾಮೀನುಪಡೆದ ಆರೋಪಿ ತಲೆಮರೆಸಿಕೊಂಡಿದ್ದು, ಎರಡು ವರ್ಷದಿಂದ ಯಾರ ಕಣ್ಣಿಗೂ ಬಿದ್ದಿರಲಿಲ್ಲ. ಸದ್ಯ ಶಿವಮೊಗ್ಗ ಜಿಲ್ಲೆಯ ಸಾಗರದಲ್ಲಿ ನಿಯಾಜ್ ಶೇಖ್ ಅಡಗಿರುವ ಮಾಹಿತಿ ಆಧರಿಸಿ ಪೊಲೀಸರು ಅಲ್ಲಿ ದಾಳಿ ಮಾಡಿದರು. ಆರೋಪಿಯನ್ನು ಹಿಡಿದು ನ್ಯಾಯಾಲಯಕ್ಕೆ ಒಪ್ಪಿಸಿದರು.  
- [ಅಂಗಳದಲ್ಲಿಯೇ ಬಡಿಗೆ ಪ್ರಯೋಗ: ಅಡುಗೆ ಮಾಡಲು ಬಿಡದ ಅಣ್ಣ!](https://mobiletime.in/2026/06/experimenting-with-a-stick-in-the-yard-the-older-brother-who-wont-let-me-cook/): ಅಂಕೋಲಾದ ಹೆಗ್ಗಾರ್ ಮಕ್ಕಿಗದ್ದೆಯ ಕೀರಾ ಹರಿಕಂತ್ರ ಅವರ ನಿಧನದ ನಂತರ ಅವರ ಪತ್ನಿ ಗೌರಿ ಹರಿಕಂತ್ರ ಹಾಗೂ ಮಗಳು ನಯನಾ ಹರಿಕಂತ್ರ ಅವರು ಸಮಸ್ಯೆಗೆ ಸಿಲುಕಿದ್ದಾರೆ. ಕೀರಾ ಹರಿಕಂತ್ರ ಅವರ ಮಗ ನಿತಿನ್ ಹರಿಕಂತ್ರ ಅವರೇ ತಾಯಿ ಹಾಗೂ ತಂಗಿಗೆ ಹಿಂಸೆ ನೀಡುತ್ತಿದ್ದಾರೆ. ಅಂಕೋಲಾದ ಹೆಗ್ಗಾರ್ ಮಕ್ಕಿಗದ್ದೆಯಲ್ಲಿ ಕೀರಾ ಹರಿಕಂತ್ರ ಅವರು ವಾಸವಾಗಿದ್ದರು. ಪತ್ನಿ-ಮಕ್ಕಳ ಜೊತೆ ಅವರು ಅನ್ಯೋನ್ಯವಾಗಿದ್ದರು. ಹೀಗಿರುವಾಗ ಕೀರಾ ಹರಿಕಂತ್ರ ಅವರು ದಿಢೀರ್ ಆಗಿ ನಿಧನರಾಗಿದ್ದು, ಅವರ ಮಗ ನಿತಿನ್ ಹರಿಕಂತ್ರ ಅವರೇ 15 ಲಕ್ಷ ರೂ ಹಣಕ್ಕಾಗಿ ತಾಯಿ ಹಾಗೂ ತಂಗಿಯನ್ನು ಕಾಡಿಸಲು ಶುರು ಮಾಡಿದರು. ಅಣ್ಣನ ಕಾಟ ಸಹಿಸಲಾಗದ ತಂಗಿ ನಯನಾ ಹರಿಕಂತ್ರ ಅವರು ಉಡುಪಿಗೆ ಹೋಗಿ ಕಾಲೇಜು ಸೇರಿದರು. ಅವರ ತಾಯಿ ದೊಡ್ಡಮ್ಮನ ಮನೆಗೆ ಹೋಗಿ ಆಶ್ರಯಪಡೆದರು. ಹೀಗಿರುವಾಗ, ಮೇ 26ರಂದು ಕಾಲೇಜಿಗೆ ರಜೆಯಿದ್ದ ಕಾರಣ ನಯನಾ ಹರಿಕಂತ್ರ ಅವರು ಊರಿಗೆ ಬಂದಿದ್ದರು. ದೊಡ್ಡಮ್ಮನ ಮನೆಗೆ ಹೋಗಿದ್ದ ತಾಯಿ ಗೌರಿ ಹರಿಕಂತ್ರ ಅವರನ್ನು ಕರೆದುಕೊಂಡು ತಮ್ಮ ಮನೆಗೆ ಹೋಗುವ ಪ್ರಯತ್ನ ಮಾಡಿದ್ದರು. ಅತ್ತಿಗೆ-ಮಕ್ಕಳ ಜೊತೆ ವಾಸವಾಗಿದ್ದ ಅಣ್ಣ ನಿತಿನ್ ಹರಿಕಂತ್ರ ಅವರ ಸ್ವಭಾವ ಅರಿವಿದ್ದರೂ ಅಲ್ಲಿಗೆ ಹೋಗಿದ್ದ ನಯನಾ ಹರಿಕಂತ್ರ ಅವರು ಅಡುಗೆ ಮಾಡುವ ಪಾತ್ರೆ ಮುಟ್ಟಿದ್ದರು. ಮನೆಯಲ್ಲಿದ್ದ ಅಡುಗೆ ಪಾತ್ರೆ ತೆಗೆದುಕೊಂಡ ವಿಷಯ ಕೇಳಿ ಅಲ್ಲಿ ದೌಡಾಯಿಸಿದ ನಿತಿನ್ ಹರಿಕಂತ್ರ ಅವರು ನಯನಾ ಹರಿಕಂತ್ರ ಅವರನ್ನು ಕೆಟ್ಟದಾಗಿ ನಿಂದಿಸಿದರು. ಅಂಗಳದಲ್ಲಿಯೇ ಅಡ್ಡಗಟ್ಟಿ ತಾಯಿಗೂ ಸಹ ಅಶ್ಲೀಲವಾಗಿ ಬೈದರು. ಅದಾದ ನಂತರ ಅಲ್ಲಿದ್ದ ಬೇಲಿ ಗೂಟದಿಂದ ನಯನಾ ಹರಿಕಂತ್ರ ಅವರಿಗೆ ಹೊಡೆದರು. ಮನೆ ಸಾಮಾನು ಉಪಯೋಗಿಸಿದರೆ ಕೊಲೆ ಮಾಡುವುದಾಗಿಯೂ ಬೆದರಿಸಿದರು. ಈ ಅನ್ಯಾಯ ಸಹಿಸದ ನಯನಾ ಹರಿಕಂತ್ರ ಅವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದರು. ಅಂಕೋಲಾ ಪೊಲೀಸರ ಬಳಿ ತಮಗಾದ ಅನ್ಯಾಯ ವಿವರಿಸಿ, ನ್ಯಾಯಕ್ಕಾಗಿ ಮನವಿ ಮಾಡಿದರು.
- [ಮೂಲ ಸೌಕರ್ಯ ವೃದ್ಧಿಗೆ ಬಿಜೆಪಿ ಸಂಕಲ್ಪ](https://mobiletime.in/2026/06/bjp-committed-to-improving-infrastructure/): ಯಲ್ಲಾಪುರದ ಕಾಳಮ್ಮ ನಗರದಲ್ಲಿನ ಒಂದು ಪ್ರದೇಶಕ್ಕೆ ಈವರೆಗೂ ವಿದ್ಯುತ್ ಪೂರೈಕೆ ಆಗಿಲ್ಲ. ಅಲ್ಲಿನ ಜನರ ಸಂಚಾರಕ್ಕೆ ರಸ್ತೆಯಿಲ್ಲ. ಕುಡಿಯಲು ಶುದ್ಧ ನೀರು ಸಿಗುತ್ತಿಲ್ಲ. ಮನೆ ಮನೆಗೆ ಶೌಚಾಲಯ ಸಹ ಇಲ್ಲ! ಅಂಥ ಪ್ರದೇಶಕ್ಕೆ ಬಿಜೆಪಿಗರು ಭೇಟಿ ನೀಡಿದ್ದು, ಅಲ್ಲಿನವರ ಸಮಸ್ಯೆ ಆಲಿಸಿದ್ದಾರೆ. ಕನಿಷ್ಟ ಮೂಲಭೂತ ಸೌಕರ್ಯವೂ ಸಿಗದ ಜನರ ಹೋರಾಟಕ್ಕೆ ಬೆಂಬಲ ನೀಡುವುದಾಗಿ ಭರವಸೆ ನೀಡಿದ್ದಾರೆ. `ಇಲ್ಲಿನ ಜನ ನಿತ್ಯ ಕೂಲಿ ಕೆಲಸ ಮಾಡಿ ಬದುಕುತ್ತಿದ್ದು, ಇಷ್ಟು ವರ್ಷ ಕಳೆದರೂ ರಸ್ತೆ, ವಿದ್ಯುತ್, ನೀರು ಹಾಗೂ ಶೌಚಾಲಯವಿಲ್ಲದೇ ಸಮಸ್ಯೆ ಅನುಭವಿಸುತ್ತಿರುವುದು ಶೋಚನೀಯ’ ಎಂದು ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರು ಹೇಳಿದ್ದಾರೆ. ಇಲ್ಲಿನ ಜನರಿಗೆ ಅಗತ್ಯ ಸೌಕರ್ಯ ಒದಗಿಸುವ ಬಗ್ಗೆ ತಹಶೀಲ್ದಾರರನ್ನು ಭೇಟಿ ಮಾಡಿ ಚರ್ಚಿಸುವ ಆಶ್ವಾಸನೆ ನೀಡಿದ್ದಾರೆ. ಜೊತೆಗೆ, ಅದೇ ಭಾಗದ ನಾಲ್ವರನ್ನು ಅವರು ಬಿಜೆಪಿ ಪದಾಧಿಕಾರಿಯನ್ನಾಗಿ ಮಾಡಿದ್ದು, ಪಕ್ಷ ಸಂಘಟನೆಯ ಪ್ರಯತ್ನವನ್ನು ನಡೆಸಿದ್ದಾರೆ. `ಇಲ್ಲಿನ ಪರಿಶಿಷ್ಟ ಸಮುದಾಯದ ಜನ ಕನಿಷ್ಟ ಸೌಕರ್ಯವಿಲ್ಲದೇ ಸಮಸ್ಯೆಯಲ್ಲಿದ್ದಾರೆ. ಪಟ್ಟಣ ವ್ಯಾಪ್ತಿಯಲ್ಲಿಯೇ ಈ ಬಗೆಯ ಸಮಸ್ಯೆಯಿದ್ದರೂ ಅದನ್ನು ಆಲಿಸಿದವರಿಲ್ಲ. ಈ ಹಿನ್ನಲೆ ಅವರಿಗೆ ನ್ಯಾಯ ಒದಗಿಸಲು ಬಿಜೆಪಿ ಬದ್ಧವಾಗಿದ್ದು, ಈ ವಿಷಯದ ಬಗ್ಗೆ ಅಧಿಕಾರಿಗಳ ಗಮನಕ್ಕೆ ತರಲಾಗುತ್ತದೆ’ ಎಂದು ಪ್ರಸಾದ ಹೆಗಡೆ ಅವರು ಹೇಳಿದ್ದಾರೆ. ಪ್ರಮುಖರಾದ ಸೋಮೇಶ್ವರ ನಾಯ್ಕ, ಪ್ರದೀಪ ಯಲ್ಲಾಪುರಕರ, ಗಣೇಶ ಪಾಟಣಕರ, ತುಳಸಿದಾಸ ನಾಯ್ಕ, ಶ್ಯಾಮ ಆಚಾರಿ ಮತ್ತು ಸತೀಶ ರೆವಣಕರ ಅವರು ಜೊತೆಗಿದ್ದರು.
- [ಮುಖ್ಯಮಂತ್ರಿ ಸ್ಥಾನಕ್ಕಾಗಿ ಅರ್ಜಿ: ಆರೇ ತಿಂಗಳಿನಲ್ಲಿ ಅಧಿಕಾರ ನೀಡಿದ ಜಗದೇಶ್ವರಿ!](https://mobiletime.in/2026/06/application-for-the-post-of-chief-minister-jagadeshwari-was-given-power-in-six-months-2/): ಮುಖ್ಯಮಂತ್ರಿ ಸ್ಥಾನಕ್ಕಾಗಿ ಪ್ರಾರ್ಥಿಸಿ ಅಂಕೋಲಾದಲ್ಲಿ ವಿಶೇಷ ಪೂಜೆ ಸಲ್ಲಿಸಿದ್ದ ಡಿಕೆ ಶಿವಕುಮಾರ ಅವರಿಗೆ ಆರೇ ತಿಂಗಳಿನಲ್ಲಿ ವರ ಸಿಕ್ಕಿದೆ. ಅಂಕೋಲಾದ ಶ್ರೀ ಜಗದೀಶ್ವರಿ ದೇವಿ ಡಿಕೆ ಶಿವಕುಮಾರ ಅವರ ಇಷ್ಟಾರ್ಥವನ್ನು ಪೂರೈಸಿದ್ದು, ದೇವಿಯ ಮಹಿಮೆ ಇನ್ನಷ್ಟು ಪ್ರಸಿದ್ಧಿಗೆ ಬಂದಿದೆ. ಡಿ ಕೆ ಶಿವಕುಮಾರ ಅವರು 2025ರ ಡಿಸೆಂಬರ್ 19ರಂದು ವೈಯಕ್ತಿಕ ಪ್ರವಾಸದ ಹಿನ್ನಲೆ ಅಂಕೋಲಾಗೆ ಬಂದಿದ್ದರು. ಆಂದ್ರೆಯ ಶ್ರೀ ಜಗದೇಶ್ವರಿ ದೇವಸ್ಥಾನಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿದ್ದರು. ಅಂದು ದೇವಸ್ಥಾನದ ಒಳಕ್ಕೆ ಡಿಕೆ ಶಿವಕುಮಾರ ಅವರಿಗೆ ಮಾತ್ರ ಏಕಾಂತ ಪೂಜೆಗೆ ಅವಕಾಶ ನೀಡಲಾಗಿದ್ದು, ಈ ವೇಳೆ ಸಚಿವ ಮಂಕಾಳು ವೈದ್ಯ, ಶಾಸಕ ಸತೀಶ ಸೈಲ್ ಅವರಿಗೆ ಸಹ ಒಳಗೆ ಪ್ರವೇಶ ನೀಡಿರಲಿಲ್ಲ. ದೇವಸ್ಥಾನದ ಬಾಗಿಲು ಮುಚ್ಚಿ ಈ ವಿಶೇಷ ಪೂಜೆ ನಡೆದಿದ್ದು, ತಮ್ಮ ಇಷ್ಟಾರ್ಥ ಸಿದ್ಧಿಗಾಗಿ ಡಿ ಕೆ ಶಿವಕುಮಾರ ಅವರು ವಿಶೇಷ ಪ್ರಾರ್ಥನೆ ಮಾಡಿದ್ದರು. ಪೂಜಾ ಕಾರ್ಯದ ನಂತರ ಡಿ ಕೆ ಶಿವಕುಮಾರ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿ `ನನ್ನೊಂದಿಗೆ ತಾಯಿ ಮಾತನಾಡಿದ್ದಾಳೆ. ಶುಭ ಸೂಚನೆ ನೀಡಿದ್ದಾಳೆ’ ಎಂದಿದ್ದರು. `ಐದು ವರ್ಷದ ಹಿಂದೆ ಈ ಸ್ಥಳಕ್ಕೆ ಆಗಮಿಸಿ ಕುಟುಂಬದವರ ಜೊತೆ ಪ್ರಾರ್ಥನೆ ಮಾಡಿದ್ದೆ. ಆಗಲೂ ನನ್ನ ಬೇಡಿಕೆ ಈಡೇರಿದ್ದು, ಮತ್ತೆ ನಾನು ಇಲ್ಲಿಗೆ ಬರುತ್ತೇನೆ ಎಂದಿದ್ದೆ. ಅದರ ಪ್ರಕಾರ ಬಂದಿದ್ದೇನೆ’ ಎಂದಿದ್ದರು. ಆ ಸಂದರ್ಭದಲ್ಲಿ ಬೆಳಗಾವಿಯಲ್ಲಿ ಮುಖ್ಯಮಂತ್ರಿಯಾಗಿದ್ದ ಸಿದ್ದರಾಮಯ್ಯ ಅವರು ಅಧಿವೇಶನದಲ್ಲಿ ಮಾತನಾಡುವಾಗ `ಮುಖ್ಯಮಂತ್ರಿ ಖುರ್ಚಿಗೆ ಎರಡೂವರೆ ವರ್ಷ ಅಂತ ಯಾವುದೇ ಒಪ್ಪಂದ ಆಗಿಲ್ಲ. ನಾನೇ ಐದು ವರ್ಷ ಮುಖ್ಯಮಂತ್ರಿಯಾಗಿ ಮುಂದುವರಿಯುತ್ತೇನೆ. ಹಾಗೆ ಹೈಕಮಾಂಡ್ ಕೂಡ ನನ್ನ ಪರವಾಗಿದೆ’ ಎಂದು ಹೇಳಿಕೆ ನೀಡಿದ್ದರು. ಅದನ್ನು ಮೀರಿ ಡಿ ಕೆ ಶಿವಕುಮಾರ ಅವರು ಇದೀಗ ಮುಖ್ಯಮಂತ್ರಿಯಾಗುತ್ತಿದ್ದು, ಇದಕ್ಕೆ ದೇವಿ ಆರ್ಶೀವಾದವೂ ಕಾರಣ ಎಂಬುದು ಅನೇಕರ ನಂಬಿಕೆ. ಮುಖ್ಯಮAತ್ರಿ ಹುದ್ದೆಗಾಗಿ ದೇವರಲ್ಲಿ ಏನಾದರೂ ಪ್ರಾರ್ಥನೆ ಮಾಡಿಕೊಂಡಿದ್ದೀರಾ? ಎಂಬ ಪ್ರಶ್ನೆಗೆ ಉತ್ತರಿಸಿದ ಡಿ ಕೆ ಶಿವಕುಮಾರ ಅವರು `ಇದು ನನ್ನ ಹಾಗೂ ತಾಯಿಯ ನಡುವಿನ ವಿಚಾರ. ಆದರೆ ನನಗೆ ತಾಯಿ ನನ್ನ ಜೊತೆಗಿರುತ್ತಾಳೆ ಎಂಬ ನಂಬಿಕೆ ಇದೆ’ ಎಂದಷ್ಟೇ ಹೇಳಿದ್ದರು. ಸದ್ಯ ಮುಖ್ಯಮಂತ್ರಿ ಸ್ಥಾನ ಅಲಂಕರಿಸಿದ್ದ ನಂತರ ತಾಯಿ ಜಗದೀಶ್ವರಿಯ ದರ್ಶನ ಹಾಗೂ ವಿಶೇಷ ಪೂಜೆ ಸಲ್ಲಿಸುವದಾಗಿ ಹೇಳಿದ್ದರಿಂದ ಆದಷ್ಟು ಬೇಗ ಅಂಕೋಲಾಕ್ಕೆ ಆಗಮಿಸುವ ಸಾಧ್ಯತೆಯಿದೆ. ದೇವರ ದರ್ಶನ ಪಡೆಯುವದಾಗಿ ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಹೇಳಿದ ಬಗ್ಗೆ ಅರ್ಚಕ ಗಣೇಶ ನಾಯ್ಕ ಅವರು ತಿಳಿಸಿದ್ದಾರೆ.
- [ದಂಪತಿಗೆ ಗುದ್ದಿದ ಕಾರು: ಸ್ಕೂಟರ್ ಎರಡು ಹೋಳು!](https://mobiletime.in/2026/06/couple-hit-by-car-scooter-split-in-two/): ಮೀನು ಮಾರಾಟಕ್ಕಾಗಿ ಸ್ಕೂಟರ್ ಮೇಲೆ ಹೊರಟಿದ್ದ ದಂಪತಿಗೆ ಗೋಕರ್ಣದ ಬಳಿ ಕಾರು ಗುದ್ದಿದೆ. ಅಂಕೋಲಾ-ಗೋಕರ್ಣ ಸಮೀಪದ ದೇವರಬಾವಿ ಬಳಿ ಕಾರು ಹಾಗೂ ಸ್ಕೂಟರ್ ನಡುವೆ ಸೋಮವಾರ ಈ ಅಪಘಾತ ನಡೆದಿದೆ. ಸ್ಕೂಟರ್ ಸವಾರರಿಬ್ಬರು ಈ ಅಪಘಾತದಲ್ಲಿ ಗಾಯಗೊಂಡಿದ್ದಾರೆ. ಮೈಸೂರಿನಿoದ ಗೋಕರ್ಣಕ್ಕೆ ಬರುತ್ತಿದ್ದ ಕಾರು ಅಂಕೋಲಾ ಕಡೆ ತೆರಳುತ್ತಿದ್ದ ಸ್ಕೂಟರ್‌ಗೆ ಡಿಕ್ಕಿಯಾಗಿದೆ. ಪರಿಣಾಮ ಸ್ಕೂಟರಿನಲ್ಲಿದ್ದ ತೊರೆಗಜನಿಯ ದಿನೇಶ ಶಂಕರ ಹರಿಕಂತ್ರ (49) ಸ್ಕೂಟರಿನಲ್ಲಿ ಹಿಂದೆ ಕುಳಿತಿದ್ದ ದೇವಕಿ ದಿನೇಶ ಹರಿಕಂತ್ರ(43) ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಅಪಘಾತ ನೋಡಿದ ಜನ ಆಂಬುಲೆನ್ಸಿಗೆ ಫೋನ್ ಮಾಡಿದ್ದು, ತಕ್ಷಣ ಅವರನ್ನು ಆಸ್ಪತ್ರೆಗೆ ಕಳುಹಿಸಿದ್ದಾರೆ. ಗೋಕರ್ಣ ಪ್ರಾಥಮಿಕ ಆರೋಗ್ಯ ಕೇಂದ್ರದ ಆಡಳಿತ ವೈದ್ಯಾಧಿಕಾರಿ ಡಾ ಜಗದೀಶ ನಾಯ್ಕ ಅವರು ಪ್ರಾಥಮಿಕ ಚಿಕಿತ್ಸೆ ನೀಡಿದ್ದಾರೆ. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗೆ ಅವರಿಬ್ಬರನ್ನು ಕಾರವಾರಕ್ಕೆ ಕಳುಹಿಸಲಾಗಿದೆ. ಶುಶ್ರೂಷಕಿ ಮುಕ್ತಾ ತಲಗೇರಿ, ಸಿಬ್ಬಂದಿ ಅರುಣ ಅವರು ಗಾಯಾಳುವಿನ ಆರೈಕೆ ಮಾಡಿದ್ದಾರೆ. ದಿನೇಶ ಹಾಗೂ ದೇವಕಿ ಅವರು ಮೀನು ಮಾರಾಟಕ್ಕಾಗಿ ಅಂಕೋಲಾಗೆ ಹೋಗುವಾಗ ಈ ಅವಘಡ ನಡೆದಿದೆ. ಅಪಘಾತದ ರಭಸಕ್ಕೆ ಸ್ಕೂಟರ್ ಎರಡು ತುಂಡಾಗಿದೆ.  
- [ನಾಮಧಾರಿ ಸಮಾಜದ ವಾರ್ಷಿಕೋತ್ಸವ: ಸಾಧಕರಿಗೆ ಸಿಕ್ಕ ಸನ್ಮಾನ-ಪುರಸ್ಕಾರ](https://mobiletime.in/2026/06/namdhari-samajs-anniversary-honors-and-awards-received-by-achievers/): `ಸಂಕುಚಿತ ಮನೋಭಾವನೆ ಬಿಟ್ಟು ವಿಶಾಲ ಮನೋಭಾವದಿಂದ ಸಂಘಟನೆ ಮಾಡಿದಾಗ ಮಾತ್ರ ಸಮಾಜದ ಅಭಿವೃದ್ಧಿ ಸಾಧ್ಯ’ ಎಂದು ಎಂದು ಸಾಮಾಜಿಕ ಹೋರಾಟಗಾರ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. ಸಿದ್ದಾಪುರ ತಾಲೂಕಿನ ತಂಡಾಗುoಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಓಂಕಾರ ಗ್ರಾಮದಲ್ಲಿ ನಡೆದ ಶ್ರೀ ವೆಂಕಟನಾರಾಯಣ ಆರ್ಯ ಈಡಿಗ, ಬಿಲ್ಲವ, ಪೂಜಾರಿ, ನಾಮಧಾರಿ ಸಮಾಜ ಸಂಘದ ವಾರ್ಷಿಕೋತ್ಸವ ಹಾಗೂ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು `ಸಮಾಜ ಸಂಘಟನೆಯೂ ಸಂಕುಚಿತ ಮನೋಭಾವನೆ ಹೊಂದದೆ ವಿಶಾಲ ಮನೋಭಾವದಿಂದ ಸಮಾಜದ ಅಭಿವೃದ್ದಿಯ ದಿಸೆಯಲ್ಲಿ ಸಮಾಜದ ಆಂತರಿಕ ಸಮಸ್ಯೆಗಳ ಬಗೆ ಹರಿಸುವಿಕೆಗೆ ಹಾಗೂ ಪ್ರತಿಭೆ ಗುರುತಿಸಲು ವೇದಿಕೆ ಆಗಬೇಕು’ ಎಂದು ಕರೆ ನೀಡಿದ್ದಾರೆ. `ಸಮಾಜದಲ್ಲಿ ವಂಚಿತರಾದ ಸದಸ್ಯರಿಗೆ ಧ್ವನಿಯಾಗಿ ಹಕ್ಕುಗಳ ರಕ್ಷಣೆ ಮತ್ತು ಸಾಮಾಜಿಕವಾಗಿ ಸಮೂದಾಯ ಬಲಪಡಿಸಲು ಸಂಘಟನೆಯು ಕಾರ್ಯ ಪ್ರರ್ವತ್ತರಾಗಬೇಕು. ಅಲ್ಲದೇ, ತಲತಲಾಂತರದಿoದ ಸಾಂಸೃತಿಕ ಉಳುವಿಗಾಗಿ ಸಂಘಟನೆಯು ಶ್ರಮಿಸುವ ಅಗತ್ಯವಿದೆ’ ಎಂದವರು ಹೇಳಿದ್ದಾರೆ. `ಮಾನವನ ಹುಟ್ಟಿನಿಂದ ಸಾವಿನವರೆಗೂ ಸಂಪ್ರದಾಯ ಮತ್ತು ಸಂಸ್ಕೃತಿಯ ಗುರುತಿಸುವಿಕೆಗೆ ಬದ್ಧನಾಗಿರುತ್ತಾನೆ. ಪ್ರಭುದ್ದವಾದ ಮಾನವ ಶಿಕ್ಷಣದಿಂದ ಸ್ವತಂತ್ರವಾಗಿ, ಸಂಘಟನೆಯಿoದ ಬಲಯುತರಾಗುವ ಸಿದ್ದಾಂತವನ್ನ ಎಲ್ಲಾ ಜಾತಿಗಳು ಅಳವಡಿಸಿಕೊಳ್ಳಬೇಕು’ ಎಂದರು. `ಟಿ ವಿ ಮತ್ತು ಮೊಬೈಲ್‌ಗಳನ್ನ ಶಿಕ್ಷಣ ಪೂರಕ ಚಟುವಟಿಕೆಗೆ ಮಾತ್ರ ಮಕ್ಕಳಿಗೆ ನೀಡಬೇಕು. ಸಮಾಜದಲ್ಲಿನ ದುಷ್ಚಟದ ವಿರುದ್ದ ಜಾಗೃತೆ ಮೂಡಿಸುವುಸುದು, ಸಂಘಟನೆಯ ಪ್ರಮುಖ ಕಾರ್ಯ. ಮಕ್ಕಳಲ್ಲಿ ಶಿಕ್ಷಣವೂ ಬದುಕಿನ ಯಶಸ್ಸಿನ ಗುಟ್ಟು’ ಎಂದು ಶಿಕ್ಷಕ ಕೆ ಜಿ ನಾಯ್ಕ ಅವರು ಹೇಳಿದರು. `ಯುವಕರಿಗೆ ಶಿಕ್ಷಣದ ಜ್ಞಾನ ವೃದ್ದಿಸಿಬೇಕು, ಶಿಕ್ಷಣದೊಂದಿಗೆ ಮಾನವೀಯತೆಯ ಮೌಲ್ಯ ಬಿಂಬಿಸಬೇಕು. ಸಕಾರಾತ್ಮಕ ಸಂಘಟನೆಯನ್ನ ಬಿಂಬಿಸಲು ಕಾರ್ಯ ಪ್ರರ್ವತ್ತರಾಗಬೇಕು’ ಎಂದು ವಲಯ ಅರಣ್ಯಾಧಿಕಾರಿ ಎಮ್ ಎಚ್ ನಾಯ್ಕ ಅವರು ಹೇಳಿದರು. ಕಾರ್ಯಕ್ರಮದಲ್ಲಿ ಮಮತಾ ವಿ ನಾಯ್ಕ, ಮಂಜುನಾಥ ನಾಯ್ಕ, ಹರಿಹರ ನಾಯ್ಕ, ನಾಗರಾಜ ನಾಯ್ಕ, ಎಮ್ ವಿ ನಾಯ್ಕ ವಿವಿಧ ಜವಾಬ್ದಾರಿ ನಿಭಾಯಿಸಿದರು. ಪ್ರಮುಖರಾದ ಸೂರಜ ನಾಯ್ಕ, ಪ್ರಮೋದ ನಾಯ್ಕ ಬೀರನಜಡ್ಡಿ, ಪ್ರತಿಭಾ ಮಂಜುನಾಥ ನಾಯ್ಕ, ಮಂಜುನಾಥ ಎಮ್ ನಾಯ್ಕ, ಸುಬ್ರಾಯ ನಾಯ್ಕ, ಮೋಹನ್ ಜಿ ನಾಯ್ಕ ಮತ್ತು ಮಂಜುನಾಥ ಪೂಜಾರಿ ದ್ಯಾವಕಾರ ವೇದಿಕೆ ಮೇಲೆ ಉಪಸ್ಥಿತರಿದ್ದರು. ಗ್ರಾಮೀಣ ಭಾಗದ ಹತ್ತು ಪ್ರತಿಭಾವಂತ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ಧನ ಸಹಾಯದೊಂದಿಗೆ ಪ್ರತಿಭಾ ಪುರಸ್ಕರಿಸಲಾಯಿತು.
- [ದಡ ಸೇರದ ದೋಣಿ!](https://mobiletime.in/2026/05/a-boat-that-doesnt-reach-the-shore/): ಅಂಕೋಲಾದ ದೋಣಿಯೊಂದು ಹೊನ್ನಾವರ ಸಮುದ್ರದಲ್ಲಿ ಮುಳುಗಿದೆ. ಮೀನುಗಾರಿಕೆಗೆ ಹೋಗಿದ್ದ ವೇಳೆ ಈ ಅವಘಡ ನಡೆದಿದೆ. ಹೊನ್ನಾವರದ ತಾರೇಬಾಗಿಲು ಸಮೀಪದ ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕಾ ದೋಣಿ ಮುಳುಗಿದೆ. ಅಂಕೋಲಾದ ಬೆಳಂಬಾರ ಮೂಲದ ‘ಶ್ರೀ ನವರತ್ನ’ ಹೆಸರಿನ ಮೀನುಗಾರಿಕಾ ಬೋಟ್ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ವೇಳೆ ದೋಣಿ ತೂತಾಗಿದ್ದು, ನೀರು ದೋಣಿಯ ಒಳಗೆ ನುಗ್ಗಿದೆ. ಪರಿಣಾಮ ಹಂತ ಹಂತವಾಗಿ ದೋಣಿ ಸಮುದ್ರದಲ್ಲಿ ಮುಳುಗಲು ಶುರುವಾಗಿದೆ. ಈ ವೇಳೆ ದೋಣಿಯಲ್ಲಿದ್ದ ಏಳು ಮೀನುಗಾರರು ಆತಂಕಕ್ಕೆ ಒಳಗಾಗಿದ್ದು, ಇನ್ನಿತರ ಮೀನುಗಾರರು ಅವರನ್ನು ರಕ್ಷಿಸಿದ್ದಾರೆ. ವೆಂಕಟೇಶ್ ಖಾರ್ವಿ, ನಾಗಪ್ಪ ಖಾರ್ವಿ, ಸಂದೀಪ್ ಖಾರ್ವಿ, ವಿಕಾಸ್ ಖಾರ್ವಿ, ವಿಘ್ನೇಶ್ ಖಾರ್ವಿ, ರಜತ್ ಬಾಣಾವಳಿಕರ್ ಹಾಗೂ ಲತೇಶ್ ಖಾರ್ವಿ ಅವರು ಅಪಾಯ ಎದುರಿಸುತ್ತಿರುವುದನ್ನು ಅರಿತು ಸ್ಥಳೀಯ ಮೀನುಗಾರರಾದ ಇಕ್ಬಾಲ್, ಅಬ್ದುಲ್ ಹಾಗೂ ಗಫೂರ್ ಅವರು ತಮ್ಮ ದೋಣಿ ಮೂಲಕ ಅಲ್ಲಿಗೆ ಧಾವಿಸಿದ್ದಾರೆ. ಅಪಾಯದಲ್ಲಿದ್ದವರನ್ನು ರಕ್ಷಿಸಿದ್ದಾರೆ.
- [ಆಸ್ಪತ್ರೆಗೆ ಹೊರಟವನಿಗೆ ಅಪಘಾತ: ಸಾವು-ನೋವು!](https://mobiletime.in/2026/05/accident-on-way-to-hospital-death-and-injury/): ಪಾರ್ಶ್ವವಾಯು ಚಿಕಿತ್ಸೆಗಾಗಿ ಕಾರವಾರದ ಹಳಗಾಗೆ ಹೋಗುತ್ತಿದ್ದ ವ್ಯಕ್ತಿಯೊಬ್ಬರಿಗೆ ಎರಡು ವಾರದ ಹಿಂದೆ ಯಲ್ಲಾಪುರದಲ್ಲಿ ಅಪಘಾತವಾಗಿದ್ದು, ಅಪಘಾತದ ನೋವು ಸಹಿಸಲಾಗದೇ ಅವರು ಸಾವನಪ್ಪಿದ್ದಾರೆ. ಮೇ 18ರಂದು ಯಲ್ಲಾಪುರದ ಹೊಸಳ್ಳಿ ಕ್ರಾಸಿನ ಬಳಿ ಅಪಘಾತವೊಂದು ನಡೆದಿತ್ತು. ಕಾರು ಹಾಗೂ ಟ್ಯಾಂಕರ್ ನಡುವೆ ನಡೆದ ಡಿಕ್ಕಿಯಲ್ಲಿ ಯಾದಗಿರಿ ಜಿಲ್ಲೆಯ ಶಹಾಪುರ ತಾಲೂಕಿನ ಹೊಸೂರ ಗ್ರಾಮದ ರಾಮಪ್ಪ ಹಡಪದ (62) ಅವರು ಗಾಯಗೊಂಡಿದ್ದರು. ಪಾರ್ಶ್ವವಾಯು ಚಿಕಿತ್ಸೆಗಾಗಿ ಅವರು ಸಂಬAಧಿಕರ ಜೊತೆ ಹಳಗಾ ಗ್ರಾಮಕ್ಕೆ ತೆರಳುವಾಗ ಈ ದುರಂತ ನಡೆದಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಈ ಅಪಘಾತದಲ್ಲಿ ಎರ್ಟಿಗಾ ಕಾರು ಹಾಗೂ ಟ್ಯಾಂಕರ್ ಜಖಂ ಆಗಿದ್ದವು. ರಾಮಪ್ಪ ಹಡಪದ ಅವರಿಗೆ ಬೆನ್ನು ಮತ್ತು ಕುತ್ತಿಗೆ ಭಾಗಕ್ಕೆ ಗಂಭೀರ ಗಾಯಗಳಾಗಿದ್ದವು. ಅವರ ಜೊತೆಗಿದ್ದ ಮನೋಜಕುಮಾರ್ ಅವರಿಗೂ ಗಾಯಗಳಾಗಿದ್ದವು. ಗಾಯಗೊಂಡ ರಾಮಪ್ಪ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ, ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಹುಬ್ಬಳ್ಳಿಗೆ ಹಾಗೂ ನಂತರ ಶಹಾಪುರ ತಾಲೂಕು ಸರ್ಕಾರಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿತ್ತು. ಆದರೆ ಚಿಕಿತ್ಸೆ ಪಡೆಯುತ್ತಿದ್ದ ಅವರು ಶನಿವಾರ ಸಾವನಪ್ಪಿದ್ದಾರೆ.
- [ಬಾವಿಗೆ ಬಿದ್ದ ಮಹಿಳೆ: ಸಾವು!](https://mobiletime.in/2026/05/woman-falls-into-well-death/): ಕುಡಿಯುವ ನೀರಿನ ಬಾವಿಗೆ ಬಿದ್ದ ಲತಾ ನಾಯ್ಕ ಅವರು ಅಲ್ಲಿದ್ದ ನೀರು ಕುಡಿದು ಸಾವನಪ್ಪಿದ್ದಾರೆ. ಮುರುಡೇಶ್ವರದ ಬಳಿ ಈ ದುರಂತ ನಡೆದಿದೆ. ಭಟ್ಕಳದ ತಾಲೂಕಿನ ಗೋಳಿಕುಂಬ್ರಿ ಉತ್ತರಕೊಪ್ಪ ಗ್ರಾಮದಲ್ಲಿ ಲತಾ ವಿಷ್ಣು ನಾಯ್ಕ ಅವರು ವಾಸವಾಗಿದ್ದರು. 44 ವರ್ಷದ ಅವರು ಕೆಲ ವರ್ಷಗಳಿಂದ ಅವರು ಮಾನಸಿಕವಾಗಿ ಕುಗ್ಗಿದ್ದು, ಇದಕ್ಕೆ ಚಿಕಿತ್ಸೆಯನ್ನುಪಡೆದಿದ್ದರು. ಆರೋಗ್ಯದಲ್ಲಿ ಚೇತರಿಕೆ ಕಂಡ ಕಾರಣ ಅವರು ಎಂದಿನAತೆ ಮನೆ ಕೆಲಸಗಳನ್ನು ನೋಡಿಕೊಳ್ಳುತ್ತಿದ್ದರು. ಹೀಗಿರುವಾಗ, ಮನೆಯಿಂದ ಹೊರಗೆ ಹೋಗಿದ್ದ ಲತಾ ನಾಯ್ಕ ಅವರು ಜಮೀನಿನ ಬಳಿ ತೆರಳಿದ್ದರು. ಅಲ್ಲಿದ್ದ ಕುಡಿಯುವ ನೀರಿನ ಬಾವಿ ಬಳಿ ಅವರ ಕಾಲು ಜಾರಿ ಬಾವಿ ಆಳಕ್ಕೆ ಬಿದ್ದರು. ಈ ವೇಳೆ ನೀರಿನಲ್ಲಿ ಮುಳುಗಿದ ಲತಾ ನಾಯ್ಕ ಅವರಿಗೆ ಮೇಲೆ ಬರಲು ಸಾಧ್ಯವಾಗಲಿಲ್ಲ. ಅಲ್ಲಿಯ ನೀರನ್ನು ಉಸಿರಾಡಿ ಅವರು ಸಾವನಪ್ಪಿದರು. ವಿಷ್ಣು ನಾಯ್ಕ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದು, ಮುರುಡೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಕಾಣೆಯಾದ ಮಗು: ಪ್ರವಾಸಕ್ಕೆ ಬಂದವರಿಗೆ ಪಜೀತಿ!](https://mobiletime.in/2026/05/missing-child-congratulations-to-those-who-came-on-the-trip/): ಪ್ರವಾಸಕ್ಕೆ ಬಂದಾಗ ಪಾಲಕರಿಂದ ತಪ್ಪಿಸಿಕೊಂಡಿದ್ದ ಮಗು ಕಡಲತೀರದಲ್ಲಿ ಒಂಟಿಯಾಗಿ ಅಲೆದಾಡುತ್ತಿದ್ದು, ಇದನ್ನು ಗಮನಿಸಿದ ಗೋಕರ್ಣ ಗೃಹ ರಕ್ಷಕ ಸಿಬ್ಬಂದಿ ಅಪಾಯ ಎದುರಾಗುವ ಮುನ್ನ ರಕ್ಷಿಸಿದ್ದಾರೆ. ಜೊತೆಗಿದ್ದ ಪ್ರವಾಸಿ ಮಿತ್ರ ಸಿಬ್ಬಂದಿ ಸಹ ಪಾಲಕರನ್ನು ಹುಡುಕಿ ಮಗುವನ್ನು ಅವರಿಗೆ ಹಸ್ತಾಂತರಿಸಿದ್ದಾರೆ. ಬಾಗಲಕೋಟೆ ಜಿಲ್ಲೆಯ ಮುಧೋಳ ತಾಲೂಕಿನ ಅಶ್ವಿನಿ ಹಾಗೂ ರಾಜು ಅವರು ತಮ್ಮ ಕುಟುಂಬದ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಅವರು ಸಮುದ್ರ ವೀಕ್ಷಣೆಗೆ ಹೋದಾಗ ಅಕ್ಷತಾ ಎಂಬ ಒಂದು ವರ್ಷದ ಮಗು ಅವರಿಂದ ತಪ್ಪಿಸಿಕೊಂಡಿತು. ಸಾಕಷ್ಟು ಹುಡುಕಾಟ ನಡೆಸಿದರೂ ಮಗು ಸಿಕ್ಕಿರಲಿಲ್ಲ. ಈ ವೇಳೆ ಅದೇ ಮಗು ಸಮುದ್ರ ತೀರದ ಬಳಿ ಅಳುತ್ತಿರುವುದನ್ನು ಗೃಹರಕ್ಷಕ ಸಿಬ್ಬಂದಿ ರಘು ನಾಯ್ಕ ಅವರು ಗಮನಿಸಿದರು. ಪ್ರವಾಸಿ ಮಿತ್ರ ಶೇಖರ ಹರಿಕಂತ್ರ ತಕ್ಷಣ ಮಗುವನ್ನು ಎತ್ತಿಕೊಂಡು ಮಗು ಸಮುದ್ರದ ಕಡೆ ಹೋಗದ ಹಾಗೇ ತಡೆದರು. ಸುಮಾರು ಅರ್ದ ಗಂಟೆಗಳ ಕಾಲ ಮಗು ಅಳುತ್ತಿದ್ದು, ಸಮಾಧಾನ ಮಾಡಲು ಸಾಧ್ಯವಾಗಲಿಲ್ಲ. ಅದಾಗಿ ಕೆಲ ಸಮಯದ ನಂತರ ಮಗು ಕಾಣೆಯಾದ ಬಗ್ಗೆ ಪಾಲಕರು ಹುಡುಕುತ್ತಿರುವುದು ಗೃಹರಕ್ಷಕ ಸಿಬ್ಬಂದಿ ರಘು ನಾಯ್ಕ ಹಾಗೂ ಪ್ರವಾಸಿ ಮಿತ್ರ ಶೇಖರ ಹರಿಕಂತ್ರ ಅವರ ಗಮನಕ್ಕೆ ಬಂದಿತು. ಆ ಪಾಲಕರನ್ನು ಹುಡುಕಿದ ಅವರಿಬ್ಬರು ಮಗುವನ್ನು ಹಸ್ತಾಂತರಿಸಿದರು. ಕುಟುಂಬದವರನ್ನು ನೋಡಿದ ತಕ್ಷಣ ಮಗು ಅಳು ನಿಲ್ಲಿಸಿದ್ದು, ಪಾಲಕರ ಆತಂಕವೂ ದೂರವಾಯಿತು.
- [ಗಣಿ ದಣಿಗಳ ಬೆವರಿಳಿಸಿದ RTO!](https://mobiletime.in/2026/05/rto-made-the-mine-owners-sweat/): ಸರಕು ಸಾಕಾಣಿಕಾ ನಿಯಮಗಳ ಬಗ್ಗೆ ಅರಿವಿದ್ದರೂ ಅದನ್ನು ಲೆಕ್ಕಿಸದೇ ರಾಜಾರೋಷವಾಗಿ ಕಲ್ಲುಗಳನ್ನು ಸಾಗಿಸುತ್ತಿದ್ದ ಟಿಪ್ಪರ್ ಲಾರಿಗಳನ್ನು RTO ಅಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಸಾಮರ್ಥ್ಯಕ್ಕಿಂತಲೂ ಅಧಿಕ ಬಾರದ ಸಾಮಗ್ರಿ ಸಾಗಿಸುತ್ತಿದ್ದ 17 ಟಿಪ್ಪರುಗಳನ್ನು ಹೊನ್ನಾವರ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಕಾಪುವಿನಿಂದ ಹೊನ್ನಾವರದ ಕಡೆ ಭಾರೀ ಗಾತ್ರದ ಶಿಲೆಗಳು ಬರುತ್ತಿದ್ದವು. ಆ ಕಲ್ಲುಗಳನ್ನು ನೋಡಿದ ಅಧಿಕಾರಿಗಳು ಟಿಪ್ಪರಿಗೆ ಅಡ್ಡಲಾಗಿ ಕೈ ಮಾಇದರು. ತಪಾಸಣೆ ನಡೆಸಿದಾಗ ಟಿಪ್ಪರ್ ಸಾಮರ್ಥ್ಯಕ್ಕಿಂತಲೂ ಅಧಿಕ ಬಾರದ ಸಾಮಗ್ರಿ ತುಂಬಿರುವುದು ಗಮನಕ್ಕೆ ಬಂದಿತು. ಕೂಡಲೇ ಆ ಮಾರ್ಗವಾಗಿ ಬರುತ್ತಿದ್ದ 17 ಟಿಪ್ಪರನ್ನು ಅಧಿಕಾರಿಗಳು ವಶಕ್ಕೆಪಡೆದರು. ಈ ಎಲ್ಲಾ ಲಾರಿಗಳಲ್ಲಿ ಬರುತ್ತಿದ್ದ ಕಲ್ಲುಗಳು ಕಾಸರಕೋಡದಲ್ಲಿ ನಿರ್ಮಾಣ ಹಂತದಲ್ಲಿರುವ ಖಾಸಗಿ ವಾಣಿಜ್ಯ ಬಂದರಿನ ವಿಸ್ತರಣೆ ಹಾಗೂ ಮೂಲಸೌಕರ್ಯ ಕಾಮಗಾರಿಗಳ ಬಳಕೆಗೆ ತಂದದ್ದಾಗಿದ್ದು, ಅಲ್ಲದ್ದ ಟಿಪ್ಪರುಗಳು ಉಡುಪಿಯ ಪ್ರಭಾವಿ ವ್ಯಕ್ತಿಯೊಬ್ಬರಿಗೆ ಸೇರಿದ್ದು ಎಂಬ ಮಾಹಿತಿಯಿದೆ. ಅತಿ ಬಾರದ ಲಾರಿಗಳ ಸಂಚಾರದಿAದ ಹೆದ್ದಾರಿಗೆ ಹಾನಿ ಆಗುವುದರ ಜೊತೆ ಅಪಘಾತ ಸಾಧ್ಯತೆ ಹೆಚ್ಚಿರುವುದರಿಂದ ಸದ್ಯ ಕಟ್ಟು ನಿಟ್ಟಿನ ಕ್ರಮ ಜರುಗಿಸಲಾಗಿದೆ.
- [ಸರ್ಕಾರಿ ಕಚೇರಿ: ಹುದ್ದೆಗಳೆಲ್ಲವೂ ಖಾಲಿ ಖಾಲಿ!](https://mobiletime.in/2026/05/government-office-all-the-posts-are-vacant/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಸರ್ಕಾರಿ ಕಚೇರಿಗಳಲ್ಲಿ ಕೆಲಸಗಳೇ ಮುಂದೆ ಸಾಗುತ್ತಿಲ್ಲ.‌ ಕಾರಣ, ಅನೇಕ‌ ಕಚೇರಿಗಲ್ಲಿ ಸೂಕ್ತ ಸಿಬ್ಬಂದಿಯೇ ಇಲ್ಲ! ಜಿಲ್ಲಾ ಪಂಚಾಯತ್ ಹಾಗೂ ತಾಲೂಕು ಪಂಚಾಯತ್ ಗಳಲ್ಲಿ ಜನಪ್ರತಿನಿಧಿಗಳ ಆಯ್ಕೆಗೆ ಸರಕಾರ ಸಂಪೂರ್ಣ ನಿರ್ಲಕ್ಷ್ಯ ತೋರಿದೆ. ಈ ನಡುವೆ ಸರಕಾರ ಇಲಾಖೆಯಲ್ಲಿ ವಿವಿಧ ಹುದ್ದೆಗಳಿಗೆ ನೇಮಕಾತಿ ಮಾಡದ ಕಾರಣ ಸಿಬ್ಬಂದಿ ಕೊರತೆ ಸೃಷ್ಟಿಯಾಗಿದೆ. ಇದರಿಂದ ಆಗಬೇಕಾದ ಕೆಲಸ ನಿಧಾನವಾಗಿದೆ. ಅಭಿವೃದ್ಧಿ ಕಾರ್ಯಗಳು ಹಿನ್ನಡೆ ಅನುಭವಿಸಿವೆ. ಭೌಗೋಳಿಕವಾಗಿ ಅತಿ ದೊಡ್ಡ ಜಿಲ್ಲೆಗಳಲ್ಲಿ ಒಂದಾದ ಉತ್ತರ ಕನ್ನಡದಲ್ಲಿ ಜಿಲ್ಲಾ ಮತ್ತು ತಾಲೂಕು ಪಂಚಾಯತ ಕಾರ್ಯ ನಿರ್ವಹಣೆಗೆ ಸಿಬ್ಬಂದಿ ಕೊರತೆ ತೀವೃವಾಗಿದೆ. ಬಹುತೇಕ ಹುದ್ದೆಗಳನ್ನು ಖಾಲಿ ಅಥವಾ ಹೆಚ್ಚುವರಿ ಜವಾಬ್ದಾರಿಯ ಮೇಲೆ ನಿರ್ವಹಿಸಲಾಗುತ್ತಿದೆ. ಜಿಲ್ಲಾ ಪಂಚಾಯತದಲ್ಲಿ ಒಟ್ಟು 131ಹುದ್ದೆಗಳು ಮಂಜೂರಾಗಿದ್ದು, ಇಲ್ಲಿರುವ ಸಿಬ್ಬಂದಿಯ ಸಂಖ್ಯೆ ಕೇವಲ 30. ಬರೀ ಜಿಲ್ಲಾ ಪಂಚಾಯತದಲ್ಲಿಯೇ 101 ಹುದ್ದೆಗಳು ಖಾಲಿ ಇವೆ. ಗ್ರೂಪ್ ಎ ಶ್ರೇಣಿಯ ಪ್ರಮುಖ ಹುದ್ದೆಗಳಾದ ಮುಖ್ಯ ಯೋಜನಾಧಿಕಾರಿ, ಯೋಜನಾ ಮೌಲ್ಯಮಾಪನಾಧಿಕಾರಿ ಮತ್ತು ಸಹಾಯಕ ಹುದ್ದೆಗಳಿಗೆ ಅಧಿಕಾರಿಗಳೇ ಇಲ್ಲ. ಗ್ರೂಪ್ ಸಿ ವಿಭಾಗದಲ್ಲೂ ಪರಿಸ್ಥಿತಿ ಭಿನ್ನವಾಗಿಲ್ಲ. ಜೊತೆಗೆ 14 ಶೀಘ್ರಲಿಪಿಗಾರರ ಹುದ್ದೆಗಳು ಸಂಪೂರ್ಣವಾಗಿ ಖಾಲಿ ಇವೆ. 23 ದ್ವಿತೀಯ ದರ್ಜೆ ಸಹಾಯಕ ಹುದ್ದೆಗಳ ಪೈಕಿ ಕೇವಲ 3 ಮಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. 13 ಬೆರಳಚ್ಚುಗಾರರ ಹುದ್ದೆಗಳಿಗೆ ಒಬ್ಬರೂ ಸಿಬ್ಬಂದಿ ಇಲ್ಲ. 17 ಪ್ರಥಮ ದರ್ಜೆ ಸಹಾಯಕ ಹುದ್ದೆಗಳಲ್ಲಿ ಕೇವಲ 4 ಮಂದಿ ಕೆಲಸ ಮಾಡುತ್ತಿದ್ದಾರೆ. ತಾಲೂಕು ಪಂಚಾಯತಗಳ ಸ್ಥಿತಿ ಇದೆ. ಜಿಲ್ಲೆಯ 12 ತಾಲೂಕು ಪಂಚಾಯತಗಳ ಪರಿಸ್ಥಿತಿ ಕೂಡ ಇದಕ್ಕಿಂತ ಭಿನ್ನವಾಗಿಲ್ಲ. ಒಟ್ಟು 274 ಹುದ್ದೆಗಳು ಮಂಜೂರಾಗಿದ್ದು, ಅದರಲ್ಲಿ ಕೇವಲ 50 ಹುದ್ದೆಗಳಿಗೆ ಮಾತ್ರ ನೇಮಕಾತಿ ಆಗಿದೆ. ಇನ್ನೂ 12 ತಾಲೂಕು ಪಂಚಾಯತ್ ಕಾರ್ಯ ನಿರ್ವಾಹಣಾಧಿಕಾರಿಗಳಲ್ಲಿ ಕೇವಲ 6 ಹುದ್ದೆಗಳು ಮಾತ್ರ ಭರ್ತಿಯಾಗಿವೆ.  12 ಸಹಾಯಕ ನಿರ್ದೇಶಕರ ಹುದ್ದೆಗಳ ಪೈಕಿ ಕೇವಲ 2 ಭರ್ತಿಯಾಗಿವೆ.  11 ಪಂಚಾಯತ್ ರಾಜ್ ಸಹಾಯಕ ನಿರ್ದೇಶಕರ ಹುದ್ದೆಗಳ ಪೈಕಿ ಕೇವಲ ಒಬ್ಬರೇ ಕಾರ್ಯನಿರ್ವಹಿಸುತ್ತಿದ್ದಾರೆ. 12 ತಾಲೂಕು ಯೋಜನಾಧಿಕಾರಿಗಳ ಹುದ್ದೆಗಳಲ್ಲಿ 10 ಹುದ್ದೆಗಳು ಖಾಲಿ ಇವೆ. ವಾಹನ ಚಾಲಕ, ಶೀಘ್ರಲಿಪಿಗಾರ, ಮತ್ತು ಬೆರಳಚ್ಚುಗಾರರಂತಹ ಗ್ರೂಪ್ ಸಿ ಹುದ್ದೆಗಳೂ ಭರ್ತಿಯಾಗಿಲ್ಲ.
- [ತಡರಾತ್ರಿ ನಡೆದ ಹೊಡೆದಾಟ: ನಡುರಸ್ತೆಯಲ್ಲಿ ಮಾರಾಮಾರಿ!](https://mobiletime.in/2026/05/late-night-fight-a-brawl-in-the-middle-of-the-street/): ​ಶಿರಸಿಯ TSS ರಸ್ತೆಯ ಸುವರ್ಣ ಬ್ಯಾಂಕ್ ಎದುರು ಶುಕ್ರವಾರ ತಡರಾತ್ರಿ ಎರಡು ಗುಂಪುಗಳ ನಡುವೆ ಜಗಳ ನಡೆದಿದೆ. ಈ ಜಗಳ ಹೊಡೆದಾಟದ ಸ್ವರೂಪಪಡೆದಿದೆ. ಗುತ್ತಿಗೆದಾರ ರಮೇಶ್ ನಾಗೇಶ್ ದುಬಾಶಿ (60) ಹಾಗೂ ವಿರಾಜ್ ಪ್ರಭಾಕರ್ ಶೆಟ್ಟಿ (26) ನಡಿವಿನ ಹಳೆಯ ದ್ವೇಷ ಈ ಸಂಘರ್ಷಕ್ಕೆ ಕಾರಣ. ‘ರಾತ್ರಿ ಫೋನ್ ಮಾಡಿ ಕರೆಸಿ, ಅಡ್ಡಗಟ್ಟಿ ಜೀವ ಬೆದರಿಕೆ ಹಾಕಿದರು’ ಎಂದು ರಮೇಶ್ ದುಬಾಶಿ ಅವರು ದೂರಿದ್ದಾರೆ. ‘ಮೇ 29ರ ರಾತ್ರಿ 11:30ರ ಸುಮಾರಿಗೆ ಯಶವಂತ ಎಂ ಬೈಂದೂರ್ ಎಂಬಾತರು ತಮಗೆ ಫೋನ್ ಮಾಡಿ ಅವಾಚ್ಯವಾಗಿ ಬೈದರು. ಅದಾದ ನಂತರ ಅವರು ಜಗಳಕ್ಕೆ ಆಹ್ವಾನಿಸಿದ್ದು, ಜಗಳಕ್ಕೆ ಬಂದವನ ಮೇಲೆ ಹಲ್ಲೆ ನಡೆದಿದೆ’ ಎಂಬುದು ರಮೇಶ ದುಬಾಶಿ ಅವರ ಅಳಲು. ‘ಸ್ನೇಹಿತರಾದ ಮಂಜುನಾಥ ಶೇರುಗಾರ ಹಾಗೂ ಸದಾನಂದ ಮದ್ದೋಡಿ ಅವರೊಂದಿಗೆ ಸುವರ್ಣ ಬ್ಯಾಂಕ್ ಹತ್ತಿರ ಹೋದಾಗ ಅಲ್ಲಿ ಯಶವಂತ ಬೈಂದೂರ್, ಕಾಶೀನಾಥ ಬೈಂದೂರ್, ಮಂಜುನಾಥ ಬೈಂದೂರ್ ಹಾಗೂ ನಾಗೇಂದ್ರ ಬಿ ಬೈಂದೂರ್ ಮತ್ತಿತರರು ಗುಂಪು ಕಟ್ಟಿಕೊಂಡು ನಿಂತಿದ್ದರು. ಅವರರೆಲ್ಲರೂ ಸೇರಿ ಜೀವ ಬೆದರಿಕೆ ಒಡ್ಡಿದ್ದು, ಕಾಶೀನಾಥ ಮತ್ತು ಯಶವಂತ ಸೇರಿ ಮಂಜುನಾಥ ಶೇರುಗಾರ ಅವರ ಕಪಾಳಕ್ಕೆ ಹೊಡೆದಿದ್ದಾರೆ. ಅದಾದ ನಂತರ ಅವರನ್ನು ಕೆಳಗೆ ದೂಡಿದ್ದು, ನಾಗೇಂದ್ರ ಮತ್ತು ಮಂಜುನಾಥ ಸೇರಿ ಸದಾನಂದನ ಮೇಲೂ ಹಲ್ಲೆ ನಡೆಸಿದ್ದಾರೆ’ ಎಂದು ಆರೋಪಿಸಲಾಗಿದೆ. ಇದಕ್ಕೆ ಪ್ರತಿಯಾಗಿ ‘ಜಗಳ ಬಿಡಿಸಲು ಹೋದಾಗ ನಮ್ಮ ಮೇಲೆಯೇ ಹಲ್ಲೆ ನಡೆಸಿದರು’ ಎಂದು ವಿರಾಜ್ ಪ್ರಭಾಕರ್ ಶೆಟ್ಟಿ ಅವರು ರಮೇಶ್ ದುಬಾಶಿ ತಂಡದ ವಿರುದ್ಧ‌ ಕಿಡಿಕಾರಿದ್ದಾರೆ. ‘ಮೇ 29ರ ರಾತ್ರಿ 11:30ರ ಸುಮಾರಿಗೆ ವಿರಾಜ್ ಶೆಟ್ಟಿ ಹಾಗೂ ಅವರ ಸ್ನೇಹಿತ ಅನೂಪ್ ಅವರು ಸುವರ್ಣ ಬ್ಯಾಂಕ್ ಹತ್ತಿರ ಇದ್ದಾಗ ಕಾಶೀನಾಥ ಬೈಂದೂರು ಮತ್ತು ಯಶ್ವಂತ ಬೈಂದೂರು ಅವರು ಅಲ್ಲಿಗೆ ಬಂದಿದ್ದ ಎದುರಾಳಿಗಳೊಂದಿಗೆ ಮಾತನಾಡಲು ಹೋಗಿದ್ದರು. ಈ ವೇಳೆ ಎರಡು ಪಕ್ಷಗಳ ನಡುವೆ ಗಲಾಟೆ ಆರಂಭವಾಗಿತ್ತು. ಇದನ್ನು ಗಮನಿಸಿದ ವಿರಾಜ್ ಶೆಟ್ಟಿ ಹಾಗೂ ಅನೂಪ್ ಜಗಳ ಬಿಡಿಸಲು ಮಧ್ಯಪ್ರವೇಶಿಸಿದಾಗ, ಎದುರು ಪಕ್ಷದ ರಮೇಶ ದುಬಾಶಿ, ಭರತ ದುಭಾಶಿ ಹಾಗೂ ಪಯಾಜ ಚೌಟಿ ಮತ್ತಿತರರು ವಿರಾಜ್‌ನ್ನು ಅಡ್ಡಗಟ್ಟಿ ನಿಲ್ಲಿಸಿ ಅವರನ್ನು ಬಿಡಿಸಲು ಬರಲು ನೀನ್ಯಾರು? ಎಂದು ಏಕವಚನದಲ್ಲಿ ಬೈದಿದ್ದಾರೆ. ಅಲ್ಲದೆ ಕೈಗಳಿಂದ ಆತನ ಮುಖ, ಬೆನ್ನು ಹಾಗೂ ತುಟಿಗೆ ತೀವ್ರವಾಗಿ ಹೊಡೆದು ಗಾಯಗೊಳಿಸಿದ್ದಾರೆ’ ಎಂದು ವಿರಾಜ್ ಶೆಟ್ಟಿ ಅವರು ದೂರಿದ್ದಾರೆ.
- [ಸ್ಮಶಾನಕ್ಕೆ ದಾರಿ ತೋರಿದ ಸೀಬರ್ಡ ಬಸ್ಸು!](https://mobiletime.in/2026/05/the-seabird-bus-showed-the-way-to-the-cemetery/): ಬಳ್ಳಾರಿಯಿಂದ ಗೋವಾಕ್ಕೆ ತೆರಳುತ್ತಿದ್ದ ಸೀಬರ್ಡ್ ಸ್ಲೀಪರ್ ಬಸ್ಸು ಅಂಕೋಲಾದಲ್ಲಿ ಪಲ್ಟಿಯಾಗಿದೆ. ಪರಿಣಾಮ ಪ್ರಯಾಣಿಕರೊಬ್ಬರು ಸಾವನಪ್ಪಿದ್ದಾರೆ. ಜೊತೆಗೆ 21 ಜನ ಗಾಯಗೊಂಡಿದ್ದಾರೆ. 36 ಪ್ರಯಾಣಿಕರಿದ್ದ ಬಸ್ಸು ವೇಗವಾಗಿ ಸಂಚರಿಸಿದ್ದು, ಅದೇ ಅಪಘಾತಕ್ಕೆ ಕಾರಣ. ಬಸ್ ರಸ್ತೆಯಲ್ಲಿ ಉರುಳಿ ಬಿದ್ದಿದ್ದು, ಒಳಗಿದ್ದ ಪ್ರಯಾಣಿಕರು ಕಂಗಾಲಾದರು. ಗಂಭೀರ ಗಾಯಗೊಂಡ ಒಬ್ಬರನ್ನು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ನಡೆದರೂ ಪ್ರಯೋಜನ ಆಗಲಿಲ್ಲ. ಬಸ್ಸಿನ ಒಳಗಿದ್ದ ಪ್ರಯಾಣಿಕರನ್ನು ಸ್ಥಳೀಯರು ಕಿಟಕಿ ಗಾಜುಗಳನ್ನು ಒಡೆದು ಒಳಗಿದ್ದ ಪ್ರಯಾಣಿಕರನ್ನು ಹೊರತೆಗೆದರು. ಗಾಯಗೊಂಡ 21 ಮಂದಿಯನ್ನು ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಪ್ರಾಥಮಿಕ ಚಿಕಿತ್ಸೆ ನೀಡಲಾಗಿದೆ. ಗಂಭೀರವಾಗಿ ಗಾಯಗೊಂಡಿರುವ ಆರು ಮಂದಿಯನ್ನು ಹೆಚ್ಚಿನ ಚಿಕಿತ್ಸೆಗೆ ಕಾರವಾರದ ಕ್ರಿಮ್ಸ್ ಆಸ್ಪತ್ರೆಗೆ ರವಾನಿಸಲಾಗಿದೆ. ಉಳಿದ 15 ಮಂದಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಅವರು ಅಂಕೋಲಾ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಅಪಘಾತದ ರಭಸಕ್ಕೆ ಬಸ್ ರಾಷ್ಟ್ರೀಯ ಹೆದ್ದಾರಿಗೆ ಅಡ್ಡಲಾಗಿ ಬಿದ್ದಿದ್ದರಿಂದ ಯಲ್ಲಾಪುರ–ಅಂಕೋಲಾ ಮಾರ್ಗದಲ್ಲಿ ಕೆಲಕಾಲ ವಾಹನ ಸಂಚಾರ ಸಂಪೂರ್ಣ ಸ್ಥಗಿತಗೊಂಡಿತ್ತು. ಘಟನಾ ಸ್ಥಳಕ್ಕೆ ಧಾವಿಸಿದ ಅಂಕೋಲಾ ಪೊಲೀಸ್ ಠಾಣೆಯ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಕ್ರೇನ್ ಸಹಾಯದಿಂದ ಬಸ್ ತೆರವುಗೊಳಿಸಿ ಸಂಚಾರ ಸುಗಮಗೊಳಿಸಲು ಹರಸಾಹಸ ಪಟ್ಟರು.
- ['ಉನ್ನತ ಹುದ್ದೆಗೆ ಸ್ಪರ್ಧಾತ್ಮಕ ಪರೀಕ್ಷೆ ಸಹಕಾರಿ'](https://mobiletime.in/2026/05/competitive-examination-is-helpful-for-high-positions/): ಅಂಕೋಲಾ ಕಾಕರಮಠದ ವಿಠೋಬ ಕೃಪಾ ಸಭಾಮಂಟಪದಲ್ಲಿ ಕನ್ನಡ ವೈಶ್ಯ ವಿದ್ಯಾನಿಧಿಯ 109ನೇ ‘ವಾರ್ಷಿಕ ಮಹಸಭೆ’ ಮತ್ತು ವಾರ್ಷಿಕೋತ್ಸವ ಸಮಾರಂಭ’ ನಡೆದಿದೆ. ಸರ್ವೋಚ್ಛ ನ್ಯಾಯಾಲಯದ ನ್ಯಾಯವಾದಿ ಗುರುದತ್ತ ಅಂಕೋಲೆಕರ್ ಕಾರ್ಯಕ್ರಮ ಉದ್ಘಾಟಿಸಿ, ಅಢಾವೆ ಪತ್ರಿಕೆ ಬಿಡುಗಡೆಗೊಳಿಸಿ ಮಾತನಾಡಿದ್ದಾರೆ ‘ಸಮಾಜ ಬಾಂಧವರು ವೈಶ್ಯ ಸಮಾಜದ ಹಿನ್ನೆಲೆ ನಮ್ಮ ಪೂರ್ವಜರು ನಡೆಸಿಕೊಂಡು ಬಂದ ಭಾಷೆ, ರೂಢಿ, ಸಂಪ್ರದಾಯ, ಮೌಲ್ಯಗಳು ಬದಲಾಗದಂತೆ ಅನುಸರಿಸಿಕೊಂಡು ಹೋಗಬೇಕು.‌ ಸಮಾಜದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಸಹಾಯ ನೀಡುವದರಿಂದ ಭವಿಷ್ಯದ ದಿನಗಳಲ್ಲಿ ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಉತ್ತೀರ್ಣಗೊಂಡು ಉನ್ನತ ಹುದ್ದೆಗೆ ಏರಲು ಸಹಾಯಕಾರಿಯಾಗಲಿದೆ’ ಎಂದವರು ಹೇಳಿದ್ದಾರೆ. ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ಮುಂಬೈ ಉಚ್ಛ ನ್ಯಾಯಾಲಯದ ನ್ಯಾಯವಾದಿ ನಾಗರಾಜ ವೆಂಕಟೇಶ ಹೊಸ್ಕೇರಿ ಮಾತನಾಡಿ ‘ನನ್ನ ತಾಯಿಯ ಶಿಸ್ತಿನ ಜೀವನವೆ ನನಗೆ ಮಾದರಿ. ಆದರ್ಶ, ಕ್ರಿಯಾಶೀಲತೆ, ಮಾನವೀಯ ಮೌಲ್ಯಗಳು ಇವು ತಾಯಿಯಿಂದ ತಮಗೆ ಬಂದ ಸಂಸ್ಕಾರ’ ಎಂದು ಸ್ಮರಿಸಿದರು. ಮಂಗಳೂರಿನ ಎನ್.ಎಂ.ಪಿ.ಎ ಮುಖ್ಯ ವೈದ್ಯಾಧಿಕಾರಿ ಡಾ.ಸುರೇಖಾ ನಾಗರಾಜ ಹೊಸ್ಕೇರಿ ಮಾತನಾಡಿ ‘ವಾರ್ಷಿಕೋತ್ಸವ ಎಂದರೆ ಕೇವಲ ಒಂದು ಆಚರಣೆ ಅಷ್ಟೇ ಅಲ್ಲ, ಇದು ವರ್ಷಪೂರ್ವ ವಿದ್ಯಾರ್ಥಿಗಳ ಶ್ರಮ ಮತ್ತು ಪ್ರತಿಭೆಯ ಪ್ರತಿಬಿಂಬವಾಗಿದೆ. ವಿದ್ಯಾರ್ಥಿಗಳಲ್ಲಿರುವ ಆತ್ಮವಿಶ್ವಾಸ, ಉತ್ಸಾಹ, ಸೃಜನಶೀಲತೆ ನೋಡಿದಾಗ ತುಂಬಾ ಸಂತೋಷ ಎನಿಸುತ್ತದೆ. ಇವತ್ತಿನ ದಿನಗಳಲ್ಲಿ ವಿದ್ಯಾರ್ಥಿಗಳು ಕೇವಲ ಶಿಕ್ಷಣ ಪಡೆದರೆ ಸಾಲದು ಬಹುಮುಖಿ ಪ್ರತಿಭಾ ಸಂಪನ್ನರಾಗಬೇಕು’ ಎಂದರು. ಕನ್ನಡ ವೈಶ್ಯ ವಿದ್ಯಾನಿಧಿಯ ಅಧ್ಯಕ್ಷ ಸಂಜೀವಕುಮಾರ ವೆಂಕಟೇಶ ಹೊಸ್ಕೇರಿ ಅಧ್ಯಕ್ಷತೆ ವಹಿಸಿ ಮಾತನಾಡಿ ‘ನಮ್ಮದು ಸಮಾಜ ಚಿಕ್ಕ ಸಮಾಜವಾದರೂ ಎಲ್ಲ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದವರು ನಮ್ಮಲ್ಲಿ ಇದ್ದಾರೆ. ಸಮಾಜ ಬಾಂಧವರು ಎಲ್ಲರೂ ಒಂದುಗೂಡಿ ಪ್ರತಿಭೆಗಳನ್ನು ಒಟ್ಟುಗೂಡಿಸಿ ಎಲ್ಲರನ್ನು ಮುಖ್ಯ ವಾಹಿನಿಗೆ ತರುವಂತಹ, ಯಾವುದೇ ಪ್ರತಿಭಾವಂತ ವಿದ್ಯಾರ್ಥಿಗಳು ಶಿಕ್ಷಣದಿಂದ ವಂಚಿತರಾಗದಂತೆ ನೋಡಿಕೊಳ್ಳುವುದು ವಿದ್ಯಾನಿಧಿಯ ಜವಾಬ್ದಾರಿಯಾಗಿದೆ’ ಎಂದರು. ಈ ಸಂದರ್ಭದಲ್ಲಿ ಗುರುದತ್ತ ಅಂಕೋಲೆಕರ್, ಸವಿತಾ ಅಂಕೋಲೆಕರ್, ನಾಗರಾಜ ಹೊಸ್ಕೇರಿ, ಸುರೇಖಾ ಹೊಸ್ಕೇರಿ ಅವರನ್ನು ಸನ್ಮಾನಿಸಲಾಯಿತು. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ 12 ಜನ ಸಾಧಕರನ್ನು ಸನ್ಮಾನಿಸಲಾಯಿತು. SSLC, PUC ಯಲ್ಲಿ ಪ್ರಥಮ ಸ್ಥಾನಗಳಿಸಿದ, ಶೇಕಡಾ 90 ಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದ ಹಾಗೂ ಉನ್ನತ ವ್ಯಾಸಂಗದಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿ, ವಿದ್ಯಾರ್ಥಿನಿಯರು, ಕ್ರೀಡಾ ಹಾಗೂ ಶೈಕ್ಷಣಿಕ ಚಟುವಟಿಕೆಗಳಲ್ಲಿ ಸಾಧನೆ ಮಾಡಿದವರನ್ನು ಪುರಸ್ಕರಿಲಾಯಿತು. ಸಮಾಜದ ಹಿರಿಯ ದಂಪತಿಗಳನ್ನು ಗೌರವಿಸಲಾಯಿತು. ವಿದ್ಯಾನಿಧಿಯ ವಾರ್ಷಿಕ ಮಹಾಅಧಿವೇಶನದಲ್ಲಿ ಒಂದು ಕೋಟಿ ಎರಡು ಲಕ್ಷಕ್ಕೂ ಅಧಿಕ ಆಯ-ವ್ಯಯವನ್ನು ಮಂಡಿಸಲಾಯಿತು. ವಿದ್ಯಾನಿಧಿಗೆ ಶಾಸನಬದ್ಧವಾಗಿ ನಿರ್ದೇಶಕರ ಆಯ್ಕೆ ಪ್ರಕ್ರಿಯೆ ನಡೆಯಿತು. ರಮೇಶ ನಾಯ್ಕ ನೇತೃತ್ವದ ತಂಡದವರು ನಿರ್ದೇಶಕರ ಆಯ್ಕೆ ಪ್ರಕ್ರಿಯೆಯನ್ನು ವ್ಯವಸ್ಥಿತವಾಗಿ ನಿರ್ವಹಿಸಿದರು. ಸತೀಶ ಪದ್ಮನಾಭ ಶೆಟ್ಟಿ ಮಹಾಅಧಿವೇಶನದ ಅಧ್ಯಕ್ಷತೆ ವಹಿಸಿದ್ದರು. ನಿರ್ದೇಶಕರಾದ ವಿಠ್ಠಲ ದುರ್ಗ ಶೆಟ್ಟಿ, ಗಣಪತಿ ಹನುಮಂತ ಶೆಟ್ಟಿ, ವೆಂಕಟೇಶ ಗಜಾನನ ಕಾಕರಮಠ, ಸಂತೋಷ ನಾಗಪ್ಪ ಬಂಡಿಕಟ್ಟೆ, ಮಹೇಶ ದತ್ತಾತ್ರೇಯ ಶೆಟ್ಟಿ, ಸ್ಥಾನಿಕ ಲೆಕ್ಕ ತಪಾಸಕ ಶ್ರೀನಿವಾಸ ದಾಮೋದರ ಶೆಟ್ಟಿ ಉಪಸ್ಥಿತರಿದ್ದರು. ಶ್ರೇಯಾ ಶ್ರೀನಿವಾಸ ಶೆಟ್ಟಿ ಪ್ರಾರ್ಥಿಸಿದರು. ಉಪಾಧ್ಯಕ್ಷ ಅಶೋಕ ಶಾಂಬಾ ಶೆಟ್ಟಿ ಸ್ವಾಗತಿಸಿದರು. ಶ್ರೀನಿವಾಸ ದಾಮೋದರ ಶೆಟ್ಟಿ ವಾರ್ಷಿಕ ವರದಿಯನ್ನು ಮಂಡಿಸಿದರು. ನಿರ್ದೇಶಕಿ ಗೀತಾ ಗುರುನಾಥ ಶೆಟ್ಟಿ, ಕಾರ್ಯದರ್ಶಿ ಗಿರೀಶ ರಮೇಶ ಶೆಟ್ಟಿ ಕಾರ್ಯಕ್ರಮ ನಿರ್ವಹಿಸಿದರು. ನಿರ್ದೇಶಕ ಸದಾನಂದ ರಾಮಯ್ಯ ಶೆಟ್ಟಿ ವಂದಿಸಿದರು.
- [ಮುರುಡೇಶ್ವರ: ಮೂರು ವರ್ಷದ ಮಗು ಅಪಹರಣ!](https://mobiletime.in/2026/05/murudeshwar-three-year-old-child-kidnapped/): ಮುರ್ಡೇಶ್ವರದಲ್ಲಿ ಮೂರು ವರ್ಷದ ಮಗು ಕಳ್ಳತನವಾಗಿದೆ. ಗಂಡ-ಹೆಂಡತಿ ನಡುವೆ ಮಲಗಿ ನಿದ್ರಿಸುತ್ತಿದ್ದ ಮಗುವನ್ನು ದುಷ್ಕರ್ಮಿಗಳು ಅಪಹರಿಸಿದ್ದಾರೆ! ಮಹಾರಾಷ್ಟ್ರದ ಸೊಲ್ಲಾಪುರ ಮೂಲದ ಶೋಭಾ ಕುಮಾರಿ (35) ಅವರು ಊರೂರು ತಿರುಗಿ ಗುಜುರಿ ಸಂಗ್ರಹಿಸಿ ಜೀವನ ನಡೆಸುತ್ತಿದ್ದಾರೆ. ಎರಡು ವಾರಗಳ ಹಿಂದೆ ಅವರು ಮುರ್ಡೇಶ್ವರಕ್ಕೆ ಬಂದು ರೈಲು ನಿಲ್ದಾಣದ ಸಮೀಪ ವಾಸವಾಗಿದ್ದು, ರಸ್ತೆ ಬದಿಯಲ್ಲಿರುವ ಅಂಗಡಿಯೊಂದರ ಮುಂದೆ ರಾತ್ರಿ ಮಲಗುತ್ತಿದ್ದರು. ಮೇ 28ರ ರಾತ್ರಿ ಊಟ ಮುಗಿಸಿದ ಬಳಿಕ ಶೋಭಾ ಕುಮಾರಿ ಅವರು ತಮ್ಮ‌ ಪತಿ ಹಾಗೂ ಪುತ್ರನೊಂದಿಗೆ ರಾತ್ರಿ 11 ಗಂಟೆ ಸುಮಾರಿಗೆ ಮಲಗಿದ್ದರು. ಮಗುವನ್ನು ದಂಪತಿ ತಮ್ಮ ಮಧ್ಯದಲ್ಲಿ ಮಲಗಿಸಿಕೊಂಡಿದ್ದರು. ಮುಂಜಾನೆ ಸುಮಾರು 3 ಗಂಟೆಗೆ ಎಚ್ಚರವಾದಾಗ ಮಗು ತಮ್ಮ ಮಧ್ಯದಲ್ಲೇ ಮಲಗಿರುವುದನ್ನು ಶೋಭಾ ಕುಮಾರಿ ಅವರು ಗಮನಿಸಿದ್ದರು. ಆದರೆ, ಬೆಳಿಗ್ಗೆ ಸುಮಾರು 6 ಗಂಟೆಗೆ ಮತ್ತೆ ಎಚ್ಚರವಾದಾಗ ಮಗು ಕಾಣೆಯಾಗಿತ್ತು. ಬಳಿಕ ಸುತ್ತಮುತ್ತ ಎಲ್ಲೆಡೆ ಹುಡುಕಾಟ ನಡೆಸಿದರೂ ಮಗುವಿನ ಸುಳಿವು ಸಿಗಲಿಲ್ಲ. ದಂಪತಿ ಜೊತೆ ಮಗುವೂ ಗಾಢ ನಿದ್ರೆಯಲ್ಲಿದ್ದ ವೇಳೆ ಅಪರಿಚಿತರು ಮಗುವನ್ನು ಅಪಹರಿಸಿ ಕೊಂಡೊಯ್ದಿರುವ ಸಾಧ್ಯತೆ ಇದೆ ಎಂದು ಶೋಬಾ ಕುಮಾರಿ ಅವರು ಹೇಳಿದ್ದಾರೆ.
- [ಸಂತ್ರಸ್ತರಿಗೆ ಸಹಾಯ ಮಾಡಿದ ಸರ್ಕಾರ](https://mobiletime.in/2026/05/the-government-helped-the-victims/): ಭಟ್ಕಳದ ಶಿರಾಲಿ ಆಲ್ವೆಕೋಡಿ ಬಳಿ ಚಿಪ್ಪೆಕಲ್ಲು ಆರಿಸಲು ನದಿಗೆ ಹೋಗಿ ನೀರು ಪಾಲಾದವರ ಕುಟುಂಬಕ್ಕೆ ಸರ್ಕಾರದಿಂದ ಪರಿಹಾರ ಸಿಕ್ಕಿದೆ. ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿ ಸಚಿವ ಮಂಕಾಳು ವೈದ್ಯ ಅವರು ಈ ಪರಿಹಾರ ನೀಡಿದ್ದಾರೆ. ಢಭಟ್ಕಳ ತಾಲೂಕಿನ ಶಿರಾಲಿಯ ಅಳ್ವೆಕೋಡಿ ಸಮೀಪ ನದಿಯಲ್ಲಿ ಚಿಪ್ಪೆಕಲ್ಲು ತೆಗೆಯಲು ಹೋಗಿ ನೀರಿನಲ್ಲಿ ಮುಳಗಿ ಮೃತಪಟ್ಟ 11 ಮಂದಿಯ ಅವಲಂಬಿತರ ಮನೆಗಳಿಗೆ ತೆರಳಿ ಮೃತಪಟ್ಟವರ ವಾರಿಸುದಾರರಿಗ16,50,000ರೂ ಗಳ ಪರಿಹಾರದ ಚೆಕ್ ನ್ನು ಜಿಲ್ಲಾ ಉಸ್ತುವಾರಿ ಸಚಿವರಾಗಿದ್ದ ಮಂಕಾಳ ಎಸ್ ವೈದ್ಯ ಶುಕ್ರವಾರ ವಿತರಿಸಿದರು ಬಳಿಕ ಮಾತನಾಡಿದ ಅವರು, ಭಟ್ಕಳದಲ್ಲಿ ನಡೆದ ಕಪ್ಪೆ ಚಿಪ್ಪು ದುರಂತದಲ್ಲಿ ಮೃತ ಪಟ್ಟ 11 ಮಂದಿಗೆ ಪ್ರತಿಯೊಬ್ಬರಿಗೂ ರಾಜ್ಯ ರ‍್ಕಾರ ರೂ. 5 ಲಕ್ಷದಂತೆ ಪರಿಹಾರ ಘೋಷಿಸಿದ್ದ ಒಟ್ಟು ರೂ.55 ಲಕ್ಷ ಹಾಗೂ ಮೀನುಗಾರಿಕೆ ಇಲಾಖೆ ವತಿಯಿಂದ ತಲಾ 10 ಲಕ್ಷದಂತೆ ಒಟ್ಟು 1 ಕೋಟಿ 10 ಲಕ್ಷ ರೂಪಾಯಿ ಹಾಗೂ ಜನತಾ ಕೋ ಆಪರೇಟಿವ್ ಬ್ಯಾಂಕ ನಿಂದ ರೂ.50,000 ಮತ್ತು ವೈಯಕ್ತಿಕವಾಗಿ ಪ್ರತಿ ಕುಟುಂಬಕ್ಕೆ 1 ಲಕ್ಷ ಗಳ ಸಹಾಯಧನ ನೀಡಲಾಗಿದ್ದು, ಮನೆ ಇಲ್ಲ ಎಂದವರಿಗೆ ವೈಯಕ್ತಿಕವಾಗಿ 5 ಲಕ್ಷ ರೂ ನೀಡಿದ್ದು, ಮನೆ ಒದಗಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದರು. ಈ ಭಾಗದಲ್ಲಿ ನದಿಯಲ್ಲಿ ಕಪ್ಪೆಚಿಪ್ಪು ತೆಗೆಯುವುದು ಹಿಂದಿನಿಂದಲೂ ಪಾರಂಪರಿಕವಾಗಿ ಬಂದ ವೃತ್ತಿಯಾಗಿದ್ದು, ನದಿಯಲ್ಲಿ ಕಲ್ಲಿನ ಮೇಲೆ ಕಪ್ಪೆಚಿಪ್ಪುಗಳು ಇರುವುದನ್ನು ತೆಗೆಯಲು ಹೋದಾಗ ಒಬ್ಬರು ಆಳವಾದ ನೀರಿನಲ್ಲಿ ಮುಳುಗಿದಾಗ ಅವರನ್ನು ಕಾಪಾಡಲು ಹೋಗಿ ಎಲ್ಲರೂ ನೀರಿನಲ್ಲಿ ಮುಳುಗಿ ಮೃತ ಪಟ್ಟಿದ್ದಾರೆ. ಇಂತಹ ಅನಾಹುತಗಳ ಮರುಕಳಿಸದಂತೆ ಮುಂಜಾಗ್ರತ ಕ್ರಮವಿಲ್ಲದೇ ಯಾರೂ ನದಿಗೆ ಇಳಿಯದಂತೆ ಸೂಚನೆ ನೀಡಲಾಗಿದೆ ಎಂದರು. ಮೃತ ಅವಲಂಬಿತರ ಕುಟುಂಬದಲ್ಲಿನ ಒಬ್ಬರಿಗೆ ಸಹಕಾರಿ ಬ್ಯಾಂಕ್‌ನಲ್ಲಿ ಉದ್ಯೋಗ ನೀಡುವ ಬಗ್ಗೆ ಚಿಂತನೆ ನಡೆಸಿದ್ದು, ಕುಟುಂದವರಿಗೆ ರ‍್ಕಾರದ ವತಿಯಿಂದ ಅಗತ್ಯವಿರುವ ಎಲ್ಲಾ ರೀತಿಯ ಸಹಾಯ ಸಹಕಾರ ಒದಗಿಸಲಾಗುವುದು. ಮೃತ ಕುಟುಂಬದ ಮಕ್ಕಳ ವಿದ್ಯಾಭ್ಯಾಸದ ಸಂಪರ‍್ಣ ಜವಾಬ್ದಾರಿ ಈ ಭಾಗದ ಶಾಸಕನಾಗಿ ನಾನು ವಹಿಸಿಕೊಳ್ಳಲಿದ್ದು, ಈ ಭಾಗದ ಜನರು, ಸಂಘ ಸಂಸ್ಥೆಗಳು, ದಾನಿಗಳೂ ಮೃತ ಕುಟುಂಬದ ಅವಲಂಬಿತರಿಗೆ ಸಹಾಯ ಹಸ್ತ ನೀಡಲು ಮುಂದಾಗಬೇಕು ಎಂದರು.
- [ಶುದ್ಧ ನೀರು ಪೂರೈಕೆಗೆ ಸ್ಕೋಡ್‌ವೆಸ್ ಸಹಯೋಗ](https://mobiletime.in/2026/05/skodves-collaboration-for-clean-water-supply/): `ದೈಹಿಕ ಮಾನಸಿಕ ಆರೋಗ್ಯ ಕಾಪಾಡುವಲ್ಲಿ ನೀರು ಪ್ರಮುಖ ಪಾತ್ರ ವಹಿಸುತ್ತದೆ’ ಎಂದು ಬೆಂಗಳೂರಿನ ನಾರಾಯಣ ಹೆಲ್ತ್ ಸಂಸ್ಥೆಯ ಸಿಎಸ್‌ಆರ್ ವಿಭಾಗದ ಡೆಪ್ಯೂಟಿ ಮ್ಯಾನೇಜರ್ ಮುತ್ತರಾಜ್ ಹೇಳಿದ್ದಾರೆ. ಶಿರಸಿಯ ಸಾಲ್ಕಣಿ ಗಣೇಶನಗರದ ಶ್ರೀ ಲಕ್ಷಿನರಸಿಂಹ ಪ್ರೌಢಶಾಲೆ ಹಾಗೂ ಭೂಮಾ ಪ್ರೌಢಶಾಲೆಗಳಲ್ಲಿ ನೂತನವಾಗಿ ಸ್ಥಾಪಿಸಲಾದ ಶುದ್ಧ ಕುಡಿಯುವ ನೀರಿನ ಘಟಕಗಳನ್ನು ಉದ್ಘಾಟಿಸಿದ ಅವರು `ವಿದ್ಯಾರ್ಥಿಗಳಲ್ಲಿ ನೀರಿನಿಂದ ಹರಡುವ ಕಾಯಿಲೆಗಳನ್ನು ತಡೆಯುವ ಉದ್ದೇಶದಿಂದ ನಾರಾಯಣ ಹೆಲ್ತ್ ಹಾಗೂ ಸ್ಕೊಡ್‌ವೆಸ್ ಸಂಸ್ಥೆಯ ಸಹಯೋಗದಲ್ಲಿ ಶುದ್ಧ ನೀರಿನ ಘಟಕ ಸ್ಥಾಪಿಸಲಾಗಿದೆ. ಮಕ್ಕಳ ಮಾನಸಿಕ, ದೈಹಿಕ ಆರೋಗ್ಯ ಕಾಪಾಡುವುದೇ ನಮ್ಮ ಉದ್ದೇಶ’ ಎಂದರು. `ನೀರಿನ ಮಹತ್ವದ ಬಗ್ಗೆ ಅರಿವು ಮೂಡಿಸುವ ಉದ್ದೇಶದಿಂದ ಸ್ಥಾಪಿಸಲಾದ ಶುದ್ಧ ನೀರಿನ ಘಟಕಗಳು ಅತ್ಯಂತ ಉತ್ಕೃಷ್ಟವಾಗಿದ್ದು, ಅವುಗಳನ್ನು ಸರಿಯಾಗಿ ನಿರ್ವಹಿಸುವ ಮೂಲಕ ಎಲ್ಲಾ ವಿದ್ಯಾರ್ಥಿಗಳಿಗೂ ಪ್ರತಿನಿತ್ಯ ಅವಶ್ಯವಿರುವ ಶುದ್ಧ ನೀರು ಪಡೆಯಬೇಕು’ ಎಂದು ಕರೆ ನೀಡಿದರು. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಮಾತನಾಡಿ `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಾಕಷ್ಟು ಮಳೆಯಾಗುತ್ತಿದ್ದರೂ ಹಲವಾರು ಭಾಗಗಳಲ್ಲಿ ಬೇಸಿಗೆಯಲ್ಲಿ ನೀರಿನ ಅಭಾವ ಎದುರಿಸಬೇಕಾದ ಸಂದರ್ಭವಿದೆ. ಹಲವಾರು ಶಾಲೆಗಳಲ್ಲೂ ನೀರಿನ ಅಭಾವದಿಂದ ಮಧ್ಯಾಹ್ನದ ಬಿಸಿಯೂಟಕ್ಕೂ ತೊಂದರೆ ಎದುರಿಸುವ ಸಂದರ್ಭವಿದೆ. ಶುದ್ಧ ನೀರಿನ ಕೊರತೆಯಿಂದ ಅನಾರೋಗ್ಯಕ್ಕೆ ತುತ್ತಾಗಿ ವಿದ್ಯಾರ್ಥಿಗಳು ಗೈರು ಹಾಜರಾಗುತ್ತಿರುವುದು ಗಮನಕ್ಕೆ ಬಂದಿದೆ. ಈ ಹಿನ್ನೆಲೆಯಲ್ಲಿ ಶುದ್ಧ ನೀರಿನ ಘಟಕಗಳನ್ನು ಅಳವಡಿಸಲಾಗುತ್ತಿದೆ’ ಎಂದರು. ಈ ಸಂದರ್ಭದಲ್ಲಿ ಶಿವಮೊಗ್ಗ ನಾರಾಯಣ ಹೆಲ್ತ್ನ ಸೀನಿಯರ್ ಎಕ್ಸಿಕ್ಯೂಟಿವ್ ಆಕಾಶ್ ಕೆ ಸಿ, ಸ್ಕೊಡ್‌ವೆಸ್‌ನ ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ, ಯೋಜನಾ ವಿಭಾಗದ ಮುಖ್ಯಸ್ಥ ವೀರೇಂದ್ರ ಸಿ, ಸಾಲ್ಕಣಿ ಶಾಲೆಯ ಮುಖ್ಯೋಪಾಧ್ಯಾಯ ಪ್ರಶಾಂತ್ ಭಟ್, ಗಣೇಶ ನಗರ ಶಾಲೆಯ ಮುಖ್ಯೋಪಾಧ್ಯಾಯ ತೇಲು ಬೋರ್‌ಕರ್, ಶಾಲಾ ಶಿಕ್ಷಕ ಮೋಹನ್ ನಾಯ್ಕ,
- [ಭಟ್ಕಳದಲ್ಲಿ ಬೀಡು ಬಿಟ್ಟ ಬಿಜೆಪಿ: ಪ್ರತಿಭಟನೆ!](https://mobiletime.in/2026/05/bjp-camped-in-bhatkal-protest/): ಭಟ್ಕಳದ ಮುರಿನಕಟ್ಟೆ ಧ್ವಂಸ ಮಾಡಿದ್ದನ್ನು ಖಂಡಿಸಿ ಉತ್ತರ ಕನ್ನಡ ಜಿಲ್ಲಾ ಬಿಜೆಪಿಗರು ಉಗ್ರ ಹೋರಾಟ ನಡೆಸಿದ್ದಾರೆ. ಘಟಾನುಘಟಿ ನಾಯಕರು ಪ್ರತಿಭಟನೆಯಲ್ಲಿ ಭಾಗವಹಿಸಿ ರಾಜ್ಯ ಸರ್ಕಾರದ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಸಮಾಜದ ಸ್ವಾಸ್ಥ್ಯವನ್ನು ಹಾಳು ಮಾಡುವ ಕೆಟ್ಟ ಉದ್ದೇಶದಿಂದ ಯಾವ ಜಾಗದಲ್ಲಿ ಮುರಿನಕಟ್ಟೆಯನ್ನು ಕೆಡವಿ ಹಾಕಲಾಗಿದೆಯೋ ಅದೇ ಜಾಗದಲ್ಲಿ ನಾವು ಮರಳಿ ಕಟ್ಟೆಯನ್ನು ಕಟ್ಟಿಯೇ ಕಟ್ಟುತ್ತೇವೆ’ ಎಂದು ಸಂಸದ ವಿಶ್ವೇಶ್ವರ ಹೆಗಡೆ ಪ್ರತಿಭಟನೆಯಲ್ಲಿ ಹೇಳಿದ್ದಾರೆ. `ನಮ್ಮ ಈ ಹೋರಾಟದಲ್ಲಿ ಯಾವುದೇ ರೀತಿಯ ಭಿನ್ನಾಭಿಪ್ರಾಯಗಳಿಲ್ಲ. ನಾವೆಲ್ಲರೂ ಒಟ್ಟಾಗಿ ಮುನ್ನಡೆಯುತ್ತೇವೆ. ಇದಕ್ಕಾಗಿ ಮುಂದಿನ ಅಧಿವೇಶನದವರೆಗೂ ಕಾಯುವ ಅಗತ್ಯವಿಲ್ಲ. ಕೂಡಲೇ ಅದೇ ಜಾಗದಲ್ಲಿ ಕಟ್ಟೆ ನಿರ್ಮಾಣವಾಗಬೇಕು’ ಎಂದು ಕಾಗೇರಿ ಆಗ್ರಹಿಸಿದರು. ಪೊಲೀಸ್ ಇಲಾಖೆಯ ನಡೆ ಹಾಗೂ ತಾರತಮ್ಯದ ನೀತಿಯನ್ನು ಅವರು ಖಂಡಿಸಿದರು. `ಕೇವಲ ವಾಟ್ಸಪ್ ಸಂದೇಶವನ್ನು ಫಾರ್ವರ್ಡ್ ಮಾಡಿದ ಹಿಂದೂಗಳನ್ನು ತಕ್ಷಣವೇ ಹಿಡಿದುಕೊಂಡು ಹೋಗುವ ಪೊಲೀಸರು ಇಡೀ ಕಟ್ಟೆಯನ್ನು ಧ್ವಂಸ ಮಾಡಿದವರ ವಿರುದ್ಧ ಕಠಿಣ ಕ್ರಮ ಜರುಗಿಸಿಲ್ಲ. ಪೊಲೀಸರ ಮೇಲೆಯೇ ಹಲ್ಲೆ ನಡೆಸಿದ ಸಾವಿರಾರು ಜನರ ಪೈಕಿ ಕೇವಲ ಆರು ಜನರನ್ನು ಮಾತ್ರ ಬಂಧಿಸಿರುವುದು ಯಾವ ನ್ಯಾಯ?’ ಎಂದು ಪ್ರಶ್ನಿಸಿದರು. `ಕೃತ್ಯದಲ್ಲಿ ಭಾಗಿಯಾದ ಪ್ರತಿಯೊಬ್ಬರನ್ನೂ ತಕ್ಷಣವೇ ಬಂಧಿಸಬೇಕು’ ಎಂದು ಅವರು ಒತ್ತಾಯಿಸಿದರು. ವಿಧಾನಸಭೆಯ ವಿರೋಧ ಪಕ್ಷದ ನಾಯಕ ಆರ್ ಸಿಅಶೋಕ ಅವರು ಈ ಪ್ರತಿಭಟನೆಯಲ್ಲಿ ಭಾಗವಹಿಸಿ ಭಾಷಣ ಮಾಡಿದರು. ಹಿಂದೂ ಮುಖಂಡರಾದ ಸುನಿಲ್ ನಾಯ್ಕ, ಗೋವಿಂದ್ ನಾಯ್ಕ ಸೇರಿದಂತೆ 15ಕ್ಕೂ ಹೆಚ್ಚು ಪ್ರಮುಖರು ಶಾಂತವಾಗಿದ್ದರೂ ಅವರ ಮೇಲೆ ರಾಜಕೀಯ ಒತ್ತಡದಿಂದಾಗಿ ಅನಗತ್ಯವಾಗಿ ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ಆಪಾದಿಸಿದರು. ಈ ಬೃಹತ್ ಪ್ರತಿಭಟನಾ ಸಭೆಯಲ್ಲಿ ಮಾಜಿ ಶಾಸಕಿ, ಬಿಜೆಪಿ ರಾಜ್ಯ ಉಪಾಧ್ಯಕ್ಷೆ ರೂಪಾಲಿ ನಾಯ್ಕ, ಬಿಜೆಪಿ ಜಿಲ್ಲಾಧ್ಯಕ್ಷರಾದ ಎನ್.ಎಸ್. ಹೆಗಡೆ, ಮಾಜಿ ಸಚಿವ ಶಿವಾನಂದ ನಾಯ್ಕ, ಮಾಜಿ ಶಾಸಕ ಸುನಿಲ್ ಹೆಗಡೆ ಸೇರಿದಂತೆ ಜಿಲ್ಲೆಯ ಪ್ರಮುಖ ಬಿಜೆಪಿ ಮುಖಂಡರು ಹಾಗೂ ಸಾವಿರಾರು ಕಾರ್ಯಕರ್ತರು ಭಾಗವಹಿಸಿದ್ದರು
- [ದಿವ್ಯ ದೇಗುಲ: ಕಷ್ಟ ದೂರ ಮಾಡುವ ಕರಿಕಾನಮ್ಮ](https://mobiletime.in/2026/05/divine-temple-karikanamma-the-one-who-removes-difficulties/): ಪಶ್ಚಿಮ ಘಟ್ಟಗಳ ಹಸಿರು ಹೊದಿಕೆಯ ನಡುವೆ ಹರಡಿಕೊಂಡಿರುವ ಉತ್ತರ ಕನ್ನಡ ಜಿಲ್ಲೆಯ ನೆಲ ಕೇವಲ ಪ್ರಕೃತಿ ಸೌಂದರ್ಯದಷ್ಟೇ ಅಲ್ಲ. ಅನೇಕ ಪುರಾತನ ದೇವಾಲಯಗಳು, ಐತಿಹಾಸಿಕ ಐತಿಹ್ಯಗಳು ಮತ್ತು ಜನನಂಬಿಕೆಗಳ ಆಳವಾದ ಬೇರುಗಳಿಂದ ಪ್ರಸಿದ್ಧವಾಗಿದೆ. ಸಮುದ್ರ ತೀರದಿಂದ ಬೆಟ್ಟಗಳವರೆಗೆ ಹರಡಿರುವ ಈ ಪ್ರದೇಶದಲ್ಲಿ ಶತಮಾನಗಳ ಇತಿಹಾಸ ಹೊತ್ತ ದೇವಾಲಯಗಳು ಭಕ್ತಿಭಾವದ ಜೊತೆಗೆ ಸಂಸ್ಕೃತಿಯ ಪರಂಪರೆಯನ್ನು ಮುಂದಿನ ಪೀಳಿಗೆಗಳಿಗೆ ಸಾರುತ್ತಿವೆ. ಅಂತಹ ಅಪರೂಪದ, ಆಧ್ಯಾತ್ಮಿಕ ಮಹತ್ವವುಳ್ಳ ಕ್ಷೇತ್ರಗಳಲ್ಲಿ ಹೊನ್ನಾವರ ತಾಲೂಕಿನ ನೀಲಕೋಡು ಗ್ರಾಮದ ದಟ್ಟ ಅರಣ್ಯದ ಮಧ್ಯದಲ್ಲಿರುವ ‘ಶ್ರೀ ಕರಿಕಾನ ಪರಮೇಶ್ವರಿ’ ದೇವಾಲಯವೂ ಒಂದು. ಸಮುದ್ರಮಟ್ಟಕ್ಕಿಂತ ಎತ್ತರದಲ್ಲಿರುವ ಬೆಟ್ಟದ ಶಿಖರದ ಮೇಲೆ ನೆಲೆಗೊಂಡಿರುವ ಈ ದೇವಾಲಯ, ಪ್ರಕೃತಿ ಮತ್ತು ಭಕ್ತಿಯ ಅಪೂರ್ವ ಸಂಗಮವಾಗಿದೆ. 1955ರಲ್ಲಿ ವರದಳ್ಳಿಯ ಶ್ರೀ ಶ್ರೀಧರ ಸ್ವಾಮಿಗಳಿಂದ ಪುನರುತ್ಥಾನಗೊಂಡ ಈ ಕ್ಷೇತ್ರವು, ತನ್ನಲ್ಲಿಗೆ ಬರುವ ಭಕ್ತರ ಕೋರಿಕೆಗಳನ್ನು ಈಡೇರಿಸುವ ದೇವಿಯಾಗಿ ಪ್ರಸಿದ್ಧಿ ಪಡೆದಿದೆ. ಇಲ್ಲಿ ಕುಂಕುಮ, ಬಳೆ, ಸೀರೆ, ಕುಪ್ಪಸಗಳ ಹರಕೆ ಹೊರುವವರ ಸಂಖ್ಯೆ ಅಪಾರ. ವಿಶೇಷವಾಗಿ ಹಳದಿ ಕಾಮಾಲೆ ರೋಗ ನಿವಾರಣೆಗೆ ಅರಿಷಿನ ಮೂಟೆ ಹರಕೆ ಹೊರುವ ಸಂಪ್ರದಾಯ ಇಲ್ಲಿ ವಿಶಿಷ್ಟ ನಂಬಿಕೆಯಾಗಿದ್ದು, ಭಕ್ತರಲ್ಲಿ ಅಪಾರ ವಿಶ್ವಾಸವನ್ನು ಹುಟ್ಟಿಸಿದೆ. ದೇವಾಲಯದ ಸುತ್ತಮುತ್ತ ಹರಡಿರುವ ಹಸಿರು ಕಾಡು, ದೂರದೂರಕ್ಕೂ ಕಾಣುವ ಬೆಟ್ಟಗಳ ಸಾಲುಗಳು, ಹಾಗೂ ಸಮುದ್ರದ ತೀರದ ನೋಟ ಈ ಕ್ಷೇತ್ರದ ವೈಶಿಷ್ಟ್ಯವನ್ನು ಮತ್ತಷ್ಟು ಹೆಚ್ಚಿಸುತ್ತವೆ. ಇಲ್ಲಿ ಸೂರ್ಯೋದಯ ಮತ್ತು ಸೂರ್ಯಾಸ್ತವನ್ನು ವೀಕ್ಷಿಸುವ ಅನುಭವವೇ ಭಕ್ತರಿಗೆ ಆಧ್ಯಾತ್ಮಿಕ ತೃಪ್ತಿಯ ಜೊತೆಗೆ ಪ್ರಕೃತಿಯ ಅದ್ಭುತವನ್ನು ಮನದಟ್ಟು ಮಾಡಿಸುತ್ತದೆ. ಕರಿಕಾನಮ್ಮ ದೇವಸ್ಥಾನದಿಂದ ಸುಮಾರು ಒಂದು ಕಿಲೋಮೀಟರ್ ದೂರದಲ್ಲಿರುವ ‘ವಂದಡಿಕೆ’ ಎಂಬ ಪುಟ್ಟ ಶಿವಾಲಯವೂ ಈ ಕ್ಷೇತ್ರದ ಇನ್ನೊಂದು ವಿಶೇಷ ಆಕರ್ಷಣೆ. ಸದಾ ಒಂದೇ ಅಡಿಕೆ ಮರ ಇರುವುದರಿಂದ ‘ಒಂದಡಿಕೆ’ ಎಂಬ ಹೆಸರಿನಿಂದ ಪ್ರಸಿದ್ಧಿಯಾದ ಈ ಸ್ಥಳದಲ್ಲಿ, ನಿರಾವರಣವಾಗಿರುವ ಶಿವಲಿಂಗದ ಮೇಲೆ ಸದಾಕಾಲ ಜಲಧಾರೆ ಸುರಿಯುತ್ತಿರುತ್ತದೆ. ಮೇಲ್ಭಾಗದಲ್ಲಿ ಅಡಿಕೆಯಂತೆ ಚಿಕ್ಕದಾಗಿ ಕಾಣುವ ಈ ಲಿಂಗದ ಬುಡವು ಬ್ರಹ್ಮಾಂಡವನ್ನೇ ಆವರಿಸಿದೆ ಎಂಬ ನಂಬಿಕೆ ಭಕ್ತರಲ್ಲಿ ಇದೆ. ಈ ಕ್ಷೇತ್ರದ ಮಹಿಮೆಗಳನ್ನು ವಿವರಿಸುವ ಅನೇಕ ಜನಪದ ಕಥೆಗಳು ಇಂದಿಗೂ ಜೀವಂತವಾಗಿವೆ. ಅವುಗಳಲ್ಲಿ ಪ್ರಮುಖವಾದದ್ದು, ಅರ್ಚಕರ ಗೋವುಗಳ ಘಟನೆ. ಒಂದು ದಿನ ಮೇಯಲು ಹೋದ ಗೋವುಗಳು ಸಂಜೆಯಾದರೂ ಮರಳಿ ಬಾರದಿದ್ದಾಗ, ಕಳವಳಗೊಂಡ ಅರ್ಚಕರು ದೇವಿಯ ಮೊರೆ ಹೊಕ್ಕು ಪ್ರಾರ್ಥನೆ ಮಾಡುತ್ತಾರೆ. ಸ್ವಲ್ಪ ಸಮಯದಲ್ಲೇ ಗೋವುಗಳು ಮರಳಿ ಬರುತ್ತವೆ. ಆದರೆ ಆ ರಾತ್ರಿ ಗೋವುಗಳನ್ನು ಕಟ್ಟುವಾಗ ತಪ್ಪಾಗಿ ಒಂದು ದೊಡ್ಡ ಹುಲಿಯನ್ನು ಗೋವು ಎಂದುಕೊಂಡು ಕಟ್ಟಿಬಿಡುತ್ತಾರೆ. ಬೆಳಿಗ್ಗೆ ವಿಷಯ ತಿಳಿದು ಭಯಗೊಂಡ ಅರ್ಚಕರು ದೇವಿಯ ತೀರ್ಥ-ಪ್ರಸಾದವನ್ನು ಹುಲಿಯ ಮೇಲೆ ಎರಚಿದಾಗ, ಅದು ವಿಧೇಯವಾಗಿ ಶಾಂತವಾಗುತ್ತದೆ. ಕೊನೆಗೆ ಹಗ್ಗವನ್ನು ಬಿಚ್ಚುತ್ತಿದ್ದಂತೆಯೇ ದೇವಾಲಯದ ಕಡೆಗೆ ಕ್ಷಣಕಾಲ ನೋಡಿದ ಹುಲಿ ಅರಣ್ಯದಲ್ಲಿ ಮರೆಯಾಗುತ್ತದೆ. ಈ ಘಟನೆ ಬಳಿಕ ದೇವಿಯ ಪರಿವಾರದಲ್ಲಿ ‘ಹುಲಿಯಪ್ಪ’ನಿಗೂ ಸ್ಥಾನ ದೊರೆತು, ದೇವಾಲಯದ ಮುಂದೆ ಅದರ ಮೂರ್ತಿಯನ್ನು ಸ್ಥಾಪಿಸಿ ಪೂಜೆ ಸಲ್ಲಿಸಲಾಗುತ್ತದೆ. ಇಂತಹ ಪೌರಾಣಿಕ ಮಹಿಮೆ, ಪ್ರಕೃತಿಯ ವೈಭವ ಮತ್ತು ಭಕ್ತಿಯ ಪರಂಪರೆ ಒಂದೇ ಸ್ಥಳದಲ್ಲಿ ಸೇರುವ ಕರಿಕಾನ ಪರಮೇಶ್ವರಿ ಕ್ಷೇತ್ರವು ಉತ್ತರ ಕನ್ನಡ ಜಿಲ್ಲೆಯ ಆಧ್ಯಾತ್ಮಿಕ ಸಂಪತ್ತಿನ ಒಂದು ಅಮೂಲ್ಯ ರತ್ನ. ಇಲ್ಲಿ ಭೇಟಿ ನೀಡುವ ಪ್ರತಿಯೊಬ್ಬ ಭಕ್ತನಿಗೂ ಇದು ಕೇವಲ ದೇವಾಲಯವಲ್ಲ, ಪ್ರಕೃತಿ ಮತ್ತು ದೈವದ ನಡುವೆ ಇರುವ ಅನನ್ಯ ಅನುಭವದ ತಾಣವಾಗುತ್ತದೆ. ಎಲ್ಲಕ್ಕಿಂತ ಹೆಚ್ಚಾಗಿ, ಇಲ್ಲಿನ ಪ್ರಕೃತಿ ಸೌಂದರ್ಯ, ಶಾಂತ ವಾತಾವರಣ, ಹೊರಜಗತ್ತಿನ ಗದ್ದಲವಿಲ್ಲದ ಏಕಾಂತ ಪರಿಸರ ಹೊಸ ಅನುಭವ ಮೂಡಿಸುತ್ತದೆ.
- [ಭಟ್ಕಳ ಗಲಭೆ: 40 ಜನರಿಗೆ ಸಂಕಷ್ಟ!](https://mobiletime.in/2026/05/bhatkal-riots-40-people-injured-by-police/): ​ಭಟ್ಕಳದ ಮುರಿನಕಟ್ಟೆ ವಿವಾದಕ್ಕೆ ಸಂಬಂಧಿಸಿದಂತೆ ಭಟ್ಕಳ ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಅನೇಕ  ಅಹಿತಕರ ಘಟನೆಗಳು ನಡೆದಿವೆ. ಈ ಹಿನ್ನೆಲೆಯಲ್ಲಿ ಪೊಲೀಸರು ಕಠಿಣ ಕಾನೂನು ಕ್ರಮ ಕೈಗೊಂಡಿದ್ದು, ಈವರೆಗೆ 40ಜನರನ್ನು ವಶಕ್ಕೆಪಡೆದು ವಿಚಾರಣೆ ನಡೆಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಪ್ರಚೋದನಾಕಾರಿ ವಿಡಿಯೋ ಹರಿಬಿಟ್ಟಿದ್ದ ಮುಖ್ಯ ಆರೋಪಿಯನ್ನು ಬಂಧಿಸಲಾಗಿದೆ. ​ರಾಷ್ಟ್ರೀಯ ಹೆದ್ದಾರಿ 66 ರ ಅಗಲೀಕರಣ ಕಾಮಗಾರಿಯ ಹಿನ್ನೆಲೆಯ ಶಿರಸಿ ಮಾರಿಕಾಂಬೆ ಅಮ್ಮನವರ ಹೊರೆ ಇಡುವ ಮೂಲ ಮುರಿನಕಟ್ಟೆಯನ್ನು ಸ್ಥಳಾಂತರಿಸುವ ಉದ್ದೇಶವಿತ್ತು. ಇದಕ್ಕಾಗಿ ರಾಷ್ಟ್ರೀಯ ಹೆದ್ದಾರಿ ಪಕ್ಕದಲ್ಲಿರುವ ಸರ್ಕಾರಿ ಜಾಗದಲ್ಲಿ ಹೊಸ ಕಟ್ಟಡವೊಂದನ್ನು ನಿರ್ಮಿಸಲಾಗುತ್ತಿತ್ತು. ಮೇ‌24ರ ರಾತ್ರಿ ವೇಳೆ ಕೆಲವು ಕಿಡಿಗೇಡಿಗಳು ಅಕ್ರಮ ಕೂಟವನ್ನು ಕಟ್ಟಿಕೊಂಡು ಬಂದು ಹೆದ್ದಾರಿ ಸಂಚಾರಕ್ಕೆ ಅಡ್ಡಿಪಡಿಸಿದ್ದಾರೆ. ಅಲ್ಲದೆ, ನಿರ್ಮಾಣ ಹಂತದಲ್ಲಿದ್ದ ಹೊಸ ಕಟ್ಟೆಯನ್ನು ಕೆಡವಿ ಹಾನಿ ಮಾಡಿದ್ದಾರೆ. ಇದನ್ನು ತಡೆಯಲು ಹೋದ ಪೊಲೀಸ್ ಅಧಿಕಾರಿ ಹಾಗೂ ಸಿಬ್ಬಂದಿಯ ಕರ್ತವ್ಯಕ್ಕೆ ಅಡ್ಡಿಪಡಿಸಿ, ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಘಟನೆಯನ್ನು ಮೊಬೈಲ್‌ನಲ್ಲಿ ವಿಡಿಯೋ ಚಿತ್ರೀಕರಣ ಮಾಡುತ್ತಿದ್ದ ಸಾರ್ವಜನಿಕರೊಬ್ಬರ ಫೋನ್ ಕಿತ್ತುಕೊಂಡು ಅವರ ಮೇಲು ದುಷ್ಕರ್ಮಿಗಳು ಹಲ್ಲೆ ಮಾಡಿದ್ದಾರೆ. ಈ ಹಿನ್ನಲೆ ಪೊಲೀಸರು ​5 ಕ್ರಿಮಿನಲ್ ಪ್ರಕರಣ ದಾಖಲು‌ ಮಾಡಿದ್ದು, 40ಜನರನ್ನು ವಶಕ್ಕೆಪಡೆದು ವಿಚಾರಣೆ ನಡೆಸಿದ್ದಾರೆ. ​ ​ಹೆದ್ದಾರಿ ಪಕ್ಕದಲ್ಲಿ ಕಟ್ಟಡ ನಿರ್ಮಾಣವಾಗುತ್ತಿದ್ದ ಸಮಯದಲ್ಲಿ ವಿಡಿಯೋ ಚಿತ್ರೀಕರಣ ಮಾಡಿಕೊಂಡು, ಸಾರ್ವಜನಿಕರನ್ನು ಪ್ರಚೋದಿಸುವ ರೀತಿಯಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಾರ ಮಾಡಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಬಂಧಿತನನ್ನು ಭಟ್ಕಳದ ಆಜಾದ್‌ ನಗರದ ನಿವಾಸಿ ಮೋತೀಬ್ ಮಹಮ್ಮದ್ (ತಂದೆ ಮಹಮ್ಮದ್ ಅಶ್ರಫ್) ಎಂದು ಗುರುತಿಸಲಾಗಿದ್ದು, ಆತನ ವಿರುದ್ಧ ಕ್ರಿಮಿನಲ್ ಪ್ರಕರಣ ದಾಖಲಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ​ಭಟ್ಕಳದಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ಮುಂದುವರೆದಿದೆ.‌​ಸದ್ಯ ಭಟ್ಕಳ ನಗರದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಲು ಮತ್ತು ಶಾಂತಿ ನೆಲೆಸುವಂತೆ ಮಾಡಲು ಬೃಹತ್ ಪೊಲೀಸ್ ಪಡೆಯನ್ನು ನಿಯೋಜಿಸಲಾಗಿದೆ. ಒಟ್ಟು 850 ಪೊಲೀಸ್ ಅಧಿಕಾರಿ ಹಾಗೂ ಸಿಬ್ಬಂದಿ ಭದ್ರತಾ ಕರ್ತವ್ಯದಲ್ಲಿದ್ದಾರೆ. ಸದ್ಯ ಪರಿಸ್ಥಿತಿ ನಿಯಂತ್ರಣದಲ್ಲಿದ್ದು, ಶಾಂತಿಯುತವಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.  ​ಸಾರ್ವಜನಿಕರು ಯಾವುದೇ ರೀತಿಯ ಸುಳ್ಳು ವದಂತಿಗಳಿಗೆ ಕಿವಿಗೊಡಬಾರದು ಎಂದು ಪೊಲೀಸ್ ಇಲಾಖೆ ವಿನಂತಿಸಿದೆ. ಸಾಮಾಜಿಕ ಜಾಲತಾಣಗಳ ಮೇಲೆ ತೀವ್ರ ನಿಗಾ ಇರಿಸಲಾಗಿದ್ದು, ಕಾನೂನು ಸುವ್ಯವಸ್ಥೆಗೆ ಧಕ್ಕೆ ತರುವಂತಹ ಪ್ರಚೋದನಾಕಾರಿ ಅಥವಾ ಸುಳ್ಳು ಸಂದೇಶಗಳನ್ನು ಹರಡುವವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ಎಚ್ಚರಿಕೆ ನೀಡಿದ್ದಾರೆ.
- [ರಿಕ್ಷಾಗೆ ಗುದ್ದಿದ ಕಾರು: ಚಾಲಕ ಸಾವು](https://mobiletime.in/2026/05/car-hits-rickshaw-driver-dies/): ಕಾರವಾರದ ಮಾಜಾಳಿ ಸಮೀಪದ ರಾಷ್ಟ್ರೀಯ ಹೆದ್ದಾರಿ–63ರಲ್ಲಿ ಕಾರು ಹಾಗೂ ಆಟೋ ರಿಕ್ಷಾ ನಡುವೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ರಿಕ್ಷಾ ಚಾಲಕರೊಬ್ಬರು ಸಾವನ್ನಪ್ಪಿದ್ದಾರೆ. ಸಾವನ್ನಪ್ಪಿದ ರಿಕ್ಷಾ ಚಾಲಕನನ್ನು ಪ್ರದೀಪ ಪೆಡ್ಡೆಕರ್ ಸಾವನಪ್ಪಿದವರಯ. ತಮಿಳುನಾಡು ನೋಂದಣಿಯ ಮಾರುತಿ ಬ್ರೆಜಾ ಕಾರು ಅತೀವೇಗದಿಂದ ಚಲಿಸುತ್ತಿದ್ದ ವೇಳೆ ನಿಯಂತ್ರಣ ತಪ್ಪಿ ಆಟೋ ರಿಕ್ಷಾಗೆ ಡಿಕ್ಕಿ ಹೊಡೆದಿದೆ ಎನ್ನಲಾಗಿದೆ. ಅಪಘಾತದ ತೀವ್ರತೆಗೆ ಆಟೋ ರಿಕ್ಷಾ ರಸ್ತೆ ಮಧ್ಯದಲ್ಲೇ ಪಲ್ಟಿಯಾಗಿದ್ದು, ರಿಕ್ಷಾ ಚಾಲಕ ಪ್ರದೀಪ ಪೆಡ್ಡೆಕರ್ ಗಂಭೀರವಾಗಿ ಗಾಯಗೊಂಡಿದ್ದರು. ತಕ್ಷಣ ಚಿಕಿತ್ಸೆಗಾಗಿ ಕ್ರಮ ಕೈಗೊಂಡರೂ ಅವರು ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ಘಟನೆ ಕುರಿತು ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ.
- [ಮೇ 28: ಅಪರಾಧ-ಅಪಘಾತ](https://mobiletime.in/2026/05/may-28-crime-accident/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಳೆದ 24ಗಂಟೆ ಅವಧಿಯಲ್ಲಿ ನಾಲ್ಕು ಪ್ರಮುಖ ಅಪರಾಧ ಪ್ರಕರಣಗಳು ವರದಿಯಾಗಿದೆ. ಅಪಘಾತ: ಇಬ್ಬರ ಸಾವು:‌ ಜೊಯಿಡಾದ ರಾಮನಗರ‌ ಬಳಿಯ ಬೆಳಗಾವಿ-ಪಣಜಿ ರಾಷ್ಟ್ರೀಯ ಹೆದ್ದಾರಿಯ ತಿನೈಘಾಟ ಗ್ರಾಮದ ಹತ್ತಿರ ಗುರುವಾರ ಮುಂಜಾನೆ ಸಂಭವಿಸಿದ ಭೀಕರ ರಸ್ತೆ ಅಪಘಾತದಲ್ಲಿ ಕಾರಿನಲ್ಲಿದ್ದ ಇಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಗೊಂಡ್ಲಾ ಮುರಳಿ ಹಾಗೂ ಬೋಯಾ ಮಹೇಶ ಸಾವನಪ್ಪಿದವರಾಗಿದ್ದಾರೆ. ​ಖಾನಾಪುರದಿಂದ ಗೋವಾಕ್ಕೆ ಕೋಳಿ ಲೋಡ್ ಮಾಡಿಕೊಂಡು ಹೋಗುತ್ತಿದ್ದ ಮಹಿಂದ್ರಾ ಬುಲೇರೋ ಪಿಕ್-ಅಪ್ ವಾಹನಕ್ಕೆ, ಎದುರುಗಡೆಯಿಂದ ಬಂದ ಆಂಧ್ರಪ್ರದೇಶ ಮೂಲದ ಕಾರು ಚಾಲಕ ಶೇಖ ಷಾವಲಿ ಎಂಬಾತ ಅತಿವೇಗ ಮತ್ತು ಅಜಾಗರೂಕತೆಯಿಂದ ಓವರ್-ಟೇಕ್ ಮಾಡಲು ಹೋಗಿ ಮುಖಾಮುಖಿ ಡಿಕ್ಕಿಯಾಗಿದೆ. ಡಿಕ್ಕಿಯ ರಭಸಕ್ಕೆ ಪಿಕ್-ಅಪ್ ವಾಹನ ರಸ್ತೆಯಲ್ಲೇ ಉರುಳಿ ಬಿದ್ದಿದ್ದು, ಕಾರು ರಸ್ತೆ ಪಕ್ಕದ ತಗ್ಗಿಗೆ ಬಿದ್ದಿದೆ. ಪಿಕ್-ಅಪ್ ಚಾಲಕ ಕಲ್ಲಪ್ಪ ಮಾದರ ಹಾಗೂ ಕಾರು ಚಾಲಕ ಶೇಖ ಷಾವಲಿ ಇಬ್ಬರಿಗೂ ಗಂಭೀರ ಗಾಯಗಳಾಗಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ಬೆಳಗಾವಿಯ ಬಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬಾವಿ ನೀರಿನ ಜಗಳ: ಅಣ್ಣ-ತಮ್ಮನ ನಡುವೆ ಮಾರಾಮಾರಿ : ಸಿದ್ದಾಪುರ ತಾಲ್ಲೂಕಿನ ಶೇಲೂರು ಗ್ರಾಮದಲ್ಲಿ ದಿನನಿತ್ಯ ಬಳಸುವ ಬಾವಿ ನೀರಿಗೆ ಸಂಬಂಧಿಸಿದಂತೆ ಅಣ್ಣ‌‌ ತಮ್ಮನ ನಡುವೆ ಬಡಿಗೆಯಿಂದ ಹೊಡೆದಾಟ ನಡೆದಿದೆ. ಈ ಕುರಿತು ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪರಸ್ಪರ ದೂರು-ಪ್ರತಿ ದೂರುಗಳು ದಾಖಲಾಗಿವೆ. ​ಅಣ್ಣನ ದೂರು: ಬಾವಿಯಿಂದ ನೀರು ಬಳಸದಂತೆ ತಮ್ಮ ಪರಮೇಶ್ವರ ಹಾಗೂ ಆತನ ಹೆಂಡತಿ ರಾಧಾ ತೊಂದರೆ ಕೊಡುತ್ತಿದ್ದರು. ಮೇ 27 ರಂದು ಬಾವಿಗೆ ಬಿದ್ದ ಕೊಡ ತೆಗೆಯುವ ನೆಪದಲ್ಲಿ ಬಂದು ಗಲಾಟೆ ಮಾಡಿ, ನನ್ನ ಹಾಗೂ ನನ್ನ ಹೆಂಡತಿ ಇಂದಿರಾ ಅವರ ಮೇಲೆ ಬಡಿಗೆಯಿಂದ ಹಲ್ಲೆ ನಡೆಸಿ ಜೀವಬೆದರಿಕೆ ಹಾಕಿದ್ದಾರೆ ಎಂದು ಅಣ್ಣ ದತ್ತಾತ್ರೆಯ ನಾಯ್ಕ ದೂರು ನೀಡಿದ್ದಾರೆ. ​ತಮ್ಮನ ದೂರು: ಬಾವಿಗೆ ಬಿದ್ದ ಕೊಡವನ್ನು ತೆಗೆಸಲು ಜನರನ್ನು ಕರೆಯಿಸಿದಾಗ ಅಣ್ಣ ದತ್ತಾತ್ರೆಯ, ಆತನ ಹೆಂಡತಿ ಮತ್ತು ಮಗಳು ಬಂದು ಅವಾಚ್ಯವಾಗಿ ಬೈದು, ಬಡಿಗೆಯಿಂದ ತಲೆ ಹಾಗೂ ಕೈಗೆ ಹೊಡೆದು ಗಾಯಗೊಳಿಸಿದ್ದಾರೆ ಎಂದು ತಮ್ಮ ಪರಮೇಶ್ವರ ನಾಯ್ಕ ಪ್ರತಿ-ದೂರು ದಾಖಲಿಸಿದ್ದಾರೆ. ​ಜೀವನದಲ್ಲಿ ಜಿಗುಪ್ಸೆಗೊಂಡ ಯುವಕ ನೇಣಿಗೆ ಶರಣು: ​ಯಲ್ಲಾಪುರದ ಸುಣಜೋಗ ಗ್ರಾಮದ ಇಡಗುಂದಿ ನಿವಾಸಿ ದಯಾನಂದ ನಾಗಪ್ಪ ಸಿದ್ದಿ (20) ಎಂಬ ಯುವಕ ತನ್ನದೇ ಮನೆಯ ಜಂತಿಗೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಪೊಲೀಸರು ಸ್ಥಳ ಪರಿಶೀಲನೆ ಮಾಡಿದ್ದಾರೆ. ​ಬೆಂಗಳೂರಿನಲ್ಲಿ ಹೋಮ್ ನರ್ಸಿಂಗ್ ಕೆಲಸ ಮಾಡುತ್ತಿದ್ದ ನಾಗಪ್ಪ ಸಿದ್ದಿ ಅವರು 3 ತಿಂಗಳ ಹಿಂದೆ ಊರಿಗೆ ಬಂದಿದರು. ಈ ವೇಳೆ ಕೆಲವು ಕೆಟ್ಟ ಚಟಗಳಿಗೆ ದಾಸನಾಗಿ ಮಾನಸಿಕವಾಗಿ ನೊಂದಿದ್ದರು.ಇದೇ ಬೇಸರದಲ್ಲಿ ಜೀವನದಲ್ಲಿ ಜಿಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ಗೊತ್ತಾಗಿದೆ. ಮಗನ ಸಾವಿನ ಬಗ್ಗೆ ನಾಗಪ್ಪ ಸಿದ್ದಿ ಅವರು‌‌ ಮಾಹಿತಿ‌ ನೀಡಿದ್ದು, ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.  
- ['ಸಮಯ ಪಾಲನೆಯೇ ಯಶಸ್ಸಿನ ಸೂತ್ರ'](https://mobiletime.in/2026/05/punctuality-is-the-formula-for-success/): ‘ವೃತ್ತಿಪರ ಯಶಸ್ಸಿಗೆ ಸಮಗ್ರತೆ ಹಾಗೂ ಸಮಯಪಾಲನೆ ಅಗತ್ಯ’ ಎಂದು ಕಾರವಾರ ಅಸ್ನೋಟಿ ಶಿವಾಜಿ ವಿದ್ಯಾಮಂದಿರದ ಮುಖ್ಯಾಧ್ಯಾಪಕ ಗಣೇಶ ಬಿಷ್ಟಣ್ಣನವರ ಅವರು ಹೇಳಿದ್ದಾರೆ. ಹಳಿಯಾಳದ ದೇಶಪಾಂಡೆ ಖಾಸಗಿ ಕೈಗಾರಿಕಾ ತರಬೇತಿ ಸಂಸ್ಥೆಯ ವಿದ್ಯಾರ್ಥಿಗಳಿಗಾಗಿ ನಡೆದ “ವೃತ್ತಿಪರ ಯಶಸ್ಸಿನ ಗುಟ್ಟು – ನೈತಿಕತೆ ಮತ್ತು ಕಾರ್ಯಸ್ಥಳದ ಶಿಷ್ಟಾಚಾರ” ವಿಷಯದ ಕುರಿತು ವಿಶೇಷ ಕಾರ್ಯಾಗಾರದಲ್ಲಿ ಮಾತನಾಡಿದ ಅವರು ‘ಔದ್ಯೋಗಿಕ ಕ್ಷೇತ್ರದಲ್ಲಿ ಶಿಸ್ತು, ಪ್ರಾಮಾಣಿಕತೆ ಹಾಗೂ ಸಮಯಪಾಲನೆ ಅತ್ಯಗತ್ಯ ಗುಣಗಳಾಗಿವೆ. ಜ್ಞಾನ ಮತ್ತು ತಾಂತ್ರಿಕ ಕೌಶಲ್ಯ ಎಷ್ಟು ಮುಖ್ಯವೋ ಅದೇ ರೀತಿ ವ್ಯಕ್ತಿಯ ನಡವಳಿಕೆ ಮತ್ತು ವೃತ್ತಿಪರ ನೈತಿಕತೆಯೂ ಯಶಸ್ಸಿನಲ್ಲಿ ಮಹತ್ವದ ಪಾತ್ರವಹಿಸುತ್ತದೆ’ ಎಂದು ಹೇಳಿದರು. ಐಟಿಐ ತರಬೇತಿ ಪೂರ್ಣಗೊಳಿಸಿದ ನಂತರ ವಿದ್ಯಾರ್ಥಿಗಳು ತಮ್ಮ ವೃತ್ತಿ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕಾದ ನೈತಿಕತೆ, ಜವಾಬ್ದಾರಿ ಮತ್ತು ಕಾರ್ಯಸ್ಥಳದ ಶಿಷ್ಟಾಚಾರಗಳ ಕುರಿತು ಅವರು ವಿವಿಧ ಉದಾಹರಣೆಗಳ ಮೂಲಕ ಮನಮುಟ್ಟುವಂತೆ ವಿವರಿಸಿದರು. ‘,ಸೌಜನ್ಯ, ಸುರಕ್ಷತೆ ಹಾಗೂ ಸ್ವಚ್ಛತೆಯನ್ನು ಜೀವನದ ಅವಿಭಾಜ್ಯ ಅಂಗಗಳಾಗಿ ಮಾಡಿಕೊಂಡು ಸಂಸ್ಥೆಯ ಕೀರ್ತಿಯನ್ನು ಹೆಚ್ಚಿಸಬೇಕು’ ಎಂದು ವಿದ್ಯಾರ್ಥಿಗಳಿಗೆ ಕರೆ ನೀಡಿದರು. ಸಂಸ್ಥೆಯ ಪ್ರಾಂಶುಪಾಲರಾದ ದಿನೇಶ್ ಆರ್ ನಾಯ್ಕ್ ಅವರು ಮಾತನಾಡಿ ‘ಬದಲಾವಣೆ ಇಲ್ಲದಿದ್ದರೆ ಬೆಳವಣಿಗೆ ಸಾಧ್ಯವಿಲ್ಲ. ಕಾಲಾನುಗುಣವಾಗಿ ಬದಲಾಗುತ್ತಿರುವ ಪರಿಸ್ಥಿತಿಗಳಿಗೆ ಹೊಂದಿಕೊಂಡು ತಮ್ಮ ಕಾರ್ಯ ಸ್ಥಳದಲ್ಲಿ ಯಶಸ್ಸನ್ನು ಸಾಧಿಸಿರಿ’ ಎಂದು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು. ಕಾರ್ಯಕ್ರಮವನ್ನು ಸಂಸ್ಥೆಯ ಸಾಂಸ್ಕೃತಿಕ ಸಮಿತಿಯ ಸದಸ್ಯರಾದ ದಿನೇಶ್ ಡಿ ನಾಯ್ಕ ಅವರು ಆಯೋಜಿಸಿ ನಿರ್ವಹಿಸಿದರು.
- [ಭಟ್ಕಳ ಗಲಭೆಗೆ ಕಾಂಗ್ರೆಸ್ ಕಾರಣ!](https://mobiletime.in/2026/05/congress-is-responsible-for-the-bhatkal-riots/): ‘ಕಾಂಗ್ರೆಸ್‌ ಸರ್ಕಾರ ಗಲಭೆಕೋರರು, ಸಮಾಜದಲ್ಲಿ ಅಶಾಂತಿ ಸೃಷ್ಟಿಸುವ ಶಕ್ತಿಗಳು ಹಾಗೂ ಮತಾಂಧರನ್ನು ರಕ್ಷಿಸುವ ಕೆಲಸ ಮಾಡುತ್ತಿದೆ’ ಎಂದು ಯಲ್ಲಾಪುರ ಬಿಜೆಪಿ ಮಂಡಲದ ಅಧ್ಯಕ್ಷ ಪ್ರಸಾದ್‌ ಹೆಗಡೆ ಆರೋಪಿಸಿದರು. ಸುದ್ದಿಗಾರರ ಜೊತೆ ಮಾತನಾಡಿದ ಅವರು ‘ಭಟ್ಕಳದಲ್ಲಿ ಭಯದ ವಾತಾವರಣ ನಿರ್ಮಿಸುವ ಕೆಲಸ ವ್ಯವಸ್ಥಿತವಾಗಿ ನಡೆಯುತ್ತಿದೆ’ ಎಂದು ದೂರಿದರಯ. ‘ಭಟ್ಕಳದ ಮುರಿನಕಟ್ಟೆ ಪ್ರಕರಣದಲ್ಲಿ ಭಾಗಿಯಾದ ನಿಜವಾದ ಆರೋಪಿಗಳ ವಿರುದ್ಧ ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳಬೇಕು. ಹಲವು ವರ್ಷಗಳಿಂದ ಶಾಂತಿಯುತವಾಗಿದ್ದ ಭಟ್ಕಳದಲ್ಲಿ ಗಲಭೆಕೋರರಿಗೆ ಪ್ರಚೋದನೆ ಸಿಗುತ್ತಿರುವುದು ಆತಂಕಕಾರಿ’ ಎಂದರು. ‘ನಡೆದ ಎಲ್ಲಾ ದುರ್ಘಟನೆಗೆ ಕಾಂಗ್ರೆಸ್‌ ಸರ್ಕಾರವೇ ಸಂಪೂರ್ಣ ಹೊಣೆ’ ಎಂದು ದೂರಿದರು. ‘ಅಲ್ಪಸಂಖ್ಯಾತರ ಓಲೈಕೆಯ ರಾಜಕಾರಣವೇ ಅಶಾಂತಿಗೆ ಕಾರಣವಾಗಿದೆ’ ಎಂದು ಆರೋಪಿಸಿದರು. ‘ಸಾವಿರಾರು ಜನರು ಸೇರಿ ಪೊಲೀಸರ ಮೇಲೆಯೇ ಹಲ್ಲೆ ನಡೆಸಿರುವುದು ಖಂಡನೀಯ’ ಎಂದರು. ‘ಮುರಿನಕಟ್ಟೆ ಮರುಸ್ಥಾಪನೆಗೆ ಆಗ್ರಹಿಸಿ ಮೇ 29ರಂದು ಭಾರತೀಯ ಜನತಾ ಪಾರ್ಟಿ ಭಟ್ಕಳ ಮಂಡಲದ ವತಿಯಿಂದ ಬೃಹತ್‌ ಪ್ರತಿಭಟನೆ ನಡೆಯಲಿದೆ’ ಎಂದು ತಿಳಿಸಿದರು. ‘ಯಲ್ಲಾಪುರದಿಂದಲೂ ನೂರಾರು ಕಾರ್ಯಕರ್ತರು ಹಾಗೂ ಮುಖಂಡರು ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳಲಿದ್ದು, ಭಟ್ಕಳದ ಹಿಂದೂ ಸಮಾಜದ ಧ್ವನಿಯಾಗುತ್ತೇವೆ’ ಎಂದು ಹೇಳಿದರು. ಹಿರಿಯ ಮುಖಂಡ ರಾಮು ನಾಯ್ಕ ಮಾತನಾಡಿ ‘ಭಟ್ಕಳದಲ್ಲಿ ಹಿಂದೂಗಳ ಧಾರ್ಮಿಕ ಸ್ಥಳವನ್ನು ದುಷ್ಕರ್ಮಿಗಳು ಧ್ವಂಸಗೊಳಿಸಿ ಶಾಂತಿಯುತ ವಾತಾವರಣಕ್ಕೆ ಧಕ್ಕೆ ತಂದಿದ್ದಾರೆ. ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿ ಕಾಮಗಾರಿಯ ಸಂದರ್ಭದಲ್ಲೇ ಮುರಿನಕಟ್ಟೆ ಸ್ಥಳಾಂತರವಾಗಿತ್ತು. ಇದರಿಂದ ಯಾವುದೇ ಸಮಸ್ಯೆ ಉಂಟಾಗಿರಲಿಲ್ಲ. ಆದರೆ ಈ ಘಟನೆಗಳ ಹಿಂದೆ ದುಷ್ಟ ಉದ್ದೇಶ ಕಾರ್ಯನಿರ್ವಹಿಸುತ್ತಿದೆ’ ಎಂದು ಆರೋಪಿಸಿದರು. ಶ್ಯಾಮಿಲಿ ಪಾಠಣಕರ ಅವರು ಘಟನೆಯನ್ನು ಖಂಡಿಸಿದರು. ಪತ್ರಿಕಾಗೋಷ್ಠಿಯಲ್ಲಿ ಬಿಜೆಪಿ ಮುಖಂಡರಾದ ಸೋಮು ನಾಯ್ಕ, ರಜತ್‌ ಬದ್ದಿ, ಕೆ.ಟಿ. ಹೆಗಡೆ, ಗಣೇಶ ಪಾಠಣಕರ ಹಾಗೂ ಶಿವಲಿಂಗಯ್ಯ ಎಸ್‌ ಅಲ್ಲಯ್ಯನಮಠ ಇದ್ದರು.
- [ಸಾಹಸಿ ಅಧಿಕಾರಿಯ ದುಡುಕು ನಿರ್ಧಾರ!](https://mobiletime.in/2026/05/a-rash-decision-by-an-adventurous-officer/): ಶಿರೂರು ಗುಡ್ಡ ಕುಸಿತದ ವೇಳೆ ಆ ರಕ್ಷಣಾ ಕಾರ್ಯಾಚರಣೆಯಲ್ಲಿ ಮುಂಚೂಣಿಯಲ್ಲಿದ್ದ  ರಾಜ್ಯ ವಿಪತ್ತು ನಿರ್ವಹಣಾ ಪಡೆ (SDRF) ಅಧಿಕಾರಿ ಶ್ರೀಶೈಲ ಚೌಗಲೆ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. 37 ವರ್ಷದ ಚೌಗಲೆ ಅವರು ಬೆಳಗಾವಿಯ ಚನ್ನಮ್ಮ ನಗರದಲ್ಲಿರುವ ತಮ್ಮ ನಿವಾಸದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಮನೆಯ ಕೋಣೆಯ ಬಾಗಿಲು ಬಹಳ ಸಮಯ ತೆರೆಯದ ಹಿನ್ನೆಲೆಯಲ್ಲಿ ಅನುಮಾನಗೊಂಡ ಕುಟುಂಬಸ್ಥರು ಸಹೋದ್ಯೋಗಿಗಳಿಗೆ ಮಾಹಿತಿ ನೀಡಿದ್ದಾರೆ. ಬಳಿಕ ಬಾಗಿಲು ಒಡೆದು ಅವರನ್ನು ಹೊರತೆಗೆದು ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಅವರು ಬದುಕಿರಲಿಲ್ಲ. ಅಂಕೋಲಾದ ಶಿರೂರು ಗುಡ್ಡ ಕುಸಿತದ  ವೇಳೆ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಮಣ್ಣಿನಡಿ ಸಿಲುಕಿದ್ದವರ ರಕ್ಷಣಾ ಕಾರ್ಯದಲ್ಲಿ ಚೌಗಲೆ ಅವರು ದಿನ-ರಾತ್ರಿ ಶ್ರಮಿಸಿದ್ದರು. ಸಂಕಷ್ಟದ ಸಂದರ್ಭದಲ್ಲೂ ಧೈರ್ಯದಿಂದ ತಂಡವನ್ನು ಮುನ್ನಡೆಸಿದ ಅವರ ಸೇವೆಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಉತ್ತಮ ಸೇವೆಗಾಗಿ ಅವರಿಗೆ ಮುಖ್ಯಮಂತ್ರಿ ಬಂಗಾರದ ಪದಕವೂ ಲಭಿಸಿತ್ತು. ಕರ್ತವ್ಯದಲ್ಲಿ ಚುರುಕಾಗಿ ಗುರುತಿಸಿಕೊಂಡಿದ್ದ ಅಧಿಕಾರಿಯ ಅಕಾಲಿಕ ನಿಧನದಿಂದ ಸಹೋದ್ಯೋಗಿಗಳು ಹಾಗೂ ಸಾರ್ವಜನಿಕರು ಶೋಕಕ್ಕೊಳಗಾಗಿದ್ದಾರೆ. ಆತ್ಮಹತ್ಯೆಗೆ ಕಾರಣವೇನು ಎಂಬುದು ಇನ್ನೂ ಬಹಿರಂಗವಾಗಿಲ್ಲ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಬಿಮ್ಸ್ ಆಸ್ಪತ್ರೆಗೆ ರವಾನಿಸಲಾಗಿದೆ.
- [ಎರಡು ಗಾಡಿಗೆ ಗುದ್ದಿದ VRL ಬಸ್ಸು!](https://mobiletime.in/2026/05/vrl-bus-hits-two-cars/): ಯಲ್ಲಾಪುರದ ಅರಬೈಲ ಮಾರುತಿ ದೇವಸ್ಥಾನ ಸಮೀಪ ರಾಷ್ಟ್ರೀಯ ಹೆದ್ದಾರಿ 52ರಲ್ಲಿ ಸಂಭವಿಸಿದ ಸರಣಿ ಅಪಘಾತದಲ್ಲಿ ಬಸ್ ಪ್ರಯಾಣಿಕರಿಬ್ಬರಿಗೆ ಗಾಯವಾಗಿದೆ. ಮೇ 27ರಂದು ಬೆಳಗಿನ ಜಾವ 1.30ರಿಂದ 1.40ರ ಅವಧಿಯಲ್ಲಿ VRL ಬಸ್ ಚಾಲಕ ನಾಗರಾಜ ಬಸಯ್ಯ ಗವನ್ನವರ ಅವರು ಹುಬ್ಬಳ್ಳಿ ಕಡೆಯಿಂದ ಅಂಕೋಲಾ ಕಡೆಗೆ ಅತಿವೇಗ ಮತ್ತು ಅಜಾಗರೂಕತೆಯಿಂದ ವಾಹನ ಚಲಾಯಿಸಿಕೊಂಡು ಬಂದಿರುವುದೇ ಅಪಘಾತಕ್ಕೆ ಕಾರಣ.ಆ ಬಸ್ಸು ಮಾರುತಿ ದೇವಸ್ಥಾನ ಸಮೀಪ ಬೆಳ್ತಂಗಡಿ ತಾಲೂಕಿನ ಅಂಡಕೇರಿ ಹೌಸ್ ನಿವಾಸಿ ಹಾಗೂ ಲಾರಿ ಚಾಲಕ ಮಹಮ್ಮದ್ ಶರೀಪ್ ಅಬ್ದುಲ್ಲಾ ಚಲಾಯಿಸುತ್ತಿದ್ದ ಲಾರಿಗೆ ಹಿಂದಿನಿಂದ ಡಿಕ್ಕಿ ಹೊಡೆದಿದೆ. ಅಪಘಾತದ ಬಳಿಕ ಬಸ್ಸಿನಲ್ಲಿದ್ದ ಪ್ರಯಾಣಿಕರು ಕೆಳಗೆ ಇಳಿದ ಸಂದರ್ಭ ಹಿಂದಿನಿಂದ ಬಂದ ಮತ್ತೊಂದು ಲಾರಿ ಬಂದಿದ್ದು, ಅದರ ಚಾಲಕ ವಿಷ್ಣು ವಾಸುದೇವ ನಾಯ್ಕ ಕೂಡ ವೇಗ ಹಾಗೂ ನಿರ್ಲಕ್ಷ್ಯದಿಂದ ವಾಹನ ಚಲಾಯಿಸಿ ಬಸ್ಸಿಗೆ ಗುದ್ದಿದ್ದಾರೆ. ಘಟನೆಯಲ್ಲಿ ಬಸ್ ಪ್ರಯಾಣಿಕರಾದ ಸಂಪತ್ ಹನುಮಂತ ಬಂಡಿವಡ್ಡರ, ಜ್ಯೋತಿ ಸಂಪತ್ ಬಂಡಿವಡ್ಡರ ಅವರಿಗೆ ಗಾಯಗಳಾಗಿದ್ದು, ಅಪಘಾತದಲ್ಲಿ ಮೂರು ವಾಹನಗಳು ಜಖಂಗೊಂಡಿವೆ. ಈ ಕುರಿತು ಯಲ್ಲಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
- [ಪೆಟ್ರೋಲ್, ಡೀಸೆಲ್ ದರ ಏರಿಕೆ ಖಂಡಿಸಿ ರೈತ ಸಂಘದಿಂದ ಮನವಿ](https://mobiletime.in/2026/05/farmers-association-appeals-against-petrol-diesel-price-hike/): ಪೆಟ್ರೋಲ್, ಡೀಸೆಲ್, ಅಡುಗೆ ಅನಿಲ ಹಾಗೂ ಸಿಎನ್‌ಜಿ ದರ ಏರಿಕೆಯನ್ನು ಖಂಡಿಸಿ ಕರ್ನಾಟಕ ಪ್ರಾಂತ ರೈತ ಸಂಘದ ಉತ್ತರ ಕನ್ನಡ ಜಿಲ್ಲಾ ಸಮಿತಿಯ ವತಿಯಿಂದ ಅಂಕೋಲಾ ತಹಶೀಲ್ದಾರ್ ಮೂಲಕ ಪ್ರಧಾನಮಂತ್ರಿಗಳಿಗೆ ಮನವಿ ಸಲ್ಲಿಸಿದೆ. ಪಂಚ ರಾಜ್ಯಗಳ ವಿಧಾನಸಭಾ ಚುನಾವಣೆ ಬಳಿಕ ಕಳೆದ 10 ದಿನಗಳಲ್ಲಿ ನಾಲ್ಕು ಬಾರಿ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆ ಏರಿಕೆ ಮಾಡಿರುವುದರಿಂದ ರೈತರು ಸೇರಿದಂತೆ ಜನಸಾಮಾನ್ಯರು ತೀವ್ರ ಸಂಕಷ್ಟಕ್ಕೆ ಒಳಗಾಗಿದ್ದಾರೆ. ವಿಶ್ವದ ಅನೇಕ ದೇಶಗಳು ತಮ್ಮ ನಾಗರಿಕರ ಹಿತರಕ್ಷಣೆಗೆ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆ ನಿಯಂತ್ರಣ ಕ್ರಮಗಳನ್ನು ಕೈಗೊಳ್ಳುತ್ತಿದ್ದರೆ, ಭಾರತ ಸರ್ಕಾರ ಮಾತ್ರ ದುಡಿಯುವ ಜನರ ಬದುಕು ರಕ್ಷಿಸುವಲ್ಲಿ ವಿಫಲವಾಗಿದೆ ಎಂದು ಮನವಿಯಲ್ಲಿ ಉಲ್ಲೇಖಿಸಲಾಗಿದೆ. ಜನಹಿತಕ್ಕಿಂತ ಚುನಾವಣಾ ರಾಜಕಾರಣಕ್ಕೇ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ. ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆ ಏರಿಸುವ ಬದಲು ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ವಿಧಿಸುವ ತೆರಿಗೆಗಳನ್ನು ಕಡಿತಗೊಳಿಸಬೇಕು. ಜನರು ಈಗಾಗಲೇ ಆರ್ಥಿಕ ಸಂಕಷ್ಟ ಎದುರಿಸುತ್ತಿರುವ ಸಂದರ್ಭದಲ್ಲಿ ಹೆಚ್ಚುವರಿ ಹೊರೆ ಹಾಕಬಾರದು ಎಂದು ಸಂಘ ಒತ್ತಾಯಿಸಿದೆ. ಈ ಸಂದರ್ಭದಲ್ಲಿ ರೈತ ಸಂಘದ ಜಿಲ್ಲಾ ಅಧ್ಯಕ್ಷ ಶಾಂತಾರಾಮ ನಾಯಕ, ಜಿಲ್ಲಾ ಉಪಾಧ್ಯಕ್ಷ ತಿಮ್ಮಪ್ಪ ಗೌಡ, ಗೌರೀಶ ನಾಯಕ, ಜಂಟಿ ಕಾರ್ಯದರ್ಶಿ ಸಂತೋಷ ನಾಯ್ಕ, ಜಿಲ್ಲಾ ಸಮಿತಿ ಸದಸ್ಯರಾದ ಬುಜಂಗ ಚಿಬ್ಲಕರ, ಬಾಬು ಹನ್ಗೇಕರ, ಗಣಪತಿ ಸಿದ್ದಿ, ಉದಯ ನಾಯ್ಕ, ನಿತ್ಯಾನಂದ ಎನ್.ಸಿದ್ದಿ, ವಿನೋದ ನಾಯ್ಕ ಮುಂತಾದವರು ಉಪಸ್ಥಿತರಿದ್ದರು.
- [ಲಾರಿ ಅಡಿಗೆ ಬಿದ್ದ ಬೈಕ್ ಸವಾರ: ಸಾವು!](https://mobiletime.in/2026/05/biker-dies-after-falling-into-lorry/): ಯಲ್ಲಾಪುರದ ಇಡಗುಂದಿಯಲ್ಲಿ ಲಾರಿಯೊಂದು ಬೈಕ್ ಸವಾರನ ಮೇಲೆ ಹರಿದಿದೆ. ಬೈಕ್ ಓಡಿಸುತ್ತಿದ್ದ ಹರೀಶ ಸಿದ್ದಿ ಅಲ್ಲಿಯೇ‌ ಶವವಾಗಿದ್ದಾರೆ. ಬುಧವಾರ ಉತ್ತರ ಪ್ರದೇಶದ ಧರ್ಮೇಂದ್ರ‌ ಕುಮಾರ ಅವರು ಅಂಕೋಲಾದಿಂದ ಯಲ್ಲಾಪುರ ಕಡೆ ಕಂಟೇನರ್ ಲಾರಿ ಓಡಿಸುತ್ತಿದ್ದರು. ಆ ಕಂಟೇನರ್ ವೇಗವಾಗಿ ಸಾಗಿದ್ದು,‌ ಇಡಗುಂದಿಯ ಬಳಿ ಸೋನಾರಕೇರಿಯ ಸುರೇಶ ಸಿದ್ದಿ ಅವರ ಬೈಕನ್ನು ಹಿಂದಿಕ್ಕಿತು. ಅದಾದ ನಂತರವೂ ಅದೇ ವೇಗದಲ್ಲಿ ಸಾಗಿದ ಕಂಟೇನರ್ ಮುಂದಿದ್ದ ಹರೀಶ ಸಿದ್ದಿ ಅವರ ಬೈಕಿಗೆ ಗುದ್ದಿತು. ಕಂಟೇನರ್ ಲಾರಿಯ ಹಿಂದಿನ ಭಾಗ ಬೈಕಿಗೆ ಗುದ್ದಿದ ಪರಿಣಾಮ ಆ ಬೈಕಿನಲ್ಲಿದ್ದ ಹರೀಶ ಸಿದ್ದಿ ಅವರು ನೆಲಕ್ಕೆ ಬಿದ್ದರು. ಆ ಕಂಟೇನರಿನ ಹಿಂದಿನ ಚಕ್ರ ಹರೀಶ ಸಿದ್ದಿ ಅವರ ತಲೆ ಮೇಲೆ ಹತ್ತಿತು. ಪರಿಣಾಮ ಹರೀಶ ಸಿದ್ದಿ ಅವರು ಅಲ್ಲಿಯೇ ಸಾವನಪ್ಪಿದರು. ಹೆದ್ದಾರಿ ಮೇಲೆ ರಕ್ತದ ಮಡುವಿನಲ್ಲಿ ಶವ ಬಿದ್ದಿರುವುದನ್ನು ನೋಡಿ ಜನ ಆಘಾತಕ್ಕೆ ಒಳಗಾದರು. ಹಿಂದಿದ್ದ ಬೈಕಿನಲ್ಲಿ ಬರುತ್ತಿದ್ದ ಇಡಗುಂದಿಯ ಸೋನಗಾರಕೇರಿಯ ಸುರೇಶ ಗಣಪಾ ಸಿದ್ದಿ ಅವರು ಅಪಘಾತವನ್ನು ಕಣ್ಣಾರೆ ಕಂಡರು. ನಂತರ ಸುರೇಶ ಸಿದ್ದಿ ಅವರೇ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಲಾರಿ ಚಾಲಕನ ವಿರುದ್ಧ ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅಭದ್ರ ಶಾಲೆಗೆ ಅಚ್ಚುಕಟ್ಟಾದ ತಡೆಗೋಡೆ: ಬಿಜೆಪಿಗರ ವಿರೋಧ!](https://mobiletime.in/2026/05/neat-barrier-for-unsafe-school-bjp-members-oppose-it/): ಸಿದ್ದಾಪುರದಲ್ಲಿನ ಉರ್ದು ಶಾಲೆ ಕಟ್ಟಡ ಶಿಥಿಲಾವಸ್ಥೆ ತಲುಪಿದ್ದು, ಕಟ್ಟಡ ಕುಸಿಯವ ಆತಂಕ ಎದುರಾಗಿದೆ. ಅಲ್ಲಿ 22 ಲಕ್ಷ ರೂ ವೆಚ್ಚ ಮಾಡಿ ತಡೆಗೋಡೆ ನಿರ್ಮಿಸಲು ಸರ್ಕಾರ ಆಸಕ್ತಿವಹಿಸಿದೆ. ಇದನ್ನು ವಿರೋಧಿಸಿ ಬಿಜೆಪಿಗರು ಪ್ರತಿಭಟನೆ ಮಾಡಿದ್ದಾರೆ. `ಸಿದ್ದಾಪುರ ಪಟ್ಟಣ ಪಂಚಾಯತ್ ವ್ಯಾಪ್ತಿಗೆ ಒಳಪಡುವ ಉರ್ದು ಶಾಲೆ ಕಟ್ಟಡ ಅಭದ್ರವಾಗಿರುವ ಕಾರಣ ಅಲ್ಲಿ ತಡೆಗೋಡೆ ಕಟ್ಟಿ ಪ್ರಯೋಜನವಿಲ್ಲ’ ಎಂದು ಪ್ರತಿಭಟನಾಕಾರರು ಹೇಳಿದ್ದಾರೆ. ಬಿಜೆಪಿ ಮಂಡಲ ಅಧ್ಯಕ್ಷ ತಿಮ್ಮಪ್ಪ ಮಡಿವಾಳ್ ಅವರು ರೈತಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಅವರ ಸಹಾಯಪಡೆದು ಇಲ್ಲಿ ಹೋರಾಟ ಶುರು ಮಾಡಿದ್ದಾರೆ. `ಈ ಪ್ರದೇಶವನ್ನು ಸಂತೆ ಮಾರುಕಟ್ಟೆಯನ್ನಾಗಿ ಪರಿವರ್ತನೆ ಮಾಡಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. `ಈ ಜಾಗದಲ್ಲಿ ಶಾಲೆ ನಡೆಯುತ್ತಿಲ್ಲ. ಮತ್ತೆ ಅದೇ ಜಾಗದಲ್ಲಿ ಪ್ರಾರಂಭಿಸುವ ಅವಶ್ಯಕತೆಯೂ ಇಲ್ಲ. ಹೀಗಾಗಿ ಶಾಲಾ ಮಕ್ಕಳನ್ನು ಬೇರೆಡೆಗೆ ಕಟ್ಟಡ ನಿರ್ಮಿಸಿ ಸ್ಥಳಾಂತರಿಸಬೇಕು. ಒಂದು ವೇಳೆ ತಡೆಗೋಡೆ ನಿರ್ಮಿಸಿ ಶಾಲೆ ಪ್ರಾರಂಭಿಸಿ ಅನಾಹುತನಡೆದರೆ ಅದಕ್ಕೆ ಶಾಸಕರೇ ಹೊಣೆ’ ಎಂದು ಪ್ರತಿಭಟನಾಕಾರರು ಎಚ್ಚರಿಸಿದ್ದಾರೆ. ಅದರೊಂದಿಗೆ `ಪಟ್ಟಣ ಪಂಚಾಯತ್ ಮುಖ್ಯ ಅಧಿಕಾರಿಗಳು ಹಾಗೂ ತಹಶೀಲ್ದಾರರು ಸಹ ಅನಾಹುತದ ಹೊಣೆಗಾರಿಕೆ ಹೋರಬೇಕಾಗುತ್ತದೆ’ ಎಂದು ಗುಡುಗಿದ್ದಾರೆ. ತೋಟಪ್ಪ ನಾಯ್ಕ್, ನಂದನ್ ಬೋಕರ್, ಮಾರುತಿ ನಾಯ್ಕ್ ಹೊಸೂರ್ ಮುಂತಾದವರು ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದರು. ಸ್ಥಳಕ್ಕೆ ಬಂದ ತಹಶೀಲ್ದಾರ್ ಜೊತೆ ಪ್ರತಿಭಟನಾಕಾರರು ವಾಗ್ವಾದ ನಡೆಸಿ, ನಂತರ ಶಾಂತವಾದರು.
- [ವೈದ್ಯರ ವಿರುದ್ಧ ವಾಟ್ಸಪ್ ದೂರು!](https://mobiletime.in/2026/05/whatsapp-complaint-against-doctor/): ಮುಂಡಗೋಡಿನ ವೈದ್ಯರ ವಿರುದ್ಧ ವಾಟ್ಸಪ್ ಮೂಲಕ ಮೇಲಧಿಕಾರಿಗಳಿಗೆ ದೂರು ಸಲ್ಲಿಕೆಯಾಗಿದ್ದು, ಅನಗತ್ಯ ದೂರು ಸಲ್ಲಿಸಿದವರ ವಿರುದ್ಧ ವೈದ್ಯರು ಪೊಲೀಸ್ ದೂರು ನೀಡಿದ್ದಾರೆ. ಮುಂಡಗೋಡು ಸರ್ಕಾರಿ ಆಸ್ಪತ್ರೆಯಲ್ಲಿ ಡಾ ಸ್ವರೂಪರಾಣಿ ಪಾಟೀಲ ಅವರು ಆಡಳಿತ ವೈದ್ಯಾಧಿಕಾರಿಯಾಗಿದ್ದಾರೆ. ಅವರ ವಿರುದ್ಧ ಅವಹೇಳನಕಾರಿ ಪದ ಪ್ರಯೋಗ ನಡೆದಿದ್ದು, ಅದೇ ಪದಗಳನ್ನು ಬಳಸಿ ನವೀನ ವರ್ಣೇಕರ್ ಹಾಗೂ ಸಚಿನ್ ನಾಯ್ಕ ಎಂಬಾತರ ಹೆಸರಿನಲ್ಲಿ ಆರೋಗ್ಯ ಇಲಾಖೆಗೆ ದೂರು ಸಲ್ಲಿಕೆಯಾಗಿದೆ. ವೈದ್ಯರ ಜೊತೆ ಸಿಬ್ಬಂದಿ ವಿರುದ್ಧವೂ ಆರೋಗ್ಯ ಇಲಾಖೆಗೆ ಪದೇ ಪದೇ ವಾಟ್ಸಪ್ ದೂರು ಸಲ್ಲಿಕೆಯಾಗಿದ್ದು, ಇದರಿಂದ ಅಲ್ಲಿನ ವೈದ್ಯರು ಹಾಗೂ ಸಿಬ್ಬಂದಿ ಸಿಡಿದೆದ್ದಿದ್ದಾರೆ. `ನಾವೇನು ತಪ್ಪು ಮಾಡಿಲ್ಲ’ ಎಂದವರು ಸಮರ್ಥಿಸಿಕೊಂಡಿದ್ದಾರೆ. `ಸಚೀನ ನಾಯ್ಕ ಅವರು ವಿಜಯ ಕರ್ನಾಟಕ ಪತ್ರಿಕೆ ವರದಿಗಾರರಾಗಿದ್ದು, ಅವರ ಜೊತೆ ತಮಗೆ ಯಾವುದೇ ದ್ವೇಷವಿಲ್ಲ. ನವೀನ್ ವರ್ಣೇಕರ್ ಎಂದರೆ ಯಾರೂ ಎಂದು ನನಗೆ ಗೊತ್ತಿಲ್ಲ. ಹೀಗಿದ್ದರೂ, ಅವರಿಬ್ಬರು ತಮ್ಮ ವಿರುದ್ಧ ಅನಗತ್ಯ ಆರೋಪ ಮಾಡಿ ತೊಂದರೆ ನೀಡುತ್ತಿದ್ದಾರೆ’ ಎಂದು ಡಾ ಸ್ವರೂಪರಾಣಿ ಪಾಟೀಲ ಅವರು ದೂರಿದ್ದಾರೆ. `ಕಾನೂನುಬಾಹಿರವಾಗಿ ಆಡಳಿತಾಧಿಕಾರಿ ಹುದ್ದೆಪಡೆದ ಬಗ್ಗೆ ದೂರಲಾಗಿದ್ದು, ಅದರಲ್ಲಿ ಸತ್ಯವಿಲ್ಲ. ಸೇವಾ ಹಿರಿತನ ಹಾಗೂ ದಕ್ಷತೆ ಆಧಾರದಲ್ಲಿ ತಮಗೆ ಈ ಹುದ್ದೆ ದೊರೆತಿದ್ದು, ಪ್ರಮಾಣಿಕವಾಗಿ ಸೇವೆ ಸಲ್ಲಿಸಿದ ನನಗೆ ಮಾನಸಿಕ ಕಿರಿಕಿರಿಯಾಗಿದೆ’ ಎಂದವರು ಅಳಲು ತೋಡಿಕೊಂಡಿದ್ದಾರೆ. ದೂರು ನೀಡಿದವರಿಬ್ಬರಿಗೂ ಬೇರೊಬ್ಬರು ಕುಮ್ಮಕ್ಕು ನೀಡಿದ ಅನುಮಾನವನ್ನು ಸಹ ಡಾ ಸ್ವರೂಪರಾಣಿ ಪಾಟೀಲ ಅವರುವ್ಯಕ್ತಪಡಿಸಿದ್ದಾರೆ. ವೈಯಕ್ತಿಕ ಹಿತಾಸಕ್ತಿಗಾಗಿ ಹಾಗೂ ಕುಮ್ಮಕ್ಕಿನಿಂದ ದೂರು ನೀಡಿದವರ ಬಗ್ಗೆ ವಿಚಾರಣೆ ನಡೆಸಿ, ಕರ್ತವ್ಯಕ್ಕೆ ಅಡ್ಡಿಪಡಿಸಿದವರ ವಿರುದ್ಧ ಕಾನೂನು ಕ್ರಮಕ್ಕಾಗಿ ಅವರು ಪೊಲೀಸರ ಮೊರೆ ಹೋಗಿದ್ದಾರೆ.
- [24 ಮಕ್ಕಳು ಅನಾಥ!](https://mobiletime.in/2026/05/24-children-orphaned/): ಹೊಟ್ಟೆಪಾಡಿಗಾಗಿ ಚಿಪ್ಪಿಕಲ್ಲು ಆರಿಸುವು ಕಸುಬು ಆರಿಸಿಕೊಂಡಿದ್ದ 11 ಜನ ನದಿ ನೀರಿನಲ್ಲಿ ಕೊಚ್ಚಿ ಹೋಗಿದ್ದು, ಆ ಕುಟುಂಬದ 24 ಮಕ್ಕಳು ಇದೀಗ ಅನಾಥರಾಗಿದ್ದಾರೆ. ದುಡಿಯುವ ವಯಸ್ಸಿನ ಮಕ್ಕಳನ್ನು ಕಳೆದುಕೊಂಡ 10ಕ್ಕೂ ಅಧಿಕ ಹಿರಿಯ ಜೀವಗಳು ಆಧಾರವಿಲ್ಲದೇ ಅತಂತ್ರವಾಗಿವೆ. ಭಟ್ಕಳದಲ್ಲಿಯೇ ಹುಟ್ಟಿ ಸಮುದ್ರ ಸೇರುವ ಸಣ್ಣ ನದಿ ಪಳ್ಳಿಹೊಳೆ ಎಂಬ ಹೆಸರುಪಡೆದಿದೆ. ವೆಂಕಟಾಪುರ, ತಟ್ಟಿಹಕ್ಕಲ ಹೊಳೆ ಎಂದೂ ಈ ನದಿ ಕರೆಯಿಸಿಕೊಳ್ಳುತ್ತದೆ. ಅಳ್ವೆಕೋಡಿ ಸಮೀಪ ಹೊಳೆ ಸಮುದ್ರ ಸೇರುತ್ತದೆ. ಸಮುದ್ರದ ಉಬ್ಬರರ ಇಳಿತದ ಸಮಯದಲ್ಲಿ ಈ ಹೊಳೆಯ ನೀರಿನ ಪ್ರಮಾಣದ ಏರಿಳಿತ ಸಾಮಾನ್ಯ. ಆ ಹೊಳೆಯಲ್ಲಿ ಚಿಪ್ಪಿಕಲ್ಲು ಆರಿಸಿ ಅದನ್ನು ಮಾರಾಟ ಮಾಡಿ ಬದುಕುವ ಕುಟುಂಬಗಳು ನೂರಾರು. ಅದರಂತೆ, ಕಳೆದ ಭಾನುವಾರ 14 ಜನ ಚಿಪ್ಪಿಕಲ್ಲು ಹೆಕ್ಕಲು ನದಿಗೆ ಇಳಿದಿದ್ದು, ಏಕಾಏಕಿ ಬಂದ ಅಲೆಯೊಂದು ಅವರ ಬದುಕನ್ನು ಕಿತ್ತುಕೊಂಡಿತು. 14 ಜನರಲ್ಲಿ 11 ಜನ ಅಲ್ಲಿಯೇ ಜಲಸಮಾಧಿಯಾದರು. ಭಟ್ಕಳದ ಸಾರದಹೊಳೆ ಬಳಿಯ ಪಡುಶಿರಾಲಿಯ ಲಕ್ಷಿö್ಮÃ ನಾಯ್ಕರ ಕುಟುಂಬ ಚಿಪ್ಪಿಕಲ್ಲು ಸಂಗ್ರಹಿಸುವುದನ್ನೇ ಬದುಕಾಗಿಸಿಕೊಂಡಿದ್ದರು. ಬದುಕು ಕಟ್ಟಿಕೊಳ್ಳುವುದಕ್ಕಾಗಿ ನೀರಿಗೆ ಇಳಿದಾಗ ಅಪ್ಪಳಿಸಿದ ಅಲೆಯೊಂದು ಇಡೀ ಕುಟುಂಬವನ್ನು ಬೀದಿಗೆ ತಂದಿತು. ಒಂದೇ ಕುಟುಂಬದ 8 ಜನ ನೀರಿನಲ್ಲಿ ಮುಳುಗಿ ಸಾವನಪ್ಪಿದ್ದು, ಮರುದಿನವೇ ಮತ್ತೆ ಮೂವರ ಶವ ಸಿಕ್ಕಿದೆ. ಈ ದುರಂತದ ಪರಿಣಾಮ ಒಟ್ಟು 24 ಮಕ್ಕಳು ಪಾಲಕರನ್ನು ಕಳೆದುಕೊಂಡು ಅನಾಥರಾಗಿದ್ದಾರೆ. ಪಳ್ಳಿ ಹೊಳೆಗೆ ಹೋಗಿ ಚಿಪ್ಪಿಕಲ್ಲು ಸಂಗ್ರಹಿಸುವುದು ಈ ಕುಟುಂಬದವರಿಗೆ ಹೊಸದಾಗಿರಲಿಲ್ಲ. ಆದರೆ, ಆ ದಿನ ಅಂಥ ರಕ್ಕಸ ಅಲೆ ಬರುತ್ತದೆ ಎಂದು ಯಾರೂ ಊಹಿಸುತ್ತಿರಲಿಲ್ಲ. ಆ ದಿನ ನಡೆದ ದುರಂತದಲ್ಲಿ ಒಂದು ಮನೆಯಲ್ಲಿ ತಾಯಿ ಮಗ ಇಲ್ಲ. ಇನ್ನೊಂದು ಮನೆಯ ಪತಿ, ಪತ್ನಿ ಇಲ್ಲ. ಮತ್ತೊಂದು ಮನೆಯ ಇಬ್ಬರು ಸೊಸೆಯಂದಿರಿಲ್ಲ. ಬದುಕಿಗೆ ಆಧಾರವಾಗಿದ್ದ ಜೀವನದಿಯೇ ಬಡ ಜೀವಗಳನ್ನು ಬಲಿ ಪಡೆದಿರುವುದಕ್ಕೆ ಇಡೀ ಊರಿನಲ್ಲಿ ಶೋಕ ಆವರಿಸಿದ್ದು, ಅದನ್ನು ಎಂದಿಗೂ ಮರೆಯುವ ಹಾಗಿಲ್ಲ. ಈ ದುರಂತದಲ್ಲಿ ಸಾವನಪ್ಪಿದ ಎಲ್ಲರೂ ದುಡಿಯುವ ವಯಸ್ಸಿನವರೇ ಆಗಿದ್ದರು. ಪ್ರಾಥಮಿಕ ಶಾಲೆಯಿಂದ ಕಾಲೇಜ್‌ಗೆ ತೆರಳುವ ಒಟ್ಟು 12 ಜನ ಗಂಡು ಮಕ್ಕಳು, 12 ಜನ ಹೆಣ್ಣು ಮಕ್ಕಳು ದೊಡ್ಡವರ ದುಡಿಮೆಯನ್ನೇ ನಂಬಿಕೊAಡಿದ್ದರು. ಓದು, ಉದ್ಯೋಗ, ಮದುವೆ, ಸಂಸಾರ ಹೀಗೆ ಹತ್ತಾರು ಕನಸು ಕಟ್ಟಿಕೊಂಡಿದ್ದವರನ್ನು ಆ ರಕ್ಕಸ ಅಲೆಯೊಂದು ನಾಶ ಮಾಡಿತು.
- [ಇವರೇ ಆ ಸುಪಾರಿ ಕಿಲ್ಲರ್ಸ!](https://mobiletime.in/2026/05/these-are-the-betel-nut-killers-2/): ಕಾಂಗ್ರೆಸ್ ಮುಖಂಡ ಗೋಪಾಲಕೃಷ್ಣ ನಾಯಕ ಅವರ ಹತ್ಯೆ ಪ್ರಯತ್ನ ಮಾಡಿದ ಅನೇಕರನ್ನು ಪೊಲೀಸರು ಬಂಧಿಸಿದ್ದು, ಪ್ರಮುಖರಿಬ್ಬರು ತಲೆಮರೆಸಿಕೊಂಡಿದ್ದಾರೆ. ಅವರಿಬ್ಬರ ಬಗ್ಗೆ ಮಾಹಿತಿ ನೀಡಿದವರಿಗೆ 25 ಸಾವಿರ ರೂ ಬಹುಮಾನ ನೀಡುವುದಾಗಿ ಸರ್ಕಾರ ಘೋಷಿಸಿದೆ. ಗೃಹ ಸಚಿವ ಜಿ ಪರಮೇಶ್ವರ ಅವರ ಆಪ್ತರಾಗಿರುವ ಅಂಕೋಲಾದ ಕಾಂಗ್ರೆಸ್ ಮುಖಂಡ ಗೋಪಾಲಕೃಷ್ಣ ರಾಮಚಂದ್ರ ನಾಯಕ ಅವರ ಮೇಲೆ ಈಚೆಗೆ ಮಾರಣಾಂತಕ ದಾಳಿ ನಡೆದಿತ್ತು. ಕೂದಲೆಳೆಯ ಅಂತರದಿoದ ಗೋಪಾಲಕೃಷ್ಣ ನಾಯಕ ಅವರು ತಪ್ಪಿಸಿಕೊಂಡಿದ್ದರು. ದುಷ್ಕರ್ಮಿಗಳ ದಾಳಿಗೆ ಒಳಗಾಗಿ ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾಗಿದ್ದ ಅವರು ಕ್ರಮೇಣ ಚೇತರಿಸಿಕೊಂಡಿದ್ದು, ಪೊಲೀಸರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ ತನಿಖೆ ನಡೆಸಿದ್ದರು. ಗೋಪಾಲಕೃಷ್ಣ ನಾಯಕ ಅವರ ಮೇಲೆ ಆರು ಜನ ದಾಳಿ ಮಾಡಿದ್ದು, ಪ್ರಕರಣದಲ್ಲಿ ಭಾಗಿಯಾದ 11ಕ್ಕೂ ಅಧಿಕ ಜನರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ಗೃಹ ಸಚಿವ ಜಿ ಪರಮೇಶ್ವರ ಅವರು ಸಹ ತಮ್ಮ ಆಪ್ತನ ಮೇಲಾಗಿರುವ ದಾಳಿಯನ್ನು ಖಂಡಿಸಿದ್ದು, ಪಾದರರ್ಶಕ ತನಿಖೆಗೆ ಸೂಚಿಸಿದ್ದಾರೆ. ಸದ್ಯ ಈ ಪ್ರಕರಣದಲ್ಲಿನ ಪ್ರಮುಖ ಆರೋಪಿಗಳಿಬ್ಬರ ಗುರುತು ಪತ್ತೆಯಾಗಿದ್ದು, ಅವರು ಮಾತ್ರ ಸಿಕ್ಕಿಬಿದ್ದಿಲ್ಲ. ಗೋವಾದ ಮಕ್‌ದುಮ್ ಅಸ್ರಫ್ ನಗರ ಬಳಿಯ ಕೋನ್ಸುವಾಮ ಕೊರ್ಟಾಲಿಮ್ ನಿವಾಸಿ ಮೊಹಮ್ಮದ್ ಇಮ್ರಾನ ಸಲ್ಮಾನಿ (46 ವರ್ಷ) ಹಾಗೂ ಹಾವೇರಿ ಹಿರೇಕೆರೂರಿನ ಕೋಟೆ ಓಣಿಯ ಅಬ್ದುಲ್ ಗನಿ (31) ಈ ಪ್ರಕರಣದಲ್ಲಿ ಆರೋಪಿಯಾಗಿದ್ದಾರೆ. ಅವರಿಬ್ಬರು ತಲೆಮರೆಸಿಕೊಂಡಿದ್ದು, ಸಾಕಷ್ಟು ಬಾರಿ ಪೊಲೀಸರು ಅವರ ಮನೆಗೆ ಹೋದರೂ ಸಿಕ್ಕಿಲ್ಲ. ವಿಚಾರಣೆಯ ಮುಂದಿನ ಹಂತವಾಗಿ ಅವರಿಬ್ಬರ ಬಂಧನ ಅನಿವಾರ್ಯವಾಗಿದ್ದು, ಅವರ ಬಗ್ಗೆ ಸುಳಿವು ಕೊಡುವಂತೆ ಪೊಲೀಸರು ಮನವಿ ಮಾಡಿದ್ದಾರೆ. ಸುಳಿವು ನೀಡಿದವರಿಗೆ 25 ಸಾವಿರ ರೂ ಬಹುಮಾನ ನೀಡುವುದಾಗಿಯೂ ಘೋಷಿಸಿದ್ದಾರೆ. ಮಾಹಿತಿ ನೀಡಿದವರ ವಿವರ ಬಹಿರಂಗವಾಗುವುದಿಲ್ಲ. ಹೀಗಾಗಿ ಆ ಇಬ್ಬರನ್ನು ಕಂಡರೆ ಇಲ್ಲಿ ಫೋನ್ ಮಾಡಿ: 9480805258
- [ಸುಳ್ಳು ಹೇಳಿ ಸಿಕ್ಕಿಬಿದ್ದರೆ ಕಠಿಣ ಕ್ರಮ!](https://mobiletime.in/2026/05/strict-action-will-be-taken-if-you-are-caught-lying/): ಹೆದ್ದಾರಿ ಅಭಿವೃದ್ಧಿ ಕಾಮಗಾರಿ ಹಿನ್ನಲೆ ಭಟ್ಕಳದಲ್ಲಿ ಶಿರಸಿ ಮಾರಿಕಾಂಬೆ ದೇವಿಯ ಹೊರೆಯನ್ನಿಡುವ ಮುರುವಿನಕಟ್ಟೆಯನ್ನು ಸರ್ಕಾರಿ ಜಮೀನಿಗೆ ಸ್ಥಳಾಂತರಿಸಲಾಗಿದ್ದು, ಅದನ್ನು ಕಿಡಿಗೇಡಿಗಳು ನಾಶ ಮಾಡಿದ್ದಾರೆ. ಆ ಕಿಡಿಗೇಡಿಗಳ ವಿರುದ್ಧ ಕಠಿಣ ಕ್ರಮ ಜರುಗಿಸಲಾಗಿದೆ’ ಎಂದು ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಹೇಳಿದ್ದಾರೆ. ಸದ್ಯ ಸಾಂಪ್ರದಾಯಿಕವಾಗಿ ಅಮ್ಮನವರ ಹೊರೆಯನ್ನಿಡುವ ಮೂಲ ಕಟ್ಟೆಯಿರುವ ಮುರುವಿನಕಟ್ಟೆ ಸ್ಥಳವು ಯಥಾಸ್ಥಿತಿಯಲ್ಲಿದೆ. ಈ ವಿಷಯವಾಗಿ ಯಾರೂ ಸುಳ್ಳು ಸುದ್ದಿ ಹಬ್ಬಿಸಬೇಡಿ’ ಎಂದವರು ಮನವಿ ಮಾಡಿದ್ದಾರೆ. `ಭಟ್ಕಳ ನಗರದ ಮೂಲಕ ಹಾದುಹೋಗುವ ರಾ.ಹೆ-66ರ ಅಗಲೀಕರಣ ಹಾಗೂ ಅಭಿವೃದ್ಧಿ ಕಾಮಗಾರಿ ಕೈಗೊಳ್ಳುವ ಸಮಯದಲ್ಲಿ ಸಾರ್ವಜನಿಕರಿಗೆ ತೊಂದರೆಯಾಗದ ಹಾಗೆ ಅಮ್ಮನವರ ಹೊರೆಯನ್ನಿಡುವ ಮುರುವಿನಕಟ್ಟೆಯನ್ನು ಲಭ್ಯ ಸರ್ಕಾರಿ ಜಮೀನಿನಲ್ಲಿ ಮೇ 24ರಂದು ಕೆಂಪು ಕಲ್ಲಿನಿಂದ ಕಟ್ಟಲಾಗಿತ್ತು. ಅದನ್ನು ಕಿಡಿಗೇಡಿಗಳು ನಾಶಪಡಿಸಿದ್ದು, ಅವರ ವಿರುದ್ಧ ಕಾನೂನು ಕ್ರಮವಾಗಿದೆ. ಈ ಬಗ್ಗೆ ಜಿಲ್ಲಾಡಳಿತ ಈಗಾಗಲೇ ಮಾಹಿತಿ ನೀಡಿದರೂ ಲವು ಸಮಾಜಘಾತುಕ ಶಕ್ತಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ತಪ್ಪು ಮಾಹಿತಿ ಹಂಚುತ್ತಿದ್ದಾರೆ’ ಎಂದು ಜಿಲ್ಲಾಧೀಕಾರಿಗಳು ಬೇಸರವ್ಯಕ್ತಪಡಿಸಿದ್ದಾರೆ. `ಮುರುವಿನಕಟ್ಟೆಗೆ ಧಕ್ಕೆಯಾಗಿರುವ ರೀತಿಯಲ್ಲಿ ಸುಳ್ಳು ಸುದ್ದಿಯನ್ನು ಪ್ರಸಾರ ಮಾಡುತ್ತಿರುವುದನ್ನು ನೋಡಿಯೂ ಜಿಲ್ಲಾಡಳಿತ ಸುಮ್ಮನಿರುವುದಿಲ್ಲ. ಸಾಂಪ್ರದಾಯಿಕವಾಗಿ ಅಮ್ಮನವರ ಹೊರೆಯನ್ನಿಡುವ ಮೂಲ ಸ್ಥಳ ಮುರುವಿನಕಟ್ಟೆಯು ಯಥಾಸ್ಥಿತಿಯಲ್ಲಿರುತ್ತದೆ ಎಂಬುದಾಗಿ ಮತ್ತೊಮ್ಮೆ ಸ್ಪಷ್ಟಪಡಿಸುತ್ತಿದ್ದು, ಈ ವಿಷಯವಾಗಿ ಮತ್ತೆ ಸುಳ್ಳು ಸುದ್ದಿ ಹಬ್ಬಿಸಿದರೆ ಅಂಥವರ ವಿರುದ್ಧವೂ ಕಠಿಣ ಕ್ರಮ ಅನಿವಾರ್ಯ’ ಎಂದು ಡೀಸಿ ಕೆ ಲಕ್ಷ್ಮೀಪ್ರಿಯಾ ಅವರು ಎಚ್ಚರಿಸಿದ್ದಾರೆ.
- [ನೀರು ಕುಡಿದು ಸಾವನಪ್ಪಿದ ಕಾಡಾನೆ!](https://mobiletime.in/2026/05/a-wild-elephant-died-after-drinking-water/): ಐದು ಅಡಿ ನೀರಿಲ್ಲದ ಕಾಳಿ ಹಿನ್ನೀರಿನಲ್ಲಿ ಸುಮಾರು 10 ಅಡಿ ಎತ್ತರದ ಆನೆಯೊಂದು ಮುಳುಗಿ ಸತ್ತಿದೆ. ಆನೆ ಮುಳುಗುವಷ್ಟು ಪ್ರಮಾಣದ ನೀರಿಲ್ಲದ ಪ್ರದೇಶದಲ್ಲಿ ಆನೆ ಮುಳುಗಿದ್ದಾದರೂ ಹೇಗೆ? ಎಂಬ ಪ್ರಶ್ನೆ ಜನರನ್ನು ಕಾಡುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಹಳಿಯಾಳ ತಾಲೂಕಿನ ಸಾಂಬ್ರಾಣಿ ವಲಯದ ಬೊಮ್ಮನಹಳ್ಳಿ ಹಿನ್ನೀರು ಪ್ರದೇಶದಲ್ಲಿ ಕಾಡಾನೆಯ ಶವ ಸಿಕ್ಕಿದೆ. ಸೋಮವಾರ ಈ ಆನೆ ನೀರಿನಲ್ಲಿ ಮುಳುಗಿ ಸಾವನಪ್ಪಿರುವ ಬಗ್ಗೆ ಅಧಿಕಾರಿಗಳು ನಂಬಿದ್ದಾರೆ. ಆನೆ ಹೊಟ್ಟೆ ಉಬ್ಬಿದ್ದರಿಂದ ಅದು ಅಪಾರವಾಗಿ ನೀರು ಕುಡಿದು ಸಾವನಪ್ಪಿರುವ ಬಗ್ಗೆಯೂ ಅಧಿಕಾರಿಗಳು ಹೇಳಿಕೆ ನೀಡಿದ್ದಾರೆ. ಆದರೆ, ಅಷ್ಟು ದೊಡ್ಡ ಗಾತ್ರದ ಆನೆ ಇಷ್ಟು ಚಿಕ್ಕ ಪ್ರಮಾಣದ ನೀರಿನಲ್ಲಿ ಮುಳುಗಿ ಸತ್ತಿದೆ ಎಂಬುದನ್ನು ಮಾತ್ರ ಜನರಿಂದ ನಂಬಲು ಸಾಧ್ಯವಾಗುತ್ತಿಲ್ಲ. ಮೇ ಮಾಸವಾಗಿದ್ದರಿಂದ ಕಾಳಿ ಹಿನ್ನೀರಿನ ನೀರಿನ ಪ್ರಮಾಣ ಕಡಿಮೆ ಆಗಿದೆ. ನೀರು ಭರ್ತಿಯಾಗುವ ಪ್ರಮಾಣದಲ್ಲಿ ಮಳೆ ಬಿದ್ದಿಲ್ಲ. ಹೀಗಿರುವಾಗ ಗರಿಷ್ಟ ಐದಾರು ಅಡಿ ಮಾತ್ರ ನೀರು ಹಿನ್ನೀರು ಪ್ರದೇಶದಲ್ಲಿದ್ದು, ಅದರೊಳಗೆ ಆನೆ ಬಿದ್ದು ಸಾವನಪ್ಪಿರುವ ಬಗ್ಗೆ ಜನ ಅನುಮಾನವ್ಯಕ್ತಪಡಿಸಿದ್ದಾರೆ. ಆನೆ ಸತ್ತ ವಿಷಯ ತಿಳಿದ ತಕ್ಷಣ ಅರಣ್ಯ ಇಲಾಖೆಯ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ಪರಿಶೀಲನೆ ಮಾಡಿದ್ದಾರೆ. ಅದಾದ ನಂತರ ಬೊಮ್ಮನಳ್ಳಿ ನೀರಿನ ಸಮೀಪವೇ ಆನೆಯ ಅಂತ್ಯ ಸಂಸ್ಕಾರವನ್ನು ಮಾಡಿದ್ದಾರೆ. ಸಾವನಪ್ಪಿರುವ ಆನೆಯ ದಂತಗಳನ್ನು ಅಧಿಕಾರಿಗಳು ಮೈಸೂರು ಸಂಗ್ರಹಾಲಯಕ್ಕೆ ಕಳುಹಿಸಿದ್ದಾರೆ. ಆನೆ ನೀರು ಕುಡಿದು ಸಾವನಪ್ಪಿದ ಬಗ್ಗೆ ಅಧಿಕಾರಿಗಳು ಹೇಳಿದ್ದರೂ, ಈ ಬಗ್ಗೆ ಇನ್ನಷ್ಟು ಖಚಿತ ಮಾಹಿತಿಗಾಗಿ ಆನೆಯ ಹೃದಯ ಹಾಗೂ ಮೂತ್ರಪಿಂಡದ ಮಾದರಿಯನ್ನು ಬೆಂಗಳೂರಿನ ಪ್ರಯೋಗಾಲಯಕ್ಕೆ ರವಾನಿಸಿದ್ದಾರೆ. ಎಫ್‌ಎಸ್‌ಎಲ್ ವರದಿ ಬಂದ ನಂತರ ಆನೆ ಸಾವಿನ ಬಗ್ಗೆ ಇನ್ನಷ್ಟು ಮಾಹಿತಿ ಸಿಗಲಿದೆ.
- [ಸಾವಿನ ಸಂಖ್ಯೆ 11ಕ್ಕೆ ಏರಿಕೆ!](https://mobiletime.in/2026/05/death-toll-rises-to-11/): ಭಟ್ಕಳದ ಶಿರಾಲಿ ತಟ್ಟಿಹಕ್ಕಲ ಬಳಿಯ ನದಿಯಲ್ಲಿ ಸೋಮವಾರ ಮಾದೇವ ಜಟ್ಟಪ್ಪ ನಾಯ್ಕ ಅವರ ಶವ ಸಿಕ್ಕಿದೆ. ಹೀಗಾಗಿ ಚಿಪ್ಪೆಕಲ್ಲು ಆರಿಸಲು ಹೋಗಿ ಸಾವನಪ್ಪಿದವರ ಸಂಖ್ಯೆ 11ಕ್ಕೆ ಏರಿಕೆಯಾಗಿದೆ. ಭಾನುವಾರ ನಡೆದಿದ್ದ ಭೀಕರ ದುರಂತದಲ್ಲಿ 8 ಜನ ಜಲ ಸಮಾಧಿಯಾಗಿದ್ದರು. ಅದಾದ ನಂತರ ಮತ್ತೊಬ್ಬರ ಶವ ಸಿಕ್ಕಿತ್ತು. ನಂತರ ಮತ್ತಿಬ್ಬರು ಸಾವನಪ್ಪಿದ್ದು, ಭಾನುವಾರ ರಾತ್ರಿಯೊಳಗೆ 10 ಜನ ಶವವಾಗಿದ್ದು ಖಚಿತವಾಗಿತ್ತು. ಸೋಮವಾರ ನೀರಿನ ಆಳದಲ್ಲಿ ಮಾದೇವ ನಾಯ್ಕ ಅವರು ಶವವಾಗಿ ಕಾಣಿಸಿಕೊಂಡಿದ್ದಾರೆ. ಭಾನುವಾರ ಬೆಳಿಗ್ಗೆ ಪಡುಶಿರಾಲಿಯ ಮಾದೇವ ಬೈರಪ್ಪ ನಾಯ್ಕ (52 ವರ್ಷ) ಅವರ ಶವವನ್ನು ಸ್ಥಳೀಯರು ನೋಡಿದ್ದಾರೆ. ಮಾದೇವ ಬೈರಪ್ಪ ನಾಯ್ಕ (52 ವರ್ಷ) ಅವರ ಜೊತೆ ಲಕ್ಷ್ಮಿ ಮಾದೇವ ನಾಯ್ಕ (38), ಲಕ್ಷ್ಮಿ ಮಹಾದೇವ ನಾಯ್ಕ (42) ಲಕ್ಷ್ಮಿ ಶಿವರಾಮ ನಾಯ್ಕ (39), ಉಮೇಶ ಮಂಜುನಾಥ ನಾಯ್ಕ (25), ಮಾಸ್ತಮ್ಮ ಮಂಜುನಾಥ ನಾಯ್ಕ (43), ಲಕ್ಷ್ಮಿ ಅಣ್ಣಪ್ಪ ನಾಯ್ಕ (44), ಮಾಲತಿ ಜಟ್ಟಪ್ಪ ನಾಯ್ಕ (38), ಮಂಜಮ್ಮ ಗೊಯ್ದಾ ನಾಯ್ಕ (50), ನಾಗರತ್ನ ಪರಮೇಶ್ವರ ನಾಯ್ಕ (40) ಹಾಗೂ ಜ್ಯೋತಿ ನಾಗಪ್ಪ ನಾಯ್ಕ (37 ) ಅವರ ಶವ ಸಂಸ್ಕಾರ ಈ ದಿನ ಒಟ್ಟಿಗೆ ನಡೆದಿದೆ. ಮೃತಪಟ್ಟವರೆಲ್ಲರೂ ಭಟ್ಕಳ ತಾಲೂಕಿನ ಸಾರದಹೊಳೆಯ ಪಡುಶಿರಾಲಿ ಹಾಗೂ ಹಿರೆಹಿತ್ಲು ಗ್ರಾಮಗಳಿಗೆ ಸೇರಿದವರಾಗಿದ್ದಾರೆ.ನೀರಿನಲ್ಲಿ ಮುಳುಗಿ ತೀವ್ರವಾಗಿ ಅಸ್ವಸ್ಥರಾಗಿದ್ದ ನಾಗರತ್ನ ಈಶ್ವರ ನಾಯ್ಕ, ಮಾದೇವಿ ನಾಯ್ಕ ಹಾಗೂ ಲಲಿತಾ ಜಗದೀಶ ನಾಯ್ಕರನ್ನು ರಕ್ಷಿಸಿ ಉಡುಪಿಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಸದ್ಯ ಈ ಮೂವರೂ ಚೇತರಿಸಿಕೊಳ್ಳುತ್ತಿದ್ದಾರೆ.
- [ದುಡ್ಡು ಕೊಟ್ಟು ಕೆಟ್ಟ ಭಟ್ಟರು!](https://mobiletime.in/2026/05/duddu-bad-bhatta/): ಅಂಕೋಲಾದ ವೀರವಿಠ್ಠಲ ಮಠದ ಬಳಿ ಮನೆ ಮಾಡಿಕೊಂಡಿರುವ ರಾಮನಾಥ ಭಟ್ಟ ಅವರು ಅಪರಿಚಿತರ ಖಾತೆಗೆ 16.28 ಲಕ್ಷ ರೂ ವರ್ಗಾಯಿಸಿ ಮೋಸ ಹೋಗಿದ್ದಾರೆ. ದುಡ್ಡು ಡಬಲ್ ಮಾಡಿಕೊಡುವ ಆಮೀಷಕ್ಕೆ ಒಳಗಾಗಿ ಅವರು ಇದ್ದ ಹಣವನ್ನು ಕಳೆದುಕೊಂಡಿದ್ದಾರೆ. ಅoಕೋಲಾದ ಮಠಾಕೇರಿಯ ವೀರವಿಠ್ಠಲ ಮಠದ ಬಳಿ ರಾಮನಾಥ ಪೂರ್ಣಾನಂದ ಭಟ್ (44) ಅವರು ವಾಸವಾಗಿದ್ದಾರೆ. ವಿವಿಧ ವ್ಯವಹಾರ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದು, ಮಾರ್ಚ್ 28ರಂದು ಇನಸ್ಟಾಗ್ರಾಂ ಬಳಸುವಾಗ ಅವರಿಗೆ ದುಡ್ಡು ಡಬಲ್ ಮಾಡಿಕೊಡುವ ಜಾಹೀರಾತು ಕಾಣಿಸಿದೆ. `ತಾವು ಸೂಚಿಸಿದ ಕಂಪನಿಯಲ್ಲಿ ಹಣ ಹೂಡಿಕೆ ಮಾಡಿ’ ಎಂದವರಿಗೆ ಸೂಚನೆ ಬಂದಿದೆ. ಅವರನ್ನು ವಾಟ್ಸಪ್ ಗ್ರೂಪಿಗೆ ಸೇರಿಸಿಕೊಂಡ ವಂಚಕರು ನಯವಾಗಿ ನಂಬಿಸಿ ಹಣ ಕಿತ್ತುಕೊಂಡಿದ್ದಾರೆ. ವoಚಕರು ಮೊದಲು ವಿವಿಧ ರೀತಿಯಲ್ಲಿ ತರಬೇತಿ ನೀಡಿದ ಹಾಗೇ ನಟಿಸಿ ವಿವಿಧ ಬ್ಯಾಂಕ್ ಖಾತೆಗಳಿಗೆ ಹಣ ಜಮಾ ಮಾಡಲು ಸೂಚಿಸಿದ್ದಾರೆ. ಅದರಂತೆ, ಮಾರ್ಚ್ 28ರಿಂದ ಮೇ 14ರವರೆಗೆ ಒಟ್ಟು 16,78,052 ರೂಪಾಯಿಯನ್ನು ರಾಮನಾಥ ಭಟ್ಟ ಅವರು ಜಮಾ ಮಾಡಿದ್ದಾರೆ. ಅದಾದ ನಂತರ ಲಾಭ ಸಿಗದೇ ಇದ್ದಾಗ ಮೋಸ ಹೋಗಿರುವುದು ಅವರಿಗೆ ಗೊತ್ತಾಗಿದೆ. `ನನ್ನ ಹಣ ನನಗೆ ಮರಳಿಸಿ’ ಎಂದವರು ಸದ್ಯ ಪೊಲೀಸರ ಮೊರೆ ಹೋಗಿದ್ದಾರೆ.
- [ಪುರುಷ ಹಿತರಕ್ಷಣಾ ಸಮಿತಿಗೆ ಈ ಮಹಿಳೆಯೇ ಅಧ್ಯಕ್ಷೆ!](https://mobiletime.in/2026/05/this-woman-is-the-president-of-the-mens-welfare-committee/): ಪುರುಷರ ಮೇಲೆ ನಡೆಯುವ ದೌರ್ಜನ್ಯ ತಡೆಗಾಗಿ ರಾಷ್ಟ್ರೀಯ ಮಾನವ ಹಕ್ಕುಗಳ ಪುರುಷರ ಹಿತರಕ್ಷಣಾ ಸಮಿತಿ ರಚನೆಯಾಗಿದ್ದು, ಮಹಿಳೆಯೊಬ್ಬರು ಇದಕ್ಕೆ ಅಧ್ಯಕ್ಷರಾಗಿದ್ದಾರೆ! `ಮಹಿಳೆಯರ ರಕ್ಷಣೆಗಾಗಿ ಹಾಗೂ ಅವರಿಗೆ ನ್ಯಾಯ ಒದಗಿಸುವುದಕ್ಕಾಗಿ ಅನೇಕ ಕಾನೂನುಗಳಿವೆ. ಆದರೆ, ಆ ಕಾನೂನು ದುರುಪಯೋಗ ನಡೆಯುತ್ತಿದ್ದು, ದಬ್ಬಾಳಿಕೆಗೆ ಒಳಗಾದ ಪುರುಷರಿಗೆ ನ್ಯಾಯ ಒದಗಿಸಲು ನಾವು ಶ್ರಮಿಸುತ್ತೇವೆ’ ಎಂದು ಆ ಸಮಿತಿ ಅಧ್ಯಕ್ಷೆ ರಜನಿರಾಜ್ ಅವರು ಘೋಷಿಸಿದ್ದಾರೆ. ಶಿರಸಿಯಲ್ಲಿ ಸೋಮವಾರ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಪುರುಷರಿಗೆ ಸಮಾನರಾಗಿ ಮಹಿಳೆಯರು ದುಡಿಯುತ್ತಿದ್ದು, ಅದೇ ಅಹಂಕಾರದಲ್ಲಿ ಗಂಡನ ಮೇಲೆ ಅನಗತ್ಯ ಆರೋಪ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಪತಿಗೆ ಕಿರುಕುಳ ನೀಡುವ ಪ್ರಕರಣ ಗಮನಕ್ಕೆ ಬಂದಿದ್ದು, ಗಂಡನ ಮೇಲೆ ಹಿಡಿತ ಸಾಧಿಸಲು ಕಾನೂನು ದುರುಪಯೋಗ ನಡೆದಿದೆ’ ಎಂದು ಹೇಳಿದ್ದಾರೆ. `ಮಹಿಳೆಯರಿಂದ ಹಿಂಸೆ ಅನುಭವಿಸುವ ಪುರುಷರ ಬದುಕು ಬೀದಿಗೆ ಬರಬಾರದು ಎಂಬ ನಿಟ್ಟಿನಲ್ಲಿ ನಾವು ಹೋರಾಟ ಶುರು ಮಾಡಿದ್ದೇವೆ’ ಎಂದವರು ವಿವರಿಸಿದ್ದಾರೆ. `ಮಹಿಳೆಯರ ದಬ್ಬಾಳಿಕೆಯಿಂದ ಪುರುಷರು ಆತ್ಮಹತ್ಯೆ ಮಾಡಿಕೊಂಡ ಉದಾಹರಣೆಗಳಿವೆ. ಅಂಥ ಪುರುಷರ ಪರವಾಗಿ ನಮ್ಮ ಸಂಘಟನೆ ನಿಂತು ಅವರಿಗೆ ನ್ಯಾಯ ಕೊಡಿಸಲಿದೆ. ಮಾಜಿ ಸಚಿವ ಎಚ್ ವಿಶ್ವನಾಥ ಅವರು ನಮ್ಮ ಸಮಿತಿಯ ಗೌರವಾಧ್ಯಕ್ಷರಾಗಿದ್ದು, ಈವರೆಗೆ 75ಕ್ಕೂ ಅಧಿಕ ದೂರುಗಳು ಬಂದಿವೆ’ ಎಂದವರು ಮಾಹಿತಿ ನೀಡಿದ್ದಾರೆ. `ದೂರು ಬಂದ ನಂತರ ಪತಿ-ಪತ್ನಿಯರನ್ನು ಕರೆಯಿಸಿ ಮಾತನಾಡಿಸುತ್ತೇವೆ. ಪರಸ್ಪರ ತಿಳುವಳಕೆ ಮೂಡಿಸುತ್ತೇವೆ. ಅನ್ಯಾಯಕ್ಕೆ ಒಳಗಾದವರಿಗೆ ನ್ಯಾಯ ಕೊಡಿಸುತ್ತೇವೆ’ ಎಂದರು. `ಮಂಡ್ಯ ಹಾಗೂ ಬೆಂಗಳೂರಿನಲ್ಲಿರುವ ಸಮಿತಿಯನ್ನು ರಾಜ್ಯದ ಎಲ್ಲಡೆ ವಿಸ್ತರಿಸಿ, ಇದಕ್ಕಾಗಿ ವಿಶೇಷ ಹೆಲ್ಪಲೈನ್ ಸಹ ಶುರು ಮಾಡುತ್ತೇವೆ’ ಎಂದು ಘೋಷಿಸಿದರು.
- [ಗಾಯನ ಸ್ಪರ್ಧೆಗೆ ಉತ್ತಮ ಸ್ಪಂದನೆ](https://mobiletime.in/2026/05/good-response-to-singing-competition/): ಯಲ್ಲಾಪುರದಲ್ಲಿ ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿ ನಡೆಸಿದ ಆಡಿಶನ್’ಗೆ ಉತ್ತಮ ಸ್ಪಂದನೆ ಸಿಕ್ಕಿದೆ. ವಯಸ್ಸಿನ ಮಿತಿ ಇಲ್ಲದೇ ಭಾಗವಹಿಸಿದ ಜನ ಗಾಯನ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದಾರೆ. ಭಾನುವಾರ ಬೆಳಗ್ಗೆ ಯಲ್ಲಾಪುರ ಬಸ್ ನಿಲ್ದಾಣ ಹಿಂಭಾಗದ ವೈಭವ್ ಬಿಲ್ಡಿಂಗ್’ನಲ್ಲಿ ಸ್ಪರ್ಧೆ ಆಯೋಜಿಸಲಾಗಿತ್ತು. 25 ಸ್ಪರ್ಧಾಳುಗಳು ತಮ್ಮ ಪ್ರತಿಭೆ ಪ್ರದರ್ಶಿಸಿದರು. ಕನ್ನಡ ಹಾಗೂ ಹಿಂದಿ ಚಿತ್ರಗೀತೆಗಳನ್ನು ಅವರು ಪ್ರಸ್ತುತಪಡಿಸಿದರು. ಹಿನ್ನಲೆ ವಾದ್ಯವಿಲ್ಲದೇ ನಡೆದ ಈ ಸ್ಪರ್ಧೆಯಲ್ಲಿ ಪೈಪೋಟಿ ಕಂಡು ಬಂದಿತು. ಸಂಗೀತ ಆಸಕ್ತರಿಗೆ ಸೂಕ್ತ ವೇದಿಕೆ ಕಲ್ಪಿಸುವ ಬಗ್ಗೆಯೂ ಈ ವೇದಿಕೆಯಲ್ಲಿ ವಿವರಿಸಲಾಯಿತು. ಉಮೇಶ್ ಗೌಡ ಮತ್ತು ಪ್ರಶಾಂತ ನಾಯ್ಕ ಅವರು ಸ್ಪರ್ಧೆಯ ನಿರ್ಣಾಯಕ ಜವಾಬ್ದಾರಿ ನಿಭಾಯಿಸಿದರು.
- [ಹೃದಯರೋಗ: ಆತ್ಮಹತ್ಯೆ!](https://mobiletime.in/2026/05/heart-disease-suicide/): ಹೃದಯ ರೋಗಕ್ಕೆ ಒಳಗಾಗಿದ್ದ ಹಳಿಯಾಳದ ಮಹಿಳೆಯೊಬ್ಬರು ನೇಣಿಗೆ ಶರಣಾಗಿದ್ದಾರೆ. ರೋಗವನ್ನು ಎದುರಿಸಲು ಧೈರ್ಯ ಸಾಲದೇ ಅವರು ಸಾವನಪ್ಪಿದ್ದಾರೆ. ಹಳಿಯಾಳದ ಮುರ್ಕುವಾಡದಲ್ಲಿ ಹೀನಾಕೌಸರ್ ಮಹಮದ್ ಸಾಬ್ ಮುಲ್ಲಾನವರ್ ಅವರು ವಾಸವಾಗಿದ್ದರು. 34 ವರ್ಷದ ಅವರಿಗೆ ಎದೆನೋವು ಕಾಣಿಸಿಕೊಂಡಿದ್ದು, ತಪಾಸಣೆ ನಡೆಸಿದಾಗ ಹೃದಯ ರೋಗವಿರುವುದು ಗೊತ್ತಾಗಿತ್ತು. ಅದೇ ನೋವಿನಲ್ಲಿ ಅವರು ಮಾನಸಿಕವಾಗಿಯೂ ಕುಗ್ಗಿದ್ದರು. ಮೇ 23ರಂದು ರಾತ್ರಿ 11.45ಕ್ಕೆ ಅವರು ತಮ್ಮ ಬದುಕು ಅಂತ್ಯಗೊಳಿಸುವ ನಿರ್ಣಯ ಮಾಡಿದರು. ವಾಸದ ಮನೆಯ ಕೋಣೆಯಲ್ಲಿದ್ದ ಫ್ಯಾನಿಗೆ ವೇಲು ಕಟ್ಟಿದ ಅವರು ಅದಕ್ಕೆ ಕೊರಳು ಸಿಕ್ಕಿಸಿ ನೇತಾಡಿದರು. ಅಕ್ಕನ ಸಾವಿನ ಬಗ್ಗೆ ಹಳಿಯಾಳ ಶಿವಪುರದ ರಾಜಸಾಬ್ ಮೆಹಬೂಬ್‌ಸಾಬ್ ಮುಲ್ಲಾನವರ್ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. ಮರಣೋತ್ತರ ಪರೀಕ್ಷೆ ನಂತರ ಶವವನ್ನು ಕುಟುಂಬಕ್ಕೆ ಹಸ್ತಾಂತರಿಸಿದರು.
- [ಮಹಮದ್ ಘಜ್ನಿ ಅವತಾರದಲ್ಲಿ ಮಂಜು ನಾಯ್ಕ!](https://mobiletime.in/2026/05/manju-nayak-in-the-avatar-of-muhammad-ghazni/): ಭಾರತದ ಮೇಲೆ 17 ಬಾರಿ ದಾಳಿ ಮಾಡಿದ ಮಹಮದ್ ಘಜ್ನಿ ಹಿಂದೂ ದೇವಾಲಯಗಳನ್ನು ಧ್ವಂಸ ಮಾಡಿದ್ದು, ಸದ್ಯ ಅಂಕೋಲಾದ ಮಂಜು ನಾಯ್ಕ ಅವರು ಸಹ ಅದೇ ದಾರಿ ಹಿಡಿದಿದ್ದಾರೆ. ಅಗಸೂರಿನ ಜನ ನಿತ್ಯವೂ ಪೂಜಿಸಿ-ಆರಾಧಿಸುವ ಮೂರು ದೇವಾಲಯದ ಮೂರ್ತಿಯನ್ನು ಮಂಜು ನಾಯ್ಕ ಅವರು ವಿರೂಪಗೊಳಿಸಿದ್ದಾರೆ! ಅಂಕೋಲಾದ ಅಗಸೂರು ಗ್ರಾಮದಲ್ಲಿ ಶಾಂತಿಕಾ ಪರಮೇಶ್ವರಿ ದೇವಸ್ಥಾನ, ಈಶ್ವರ ದೇವಸ್ಥಾನ ಹಾಗೂ ಸಣ್ಣಹೊಸಬ ದೇವಸ್ಥಾನವಿದೆ. ನಿತ್ಯ ಅನೇಕ ಭಕ್ತರು ಇಲ್ಲಿ ಆಗಮಿಸಿ ಪೂಜೆ ಮಾಡುತ್ತಾರೆ. ಅತ್ಯಂತ ಭಕ್ತಿಯಿಂದ ಜನ ಇಲ್ಲಿ ಬೇಡಿಕೊಳ್ಳುತ್ತಿದ್ದು, ಭಕ್ತರನ್ನು ದೇವರು ಎಂದಿಗೂ ಕೈ ಬಿಟ್ಟಿಲ್ಲ ಎಂಬ ನಂಬಿಕೆಯಿದೆ. ಆದರೆ, ದೇವರನ್ನು ನಂಬದ ಶಿರಗುಂಜಿ ಉಳಗದ್ದೆಯ ಮಂಜು ಸೋಮು ನಾಯ್ಕ ಅವರು ಆ ದೇವಾಲಯಗಳಿಗೆ ನುಗ್ಗಿ ದೇವರ ಮೂರ್ತಿಗಳನ್ನು ಹಾಳು ಮಾಡಿದ್ದಾರೆ. ಮೇ 23ರ ರಾತ್ರಿ 8.30ರ ನಂತರ ಶಾಂತಿಕಾ ಪರಮೇಶ್ವರಿ ದೇವಸ್ಥಾನ ಪ್ರವೇಶಿಸಿದ ಮಂಜು ನಾಯ್ಕ ಅವರು ಅಲ್ಲಿದ್ದ ದೇವರನ್ನು ವಿರೂಪಗೊಳಿಸಿದ್ದು, ಅದಾದ ನಂತರ ಈಶ್ವರ ದೇವಸ್ಥಾನ ಹಾಗೂ ಸಣ್ಣಹೊಸಬ ದೇವಸ್ಥಾನಕ್ಕೂ ತೆರಳಿ ರಂಪಾಟ ಮಾಡಿದ್ದಾರೆ. ರಾತ್ರಿ 10.30ರವರೆಗೆ ಅವರು ದೇವರ ವಿಗ್ರಹಗಳನ್ನು ಬಿನ್ನ ಮಾಡುವ ಮೂಲಕ ಜನರ ಧಾರ್ಮಿಕ ಭಾವನೆಯನ್ನು ಕದಡಿದ್ದಾರೆ. ಆ ಮೂರ್ತಿಗಳನ್ನು ನಾಶಪಡಿಸುವ ಪ್ರಯತ್ನವನ್ನು ಮಾಡಿದ್ದು, ಮಂಜು ನಾಯ್ಕ ಅವರಿಂದ ಅದು ಸಾಧ್ಯವಾಗಿಲ್ಲ. ಅಗಸೂರಿನ ಶಿಕ್ಷಕ ದೀಪಕ ನಾರಾಯಣ ನಾಯಕ ಅವರು ಮಂಜು ನಾಯ್ಕ ಅವರ ಈ ಕೃತ್ಯವನ್ನು ಘೋರವಾಗಿ ಖಂಡಿಸಿದ್ದಾರೆ. ಜನ ಪೂಜಿಸುವ ದೇವರನ್ನು ವಿರೂಪಗೊಳಿಸಿದ ಮಂಜು ನಾಯ್ಕ ಅವರ ವಿರುದ್ಧ ಕಾನೂನು ಕ್ರಮಕ್ಕಾಗಿ ಅವರು ಆಗ್ರಹಿಸಿದ್ದಾರೆ. ಅಂಕೋಲಾ ಪೊಲೀಸರು ಈ ಬಗ್ಗೆ ದೂರು ಸ್ವೀಕರಿಸಿದ್ದು, ವಿಚಾರಣೆ ಶುರು ಮಾಡಿದ್ದಾರೆ.
- [ಕಿಡಿಗೇಡಿಗಳ ವಿರುದ್ಧ ಕೆಂಡಾಮoಡಲ!](https://mobiletime.in/2026/05/lets-fight-against-the-bad-guys/): ಶಿರಸಿ ಮಾರಿಕಾಂಬೆ ದೇವಸ್ಥಾನಕ್ಕೆ ಹೋಗುವ ಹೊರೆಯನ್ನಿಡುವ ಮುರಿನಕಟ್ಟೆ ಮುರಿದ ವಿಷಯವಾಗಿ ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ್ ಅವರು ತೀವೃ ಬೇಸರವ್ಯಕ್ತಪಡಿಸಿದ್ದಾರೆ. ಭಟ್ಕಳದಲ್ಲಿ ಹಿಂದೂಗಳ ಧಾರ್ಮಿಕ ಭಾವನೆಗೆ ಅಡ್ಡಿಪಡಿಸಿದವರ ವಿರುದ್ಧ ಅವರು ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ. `ಕರಾವಳಿ ಭಾಗದಲ್ಲಿ ಅಭಿವೃದ್ಧಿಯ ಸಂಕೇತವಾಗಿ ಹೆದ್ದಾರಿ ಅಗಲೀಕರಣ ನಡೆಯುತ್ತಿದೆ. ಹೆದ್ದಾರಿ ನಡುವೆ ಇದ್ದ ಮುರಿನಕಟ್ಟೆಯನ್ನು ಸರ್ವರ ಸಮ್ಮತಿ ಮೇರೆಗೆ ಸರ್ಕಾರಿ ಜಾಗಕ್ಕೆ ಸ್ಥಳಾಂತರಿಸಲಾಗಿದ್ದು, ಅದನ್ನು ಸಹಿಸದೇ ಕೆಲ ಕಿಡಿಗೇಡಿಗಳು ಕಟ್ಟೆಯನ್ನು ಧ್ವಂಸ ಮಾಡಿದ್ದಾರೆ. ಇದನ್ನು ತಡೆಯಲು ಬಂದ ಹಿಂದೂ ಕಾರ್ಯಕರ್ತರ ಮೇಲೆ ಹಲ್ಲೆ ನಡೆದಿದ್ದು ಶೋಚನೀಯ’ ಎಂದು ಗಣಪತಿ ಉಳ್ವೇಕರ್ ಅವರು ಹೇಳಿದ್ದಾರೆ. `ಭಕ್ತಿ-ಭಾವದಿಂದ ನಿರ್ಮಿಸಿದ ಕಟ್ಟೆಯನ್ನು ಏಕಾಏಕಿ ಧ್ವಂಸ ಮಾಡಿದ್ದು ಸರಿಯಲ್ಲ. ಕಾನೂನು ಮೀರಿ ವರ್ತಿಸಿದ ಗುಂಡಾಗಳ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಬೇಕು. ಅಮಾಯಕ ಹಿಂದೂ ಕಾರ್ಯಕರ್ತರನ್ನು ವಶಕ್ಕೆಪಡೆಯುವ ಬದಲು ನೈಜ ಕಿಡಿಗೇಡಿಗಳನ್ನು ಬಂಧಿಸಬೇಕು. ಹಿಂದೂ ಸಮುದಾಯದವರ ಭಾವನೆಗೆ ಧಕ್ಕೆ ಆಗದ ಹೇಗೆ ಮುರಿನಕಟ್ಟೆ ಪುನಃ ಸ್ಥಾಪನೆಯಾಗಬೇಕು ದೇವಿಯ ಶಕ್ತಿಪೀಠದ ಕಟ್ಟೆಗೆ ಎಂದಿಗೂ ಸಮಸ್ಯೆ ಬಾರದ ರೀತಿ ಸರ್ಕಾರ ನಡೆದುಕೊಳ್ಳಬೇಕು’ ಎಂದು ಗಣಪತಿ ಉಳ್ವೇಕರ್ ಅವರು ಆಗ್ರಹಿಸಿದ್ದಾರೆ.
- [ಹೊಂಡಕ್ಕೆ ಬಿದ್ದ ಕೋಟಿ ರೂ ಹಣ: ನೆಟ್ಟ ಗಿಡಗಳಲ್ಲಿ ಸತ್ತಿದ್ದೇ ಹೆಚ್ಚು!](https://mobiletime.in/2026/05/crores-of-rupees-fell-into-a-pit-most-of-the-plants-planted-died/): ಅರಣ್ಯ ವಿಸ್ತರಣೆ ಹಾಗೂ ಪರಿಸರ ಸಂರಕ್ಷಣೆ ಹೆಸರಿನಲ್ಲಿ ಅರಣ್ಯ ಇಲಾಖೆ ಪ್ರತಿ ಮಳೆಗಾಲದಲ್ಲಿಯೂ ಕೋಟಿ ಕೋಟಿ ರೂಪಾಯಿಯ ಯೋಜನೆ ರೂಪಿಸುತ್ತಿದ್ದು, ಆ ನಡುತೋಪು ಕಾಮಗಾರಿಗಳ ಬಗ್ಗೆ ಅನುಮಾನ ಹಾಗೂ ಅಸಮಧಾನವ್ಯಕ್ತವಾಗಿದೆ. ಅರಣ್ಯ ಅತಿಕ್ರಮಣದಾರರಿಗೆ ಕಾನೂನು ಪಾಠ ಮಾಡುವ ಅರಣ್ಯಾಧಿಕಾರಿಗಳು ತಾವು ಕಾಪಾಡಿದ ಗಿಡ-ಮರಗಳು ಎಷ್ಟು? ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಪ್ರಶ್ನಿಸಿದ್ದಾರೆ. `ಮಳೆಗಾಲ ಶುರುವಾದ ತಕ್ಷಣ ಅರಣ್ಯ ಇಲಾಖೆ ಗಿಡಗಳ ನಾಟಿ ಶುರು ಮಾಡುತ್ತದೆ. ಗಿಡಗಳನ್ನು ನಾಟಿ ಮಾಡುವುದಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಅದನ್ನು ಹೊಳೆ ಅಂಚಿನಲ್ಲಿ ಎಸೆಯಲಾಗುತ್ತದೆ. ಕೋಟ್ಯಂತರ ರೂ ಖರ್ಚು ಮಾಡುವ ಅರಣ್ಯ ಇಲಾಖೆ ತಾವು ನೆಟ್ಟ ಗಿಡಗಳಲ್ಲಿ ಬದುಕಿದ್ದು ಎಷ್ಟು? ಎಂದು ಸಹ ಲೆಕ್ಕ ಮಾಡಬೇಕು’ ಎಂದು ಅರಣ್ಯವಾಸಿಗಳು ಆಗ್ರಹಿಸಿದ್ದಾರೆ. `ನಡು ತೋಪಿನಲ್ಲಿ ಬದುಕಿರುವ ಗಿಡಗಳಿಗಿಂತ ಸತ್ತಿರುವ ಸಂಖ್ಯೆ ಹೆಚ್ಚಾಗಿ ಕಾಣುತ್ತಿದೆ. ಜೀವಂತ ಗಿಡ ನೆಡುವ ಬದಲು ನೀರಿನಲ್ಲಿ ಗಿಡ ತೇಲಿ ಬಿಡುವ ಬಗ್ಗೆಯೂ ಸಾಕಷ್ಟು ನಿದರ್ಶನಗಳಿವೆ’ ಎಂದವರು ಹೇಳಿದ್ದಾರೆ. `ಪರಿಸರ ಪ್ರಜ್ಞೆಯ ಬಗ್ಗೆ ಪಾಠ ಮಾಡುವ ಅರಣ್ಯ ಇಲಾಖೆ ಪ್ಲಾಸ್ಟಿಕ್ ಕೊಟ್ಟೆಯಲ್ಲಿ ಗಿಡ ಆರೈಕೆ ಮಾಡುತ್ತಿದೆ. ಅದೇ ಪ್ಲಾಸ್ಟಿಕನ್ನು ಅರಣ್ಯದಲ್ಲಿ ಬಿಸಾಡುತ್ತಿದ್ದು ಅರಣ್ಯ ಸಿಬ್ಬಂದಿ ನೆಟ್ಟ ಗಿಡ ಹುಟ್ಟಿದ್ದಕ್ಕಿಂತ ಹೆಚ್ಚಾಗಿ ಬೀಜ ಪ್ರಸರಣಾದಿಂದ ಹುಟ್ಟಿರುವ ಗಿಡಗಳೇ ಜಾಸ್ತಿಯಿವೆ’ ಎಂದು ಹೇಳಿದ್ದಾರೆ. `ಪರಿಸರ ವಿರೋಧಿ ಹಾಗೂ ಮರ ಕಡಿಯುವ ಉದ್ದೇಶದಿಂದ ಪದೇ ಪದೇ ಅಕೇಶಿಯಾ ಗಿಡ ನೆಡುವುದು ಮತ್ತು ಕಡಿಯುವ ಪರಿಸರ ವಿರೋಧಿ ಪ್ರವೃತ್ತಿಯನ್ನು ಅಧಿಕಾರಿಗಳು ಬೆಳಸಿಕೊಂಡಿದ್ದಾರೆ. ಅರಣ್ಯ ಇಲಾಖೆಯ ನೀತಿ ಸಮಂಜಸವಲ್ಲ’ ಎಂದವರು ಹೇಳಿದ್ದಾರೆ.  
- [ಭಟ್ಕಳ ಉದ್ವಿಗ್ನ: ಶಾಂತಿ ಕಾಪಾಡಿ!](https://mobiletime.in/2026/05/bhatkal-tension-maintain-peace/): ಅತ್ಯಂತ ಸೂಕ್ಷ್ಮ ಪ್ರದೇಶವಾಗಿರುವ ಭಟ್ಕಳದಲ್ಲಿ ಮತ್ತೆ ಹಿಂದು-ಮುಸ್ಲಿo ಗಲಾಟೆ ನಡೆದಿದೆ. ಅದರ ಪರಿಣಾಮ ಅಲ್ಲಿ ಉದ್ವಿಗ್ನ ಪರಿಸ್ಥಿತಿ ಎದುರಾಗಿದೆ. `ದಯವಿಟ್ಟು ಶಾಂತಿ ಕಾಪಾಡಿ’ ಎಂದು ಜಿಲ್ಲಾಡಳಿತ ಮನವಿ ಮಾಡಿದೆ. ಭಟ್ಕಳ ನಗರ ಮೂಲಕ ಹಾಯ್ದು ಹೋಗುವ ರಾ ಹೆ 66ರ ಪಕ್ಕದಲ್ಲಿ ಮಾರಿಕಾಂಬೆ ದೇವಸ್ಥಾನಕ್ಕೆ ಹೋಗುವ ಹೊರೆಯನ್ನಿಡುವ ಸ್ಥಳವಿದ್ದು ಅದನ್ನು ಸ್ಥಳೀಯವಾಗಿ ಮುರಿನಕಟ್ಟೆ ಎಂದು ಕರೆಯಲಾಗುತ್ತದೆ. ಹೆದ್ದಾರಿ ಅಗಲೀಕರಣ ಹಾಗೂ ಅಭಿವೃದ್ಧಿ ಕಾಮಗಾರಿ ಕೈಗೊಳ್ಳುವ ಸಮಯದಲ್ಲಿ ವಾಹನ ಸಂಚಾರ ತೊಂದರೆಯಾಗದ ಹಾಗೆ ಮುರಿನಕಟ್ಟೆಯನ್ನು ಬೇರೆಡೆ ಸ್ಥಳಾಂತರಿಸಲಾಗಿತ್ತು. ಕೆಂಪು ಕಲ್ಲಿನಿಂದ ಕಟ್ಟಿದ ಹೊಸಕಟ್ಟೆಯನ್ನು ಮೇ 24ರ ರಾತ್ರಿ ಕಿಡಿಗೇಡಿಗಳು ನಾಶ ಮಾಡಿದ್ದಾರೆ. ಈ ವೇಳೆ ಪೊಲೀಸ್ ಠಾಣೆಗೆ ಮುತ್ತಿಗೆ ಹಾಕಿದ ಜನ ಕಟ್ಟೆ ಪುನರ್ ನಿರ್ಮಾಣ ಮಾಡುವಂತೆ ಆಗ್ರಹಿಸಿದ್ದಾರೆ. ಮುರಿನಕಟ್ಟೆ ಪುನರ್ ನಿರ್ಮಾಣಕ್ಕೆ ಪೊಲೀಸರು ಸ್ಪಷ್ಟ ಭರವಸೆ ನೀಡದ ಕಾರಣ ಅಲ್ಲಿ ಜಮಾಯಿಸಿದ್ದ ಹಿಂದೂ ಕಾರ್ಯಕರ್ತರು ಮುರಿನಕಟ್ಟೆಗೆ ತೆರಳಿ ಕಟ್ಟೆ ನಿರ್ಮಿಸಿಯೇ ತೀರುತ್ತೇವೆ ಎಂದು ಪಟ್ಟು ಹಿಡಿದಾಗ ಪೊಲೀಸರು ಅವರನ್ನು ವಶಕ್ಕೆ ಪಡೆದಿದ್ದಾರೆ. ಗುಂಪು ಚದುರಿಸುವುದಕ್ಕಾಗಿ ಪೊಲೀಸರು ಲಾಠಿ ಪ್ರಹಾರವನ್ನು ಮಾಡಿದ್ದಾರೆ. ಮಧ್ಯರಾತ್ರಿ ಮುರಿನಕಟ್ಟೆಯಲ್ಲಿ ಹಿಂದೂ ಸಂಘಟನೆ ಕಾರ್ಯಕರ್ತರು ದೇವಿಯ ಶಕ್ತಿಪೀಠದ ಕಟ್ಟೆ ಮತ್ತೆ ಪುನರ್ ನಿರ್ಮಿಸಲು ಮುಂದಾದಾಗ ಪೊಲೀಸರು 15 ಜನ ಕಾರ್ಯಕರ್ತರನ್ನು ವಶಕ್ಕೆ ಪಡೆದರು. ನಂತರ ಅವರನ್ನು ಮುರುಡೇಶ್ವರ ಪೊಲೀಸ್ ಠಾಣೆಗೆ ಕರೆದೊಯ್ಯಲಾಯಿತು. ಭಟ್ಕಳದ ಹಿಂದೂ ಸಮಾಜದ ಮುಖಂಡರು ಕಾರ್ಯಕರ್ತರನ್ನು ಬಿಡುಗಡೆಗಳಿಸಲು ಒತ್ತಾಯಿಸಿದರು. ನಂತರ ವಶದಲ್ಲಿದ್ದ ಹಿಂದೂ ಕಾರ್ಯಕರ್ತರನ್ನು ಭಟ್ಕಳ ಶಹರ ಠಾಣೆಗೆ ಕರೆತಂದು ಬಿಡಲಾಯಿತು. ಹೊಸದಾಗಿ ನಿರ್ಮಿಸಿದ್ದ ಮುರಿನಕಟ್ಟೆಯನ್ನು ಕೆಲ ಮುಸ್ಲಿಮರು ಧ್ವಂಸಗೊಳಿಸಿದ ಸುದ್ದಿ ಕಾಳ್ಗಿಚ್ಚಿನಂತೆ ಹರಡಿದ್ದು, ಹಿಂದೂ ಸಂಘಟನೆಗಳ ಮುಖಂಡರು ಮತ್ತು ಕಾರ್ಯಕರ್ತರು ರಾತೋರಾತ್ರಿ ಭಟ್ಕಳ ಶಹರ ಠಾಣೆಗೆ ಮುತ್ತಿಗೆ ಹಾಕಿದರು. ಘಟನೆಗೆ ಆಕ್ರೋಶ ವ್ಯಕ್ತಪಡಿಸಿದ ಪ್ರತಿಭಟನಾಕಾರರು, ಮುರಿನಕಟ್ಟೆ ಧ್ವಂಸಗೊಳಿಸಿದ ದುಷ್ಕರ್ಮಿಗಳನ್ನು ತಕ್ಷಣ ಬಂಧಿಸಬೇಕು ಎಂದು ಒತ್ತಾಯಿಸಿದರು. ಹಿಂದೂ ಯುವಕನ ಮೇಲೆ ಹಲ್ಲೆ ನಡೆಸಿದವರನ್ನು ಕೂಡ ಬಂಧಿಸಿ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು. ಈ ಎಲ್ಲಾ ಬೆಳವಣಿಗೆಗಳ ನಡುವೆ ವಾಹನ ಸಂಚಾರಕ್ಕೆ ಅಡ್ಡಿ, ಪೊಲೀಸ್ ಕರ್ತವ್ಯಕ್ಕ ಅಡ್ಡಿ, ಹಲ್ಲೆ ಹಾಗೂ ದರೋಡೆ, ಪ್ರಚೋದನಾಕಾರಿ ವಿಡಿಯೋ ಹರಿಬಿಟ್ಟಿರುವುದು ಸೇರಿ ಪೊಲೀಸರು ನಾಲ್ಕು ಪ್ರಕರಣಗಳನ್ನು ದಾಖಲಿಸಿದರು. ಸಾಮಾಜಿಕ ಜಾಲತಾಣದಲ್ಲಿ ಭಟ್ಕಳದ ಮೂರಿನಕಟ್ಟೆ ಪ್ರಕರಣದ ಕುರಿತು ಕೋಮು ಸೌಹಾರ್ದತೆಗೆ ಧಕ್ಕೆ ತರುವಂತಹ ಪ್ರಚೋದನಾಕಾರಿ ಪೊಸ್ಟಗಳು, ಸುಳ್ಳು ಸುದ್ದಿಗಳು ಹರಿಬಿಟ್ಟು ಕಾನೂನು ಸುವ್ಯವಸ್ಥೆಗೆ ಧಕ್ಕೆ ಉಂಟುಮಾಡಿದಲ್ಲಿ ಸಂಬAಧಪಟ್ಟ ಕಿಡಿಗೇಡಿಗಳ ವಿರುದ್ಧ ಕಾನೂನು ಕ್ರಮ ಜರುಗಿಸುವುದಾಗಿಯೂ ಪೊಲೀಸರು ಎಚ್ಚರಿಸಿದರು. ಹೊಸದಾಗಿ ಸ್ಥಳಾಂತರಿಸುವ ಉದ್ದೇಶದಿಂದ ನಿರ್ಮಿಸಲಾಗಿದ್ದ ಮುರಿನಕಟ್ಟೆಯನ್ನು ನಾಶಪಡಿಸಿದವರ ಮೇಲೆ ಕಾನೂನಿನಂತೆ ಪ್ರಕರಣ ದಾಖಲಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮಿಪ್ರಿಯಾ ಅವರು ಸ್ಪಷ್ಟನೆ ನೀಡಿದರು. ಜೊತೆಗೆ ಭಟ್ಕಳದಲ್ಲಿ ಶಾಂತಿ ಕಾಪಾಡುವುದಕ್ಕಾಗಿ ಜಿಲ್ಲಾಧಿಕಾರಿಗಳು ನಿಷೇಧಾಜ್ಷೆ ಹೊರಡಿಸಿದ್ದು, ಮದ್ಯದಂಗಡಿಗಳನ್ನು ಬಂದ್ ಮಾಡುವಂತೆ ಸೂಚಿಸಿದರು. ಪ್ರತಿಭಟನೆಯಲ್ಲಿ ಮಾಜಿ ಶಾಸಕ ಸುನೀಲ ನಾಯ್ಕ, ಬಿಜೆಪಿ ಮುಖಂಡರಾದ ಗೋವಿಂದ ನಾಯ್ಕ, ಶ್ರೀಕಾಂತ ನಾಯ್ಕ, ಶ್ರೀನಿವಾಸ ನಾಯ್ಕ, ಹಿಂದೂ ಸಂಘಟನೆಗಳ ಮುಖಂಡರು, ಕಾರ್ಯಕರ್ತರು ಪಾಲ್ಗೊಂಡಿದ್ದರು. ಇದಕ್ಕೂ ಮೊದಲು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ಭೇಟಿ ನೀಡಿದ ಉಸ್ತುವಾರಿ ಸಚಿವ ಮಂಕಾಳ ವೈದ್ಯ ಅವರನ್ನು ಅಡ್ಡಗಟ್ಟಿದ ಹಿಂದೂ ಯುವಕರು ಕ್ರಮಕ್ಕೆ ಆಗ್ರಹಿಸಿದರು. ಸದ್ಯ ಕೋಮು ಸೂಕ್ಷ್ಮ ಪ್ರದೇಶದಲ್ಲಿ ಮತ್ತಷ್ಟು ಉದ್ವಿಗ್ನತೆಯನ್ನು ತಡೆಗಟ್ಟಲು ಪೊಲೀಸರು ಭದ್ರತೆಯನ್ನು ಬಿಗಿಗೊಳಿಸಿದ್ದಾರೆ. ರಾಷ್ಟ್ರೀಯ ಹೆದ್ದಾರಿ 66ರ ಉದ್ದಕ್ಕೂ ಇರುವ ವಿವಾದಿತ ಸ್ಥಳದ ಸುತ್ತಲೂ ಭಾರೀ ಭದ್ರತೆಗೆ ಒತ್ತು ನೀಡಲಾಗಿದೆ. ವಾತಾವರಣವು ಉದ್ವಿಗ್ನವಾಗಿದ್ದರೂ ಪರಿಸ್ಥಿತಿ ಜಿಲ್ಲಾಡಳಿತದ ನಿಯಂತ್ರಣದಲ್ಲಿದೆ.
- [ಬಾವಿ ಜೊತೆ ಬೋರ್‌ವೆಲ್ ಕಲುಷಿತ: ಹೊಸಳ್ಳಿ ಜನರಿಗೆ ನೊರೆ ನೀರೇ ಗತಿ!](https://mobiletime.in/2026/05/well-and-borewell-contaminated-foamy-water-is-the-fate-of-the-people-of-hosalli/): ಯಲ್ಲಾಪುರದ ಹೊಸಳ್ಳಿ ಗ್ರಾಮದ ನೀರು ನೊರೆ ನೊರೆಯಾಗಿದೆ. ಈ ಭಾಗದ ಬಾವಿ-ಕೆರೆಯ ಜೊತೆ ಬೋರ್‌ವೆಲ್ ನೀರು ಸಹ ಕಲುಷಿತಗೊಂಡಿದೆ. ಕಲುಷಿತ ನೀರು ಸೇವನೆಯಿಂದ ಈ ಭಾಗದ ಜನ ವಿವಿಧ ಸಮಸ್ಯೆಗೆ ಒಳಗಾಗಿದ್ದಾರೆ. ಯಲ್ಲಾಪುರದ ಹೊಸಳ್ಳಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಮೊದಲಿನಿಂದಲು ಕುಡಿಯುವ ನೀರಿನ ಸಮಸ್ಯೆಯಿದೆ. ಪ್ರತಿ ವರ್ಷವೂ ಇಲ್ಲಿನ ಜನ ಶುದ್ಧ ಕುಡಿಯುವ ನೀರಿಗಾಗಿ ತೊಂದರೆ ಅನುಭವಿಸುತ್ತಿದ್ದಾರೆ. ಮಾರ್ಚ-ಏಪ್ರಿಲ್ ಹಾಗೂ ಮೇ ತಿಂಗಳ ಅವಧಿಯಲ್ಲಿ ಕುಡಿಯುವ ನೀರಿಗೆ ಹಾಹಾಕಾರ ಎದುರಾಗುತ್ತಿದ್ದು, ಈ ಅವಧಿಯಲ್ಲಿ ಕೆರೆ-ಬಾವಿಯ ನೀರು ಇನ್ನಷ್ಟು ಕಲುಷಿತವಾಗುತ್ತಿದೆ. ಇಲ್ಲಿನ ಬಾವಿ-ಕೆರೆಗಳಿಂದ ಸಂಗ್ರಹಿಸಿದ ನೀರು ರಾತ್ರಿ ಕಳೆದು ಬೆಳಗಾಗುವುದರೊಳಗೆ ನೊರೆಗಳಿಂದ ಕೂಡಿರುವುದು ಕಂಡು ಬಂದಿದೆ. ಈ ಭಾಗದ ನೀರಿನ ಸ್ವಾದವೂ ಬದಲಾವಣೆಯಾಗಿದೆ. ಬಣ್ಣವೂ ಬೇರೆಯಾಗಿದೆ. ಹೊಸಳ್ಳಿ ಕೆರೆಯ ನೀರು ಪಶುಗಳ ಸೇವನೆಗೆ ಸಹ ಯೋಗ್ಯವಾಗಿಲ್ಲ ಎಂದು ಸರ್ಕಾರಕ್ಕೆ ವರದಿಯೊಂದು ಸಲ್ಲಿಕೆಯಾಗಿದೆ. ಮೂರು ಕಿಮೀ ದೂರದಿಂದ ಜನ ನೀರು ತರುತ್ತಿದ್ದು, ಆ ನೀರು ಸಹ ಸರಿಯಾಗಿಲ್ಲ. ಅದಾಗಿಯೂ, ಅನಿವಾರ್ಯವಾಗಿ ಇಲ್ಲಿನ ಜನ ಗಡುಸು ನೀರನ್ನು ಕುಡಿಯುತ್ತಿದ್ದಾರೆ. ಶುದ್ಧ ಕುಡಿಯುವ ನೀರು ಸಿಗದ ಕಾರಣ ಈ ಭಾಗದಲ್ಲಿ ಅನೇಕರು ಅನಾರೋಗ್ಯಕ್ಕೆ ಒಳಗಾಗಿದ್ದಾರೆ. ಈ ಬಗ್ಗೆ ಅರಿವಿದ್ದರೂ ಶುದ್ಧ ಕುಡಿಯುವ ನೀರು ಪೂರೈಕೆಯಲ್ಲಿ ಆಡಳಿತ ಸೋತಿದೆ. ಜನರಿಗೆ ನೀರು ಕುಡಿಸುವುದಕ್ಕಾಗಿ ಕಿರವತ್ತಿ ಗ್ರಾಮ ಪಂಚಾಯತದಿAದ ಮೂರು ಕಡೆ ಬೋರ್ ವೆಲ್ ತೆಗೆಸಲಾಗಿದೆ. ಆದರೆ, ಇಲ್ಲಿ ನಾಲ್ಕು ದಿನಕ್ಕೆ ಒಮ್ಮೆ ಜನರಿಗೆ ನೀರು ಪೂರೈಸಲಾಗುತ್ತದೆ. ಆ ನೀರು ಸಹ ಕುಡಿಯುವ ಹಾಗಿರುವುದಿಲ್ಲ ಎಂಬುದು ಜನರ ದೂರು. `ಮೂರು ಕಿಮೀ ದೂರದಿಂದ ಪೈಪ್‌ಲೈನ್ ಹಾಕಿಸಿಕೊಂಡು ಬಂದರೂ ಶುದ್ಧ ಕುಡಿಯುವ ನೀರು ಸಿಗುತ್ತಿಲ್ಲ. ನೀರಿನ ಬಣ್ಣ ಹಾಗೂ ವಾಸನೆ ಬದಲಾಗಿದ್ದು, ಕೆಮಿಕಲ್ ಮಿಶ್ರಣದ ಹಾಗೇ ಭಾಸವಾಗುತ್ತದೆ’ ಎಂಬುದು ಜನರ ಅಳಲು. ಸಾರ್ವಜನಿಕ ದೂರಿನ ಹಿನ್ನಲೆ ಅಧಿಕಾರಿಗಳ ತಂಡದವರು ಒಂದೆರಡು ಬಾರಿ ಸ್ಥಳ ಪರಿಶೀಲನೆ ಮಾಡಿದ್ದಾರೆ. ಈ ವೇಳೆಯಲ್ಲಿಯೂ ಶುದ್ಧ ನೀರಿಗೆ ರಾಸಾಯನಿಕ ಸೇರಿರುವುದು ದೃಢವಾಗಿದೆ. ಈ ಕುರಿತಾದ ವರದಿ ಸರ್ಕಾರಿ ಕಡತ ಸೇರಿದ್ದರೂ ನಂತರ ಯಾವುದೇ ರೀತಿಯಲ್ಲಿಯೂ ದೊಡ್ಡ ಕ್ರಮವಾಗಿಲ್ಲ. ಪ್ರತಿ ವರ್ಷ ಇಲ್ಲಿನ ಜನ ಅನುಭವಿಸುವ ಸಮಸ್ಯೆಗೆ ಪರಿಹಾರ ಸಿಕ್ಕಿಲ್ಲ. `ಮೊದಲು ಒಂದು ದಿನ ಬಿಟ್ಟು ಒಂದು ದಿನ ನೀರು ಪೂರೈಕೆ ಮಾಡಲಾಗುತ್ತಿತ್ತು. ಬೇಸಿಗೆಯಲ್ಲಿ ನೀರಿನ ಅಭಾವದ ಹಿನ್ನಲೆ 3-4 ದಿನಗಳಿಗೆ ಒಮ್ಮೆ ನೀರು ಕೊಡುತ್ತಿದ್ದೇವೆ. ನೀರಿನ ಮಾದರಿಯನ್ನು ಪರೀಕ್ಷೆಗೆ ಒಳಪಡಿಸಲಾಗಿದ್ದು, ವರದಿ ಬರಬೇಕಿದೆ’ ಎಂದು ಕಿರವತ್ತಿ ಪಿಡಿಓ ಶಿವಕುಮಾರ ಅವರು ಪ್ರತಿಕ್ರಿಯಿಸಿದ್ದಾರೆ.
- [ಹೊಟ್ಟೆಪಾಡಿಗಾಗಿ ಹೋದವರೇ ಹೆಣವಾದರು!](https://mobiletime.in/2026/05/those-who-went-for-food-became-the-dead/): ವಾತಾವರಣ ಬದಲಾದ ಬಗ್ಗೆ ಅರಿವಿದ್ದರೂ ಹೊಟ್ಟೆಪಾಡಿನ ಅನಿವಾರ್ಯತೆಗೆ ಸಿಲುಕಿ ಚಿಪ್ಪಿ ಕಲ್ಲು ಆರಿಸಲು ಹೋಗಿದ್ದ ಒಂದೇ ಕುಟುಂಬದ ಎಂಟು ಜನ ನದಿ ನೀರಿನಲ್ಲಿ ಕೊಚ್ಚಿ ಹೋಗಿದ್ದಾರೆ. ಸದ್ಯ ಭಟ್ಕಳದ ಶಿರಾಲಿ ತಟ್ಟಿ ಹಕ್ಕಲು ಪ್ರದೇಶದಲ್ಲಿ ನಡೆದ ದುರಂತದಲ್ಲಿ ಸಾವನಪ್ಪಿದವರ ಸಂಖ್ಯೆ 9ಕ್ಕೆ ಏರಿಕೆಯಾಗಿದೆ. ಕರಾವಳಿಯ ವಿಶಿಷ್ಟ ಖಾದ್ಯಗಳಲ್ಲಿ ಚಿಪ್ಪೆ ಕಲ್ಲು ಸಹ ಒಂದು. ಸಾವಿರಾರು ಕುಟುಂಬಗಳು ಈ ಚಿಪ್ಪೆ ಕಲ್ಲು ಆರಿಸಿ, ಅದನ್ನು ವಿವಿಧ ಹೊಟೇಲುಗಳಿಗೆ ಕೊಟ್ಟು ಹಣಪಡೆಯುತ್ತಾರೆ. ನೆರೆ ರಾಜ್ಯಗಳಲ್ಲಿಯೂ ಚಿಪ್ಪೆ ಕಲ್ಲಿನ ಖಾದ್ಯಕ್ಕೆ ಬಹು ಬೇಡಿಕೆಯಿರುವುದರಿಂದ ಅನೇಕರ ಪಾಲಿಗೆ ಚಿಪ್ಪೆ ಕಲ್ಲು ಆರಿಸುವುದೇ ನಿತ್ಯದ ದುಡಿಮೆಯಾಗಿದೆ. ಭಟ್ಕಳದ ಲಕ್ಷ್ಮಿ ಮಾದೇವ ನಾಯ್ಕ ಕುಟುಂಬದವರು ಇದೇ ಕಾಯಕ ಮಾಡಿಕೊಂಡಿದ್ದು, ಭಾನುವಾರ 14 ಜನ ಒಟ್ಟಿಗೆ ನೀರಿಗಿಳಿದಿದ್ದಾರೆ. ನೀರಿನ ಅಬ್ಬರಕ್ಕೆ 11 ಜನ ಕೊಚ್ಚಿ ಹೋಗಿದ್ದು, ಅದರಲ್ಲಿ 8 ಜನ ಆಗಲೇ ಶವವಾಗಿ ಸಿಕ್ಕಿದ್ದಾರೆ. ಅದಾದ ನಂತರ ಮತ್ತೊಬ್ಬರು ಶವವಾಗಿದ್ದಾರೆ. ಇನ್ನೂ ಮೂವರು ಕಾಣೆಯಾಗಿದ್ದು, ಅವರ ಶೋಧ ನಡೆಯುತ್ತಲೇ ಇದೆ. ಕಳೆದ ಮೂರು ದಿನಗಳಿಂದ ಭಾರಿ ಮಳೆ ಹಿನ್ನೆಲೆಯಲ್ಲಿ ನದಿಯಲ್ಲಿ ನೀರಿನ ಹರಿವು ಎಂದಿಗಿAತ ಜಾಸ್ತಿ ಇತ್ತು. ನೀರು ಹೆಚ್ಚಾಗಿರುವುದನ್ನು ಎಲ್ಲರೂ ಅಂದಾಜಿಸಿದ್ದರು. ಶನಿವಾರ ರಾತ್ರಿಯೂ ಜೋರು ಮಳೆಯಿತ್ತು. ಆದರೆ, ಮಳೆ ಎಂದು ಕೂತರೆ ಹೊಟ್ಟೆ ತುಂಬುತ್ತಿರಲಿಲ್ಲ. ಹೀಗಾಗಿ ಕೈ ಕೈ ಹಿಡಿದು 14 ಜನ ನೀರಿಗೆ ಇಳಿದಿದ್ದು, ನೀರಿನ ಹರಿವನ್ನು ಸರಿಯಾಗಿ ಊಹಿಸದ ಕಾರಣ ಕೊಚ್ಚಿ ಹೋದರು. ಪರಸ್ಪರ ಕೈಕೈ ಹಿಡಿದುಕೊಂಡು ಹೋಗುತ್ತಿದ್ದವರು ಏಕಾಏಕಿ ನೀರು ಪಾಲಾದರು. ಒಬ್ಬರನ್ನು ಒಬ್ಬರು ಹಿಡಿದಿದ್ದರಿಂದ ಎಲ್ಲರೂ ಸೆಳೆತಕ್ಕೆ ಒಳಗಾಗಿದ್ದು, ಅದಾಗಿಯೂ ಅಲ್ಲಿದ್ದವರು ನಾಲ್ವರನ್ನು ರಕ್ಷಿಸಿದರು. ಕ್ಷಣಾರ್ಧದಲ್ಲಿ ನದಿಯ ಭೀಕರ ಸೆಳೆತಕ್ಕೆ ಸಿಲುಕಿದ ಇವರೆಲ್ಲರೂ ಏಕಾಏಕಿ ನೀರಿನ ಆಳಕ್ಕೆ ಕೊಚ್ಚಿ ಹೋಗಿದ್ದು, ಒಂದೇ ಕುಟುಂಬದ ಎಂಟು ಜನ ಜಲ ಸಮಾಧಿಯಾದರು. `ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳ ಸಮೀಪದ ತಟ್ಟೆಹಕ್ಕಲು ಕಡಲ ತೀರದಲ್ಲಿ ಕಪ್ಪೆಚಿಪ್ಪು ತರಲು ಹೋದವರ ಪೈಕಿ ಒಂದೇ ಕುಟುಂಬದ ಎಂಟು ಮಂದಿ ನೀರಿನಲ್ಲಿ ಮುಳುಗಿ ಸಾವಿಗೀಡಾಗಿದ ಸುದ್ದಿ ತಿಳಿದು ಸಂಕಟವಾಯಿತು. ಮೃತರ ಆತ್ಮಕ್ಕೆ ಚಿರಶಾಂತಿ ಸಿಗಲಿ ಎಂದು ಪ್ರಾರ್ಥಿಸುತ್ತೇನೆ’ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಟ್ವೀಟ್ ಮಾಡಿದ್ದಾರೆ. `ದುರಂತದಲ್ಲಿ ಮಡಿದವರ ಕುಟುಂಬಕ್ಕೆ ಮಾನವೀಯ ನೆಲೆಯಲ್ಲಿ ರಾಜ್ಯ ಸರ್ಕಾರದಿಂದ ತಲಾ 5 ಲಕ್ಷ ರೂಪಾಯಿ ಪರಿಹಾರ ನೀಡಲಾಗುತ್ತದೆ’ ಎಂದವರು ಘೋಷಿಸಿದ್ದಾರೆ.
- [ವಿಷ ಕುಡಿದರೂ ಸಾಯಲಿಲ್ಲ.. ಬಾವಿಗೆ ಬಿದ್ದರೂ ಜೀವ ಹೋಗಿಲ್ಲ.. ನೇಣಿಗೆ ಶರಣಾದರೂ ಪ್ರಯೋಜನಕ್ಕೆ ಬಂದಿಲ್ಲ!](https://mobiletime.in/2026/05/even-though-he-drank-poison-he-didnt-die-even-though-he-fell-into-a-well-he-didnt-lose-his-life-even-though-he-surrendered-to-the-gallows-it-didnt-benefit-him/): ಬನವಾಸಿ ಬಳಿಯ ನಾಗೇಂದ್ರ ನಾಯ್ಕ ಅವರು ವಿಷ ಸೇವಿಸಿದರೂ ಸಾವನಪ್ಪಲಿಲ್ಲ. ನೇಣಿಗೆ ಶರಣಾದರೂ ಅವರ ಉಸಿರು ನಿಲ್ಲಲಿಲ್ಲ. ಬಾವಿಗೆ ಬಿದ್ದರೂ ಅವರ ಜೀವ ಹೋಗಲಿಲ್ಲ. ಆತ್ಮಹತ್ಯೆ ಪ್ರಯತ್ನದ ಎಂಟು ದಿನದ ನಂತರ ಅವರು ಚಿಕಿತ್ಸೆಗಾಗಿ ದೊಡ್ಡ ಆಸ್ಪತ್ರೆಗೆ ಹೋಗುವಾಗ ಕೊನೆಯುಸಿರೆಳೆದಿದ್ದಾರೆ! ಶಿರಸಿಯ ಬನವಾಸಿ ಬಳಿಯ ಗುಡ್ನಾಪುರದಲ್ಲಿ ನಾಗೇಂದ್ರ ಬಂಗಾರಪ್ಪ ನಾಯ್ಕ (57) ಅವರು ವಾಸವಾಗಿದ್ದರು. ಅವರಿಗೆ 1.8 ಎಕರೆ ಕೃಷಿ ಭೂಮಿಯಿದ್ದು, ಅಲ್ಲಿ ಅಲ್ಲಿ ಅಡಿಕೆ, ಬತ್ತ ಹಾಗೂ ಶುಂಠಿ ಬೆಳೆದಿದ್ದರು. ಈ ಬೆಳೆಗಾಗಿ ಅವರು ಬನವಾಸಿ ಸೊಸೈಟಿಯಲ್ಲಿ 1 ಲಕ್ಷ ರೂ ಹಾಗೂ ಜನರ ಬಳಿ 65 ಸಾವಿರ ರೂ ಸಾಲ ಮಾಡಿದ್ದರು. ಇದರೊಂದಿಗೆ ಪರಿಚಯಸ್ಥರ ಭೂಮಿಯನ್ನು ಗೇಣಿಗೆಪಡೆದು ಅಲ್ಲಿ ಉಳುಮೆ ಮಾಡುತ್ತಿದ್ದರು. ವಿಪರೀತ ತಾಪಮಾನ ಹಾಗೂ ನೀರಿನ ಸಮಸ್ಯೆಯಿಂದ ಈ ಬಾರಿ ಅವರಿಗೆ ಕೃಷಿ ಕೈ ಹಿಡಿಯಲಿಲ್ಲ. ಶುಂಠಿ ಬೆಳೆಯಲ್ಲಿ ಸಂಪೂರ್ಣ ನಷ್ಟವಾದ ಕಾರಣ ಸಾಲ ತೀರಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ಬನವಾಸಿಯ ಸುವರ್ಣ ಬ್ಯಾಂಕಿಗೆ ಹೋದ ಅವರು ಮನೆಯಲ್ಲಿದ್ದ ಬಂಗಾರವನ್ನು ಅಡವಿಟ್ಟು ಮತ್ತೆ ಸಾಲ ಮಾಡಿದ್ದರು. ಅದರಲ್ಲಿಯೇ ಅಲ್ಪ ಪ್ರಮಾಣದಲ್ಲಿ ಬೆಳೆ ಸಾಲವನ್ನು ತೀರಿಸಿದ್ದರು. ಉಳಿದ ಹಣವನ್ನು ಕೃಷಿಗೆ ವಿನಿಯೋಗಿಸಿದ್ದು, ಅಲ್ಲಿ ಮತ್ತೆ ನಷ್ಟ ಅನುಭವಿಸಿದರು. ಮೇ 14ರಂದು ಮನೆಯವರೆಲ್ಲ ಮದುವೆಗೆ ಹೋದಾಗ ನಾಗೇಂದ್ರ ನಾಯ್ಕ ಅವರು ಆತ್ಮಹತ್ಯೆಗೆ ನಿರ್ಧರಿಸಿದರು. ಇದಕ್ಕಾಗಿ ಅವರು ಮೊದಲು ವಿಷ ಕುಡಿದರು. ಆದರೆ, ಅದರಿಂದ ಅವರು ಸಾವನಪ್ಪಲಿಲ್ಲ. ವಿಷ ಕುಡಿದ ಕಾರಣ ಹೊಟ್ಟೆನೋವು ಶುರುವಾಗಿದ್ದು, ಆ ಹಿಂಸೆ ಸಹಿಸಲಾಗದೇ ನೇಣು ಹಾಕಿಕೊಳ್ಳುವ ನಿರ್ಧಾರ ಮಾಡಿದರು. ಇದಕ್ಕಾಗಿ ಅವರು ಬಾವಿಯ ಹಗ್ಗ ಬಳಸಿ ನೇತಾಡಿದರು. ಆದರೆ, ಆ ಹಗ್ಗ ತುಂಡಾಗಿ ಅವರು ಬಾವಿಯ ಆಳಕ್ಕೆ ಬಿದ್ದರು. ನೇಣು ಹಾಕಿಕೊಂಡರೂ ಸಹ ಸಾವನಪ್ಪದ ನಾಗೇಂದ್ರ ನಾಯ್ಕ ಅವರು ಬಾವಿಯ ಆಳಕ್ಕೆ ಬಿದ್ದರೂ ಉಸಿರು ನಿಲ್ಲಿಸಲಿಲ್ಲ. ಈ ವೇಳೆ ಬಾವಿಯಲ್ಲಿ ಬಿದ್ದು ಕೂಗಾಡಿದ ನಾಗೇಂದ್ರ ನಾಯ್ಕ ಅವರ ಧ್ವನಿ ಅದೇ ಭಾಗದ ಅಕ್ಷಯ, ಉಮೇಶ, ಪ್ರತಾಪ ಹಾಗೂ ಕೇಶವ ಅವರಿಗೆ ಕೇಳಿಸಿತು. ಈ ನಾಲ್ವರು ಸೇರಿ ನಾಗೇಂದ್ರ ನಾಯ್ಕ ಅವರನ್ನು ಬಾವಿಯಿಂದ ಮೇಲೆತ್ತಿದರು. ಅವರೇ ನಾಗೇಂದ್ರ ನಾಯ್ಕ ಅವರನ್ನು ಶಿರಸಿ ಆಸ್ಪತ್ರೆಗೆ ದಾಖಲಿಸಿದರು. ಈ ವೇಳೆ ಮದುವೆಗೆ ಹೋಗಿದ್ದ ನಾಗೇಂದ್ರ ನಾಯ್ಕ ಅವರ ಪುತ್ರ ಅವಿನಾಶ ನಾಯ್ಕ ಅವರು ಆಸ್ಪತ್ರೆ ಬಳಿ ಬಂದು ಏನಾಯಿತು? ಎಂದು ವಿಚಾರಿಸಿದರು. ಆಗ, ಕೀಟನಾಶಕ ಸೇವಿಸಿ ಬಾವಿಯಲ್ಲಿ ನೇಣು ಹಾಕಿಕೊಳ್ಳುವಾಗ ಹಗ್ಗ ತುಂಡಾಗಿರುವ ಬಗ್ಗೆ ನಾಗೇಂದ್ರ ನಾಯ್ಕ ಅವರು ಮಾಹಿತಿ ನೀಡಿದರು. ಕೂಡಲೇ ಕುಟುಂಬದವರು ನಾಗೇಂದ್ರ ನಾಯ್ಕ ಅವರನ್ನು ಹುಬ್ಬಳ್ಳಿ ಆಸ್ಪತ್ರೆಗೆ ಕರೆದೊಯ್ದರು. ಅಲ್ಲಿಂದ ಮುಂದೆ ಮಂಗಳೂರು ಆಸ್ಪತ್ರೆಗೆ ದಾಖಲಿಸುವ ಪ್ರಯತ್ನ ಮಾಡಿದರು. ಮೇ 23ರಂದು ಮಂಗಳೂರಿಗೆ ಕರೆದೊಯ್ಯುವಾಗ ನಾಗೇಂದ್ರ ನಾಯ್ಕ ಅವರು ಉಸಿರು ನಿಲ್ಲಿಸಿದರು.
- [ಮಳೆ: ಹೊಸದಾಗಿ ಮಾಡಿದ ರಸ್ತೆಯೂ ನೀರುಪಾಲು!](https://mobiletime.in/2026/05/rain-even-the-newly-built-road-is-flooded/): ಶಿರಸಿಯಲ್ಲಿ ಸುರಿದ ಮಳೆಗೆ ಗಣೇಶನಗರದ ಎರಡನೇ ವಾರ್ಡಿನ ಐದನೆಯ ತಿರುವಿನ ರಸ್ತೆ ಕುಸಿದಿದೆ. ಮಳೆಯ ನೀರು ರಸ್ತೆ ಮೇಲೆ ಹರಿದಿದ್ದು, ರಸ್ತೆ ಕೊಚ್ಚಿ ಹೋಗಿದೆ. ಇಲ್ಲಿನ ತಡೆಗೋಡೆಯೂ ಕುಸಿಯುವ ಆತಂಕ ಎದುರಾಗಿದೆ. ಈ ಭಾಗದ ನಿವಾಸಿಗಳು ಹಲವು ವರ್ಷಗಳಿಂದ ಸರಿಯಾದ ರಸ್ತೆ ಹಾಗೂ ಗಟಾರ ವ್ಯವಸ್ಥೆ ಇಲ್ಲದೇ ತೊಂದರೆ ಅನುಭವಿಸುತ್ತಿದ್ದರು. ಕೆಲ ತಿಂಗಳ ಹಿಂದೆ ಶಾಸಕ ಭೀಮಣ್ಣ ನಾಯ್ಕ ಸ್ಥಳಕ್ಕೆ ಭೇಟಿ ನೀಡಿ ಅಲ್ಲಿನ ದುಸ್ಥಿತಿ ಪರಿಶೀಲಿಸಿದ್ದರು. ಅದಾದ ನಂತರ ರಸ್ತೆ, ಗಟಾರ ಹಾಗೂ ತಡೆಗೋಡೆ ನಿರ್ಮಾಣಕ್ಕೆ ನಗರಸಭೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದರು. ಅದರಂತೆ ಮೊದಲ ಹಂತದಲ್ಲಿ ತಡೆಗೋಡೆ ನಿರ್ಮಿಸಿ ರಸ್ತೆ ಮೇಲೆ ಮಣ್ಣು ಹಾಕಲಾಗಿತ್ತು. ಆದರೆ, ಕಳಪೆ ಕಾಮಗಾರಿ ಕಾರಣ ಸುರಿದ ಮಳೆಗೆ ರಸ್ತೆ ಕುಸಿದಿದೆ. ಶನಿವಾರ ರಾತ್ರಿ ಸುರಿದ ಮಳೆಗೆ ಈ ಅವಾಂತರ ನಡೆದಿದೆ. ಗಟಾರ ವ್ಯವಸ್ಥೆ ಇಲ್ಲದ ಕಾರಣ ಮಳೆ ನೀರು ರಸ್ತೆ ಮೇಲೆ ಸಂಚರಿಸಿದ್ದು, ಜನ ಆತಂಕವ್ಯಕ್ತಪಡಿಸಿದ್ದಾರೆ. ರಸ್ತೆ ಅಂಚಿನಲ್ಲಿದ್ದ ಓಮಿನಿಯೊಂದು ಮಣ್ಣಿನಲ್ಲಿ ಸಿಲುಕಿದ್ದು, ಮಳೆ ಮುಂದುವರಿದರೆ ತಡೆಗೋಡೆ ಸಂಪೂರ್ಣ ಕುಸಿದು ಸಮೀಪದ ಏಳೆಂಟು ಮನೆಗಳಿಗೆ ಹಾನಿಯಾಗುವ ಸಾಧ್ಯತೆಗಳಿವೆ. ಸದ್ಯ ರಸ್ತೆ ಕುಸಿತದಿಂದ ಕೆಲವು ನಿವಾಸಿಗಳು ಮನೆಯಿಂದ ಹೊರಬರಲೂ ಸಾಧ್ಯವಾಗದ ಸಮಸ್ಯೆಯಲ್ಲಿದ್ದಾರೆ.
- [ಸರ್ಕಾರಕ್ಕೆ ಎಚ್ಚರಿಕೆ ನೀಡಿದ ಸ್ವರ್ಣವಲ್ಲಿ ಶ್ರೀ!](https://mobiletime.in/2026/05/swarnavalli-sri-warned-the-government/): ಕೆಲ ದಿನದ ಹಿಂದೆ ಸಿಇಟಿ ಪರೀಕ್ಷೆ ಬರೆಯಲು ತೆರಳಿದ ವಿದ್ಯಾರ್ಥಿಯೊಬ್ಬರ ಜನಿವಾರ ಕತ್ತರಿಸಿದ ಕ್ರಮವನ್ನು ಸ್ವರ್ಣವಲ್ಲಿಯ ಶ್ರೀ ಗಂಗಾಧರೇoದ್ರ ಸರಸ್ವತಿ ಸ್ವಾಮೀಜಿ ಖಂಡಿಸಿದ್ದಾರೆ. `ಜನಿವಾರ ತುಂಡರಿಸಬಹುದು.. ಆದರೆ, ಸಂಸ್ಕಾರ ತುಂಡರಿಸಲು ಸಾಧ್ಯವಿಲ್ಲ’ ಎಂದವರು ಹೇಳಿದ್ದಾರೆ. ಅಖಿಲ ಹವ್ಯಕ ಮಹಾಸಭಾ ಆಶ್ರಯದಲ್ಲಿ ಯಲ್ಲಾಪುರದ ಕಾರ್ಮಿಕ ಭವನದಲ್ಲಿ ನಡೆದ `ಸಂಸ್ಕಾರೋತ್ಸವ’ ಕಾರ್ಯಕ್ರಮದಲ್ಲಿ ಮಾತನಾಡಿದ ಶ್ರೀಗಳು `ಬ್ರಾಹ್ಮಣರು ಮಾತ್ರ ಜನಿವಾರ ಧರಿಸುವುದಿಲ್ಲ. ಬ್ರಾಹ್ಮಣರಿಗಿಂತಲೂ ಬೇರೆ ಬೇರೆ ಸಮುದಾಯದವರೇ ಹೆಚ್ಚಿನ ಸಂಖ್ಯೆಯಲ್ಲಿ ಜನಿವಾರ ಧರಿಸುತ್ತಿದ್ದು, ಅಂಥ ಜನಿವಾರ ಕತ್ತರಿಸುವ ಕ್ರಮ ಸರಿಯಲ್ಲ’ ಎಂದು ಹೇಳಿದ್ದಾರೆ. `ಸಂಸ್ಕಾರದಲ್ಲಿಯೇ ಬ್ರಾಹ್ಮಣರದ ಶ್ರೇಷ್ಠತೆಯಿದೆ. ಬ್ರಾಹ್ಮಣ ಸಂಸ್ಕಾರಗಳಿಗೆ ತನ್ನದೇ ಆದ ಮಹತ್ವವಿದ್ದು, ಹುಟ್ಟುವ ಮೊದಲೇ ಬೆಳೆದು ಬಂದ ಸಂಸ್ಕಾರವನ್ನು ತುಂಡರಿಸಲು ಸಾಧ್ಯವಿಲ್ಲ’ ಎಂದು ಹೇಳಿದರು. `ಈಚೆಗೆ ಪರೀಕ್ಷೆಗೆ ಕುಳಿತ ಬ್ರಾಹ್ಮಣ ವಿದ್ಯಾರ್ಥಿಯ ಜನಿವಾರ ಕೊಯ್ದರು. ಜನಿವಾರ ಕೊಯ್ದ ಮಾತ್ರಕ್ಕೆ ವಿದ್ಯಾರ್ಥಿಯ ಸಂಸ್ಕಾರ ಎಂದಿಗೂ ಹೋಗುವುದಿಲ್ಲ. ಸಂಸ್ಕಾರ ಎಂಬುದು ಜೀವಕ್ಕೆ ಸಂಬoಧಿಸಿದ್ದಾಗಿದ್ದು, ಒಂದು ಜನಿವಾರ ಕೊಯ್ದರೆ ಮತ್ತೊಂದು ಹಾಕಲು ಅವಕಾಶವಿದೆ’ ಎಂದರು. `ಬ್ರಾಹ್ಮಣರು ಮಾತ್ರ ಜನಿವಾರ ಹಾಕುವುದಿಲ್ಲ. ಕ್ಷತ್ರಿಯ, ವೈಶ್ಯ ಸೇರಿ ಲಿಂಗಾಯತರು ಜನಿವಾರ ಹಾಕುತ್ತಾರೆ. ಬ್ರಾಹ್ಮಣರಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಅವರು ಜನಿವಾರ ಧರಿಸುತ್ತಿದ್ದು, ಜನಿವಾರ ಕೊಯ್ದು ಅಪಮಾನ ಮಾಡಲು ಉದ್ದೇಶಿಸಿದ್ದರೆ ಅದು ಎಲ್ಲರಿಗೂ ಮಾಡಿದ ಅಪಮಾನದ ಹಾಗೇ’ ಎಂದು ಅಭಿಪ್ರಾಯಪಟ್ಟರು. `ನಮ್ಮದು ಧಾರ್ಮಿಕ ಸ್ವಾತಂತ್ರö್ಯವಿರುವ ದೇಶ. ಪ್ರತಿಯೊಬ್ಬರಿಗೂ ಕಾನೂನು ಪ್ರಕಾರವೇ ಧರ್ಮ ಆಚರಣೆಗೆ ಅವಕಾಶವಿದೆ. ಹೀಗಿರುವಾಗ ವೈಯಕ್ತಿಕ ವಿಷಯದಲ್ಲಿ ಸರ್ಕಾರಗಳು ಕೈ ಹಾಕಬಾರದು. ಮುಂದಿನ ಸರ್ಕಾರ ಈ ರೀತಿ ಆಗದ ಹಾಗೇ ಕ್ರಮ ಜರುಗಿಸಬೇಕು’ ಎಂದು ಆಗ್ರಹಿಸಿದರು.  
- [ಅಡಿಕೆ ಮರದಿಂದ ಬಿದ್ದ ಕೊನೆಗೌಡ: ಸಾವು!](https://mobiletime.in/2026/05/konegowda-falls-from-a-areca-nut-tree-and-dies/): ಅಡಿಕೆ ಮರಕ್ಕೆ ಮದ್ದು ಸಿಂಪಡಿಸುತ್ತಿದ್ದ ಸಿದ್ದಾಪುರದ ಮಾಬ್ಲೇಶ್ವರ ಗೌಡ ಅವರು ಮರದಿಂದ ಬಿದ್ದು ಸಾವನಪ್ಪಿದ್ದಾರೆ. ಹಾವೀನಬೀಳು ಗ್ರಾಮದ ಚಿಟ್ಟಟ್ಟೆಮನೆ ಊರಿನ ಕೃಷ್ಣ ಗೌಡ ಅವರ ತೋಟದಲ್ಲಿ ಈ ಅವಘಡ ನಡೆದಿದೆ. ಸಿದ್ದಾಪುರದ ಹೇರೂರು ತಾರಖಂಡದಲ್ಲಿ ಮಾಬ್ಲೇಶ್ವರ ಗಣಪಾ ಗೌಡ (52) ಅವರು ವಾಸವಾಗಿದ್ದರು. ಕೃಷಿ ಜೊತೆ ಕೂಲಿ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದರು. ಮೇ 23ರಂದು ಅವರು ಹಾವೀನಬೀಳು ಗ್ರಾಮದ ಚಿಟ್ಟಟ್ಟೆಮನೆ ಊರಿನ ಕೃಷ್ಣ ಶಂಕರ ಗೌಡ ಅವರ ತೋಟಕ್ಕೆ ಹೋಗಿದ್ದರು. ದೋಟಿ, ಕಡಕಮಣೆ, ಹಗ್ಗದ ಸಹಾಯದಿಂದ ಅವರು ಮದ್ದು ಹೊಡೆಯುತ್ತಿದ್ದರು. ಅಡಿಕೆ ಮರ ಮೇಲೆರಿದ್ದ ಮಾಬ್ಲೇಶ್ವರ ಗೌಡ ಅವರು 35 ಅಡಿಯಷ್ಟು ಎತ್ತರಕ್ಕೆ ಹೋದಾಗ ಅವರ ಕೈ ಜಾರಿತು. ಅದರಿಂದ ಅವರು ನೆಲಕ್ಕೆ ಬಿದ್ದು, ಕಿವಿ ಮೂಗಿಗೆ ಗಾಯವಾಗಿ ರಕ್ತ ಸುರಿಯಿತು. ಆ ನೋವಿನಲ್ಲಿಯೇ ಮಾಬ್ಲೇಶ್ವರ ಗೌಡ ಅವರು ಸಾವನಪ್ಪಿದರು. ಈ ಬಗ್ಗೆ ಮಾಬ್ಲೇಶ್ವರ ಗೌಡ ಅವರ ಮಗ ಮನೋಜ ಗೌಡ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ನಿದ್ದೆ ತರಿಸುವ ದೊಡ್ಡ ಲಡ್ಡು!](https://mobiletime.in/2026/05/a-big-laddu-that-makes-you-sleepy/): ಮಂಗಳ ಎಕ್ಸಪ್ರೆಸ್ ರೈಲಿನಲ್ಲಿ ಹೋಗುತ್ತಿದ್ದ ಮುರುಡೇಶ್ವರದ ಮಹಮದ್ ಖಾಸೀಂ ಅವರಿಗೆ ತಾಸೀನ್ ಎಂಬ ಮಹಿಳೆ ಲಡ್ಡುವೊಂದನ್ನು ಕೊಟ್ಟಿದ್ದಾರೆ. ಆ ಲಡ್ಡು ಸೇವಿಸಿದ ಮಹಮದ್ ಖಾಸೀಂ ಅವರು ನಿದ್ರೆಗೆ ಜಾರಿದ್ದು, ಅವರ ಬಳಿಯಿದ್ದ 4.75 ಲಕ್ಷ ರೂ ಹಣಹೊಡೆದು ತಾಸೀನ್ ಪರಾರಿಯಾಗಿದ್ದಾರೆ. ಭಟ್ಕಳದ ಮುರುಡೇಶ್ವರ ನ್ಯಾಶನಲ್ ಕಾಲೋನಿಯಲ್ಲಿ ಮಹಮದ್ ಖಾಸೀಂ ಹಸನ್ ಸಾಬ್ ಅವರು ವಾಸವಾಗಿದ್ದಾರೆ. ಅದೇ ಪ್ರದೇಶದ ಮೊದಲನೇ ಅಡ್ಡರಸ್ತೆಯಲ್ಲಿ ಶೇಕ್ ರಿಯಾಜ್ ಗಿಡ್ಡಣ್ಣನವರ್ ಹಾಗೂ ಅವರ ಪತ್ನಿ ತಾಸೀನ್ ಭಾವಾಅಮೀರ್ ಮಂಕಿಸರ್ ಅವರು ವಾಸವಾಗಿದ್ದಾರೆ. ಶೇಕ್ ರಿಯಾಜ್ ಗಿಡ್ಡಣ್ಣನವರ್ ಹಾಗೂ ತಾಸೀನ್ ಭಾವಾಅಮೀರ್ ಮಂಕಿಸರ್ ಅವರ ವಿವಾಹ ವಿಚ್ಚೇದನ ನಡೆದಿದ್ದರೂ, ಅವರಿಬ್ಬರು ಒಟ್ಟಿಗೆ ರೈಲಿನಲ್ಲಿ ಪ್ರಯಾಣ ಬೆಳೆಸಿದ್ದಾರೆ. ಭಟ್ಕಳದಿಂದ ದೆಹಲಿಗೆ ಹೊರಟಿದ್ದ ಮಂಗಳ ಎಕ್ಸಪ್ರೆಸ್ ರೈಲಿನಲ್ಲಿ ಮಹಮದ್ ಖಾಸೀಂ ಹಸನ್ ಸಾಬ್ ಅವರು ಆಸೀನರಾಗಿದ್ದು, ತಾಸೀನ್ ಭಾವಾಅಮೀರ್ ಮಂಕಿಸರ್ ಅವರು ಈ ವೇಳೆ ಮಹಮದ್ ಖಾಸೀಂ ಹಸನ್ ಸಾಬ್ ಅವರ ಸ್ನೇಹ ಬೆಳೆಸಿದ್ದಾರೆ. ರೈಲು ಅಂಕೋಲಾ ಬಳಿ ತಲುಪಿದಾಗ ಮಹಮದ್ ಖಾಸೀಂ ಹಸನ್ ಸಾಬ್ ಅವರಿಗೆ ತಾಸೀನ್ ಭಾವಾಅಮೀರ್ ಮಂಕಿಸರ್ ಅವರು ಪ್ರೀತಿಯಿಂದ ಲಡ್ಡು ನೀಡಿದ್ದಾರೆ. ಅಷ್ಟು ದೊಡ್ಡ ಲಡ್ಡು ಬೇಡ ಎಂದರೂ ಒತ್ತಾಯ ಮಾಡಿ ಅದನ್ನು ಮಹಮದ್ ಖಾಸೀಂ ಅವರಿಗೆ ತಿನ್ನಿಸಿದ್ದಾರೆ. ಆ ಲಡ್ಡು ತಿಂದ ನಂತರ ಮಹಮದ್ ಖಾಸೀಂ ಅವರು ನಿದ್ದೆಗೆ ಜಾರಿದ್ದಾರೆ. ಈ ವೇಳೆ ಕೈ ಚಳಕ ಪ್ರದರ್ಶಿಸಿದ ತಾಸೀನ್ ಅವರು ಮಹಮದ್ ಸಾಬ್ ಅವರ ಬಳಿಯಿದ್ದ 4.75 ಲಕ್ಷ ರೂ ಎಗರಿಸಿದ್ದಾರೆ. ಅದಾದ ನಂತರ ರಾತ್ರಿ ಕಾರವಾರದಲ್ಲಿ ರೈಲು ಇಳಿದು ಪರಾರಿಯಾಗಿದ್ದಾರೆ. ಈ ಕಳ್ಳತನದಲ್ಲಿ ಶೇಕ್ ರಿಯಾಜ್ ಗಿಡ್ಡಣ್ಣನವರ್ ಸಹ ಭಾಗಿಯಾಗಿದ್ದಾರೆ. ನಿದ್ದೆ ಬರುವ ಲಡ್ಡು ನೀಡಿ ಹಣ ಎಗರಿಸಿದ ಆರೋಪಿತರ ವಿರುದ್ಧ ಮಹಮದ್ ಸಾಬ್ ಅವರು ಪೊಲೀಸ್ ದೂರು ನೀಡಿದ್ದಾರೆ. ಭಟ್ಕಳ ಶಹರ ಪೊಲೀಸರು ಈ ಬಗ್ಗೆ ತನಿಖೆ ಶುರು ಮಾಡಿದ್ದಾರೆ.  
- [ಜೀವ ತೆಗೆದ ಜಲ ಸಾಹಸ!](https://mobiletime.in/2026/05/a-life-threatening-water-adventure/): ಜೊಯಿಡಾ ಗಣೇಶಗುಡಿಯ ಸಿಲ್ವರ್ ಬಿಲ್ ರೆಸಾರ್ಟ ಬಳಿ ಅಳವಡಿಸಿದ್ದ ಪಂಪ್‌ಸೆಟ್’ನ ವಿದ್ಯುತ್ ಸ್ಪರ್ಶದಿಂದ ರಾಪ್ಟಿಂಗ್ ಮಾಡುತ್ತಿದ್ದ ಸಾಪ್ಟವೇರ್ ಉದ್ಯೋಗಿಯೊಬ್ಬರು ಸಾವನಪ್ಪಿದ್ದಾರೆ. ಅವರ ಜೊತೆಯಿದ್ದ ಮತ್ತೆ ನಾಲ್ವರಿಗೂ ವಿದ್ಯುತ್ ಆಘಾತವಾಗಿದೆ. ಜೊಯಿಡಾದ ಗಣೇಶಗುಡಿಯಲ್ಲಿ ಸಿಲ್ವರ್ ಬಿಲ್ ರೆಸಾರ್ಟ ಇದ್ದು, ಅಲ್ಲಿ ಸುರಕ್ಷತೆ ಇಲ್ಲದೇ ವಿದ್ಯುತ್ ಪಂಪ್‌ಸೆಟ್ ಅಳವಡಿಸಲಾಗಿತ್ತು. ಈ ಬಗ್ಗೆ ಸ್ಥಳೀಯರು ಆಕ್ಷೇಪಿಸಿದರೂ ರೆಸಾರ್ಟಿನವರು ತಲೆಕೆಡಿಸಿಕೊಂಡಿರಲಿಲ್ಲ. ಹೀಗಿರುವಾಗ, ವಿಜಯವಾಡದ ಮಹೇಶ್ (27) ಅವರು ತಮ್ಮ ನಾಲ್ವರು ಸ್ನೇಹಿತರ ಜೊತೆ ಪ್ರವಾಸಿ ತಾಣ ವೀಕ್ಷಣೆಗೆ ಬಂದಿದ್ದರು. ಕಾಳಿ ನದಿಯಲ್ಲಿ ರಾಪ್ಟಿಂಗ್ ಮಾಡುವಾಗ ಅವರಿಗೆ ಅಲ್ಲಿದ್ದ ವಿದ್ಯುತ್ ಸ್ಪರ್ಶವಾಗಿದ್ದು, ಅಲ್ಲಿಯೇ ಮಹೇಶ್ ಅವರು ಸಾವನಪ್ಪಿದರು. ಅವರ ಜೊತೆಗಿದ್ದ ನಾಲ್ವರಿಗೂ ವಿದ್ಯುತ್ ಸ್ಪರ್ಶದ ಅನುಭವ ಆಗಿದೆ. ಆದರೆ, ಅವರೆಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಪಂಪ್‌ಸೆಟ್ ನೀರಿನಿಂದ ವಿದ್ಯುತ್ ಪ್ರವಹಿಸಿ ಮಹೇಶ್ ಅವರು ಸಾವನಪ್ಪಿದ ಬಗ್ಗೆ ಗೊತ್ತಾಗಿದೆ. ಜಲ ಸಾಹಸ ಕ್ರೀಡೆಗಾಗಿ ಬಂದ ಮಹೇಶ ಅವರು ಜೀವ ಕಳೆದುಕೊಂಡಿದ್ದಾರೆ. ನೀರಿನ ಪಂಪ್ ಬಳಿ ಇದ್ದ ಅವರಿಗೆ ಹೆಚ್ಚಿನ ಪ್ರಮಾಣದಲ್ಲಿ ವಿದ್ಯುತ್ ಸ್ಪರ್ಶವಾಗಿದ್ದು, ಅವರನ್ನು ರಕ್ಷಿಸಲು ಮುಂದಾದವರು ಆಘಾತಕ್ಕೆ ಒಳಗಾಗಿದ್ದಾರೆ.
- [ಮೂವರ ಕಣ್ಮರೆ: ಎಂಟು ಜನರ ಜಲ ಸಮಾಧಿ!](https://mobiletime.in/2026/05/three-people-missing-eight-people-drowned-in-water/): ಕಪ್ಪೆ ಚಿಪ್ಪು ಆರಿಸಲು ನದಿ ನೀರಿಗೆ ಇಳಿದಿದ್ದ ಎಂಟು ಜನ ಭಟ್ಕಳದಲ್ಲಿ ಜಲ ಸಮಾಧಿಯಾಗಿದ್ದಾರೆ. ವೆಂಕಟಾಪುರ ನದಿಯಲ್ಲಿ ಮೂವರು ಕಣ್ಮರೆಯಾಗಿದ್ದು, ಅವರ ಶೋಧ ಶುರುವಾಗಿದೆ. ಭಟ್ಕಳ ಪಡುಶಿರಾಲಿಯ ಶಾರದಾಹೊಳೆ ಬಳಿಯ ಲಕ್ಷ್ಮಿ ಮಾದೇವ ನಾಯ್ಕ ಅವರು ತಮ್ಮ ಸಹಚರರ ಜೊತೆ ಭಾನುವಾರ ಕಪ್ಪೆ ಚಿಪ್ಪು ಆರಿಸುವ ಕೆಲಸಕ್ಕೆ ಹೋಗಿದ್ದರು. ಅದೇ ಭಾಗದ ಲಕ್ಷ್ಮಿ ಮಹಾದೇವ ನಾಯ್ಕ, ಲಕ್ಷ್ಮಿ ಶಿವರಾಂ ನಾಯ್ಕ, ಉಮೇಶ್ ಮಂಜುನಾಥ್ ನಾಯ್ಕ, ಮಾಸ್ತಿಮ್ಮ ಮಂಜುನಾಥ್ ನಾಯ್ಕ, ಲಕ್ಷ್ಮಿ ಅಣ್ಣಪ್ಪ ನಾಯ್ಕ ಜ್ಯೋತಿ ನಾಗಪ್ಪ ನಾಯ್ಕ, ಮಾಲತಿ ಜಟ್ಟಪ್ಪ ನಾಯ್ಕ, ಮಾದೇವ ಜಟ್ಟಪ್ಪ ನಾಯ್ಕ, ಮಂಜಮ್ಮ ಗೊತ್ತಾ ನಾಯ್ಕ, ನಾಗರತ್ನ ಪರಮೇಶ್ವರ ನಾಯ್ಕ, ನಾಗರತ್ನ ಈಶ್ವರ ನಾಯ್ಕ ಹಾಗೂ ಮಾದೇವಿ ನಾಯ್ಕ ಅವರು ಜೊತೆಗಿದ್ದರು. ಚಿಪ್ಪು ಆರಿಸಲು ನದಿಗೆ ಇಳಿದಾಗ ಅವರೆಲ್ಲರೂ ನೀರಿನಲ್ಲಿ ಮುಳುಗಿದ್ದು, ಈ ಪೈಕಿ ಎಂಟು ಜನ ಸಾವನಪ್ಪಿದರು. ಲಕ್ಷ್ಮಿ ಮಾದೇವ ನಾಯ್ಕ ಅವರ ಜೊತೆ ಲಕ್ಷ್ಮಿ ಮಹಾದೇವ ನಾಯ್ಕ, ಲಕ್ಷ್ಮಿ ಶಿವರಾಂ ನಾಯ್ಕ, ಉಮೇಶ್ ಮಂಜುನಾಥ್ ನಾಯ್ಕ, ಮಾಸ್ತಿಮ್ಮ ಮಂಜುನಾಥ್ ನಾಯ್ಕ, ಲಕ್ಷ್ಮಿ ಅಣ್ಣಪ್ಪ ನಾಯ್ಕ ಅವರು ಅಲ್ಲಿಯೇ ಸಾವನಪ್ಪಿದರು. ಅಸ್ವಸ್ಥಗೊಂಡ ಜ್ಯೋತಿ ನಾಗಪ್ಪ ನಾಯ್ಕ, ಹಾಗೂ ಮಾಲತಿ ಜಟ್ಟಪ್ಪ ನಾಯ್ಕ ಅವರು ಆಸ್ಪತ್ರೆಗೆ ಬರುವಾಗ ಕೊನೆಯಿಸಿರೆಳೆದರು. ಇದರೊಂದಿಗೆ ಮಾದೇವ ಜಟ್ಟಪ್ಪ ನಾಯ್ಕ, ಮಂಜಮ್ಮ ಗೊತ್ತಾ ನಾಯ್ಕ ಹಾಗೂ ನಾಗರತ್ನ ಪರಮೇಶ್ವರ ನಾಯ್ಕ ಅವರು ಕಣ್ಮರೆಯಾಗಿದ್ದು, ಅವರ ಶೋಧ ನಡೆಯುತ್ತಿದೆ. ಈ ದುರಂತದಲ್ಲಿ ಸಿಲುಕಿದ್ದ ನಾಗರತ್ನ ಈಶ್ವರ ನಾಯ್ಕ ಹಾಗೂ ಮಾದೇವಿ ನಾಯ್ಕ ಅವರು ರಕ್ಷಣೆಗೆ ಒಳಗಾಗಿದ್ದಾರೆ. ಈ ದುರಂತದ ಬಗ್ಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಕಂಬನಿ ಮಿಡಿದಿದ್ದು, ಸಾವನಪ್ಪಿದವರ ಕುಟುಂಬಕ್ಕೆ ಸರ್ಕಾರದಿಂದ 5 ಲಕ್ಷ ರೂ ಪರಿಹಾರ ಘೋಷಿಸಿದ್ದಾರೆ.
- [ನಾನು ಬ್ರಾಹ್ಮಣನಲ್ಲ!](https://mobiletime.in/2026/05/i-am-not-a-brahmin/): ಬ್ರಾಹ್ಮಣ ಎಂಬ ಸೋಗಿನಲ್ಲಿ ನೀಚ ಕೆಲಸ ಮಾಡುತ್ತಿರುವವರು ಆತ್ಮಾವಲೋಕನ ಮಾಡಿಕೊಳ್ಳುವ ಹಾಗೇ ಮಾಜಿ ಸಂಸದ ಅನಂತಕುಮಾರ ಹೆಗಡೆ ಅವರು ಮಾತನಾಡಿದ್ದಾರೆ. ಸಂಸ್ಕಾರದ ಹೆಸರಿನಲ್ಲಿ ಅನಾಚಾರ ಮಾಡುವವರು ಕುಳಿತಲ್ಲಿಯೇ ಬೆವರುವ ಹಾಗೇ ಅವರು ಭಾಷಣ ಮಾಡಿದ್ದಾರೆ. ಅಖಿಲ ಹವ್ಯಕ ಮಹಾಸಭಾದವರು ಯಲ್ಲಾಪುರದ ಕಾರ್ಮಿಕ ಭವನದಲ್ಲಿ ನಡೆಸಿದ `ಸಂಸ್ಕಾರೋತ್ಸವ’ದಲ್ಲಿ ಅನಂತಕುಮಾರ ಹೆಗಡೆ ಅವರು ಅತ್ಯಂತ ಸೂಕ್ಷ್ಮ ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ಈ ಬಾರಿ ಅನಂತಕುಮಾರ ಹೆಗಡೆ ಅವರು ಯಾರನ್ನು ದೂಷಿಸಿಲ್ಲ. ಯಾರ ಬಗ್ಗೆಯೂ ಆರೋಪಿಸಿಲ್ಲ. ಬದಲಾಗಿ, ತಮ್ಮನ್ನೇ ತಾವು `ಶೂದ್ರ, ವೈಶ್ಯ ಹಾಗೂ ಕ್ಷತ್ರೀಯ’ ಎಂದು ಹೇಳಿಕೊಂಡು ಮಾತು ಶುರು ಮಾಡಿದ ಅವರು 21 ನಿಮಿಷಗಳ ಕಾಲ ವಿವಿಧ ವಿಷಯಗಳ ಬಗ್ಗೆ ಬೆಳಕು ಚೆಲ್ಲಿದ್ದಾರೆ. `ಕೇವಲ ಜಾತಿಯಿಂದ ಬ್ರಾಹ್ಮಣತ್ವ ಬರಲ್ಲ’ ಎಂದು ಪ್ರತಿಪಾದಿಸಿದ್ದಾರೆ. ಮಾತು ಮುಗಿಸುವ ವೇಳೆ `ನನ್ನ ಮಾತು ತೀಕ್ಷ್ಣ ಎನಿಸುತ್ತದೆ. ಆದರೆ, ಅದು ವಾಸ್ತವ. ಆ ತೀಕ್ಷ್ಣತೆಯನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗದೇ ಇದ್ದರೆ ಮತ್ತೆ ನನ್ನನ್ನು ಇಂಥ ಕಾರ್ಯಕ್ರಮಕ್ಕೆ ಕರೆಯಬೇಡಿ’ ಎಂದು ಸಹ ಹೇಳಿದ್ದಾರೆ. `ಆಚಾರ-ವಿಚಾರಗಳಲ್ಲಿ ನಾವು ನಮ್ಮತನವನ್ನು ಕಳೆದುಕೊಂಡು ದೂರ ಹೋಗುತ್ತಿದ್ದೇವೆ. ಇದ್ದಿದ್ದರಲ್ಲಿಯೇ ಚೂರು-ಪಾರು ಬ್ರಾಹ್ಮಣತ್ವದ ಬಗ್ಗೆ ಹೇಳಿಕೊಂಡು ಅಲೆದಾಡುತ್ತಿದ್ದೇವೆ. ಈ ಜಾತಿಯಲ್ಲಿ ಹುಟ್ಟಿದ್ದರಿಂದ ಬ್ರಾಹ್ಮಣ ಎಂದು ಕರೆಯಿಸಿಕೊಳ್ಳಬೇಕೇ? ಅಥವಾ ನಮ್ಮಲ್ಲಿರುವ ಆಧಾರದಿಂದ ಬ್ರಾಹ್ಮಣ ಎಂದು ಗುರುತಿಸಿಕೊಳ್ಳಬೇಕೆ? ಎಂಬ ಜಿಜ್ಞಾಸೆಯಿದೆ’ ಎಂದು ಸಭಿಕರ ಮುಂದೆಯೇ ಅನಂತಕುಮಾರ ಹೆಗಡೆ ಪ್ರಶ್ನೆಯಿಟ್ಟಿದ್ದಾರೆ. `ಜಾತಿಯಲ್ಲಿ ಹುಟ್ಟಿದ ಮಾತ್ರಕ್ಕೆ ಆತ ಬ್ರಾಹ್ಮಣನಾಗುವುದಿಲ್ಲ. ನಡತೆಯ ಆಧಾರದಲ್ಲಿ ವ್ಯಕ್ತಿ ಬ್ರಾಹ್ಮಣನಾಗುತ್ತಾನೆ’ ಎಂದು ಪ್ರತಿಪಾದಿಸಿದ ಅನಂತಕುಮಾರ ಹೆಗಡೆ ಅವರು `ವೇದಗಳನ್ನು ಕಂಡುಕೊoಡ ಋಷಿಮುನಿಗಳು ಜಾತಿಯಿಂದ ಹುಟ್ಟಿದ ಬ್ರಾಹ್ಮಣರಲ್ಲ. ಆದರೆ, ಅವರ ಕರ್ಮ, ಅವರ ಅನುಷ್ಠಾನ ಹಾಗೂ ತಪಸ್ಸು ಅವರನ್ನು ಬ್ರಾಹ್ಮಣತ್ವದ ಕಡೆ ತೆಗೆದುಕೊಂಡು ಹೋಗಿದೆ’ ಎಂದು ಹೇಳಿದ್ದಾರೆ. `ಬ್ರಾಹ್ಮಣತ್ವವನ್ನು ಜಾತಿಗೆ ಮೀಸಲಾಗಿಡಬೇಡಿ. ಜಾತಿ ಸಂಕೋಲೆಯಲ್ಲಿದ್ದರೆ ಅದು ಬ್ರಾಹ್ಮಣತ್ವಕ್ಕೆ ಮಾಡಿದ ಅಪಚಾರ’ ಎಂದು ಅವರು ಹೇಳಿದ್ದಾರೆ. `ಯಾರು ಸೇವೆ ಮಾಡುತ್ತಾರೆಯೋ, ಅದರಲ್ಲಿಯೂ ಯಾವುದೇ ಫಲಾಪೇಕ್ಷೆ ಇಲ್ಲದೇ ಸೇವೆ ಮಾಡುತ್ತಾರೆಯೋ ಅವರು ಶೂದ್ರರು. ನಿಸ್ವಾರ್ಥ ಸೇವೆ ಮಾಡುವವರು ಶೂದ್ರ ಎಂದು ಕರೆಯಿಸಿಕೊಳ್ಳುವ ಯೋಗ್ಯತೆಪಡೆಯುತ್ತಾರೆ. ಆದರೆ, ಇಂದಿನ ಅನೇಕ ಯುವಕ-ಯುವತಿಯರಿಗೆ ಶೂದ್ರ ಎಂದು ಕರೆಯಿಸಿಕೊಳ್ಳುವ ಯೋಗ್ಯತೆಯೂ ಇಲ್ಲ’ ಎಂದು ಅನಂತಕುಮಾರ ಹೆಗಡೆ ಅವರು ತಮ್ಮ ಭಾಷಣದಲ್ಲಿ ಕಟುವಾಗಿ ಹೇಳಿದ್ದಾರೆ. `ಸ್ವಂತಕ್ಕೆ ಸ್ವಲ್ಪ. ಸಮಾಜಕ್ಕೆ ಸರ್ವಸ್ವ ಎಂದು ದುಡಿಯುವವ ವೈಶ್ಯ. ನಾನು ಸಹ ಸ್ವಭಾವದಲ್ಲಿ ಕ್ಷತ್ರೀಯ, ವ್ಯವಹಾರದಲ್ಲಿ ವೈಶ್ಯ, ಸಮಾಜದ ಕೆಲಸ ಮಾಡುವಾಗ ಶುದ್ರನಾಗಿದ್ದೆ. ಹೀಗಿರುವಾಗ, ಬ್ರಾಹ್ಮಣತ್ವದ ಬಗ್ಗೆ ಪ್ರತಿಯೊಬ್ಬರು ಅವಲೋಕನ ಮಾಡಿಕೊಳ್ಳಬೇಕು’ ಎನ್ನುವ ಮೂಲಕ ಅನಂತಕುಮಾರ ಹೆಗಡೆ ಅವರು ತಮ್ಮನ್ನು ತಾವೇ ಉದಾಹರಣೆಯನ್ನಾಗಿಸಿಕೊಂಡಿದ್ದು, ಬ್ರಾಹ್ಮಣರ ಮುಖವಾಡಧರಿಸಿ ಬೇಳೆ ಬೇಯಿಸಿಕೊಳ್ಳುತ್ತಿರುವವರ ಬೆವರಿಳಿಸಿದ್ದಾರೆ. `ಬ್ರಾಹ್ಮಣತ್ವ ಎಂಬುದು ಒಂದು ಅರ್ಹತೆ. ಅದೊಂದು ಯೋಗ್ಯತೆ. ಅದು ಜಾತಿ ಅಲ್ಲ. ಅದನ್ನು ಜಾತಿ ಎಂದು ಪರಿಗಣಿಸಿದರೆ ಅದು ಮೂರ್ಖತನ. ಸೃಷ್ಠಿಯ ಚೈತನ್ಯವನ್ನು ಅರ್ಥಮಾಡಿಕೊಂಡು ಅದರೊಂದಿಗೆ ಬದುಕುವ ಶ್ರೇಷ್ಠ ಸ್ಥಿತಿ ಬ್ರಾಹ್ಮಣತ್ವ’ ಎಂದು ಅನಂತಕುಮಾರ ಹೆಗಡೆ ಅವರು ಹೇಳಿದ್ದಾರೆ. `ನಾವು ಯಾವ ಬ್ರಾಹ್ಮಣರು? ಎಂದು ನಮಗೆ ನಾವೇ ಪ್ರಶ್ನಿಸಿಕೊಳ್ಳಬೇಕು. ನಮ್ಮ ಮುಂದಿನ ದಾರಿ ಸರಿಯಾಗಿರಬೇಕು ಎಂದರೆ ಇಂದಿನ ನಿಲುವು ಸ್ಪಷ್ಠವಾಗಿರಬೇಕು. ಮನೆಯಲ್ಲಿರುವ ನಮ್ಮ ಮಕ್ಕಳು ನಮ್ಮ ಮಾತು ಕೇಳಬೇಕು ಎಂದರೆ ನಾವು ಮಾತನಾಡಿದರೆ ಸಾಲಲ್ಲ. ನಮ್ಮ ನಡತೆಯೂ ಹಾಗೇ ಇರಬೇಕು’ ಎಂದು ಅನಂತಕುಮಾರ ಹೆಗಡೆ ಅವರು ಸಭಿಕರಿಗೆ ಕಿವಿಮಾತು ಹೇಳಿದ್ದಾರೆ. `ನಮ್ಮ ನಡೆತೆಯೇ ಮೇಲ್ಪಂಕ್ತಿ ಆದಾಗ ನಮ್ಮ ಮಕ್ಕಳಿಗೆ ನಾವು ಹೇಳಿಕೊಡಬೇಕು ಎಂದಿರುವುದಿಲ್ಲ. ಅವರು ಅದನ್ನು ಅನುಸರಿಸುತ್ತಾರೆ. ಅವರ ವೈಚಾರಿಕತೆಗೆ ತಕ್ಕಂತೆ ಕೆಲ ಪ್ರಶ್ನೆಗಳು ಏಳುತ್ತವೆ. ಅದಕ್ಕೆ ಉತ್ತರ ಕೊಡುವ ಸಾಮರ್ಥ್ಯ ನಮ್ಮಲ್ಲಿರಬೇಕಾಗಿರುತ್ತದೆ’ ಎಂದು ಹೇಳಿದ್ದಾರೆ. `ನನ್ನಲ್ಲಿ ಅಂಥ ಬ್ರಾಹ್ಮಣತ್ವ ಎಲ್ಲಿ ಕಂಡಿತು? ಎಂದು ಭಾಷಣದ ಶುರುವಿನಲ್ಲಿ ಹೇಳಿದ್ದ ಅನಂತಕುಮಾರ ಹೆಗಡೆ ಅವರು ನಡುವೆ `ತಾನೂ ಹೇಳದಿದ್ದರೂ ತನ್ನ ಮಗ ಲಕ್ಷ ಗಾಯತ್ರಿ ಜಪ ಮಾಡು ಪ್ರತಿಜ್ಞೆ ಮಾಡಿದ್ದಾನೆ’ ಎಂಬ ವಿಷಯವನ್ನು ಪ್ರಸ್ತಾಪಿಸಿ ತಮ್ಮ ಮನೆಯ ಸಂಸ್ಕಾರ ಸರಿಯಾಗಿರುವ ಬಗ್ಗೆ ಅವರು ಸಭೀಕರಿಗೆ ವಿಷಯ ಮುಟ್ಟಿಸಿದ್ದಾರೆ. `ಶಿಕ್ಷಣ ಸಂಸ್ಥೆಯ ಪಾಠ ಸರ್ಟಿಪಿಕೇಟ್ ಗೆ ಮಾತ್ರ ಸೀಮಿತ. ಮನೆಯಲ್ಲಿ ಸಿಕ್ಕ ಸಂಸ್ಕಾರವೇ ಸಮಾಜದಲ್ಲಿ ಆ ಮನುಷ್ಯನಿಗೆ ಸಿಗುವ ಪ್ರಮಾಣಪತ್ರ. ನಮಗೆ ಇಲ್ಲದ ಸಂಸ್ಕಾರವನ್ನು ಮಕ್ಕಳಿಂದ ಏಕೆ ನಿರೀಕ್ಷಿಸುತ್ತೀರಿ? ಎಂದು ಅನಂತಕುಮಾರ ಹೆಗಡೆ ಅವರು ಪ್ರಶ್ನೆ ಮಾಡಿದ್ದಾರೆ. `ದೊಡ್ಡ ದೊಡ್ಡ ವಿಧ್ವತ್ ಸಭೆಗಳಿಂದ ಸಂಸ್ಕಾರ ಬರುವುದಿಲ್ಲ. ನಿತ್ಯದ ಆಚರಣೆಯಿಂದ ಮಾತ್ರ ಸಂಸ್ಕಾರ ಸಿಗುತ್ತದೆ’ ಎಂದವರು ಕಿವಿಮಾತು ಹೇಳಿದ್ದಾರೆ. `ನಮ್ಮ ಸ್ವಭಾವಕ್ಕೆ ತಕ್ಕಂತೆ ನಾವು ದೇವರನ್ನು ಭ್ರಷ್ಟರನ್ನಾಗಿಸಿದ್ದೇವೆ. ಅಂತ ಕೆಲಸ ಮಾಡಿಸಿದರೆ ಗಣಹೋಮ, ಇಂಥ ಕೆಲಸ ಮಾಡಿದರೆ ರುದ್ರಹೋಮ ಎಂದು ದೇವರಿಗೆ ಲಂಚ ಕೊಡುವ ಸ್ಥಿತಿ ತಲುಪಿದ್ದೇವೆ. ಭಗವಂತನ ಜೊತೆ ವ್ಯವಹಾರ ಮಾಡುವ ಮಟ್ಟಕ್ಕೆ ಇಳಿದಿದ್ದು, ನಮ್ಮ ಅನಿಷ್ಟಕ್ಕೆ ತಕ್ಕಂತೆ ದೇವರಿಗೆ ಹೊದಿಕೆ ಹೊದೆಯಿಸುತ್ತಿದ್ದೇವೆ’ ಎನ್ನುತ್ತ ಈ ವ್ಯವಸ್ಥೆಯನ್ನು ಅನಂತಕುಮಾರ ಹೆಗಡೆ ಅವರು ಟೀಕಿಸಿದ್ದಾರೆ. `ಭಗವಂತವಿರುವುದು ನಮ್ಮ ಕಷ್ಟ-ದುಖ: ಆಲಿಸುವುದಕ್ಕಲ್ಲ. ಭಗವಂತ ಒಂದು ಅದ್ಬುತ ಶಕ್ತಿಯಾಗಿದ್ದು, ಅದನ್ನು ಅರ್ಥಮಾಡಿಕೊಮಡರೆ ಎಲ್ಲ ಕಷ್ಟ ದೂರ. ನಾವು ಹೇಳಿದ ಹಾಗೇ ಬರೆದುಕೊಳ್ಳಲು ಭಗವಂತ ಗುಮಾಸ್ತನಲ್ಲ’ ಎಂದು ಈ ವೇಳೆ ಹೇಳಿಕೆ ನೀಡಿದ್ದಾರೆ. `ಸಂಸ್ಕಾರ ಎಂಬುದು ಪ್ರತಿಯೊಬ್ಬರ ಮನೆಯಿಂದ ಶುರುವಾಗಬೇಕು. ಮಠ-ಮಂದಿರ-ಶಿಕ್ಷಣ ಸಂಸ್ಥೆಯಿಂದ ಸಂಸ್ಕಾರ ಸಿಗಲ್ಲ. ಪಾಠ ಮಾಡುವುದರಿಂದ ಸಂಸ್ಕಾರ ಸಿಗಲ್ಲ. ನಮ್ಮನ್ನು ನೋಡಿ ಮಕ್ಕಳು ಕಲಿಯಬೇಕು. ಆ ಯೋಗ್ಯತೆ ಅಳವಡಿಸಿಕೊಂಡ ಅಪ್ಪ-ಅಮ್ಮನೇ ಧನ್ಯರು. ನನ್ನ ಮಕ್ಕಳಿಗೆ ನಾನೇ ಆದರ್ಶ ಎಂಬ ಯೋಗ್ಯತೆ ಅಪ್ಪ ಅಮ್ಮನ ಬಳಿಯಿದ್ದರೆ ಯಾವ ಗುರುವೂ ಬೇಕಿಲ್ಲ. ಸಂಸ್ಕಾರ ಕೊಡಲು ಆ ಯೋಗ್ಯತೆ ಬೇಕು. ಸಂಸ್ಕಾರ ಕೊಡುವ ಮುನ್ನ ಆ ಯೋಗ್ಯತೆ ನಮಗಿದೆಯಾ? ಎಂದು ಪ್ರಶ್ನಿಸಿಕೊಳ್ಳಬೇಕು’ ಎನ್ನುತ್ತ ಅನಂತಕುಮಾರ ಹೆಗಡೆ ಅವರು ಈ ದಿನದ ಭಾಷಣ ಮುಗಿಸಿದ್ದಾರೆ.  
- [ಗಂಟೆ ಕಟ್ಟಿದ ಹಸುವೂ ಕಳ್ಳರ ಪಾಲು!](https://mobiletime.in/2026/05/even-a-cow-with-a-bell-is-the-share-of-thieves/): ಬನವಾಸಿಯ ಮದನ್ ಆರರ್ ಅವರು ಕಪ್ಪು ಮುಖದ ಮೇಲೆ ಬಿಳಿ ಮಚ್ಚೆಯಿರುವ ಆಕಳನ್ನು ಅತ್ಯಂತ ಪ್ರೀತಿಯಿಂದ ಸಾಕಿದ್ದು, ಆ ಹಸುವನ್ನು ಕಳ್ಳರು ಅಪಹರಿಸಿದ್ದಾರೆ. ಆಕಳ ಚಹರೆ ಜೊತೆ ಮದನ್ ಅವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಶಿರಸಿ ತಾಲೂಕಿನ ಬನವಾಸಿಯ ಸೊರಬಾ ರಸ್ತೆಯಲ್ಲಿ ಮದನ್ ಮಂಜುನಾಥ ಆರರ್ ಅವರು ವಾಸವಾಗಿದ್ದಾರೆ. ಇನ್ನೂ 29 ವರ್ಷದ ಅವರು ಕೃಷಿ ಜೊತೆ ಹೈನುಗಾರಿಕೆಯನ್ನು ಸಹ ಅತ್ಯಂತ ನಿಷ್ಠೆಯಿಂದ ಮಾಡಿಕೊಂಡಿದ್ದಾರೆ. ಮದನ್ ಆರರ್ ಅವರ ಮನೆಯಲ್ಲಿ 5 ಹಸು ಹಾಗೂ ಮೂರು ಕರುಗಳಿವೆ. ಮದನ್ ಅವರ ತಂದೆ ಮಂಜುನಾಥ್ ಆರರ್ ಅವರು ನಿತ್ಯವೂ ಅವುಗಳನ್ನು ಮೇವಿಗೆ ಬಿಟ್ಟು, ಸಂಜೆ ಕೊಟ್ಟಿಗೆಗೆ ತಂದು ಕಟ್ಟುತ್ತಾರೆ. ಮೇ 20ರಂದು ಮದನ್ ಆರರ್ ಅವರು ತಾವು ಸಾಕಿದ ಎಲ್ಲಾ ಹಸುಗಳನ್ನು ಹಿತ್ತಿಲಲ್ಲಿ ಮೇವಿಗೆ ಬಿಟ್ಟಿದ್ದರು. ಸಂಜೆ ಆಕಳು ಹಾಗೂ ಕರು ಮನೆಗೆ ಬಂದಿದ್ದು, ಒಂದು ಹಸು ಮಾತ್ರ ಮನೆ ಮುಂದಿನ ರಸ್ತೆಯಲ್ಲಿ ಮಲಗಿತ್ತು. ಆ ಹಸುವನ್ನು ಮನೆಗೆ ಹೊಡೆದುಕೊಂಡು ಬಂದರೂ ಅದು ತಪ್ಪಿಸಿಕೊಂಡು ಮತ್ತೆ ರಸ್ತೆ ಕಡೆ ಹೊರಟಿತ್ತು. ಆ ರಾತ್ರಿ ಸಾಕಷ್ಟು ಪ್ರಯತ್ನಿಸಿದರೂ ಹಸು ಬರಲಿಲ್ಲ. ಹೀಗಾಗಿ ಆ ದಿನ ಮದನ್ ಆರರ್ ಅವರು ರಸ್ತೆ ಅಂಚಿನಲ್ಲಿಯೇ ಹಸು ಮಲಗಲು ಬಿಟ್ಟಿದ್ದರು. ಮರುದಿನ ಬೆಳಗ್ಗೆ 6.30ಕ್ಕೆ ಹೋಗಿ ನೋಡಿದಾಗ ಅಲ್ಲಿ ಹಸು ಕಾಣಲಿಲ್ಲ. ಕೊಟ್ಟಿಗೆಗೆ ಸಹ ಹಸು ಬಂದಿರಲಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಸಿಗಲಿಲ್ಲ. 8 ವರ್ಷ ಪ್ರಾಯದ ಹಸು ಕಾಣದ ಕಾರಣ ಕುಟುಂಬದವರು ಆತಂಕಕ್ಕೆ ಒಳಗಾದರು. ಕೊರಳಿನಲ್ಲಿ ಗಂಟೆಯಿದ್ದ ಹಸುವನ್ನು ಸಹ ಕಳ್ಳರು ಶಬ್ದ ಬಾರದ ರೀತಿ ಅಪಹರಿಸಿದ್ದರು. ಸದ್ಯ ಆ ಹಸುವನ್ನು ಹುಡುಕಿಕೊಡುವಂತೆ ಮದನ್ ಆರರ್ ಅವರು ಬನವಾಸಿ ಪೊಲೀಸರ ಮೊರೆ ಹೋಗಿದ್ದಾರೆ.  
- [ಜಾಗ ಖರೀದಿಸಿದವರು ನೆಮ್ಮದಿಯನ್ನು ಕದ್ದರು!](https://mobiletime.in/2026/05/those-who-bought-the-land-stole-the-peace/): ಶಿರಸಿಯ ಚಿಪಗಿ ಬಳಿಯ ಶೋಭಾ ಆರೇರ್ ಅವರು ಆರು ವರ್ಷದ ಹಿಂದೆ ತಮ್ಮ 2 ಗುಂಟೆ ಜಾಗವನ್ನು ಮಾರಾಟ ಮಾಡಿದ್ದಾರೆ. ಆ ಜಾಗ ಖರೀದಿಸಿದ ಮೀನಾಕ್ಷಿ ಪಟಗಾರ ಹಾಗೂ ಅವರ ಕುಟುಂಬದವರೇ ಇದೀಗ ಶೋಭಾ ಆರೇರ್ ಅವರ ಕಷ್ಟಕ್ಕೆ ಕಾರಣರಾಗಿದ್ದಾರೆ. ಶಿರಸಿ ಚಿಪಗಿ ಸಮೀಪದ ಕೆಳಗಿನ ಎಸಳೆಯಲ್ಲಿ ಶೋಭಾ ಲಕ್ಷö್ಮಣ ಆರೇರ್ ಅವರು ವಾಸವಾಗಿದ್ದಾರೆ. ಅವರು ತಮ್ಮ ಜಾಗವನ್ನು ಮೀನಾಕ್ಷಿ ರಾಘವೇಂದ್ರ ಪಟಗಾರ ಅವರಿಗೆ ಮಾರಾಟ ಮಾಡಿದ್ದು, ಅದೇ 2 ಗುಂಟೆ ಕ್ಷೇತ್ರದಲ್ಲಿ ಮೀನಾಕ್ಷಿ ಪಟಗಾರ ಅವರು ಮನೆ ಕಟ್ಟಿಕೊಂಡಿದ್ದಾರೆ. ಪಕ್ಕಲ್ಲಿ ಒಂದಷ್ಟು ಜಾಗ ಖಾಲಿ ಇದ್ದು, ಅದರಂಚಿನಲ್ಲಿ ಶೋಭಾ ಆರೇರ್ ಅವರ ಮನೆಯಿದೆ. ಹೀಗಿರುವಾಗ ಆ ಖಾಲಿ ಜಾಗದಲ್ಲಿ ಕಪೌಂಡ್ ಕಟ್ಟಲು ರೇತಿ-ಕಡಿ ದಾಸ್ತಾನು ನಡೆದಿದ್ದು, ಅಲ್ಲಿಯೇ ಮೀನಾಕ್ಷಿ ಪಟಗಾರ ಅವರು ನಿತ್ಯದ ಮುಸುರೆ ಚೆಲ್ಲುತ್ತಿದ್ದಾರೆ. ಆ ಮುಸುರೆ ವಾಸನೇ ಸಹಿಸಲಾಗದೇ ಶೋಭಾ ಆರೇರ್ ಕುಟುಂಬದವರು ಕೆಂಗಟ್ಟಿದ್ದಾರೆ. ನಿತ್ಯವೂ ಮುಸರೆಯನ್ನು ಮನೆ ಪಕ್ಕ ಹಾಕುವ ಬಗ್ಗೆ ಶೋಭಾ ಆರೇರ್ ಅವರು ಪ್ರಶ್ನಿಸಿದ್ದಾರೆ. ಇದರಿಂದ ಮೀನಾಕ್ಷಿ ಪಟಗಾರ ಅವರು ಸಿಟ್ಟಾಗಿದ್ದಾರೆ. ಅವರಿಬ್ಬರ ನಡುವೆ ಇದೇ ವಿಷಯವಾಗಿ ವೈಮನಸ್ಸು ಮೂಡಿದ್ದು, ಅದು ಕುಟುಂಬದವರ ನಡುವಿನ ಹೊಡೆದಾಟಕ್ಕೂ ಕಾರಣವಾಗಿದೆ. ಈ ಹೊಡೆದಾಟಕ್ಕೆ ಕೈ ಜೋಡಿಸಿದ ಶಿರಸಿ ಬಚಗಾಂವಿನ ಜೈವಂತ ಪರಮೇಶ್ವರ ಮಡಿವಾಳ ಹಾಗೂ ಕುಮಟಾ ಹೆಗಡೆಯ ನೇತ್ರಾವತಿ ಮಣಿಕಂಠ ಅಂಬಿಗ ಸೇರಿ ಶೋಭಾ ಆರೇರ್ ಅವರ ಸೀರೆ ಬಿಚ್ಚಿದ್ದಾರೆ. ಮೇ 20ರಂದು ನಡೆದ ಗಲಾಟೆಯಲ್ಲಿ ನಕೂಲ್ ರಾಘವೇಂದ್ರ ಪಟಗಾರ ಅವರು ಜೊತೆಯಾಗಿದ್ದು, ಎಲ್ಲರೂ ಸೇರಿ ಶೋಭಾ ಆರೇರ್ ಅವರ ಕುತ್ತಿಗೆ ಹಿಸುಕಿದ್ದಾರೆ. ಅವರಿಂದ ತಪ್ಪಿಸಿಕೊಂಡ ಶೋಭಾ ಆರೇರ್ ಅವರು ನ್ಯಾಯಾಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ.
- [ಅಲೆಗಳ ಅಬ್ಬರಕ್ಕೆ ನಲುಗಿದ ಮೀನುಗಾರ!](https://mobiletime.in/2026/06/a-fisherman-shaken-by-the-roar-of-the-waves/): ಮೀನುಗಾರಿಕೆಗಾಗಿ ಅರಬ್ಬಿ ಸಮುದ್ರಕ್ಕೆ ಹೋಗಿದ್ದ ಅಂಕೋಲಾದ ಹಾರವಾಡದ ಸಹದೇವ್ ಮೇತಾ ಅವರು ದೋಣಿ ಮುಳುಗಿದ್ದರಿಂದ ನೀರುಪಾಲಾಗಿದ್ದಾರೆ. ಸಮುದ್ರದ ನೀರಿನಿಂದ ಮೇಲೆ ಬರಲಾಗದೇ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಅಂಕೋಲಾ ತಾಲೂಕಿನ ಹಾರವಾಡ ಗಾಬಿತವಾಡ ಬಳಿ ಸಹದೇವ್ ಮೇತಾ ಅವರು ವಾಸವಾಗಿದ್ದರು. ಮೀನುಗಾರಿಕೆ ಮೂಲಕ ಅವರು ತಮ್ಮ ಬದುಕು ಕಟ್ಟಿಕೊಂಡಿದ್ದರು. ಶನಿವಾರವೂ ಅವರು ಎಂದಿನAತೆ ದೋಣಿ ಮೂಲಕ ಮೀನುಗಾರಿಕೆಗೆ ಹೋಗಿದ್ದರು. ಈ ವೇಳೆ ಏಕಾಏಕಿ ಅರಬ್ಬಿ ಸಮುದ್ರದ ಅಲೆಗಳು ಜೋರಾಗಿದ್ದು, ಅಲೆಗಳ ಅಬ್ಬರಕ್ಕೆ ಅವರಿದ್ದ ದೋಣಿ ಮುಳುಗಿತು. ಇದನ್ನು ನೋಡಿದ ಇನ್ನಿತರರ ದೋಣಿಯಲ್ಲಿದ್ದವರು ಅವರನ್ನು ರಕ್ಷಿಸಲು ಧಾವಿಸಿದರು. ಆದರೆ, ಅಲೆಗಳ ಅಬ್ಬರಕ್ಕೆ ಸಹದೇವ್ ಮೇತಾ ಅವರು ಬಹುದೂರ ಕೊಚ್ಚಿ ಹೋಗಿದ್ದರು. ಹೀಗಾಗಿ ಅವರನ್ನು ಹಿಡಿಯಲು ಸಾಧ್ಯವಾಗಲಿಲ್ಲ. ಸಮುದ್ರದ ನೀರಿನಲ್ಲಿ ಉಸಿರಾಡಲು ಸಾಧ್ಯವಾಗದೇ ಸಹದೇವ ಮೇಸ್ತಾ ಅವರು ಸಾವನಪ್ಪಿದರು.
- [ಬಸ್ಸಿಗೆ ಗುದ್ದಿದ ಬೈಕು: ಸವಾರ ಸಾವು!](https://mobiletime.in/2026/06/bike-hits-bus-rider-dies/): ಶಿರಸಿ – ಹಾವೇರಿ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಸರ್ಕಾರಿ ಬಸ್ಸಿಗೆ ಬೈಕ್ ಡಿಕ್ಕಿಯಾಗಿದೆ. ಪರಿಣಾಮ ಬೈಕ್ ಸವಾರ ಅನೀಲ ನಾಯ್ಕ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಶಿರಸಿ KSRTC ಡಿಪೋದಲ್ಲಿ ಈಶ್ವರ ಗುರುಬಸಪ್ಪ ಮನಿಗೇರಿ ಅವರು ಚಾಲಕರಾಗಿದ್ದಾರೆ. ಶಿರಸಿ-ಹಾವೇರಿ ಮಾರ್ಗದಲ್ಲಿ ಅವರು ಬಸ್ಸು ಓಡಿಸುತ್ತಾರೆ. ಅದರಂತೆ, ಜೂನ 13ರಂದು ಅವರು ಹಾವೇರಿ ಕಡೆಯಿಂದ ಶಿರಸಿ ಕಡೆ ಬಸ್ಸು ಓಡಿಸಿಕೊಂಡು ಬಂದಿದ್ದರು. ದೊಡ್ಡಳ್ಳಿ ಬಳಿ ಅವರ ಬಸ್ಸಿಗೆ ಬೈಕು ಡಿಕ್ಕಿಯಾಯಿತು. ಡಿಕ್ಕಿಯಾದ ರಭಸಕ್ಕೆ ಬೈಕ್ ಸವಾರ ಅನೀಲ ನಾಯ್ಕ ಅವರು ಅಲ್ಲಿಯೇ ಬಿದ್ದು ಸಾವನಪ್ಪಿದರು. ಶಿರಸಿಯ ಬುಗಡಿಕೊಪ್ಪದಲ್ಲಿ ಅನೀಲ ರವಿ ನಾಯ್ಕ (30) ಅವರು ವಾಸವಾಗಿದ್ದರು. ಈ ದಿನ ಅವರು ವೇಗವಾಗಿ ಬೈಕ್ ಓಡಿಸಿದ್ದು ಅಪಘಾತಕ್ಕೆ ಕಾರಣವಾಯಿತು. ಶಿರಸಿ ಕಡೆಯಿಂದ ಹಾವೇರಿ ಕಡೆಗೆ ಹೊರಟಿದ್ದ ಅವರು ದೊಡ್ಡೂರು ಗ್ರಾಮದ ಬಳಿ ಎದುರಿನಿಂದ ಬಸ್ಸಿಗೆ ಬೈಕು ಡಿಕ್ಕಿ ಹೊಡೆದರು. ವಿರುದ್ಧ ದಿಕ್ಕಿನಲ್ಲಿ ಬಂದ ಬೈಕು ಬಸ್ಸಿಗೆ ಗುದ್ದಿದ ರಭಸಕ್ಕೆ ಬಸ್ಸಿಗೂ ಹಾನಿಯಾಯಿತು. ಬೈಕ್ ಸಹ ಜಖಂ ಆಯಿತು. ಗಾಯಗೊಂಡು ಬಿದ್ದಿದ್ದ ಅನೀಲ ನಾಯ್ಕ ಅವರನ್ನು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ನಡೆಯಿತು. ಅಪಘಾತದ ನಂತರ ಅವರು ಪ್ರಜ್ಞೆ ತಪ್ಪಿದ ಬಗ್ಗೆ ಊಹಿಸಲಾಗಿದ್ದು, ಆಂಬುಲೆನ್ಸ್ ಬರುವುದರೊಳಗೆ ಅವರು ಸಾವನಪ್ಪಿದರು.
- [ಸುಗಮ ಸಂಚಾರಕ್ಕೆ ಅಡ್ಡಿಯಾದ ಸುಗಮ ಬಸ್ಸು: ಸಾವು!](https://mobiletime.in/2026/06/a-bus-that-obstructed-smooth-traffic-death/): ಹೊನ್ನಾವರದಿಂದ ಕುಮಟಾಗೆ ಬರುತ್ತಿದ್ದ ಸುಗಮ ಬಸ್ಸಿನ ಸಂಚಾರ ಸುಗಮವಾಗಿಲ್ಲದ ಕಾರಣ KSRTC ಚಾಲಕರೊಬ್ಬರು ಸಾವನಪ್ಪಿದ್ದಾರೆ. ಬಸ್ಸಿನಲ್ಲಿ ಲಗೇಜ್ ಹಾಕುವ ಡಿಕ್ಕಿ ತೆರೆದಿದ್ದರೂ ಅದರ ಬಾಗಿಲು ಮುಚ್ಚದೇ ಬಸ್ಸು ಸಂಚರಿಸಿದ್ದರಿoದ ಆ ಡಿಕ್ಕಿಯ ಬಾಗಿಲು ಬಾಲಚಂದ್ರ ನಾಯ್ಕ ಅವರ ಗಡ್ಡಕ್ಕೆ ಗುದ್ದಿದ್ದು, ಅವರು ಕೊನೆಯುಸಿರೆಳೆದಿದ್ದಾರೆ. ಹೊನ್ನಾವರ ಹಳದಿಪುರದ ಕಿರಬೈಲಿನಲ್ಲಿ ಬಾಲಚಂದ್ರ ಗಜಾನನ ನಾಯ್ಕ (43) ಅವರು ವಾಸವಾಗಿದ್ದರು. ಕೆಎಸ್‌ಆರ್‌ಟಿಸಿಯಲ್ಲಿ ಅವರು ಚಾಲಕರಾಗಿ ಬದುಕು ಕಟ್ಟಿಕೊಂಡಿದ್ದರು. ಬಸ್ಸಿನ ಚಾಲಕರಾಗಿದ್ದ ಬಾಲಚಂದ್ರ ನಾಯ್ಕ ಅವರು ಸುರಕ್ಷಿತ ಚಾಲನೆಗೆ ಪ್ರಸಿದ್ಧಿಪಡೆದಿದ್ದು, ಸುಗಮ ಬಸ್ಸಿನ ಚಾಲಕನ ಅವಾಂತರದಿAದಾಗಿ ಅವರು ತಮ್ಮ ಬದುಕು ಕಳೆದುಕೊಂಡರು. ಹೊನ್ನಾವರದಿಂದ ಕುಮಟಾ ಕಡೆ ಬರುತ್ತಿದ್ದ ಸುಗಮ ಬಸ್ಸನ್ನು ಸಿದ್ದಾಪುರದ ಮಾವಿನಗುಂಡಿಯ ರಾಮಚಂದ್ರ ಮಾಳಪ್ಪ ನಾಯ್ಕ ಅವರು ಓಡಿಸುತ್ತಿದ್ದು, ತಮ್ಮ ಹಾಗೇ ಚಾಲಕನಾಗಿ ದುಡಿಯುತ್ತಿದ್ದ ಬಾಲಚಂದ್ರ ನಾಯ್ಕ ಅವರ ಬದುಕನ್ನು ಅವರು ಕಿತ್ತುಕೊಂಡರು. ಜೂನ್ 12ರ ರಾತ್ರಿ ಸುಗಮ ಬಸ್ಸಿನ ಎಡಬದಿ ಲಗೇಜ್ ಹಾಕುವ ಡಿಕ್ಕಿ ತೆರೆದಿದ್ದರೂ ಆ ಬಸ್ಸು ಸಂಚಾರ ನಡೆಸಿತ್ತು. ಕುಮಟಾ ಹಳೆ ಬಸ್ ನಿಲ್ದಾಣದಿಂದ ಬಾಲಚಂದ್ರ ನಾಯ್ಕ ಅವರು ಸ್ಕೂಟಿಯಲ್ಲಿ ಹೊರಟಿದ್ದರು. ಮಾಸ್ತಿಕಟ್ಟೆ ಪೆಟ್ರೊಲ್ ಬಂಕ್ ಬಳಿಯಿಂದ ಸನ್ಮಾನ ಹೊಟೇಲ್ ಕಡೆ ಹೋಗುವಾಗ ಆ ಬಸ್ಸಿನ ಡಿಕ್ಕಿ ಬಾಗಿಲು ಬಾಲಚಂದ್ರ ನಾಯ್ಕ ಅವರಿಗೆ ತಾಗಿತು. ಪರಿಣಾಮ ಬಾಲಚಂದ್ರ ನಾಯ್ಕ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಅವರನ್ನು ಕುಮಟಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಲ್ಲಿಯೇ ಸಾವನಪ್ಪಿದರು. ಸಹೋದರನ ಸಾವಿನ ಬಗ್ಗೆ ನಿವೃತ್ತ ಸೈನಿಕ ಗಿರೀಶ ಗಜಾನನ ನಾಯ್ಕ ಅವರು ಮಾಹಿತಿ ನೀಡಿದರು. ಪೊಲೀಸರು ಪ್ರಕರಣ ದಾಖಲಿಸಿದರು.
- [ಗೋ ಸೇವಕನಿಗೆ ದೊರೆತ ಲಯನ್ಸ್ ಹುದ್ದೆ!](https://mobiletime.in/2026/06/a-cowherd-gets-a-lions-title/): ಸಾವಿರಾರು ಜನರಿಗೆ ಕರಾಟೆ ಶಿಕ್ಷಣ ನೀಡಿದ ಸಮಾಜ ಸೇವಕ ಸುನೀಲ್ ಐಗಳ್ ಅವರ ಸೇವೆಗೆ ಈ ದಿನ ತಕ್ಕ ಹುದ್ದೆ ಸಿಕ್ಕಿದೆ. ಕಾರವಾರ ಹಾಗೂ ಗೋವಾದಲ್ಲಿ ಕರಾಟೆ ಸ್ಕೂಲ್ ನಡೆಸುತ್ತಿರುವ ಸುನೀಲ್ ಐಗಳ್ ಅವರು ಸದಾಶಿವಗಡದ ಲಯನ್ಸ್ ಕ್ಲಬ್ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಕರಾಟೆ ಮಾಸ್ಟರ್ ಆಗಿ ಪ್ರಸಿದ್ಧಿಪಡೆದಿರುವ ಸುನೀಲ್ ಐಗಳ್ ಅವರು ಅನೇಕ ಮಕ್ಕಳ ಪಾಲಿಗೆ ಗುರುವಾಗಿದ್ದಾರೆ. ದೈಹಿಕ ಚಟುವಟಿಕೆಗಳಲ್ಲಿ ಸಕ್ರೀಯವಾಗಿರುವುದಕ್ಕಾಗಿ ಅವರು ಸಾವಿರಾರು ವಿದ್ಯಾರ್ಥಿಗಳಿಗೆ ಕರಾಟೆ ಕಲಿಸಿದ್ದಾರೆ. ಆತ್ಮರಕ್ಷಣೆಯ ಜೊತೆ ಬೇರೆಯವರ ಸಂಕಷ್ಟಕ್ಕೂ ಸ್ಪಂದಿಸುವ ನಿಟ್ಟಿನಲ್ಲಿ ಅವರು ಮಕ್ಕಳಿಗೆ ಈ ಶಿಕ್ಷಣ ನೀಡುತ್ತಿದ್ದಾರೆ. ಕಾರವಾರದ ಜೊತೆ ಗೋವಾದಲ್ಲಿಯೂ ಅವರು ಕರಾಟೆ ತರಗತಿ ನಡೆಸುತ್ತಿದ್ದು, ಅವರ ಸೇವೆಯನ್ನು ಲಯನ್ಸ ಕ್ಲಬ್ ಗುರುತಿಸಿ, ಹೊಸ ಜವಾಬ್ದಾರಿ ನೀಡಿದೆ. ಸುನೀಲ್ ಐಗಳ್ ಅವರು ಕರಾಟೆಗೆ ಮಾತ್ರ ಸೀಮಿತವಾಗಿಲ್ಲ. ಬೀಡಾಡಿ ಜಾನುವಾರುಗಳ ರಕ್ಷಣೆಯಲ್ಲಿ ಅವರ ಕೊಡುಗೆ ಅಪಾರ. ಗೋವುಗಳ ರಕ್ಷಣೆಗಾಗಿ ಯುವಪಡೆಯನ್ನು ಕಟ್ಟಿರುವ ಅವರು ನಿರಂತರ ಸೇವೆ ಮಾಡುತ್ತಿದ್ದಾರೆ. ದುರ್ಬಲರ ಧ್ವನಿಯಾಗಿರುವ ಅವರು ಲಯನ್ಸ ಕ್ಲಬ್ ಅಧ್ಯಕ್ಷರಾಗಿ ಇನ್ನಷ್ಟು ಜನಪರ ಕಾರ್ಯ ಮಾಡುವ ನಿರೀಕ್ಷೆಗಳಿವೆ.  
- [ಖಾಸಗಿ ಕಾರಿನಲ್ಲಿ ಖಾಕಿ ದರ್ಬಾರ್!](https://mobiletime.in/2026/06/khaki-darbar-in-a-private-car/): ಖಾಸಗಿ ಕಾರಿನಲ್ಲಿ ಖಾಕಿ ಸಮವಸ್ತ್ರದಲ್ಲಿ ಬರುವ ಅಧಿಕಾರಿಗಳು ಕರ್ನಾಟಕ – ಗೋವಾ ಗಡಿಯಲ್ಲಿ ವಸೂಲಿ ಶುರು ಮಾಡಿದ್ದಾರೆ. ಕರ್ನಾಟಕ ನೋಂದಣಿಯ ಎಲ್ಲಾ ವಾಹನಗಳನ್ನು ಹಿಡಿದು 500ರೂಪಾಯಿಗೆ ಕಡಿಮೆಯಿಲ್ಲದ ಹಾಗೇ ಹಣಪಡೆದು ಬಿಡುತ್ತಿದ್ದಾರೆ. ಗೋವಾದ ಎಲ್ಲಡೆ ಡಿಜಿಟಲ್ ಚೆಕ್‌ಪೋಸ್ಟ್ ಅಳವಡಿಸಲಾಗಿದೆ. ನಿಯಮ ಮೀರಿ ವಾಹನ ಓಡಿಸುವವರನ್ನು ಈ ಚೆಕ್‌ಪೋಸ್ಟಿನ ಕ್ಯಾಮರಾ ಸೆರೆ ಹಿಡಿದು ದಂಡದ ನೋಟಿಸ್ ನೀಡುತ್ತದೆ. ಅದಾಗಿಯೂ, ಕರ್ನಾಟಕ ದಾಟಿದ 500ಮೀ ದೂರದಲ್ಲಿ ಗೋವಾ ಪೊಲೀಸರು ವಾಹನಗಳಿಗೆ ಅಡ್ಡಲಾಗಿ ಕೈ ಮಾಡಿ ಹಣ ಪೀಕುತ್ತಿದ್ದಾರೆ. ಇಲ್ಲಿ ಹಣ ಪಾವತಿಸಿ ಮುಂದೆ ಹೋದವರಿಗೆ ಡಿಜಿಟಲ್ ಚೆಕ್ ಪೋಸ್ಟಿನ ಮೂಲಕವೂ ದಂಡ ಬೀಳುತ್ತಿದೆ. ರಾಮನಗರ-ಗೋವಾ ಮಾರ್ಗದ ಮೊಳೇಂ ಡಿಜಿಟಲ್ ಚೆಕ್‌ಪೋಸ್ಟಿನ ಅರ್ದ ಕಿಮೀ ದೂರದಲ್ಲಿ ಈ ದಿನ ಪೊಲೀಸರು ವಸೂಲಿಯಲ್ಲಿ ನಿರತರಾಗಿರುವ ದೃಶ್ಯ ಸೆರೆಯಾಗಿದೆ. ದಿನವಿಡೀ ಇಲ್ಲಿ ಪೊಲೀಸರು ನಿಂತು ಹಣ ವಸೂಲಿ ಮಾಡುತ್ತಿದ್ದಾರೆ ಎಂದು ಜನ ದೂರಿದ್ದಾರೆ. ಡಿಜಿಟಲ್ ಚೆಕ್‌ಪೋಸ್ಟ್ ಬಂದ ಬಳಿಕ ಪೊಲೀಸರ ಆದಾಯದಲ್ಲಿ ಭಾರೀ ಪ್ರಮಾಣದ ಕುಸಿತವಾಗಿದ್ದು, ಅದರಿಂದ ಈ ಮಾರ್ಗ ಅನುಸರಿಸಿದ ಆರೋಪಗಳಿವೆ. ಬೇರೆ ಬೇರೆ ಊರುಗಳಿಂದ ಬರುವವರಿಗೆ ಗಡಿಯಲ್ಲಿಯೇ ಹಿಡಿದು ಅನಧಿಕೃತವಾಗಿ ಹಣ ವಸೂಲಿ ಮಾಡಲಾಗುತ್ತಿದೆ. ಇದರಿಂದ ಪ್ರವಾಸಿಗರು ಬೇಸತ್ತಿದ್ದಾರೆ ಎಂದು ಪ್ರವಾಸಿಗರು ದೂರಿದ್ದಾರೆ.
- [ಭಟ್ಕಳ: ಇಲ್ಲಿನ ಜನರಿಗೆ ಚರಂಡಿ ನೀರೇ ಗತಿ!](https://mobiletime.in/2026/06/bhatkal-sewage-water-is-the-fate-of-the-people-here/): ಭಟ್ಕಳದ ರಘುನಾಥ್ ರಸ್ತೆ ಸಮೀಪ ಚರಂಡಿ ನೀರು ಬಾವಿ ಸೇರುತ್ತಿದೆ. 50ಕ್ಕೂ ಅಧಿಕ ಬಾವಿಗೆ ಕಲುಷಿತ ನೀರು ಸೇರಿದ್ದು, ಜನ ಸಮಸ್ಯೆಗೆ ಸಿಲುಕಿದ್ದಾರೆ. ಇಲ್ಲಿನ ಮಣ್ಮುಳಿಯ ಪುಷ್ಪಾಂಜಲಿ ಟಾಕೀಸ್ ಬಳಿ ಯುಜಿಡಿ ಚೇಂಬರ್ ಸೋರಿಕೆಯಾಗಿದೆ. ಅಲ್ಲಿನ ಗಲೀಜು ನೀರು ಸುತ್ತಲಿನ ಕುಡಿಯುವ ನೀರಿನ ಬಾವಿಗೆ ಬರುತ್ತಿದೆ. ರಾಘವೇಂದ್ರ ಮಠದ ಸಮೀಪ ಯುಜಿಡಿ ಚೇಂಬರ್ ಬ್ಲಾಕ್ ಆಗಿರುವ ಪರಿಣಾಮ ಮಲಿನ ನೀರು ಹೊರಗೆ ಹೋಗಲು ಜಾಗವಿಲ್ಲ. ಕಳೆದ ಒಂದು ತಿಂಗಳಿನಿಸಿದ ಒಳಚರಂಡಿ ನೀರು ರಸ್ತೆಯ ಗಟಾರಿನಲ್ಲಿ ಹರಿಯುತ್ತಿದ್ದು, ದುರ್ವಾಸನೆಯೂ ಹೆಚ್ಚಾಗಿದೆ. ಈ ಬಗ್ಗೆ ಜನ ನಗರಸಭೆಗೆ ದೂರು ನೀಡಿದ್ದಾರೆ. ಆದರೆ, ನಗರಸಭೆಯವರು `ನಮ್ಮ ವ್ಯಾಪ್ತಿಗೆ ಈ ಸಮಸ್ಯೆ ಬರಲ್ಲ’ ಎನ್ನುತ್ತ ಸುಮ್ಮನಾಗಿದ್ದಾರೆ. ಅದಾದ ನಂತರ ಹೆದ್ದಾರಿ ಕೆಲಸ ಮಾಡುವ ಐಆರ್‌ಬಿ ಕಂಪನಿಗೆ ಜನ ದೂರು ನೀಡಿದ್ದಾರೆ. `ಹೊಸ ಲೈನ್‌ಗೆ ಸಂಪರ್ಕ ಕಲ್ಪಿಸುವ ಮೊದಲು ನಗರಸಭೆಯವರು ಹಳೆಯ ಯುಜಿಡಿ ಸಂಪರ್ಕವನ್ನು ಸಂಪೂರ್ಣವಾಗಿ ಬಂದ್ ಮಾಡಿದ್ದರಿಂದ ಸಮಸ್ಯೆಯಾಗಿದೆ’ ಎಂದು ಹೇಳಿ ಐಆರ್‌ಬಿ ಅಧಿಕಾರಿಗಳು ತಪ್ಪಿಸಿಕೊಂಡಿದ್ದಾರೆ. ರಘುನಾಥ್ ರಸ್ತೆಯ ಮಣ್ಮುಳಿ ಪುಷ್ಪಾಂಜಲಿ ಮಾರ್ಗದಲ್ಲಿ ತ್ಯಾಜ್ಯದ ನೀರು ನಿರಂತರವಾಗಿ ಹರಿಯುತ್ತಿರುವುದರಿಂದ ಈ ರಸ್ತೆಯಲ್ಲಿ ಸಂಚರಿಸುವ ಸಾರ್ವಜನಿಕರು ಸಹ ಸಮಸ್ಯೆಗೆ ಸಿಲುಕಿದ್ದಾರೆ. ರೈಲ್ವೆ ನಿಲ್ದಾಣಕ್ಕೆ ತೆರಳುವ ಪ್ರಯಾಣಿಕರು ತೊಂದರೆ ಅನುಭವಿಸುತ್ತಿದ್ದಾರೆ. ಗಟಾರಿನ ನೀರು ಸಮೀಪದ ಬಾವಿಗಳಿಗೆ ಸೇರಿದ್ದರಿಂದ ಜನ ಆರೋಗ್ಯ ಸಮಸ್ಯೆಗೂ ಒಳಗಾಗಿದ್ದಾರೆ.
- [ಅತಿ ವೇಗ ತಂದ ಅನಾಹುತ](https://mobiletime.in/2026/06/a-disaster-brought-on-by-too-much-speed/): ಯಲ್ಲಾಪುರದ ಇಡಗುಂದಿ ವಿಶ್ವದರ್ಶನ ಶಾಲೆ ಎದುರು ನಡೆದು ಹೋಗುತ್ತಿದ್ದ ಮಂಜುನಾಥ ದೇವಳಿ ಅವರಿಗೆ ಪ್ರಕಾಶ ನಾಯ್ಕ ಅವರು ಬೈಕ್ ಗುದ್ದಿದ್ದಾರೆ. ಮಂಜುನಾಥ ದೇವಳಿ ಅವರ ತಲೆಗೆ ಪೆಟ್ಟಾಗಿದ್ದು, ಕಿವಿ ಹಾಗೂ ಮೂಗಿನಿಂದ ರಕ್ತ ಬಂದಿದೆ. ಯಲ್ಲಾಪುರದ ಇಡಗುಂದಿಯಲ್ಲಿ ಮಂಜುನಾಥ ನಾರಾಯಣ ದೇವಳಿ (58) ಅವರು ವಾಸವಾಗಿದ್ದರು. ವೆಲ್ಡಿಂಗ್ ಕೆಲಸ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದರು. ಜೂನ್ 10ರಂದು ಅವರು ಇಡಗುಂದಿಯ ವಿಶ್ವದರ್ಶನ ಪ್ರೌಢಶಾಲೆ ಎದುರಿನ ಚಹಾ ಅಂಗಡಿ ಬಳಿ ನಡೆದು ಹೋಗುತ್ತಿದ್ದರು. ಆ ವೇಳೆ ಯಲ್ಲಾಪುರ ಕಡೆಯಿಂದ ವೇಗವಾಗಿ ಬೈಕ್ ಓಡಿಸಿಕೊಂಡು ಬಂದ ವಾಗಳ್ಳಿಯ ಪ್ರಕಾಶ ವಿಷ್ಣು ನಾಯ್ಕ ಅವರು ಆ ಬೈಕನ್ನು ಮಂಜುನಾಥ ದೇವಳಿ ಅವರಿಗೆ ಗುದ್ದಿದರು. ಬೈಕ್ ಗುದ್ದಿದ ರಭಸಕ್ಕೆ ಮಂಜುನಾಥ ದೇವಳಿ ಅವರು ನೆಲಕ್ಕೆ ಅಪ್ಪಳಿಸಿದರು. ಅವರ ತಲೆಗೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ಮೂಗಿನಿಂದ ರಕ್ತ ಸುರಿಯಿತು. ಜೊತೆಗೆ ಎರಡು ಕಿವಿಯಿಂದ ರಕ್ತಸ್ರಾವ ಶುರುವಾಯಿತು. ಮುಂದೆ ಹೋಗುತ್ತಿದ್ದ ಕಾರು ಹಿಂದಿಕ್ಕುವುದಕ್ಕಾಗಿ ಪ್ರಕಾಶ ನಾಯ್ಕ ಅವರು ವೇಗವಾಗಿ ಬೈಕ್ ಓಡಿಸಿದ್ದು, ಅದೇ ಈ ಅವಾಂತರಕ್ಕೆ ಕಾರಣವಾಯಿತು. ಚಿಕ್ಕಪ್ಪನಿಗೆ ಬೈಕ್ ಗುದ್ದಿದ ಪ್ರಕಾಶ ನಾಯ್ಕ ಅವರ ವಿರುದ್ಧ ಇಡಗುಂದಿಯ ಚಾಲಕ ವಿನಾಯಕ ಶ್ರೀಕಾಂತ ದೇವಳಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಗಾಯಗೊಂಡ ಮಂಜುನಾಥ ದೇವಳಿ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನಡೆಯುತ್ತಿದೆ.
- [ದೊಡ್ಡಮನಿಯ ದಾದಾಗಿರಿಯಿಂದ ದೂರವಾದ ದಾಂಡೇಲಿ!](https://mobiletime.in/2026/06/dandeli-far-from-doddamanis-dadagiri/): ಹoದಿ ಸಾಕುವ ಕೆಲಸ ಬಿಟ್ಟು ದಾಂಡೇಲಿಯಲ್ಲಿ ದಾದಾಗಿರಿ ಮಾಡುತ್ತಿದ್ದ ಬಾಬು ದೊಡ್ಡಮನಿ ಅವರನ್ನು ಪೊಲೀಸರು ಈ ಜಿಲ್ಲೆಯಿಂದ ಹೊರ ಹಾಕಿದ್ದಾರೆ. ಜೂಜಾಟ, ಲೈಂಗಿಕ ದೌರ್ಜನ್ಯ, ಹಲ್ಲೆ, ನಿಂದನೆ, ಕೊಲೆ ಯತ್ನ ಸೇರಿ ವಿವಿಧ ಪ್ರಕರಣಗಳ ಆರೋಪಿಯಾಗಿದ್ದ ಬಾಬು ದೊಡ್ಡಮನಿ ಅವರನ್ನು ಬಿದರಿಗೆ ಬಿಟ್ಟು ಬಂದಿದ್ದಾರೆ. ದಾoಡೇಲಿಯ ಬರ್ಚಿ ರಸ್ತೆಯಲ್ಲಿ ಬಾಬು ರಾಮಪ್ಪ ದೊಡ್ಡಮನಿ ಅವರು ವಾಸವಾಗಿದ್ದರು. ಹಂದಿ ಸಾಕಾಣಿಕೆ ಹಾಗೂ ವ್ಯಾಪಾರ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಆದರೆ, ಈ ಉದ್ಯೋಗದ ಜೊತೆ ಬಾಬು ದೊಡ್ಡಮನಿ ಅವರು ದುಡ್ಡಿಗಾಗಿ ಅಡ್ಡದಾರಿ ಹಿಡಿದಿದ್ದರು. ಅವರು ನಡೆಸಿದ ಅಪರಾಧಗಳ ಹಿನ್ನಲೆ ಪೊಲೀಸರು ಒಟ್ಟು 9 ಪ್ರಕರಣಗಳನ್ನು ದಾಖಲಿಸಿದ್ದರು. ಸಾಕಷ್ಟು ಬಾರಿ ಎಚ್ಚರಿಕೆಯನ್ನು ನೀಡಿದ್ದರು. ಅದಾಗಿಯೂ, ಸುಧಾರಣೆ ಕಾಣದ ಕಾರಣ ಬಾಬು ದೊಡ್ಡಮನಿ ಅವರ ವಿರುದ್ಧ ರೌಡಿ ಶೀಟರ್ ಹಾಳೆ ತೆರೆದಿದ್ದರು. ಬಾಬು ದೊಡ್ಡಮನಿ ಅವರನ್ನು ರೌಡಿ ಶೀಟರ್ ಎಂದು ಗುರುತಿಸಿ ಅವರ ಮೇಲೆ ನಿಗಾವಿರಿಸಿದ ಪೊಲೀಸರಿಗೆ ಇನ್ನಷ್ಟು ವಿಷಯಗಳು ಗೊತ್ತಾದವು. ಅಪರಾಧ ಚಟುವಟಿಕೆಯಿಂದ ಹೊರಬಾರದ ಬಗ್ಗೆ ಅರಿತ ಪೊಲೀಸರು ಗಡಿಪಾರಿಗಾಗಿ ಶಿಫಾರಸ್ಸು ಮಾಡಿದರು. ದಾಂಡೇಲಿ ಪೊಲೀಸರ ಶಿಫಾರಸ್ಸು ಗಮನಿಸಿದ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಬಾಬು ದೊಡ್ಡಮನಿ ಅವರನ್ನು ಗಡಿಪಾರು ಮಾಡಿ ಆದೇಶ ಹೊರಡಿಸಿದರು. ಮುಂದಿನ ಆರು ತಿಂಗಳವರೆಗೆ ಬಾಬು ದೊಡ್ಡಮನಿ ಅವರು ಉತ್ತರ ಕನ್ನಡ ಜಿಲ್ಲೆಗೆ ಬರುವ ಹಾಗಿಲ್ಲ ಎಂದು ಪೊಲೀಸರು ಆದೇಶಿಸಿದರು. ಈ ಎಲ್ಲಾ ಹಿನ್ನಲೆ ಪೊಲೀಸರೇ ಬಾಬು ದೊಡ್ಡಮನಿ ಅವರನ್ನು ಜೀಪಿನಲ್ಲಿ ಕೂರಿಸಿಕೊಂಡು ಬೀದರ್ ಕಡೆ ಹೊರಟರು. ಅಲ್ಲಿನ ಸಬ್ ಅರ್ಬನ್ ಪೊಲೀಸ್ ಠಾಣೆಗೆ ಬಾಬು ದೊಡ್ಡಮನಿ ಅವರನ್ನು ಹಾಜರುಪಡಿಸಿ ಊರಿಗೆ ಮರಳಿದರು.
- [ಬಾವಿಗೆ ಬಿದ್ದ ವಿದ್ಯಾರ್ಥಿನಿ: ಸಾವು!](https://mobiletime.in/2026/06/student-falls-into-well-death/): ಭಟ್ಕಳದ ಗುರು ಸುಧೀಂದ್ರ ಕಾಲೇಜಿನಲ್ಲಿ ಓದುತ್ತಿದ್ದ ವಿದ್ಯಾರ್ಥಿನಿ ಗಾಯತ್ರಿ ನಾಯ್ಕ ಅವರು ಬಾವಿಗೆ ಬಿದ್ದು ಸಾವನಪ್ಪಿದ್ದಾರೆ. ಕಾಲೇಜು ಶುಲ್ಕ ಪಾವತಿ ಸಾಧ್ಯವಾಗದೇ ಅವರು ದುಡುಕು ನಿರ್ಧಾರ ಮಾಡಿದ್ದು, ಬೆಳಕೆ ಕಂಚಿಕೇರಿ ಬಳಿಯ ಬಾವಿಯಲ್ಲಿ ಗಾಯತ್ರಿ ನಾಯ್ಕ ಅವರ ಶವ ಸಿಕ್ಕಿದೆ. ಭಟ್ಕಳ ಬೆಳಕೆಯ ಕಂಚಿಕೇರಿಯಲ್ಲಿ ಗಾಯಿತ್ರಿ ನಾಗರಾಜ ನಾಯ್ಕ ಅವರು ವಾಸವಾಗಿದ್ದರು. 19 ವರ್ಷದ ಅವರು ಭಟ್ಕಳದ ಗುರುಸುಧೀಂದ್ರ ಕಾಲೇಜಿನಲ್ಲಿ ಓದುತ್ತಿದ್ದರು. ಬಿಸಿಎ ದ್ವಿತೀಯ ವರ್ಷದ ವಿದ್ಯಾರ್ಥಿನಿಯಾಗಿದ್ದ ಅವರು ಗುರುವಾರವೇ ಕಾಣೆಯಾಗಿದ್ದರು. ಗಾಯತ್ರಿ ನಾಯ್ಕ ಅವರಿಗಾಗಿ ಎಲ್ಲಡೆ ಶೋಧ ನಡೆದಿದ್ದು, ಅವರು ಸಿಗದ ಕಾರಣ ಪಾಲಕರು ಪೊಲೀಸರ ಮೊರೆ ಹೋಗಿದ್ದರು. ಶೋಧ ಕಾರ್ಯಾಚರಣೆ ವೇಳೆ ಬಳಿಯ ಬಾವಿಯಲ್ಲಿ ಯುವತಿಯ ಶವ ಸಿಕ್ಕಿದ್ದು, ಅದನ್ನು ಹೊರ ತೆಗೆದಾಗ ಗಾಯತ್ರಿ ನಾಯ್ಕ ಅವರು ಸಾವನಪ್ಪಿರುವುದು ಗೊತ್ತಾಯಿತು. ಕಾಲೇಜಿನ ಶುಲ್ಕ ಪಾವತಿಗೆ ಸಾಧ್ಯವಾಗದೇ ಮನನೊಂದು ವಿದ್ಯಾರ್ಥಿನಿ ಸಾವನಪ್ಪಿದ ಬಗ್ಗೆ ಮಾಹಿತಿಯಿದೆ. ಮನೆಯವರು ಕಾಲೇಜು ಶಿಕ್ಷಣಕ್ಕಾಗಿ ನೀಡಿದ ಹಣವನ್ನು ಗಾಯತ್ರಿ ನಾಯ್ಕ ಅವರು ಪರಿಚಿತ ಯುವಕರೊಬ್ಬರಿಗೆ ನೀಡಿದ್ದು, ಆ ಯುವಕ ಹಣ ಮರಳಿಸದ ಕಾರಣ ಕಾಲೇಜು ಶುಲ್ಕ ಪಾವತಿ ಆಗಿರಲಿಲ್ಲ. ಹೀಗಾಗಿ ಗಾಯತ್ರಿ ನಾಯ್ಕ ಅವರಿಗೆ ಪರೀಕ್ಷೆಯ ಪ್ರವೇಶ ಪತ್ರ ಸಿಕ್ಕಿರಲಿಲ್ಲ. ಅದೇ ನೋವಿನಲ್ಲಿ ಗಾಯತ್ರಿ ನಾಯ್ಕ ಅವರು ದುಡುಕು ನಿರ್ಧಾರಕ್ಕೆ ಒಳಗಾದ ಬಗ್ಗೆ ಮಾತುಗಳಿವೆ. ಆದರೆ, ಈ ಬಗ್ಗೆ ಅಧಿಕೃತ ಹೇಳಿಕೆ ಬಿಡುಗಡೆ ಆಗಿಲ್ಲ. ಸಾವಿನ ಬಗ್ಗೆ ಜನ ಸಾಕಷ್ಟು ಅನುಮಾನವ್ಯಕ್ತಪಡಿಸಿದ್ದು, ಪೊಲೀಸ್ ತನಿಖೆಯಿಂದ ಸತ್ಯ ಹೊರಬರಬೇಕಿದೆ.
- [ಮಳೆ: ಅನುಪಯುಕ್ತ ಮಾಪನ ಯಂತ್ರವೂ ಕಳ್ಳತನ!](https://mobiletime.in/2026/06/rain-even-a-useless-measuring-machine-is-stolen/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಮಳೆ ಮಾಪನ ಕೇಂದ್ರಗಳು ಹಾಳಾಗಿದ್ದು, ಇಲ್ಲಿನ ಕಳ್ಳರು ಆ ಮಾಪನ ಯಂತ್ರಗಳನ್ನು ಸಹ ಬಿಟ್ಟಿಲ್ಲ. ಆ ಯಂತ್ರದ ತಲೆಬುಡದ ತಿಳುವಳಿಕೆಯಿಲ್ಲದಿದ್ದರೂ ಕಳ್ಳರು ಅದನ್ನು ಕದ್ದೊಯ್ದಿದ್ದಾರೆ! ರಾಜ್ಯದಲ್ಲಿ 6600ಕ್ಕೂ ಅಧಿಕ ಮಳೆ ಮಾಪನ ಕೇಂದ್ರಗಳಿವೆ. 1350 ಮಳೆ ಮಾಪನ ಕೇಂದ್ರವನ್ನು ಹೊಸದಾಗಿ ಸ್ಥಾಪಿಸಲು ಸರ್ಕಾರ ಅನುಮೋದನೆಯನ್ನು ನೀಡಿದೆ. ಈ ವೇಳೆ ಕಳ್ಳತನವಾಗಿರುವ ಮಳೆ ಮಾಪನ ಯಂತ್ರಗಳ ಬಗ್ಗೆಯೂ ಮಾಹಿತಿ ಬಂದಿದ್ದು, ಉತ್ತರ ಕನ್ನಡ ಜಿಲ್ಲೆಯ ಎರಡು ಮಳೆ ಮಾಪನ ಕೇಂದ್ರದಲ್ಲಿನ ಯಂತ್ರಗಳು ಕಳ್ಳರ ಪಾಲಾಗಿದೆ. ಹಾಳಾದ ಮಳೆ ಮಾಪನ ಯಂತ್ರಗಳನ್ನು ರಿಪೇರಿ ಮಾಡುವುದು ಸುಲಭದ ಕೆಲಸವಲ್ಲ. ಆ ಯಂತ್ರಗಳನ್ನು ಗುಜುರಿಗೆ ಹಾಕಿದರೂ ಕಾಸು ಬರುವುದಿಲ್ಲ. ಯಾವ ಬಗೆಯ ಸಂಶೋಧನೆಗೂ ಹಾಳಾದ ಯಂತ್ರಗಳು ಸಹಕಾರಿ ಅಲ್ಲ. ಅದಾಗಿಯೂ, ಕಳ್ಳರು ಆ ಅನುಪಯುಕ್ತ ಯಂತ್ರಗಳನ್ನು ಸಹ ಬಿಟ್ಟಿಲ್ಲ! ಸದ್ಯ ಕಳ್ಳರು ಕದ್ದೊಯ್ದ ಯಂತ್ರಗಳ ಬದಲು ಹೊಸ ಯಂತ್ರ ಅಳವಡಿಸಲು ಸರ್ಕಾರ ಮುಂದಾಗಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಒಂಬತ್ತು ಮಳೆ ಮಾಪನ ಕೇಂದ್ರಗಳನ್ನು ಬೇರೆಡೆ ಸ್ಥಳಾಂತರಿಸುವುದು ಹಾಗೂ ಐದು ಮಳೆ ಮಾಪನ ಯಂತ್ರಗಳ ದುರಸ್ತಿಯನ್ನು ಇಂಜೆನ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ ಎಂಬ ಕಂಪನಿಗೆವಹಿಸಿದೆ. ಜೊತೆಗೆ ಕಳ್ಳತನವಾದ ಎರಡು ಯಂತ್ರಗಳ ಬದಲು ಬದಲಿ ಯಂತ್ರ ಕೂರಿಸುವ ಹೊಣೆಯನ್ನು ಇದೇ ಕಂಪನಿಗೆ ನೀಡಲಾಗಿದೆ. ಮಳೆ ಮಾಪನ ಕೇಂದ್ರಗಳ ನಿರ್ವಹಣೆಯನ್ನು ಖಾಸಗಿ ಎಜನ್ಸಿಯವರಿಗೆ ಸರ್ಕಾರವಹಿಸಿದ್ದು, ಎಜನ್ಸಿಯವರು ನಿರ್ವಹಣೆ ಸರಿ ಮಾಡದೇ ಇದ್ದರೆ ಜಿಲ್ಲಾಧಿಕಾರಿಗಳಿಗೆ ಎಜನ್ಸಿ ವಿರುದ್ಧ ಕ್ರಮ ಜರುಗಿಸುವ ಅಧಿಕಾರ ನೀಡಲಾಗಿದೆ. ಈ ಎಲ್ಲಾ ಬೆಳವಣಿಗೆಗಳ ಜೊತೆ ಮಳೆ ಮಾಪನ ಕೇಂದ್ರದಲ್ಲಿನ ಯಂತ್ರಗಳು ಕಳವು ಆಗದಂತೆ ತಡೆಯುವುದಕ್ಕಾಗಿ ಸರ್ಕಾರ ಗ್ರಾಮ ಆಡಳಿತಾಧಿಕಾರಿಗಳಿಗೆ ಸದ್ಯ ಹೊಸ ಜವಾಬ್ದಾರಿಯನ್ನು ನೀಡಿದೆ. ಮಳೆ ಮಾಪನ ಕೇಂದ್ರದ ಯಂತ್ರಗಳು ಕಳ್ಳತನ ಆದರೆ ಗ್ರಾಮ ಆಡಳಿತಾಧಿಕಾರಿಗಳು ಅದರ ಹೊಣೆಹೋರಬೇಕು ಎಂದು ಸರ್ಕಾರ ಹೇಳಿದೆ. ಕಳ್ಳತನವಾದ ತಕ್ಷಣ ತಹಶೀಲ್ದಾರರಿಗೆ ಮಾಹಿತಿ ಕೊಟ್ಟು ಪೊಲೀಸ್ ಪ್ರಕರಣ ದಾಖಲಿಸುವಂತೆಯೂ ತಿಳಿಸಲಾಗಿದೆ. ಅದರೊಂದಿಗೆ ಪ್ರತಿ ವಾರ `ಜಿಲ್ಲಾಧಿಕಾರಿಗಳು ಮಳೆ ಮಾಪನ ಕೇಂದ್ರದ ಮೇಲ್ವಿಚಾರಣಾ ಸಭೆ ನಡೆಸಬೇಕು. ಮಳೆ ಮಾಪನ ಯಂತ್ರಗಳ ಸ್ಥಿತಿಗತಿ ಬಗ್ಗೆ ಅರಿತಿರಬೇಕು’ ಎಂದು ಕಂದಾಯ ಇಲಾಖೆ ಪ್ರಧಾನ ಕಾರ್ಯದರ್ಶಿ ಕಚೇರಿಯಿಂದ ಸೂಚನೆ ಬಂದಿದೆ. ಮಾಹಿತಿ ಹಾಗೂ ದಾಖಲೆಗಳ ಪ್ರಕಾರ, ಕುದ್ರುಗಿ, ಕಾತೂರು, ಮಳಗಿ, ತಾರೆಹಳ್ಳಿ-ಕಾನಸೂರು, ಬಾಡದಲ್ಲಿನ ಮಳೆ ಮಾಪನ ಯಂತ್ರಗಳು ದುರಸ್ಥಿ ಆಗಬೇಕಿದೆ. ಚೌಡಳ್ಳಿ ಹಾಗೂ ತತ್ವಣಗಿಯಲ್ಲಿದ್ದ ಯಂತ್ರಗಳು ಕಳ್ಳರ ಪಾಲಾಗಿದೆ. ಕೋಣಾರ, ಶಿರಾಳಿ, ನವೀಲ್ಗೋಣ, ದೇವಳಮಕ್ಕಿ, ಕೆರವಡಿ, ಹೊಲನಗದ್ದೆ, ಬೆಡಸಗಾಂ, ಹೆಗ್ಗರಣಿ ಹಾಗೂ ಬಂಕನಾಳದಲ್ಲಿ ಮಳೆ ಮಾಪನ ಕೇಂದ್ರಕ್ಕಾಗಿ ಜಾಗ ಹುಡುಕಾಟ ನಡೆದಿದೆ. ಕೂಜಳ್ಳಿಯಲ್ಲಿನ ಮಳೆ ಮಾಪನ ಕೇಂದ್ರದ ಸ್ಥಳವೂ ಬದಲಾವಣೆಯಾಗಬೇಕಿದ್ದು, ಇದನ್ನು ಸ್ಪಟಿಕ ಇನ್ಪಾರ್ಮೇಶನ್ ಟೆಕ್ನಾಲಜಿ ಪ್ರೆöÊ ಲಿ ಕಂಪನಿಗೆವಹಿಸಲಾಗಿದೆ. ಮಳೆ ಮಾಪನ ಕೇಂದ್ರಗಳ ಸ್ಥಳ ಬದಲಾವಣೆಗಾಗಿ 10*10 ಅಡಿಯ ಸೂಕ್ತ ಜಾಗ ಕೊಡುವಂತೆ ನೈಸರ್ಗಿಕ ವಿಕೋಪ ಕೇಂದ್ರದವರು ಜಿಲ್ಲಾಡಳಿತಕ್ಕೆ ಎರಡು ಬಾರಿ ಪತ್ರ ಬರೆದಿದ್ದಾರೆ. `ಜಿಲ್ಲಾಧಿಕಾರಿಗಳು ಪ್ರತಿ ವಾರ ಸಭೆ ನಡೆಸಿ ಮಳೆ ಮಾಪನ ಕೇಂದ್ರದ ಸುಸ್ಥಿತಿ ಬಗ್ಗೆ ಪರಿಶೀಲಿಸಬೇಕು. ಜಿಲ್ಲಾ ವಿಪತ್ತು ನಿರ್ವಹಣಾ ಪರಿಣಿತರು ಟೆಲಿಮೆಟ್ರಿಕ್ ಮಳೆ ಮಾಪನ ಕೇಂದ್ರದ ಸಂಪೂರ್ಣ ಜವಾಬ್ದಾರದಾರರಾಗಿದ್ದು, ಪ್ರತಿ ವಾರ ಕನಿಷ್ಟ 10ಕಡೆ ಭೇಟಿ ನೀಡಿ ಯಂತ್ರಗಳನ್ನು ಪರಿಶೀಲಿಸಬೇಕು. ನಂತರ ಯಂತ್ರಗಳ ಬಗ್ಗೆ ಅಪರ ಜಿಲ್ಲಾಧಿಕಾರಿಗಳಿಗೆ ವರದಿ ಕೊಡಬೇಕು’ ಎಂದು ಸಹ ಸರ್ಕಾರ ಸೂಚನೆಗಳನ್ನು ಹೊರಡಿಸಿದೆ. ಜೊತೆಗೆ ವಿವಿಧ ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿ ಹೊಸದಾಗಿ ಟೆಂಡರ್ ಕರೆದು ಟೆಲಿಮೆಟ್ರಿಕ್ ಮಳೆ ಮಾಪನ ಕೇಂದ್ರ ಸ್ಥಾಪಿಸುವುದಾಗಿಯೂ ಸರ್ಕಾರ ಮಾಹಿತಿ ನೀಡಿದೆ. ದಾಖಲೆಗಳ ಕ್ರೂಢೀಕರಣ: ಡಾ ರವಿಕಿರಣ ಪಟವರ್ಧನ, ಆಯುರ್ವೇದ ವೈದ್ಯರು, ಶಿರಸಿ
- [ಸೊಳ್ಳೆಗಳ ಕಾಟಕ್ಕೆ ಗುಡ್‌ಬೈ ಹೇಳಬೇಕೇ? ಮನೆಯ ಸುತ್ತ ಈ ಗಿಡಗಳನ್ನು ಬೆಳೆಸಿ](https://mobiletime.in/2026/06/want-to-say-goodbye-to-the-mosquito-menace-grow-these-plants-around-your-home/): ಮಳೆಗಾಲ ಆರಂಭವಾಗುತ್ತಿದ್ದಂತೆ ಸೊಳ್ಳೆಗಳ ಕಾಟವೂ ಹೆಚ್ಚಾಗುತ್ತದೆ. ಸೊಳ್ಳೆಗಳು ಕೇವಲ ಕಿರಿಕಿರಿ ಉಂಟುಮಾಡುವುದಷ್ಟೇ ಅಲ್ಲ, ಡೆಂಗ್ಯೂ, ಮಲೇರಿಯಾ ಹಾಗೂ ಚಿಕನ್‌ಗುನ್ಯಾ ಮುಂತಾದ ಕಾಯಿಲೆಗಳ ಹರಡುವಿಕೆಗೆ ಕಾರಣವಾಗಬಹುದು. ಸಾಮಾನ್ಯವಾಗಿ ಜನರು ಸೊಳ್ಳೆ ನಿವಾರಕ ಸ್ಪ್ರೇ, ಕಾಯಿಲ್ ಅಥವಾ ಲಿಕ್ವಿಡ್ ರಿಪೆಲೆಂಟ್‌ಗಳನ್ನು ಬಳಸುತ್ತಾರೆ. ಆದರೆ ಕೆಲವೊಮ್ಮೆ ಇವುಗಳಿಂದ ಆರೋಗ್ಯದ ಮೇಲೂ ದುಷ್ಪರಿಣಾಮ ಉಂಟಾಗುವ ಸಾಧ್ಯತೆ ಇರುತ್ತದೆ. ಇದಕ್ಕಾಗಿಯೇ ಅನೇಕರು ನೈಸರ್ಗಿಕ ವಿಧಾನಗಳತ್ತ ಮುಖ ಮಾಡುತ್ತಿದ್ದಾರೆ. ಮನೆಯ ಆವರಣದಲ್ಲಿ ಅಥವಾ ಬಾಲ್ಕನಿಯಲ್ಲಿ ಕೆಲವು ವಿಶೇಷ ಗಿಡಗಳನ್ನು ಬೆಳೆಸುವುದರಿಂದ ಸೊಳ್ಳೆಗಳ ಸಂಖ್ಯೆಯನ್ನು ಕಡಿಮೆ ಮಾಡಲು ಸಹಾಯವಾಗಬಹುದು. ಈ ಗಿಡಗಳಿಂದ ಹೊರಹೊಮ್ಮುವ ಸುವಾಸನೆ ಹಾಗೂ ಕೆಲವು ನೈಸರ್ಗಿಕ ತೈಲಗಳು ಸೊಳ್ಳೆಗಳನ್ನು ದೂರವಿಡುವ ಗುಣ ಹೊಂದಿವೆ ಎಂದು ಹೇಳಲಾಗುತ್ತದೆ. ತುಳಸಿ ಗಿಡವು ಸೊಳ್ಳೆಗಳನ್ನು ದೂರವಿಡಲು ನೆರವಾಗುವ ಗಿಡಗಳಲ್ಲಿ ಪ್ರಮುಖವಾಗಿದೆ. ಇದು ಔಷಧೀಯ ಗುಣಗಳ ಜೊತೆಗೆ ಸೊಳ್ಳೆಗಳಿಗೆ ಇಷ್ಟವಾಗದ ವಾಸನೆಯನ್ನು ಹೊರಸೂಸುತ್ತದೆ. ಮನೆಯ ಪ್ರವೇಶದ್ವಾರ ಅಥವಾ ಕಿಟಕಿಗಳ ಬಳಿ ತುಳಸಿ ಬೆಳೆಸಿದರೆ ಪ್ರಯೋಜನಕಾರಿಯಾಗುತ್ತದೆ. ಲೆಮನ್‌ಗ್ರಾಸ್ ಕೂಡ ಸೊಳ್ಳೆ ನಿಯಂತ್ರಣಕ್ಕೆ ಸಹಕಾರಿ ಎಂದು ಪರಿಗಣಿಸಲಾಗುತ್ತದೆ. ಇದರಲ್ಲಿ ಇರುವ ಸಿಟ್ರೊನೆಲ್ಲಾ ಅಂಶವು ಸೊಳ್ಳೆಗಳನ್ನು ದೂರವಿಡಲು ನೆರವಾಗುತ್ತದೆ. ಅದೇ ರೀತಿ ಪುದೀನಾ ಗಿಡದ ತಾಜಾ ಪರಿಮಳವೂ ಸೊಳ್ಳೆಗಳಿಗೆ ಅಸಹ್ಯವಾಗಿದ್ದು, ಮನೆಯ ಸುತ್ತಮುತ್ತ ಇದನ್ನು ಬೆಳೆಸಬಹುದು. ಮರಿಗೋಲ್ಡ್ (ಚೆಂಡು ಹೂವು) ಗಿಡವೂ ಸೊಳ್ಳೆಗಳನ್ನು ದೂರವಿಡುವ ಗುಣ ಹೊಂದಿದೆ ಎನ್ನಲಾಗುತ್ತದೆ. ಇದರ ಹೂವು ಮತ್ತು ಎಲೆಗಳಿಂದ ಬರುವ ವಾಸನೆ ಕೆಲವು ಕೀಟಗಳನ್ನು ಸಮೀಪಿಸದಂತೆ ಮಾಡುತ್ತದೆ. ಹಾಗೆಯೇ ಲ್ಯಾವೆಂಡರ್ ಗಿಡದ ಪರಿಮಳ ಮನುಷ್ಯರಿಗೆ ಆಹ್ಲಾದಕರವಾಗಿದ್ದರೂ, ಸೊಳ್ಳೆಗಳಿಗೆ ಅಷ್ಟಾಗಿ ಇಷ್ಟವಾಗುವುದಿಲ್ಲ. ಆದರೆ ಗಿಡಗಳನ್ನು ಬೆಳೆಸುವುದಷ್ಟೇ ಸಾಕಾಗುವುದಿಲ್ಲ. ಮನೆಯ ಸುತ್ತ ನೀರು ನಿಲ್ಲದಂತೆ ನೋಡಿಕೊಳ್ಳುವುದು, ಕಸದ ನಿರ್ವಹಣೆಯನ್ನು ಸರಿಯಾಗಿ ಮಾಡುವುದು ಹಾಗೂ ಕಿಟಕಿಗಳಿಗೆ ಜಾಲರಿಗಳನ್ನು ಅಳವಡಿಸುವುದು ಕೂಡ ಸೊಳ್ಳೆ ನಿಯಂತ್ರಣಕ್ಕೆ ಅಗತ್ಯವಾಗಿದೆ. ನೈಸರ್ಗಿಕವಾಗಿ ಸೊಳ್ಳೆಗಳ ಕಾಟವನ್ನು ಕಡಿಮೆ ಮಾಡಲು ಬಯಸುವವರು ಈ ಗಿಡಗಳನ್ನು ಮನೆಯ ತೋಟ ಅಥವಾ ಬಾಲ್ಕನಿಯಲ್ಲಿ ಬೆಳೆಸಬಹುದು. ಹಸಿರು ವಾತಾವರಣದ ಜೊತೆಗೆ ಸೊಳ್ಳೆಗಳ ಕಿರಿಕಿರಿಯಿಂದಲೂ ಸ್ವಲ್ಪ ಮಟ್ಟಿಗೆ ಮುಕ್ತಿ ಪಡೆಯಬಹುದು.
- [ಕೆಲವೇ ವರ್ಷಗಳಲ್ಲಿ ಕಾಣೆಯಾಗುತ್ತಾ ಕಲ್ಲೇಡಿಗಳ ಸಂತತಿ ?](https://mobiletime.in/2026/06/will-the-descendants-of-the-kalledis-disappear-in-a-few-years/):  ಮಳೆಗಾಲ ಆರಂಭವಾಗುತ್ತಿದ್ದಂತೆಯೇ ಕರಾವಳಿ ಹಾಗೂ ಮಲೆನಾಡಿನ ಭಾಗಗಳಲ್ಲಿ ಕಲ್ಲೇಡಿಗಳ ಸಂಚಾರ ಹೆಚ್ಚಾಗುವುದು ಸಾಮಾನ್ಯ. ಮಣ್ಣಿನಿಂದ ಹೊರಬಂದು ಹಳ್ಳ-ಕೊಳ್ಳಗಳ ಕಡೆಗೆ ಸಾಗುವ ಈ ಕಲ್ಲೇಡಿಗಳು ಗ್ರಾಮೀಣ ಬದುಕಿನ ಭಾಗವಾಗಿದ್ದವು. ಆದರೆ ಈ ಬಾರಿ ಪರಿಸ್ಥಿತಿ ಭಿನ್ನವಾಗಿದೆ. ಮುಂಗಾರು ಮಳೆ ಉತ್ತಮವಾಗಿದ್ದರೂ ಕಲ್ಲೇಡಿಗಳ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿರುವುದು ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ. ಸಾಮಾನ್ಯವಾಗಿ ಜೂನ್ ತಿಂಗಳಲ್ಲಿ ಮುಂಗಾರು ಆರಂಭವಾದ ಬಳಿಕ ಕಲ್ಲೇಡಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಿಸಿಕೊಳ್ಳುತ್ತವೆ. ಕೆಲವು ಪ್ರದೇಶಗಳಲ್ಲಿ ಅವುಗಳನ್ನು ಆಹಾರವಾಗಿಯೂ ಬಳಸಲಾಗುತ್ತದೆ. ಗ್ರಾಮೀಣ ಮಾರುಕಟ್ಟೆಗಳಲ್ಲಿ ಕಲ್ಲೇಡಿಗಳಿಗೆ ಉತ್ತಮ ಬೇಡಿಕೆಯೂ ಇರುತ್ತದೆ. ಆದರೆ ಈ ವರ್ಷ ಮಾರುಕಟ್ಟೆಗೆ ತರುವಷ್ಟು ಕಲ್ಲೇಡಿಗಳು ಸಿಗುತ್ತಿಲ್ಲ ಎಂದು ಗ್ರಾಮಸ್ಥರು ಹೇಳುತ್ತಿದ್ದಾರೆ. ತಜ್ಞರ ಅಭಿಪ್ರಾಯದ ಪ್ರಕಾರ, ಹವಾಮಾನದಲ್ಲಿ ಆದ ಬದಲಾವಣೆ, ಅತಿಯಾದ ಬಿಸಿಲು, ಅವಧಿ ಪೂರ್ವ ಹಾಗೂ ಅವಧಿಗೂ ತಡವಾಗಿ ಬರುವ  ಮಳೆ,  ಕಲ್ಲೇಡಿಗಳ ಸಹಜ ಜೀವನ ಚಕ್ರದ ಮೇಲೆ ಪರಿಣಾಮ ಬೀರಿರಬಹುದು. ಮಳೆಯ ನೀರು ಹರಿಯಲು ಆರಂಭವಾದಾಗ ಕಲ್ಲೇಡಿಗಳು ಸಂತಾನೋತ್ಪತ್ತಿ ಚಟುವಟಿಕೆಯಲ್ಲಿ ತೊಡಗುತ್ತವೆ. ಆದರೆ ಈಹಿಂದೆ ಅವಧಿಗೂ ಮುನ್ನ ಮಳೆ ಸುರಿದ ಕಾರಣ ಅವುಗಳ ಪ್ರಜನನ ಪ್ರಕ್ರಿಯೆಯಲ್ಲಿ ವ್ಯತ್ಯಾಸ ಉಂಟಾಗಿರಬಹುದೆಂಬ ಅನುಮಾನ ವ್ಯಕ್ತವಾಗಿದೆ.  ಸಾಗರ ಅಧ್ಯಯನ ವಿಭಾಗದ ಫ್ರೊಫೆಸರ್ ಅವರ ಪ್ರಕಾರ, ಮೊದಲ ಮಳೆಯ ನಂತರ ಕಲ್ಲೇಡಿಗಳು ತಮ್ಮ ಹಳೆಯ ಕವಚವನ್ನು ಕಳಚಿಕೊಂಡು ಹೊಸ ಕವಚ ರೂಪುಗೊಳ್ಳುವ ಹಂತವನ್ನು ಎದುರಿಸುತ್ತವೆ. ಈ ಸಮಯದಲ್ಲಿ ಅವುಗಳು ಹೆಚ್ಚು ದುರ್ಬಲವಾಗಿರುತ್ತವೆ. ಹವಾಮಾನದಲ್ಲಿನ ಅಲ್ಪ ಪ್ರಮಾಣದ ಬದಲಾವಣೆಯೂ ಅವುಗಳ ಬದುಕಿನ ಮೇಲೆ ಪರಿಣಾಮ ಬೀರಬಹುದು. ಇನ್ನೊಂದು ಗಮನಾರ್ಹ ಅಂಶವೆಂದರೆ, ಈ ಬಾರಿ ದೊಡ್ಡ ಗಾತ್ರದ ಕಲ್ಲೇಡಿಗಳು ಬಹಳ ವಿರಳವಾಗಿ ಕಂಡುಬರುತ್ತಿವೆ. ಸಿಕ್ಕರೂ ಅವುಗಳ ಗಾತ್ರ ಹಿಂದಿನ ವರ್ಷಗಳಿಗಿಂತ ಚಿಕ್ಕದಾಗಿದೆ ಎಂದು ಗ್ರಾಮೀಣ ಭಾಗದ ಜನರು ಹೇಳುತ್ತಿದ್ದಾರೆ. ಕಳೆದ ವರ್ಷ ನಾಲ್ಕು ದೊಡ್ಡ ಕಲ್ಲೇಡಿಗಳಿಗೆ 150 ರೂಪಾಯಿವರೆಗೆ ಬೆಲೆ ಸಿಕ್ಕಿದ್ದರೆ, ಈ ಬಾರಿ ಮಾರುಕಟ್ಟೆಯಲ್ಲಿ ಅವುಗಳ ಸುಳಿವೇ ಇಲ್ಲ. ಪರಿಸರ ಹಾಗೂ ಹವಾಮಾನ ಬದಲಾವಣೆಯ ಪರಿಣಾಮಗಳು ಕೇವಲ ಮನುಷ್ಯರ ಬದುಕಿನ ಮೇಲಷ್ಟೇ ಅಲ್ಲ, ಪ್ರಕೃತಿಯ ಸೂಕ್ಷ್ಮ ಜೀವವೈವಿಧ್ಯದ ಮೇಲೂ ಪರಿಣಾಮ ಬೀರುತ್ತಿವೆ ಎಂಬುದಕ್ಕೆ ಕಲ್ಲೇಡಿಗಳ ಈ ಕುಸಿತ ಮತ್ತೊಂದು ಉದಾಹರಣೆಯಾಗಿದೆ. ಮುಂದಿನ ದಿನಗಳಲ್ಲಿ ಈ ಕುರಿತು ವೈಜ್ಞಾನಿಕ ಅಧ್ಯಯನಗಳು ನಡೆದರೆ ಮಾತ್ರ ನಿಖರ ಕಾರಣಗಳು ಬೆಳಕಿಗೆ ಬರಲಿವೆ. ಮಳೆ ಜೋರಾಗಿದ್ದರೂ ಕಲ್ಲೇಡಿಗಳು ಕಾಣಿಸದಿರುವುದು ಪ್ರಕೃತಿಯ ಮೌನ ಎಚ್ಚರಿಕೆಯೇ ಎಂಬ ಪ್ರಶ್ನೆ ಈಗ ಕರಾವಳಿ ಮತ್ತು ಮಲೆನಾಡಿನ ಜನರಲ್ಲಿ ಮೂಡಿದೆ.
- [ತಳಿ ಅಭಿವೃದ್ಧಿ ಹೆಸರಿನಲ್ಲಿ ಮೋಸ: ಹಸುವಿಗಾಗಿ ಹೆಗಡೆರ ಹೋರಾಟ!](https://mobiletime.in/2026/06/deception-in-the-name-of-breed-development-hegders-fight-for-cows/): ಶಿರಸಿ ನರೆಬೈಲಿನ ಗಣಪತಿ ಪೂಜಾರಿ ಅವರು ತಳಿ ಅಭಿವೃದ್ಧಿಗಾಗಿ ಉಂಚಳ್ಳಿ ಸೋಮನಳ್ಳಿಯ ಸುಬ್ರಾಯ ಹೆಗಡೆ ಅವರಿಂದ ಹಸುವೊಂದನ್ನುಪಡೆದಿದ್ದು, ಸಾಕಷ್ಟು ಬಾರಿ ಕೇಳಿದರೂ ಆ ಹಸುವನ್ನು ಮಾಲಕರಿಗೆ ಮರಳಿಸುತ್ತಿಲ್ಲ. ಗಣಪತಿ ಪೂಜಾರಿಯವರ ಮೇಲಿನ ನಂಬಿಕೆಯಿoದ 10 ವರ್ಷದ ಹಸು ಕೊಟ್ಟ ಸುಬ್ರಾಯ ಹೆಗಡೆ ಅವರಿಗೆ ಮೋಸವಾಗಿದೆ. ಶಿರಸಿ ಬನವಾಸಿ ಬಳಿಯ ಸೋಮನಳ್ಳಿಯಲ್ಲಿ ಸುಬ್ರಾಯ ಗಣಪತಿ ಹೆಗಡೆ (65) ಅವರು ವಾಸವಾಗಿದ್ದಾರೆ. ಕೃಷಿಕರಾಗಿರುವ ಸುಬ್ರಾಯ ಹೆಗಡೆ ಅವರು ಹೈನುಗಾರಿಕೆಯನ್ನು ಮಾಡಿಕೊಂಡಿದ್ದು, ಅವರ ಕೊಟ್ಟಿಗೆಯಲ್ಲಿದ್ದ ಬಿಳಿ ಬಣ್ಣದ ಹಸುವಿನ ಮೇಲೆ ಶಿರಸಿ ನರೆಬೈಲಿನ ಗಣಪತಿ ಪೂಜಾರಿ ಅವರು ಕಣ್ಣು ಹಾಕಿದ್ದಾರೆ ಎಚ್ ಎಫ್ ಮಿಶ್ರ ತಳಿಯ ಆ ಹಸುವಿನ ಮೇಲೆ ಗಣಪತಿ ಪೂಜಾರಿ ಅವರಿಗೆ ಆಸೆ ಹುಟ್ಟಿದೆ. `ಆ ಹಸುವಿನ ತಳಿ ಅಭಿವೃದ್ಧಿ ಮಾಡುವೆ’ ಎಂದು ಗಣಪತಿ ಪೂಜಾರಿ ಅವರು ಪುಸಲಾಯಿಸಿದ್ದು, ಅದನ್ನು ನಂಬಿದ ಸುಬ್ರಾಯ ಹೆಗಡೆ ಅವರು 40 ಸಾವಿರ ರೂ ಮೌಲ್ಯದ ಹಸುವನ್ನು ಗಣಪತಿ ಪೂಜಾರಿ ಅವರಿಗೆ ನೀಡಿದ್ದಾರೆ. `ಮೂರು ವರ್ಷ ಆ ಹಸು ಸಾಕಿ ನಂತರ ಮರಳಿಸಬೇಕು’ ಎಂದು ಸುಬ್ರಾಯ ಹೆಗಡೆ ಅವರು ಷರತ್ತು ಹಾಕಿದ್ದು, ಅದಕ್ಕೆ ಒಪ್ಪಿ ಗಣಪತಿ ಪೂಜಾರಿ ಅವರು ಹಸು ಒಯ್ದಿದ್ದಾರೆ. 2025ರ ಅವಧಿಯಲ್ಲಿ ಗಣಪತಿ ಪೂಜಾರಿ ಅವರ ಕೊಟ್ಟಿಗೆಯಲ್ಲಿ ಬಿಳಿ ಬಣ್ಣದ ಹಸು ಕಾಣಲಿಲ್ಲ. ಹೀಗಾಗಿ ಸುಬ್ರಾಯ ಹೆಗಡೆ ಅವರು `ತಮ್ಮ ಹಸು ಎಲ್ಲಿ?’ ಎಂದು ಗಣಪತಿ ಪೂಜಾರಿ ಅವರನ್ನು ಪ್ರಶ್ನಿಸಿದ್ದಾರೆ. ಪದೇ ಪದೇ ಪ್ರಶ್ನಿಸಿದಾಗಲೂ ಒಂದಿಲ್ಲೊoದು ಕಾರಣ ಹೇಳಿ ಗಣಪತಿ ಪೂಜಾರಿ ಅವರು ತಪ್ಪಿಸಿಕೊಂಡಿದ್ದಾರೆ. ಕೊನೆಗೆ `ತನ್ನ ಹಸು ತನಗೆ ಮರಳಿಸು’ ಎಂದು ಸುಬ್ರಾಯ ಹೆಗಡೆ ಅವರು ದುಂಬಾಲು ಬಿದ್ದಿದ್ದು, ಆಗ ಗಣಪತಿ ಪೂಜಾರಿ ಅವರು ಉಲ್ಟಾ ಹೊಡೆದಿದ್ದಾರೆ. ಅದಾದ ನಂತರ ಸಾಕಷ್ಟು ಬಾರಿ ಸುಬ್ರಾಯ ಹೆಗಡೆ ಅವರು ಹಸುವಿನ ವಿಚಾರಕ್ಕಾಗಿ ಅಲೆದಾಡಿದ್ದಾರೆ. ಆದರೆ, ಗಣಪತಿ ಪೂಜಾರಿ ಅವರು ಆ ಹಸುವನ್ನು ಮಾತ್ರ ಮರಳಿಸಲು ಸಿದ್ಧವಾಗಿಲ್ಲ. ಗಣಪತಿ ಪೂಜಾರಿ ಅವರು ಫೋನ್ ಮಾಡಿಯೂ ಸುಬ್ರಾಯ ಹೆಗಡೆ ಅವರಿಗೆ ಬೆದರಿಕೆ ಒಡ್ಡಿದ್ದು, ಮತ್ತೆ ಹಸು ಕೇಳಿದರೆ ಕೊಂದು ಬಿಡುವೆ ಎಂದು ಹೆದರಿಸಿದ್ದಾರೆ. ಹಸು ಕಳೆದುಕೊಂಡ ಸುಬ್ರಾಯ ಹೆಗಡೆ ಅವರು ನ್ಯಾಯಕ್ಕಾಗಿ ಬನವಾಸಿ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. `ನನ್ನ ಹಸು ನನಗೆ ಕೊಡಿಸಿ’ ಎಂದವರು ಕೋರ್ಟಿನಲ್ಲಿಯೂ ಮನವಿ ಮಾಡಿದ್ದಾರೆ.
- [ವೈದ್ಯರಿಗೆ ಅನಾರೋಗ್ಯ: ಅರ್ದ ಆಯಸ್ಸಿಗೆ ಬದುಕು ಅಂತ್ಯ!](https://mobiletime.in/2026/06/illness-for-doctors-life-is-over-for-half-a-century/): ಅoಕೋಲಾದ ಆರ್ ಎನ್ ನಾಯಕ ಕಮಲಾ ಮೆಡಿಕಲ್ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ ವೆಂಕಟೇಶ ಎ ಎಂ ಅವರು ಸಾವನಪ್ಪಿದ್ದಾರೆ. ಆಸ್ಪತ್ರೆ ವಸತಿಗೃಹದಲ್ಲಿ ಅವರು ಶವವಾಗಿ ಕಾಣಿಸಿಕೊಂಡಿದ್ದಾರೆ. ಬೆoಗಳೂರಿನ ಯಲಹಂಕ ಬಳಿಯ ಡಾ ವೆಂಕಟೇಶ್ ಎ ಎಂ (50) ಅವರು ಆರ್ ಎನ್ ನಾಯಕ ಕಮಲಾ ಮೆಡಿಕಲ್ ಆಸ್ಪತ್ರೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದರು. ವೈದ್ಯಕೀಯ ಸೇವೆಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಅವರು ಆರ್ ಎನ್ ನಾಯಕ ಕಮಲಾ ಮೆಡಿಕಲ್ ಆಸ್ಪತ್ರೆಯ ವಸತಿ ಗೃಹದಲ್ಲಿ ವಾಸ್ತವ್ಯ ಹೂಡಿದ್ದರು. ಈಚೆಗೆ ಅವರಲ್ಲಿ ಅನಾರೋಗ್ಯ ಕಾಡಿದ್ದು, ಅದಕ್ಕೆ ಚಿಕಿತ್ಸೆಪಡೆದಿದ್ದರು. ಜೂನ್ 8ರ ಸಂಜೆ ವಸತಿಗೃಹದ ಕೋಣೆ ಪ್ರವೇಶಿಸಿದ ಅವರು ಅಲ್ಲಿಂದ ಹೊರ ಬಂದಿರಲಿಲ್ಲ. ಜೂನ್ 11ರಂದು ಡಾ ವೆಂಕಟೇಶ್ ಎ ಎಂ ಅವರು ತಮ್ಮ ಕೋಣೆಯಲ್ಲಿ ಮಲಗಿದ ಸ್ಥಿತಿಯಲ್ಲಿದ್ದು, ಅವರನ್ನು ಪರಿಕ್ಷಿಸಿದಾಗ ಸಾವನಪ್ಪಿರುವ ವಿಷಯ ಹೊರಬಂದಿತು. ಮಲಗಿದ ಕೋಣೆಯಲ್ಲಿಯೇ ಅಸ್ವಸ್ಥರಾಗಿ ಅವರು ಸಾವನಪ್ಪಿರುವುದು ಕುಟುಂಬದವರಿಗೆ ಅರಿವಾಯಿತು. ತಂಗಿ ಮಗನ ಸಾವಿನ ಬಗ್ಗೆ ಶಂಕರ್ ನಾರಾಯಣ ಸೋಮಪ್ಪ ಅವರಿಗೆ ಮಾಹಿತಿ ಸಿಕ್ಕಿದ್ದು, ಬೆಂಗಳೂರಿನಿAದ ಅಂಕೋಲಾಗೆ ಬಂದ ಅವರು ಕಾನೂನು ಕ್ರಮಕ್ಕಾಗಿ ಪೊಲೀಸರಿಗೆ ಮನವಿ ಮಾಡಿದರು. ವೈದ್ಯರ ಸಾವಿನ ಸುದ್ದಿ ಕೇಳಿ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಬಣ್ಣದ ಬದುಕಿಗೆ ಮರಳಿದ ಆನಂದ!](https://mobiletime.in/2026/06/the-joy-of-returning-to-a-colorful-life/): ಪಡ್ಡೆ ಹುಡುಗರಿಗೆ ಮಾದಕ ವಸ್ತುಗಳ ಮಾರಾಟ ಮಾಡಿ ಬದುಕುತ್ತಿದ್ದ ಶಿರಸಿಯ ಆನಂದ ಬೋವಿವಡ್ಡರ್ ಅವರಿಗೆ ಪಿಸೈ ಬಸವರಾಜ ಕನಶೆಟ್ಟಿ ಅವರು ಬುದ್ದಿ ಹೇಳಿದ್ದಾರೆ. ಮಾದಕ ವ್ಯಸನ ಮಾರಾಟದ ಬದಲು ಮೊದಲಿನಂತೆ ಗೋಡೆಗಳಿಗೆ ಬಣ್ಣ ಬಡಿದು ಬದುಕು ರೂಪಿಸಿಕೊಳ್ಳುವಂತೆ ಕಿವಿಮಾತು ಹೇಳಿದ್ದಾರೆ. ಶಿರಸಿಯ ರಾಜೀವನಗರದಲ್ಲಿ ಆನಂದ ಹನುಮಂತ ಬೋವಿವಡ್ಡರ್ ಅವರು ವಾಸವಾಗಿದ್ದರು. ತುರಮಣಿ ಎಂದು ಪ್ರಸಿದ್ಧಿಪಡೆದಿದ್ದ ಅವರು ಗೋಡೆಗಳಿಗೆ ಬಣ್ಣ ಬಡಿಯುವ ಕೆಲಸ ಮಾಡಿಕೊಂಡಿದ್ದರು. ಸಹವಾಸ ದೋಷದಿಂದ ಅವರು ಹಾಳಾಗಿದ್ದು, ಬೇಗ ದುಡ್ಡು ಮಾಡುವುದಕ್ಕಾಗಿ ಅಡ್ಡದಾರಿ ಹಿಡಿದಿದ್ದರು. ಬಣ್ಣ ಬಡಿಯುವ ಬದುಕಿಗೆ ವಿದಾಯ ಹೇಳಿ ಗಾಂಜಾ ಮಾರಾಟ ಮಾಡುವುದನ್ನು ಅರೆಕಾಲಿಕ ಉದ್ಯೋಗವನ್ನಾಗಿಸಿಕೊಂಡರು. ಜೂನ್ 9ರ ರಾತ್ರಿ ಆನಂದ ಬೋವಿವಡ್ಡರ್ ಅವರು ಮಾರಿಕಾಂಬಾ ಕ್ರೀಡಾಂಗಣದ ಬಳಿ ಗಾಂಜಾ ಮಾರಾಟ ಮಾಡುತ್ತಿದ್ದರು. ಆ ದಿನ ಗಾಂಜಾ ಮಾರಾಟದಿಂದಲೇ ಅವರು 920ರೂ ಸಂಪಾದಿಸಿದ್ದು, ಉಳಿದ 197 ಗ್ರಾಂ ಮಾದಕ ವಸ್ತುವನ್ನು ಮಾರಾಟ ಮಾಡಿ ಮನೆಗೆ ಹೋಗಲು ನಿರ್ಧರಿಸಿದ್ದರು. ರಾತ್ರಿ 9.15ರ ವೇಳೆಗೆ ಅವರು ಗಿರಾಗಿ ಹುಡುಕಿ ಅಲ್ಲಿ-ಇಲ್ಲಿ ಅಲೆದಾಡುತ್ತಿದ್ದು, ಪಿಐ ಸಂಪತಕುಮಾರ ಅವರಿಗೆ ಈ ಮಾಹಿತಿ ಸಿಕ್ಕಿತು. ಹೊಸಮಾರುಕಟ್ಟೆ ಪೊಲೀಸ್ ಠಾಣೆಯ ಪಿಸೈ ಬಸವರಾಜ ಕನಶೆಟ್ಟಿ ಅವರು ಅಲ್ಲಿಗೆ ಹೋದರು. ಪೊಲೀಸ್ ಸಿಬ್ಬಂದಿ ಸಂದೀಪ ನಿಂಬಾಯಿ, ರಾಕೇಶ್ ಎನ್ ಎಚ್, ಸಂತೋಷ ಆರ್ ಕೆ, ಅರುಣ ಲಮಾಣಿ ಹಾಗೂ ಲಕ್ಷಣ ಸೇರಿ ಆನಂದ ಬೋವಿವಡ್ಡರ್ ಅವರನ್ನು ವಿಚಾರಣೆ ನಡೆಸಿದರು. ಆಗ, ಆನಂದ ಬೋವಿವಡ್ಡರ್ ಅವರ ಬಳಿ 10400ರೂ ಮೌಲ್ಯದ ಗಾಂಜಾ ಸಿಕ್ಕಿತು. 500ರೂಪಾಯಿಯ ಮೊಬೈಲ್ ಹಿಡಿದು ಅವರು ಗಿರಾಕಿ ಹುಡುಕಾಟ ಮಾಡುತ್ತಿರುವುದು ಗೊತ್ತಾಯಿತು. ಅವರನ್ನು ವಶಕ್ಕೆಪಡೆದ ಪೊಲೀಸರು ಬುದ್ದಿ ಹೇಳಿದ್ದು, `ತನ್ನಿಂದ ತಪ್ಪಾಯಿತು’ ಎಂದು ಆನಂದ ಬೋವಿವಡ್ಡರ್ ಒಪ್ಪಿಕೊಂಡರು. ಅದಾಗಿಯೂ, ಕಾನೂನಿನ ಪ್ರಕಾರ ಪ್ರಕರಣ ದಾಖಲಿಸಿದ ಪೊಲೀಸರು, ಎಚ್ಚರಿಕೆ ನೀಡಿದರು.
- [ಕಂದಾಯ ಸಿಬ್ಬಂದಿಗೆ ಬಂಪರ್ ಲಾಟರಿ!](https://mobiletime.in/2026/06/bumper-lottery-for-revenue-personnel/): ರಾಜ್ಯದಲ್ಲಿಯೇ ಮೊದಲ ಬಾರಿ ಉತ್ತರ ಕನ್ನಡ ಜಿಲ್ಲೆಯ ಗ್ರಾಮ ಆಡಳಿತಾಧಿಕಾರಿ ಹಾಗೂ ದ್ವಿತೀಯ ದರ್ಜೆ ಸಹಾಯಕರಿಗೆ ಡೀಸಿ ಕೆ ಲಕ್ಷ್ಮೀಪ್ರಿಯ ಪದೋನ್ನತಿ ನೀಡಿ ಆದೇಶ ಹೊರಡಿಸಿದ್ದಾರೆ. ಹೀಗಾಗಿ ಜಿಲ್ಲೆಯ 29 ನೌಕರರು ಪ್ರಥಮ ದರ್ಜೆ ಸಹಾಯಕ ಮತ್ತು ಪ್ರಥಮ ದರ್ಜೆ ಕಂದಾಯ ನಿರೀಕ್ಷಕ ಹುದ್ದೆಗಳನ್ನು ಅಲಂಕರಿಸಿದ್ದಾರೆ. ಕoದಾಯ ಇಲಾಖೆಯ ಗ್ರಾಮ ಆಡಳಿತ ಅಧಿಕಾರಿಗಳು ಹಾಗೂ ದ್ವಿತೀಯ ದರ್ಜೆ ಸಹಾಯಕರಿಗೆ ಕರ್ನಾಟಕ ರಾಜ್ಯ ಕಂದಾಯ ಸೇವೆಗಳ (ವೃಂದ ಮತ್ತು ನೇಮಕಾತಿ) ನಿಯಮಗಳು 2026ರ ಅನ್ವಯ ಪ್ರಥಮ ದರ್ಜೆ ಸಹಾಯಕ ಮತ್ತು ಪ್ರಥಮ ದರ್ಜೆ ಕಂದಾಯ ನಿರೀಕ್ಷಕ ಹುದ್ದೆಗಳಿಗೆ ಪದೋನ್ನತಿ ನೀಡಲಾಗಿದೆ. ಜಿಲ್ಲಾ ಕಂದಾಯ ಘಟಕದ ಗ್ರಾಮ ಆಡಳಿತ ಅಧಿಕಾರಿಗಳು ಹಾಗೂ ದ್ವಿತೀಯ ದರ್ಜೆ ಸಹಾಯಕರ ಅಂತಿಮ ಸಂಯುಕ್ತ ಜೇಷ್ಠತಾ ಪಟ್ಟಿ ಪ್ರಕಟಗೊಂಡ ಬಳಿಕ ಜೂನ್ 9ರಂದು ಇಲಾಖಾ ಮುಂಬಡ್ತಿ ಸಮಿತಿ ಸಭೆ ನಡೆಸಲಾಗಿದ್ದು, ಸಿಬ್ಬಂದಿಯ ಸೇವಾ ದಾಖಲೆಗಳು ಹಾಗೂ ನಿಯಮಾನುಸಾರ ಅರ್ಹತೆಯನ್ನು ಪರಿಶೀಲಿಸಿದ ಸಮಿತಿಯು ಪದೋನ್ನತಿಗೆ ಅನುಮೋದನೆ ನೀಡಲಾಗಿದೆ. ಪದೋನ್ನತಿ ಆದೇಶ ಹೊರಬಿದ್ದ ಹಿನ್ನಲೆಯಲ್ಲಿ ಉತ್ತರ ಕನ್ನಡ ಜಿಲ್ಲಾ ಗ್ರಾಮ ಆಡಳಿತ ಅಧಿಕಾರಿಗಳ ಸಂಘದವರು ಜಿಲ್ಲಾಧಿಕಾರಿ ಕೆ.ಲಕ್ಷ್ಮೀಪ್ರಿಯಾ ಹಾಗೂ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಅವರನ್ನು ಸನ್ಮಾನಿಸಿದ್ದಾರೆ. ಸಂಘದ ಜಿಲ್ಲಾಧ್ಯಕ್ಷ ಚಾಂದಬಾಷಾ ಮುಲ್ಲಾ ಅವರು ಡೀಸಿ ನಡೆಗೆ ಹರ್ಷವ್ಯಕ್ತಪಡಿಸಿದ್ದಾರೆ. ಸಂಘದ ರಾಜ್ಯಾಧ್ಯಕ್ಷ ಯೋಗೇಶ್ ನಾಯ್ಕ್, ರಾಜ್ಯ ಪ್ರಧಾನ ಕಾರ್ಯದರ್ಶಿ ಶಿವಾನಂದ ನಾಯ್ಕ್ ಹಾಗೂ ಪದಾಧಿಕಾರಿಗಳು ಸನ್ಮಾನ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ. ಸಂಘದ ಪ್ರಧಾನ ಕಾರ್ಯದರ್ಶಿ ರಕ್ಷಿತ ಪೂಜಾರಿ, ಖಜಾಂಚಿ ಚರಣ್ ಗೌಡ, ಉಪಾಧ್ಯಕ್ಷ ಕೋಟ್ರೇಶ ಎನ್.ಬಿ., ಸಂದೀಪ್, ಮಂಜುನಾಥ ನಾಯ್ಕ, ಲತಾ ನಾಯ್ಕ, ಆಶಾ ಭಟ್ಟ, ಸಂತೋಷ, ಗಣೇಶ ಕುಲಾಲ ಸೇರಿದಂತೆ ಸಂಘದ ಪದಾಧಿಕಾರಿಗಳು ಹಾಗೂ ಗ್ರಾಮ ಆಡಳಿತ ಅಧಿಕಾರಿಗಳು ಉಪಸ್ಥಿತರಿದ್ದರು.
- [ಹಾಸ್ಟೇಲ್ ವಿದ್ಯಾರ್ಥಿನಿಗೆ ಹೆಣ್ಣು ಮಗು!](https://mobiletime.in/2026/06/a-hostel-student-has-a-baby-girl/): ಶಿರಸಿಯ ಬಂಡಲ್ ಗ್ರಾಮದ ಬಿಸಿಎಂ ಹಾಸ್ಟೆಲ್ ವಿದ್ಯಾರ್ಥಿನಿಯೊಬ್ಬರಿಗೆ ಹೆರಿಗೆಯಾಗಿದೆ. 15 ವರ್ಷದ ಬಾಲಕಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು, ಮಗು ಸಾವನಪ್ಪಿದೆ. ಮಾಹಿತಿಗಳ ಪ್ರಕಾರ ವಿದ್ಯಾರ್ಥಿನಿ ಶೌಚಾಲಯಕ್ಕೆ ಹೋದಾಗ ಹೆರಿಗೆಯಾಗಿದ್ದು, ಆತಂಕಗೊAಡ ವಿದ್ಯಾರ್ಥಿನಿ ಮಗುವನ್ನು ಕಿಟಕಿಯಿಂದ ಹೊರಗೆ ಹಾಕಿದ್ದಾರೆ. ಆ ವೇಳೆ ಮಗು ಸಾವನಪ್ಪಿದ ಸಂಶಯವಿದೆ. ವಿದ್ಯಾರ್ಥಿನಿ ಗರ್ಭಧರಿಸಿದ್ದರೂ ಅದು ಹಾಸ್ಟೆಲ್ ವಾರ್ಡನ್ ಗಮನಕ್ಕೆ ಬಂದಿರಲಿಲ್ಲ. ಶಿಕ್ಷಕರಿಗೆ ಸಹ ಆ ವಿಷಯ ಗೊತ್ತಾಗಿರಲಿಲ್ಲ. ವಸತಿ ನಿಲಯದ ಬಳಿ ಮಹಿಳೆಯೊಬ್ಬರು ಕಸ ಗುಡಿಸುವಾಗ ನವಜಾತ ಶಿಶು ಬಿದ್ದಿರುವುದನ್ನು ನೋಡಿ ಆಘಾತಕ್ಕೆ ಒಳಗಾಗಿದ್ದು, ಅದಾದ ನಂತರ ವಿದ್ಯಾರ್ಥಿನಿ ಮಗುವಿಗೆ ಜನ್ಮ ನೀಡಿದ ವಿಷಯ ಹೊರಬಿದ್ದಿದೆ. ಯಾವುದೇ ವೈದ್ಯಕೀಯ ನೆರವು ಇಲ್ಲದೇ ಮಗುವಿಗೆ ಜನ್ಮ ನೀಡಿದ ಬಾಲಕಿ ತೀವೃ ಅಸ್ವಸ್ಥರಾಗಿದ್ದು, ರಕ್ತಸ್ರಾವದಿಂದಾಗಿ ಅವರ ಆರೋಗ್ಯವೂ ಹದಗೆಟ್ಟಿದೆ. ವಿಷಯ ತಿಳಿದ ಅಧಿಕಾರಿಗಳು ಬಾಲಕಿಯನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಶಿರಸಿ ತಹಶೀಲ್ದಾರ್ ಸೇರಿ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಅಧಿಕಾರಿಗಳು, ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಬಾಲಕಿ ಗರ್ಭ ಧರಿಸಲು ಕಾರಣ ಯಾರು? ಎಂಬ ಬಗ್ಗೆಯೂ ಚರ್ಚೆ ನಡೆದಿದೆ. ದೊಡ್ಡಪ್ಪನ ಮಗನಿಂದಲೇ ಬಾಲಕಿ ಹಿಂಸೆ ಅನುಭವಿಸಿದ ಬಗ್ಗೆಯೂ ಮಾತು ಕೇಳಿ ಬಂದಿದೆ. ಈ ಬಗ್ಗೆ ತನಿಖೆ ಮುಂದುವರೆದಿದೆ.  
- [ದೂರು ನೀಡಿದವರ ವಿರುದ್ಧವೇ ದೂರು!](https://mobiletime.in/2026/06/complaint-against-the-complainant/): ಕುಮಟಾ ಬಿಜೆಪಿ ಮಂಡಳ ಅಧ್ಯಕ್ಷ ಜಿ ಐ ಹೆಗಡೆ ಅವರು ದೈವಸ್ಥಾನ ಜಾಗ ಒತ್ತುವರಿ ಪ್ರಯತ್ನ ಮಾಡಿದ ಬಗ್ಗೆ ದೂರು ನೀಡಿದವರ ವಿರುದ್ಧ ಬಿಜೆಪಿ ಕಾರ್ಯಕರ್ತರು ತಿರುಗಿ ಬಿದ್ದಿದ್ದಾರೆ. ದೂರು ನೀಡಿದವರ ವಿರುದ್ಧವೇ ಬಿಜೆಪಿಗರು ಇದೀಗ ದೂರು ನೀಡಿದ್ದಾರೆ. `ಕುಮಟಾ ಮೂರೂರು ಗ್ರಾಮದ ಸರ್ವೆ ನಂಬರ್ 191ರಲ್ಲಿ ಜಟಕ ದೇವರಿದ್ದು, ಆ ಭೂಮಿಯನ್ನು ದತ್ತಾತ್ರೇಯ ಭಟ್ಟ ಎಂಬಾತರು ಕಬಳಿಸುವ ಹುನ್ನಾರ ನಡೆಸಿದ್ದಾರೆ. ಅದಕ್ಕೆ ಬಿಜೆಪಿ ಮಂಡಳ ಅಧ್ಯಕ್ಷ ಜಿ ಐ ಹೆಗಡೆ ಅವರು ಬೆಂಬಲ ನೀಡಿದ್ದಾರೆ’ ಎಂದು ಮೂರೂರಿನ ಹರ್ಷ ಹೆಗಡೆ ಸಹಚರರು ತಹಶೀಲ್ದಾರರಿಗೆ ದೂರು ಸಲ್ಲಿಸಿದ್ದರು. ಈಶ್ವರ ಮುಕ್ರಿ, ವಿಷ್ಣು ಗೌಡ ಕೇರ್ಗಜನಿ, ಭಾಸ್ಕರ್ ಮಡಿವಾಳ ಮೂರೂರ್, ಈಶ್ವರ ನಾಯ್ಕ್ ಮೂರೂರು, ಕುಪ್ಪು ಗೌಡ, ವೆಂಕಟಿ ಮುಕ್ರಿ, ಮಾದೇವ ನಾಯ್ಕ್, ಭಾರತಿ ನಾಯ್ಕ್, ನಾಗೇಶ ನಾಯ್ಕ, ಗಣೇಶ ಮುಕ್ರಿ ಇನ್ನಿತರರು ಜಿ ಐ ಹೆಗಡೆ ಅವರು ಅರಣ್ಯ ಅತಿಕ್ರಮಣದ ಪರವಾಗಿದ್ದಾರೆ ಎಂದು ದೂರಿದ್ದರು. ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದರು. ಮರು ದಿನವೇ ಈ ಬಗ್ಗೆ ಪ್ರತಿಕ್ರಿಯಿಸಿದ್ದ ಜಿ ಐ ಹೆಗಡೆ ಅವರು `ತಾನೂ ಯಾವುದೇ ಅಕ್ರಮ ನಡೆಸಿಲ್ಲ’ ಎಂದಿದ್ದರು. ಅಲ್ಲಿಗೆ ಆ ವಿಷಯ ಕೆಲಕಾಲ ತಣ್ಣಗಾಗಿದ್ದು, ಇದೀಗ ಬಿಜೆಪಿ ಕಾರ್ಯಕರ್ತರು ಅದೇ ವಿಷಯವಾಗಿ ಮತ್ತೆ ತಹಶೀಲ್ದಾರ್ ಕಚೇರಿಯ ಮೆಟ್ಟಿಲೇರಿದ್ದಾರೆ. ಆ ದಿನ ಸುಳ್ಳು ಆರೋಪ ಮಾಡಿದವರ ವಿರುದ್ಧ ಕ್ರಮಕ್ಕಾಗಿ ಆಗ್ರಹಿಸಿದ್ದಾರೆ. `ನನ್ನಿಂದ ಪಕ್ಷಕ್ಕೆ ತೊಂದರೆ ಆಗಬಾರದು. ಅದಕ್ಕಾಗಿ ಹುದ್ದೆಗೆ ರಾಜೀನಾಮೆ ನೀಡಲು ಸಿದ್ಧ’ ಎಂದು ಈ ವೇಳೆ ಜಿ ಐ ಹೆಗಡೆ ಅವರು ಹೇಳಿದರು. `ಕುಮಟಾದಲ್ಲಿ ತೊಂದರೆಗೊಳಗಾದವರ ಪರವಾಗಿ ಜಿ ಐ ಹೆಗಡೆ ಅವರು ಹೋರಾಡುತ್ತಿದ್ದಾರೆ. ಅವರು ರಾಜಿನಾಮೆ ಕೊಡುವ ಅಗತ್ಯವಿಲ್ಲ.’ ಎಂದು ಬಿಜೆಪಿ ಜಿಲ್ಲಾಧ್ಯಕ್ಷ ಎನ್ ಎಸ್ ಹೆಗಡೆ ಅವರು ಹೇಳಿದರು. `ಜಿ ಐ ಹೆಗಡೆ ಅವರು 22 ವರ್ಷದಿಂದ ಸಾರ್ವಜನಿಕ ಜೀವನದಲ್ಲಿದ್ದಾರೆ. ಅವರು ಯಾರಿಗೂ ಅನ್ಯಾಯ ಮಾಡಿಲ್ಲ’ ಎಂದು ಪಕ್ಷದ ಮಾಜಿ ಜಿಲ್ಲಾಧ್ಯಕ್ಷ ವೆಂಕಟೇಶ ನಾಯಕ ಅವರು ಹೇಳಿದರು. `ಅರಣ್ಯ ಇಲಾಖೆಯವರು ಬಡವರ ಮೇಲೆ ದೌರ್ಜನ್ಯ ಮಾಡುತ್ತಿದ್ದು, ಅದು ನಿಲ್ಲಬೇಕು’ ಎಂದು ಸಹ ಜಿ ಐ ಹೆಗಡೆ ಅವರು ಹೇಳಿದರು. `ಜಿ ಐ ಹೆಗಡೆ ಅವರ ವಿರುದ್ಧ ಕೇಳಿ ಬಂದ ಆರೋಪದ ವಿರುದ್ಧ ಸಮಗ್ರ ತನಿಖೆ ನಡೆಯಬೇಕು. ನ್ಯಾಯ ಕೇಳಿ ಬಂದವರಿಗೆ ನ್ಯಾಯ ಒದಗಿಸಬೇಕು’ ಎಂದು ಪ್ರಮುಖರಾದ ಎಂ ಜಿ ಭಟ್, ಪ್ರಶಾಂತ ನಾಯ್ಕ, ಜಿ ಐ ಗುನಗಾ, ಕುಮಾರ ಮಾರ್ಕಾಂಡೇಯ, ಹೇಂಮತಕುಮಾರ್ ಗಾಂವಕರ, ಗಣೇಶ ಪಂಡಿತ, ತಿಮ್ಮಪ್ಪ ಮುಕ್ರಿ ಆಗ್ರಹಿಸಿದರು.
- [ಇನ್ಮುಂದೆ, ಓಂ ಹೆಗಡೆ  ರೌಡಿ ಅಲ್ಲ!](https://mobiletime.in/2026/06/om-hegde-is-no-longer-a-rowdy/): ಪೊಲೀಸರ ಪ್ರಕಾರ ರೌಡಿಯಾಗಿ ಗುರುತಿಸಿಕೊಂಡಿದ್ದ ಶಿರಸಿಯ ಓಂ ಹೆಗಡೆ ಊರತೋಟ ಅವರನ್ನು ಪೊಲೀಸ್ ದೂರುಗಳ ಪ್ರಾಧಿಕಾರ `ರೌಡಿ’ ಪಟ್ಟಿಯಿಂದ ಹೊರದಬ್ಬಿದೆ. `ಕ್ರಿಮಿನಲ್ ಪ್ರಕರಣವಿದ್ದ ಮಾತ್ರಕ್ಕೆ ರೌಡಿ ಎಂದು ಪರಿಗಣಿಸಲು ಸಾಧ್ಯವಿಲ್ಲ’ ಎಂದು ಪೊಲೀಸ್ ದೂರುಗಳ ಪ್ರಾಧಿಕಾರವೂ ಹೇಳಿದೆ. 2020ರಲ್ಲಿ ಶಿರಸಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಓಂ ಹೆಗಡೆ ಅವರ ವಿರುದ್ಧ ರೌಡಿ ಶೀಟರ್ ಹಾಳೆ ತೆರೆಯಲಾಗಿತ್ತು. 2025ರಲ್ಲಿ ಇದರ ವಿರುದ್ಧ ಓಂ ಹೆಗಡೆ ಅವರು ರಾಜ್ಯ ಪೊಲೀಸ್ ದೂರು ಪ್ರಾಧಿಕಾರದ ಮೊರೆ ಹೋಗಿದ್ದರು. ಪ್ರಾಧಿಕಾರದ ಅಧ್ಯಕ್ಷ ಎನ್ ಕೆ ಸುಧೀಂದ್ರ ರಾವ್ ಹಾಗೂ ಸದಸ್ಯರಾದ ಮೋಹನ್ ಕುಮಾರ್ ದಾನಪ್ಪ ಮತ್ತು ದೇವಜ್ಯೋತಿ ರೇ ಅವರು ಪ್ರಕರಣದ ವಿಚಾರಣೆ ನಡೆಸಿದರು. ದೂರುದಾರ ಓಂ ಹೆಗಡೆ ಅವರು ವಿಚಾರಣೆ ವೇಳೆ ಹಾಜರಿದ್ದು, `ತನ್ನ ವಿರುದ್ಧ ಸುಳ್ಳು ದೌರ್ಜನ್ಯ ಪ್ರಕರಣ ದಾಖಲಿಸಲಾಗಿದೆ. ತಮ್ಮನ್ನು ರೌಡಿ ಎಂದು ಗುರುತಿಸಿದ್ದರಿಂದ ಅನ್ಯಾಯವಾಗಿದೆ’ ಎಂದು ಅಳಲು ತೋಡಿಕೊಂಡರು. ಜೊತೆಗೆ ರೌಡಿ ಶೀಟರ್ ಎಂಬ ಹಣಪಟ್ಟಿಯಿಂದ ಮುಕ್ತಿ ಕೊಡುವಂತೆ ಮನವಿ ಮಾಡಿದರು. `ಯಾವುದೇ ನೋಟಿಸ್ ನೀಡದೇ ರೌಡಿ ಶೀಟರ್ ಪಟ್ಟಿ ತೆರೆಯಲಾಗಿದೆ’ ಎಂಬ ಅಂಶವನ್ನು ಅವರು ಪ್ರಾಧಿಕಾರಕ್ಕೆ ಮನವರಿಕೆ ಮಾಡಿದರು. ಈ ವಿಚಾರಣೆ ವೇಳೆ ಪೊಲೀಸರು ನೋಟಿಸ್ ನೀಡಿದ ದಾಖಲೆಯನ್ನು ಹಾಜರುಪಡಿಸಲಿಲ್ಲ. ಕ್ರಿಮಿನಲ್ ಪ್ರಕರಣವಿದ್ದ ಮಾತ್ರಕ್ಕೆ ಆತನನ್ನು ರೌಡಿ ಎಂದು ಪರಿಗಣಿಸಲಾಗುವುದಿಲ್ಲ ಎಂದು ಸಹ ಪ್ರಾಧಿಕಾರ ಈ ವೇಳೆ ಅಭಿಪ್ರಾಯಪಟ್ಟಿತು. ಕಾನೂನಿನ ಪ್ರಕಾರ ಪ್ರತಿ ಎರಡು ವರ್ಷಗಳಿಗೊಮ್ಮೆ ರೌಡಿ ಶೀಟ್ ಆದೇಶವನ್ನು ಪರಿಶೀಲಿಸುವಲ್ಲಿಯೂ ನ್ಯೂನ್ಯತೆಯಿರುವುದನ್ನು ಗಮನಿಸಿತು. ಜೊತೆಗೆ ಓಂ ಹೆಗಡೆ ಅವರು ರೌಡಿ ಶೀಟರ್ ಪಟ್ಟಿಯಲ್ಲಿ ಮುಂದುವರೆಯಲು ಅರ್ಹರಲ್ಲ ಎಂದು ಪ್ರಾಧಿಕಾರ ಹೇಳಿದ್ದು, ರೌಡಿ ಶೀಟರ್ ಎಂದು ಗುರುತಿಸಿದನ್ನು ತಕ್ಷಣ ರದ್ದು ಮಾಡಿ ಆದೇಶಿಸಿತು.
- [ಹಸಿವಾದಾಗ ಸಿಕ್ಕಾಪಟ್ಟೆ ಕೋಪ ಬರೋದೇಕೆ? ](https://mobiletime.in/2026/06/why-do-i-get-so-angry-when-im-hungry/): ಕೆಲವರಿಗೆ ಹಸಿವಾದಾಗ ಸಣ್ಣ ವಿಷಯಕ್ಕೂ ಕೋಪ ಬರುತ್ತದೆ. ಯಾರಾದರೂ ಮಾತನಾಡಿದರೂ ಕಿರಿಕಿರಿ ಅನಿಸುತ್ತದೆ. ಕೆಲಸದ ಮೇಲೆ ಗಮನ ಹರಿಸಲು ಕಷ್ಟವಾಗುತ್ತದೆ. ಇದನ್ನು ಸಾಮಾನ್ಯವಾಗಿ ಹ್ಯಾಂಗರ್ (Hanger) ಎಂದು ಕರೆಯಲಾಗುತ್ತದೆ. ಅಂದರೆ ಹಸಿವು ಮತ್ತು ಕೋಪ ಎರಡೂ ಒಂದೇ ಸಮಯದಲ್ಲಿ ಕಾಣಿಸಿಕೊಳ್ಳುವ ಸ್ಥಿತಿ. ಇದು ಸಾಮಾನ್ಯವಾಗಿ ಕಾಣಿಸಿಕೊಳ್ಳುವುದೇಕೆ ? ನಾವು ಆಹಾರ ಸೇವಿಸಿದಾಗ ದೇಹಕ್ಕೆ ಬೇಕಾದ ಶಕ್ತಿ ಗ್ಲೂಕೋಸ್ ರೂಪದಲ್ಲಿ ಸಿಗುತ್ತದೆ. ಮೆದುಳು ಸರಿಯಾಗಿ ಕಾರ್ಯನಿರ್ವಹಿಸಲು ಗ್ಲೂಕೋಸ್ ಅತ್ಯಗತ್ಯ. ಆದರೆ ದೀರ್ಘ ಸಮಯ ಊಟ ಮಾಡದೇ ಇದ್ದರೆ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟ ಕಡಿಮೆಯಾಗಲು ಆರಂಭವಾಗುತ್ತದೆ. ಇದರಿಂದ ಮೆದುಳಿಗೆ ಬೇಕಾದಷ್ಟು ಶಕ್ತಿ ದೊರೆಯದೆ, ಮನಸ್ಥಿತಿಯಲ್ಲೂ ಬದಲಾವಣೆ ಕಾಣಿಸಬಹುದು. ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಕಡಿಮೆಯಾದಾಗ ದೇಹವು ತುರ್ತು ಪರಿಸ್ಥಿತಿಯನ್ನು ಎದುರಿಸಲು ಕೆಲವು ಹಾರ್ಮೋನುಗಳನ್ನು ಬಿಡುಗಡೆ ಮಾಡುತ್ತದೆ. ಇವುಗಳಲ್ಲಿ ಅಡ್ರಿನಲಿನ್ ಮತ್ತು ಕಾರ್ಟಿಸೋಲ್ ಪ್ರಮುಖವಾಗಿವೆ. ಈ ಹಾರ್ಮೋನುಗಳು ದೇಹವನ್ನು ಎಚ್ಚರ ಸ್ಥಿತಿಗೆ ತರುತ್ತವೆ. ಪರಿಣಾಮವಾಗಿ ಅಸಹನೆ, ಆತಂಕ, ಉದ್ವಿಗ್ನತೆ ಹಾಗೂ ಕೋಪ ಹೆಚ್ಚಾಗುತ್ತದೆ. ಇದರ ಜೊತೆಗೆ ಹಸಿವು ಹೆಚ್ಚಾದಾಗ ಮೆದುಳಿನ ಭಾವನೆಗಳನ್ನು ನಿಯಂತ್ರಿಸುವ ಸಾಮರ್ಥ್ಯವೂ ಸ್ವಲ್ಪ ಮಟ್ಟಿಗೆ ಕುಂಠಿತವಾಗಬಹುದು. ಆದ್ದರಿಂದ ಸಾಮಾನ್ಯವಾಗಿ ಸಹಿಸಿಕೊಳ್ಳುವ ವಿಷಯಗಳೂ ಆ ಸಮಯದಲ್ಲಿ ಹೆಚ್ಚು ಕಿರಿಕಿರಿ ಉಂಟುಮಾಡಬಹುದು. ಇದೇ ಕಾರಣಕ್ಕೆ ಹಸಿವಾದಾಗ ಕೆಲವರು ತಾಳ್ಮೆ ಕಳೆದುಕೊಳ್ಳುವುದು ಸಾಮಾನ್ಯವಾಗಿದೆ. ತಜ್ಞರ ಪ್ರಕಾರ, ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸುವುದು ಈ ಸಮಸ್ಯೆಯನ್ನು ಕಡಿಮೆ ಮಾಡಲು ಸಹಕಾರಿ. ಬೆಳಗಿನ ಉಪಾಹಾರವನ್ನು ಬಿಡುವುದು, ಹೆಚ್ಚು ಹೊತ್ತು ಹೊಟ್ಟೆ ಖಾಲಿ ಇಡುವುದು ಅಥವಾ ಅಸಮಯದಲ್ಲಿ ಊಟ ಮಾಡುವುದರಿಂದ ಹಸಿವು ಮತ್ತು ಅದರೊಂದಿಗೆ ಬರುವ ಕೋಪ ಹೆಚ್ಚಾಗುತ್ತದೆ. ಆದ್ದರಿಂದ ಆಗಾಗ್ಗೆ ಕೋಪ ಬರುತ್ತಿದೆ ಎಂದು ಅನಿಸಿದರೆ, ಅದರ ಹಿಂದೆ ಹಸಿವೂ ಒಂದು ಕಾರಣವಾಗಿರಬಹುದು ಎಂಬುದನ್ನು ಗಮನಿಸಬೇಕು. ಸಮತೋಲನಯುತ ಆಹಾರ ಸೇವನೆ, ಸಾಕಷ್ಟು ನೀರು ಕುಡಿಯುವುದು ಮತ್ತು ನಿಯಮಿತ ಸಮಯದಲ್ಲಿ ಊಟ ಮಾಡುವುದರಿಂದ ದೇಹದ ಜೊತೆಗೆ ಮನಸ್ಸಿನ ಆರೋಗ್ಯವನ್ನೂ ಕಾಪಾಡಿಕೊಳ್ಳಬಹುದು.
- [ರಾತ್ರಿ ಉಗುರು ಕತ್ತರಿಸಿದರೆ ದುರಾದೃಷ್ಟ ಬರುತ್ತಾ? ](https://mobiletime.in/2026/06/does-cutting-your-nails-at-night-bring-bad-luck/): ರಾತ್ರಿ ಉಗುರು ಕತ್ತರಿಸಬೇಡ. ಅದು ಒಳ್ಳೆಯದಲ್ಲ ಎಂದು ಮನೆಯ ಹಿರಿಯರು ಹೇಳುವುದನ್ನು ಬಹುತೇಕ ಎಲ್ಲರೂ ಕೇಳಿರುತ್ತಾರೆ. ಕೆಲವರು ಇದನ್ನು ಮೂಢನಂಬಿಕೆ ಎಂದು ತಳ್ಳಿಹಾಕಿದರೆ. ಇನ್ನೂ ಕೆಲವರು ಭಯದಿಂದಲೇ ರಾತ್ರಿ ಉಗುರು ಕತ್ತರಿಸುವುದನ್ನು ತಪ್ಪಿಸುತ್ತಾರೆ. ಆದರೆ ಈ ನಂಬಿಕೆಯ ಹಿಂದೆ ನಿಜಕ್ಕೂ ಏನಿದೆ ಗೊತ್ತಾ?   ಹಳೆಯ ಕಾಲದಲ್ಲಿ ಮನೆಗಳಲ್ಲಿ ವಿದ್ಯುತ್ ವ್ಯವಸ್ಥೆ ಇರಲಿಲ್ಲ. ರಾತ್ರಿ ಸಮಯದಲ್ಲಿ ದೀಪ ಅಥವಾ ಲ್ಯಾಂಟರ್ನ್‌ಗಳ ಮಂದ ಬೆಳಕೇ ಆಧಾರವಾಗಿತ್ತು. ಅಂತಹ ಪರಿಸ್ಥಿತಿಯಲ್ಲಿ ಉಗುರು ಕತ್ತರಿಸುವಾಗ ಬೆರಳಿಗೆ ಗಾಯವಾಗುವ ಸಾಧ್ಯತೆ ಹೆಚ್ಚಿತ್ತು. ಸಣ್ಣ ಗಾಯವೂ ಸೋಂಕಿಗೆ ಕಾರಣವಾಗಬಹುದಾಗಿದ್ದರಿಂದ ಜನರು ರಾತ್ರಿ ಈ ಕೆಲಸವನ್ನು ಮಾಡಬಾರದು ಎಂದು ಎಚ್ಚರಿಕೆ ವಹಿಸುತ್ತಿದ್ದರು. ಇದಷ್ಟೇ ಅಲ್ಲ, ಉಗುರು ಕತ್ತರಿಸಿದ ನಂತರ ಅವು ನೆಲದ ಮೇಲೆ ಚದುರಿ ಬೀಳುತ್ತವೆ. ಕತ್ತಲಿನಲ್ಲಿ ಅವುಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸುವುದು ಸುಲಭವಾಗಿರಲಿಲ್ಲ. ಉಗುರುಗಳ ಜೊತೆಗೆ ಧೂಳು, ಕೀಟಾಣುಗಳು ಹರಡುವ ಸಾಧ್ಯತೆ ಇದ್ದುದರಿಂದ ಮನೆಯ ಸ್ವಚ್ಛತೆಯ ದೃಷ್ಟಿಯಿಂದಲೂ ರಾತ್ರಿ ಉಗುರು ಕತ್ತರಿಸುವುದನ್ನು ನಿರುತ್ಸಾಹಗೊಳಿಸಲಾಗುತ್ತಿತ್ತು.   ಕಾಲಕ್ರಮೇಣ ಈ ಎಚ್ಚರಿಕೆಗಳು ನಂಬಿಕೆಗಳ ರೂಪ ಪಡೆದುಕೊಂಡವು. ಕೆಲವೆಡೆ ರಾತ್ರಿ ಉಗುರು ಕತ್ತರಿಸಿದರೆ ಲಕ್ಷ್ಮೀ ದೇವಿ ಮನೆ ಬಿಟ್ಟು ಹೋಗುತ್ತಾಳೆ, ಆರ್ಥಿಕ ನಷ್ಟ ಉಂಟಾಗುತ್ತದೆ ಎಂಬ ನಂಬಿಕೆಗಳೂ ಹುಟ್ಟಿಕೊಂಡವು. ಹೀಗಾಗಿ ಸುರಕ್ಷತೆಯ ಕಾರಣದಿಂದ ಆರಂಭವಾದ ಪದ್ಧತಿ ನಂತರ ಧಾರ್ಮಿಕ ಹಾಗೂ ಸಾಂಪ್ರದಾಯಿಕ ನಂಬಿಕೆಗಳೊಂದಿಗೆ ಬೆರೆತುಹೋಯಿತು. ಆದರೆ ಇಂದಿನ ಯುಗದಲ್ಲಿ ಪರಿಸ್ಥಿತಿ ಸಂಪೂರ್ಣ ಬದಲಾಗಿದೆ. ಉತ್ತಮ ಬೆಳಕು, ಸುರಕ್ಷಿತ ನೇಲ್ ಕಟರ್‌ಗಳು ಹಾಗೂ ಸ್ವಚ್ಛತಾ ಸೌಲಭ್ಯಗಳಿರುವ ಕಾರಣ ರಾತ್ರಿ ಉಗುರು ಕತ್ತರಿಸುವುದರಿಂದ ಯಾವುದೇ ದುರಾದೃಷ್ಟ ಅಥವಾ ಆರೋಗ್ಯ ಸಮಸ್ಯೆ ಕಡ್ಡಾಯವಾಗಿ ಉಂಟಾಗುತ್ತದೆ ಎಂಬ ವೈಜ್ಞಾನಿಕ ಸಾಕ್ಷ್ಯಗಳಿಲ್ಲ.   ಹೀಗಾಗಿ, ರಾತ್ರಿ ಉಗುರು ಕತ್ತರಿಸಬಾರದು ಎನ್ನುವುದು ಕೇವಲ ಮೂಢನಂಬಿಕೆ ಅಲ್ಲ; ಅದರ ಹಿಂದೆ ಹಿಂದಿನ ಕಾಲದ ಸುರಕ್ಷತೆ ಮತ್ತು ಸ್ವಚ್ಛತೆಯ ವಿಚಾರಗಳೂ ಅಡಗಿವೆ. ಆದರೆ ಇಂದಿನ ಕಾಲದಲ್ಲಿ ಎಚ್ಚರಿಕೆಯಿಂದ ಮತ್ತು ಸ್ವಚ್ಛತೆಯಿಂದ ಉಗುರು ಕತ್ತರಿಸಿದರೆ ಹಗಲು-ರಾತ್ರಿ ಎಂಬ ವ್ಯತ್ಯಾಸಕ್ಕೆ ಹೆಚ್ಚಿನ ಮಹತ್ವವಿಲ್ಲ ಎಂದು ತಜ್ಞರು ಹೇಳುತ್ತಾರೆ.
- [ರಿಕ್ಷಾದಲ್ಲಿ ಗಾಂಜಾ ಸಾಗಾಟ: ಸೆರೆ!](https://mobiletime.in/2026/06/transporting-marijuana-in-a-rickshaw-arrest/): ಭಟ್ಕಳ ಶಿರುಕುಳಿಹೊಂಡ ಬಳಿಯ ಆಜಾದ್ ನಗರದ ಆಟೋ ಚಾಲಕ ಮಹ್ಮದ್ ಅಖಿಲ್ ಅವರು ತಮ್ಮ ರಿಕ್ಷಾದಲ್ಲಿ ಗಾಂಜಾ ಸಾಗಿಸಿ ಸಿಕ್ಕಿ ಬಿದ್ದಿದ್ದಾರೆ. 25ನೇ ವಯಸ್ಸಿನಲ್ಲಿಯೇ ಅಡ್ಡದಾರಿ ಹಿಡಿದಿದ್ದ ಮಹ್ಮದ್ ಅಖಿಲ್ ಅವರಿಗೆ ಪೊಲೀಸರು ಸರಿಯಾಗಿಯೇ ಬುದ್ದಿ ಕಲಿಸಿದ್ದಾರೆ. ಭಟ್ಕಳ ಶಿರುಕುಳಿಹೊಂಡ ಬಳಿಯ ಆಜಾದ್ ನಗರದ ಮೊಹಮದ್ ಜಾಫರ್ ಅವರು ತಮ್ಮ ಪುತ್ರ ಮಹ್ಮದ್ ಅಖಿಲ್ ಅವರಿಗೆ ರಿಕ್ಷಾ ಕೊಡಿಸಿದ್ದರು. ಆ ರಿಕ್ಷಾ ಮೂಲಕ ಪ್ರಯಾಣಿಕರನ್ನು ಸಾಗಿಸಿ ಸಂಸಾರ ನಡೆಸುವಂತೆ ಅವರು ಸೂಚಿಸಿದ್ದರು. ಆದರೆ, ಮಹ್ಮದ್ ಅಖಿಲ್ ಬಹುಬೇಗ ದುಡ್ಡು ಮಾಡುವುದಕ್ಕಾಗಿ ಅಡ್ಡದಾರಿ ಹಿಡಿದರು. ಹೆಬಳೆ ಗ್ರಾಮದ ವರಕೊಡ್ಲು ಮೈದಾನದಲ್ಲಿ ಗಾಂಜಾ ಮಾರಾಟ ನಡೆಯುತ್ತಿರುವ ಕುರಿತು ಖಚಿತ ಮಾಹಿತಿ ದೊರೆತ ಪೊಲೀಸರು ಅಲ್ಲಿ ದಾಳಿ ಮಾಡಿದರು. ರಿಕ್ಷಾದಲ್ಲಿ ಗಾಂಜಾ ಮಾರುತ್ತಿದ್ದ ಮಹ್ಮದ್ ಅಖಿಲ್ ಅವರನ್ನು ಪೊಲೀಸರು ಬಂಧಿಸಿದರು. 15 ಸಾವಿರ ಮೌಲ್ಯದ 129 ಗ್ರಾಂ ಗಾಂಜಾ ಹಾಗೂ ಕೃತ್ಯಕ್ಕೆ ಬಳಸಿದ್ದ ಆಟೋವನ್ನು ವಶಕ್ಕೆಪಡೆದರು. ಹಿರಿಯ ಅಧಿಕಾರಿಗಳ ಸೂಚನೆ ಪ್ರಕಾರ ಪಿಸೈ ಮಲ್ಲಿಕಾರ್ಜುನಯ್ಯ ಕೋರಾಣಿ, ಭರಮಪ್ಪ ಬೆಳಗಲಿ ಈ ಕಾರ್ಯಾಚರಣೆಯಲ್ಲಿದ್ದರು. ಪೊಲೀಸ್ ಸಿಬ್ಬಂದಿ ಮಂಜುನಾಥ ಗೊಂಡ, ಮದರಸಾಬ್ ಚಿಕ್ಕೇರಿ, ಮಂಜುನಾಥ ಖಾರ್ವಿ, ನಿಂಗನಗೌಡ ಪಾಟೀಲ್, ಈರಣ್ಣ ಪೂಜೇರಿ, ಬಾಗಪ್ಪ ಕಡಗಲ್, ಅಕ್ಷತಕುಮಾರ ಅವಜಿ ಹಾಗೂ ಅಂಬರಿಷ್ ಕುಂಬಾರಿ ಅವರು ಕಾರ್ಯಾಚರಣೆಗೆ ಶ್ರಮಿಸಿದ್ದರು.
- [ಗುರುಹಿರಿಯರ ಮಾರ್ಗದರ್ಶನ: ರಾಜಿಯಲ್ಲಿ ಅಂತ್ಯವಾದ ಜಾಗದ ಜಗಳ](https://mobiletime.in/2026/06/guidance-from-guruhiriya-land-dispute-ends-in-compromise/): ಕುಮಟಾ ಕೋಡ್ಕಣಿಯ ರಾಜೇಶ ದೇಶಭಂಡಾರಿ ಹಾಗೂ ಕಮಲಾಕರ ಭಂಡಾರಿ ಅವರ ನಡುವಿನ ವೈಮನಸ್ಸು ಇದೀಗ ಅಂತ್ಯವಾಗಿದೆ. ಜಾಗದ ವಿಷಯವಾಗಿ ಅವರಿಬ್ಬರ ನಡುವೆ ನಡೆದಿದ್ದ ಜಗಳ ಗುರು-ಹಿರಿಯರ ಸಮಕ್ಷೇಮದಲ್ಲಿ ಬಗೆಹರಿದಿದೆ. `ರಾಜೇಶ ದೇಶಭಂಡಾರಿ ಅವರು ತಮಗೆ ಅನ್ಯಾಯ ಮಾಡಿದ್ದಾರೆ’ ಎಂದು ಕಮಲಾಕರ ದೇಶಭಂಡಾರಿ ಅವರ ಪತ್ನಿ ಜಯಂತಿ ದೇಶಭಂಡಾರಿ ಅವರು ದೂರಿದ್ದರು. ಗೋವಾದಲ್ಲಿ ಉದ್ಯೋಗದಲ್ಲಿರುವ ಭಾಸ್ಕರ ದೇಶಭಂಡಾರಿ ಅವರ ಕುಮ್ಮಕ್ಕಿನಿಂದ ರಾಜೇಶ ದೇಶಭಡಾರಿ ಅವರು ತಮ್ಮ ಮೇಲೆ ಹಲ್ಲೆ ನಡೆಸಿದ ಬಗ್ಗೆ ಅವರು ಆರೋಪಿಸಿದ್ದರು. ರಾಜೇಶ ದೇಶಭಂಡಾರಿ ಹಾಗೂ ಕಮಲಾಕರ ದೇಶಭಂಡಾರಿ ಅವರು ಅಣ್ಣ-ತಮ್ಮ ಆಗಿದ್ದು, ಅವರಿಬ್ಬರು ರಾಜಿ ಮೂಲಕ ಇದೀಗ ಈ ಪ್ರಕರಣ ಮುಗಿಸಿಕೊಂಡಿದ್ದಾರೆ. `ನಮ್ಮ ನಡುವೆ ಯಾವುದೇ ಸಮಸ್ಯೆ ಇಲ್ಲ. ಜಾಗದ ವಿಷಯವಾಗಿ ನಡೆಯುತ್ತಿದ್ದ ಜಗಳ ಬಗೆಹರಿದೆ ಎಂದು ಕಮಲಾಕರ ದೇಶಭಂಡಾರಿ ಅವರು ತಿಳಿಸಿದ್ದಾರೆ.
- [ಕಡವೆ ಕೊಂದವನಿಗಾಗಿ ಶ್ವಾನದಿಂದ ಶೋಧ!](https://mobiletime.in/2026/06/dog-hunt-for-the-killer-of-a-hawk/): ಸಿದ್ದಾಪುರದ ತ್ಯಾಗಲಿಯ ಖಾಸಗಿ ಜಮೀನಿನಲ್ಲಿ ಕಡವೆಯೊಂದು ಸಾವನಪ್ಪಿದೆ. ವನ್ಯಜೀವಿ ಸಂಶೋಧನಾ ಕೇಂದ್ರದ ವಿಧಿ ವಿಜ್ಞಾನ ತಜ್ಞರು ಶ್ವಾನದಳದ ಜೊತೆ ಅಲ್ಲಿಗೆ ಆಗಮಿಸಿ ಪರಿಶೀಲನೆ ಮಾಡಿದ್ದಾರೆ. ಎರಡು ವರ್ಷದ ಹೆಣ್ಣು ಕಡವೆ ಅನುಮಾನಾಸ್ಪದ ರೀತಿ ಸಾವನಪ್ಪಿದ್ದು, ದುಷ್ಕರ್ಮಿಗಳು ಕಡವೆ ಕೊಂದ ಸಂಶಯವಿದೆ. ಈ ಹಿನ್ನಲೆ ಶ್ವಾನದಳ ಕಡವೆ ಕೊಂದವರ ಶೋಧ ಶುರು ಮಾಡಿದೆ. ಅರಣ್ಯ ಇಲಾಖೆ ಶಿರಸಿ ವಿಭಾಗದ ಉಪಅರಣ್ಯ ಸಂರಕ್ಷಣಾಧಿಕಾರಿ ಸಂದೀಪ ಹೆಚ್ ಸೂರ್ಯವಂಶಿ, ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಎಸ್ ಎಸ್ ನಿಂಗಾಣಿ ಅವರು ಕಡವೆ ಸಾವನಪ್ಪಿದ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. ಪಶುವೈದ್ಯಾಧಿಕಾರಿ ಡಾ ಪ್ರಶಾಂತ್ ಅವರು ಕಡವೆಯ ಶವ ಗಮನಿಸಿದ್ದಾರೆ. ನಂತರ ಅವರು ಮರಣೋತ್ತರ ಪರೀಕ್ಷೆ ಮಾಡಿದ್ದಾರೆ. ಉಪವಲಯ ಅರಣ್ಯಾಧಿಕಾರಿ ಕಾರ್ತಿಕ್ ನಾರ್ವೆಕರ, ತ್ಯಾಗಲಿ ಗಸ್ತು ಅರಣ್ಯ ಪಾಲಕ ರೋಹಿತ್ ನಾಯ್ಕ ಹಾಗೂ ಅರಣ್ಯ ಸಿಬ್ಬಂದಿ ಸ್ಥಳದಲ್ಲಿದ್ದು ವಿಚಾರಣೆ ಮುಂದುವರೆಸಿದ್ದಾರೆ.
- [ಚರಂಡಿ ಹಾರಿದ ಬಸ್ಸು!](https://mobiletime.in/2026/06/a-bus-that-jumped-into-a-drain/): ಕಾರವಾರದಿಂದ ಹಳಗೆಜೂಗಕ್ಕೆ ಹೋಗುತ್ತಿದ್ದ ಸರ್ಕಾರಿ ಬಸ್ಸು ಗಟಾರಕ್ಕೆ ಹಾರಿದೆ. ದೋಲ್ ಬಳಿ ಬಸ್ಸು ನಿಯಂತ್ರಣ ತಪ್ಪಿ ಚರಂಡಿಗೆ ಬಿದ್ದಿದೆ. ಚಾಲಕನ ಸಮಯಪ್ರಜ್ಞೆಯಿಂದಾಗಿ ಪ್ರಯಾಣಿಕರು ಬಚಾವಾಗಿದ್ದಾರೆ. ಕಾರವಾರದಿಂದ ಹಳಗೆಜೂಗಕ್ಕೆ ನಿತ್ಯವೂ ಬಸ್ ಸಂಚಾರವಿದೆ. ಸಂಜೆಯ ಬಸ್ಸು ಅಲ್ಲಿಯೇ ವಸತಿ ಹೂಡಿ ಮರುದಿನ ಪ್ರಯಾಣಿಕರನ್ನು ಕರೆತರುತ್ತದೆ. ಈ ವಸತಿ ಬಸ್ಸು ಇದೀಗ ಅಪಘಾತಕ್ಕೀಡಾಗಿದೆ. ಅಪಘಾತದ ವೇಳೆ ಬಸ್ಸಿನಲ್ಲಿ ಪ್ರಯಾಣಿಕರಿದ್ದರೂ ಸಹ ಚಾಲಕ ಸುರಕ್ಷತೆವಹಿಸಿದ್ದರಿಂದ ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಬಸ್ಸು ಅಪಘಾತಕ್ಕೀಡಾದ ವಿಷಯ ಕೇಳಿ ಸ್ಥಳೀಯ ಮುಖಂಡ ಕುಮಾರ ನಾಯ್ಕ ಅವರು ಅಲ್ಲಿ ದೌಡಾಯಿಸಿದ್ದಾರೆ. ಜೆಸಿಬಿ ಯಂತ್ರಗಳನ್ನು ಬಳಸಿ ಬಸ್ಸನ್ನು ಚರಂಡಿಯಿAದ ಮೇಲೆತ್ತಲಾಗಿದೆ. ಪ್ರಯಾಣಿಕರು ಬೇರೆ ಬೇರೆ ವಾಹನಗಳ ಮೂಲಕ ತಲುಪಬೇಕಾದ ಸ್ಥಳ ತಲುಪಿದ್ದಾರೆ. ಕುಮಾರ ನಾಯ್ಕ ಅವರೇ ಬಸ್ಸನ್ನು ಮೇಲೆತ್ತುವ ಜೆಸಿಬಿ ಖರ್ಚು ಭರಿಸಿದ್ದು, ತ್ವರಿತ ಸ್ಪಂದನೆಗೆ ಸ್ಥಳೀಯರು ಮೆಚ್ಚುಗೆವ್ಯಕ್ತಪಡಿಸಿದ್ದಾರೆ.
- [ಗೋಗರ್ಭದ ಬಳಿ ಗಾಂಜಾ ಮಾರಾಟ!](https://mobiletime.in/2026/06/marijuana-being-sold-near-the-cow-sanctuary/): ಗೋಕರ್ಣದಲ್ಲಿ ಟ್ಯಾಟು ಹಾಕುವ ಅಂಗಡಿಯಲ್ಲಿ ಕೆಲಸ ಮಾಡುವ ಮಹೇಶ ಲಮಾಣಿ ಗೋಗರ್ಭ ಗುಹೆಯ ಬಳಿ ಗಾಂಜಾ ಮಾರಾಟ ಮಾಡುತ್ತಿದ್ದು, ಮಹೇಶ ಲಮಾಣಿ ಅವರನ್ನು ಪೊಲೀಸರು ಹಿಡಿದಿದ್ದಾರೆ. ಮಹೇಶ ಲಮಾಣಿ ಬಳಿಯಿದ್ದ ಗಾಂಜಾ, ಹಣ ಹಾಗೂ ಅವರ ಬೈಕನ್ನು ಜಪ್ತು ಮಾಡಿದ್ದಾರೆ. ಹಾವೇರಿಯ ಸವಣೂರು ಕಲಿವಾಳದ ಮಹೇಶ ಶೇಖಪ್ಪ ಲಮಾಣಿ ಅವರು ಗೋಕರ್ಣ ಬಳಿಯ ತಾರಿಮಕ್ಕಿಯಲ್ಲಿ ವಾಸವಾಗಿದ್ದಾರೆ. 19 ವರ್ಷದ ಅವರು ಇಲ್ಲಿ ಟ್ಯಾಟೋ ಹಾಕುವ ಅಂಗಡಿಯಲ್ಲಿ ಕಾರ್ಮಿಕರಾಗಿ ದುಡಿಯುತ್ತಿದ್ದಾರೆ. ಆ ದುಡಿಮೆಯ ಜೊತೆ ಇನ್ನಷ್ಟು ಹಣ ಸಂಪಾದಿಸುವುದಕ್ಕಾಗಿ ಅವರು ಅಡ್ಡದಾರಿಹಿಡಿದಿದ್ದು, ಈ ವಿಷಯ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರಿಗೆ ಗೊತ್ತಾಗಿದೆ. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಎಂ ಕೃಷ್ಣಮೂರ್ತಿ, ಡಿವೈಎಸ್ಪಿ ಗಿರೀಶ್ ಬಿ ಅವರು ಈ ಬಗ್ಗೆ ಪಿಐ ಶ್ರೀಧರ ಅವರಿಗೆ ಫೋನ್ ಮಾಡಿದ್ದಾರೆ. ಪಿಸೈ ಅನೀಲ ಬಿ ಎಂ ಅವರು ತಮ್ಮ ತಂಡದೊoದಿಗೆ ಗೋಗರ್ಭ ಗುಹೆ ಬಳಿ ಹೋಗಿದ್ದು, ಅಲ್ಲಿ ಅಲೆದಾಡುತ್ತಿದ್ದ ಮಹೇಶ ಲಮಾಣಿ ಅವರನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಆಗ, ಮಹೇಶ ಲಮಾಣಿ ಅವರ ಬಳಿ 29 ಗ್ರಾಂ ಗಾಂಜಾ, 2250ರೂ ಹಣ ಸಿಕ್ಕಿದೆ. ಅಲ್ಲಿದ್ದ ಬೈಕನ್ನು ಪೊಲೀಸರು ಜಪ್ತು ಮಾಡಿ ಮಹೇಶ ಲಮಾಣಿ ಅವರನ್ನು ಬಂಧಿಸಿದ್ದಾರೆ.
- [ರಿಕ್ಷಾಗೆ ಗುದ್ದಿದ ಬೈಕು](https://mobiletime.in/2026/06/bike-hit-by-rickshaw/): ಕಾರವಾರದ ನಂದನಗದ್ದಾ – ಸುಂಕೇರಿ ರಸ್ತೆಯಲ್ಲಿ ಬೈಕ್ ಮತ್ತು ಆಟೋ ರಿಕ್ಷಾ ನಡುವೆ ಡಿಕ್ಕಿಯಾಗಿದೆ. ಈ ಅವಘಡದಲ್ಲಿ ಎರಡು ವಾಹನ ಜಖಂ ಆಗಿದೆ. ಜೊತೆಗೆ ಬೈಕಿನಲ್ಲಿದ್ದವರಿಗೆ ಗಾಯವಾಗಿದೆ. ಜೂನ್ 10ರ ಸಂಜೆ ನೇವಲ್‌ಬೇಸಿನಲ್ಲಿ ಕೆಲಸ ಮಾಡುವ ದೇವಳಮಕ್ಕಿಯ ಗಿರೀಶ ಗೋಪಾಲ ಗೌಡ ಅವರು ತಮ್ಮ ಸಹೋದರ ಲೋಕೇಶ ಗೋಪಾಲ ಗೌಡ ಅವರ ಜೊತೆ ಬೈಕಿನಲ್ಲಿ ಹೋಗುತ್ತಿದ್ದರು. ನಂದನಗದ್ದಾದಿoದ ಸುಂಕೇರಿ ಕಡೆಗೆ ಹೋಗುತ್ತಿದ್ದ ಬೈಕು ಎದುರಿನಿಂದ ಬಂದ ರಿಕ್ಷಾಗೆ ಡಿಕ್ಕಿ ಹೊಡೆಯಿತು. ರಿಕ್ಷಾ ಚಾಲಕ ಎಸ್ ಕೆ ಅಸ್ಲಾಂ ಅವರು ವೇಗವಾಗಿ ರಿಕ್ಷಾ ಓಡಿಸುತ್ತಿದ್ದು, ಇದನ್ನು ನೋಡಿ ಗಿರೀಶ ಗೌಡ ಅವರು ದಿಢೀರ್ ಆಗಿ ಬೈಕಿನ ಬ್ರೆಕ್ ಹಾಕಿದರು. ಅದಾಗಿಯೂ, ಆ ಬೈಕು ರಿಕ್ಷಾಗೆ ಗುದ್ದಿತು. ಪರಿಣಾಮ ಬೈಕಿನಲ್ಲಿದ್ದ ಇಬ್ಬರು ರಸ್ತೆ ಮೇಲೆ ಬಿದ್ದು ಗಾಯಗೊಂಡರು. ಈ ಅಪಘಾತದಲ್ಲಿ ಬೈಕ್ ಹಿಂಬದಿ ಸವಾರ ಲೋಕೇಶ ಅವರ ತಲೆಗೆ ಗಂಭೀರ ಗಾಯವಾಯಿತು. ಬೈಕ್ ಸವಾರ ಗಿರೀಶ ಅವರ ಮೂಗು ಹಾಗೂ ಎಡ ಭುಜಕ್ಕೆ ಸಣ್ಣಪುಟ್ಟ ಗಾಯವಾಯಿತು. ರಿಕ್ಷಾ ಜೊತೆ ಬೈಕ್ ಸಹ ಜಖಂ ಆಗಿದ್ದು, ಅಪಾಯಕಾರಿ ರೀತಿ ವಾಹನ ಚಲಾಯಿಸಿದ ಕಾರಣ ದೇವಳಮಕ್ಕಿಯ ಸುಬ್ರಾಯ ಸೋಮ ಗೌಡ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದರು. ಸಂಚಾರ ಠಾಣೆ ಪೊಲೀಸರು ರಿಕ್ಷಾ ಚಾಲಕ ಹಾಗೂ ಬೈಕ್ ಚಾಲಕರ ವಿರುದ್ಧ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ಅಮೇರಿಕಾ ಉದ್ಯೋಗಿಯ ಹಣದಾಹ: 30 ಲಕ್ಷವಿದ್ದ ಮಹಿಳೆಗೆ ಮಾತ್ರ ಮನೆ ಪ್ರವೇಶ!](https://mobiletime.in/2026/06/american-employees-greed-for-money-she-is-only-worth-30-lakhs/): ಶಿರಸಿಯ ಅಮೀತಕುಮಾರ ಹೆಗಡೆ ಅವರು ಅಮೇರಿಕಾದಲ್ಲಿ ಉದ್ಯೋಗದಲ್ಲಿದ್ದರೂ 30 ಲಕ್ಷ ರೂಪಾಯಿಗಾಗಿ ಪತ್ನಿ ದೀಪಾ ಹೆಗಡೆ ಅವರನ್ನು ಪೀಡಿಸುತ್ತಿದ್ದಾರೆ. ದೀಪಾ ಹೆಗಡೆ ಅವರು ತವರುಮನೆಯಿಂದ 20 ತೊಲೆ ಬಂಗಾರ ತಂದಿರಿಸಿದರೂ ಅದಕ್ಕೆ ತೃಪ್ತಿಯಾಗದ ಅಮೀತಕುಮಾರ ಹೆಗಡೆ ಅವರು ಮತ್ತೆ 30 ಲಕ್ಷ ರೂ ಬೇಡುತ್ತಿದ್ದಾರೆ. ಶಿರಸಿ ಉಂಚಳ್ಳಿ ಬಳಿಯ ಕೇರೆಕೊಪ್ಪ ಅಮೀತಕುಮಾರ ಹೆಗಡೆ ಅವರ ಊರು. ದೊಡ್ಡ ಕಂಪನಿಯಲ್ಲಿ ಉನ್ನತ ಹುದ್ದೆಯ ಉದ್ಯೋಗಿಯಾಗಿರುವ ಅಮೀತಕುಮಾರ ಹೆಗಡೆ ಅವರು ಅಮೇರಿಕಾದಲ್ಲಿಯೂ ಕೆಲಸ ಮಾಡಿದ್ದಾರೆ. ಮನೆ ಕಡೆ ಅತಿಕ್ರಮಣ ತೋಟ, ಸುಂದರ ಸಂಸಾರ, ಕೈತುಂಬ ಸಂಬಳ ಬರುವ ಉದ್ಯೋಗವಿದ್ದರೂ ಅವರಲ್ಲಿನ ಹಣದ ದಾಹ ಮಾತ್ರ ತೀರಿಲ್ಲ. ಹೀಗಾಗಿ ಪತ್ನಿಯ ತವರು ಮನೆ ಆಸ್ತಿಯ ಮೇಲೆ ಕಣ್ಣು ಹಾಕಿದ ಅವರು ಅಲ್ಲಿಂದ ಕಾಸು ತಂದುಕೊಡುವoತೆ ಪೀಡಿಸುತ್ತಿದ್ದಾರೆ. ಯಲ್ಲಾಪುರದ ಮಾವಿನಮನೆಯ ಗೋಗದ್ದೆಯಲ್ಲಿ ದೀಪಾ ಹೆಗಡೆ ಅವರು ವಾಸವಾಗಿದ್ದು, 2022ರ ಏಪ್ರಿಲ್ 22ರಂದು ಶಿರಸಿಯ ಗಡಿಹಳ್ಳಿ ಸಭಾಭವನದಲ್ಲಿ ಅಮೀತಕುಮಾರ ಹೆಗಡೆ ಅವರೊಂದಿಗೆ ದೀಪಾ ಹೆಗಡೆ ಅವರ ವಿವಾಹವಾಗಿದೆ. ಅಮಿತಕುಮಾರ ಹೆಗಡೆ ಹಾಗೂ ದೀಪಾ ಹೆಗಡೆ ಇಬ್ಬರಿಗೂ ಇದು ಎರಡನೇ ಮದುವೆಯಾಗಿದ್ದು, ಎರಡೂ ಕುಟುಂಬದ ಒಪ್ಪಿಗೆ ಮೇರೆಗೆ ಅದ್ಧೂರಿಯಾಗಿ ಮದುವೆ ಕಾರ್ಯಕ್ರಮವನ್ನು ನಡೆಸಲಾಗಿದೆ. ವಿವಾಹದ ಕಾಲದಲ್ಲಿಯೇ ದೀಪಾ ಹೆಗಡೆ ಕುಟುಂಬದವರು ವರೋಪಚಾರ ಎಂಬ ಹೆಸರಿನಲ್ಲಿ 50 ಸಾವಿರ ಹಣದ ಜೊತೆ 20 ತೊಲೆ ಬಂಗಾರವನ್ನು ಒಪ್ಪಿಸಿದ್ದಾರೆ. ಅದಾಗಿಯೂ, ಅಮಿತಕುಮಾರ ಹೆಗಡೆ ಅವರ ತಂದೆ ಸುರೇಶ ವೀರಭದ್ರ ಹೆಗಡೆ ಹಾಗೂ ಅನುಸೂಯಾ ಸುರೇಶ ಹೆಗಡೆ ಅವರು ಇನ್ನಷ್ಟು ಹಣಕ್ಕಾಗಿ ದೀಪಾ ಹೆಗಡೆ ಅವರನ್ನು ಮನೆಯಿಂದ ಹೊರಹಾಕಿದ್ದಾರೆ. ಮದುವೆ ನಂತರ ದೀಪಾ ಹೆಗಡೆ ಅವರು ಪತಿ ಅಮಿತಕುಮಾರ ಹೆಗಡೆ ಅವರ ಜೊತೆ ಅಮೇರಿಕಾಗೂ ಹೋಗಿ ಬಂದಿದ್ದಾರೆ. ವಿದೇಶದಲ್ಲಿಯೂ ಅಮಿತಕುಮಾರ ಹೆಗಡೆ ಅವರು ಅಮಾನವೀಯ ರೀತಿಯಲ್ಲಿ ವರ್ತಿಸಿ ಪತ್ನಿಗೆ ಹಿಂಸೆ ನೀಡಿದ್ದಾರೆ. `ಸ್ವಂತ ಭೂಮಿ ಖರೀದಿಗೆ ಕಾಸು ಕೊಡು’ ಎಂದು ಅಮೀತಕುಮಾರ ಹೆಗಡೆ ಅವರು ದೈಹಿಕವಾಗಿಯೂ ದಾಳಿ ಮಾಡಿದ್ದಾರೆ. ಶಿರಸಿಗೆ ಹಿಂತಿರುಗಿದ ನಂತರವೂ ಮತ್ತೆ ಹಣಕ್ಕಾಗಿ ವೀರಭದ್ರ ಹೆಗಡೆ ಹಾಗೂ ಅನುಸೂಯಾ ಹೆಗಡೆ ಅವರು ಕಾಡಿಸಿದ್ದು, ತವರುಮನೆಯಿಂದ ಮತ್ತೆ 30 ಲಕ್ಷ ರೂ ಹಣ ತರಲು ಒಪ್ಪದ ದೀಪಾ ಹೆಗಡೆ ಅವರ ಮೇಲೆ ಅತ್ತೆ-ಮಾವ ಸಹ ಹಿಂಸೆ ನೀಡಿದ್ದಾರೆ. ಇದನ್ನು ಸಹಿಸದ ದೀಪಾ ಹೆಗಡೆ ಅವರು ದೂರು ನೀಡುವುದಾಗಿ ಎಚ್ಚರಿಸಿದಾಗ ಒಮ್ಮೆ ಸಮಾಧಾನಗೊಂಡ ಮಾವ ಹಾಗೂ ಅತ್ತೆ ಉಪಾಯವಾಗಿ ದೀಪಾ ಹೆಗಡೆ ಅವರ ಬಳಿಯಿದ್ದ ಚಿನ್ನಾಭರಣಗಳನ್ನು ತಮ್ಮ ವಶಕ್ಕೆಪಡೆದಿದ್ದಾರೆ. ಅದಾದ ನಂತರ ದೀಪಾ ಹೆಗಡೆ ಅವರನ್ನು ಶಿರಸಿ ಪೇಟೆಗೆ ಕರೆತಂದ ಮಾವ ವೀರಭದ್ರ ಹೆಗಡೆ, ಅವರನ್ನು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ. ದಿಕ್ಕು ತೋಚದ ಹಾಗಾದ ದೀಪಾ ಹೆಗಡೆ ಅವರು ಯಲ್ಲಾಪುರ ಬಸ್ ಹತ್ತಿ ತವರಿಗೆ ಬಂದಿದ್ದು, ಅದಾದ ನಂತರ ಪತಿ ಮನೆಯವರು ಸಂಪರ್ಕವನ್ನೇ ಮಾಡಿಲ್ಲ. ಅದಾಗಿಯೂ ಪೆಬ್ರವರಿ 9ರಂದು ದೀಪಾ ಹೆಗಡೆ ಅವರು ಪತಿ ಮನೆಯಾದ ಕೇರೆಕೊಪ್ಪಕ್ಕೆ ಹೋದಾಗ ಅತ್ತೆ-ಮಾವ ಅವರನ್ನು ಮನೆ ಒಳಗೆ ಸೇರಿಸಿಕೊಂಡಿಲ್ಲ.`30 ಲಕ್ಷ ರೂ ತಂದರೆ ಮಾತ್ರ ಮನೆಗೆ ಬಾ’ ಎಂದು ವೀರಭದ್ರ ಹೆಗಡೆ ಹಾಗೂ ಅನುಸೂಯಾ ಹೆಗಡೆ ಅವರು ಹೇಳಿದ್ದು, ಪತಿ ಅಮೀತಕುಮಾರ ಹೆಗಡೆ ಅವರ ಕುಟುಂಬದವರಿoದ ಆದ ಅನ್ಯಾಯದ ಬಗ್ಗೆ ದೀಪಾ ಹೆಗಡೆ ಅವರು ಅಳಲು ತೋಡಿಕೊಂಡಿದ್ದಾರೆ. `ವರದಕ್ಷಿಣೆಪಡೆಯುವುದು ಅಪರಾಧ’
- [ಬೈಕಿಗಿಂತಲೂ ದುಬಾರಿಯಾದ ದಂಡ!](https://mobiletime.in/2026/06/a-fine-more-expensive-than-a-bike/): ಯಲ್ಲಾಪುರದ ಕಿರವತ್ತಿಯಲ್ಲಿ ವಿವಿಧ ವಾಹನ ತಪಾಸಣೆ ನಡೆಸುತ್ತಿದ್ದ ಪೊಲೀಸರಿಗೆ ಮಕ್ಕಳಿಬ್ಬರು ಸಿಕ್ಕಿ ಬಿದ್ದಿದ್ದಾರೆ. ಅಪ್ರಾಪ್ತರ ಬೈಕ್ ಚಾಲನೆ ಗುರುತಿಸಿದ ಪೊಲೀಸರು ಈ ಬಗ್ಗೆ ನ್ಯಾಯಾಲಯಕ್ಕೆ ವರದಿ ಒಪ್ಪಿಸಿದ್ದು, ಮಕ್ಕಳಿಗೆ ಬೈಕ್ ನೀಡಿದ ಪಾಲಕರಿಬ್ಬರಿಗೆ ತಲಾ 25 ಸಾವಿರ ರೂಪಾಯಿಗಳಂತೆ 50 ಸಾವಿರ ರೂ ದಂಡವಿಧಿಸಿದೆ. ಜೂನ್ 9ರಂದು ಯಲ್ಲಾಪುರ ಪಿಸೈ ರಾಜಶೇಖರ್ ವಂದಲಿ ಹಾಗೂ ಸಿದ್ದಪ್ಪ ಗುಡಿ ಅವರು ಕಿರವತ್ತಿಯಲ್ಲಿ ಕರ್ತವ್ಯ ನಿಭಾಯಿಸುತ್ತಿದ್ದರು. ಚೆಕ್ ಪೋಸ್ಟ್ ಬಳಿ ವೇಗದ ವಾಹನ ಚಾಲನೆ ಮಾಡುವವರನ್ನು ಹಿಡಿದು ಅವರಿಗೆ ಬುದ್ದಿ ಹೇಳುವ ಕೆಲಸ ಮಾಡುತ್ತಿದ್ದರು. ಜೊತೆಗೆ ಅತಿ ಬಾರ ಹೊತ್ತು ಸಾಗುವ ಲಾರಿಗಳನ್ನು ಹಿಡಿದು ದಂಡ ವಿಧಿಸುತ್ತಿದ್ದರು. ಈ ವೇಳೆ ಹುಬ್ಬಳ್ಳಿ ಕಡೆಯಿಂದ ಮಕ್ಕಳಿಬ್ಬರು ಬೈಕ್ ಓಡಿಸಿಕೊಂಡು ಬರುವುದನ್ನು ಅವರು ನೋಡಿದರು. ಸಿಬ್ಬಂದಿ ಸಹಕಾರದಲ್ಲಿ ಆ ಬೈಕನ್ನು ನಿಲ್ಲಿಸಿದರು. ಬೈಕ್ ಓಡಿಸುತ್ತಿದ್ದವರ ಬಳಿ ಲೈಸೆನ್ಸ ಇರಲಿಲ್ಲ. ಅವರಿಗೆ 18 ವರ್ಷವೂ ಆಗಿರಲಿಲ್ಲ. ಈ ಹಿನ್ನಲೆ ಆ ಮಕ್ಕಳಿಬ್ಬರ ಬಗ್ಗೆಯೂ ಪೊಲೀಸರು ಕೋರ್ಟಿಗೆ ಕೇಸು ಒಪ್ಪಿಸಿದರು. ಅಪ್ರಾಪ್ತರ ವಾಹನ ಚಾಲನೆಯಿಂದ ಆಗುವ ಅನಾಹುತದ ಬಗ್ಗೆ ಅವರ ಪಾಲಕರಿಗೂ ಫೋನ್ ಮಾಡಿ ತಿಳಿಸಿದರು. ಜೂನ್ 11ರಂದು ಯಲ್ಲಾಪುರ ನ್ಯಾಯಾಲಯ ಆ ಪಾಲಕರನ್ನು ಕರೆಯಿಸಿದ್ದು, ಮಕ್ಕಳು ಮಾಡಿದ ತಪ್ಪಿಗೆ ದಂಡ ಪಾವತಿಸುವಂತೆ ಸೂಚಿಸಿತು. ಅದರ ಪ್ರಕಾರ ಕಲಘಟಗಿಯ ಚಿತ್ರಗಿ ಓಣಿಯ ಬಾಬು ರಾವ್ ಆರ್ ಯಲ್ಲಾಪುರಕರ್ ಹಾಗೂ ಕಲಘಟಗಿಯ ರಾಮಣ್ಣ ಅಮೃತ ಕಲ್ಯಾಣಕರ್ ಅವರು 25 ಸಾವಿರ ರೂ ದಂಡ ಪಾವತಿಸಿದರು. 50 ಸಾವಿರ ರೂಪಾಯಿಗೆ ನ್ಯಾಯಾಲಯ ಪಾವತಿ ನೀಡಿದ್ದು, ಮಕ್ಕಳಿಗೆ ಬೈಕ್ ನೀಡದಂತೆ ಪಾಲಕರಿಗೆೆ ತಾಕೀತು ಮಾಡಿತು.
- [RSS ವಿಚಾರ: ಕಾರವಾರದಲ್ಲಿ ಗುಡುಗಿದ ಕಾಗೇರಿ](https://mobiletime.in/2026/06/rss-issue-thunderstorm-in-karwar/): `ಪ್ರಚಾರದ ತೆವಲಿಗೆ ಬಿದ್ದ ಕಾಂಗ್ರೆಸ್ ಮುಖಂಡ ಪ್ರಿಯಾಂಕ ಖರ್ಗೆ ಅವರು ಅನಗತ್ಯವಾಗಿ ಆರ್ ಎಸ್ ಎಸ್ ಹಾಗೂ ಬಿಜೆಪಿ ವಿರುದ್ಧ ಬೇಜವಬ್ದಾರಿಯಿಂದ ಮಾತನಾಡುತ್ತಿದ್ದಾರೆ. ಇದನ್ನು ಬಿಟ್ಟು ಉತ್ತಮ ಆಡಳಿತ ನೀಡುವ ಕಡೆ ಅವರು ಗಮನಹರಿಸಬೇಕು’ ಎಂದು ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. ಕಾರವಾರದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಸರ್ಕಾರದ ಯೋಜನೆಗಳನ್ನು ಜನರಿಗೆ ತಲುಪಿಸುವುದು ಪ್ರಿಯಾಂಕ ಖರ್ಗೆ ಅವರ ಆದ್ಯತೆಯಾಗಬೇಕು. ಗ್ರಾಮೀಣ ಅಭಿವೃದ್ಧಿ ಸಚಿವರಾಗಿ ಕಳೆದ ಮೂರು ವರ್ಷಗಳಲ್ಲಿ ಅವರು ಏನು ಸಾಧನೆ ಮಾಡಿದ್ದಾರೆ? ಪ್ರಸ್ತುತ ನಿರ್ವಹಿಸುತ್ತಿರುವ ಜವಾಬ್ದಾರಿಗಳನ್ನು ಹೇಗೆ ನಿಭಾಯಿಸುತ್ತಿದ್ದಾರೆ? ಎಂಬುದನ್ನು ಬಹಿರಂಗಪಡಿಸಬೇಕು’ ಎಂದು ಹೇಳಿದ್ದಾರೆ. `ರಾಜ್ಯದ ಜನರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಪರಿಹರಿಸುವತ್ತ ಗಮನ ಹರಿಸದೆ ಆಧಾರರಹಿತ ಆರೋಪಗಳನ್ನು ಮಾಡುವುದರಿಂದ ರಾಜಕೀಯವಾಗಿ ಬೆಳೆಯಲು ಸಾಧ್ಯವಿಲ್ಲ’ ಎಂದು ಕಾಗೇರಿ ಕಿವಿಮಾತು ಹೇಳಿದ್ದಾರೆ. `ಬಿ ಆರ್ ಅಂಬೇಡ್ಕರ್ ಅವರ ಪ್ರಜಾಪ್ರಭುತ್ವದ ಆಶಯಗಳಿಗೆ ವಿರುದ್ಧವಾಗಿ ದೇಶದಲ್ಲಿ ತುರ್ತು ಪರಿಸ್ಥಿತಿ ಜಾರಿಗೊಳಿಸಿದ್ದ ಇಂದಿರಾ ಗಾಂಧಿಯವರಿಗೂ ಆರ್ ಎಸ್ ಎಸ್ ಅಥವಾ ಅಂದಿನ ಜನಸಂಘವನ್ನು ಹತ್ತಿಕ್ಕಲು ಸಾಧ್ಯವಾಗಲಿಲ್ಲ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದರು. `ಬಿಜೆಪಿಯನ್ನು ರಾಜಕೀಯವಾಗಿ ದುರ್ಬಲಗೊಳಿಸಲು ಕಾಂಗ್ರೆಸ್ ಪಕ್ಷವು ಹಲವು ದಶಕಗಳಿಂದ ಪ್ರಯತ್ನಿಸುತ್ತಲೇ ಬಂದಿದೆ. ಆದರೆ ಇಂದು ಕಾಂಗ್ರೆಸ್ ಯಾವ ಸ್ಥಿತಿಗೆ ತಲುಪಿದೆ ಹಾಗೂ ಜನರಿಂದ ಹೇಗೆ ತಿರಸ್ಕಾರಕ್ಕೆ ಒಳಗಾಗಿದೆ ಎಂಬುದನ್ನು ಆತ್ಮಾವಲೋಕನ ಮಾಡಿಕೊಳ್ಳಬೇಕಿದೆ’ ಎಂದರು.
- [ಸತ್ತವರಿಂದಲೂ ಭೂಮಿ ಮಾರಾಟದ ಸಾಹಸ: ಸ್ವರ್ಗದಿಂದಲೇ ಸಹಿ ಮಾಡಿದ ಶೂರರು!](https://mobiletime.in/2026/06/the-adventure-of-selling-land-even-by-the-dead-the-heroes-who-came-from-heaven-and-signed/): ಹತ್ತು ವರ್ಷಗಳ ಹಿಂದೆಯೇ ಸತ್ತು ಸಮಾಧಿ ಆಗಿದ್ದ ಕೆಲವರು ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮತ್ತೆ ಹುಟ್ಟಿ ಬಂದಿದ್ದಾರೆ. ಉಸಿರಾಡುವ ಶಕ್ತಿ ಇಲ್ಲದಿದ್ದರೂ ಅವರೆಲ್ಲರೂ ತಮ್ಮ ಭೂಮಿ ಮಾರಾಟ ಮಾಡಿದ್ದಾರೆ! ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾ ತಾಲೂಕಿನ ಬೊಗ್ರಿಬೈಲ್ ಸಮೀಪದ ಸರ್ವೇ ನಂಬರ್ 25, ಹಿಸ್ಸಾ ನಂ.1ರಲ್ಲಿರುವ 7 ಎಕರೆ 26 ಗುಂಟೆ ಜಮೀನು 2026ರಲ್ಲಿ ಮಾರಾಟವಾಗಿದೆ. ಶಿವಮೊಗ್ಗ ಮೂಲದ ಶಿವಕುಮಾರ ಮುರಗೇಶ ರಾಮಸ್ವಾಮಿ ಎಂಬಾತರು ಈ ಜಮೀನು ಖರೀದಿಸಿದ್ದಾರೆ. ಆದರೆ, ಈ ಜಮೀನು ಮಾರಾಟ ಮಾಡಿದವರು ಈಗ ಬದುಕಿಲ್ಲ. ಹತ್ತು ವರ್ಷಗಳ ಹಿಂದೆಯೇ ಸಾವನಪ್ಪಿದವರ ಹೆಸರಿನಲ್ಲಿ ಈ ಜಮೀನು ಮಾರಾಟವಾಗಿದ್ದು, ಸಾವನಪ್ಪಿದ ವ್ಯಕ್ತಿಗಳು ಜಮೀನು ಮಾರಾಟಕ್ಕೆ ಬಂದಿದ್ದಾದರೂ ಹೇಗೆ? ಎಂದು ಅಧಿಕಾರಿಗಳು ಸಹ ತಲೆಕೆಡಿಸಿಕೊಂಡಿದ್ದಾರೆ. ಸರ್ಕಾರಿ ದಾಖಲೆಗಳ ಪ್ರಕಾರ ಸಾವನಪ್ಪಿದ ವ್ಯಕ್ತಿಗಳು ಸಹ 2026ರ ಫೆಬ್ರವರಿ 26ರಂದು ಅಂಕೋಲಾ ಉಪನೋಂದಣಿ ಕಚೇರಿಗೆ ಆಗಮಿಸಿದ್ದಾರೆ. ಅವರೇ ತಮ್ಮ ಆಧಾರ್ ಕಾರ್ಡ ಕೊಟ್ಟು ಕೈ ಬೆರಳಿನ ದೃಢೀಕರಣ ನೀಡಿ ಭೂಮಿ ಮಾರಾಟ ಮಾಡಿದ್ದಾರೆ. ಆ ಜಮೀನಿಗೆ 9 ಜನ ಮಾಲಕರಿದ್ದು, ಅವರೆಲ್ಲರೂ ಒಟ್ಟಿಗೆ ಬಂದು ಸಹಿ ಮಾಡಿದ್ದಾರೆ. ದಾಖಲೆಗಳ ಪ್ರಕಾರ ಮುಕುಂದ ನಾರಾಯಣ ಪ್ರಭು (60), ಹರಿ ಅನಂತ ಪೈ (55), ರಾಧಾಕೃಷ್ಣ ಮಂಜುನಾಥ ಪೈ (45), ವಿಠ್ಠಲದಾಸ ಮಂಜುನಾಥ ಪೈ (37), ನಾರಾಯಣ ಕೇಶವ ಪೈ (37), ರಾಘವೇಂದ್ರ ಕೇಶವ ಪೈ (38), ಬಾಬಣಿ ಮರ್ತು ಪೈ (43), ಮಾಧವ ಮರ್ತು ಪೈ (35) ಹಾಗೂ ಮನೋಹರ ಮರ್ತು ಪೈ (45) ಎಂಬಾತರು ಸೇರಿ ಈ ಭೂಮಿ ಮಾರಾಟ ಮಾಡಿದ್ದು ಬದುಕಿದ್ದವರ ಜೊತೆ ಸಾವನಪ್ಪಿರುವವರು ಸಹ ಭೂಮಿ ಮಾರಾಟಕ್ಕೆ ಆಸಕ್ತಿವಹಿಸಿದ್ದು ಸೂಜಿಗದ ವಿಷಯ. ಈ ಪ್ರಕರಣದಲ್ಲಿ ಸಾವನಪ್ಪಿದವರ ಹೆಸರಿನಲ್ಲಿ ನಕಲಿ ವ್ಯಕ್ತಿಗಳನ್ನು ಕೂರಿಸಿ ಆಧಾರ್ ಕಾರ್ಡ ಮಾಡಲಾಗಿದೆ. ನಂತರ ಅವರೇ ನಿಜವಾದ ಭೂ ಮಾಲಿಕರು ಎಂದು ಬಿಂಬಿಸಿ ಭೂಮಿ ನೋಂದಣಿ ಕಾರ್ಯ ನಡೆದಿದೆ. ಭೂ ಮಾಲಕರಿಗೆ ಅಂಕೋಲಾ ವಿಳಾಸ ನೀಡುವ ಬದಲು ವಿಜಯಪುರದ ನಿವಾಸಿಗಳು ಎಂದು ದಾಖಲೆ ಸೃಷ್ಠಿಸಿ ಭೂಮಿ ನೋಂದಣಿ ಪ್ರಕ್ರಿಯೆ ಮುಗಿಸಲಾಗಿದೆ. ಎಂಟು ಪುರುಷರು ಮತ್ತು ಒಬ್ಬ ಮಹಿಳೆ ಉಪ ನೋಂದಣಿ ಕಚೇರಿಗೆ ಹಾಜರಾಗಿ ನೋಂದಣಿ ಪ್ರಕ್ರಿಯೆಯಲ್ಲಿ ಭಾಗಿಯಾದ ಬಗ್ಗೆ ದಾಖಲೆ ಸೃಷ್ಠಿಯಾಗಿದ್ದು, ನಕಲಿ ಆಧಾರ್ ಕಾರ್ಡ ಜಾಲ ಈ ಭೂ ಕಬಳಿಕೆ ವಿಷಯದಲ್ಲಿ ದೊಡ್ಡ ಪ್ರಮಾಣದಲ್ಲಿ ಕೆಲಸ ಮಾಡಿದೆ. ಈ ಭೂ ಮಾರಾಟ ಹಗರಣದಲ್ಲಿ ಸ್ಥಳೀಯರ ಪಾತ್ರವೂ ಅಷ್ಟೇ ದೊಡ್ಡದಾಗಿದೆ. ಸತ್ತವರು ಬಂದು ಸಹಿ ಮಾಡಿದನ್ನು ತಾನೂ ನೋಡಿದ್ದೇನೆ ಎನ್ನುವ ಅರ್ಥದಲ್ಲಿ ಅವರು ತನಗೆ ಪರಿಚಿತರು ಎಂದು ಮಾರುತಿ ಬೆಚ್ಚು ಗೌಡ ಹಾಗೂ ಸಂತೋಷ ಬುದ್ದು ಗೌಡ ಎಂಬಾತರು ಸಹಿ ಮಾಡಿದ್ದಾರೆ. ಅವರಿಬ್ಬರು ನಿಜವಾಗಿಯೂ ಮಾಲಕರನ್ನು ಗುರುತಿಸಿ ಸಹಿ ಹಾಕಿದ್ದಾರಾ? ಸತ್ತ ವ್ಯಕ್ತಿಗಳು ಭೂಮಿ ಮಾರಾಟ ಮಾಡಲು ಬಂದದನ್ನು ಸಾಕ್ಷಿದಾರರು ನೋಡಿದ್ದಾರಾ? ಅಥವಾ ಪುಡಿಗಾಸಿನ ಆಸೆಗೆ ಬಿದ್ದು ಕಣ್ಮುಚ್ಚಿ ಸಹಿ ಮಾಡಿದರಾ? ಎಂಬ ಪ್ರಶ್ನೆಗಳಿಗೆ ಉತ್ತರ ಸಿಕ್ಕಿಲ್ಲ. ಈ ಪ್ರಕರಣದಲ್ಲಿ ಉಪನೋಂದಣಿ ಕಚೇರಿ ಅಧಿಕಾರಿಗಳ ಪಾತ್ರದ ಬಗ್ಗೆಯೂ ಚರ್ಚೆ ಶುರುವಾಗಿದೆ. ಸಾವನಪ್ಪಿದ ವ್ಯಕ್ತಿ ಹೆಸರಿನಲ್ಲಿ ನಕಲಿ ದಾಖಲೆ ಬಂದರೂ ಅದರ ಮೇಲೆ ಸಹಿ-ಸೀಲು ಮುದ್ರಿಸಿದ ಅಧಿಕಾರಿಗಳ ಬಗ್ಗೆಯೂ ಅನುಮಾನ ಶುರುವಾಗಿದೆ.
- [ಅದೇ ರುಚಿ.. ಅಂಥಹುದೇ ಸ್ವಾದ: ಹಾಲು ಇಲ್ಲದೇ ಮೊಸರು ಮಾಡಿ!](https://mobiletime.in/2026/06/easy-way-to-make-yogurt-without-milk/): ಮೊಸರು ಎಂದರೆ ಹಾಲಿನಿಂದಲೇ ತಯಾರಿಸುವ ಆಹಾರ ಎಂಬ ಕಲ್ಪನೆ ಬಹುತೇಕರಲ್ಲಿದೆ. ಆದರೆ ಹಾಲು ಬಳಸದೇ ಕೂಡ ರುಚಿಕರ ಹಾಗೂ ಗಟ್ಟಿಯಾದ ಮೊಸರು ತಯಾರಿಸಬಹುದು ಎಂಬುದು ನಿಮಗೆ ಗೊತ್ತೇ? ವಿಶೇಷವಾಗಿ ವೀಗನ್ ಆಹಾರ ಪದ್ಧತಿಯನ್ನು ಅನುಸರಿಸುವವರು ಮತ್ತು ಹಾಲಿನ ಉತ್ಪನ್ನಗಳನ್ನು ಸೇವಿಸದವರಿಗೆ ಇದು ಉತ್ತಮ ಆಯ್ಕೆಯಾಗಿದೆ. ಹಾಲಿನ ಬದಲಿಗೆ ಗೋಡಂಬಿಯನ್ನು ಬಳಸಿಕೊಂಡು ಮನೆಯಲ್ಲೇ ಸುಲಭವಾಗಿ ಮೊಸರು ತಯಾರಿಸಬಹುದು. ಇದಕ್ಕಾಗಿ ಮೊದಲು ಗೋಡಂಬಿಯನ್ನು ಮೂರು ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಬೇಕು. ಚೆನ್ನಾಗಿ ನೆನೆದ ಬಳಿಕ ಅದನ್ನು ನೀರಿನೊಂದಿಗೆ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ ಕ್ರೀಮಿ ಮಿಶ್ರಣ ತಯಾರಿಸಿಕೊಳ್ಳಬೇಕು. ಈ ಮಿಶ್ರಣಕ್ಕೆ ಸ್ವಲ್ಪ ಮೊಸರು ಅಥವಾ ಹುದುಗಿಸಲು ಬಳಸುವ ಸ್ಟಾರ್ಟರ್ ಸೇರಿಸಿ ಚೆನ್ನಾಗಿ ಕಲಸಬೇಕು. ನಂತರ ಪಾತ್ರೆಯನ್ನು ಮುಚ್ಚಿ ಬೆಚ್ಚಗಿನ ಸ್ಥಳದಲ್ಲಿ ಕೆಲವು ಗಂಟೆಗಳ ಕಾಲ ಇಟ್ಟರೆ ಮಿಶ್ರಣ ನಿಧಾನವಾಗಿ ಹುದುಗಲು ಆರಂಭಿಸುತ್ತದೆ. ಹವಾಮಾನಕ್ಕೆ ಅನುಗುಣವಾಗಿ 6 ರಿಂದ 12 ಗಂಟೆಗಳ ಒಳಗೆ ಮೊಸರಿನಂತಹ ತಳಿರು ಮತ್ತು ಹುಳಿಯ ರುಚಿ ಮೂಡುತ್ತದೆ. ಹುದುಗಿದ ಬಳಿಕ ಫ್ರಿಜ್‌ನಲ್ಲಿ ಇಟ್ಟರೆ ಇನ್ನಷ್ಟು ಗಟ್ಟಿಯಾಗುತ್ತದೆ. ಗೋಡಂಬಿಯಿಂದ ತಯಾರಿಸುವ ಈ ಮೊಸರು ಮೃದುವಾದ ರುಚಿ ಮತ್ತು ಕ್ರೀಮಿ ವಿನ್ಯಾಸ ಹೊಂದಿರುತ್ತದೆ. ಹಾಲಿನ ಮೊಸರಿನಂತೆಯೇ ಇದನ್ನು ಹಣ್ಣುಗಳೊಂದಿಗೆ, ಸ್ಮೂಥಿ ತಯಾರಿಕೆಯಲ್ಲಿ ಅಥವಾ ವಿವಿಧ ಆಹಾರಗಳ ಜೊತೆಗೆ ಬಳಸಬಹುದು. ಜೊತೆಗೆ ಹಾಲಿಗೆ ಅಲರ್ಜಿ ಇರುವವರು ಅಥವಾ ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವವರಿಗೆ ಇದು ಉತ್ತಮ ಪರ್ಯಾಯವಾಗಬಹುದು. ಇತ್ತೀಚಿನ ದಿನಗಳಲ್ಲಿ ಆರೋಗ್ಯಕರ ಆಹಾರದತ್ತ ಜನರು ಹೆಚ್ಚು ಗಮನ ಹರಿಸುತ್ತಿರುವ ಹಿನ್ನೆಲೆಯಲ್ಲಿ ಹಾಲು ಇಲ್ಲದೇ ತಯಾರಿಸುವ ಗೋಡಂಬಿ ಮೊಸರು ಜನಪ್ರಿಯವಾಗುತ್ತಿದೆ. ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದಾದ ಈ ಮೊಸರು ಆರೋಗ್ಯ ಮತ್ತು ರುಚಿ ಎರಡನ್ನೂ ಒಟ್ಟಿಗೆ ನೀಡುವ ವಿಶೇಷ ಆಹಾರವಾಗಿದೆ.
- [ಮನೆಯೊಳಗೆ ಇರುವೆ ಕಾಟ ತಡೆಯಲು ಈ ಎರಡು ವಸ್ತುಗಳು ಸಾಕು](https://mobiletime.in/2026/06/these-two-things-are-enough-to-prevent-ant-infestation-inside-the-house/): ಮಳೆಗಾಲ ಬಂದಾಕ್ಷಣ ಮನೆಯೊಳಗೆ ಹಲವು ರೀತಿಯ ಕೀಟಗಳ ಕಾಟ ಹೆಚ್ಚಾಗುವುದು ಸಾಮಾನ್ಯ. ಅದರಲ್ಲೂ ಕೆಂಪಿರುವೆಗಳ ಸಮಸ್ಯೆ ಅನೇಕ ಮನೆಗಳಲ್ಲಿ ತಲೆನೋವಾಗಿ ಪರಿಣಮಿಸುತ್ತದೆ. ಅಡುಗೆಮನೆಯಲ್ಲಿರುವ ಸಿಹಿ ಪದಾರ್ಥಗಳು, ಆಹಾರದ ಕಣಗಳು ಅಥವಾ ತೇವಾಂಶ ಇರುವ ಸ್ಥಳಗಳು ಇರುವೆಗಳನ್ನು ಹೆಚ್ಚು ಆಕರ್ಷಿಸುತ್ತವೆ. ಒಮ್ಮೆ ಮನೆಯೊಳಗೆ ಪ್ರವೇಶಿಸಿದ ಬಳಿಕ ಅವು ಗುಂಪು ಗುಂಪಾಗಿ ಕಾಣಿಸಿಕೊಂಡು ದಿನನಿತ್ಯದ ಕೆಲಸಗಳಿಗೆ ತೊಂದರೆ ಉಂಟುಮಾಡುತ್ತವೆ.   ಇರುವೆಗಳನ್ನು ಓಡಿಸಲು ಕೆಲವರು ಮಾರುಕಟ್ಟೆಯಲ್ಲಿ ಸಿಗುವ ರಾಸಾಯನಿಕ ಔಷಧಿಗಳ ಮೊರೆ ಹೋಗುತ್ತಾರೆ. ಆದರೆ ಇಂತಹ ಔಷಧಿಗಳನ್ನು ಬಳಸುವಾಗ ಮಕ್ಕಳ ಹಾಗೂ ಸಾಕುಪ್ರಾಣಿಗಳ ಸುರಕ್ಷತೆಯ ಬಗ್ಗೆ ಕಾಳಜಿ ವಹಿಸಬೇಕಾಗುತ್ತದೆ. ಇದೇ ಕಾರಣಕ್ಕೆ ಅನೇಕರು ನೈಸರ್ಗಿಕ ಪರಿಹಾರಗಳತ್ತ ಮುಖ ಮಾಡುತ್ತಿದ್ದಾರೆ. ಮನೆಯಲ್ಲೇ ಸುಲಭವಾಗಿ ದೊರೆಯುವ ವಿನೆಗರ್ ಮತ್ತು ನಿಂಬೆಹಣ್ಣು ಕೆಂಪಿರುವೆಗಳ ವಿರುದ್ಧ ಪರಿಣಾಮಕಾರಿ ಪರಿಹಾರವೆಂದು ಪರಿಗಣಿಸಲಾಗುತ್ತದೆ.    ವಿನೆಗರ್ ಅನ್ನು ನೀರಿನೊಂದಿಗೆ ಬೆರೆಸಿ ಇರುವೆಗಳು ಓಡಾಡುವ ಸ್ಥಳಗಳಲ್ಲಿ ಸಿಂಪಡಿಸಿದರೆ ಅದರ ತೀವ್ರ ವಾಸನೆ ಇರುವೆಗಳಿಗೆ ಅಸಹ್ಯವಾಗುತ್ತದೆ. ಇದರಿಂದ ಅವು ಆ ಪ್ರದೇಶವನ್ನು ಬಿಟ್ಟು ಹೋಗಲು ಪ್ರಾರಂಭಿಸುತ್ತವೆ. ಇನ್ನೊಂದೆಡೆ ನಿಂಬೆಹಣ್ಣಿನ ರಸವೂ ಇರುವೆಗಳನ್ನು ದೂರವಿಡಲು ಸಹಕಾರಿ. ಮನೆಯ ಬಾಗಿಲು, ಕಿಟಕಿಗಳ ಅಂಚು ಅಥವಾ ಇರುವೆಗಳು ಪ್ರವೇಶಿಸುವ ಸಣ್ಣ ಸೀಳುಗಳ ಬಳಿ ನಿಂಬೆ ರಸ ಹಚ್ಚಿದರೆ ಅದರ ಸಿಟ್ರಸ್ ವಾಸನೆ ಇರುವೆಗಳನ್ನು ಆ ಸ್ಥಳದಿಂದ ದೂರವಿರಿಸುತ್ತದೆ. ಇದರಿಂದ ಅವು ಮತ್ತೆ ಆ ದಾರಿಯಲ್ಲಿ ಬರುವ ಸಾಧ್ಯತೆ ಕಡಿಮೆಯಾಗುತ್ತದೆ. ಆದರೆ ಕೇವಲ ಮನೆಮದ್ದುಗಳ ಮೇಲೆ ಅವಲಂಬಿತವಾಗಿರುವುದಕ್ಕಿಂತ ಮನೆಯ ಸ್ವಚ್ಛತೆಯತ್ತಲೂ ಗಮನ ಹರಿಸುವುದು ಮುಖ್ಯ.   ಆಹಾರದ ಕಣಗಳು ನೆಲದ ಮೇಲೆ ಉಳಿಯದಂತೆ ನೋಡಿಕೊಳ್ಳುವುದು, ಸಿಹಿ ಪದಾರ್ಥಗಳನ್ನು ಮುಚ್ಚಿದ ಡಬ್ಬಿಗಳಲ್ಲಿ ಇಡುವುದು ಹಾಗೂ ತೇವಾಂಶ ಹೆಚ್ಚಾಗದಂತೆ ಜಾಗರೂಕತೆ ವಹಿಸುವುದು ಇರುವೆಗಳ ಸಮಸ್ಯೆಯನ್ನು ಬಹುತೇಕ ನಿಯಂತ್ರಣದಲ್ಲಿಡುತ್ತದೆ. ಹೀಗಾಗಿ ಮಳೆಗಾಲದಲ್ಲಿ ಕೆಂಪಿರುವೆಗಳ ಕಾಟ ಹೆಚ್ಚಾದರೆ ಆತಂಕಪಡುವ ಅಗತ್ಯವಿಲ್ಲ. ಮನೆಯಲ್ಲಿರುವ ಈ ಎರಡು ಸರಳ ವಸ್ತುಗಳನ್ನು ಬಳಸುವ ಮೂಲಕವೇ ಇರುವೆಗಳ ತೊಂದರೆಯನ್ನು ಕಡಿಮೆ ಮಾಡಬಹುದು. ಸರಿಯಾದ ಸ್ವಚ್ಛತೆ ಮತ್ತು ಈ ನೈಸರ್ಗಿಕ ವಿಧಾನಗಳ ನೆರವಿನಿಂದ ಮನೆಯನ್ನೂ ಇರುವೆಗಳಿಂದ ಮುಕ್ತವಾಗಿಡಬಹುದು.
- [ನೀಟ್ ಆಗಿ ನಡೆಯಲಿ ನೀಟ್ ಪರೀಕ್ಷೆ](https://mobiletime.in/2026/06/let-the-neet-exam-be-conducted-as-neet/): ಕಾರವಾರದ ಸರ್ಕಾರಿ ಕಲಾ ಮತ್ತು ವಿಜ್ಞಾನ ಪದವಿ ಕಾಲೇಜಿನಲ್ಲಿ ನೀಟ್ ಮರು ಪರೀಕ್ಷೆ ಜೂ 21ರಂದು ನಡೆಯಲಿದೆ. `ಪರೀಕ್ಷಾ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವುದರ ಜೊತೆ ಪಾರದರ್ಶಕ ಮತ್ತು ಸುವ್ಯವಸ್ಥಿತವಾಗಿ ಪರೀಕ್ಷೆ ನಡೆಸಬೇಕು’ ಎಂದು ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿರುವ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ.ಲಕ್ಷಿಪ್ರಿಯಾ ನಿರ್ದೇಶನ ನೀಡಿದ್ದಾರೆ. ಅವರು ಬುಧವಾರ ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ನಡೆದ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದ ಡೀಸಿ `ನೀಟ್ ಪರೀಕ್ಷೆಗೆ 537 ವಿದ್ಯಾರ್ಥಿಗಳು ಹಾಜರಾಗಲಿದ್ದಾರೆ. ಪರೀಕ್ಷಾ ಕೇಂದ್ರದಲ್ಲಿ ವಿದ್ಯಾರ್ಥಿಗಳಿಗೆ ಆಸನ ವ್ಯವಸ್ಥೆ, ಕುಡಿಯುವ ನೀರಿನ ವ್ಯವಸ್ಥೆ, ಶೌಚಾಲಯದಂತಹ ಮೂಲಸೌಕರ್ಯ ಒದಗಿಸಬೇಕು. ಪರೀಕ್ಷೆ ನಡೆಯುವ ದಿನದಂದು ವಿದ್ಯುತ್ ವ್ಯತ್ಯಯವಾಗದಂತೆ ಅಗತ್ಯ ಕ್ರಮ ಕೈಗೊಳ್ಳಬೇಕು. ಪರೀಕ್ಷಾ ಕೇಂದ್ರಗಳಿಗೆ ಸಕಾಲದಲ್ಲಿ ಆಗಮಿಸಲು ಬಸ್‌ಗಳ ವ್ಯವಸ್ಥೆ ಕಲ್ಪಿಸಬೇಕು. ಮಳೆ ಪ್ರಾರಂಭವಾಗಿರುವುದರಿAದ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಮುನ್ನೆಚ್ಚರಿಕೆ ವಹಿಸಬೇಕು’ ಎಂದು ಸೂಚಿಸಿದರು. ಪ್ರಶ್ನೆ ಪತ್ರಿಕೆ ಮತ್ತು ಉತ್ತರ ಪತ್ರಿಕೆ ಸಾಗಾಟದ ವಾಹನಗಳಿಗೆ ಹಾಗೂ ಎಲ್ಲಾ ಪರೀಕ್ಷಾ ಕೇಂದ್ರಗಳಿಗೆ ಪೊಲೀಸ್ ಭದ್ರತೆ ಒದಗಿಸುವಂತೆ ಪೊಲೀಸ್ ಇಲಾಖೆಗೆ ಸೂಚಿಸಿದ ಅವರು `ಎಲ್ಲಾ ಪರೀಕ್ಷಾ ಕೇಂದ್ರಗಳಿಗೆ ಮುನ್ನೆಚ್ಚರಿಕೆ ಕ್ರಮವಾಗಿ ಆರೋಗ್ಯ ಇಲಾಖೆಯಿಂದ ಸಿಬ್ಬಂದಿ ನಿಯೋಜಿಸಬೇಕು’ ಎಂದರು. ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿರುವ ಎಲ್ಲಾ ಅಧಿಕಾರಿಗಳು ತಮಗೆ ವಹಿಸಿರುವ ಜವಾಬ್ದಾರಿಯಲ್ಲಿ ಯಾವುದೇ ಲೋಪಗಳು ಕಂಡುಬಾರದAತೆ ಪರಸ್ಪರ ಸಮನ್ವಯದಿಂದ ಕರ್ತವ್ಯ ನಿರ್ವಹಿಸುವಂತೆ ಹಾಗೂ ವಿವಿಧ ಇಲಾಖೆಗಳು ಪರೀಕ್ಷೆಯ ಅವಧಿಯಲ್ಲಿ ಅಗತ್ಯ ಸಹಕಾರ ನೀಡುವಂತೆ ತಿಳಿಸಿದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಉಪ ವಿಭಾಗಾಧಿಕಾರಿ ಶ್ರವಣ ಕುಮಾರ್, ಜಿ ಪಂ ಉಪ ಕಾರ್ಯದರ್ಶಿ ಪ್ರಕಾಶ ಹಾಲಮ್ಮನವರ, ಸರ್ಕಾರಿ ಕಲಾ ಮತ್ತು ವಿಜ್ಞಾನ ಪದವಿ ಕಾಲೇಜಿನ ಪ್ರಾಂಶುಪಾಲೆ ಗೀತಾ ವಾಲೀಕರ್, ಪದವಿ ಪೂರ್ವ ಶಿಕ್ಷಣ ಇಲಾಖೆ ಉಪ ನಿರ್ದೇಶಕ ಸತೀಶ್ ನಾಯ್ಕ ಹಾಗೂ ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿರುವ ಎಲ್ಲಾ ಅಧಿಕಾರಿಗಳು ಇದ್ದರು.
- [ಸಂಸ್ಕಾರಗಳ ಸಂರಕ್ಷಣೆಗಾಗಿ ಸಂತರ ಸಾನಿಧ್ಯದಲ್ಲಿ ಸಭೆ!](https://mobiletime.in/2026/06/a-meeting-in-the-presence-of-saints-for-the-preservation-of-the-sacraments/): ಮಕ್ಕಳಲ್ಲಿ ಸಂಸ್ಕಾರ, ಶಿಸ್ತು, ನೈತಿಕ ಮೌಲ್ಯ ಮತ್ತು ಸಮಾಜಮುಖಿ ಚಿಂತನೆ ಬೆಳೆಸುವ ಉದ್ದೇಶದಿಂದ ವಿವಿಧ ಮಠಾಧಿಪತಿಗಳು ಒಂದಾಗಿದ್ದಾರೆ. ಎಲ್ಲಾ ಮಕ್ಕಳಿಗೂ ಏಕರೂಪದ ಸಾಮಾನ್ಯ ಸಂಸ್ಕಾರ ಶಿಕ್ಷಣ ಹಾಗೂ ಎಲ್ಲ ನಾಗರಿಕರಿಗೂ ಏಕರೂಪದ ಆಚಾರ ಸಂಹಿತೆ ನೀಡುವ ಬಗ್ಗೆ ಸಂತರೆಲ್ಲರೂ ಸೇರಿ ಚರ್ಚಿಸಿದ್ದಾರೆ. ಹರಿಹರಪುರ ಮಠದ ಮಠಾಧೀಶ ಸ್ವಯಂಪ್ರಕಾಶ ಸಚ್ಚಿದಾನಂದ ಶ್ರೀಗಳು, ಕೈಲಾಸಾಶ್ರಮದ ಜಯೇಂದ್ರ ಪುರಿ ಶ್ರೀಗಳು ಹಾಗೂ ಸ್ವರ್ಣವಲ್ಲೀ ಮಹಾಸಂಸ್ಥಾನದ ಮಠಾಧೀಶರಾದ ಗಂಗಾಧರೇoದ್ರ ಸರಸ್ವತೀ ಸ್ವಾಮೀಜಿಗಳ ಸಾನಿಧ್ಯದಲ್ಲಿ ನಡೆದ ಸಭೆಯಲ್ಲಿ 15ಕ್ಕೂ ಅಧಿಕ ಸಂತರು ಭಾಗವಹಿಸಿದ್ದಾರೆ. ಮನ್ನೆಲೆಮಾವು ಮಠದ ಮಾಧವಾನಂದ ಭಾರತೀ ಸ್ವಾಮೀಜಿ, ಬೆಂಗಳೂರಿನ ಕೈಲಾಸಾಶ್ರಮದ ಜಯೇಂದ್ರಪುರಿ ಸ್ವಾಮೀಜಿ, ಬಣ್ಣದ ಮಠದ ಶಿವಲಿಂಗ ಮಹಾಸ್ವಾಮೀಜಿ, ಶೀಗೇಹಳ್ಳಿ ಮಠದ ಪ್ರಣವಾನಂದ ಸ್ವಾಮೀಜಿ, ಯಡೋದಾದ ಮಾತಾ ನಿರ್ಮಲಾನಂದಾದೇವಿ, ಹಳಿಯಾಳದ ಭವೇಶಾನಂದ ಶ್ರೀಗಳು, ಸಾಲಗಾಂವದ ವಿರೂಪಾಕ್ಷೇಶ್ವರ ಮಹಾರಾಜರು, ಮುಂಡಗೋಡದ ಬೌದ್ಧ ಲಾಮಾಗಳಾದ ಗುನಡುನ್ ಗ್ಯಾಸ್ಟೋ ಹಾಗೂ ಜಂಪಾ ಲೋಬಸಂಗ್, ತಡಸದ ಮಾತಾ ನಂದಾದೇವಿ, ಹನುಮಾಪುರದ ಸೋಮಶೇಖರ ಶಿವಾಚಾರ್ಯ ಹಾಗೂ ಮುಂಡಗೋಡದ ರುದ್ರಮುನಿ ಸ್ವಾಮೀಜಿಗಳು ಸಭೆಯಲ್ಲಿ ತಮ್ಮ ಅಭಿಪ್ರಾಯ ಮಂಡಿಸಿದ್ದಾರೆ. `ಭಾರತೀಯ ಸಂಸ್ಕೃತಿಯ ಶಿಕ್ಷಣದಿಂದ ಮಕ್ಕಳು ಪರಿಪೂರ್ಣ ವ್ಯಕ್ತಿಗಳಾಗಿ ಬೆಳೆಯಲು ಸಮಾಜದ ಎಲ್ಲರ ಸಹಕಾರ ಅಗತ್ಯವಾಗಿದೆ’ ಎಂದು ಸಂತರು ಅಭಿಪ್ರಾಯಪಟ್ಟಿದ್ದಾರೆ. `ಮಕ್ಕಳ ವ್ಯಕ್ತಿತ್ವ ಸಮಗ್ರವಾಗಿ ವಿಕಸನಗೊಳ್ಳಲು ಮೌಲ್ಯಯುತವಾದ ಶಿಕ್ಷಣವನ್ನು ನೀಡುವಂತಾಗಬೇಕು. ಪ್ರಸ್ತುತ ಶಿಕ್ಷಣ ವ್ಯವಸ್ಥೆಯಲ್ಲಿ ಮಕ್ಕಳಿಗೆ ನೀಡಬೇಕಾದ ಅನೇಕ ಜೀವನ ಮೌಲ್ಯಗಳನ್ನು ನೀಡಲು ಮರೆತಿದ್ದು, ಈ ಕೊರತೆ ನೀಗಿಸಬೇಕಿದೆ’ ಎಂದು ಸಭೆಯಲ್ಲಿ ಅಭಿಪ್ರಾಯ ಕೇಳಿ ಬಂದಿದೆ. `ಭಾರತೀಯ ಸಂಸ್ಕೃತಿ, ಮೌಲ್ಯಗಳು ಹಾಗೂ ಧಾರ್ಮಿಕ ಪರಂಪರೆಯನ್ನು ಮುಂದಿನ ಪೀಳಿಗೆಗೆ ತಲುಪಿಸುವ ಅಗತ್ಯವಿದ್ದು, ಸಂಸ್ಕಾರಯುತ ಸಮಾಜ ನಿರ್ಮಾಣಕ್ಕೆ ಬಾಲ್ಯದಲ್ಲಿಯೇ ಸೂಕ್ತ ಮಾರ್ಗದರ್ಶನ ನೀಡಬೇಕು. ಈ ಶಿಕ್ಷಣ ಪದ್ಧತಿಯಲ್ಲಿ ಮಕ್ಕಳಿಗೆ ದೇಶಭಕ್ತಿ, ಧಾರ್ಮಿಕ ಸಹಿಷ್ಣುತೆ, ಹಿರಿಯರಿಗೆ ಗೌರವ, ಕುಟುಂಬ ಮೌಲ್ಯಗಳು, ನೈತಿಕತೆ, ಪರಿಸರ ಸಂರಕ್ಷಣೆ ಹಾಗೂ ಸಾಮಾಜಿಕ ಜವಾಬ್ದಾರಿ ಸೇರಿದಂತೆ ಭಾರತೀಯ ಸಂಸ್ಕೃತಿಯ ಮೂಲಭೂತ ಅಂಶಗಳನ್ನು ಪರಿಚಯಿಸಬೇಕು’ ಎಂದು ಶ್ರೀಗಳು ಹೇಳಿದ್ದಾರೆ. `ಈ ಸಂಸ್ಕಾರ ಶಿಕ್ಷಣ ಕಾರ್ಯಕ್ರಮವು ಎಂಟು ವರ್ಷಗಳ ಅವಧಿಯದ್ದಾಗಿದ್ದು, ಸಂತರ ಮಾರ್ಗದರ್ಶನದಲ್ಲಿ ವಿಶೇಷ ತರಬೇತಿ ಪಡೆದ ಬೋಧಕರಿಂದ ಪಾಠ ಬೋಧನೆ ನಡೆಯಲಿದೆ. ಹಳ್ಳಿ ಹಾಗೂ ನಗರ ಪ್ರದೇಶಗಳಲ್ಲಿ ಸಾಮಾನ್ಯ ಸಂಸ್ಕಾರ ಕೇಂದ್ರಗಳ ಮೂಲಕ ಕ್ರಮಬದ್ಧ ಶಿಕ್ಷಣ ನೀಡಲಾಗುತ್ತದೆ. ಯಾವುದೇ ಜಾತಿ, ಮತ, ಭಾಷೆ ಅಥವಾ ಸಾಮಾಜಿಕ ಬೇಧಭಾವವಿಲ್ಲದೆ ಎಲ್ಲ ಮಕ್ಕಳಿಗೂ ಸಮಾನ ವೇದಿಕೆಯಲ್ಲಿ ಶಿಕ್ಷಣ ಕಲ್ಪಿಸಲಾಗುತ್ತದೆ’ ಎಂದು ಸಭೆ ಮೂಲಕ ತಿಳಿಸಲಾಗಿದೆ. `ಈ ಶಿಕ್ಷಣದ ಅವಧಿಯನ್ನು 2ರಿಂದ 5ನೇ ತರಗತಿ ವಿದ್ಯಾರ್ಥಿಗಳಿಗೆ ಪ್ರತಿ ಶನಿವಾರ ಸಂಜೆ 4ರಿಂದ 5 ಗಂಟೆಯವರೆಗೆ ಹಾಗೂ 6ರಿಂದ 9ನೇ ತರಗತಿ ವಿದ್ಯಾರ್ಥಿಗಳಿಗೆ ಪ್ರತಿ ಭಾನುವಾರ ಸಂಜೆ 4ರಿಂದ 5 ಗಂಟೆಯವರೆಗೆ ನಿಗದಿಪಡಿಸಲಾಗಿದೆ. ಜೊತೆಗೆ ಕುಮಟಾದಲ್ಲಿ ಭಾರತೀಯ ಸಂತ ಮಹಾಪರಿಷತ್ ಆಶ್ರಯದಲ್ಲಿ ಮತ್ತೊಂದು ಕಾರ್ಯಕರ್ತರ ಸಮಾವೇಶವನ್ನು ಸಂತರ ಸಾನ್ನಿಧ್ಯದಲ್ಲಿ ಆಯೋಜಿಸುವ ಕುರಿತು ಶಿರಸಿ ಮಾರಿಕಾಂಬಾ ದೇವಸ್ಥಾನದಲ್ಲಿ ನಡೆದ ರಾಜ್ಯ ಮಟ್ಟದ ಸಂತರ ಸಭೆಯಲ್ಲಿ ನಿರ್ಣಯಿಸಲಾಗಿದೆ.
- [ಮಕ್ಕಳ ಮೇಲೆ ಜೇನು ದಾಳಿ](https://mobiletime.in/2026/06/honeybee-attack-on-children/): ಮುಂಡಗೋಡಿನ ಕರಗಿನಕೊಪ್ಪ ಗ್ರಾಮದ ಮೊರಾರ್ಜಿ ದೇಸಾಯಿ ವಸತಿ ಶಾಲೆಗೆ ಜೇನು ಹುಳುಗಳು ನುಗ್ಗಿದ್ದು, 20ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ಕಚ್ಚಿವೆ. ಸಿಬ್ಬಂದಿ ಮೇಲೆಯೂ ಜೇನು ಹುಳು ದಾಳಿ ನಡೆದಿದೆ. ಶಾಲೆಯ ಮುಖ್ಯ ಕಟ್ಟಡದಲ್ಲಿ ಜೇನುನೊಣಗಳು ದೊಡ್ಡ ಗೂಡನ್ನು ಕಟ್ಟಿಕೊಂಡಿದ್ದವು. ಮಂಗಳವಾರ ಆ ಗೂಡಿಗೆ ಕಿಡಿಗೇಡಿಯೊಬ್ಬರು ಕಲ್ಲು ಹೊಡೆದಿದ್ದು, ಹುಳುಗಳು ರೊಚ್ಚಿಗೆದ್ದವು. ಏಕಾಏಕಿ ನೂರಾರು ಜೇನು ಹುಳುಗಳು ಶಾಲಾ ಆವಾರದಲ್ಲಿದ್ದ ಮಕ್ಕಳ ಮೇಲೆ ದಾಳಿ ಮಾಡಿದವು. ವಿದ್ಯಾರ್ಥಿಗಳನ್ನು ರಕ್ಷಿಸಲು ಹೋದ ಸಿಬ್ಬಂದಿ ಮೇಲೆಯೂ ಹುಳುಗಳು ಆಕ್ರಮಣ ಮಾಡಿದವು. 20ಕ್ಕೂ ಹೆಚ್ಚು ಮಕ್ಕಳ ಜೊತೆ ಸಿಬ್ಬಂದಿ ಸಹ ನೋವಿನಿಂದ ನರಳಿದ್ದು, ಅವರೆಲ್ಲರೂ ಆಸ್ಪತ್ರೆ ಸೇರಿದರು. ಸದ್ಯ ಗಾಯಗೊಂಡ ಎಲ್ಲರಿಗೂ ಪ್ರಥಮ ಚಿಕಿತ್ಸೆ ಕೊಡಲಾಗಿದೆ. ವಿದ್ಯಾರ್ಥಿಗಳೆಲ್ಲರೂ ಚೇತರಿಸಿಕೊಳ್ಳುತ್ತಿದ್ದಾರೆ. ಮೂರು ತಾಸುಗಳ ಕಾಲ ವಿದ್ಯಾರ್ಥಿಗಳನ್ನು ಆಸ್ಪತ್ರೆಯಲ್ಲಿರಿಸಿ ನಂತರ ಬಿಡುಗಡೆ ಮಾಡಲಾಗಿದೆ.
- [ಸಾತ್ವಿಕ ಆಹಾರಕ್ಕೆ ಸಂದ ಗೌರವ](https://mobiletime.in/2026/06/respect-for-sattvic-food/): ಮಕ್ಕಳ ಬೆಳವಣಿಗೆಗೆ ಪೂರಕವಾಗಿ ಸಾತ್ವಿಕ ಆಹಾರ ಸಿದ್ಧಪಡಿಸಿಕೊಡುವ ಶಿರಸಿಯ ಪೂರ್ಣಿಮಾ ಹೆಗಡೆ ಅವರನ್ನು ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆ ಗುರುತಿಸಿದೆ. ಈ ಸಂಸ್ಥೆಯ ರಾಜ್ಯ ಸಮ್ಮೇಳನದಲ್ಲಿ ಪೂರ್ಣಿಮಾ ಹೆಗಡೆ ಅವರನ್ನು ಗೌರವಿಸಲಾಗಿದೆ. ರಾಜ್ಯದ 30 ಜಿಲ್ಲೆಗಳ ಪ್ರತಿನಿಧಿಗಳನ್ನು ಒಗ್ಗೂಡಿಸಿ ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆಯೂ ಸಮಾರಂಭವನ್ನು ಆಯೋಜಿಸಿದೆ. ಈ ವೇಳೆ ಸಂಸ್ಥೆಯ ರಜತ ಮಹೋತ್ಸವವನ್ನು ಅದ್ಧೂರಿಯಾಗಿ ನೆರವೇರಿಸಲಾಗಿದೆ. ತುಮಕೂರಿನ ಹೆಗ್ಗೆರೆ ಗಂಗಾಧರಯ್ಯ ಆಡಿಟೋರಿಯಂನಲ್ಲಿ ಕಾರ್ಯಕ್ರಮ ನಡೆದಿದ್ದು, ಆಹಾರ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಶಿರಸಿ ಬೆಳ್ಳೇಕೇರಿಯ ಪೂರ್ಣಿಮಾ ಹೆಗಡೆ ಅವರನ್ನು ಈ ವೇದಿಕೆಯಲ್ಲಿ ಗೌರವಿಸಲಾಗಿದೆ. ರೈಲ್ವೆ ಖಾತೆ ರಾಜ್ಯ ಸಚಿವ ವಿ ಸೋಮಣ್ಣ, ಸಣ್ಣ ಕೈಗಾರಿಕಾ ಸಚಿವ ಶರಣಬಸಪ್ಪ ದರ್ಶನಾಪುರ, ಸಂಸ್ಥೆಯ ಅಧ್ಯಕ್ಷೆ ಉಮಾ ರೆಡ್ಡಿ, ತುಮಕೂರು ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆ ಅಧ್ಯಕ್ಷ ಪಾಂಡುರAಗ ಕುರಾಂಡ್ವಾಡ್ ಸೇರಿ ಸಾತ್ವಿಕ್ ಫುಡ್ಸ್ ಪ್ರೈವೇಟ್ ಲಿಮಿಟೆಡ್ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಪೂರ್ಣಿಮಾ ಹೆಗಡೆ ಅವರನ್ನು ಸನ್ಮಾನಿಸಿದ್ದಾರೆ. ನಂತರ ಅವರಿಗೆ ಅತ್ಯುತ್ತಮ ಮಹಿಳಾ ಉದ್ಯಮಿ ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲಾ ಚೇಂಬರ್ ಆಫ್ ಕಾಮರ್ಸ್ ಅಧ್ಯಕ್ಷ ಎಂ ಎಂ ಭಟ್ ಹಾಗೂ ಕಾರ್ಯದರ್ಶಿ ಗಣೇಶ್ ಹೆಗಡೆ ಅವರು ಈ ಘಳಿಗೆಗೆ ಸಾಕ್ಷಿಯಾಗಿದ್ದಾರೆ.
- [ಸರಣಿ ಅಪಘಾತದಿಂದ ಆದ ಸಾವು!](https://mobiletime.in/2026/06/death-due-to-a-series-of-accidents/): ಜೊಯಿಡಾದ ರಾಮನಗರದ ಬಳಿ ನಾಲ್ಕು ವಾಹನಗಳ ನಡುವೆ ಒಟ್ಟಿಗೆ ಅಪಘಾತ ನಡೆದಿದೆ. ಈ ಸರಣಿ ಅಪಘಾತದಲ್ಲಿ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದು, ಏಳು ಜನ ಗಾಯಗೊಂಡಿದ್ದಾರೆ. ರಾಮನಗರ ಸಮೀಪದ ಜಗಲಬೆಟ್ ಸಮೀಪ ನಾಲ್ಕು ವಾಹನಗಳ ನಡುವೆ ಡಿಕ್ಕಿಯಾಗಿದೆ. ಕಾರವಾರ – ರಾಮನಗರ ರಸ್ತೆಯ ಕೃಷ್ಣ ದೇವಸ್ಥಾನದ ಅಪಾಯಕಾರಿ ತಿರುವಿನಲ್ಲಿ ಈ ಅವಘಡ ನಡೆದಿದೆ. ಅಪಘಾತಕ್ಕೆ ಟಿಪ್ಪರ್ ಕಾರಣವಾಗಿದ್ದು, ಆ ಟಿಪ್ಪರ್ ಚಾಲಕ ಅಲ್ಲಿಯೇ ಸಾವನಪ್ಪಿದ್ದಾರೆ. ಹೆದ್ದಾರಿಯಲ್ಲಿ ವೇಗವಾಗಿ ಚಲಿಸುತ್ತಿದ್ದ ಟಿಪ್ಪರ್‌ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯಲ್ಲಿದ್ದ ನಿಸ್ಸಾನ್ ಕಾರು, ಬೊಲೆರೊ ಜೀಪಿಗೆ ಗುದ್ದಿದೆ. ಅದಾದ ನಂತರ ಆ ಟಿಪ್ಪರ್ ಬೈಕಿಗೆ ಡಿಕ್ಕಿ ಹೊಡೆದಿದೆ. ಕುಮಟಾ ಮೂಲದ ಟಿಪ್ಪರ್ ಚಾಲಕ ಬಾಬು ಅವರು ರಕ್ತದ ಮೊಡವಿನಲ್ಲಿ ಬಿದ್ದು ಕೊನೆಯುಸಿರೆಳೆದಿದ್ದಾರೆ. ಈ ಸರಣಿ ಅಪಘಾತದಲ್ಲಿ ವಿವಿಧ ವಾಹನಗಳಲ್ಲಿದ್ದ ಒಟ್ಟು ಏಳು ಜನರಿಗೆ ಗಾಯವಾಗಿದೆ. ಅಪಘಾತದ ಸದ್ದು ಕೇಳಿ ಜನ ಜಮಾಯಿಸಿದ್ದು, ರಕ್ಷಣಾ ಕಾರ್ಯಾಚರಣೆ ನಡೆಸಿದ್ದಾರೆ. ಗಾಯಾಳುಗಳನ್ನು ಮೊದಲು ರಾಮನಗರ ಆಸ್ಪತ್ರೆಗೆ ದಾಖಲಿಸಿದ್ದು, ಗಂಭೀರವಾಗಿ ಗಾಯಗೊಂಡವರನ್ನು ಹುಬ್ಬಳ್ಳಿ ಹಾಗೂ ಬೆಳಗಾವಿ ಆಸ್ಪತ್ರೆಗೆ ಸಾಗಿಸಲಾಗಿದೆ. ಅಪಘಾತದ ಪರಿಣಾಮ ರಸ್ತೆ ಸಂಚಾರ ಅಸ್ತವ್ಯಸ್ಥವಾಗಿದ್ದು, ಪೊಲೀಸರು ಅಪಘಾತಕ್ಕೀಡಾದ ವಾಹನಗಳನ್ನು ಬದಿಗೆ ಸರಿಸಿದ್ದಾರೆ.  
- [ಮುಂಡಗೋಡ: ಬಡ್ಡಿಮಕ್ಕಳಿಗೆ ಈ ಜೈಲಿನಲ್ಲಿಯೂ ಜಾಗವಿಲ್ಲ!](https://mobiletime.in/2026/06/mundagoda-there-is-no-place-for-the-kids-of-the-gang-even-in-this-prison/): ಮೀಟರ್ ಬಡ್ಡಿ ಜೊತೆ ಕೊಲೆ, ಕೊಲೆ ಯತ್ನ ಸೇರಿ ವಿವಿಧ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಮುಂಡಗೋಡಿನ ವ್ಯಕ್ತಿಗಳಿಬ್ಬರನ್ನು ಪೊಲೀಸರು ಬಂಧಿಸಿದ್ದು, ಅವರನ್ನು ಕಾರವಾರದಿಂದ ಬಳ್ಳಾರಿ ಜೈಲಿಗೆ ಸಾಗಿಸಿದ್ದಾರೆ. ಗಾಂಧೀನಗರದ ಸಂಜು ನವಲೆ ಹಾಗೂ ಗುಂಜಾವತಿಯ ಶಬ್ಬೀರ ಮಸ್ತಮದಾನಿ ಅವರ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಗಾಂಧೀನಗರದ ಸಂಜು ಅರ್ಜುನ ನವಲೆ (24) ಹಾಗೂ ಗುಂಜಾವತಿ ನಿವಾಸಿ ಶಬ್ಬೀರ್ ತಂದೆ ಸತ್ತಾರಸಾಬ ಮಸ್ತಮದಾನಿ (34) ವಿರುದ್ಧ ಹಲವು ಅಪರಾಧ ಪ್ರಕರಣಗಳು ದಾಖಲಾಗಿದ್ದವು. ಅವರಿಬ್ಬರ ಮೇಲೆಯೂ ಪೊಲೀಸರು ರೌಡಿ ಶೀಟರ್ ದಾಖಲು ಮಾಡಿದ್ದರು. ಸಂಜು ನವಲೆ ವಿರುದ್ಧ ದರೋಡೆ, ಎರಡು ಕೊಲೆ, ಸಾರ್ವಜನಿಕ ಸ್ಥಳದಲ್ಲಿ ಗಲಾಟೆ ಹಾಗೂ ಕೊಲೆ ಯತ್ನ ಸೇರಿದಂತೆ ಒಟ್ಟು ಐದು ಪ್ರಕರಣಗಳಿದ್ದವು. 2021ರಿಂದ ರೌಡಿ ಶೀಟರ್ ಪಟ್ಟಿ ಸೇರಿದರೂ ಅಪರಾಧ ಚಟುವಟಿಕೆಗಳನ್ನು ಮುಂದುವರೆಸಿದ ಕಾರಣ ಪೊಲೀಸರು ನಿಗಾವಹಿಸಿದ್ದರು. ಶಬ್ಬೀರ್ ಮಸ್ತಮದಾನಿ ವಿರುದ್ಧ ಹಲ್ಲೆ, ಕೊಲೆ ಯತ್ನ, ಕೊಲೆ, ದೊಂಬಿ ಹಾಗೂ ಬಲವಂತದ ಹಣ ವಸೂಲಿ ಸೇರಿದಂತೆ ಒಟ್ಟು ಎಂಟು ಪ್ರಕರಣಗಳಿದ್ದವು. 2019ರಲ್ಲಿ ಶಬ್ಬೀರ್ ಮಸ್ತಮದಾನಿ ರೌಡಿ ಪಟ್ಟಿ ಸೇರಿದ್ದು, ಪೊಲೀಸರು ಎಚ್ಚರಿಕೆ ನೀಡಿದರೂ ಕಾನೂನುಬಾಹಿರ ಕೆಲಸಗಳು ಮಾತ್ರ ಕಡಿಮೆ ಆಗಿರಲಿಲ್ಲ. ಹೀಗಾಗಿ ಅವರಿಬ್ಬರ ವಿರುದ್ಧವೂ ಗುಂಡಾ ಕಾಯ್ದೆಯಡಿ ಕ್ರಮ ಕೈಗೊಳ್ಳುವಂತೆ ಮುಂಡಗೋಡ ಪೊಲೀಸ್ ಠಾಣೆಯ ಅಧಿಕಾರಿಗಳು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಅವರಿಗೆ ಪ್ರಸ್ತಾವನೆ ಸಲ್ಲಿಸಿದ್ದರು. ಬಳಿಕ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ಜಿಲ್ಲಾಧಿಕಾರಿಗಳಿಗೆ ವರದಿ ಸಲ್ಲಿಸಿದ ಹಿನ್ನೆಲೆಯಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಕರ್ನಾಟಕ ಅಪಾಯಕಾರಿ ಚಟುವಟಿಕೆಗಳ ಪ್ರತಿಬಂಧಕ ಅಧಿನಿಯಮದಡಿ ಅವರಿಬ್ಬರನ್ನು ಬಂಧಿಸಿ ಬಳ್ಳಾರಿ ಜೈಲಿಗೆ ಕಳುಹಿಸಲು ಆದೇಶಿಸಿದ್ದಾರೆ. ಅದರಂತೆ ಜೂನ್ 9ರಂದು ಅವರಿಬ್ಬರನ್ನು ಬಂಧಿಸಿ ಬಳ್ಳಾರಿ ಕೇಂದ್ರ ಕಾರಾಗೃಹಕ್ಕೆ ರವಾನಿಸಲಾಗಿದೆ.
- [ವಯಸ್ಸಾದರೂ ಬುದ್ದಿ ಬಂದಿಲ್ಲ!](https://mobiletime.in/2026/06/even-though-im-old-i-havent-lost-my-mind/): ದುಡಿದು ತಿನ್ನಲು ತ್ರಾಣವಿಲ್ಲದ ಕಾರಣ ಗಾಂಜಾ ಮಾರಾಟದಿಂದ ಬದುಕು ರೂಪಿಸಿಕೊಳ್ಳಲು ಹೊರಟಿದ್ದ ಯಲ್ಲಾಪುರದ ದೊಡ್ಡಯಲವಳ್ಳಿಯ ಬಯ್ಯಾ ಕೋಕರೆ ಪೊಲೀಸರ ಅತಿಥಿಯಾಗಿದ್ದಾರೆ. 50 ಸಾವಿರ ರೂ ಮೌಲ್ಯದ ಗಾಂಜಾಹಿಡಿದು ಗಿರಾಕಿ ಹುಡುಕುತ್ತಿದ್ದ ಬಯ್ಯಾ ಕೋಕರೆ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಯಲ್ಲಾಪುರದ ತಾಲೂಕಿನ ದೊಡ್ಡಯಲವಳ್ಳಿಯಲ್ಲಿ ಬಯ್ಯಾ ವಾಗು ಕೋಕರೆ ಅವರು ವಾಸವಾಗಿದ್ದರು. 64 ವರ್ಷದ ಅವರು ಗಾಂಜಾ ಮಾರಾಟ ಮಾಡಿ ಬದುಕುವ ನಿರ್ಧಾರ ಮಾಡಿದ್ದರು. ಬುಧವಾರ ಬೆಳಗ್ಗೆ 860 ಗ್ರಾಂ ಗಾಂಜಾಹಿಡಿದು ಅವರು ದೊಡ್ಡಯಲವಳ್ಳಿಯ ತಿರುವಿನಲ್ಲಿ ನಿಂತಿದ್ದರು. ಅಲ್ಲಿ ಬರುವ ಜನರನ್ನು ಮಾತನಾಡಿಸಿ, ಗಾಂಜಾ ಸೇವಿಸುವಂತೆ ಪ್ರಚೋದಿಸುತ್ತಿದ್ದರು. ಅಜ್ಜನ ಅಕ್ರಮದ ವಿರುದ್ಧ ಅಲ್ಲಿನವರೊಬ್ಬರು ಪೊಲೀಸರಿಗೆ ಫೋನ್ ಮಾಡಿದರು. ವಯಸ್ಸಾದರೂ ಬುದ್ದಿ ಬರದ ಅಜ್ಜ ಯುವ ಜನರ ಹಾದಿ ತಪ್ಪಿಸುತ್ತಿರುವುದಾಗಿ ಜನ ದೂರಿದರು. ತಡಮಾಡದ ಪೊಲೀಸರು ಈ ಬಗ್ಗೆ ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ ಹಾಗೂ ಶಿರಸಿ ಉಪವಿಭಾಗದ ಡಿವೈಎಸ್ಪಿ ಗೀತಾ ಪಾಟೀಲ್ ಹಾಗೂ ಪಿಐ ರಮೇಶ ಹಾನಾಪುರ ಅವರ ಸೂಚನೆ ಮೇರೆಗೆ ಪಿಸೈ ರಾಜಶೇಖರ ವಂದಲಿ ಅವರ ತಂಡ ದೊಡ್ಡಯಲವಳ್ಳಿ ಕಡೆ ಚಲಿಸಿತು. ಪಿಸೈ ಸಿದ್ದಪ್ಪ ಗುಡಿ, ಮಹಾವೀರ ಕಾಂಬಳೆ, ಶೇಡಜಿ ಚವ್ಹಾಣ, ಎಎಸ್‌ಐ ಶರಣಬಸವ, ಪೊಲೀಸ್ ಸಿಬ್ಬಂದಿ ದೀಪಕ ಸೋಮವಂಶಿ, ಉಮೇಶ ತುಂಬರಗಿ, ಸಿಪಿಸಿ ಸಂತೋಷ ಬಾಳೇರ, ಸುರೇಶ ಕಂಟ್ರಾಕ್ಟರ್, ಬಸವರಾಜ ಡಿಕೆ, ಕೆ ಎಚ್ ಮಾರುತಿ ಸೇರಿ ಆರೋಪಿಯನ್ನು ಬಂಧಿಸಿದರು.
- [ಬದುಕಿದ್ದವರನ್ನೂ ಸಾಯಿಸಿದ ಗ್ಯಾರಂಟಿ ಸರ್ಕಾರ!](https://mobiletime.in/2026/06/the-government-guaranteed-to-kill-even-those-who-were-alive/): ಗೃಹಲಕ್ಷ್ಮೀ ಯೋಜನೆ ಅಡಿ ಫಲಾನುಭವಿ ಖಾತೆಗೆ ಜಮಾ ಆಗಬೇಕಿದ್ದ ಹಣ ಉಳಿಸುವುದಕ್ಕಾಗಿ ಸರ್ಕಾರ ಇದೀಗ ಹೊಸ ಐಡಿಯಾ ಮಾಡಿದೆ. ಬದುಕಿರುವವರನ್ನು ಸಹ ದಾಖಲೆಗಳ ಪ್ರಕಾರ ಸಾಯಿಸಿ, ಅವರ ಖಾತೆಗೆ ಬರಬೇಕಿದ್ದ ಹಣವನ್ನು ಉಳಿಸುತ್ತಿದೆ! ಕುಮಟಾದ ರಾಧಾ ಹೆಗಡೆ ಅವರು ಬದುಕಿದ್ದರೂ ಸರ್ಕಾರ ದಾಖಲೆಗಳ ಪ್ರಕಾರ ಅವರನ್ನು ಸಾಯಿಸಿದೆ. ಆ ಮೂಲಕ ಅವರ ಖಾತೆಗೆ ಜಮಾ ಆಗಬೇಕಿದ್ದ ಗೃಹಲಕ್ಷ್ಮೀ ಹಣವನ್ನು ಉಳಿಸಿಕೊಂಡಿದೆ. ಕುಮಟಾ ಚಿತ್ರಗಿಯ ರಾಧಾ ವಿಷ್ಣು ಹೆಗಡೆ ಹೆಗಡೆ ಅವರು ಗೃಹಲಕ್ಷ್ಮೀ ಯೋಜನೆಯ ಫಲಾನುಭವಿ ಆಗಿದ್ದರು. ಎಲ್ಲರ ಹಾಗೇ ಅವರಿಗೂ ಮಾಸಿಕ 2 ಸಾವಿರ ರೂ ಬರುತ್ತಿತ್ತು. ಆದರೆ, ಕಳೆದ ಐದು ತಿಂಗಳಿನಿoದ ಅವರ ಖಾತೆಗೆ ಹಣ ಜಮಾ ಆಗಿರಲಿಲ್ಲ. ಈ ಬಗ್ಗೆ ಅವರು ಅಲ್ಲಲ್ಲಿ ವಿಚಾರಿಸಿದಾಗ ಅವರ ಸಾವಿನ ಸಂಗತಿ ಅವರ ಗಮನಕ್ಕೆ ಬಂದಿತು. ನುಡಿದಂತೆ ನಡೆಯುವುದಾಗಿ ಹೇಳಿದ ಸರ್ಕಾರ 2 ಸಾವಿರ ರೂ ಹಣ ಉಳಿಸುವುದಕ್ಕಾಗಿ ಜೀವಂತವಾಗಿರುವವರನ್ನೇ ಸಾಯಿಸಿರುವುದನ್ನು ನೋಡಿ ರಾಧಾ ಹೆಗಡೆ ಅವರು ಆಘಾತಕ್ಕೆ ಒಳಗಾದರು. `ತಾನೂ ಇನ್ನು ಬದುಕಿದ್ದೇನೆ’ ಎಂದು ಸಾಭೀತು ಮಾಡುವುದಕ್ಕಾಗಿ ಅವರು ಇದೀಗ ಹೋರಾಟ ಶುರು ಮಾಡಿದ್ದಾರೆ. ಶಾಸಕ ದಿನಕರ ಶೆಟ್ಟಿ ಅವರನ್ನು ಭೇಟಿಯಾಗಿ ತಾನೂ ಬದುಕಿರುವ ಬಗ್ಗೆ ಪ್ರಮಾಣ ಮಾಡಿದ್ದಾರೆ! ಸರ್ಕಾರ ತನ್ನನ್ನು ಸಾಯಿಸಿರುವ ಬಗ್ಗೆ ರಾಧಾ ಹೆಗಡೆ ಅವರು ಮೊದಲು ಪುರಸಭೆ ಮಾಜಿ ಅಧ್ಯಕ್ಷ ಸಂತೋಷ ನಾಯ್ಕ ಅವರ ಬಳಿ ಹೇಳಿದರು. ಈ ವಿಷಯದಿಂದ ಆಘಾತಕ್ಕೆ ಒಳಗಾದ ಸಂತೋಷ ನಾಯ್ಕ ಅವರು ರಾಧಾ ಹೆಗಡೆ ಅವರನ್ನು ಶಾಸಕರ ಮುಂದೆ ಕರೆದೊಯ್ದರು. ಶಾಸಕರು ಸಹ ಸರ್ಕಾರದ ವಿಚಿತ್ರ ನಡೆಯನ್ನು ನೋಡಿ ಗಲಿಬಿಲಿಗೊಂಡರು. ದಿನಕರ ಶೆಟ್ಟಿ ಅವರೇ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಗೆ ಫೋನ್ ಮಾಡಿ ರಾಧಾ ಹೆಗಡೆ ಅವರ ಬಗ್ಗೆ ವಿಚಾರಿಸಿದಾಗ ಅಲ್ಲಿನ ಅಧಿಕಾರಿಯವರು ರಾಧಾ ಹೆಗಡೆ ಅವರು ಸಾವನಪ್ಪಿರುವ ವಿಷಯ ತಿಳಿಸಿದರು. ಕಣ್ಣ ಮುಂದೆಯೇ ರಾಧಾ ಹೆಗಡೆ ಅವರು ನಿಂತಿರುವಾಗ ಅವರು ಸಾವನಪ್ಪಿರುವ ಬಗ್ಗೆ ಅಧಿಕಾರಿಗಳು ಆಡಿದ ಮಾತು ಕೇಳಿ ಶಾಸಕರು ಸಹ ತಬ್ಬಿಬ್ಬಾದರು. `ನಾನು ಬಡವೆ. ನನಗೆ ಹಣ ಬರವಂತೆ ಮಾಡಿಕೊಡಿ’ ಎಂದು ರಾಧಾ ಹೆಗಡೆ ಅವರು ಶಾಸಕರಲ್ಲಿ ವಿನಂತಿಸಿದ್ದು, ಮತ್ತೆ ಅಧಿಕಾರಿಗಳನ್ನು ಸಂಪರ್ಕಿಸಿದ ದಿನಕರ ಶೆಟ್ಟಿ ಅವರು `ರಾಧಾ ಹೆಗಡೆ ಅವರು ಸತ್ತಿಲ್ಲ. ಅವರ ಖಾತೆಗೆ ಹಣ ಬಿಡುಗಡೆ ಮಾಡಿ’ ಎಂದು ಸೂಚಿಸಿದರು. `ಬದುಕಿದ್ದರೂ ಸಾವನಪ್ಪಿದ ಬಗ್ಗೆ ದಾಖಲಿಸಿದವರಿಗೆ ಶಿಕ್ಷೆಯಾಗಬೇಕು’ ಎಂದು ರಾಧಾ ಹೆಗಡೆ ಅವರು ಆಗ್ರಹಿಸಿದರು.
- [ತೂಕ ಇಳಿಸಲು  ಊಟ ಬಿಡೋದು  ಲಾಭನಾ ? ನಷ್ಟನಾ ??](https://mobiletime.in/2026/06/is-skipping-meals-to-lose-weight-beneficial-or-detrimental/): ತೂಕ ಇಳಿಸಿಕೊಳ್ಳುವ ಕನಸು ಬಹುತೇಕರದು. ಅದಕ್ಕಾಗಿ ಕೆಲವರು ಜಿಮ್‌ಗೆ ಹೋಗುತ್ತಾರೆ, ಕೆಲವರು ಡಯಟ್ ಮಾಡುತ್ತಾರೆ. ಆದರೆ ಇನ್ನೂ ಕೆಲವರು “ರಾತ್ರಿ ಊಟವನ್ನೇ ಬಿಟ್ಟರೆ ಸಾಕು, ತೂಕ ಬೇಗ ಕಡಿಮೆಯಾಗುತ್ತದೆ” ಎಂದು ನಂಬುತ್ತಾರೆ. ಹೀಗಾಗಿ ರಾತ್ರಿ ಹಸಿವಿದ್ದರೂ ಊಟ ಮಾಡದೆ ನೇರವಾಗಿ ಮಲಗಿಬಿಡುತ್ತಾರೆ. ಆದರೆ ಈ ಅಭ್ಯಾಸ ನಿಜವಾಗಿಯೂ ತೂಕ ಇಳಿಕೆಗೆ ಸಹಾಯ ಮಾಡುತ್ತದೆಯೇ? ಅಥವಾ ಆರೋಗ್ಯಕ್ಕೆ ತೊಂದರೆ ಉಂಟುಮಾಡುತ್ತದೆಯೇ?   ನಮ್ಮ ದೇಹಕ್ಕೆ ನಿರಂತರವಾಗಿ ಶಕ್ತಿ ಬೇಕಾಗುತ್ತದೆ. ದಿನವಿಡೀ ಕೆಲಸ ಮಾಡಿದ ನಂತರ ರಾತ್ರಿ ಸಮಯದಲ್ಲಿ ದೇಹ ವಿಶ್ರಾಂತಿ ಪಡೆಯುತ್ತದೆ. ಆದರೆ ಆ ಸಮಯದಲ್ಲೂ ದೇಹದ ಒಳಾಂಗಗಳು ತಮ್ಮ ಕೆಲಸವನ್ನು ನಿಲ್ಲಿಸುವುದಿಲ್ಲ. ನೀವು ಊಟ ಮಾಡದೇ ಮಲಗಿದರೆ, ದೇಹಕ್ಕೆ ಅಗತ್ಯವಾದ ಶಕ್ತಿಯನ್ನು ಪಡೆಯಲು ಅದು ಈಗಾಗಲೇ ಸಂಗ್ರಹಿಸಿರುವ ಶಕ್ತಿಯನ್ನೇ ಬಳಸಲು ಆರಂಭಿಸುತ್ತದೆ. ಇದರಿಂದ ಕೆಲವರಿಗೆ ಆರಂಭದಲ್ಲಿ ತೂಕ ಕಡಿಮೆಯಾಗುತ್ತಿರುವಂತೆ ಕಾಣಬಹುದು. ಆದರೆ ಇದೇ ಅಭ್ಯಾಸವನ್ನು ದೀರ್ಘಕಾಲ ಮುಂದುವರಿಸಿದರೆ ಬೇರೆ ಸಮಸ್ಯೆಗಳೂ ಎದುರಾಗಬಹುದು. ಹಸಿವಿನೊಂದಿಗೆ ಮಲಗುವುದು ಸುಲಭವಲ್ಲ. ಹೊಟ್ಟೆ ಖಾಲಿ ಇದ್ದಾಗ ಕೆಲವರಿಗೆ ನಿದ್ರೆ ಸರಿಯಾಗಿ ಬರುವುದಿಲ್ಲ. ಮಧ್ಯರಾತ್ರಿ ಎಚ್ಚರವಾಗುವುದು, ಬೆಳಿಗ್ಗೆ ಎದ್ದಾಗ ಸುಸ್ತು ಕಾಣಿಸಿಕೊಳ್ಳುವುದು ಅಥವಾ ಕಿರಿಕಿರಿ ಆಗುವುದು ಸಾಮಾನ್ಯ. ಉತ್ತಮ ನಿದ್ರೆ ಸಿಗದಿದ್ದರೆ ದೇಹದ ಚಯಾಪಚಯ ಕ್ರಿಯೆಯ ಮೇಲೂ ಪರಿಣಾಮ ಬೀರುತ್ತದೆ. ಇದರಿಂದ ತೂಕ ಇಳಿಯುವ ಬದಲು ಹೆಚ್ಚಾಗುವ ಸಾಧ್ಯತೆಯೂ ಇದೆ.   ರಾತ್ರಿ ಊಟ ಬಿಟ್ಟವರಲ್ಲಿ ಮತ್ತೊಂದು ಸಾಮಾನ್ಯ ಸಮಸ್ಯೆ ಎಂದರೆ ಬೆಳಗ್ಗೆ ಅಥವಾ ಮರುದಿನ ಅತಿಯಾಗಿ ತಿನ್ನುವುದು. ದೀರ್ಘ ಸಮಯ ಹಸಿದಿರುವುದರಿಂದ ದೇಹ ಹೆಚ್ಚು ಆಹಾರಕ್ಕಾಗಿ ಬೇಡಿಕೆ ಇಡುತ್ತದೆ. ಪರಿಣಾಮವಾಗಿ ನಿಯಂತ್ರಣವಿಲ್ಲದೆ ಹೆಚ್ಚು ಕ್ಯಾಲೊರಿಗಳನ್ನು ಸೇವಿಸುವ ಸಾಧ್ಯತೆ ಹೆಚ್ಚಾಗುತ್ತದೆ. ಎಲ್ಲರಿಗೂ ಒಂದೇ ನಿಯಮ ಅನ್ವಯಿಸುವುದಿಲ್ಲ ಕೆಲವರು ವೈದ್ಯರ ಸಲಹೆಯಂತೆ ಅಥವಾ ನಿರ್ದಿಷ್ಟ ಆಹಾರ ಪದ್ಧತಿಯ ಭಾಗವಾಗಿ ರಾತ್ರಿ ಬೇಗ ಊಟ ಮಾಡಿ ನಂತರ ಏನನ್ನೂ ತಿನ್ನದೇ ಇರಬಹುದು. ಆದರೆ ಇದು ರಾತ್ರಿ ಊಟವನ್ನೇ ಸಂಪೂರ್ಣವಾಗಿ ಬಿಟ್ಟುಬಿಡುವುದಕ್ಕಿಂತ ಭಿನ್ನವಾಗಿದೆ. ಮಧುಮೇಹ, ರಕ್ತದೊತ್ತಡ ಅಥವಾ ಇತರ ಆರೋಗ್ಯ ಸಮಸ್ಯೆಗಳಿರುವವರು ಊಟದ ಸಮಯದಲ್ಲಿ ದೊಡ್ಡ ಬದಲಾವಣೆ ಮಾಡುವ ಮೊದಲು ವೈದ್ಯರ ಸಲಹೆ ಪಡೆಯುವುದು ಉತ್ತಮ.   ಹಾಗಾದರೆ ಸರಿಯಾದ ಮಾರ್ಗ ಯಾವುದು? ತೂಕ ಇಳಿಸಿಕೊಳ್ಳಲು ರಾತ್ರಿ ಊಟ ಬಿಡುವುದಕ್ಕಿಂತ ಹಗುರವಾದ ಮತ್ತು ಪೌಷ್ಟಿಕಾಂಶಯುಕ್ತ ಆಹಾರ ಸೇವಿಸುವುದು ಉತ್ತಮ. ತರಕಾರಿ, ಹಣ್ಣು, ಪ್ರೋಟೀನ್‌ಯುಕ್ತ ಆಹಾರ ಹಾಗೂ ನಿಯಮಿತ ವ್ಯಾಯಾಮ ತೂಕ ನಿಯಂತ್ರಣಕ್ಕೆ ಹೆಚ್ಚು ಸಹಕಾರಿಯಾಗುತ್ತವೆ. “ರಾತ್ರಿ ಊಟ ಬಿಟ್ಟರೆ ತೂಕ ಕಡಿಮೆಯಾಗುತ್ತದೆ” ಎಂಬುದು ಸಂಪೂರ್ಣ ಸತ್ಯವಲ್ಲ. ಕೆಲವರಿಗೆ ತಾತ್ಕಾಲಿಕವಾಗಿ ಲಾಭ ಕಂಡರೂ, ಎಲ್ಲರಿಗೂ ಇದು ಆರೋಗ್ಯಕರ ವಿಧಾನವಾಗುವುದಿಲ್ಲ. ತೂಕ ಇಳಿಸಿಕೊಳ್ಳುವ ನಿಜವಾದ ರಹಸ್ಯ ಊಟ ಬಿಡುವುದರಲ್ಲಿ ಅಲ್ಲ, ಸರಿಯಾದ ಆಹಾರ ಪದ್ಧತಿ ಮತ್ತು ಆರೋಗ್ಯಕರ ಜೀವನಶೈಲಿಯನ್ನು ಅಳವಡಿಸಿಕೊಳ್ಳುವುದರಲ್ಲಿ ಇದೆ.
- [ದಿಢೀರ್ ಆಗಿ ದುಡುಕು ನಿರ್ಧಾರ: ಹಾಸ್ಟೇಲ್ ವಿದ್ಯಾರ್ಥಿಯ ಬದುಕು ಅಂತ್ಯ!](https://mobiletime.in/2026/06/a-sudden-rash-decision-the-life-of-a-hostel-student-ends/): ಸಿದ್ದಾಪುರದ ಕಾನಸೂರಿನ ಇಂದಿರಾಗಾoಧಿ ವಸತಿ ಶಾಲೆಯ ವಿದ್ಯಾರ್ಥಿಯೊಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಇಲ್ಲಿ 10ನೇ ತರಗತಿ ಓದುತ್ತಿದ್ದ ಗೋಕುಲ ಗೌಡ ಅವರು ದಿಢೀರ್ ಆಗಿ ದುಡುಕು ನಿರ್ಧಾರ ಮಾಡಿದ್ದಾರೆ. ಸಿದ್ದಾಪುರ ತಾಲೂಕಿನ ಹಾರ್ಸಿಕಟ್ಟಾ ಬಳಿಯ ಹುತಗಾರದಲ್ಲಿ ಕೃಷ್ಣ ಗೌಡ ಅವರು ವಾಸವಾಗಿದ್ದು, ಅವರು ತಮ್ಮ ಪುತ್ರ ಗೋಕುಲ ಗೌಡ ಅವರನ್ನು ಹಾಸ್ಟೇಲಿಗೆ ಹಾಕಿದ್ದರು. 15 ವರ್ಷದ ಗೋಕುಲ ಗೌಡ ಅವರು ಕಾನಸೂರಿನ ಇಂದಿರಾಗಾoಧಿ ವಸತಿ ಶಾಲೆಯಲ್ಲಿ 10ನೇ ತರಗತಿ ಓದುತ್ತಿದ್ದರು. ಎಲ್ಲರ ಜೊತೆ ಅನ್ಯೋನ್ಯವಾಗಿಯೇ ಇದ್ದ ಗೋಕುಲ ಗೌಡ ಅವರು ಮಂಗಳವಾರ ಕೊಂಚ ಮಂಕಾಗಿದ್ದರು. ಸಂಜೆ ಶಾಲಾ ಆವರಣದಲ್ಲಿನ ಬಟ್ಟೆ ಒಣಗಿಸುವ ಕೋಣೆಗೆ ಹೋದ ಅವರು ಅಲ್ಲಿಯೇ ನೇಣಿಗೆ ಶರಣಾದರು. ಗೋಕುಲ ಗೌಡ ಅವರ ಆತ್ಮಹತ್ಯೆ ನಿರ್ಧಾರಕ್ಕೆ ಕಾರಣ ಗೊತ್ತಾಗಲಿಲ್ಲ. ಗೆಳೆಯನನ್ನು ಕಳೆದುಕೊಂಡ ಸಹಪಾಠಿಗಳು ಆತಂಕಕ್ಕೆ ಒಳಗಾಗಿದ್ದು, ಶಿಕ್ಷಕರಿಗೂ ಈ ಸಾವಿನ ಸುದ್ದಿ ಆಘಾತ ಮೂಡಿಸಿದೆ. ಸಾವನಪ್ಪಿದ ವಿದ್ಯಾರ್ಥಿ ಪೋಷಕರು ಶಾಲೆಗೆ ಭೇಟಿ ನೀಡಿದ್ದಾರೆ. ಪೊಲೀಸರು ಸ್ಥಳಕ್ಕೆ ಆಗಮಿಸಿದ್ದು, ವಿಚಾರಣೆ ನಡೆಸಿದ್ದಾರೆ.  
- [ಕಾರವಾರ: ಮತ್ತೊಂದು ದೇಗುಲದಲ್ಲಿ ದರೋಡೆ!](https://mobiletime.in/2026/06/karwar-robbery-at-another-temple/): ವರ್ಷಕ್ಕೆ ಒಮ್ಮೆ ಮಾತ್ರ ಬಾಗಿಲು ತೆರೆಯುವ ಕಾರವಾರದ ಹಣಕೋಣದ ಸಾತೇರಿ ದೇವಾಲಯದ ಪಕ್ಕದಲ್ಲಿರುವ ಚಣಕಾದೇವಿ ದೇಗುಲಕ್ಕೆ ಕಳ್ಳರು ನುಗ್ಗಿದ್ದಾರೆ. ದೇವಾಲಯದ ದೀಪಗಳನ್ನು ಕಳ್ಳರು ಕದ್ದಿದ್ದಾರೆ. ಕಾರವಾರದ ಹಣಕೋಣದಲ್ಲಿ ಅನಾಧಿಕಾಲದಿಂದಲೂ ಸಾತೇರಿ ದೇವಿ ನೆಲೆಸಿದ್ದು, ವರ್ಷಕ್ಕೆ ಒಮ್ಮೆ ಇಲ್ಲಿ ಅದ್ಧೂರಿ ಜಾತ್ರೆ ನಡೆಯುತ್ತದೆ. ಜಾತ್ರಾ ಅವಧಿಯ 7 ದಿನಗಳ ಕಾಲ ಮಾತ್ರ ಇಲ್ಲಿ ದೇವಾಲಯದ ಬಾಗಿಲು ತೆರೆಯುತ್ತದೆ. ಸ್ವಯಂ ಚಾಲಿತವಾಗಿ ದೇವಾಲಯದ ಬಾಗಿಲು ತೆರೆಯುತ್ತದೆ ಎಂಬುದು ಭಕ್ತರ ನಂಬಿಕೆ. ಜಾತ್ರೆ ಅವಧಿಯಲ್ಲಿ ಲಕ್ಷಾಂತರ ಭಕ್ತರು ಬರಲಿದ್ದು, ನೆರೆರಾಜ್ಯ-ವಿದೇಶದಲ್ಲಿಯೂ ದೇವಿ ಭಕ್ತರು ನೆಲೆಸಿದ್ದಾರೆ. ಸಾತೇರಿ ದೇಗುಲದ ಪಕ್ಕದಲ್ಲಿ ಚಣಕಾದೇವಿ ದೇಗುಲವಿದ್ದು, ಆ ದೇವಾಲಯಕ್ಕೆ ನುಗ್ಗಿದ ಕಳ್ಳರು 16 ಸಾವಿರ ರೂ ಮೌಲ್ಯದ 4 ಅಡಿ ಎತ್ತರದ ನಂದಾದೀಪಗಳನ್ನು ಕದ್ದಿದ್ದಾರೆ. ಈ ಬಗ್ಗೆ ದೇವಾಲಯದ ಅಧ್ಯಕ್ಷ ರಾಮದಾಸ್ ಸೈರೋಬಾ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. ಜೂನ್ 1ರಿಂದ ಜೂನ್ 7ರ ಅವಧಿಯಲ್ಲಿ ಈ ಕಳ್ಳತನ ನಡೆದಿದ್ದು, ಸಮಿತಿಯವರಲ್ಲಿ ಈ ಬಗ್ಗೆ ಚರ್ಚಿಸಿ ಪೊಲೀಸ್ ದೂರು ನೀಡುತ್ತಿರುವುದಾಗಿ ಅವರು ಹೇಳಿದ್ದಾರೆ. ಕಳ್ಳರ ವಿರುದ್ಧ ಅವರು ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಕಳ್ಳರನ್ನು ಹುಡುಕಿ ದೇವರ ಆಸ್ತಿ ಮರಳಿಸಿ ಎಂದವರು ಮನವಿ ಮಾಡಿದ್ದಾರೆ.  
- [ಕಾರಿನಲ್ಲಿ ಬರುವ ಗಾಂಜಾ ವ್ಯಾಪಾರಿ!](https://mobiletime.in/2026/06/a-marijuana-dealer-arrives-in-a-car/): ಭಟ್ಕಳದಲ್ಲಿ ಗಾಂಜಾ ಮಾರಾಟ ಹಾಗೂ ಖರೀದಿ ಪ್ರಮಾಣ ಹೆಚ್ಚಾಗಿದೆ. ನಿರಂತರ ಕಾರ್ಯಾಚರಣೆ ನಡೆಸುವ ಪೊಲೀಸರು ಗಾಂಜಾ ವ್ಯಸನಿಗಳ ಜೊತೆ ಮಾರಾಟಗಾರರನ್ನು ಬಂಧಿಸುತ್ತಿದ್ದಾರೆ. ಭಟ್ಕಳ ಮುಗ್ದುಂ ಕಾಲೋನಿ ಮೌಂಟೆನ್ ಗ್ರೌಂಡ್ ಬಳಿ ಕಾರಿನಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ವ್ಯಾಪಾರಿಯೊಬ್ಬರು ಮಂಗಳವಾರ ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಹೆಬಳೆ ಪಿರ್ದೋಸ್ ನಗರದ ಮಹಮದ್ ಶೇಖ್ ಅವರ ಪುತ್ರ ಅಬ್ರಾರ್ ಶೇಖ್ (24) ಅವರು ಗಾಂಜಾ ಮಾರಾಟ ಮಾಡುವಾಗ ಪಿಸೈ ನವೀನ ನಾಯ್ಕ ಅವರು ದಾಳಿ ಮಾಡಿದ್ದಾರೆ. ಹೊಂಡಾ ಸಿಟಿ ಕಾರಿನಲ್ಲಿದ್ದ 12 ಸಣ್ಣ ಸಣ್ಣ ಪ್ಯಾಕೇಟುಗಳನ್ನು ಅವರು ವಶಕ್ಕೆಪಡೆದಿದ್ದಾರೆ. ಆರೋಪಿಯನ್ನು ಬಂಧಿಸಿದ್ದಾರೆ. ಭಟ್ಕಳ ಬದ್ರಿಯಾ ಕಾಲೋನಿಯ ಸರ್ಫರಾಜ್ ಶಬ್ಬೀರ್ ಯಲಗಟ್ಟಿ ಅವರು ಟೈಲ್ಸ ಕೆಲಸ ಮಾಡುವುದನ್ನು ಬಿಟ್ಟು ಗಾಂಜಾ ವ್ಯಸನಿಯಾಗಿದ್ದಾರೆ. ಜೂನ್ 7ರ ರಾತ್ರಿ ಅವರು ಹೆಬಳೆ ಗ್ರಾಮದ ಶೇಮ್ಸ್ ಶಾಲೆಯ ಬಳಿ ವಿಚಿತ್ರವಾಗಿ ವರ್ತಿಸುತ್ತಿದ್ದು, ಪಿಸೈ ಭರಮಪ್ಪ ಬೆಳಗಲಿ ಅವರು ವಿಚಾರಣೆ ನಡೆಸಿದಾಗ ಗಾಂಜಾ ಸೇವನೆ ದೃಢವಾಗಿದೆ. ಭಟ್ಕಳ ಉಸ್ಮಾನ ನಗರದ ಮಹಮದ್ ರಯ್ಯಾನ್ ಶಬ್ಬೀರ್ ಸಯ್ಯದ್ ಅವರು ಸಹ ಗುಳ್ಮೆ ಗ್ರಾಮದ ಲಕ್ಕಿ ಪ್ಯಾಕ್ಟರಿ ಬಳಿ ಅಮಲಿನಲ್ಲಿರುವಾಗ ಸಿಕ್ಕಿ ಬಿದ್ದಿದ್ದಾರೆ. ಬಾಯಿಂದ ಘಾಟು ವಾಸನೆ ಬರುವುದನ್ನು ನೋಡಿ ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದು, ವೈದ್ಯಕೀಯ ಪರೀಕ್ಷೆಯಲ್ಲಿ ಗಾಂಜಾ ಸೇವನೆ ಖಚಿತವಾಗಿದೆ. ಇದರೊಂದಿಗೆ ಬೆಳಲಖಂಡ ಗುಳ್ಮೆಯ ಸೆಲ್ಸಮೆನ್ ಅಮನ ಮಹಮದ್ ಹುಸೇನ್ ಅವರು ಸಹ 18ನೇ ವಯಸ್ಸಿನಲ್ಲಿಯೇ ಹಾದಿ ತಪ್ಪಿದ್ದಾರೆ. ಲಕ್ಕಿ ಪಾಕ್ಟರಿ ಬಳಿ ಅಲೆದಾಡುತ್ತಿದ್ದ ಅಮನ ಅವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ಸರಿಯಾಗಿ ಮಾತನಾಡದ ಕಾರಣ ವೈದ್ಯಕೀಯ ಪರೀಕ್ಷೆಗೆ ಕರೆದೊಯ್ದಿದ್ದು, ಅಲ್ಲಿ ಅಮನ್ ಮಹಮದ್ ಹುಸೇನ್ ಗಾಂಜಾ ಸೇವಿಸಿರುವುದು ಗೊತ್ತಾಗಿದೆ. ಈ ಎಲ್ಲಾ ಪ್ರಕರಣದಲ್ಲಿಯೂ ಆರೋಪಿಗಳ ವಿರುದ್ಧ ಕಾನೂನು ಕ್ರಮವಾಗಿದೆ.
- [ಕಾಳಂಗಿ ಸೊಸೈಟಿ: ಪ್ರತಿಭಟನೆ ಮಾಡಿದವನಿಗೆ ಸಾಲ ಸಿಗಲ್ಲ!](https://mobiletime.in/2026/06/kalangi-society-those-who-protest-will-not-get-loans/): ಶಿರಸಿ ಬನವಾಸಿ ಬಳಿಯ ದಾಸನಕೊಪ್ಪದ ಕಾಳಂಗಿ ವ್ಯವಸಾಯ ಸಹಕಾರಿ ಸಂಘದ ಅವ್ಯವಹಾರ ಪ್ರಶ್ನಿಸಿ ಪ್ರತಿಭಟನೆ ಮಾಡಿದವರಿಗೆ ಇದೀಗ ಸಾಲ ಸಿಗುತ್ತಿಲ್ಲ. ಪ್ರತಿಭಟನೆಯಲ್ಲಿ ಭಾಗಿಯಾದ ಗಣಪತಿ ಸಾಕೇಣ್ಣನವರ್ ಅವರು ಸಾಲ ಕೇಳಿ ಸೊಸೈಟಿಗೆ ಹೋಗಿದ್ದು, ಆಡಳಿತ ಮಂಡಳಿಯವರು ಅವರಿಗೆ ಕೆಟ್ಟದಾಗಿ ಬೈದು ಕಳುಹಿಸಿದ್ದಾರೆ! ಕಾಳಂಗಿ ವ್ಯವಸಾಯ ಸಹಕಾರಿ ಸಂಘದಿAದ ಕೋಟ್ಯಂತರ ರೂ ಅಕ್ರಮ ನಡೆದ ಬಗ್ಗೆ ಆರೋಪ ಕೇಳಿ ಬಂದಿತ್ತು. ಹಾವೇರಿಯಲ್ಲಿ ಮೀಟರ್ ಬಡ್ಡಿ ವ್ಯವಹಾರ ನಡೆಸುವ ವ್ಯಕ್ತಿಯೊಬ್ಬರಿಗೆ ಸೊಸೈಟಿಯಿಂದ 69 ಲಕ್ಷ ರೂ ಅಕ್ರಮವಾಗಿ ವರ್ಗವಾಗಿರುವ ಬಗ್ಗೆ ಚರ್ಚೆ ನಡೆದಿತ್ತು. ಈ ಬಗ್ಗೆ ತನಿಖೆಗೆ ಆಗ್ರಹಿಸಿ ಸೊಸೈಟಿ ಸದಸ್ಯರು ಪ್ರತಿಭಟಿಸಿದ್ದರು. ಷೇರುದಾರ ರೈತರು ಸಹ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು. ರೈತರ ಹೆಸರಿನಲ್ಲಿ ನಕಲಿ ಖಾತೆ ತೆರೆದು ಸಾಲದ ಹಣ ದುರುಪಯೋಗಪಡಿಸಿಕೊಂಡ ಆರೋಪದ ಬಗ್ಗೆ ತನಿಖೆಗೆ ಒತ್ತಾಯಿಸಿದ್ದರು. ಎರಡು ಹಂತದಲ್ಲಿ ಪ್ರತಿಭಟನೆ ನಡೆದಿದ್ದರೂ ಈ ಬಗ್ಗೆ ಸಮಗ್ರ ತನಿಖೆಯ ಮಾಹಿತಿ ರೈತರಿಗೆ ಸಿಕ್ಕಿರಲಿಲ್ಲ. ಠೇವಣಿ ಇಟ್ಟವರಿಗೂ ಹಣ ಮರಳಿಸದ ಕಾರಣ ಜನ ಆಕ್ರೋಶವ್ಯಕ್ತಪಡಿಸಿದ್ದರು. ಧರಣಿಯಲ್ಲಿ `ಸಹಕಾರ ನಿಬಂಧಕರು ಸ್ಥಳಕ್ಕೆ ಬರಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದುಮ `ಸೊಸೈಟಿ ಹಣ ನುಂಗಿದ ಭ್ರಷ್ಟರ ಆಸ್ತಿ ಜಪ್ತು ಮಾಡಿ’ ಎಂದು ಒತ್ತಾಯಿಸಿದ್ದರು. ರೈತರು ಅನೇಕರ ವಿರುದ್ಧ ಘೋಷಣೆ ಕೂಗಿ ಸೊಸೈಟಿ ಅಧ್ಯಕ್ಷ-ಉಪಾಧ್ಯಕ್ಷರ ವಿರುದ್ಧವೂ ಧಿಕ್ಕಾರ ಕೂಗಿದ್ದರು. ಆ ದಿನ ನಡೆದ ಪ್ರತಿಭಟನೆಯಲ್ಲಿ ಶಿರಸಿ ದಾಸನಕೊಪ್ಪದ ಗಣಪತಿ ದ್ರುವರಾಜ ಸಾಕೇಣ್ಣನವರ್ ಅವರು ಸಹ ಭಾಗವಹಿಸಿದ್ದರು. ಎಲ್ಲರ ಹಾಗೇ ಅವರು ಧರಣಿಯಲ್ಲಿ ಮಾತನಾಡಿದ್ದರು. ಅದಾದ ನಂತರ ಗಣಪತಿ ಸಾಕೇಣ್ಣನವರ್ ಅವರು ಸಾಲ ಕೋರಿ ಸೊಸೈಟಿಗೆ ಹೋಗಿದ್ದು, ಅಲ್ಲಿನ ಆಡಳಿತ ಮಂಡಳಿಯವರು ಸಾಲಕೊಡದೇ ನಿಂದಿಸಿದರು. ನಟರಾಜ್ ಬಿ ಹೊಸೂರ್, ರಾಜೇಂದ್ರ ಪುಟ್ಟಪ್ಪಗೌಡ್ರು, ದೇವರಾಜ್ ಎಸ್ ನಾಯ್ಕ್, ರಾಜಶೇಖರ್ ಬಂಗಾರಪ್ಪ ಗೌಡ್ರು, ಪ್ರಭು ಮರಿಗೌಡ್ರು, ಕುಮಾರ ಮೂಕಪ್ಪ ಗೌಡ ಸೇರಿ ತಮಗೆ ನಿಂದಿಸಿದ ಬಗ್ಗೆ ಗಣಪತಿ ಸಾಕೇಣ್ಣನವರ್ ಅವರು ದೂರಿದ್ದಾರೆ. `ಧರಣಿ ಮಾಡುತ್ತೀರಿ, ಮತ್ತೆ ಸಾಲ ಕೇಳುತ್ತೀರಿ’ ಎಂದು ಬೈದ ಬಗ್ಗೆ ಅವರು ಅಳಲು ತೋಡಿಕೊಂಡಿದ್ದಾರೆ. ಸಾಲ ಸಿಗದ ಕಾರಣ ಮನೆಗೆ ಮರಳುವಾಗ ದೇವರಾಜ ಭೀಮಪ್ಪ ಹೊಸೂರು ಹಾಗೂ ಬಸವರಾಜ ಭೀಮಪ್ಪ ಹೊಸೂರು ಅಡ್ಡಗಟ್ಟಿ `ನಿಮ್ಮ ಚಳುವಳಿ ಮುಗೀತಾ?’ ಎಂದು ಪ್ರಶ್ನಿಸಿದಲ್ಲದೇ ಜಾತಿಯ ಬಗ್ಗೆ ಕೆಟ್ಟದಾಗಿ ಮಾತನಾಡಿದ ಬಗ್ಗೆ ಅವರು ಪೊಲೀಸರಲ್ಲಿ ಹೇಳಿದ್ದಾರೆ. ಈ ಬಗ್ಗೆ ಮೇ 31ರಂದೇ ಬನವಾಸಿ ಪೊಲೀಸರು ಪ್ರಕರಣ ದಾಖಲಿಸಿ, ಸತ್ಯ ಶೋಧನೆ ಶುರು ಮಾಡಿದ್ದಾರೆ.  
- [ಹರಿಯುವ ಹೊಳೆಗೆ ಹೊಳೆಗೆ ಮಣ್ಣು ತುಂಬಿದ ಮಂಕಾಳು ವೈದ್ಯ: ಜನರಿಗೆ ಸಂಕಷ್ಟ!](https://mobiletime.in/2026/06/mankalu-doctor-fills-the-flowing-stream-with-mud-people-are-suffering/): ಉತ್ತರ ಕನ್ನಡ ಉಸ್ತುವಾರಿ ಸಚಿವರಾಗಿದ್ದ ಮಂಕಾಳು ವೈದ್ಯ ಅವರು ಭಟ್ಕಳದ ಹೆಬಳೆ-ವೆಂಕಟಾಪುರ ಹೊಳೆಯಲ್ಲಿ ಕೆಂಪು ಮಣ್ಣು ದಾಸ್ತಾನು ಮಾಡಿದ ಆರೋಪ ಎದುರಿಸುತ್ತಿದ್ದಾರೆ. ಮಂಕಾಳು ವೈದ್ಯ ಅವರ ಪುತ್ರಿ ಬೀನಾ ವೈದ್ಯ ಹಾಗೂ ಸಹೋದರ ಈರಪ್ಪ ಸುಬ್ಬ ಮೊಗೇರ್ ಅವರ ವಿರುದ್ಧ ಆ ಭಾಗದ ಜನ ಜಿಲ್ಲಾಡಳಿತಕ್ಕೆ ದೂರು ನೀಡಿದ್ದಾರೆ. `ಹೆಬಳೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ವೆಂಕಟಾಪುರ ಹೊಳೆ ಪ್ರದೇಶದಲ್ಲಿ ರೆಸಾರ್ಟ್ ನಿರ್ಮಾಣ ಉದ್ದೇಶದಿಂದ ಕಾಡು ಮರಗಳನ್ನು ಕಡಿಯಲಾಗಿದೆ. ಸಿಆರ್‌ಜಡ್ ನಿಯಮ ಉಲ್ಲಂಘಿಸಿ ಅಲ್ಲಿನ ಹೊಳೆಗೆ ಮಣ್ಣು ತುಂಬಲಾಗಿದೆ. ಇದರಿಂದ ಜಲಜರಗಳ ಜೀವನಕ್ಕೆ ತೊಂದರೆಯಾಗಿದ್ದು, ನೀರಿನ ಸಹಜ ಹರಿವಿಗೂ ಅಡ್ಡಿಯಾಗಿದೆ’ ಎಂಬುದು ಗ್ರಾಮಸ್ಥರ ದೂರು. `ಮಳೆಗಾಲದಲ್ಲಿ ನೀರಿನ ಹರಿವು ತಡೆಯಲ್ಪಟ್ಟ ಪರಿಣಾಮ ಹಿಂಬದಿ ಪ್ರದೇಶಗಳಲ್ಲಿ ನೆರೆ ಪರಿಸ್ಥಿತಿ ಉಂಟಾಗುತ್ತಿದೆ’ ಎಂದು ಅಲ್ಲಿನ ಜನ ಆತಂಕವ್ಯಕ್ತಪಡಿಸಿದ್ದಾರೆ. `ಈಚೆಗೆ ನಡೆದ ದುರಂತದಲ್ಲಿ ಅನೇಕ ಸಾವು-ನೋವಾಗಿದೆ. ಇದಕ್ಕೆ ಹೊಳೆಗೆ ಮಣ್ಣು ತುಂಬಿಸಿರುವುದೇ ಪ್ರಮುಖ ಕಾರಣ’ ಎಂದು ಜನ ದೂರಿದ್ದಾರೆ. `ಮಾಜಿ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ ವೈದ್ಯ, ಅವರ ಮಗಳು ಬೀನಾ ಮಂಕಾಳ ವೈದ್ಯ ಹಾಗೂ ಸಹೋದರ ಈರಪ್ಪ ಸುಬ್ಬ ಮೊಗೇರ ಅವರು ಹೊಳೆಯಲ್ಲಿ ಅನಧಿಕೃತವಾಗಿ ಕೆಂಪು ಮಣ್ಣು ತುಂಬಿದ್ದಾರೆ. ಹೊಳೆಯಲ್ಲಿ ತುಂಬಿರುವ ಕೆಂಪು ಮಣ್ಣನ್ನು ಕೂಡಲೇ ತೆರವುಗೊಳಿಸಬೇಕು. ಪರಿಸರ ಹಾನಿಗೆ ಕಾರಣರಾದವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು’ ಎಂದು ಅಲ್ಲಿನವರು ಒತ್ತಾಯಿಸಿದ್ದಾರೆ.
- [ಕೂಲಿಯಾಳುವಿನ ಚಿನ್ನ ಕಳ್ಳತನ: ನೆರೆಮನೆಯವನ ಮೇಲೆ ಅನುಮಾನ!](https://mobiletime.in/2026/06/gold-theft-from-a-maid-suspicion-on-a-neighbor/): ಹೊನ್ನಾವರದ ದೇವಸ್ಥಾನಕೇರಿಯ ಪಾರ್ವತಿ ಪಟಗಾರ ಅವರ ಮನೆಯಲ್ಲಿದ್ದ ಚಿನ್ನಾಭರಣ ಕಳ್ಳತನವಾಗಿದೆ. ಅದೇ ಊರಿನ ಧನುಶ್ ಗೌಡ ಕಳ್ಳತನ ಮಾಡಿರುವ ಅನುಮಾನ ಕಾಡುತ್ತಿದೆ. ಹೊನ್ನಾವರದ ದೇವಸ್ಥಾನಕೇರಿಯಲ್ಲಿ ಪಾರ್ವತಿ ನಾರಾಯಣ ಪಟಗಾರ ಅವರು ವಾಸವಾಗಿದ್ದಾರೆ. 35 ವರ್ಷದ ಅವರು ಕೂಲಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ. ತಮ್ಮ ಉಳಿತಾಯದ ಹಣದಲ್ಲಿ ಅವರು ವಿವಿಧ ಬಗೆಯ ಚಿನ್ನಾಭರಣ ಮಾಡಿಸಿದ್ದು, ಅದು ಇದೀಗ ಕಾಣುತ್ತಿಲ್ಲ. 40 ಗ್ರಾಂ ತೂಕದ ಮಂಗಳಸೂತ್ರ, 15 ಗ್ರಾಂ ತೂಕದ ಕರಿಮಣಿ ಮಂಗಳಸೂತ್ರ, 20 ಗ್ರಾಂ ತೂಕದ ನೆಕ್ಲೇಸ್, 35 ಗ್ರಾಂ ತೂಕದ ಹವಳದ ಸರ, ಎರಡು ಮಕ್ಕಳ ಚೈನುಗಳು, ಐದು ಚಿಕ್ಕ ಉಂಗುರ ಸೇರಿ 128 ಗ್ರಾಂ ಚಿನ್ನಾಭರಣ ಕಾಣೆಯಾಗಿದೆ. ಒಟ್ಟು 12.80 ಲಕ್ಷ ರೂ ಮೌಲ್ಯದ ಚಿನ್ನವನ್ನು ಅದೇ ಊರಿನ ಧನುಶ್ ಶ್ರೀಧರ ಗೌಡ ಅವರು ಕದ್ದಿರುವ ಅನುಮಾನ ಶುರುವಾಗಿದೆ. ಮೇ 20ರ ರಾತ್ರಿ 8 ಗಂಟೆಯಿAದ ಜೂನ್ 7ರ ಸಂಜೆ 6 ಗಂಟೆಯ ಅವಧಿಯಲ್ಲಿ ಈ ಕಳ್ಳತನ ನಡೆದಿದೆ. ಪಾರ್ವತಿ ಪಟಗಾರ ಅವರ ಮನೆಯಲ್ಲಿದ್ದ ಕಬ್ಬಿಣದ ಟ್ರಂಕ್‌ನೊಳಗಿನ ಬೀಗ ಹಾಕಿದ ಪೆಟ್ಟಿಗೆಯಲ್ಲಿ ಸಂಗ್ರಹಿಸಿಟ್ಟಿದ್ದ ಚಿನ್ನಾಭರಣಗಳು ಕಣ್ಮರೆಯಾಗಿದೆ. ಅನುಮಾನಾಸ್ಪದ ವ್ಯಕ್ತಿಯ ವಿಚಾರಣೆ ನಡೆಸಬೇಕು ಎಂದು ಪಾರ್ವತಿ ಅವರು ಪೊಲೀಸರಲ್ಲಿ ಮನವಿ ಮಾಡಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಿಸಿರುವ ಅವರು ಕಳ್ಳತನವಾದ ವಸ್ತುಗಳನ್ನು ಹುಡುಕಿ ಕೊಡಬೇಕು ಎಂದು ಆಗ್ರಹಿಸಿದ್ದಾರೆ.
- [ತೆಂಗಿನ ಮರದ ಹಕ್ಕಿಗಾಗಿ ಹೊಡೆದಾಟ!](https://mobiletime.in/2026/06/fighting-over-a-coconut-tree/): ಪಿತ್ರಾರ್ಜಿತ ಆಸ್ತಿಯಲ್ಲಿದ್ದ ತೆಂಗಿನ ಮರ ಗೋಕರ್ಣ ಬಳಿಯ ದೇವರಬಾವಿಯಲ್ಲಿ ಕುಟುಂಬ ಕಲಹಕ್ಕೆ ಕಾರಣವಾಗಿದೆ. ತೆಂಗಿನ ಕಾಯಿ ಕೊಯ್ಯುವ ವಿಚಾರಕ್ಕೆ ರಾಮಾ ಭಂಡಾರಿ ಹಾಗೂ ಶಿವಾನಂದ ಹೊಸ್ಕಟ್ಟಾ ಕಚ್ಚಾಟ ನಡೆಸಿದ್ದು, ಅದು ಹೊಡೆದಾಟದ ಸ್ವರೂಪಪಡೆದಿದೆ. ಗೋಕರ್ಣ ಬಳಿಯ ತೊರ್ಕೆ ದೇವರಬಾವಿಯಲ್ಲಿ ರಾಮಾ ಪರಮೇಶ್ವರ ಭಂಡಾರಿ ಅವರು ವಾಸವಾಗಿದ್ದಾರೆ. ಅವರು ಚಾಲಕರಾಗಿ ಜೀವನ ನಡೆಸುತ್ತಿದ್ದಾರೆ. ರಾಮಾ ಪರಮೇಶ್ವರ ಭಂಡಾರಿ ಅವರ ಅಕ್ಕನ ಹೆಸರಿನಲ್ಲಿರುವ ಭೂಮಿಯಲ್ಲಿ ತೆಂಗಿನ ಮರವಿದ್ದು, ಜೂನ್ 7ರಂದು ರಾಮಾ ಭಂಡಾರಿ ಅವರು ಅಕ್ಕನ ಅಳಿಯ ವಿಲ್ಸನ್ ಡಿಸೋಜಾ ಅವರ ಜೊತೆ ಸೇರಿ ಕಾಯಿ ಕೊಯ್ಯಲು ಹೋಗಿದ್ದಾರೆ. ಆಗ, ಅಲ್ಲಿಗೆ ಬಂದ ಶಿವಾನಂದ ಗಜಾನನ ಹೊಸ್ಕಟ್ಟಾ ಹಾಗೂ ಅವರ ಪತ್ನಿ ಮಕ್ಕಳು `ಈ ಮರದ ಮೇಲೆ ನಿಮಗೆ ಹಕ್ಕಿಲ್ಲ’ ಎಂದಿದ್ದಾರೆ. ತೆAಗಿನ ಮರದ ಹಕ್ಕಿನ ವಿಷಯವಾಗಿ ಆಗ ಜಗಳ ನಡೆದಿದ್ದು, ಅದು ಹೊಡೆದಾಟಕ್ಕೆ ಕಾರಣವಾಗಿದೆ. ಶಿವಾನಂದ ಹೊಸ್ಕಟ್ಟಾ ಅವರು ಕಲ್ಲು ಹಾಗೂ ಮಡಿಲಿನ ಹೆಡೆಯಿಂದ ರಾಮಾ ಭಂಡಾರಿ ಅವರಿಗೆ ಹೊಡೆದಿದ್ದಾರೆ. ಈ ವೇಳೆ ರಾಮಾ ಭಂಡಾರಿ ಅವರ ಅಣ್ಣ ತಪ್ಪಿಸಲು ಬಂದಿದ್ದು, ಅವರ ಮೇಲೆಯೂ ಹಲ್ಲೆ ನಡೆದಿದೆ. ದೂರು ನೀಡಲು ಪೊಲೀಸ್ ಠಾಣೆಗೆ ಹೊರಟಿದ್ದ ರಾಮಾ ಭಂಡಾರಿ ಅವರನ್ನು ಮತ್ತೆ ತಡೆದ ಶಿವಾನಂದ ಹೊಸ್ಕಟ್ಟಾ ಅವರು ಇನ್ನಷ್ಟು ಥಳಿಸಿದ್ದಾರೆ. ಅದಾಗಿಯೂ ಅವರ ವಿರುದ್ಧ ರಾಮಾ ಭಂಡಾರಿ ಅವರು ಗೋಕರ್ಣ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.  
- [ನಾನೇನು ಮಾಡಿಲ್ಲ.. ನನಗೆನೂ ಗೊತ್ತಿಲ್ಲ!](https://mobiletime.in/2026/06/i-dont-know-what-i-didnt-do/): ಸಿದ್ದಾಪುರದ ವಾಜಗೋಡ ಗ್ರಾಮ ಪಂಚಾಯತ ಕಚೇರಿಗೆ ಅರಣ್ಯವಾಸಿಗಳು ಆಗಮಿಸಿದ್ದು, ಅವರ ಪ್ರಶ್ನೆಗಳಿಗೆ ಪಿಡಿಓ ಗೌರೀಶ್ ಹೆಗಡೆ `ನಾನು ಹೋಗಿಲ್ಲ. ನಾನು ನೋಡಿಲ್ಲ. ನನಗೆನೂ ಗೊತ್ತಿಲ್ಲ. ಆದೇಶ ಪ್ರತಿ ಸಿಕ್ಕಿಲ್ಲ’ ಎಂದು ಉತ್ತರಿಸಿದ್ದಾರೆ. ಪಿಡಿಓ ಉತ್ತರ ಕೇಳಿ ಅತಿಕ್ರಮಣದಾರರು ಕೆಂಡಾಮoಡಲರಾಗಿದ್ದಾರೆ! ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ತಿರಸ್ಕೃತ ಅರ್ಜಿದಾರರ ಸಾಗುವಳಿ ಕ್ಷೇತ್ರಕ್ಕೆ ಮಹಜರ್ ಪ್ರಕ್ರಿಯೆಯಲ್ಲಿನ ನ್ಯೂನ್ಯತೆಗಳ ಬಗ್ಗೆ ಪ್ರಶ್ನಿಸಲು ನೂರಾತು ಅತಿಕ್ರಮಣದಾರರು ಗ್ರಾಮ ಪಂಚಾಯತ ಕಚೇರಿಗೆ ಭೇಟಿ ನೀಡಿದ್ದಾರೆ. ತಮ್ಮ ಅನುಮಾನಗಳ ಬಗ್ಗೆ ಅತಿಕ್ರಮಣದಾರರು ಅಧಿಕಾರಿಗಳನ್ನು ಪ್ರಶ್ನಿಸಿದ್ದಾರೆ. ಬಗೆ ಬಗೆಯ ಪ್ರಶ್ನೆಗಳಿಂದ ಕಂಗಾಲಾದ ಪಿಡಿಓ ಗಿರೀಶ ಹೆಗಡೆ ಅವರು `ಹೋಗಿಲ್ಲ.. ಮಾಡಿಲ್ಲ.. ನೋಡಿಲ್ಲ.. ಗೊತ್ತಿಲ್ಲ.. ಆದೇಶ ಪ್ರತಿ ಇಲ್ಲ’ ಎಂಬುದನ್ನು ಬಿಟ್ಟು ಬೇರೇನೂ ಮಾತನಾಡಿಲ್ಲ! ಪಿಡಿಓ ನೀಡಿದ ಅಸ್ಪಷ್ಟ ಉತ್ತರ ಕೇಳಿ ಆಗಮಿಸಿದ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಹೋರಾಟಗಾರ ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಪಿಡಿಓವನ್ನು ತರಾಠೆಗೆ ತೆಗೆದುಕೊಂಡಿದ್ದಾರೆ. ಅತಿಕ್ರಮಣದಾರರ ಆಕ್ರೋಶ ನೋಡಿ ಗ್ರಾಮ ಲೆಕ್ಕಾಧಿಕಾರಿ ಪ್ರತಿಭಾ ಮರಾಠಿ ಅವರು ಕಂಗಾಲಾಗಿದ್ದಾರೆ. ಈ ವೇಳೆ ಪಿಸೈ ನಾಗಪ್ಪ ಬಿ ಅವರು ಮಧ್ಯ ಪ್ರವೇಶಿಸಿ ಆಕ್ರೋಶಭರತಿ ಅತಿಕ್ರಮಣದಾರರನ್ನು ಸಮಾಧಾನ ಮಾಡಿದ್ದಾರೆ.
- [`ಕಷ್ಟ ಅನುಭವಿಸಿದವರಿಗೆ ಮಾತ್ರ ಗೆಲುವು ಸಿಗಲು ಸಾಧ್ಯ'](https://mobiletime.in/2026/06/only-those-who-have-suffered-can-achieve-victory/): `ಜೀವನದಲ್ಲಿ ಕಷ್ಟ ಅನುಭವಿಸಿದವರು ಮಾತ್ರ ಗೆಲುವು ಸಾಧಿಸುತ್ತಾರೆ’ ಎಂದು ವಿಧಾನ ಪರಿಷತ್ ಸದಸ್ಯ ಶಾಂತರಾಮ ಸಿದ್ದಿ ಅವರು ಹೇಳಿದ್ದಾರೆ. `ಪ್ರತಿಯೊಬ್ಬರಿಗೂ ತಮ್ಮದೇ ಆದ ವ್ಯಕ್ತಿತ್ವ ರೂಪಿಸಿಕೊಳ್ಳುವುದು ಮುಖ್ಯವಾಗಿದ್ದು, ನಿರಂತರ ಅಧ್ಯಯನದಿಂದ ಉತ್ತಮ ವ್ಯಕ್ತಿತ್ವ ದೊರೆಯುತ್ತದೆ’ ಎಂದವರು ಅಭಿಪ್ರಾಯಪಟ್ಟಿದ್ದಾರೆ. ಮುಂಡಗೋಡಿನ ನಾಗನೂರು ಗ್ರಾಮದ ಚಿಪಗೇರಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸ್ಕೋಡ್‌ವೆಸ್ ಸಂಸ್ಥೆಯೂ ತುಮಕೂರಿನ ಸ್ನಾತಕೋತ್ತರ ಸಮಾಜ ಕಾರ್ಯ ಅಧ್ಯಯನ ಮತ್ತು ಸಂಶೋಧನಾ ವಿಭಾಗದ ವಿದ್ಯಾರ್ಥಿಗಳಿಗೆ ಶಿಬಿರ ಆಯೋಜಿಸಿದೆ. ಈ ಶಿಬಿರವನ್ನು ಶಾಂತರಾಮ ಸಿದ್ದಿ ಅವರು ಉದ್ಘಾಟಿಸಿದ್ದಾರೆ. ನಂತರ ಮಾತನಾಡಿದ ಅವರು `ಸ್ಕೋಡ್‌ವೆಸ್ ಸಂಸ್ಥೆಯವರು ಆಯೋಜಿಸಿದ ಈ ಸಮಾಜ ಕಾರ್ಯ ಶಿಬಿರದಿಂದ ಸಮಾಜ ಕಾರ್ಯ ವಿದ್ಯಾರ್ಥಿಗಳು ಬುಡಕಟ್ಟು ಜನಾಂಗದ ಸಂಸ್ಕೃತಿ ಆಚಾರ ವಿಚಾರಗಳ ಅರಿವುಗಳನ್ನು ತಿಳಿಯಲು ಸಾಧ್ಯ’ ಎಂದು ಹೇಳಿದ್ದಾರೆ. `ವ್ಯಕ್ತಿಯ ಜೀವನದಲ್ಲಿ ವ್ಯಕ್ತಿತ್ವ ರೂಪಿಸಿಕೊಳ್ಳುವುದು ಬಹು ಮುಖ್ಯವಾದ ಅಂಶವಾಗಿದ್ದು, ಜೀವನದಲ್ಲಿ ಕಷ್ಟವನ್ನು ಅನುಭವಿಸಿದವರು ಗೆಲುವನ್ನು ಸಾಧಿಸುತ್ತಾರೆ’ ಎಂದವರು ಇದೇ ವೇಳೆ ಹೇಳಿದ್ದಾರೆ. ಸ್ಕೊಡ್‌ವೆಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಮಾತನಾಡಿ `ಸಮಾಜ ಕಾರ್ಯ ಅಧ್ಯಯನವು ಕೇವಲ ಒಂದು ವಿಷಯವಾಗಿ ಮಾತ್ರವಲ್ಲದೇ ಜೀವನದ ವಿಭಿನ್ನ ಹಂತಗಳನ್ನು ಅರಿಯುವ ಒಂದು ಘಟ್ಟವಾಗಿದೆ. ಈ ಸಮಯದಲ್ಲಿ ವೈಯಕ್ತಿಕ ಜೀವನದ ಸವಾಲುಗಳು ಮತ್ತು ಸೋಲುಗಳನ್ನು ಮನವರಿಕೆ ಮಾಡುವ ಹಂತವಾಗಿದೆ’ ಎಂದು ಹೇಳಿದ್ದಾರೆ. ತುಮಕೂರು ವಿಶ್ವ ವಿದ್ಯಾಲಯದ ಸ್ನಾತಕೋತ್ತರ ಸಮಾಜ ಕಾರ್ಯ ಅಧ್ಯಯನ ಮತ್ತು ಸಂಶೋಧನಾ ವಿಭಾಗದ ಮುಖ್ಯಸ್ಥರಾದ ಪರಶುರಾಮ್ ಕೆಜಿ ಅವರು ಸಮಾಜ ಕಾರ್ಯ ಶಿಬಿರದ ಮಹತ್ವದ ಬಗ್ಗೆ ಮಾತನಾಡಿದ್ದಾರೆ. ಮುಂಡಗೋಡು ಕ್ಷೇತ್ರ ಶಿಕ್ಷಣಾಧಿಕಾರಿ ಸುಮಾ ಜಿ ಅವರು ಈ ವೇಳೆ ಮಾತನಾಡಿದ್ದಾರೆ. ನಾಗನೂರು ಗ್ರಾಮ ಪಂಚಾಯಿತಿ ಆಡಳಿತ ಅಧಿಕಾರಿ ಕೃಷ್ಣ ಮಹಾ ರೆಡ್ಡಿ, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಶಂಭು ಆರ್ ಶಿಗ್ನೆಳ್ಳ, ಶಾಲಾ ಮುಖ್ಯ ಶಿಕ್ಷಕಿ ಗೀತಾ ಶಿವರಾಮ ಭಟ್ಟ, ಸ್ಕೊಡ್‌ವೆಸ್‌ನ ಕೃಷಿ ವಿಭಾಗದ ಕಾರ್ಯಕ್ರಮ ಅಧಿಕಾರಿ ಪ್ರಶಾಂತ ನಾಯಕ, ವಿಶ್ವವಿದ್ಯಾಲಯದ ಶಿಬಿರಾಧಿಕಾರಿ ಟೀನ ಜೋಸ್, ಡೈಸನ್ ಪಿಟಿ, ಸಹ ಶಿಬಿರಾಧಿಕಾರಿ ಶೇಖರಯ್ಯ, ಶ್ರೀನಿವಾಸ್ ಇನ್ನಿತರರು ಈ ಕಾರ್ಯಕ್ರಮದಲ್ಲಿದ್ದರು. ಸಮಾಜ ಕಾರ್ಯ ವಿಭಾಗದ ಸುಮಾರು 100ಕ್ಕೂ ಅಧಿಕ ವಿದ್ಯಾರ್ಥಿಗಳು ಶಿಬಿರದಲ್ಲಿ ಭಾಗವಹಿಸಿದ್ದಾರೆ.
- [ಕಡಲು ಸೇರಿದ ಕಡವಾಡ ಸೇತುವೆ!](https://mobiletime.in/2026/06/kadawada-bridge-connecting-to-the-sea/): ಆರು ದಶಕಗಳಿಂದ ಎರಡು ಗ್ರಾಮಗಳ ಸಂಪರ್ಕ ಕೊಂಡಿಯಾಗಿದ್ದ ಕಡವಾಡ ಸೇತುವೆ ಕುಸಿದು ಬಿದ್ದಿದೆ. ಶಿಥಿಲಗೊಂಡಿದ್ದ ಈ ಸೇತುವೆ ಸೋಮವಾರ ರಾತ್ರಿ ಸುರಿದ ಮಳೆಗೆ ನೆನೆದು ಮುರಿದಿದೆ. ಸೇತುವೆಯ ಕೆಲ ಭಾಗಗಳು ನದಿ ನೀರಿನಲ್ಲಿ ಕೊಚ್ಚಿ ಹೋಗಿ ಕಡಲು ಸೇರಿದೆ. ಮುಖ್ಯಮಂತ್ರಿಯಾಗಿದ್ದ ರಾಮಕೃಷ್ಣ ಹೆಗಡೆ ಅವರು ಕಡವಾಡ ಸೇತುವೆ ಉದ್ಘಾಟಿಸಿದ್ದರು. ಅದಾದ ನಂತರ ಆ ಸೇತುವೆ ಕಡವಾಡ ಜನರ ನಿತ್ಯದ ಸಂಪರ್ಕ ಮಾರ್ಗವಾಗಿತ್ತು. ಕೆಲ ವರ್ಷಗಳ ಹಿಂದೆ ಸೇತುವೆ ಶಿಥಿಲವಾಗಿದ್ದರಿಂದ ಅದರ ಬಳಕೆ ನಿಷೇಧಿಸಲಾಗಿತ್ತು. ಸಾರ್ವಜನಿಕ ಸಂಚಾರದ ಜೊತೆ ವಾಹನ ಓಡಾಟವನ್ನು ಸ್ಥಗಿತ ಮಾಡಲಾಗಿತ್ತು. ಅದಾಗಿಯೂ, ಅನೇಕರು ಸೇತುವೆ ಮೇಲೆ ನಿಂತು ಗಾಳ ಹಾಕಿ ಮೀನು ಹಿಡಿಯುತ್ತಿದ್ದರು. ಬೆಳಗ್ಗೆ ಹಾಗೂ ಸಂಜೆಯ ವೇಳೆ ಸೇತುವೆ ಮೂಲಕ ವಾಕಿಂಗ್ ಮಾಡುತ್ತಿದ್ದರು. ಕಾಳಿ ನದಿಯ ಮೇಲ್ಭಾಗದಲ್ಲಿ ನಿರ್ಮಾಣವಾಗಿದ್ದ ಈ ಸೇತುವೆ ಮೀನುಗಾರಿಕೆಗೆ ಸೂಕ್ತ ಸ್ಥಳವೆಂದು ಪ್ರಸಿದ್ಧಿಯಾಗಿತ್ತು. ಪ್ರತಿದಿನ ಬೆಳಗ್ಗೆ ಮತ್ತು ಸಂಜೆ ವೇಳೆಯಲ್ಲಿ ನೂರಾರು ಮೀನುಗಾರರು ಸೇತುವೆ ಮೇಲೆ ನಿಂತು ಮೀನುಗಾರಿಕೆ ನಡೆಸುತ್ತಿದ್ದರು. ಮಳೆಗಾಲದಲ್ಲಿಯೂ ಇಲ್ಲಿ ಮೀನುಗಾರರ ಚಟುವಟಿಕೆ ಸಾಮಾನ್ಯವಾಗಿತ್ತು. ಸೋಮವಾರ ರಾತ್ರಿ ಸುರಿದ ಭಾರೀ ಪ್ರಮಾಣದ ಮಳೆಗೆ ಸೇತುವೆಯ ಮಧ್ಯಭಾಗ ಸಂಪೂರ್ಣ ಕುಸಿಯಿತು. ಸದ್ಯ ಅಧಿಕಾರಿಗಳು ಪರಿಶೀಲನೆ ಮಾಡಿದ್ದು, ಸೇತುವೆ ಮೇಲೆ ಸಂಚರಿಸದAತೆ ಸೂಚಿಸಿದ್ದಾರೆ.
- [ಭಾಷೆ ಅಲ್ಲ ಬದುಕು: ಈ ಉದ್ಯೋಗಕ್ಕೆ ಕೊಂಕಣಿ ಕಡ್ಡಾಯ!](https://mobiletime.in/2026/06/life-not-language-konkani-is-mandatory-for-this-job/): ಪರಿಶಿಷ್ಟ ವರ್ಗಗಳ ಕಲ್ಯಾಣಾಧಿಕಾರಿ ಕಚೇರಿಯಲ್ಲಿನ ಒಂದು ಹುದ್ದೆಗೆ ಕೊಂಕಣಿ ಬರುವವರಿಂದ ಅರ್ಜಿ ಆಹ್ವಾನಿಸಲಾಗಿದೆ. DA-JGUA  ಯೋಜನೆ ಅಡಿ Integrated programme management unit (PMC) ಘಟಕ ಸ್ಥಾಪಿಸಲು ಪರಿಶಿಷ್ಟ ವರ್ಗಗಳ ಕಲ್ಯಾಣಾಧಿಕಾರಿ ಕಚೇರಿ ಮುಂದಾಗಿದ್ದು, ಬುಡಕಟ್ಟು ಜನರ ಜೊತೆ ಬೆರೆಯುವವರಿಗೆ ಇಲ್ಲಿ ಉದ್ಯೋಗವಿದೆ. ಉತ್ತರ ಕನ್ನಡ ಜಿಲ್ಲೆಯ ಪರಿಶಿಷ್ಟ ವರ್ಗಗಳ ಕಲ್ಯಾಣಾಧಿಕಾರಿ ಕಚೇರಿಯಲ್ಲಿನ ಒಂದು ಹುದ್ದೆಗೆ ಅರ್ಹರ ಹುಡುಕಾಟ ನಡೆದಿದ್ದು, ಸ್ಥಳೀಯ ಬುಡಕಟ್ಟು ಭಾಷೆ ಬರುವವರನ್ನು ಈ ಹುದ್ದೆಗೆ ನೇಮಕ ಮಾಡಲಾಗುತ್ತದೆ. Masters Degree In Social Work, Livelihoods and Rural Development or B Sc. In Agriculture and Forestryರಲ್ಲಿ 2ರಿಂದ 5 ವರ್ಷದ ಅನುಭವಹೊಂದಿರಬೇಕು. ಕನ್ನಡ, ಇಂಗ್ಲೀಷ್, ಹಿಂದಿ ಜೊತೆ ಸ್ಥಳೀಯ ಬುಡಕಟ್ಟು ಭಾಷೆ ಕೊಂಕಣಿ ಭಾಷೆ ಗೊತ್ತಿರಬೇಕು. ಕಂಪ್ಯೂಟರ್ ಜ್ಞಾನ ಹಾಗೂ ಕನ್ನಡ ಮತ್ತು ಇಂಗ್ಲೀಷ್ ಟೈಪಿಂಗ್ ಬಗ್ಗೆ ಅರಿವಿರಬೇಕು. ಜಿಲ್ಲೆಯ ಬಡಕಟ್ಟು ಗ್ರಾಮಗಳಲ್ಲಿ ಕೆಲಸ ಮಾಡುವ ಸಾಮರ್ಥ್ಯಹೊಂದಿರಬೇಕು. ಕೇಂದ್ರ ಸರ್ಕಾರ ಮತ್ತು ರಾಜ್ಯ ಸರ್ಕಾರದ ಸಭೆಗಳಿಗೆ ಭಾಗವಹಿಸಿ ಮಾಹಿತಿ ನೀಡಲು ಕ್ಷಮತೆಯನ್ನು ಹೊಂದಿರಬೇಕು ಎಂಬ ನಿಯಮಗಳಿವೆ. ಈ ಹುದ್ದೆಗೆ ಅರ್ಜಿ ಸಲ್ಲಿಸಲು ಜುಲೈ 12 ಕೊನೆ ದಿನ. ಈ ಹುದ್ದೆಯ ಬಗ್ಗೆ ಇನ್ನಷ್ಟು ಮಾಹಿತಿಗಾಗಿ ಇಲ್ಲಿ ಫೋನ್ ಮಾಡಿ: 08382-226575.
- [ನಿಮ್ಮ ಆಧಾರ್ ಕಾರ್ಡ್ ನಕಲಾಗಿದೆಯೇ? ತಿಳಿಯಲು ಸುಲಭ ವಿಧಾನ](https://mobiletime.in/2026/06/is-your-aadhaar-card-duplicated-easy-way-to-know/): ಇಂದಿನ ದಿನಗಳಲ್ಲಿ ಬ್ಯಾಂಕ್ ಖಾತೆಯಿಂದ ಹಿಡಿದು ಸಿಮ್ ಕಾರ್ಡ್ ಖರೀದಿಗೂ ಆಧಾರ್ ಕಾರ್ಡ್ ಅಗತ್ಯ.  ಬಹುತೇಕ ಎಲ್ಲ ಕೆಲಸಗಳಿಗೂ ಅಗತ್ಯ ದಾಖಲೆ ಆಗಿದೆ. ಆದರೆ ಇದೇ ಆಧಾರ್ ಮಾಹಿತಿಯನ್ನು ಯಾರಾದರೂ ದುರುಪಯೋಗ ಮಾಡಿಕೊಳ್ಳುತ್ತಿದ್ದಾರೆಯೇ ಎಂಬ ಪ್ರಶ್ನೆ ನಿಮ್ಮ ಮನಸ್ಸಿನಲ್ಲಿ ಯಾವಾಗಲಾದರೂ ಮೂಡಿದೆಯೇ? ಸೈಬರ್ ವಂಚನೆಗಳು ಹೆಚ್ಚುತ್ತಿರುವ ಈ ಕಾಲದಲ್ಲಿ ಆಧಾರ್ ಸುರಕ್ಷತೆ ಬಗ್ಗೆ ಎಚ್ಚರಿಕೆಯಿಂದಿರುವುದು ಬಹಳ ಮುಖ್ಯ. ಒಳ್ಳೆಯ ಸಂಗತಿ ಏನೆಂದರೆ, ನಿಮ್ಮ ಆಧಾರ್ ಎಲ್ಲೆಲ್ಲಿ ಬಳಸಲಾಗಿದೆ ಎಂಬ ಮಾಹಿತಿಯನ್ನು ಕೆಲವೇ ನಿಮಿಷಗಳಲ್ಲಿ ನೀವು ಸ್ವತಃ ಪರಿಶೀಲಿಸಬಹುದು.   UIDAI ಒದಗಿಸಿರುವ ವಿಶೇಷ ಸೌಲಭ್ಯದ ಮೂಲಕ ನಿಮ್ಮ ಆಧಾರ್ ಸಂಖ್ಯೆಯನ್ನು ಬಳಸಿಕೊಂಡು ನಡೆದ ದೃಢೀಕರಣ (Authentication) ವಿವರಗಳನ್ನು ನೋಡಬಹುದು. ಇದರಿಂದ ನಿಮ್ಮ ಅನುಮತಿಯಿಲ್ಲದೆ ಯಾರಾದರೂ ಆಧಾರ್ ಬಳಸಿದ್ದಾರೆಯೇ ಎಂಬ ಅನುಮಾನಕ್ಕೆ ಉತ್ತರ ಸಿಗುತ್ತದೆ. ಪರಿಶೀಲನೆಗಾಗಿ UIDAI ವೆಬ್‌ಸೈಟ್ ಅಥವಾ mAadhaar ಆ್ಯಪ್‌ಗೆ ಭೇಟಿ ನೀಡಿ. ಅಲ್ಲಿ ಲಭ್ಯವಿರುವ Authentication History ಆಯ್ಕೆಯನ್ನು ತೆರೆಯಿರಿ.   ನಿಮ್ಮ ಆಧಾರ್ ಸಂಖ್ಯೆ ನಮೂದಿಸಿದ ಬಳಿಕ ಮೊಬೈಲ್‌ಗೆ ಬರುವ OTP ದಾಖಲಿಸಿದರೆ, ಕಳೆದ ಕೆಲವು ತಿಂಗಳ ಅವಧಿಯಲ್ಲಿ ಆಧಾರ್ ಎಲ್ಲಿ ಮತ್ತು ಯಾವ ಉದ್ದೇಶಕ್ಕೆ ಬಳಸಲಾಗಿದೆ ಎಂಬ ಮಾಹಿತಿ ಲಭ್ಯವಾಗುತ್ತದೆ. ಒಂದು ವೇಳೆ ನಿಮಗೆ ಪರಿಚಯವಿಲ್ಲದ ಸಂಸ್ಥೆ ಅಥವಾ ಅನುಮಾನಾಸ್ಪದ ವ್ಯವಹಾರದ ಮಾಹಿತಿ ಕಂಡುಬಂದರೆ ತಕ್ಷಣ ಎಚ್ಚೆತ್ತುಕೊಳ್ಳುವುದು ಒಳಿತು. ಇಂತಹ ಸಂದರ್ಭಗಳಲ್ಲಿ ಬಯೋಮೆಟ್ರಿಕ್ ಲಾಕ್ ಸೌಲಭ್ಯವನ್ನು ಬಳಸುವುದರಿಂದ ನಿಮ್ಮ ಬೆರಳಚ್ಚು ಮತ್ತು ಕಣ್ಣಿನ ಗುರುತು ಮಾಹಿತಿಗೆ ಹೆಚ್ಚುವರಿ ಭದ್ರತೆ ಒದಗಿಸಬಹುದು.   ತಜ್ಞರ ಪ್ರಕಾರ, ಬ್ಯಾಂಕ್ ಖಾತೆಯ ಸ್ಟೇಟ್‌ಮೆಂಟ್ ಪರಿಶೀಲಿಸುವಂತೆ ಆಧಾರ್ ಬಳಕೆಯ ಇತಿಹಾಸವನ್ನೂ ಆಗಾಗ ಪರಿಶೀಲಿಸುವ ಅಭ್ಯಾಸ ಬೆಳೆಸಿಕೊಳ್ಳುವುದು ಸುರಕ್ಷಿತ ಕ್ರಮವಾಗಿದೆ. ಕೇವಲ ಎರಡು ನಿಮಿಷಗಳ ಈ ಪರಿಶೀಲನೆ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ದುರುಪಯೋಗದಿಂದ ರಕ್ಷಿಸಲು ಸಹಾಯ ಮಾಡಬಹುದು. ಆಧಾರ್ ನಿಮ್ಮ ಗುರುತು. ಅದರ ಸುರಕ್ಷತೆ ಕೂಡ ನಿಮ್ಮ ಜವಾಬ್ದಾರಿ. ಆದ್ದರಿಂದ ಇಂದೇ ಒಮ್ಮೆ ನಿಮ್ಮ ಆಧಾರ್ ಬಳಕೆಯ ಇತಿಹಾಸವನ್ನು ಪರಿಶೀಲಿಸಿ.
- [ದಿಂಬಿನ ಕವರ್ ಎಷ್ಟು ದಿನಕ್ಕೊಮ್ಮೆ ಬದಲಿಸಬೇಕು? ಆರೋಗ್ಯ ತಜ್ಞರು ಹೇಳುವುದೇನು?](https://mobiletime.in/2026/06/how-often-should-you-change-your-pillowcase-what-do-health-experts-say/):   ಸುಖ ನಿದ್ರೆ ಮಾತ್ರ ಬೇಕು ಎನ್ನುವ ನಾವು ಪ್ರತಿದಿನ ಬಳಸುವ ದಿಂಬಿನ ಕವರ್‌ಗಳನ್ನು ಎಷ್ಟು ಬಾರಿ ತೊಳೆಯಬೇಕು ಅಥವಾ ಬದಲಿಸಬೇಕು ಎನ್ನುವ ಬಗ್ಗೆ  ಅಷ್ಟು ಗಮನ ಹರಿಸುವುದಿಲ್ಲ. ಆದರೆ ಇದು ಸ್ವಚ್ಛತೆಯ ಮತ್ತು ಆರೋಗ್ಯದ ದೃಷ್ಟಿಯಿಂದ ಇದು ಬಹಳ ಮುಖ್ಯವಾದ ವಿಷಯವಾಗಿದೆ. ದಿನನಿತ್ಯ ದುಡಿಯುವ ನಮಗೆ ಒಂದೊಳ್ಳೆ ನಿದ್ದೆ ಇಲ್ಲವೆಂದರೆ ಹೇಗೆ.  ನಿದ್ರೆ ಮಾನವನ ಜೀವನದ ಬಹು ಮುಖ್ಯ ಅಂಶ. ಉತ್ತಮ ನಿದ್ದೆ ನಮ್ಮ ಆರೋಗ್ಯವನ್ನು ಹೇಳುವುದಲ್ಲದೇ ನಾಳೆಯ ಕೆಲಸಕ್ಕೂ ಸಹಾಯಕಾರಿ. ನಿದ್ದೆ ಸರಿಯಾಗಿ ಆಗದಿದ್ದರೆ ಅದೇನೋ ಕಳೆದುಕೊಂಡಂತೆ ಭಾಸವಾಗುತ್ತದೆ. ಆದರೆ ದಿಂಬಿನ ಕವರ್ ಬದಲಿಸುವ ಬಗ್ಗೆ ಮಾತ್ರೆ ಹೆಚ್ಚಿನವರು ಗಮನ ಹರಿಸುವುದಿಲ್ಲ. ರಾತ್ರಿ ನಿದ್ದೆ ಮಾಡುವಾಗ ನಮ್ಮ ಚರ್ಮದಿಂದ ಹೊರಬರುವ ಬೆವರು, ಎಣ್ಣೆಯ ಅಂಶ, ಧೂಳು ಮತ್ತು ಚರ್ಮದ ಕಣಗಳು ದಿಂಬಿನ ಕವರ್‌ನಲ್ಲಿ ಸಂಗ್ರಹವಾಗುತ್ತವೆ. ಇದರಿಂದ ಬ್ಯಾಕ್ಟೀರಿಯಾ ಹಾಗೂ ಇತರ ಸೂಕ್ಷ್ಮಜೀವಿಗಳು ಬೆಳೆಯಲು ಅನುಕೂಲಕರ ವಾತಾವರಣ ನಿರ್ಮಾಣವಾಗಬಹುದು. ತಜ್ಞರ ಪ್ರಕಾರ, ದಿಂಬಿನ ಕವರ್‌ಗಳನ್ನು ವಾರಕ್ಕೊಮ್ಮೆ ಅಥವಾ  ಎರಡು ವಾರಕ್ಕೊಮ್ಮೆ ಬದಲಿಸುವುದು ಉತ್ತಮ. ವಿಶೇಷವಾಗಿ ಹೆಚ್ಚು ಬೆವರುವವರು, ಅಲರ್ಜಿ ಸಮಸ್ಯೆ ಇರುವವರು ಅಥವಾ ಮುಖದ ಮೊಡವೆಗಳಿಂದ ಬಳಲುವವರು ಕವರ್‌ಗಳನ್ನು ಇನ್ನಷ್ಟು ನಿಯಮಿತವಾಗಿ ತೊಳೆಯುವುದು ಸೂಕ್ತ. ದೀರ್ಘಕಾಲ ಒಂದೇ ಕವರ್ ಬಳಸಿದರೆ ಚರ್ಮದ ಸಮಸ್ಯೆಗಳು, ಕಣ್ಣು ಮತ್ತು ಮೂಗಿನ ಅಲರ್ಜಿ, ಕೆರೆತ ಹಾಗೂ ನಿದ್ದೆಯ ಗುಣಮಟ್ಟದ ಮೇಲೂ ಪರಿಣಾಮ ಬೀರುವ ಸಾಧ್ಯತೆ ಇದೆ. ಆದ್ದರಿಂದ ಉತ್ತಮ ಆರೋಗ್ಯ ಮತ್ತು ಸ್ವಚ್ಛತೆಗಾಗಿ ದಿಂಬಿನ ಕವರ್‌ಗಳನ್ನು ಸಮಯಕ್ಕೆ ಸರಿಯಾಗಿ ಬದಲಿಸುವ ಅಭ್ಯಾಸ ಬೆಳೆಸಿಕೊಳ್ಳುವುದು ಒಳ್ಳೆಯದು. ಸಣ್ಣದಾಗಿ ಕಾಣುವ ಈ ಅಭ್ಯಾಸ ನಿಮ್ಮ ಆರೋಗ್ಯವನ್ನು ಕಾಪಾಡಲು ದೊಡ್ಡ ಪಾತ್ರ ವಹಿಸಬಹುದು.
- [ಕಾಂತಾರ ಬೆಡಗಿಯಿಂದ ಕಲಿಕಾ ಸಾಮಗ್ರಿ ಕೊಡುಗೆ](https://mobiletime.in/2026/06/kantara-bedagi-donates-learning-materials/): ಕನ್ನಡದ ಕಾಂತಾರ ಚಲನಚಿತ್ರದಲ್ಲಿ ಅಭಿನಯಿಸಿರುವ ರಮ್ಯಾ ಕೃಷ್ಣ ಅವರು ಭಟ್ಕಳದ ಶಾಲಾ ಮಕ್ಕಳಿಗೆ ಕಲಿಕಾ ಸಾಮಗ್ರಿ ನೀಡಿದ್ದಾರೆ. ರಮ್ಯಾ ಕೃಷ್ಣ ಅವರು ಭಟ್ಕಳದವರೇ ಆಗಿದ್ದು, ತಮ್ಮ ಹುಟ್ಟೂರಿನ ಮಕ್ಕಳಿಗೆ ಅವರು ನೆರವಾಗಿದ್ದಾರೆ. ಭಟ್ಕಳದ ಹಾಡುವಳ್ಳಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಹೆರಬುಡುಕಿ, ನೂಜ್, ಕೆಕ್ಕೋಡನ ಕಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ರಮ್ಯಾ ಕೃಷ್ಣ ಅವರು ಬ್ಯಾಗ್ ಹಾಗೂ ಮಾರುಕೇರಿಯ ಶಿವಶಾಂತಿಕಾ ಪರಮೇಶ್ವರಿ ಪ್ರೌಢಶಾಲೆ ಹಾಗೂ ಬೆಳಕೆಯ ಪೌಢಶಾಲಾ ವಿದ್ಯಾರ್ಥಿನಿಯರಿಗೆ ನ್ಯಾಪ್ ಕಿನ್, ನೋಟ್ ಬುಕ್ ಸೇರಿ ವಿವಿಧ ಪರಿಕ್ಕರಗಳನ್ನು ವಿತರಿಸಿದ್ದಾರೆ. `ತಾನು ಭಟ್ಕಳದಲ್ಲಿ ಪ್ರಾಥಮಿಕ ಶಾಲೆ ಕಲಿತು ಬೆಂಗಳೂರಿನಲ್ಲಿ (ಃeಟಿgಚಿಟuಡಿu) ಇಂಜಿನಿಯರಿAಗ್ ಮುಗಿಸಿದ ನಂತರ ಚಿತ್ರರಂಗ ಪ್ರವೇಶಿಸಿದೆ. ಸಮಾಜ ಸೇವೆ ಮಾಡುವುದು ನನ್ನ ಜೀವನದ ಮುಖ್ಯ ಗುರಿ’ ಎಂದು ಈ ವೇಳೆ ಅವರು ಹೇಳಿದ್ದಾರೆ. `ಆಹಾರ ಇಂಡಿಯಾ’ ಎಂಬ ಸಂಸ್ಥೆ ಮೂಲಕ ಅವರು ವಿದ್ಯಾರ್ಥಿಗಳಿಗೆ ನೆರವಾಗಿದ್ದು, ಮುಂದೆಯೂ ಸಹಾಯ ಮಾಡುವ ಭರವಸೆ ನೀಡಿದ್ದಾರೆ. ಸದ್ಯ ರಮ್ಯಾ ಕೃಷ್ಣ ಅವರು ತಮಿಳು, ತೆಲಗು ಸೇರಿ ವಿವಿಧ ಭಾಷೆಗಳ ಚಿತ್ರದಲ್ಲಿ ಸಹ ನಟಿಯಾಗಿದ್ದಾರೆ. ಮಾರುಕೇರಿ ಪೌಢಶಾಲೆಯ ಶಾಲಾಭಿವೃದ್ದಿ ಸಮಿತಿ ಅಧ್ಯಕ್ಷ ಶ್ರೀಕಂಠ ಹೆಬ್ಬಾರ, ನಾರಾಯಣ ಹೆಬ್ಬಾರ ಹಾಗೂ ಇತರರು ಚಿತ್ರನಟಿ ರಮ್ಯಾ ಕೃಷ್ಣ ಅವರನ್ನು ಗೌರವಿಸಿದ್ದಾರೆ.
- [ಸಂಸಾರ ಸಮಸ್ಯೆ: ನೇಣಿಗೆ ಶರಣು!](https://mobiletime.in/2026/06/family-problem-surrender-to-the-gallows/): ತವರುಮನೆಗೆ ಹೋದ ಪತ್ನಿ ಮನೆಗೆ ಮರಳದ ಕಾರಣ ಯಲ್ಲಾಪುರ ಹಿತ್ಲಳ್ಳಿ ಬಳಿಯ ಮಂಜುನಾಥ ಕುಣಬಿ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಸಂಸಾರಿಕ ಜೀವನದಲ್ಲಿನ ಜಿಗುಪ್ಸೆಯಿಂದಾಗಿ 38ನೇ ವಯಸ್ಸಿನಲ್ಲಿಯೇ ಅವರು ದುಡುಕು ನಿರ್ಧಾರ ಮಾಡಿದ್ದಾರೆ. ಯಲ್ಲಾಪುರದ ಹಿತ್ಲಳ್ಳಿ ಗೊಣಗಲಮಕ್ಕಿಯಲ್ಲಿ ಮಂಜುನಾಥ ಮಾಣಿ ಕುಣಬಿ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ನಡೆಸುತ್ತಿದ್ದರು. ಹೀಗಿರುವಾಗ ಅವರ ಪತ್ನಿ ವಸಂತಿ ಕುಣಬಿ ಅವರು ಮಗಳು ಭಾಗ್ಯ ಅವರ ಜೊತೆ ತವರು ಮನೆಗೆ ಹೋಗಿದ್ದರು. ಪತ್ನಿ ತವರು ಮನೆಗೆ ಹೋದ ಕಾರಣ ಮಂಜುನಾಥ ಕುಣಬಿ ಅವರು ಬೇಸರದಲ್ಲಿದ್ದರು. ಎಷ್ಟು ದಿನ ಕಳೆದರೂ ಪತ್ನಿ ಮರಳದ ಕಾರಣ ಮಾನಸಿಕವಾಗಿ ಕುಗ್ಗಿದ್ದರು. ಕುಟುಂಬ ಸರಿಯಿಲ್ಲದ ನೆವದಲ್ಲಿ ಮಂಜುನಾಥ ಕುಣಬಿ ಅವರು ಸರಾಯಿ ಸೇವನೆ ಶುರು ಮಾಡಿದರು. ಸರಾಯಿ ಸೇವನೆ ವಿಪರೀತವಾಗಿದ್ದು, ಮಾನಸಿಕವಾಗಿ ಅವರು ಇನ್ನಷ್ಟು ದುರ್ಬಲರಾದರು. ಪತ್ನಿ ಹಾಗೂ ಮಗಳು ಮನೆ ಬಿಟ್ಟು ಹೋಗಿರುವ ಚಿಂತೆಯಲ್ಲಿಯೇ ಮಂಜುನಾಥ ಕುಣಬಿ ಅವರು ತಮ್ಮ ಜೀವನವನ್ನು ಅಂತ್ಯಗೊಳಿಸಲು ನಿರ್ಧರಿಸಿದರು. ಜೂನ್ 6ರಂದು ಕಾಣೆಯಾದ ಮಂಜುನಾಥ ಕುಣಬಿ ಅವರು ಜೂನ್ 7ರಂದು ಮನೆ ಪಕ್ಕದ ಮಸರಕುಳಿ ಹಳ್ಳದ ಅಂಚಿನ ಗೇರು ಗಿಡಕ್ಕೆ ನೇತಾಡುತ್ತಿದ್ದರು. ಸಹೋದರನ ಸಾವಿನ ಬಗ್ಗೆ ನರಸಿಂಹ ಕುಣಬಿ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಸರಾಯಿ ಚಟ: ಸಾಲದ ನೋವಿನಲ್ಲಿ ಸಾವನಪ್ಪಿದ ಕ್ಷೌರಿಕ!](https://mobiletime.in/2026/06/sarai-addiction-barber-dies-in-debt/): ಸರಾಯಿ ಕುಡಿಯುವುದಕ್ಕಾಗಿ ಎಲ್ಲೆಂದರಲ್ಲಿ ಸಾಲ ಮಾಡಿಕೊಂಡಿದ್ದ ಹೊನ್ನಾವರದ ಕೌರಿಕ ಮಹೇಶ ಪಾಚೋಡೆಕರ್ ಅವರು ಸಾಲ ತೀರಿಸಲಾಗದೇ ಸಾವನಪ್ಪಿದ್ದಾರೆ. ತಮ್ಮ ಕಟಿಂಗ್ ಶಾಪ್ ಒಳಗೆ ಅವರು ನೇಣಿಗೆ ಶರಣಾಗಿದ್ದಾರೆ. ಹೊನ್ನಾವರದ ಪ್ರಭಾತ ನಗರದಲ್ಲಿ ಮಹೇಶ ಸುರೇಶ್ ಪಾಚೋಡೆಕರ್ (42) ಅವರು ವಾಸವಾಗಿದ್ದರು. ಕ್ಷೌರಿಕ ಕೆಲಸ ಮಾಡಿಕೊಂಡು ಅವರು ಕುಟುಂಬ ಸಲಹುತ್ತಿದ್ದರು. ಸರಾಯಿ ಕುಡಿಯುವ ಚಟಕ್ಕೆ ದಾಸರಾಗಿದ್ದ ಮಹೇಶ್ ಅವರು ಕುಡಿತಕ್ಕಾಗಿ ಎಲ್ಲೆಂದರಲ್ಲಿ ಸಾಲ ಮಾಡಿದ್ದರು. ಅವರ ಸಾಲದ ಮಿತಿ ಮೀರಿದರೂ ಕುಡಿತಕ್ಕಾಗಿ ಮತ್ತೆ ಮತ್ತೆ ಕೈಗಡ ಸಾಲಪಡೆಯುತ್ತಿದ್ದರು. ಈಚೆಗೆ ಸಾಲ ಹಾಗೂ ಸಾಕಷ್ಟು ಸರಾಯಿ ಸಿಗದ ಕಾರಣ ಮಹೇಶ ಅವರು ಬೇಸರಕ್ಕೆ ಒಳಗಾಗಿದ್ದರು. ಜೂನ್ 7ರಂದು ಶನಿದೇವಸ್ಥಾನದ ಬಳಿಯಿರುವ ಪಟ್ಟಣ ಪಂಚಾಯತ ಕಾಂಪ್ಲೇಕ್ಸಿಗೆ ಬಂದ ಅವರು ಅಲ್ಲಿ ಕಟಿಂಗ್ ಶಾಪ್ ತೆರೆದಿದ್ದು, ಅಲ್ಲಿಯೇ ದುಡುಕು ನಿರ್ಧಾರ ಮಾಡಿದರು. ಅಲ್ಲಿದ್ದ ಫ್ಯಾನಿಗೆ ನೇಣು ಹಾಕಿಕೊಂಡು ಅವರು ಉಸಿರು ನಿಲ್ಲಿಸಿದರು. ಸಹೋದರನ ಸಾವಿನ ಬಗ್ಗೆ ನರೇಶ ಪಾಚೋಡಿಕರ್ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ರಾತ್ರಿ ಸಂಚಾರದ ವೇಳೆ ಸಂಚಕಾರ: ಗುತ್ತಿಗೆದಾರನ ಮೇಲೆ ಅಪರಿಚಿತರ ಆಕ್ರಮಣ!](https://mobiletime.in/2026/06/night-traffic-jam-contractor-attacked-by-unknown-persons/): ಶಿರಸಿಗೆ ಹೊರಟಿದ್ದ ಯಲ್ಲಾಪುರ ನಂದೂಳ್ಳಿಯ ನಾಗಪ್ಪ ಸಿದ್ದಿ ಅವರ ಮೇಲೆ ಅಪರಿಚಿತರು ಆಕ್ರಮಣ ಮಾಡಿದ್ದಾರೆ. ಆ ದಾಳಿಯಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದರೂ ನಾಗಪ್ಪ ಸಿದ್ದಿ ಅವರಿಗೆ ಅಲ್ಲಲ್ಲಿ ಪೆಟ್ಟು ಬಿದ್ದಿದ್ದು, ಅವರ ಕತ್ತಿನಲ್ಲಿದ್ದ ಚಿನ್ನದ ಸರ ಹರಿದಿದೆ. ಜೊತೆಗೆ ಹಣ ಹಾಗೂ ವಿವಿಧ ದಾಖಲೆಗಳು ಕಣ್ಮರೆಯಾಗಿದೆ. ಯಲ್ಲಾಪುರದ ನಂದೂಳ್ಳಿ ಬಳಿಯ ಕುಂಬ್ರಿ ಮಾವಿನಗದ್ದೆಯಲ್ಲಿ ನಾಗಪ್ಪ ಗಿಡ್ಡಾ ಸಿದ್ದಿ ಅವರು ವಾಸವಾಗಿದ್ದಾರೆ. ಸಿವಿಲ್ ಗುತ್ತಿಗೆದಾರರಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಜೂನ್ 1ರ ರಾತ್ರಿ ಅವರು ಕಾರಿನಲ್ಲಿ ಶಿರಸಿಗೆ ಹೊರಟಿದ್ದು, 9 ಗಂಟೆ ವೇಳೆಗೆ ಶಿರಸಿ ಮಲೆನಳ್ಳಿ ಗ್ರಾಮದ ಬಳಿ ಕಾರು ನಿಲ್ಲಿಸಿದ್ದಾರೆ. ಈ ವೇಳೆ ಅವರಿಗೆ ವಾಂತಿ ಬರುವ ಹಾಗಾಗಿದ್ದು, ಕಾರಿನಿಂದ ಇಳಿದು ಸುಧಾರಿಸಿಕೊಳ್ಳುವ ಪ್ರಯತ್ನ ಮಾಡಿದ್ದಾರೆ. ಆಗ, ಬೈಕಿನಲ್ಲಿ ಬಂದ ವ್ಯಕ್ತಿಗಳಿಬ್ಬರು ಏಕಾಏಕಿ ನಾಗಪ್ಪ ಸಿದ್ದಿ ಅವರಿಗೆ ನಿಂದಿಸಿದ್ದಾರೆ. ಕಾರಿಗೆ ಪಾಕಿಂಗ್ ಲೈಟ್ ಹಾಕದ ಕಾರಣ ಅವರು ಬೈಗುಳ ಶುರು ಮಾಡಿದ್ದು, ನಾಗಪ್ಪ ಸಿದ್ದಿ ಅವರ ಮೇಲೆ ದಾಳಿ ಮಾಡಿದ್ದಾರೆ. ಅವರ ಏಟಿನಿಂದ ತಪ್ಪಿಸಿಕೊಳ್ಳಲು ನಾಗಪ್ಪ ಸಿದ್ದಿ ಅವರು ಕಾರು ಹತ್ತಲು ಪ್ರಯತ್ನಿಸಿದಾಗ ಬೈಕಿನಲ್ಲಿ ಬಂದವರು ಅಡ್ಡಗಟ್ಟಿ ಹೊಡೆದಿದ್ದಾರೆ. ಅದಾದ ನಂತರ ನಾಗಪ್ಪ ಸಿದ್ದಿ ಅವರ ಕೊರಳಿಗೆ ಕೈ ಹಾಕಿ ಅಲ್ಲಿದ್ದ ಬಂಗಾರದ ಸ್ಪಟಿಕದ ಮಣಿಸರ ಹರಿದಿದ್ದಾರೆ. ತರಾತುರಿಯಲ್ಲಿ ನಾಗಪ್ಪ ಸಿದ್ದಿ ಅವರು ಅವರಿಂದ ತಪ್ಪಿಸಿಕೊಂಡು ಬಂದಿದ್ದು, ಅದಾದ ನಂತರ ಆ ಗಲಾಟೆಯಲ್ಲಿ ಮಗಳ ಆಧಾರ್, ಶಾಲಾ ದಾಖಲಾತಿ, ಕಿಸೆಯಲ್ಲಿದ್ದ 500ರೂ ಹಣ ಕಾಣೆಯಾಗಿರುವುದು ಗೊತ್ತಾಗಿದೆ. ತಮ್ಮ ಮೇಲೆ ಆಕ್ರಮಣ ನಡೆಸಿದವರ ಬೈಕ್ ನೋಂದಣಿ ನೆನಪು ಮಾಡಿಕೊಂಡ ನಾಗಪ್ಪ ಸಿದ್ದಿ ಅವರು ಅವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ.
- [ಮೂರು ದಿನ ರೆಡ್ ಅಲರ್ಟ!](https://mobiletime.in/2026/06/three-days-of-red-alert/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೂನ್ 8ರಿಂದ 10ರ ಬೆಳಗ್ಗೆ 8.30ರವರೆಗೆ ಭಾರೀ ಪ್ರಮಾಣದ ಮಳೆಯಾಗುವ ಸಾಧ್ಯತೆಯಿದೆ. ಈ ಹಿನ್ನಲೆ ಜಿಲ್ಲೆಯಲ್ಲಿ ರೆಡ್ ಅಲರ್ಟ ಘೋಷಿಸಲಾಗಿದೆ. ಭಾರತೀಯ ಹವಾಮಾನ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರ ಅವರು ನೀಡಿದ ಮುನ್ಸೂಚನೆ ಪ್ರಕಾರ ಜೀನ್ 10ರವರೆಗೂ ಜಿಲ್ಲೆಯಲ್ಲಿ ಹೆಚ್ಚಿನ ಮಳೆ ಸುರಿಯುವ ಸಾಧ್ಯತೆಗಳಿವೆ. ಮಳೆ ಅವಘಡ ನಿಯಂತ್ರಣಕ್ಕೆ ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿ ಜಿಲ್ಲಾ ತುರ್ತು ಕಾರ್ಯಾಚರಣೆ ಕೇಂದ್ರವನ್ನು ತೆರೆಯಲಾಗಿದೆ. ಹವಾಮಾನ ಪರಿಸ್ಥಿತಿಯ ಬಗ್ಗೆ ಜನ ಜಿಲ್ಲಾಡಳಿತದ ಜಾಲತಾಣ ಹಾಗೂ ಸ್ಥಳೀಯ ಮಾಧ್ಯಮಗಳ ಮೂಲಕ ಮಾಹಿತಿಪಡೆಯುವಂತೆ ಸೂಚಿಸಲಾಗಿದೆ. ರೆಡ್ ಅರ್ಲರ್ಟ ಘೋಷಣೆಯ ಈ ಅವಧಿಯಲ್ಲಿ ಮೀನುಗಾರರು ಸಮುದ್ರ ಪ್ರದೇಶಗಳಿಗೆ ಹೋಗದಂತೆ ಸೂಚಿಸಲಾಗಿದೆ. ನೀರು ಇರುವ ತಗ್ಗು ಪ್ರದೇಶ, ಕೆರೆ, ನದಿ ತೀರ, ಸಮುದ್ರ ತೀರಕ್ಕೆ ಹೋಗದಂತೆ ಸಾರ್ವಜನಿಕರು ಹಾಗೂ ಮುಖ್ಯವಾಗಿ ಮಕ್ಕಳು ಹೋಗದಂತೆ ಪಾಲಕರು ಜಾಗ್ರತೆವಹಿಸಬೇಕು ಎಂದು ಜಿಲ್ಲಾಡಳಿತ ತಿಳಿಸಿದೆ. ಪ್ರವಾಸಿಗರು ಹಾಗೂ ಸಾರ್ವಜನಿಕರು ನದಿ/ನೀರಿರುವ ಪ್ರದೇಶ ಮತ್ತು ಸಮುದ್ರಕ್ಕೆ ಹೋಗುವಂತಿಲ್ಲ. ಕೃಷಿಕರು ಮಳೆ-ಸಿಡಿಲಿನಂತಹ ಸಂದರ್ಭದಲ್ಲಿ ಕೃಷಿ ಚಟುವಟಿಕೆಯಿಂದ ದೂರವಿರುವು ಉತ್ತಮ ಎಂದು ಜಿಲ್ಲಾಡಳಿತ ಹೇಳಿದೆ. `ಅಪಾಯಕಾರಿ ಮರ, ವಿದ್ಯುತ್ ಕಂಬದ ಹತ್ತಿರವೂ ಜನ ಹೋಗಬಾರದು. ಹಳೆಯ ಕಟ್ಟಡಗಳಲ್ಲಿ ಆಶ್ರಯಪಡೆಯಬಾರದು’ ಎಂದು ಸೂಚಿಸಲಾಗಿದೆ. `ಸಾರ್ವಜನಿಕರು ತಗ್ಗು ಪ್ರದೇಶದಲ್ಲಿ ಅಥವಾ ಮಳೆಯಿಂದ ಅಪಾಯಕ್ಕೀಡಾಗುವ ಪ್ರದೇಶದಲ್ಲಿ ವಾಸವಿದ್ದಲ್ಲಿ ಸ್ಥಳಾಂತರವಾಗಬೇಕು. ಅಗತ್ಯವಿದ್ದರೆ ಕಾಳಜಿ ಕೇಂದ್ರಕ್ಕೆ ಬರಬೇಕು’ ಎಂದು ಜಿಲ್ಲಾಡಳಿತ ಮನವಿ ಮಾಡಿದೆ. ತುರ್ತು ಸನ್ನಿವೇಶಗಳಿದ್ದರೆ ಇಲ್ಲಿ ಫೋನ್ ಮಾಡಿ: 08382-229857, ವಾಟ್ಸಪ್: 9483511015
- [ಪ್ರೀತಿಸಿ ಮದುವೆ ಆದವನಿಗೆ ಪತ್ನಿ ಮೇಲೆ ಸಂಶಯ!](https://mobiletime.in/2026/06/a-man-who-married-for-love-has-doubts-about-his-wife/): ಶಿರಸಿ ಮರಾಠಿಕೊಪ್ಪದ ಶಿವಲೀಲಾ ಪಟಗಾರ ಅವರನ್ನು ಪ್ರೀತಿಸಿ ಮದುವೆಯಾದ ನಾಗರಾಜ ಪಟಗಾರ ಅವರು ಇದೀಗ ಪತ್ನಿ ವಿರುದ್ಧ ಸಂಶಯ ಶುರು ಮಾಡಿದ್ದಾರೆ. ಮಗಳಿಗೆ ಸೈಕಲ್ ಕೊಡಿಸಿದ ಕಾರಣವೊಡ್ಡಿ ನಾಗರಾಜ ಪಟಗಾರ ಅವರು ಶಿವಲೀಲ ಪಟಗಾರ ಹಾಗೂ ಅವರ ತಾಯಿ ಹಿರಿಯವ್ವ ಅವರ ಮೇಲೆ ಕೈ ಮಾಡಿದ್ದಾರೆ. ಶಿರಸಿಯ ಮರಾಠಿಕೊಪ್ಪದ ದೋಬಿಹೊಂಡದ ಬಳಿ ಶಿವಲೀಲಾ ಪಟಗಾರ (33) ಅವರು ವಾಸವಾಗಿದ್ದಾರೆ. ನಾಲ್ಕು ವರ್ಷದ ಹಿಂದೆ ಬಿಸಿಲಕೊಪ್ಪದ ನಾಗರಾಜ ಮಂಕಾಳು ಪಟಗಾರ ಅವರು ಶಿವಲೀಲ ಪಟಗಾರ ಅವರನ್ನು ಪ್ರೀತಿಸುವಂತೆ ಬೆನ್ನು ಬಿದ್ದಿದ್ದು, ಆ ಪ್ರೀತಿಗೆ ಮನಸೋತು ಶಿವಲೀಲಾ ಅವರು ನಾಗರಾಜ ಪಟಗಾರ ಅವರನ್ನು ಮದುವೆ ಆಗಿದ್ದಾರೆ. ಶಿವಲೀಲಾ ಪಟಗಾರ ಅವರಿಗೆ ಎರಡನೇ ಮದುವೆ ಆಗಿದ್ದು, ಅವರಿಗೆ ಮಗುವಿದೆ. ಅದಾಗಿಯೂ, ಪ್ರೀತಿಸಿ ಮದುವೆ ಆಗಿದ್ದ ನಾಗರಾಜ ಪಟಗಾರ ಅವರು ಮದುವೆ ನಂತರ ಶಿವಲೀಲಾ ಪಟಗಾರ ಅವರ ಮನೆಯಲ್ಲಿಯೇ ವಾಸವಾಗಿದ್ದರು. ಅದಾದ ನಂತರ ಶಿವಲೀಲಾ ಪಟಗಾರ ಅವರು ಕೆಲಸಕ್ಕೆ ಸೇರುವುದಾಗಿ ಹೇಳಿದ್ದು, ಅದೇ ವಿಷಯವಾಗಿ ದಂಪತಿ ನಡುವೆ ವೈಮನಸ್ಸು ಶುರುವಾಗಿದೆ. ಪತ್ನಿ ಮೇಲಿನ ಮುನಿಸಿನಿಂದ ನಾಗರಾಜ ಪಟಗಾರ ಅವರು ಮನೆ ಬಿಟ್ಟು ಹೋಗಿದ್ದು, ಬಿಸಿಲಕೊಪ್ಪದಲ್ಲಿ ಬೇರೆ ಮನೆ ಮಾಡಿದ್ದಾರೆ. ಅದಾಗಿಯೂ, ಶಿವಲೀಲ ಪಟಗಾರ ಅವರು ವಾರಕ್ಕೆ ಎರಡು ದಿನ ಬಿಸಿಲಕೊಪ್ಪಕ್ಕೆ ಹೋಗಿ ಬರುತ್ತಿದ್ದರು. ಆದರೆ, ನಾಗರಾಜ ಪಟಗಾರ ಅವರ ಕೋಪ ಮಾತ್ರ ಕಡಿಮೆ ಆಗಿರಲಿಲ್ಲ. ಪತ್ನಿ ಮೇಲೆ ನಾಗರಾಜ ಪಟಗಾರ ಸಂಶಯವ್ಯಕ್ತಪಡಿಸುತ್ತಿದ್ದು, ಶಿವಲೀಲ ಪಟಗಾರ ಅವರು ಸಮಾಧಾನ ಮಾಡಿದರೂ ಅವರ ಅನುಮಾನ ದೂರವಾಗಿರಲಿಲ್ಲ. ಹೀಗಿರುವಾಗ, ಮೇ 18ರಂದು `ಮಗಳಿಗೆ ಸೈಕಲ್ ಕೊಡಿಸುವೆ’ ಎಂದು ಶಿವಲೀಲಾ ಪಟಗಾರ ಅವರು ಪತಿ ಬಳಿ ಹೇಳಿದ್ದಾರೆ. ಅದಕ್ಕೆ ನಾಗರಾಜ ಪಟಗಾರ ಅವರು ವಿರೋಧಿಸಿದ್ದು, ಅದಾಗಿಯೂ ಶಿವಲೀಲಾ ಪಟಗಾರ ಅವರು ಸೈಕಲ್ ಕೊಡಿಸಿದ್ದಾರೆ. ಇದರಿಂದ ಸಿಟ್ಟಾದ ನಾಗರಾಜ ಪಟಗಾರ ಅವರು `ಆ ಸೈಕಲ್ ಕೊಡಿಸಿದ್ದು ಯಾರು? ಆತನಿಗೂ ನಿನಗೂ ಏನು ಸಂಬAಧ?’ ಎಂದು ಪ್ರಶ್ನಿಸಿ ಕೂಗಾಡಿದ್ದಾರೆ. ರಾತ್ರಿ ಮನೆಗೆ ಬಂದು ಗಲಾಟೆ ಮಾಡಿದ್ದು, ಪತ್ನಿ ಮೇಲೆ ಕೈ ಮಾಡಿದರು. ಈ ವೇಳೆ ಶಿವಲೀಲಾ ಅವರ ತಾಯಿ ಹಿರಿಯವ್ವ ಅಲ್ಲಿಗೆ ಆಗಮಿಸಿ ಸಮಾಧಾನ ಮಾಡುವ ಪ್ರಯತ್ನ ಮಾಡಿದ್ದು, ಅವರ ಮೇಲೆಯೂ ನಾಗರಾಜ ಪಟಗಾರ ಅವರು ಆಕ್ರಮಣ ಮಾಡಿದರು. ಪ್ಲಾಸ್ಟಿಕ್ ಖುರ್ಚಿಯಿಂದ ಹೊಡೆದ ಕಾರಣ ಹಿರಿಯವ್ವ ಅವರ ತಲೆಯಿಂದ ರಕ್ತ ಸುರಿಯಿತು. ಈ ವೇಳೆ ನೆಲಕ್ಕೆ ಅಪ್ಪಳಿಸಿದ ಕಾರಣ ಶಿವಲೀಲಾ ಅವರು ಗಾಯಗೊಂಡರು. ಪರಿಣಾಮ ಶಿವಲೀಲಾ ಪಟಗಾರ ಅವರು ಆಸ್ಪತ್ರೆ ಸೇರಿದರು. ಹಿರಿಯವ್ವ ಅವರು ಸಹ ಚಿಕಿತ್ಸೆಗೆ ಒಳಗಾದರು. ವಾರಗಳ ಕಾಲ ವಿಶ್ರಾಂತಿಪಡೆದ ನಂತರ ಇದೀಗ ಅವರಿಬ್ಬರು ಚೇತರಿಸಿಕೊಂಡಿದ್ದು, ಪತಿಯ ವಿರುದ್ಧ ಶಿವಲೀಲಾ ಅವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ.
- [ದೇವರ ಗಂಟೆ ಕದ್ದವ ಗಿಂಡಿವಾಡದ ವಿನಾಯಕ!](https://mobiletime.in/2026/06/vinayaka-of-gindiwada-stole-the-bell-of-god/): ದೇವಸ್ಥಾನಗಳನ್ನು ಗುರಿಯಾಗಿರಿಸಿಕೊಂಡು ಕಳ್ಳತನ ಮಾಡುತ್ತಿದ್ದ ವ್ಯಕ್ತಿಯ ಹೆಸರನ್ನು ಕಾರವಾರ ಪೊಲೀಸರು ಬಹಿರಂಗಪಡಿಸಿದ್ದಾರೆ. ಗಿಂಡಿವಾಡದ ವಿನಯ (ವಿನಾಯಕ) ದಯಾನಂದ ಗಾಂವಕರ ಕಳ್ಳತನದ ರೂವಾರಿಯಾಗಿದ್ದು, ವಿವಿಧ ದೇವಾಲಯದಲ್ಲಿ ಕಳ್ಳತನವಾಗಿದ್ದ ಗಂಟೆ, ಆರತಿ, ದೀಪಗಳನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಕಾರವಾರದ ಹಬ್ಬುವಾಡ ರಸ್ತೆಯಲ್ಲಿರುವ ದಾಸಮಾರುತಿ ದೇವಾಲಯದಲ್ಲಿ ಮೇ 20ರಂದು ಕಳ್ಳತನ ನಡೆದಿತ್ತು. 50 ಕೆಜಿಯ ಹಿತ್ತಾಳೆ ಸಾಮಗ್ರಿಗಳನ್ನು ಕಳ್ಳರು ದೋಚಿದ್ದರು. ಈ ಬಗ್ಗೆ ಅಲ್ಲಿನ ಶಾಮಸುಂದರ ಅನಂತ ಬಸರೂರು ಅವರು ನೀಡಿದ ಮಾಹಿತಿ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದರು. ಮೇ 31ರಂದು ಚೆಂಡಿಯಾ ಗ್ರಾಮದ ಜಯಮಾರುತಿ ದೇವಸ್ಥಾನದ ಹುಂಡಿ ಒಡೆದ ಕಳ್ಳರು 21 ಸಾವಿರ ರೂ ಹಣ ದೋಚಿದ್ದರು. ಚೆಂಡಿಯಾದಲ್ಲಿ ಎರಡು ಹಿತ್ತಾಳೆ ಗಂಟೆಯನ್ನು ಸಹ ಕಳ್ಳರು ಅಪಹರಿಸಿದ್ದರು. ಚೆಂಡಿಯಾ ಐಸ್ ಪಾಕ್ಟರಿ ಬಳಿಯ ನರಸಿಂಹ ಸುಬ್ರಾಯ ಆಚಾರಿ ನೀಡಿದ ಮಾಹಿತಿ ಪ್ರಕಾರ ಪೊಲೀಸರು ಈ ಬಗ್ಗೆಯೂ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಜೂನ್ 4ರಂದು ಮುಖೇರಿ ಸಾಸನವಾಡದಲ್ಲಿರುವ ರಾಮಸತಿ ದೇವಿ ದೇಗುಲಕ್ಕೆ ಕಳ್ಳರು ನುಗ್ಗಿದರು. ದೇವಿ ಆಲಯದಲ್ಲಿದ್ದ ಹಿತ್ತಾಳೆ ಸಾಮಗ್ರಿಗಳ ಜೊತೆ ಗಂಟೆಗಳನ್ನು ಸಹ ಕದ್ದರು. ದೇವಿ ಸನ್ನಿಧಿಯಲ್ಲಿನ ಕಳ್ಳತನದ ಬಗ್ಗೆ ಅಲ್ಲಿನ ವಿಘ್ನೇಶ್ವರ ರತ್ನಾಕರ್ ನಾಗೇಕರ್ ಅವರು ಪೊಲೀಸರಿಗೆ ಮಾಹಿತಿ ನೀಡಿ ದೂರು ದಾಖಲಿಸಿದರು. ಜೂನ್ 5ರಂದು ಸದಾಶಿವಗಡದ ಮಲ್ದಾರವಾಡದಲ್ಲಿರುವ ಕಾಳೋಬಾ ದೇವರ ಗುಡಿಯಲ್ಲಿ ಕಳ್ಳತನ ನಡೆದಿತ್ತು. ಕುಲ ದೇವರ ಮಂದಿರದಲ್ಲಿ ಕಳ್ಳತನವಾದ ಬಗ್ಗೆ ಸಮಿತಿಯವರಲ್ಲಿ ಚರ್ಚಿಸಿ ದೇವಭಾಗ ರಸ್ತೆಯ ನರಸಿಂಹಕಟ್ಟಾದ ಮಂಗೇಶ ದತ್ತಾ ಗಜನೀಕರ್ ಅವರು ಚಿತ್ತಾಕುಲ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಮೇ 24ರಂದು ಅಸ್ನೋಟಿಯ ವಿಠಲ ರುಖುಮಾಯಿ ದೇವಾಲಯದಲ್ಲಿಯೂ ಕಳ್ಳತನ ನಡೆದಿದ್ದು, ಅಲ್ಲಿದ್ದ ದೀಪಗಳನ್ನು ದುಷ್ಕರ್ಮಿಗಳು ದೋಚಿದ್ದರು. ಅಸ್ನೋಟಿ ಕೊಳಗೆಯ ದೀಪಕ ಗೋಪಾಲ ಬಾವ ಅವರು ಈ ಬಗ್ಗೆ ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. ಈ ಎಲ್ಲಾ ದೇವಸ್ಥಾನಗಳ ಕಳ್ಳತನದ ಬಗ್ಗೆ ಸಮಗ್ರ ಶೋಧ ನಡೆಸಿದ ಪೊಲೀಸರಿಗೆ ಕಳ್ಳರ ಬಗ್ಗೆ ಸಣ್ಣ ಸುಳಿವು ಸಿಕ್ಕಿತು. ಅದೇ ಸುಳಿವಿನ ಆಧಾರದಲ್ಲಿ ಇನ್ನಷ್ಟು ತನಿಖೆ ಮಾಡಿದಾಗ ಗಿಂಡಿವಾಡದ ವಿನಯ (ವಿನಾಯಕ) ದಯಾನಂದ ಗಾಂವಕರ ಅವರು ಸಿಕ್ಕಿಬಿದ್ದರು. ವಿಚಾರಣೆಯಲ್ಲಿ ಅವರು ಕಳ್ಳತನ ಮಾಡಿದನ್ನು ಒಪ್ಪಿಕೊಂಡಿದ್ದು, ಕದ್ದ ಸಾಮಗ್ರಿಗಳನ್ನು ಪೊಲೀಸರಿಗೆ ಒಪ್ಪಿಸಿದರು. ಒಟ್ಟು 87 ಸಾವಿರ ರೂ ಮೌಲ್ಯದ ಸಾಮಗ್ರಿಗಳನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರ ಜೊತೆ ಹೆಚ್ಚವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಡಿವೈಎಸ್ಪಿ ಗಿರೀಶ್ ವಿ, ಪೊಲೀಸ್ ನಿರೀಕ್ಷಕಿ ಜಯಶ್ರೀ ಮಾನೆ, ಪಿಸೈ ಉದ್ದಪ್ಪ ಧರೆಪ್ಪನವರ್, ಸಿಬ್ಬಂದಿ ಸೂರಜ್ ಕೋಠಾರಕರ್, ಸಚೀನ ನಾಯ್ಕ, ಹಸನ್ ಕುಟ್ಟಿ, ರಾಜೇಶ ನಾಯ್ಕ, ಮದೇವ ಸಂಗಾಪುರ, ಪ್ರಕಾಶ ದಂಡಪ್ಪನವರ್, ಪ್ರತಾಪಕುಮಾರ ಜೊತೆ ತಾಂತ್ರಿಕ ವಿಭಾಗದ ಬಬನ ಕದಂ, ಉದಯ ಗುನಗಾ, ಮಹಾಲಿಂಗ ಸಾವಳಗಿ ಸೇರಿ ದೇವಾಲಯ ದೋಚಿದವನನ್ನು ಹಿಡಿದಿದ್ದಾರೆ.
- [ಬಾವಿಗೆ ಬಿದ್ದರೂ ಬದುಕಿದ ಚಿರತೆ!](https://mobiletime.in/2026/06/a-leopard-that-survived-after-falling-into-a-well/): ಭಟ್ಕಳದ ಯಲ್ವಡಿಕವೂರಿನ ನಾರಾಯಣ ನಾಯ್ಕ ಅವರ ಮನೆ ಮುಂದಿನ ಬಾವಿಗೆ ಚಿರತೆ ಬಿದ್ದಿದ್ದು, ಅರಣ್ಯ ಸಿಬ್ಬಂದಿ ಕಾರ್ಯಾಚರಣೆಯಿಂದ ಆ ಚಿರತೆ ಬಾವಿಯಿಂದ ಮೇಲೆ ಬಂದಿದೆ. ಬಾವಿಗೆ ಬಿದ್ದರೂ ಜೀವ ಉಳಿಸಿಕೊಂಡ ಆ ಚಿರತೆ ನೂರಾರು ಜನರ ಸಮ್ಮುಖದಲ್ಲಿ ಕಾಡು ಸೇರಿದೆ. ಭಾನುವಾರ ನಾರಾಯಣ ನಾಯ್ಕ ಅವರು ತಮ್ಮ ಮನೆ ಬಳಿಯಿದ್ದಾಗ ಬಾವಿಯಿಂದ ಶಬ್ದ ಬರುವುದನ್ನು ಆಲಿಸಿದರು. ಆ ಸದ್ದು ಗಮನಿಸಲು ಅವರು ಸಮೀಪ ಹೋದಾಗ ಅಲ್ಲಿ ಚಿರತೆ ಕಾಣಿಸಿತು. ಮೂರು ವರ್ಷದ ಗಂಡು ಚಿರತೆ ಬಾವಿಯಿಂದ ಮೇಲೆ ಬರಲಾಗದೇ ಘರ್ಜಿಸುತ್ತಿರುವುದನ್ನು ನೋಡಿ ಅವರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದರು. ಗೋಕರ್ಣ ತದಡಿಯ ವನ್ಯಜೀವಿ ರಕ್ಷಕ ಅಶೋಕ ನಾಯ್ಕ, ಮಹೇಶ ನಾಯ್ಕ ಹಾಗೂ ನಾಗರಾಜ ಹರಿಕಾಂತ ಅವರು ಚಿರತೆ ಸೆರೆಹಿಡಯುವ ಕಾರ್ಯಾಚರಣೆಗಿಳಿದರು. ಅರಣ್ಯ ಸಿಬ್ಬಂದಿ ಅವರಿಗೆ ಸಹಕಾರ ನೀಡಿದ್ದು, ಸುರಕ್ಷತಾ ಕ್ರಮ ಅನುಸರಿಸಿ ಚಿರತೆಯನ್ನು ಮೇಲೆತ್ತಿದರು. ಚಿರತೆ ನೋಡಲು ಜನ ಬಾವಿ ಹತ್ತಿರ ಬಂದಿದ್ದು, ರಕ್ಷಣಾ ಕಾರ್ಯಾಚರಣೆಯಲ್ಲಿದ್ದವರು ಜನರನ್ನು ದೂರ ಸರಿಸಿದರು. ಅದಾಗಿಯೂ, ಬಾವಿಗೆ ಬಿದ್ದ ಚಿರತೆ ನೋಡಲು ನೂರಾರು ಜನ ಬರುತ್ತಲೇ ಇದ್ದರು. ಸಾಹಸದಿಂದ ಚಿರತೆ ಮೇಲೆತ್ತಲಾಗಿದ್ದು, ಅದು ಆರೋಗ್ಯವಾಗಿರುವುದನ್ನು ಅಧಿಕಾರಿಗಳು ದೃಢಪಡಿಸಿದರು. ನಂತರ ಆರ್‌ಎಫ್‌ಓ ವಿಶ್ವನಾಥ ನಾಯ್ಕ ಮುಂದಾಳತ್ವದಲ್ಲಿ ಚಿರತೆಯನ್ನು ಕಾಡಿಗೆ ಬಿಡಲಾಯಿತು. ಈ ಕಾರ್ಯಾಚರಣೆಯಲ್ಲಿ ಡಿಆರ್‌ಎಫ್‌ಒ ಮಾರುತಿ ಸೋರಗಾಂವಿ, ಅರಣ್ಯ ಸಿಬ್ಬಂದಿ ಮಹೇಶ ಅಜ್ಜರ, ನಾಗರಾಜ ನಾಯ್ಕ, ಸಂದೀಪ್ ಭಂಡಾರಿ ಹಾಗೂ ಸಿಬ್ಬಂದಿ ರಾಮಕೃಷ್ಣ ನಾಯ್ಕ, ಮಾದೇವ ನಾಯ್ಕ, ಕುಪ್ಪಯ್ಯ ಗೊಂಡ, ಮಹೇಶ ನಾಯ್ಕ, ಈಶ್ವರ ನಾಯ್ಕ, ವರುಣ್ ಚೌಹಾಣ್ ಇದ್ದರು.
- [ಸಣ್ಣ ಮಳೆಗೆ ರಸ್ತೆ ಮುಳುಗಿಸಿದ ಕಾರವಾರ!](https://mobiletime.in/2026/06/karwar-road-submerged-due-to-light-rain/): ಕಾರವಾರದ ಕೋಡಿಭಾಗ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಸಣ್ಣ ಪ್ರಮಾಣದ ಮಳೆಯಾಗಿದ್ದು, ಆ ಪ್ರದೇಶ ಕೆಂಪು ಸಮುದ್ರದ ಹಾಗೇ ಭಾಸವಾಗುತ್ತಿದೆ. ಹೆಂಜಾ ನಾಯ್ಕ ಪುತ್ಥಳಿ ಎಡಭಾಗದ ಕಿರಿದಾದ ರಸ್ತೆಯಲ್ಲಿ ನೀರು ನಿಂತಿದ್ದು, ಅಲ್ಲಿ ಅಳವಡಿಸಿದ ಕಪೌಂಡ್ ಸಹ ಮಳೆಯಲ್ಲಿ ನೆನೆದು ಕುಸಿಯುವ ಆತಂಕ ಶುರುವಾಗಿದೆ. ಈ ಭಾಗದಿಂದ ಓಡಾಡುವ ಶಾಲಾ-ಕಾಲೇಜು ಮಕ್ಕಳು ಕಪೌಂಡ್ ಹಿಡಿದು ನಡೆಯುತ್ತಿದ್ದಾರೆ. ಕಿರಿದಾದ ರಸ್ತೆಯ ಗಟಾರದಲ್ಲಿ ದೊಡ್ಡ ಪ್ರಮಾಣದಲ್ಲಿ ಕಸ ತುಂಬಿದ್ದು, ಅದನ್ನು ಸ್ವಚ್ಛಗಳಿಸದಿರುವುದೇ ಸಮಸ್ಯೆಗೆ ಕಾರಣ ಎಂದು ಜನ ದೂರಿದ್ದಾರೆ. `ನಗರಸಭೆಗೆ ಮನವಿ ಮಾಡಿದರೂ ಗಟಾರದಲ್ಲಿನ ಹೂಳು ತೆಗೆದಿಲ್ಲ. ಮಳೆಗಾಲದ ಮುನ್ನಚ್ಚರಿಕೆ ಕ್ರಮವನ್ನು ಅನುಸರಿಸಿಲ್ಲ. ಪ್ರತಿ ವರ್ಷ ಇದೇ ಸಮಸ್ಯೆ ಪುನರಾವರ್ತನೆಯಾಗುತ್ತಿದ್ದರೂ ಅದನ್ನು ಕೇಳುವವರಿಲ್ಲ’ ಎಂಬುದು ಅಲ್ಲಿನ ನಿವಾಸಿಗಳ ಅಳಲು. `ನಿತ್ಯ ಇಲ್ಲಿನ ಕೊಳಚೆ ನೀರಿನಲ್ಲಿ ಓಡಾಡುವ ಮಕ್ಕಳ ಕಾಲುಗಳಿಗೆ ನಂಜು ಆಗುತ್ತಿದೆ. ಕಾಲು ಕೊಳೆತ ಅನುಭವದಿಂದ ಮಕ್ಕಳು ಶಾಲೆಗೆ ಹೋಗಲು ಹೆದರುತ್ತಿದ್ದಾರೆ. ಕಳೆದ 10 ದಿನಗಳಿಂದ ನಗರಸಭೆಯವರಿಗೆ ಸಮಸ್ಯೆ ಬಗ್ಗೆ ತಿಳಿಸಲಾಗುತ್ತಿದೆ. ಪದೇ ಪದೇ ವಾಟ್ಸಪ್ ಮೂಲಕವೂ ಮನವಿ ಮಾಡಲಾಗುತ್ತಿದೆ. ಆದರೆ, ಈವರೆಗೂ ಯಾರೂ ಭೇಟಿ ನೀಡಿಲ್ಲ. ಮಕ್ಕಳು ಓಡಾಡುವಾಗ ಕಪೌಂಡ್ ಬಿದ್ದು ಅನಾಹುತನಡೆದರೂ ಕೇಳುವವರಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಕೂಡಲೇ ಇಲ್ಲಿನ ಸಮಸ್ಯೆ ಬಗೆಹರಿಸಬೇಕು. ರಾಡಿ ನೀರಿನಲ್ಲಿ ಓಡಾಡುವ ತಾಪತ್ರೆಯವನ್ನು ತಪ್ಪಿಸಬೇಕು’ ಎಂದು ಆ ಭಾಗದವರು ಒತ್ತಾಯಿಸಿದರು.
- [ರಾಜೇಶನ ರಂಪಾಟ!](https://mobiletime.in/2026/06/rajeshs-rampage/): ಕುಮಟಾ ಕೋಡ್ಕಣಿಯ ರಾಜೇಶ ದೇಶಭಂಡಾರಿ ಹಾಗೂ ಕಮಲಾಕರ ಭಂಡಾರಿ ಅವರ ನಡುವಿನ ವೈಮನಸ್ಸು ಇದೀಗ ಅಂತ್ಯವಾಗಿದೆ. ಜಾಗದ ವಿಷಯವಾಗಿ ಅವರಿಬ್ಬರ ನಡುವೆ ನಡೆದಿದ್ದ ಜಗಳ ಗುರು-ಹಿರಿಯರ ಸಮಕ್ಷೇಮದಲ್ಲಿ ಬಗೆಹರಿದಿದೆ. `ರಾಜೇಶ ದೇಶಭಂಡಾರಿ ಅವರು ತಮಗೆ ಅನ್ಯಾಯ ಮಾಡಿದ್ದಾರೆ’ ಎಂದು ಕಮಲಾಕರ ದೇಶಭಂಡಾರಿ ಅವರ ಪತ್ನಿ ಜಯಂತಿ ದೇಶಭಂಡಾರಿ ಅವರು ದೂರಿದ್ದರು. ಗೋವಾದಲ್ಲಿ ಉದ್ಯೋಗದಲ್ಲಿರುವ ಭಾಸ್ಕರ ದೇಶಭಂಡಾರಿ ಅವರ ಕುಮ್ಮಕ್ಕಿನಿಂದ ರಾಜೇಶ ದೇಶಭಡಾರಿ ಅವರು ತಮ್ಮ ಮೇಲೆ ಹಲ್ಲೆ ನಡೆಸಿದ ಬಗ್ಗೆ ಅವರು ಆರೋಪಿಸಿದ್ದರು. ರಾಜೇಶ ದೇಶಭಂಡಾರಿ ಹಾಗೂ ಕಮಲಾಕರ ದೇಶಭಂಡಾರಿ ಅವರು ಅಣ್ಣ-ತಮ್ಮ ಆಗಿದ್ದು, ಅವರಿಬ್ಬರು ರಾಜಿ ಮೂಲಕ ಇದೀಗ ಈ ಪ್ರಕರಣ ಮುಗಿಸಿಕೊಂಡಿದ್ದಾರೆ. `ನಮ್ಮ ನಡುವೆ ಯಾವುದೇ ಸಮಸ್ಯೆ ಇಲ್ಲ. ಜಾಗದ ವಿಷಯವಾಗಿ ನಡೆಯುತ್ತಿದ್ದ ಜಗಳ ಬಗೆಹರಿದೆ ಎಂದು ಕಮಲಾಕರ ದೇಶಭಂಡಾರಿ ಅವರು ತಿಳಿಸಿದ್ದಾರೆ.  
- [ವಿದ್ಯುತ್ ಸ್ಪರ್ಶ: ಕ್ರಿಕೆಟ್ ಆಟಗಾರನ ಅಕಾಲಿಕ ಮರಣ!](https://mobiletime.in/2026/06/electric-shock-untimely-death-of-a-cricket-player/): ಹವ್ಯಕ ಕ್ರಿಕೆಟ್ ತಂಡದ ಉತ್ತಮ ಆಟಗಾರ ಪ್ರವೀಣ ಹೆಗಡೆ (ಬೂಸಾ) ಅವರು ವಿದ್ಯುತ್ ತಂತಿ ಸ್ಪರ್ಶಿಸಿ ಸಾವನಪ್ಪಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರದ ಪ್ರವೀಣ ಹೆಗಡೆ ಅವರು ಶಿವಮೊಗ್ಗದ ಕೆಳದಿ ಬಳಿಯ ಹಾರೆಕೊಪ್ಪದಲ್ಲಿ ವಾಸವಾಗಿದ್ದು, ಅಲ್ಲಿಯೇ ಅವರು ಅಕಾಲಿಕ ಮರಣಕ್ಕೆ ಒಳಗಾಗಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರ ತಾಲೂಕಿನ ಬಿದ್ರಕಾನ್ ಪ್ರವೀಣ ಹೆಗಡೆ ಅವರ ಮೂಲ ಊರು. ಬಾಲ್ಯದಿಂದಲೂ ಕ್ರಿಕೆಟ್ ಬಗ್ಗೆ ಅಪಾರ ಆಸಕ್ತಿಹೊಂದಿದ್ದ ಅವರು ತಮ್ಮ ಆಟದಿಂದಲೇ ಜನರ ಮನಗೆದ್ದಿದ್ದರು. ಉತ್ತಮ ಬ್ಯಾಟಿಂಗ್ ಹಾಗೂ ಪ್ರತಿ ಬಾಲ್’ಗೂ ಭರ್ಜರಿ ಸಿಕ್ಸ್ ಹೊಡೆಯುವ ಮೂಲಕ ಅವರು ಕ್ರಿಕೆಟ್ ಅಭಿಮಾನಿಗಳ ನೆಚ್ಚಿನ ಆಟಗಾರರಾಗಿದ್ದರು. ಪ್ರವೀಣ ಹೆಗಡೆ ಅವರು ಶಿವಮೊಗ್ಗದ ಕೆಳದಿ ಬಳಿಯ ಹಾರೆಕೊಪ್ಪದಲ್ಲಿ ವಾಸವಾಗಿದ್ದು, ನಿತ್ಯವೂ ಅವರು ಕ್ರಿಕೆಟ್ ಅಭ್ಯಾಸ ಮಾಡುತ್ತಿದ್ದರು. ಭಾನುವಾರ ಸಂಜೆ ಅವರು ಮನೆಗೆ ವಿದ್ಯುತ್ ಸರಬರಾಜು ಇಲ್ಲದ ಕಾರಣ ವಿದ್ಯುತ್ ತಂತಿಗೆ ಅಡ್ಡಲಾಗಿದ್ದ ಮರದ ಕೊಂಬೆ ತುಂಡರಿಸಲು ಹೋಗಿ ವಿದ್ಯುತ್ ಸ್ಪರ್ಶಕ್ಕೆ ಒಳಗಾದರು. ಮರ ಏರಿ ವಿದ್ಯುತ್ ತಂತಿಗೆ ತಾಗಿದ್ದ ಕೊಂಬೆ ಕತ್ತರಿಸುವಾಗ ಪ್ರವೀಣ ಹೆಗಡೆ ಅವರು ನೆಲಕ್ಕೆ ಕುಸಿದು ಬಿದ್ದಿದ್ದು, ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ತಕ್ಷಣ ಸ್ಥಳೀಯರು ಹಾಗೂ ಕುಟುಂಬದವರು ಆಗಮಿಸಿ ಪ್ರವೀಣ ಹೆಗಡೆ ಅವರನ್ನು ಆಸ್ಪತ್ರೆಗೆ ಸೇರಿಸುವ ಪ್ರಯತ್ನ ಮಾಡಿದರು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. 37ನೇ ವಯಸ್ಸಿನಲ್ಲಿಯೇ ಪ್ರವೀಣ ಹೆಗಡೆ ಅವರು ಈ ಲೋಕದ ಯಾತ್ರೆ ಮುಗಿಸಿದರು. ಸಂತಾಪ: ಪ್ರವೀಣ ಹೆಗಡೆ ಅವರಿಗೆ ಪತ್ನಿ ಹಾಗೂ ಪುಠಾಣಿ ಮಕ್ಕಳಿದ್ದು, ಅವರ ಜೊತೆ ಕುಟುಂಬದವರು ಕಣ್ಣೀರಾಗಿದ್ದಾರೆ. ಸಮಾಜದಲ್ಲಿ ಸೌಮ್ಯ ಸ್ವಭಾವ, ಸ್ನೇಹಪರ ವ್ಯಕ್ತಿತ್ವ ಹಾಗೂ ಕ್ರೀಡಾಸ್ಫೂರ್ತಿಗೆ ಹೆಸರಾಗಿದ್ದ ಪ್ರವೀಣ್ ಹೆಗಡೆ ಅವರ ನಿಧನಕ್ಕೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ, ಶಾಸಕ ಭೀಮಣ್ಣ ನಾಯ್ಕ ಸೇರಿ ಅನೇಕರು ಕಂಬನಿ ಮಿಡಿದಿದ್ದಾರೆ.  
- [ಪಿಎಂ ಕಿಸಾನ್ 23ನೇ ಕಂತಿನ ಹಣ ಯಾವಾಗ? ](https://mobiletime.in/2026/06/when-will-the-23rd-installment-of-pm-kisan-be-paid/):  ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯಡಿ ದೇಶದ ಕೋಟ್ಯಂತರ ರೈತರು ಪ್ರತಿ ವರ್ಷ ₹6,000 ಆರ್ಥಿಕ ನೆರವು ಪಡೆಯುತ್ತಿದ್ದಾರೆ. ಈ ಮೊತ್ತವನ್ನು ಮೂರು ಕಂತುಗಳಲ್ಲಿ ತಲಾ ₹2,000 ದಂತೆ ರೈತರ ಬ್ಯಾಂಕ್ ಖಾತೆಗಳಿಗೆ ನೇರವಾಗಿ ಜಮೆ ಮಾಡಲಾಗುತ್ತದೆ. ಆದರೆ 23 ನೇ ಕಂತಿನ ಹಣ ಬರುವುದು ಯಾವಾಗ ಎನ್ನುವುದೇ ರೈತರ ಪ್ರಶ್ನೆಯಾಗಿದೆ. ಇತ್ತೀಚೆಗೆ 22ನೇ ಕಂತಿನ ಹಣ ಬಿಡುಗಡೆಗೊಂಡಿದ್ದು, ಇದೀಗ ರೈತರು 23ನೇ ಕಂತಿನ ಹಣಕ್ಕಾಗಿ ಕಾಯುತ್ತಿದ್ದಾರೆ. ವಿವಿಧ ವರದಿಗಳ ಪ್ರಕಾರ 23ನೇ ಕಂತಿನ ಹಣ ಜೂನ್ ಅಥವಾ ಜುಲೈ ತಿಂಗಳ ಅವಧಿಯಲ್ಲಿ ಬಿಡುಗಡೆಗೊಳ್ಳುವ ಸಾಧ್ಯತೆ ಇದೆ. ಆದರೆ ಕೇಂದ್ರ ಸರ್ಕಾರದಿಂದ ಇನ್ನೂ ಅಧಿಕೃತ ದಿನಾಂಕ ಪ್ರಕಟವಾಗಿಲ್ಲ. ಈಗಾಗಲೇ ಮಳೆಗಾಲ‌ಆರಂಭವಾಗಿ ಕೃಷಿ ಚಟುವಟಿಕೆಯಲ್ಲಿ ತೊಡಗಿರುವ ರೈತರಿಗೆ ಈ ಯೋಜನೆ ಹಣ ಬಂದಿಲ್ಲದೇ ಇರುವುದೇ ತಲೆನೋವಾಗಿದೆ. ಹಣ ಪಡೆಯಲು ಈ ಕೆಲಸಗಳನ್ನು ತಪ್ಪದೇ ಮಾಡಿ:  ಪಿಎಂ ಕಿಸಾನ್ ಯೋಜನೆಯ ಫಲಾನುಭವಿಗಳು e-KYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿರುವುದು ಅತ್ಯಗತ್ಯ. e-KYC ಪೂರ್ಣಗೊಳಿಸದಿದ್ದರೆ ಮುಂದಿನ ಕಂತಿನ ಹಣ ತಡೆಹಿಡಿಯುವ ಸಾಧ್ಯತೆ ಇದೆ. ಅಲ್ಲದೆ ಬ್ಯಾಂಕ್ ಖಾತೆ, ಆಧಾರ್ ಮತ್ತು ಭೂ ದಾಖಲೆಗಳ ಮಾಹಿತಿ ಸರಿಯಾಗಿರುವುದನ್ನೂ ಪರಿಶೀಲಿಸಬೇಕು. ನಿಮ್ಮ ಹೆಸರು ಪಟ್ಟಿಯಲ್ಲಿ ಇದೆಯೇ ಎಂದು ಹೇಗೆ ತಿಳಿಯುವುದು? ಫಲಾನುಭವಿಗಳು ಅಧಿಕೃತ ಪಿಎಂ ಕಿಸಾನ್ ಪೋರ್ಟಲ್‌ನಲ್ಲಿ ತಮ್ಮ ನೋಂದಣಿ ಸಂಖ್ಯೆ ಅಥವಾ ಮೊಬೈಲ್ ಸಂಖ್ಯೆಯ ಮೂಲಕ ಸ್ಟೇಟಸ್ ಪರಿಶೀಲಿಸಬಹುದು. ಇದರಿಂದ ಹಿಂದಿನ ಕಂತುಗಳ ಮಾಹಿತಿ ಹಾಗೂ ಮುಂದಿನ ಪಾವತಿ ಸ್ಥಿತಿಯನ್ನು ತಿಳಿದುಕೊಳ್ಳಬಹುದು.   ರೈತರು ಗಮನಿಸಬೇಕಾದ ಸಂಗತಿ:  ಇತ್ತೀಚಿನ ದಿನಗಳಲ್ಲಿ ಭೂ ದಾಖಲೆಗಳಲ್ಲಿನ ದೋಷಗಳು, e-KYC ಪೂರ್ಣಗೊಳಿಸದಿರುವುದು ಹಾಗೂ ಬ್ಯಾಂಕ್ ವಿವರಗಳ ತೊಂದರೆಗಳಿಂದ ಕೆಲ ರೈತರ ಕಂತಿನ ಹಣ ವಿಳಂಬವಾಗುತ್ತಿರುವ ಪ್ರಕರಣಗಳು ವರದಿಯಾಗಿವೆ. ಆದ್ದರಿಂದ ಅಗತ್ಯ ದಾಖಲೆಗಳನ್ನು ಮುಂಚಿತವಾಗಿ ಪರಿಶೀಲಿಸಿಕೊಳ್ಳುವುದು ಉತ್ತಮ. 23ನೇ ಕಂತಿನ ₹2,000 ಹಣಕ್ಕಾಗಿ ಕಾಯುತ್ತಿರುವ ರೈತರು ತಮ್ಮ e-KYC, ಆಧಾರ್ ಜೋಡಣೆ ಹಾಗೂ ಬ್ಯಾಂಕ್ ವಿವರಗಳನ್ನು ತಕ್ಷಣ ಪರಿಶೀಲಿಸಿಕೊಳ್ಳುವುದು ಸೂಕ್ತ.
- [ಗೃಹಜ್ಯೋತಿ - ಗೃಹಲಕ್ಷ್ಮಿಗೆ ಹೊಸ ನಿಯಮ !!](https://mobiletime.in/2026/06/new-rules-for-grihajyoti-and-grihalakshmi/): ಗೃಹಜ್ಯೋತಿ ಮತ್ತು ಗೃಹಲಕ್ಷ್ಮಿ ಯೋಜನೆಗಳ ಫಲಾನುಭವಿಗಳ ಮಾಹಿತಿಯನ್ನು ಮರುಪರಿಶೀಲಿಸಲು ಸರಕಾರ ನಿರ್ಧರಿಸಿದೆ.  ಸೌಲಭ್ಯ ನಿಜವಾದ ಅರ್ಹರಿಗೆ ಮಾತ್ರ ತಲುಪುವಂತೆ ಮಾಡಲು ದಾಖಲೆಗಳು, ಆಧಾರ್ ಕಾರ್ಡ್ ವಿವರ ಜೊತೆಗೆ ಇನ್ನಿತರ ಮಾಹಿತಿಯನ್ನು ಕಲೆಹಾಕಿ  ಪರಿಶೀಲಿಸಲಿ ಅಧಿಕಾರಿಗಳು ಮುಂದಾಗಿದ್ದಾರೆ. ಇದರ ನಡುವೆ ಯೋಜನೆ ಪಡೆಯುತ್ತಿದ್ದವರಲ್ಲಿ ಗೊಂದಲವೂ ಸೃಷ್ಠಿಯಾಗಿದ್ದು, ಇಷ್ಟು ದಿನ ಪಡೆದ ಯೋಜನೆಯು ಕೈಬಿಟ್ಟು ಹೋಗುವ ಆತಂಕ ಎದುರಾಗಿದೆ. ಕೆಲವು ಕಡೆಗಳಲ್ಲಿ ಅನರ್ಹರು ಸೌಲಭ್ಯ ಪಡೆಯುತ್ತಿರುವುದು ಹಾಗೂ ಸತ್ತವರ ಹೆಸರಿಲ್ಲಿಯೂ ಈ ಯೋಜನೆಗಳ ಸೌಲಭ್ಯ ಹೋಗುತ್ತಿದೆ. ಅದನ್ನು ತೆಗೆದುಕೊಂಡವರೂ ಕೂಡ ಸರಕಾರಕ್ಕೆ ನೈಜ ಮಾಹಿತಿ‌ ನೀಡದೇ ಇರುವ ಪ್ರಕರಣಗಳು ಬೆಳಕಿಗೆ ಬಂದ ಹಿನ್ನೆಲೆಯಲ್ಲಿ ಸರ್ಕಾರ ಈ ಕ್ರಮಕ್ಕೆ ಮುಂದಾಗಿದೆ. ಮರುಪರಿಶೀಲನೆ ವೇಳೆ ಫಲಾನುಭವಿಗಳು ಅಗತ್ಯ ದಾಖಲೆಗಳನ್ನು ಸರಿಯಾಗಿ ಹೊಂದಿರಬೇಕು. ಕೆಲವು ಸಂದರ್ಭಗಳಲ್ಲಿ ಬಯೋಮೆಟ್ರಿಕ್ ದೃಢೀಕರಣ ಅಥವಾ ದಾಖಲೆ ಪರಿಶೀಲನೆ ಕಡ್ಡಾಯವಾಗುವ ಸಾಧ್ಯತೆಯೂ ಇದೆ.  ಯೋಜನೆಗಳನ್ನು ರದ್ದು ಮಾಡಲ್ಲ:  ಕೋಟ್ಯಂತರ ಜನರಿಗೆ ನೆರಳಾದ ಈ ಯೋಜನೆಗಳನ್ನು ರದ್ದು ಮಾಡುವ ಉದ್ದೇಶ ಸರಕಾರಕ್ಕಿಲ್ಲ.  ಬದಲಾಗಿ ನೈಜ ಅರ್ಹರನ್ನು ಗುರುತಿಸಿ ಸೌಲಭ್ಯಗಳನ್ನು ಪಾರದರ್ಶಕವಾಗಿ ವಿತರಿಸುವುದಾಗಿದೆ. ಅಧಿಕಾರಿಗಳು ನೀಡುವ ಸೂಚನೆಗಳಿಗೆ ಸ್ಪಂದಿಸಿ ಅಗತ್ಯ ದಾಖಲೆಗಳನ್ನು ನವೀಕರಿಸಿದರೆ ಯೋಜನೆಗಳ ಲಾಭ ಪಡೆಯಲು ಯಾವುದೇ ತೊಂದರೆ ಇರುವುದಿಲ್ಲ. ಅರ್ಹತೆ ಇಲ್ಲದವರು ಅಥವಾ ತಪ್ಪು ಮಾಹಿತಿ ನೀಡಿರುವವರ ವಿರುದ್ಧ ಮಾತ್ರ ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.
- [ಮೀನಿಲ್ಲದೇ ಮನೆಗೆ ಮರಳಿದ ಪ್ರಮೋದ!](https://mobiletime.in/2026/06/pramod-returned-home-without-a-fish/): ಮೊನ್ನೆ ರಾತ್ರಿ ಮೀನು ತರಲು ಹೋಗಿದ್ದ ಅಂಕೋಲಾ ಹಿಲ್ಲೂರಿನ ಪ್ರಮೋದ ಹರಿಕಂತ್ರ ಒದೆ ತಿಂದು ಮನೆಗೆ ಮರಳಿದ್ದಾರೆ. ಹೆಬ್ರಿಗದ್ದೆಯ ದೀಪಕ ನಾಯಕ ಅವರ ಅಂಗಡಿ ಬಳಿಯಿದ್ದ ಹಿಲ್ಲೂರುಬೈಲಿನ ನಾಗರಾಜ ಗೌಡ ಅವರು ಪ್ರಮೋದ ಹರಿಕಂತ್ರ ಅವರ ಕೆನ್ನೆಗೆ ಬಾರಿಸಿ, ನಂತರ ಬಡಿಗೆಯಿಂದ ಬಡಿದಿದ್ದಾರೆ. ಅಂಕೋಲಾ ಹಿಲ್ಲೂರಿನ ಕೊಳಗಿ ಬಳಿ ಪ್ರಮೋದ ಮಹಾಬಲೇಶ್ವರ ಹರಿಕಂತ್ರ (22) ಅವರು ವಾಸವಾಗಿದ್ದಾರೆ. ಹಿಲ್ಲೂರುಬೈಲಿನಲ್ಲಿ ನಾಗರಾಜ ಮೋನು ಗೌಡ (32) ಅವರು ಚಾಲಕರಾಗಿದ್ದಾರೆ. ಕಳೆದ ವರ್ಷ ಹೇಬ್ರಿಗದ್ದೆಯಲ್ಲಿ ಕೃಷ್ಣಮೂರ್ತಿ ವಿಸರ್ಜನೆ ವೇಳೆ ಗಲಾಟೆ ನಡೆದಿದ್ದು, ಆ ಗಲಾಟೆ ನಡೆದ ದಿನದಿಂದಲೂ ಪ್ರಮೋದ ಹರಿಕಂತ್ರ ಹಾಗೂ ನಾಗರಾಜ ಗೌಡ ಅವರ ನಡುವೆ ವೈಮನಸ್ಸು ಮೂಡಿದೆ. ಆ ದಿನ ನಾಗರಾಜ ಗೌಡ ಅವರು ಗಲಾಟೆ ಮಾಡುತ್ತಿರುವಾಗ ಪ್ರಮೋದ ಹರಿಕಂತ್ರ ಅವರು ಸಮಾಧಾನ ಮಾಡಲು ಬಂದಿರುವುದೇ ಅವರಿಬ್ಬರ ನಡುವಿನ ದ್ವೇಷಕ್ಕೆ ಕಾರಣವಾಗಿದೆ. ಹೀಗಿರುವಾಗ ಜೂನ್ 3ರ ರಾತ್ರಿ 9.30ಕ್ಕೆ ಪ್ರಮೋದ ಹರಿಕಂತ್ರ ಅವರು ಮೀನು ತುರುವುದಕ್ಕಾಗಿ ಹೊರಟಿದ್ದಾರೆ. ಕಂಡಕುಳಿಗೆ ನಡೆದು ಹೋಗುತ್ತಿದ್ದ ಪ್ರಮೋದ ಹರಿಕಂತ್ರ ಅವರನ್ನು ಹೆಬ್ರಗದ್ದೆಯ ದೀಪಕ್ ನಾಗಪ್ಪ ನಾಯಕ ಅವರ ಅಂಗಡಿ ಬಳಿ ನಾಗರಾಜ ಗೌಡ ಅವರು ನೋಡಿದ್ದಾರೆ. ಈ ವೇಳೆ ನಾಗರಾಜ ಗೌಡ ಅವರು ದೂರದಿಂದಲೇ ಪ್ರಮೋದ ಹರಿಕಂತ್ರ ಅವರನ್ನು ಕೂಗಿ ಕರೆದಿದ್ದಾರೆ. ಹತ್ತಿರ ಬಂದ ಪ್ರಮೋದ ಹರಿಕಂತ್ರ ಅವರನ್ನು ಉದ್ದೇಶಿಸಿ `ನೀನೇನು ಹೀರೋನಾ?’ ಎಂದು ಪ್ರಶ್ನಿಸಿದ್ದಾರೆ. ಕಳೆದ ವರ್ಷದ ಘಟನೆ ನೆನಪಿಸಿ ಕಪಾಳ ಮೋಕ್ಷ ಮಾಡಿದ್ದಾರೆ. ಅದಾದ ನಂತರ ಅಲ್ಲಿದ್ದ ಸೋಡಾ ಬಾಟಲಿ ಕರೆಂಟ್ ಕಂಬಕ್ಕೆ ಒಡೆದ ನಾಗರಾಜ ಗೌಡ ಅವರು ಆ ಮೊಚನಾದ ಬಾಟಲಿಯಿಂದ ಪ್ರಮೋದ ಹರಿಕಂತ್ರ ಅವರಿಗೆ ಚುಚ್ಚುವ ಪ್ರಯತ್ನ ಮಾಡಿದ್ದಾರೆ. ಈ ವೇಳೆ ಪ್ರಮೋದ ಹರಿಕಂತ್ರ ಅವರು ತಪ್ಪಿಸಿಕೊಂಡಿದ್ದು, ಅಂಗಡಿ ಹಿಂದಿದ್ದ ರೀಪು ತಂದು ಅದರಿಂದ ದಾಳಿ ಮಾಡಿದ್ದಾರೆ. ನೋವುಂಡ ಪ್ರಮೋದ ಹರಿಕಂತ್ರ ಅವರು ನ್ಯಾಯ ಕೋರಿ ಪೊಲೀಸರ ಮೊರೆ ಹೋಗಿದ್ದಾರೆ. ಅಂಕೋಲಾ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದಾರೆ.  
- [ಪಾದಚಾರಿಗೆ ಗುದ್ದಿದ ಕಾರು-ಸಾವು ಬದುಕಿನ ಹೋರಾಟದಲ್ಲಿ ಗೌಡ್ರು](https://mobiletime.in/2026/06/car-hits-pedestrian-gowda-in-fight-for-life/): ಕಾರವಾರದ ತೋಡೂರಿನಲ್ಲಿ ಫೋನಿನಲ್ಲಿ ಮಾತನಾಡುತ್ತ ನಿಂತಿದ್ದ ಪ್ರದೀಪ ಗೌಡ ಅವರಿಗೆ ಕಾರು ಗುದ್ದಿದೆ. ಪರಿಣಾಮ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಬಿಣಗಾ ಒಕ್ಕಲಕೇರಿಯ ಪ್ರದೀಪ ರಮೇಶ ಗೌಡ (55) ಅವರು ಭಾನುವಾರ ತೋಡೂರಿಗೆ ಹೋಗಿದ್ದರು. ಅಲ್ಲಿ ಒಂದು ಬೈಕಿಗೆ ಚಾಚಿಕೊಂಡು ಅವರು ಫೋನಿನಲ್ಲಿ ಮಾತನಾಡುತ್ತಿದ್ದರು. ಈ ವೇಳೆ ವೇಗವಾಗಿ ಬಂದ ಕಾರು ಅವರಿಗೆ ಡಿಕ್ಕಿಯಾಗಿದ್ದು, ಪ್ರದೀಪ ಗೌಡ ಅವರು ರಸ್ತೆ ಮೇಲೆಯೇ ಕುಸಿದು ಬಿದ್ದರು. ಅಪಘಾತದ ರಭಸಕ್ಕೆ ಬೈಕ್ ಪಕ್ಕದ ಗದ್ದೆಗೆ ಹಾರಿ ಹೋಗಿದ್ದು, ಪ್ರದೀಪ ಗೌಡ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು. ರಕ್ತ ಸುರಿಯುತ್ತಿರುವುದನ್ನು ನೋಡಿದ ಜನ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರು. ಈ ವಿಷಯ ಕೇಳಿ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಮುತುವರ್ಜಿವಹಿಸಿದ್ದು, ಗಂಭೀರ ಗಾಯಗೊಂಡ ಪ್ರದೀಪ ಗೌಡ ಅವರನ್ನು ಉನ್ನತ ಚಿಕಿತ್ಸೆಗಾಗಿ ಗೋವಾ ಆಸ್ಪತ್ರೆಗೆ ಕಳುಹಿಸಿದರು. ಶಾಸಕ ಸತೀಶ್ ಸೈಲ್ ಅವರಿಂದಲೂ ಗೋವಾ ಆಸ್ಪತ್ರೆಗೆ ಫೋನ್ ಮಾಡಿಸಿ ಅಗತ್ಯ ಚಿಕಿತ್ಸೆಗೆ ಶಿಫಾರಸ್ಸು ಮಾಡಿಸಿದರು. ಸದ್ಯ ಪ್ರದೀಪ ಗೌಡ ಅವರು ಮಡಗಾವ್ ಅಪೋಲೊ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
- [ಲಾರಿ ನೋಡಿ ಹೆದರಿದ ಬೈಕ್ ಸವಾರ: ಸಾವು!](https://mobiletime.in/2026/06/biker-scared-by-lorry-death/): ಬೆಳಗಾವಿಯ ಮಹೇಶ ಅಂಗಡಿ ಅವರು ದಾಂಡೇಲಿ-ಕುಳಗಿ ರಸ್ತೆಯಲ್ಲಿ ಬೈಕ್ ಓಡಿಸಿದ್ದು, ಎದುರಿನಿಂದ ಲಾರಿ ಬರುವುದನ್ನು ನೋಡಿ ಬೆದರಿದ್ದಾರೆ. ಆ ಭಯಕ್ಕೆ ಬೈಕಿನಿಂದ ಅವರು ಬಿದ್ದಿದ್ದು, ಬೈಕಿನ ಹಿಂದೆ ಕೂತಿದ್ದ ಹನುಮಂತ ಭೂಮನವರ್ ಅವರ ಸಾವಿಗೆ ಕಾರಣರಾಗಿದ್ದಾರೆ. ಬೆಳಗಾವಿ ಯರಗಟ್ಟಿಯ ವ್ಯಾಪಾರಿ ಮಹೇಶ ಮಹಾಂತೇಶ ಅಂಗಡಿ ಅವರು ಜೂನ್ 5ರ ಸಂಜೆ ದಾಂಡೇಲಿಗೆ ಬಂದಿದ್ದರು. ಕುಳಗಿ ರಸ್ತೆ ಮೂಲಕ ಅವರು ಬೈಕಿನಲ್ಲಿ ಉಳವಿಗೆ ಹೋಗಲು ನಿರ್ಧರಿಸಿದ್ದು, ಬೆಳಗಾವಿಯ ಹನುಮಂತ (ಮಂಕುಳಿ) ಅಜ್ಜಪ್ಪ ಭೂಮನವರ್ ಅವರ ಜೊತೆ ಸಂಚರಿಸುತ್ತಿದ್ದರು. ಆ ದಿನ ಸಂಜೆ ದಾಂಡೇಲಿಯಿoದ ಕುಳಗಿ ಮಾರ್ಗವಾಗಿ ಉಳವಿಗೆ ಹೋಗುವಾಗ ಎದುರಿನಿಂದ ಬಂದ ಲಾರಿ ಬರುವುದನ್ನು ನೋಡಿ ಮಹೇಶ ಅಂಗಡಿ ಅವರು ಹೆದರಿದರು. ಆ ಲಾರಿ ಗುದ್ದುವುದನ್ನು ತಪ್ಪಿಸಿಕೊಳ್ಳುವುದಕ್ಕಾಗಿ ಬೈಕಿನ ದಿಕ್ಕನ್ನು ಬೇರೆ ಕಡೆ ತಿರುಗಿಸಿದರು. ಕುಳಗಿ ಒಣಿಕೇರಿಯಿಂದ ದಾಂಡೇಲಿ ಕಡೆಗೆ ಚಲಾಯಿಸಿದ ಬೈಕು ಸ್ಕಿಡ್ ಆಗಿ ಬಿದ್ದಿತು. ಬೈಕಿನಿಂದ ಬಿದ್ದ ರಭಸಕ್ಕೆ ಮಹೇಶ ಅಂಗಡಿ ಅವರಿಗೆ ಗಾಯವಾಗಿದ್ದು, ಜೊತೆಗಿದ್ದ ಹನುಮಂತ (ಮಂಕುಳಿ) ಅಜ್ಜಪ್ಪ ಭೂಮನವರ್ ಅವರು ಅಲ್ಲಿಯೇ ಸಾವನಪ್ಪಿದರು. ಚಿಕ್ಕಪ್ಪನ ಸಾವಿನ ಬಗ್ಗೆ ಜೊಯಿಡಾ ಅಂಬಿಕಾನಗರ ಬಳಿಯ ಸತ್ತಿಗೇರಿಯ ಉಮೇಶ ಹನುಮಂತ ನಾಯ್ಕರ್ ಅವರು ಮಾಹಿತಿ ನೀಡಿದರು. ಅಂಬಿಕಾನಗರ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಮನೆ ನಿರ್ಮಾಣ: ಸಂಬoಧಿಗೆ ಕೆಲಸ ಕೊಟ್ಟವನಿಗೆ ಸಮಸ್ಯೆ!](https://mobiletime.in/2026/06/house-construction-problem-for-the-person-who-gave-the-job-to-a-relative/): ಜೊಯಿಡಾ ರಾಮನಗರದ ಗಣೇಶ ಗುಡಳಕರ್ ಅವರು ಕಟ್ಟಡ ಕಾರ್ಮಿಕರಾಗಿದ್ದು, ಕೆಲಸದ ಅವಧಿಯಲ್ಲಿ ಸರಾಯಿ ಕುಡಿದ ಕಾರಣ ಕೆಲಸ ಕಳೆದುಕೊಂಡಿದ್ದಾರೆ. ಅದೇ ಸಿಟ್ಟಿನಲ್ಲಿ ಕೆಲಸದಿಂದ ಕಿತ್ತ ಮನೆ ಮಾಲಕನ ಪತ್ನಿಗೆ ಬಡಿಗೆಯಿಂದ ಬಡಿದು, ಕಲ್ಲು ಹೊಡೆದಿದ್ದಾರೆ. ಜೊಯಿಡಾ ರಾಮನಗರದ ರಮೇಶ ಶಿವಾಜಿ ಗಾಡಿ ಅವರು ರಾಮನಗರದ ಗಣೇಶಗಲ್ಲಿಯಲ್ಲಿ ಹೊಸದಾಗಿ ಮನೆ ಕಟ್ಟುತ್ತಿದ್ದಾರೆ. ಆ ಮನೆ ಕೆಲಸವನ್ನು ಅವರು ತಮ್ಮ ಪತ್ನಿ ರಮೇಶ ಗಾಡಿ ಅವರ ತಂಗಿ ಮಾಯಾ ಅವರ ಪತಿ ಮಾರುತಿ ಪಾಂಡುರAಗ ಗುಡಳಕರ ಅವರಿಗೆ ನೀಡಿದ್ದಾರೆ. ಆದರೆ, ಮಾರುತಿ ಗುಡಳಕರ ಅವರು ಕೆಲಸದ ಅವಧಿಯಲ್ಲಿಯೇ ಸರಾಯಿ ಕುಡಿಯುತ್ತಿದ್ದು, ಇದನ್ನು ರಮೇಶ ಗಾಡಿ ಅವರು ನೋಡಿದ್ದಾರೆ. ಸರಿಯಾಗಿ ಕೆಲಸವೂ ಸಾಗದ ಕಾರಣ ಪಾಂಡುರAಗ ಗುಡಳಕರ ಅವರನ್ನು ಕೆಲಸದಿಂದ ತೆಗೆದಿದ್ದಾರೆ. ಅದಾದ ನಂತರ ಆ ಕೆಲಸದ ಜವಾಬ್ದಾರಿಯನ್ನು ಬೇರೆಯವರಿಗೆವಹಿಸಿದ್ದಾರೆ. ಕೆಲಸದಿಂದ ತೆಗೆದ ಕಾರಣ ರಮೇಶ ಗಾಡಿ ಅವರ ವಿರುದ್ಧ ಪಾಂಡುರAಗ ಗುಡಳಕರ ಅವರು ಸಿಟ್ಟಾಗಿದ್ದು, ಜೂನ್ 4ರಂದು ರಮೇಶ ಗಾಡಿ ಹಾಗೂ ಅವರ ಪತ್ನಿ ರೇಷ್ಮಾ ಗಾಡಿ ಅವರ ಮೇಲೆ ಆಕ್ರಮಣ ಮಾಡಿದ್ದಾರೆ. ದಂಪತಿ ಬೈಕಿನಲ್ಲಿ ಬರುವಾಗ ಅಡ್ಡಗಟ್ಟಿ ರೇಷ್ಮಾ ಗಾಡಿ ಅವರಿಗೆ ಬಡಿಗೆಯಿಂದ ಬಡಿದಿದ್ದಾರೆ. ರೇಷ್ಮಾ ಗಾಡಿ ಅವರು ನೆಲಕ್ಕೆ ಬಿದ್ದಾಗ ಕಲ್ಲಿನಿಂದ ಹೊಡೆದಿದ್ದಾರೆ. ಗಾಯಗೊಂಡ ರೇಷ್ಮಾ ಗಾಡಿ ಅವರು ಸದ್ಯ ಆಸ್ಪತ್ರೆ ಸೇರಿದ್ದಾರೆ.
- [ಹೊಂಡದಲ್ಲಿ ಸಿಕ್ಕಿಬಿದ್ದ ಸರ್ಕಾರಿ ಬಸ್ಸು!](https://mobiletime.in/2026/06/government-bus-stuck-in-a-ditch/): ಯಲ್ಲಾಪುರ ಪಟ್ಟಣಕ್ಕೆ ಕುಡಿಯುವ ನೀರಿನ ಯೋಜನೆಗಾಗಿ ಬೊಮ್ಮನಳ್ಳಿಯಿಂದ ಪೈಪ್ ಅಳವಡಿಸಲಾಗಿದ್ದು, ಕಣ್ಣಿಗೇರಿಯಲ್ಲಿ ರಸ್ತೆ ಅಗೆದು ಪೈಪ್ ಹಾಕಲಾಗಿದೆ. ರಸ್ತೆ ಅಗದ ಜಾಗದಲ್ಲಿ ಕಂದಕವಾಗಿದ್ದರಿoದ ಭಾನುವಾರ ಅಲ್ಲಿ ಬಸ್ಸೊಂದು ಸಿಕ್ಕಿಬಿದ್ದಿದೆ. ಕುಡಿಯುವ ನೀರಿನ ಯೋಜನೆಗಾಗಿ ಪೈಪ್ ಅಳವಡಿಸಿದವರು ಪೈಪಿನ ಮೇಲೆ ಗಟ್ಟಿಯಾಗಿ ಮಣ್ಣು ಸುರಿದಿಲ್ಲ. ಅದರಿಂದ ರಸ್ತೆ ಬಿಟ್ಟು ಪಕ್ಕಕ್ಕೆ ಹೋಗುವ ವಾಹನಗಳು ಎರಡು ಅಡಿ ಆಳಕ್ಕೆ ಹೋಗುತ್ತಿದೆ. ಕಣ್ಣಿಗೇರಿ ಬಳಿ ರಸ್ತೆಯನ್ನೇ ಅಗೆದು ಪೈಪ್ ಅಳವಡಿಸಲಾಗಿದೆ. ಅಲ್ಲಿಯೂ ಸಹ ರಸ್ತೆ ನಡುವೆ ಹೊಂಡ ತೋಡಿದವರು ಸರಿಯಾಗಿ ಮಣ್ಣು ಮುಚ್ಚಿಲ್ಲ. ಹೀಗಾಗಿ ಮಳೆ ಬಂದಾಗ ಮಣ್ಣು ಇನ್ನಷ್ಟು ಆಳಕ್ಕೆ ಇಳಿದಿದ್ದು, ವಿವಿಧ ವಾಹನಗಳು ಅಲ್ಲಿ ಸಿಕ್ಕಿ ಬೀಳುತ್ತಿವೆ. ಭಾನುವಾರ ಬೆಳಗ್ಗೆ ಯಲ್ಲಾಪುರದಿಂದ ವಡೆಹೊಕ್ಕಳ್ಳಿ ಮಾರ್ಗವಾಗಿ ಸರ್ಕಾರಿ ಬಸ್ಸು ಹೊರಟಿತ್ತು. ಈ ಬಸ್ಸಿನಲ್ಲಿ ಸುಮರು 20 ಪ್ರಯಾಣಿಕರು ಇದ್ದರು. ಆ ಬಸ್ಸು ಕಣ್ಣಿಗೇರಿ ಪ್ರವೇಶಿಸಿ ಮುಂದೆ ಹೋದಾಗ ರಸ್ತೆ ನಡುವಿನ ಹೊಂಡದಲ್ಲಿ ಸಿಕ್ಕಿಬಿದ್ದಿತು. ಎಷ್ಟೇ ಪ್ರಯತ್ನ ಮಾಡಿದರೂ ಬಸ್ಸು ಮುಂದೆ ಸಾಗಲಿಲ್ಲ. ಇದರಿಂದ ಪ್ರಯಾಣಿಕರು ಸಮಸ್ಯೆ ಅನುಭವಿಸಿದ್ದು, ನಂತರ ಬೇರೆ ಬೇರೆ ವಾಹನಗಳನ್ನು ಅವಲಂಭಿಸಿ ಊರು ಸೇರಿದರು. ಅದಾದ ನಂತರ ಶಿರಸಿಯಿಂದ ಕ್ರೇನ್ ತರಿಸಿ ಬಸ್ಸನ್ನು ಮೇಲೆತ್ತಲಾಯಿತು. ಜೆಸಿಬಿ ಯಂತ್ರಗಳನ್ನು ಬಳಸಲಾಯಿತು. ಕುಡಿಯುವ ನೀರಿನ ಯೋಜನೆಗಾಗಿ ರಸ್ತೆ ಅಗೆದವರು ಪೈಪ್ ಅಳವಡಿಕೆ ನಂತರ ರಸ್ತೆ ಸರಿಪಡಿಸಿಲ್ಲ. ರಸ್ತೆ ಅಂಚಿಗೆ ಸಹ ಪೈಪ್ ಅಳವಡಿಸಿ ಸರಿಯಾಗಿ ಮಣ್ಣು ಭರ್ತಿ ಮಾಡಿಲ್ಲ. ಪರಿಣಾಮ ಜನ ಸಾಮಾನ್ಯರು ಸಮಸ್ಯೆ ಅನುಭವಿಸುತ್ತಿದ್ದು, ಜನರ ಸಮಸ್ಯೆ ಆಲಿಸುವವರಿಲ್ಲ.
- [ಮೌನ ಮುರಿದ ಮಾರುತಿ: ಜೈಲು ಸೇರಿದ ಕಿತಾಪತಿ!](https://mobiletime.in/2026/06/maruti-breaks-her-silence-kitapati-goes-to-jail/): ಕೆಲ ದಿನಗಳಿಂದ ಮಾರುತಿ ದೇವಾಲಯಗಳನ್ನು ಗುರಿಯಾಗಿಸಿ ಕಳ್ಳತನ ಮಾಡುತ್ತಿದ್ದ ಕಳ್ಳರು ಈ ಬಾರಿ ದೇವಿ ದೇಗುಲದಲ್ಲಿನ ಗಂಟೆ ಕದ್ದಿದ್ದು, ಅದಾಗಿ ಮೂರು ದಿನಗಳ ಒಳಗೆ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಕಳ್ಳತನದ ನಂತರ ಊರು ಬಿಟ್ಟು ಪರಾರಿಯಾಗಲು ಯತ್ನಿಸಿದ ಕಳ್ಳರನ್ನು ಕಾರವಾರ ಪೊಲೀಸರು ಹಿಡಿದು ಜೈಲಿಗೆ ಕಳುಹಿಸಿದ್ದಾರೆ. ಕಾರವಾರದ ಹಬ್ಬುವಾಡ ರಸ್ತೆಯಲ್ಲಿರುವ ದಾಸಮಾರುತಿ ದೇವಾಲಯದಲ್ಲಿ ಮೇ 20ರಂದು ಕಳ್ಳತನ ನಡೆದಿತ್ತು. 50 ಕೆಜಿಯ ಹಿತ್ತಾಳೆ ಸಾಮಗ್ರಿಗಳನ್ನು ಕಳ್ಳರು ದೋಚಿದ್ದರು. ಈ ಬಗ್ಗೆ ಅಲ್ಲಿನ ಶಾಮಸುಂದರ ಅನಂತ ಬಸರೂರು ಅವರು ನೀಡಿದ ಮಾಹಿತಿ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದರು. ಮೇ 31ರಂದು ಚೆಂಡಿಯಾ ಗ್ರಾಮದ ಜಯಮಾರುತಿ ದೇವಸ್ಥಾನದ ಹುಂಡಿ ಒಡೆದ ಕಳ್ಳರು 21 ಸಾವಿರ ರೂ ಹಣ ದೋಚಿದ್ದರು. ಚೆಂಡಿಯಾದಲ್ಲಿ ಎರಡು ಹಿತ್ತಾಳೆ ಗಂಟೆಯನ್ನು ಸಹ ಕಳ್ಳರು ಅಪಹರಿಸಿದ್ದರು. ಚೆಂಡಿಯಾ ಐಸ್ ಪಾಕ್ಟರಿ ಬಳಿಯ ನರಸಿಂಹ ಸುಬ್ರಾಯ ಆಚಾರಿ ನೀಡಿದ ಮಾಹಿತಿ ಪ್ರಕಾರ ಪೊಲೀಸರು ಈ ಬಗ್ಗೆಯೂ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಜೂನ್ 4ರಂದು ಮುಖೇರಿ ಸಾಸನವಾಡದಲ್ಲಿರುವ ರಾಮಸತಿ ದೇವಿ ದೇಗುಲಕ್ಕೆ ಕಳ್ಳರು ನುಗ್ಗಿದರು. ದೇವಿ ಆಲಯದಲ್ಲಿದ್ದ ಹಿತ್ತಾಳೆ ಸಾಮಗ್ರಿಗಳ ಜೊತೆ ಗಂಟೆಗಳನ್ನು ಸಹ ಕದ್ದರು. ದೇವಿ ಸನ್ನಿಧಿಯಲ್ಲಿನ ಕಳ್ಳತನದ ಬಗ್ಗೆ ಅಲ್ಲಿನ ವಿಘ್ನೇಶ್ವರ ರತ್ನಾಕರ್ ನಾಗೇಕರ್ ಅವರು ಪೊಲೀಸರಿಗೆ ಮಾಹಿತಿ ನೀಡಿ ದೂರು ದಾಖಲಿಸಿದರು. ಈ ಮೂರು ದೇವಸ್ಥಾನಗಳ ಕಳ್ಳತನದ ಬಗ್ಗೆ ಸಮಗ್ರ ಶೋಧ ನಡೆಸಿದ ಪೊಲೀಸರಿಗೆ ಕಳ್ಳರ ಬಗ್ಗೆ ಸಣ್ಣ ಸುಳಿವು ಸಿಕ್ಕಿತು. ಅದೇ ಸುಳಿವಿನ ಆಧಾರದಲ್ಲಿ ಇನ್ನಷ್ಟು ತನಿಖೆ ಮಾಡಿದಾಗ ಊರು ಬಿಟ್ಟು ಪರಾರಿಯಾಗಲು ಯತ್ನಿಸಿದ ಕಳ್ಳರು ಸಿಕ್ಕಿ ಬಿದ್ದರು. ಸದ್ಯ ಪೊಲೀಸರು ಕಳ್ಳರ ವಿಚಾರಣೆ ಮುಂದುವರೆಸಿದ್ದಾರೆ. ಕದ್ದ ಸಾಮಗ್ರಿಗಳನ್ನು ವಶಕ್ಕೆಪಡೆದಿದ್ದಾರೆ. ಆ ಡಕಾಯಿತರು ಇನ್ನು ಎಲ್ಲೆಲ್ಲಿ ಕಳ್ಳತನ ಮಾಡಿದ್ದಾರೆ? ಎನ್ನುವುದರ ಬಗ್ಗೆಯೂ ವಿಚಾರಣೆ ನಡೆಸುತ್ತಿದ್ದಾರೆ. ಸಿಕ್ಕಿಬಿದ್ದ ಕಳ್ಳರ ಹೆಸರು-ವಿವರ ಬಹಿರಂಗವಾಗಿಲ್ಲ. ಸದ್ಯದಲ್ಲಿಯೇ ಕಳ್ಳರ ಹೆಸರು-ವಿಳಾಸ ಗೊತ್ತಾಗುವ ಸಾಧ್ಯತೆಯಿದೆ.
- [ಸೋರುತಿಹುದು ಸರ್ಕಾರಿ ಕಟ್ಟಡ!](https://mobiletime.in/2026/06/a-government-building-is-leaking/): ಯಲ್ಲಾಪುರದ ಕಿರವತ್ತಿ ಗ್ರಾಮ ಪಂಚಾಯತ ಕಟ್ಟಡ ಸೋರುತ್ತಿದೆ. ಮಳೆಯಿಂದ ರಕ್ಷಿಸಿಕೊಳ್ಳುವುದಕ್ಕಾಗಿ ಅಧಿಕಾರಿಗಳು ಕಚೇರಿಗೆ ತಾಡಪತ್ರೆ ಹೊದೆಸಿದ್ದಾರೆ! ಕಿರವತ್ತಿ ಯಲ್ಲಾಪುರ ತಾಲೂಕಿನಲ್ಲಿಯೇ ಅತಿ ದೊಡ್ಡ ಊರಾಗಿದ್ದು, ಇಲ್ಲಿನ ಗ್ರಾಮ ಪಂಚಾಯತಗೆ ಸಾಕಷ್ಟು ಆದಾಯವೂ ಇದೆ. ಅದಾಗಿಯೂ, ಕಚೇರಿ ಸೋರದ ಹಾಗೇ ವ್ಯವಸ್ಥೆ ಮಾಡಿಕೊಳ್ಳಲು ಸಾಧ್ಯವಾಗಿಲ್ಲ. ಗ್ರಾಮ ಪಂಚಾಯತ ಕಟ್ಟಡ ಹಳೆಯದಾಗಿದ್ದರೂ ಬಳಕೆಗೆ ತೊಂದರೆ ಇಲ್ಲ. ಸದ್ಯದ ಮಟ್ಟಿಗೆ ಗಟ್ಟಿಮುಟ್ಟಾಗಿಯೇ ಇದೆ. ಕಚೇರಿ ಮೇಲ್ಚಾವಣಿಗೆ ಹಂಚು ಹೊದೆಸಲಾಗಿದ್ದು, ಅಲ್ಲಿಂದ ಒಳಗೆ ನೀರು ನುಗ್ಗುತ್ತಿದೆ. ಕಚೇರಿಯೊಳಗಿರುವ ಕಂಪ್ಯುಟರ್ ಹಾಗೂ ಕಡತಗಳ ರಕ್ಷಣೆಗಾಗಿ ಇದೀಗ ಅಧಿಕಾರಿಗಳು ತಾಡಪತ್ರೆಯ ಮೊರೆ ಹೋಗಿದ್ದಾರೆ. ಈಗಲೂ ಗ್ರಾಮ ಪಂಚಾಯತದ ಬ್ಯಾಂಕ್ ಖಾತೆಯಲ್ಲಿ ಲಕ್ಷಾಂತರ ರೂ ದುಡ್ಡಿದೆ. ನಿನ್ನೆ-ಮೊನ್ನೆಯವರೆಗೂ ಗ್ರಾಮ ಪಂಚಾಯತವೂ ವಿವಿಧ ಅಭಿವೃದ್ದಿ ಕೆಲಸಗಳಿಗಾಗಿ ಹಣ ವೆಚ್ಚ ಮಾಡಿದೆ. ವಿವಿಧ ಯೋಜನೆಗಳ ಅಡಿ ಕಿರವತ್ತಿ ಗ್ರಾಮ ಪಂಚಾಯತದಿoದ ಕುಡಿಯುವ ನೀರು, ರಸ್ತೆ ರಿಪೇರಿ, ಬೀದಿ ದೀಪಗಳ ನಿರ್ವಹಣೆಗಾಗಿ ಲಕ್ಷಾಂತರ ರೂ ವ್ಯಯಿಸಲಾಗಿದೆ. ಆದರೆ, ಗ್ರಾಮ ಪಂಚಾಯತ ಕಟ್ಟಡ ಸೋರದ ಹಾಗೇ ಮುನ್ನಚ್ಚರಿಕೆವಹಿಸಿಲ್ಲ. ಸದ್ಯ ಜೋರು ಮಳೆ ಶುರುವಾಗಿದ್ದು, ತರಾತರಿಯಲ್ಲಿ ಗ್ರಾಮ ಪಂಚಾಯತ ಕಟ್ಟಡಕ್ಕೆ ತಾಡಪತ್ರೆ ಹೊದಿಸಲಾಗಿದೆ. ತಾಡಪತ್ರೆ ಹೊದಸಿದರೂ ಕಚೇರಿಯಲ್ಲಿನ ತೇವಾಂಶ ಹಾಗೇ ಇದೆ. ಅಲ್ಲಲ್ಲಿ ಗೋಡೆಗಳು ಒದ್ದೆಯಾಗಿದ್ದು, ಬೀಸುವ ಗಾಳಿಗೆ ತಾಡಪತ್ರೆ ಹಾರಿ ಹೋಗುವ ಪರಿಸ್ಥಿತಿಯಲ್ಲಿದೆ. ಜೋರಾಗಿ ಮಳೆ ಬಂದಾಗ ಒಳಗೆ ನೀರು ನುಗ್ಗುವುದರಿಂದ ಅಧಿಕಾರಿ-ಸಿಬ್ಬಂದಿಗೆ ಕೆಲಸ ಮಾಡಲು ಸಹ ಆಗುತ್ತಿಲ್ಲ. ಹೀಗಾಗಿ ಸದ್ಯ ತುರ್ತಾಗಿ ಇಲ್ಲಿ ತಾಡಪತ್ರೆ ಹೊದಿಸಿ, ಮಳೆ ನೀರು ನುಗ್ಗದ ಹಾಗೇ ಮಾಡಲಾಗಿದೆ.
- [ಬರ್ತ್ ಡೇ ಬಾಯ್ ಕಾಡ ನಟರಾಜ್ ಗೆ ಡಬಲ್ ಖುಷಿ!](https://mobiletime.in/2026/06/double-happiness-for-birthday-boy-kada-nataraj/): ಕರಿಕಾಡ‌ ಚಿತ್ರದ ನಟನೆಯಿಂದ ಜನಪ್ರಿಯರಾದವರು ಕಾಡ‌ ನಟರಾಜ್. ಜೂನ್ 6ರಂದು ಸಂಭ್ರಮದ ಜನ್ಮದಿನ ಆಚರಿಸಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ಬಿ ಸಿನಿಮಾಸ್ ಜತೆಗೆ ಮಾತನಾಡಿದ ನಟರಾಜ್ ಅವರು ತಮ್ಮ ಖುಷಿ ದ್ವಿಗುಣಗೊಂಡಿರುವುದರ ಕಾರಣವನ್ನು ಹಂಚಿಕೊಂಡಿದ್ದಾರೆ. ಕಾಡ ನಟರಾಜ್ ನಾಯಕರಾಗಿ ನಟಿಸಿ ಜನ ಮನಸೂರೆಗೊಂಡ ಚಿತ್ರ ಕರಿಕಾಡ. ಗಿಲ್ಲಿ ವೆಂಕಟೇಶ್ ನಿರ್ದೇಶನದ ಈ ಚಿತ್ರದಲ್ಲಿ ಕರಿಕಾಡನಾಗಿ ನಟರಾಜ್ ಅಭಿನಯಕ್ಕೆ ವ್ಯಾಪಕ ಪ್ರಶಂಸೆ ದೊರಕಿತ್ತು. ಅದರಲ್ಲೂ ಅಮೆಜಾನ್ ಪ್ರೈಮ್ ನಲ್ಲಿ ರಿಲೀಸಾದ ಬಳಿಕ ನಟರಾಜ್ ಅವರು ಹೆಚ್ಚು ಹೆಸರುವಾಸಿಯಾಗಿದ್ದಾರೆ. ತಮ್ಮ ಅಭಿನಯಕ್ಕೆ ದೊರಕುತ್ತಿರುವ ಪಾಸಿಟಿವ್ ಪ್ರತಿಕ್ರಿಯೆಯ ಖುಷಿಯನ್ನು ನಟರಾಜ್ ತಮ್ಮ ಬರ್ತ್ ಡೇ ಸಂಭ್ರಮದಲ್ಲಿ ಹಂಚಿಕೊಂಡು ಡಬಲ್ ಧಮಾಕದಂತಾಗಿದೆ ಎಂದಿದ್ದಾರೆ. ಕರಿಕಾಡ ಚಿತ್ರದಲ್ಲಿ ಹಳ್ಳಿ ಯುವಕನಾಗಿ ನಟರಾಜ್ ಅದ್ಭುತ ನಟನೆ ನೀಡಿದ್ದರು.‌ ಮೊದಲ ಚಿತ್ರದಲ್ಲೇ ನಟನೆಯೊಂದಿಗೆ ಸಾಹಸ ಸನ್ನಿವೇಶಗಳಲ್ಲಿ ಕೂಡ ಸ್ವತಃ ಭಾಗಿಯಾಗಿ ನೋಡುಗರು ಹುಬ್ಬೇರಿಸುವಂತೆ ಮಾಡಿದ್ದರು. ಐಟಿ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ನಟರಾಜ್ ಇಂಥದೊಂದು ವಿಭಿನ್ನ ಲುಕ್ ನಲ್ಲಿ ಕಾಣಿಸಿಕೊಂಡಿರುವುದು ಸಹೋದ್ಯೋಗಿಗಳಿಂದ ಹಿಡಿದು ಪರಿಚಿತ ವಲಯದಲ್ಲಿ ಅಚ್ಚರಿ ಮೂಡಿಸಿತ್ತು. ಆದರೆ ಪಾತ್ರಕ್ಕೆ ನ್ಯಾಯ ಸಲ್ಲಿಸಿರುವ ರೀತಿಗೆ ಈಗ ವ್ಯಾಪಕ ಮೆಚ್ಚುಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಚಿತ್ರವನ್ನು ಕಾಡ  ನಟರಾಜ್ ಅವರೇ ನಿರ್ಮಿಸಿದ್ದರು. ಐಟಿಯಲ್ಲಿ ಕೆಲಸ ಮಾಡುತ್ತಲೇ ಸಿನಿಮಾದಲ್ಲೂ ನಾಯಕರಾದ ನಟರಾಜ್ ಅವರ‌ ಜೊತೆಯಾಗಿ ನಿರೀಕ್ಷಾ ಶೆಟ್ಟಿ ನಾಯಕಿಯಾಗಿ ನಟಿಸಿರುವ ಕರಿಕಾಡದಲ್ಲಿ ಬಲರಾಜ್ ವಾಡಿ, ಯಶ್ ಶೆಟ್ಟಿ, ವಿಜಯ್ ಚೆಂಡೂರ್ ಮೊದಲಾದವರ ಪಾತ್ರಗಳು ಕೂಡ ಚಿತ್ರದ ಹೈಲೈಟ್ ಆಗಿತ್ತು.
- [ಮೂರು ದಿನವೂ ಕಾಟ ಕೊಟ್ಟ ದುಷ್ಟಕೂಟ!](https://mobiletime.in/2026/06/an-insect-that-caused-trouble-for-three-days/): ಕುಮಟಾ ಕೋಡ್ಕಣಿಯ ರಾಜೇಶ ದೇಶಭಂಡಾರಿ ಹಾಗೂ ಕಮಲಾಕರ ಭಂಡಾರಿ ಅವರ ನಡುವಿನ ವೈಮನಸ್ಸು ಇದೀಗ ಅಂತ್ಯವಾಗಿದೆ. ಜಾಗದ ವಿಷಯವಾಗಿ ಅವರಿಬ್ಬರ ನಡುವೆ ನಡೆದಿದ್ದ ಜಗಳ ಗುರು-ಹಿರಿಯರ ಸಮಕ್ಷೇಮದಲ್ಲಿ ಬಗೆಹರಿದಿದೆ. `ರಾಜೇಶ ದೇಶಭಂಡಾರಿ ಅವರು ತಮಗೆ ಅನ್ಯಾಯ ಮಾಡಿದ್ದಾರೆ’ ಎಂದು ಕಮಲಾಕರ ದೇಶಭಂಡಾರಿ ಅವರ ಪತ್ನಿ ಜಯಂತಿ ದೇಶಭಂಡಾರಿ ಅವರು ದೂರಿದ್ದರು. ಗೋವಾದಲ್ಲಿ ಉದ್ಯೋಗದಲ್ಲಿರುವ ಭಾಸ್ಕರ ದೇಶಭಂಡಾರಿ ಅವರ ಕುಮ್ಮಕ್ಕಿನಿಂದ ರಾಜೇಶ ದೇಶಭಡಾರಿ ಅವರು ತಮ್ಮ ಮೇಲೆ ಹಲ್ಲೆ ನಡೆಸಿದ ಬಗ್ಗೆ ಅವರು ಆರೋಪಿಸಿದ್ದರು. ರಾಜೇಶ ದೇಶಭಂಡಾರಿ ಹಾಗೂ ಕಮಲಾಕರ ದೇಶಭಂಡಾರಿ ಅವರು ಅಣ್ಣ-ತಮ್ಮ ಆಗಿದ್ದು, ಅವರಿಬ್ಬರು ರಾಜಿ ಮೂಲಕ ಇದೀಗ ಈ ಪ್ರಕರಣ ಮುಗಿಸಿಕೊಂಡಿದ್ದಾರೆ. `ನಮ್ಮ ನಡುವೆ ಯಾವುದೇ ಸಮಸ್ಯೆ ಇಲ್ಲ. ಜಾಗದ ವಿಷಯವಾಗಿ ನಡೆಯುತ್ತಿದ್ದ ಜಗಳ ಬಗೆಹರಿದೆ ಎಂದು ಕಮಲಾಕರ ದೇಶಭಂಡಾರಿ ಅವರು ತಿಳಿಸಿದ್ದಾರೆ.  
- [ಶಿರಸಿ ಸಂಚಾರಕ್ಕೆ ದೋಣಿಯೇ ಸೂಕ್ತ!](https://mobiletime.in/2026/06/boats-are-the-best-way-to-travel-around-sirsi/): ಮಳೆಗಾಲದ ಪೂರ್ವ ತಯಾರಿ ಸರಿಯಾಗಿಲ್ಲದ ಕಾರಣ ಶಿರಸಿ ನಗರ ಕೆರೆಯ ಹಾಗಾಗಿದೆ. ಗಲ್ಲಿ ಗಲ್ಲಿಯಲ್ಲಿಯೂ ಮಳೆ ನೀರು ನಿಂತಿದ್ದು, ರಸ್ತೆ ಮೇಲಿನ ಸಂಚಾರಕ್ಕೆ ಜನ ಸಮಸ್ಯೆ ಅನುಭವಿಸುತ್ತಿದ್ದಾರೆ. `ಮಳೆ ಬರುವ ಮುನ್ನ ಗಟಾರ ಸ್ವಚ್ಛಗೊಳಿಸಬೇಕು. ನೀರು ಸರಿಯಾಗಿ ಹೋಗುವಂತೆ ನೋಡಿಕೊಳ್ಳಬೇಕು’ ಎಂದು ಎಲ್ಲಾ ಸ್ಥಳೀಯ ಸಂಸ್ಥೆಯವರಿಗೂ ಜಿಲ್ಲಾಡಳಿತ ಸೂಚನೆ ನೀಡಿತ್ತು. ಆದರೆ, ಶಿರಸಿ ನಗರಸಭೆ ಅಧಿಕಾರಿಗಳು ಆ ಸೂಚನೆ ಬಗ್ಗೆ ತಲೆಕೆಡಿಸಿಕೊಳ್ಳಲಿಲ್ಲ. ಅದರ ಪರಿಣಾಮ ಮಳೆ ಬಂದ ತಕ್ಷಣ ಶಿರಸಿ ನಗರ ಜಲಾವೃತವಾಗಿದ್ದು, ಜನ ತೊಂದರೆಗೆ ಸಿಲುಕಿದ್ದಾರೆ. ಇಲ್ಲಿನ ಅನೇಕ ಕಡೆ ಕಾರು-ಬೈಕು ಓಡಾಡುವ ಹಾಗಿಲ್ಲ. ಜೋರು ಮಳೆ ಮುಂದುವರೆದರೆ ಗಟಾರದ ಗಲೀಜು ನೀರು ಮನೆಗೆ ನುಗ್ಗಿದರೂ ಆಶ್ಚರ್ಯವಿಲ್ಲ. ಭಾನುವಾರ ಮಧ್ಯಾಹ್ನ 1 ಗಂಟೆಗೆ ಶಿರಸಿಯಲ್ಲಿ ಭಾರೀ ಪ್ರಮಾಣದ ಮಳೆ ಸುರಿದಿದೆ. ಆ ಮಳೆಗೆ ಇಡೀ ಶಿರಸಿ ನಗರ ನೀರಿನಿಂದ ತುಂಬಿದ್ದು, ತಗ್ಗು ಪ್ರದೇಶದ ಜನ ತೊಂದರೆಗೆ ಸಿಲುಕಿದ್ದಾರೆ. ಸುಮಾರು ಒಂದು ತಾಸು ಮಳೆ ಬಿದ್ದ ಪರಿಣಾಮ ಅನೇಕ ಬಡಾವಣೆಗಳು ಜಲಾವೃತಗೊಂಡಿದೆ. ರಸ್ತೆಗಳಲ್ಲಿ ನೀರು ನಿಂತ ಕಾರಣ ವಾಹನಗಳು ಮುಂದೆ ಸಾಗಲಾಗದೇ ಸಮಸ್ಯೆ ಅನುಭವಿಸಿವೆ. ಸಮೃದ್ಧಿ ನಗರದ ಚಂದ್ರ ಕಾಲೋನಿ, ದುಂಡಶಿ ನಗರ, ಮಂಜುನಾಥ ನಗರ, ಬನವಾಸಿ ರಸ್ತೆ ನೀರಿನಲ್ಲಿ ಮುಳುಗಿದೆ. ಸಮೃದ್ಧಿ ನಗರದಲ್ಲಿರುವ ಚಂದ್ರ ಕಾಲೋನಿಯ ಮನೆಗಳಿಗೆ ನೀರು ನುಗ್ಗಿದೆ. ಸಮರ್ಪಕ ಚರಂಡಿ ವ್ಯವಸ್ಥೆ ಇಲ್ಲದ ಕಾರಣ ಮಳೆ ನೀರು ಮುಂದೆ ಹೋಗುತ್ತಿಲ್ಲ. ಹುತ್ಗಾರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮಂಜುನಾಥ ನಗರದ ಮೂರನೇ ಅಡ್ಡರಸ್ತೆಯಲ್ಲೂ ಮಳೆಯ ನೀರು ಭರ್ತಿಯಾಗಿದೆ. ಬನವಾಸಿ ರಸ್ತೆ ಗೊಲಗೇರಿ ಓಣಿ ಕ್ರಾಸ್ ಭಾಗದಲ್ಲಿಯೂ ಅವೈಜ್ಞಾನಿಕ ಕಾಮಗಾರಿಗಳೆಲ್ಲವೂ ಮಳೆಗಾಲದಲ್ಲಿ ತೆರೆದುಕೊಂಡಿದೆ.
- [ಸಿಲಿಂಡರ್ ತಡವಾದರೆ ಮೌನವಾಗಬೇಡಿ: ನಿಮ್ಮ ಹಕ್ಕುಗಳನ್ನು ತಿಳಿದುಕೊಳ್ಳಿ!](https://mobiletime.in/2026/06/dont-stay-silent-if-the-cylinder-is-late-know-your-rights/): ಅಡುಗೆ ಮನೆಯ ಜೀವನಾಡಿಯಾಗಿರುವ ಎಲ್‌ಪಿಜಿ ಗ್ಯಾಸ್ ಸಿಲಿಂಡರ್ ಸಮಯಕ್ಕೆ ತಲುಪದಿದ್ದರೆ ಕುಟುಂಬದ ದೈನಂದಿನ ಕೆಲಸಗಳೇ ಅಸ್ತವ್ಯಸ್ತವಾಗಬಹುದು. ಇತ್ತೀಚಿನ ದಿನಗಳಲ್ಲಿ ಹಲವರು ಗ್ಯಾಸ್ ಬುಕ್ ಮಾಡಿದ ನಂತರ ಹಲವು ದಿನಗಳವರೆಗೆ ಸಿಲಿಂಡರ್ ಸಿಗುತ್ತಿಲ್ಲ ಎಂದು ದೂರು ನೀಡುತ್ತಿದ್ದಾರೆ. ಕೆಲವರಿಗೆ “ಔಟ್ ಫಾರ್ ಡೆಲಿವರಿ” ಎಂಬ ಸಂದೇಶ ಬಂದರೂ ಸಿಲಿಂಡರ್ ಮನೆ ಬಾಗಿಲಿಗೆ ತಲುಪುವುದೇ ಇಲ್ಲ.   ಸಾಮಾನ್ಯವಾಗಿ ಗ್ಯಾಸ್ ವಿತರಣೆ ವಿಳಂಬವಾಗಲು ಹೆಚ್ಚಿನ ಬೇಡಿಕೆ, ಏಜೆನ್ಸಿಯಲ್ಲಿನ ಬ್ಯಾಕ್‌ಲಾಗ್, ತಪ್ಪಾದ ವಿಳಾಸ ಅಥವಾ ಮೊಬೈಲ್ ಸಂಖ್ಯೆ, ತಾಂತ್ರಿಕ ಸಮಸ್ಯೆಗಳು ಹಾಗೂ ವಿತರಣಾ ವ್ಯವಸ್ಥೆಯ ಅಡಚಣೆಗಳು ಕಾರಣವಾಗಬಹುದು. ಆದರೆ ಕಾರಣ ಏನೇ ಇರಲಿ, ಗ್ರಾಹಕರು ನಿರಂತರವಾಗಿ ಕಾಯಬೇಕಾದ ಅನಿವಾರ್ಯತೆ ಇಲ್ಲ. ಗ್ಯಾಸ್ ಬುಕ್ ಮಾಡಿದ ಬಳಿಕ ಅಸಹಜವಾಗಿ ವಿಳಂಬವಾದರೆ ಮೊದಲು ನಿಮ್ಮ ಬುಕ್ಕಿಂಗ್ ಸ್ಥಿತಿಯನ್ನು ಪರಿಶೀಲಿಸಿ. ಅಗತ್ಯವಿದ್ದರೆ ಸಂಬಂಧಿತ ಗ್ಯಾಸ್ ಏಜೆನ್ಸಿಯನ್ನು ಸಂಪರ್ಕಿಸಿ. ಪ್ರತಿಕ್ರಿಯೆ ಸಿಗದಿದ್ದರೆ ಕಂಪನಿಯ ಗ್ರಾಹಕ ಸೇವಾ ಕೇಂದ್ರ ಅಥವಾ ಅಧಿಕೃತ ದೂರು ವ್ಯವಸ್ಥೆಯ ಮೂಲಕ ದೂರು ದಾಖಲಿಸಬಹುದು.   ಇನ್ನೊಂದು ಪ್ರಮುಖ ವಿಷಯವೆಂದರೆ, ಕೆಲವೊಮ್ಮೆ ಸಿಲಿಂಡರ್ ತಲುಪದಿದ್ದರೂ “ಡೆಲಿವರ್ ಆಗಿದೆ” ಎಂಬ ಸಂದೇಶ ಗ್ರಾಹಕರಿಗೆ ಬರುತ್ತಿರುವ ಘಟನೆಗಳೂ ವರದಿಯಾಗಿವೆ. ಇಂತಹ ಸಂದರ್ಭದಲ್ಲಿ ತಕ್ಷಣವೇ ದೂರು ದಾಖಲಿಸಿ, ಅಗತ್ಯ ದಾಖಲೆಗಳನ್ನು ಸಂಗ್ರಹಿಸಿಟ್ಟುಕೊಳ್ಳುವುದು ಉತ್ತಮ.   ಗ್ರಾಹಕರು ಹಣ ಪಾವತಿಸುವ ಸೇವೆಯನ್ನು ಸಮಯಕ್ಕೆ ಪಡೆಯುವುದು ಅವರ ಹಕ್ಕು. ಆದ್ದರಿಂದ ಗ್ಯಾಸ್ ಸಿಲಿಂಡರ್ ವಿತರಣೆ ಅನಗತ್ಯವಾಗಿ ವಿಳಂಬವಾದರೆ ಮೌನವಾಗಿರದೆ ಸಂಬಂಧಿತ ಅಧಿಕಾರಿಗಳ ಗಮನಕ್ಕೆ ತರುವುದು ಅಗತ್ಯ. ನಿಮ್ಮ ಒಂದು ದೂರು, ಸೇವೆಯ ಗುಣಮಟ್ಟವನ್ನು ಸುಧಾರಿಸಲು ಕಾರಣವಾಗಬಹುದು.   ಗಮನಿಸಿ: ಬುಕ್ಕಿಂಗ್ ಮಾಡುವಾಗ ಸರಿಯಾದ ಮೊಬೈಲ್ ಸಂಖ್ಯೆ, ವಿಳಾಸ ಹಾಗೂ ಅಗತ್ಯ ದಾಖಲೆಗಳು ನವೀಕೃತವಾಗಿರುವುದನ್ನು ಖಚಿತಪಡಿಸಿಕೊಳ್ಳಿ. ಇದರಿಂದ ಅನೇಕ ವಿತರಣಾ ಸಮಸ್ಯೆಗಳನ್ನು ತಪ್ಪಿಸಬಹುದು.
- [ಮಾರಿಕಾಂಬೆ: ಧರ್ಮದರ್ಶಿ ಮಂಡಳಿಗೆ ಘಟಾನುಘಟಿಗಳ ಆಯ್ಕೆ!](https://mobiletime.in/2026/06/maricombe-a-selection-of-events-for-the-dharmadarshi-board/): ಶಿರಸಿಯ ಶಕ್ತಿಪೀಠವಾದ ಮಾರಿಕಾಂಬಾ ದೇವಾಲಯಕ್ಕೆ ಧರ್ಮದರ್ಶಿ ಮಂಡಳಿ ಆಯ್ಕೆ ನಡೆದಿದೆ. ನಿವೃತ್ತ ಇಂಜಿನಿಯರ್ ವಿನಾಯಕ ಶೇಟ್ ಅವರ ಜೊತೆ ಸಮೃದ್ಧಿ ಮಹಿಳಾ ಮಂಡಳಿ ಅಧ್ಯಕ್ಷೆ ಅರ್ಚನಾ ರಾಘವೇಂದ್ರ ಹೊನ್ನಾವರ, ನಿವೃತ್ತ ಖಜಾನೆ ಅಧಿಕಾರಿ ರವಿ ಬೆಳ್ಳಿಮನೆ, ನಿವೃತ್ತ ಬ್ಯಾಂಕ್ ವ್ಯವಸ್ಥಾಪಕ ಅಶೋಕ ಪವಾರ್ ಹಾಗೂ ಕೇಶವ ಹೆಗಡೆ ಅವರು ಧರ್ಮದರ್ಶಿಯಾಗಿ ಆಯ್ಕೆಯಾಗಿದ್ದಾರೆ. ಕಾರವಾರದಲ್ಲಿ ಸಂದರ್ಶನ ಪ್ರಕ್ರಿಯೆ ನಡೆದಿದ್ದು, ನ್ಯಾಯಾಧೀಶರಿಂದ ಈ ಆಯ್ಕೆ ನಡೆದಿದೆ. ಧರ್ಮದರ್ಶಿ ಹುದ್ದೆಗೆ ೨೦೦ಕ್ಕೂ ಅರ್ಜಿ ಸಲ್ಲಿಕೆಯಾಗಿತ್ತು. ಅನುಭವ, ಸಾಮಾಜಿಕ ಸೇವೆ ಹಾಗೂ ಆಡಳಿತಾತ್ಮಕ ಹಿನ್ನಲೆ ಪರಿಗಣಿಸಿ ಐವರ ಹೆಸರು ಅಂತಿಮವಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಪ್ರಸಿದ್ಧ ಧಾರ್ಮಿಕ ಕೇಂದ್ರವಾಗಿ ಶಿರಸಿಯ ಮಾರಿಕಾಂಬಾ ಸನ್ನಿಧಿ ಗುರುತಿಸಿಕೊಂಡಿದ್ದು, ಲಕ್ಷಾಂತರ ಭಕ್ತರು ದೇವಿಗೆ ನಡೆದುಕೊಳ್ಳುತ್ತಾರೆ. ಹೀಗಾಗಿ ಈ ದೇಗುಲದ ಧರ್ಮದರ್ಶಿ ಹುದ್ದೆ ಪ್ರತಿಷ್ಠೆಯ ಸಂಕೇತವಾಗಿದೆ. ದೇವಿ ಸೇವೆ ಮಾಡಲು ಬಯಸುವವರಿಗೂ ಇಲ್ಲಿ ಸಾಕಷ್ಟು ಅವಕಾಶಗಳಿವೆ. ಹೀಗಾಗಿ ಧರ್ಮದರ್ಶಿ ಆಗಲು ಪೈಪೋಟಿಗೆ ಬಿದ್ದು ಜನ ಅರ್ಜಿ ಸಲ್ಲಿಸಿದ್ದು, ನ್ಯಾಯಾಧೀಶರು ಧರ್ಮದರ್ಶಿಗಳ ಆಯ್ಕೆ ಮಾಡುತ್ತಾರೆ.
- [ಮಕ್ಕಳ ಆಸೆ: ಮಾವಿನ ಮರ ಏರಿದ ಅಪ್ಪ ಮಸಣ ಸೇರಿದ!](https://mobiletime.in/2026/06/childrens-wish-dad-climbed-the-mango-tree-and-joined-the-family/): ಶಾಲೆಗೆ ಹೋಗುವ ಮಕ್ಕಳು ಮಾವಿನ ಹಣ್ಣು ಕೇಳಿದ್ದು, ಅವರು ಶಾಲೆಯಿಂದ ಬರುವುದರೊಳಗೆ ಹಣ್ಣು ತರಲು ಮರ ಏರಿದ್ದ ಬನವಾಸಿ ಬಳಿಯ ವೀರಭದ್ರ ಮಾರಿನಬೀಡ ಅವರು ಮರದಿಂದ ಬಿದ್ದಿದ್ದಾರೆ. ಗಂಭೀರ ಗಾಯಗೊಂಡ ಅವರು ಉನ್ನತ ಚಿಕಿತ್ಸೆಗಾಗಿ ಹುಬ್ಬಳ್ಳಿ ಆಸ್ಪತ್ರೆಗೆ ಕರೆದೊಯ್ಯುವಾಗ ಕೊನೆಯುಸಿರೆಳೆದಿದ್ದಾರೆ. ಶಿರಸಿ ತಾಲೂಕಿನ ಬನವಾಸಿಯ ಕಡಗೋಡದಲ್ಲಿ ವೀರಭದ್ರ ನಿಂಗಪ್ಪ ಮಾರಿನಬೀಡ (48) ಅವರು ವಾಸವಾಗಿದ್ದರು. ಜೂನ್ 5ರಂದು ಅವರ ಮಕ್ಕಳು `ಮಾವಿನ ಹಣ್ಣು ತಿನ್ನಬೇಕು’ ಎಂದಿದ್ದರು. ಮಕ್ಕಳನ್ನು ಶಾಲೆಗೆ ಕಳುಹಿಸುವಾಗ `ಸಂಜೆಯೊಳಗೆ ಹಣ್ಣು ತರುವೆ’ ಎಂದು ವೀರಭದ್ರ ಮಾರಿನಬೀಡ ಅವರು ಸಮಾಧಾನ ಮಾಡಿದ್ದರು. ಮಕ್ಕಳಿಗಿರುವ ಮಾವಿನ ಹಣ್ಣು ತಿನ್ನು ಆಸೆ ತೀರಿಸುವುದಕ್ಕಾಗಿ ಅವರು ಕಡಗೋಡ ಗ್ರಾಮದ ಅಶೋಕ ಗಣಪತಪ್ಪ ಗೌಡರ್ ಅವರ ಮನೆ ಹಿಂದಿನ ಮರ ಹತ್ತಲು ನಿರ್ಧರಿಸಿದ್ದರು. ಈ ಬಗ್ಗೆ ವೀರಭದ್ರ ಅವರು ಪತ್ನಿ ಗೀತಾ ಮಾರಿನಬೀಡ ಅವರಿಗೆ ಹೇಳಿ ಮಧ್ಯಾಹ್ನ ಮಾವಿನ ಮರದ ಕಡೆ ಹೊರಟರು. ಮೂರು ಗಂಟೆ ಅವಧಿಗೆ ಅವರು ಮರ ಏರಿದ್ದು, ಹಣ್ಣು ಕೀಳುವಾಗ ಕಾಲು ಜಾರಿ ಬಿದ್ದರು. 15 ಅಡಿ ಎತ್ತರದಿಂದ ಬಿದ್ದ ಪರಿಣಾಮ ವೀರಭದ್ರ ಅವರಿಗೆ ಗಾಯವಾಯಿತು. 108 ಆಂಬುಲೆನ್ಸಿನ ಮೂಲಕ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ವಿಷಯ ಕೇಳಿ ಗೀತಾ ಮಾರಿನಬೀಡ ಅವರ ತಾಯಿ ರತ್ನಮ್ಮ ಮಂಜಪ್ಪ ಕಬ್ಬೇರ್ ಅವರು ಆಸ್ಪತ್ರೆಗೆ ದೌಡಾಯಿಸಿದರು. ರತ್ಮನ್ನ ಅವರು ಮಗಳಿಗೆ ಫೋನು ಮಾಡಿದಾಗ ವೀರಭದ್ರ ಅವರು ಮಾತನಾಡಿದರು. ಆದರೆ, ಅದೇ ಅವರು ಪತ್ನಿ ಜೊತೆ ಆಡಿದ ಕೊನೆಯ ಮಾತುಗಳಾಗಿದ್ದವು. ಅದಾದ ನಂತರ ವೀರಭದ್ರ ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಕಿಮ್ಸ್’ಗೆ ಕರೆದೊಯ್ಯುವ ಪ್ರಯತ್ನ ನಡೆಯಿತು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ದಾರಿ ಮಧ್ಯೆಯೇ ಅವರು ಸಾವನಪ್ಪಿದರು.
- [ಜೀವ ರಕ್ಷಕರ ಜೊತೆ ಜಗಳ!](https://mobiletime.in/2026/06/fight-with-lifeguards/): ಗೋಕರ್ಣಕ್ಕೆ ಬರುವ ಪ್ರವಾಸಿಗರು ಅಲ್ಲಿರುವ ಜೀವ ರಕ್ಷಕರ ಜೊತೆ ಜಗಳ ಮಾಡುತ್ತಿದ್ದಾರೆ. ಕಡಲಿಗೆ ಇಳಿಯದಂತೆ ಸೂಚಿಸಿರುವುದನ್ನು ಸಹಿಸದೇ ವಾಗ್ವಾದ ನಡೆಸುತ್ತಿದ್ದಾರೆ. ಸದ್ಯ ಮಳೆಗಾಲ ಶುರುವಾಗಿದ್ದರಿಂದ ಜಲ ಸಾಹಸ ಕ್ರೀಡೆಗಳನ್ನು ನಿಷೇಧಿಸಲಾಗಿದೆ. ಹೀಗಾಗಿ ಗೋಕರ್ಣಕ್ಕೆ ಬರುವ ಪ್ರವಾಸಿಗರು ಕಡಲಿಗೆ ಹಾರುತ್ತಿದ್ದು, ಸಮುದ್ರದ ಅಲೆಗಳ ರಭಸವಾಗಿರುವ ಬಗ್ಗೆ ಜೀವ ರಕ್ಷಕರು ಜನರಿಗೆ ಮಾಹಿತಿ ನೀಡುತ್ತಿದ್ದಾರೆ. ಅದಾಗಿಯೂ, ಅಪಾಯದ ಕಡೆ ಹೋಗುವವರನ್ನು ತಡೆಯುತ್ತಿದ್ದಾರೆ. ಆದರೆ, ಅನೇಕ ಪ್ರವಾಸಿಗರು ಜೀವ ರಕ್ಷಕರ ಮಾತು ಆಲಿಸದೇ ಜಗಳ ಮಾಡುತ್ತಿದ್ದಾರೆ. ಶನಿವಾ ಸಹ ನಾಲ್ವರು ಸಮುದ್ರಕ್ಕೆ ಹಾರಿದ್ದು, ಜೀವ ರಕ್ಷಕ ಸಿಬ್ಬಂದಿ ಅವರನ್ನು ದಡಕ್ಕೆ ಕರೆದಿದ್ದಾರೆ. `ಅಲೆಯ ಸೆಳೆತ ಹೆಚ್ಚಾಗಿರುವುದರಿಂದ ನೀರಿಗೆ ಇಳಿಯಬೇಡಿ’ ಎಂದು ಬುದ್ದಿ ಹೇಳಿದ್ದಾರೆ. ಆದರೆ, ಜೀವ ರಕ್ಷಕ ಸಿಬ್ಬಂದಿ ಜೊತೆ ಪ್ರವಾಸಿಗರು ಜಗಳ ಮಾಡಿ ಕೆಟ್ಟದಾಗಿ ಬೈದಿದ್ದಾರೆ. ಹೀಗಾಗಿ ಜೀವ ರಕ್ಷಕ ಸಿಬ್ಬಂದಿಯ ರಕ್ಷಣೆಗೆ ಇಲ್ಲಿ ಪೊಲೀಸರನ್ನು ನೇಮಿಸಬೇಕು ಎಂಬ ಆಗ್ರಹ ಕೇಳಿಬಂದಿದೆ.
- [`ಮಕ್ಕಳ ಮನಸ್ಸು ಗೆದ್ದು ಪಾಠ ಮಾಡುವುದೇ ಮುಖ್ಯ'](https://mobiletime.in/2026/06/it-is-important-to-win-the-hearts-of-children-and-teach-them/): `ಮಕ್ಕಳ ಮನಸ್ಸು ಗೆದ್ದು ಅವರಲ್ಲಿ ಜ್ಞಾನ ತುಂಬುವ ಶಿಕ್ಷಕರ ಸೇವೆ ಸದಾ ಸ್ಮರಣೀಯ’ ಎಂದು ಶಿಕ್ಷಣ ತಜ್ಞ ಸುರೇಶ್ ಕುಲಕರ್ಣಿ ಅವರು ಹೇಳಿದ್ದಾರೆ. ಯಲ್ಲಾಪುರದ ಹೋಲಿರೋಜರಿ ಪ್ರೌಢಶಾಲೆಯ ಸಭಾಭವನದಲ್ಲಿ ಉಪನ್ಯಾಸ ನೀಡಿದ ಅವರು `ಮಕ್ಕಳ ಮನಸ್ಸು ಅರಿತು ಅವರ ಜೊತೆ ಸಂತೋಷದಿoದ ಸಂವಹನ ನಡೆಸಿದಾಗ ಮನಸ್ಸು ಅರಳುತ್ತದೆ. ಆ ವೇಳೆ ಜ್ಞಾನ ಬೆರೆಸುವ ಶಿಕ್ಷಕ ಕಾರ್ಯ ಅತ್ಯಂತ ಪವೀತ್ರವಾದದ್ದು’ ಎಂದು ಬಣ್ಣಿಸಿದ್ದಾರೆ ವಿವಿಧ ಶಿಕ್ಷಕ ಸಂಘಟನೆಗಳ ಅಡಿಯಲ್ಲಿ ಈ ಉಪನ್ಯಾಸ ಕಾರ್ಯಕ್ರಮ ಆಯೋಜಿಸಲಾಗಿದ್ದು, `ವಿದ್ಯಾರ್ಥಿಗಳೊಂದಿಗೆ ಉತ್ತಮ ಸಂವಹನಕ್ಕಾಗಿ ಯಾವ ರೀತಿಯ ವಿಧಾನವನ್ನು ಅಳವಡಿಸಿಕೊಳ್ಳಬೇಕು?’ ಎನ್ನುವುದರ ಬಗ್ಗೆ ಶಿಕ್ಷಣ ತಜ್ಞರು ಅರಿವು ಮೂಡಿಸಿದ್ದಾರೆ. `ಸರಳ ಘಟನೆಗಳನ್ನು ಹಾಗೂ ಜ್ಞಾನದ ಸಂಗ್ರಹ ಮಾಡಿಕೊಂಡು ಮಗುವಿನ ಪ್ರಶ್ನೆಗೆ ಉತ್ತರಗಳನ್ನ ನೀಡಿದರೆ ಆ ಮಗು ಶಿಕ್ಷಕರನ್ನು ಪ್ರೀತಿಸುತ್ತದೆ. ಆಗ ಮಗು ಕಲಿಸಿದ ಗುರುವನ್ನು ಸದಾ ನೆನಪಿಸುತ್ತದೆ’ ಎಂದು ಶಿಕ್ಷಣ ತಜ್ಞ ಸುರೇಶ್ ಕುಲಕರ್ಣಿ ಅವರು ವಿವರಿಸಿದರು. ಶಿಕ್ಷಣಾಧಿಕಾರಿ ರೇಖಾ ನಾಯ್ಕ ಅವರು `ಮಕ್ಕಳಿಗೆ ಆಸಕ್ತಿದಾಯಕವಾಗಿ ಕಲಿಸಲು ಶಿಕ್ಷಕರಿಗೆ ಉಪನ್ಯಾಸ ಕಾರ್ಯಕ್ರಮಗಳು ನೆರವಾಗುತ್ತದೆ’ ಎಂದರು. ಸಹಶಿಕ್ಷಕರ ಸಂಘದ ಜಿಲ್ಲಾಧ್ಯಕ್ಷ ಅಜಯ್ ನಾಯಕ, ಜಿಲ್ಲಾ ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ಅಧ್ಯಕ್ಷರಾದ ನಾರಾಯಣ ನಾಯಕ, ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷರಾದ ಆರ್ ಆರ್ ಭಟ್, ಸಹ ಶಿಕ್ಷಕರ ಸಂಘದ ತಾಲೂಕ ಅಧ್ಯಕ್ಷರಾದ ವೆಂಕಟೇಶ್ ಪಾಲನಕರ, ತಾಲೂಕ ಪ್ರೌಡಶಾಲಾ ಮುಖ್ಯ ಶಿಕ್ಷಕರ ಸಂಘದ ಅಧ್ಯಕ್ಷರಾದ ನಾರಾಯಣ ನಾವುಡಾ, ರಾಜರಾಜೇಶ್ವರಿ ವಿದ್ಯಾಸಂಸ್ಥೆ ಮಂಚಿಕೇರಿಯ ಸದಸ್ಯ ಎಂ ಕೆ ಭಟ್, ಹೋಲಿ ರೋಸರಿ ಪ್ರೌಢಶಾಲೆಯ ಮುಖ್ಯ ಅಧ್ಯಾಪಕ ಎಂ ರಾಜಶೇಖರ ಅವರು ಕಾರ್ಯಕ್ರಮದಲ್ಲಿದ್ದರು. ಶಿಕ್ಷಕಿ ರೇಖಾ ಭಟ್ಟ ಪ್ರಾರ್ಥಿಸಿದರು. ಕ್ಷೇತ್ರ ಸಂಪನ್ಮೂಲ ಕೇಂದ್ರದ ಸಮನ್ವಯಾಧಿಕಾರಿ ಸಂತೋಷ ಜಿಗಳೂರು ಸ್ವಾಗತಿಸಿದರು. ಶಿಕ್ಷಕ ಚಂದ್ರಹಾಸ ನಾಯ್ಕ ನಿರ್ವಹಿಸಿದರು.
- [`ಶಿಕ್ಷಣವೇ ಸಾಧನೆಯ ಅಸ್ತ್ರ'](https://mobiletime.in/2026/06/education-is-the-weapon-of-achievement/): `ಪ್ರತಿಯೊಬ್ಬ ಮನುಷ್ಯನಿಗೂ ವಿದ್ಯಾರ್ಥಿ ಜೀವನ ಅತ್ಯುತ್ತಮ ಘಟ್ಟವಾಗಿದ್ದು, ಶಿಕ್ಷಣವೇ ಸಾಧನೆಯ ಅಸ್ತ್ರವಾಗಿದೆ’ ಎಂದು ಕಾರವಾರದ ಅಸ್ನೋಟಿ ಗ್ರಾಮ ಪಂಚಾಯತ ಮಾಜಿ ಅಧ್ಯಕ್ಷ ಸಂಜಯ ಸಾಳುಂಕೆ ಅವರು ಹೇಳಿದ್ದಾರೆ. `ಉತ್ತಮ ಶಾಲೆ, ಉತ್ತಮ ಶಿಕ್ಷಕರ ಜೊತೆ ವಿದ್ಯಾರ್ಥಿಗಳ ಅಭ್ಯಾಸವೂ ಸಾಧನೆಗೆ ಮುಖ್ಯ’ ಎಂದವರು ವಿವರಿಸಿದ್ದಾರೆ. ಅಸ್ನೋಟಿ ಶಿವಾಜಿ ವಿದ್ಯಾ ಮಂದಿರದಲ್ಲಿ ಶೈಕ್ಷಣಿಕ ವರ್ಷದ ಆರಂಭೋತ್ಸವ ಉದ್ಘಾಟಿಸಿದ ಅವರು `ವಿದ್ಯಾರ್ಥಿ ಜೀವನ ಕಷ್ಟಕರ ಸವಾಲುಗಳನ್ನು ಎದುರಿಸುವ ಸಮಯವಾಗಿದೆ. ಈ ಸಮಯವನ್ನು ಹಾಳು ಮಾಡಿಕೊಳ್ಳದಿದ್ದರೇ ಸಮಾಜಮುಖಿಯಾಗಿ ಬೆಳೆಯಲು ಸಾಧ್ಯ’ ಎಂದಿದ್ದಾರೆ. ಓ ಎಸ್ ಜಿ ಗ್ರೂಪ್ ಅಧ್ಯಕ್ಷ ಪವನ ಸಾವಂತ ಅವರು ಮಾತನಾಡಿ `ವಿದ್ಯಾರ್ಥಿಗಳು ಪ್ರಮಾಣಿಕತೆ ಮತ್ತು ಸಮಯಪಾಲನೆಗೆ ಮಹತ್ವ ನೀಡಬೇಕು’ ಎಂದು ಕರೆ ನೀಡಿದ್ದಾರೆ. ಸಂಸ್ಥೆಯ ಉಪಾಧ್ಯಕ್ಷರಾದ ಗಿರೀಶ ದೇಸಾಯಿ ಅವರು ಮಕ್ಕಳಿಗೆ ಶುಭ ಹಾರೈಸಿದ್ದಾರೆ. ಪ್ರಮುಖರಾದ ಉದಯ ಸಾಳುಂಕೆ, ಚಂದ್ರಕಾAತ ಸಾಳುಂಕೆ, ಸಂತೋಷ ನಾಯ್ಕ, ಮತ್ತು ಹಿರಿಯ ಶಿಕ್ಷಕರಾದ ಸಂತೋಷ ಕಾಂಬಳೆ, ಭಾಸ್ಕರ ಸಾಳುಂಕೆ, ಶಿಕ್ಷಕರಾದ ವಿಜಯ ಸುಧೀರ, ಜೆ ಬಿ ತಿಪ್ಪೇಸ್ವಾಮಿ, ಶರತ್ ಗಾಂವಕರ, ಪಾಲಕರಾದ ವಿನಯ ನಾಯ್ಕ, ದಿಪಕ್ ತಳೇಕರ ಕಾರ್ಯಕ್ರಮದಲ್ಲಿದ್ದರು. ಈ ವೇಳೆ ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಪರಿಕರಗಳನ್ನು ನೀಡಲಾಯಿತು. ಮುಖ್ಯ ಶಿಕ್ಷಕ ಗಣೇಶ ಬಿಷ್ಟಣ್ಣನವರ ಅವರು ಸ್ವಾಗತಿಸಿದರು. ಶಿಕ್ಷಕ ವಿಜಯಕುಮಾರ್ ನಾಯ್ಕ ಅವರು ವಂದಿಸಿದರು.
- [ಸಂಗೀತ ಆಸಕ್ತರಿಂದ ಅರ್ಜಿ ಆಹ್ವಾನ](https://mobiletime.in/2026/06/applications-invited-from-music-enthusiasts/): ಯಲ್ಲಾಪುರ ಪಟ್ಟಣದಲ್ಲಿ `ರೈಸಿಂಗ್ ಸ್ಟಾರ್ ಮ್ಯೂಸಿಕಲ್ ಅಕಾಡೆಮಿ’ ಸಂಗೀತ ತರಗತಿ ಮುಂದುವರೆಸಿದ್ದು, ಪ್ರವೇಶ ಪ್ರಕ್ರಿಯೆಗಾಗಿ ಅರ್ಜಿ ಆಹ್ವಾನಿಸಿದೆ. ಬಸ್ ನಿಲ್ದಾಣ ಬಳಿಯ ವೈಭವ ಬಿಲ್ಡಿಂಗ್ ಬಳಿ ಸಂಗೀತ ತರಗತಿ ನಡೆಯುತ್ತಿದ್ದು, ಎಲ್ಲಾ ವಯಸ್ಸಿನವರಿಗೂ ಇಲ್ಲಿ ಸಂಗೀತಾಭ್ಯಾಸ ಮಾಡಿಸಲಾಗುತ್ತದೆ. ಇಲ್ಲಿ ಬೇಸಿಕ್ ಕೀಬೋರ್ಡ್ ಪ್ಲೇಯಿಂಗ್ ಮತ್ತು ಮ್ಯೂಸಿಕ್ ಕಂಪೋಸಿಷನ್, ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತ, ಕರೋಕೆ ಹಾಡುವಿಕೆ ಮತ್ತು ಹಾಡು ರೆಕಾರ್ಡಿಂಗ್ ತರಬೇತಿ ನೀಡಲಾಗುತ್ತಿದೆ. ಜೊತೆಗೆ ಬೇಸಿಕ್ ಗಿಟಾರ್ ಪ್ಲೇಯಿಂಗ್, ಕಾರ್ಡ್ಸ್, ಲೀಡ್ ಮತ್ತು ಮ್ಯೂಸಿಕ್ ಥಿಯರಿ ಬಗ್ಗೆಯೂ ಕಲಿಸಲಾಗುತ್ತದೆ. ಸಂಗೀತ ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿರುವವರು ಈ ಅವಕಾಶವನ್ನು ಬಳಸಿಕೊಳ್ಳಬೇಕು ಎಂದು ಅಕಾಡೆಮಿ ಮನವಿ ಮಾಡಿದೆ. ಪ್ರವೇಶ ಪ್ರಕಟಣೆಗಾಗಿ ಇಲ್ಲಿ ಫೋನ್ ಮಾಡಿ: 7975670097 ಅಥವಾ 9480452405
- [ಚಿನ್ನ ನೋಡದೇ ಸಾಲ ಕೊಟ್ಟ ಮಣಿಪುರಂ ಫೈನಾನ್ಸ್!](https://mobiletime.in/2026/06/manipuram-finance-gave-loans-without-seeing-the-gold/): ಶಿರಸಿಯ ಮಣಿಪುರಂ ಫೈನಾನ್ಸಿನಲ್ಲಿ ಕೆಲಸ ಮಾಡುವ ಮ್ಯಾನೇಜರ್’ಗೆ ಗಾಂಧೀನಗರದ ರಾಘವೇಂದ್ರ ಕಲ್ಲಕುಟ್ರಿ ಹಾಗೂ ಅಂಬಾಗಿರಿಯ ರಾಮಕೃಷ್ಣ ಹೆಗಡೆ ಸೇರಿ ಮೋಸ ಮಾಡಿದ್ದಾರೆ. ಚಿನ್ನ ಅಡವಿಡುವ ನೆಪದಲ್ಲಿ ಅವರಿಬ್ಬರು ಸೇರಿ ಮಣಿಪುರಂ ಫೈನಾನ್ಸಿಗೆ 4.80 ಲಕ್ಷ ರೂ ಯಾಮಾರಿಸಿದ್ದಾರೆ! ಶಿರಸಿಯ ಮಣಿಪುರಂ ಫೈನಾನ್ಸಿನ ಲ್ಲಿ ಶಾಖಾ ವ್ಯವಸ್ಥಾಪಕಿಯಾಗಿದ್ದವರಿಗೆ ಜೂನ್ 1ರಂದು ರಾಘವೇಂದ್ರ ಕಲ್ಲಕುಟ್ರಿ ಅವರು ಫೋನ್ ಮಾಡಿ `ಒಬ್ಬನನ್ನು ಕಳುಹಿಸುತ್ತೇನೆ. ಅವನ ಹೆಸರಿನಲ್ಲಿ ಖಾತೆ ತೆರೆಯಬೇಕು’ ಎಂದಿದ್ದಾರೆ. ಅಂಬಾಗಿರಿಯ ರಾಮಕೃಷ್ಣ ರಾಮಚಂದ್ರ ಹೆಗಡೆ ಅವರು ಶಾಖೆಗೆ ಬಂದಿದ್ದು, ಮ್ಯಾನೇಜರ್ ರಾಮಕೃಷ್ಣ ಹೆಗಡೆ ಅವರ ಹೆಸರಿನಲ್ಲಿ ಖಾತೆ ತೆರೆದುಕೊಟ್ಟಿದ್ದಾರೆ. ಅದಾದ ನಂತರ ರಾಘವೇಂದ್ರ ಕಲ್ಲಕುಟ್ರಿ ಅವರು ಮತ್ತೆ ಮ್ಯಾನೇಜರ್’ಗೆ ಫೋನ್ ಮಾಡಿ ಚಿನ್ನದ ಮೇಲೆ ಸಾಲ ಕೊಡುವಂತೆ ಸೂಚಿಸಿದ್ದಾರೆ. ಸಾಲ ಮಂಜೂರಿ ಮಾಡಿದ ನಂತರ `ಕೆನರಾ ಬ್ಯಾಂಕಿನಲ್ಲಿ ಚಿನ್ನವಿದ್ದು, ಅದನ್ನು ಬಿಡಿಸಿಕೊಂಡು ಬರುವೆ’ ಎಂದು ಹೇಳಿ ಅಲ್ಲಿಂದ ಹೊರಟಿದ್ದಾರೆ. ಇದಕ್ಕೆ ಪೂರಕವಾಗಿ ಕೆನರಾ ಬ್ಯಾಂಕಿನ ದೇವಿಕೆರೆ ಶಾಖೆಯಲ್ಲಿ 72.700 ಗ್ರಾಂ ಚಿನ್ನಾಭರಣವನ್ನು ಅಡವಿಟ್ಟ ದಾಖಲೆಯನ್ನು ತೋರಿಸಿದ್ದಾರೆ. ಅಲ್ಲಿ ಕಡಿಮೆ ಮೊತ್ತ ನೀಡಿದ ಕಾರಣ ಹೆಚ್ಚಿನ ಮೊತ್ತ ಅಗತ್ಯವಿರುವ ಬಗ್ಗೆ ಹೇಳಿದ್ದಾರೆ. ಆ ಮಾತು ನಂಬಿದ ಮ್ಯಾನೇಜರ್ 4.80 ಲಕ್ಷ ರೂ ಸಾಲ ನೀಡಿದ್ದಾರೆ. ಆದರೆ, ರಾಮಕೃಷ್ಣ ಹೆಗಡೆ ಅವರು ಫೈನಾನ್ಸಿಗೆ ಮೋಸ ಮಾಡಿದ್ದಾರೆ. ಆದರೆ, ಸಾಲ ಪ್ರಕ್ರಿಯೆ ಪೂರ್ಣಗೊಳಿಸುವುದಾಗಿ ಹೇಳಿ ಇಬ್ಬರೂ ಬ್ಯಾಂಕ್ ಹೊರಹೋದವರು ಮತ್ತೆ ಬಂದಿಲ್ಲ. ಕೆನರಾ ಬ್ಯಾಂಕಿನಲ್ಲಿದ್ದ ಚಿನ್ನವನ್ನು ಬಿಡಿಸಿಕೊಂಡವರು ಅದನ್ನು ಮಣಿಪುರಂ ಫೈನಾನ್ಸಿಗೆ ಹಸ್ತಾಂತರಿಸಲಿಲ್ಲ. ಈ ಬಗ್ಗೆ ಮ್ಯಾನೇಜರ್’ವಿಚಾರಿಸಿದಾಗ ರಾಘವೇಂದ್ರ ಕಲ್ಲಕುಟ್ರಿ ಹಾಗೂ ರಾಮಕೃಷ್ಣ ಹೆಗಡೆ ಪರಸ್ಪರ ಹೊಣೆಗಾರಿಕೆಯನ್ನು ಒಬ್ಬರ ಮೇಲೊಬ್ಬರು ಹಾಕಿಕೊಂಡು ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದಾರೆ. ಜೊತೆಗೆ ಮ್ಯಾನೇಜರ್’ಗೆ ಬೈದು ನಿಂದಿಸಿದ್ದಾರೆ.
- [ಮನವಿ ಕೊಟ್ಟರೂ ಬಾರದ ಬಸ್ಸು!](https://mobiletime.in/2026/06/a-bus-that-doesnt-come-even-after-being-requested/): ಯಲ್ಲಾಪುರದ ಮದನೂರು, ಖಂಡ್ರನಕೊಪ್ಪ, ಮಾದೇವಕೊಪ್ಪ ಭಾಗಕ್ಕೆ ಸಮಯಕ್ಕೆ ಸರಿಯಾಗಿ ಬಸ್ ವ್ಯವಸ್ಥೆ ಇಲ್ಲದ ಕಾರಣ ವಿದ್ಯಾರ್ಥಿಗಳು ಸಮಸ್ಯೆ ಅನುಭವಿಸುತ್ತಿದ್ದಾರೆ. ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ಸೂಕ್ತ ವ್ಯವಸ್ಥೆ ಕಲ್ಪಿಸುವಂತೆ ಮದನೂರು ಗ್ರಾಮ ಪಂಚಾಯತ ಮಾಜಿ ಅಧ್ಯಕ್ಷ ವಿಠ್ಠು ಶಳಕೆ ಅವರು ಆಗ್ರಹಿಸಿದ್ದಾರೆ. ಪ್ರತಿ ದಿನ 50ಕ್ಕೂ ಅಧಿಕ ವಿದ್ಯಾರ್ಥಿಗಳು ಶಾಲೆ-ಕಾಲೇಜಿಗೆ ಹೋಗಲು ಸರ್ಕಾರಿ ಬಸ್ಸುಗಳನ್ನು ಅವಲಂಭಿಸಿದ್ದಾರೆ. ಈ ಭಾಗದ ಮಕ್ಕಳು ಯಲ್ಲಾಪುರ ಹಾಗೂ ಕಿರವತ್ತಿಗೆ ವಿದ್ಯಾರ್ಜನೆಗೆ ಹೋಗುತ್ತಿದ್ದು, ಸಮಯಕ್ಕೆ ಸರಿಯಾಗಿ ಬಸ್ಸು ಸಿಗದ ಕಾರಣ ಅವರ ಶೈಕ್ಷಣಿಕ ಜೀವನದ ಮೇಲೆ ದುಷ್ಪರಿಣಾಮ ಬೀರುತ್ತಿದೆ. ಈ ಭಾಗದಲ್ಲಿ ಅನೇಕ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿದ್ದು, ಅವರಿಗೆ ಸೂಕ್ತ ಸಾರಿಗೆ ವ್ಯವಸ್ಥೆ ದೊರತರೆ ಉನ್ನತ ಸಾಧನೆ ಸಾಧ್ಯವಾಗುತ್ತದೆ. ಈ ಹಿನ್ನಲೆ ವಿದ್ಯಾರ್ಥಿಗಳಿಗಾದ ಅನಾನುಕೂಲ ಸರಿಪಡಿಸಬೇಕು ಎಂದವರು ಒತ್ತಾಯಿಸಿದ್ದಾರೆ. ಕಳೆದ ವರ್ಷ ಗ್ರಾಮ ಸಭೆಯಲ್ಲಿ ಸಹ ಈ ವಿಷಯ ಪ್ರಸ್ತಾಪವಾಗಿದ್ದು, ಅದೇ ಅವಧಿಯಲ್ಲಿ ಶಾಸಕ ಶಿವರಾಮ ಹೆಬ್ಬಾರ್ ಹಾಗೂ ನಿಗಮದ ಅಧಿಕಾರಿಗಳಿಗೆ ಮನವಿ ಮಾಡಲಾಗಿತ್ತು. ಆದರೆ, ವರ್ಷ ಕಳೆದರೂ ಯಾರೂ ಸ್ಪಂದಿಸಿಲ್ಲ. ಹೀಗಾಗಿ ಮತ್ತೊಮ್ಮೆ ನೆನಪಿಸುವುದಕ್ಕಾಗಿ ಬಸ್ ಸಮಸ್ಯೆ ಬಗ್ಗೆ ಗಮನಸೆಳೆಯುತ್ತಿದ್ದು, ಕೂಡಲೇ ವಿದ್ಯಾರ್ಥಿಗಳಿಗೆ ಅನುಕೂಲ ಮಾಡಿಕೊಡಬೇಕು ಎಂದು ಅವರು ಆಗ್ರಹಿಸಿದ್ದಾರೆ. ಅನೇಕ ವಿದ್ಯಾರ್ಥಿಗಳು ಕಾಡು ದಾರಿಯಲ್ಲಿ 8ಕಿಮೀ ನಡೆದು ಬಸ್ ಹತ್ತಬೇಕಿದೆ. ಹುಬ್ಬಳ್ಳಿ-ಯಲ್ಲಾಪುರ ಮಾರ್ಗವಾಗಿ ಸಂಚರಿಸುವ ಬಸ್ ತುಂಬ ಜನರಿರುವ ಕಾರಣ ಕೆಲ ಬಸ್ಸುಗಳು ಗ್ರಾಮೀಣ ಭಾಗದಲ್ಲಿ ನಿಲುಗಡೆ ಆಗುತ್ತಿಲ್ಲ ಎಂಬ ವಿಷಯವನ್ನು ಅವರು ಪ್ರಸ್ತಾಪಿಸಿದ್ದಾರೆ. ಸಮಸ್ಯೆಗೆ ಸ್ಪಂದಿಸದೇ ಇದ್ದರೆ ಹೋರಾಟ ನಡೆಸುವುದಾಗಿಯೂ ಎಚ್ಚರಿಸಿದ್ದಾರೆ.  
- [ಕುಮಟಾ: ವರದ್ ಬಾರ್'ನಲ್ಲಿ ಬಿರಿಯಾನಿ ಗಲಾಟೆ!](https://mobiletime.in/2026/06/kumta-biryani-riot-at-varad-bar/): ಕುಮಟಾದ ವರದ್ ಬಾರ್ & ರೆಸ್ಟೋರೆಂಟಿನವರಿಗೆ ಸರಿಯಾಗಿ ಬಿರಿಯಾನಿ ಮಾಡಲು ಸಹ ಬರುವುದಿಲ್ಲ. `ಬಿರಿಯಾನಿ ಸರಿಯಿಲ್ಲ’ ಎಂದು ಗ್ರಾಹಕರು ಹೇಳಿದರೆ, ಗ್ರಾಹಕರೊಂದಿಗೆ ಸೌಜನ್ಯದಿಂದ ವರ್ತಿಸುವ ತಾಳ್ಮೆ ಬಾರ್ ಮ್ಯಾನೇಜರ್’ಗೆ ಇಲ್ಲ! ಕುಮಟಾ ಶಶಿಹಿತ್ತಲದ ಮೂರ್ತಿ ಮಾಸ್ತಿ ಹರಿಕಂತ್ರ ಅವರು ಜೂನ್ 5ರ ಸಂಜೆ ವರದ್ ಬಾರ್ & ರೆಸ್ಟೋರೆಂಟಿಗೆ ಹೋಗಿದ್ದರು. ಅಲ್ಲಿ ಅವರು ಒಂದು ಬಿಯರ್ ಹಾಗೂ ಬಿರಿಯಾನಿ ಆರ್ಡರ್ ಮಾಡಿದ್ದರು. ಮೂರ್ತಿ ಹರಿಕಂತ್ರ ಅವರ ಜೊತೆ ಅವರ ಸ್ನೇಹಿತರಾದ ಸೂರಜ್ ಮಹಾದೇವ ಶಶಿಹಿತ್ತಲ ಹಾಗೂ ಪಾಂಡುರAಗ ರಾಮ ಹರಿಕಂತ್ರ ಅವರು ಇದ್ದರು. ಈ ಮೂವರು ಸೇರಿ ಪಾರ್ಟಿ ಮಾಡಲು ನಿರ್ಧರಿಸಿದ್ದು, ವರದ್ ಬಾರ್ & ರೆಸ್ಟೋರೆಂಟಿನವರು ಬಿಯರ್ ಜೊತೆ ಕೊಟ್ಟ ಬಿರಿಯಾನಿ ಹಳಸಿದ ವಾಸನೆ ಬರುತ್ತಿತ್ತು. ಇದರಿಂದ ಬಿಯರ್ – ಬಿರಿಯಾನಿ ಜೊತೆ ಪಾರ್ಟಿ ಮಾಡಬೇಕಿದ್ದ ಸ್ನೇಹಿತರ ಯೋಜನೆ ತಲೆಕೆಳಗಾಯಿತು. ಬಾರಿನಲ್ಲಿ ಕೆಲಸ ಮಾಡುವ ಹುಡುಗನನ್ನು ಕರೆದ ಮೂರ್ತಿ ಹರಿಕಂತ್ರ ಅವರು `ಬಿರಿಯಾನಿ ಸರಿಯಾಗಿಲ್ಲ’ ಎಂದು ದೂರಿದರು. ಆಗ, ಆ ಹುಡುಗ ಬಾರ್ ಮ್ಯಾನೇಜರ್ ಆಗಿರುವ ಮಂಕಿಯ ಉದಯ ಗೋವಿಂದ ನಾಯ್ಕ ಅವರನ್ನು ಕರೆತಂದರು. ಇನ್ನಿತರ ಗ್ರಾಹಕರ ಎದುರೇ `ಬಿರಿಯಾನಿ ಸರಿಯಿಲ್ಲ’ ಎಂದು ಹೇಳಿದ ಕಾರಣ ಉದಯ ನಾಯ್ಕ ಅವರು ಸಿಟ್ಟಾದರು. `ಬೇರೆ ಗ್ರಾಹಕರ ಮುಂದೆ ಹೀಗೆ ಕೂಗಬೇಡಿ. ಬೇರೆ ಊಟ ಕೊಡುವೆ’ ಎಂದು ಹೇಳಿದರು. ಅದಾಗಿಯೂ, ಮೂರ್ತಿ ಹರಿಕಂತ್ರ, ಸೂರಜ ಶಶಿಹಿತ್ತಲ ಹಾಗೂ ಪಾಂಡುರAಗ ಹರಿಕಂತ್ರ ಅವರು ಸುಮ್ಮನಾಗಲಿಲ್ಲ. ಹೀಗಾಗಿ 20-30 ಜನ ಸಿಬ್ಬಂದಿ ಬಳಸಿಕೊಂಡ ಉದಯ ನಾಯ್ಕ ಅವರು ಬಾರಿಗೆ ಬಂದ ಆ ಮೂವರು ಸ್ನೇಹಿತರಿಗೆ ಹಿಗ್ಗಾಮುಗ್ಗ ಥಳಿಸಿದರು. ಉದಯ ನಾಯ್ಕ ಅವರ ಜೊತೆ ಶ್ರೀಧರ ನಾಯ್ಕ, ನಾರಾಯಣ ಗೌಡ ಹಾಗೂ ಬಾಬು ಹೊಡೆದಿದನ್ನು ನೋಡಿದ ಮೂರ್ತಿ ಹರಿಕಂತ್ರ, ಸೂರಜ ಶಶಿಹಿತ್ತಲ ಹಾಗೂ ಪಾಂಡುರoಗ ಹರಿಕಂತ್ರ ಅವರು ಪ್ರತಿ ದಾಳಿ ಮಾಡಿದರು. ಈ ದಾಳಿಯಲ್ಲಿ ಉದಯ ನಾಯ್ಕ ಹಾಗೂ ಶ್ರೀಧರ ನಾಯ್ಕ ಅವರಿಗೂ ನೋವಾಗಿದ್ದು, ಗಾಯಗೊಂಡವರು ಆಸ್ಪತ್ರೆ ಸೇರಿದರು. ಈ ಹೊಡೆದಾಟದ ಬಗ್ಗೆ ಎರಡು ಕಡೆಯವರು ಪೊಲೀಸರಲ್ಲಿ ದೂರಿದ್ದು, ಸದ್ಯ ಕುಮಟಾ ಪೊಲೀಸರು ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.
- [ಬಡವನ ಮನೆಗೆ ಬೆಂಕಿ!](https://mobiletime.in/2026/06/the-poor-mans-house-is-on-fire/): ಕಾರವಾರದ ಕಿನ್ನರ ಬಳಿಯ ನಿರಾಕರ ದೇವಸ್ಥಾನದ ಬಳಿ ಅಗ್ನಿ ಅವಘಡ ನಡೆದಿದ್ದು, ಮನೆಯೊಂದು ಸಂಪೂರ್ಣವಾಗಿ ಸುಟ್ಟು ಕರಕಲಾಗಿದೆ. ರಾತ್ರಿ ವೇಳೆ ಮನೆಯೊಳಗೆ ಮಲಗಿದ್ದವರು ನಿದ್ದೆಗಣ್ಣಿನಲ್ಲಿಯೇ ಹೊರಗೆ ಓಡಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಕಾರವಾರದ ಕಿನ್ನರದ ಮುರಳಿಧರ ಸುಬ್ರಾಯ ರಾಣೆ ಅವರ ಮನೆಯಲ್ಲಿ ಶುಕ್ರವಾರ ರಾತ್ರಿ ದುರಂತ ನಡೆದಿದೆ. 10.30ರ ವೇಳೆಗೆ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡಿದ್ದು, ತಕ್ಷಣ ಮನೆಯಲ್ಲಿದ್ದವರು ಹೊರಗೆ ಓಡಿದ್ದಾರೆ. ಬೆಂಕಿ ನೋಡಿದ ಸ್ಥಳೀಯರು ಅಲ್ಲಿ ಜಮಾಯಿಸಿದ್ದು, ಅದನ್ನು ಆರಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಅದು ಸಾಧ್ಯವಾಗಿಲ್ಲ. ಮನೆ ಇರುವ ಸ್ಥಳಕ್ಕೆ ಅಗ್ನಿಶಾಮಕ ವಾಹನ ತೆರಳುವ ಹಾಗಿರಲಿಲ್ಲ. ಇಕ್ಕಟ್ಟಾದ ರಸ್ತೆಯಲ್ಲಿಯೂ ಅಗ್ನಿಶಾಮಕ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ, ಬೆಂಕಿ ಇನ್ನಷ್ಟು ವ್ಯಾಪಿಸುವುದನ್ನು ತಡೆದಿದ್ದಾರೆ. ಆದರೆ, ಅಷ್ಟರೊಳಗೆ ಬೆಂಕಿ ಇಡೀ ಮನೆಯನ್ನು ಸುಟ್ಟಿದ್ದು ಕುಟುಂಬದವರು ಕಣ್ಣೀರಾಗಿದ್ದಾರೆ. ಅಗ್ನಿ ಅವಘಡಕ್ಕೆ ಕಾರಣ ಗೊತ್ತಾಗಲಿಲ್ಲ. ಲಕ್ಷಾಂತರ ರೂ ಮೌಲ್ಯದ ಆಸ್ತಿಗೆ ಹಾನಿಯಾಗಿದೆ. ಅಧಿಕಾರಿಗಳು ಸ್ಥಳ ಭೇಟಿ ಮಾಡಿದ್ದಾರೆ.
- [ಮದುವೆ | ಈ ಊರಲ್ಲಿ ದಿಬ್ಬಣ ಹೊರಟರೆ ಫೋಟೋಗ್ರಾಫರ್ ಸಿಗಲ್ಲ!](https://mobiletime.in/2026/06/wedding-if-you-go-out-in-this-town-you-wont-find-a-photographer/): ವಧು-ವರರ ಸಿದ್ಧತೆ, ಹಳದಿ ಶಾಸ್ತ್ರ ಮಂಟಪ ಪ್ರವೇಶ, ಮಾಂಗಲ್ಯ ಧಾರಣೆ, ಸಪ್ತಪದಿ ಸೇರಿ ವಿವಿಧ ಹಂತಗಳಲ್ಲಿ ಮದುವೆಯ ಸಂಭ್ರಮ ಸೆರೆಹಿಡಿಯುವ ಕಾರವಾರದ ಫೋಟೋಗ್ರಾಫರ್’ಗಳು ಇನ್ಮುಂದೆ ಮದುವೆ ದಿಬ್ಬಣದ ಕಾರ್ಯಕ್ಕೆ ಮಾತ್ರ ಸಿಗುವುದಿಲ್ಲ. ಭವಿಷ್ಯದಲ್ಲಿ ಮದುವೆ ದಿಬ್ಬಣದ ಫೋಟೋ-ವಿಡಿಯೋ ಮಾಡುವುದನ್ನು ನಿಷೇಧಿಸಿ ಕಾರವಾರ ತಾಲೂಕು ಫೋಟೋಗ್ರಾಫರ್ ಅಸೋಸಿಯೇಷನ್ ಠರಾವು ಹೊರಡಿಸಿದೆ! `ಮದುವೆ ಸಮಾರಂಭಗಳಲ್ಲಿ ಮದು ಮಗನ ಮನೆಗೆ ಸಾಗುವ ದಿಬ್ಬಣ (ಬಾರಾತ್) ಕಾರ್ಯಕ್ರಮಗಳ ಫೋಟೊ ಹಾಗೂ ವಿಡಿಯೊ ಚಿತ್ರೀಕರಣವನ್ನು ಇನ್ನು ಮುಂದೆ ಮಾಡದಿರಲು ಕಾರವಾರ ತಾಲೂಕು ಫೋಟೋಗ್ರಾಫರ್ ಅಸೋಸಿಯೇಷನ್ ಮಹತ್ವದ ನಿರ್ಧಾರ ಕೈಗೊಂಡಿದೆ’ ಎಂಬ ವಿಷಯವನ್ನು ಕಾರವಾರ ಫೋಟೋಗ್ರಾಫರ್ ಅಸೋಸಿಯೇಷನ್ ಅಧ್ಯಕ್ಷ ಸಂತಾನ್ ಫರ್ನಾಂಡೀಸ್ ಅವರು ಸುದ್ದಿಗಾರರ ಬಳಿ ಹೇಳಿದ್ದಾರೆ. `ಮದುವೆ ದಿಬ್ಬಣ ಕಾರ್ಯಕ್ರಮಗಳು ತಡರಾತ್ರಿವರೆಗೂ ನಡೆಯುತ್ತಿರುವುದರಿಂದ ಫೋಟೋ-ವಿಡಿಯೋ ಮಾಡುವುದು ಅಸಾಧ್ಯ’ ಎಂದವರು ಸಮಸ್ಯೆ ವಿವರಿಸಿದ್ದಾರೆ. `ಫೋಟೋಗ್ರಾಫರ್‌ಗಳು ಹಾಗೂ ವಿಡಿಯೊಗ್ರಾಫರ್‌ಗಳು ನಿಗದಿತ ಸಮಯ ಮೀರಿಯೂ ಕಾರ್ಯನಿರ್ವಹಿಸಬೇಕಾದ ಪರಿಸ್ಥಿತಿ ಎದುರಿಸುತ್ತಿದ್ದಾರೆ. ಚಿತ್ರೀಕರಣದ ವೇಳೆ ಫೋಟೋಗ್ರಾಫರ್ ಜೊತೆ ಕೆಲವರು ಅನುಚಿತ ವರ್ತನೆ ನಡೆಸುತ್ತಿದ್ದು, ದುಬಾರಿ ಬೆಲೆಯ ಕ್ಯಾಮರಾ ಕಸಿಯುವ ಪ್ರಯತ್ನವೂ ನಡೆದಿದೆ. ಸಿಬ್ಬಂದಿ ಹಾಗೂ ಉಪಕರಣ ಸುರಕ್ಷತೆ ಕಾರಣ ದಿಬ್ಬಣದ ಫೋಟೋ-ವಿಡಿಯೋ ಮಾಡುವುದನ್ನು ನಿಷೇಧಿಸಲಾಗಿದೆ’ ಎಂದವರು ವಿವರಿಸಿದ್ದಾರೆ. `ಇನ್ನು ಮುಂದೆ ಮದುವೆ ಮಂಟಪ ಅಥವಾ ಕಲ್ಯಾಣ ಮಂಟಪದ ಒಳಗಡೆಯ ಕಾರ್ಯಕ್ರಮಗಳಿಗೆ ಮಾತ್ರ ಫೋಟೊ ಹಾಗೂ ವಿಡಿಯೊ ಚಿತ್ರೀಕರಣ ಸೀಮಿತಗೊಳಿಸಲು ನಿರ್ಧರಿಸಲಾಗಿದೆ. ದಿಬ್ಬಣ ಕಾರ್ಯಕ್ರಮಗಳ ಚಿತ್ರೀಕರಣದಿಂದ ದೂರ ಉಳಿಯಲು ಸರ್ವಾನುಮತದ ತೀರ್ಮಾನ ಕೈಗೊಳ್ಳಲಾಗಿದೆ’ ಎಂದವರು ಮಾಹಿತಿ ನೀಡಿದ್ದಾರೆ. `ಫೋಟೋಗ್ರಫಿ ಕ್ಷೇತ್ರದಲ್ಲಿ ಬಳಸುವ ಕ್ಯಾಮೆರಾ, ಲೈಟಿಂಗ್ ಸೇರಿದಂತೆ ವಿವಿಧ ಉಪಕರಣಗಳ ಬೆಲೆ ಹಾಗೂ ನಿರ್ವಹಣಾ ವೆಚ್ಚಗಳು ಗಣನೀಯವಾಗಿ ಏರಿಕೆಯಾಗಿರುವ ಕಾರಣ ಪಾಸ್‌ಪೋರ್ಟ್ ಸೈಜ್ ಫೋಟೊ ಸೇರಿದಂತೆ ವಿವಿಧ ಫೋಟೋಗ್ರಫಿ ಸೇವೆಗಳ ದರ ಪರಿಷ್ಕರಣೆ ಮಾಡಲಾಗುತ್ತಿದೆ’ ಎಂದು ಸಂಘದ ಗೌರವಾಧ್ಯಕ್ಷ ಸೂರಜ್ ಜೋಗಳೇಕರ್ ಅವರು ತಿಳಿಸಿದರು. ಫೋಟೋಗ್ರಾಫರ್ ಸಂಘ ಮಾಡಿದ ನಿರ್ಣಯಕ್ಕೆ ಸದಸ್ಯರಾದ ರವಿ ನಾಯ್ಕ, ಅನಂತ ಪೈ, ಜಯಪ್ರಕಾಶ್ ಗೋಸಾವಿ, ಅನಿಲ್ ನಾಯ್ಕ, ಮನೋಜ ನಾಯ್ಕ, ಪ್ರಮೋದ ನಾಯ್ಕ ಇತರರು ಬೆಂಬಲವ್ಯಕ್ತಪಡಿಸಿದರು.
- [ಕರಡಿ ದಾಳಿ: ಭಟ್ಟರ ಖಾತೆಗೆ 10 ಲಕ್ಷ ರೂ ಜಮಾ!](https://mobiletime.in/2026/06/bear-attack-rs-10-lakh-deposited-in-bhatts-account/): ಒಂದುವರೆ ವರ್ಷದ ಹಿಂದೆ ಕರಡಿ ದಾಳಿಗೆ ಒಳಗಾಗಿ ಅಂಗವಿಕಲರಾಗಿದ್ದ ಯಲ್ಲಾಪುರದ ಕಾಂಗ್ರೆಸ್ ಮುಖಂಡ ಆರ್ ಎಸ್ ಭಟ್ಟ ಅವರಿಗೆ ಸರ್ಕಾರದಿಂದ 10 ಲಕ್ಷ ರೂ ನೆರವು ಸಿಕ್ಕಿದೆ. ಇದರೊಂದಿಗೆ ಅವರಿಗೆ ಪ್ರತಿ ತಿಂಗಳು 4 ಸಾವಿರ ರೂ ಮಾಸಾಶನವೂ ದೊರೆಯಲಿದೆ. ಯಲ್ಲಾಪುರದ ಚಂದ್ಗುಳಿ ಉಪಳೇಶ್ವರ ಹುತ್ಕಂಡ ಭಾಗದಲ್ಲಿ ಮೂರು ಕರಡಿಗಳು ಸಂಚರಿಸುತ್ತಿದ್ದು, ಆ ಕರಡಿಗಳು 2024ರ ಡಿಸೆಂಬರ್ 21ರಂದು ಆರ್ ಎಸ್ ಭಟ್ಟ ಅವರ ಮೇಲೆ ದಾಳಿ ನಡೆಸಿದ್ದವು. ದೇಸಾಯಿಮನೆಯ ರಾಮಕೃಷ್ಣ ಸುಬ್ರಾಯ ಭಟ್ ಅವರು ಆ ಅವಧಿಯಲ್ಲಿ ಚಂದಗುಳಿ ಗ್ರಾಮ ಪಂಚಾಯತ ಸದಸ್ಯರಾಗಿದ್ದು, ಪಿಎಲ್‌ಡಿ ಬ್ಯಾಂಕಿನ ಅಧ್ಯಕ್ಷ ಹುದ್ದೆಯ ಸ್ಪರ್ಧೆಯಲ್ಲಿದ್ದರು. ಪಿಎಲ್‌ಡಿ ಬ್ಯಾಂಕಿನ ಚುನಾವಣಾ ಕೆಲಸಕ್ಕಾಗಿ ಓಡಾಡುತ್ತಿದ್ದರು. ನಸುಕಿನ ಅವಧಿಯಲ್ಲಿ ಅವರ ಮೇಲೆ ಮೂರು ಕರಡಿ ದಾಳಿ ನಡೆಸಿದ್ದರಿಂದ ಕೈ-ಕಾಲು, ಮೈ-ಮುಖಗಳಿಗೆ ಭಾರೀ ಪ್ರಮಾಣದಲ್ಲಿ ಗಾಯವಾಗಿತ್ತು. ನೆಲಕ್ಕೆ ಬಿದ್ದ ಅವರು ಸಾವರಿಸಿಕೊಂಡು ಮನೆ ಸೇರಿದ್ದು, ಕುಟುಂಬದವರು ಭಟ್ಟರನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಹುಬ್ಬಳ್ಳಿಯಲ್ಲಿ ಚಿಕಿತ್ಸೆಪಡೆದ ನಂತರ ಅವರು ಗುಣಮುಖರಾಗಿದ್ದರು. ಆದರೆ, ಕರಡಿ ದಾಳಿಯ ಕುರುಹುಗಳು ಅವರಿಂದ ದೂರವಾಗಿರಲಿಲ್ಲ. ಆರ್ ಎಸ್ ಭಟ್ಟ ಅವರ ಮೇಲೆ ಕರಡಿ ದಾಳಿ ನಡೆದ ವಿಷಯವನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿತು. ಅರಣ್ಯ ಅಧಿಕಾರಿಗಳು ಈ ಬಗ್ಗೆ ಪ್ರಸ್ತಾವನೆ ಸಲ್ಲಿಸಿ, ಸೂಕ್ತ ಪರಿಹಾರಕ್ಕಾಗಿ ಮನವಿ ಮಾಡಿದ್ದರು. ಆ ದಿನ ಆರ್ ಎಸ್ ಭಟ್ಟ ಅವರು ಅನುಭವಿಸಿದ ನೋವಿಗಾಗಿ ಈ ದಿನ ಅವರಿಗೆ 10 ಲಕ್ಷ ರೂ ಪರಿಹಾರ ಸಿಕ್ಕಿದೆ. ಅದರೊಂದಿಗೆ ಪ್ರತಿ ತಿಂಗಳು ಅವರಿಗೆ 4 ಸಾವಿರ ರೂ ಮಾಸಾಶನ ದೊರೆಯಲಿದೆ. ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್ ಅವರು ಶನಿವಾರ ಪರಿಹಾರ ಮೊತ್ತ ಹಾಗೂ ಮಾಸಾಶನದ ಆದೇಶ ಪ್ರತಿಯನ್ನು ಆರ್ ಎಸ್ ಭಟ್ಟ ಅವರಿಗೆ ನೀಡಿದ್ದಾರೆ. ಇದರೊಂದಿಗೆ ಕಾಡು ಹಂದಿ ದಾಳಿಗೆ ಒಳಗಾಗಿದ್ದ ಕಿರವತ್ತಿಯ ಮಂಗ್ಯಾನತಾವರೆಯ ಬಾಬು ಗಂಗು ಕೊಕ್ಕರೆ ಅವರಿಗೆ 10 ಲಕ್ಷ ರೂ ಪರಿಹಾರ ಹಾಗೂ 4 ಸಾವಿರ ರೂ ಮಾಸಾಶನ, ಕರಡಿಯಿಂದ ಕಚ್ಚಿಸಿಕೊಂಡಿದ್ದ ಚಿಮಣಿಮಾಳ ನಿವಾಸಿ ಗೋದಿ ಜಾನು ಜಂಗಳೆ ಅವರಿಗೆ 5 ಲಕ್ಷ ರೂ ಪರಿಹಾರ, ಮುಂಡಗೋಡು ಅಂದಲಗಿಯ ದ್ಯಾಮಣ್ಣ ನಾಗಪ್ಪ ಬೆಂಡಿಗೇರಿ ಹಾಗೂ ಮುಂಡಗೋಡ ಚವಡಳ್ಳಿ ಗ್ರಾಮದ ನಿವಾಸಿ ನಾಗುಬಾಯಿ ಜಾನು ವರಕ ಅವರಿಗೆ ಕರಡಿ ಕಚ್ಚಿದ ಕಾರಣ 5 ಲಕ್ಷ ರೂ ಪರಿಹಾರ ನೀಡುವ ಆದೇಶವನ್ನು ಶಿವರಾಮ ಹೆಬ್ಬಾರ್ ಅವರು ಹಸ್ತಾಂತರಿಸಿದ್ದಾರೆ. ಯಲ್ಲಾಪುರದ ಇಡಗುಂದಿ ವಜ್ರಳ್ಳಿಯ ಜೂಜೆ ಲೂಯಿಸ್ ಸಿದ್ದಿ ಅವರು ಬೆಂಕಿ ಆರಿಸುವಾಗ ವಿದ್ಯುತ್ ಸ್ಪರ್ಶದಿಂದ ಸಾವನಪ್ಪಿದ್ದು, ಅವರ ಕುಟುಂಬದವರಿಗೆ ಸಹ ದಿನಗೂಲಿ ನೌಕರರ ವಿಶೇಷ ಅನುಕಂಪದ ಮೇಲೆ 5 ಲಕ್ಷ ರೂ ಪರಿಹಾರ ವಿತರಿಸಿದ್ದಾರೆ.
- [ಹೆಣ್ಣು ಮಗು ಹೊಂದಿದವರಿಗಾಗಿ ಈ ಸುದ್ದಿ](https://mobiletime.in/2026/06/this-news-is-for-those-who-have-a-baby-girl/): ಮೊದಲ ಮಗು ಹೆಣ್ಣು ಆಗಿದ್ದರೆ ಮನೆಗೆ ಲಕ್ಷ್ಮಿ ಬಂದಂತೆಯೇ? ಸಂಪ್ರದಾಯಗಳು ಹೇಳುವ ಕುತೂಹಲಕಾರಿ ಸಂಗತಿಗಳು .ಭಾರತೀಯ ಸಂಸ್ಕೃತಿಯಲ್ಲಿ ಹೆಣ್ಣು ಮಗುವಿಗೆ ವಿಶೇಷ ಸ್ಥಾನಮಾನವಿದೆ. “ಮನೆಯ ಲಕ್ಷ್ಮಿ” ಎಂಬ ಬಿರುದನ್ನು ಹೆಣ್ಣು ಮಕ್ಕಳಿಗೆ ನೀಡುವುದು ಕೇವಲ ಪ್ರೀತಿಯಲ್ಲ, ಅದರ ಹಿಂದೆ ಹಲವು ಧಾರ್ಮಿಕ ನಂಬಿಕೆಗಳು ಮತ್ತು ಸಂಪ್ರದಾಯಗಳೂ ಅಡಗಿವೆ. ಅದರಲ್ಲೂ ಮೊದಲ ಮಗುವಾಗಿ ಹೆಣ್ಣು ಜನಿಸಿದರೆ ಅದು ಕುಟುಂಬಕ್ಕೆ ಶುಭ ಸೂಚನೆ ಎಂಬ ನಂಬಿಕೆ ಇದೆ. ಅನೇಕ ಕುಟುಂಬಗಳಲ್ಲಿ ಮೊದಲ ಹೆಣ್ಣು ಮಗುವಿನ ಜನನವನ್ನು ಸಂತೋಷ ಮತ್ತು ಸಮೃದ್ಧಿಯ ಆರಂಭವೆಂದು ಪರಿಗಣಿಸಲಾಗುತ್ತದೆ. ಹಿರಿಯರು ಮನೆಯ ಭಾಗ್ಯವೇ ಬದಲಾಯಿತು ಎಂದು ಹೇಳುವುದನ್ನು ಕೇಳಿರಬಹುದು. ಈ ನಂಬಿಕೆಯ ಹಿಂದೆ ಜ್ಯೋತಿಷ್ಯ ಹಾಗೂ ಧಾರ್ಮಿಕ ಪರಂಪರೆಗಳ ಪ್ರಭಾವವೂ ಇದೆ. ಹೆಣ್ಣು  ಹೊಸ ಚೈತನ್ಯ: ಸಂಪ್ರದಾಯದ ಪ್ರಕಾರ ಹೆಣ್ಣು ಮಗುವಿನ ಆಗಮನವು ಮನೆಯ ವಾತಾವರಣವನ್ನೇ ಬದಲಾಯಿಸುತ್ತದೆ. ಅವಳ ನಗು, ತುಂಟಾಟ ಮತ್ತು ಮುಗ್ಧತೆ ಮನೆಯಲ್ಲಿನ ಒತ್ತಡವನ್ನು ಕಡಿಮೆ ಮಾಡಿ ಸಂತಸದ ವಾತಾವರಣ ಸೃಷ್ಟಿಸುತ್ತದೆ ಎಂದು ನಂಬಲಾಗಿದೆ. ಅನೇಕರು ಇದನ್ನೇ ಮನೆಯ ಸೌಭಾಗ್ಯದ ಆರಂಭವೆಂದು ಪರಿಗಣಿಸುತ್ತಾರೆ. ಜ್ಯೋತಿಷ್ಯದ ಏನು ಹೇಳಿದೆ ?: ಕೆಲವು ಜ್ಯೋತಿಷ್ಯ ನಂಬಿಕೆಗಳ ಪ್ರಕಾರ ಹೆಣ್ಣು ಮಗು ಜನಿಸಿದ ಬಳಿಕ ಕುಟುಂಬದಲ್ಲಿ ಶುಭ ಫಲಗಳು ಹೆಚ್ಚಾಗುತ್ತವೆ. ಉದ್ಯೋಗದಲ್ಲಿ ಪ್ರಗತಿ, ವ್ಯಾಪಾರದಲ್ಲಿ ಲಾಭ, ಹೊಸ ಅವಕಾಶಗಳ ಆಗಮನ ಹಾಗೂ ಆರ್ಥಿಕ ಸ್ಥಿರತೆ ಹೆಚ್ಚಾಗುವುದು ಇವುಗಳಲ್ಲಿ ಸೇರಿವೆ. ವಿಶೇಷವಾಗಿ ಮೊದಲ ಹೆಣ್ಣು ಮಗು ತಂದೆಯ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಗಳಿಗೆ ಕಾರಣವಾಗಬಹುದು ಎಂಬ ನಂಬಿಕೆಯೂ ಇದೆ. ಚಂದ್ರ ಮತ್ತು ಶುಕ್ರನ ಅನುಗ್ರಹ:  ಜ್ಯೋತಿಷ್ಯದಲ್ಲಿ ಚಂದ್ರನು ಮನಸ್ಸಿನ ಶಾಂತಿಯನ್ನು ಹಾಗೂ ಶುಕ್ರನು ಐಶ್ವರ್ಯ ಮತ್ತು ಸೌಂದರ್ಯವನ್ನು ಪ್ರತಿನಿಧಿಸುತ್ತಾನೆ. ಹೆಣ್ಣು ಮಗು ಇರುವ ಮನೆಯಲ್ಲಿ ಈ ಎರಡೂ ಗ್ರಹಗಳ ಶುಭ ಪ್ರಭಾವ ಹೆಚ್ಚಿರುತ್ತದೆ ಎಂದು ಕೆಲವರು ನಂಬುತ್ತಾರೆ. ಇದರ ಪರಿಣಾಮವಾಗಿ ಕುಟುಂಬದಲ್ಲಿ ಪ್ರೀತಿ, ಸಾಮರಸ್ಯ ಮತ್ತು ನೆಮ್ಮದಿ ನೆಲೆಸುತ್ತದೆ ಎನ್ನಲಾಗುತ್ತದೆ. ಕನ್ಯಾದಾನಕ್ಕೆ ಏಕೆ ವಿಶೇಷ ಮಹತ್ವ?:  ಹಿಂದೂ ಸಂಪ್ರದಾಯದಲ್ಲಿ ಕನ್ಯಾದಾನವನ್ನು ಅತ್ಯಂತ ಪವಿತ್ರ ಕಾರ್ಯಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಮಗಳನ್ನು ಪ್ರೀತಿ ಮತ್ತು ಸಂಸ್ಕಾರಗಳಿಂದ ಬೆಳೆಸಿ, ಆಕೆಯ ಹೊಸ ಜೀವನಕ್ಕೆ ಶುಭ ಹಾರೈಸುವುದು ಪೋಷಕರಿಗೆ ಹೆಮ್ಮೆಯ ಕ್ಷಣವಾಗಿದೆ. ಧಾರ್ಮಿಕ ಗ್ರಂಥಗಳಲ್ಲಿ ಕನ್ಯಾದಾನಕ್ಕೆ ವಿಶೇಷ ಸ್ಥಾನ ನೀಡಲಾಗಿದೆ. ನಂಬಿಕೆಗಳು ಏನೇ ಇರಲಿ: ಧಾರ್ಮಿಕ ಮತ್ತು ಜ್ಯೋತಿಷ್ಯ ನಂಬಿಕೆಗಳು ಒಂದೆಡೆಯಾದರೆ, ಇಂದಿನ ಸಮಾಜದಲ್ಲಿ ಮಗ ಮತ್ತು ಮಗಳು ಇಬ್ಬರೂ ಸಮಾನರು ಎಂಬ ಅರಿವು ಹೆಚ್ಚುತ್ತಿದೆ. ಪ್ರತಿಯೊಂದು ಮಗುವೂ ಕುಟುಂಬದ ಬದುಕಿಗೆ ಸಂತೋಷ, ಪ್ರೀತಿ ಮತ್ತು ಹೊಸ ಕನಸುಗಳನ್ನು ತರುತ್ತದೆ. ಆದ್ದರಿಂದ ಹೆಣ್ಣು ಮಗುವಿನ ಜನನವನ್ನು ಕೇವಲ ಅದೃಷ್ಟದ ಸಂಕೇತವಾಗಿ ಮಾತ್ರವಲ್ಲ, ಕುಟುಂಬದ ಅಮೂಲ್ಯ ಸಂತೋಷವಾಗಿ ಕಾಣುವುದು ಇನ್ನಷ್ಟು ಅರ್ಥಪೂರ್ಣವಾಗಿದೆ.
- [ಹೀಟರ್ ಕಾಯ್ಲ್ ನೀರಿನಿಂದ ಕೂದಲು ಉದುರುತ್ತದೆಯೇ? ಇಲ್ಲಿದೆ ಮಾಹಿತಿ](https://mobiletime.in/2026/06/does-water-from-heater-coils-cause-hair-loss-heres-the-real-information/): ಚಳಿಗಾಲವಾಗಲಿ ಅಥವಾ ಮಳೆಯ ದಿನಗಳಾಗಲಿ, ಅನೇಕ ಮನೆಗಳಲ್ಲಿ ಹೀಟರ್ ಕಾಯ್ಲ್ (ಇಮರ್ಷನ್ ರಾಡ್) ಬಳಸಿ ನೀರು ಬಿಸಿ ಮಾಡಿ ಸ್ನಾನ ಮಾಡುವುದು ಸಾಮಾನ್ಯ. ಆದರೆ ಕೆಲವರಲ್ಲಿ “ಹೀಟರ್ ಕಾಯ್ಲ್‌ನಲ್ಲಿ ಬಿಸಿ ಮಾಡಿದ ನೀರಿನಿಂದ ಸ್ನಾನ ಮಾಡಿದರೆ ಕೂದಲು ಉದುರುತ್ತದೆಯೇ?” ಎಂಬ ಪ್ರಶ್ನೆ ಕಾಡುತ್ತಿರುತ್ತದೆ. ತಜ್ಞರ ಪ್ರಕಾರ, ಹೀಟರ್ ಕಾಯ್ಲ್‌ನಿಂದ ಬಿಸಿ ಮಾಡಿದ ನೀರು ಕೂದಲು ಉದುರುವುದಕ್ಕೆ ನೇರ ಕಾರಣವಲ್ಲ. ನೀರನ್ನು ಬಿಸಿ ಮಾಡುವ ವಿಧಾನಕ್ಕಿಂತ ಅದರ ತಾಪಮಾನ ಮುಖ್ಯ. ಹೀಟರ್ ಕಾಯ್ಲ್ ಆಗಿರಲಿ, ಗೀಸರ್ ಆಗಿರಲಿ, ಎರಡರಲ್ಲೂ ಬಿಸಿ ಮಾಡಿದ ನೀರಿನ ಗುಣಮಟ್ಟದಲ್ಲಿ ವಿಶೇಷ ವ್ಯತ್ಯಾಸವಿರುವುದಿಲ್ಲ. ಆದರೆ ಅತಿಯಾಗಿ ಬಿಸಿ ನೀರಿನಿಂದ ತಲೆ ತೊಳೆಯುವುದು ಒಳ್ಳೆಯದಲ್ಲ. ತುಂಬಾ ಬಿಸಿ ನೀರು ತಲೆಚರ್ಮದ ನೈಸರ್ಗಿಕ ತೈಲವನ್ನು ಕಡಿಮೆ ಮಾಡಬಹುದು. ಇದರಿಂದ ತಲೆಚರ್ಮ ಒಣಗುವುದು, ತುರಿಕೆ ಉಂಟಾಗುವುದು ಹಾಗೂ ಕೂದಲು ದುರ್ಬಲವಾಗಿ ಮುರಿಯುವ ಸಾಧ್ಯತೆ ಹೆಚ್ಚುತ್ತದೆ. ಇದನ್ನು ಹಲವರು ಕೂದಲು ಉದುರುವಿಕೆ ಎಂದು ತಪ್ಪಾಗಿ ಅರ್ಥಮಾಡಿಕೊಳ್ಳುತ್ತಾರೆ. ವಾಸ್ತವವಾಗಿ ಕೂದಲು ಉದುರುವಿಕೆಗೆ ವಂಶಪಾರಂಪರ್ಯ, ಒತ್ತಡ, ನಿದ್ರೆಯ ಕೊರತೆ, ಪೌಷ್ಟಿಕಾಂಶಗಳ ಅಭಾವ, ಹಾರ್ಮೋನ್ ಬದಲಾವಣೆಗಳು ಹಾಗೂ ತಲೆಚರ್ಮದ ಸಮಸ್ಯೆಗಳೇ ಪ್ರಮುಖ ಕಾರಣಗಳಾಗಿವೆ. ವೈದ್ಯರು ಸಾಮಾನ್ಯವಾಗಿ ಉಗುರುಬೆಚ್ಚಗಿನ (ಸುಮಾರು 37°C ರಿಂದ 40°C) ನೀರಿನಿಂದ ಸ್ನಾನ ಮಾಡಲು ಸಲಹೆ ನೀಡುತ್ತಾರೆ. ಇದು ಚರ್ಮ ಮತ್ತು ಕೂದಲಿನ ಆರೋಗ್ಯಕ್ಕೆ ಉತ್ತಮ ಎಂದು ಹೇಳಲಾಗುತ್ತದೆ. ಹೀಗಾಗಿ, ಹೀಟರ್ ಕಾಯ್ಲ್‌ನಲ್ಲಿ ಬಿಸಿ ಮಾಡಿದ ನೀರಿನಿಂದ ಸ್ನಾನ ಮಾಡುವುದರಿಂದ ಕೂದಲು ಉದುರುವುದಿಲ್ಲ. ಆದರೆ ಸುರಕ್ಷತೆಯ ದೃಷ್ಟಿಯಿಂದ ಅತಿಯಾಗಿ ಬಿಸಿ ನೀರನ್ನು ಬಳಸದೇ ಇರುವುದು ಅತ್ಯಗತ್ಯ. ಆರೋಗ್ಯಕರ ಕೂದಲುಗಾಗಿ ನೀರಿನ ತಾಪಮಾನವನ್ನು ನಿಯಂತ್ರಿಸುವುದೇ ಉತ್ತಮ ಮಾರ್ಗವಾಗಿದೆ.
- [ಕಾಡಿನಲ್ಲಿ ಕೇಳಿಸಿದ ಗುಂಡಿನ ಸದ್ದು!](https://mobiletime.in/2026/06/the-sound-of-gunfire-heard-in-the-forest/): ಕಾಡು ಮಾಂಸದ ಆಸೆಗಾಗಿ ಬಂದೂಕು ಹಿಡಿದು ಮೂವರು ಅರಣ್ಯದಲ್ಲಿ ಅಲೆದಾಡಿದ್ದು, ಅವರು ಹಾರಿಸಿದ ಗುಂಡು ಎರಡು ಪ್ರಾಣಿಗಳನ್ನು ಕೊಂದಿದೆ. ಹೀಗಾಗಿ ಸಿದ್ದಾಪುರದ ಅರಣ್ಯಾಧಿಕಾರಿಗಳು ಆ ಮೂವರನ್ನು ಬಂಧಿಸಿದ್ದಾರೆ. ಸಿದ್ದಾಪುರದ ಮಾವಿನಗುಂಡಿ ಬಳಿ ಹಲಗೇರಿಯಲ್ಲಿ ಗುಂಡಿನ ಸದ್ದು ಕೇಳಿಸಿದೆ. ಸದ್ದು ಕೇಳಿದ ಜಾಗದ ಕಡೆ ಹೋದ ಅರಣ್ಯ ಸಿಬ್ಬಂದಿಗೆ ಅಲ್ಲಿ ಕಡವೆ ಹಾಗೂ ಸಣ್ಣ ಜಿಂಕೆಯ ಶವ ಸಿಕ್ಕಿದೆ. ಮಹೇಂದ್ರ ಪಿಕಪ್ ಒಳಗೆ ಆ ಕಾಡು ಜೀವಿಯ ಶವ ಸಾಗಿಸುತ್ತಿದ್ದವರನ್ನು ಅರಣ್ಯ ಅಧಿಕಾರಿಗಳು ಹಿಡಿದಿದ್ದಾರೆ. ಹುಸೂರಿನ ವೀರೇಂದ್ರ ಮಾರುತಿ ನಾಯ್ಕ, ಕುಂಬಾರಕುಳಿಯ ಶಿವಾನಂದ ಮಹಾಬಲೇಶ್ವರ ನಾಯ್ಕ ಹಾಗೂ ಸುಂಕತ್ತಿಯ ವಾಸುದೇವ ಈರ ನಾಯ್ಕ ಭೇಟೆಗಾರರಾಗಿದ್ದು ಇದೀಗ ಜೈಲು ಸೇರಿದ್ದಾರೆ. ಅವರ ಬಳಿಯಿದ್ದ ಪ್ರಾಣಿಗಳ ಕಳೆಬರಹ ಹಾಗೂ ಬಂದೂಕನ್ನು ಅಧಿಕಾರಿಗಳು ಜಪ್ತು ಮಾಡಿದ್ದಾರೆ. ಸಿದ್ದಾಪುರ ವಲಯ ಅರಣ್ಯಾಧಿಕಾರಿ ಅಜಯಕುಮಾರ್ ಎಮ್ ಎಸ್. ನೇತೃತ್ವದಲ್ಲಿ ಈ ಕಾರ್ಯಾಚರಣೆ ನಡೆದಿದೆ. ಕಾರ್ಯಾಚರಣೆಯಲ್ಲಿ ಉಪವಲಯ ಅರಣ್ಯಾಧಿಕಾರಿಗಳಾದ ರಾಘವೇಂದ್ರ ಆರ್ ಡಿ, ಗುಲಶೀರ್ ಎಮ್ ನದಾಫ್, ಗುಡದಯ್ಯ ಅಪ್ಪಿನಬೈಲ್, ಅಡಿವೆಪ್ಪ ಸಂಗಪ್ಪ ಕನ್ನೂರ, ಗಸ್ತು ವನಪಾಲಕರುಗಳಾದ ಹನುಮಂತಪ್ಪ ಬಿ ಕಿಲಾರಿ, ಮಾರುತಿ ನಾಯ್ಕ, ನೀಲಗಿರಿ ಶಿವಬಸಣ್ಣನವರ, ಅಶೋಕ ಎಲ್ ಬಿ, ವೆಂಕಟೇಶ ಪೇಟಿಮಠ ಮತ್ತು ವಾಹನ ಚಾಲಕರಾದ ಗಣಪತಿ ಹಾಗೂ ಶೇಖರ ಭಾಗವಹಿಸಿದ್ದರು.
- [ಪುಣ್ಯಕೋಟಿ: ಕಂದಮ್ಮನನ್ನು ಕೊಂದ ದುಷ್ಟ ವ್ಯಾಘ್ರ!](https://mobiletime.in/2026/06/punyakoti-the-evil-tiger-that-kandamma/): ಸಿದ್ದಾಪುರದ ಹೊಸಗದ್ದೆ ಬಳಸಿಯ ಹಸರಗೋಡದ ಶ್ರೀಧರ ಹೆಗಡೆ ಅವರ ಮನೆ ಅಂಗಳಕ್ಕೆ ಚಿರತೆ ನುಗ್ಗಿದೆ. ಅಲ್ಲಿದ್ದ ಆಕಳ ಕರುವಿನ ಮೇಲೆ ಚಿರತೆ ದಾಳಿ ಮಾಡಿದ್ದು, ಅರೆಬರೆ ತಿಂದ ಕರುವನ್ನು ಅಲ್ಲಿಯೇ ಬಿಟ್ಟು ಹೋಗಿದೆ. ಕಣ್ಣಿನ ಎದುರೇ ಎರಡು ತಿಂಗಳ ಕಂದಮ್ಮನನ್ನು ಕಳೆದುಕೊಂಡ ತಾಯಿ ಹಸು ದಿನವಿಡೀ ಮೌನದಿಂದಲೇ ಕಾಲ ಕಳೆದಿದೆ. ಶ್ರೀಧರ ಪರಮೇಶ್ವರ ಹೆಗಡೆ ಅವರು ಗುರುವಾರ ಹಸುವಿನ ಕರುವನ್ನು ಮನೆಯ ಅಂಗಳದ ಕೊಟ್ಟಿಗೆಯ ಸಮೀಪ ಕಟ್ಟಿದ್ದರು. ಅದೇ ರಾತ್ರಿ ಹೊಂಚು ಹಾಕಿ ಬಂದ ಚಿರತೆ ಪುಟ್ಟ ಕರುವನ್ನು ಭಕ್ಷಿಸಿದ್ದು, ಮನೆ ಅಂಗಳ ಹಾಗೂ ಮೆಟ್ಟಿಲುಗಳನ್ನು ರಕ್ತಸಿಕ್ತವಾಗಿಸಿದೆ. ಕರುವಿನ ಹಿಂಭಾಗವನ್ನು ಭಕ್ಷಿಸಿ, ಸ್ಥಳದಲ್ಲೇ ಕರುಣಾಜನಕವಾಗಿ ಕೊಂದಿದೆ. ಬೆಳಗಿನ ಜಾವ ಮನೆಯವರು ಎದ್ದು ನೋಡಿದಾಗ ಕರು ರಕ್ತದ ಮಡುವಿನಲ್ಲಿ ಬಿದ್ದಿರುವುದು ಬೆಳಕಿಗೆ ಬಂದಿದ್ದು, ದೃಶ್ಯ ನೋಡಿ ಇಡೀ ಕುಟುಂಬದವರು ಅತ್ತಿದ್ದಾರೆ. ಸಿದ್ದಾಪುರ ತಾಲೂಕಿನ ಎಲ್ಲಡೆ ಕಾಡು ಪ್ರಾಣಿಗಳ ಕಾಟ ಹೆಚ್ಚಾಗಿದೆ. ಇದರಿಂದ ಜನ ಮನೆಯಿಂದ ಹೊರ ಬರಲು ಹೆದರುತ್ತಿದ್ದಾರೆ. ಕರು ಸಾವನಪ್ಪಿದ ಸ್ಥಳಕ್ಕೆ ಅರಣ್ಯಾಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದ್ದಾರೆ. `ಅರಣ್ಯ ಇಲಾಖೆಯ ಅಧಿಕಾರಿಗಳು ಕಚೇರಿ ಬಿಟ್ಟು ಹೊರಗೆ ಬರುತ್ತಿಲ್ಲ. ನಮಗೆ ಕೇವಲ ಕಾಟಾಚಾರದ ಪರಿಹಾರ ಧನ ಬೇಡ, ಈ ನಿರಂತರ ಪ್ರಾಣಭೀತಿಯಿಂದ ಶಾಶ್ವತ ಮುಕ್ತಿ ಬೇಕಾಗಿದೆ’ ಎಂದು ಜನ ಆಗ್ರಹಿಸಿದ್ದಾರೆ.
- [ಕಲುಷಿತ ನೀರು ಕೊಟ್ಟರೆ ಕಠಿಣ ಕ್ರಮ!](https://mobiletime.in/2026/06/strict-action-will-be-taken-if-contaminated-water-is-given/): ಶಾಲೆ ಹಾಗೂ ಹಾಸ್ಟೇಲ್ ವಿದ್ಯಾರ್ಥಿಗಳಿಗೆ ಕಲುಷಿತ ನೀರು ಕೊಟ್ಟರೆ ಕಠಿಣ ಕ್ರಮ ಜರುಗಿಸುವುದಾಗಿ ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಹೇಳಿದ್ದಾರೆ. ನೀರು ಮತ್ತು ನೈರ್ಮಲ್ಯ ಮಿಷನ್ ಸಮಿತಿ ಸಭೆ ನಡೆಸಿದ ಅವರು `ವಿದ್ಯಾರ್ಥಿ ನಿಲಯಗಳಿಗೆ ಪೂರೈಕೆಯಾಗುತ್ತಿರುವ ಕುಡಿಯುವ ನೀರಿನ ಮೂಲ ಮತ್ತು ನೀರಿನ ಮಾದರಿಗಳನ್ನು ಪರೀಕ್ಷೆಗಳಿಗೆ ಒಳಪಡಿಸಬೇಕು’ ಎಂದು ಸೂಚಿಸಿದ್ದಾರೆ. `ಮಕ್ಕಳಿಗೆ ಉತ್ತಮ ಗುಣಮಟ್ಟದ ನೀರು ಪೂರೈಕೆಯಾಗುವ ಬಗ್ಗೆ ನಿರಂತರವಾಗಿ ಎಚ್ಚರವಹಿಸಬೇಕು. ಹಾಸ್ಟೆಲ್ ನಿರ್ವಹಣೆ ಮಾಡುವ ಇಲಾಖೆಗಳ ಅಧಿಕಾರಿಗಳು ಮತ್ತು ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ ಅಧಿಕಾರಿಗಳು ಪರಸ್ಪರ ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕು’ ಎಂದವರು ಸೂಚಿಸಿದ್ದಾರೆ. `ಎಲ್ಲಾ ಶಾಲೆಗಳು ಮತ್ತು ಅಂಗನವಾಡಿಗಳಲ್ಲಿ ಕೂಡಾ ನೀರನ್ನು ಆಗಾಗ್ಗೆ ಗುಣಮಟ್ಟ ಪರೀಕ್ಷೆಗೆ ಒಳಪಡಿಸಬೇಕು’ ಎಂದು ನಿರ್ದೇಶನ ನೀಡಿದ್ದಾರೆ. `ಹೊಸದಾಗಿ ಬೋರ್‌ವೆಲ್ ಗಳನ್ನು ಕೊರೆದ ನಂತರ ಅವುಗಳಿಗೆ ಜಲಮರುಪೂರಣ ವ್ಯವಸ್ಥೆಯನ್ನು ಒದಗಿಸುವ ಮೂಲಕ ಆ ಭಾಗದಲ್ಲಿ ಅಂರ್ತಜಲ ಅಭಿವೃದ್ದಿಯಾಗುವಂತೆ ಮಾಡಬೇಕು. ಬೋರ್‌ವೆಲ್ ನಿರಂತರವಾಗಿ ಕಾರ್ಯನಿರ್ವಹಿಸುವಂತೆ ನೋಡಿಕೊಳ್ಳಬೇಕು’ ಎಂದವರು ಹೇಳಿದರು. ಜಲ ಜೀವನ್ ಮಿಷನ್ ಯೋಜನೆಯಡಿ ಮಂಜೂರಾದ ಕಾಮಗಾರಿಗಳ ಅವಧಿ ವಿಸ್ತರಣೆ ಪ್ರಸ್ತಾವನೆಗಳ ಅನುಮೋದನೆ ಮತ್ತು 2026-27 ನೇ ಸಾಲಿನ ರೂ.139 ಲಕ್ಷ ದ ಟಾಸ್ಕ್ ಪೋರ್ಸ್ ಕ್ರಿಯಾ ಯೋಜನೆಗೆ ಈ ಸಭೆಯಲ್ಲಿ ಅನುಮೋದನೆ ನೀಡಲಾಯಿತು. ಜಿಲ್ಲಾ ಪಂಚಾಯತ್ ಉಪಕಾರ್ಯದರ್ಶಿ ಅಲ್ಲಾ ಭಕಷ್ ಹಾಗೂ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ ಮತ್ತು ವಿವಿಧ ಇಲಾಖೆಗಳ ಅಧಿಕಾರಿಗಳು ಇದ್ದರು.
- [ಹೊಡೆದಾಟಕ್ಕೆ ಕಾರಣವಾದ ಹಣಕಾಸು ವಿಷಯ!](https://mobiletime.in/2026/06/the-financial-issue-that-caused-the-fight/): ಮನೆ ನಿರ್ಮಾಣ ಕೆಲಸ ಹಾಗೂ ಹಣ ಪಾವತಿ ವಿಷಯದ ವಿಚಾರವಾಗಿ ಶಿರಸಿಯಲ್ಲಿ ಹೊಡೆದಾಟ ನಡೆದಿದೆ. ಮನೆ ಮಾಲಕ ಹಾಗೂ ಕೆಲಸಗಾರರು ಪರಸ್ಪರ ಹೊಡೆದಾಡಿಕೊಂಡಿದ್ದು, ಈ ಪ್ರಕರಣ ಸದ್ಯ ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಸಲಾಮತ್ ನಗರದ ತಾರಿಕ್ ಅಹಮದ್ ಸಾಬ್ ಅವರ ಮಾವ ಇಕ್ಬಾಲ್ ಫಕೀರ ಸಾಬ್ ಅವರು ಹೊಸ ಮನೆ ನಿರ್ಮಿಸುತ್ತಿದ್ದು, ಮನೆಯ ಒಳ ವಿನ್ಯಾಸ ಕೆಲಸವನ್ನು ನೆಹರು ನಗರದ ಅಬ್ರಾರ್ ಅಬ್ದುಲ್ ಶುಕೂರು ಶೇಖ್ ಹಾಗೂ ಪರ್ವೇಜ್ ಮಹಮದ್ ಅಬ್ದುಲ್ ಶುಕೂರು ಶೇಖ್ ಅವರಿಗೆ ನೀಡಿದ್ದರು. ಒಳ ವಿನ್ಯಾಸ ಕೆಲಸಕ್ಕಾಗಿ ಅಬ್ರಾರ್ ಹಾಗೂ ಪರ್ವೇಜ್ ಅವರಿಗೆ ಇಕ್ಬಾಲ್ ಅವರು ಮೊದಲೇ 30 ಲಕ್ಷ ರೂ ಹಣ ನೀಡಿದ್ದರು. ಆದರೆ, ಅವರಿಬ್ಬರು ಸರಿಯಾಗಿ ಕೆಲಸ ಮಾಡದ ಕಾರಣ ಆ ಕೆಲಸವನ್ನು ಪವಾಜ್ ಅಬ್ದುಲ್ ಶೇಖ್ ಎಂಬಾತರಿಗೆ ಹಸ್ತಾಂತರಿಸಿದ್ದರು. ಜೂನ್ 4ರ ಸಂಜೆ ಅಬ್ರಾರ್ ಶೇಖ್ ಹಾಗೂ ಅರ್ವೇಜ್ ಈ ವಿಷಯವಾಗಿ ತಾರಿಕ್ ಅಹಮದ್ ಸಾಬ್ ಅವರ ಜೊತೆ ಜಗಳ ಮಾಡಿದರು. ಈ ವೇಳೆ ತಾರಿಕ್ ಅವರು `ಮನೆ ಕೆಲಸದ ಲೆಕ್ಕ ಕೊಡಿ’ ಎಂದು ಕೇಳಿದ್ದು, ಇದರಿಂದ ಸಿಟ್ಟಾದ ಅಬ್ರಾರ್ ಹಾಗೂ ಪರ್ವೇಜ್ ದಾಳಿ ಶುರು ಮಾಡಿದರು. ತಪ್ಪಿಸಲು ಬಂದ ಸುಹೇಲ್ ಜೈಲರ್ ಅವರಿಗೂ ಪೆಟ್ಟು ಬಿದ್ದಿತು. `ಕೆಲಸ ಮಾಡಿದ 1.80 ಲಕ್ಷ ರೂ ಬಾಕಿಯಿದ್ದು, ಈ ಬಗ್ಗೆ ಪ್ರಶ್ನಿಸಿದಾಗ ತಾರೀಖ್ ಅಹ್ಮದ್ ಸಾಬ್, ಸುಹೇಲ್ ಇಬ್ರಾಹಿಂ ಜೈಲರ್ ಹಾಗೂ ಇಕ್ಬಾಲ್ ಫಕೀರ್‌ಸಾಬ್ ಸೇರಿ ಹೊಡೆದಿದ್ದಾರೆ’ ಎಂದು ಶಿರಸಿಯ ಮುಸ್ಲಿಂ ಗಲ್ಲಿ ಹಣ್ಣಿನ ವ್ಯಾಪಾರಿ ಫಕ್ರುದ್ಧೀನ್ (ನಾಸೀರ್) ಮಹಮದ್ ಸಾಬ್ ಮೂಡಿ ಅವರು ದೂರಿದರು. ಎರಡು ಕಡೆಯವರ ಪ್ರಕರಣ ದಾಖಲಿಸಿದ ಪೊಲೀಸರು ಸತ್ಯಾಸತ್ಯತೆಯ ಬಗ್ಗೆ ಪರಿಶೀಲಿಸುತ್ತಿದ್ದಾರೆ.
- [ಮೂರೇ ದಿನದಲ್ಲಿ 20 ಸಾವಿರ ಖಾಲಿ!](https://mobiletime.in/2026/06/20-thousand-vacancies-in-just-three-days/): ಯಲ್ಲಾಪುರದ ಸೋಮಾಪುರದಲ್ಲಿರುವ ದ್ಯಾಮವ್ವ ದೇವಸ್ಥಾನಕ್ಕೆ ನುಗ್ಗಿದ ಕಳ್ಳರು ಕಾಣಿಕೆ ಡಬ್ಬಿಯಲ್ಲಿದ್ದ 50 ಸಾವಿರ ರೂ ಕದ್ದಿದ್ದಾರೆ. ಆ ಕಳ್ಳರು ಮೂರೇ ದಿನದಲ್ಲಿ 20 ಸಾವಿರ ರೂ ಖಾಲಿ ಮಾಡಿದ್ದಾರೆ! ಜೂನ್ 2ರಂದು ಯಲ್ಲಾಪುರದ ಸೋಮಾಪುರದಲ್ಲಿರುವ ದ್ಯಾಮವ್ವ ದೇವಸ್ಥಾನದಲ್ಲಿ ಕಳ್ಳತನ ನಡೆದಿರುವುದು ಗಮನಕ್ಕೆ ಬಂದಿತ್ತು. ದೇವಾಲಯದ ಪೂಜಾರಿ ಶ್ರೀಕಾಂತ ಅಪ್ಪಾರಾವ್ ಮಿರಾಶಿ ಅವರು ಈ ಬಗ್ಗೆ ಪೊಲೀಸ್ ದೂರು ನೀಡಿದ್ದರು. ಕಿರವತ್ತಿಯ ಹ್ಯಾಂಗ್ಯೋ ಐಸ್ ಕ್ರೀಂ ಕಂಪನಿಯಲ್ಲಿ ಕ್ಲೀನರ್ ಆಗಿರುವ, ಕಿರವತ್ತಿ ಇಸ್ಲಾಂಪುರದ ಅಬ್ದುಲ್ ಹಮೀದ್ ಸಲೀಮಸಾಬ್ ಸೋಮನಕೊಪ್ಪ ಹಾಗೂ ಕಿರವತ್ತಿ ಜಯಂತಿ ನಗರದ ಚಾಲಕ ಗೌಸ್‌ಅಲಿ ಬಾಬುಸಾಬ್ ಮಿಶ್ರಿಕೋಟಿ ಸೇರಿ ಈ ಕಾಣಿಕೆ ಹುಂಡಿ ಹೊಡೆದಿದ್ದು, ಅವರಿಬ್ಬರು ಸೇರಿ ದೇವರ ದುಡ್ಡಿನಲ್ಲಿ ಮೋಜು-ಮಸ್ತಿ ಮಾಡಿದ್ದರು. ಕಳ್ಳತನ ಪ್ರಕರಣ ದಾಖಲಾದ ನಂತರ ಯಲ್ಲಾಪುರ ಪಿಸೈ ರಾಜಶೇಖರ ವಂದಲಿ, ಸಿದ್ದಪ್ಪ ಗುಡಿ, ಶೇಡಜಿ ಚೌಹಾಣ್ ಹಾಗೂ ಮಹಾವೀರ ಕಾಂಬಳೆ ಅವರು ತನಿಖೆ ಶುರು ಮಾಡಿದರು. ಎಸೈ ಶರಣಬಸವ, ದೀಪಕ ಸೋಮವಂಶಿ, ಸಿಬ್ಬಂದಿ ಉಮೇಶ ತಂಬರಗಿ, ರಾಘವೇಂದ್ರ ಮೂಳೆ ಸೇರಿ ಕಳ್ಳರಿಬ್ಬರನ್ನು ಕಂಡುಹಿಡಿದರು. ಸಂತೋಷ್ ಬಾಳೇರ್, ಬಸವರಾಜ ಡಿಕೆ, ಪರಮೇಶ್ವರ ಎಸ್ ಕೆ ಸೇರಿ ಆ ಕಳ್ಳರಿಬ್ಬರನ್ನು ಬಂಧಿಸಿದರು. ವಿಚಾರಣೆಯಲ್ಲಿ ಅವರಿಬ್ಬರು ಕಳ್ಳತನ ಮಾಡಿದನ್ನು ಒಪ್ಪಿಕೊಂಡಿದ್ದು, ಉಳಿದ 29763ರೂಪಾಯಿಯನ್ನು ಪೊಲೀಸರಿಗೆ ಒಪ್ಪಿಸಿದರು.
- [ಕೆಲಸಕೊಡಿಸುವುದಾಗಿ ನಂಬಿಸಿ ಅನಾಚಾರ!](https://mobiletime.in/2026/06/its-a-crime-to-convince-people-to-work/): ಶಿರಸಿಯಲ್ಲಿ ವಾಸವಾಗಿರುವ ವಿಧವೆಯ ಸ್ನೇಹ ಬೆಳೆಸಿದ ವ್ಯಕ್ತಿಯೊಬ್ಬ ಆಕೆಯ ಬಂಗಾರ ದೋಚಿದಲ್ಲದೇ, ಆ ವಿಧವೆಯ ತಂಗಿಯ ಮೇಲೆಯೂ ಅತ್ಯಾಚಾರ ನಡೆಸಿದ ಪ್ರಕರಣ ಪೊಲೀಸರ ಮುಂದೆ ಬಂದಿದೆ. 2023-24ರಲ್ಲಿ ನಡೆದ ಈ ವಿದ್ಯಮಾನ ಆಲಿಸಿದ ಪೊಲೀಸರು ಬಂಗಾರಪಡೆದು ಮೋಸ ಮಾಡಿದ ಕಾರಣ ಆರೋಪಿ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಬೆಳಗಾವಿಯ ಸುಲ್ತಾನ ಸಾಬ್ ಅವರು 2023ರಲ್ಲಿ ಶಿರಸಿ ಎಪಿಎಂಸಿಯ ವಿದ್ಯಾಗಿರಿ ಬಳಿ ವಾಸವಾಗಿರುವ ಹಾವೇರಿಯ ಕುಟುಂಬವೊದರ ಸ್ನೇಹ ಬೆಳೆಸಿದ್ದರು. ಶೇರ್‌ಚಾಟ್’ನಲ್ಲಿ ಕೆಲಸ ಕೊಡಿಸುವುದಾಗಿ ಆ ಕುಟುಂಬದ ಹೆಣ್ಣು ಮಗಳನ್ನು ಬುಟ್ಟಿಗೆ ಬೀಳಿಸಿಕೊಂಡ ಸುಲ್ತಾನ ಸಾಬ್ ನಂತರ ಅವರ ಅಕ್ಕನ ಸ್ನೇಹವನ್ನು ಬೆಳೆಸಿದ್ದರು. ಈಗಾಗಲೇ ಪತಿ ಸಾವಿನಿಂದ ನೊಂದಿರುವ ಆ ಮಹಿಳೆಗೆ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯಲ್ಲಿ ಕೆಲಸ ಕೊಡಿಸುವ ಭರವಸೆ ನೀಡಿದ್ದರು. ಜೊತೆಗೆ ಕಡಿಮೆ ಬೆಲೆಯಲ್ಲಿ ಮನೆ ಕೊಡಿಸುವುದಾಗಿ ಹೇಳಿ ನಂಬಿಕೆ ಹುಟ್ಟಿಸಿದ್ದರು. `ತನಗೆ ರಾಜಕೀಯ ನಾಯಕರೆಲ್ಲರೂ ಆತ್ಮೀಯ’ ಎಂದು ಸುಲ್ತಾನ್ ಸಾಬ್ ಬಿಂಬಿಸಿಕೊAಡಿದ್ದರು. ಈ ಎಲ್ಲಾ ಕೆಲಸ ಹಾಗೂ ಭರವಸೆಗೆ ಬೆಳಗಾವಿಯ ರೇಖಾ ಗೌಡ ಎಂಬಾತರು ಜೊತೆಯಾಗಿದ್ದು, ಅವರು ಸಹ ಸುಲ್ತಾನ ಸಾಬ್ ಅವರ ಪರವಾಗಿ ಕೆಲಸ ಮಾಡಿದ್ದರು. 2024ರಲ್ಲಿ 4 ಬಾರಿ ಸುಲ್ತಾನ್ ಸಾಬ್ ಅವರು ನಾಲ್ಕು ಬಾರಿ ಆ ಮಹಿಳೆಯರಿಬ್ಬರ ಮನೆಗೆ ಬಂದು ಹೋಗಿದ್ದರು. ನಂತರ ಶಿರಸಿ ಜಾತ್ರೆಯಲ್ಲಿಯೂ ಅವರು ಕುಟುಂಬದವರ ಜೊತೆ ಸುತ್ತಾಡಿದ್ದರು. ಅದಾದ ನಂತರ ಕೆಲಸ ಕೊಡಿಸಲು ಹಣದ ಬೇಡಿಕೆಯಿಟ್ಟ ಅವರು 30 ಸಾವಿರ ರೂ ಪಡೆದಿದ್ದರು. ಅದಾಗಿ ಎರಡು ದಿನಕ್ಕೆ `ಶಿರಸಿ ಸಮಾರಂಭಕ್ಕೆ ಬರುವಾಗ ಬಂಗಾರದ ಒಡವೆ ಬಿಟ್ಟು ಬಂದಿದ್ದು, ನಿನ್ನ ಒಡವೆ ಕೊಡು’ ಎಂದು ಮಹಿಳೆಯನ್ನು ಕೇಳಿದ್ದರು. ಪತಿ ಮರಣದ ನಂತರ ಕಪಾಟಿನಲ್ಲಿರಿಸಿದ್ದ ಎಲ್ಲಾ ಒಡವೆಗಳನ್ನು ಆ ಮಹಿಳೆ ಸುಲ್ತಾನ್ ಸಾಬ್ ಅವರಿಗೆ ನೀಡಿದ್ದು, ಆ ಒಡವೆ ಮರಳಿ ಬರಲಿಲ್ಲ. ಅದಾದ ನಂತರ ತನ್ನ ತಂಗಿಗೂ ಸುಲ್ತಾನ್ ಸಾಬ್ ಅಕ್ರಮ ಬಂಧನದಲ್ಲಿರಿಸಿ ಅತ್ಯಾಚಾರ ನಡೆಸಿರುವುದು ಆ ಮಹಿಳೆಗೆ ಅರಿವಾಯಿತು. ಕಿತ್ತೂರು ಪೊಲೀಸ್ ಠಾಣೆಯಲ್ಲಿ ತಂಗಿ ಪೊಲೀಸ್ ದೂರು ನೀಡಿರುವುದು ಗೊತ್ತಾಯಿತು. ಈ ಪ್ರಕರಣದ ವಿಚಾರಣೆಗೆ ಹೋದ ಮಹಿಳೆ ತಮಗಾದ ಅನ್ಯಾಯವನ್ನು ಸಹ ವಿವರಿಸಿದರು. ನಂಬಿಸಿ, ಮೋಸ ಮಾಡಿ ಲಕ್ಷಾಂತರ ರೂ ಮೌಲ್ಯದ ಬಂಗಾರ ಒಯ್ದಿದನ್ನು ದೂರಿದರು. `ಮನೆಯಲ್ಲಿ ಗೊತ್ತಾದರೆ ಸಮಸ್ಯೆ ಆಗುತ್ತದೆ ಎಂಬ ಕಾರಣಕ್ಕೆ ಪೊಲೀಸ್ ದೂರು ನೀಡಿರಲಿಲ್ಲ’ ಎಂದು ಆ ಮಹಿಳೆ ಇದೀಗ ದೂರಿದ್ದು, ಕುಟುಂಬಕ್ಕೆ ಅನ್ಯಾಯ ಮಾಡಿದ ಸುಲ್ತಾನ್ ಸಾಬ್ ವಿರುದ್ಧ ಕಠಿಣ ಕ್ರಮಕ್ಕೆ ಆಗ್ರಹಿಸಿದರು.  
- [ಮರ ಕಟಾವಿಗೆ ಬಂದವರು ಗಿಡ ಪೂಜಿಸಿ ಹೋದರು!](https://mobiletime.in/2026/06/those-who-came-to-harvest-the-trees-worshipped-the-plants-and-left/): ಪಕ್ಕದ ಜಮೀನಿನಲ್ಲಿರುವ ತೆಂಗಿನ ಮರದಿಂದ ಆಗುತ್ತಿರುವ ಹಾನಿಯ ಬಗ್ಗೆ ಗ್ರಾಮ ಪಂಚಾಯತ ಕಚೇರಿಗೆ ದೂರು ಸಲ್ಲಿಸಿದ್ದ ವ್ಯಕ್ತಿಗಳಿಬ್ಬರು ಅದೇ ತೆಂಗಿನ ಮರವನ್ನು ಪೂಜಿಸುವ ಸಂಕಲ್ಪದೊoದಿಗೆ ಮನೆಗೆ ಮರಳಿದ್ದಾರೆ. ಗ್ರಾಮ ಪಂಚಾಯತ ಅಧಿಕಾರಿಗಳು ತೆಂಗಿನ ಮರದ ಮಹತ್ವದ ಬಗ್ಗೆ ದೂರುದಾರರಿಗೆ ವಿವರಿಸಿ, ಪರಿಸರ ಸಂರಕ್ಷಣೆಯ ಪಾಠ ಮಾಡಿ ಕಳುಹಿಸಿದ್ದಾರೆ! ಕಾರವಾರದ ಚೆಂಡಿಯಾದಲ್ಲಿ ವಾಸವಾಗಿರುವ ನರೇಂದ್ರ ಧಾಕು ದುರ್ಗೇಕರ್ ಮತ್ತು ಕಿಶೋರ ಹರಿಶ್ಚಂದ್ರ ನಾಯ್ಕ ಅವರು ತಮ್ಮ ಮನೆ ಬಳಿಯಿರುವ ತೆಂಗಿನ ಮರದ ವಿರುದ್ಧ ದೂರು ಸಲ್ಲಿಸಿದ್ದರು. ಆ ಮರದಿಂದ ಮನೆಗೆ ಹಾನಿಯಾಗುತ್ತಿರುವ ಬಗ್ಗೆ ಅವರು ಗ್ರಾಮ ಪಂಚಾಯತದ ಸಭೆಯಲ್ಲಿ ವಿಷಯ ಮಂಡಿಸಿದ್ದರು. ತೆಂಗಿನ ಮರದಿಂದ ಆಗುವ ಹಾನಿಯ ಬಗ್ಗೆ ವಿವರಿಸಿ, ಮರ ತೆರವು ಮಾಡುವಂತೆ ಒತ್ತಾಯಿಸಿದ್ದರು. ಈ ವಿಷಯವಾಗಿ ಗ್ರಾ ಪಂ ಆಡಳಿತಾಧಿಕಾರಿ ಪ್ರಶಾಂತ ಎಚ್ ಎಸ್ ಅವರು ತಕರಾರು ಅರ್ಜಿ ಪರಿಶೀಲನೆ ನಡೆಸಿದ್ದು, ಅರ್ಜಿದರರಿಬ್ಬರನ್ನು ಪಂಚಾಯತಗೆ ಕರೆಯಿಸಿದರು. ಈ ದಿನ ನಡೆದ ವಿಶ್ವ ಪರಿಸರ ದಿನಾಚರಣೆ ಕಾರ್ಯಕ್ರಮಕ್ಕೆ ಆ ಅರ್ಜಿದಾರರನ್ನು ವಿಶೇಷ ಅತಿಥಿಯಾಗಿ ಕರೆದ ಪ್ರಶಾಂತ ಎಚ್ ಎಸ್ ಅವರು ಪರಿಸರ ಸಂರಕ್ಷಣೆಯ ಮಹತ್ವದ ಬಗ್ಗೆ ಅರಿವು ಮೂಡಿಸಿದರು. ತೆಂಗಿನ ಮರ ತೆರವಿಗಾಗಿ ಆಗಮಿಸಿದವರಿಗೆ ಮರದ ಮಹತ್ವದ ಬಗ್ಗೆ ಅರಿವು ಮೂಡಿಸಿದರು. `ತೆಂಗಿನ ಮರವನ್ನು ಕಡಿಯುವ ಬದಲು ಸುರಕ್ಷತಾ ಕ್ರಮ ಅನುಸರಿಸುವುದು ಉತ್ತಮ’ ಎಂದವರು ಮನವರಿಕೆ ಮಾಡಿದರು. ಸಭೆಯಲ್ಲಿದ್ದ ಪಿಡಿಓ ರಾಮದಾಸ್ ನಾಯ್ಕ ಹಾಗೂ ಗ್ರಾಮಸ್ಥರು ಸಹ ತೆಂಗಿನ ಮರದ ಪ್ರಯೋಜನದ ಬಗ್ಗೆ ವಿವರಿಸಿದ್ದು, ಅರ್ಜಿದಾರಿಬ್ಬರು ಅದರಿಂದ ಸಮಾಧಾನಗೊಂಡರು. ತೆಂಗಿನ ಮರ ಕಟಾವು ಮಾಡುವ ಬದಲು ಅದನ್ನು ಸಂರಕ್ಷಿಸಿ, ಆರಾಧಿಸುವ ಶಪಥ ಮಾಡಿದರು. ಮರದಿಂದ ಮನೆಗೆ ಹಾನಿ ಆಗದ ಹಾಗೇ ಮರವನ್ನು ಇನ್ನಷ್ಟು ಭದ್ರಪಡಿಸುಂತೆ ಸೂಚಿಸಿ ಅಧಿಕಾರಿಗಳು ಪ್ರಕರಣ ಮುಗಿಸಿದರು.
- [ಆತ್ಮಹತ್ಯೆಗೆ ಪ್ರಯತ್ನಿಸಿದವನ ರಕ್ಷಣೆ!](https://mobiletime.in/2026/06/rescue-of-a-suicide-attempter/): ಹುಡುಗಿಯೊಬ್ಬರಿಗೆ ಕಾಟ ಕೊಡುತ್ತಿದ್ದ ಜೊಯಿಡಾದ ಮಾರುತಿ ವೇಳಿಪ್ ಅವರಿಗೆ ಸುಬ್ರಾಯ ಹೆಗಡೆ, ದಯಾನಂದ ಗಾವಡಾ ಹಾಗೂ ನಂದಾ ವೇಳಿಪ್ ಸೇರಿ ಬೆದರಿಸಿದ್ದಾರೆ. ಅವರ ಬೆದರಿಕೆಯಿಂದ ಹೆದರಿದ ಮಾರುತಿ ವೇಳಿಪ್ ಆತ್ಮಹತ್ಯೆಗೆ ಯತ್ನಿಸಿ, ಆಸ್ಪತ್ರೆ ಸೇರಿದ್ದಾರೆ. ಜೊಯಿಡಾದ ನಗಾರಿ ಬಳಿ ಮಾರುತಿ ಕೇಶವ ವೇಳಿಪ್ ಅವರು ವಾಸವಾಗಿದ್ದರು. 26 ವರ್ಷದ ಅವರು ಪ್ರತಿಮಾ ಎಂಬ ಹುಡುಗಿಯನ್ನು ಪ್ರೀತಿಸುತ್ತಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದ ಮಾರುತಿ ವೇಳಿಪ್ ಅವರು ಪ್ರತಿಮಾ ಅವರ ಹಿಂದೆ ಬಿದ್ದಿದ್ದನ್ನು ಪ್ರತಿಮಾ ಕಡೆಯವರು ಸಹಿಸಿರಲಿಲ್ಲ. ಸಾಕಷ್ಟು ಎಚ್ಚರಿಕೆ ಕೊಟ್ಟರೂ ಕೇಶವ್ ವೇಳಿಪ್ ಅವರ ವರ್ತನೆಯಲ್ಲಿ ಬದಲಾವಣೆ ಆಗಿರಲಿಲ್ಲ. ಹೀಗಾಗಿ ಮೇ 18ರಂದು ಜೊಯಿಡಾ ಪೋಸ್ಟ್ ಆಫಿಸ್ ಬಳಿ ರುಂಡಾಳಿಯ ಸುಬ್ರಾಯ ಹೆಗಡೆ ಅವರು ಕೇಶವ ವೇಳಿಪ್ ಅವರನ್ನು ಅಡ್ಡಗಟ್ಟಿದರು. ಹಲಕಂಬಿಯ ದಯಾನಂದ ಗಾವಡಾ ಮಾಲಾಂಗಣಿ ಶ್ರೀಪತಿಯ ನಂದಾ ವೇಳಿಪ ಅವರು ಸುಬ್ರಾಹ ಹೆಗಡೆ ಅವರ ಜೊತೆಯಿದ್ದರು. ಆ ಮೂವರು ಸೇರಿ ಕೇಶವ ವೇಳಿಪ್ ಅವರನ್ನು ಹೆದರಿಸಿದರು. `ಆ ಹುಡುಗಿ ಸುದ್ದಿಗೆ ಹೋಗಬೇಡ’ ಎಂದು ಜೋರಾಗಿಯೇ ಎಚ್ಚರಿಸಿದರು. ಅದಾದ ನಂತರ `ನೀನಾಗಿಯೇ ಆತ್ಮಹತ್ಯೆ ಮಾಡಿಕೊ. ಇಲ್ಲವಾದರೆ ನಾವೇ ನಿನ್ನ ಸಾಯಿಸುತ್ತೇವೆ’ ಎಂದು ಹೇಳಿದರು. ಇದರಿಂದ ಆಘಾತಕ್ಕೆ ಒಳಗಾದ ಕೇಶವ್ ವೇಳಿಪ್ ಅವರು ತಮಗೆ ಬಂದ ಬೆದರಿಕೆಯ ಬಗ್ಗೆ ಅಣ್ಣ ಕುಮಾರ ವೇಳಿಪ್ ಅವರಲ್ಲಿ ಹೇಳಿದ್ದರು. ಅದಾದ ನಂತರವೂ ಹೆದರಿಕೆಯಲ್ಲಿಯೇ ಇದ್ದ ಕೇಶವ ವೇಳಿಪ್ ಅವರು ಮೇ 25ರಂದು ನಗರಿಯಲ್ಲಿರುವ ಮನೆ ಕೋಣೆಯಲ್ಲಿ ನೇಣು ಹಾಕಿಕೊಳ್ಳಲು ನಿರ್ಧರಿಸಿದ್ದರು. ಫ್ಯಾನಿಗೆ ಹಗ್ಗ ಕಟ್ಟಿ ನೇತಾಡಿದ ಅವರನ್ನು ಅಕ್ಕಪಕ್ಕದ ಮನೆಯವರು ನೋಡಿ ರಕ್ಷಣೆ ಮಾಡಿದರು. ಅಸ್ವಸ್ಥರಾಗಿದ್ದ ಅವರನ್ನು ಧಾರವಾಡದ ಎಸ್ ಡಿ ಎಂ ಆಸ್ಪತ್ರೆಗೆ ದಾಖಲು ಮಾಡಿದ್ದು, ಚೇತರಿಸಿಕೊಳ್ಳುತ್ತಿದ್ದಾರೆ.
- [ಅಗ್ನಿವೀರ: ಕಲಿಕೆ ಹಂತದಲ್ಲಿಯೇ ಸೈನಿಕರಾದ ಮಕ್ಕಳು!](https://mobiletime.in/2026/06/agniveera-children-who-become-soldiers-while-still-in-the-learning-phase/): ಕಾರವಾರದ ಸರ್ಕಾರಿ ಕಲಾ ಮತ್ತು ವಿಜ್ಞಾನ ಮಹಾವಿದ್ಯಾಲಯ ಮೂವರು ವಿದ್ಯಾರ್ಥಿಗಳು ಭಾರತೀಯ ಸಶಸ್ತ್ರ ಪಡೆಗಳ ಅಗ್ನಿವೀರ ಯೋಜನೆ ಅಡಿಯಲ್ಲಿ ಸೈನಿಕರಾಗಿ ಆಯ್ಕೆಯಾಗಿದ್ದಾರೆ. ಇರೇಶ್ ಎಸ್ ಕುರಿ, ಮಂಜುನಾಥ ಎಲ್ ಬಳ್ಳಾರಿ ಹಾಗೂ ವಿಘ್ನೇಶ್ ಗೌಡ ಅವರು ಅಗ್ನಿವೀರರಾಗಿ ಹೊರ ಹೊಮ್ಮಿದ್ದಾರೆ. ಇರೇಶ್ ಎಸ್. ಕುರಿ ಹಾಗೂ ಮಂಜುನಾಥ ಎಲ್ ಬಳ್ಳಾರಿ ಅವರು ಅಂತಿಮ ವಷÀðದ ಬಿ ಕಾಂ ವಿದ್ಯಾರ್ಥಿಗಳಾಗಿದ್ದಾರೆ. ವಿಘ್ನೇಶ್ ಗೌಡ ಅವರು 4ನೇ ಸೆಮಿಸ್ಟರ್ ಬಿಬಿಎ ವಿದ್ಯಾರ್ಥಿಯಾಗಿದ್ದಾರೆ. ವಿದ್ಯಾರ್ಥಿಗಳ ಈ ಸಾಧನೆ ಕುರಿತು ಕಾಲೇಜಿನ ಪ್ರಾಂಶುಪಾಲೆ ಗೀತಾ ವಾಲೀಕರ್ ಅವರು ಮಾಹಿತಿ ನೀಡಿದ್ದಾರೆ. `ನಮ್ಮ ವಿದ್ಯಾರ್ಥಿಗಳು ರಾಷ್ಟç ರಕ್ಷಣೆಯಂತಹ ಮಹತ್ತರ ಕ್ಷೇತ್ರದಲ್ಲಿ ಅವಕಾಶಪಡೆದುಕೊಂಡಿರುವುದು ಹೆಮ್ಮೆಯ ವಿಷÀಯ’ ಎಂದವರು ಸಂತಸದಿAದ ಹೇಳಿದ್ದಾರೆ. `ವಿದ್ಯಾರ್ಥಿಗಳ ಈ ಸಾಧನೆಯು ಅವರ ಕಠಿಣ ಪರಿಶ್ರಮ, ಶಿಸ್ತು ಹಾಗೂ ದೇಶ ಸೇವೆಯ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಇವರ ಸಾಧನೆಯು ಇತರ ವಿದ್ಯಾರ್ಥಿಗಳಿಗೆ ಸಹ ಸ್ಫೂರ್ತಿದಾಯಕ’ ಎಂದು ಗೀತಾ ವಾಲೀಕರ್ ಅವರು ಹೇಳಿದ್ದಾರೆ. ಮಹಾವಿದ್ಯಾಲಯದ, ಎನ್ ಸಿ ಸಿ ಅಧಿಕಾರಿಗಳು, ವಿಭಾಗ ಮುಖ್ಯಸ್ಥರು, ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿ ಸೇರಿ ಆ ಮೂವರು ವಿದ್ಯಾರ್ಥಿಗಳನ್ನು ಸನ್ಮಾನಿಸಿದ್ದಾರೆ.
- [ಸ್ವರ್ಣವಲ್ಲೀ: ಶ್ರದ್ಧಾ ಭಕ್ತಿಯಿಂದ ನಡೆದ ಸೇವಾ ಚಟುವಟಿಕೆ](https://mobiletime.in/2026/06/swarnavalli-a-service-activity-carried-out-with-devotion/): ಶಿರಸಿಯ ಸೋಂದಾ ಸ್ವರ್ಣವಲ್ಲೀ ಮಹಾಸಂಸ್ಥಾನದ ಗಂಗಾಧರೇoದ್ರ ಸರಸ್ವತೀ ಮಹಾಸ್ವಾಮಿಗಳವರ 59ನೇ ವರ್ಧಂತಿ ಉತ್ಸವ ಮಂಗಳವಾರ ನಡೆದಿದ್ದು, ಶ್ರದ್ಧಾ-ಭಕ್ತಿಯಿಂದ ಸೇವಾ ಚಟುವಟಿಕೆಗಳು ನಡೆದಿದೆ. ಉತ್ಸವದ ಅಂಗವಾಗಿ ಮಹಾಸಂಸ್ಥಾನದ ಸುಧರ್ಮ ಸಭಾಭವನದಲ್ಲಿ ಆಯೋಜಿಸಿದ್ದ ಉಚಿತ ರಕ್ತದಾನ ಹಾಗೂ ಆರೋಗ್ಯ ತಪಾಸಣಾ ಶಿಬಿರದಲ್ಲಿ ನೂರಾರು ಜನ ಭಾಗವಹಿಸಿದ್ದಾರೆ. ಗ್ರಾಮಾಭ್ಯುದಯ, ಟಿ ಎಸ್ ಎಸ್ ಶ್ರೀಪಾದ ಹೆಗಡೆ ಕಡವೆ ವೈದ್ಯಕೀಯ ವಿಜ್ಞಾನ ಸಂಸ್ಥೆ, ಪಂಡಿತ ಸಾರ್ವಜನಿಕ ಆಸ್ಪತ್ರೆ, ತಾಲೂಕು ಆರೋಗ್ಯ ಇಲಾಖೆ, ಸೇವಾ ಸಹಕಾರಿ ಸಂಘದ ಸಹಕಾರದಲ್ಲಿ ಈ ಶಿಬಿರ ನಡೆದಿದೆ. ಡಾ ವೀರೇಶ್ ಎಸ್ ಬಾಲೆಹೊಸೂರು, ಡಾ ವೀಣಾ ವೆರ್ಣೇಕರ್, ಡಾ ಸುಮನ್ ಹಾಗೂ ಇತರ ತಜ್ಞ ವೈದ್ಯರು ಆರೋಗ್ಯ ತಪಾಸಣೆ ನಡೆಸಿದ್ದಾರೆ. ರೋಗಿಗಳಿಗೆ ಅವರೆಲ್ಲರೂ ಅಗತ್ಯ ವೈದ್ಯಕೀಯ ಸಲಹೆ ನೀಡಿದ್ದಾರೆ. ವರ್ಧಂತಿ ಉತ್ಸವದ ಅಂಗವಾಗಿ ಅಥರ್ವಶೀರ್ಷ ಪಾರಾಯಣ, ಮಹಾಗಣಪತಿ ಹವನ, ಶ್ರೀಸೂಕ್ತ-ಪುರುಷಸೂಕ್ತ ಪಾರಾಯಣ, ಮಹಾಮೃತ್ಯುಂಜಯ ಜಪ, ಗ್ರಹಶಾಂತಿ, ಆಯುಷ್ಯಚರು ಶಾಂತಿ ಸೇರಿದಂತೆ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆದಿವೆ. ವೇದಮೂರ್ತಿ ಕೃಷ್ಣ ಜೋಶಿ, ವೇ ಮೂ ಚಿನ್ಮಯ ಜೋಶಿ ಹಾಗೂ ಇತರ 50ಕ್ಕೂ ಅಧಿಕ ಋತ್ವಿಜರು ಕಾರ್ಯಕ್ರಮ ನಡೆಸಿಕೊಟ್ಟಿದ್ದಾರೆ. ಯಾಗಶಾಲೆಯಲ್ಲಿ ನಡೆದ ಪೂಜಾ-ಹವನಾದಿ ಧಾರ್ಮಿಕ ವಿಧಿವಿಧಾನಗಳಿಗೂ ಭಕ್ತರು ಸಾಕ್ಷಿಯಾಗಿದ್ದಾರೆ. ಸಂಜೆ ನಡೆದ ಸಾಂಸ್ಕೃತಿಕ ಹಾಗೂ ಭಕ್ತಿ ಸಂಗೀತ ಕಾರ್ಯಕ್ರಮದಲ್ಲಿ ಖ್ಯಾತ ಗಾಯಕಿಯರಾದ ರಾಧಾ ದೇಸಾಯಿ ಹಾಗೂ ಅನುರಾಧಾ ಭಟ್ ಭಕ್ತಿಗೀತೆಗಳನ್ನು ಪ್ರಸ್ತುತಪಡಿಸಿದ್ದಾರೆ. ಅವರಿಗೆ ಪ್ರಕಾಶ ಹೆಗಡೆ ಹಾಗೂ ಎಂ ಜಿ ಭಟ್ಟ ಸಾಥ್ ನೀಡಿದ್ದಾರೆ. ಗ್ರಾಮಾಭ್ಯುದಯದ ಅಧ್ಯಕ್ಷ ರಾಮಚಂದ್ರ ಹೆಗಡೆ ಕಂಚನಳ್ಳಿ, ಕಾರ್ಯದರ್ಶಿ ಸಂತೋಷ ಭಟ್ಟ ಕೋಡಿಗಾರ, ಹೇಮಂತ ಹೆಗಡೆ, ಎಂ ಸಿ ಹೆಗಡೆ ಶಿರಸಿಮಕ್ಕಿ, ಆರ್ ಎನ್ ಹೆಗಡೆ ಉಳ್ಳಿಕೊಪ್ಪ, ಸುರೇಶ ಹಕ್ಕಿಮನೆ, ಎಂ ಕೆ.ಹೆಗಡೆ ಗೋಳಿಕೊಪ್ಪ, ಶ್ರೀಧರ ಭಟ್ ಕಳವೆ, ಆರ್ ಎನ್ ಭಟ್ಟ ಸುಗಾವಿ ಈ ಎಲ್ಲಾ ಕಾರ್ಯಕ್ರಮ ಉಸ್ತುವಾರಿ ನೋಡಿದ್ದಾರೆ.
- [ಉದಾರ ಮನಸ್ಸಿನ ಉದ್ಯಮಿ: 2 ಕೋಟಿಯ ಜಾಗ ಸ್ವೀಕರಿಸಿದ ಕಾಂಚಿಕಾ ಪರಮೇಶ್ವರಿ!](https://mobiletime.in/2026/06/generous-minded-businesswoman-kanchika-parameshwari-accepts-land-worth-rs-2-crore/): ಕುಮಟಾ ಬಾಡದ ಕಾಂಚಿಕಾ ಪರಮೇಶ್ವರಿ ದೇವಸ್ಥಾನಕ್ಕೆ ಉದ್ಯಮಿ ವಾಸುದೇವ ಬೈಂದೂರು ಅವರು 2 ಕೋಟಿ ರೂ ಮೌಲ್ಯದ ಭೂಮಿ ನೀಡಿದ್ದಾರೆ. ಉಪನೋಂದಣಾಧಿಕಾರಿ ಕಚೇರಿ ಮೂಲಕ ಈ ಭೂಮಿಯನ್ನು ಅವರು ದಾನ ಮಾಡಿದ್ದಾರೆ. ಬೈಂದೂರಿನ ಯಡ್ತಾರೆಯಲ್ಲಿ ವಾಸವಾಗಿರುವ ವಾಸುದೇವ ಬೈಂದೂರು ಅವರು 24.8 ಗುಂಟೆ ಭೂಮಿ ಹೊಂದಿದ್ದರು. ಅದನ್ನು ದೇವಿ ಸನ್ನಿಧಿಗೆ ಅರ್ಪಿಸಲು ಅವರು ಆಸಕ್ತರಾಗಿದ್ದರು. ಈ ಬಗ್ಗೆ ಅವರು ಕಾಂಚಿಕಾ ಪರಮೇಶ್ವರಿ ದೇವಸ್ಥಾನದ ಅಧ್ಯಕ್ಷ ಎಸ್ ಎಸ್ ಹೆಗಡೆ ಅವರಲ್ಲಿ ಹೇಳಿಕೊಂಡಿದ್ದರು. ಭೂಮಿಯ ಬೆಲೆ 2 ಕೋಟಿ ರೂ ಮೌಲ್ಯದ್ದಾಗಿದ್ದು, ಅದನ್ನು ಸಂಪೂರ್ಣವಾಗಿ ದಾನವಾಗಿ ನೀಡುವ ಬಗ್ಗೆ ಅವರು ಘೋಷಿಸಿದ್ದರು. ಅದರ ಪ್ರಕಾರ, ಮಂಗಳವಾರ ತಮ್ಮ ಒಡೆತನದ ಭೂಮಿಯನ್ನು ಅವರು ದೇವಿಗೆ ಅರ್ಪಿಸಿದರು. ದೇವಾಲಯದ ಪಶ್ಚಿಮ ದಿಕ್ಕಿನಲ್ಲಿರುವ ಜಾಗವನ್ನು ದೇಗುಲ ಆಡಳಿತ ಮಂಡಳಿಯವರು ಸ್ವೀಕರಿಸಿದರು. ಜಾಗದ ನೋಂದಾಯಿತ ದಾನ ಪತ್ರವನ್ನು ವಾಸುದೇವ ಬೈಂದೂರ್ ಅವರು ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯವರಿಗೆ ಹಸ್ತಾಂತರಿಸಿದರು. ದಾನಪತ್ರ ಸ್ವೀಕರಿಸಿದ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯವರು ವಾಸುದೇವ ಬೈಂದೂರ ಅವರ ಈ ಕಾರ್ಯವನ್ನು ಶ್ಲಾಘಿಸಿದ್ದಾರೆ. ಆಡಳಿತ ಮಂಡಳಿ ಹಾಗೂ ಸಮಸ್ತ ಭಕ್ತರ ಪರವಾಗಿ ಉದ್ಯಮಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.
- [ದುಡ್ಡು ಕೊಟ್ಟಿಲ್ಲ.. ಶಾಸಕರನ್ನು ಖರೀದಿಸಿಲ್ಲ!](https://mobiletime.in/2026/06/no-money-was-given-no-mlas-were-bought/): `ಬಿಜೆಪಿ ಸರ್ಕಾರದ ರಚನೆಗಾಗಿ 17 ಶಾಸಕರನ್ನು ಹಣ ಕೊಟ್ಟು ಖರೀದಿಸಲಾಗಿತ್ತು’ ಎಂದು ಮಾಜಿ ಉಪಮುಖ್ಯಮಂತ್ರಿ ಕೆ ಎಸ್ ಈಶ್ವರಪ್ಪ ಅವರು ಹೇಳಿಕೆ ನೀಡಿದ್ದು, `ತಾನೂ ಹಣಪಡೆದಿಲ್ಲ’ ಎಂದು ಯಲ್ಲಾಪುರ-ಮುಂಡಗೋಡು-ಬನವಾಸಿ ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಅವರು ಪ್ರಮಾಣ ಮಾಡಿದ್ದಾರೆ. ಜೊತೆಗೆ `ಕೆ ಎಸ್ ಈಶ್ವರಪ್ಪ ಅವರಿಗೆ ಹುಚ್ಚು ಹಿಡಿದ್ದು, ಅವರನ್ನು ಹುಚ್ಚಾಸ್ಪತ್ರೆಗೆ ದಾಖಲಿಸಬೇಕು’ ಎಂದು ಸಹ ಶಿವರಾಮ ಹೆಬ್ಬಾರ್ ಅವರು ಒತ್ತಾಯಿಸಿದ್ದಾರೆ. ಈ ಕುರಿತು ಶಿವರಾಮ ಹೆಬ್ಬಾರ್ ಅವರು ವಿಡಿಯೋ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ. `ತಮ್ಮ ರಾಜಕೀಯ ಅಸ್ತಿತ್ವವನ್ನು ಉಳಿಸಿಕೊಳ್ಳಲು ಕೆ ಎಸ್ ಈಶ್ವರಪ್ಪ ಅವರು ಹೆಣಗಾಡುತ್ತಿದ್ದಾರೆ. ಅದಕ್ಕಾಗಿಯೇ ಅವರು ವಿವಾದಾತ್ಮಕ ಹಾಗೂ ಬೇಜವಾಬ್ದಾರಿ ಹೇಳಿಕೆ ನೀಡುತ್ತಿದ್ದಾರೆ’ ಎಂದಿದ್ದಾರೆ. `ಕೆ ಎಸ್ ಈಶ್ವರಪ್ಪ ಅವರು ಸಂಪೂರ್ಣ ರಾಜಕೀಯ ದಿವಾಳಿತನಕ್ಕೆ ತಲುಪಿರುವುದು ಅವರ ಹೇಳಿಕೆಗಳಿಂದ ಸ್ಪಷ್ಟವಾಗುತ್ತದೆ. ಈಶ್ವರಪ್ಪ ಅವರು ಮಾನಸಿಕ ಸಿಮೀತವನ್ನು ಸಂಪೂರ್ಣವಾಗಿ ಕಳೆದುಕೊಂಡಿದ್ದರಿoದ ಅವರನ್ನು ಕೂಡಲೇ ಮಾನಸಿಕ ಆಸ್ಪತ್ರೆಗೆ ಸೇರಿಸಬೇಕು’ ಎಂದಿದ್ದಾರೆ. `ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ರಚನೆಯಾಗಲು 17 ಕಾಂಗ್ರೆಸ್ ಶಾಸಕರನ್ನು ಹಣ ನೀಡಿ ಖರೀದಿಸಲಾಗಿತ್ತು ಎಂಬ ಹೇಳಿಕೆ ಆಧಾರರಹಿತ. ಒಂದು ವೇಳೆ ಅವರ ಹೇಳಿಕೆಯಲ್ಲಿ ಸತ್ಯವಿದ್ದರೆ ಹಣ ಕೊಟ್ಟವರು ಯಾರು? ಪಡೆದವರು ಯಾರು? ವ್ಯವಹಾರ ನಡೆದ ಸ್ಥಳ ಯಾವುದು? ಎಂದು ದಾಖಲೆ ಬಿಡುಗಡೆ ಮಾಡಬೇಕು’ ಎಂದು ಸವಾಲು ಹಾಕಿದರು. `ಇದನ್ನು ಸಾಭೀತುಪಡಿಸಲು ಸಾಧ್ಯವಾಗದೇ ಇದ್ದರೆ ಕೆ ಎಸ್ ಈಶ್ವರಪ್ಪ ಅವರಿಗೆ ಸಾರ್ವಜನಿಕ ಜೀವನದಲ್ಲಿ ಮುಂದುವರಿಯುವ ಯಾವುದೇ ನೈತಿಕ ಹಕ್ಕು ಉಳಿಯುವುದಿಲ್ಲ’ ಎಂದರು. `ಈ 17 ಶಾಸಕರು ತಮ್ಮ ಶಾಸಕ ಸ್ಥಾನಗಳಿಗೆ ರಾಜೀನಾಮೆ ನೀಡಿ ರಾಜಕೀಯ ತ್ಯಾಗ ಮಾಡಿದ ಪರಿಣಾಮವೇ ಬಿಜೆಪಿ ಸರ್ಕಾರ ಅಸ್ತಿತ್ವಕ್ಕೆ ಬಂದಿತ್ತು. ಅದರ ಫಲಾನುಭವಿಯಾಗಿ ಸಚಿವ ಸ್ಥಾನವನ್ನು ಅನುಭವಿಸಿದವರಲ್ಲಿ ಈಶ್ವರಪ್ಪ ಕೂಡ ಒಬ್ಬರು’ ಎಂದು ಶಿವರಾಮ ಹೆಬ್ಬಾರ್ ಅವರು ನೆನಪಿಸಿದರು. `ತಮ್ಮ ಸಚಿವ ಅವಧಿಯಲ್ಲಿ ನಡೆದ ಭ್ರಷ್ಟಾಚಾರದ ಆರೋಪಗಳು, ವಿಶೇಷವಾಗಿ ಬೆಳಗಾವಿಯ ಗುತ್ತಿಗೆದಾರನ ಆತ್ಮಹತ್ಯೆ ಪ್ರಕರಣದ ಸಂದರ್ಭದಲ್ಲಿ ಅವರ ವಿರುದ್ಧ ವ್ಯಕ್ತವಾಗಿದ್ದ ಜನಾಕ್ರೋಶವನ್ನು ರಾಜ್ಯದ ಜನತೆ ಇನ್ನೂ ಮರೆತಿಲ್ಲ’ ಎಂದು ಹೇಳಿದರು.
- [65 ಸಾವಿರಕ್ಕೆ ಮಾರಾಟವಾದ ಹೆಸ್ಕಾಂ ಅಧಿಕಾರಿ!](https://mobiletime.in/2026/06/hescom-officer-sold-for-65-thousand/): ಮುಂಡಗೋಡಿನ ಹೆಸ್ಕಾಂ ಅಧಿಕಾರಿ ಧರ್ಮರಾಜ ಬೆಡಸಗಾಂವ್ ಅವರು 65 ಸಾವಿರ ರೂಪಾಯಿಗೆ ಮಾರಾಟವಾಗಿದ್ದಾರೆ. ಗುತ್ತಿಗೆದಾರ ಶಿವಯೋಗಿ ಕೂಡಲಮಠ ಅವರಿಂದ ಲಂಚ ಸ್ವೀಕರಿಸಿ ಅವರು ಜೈಲು ಸೇರಿದ್ದಾರೆ. ಮುಂಡಗೋಡಿನ ಹೆಸ್ಕಾಂ ಕಚೇರಿಯಲ್ಲಿ ಧರ್ಮರಾಜ ಬೆಡಸಗಾಂವ್ ಅವರು AEE ಆಗಿದ್ದರು. ಕೈ ತುಂಬ ಸಂಬಳ ಬರುತ್ತಿದ್ದರೂ ಅವರು ಎಂಜಲು ಕಾಸಿಗೆ ಆಸೆಪಡುತ್ತಿದ್ದರು. ಮುಂಡಗೋಡಿನ ಬಿಸಿಎಂ ಹಾಸ್ಟೇಲ್ ಕಾಮಗಾರಿ ವಿಷಯವಾಗಿಯೂ ಅವರು ಭಾರೀ ಪ್ರಮಾಣದ ನಿರೀಕ್ಷೆಯಲ್ಲಿದ್ದರು. ಆ ಕಟ್ಟಡಕ್ಕೆ ವಿದ್ಯುತ್ ನೀಡಲು ಲಂಚ ಬಯಸಿದ್ದರು. ಹಾಸ್ಟೇಲ್ ಕಟ್ಟಡಕ್ಕೆ ವಿದ್ಯುತ್ ಕಾಮಗಾರಿ ಹಾಗೂ ಇನ್ನಿತರ ಕೆಲಸ ಮಾಡಿಕೊಡಲು ಗುತ್ತಿಗೆದಾರರ ಬಳಿ ಕಾಸು ಕೇಳಿದ್ದರು. ಕಾಸು ಕೊಡಲು ಇಷ್ಟವಿಲ್ಲದ ಗುತ್ತಿಗೆದಾರ ಶಿವಯೋಗಿ ಕೂಡಲಮಠ ಅವರು ರಹಸ್ಯ ಕಾರ್ಯಾಚರಣೆ ನಡೆಸಿ, ಲೋಕಾಯುಕ್ತರಿಗೆ ದೂರು ನೀಡಿದ್ದರು. ಅದರಂತೆ, ಮಂಗಳವಾರ 65 ಸಾವಿರ ರೂ ಹಣ ಸ್ವೀಕರಿಸುವಾಗ ಲೋಕಾಯುಕ್ತರು ದಾಳಿ ಮಾಡಿದ್ದು, ಆ ಹಣದ ಜೊತೆ ಧರ್ಮರಾಜ ಬೆಡಸಗಾಂವ್ ಅವರನ್ನು ಬಂಧಿಸಿದರು. ಈ ವೇಳೆ ನಡೆದ ಪ್ರಾಥಮಿಕ ತನಿಖೆಯಲ್ಲಿ ಧರ್ಮರಾಜ ಬೆಡಸಗಾಂವ್ ಅವರು ಹಣ ಬೇಡಿದ್ದು ಹಾಗೂ ಹಣ ಸ್ವೀಕರಿಸಿದ್ದು ಸಾಭೀತಾಗಿದ್ದು, ತಕ್ಷಣ ಅವರನ್ನು ವಶಕ್ಕೆಪಡೆದರು. ಕಾರವಾರ ಲೋಕಾಯುಕ್ತ ಅಧೀಕ್ಷಕ ಕುಮಾರಚಂದ್ರ ನೇತ್ರತ್ವದಲ್ಲಿ ಈ ದಾಳಿ ನಡೆದಿದ್ದು, ಧಾರವಾಡ ಲೋಕಾಯುಕ್ತರು ಕಾರ್ಯಾಚರಣೆಯಲ್ಲಿದ್ದರು. ದಾಳಿ ನಂತರ ವಿವಿಧ ಕಾನೂನು ಪ್ರಕ್ರಿಯೆಗಳು ಮುಂದುವರೆದಿದ್ದು, ಧರ್ಮರಾಜ ಬೆಡಸಗಾಂವ್ ಅವರನ್ನು ಕಾರವಾರದ ಕಾರಾಗೃಹಕ್ಕೆ ಸಾಗಿಸಲಾಗುತ್ತದೆ.
- [ಕೋಟಿ ರೂಪಾಯಿ: ಅಜ್ಜಿಯ ಕಾಸು ಹೊಡೆದ ಅಳಿಯ!](https://mobiletime.in/2026/06/crore-rupees-the-son-in-law-who-cheated-his-grandmother/): ಅಂಕೋಲಾ ತೆಂಕಣಕೇರಿಯ ಬೊಮ್ಮಯ್ಯ ದೇವಸ್ಥಾನ ಬಳಿಯಿರುವ ಗುಲಾಬಿ ನಾಯ್ಕ ಅವರಿಗೆ ಅವರ ಮಕ್ಕಳೇ ಮೋಸ ಮಾಡಿದ್ದಾರೆ. ಗುಲಾಬಿ ನಾಯ್ಕ ಅವರ ಪತಿ ಪಾಂಡುರoಗ ನಾಯ್ಕ ಅವರ ಬ್ಯಾಂಕ್ ಖಾತೆಯಲ್ಲಿದ್ದ 1 ಕೋಟಿಗೂ ಅಧಿಕ ಮೊತ್ತವನ್ನು ಪುತ್ರಿ ನಾಗಶ್ರೀ ನಾಯ್ಕ, ನಾಗಶ್ರೀ ನಾಯ್ಕ ಅವರ ಪತಿ ಸೂರಜ ನಾಯ್ಕ ಹಾಗೂ ಸೂರಜ ನಾಯ್ಕ ಅವರ ಅಕ್ಕ ಶೀಥಲ ನಾಯ್ಕ ಸೇರಿ ಲಪಟಾಯಿಸಿದ್ದಾರೆ. ಅಂಕೋಲಾ ತೆಂಕಣಕೇರಿಯ ಬೊಮ್ಮಯ್ಯ ದೇವಸ್ಥಾನ ಬಳಿ ಗುಲಾಬಿ ಪಾಂಡುರoಗ ನಾಯ್ಕ ಅವರು ವಾಸವಾಗಿದ್ದಾರೆ. ಗುಲಾಬಿ ನಾಯ್ಕ ಅವರು ಮೊದಲು ಸರ್ಕಾರಿ ಸೇವೆಯಲ್ಲಿದ್ದು, ನಿವೃತ್ತಿ ನಂತರ ವಿಶ್ರಾಂತಿ ಜೀವನ ನಡೆಸುತ್ತಿದ್ದಾರೆ. ಅವರಿಗೆ ಮೂವರು ಹೆಣ್ಣು ಮಕ್ಕಳಿದ್ದಾರೆ. ಆ ಪೈಕಿ ಕೊನೆಯ ಮಗಳಾದ ನಾಗಶ್ರೀ ನಾಯ್ಕ ಅವರನ್ನು ಪೂಜಗೇರಿ ರಸ್ತೆಯ ಶಂಕರ ನಾರಾಯಣ ದೇಗುಲ ಬಳಿಯ ಸೂರಜ ನಾಯ್ಕ ಅವರಿಗೆ ಮದುವೆ ಮಾಡಿ ಕೊಡಲಾಗಿದೆ. ನಾಗಶ್ರೀ ನಾಯ್ಕ ಅವರಿಗೆ ತಮ್ಮ ತಂದೆ-ತಾಯಿ ಅವರ ಬ್ಯಾಂಕ್ ಖಾತೆ ವಿವರಗಳೆಲ್ಲವೂ ಗೊತ್ತಿದ್ದು, ಅವರ ಎಟಿಎಂ ಕಾರ್ಡ, ಮೊಬೈಲ್ ಹಾಗೂ ಇನ್ನಿತರ ಬ್ಯಾಂಕ್ ವಹೀವಾಟು ಬಳಸಿಕೊಂಡು ನಾಗಶ್ರೀ ಸೂರಜ್ ನಾಯ್ಕ, ಸೂರಜ ಅರವಿಂದ ನಾಯ್ಕ ಹಾಗೂ ಶೀಥಲ ಅರವಿಂದ ನಾಯ್ಕ ಸೇರಿ 1.18 ಕೋಟಿ ರೂ ಲಪಟಾಯಿಸಿದ್ದಾರೆ. 70 ವರ್ಷದ ಗುಲಾಬಿ ನಾಯ್ಕ ಹಾಗೂ 75 ವರ್ಷದ ಪಾಂಡುರAಗ ನಾಯ್ಕ ಅವರು ಕೋಟ್ಯಧೀಶರಾಗಿದ್ದರೂ ಅದೆಲ್ಲವನ್ನು ಕಳೆದುಕೊಂಡು ಬೀದಿಗೆ ಬಿದ್ದಿದ್ದಾರೆ. ಪಾಸ್‌ಬುಕ್ ಮುದ್ರಣದ ನಂತರವೇ ಅವರ ಬ್ಯಾಂಕ್ ಖಾತೆ ಖಾಲಿಯಾಗಿರುವುದು ಗಮನಕ್ಕೆ ಬಂದಿದೆ. ಗುಲಾಬಿ ನಾಯ್ಕ ಅವರು ತಮ್ಮ ದುಡಿಮೆಯ ಹಣದ ಜೊತೆ ಪಿಂಚಣಿ ಹಣವನ್ನು ಕೂಡಿಟ್ಟಿದ್ದರು. ನಿವೃತ್ತಿ ನಂತರದ ಹಣ ಹಾಗೂ ಪಿಂಚಣಿ ಹಣವನ್ನು ಅವರು ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕಿನಲ್ಲಿ ಜಮಾ ಮಾಡಿದ್ದರು. ಜೊತೆಗೆ ಪಾಂಡುರoಗ ನಾಯ್ಕ ಹಾಗೂ ಗುಲಾಬಿ ನಾಯ್ಕ ಅವರು ಕೆನರಾ ಬ್ಯಾಂಕ್, ಪೋಸ್ಟ್ ಆಫೀಸ್ ಸೇರಿ ವಿವಿಧ ಕಡೆ ಬ್ಯಾಂಕ್ ಖಾತೆ ಹೊಂದಿದ್ದರು. 2022ರಲ್ಲಿ ಕೊನೆಯ ಮಗಳಾದ ನಾಗಶ್ರೀ ನಾಯ್ಕ ಅವರನ್ನು ಸೂರಜ ನಾಯ್ಕ ತೆಂಗಣಗೇರಿ ಅವರ ಜೊತೆ ಮದುವೆ ಮಾಡಿಕೊಟ್ಟಿದ್ದು, ಮನೆ ಹತ್ತಿರವೇ ವಾಸವಾಗಿದ್ದ ಆ ದಂಪತಿ ಆಗಾಗ ಭೇಟಿ ನೀಡಿ ಪ್ರೀತಿ-ವಿಶ್ವಾಸಗಳಿಸುವ ನಾಟಕ ಮಾಡಿದ್ದರು. ಅದಾದ ನಂತರ ವೃದ್ದಾಪ್ಯದ ಕಾರಣ ಪಾಂಡುರAಗ ನಾಯ್ಕ ದಂಪತಿಯನ್ನು ತಮ್ಮ ಮನೆಗೆ ಕರೆದೊಯ್ದು ಆರೈಕೆ ಮಾಡಿದ ಹಾಗೇ ನಟಿಸುತ್ತಿದ್ದರು. ಈ ನಡುವೆ ಶೀತಲ ನಾಯ್ಕ ಅವರ ಪ್ರಚೋದನೆಗೆ ಒಳಗಾದ ನಾಗಶ್ರೀ ನಾಯ್ಕ ಹಾಗೂ ಸೂರಜ ನಾಯ್ಕ ಮೊಬೈಲ್, ಎಟಿಎಂ ಬಳಸಿ ಪಾಂಡುರoಗ ನಾಯ್ಕ ಅವರ ಖಾತೆಯಿಂದ ಮೊದಲು 18 ಲಕ್ಷ ರೂ ಎಗರಿಸಿದರು. ಅದಾದ ನಂತರ ಅದೇ ರೀತಿ ಮುಂದುವರೆಸಿದ್ದು, ಒಮ್ಮೆ 79 ಲಕ್ಷ ರೂ, ಮತ್ತೆ 8.61 ಲಕ್ಷ ರೂ, ಅದಾದ ನಂತರ 6895ರೂ ಲಪಟಾಯಿಸಿದರು. ಮತ್ತೆ 13 ಲಕ್ಷ ರೂ ದೋಚಿದ ಆ ಮೂವರು ಅಂಚೆ ಇಲಾಖೆಯ ಖಾತೆಯಲ್ಲಿದ್ದ 1003ರೂಪಾಯಿಯನ್ನು ಸಹ ಬಿಡಲಿಲ್ಲ. ಆ ವೃದ್ಧ ದಂಪತಿ ಬ್ಯಾಂಕ್ ಪಾಸ್ ಬುಕ್ ಮುದ್ರಣ ಮಾಡಿಸಿದಾಗ ಅಲ್ಲಿದ್ದ ಹಣವೆಲ್ಲವೂ ಖಾಲಿ ಆಗಿತ್ತು. ಈ ಬಗ್ಗೆ ವಿಚಾರಿಸಿದಾಗ ಮಗಳು ಹಾಗೂ ಅಳಿಯ ಸೇರಿ ಮೋಸ ಮಾಡಿರುವುದು ಅರಿವಿಗೆ ಬಂದಿತು. ಮೊದಲು ಎಲ್ಲಾ ಹಣ ಕೊಡುವುದಾಗಿ ಹೇಳಿದ್ದ ಮೂವರು ಆರೋಪಿತರು ನಂತರ ಮತ್ತೆ ಹಣ ಕೇಳಿದರೆ ಕೈ ಕಾಲು ಮುರಿಯುವುದಾಗಿ ಬೆದರಿಸಿದರು. ಅನ್ಯಾಯಕ್ಕೆ ಒಳಗಾದ ಗುಲಾಬಿ ನಾಯ್ಕ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. `ಮಗಳು-ಅಳಿಯ ಹಾಗೂ ಅಳಿಯನ ಅಕ್ಕನಿಗೆ ಶಿಕ್ಷಿಸಿ. ತಮ್ಮ ಹಣ ಮರಳಿಸಿ’ ಎಂದು ಮನವಿ ಮಾಡಿದ್ದಾರೆ.
- [ಡಿವೈಡರಿಗೆ ಗುದ್ದಿದ ರಿಕ್ಷಾ: ಚಾಲಕ ಸಾವು!](https://mobiletime.in/2026/06/rickshaw-hits-divider-driver-dies/): ಶಿರಸಿಯಲ್ಲಿ ರಸ್ತೆ ಡಿವೈಡರ್‌ಗೆ ರಿಕ್ಷಾ ಗುದ್ದಿದ್ದು, ರಿಕ್ಷಾ ಪಲ್ಟಿಯಾದ ರಭಸಕ್ಕೆ ಚಾಲಕ ಸಾವನಪ್ಪಿದ್ದಾರೆ. ಆವೆ ಮರಿಯಾ ಶಾಲೆಯ ಎದುರುಗಡೆ ಈ ಅಪಘಾತ ನಡೆದಿದೆ. ಗಣೇಶ ನಗರದ ನಿವಾಸಿ ಮಹೇಶ ಗಾಂವ್ಕರ್ (31) ಶನಿವಾರ ರಾತ್ರಿ ಶಿರಸಿ ನಗರದಲ್ಲಿ ರಿಕ್ಷಾ ಓಡಿಸುತ್ತಿದ್ದರು. ಆವೆ ಮರಿಯಾ ಶಾಲೆಯ ಎದುರುಗಡೆ ಆ ರಿಕ್ಷಾ ನಿಯಂತ್ರಣ ತಪ್ಪಿತು. ರಿಕ್ಷಾ ಪಲ್ಟಿಯದ ಕಾರಣ ಅವರು ತಿರುಗಿ ಬಿದ್ದು ತಲೆ ಒಡೆದುಕೊಂಡರು. ರಿಕ್ಷಾ ರಸ್ತೆ ಮಧ್ಯದ ಡಿವೈಡರ್‌ಗೆ ಜೋರಾಗಿ ಅಪ್ಪಳಿಸಿದ ರಭಸಕ್ಕೆ ಅವರು ಅಲ್ಲಿಯೇ ಸಾವನಪ್ಪಿದರು. ಘಟನಾ ಸ್ಥಳಕ್ಕೆ ಶಿರಸಿ ಸಂಚಾರಿ ಪೊಲೀಸ್ ಠಾಣೆಯ ಪಿಎಸ್‌ಐ ದೇವೇಂದ್ರ ನಾಯ್ಕ್ ಹಾಗೂ ಸಿಬ್ಬಂದಿ ತಕ್ಷಣವೇ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮೃತದೇಹವನ್ನು ಆಸ್ಪತ್ರೆಗೆ ರವಾನಿಸಿ, ಅಪಘಾತಕ್ಕೀಡಾದ ವಾಹನವನ್ನು ತೆರವುಗೊಳಿಸಿದ್ದಾರೆ. ಸ್ಥಳದಲ್ಲಿ ಜನ ಜಮಾಯಿಸಿದ್ದು, ಸಂಚಾರ ದಟ್ಟಣೆ ಆಗದ ಹಾಗೇ ನೋಡಿಕೊಂಡಿದ್ದಾರೆ. ಪೊಲೀಸ್ ಪ್ರಕರಣವೂ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.
- [ಅಪಘಾತ: ಮಾನವೀಯತೆ ಮೆರೆದ ಲಾರಿ ಸಂಘ!](https://mobiletime.in/2026/06/accident-humane-lorry-association/): ಅoಕೋಲಾದ ಬಾಳೆಗುಳಿ ಕ್ರಾಸಿನಲ್ಲಿ ಶಿಪ್ಟ್ ಕಾರು ಹಾಗೂ ಶ್ರೀಕುಮಾರ ಲಾರಿ ನಡುವೆ ಅಪಘಾತವಾಗಿದೆ. ಕಾರಿನಲ್ಲಿದ್ದವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದು, ಈ ವೇಳೆ ಅಲ್ಲಿಯೇ ಇದ್ದ ಲಾರಿ ಮಾಲಕರ ಸಂಘದ ಸದಸ್ಯರು ಗಾಯಗೊಂಡವರನ್ನು ಆಸ್ಪತ್ರೆಗೆ ಸೇರಿಸಿದ್ದಾರೆ. ಸೋಮವಾರ ಸಂಜೆ ಗೋವಾ ನೋಂದಣಿಯ ಶಿಪ್ಟ್ ಕಾರು ಅಂಕೋಲಾದಿoದ ಕಾರವಾರ ಕಡೆ ವೇಗವಾಗಿ ಸಂಚರಿಸುತ್ತಿತ್ತು. ಬಾಳೆಗುಳಿ ಬಳಿಯ ಗ್ಯಾರೇಜಿನಲ್ಲಿದ್ದ ಶ್ರೀಕುಮಾರ ಲಾರಿ ಈ ವೇಳೆ ಯಲ್ಲಾಪುರದ ಕಡೆ ಸಂಚರಿಸುವ ಸಿದ್ಧತೆ ನಡೆಸಿದ್ದು, ಆ ಕಾರು ಲಾರಿಗೆ ಡಿಕ್ಕಿ ಹೊಡೆಯಿತು. ಡಿಕ್ಕಿ ರಭಸಕ್ಕೆ ಕಾರು ನುಚ್ಚು ನೂರಾಗಿದ್ದು, ಕಾರಿನಲ್ಲಿದ್ದ ಐದು ಜನ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಗಾಯಗೊಂಡವರ ಹೆಸರು-ವಿಳಾಸ ಪತ್ತೆಯಾಗಲಿಲ್ಲ. ಈ ವೇಳೆ ಅಲ್ಲಿದ್ದ ಜನ ಆಂಬುಲೆನ್ಸಿಗೆ ಫೋನ್ ಮಾಡಿದರು. ಈ ವೇಳೆ ಲಾರಿ ಮಾಲಕರ ಸಂಘದ ಜಿಲ್ಲಾಧ್ಯಕ್ಷ ವಿಶ್ವಜಿತ್ ನಾಯಕ ಅವರು ಅಲ್ಲಿಗೆ ಆಗಮಿಸಿದ್ದು, ಆಂಬುಲೆನ್ಸ ಬರಲು ತಡವಾಗುವುದನ್ನು ಅರಿತು ಬುಲೇರೋ ಜೀಪಿನ ಮೂಲಕ ಗಾಯಾಳುವನ್ನು ಆಸ್ಪತ್ರೆಗೆ ಸಾಗಿಸಿದರು. ಸಾವು-ಬದುಕಿನ ನಡುವೆ ಹೋರಾಟುತ್ತಿದ್ದ ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಲು ವಿಶ್ವಜಿತ್ ನಾಯಕ ಅವರ ಜೊತೆಗಿದ್ದ ಯಲ್ಲಾಪುರ ಲಾರಿ ಮಾಲಕರ ಸಂಘದ ಅಧ್ಯಕ್ಷ ಸುಜಯ ಮರಾಠ, ಬ್ರೀಜೇಶ್ ನಾಯಕ ಅವರ್ಸಾ, ಗೋಪೇಶ ನಾಯಕ ಅವರ್ಸ, ರೋಷನ್ ಡಯಸ್ ಅವರು ಸಹಕರಿಸಿದರು. ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದ ಗಾಯಾಳುವನ್ನು ಆದಿತ್ಯ ಕಲ್ಗುಟ್ಕರ್ ಅವರು ತಮ್ಮ ಜೀಪಿನಲ್ಲಿ ಆಸ್ಪತ್ರೆಯವರೆಗೆ ಸಾಗಿಸಿದರು.
- [ಹಸಿದು ಬಂದವರಿಗೆ ಹೊಡೆದು ಕಳುಹಿಸಿದ ಹೊಟೇಲ್ ಮಾಲಕ!](https://mobiletime.in/2026/06/hotel-owner-who-beat-and-sent-away-hungry-guests/): ಹಸಿದ ಹೊಟ್ಟೆಗೆ ಊಟ ಕೊಡಲು ಯೋಗ್ಯತೆ ಇಲ್ಲದ ಕುಮಟಾದ ಗೋವರ್ಧನ ರೆಸ್ಟೋರೆಂಟಿನವರು ಊಟ ಬಯಸಿ ಬಂದ ಭಿಕ್ಷುಕರಿಬ್ಬರ ಮೇಲೆ ಹಲ್ಲೆ ಮಾಡಿದ್ದಾರೆ. `ಹಣ ಕೊಟ್ಟು ಊಟ ಮಾಡುತ್ತೇವೆ’ ಎಂದರೂ ಅವರಿಗೆ ಊಟ ಕೊಡಲು ನಿರಾಕರಿಸಿ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಸಾಗರ ತಾಲೂಕಿನ ಆಲಮಟ್ಟಿ ಗ್ರಾಮದ ರಮೇಶ ಹಾಗೂ ದ್ಯಾಮವ್ವ ದಂಪತಿ ಯಲ್ಲಮ್ಮ ದೇವಿಯ ಮೂರ್ತಿ ಹೊತ್ತು ಭಿಕ್ಷೆ ಬೇಡಿ ಜೀವನ ನಡೆಸುತ್ತಿದ್ದಾರೆ. ರಾಜ್ಯದಲ್ಲಿ ಭಿಕ್ಷಾಟನೆ ನಿಷೇಧವಿದ್ದರೂ ಅದರ ಅರಿವಿಲ್ಲದೇ ಆ ದಂಪತಿ ದೇವರ ಹೆಸರಿನಲ್ಲಿ ಎಲ್ಲಡೆ ಸಂಚರಿಸಿ ಕಾಸು ಸಂಗ್ರಹಿಸುತ್ತಾರೆ. ಸೋಮವಾರ ಮಧ್ಯಾಹ್ನ ಹೊಟ್ಟೆ ಹಸಿದ ಕಾರಣ ಜನರಿಂದ ಸಂಗ್ರಹಿಸಿದ ಚಿಲ್ಲರೆ ಹಣ ಬಳಸಿ ಊಟ ಮಾಡಲು ಅವರು ನಿರ್ಧರಿಸಿದ್ದಾರೆ. ಇದಕ್ಕಾಗಿ ಆ ದಂಪತಿ ಕುಮಟಾ ಹೊಸ ಬಸ್ ನಿಲ್ದಾಣ ಬಳಿಯ ಗೋವರ್ಧನ ರೆಸ್ಟೋರೆಂಟಿನ ಒಳಗೆ ಪ್ರವೇಶಿಸಿದ್ದಾರೆ. ಆ ದಂಪತಿಯ ವೇಷ-ಭೂಷಣ ನೋಡಿದ ಹೊಟೇಲಿನವರು ಅವರನ್ನು ಹೊರಗೆ ದಬ್ಬಿದ್ದಾರೆ. `ಕಾಸು ಕೊಟ್ಟು ಊಟ ಮಾಡುತ್ತೇವೆ’ ಎಂದರೂ ಸಹ ಅದಕ್ಕೆ ಅವಕಾಶ ಕೊಟ್ಟಿಲ್ಲ. ಅಲ್ಲಿಯೇ ಇದ್ದ ಭಿಕ್ಷÄಕ ದಂಪತಿ ಮೇಲೆ ಹೊಟೇಲಿನವರು ಹಲ್ಲೆ ಮಾಡಿದ್ದು, ಇದನ್ನು ನೋಡಿ ಅಲ್ಲಿ ಜನ ಜಮಾಯಿಸಿದ್ದಾರೆ. ಹೋಟೆಲ್ ಮಾಲಕ ಗಣೇಶ ನಾಯ್ಕ ಹಾಗೂ ಸೆಕ್ಯೂರಿಟಿ ಗಾರ್ಡ್ ಸೇರಿ ಭಿಕ್ಷುಕರಿಬ್ಬರ ಮೇಲೆ ದಾಳಿ ಮಾಡಿದ್ದಾರೆ. `ಊಟ ಕೊಡಲಾಗದಿದ್ದರೂ ಪರವಾಗಿಲ್ಲ. ಹೊಡೆಯಬೇಡಿ’ ಎಂದು ಆ ದಂಪತಿ ಅಂಗಲಾಚಿದರೂ ಗಣೇಶ ನಾಯ್ಕ ಅವರು ತಮ್ಮ ಸಿಟ್ಟು ಕಡಿಮೆ ಆಗುವವರೆಗೂ ಥಳಿಸಿದ್ದಾರೆ. ಅದಾದ ನಂತರ ಜಮಾಯಿಸಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಪಿಸೈ ಖಾದರ್ ಭಾಷಾ ಹಾಗೂ ರವಿ ಗುಡ್ಡಿ ಅವರು ರಿಕ್ಷಾ ಮೂಲಕ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ.
- [ಅವೈಜ್ಞಾನಿಕ ಕಾಮಗಾರಿ ವಿರುದ್ಧ ಆಕ್ರೋಶ!](https://mobiletime.in/2026/06/outrage-against-unscientific-work/): ಶಿರಸಿಯ ಅನೇಕ ಕಡೆ ಅವೈಜ್ಞಾನಿಕ ಕೆಲಸ ನಡೆಯುತ್ತಿದ್ದು, ಅದರಿಂದ ಜನ ಸಮಸ್ಯೆಗೆ ಸಿಲುಕಿದ್ದಾರೆ. ಹೀಗಾಗಿ ಆ ಅವೈಜ್ಞಾನಿಕ ಕಾಮಗಾರಿಗಳ ವಿರುದ್ಧ ಜೆಡಿಎಸ್ ನಾಯಕ ಉಪೇಂದ್ರ ಪೈ ಅವರು ತಿರುಗಿ ಬಿದ್ದಿದ್ದಾರೆ. ಅವೈಜ್ಞಾನಿಕ ರಸ್ತೆ ಕಾಮಗಾರಿಯಿಂದ ಸಾರ್ವಜನಿಕರು ಹಾಗೂ ವಾಹನ ಸವಾರರು ತೀವ್ರ ತೊಂದರೆ ಅನುಭವಿಸುತ್ತಿರುವ ಬಗ್ಗೆ ಉಪೇಂದ್ರ ಪೈ ಅವರು ಅಧಿಕಾರಿಗಳ ಗಮನಸೆಳೆದಿದ್ದಾರೆ. ಅರೆಬರೆ ಕೆಲಸದಿಂದಾಗಿ ಅಪಘಾತ ಪ್ರಮಾಣ ಹೆಚ್ಚಾಗುತ್ತಿದೆ ಎಂದು ದೂರಿದ ಅವರು ರಿಕ್ಷಾ ಸಂಘಟನೆಯವರ ಜೊತೆ ಸೇರಿ ಪ್ರತಿಭಟನೆಯನ್ನು ಮಾಡಿದ್ದಾರೆ. ಉಪೇಂದ್ರ ಪೈ ಅವರು ಪ್ರತಿಭಟನೆ ಮಾಡುವ ಸುದ್ದಿ ಕೇಳಿ ಅನೇಕರು ಅಲ್ಲಿ ಜಮಾಯಿಸಿದ್ದು, ಅವರಿಗೆ ಬೆಂಬಲವ್ಯಕ್ತಪಡಿಸಿದ್ದಾರೆ. ಶಿರಸಿ ನಗರದ ಪಂಡಿತ ಸಾರ್ವಜನಿಕ ಆಸ್ಪತ್ರೆಯಿಂದ ಸಾಮ್ರಾಟ ಹೊಟೆಲಿನವರೆಗೆ ಕೈಗೊಂಡಿರುವ ದ್ವಿಪಥ ರಸ್ತೆ ಅಭಿವೃದ್ಧಿ ಕಾಮಗಾರಿಯ ಬಗ್ಗೆ ಪ್ರತಿಭಟನಾಕಾರರು ಪ್ರಶ್ನೆ ಕೇಳಿದ್ದಾರೆ. ಕಳೆದ ಹಲವು ವರ್ಷಗಳಿಂದ ಈ ಕೆಲಸ ಕುಂಟುತ್ತ ಸಾಗುತ್ತಿದ್ದು, ರಸ್ತೆ ಅಗಲೀಕರಣ ಕಾಮಗಾರಿ ಪೂರ್ಣಗೊಳ್ಳದ ಕಾರಣ ಜನ ಸಮಸ್ಯೆ ಅನುಭವಿಸುತ್ತಿರುವ ಬಗ್ಗೆ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಪಂಡಿತ ಸಾರ್ವಜನಿಕ ಆಸ್ಪತ್ರೆಯಿಂದ ಉಪಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿವರೆಗೆ ರಸ್ತೆಯ ಮಧ್ಯಭಾಗದಲ್ಲಿ ಡಿವೈಡರ್ ಅಳವಡಿಸಲಾಗಿದ್ದರೂ, ರಸ್ತೆಯ ಅಗಲವನ್ನು ಸಮರ್ಪಕವಾಗಿ ವಿಸ್ತರಿಸದಿರುವ ಬಗ್ಗೆ ಅಸಮಧಾನವ್ಯಕ್ತಪಡಿಸಿದ್ದಾರೆ. `ಈಗಾಗಲೇ ಈ ಭಾಗದಲ್ಲಿ ರಸ್ತೆ ಕಿರಿದಾಗಿದ್ದು, ಡಿವೈಡರ್ ನಿರ್ಮಾಣದ ಬಳಿಕ ವಾಹನಗಳು ಒಂದನ್ನೊAದು ದಾಟಲು ಕಷ್ಟಪಡುತ್ತಿವೆ. ಈ ರಸ್ತೆಯ ಎರಡೂ ಬದಿಗಳಲ್ಲಿ ಪ್ರಮುಖ ಶಿಕ್ಷಣ ಸಂಸ್ಥೆಗಳು ಕಾರ್ಯನಿರ್ವಹಿಸುತ್ತಿದ್ದು, ಪ್ರತಿದಿನ ಬೆಳಿಗ್ಗೆ ಮತ್ತು ಸಂಜೆ ವೇಳೆಯಲ್ಲಿ ಸಾವಿರಾರು ವಿದ್ಯಾರ್ಥಿಗಳು ಹಾಗೂ ಪೋಷಕರು ಸಂಚರಿಸುತ್ತಾರೆ. ಶಾಲೆ ಬಿಡುವ ಸಮಯದಲ್ಲಿ ವಾಹನಗಳ ದಟ್ಟಣೆ ಹೆಚ್ಚಾಗಿ ವಿದ್ಯಾರ್ಥಿಗಳು ರಸ್ತೆ ದಾಟಲು ಸಮಸ್ಯೆ ಅನುಭವಿಸುತ್ತಿದ್ದಾರೆ’ ಎಂದು ಅಲ್ಲಿ ಸೇರಿದ್ದ ಜನ ವಿವರಿಸಿದ್ದಾರೆ. `ನಗರದ ಪ್ರಮುಖ ಸಂಪರ್ಕ ರಸ್ತೆಯಾಗಿರುವ ಈ ಮಾರ್ಗದಲ್ಲಿ ಪ್ರತಿದಿನ ನೂರಾರು ವಾಹನಗಳು ಸಂಚರಿಸುತ್ತವೆ. ಕಾಮಗಾರಿ ವಿಳಂಬದಿAದ ವಾಹನ ದಟ್ಟಣೆ ಹೆಚ್ಚುತ್ತಿದ್ದು, ತುರ್ತು ಸೇವೆಗಳ ವಾಹನಗಳ ಸಂಚಾರಕ್ಕೂ ಅಡಚಣೆ ಉಂಟಾಗುತ್ತಿದೆ. ವಿಶೇಷವಾಗಿ ಆಸ್ಪತ್ರೆ ಸಮೀಪದ ಭಾಗದಲ್ಲಿ ಆಂಬುಲೆನ್ಸ್ಗಳ ಸಂಚಾರಕ್ಕೆ ತೊಂದರೆಯಾಗುತ್ತಿದೆ. ರಸ್ತೆ ಅಭಿವೃದ್ಧಿ ಕಾಮಗಾರಿಯನ್ನು ಶೀಘ್ರ ಪೂರ್ಣಗೊಳಿಸಿ, ಡಿವೈಡರ್‌ನಿಂದ ಉಂಟಾಗಿರುವ ಸಂಚಾರ ಸಮಸ್ಯೆಗೆ ಪರಿಹಾರ ಕಂಡುಹಿಡಿಯಬೇಕು’ ಎಂದು ಆಗ್ರಹಿಸಿದ್ದಾರೆ.
- [ಲೆಕ್ಕ ಕೊಡದ ಅರಣ್ಯ ಇಲಾಖೆ!](https://mobiletime.in/2026/06/unaccountable-forest-department/): ನಡುತೋಪು ಕಾಮಗಾರಿ ಹೆಸರಿನಲ್ಲಿ ಮೂರು ವರ್ಷದ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ನೆಟ್ಟ ಗಿಡಗಳ ಬಗ್ಗೆ ಶಿರಸಿಯ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಲೆಕ್ಕ ಕೇಳಿದ್ದು, ಅರಣ್ಯ ಇಲಾಖೆ ಆ ಲೆಕ್ಕ ಕೊಟ್ಟಿಲ್ಲ. ಈ ತಿಂಗಳ ಅಂತ್ಯದೊಳಗೆ ಉತ್ತರ ನೀಡದೇ ಇದ್ದರೆ ಉಗ್ರ ಹೋರಾಟ ನಡೆಸುವುದಾಗಿ ಅವರು ಎಚ್ಚರಿಸಿದ್ದಾರೆ. ಮೂರು ವರ್ಷದ ಅವಧಿಯಲ್ಲಿ ಅರಣ್ಯದಲ್ಲಿ ನೆಟ್ಟ ಗಿಡ ಎಷ್ಟು? ಅದರಲ್ಲಿ ಬದುಕಿದ್ದು ಎಷ್ಟು? ಎಂದು ರವೀಂದ್ರ ನಾಯ್ಕ ಅವರು ಪ್ರಶ್ನಿಸಿದ್ದಾರೆ. ಮಾಹಿತಿ ಹಕ್ಕು ಕಾಯ್ದೆ ಅಡಿ ಅವರು ಅರ್ಜಿ ಸಲ್ಲಿಸಿದರೂ ಅದಕ್ಕೆ ಈವರೆಗೆ ಉತ್ತರ ಸಿಕ್ಕಿಲ್ಲ. 30 ದಿನಗಳ ಒಳಗೆ ಉತ್ತರಿಸದೇ ಇದ್ದರೆ ಅರಣ್ಯಾಧಿಕಾರಿ ಕಚೇರಿ ಮುಂದೆ ಪ್ರತಿಭಟಿಸುವುದಾಗಿ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯಿಂದ ಅವರು ಹೇಳಿಕೆ ಬಿಡುಗಡೆ ಮಾಡಿದ್ದಾರೆ. ದಶ ಲಕ್ಷ ಗಿಡ ನೆಡುವ ಅಭಿಯಾನದ ಅಂಗವಾಗಿ ರವೀಂದ್ರ ನಾಯ್ಕ ಅವರು ಮುಂಡಗೋಡಿನ ನಂದಿಕಟ್ಟದಲ್ಲಿ ಗಿಡ ನಾಟಿ ಮಾಡಿದ್ದು, ಈ ವೇಳೆ ಅರಣ್ಯ ಇಲಾಖೆಯ ಗಿಡ ನೆಡುವ ಕಾರ್ಯಕ್ರಮದ ಬಗ್ಗೆ ಮಾತನಾಡಿದ್ದಾರೆ. `ನಡುತೋಪು ಕಾಮಗಾರಿಗೆ ವಿಷಯವಾಗಿ ಸಾಕಷ್ಟು ಟೀಕೆಗಳು ಬರುತ್ತಿದೆ. ಹೀಗಾಗಿ ಆ ವಿಷಯವಾಗಿ ಮಾಹಿತಿ ಪ್ರಕಟಿಸಲು ಅರ್ಜಿ ಸಲ್ಲಿಸಲಾಗಿದೆ. ಅದನ್ನು ಅಧಿಕಾರಿಗಳು ಬಹಿರಂಗಪಡಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ.  
- [ಸಣ್ಣ ಸಣ್ಣ ವಿಷಯಕ್ಕೆ ಜಗಳ: ಚಾಕು ಚುಚ್ಚಿ ಕೊಲೆ!](https://mobiletime.in/2026/06/a-fight-over-a-small-matter-murder-with-a-knife/): ಕಾರವಾರದ ನದಿವಾಡದಲ್ಲಿ ನಡೆದ ಗಲಾಟೆಯಲ್ಲಿ ಚಾಕು ಚುಚ್ಚಿಸಿಕೊಂಡಿದ್ದ ರೋಷನ್ ಹುಲಸ್ವಾರ್ ಅವರು ಸಾವನಪ್ಪಿದ್ದಾರೆ. ಮಂಗಳೂರಿನ ಎ ಜೆ ಆಸ್ಪತ್ರೆ ಹಾಗೂ ವೆನ್‌ಲಾಕ್ ಆಸ್ಪತ್ರೆಯ ವೈದ್ಯರಿಂದಲೂ ರೋಷನ್ ಹರಿಕಂತ್ರ ಅವರನ್ನು ಬದುಕಿಸಲು ಆಗಲಿಲ್ಲ. ಕಾರವಾರದ ನದಿವಾಡದ ಸಂತೋಷಿಮಾತಾ ದೇಗುಲ ಬಳಿ ಜೂನ್ 7ರಂದು ಗಲಾಟೆ ನಡೆದಿತ್ತು. ಆ ದಿನ ರಾತ್ರಿ 9.30ರ ಸುಮಾರಿಗೆ ಅಲ್ಲಿನ ಆಟದ ಮೈದಾನದಲ್ಲಿ ಅಂಬೇಡ್ಕರ್ ಕಾಲೋನಿಯ ಸಂಜಯ ಸತೀಶ ಮಾಂಗ್ರೇಕರ್ ಅವರು ರೋಷನ್ ಪ್ರದೀಪ ಹುಲಸ್ವಾರ್ ಅವರ ಮೇಲೆ ದಾಳಿ ಮಾಡಿದ್ದರು. ವೆಲ್ಡಿಂಗ್ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದ ರೋಷನ್ ಹರಿಕಂತ್ರ ಅವರು ಚಾಕುವಿನ ದಾಳಿಗೆ ಸಿಲುಕಿ ತತ್ತರಿಸಿದ್ದರು. ಸೊಂಟ ಹಾಗೂ ಹೊಟ್ಟೆಗೆ ಚಾಕು ಚಿಚ್ಚಿದ ಪರಿಣಾಮ ರೋಷನ್ ಹುಲಸ್ವಾರ್ ಅವರು ಕುಸಿದು ಬಿದ್ದಿದ್ದರು. ಅದಾದ ನಂತರ ಪೊಲೀಸರು ಆರೋಪಿ ಸಂಜಯ್ ಮಾಂಗ್ರೇಕರ್ ಅವರನ್ನು ಬಂಧಿಸಿದ್ದರು. ರೋಷನ್ ಹುಲಸ್ವಾರ್ ಅವರನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಿ, ನಂತರ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿನ ಎಜೆ ಆಸ್ಪತ್ರೆಗೆ ಕಳುಹಿಸಲಾಯಿತು. ಅಲ್ಲಿನ ವೈದ್ಯರು ರೋಷನ್ ಹುಲಸ್ವಾರ್ ಅವರನ್ನು ಉಳಿಸಿಕೊಳ್ಳಲು ಸಾಕಷ್ಟು ಪ್ರಯತ್ನ ಮಾಡಿದರು. ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ವೆನ್‌ಲಾಕ್ ಆಸ್ಪತ್ರೆಗೆ ಅವರನ್ನು ಕರೆದೊಯ್ಯಲಾಯಿತು. ಆದರೆ, ಅಲ್ಲಿಯೂ ಅವರನ್ನು ಬದುಕಿಸಲು ಸಾಧ್ಯವಾಗಲಿಲ್ಲ. ಹಳೇ ದ್ವೇಷದ ಹಿನ್ನೆಲೆ ನಡೆದ ಗಲಾಟೆ ಪರಿಣಾಮ ಜೂನ್ 21ರಂದು ರೋಷನ್ ಹುಲಸ್ವಾರ್ ಅವರು ಸಾವನಪ್ಪಿದರು. 21ನೇ ವಯಸ್ಸಿನಲ್ಲಿಯೇ ಅವರು ಬಾರದ ಲೋಕಕ್ಕೆ ತೆರಳಿದ ಬಗ್ಗೆ ಕುಟುಂಬದವರು ಆಘಾತಕ್ಕೆ ಒಳಗಾದರು. ಚಾಕು ಚುಚ್ಚಿದ ಆರೋಪಿ ಸಂಜಯ್ ಮಾಂಗ್ರೇಕರ್ ಅವರಿಗೂ ಈಗಿನ್ನು 20 ವರ್ಷವಾಗಿದ್ದು, ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಪ್ರತಿಭೆಗೆ ಸಿಕ್ಕ ಅವಕಾಶ: ಸಾಧನೆ ಮಾಡಿದ ಪೋರನ ಜಪಾನ್ ಪ್ರವಾಸ!](https://mobiletime.in/2026/06/invitation-from-japan-travel-abroad-on-government-money/): ಕುಮಟಾದ ಆಕಾಶ ಹರಿಕಂತ್ರ ಅವರಿಗೆ ಜಪಾನ್ ಸರ್ಕಾರ ಆಹ್ವಾನ ನೀಡಿದೆ. ಹೀಗಾಗಿ ಅವರು ವಿಮಾನ ಏರಿ ಜಪಾನ್’ಗೆ ಹೊಗಿ ಬಂದಿದ್ದಾರೆ. ಕುಮಟಾದ ಕೋಡ್ಕಣಿ ಬಳಿಯ ಆಕಾಶ ಹರಿಕಂತ್ರ ಅವರು ಸದ್ಯ ನೆಲ್ಲಿಕೇರಿ ಸರ್ಕಾರಿ ಹನುಮಂತ ಬೆಣ್ಣೆ ಪದವಿ ಪೂರ್ವ ಕಾಲೇಜಿನಲ್ಲಿ ಓದುತ್ತಿದ್ದಾರೆ. ದ್ವಿತೀಯ ಪಿಯುಸಿ ವಿಜ್ಞಾನ ವಿಭಾಗದ ವಿದ್ಯಾರ್ಥಿಯಾಗಿರುವ ಅವರು 1ರಿಂದ 7ನೇ ತರಗತಿಯವರಿಗೆ ಕೊಡ್ಕಣಿ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಓದಿದ್ದಾರೆ. 8ರಿಂದ 10ನೇ ತರಗತಿಯವರೆಗೆ ಬರ್ಗಿಯ ಸರ್ಕಾರಿ ಪ್ರೌಢಶಾಲೆಯಲ್ಲಿ ಕನ್ನಡ ಮಾಧ್ಯಮದಲ್ಲಿ ವ್ಯಾಸಾಂಗ ಮಾಡಿದ್ದಾರೆ. 8ನೇ ತರಗತಿಯಲ್ಲಿದ್ದಾಗ NMMS ಪರೀಕ್ಷೆ ಎದುರಿಸಿದ್ದ ಆಕಾಶ ಹರಿಕಂತ್ರ ಅವರು SSLCಯಲ್ಲಿಯೂ 621 ಅತ್ಯುತ್ತಮ ಅಂಕಪಡೆದಿದ್ದರು. ಅದರ ಪರಿಣಾಮ ಅವರಿಗೆ ಜಪಾನ್ ದೇಶ ಆಹ್ವಾನ ನೀಡಿದ್ದು, ಸದ್ಯ ಅಲ್ಲಿಗೆ ಭೇಟಿ ನೀಡಿ ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಜಾಗತಿಕ ಮಟ್ಟದ ಅನುಭವವನ್ನು ಪಡೆದಿದ್ದಾರೆ. ಪ್ರತಿಭೆ ಹೊಂದಿರುವ ವ್ಯಕ್ತಿಗಳಿಗೆ ಜಾಗತಿಕ ಮನ್ನಣೆ ದೊರೆಯಲಿದೆ ಎನ್ನುವುದಕ್ಕೆ ಗ್ರಾಮೀಣ ಪ್ರದೇಶದ ಸರ್ಕಾರಿ ಕನ್ನಡ ಮಾಧ್ಯಮ ಶಾಲೆಯ ವಿದ್ಯಾರ್ಥಿಯಾಗಿರುವ ಆಕಾಶ ಹರಿಕಂತ್ರ ಅವರು ಸಾಕ್ಷಿಯಾಗಿದ್ದಾರೆ. ಶಿಸ್ತು ಮತ್ತು ತಂತ್ರಜ್ಞಾನದ ದೇಶ ಎನಿಸಿರುವ ಜಪಾನ್ ಸರ್ಕಾರವು ತನ್ನ ಪ್ರತಿಷ್ಠಿತ ಸಕುರ ಸ್ಟೂಡೆಂಟ್ ಎಕ್ಸ್ಚೇಂಜ್ ಪ್ರೋಗ್ರಾಂ ಅಡಿಯಲ್ಲಿ ಅವರನ್ನು ಆಹ್ವಾನಿಸಿ ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಜಾಗತಿಕ ಮಟ್ಟದ ಅನುಭವವನ್ನು ಕಟ್ಟಿ ಕಳುಹಿಸಿದೆ. ಜಪಾನ್ ದೇಶದ ಶೈಕ್ಷಣಿಕ ವಾತಾವರಣ, ಸಂಶೋಧನಾ ಕೇಂದ್ರಗಳು ಮತ್ತು ಪ್ರಸಿದ್ಧ ವಿಶ್ವವಿದ್ಯಾಲಯಗಳಿಗೆ ಭೇಟಿ ನೀಡುವ ಅಪರೂಪದ ಅವಕಾಶ ಆಕಾಶ್ ಅವರಿಗೆ ಈ ಕಾರ್ಯಕ್ರಮದ ಮೂಲಕ ದೊರಕಿತ್ತು. ಪ್ರವಾಸದ ಅವಧಿಯಲ್ಲಿ ಅವರು ಜಪಾನಿನ ಸುಧಾರಿತ ವಿಜ್ಞಾನ ಪ್ರಯೋಗಾಲಯಗಳು ಮತ್ತು ಐತಿಹಾಸಿಕ ತಾಣಗಳಿಗೆ ಅವರು ಭೇಟಿ ನೀಡಿದ್ದರು. ಈ ಪ್ರವಾಸದ ಮುಖ್ಯ ಉದ್ದೇಶ ವಿದ್ಯಾರ್ಥಿಗಳಲ್ಲಿ ವೈಜ್ಞಾನಿಕ ಮನೋಭಾವವನ್ನು ಬೆಳೆಸುವುದಾಗಿತ್ತು. ಜಪಾನ್‌ನ ಪ್ರಸಿದ್ಧ ವಿಶ್ವವಿದ್ಯಾಲಯಗಳು ಮತ್ತು ಅತ್ಯಾಧುನಿಕ ಸಂಶೋಧನಾ ಕೇಂದ್ರಗಳಿಗೆ ಭೇಟಿಗೆ ವ್ಯವಸ್ಥೆ ಮಾಡುವು ಮೂಲಕ ಜಪಾನ್ ಹೊಸತನಕ್ಕೆ ಎಷ್ಟ್ಟು ಆದ್ಯತೆ ನೀಡುತ್ತದೆ ಎಂಬುದನ್ನು ತಿಳಿಸಲಾಯಿತು. ವಿದ್ಯಾರ್ಥಿಗಳಿಗೆ ಅಲ್ಲಿನ ಸಂಶೋಧಕರು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಮತ್ತು ಭವಿಷ್ಯದ ತಂತ್ರಜ್ಞಾನವಾದ ಕ್ವಾಂಟಮ್ ಕಂಪ್ಯೂಟಿAಗ್ ಕ್ಷೇತ್ರದಲ್ಲಿ ನಡೆಸುತ್ತಿರುವ ಅದ್ಭುತ ಪ್ರಯೋಗಗಳನ್ನು ಕಣ್ಣಾರೆ ವೀಕ್ಷಿಸುವ ಅವಕಾಶ ಸಿಕ್ಕಿತು. ಬಾಹ್ಯಾಕಾಶ ಸಂಶೋಧನೆಯ ಹೆಮ್ಮೆಯ ಸಂಕೇತವಾದ ಸ್ಪೇಸ್ ಸೆಂಟರ್ ಹಾಗೂ ಜಪಾನ್‌ನ ವಿಶ್ವವಿಖ್ಯಾತ ಸಂಶೋಧನಾ ಸಂಸ್ಥೆಗಳಾದ ರಿಕೆನ್ ಮತ್ತು ಮಿರಾಕನ್ ಗಳಿಗೆ ಭೇಟಿ ನೀಡಲು ವ್ಯವಸ್ಥೆ ಮಾಡಲಾಗಿತ್ತು. ಕರ್ನಾಟಕ ರಾಜ್ಯದಿಂದ 4 ವಿದ್ಯಾರ್ಥಿಗಳು ಮಾತ್ರ ಈ ಪ್ರವಾಸಕ್ಕೆ ಆಯ್ಕೆಯಾಗಿದ್ದು, ಮೇ 23ರಿಂದ 30ರವರೆಗೆ ನಡೆದ ಈ ಶೈಕ್ಷಣಿಕ ಪ್ರವಾಸಕ್ಕೆ ವಿಶೇಷ ವೀಸಾ ವ್ಯವಸ್ಥೆ ಮತ್ತು ಪ್ರವಾಸದ ಸಂಪೂರ್ಣ ವೆಚ್ಚವನ್ನು ಜಪಾನ್ ಸರ್ಕಾರವೇ ಭರಿಸಿತ್ತು. ವಿದ್ಯಾರ್ಥಿಗಳಿಗೆ ಅತ್ಯುತ್ತಮ ವಸತಿ ವ್ಯವಸ್ಥೆ ಹಾಗೂ ಪ್ರವಾಸದ ಮಾರ್ಗದರ್ಶನಕ್ಕಾಗಿ ಪ್ರತ್ಯೇಕ ಕೋ-ಆರ್ಡಿನೇಟರ್ (ಸಂಯೋಜಕರು) ನೇಮಿಸಲಾಗಿತ್ತು. ಸಾಕುರಾ ಸೈನ್ಸ್ ಎಕ್ಸ್ಚೇಂಜ್ ಪ್ರೋಗ್ರಾಂ ಇದು ಅಂತರರಾಷ್ಟ್ರೀಯ ಯುವ ವಿಜ್ಞಾನ ವಿನಿಮಯ ಕಾರ್ಯಕ್ರಮವಾಗಿದ್ದು, ಪ್ರಪಂಚದ ಪ್ರತಿಭಾವಂತ ಯುವಕರನ್ನು ಅಲ್ಪಾವಧಿಗೆ ಜಪಾನ್‌ಗೆ ಆಹ್ವಾನಿಸಲಾಗುತ್ತದೆ. ಜಪಾನ್‌ನ ಅತ್ಯಾಧುನಿಕ ವಿಜ್ಞಾನ ಮತ್ತು ತಂತ್ರಜ್ಞಾನವನ್ನು ಹತ್ತಿರದಿಂದ ನೋಡುವುದು ಮತ್ತು ಜಪಾನ್‌ನ ಯುವಕರೊಂದಿಗೆ ಸಂವಹನವನ್ನು ಉತ್ತೇಜಿಸುವುದು ಇದರ ಉದ್ದೇಶವಾಗಿದೆ. ಈ ಕಾರ್ಯಕ್ರಮವು ದೇಶ ಮತ್ತು ವಿದೇಶಗಳ ಯುವ ವಿಜ್ಞಾನ ಮತ್ತು ತಂತ್ರಜ್ಞಾನದ ಜನರಿಗೆ ಪರಸ್ಪರ ಅರ್ಥಮಾಡಿಕೊಳ್ಳಲು ಅವಕಾಶವನ್ನು ಒದಗಿಸುತ್ತದೆ. ಆಕಾಶ್ ಅವರ ಈ ಸಾಧನೆ ಗ್ರಾಮೀಣ ಮತ್ತು ನಗರ ಪ್ರದೇಶದ ಇತರೆ ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಕ್ಷೇತ್ರದಲ್ಲಿ ಸಾಧನೆ ಮಾಡಲು ದೊಡ್ಡ ಸ್ಫೂರ್ತಿಯಾಗಿದ್ದು, ಅಂತರರಾಷ್ಟ್ರೀಯ ಮಟ್ಟದ ಇಂತಹ ಎಕ್ಸ್ಚೇಂಜ್ ಕಾರ್ಯಕ್ರಮಗಳು ಸರ್ಕಾರಿ ಶಾಲೆಗಳ ವಿದ್ಯಾರ್ಥಿಗಳಲ್ಲಿ ಜಾಗತಿಕ ದೃಷ್ಟಿಕೋನವನ್ನು ಬೆಳೆಸಲು ಸಹಕಾರಿಯಾಗಿವೆ.
- [ಬಾಂಬ್ ಸ್ಪೋಟ: ಮನೆ ಧ್ವಂಸ!](https://mobiletime.in/2026/06/bomb-blast-house-destroyed/): ಉತ್ತರ ಕನ್ನಡ ಜಿಲ್ಲೆಯ ಹಳಿಯಾಳದ ಮನೆಯೊಂದರಲ್ಲಿ ಬಾಂಬ್ ಸ್ಪೋಟಿಸಿದೆ. ಸ್ಪೋಟದ ತೀವೃತೆಗೆ ಆ ಮನೆಯ ಗೋಡೆ ಕುಸಿದಿದ್ದು, ಇನ್ನಿತರ ಮನೆಗಳ ಚಾವಣಿ ಹಾರಿ ಹೋಗಿದೆ. ಹಳಿಯಾಳ ತಾಲೂಕಿನ ಕಾಳಗಿನಕೊಪ್ಪ ಗ್ರಾಮದಲ್ಲಿ ಬೆಳಗಿನ ಜಾವ ಈ ಸ್ಪೋಟ ಉಂಟಾಗಿದೆ. ಶಂಕರ ನಿಂಗಪ್ಪ ಬೆಡದೋಳ್ಕರ್, ಅಪ್ಪಾರಾವ್ ನಿಂಗಪ್ಪ ಬೆಡದೋಳ್ಕರ್ ಅವರ ಜೊತೆ ಪೀಶಪ್ಪ ಲೋಕಪ್ಪ ದೊಡ್ಡ ಗೌಡ ಅವರ ಮನೆಗೆ ಹಾನಿಯಾಗಿದೆ. ಬಾಂಬ್ ಸ್ಪೋಟಕ್ಕೆ ಕಾರಣರಾದವರು ಬಾಂಬು ಹಾಗೂ ಇನ್ನಿತರ ಸಾಮಗ್ರಿಗಳನ್ನು ಕೆರೆ ಸಮೀಪ ಎಸೆದು ಪರಾರಿಯಾಗಿದ್ದಾರೆ. ಮನೆಯಲ್ಲಿ ದಾಸ್ತಾನು ಮಾಡಿದ್ದ ನಾಡಬಾಂಬ್’ಗೆ ಬೆಂಕಿ ತಗುಲಿ ಸ್ಪೋಟ ಸಂಭವಿಸಿದ ಅನುಮಾನಗಳಿವೆ. ವನ್ಯಜೀವಿ ಹತ್ಯೆಗಾಗಿ ಬಾಂಬ್ ದಾಸ್ತಾನು ಮಾಡಿದ ಶಂಕೆವ್ಯಕ್ತವಾಗಿದೆ. ಸೋಮವಾರ ಮುಂಜಾನೆ ದೊಡ್ಡ ಸದ್ದು ಕೇಳಿ ಊರಿನ ಜನ ಬೆಚ್ಚಿ ಬಿದ್ದಿದ್ದಾರೆ. ನಿದ್ರೆಯಲ್ಲಿದ್ದ ಮನೆ ಮಾಲಕ ಸ್ಪೋಟದ ಸದ್ದಿನಿಂದ ಎದ್ದಿದ್ದು, ನಂತರ ಅಲ್ಲಿದ್ದ ಇನ್ನಿತರ ಬಾಂಬುಗಳ ಜೊತೆ ಪರಾರಿಯಾದ ಮಾಹಿತಿಯಿದೆ. ಸ್ಪೋಟದ ರಭಸಕ್ಕೆ ಮನೆಯೊಂದು ಸಂಪೂರ್ಣವಾಗಿ ಕುಸಿದು ಬಿದ್ದಿದೆ. ಇನ್ನಿತರ ಮನೆಯವರು ಸಮಸ್ಯೆ ಅನುಭವಿಸಿದ್ದಾರೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸ್ಥಳಕ್ಕೆ ಭೇಟಿ ನೀಡಿದ್ದು, ಆರೋಪಿಗಳ ಶೋಧ ನಡೆಸಿದ್ದಾರೆ.
- [ಮಹಾರಾಷ್ಟ್ರದಲ್ಲಿ ಅಡಗಿದ್ದ ಮಚ್ಚ್ ಮಂಜ!](https://mobiletime.in/2026/06/a-lot-of-snow-was-hidden-in-maharashtra/): ಕoಠಪೂರ್ತಿ ಕುಡಿದು ಪೊಲೀಸರ ಮೇಲೆ ಕೈ ಮಾಡಿದ್ದ ಹಳಿಯಾಳದ ಮಂಜುನಾಥ ಬೇಕನಿ ಅವರು ಮಹಾರಾಷ್ಟ್ರದಲ್ಲಿ ಅಡಗಿರುವುದು ಗೊತ್ತಾಗಿದೆ. ಅಲ್ಲಿಗೆ ದೌಡಾಯಿಸಿದ ಪೊಲೀಸರು ಮಂಚ್ಚ್ ಮಂಜ ಖ್ಯಾತಿಯ ರೌಡಿ ಶೀಟರನ್ನು ಬಂಧಿಸಿದ್ದಾರೆ. ಹಳಿಯಾಳದ ಮೌರ್ಯ ಬಾರ್ & ರೆಸ್ಟೋರೆಂಟಿನ ಎದುರು ಜೂನ್ 14ರ ರಾತ್ರಿ ಗಲಾಟೆ ನಡೆದಿತ್ತು. ಗಲಾಟೆ ತಡೆಯಲು ಬಂದ ಪಿಸೈ ಬಸವರಾಜ ಮಬನೂರು ಅವರ ಪೊಲೀಸ್ ಜೀಪಿಗೆ ಮಂಜುನಾಥ ಬೇಕನಿ ಅಡ್ಡಗಟ್ಟಿ ರಂಪಾಟ ಮಾಡಿದ್ದರು. ಈ ವೇಳೆ ಕರ್ತವ್ಯದಲ್ಲಿದ್ದ ಪೊಲೀಸ್ ಸಿಬ್ಬಂದಿ ನಂದೀಶ್ವರ ಗುಡ್ಡೋಡಗಿ, ಅಶೋಕ ಬಸಲಿಂಗಪ್ಪ ಹುಬ್ಬಳ್ಳಿ ಹಾಗೂ ಹನುಮಂತ ಓಂಕಾರಪ್ಪ ಬರಗಿ ಅವರ ಮೇಲೆಯೂ ಮಚ್ಚ್ ಮಂಜಾ ಆಕ್ರಮಣ ಮಾಡಿದ್ದರು. ಪೊಲೀಸರ ಮೇಲೆ ದಾಳಿ ಮಾಡಿದರೂ ಕ್ರಮವಾಗಿಲ್ಲ ಎಂಬ ಆಕ್ಷೇಪಣೆ ಸಾರ್ವಜನಿಕ ವಲಯದಿಂದ ಕೇಳಿ ಬಂದಿದ್ದು, ಅದಕ್ಕೆ ಪ್ರತ್ಯುತ್ತರವಾಗಿ ರೌಡಿಯ ವಿರುದ್ಧ ಪಿಸೈ ಬಸವರಾಜ ಮಬನೂರು ಅವರು ಪೊಲೀಸ್ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಪಿಸೈ ಬಸವರಾಜ ಮಬನೂರು ಅವರು ಅಮಾನತಾಗಿದ್ದರು. ಇದಕ್ಕೂ ಮೊದಲು ನಡೆದ ಗಲಾಟೆಯಲ್ಲಿ ಪಾನ್ ಅಂಗಡಿಯ ರಾಘವೇಂದ್ರ ದತ್ತಾ ಬಾಂದೇಕರ್, ಬಾರ್ ಸಿಬ್ಬಂದಿ ಬಸವರಾಜ ಹಾಗೂ ರಾಘವೇಂದ್ರ ಅವರ ಮೇಲೆಯೂ ದಾಳಿ ನಡೆದಿತ್ತು. ಹೊಟೇಲ್ ಮ್ಯಾನೇಜರ್ ಸದಾಶಿವ ಪೂಜಾರಿ ಅವರ ಮೇಲೆಯೂ ಮಂಜುನಾಥ ಬೇಕನಿ ಹಲ್ಲೆ ಮಾಡಿದ್ದರು. ಆ ಗಲಾಟೆ ತಡೆಗೆ ಹೋಗಿದ್ದ ಪೊಲೀಸರ ಮೇಲೆ ದಾಳಿ ನಡೆದ ವಿಡಿಯೋ ವೈರಲ್ ಆಗಿದ್ದು, ಹೊಟೇಲ್ ಮ್ಯಾನೇಜರ್ ಸದಾಶಿವ ಪೂಜಾರಿ ಅವರು ನೀಡಿದ ದೂರಿನ ಅನ್ವಯ ಪೊಲೀಸರು ಮಂಜುನಾಥ ಸುಬ್ರಾಯ ಬೇಕನಿ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಇದೀಗ ಪೊಲೀಸರ ಮೇಲೆ ಆಕ್ರಮಣ ನಡೆಸಿದ ಬಗ್ಗೆ ಮತ್ತೊಂದು ಪ್ರಕರಣವನ್ನು ಸ್ವತಃ ಪಿಸೈ ಬಸವರಾಜ ಮಬನೂರು ಅವರು ದಾಖಲಿಸಿದ್ದು, ಗಲಾಟೆ ತಡೆಯಲು ವಿಫಲವಾದ ಕಾರಣ ಪಿಸೈ ಬಸವರಾಜ ಮಬನೂರು ಅವರ ವಿರುದ್ಧ ಕಠಿಣ ಕ್ರಮವಾಗಿತ್ತು. ಈ ಎಲ್ಲಾ ಬೆಳವಣಿಗೆ ಹಿನ್ನಲೆ ಮಂಜುನಾಥ ಬೇಕನಿ ತಲೆಮರೆಸಿಕೊಂಡಿದ್ದರು. ಮೊಬೈಲ್ ಸಹ ಬಳಸದೇ ತಲೆಮರೆಸಿಕೊಂಡು ತಿರುಗುತ್ತಿದ್ದರು. ಅದಾಗಿಯೂ, ಪೊಲೀಸರು ಎರಡು ತಂಡ ರಚಿಸಿ ಹುಡುಕಾಟ ಶುರು ಮಾಡಿದ್ದರು. ವಿವಿಧ ಮಾಹಿತಿ ಆಧಾರದಲ್ಲಿ ಮಹಾರಾಷ್ಟ್ರಕ್ಕೆ ಹೊರಟ ಪೊಲೀಸರು ಸಾಂಗ್ಲಿ ಬಳಿಯ ತಾಸಾಗಂ ಗ್ರಾಮದಲ್ಲಿ ಶೋಧ ನಡೆಸಿದರು. ಅಲ್ಲಿ ಅಡಗಿದ್ದ ಆರೋಪಿಯನ್ನು ವಶಕ್ಕೆಪಡೆದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ದಾಂಡೇಲಿ ಡಿವೈಎಸ್ಪಿ ಶಿವಾನಂದ ಮದರಖಂಡಿ ಅವರು ನಡೆಸಿದ ಕಾರ್ಯಾಚರಣೆಯಲ್ಲಿ ಸಿಪಿಐ ಜೈಪಾಲ್ ಪಾಟೀಲ್, ಪಿಸೈ ಕೃಷ್ಣಗೌಡ ಅರಕೇರಿ, ಮಹಾಂತೇಶ್ ನಾಯ್ಕ್, ಕಿರಣ್ ಪಾಟೀಲ್ ಜೊತೆ ಪೊಲೀಸ್ ಸಿಬ್ಬಂದಿ ಎಂಎA ಮುಲ್ಲಾ, ಕೃಷ್ಣ, ಚಂದ್ರು, ಶಫಿ, ಬಸವರಾಜ ತೇಲಸಂಗ, ಗಂಗಾಧರ್, ನಿಂಗಪ್ಪ ಬಳ್ಳಾರಿ, ಸೊಹೇಲ್, ಬಸವರಾಜು ತ್ಯಾಪಿ, ಶ್ರೀಶೈಲ, ಬಸವರಾಜ ಹಗರಿ, ಮಂಜುನಾಥ ಬಾಲಿ ಭಾಗವಹಿಸಿದ್ದರು. ಸದ್ಯ ಆರೋಪಿಯನ್ನು ನ್ಯಾಯಾಧೀಶರ ಮುಂದೆ ಹಾಜರುಪಡಿಸಲಾಗಿದೆ.
- [ಕಾರವಾರ: ಮಳೆಗಾಲದಲ್ಲಿಯೂ ಮುಂದುವರೆದ ಅಕ್ರಮ ಮರಳುಗಾರಿಕೆ!](https://mobiletime.in/2026/06/karwar-illegal-sand-mining-continues-even-during-the-rainy-season/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಕ್ರಮ ಮರಳುಗಾರಿಕೆ ಮುಂದುವರೆದಿದೆ. ಮಳೆಗಾಲದ ಅವಧಿಯಲ್ಲಿಯೂ ರಾಜಾರೋಷವಾಗಿ ಮರಳುಗಾರಿಕೆ ನಡೆಸಲಾಗುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ನದಿಗಳಲ್ಲಿ ಮರಳು ತೆಗೆಯಲು ಪರವಾನಿಗೆ ಇಲ್ಲ. ಅದಾಗಿಯೂ, ವಿವಿಧ ನದಿಗಳಲ್ಲಿ ಮರಳು ತೆಗೆಯಲಾಗುತ್ತಿದೆ. ಜಲಚರಗಳಿಗೆ ಸಮಸ್ಯೆ ಆಗುವ ಕಾರಣ ಮಳೆ ಅವಧಿಯಲ್ಲಿ ಸಮುದ್ರದಲ್ಲಿನ ಮೀನುಗಾರಿಕೆ ನಿಷೇಧಿಸಲಾಗುತ್ತದೆ. ಆದರೆ, ನದಿಯಲ್ಲಿರುವ ಜಲಚರಗಳ ಬಗ್ಗೆ ಯಾರೂ ತಲೆಕೆಡಿಸಿಕೊಂಡಿಲ್ಲ. ಹೀಗಾಗಿ, ಅಪಾಯಕಾರಿ ಸನ್ನಿವೇಶದಲ್ಲಿಯೂ ನದಿಗಳಿಂದ ಮರಳು ತೆಗೆದು ಮಾರಾಟ ಮಾಡಲಾಗುತ್ತಿದೆ. ಕಾರವಾರ ತಾಲೂಕಿನ ಸಿದ್ದರ ಗ್ರಾಮಪಂಚಾಯತ ವ್ಯಾಪ್ತಿಯ ಕಾಳಿ ನದಿಯಲ್ಲಿಯೂ ಅಕ್ರಮ ಮರಳುಗಾರಿಕೆ ಮುಂದುವರೆದಿದೆ. ಕಾಳಿ ನದಿಯಿಂದ ಅಕ್ರಮ ಮರಳುಗಾರಿಕೆ ನಡೆಸಿ, ಸಾಗಿಸುತ್ತಿದ್ದ ಟಿಪ್ಪರನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಶುಕ್ರವಾರ ರಾತ್ರಿ ಕಾರವಾರ ಗ್ರಾಮೀಣ ಪೊಲೀಸ್ ಠಾಣೆಯ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದು, ಮರಳನ್ನು ವಶಕ್ಕೆಪಡೆದಿದ್ದಾರೆ. ಗಣೇಶ ಎಂಬಾತರ ಮೇಲೆ ಪೊಲೀಸರು ಕಾನೂನು ಕ್ರಮವನ್ನು ಜರುಗಿಸಿದ್ದಾರೆ. ಈ ಮರಳನ್ನು ಗೋವಾಗೆ ಸಾಗಾಟ ಮಾಡುತ್ತಿದ್ದ ಬಗ್ಗೆ ಸಾರ್ವಜನಿಕರು ದೂರಿದ್ದು, ಇನ್ನಷ್ಟು ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ.
- [ಪತ್ನಿ ಕಾಟಕ್ಕೆ ಜೀವಬಿಟ್ಟ ಪತಿ!](https://mobiletime.in/2026/06/husband-loses-his-life-to-his-wifes-danger/): ಪತ್ನಿಯ ಕಿರುಕುಳ ಸಹಿಸಲಾಗದೇ ಶಿರಸಿಯ ಎಲ್ ಕೆ ಹೆಗಡೆ ಅವರು ಆತ್ಮಹತ್ಯೆಗೆ ಶರಣಾದ ಬಗ್ಗೆ ವಿವಿಧ ಮಾಧ್ಯಮಗಳು ವರದಿ ಮಾಡಿದೆ. ಶೌಚಾಲಯಕ್ಕೆ ಹೋಗಿದ್ದ ಅವರು ಅಲ್ಲಿಯೇ ಬ್ಲೇಡಿನಿಂದ ಕುತ್ತಿಗೆ ಕೊಯ್ದುಕೊಂಡಿದ್ದು, ಮಾನಸಿಕ ಅಸ್ವಸ್ಥರಾಗಿದ್ದ ಎಲ್ ಕೆ ಹೆಗಡೆ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದ ಬಗ್ಗೆ ಕುಟುಂಬ ಮೂಲಗಳು ಹೇಳಿವೆ. ಸದ್ಯ ಪೊಲೀಸರು ಈ ಬಗ್ಗೆ ತನಿಖೆ ಶುರು ಮಾಡಿದ್ದಾರೆ. ಶಿರಸಿಯ ಕಾನಗೋಡು ಮೂಲದ ಎಲ್ ಕೆ ಹೆಗಡೆ ಅವರು ಸದ್ಯ ಎಸಳೆಯಲ್ಲಿ ವಾಸವಾಗಿದ್ದರು. 56 ವರ್ಷದ ಅವರು ಅಡಿಕೆ ವ್ಯಾಪಾರಿಯಾಗಿದ್ದರು. ಅಲ್ಲಿಂದ ಬರುವ ಆದಾಯದಿಂದಲೇ ಅವರು ಕುಟುಂಬ ನಡೆಸುತ್ತಿದ್ದರು. ಆಗಾಗ ಅವರ ಮನೆಯಲ್ಲಿ ಜಗಳ ನಡೆಯುತ್ತಿದ್ದು, ಪತಿ-ಪತ್ನಿಯರ ಕಲಹ ವಿಕೋಪಕ್ಕೆ ತೆರಳಿತ್ತು. ಭಾನುವಾರವೂ ಅವರ ನಡುವೆ ಜಗಳ ನಡೆದಿದ್ದು, ಇದೇ ಆತ್ಮಹತ್ಯೆ ನಿರ್ಧಾರಕ್ಕೆ ಕಾರಣ ಎಂಬ ಮಾಹಿತಿಯಿದೆ. ಆದರೆ, ಕುಟುಂಬದ ಮೂಲಗಳು ಅದನ್ನು ಅಲ್ಲಗಳೆದಿವೆ. ಭಾನುವಾರ ಸಹ ದಂಪತಿ ನಡುವೆ ದೊಡ್ಡ ವಾಗ್ವಾದ ನಡೆದಿದ್ದು, ಇದರಿಂದ ಎಲ್ ಕೆ ಹೆಗಡೆ ಅವರು ಆಘಾತಕ್ಕೆ ಒಳಗಾದರು. ಮಾನಸಿಕವಾಗಿ ಅಸ್ವಸ್ಥರಾಗಿದ್ದ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದರು. ಎಲ್ ಕೆ ಹೆಗಡೆ ಅವರು ಪದೇ ಪದೇ ಆತ್ಮಹತ್ಯೆಯ ಬಗ್ಗೆ ಮಾತನಾಡುತ್ತಿದ್ದರು. ಅವರನ್ನು ಆ ವಿಷಯದಿಂದ ಹೊರತರುವ ಪ್ರಯತ್ನ ನಡೆದರೂ ಅದು ಫಲ ಕೊಟ್ಟಿಲ್ಲ ಎಂಬ ಬಗ್ಗೆಯೂ ಹೇಳಲಾಗಿದೆ. ಈ ದಿನ ಶೌಚಾಲಯಕ್ಕೆ ಹೋದ ಅವರು ಬ್ಲೇಡಿನಿಂದ ಕುತ್ತಿಗೆಯನ್ನು ಸೀಳಿಕೊಂಡಿದ್ದು, ಅಲ್ಲಿಯೇ ಪ್ರಾಣ ಬಿಟ್ಟರು. ಆತ್ಮಹತ್ಯೆ ಸುದ್ದಿ ಕೇಳಿ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಸದ್ಯ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.
- [ಮನೆ ರಿಪೇರಿಗೆ ಬಂದವ ಮಹಿಳೆಯ ಮೈ ಮುಟ್ಟಿದ!](https://mobiletime.in/2026/06/a-man-who-came-to-repair-a-house-touched-a-womans-body/): ಶಿರಸಿ ಗೌಡಳ್ಳಿಯ ಖಾಲಿದ್ ಸಾಬ್ ಅವರು ಮಹಿಳೆಯೊಬ್ಬರ ಅಂಗಾಗ ಸ್ಪರ್ಶಿಸಿದ್ದಾರೆ. ಅದಾದ ನಂತರ `ನೀನೇ ಬೇಕು’ ಎಂದು ಗಲಾಟೆ ಮಾಡಿದ್ದಾರೆ. ಮಹಿಳೆ ಓಡಿ ಹೋಗಿ ತಪ್ಪಿಸಿಕೊಂಡರೂ ಬಿಡದೇ ಬೆದರಿಕೆ ಹಾಕಿದ್ದಾರೆ. ಶಿರಸಿ ಇಸಳೂರು ಬಳಿಯ ಗೌಡಳ್ಳಿಯ ಖಾಲಿದ್ ರೆಹೆಮಾನ್ ಅಬ್ದುಲ್ ಗಫರ್ ಸಾಬ್ ಅವರು ಮನೆಗಳ ಬಾಗಿಲು ರಿಪೇರಿ ಮಾಡುವ ಕೆಲಸ ಮಾಡಿಕೊಂಡಿದ್ದಾರೆ. ಮೇ 30ರಂದು ಅವರು ಮರಾಠಿಕೊಪ್ಪದ ಮನೆಯೊಂದಕ್ಕೆ ಹೋಗಿದ್ದಾರೆ. ಈ ಮೊದಲು ಗೌಡಳ್ಳಿಯಲ್ಲಿ ವಾಸವಾಗಿದ್ದ ಕುಟುಂಬ ಇದೀಗ ಮರಾಠಿಕೊಪ್ಪದ ವಿದ್ಯಾನಗರದ ಬಳಿ ವಾಸವಾಗಿದ್ದು, ಅವರ ಮನೆ ಬಾಗಿಲಿಗೆ ಪಾಲೀಶ್ ಹಾಕುವುದಕ್ಕಾಗಿ ಖಾಲಿದ್ ಸಾಬ್ ಅವರು ಹೇಳಿದ್ದಾರೆ. ಆಗ, ಮಹಿಳೆ ಮನೆಯಲ್ಲಿ ಇನ್ನಿತರರು ಇದ್ದ ಕಾರಣ `ನಂತರ ಬರುವೆ’ ಎಂದು ಅಲ್ಲಿಂದ ಹೊರಟಿದ್ದಾರೆ. ಆ ದಿನ ಮಧ್ಯಾಹ್ನ 3 ಗಂಟೆ ವೇಳೆಗೆ ಮತ್ತೆ ಆ ಮನೆಗೆ ಬಂದ ಖಾಲಿದ್ ರೆಹೆಮಾನ್ ಅಬ್ದುಲ್ ಗಫರ್ ಸಾಬ್ ಅವರು ಮನೆಯಲ್ಲಿ ಒಂಟಿ ಮಹಿಳೆಯಿರುವುದನ್ನು ನೋಡಿದ್ದಾರೆ. ಬಾಗಿಲಿಗೆ ಪಾಲೀಶ್ ಹಾಕುವ ಕೆಲಸ ಶುರು ಮಾಡಿದ್ದು, ನಂತರ `ಕುಡಿಯಲು ನೀರು ಬೇಕು’ ಎಂದು ಕೇಳಿದ್ದಾರೆ. ಮನೆಯಲ್ಲಿದ್ದ ಮಹಿಳೆ ಅಡುಗೆ ಮನೆಗೆ ಹೋಗಿ ನೀರು ತಂದು ಕೊಟ್ಟಿದ್ದು, ನೀರು ಪಡೆಯುವ ಮುನ್ನ ಖಾಲಿದ್ ಸಾಬ್ ಅವರು ಮಹಿಳೆಯ ಎದೆ ಮುಟ್ಟಿದ್ದಾರೆ. ನಂತರ ಮಹಿಳೆಯನ್ನು ಗಟ್ಟಿಯಾಗಿ ಹಿಡಿದು ಚುಂಬಿಸಿದ್ದಾರೆ. ಮಹಿಳೆಗೆ ಕಚ್ಚಿ ಗಾಯಗೊಳಿಸಿದ್ದಾರೆ. ಖಾಲಿದ್ ರೆಹೆಮಾನ್ ಅಬ್ದುಲ್ ಗಫರ್ ಸಾಬ್ ಅವರಿಂದ ತಪ್ಪಿಸಿಕೊಂಡ ಮಹಿಳೆ ಮನೆಯ ಬೆಡ್ ರೂಮಿನ ಕಡೆ ಓಡಿ ಹೋಗಿ ತಪ್ಪಿಸಿಕೊಂಡಿದ್ದಾರೆ. ಅದಾದ ನಂತರ `ನನಗೆ ನೀನು ಬೇಕು’ ಎಂದು ಖಾಲಿದ್ ರೆಹೆಮಾನ್ ಅಬ್ದುಲ್ ಗಫರ್ ಸಾಬ್ ಕೂಗಿದ್ದಾರೆ. `ನಿನ್ನ ಅನುಭವಿಸದೇ ಬಿಡುವುದಿಲ್ಲ’ ಎಂದು ಸಹ ಹೇಳಿದ್ದಾರೆ. ಇದರಿಂದ ಕಂಗಾಲಾದ ಮಹಿಳೆ ಬೆಡ್ ರೂಮಿನಲ್ಲಿಯೇ ದಿನ ಕಳೆದಿದ್ದು, ಸಂಜೆ ಪತಿ ಮನೆಗೆ ಬಂದ ನಂತರ ನಡೆದ ಎಲ್ಲಾ ವಿಷಯ ಹೇಳಿದ್ದಾರೆ. ಈ ವಿಷಯ ಜಮಾತ್’ಗೆ ತಿಳಿಸಲು ಕುಟುಂಬದವರು ನಿರ್ಧರಿಸಿದ್ದು, ಅದೇ ದಿನ ರಾತ್ರಿ ಖಾಲಿದ್ ಸಾಬ್ ಅವರ ಅಣ್ಣ ಅಬ್ದುಲ್ ರಫೀಕ್ ಗಫರ್ ಸಾಬ್ ಅವರು ಅಲ್ಲಿಗೆ ಆಗಮಿಸಿ `ಜಮಾತ್ ಸಹ ನಮಗೆ ಏನೂ ಮಾಡಲು ಆಗುವುದಿಲ್ಲ’ ಎಂದು ಬೆದರಿಸಿದ್ದಾರೆ. `ಈ ವಿಷಯ ಎಲ್ಲಾದರೂ ಹೇಳಿದರೆ ನಿನ್ನ ಮರ್ಯಾದೆ ಹೋಗುತ್ತದೆ. ನಮಗೆ ರಾಜಕೀಯ ಬೆಂಬಲವಿದೆ. ನಿಮ್ಮಿಂದ ಏನೂ ಮಾಡಲಾಗುವುದಿಲ್ಲ’ ಎಂದು ಅಣ್ಣ-ತಮ್ಮ ಸೇರಿ ಹೆದರಿಸಿದ್ದಾರೆ. ಇದರಿಂದ ಆತಂಕಕ್ಕೆ ಒಳಗಾದ ಮಹಿಳೆ ನ್ಯಾಯ ಕೋರಿ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದು, ಪ್ರಕರಣ ದಾಖಲಿಸಿದ ಪೊಲೀಸರು ಸತ್ಯಾಸತ್ಯತೆಯ ಶೋಧ ನಡೆಸಿದ್ದಾರೆ.
- [ಕೂಲಿ ಕೆಲಸಕ್ಕೆ ಬಂದವರು ಕೈ ಮುಗಿದು ಕುಳಿತರು!](https://mobiletime.in/2026/06/those-who-came-to-work-as-wage-laborers-sat-down-with-their-hands-full/): ಮುಂಡಗೋಡಿನ ಅಮೃತ ಸರೋವರದ ಬಳಿ ಕೂಲಿ ಕೆಲಸಕ್ಕೆ ಬಂದ ಕಾರ್ಮಿಕರು ಕೈ ಮುಗಿದು ಕೂತಿದ್ದಾರೆ. ಸರ್ಕಾರದ ಸೂಚನೆ ಪ್ರಕಾರ ಅವರೆಲ್ಲರೂ ಅಲ್ಲಿ ಈ ದಿನ ಯೋಗ ಅಭ್ಯಾಸ ಮಾಡಿದ್ದಾರೆ. ಕೂಲಿ ಕಾರ್ಮಿಕರೆಲ್ಲರೂ ಯೋಗ ಮಾಡಬೇಕು ಎಂದು ಆಯುಕ್ತಾಲಯ ನಿರ್ದೇಶನ ನೀಡಿತ್ತು. ಹೀಗಾಗಿ ಈ ದಿನ ಕೂಲಿ ಕೆಲಸಕ್ಕೆ ಬಂದವರು ಹಾಜರಾತಿ ಹಾಕಿ ಯೋಗ ಶುರು ಮಾಡಿದರು. ಮುಂಡಗೋಡದ ವಿವಿಧ ಗ್ರಾಮ ಪಂಚಾಯತಿ ವ್ಯಾಪ್ತಿಯಲ್ಲಿ ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಯೋಜನೆಯಡಿ ಈ ಯೋಗ ಕಾರ್ಯಕ್ರಮ ನಡೆಯಿತು. ನರೆಗಾ ಅಡಿ ಅಭಿವೃದ್ಧಿಪಡಿಸಿದ ಅಮೃತ ಸರೋವರದ ದಡದ ಮೇಲೆಯೂ ಕಾರ್ಮಿಕರು ಯೋಗ ಅಭ್ಯಾಸ ನಡೆಸಿದರು. ಈ ಕಾರ್ಯಕ್ರಮದಲ್ಲಿ ನರೇಗಾ ಕೂಲಿ ಕಾರ್ಮಿಕರ ಜೊತೆ ಕಾಯಕ ಬಂಧುಗಳು ಭಾಗವಹಿಸಿ ಯೋಗಾಭ್ಯಾಸ ನಡೆಸಿದರು. ಇದೇ ವೇಳೆ ದೈನಂದಿನ ಜೀವನದಲ್ಲಿ ಯೋಗಾಭ್ಯಾಸ ರೂಢಿಸಿಕೊಳ್ಳುವುದರಿಂದ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ಉಂಟಾಗುವ ಸಕಾರಾತ್ಮಕ ಪ್ರಭಾವ, ವಿವಿಧ ಯೋಗ ಆಸನಗಳ ಮಹತ್ವ ಮತ್ತು ಉಪಯೋಗ ಹಾಗೂ ಆರೋಗ್ಯಕರ ಜೀವನಶೈಲಿಯ ಪ್ರಾಮುಖ್ಯತೆ ಕುರಿತು ಅರಿವು ಮೂಡಿಸಲಾಯಿತು. ಪ್ರತಿದಿನವೂ ಎಲ್ಲರೂ ತಪ್ಪದೆ ಯೋಗ ಮಾಡಿ ಆರೋಗ್ಯವನ್ನು ಕಾಪಾಡಿಕೊಳ್ಳುವಂತೆಯೂ ಕರೆ ನೀಡಲಾಯಿತು.
- [ಹೊನ್ನಾವರದಲ್ಲಿ ಪೆಟ್ರೊಲ್ ಬಾವಿ!](https://mobiletime.in/2026/06/petrol-well-in-honnavar/): ಹೊನ್ನಾವರದ ಏಳು ಬಾವಿಗಳಲ್ಲಿ ಪೆಟ್ರೊಲ್ ಸಿಗುತ್ತಿದೆ. ಪೆಟ್ರೊಲ್ ಜೊತೆ ಡಿಸೇಲ್ ಅಂಶವೂ ಬಾವಿಯಲ್ಲಿ ಪತ್ತೆಯಾಗಿದೆ. ಕುಡಿಯುವ ನೀರಿನ ಬಾವಿಯಲ್ಲಿ ಪೆಟ್ರೊಲ್-ಡಿಸೇಲ್ ವಾಸನೆ ನೋಡಿ ಜನ ಕಂಗಾಲಾಗಿದ್ದಾರೆ! ಹೊನ್ನಾವರ ಪಟ್ಟಣದ ತಹಶೀಲ್ದಾರ್ ಕಚೇರಿ ಸಮೀಪದ ಕೆಳಗಿನ ಪಾಳ್ಯದ ಪ್ರದೇಶದಲ್ಲಿರುವ ಬಾವಿಗಳು ಕಲುಷಿತಗೊಂಡಿದೆ. ಆ ಭಾಗದಲ್ಲಿರುವ `ಪ್ರಿಯದರ್ಶಿನಿ ಪೆಟ್ರೋಲ್ ಬಂಕಿನಿAದ ಇಂಧನ ಸೋರಿಕೆಯಾಗಿ ಬಾವಿಗೆ ಬರುತ್ತಿದೆ’ ಎಂಬುದು ಜನರ ದೂರು. ಪೆಟ್ರೊಲ್ ಮಿಶ್ರಿತ ನೀರನ್ನು ಬಾಟಲಿಯಲ್ಲಿ ತುಂಬಿದ ಜನ ಪೊಲೀಸ್ ಠಾಣೆಗೆ ಬಂದು ಕಾಣಿಸಿದ್ದಾರೆ. ತಮಗಾದ ಸಮಸ್ಯೆ ಬಗ್ಗೆ ಅವರು ಸರ್ಕಾರದ ಗಮನ ಸೆಳೆಯುವ ಪ್ರಯತ್ನ ಮಾಡಿದ್ದಾರೆ. ನೀರನ ಬಣ್ಣ ಸಂಪೂರ್ಣವಾಗಿ ಬದಲಾಗಿದ್ದು, ಅದು ಸೇವನೆಗೆ ಯೋಗ್ಯವಾಗಿಲ್ಲ ಎಂದವರು ಹೇಳಿದ್ದಾರೆ. ಕೆಲ ದಿನಗಳಿಂದ ಪೆಟ್ರೋಲ್ ಬಂಕಿನಲ್ಲಿ ನಿರ್ವಹಣಾ ಕೆಲಸ ನಡೆಯುತ್ತಿದೆ. ಅದರ ಪರಿಣಾಮ ಅಲ್ಲಿನ ಪೆಟ್ರೋಲ್ ಬಾವಿ ಸೇರುತ್ತಿದೆ. ಬಾವಿಯಲ್ಲಿ ಅಸಹಜ ಬದಲಾವಣೆ ನೋಡಿದ ಜನ ಕಾರಣ ಹುಡುಕಿದಾಗ ನಿರ್ವಹಣೆ ಕೆಲಸ ನಡೆಯುತ್ತಿರುವುದು ಗೊತ್ತಾಗಿದೆ. ನಿತ್ಯ ಬಳಕೆಯ ಜೊತೆ ಕುಡಿಯುವ ನೀರಿಗೂ ಅಲ್ಲಿನವರು ಬಾವಿ ನಂಬಿದ್ದು, ಪೆಟ್ರೋಲ್ ವಾಸನೆಯ ನೀರಿನಿಂದ ಸಮಸ್ಯೆ ಅನುಭವಿಸುತ್ತಿದ್ದಾರೆ. `ಪೆಟ್ರೊಲ್ ಬಂಕ್ ಮಾಲಕರ ಗಮನಕ್ಕೆ ತಂದರೂ ಸಮಸ್ಯೆ ಬಗೆಹರಿದಿಲ್ಲ. ಒಮ್ಮೆ ಮಾತ್ರ ಅವರು ಬಾವಿ ಸ್ವಚ್ಚ ಮಾಡಿಕೊಟ್ಟಿದ್ದು, ನಂತರ ಪೆಟ್ರೊಲ್ ಮಿಶ್ರಿತ ನೀರು ಬಂದರೂ ಜವಾಬ್ದಾರಿವಹಿಸಿಕೊಂಡಿಲ್ಲ’ ಎಂಬುದು ಅಲ್ಲಿನವರ ಅಳಲು.
- [ಸರ್ಕಾರಿ ಶಾಲೆಯಲ್ಲಿ ಓದಿಯೂ ಡಾಕ್ಟರ್ ಆದ!](https://mobiletime.in/2026/06/he-became-a-doctor-despite-studying-in-a-government-school/): 10ನೇ ತರಗತಿಯವರೆಗೆ ಸರ್ಕಾರಿ ಶಾಲೆಯ ಕನ್ನಡ ಮಾಧ್ಯಮದಲ್ಲಿ ಓದಿದ ಯಲ್ಲಾಪುರದ ನಂದೂಳ್ಳಿಯ ಶಶಾಂಕ ಗೌಡ ಅವರು ಡಾಕ್ಟರ್ ಆಗಿದ್ದಾರೆ. MBBS ಪೂರ್ಣಗೊಳಿಸಿ ವೈದ್ಯಕೀಯ ಸೇವೆಗೆ ಅವರು ಸಜ್ಜಾಗಿರುವ ಅವರು ಬಡತನ, ಸರ್ಕಾರಿ ಶಾಲೆ, ಕನ್ನಡ ಕಲಿಕೆ, ಕಷ್ಟದ ಜೀವನ ಎಂಬುವುದನ್ನೆಲ್ಲ ಮೀರಿ ಸಾಧನೆ ಮಾಡಿದ್ದಾರೆ. ನಂದೊಳ್ಳಿಯ ಜನತಾ ಕಾಲೋನಿಯಲ್ಲಿ ಶಾಂತರಾಮ ಗೌಡ ಅವರು ವಾಸವಾಗಿದ್ದರು. ರಿಕ್ಷಾ ಓಡಿಸಿ ಅವರು ತಮ್ಮ ಕುಟುಂಬ ನಡೆಸುತ್ತಿದ್ದರು. `ಮಗನನ್ನು ಡಾಕ್ಟರ್ ಮಾಡಬೇಕು’ ಎಂದು ಶಾಂತರಾಮ ಗೌಡ ಅವರು ಕನಸು ಕಂಡಿದ್ದರು. ಆದರೆ, ಎರಡು ವರ್ಷದ ಹಿಂದೆ ಶಾಂತರಾಮ ಗೌಡ ಅವರು ಹೃದಯಘಾತದಿಂದ ಸಾವನಪ್ಪಿದರು. ಕುಟುಂಬಕ್ಕೆ ಆಧಾರವಾಗಿದ್ದ ಶಾಂತರಾಮ ಗೌಡ ಅವರು ನಿಧನರಾದಾಗ ಅವರ ಪುತ್ರ ಶಶಾಂಕ ಗೌಡ ಅವರಿಗೆ 22 ವರ್ಷ. ವೈದ್ಯಕೀಯ ಸೇವೆಯ ಕನಸು ಕಟ್ಟಿಕೊಂಡು ಓದುತ್ತಿದ್ದ ಶಶಾಂಕ ಗೌಡ ಅವರು ಓದಿಗೆ ವಿರಾಮ ಹೇಳಿ ಮರಳಿ ಮನೆ ಸೇರುವ ಪರಿಸ್ಥಿತಿ ಎದುರಾಗಿತ್ತು. ಕೈ-ಕಾಲು ಆಡದ ಸ್ಥಿತಿಯಲ್ಲಿಯೂ ಶಶಾಂಕ ಗೌಡ ಅವರು ತಂದೆಯ ಕನಸು ಈಡೇರಿಸುವ ನಿರ್ಧಾರ ಮಾಡಿದರು. ನಿರಂತರ ಅಭ್ಯಾಸದ ಪರಿಣಾಮವಾಗಿ ಅವರು 24ನೇ ವಯಸ್ಸಿಗೆ ಎಂ ಬಿ ಬಿ ಎಸ್ ಪೂರ್ಣಗೊಳಿಸಿದರು. ಶಶಾಂಕ ಗೌಡ ಅವರ ಮನೆಯಲ್ಲಿ ಮೊದಲಿನಿಂದಲೂ ಬಡತನವಿತ್ತು. ಅವರ ತಂದೆ ಖರೀದಿಸಿದ ರಿಕ್ಷಾದಲ್ಲಿಯೇ ಇಡೀ ಕುಟುಂಬ ನಡೆಯಬೇಕಿತ್ತು. ಬಂದ ಆದಾಯದಲ್ಲಿಯೇ ಅಲ್ಪ ಉಳಿಸುತ್ತಿದ್ದ ಶಾಂತರಾಮ ಗೌಡ ಅವರು ತಮ್ಮ ಮಗ ಶಶಾಂಕ ಗೌಡ ಅವರನ್ನು ಮೊದಲು ನಂದೂಳ್ಳಿಯ ಕನ್ನಡ ಶಾಲೆಗೆ ಸೇರಿಸಿದ್ದರು. ಹೈಸ್ಕೂಲ್ ವಿದ್ಯಾಬ್ಯಾಸವನ್ನು ಸಹ ಅದೇ ಊರಿನಲ್ಲಿ ಕೊಡಿಸಿದ್ದರು. ಅದಾದ ನಂತರ YTSS ಪಿಯು ವಿಜ್ಞಾನ ವಿಭಾಗ ಆಯ್ದುಕೊಂಡರು. ಅದಾದ ನಂತರ ನೀಟ್ ಪರೀಕ್ಷೆ ಬರೆದು ಬೆಂಗಳೂರಿನ ವೈದೇಹಿ ಇನ್ಸುಟುOಟ್ ಆಪ್ ಮೆಡಿಕಲ್ ಕಾಲೇಜಿಗೆ ಪ್ರವೇಶಪಡೆದರು. ಅಲ್ಲಿ ಅವರು ಪೂರ್ಣಗೊಳಿಸಿದರು. ಸದ್ಯ ಅವರು ತರಬೇತಿಯಲ್ಲಿ ನಿರತರಾಗಿದ್ದಾರೆ. ಉನ್ನತ ವ್ಯಾಸಂಗಕ್ಕಾಗಿ ಶಶಾಂಕ ಗೌಡ ಅವರು ಬೇರೆ ಊರಿಗೆ ತೆರಳಿದ್ದು, ತಂದೆ ತೀರಿಕೊಂಡ ದುಖಃದಲ್ಲಿಯೂ ಅವರು ಪರೀಕ್ಷೆ ಎದುರಿಸಿದರು. ಅದೆಲ್ಲದರ ಪರಿಣಾಮವಾಗಿ ಶಶಾಂಕ ಗೌಡ ಅವರು 24ನೇ ವಯಸ್ಸಿನಲ್ಲಿಯೇ ಡಾಕ್ಟರ್ ಆಗಿದ್ದಾರೆ. ನಂದೂಳ್ಳಿ ಜನತಾ ಕಾಲೋನಿಯ ಮೊದಲ ಡಾಕ್ಟರ್ ಆಗಿ ಶಶಾಂಕ ಗೌಡ ಅವರು ಹೊರಹೊಮ್ಮಿದ್ದಾರೆ. ಅವರ ಸಾಧನೆ ಹಿಂದೆ ಕುಟುಂಬದ ತ್ಯಾಗ, ಪರಿಶ್ರಮ ಮತ್ತು ಶಶಾಂಕ್ ಅವರ ನಿರಂತರ ಪ್ರಯತ್ನ ಅಡಗಿದೆ.  
- [ಕೃಷಿಕರಲ್ಲಿ ಖುಷಿ ಕಂಡ ಕಾಗೇರಿ!](https://mobiletime.in/2026/06/kageri-which-has-been-a-source-of-joy-among-farmers/): ಕುಮಟಾದ ಕೃಷಿಕ ಎನ್ ಡಿ ಹೆಗಡೆ ಅವರ ಕಡಸಾಲಗದ್ದೆ ತೋಟಕ್ಕೆ ಹೋಗಿದ್ದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಅಲ್ಲಿನ ಕೃಷಿ ಕಾರ್ಯಗಳನ್ನು ನೋಡಿ ಖುಷಿ ಹಂಚಿಕೊoಡಿದ್ದಾರೆ. ಅದಾದ ನಂತರ ಅಲ್ಲಿದ್ದ ಕಾಳು ಮೆಣಸಿನ ಗಿಡಕ್ಕೆ ರಸಸಾರ ಉಣಿಸುವ ಮೂಲಕ ಅವರು ನೈಸರ್ಗಿಕ ಕೃಷಿ ಕಾರ್ಯಾಗಾರಕ್ಕೆ ಚಾಲನೆ ನೀಡಿದ್ದು, ಸಾಧಕ ಕೃಷಿಕರನ್ನು ಸನ್ಮಾನಿಸಿದ್ದಾರೆ. ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಈಚೆಗೆ ಎನ್ ಡಿ ಹೆಗಡೆ ಅವರ ತೋಟಕ್ಕೆ ಭೇಟಿ ನೀಡಿದ್ದರು. ಅಲ್ಲಿಯೇ ನೈಸರ್ಗಿಕ ಕೃಷಿ ಕಾರ್ಯಾಗಾರ ನಡೆಸಲು ಅವರು ನಿರ್ಣಯಿಸಿದ್ದರು. ಅದರ ಪ್ರಕಾರ, ಕೃಷಿ ಕಾರ್ಯಾಗಾರಕ್ಕೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರನ್ನು ಆಮಂತ್ರಿಸಿದ್ದು ಕಾರ್ಯಕ್ರಮಕ್ಕೆ ಭೇಟಿ ನೀಡಿದ್ದ ಕಾಗೇರಿಯವರು ತೋಟ ಸುತ್ತಾಡಿದರು. `ಎಷ್ಟೇ ಪ್ರಮಾಣದಲ್ಲಿ ಐಟಿ-ಬಿಟಿ ಕಂಪನಿ ಬೆಳೆದರೂ ಊಟ ಮಾಡಲು ಅನ್ನ ಬೇಕು. ಅಕ್ಕಿ ಬೆಳೆಯಲು ರೈತ ಬೇಕೇ ಬೇಕು’ ಎಂದು ಈ ವೇಳೆ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದರು. `ಈಚೆಗೆ ಕೃಷಿ ಕ್ಷೇತ್ರವು ನಿರ್ಲಕ್ಷ್ಯಕ್ಕೆ ಒಳಗಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಹಾಗೂ ಕೃಷಿ ಸಚಿವ ಶಿವರಾಜ್ ಸಿಂಗ್ ಚೌಹಾಣ್ ಅವರು ರೈತರು ಸಾವಯವ ಕೃಷಿಯನ್ನು ಅವಲಂಬಿಸಬೇಕು ಎನ್ನುವ ನಿಟ್ಟಿನಲ್ಲಿ ಶ್ರಮಿಸುತ್ತಿದ್ದಾರೆ’ ಎಂದರು. `ಕೇಂದ್ರ ಸರ್ಕಾರದ ಪಿ ಎಂ ಪ್ರಣಾಮ್ ಯೋಜನೆ ಹಾಗೂ ಖೇತ್ ಬಚಾವೋ ಯೋಜನೆ ಅಡಿ ಅಭಿಯಾನ ನಡೆಸಲಾಗಿದ್ದು, ಸಮಾಜದ ಹಿತ ಕಾಯಲು ನಾವೆಲ್ಲರೂ ನೈಸರ್ಗಿಕ ಕೃಷಿಯತ್ತ ಸಾಗಬೇಕು” ಎಂದು ಅವರು ಕರೆ ನೀಡಿದರು. ಶಾಸಕ ದಿನಕರ ಶೆಟ್ಟಿ ಮಾತನಾಡಿ `ಅಂತ್ರವಳ್ಳಿಯಲ್ಲಿ ಎನ್ ಡಿ ಹೆಗಡೆಯವರು 20 ಎಕರೆ ಜಾಗದಲ್ಲಿ ಅತ್ಯುತ್ತಮವಾಗಿ ಕಾಳುಮೆಣಸು ಮತ್ತು ಅಡಿಕೆಯನ್ನು ಬೆಳೆದಿದ್ದಾರೆ. ರಾಸಾಯನಿಕ ಮುಕ್ತ ಸಾವಯವ ಕೃಷಿಯಿಂದಲೂ ಇಳುವರಿಪಡೆಯಲು ಸಾಧ್ಯ’ ಎಂದು ತೋರಿಸಿದ್ದಾರೆ’ ಎಂದರು. ನೈಸರ್ಗಿಕ ಪದ್ಧತಿಯಿಂದಲೇ 50 ಎಕರೆಯಲ್ಲಿ 500 ಕ್ವಿಂಟಲ್ ಕಾಳು ಮೆಣಸು ಬೆಳೆದಿರುವುದಾಗಿ ಎನ್ ಡಿ ಹೆಗಡೆ ಅವರು ಹೇಳಿದರು. ಬಿಜೆಪಿ ಜಿಲ್ಲಾಧ್ಯಕ್ಷ ಎನ್ ಎಸ್ ಹೆಗಡೆ, ಬಿಜೆಪಿ ರೈತಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಮಾತನಾಡಿದರು. ವಿವಿಧ ಕೃಷಿ ಕ್ಷೇತ್ರಗಳಲ್ಲಿ ಗಮನಾರ್ಹ ಸಾಧನೆ ಮಾಡಿದ ನಾಗು ಗೌಡ ಕಡ್ನೀರು, ಸಂತೋಷ ಹೆಗಡೆ ಶಿರಸಿ, ವಿಷ್ಣು ಜಟ್ಟು ಗೌಡ ಮೂರೂರು, ಲಕ್ಷ್ಮೀನಾರಾಯಣ ಹೆಗಡೆ ಕಲ್ಲಬ್ಬೆ, ಮಂಜುನಾಥ ಬೀರಾ ಗೌಡ ಕಂದೊಳ್ಳಿ, ಎನ್ ಡಿ ಹೆಗಡೆ, ನಾಗರಾಜ ನಾಯ್ಕ ಕಾಗಲ ಸೇರಿದಂತೆ ಹಲವರನ್ನು ಸನ್ಮಾನಿಸಿದರು. ಕುಮಟಾ ಬಿಜೆಪಿ ಮಂಡಲಾಧ್ಯಕ್ಷರಾದ ಗಣಪತಿ ಹೆಗಡೆ, ಪ್ರಮುಖರಾದ ಕುಮಾರ ಭಟ್, ಗಜಾನನ ಪೈ, ಡಾ ಜಿ ಜಿ ಹೆಗಡೆ, ವಿಷ್ಣ್ಣುಮೂರ್ತಿ ಹೆಗಡೆ ಇತರರಿದ್ದರು. `ಬಿಜೆಪಿ ರೈತ ಮೋರ್ಚಾ ಉತ್ತರ ಕನ್ನಡ ಘಟಕವು ಇಂತಹ ಉತ್ತಮ ಕಾರ್ಯಾಗಾರ ಆಯೋಜಿಸಿರುವುದು ಶ್ಲಾಘನೀಯ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದರು.  
- [ಯಲ್ಲಾಪುರದ ವ್ಯಕ್ತಿಗೆ ಹಂದಿ ಜ್ವರ: ಸಾವು!](https://mobiletime.in/2026/06/a-person-from-yellapur-has-died-from-swine-flu/): ಯಲ್ಲಾಪುರದ ಚವತ್ತಿಯ ರಾಜು ಗೌಡ ಅವರು ಹಂದಿ ಜ್ವರದಿಂದ ಸಾವನಪ್ಪಿದ್ದಾರೆ. ಜ್ವರ ಕಾಣಿಸಿಕೊಂಡ ನಂತರ 11 ದಿನಗಳ ಕಾಲ ಅವರಿಗೆ ನಿರಂತರ ಚಿಕಿತ್ಸೆ ನಡೆಸಲಾಗಿದ್ದು, ವಿವಿಧ ಆಸ್ಪತ್ರೆಗಳಿಗೆ ಕರೆದೊಯ್ದು ಆರೈಕೆ ಮಾಡಿದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಯಲ್ಲಾಪುರದ ಚವತ್ತಿ ಗ್ರಾಮದಲ್ಲಿ ರಾಜು ಮಂಜಾ ಗೌಡ ಅವರು ವಾಸವಾಗಿದ್ದರು. 41 ವರ್ಷದ ಅವರಿಗೆ ಜೂನ್ 10ರಂದು ಸಣ್ಣ ಪ್ರಮಾಣದಲ್ಲಿ ಜ್ವರ ಕಾಣಿಸಿಕೊಂಡಿತ್ತು. ಉಮ್ಮಚ್ಗಿಯ ಖಾಸಗಿ ಆಸ್ಪತ್ರೆಗೆ ಭೇಟಿ ನೀಡಿದ ಅವರು ಅಲ್ಲಿ ಚಿಕಿತ್ಸೆಪಡೆದು ಮನೆಗೆ ಮರಳಿದ್ದರು. ಅದಾದ ನಂತರ ಜ್ವರ ಕಡಿಮೆ ಆಗದ ಕಾರಣ ಜೂನ್ 12ರಂದು ಅವರು ಮಂಚಿಕೇರಿಯ ಖಾಸಗಿ ಆಸ್ಪತ್ರೆಗೆ ಭೇಟಿ ನೀಡಿದ್ದರು. ಅಲ್ಲಿ ನೀಡಿದ ಔಷಧಿಪಡೆದು ರಾಜು ಗೌಡ ಅವರು ಮನೆಗೆ ಮರಳಿದ್ದು, ಜೂನ್ 16ರಂದು ಅವರು ಇನ್ನಷ್ಟು ಆಯಾಸಗೊಂಡರು. ಜ್ವರ-ಸುಸ್ತು ಹೆಚ್ಚಾದ ಹಿನ್ನಲೆ ಜೂನ್ 16ರಂದು ರಾಜು ಗೌಡ ಅವರು ಶಿರಸಿಯ ಖಾಸಗಿ ಆಸ್ಪತ್ರೆಗೆ ತೆರಳಿದರು. ಅಲ್ಲಿ ಒಳ ರೋಗಿಯಾಗಿ ದಾಖಲಿಸಿ ಅವರನ್ನು ಆರೈಕೆ ಮಾಡಲಾಗಿದ್ದು, ನಂತರ ಆ ಆಸ್ಪತ್ರೆಯವರು ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ಕಳುಹಿಸಿದರು. ಜೂನ್ 21ರಂದು ಕೆ ಎಸ್ ಹೆಗಡೆ ಆಸ್ಪತ್ರೆಯಲ್ಲಿ ರಾಜು ಗೌಡ ಅವರು ಸಾವನಪ್ಪಿದ್ದಾರೆ. ರಾಜು ಗೌಡ ಅವರು ಹಂದಿ ಜ್ವರದಿಂದ (H1-N1) ಸಾವನಪ್ಪಿರುವುದು ಖಚಿತವಾಗಿದೆ. ಈ ಜ್ವರ ಮೂಗು, ಗಂಟಲು, ಶ್ವಾಸಕೋಶವನ್ನು ಬಾಧಿಸುವ ಸಾಂಕ್ರಾಮಿಕ ರೋಗವಾಗಿದೆ. ಮೈ-ಕೈ ನೋವು, ಕೆಮ್ಮು, ನೆಗಡಿ, ತಲೆ ನೋವು, ಗಂಟಲು ನೋವು, ಜ್ವರ ಹಾಗೂ ಆಯಾಸ ರೋಗದ ಪ್ರಮುಖ ಲಕ್ಷಣಗಳಾಗಿವೆ. ಈ ಜ್ವರಕ್ಕೆ ತುತ್ತಾದವರು ಕೆಮ್ಮಿದಾಗ ಗಾಳಿ ಮೂಲಕ ಅದು ಮತ್ತೊಬ್ಬರಿಗೆ ಹರಡುತ್ತದೆ. ರೋಗಿಗಳಿಗೆ ಅಧಿಕ ವಿಶ್ರಾಂತಿ, ದೃವ ಆಹಾರ ಹಾಗೂ ನೀರು ಸೇವನೆ ಅತಿ ಮುಖ್ಯ. ಸಕಾಲದಲ್ಲಿ ಚಿಕಿತ್ಸೆ ದೊರೆತರೆ ರೋಗ ವಾಸಿಯಾಗುವ ಸಾಧ್ಯತೆಗಳಿವೆ. ಅದಾಗಿಯೂ, ಉಸಿರಾಟ ಸಮಸ್ಯೆ, ಎದೆ ನೋವು, ನಿರ್ಜಲೀಕರಣ, ಆಯಾಸ ಕಾಣಿಸಿದರೆ ವೈದ್ಯರನ್ನು ಭೇಟಿಯಾಗುವುದು ಸೂಕ್ತ. ರೋಗದಿಂದ ಬಳಲುತ್ತಿದ್ದ ರಾಜು ಗೌಡ ಅವರ ಮನೆಗೆ ಜೂನ್ ೧೮ರಂದು ಆರೋಗ್ಯಾಧಿಕಾರಿಗಳು ಭೇಟಿ ನೀಡಿದ್ದರು. ರಾಜು ಗೌಡ ಅವರ ಕುಟುಂಬ ಸದಸ್ಯರನ್ನು ಸಹ ಅವರು ತಾಲೂಕು ಆಸ್ಪತ್ರೆಗೆ ಕರೆದೊಯ್ದು ಅವರನ್ನು ತಪಾಸಣೆಗೆ ಒಳಪಡಿಸಿದ್ದರು. ಕುಟುಂಬದವರನ್ನು ಪ್ರತ್ಯೇಕವಾಗಿರಿಸಿ ಅವರ ಸುರಕ್ಷತೆಗೆ ಒತ್ತು ನೀಡಿದ್ದರು. ಅದರ ಪರಿಣಾಮ ರೋಗ ಬೇರೆಯವರಿಗೆ ಹರಡುವ ಅಪಾಯ ತಪ್ಪಿದ್ದು, ಜೊತೆಗೆ ಗ್ರಾಮದಲ್ಲಿಯೂ ವೈದ್ಯರು ಈ ರೋಗದ ಬಗ್ಗೆ ಅರಿವು ಮೂಡಿಸಿದ್ದಾರೆ.
- [ನೇರಳೆ ಹಣ್ಣು ಹೆಚ್ಚು ಬಿಟ್ಟರೆ ಬರಗಾಲದ ಮುನ್ಸೂಚನೆಯೇ ??](https://mobiletime.in/2026/06/is-a-lot-of-purple-fruit-a-sign-of-drought/): ಗ್ರಾಮೀಣ ಪ್ರದೇಶಗಳಲ್ಲಿ ತಲೆಮಾರುಗಳಿಂದ ಹರಿದು ಬಂದಿರುವ ಅನೇಕ ನಂಬಿಕೆಗಳಲ್ಲಿ ಒಂದು, “ನೇರಳೆ ಹಣ್ಣು ಹೆಚ್ಚು ಬಂದ ವರ್ಷ ಬರಗಾಲ ಬರುತ್ತದೆ” ಎಂಬ ಮಾತು. ಮಲೆನಾಡು, ಕರಾವಳಿ ಹಾಗೂ ಕೆಲವು ಗ್ರಾಮೀಣ ಭಾಗಗಳಲ್ಲಿ ಹಿರಿಯರು ಈ ಮಾತನ್ನು ಇಂದಿಗೂ ಉಲ್ಲೇಖಿಸುತ್ತಾರೆ. ಆದರೆ ಈ ನಂಬಿಕೆಯ ಹಿಂದೆ ಯಾವುದೇ ವೈಜ್ಞಾನಿಕ ಆಧಾರ ಇದೆಯೇ ಎಂಬ ಪ್ರಶ್ನೆ ಹಲವರಲ್ಲಿ ಮೂಡುತ್ತದೆ.   ನೇರಳೆ ಮರ ಸಾಮಾನ್ಯವಾಗಿ ಬೇಸಿಗೆಯ ಕೊನೆಯ ಭಾಗದಲ್ಲಿ ಹೂ ಬಿಟ್ಟು ಹಣ್ಣು ಕೊಡುತ್ತದೆ. ಮರದಲ್ಲಿ ಹಣ್ಣುಗಳ ಪ್ರಮಾಣ ಹೆಚ್ಚಾಗುವುದು ಹಲವು ಕಾರಣಗಳ ಮೇಲೆ ಅವಲಂಬಿತವಾಗಿರುತ್ತದೆ. ಹಿಂದಿನ ವರ್ಷದ ಮಳೆಯ ಪ್ರಮಾಣ, ತಾಪಮಾನ, ಮಣ್ಣಿನ ಪೋಷಕಾಂಶಗಳು ಹಾಗೂ ಮರದ ಆರೋಗ್ಯ ಇವು ಹಣ್ಣಿನ ಇಳುವರಿಯನ್ನು ನಿರ್ಧರಿಸುತ್ತವೆ. ಕೆಲವೊಮ್ಮೆ ಉತ್ತಮ ಹವಾಮಾನ ಪರಿಸ್ಥಿತಿಗಳಿಂದ ಮರಗಳು ಹೆಚ್ಚು ಹಣ್ಣು ನೀಡುತ್ತವೆ.   ಗ್ರಾಮೀಣರು ಗಮನಿಸಿದ ಒಂದು ಸಂಗತಿ ಎಂದರೆ, ಕೆಲವು ವರ್ಷಗಳಲ್ಲಿ ನೇರಳೆ ಸೇರಿದಂತೆ ಕೆಲವು ಕಾಡುಮರಗಳು ಅಪಾರ ಪ್ರಮಾಣದಲ್ಲಿ ಹಣ್ಣು ಕೊಟ್ಟ ನಂತರ ಮಳೆ ಕಡಿಮೆಯಾಗಿರುವುದು. ಈ ಅನುಭವದ ಆಧಾರದ ಮೇಲೆ “ನೇರಳೆ ಹಣ್ಣು ಹೆಚ್ಚು ಬಂದರೆ ಬರಗಾಲ ಬರುತ್ತದೆ” ಎಂಬ ನಂಬಿಕೆ ರೂಪುಗೊಂಡಿರಬಹುದು. ಆದರೆ ಇದು ಎಲ್ಲ ವರ್ಷಗಳಲ್ಲೂ ನಿಜವಾಗುತ್ತದೆ ಎನ್ನಲು ಸಾಧ್ಯವಿಲ್ಲ.   ಹವಾಮಾನ ತಜ್ಞರ ಪ್ರಕಾರ ಮಳೆಯ ಪ್ರಮಾಣವನ್ನು ಸಮುದ್ರದ ಉಷ್ಣಾಂಶ, ವಾಯುಮಂಡಲದ ಒತ್ತಡ, ಗಾಳಿಯ ಚಲನೆ ಹಾಗೂ ಅನೇಕ ಜಾಗತಿಕ ಹವಾಮಾನ ಅಂಶಗಳು ನಿರ್ಧರಿಸುತ್ತವೆ. ನೇರಳೆ ಮರದ ಹಣ್ಣಿನ ಪ್ರಮಾಣ ಮತ್ತು ಮುಂದಿನ ಮಳೆಯ ನಡುವಿನ ನೇರ ಸಂಬಂಧವನ್ನು ಸಾಬೀತುಪಡಿಸುವ ವೈಜ್ಞಾನಿಕ ಅಧ್ಯಯನಗಳು ಲಭ್ಯವಿಲ್ಲ.   ಆದರೂ ಪ್ರಕೃತಿಯ ಬದಲಾವಣೆಗಳನ್ನು ಗಮನಿಸಿ ಹವಾಮಾನದ ಬಗ್ಗೆ ಊಹಿಸುವ ಸಂಪ್ರದಾಯ ನಮ್ಮ ಪೂರ್ವಜರಲ್ಲಿತ್ತು. ಪಕ್ಷಿಗಳ ವರ್ತನೆ, ಮರಗಳ ಹೂವು-ಹಣ್ಣು, ಕೀಟಗಳ ಚಟುವಟಿಕೆ ಇತ್ಯಾದಿಗಳನ್ನು ಅವರು ಪ್ರಕೃತಿಯ ಸೂಚನೆಗಳೆಂದು ಪರಿಗಣಿಸುತ್ತಿದ್ದರು. ನೇರಳೆ ಹಣ್ಣಿನ ಕುರಿತ ನಂಬಿಕೆಯೂ ಇಂತಹ ಜನಪದ ಜ್ಞಾನದಲ್ಲೊಂದು ಭಾಗವಾಗಿದೆ.   ಹೀಗಾಗಿ “ನೇರಳೆ ಹಣ್ಣು ಹೆಚ್ಚು ಬಂದರೆ ಬರಗಾಲ ಬರುತ್ತದೆ” ಎಂಬ ಮಾತು ಜನರ ಅನುಭವದಿಂದ ಹುಟ್ಟಿಕೊಂಡ ಜನನಂಬಿಕೆಯೇ ಹೊರತು, ಅದನ್ನು ವೈಜ್ಞಾನಿಕ ಸತ್ಯ ಎಂದು ಪರಿಗಣಿಸಲು ಸಾಧ್ಯವಿಲ್ಲ. ಆದರೂ ಇಂತಹ ನಂಬಿಕೆಗಳು ನಮ್ಮ ಗ್ರಾಮೀಣ ಸಂಸ್ಕೃತಿ ಮತ್ತು ಪ್ರಕೃತಿ ಅವಲೋಕನದ ಪರಂಪರೆಯನ್ನು ಪ್ರತಿಬಿಂಬಿಸುತ್ತವೆ.
- [ಆಸ್ಪತ್ರೆಗೆ ಹೊರಟಿದ್ದ ಅಜ್ಜಿಗೆ ಅಪಘಾತ: ಸಾವು!](https://mobiletime.in/2026/06/grandmother-dies-in-accident-on-way-to-hospital/): ರಕ್ತ ಪರೀಕ್ಷೆಗಾಗಿ ಅಂಕೋಲಾ ಆಸ್ಪತ್ರೆಗೆ ಹೊರಟಿದ್ದ ಲಲಿತಾ ನಾಯ್ಕ ಅವರಿಗೆ ಆಟೋ ಡಿಕ್ಕಿ ಹೊಡೆದಿದೆ. ಮಗನ ಜೊತೆ ಬೈಕಿನಲ್ಲಿ ಹೋಗುತ್ತಿದ್ದ ಲಲಿತಾ ನಾಯ್ಕ ಅವರು ಅಂಬಾರಕೊಡ್ಲ ತಿರುವಿನಲ್ಲಿ ಬಿದ್ದು ಸಾವನಪ್ಪಿದ್ದಾರೆ. ಅಂಕೋಲಾ ಶಿರಕುಳಿಯ ಲಲಿತಾ ನಾಯ್ಕ (75) ಅವರು ಶನಿವಾರ ಪೇಟೆಗೆ ಬಂದಿದ್ದರು. ಅನಾರೋಗ್ಯದ ಹಿನ್ನಲೆ ಮಗನ ಜೊತೆ ಅವರು ಆಸ್ಪತ್ರೆಗೆ ಹೊರಟಿದ್ದು, ಅವರ ಬೈಕಿಗೆ ಅಂಕೋಲಾ ಶೇಡಕುಳಿಯ ಆಟೋ ಚಾಲಕ ಪರ್ವಜ್ ಹರೂಜ್ ಶೇಖ್ ಅವರು ತಮ್ಮ ರಿಕ್ಷಾ ಗುದ್ದಿದರು. ಜೈಹಿಂದ್ ಸರ್ಕಲ್ ಕಡೆಯಿಂದ ಲೈಬ್ರೆರಿ ಕ್ರಾಸಿನ ಕಡೆ ಹೊರಟಿದ್ದ ರಿಕ್ಷಾ ಬೈಕಿಗೆ ಗುದ್ದಿದ ರಭಸಕ್ಕೆ ಬೈಕಿನಲ್ಲಿದ್ದವರು ರಸ್ತೆಗೆ ಬಿದ್ದರು. ಈ ಅಪಘಾತದಲ್ಲಿ ಬೈಕ್ ಓಡಿಸುತ್ತಿದ್ದ ರವಿ ಬೀರಪ್ಪ ನಾಯ್ಕ ಅವರಿಗೆ ಸಣ್ಣಪುಟ್ಟ ಪೆಟ್ಟಾಯಿತು. ಆದರೆ, ಅವರ ತಾಯಿ ಲಲಿತಾ ನಾಯ್ಕ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಜೊತೆಗೆ ಅವರು ಪ್ರಜ್ಞೆ ತಪ್ಪಿ ಬಿದ್ದರು. ಲಲಿತಾ ನಾಯ್ಕ ಅವರನ್ನು ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ಕರೆತಂದಿದ್ದು, ಅಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಕಾರವಾರ ಜಿಲ್ಲಾಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆದಿದ್ದು, ಕಾರವಾರ ತಲುಪುವುದರೊಳಗೆ ಅವರ ಪ್ರಾಣ ಹೋಗಿತ್ತು.
- [ಲೈನ್‌ಮೆನ್'ಗೆ ಕಚ್ಚಿದ ನಾಗರ ಹಾವು: ಸಾವು!](https://mobiletime.in/2026/06/lineman-bitten-by-cobra-death/): ಕಾರವಾರದ ಕಿನ್ನರದಲ್ಲಿ ಲೈನ್‌ಮೆನ್ ಆಗಿದ್ದ ಅಂಕೋಲಾ ಮೊಗಟಾದ ಸುರೇಶ ನಾಯಕ ಅವರಿಗೆ ನಾಗರ ಹಾವು ಕಚ್ಚಿದೆ. ವಿಷ ನೆತ್ತಿಗೆರಿದ ಕಾರಣ ಅವರು ಸಾವನಪ್ಪಿದ್ದಾರೆ. ಅಂಕೋಲಾ ಮೊಗಟಾದ ಶಾಂತಿಕಾ ಪರಮೇಶ್ವರಿ ದೇಗುಲದ ಬಳಿ ಸುರೇಶ ಗೋವಿಂದರಾಯ ನಾಯಕ ಅವರು ವಾಸವಾಗಿದ್ದರು. 48 ವರ್ಷದ ಅವರು ಕಾರವಾರದ ಕಿನ್ನರದಲ್ಲಿ ಲೈನ್‌ಮೆನ್ ಆಗಿ ಕರ್ತವ್ಯ ನಿಭಾಯಿಸುತ್ತಿದ್ದರು. ಪ್ರತಿ ದಿನ ಅವರು ರೈಲಿನ ಮೂಲಕ ಕೆಲಸಕ್ಕೆ ಹೋಗುತ್ತಿದ್ದರು. ಅದರಂತೆ, ಜೂನ್ 20ರಂದು ಸಹ ಅವರು ಅಂಕೋಲಾ ರೈಲು ನಿಲ್ದಾಣದ ಕಡೆ ಹೊರಟಿದ್ದರು. ನಡೆದು ಹೋಗುತ್ತಿದ್ದ ಅವರು ಅಂಕೋಲಾದ ಬೋಗದ್ದೆ ರಸ್ತೆಯಲ್ಲಿ ಮೂತ್ರ ವಿಸರ್ಜನೆಗೆ ಕೂತಿದ್ದು, ಆ ವೇಳೆ ಅವರಿಗೆ ನಾಗರ ಹಾವು ಕಚ್ಚಿತು. ಕೈ ಬೆರಳಿಗೆ ಹಾವು ಕಚ್ಚಿದ ಪರಿಣಾಮ ಸುರೇಶ ನಾಯಕ ಅವರು ಅಸ್ವಸ್ಥಗೊಂಡರು. ಅಲ್ಲಿ ನರಳಾಡುತ್ತಿದ್ದ ಅವರನ್ನು ಜನ ಆಸ್ಪತ್ರೆಗೆ ಸೇರಿಸಿದರು. ಆದರೆ, ಆಸ್ಪತ್ರೆ ಸೇರುವುದರೊಳಗೆ ಅವರು ಸಾವನಪ್ಪಿದ್ದರು. 10.45ಕ್ಕೆ ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ಅವರನ್ನು ಕರೆ ತರಲಾಗಿದ್ದು, ಪರೀಕ್ಷಿಸಿದ ವೈದ್ಯರು ಸಾವಿನ ಘೋಷಣೆ ಮಾಡಿದರು. ಚಿಕ್ಕಪ್ಪನ ಸಾವಿನ ಬಗ್ಗೆ ಎಂ ಜಿ ಗೋಕುಲ ಗೌರೀಶ ನಾಯಕ ಅವರು ಪೊಲೀಸ್ ದೂರು ನೀಡಿದ್ದು, ಮರಣೋತ್ತರ ಪರೀಕ್ಷೆ ನಂತರ ಕುಟುಂಬದವರು ಶವಪಡೆದಿದ್ದಾರೆ.
- [6 ಸಾವಿರ ಜನರಿಗೆ ಅನ್ಯಾಯ!](https://mobiletime.in/2026/06/6-thousand-people-cheated/): ಕಾರವಾರದ ಜೈದುರ್ಗಾ ಮಾತಾ ಸೌಹಾರ್ದ ಸಹಕಾರಿಯಲ್ಲಿ 52 ಕೋಟಿ ರೂ ಮೊತ್ತದ ವಂಚನೆ ನಡೆದಿದ್ದು, ಆರು ಸಾವಿರಕ್ಕೂ ಅಧಿಕ ಜನ ಸಮಸ್ಯೆಗೆ ಸಿಲುಕಿದ್ದಾರೆ. ಹೀಗಾಗಿ ಈ ಬಗ್ಗೆ ಸಮಗ್ರ ತನಿಖೆ ನಡೆಯಬೇಕು ಎಂದು ಅಲ್ಲಿನ ಠೇವಣಿದಾರರು ಆಗ್ರಹಿಸಿದ್ದಾರೆ. ಜೈದುರ್ಗಾ ಮಾತಾ ಸೌಹಾರ್ದ ಸಹಕಾರಿಯಲ್ಲಿ ಠೇವಣಿ ಮಾಡಿದ ಗ್ರಾಹಕರು ಶನಿವಾರ ಪ್ರತಿಭಟನೆ ಮಾಡಿದ್ದಾರೆ. ಜಿಲ್ಲಾಧಿಕಾರಿ ಕಚೇರಿವರೆಗೆ ಮೆರವಣಿಗೆ ನಡೆಸಿದ ಜನ ವ ಸಹಕಾರಿಯ ನಿರ್ದೇಶಕ ಲಿಂಗರಾಜ ಪುತ್ತು ಕಲ್ಗುಟಕರ ಅವರ ವಿರುದ್ಧ ಘೋಷಣೆ ಕೂಗಿದ್ದಾರೆ. ವಂಚನೆ ನಡೆದು ವರ್ಷ ಕಳೆದರೂ ಸಿಐಡಿ ವಿಶೇಷ ಘಟಕ ಹಾಗೂ ಬೆಂಗಳೂರು ಆರ್ಥಿಕ ಅಪರಾಧ ವಿಭಾಗವು ನ್ಯಾಯಾಲಯಕ್ಕೆ ಚಾರ್ಜ್ಶೀಟ್ ಸಲ್ಲಿಸದ ಬಗ್ಗೆ ಆಕ್ಷೇಪವ್ಯಕ್ತಪಡಿಸಿದ್ದಾರೆ. `ಈ ಪ್ರಕರಣದ ತ್ವರಿತ ತನಿಖೆಗಾಗಿ ಕಾರವಾರ ಸಹಾಯಕ ಆಯುಕ್ತರನ್ನು ನೇಮಿಸಲಾಗಿದ್ದರೂ ತನಿಖೆ ಮುಂದುವರೆದಿಲ್ಲ. ತನಿಖೆಯಲ್ಲಿ ನಿರೀಕ್ಷಿತ ಪ್ರಗತಿ ಕಾಣುತ್ತಿಲ್ಲ. ಹಗರಣವನ್ನು ಮುಚ್ಚಿಹಾಕುವ ಪ್ರಯತ್ನ ನಡೆದಿದ್ದು, ಅದಕ್ಕೆ ಅವಕಾಶ ಕೊಡುವುದಿಲ್ಲ’ ಎಂದು ಪ್ರತಿಭಟನಾಕಾರರು ಹೇಳಿದ್ದಾರೆ. `ತಕ್ಷಣ ಸರ್ಕಾರ ಮಧ್ಯಪ್ರವೇಶಿಸಿ ತನಿಖೆಯನ್ನು ಚುರುಕುಗೊಳಿಸಬೇಕು. ಗ್ರಾಹಕರ ಹಣವನ್ನು ಮರಳಿಸಬೇಕು’ ಎಂದು ಆಗ್ರಹಿಸಿದ್ದಾರೆ. ಇದೇ ವಿಷಯವಾಗಿ ಜುಲೈ 15ರಂದು ಬೆಂಗಳೂರಿನ ವಿಧಾನಸೌಧದ ಮುಂದೆ ಧರಣಿ ಸತ್ಯಾಗ್ರಹ ನಡೆಸುವುದಾಗಿಯೂ ಎಚ್ಚರಿಸಿದ್ದಾರೆ.
- [ಮಳೆಯೂ ಇಲ್ಲ.. ಬೆಳೆಯೂ ಇಲ್ಲ: ಅಡಿಕೆ ತೋಟಕ್ಕೆ JCB ನುಗ್ಗಿಸಿದ ರೈತ!](https://mobiletime.in/2026/06/no-rain-no-crop-farmer-destroys-areca-nut-plantation-using-jcb/): ಅಡಿಕೆಗೆ ಒಳ್ಳೆಯ ದರ ಬಂದಿರುವುದನ್ನು ನೋಡಿ ಗದ್ದೆಯನ್ನು ತೋಟ ಮಾಡಿದ್ದ ರೈತರೊಬ್ಬರು ದೊಡ್ಡ ಪ್ರಮಾಣದಲ್ಲಿ ನಷ್ಟ ಅನುಭವಿಸಿದ್ದಾರೆ. ಭವಿಷ್ಯದಲ್ಲಿ ಇನ್ನಷ್ಟು ಆರ್ಥಿಕ ಸಂಕಷ್ಟ ಅನುಭವಿಸುವುದನ್ನು ತಡೆಯುವುದಕ್ಕಾಗಿ ಅವರು ಜೆಸಿಬಿ ಯಂತ್ರಗಳನ್ನು ಬಳಸಿ 800ಕ್ಕೂ ಅಧಿಕ ಅಡಿಕೆ ಗಿಡಗಳನ್ನು ನಾಶ ಮಾಡಿದ್ದಾರೆ. ಶಿರಸಿಯ ದನಗನಗಳ್ಳಿಯಲ್ಲಿ ರಾಕೇಶ್ ಅಗಸರ ಅವರು ವಾಸವಾಗಿದ್ದಾರೆ. ರಾಮಚಂದ್ರ ಅಗಸರ ಅವರ ಮರಣದ ನಂತರ ರಾಕೇಶ್ ಅಗಸರ ಅವರಿಗೆ ಪಿತ್ರಾರ್ಜಿತವಾಗಿ ಬಂದ ಭೂಮಿ ಬಂದಿದ್ದು, ಅಲ್ಲಿ ಅವರು ಅಡಿಕೆ ತೋಟ ಮಾಡಿದ್ದಾರೆ. 22 ವರ್ಷದ ರಾಕೇಶ ಅಗಸರ್ ಅವರು ಕೃಷಿಯಲ್ಲಿಯೇ ಸಾಧನೆ ಮಾಡಬೇಕು ಎಂಬ ಕನಸು ಕಂಡು ಅಡಿಕೆ ಗಿಡಗಳಿಗೆ ಸಾಕಷ್ಟು ಆರೈಕೆ ಮಾಡಿದ್ದಾರೆ. 4 ವರ್ಷದ ಹಿಂದೆ ಅವರು ಬೆಳೆದ ಅಡಿಕೆ ಗಿಡಗಳು ಬೆಳವಣಿಗೆ ಹೊಂದಿಲ್ಲ. ನೀರಿನ ಕೊರತೆಯಿಂದ ಅಡಿಕೆ ಗಿಡಗಳು ಸೊರಗುತ್ತಿದ್ದು. ಅಡಿಕೆ ಗಿಡಗಳಿಗೆ ನೀರುಣಿಸುವುದಕ್ಕಾಗಿ ಆರು ಬೋರ್ ವೆಲ್ ಸಹ ತೆಗೆದಿದ್ದಾರೆ. ಆದರೆ, ಅಗತ್ಯ ಪ್ರಮಾಣದಲ್ಲಿ ನೀರು ಸಿಕ್ಕಿಲ್ಲ. ಈ ಭೂಮಿಯಲ್ಲಿನ ಐದು ಬೋರ್ ವೆಲ್ ವಿಫಲವಾಗಿದ್ದು, ಕಾಲಕ್ಕೆ ಸರಿಯಾಗಿ ಮಳೆಯೂ ಬಂದಿಲ್ಲ. ಆರನೇ ಬೋರ್‌ವೆಲ್’ನಲ್ಲಿ ಸಹ ನೀರು ಕಡಿಮೆಯಾದ ಕಾರಣ ಅಡಿಕೆ ಗಿಡಗಳು ಬಾಡಿದೆ. ಅವರು ಬೆಳೆಸಿದ್ದ ಅಡಿಕೆ ಗಿಡ ಒಣಗಲು ಶುರುವಾಗಿರುವುದನ್ನು ನೋಡಿ ಪರ್ಯಾಯ ದಾರಿಯಿಲ್ಲದೇ ಅವರು ತೋಟಕ್ಕೆ ಜೆಸಿಬಿ ನುಗ್ಗಿಸಿದ್ದಾರೆ. ಎರಡು ಎಕರೆ ಭೂಮಿಯಲ್ಲಿ ಬೆಳೆದಿದ್ದ ಸುಮಾರು ಎರಡು ವರ್ಷದ ಅಡಿಕೆ ಗಿಡಗಳನ್ನು ಅವರು ಶನಿವಾರ ನಾಶ ಮಾಡಿದ್ದಾರೆ. 800ಕ್ಕೂ ಅಧಿಕ ಅಡಿಕೆ ಗಿಡಗಳು ನೆಲಕ್ಕೆ ಉರುಳಿವೆ. ಲ ಕ್ಷಾಂತರ ರೂಪಾಯಿ ಸಾಲ ಮಾಡಿ ಮಾಡಿದ್ದ ತೋಟವನ್ನು ಅವರೇ ಹಾಳು ಮಾಡಿದ್ದು, ಬೇರೆ ಬೆಳೆಯಿಂದಾದರೂ ಆ ಸಾಲ ತೀರಿಸುವ ಪ್ರಯತ್ನಕ್ಕೆ ಮುಂದಾಗಿದ್ದಾರೆ. ತಮಗಾದ ನೋವಿನಿಂದಲೇ ಅವರು ತೋಟಕ್ಕೆ ಜೆಸಿಬಿ ನುಗ್ಗಿಸಿದ್ದು, ದಿನವೂ ಆರೈಕೆ ಮಾಡಿದ ಗಿಡಗಳು ನೆಲಕ್ಕೆ ಬೀಳುವುದನ್ನು ನೋಡಿ ರಾಕೇಶ್ ಅಗಸರ ಅವರ ಜೊತೆ ಕುಟುಂಬದವರು ಕಣ್ಣೀರು ಹಾಕಿದ್ದಾರೆ. `ಅಂತರ್ಜಲ ಕುಸಿದ ಕಾರಣ ಆರನೇ ಬೋರ್‌ವೆಲ್ ಸಹ ಕೈ ಕೊಟ್ಟಿತು. ಮುಂಗಾರು ಸಹ ಸರಿಯಾದ ಸಮಯಕ್ಕೆ ಬರಲಿಲ್ಲ. ತೋಟಕ್ಕೆ ನೀರು ಹರಿಸಲು ಸಾಧ್ಯವಾಗದೇ ಮುಂದೆ ತೋಟವನ್ನು ಉಳಿಸಿಕೊಳ್ಳುವುದು ಸಾಧ್ಯವಿಲ್ಲ ಎಂದು ನಿರ್ಣಯಿಸಿ ಕಠಿಣ ನಿರ್ಧಾರ ಮಾಡಿದೆ’ ಎಂದು ಮಾಧ್ಯಮದ ಮುಂದೆ ರಾಕೇಶ್ ಅಗಸರ ಅವರು ಅಳಲು ತೋಡಿಕೊಂಡಿದ್ದಾರೆ. `ಈ ತೋಟ ನಂಬಿ ಲಕ್ಷಾಂತರ ರೂಪಾಯಿ ಸಾಲ ಮಾಡಿದ್ದೆ. ಈಗ ಸಾಲಗಾರರ ಕಾಟಕ್ಕೆ ಹೆದರುವ ಹಾಗಾಗಿದೆ’ ಎಂದು ಸಹ ಅವರು ಹೇಳಿದ್ದಾರೆ.
- [ಪ್ರಯಾಣಿಕರೇ ಇಲ್ಲಿ ಗಮನಿಸಿ: ಕುಮಟಾದಿಂದ ಹೊರಟ ಈ ರೈಲು ತಿರುಪತಿಗೆ ತಲುಪಲಿದೆ...](https://mobiletime.in/2026/06/passengers-pay-attention-here-this-train-which-leaves-from-kumta-will-reach-tirupati/): ಕುಮಟಾದಿಂದ ತಿರುಪತಿಗೆ ಹೋಗುವವರ ಅನುಕೂಲಕ್ಕಾಗಿ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಶ್ರಮಿಸಿದ್ದು, ಅದರ ಫಲವಾಗಿ ಕಚೆಗುಡ ದ್ವಿ-ಸಪ್ತಾಯ ರೈಲು ಕುಮಟಾದವರೆಗೆ ವಿಸ್ತರಣೆಯಾಗಿದೆ. ಪ್ರತಿ ಬುಧವಾರ ಹಾಗೂ ಶನಿವಾರ ಮುರುಡೇಶ್ವರಕ್ಕೆ ಬರುತ್ತಿದ್ದ ಈ ರೈಲಿನ ಸಂಚಾರ ಇನ್ಮುಂದೆ ಕುಮಟಾವರೆಗೆ ಬರಲಿದೆ. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹಾಗೂ ಕುಮಟಾ ಶಾಸಕ ದಿನಕರ ಶೆಟ್ಟಿ ಅವರು ಕೇಂದ್ರ ರೇಲ್ವೆ ಸಚಿವರ ಮೇಲೆ ಒತ್ತಡ ಹಾಕಿದ್ದರು. ಸಾರ್ವಜನಿಕರು ಸಹ ರೈಲು ವಿಸ್ತರಣೆಗೆ ಆಗ್ರಹಿಸಿದ್ದರು. ಇದಕ್ಕೆ ಕೇಂದ್ರ ರೇಲ್ವೆ ಸಚಿವರು ಸ್ಪಂದಿಸಿದ್ದು, ಆ ರೈಲು ಕುಮಟಾದವರೆಗೆ ಬರಲಿದೆ. ಕುಮಟಾ ರೇಲ್ವೆ ನಿಲ್ದಾಣದಿಂದ ಪ್ರತಿ ಬುಧವಾರ ಹಾಗು ಶನಿವಾರ ಮಧ್ಯಾಹ್ನ 3.25 ಗಂಟೆಗೆ ಈ ರೈಲು ಹೊರಡಲಿದೆ. ಶನಿವಾರ ಈ ರೈಲಿಗೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ, ಶಾಸಕ ದಿನಕರ ಶೆಟ್ಟಿ ಹಾಗೂ ಕೊಂಕಣ ರೇಲ್ವೆ ವ್ಯವಸ್ಥಾಪಕ ನಿರ್ದೇಶಕ ಸಂತೋಷಕುಮಾರ ಝೂ ಅವರು ಚಾಲನೆ ನೀಡಿದ್ದಾರೆ. ಹಸಿರು ಬಾವುಟ ತೋರಿಸಿದ ನಂತರ ರೈಲು ಮುಂದೆ ಚಲಿಸಿದೆ.
- [ನೀರು ಬಿಡಲು ಹೋದವ ನದಿ ಪಾಲು!](https://mobiletime.in/2026/06/whoever-goes-to-release-water-the-river-will-share-it/): ಕಳೆದ 35 ವರ್ಷಗಳಿಂದ ಹೊನ್ನಾವರದ ಖರ್ವಾ ಗ್ರಾಮ ಪಂಚಾಯತದಲ್ಲಿ ವಾಟರ್‌ಮ್ಯಾನ್ ಆಗಿದ್ದ ಗೋಪಾಲ ನಾಯ್ಕ ಅವರು ಗುಂಡುಬಾಳ ನದಿಯಲ್ಲಿ ಮುಳುಗಿ ಸಾವನಪ್ಪಿದ್ದಾರೆ. ಊರಿನ ಜನರಿಗೆ ನೀರುಣಿಸಿದ ನಂತರ ಕೈ-ಕಾಲು ತೊಳೆಯಲು ಹೊಳೆಗೆ ಹೋಗಿದ್ದ ಅವರು ಅಲ್ಲಿಯೇ ಅಸುನೀಗಿದ್ದಾರೆ. ಖರ್ವಾ ಗ್ರಾಮದ ಜಡ್ಡಿತ್ಲದಲ್ಲಿ ಗೋಪಾಲ ವೆಂಕ್ಟ ನಾಯ್ಕ ಅವರು ವಾಸವಾಗಿದ್ದರು. 55 ವರ್ಷದ ಅವರು 35 ವರ್ಷಗಳಿಂದ ಖರ್ವಾ ಗ್ರಾಮ ಪಂಚಾಯತದಿoದ ನೀರು ಬಿಡುವ ಕೆಲಸ ಮಾಡುತ್ತಿದ್ದರು. ಗುರುವಾರ ಮಧ್ಯಾಹ್ನದಿಂದ ಅವರು ನಿಗೂಢವಾಗಿ ನಾಪತ್ತೆಯಾಗಿದ್ದು, ಕುಟುಂಬಸ್ಥರು ಹಾಗೂ ಸ್ಥಳೀಯರು ರಾತ್ರಿ ಪೂರ್ತಿ ವಿವಿಧೆಡೆ ಹುಡುಕಾಟ ನಡೆಸಿದ್ದರು. ಯಾವುದೇ ಸುಳಿವು ಸಿಕ್ಕಿರಲಿಲ್ಲ. ಶುಕ್ರವಾರ ಸಂಜೆ ವೇಳೆಗೆ ವಲ್ಕಿ ಪಳ್ಳಿಯಲ್ಲಿರುವ ಮಹಮದ್ ಮೀರಾ ಹಸನ್ ಸಿದ್ದಿ ಬಾಷಾ ಅವರ ಮನೆ ಬಳಿ ಶವವೊಂದು ಕಾಣಿಸಿತು. ಗುಂಡಬಾಳ ನದಿಯ ವಲ್ಕಿ ಪಳ್ಳಿ ದಡದ ಬಳಿ ಶವವೊಂದು ತೇಲುತ್ತಿರುವುದನ್ನು ಗಮನಿಸಿದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದರು. ಸ್ಥಳಕ್ಕೆ ಭೇಟಿ ನೀಡಿದ ಪಿಎಸ್‌ಐ ಮಂಜುನಾಥ ನೇತೃತ್ವದ ತಂಡ ಸ್ಥಳೀಯರ ನೆರವಿನಿಂದ ಶವವನ್ನು ನದಿಯಿಂದ ಮೇಲಕ್ಕೆತ್ತಿ ಪರಿಶೀಲನೆ ನಡೆಸಿತು. ಈ ವೇಳೆ ಗೋಪಾಲ ನಾಯ್ಕ ಅವರ ಪುತ್ರಿ ದೀಪಿಕಾ ನಾಯ್ಕ ಅವರು ಅಲ್ಲಿಗೆ ಆಗಮಿಸಿ, ತಂದೆಯ ಶವ ಗುರುತಿಸಿದರು. ಸದ್ಯ ಮರಣೋತ್ತರ ಪರೀಕ್ಷೆಗಾಗಿ ದೇಹವನ್ನು ಹೊನ್ನಾವರ ತಾಲೂಕು ಆಸ್ಪತ್ರೆಗೆ ರವಾನಿಸಲಾಗಿದೆ.
- [ಬಲಕ್ಕೆ ಇಂಡಿಕೇಟರ್ ಹಾಕಿ ಎಡಕ್ಕೆ ತಿರುಗಿದ ಸರ್ಕಾರಿ ಜೀಪು: ಪೊಲೀಸ್ ವಶ!](https://mobiletime.in/2026/06/government-jeep-turns-left-with-right-indicator-on-police-arrest-it/): ಕಾರವಾರದಲ್ಲಿ ಸಂಚಾರಿ ನಿಯಮಗಳನ್ನು ಉಲ್ಲಂಘಿಸಿ ಸಂಚರಿಸುತ್ತಿದ್ದ ಸರ್ಕಾರಿ ಜೀಪನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಆ ಜೀಪಿನ ಬೆನ್ನು ಬಿದ್ದಿದ್ದು, ಕಾರಾಗೃಹ ಇಲಾಖೆ ಅಧಿಕಾರಿಯೊಬ್ಬರ ಜೀಪಿನ ನಿಯಮ ಉಲ್ಲಂಘನೆಯನ್ನು ಬಹಿರಂಗಪಡಿಸಿದ್ದಾರೆ. ಕಾರವಾರದ ಕೇಂದ್ರ ಕಾರಾಗೃಹಕ್ಕೆ ಹೇಮವತಿ ಅವರು ಜೈಲರ್ ಆಗಿದ್ದಾರೆ. ಅವರು ಸಂಚರಿಸುವ ಸರ್ಕಾರಿ ಜೀಪಿಗೆ 15 ವರ್ಷ ಕಳೆದಿದೆ. ಆ ಜೀಪಿನ ವಿಮಾ ಅವಧಿಯೂ ಮುಗಿದಿದೆ. ಅದಾಗಿಯೂ, ಕಾರಾಗೃಹ ಇಲಾಖೆ ಆ ಜೀಪನ್ನು ಓಡಿಸುತ್ತಿದ್ದು, ಸಂಚಾರಿ ನಿಯಮಗಳೆಲ್ಲವನ್ನು ಗಾಳಿಗೆ ತೂರಲಾಗಿದೆ. ಇನ್ನೂ, ಈ ಜೀಪು ಎಡಕ್ಕೆ ಇಂಡಿಕೇಟರ್ ಹಾಕಿದರೆ ಬಲಕ್ಕೆ ತಿರುಗುತ್ತದೆ. ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ವಿವಿಧ ವಿಡಿಯೋಗಳ ಮೂಲಕ ಶನಿವಾರ ಅದನ್ನು ಸೆರೆ ಹಿಡಿದು, ಸಂಚಾರಿ ಠಾಣೆ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಈ ದೂರಿನ ಹಿನ್ನಲೆ ಕಾರಾಗೃಹ ಸಿಬ್ಬಂದಿ ಆ ಗುಜುರಿ ಜೀಪಿನಲ್ಲಿ ಸಂಚರಿಸುತ್ತಿದ್ದಾಗಲೇ ತಡೆದಿದ್ದಾರೆ. ಪೊಲೀಸರು ಜೀಪ್ ಹಿಡಿದ ನಂತರ ಜೈಲರ್ ಹೇಮಾವತಿ ಅವರು ಜೀಪಿನಿಂದ ಇಳಿದು ಸಿಬ್ಬಂದಿಯೊಬ್ಬರ ಬೈಕ್ ಹತ್ತಿದ್ದಾರೆ. `ಪೊಲೀಸರು ಖಾಸಗಿ ವಾಹನಗಳ ದಾಖಲೆ ಮಾತ್ರ ಪರಿಶೀಲಿಸುತ್ತಾರೆ. ಸರ್ಕಾರಿ ಅಧಿಕಾರಿಗಳು ಸಂಚರಿಸುವ ವಾಹನಗಳ ಬಗ್ಗೆ ತಲೆ ಕೆಡಿಸಿಕೊಂಡಿಲ್ಲ. ಕಾರಾಗೃಹ ಇಲಾಖೆ ಜೀಪಿನ ವಿಮಾ ಅವಧಿ ಮುಗಿದು ಮೂರು ವರ್ಷವಾದರೂ ಯಾರೂ ಗಮನಿಸಿಲ್ಲ. ಅಧಿಕಾರಿಗಳು ಸಂಚಾರಿ ನಿಯಮ ಉಲಂಘಿಸಿದರೂ ಕ್ರಮ ಜರುಗಿಸುತ್ತಿಲ್ಲ’ ಎಂದು ಜನ ಆಕ್ಷೇಪಿಸಿದ್ದಾರೆ.
- [ಏಳು ಹಸು ಕೊಂದವನಿಗೆ ಆರು ತಿಂಗಳು ಗಡಿಪಾರು: ಊರು ಬಿಟ್ಟ ಗೋ ಹಂತಕ!](https://mobiletime.in/2026/06/man-who-killed-seven-cows-gets-six-months-in-exile-cow-killer-who-left-town/): ಅಮಾಯಕ ಆಕಳುಗಳನ್ನು ಕೊಂದು ಆರಾಮಾಗಿ ಅಲೆದಾಡುತ್ತಿದ್ದ ಭಟ್ಕಳದ ಇಸ್ಮಾಯಲ್ ಹವ್ವಾ ಅವರನ್ನು ಪೊಲೀಸರು ಗಡಿಪಾರು ಮಾಡಿದ್ದಾರೆ. ಪ್ರಕರಣಗಳೆರಡರಲ್ಲಿ ಶಿಕ್ಷೆ ಅನುಭವಿಸಿದರೂ ಸ್ವಭಾವದಲ್ಲಿ ಯಾವುದೇ ಬದಲಾವಣೆಯಾಗದ ಕಾರಣ ಈ ಕ್ರಮ ಅನುಸರಿಸಿದ್ದಾರೆ. ಭಟ್ಕಳದ ಮೂಸಾ ನಗರದ ಸಿದ್ದಿಕ್ ಸ್ಟಿಟ್ ಬಳಿ ಇಸ್ಮಾಯಲ್ ಹವ್ವಾ ಅವರು ವಾಸವಾಗಿದ್ದರು. ಈವರೆಗೆ ಒಟ್ಟು ಏಳು ಬಾರಿ ಅವರು ಹಸು ಕೊಂದ ಪ್ರಕರಣದಲ್ಲಿ ಸಿಕ್ಕಿ ಬಿದ್ದಿದ್ದರು. ಆ ಪೈಕಿ ಎರಡು ಪ್ರಕರಣದಲ್ಲಿ ಅವರು ಶಿಕ್ಷೆಯನ್ನು ಅನುಭವಿಸಿದ್ದು, ಐದು ಪ್ರಕರಣಗಳು ವಿಚಾರಣಾ ಹಂತದಲ್ಲಿವೆ. ೨೦೨೦ರಿಂದ ಇಸ್ಮಾಯಲ್ ಹವ್ವಾ ಅವರ ವಿರುದ್ಧ ಪೊಲೀಸ್ ದೂರುಗಳು ದಾಖಲಾಗುತ್ತಿವೆ. ಅದಾಗಿಯೂ, ಇಸ್ಮಾಯಲ್ ಹವ್ವಾ ಅವರ ವರ್ತನೆ ಮಾತ್ರ ಬದಲಾಗಿಲ್ಲ. ಇಸ್ಮಾಯಲ್ ಹವ್ವಾ ಅವರ ಈ ಕ್ರೂರ ಸ್ವಭಾವ ಹಾಗೂ ಅಪರಾದ ಹಿನ್ನಲೆ ಶಾಂತಿ ಸುವ್ಯವಸ್ಥೆಗೆ ದಕ್ಕೆ ತರುವ ಸಾಧ್ಯತೆಯಿರುವ ಹಿನ್ನಲೆ ಭಟ್ಕಳ ಪೊಲೀಸರು ಗಡಿಪಾರಿಗೆ ಮನವಿ ಮಾಡಿದ್ದು, ಜಿಲ್ಲಾ ಪೊಲೀಸ್ ಅಧೀಕ್ಷಕರು ಆ ಮನವಿಯನ್ನು ಪುರಸ್ಕರಿಸಿದ್ದಾರೆ. ಜೂನ್ ೧೭ರಂದು ಆದೇಶ ಹೊರಡಿಸಿದ ಪೊಲೀಸ್ ಅಧೀಕ್ಷಕರು ಇಸ್ಮಾಯಲ್ ಹವ್ವಾ ಅವರನ್ನು ಇಲ್ಲಿಂದ ರಾಯಚೂರು ಜಿಲ್ಲೆಗೆ ಗಡಿಪಾರು ಮಾಡಿದ್ದಾರೆ. ಅದರ ಪ್ರಕಾರ, ಪೊಲೀಸರು ಇಸ್ಮಾಯಲ್ ಹವ್ವಾ ಅವರನ್ನು ರಾಯಚೂರು ಜಿಲ್ಲೆಯ ಗ್ರಾಮೀಣ ಪೊಲೀಸ್ ಠಾಣೆಗೆ ಬಿಟ್ಟು ಬಂದಿದ್ದಾರೆ.
- [ಹಿರಿಯರ ಪಾದ ಮುಟ್ಟಿ ನಮಸ್ಕಾರ ಮಾಡುವುದು ಸಂಪ್ರದಾಯ ಮಾತ್ರವಲ್ಲ](https://mobiletime.in/2026/06/touching-the-feet-of-elders-and-saluting-them-is-not-just-a-tradition/): ನಮ್ಮ ಭಾರತೀಯ ಸಂಸ್ಕೃತಿಯಲ್ಲಿ ಹಿರಿಯರ ಪಾದ ಮುಟ್ಟಿ ನಮಸ್ಕಾರ ಮಾಡುವ ಪದ್ಧತಿಗೆ ವಿಶೇಷ ಮಹತ್ವವಿದೆ. ಇದು ಕೇವಲ ಸಂಪ್ರದಾಯದ ಭಾಗವಾಗಿರದೇ, ಹಿರಿಯರ ಮೇಲಿನ ಗೌರವ, ಕೃತಜ್ಞತೆ ಮತ್ತು ವಿನಯವನ್ನು ವ್ಯಕ್ತಪಡಿಸುವ ಸುಂದರ ಆಚರಣೆಯಾಗಿದೆ. ಇಂದಿನ ಆಧುನಿಕ ಯುಗದಲ್ಲಿಯೂ ಈ ಪದ್ಧತಿ ಅನೇಕ ಕುಟುಂಬಗಳಲ್ಲಿ ಮುಂದುವರಿದಿದ್ದು, ಪೀಳಿಗೆಯಿಂದ ಪೀಳಿಗೆಗೆ ಮೌಲ್ಯಗಳನ್ನು ಸಾಗಿಸುವ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತಿದೆ.   ಹಿರಿಯರ ಪಾದಸ್ಪರ್ಶ ಮಾಡಿ ಆಶೀರ್ವಾದ ಪಡೆಯುವಾಗ ಮನಸ್ಸಿನಲ್ಲಿ ಸಕಾರಾತ್ಮಕ ಭಾವನೆಗಳು ಮೂಡುತ್ತವೆ. ಇದರಿಂದ ಹಿರಿಯರು ಸಂತೋಷಪಡುವುದರ ಜೊತೆಗೆ ಕಿರಿಯರಲ್ಲಿ ವಿನಯಶೀಲತೆ ಮತ್ತು ಶಿಸ್ತಿನ ಗುಣಗಳು ಬೆಳೆಯುತ್ತವೆ. ಕುಟುಂಬ ಸದಸ್ಯರ ನಡುವಿನ ಬಾಂಧವ್ಯ ಗಟ್ಟಿಯಾಗಲು ಹಾಗೂ ಪರಸ್ಪರ ಗೌರವ ಹೆಚ್ಚಲು ಈ ಸಂಪ್ರದಾಯ ಸಹಕಾರಿಯಾಗಿದೆ.   ಆರೋಗ್ಯದ ದೃಷ್ಟಿಯಿಂದಲೂ ಈ ಅಭ್ಯಾಸಕ್ಕೆ ಕೆಲವು ಪರೋಕ್ಷ ಪ್ರಯೋಜನಗಳಿವೆ. ನಮಸ್ಕಾರ ಮಾಡುವಾಗ ದೇಹ ಸ್ವಲ್ಪ ಬಾಗುವುದರಿಂದ ಬೆನ್ನು, ಸೊಂಟ ಹಾಗೂ ಕಾಲುಗಳ ಸ್ನಾಯುಗಳಿಗೆ ಚಲನೆ ಸಿಗುತ್ತದೆ. ಅಲ್ಲದೆ, ಗೌರವಪೂರ್ವಕವಾಗಿ ನಮಸ್ಕಾರ ಮಾಡುವ ಕ್ರಿಯೆ ಮನಸ್ಸಿನಲ್ಲಿ ಶಾಂತಿ ಮತ್ತು ನೆಮ್ಮದಿಯ ಭಾವನೆ ಮೂಡಿಸಲು ಸಹಾಯ ಮಾಡುತ್ತದೆ.   ಹಿರಿಯರಿಂದ ದೊರೆಯುವ ಆಶೀರ್ವಾದವು ಜೀವನದಲ್ಲಿ ಆತ್ಮವಿಶ್ವಾಸ ಮತ್ತು ಧೈರ್ಯವನ್ನು ಹೆಚ್ಚಿಸುತ್ತದೆ ಎಂಬ ನಂಬಿಕೆ ನಮ್ಮ ಸಮಾಜದಲ್ಲಿದೆ. ವೈಜ್ಞಾನಿಕವಾಗಿ ಇದನ್ನು ಅಳೆಯಲು ಸಾಧ್ಯವಾಗದಿದ್ದರೂ, ಹಿರಿಯರ ಪ್ರೋತ್ಸಾಹ ಮತ್ತು ಶುಭ ಹಾರೈಕೆಗಳು ವ್ಯಕ್ತಿಯ ಮನೋಬಲವನ್ನು ಹೆಚ್ಚಿಸುವುದು ನಿಜ. ಒಟ್ಟಾರೆ, ಹಿರಿಯರ ಪಾದ ಮುಟ್ಟಿ ನಮಸ್ಕಾರ ಮಾಡುವುದು ಕೇವಲ ಒಂದು ಸಂಪ್ರದಾಯವಲ್ಲ. ಅದು ಗೌರವ, ಸಂಸ್ಕಾರ, ಕುಟುಂಬದ ಮೌಲ್ಯಗಳು ಮತ್ತು ಸಕಾರಾತ್ಮಕ ಮನೋಭಾವವನ್ನು ಪ್ರತಿಬಿಂಬಿಸುವ ಅರ್ಥಪೂರ್ಣ ಆಚರಣೆಯಾಗಿದೆ
- [ಸುವರ್ಣಗಡ್ಡೆಯ ಹೂವಿಗೆ ಕೆಟ್ಟ ವಾಸನೆ ಯಾಕೆ? ](https://mobiletime.in/2026/06/why-does-the-goldenrod-flower-smell-bad/): ಪ್ರಕೃತಿಯಲ್ಲಿ ಎಲ್ಲ ಹೂವುಗಳೂ ಸುಗಂಧಭರಿತವಾಗಿರುತ್ತವೆ ಎಂಬುದು ಸಾಮಾನ್ಯ ಕಲ್ಪನೆ. ಆದರೆ ಕೆಲವು ಹೂಗಳು ಮಾತ್ರ ಮನುಷ್ಯರಿಗೆ ಅಸಹ್ಯವೆನಿಸುವಷ್ಟು ತೀವ್ರವಾದ ದುರ್ವಾಸನೆಯನ್ನು ಹೊರಹಾಕುತ್ತವೆ. ಮಲೆನಾಡು ಪ್ರದೇಶಗಳಲ್ಲಿ ಕಂಡುಬರುವ ಸುವರ್ಣಗಡ್ಡೆ ಹೂವು ಕೂಡ ಅಂತಹ ಹೂಗಳಲ್ಲಿ ಒಂದಾಗಿದ್ದು ಅದು ಮನೆಯ ಅಕ್ಕಪಕ್ಕದಲ್ಲಿ ಅರಳಿದರೆ ಕೊಳೆತ ಮಾಂಸದ ವಾಸನೆ ಮೂಗಿಗೆ ಬಡಿಯುತ್ತದೆ.   ಸುವರ್ಣಗಡ್ಡೆಯ ಹೂವು ಅರಳುವ ಸಮಯದಲ್ಲಿ ಕೊಳೆಯುತ್ತಿರುವ ಮಾಂಸ ಅಥವಾ ಕೊಳೆತ ಸಾವಯವ ವಸ್ತುಗಳಂತೆಯೇ ವಾಸನೆಯನ್ನು ಹೊರಸೂಸುತ್ತದೆ. ಈ ವಾಸನೆಯು ಮನುಷ್ಯರಿಗೆ ಅಹಿತಕರವಾಗಿ ತೋರಿದರೂ, ಸಸ್ಯದ ಬದುಕಿಗೆ ಇದು ಅತ್ಯಂತ ಮುಖ್ಯವಾದ ತಂತ್ರವಾಗಿದೆ. ಹೂವಿನ ಪರಾಗಸ್ಪರ್ಶಕ್ಕೆ ಅಗತ್ಯವಿರುವ ಹುಳಗಳು, ಜೀರುಂಡೆಗಳು ಮತ್ತು ಕೆಲವು ಕೀಟಗಳನ್ನು ಆಕರ್ಷಿಸಲು ಸಸ್ಯವು ಇಂತಹ ವಾಸನೆಯನ್ನು ಉತ್ಪಾದಿಸುತ್ತದೆ. ಕೀಟಗಳು ಆ ವಾಸನೆಯತ್ತ ಸೆಳೆಯಲ್ಪಟ್ಟು ಹೂವಿನ ಮೇಲೆ ಕುಳಿತುಕೊಳ್ಳುವಾಗ ಪರಾಗಸ್ಪರ್ಶ ನಡೆಯುತ್ತದೆ. ಇದರಿಂದ ಸಸ್ಯದ ಸಂತಾನೋತ್ಪತ್ತಿ ಸುಗಮವಾಗುತ್ತದೆ.   ಮಲೆನಾಡಿನ ಅರಣ್ಯ ಪ್ರದೇಶಗಳಲ್ಲಿ ಸುವರ್ಣಗಡ್ಡೆಯ ಜೊತೆಗೆ ಇತರ ಕೆಲವು ಹೂಗಳು ಸಹ ತೀವ್ರ ವಾಸನೆಗಾಗಿ ಹೆಸರುವಾಸಿಯಾಗಿವೆ.  ಕೆಲವು ಹೂಗಳು ಹಾಗೂ ಕೆಲವು ಅಪರೂಪದ ಅರಣ್ಯ ಸಸ್ಯಗಳು ಕೊಳೆತ ವಸ್ತುಗಳ ವಾಸನೆಯನ್ನು ಹೋಲುವ ಪರಿಮಳವನ್ನು ಹೊರಸೂಸುತ್ತವೆ. ಇವುಗಳ ಉದ್ದೇಶವೂ ಕೀಟಗಳನ್ನು ಆಕರ್ಷಿಸಿ ಪರಾಗಸ್ಪರ್ಶವನ್ನು ಹೆಚ್ಚಿಸುವುದೇ ಆಗಿದೆ. ವಿಜ್ಞಾನಿಗಳ ಪ್ರಕಾರ, ಇಂತಹ ಹೂಗಳು ಪ್ರಕೃತಿಯಲ್ಲಿನ ವಿಶೇಷ ಹೊಂದಾಣಿಕೆಯ ಉದಾಹರಣೆಗಳಾಗಿವೆ.    ಸುಗಂಧ ಹೂಗಳು ಜೇನುನೊಣಗಳು ಮತ್ತು ಚಿಟ್ಟೆಗಳನ್ನು ಸೆಳೆದರೆ, ದುರ್ವಾಸನೆಯ ಹೂಗಳು ಈಗೆಗಳು ಮತ್ತು ಕೊಳೆತ ವಸ್ತುಗಳತ್ತ ಆಕರ್ಷಿತರಾಗುವ ಕೀಟಗಳನ್ನು ಸೆಳೆಯುತ್ತವೆ. ಹೀಗಾಗಿ ಸುವರ್ಣಗಡ್ಡೆಯ ಹೂವಿನ ದುರ್ವಾಸನೆ ಯಾವುದೇ ದೋಷವಲ್ಲ. ಅದು ಪ್ರಕೃತಿಯ ಬುದ್ದಿವಂತಿಕೆಯಿಂದ  ರೂಪುಗೊಂಡಿರುವ ಒಂದು ಜೀವಶಾಸ್ತ್ರದ ತಂತ್ರವಾಗಿದ್ದು, ಸಸ್ಯದ ಉಳಿವು ಮತ್ತು ಸಂತಾನೋತ್ಪತ್ತಿಗೆ ನೆರವಾಗುವ ಮಹತ್ವದ ಗುಣವಾಗಿದೆ. ಮಲೆನಾಡಿನ ಕಾಡುಗಳಲ್ಲಿ ಇಂತಹ ವಿಚಿತ್ರ ಹೂಗಳನ್ನು ಕಾಣುವುದು ಪ್ರಕೃತಿಯ ವೈವಿಧ್ಯತೆಯ ಅದ್ಭುತ ಅನುಭವವಾಗಿದೆ.
- [ಬನವಾಸಿ ದಾಟದ ಗೋವಾ ಸರಾಯಿ!](https://mobiletime.in/2026/06/a-goa-sarai-that-banavasi-has-not-crossed/): ಗೋವಾದಿಂದ ಕರ್ನಾಟಕ ಪ್ರವೇಶಿಸಿದ ಸರಾಯಿ ದಾವಣೆಗೆರೆ ಕಡೆ ಹೊರಟಿದ್ದು, ಬನವಾಸಿ ಪೊಲೀಸರು ಈ ಅಕ್ರಮ ಸಾಗಾಟ ತಡೆದಿದ್ದಾರೆ. ಸರಾಯಿ ಸಾಗಾಟಗಾರರಿಬ್ಬರನ್ನು ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ. ದಾವಣಗೆರೆ ಜಿಲ್ಲೆಯ ಚನ್ನಗಿರಿ ತಾಲೂಕಿನ ಕಣಿವೆ ಬಿಳಚಿ ಗ್ರಾಮದ ಅರುಣ್ ರಾಮಚಂದ್ರ ರಾವ್ (35) ಹಾಗೂ ರಾಘವೇಂದ್ರ ಫಕ್ಕಿರಪ್ಪ (43) ಅವರು ಗೋವಾಗೆ ಹೋಗಿದ್ದರು. ಅಲ್ಲಿಂದ ಊರಿಗೆ ಮರಳುವಾಗ ತಮ್ಮ ನ್ಯಾನ್ಯೋ ಕಾರಿನ ತುಂಬ ಸರಾಯಿ ತುಂಬಿಕೊAಡಿದ್ದರು. ಅಗ್ಗದ ಬೆಲೆಗೆ ಸಿಗುವ ಸರಾಯಿಯನ್ನು ದುಬಾರಿ ದರಕ್ಕೆ ಮಾರಾಟ ಮಾಡಿ ಶ್ರೀಮಂತರಾಗುವ ಕನಸು ಕಂಡಿದ್ದರು. ಜೂನ್ 19ರ ಮಧ್ಯಾಹ್ನ ಗೋವಾದಿಂದ ಹೊರಟ ಅವರು ಬನವಾಸಿ-ಶಿರಸಿ ರಸ್ತೆಯ ಕದಂಬ ಸರ್ಕಲ್ ಸಮೀಪ ಸಿಕ್ಕಿಬಿದ್ದರು. ಈ ವೇಳೆ ಕಾರಿನೊಳಗೆ ಮೂರು ಪ್ಲಾಸ್ಟಿಕ್ ಚೀಲಗಳಲ್ಲಿ ಇರಿಸಲಾಗಿದ್ದ ಐದು ರಟ್ಟಿನ ಬಾಕ್ಸುಗಳನ್ನು ತೆರೆದ ಪೊಲೀಸರಿಗೆ 60 ಸರಾಯಿ ಬಾಟಲಿಗಳು ಕಾಣಿಸಿದವು. 22ಸಾವಿರ ರೂ ಮೌಲ್ಯದ ಮದ್ಯದ ಬಾಟಲಿಗಳನ್ನು ಪೊಲೀಸರು ವಶಕ್ಕೆಪಡೆದರು. ಮನೆಯ ಕಾರ್ಯಕ್ರಮಕ್ಕಾಗಿ ಮದ್ಯವನ್ನು ಸಾಗಿಸುತ್ತಿರುವುದಾಗಿ ಆರೋಪಿತರು ಹೇಳಿದರೂ ಪೊಲೀಸರು ಅದನ್ನು ಬಿಟ್ಟುಕೊಡಲಿಲ್ಲ. ರಾಜ್ಯದ ತೆರಿಗೆ ತಪ್ಪಿಸಿ ಸರಾಯಿ ಸಾಗಿಸಿದ ಕಾರಣ ಪೊಲೀಸ್ ಉಪನಿರೀಕ್ಷಕ ರವೀಂದ್ರ ಬಿರಾದಾರ ಅವರು ಕಠಿಣ ಕ್ರಮ ಜರುಗಿಸಿದರು.
- [ರಿಕ್ರಿಯೇಶನ್ ನೋಂದಣಿ ರದ್ದಾಗುವ ಸಾಧ್ಯತೆ!](https://mobiletime.in/2026/06/recreation-registration-may-be-canceled/): ಶಿರಸಿಯ ಪ್ಲಾಂಟರ್ಸ ರಿಕ್ರಿಯೇಶನ್ ಅಸೋಸಿಯೇಶನ್’ನಲ್ಲಿ ಅಪರಾತಪರ ನಡೆದಿದೆ. ರಿಕ್ರಿಯೇಶನ್ ಅಸೋಸಿಯೇಶನ್’ನವರು ಬೈಲಾಗೆ ವಿರುದ್ಧವಾದ ಚಟುವಟಿಕೆಗಳನ್ನು ನಡೆಸಿದ್ದಾರೆ. ಈ ಎಲ್ಲಾ ವಿವರ ಸರ್ಕಾರಿ ಕಡತ ಸೇರಿದ್ದು, ಅದನ್ನು ನೋಂದಣಾಧಿಕಾರಿ ಕಚೇರಿ ಗಂಭೀರವಾಗಿ ಪರಿಗಣಿಸಿದೆ. ಶಿರಸಿಯ ಪ್ಲಾಂಟರ್ಸ ರಿಕ್ರಿಯೇಶನ್ ಅಸೋಸಿಯೇಶನ್’ಗೆ ಈಗಾಗಲೇ ಸರ್ಕಾರದಿಂದ ನೋಟಿಸ್ ಜಾರಿಯಾಗಿದೆ. ಸಂಘದ ರದ್ಧತಿ ನೋಂದಣಿ ಮಾಡುವುದಾಗಿ ಎಚ್ಚರಿಕೆಯನ್ನು ಸಹ ನೀಡಲಾಗಿದೆ. ಆದರೆ, ನೋಂದಣಿ ರದ್ಧತಿ ಪೂರ್ವದಲ್ಲಿ ಸಂಘದ ಆಡಳಿತ ಮಂಡಳಿ ಅಹವಾಲಿಗೆ ಅವಕಾಶ ನೀಡಲಾಗಿದ್ದು, ಆ ಅವಕಾಶವನ್ನು ಆಡಳಿತ ಮಂಡಳಿಯವರು ಸರಿಯಾಗಿ ಬಳಸಿಕೊಂಡಿಲ್ಲ. ಜೂನ್ 5 ಹಾಗೂ ಜೂನ್ 19ರಂದು ಎರಡು ಬಾರಿ ಪ್ಲಾಂಟರ್ಸ ರಿಕ್ರಿಯೇಶನ್ ಅಸೋಸಿಯೇಶನ್’ಗೆ ನೋಟಿಸ್ ನೀಡಿದರೂ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಈ ಹಿನ್ನಲೆ ಜಿಲ್ಲಾ ನೋಂದಣಾಧಿಕಾರಿ ಹಾಗೂ ಸಹಕಾರಿ ಸಂಘಗಳ ಉಪನಿಬಂಧಕರು ಈ ದಿನ ಕೊನೆಯ ಎಚ್ಚರಿಕೆ ನೀಡಿದ್ದಾರೆ. 3 ದಿನದ ಒಳಗೆ ಕಾರವಾರ ಹಬ್ಬುವಾಡದಲ್ಲಿರುವ ಸಹಕಾರ ಸಂಘಗಳ ಉಪನಿಬಂಧಕರ ಕಚೇರಿಗೆ ಬಾರದೇ ಇದ್ದರೆ ಕರ್ನಾಟಕ ಸಂಘಗಳ ಕಾಯ್ದೆ 1960 ರನ್ವಯ ನೋಂದಣಿ ರದ್ಧತಿಗೆ ಕ್ರಮ ಜರುಗಿಸುವುದಾಗಿ ಅಧಿಕಾರಿಗಳು ಎಚ್ಚರಿಸಿದ್ದಾರೆ.  
- [ಪೊಲೀಸರನ್ನು ಕಂಡು ಪರಾರಿ: ನಾಲ್ವರು ಅಂದರ್-ಐವರು ಬಾಹರ್!](https://mobiletime.in/2026/06/four-people-escaped-after-seeing-the-police-five-others-escaped/): ಕುಮಟಾ ಮಾರುತಿ ಶೋರೂಮಿನಲ್ಲಿ ಕೆಲಸ ಮಾಡುವ ರಮೇಶ ನಾಯ್ಕ, ಎಪಿಎಂಸಿಯಲ್ಲಿ ಹಮಾಲಿ ಕೆಲಸ ಮಾಡುವ ಗಜಾನನ ನಾಯ್ಕ, ಅಳ್ವೆಕೊಡಿಯ ಸಂತೋಷ ನಾಯ್ಕ, ಅದೇ ಊರಿನ ಜನಾರ್ಧನ ನಾಯ್ಕ ಹಾಗೂ ನಾಯ್ಕ ಸ್ಟೀಲ್ ಬಳಿ ಕೂಲಿ ಕೆಲಸ ಮಾಡುವ ನಾಗೇಂದ್ರ ಪಟಗಾರ ಅವರನ್ನು ಪೊಲೀಸರು ಹುಡುಕುತ್ತಿದ್ದಾರೆ. ದೇವಗುಂಡಿ ಬಳಿ ವಾಸವಾಗಿರುವ ಹರಿಶ್ಚಂದ್ರ ಪಟಗಾರ, ಅಳ್ವೆಕೊಡಿಯ ಇಲೆಕ್ಟಿçಶಿಯನ್ ವೆಂಕಟೇಶ ನಾಯ್ಕ, ಅದೇ ಭಾಗದ ಕೂಲಿ ಕಾರ್ಮಿಕರಾದ ರಾಜೇಶ ನಾಯ್ಕ ಹಾಗೂ ಪಾಂಡುರoಗ ಗಾವಡಿ ಸಿಕ್ಕಿ ಬಿದ್ದಿದ್ದಾರೆ. ದೇವಗುಂಡಿಯ ಬಳಿ ವಾಸವಾಗಿರುವ ಅಳ್ವೆಕೊಡಿಯ ಹರಿಶ್ಚಂದ್ರ ಈಶ್ವರ ಪಟಗಾರ ಅವರು ಜೂನ್ 17ರಂದು ತಮ್ಮ ಸ್ನೇಹಿತರನ್ನು ಜೂಜಾಟಕ್ಕೆ ಆಮಂತ್ರಿಸಿದ್ದರು. ಆ ದಿನ ರಾತ್ರಿ ಅಳ್ವೆಕೊಡಿ ಗ್ರಾಮದ ವಿದ್ಯಾನಗರದ ಬಳಿ ಎಲ್ಲರೂ ಸೇರಿದ್ದರು. ಅಳ್ವೆಕೊಡಿಯ ಸಂತೋಷ ನಾಯ್ಕ, ಅಳ್ವೆಕೊಡಿ ಚರ್ಚ ಬಳಿಯ ಇಲೆಕ್ಟಿçಶಿಯನ್ ವೆಂಕಟೇಶ ಮಾಸ್ತಿ ನಾಯ್ಕ, ಅಳ್ವೆಕೊಡಿಯ ಕೂಲಿ ಕಾರ್ಮಿಕ ರಾಜೇಶ ಗಣಪತಿ ನಾಯ್ಕ, ಅದೇ ಊರಿನ ಪಾಂಡುರAಗ ನಾಗಪ್ಪ ಗಾವಡಿ, ಜನಾರ್ಧನ ಮಾಧವ ನಾಯ್ಕ (ಜಾನು), ಮಾರುತಿ ಶೋರೂಮಿನಲ್ಲಿ ಕೆಲಸ ಮಾಡುವ ರಮೇಶ ನಾಯ್ಕ, ಎಪಿಎಂಸಿಯಲ್ಲಿ ಹಮಾಲಿ ಮಾಡುವ ಗಜಾನನ ರಾಮಾ ನಾಯ್ಕ, ನಾಯ್ಕ ಸ್ಟೀಲ್ ಬಳಿ ಕೂಲಿ ಕೆಲಸ ಮಾಡುವ ನಾಗೇಂದ್ರ ಈಶ್ವರ ಪಟಗಾರ ಸೇರಿ ಅಲ್ಲಿ ಅಂದರ್ ಬಾಹರ್ ಆಟ ಶುರು ಮಾಡಿದ್ದರು. ರಾತ್ರಿ 11 ಗಂಟೆ ಕಳೆದರೂ ಅವರ ಆಟಕ್ಕೆ ಕಡಿವಾಣ ಬಿದ್ದಿರಲಿಲ್ಲ. ಈ ಜೂಜಾಟ ನೋಡಿದ ವ್ಯಕ್ತಿಯೊಬ್ಬರು ಪಿಸೈ ರವಿ ಗುಡಿ ಅವರಿಗೆ ಫೋನ್ ಮಾಡಿದರು. ಪೊಲೀಸರು ವಿಶೇಷ ತಂಡದ ಜೊತೆ ಅಲ್ಲಿ ಹಾಜರಾದರು. ಪೊಲೀಸರನ್ನು ನೋಡಿದ ರಮೇಶ ನಾಯ್ಕ, ಗಜಾನನ ನಾಯ್ಕ, ಸಂತೋಷ ನಾಯ್ಕ, ಜನಾರ್ಧನ ನಾಯ್ಕ ಹಾಗೂ ನಾಗೇಂದ್ರ ಪಟಗಾರ ಓಡಿ ಪರಾರಿಯಾದರು. ಹರಿಶ್ಚಂದ್ರ ಪಟಗಾರ, ವೆಂಕಟೇಶ ನಾಯ್ಕ, ರಾಜೇಶ ನಾಯ್ಕ, ಪಾಂಡುರAಗ ಗಾವಡಿ ಅವರು ಪೊಲೀಸರ ಬಳಿ ಸಿಕ್ಕಿಬಿದ್ದರು. ಸಿಕ್ಕಿಬಿದ್ದ ಅವರೆಲ್ಲರೂ ಓಡಿ ಹೋದವರ ಹೆಸರನ್ನು ಪೊಲೀಸರ ಮುಂದೆ ಬಾಯ್ಬಿಟ್ಟರು. ಅಂದರ್ ಬಾಹರ್ ಆಟಕ್ಕೆ ಬಳಸಿದ್ದ 5080ರೂ ಹಣ ಹಾಗೂ ಇನ್ನಿತರ ಪರಿಕ್ಕರಗಳನ್ನು ಪೊಲೀಸರು ಜಪ್ತು ಮಾಡಿದರು. ಓಡಿ ಹೋದವರ ಹೆಸರನ್ನು ಸೇರಿಸಿ ಕಾನೂನು ಕ್ರಮ ಜರುಗಿಸಿದರು.  
- [ದ್ವೇಷ ಭಾಷಣ.. ಮೂರು ಪ್ರಕರಣ: ಅದಾಗಿಯೂ, ಭಟ್ಕಳ ಸಂಪೂರ್ಣ ಶಾಂತ!](https://mobiletime.in/2026/06/hate-speech-three-cases-despite-that-bhatkal-is-completely-calm/): ಸೂಪರ್ ಮಾರ್ಟಿನಲ್ಲಿ ಕೆಲಸ ಮಾಡುವ ಭಟ್ಕಳ ಕಾರಗದ್ದೆಯ ಶಾಹೀದ್ ಖಾನ್ ಅವರು ಅದೇ ಸೂಪರ್ ಮಾರ್ಟಿನ ಹಿಂದೂ ಯುವತಿಯನ್ನು ಕಾರಿನಲ್ಲಿ ಕರೆದೊಯ್ದು ಅನುಚಿತವಾಗಿ ವರ್ತಿಸಿದ್ದು, ಹಿಂದೂ ಮುಖಂಡರು ಪೊಲೀಸ್ ಠಾಣೆಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಿದ್ದಾರೆ. ಈ ವೇಳೆ ಹನುಮಾನ ನಗರದ ಗೋವಿಂದ ನಾಯ್ಕ ಅವರು ದ್ವೇಷ ಭಾಷಣ ಮಾಡಿದ್ದು, ಅದರಿಂದ ಆಗಬಹುದಾದ ಇನ್ನಷ್ಟು ದೊಡ್ಡ ಪ್ರಮಾಣದ ಗಲಾಟೆಯನ್ನು ಪೊಲೀಸರು ತಪ್ಪಿಸಿದ್ದಾರೆ. ಜೂನ್ 17ರಂದು ಶಾಹೀದ್ ಖಾನ್ ಅವರು ಯುವತಿಯೊಬ್ಬರನ್ನು ಮಾತನಾಡುವುದಕ್ಕೆ ಆಮಂತ್ರಿಸಿದ್ದರು. ಆ ಯುವತಿ ಆಗಮಿಸಿದಾಗ ಬಲವಂತವಾಗಿ ಅವರನ್ನು ಕಾರಿನಲ್ಲಿ ಕೂರಿಸಿದ್ದರು. ಮಾರುಕೇರಿ ಗ್ರಾಮದಿಂದ ಶಿರಾಲಿ ಚಿತ್ರಾಪುರದ ಗಡೆಹಬ್ಬದ ಕಡೆ ಹೋಗುತ್ತಿದ್ದ ಕಾರು ಮಣ್ಣಿನ ರಾಡಿಯಲ್ಲಿ ಸಿಕ್ಕಿಬಿದ್ದಿತ್ತು. ಅಲ್ಲಿದ್ದ ಜನ ಕಾರನ್ನು ಎತ್ತಿ ಪಕ್ಕದಲ್ಲಿರಿಸಿದ್ದು, ಒಳಗಿದ್ದವರ ಬಗ್ಗೆ ವಿಚಾರಿಸಿದ್ದರು. ಆಗ, ಹಿಂದು ಯುವತಿಯನ್ನು ಮುಸ್ಲಿಂ ಯುವಕ ಒತ್ತಾಯಪೂರ್ವಕವಾಗಿ ಕಾರಿನಲ್ಲಿ ಕರೆತಂದಿರುವುದು ಗೊತ್ತಾಗಿತ್ತು. ಸಿಟ್ಟಾದ ಕುಮಾರ ನಾಯ್ಕ ಹಾಗೂ ಶ್ರೀಕಾಂತ ನಾಯ್ಕ ಅವರು ಶಾಹೀದ್ ಖಾನ್ ಅವರ ಮೇಲೆ ಕೈ ಮಾಡಿದ್ದರು. ಕೈ ಮಾಡಿದವರ ವಿರುದ್ಧ ಶಾಹೀದ್ ಖಾನ್ ಪೊಲೀಸ್ ಪ್ರಕರಣ ದಾಖಲಿಸಿದ್ದರು. ಶಾಹೀದ್ ಖಾನ್ ನೀಡಿದ ಹಿಂಸೆಯ ಬಗ್ಗೆ ಯುವತಿ ಸಹ ಪೊಲೀಸ್ ದೂರು ನೀಡಿದ್ದರು. ಹಿಂದೂ ಕಾರ್ಯಕರ್ತರ ವಿರುದ್ಧ ದಾಖಲಾದ ದೂರಿನ ಸುದ್ದಿ ಕೇಳಿ ಅನೇಕರು ಪೊಲೀಸ್ ಠಾಣೆಗೆ ಜಮಾಯಿಸಿ ಪ್ರತಿಭಟಿಸಿದ್ದರು. ಈ ವೇಳೆ ಗೋವಿಂದ ನಾಯ್ಕ ಅವರು ಪೊಲೀಸರನ್ನು ನಿಂದಿಸಿ ಭಾಷಣ ಮಾಡಿದ್ದರು. ಜೊತೆಗೆ ಮುಸ್ಲಿಂ ಸಮುದಾಯದ ವಿರುದ್ಧ ಪ್ರಚೋದನಾಕಾರಿ ಮಾತುಗಳನ್ನಾಡಿದ್ದರು. ಹೀಗಾಗಿ ಭಟ್ಕಳ ಪಿಐ ನೀಡಿದ ದೂರಿನ ಅನ್ವಯ ಗೋವಿಂದ ನಾಯ್ಕ ಅವರ ವಿರುದ್ಧವೂ ಪೊಲೀಸರು ಕೇಸು ದಾಖಲಿಸಿದ್ದರು. ಈ ಎಲ್ಲಾ ಬೆಳವಣಿಗೆ ನಂತರ ಶಾಂತಿ-ಸುವ್ಯವಸ್ಥೆ ದೃಷ್ಠಿಯಿಂದ ಭಟ್ಕಳಲ್ಲಿ ಇನ್ನಷ್ಟು ಸಮಸ್ಯೆಯಾಗುವ ಸಾಧ್ಯತೆಯಿದ್ದು, ಜಾಲತಾಣಗಳ ಮೇಲೆ ಪೊಲೀಸರು ಕಣ್ಣಿಟ್ಟಿದ್ದರು. ಕಾನೂನು ಸುವ್ಯವಸ್ಥೆಗೆ ಧಕ್ಕೆ ಆಗುವ ಪೋಸ್ಟ್ ಬಾರದಂತೆ ಎಚ್ಚರವಹಿಸಿದ್ದರು. ಸದ್ಯ ಪೊಲೀಸರು ಮತ್ತೊಮ್ಮೆ ಜಾಲತಾಣದ ಶೂರರಿಗೆ ಎಚ್ಚರಿಕೆ ನೀಡಿದ್ದು, ಕೋಮು ಪ್ರಚೋದನೆ ಸಂದೇಶ ಕಳುಹಿಸಿದರೆ ಕಠಿಣ ಕ್ರಮ ಜರುಗಿಸುವುದಾಗಿ ಹೇಳಿದ್ದಾರೆ.
- [ಸರ್ಕಾರಿ ರಸ್ತೆಗೆ ಖಾಸಗಿ ಬೇಲಿ: ತೆರವು!](https://mobiletime.in/2026/06/private-fence-on-government-road-clear/): ಕಾರವಾರದ ಚೆಂಡಿಯಾದಲ್ಲಿ ರುಕ್ಕಾಂಗದ ನಾಯ್ಕ ಅವರು ಸಾರ್ವಜನಿಕ ರಸ್ತೆಗೆ ತಡೆಗೋಡೆ ನಿರ್ಮಿಸಿದ್ದು, ಸರ್ಕಾರಿ ಅಧಿಕಾರಿಗಳು ಆ ತಡೆಗೋಡೆ ತೆರವು ಮಾಡಿದ್ದಾರೆ. ಜನ ನೀಡಿದ ದೂರಿನ ಅನ್ವಯ ಕಾರ್ಯಾಚರಣೆ ನಡೆಸಿದ ಅಧಿಕಾರಿಗಳು ರಸ್ತೆ ಓಡಾಟಕ್ಕೆ ಮುಕ್ತ ಅವಕಾಶ ಮಾಡಿಕೊಟ್ಟಿದ್ದಾರೆ. ಕಾರವಾರ ತಾಲೂಕಿನ ಚೆಂಡಿಯಾ ಗ್ರಾಮದ ರಾಷ್ಟ್ರೀಯ ಹೆದ್ದಾರಿಯಿಂದ ಐಸ್ ಫ್ಯಾಕ್ಟರಿಯವರಗೆ ಅನಾಧಿಕಾಲದಿಂದಲೂ ರಸ್ತೆ ಸಂಪರ್ಕವಿದೆ. ಆ ರಸ್ತೆ ಕಾಲ ಕಾಲಕ್ಕೆ ಸುಧಾರಣೆಯಾಗುತ್ತ ಬಂದಿದ್ದು, ಸದ್ಯ ಕಾಂಕ್ರೀಟ್ ರಸ್ತೆಯನ್ನಾಗಿ ಮಾಡಲಾಗಿದೆ. ಆದರೆ, ಈಚೆಗೆ ಚೆಂಡಿಯಾ ಗ್ರಾಮದ ರುಕ್ಕಾಂಗದ ನಾಯ್ಕ ಅವರು ಆ ರಸ್ತೆಗೆ ಅಡ್ಡಲಾಗಿ ತಡೆಗೋಡೆ ನಿರ್ಮಿಸಿದ್ದಾರೆ. ಇದರಿಂದ ಸಾರ್ವಜನಿಕರ ಓಡಾಟಕ್ಕೆ ಸಮಸ್ಯೆಯಾಗಿದ್ದು, ಜನ ಗ್ರಾಮ ಪಂಚಾಯತಗೆ ದೂರು ನೀಡಿದ್ದಾರೆ. ರುಕ್ಕಾಂಗದ ನಾಯ್ಕ ಅವರು ಆ ಮಾರ್ಗವಾಗಿ ಓಡಾಡುವ ಜನರಿಗೆ ಅನಗತ್ಯ ತೊಂದರೆ ಮಾಡುತ್ತಿರುವ ಬಗ್ಗೆಯೂ ಅಲ್ಲಿನವರು ದೂರಿದ್ದಾರೆ. ಈ ದೂರು ಆಲಿಸಿದ ಚೆಂಡಿಯಾ ಗ್ರಾಮ ಪಂಚಾಯತ್ ನ ಆಡಳಿತಾಧಿಕಾರಿ ಪ್ರಶಾಂತ್ ಎಚ್ ಎಸ್ ಅವರು ಭೂದಾಖಲೆಗಳ ಸಹಾಯಕ ನಿರ್ದೇಶಕರು, ಬಾಡ ಉಪತಹಶೀಲ್ದಾರ್ ಹಾಗೂ ಜಿಲ್ಲಾಧಿಕಾರಿಗಳ ಕಚೇರಿಯ ಕಾನೂನು ಸಲಹೆಗಾರರ ಜೊತೆ ಚರ್ಚಿಸಿದ್ದಾರೆ. ಸಾಕಷ್ಟು ಪತ್ರ ವ್ಯವಹಾರದ ನಂತರ ಆ ರಸ್ತೆಗೆ ಅಡ್ಡಲಾಗಿದ್ದ ತಡೆಗೋಡೆ ಒಡೆಯುವ ನಿರ್ಣಯ ಮಾಡಿದ್ದಾರೆ. ಅದರಂತೆ, ಶುಕ್ರವಾರ ಪೊಲೀಸರ ಜೊತೆ ಸ್ಥಳಕ್ಕೆ ಹೋದ ಅವರು ಕಂದಾಯ ಅಧಿಕಾರಿಗಳ ಸಹಾಯಪಡೆದು ರಸ್ತೆಗೆ ಅಡ್ಡಲಾಗಿದ್ದ ತಡೆಗೋಡೆಯನ್ನು ತೆಗೆದಿದ್ದಾರೆ. ಜೊತೆಗೆ ಸಾರ್ವಜನಿಕರು ಮುಕ್ತವಾಗಿ ಆ ರಸ್ತೆಯಲ್ಲಿ ಓಡಾಡಲು ಅನುಕೂಲ ಮಾಡಿಕೊಟ್ಟಿದ್ದಾರೆ.
- [ಅನಾರೋಗ್ಯ: ಆಸ್ಪತ್ರೆಗೆ ಬರುವ ಮೊದಲೇ ಜವರಾಯನ ಅಟ್ಟಹಾಸ!](https://mobiletime.in/2026/06/illness-javarayans-laughter-before-he-even-arrived-at-the-hospital/): ಉತ್ತರ ಕನ್ನಡ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ ಪೊಲೀಸ್ ಸಿಬ್ಬಂದಿ ಸುನೀಲ ಕೋಳಿ ಅವರ ಆರೋಗ್ಯದಲ್ಲಿ ದಿಢೀರ್ ಏರುಪೇರಾಗಿದ್ದು, ಆಸ್ಪತ್ರೆ ಸೇರಿಸುವ ಮೊದಲೇ ಅವರು ಸಾವನಪ್ಪಿದ್ದಾರೆ. ಅನಾರೋಗ್ಯದ ಕಾರಣ ನರಳಾಡುತ್ತಿದ್ದ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ಮಾಡಿದರೂ ಪ್ರಯೋಜನವಾಗಿಲ್ಲ. ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ಸುನೀಲ್ ಅಣ್ಣಪ್ಪ ಕೋಳಿ ಅವರು ಸದ್ಯ ಕಾರವಾರದ ಉತ್ತರ ಕನ್ನಡ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯಲ್ಲಿದ್ದರು. 43 ವರ್ಷದ ಅವರು ಎಲ್ಲರ ಜೊತೆ ಚನ್ನಾಗಿಯೇ ಇದ್ದು, ಆರೋಗ್ಯದಲ್ಲಿಯೂ ದೊಡ್ಡ ಸಮಸ್ಯೆ ಕಾಣಿಸಿಕೊಂಡಿರಲಿಲ್ಲ. ಆದರೆ, ಜೂನ್ 17ರಂದು ಬೆಳಗ್ಗೆ ಅವರು ಏಕಾಏಕಿ ಆಯಾಸಗೊಂಡರು. ಆರೋಗ್ಯದಲ್ಲಿ ಏರುಪೇರಾದ ಕಾರಣ ಡಿಎಆರ್ ಕಚೇರಿಯ ವಿಶ್ರಾಂತಿ ಕೊಠಡಿಗೆ ಹೋಗಿ ನಿದ್ರಿಸುವ ಪ್ರಯತ್ನ ಮಾಡಿದ್ದರು. ಆದರೆ, ಎಷ್ಟು ಹೊತ್ತು ಕಳೆದರೂ ಅವರ ಆಯಾಸ ಕಡಿಮೆ ಆಗಲಿಲ್ಲ. ನಿದ್ದೆಯೂ ಬರಲಿಲ್ಲ. ಅವರ ಆರೋಗ್ಯ ಇನ್ನಷ್ಟು ಹದಗೆಟ್ಟಿದ ಪರಿಣಾಮ ವಿಶ್ರಾಂತಿ ಕೋಣೆಯಲ್ಲಿಯೇ ನರಳಾಡುತ್ತಿದ್ದರು. ಮಧ್ಯಾಹ್ನ ಇದನ್ನು ಗಮನಿಸಿದ ಸಹದ್ಯೋಗಿಗಳು ತಕ್ಷಣ ಕಾರವಾರ ಜಿಲ್ಲಾಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ಮಾಡಿದರು. ಆದರೆ, ದಾರಿ ಮಧ್ಯೆಯೇ ಸುನೀಲ ಕೋಳಿ ಅವರು ಉಸಿರು ನಿಲ್ಲಿಸಿದರು. ಆಸ್ಪತ್ರೆ ವೈದ್ಯರು ಸುನೀಲ ಕೋಳಿ ಅವರ ಸಾವನ್ನು ಖಚಿತಪಡಿಸಿದರು. ಸದ್ಯ ಸುನೀಲ ಕೋಳಿ ಅವರ ದೇಹ ಆಸ್ಪತ್ರೆಯ ಶವಾಗಾರದಲ್ಲಿದೆ. ಮರಣೋತ್ತರ ಪರೀಕ್ಷೆ ನಂತರ ಶವವನ್ನು ಕುಟುಂಬಕ್ಕೆ ಹಸ್ತಾಂತರಿಸಲಾಗುತ್ತದೆ.
- [ಶಿರಸಿಗೆ ಶ್ರೇಯಸ್ಸು ತಂದ ಶ್ರೇಯಾ ಹೆಗಡೆ](https://mobiletime.in/2026/06/shreya-hegde-brought-glory-to-sirsi/): 3.5 ಕೋಟಿ ರೂ ಮೌಲ್ಯದ ವಿದ್ಯಾರ್ಥಿ ವೇತನದೊಂದಿಗೆ ಅಮೇರಿಕಾದ ಆಮ್‌ಹರ್ಸ್ಟ್ ಕಾಲೇಜು ಪ್ರವೇಶಿಸಿದ್ದ ಶಿರಸಿಯ ಶ್ರೇಯಾ ಹೆಗಡೆ ಅವರು ಅಮೇರಿಕಾದ ಮ್ಯಾಸಚೂಸೆಟ್ಸ್’ನಲ್ಲಿರುವ ಆಮ್‌ಹರ್ಸ್ಟ್ ಕಾಲೇಜಿನ ಕಂಪ್ಯೂಟರ್ ಸೈನ್ಸ್ ಹಾಗೂ ಇಂಗ್ಲಿಷ್ ಲಿಟರೇಚರ್ ವಿಷಯದಲ್ಲಿ ಮಹತ್ವದ ಸಾಧನೆ ಮಾಡಿದ್ದಾರೆ. ಈವರೆಗೆ 14 ದೇಶಗಳಿಗೆ ಸಂಚರಿಸಿ ಸಂಶೋಧನೆ ನಡೆಸಿರುವ ಅವರು ಸದ್ಯ ಅಮೇರಿಕಾ ವಿದ್ಯಾರ್ಥಿಗಳಿಗೂ ಸೆಡ್ಡು ಹೊಡೆದು ತಮ್ಮ ಪ್ರತಿಭೆ ಪ್ರದರ್ಶಿಸಿದ್ದಾರೆ. ಶ್ರೇಯಾ ಹೆಗಡೆ ಅವರು ಮತ್ತಿಹಳ್ಳಿಯ ಶಾಂತಲಾ ಹೆಗಡೆ ಹಾಗೂ ಕೆಂಗ್ರೆ ಬಾಳೆಗದ್ದೆಯ ಸುರೇಶ ಹೆಗಡೆ ಅವರ ಪುತ್ರಿ. ಪದವಿ ಪೂರ್ವ ಶಿಕ್ಷಣದ ಅವಧಿಯಲ್ಲಿಯೇ ಶ್ರೇಯಾ ಹೆಗಡೆ ಅವರು ಅವರು ಕೃತಕ ಬುದ್ಧಿಮತ್ತೆ, ಕಂಪ್ಯೂಟರ್ ಗ್ರಾಫಿಕ್ಸ್ ಮತ್ತು ಬಯೋಫಿಸಿಕ್ಸ್ ಕ್ಷೇತ್ರಗಳಲ್ಲಿ ಸಂಶೋಧನೆ ನಡೆಸಿದ್ದರು. ಈ ಸಂಶೋಧನೆಯನ್ನು ಅವರು ಎಂಐಟಿ ಹಾಗೂ ಯುನಿವರ್ಸಿಟಿ ಆಫ್ ಮೆರಿಲ್ಯಾಂಡ್ ಸೇರಿದಂತೆ ಪ್ರತಿಷ್ಠಿತ ವಿಶ್ವವಿದ್ಯಾಲಯಗಳಲ್ಲಿ ಮಾಡಿದ್ದರು. ಅವರ ಸಂಶೋಧನಾ ಲೇಖನವು ಅಂತರರಾಷ್ಟ್ರೀಯ ಜರ್ನಲ್‌ನಲ್ಲಿ ಪ್ರಕಟವಾಗಿದ್ದು, ಅವುಗಳಲ್ಲಿ ಒಂದನ್ನು ಇಟಲಿಯ ಜೆನೋವಾ ನಗರದಲ್ಲಿ ನಡೆದ ಅಂತರರಾಷ್ಟ್ರೀಯ ಸಮ್ಮೇಳನದಲ್ಲಿ ಹಾಗೂ ಮತ್ತೊಂದನ್ನು ಅಮೆರಿಕದ ಫಿಲಡೆಲ್ಫಿಯಾದಲ್ಲಿ ಪ್ರಸ್ತುತಪಡಿಸಿದ್ದರು. ಆಮ್ ಹರ್ಸ್ಟ ಕಾಲೇಜಿಗೆ ಸೇರುವ ಮೊದಲು ಖಗೋಳ ಭೌತಶಾಸ್ತ್ರದಲ್ಲಿ ಸಂಶೋಧನೆ ಮಾಡಲು ಅವರು ಅಮೆರಿಕದ ಪ್ರತಿಷ್ಠಿತ `ಸ್ಪಿರಿಟ್ ಆಫ್ ರಾಮಾನುಜನ ಫೆಲೋಶಿಪ್’ ಪಡೆದಿದ್ದರು. ಜೊತೆಗೆ ಜಪಾನ್ ಮೂಲದ ಫೌಂಡೇಶನ್‌ನ ವಿದ್ಯಾರ್ಥಿವೇತನದ ಮೂಲಕ ನಾಲ್ಕು ವರ್ಷಗಳ ಕಾಲ ಹಲವು ದೇಶಗಳಲ್ಲಿ ನಡೆದ ಶೈಕ್ಷಣಿಕ ಹಾಗೂ ತಂತ್ರಜ್ಞಾನ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಅವಕಾಶವನ್ನುಪಡೆದಿದ್ದರು. ಕಳೆದ ವರ್ಷ ಅವರು ಕೀನ್ಯಾದಲ್ಲಿ ಡ್ರೋನ್ ಮ್ಯಾಪಿಂಗ್ ಇಂಟರ್ನ್ಶಿಪ್ ಪೂರ್ಣಗೊಳಿಸಿದ್ದು, 130 ಪುಟಗಳ ಪದವಿ ಪ್ರಬಂಧ ಕೂಡ ರಚಿಸಿದರು. ಅಲ್ಲದೆ ತಮ್ಮ ಸಂಶೋಧನಾ ಕಾರ್ಯವನ್ನು ಟೋಕಿಯೋದಲ್ಲಿ ಸಾಫ್ಟ್ಬ್ಯಾಂಕ್ ಸಂಸ್ಥಾಪಕ ಮಸಯೋಶಿ ಸನ್ ಅವರ ಸಮ್ಮುಖದಲ್ಲಿ ಮಂಡಿಸಲು ಆಹ್ವಾನಿಸಲ್ಪಟ್ಟಿದ್ದರು. ತಮ್ಮ ಶೈಕ್ಷಣಿಕ, ಸಂಶೋಧನಾ ಹಾಗೂ ನಾಯಕತ್ವದ ಅನುಭವಗಳ ಮೂಲಕ ಅವರು 14 ದೇಶಗಳಿಗೆ ಪ್ರವಾಸ ಕೈಗೊಂಡಿದ್ದು, ಸದ್ಯ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಗಮನಾರ್ಹ ಸಾಧನೆ ಮಾಡಿದ್ದಾರೆ. ಶ್ರೇಯಾ ಹೆಗಡೆ ಅವರು ಸ್ಟಡಿ ಅಬ್ರಾಡ್ ಕಾರ್ಯಕ್ರಮದ ಭಾಗವಾಗಿ ಇಂಗ್ಲೆAಡ್‌ನ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದಲ್ಲಿ ತಮ್ಮ ಅಧ್ಯಯನವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದಾರೆ. ಬೆಂಗಳೂರಿನಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿ 3.5 ಕೋಟಿ ರೂಮ ಮೌಲ್ಯದ ಸಂಪೂರ್ಣ ವಿದ್ಯಾರ್ಥಿವೇತನದೊಂದಿಗೆ ಆಮ್‌ಹರ್ಸ್ಟ್ ಕಾಲೇಜಿಗೆ ಪ್ರವೇಶ ಪಡೆದಿದ್ದ ಅವರಿಗೆ ಪ್ರಸ್ತುತ ಬೋಸ್ಟನ್‌ನ ಪ್ರತಿಷ್ಟಿತ ಮ್ಯಾಕಿನ್ಸಿ ಕಂಪನಿಯಲ್ಲಿ ಅವರಿಗೆ ಕೆಲಸವೂ ಸಿಕ್ಕಿದೆ.
- [90 ಲಕ್ಷದ ಆಸೆಗೆ 30 ಲಕ್ಷ ರೂ ಖೋತಾ!](https://mobiletime.in/2026/06/30-lakh-rupees-for-the-price-of-90-lakh-rupees/): FTTH ಇಂಟರ್‌ನೇಟ್ ಕೇಬಲ್ ಅಳವಡಿಸಿ ಸರ್ವೀಸ್ ಕೊಡುವ ಮೂಲಕ ಉತ್ತಮ ಆದಾಯಗಳಿಸುತ್ತಿದ್ದ ಸಿದ್ದಾಪುರದ ಬಾಲಚಂದ್ರ ಹೆಗಡೆ ಅವರು ಅತಿಯಾದ ಆಸೆಗೆ ಬಿದ್ದು 30 ಲಕ್ಷ ರೂ ಹಣ ಕಳೆದುಕೊಂಡಿದ್ದಾರೆ. 90 ಲಕ್ಷ ಲಾಭ ಮಾಡುವ ಕನಸು ಕಂಡು ಅವರು 30 ಲಕ್ಷ ರೂ ಹೂಡಿಕೆ ಮಾಡಿದ್ದು, ಹೂಡಿಕೆ ಮಾಡಿದ 30 ಲಕ್ಷ ರೂ ಹಣವೂ ಮೋಸಗಾರರ ಪಾಲಾಗಿದೆ. ಸಿದ್ದಾಪುರದ ಹೆಗ್ಗನೂರು ಬಳಿಯ ಹರ್ತೇಬೈಲ್ ಸಮೀಪ ಬಾಲಚಂದ್ರ ಗಣಪತಿ ಹೆಗಡೆ ಅವರು ವಾಸವಾಗಿದ್ದಾರೆ. ಕೃಷಿ ಕೆಲಸದ ಜೊತೆ ಅವರು ಎಫ್‌ಟಿಟಿಎಚ್ ಸರ್ವೀಸ್ ಕೊಡುತ್ತ ಜೀವನ ನಡೆಸುತ್ತಿದ್ದಾರೆ. ಇಷ್ಟು ದಿನ ಸರಿಯಾಗಿಯೇ ಇದ್ದ ಬಾಲಚಂದ್ರ ಹೆಗಡೆ ಅವರಿಗೆ ಒಮ್ಮೆಲೆ ದಿಢೀರ್ ದುಡ್ಡು ಮಾಡುವ ಆಸೆ ಶುರುವಾಗಿದೆ. ಆ ಆಸೆ ದುರಾಸೆಯ ಸ್ವರೂಪಪಡೆದಿದ್ದು, ಪರಿಣಾಮ ಅವರು ವಂಚಕರ ಬಲೆಗೆ ಬಿದ್ದಿದ್ದಾರೆ. ಪ್ರಭಾಷ ಮಿಶ್ರಾ ಸೆಬಿ ರಿಜಿಸ್ಟರು ಸ್ಟಾಕ್ ಅನಾಲಿಸ್ಟ್ ಅವರ ಅಧಿಕೃತ ಟೆಲಿಗ್ರಾಮಿನಿಂದ ಬಾಲಚಂದ್ರ ಹೆಗಡೆ ಅವರಿಗೆ ಮೆಸೆಜ್ ಒಂದು ಬಂದಿದ್ದು, ಅದನ್ನು ನಂಬಿದ ಅವರು ಅಲ್ಲಿ ಖಾತೆ ತೆರೆದಿದ್ದಾರೆ. ಶೇ 20ರ ಕಮಿಷನ್ ಕೊಟ್ಟು ಹೂಡಿಕೆ ವ್ಯವಹಾರ ಶುರು ಮಾಡಿದ್ದಾರೆ. ಶೇ 300ರಷ್ಟು ಹಣ ಡಬಲ್ ಆಗುವ ಕನಸು ಕಂಡ ಅವರು ದೀಪಕಕುಮಾರ ಹಾಗೂ ಇನ್ನತರ ಖಾತೆಗೆ ಹಂತ ಹಂತವಾಗಿ 30 ಲಕ್ಷ ರೂ ವರ್ಗಾಯಿಸಿದ್ದಾರೆ. ಆ ಹಣ 90 ರೂಪಾಯಿಯ ಲಾಭವನ್ನು ಕಾಣಿಸಿದೆ. ಕಂಪನಿಯ ಶೇ 20ರಷ್ಟು ಕಮಿಷನ್ ಮುರಿದುಕೊಂಡು ಆ ಹಣ ಹಿಂಪಡೆಯುವ ಪ್ರಯತ್ನ ಮಾಡಿದಾಗ ಮಾತ್ರ ಅದು ಸಾಧ್ಯವಾಗಿಲ್ಲ. ಈ ಬಗ್ಗೆ ಬಾಲಚಂದ್ರ ಹೆಗಡೆ ಅವರು ಪ್ರಶ್ನಿಸಿದಾಗ ಕ್ರೆಡಿಟ್ ಸ್ಕೋರ್ ಕಡಿಮೆಯಿದ್ದ ಕಾರಣ ಮತ್ತೆ 10 ಲಕ್ಷ ಪಾವತಿಸುವಂತೆ ಹೇಳಿದ್ದಾರೆ. ಆಗ, ಅವರಿಗೆ ತಾವು ಮೋಸ ಹೋದ ವಿಷಯ ಅರಿವಿಗೆ ಬಂದಿದ್ದು, ನ್ಯಾಯ ಕೋರಿ ಪೊಲೀಸರ ಮೊರೆ ಹೋಗಿದ್ದಾರೆ. ಶ್ಯಾಮ್ ರಾಜನ್ ಅಡ್ಮಿನ್ ಹಾಗೂ ವೈದೇಹಿ ದೇಶಮುಖ್ ಅಸಿಸ್ಟೆಂಟ್ ಮ್ಯಾನೇಜರ್ ಎಂಬಾತರ ವಿರುದ್ಧ ಬಾಲಚಂದ್ರ ಹೆಗಡೆ ಅವರು ದೂರು ನೀಡಿದ್ದಾರೆ.  
- [ಟಾಕ್ಟರಿಗೆ ಗುದ್ದಿದ ಸ್ಕೂಟಿ: ಸಹಸವಾರನ ಸಾವು!](https://mobiletime.in/2026/06/scooty-hits-taxi-passenger-dies/): ಟಾಕ್ಟರಿಗೆ ಸ್ಕೂಟರ್ ಗುದ್ದಿದ ಪರಿಣಾಮ ಗಂಭೀರ ಗಾಯಗೊಂಡು ಕಿಮ್ಸ್’ಗೆ ದಾಖಲಾಗಿದ್ದ ಶಿರಸಿಯ ವೆಂಕಟೇಶ್ ಬೋವಿವಡ್ಡರ್ ಅವರು ಸಾವನಪ್ಪಿದ್ದಾರೆ. ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದ ಅವರನ್ನು ಬದುಕಿಸುವ ಪ್ರಯತ್ನ ನಡೆದರೂ ಪ್ರಯೋಜನವಾಗಿಲ್ಲ. ಶಿರಸಿಯ ಸುಭಾಶ ನಗರದದಲ್ಲಿ ವೆಂಕಟೇಶ್ ನಾರಾಯಣ ಬೋವಿವಡ್ಡರ್ (43) ಅವರು ವಾಸವಾಗಿದ್ದರು. ಜೂನ್ 17ರ ಮಧ್ಯಾಹ್ನ ಅವರು ಮರಾಠಿಕೊಪ್ಪದ ಪರಮೇಶ್ವರ ಕನ್ನಾ ನಾಯ್ಕ ಅವರ ಜೊತೆ ಸ್ಕೂಟಿಯಲ್ಲಿ ಸಂಚರಿಸುತ್ತಿದ್ದರು. ಕೇಂದ್ರ ಬಸ್ ನಿಲ್ದಾಣದಿಂದ ಒನ್ ವೇ ರಸ್ತೆಯಲ್ಲಿ ಸ್ಕೂಟಿ ಓಡಿಸಿಕೊಂಡು ಬಂದ ಪರಮೇಶ್ವರ ನಾಯ್ಕ ಅವರು ಬಿಡ್ಕಿ ಸರ್ಕಲ್ ಬಳಿ ಟಾಕ್ಟರ್ ಇಂಜಿನ್ ಹಾಗೂ ಟಯರಿನ ನಡುವೆ ಸ್ಕೂಟಿ ಗುದ್ದಿದ್ದರು. ಆರೆಕೊಪ್ಪದ ನಾಗರಾಮ ಮಾರುತಿ ನಾಯ್ಕ ಅವರು ಓಡಿಸುತ್ತಿದ್ದ ಟಾಕ್ಟರಿಗೆ ಸ್ಕೂಟಿ ಗುದ್ದಿದ ಪರಿಣಾಮ ಸ್ಕೂಟಿ ಸವಾರರಿಬ್ಬರೂ ಗಾಯಗೊಂಡಿದ್ದರು. ಅದರಲ್ಲಿ ಗಂಭೀರ ಗಾಯಗೊಂಡ ಸಹಸವಾರ ವೆಂಕಟೇಶ್ ಬೋವಿವಡ್ಡರ್ ಅವರನ್ನು ಅದೇ ದಿನ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ನಿರಂತರ ಚಿಕಿತ್ಸೆ ನೀಡಿದರೂ ಅವರು ಅದಕ್ಕೆ ಸ್ಪಂದಿಸಲಿಲ್ಲ. ಚಿಕಿತ್ಸೆ ಫಲ ನೀಡದ ಕಾರಣ ವೆಂಕಟೇಶ್ ಬೋವಿವಡ್ಡರ್ ಅವರು ಜೂನ್ 18ರಂದು ಸಂಜೆ ಸಾವನಪ್ಪಿದರು.
- [ಕತ್ತಿ-ಕೋಳಿ ಜೊತೆ ಮೂವರ ಸೆರೆ!](https://mobiletime.in/2026/06/three-arrested-with-sword-and-chicken/): ಹೊನ್ನಾವರದ ಕೆಳಗಿನ ಮೂಡ್ಕಣಿಯ ಶರಾವತಿ ನದಿ ಕೋಡಿ ಪ್ರದೇಶದಲ್ಲಿ ಕೋಳಿ ಅಂಕ ನಡೆದಿದೆ. ಕೋಳಿಗಳ ಕಾಲಿಗೆ ಕತ್ತಿ ಕಟ್ಟಿದ ಕೆಲವರು ಅವುಗಳನ್ನು ಕಾದಾಟಕ್ಕೆ ಬಿಟ್ಟಿದ್ದಾರೆ. ಮೂಡ್ಕಣಿ ಕೇವವಳ್ಳಿ ಬೇಕರಿ ಕೆಲಸ ಮಾಡುವ ವಿಲಿಯಂ ಸಂತಾನ ಮಿರಂಡಾ ಕೋಳಿ ಅಂಕದ ಆಯೋಜಕರಾಗಿದ್ದಾರೆ. ಜಲವಳ್ಳಿ ಪ್ರಭಾತಕೇರಿಯ ಮಂಜುನಾಥ ಗಣಪಯ್ಯ ನಾಯ್ಕ, ಶ್ರೀಪಾದ ಮಂಜುನಾಥ ನಾಯ್ಕ, ಕೆರವಳ್ಳಿಯ ಸಮರ್ಥ ಶ್ರೀಧರ ನಾಯ್ಕ, ಜಲವಳ್ಳಿಯ ಭರತ್ ಹಳ್ಳೇರ್ ಅವರು ಈ ಆಟದಲ್ಲಿ ಹಣ ಹೂಡಿಕೆ ಮಾಡಿದ್ದಾರೆ. ಗೆದ್ದ ಕೋಳಿ ಮೇಲೆ ಹಣ ಹೂಡಿ ಲಾಭಪಡೆಯುವ ಉದ್ದೇಶಹೊಂದಿದ್ದ ಅವರೆಲ್ಲರ ಲೆಕ್ಕಾಚಾರ ಉಲ್ಟಾ ಆಗಿದೆ. ಜೂನ್ 18ರ ರಾತ್ರಿ 11.45ಕ್ಕೆ ಮೂಡ್ಕಣಿ ಶರಾವತಿ ನದಿಯ ಕೋಡಿ ಹತ್ತಿರ ಕೋಳಿ ಅಂಕ ನಡೆದ ಬಗ್ಗೆ ಹೊನ್ನಾವರ ಪೊಲೀಸ್ ನಿರೀಕ್ಷಕ ಸಿದ್ಧರಾಮೇಶ್ವರ ಎಸ್ ಅವರಿಗೆ ಫೋನ್ ಬಂದಿದೆ. ತಕ್ಷಣ ತಮ್ಮ ತಂಡದೊAದಿಗೆ ಅವರು ಅಲ್ಲಿ ದಾಳಿ ಮಾಡಿದ್ದಾರೆ. ಆಗ, ಅಲ್ಲಿದ್ದ ಅನೇಕರು ಓಡಿ ಹೋಗಿದ್ದಾರೆ. ಅದಾಗಿಯೂ ಬೆನ್ನು ಬಿದ್ದ ಪೊಲೀಸರು ವಿಲಿಯಂ ಸಂತಾನ ಮಿರಂಡಾ ಅವರ ಜೊತೆ ಮಂಜುನಾಥ ಗಣಪಯ್ಯ ನಾಯ್ಕ, ಶ್ರೀಪಾದ ಮಂಜುನಾಥ ನಾಯ್ಕ, ಸಮರ್ಥ ಶ್ರೀಧರ ನಾಯ್ಕ, ಭರತ್ ಹಳ್ಳೇರ್ ಅವರನ್ನು ವಶಕ್ಕೆಪಡೆದಿದ್ದಾರೆ. ಕೋಳಿ ಅಂಕದ ಸ್ಥಳದಲ್ಲಿ ಒಂದು ಹುಂಜ, ಅದರ ಕಾಲಿಗೆ ಕಟ್ಟಿದ್ದ ಕತ್ತಿ ಹಾಗೂ 2460ರೂ ಹಣ ಪೊಲೀಸರಿಗೆ ಸಿಕ್ಕಿದೆ. ಕಾನೂನುಬಾಹಿರ ಕ್ರೀಡೆಯಲ್ಲಿ ಭಾಗಿಯಾದವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಪೊಲೀಸರ ಅಮಾನತಿಗಾಗಿ ಪಟ್ಟು: ಕಾಂಗ್ರೆಸ್ ಅಧ್ಯಕ್ಷರಿಂದಲೇ ಆತ್ಮಹತ್ಯೆ ಬೆದರಿಕೆ!](https://mobiletime.in/2026/06/demand-for-suspension-of-police-suicide-threat-from-congress-president-himself/): `ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ ಹಾಗೂ ಸಿದ್ದಾಪುರ ಪಿಐ ಸೀತಾರಾಮ ಅವರನ್ನು ಅಮಾನತು ಮಾಡಬೇಕು’ ಎಂದು ಆಗ್ರಹಿಸಿ ಸಿದ್ದಾಪುರದಲ್ಲಿ ಭಾರೀ ಪ್ರಮಾಣದ ಪ್ರತಿಭಟನೆ ನಡೆದಿದೆ. ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ, ಗೃಹ ಸಚಿವ ಪ್ರಿಯಾಂಕ ಖರ್ಗೆ ಹಾಗೂ ಮಹಿಳಾ ಆಯೋಗದ ಅಧ್ಯಕ್ಷೆ ನಾಗಲಕ್ಷಿ ಚೌದರಿ ಅವರಿಗೆ ಪ್ರತಿಭಟನಾಕಾರರು ಪತ್ರವನ್ನು ಬರೆದಿದ್ದಾರೆ. `ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ ಹಾಗೂ ಸಿದ್ದಾಪುರ ಪಿಐ ಸೀತಾರಾಮ ಅವರಿಂದ ನಿರಂತರ ಕಿರುಕುಳವಾಗುತ್ತಿದೆ. ಅವರ ಕಿರುಕುಳ ತಾಳಲಾರದೇ ತಾನು ಆತ್ಮಹತ್ಯೆ ಮಾಡಿಕೊಳ್ಳುವುದು ಮಾತ್ರ ಬಾಕಿಯಿದೆ’ ಎಂದು ಸಿದ್ದಾಪುರ ಕಾಂಗ್ರೆಸ್ ಅಧ್ಯಕ್ಷ ವಸಂತ ನಾಯ್ಕ ಮನಮನೆ ಅವರು ಲಿಖಿತವಾಗಿ ದೂರಿದ್ದಾರೆ. `ತನ್ನ ಹಾಗೂ ಕುಟುಂಬದ ವಿರುದ್ಧ ವ್ಯಕ್ತಿಯೊಬ್ಬರು ಜಾಲತಾಣದಲ್ಲಿ ನಿಂದನೆ ಮಾಡುತ್ತಿದ್ದಾರೆ. ಮಧು ನಾಯ್ಕ ಎಂಬ ಹೆಸರಿನಿಂದ ನಿಂದನೆ ನಡೆಯುತ್ತಿರುವ ಬಗ್ಗೆ ದೂರು ನೀಡಿದ್ದು, ತನಿಖೆ ನಂತರ ಈ ಕೆಲಸ ಮಾಡಿದವರು ಸಿದ್ದಾಪುರ ಮೂಲದ ಮಲವಳ್ಳಿಯ ಪ್ರದೀಪ ಹೆಗಡೆ ಎಂದು ಗೊತ್ತಾಗಿದೆ. ಆದರೆ, ಪೊಲೀಸರು ಅವರ ವಿರುದ್ಧ ಕಠಿಣ ಕ್ರಮ ಜರುಗಿಸಿಲ್ಲ. ಪ್ರಕರಣ ದಾಖಲಿಸಿ ಕೋರ್ಟಿಗೆ ಹಾಜರುಪಡಿಸಿದರೂ ದೋಷಾರೋಪಣ ಪಟ್ಟಿ ಸಲ್ಲಿಕೆ ಮಾಡಿಲ್ಲ’ ಎಂದು ವಸಂತ ನಾಯ್ಕ ಅವರು ದೂರಿದ್ದಾರೆ. `ಅದಾದ ನಂತರ ಗೀತಾ ಪಾಟೀಲ್ ಅವರು 3-4 ಬಾರಿ ತನ್ನನ್ನು ಕರೆಯಿಸಿ ನೀವೇ ತಪ್ಪು ಮಾಡಿದ್ದೀರಿ ಎನ್ನುತ್ತಿದ್ದಾರೆ. ನಿಮ್ಮ ಮೇಲೆ ಕೇಸ್ ಮಾಡುತ್ತೇವೆ ಎಂದು ಹೆದರಿಸುತ್ತಿದ್ದಾರೆ. ತಮ್ಮ ಮನೆಗೂ ಪೊಲೀಸರು ಬಂದು ಕಿರುಕುಳ ನೀಡುತ್ತಿದ್ದಾರೆ’ ಎಂದು ವಸಂತ ನಾಯ್ಕ ಅವರು ಆರೋಪಿಸಿದ್ದಾರೆ. `ಸಿದ್ದಾಪುರದ ಅವರೆಕೊಪ್ಪದಲ್ಲಿ ನಡೆದ ಕೊಲೆ ಪ್ರಕರಣ, ಮರಲಿಗೆಯಲ್ಲಿ ಬಡ ರೈತನ ಮೇಲೆ ನಡೆದ ಹಲ್ಲೆ ಪ್ರಕರಣದಲ್ಲಿ ಸಿದ್ದಾಪುರ ಪೊಲೀಸರು ಎಡವಿದ್ದಾರೆ. ಅಕ್ರಮ ಸಂಬAಧ ವಿಷಯವಾಗಿ ಮಹಿಳೆಯೊಬ್ಬರು ಆತ್ಮಹತ್ಯೆಗೆ ಶರಣಾದ ಪ್ರಕರಣದಲ್ಲಿಯೂ ಪೊಲೀಸರು ಲೋಪ ಎಸಗಿದ್ದಾರೆ. ಮತ್ತೊಂದು ಹಿಟ್ & ರನ್ ಪ್ರಕರಣದಲ್ಲಿಯೂ ಪೊಲೀಸರು ತನಿಖೆ ಮಾಡದೇ ಅನ್ಯಾಯ ಮಾಡಿದ್ದಾರೆ. ಡಿವೈಎಸ್ಪಿ ಗೀತಾ ಪಾಟೀಲ್ ಹಾಗೂ ಸಿಪಿಐ ಸೀತಾರಾಮ ಅವರ ಅಧಿಕಾರ ಅವಧಿಯಲ್ಲಿ ಕೊಲೆ, ದರೋಡೆ ಹೆಚ್ಚಾಗಿದ್ದು ಸಾರ್ವಜನಿಕರು ಸಮಸ್ಯೆಗೆ ಸಿಲುಕಿದ್ದಾರೆ’ ಎಂದವರು ದೂರಿದ್ದಾರೆ. `ಪೊಲೀಸರು ನ್ಯಾಯ ಕೇಳಿ ಹೋದವರ ವಿರುದ್ಧವೇ ಕೇಸು ಮಾಡುತ್ತಿದ್ದಾರೆ. ಹಣದ ಆಸೆಗೆ ಬಿದ್ದು ಕಾನೂನು ವ್ಯವಸ್ಥೆಗೆ ವಿರುದ್ಧವಾಗಿ ವರ್ತಿಸುತ್ತಿದ್ದಾರೆ’ ಎಂದು ಸಹ ವಸಂತ ನಾಯ್ಕ ಮನಮನೆ ಅವರು ದೂರಿ, ಭಾಷಣ ಮಾಡಿದ್ದಾರೆ.
- [ಈ ಮಹಿಳೆ ಮನೆ ಮುಟ್ಟಿದರೂ ಮೆಸೆಜ್ ಮಾತ್ರ ನಿಂತಿಲ್ಲ!](https://mobiletime.in/2026/06/even-though-this-woman-reached-home-the-messages-didnt-stop/): ಕoಠಪೂರ್ತಿ ಸರಾಯಿ ಕುಡಿದ ಕುಮಟಾದ ಮಹಿಳೆಯೊಬ್ಬರು ರಾತ್ರಿ ವೇಳೆ ಯಲ್ಲಾಪುರ ಬಸ್ ನಿಲ್ದಾಣದಲ್ಲಿ ರಂಪಾಟ ಮಾಡಿದ್ದು, ಪೊಲೀಸರು ಆ ಮಹಿಳೆಯನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಮದ್ಯದ ನಶೆಯಿಳಿದ ಬಳಿಕ ಆಕೆಯನ್ನು ಕುಮಟಾದ ಮನೆಗೆ ಮುಟ್ಟಿಸಿದ್ದು, ಅದಾದ ನಂತರ `ಮಹಿಳೆಯ ಗುರುತು ಪತ್ತೆಗೆ ಮನವಿ’ ಎಂಬ ಸಂದೇಶ ವೈರಲ್ ಆಗಿದೆ. ಆ ಮಹಿಳೆ ಸುರಕ್ಷಿತವಾಗಿ ಮನೆ ಸೇರಿದ್ದು, ವೈರಲ್ ಆದ ಸಂದೇಶದ ಪ್ರಭಾವದಿಂದ ಮಹಿಳೆ ಮನೆಯಿಂದ ಹೊರಬರಲಾಗದ ಸಮಸ್ಯೆಗೆ ಸಿಲುಕಿದ್ದಾರೆ! ದಾವಣಗೆರೆ ಮೂಲದ ಸಹನಾ ಭಾನು (ಹೆಸರು ಬದಲಿಸಿದೆ) ಅವರು ಕುಮಟಾದ ಹೆಗಡೆಯಲ್ಲಿ ವಾಸವಾಗಿದ್ದಾರೆ. ಅಗರಬತ್ತಿ ಮಾರಾಟ ಮಾಡುವ ಮೂಲಕ ಅವರು ಬದುಕು ಕಂಡುಕೊAಡಿದ್ದಾರೆ. ಊರುರು ಅಲೆದಾಡಿ ಅಗರಬತ್ತಿ ಮಾರುವ ಅವರು ಶಿರಸಿ-ಸಿದ್ದಾಪುರ ಸೇರಿ ವಿವಿಧ ಕಡೆ ಸಂಚರಿಸಿ, ಬುಧವಾರ ಯಲ್ಲಾಪುರಕ್ಕೆ ಆಗಮಿಸಿದ್ದಾರೆ. ಆ ರಾತ್ರಿ ಸಹನಾ ಭಾನು ಅವರು ಮದ್ಯ ಸೇವಿಸಿದ್ದು ಬಸ್ ನಿಲ್ದಾಣದಲ್ಲಿ ಕುಣಿದಾಡಿದ್ದಾರೆ. ಮಹಿಳೆಯ ವಿಚಿತ್ರ ವರ್ತನೆ ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ತಕ್ಷಣ ಅಲ್ಲಿಗೆ ಬಂದ ಪೊಲೀಸರು ಮಹಿಳೆಯನ್ನು ವಿಚಾರಣೆಗೊಳಪಡಿಸಿದ್ದಾರೆ. ಆದರೆ, ಕುಮಟಾ ಎನ್ನುವುದನ್ನು ಬಿಟ್ಟು ಬೇರೆ ಯಾವ ಶಬ್ದವನ್ನು ಬಾಯ್ಬಿಡಿಸಲು ಸಾಧ್ಯವಾಗಿಲ್ಲ. `ತಾನೂ ಮೇಜರ್’ ಎಂಬ ಮಾತನ್ನು ಮಾತ್ರ ಆ ಮಹಿಳೆ ಪದೇ ಪದೇ ಹೇಳಿದ್ದು, ಅವರ ವಿಳಾಸ ಪತ್ತೆ ಮಾಡುವುದು ಪೊಲೀಸರಿಗೂ ಸವಾಲಾಗಿದೆ. ಅದಾದ ನಂತರ ಮಹಿಳೆ ಬಳಿ ಶಿರಸಿ-ಯಲ್ಲಾಪುರ ಬಸ್ ಟಿಕೆಟ್ ಸಿಕ್ಕಿದ್ದು, ಅಗರಬತ್ತಿ ಮಾರಾಟ ಮಾಡಿ ಜೀವನ ನಡೆಸುತ್ತಿರುವ ವಿಷಯವೂ ಗೊತ್ತಾಗಿದೆ. ಅದಾದ ನಂತರ ಪೊಲೀಸರು ಆ ಮಹಿಳೆಯ ಗುರುತು ಪತ್ತೆಗೆ ಕುಮಟಾ ಪೊಲೀಸ್ ಠಾಣೆ ಸಂಪರ್ಕಿಸಿದ್ದು, ಅಲ್ಲಿನ ಮಾಹಿತಿ ಆಧರಿಸಿ ಮಹಿಳೆಯ ಹೆಸರು-ವಿಳಾಸ ಪತ್ತೆ ಮಾಡಿದ್ದಾರೆ. ನಶೆ ಇಳಿದ ನಂತರ ಆ ಅವರನ್ನು ಊರಿಗೆ ಕಳುಹಿಸುವ ತಯಾರಿ ಮಾಡಿದ್ದಾರೆ. ಮದ್ಯದ ನಶೆಯಿಳಿದ ನಂತರ ಪೊಲೀಸರೇ ಮುತುವರ್ಜಿಯಿಂದ ಮಹಿಳೆಯನ್ನು ಮನೆಗೂ ಕಳುಹಿಸಿದ್ದಾರೆ. ಈ ವೇಳೆ ಸಹನಾ ಭಾನು ಅವರ ಫೋಟೋ ಸಾಮಾಜಿಕ ಜಾಲತಾಣದ ವೀರರಿಗೆ ಸಿಕ್ಕಿದೆ. ಗುರುವಾರ ರಾತ್ರಿಯೊಳಗೆ ಆ ಮಹಿಳೆ ಮನೆ ಸೇರಿದ್ದು, ಅವರು ಮನೆ ಮುಟ್ಟಿದ 30 ನಿಮಿಷದ ನಂತರ ಖಾಸಗಿ ಫೋನ್ ಸಂಖ್ಯೆಯೊAದಿಗೆ ಮಹಿಳೆಯ ಫೋಟೋ ವೈರಲ್ ಆಗಿದೆ. ಸತ್ಯಾತ್ಯತೆ ಪರಿಶೀಲಿಸದ ಜನ ಮಹಿಳೆಯ ಫೋಟೋ ಜೊತೆ ಆಕೆಯ ಬಗ್ಗೆ ಮಾಹಿತಿ ಕೊಡುವಂತೆ ವ್ಯಕ್ತಿಯೊಬ್ಬರ ಫೋನ್ ನಂ ಜೊತೆ ವಿಷಯವನ್ನು ವೈರಲ್ ಮಾಡಿದ್ದಾರೆ. ಆದರೆ, ಆ ಫೋಟೋ-ಪ್ರಕಟಣೆಯನ್ನು ಪೊಲೀಸರು ಹೊರಡಿಸಿಲ್ಲ. ಮಹಿಳೆಯ ಸಂಬoಧಿಕರು ಸಹ ಅವರ ಪತ್ತೆಗೆ ಮನವಿ ಮಾಡಿಲ್ಲ. ಸಂಬoಧವೇ ಇಲ್ಲದವರು ಮಾತ್ರ ಸಾಮಾಜಿಕ ಜಾಲತಾಣದಲ್ಲಿ ಮಹಿಳೆ ಫೋಟೋ ವೈರಲ್ ಮಾಡುತ್ತಲೇ ಇದ್ದು, ಅವರು ಮನೆ ಮುಟ್ಟಿ ದಿನ ಕಳೆದರೂ ಸಂದೇಶ ಹರಿದಾಡುವುದು ಮಾತ್ರ ನಿಂತಿಲ್ಲ.
- [ಕೃಷಿಕನ ಮಗಳ ಸಾಧನೆ ಬಣ್ಣಿಸಿದ ಕನಕಪುರದ ಬಂಡೆ!](https://mobiletime.in/2026/06/a-rock-in-kanakapura-depicts-the-achievements-of-a-farmers-daughter/): ಮುಖ್ಯಮoತ್ರಿಯಾಗಿ ಅಧಿಕಾರ ಸ್ವೀಕರಿಸಿದ ಡಿ ಕೆ ಶಿವಕುಮಾರ ಅವರು ಬೆಂಗಳೂರಿನ ರಾಜೀವ್ ಗಾಂಧಿ ಆರೋಗ್ಯ ವಿಶ್ವವಿದ್ಯಾಲಯದ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದು, ಈ ವೇಳೆ ಶಿರಸಿಯ ಸಮೀಕ್ಷಾ ಹೆಗಡೆ ಅವರಿಗೆ ಚಿನ್ನದ ಪದಕ ನೀಡಿ ಗೌರವಿಸಿದ್ದಾರೆ. ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರ ಜೊತೆ ರಾಜ್ಯಪಾಲ ತಾವರ್ಚಂದ್ ಗೆಹ್ಲೋಟ್ ಅವರು ಜೊತೆಯಾಗಿ ಈ ಪದಕ ಪ್ರದಾನ ಮಾಡಿದ್ದಾರೆ ಬೆಂಗಳೂರಿನಲ್ಲಿ ವೈದ್ಯಕೀಯ ಸೇವೆ ಸಲ್ಲಿಸುತ್ತಿರುವ ಶಿರಸಿ ಮೂಲದ ಡಾ ಸಮೀಕ್ಷಾ ಹೆಗಡೆ ಅವರಿಗೆ ಚಿನ್ನದ ಪದಕ ಸಿಕ್ಕಿದೆ. ನಿರಂತರ ಪರಿಶ್ರಮದ ಫಲವಾಗಿ ಅವರು ವೈದ್ಯಕೀಯ ವಿದ್ಯಾಭ್ಯಾಸವನ್ನು ಪೂರ್ಣಗೊಳಿಸಿದ್ದು, ಬೆಂಗಳೂರಿನ ರಾಜೀವ್ ಗಾಂಧಿ ಆರೋಗ್ಯ ವಿಶ್ವವಿದ್ಯಾಲಯ ನಡೆಸಿದ ಸ್ನಾತಕೋತ್ತರ ಪರೀಕ್ಷೆಯನ್ನು ಸಮರ್ಥವಾಗಿ ಎದುರಿಸಿದ್ದಾರೆ. ಮೈಕ್ರೋಬಯಾಲಜಿ ವಿಷಯದಲ್ಲಿ ಅತೀ ಹೆಚ್ಚು ಅಂಕಗಳಿಸಿದ ಕಾರಣ ಅವರಿಗೆ ರಾಜ್ಯಪಾಲ ಹಾಗೂ ಮುಖ್ಯಮಂತ್ರಿಗಳಿAದ ಗೌರವ ಪದಕ ಸಿಕ್ಕಿದೆ. ಶಿರಸಿಯ ಸಮೀಕ್ಷಾ ಹೆಗಡೆ ಅವರು ಕಾನಸೂರಿನ ಕಾಳಿಕಾ ಭವಾನಿ ಶಾಲೆಯಲ್ಲಿ ಓದಿದ್ದಾರೆ. ಅದಾದ ನಂತರ ಬೇರೆ ಬೇರೆ ಊರುಗಳಿಗೆ ಹೋಗಿ ಉನ್ನತ ವ್ಯಾಸಂಗ ಮಾಡಿದ್ದಾರೆ. ಮತ್ತಿಹಳ್ಳಿಯ ಪ್ರಗತಿ ಪರ ಕೃಷಿಕ ಶ್ರೀಕಾಂತ ಹೆಗಡೆ ಮತ್ತು ಸುವರ್ಣಾ ಹೆಗಡೆ ಅವರ ಪುತ್ರಿಯಾಗಿರುವ ಡಾ ಸಮೀಕ್ಷಾ ಹೆಗಡೆ ಅವರು ಮಿಜಾರಿನ ಡಾ ಲಕ್ಷ್ಮೀಶ ಜಯರಾಮ ಹೆಗಡೆ ಅವರನ್ನು ವರಿಸಿದ್ದಾರೆ. ಡಾ ಲಕ್ಷ್ಮೀಶ ಹೆಗಡೆ ಅವರು ಅರಿವಳಿಕೆ ತಜ್ಞರಾಗಿದ್ದಾರೆ. ಡಾ ಸಮೀಕ್ಷಾ ಹೆಗಡೆ ಅವರ ಸಹೋದರ ಸಾತ್ವಿಕ ಹೆಗಡೆ ಅವರು ಸಹ ಬಿಎಂಸಿ ಸರಕಾರಿ ವೈದ್ಯಕೀಯ ಕಾಲೇಜಿನಲ್ಲಿ ಎಂಬಿಬಿಎಸ್ ಓದುತ್ತಿದ್ದಾರೆ. ಸಮೀಕ್ಷಾ ಹೆಗಡೆ ಅವರು ಭರತನಾಟ್ಯ ಕಲಾವಿದೆಯೂ ಹೌದು.
- [ಜಲ ಸಾಹಸ: ಕಯಾಕಿಂಗ್'ಗೆ ಬಂದವನನ್ನು ಕೊಂದ ಕಾಳಿ!](https://mobiletime.in/2026/06/water-adventure-kali-killed-a-kayaker/): ಕಾರವಾರದ ಕಾಳಿ ನದಿಯಲ್ಲಿ ಕಯಾಕಿಂಗ್ ಮಾಡಲು ತೆರಳಿದ್ದ ರೆಸಾರ್ಟನ ಮಾಜಿ ಸಿಬ್ಬಂದಿ ನೀರಿನಲ್ಲಿ ಮುಳುಗಿ ಸಾವನಪ್ಪಿದ್ದಾರೆ. ಸತೀಶ ಮಾಳ್ಸೇಕರ್ ಅವರು ಬುಧವಾರ ಹಣಕೋಣದಲ್ಲಿ ಕಾಣೆಯಾಗಿದ್ದು, ಗುರುವಾರ ಶವವಾಗಿ ಸಿಕ್ಕಿದ್ದಾರೆ. ಕಾರವಾರದ ಹೊಡ್ಲೇಬಾಗ-ಮುಡಗೇರಿಯ ಸತೀಶ ಮಾಳ್ಸೇಕರ್ ಅವರು ಕಾರವಾರದಲ್ಲಿ ನೆಲೆಸಿದ್ದರು. ನೌಕಾನೆಲೆ ಬಳಿ ಅವರು ರೆಸ್ಟೋರೆಂಟ್ ನಡೆಸುತ್ತಿದ್ದರು. ಬುಧವಾರ ಹಣಕೋಣದ ರಿವರ್ ಎಡ್ಜ್ ಪ್ಯಾರಡೈಸ್ ರೆಸೋರ್ಟಿಗೆ ಹೋಗಿದ್ದ ಅವರು ಕಯಾಕ್ ಬೋಟ್‌ನಲ್ಲಿ ಕಾಳಿ ನದಿಗೆ ತೆರಳಿದ್ದರು. ಈ ವೇಳೆ ಅವರು ನದಿಯಲ್ಲಿ ಕಣ್ಮರೆಯಾಗಿದ್ದು, ಮಾಹಿತಿ ತಿಳಿಯುತ್ತಿದ್ದಂತೆ ಅಗ್ನಿಶಾಮಕ ಸಿಬ್ಬಂದಿ ಶೋಧ ನಡೆಸಿದ್ದರು. ಪೊಲೀಸರ ಜೊತೆ ಸ್ಥಳೀಯರು ಹುಡುಕಾಟ ನಡೆಸಿದರೂ ಆ ದಿನ ಅವರ ಸುಳಿವು ಸಿಕ್ಕಿರಲಿಲ್ಲ. ಗುರುವಾರ ನದಿಯಲ್ಲಿ ಶವ ಸಿಕ್ಕಿದ್ದು, ಅದು ಸತೀಶ್ ಮಾಳ್ಸೇಕರ್ ಅವರದ್ದು ಎಂದು ಗೊತ್ತಾಗಿದೆ. ಮರಣೋತ್ತರ ಪರೀಕ್ಷೆಗೆ ದೇಹವನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಸತೀಶ ಮಾಳ್ಸೇಕರ ಅವರು ಸುಮಾರು ಎಂಟು ವರ್ಷಗಳ ಹಿಂದೆ ಇದೇ ರಿವರ್ ಎಡ್ಜ್ ಪ್ಯಾರಡೈಸ್ ರಿಸೋರ್ಟ್ನಲ್ಲಿ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸಿದ್ದರು. ಸದ್ಯ ಅದೇ ರೆಸಾರ್ಟಿಗೆ ಬಂದು ಶವವಾಗಿದ್ದಾರೆ.
- [ಓಂ ಶಾಂತಿ: ಇನ್ನೂ ಮುಂದೆ ಬರುವುದಿಲ್ಲ ಈ ಅಂಚೆ ಅಣ್ಣ!](https://mobiletime.in/2026/06/om-shanti-this-postal-worker-wont-come-any-further/): ಮನೆ ಮನೆಗೆ ಅಂಚೆ ಸೇವೆ ನೀಡುತ್ತಿದ್ದ ಉಮೇಶ ಭಟ್ಟ ಅವರಿಗೆ ದಾಂಡೇಲಿಯಲ್ಲಿ ಎಮ್ಮೆಯೊಂದು ಅಡ್ಡ ಬಂದಿದ್ದು, ಬೈಕಿನಿಂದ ಬಿದ್ದು ಅವರು ಸಾವಪ್ಪಿದ್ದಾರೆ. ಹಳಿಯಾಳ ಮುರ್ಕವಾಡದ ಉಮೇಶ ಭಟ್ಟ ಅವರು ಕುಳಗಿ ಕನ್ನಡ ಶಾಲೆ ಬಳಿ ನಡೆದ ದುರಂತದಲ್ಲಿ ಅವರು ಕೊನೆಯುಸಿರೆಳೆದಿದ್ದಾರೆ. ಉಮೇಶ ಭಟ್ಟ ಅವರು ಅಂಬಿಕಾನಗರದಲ್ಲಿ ವಾಸವಾಗಿದ್ದು, ಜನತಾ ಕಾಲೋನಿಗೆ ಹೊರಟಿದ್ದರು. ಬೈಕಿನ ಮೇಲೆ ಸಂಬoಧಿಕರ ಮನೆಗೆ ಹೋಗುತ್ತಿದ್ದ ಅವರಿಗೆ ದಿಢೀರ್ ಆಗಿ ಎಮ್ಮೆಯೊಂದು ಎದುರು ಸಿಕ್ಕಿತು. ಬೈಕ್ ನಿಯಂತ್ರಣ ತಪ್ಪಿ ಆ ಎಮ್ಮೆಗೆ ಡಿಕ್ಕಿ ಹೊಡೆಯಿತು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಉಮೇಶ ಭಟ್ಟ ಅವರನ್ನು ಸ್ಥಳೀಯರು ಆಸ್ಪತ್ರೆಗೆ ಸಾಗಿಸಿದರು. ದಾಂಡೇಲಿಯಿoದ ಧಾರವಾಡದ ಆಸ್ಪತ್ರೆಗೂ ಅವರನ್ನು ಸಾಗಿಸಲಾಯಿತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಅವರು ಅಲ್ಲಿಯೇ ಸಾವನಪ್ಪಿದರು. ಉಮೇಶ ಭಟ್ಟ ಅಂಬಿಕಾನಗರದ ಅಂಚೆ ಇಲಾಖೆಯ ಸೇವೆಯಲ್ಲಿದ್ದರು. 59 ವರ್ಷದ ಅವರು ದಶಕಗಳ ಕಾಲ ಅಂಚೆ ಇಲಾಖೆಗೆ ಸೇವೆ ಸಲ್ಲಿಸಿದ್ದರು. ಕರ್ತವ್ಯ ಮುಗಿಸಿ ಮರಳುವಾಗ ಈ ಅವಘಡ ನಡೆದಿದ್ದು, ಅನೇಕರು ಶೋಕವ್ಯಕ್ತಪಡಿಸಿದರು. 59 ವರ್ಷದ ಉಮೇಶ ಭಟ್ಟ ಅವರು 2027ರ ಏಪ್ರಿಲ್ ತಿಂಗಳಲ್ಲಿ ನಿವೃತ್ತರಾಗಬೇಕಿದ್ದು, ಅದಕ್ಕೂ ಮೊದಲೇ ಜೀವನ ಯಾತ್ರೆ ಮುಗಿಸಿದರು.
- [ಹೆಗಡೆರ ತೋಟದಲ್ಲಿ ಕೃಷಿ ಕಾರ್ಯಾಗಾರ](https://mobiletime.in/2026/06/agricultural-workshop-at-hegders-farm/): ಕುಮಟಾ ಅಂತ್ರವಳ್ಳಿಯ ಎನ್ ಡಿ ಹೆಗಡೆ ಅವರ ತೋಟ ನೋಡಿ ಹುಬ್ಬೇರಿಸಿದ ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಅಲ್ಲಿಯೇ ಕೃಷಿ ಕಾರ್ಯಾಗಾರ ಆಯೋಜಿಸಲು ನಿರ್ಧರಿಸಿದ್ದಾರೆ. ಆಸಕ್ತ ಕೃಷಿಕರ ಆದಾಯ ಹೆಚ್ಚಿಸಲು ಅನಂತಮೂರ್ತಿ ಹೆಗಡೆ ಅವರು ಆಸಕ್ತಿವಹಿಸಿದ್ದು, ಎನ್ ಡಿ ಹೆಗಡೆ ಅವರ ಪ್ರಗತಿ ಪರ ಕೃಷಿಯನ್ನು ಇತರರಿಗೂ ಪರಿಚಯಿಸುವ ಪ್ರಯತ್ನ ಮಾಡಿದ್ದಾರೆ. ನರೇಂದ್ರ ಮೋದಿ ಅವರು ಪ್ರಧಾನಿಯಾಗಿ 12 ವರ್ಷ ಪೂರೈಸಿದ ಹಿನ್ನಲೆ `ವಿಶ್ವಾಸ ಕೇ, ವಿಕಾಸ ಕೇ, ಜನ ಕಲ್ಯಾಣ ಕೇ’ ಎಂಬ ಘೋಷವಾಕ್ಯದ ಅಡಿ ಬಿಜೆಪಿ ವಿವಿಧ ಕಾರ್ಯಕ್ರಮ ಆಯೋಜಿಸಿದೆ. ಅದರ ಅಂಗವಾಗಿ ಅನಂತಮೂರ್ತಿ ಹೆಗಡೆ ಅವರು ನೈಸರ್ಗಿಕ ಕೃಷಿ ಕಾರ್ಯಗಾರ ನಡೆಸುತ್ತಿದ್ದಾರೆ ಸಾವಯುವ ಗೊಬ್ಬರ ಉಪಯೋಗ ಬಳಕೆ ಮಾಡಿ ಉತ್ತಮ ಇಳುವರಿ ಪಡೆಯುವ ಕೃಷಿಕರ ಬಗ್ಗೆ ಅವರು ಎಲ್ಲರಿಗೂ ಪರಿಚಯಿಸಲಿದ್ದು, ಅದೇ ದಾರಿಯಲ್ಲಿ ಸಾಗುವವರಿಗೆ ಮಾರ್ಗದರ್ಶನ ನೀಡಲು ಮುಂದಾಗಿದ್ದಾರೆ. ಜೂನ್ 20ರಂದು ಬೆಳಗ್ಗೆ 10.30ಕ್ಕೆ ಪ್ರಗತಿ ಪರ ಕೃಷಿಕ ಎನ್ ಡಿ ಹೆಗಡೆ ಅವರ ಕುಮಟಾದ ಅಂತ್ರವಳ್ಳಿಯ ಕಡಸಾಲಗದ್ದೆ ತೋಟದಲ್ಲಿ ಈ ಕಾರ್ಯಾಗಾರ ನಡೆಯಲಿದೆ. ಕಾರ್ಯಾಗಾರದಲ್ಲಿ ನೈಸರ್ಗಿಕ ಕೃಷಿ ಸಾವಯವ ಗೊಬ್ಬರದ ಉಪಯೋಗ ಮತ್ತು ಮಹತ್ವದ ಹಾಗೂ ಮಣ್ಣಿನ ಸಾರ ಹಾಗೂ ಸುಧಾರಣೆಯ ವಿಧಾನಗಳು, ಜೀವಾಮೃತ ಬೀಜಾಮೃತ ಘನಜೀವಾಮೃತ ತಯಾರಿಸುವ ವಿಧಾನಗಳು, ಕಡಿಮೆ ವೆಚ್ಚದಲ್ಲಿ ಹೆಚ್ಚಿನ ಆದಾಯಗಳಿಸುವ ತಂತ್ರಗಳು, ರೋಗ ಮತ್ತು ನಿರ್ವಹಣೆ- ನೈಸರ್ಗಿಕ ವಿಧಾನಗಳು ರೈತರಿಗೆ ಕೇಂದ್ರ ಸರ್ಕಾರದ ಯೋಜನೆಗಳ ಮಾಹಿತಿಯನ್ನು ನೀಡಲಾಗುತ್ತದೆ.  
- [ಬಸ್ಸಿಗೆ ಗುದ್ದಿದ ಬಸ್ಸು!](https://mobiletime.in/2026/06/a-bus-hit-a-bus/): ಜೊಯಿಡಾದ ರಾಮನಗರದ ಬಳಿ ಬಸ್ಸೊಂದು ಮತ್ತೊಂದು ಬಸ್ಸಿಗೆ ಡಿಕ್ಕಿಯಾಗಿದೆ. ಎರಡು ಬಸ್ಸುಗಳ ಮುಖಾಮುಖಿ ಡಿಕ್ಕಿಯಿಂದ ಪ್ರಯಾಣಿಕರು ಸಮಸ್ಯೆ ಅನುಭವಿಸಿದ್ದಾರೆ. ರಾಮನಗರ – ಜೋಯಿಡಾ ರಸ್ತೆಯಲ್ಲಿ ಈ ಅಪಘಾತ ನಡೆದಿದೆ. ಚಾಪೋಲಿ ತಿರುವಿನ ಬಳಿ ಸಂಚರಿಸುತ್ತಿದ್ದ ಬಸ್ಸುಗಳು ಪರಸ್ಪರ ಗುದ್ದಿಕೊಂಡಿವೆ. ಎರಡು ಬಸ್ಸುಗಳ ವೇಗ ಜಾಸ್ತಿಯಿದ್ದರೂ ಪ್ರಯಾಣಿಕರಿಗೆ ದೊಡ್ಡ ಪ್ರಮಾಣದ ಗಾಯಗಳಾಗಿಲ್ಲ. ಬಸ್ಸಿನಲ್ಲಿದ್ದ ವಿದ್ಯಾರ್ಥಿಗಳಿಗೆ ಸಣ್ಣಪುಟ್ಟ ನೋವುಗಳಾಗಿದೆ. ಉಳವಿ – ಇಚಲಕರಂಜಿ ಮಾರ್ಗದ ಬಸ್ಸು ಹಾಗೂ ಬೆಳಗಾವಿ – ಅಂಕೋಲಾ ಮಾರ್ಗವಾಗಿ ಸಂಚರಿಸುವ ಬಸ್ಸುಗಳ ನಡುವೆ ಈ ಅರ್ವಡ ನಡೆದಿದೆ. ಅಪಘಾತದಲ್ಲಿ ಎರಡು ಬಸ್ಸಿನ ಚಾಲಕರಿಗೆ ಅಲ್ಪ ಸ್ವಲ್ಪ ಗಾಯಗಳಾಗಿವೆ. ಬೆಳಗಾವಿ-ಅಂಕೋಲಾ ಬಸ್ಸಿನಲ್ಲಿ ಜೊಯಿಡಾಗೆ ತೆರಳುವ ಪ್ರಯಾಣಿಕರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಅವರು ಅಪಾಯದಿಂದ ಪಾರಾಗಿದ್ದಾರೆ. ಅಪಘಾತ ಸ್ಥಳದಲ್ಲಿ ಮೊಬೈಲ್ ನೆಟ್‌ವರ್ಕ್ ಸಿಗದ ಕಾರಣ ಪ್ರಯಾಣಿಕರು ಇನ್ನಷ್ಟು ಸಮಸ್ಯೆ ಅನುಭವಿಸಿದರು. ಕೊನೆಗೆ ಸಮೀಪದ ಗುಡ್ಡ ಏರಿ ಆಂಬುಲೆನ್ಸಿಗೆ ಪ್ರಯಾಣಿಕರೇ ಫೋನ್ ಮಾಡಿದ್ದು, ಗಾಯಗೊಂಡ ಕೆಲವರನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಜೊಯಿಡಾ ಸರ್ಕಾರಿ ಆಸ್ಪತ್ರೆಯಲ್ಲಿ ಕೆಲವರು ಚಿಕಿತ್ಸೆಪಡೆದಿದ್ದಾರೆ.
- [ಮುಸ್ಲಿಂ ಯುವಕನ ಕಾರಿನಲ್ಲಿ ಹಿಂದೂ ಯುವತಿ: ತನಿಖೆ!](https://mobiletime.in/2026/06/hindu-woman-in-muslim-mans-car-investigation/): ಭಟ್ಕಳದ ಸೂಪರ್ ಮಾರ್ಟಿನಲ್ಲಿ ಕೆಲಸ ಮಾಡುತ್ತಿದ್ದ ಶಾಹಿದ್ ಖಾನ್ ಅವರು ಅದೇ ಸೂಪರ್ ಮಾರ್ಟಿನ ಮಹಿಳಾ ಸಿಬ್ಬಂದಿಯನ್ನು ಪ್ರೀತಿಸುತ್ತಿದ್ದು, ಆಕೆಯನ್ನು ಬಲವಂತವಾಗಿ ಕಾರಿನಲ್ಲಿ ಕರೆದೊಯ್ದಿದ್ದಾರೆ. ಲೈಂಗಿಕ ಕಿರುಕುಳ ನೀಡುವ ಉದ್ದೇಶದಿಂದ ಯವತಿಯನ್ನು ಕರೆದೊಯ್ದ ಕಾರಣ ಪೊಲೀಸರು ಶಾಹಿದ್ ಖಾನ್ ವಿರುದ್ಧ ಕಠಿಣ ಕ್ರಮ ಜರುಗಿಸಿದ್ದಾರೆ. ಭಟ್ಕಳದ ಕಾರಗದ್ದೆ ಎರಡನೇ ಕ್ರಾಸಿನಲ್ಲಿ ಶಾಹಿದ್ ಸೈಫ್ ಖಾನ್ ಅವರು ವಾಸವಾಗಿದ್ದಾರೆ. 21 ವರ್ಷದ ಅವರು ಇಲ್ಲಿನ ಸೂಪರ್ ಮಾರ್ಟವೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅದೇ ಸೂಪರ್ ಮಾರ್ಟಿನಲ್ಲಿ ಹಿಂದೂ ಯುವತಿಯೊಬ್ಬರು ಕೆಲಸಕ್ಕಿದ್ದು, ಕಳೆದ ಕೆಲ ದಿನಗಳಿಂದ ಶಾಹಿದ್ ಖಾನ್ ಆ ಯುವತಿಯ ಬೆನ್ನು ಬಿದ್ದಿದ್ದಾರೆ. ಯವತಿಯ ಇಚ್ಚೆಗೆ ವಿರುದ್ಧವಾಗಿ ಆಕೆಯನ್ನು ಬಲವಂತ ಮಾಡುತ್ತಿದ್ದಾರೆ. ಪದೇ ಪದೇ ಪ್ರೀತಿಸುವಂತೆ ಒತ್ತಾಯಿಸುತ್ತಿದ್ದ ಶಾಹಿದ್ ಖಾನ್ ಜೂನ್ 17ರಂದು ಆ ಯುವತಿಗೆ ಫೋನ್ ಮಾಡಿದ್ದಾರೆ. ಅನ್ಫಾಲ್ ಸುಪರ್ ಮಾರುಕಟ್ಟೆ ಹಿಂಬಾಗದ ಹಾಸ್ಟೆಲ್ ಹತ್ತಿರ ಬಂದ ಶಾಹಿದ್ ಖಾನ್ ಅಲ್ಲಿಗೆ ಆಗಮಿಸುವಂತೆ ಯುವತಿಯನ್ನು ಆಮಂತ್ರಿಸಿದ್ದಾರೆ. ಆ ಯುವತಿ ಅಲ್ಲಿ ಬಂದಾಗ ಒತ್ತಾಯಪೂರ್ವಕವಾಗಿ ಕಾರಿನಲ್ಲಿ ಹತ್ತಿಸಿಕೊಂಡಿದ್ದು, ಜೋರಾಗಿ ಆ ಕಾರಿನೊಂದಿಗೆ ಪರಾರಿಯಾಗಿದ್ದಾರೆ. ಆ ಕಾರು ಮಾರುಕೇರಿ ಕಡೆ ಹೊರಟಿದೆ. ವೇಗವಾಗಿ ಬರುತ್ತಿದ್ದ ಕಾರನ್ನು ನೋಡಿದ ಪೊಲೀಸರು ಕಡಸಲಗದ್ದೆ ಪುರಸಭೆ ಕಸ ವಿಲೇವಾರಿ ಘಟಕದ ಹತ್ತಿರ ಕಾರು ತಡೆದಿದ್ದಾರೆ. ಆ ವೇಳೆ ಯುವತಿ ತನ್ನನ್ನು ಬಲವಂತವಾಗಿ ಕಾರಿನಲ್ಲಿ ಕೂರಿಸಿಕೊಂಡು ಕಿರುಕುಳ ನೀಡಿದ ಬಗ್ಗೆ ದೂರಿದ್ದು, ಪೊಲೀಸರು ಶಾಹಿದ್ ಖಾನ್ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಸದ್ಯ ಶಾಹಿದ್ ಖಾನ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಈ ವಿಷಯವಾಗಿ ಅನೇಕರು ಪೊಲೀಸ್ ಠಾಣೆ ಬಳಿ ಆಗಮಿಸಿ ವಿಚಾರಣೆ ನಡೆಸಿದ್ದಾರೆ. ಲೈಂಗಿಕ ಕಿರುಕುಳ ನೀಡುವ ಉದ್ದೇಶದಿಂದ ಯುವತಿಯನ್ನು ಬಲವಂತವಾಗಿ ಕಾರಿನಲ್ಲಿ ಕೂರಿಸಿಕೊಂಡು ಹೊರಟ ಬಗ್ಗೆ ದೂರಲಾಗಿದೆ.
- [ಹೊಸ ಮನೆ-ಹೊಸ ಕಾರು: ಹರ್ಷವನ್ನು ಹಾಳು ಮಾಡಿದ ಸಾವು!](https://mobiletime.in/2026/06/new-house-new-car-death-ruined-the-joy/): ಕಾರವಾರದ ಕೆಎಚ್‌ಬಿ ಕಾಲೋನಿಯಲ್ಲಿ ಹೊಸ ಮನೆಯ ಗೃಹ ಪ್ರವೇಶ ಕಾರ್ಯ ನಡೆದಿದ್ದು, ಅದರ ಬೆನ್ನಲ್ಲೆ ಮನೆ ಅಂಗಳದಲ್ಲಿ ಸಾವು ಸಂಭವಿಸಿದೆ. ಗೃಹ ಪ್ರವೇಶದ ವೇಳೆ ಅಳವಡಿಸಿದ್ದ ಪೆಂಡಾಲ್ ತೆಗೆಯಲು ಆಗಮಿಸಿದ್ದ ಭರತ ಗೌಡ ಅವರು ವಿದ್ಯುತ್ ಸ್ಪರ್ಶದಿಂದ ಕೊನೆಯುಸಿರೆಳೆದಿದ್ದಾರೆ. ಕಾರವಾರದ ಕೆಎಚ್‌ಬಿ ಕಾಲೋನಿಯಲ್ಲಿ ಹೊಸ ಮನೆ ಗೃಹ ಪ್ರವೇಶ ಅದ್ಧೂರಿಯಾಗಿ ನಡೆದಿದ್ದು, ಬೇರೆ ಬೇರೆ ಊರುಗಳಿಂದ ಜನ ಆಗಮಿಸಿದ್ದರು. ಹೊಸ ಮನೆಯ ಮುಂದೆ ಹೊಸ ಹೊಸ ಕಾರುಗಳು ನಿಂತಿದ್ದವು. ಎಲ್ಲರೂ ಸೇರಿ ಉತ್ತಮ ಕಾರ್ಯಕ್ರಮ ನಡೆಸಿದ್ದು, ಕಾರ್ಯಕ್ರಮದ ಕೊನೆ ಘಳಿಗೆಯಲ್ಲಿ ದುರಂತವೊAದು ನಡೆಯಿತು. ಕಾರವಾರದ ನಗರದ ಪದ್ಮನಾಭ ನಗರದ ಯುವಕ ಭರತ್ ಗೌಡ ಅವರು ಪೆಂಡಾಲ್ ಕೆಲಸ ಮಾಡುವ ಕಾರ್ಮಿಕರಾಗಿದ್ದು, ಗೃಹ ಪ್ರವೇಶದ ಸಡಗರದ ಅವಧಿಯಲ್ಲಿಯೇ ಅವರು ದುರಂತ ಅಂತ್ಯವಾಗಿದ್ದಾರೆ. ಇಲ್ಲಿನ ನಿವಾಸಿಯೊಬ್ಬರು ಕಷ್ಟಪಟ್ಟು ಮನೆ ನಿರ್ಮಿಸಿದ್ದು, ಅದರ ಪ್ರವೇಶದ ಸಡಗರವನ್ನು ಕಾರ್ಮಿಕನ ಸಾವು ಕಸಿದಿದೆ. ಜೊತೆಗೆ, ಆ ಸಾವು ಕಾರ್ಮಿಕನ ಕುಟುಂಬಕ್ಕೂ ದೊಡ್ಡ ಆಘಾತ ತಂದಿದೆ. ಮಳೆ ಮುನ್ನಚ್ಚರಿಕೆಗಾಗಿ ನೂತನ ಮನೆಗೆ ಕಬ್ಬಿಣದ ಶೀಟುಗಳನ್ನು ಹಾಕಲಾಗಿತ್ತು. ಆ ಶೀಟಿನ ಚಾವಣಿಗಳನ್ನು ತೆರವು ಮಾಡುವುದಕ್ಕಾಗಿ ಭರತ ಗೌಡ ಅವರು ಆಗಮಿಸಿದ್ದರು. ಈ ವೇಳೆ ಕೆಲಸಕ್ಕೆ ಬಳಸುತ್ತಿದ್ದ ಏಣಿ ವಿದ್ಯುತ್ ತಂತಿ ಸ್ಪರ್ಶಿಸಿದ್ದು, ಪರಿಣಾಮ ಏಣಿ ಹಿಡಿದಿದ್ದ ಭರತ ಗೌಡ ಅವರು ಅಲ್ಲಿಯೇ ಕುಸಿದುಬಿದ್ದಿದ್ದಾರೆ. ಭರತ ಗೌಡ ಅವರನ್ನು ಉಪಚರಿಸುವ ಪ್ರಯತ್ನ ನಡೆದರೂ ಪ್ರಯೋಜನವಾಗಲಿಲ್ಲ. ಏಣಿಯ ಮೂಲಕ ಪ್ರವೇಶಿಸಿದ ವಿದ್ಯುತ್ ಭರತ ಗೌಡ ಅವರ ಜೀವ ತೆಗೆದಿದೆ. ಸಾವಿನ ಮಾಹಿತಿ ಆಧರಿಸಿ ಪೊಲೀಸರು ಸ್ಥಳ ಭೇಟಿ ಮಾಡಿದ್ದಾರೆ.
- [ಕ್ರಿಕೆಟ್‌ನಲ್ಲಿ ಒಂದು ಓವರ್‌ಗೆ ಆರೇ ಬಾಲ್‌ಗಳು ಯಾಕೆ?](https://mobiletime.in/2026/06/why-are-there-only-six-balls-per-over-in-cricket/): ಕ್ರಿಕೆಟ್ ಪಂದ್ಯ ನೋಡುತ್ತಿರುವಾಗ ಒಂದು ಪ್ರಶ್ನೆ ಹಲವರ ಮನಸ್ಸಿಗೆ ಬಂದಿರಬಹುದು. ಬೌಲರ್ ಒಂದು ಓವರ್ ಮುಗಿಸಲು ಆರು ಬಾಲ್‌ಗಳನ್ನೇ ಎಸೆಯಬೇಕು. ಆದರೆ ಆರು ಬಾಲ್‌ಗಳೇ ಯಾಕೆ? ಐದು ಅಥವಾ ಎಂಟು ಯಾಕಲ್ಲ? ಇದರ ಹಿಂದಿರುವ ಇತಿಹಾಸ ಸಾಕಷ್ಟು ಕುತೂಹಲಕಾರಿಯಾಗಿದೆ. ಇಂದು ಕ್ರಿಕೆಟ್‌ನಲ್ಲಿ ಒಂದು ಓವರ್‌ಗೆ ಆರು ಬಾಲ್‌ಗಳು ಎಂಬುದು ಸಾಮಾನ್ಯ ನಿಯಮ. ಆದರೆ ಕ್ರಿಕೆಟ್‌ನ ಆರಂಭಿಕ ದಿನಗಳಲ್ಲಿ ಹೀಗಿರಲಿಲ್ಲ. ಆಗ ಒಂದು ಓವರ್‌ನಲ್ಲಿ ಎಷ್ಟು ಎಸೆತಗಳು ಇರಬೇಕು ಎಂಬುದಕ್ಕೆ ಒಂದೇ ರೀತಿಯ ನಿಯಮವೇ ಇರಲಿಲ್ಲ. ಕೆಲವೆಡೆ ನಾಲ್ಕು ಬಾಲ್‌ಗಳ ಓವರ್ ಇದ್ದರೆ, ಮತ್ತೆ ಕೆಲವೆಡೆ ಐದು ಬಾಲ್‌ಗಳ ಓವರ್‌ಗಳೂ ನಡೆದಿದ್ದವು. ಇನ್ನೂ ಆಶ್ಚರ್ಯದ ಸಂಗತಿ ಏನೆಂದರೆ, ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ ದೇಶಗಳಲ್ಲಿ ಹಲವು ವರ್ಷಗಳ ಕಾಲ ಎಂಟು ಬಾಲ್‌ಗಳ ಓವರ್ ಪದ್ಧತಿ ಜಾರಿಯಲ್ಲಿತ್ತು. ಅಂದರೆ ಇಂದಿನ ಒಂದು ಓವರ್‌ಗಿಂತ ಎರಡು ಎಸೆತಗಳು ಹೆಚ್ಚು! 19ನೇ ಶತಮಾನದ ಅಂತ್ಯದ ವೇಳೆಗೆ ಕ್ರಿಕೆಟ್ ನಿಯಮಗಳನ್ನು ರೂಪಿಸುವ ಸಂಸ್ಥೆಗಳು ಆಟವನ್ನು ಹೆಚ್ಚು ಸಮತೋಲನದಿಂದ ನಡೆಸಲು ಆರು ಬಾಲ್‌ಗಳ ಓವರ್ ಸೂಕ್ತ ಎಂಬ ನಿರ್ಧಾರಕ್ಕೆ ಬಂದವು. ಕ್ರಮೇಣ ಈ ಪದ್ಧತಿ ಇಂಗ್ಲೆಂಡ್ ಸೇರಿದಂತೆ ಇತರ ದೇಶಗಳಲ್ಲೂ ಜನಪ್ರಿಯವಾಯಿತು. 1970ರ ದಶಕದ ಅಂತ್ಯದ ವೇಳೆಗೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಎಲ್ಲ ದೇಶಗಳೂ ಆರು ಬಾಲ್‌ಗಳ ಓವರ್ ವ್ಯವಸ್ಥೆಯನ್ನು ಅಳವಡಿಸಿಕೊಂಡವು. ಇದರಿಂದ ಪಂದ್ಯಗಳ ಅವಧಿ, ಸ್ಕೋರಿಂಗ್ ಮತ್ತು ನಿಯಮಗಳ ಲೆಕ್ಕಾಚಾರ ಸುಲಭವಾಯಿತು. ಇಂದು ಕ್ರಿಕೆಟ್ ಅಭಿಮಾನಿಗಳಿಗೆ ಆರು ಬಾಲ್‌ಗಳ ಓವರ್ ಸಹಜವಾಗಿ ಕಾಣಬಹುದು. ಆದರೆ ಒಂದು ಕಾಲದಲ್ಲಿ ನಾಲ್ಕು, ಐದು ಮತ್ತು ಎಂಟು ಬಾಲ್‌ಗಳ ಓವರ್‌ಗಳೂ ಇದ್ದವು ಎಂಬುದು ಕ್ರಿಕೆಟ್ ಇತಿಹಾಸದ ಅಪರೂಪದ ಕುತೂಹಲಕಾರಿ ಸಂಗತಿಯಾಗಿದೆ. ಮುಂದಿನ ಬಾರಿ ಕ್ರಿಕೆಟ್ ಪಂದ್ಯ ನೋಡಿದಾಗ ಒಂದು ಓವರ್ ಮುಗಿಯುವಾಗ, ಅದರ ಹಿಂದೆ ಅಡಗಿರುವ ಈ ಇತಿಹಾಸವನ್ನೂ ನೆನಪಿಸಿಕೊಳ್ಳಬಹುದು!
- [ಶಿರೂರು: ಪುಸ್ತಕ ರೂಪದಲ್ಲಿ ಅಜರಾಮರವಾದ ಅರ್ಜುನ!](https://mobiletime.in/2026/06/shiroor-tragedy-keralas-search-for-arjun-is-now-a-book/): ಅಂಕೋಲಾ ತಾಲ್ಲೂಕಿನ ಶಿರೂರುದಲ್ಲಿ ಸಂಭವಿಸಿದ್ದ ಭೀಕರ ಗುಡ್ಡ ಕುಸಿತ ದುರಂತ ದಕ್ಷಿಣ ಭಾರತದಲ್ಲಿ ವ್ಯಾಪಕ ಚರ್ಚೆಗೆ ಕಾರಣವಾಗಿತ್ತು. ಈ ದುರಂತದಲ್ಲಿ ಕಾಣೆಯಾಗಿದ್ದ ಕೇರಳದ ಲಾರಿ ಚಾಲಕ ಅರ್ಜುನ್ ಅವರನ್ನು ಪತ್ತೆಹಚ್ಚಲು ನಡೆದ 72 ದಿನಗಳ ಸುದೀರ್ಘ ಕಾರ್ಯಾಚರಣೆ ಹಾಗೂ ಆ ಅವಧಿಯಲ್ಲಿ ಅವರ ಕುಟುಂಬ ಅನುಭವಿಸಿದ ಸಂಕಟ ಇದೀಗ ಪುಸ್ತಕ ರೂಪದಲ್ಲಿ ಹೊರಬಂದಿದೆ. ಅರ್ಜುನ್ ಅವರ ತಾಯಿ ಶೀಲಾ ಕುರುವಚ್ಚಾಲ್ ಅವರು ತಮ್ಮ ಮಗನಿಗಾಗಿ ಕಾದು ಕಳೆದ ನೋವಿನ ದಿನಗಳನ್ನು ‘ಅರ್ಜುನ್ ನನ್ನ ಮಗ’ ಎಂಬ ಕೃತಿಯಲ್ಲಿ ದಾಖಲಿಸಿದ್ದಾರೆ. ಮಗನಿಗಾಗಿ ನಡೆಸಿದ ನಿರಂತರ ನಿರೀಕ್ಷೆ, ಆತಂಕ ಮತ್ತು ಭಾವನಾತ್ಮಕ ಹೋರಾಟವನ್ನು ಪುಸ್ತಕದಲ್ಲಿ ಮನಮುಟ್ಟುವಂತೆ ವಿವರಿಸಲಾಗಿದೆ. ಈ ಕೃತಿಗೆ ವಿಪತ್ತು ನಿರ್ವಹಣಾ ತಜ್ಞ ಹಾಗೂ ಲೇಖಕ ಮುರಳಿ ತುಮ್ಹಾರೂಕುಡಿ ಮುನ್ನುಡಿ ಬರೆದು, ಇದನ್ನು ಸಮಕಾಲೀನ ದುರಂತ ಸಾಹಿತ್ಯದ ಮಹತ್ವದ ಕೃತಿಗಳಲ್ಲಿ ಒಂದೆಂದು ಬಣ್ಣಿಸಿದ್ದಾರೆ. 2024ರ ಜುಲೈ 16ರಂದು ರಾಷ್ಟ್ರೀಯ ಹೆದ್ದಾರಿ 66ರ ಪಕ್ಕದಲ್ಲಿ ಸಂಭವಿಸಿದ ಗುಡ್ಡ ಕುಸಿತದಲ್ಲಿ ಲಾರಿ ಮತ್ತು ಗ್ಯಾಸ್ ಟ್ಯಾಂಕರ್ ಸೇರಿದಂತೆ ಹಲವು ವಾಹನಗಳು ಮಣ್ಣಿನಡಿ ಸಿಲುಕಿದ್ದವು. ಈ ದುರಂತದಲ್ಲಿ ಒಟ್ಟು 11 ಮಂದಿ ಮೃತಪಟ್ಟಿದ್ದರು. ಆರಂಭಿಕ ಕಾರ್ಯಾಚರಣೆಯಲ್ಲಿ ಕೆಲವರ ಮೃತದೇಹಗಳು ಪತ್ತೆಯಾಗಿದ್ದರೂ, ಅರ್ಜುನ್ ಸೇರಿದಂತೆ ಮೂವರು ಕಾಣೆಯಾಗಿದ್ದರು. ನಿರಂತರ ಮಳೆ ಮತ್ತು ಪ್ರತಿಕೂಲ ಪರಿಸ್ಥಿತಿಗಳಿಂದಾಗಿ ರಕ್ಷಣಾ ಕಾರ್ಯಕ್ಕೆ ಹಲವು ಸವಾಲುಗಳು ಎದುರಾಗಿದ್ದವು. ಒಂದು ಹಂತದಲ್ಲಿ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಲಾಗಿದ್ದರೂ, ಕೇರಳದ ಜನತೆ ಹಾಗೂ ಅಲ್ಲಿನ ಜನಪ್ರತಿನಿಧಿಗಳ ಒತ್ತಾಯದ ಹಿನ್ನೆಲೆಯಲ್ಲಿ ಮತ್ತೆ ಶೋಧ ಕಾರ್ಯ ಮುಂದುವರಿಯಿತು. ಬಳಿಕ 72 ದಿನಗಳ ಸುದೀರ್ಘ ಕಾರ್ಯಾಚರಣೆಯ ನಂತರ ಅರ್ಜುನ್ ಅವರ ಮೃತದೇಹ ಪತ್ತೆಯಾಯಿತು. ಆದರೆ ದುರಂತದಲ್ಲಿ ಕಾಣೆಯಾಗಿದ್ದ ಇನ್ನಿಬ್ಬರಿಗಾಗಿ ಹುಡುಕಾಟದ ಪ್ರಶ್ನೆ ಇನ್ನೂ ಉಳಿದಿದೆ. ಶೀಲಾ ಕುರುವಚ್ಚಾಲ್ ಅವರ ಕೃತಿಯಲ್ಲಿ ಅರ್ಜುನ್ ಅವರ ಬಾಲ್ಯ, ಜೀವನ ಪಯಣ ಮತ್ತು ಶಿರೂರು ದುರಂತದ ಬಳಿಕ ಕುಟುಂಬ ಎದುರಿಸಿದ ಭಾವನಾತ್ಮಕ ಹೋರಾಟವನ್ನು ವಿವರಿಸಲಾಗಿದೆ. ಮಗ ಮರಳಿ ಬರುವನೆಂಬ ಆಶಯದೊಂದಿಗೆ ಕಳೆದ ಪ್ರತಿಯೊಂದು ದಿನದ ಅನುಭವವನ್ನು ಅವರು ಹಂಚಿಕೊಂಡಿದ್ದಾರೆ. ಇತ್ತೀಚೆಗೆ ಮಲಯಾಳಂ ಭಾಷೆಯಲ್ಲಿ ಪ್ರಕಟವಾದ ಈ ಪುಸ್ತಕವನ್ನು ಕೇರಳದ ಜನಪ್ರತಿನಿಧಿಗಳು ಬಿಡುಗಡೆ ಮಾಡಿದ್ದಾರೆ. ದುರಂತದ ಸಂದರ್ಭದಲ್ಲಿ ನೆರವಾದ ಎಲ್ಲರಿಗೂ ಲೇಖಕಿ ಕೃತಜ್ಞತೆ ಸಲ್ಲಿಸಿದ್ದು, ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ ಕರ್ನಾಟಕ ಸರ್ಕಾರ ಮತ್ತು ಸಂಬಂಧಿತ ಅಧಿಕಾರಿಗಳ ಪ್ರಯತ್ನವನ್ನೂ ಪ್ರಶಂಸಿಸಿದ್ದಾರೆ. ಈ ಕೃತಿ ಶಿರೂರು ದುರಂತದ ನೆನಪುಗಳನ್ನು ಮತ್ತೊಮ್ಮೆ ಸಾರ್ವಜನಿಕರ ಮುಂದೆ ತಂದಿದೆ.
- [ಅಡವಿ ಮಕ್ಕಳಿಗೆ ಪಾಠ ಮಾಡಿದ RFO!](https://mobiletime.in/2026/06/rfo-taught-a-lesson-to-the-children-of-the-forest/): ಕಾರವಾರದ ಅಸ್ನೋಟಿ ಶಿವಾಜಿ ಮಂದಿರದಲ್ಲಿರುವ ಮಕ್ಕಳಿಗೆ ವಲಯ ಅರಣ್ಯಾಧಿಕಾರಿ ಗಜಾನನ ನಾಯ್ಕ ಅವರು ಜೀವನ ಮೌಲ್ಯಗಳ ಬಗ್ಗೆ ಪಾಠ ಮಾಡಿದ್ದಾರೆ. ನೈತಿಕತೆ, ಸಾಮಾಜಿಕ ಜವಾಬ್ದಾರಿ, ಉತ್ತಮ ನಡತೆ ರೂಪಿಸಿಕೊಳ್ಳುವ ಮೂಲಕ ಯಶಸ್ವಿ ಜೀವನ ನಡೆಸುವುದರ ಬಗ್ಗೆ ಅವರು ಮಕ್ಕಳಿಗೆ ಅರಿವು ಮೂಡಿಸಿದ್ದಾರೆ. `ಬಾಲ್ಯದಲ್ಲಿಪಡೆದ ಶಿಕ್ಷಣ ಬದುಕಿನುದ್ದಕ್ಕೂ ಸಹಕಾರಿ ಆಗಿರುತ್ತದೆ. ಅದರಲ್ಲಿಯೂ ಮೌಲ್ಯಾಧಾರಿತ ಶಿಕ್ಷಣ ಉತ್ತಮ ಬದುಕು ರೂಪಿಸುತ್ತದೆ’ ಎಂದವರು ಹೇಳಿದ್ದಾರೆ. `ಪ್ರೀತಿ, ವಿಶ್ವಾಸ, ಸಹಬಾಳ್ವೆಯ ಜೊತೆ ಎಲ್ಲಾ ಜೀವಿಗಳ ಬಗ್ಗೆ ಕಾಳಜಿ ಯಶಸ್ಸಿನ ಸೂತ್ರವಾಗಿದೆ. ಪ್ರಾಮಾಣಿಕತೆ ಮತ್ತು ನಿಷ್ಠೆ ನ್ಯಾಯ ಮಾರ್ಗದ ದಾರಿಯಾಗಿದೆ. ಸಹಿಷ್ಣುತೆ, ಸಾಮಾಜಿಕ ನ್ಯಾಯ, ಪರಿಸರ ಜಾಗೃತಿ ಶಾಲೆಯಿಂದಲೇ ಶುರುವಾಗಬೇಕಿದೆ’ ಎಂದವರು ಹೇಳಿದ್ದಾರೆ. `ಮಕ್ಕಳ ಮೇಲೆ ಒತ್ತಡ ಹೇರದೇ ಕಥೆಗಳ ಮೂಲಕ ಪಾಠ ಮಾಡಬೇಕು. ಸ್ವಯಂ ಅರಿವಿನಿಂದ ಅವರು ಜವಾಬ್ದಾರರಾಗುವ ಹಾಗೇ ನೋಡಿಕೊಳ್ಳಬೇಕು’ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಶಾಲಾ ಮುಖ್ಯಾಧ್ಯಪಕ ಗಣೇಶ ಬಿಷ್ಟಣ್ಣನವರ, ಹಿರಿಯ ಶಿಕ್ಷಕರಾದ ವಿಜಯಕುಮಾರ್ ನಾಯ್ಕ, ಜೆ ಬಿ ತಿಪ್ಪೇಸ್ವಾಮಿ, ರೂಪಾಲಿ ಸಾವಂತ ಅವರು ಸಹ ಅರಣ್ಯಾಧಿಕಾರಿಗಳ ಪಾಠ ಆಲಿಸಿದ್ದಾರೆ.
- [ಪೊಲೀಸರನ್ನೇ ಸಂಸ್ಪೆoಡ್ ಮಾಡಿಸಿದ ರೌಡಿ!](https://mobiletime.in/2026/06/a-rowdy-who-made-the-police-panic/): ಕಂಠಪೂರ್ತಿ ಕುಡಿದ ಮತ್ತಿನಲ್ಲಿ ಪೊಲೀಸರ ಮೇಲೆ ದಾಳಿ ಮಾಡಿದ ರೌಡಿಯ ರಂಪಾಟಕ್ಕೆ ಪಿಸೈ ಬಸವರಾಜ ಮಬನೂರು ಅವರ ತಲೆತಂಡವಾಗಿದೆ. ಹಳಿಯಾಳ ಪಿಸೈ ಬಸವರಾಜ ಮಬನೂರು ಅವರು ಸೇವೆಯಿಂದ ಅಮಾನತು ಆಗಿದ್ದು, ಎಂಟು ಪೊಲೀಸ್ ಸಿಬ್ಬಂದಿ ವರ್ಗವಾಗಿದ್ದಾರೆ. ಹಳಿಯಾಳ ನಿರಲಗಾದ ಮಂಜುನಾಥ ಸುಬ್ರಾಯ ಬೇಕನಿ (ಮಚ್ಚ್ ಮಂಜಾ) ದಾದಾಗಿರಿ ಮಾಡಿಯೇ ಎಲ್ಲರನ್ನು ಹೆದರಿಸುತ್ತಿದ್ದರು. ಜೂನ್ 14ರ ರಾತ್ರಿಯೂ ಅವರು ಮೌರ್ಯ ಬಾರ್ & ರೆಸ್ಟೋರೆಂಟ್ ಎದುರು ಗಲಾಟೆ ಮಾಡಿದ್ದರು. ಗಲಾಟೆ ತಡೆಯಲು ಬಂದ ಪಿಸೈ ಬಸವರಾಜ ಮಬನೂರು ಅವರ ಪೊಲೀಸ್ ಜೀಪಿಗೆ ಅಡ್ಡಗಟ್ಟಿ ರಂಪಾಟ ಮಾಡಿದ್ದರು. ಈ ವೇಳೆ ಕರ್ತವ್ಯದಲ್ಲಿದ್ದ ಪೊಲೀಸ್ ಸಿಬ್ಬಂದಿ ನಂದೀಶ್ವರ ಗುಡ್ಡೋಡಗಿ, ಅಶೋಕ ಬಸಲಿಂಗಪ್ಪ ಹುಬ್ಬಳ್ಳಿ ಹಾಗೂ ಹನುಮಂತ ಓಂಕಾರಪ್ಪ ಬರಗಿ ಅವರ ಮೇಲೆಯೂ ಮಚ್ಚ್ ಮಂಜಾ ಆಕ್ರಮಣ ಮಾಡಿದ್ದರು. ಪೊಲೀಸರ ಮೇಲೆ ದಾಳಿ ಮಾಡಿದರೂ ಕ್ರಮವಾಗಿಲ್ಲ ಎಂಬ ಆಕ್ಷೇಪಣೆ ಸಾರ್ವಜನಿಕ ವಲಯದಿಂದ ಕೇಳಿ ಬಂದಿದ್ದು, ಅದಕ್ಕೆ ಪ್ರತ್ಯುತ್ತರವಾಗಿ ರೌಡಿಯ ವಿರುದ್ಧ ಪಿಸೈ ಬಸವರಾಜ ಮಬನೂರು ಅವರು ಪೊಲೀಸ್ ಪ್ರಕರಣ ದಾಖಲಿಸಿದ್ದರು. ಈ ಗಲಾಟೆಯಲ್ಲಿ ಪಾನ್ ಅಂಗಡಿಯ ರಾಘವೇಂದ್ರ ದತ್ತಾ ಬಾಂದೇಕರ್, ಬಾರ್ ಸಿಬ್ಬಂದಿ ಬಸವರಾಜ ಹಾಗೂ ರಾಘವೇಂದ್ರ ಅವರ ಮೇಲೆಯೂ ದಾಳಿ ನಡೆದಿತ್ತು. ಹೊಟೇಲ್ ಮ್ಯಾನೇಜರ್ ಸದಾಶಿವ ಪೂಜಾರಿ ಅವರ ಮೇಲೆಯೂ ಮಂಜುನಾಥ ಬೇಕನಿ ಹಲ್ಲೆ ಮಾಡಿದ್ದರು. ಆ ಗಲಾಟೆ ತಡೆಗೆ ಹೋಗಿದ್ದ ಪೊಲೀಸರ ಮೇಲೆ ದಾಳಿ ನಡೆದ ವಿಡಿಯೋ ವೈರಲ್ ಆಗಿದ್ದು, ಅದಾದ ನಂತರ ಹೊಟೇಲ್ ಮ್ಯಾನೇಜರ್ ಸದಾಶಿವ ಪೂಜಾರಿ ಅವರು ನೀಡಿದ ದೂರಿನ ಅನ್ವಯ ಪೊಲೀಸರು ಮಂಜುನಾಥ ಸುಬ್ರಾಯ ಬೇಕನಿ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಇದೀಗ ಪೊಲೀಸರ ಮೇಲೆ ಆಕ್ರಮಣ ನಡೆಸಿದ ಬಗ್ಗೆ ಮತ್ತೊಂದು ಪ್ರಕರಣವನ್ನು ಸ್ವತಃ ಪಿಸೈ ಬಸವರಾಜ ಮಬನೂರು ಅವರು ದಾಖಲಿಸಿದ್ದು, ಸದ್ಯ ಅವರ ವಿರುದ್ಧವೇ ಇದೀಗ ಕಠಿಣ ಕ್ರಮವಾಗಿದೆ. ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಅವರು ಬಸವರಾಜ ಮಬನೂರು ಅವರ ವಿರುದ್ಧ ತನಿಖೆಗೆ ಆದೇಶಿಸಿ, ಅಮಾನತು ಮಡಿದ್ದಾರೆ. ಈ ಜೊತೆಗೆ ಹಳಿಯಾಳದ ಎಂಟು ಪೊಲೀಸ್ ಸಿಬ್ಬಂದಿಯನ್ನು ಬೇರೆ ಕಡೆ ವರ್ಗಾಯಿಸಲಾಗಿದೆ. ಆಂತರಿಕ ತನಿಖೆ ಆಧಾರದಲ್ಲಿ ಈ ಕ್ರಮ ಜರುಗಿಸಲಾದ ಮಾಹಿತಿಯಿದೆ. ಅದಾಗಿಯೂ, ರೌಡಿ ಮಾಡಿದ ತಪ್ಪಿಗೆ ಪೊಲೀಸರು ಶಿಕ್ಷೆ ಅನುಭವಿಸಿದ ಬಗ್ಗೆಯೂ ಇದೀಗ ಚರ್ಚೆ ಶುರುವಾಗಿದೆ. .
- [ಸರಾಯಿ ಕುಡಿದು ಮಲಗಿದವ ಸ್ಮಶಾನ ಸೇರಿದ!](https://mobiletime.in/2026/06/he-who-sleeps-drunk-in-a-tavern-belongs-to-the-graveyard/): ರಾತ್ರಿ ಊಟ ಮಾಡದೇ ಸರಾಯಿ ಮಾತ್ರ ಕುಡಿದು ಮಲಗಿದ ಜೊಯಿಡಾದ ರಾಮದಾಸ ವೇಳಿಪ್ ಅವರು ಸ್ಮಶಾನ ಸೇರಿದ್ದಾರೆ. ಬೆಳಗ್ಗೆ 11 ಗಂಟೆ ಅದರೂ ನಿದ್ದೆಯಿಂದ ಏಳದ ಅವರನ್ನು ಎಬ್ಬಿಸುವ ಪ್ರಯತ್ನ ಮಾಡಿದಾಗ ಸಾವನಪ್ಪಿರುವುದು ಗೊತ್ತಾಗಿದೆ. ಜೊಯಿಡಾದ ಅಮೃತಪಾಲಿಯಲ್ಲಿ ರಾಮದಾಸ ಕೃಷ್ಣ ವೇಳಿಪ (50) ಅವರು ವಾಸವಾಗಿದ್ದರು. ಜೂನ್ 14ರಂದು ಬೆಳಗ್ಗೆ ಎದ್ದ ತಕ್ಷಣ ಅವರು ಸರಾಯಿ ಸೇವಿಸಿದ್ದರು. ಸಂಜೆ ಮತ್ತೆ ಅವರು ಸರಾಯಿ ಸೇವಿಸಿ ಹಾಗೇ ಮಲಗಿದ್ದರು. ಮನೆಯವರು ಊಟಕ್ಕೆ ಕರೆದರೂ ಬಾರದೇ ಅವರು ಮನೆ ಪಕ್ಕದ ಕೋಣೆಗೆ ಹೋಗಿ ನಿದ್ರಿಸಿದ್ದರು. ಆದರೆ, ಮರುದಿನ ಬೆಳಗ್ಗೆ ಅವರು ಏಳುವ ಸ್ಥಿತಿಯಲ್ಲಿರಲಿಲ್ಲ. ನಿತ್ಯ ಬೆಳಗ್ಗೆ ಬೇಗ ಏಳುವ ರಾಮದಾಸ ವೇಳಿಪ ಅವರು ಆ ದಿನ ಬೆಳಗ್ಗೆ 11 ಗಂಟೆ ಆದರೂ ಏಳಲಿಲ್ಲ. ಬೆಳಗ್ಗೆ 8 ಗಂಟೆಗೆ ರಾಮದಾಸ ಅವರ ಪತ್ನಿ ರೇಶನ್ ತರಲು ಜೊಯಿಡಾ ಸೊಸೈಟಿಗೆ ಹೊಗಿದ್ದು, ಮನೆಗೆ ಮರಳಿದ ನಂತರ ಪತಿಯನ್ನು ಏಳಿಸುವ ಪ್ರಯತ್ನ ಮಾಡಿದರು. ಆಗ, ಯಾವುದೇ ಪ್ರತಿಕ್ರಿಯೆ ಬಾರದ ಕಾರಣ ಮಗ ನಿಲೇಶ ವೇಳಿಪ ಅವರನ್ನು ಕರೆದರು. ತಕ್ಷಣ ರಾಮದಾಸ ವೇಳಿಪ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಗಿದ್ದು, ವೈದ್ಯರು ಅವರು ಸಾವನಪ್ಪಿರುವ ವಿಷಯ ತಿಳಿಸಿದರು. ಸರಾಯಿ ಕುಡಿದರೆ ಸಾವನಪ್ಪುತ್ತಾರೆ ಎಂದು ತಿಳಿಸಿದರೂ ಅವರು ಅದನ್ನು ಕುಡಿದು ಸಾವನಪ್ಪಿದ ಬಗ್ಗೆ ನಿಲೇಶ್ ವೇಳಿಪ ಅವರು ಅಳಲು ತೋಡಿಕೊಂಡರು.
- [ಜೂಜಾಟ: ಚಾಲಕ-ಕಾರ್ಮಿಕನನ್ನು ಹಾಳು ಮಾಡಿದ ಮಾಲಕ!](https://mobiletime.in/2026/06/gambling-the-owner-who-ruined-the-driver-worker/): ಕುಮಟಾ ದೀವಗಿಯ ಶ್ರೀಮಾತಾ ಡೆಕೋಟೇರರ್ಸನ ಪ್ರವೀಣ ಅಂಬಿಗ ಅವರು ಮಿರ್ಜಾನಿನ ಚಾಲಕ ಲಕ್ಷಿನಾರಾಯಣ ನಾಯ್ಕ ಹಾಗೂ ಮುಗ್ವೇನವಾಡಿಯ ಕಾರ್ಮಿಕ ಶಿವಾನಂದ ನಾಯ್ಕ ಅವರಿಗೂ ಜೂಜಾಟ ಕಲಿಸಿದ್ದಾರೆ. ಚಾಲಕ ಹಾಗೂ ಕಾರ್ಮಿಕರನ್ನು ಬಳಸಿಕೊಂಡು ಅವರು ಹಣ ಹೂಡಿ ಇಸ್ಪಿಟ್ ಆಡುವಾಗ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಕುಮಟಾದ ದೀವಗಿಯಲ್ಲಿ ವಾಸವಾಗಿರುವ ಪ್ರವೀಣ ತಿಮ್ಮಪ್ಪ ಅಂಬಿಗ ಅವರು ಶ್ರೀಮಾತಾ ಡೆಕೋಟೇರರ್ಸ ನಡೆಸುತ್ತಾರೆ. 34 ವರ್ಷದ ಅವರು ದುಡಿದ ಹಣ ಡಬಲ್ ಮಾಡುವ ಆಸೆಯಿಂದ ಇನ್ನಿತರ ಕಾರ್ಮಿಕರನ್ನು ಜೂಜಾಟಕ್ಕೆ ಆಮಂತ್ರಿಸುತ್ತಾರೆ. ಮಿರ್ಜಾನ್ ಭೈರವೇಶ್ವರಕೇರಿಯ ಚಾಲಕ ಲಕ್ಷಿನಾರಾಯಣ ರಾಮಕೃಷ್ಣ ನಾಯ್ಕ (47) ಹಾಗೂ ಮುಗ್ವೇನವಾಡಿಯ ಕೂಲಿ ಕಾರ್ಮಿಕ ಶಿವಾನಂದ ನಾರಾಯಣ ನಾಯ್ಕ (60) ಅವರು ಸಹ ಜೂಜಾಟ ಚಟ ಹೊಂದಿದವರಾಗಿದ್ದು, ಈ ಮೂವರು ಸೇರಿ ಇಸ್ಪಿಟ್ ಆಡುತ್ತಾರೆ. ಒಬ್ಬರಿಗೆ ಲಾಭ ಹಾಗೂ ಮತ್ತೊಬ್ಬರಿಗೆ ನಷ್ಟ ಆಗುವ ರೀತಿ ಅವರೆಲ್ಲರೂ ಹಣ ಹೂಡಿ ಆಟವಾಡುತ್ತಿದ್ದು, ಹಣ ಹೂಡಿದವರ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ. ಜೂನ್ 14ರಂದು ಶ್ರೀಮಾತಾ ಡೆಕೋಟೇರರ್ಸನ ಪ್ರವೀಣ ಅಂಬಿಗ ಅವರು ಮಿರ್ಜಾನಿನ ಚಾಲಕ ಲಕ್ಷಿನಾರಾಯಣ ನಾಯ್ಕ ಹಾಗೂ ಮುಗ್ವೇನವಾಡಿಯ ಕಾರ್ಮಿಕ ಶಿವಾನಂದ ನಾಯ್ಕ ಅವರನ್ನು ಆಮಂತ್ರಿಸಿದ್ದಾರೆ. ಅವರಿಬ್ಬರನ್ನು ಮಿರ್ಜಾನ್ ಗ್ರಾಮದ ಟೂರಿಸ್ಟ್ ಹೊಟೇಲ್ ಬಳಿ ಕರೆದೊಯ್ದು ಜೂಜಾಟ ನಡೆಸಿದ್ದಾರೆ. ಕುಮಟಾ ಪಿಸೈ ಖಾದರ್ ಭಾಷಾ ಅವರಿಗೆ ಈ ಬಗ್ಗೆ ವ್ಯಕ್ತಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಹೀಗಾಗಿ ಖಾದರ್ ಭಾಷಾ ಅವರು ದಿಢೀರ್ ಆಗಿ ಆ ಮೂವರ ಮೇಲೆ ದಾಳಿ ಮಾಡಿದ್ದಾರೆ. ಆಗ, ಅವರೆಲ್ಲರೂ 2830ರೂ ಹರಡಿಕೊಂಡು ಇಸ್ಪಿಟ್ ಆಟ ಆಡುತ್ತಿರುವುದು ಕಾಣಿಸಿದೆ. ತಕ್ಷಣ ಅವರೆಲ್ಲರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಅಂಕೋಲಾ: ಒಂದು ಪಾಸಿಟಿವ್!](https://mobiletime.in/2026/06/ankola-a-positive/): ಅಂಕೋಲಾ ಪಟ್ಟಣದ ನಾಡವರ ಸಮುದಾಯ ಭವನ ಪಕ್ಕದ ಸ್ಮಶಾನ ರಸ್ತೆಯಲ್ಲಿ ಅಲೆದಾಡುತ್ತಿದ್ದ ಅವರ್ಸಾದ ಸಂದೇಶ ನಾಯ್ಕ ಅವರ ವೈದ್ಯಕೀಯ ವರದಿ `ಪಾಸಿಟಿವ್’ ಬಂದಿದೆ. ಹೀಗಾಗಿ ಸಂದೇಶ ನಾಯ್ಕ ಅವರು ಮಾದಕ ವ್ಯಸನಿಯಾಗಿದ್ದು ಖಚಿತವಾಗಿದ್ದು, ನಿಷೇಧಿತ ಮಾದಕ ವಸ್ತು ಸೇವನೆ ಮಾಡಿದ ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಅಂಕೋಲಾದ ಅವರ್ಸಾ ಬಳಿಯ ಹಟ್ಟಿಕೇರಿಯಲ್ಲಿ ಸಂದೇಶ ಜಾನು ನಾಯ್ಕ ಅವರು ವಾಸವಾಗಿದ್ದಾರೆ. 29 ವರ್ಷದ ಅವರು ಅಲ್ಲಿ-ಇಲ್ಲಿ ಕೂಲಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದಾರೆ. ಕುಟುಂಬಕ್ಕೆ ಆಧಾರವಾಗಬೇಕಿದ್ದ ಅವರು ಸಣ್ಣ ವಯಸ್ಸಿನಲ್ಲಿಯೇ ಅಡ್ಡದಾರಿ ಹಿಡಿದಿದ್ದಾರೆ. ದುಶ್ಚಟಗಳಿಗೆ ದಾಸರಾಗಿರುವ ಅವರು ಗಾಂಜಾ ಸೇವನೆಗೆ ಮರಳಾಗಿದ್ದಾರೆ. ಬಾಯಿಂದ ಗಬ್ಬು ವಾಸನೆ ಬರುವ ಬಗ್ಗೆ ಗೊತ್ತಿದ್ದರೂ ಸಂದೇಶ ನಾಯ್ಕ ಅವರು ಮಾದಕ ವಸ್ತುಗಳ ಸೇವನೆಯಿಂದ ಹೊರ ಬಂದಿಲ್ಲ. ಜೂನ್ 14ರಂದು ಅಂಕೋಲಾ ಪಟ್ಟಣದ ನಾಡವರ ಸಮುದಾಯದ ಭವನದ ಬಳಿ ಸ್ಮಶಾನಕ್ಕೆ ಹೋಗುವ ರಸ್ತೆಯಲ್ಲಿ ಸಂದೇಶ ನಾಯ್ಕ ಅವರು ಅನುಮಾನಾಸ್ಪದ ರೀತಿ ಅಲೆದಾಡುತ್ತಿದ್ದರು. ಪಿಸೈ ಗುರುನಾಥ ಹಾದಿಮನಿ ಅವರು ಆ ವೇಳೆ ಅಲ್ಲಿ ಆಗಮಿಸಿದ್ದು, ಸಂದೇಶ ನಾಯ್ಕ ಅವರನ್ನು ಮಾತನಾಡಿಸಿದರು. ಸಂದೇಶ ನಾಯ್ಕ ಅವರ ಬಾಯಿಂದ ಕೆಟ್ಟ ವಾಸನೆ ಬಂದಿದನ್ನು ಪೊಲೀಸರು ಸಹಿಸಲಿಲ್ಲ. ಗಟ್ಟಿಯಾಗಿ ಕೇಳಿದಾಗ `ಸರ್ ನಾನೂ ಗಾಂಜಾ ಸೇವಿಸಿದ್ದೇನೆ’ ಎಂದು ಸಂದೇಶ ನಾಯ್ಕ ಅವರೇ ಒಪ್ಪಿಕೊಂಡರು. ಅದಾಗಿಯೂ, ಪೊಲೀಸರು ಅವರನ್ನು ಆಸ್ಪತ್ರೆಗೆ ಕರೆತಂದರು. ವೈದ್ಯರು ಸಂದೇಶ ನಾಯ್ಕ ಅವರ ಮೂತ್ರ ಪರೀಕ್ಷೆ ಮಾಡಿದರು. ಆ ವರದಿಯೂ ಪಾಸಿಟಿವ್ ಎಂದು ಬಂದಿದ್ದು, ಸಂದೇಶ ನಾಯ್ಕ ಅವರು ವಿಪರೀತ ಪ್ರಮಾಣದಲ್ಲಿ ಅಮಲಿನಲ್ಲಿರುವುದನ್ನು ದೃಢೀಕರಿಸಿತು. ಅತ್ಯಂತ ಅಪಾಯಕಾರಿ ಹಾಗೂ ನಿಷೇಧಿತ ಮಾದಕ ವಸ್ತು ಸೇವಿಸಿದ ಹಿನ್ನಲೆ ಪೊಲೀಸರು ಸಂದೇಶ ನಾಯ್ಕ ಅವರ ವಿರುದ್ಧ ಕೇಸು ದಾಖಲಿಸಿದರು. ಮಾದಕ ವ್ಯಸನದ ದುಷ್ಪರಿಣಾಮದ ಬಗ್ಗೆ ಅರಿವು ಮೂಡಿಸಿ, ಎಚ್ಚರಿಕೆಯನ್ನು ನೀಡಿದರು.
- [ಕದ್ದು ಮುಚ್ಚಿ ಊರಿಗೆ ಬಂದ ಕಳ್ಳ ರೌಡಿ!](https://mobiletime.in/2026/06/a-rowdy-thief-who-stole-and-came-to-town/): ಕಳ್ಳತನ, ಜೀವ ಬೆದರಿಕೆ ಸೇರಿ ಏಳು ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿದ್ದ ಸುನೀಲ ಭೋವಿವಡ್ಡರ್ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದ್ದು, ಪೊಲೀಸರು ಯಾದಗಿರಿಗೆ ಬಿಟ್ಟು ಬಂದ ಮರುದಿನವೇ ಅವರು ಊರಿಗೆ ಮರಳಿದ್ದಾರೆ. ಉತ್ತರ ಕನ್ನಡ ಜಿಲ್ಲೆ ಪ್ರವೇಶಿಸದಂತೆ ಎಚ್ಚರಿಕೆ ನೀಡಿದರೂ ಅದನ್ನು ಉಲ್ಲಂಘಿಸಿ ಸುನೀಲ ಭೋವಿವಡ್ಡರ್ ಅವರು ಕದ್ದುಮುಚ್ಚಿ ಓಡಾಟ ಮಾಡುತ್ತಿದ್ದಾರೆ. ಶಿರಸಿಯ ಬನವಾಸಿ ಬಳಿಯ ಬದನಗೋಡದಲ್ಲಿ ಸುನೀಲ ಚಂದ್ರಪ್ಪ ಬೋವಿವಡ್ಡರ್ (ಸ್ವಾಮಿಲ್ಲಾ) ಅವರು ವಾಸವಾಗಿದ್ದರು. ಕಳ್ಳತನ, ಸಾಕ್ಷಿಗಳಿಗೆ ಹೆದರಿಸುವಿಕೆ, ಜೀವ ಬೆದರಿಕೆ ಸೇರಿ ಅವರ ವಿರುದ್ಧ ಏಳು ಪೊಲೀಸ್ ಪ್ರಕರಣಗಳು ದಾಖಲಾಗಿದ್ದವು. ತಮ್ಮೊಂದಿಗೆ ಇತರರಿಗೂ ಅವರು ಅಪರಾಧ ಕೃತ್ಯದಲ್ಲಿ ಭಾಗಿಯಾಗಲು ಪ್ರೇರೇಪಿಸುತ್ತಿದ್ದು, ಅದು ಪೊಲೀಸರಿಗೆ ದೊಡ್ಡ ತಲೆನೋವಾಗಿತ್ತು. ಪದೇ ಪದೇ ಶಾಂತಿ-ಸುವ್ಯವಸ್ಥೆ ಹಾಳು ಮಾಡುತ್ತಿದ್ದ ಕಾರಣ ಸುನೀಲ ಚಂದ್ರಪ್ಪ ಬೋವಿವಡ್ಡರ್ ಅವರನ್ನು ಗಡಿಪಾರು ಮಾಡುವಂತೆ ಬನವಾಸಿ ಪೊಲೀಸರು ಮೇಲಧಿಕಾರಿಗಳಿಗೆ ಮನವಿ ಮಾಡಿದ್ದರು. ಶಿರಸಿ ಉಪವಿಭಾಗಾಧಿಕಾರಿಗಳು ಮಾರ್ಚ 16ರಂದು ಸುನೀಲ ಭೋವಿವಡ್ಡರ್ ಅವರನ್ನು ಗಡಿಪಾರು ಮಾಡಿ ಆದೇಶಿಸಿದ್ದರು. ಹೀಗಾಗಿ, ಬನವಾಸಿ ಪೊಲೀಸರು ಅವರನ್ನು ಯಾದಗಿರಿಗೆ ಬಿಟ್ಟು ಬಂದಿದ್ದರು. ಯಾದಗಿರಿ ಪೊಲೀಸ್ ಠಾಣೆಯಲ್ಲಿ ಸಹಿ ಹಾಕಿದ ಸುನೀಲ್ ಬೋವಿವಡ್ಡರ್ ಅವರು ಪೊಲೀಸರ ಬೆನ್ನಿಗೆ ಆ ಊರು ತೊರೆದಿದ್ದರು. ಗಡಿಪಾರು ಮಾಡಿದರೂ ಆ ಆದೇಶ ಉಲ್ಲಂಘಿಸಿ ಸುನೀಲ ಬೋವಿವಡ್ಡರ್ ಓಡಾಡುತ್ತಿರುವುದು ಪೊಲೀಸರ ಗಮನಕ್ಕೆ ಬಂದಿತು. ಬನವಾಸಿ ಪಿಸೈ ಮಹಂತೇಶ ಕುಂಬಾರ್ ಅವರು ಈ ವಿಷಯ ಖಚಿತಪಡಿಸಿಕೊಂಡಿದ್ದು, ಆದೇಶ ಉಲ್ಲಂಘಿಸಿದ ಕಾರಣ ಸುನೀಲ ಭೋವಿವಡ್ಡರ್ ವಿರುದ್ಧ ಮತ್ತೊಂದು ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದರು.
- [ಸಚಿವ ಸ್ಥಾನಕ್ಕೆ ಆರ್ ವಿ ದೇಶಪಾಂಡೆ ಅವರೇ ಸೂಕ್ತ](https://mobiletime.in/2026/06/we-dont-want-them-we-dont-want-them-deshpande-is-the-one-we-want-for-the-ministerial-position/): ಹಿರಿಯ ಮುತ್ಸದ್ಧಿ, ಚತುರ ರಾಜಕಾರಣಿ, ಅಭಿವೃದ್ಧಿ ವಿಷಯವಾಗಿ ಅಪಾರ ಅನುಭವವಿರುವ ಆರ್ ವಿ ದೇಶಪಾಂಡೆ ಅವರಿಗೆ ಸಚಿವ ಸ್ಥಾನ ಕೊಡಬೇಕು’ ಎಂದು ಯಲ್ಲಾಪುರದಲ್ಲಿ ಅವರ ಬೆಂಬಲಿಗರು ಆಗ್ರಹಿಸಿದ್ದಾರೆ. ದೇಶಪಾಂಡೆ ಅಭಿಮಾನಿಗಳ ಬಳಗದ ಡಿ ಎನ್ ಗಾಂವ್ಕರ ನೇತೃತ್ವದಲ್ಲಿ ಈ ಕುರಿತು ಹಕ್ಕೊತ್ತಾಯ ಸಭೆ ನಡೆದಿದೆ. ಅದಾದ ನಂತರ ಡಿ ಎನ್ ಗಾಂವ್ಕರ ಅವರು ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದು, `ಆರ್ ದೇಶಪಾಂಡೆಯವರ ಸೇವಾ ಹಿರಿತನ ಗಮನಿಸಿ ಕಾಂಗ್ರೆಸ್ ಪಕ್ಷ ಅವರಿಗೆ ಸಚಿವ ಸ್ಥಾನ ಕೊಡಬೇಕು. ಮೊದಲ ಹಂತದಲ್ಲಿಯೇ ಉಪಮುಖ್ಯಮಂತ್ರಿ ಸ್ಥಾನ ಕೊಡುವ ನಿರೀಕ್ಷೆ ಇದ್ದು, ಅದು ಸಿಗದಿರುವ ಕಾರಣ ಬೇಸರವಾಗಿದೆ. ಸದ್ಯ ಸಂಪುಟ ವಿಸ್ತರಣೆಯ ವೇಳೆಯಲ್ಲಾದರೂ ಅವರಿಗೆ ಪ್ರಮುಖ ಖಾತೆ ಕೊಡಬೇಕು’ ಎಂದು ಆಗ್ರಹಿಸಿದ್ದಾರೆ. `ಆರ್ ವಿ ದೇಶಪಾಂಡೆ ಅವರಿಗೆ ಸಚಿವ ಸ್ಥಾನ ಕೊಡದೇ ಇದ್ದರೆ ಕಾಂಗ್ರೆಸ್ ಕಾರ್ಯಕರ್ತರು ಜಿಲ್ಲೆಯ ಎಲ್ಲಡೆ ಪ್ರತಿಭಟನೆ ನಡೆಸಲಿದ್ದಾರೆ’ ಎಂದು ಸಹ ಅವರು ಎಚ್ಚರಿಸಿದ್ದಾರೆ. `ಆರ್ ವಿ ದೇಶಪಾಂಡೆಯವರು 9 ಬಾರಿ ಶಾಸಕರಾಗಿ, ದೀಘ9ಕಾಲ ಮಂತ್ರಿಗಳಾಗಿ ಅನುಭವ ಹೊಂದಿದ್ದಾರೆ. ಅವರ ಅಪಾರ ಅನುಭವವನ್ನು ಸರ್ಕಾರ ಬಳಸಿಕೊಳ್ಳಬೇಕು’ ಎಂದು ಹೇಳಿದ್ದಾರೆ. ಪ್ರಮುಖರಾದ ವಿ ವಿ ಜೋಶಿ ಹಾಗೂ ಬಾಬಾಜಾನ್ ಶೇಖ್ ಮಾತನಾಡಿ, `ಆರ್ ವಿ ದೇಶಪಾಂಡೆಯವರು ಸಚಿವರಾಗಿದ್ದ ಕಾಲದಲ್ಲಿ ರಾಜ್ಯ, ಜಿಲ್ಲೆ ಅಪಾರ ಅಭಿವೃದ್ಧಿ ಕಂಡಿದೆ. ಮತ್ತೆ ಅವರು ಸಚಿವರಾದರೆ ಜಿಲ್ಲೆಯ ಅಭಿವೃದ್ಧಿಗೆ ಹೆಚ್ಚಿನ ಕಾಯಕಲ್ಪ ಸಿಗಲಿದೆ’ ಎಂದಿದ್ದಾರೆ. ದೇಶಪಾಂಡೆ ಅಭಿಮಾನಿ ಬಳಗದ ವಿ ಟಿ ಭಾಗ್ವತ, ಎನ್ ಎನ್ ಹೆಬ್ಬಾರ, ನಂದನ ಬಾಳಗಿ, ಬಾಬು ಸಿದ್ದಿ, ಕೈಸರ್ ಅಲಿ, ಅಕ್ಷಯ ರೇವಣಕರ, ವಿ ಜಿ ಭಾಗ್ವತ, ಜಿ ವಿ ಭಟ್ಟ, ರಾಘವೇಂದ್ರ ಕುಣಬಿ, ಶೇಖರ ಗೋಸಾವಿ, ಅಶ್ಪಾಕ್ ಪಟೇಲ್, ನವೀದ್ ಖಾನ್, ಅಣ್ಣಪ್ಪ ನಾಯ್ಕ ಅವರು ಈ ಬಗ್ಗೆ ಆಗ್ರಹಿಸಿದ್ದಾರೆ. ಕಳೆದ ಅವಧಿಯಲ್ಲಿ ಆರ್ ವಿ ದೇಶಪಾಂಡೆ ಅವರಿಗೆ ಸಚಿವ ಸ್ಥಾನ ಸಿಗದಿರುವುದು ಬೇಸರ ತಂದಿದೆ. ಸದ್ಯ ಡಿಕೆ ಶಿವಕುಮಾರ ಅವರ ನೇತ್ರತ್ವದ ಸರ್ಕಾರದಲ್ಲಿ ಆರ್ ವಿ ದೇಶಪಾಂಡೆ ಅವರಿಗೆ ಸಚಿವ ಸ್ಥಾನ ಕೊಡಬೇಕು ಎಂದು ಒತ್ತಾಯಿಸಿದ್ದು, ನಮ್ಮ ಬೇಡಿಕೆಗೆ ಕಾಂಗ್ರೆಸ್ ಸ್ಪಂದಿಸುವ ಸಾಧ್ಯತೆಯಿದೆ. ಶಿಸ್ತಿನ ಶಾಸಕ ದೇಶಪಾಂಡೆ ಅವರ ಅನುಭವವನ್ನು ಸರ್ಕಾರ ಸರಿಯಾಗಿ ಬಳಸಿಕೊಳ್ಳಬೇಕು. ಬಾಬು ಸಿದ್ದಿ, ಕಾಂಗ್ರೆಸ್ ಮುಖಂಡರು ಯಲ್ಲಾಪುರ
- [ಗಿಡ ನೆಡುವ ಹಬ್ಬಕ್ಕೆ ಅತಿಕ್ರಮಣದಾರರೇ ರಾಯಬಾರಿ!](https://mobiletime.in/2026/06/the-trespassers-are-the-charioteers-for-the-tree-planting-festival/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೂನ್ 21ರಿಂದ ಜುಲೈ 11ರವರೆಗೆ ದಶಲಕ್ಷ ಗಿಡ ನೆಡುವ ಅಭಿಯಾನ ನಡೆಯಲಿದೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಈ ಅಭಿಯಾನವನ್ನು ಆಯೋಜಿಸಿದ್ದು, 21 ದಿನಗಳ ಕಾಲ ಆಂದೋಲನ ಮಾದರಿಯಲ್ಲಿ ಈ ಕಾರ್ಯ ನಡೆಯಲಿದೆ. `ಕಳೆದ ಒಂದು ದಶಕದಿಂದ ಪರಿಸರ ಜಾಗೃತೆ ವಿಷಯವಾಗಿ ಗಿಡ ನೆಡುವ ಕಾರ್ಯ ನಡೆಯುತ್ತಿದ್ದು, ಈ ಬಾರಿಯೂ ಅದನ್ನು ಮುಂದುವರೆಸಲಾಗುತ್ತದೆ’ ಎಂದು ಹೋರಾಟಗಾರ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. ಇದಕ್ಕಾಗಿ ಆಯ್ದ ಸ್ಥಳಗಳಿಂದ ಲಕ್ಷಾಂತರ ಗಿಡಗಳನ್ನು ಸಂಗ್ರಹಿಸಲಾಗಿದೆ. ಅಭಿಯಾನದ ಯೋಜನೆಯಂತೆ ನೂರಕ್ಕೂ ಮಿಕ್ಕಿ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಹಳ್ಳಿ ಹಳ್ಳಿಗಳಲ್ಲಿ ಹಬ್ಬದ ರೀತಿ ಗಿಡ ನಾಟಿ ನಡೆಯಲಿದೆ. ಅರಣ್ಯವಾಸಿಗಳು ಗಿಡ ನೆಡುವ ಅಭಿಯಾನದ ರೂವಾರಿಗಳಾಗಿದ್ದಾರೆ’ ಎಂದವರು ವಿವರಿಸಿದ್ದಾರೆ. `ಜೀವನಕ್ಕಾಗಿ ಅರಣ್ಯ ಭೂಮಿಯಲ್ಲಿ ಜೀವಿಸಿದ ಅರಣ್ಯವಾಸಿಗಳು ಅರಣ್ಯಸಾಂದ್ರತೆ ಹೆಚ್ಚಿಸುವ ಮನೋಭಾವನೆ ವೃದ್ಧಿಸುವ ಉದ್ದೇಶದಿಂದ ಗಿಡ ನೆಡುವ ಕಾರ್ಯಕ್ಕೆ ಮುಂದಾಗಿದ್ದಾರೆ. ಗಿಡ ನೆಡುವ ಅಭಿಯಾನದಲ್ಲಿ ದೀರ್ಘಕಾಲದ ಗಿಡಗಳ ಜೊತೆಯಲ್ಲಿ ಹಣ್ಣು ಹಂಪಲ ಗಿಡ ನೆಡಲಾಗುತ್ತದೆ’ ಎಂದವರು ತಿಳಿಸಿದ್ದಾರೆ.
- [ಬೈಕಿನಿಂದ ಬಿದ್ದ ಯುವಕ ಸಾವು!](https://mobiletime.in/2026/06/a-young-man-died-after-falling-from-a-bike/): ಬೈಕ್ ಸ್ಕಿಡ್ ಆಗಿದ್ದರಿಂದ ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದ ಕಾರವಾರದ ಚಿತ್ತಾಕುಲದ ರಕ್ಷಿತ್ ಹರಿಕಂತ್ರ ಅವರು ಚಿಕಿತ್ಸೆ ಫಲಕಾರಿಯಾಗದೇ ಸಾವನಪ್ಪಿದ್ದಾರೆ. ಅವರನ್ನು ಉಳಿಸಿಕೊಳ್ಳಲು ಸಾಕಷ್ಟು ಪ್ರಯತ್ನ ನಡೆದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ. ಕಾರವಾರದ ಚಿತ್ತಾಕುಲ ಸೀಬರ್ಡ ಕಾಲೋನಿಯಲ್ಲಿ ರಕ್ಷಿತ್ ಗಣಪತಿ ಹರಿಕಂತ್ರ ಅವರು ವಾಸವಾಗಿದ್ದರು. 27 ವರ್ಷದ ಅವರು ಜೂನ್ 15ರ ರಾತ್ರಿ 11.45ಕ್ಕೆ ಕಾರವಾರದಿಂದ ಚಿತ್ತಾಕುಲ ಕಡೆ ಹೊರಟಿದ್ದರು. ಅವರು ಓಡಿಸುತ್ತಿದ್ದ ಬೈಕಿನ ವೇಗ ಜಾಸ್ತಿಯಾಗಿದ್ದು, ಸದಾಶಿವಗಡದ ಲೂಟೋಸ್ ಹೊಟೋಲ್ ಎದುರು ಆ ಬೈಕ್ ಸ್ಕಿಡ್ ಆಯಿತು. ಬೈಕಿನಿಂದ ಬಿದ್ದ ರಕ್ಷಿತ್ ಹರಿಕಂತ್ರ ಅವರು ಗಂಭೀರವಾಗಿ ಗಾಯಗೊಂಡರು. ತಕ್ಷಣ ರಕ್ಷಿತ ಹರಿಕಂತ್ರ ಅವರನ್ನು ಕಾರವಾರ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಯಿತು. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಗೋವಾದ ಬಾಂಬೋಲಿಯA ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಈ ಎರಡು ಆಸ್ಪತ್ರೆಯ ವೈದ್ಯರು ರಕ್ಷಿತ ಹರಿಕಂತ್ರ ಅವರ ಜೀವ ಉಳಿಸಲು ಸಾಕಷ್ಟು ಶ್ರಮಿಸಿದರು. ಆದರೆ, ಜೂನ್ 16ರಂದು ರಕ್ಷಿತ್ ಹರಿಕಂತ್ರ ಅವರು ಉಸಿರಾಟ ನಿಲ್ಲಿಸಿದರು. ಮಗನ ಸಾವಿನ ಬಗ್ಗೆ ಗಣಪತಿ ಗಾರು ಹರಿಕಂತ್ರ ಅವರು ಚಿತ್ತಾಕುಲ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಬನವಾಸಿ: ಮಧುಕೇಶ್ವರನ ಜಲ ಕಂಟಕಕ್ಕೆ ಶಾಶ್ವತ ಪರಿಹಾರ](https://mobiletime.in/2026/06/banavasi-permanent-solution-to-madhukeshwars-water-crisis/): ಮಳೆಗಾಲ ಬಂತೆಂದರೆ ಸದಾ ಸುದ್ದಿಯಲ್ಲಿರುವ ಬನವಾಸಿಯ ಇತಿಹಾಸ ಪ್ರಸಿದ್ಧ ಮಧುಕೇಶ್ವರ ದೇವಸ್ಥಾನಕ್ಕೆ ಇದೀಗ ಹೊಸ ರೂಪ ಸಿಗಲಿದೆ. ಮಳೆಯಿಂದಾಗಿ ಕಳೆದ ಎರಡು ವರ್ಷಗಳಿಂದ ದೇವಸ್ಥಾನದ ಮೇಲ್ಛಾವಣಿಯಿಂದ ನೀರು ಸೋರಿಕೆಯಾಗುತ್ತಿದ್ದ ಹಿನ್ನೆಲೆಯಲ್ಲಿ ಟಾರ್ಪಾಲ್ ಅಳವಡಿಸಿದ್ದ ಭಾರತೀಯ ಪುರಾತತ್ವ ಇಲಾಖೆ ಇದೀಗ ಜಲ ನಿರೋಧಕ ಕಾಮಗಾರಿ ಕೈಗೊಂಡಿದ್ದು, ಟಾರ್ಪಾಲ್ ತೆರವುಗೊಳಿಸಿದೆ. ಸುಮಾರು 1,500 ವರ್ಷಗಳ ಇತಿಹಾಸ ಹೊಂದಿರುವ ಮಧುಕೇಶ್ವರ ದೇವಸ್ಥಾನ ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ತಾಲೂಕಿನ ಬನವಾಸಿಯಲ್ಲಿ ನೆಲೆಗೊಂಡಿದ್ದು, ರಾಜ್ಯದ ಪ್ರಮುಖ ಐತಿಹಾಸಿಕ ಹಾಗೂ ಧಾರ್ಮಿಕ ಕೇಂದ್ರಗಳಲ್ಲಿ ಒಂದಾಗಿದೆ. ಮಳೆಗಾಲದಲ್ಲಿ ದೇವಸ್ಥಾನದ ವಿವಿಧ ಭಾಗಗಳಲ್ಲಿ ನೀರು ಸೋರಿಕೆಯಾಗುತ್ತಿದ್ದ ಕಾರಣ ದೇವಾಲಯದ ಸಂರಕ್ಷಣೆ ಬಗ್ಗೆ ಸ್ಥಳೀಯರು ಹಾಗೂ ಭಕ್ತರು ಆತಂಕ ವ್ಯಕ್ತಪಡಿಸಿದ್ದರು. ಸೋರಿಕೆ ತಡೆಯಲು ತಾತ್ಕಾಲಿಕವಾಗಿ ಹಾಕಲಾಗಿದ್ದ ಟಾರ್ಪಾಲ್‌ನಿಂದ ದೇವಾಲಯದ ಆಕರ್ಷಣೆ ಮತ್ತು ಐತಿಹಾಸಿಕ ಸೌಂದರ್ಯ ಮಸುಕಾಗಿತ್ತು. ಈ ಬಗ್ಗೆ ಸ್ಥಳೀಯರು ಹಲವು ಬಾರಿ ಪುರಾತತ್ವ ಇಲಾಖೆಯ ಗಮನ ಸೆಳೆದಿದ್ದರು. ಸಮಸ್ಯೆಗೆ ಶಾಶ್ವತ ಪರಿಹಾರ ಕಲ್ಪಿಸದಿದ್ದರೆ ಅರೆಬೆತ್ತಲೆ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಕೆಯನ್ನೂ ನೀಡಿದ್ದರು. ಇದೀಗ ಪುರಾತತ್ವ ಇಲಾಖೆ ದೇವಸ್ಥಾನದ ಮೇಲ್ಭಾಗದಲ್ಲಿ ವಾಟರ್‌ಪ್ರೂಫಿಂಗ್ ಕಾಮಗಾರಿ ಆರಂಭಿಸಿದ್ದು, ಇದರ ಭಾಗವಾಗಿ ಟಾರ್ಪಾಲ್ ತೆರವುಗೊಳಿಸಲಾಗಿದೆ. ಕಾಮಗಾರಿ ಪೂರ್ಣಗೊಂಡ ಬಳಿಕ ಸೋರಿಕೆ ಸಮಸ್ಯೆ ಸಂಪೂರ್ಣ ನಿವಾರಣೆಯಾಗುವ ನಿರೀಕ್ಷೆ ವ್ಯಕ್ತವಾಗಿದೆ. ದೇವಾಲಯದ ಸಂರಕ್ಷಣೆಗಾಗಿ ಕೈಗೊಂಡಿರುವ ಕ್ರಮವನ್ನು ಸ್ಥಳೀಯರು ಸ್ವಾಗತಿಸಿದ್ದು, ಐತಿಹಾಸಿಕ ಸ್ಮಾರಕದ ಮೂಲ ಸ್ವರೂಪಕ್ಕೆ ಧಕ್ಕೆಯಾಗದಂತೆ ಮುಂದಿನ ಕಾಮಗಾರಿಗಳನ್ನು ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.
- [ಪೇರಳೆ ಹಣ್ಣು ತಿಂದ ತಕ್ಷಣ ಈ ಆಹಾರ ಸೇವಿಸಿದರೆ ಆರೋಗ್ಯ ಹದಗೆಡುವುದು ಪಕ್ಕಾ !!](https://mobiletime.in/2026/06/if-you-eat-these-foods-immediately-after-eating-pears-you-will-definitely-need-to-go-to-the-hospital/): ಪೇರಳೆ ಹಣ್ಣು ಆರೋಗ್ಯಕ್ಕೆ ಅತ್ಯಂತ ಉಪಯುಕ್ತವಾದ ಹಣ್ಣುಗಳಲ್ಲಿ ಒಂದಾಗಿದೆ. ಇದರಲ್ಲಿ ವಿಟಮಿನ್ ಸಿ, ನಾರಿನಾಂಶ, ಆಂಟಿಆಕ್ಸಿಡೆಂಟ್‌ಗಳು ಮತ್ತು ಹಲವು ಪೌಷ್ಟಿಕಾಂಶಗಳು ಸಮೃದ್ಧವಾಗಿವೆ. ನಿಯಮಿತವಾಗಿ ಪೇರಳೆ ಸೇವಿಸುವುದರಿಂದ ಜೀರ್ಣಕ್ರಿಯೆ ಸುಧಾರಿಸುವುದರ ಜೊತೆಗೆ ರೋಗನಿರೋಧಕ ಶಕ್ತಿಯೂ ಹೆಚ್ಚುತ್ತದೆ. ಆದರೆ ಪೇರಳೆ ತಿಂದ ತಕ್ಷಣ ಕೆಲವು ಆಹಾರಗಳನ್ನು ಸೇವಿಸುವುದರಿಂದ ಆರೋಗ್ಯ ಕೈಕೊಡುತ್ತದೆ.   ಪೇರಳೆ ಹಣ್ಣು ತಿಂದ ಕೂಡಲೇ ಹೆಚ್ಚು ತಣ್ಣನೆಯ ನೀರನ್ನು ಕುಡಿಯುವುದನ್ನು ತಪ್ಪಿಸಬೇಕು.  ಹೀಗೆ ಮಾಡುವುದರಿಂದ ಕೆಲವರಲ್ಲಿ ಹೊಟ್ಟೆ ಉಬ್ಬರ, ಅಜೀರ್ಣ ಅಥವಾ ಹೊಟ್ಟೆನೋವು ಕಾಣಿಸಿಕೊಳ್ಳಬಹುದು. ಆದ್ದರಿಂದ ಪೇರಳೆ ತಿಂದ ನಂತರ ಸ್ವಲ್ಪ ಸಮಯದ ಅಂತರವಿಟ್ಟು ನೀರು ಕುಡಿಯುವುದು ಒಳಿತು. ಹಾಗೆಯೇ ಹಾಲು ಅಥವಾ ಹಾಲಿನ ಉತ್ಪನ್ನಗಳನ್ನು ತಕ್ಷಣ ಸೇವಿಸುವುದೂ ಕೆಲವರಿಗೆ ಅಸಹಜತೆಯನ್ನು ಉಂಟುಮಾಡುತ್ತದೆ.  ಪೇರಳೆಯಲ್ಲಿರುವ ಕೆಲವು ಅಂಶಗಳು ಮತ್ತು ಹಾಲಿನಲ್ಲಿರುವ ಪೋಷಕಾಂಶಗಳು ಒಟ್ಟಿಗೆ ಸೇರಿದಾಗ ಜೀರ್ಣಕ್ರಿಯೆ ನಿಧಾನವಾಗುತ್ತದೆ. ಇದರಿಂದ ಹೊಟ್ಟೆ ಭಾರವಾದ ಅನುಭವ ಅಥವಾ ಅಸ್ವಸ್ಥತೆ ಕಾಣಿಸುತ್ತದೆ.   ಅತಿಯಾಗಿ ಎಣ್ಣೆ ಮತ್ತು ಮಸಾಲೆ ಇರುವ ಆಹಾರಗಳನ್ನು ಕೂಡ ಪೇರಳೆ ಸೇವಿಸಿದ ತಕ್ಷಣ ತಿನ್ನಬಾರದು. ಇಂತಹ ಆಹಾರಗಳು ಜೀರ್ಣಕ್ರಿಯೆಯ ಮೇಲೆ ಹೆಚ್ಚುವರಿ ಒತ್ತಡ ಉಂಟುಮಾಡುತ್ತದೆ‌.  ಪರಿಣಾಮವಾಗಿ ಗ್ಯಾಸ್, ಅಜೀರ್ಣ ಅಥವಾ ಹೊಟ್ಟೆಯ ಅಸ್ವಸ್ಥತೆ ಎದುರಾಗುತ್ತದೆ‌. ಸಾಮಾನ್ಯವಾಗಿ ಯಾವುದೇ ಹಣ್ಣನ್ನು ಸೇವಿಸಿದ ನಂತರ ಕನಿಷ್ಠ 30 ರಿಂದ 45 ನಿಮಿಷಗಳ ಅಂತರವಿಟ್ಟು ಬೇರೆ ಆಹಾರಗಳನ್ನು ಸೇವಿಸುವುದು ಉತ್ತಮ ಎಂದು ಪೌಷ್ಟಿಕ ತಜ್ಞರು ಸಲಹೆ ನೀಡುತ್ತಾರೆ.   ಪೇರಳೆ ಹಣ್ಣು ಆರೋಗ್ಯಕ್ಕೆ ಲಾಭದಾಯಕವಾದರೂ, ಅದನ್ನು ಸರಿಯಾದ ಸಮಯದಲ್ಲಿ ಮತ್ತು ಸರಿಯಾದ ರೀತಿಯಲ್ಲಿ ಸೇವಿಸಿದರೆ ಮಾತ್ರ ಅದರ ಸಂಪೂರ್ಣ ಪ್ರಯೋಜನ ಪಡೆಯಲು ಸಾಧ್ಯ. ಹೀಗಾಗಿ ಪೇರಳೆ ಹಣ್ಣಿನ ಸವಿಯನ್ನು ಆಸ್ವಾದಿಸುವಾಗ ಆಹಾರದ ಸರಿಯಾದ ಸಂಯೋಜನೆ ಮತ್ತು ಸಮಯದ ಬಗ್ಗೆ ಗಮನ ಹರಿಸುವುದು ಆರೋಗ್ಯದ ದೃಷ್ಟಿಯಿಂದ ಉತ್ತಮ ಅಭ್ಯಾಸವಾಗಿದೆ.
- [ವಸತಿ ಯೋಜನೆಗಳಿಂದ ಜಿಲ್ಲೆಗೆ ಬೇಕು 30 ಸಾವಿರ ಮನೆ](https://mobiletime.in/2026/06/the-district-needs-30000-houses-from-housing-projects/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬಡ ಹಾಗೂ ಮಧ್ಯಮ ವರ್ಗದ ಜನರಿಗೆ ಸ್ವಂತ ಮನೆ ಕಲ್ಪಿಸುವ ಉದ್ದೇಶದಿಂದ ವಿವಿಧ ವಸತಿ ಯೋಜನೆಗಳು ಜಾರಿಯಲ್ಲಿದ್ದರೂ, ಇನ್ನೂ ಸುಮಾರು 30 ಸಾವಿರ ಮನೆಗಳ ಅಗತ್ಯವಿದೆ ಎಂಬ ಮಾಹಿತಿ ಬೆಳಕಿಗೆ ಬಂದಿದೆ. ಜಿಲ್ಲೆಯಲ್ಲಿ ವಸತಿ ಸೌಲಭ್ಯಕ್ಕಾಗಿ ಅರ್ಜಿ ಸಲ್ಲಿಸಿರುವ ಸಾವಿರಾರು ಕುಟುಂಬಗಳು ಮನೆಗಾಗಿ ಕಾಯುತ್ತಿದ್ದು, ಸರ್ಕಾರದಿಂದ ಹೆಚ್ಚಿನ ಅನುದಾನ ಹಾಗೂ ಯೋಜನೆಗಳ ಅನುಷ್ಠಾನಕ್ಕೆ ವೇಗ ನೀಡುವ ಅಗತ್ಯವಿದೆ ಎಂದು ಜನಪ್ರತಿನಿಧಿಗಳು ಮತ್ತು ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ. ಜಿಲ್ಲೆಯಲ್ಲಿ ಪ್ರಧಾನಮಂತ್ರಿ ಆವಾಸ್ ಯೋಜನೆ ಸೇರಿದಂತೆ ವಿವಿಧ ವಸತಿ ಯೋಜನೆಗಳಡಿ ಸಾವಿರಾರು ಮನೆಗಳು ನಿರ್ಮಾಣಗೊಂಡಿವೆ. ಆದಾಗ್ಯೂ, ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಮನೆ ರಹಿತ ಕುಟುಂಬಗಳ ಸಂಖ್ಯೆ ಇನ್ನೂ ಗಮನಾರ್ಹವಾಗಿದೆ. ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಜಿಲ್ಲೆಯಲ್ಲಿ 5,118 ಮಂದಿ ಮನೆಗಾಗಿ ಬೇಡಿಕೆ ಸಲ್ಲಿಸಿದ್ದು, ಇದರಲ್ಲಿ 4,149 ಮಂದಿ ವಿವಿಧ ವರ್ಗಗಳಿಗೆ ಸೇರಿದ್ದಾರೆ. ತಾಲೂಕುವಾರು ಅಂಕಿಅಂಶಗಳನ್ನು ನೋಡಿದರೆ, ಹಳಿಯಾಳ ತಾಲೂಕಿನಲ್ಲಿ ಅತಿ ಹೆಚ್ಚು 1,158 ಮನೆಗಳ ಬೇಡಿಕೆ ದಾಖಲಾಗಿದ್ದು, ಮುಂಡಗೋಡದಲ್ಲಿ 949 ಮತ್ತು ಯಲ್ಲಾಪುರದಲ್ಲಿ 593 ಮನೆಗಳ ಅಗತ್ಯವಿದೆ. ಹೊನ್ನಾವರ, ಕುಮಟಾ, ಭಟ್ಕಳ, ಸಿದ್ದಾಪುರ ಸೇರಿದಂತೆ ಇತರ ತಾಲೂಕುಗಳಲ್ಲಿಯೂ ಸಾಕಷ್ಟು ಕುಟುಂಬಗಳು ಮನೆಗಾಗಿ ನಿರೀಕ್ಷೆಯಲ್ಲಿವೆ. ಜಿಲ್ಲೆಯ ಜನಪ್ರತಿನಿಧಿಗಳು ಮತ್ತು ಅಧಿಕಾರಿಗಳು ಈ ಸಮಸ್ಯೆ ಕುರಿತು ಸರ್ಕಾರದ ಗಮನ ಸೆಳೆದಿದ್ದು, ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಹೆಚ್ಚಿನ ಅನುದಾನ ಬಿಡುಗಡೆ ಮಾಡಬೇಕು ಎಂದು ಮನವಿ ಮಾಡಿದ್ದಾರೆ. ಮನೆ ನಿರ್ಮಾಣಕ್ಕೆ ಅಗತ್ಯ ಭೂಮಿ, ಮೂಲಸೌಕರ್ಯ ಮತ್ತು ಹಣಕಾಸಿನ ನೆರವು ಒದಗಿಸಿದರೆ ಸಾವಿರಾರು ಕುಟುಂಬಗಳ ಕನಸು ನನಸಾಗಲಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಸ್ವಂತ ಮನೆ ಎನ್ನುವುದು ಪ್ರತಿಯೊಬ್ಬರ ಕನಸಾಗಿದ್ದು, ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮನೆಗಾಗಿ ಕಾಯುತ್ತಿರುವ ಕುಟುಂಬಗಳ ನಿರೀಕ್ಷೆ ಶೀಘ್ರವೇ ಈಡೇರುವಂತೆ ಸರ್ಕಾರ ಕ್ರಮ ಕೈಗೊಳ್ಳಬೇಕೆಂಬ ಒತ್ತಾಯ ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿದೆ.
- [ಒಂದು ಪಾಸಿಟಿವ್.. ಮತ್ತೊಂದು ನೆಗೆಟಿವ್!](https://mobiletime.in/2026/06/one-positive-the-other-negative/): ಸಿದ್ದಾಪುರ ಪಿಸೈ ನಾಗಪ್ಪ ಅವರು ಎಂ ಜಿ ಸಿ ಕಾಲೇಜು ಬಳಿ ವಾಹನ ತಪಾಸಣೆ ನಡೆಸುವಾಗ ಶಿರಸಿಯ ಯುವಕರಿಬ್ಬರು ಪೊಲೀಸರನ್ನು ನೋಡಿ ಓಡುವ ಪ್ರಯತ್ನ ಮಾಡಿದ್ದಾರೆ. ಗಲಿಬಿಲಿಯಲ್ಲಿದ್ದ ಅವರಿಬ್ಬರನ್ನು ಪಿಸೈ ನಾಗಪ್ಪ ಅವರು ತಡೆದು ನಿಲ್ಲಿಸಿದ್ದು, ಅಮಲಿನಲ್ಲಿ ಅವರು ಬೈಕ್ ಓಡಿಸಿದ ಅನುಮಾನ ಶುರುವಾಗಿದೆ. ಈ ವೇಳೆ ಪೊಲೀಸರು ಅವರನ್ನು ವಶಕ್ಕೆಪಡೆದು ವೈದ್ಯಕೀಯ ಪರೀಕ್ಷೆ ನಡೆಸಿದ್ದಾರೆ. ಆಗ, ಶಿರಸಿ ಹಂಚಿನಕೇರಿಯ ಟೈಲ್ಸ್ ಕೆಲಸಗಾರ ಮಹಮದ್ ಆಸೀಪ್ ನಜೀರ್ ಸಾಬ್ (26) ಅವರ ವರದಿ ಪಾಸಿಟಿವ್ ಎಂದು ಬಂದಿದ್ದು, ಅವರು ಗಾಂಜಾ ಸೇವಿಸಿದ್ದು ದೃಢವಾಗಿದೆ. ಅವರ ಜೊತೆಗಿದ್ದ ಸಾಹಿಲ್ ಖಾದರ್ ಖಾನ್ (19) ಅವರ ವೈದ್ಯಕೀಯ ವರದಿ ನೆಗೆಟಿವ್ ಬಂದಿದೆ. ಜೂನ್ 15ರಂದು ಸಂಜೆ ಸಿದ್ದಾಪುರ ಪಟ್ಟಣದ ಎಂ ಜಿ ಸಿ ಕಾಲೇಜು ಬಳಿ ಪೊಲೀಸರು ವಿವಿಧ ವಾಹನಗಳ ದಾಖಲೆ ಪರಿಶೀಲನೆ ಮಾಡಿದ್ದಾರೆ. ಆಗ, ಮಹಮದ್ ಆಸೀಪ್ ನಜೀರ್ ಸಾಬ್ ಹಾಗೂ ಜೊತೆಗಿದ್ದ ಸಾಹಿಲ್ ಖಾದರ್ ಖಾನ್ ಪೊಲೀಸರನ್ನು ನೋಡಿ ಬೆದರಿದ್ದಾರೆ. ಅವರ ಆ ಹೆದರಿಕೆಯಿಂದಲೇ ಪೊಲೀಸರಿಗೆ ಅವರಿಬ್ಬರ ಮೇಲೆ ಅನುಮಾನ ಮೂಡಿದೆ. ಅಲ್ಲಿಂದ ಓಡಿ ಪರಾರಿಯಾಗಲು ಯತ್ನಿಸಿದವರನ್ನು ಪೊಲೀಸರು ತಡೆದು `ಯಾಕೆ ಓಡುವೆ?’ ಎಂದು ಕೇಳಿದ್ದಾರೆ. ಆಗ, ಅವರಿಬ್ಬರು ಸರಿಯಾದ ಉತ್ತರ ಕೊಟ್ಟಿಲ್ಲ. ಅದಾದ ನಂತರ ಅವರು ಅಪರಿಚಿತರಿಂದ ಗಾಂಜಾ ಖರೀದಿಸಿರುವುದಾಗಿ ಹೇಳಿದ್ದಾರೆ. ಅದನ್ನು ಸೇವನೆ ಮಾಡಿದ ಬಗ್ಗೆಯೂ ತಪ್ಪೊಪ್ಪಿಕೊಂಡಿದ್ದಾರೆ. ವೈದ್ಯಕೀಯ ಪರೀಕ್ಷೆಯಲ್ಲಿ ಒಬ್ಬರ ವರದಿ ಮಾತ್ರ ಪಾಸಿಟಿವ್ ಬಂದಿದ್ದರಿAದ ಪೊಲೀಸರು ಆಸೀಪ್ ನಜೀರ್ ಸಾಬ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಒಳಗೆ 200ರೂ.. ಹೊರಗೆ 500ರೂ!](https://mobiletime.in/2026/06/rs-200-inside-rs-500-outside/): ಅಂಕೋಲಾ ಬೆಳಂಬಾರದ ಉತ್ತರ ಖಾರ್ವಿವಾಡದಲ್ಲಿ ಒಳಗೆ 200ರೂ.. ಹೊರಗೆ 500ರೂ ಎಂಬ ಸದ್ದು ಕೇಳಿಸಿದೆ. ಈ ಸದ್ದು ಆಲಿಸಿ ಹೋದ ಪೊಲೀಸರಿಗೆ ಐದು ಜನ ಕಾನೂನುಬಾಹಿರ ಕ್ರೀಡೆಯಲ್ಲಿ ತೊಡಗಿರುವುದು ಕಾಣಿಸಿದೆ. ಬೆಳಂಬಾರ ಉತ್ತರ ಖಾರ್ವಿವಾಡ ಮೀನುಗಾರ ಸುಭಾಷ ವಿಷ್ಣು ಖಾರ್ವಿ, ಬೆಳಂಬಾರ ಮಾರುತಿ ದೇವಸ್ಥಾನ ಆಟೋ ಚಾಲಕ ರವಿ ತಿಮ್ಮಪ್ಪ ಗೌಡ, ಬೆಳಂಬಾರದ ಕಾರ್ಮಿಕ ಯೋಗೇಶ ಕುಸ್ಲು ಗೌಡ, ಮಧ್ಯಖಾರ್ವಿವಾಡದ ಸಂತೋಷ ಗಣಪತಿ ಖಾರ್ವಿ ಹಾಗೂ ಮುದ್ರಾಣಿಯ ಹರ್ಷನ್ ಸುಧಾಕರ ಖಾರ್ವಿ ಸೇರಿ ಅಲ್ಲಿ ಇಸ್ಪಿಟ್ ಎಲೆಗಳ ಮೇಲೆ ಹಣ ಹೂಡಿಕೆ ಮಾಡಿದ್ದಾರೆ. 12340ರೂ ಹರಡಿಕೊಂಡು ಅವರೆಲ್ಲರೂ ಅಲ್ಲಿ ಆಟವಾಡಿದ್ದಾರೆ. ಜೂನ್ 3ರ ರಾತ್ರಿ ಬೀದಿ ದೀಪದ ಬೆಳಕಿನಲ್ಲಿ ಈ ಐದು ಜನರ ಜೊತೆ ಇನ್ನಿತರರು ಆಗಮಿಸಿ ಜೂಜಾಟ ನಡೆಸಿದ್ದಾರೆ. ಈ ವೇಳೆ ಪಿಸೈ ಗುರುನಾಥ ಹಾದಿಮನಿ ಅವರು ತಮ್ಮ ತಂಡದ ಜೊತೆ ಅಲ್ಲಿಗೆ ಧಾವಿಸಿದ್ದು, ಅವರೆಲ್ಲರನ್ನು ಹಿಡಿದು ಒಳಗೆ ಹಾಕಿದ್ದಾರೆ. ಹಣ ಹೂಡಿ ಇಸ್ಪಿಟ್ ಆಡಿದ ಕಾರಣ ಆ ಐದು ಜನರ ವಿರುದ್ಧ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಹೆಂಡದ ವಿರುದ್ಧ ಹೋರಾಟ!](https://mobiletime.in/2026/06/fight-against-women/): ಶಿರಸಿ-ಸಿದ್ದಾಪುರದ ಹಳ್ಳಿ ಹಳ್ಳಿಗಳಲ್ಲಿ ಹೆಂಡ ಮಾರಾಟ ಮಾಡುವುದನ್ನು ವಿರೋಧಿಸಿ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು ಹೋರಾಟ ನಡೆಸಿದ್ದಾರೆ. ಒಂದು ತಿಂಗಳಿನ ಒಳಗೆ ಅಕ್ರಮಗಳಿಗೆ ಕಡಿವಾಣ ಹಾಕದೇ ಇದ್ದರೆ ಇನ್ನಷ್ಟು ಉಗ್ರ ಹೋರಾಟ ನಡೆಸುವುದಾಗಿ ಅವರು ಎಚ್ಚರಿಸಿದ್ದಾರೆ. ಈ ಹೋರಾಟಕ್ಕೆ ನೂರಾರು ಜನ ಕೈ ಜೋಡಿಸಿದ್ದಾರೆ. ಶಿರಸಿ ಎಸಿ ಕಚೆರಿ ಎದುರು ಶಾಸಕ ಭೀಮಣ್ಣ ನಾಯ್ಕ ಅವರನ್ನು ಗುರಿಯಾಗಿರಿಸಿಕೊಂಡು ಅನಂತಮೂರ್ತಿ ಹೆಗಡೆ ಅವರು ಈ ವೇಳೆ ಭಾಷಣ ಮಾಡಿದ್ದಾರೆ. `ಹೆಂಡ ಕುಡಿಯುವುದೇ ತಪ್ಪು. ಅದರಲ್ಲಿಯೂ ಹಳ್ಳಿ ಹಳ್ಳಿಗಳಲ್ಲಿ ಹೆಂಡ ಮಾರಾಟ ಮಾಡುತ್ತಿರುವುದು ಇನ್ನೂ ದೊಡ್ಡ ತಪ್ಪು’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಗ್ರಾಮೀಣ ಭಾಗದಲ್ಲಿ ಸಿಗುವ ಸರಾಯಿ ಗುಣಮಟ್ಟದಿಂದ ಕೂಡಿಲ್ಲ. ಅದರ ಸೇವನೆಯಿಂದ ಅಂಗಾoಗಗಳ ಮೇಲೆ ದುಷ್ಪರಿಣಾಮ ಆಗಲಿದೆ. ಆರೋಗ್ಯ ಹಾಗೂ ಆರ್ಥಿಕ ನಷ್ಟಕ್ಕೆ ಸರಾಯಿ ಕಾರಣವಾಗಿದ್ದು, ಈ ಸರಾಯಿ ಸೇವನೆಯಿಂದ ಅನೇಕರು ಸಾವನಪ್ಪಿದ್ದಾರೆ’ ಎಂದು ವಿವರಿಸಿದರು. ಅದರಂತೆ, `ಗಾಂಜಾ ಸೇವನೆ-ಮಾರಾಟವನ್ನು ತಡೆಯಬೇಕು. ವಿದ್ಯಾರ್ಥಿಗಳು ಹಾಗೂ ಯುವ ಜನ ಹಾಳಾಗದ ಹಾಗೇ ಎಚ್ಚರಿಕೆವಹಿಸಬೇಕು’ ಎಂದು ಆಗ್ರಹಿಸಿದ್ದಾರೆ. ಸಿದ್ದಾಪುರ ಬಿಜೆಪಿ ಮಂಡಲ ಅಧ್ಯಕ್ಷ ಎಂ ಕೆ ತಿಮ್ಮಪ್ಪ, ಪ್ರಮುಖರಾದ ಮಹಾಂತೇಶ ಹಾದಿಮನಿ, ಜ್ಯೋತಿ ಭಟ್, ಸುರೇಶ ನಾಯ್ಕ, ಮಾರುತಿ ನಾಯ್ಕ್ ಹೊಸೂರ್, ಗಣೇಶ ಕ್ಷತ್ರಿಯ ಮೊದಲಾದವರು ಮಾತನಾಡಿ ಸರಾಯಿ ಹಾಗೂ ಗಾಂಜಾ ಮಾರಾಟದ ದುಷ್ಪರಿಣಾಮಗಳ ಬಗ್ಗೆ ಹೇಳಿದ್ದಾರೆ. `ಅಕ್ರಮ ಸರಾಯಿ ಮಾರಾಟಗಾರರು ಹಾಗೂ ಗಾಂಜಾ ಪ್ರಕರಣದಲ್ಲಿ ಸಿಕ್ಕಿ ಬೀಳುವವರನ್ನು ಪೊಲೀಸರು ಒಮ್ಮೆ ಹಿಡಿದು ಬಿಡುತ್ತಿದ್ದು, ಅವರ ವಿರುದ್ಧ ಕಠಿಣ ಕ್ರಮವಾಗಬೇಕು’ ಎಂದು ಆಗ್ರಹಿಸಿದ್ದಾರೆ. ಅಕ್ರಮ ಸರಾಯಿ ಮಾರಾಟದಿಂದ ಸಮಸ್ಯೆ ಅನುಭವಿಸಿದ ವಿ ಎಮ್ ಭಟ್, ಅಣ್ಣಪ್ಪ ಹಸ್ಲರ್, ಶ್ರೀಕಾಂತ್ ಬಳ್ಳಾರಿ, ಹರೀಶ್ ಪಾಲೇಕರ್, ವಿನಾಯಕ ನಾಯ್ಕ್, ಅನಸೂಯ ಹೆಗಡೆ, ಯುವರಾಜ ಗೌಡ ಸಂತೋಳ್ಳಿ,, ಮಂಜುನಾಥ ನಾಯ್ಕ್, ರಾಘವೇಂದ್ರ ನಾಯ್ಕ್, ಶಂಕರ್ ಹೆಗಡೆ, ಕೃಷ್ಣಮೂರ್ತಿ ಐಸೂರ್, ಗಣಪತಿ ಹೆಗಡೆ, ಶ್ರೀಪಾದ್ ಹೆಗಡೆ, ನಾರಾಯಣ ಹೆಗಡೆ, ಮಹೇಂದ್ರ ಭಟ್, ಜಿ ಎಸ್ ಹೆಗಡೆ, ಮಂಜುನಾಥ ಪಾಟೀಲ್, ಪ್ರದೀಪ್ ಹೆಗಡೆ, ಉಪೇಂದ್ರ ಮೇಸ್ತ, ಉಷಾ ಹೆಗಡೆ, ರಮೇಶ ಕುಪ್ಪಳ್ಳಿ ಇತರರು ಇದ್ದರು.
- [ಕೇಬಲ್ ಕಿರಿಕಿರಿ ವಿರುದ್ಧ ಧರಣಿ](https://mobiletime.in/2026/06/protest-against-cable-nuisance/): ವಿವಿಧ ವಿದ್ಯುತ್ ಕಂಬಗಳ ಮೇಲೆ ಅಪಾಯಕಾರಿ ರೀತಿಯಲ್ಲಿ ಇಂಟರ್‌ನೆಟ್ ಕೇಬಲ್ ಅಳವಡಿಸಲಾಗಿದ್ದು, ಅದನ್ನು ತೆರವು ಮಾಡಬೇಕು ಎಂದು ಆಗ್ರಹಿಸಿ ಅಂಬೇಡ್ಕರ್ ಪರ್ವ ದಲಿತ ಸಂಘರ್ಷ ಸಮಿತಿಯವರು ಯಲ್ಲಾಪುರದಲ್ಲಿ ಪ್ರತಿಭಟನೆ ಮಾಡಿದ್ದಾರೆ. ಹೆಸ್ಕಾಂ ಕಚೇರಿ ಎದುರು ಅವರು ಧರಣಿ ನಡೆಸಿದ್ದು, ಅಧಿಕಾರಿಗಳಿಗೆ ವಿವಿಧ ಪ್ರಶ್ನೆಗಳನ್ನು ಕೇಳಿದ್ದಾರೆ. `ಯಲ್ಲಾಪುರದಲ್ಲಿ ಎಲ್ಲೆಂದರಲ್ಲಿ ಇಂಟರ್‌ನೆಟ್ ಹಾಗೂ ಟಿವಿ ಕೇಬಲ್ ಕಾಣುತ್ತಿದೆ. ವಿದ್ಯುತ್ ಕಂಬಗಳ ಮೇಲೆ ಆ ಕೇಬಲ್ ಎಳೆಯಲಾಗಿದೆ. ನಿಯಮಾನುಸಾರ ಎಜನ್ಸಿಯವರು ಹೆಸ್ಕಾಂ ಶುಲ್ಕ ಪಾವತಿ ಮಾಡಬೇಕಿದ್ದು, ಅದನ್ನು ಮಾಡುತ್ತಿಲ್ಲ. ಅಪಾಯಕಾರಿ ರೀತಿಯಲ್ಲಿ ಕೇಬಲ್ ಅಳವಡಿಕೆ ಆಗಿದ್ದರೂ ಅದನ್ನು ಪ್ರಶ್ನಿಸುವವರಿಲ್ಲ’ ಎಂದು ಧರಣಿನಿರತರು ಆಕ್ಷೇಪಿಸಿದರು. `ಕಳೆದ ಮೂರು ವರ್ಷಗಳಿಂದ ಈ ಬಗ್ಗೆ ಧ್ವನಿ ಎತ್ತಿದರೂ ಯಾರೂ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಬೇಕಾಬಿಟ್ಟಿ ಕೇಬಲ್ ಅಳವಡಿಕೆಯಿಂದ ಹೆಸ್ಕಾಂ ಆದಾಯಕ್ಕೂ ನಷ್ಟವಾಗಿದೆ. ನಿಯಮಾನುಸಾರ ಕೇಬಲ್ ಎಜನ್ಸಿಯವರಿಂದ ಶುಲ್ಕಪಡೆಯಬೇಕು’ ಎಂದು ಆಗ್ರಹಿಸಿದರು. ಅಂಬೇಡ್ಕರ್ ಪರ್ವ ದಲಿತ ಸಂಘರ್ಷ ಸಮಿತಿಯ ವಿನಾಯಕ ಬೋವಿವಡ್ಡರ್, ತಾರಾನಾಥ ನಾಯ್ಕ, ಸಂಶುದ್ಧಿನ್ ಮಾರ್ಕರ್, ಯೋಗೇಶ ನಾಯ್ಕ ಧರಣಿ ನಡೆಸಿದರು.
- [ಕಾರವಾರದ ಕದೀಮನಿಗೆ ಬಳ್ಳಾರಿ ಜೈಲೇ ಗತಿ!](https://mobiletime.in/2026/06/ballari-jail-is-the-fate-of-karwars-kadeema/): ಯುವ ಸಮುದಾಯದವರಿಗೆ ಮಾದಕ ವ್ಯಸನ ಸರಬರಾಜು ಮಾಡಿ ಅವರ ಬದುಕು ಹಾಳು ಮಾಡುತ್ತಿದ್ದ ಕಾರವಾರದ ಇಬ್ರಾಹಿಂ ದವಳಸಾಬ್ ಅವರನ್ನು ಪೊಲೀಸರು ಬಂಧಿಸಿ, ಬಳ್ಳಾರಿ ಜೈಲಿಗೆ ಹಾಕಿದ್ದಾರೆ. ಮಾದಕ ವಸ್ತು ಸೇವನೆ, ಸಾಗಾಟ ಹಾಗೂ ಸರಬರಾಜು ವೇಳೆ ಸಿಕ್ಕಿಬಿದ್ದ ಇಬ್ರಾಹಿಂ ದವಳಸಾಬ್ ಅವರಿಗೆ ಪೊಲೀಸರು ಸಾಕಷ್ಟು ಎಚ್ಚರಿಕೆ ನೀಡಿದರೂ ಪ್ರಯೋಜನವಾಗದ ಹಿನ್ನಲೆ ಇನ್ನಷ್ಟು ಕಠಿಣ ಕ್ರಮ ಜರುಗಿಸಿದ್ದಾರೆ. ಕಾರವಾರದ ಹಬ್ಬುವಾಡ ಬಳಿಯ ಕುಂಠಿ ಮಹಾಮಾಯಾ ದೇಗುಲದ ಬಳಿ ಇಬ್ರಾಹಿಂ ದವಳಸಾಬ ಚೋಪದಾರ್ ಅವರು ವಾಸವಾಗಿದ್ದಾರೆ. 22 ವರ್ಷದ ಅವರು ಮಾದಕ ವಸ್ತುಗಳ ಪೂರೈಕೆಯನ್ನೇ ಉದ್ದಿಮೆಯನ್ನಾಗಿಸಿಕೊಂಡಿದ್ದು, ಮಾದಕ ವ್ಯಸನ ಮಾರಾಟ ಮಾಡಿ ಅನೇಕರ ಬದುಕು ಹಾಳು ಮಾಡಿದ್ದಾರೆ. ಇಬ್ರಾಹಿಂ ಚೋಪದಾರ್ ಅವರ ವಿರುದ್ಧ ಸಾಕಷ್ಟು ಪೊಲೀಸ್ ಪ್ರಕರಣಗಳು ದಾಖಲಾಗಿವೆ. ಆದರೂ, ಅವರು ಮಾದಕ ವಸ್ತುಗಳ ಸಾಗಾಣಿಕೆ ಕೆಲಸವನ್ನು ಮಾತ್ರ ಬಿಟ್ಟಿಲ್ಲ. ಇಬ್ರಾಹಿಂ ದವಳಸಾಬ ಚೋಪದಾರ್ ಅವರು ಕಾರವಾರದಲ್ಲಿಯೇ ಇದ್ದರೆ ಇನ್ನಷ್ಟು ಕುಟುಂಬ ಹಾಳಾಗಲಿದೆ ಎಂಬ ಕಾರಣಕ್ಕೆ ಪೊಲೀಸರು ಅವರನ್ನು ಬೇರೆಡೆ ಸ್ಥಳಾಂತರಿಸುವ ಪ್ರಯತ್ನ ಮಾಡಿದ್ದಾರೆ. ಅದರ ಭಾಗವಾಗಿ ಬಳ್ಳಾರಿ ಜೈಲಿಗೆ ಕಳುಹಿಸಲು ಪ್ರಸ್ತಾವನೆ ಸಲ್ಲಿಸಿದ್ದು, ಹಿರಿಯ ಪೊಲೀಸ್ ಅಧಿಕಾರಿಗಳು ಅದಕ್ಕೆ ಸಮ್ಮತಿ ನೀಡಿದ್ದಾರೆ. ಹೀಗಾಗಿ ಇಬ್ರಾಹಿಂ ದವಳಸಾಬ ಚೋಪದಾರ್ ಅವರನ್ನು ಪೊಲೀಸರು ಬಳ್ಳಾರಿ ಕೇಂದ್ರ ಕಾರಾಗೃಹಕ್ಕೆ ಬಿಟ್ಟು ಬಂದಿದ್ದಾರೆ.
- [ಕೊಳಕು ಕೆರೆಯಲ್ಲಿಯೂ ನಿಧಿ ತೆಗೆದ ಗ್ರಾ ಪಂ ಅಧಿಕಾರಿ!](https://mobiletime.in/2026/06/gram-panchayat-officer-digs-up-treasure-even-in-a-dirty-lake/): ಕುಮಟಾ ಪ್ರಸಿದ್ಧ ಕಾಂಚಿಕಾ ಪರಮೇಶ್ವರಿ ದೇವಾಲಯ ಬಳಿಯಿರುವ ಕಲ್ಯಾಣಿ ಕೆರೆ ಗಬ್ಬೆದ್ದಿದ್ದು, ಅದೇ ಕೆರೆಯಿಂದ ಬಾಡ ಗ್ರಾಮ ಪಂಚಾಯತ ಅಧಿಕಾರಿಗಳು `ನಿಧಿ’ ತೆಗೆಯುತ್ತಿದ್ದಾರೆ. ಕುಡಿಯಲು ಯೋಗ್ಯವಾಗಿರದ ಕಲ್ಯಾಣಿ ಕೆರೆಯ ನೀರನ್ನು ಜನರಿಗೆ ಕುಡಿಸಿರುವುದಾಗಿ ದಾಖಲೆ ಸೃಷ್ಠಿಸಿ `ಬಿಲ್ ವಿದ್ಯೆ’ ಪ್ರಯೋಗ ಮಾಡಿದ್ದಾರೆ. ಕುಮಟಾ ಬಾಡದ ಅರಬ್ಬಿ ಸಮುದ್ರದ ಅಂಚಿನಲ್ಲಿ ಗುಡ್ಡದ ತಪ್ಪಲಿನಲ್ಲಿ ಕಾಂಚಿಕಾ ಪರಮೇಶ್ವರಿ ದೇವಾಲಯವಿದೆ. ನಂಬಿದ ಭಕ್ತರಿಗೆ ಈ ದೇವಿ ಸಕಲ ರೀತಿಯಲ್ಲಿಯೂ ಒಳ್ಳೆಯದನ್ನು ಮಾಡುತ್ತ ಬಂದಿದ್ದು, ಲಕ್ಷಾಂತರ ಭಕ್ತರು ಈ ದೇವಿಗೆ ಶೃದ್ಧೆಯಿಂದ ನಡೆದುಕೊಳ್ಳುತ್ತಾರೆ. ಈ ದೇಗುಲದ ಅನತಿ ದೂರದಲ್ಲಿ ಪುಟ್ಟ ಕಲ್ಯಾಣಿಯಿದೆ. ಆ ಕಲ್ಯಾಣಿಯ ನೀರು ಕಲುಷಿತವಾಗಿದ್ದು, ದೇಗುಲದ ಯಾವ ಕೆಲಸಕ್ಕೂ ಅದನ್ನು ಬಳಸುತ್ತಿಲ್ಲ. ಆದರೆ, ದೇವಾಲಯದ ಆಸ್ತಿಯಾದ ಆ ಕಲ್ಯಾಣಿಯನ್ನು ಅಭಿವೃದ್ದಿಪಡಿಸಲು ಬಾಡ ಗ್ರಾಮ ಪಂಚಾಯತದವರು ಕ್ರಿಯಾ ಯೋಜನೆ ಮಾಡಿದ್ದಾರೆ. ಆದರೆ, ಅಲ್ಲಿ ಯಾವುದೇ ಅಭಿವೃದ್ಧಿ ಕೆಲಸ ಮಾಡದೇ ಹಣ ಹೊಡೆದಿದ್ದಾರೆ. ಕಲ್ಯಾಣಿ ಕೆರೆಯ ಸುತ್ತಲಿನ ಕಟ್ಟೆಗೆ ಈ ವರ್ಷ ಅರ್ದ ಚೀಲ ಸಿಮೆಂಟ್ ಬಳಸಿ ತೇಪೆ ಹಚ್ಚಲಾಗಿದೆ. ಆ ಸಿಮೆಂಟ್ ಕೆಲಸಕ್ಕೆ ಮರಳನ್ನು ಸಹ ಬಳಸಿದ ಕುರುಹುಗಳಿಲ್ಲ. ಅದಾಗಿಯೂ, ಈ ಒಂದೇ ಕೆಲಸಕ್ಕೆ 95 ಸಾವಿರ ರೂಪಾಯಿ ಹಣ ಖರ್ಚು ಮಾಡಲಾಗಿದೆ. 15ನೇ ಹಣಕಾಸು ಯೋಜನೆ ಅಡಿ ಎರಡು ಕಂತಿನಲ್ಲಿ ಹಣ ಖರ್ಚು ಮಾಡಲಾಗಿದೆ. ಬಾಡ ಗ್ರಾಮ ಪಂಚಾಯತದ ಅನೇಕ ಕಾಮಗಾರಿಗಳ ಹಣ ನಾರಾಯಣ ಪಟಗಾರ ಎಂಬಾತರ ಖಾತೆಗೆ ಜಮಾ ಆಗಿದ್ದು, ಕಲ್ಯಾಣಿ ಕೆರೆಯ ಹೆಸರಿನಲ್ಲಿಯೂ ಅವರ ಬ್ಯಾಂಕ್ ಖಾತೆಗೆ ಅಧಿಕಾರಿಗಳು ಹಣ ವರ್ಗಾಯಿಸಿದ್ದಾರೆ. ಕಲ್ಯಾಣಿ ಕೆರೆಗಾಗಿ ನೂರು ರೂ ಸಹ ಖರ್ಚು ಮಾಡದೇ 96 ಸಾವಿರ ರೂ ಲಪಟಾಯಿಸಲಾಗಿದೆ. ಇದರೊಂದಿಗೆ ಇನ್ನೂ ಅನೇಕ ಕಾಮಗಾರಿಗಳ ಹೆಸರಿನಲ್ಲಿ ನಾರಾಯಣ ಪಟಗಾರ ಎಂಬಾತರ ಬ್ಯಾಂಕ್ ಖಾತೆಗೆ ತುಂಡು ತುಂಡಾಗಿ ಲಕ್ಷಾಂತರ ರೂ ಪಾವತಿಯಾಗಿದೆ. ಕಲ್ಯಾಣಿ ಕೆರೆ ಮಾರ್ಗವಾಗಿ ಎಲ್ಲಿಯೂ ಕುಡಿಯುವ ನೀರು ಸರಬರಾಜು ಆಗುತ್ತಿಲ್ಲ. ಎಷ್ಟೇ ಆಳಕ್ಕೆ ಅಗೆದರೂ ಕಲ್ಯಾಣಿ ಕೆರೆ ಮಾರ್ಗವಾಗಿ ಪೈಪ್ ಲೈನ್ ಸಿಗುವುದಿಲ್ಲ. ಅದಾಗಿಯೂ, ವಾರಕ್ಕೆ 2-3 ಸಲ ಪೈಪ್ ಲೈನ್ ದುರಸ್ಥಿ ಹೆಸರಿನ ಅಡಿ ನೀರು ಬಿಡುವ ಕಾರ್ಮಿಕ ವಿನಾಯಕ ನಾಯ್ಕ ಎಂಬಾತರ ಖಾತೆಗೆ ಹಣ ಜಮಾ ಆಗುತ್ತಿದೆ. ಕಳೆದ ಕೆಲ ವರ್ಷಗಳಿಂದ ವಿನಾಯಕ ನಾಯ್ಕ ಅವರ ಬ್ಯಾಂಕ್ ಖಾತೆಗೆ ಪದೇ ಪದೇ ಹಣ ವರ್ಗವಣೆಯಾದ ದಾಖಲೆಗಳಿವೆ. ನಿನ್ನೆ-ಮೊನ್ನೆಯವರೆಗೂ ಪಿಡಿಓ ಕಮಲಾ ಹರಿಕಂತ್ರ ಹಾಗೂ ಗ್ರಾಮ ಪಂಚಾಯತ ಆಡಳಿತಾಧಿಕಾರಿ ಮೀನಾಕ್ಷಿ ಮಾಸ್ತಿಮನೆ ಅವರ ಮುತುವರ್ಜಿಯಿಂದಾಗಿ ಬೇಕಾಬಿಟ್ಟಿ ಹಣ ಪಾವತಿ ಕಾರ್ಯ ನಡೆದಿದೆ. ಸಿಬ್ಬಂದಿ ವೇತನಕ್ಕಿಂತಲೂ ಹೆಚ್ಚಿನ ಪ್ರಮಾಣದಲ್ಲಿ ನೀರು ಬಿಡುವ ಕಾರ್ಮಿಕನ ಖಾತೆಗೆ ಅನುಮಾನಾಸ್ಪದ ರೀತಿಯಲ್ಲಿ ಹಣ ವರ್ಗವಾಗಿದೆ. ಲಕ್ಷಕ್ಕೂ ಅಧಿಕ ಮೊತ್ತದ ಕಾಮಗಾರಿ ನಡೆಸಬೇಕಾದರೆ ಟೆಂಡರ್ ಕರೆಯುವುದು ಕಡ್ಡಾಯವಾಗಿದ್ದು, ಟೆಂಡರ್ ಕರೆಯುವುದನ್ನು ತಪ್ಪಿಸುವುದಕ್ಕಾಗಿಯೇ ಅಧಿಕಾರಿಗಳು ಸಣ್ಣ ಸಣ್ಣ ಕಾಮಗಾರಿಗಳ ಹೆಸರಿನಲ್ಲಿ ದೊಡ್ಡ ಮೊತ್ತ ಖರ್ಚು ಮಾಡುತ್ತಿದ್ದಾರೆ. ಕಲ್ಯಾಣಿ ಕೆರೆ ಅಭಿವೃದ್ಧಿಗಾಗಿ ಎರಡು ಕಂತಿನಲ್ಲಿ 95 ಸಾವಿರ ರೂ ಹಣ ಪಾವತಿ ನಡೆದಿದ್ದು, ಪೈಪ್‌ಲೈನ್ ದುರಸ್ಥಿ ನೆಪದಲ್ಲಿ 2 ಸಾವಿರ ರೂಪಾಯಿಗಳಿಂದ 6800ರೂಪಾಯಿಗಳವರೆಗೆ ಪದೇ ಪದೇ ಹಣ ವರ್ಗಾವಣೆ ನಡೆದಿದೆ. ಬಾಡ ಗ್ರಾಮ ಪಂಚಾಯತದಿoದ ಕುಡಿಯುವ ನೀರು ಸರಬರಾಜು ಹಾಗೂ ಪೈಪ್‌ಲೈನ್ ದುರಸ್ತಿ ಹೆಸರಿನಲ್ಲಿ ಪದೇ ಪದೇ ಹಣ ಖರ್ಚಾಗಿರುವುದು ಸಾಕಷ್ಟು ಅನುಮಾನ ಮೂಡಿಸಿದೆ. ಗ್ರಾಮ ಪಂಚಾಯತ ಅಧ್ಯಕ್ಷ-ಉಪಾಧ್ಯಕ್ಷರ ಆಡಳಿತ ಅವಧಿ ಮುಗಿದ ನಂತರ ಅಧಿಕಾರಿಗಳ ಆಡಳಿತದಲ್ಲಿ ಅನೇಕ ಬಾರಿ ಹಣ ವರ್ಗಾವಣೆ ನಡೆದಿದೆ.
- [ನೇರಲೆ: ಹಣ್ಣಿನಲ್ಲಿ ರುಚಿ.. ಬೀಜದಲ್ಲಿ ಆರೋಗ್ಯ!](https://mobiletime.in/2026/06/the-nectarine-fruit-is-not-only-delicious-the-seeds-also-contain-the-secret-to-health/): ಮಳೆಗಾಲದ ಆರಂಭದಲ್ಲಿ ಸಿಗುವ ನೆರೆಳೆ ಹಣ್ಣು  ಆರೋಗ್ಯಕ್ಕೆ ಉತ್ತಮ ಎಂಬುದು ಬಹುತೇಕರಿಗೆ ತಿಳಿದಿರುವ ವಿಷಯ. ಆದರೆ ಹಣ್ಣು ತಿಂದ ಬಳಿಕ ಅದರ ಬೀಜವನ್ನು ಸಾಮಾನ್ಯವಾಗಿ ತ್ಯಾಜ್ಯವೆಂದು ಎಸೆಯಲಾಗುತ್ತದೆ. ಇತ್ತೀಚೆಗೆ ಸಾಮಾಜಿಕವಾಗಿ ತಿಳಿದುಬಂದ ವಿಷಯದಲ್ಲಿ ಬೀಜಗಳಿಗೂ ಮೌಲ್ಯವಿದೆ. ಶುಗರ್ ಖಾಯಿಲೆಗೆ ಇದು ರಾಮ ಬಾಣವಾಗಿದ್ದು ಅದರ ಬಣ್ಣ ಹಾಗೂ ಬೀಜ ಆದಾಯದ ಮೂಲವೂ ಆಗಿದೆ.  ನೆರೆಳೆ ಬೀಜಗಳನ್ನು ಸಂಗ್ರಹಿಸಿ, ಚೆನ್ನಾಗಿ ತೊಳೆದು, ಒಣಗಿಸಿ ಪುಡಿ ರೂಪದಲ್ಲಿ ಬಳಸಲಾಗುತ್ತದೆ. ಆಯುರ್ವೇದ ಹಾಗೂ ಸಾಂಪ್ರದಾಯಿಕ ಔಷಧ ಪದ್ಧತಿಗಳಲ್ಲಿ ನೆರೆಳೆ ಬೀಜದ ಪುಡಿಗೆ ವಿಶೇಷ ಸ್ಥಾನವಿದೆ. ಇದರ ಕಾರಣದಿಂದ ಕೆಲ ಔಷಧ ತಯಾರಿಕಾ ಸಂಸ್ಥೆಗಳು ಮತ್ತು ಹರ್ಬಲ್ ಉತ್ಪನ್ನಗಳ ವ್ಯಾಪಾರಿಗಳು ಒಣಗಿಸಿದ ಬೀಜಗಳನ್ನು ಖರೀದಿಸುತ್ತಾರೆ. ಹೀಗಾಗಿ, ಬೀಜಗಳನ್ನು ಸರಿಯಾಗಿ ಸಂಗ್ರಹಿಸಿ ಮಾರಾಟ ಮಾಡಿದರೆ ಸ್ವಲ್ಪ ಮಟ್ಟಿನ ಆದಾಯಗಳಿಸುವ ಅವಕಾಶವಿದೆ. ಆದರೆ, ನೆರೆಳೆ ಬೀಜ ಮಾರಾಟದಿಂದ ತಕ್ಷಣವೇ ಹೆಚ್ಚಿನ ಹಣ ಸಿಗುತ್ತದೆ ಅಥವಾ ದೊಡ್ಡ ಮಟ್ಟದ ಲಾಭ ಖಚಿತ ಎಂಬ ನಂಬಿಕೆ ಸರಿಯಲ್ಲ. ಬೀಜಗಳ ಗುಣಮಟ್ಟ, ಬೇಡಿಕೆ, ಸ್ಥಳೀಯ ಮಾರುಕಟ್ಟೆ ಹಾಗೂ ಖರೀದಿದಾರರ ಅವಶ್ಯಕತೆಗಳ ಮೇಲೆ ಬೆಲೆ ಅವಲಂಬಿತವಾಗಿರುತ್ತದೆ. ಆದ್ದರಿಂದ ಈ ವಿಷಯವನ್ನು ವಾಸ್ತವಿಕ ದೃಷ್ಟಿಯಿಂದ ನೋಡುವುದು ಮುಖ್ಯ. ಇದರ ಜೊತೆಗೆ, ನೆರೆಳೆ ಬೀಜಗಳಲ್ಲಿ ಆರೋಗ್ಯಕ್ಕೆ ಉಪಯುಕ್ತವೆಂದು ಪರಿಗಣಿಸಲಾದ ಕೆಲವು ಅಂಶಗಳಿದ್ದು, ಅವುಗಳ ಕುರಿತು ಸಂಶೋಧನೆಗಳೂ ನಡೆದಿವೆ. ಆದರೆ ಯಾವುದೇ ಆರೋಗ್ಯ ಸಮಸ್ಯೆಗೆ ವೈದ್ಯರ ಸಲಹೆಯಿಲ್ಲದೆ ಮನೆಮದ್ದುಗಳನ್ನು ಅವಲಂಬಿಸುವುದು ಸೂಕ್ತವಲ್ಲ. ಒಟ್ಟಾರೆ, ನೆರೆಳೆ ಬೀಜವನ್ನು ಕೇವಲ ಕಸ ಎಂದು ಪರಿಗಣಿಸುವ ಬದಲು ಅದರ ಉಪಯೋಗಗಳ ಬಗ್ಗೆ ತಿಳಿದುಕೊಳ್ಳಬಹುದು. ಸರಿಯಾದ ಮಾರ್ಗದಲ್ಲಿ ಸಂಗ್ರಹಿಸಿ ಮಾರಾಟ ಮಾಡಿದರೆ ಅದು ಸಣ್ಣ ಪ್ರಮಾಣದ ಹೆಚ್ಚುವರಿ ಆದಾಯದ ಮೂಲವಾಗುತ್ತದೆ.
- [ಪೊಲೀಸರ ಮೇಲೆ ದಾಳಿ: ಪಿಸೈಯಿಂದಲೇ ದೂರು!](https://mobiletime.in/2026/06/attack-on-police-complaint-from-pisai-itself/): ಹಳಿಯಾಳದ ಮೌರ್ಯ ಬಾರ್ & ರೆಸ್ಟೋರೆಂಟ್ ಎದುರು ಪೊಲೀಸರ ಮೇಲೆ ದಾಳಿ ಮಾಡಿದ ರೌಡಿ ಮಚ್ ಮಂಜಾ ವಿರುದ್ಧ ಪ್ರಕರಣ ದಾಖಲಾಗಿದೆ. ಪೊಲೀಸರ ಮೇಲೆ ದಾಳಿ ಮಾಡಿದರೂ ಕ್ರಮವಾಗಿಲ್ಲ ಎಂಬ ಆಕ್ಷೇಪಣೆ ಸಾರ್ವಜನಿಕ ವಲಯದಿಂದ ಕೇಳಿ ಬಂದಿದ್ದು, ಅದಕ್ಕೆ ಪ್ರತ್ಯುತ್ತರವಾಗಿ ರೌಡಿಯ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಹಳಿಯಾಳ ನಿರಲಗಾದ ಮಂಜುನಾಥ ಸುಬ್ರಾಯ ಬೇಕನಿ (ಮಚ್ಚ್ ಮಂಜಾ) ದಾದಾಗಿರಿ ಮಾಡಿಯೇ ಎಲ್ಲರನ್ನು ಹೆದರಿಸುತ್ತಿದ್ದರು. ಜೂನ್ 14ರ ರಾತ್ರಿಯೂ ಅವರು ಮೌರ್ಯ ಬಾರ್ & ರೆಸ್ಟೋರೆಂಟ್ ಎದುರು ಗಲಾಟೆ ಮಾಡಿದ್ದರು. ಗಲಾಟೆ ತಡೆಯಲು ಬಂದ ಪಿಸೈ ಬಸವರಾಜ ಮಬನೂರು ಅವರ ಪೊಲೀಸ್ ಜೀಪಿಗೆ ಅಡ್ಡಗಟ್ಟಿ ರಂಪಾಟ ಮಾಡಿದ್ದರು. ಈ ವೇಳೆ ಕರ್ತವ್ಯದಲ್ಲಿದ್ದ ಪೊಲೀಸ್ ಸಿಬ್ಬಂದಿ ನಂದೀಶ್ವರ ಗುಡ್ಡೋಡಗಿ, ಅಶೋಕ ಬಸಲಿಂಗಪ್ಪ ಹುಬ್ಬಳ್ಳಿ ಹಾಗೂ ಹನುಮಂತ ಓಂಕಾರಪ್ಪ ಬರಗಿ ಅವರ ಮೇಲೆಯೂ ಮಚ್ಚ್ ಮಂಜಾ ಆಕ್ರಮಣ ಮಾಡಿದ್ದರು. ಹೊಟೇಲ್ ಮುಂದಿನ ಪಾನ್ ಅಂಗಡಿ ಎದುರು ರಾಘವೇಂದ್ರ ದತ್ತಾ ಬಾಂದೇಕರ್ ಹಾಗೂ ಮಂಜುನಾಥ ಸುಬ್ರಾಯ ಬೇಕನಿ ನಡುವೆ ಗಲಾಟೆ ಶುರುವಾಗಿದ್ದು, ಅದನ್ನು ತಡೆಯಲು ಹೋಗಿದ್ದ ಹೊಟೇಲ್ ಸಿಬ್ಬಂದಿ ಬಸವರಾಜ ಹಾಗೂ ರಾಘವೇಂದ್ರ ಅವರ ಮೇಲೆಯೂ ಆಕ್ರಮಣ ನಡೆದಿತ್ತು. ಹೊಟೇಲ್ ಮ್ಯಾನೇಜರ್ ಸದಾಶಿವ ಪೂಜಾರಿ ಅವರು ಅಲ್ಲಿಗೆ ಆಗಮಿಸಿದ್ದು, ಅವರ ಮೇಲೆಯೂ ಮಂಜುನಾಥ ಬೇಕನಿ ಹಲ್ಲೆ ಮಾಡಿದ್ದರು. ಆ ಗಲಾಟೆ ತಡೆಗೆ ಹೋಗಿದ್ದ ಪೊಲೀಸರ ಮೇಲೆ ದಾಳಿ ನಡೆದ ವಿಡಿಯೋ ವೈರಲ್ ಆಗಿದ್ದು, ಅದಾದ ನಂತರ ಹೊಟೇಲ್ ಮ್ಯಾನೇಜರ್ ಸದಾಶಿವ ಪೂಜಾರಿ ಅವರು ನೀಡಿದ ದೂರಿನ ಅನ್ವಯ ಪೊಲೀಸರು ಮಂಜುನಾಥ ಸುಬ್ರಾಯ ಬೇಕನಿ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಅದಾದ ನಂತರ ಇದೀಗ ಪೊಲೀಸರ ಮೇಲೆ ಆಕ್ರಮಣ ನಡೆಸಿದ ಬಗ್ಗೆ ಮತ್ತೊಂದು ಪ್ರಕರಣವನ್ನು ದಾಖಲಿಸಿದ್ದಾರೆ. ಪ್ರತ್ಯಕ್ಷದರ್ಶಿಯಾಗಿರುವ ಬಸವರಾಜ ಮಬನೂರು ಅವರೇ ಈ ಪ್ರಕರಣದ ದೂರುದಾರರಾಗಿದ್ದು, ಕಠಿಣ ಕ್ರಮ ಜರುಗಿಸಿದ್ದಾರೆ.
- [ಪೊಲೀಸರನ್ನೇ ಬೆದರಿಸಿದ ರೌಡಿ!](https://mobiletime.in/2026/06/a-rowdy-who-threatened-the-police/): ಹಳಿಯಾಳದಲ್ಲಿ ದಾದಾಗಿರಿ ಮಾಡಿಯೇ ಬದುಕು ಕಟ್ಟಿಕೊಂಡ ಮಂಜುನಾಥ ಬೇಕನಿ (ಮಚ್ಚ್ ಮಂಜ) ಅವರು ಮೌರ್ಯ ಹೊಟೇಲಿನಲ್ಲಿ ಗಲಾಟೆ ಮಾಡಿದ್ದಾರೆ. ಕಂಠಪೂರ್ತಿ ಕುಡಿದ ಅಮಲಿನಲ್ಲಿ ಗಲಾಟೆ ತಡೆಯಲು ಬಂದ ಪೊಲೀಸರನ್ನೇ ಹೆದರಿಸಿದ್ದಾರೆ! ಜೂನ್ 14ರ ರಾತ್ರಿ ಮೌರ್ಯ ಹೊಟೇಲಿನಲ್ಲಿ ಗಲಾಟೆ ನಡೆದಿದೆ. ಹೊಟೇಲ್ ಮುಂದಿನ ಪಾನ್ ಅಂಗಡಿ ಎದುರು ರಾಘವೇಂದ್ರ ದತ್ತಾ ಬಾಂದೇಕರ್ ಹಾಗೂ ಮಂಜುನಾಥ ಸುಬ್ರಾಯ ಬೇಕನಿ ಗಲಾಟೆ ಮಾಡಿಕೊಂಡಿದ್ದಾರೆ. ಅದನ್ನು ನೋಡಿದ ಹೊಟೇಲ್ ಸಿಬ್ಬಂದಿ ಬಸವರಾಜ ಹಾಗೂ ರಾಘವೇಂದ್ರ ಗಲಾಟೆ ತಪ್ಪಿಸುವ ಪ್ರಯತ್ನ ಮಾಡಿದ್ದಾರೆ. ಆಗ, ಹೊಟೇಲ್ ಮ್ಯಾನೇಜರ್ ಸದಾಶಿವ ಪೂಜಾರಿ ಅವರು ಅಲ್ಲಿಗೆ ಆಗಮಿಸಿದ್ದು, ಅವರ ಮೇಲೆಯೂ ಮಂಜುನಾಥ ಬೇಕನಿ ಹಲ್ಲೆ ಮಾಡಿದ್ದಾರೆ. ಈ ಗಲಾಟೆಯಲ್ಲಿ ದತ್ತಾ ಬಾಂದೇಕರ್ ಅವರ ಪಾನ್ ಶಾಪಿನಲ್ಲಿದ್ದ ಚಾಕಲೇಟು ಡಬ್ಬಿಗಳು ಒಡೆದಿವೆ. ಅಲ್ಲಿದ್ದ ಒಂದು ಡಬ್ಬಿಯಿಂದಲೇ ಮಂಜುನಾಥ ಬೇಕನಿ ಜನರ ಮೇಲೆ ಹಲ್ಲೆ ಮಾಡಿದ್ದಾರೆ. ವಿಷಯ ತಿಳಿದು ಪೊಲೀಸರು ಅಲ್ಲಿಗೆ ಆಗಮಿಸಿದ್ದು, ಪೊಲೀಸರ ಮೇಲೆಯೂ ಮಂಜುನಾಥ ಬೇಕನಿ ದಾಳಿ ಪ್ರಯತ್ನ ಮಾಡಿದ್ದಾರೆ. ಆ ವೇಳೆ ಪೊಲೀಸರು ಅಲ್ಲಿಂದ ಸುಮ್ಮನೆ ಹೋಗಿದ್ದು, ಅದಾದ ನಂತರ ಬಾರ್ ಮ್ಯಾನೇಜರ್ ನೀಡಿದ ದೂರಿನ ಅನ್ವಯ ಪ್ರಕರಣವೊಂದನ್ನು ದಾಖಲಿಸಿದ್ದಾರೆ.
- [ಪ್ರಶ್ನೆಗಳ ಸುರಿಮಳೆ: ಆಡಳಿತ ವ್ಯವಸ್ಥೆ ವಿರುದ್ಧ ಬಿಜೆಪಿ ಪ್ರತಿಭಟನೆ](https://mobiletime.in/2026/06/a-barrage-of-questions-bjp-protests-against-the-administrative-system/): ಯಲ್ಲಾಪುರದಲ್ಲಿನ ಆಡಳಿತ ವ್ಯವಸ್ಥೆಯ ಲೋಪಗಳನ್ನು ಪ್ರಶ್ನಿಸಿ ಬಿಜೆಪಿ ಪ್ರತಿಭಟನೆ ನಡೆಸಿದೆ. ಪ್ರತಿಭಟನೆಯಲ್ಲಿ ತೇಲಿ ಬಂದ ಪ್ರಶ್ನೆಗಳಿಗೆ ಅಧಿಕಾರಿಗಳು ಉತ್ತರಿಸುವ ಪ್ರಯತ್ನ ಮಾಡಿದ್ದಾರೆ. ಕೆಲ ಪ್ರಶ್ನೆಗಳಿಗೆ ಸರಿಯಾದ ಉತ್ತರ ಸಿಗದ ಕಾರಣ ಪ್ರತಿಭಟನಾಕಾರರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಯಲ್ಲಾಪುರ ಪಟ್ಟಣದ ಹೆಬ್ಬಾರ್ ನಗರದಲ್ಲಿ ನಿರ್ಮಿಸಲಾದ ಜಿ+2 ಮನೆಗಳ ವಿತರಣೆ, ವನ್ಯಜೀವಿ ದಾಳಿಗೆ ಒಳಗಾದವರಿಗೆ ನೀಡಿದ ಪರಿಹಾರದಲ್ಲಿನ ತಾರತಮ್ಯ, ತಾಲೂಕು ಆಸ್ಪತ್ರೆಯಲ್ಲಿನ ವೈದ್ಯರ ಕೊರತೆ, ಮಳೆ ಮಾಪನ ಕೇಂದ್ರಗಳ ದುರಸ್ಥಿ ವಿಷಯವಾಗಿ ಬಿಜೆಪಿಗರು ಪ್ರತಿಭಟನೆಯಲ್ಲಿ ಪ್ರಶ್ನಿಸಿದ್ದಾರೆ. `ಮನೆ ವಿತರಣೆ ವಿಷಯದ ಕುರಿತು ತಾಲೂಕಾ ಆಡಳಿತ ಸಭೆ ಕಡೆಯಬೇಕು. ಶಾಸಕರ ಉಪಸ್ಥಿತಿಯಲ್ಲಿ ಪಟ್ಟಣ ಪಂಚಾಯಿತಿ ಅಧಿಕಾರಿಗಳು ಹಾಗೂ ಕೋಳಗೇರಿ ಅಭಿವೃದ್ಧಿ ಮಂಡಳಿ ಅಧಿಕಾರಿಗಳ ಜೊತೆ ಪಲಾನುಭವಿಗಳನ್ನು ಸಭೆಗೆ ಆಮಂತ್ರಿಸಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. `ನಿರ್ಮಿಸಲಾದ ಮನೆಗಳನ್ನು ಫಲಾನುಭವಿಗಳಿಗೆ ಯಾವಾಗ ಹಸ್ತಾಂತರಿಸಲಾಗುತ್ತದೆ? ಎಂಬ ಪ್ರಶ್ನೆಗೆ ಉತ್ತರಬೇಕು’ ಎಂದು ಪಟ್ಟುಹಿಡಿದರು. `ಕೋಳಗೇರಿ ಅಭಿವೃದ್ಧಿ ಮಂಡಳಿ ಹೆಸರಿನಲ್ಲಿ ಸೂಚಿಸಿದ್ದಕ್ಕಿಂತ ಹೆಚ್ಚುವರಿ ಹಣ ವಸೂಲಾತಿ ಮಾಡಲಾಗುತ್ತಿದೆ’ ಎಂದು ದೂರಿದರು. ಇದಕ್ಕೆ ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿ ಕೇಶವ ಚೌಗಲೆ ಪ್ರತಿಕ್ರಿಯಿಸಿ `ಕೊಳಗೇರಿ ಅಭಿವೃದ್ಧಿ ಮಂಡಳಿ ಪಟ್ಟಣ ಪಂಚಾಯಿತಿಗೆ ಮನೆಗಳನ್ನು ಹಸ್ತಾಂತರಿಸಿಲ್ಲ. ಹಸ್ತಾಂತರ ಆದ ತಕ್ಷಣ ನಿಯಮಾನುಸಾರ ಫಲಾನುಭವಿಗಳಿಗೆ ಒದಗಿಸಲಾಗುತ್ತದೆ’ ಎಂದರು. ಈ ಉತ್ತರದಿಂದ ಪ್ರತಿಭಟನಾಕಾರರು ಸಮಾಧಾನಗೊಳ್ಳಲಿಲ್ಲ. `ಯಲ್ಲಾಪುರ ಆಸ್ಪತ್ರೆಯಲ್ಲಿ ಸ್ತ್ರೀರೋಗ ತಜ್ಞರು ಇಲ್ಲದೇ ಸಮಸ್ಯೆ ಉಂಟಾಗಿದೆ’ ಎಂದು ಪ್ರತಿಭಟನಾಕಾರರು ಆಕ್ಷೇಪಿಸಿದರು. ತಾಲೂಕು ವೈದ್ಯಾಧಿಕಾರಿ ಡಾ ನರೇಂದ್ರ ಪವಾರ ಅವರು ಇದಕ್ಕೆ ಪ್ರತಿಕ್ರಿಯಿಸಿದ್ದು, `ತಾಲೂಕು ಆಸ್ಪತ್ರೆಗೆ ಈಗಾಗಲೇ ಹಿಂದಿನ ಪ್ರಸೂತಿ ತಜ್ಞರನ್ನು ನಿಯೋಜಿಸಲಾಗಿದೆ. ಅವರು ವಾರದಲ್ಲಿ ಮೂರು ದಿನ ಇಲ್ಲಿಯೇ ಸೇವೆ ಸಲ್ಲಿಸಲಿದ್ದಾರೆ’ ಎಂಬ ಮಾಹಿತಿ ನೀಡಿದರು. ಮಳೆ ಮಾಪನ ಕೇಂದ್ರಗಳ ದುಸ್ಥಿತಿಯ ಬಗ್ಗೆ ಪ್ರತಿಭಟನಾಕಾರರು ಗಮನಸೆಳೆದರು. `ಮಳೆ ಮಾಪನ ಕೇಂದ್ರಗಳು ಸರಿಯಿಲ್ಲದ ಕಾರಣ ರೈತರಿಗೆ ಅನ್ಯಾಯವಾಗುತ್ತಿದೆ’ ಎಂದು ವಿವರಿಸಿದರು. ಕರಡಿ ದಾಳಿಯಿಂದ ಅಂಗವಿಕಲರಾದವರಿಗೆ ನೀಡಿದ ಪರಿಹಾರದಲ್ಲಿ ತಾರತಮ್ಯವಾಗಿದೆ. ಶಾಸಕರ ಆಪ್ತರಿಗೆ 10 ಲಕ್ಷ ರೂ ಪರಿಹಾರ ಹಾಗೂ 4 ಸಾವಿರ ರೂ ಮಾಸಾಶನ ನೀಡಲಾಗುತ್ತಿದೆ. ಆದರೆ, ಬಡವರಿಗೆ 5 ಲಕ್ಷ ರೂ ಪರಿಹಾರ ಮಾತ್ರ ನೀಡಲಾಗಿದೆ’ ಎಂದು ದೂರಿದರು. ತಹಶೀಲ್ದಾರ ಮಧುಸೂದನ ಆರ್ ಕುಲಕರ್ಣಿ ಅವು ಮಾತನಾಡಿ `ಈ ಎಲ್ಲ ಸಮಸ್ಯೆಗಳ ಕುರಿತು ಜಿಲ್ಲಾಧಿಕಾರಿಗಳಿಗೆ ವಿವರವಾದ ವರದಿ ಸಲ್ಲಿಸಲಾಗುತ್ತದೆ. ಮಳೆ ಮಾಪನದ ರಿಪೇರಿಗೆ ಈಗಾಗಲೇ ಟೆಂಡರ್ ಆಗಿದ್ದು ಜೂನ್ ಅಂತ್ಯದ ವೇಳೆಗೆ ಎಲ್ಲ ಮಳೆ ಮಾಪನ ಯಂತ್ರಗಳು ರಿಪೇರಿ ಆಗಲಿವೆ’ ಎಂಬ ಭರವಸೆ ನೀಡಿದರು. ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಪ್ರತಿಭಟನೆ ಮುಂದಾಳತ್ವವಹಿಸಿದ್ದು, ಪ್ರಮುಖರಾದ ಎಲ್ ಟಿ ಪಾಟೀಲ, ಉಮೇಶ ಭಾಗೃತ, ಶ್ಯಾಮಿಲಿ ಪಾಟಣಕರ, ಸೋಮೇಶ್ವರ ನಾಯ್ಕ, ರಮೇಶ ನಾಯ್ಕ ಅವರು ಪ್ರತಿಭಟನೆಯಲ್ಲಿ ಮಾತನಾಡಿದರು. ಪ್ರಮುಖರಾದ ನಟರಾಜ ಗೌಡರ್, ರಾಘವೇಂದ್ರ ಭಟ್ಟ, ರಾಮು ನಾಯ್ಕ, ರವಿ ಕೈಟ್ಕರ ಇತರರು ಪ್ರತಿಭಟನೆಯಲ್ಲಿದ್ದರು.
- [`ತಪ್ಪು ಮಾಡಿದವರಿಗೆ ಶಿಕ್ಷೆ ಖಚಿತ'](https://mobiletime.in/2026/06/those-who-make-mistakes-will-be-punished/): ಶಿರಸಿ-ಸಿದ್ದಾಪುರ ಭಾಗದ ಹಾಸ್ಟೇಲಿನಲ್ಲಿ ನಡೆದ ಅಹಿತಕರ ಘಟನೆಯ ಬಗ್ಗೆ ಚರ್ಚಿಸಿದ ಶಾಸಕ ಭೀಮಣ್ಣ ನಾಯ್ಕ ಅವರು ಹಾಸ್ಟೇಲ್ ವಾರ್ಡನ್ ಹಾಗೂ ಶಿಕ್ಷಕರ ಬೇಜವಬ್ದಾರಿ ಬಗ್ಗೆ ಅಸಮಧಾನವ್ಯಕ್ತಪಡಿಸಿದ್ದಾರೆ. ವಸತಿ ನಿಲಯದಲ್ಲಿನ ವಿದ್ಯಾರ್ಥಿಗಳ ಸುರಕ್ಷತೆ ಹಾಗೂ ಮುಂಜಾಗ್ರತಾ ಕ್ರಮಗಳ ಬಗ್ಗೆ ಅವರು ಅಧಿಕಾರಿಗಳಿಗೂ ಪಾಠ ಮಾಡಿದ್ದಾರೆ. `ಬಂಡಲ್ ಬಳಿಯ ವಸತಿ ನಿಲಯದಲ್ಲಿ ಬಾಲಕಿಯೊಬ್ಬಳು ಮಗುವಿಗೆ ಜನ್ಮ ನೀಡಿದ್ದು ಹಾಗೂ ಆ ಮಗುವನ್ನು ಶೌಚಾಲಯದಿಂದ ಎಸೆದು ಸಾಯಿಸಿದ್ದು ಅಮಾನವೀಯ ಕೃತ್ಯ. ಸಿದ್ದಾಪುರದ ಇಂದಿರಾಗಾoಧಿ ವಸತಿ ನಿಲಯದಲ್ಲಿ ವಿದ್ಯಾರ್ಥಿ ಆತ್ಮಹತ್ಯೆಯೂ ಅತ್ಯಂತ ಗಂಭೀರ ವಿಷಯ. ಈ ಎರಡೂ ಪ್ರಕರಣದ ಬಗ್ಗೆ ಸಮಗ್ರ ತನಿಖೆ ನಡೆಯಬೇಕಿದ್ದು, ತಪ್ಪು ಮಾಡಿದವರಿಗೆ ಶಿಕ್ಷೆ ಖಚಿತ’ ಎಂದು ಭೀಮಣ್ಣ ನಾಯ್ಕ ಅವರು ಹೇಳಿದ್ದಾರೆ. `ಶಿರಸಿ ಮತ್ತು ಸಿದ್ದಾಪುರ ತಾಲೂಕಿನ ವಸತಿ ಶಾಲೆ ಮತ್ತು ವಿವಿಧ ಇಲಾಖೆಗಳ ವಸತಿ ನಿಲಯಗಳಲ್ಲಿ ವಿದ್ಯಾರ್ಥಿಗಳ ಸುರಕ್ಷತೆಗೆ ಒತ್ತು ಕೊಡಬೇಕು’ ಎಂದವರು ಸೂಚನೆಯನ್ನು ನೀಡಿದ್ದಾರೆ. ಈ ಸಭೆಯಲ್ಲಿ ಉಪವಿಭಾಗಾಧಿಕಾರಿ ಚಂದ್ರಶೇಖರ ಆರ್ ಜೆ, ತಹಶಿಲ್ದಾರರ ಪಟ್ಟರಾಜ ಗೌಡ, ಡಿವಾಯೆಸ್ಪಿ ಗೀತಾ ಪಾಟಿಲ್, ಪಿಐ ಸಂಪತಕುಮಾರ,ಪೌರಾಯುಕ್ತರಾದ ಪ್ರಕಾಶ ಚನ್ನಪ್ಪನವರ್, ಪ್ರಮುಖರಾದ ಉಮಾ ಉಗ್ರಾಣಕರ್ ಅವರು ಹಾಜರಿದ್ದು ಅಭಿಪ್ರಾಯ ಮಂಡಿಸಿದ್ದಾರೆ.
- [ಹೊಡೆದಾಟಕ್ಕೆ ಕಾರಣವಾದ ಕ್ರಿಕೆಟ್ ಆಟ!](https://mobiletime.in/2026/06/a-cricket-game-that-led-to-a-fight/): ಕಾರವಾರದ ವಿವೇಕಾನಂದ ಶಾಲೆ ಮೈದಾನದಲ್ಲಿ ನಡೆದ ಕ್ರಿಕೆಟ್ ಆಟ ಹೊಡೆದಾಟಕ್ಕೆ ಕಾರಣವಾಗಿದೆ. ಕ್ರಿಕೆಟ್ ಆಡುವಾಗ ತಪ್ಪು ನಿರ್ಣಯ ಕೊಟ್ಟ ಕಾರಣ ಸಾಯಿರಾಜ್ ನಾಯರ್ ಅವರಿಗೆ ವಿಶಾಲ ಸ್ವಾಮಿ, ಅಕ್ಷಯ ನಾಯ್ಕ ಹಾಗೂ ಸಂದೇಶ ಕಟ್ಟಾ ಸೇರಿ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಮಾವನ ಮಗನಿಗೆ ಆದ ಅನ್ಯಾಯ ಸರಿಪಡಿಸುವುದಕ್ಕಾಗಿ ಸರ್ವೇಶ್ ಪೆಡ್ನೇಕರ್ ಅವರು ಕೋರ್ಟು-ಕೇಸು ಎಂದು ಅಲೆದಾಟ ಶುರು ಮಾಡಿದ್ದಾರೆ. ಕಾರವಾರದ ಪಂಚರಿಷಿವಾಡದ ವಿವೇಕಾನಂದ ಶಾಲೆ ಮೈದಾನದಲ್ಲಿ ಒಂದು ತಿಂಗಳ ಹಿಂದೆ ಕ್ರಿಕೆಟ್ ಆಟ ಆಯೋಜನೆಯಾಗಿತ್ತು. ಅದೇ ಭಾಗದ ಸಾಯಿರಾಜ್ ಪ್ರವೀಣ ನಾಯರ್ ಹಾಗೂ ಸುತ್ತಲಿನ ಹುಡುಗರೆಲ್ಲರೂ ಸೇರಿ ಖುಷಿಯಿಂದ ಕ್ರಿಕೆಟ್ ಆಡುತ್ತಿದ್ದರು. ಖಾಪ್ರಿ ದೇವಾಲಯ ಬಳಿಯ ವಿಶಾಲ ಸ್ವಾಮಿ, ಅಕ್ಷಯ ಪ್ರಭಾಕರ ನಾಯ್ಕ, ಸಂದೇಶ ಮಾರುತಿ ಕಟ್ಟಾ ಅವರು ಈ ಕ್ರಿಕೆಟ್ ಆಟದಲ್ಲಿ ಭಾಗಿಯಾಗಿದ್ದರು. ಕ್ರಿಕೆಟ್ ಆಟದ ನಿರ್ಣಾಯಕ ಹೊಣೆ ಹೊತ್ತ ಸಾಯಿರಾಜ್ ನಾಯರ್ ಅವರು ಈ ವೇಳೆ ತಮ್ಮ ತೀರ್ಪು ನೀಡಿದ್ದು, ಅದನ್ನು ನೋಡಿ ವಿಶಾಲ ಸ್ವಾಮಿ, ಅಕ್ಷಯ ನಾಯ್ಕ ಹಾಗೂ ಸಂದೇಶ ಕಟ್ಟಾ ಸಿಡಿಮಿಡಿಕೊಂಡರು. ತಪ್ಪು ತೀರ್ಪು ನೀಡಿದ ಎಂಬ ಕಾರಣಕ್ಕೆ ಸಾಯಿರಾಜ್ ನಾಯರ್ ಅವರ ಮೇಲೆ ಕೈ ಮಾಡಿದರು. ಕೆನ್ನೆ, ತಲೆ, ಕುತ್ತಿಗೆ, ಬೆನ್ನಿಗೆ ಗಾಯಗೊಂಡ ಸಾಯಿರಾಜ್ ನಾಯರ್ ಅವರು ಆಸ್ಪತ್ರೆ ಸೇರಿದರು. ಮಾವನ ಮಗನ ಮೇಲೆ ದಾಳಿಯಾದ ವಿಷಯ ಕೇಳಿ ಸರ್ವೇಶ್ ಪೆಡ್ನೇಕರ್ ಅವರು ಅಲ್ಲಿ ಓಡೋಡಿ ಬಂದರು. ಮಾವನ ಮಗನಿಗೆ ಚಿಕಿತ್ಸೆ ಕೊಡಿಸಿದ ಸರ್ವೇಶ್ ಪೆಡ್ನೇಕರ್ ಅವರು ಪೊಲೀಸರಿಗೆ ಫೋನ್ ಮಾಡಿ, ಆಸ್ಪತ್ರೆಯಿಂದಲೇ ದೂರು ನೀಡಿದರು. ಒಂದು ತಿಂಗಳಾದರೂ ಪೊಲೀಸ್ ಪ್ರಕರಣ ದಾಖಲಾಗದ ಕಾರಣ ಸರ್ವೇಶ್ ಅವರು ಕೋರ್ಟಿನ ಮೊರೆ ಹೋದರು. ಕೋರ್ಟಿನ ಸೂಚನೆ ಮೇರೆಗೆ ಪೊಲೀಸರು ವಿಶಾಲ ಸ್ವಾಮಿ, ಅಕ್ಷಯ ಪ್ರಭಾಕರ ನಾಯ್ಕ, ಸಂದೇಶ ಮಾರುತಿ ಕಟ್ಟಾ ಅವರ ವಿರುದ್ಧ ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ.
- [ಪಡ್ಡೆ ಹುಡುಗರ ಮೋಜಿನ ಪಯಣ!](https://mobiletime.in/2026/06/the-fun-journey-of-the-padde-boys/): ಹೊನ್ನಾವರದ ಪಿಸೈ ಮಹಂತೇಶ ವಾಲ್ಮೀಕಿ ಹಾಗೂ ಮಂಜುನಾಥ ಸೇರಿ ಪಟ್ಟಣ ಪ್ರದಕ್ಷಿಣೆ ಹಾಕಿದ್ದು, ಈ ವೇಳೆ ಟೆಕ್ನಿಶಿಯನ್ ವಿದ್ಯೇಶ ಮೇಸ್ತ ಹಾಗೂ ಕ್ಯಾಶಿಯರ್ ನಾಗೇಂದ್ರ ನೀಲೇಕಣಿ ತಪ್ಪು ಮಾಡಿ ಸಿಕ್ಕಿ ಬಿದ್ದಿದ್ದಾರೆ. ಬೇರೆ ಬೇರೆ ಸ್ಥಳದಲ್ಲಿ ಅವರಿಬ್ಬರು ಅಮಲಿನಲ್ಲಿ ಅಲೆದಾಡುತ್ತಿರುವಾಗ ಪೊಲೀಸರು ಹಿಡಿದು ಕೇಸು ಹಾಕಿದ್ದಾರೆ. ಹೊನ್ನಾವರದ ಕಾಸರಕೋಡು ಮಲಬಾರ್ ಕೇರಿಯಲ್ಲಿ ವಿದ್ಯೇಶ ಪರಮೇಶ ಮೇಸ್ತ ಅವರು ಟೆಕ್ನಿಶಿಯನ್ ಆಗಿದ್ದಾರೆ. 26 ವರ್ಷದ ಅವರು ಮಾದಕ ವ್ಯಸನದ ಮೋಹಕ್ಕೆ ಬಿದ್ದಿದ್ದು, ಕುಟುಂಬದವರಿಗೂ ಗೊತ್ತಾಗದ ಹಾಗೇ ಕದ್ದು ಮುಚ್ಚಿ ಗಾಂಜಾ ಸೇವಿಸುತ್ತಾರೆ. ಜೂನ್ 14ರಂದು ಇಕೋ ಬೀಚಿಗೆ ಹೋಗಿದ್ದ ವಿದ್ಯೇಶ ಮೇಸ್ತ ಅವರು ಅಲ್ಲಿಯೂ ತಮ್ಮ ಚಟ ಮುಂದುವರೆಸಿದ್ದಾರೆ. ಈ ವೇಳೆ ಪಿಸೈ ಮಹಂತೇಶ ವಾಲ್ಮೀಕಿ ಅವರು ಅಲ್ಲಿಗೆ ಆಗಮಿಸಿ ವಿದ್ಯೇಶ ಮೇಸ್ತ ಅವರ ನಶೆಯಿಳಿಸಿದ್ದಾರೆ. ಹೊನ್ನಾವರದ ಕಾಸರಕೋಡುವಿನಲ್ಲಿ ನಾಗೇಂದ್ರ ಪರಮೇಶ್ವರ ನೀಲೇಕಣಿ ಅವರು ವಾಸವಾಗಿದ್ದು, ಅವರು ಕ್ಯಾಶಿಯರ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಅವರು ಸಹ 28ನೇ ವಯಸ್ಸಿನಲ್ಲಿಯೇ ಮೋಜು-ಮಸ್ತಿಗಾಗಿ ಜೀವನ ಹಾಳು ಮಾಡಿಕೊಳ್ಳುತ್ತಿದ್ದಾರೆ. ಮಾದಕ ವಸ್ತುಗಳ ಮೋಹಕ್ಕೆ ಒಳಗಾದ ನಾಗೇಮದ್ರ ನೀಲೇಕಣಿ ಅವರು ಜೂನ್ 14ರ ಮಧ್ಯಾಹ್ನ ಹೊನ್ನಾವರದ ಶ್ರೀದೇವಿ ಆಸ್ಪತ್ರೆ ಬಳಿ ಗಾಂಜಾ ಸೇವಿಸಿದ್ದಾರೆ. ಅಲ್ಲಿ-ಇಲ್ಲಿ ಅಲೆದಾಡುತ್ತಿದ್ದ ನಾಗೇಂದ್ರ ನೀಲೇಕಣಿ ಅವರನ್ನು ಪಿಸೈ ಮಂಜುನಾಥ ಅವರು ಹಿಡಿದಿದ್ದಾರೆ. ತಮ್ಮ ವ್ಯಾಪ್ತಿಯಲ್ಲಿನ ಯುವಕರು ಅಡ್ಡದಾರಿ ಹಿಡಿದಿರುವುದನ್ನು ನೋಡಿದ ಪೊಲೀಸರು ಅವರಿಬ್ಬರಿಗೂ ಕಠಿಣ ಎಚ್ಚರಿಕೆ ನೀಡಿದ್ದಾರೆ. ಗಾಂಜಾ ಸೇವನೆಯ ದುಷ್ಪರಿಣಾಮಗಳ ಬಗ್ಗೆ ಪಾಠ ಮಾಡಿದ್ದಾರೆ. ಅದಾದ ನಂತರ ಮಾಡಿದ ತಪ್ಪಿಗೆ ಶಿಕ್ಷೆ ಅನುಭವಿಸುವಂತೆ ಸೂಚಿಸಿ, ಕೇಸು ದಾಖಲಿಸಿದ್ದಾರೆ.
- [ಅಪಘಾತ: ಆಸ್ಪತ್ರೆಗೆ ಸೇರಿಸಿದರೂ ಬದುಕದ ಬೈಕ್ ಸವಾರ](https://mobiletime.in/2026/06/accident-biker-dies-after-being-admitted-to-hospital/): ಯಲ್ಲಾಪುರ-ಹುಬ್ಬಳ್ಳಿ ಮುಖ್ಯ ರಸ್ತೆಯ ಕೆ ಮಿಲನ್ ಹೊಟೇಲ್ ಬಳಿಯ ಮುದ್ದಿನಗದ್ದೆ ಕ್ರಾಸಿನಲ್ಲಿ ಮೊನ್ನೆ ನಡೆದ ಅಪಘಾತದಲ್ಲಿ ಗಂಭೀರ ಗಾಯಗೊಂಡಿದ್ದ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಕಾರಿಗೆ ಸ್ಕೂಟಿ ಗುದ್ದಿದ ಪರಿಣಾಮ ಗಾಯಗೊಂಡಿದ್ದ ಸ್ಕೂಟಿ ಸವಾರರಿಬ್ಬರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಲಾಗಿದ್ದು, ಅಲ್ಲಿಯೂ ಚಿಕಿತ್ಸೆ ಫಲಕಾರಿಯಾದೇ ರಾಘವೇಂದ್ರ ಮರಾಠಿ ಅವರು ಸಾವನಪ್ಪಿದ್ದಾರೆ. ಯಲ್ಲಾಪುರ ಕನ್ನಡಗಲ್ ಹಿಟ್ಟಿನಬೈಲಿನ ರಾಘವೇಂದ್ರ ಚೂಡಾಮಣಿ ಮರಾಠಿ ಹಾಗೂ ದಯಾನಂದ ಚಂದ್ರು ನಾಯ್ಕ ಅವರು ಜೂನ್ 13ರಂದು ಸ್ಕೂಟಿ ಮೇಲೆ ಹೊರಟಿದ್ದರು. ಹುಬ್ಬಳ್ಳಿ ಕಡೆ ಹೊರಟ ಅವರ ಸ್ಕೂಟಿ ಎದುರಿನಿಂದ ಬರುತ್ತಿದ್ದ ಕಾರಿಗೆ ಡಿಕ್ಕಿ ಹೊಡೆದಿತ್ತು. ಹುಬ್ಬಳ್ಳಿಯಲ್ಲಿ ವಾಸವಾಗಿರುವ ರಾಜಸ್ಥಾನದ ಅಭಿಷೇಖ ಭಾರತಭೂಷಣ ಅವರು ಆ ಕಾರು ಓಡಿಸುತ್ತಿದ್ದು, ಅವರೇ ಅಪಘಾತದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಅದಾದ ನಂತರ ಸ್ಥಳೀಯರು ಅಲ್ಲಿ ಜಮಾಯಿಸಿ ಗಾಯಗೊಂಡ ಬೈಕ್ ಸವಾರರಿಬ್ಬರನ್ನು ಆಸ್ಪತ್ರೆಗೆ ಸಾಗಿಸಲು ನೆರವಾಗಿದ್ದರು. ಈ ಅಪಘಾತದಲ್ಲಿ ದಯಾನಂದ ನಾಯ್ಕ ಅವರ ತಲೆ, ಕೆನ್ನೆ, ಕೈ-ಕಾಲುಗಳಿಗೆ ಗಾಯವಾಗಿತ್ತು. ರಾಘವೇಂದ್ರ ಮರಾಠಿ ಅವರ ಇಡೀ ದೇಹ ಜರ್ಜರಿತವಾಗಿತ್ತು. ಯಲ್ಲಾಪುರದಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ ಹೆಚ್ಚಿನ ಚಿಕಿತ್ಸೆಗಾಗಿ ರಾಘವೇಂದ್ರ ಮರಾಠಿ ಅವರನ್ನು ಹುಬ್ಬಳ್ಳಿ ಕಿಮ್ಸ್ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿ ಅವರನ್ನು ಬದುಕಿಸಿಕೊಳ್ಳುವ ಎಲ್ಲಾ ಬಗೆಯ ಪ್ರಯತ್ನವೂ ನಡೆಯಿತು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ಜೂನ್ 14ರ ಸಂಜೆ ರಾಘವೇಂದ್ರ ಮರಾಠಿ ಅವರು ಸಾವನಪ್ಪಿದ್ದು, ಹುಬ್ಬಳ್ಳಿ ವಿದ್ಯಾನಗರ ಪೊಲೀಸರು ಯಲ್ಲಾಪುರ ಪೊಲೀಸ್ ಠಾಣೆಗೆ ಈ ಬಗ್ಗೆ ಇಮೇಲ್ ಮಾಡಿ ವಿಷಯ ತಿಳಿಸಿದರು.
- [ಟಾಟಾ ಕಂಪನಿಗೆ ಕರೆಂಟ್ ಹೊಣೆ: ರೈತ ಸಂಘದಿoದ ವಿರೋಧ](https://mobiletime.in/2026/06/current-liability-for-tata-company-opposition-from-farmers-association/): ಉತ್ತರ ಕನ್ನಡ ಸೇರಿ ರಾಜ್ಯದ 19 ಜಿಲ್ಲೆಗಳಲ್ಲಿ ವಿದ್ಯುತ್ ಪೂರೈಕೆ ಮಾಡಲು ಟಾಟಾ ಕಂಪನಿ ಆಸಕ್ತಿವಹಿಸಿದೆ. ವಿದ್ಯುತ್ ವಿತರಣೆ ಕಾರ್ಯವನ್ನು ಈ ಕಂಪನಿಗೆವಹಿಸಲು ನಿಗಮವೂ ಆಸಕ್ತಿವಹಿಸಿದ್ದು, ಇದಕ್ಕೆ ಕರ್ನಾಟಕ ಪ್ರಾಂತ ರೈತ ಸಂಘ ತೀವೃ ವಿರೋಧವ್ಯಕ್ತಪಡಿಸಿದೆ. `ವಿದ್ಯುತ್ ಖಾಸಗೀಕರಣವಾದರೆ ಸರಕಾರದಿಂದ ಅನುಷ್ಠಾನಗೊಳ್ಳುತ್ತಿರುವ ವಿವಿಧ ಕಲ್ಯಾಣ ಯೋಜನೆಗಳಿಗೆ ಸಮಸ್ಯೆ ಆಗಲಿದೆ. ರೈತರ ಪಂಪ್‌ಸೆಟ್ಟುಗಳಿಗೆ ದೊರೆಯುವ ಉಚಿತ ವಿದ್ಯುತ್ ಬಂದಾಗಲಿದೆ. ಜೊತೆಗೆ ವಿದ್ಯುತ್ ದರ ಏರಿಕೆಯಿಂದ ಗ್ರಾಹಕರಿಗೂ ಆರ್ಥಿಕ ಹೊರೆಯಾಗಲಿದೆ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ ಅವರು ಕಳವಳವ್ಯಕ್ತಪಡಿಸಿದ್ದಾರೆ. `ರೈತರ ಹಿತದೃಷ್ಠಿಯಿಂದ ವಿದ್ಯುತ್ ಖಾಸಗೀಕರಣ ಅಪಾಯಕಾರಿಯಾಗಿದ್ದು, ಟಾಟಾ ಕಂಪನಿಯ ಅರ್ಜಿಯನ್ನು ತಿರಸ್ಕರಿಸಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾ ಸಮಿತಿಯಿಂದ ಅವರು ಒತ್ತಾಯಿಸಿದ್ದಾರೆ. `ದೇಶದಲ್ಲೇ ಅತ್ಯಂತ ಹೆಚ್ಚು ಕೃಷಿ ಹವಾಮಾನ ವೈವಿಧ್ಯಕ್ಕೆ ಕರ್ನಾಟಕ ಹೆಸರುವಾಸಿಯಾಗಿದೆ. ಇಲ್ಲಿ 40 ಲಕ್ಷಕ್ಕೂ ಹೆಚ್ಚು ನೀರಾವರಿ ಪಂಪ್ ಸೆಟ್ ಬಳಕೆಯಲ್ಲಿದೆ. ಖಾಸಗೀಕರಣ ಹಾಗೂ ಸ್ಮಾರ್ಟ ಮೀಟರ್ ಅಳವಡಿಕೆಯಿಂದ ರೈತರಿಗೆ ಸಮಸ್ಯೆ ಆಗಲಿದೆ. ಇದರಿಂದ ಕೃಷಿ ಕ್ಷೇತ್ರ ಕುಂಟಿತವಾಗಲಿದ್ದು, ಆಹಾರ ಭದ್ರತೆ ಸಮಸ್ಯೆ ಸಾಧ್ಯತೆಯಿದೆ’ ಎಂದು ಶಾಂತರಾಮ ನಾಯಕ ಅವರು ಹೇಳಿದ್ದಾರೆ. ಜೊತೆಗೆ `ನೌಕರರ ಉದ್ಯೋಗ ಭದ್ರತೆಗೆ ಸಹ ಖಾಸಗಿ ಕಂಪನಿಯಿAದ ಸಮಸ್ಯೆಯಾಗಲಿದೆ’ ಎಂದು ವಿವರಿಸಿದ್ದಾರೆ. ಈ ಎಲ್ಲಾ ವಿಷಯ ವಿವರಿಸಿ ಅವರು ಆಕ್ಷೇಪಣಾ ಪತ್ರವನ್ನು ಸಲ್ಲಿಸಿದ್ದಾರೆ. ಸಮಿತಿಯ ಜಿಲ್ಲಾ ಉಪಾಧ್ಯಕ್ಷ ತಿಮ್ಮಪ್ಪ ಗೌಡ ಹೊನ್ನಾವರ, ಅಂಕೋಲಾ ತಾಲೂಕು ಅಧ್ಯಕ್ಷ ಗೌರೀಶ ನಾಯಕ, ಜಂಟಿ ಕಾರ್ಯದರ್ಶಿ ಉದಯ ನಾಯ್ಕ ಹೊಸಗದ್ದೆ, ರಮೇಶ್ ಗೌಡ ಇತರರು ಸಹ ಆಕ್ಷೇಪಣಾ ಪತ್ರಕ್ಕೆ ಸಹಿ ಮಾಡಿದ್ದಾರೆ.
- [ಸೆಲ್ಪಿ ಹುಚ್ಚು: ರೀಲ್ಸ್ ಮಾಡಲು ಹೋದವ ನೀರುಪಾಲು!](https://mobiletime.in/2026/06/selfie-craze-the-one-who-went-to-make-reels-is-neerupal/): ಉತ್ತರ ಕನ್ನಡದ ಪ್ರವಾಸಿ ತಾಣಗಳಿಗೆ ನಿತ್ಯ ಸಾವಿರಾರು ಜನ ಬರುತ್ತಿದ್ದು, ಮೋಜು ಮಸ್ತಿಯಲ್ಲಿ ಮೈ ಮರೆಯುತ್ತಿದ್ದಾರೆ. ಅದರಲ್ಲಿಯೂ ಮುಖ್ಯವಾಗಿ ಸೆಲ್ಪಿ-ರೀಲ್ಸ್ ಮೋಹಕ್ಕೆ ಸಿಲುಕಿ ಅಪಾಯಕ್ಕೆ ಸಿಲುಕುತ್ತಿದ್ದಾರೆ. ಮೊಬೈಲ್ ಮಾಯೆಯೊಳಗೆ ಮುಳುಗಿದ್ದ ಪ್ರವಾಸಿಗರೊಬ್ಬರು ಕುಮಟಾದಲ್ಲಿ ಈ ದಿನ ನೀರು ಪಾಲಾಗಿದ್ದಾರೆ. ಕುಮಟಾದ ಕಡ್ಲೆ ಕಡಲತೀರದಲ್ಲಿ ರೀಲ್ಸ್ ಮಾಡುತ್ತಿದ್ದ ಜೀವನ ಭಟ್ಟಾರಾಯ್ (26) ಅವರು ಅದೇ ಸಮುದ್ರದಲ್ಲಿ ಮುಳುಗಿದ್ದಾರೆ. ಮಹಾರಾಷ್ಟçದ ಪೂಣೆಯ ಜೀವನ ಅವರು ತಮ್ಮ ಐವರು ಸ್ನೇಹಿತರ ಜೊತೆ ಕುಮಟಾಗೆ ಬಂದಿದ್ದರು. ಐಟಿ ಕಂಪನಿಯ ಉದ್ಯೋಗಿಯಾಗಿದ್ದ ಅವರೆಲ್ಲರೂ ಇಲ್ಲಿನ ಬ್ಲೂ ವೆಸ್ ರೆಸಾರ್ಟಿನಲ್ಲಿ ತಂಗಿದ್ದರು. ಸೋಮವಾರ ಬೆಳಗ್ಗೆ ರೂಮು ಖಾಲಿ ಮಾಡುವುದಾಗಿ ಅವರು ಹೇಳಿದ್ದರು. ಊರಿಗೆ ಹೋಗುವ ಮುನ್ನ ಕೊನೆಯದಾಗಿ ಸಮುದ್ರದಲ್ಲಿ ಆಟವಾಡಲು ಅವರೆಲ್ಲರೂ ತೆರಳಿದ್ದು, ಜೀವನ ಭಟ್ಟಾರಾಯ್ ಅವರು ಈ ವೇಳೆ ರೀಲ್ಸ್ ಮಾಡಲು ಮೊಬೈಲ್ ತೆಗೆದರು. ಸ್ನೇಹಿತರೆಲ್ಲರೂ ಸೇರಿ ಸಮುದ್ರದ ಬಳಿ ಕೆಲ ಫೋಟೋ ತೆಗೆದುಕೊಂಡಿದ್ದು, ಅದಾದ ನಂತರ ಜೀವನ ಅವರು ಅಪಾಯಕಾರಿ ಸ್ಥಳಕ್ಕೆ ಹೋಗಿ ವಿಡಿಯೋ ಮಾಡಲು ಶುರು ಮಾಡಿದ್ದರು. ಈ ವೇಳೆ ಏಕಾಏಕಿ ಅಲೆಗಳ ಅಬ್ಬರ ಜೋರಾಗಿದ್ದು, ಮೊಬೈಲಿನಲ್ಲಿ ಮುಳುಗಿದ್ದ ಜೀವನ ಅವರಿಗೂ ಅಲೆಯೊಂದು ಬಡಿಯಿತು. ಆ ರಭಸಕ್ಕೆ ಅವರು ಸಮುದ್ರದಲ್ಲಿ ಕೊಚ್ಚಿ ಹೋದರು. ಜೀವನ ಅವರ ಜೊತೆ ಮತ್ತೊಬ್ಬರು ನೀರು ಪಾಲಾಗಿದ್ದು, ಅವರು ಈಜಿ ದಡ ಸೇರಿದರು. ಆದರೆ, ಜೀವನ ಭಟ್ಟಾರಾಯಿ ಅವರು ಮಾತ್ರ ಈವರೆಗೂ ಸಿಗಲಿಲ್ಲ. ಸದ್ಯ ಕಡ್ಲೆ ಕಡಲತೀರದಲ್ಲಿ ಅವರ ಶೋಧ ಮುಂದುವರೆದಿದೆ. ಸಾಕಷ್ಟು ಆಳ ಹಾಗೂ ದೂರದವರೆಗೆ ಹುಡುಕಿದರೂ ಜೀವನ ಅವರು ಕಾಣಿಸಿಲ್ಲ. ಕರಾವಳಿ ಕಾವಲು ಪಡೆ, ಪೊಲೀಸ್, ಅಗ್ನಿಶಾಮಕ ಸಿಬ್ಬಂದಿ ಜೊತೆ ಸ್ಥಳೀಯರು ಸಹ ಜೀವನ ಅವರ ಹುಡುಕಾಟ ನಡೆಸಿದ್ದಾರೆ.
- [ಈ ಬಾರಿ ಉತ್ತಮ ಮೀನಿನ ಶಿಖಾರಿ ](https://mobiletime.in/2026/06/this-time-the-district-has-a-good-fish-catch/): ಉತ್ತರ ಕನ್ನಡ ಜಿಲ್ಲೆಯ ಜೀವನಾಧಾರಗಳಲ್ಲಿ ಮೀನುಗಾರಿಕೆ ಪ್ರಮುಖ ಸ್ಥಾನವನ್ನು ಹೊಂದಿದೆ. ಅರಬ್ಬಿ ಸಮುದ್ರದ ತೀರವನ್ನು ಹೊಂದಿರುವ ಈ ಜಿಲ್ಲೆಯಲ್ಲಿ ಸಾವಿರಾರು ಕುಟುಂಬಗಳು ಮೀನುಗಾರಿಕೆಯನ್ನು ಅವಲಂಬಿಸಿಕೊಂಡು ಬದುಕು ಸಾಗಿಸುತ್ತಿವೆ. ಆದರೆ ಕಳೆದ ಕೆಲವು ವರ್ಷಗಳ ಅಂಕಿಅಂಶಗಳನ್ನು ಗಮನಿಸಿದರೆ, ಮೀನು ಉತ್ಪಾದನೆಯಲ್ಲಿ ಏರಿಳಿತ ಕಂಡುಬಂದಿದ್ದು, ಇತ್ತೀಚಿನ ವರ್ಷದಲ್ಲಿ ಉತ್ಪಾದನೆ ಮತ್ತೆ ಹೆಚ್ಚಳ ಕಂಡಿರುವುದು ಗಮನಾರ್ಹವಾಗಿದೆ. 2023-24ನೇ ಸಾಲಿನಲ್ಲಿ ಜಿಲ್ಲೆಯ ಮೀನು ಉತ್ಪಾದನೆ ಸುಮಾರು 1.15 ಲಕ್ಷ ಟನ್ ಆಗಿದ್ದರೆ, 2024-25ರಲ್ಲಿ ಅದು 1.08 ಲಕ್ಷ ಟನ್‌ಗೆ ಇಳಿಕೆಯಾಗಿತ್ತು. ಆದರೆ 2025-26ನೇ ಸಾಲಿನಲ್ಲಿ ಉತ್ಪಾದನೆ ಮತ್ತೆ ಏರಿಕೆ ಕಂಡು ಸುಮಾರು 1.20 ಲಕ್ಷ ಟನ್‌ಗೆ ತಲುಪಿದೆ. ಇದು ಕಳೆದ ಹಲವು ವರ್ಷಗಳಲ್ಲಿಯೇ ಗಮನಾರ್ಹ ಸಾಧನೆಯಾಗಿದೆ. ಜಿಲ್ಲೆಯ ಮೀನುಗಾರಿಕೆ ಕ್ಷೇತ್ರದಲ್ಲಿ ಸಾಂಪ್ರದಾಯಿಕ ಹಾಗೂ ಯಾಂತ್ರೀಕೃತ ದೋಣಿಗಳ ಮೂಲಕ ಮೀನುಗಾರಿಕೆ ನಡೆಯುತ್ತಿದೆ. ಉತ್ತಮ ಹವಾಮಾನ, ಸಮುದ್ರದಲ್ಲಿ ಮೀನುಗಳ ಲಭ್ಯತೆ ಮತ್ತು ಮೀನುಗಾರರಿಗೆ ದೊರೆತಿರುವ ಮೂಲಸೌಕರ್ಯಗಳು ಉತ್ಪಾದನೆ ಹೆಚ್ಚಲು ಕಾರಣಗಳಾಗಿವೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಅಂಕಿಅಂಶಗಳ ಪ್ರಕಾರ, 2018-19ರಲ್ಲಿ ಜಿಲ್ಲೆಯ ಮೀನು ಉತ್ಪಾದನೆ 1,20,271 ಟನ್ ದಾಖಲಾಗಿತ್ತು. 2025-26ರಲ್ಲಿ ಅದು 1,20,933 ಟನ್‌ಗೆ ಏರಿಕೆಯಾಗಿದ್ದು, ಹಿಂದಿನ ದಾಖಲೆಗೂ ಮೀರಿದ ಸಾಧನೆ ಎಂದು ಪರಿಗಣಿಸಲಾಗಿದೆ. ಮೀನುಗಾರಿಕೆ ಕ್ಷೇತ್ರವು ಜಿಲ್ಲೆಯ ಆರ್ಥಿಕತೆಯಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದ್ದು, ಸಾವಿರಾರು ಮೀನುಗಾರರು ಮತ್ತು ಸಂಬಂಧಿತ ಕಾರ್ಮಿಕರಿಗೆ ಉದ್ಯೋಗ ಒದಗಿಸುತ್ತಿದೆ. ಉತ್ಪಾದನೆ ಹೆಚ್ಚಾಗಿರುವುದು ಮೀನುಗಾರರ ಆದಾಯ ಹೆಚ್ಚಳಕ್ಕೂ ನೆರವಾಗಲಿದೆ ಎಂಬ ನಿರೀಕ್ಷೆ ವ್ಯಕ್ತವಾಗಿದೆ. ಆದಾಗ್ಯೂ, ಸಮುದ್ರದ ಪರಿಸರ ಸಂರಕ್ಷಣೆ, ಮೀನು ಸಂಪತ್ತಿನ ಸಮತೋಲನ ಕಾಪಾಡುವುದು ಹಾಗೂ ಸುಸ್ಥಿರ ಮೀನುಗಾರಿಕೆಗೆ ಒತ್ತು ನೀಡುವುದು ಅಗತ್ಯವಾಗಿದೆ. ಸೂಕ್ತ ಯೋಜನೆಗಳು ಮತ್ತು ಸರ್ಕಾರದ ಬೆಂಬಲದೊಂದಿಗೆ ಈ ಕ್ಷೇತ್ರ ಇನ್ನಷ್ಟು ಅಭಿವೃದ್ಧಿಯಾಗುವ ಸಾಧ್ಯತೆಗಳಿವೆ.
- [ಭೂ ಲೋಕದ ಸ್ವರ್ಗ: ಇಲ್ಲಿನ ಸಂಚಾರ ನರಕ!](https://mobiletime.in/2026/06/heaven-on-earth-traffic-here-is-hell/): ಪ್ರಕೃತಿಯ ವಿಹಂಗಮ ನೋಟ, ಕಾರವಾರಕ್ಕೆ ಕಲಶದಂತೆ ಇರುವ ಗುಡ್ಡಳ್ಳಿ, ಅಲ್ಲಿ ವಾಸಿಸುವ 25 ಕುಟುಂಬ. ಆದ್ರೆ  ಗುಡ್ಡಳ್ಳಿ ಗ್ರಾಮಸ್ಥರು ಹಲವು ವರ್ಷಗಳಿಂದ ಪಕ್ಕಾ ರಸ್ತೆಯ ಕನಸು ಕಾಣುತ್ತಿದ್ದು, ಇಂದಿಗೂ ಅವರ ಪಾಲಿಗೆ ಕೆಸರುಮಯ ರಸ್ತೆ ಮತ್ತು ಸಂಚಾರದ ಸಂಕಷ್ಟವೇ ಉಳಿದಿದೆ. ಮಳೆಗಾಲ ಆರಂಭವಾದಾಗ ಪರಿಸ್ಥಿತಿ ಮತ್ತಷ್ಟು ಹದಗೆಡುತ್ತಿದ್ದು, ಗ್ರಾಮಸ್ಥರ ದೈನಂದಿನ ಜೀವನವೇ ಅಸ್ತವ್ಯಸ್ತವಾಗುತ್ತಿದೆ. ಗ್ರಾಮಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು, ಮಳೆ ಬಂದಾಗ ರಸ್ತೆಯ ಮೇಲೆ ನೀರು ಹರಿದು ದೊಡ್ಡ ದೊಡ್ಡ ಗುಂಡಿಗಳು ಉಂಟಾಗುತ್ತವೆ. ಇದರಿಂದ ವಾಹನ ಸವಾರರು ಮಾತ್ರವಲ್ಲದೆ ಶಾಲಾ ಮಕ್ಕಳು, ವೃದ್ಧರು ಹಾಗೂ ರೋಗಿಗಳನ್ನು ಸಾಗಿಸುವುದೂ ಕಷ್ಟಕರವಾಗಿದೆ. ಕೆಲವೊಮ್ಮೆ ತುರ್ತು ವೈದ್ಯಕೀಯ ಸೇವೆ ಪಡೆಯುವುದೂ ಸವಾಲಾಗಿ ಪರಿಣಮಿಸುತ್ತದೆ ಎಂದು ಗ್ರಾಮಸ್ಥರು ಅಳಲು ತೋಡಿಕೊಂಡಿದ್ದಾರೆ. ಸ್ಥಳೀಯರ ಪ್ರಕಾರ, ಈ ರಸ್ತೆಯ ಅಭಿವೃದ್ಧಿಗೆ ಹಲವು ಬಾರಿ ಅಧಿಕಾರಿಗಳ ಗಮನ ಸೆಳೆದಿದ್ದರೂ ಶಾಶ್ವತ ಪರಿಹಾರ ದೊರೆತಿಲ್ಲ. ರಸ್ತೆ ದುರಸ್ತಿಗೆ ಅನುದಾನ ಮಂಜೂರಾಗುತ್ತದೆ ಎಂಬ ನಿರೀಕ್ಷೆ ಪ್ರತಿ ವರ್ಷ ಮೂಡಿದರೂ, ಕಾಮಗಾರಿ ಮಾತ್ರ ಆರಂಭವಾಗಿಲ್ಲ ಎಂದು ಅವರು ಹೇಳುತ್ತಾರೆ. ಗ್ರಾಮದ ಜನರು ಮಳೆಗಾಲದಲ್ಲಿ ರಸ್ತೆ ಸಂಚಾರ ಸಂಪೂರ್ಣ ಹದಗೆಡುವ ಕಾರಣ ಕೃಷಿ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಸಾಗಿಸಲು ತೊಂದರೆ ಅನುಭವಿಸುತ್ತಿದ್ದಾರೆ. ಶಾಲೆಗೆ ಹೋಗುವ ಮಕ್ಕಳಿಗೂ ಇದೇ ರಸ್ತೆ ಏಕೈಕ ಮಾರ್ಗವಾಗಿರುವುದರಿಂದ ಪ್ರತಿದಿನವೂ ಕಷ್ಟದ ಪ್ರಯಾಣ ಎದುರಾಗುತ್ತಿದೆ. ಗ್ರಾಮಸ್ಥರು ಸಂಬಂಧಪಟ್ಟ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ಶೀಘ್ರವಾಗಿ ಸ್ಥಳಕ್ಕೆ ಭೇಟಿ ನೀಡಿ ರಸ್ತೆ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ್ದಾರೆ.  ಗುಡ್ಡಳ್ಳಿಯಂತಹ ಗ್ರಾಮಗಳಿಗೆ ಮೂಲಭೂತ ಸೌಕರ್ಯ ಒದಗಿಸುವುದು ಅಭಿವೃದ್ಧಿಯ ದೃಷ್ಟಿಯಿಂದ ಅತ್ಯಗತ್ಯವಾಗಿದ್ದು, ಉತ್ತಮ ರಸ್ತೆ ನಿರ್ಮಾಣವಾದರೆ ಗ್ರಾಮಸ್ಥರ ಹಲವು ವರ್ಷಗಳ ಬೇಡಿಕೆ ಈಡೇರುವಂತಾಗಲಿದೆ.
- [ಒಬ್ಬ ಕಳ್ಳ.. ಮತ್ತೊಬ್ಬ ಮಳ್ಳ: ಕದ್ದ ಚಿನ್ನಕ್ಕೂ ಕಾಸು ಕೊಟ್ಟ ಕಂಪನಿ!](https://mobiletime.in/2026/06/one-thief-another-thief-a-company-that-pays-for-stolen-gold/): ಹೊನ್ನಾವರದ ದೇವಸ್ಥಾನಕೇರಿಯ ಪಾರ್ವತಿ ಪಟಗಾರ ಅವರ ಮನೆಯಲ್ಲಿ ಕಳ್ಳತನ ಮಾಡಿದ ಧನುಶ್ ಗೌಡ ಅವರು ಅಲ್ಲಿ ಕದ್ದ ಚಿನ್ನಾಭರಣಗಳನ್ನು ತಮ್ಮ ಸ್ನೇಹಿತ ಗೌರೀಶ ಗೌಡ ಅವರಿಗೆ ನೀಡಿದ್ದಾರೆ. ಗೌರೀಶ ಗೌಡ ಅವರು ಸದ್ಯ ಆ ಎಲ್ಲಾ ಚಿನ್ನವನ್ನು ಮಣಿಪುರಂ ಫೈನಾನ್ಸ್ ಹಾಗೂ ಮುತುಡ್ ಫೈನಾನ್ಸಿನಲ್ಲಿ ಅಡವಿಟ್ಟಿದ್ದು, ಫೈನಾನ್ಸ್ ಕಂಪನಿಯಲ್ಲಿದ್ದ ಚಿನ್ನಾಭರಣವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಹೊನ್ನಾವರದ ದೇವಸ್ಥಾನಕೇರಿಯಲ್ಲಿ ಪಾರ್ವತಿ ನಾರಾಯಣ ಪಟಗಾರ ಅವರು ಕೂಲಿ ಕೆಲಸ ಮಾಡಿಕೊಂಡು ವಾಸವಾಗಿದ್ದು, ಅವರ ಮನೆಯಲ್ಲಿ ಕಳ್ಳತನ ನಡೆದಿತ್ತು. ಜೂನ್ 7ರಂದು ಕಳ್ಳತನ ನಡೆದಿರುವುದು ಪಾರ್ವತಿ ಪಟಗಾರ ಅವರ ಗಮನಕ್ಕೆ ಬಂದಿತ್ತು. ಅದೇ ಊರಿನ 40 ಗ್ರಾಂ ತೂಕದ ಮಂಗಳಸೂತ್ರ, 15 ಗ್ರಾಂ ತೂಕದ ಕರಿಮಣಿ ಮಂಗಳಸೂತ್ರ, 20 ಗ್ರಾಂ ತೂಕದ ನೆಕ್ಲೇಸ್, 35 ಗ್ರಾಂ ತೂಕದ ಹವಳದ ಸರ, ಎರಡು ಮಕ್ಕಳ ಚೈನುಗಳು, ಐದು ಚಿಕ್ಕ ಉಂಗುರ ಸೇರಿ 128 ಗ್ರಾಂ ಚಿನ್ನಾಭರಣವನ್ನು ಕಳ್ಳರು ದೋಚಿದ್ದರು. ಅದೇ ಊರಿನ ಧನುಶ್ ಶ್ರೀಧರ ಗೌಡ ಅವರ ಮೇಲೆ ಪಾರ್ವತಿ ಪಟಗಾರ ಅವರು ಅನುಮಾನವ್ಯಕ್ತಪಡಿಸಿದ್ದರು. ಅದರಂತೆ, ಪ್ರಕರಣ ದಾಖಲಿಸಿಕೊಂಡ ಹೊನ್ನಾವರ ಪೊಲೀಸರು ತನಿಖೆ ಶುರು ಮಾಡಿದರು. ಎಂದಿನAತೆ, ತನಿಖೆಗಿಳಿದ ಹೊನ್ನಾವರ ಪಿಐ ಸಿದ್ದರಾಮೇಶ್ವರ, ಪಿಸೈ ಮಹಂತೇಶ ವಾಲ್ಮೀಕಿ, ಸಂಗೀತಾ ಹಾಗೂ ರೇಣುಕಾ ಅವರಿಗೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಮಾರ್ಗದರ್ಶನ ಮಾಡಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ ಅವರು ಈ ಪ್ರಕರಣದಲ್ಲಿ ವಿವಿಧ ಮಾಹಿತಿ ಕಲೆ ಹಾಕಿದ್ದು, ಡಿವೈಎಸ್ಪಿ ಗಿರೀಶ್ ಬಿ ಅವರಿಗೆ ಸೂಚಿಸಿ ಪೊಲೀಸ್ ಸಿಬ್ಬಂದಿ ಗಜಾನನ ನಾಯಕ, ಮನೋಜ ಡಿ, ರವಿ ನಾಯ್ಕ ಹಾಗೂ ಸಚಿನ್ ನಾಯ್ಕ ಅವರನ್ನು ತನಿಖಾ ತಂಡಕ್ಕೆ ಸೇರಿಸಿದರು. ಈ ಪೊಲೀಸರೆಲ್ಲರೂ ಸೇರಿ ಪರಾರಿಯಾಗಿದ್ದ ಧನುಶ್ ಗೌಡ ಅವರನ್ನು ಹುಡುಕಿದರು. ಈ ವೇಳೆ ಹೊನ್ನಾವರ ಗೇರುಸೊಪ್ಪ ಬಳಿಯ ಮೆಟ್ಟಿನಗದ್ದೆಯ ಗೌರೀಶ ಗಣಪತಿ ಗೌಡ ಅವರು ಕದ್ದ ಆಭರಣಗಳನ್ನು ಸ್ವೀಕರಿಸಿರುವುದು ಗೊತ್ತಾಯಿತು. ಆಭರಣ ವಿಲೇವಾರಿಗಾಗಿ ಗೌರೀಶ ಗೌಡ ಅವರು ಕಸರತ್ತು ನಡೆಸಿದ್ದು, ಈ ವಿಷಯ ಅರಿತ ಪೊಲೀಸರು ಗೌರೀಶ ಗೌಡ ಅವರ ಬೆನ್ನತ್ತಿದರು. ಪೊಲೀಸರನ್ನು ಕಂಡ ತಕ್ಷಣ ಗೌರೀಶ ಗೌಡ ಅವರು ತಪ್ಪನ್ನು ಒಪ್ಪಿಕೊಂಡಿದ್ದು, ಅದನ್ನು ಮಣಿಪುರಂ ಫೈನಾನ್ಸ್ ಹಾಗೂ ಮುತುಡ್ ಫೈನಾನ್ಸಿನಲ್ಲಿಟ್ಟಿರುವ ಬಗ್ಗೆ ತಿಳಿಸಿದರು. ಪೊಲೀಸರು ಅಲ್ಲಿಗೆ ಹೋಗಿ 17 ಲಕ್ಷಕ್ಕೂ ಅಧಿಕ ರೂ ಮೌಲ್ಯದ ಚಿನ್ನಾಭರಣವನ್ನು ಜಪ್ತು ಮಾಡಿದರು. ಗೌರೀಶ ಗೌಡ ಹಾಗೂ ಧನುಷ್ ಗೌಡ ಅವರನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ಲಾರಿ ಕಳ್ಳ ಸಿಕ್ಕಿ ಬಿದ್ದ!](https://mobiletime.in/2026/06/lorry-thief-caught/): ಬೆಳಗಾವಿ, ಹುಬ್ಬಳ್ಳಿ ಸೇರಿ ವಿವಿಧ ಕಡೆ ಪೊಲೀಸರಿಗೆ ಯಾಮಾರಿಸಿ ತಪ್ಪಿಸಿಕೊಂಡಿದ್ದ ಮಧು ಐಹೊಳೆ ಎಂಬಾತನನ್ನು ಹಳಿಯಾಳ ಪೊಲೀಸರು ಹಿಡಿದಿದ್ದಾರೆ. ಲಾರಿ ಕದ್ದು ಪರಾರಿಯಾಗಿದ್ದ ಪ್ರಕರಣದಲ್ಲಿ ಕೋರ್ಟಿಗೆ ಹಾಜರಾಗದೇ ತಲೆಮರೆಸಿಕೊಂಡಿದ್ದ ಮಧು ಐಹೊಳೆ ತೆಲಂಗಾಣದಲ್ಲಿ ಸಿಕ್ಕಿಬಿದ್ದಿದ್ದಾರೆ. ಹಳಿಯಾಳದಲ್ಲಿ 2014ರಲ್ಲಿ ಲಾರಿಯೊಂದು ಕಳ್ಳತನವಾಗಿತ್ತು. ಆ ವೇಳೆ ಸಾಹಸಮೆರೆದ ಪೊಲೀಸರು ಒಟ್ಟು ಆರು ಜನರನ್ನು ಬಂಧಿಸಿದ್ದರು. ಲಾರಿಯನ್ನು ಸಹ ವಶಕ್ಕೆಪಡೆದಿದ್ದರು. ಐದನೇ ಆರೋಪಿಯಾಗಿದ್ದ ಬೆಳಗಾವಿಯ ಮಧು ಯುವರಾಜ್ ಐಹೊಳೆ ನ್ಯಾಯಾಲಯದಿಂದ ಜಾಮೀನುಪಡೆದು ಪರಾರಿಯಾಗಿದ್ದರು. ಈ ಮಧು ಐಹೊಳೆ ವಿರುದ್ಧ ಹಳಿಯಾಳದಲ್ಲಿಯೇ ಎರಡು ಕೇಸುಗಳಿದ್ದವು. ಹುಬ್ಬಳ್ಳಿ, ಬೆಳಗಾವಿ ಪೊಲೀಸ್ ಠಾಣೆಯಲ್ಲಿಯೂ ಮಧು ಐಹೊಳೆ ಆರೋಪಿಯಾಗಿದ್ದರು. 14 ವರ್ಷಗಳಿಂದ ಅವರು ಪೊಲೀಸರಿಗೆ ಸಿಗದೇ ಯಾಮಾರಿಸುತ್ತಿದ್ದರು. ಉತ್ತರ ಕನ್ನಡ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ತಮ್ಮ ಬುದ್ದಿವಂತಿಕೆ ಪ್ರದರ್ಶಿಸಿ ಮಧು ಐಹೊಳೆ ಹಿಡಿಯುವ ಉಪಾಯ ಮಾಡಿದರು. ತೆಲಂಗಾಣದ ಮೈಲರಾಮಿನಲ್ಲಿ ಅಡಗಿದ್ದ ಆರೋಪಿ ಬಂಧಿಸಲು ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ ಕಾರ್ಯತಂತ್ರ ರೂಪಿಸಿದರು. ದಾಂಡೇಲಿ ಡಿವೈಎಸ್ಪಿ ಶಿವಾನಂದ ಮದರಕಂಡಿ, ಪಿಐ ಜಯಪಾಲ ಪಾಟೀಲ ಅವರ ಜೊತೆ ಚರ್ಚಿಸಿ ಪಿಸೈ ಬಸವರಾಜ ಮಬನೂರು, ಪೊಲೀಸ್ ಸಿಬ್ಬಂದಿ ಕೃಷ್ಣ ಅರಕೇರಿ, ವೆಂಕಟೇಶ ತಗ್ಗೀನ, ಬಸವರಾಜ ಹಗರಿ, ಶ್ರೀಶೈಲ ಜಿ ಎಂ, ಲಕ್ಷಣ ಪೂಜಾರಿ, ವಿನೋದ ಜಿ ಬಿ, ರಾಘವೇಂದ್ರ ಅವರ ಜೊತೆ ಸೇರಿ ಆರೋಪಿಯನ್ನು ಬಂಧಿಸಿದರು.  
- [ಆಸ್ಪತ್ರೆ ಸೇರಿದ ಬಾಳೆಕಾಯಿ ವ್ಯಾಪಾರಿ](https://mobiletime.in/2026/06/a-banana-dealer-belonging-to-the-hospital/): ಯಲ್ಲಾಪುರದ ಇಡಗುಂದಿಯಲ್ಲಿ ಬಾಳೆಕಾಯಿ ಅಂಗಡಿ ಮಾಡಿಕೊಂಡಿರುವ ಅನಂತ ಗಟ್ಟಿ ಅವರಿಗೆ ಹುಟಕಮನೆಯ ಸುಬ್ರಹ್ಮಣ್ಯ ಸಿದ್ದಿ ಅವರು ಬೈಕ್ ಗುದ್ದಿದ್ದಾರೆ. ಕಾಲಿಗೆ ಪೆಟ್ಟಾಗಿರುವ ಕಾರಣ ಅನಂತ ಗಟ್ಟಿ ಅವರು ಆಸ್ಪತ್ರೆ ಸೇರಿದ್ದಾರೆ. ಯಲ್ಲಾಪುರದ ಇಡಗುಂದಿಯಲ್ಲಿ ಅನಂತ ಮಹಾಬಳೇಶ್ವರ ಗಟ್ಟಿ ಅವರು ಬಾಳೆಕಾಯಿ ಅಂಗಡಿ ಹೊಂದಿದ್ದಾರೆ. ಜೂನ್ 12ರ ರಾತ್ರಿ 9.30ಕ್ಕೆ ಅವರು ಅಂಗಡಿಯಿAದ ಹೊರ ಬಿದ್ದಿದ್ದು, ಕಿರಾಣಿ ಸಾಮಗ್ರಿ ತರುವುದಕ್ಕಾಗಿ ಹೆದ್ದಾರಿ ದಾಟುವ ಪ್ರಯತ್ನ ಮಾಡಿದ್ದಾರೆ. ಈ ವೇಳೆ ಹುಟಕಮನೆಯ ಸುಬ್ರಹ್ಮಣ್ಯ ಬಾಬು ಸಿದ್ದಿ ಅವರು ಜೋರಾಗಿ ಬೈಕ್ ಓಡಿಸಿಕೊಂಡು ಬಂದಿದ್ದು, ಆ ಬೈಕನ್ನು ಅನಂತ ಗಟ್ಟಿ ಅವರಿಗೆ ಗುದ್ದಿದ್ದಾರೆ. ಈ ಅಪಘಾತದಲ್ಲಿ ಬೈಕ್ ಓಡಿಸುತ್ತಿದ್ದ ಸುಬ್ರಹ್ಮಣ್ಯ ಸಿದ್ದಿ ಅವರ ಜೊತೆ ಆ ಬೈಕಿನ ಹಿಂದೆ ಕೂತಿದ್ದ ವಿಷ್ಣು ಸುಬ್ಬಾ ಸಿದ್ದಿ ಅವರು ಹಾರಿ ಬಿದ್ದಿದ್ದಾರೆ. ಅಪಘಾತದಲ್ಲಿ ಅನಂತ ಗಟ್ಟಿ ಅವರ ಕಾಲಿಗೆ ಪೆಟ್ಟಾಗಿದೆ. ಬಾಳೆಕಾಯಿ ಅಂಗಡಿ ಬಳಿ ನಿಂತಿದ್ದ ದೋಣಗಾರದ ಮಹಾಬಳೇಶ್ವರ ವೆಂಕಟ್ರಮಣ ಗಟ್ಟಿ ಅವರು ಅಪಘಾತದ ಪ್ರತ್ಯಕ್ಷದರ್ಶಿಯಾಗಿದ್ದಾರೆ. `ಹೆದ್ದಾರಿ ಅಂಚಿನಲ್ಲಿ ನಿಂತಿದ್ದ ತನ್ನ ಚಿಕ್ಕಪ್ಪನಿಗೆ ವೇಗವಾಗಿ ಬಂದ ಬೈಕು ಗುದ್ದಿದೆ’ ಎಂದು ಮಹಾಬಳೇಶ್ವರ ಗಟ್ಟಿ ಅವರು ಹೇಳಿದ್ದಾರೆ.
- [ಅಪಘಾತ: ಆಸ್ಪತ್ರೆ ಬದಲು ಮಠದ ಮುಂದೆ ಮಲಗಿಸಿದ ಸ್ನೇಹಿತ!](https://mobiletime.in/2026/06/accident-friend-made-him-sleep-in-front-of-a-monastery-instead-of-a-hospital/): ಅಪಘಾತದಲ್ಲಿ ಗಾಯಗೊಂಡ ವ್ಯಕ್ತಿಯನ್ನು ಆಸ್ಪತ್ರೆಗೆ ಸೇರಿಸುವ ಬದಲು ಮಠದ ಮುಂದೆ ಮಲಗಿಸಿದ ಪರಿಣಾಮ ವ್ಯಕ್ತಿಯೊಬ್ಬರ ಸಾವಾಗಿದೆ. ಬೈಕಿನಿಂದ ಬಿದ್ದ ವ್ಯಕ್ತಿ ಗೋಳಾಡುತ್ತಿದ್ದರೂ ಸಹಾಯ ಮಾಡದೇ ಪರಾರಿಯಾದವನ ವಿರುದ್ಧ ಪೊಲೀಸ್ ಪ್ರಕರಣವೂ ದಾಖಲಾಗಿದೆ. ಬೆಳಗಾವಿ ಬೈಲಹೊಂಗಲದ ಮಂಜು ಕಡಗೋಳ ಅವರು ಜೂನ್ 12ರಂದು ಜೊಯಿಡಾ ಪ್ರವಾಸಕ್ಕೆ ಬಂದಿದ್ದರು. ಅವರು ತಮ್ಮ ಜೊತೆ ಸಿದ್ದಪ್ಪ (ಅಶೋಕ) ಶೀಲವಂತರ್ ಅವರನ್ನು ಕರೆತಂದಿದ್ದರು. ಅವರಿಬ್ಬರು ಆ ದಿನ ಬೈಕ್ ಮೇಲೆ ಎಲ್ಲಡೆ ಸುತ್ತಾಟ ನಡೆಸಿದ್ದರು. ಮಧ್ಯಾಹ್ನದ ವೇಳೆಗೆ ಜೊಯಿಡಾದಿಂದ ದಾಂಡೇಲಿ ಕಡೆ ಮಂಜು ಕಡಗೋಳ ಅವರು ಜೋರಾಗಿ ಬೈಕ್ ಓಡಿಸಿಕೊಂಡು ಬಂದಿದ್ದು, ಆ ಬೈಕು ಪೊಟೋಳಿ ಕ್ರಾಸಿನ ಬಳಿ ಚರಂಡಿ ಹಾರಿತು. ಬೈಕ್ ಅಪಘಾತದ ಪರಿಣಾಮ ಸಿದ್ದಪ್ಪ ಶೀಲವಂತರ್ ಅವರು ಗಂಭೀರವಾಗಿ ಗಾಯಗೊಂಡರು. ಆ ಅಪಘಾತದಿಂದ ಕಂಗಾಲಾದ ಬೈಕ್ ಚಾಲಕ ಮಂಜು ಕಡಗೋಳ ಅವರು ಗಾಯಾಳುವಿನ ಬಗ್ಗೆ ಹೆಚ್ಚಿಗೆ ತಲೆಕೆಡಿಸಿಕೊಳ್ಳಲಿಲ್ಲ. ತಾವು ಪ್ರಾಣಾಪಾಯದಿಂದ ಪಾರಾದ ಕಾರಣ ಗೆಳೆಯನ ಜೀವದ ಬಗ್ಗೆ ಹೆಚ್ಚು ಕಾಳಜಿವಹಿಸಲಿಲ್ಲ. ಗಾಯಗೊಂಡಿದ್ದ ಸಿದ್ದಪ್ಪ ಶೀಲವಂತರ್ ಅವರು ಗೋಗರೆದರೂ ಆಂಬುಲೆನ್ಸಿಗೆ ಫೋನ್ ಮಾಡಲಿಲ್ಲ. ಜೊತೆಗಿದ್ದ ಸ್ನೇಹಿತನನ್ನು ಆಸ್ಪತ್ರೆಗೆ ಸೇರಿಸುವ ಕೆಲಸವನ್ನು ಮಾಡಲಿಲ್ಲ. ಬದಲಾಗಿ, ಗಾಯಗೊಂಡಿದ್ದ ಸಿದ್ದಪ್ಪ ಶೀಲವಂತರ್ ಅವರನ್ನು ಮಂಜು ಕಡಗೋಳ ಅವರು ದಾಂಡೇಲಿಗೆ ಕರೆತಂದಿದ್ದು, ಅಲ್ಲಿದ್ದ ಮೃತ್ಯುಂಜಯ ಮಠದ ಮುಂದೆ ಮಲಗಿಸಿದರು. ಗಾಯಗೊಂಡ ಗೆಳಯ ಸಿದ್ದಪ್ಪ ಶೀಲವಂತರ್ ಅವರು `ಆಸ್ಪತ್ರೆಗೆ ಸೇರಿಸು’ ಎಂದು ಕೈ ಮುಗಿದರೂ ಅದನ್ನು ಕೇಳಿಸಿಕೊಳ್ಳದೇ ಮಂಜು ಕಡಗೋಳ್ ಅವರು ಅಲ್ಲಿಂದ ಪರಾರಿಯಾದರು. ಮೃತ್ಯುಂಜಯ ಮಠದ ಮುಂದೆ ಮಲಗಿದ್ದ ಸಿದ್ದಪ್ಪ ಶೀಲವಂತರ್ ಅವರು ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾಗಿದ್ದರು. ಅವರನ್ನು ನೋಡಿದ ಜನ 108ಗೆ ಫೋನ್ ಮಾಡಿ ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ಕಳುಹಿಸಿದರು. ಅಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿದ ವೈದ್ಯರು ಹೆಚ್ಚಿನ ಚಿಕಿತ್ಸೆಗೆ ಶಿಫಾರಸ್ಸು ಮಾಡಿದ್ದು, ಸಿದ್ದಪ್ಪ ಶೀಲವಂತರ್ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಲಾಯಿತು. ಒಂದು ದಿನ ಸಾವು-ಬದುಕಿನ ಹೋರಾಟ ನಡೆಸಿದ ಸಿದ್ದಪ್ಪ ಅವರು ಜೂನ್ 13ರಂದು ಸಾವಿನ ಹಾದಿ ಹಿಡಿದರು. ಜೊತೆಗಿದ್ದ ಸ್ನೇಹಿತ ಸಮಯಕ್ಕೆ ಸರಿಯಾಗಿ ಆಸ್ಪತ್ರೆಗೆ ಸಾಗಿಸಿದ್ದರೆ ಸಿದ್ದಪ್ಪ ಶೀಲವಂತರ್ ಅವರು ಬದುಕುತ್ತಿದ್ದರು. ಸ್ನೇಹಿತ ಮಾಡಿದ ದ್ರೋಹದ ಬಗ್ಗೆ ಅನಿತಾ ಶೀಲವಂತರ್ ಅವರು ದಾಂಡೇಲಿ ಪೊಲೀಸರಿಗೆ ವಿವರಿಸಿದ್ದು, ಪೊಲೀಸರು ಮಂಜು ಕಡಗೋಳರ ವಿರುದ್ಧ ಕೇಸು ದಾಖಲಿಸಿದರು.
- [ಆ ಚಾಲಕ.. ಅಲ್ಲ ಅಮಾಯಕ!](https://mobiletime.in/2026/06/that-driver-is-not-innocent/): ಕುಮಟಾ ಮೂರುರು ಗುಡ್ಡದ ಮೇಲೆ ಗಾಂಜಾ ಸೇವಿಸಿ ಅಲೆದಾಡುವವರ ಸಂಖ್ಯೆ ಹೆಚ್ಚಾಗಿದೆ. ಮಿರ್ಜಾನಿನ ದೀಪಕ ಮುಕ್ರಿ ಹಾಗೂ ಮಾಸೂರಿನ ದನಂಜಯ ಪಟಗಾರ ಸಹ ಅಲ್ಲಿ ಮಾದಕ ವ್ಯಸನ ಸೇವಿಸಿದ್ದಾರೆ. ಚಾಲಕರಾಗಿರುವ ಅವರಿಬ್ಬರು ಸಣ್ಣ ವಯಸ್ಸಿನಲ್ಲಿಯೇ ದುಶ್ಚಟದ ದಾರಿ ಹಿಡಿದಿದ್ದಾರೆ. ಕುಮಟಾ ಮಿರ್ಜಾನ್ ಬಳಿಯ ಖೈರೇ ಕ್ರಾಸಿನ ಬಳಿ ದೀಪಕ ಶ್ರೀಧರ ಮುಕ್ರಿ ಅವರು ವಾಸವಾಗಿದ್ದಾರೆ. 26 ವರ್ಷದ ಅವರು ದುಡಿದ ಹಣವನ್ನು ದುಶ್ಚಟಕ್ಕೆ ಬಳಸುತ್ತಿದ್ದಾರೆ. ಮಾಸೂರಿನ ದನಂಜಯ ಬೊಬ್ಬು ಪಟಗಾರ ಅವರು ಸಹ 30 ವರ್ಷದವರಾಗಿದ್ದು, ಅವರು ಸಹ ದುಶ್ಚಟದ ದಾಸರಾಗಿದ್ದಾರೆ. ದೀಪಕ ಮುಕ್ರಿ ಹಾಗೂ ದನಂಜಯ ಪಟಗಾರ ಇಬ್ಬರೂ ಚಾಲಕರಾಗಿದ್ದು, ಜೂನ್ 13ರಂದು ಮೂರುರು ಗುಡ್ಡ ಏರಿ ನಿಷೇಧಿತ ಗಾಂಜಾ ಸೇವನೆ ಮಾಡಿದ್ದಾರೆ. ಮಧ್ಯಾಹ್ನ 1 ಗಂಟೆಯ ಬಿಸಿಲಿನಲ್ಲಿಯೂ ಅವರಿಬ್ಬರು ಗುಡ್ಡದ ಮೇಲೆ ಅಲೆದಾಡುತ್ತಿರುವುದನ್ನು ಜನ ನೋಡಿದ್ದಾರೆ. ಅವರಿಬ್ಬರ ಅನುಮಾನಾಸ್ಪದ ವರ್ತನೆಯ ಬಗ್ಗೆ ವ್ಯಕ್ತಿಯೊಬ್ಬರು ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ನಶೆಯ ಗುಂಗಿನಲ್ಲಿ ಅವರಿಬ್ಬರು ಸುಂದರ ಗುಡ್ಡವನ್ನು ಹಾಳು ಮಾಡುತ್ತಿರುವ ಬಗ್ಗೆ ದೂರಿದ್ದಾರೆ. ಪಿಸೈ ಸಾವಿತ್ರಿ ನಾಯಕ ಹಾಗೂ ಖಾದರ್ ಭಾಷಾ ಅಲ್ಲಿ ದೌಡಾಯಿಸಿದ್ದು, ಆ ಇಬ್ಬರು ಚಾಲಕರನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ದೀಪಕ ಮುಕ್ರಿ ಹಾಗೂ ದನಂಜಯ ಪಟಗಾರ ವಿಪರೀತ ಪ್ರಮಾಣದಲ್ಲಿ ಗಾಂಜಾ ಸೇವಿಸಿದ್ದು, ಅವರಿಂದ ಮಾತನಾಡಲು ಸಹ ಸಾಧ್ಯವಾಗಿಲ್ಲ. ನಶೆಯ ಗುಂಗಿನಲ್ಲಿದ್ದ ಅವರಿಬ್ಬರನ್ನು ಪೊಲೀಸರೇ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ವೈದ್ಯರು ನೀಡಿದ ವರದಿಯಲ್ಲಿ ಅವರ ಗಾಂಜಾ ಸೇವನೆ ದೃಢವಾಗಿದ್ದು, ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಮಾಲಕನ ಮನೆಯಲ್ಲಿ ಕಾರ್ಮಿಕನ ಮರಣ](https://mobiletime.in/2026/06/death-of-a-worker-in-the-owners-house/): ಅಂಕೋಲಾ ವಾಸರಕುದ್ರಿಗೆಯ ನಾಗೇಶ್ ಆಗೇರ್ ಅವರು ಪತ್ನಿ ಜೊತೆ ಜಗಳ ಮಾಡಿಕೊಂಡಿದ್ದು, ಪತ್ನಿ ಮನೆ ಬಿಟ್ಟು ಹೋದ ದುಖಃ ಸಹಿಸಲಾಗದೇ ಸಾವಿಗೆ ಶರಣಾಗಿದ್ದಾರೆ. ಮೊಗಟಾದ ಪ್ರಶಾಂತ ನಾಯಕ ಅವರ ತೋಟದ ಮನೆಯಲ್ಲಿ ನಾಗೇಶ್ ಆಗೇರ್ ಅವರು ನೇಣು ಹಾಕಿಕೊಂಡಿದ್ದಾರೆ. ಅoಕೋಲಾದ ವಾಸರಕುದ್ರಿಗೆ ಮೇಲಿನಕುಳಿಯಲ್ಲಿ ನಾಗೇಶ ಜಂಗ್ರು ಆಗೇರ್ (50) ಅವರು ವಾಸವಾಗಿದ್ದರು. ಮೊಗಟಾದ ಪ್ರಶಾಂತ ನಾಯಕ ಅವರ ಕಿಂಕಣಿ ಶಿವಪುರ ತೋಟದ ಮನೆಗೆ ಅವರು ಕೂಲಿ ಕೆಲಸಕ್ಕೆ ಹೋಗುತ್ತಿದ್ದರು. ಆಗಾಗ ಸರಾಯಿ ಸೇವನೆ ಮಾಡುತ್ತಿದ್ದ ನಾಗೇಶ್ ಆಗೇರ್ ಅವರು ಜೂನ್ 7ರಂದು ವಿಪರೀತ ಪ್ರಮಾಣದಲ್ಲಿ ಸರಾಯಿ ಕುಡಿದಿದ್ದರು. ಕುಡಿತದ ನಶೆಯಲ್ಲಿಯೇ ಅವರು ತಮ್ಮ ಮಗನ ಮೇಲೆ ಕೈ ಮಾಡಿದ್ದರು. ಮಗನಿಗೆ ಹೊಡೆದ ವಿಷಯವಾಗಿ ಕುಟುಂಬದಲ್ಲಿ ಕಲಹ ನಡೆದಿದ್ದು, ನಾಗೇಶ್ ಆಗೇರ್ ಅವರ ಪತ್ನಿ ಶಾಂತಿ ಆಗೇರ್ ಅವರು ಮುನಿಸಿಕೊಂಡು ತವರು ಮನೆಗೆ ಹೋಗಿದ್ದರು. ಮಗನನ್ನು ಸಹ ಅವರು ಕರೆದೊಯ್ದಿದ್ದರು. ಕುಡಿತದ ನಶೆ ಕಡಿಮೆಯಾದ ನಂತರ ನಾಗೇಶ್ ಆಗೇರ್ ಅವರು ಪಶ್ಚಾತಾಪ ಅನುಭವಿಸಿದರು. ವಾರ ಕಳೆದರೂ ಪತ್ನಿ ಹಾಗೂ ಮಗ ಮನೆಗೆ ಬಾರದ ಕಾರಣ ಬೇಸರಗೊಂಡರು. ಪತ್ನಿ ಹಾಗೂ ಮಗ ತಮ್ಮಿಂದ ದೂರವಾದ ವಿಷಯ ಅರಗಿಸಿಕೊಳ್ಳಲಾಗದೇ ಅವರು ದುಡುಕು ನಿರ್ಧಾರಕ್ಕೆ ಮುಂದಾದರು. ಜೂನ್ 12ರಂದು ಮೊಗಟಾದ ಪ್ರಶಾಂತ ನಾಯಕ ಅವರ ಕಿಂಕಣಿ ಶಿವಪುರ ತೋಟದ ಮನೆಗೆ ಹೋಗಿದ್ದ ನಾಗೇಶ್ ಆಗೇರ್ ಅವರು ಅಲ್ಲಿಯೇ ನೇಣಿಗೆ ಶರಣಾದರು.
- [ಮಾಹಿತಿ ಹಕ್ಕು: ಅರ್ಜಿ ಸಲ್ಲಿಕೆಗೆ ಹೋಗಿದ್ದ ನ್ಯಾಯವಾದಿ ಮೇಲೆ ದಬ್ಬಾಳಿಕೆ!](https://mobiletime.in/2026/06/right-to-information-oppression-on-lawyer-who-went-to-file-application/): RTI ಅರ್ಜಿ ಸಲ್ಲಿಕೆಗೆ ಹೋಗಿದ್ದ ಮಹಿಳಾ ನ್ಯಾಯವಾದಿ ಮೇಲೆ ಅಧಿಕಾರಿಯೊಬ್ಬರು ದಬ್ಬಾಳಿಕೆ ಮಾಡಿದ್ದಾರೆ. ಇದರಿಂದ ಸಿಡಿದೆದ್ದ ನ್ಯಾಯವಾದಿ ಆ ಅಧಿಕಾರಿ ವಿರುದ್ಧ ಕಾನೂನು ಸಮರ ಶುರು ಮಾಡಿದ್ದಾರೆ. ಮಾಹಿತಿ ಕೊಡದ ಅಧಿಕಾರಿ ವಿರುದ್ಧ ಅವರು ಕೋರ್ಟಿನಲ್ಲಿ ಕೇಸು ಹಾಕಿದ್ದಾರೆ! ಕಾರವಾರದ ಸೋನಾರವಾಡದಲ್ಲಿ ಪದ್ಮಾ ತಾಂಡೇಲ್ ಅವರು ವಾಸವಾಗಿದ್ದಾರೆ. ನ್ಯಾಯವಾದಿಯಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಮೇ 5ರಂದು ಅವರು ಕಾರವಾರ ಎಂ ಜಿ ರಸ್ತೆಯ ಎನ್ ಸಿ ಸಿ ಕಚೇರಿಗೆ ಹೋಗಿದ್ದು, ಮಾಹಿತಿ ಹಕ್ಕು ಕಾಯ್ದೆ ಅಡಿ ಅರ್ಜಿ ಸಲ್ಲಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಅಲ್ಲಿನ ಅಧಿಕಾರಿ-ಸಿಬ್ಬಂದಿ ಅವರ ಅರ್ಜಿ ಸ್ವೀಕರಿಸಿಲ್ಲ. ಈ ಬಗ್ಗೆ ಪ್ರಶ್ನಿಸಿದಾಗ ವಾಗ್ವಾದ ನಡೆದಿದೆ. ಈ ವೇಳೆ ಅಲ್ಲಿಗೆ ಆಗಮಿಸಿದ ಕೇಂದ್ರ ಸರ್ಕಾರಿ ಅಧಿಕಾರಿ ಶುಶಾಂತ ಅವರು ಪದ್ಮಾ ತಾಂಡೇಲ್ ಅವರ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ. `ಕಚೇರಿಯಿಂದ ಹೊರ ಹೋಗು’ ಎಂದು ಬೆದರಿಸಿದ್ದಾರೆ. ಹಿಂದಿಯಲ್ಲಿ ಬೈದು ನಿಂದಿಸಿದ್ದಾರೆ. ಅರ್ಜಿ ಸ್ವೀಕರಿಸುವ ಬದಲು ಅನಗತ್ಯವಾಗಿ ಕಚೇರಿ ಒಳಗೆ ಕೂರಿಸಿ ಹಿಂಸಿಸಿದ್ದಾರೆ. ಅದಾದ ನಂತರ ಕಚೇರಿಯಿಂದ ಅವರನ್ನು ಹೊರಗೆ ದಬ್ಬಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಪದ್ಮಾ ತಾಂಡೇಲ್ ಅವರು ಪೊಲೀಸರಿಗೆ ವಿಷಯ ತಿಳಿಸಿದ್ದು, ಅದಾದ ನಂತರ ಕೋರ್ಟಿಗೆ ಹೋಗಿ ದೂರಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಪೊಲೀಸರು ಕೇಂದ್ರ ಸರ್ಕಾರದ ಅಧಿಕಾರಿ ಶುಶಾಂತ ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಅಕ್ರಮ ತಡೆಗೂ ಮನವಿ ಸಲ್ಲಿಕೆ ಅನಿವಾರ್ಯ!](https://mobiletime.in/2026/06/filing-a-petition-is-also-necessary-to-prevent-illegal-activities/): ಅಕ್ರಮಗಳನ್ನು ತಡೆಯುವುದು ಆಡಳಿತದಲ್ಲಿರುವವರ ಕರ್ತವ್ಯ. ಆದರೆ, ಶಿರಸಿ-ಸಿದ್ದಾಪುರದಲ್ಲಿ ಅಕ್ರಮ ತಡೆಗೂ ಮನವಿ ಸಲ್ಲಿಸುವ ಅನಿವಾರ್ಯ ಸೃಷ್ಠಿಯಾಗಿದೆ. ಇದನ್ನು ಅರಿತ ಬಿಜೆಪಿ ಮುಖಂಡ ಅನಂತಮೂರ್ತಿ ಹೆಗಡೆ ಅವರು ಶಿರಸಿ-ಸಿದ್ದಾಪುರ ಭಾಗದಲ್ಲಿ ಅಕ್ರಮ ಸರಾಯಿ, ಗಾಂಜಾ ಮಾರಾಟ ಹಾಗೂ ಮಟ್ಕಾ ಹಾವಳಿ ತಡೆಯುವಂತೆ ಆಗ್ರಹಿಸಿ ಹೊಸ ಹೋರಾಟಕ್ಕೆ ಅಣಿಯಾಗಿದ್ದಾರೆ. `ಎಲ್ಲಾ ಬಗೆಯ ಅಕ್ರಮ ಚಟುವಟಿಕೆ ನಿಲ್ಲಿಸಬೇಕು’ ಎಂದು ಆಗ್ರಹಿಸಿ ಅವರು ಹೊಸ ಹೋರಾಟ ಶುರು ಮಾಡಿದ್ದಾರೆ. `ಶಿರಸಿ – ಸಿದ್ದಾಪುರ ಕ್ಷೇತ್ರದ ಬಹುತೇಕ ಹಳ್ಳಿಗಳಲ್ಲಿ ಅಕ್ರಮ ಸಾರಾಯಿ ಮಾರಾಟ ನಡೆದಿದ್ದು, ಅದನ್ನು ಕುಡಿದ ರೈತರು ಹಾಗೂ ಕೂಲಿ ಕಾರ್ಮಿಕರ ಕಿಡ್ನಿ-ಲಿವರ್ ಹಾಳಾಗಿದೆ. ಈಗಾಗಲೇ ಅನೇಕರು ಅಕ್ರಮ ಮದ್ಯ ಸೇವನೆಯಿಂದ ಸಾವನಪ್ಪಿದ್ದಾರೆ. `ಈಚೆಗಂತೂ ಗಾಂಜಾ ಹಾಗೂ ಡ್ರಗ್ಸ್ ಸೇವನೆ ಹೆಚ್ಚಾಗಿದ್ದು, ಇದನ್ನು ಪೂರೈಸುವವರು ಯಾರು? ಎನ್ನುವ ಬಗ್ಗೆ ತನಿಖೆಯಾಗಿಲ್ಲ. ಇದಕ್ಕಾಗಿ ಈ ಹೋರಾಟ ಅನಿವಾರ್ಯ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಈ ಅಕ್ರಮ ದಂಧೆಗಳಿAದ ಬಡವರು, ಕೂಲಿ ಕಾರ್ಮಿಕರು ನಿರ್ಗತಿಕರಾಗುತ್ತಿದ್ದಾರೆ. ಶಾಲಾ-ಕಾಲೇಜು ಬಳಿ ಗಾಂಜಾ ಹಾಗೂ ಸರಾಯಿ ಮಾರಾಟದಿಂದಾಗಿ ವಿದ್ಯಾರ್ಥಿಗಳ ಭವಿಷ್ಯ ಹಾಳಾಗುತ್ತಿದೆ’ ಎಂದವರು ಕಳವಳವ್ಯಕ್ತಪಡಿಸಿದ್ದಾರೆ. `ಬಹುತೇಕ ಶಾಲೆ ಹಾಗೂ ಕಾಲೇಜಿನ ಸಮೀಪದಲ್ಲಿ ಡ್ರಗ್ಸ್ ಹಾಗೂ ಗಾಂಜಾ ಹಾವಳಿ ಹೆಚ್ಚಾಗಿದೆ. ವಿದ್ಯಾರ್ಥಿಗಳು ದುಶ್ಚಟಕ್ಕೆ ಬಲಿಯಾಗುತ್ತಿದ್ದು, ಅನೈತಿಕ ವ್ಯವಹಾರಗಳಿಗೆ ಕಡಿವಾಣ ಬೀಳಬೇಕಿದೆ. ಇದಕ್ಕಾಗಿ ಸಾರ್ವಜನಿಕ ಸಹಕಾರವೂ ಅಗತ್ಯವಿದೆ. ಜೂನ್ 16ರಂದು ಬೆಳಗ್ಗೆ 11 ಗಂಟೆಗೆ ಶಿರಸಿ ಸಹಾಯಕ ಆಯುಕ್ತರ ಕಚೇರಿ ಎದುರು ಪ್ರತಿಭಟನೆ ನಡೆಸಿ, ಅಕ್ರಮಗಳ ಕಡಿವಾಣಕ್ಕೆ ಒತ್ತಾಯ ಮಾಡಲು ನಿರ್ಧರಿಸಲಾಗಿದೆ’ ಎಂದವರು ವಿವರಿಸಿದ್ದಾರೆ.
- [`ಮೌಡ್ಯದ ವಿರುದ್ಧ ಹೋರಾಡಿ'](https://mobiletime.in/2026/06/fight-against-stupidity/): `ಸಮಾಜದಲ್ಲಿರುವ ಮೌಡ್ಯತೆ ಮತ್ತು ಶೋಷಣೆ ವಿರುದ್ಧ ಪ್ರತಿಯೊಬ್ಬರು ಜಾಗೃತರಾಗಿರಬೇಕು’ ಎಂದು ಮಾನವ ಬಂಧುತ್ವ ವೇದಿಕೆ ವಿಭಾಗೀಯ ಸಂಚಾಲಕರಾದ ತೋಳಿ ಭರಮಣ್ಣ ಅವರು ಹೇಳಿದ್ದಾರೆ. ಶಿರಸಿಯ ಅಕ್ಷಯ್ ಗಾರ್ಡನ್ ಸಭಾಭವನದಲ್ಲಿ ನಡೆದ ಶಿಬಿರದಲ್ಲಿ ಅವರು ಮಾತನಾಡಿದ್ದು, `ಶಿಕ್ಷಣ ಜ್ಞಾನದಿಂದ ವಂಚಿತ ಹಕ್ಕಿಗಾಗಿ ಸಂವಿಧಾನ ಭದ್ದ ಹೋರಾಟಕ್ಕೆ ಸಜ್ಜಾಗಬೇಕು’ ಎಂದು ಕರೆ ನೀಡಿದ್ದಾರೆ. `ಶಿಕ್ಷಣದಿಂದ ಕುಟಂಬದ ಸಾಕ್ಷರತಾ ಪ್ರಮಾಣ ಹೆಚ್ಚುವುದರಿಂದ ಸಮಾಜದಲ್ಲಿ ಶೋಷಣೆ ಪ್ರಮಾಣ ಕಡಿಮೆ ಆಗುತ್ತದೆ. ಜನಪರ ಹೋರಾಟ , ಜನಪರ ಚಿಂತನೆ, ಶೋಷಿತ ವರ್ಗದ ಮತ್ತು ಸಾಮಾಜಿಕ ಅಭಿವೃದ್ದಿ ದಿಸೆಯಲ್ಲಿ ಮಾನವ ಬಂಧುತ್ವ ವೇದಿಕೆಯು ರಾಜ್ಯಾದ್ಯಂತ ಒಂದು ದಶಕಕ್ಕಿಂತ ಹೆಚ್ಚು ಕಾಲದಿಂದ ಕಾರ್ಯ ಮಾಡುತ್ತಿದೆ’ ಎಂದವರು ವಿವರಿಸಿದ್ದಾರೆ. `ಜಾತಿ ಜಾತಿಗಳಲ್ಲಿ, ಧರ್ಮ ಧರ್ಮಗಳಲ್ಲಿ ಸಾಮರಸ್ಯ ಹೆಚ್ಚಾಗಬೇಕು, ಹಕ್ಕಿನಿಂದ ವಂಚಿತರಾದ ಸಮಾಜವು ಸಂವಿಧಾನದ ಅಡಿಯಲ್ಲಿ ಹಕ್ಕಿಗಾಗಿ ಹೋರಾಟದ ಮನೋಭಾವನೆಯನ್ನು ಬೆಳೆಸಿಕೊಳ್ಳಬೇಕು’ ಎಂದವರು ಹೇಳಿದ್ದಾರೆ. ಕೈಗಾ ಅಣು ವಿದ್ಯುತ್ ಘಟಕದ ನಿವೃತ್ತ ಅಧಿಕಾರಿ ಸುಭಾಷ್ ಕಾನಡೆ ಅವರು ಕಾರ್ಯಕ್ರಮದಲ್ಲಿದ್ದರು. ಮಾನವ ಭಂದುತ್ವ ವೇದಿಕೆಯ ಅಧ್ಯಕ್ಷತೆಯನ್ನು ರಾಜೇಶ್ ಮಿತ್ರ ನಾಯ್ಕ ತೆಂಗಿನಕೇರಿ ಅಧ್ಯಕ್ಷತೆವಹಿಸಿದರು, ಪ್ರಮುಖರಾದ ಮಹಭಲೇಶ್ವರ ನಾಯ್ಕ, ರಾಜು ನರೇಬೈಲ ಶಿರಸಿ, ಮಂಜುನಾಥ ಮರಾಠಿ ನಾಗೂರು ಕುಮಟಾ, ಚಂದ್ರು ಪೂಜಾರಿ ಯಲ್ಲಾಪುರ ಅರವಿಂದ ಗೌಡ ಅಂಕೋಲ, ಮಹೇಶ ಕಾನಕಿ ಹೊನ್ನಾವರ , ಮಹೇಶ ಮುಂಡಗೋಡ, ಇಬ್ರಾಹೀಂ ಗೌಡಳ್ಳಿ, ನೆಹರು ನಾಯ್ಕ, ಶಂಕರ್ ಹಳ್ಕರ್ ಇತರರು ವೇದಿಕೆಯಲ್ಲಿದ್ದರು. ಹಿರಿಯ ಚಿಂತಕ ಬಾಲಚಂದ್ರ ಶೆಟ್ಟಿ ಕುಂಟಕಣಿ, ಪೆದ್ರು ಸಿದ್ದಿ ಮಂಚಿಕೇರಿ, ರಾಘು ಕುಣಬಿ ಮಳವಳ್ಳಿ, ಸಂಕೇತ ನಾಯ್ಕ ಹಲಗೇರಿ, ಕಿರಣ ಮರಾಠಿ ದೇವನಳ್ಳಿ, ರೇಣುಕಾ ಪಟಗಾರ ,ಹರೀಶ್ ಕಂಡ್ರಾಜಿ, ಅನಂತ ಗೌಡ, ನಾಗರಾಜ ಮುಕ್ರಿ ಮೊದಲಾದವರು ಮಾತನಾಡಿದರು. ಮಾನವ ಬಂಧುತ್ವ ವೇದಿಕೆ ಆಶ್ರಯದಲ್ಲಿ ಜರುಗಿದ ಜಿಲ್ಲಾ ಮಟ್ಟದ ಅಧ್ಯಯನ ಶಿಬಿರದಲ್ಲಿ ಸಾಮಾಜಿಕ , ಶೈಕ್ಷಣಿಕ, ಆರ್ಥಿಕ ಅಭಿವೃದ್ದಿಯ ಸಮಸ್ಯೆಗಳ ಬಗ್ಗೆ ಚರ್ಚೆ ನಡೆಯಿತು. ಪರಿಶಿಷ್ಟ ಪಂಗಡದಿAದ ವಂಚಿತರಾದ ಹಾಲಕ್ಕಿ ಮತ್ತು ಕುಣಬಿ ಸಮಾಜ ಗುಡ್ಡಗಾಡು ,ಅರಣ್ಯ ಪ್ರದೇಶದಲ್ಲಿನ ಆರೋಗ್ಯ ಸಮಸ್ಯೆ, ಒಳ ಮೀಸಲಾತಿ, ಜಿಲ್ಲೆಯಲ್ಲಿ ಮಲ್ಟಿ ಸ್ಪೇಷಲೀಸ್ಟ ಆಸ್ಪತ್ರೆ, ಕಾಲುಸಂಕ, ಭೂಮಿ ಹಕ್ಕಿನ ಸಮಸ್ಯೆ, ರಾಜಕೀಯ ಮೀಸಲಾತಿಯಿಂದ ವಂಚಿತಾದ ಕುಂಬ್ರಿ ಮರಾಠಿ ಸಮಾಜದ ಕುರಿತು ಚರ್ಚೆ ನಡೆಯಿತು.
- [ವಕೀಲರಿಲ್ಲದೇ ಕೇಸು ಗೆದ್ದ 85ರ ಸೈನಿಕ!](https://mobiletime.in/2026/06/85-year-old-soldier-wins-case-without-a-lawyer/): 85 ವರ್ಷದ ವೃದ್ಧರೊಬ್ಬರು ವಕೀಲರಿಲ್ಲದೇ ಹೈಕೋರ್ಟಿನಲ್ಲಿ ಕೇಸು ಗೆದ್ದಿದ್ದಾರೆ. ಜಿಲ್ಲಾ ನ್ಯಾಯಾಲಯದಿಂದ ಉಚ್ಛ ನ್ಯಾಯಾಲಯದವರೆಗೂ ಅವರು ವಕೀಲರನ್ನು ನೇಮಿಸದೇ ಸ್ವತಃ ವಾದ ಮಾಡಿದ್ದಾರೆ. ಕೇಸು ಗೆಲ್ಲುವ ಮೂಲಕ 2 ಲಕ್ಷ ರೂ ಮೋಸ ಮಾಡಲು ಯತ್ನಿಸಿದ ಉದ್ಯಮಿಗೆ ಸೋಲಿನ ರುಚಿ ತೋರಿಸಿದ್ದಾರೆ. ಕಾರವಾರದ ಕೋಡಿಭಾಗದಲ್ಲಿ ಅಶೋಕ ದತ್ತಾತ್ರೇಯ ಜೋಶಿ ಅವರು ವಾಸವಾಗಿದ್ದಾರೆ. 85 ವರ್ಷದ ಅವರು ನಿವೃತ್ತ ಸೈನಿಕರಾಗಿದ್ದಾರೆ. ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಿದ ಅಶೋಕ ಜೋಶಿ ಅವರ ವಿರುದ್ಧ ಚೆಕ್ ಬೌನ್ಸ್ ಕೇಸು ದಾಖಲಾಗಿದ್ದು, ಆ ಪ್ರಕರಣದಲ್ಲಿ ಹೈಕೋರ್ಟ ಮೆಟ್ಟಿಲೇರಿದ ವ್ಯಕ್ತಿಗೆ ಅಶೋಕ ಜೋಶಿ ಅವರು ಸೋಲಿನ ರುಚಿ ತೋರಿಸಿದ್ದಾರೆ. ಹೈಕೋರ್ಟಿನವರೆಗೂ ವಕೀಲರಿಲ್ಲದೇ ಸಾಗಿದ ಅಶೋಕ ಜೋಶಿ ಅವರು ಸ್ವತಃ ವಾದ ಮಾಡಿ ತಮ್ಮೊಳಗಿನ ಕಾನೂನು ಜ್ಞಾನವನ್ನು ಪ್ರದರ್ಶಿಸಿದ್ದಾರೆ. 11 ವರ್ಷಗಳ ಕಾಲ ಕಾನೂನು ಹೋರಾಟ ನಡೆಸಿದ ಅಶೋಕ ಜೋಶಿ ಅವರು ಕೊನೆಗೂ ಈ ಯುದ್ಧದಲ್ಲಿ ಗೆಲುವಿನ ನಗೆ ಬೀರಿದ್ದಾರೆ. ಗೋವಾದ ಪೊಂಡಾ ಮೂಲದ ಸುರಕ್ಷಾ ಇಂಡಿಯಾದ ಸಂಸ್ಥಾಪಕ ಸಂತೋಷ್ ಬಾಲಚಂದ್ರ ಕಾಮತ್ ಅವರು 2013ರಲ್ಲಿ ಅಶೋಕ ಜೋಶಿ ಅವರಿಂದ 2 ಲಕ್ಷ ರೂ ಕೈಗಡ ಸಾಲಪಡೆದಿದ್ದರು. ಈ ಹಣ ಮರಳಿಸಲು ಅವರು 2015ರಲ್ಲಿ 2 ಲಕ್ಷ ರೂಪಾಯಿಯ ಚೆಕ್ ನೀಡಿದ್ದರು. ಆದರೆ, ಆ ಚೆಕ್ ಬೌನ್ಸ್ ಆಗಿದ್ದು, ಹಣ ಮರು ಪಾವತಿ ಮಾಡದ ಕಾರಣ ಸಂತೋಷ ಕಾಮತ್ ಅವರ ವಿರುದ್ಧ ಅಶೋಕ ಜೋಶಿ ಅವರು ಪ್ರಕರಣ ದಾಖಲಿಸಿದ್ದರು. ಆ ವೇಳೆ ನ್ಯಾಯಾಲಯವು ಸಂತೋಷ ಕಾಮತ್ ಅವರನ್ನು ತಪ್ಪಿತಸ್ಥ ಎಂದು ಆದೇಶಿಸಿ, 3,63,800ರೂ ಪಾವತಿಗೆ ಆದೇಶಿಸಿತ್ತು. ಆದರೆ, ಜಿಲ್ಲಾ ನ್ಯಾಯಾಲಯ ನೀಡಿದ ಆದೇಶದ ವಿರುದ್ಧ ಸಂತೋಷ್ ಕಾಮತ್ ಅವರು ಮೇಲ್ಮನವಿ ಸಲ್ಲಿಸಿದ್ದು, 2025ರಲ್ಲಿ ಆ ಮೇಲ್ಮನವಿಯೂ ವಜಾ ಆಯಿತು. ಅದಾಗಿಯೂ, ಸಂತೋಷ್ ಕಾಮತ್ ಅವರು ಹಣ ಮರಳಿಸುವ ಬದಲು ಧಾರವಾಡದ ಹೈಕೋರ್ಟ ಮೊರೆ ಹೋದರು. ಅಲ್ಲಿ ಮೇಲ್ಮನವಿ ಸಲ್ಲಿಸಿದರು. ಜೂನ್ 5ರಂದು ವಿಚಾರಣೆ ನಡೆಸಿದ ಹೈಕೋರ್ಟ್ ಅಲ್ಲಿಯೂ ಸಂತೋಷ್ ಕಾಮತ್ ಅವರ ಅರ್ಜಿ ವಜಾ ಮಾಡಿತು. ತಮಗೆ ಬರಬೇಕಿದ್ದ 2 ಲಕ್ಷ ರೂ ಹಣಕ್ಕಾಗಿ ಅಶೋಕ ಜೋಶಿ ಅವರು ಅಲ್ಲಿಯೂ ಸ್ವತಃ ವಾದ ಮಂಡಿಸಿದ್ದು, ಸಂತೋಷ್ ಕಾಮತ್ ಅವರಿಗೆ ಸೋಲಿನ ರುಚಿ ತೋರಿಸಿದರು. 85ರ ಇಳಿ ವಯಸ್ಸಿನಲ್ಲಿಯೂ ಅಶೋಕ ಜೋಶಿ ಅವರು 2 ಲಕ್ಷ ರೂಪಾಯಿಗಾಗಿ ಕಾನೂನು ಹೋರಾಟ ಮಾಡಿದ್ದು ವಿಶೇಷ. ಅದರಲ್ಲಿಯೂ, ಈ ವಯಸ್ಸಿನಲ್ಲಿಯೂ ವಕೀಲರನ್ನು ನೇಮಿಸದೇ ಸ್ವತಃ ವಾದ ಮಾಡಿ ಕೇಸು ಗೆದ್ದಿದ್ದು ಅಪರೂಪದಲ್ಲಿಯೇ ಅಪರೂಪ.
- [ಮೊಡವೆ ಕಲೆಗಳಿಗೆ ಮನೆಯಲ್ಲೇ ಸರಳ ಪರಿಹಾರ](https://mobiletime.in/2026/06/simple-home-remedies-for-acne-scars/): ಮೊಡವೆ ಯವ್ವನದ ಒಡವೆ ಎನ್ನುವ ಮಾತಿದೆ. ಆದರೆ ಮೊಡವೆಯ ಕಲೆಗಳು ಅದೇ ಯವ್ವನವನ್ನು ಮಿಖ ಹಿಂಡುವಂತೆ ಮಾಡುವುದು ಸುಳ್ಳಲ್ಲ. ಮುಖದ ಮೇಲೆ ಮೂಡುವ ಮೊಡವೆಗಳು ಕಡಿಮೆಯಾದ ನಂತರವೂ ಅವು ಬಿಟ್ಟುಕೊಡುವ ಕಲೆಗಳು ಹಲವರ ಆತ್ಮವಿಶ್ವಾಸಕ್ಕೆ ಧಕ್ಕೆಯಾಗುತ್ಬತದೆ‌. ಮೊಡವೆ ಕಲೆಗಳನ್ನು ಸಂಪೂರ್ಣವಾಗಿ ಮಾಯವಾಗಿಸಲು ಸಮಯ ಬೇಕಾದರೂ, ಕೆಲವು ಸರಳ ಮನೆಮದ್ದುಗಳು ಚರ್ಮದ ಕಾಂತಿಯನ್ನು ಹೆಚ್ಚಿಸಿ ಕಲೆಗಳ ತೀವ್ರತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತವೆ.   ಅಲೋವೆರಾ ಮೊಡವೆ ಕಲೆಗಳಿಗೆ ಅತ್ಯುತ್ತಮ ನೈಸರ್ಗಿಕ ಪರಿಹಾರಗಳಲ್ಲಿ ಒಂದಾಗಿದೆ. ಅಲೋವೆರಾ ಜೆಲ್‌ನಲ್ಲಿ ಚರ್ಮವನ್ನು ಪುನರುಜ್ಜೀವನಗೊಳಿಸುವ ಗುಣಗಳಿದ್ದು, ಇದು ಕಲೆಗಳನ್ನು ನಿಧಾನವಾಗಿ ಮಸುಕಾಗಿಸಲು ನೆರವಾಗುತ್ತದೆ. ಪ್ರತಿದಿನ ರಾತ್ರಿ ಅಲೋವೆರಾ ಜೆಲ್ ಅನ್ನು ಮುಖಕ್ಕೆ ಹಚ್ಚಿ ಸ್ವಲ್ಪ ಸಮಯದ ನಂತರ ತೊಳೆಬೇಕು.   ಜೇನುತುಪ್ಪ ಕೂಡ ಚರ್ಮದ ಆರೋಗ್ಯಕ್ಕೆ ಒಳ್ಳೆಯದು. ಇದರಲ್ಲಿರುವ ಆ್ಯಂಟಿ-ಆಕ್ಸಿಡೆಂಟ್‌ಗಳು ಮತ್ತು ತೇವಾಂಶ ಕಾಪಾಡುವ ಗುಣಗಳು ಚರ್ಮವನ್ನು ಮೃದುವಾಗಿಸಿ ಕಲೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತವೆ. ಸ್ವಲ್ಪ ಜೇನುತುಪ್ಪವನ್ನು ಕಲೆಗಳ ಮೇಲೆ ಹಚ್ಚಿ 15 ರಿಂದ 20 ನಿಮಿಷಗಳ ಬಳಿಕ ತೊಳೆಯಬೇಕು.   ನಿಂಬೆ ರಸವನ್ನು ಕೆಲವರು ಬಳಸುತ್ತಾರಾದರೂ, ಇದು ಸೂಕ್ಷ್ಮ ಚರ್ಮಕ್ಕೆ ಕಿರಿಕಿರಿ ಉಂಟುಮಾಡುತ್ತವೆ.  ಆದ್ದರಿಂದ ನೇರವಾಗಿ ಬಳಸುವ ಮೊದಲು ಎಚ್ಚರಿಕೆ ವಹಿಸುವುದು ಅಗತ್ಯ. ಮೊಸರು ಮತ್ತು ಅರಿಶಿನದ ಮಿಶ್ರಣವೂ ಚರ್ಮದ ಹೊಳಪನ್ನು ಹೆಚ್ಚಿಸಲು ನೆರವಾಗುತ್ತದೆ. ಮೊಡವೆ ಕಲೆಗಳನ್ನು ಕಡಿಮೆ ಮಾಡಲು ಮನೆಯ ಮದ್ದುಗಳ ಜೊತೆಗೆ ಸಾಕಷ್ಟು ನೀರು ಕುಡಿಯುವುದು, ಪೌಷ್ಟಿಕ ಆಹಾರ ಸೇವಿಸುವುದು ಮತ್ತು ಸೂರ್ಯನ ಕಿರಣಗಳಿಂದ ಚರ್ಮವನ್ನು ರಕ್ಷಿಸುವುದು ಮುಖ್ಯ.   ಮುಖವನ್ನು ಅತಿಯಾಗಿ ಉಜ್ಜುವುದು ಅಥವಾ ಮೊಡವೆಗಳನ್ನು ಚುಚ್ಚುವುದು ಕಲೆಗಳನ್ನು ಇನ್ನಷ್ಟು ಹೆಚ್ಚಿಸುತ್ತವೆ. ಕಲೆಗಳು ಹೆಚ್ಚು ಗಾಢವಾಗಿದ್ದರೆ ಅಥವಾ ದೀರ್ಘಕಾಲ ಉಳಿದಿದ್ದರೆ ಚರ್ಮ ತಜ್ಞರ ಸಲಹೆ ಪಡೆಯುವುದು ಉತ್ತಮ. ಸರಿಯಾದ ಆರೈಕೆ ಮತ್ತು ತಾಳ್ಮೆಯಿಂದ ಮುಖದ ಚರ್ಮದ ಆರೋಗ್ಯವನ್ನು ಸುಧಾರಿಸಿಕೊಳ್ಳಿ.
- [ಪ್ರಯಾಣದ ವೇಳೆ ವಾಂತಿ ಸಮಸ್ಯೆ ಕಾಡುತ್ತಿದೆಯೇ? ಇಲ್ಲಿದೆ ಸರಳ ಪರಿಹಾರ](https://mobiletime.in/2026/06/are-you-having-trouble-with-vomiting-while-traveling-heres-a-simple-solution/): ಬಸ್, ಕಾರು, ರೈಲು ಅಥವಾ ದೋಣಿಯಲ್ಲಿ ಪ್ರಯಾಣ ಮಾಡುವಾಗ ಕೆಲವರಿಗೆ ತಲೆಸುತ್ತು, ವಾಕರಿಕೆ ಮತ್ತು ವಾಂತಿ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಈ ಸ್ಥಿತಿಯನ್ನು ಸಾಮಾನ್ಯವಾಗಿ “ಮೋಷನ್ ಸಿಕ್ನೆಸ್” ಎಂದು ಕರೆಯಲಾಗುತ್ತದೆ. ಪ್ರಯಾಣದ ವೇಳೆ ದೇಹ ಮತ್ತು ಮೆದುಳಿಗೆ ತಲುಪುವ ಚಲನೆಯ ಮಾಹಿತಿಯಲ್ಲಿ ವ್ಯತ್ಯಾಸ ಉಂಟಾದಾಗ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಕೆಲವು ಸರಳ ಕ್ರಮಗಳಿಂದ ಪ್ರಯಾಣದ ವೇಳೆ ವಾಂತಿ ಆಗುವುದನ್ನು ತಡೆಯಿರಿ.   ಕಾರು ಅಥವಾ ಬಸ್‌ನಲ್ಲಿ ಕುಳಿತಿರುವಾಗ ಕಣ್ಣುಗಳಿಗೆ ಸುತ್ತಮುತ್ತಲಿನ ವಸ್ತುಗಳು ಸ್ಥಿರವಾಗಿರುವಂತೆ ಕಂಡರೂ, ಕಿವಿಯ ಒಳಭಾಗದಲ್ಲಿರುವ ಸಮತೋಲನ ವ್ಯವಸ್ಥೆ ವಾಹನದ ಚಲನೆಯನ್ನು ಗ್ರಹಿಸುತ್ತದೆ. ಈ ಎರಡು ಮಾಹಿತಿಗಳ ನಡುವಿನ ಅಸಮಂಜಸತೆಯೇ ವಾಕರಿಕೆ, ತಲೆಸುತ್ತು ಮತ್ತು ವಾಂತಿಗೆ ಕಾರಣವಾಗುತ್ತದೆ. ಮೋಷನ್ ಸಿಕ್ನೆಸ್‌ನ ಸಾಮಾನ್ಯ ಲಕ್ಷಣಗಳಲ್ಲಿ ವಾಕರಿಕೆ, ತಲೆಸುತ್ತು, ತಲೆನೋವು, ಅತಿಯಾದ ಬೆವರು, ಸುಸ್ತು ಹಾಗೂ ವಾಂತಿ ಸೇರಿವೆ. ಕೆಲವರಿಗೆ ಪ್ರಯಾಣ ಆರಂಭವಾದ ಕೆಲವೇ ನಿಮಿಷಗಳಲ್ಲಿ ಈ ಲಕ್ಷಣಗಳು ಕಾಣಿಸಿಕೊಳ್ಳುತ್ತದೆ.   ಈ ಸಮಸ್ಯೆಯನ್ನು ಕಡಿಮೆ ಮಾಡಲು ಕೆಲವು ಸರಳ ಕ್ರಮಗಳನ್ನು ಅನುಸರಿಸಿ. ಪ್ರಯಾಣಕ್ಕೂ ಮುನ್ನ ತುಂಬಾ ಭಾರವಾದ ಅಥವಾ ಎಣ್ಣೆಯುಕ್ತ ಆಹಾರ ಸೇವಿಸುವುದನ್ನು ತಪ್ಪಿಸುವುದು ಉತ್ತಮ. ವಾಹನದಲ್ಲಿ ಸಾಧ್ಯವಾದಷ್ಟು ಮುಂದಿನ ಆಸನದಲ್ಲಿ ಕುಳಿತುಕೊಳ್ಳುವುದು ಸಹಾಯಕವಾಗುತ್ತದೆ.  ಪ್ರಯಾಣದ ವೇಳೆ ಮೊಬೈಲ್, ಪುಸ್ತಕ ಅಥವಾ ಲ್ಯಾಪ್‌ಟಾಪ್‌ ಕಡೆ ಹೆಚ್ಚು ಗಮನ ಹರಿಸುವುದನ್ನು ಕಡಿಮೆ ಮಾಡಿದರೆ ತಲೆಸುತ್ತು ಕಡಿಮೆಯಾಗುತ್ತದೆ.   ಹೊರಗಿನ ದೂರದ ದೃಶ್ಯಗಳನ್ನು ನೋಡುವುದು ಮೆದುಳಿಗೆ ಚಲನೆಯ ಬಗ್ಗೆ ಸ್ಪಷ್ಟ ಮಾಹಿತಿ ನೀಡಲು ಸಹಾಯ ಮಾಡುತ್ತದೆ. ವಾಹನದ ಒಳಗೆ ತಾಜಾ ಗಾಳಿ ಹರಿಯುವಂತೆ ನೋಡಿಕೊಳ್ಳುವುದು ಕೂಡ ವಾಕರಿಕೆಯನ್ನು ತಗ್ಗಿಸುತ್ತದೆ.  ಕೆಲವರಿಗೆ ಶುಂಠಿ ಚಹಾ ಅಥವಾ ಶುಂಠಿ ಆಧಾರಿತ ಆಹಾರ ಪದಾರ್ಥಗಳು ಸಹ ಉಪಶಮನ ನೀಡುತ್ತವೆ. ಮೋಷನ್ ಸಿಕ್ನೆಸ್‌ ಸಮಸ್ಯೆ ಪದೇಪದೇ ಕಾಣಿಸಿಕೊಳ್ಳುತ್ತಿದ್ದರೆ ವೈದ್ಯರ ಸಲಹೆ ಪಡೆದು ಸೂಕ್ತ ಔಷಧಿಗಳನ್ನು ಬಳಸಬಹುದು. ಸಾಮಾನ್ಯವಾಗಿ ಈ ಸಮಸ್ಯೆ ಅಪಾಯಕಾರಿಯಲ್ಲದಿದ್ದರೂ, ಪ್ರಯಾಣದ ಅನುಭವವನ್ನು ಅಹಿತಕರವಾಗಿಸುತ್ತದೆ.  ಆದ್ದರಿಂದ ಮುಂಚಿತವಾಗಿ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವುದು ಉತ್ತಮ.   ಸರಿಯಾದ ಆಹಾರ ಪದ್ಧತಿ, ಸಾಕಷ್ಟು ಗಾಳಿ, ಮತ್ತು ಪ್ರಯಾಣದ ವೇಳೆ ಕೆಲವು ಸರಳ ಅಭ್ಯಾಸಗಳನ್ನು ಪಾಲಿಸಿದರೆ ಮೋಷನ್ ಸಿಕ್ನೆಸ್‌ ಸಮಸ್ಯೆಯನ್ನು ಬಹುಮಟ್ಟಿಗೆ ನಿಯಂತ್ರಿಸಲು ಸಾಧ್ಯ.‌
- [ಕಾರಿಗೆ ಗುದ್ದಿದ ಬೈಕು: ಸವಾರರ ಸ್ಥಿತಿ ಚಿಂತಾಜನಕ!](https://mobiletime.in/2026/06/bike-hit-by-car-riders-condition-is-worrying/): ಯಲ್ಲಾಪುರ-ಹುಬ್ಬಳ್ಳಿ ಮುಖ್ಯ ರಸ್ತೆಯಲ್ಲಿ ಭೀಕರ ಅಪಘಾತ ನಡೆದಿದೆ. ವೇಗವಾಗಿ ಚಲಿಸಿದ ಬೈಕು ಎದುರಿನಿಂದ ಬರುತ್ತಿದ್ದ ಕಾರಿಗೆ ಡಿಕ್ಕಿ ಹೊಡೆದಿದ್ದು, ಬೈಕಿನಲ್ಲಿದ್ದ ವ್ಯಕ್ತಿಗಳಿಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಗಾಯಗೊಂಡ ಪ್ರಯಾಣಿಕರಿಬ್ಬರನ್ನು ಆಸ್ಪತ್ರೆಗೆ ಸಾಗಿಸಲಾಗಿದ್ದು, ಅವರಲ್ಲಿ ಒಬ್ಬರು ಸಾವು-ಬದುಕಿನ ಹೋರಾಟ ನಡೆಸಿದ್ದಾರೆ. ಮಾಹಿತಿಯ ಪ್ರಕಾರ, ಬೈಕ್‌ನಲ್ಲಿ ಇಬ್ಬರು ಪ್ರಯಾಣಿಸುತ್ತಿದ್ದು ಅವರು ಎಡಬದಿ ಬದಲು ಬಲ ಬದಿಯಲ್ಲಿ ಸಂಚರಿಸುತ್ತಿದ್ದರು. ಎದುರಿನಿಂದ ಬರುತ್ತಿದ್ದ ಕಾರಿಗೆ ಆ ಬೈಕಿನವರು ಗುದ್ದಿದರು. ಅಪಘಾತದ ರಭಸಕ್ಕೆ ಕಾರು ಜಖಂ ಆಗಿದೆ. ಬೈಕ್ ಸಹ ನುಚ್ಚುನೂರಾಗಿದೆ. ಅಪಘಾತದ ರಭಸಕ್ಕೆ ಬೈಕಿನಲ್ಲಿದ್ದವರಿಬ್ಬರು ರಸ್ತೆ ಮೇಲೆ ಬಿದ್ದಿದ್ದಾರೆ. ಇಬ್ಬರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದು, ಸ್ಥಳೀಯರೇ ಅವರನ್ನು ರಕ್ಷಿಸಿ ಆಸ್ಪತ್ರೆಗೆ ರವಾನಿಸಿದ್ದಾರೆ. ಗಾಯಗೊಂಡವರು ಕೇಬಲ್ ಸಂಪರ್ಕ ನಿರ್ವಹಣಾ ಕಾರ್ಯದಲ್ಲಿದ್ದವರಾಗಿದ್ದು, ಕೆಲಸ ಮುಗಿಸಿ ಮನೆಗೆ ಮರಳುವಾಗ ಈ ಅವಘಡ ನಡೆದ ಮಾಹಿತಿಯಿದೆ. ಅಪಘಾತದ ಪರಿಣಾಮ ಕೆಲಕಾಲ ರಸ್ತೆ ಸಂಚಾರ ಅಸ್ತವ್ಯಸ್ತವಾಗಿದ್ದು, ನಂತರ ಪೊಲೀಸರು ರಸ್ತೆ ಸಂಚಾರ ಸುಗಮಗೊಳಿಸಿದ್ದಾರೆ. ಗಾಯಗೊಂಡವರ ಹೆಸರು-ಮಾಹಿತಿ ಬಹಿರಂಗವಾಗಿಲ್ಲ.
- [ರೈಲಿನಿಂದ ಬಿದ್ದ ವಿದ್ಯಾರ್ಥಿ ಸಾವು: ಸಹ ಪ್ರಯಾಣಿಕರಿಂದಲೇ ಸಂಚು!](https://mobiletime.in/2026/06/student-dies-after-falling-from-train-conspiracy-by-fellow-passengers/): ಗೋಕರ್ಣದಿoದ ಭಟ್ಕಳದ ಕಡೆ ಹೊರಟಿದ್ದ ರೈಲಿನಲ್ಲಿ ದುರಂತವೊoದು ನಡೆದಿದೆ. ಈ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಭಟ್ಕಳದ ವಿದ್ಯಾರ್ಥಿಯೊಬ್ಬರನ್ನು ಸಹ ಪ್ರಯಾಣಿಕರು ರೈಲಿನಿಂದ ದೂಡಿ ಸಾಯಿಸಿದ ಅನುಮಾನ ಪಾಲಕರನ್ನು ಕಾಡುತ್ತಿದೆ. ರೈಲು ಹಳಿಗಳ ಮೇಲೆ ಯತೀನ್ ಮೊಗೇರ್ ಅವರು ರಕ್ತದ ಮಡುವಿನಲ್ಲಿ ಬಿದ್ದು ಸಾವನಪ್ಪಿದ್ದು, ಕುಟುಂಬದವರು ಆಘಾತಕ್ಕೊಳಗಾಗಿದ್ದಾರೆ. ಭಟ್ಕಳದ ಹೆಬಳೆಯ ಬುಸಾರಮನೆಯಲ್ಲಿ ಯತೀನ್ ಲಕ್ಷಣ ಮೊಗೇರ್ ಅವರು ವಾಸವಾಗಿದ್ದರು. 18 ವರ್ಷದ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಜೂನ್ 12ರ ಸಂಜೆ ಗೋಕರ್ಣದಿಂದ ಭಟ್ಕಳದ ಕಡೆ ಸಾಗುವ ರೈಲಿನಲ್ಲಿ ಸಂಚರಿಸುತ್ತಿದ್ದರು. ಆ ರೈಲು ನುಶಿಕೋಟೆ ಬಳಿ ಬಂದಾಗ ಯತೀನ್ ಮೊಗೇರ್ ಅವರು ರೈಲಿನಿಂದ ಕೆಳಗೆ ಬಿದ್ದಿದ್ದಾರೆ. ಅಲ್ಲಿಯೇ ಅವರು ಗಾಯಗೊಂಡು ಸಾವನಪ್ಪಿದ್ದಾರೆ. ಸಂಜೆ 5.30ರಿಂದ 7.30ರ ಅವಧಿಯಲ್ಲಿ ಈ ಅವಘಡ ನಡೆದಿದೆ. ಯತೀನ್ ಮೊಗೇರ್ ಅವರು ಆತ್ಮಹತ್ಯೆ ಮಾಡಿಕೊಳ್ಳುವ ಮನಸ್ಥಿತಿಯವರಲ್ಲ. ಕಾಲು ಜಾರಿ ರೈಲಿನಿಂದ ಬೀಳುವ ಸಾಧ್ಯತೆಗಳು ಹೆಚ್ಚಿನದಾಗಿಲ್ಲ. ಹೀಗಾಗಿ ಅವರ ಜೊತೆಯಿದ್ದವರೇ ರೈಲಿನಿಂದ ದೂಡಿ ಕೊಲೆ ಮಾಡಿರುವ ಅನುಮಾನಗಳಿವೆ. ಮಗನ ಸಾವಿನ ಬಗ್ಗೆ ಲಕ್ಷಣ ನಾರಾಯಣ ಮೊಗೇರ್ ಅವರು ಅನುಮಾನವ್ಯಕ್ತಪಡಿಸಿದ್ದಾರೆ. ಸಾವಿನ ಸಮಗ್ರ ತನಿಖೆ ನಡೆಯಬೇಕು ಎಂದು ಅವರು ಒತ್ತಾಯಿಸಿದ್ದಾರೆ. ಅವರ ಅಳಲು ಆಲಿಸಿದ ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.  
- [ಶಿರೂರು: ಅನತಿ ದೂರದಲ್ಲಿಯೇ ಮತ್ತೊಂದು ಭೂ ಕುಸಿತ ವಲಯ!](https://mobiletime.in/2026/07/shiruru-another-landslide-prone-zone-just-a-short-distance-away/): ಶಿರೂರು ಗುಡ್ಡ ಕುಸಿತದ 50 ಮೀಟರ್ ಅಂತರದಲ್ಲಿ ಮತ್ತೊಂದು ಭೂ ಕುಸಿತ ವಲಯವಿರುವ ಬಗ್ಗೆ ಮಾಧ್ಯಮದವರು ಪ್ರಕೃತಿ ವಿಕೋಪ ಉಸ್ತುವಾರಿ ಯು ಟಿ ಖಾದರ್ ಅವರಿಗೆ ಮಾಹಿತಿ ನೀಡಿದ್ದಾರೆ. ಹೀಗಾಗಿ, ಆ ಭಾಗದಲ್ಲಿ ಕಟ್ಟೆಚ್ಚರವಹಿಸುವಂತೆ ಸಚಿವರು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಕಾರವಾರದ ಸಭೆ ಮುಗಿಸಿ ಮರಳುತ್ತಿದ್ದ ಆರೋಗ್ಯ ಸಚಿವ ಯು ಟಿ ಖಾದರ್ ಅವರು ಶಿರೂರು ಗುಡ್ಡ ಕುಸಿತದ ಸ್ಥಳ ಪರಿಶೀಲನೆ ಮಾಡಿದರು. ಈ ವೇಳೆ ಶಿರೂರು ಗುಡ್ಡ ಕುಸಿತ ಪ್ರದೇಶದಿಂದ 50 ಮೀಟರ್ ದೂರದಲ್ಲಿ ಮತ್ತೆ ಭೂ ಕುಸಿತ ಸಂಭವಿಸುವ ಸಾಧ್ಯತೆಯ ಬಗ್ಗೆ ಅರಿತು ಅವರು ತುರ್ತು ಕ್ರಮಕ್ಕೆ ಸೂಚಿಸಿದರು. `ಸಾರ್ವಜನಿಕರ ಸುರಕ್ಷತೆಗೆ ಸರ್ಕಾರ ಮೊದಲ ಆದ್ಯತೆ ನೀಡಲಿದೆ’ ಎಂದವರು ಈ ವೇಳೆ ಹೇಳಿದರು. `ಐಆರ್‌ಬಿ ಸಂಸ್ಥೆ ಕೈಗೊಂಡಿರುವ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಯ ಬಗ್ಗೆ ಸಾರ್ವಜನಿಕರಲ್ಲಿ ಇನ್ನೂ ಆತಂಕವಿದೆ’ ಎಂದು ಮಾಧ್ಯಮದವರು ಗಮನಸೆಳೆದಿದ್ದು, `ಈ ಕುರಿತು ಸ್ಥಳೀಯ ಶಾಸಕ ಸತೀಶ್ ಸೈಲ್, ಜಿಲ್ಲಾಧಿಕಾರಿ ಹಾಗೂ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳೊಂದಿಗೆ ಸಮಗ್ರ ಚರ್ಚೆ ನಡೆಸುವೆ’ ಎಂದು ಉತ್ತರಿಸಿದರು. `ಸುರಕ್ಷತೆಗೆ ಆದ್ಯತೆ ನೀಡುವಂತೆ ಹಾಗೂ ವೈಜ್ಞಾನಿಕ ರೀತಿಯಲ್ಲಿ ರಸ್ತೆ ಕಾಮಗಾರಿ ನಡೆಸುವಂತೆ ಸೂಚಿಸಲಾಗುತ್ತದೆ’ ಎಂದರು. ಅಲ್ಲಿಯೇ ಇದ್ದ ಶಾಸಕ ಸತೀಶ್ ಸೈಲ್ ಅವರು ಶಿರೂರು ಪ್ರದೇಶದ ಪ್ರಸಕ್ತ ಪರಿಸ್ಥಿತಿ ಹಾಗೂ ಕೈಗೊಳ್ಳಬೇಕಾದ ಕ್ರಮಗಳ ಕುರಿತು ಸಚಿವರಿಗೆ ಮಾಹಿತಿ ನೀಡಿದರು. ಅದಾದ ನಂತರ `ಶಿರೂರಿನಲ್ಲಿ ಸಂಭವಿಸಿದ್ದ ಗುಡ್ಡ ಕುಸಿತ ದುರಂತ ಇಡೀ ರಾಜ್ಯವನ್ನು ನೋವಿಗೆ ದೂಡಿದ್ದು, ಇಂತಹ ಘಟನೆಗಳು ಮರುಕಳಿಸದಂತೆ ಎಲ್ಲ ಅಗತ್ಯ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲಾಗುತ್ತದೆ’ ಎಂದು ಯು ಟಿ ಖಾದರ್ ಅವರು ಹೇಳಿದರು. ಶಿರೂರು ಗಂಗಾವಳಿ ನದಿಯಲ್ಲಿ 4.34 ಕೋಟಿ ವೆಚ್ಚದಲ್ಲಿ ನಡೆಯುತ್ತಿರುವ ಮಣ್ಣು ತೆರವು ಕಾಮಗಾರಿಯನ್ನು ಅವರು ಪರಿಶೀಲಿಸಿದರು. ಮಾಜಿ ಶಾಸಕ ಕೆ ಎಚ್ ಗೌಡ, ಡಿಸಿಸಿ ಜಿಲ್ಲಾಧ್ಯಕ್ಷ ಸಾಯಿ ಗಾಂವ್ಕರ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಂಜೇಶ್ವರ ನಾಯಕ, ಪಾಂಡುರAಗ ಗೌಡ, ಸುಜಾತಾ ಗಾಂವ್ಕರ್, ಗೋಪು ನಾಯಕ ಅಡ್ಲೂರು, ಬಿ ಡಿ ನಾಯ್ಕ, ಶಾಂತಿ ಆಗೇರ ಅವರು ಇದ್ದರು.
- [ಮಾಧವ ನಾಯಕರಿಂದ ಮನವಿಗಳ ಮಹಾಪೂರ!](https://mobiletime.in/2026/07/a-flood-of-appeals-from-madhava-nayaka/): ಉತ್ತರ ಕನ್ನಡ ಜಿಲ್ಲೆಗೆ ಭೇಟಿ ನೀಡಿದ ಆರೋಗ್ಯ ಸಚಿವ ಯು ಟಿ ಖಾದರ್ ಅವರಿಗೆ ಜನಶಕ್ತಿ ವೇದಿಕೆಯವರು ವಿವಿಧ ಬೇಡಿಕೆಗಳನ್ನು ಸಲ್ಲಿಸಿದ್ದಾರೆ. ಒಟ್ಟು 11 ಬೇಡಿಗಳ ಈಡೇರಿಕೆಗೆ ಆಗ್ರಹಿಸಿ ಮಾಧವ ನಾಯಕ ಅವರು ಮನವಿ ಸಲ್ಲಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಆರೋಗ್ಯ ಸೇವೆಗಳನ್ನು ಬಲಪಡಿಸುವ ನಿಟ್ಟಿನಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ತರ‍್ತು ಕ್ರಮ ಜರುಗಿಸಬೇಕು’ ಎಂದು ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. `ಉತ್ತರ ಕನ್ನಡವು ರ‍್ನಾಟಕದ ಗಡಿಭಾಗ ಜಿಲ್ಲೆಯಾಗಿದ್ದರೂ ಸರ‍್ಪಕ ಆರೋಗ್ಯ ಸೌಲಭ್ಯಗಳಿಂದ ವಂಚಿತವಾಗಿದೆ. ವೈದ್ಯರ ಕೊರತೆ, ಖಾಲಿ ಹುದ್ದೆಗಳು, ಅಗತ್ಯ ವೈದ್ಯಕೀಯ ಉಪಕರಣಗಳ ಅಭಾವ ಹಾಗೂ ತಜ್ಞ ವೈದ್ಯರ ಕೊರತೆಯಿಂದ ಜನ ತೀವ್ರ ಸಂಕಷ್ಟ ಅನುಭವಿಸುತ್ತಿದ್ದಾರೆ’ ಎಂದವರು ವಿವರಿಸಿದ್ದಾರೆ. `ಕಾರವಾರ ವೈದ್ಯಕೀಯ ವಿಜ್ಞಾನಗಳ ಕೇಂದ್ರದಲ್ಲಿ ವಿಲೀನಗೊಂಡಿರುವ ಜಿಲ್ಲಾ ಆಸ್ಪತ್ರೆಯನ್ನು ಮರುಸ್ಥಾಪಿಸಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಅಧೀನಕ್ಕೆ ನೀಡಬೇಕು. ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ತಾಲೂಕು ಆಸ್ಪತ್ರೆಗಳು ಹಾಗೂ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಖಾಲಿ ಇರುವ ವೈದ್ಯರು, ತಾಂತ್ರಿಕ ಹಾಗೂ ವೈದ್ಯಕೀಯೇತರ ಸಿಬ್ಬಂದಿ ಹುದ್ದೆಗಳನ್ನು ತರ‍್ತಾಗಿ ರ‍್ತಿ ಮಾಡಬೇಕು. ಜಿಲ್ಲೆಯ ಎಲ್ಲಾ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ ಇಸಿಜಿ ಯಂತ್ರಗಳನ್ನು ಒದಗಿಸಿ ಹೃದಯ ಸಂಬಂಧಿ ತರ‍್ತು ಚಿಕಿತ್ಸೆಯನ್ನು ಗ್ರಾಮೀಣ ಮಟ್ಟದಲ್ಲೇ ಲಭ್ಯವಾಗುವಂತೆ ಮಾಡಬೇಕು. ಉತ್ತರ ಕನ್ನಡ ಜಿಲ್ಲೆಯ ಏಕೈಕ ಯುರೋಲಾಜಿಸ್ಟ್ರನ್ನು ಹೊರ ಜಿಲ್ಲೆಗೆ ರ‍್ಗಾವಣೆ ಮಾಡಿರುವ ಆದೇಶವನ್ನು ರದ್ದುಪಡಿಸಿ ಜಿಲ್ಲೆಯಲ್ಲಿ ಸೇವೆ ಮುಂದುವರಿಸಲು ಕ್ರಮ ಕೈಗೊಳ್ಳಬೇಕು. ಅಂಕೋಲಾ ತಾಲೂಕಿನ ಹಟ್ಟಿಕೇರಿ ಪ್ರದೇಶದಲ್ಲಿ ಟ್ರಾಮಾ ಸೆಂಟರ್ ಒಳಗೊಂಡ ಜಿಲ್ಲಾ ಆಸ್ಪತ್ರೆ ಸ್ಥಾಪಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. ಇದರೊಂದಿಗೆ `ದಾಂಡೇಲಿಯ 50 ಹಾಸಿಗೆ ಆಸ್ಪತ್ರೆಯನ್ನು 100 ಹಾಸಿಗೆಗಳ ತಾಲೂಕು ಆಸ್ಪತ್ರೆಯಾಗಿ ಮೇಲ್ರ‍್ಜೆಗೆ ಏರಿಸಬೇಕು. 108 ತರ‍್ತು ಆಂಬುಲೆನ್ಸ್ ಸೇವೆಯನ್ನು ಮತ್ತೆ ಪರ‍್ಣ ಪ್ರಮಾಣದಲ್ಲಿ 24್ಠ7 ವ್ಯವಸ್ಥೆಯಲ್ಲಿ ಕರ‍್ಯನರ‍್ವಹಿಸುವಂತೆ ಮಾಡಬೇಕು. ಆಯುಷ್, ಆಯರ‍್ವೇದ ಹಾಗೂ ಯುನಾನಿ ಆಸ್ಪತ್ರೆಗಳಲ್ಲಿರುವ ವೈದ್ಯರು ಮತ್ತು ಸಿಬ್ಬಂದಿ ಕೊರತೆಯನ್ನು ನಿವಾರಿಸಿ ಅಗತ್ಯ ಹುದ್ದೆಗಳನ್ನು ರ‍್ತಿ ಮಾಡಬೇಕು. ರ‍್ಕಾರದ ಪರ‍್ವಾನುಮತಿ ಬಳಿಕ ಮಾತ್ರ ಸಿಟಿ ಸ್ಕ್ಯಾನ್ ಮಾಡುವ ಆದೇಶವನ್ನು ಹಿಂಪಡೆದು ತರ‍್ತು ಸಂರ‍್ಭಗಳಲ್ಲಿ ತಕ್ಷಣ ಸ್ಕ್ಯಾನ್ ಮಾಡುವ ವ್ಯವಸ್ಥೆ ಕಲ್ಪಿಸಬೇಕು. ಮಂಗನ ಕಾಯಿಲೆಯಿಂದ ಮೃತಪಟ್ಟ ಬಾಲಕನ ಕುಟುಂಬಕ್ಕೆ 15 ಲಕ್ಷ ರೂ ಪರಿಹಾರ ಹಾಗೂ ರೇಬಿಸ್ ಸೋಂಕಿತ ನಾಯಿ ಕಡಿತದಿಂದ ಮೃತಪಟ್ಟವರ ಕುಟುಂಬಗಳಿಗೂ ಪರಿಹಾರ ನೀಡಬೇಕು. ಕಾರವಾರ ತಾಲೂಕಿನ ಮುಡುಗೇರಿ ಗ್ರಾಮದ ಅಂಗಡಿ ಪ್ರಾಥಮಿಕ ಆರೋಗ್ಯ ಕೇಂದ್ರವನ್ನು ಸಮುದಾಯ ಆರೋಗ್ಯ ಕೇಂದ್ರ ಅಥವಾ ತಾಲೂಕು ಆಸ್ಪತ್ರೆಯಾಗಿ ಮೇಲ್ರ‍್ಜೆಗೆ ಏರಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಜಿಲ್ಲೆಯಲ್ಲಿ ಒಟ್ಟು 2,442 ಮಂಜೂರಾದ ಹುದ್ದೆಗಳ ಪೈಕಿ 1,135 ಹುದ್ದೆಗಳು ಖಾಲಿ ಇರುವುದರಿಂದ ಆರೋಗ್ಯ ಸೇವೆಯ ಮೇಲೆ ಗಂಭೀರ ಪರಿಣಾಮ ಉಂಟಾಗಿದೆ. ಗಡಿಭಾಗ ಜಿಲ್ಲೆಯಾಗಿರುವ ಉತ್ತರ ಕನ್ನಡದಲ್ಲಿ ಸೇವೆ ಸಲ್ಲಿಸುವ ವೈದ್ಯರು ಹಾಗೂ ಸಿಬ್ಬಂದಿಗೆ ವಿಶೇಷ ಪ್ರೋತ್ಸಾಹಧನ ನೀಡುವ ಜೊತೆಗೆ ಎಂಆರ್‌ಐ ಸೇರಿದಂತೆ ಅತ್ಯಾಧುನಿಕ ವೈದ್ಯಕೀಯ ಸೌಲಭ್ಯಗಳನ್ನು ಕೂಡ ತರ‍್ತಾಗಿ ಕಲ್ಪಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. ಪ್ರಮುಖರಾದ ರಾಮ ನಾಯ್ಕ, ಜರ‍್ಜ್ ರ‍್ನಾಂಡಿಸ್, ಇಬ್ರಾಹಿಂ ಕಲ್ಲೂರ್, ಬಾಬಾ ಕಿತ್ತೂರ್, ಬಾಬು ಶೇಕ್, ಖೈರುನಿಸಾ ಶೇಕ್, ಸುರಜ್ ಕುರುಂಕರ್, ರಾಜೇಂದ್ರ ಅಂಚೆ ಕರ್, ನಿತ್ಯಾನಂದ ನಾಯ್ಕ್, ಲೀಯೋ ಲೂಯಿಸ್, ಫ್ರಾಂಕಿ ಗುಡಿನೋ, ಎಂ ಈ ಶೇಕ್, ಇಮ್ತಿಯಾಜ್ ಬುಖಾರಿ, ವಿಠಲ ನಾಯಕ್, ರೋಹಿದಾಸ್ ವೈಂಗಣಕರ್ ಅವರು ಸಹ ಮಾಧವ ನಾಯಕ ಅವರ ಮನವಿಗೆ ಸಹಿ ಹಾಕಿದ್ದಾರೆ.
- [ಸಚಿವರ ಪ್ರವಾಸ: ಭದ್ರತೆಗೆ ನಿಯೋಜನೆಯಾಗಿದ್ದ ಜೀಪು ಅಪಘಾತ!](https://mobiletime.in/2026/07/ministers-tour-jeep-deployed-for-security-meets-with-accident/): ಉತ್ತರ ಕನ್ನಡ ಜಿಲ್ಲೆಯ ಪ್ರಕೃತಿ ವಿಕೋಪದ ಉಸ್ತುವಾರಿಯೂ ಆಗಿರುವ ಆರೋಗ್ಯ ಸಚಿವ ಯು ಟಿ ಖಾದರ್ ಅವರ ಭದ್ರತೆಗೆ ನಿಯೋಜನೆಯಾಗಿದ್ದ ಜೀಪು ಅಪಘಾತಕ್ಕೀಡಾಗಿದೆ. ಅಂಕೋಲಾದ ವರದರಾಜ ಹೊಟೇಲ್ ಬಳಿ ಪೊಲೀಸ್ ಜೀಪು ಸ್ಕೂಟಿಗೆ ಗುದ್ದಿದ್ದು, ಅಲಗೇರಿಯ ಸಂದೀಪ್ ನಾಯಕ ಅವರು ಗಾಯಗೊಂಡಿದ್ದಾರೆ. ಅಪಘಾತ ನೋಡಿದ ಯು ಟಿ ಖಾದರ್ ಅವರು ತಕ್ಷಣ ತಮ್ಮ ಕಾರು ನಿಲ್ಲಿಸಿ, ಗಾಯಗೊಂಡವರನ್ನು ಆಸ್ಪತ್ರೆಗೆ ಕಳುಹಿಸಿದ್ದಾರೆ. ಶನಿವಾರ ಯು ಟಿ ಖಾದರ್ ಅವರು ಕಾರವಾರಕ್ಕೆ ಆಗಮಿಸಿ ಅಧಿಕಾರಿಗಳ ಸಭೆ ನಡೆಸಿದ್ದರು. ಸಭೆ ಮುಗಿದ ನಂತರ ಅವರು ತಮ್ಮ ಕ್ಷೇತ್ರದ ಕಡೆ ಕಾರಿನಲ್ಲಿ ಹೊರಟರು. ಸಂಜೆ ವೇಳೆ ಅವರ ಕಾರು ಅಂಕೋಲಾಗೆ ತಲುಪಿದ್ದು, ಸಚಿವರ ಭದ್ರತೆಗೆ ನಿಯೋಜನೆಯಾಗಿದ್ದ ಪೊಲೀಸ್ ಜೀಪು ವರದರಾಜ ಹೊಟೇಲ್ ಬಳಿ ಸ್ಕೂಟಿಗೆ ಡಿಕ್ಕಿಯಾಯಿತು. ನಂತರ ಆ ಜೀಪು ರಸ್ತೆ ಬಿಟ್ಟು ಪಕ್ಕದ ಪೊದೆ ಸೇರಿತು. ಅಪಘಾತದ ರಭಸಕ್ಕೆ ಸ್ಕೂಟಿಯಲ್ಲಿದ್ದ ಸಂದೀಪ್ ನಾಯಕ ಅವರು ಬಿದ್ದು ಗಾಯಗೊಂಡರು. ಅಪಘಾತವನ್ನು ಕಣ್ಣಾರೆ ನೋಡಿದ ಸಚಿವರು ಕಾರು ನಿಲ್ಲಿಸುವಂತೆ ಚಾಲಕನಿಗೆ ಸೂಚಿಸಿದರು. ಕಾರಿನಿಂದ ಇಳಿದು ಬಂದು ಗಾಯಾಳುವಿನ ಆರೋಗ್ಯ ವಿಚಾರಿಸಿದರು. ಕೂಡಲೇ ಸಮೀಪದ ಆಸ್ಪತ್ರೆಗೆ ಸಾಗಿಸಿ ಅಗತ್ಯ ಚಿಕಿತ್ಸೆಗೆ ಸೂಚನೆ ನೀಡಿದರು. ಅದಾದ ನಂತರ ಸಚಿವರು ತಮ್ಮ ಪ್ರಯಾಣ ಮುಂದುವರೆಸಿದರು. ಅಪಘಾತದ ಕಾರಣಗಳ ಬಗ್ಗೆ ತನಿಖೆ ಮುಂದುವರೆದಿದೆ.
- [`ಸಮಾಜ ಸೇವೆಗೆ ಶ್ರೀಗಳೇ ಪ್ರೇರಣೆ'](https://mobiletime.in/2026/07/swamiji-himself-is-the-inspiration-for-social-service/): ಶಿರಸಿಯ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು `ತಮಗೆ ಸಿದ್ದಗಂಗಾ ಮಠದ ಶ್ರೀಗಳೇ ಪ್ರೇರಣೆ’ ಎಂದು ಪುನರುಚ್ಚರಿಸಿದ್ದಾರೆ. ಕಳೆದ ವರ್ಷ ಕಾರ್ಯಕ್ರಮವೊಂದರಲ್ಲಿ `ಸಿದ್ದಗಂಗಾ ಶ್ರೀಗಳ ಸಮಾಜಮುಖಿ ಕಾರ್ಯಗಳಿಂದ ಪ್ರೇರೇಪಿತರಾಗಿ ತಾವು ಸಮಾಜ ಸೇವೆ ನಡೆಸುತ್ತಿದ್ದೇನೆ’ ಎಂದವರು ಹೇಳಿದ್ದು, ಈ ವರ್ಷವೂ ಅದೇ ಮಾತುಗಳನ್ನಾಡಿದ್ದಾರೆ. ಶಿರಸಿ ಬದನಗೋಡು ಬಳಿಯ ಸಂತೊಳ್ಳಿ ಹಿರಿಯ ಪ್ರಾಥಮಿಕ ಶಾಲೆಗೆ ಅವರು ಕುಡಿಯುವ ನೀರಿನ ಘಟಕವನ್ನು ಕೊಡುಗೆಯಾಗಿ ನೀಡಿದ್ದು, ಈ ವೇಳೆ ಊರಿನವರು ಅವರನ್ನು ಗೌರವಿಸಿದರು. `ಸಿದ್ದಗಂಗಾ ಮಠದ ಶ್ರೀಗಳು ಅನ್ನ, ಅಕ್ಷರ, ಆಶ್ರಯ ಚಿಂತನೆಯ ಮೂಲಕ ಸಾವಿರಾರು ವಿದ್ಯಾರ್ಥಿಗಳಿಗೆ ಉಚಿತವಾಗಿ ವಸತಿಸಹಿತ ಶಿಕ್ಷಣ ನೀಡಿದ್ದಾರೆ. ಅಲ್ಲಿ ಕಲಿತ ವಿದ್ಯಾರ್ಥಿಗಳು ಉತ್ತಮ ಸಾಧನೆ ಮಾಡಿದ್ದು, ಅವರ ಸಮಾಜ ಸೇವೆಗಳು ನಮಗೆ ದಾರಿದೀಪವಾಗಿದೆ’ ಎಂದು ಅವರು ಹೇಳಿದ್ದಾರೆ. `ಶ್ರೀಗಳ ಪ್ರೇರಣೆಯಿಂದ 150ಕ್ಕೂ ಅಧಿಕ ಶಾಲೆಗಳಿಗೆ ಶುದ್ಧ ನೀರಿನ ಘಟಕ ಒದಗಿಸಿದ್ದೇವೆ’ ಎಂದಿದ್ದಾರೆ. ಗ್ರಾಮಸ್ಥರಾದ ಯುವರಾಜ್ ಗೌಡ ಅವರು ಮಾತನಾಡಿ `ಗ್ರಾಮೀಣ ಭಾಗದಲ್ಲಿರುವ ಸರ್ಕಾರಿ ಶಾಲೆಯನ್ನು ಗುರುತಿಸಿ, ಶುದ್ಧ ಕುಡಿಯುವ ನೀರಿನ ಘಟಕವನ್ನು ನೀಡಿ ವಿದ್ಯಾರ್ಥಿಗಳಿಗೆ ಅನುಕೂಲ ಕಲ್ಪಿಸಿಕೊಟ್ಟಿರುವುದು ಶ್ಲಾಘನೀಯ. ಅನಂತಮೂರ್ತಿ ಅವರಿಗೆ ಮುಂದಿನ ದಿನಗಳಲ್ಲಿ ಇನ್ನು ಹೆಚ್ಚಿನ ಸಮಾಜಮುಖಿ ಕೆಲಸಗಳನ್ನು ಮಾಡಲು ಶಕ್ತಿ ಸಿಗಲಿ’ ಎಂದು ಹಾರೈಸಿದರು. ಪ್ರಮುಖರಾದ ಮಾರುತಿ ಎನ್ ಸಾಳುಂಕೆ, ಶಾಲೆಯ ಎಸ್ ಎಂ ಸಿ ಅಧ್ಯಕ್ಷ ರವಿ ಬೋರಳ್ಳಿ, ಬದನಗೋಡು ಗ್ರಾಮ ಪಂಚಾಯತಿ ಪಿಡಿಓ ಟಿ ಪಿ ಲಂಬಾಣಿ, ಶಿವಪ್ಪ ದುರ್ಗಪ್ಪ ಬೋವಿವಡ್ಡರ್ ಇದ್ದರು.
- [ತಾರತಮ್ಯ ನೀತಿ ಕೈಬಿಡಿ!](https://mobiletime.in/2026/07/abandon-the-policy-of-discrimination/): `ಅನುದಾನಿತ ಶಾಲೆ ಶಿಕ್ಷಕರು ಹಾಗೂ ಸರ್ಕಾರಿ ಶಾಲೆ ಶಿಕ್ಷಕರ ನಡುವಿನ ತಾರತಮ್ಯ ನೀತಿ ಬಗೆಹರಿಸಬೇಕು’ ಎಂದು ಆಗ್ರಹಿಸಿ ಯಲ್ಲಾಪುರದ ಮಾಧ್ಯಮಿಕ ನೌಕರರ ಸಂಘದವರು ಸರ್ಕಾರಕ್ಕೆ ಪತ್ರ ಬರೆದಿದ್ದಾರೆ. ಇನ್ನೂ ಅನೇಕ ಬೇಡಿಕೆಗಳ ಈಡೇರಿಕೆಗಾಗಿ ಅವರು ಆಗ್ರಹಿಸಿದ್ದಾರೆ. `2006ರ ಏಪ್ರಿಲ್ 1ರ ಮುಂಚೆ ಅನುದಾನಿತ ಶಾಲೆಗಳಲ್ಲಿ ನೇಮಕಾತಿ ಹೊಂದಿ 2006ರ ನಂತರ ಅನುದಾನಕ್ಕೆ ಒಳಪಟ್ಟಿರುವಂಥ ಶಿಕ್ಷಕರಿಗೆ ಹಿಂದಿನ ಸೇವೆಯನ್ನು ಪರಿಗಣಿಸಿ ಓ ಪಿ ಎಸ್ ಯೋಜನೆ ಜಾರಿಗೊಳಿಸಬೇಕು. ಪ್ರಣಾಳಿಕೆಯಲ್ಲಿ ಸೂಚಿಸಿದ ಪ್ರಕಾರ ಓ ಪಿ ಎಸ್ ಜಾರಿಗೊಳಿಸಲು ಬಸವರಾಜ ಹೊರಟ್ಟಿ ಅವರ ಕಾಲ್ಪನಿಕ ವೇತನದ ಮೇಲಿನ ವರದಿ ಜಾರಿ ಮಾಡಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. `ಸರ್ಕಾರಿ ಶಾಲೆಗಳಲ್ಲಿ ಶಿಕ್ಷಕರಿಗೆ ನೀಡುವ ಜ್ಯೋತಿ ಸಂಜೀವಿನಿ ಹಾಗೂ ಇನ್ನಿತರ ಆದೇಶಗಳನ್ನು ಯಥಾವತ್ತಾಗಿ ನಮಗೂ ಜಾರಿ ಮಾಡಬೇಕು. ಅನುದಾನಿತ ಮತ್ತು ಸರಕಾರಿ ಶಾಲೆಗಳ ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳಿಗೆ ತಾರತಮ್ಯವಿಲ್ಲದ ಹಾಗೇ ಕಾರ್ಯಕ್ರಮ ಆಯೋಜಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. ಮಲೆನಾಡಿನ ಪ್ರದೇಶಗಳ ಶಿಕ್ಷಕ ಹಾಗೂ ವಿದ್ಯಾರ್ಥಿಗಳ ಅನುಪಾತವನ್ನು ಕಡಿಮೆಗೊಳಿಸಿದ ಬಗ್ಗೆಯೂ ಆಕ್ಷೇಪಿಸಿದ್ದಾರೆ. ಮಾಧ್ಯಮಿಕ ನೌಕರರ ಸಂಘದ ಕೇಂದ್ರ ಸಮಿತಿಯ ಸದಸ್ಯ ಎಂ ರಾಜಶೇಖರ ಅವರು ಮಾತನಾಡಿ, `30 ವರ್ಷಕ್ಕೂ ಹೆಚ್ಚಿನ ಅವಧಿಗಳ ಕಾಲ ಸೇವೆ ಸಲ್ಲಿಸಿದ ಶಿಕ್ಷಕರನ್ನು ನಿವೃತ್ತಿ ವೇಳೆ ಬರಿಗೈಯಲ್ಲಿ ಮನೆಗೆ ಕಳುಹಿಸುವುದು ಸರಿಯಲ್ಲ. ಸರ್ಕಾರ ಮಲತಾಯಿ ಧೋರಣೆ ಬಿಟ್ಟು ಎಲ್ಲರಿಗೂ ಸಮಾನ ನ್ಯಾಯ ಕೊಡಬೇಕು’ ಎಂದು ಹೇಳಿದರು. ತಾಲೂಕ ಸಮಿತಿಯ ಅಧ್ಯಕ್ಷÀ ವಿನಾಯಕ ಹೆಗಡೆ, ಕಾರ್ಯದರ್ಶಿ ಶರಣಬಸವ ಬೇವಿನಕಟ್ಟಿ ಇತರರು ಈ ವೇಳೆ ಹಾಜರಿದ್ದು ನ್ಯಾಯಕ್ಕಾಗಿ ಪಟ್ಟು ಹಿಡಿದರು.
- [205 ಗ್ರಾಮಗಳಲ್ಲಿ ಇದೇ ಸಮಸ್ಯೆ!](https://mobiletime.in/2026/07/the-same-problem-exists-in-205-villages/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೋರು ಮಳೆಯಾದರೆ ಅನೇಕ ಗ್ರಾಮಗಳು ಜಲಾವೃತಗೊಳ್ಳುತ್ತದೆ. ಭೂ ಕುಸಿತ ಹಾಗೂ ಪ್ರವಾಹ ಎದುರಾದರೆ 205 ಗ್ರಾಮದ ಜನ ತತ್ತರಿಸಲಿದ್ದು, ಅಂದಾಜು 1.50 ಲಕ್ಷ ಜನ ಸಮಸ್ಯೆಗೆ ಸಿಲುಕಲಿದ್ದಾರೆ. ಧಾರಾಕಾರ ಮಳೆ ಪರಿಣಾಮ ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ಹಿರಿಮೆ ಹೊಸಕುಳಿ ಬಳಿ ದೊಡ್ಡಹಿತ್ತಲ ಎಂಬ ಗ್ರಾಮ ಜಲಾವೃತಗೊಂಡಿದೆ. ಅದರಿಂದ ಶವ ಸಾಗಿಸುವುದಕ್ಕೂ ಸಹ ಜನ ಸಮಸ್ಯೆ ಅನುಭವಿಸಿದನ್ನು ವಿವಿಧ ಮಾಧ್ಯಮಗಳು ವರದಿ ಮಾಡಿದೆ. 50ಕ್ಕೂ ಅಧಿಕ ಮನೆಗಳಿರುವ ಪ್ರದೇಶದ ಜನ ಅನುಭವಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಅನೇಕರು ಮರುಕವ್ಯಕ್ತಪಡಿಸಿದ್ದಾರೆ. ಈ ಬೆನ್ನಲ್ಲೆ ಪ್ರವಾಹ ಹಾಗೂ ಭೂ ಕುಸಿತದಿಂದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಆಗಬಹುದಾದ ಅನಾಹುತಗಳ ಪಟ್ಟಿ Mobile Media Network’ಗೆ ಸಿಕ್ಕಿದೆ. ಉತ್ತರ ಕನ್ನಡ ಜಿಲ್ಲೆಯ 228 ಗ್ರಾಮ ಪಂಚಾಯತಗಳ ಪೈಕಿ 97 ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿ ಭೂ ಕುಸಿತ ಹಾಗೂ ಪ್ರವಾಹದಿಂದ ಸಮಸ್ಯೆಗೆ ಸಿಲುಕುವ ಪ್ರದೇಶಗಳಿವೆ. ಅಂಕೋಲಾದಲ್ಲಿ 23, ಭಟ್ಕಳದಲ್ಲಿ 42, ಹಳಿಯಾಳದಲ್ಲಿ 7, ಹೊನ್ನಾವರದಲ್ಲಿ 54, ಕಾರವಾರದಲ್ಲಿ 27, ಕುಮಟಾದಲ್ಲಿ 33, ಸಿದ್ದಾಪುರದಲ್ಲಿ 1, ಶಿರಸಿಯಲ್ಲಿ 13 ಹಾಗೂ ಯಲ್ಲಾಪುರದಲ್ಲಿ 4 ಊರುಗಳು ಪ್ರವಾಹ ಹಾಗೂ ಭೂ ಕುಸಿತ ಪ್ರದೇಶವನ್ನು ಹೊಂದಿದೆ. ಇಲ್ಲಿ ಸಂಕಷ್ಟ ಅನುಭವಿಸುವವರ ರಕ್ಷಣೆಗಾಗಿ ಉತ್ತರ ಕನ್ನಡ ಜಿಲ್ಲಾಡಳಿತ ಸಾಕಷ್ಟು ಶ್ರಮಿಸುತ್ತಿದೆ. ದಾಖಲೆಗಳ ಪ್ರಕಾರ ಸುಮಾರು 152727 ಜನರಿಗೆ ಸಮಸ್ಯೆ ಆಗಲಿದ್ದು, ಅವರಿಗೆ ತುರ್ತು ನೆರವು ನೀಡುವುದಕ್ಕಾಗಿ 294 ಕಾಳಜಿ ಕೇಂದ್ರಗಳನ್ನು ಸಹ ತೆರೆಯಲಾಗಿದೆ. ಜನರಿಗೆ ಮಾತ್ರವಲ್ಲದೇ ಜಾನುವಾರು ಸುರಕ್ಷತೆಯನ್ನು ಗಮನದಲ್ಲಿರಿಸಿಕೊಂಡು ಜಾನುವಾರುಗಳ ಆರೈಕೆಗಾಗಿ 107 ಕಾಳಜಿ ಕೇಂದ್ರಗಳನ್ನು ತೆರೆಯಲಾಗಿದೆ. ಸರ್ಕಾರಕ್ಕೆ ಸಲ್ಲಿಕೆಯಾದ ಅಂಕಿ-ಅAಶಗಳ ಪ್ರಕಾರ ಕಾರವಾರದಲ್ಲಿ ಅತಿ ಹೆಚ್ಚು ಜನ ಭೂ ಕುಸಿತ ಹಾಗೂ ಪ್ರವಾಹದಿಂದ ಸಮಸ್ಯೆಗೆ ಸಿಲುಕಲಿದ್ದಾರೆ. ಕಾರವಾರದಲ್ಲಿ 53157 ಹಾಗೂ ಹೊನ್ನಾವರದಲ್ಲಿ 38850 ಜನರಿಗೆ ಅನುಕೂಲವಾಗುವಂತೆ ಜಿಲ್ಲಾಡಳಿತ ಕಾಳಜಿ ಕೇಂದ್ರ ಸಿದ್ಧಪಡಿಸಿದೆ. ಈ ಹಿಂದಿನ ಅನುಭವ ಹಾಗೂ ದಾಖಲೆಗಳ ಆಧಾರದಲ್ಲಿ ಭಟ್ಕಳದಲ್ಲಿ 31279, ಕುಮಟಾದಲ್ಲಿ 5652, ಅಂಕೋಲಾದಲ್ಲಿ 18650, ಹಳಿಯಾಳ 1750, ಶಿರಸಿಯಲ್ಲಿ 2530, ಸಿದ್ದಾಪುರದಲ್ಲಿ 24 ಹಾಗೂ ಯಲ್ಲಾಪುರದಲ್ಲಿ 835 ಜನ ಪ್ರವಾಹ ಹಾಗೂ ಭೂ ಕುಸಿತದಿಂದ ಸಮಸ್ಯೆಗೆ ಸಿಲುಕಲಿದ್ದಾರೆ. ಮುಂಡಗೋಡು, ದಾಂಡೇಲಿ ಭಾಗದಲ್ಲಿ ಪ್ರವಾಹ ಹಾಗೂ ಭೂ ಕುಸಿತದ ಅಪಾಯಗಳಿಲ್ಲ ಎಂದು ಜಿಲ್ಲಾಡಳಿತ ಪ್ರಕೃತಿ ವಿಕೋಪ ಉಸ್ತುವಾರಿ ನೋಡಿಕೊಳ್ಳುವ ಸಚಿವ ಯು ಟಿ ಖಾದರ್ ಅವರಿಗೆ ವರದಿ ಸಲ್ಲಿಸಿದೆ. ಹೊನ್ನಾವರದ ದೊಡ್ಡಹಿತ್ತಲ ಸೇರಿ ಅನೇಕ ಕಡೆ ರಸ್ತೆ ಸಂಪರ್ಕ ಸರಿಯಾಗಿಲ್ಲ. ಅಗತ್ಯ ಸೇತುವೆ, ಕಾಲು ಸಂಕಕ್ಕೆ ಸಹ ಸರ್ಕಾರ ವ್ಯವಸ್ಥೆ ಮಾಡದ ಕಾರಣ ಜನ ಇನ್ನಷ್ಟು ತೊಂದರೆ ಅನುಭವಿಸುತ್ತಿದ್ದಾರೆ. ಇನ್ನೂ ಕೆಲವು ಕಡೆ ಅವೈಜ್ಞಾನಿಕ ಕಾಮಗಾರಿ, ಅತಿಯಾದ ಯಂತ್ರ ಬಳಕೆಯ ದುಷ್ಪರಿಣಾಮದಿಂದ ಪ್ರವಾಹ, ಭೂ ಕುಸಿತ ಉಂಟಾಗುತ್ತಿದೆ.
- [ಮೊಬೈಲ್ ಅಪ್ಡೇಟ್: ಬ್ಯಾಂಕ್ ಖಾತೆ ಖಾಲಿ ಖಾಲಿ!](https://mobiletime.in/2026/07/mobile-update-bank-account-completely-empty/): ONE PLUS ಮೊಬೈಲ್ ಬಳಕೆದಾರರೊಬ್ಬರ ಮೊಬೈಲ್ ಆಟೋಮಿಟಿಕ್ ಆಗಿ ಅಪ್ಡೇಟ್ ಆಗಿದ್ದು, ಅದಾದ ನಂತರ ಅವರ ಬ್ಯಾಂಕ್ ಖಾತೆಯಲ್ಲಿದ್ದ ಹಣ ಬೇರೆಯವರ ಪಾಲಾಗಿದೆ. ಮೊಬೈಲ್ ಅಪ್ಟೇಟ್ ಆದ 30 ನಿಮಿಷದೊಳಗೆ ಅವರ ಹಣ ಕಾಣೆಯಾಗಿದ್ದು, ಶಿವಾನಂದ ಇಂಗಳಗಿ ಅವರು ದಿಕ್ಕು ತೋಚದೇ ಕೂತಿದ್ದಾರೆ. ಜೊಯಿಡಾದ ರಾಮನಗರದ ಬಳಿ ಶಿವಾನಂದ ರುದ್ರಪ್ಪ ಇಂಗಳಗಿ ಅವರು ವಾಸವಾಗಿದ್ದಾರೆ. ಅವರು ONE PLUS NORD 3 LITE CE 5 ಮೊಬೈಲ್ ಬಳಸುತ್ತಿದ್ದಾರೆ. ಜೂನ್ 12ರಂದು ಅವರು ಗಣೇಶಗುಡಿಯಲ್ಲಿದ್ದಾಗ ಅವರ ಮೊಬೈಲ್ ಅಪ್ಟೇಡ್ ಆಗಿದೆ. ಸಾಪ್ಟವೇರ್ ಅಪ್ಡೇಟ್ ನಂತರ ಅವರ ಮೊಬೈಲ್ ಸ್ವಿಚ್ ಆಫ್ ಆಗಿದ್ದು, 30 ನಿಮಿಷದ ನಂತರ ಸ್ವಿಚ್ ಆನ್ ಆಗಿದೆ. ಆ ದಿನ ಮಧ್ಯಾಹ್ನ ಅವರು ಗೂಗಲ್ ಪೇ ಮೂಲಕ ಹಣ ವರ್ಗಾವಣೆಗೆ ಪ್ರಯತ್ನಿಸಿದ್ದಾರೆ. ಆಗ, ಅವರ ಎಸ್ ಬ್ಯಾಂಕ್ ಖಾತೆಯಲ್ಲಿ ಕೇವಲ 64ರೂ ಮಾತ್ರವಿರುವುದಾಗಿ ಕಾಣಿಸಿದೆ. ಕರ್ನಾಟಕ ಗ್ರಾಮೀಣ ಬ್ಯಾಂಕ್ ಖಾತೆ ಗಮನಿಸಿದಾಗ ಅಲ್ಲಿ 4312ರೂ ಮಾತ್ರ ಕಾಣಿಸಿದೆ. ಮೊಬೈಲ್ ಅಪ್ಟೇಡ್ ಆಗುವಾಗ ಅವರಿಗೆ ಬ್ಯಾಂಕ್ ಮೆಸೆಜ್ ಬಾರದ ಹಾಗೇ ತಡೆಯುವ ಅಪ್ಲಿಕೇಶನ್ ಸಹ ಇನ್ಸಾಲ್ ಆಗಿರುವುದು ಅರಿವಿಗೆ ಬಂದಿದೆ. ಅವರ ಎಸ್ ಬ್ಯಾಂಕ್ ಖಾತೆಯಿಂದ ಆರ್ಯನ್ ನೌಷಾದ್ ನೇಸರ್ಗಿ ಎಂಬಾತರ ಖಾತೆಗೆ 96800ರೂ ಹಾಗೂ ಕರ್ನಾಕಟ ಗ್ರಾಮೀಣ ಬ್ಯಾಂಕ್ ಖಾತೆಯಿಂದ ಬಾಬುಸೋಣ ಸರದಾರ್ ಅವರ ಖಾತೆಗೆ 50 ಸಾವಿರ ರೂ ವರ್ಗವಾಗಿರುವುದು ಗೊತ್ತಾಗಿದೆ. ಆದರೆ, ಅವರಿಬ್ಬರು ಸಹ ಶಿವಾನಂದ ಇಂಗಳಗಿ ಅವರ ಪರಿಚಿತರಲ್ಲ. ಹೀಗಾಗಿ ಶಿವಾನಂದ ಅವರು ಎರಡು ಬ್ಯಾಂಕಿಗೆ ಹೋಗಿ ದೂರು ನೀಡಿದ್ದಾರೆ. ಅದಾದ ನಂತರ ಅವರು ಸೈಬರ್ ಅಪರಾಧ ಪೊಲೀಸ್ ಠಾಣೆಗೂ ದೂರು ನೀಡಿದ್ದು, ಅಲ್ಲಿಂದಲೂ ಹಣ ಬಂದಿಲ್ಲ. ಹೀಗಾಗಿ ರಾಮನಗರ ಪೊಲೀಸ್ ಠಾಣೆಗೆ ಹೋಗಿ ತಮಗಾದ ಅನ್ಯಾಯದ ಬಗ್ಗೆ ದೂರಿದ್ದಾರೆ. ತಮ್ಮ ದುಡ್ಡು ಎಗರಿಸಿದವರಿಬ್ಬರನ್ನು ಪತ್ತೆ ಮಾಡಿ ಶಿಕ್ಷಿಸಬೇಕು ಎಂದು ಶಿವಾನಂದ ಇಂಗಳಗಿ ಅವರು ಮನವಿ ಮಾಡಿದ್ದಾರೆ.
- [ಅಕ್ರಮ-ಅವ್ಯವಹಾರ ಹೆಚ್ಚಳ: ಸೊಸೈಟಿಗಳ ಮೇಲೆ ಅಧಿಕಾರಿಗಳ ಕಣ್ಣು!](https://mobiletime.in/2026/07/rise-in-irregularities-and-malpractice-officials-keep-a-close-watch-on-societies/): ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಸಹಕಾರಿ ಸಂಘಗಳ ವ್ಯವಹಾರಗಳ ಬಗ್ಗೆ ಹೆಚ್ಚಿನ ನಿಗಾವಹಿಸಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸಹಕಾರಿ ಸಂಘಗಳ ಉಪನಿಬಂಧಕರಿಗೆ ಸೂಚನೆ ನೀಡಿದ್ದಾರೆ. ಸಾರ್ವಜನಿಕರ ಠೇವಣಿಗೆ ಭದ್ರತೆ ನೀಡುವಂತೆ ಅವರು ಸೂಚಿಸಿದ್ದಾರೆ. `ಡೀಸಿ ಕಚೇರಿಯಲ್ಲಿ ಸಭೆ ನಡೆಸಿದ ಅವರು ಕೆಲವು ಸಹಕಾರಿ ಸಂಘಗಳಲ್ಲಿನ ಅವ್ಯವಹಾರಗಳಿಂದ ಸಾರ್ವಜನಿಕರು ತಮ್ಮ ಠೇವಣಿ ಹಣವನ್ನು ಕಳೆದುಕೊಂಡಿದ್ದಾರೆ. ಇಂಥ ಘಟನೆಗಳನ್ನು ತಪ್ಪಿಸುವ ಸಲುವಾಗಿ ಸಹಕಾರಿ ಬ್ಯಾಂಕ್‌ಗಳು ನಿಯಮಾನುಸಾರ ಎಲ್ಲಾ ಅನುಮತಿಗಳನ್ನು ಪಡೆಯುವಂತೆ ನೋಡಿಕೊಳ್ಳಬೇಕು. ಅಲ್ಲಿನ ಆರ್ಥಿಕ ಚಟುವಟಿಕೆಗಳ ಬಗ್ಗೆ ಆಗಾಗ್ಗೆ ತಪಾಸಣೆಗಳನ್ನು ನಡೆಸಬೇಕು. ಆ ಮೂಲಕ ಸಾರ್ವಜನಿಕರ ಹಣಕ್ಕೆ ಅಗತ್ಯ ರಕ್ಷಣೆ ದೊರೆಯುವಂತೆ ನೋಡಿಕೊಳ್ಳಬೇಕು’ ಎಂದರು. `ಮುoಡಗೋಡು, ಹಳಿಯಾಳ ಮತ್ತಿತರ ತಾಲೂಕುಗಳಲ್ಲಿ ಖಾಸಗಿ ಫೈನಾನ್ಸ್ ಗಳ ಹಾವಳಿ ಕುರಿತಂತೆ ದೂರುಗಳು ಬರುತ್ತಿದ್ದು, ಖಾಸಗಿ ಪೈನಾನ್ಸ್ ಗಳು ಆರ್ ಬಿ ಐ ಮಾರ್ಗಸೂಚಿಗಳನ್ನು ಪಾಲಿಸಿಕೊಂಡು ನಡೆಯುತ್ತಿರುವ ಬಗ್ಗೆ ಗಮನಿಸಬೇಕು. ವಿಧಿಸುವ ಬಡ್ಡಿ ದರಗಳ ಕುರಿತಂತೆ ಪರಿಶೀಲನೆ ನಡೆಸಬೇಕು. ಖಾಸಗಿ ಪೈನಾನ್ಸ್ ಸೇರಿದಂತೆ ಹಣಕಾಸು ಸಂಸ್ಥೆಗಳಲ್ಲಿ ಸಾರ್ವಜನಿಕರು ಸುರಕ್ಷಿತ ವ್ಯವಹಾರ ನಡೆಸುವ ಬಗ್ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಅರಿವು ಮತ್ತು ಜಾಗೃತಿ ಕಾರ್ಯಕ್ರಮ ಆಯೋಜಿಸಬೇಕು’ ಎಂದು ನಿರ್ದೇಶನ ನೀಡಿದರು. `ಜಿಲ್ಲೆಯಲ್ಲಿನ ಖಾಸಗಿ ಪೈನಾನ್ಸ್ ಸಂಸ್ಥೆಗಳು ಆರ್ ಬಿ ಐ ಮಾರ್ಗಸೂಚಿಯಡಿ ಕಾರ್ಯನಿರ್ವಹಿಸುತ್ತಿರುವ ಬಗ್ಗೆ ಪರಿಶೀಲಿಸಿ ಅನಧಿಕೃತ ಎಂದು ಕಂಡು ಬಂದಲ್ಲಿ ಅಂತಹ ಸಂಸ್ಥೆಗಳ ವಿರುದ್ದ ತಕ್ಷಣ ಪ್ರಕರಣ ದಾಖಲು ಮಾಡಬೇಕು’ ಎಂದು ಸೂಚಿಸಿದರು. `ಸಹಕಾರ ಸಂಘಗಳ ಅರ್ಥಿಕ ಅವ್ಯವಹಾರಗಳ ಕುರಿತು ಸಲ್ಲಿಕೆಯಾಗುವ ದೂರುಗಳನ್ನು ನಿಗಧಿತ ಕಾಲಾವಧಿಯಲ್ಲಿ ವಿಲೇಗೊಳಿಸುವುದರ ಜೊತೆಗೆ ಅಂತಹ ಸಂಸ್ಥೆಗಳಲ್ಲಿ ಸಾರ್ವಜನಿಕರ ಠೇವಣಿ ಮೊತ್ತ ಸುರಕ್ಷಿತವಾಗಿರುವಂತೆ ಅಗತ್ಯ ಎಚ್ಚರವಹಿಸಬೇಕು’ ಎಂದು ಸೂಚಿಸಿದರು. ಸಭೆಯಲ್ಲಿ ಜಿ ಪಂ ಸಿಇಓ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಉಪ ವಿಭಾಗಾಧಿಕಾರಿ ಶ್ರವಣ ಕುಮಾರ್, ಸಹಕಾರಿ ಸಂಘಗಳ ಉಪ ನಿಬಂಧಕಿ ತೇಜಸ್ವಿನಿ ಗೌಡ, ಲೀಡ್ ಬ್ಯಾಂಕ್ ಮೇನೇಜರ್ ರಾಜಪ್ಪ ಇತರರು ಇದ್ದರು.
- [ನೇಣಿಗೆ ಶರಣಾದ ವಿದ್ಯಾರ್ಥಿ: ಸಾವಿನಲ್ಲಿ ಸಂಶಯ!](https://mobiletime.in/2026/07/student-hangs-himself-suspicion-surrounding-death/): ದಾoಡೇಲಿ ಅಂಬೇವಾಡಿ ಬಳಿ ವಿದ್ಯಾರ್ಥಿಯೊಬ್ಬರು ನೇಣಿಗೆ ಶರಣಾದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಅವರ ಸಾವಿನಲ್ಲಿ ಸಂಶಯವಿರುವುದಾಗಿ ಕುಟುಂಬದವರು ಹೇಳಿದ್ದಾರೆ. ಅಂಬೇವಾಡಿ ಗಾಂವಠಾಣಾ ಬಳಿಯ ನವಗ್ರಾಮ ಗೌಟನ ಬಳಿ ಸುಹಾಸ್ ಸಂತೋಷ ಲಮಾಣಿ ಅವರು ವಾಸವಾಗಿದ್ದರು. 14 ವರ್ಷದ ಅವರು 9ನೇ ತರಗತಿಯಲ್ಲಿ ಓದುತ್ತಿದ್ದರು. ಗುರುವಾರ ಸಂಜೆ ಅವರು ಮನೆಯಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಶವ ನೋಡಿ ಕುಟುಂಬದವರು ಆಘಾತಕ್ಕೆ ಒಳಗಾಗಿದ್ದಾರೆ. ಮನೆಯ ಕೋಣೆಯಲ್ಲಿರುವ ಜಂತಿಗೆ ಸೀರೆ ಕಟ್ಟಿಕೊಂಡು ಸುಹಾಸ್ ಆತ್ಮಹತ್ಯೆಗೆ ಶರಣಾದ ಸ್ಥಿತಿಯಲ್ಲಿ ಶವ ಕಾಣಿಸಿದೆ. ವಿಷಯವೊಂದನ್ನು ಮನಸ್ಸಿಗೆ ಹಚ್ಚಿಕೊಂಡು ಸುಹಾಸ್ ಲಮಾಣಿ ಅವರು ಚಿಂತಿಸುತ್ತಿದ್ದರು ಎಂದು ಅವರ ತಾಯಿ ರೇಣುಕಾ ಲಮಾಣಿ ಅವರು ಹೇಳಿದ್ದಾರೆ. ಅದಾಗಿಯೂ, ಅವರ ಸಾವಿನಲ್ಲಿ ಸಂಶಯವಿರುವುದಾಗಿ ಅವರು ದೂರಿದ್ದಾರೆ. ವಿದ್ಯಾರ್ಥಿಯ ಶವವನ್ನು ಮರಣೋತ್ತರ ಪರೀಕ್ಷೆಗೆ ಒಳಪಡಿಸಲಾಗಿದೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ನಡೆಸಿದ್ದಾರೆ.  
- [ಕೈಗಾ: ಅಣು ಘಟಕಕ್ಕೆ ನೂತನ ನಿರ್ದೇಶಕ](https://mobiletime.in/2026/07/kaiga-new-director-for-nuclear-unit/): ಕೈಗಾ ಅಣು ವಿದ್ಯುತ್ ಘಟಕದ ನೂತನ ಸ್ಥಳ ನಿರ್ದೇಶಕರಾಗಿ ಸುಬ್ರತ್ದಾಸ ಅವರು ಅಧಿಕಾರವಹಿಸಿಕೊಂಡಿದ್ದಾರೆ. ಸುಬ್ರತ್ದಾಸ ಅವರು 11ನೇ ಸ್ಥಳ ನಿರ್ದೇಶಕರಾಗಿದ್ದಾರೆ. ಸುಬ್ರತ್ದಾಸ ಮೂಲತ ಓಡಿಸ್ಸಾ ರಾಜ್ಯದ ಪೂರಿ ಜಿಲ್ಲೆಯವರಾಗಿದ್ದಾರೆ. ರಿಜನಲ್ ಇಂಜಿನೀಯರಿAಗ್ ಕಾಲೇಜು, ರೂರ್ಕಿಯಿಂದ ಯಾಂತ್ರಿಕ ವಿಭಾಗದಲ್ಲಿ ಅವರು ಪದವಿ ಪಡೆದಿದ್ದಾರೆ. 1989ರಲ್ಲಿ ಎನ್‌ಪಿಸಿಐಎಲ್ ಕೈಗಾದಲ್ಲಿ ಇಂಜಿನೀಯರಾಗಿ ಅವರು ವೃತ್ತಿ ಶುರು ಮಾಡಿದ್ದು, ಸದ್ಯ ಅಲ್ಲಿಯೇ ಅವರು ಸ್ಥಳ ನಿರ್ದೇಶಕರಾಗಿದ್ದಾರೆ. ಪರಮಾಣು ವಿದ್ಯುತ್ ಕೇಂದ್ರದ ಕಮಿಶನಿಂಗ್ ಕ್ರಿಯೆಗಳನ್ನು ಸುಬ್ರತ್ದಾಸ ಅವರು ಯಶಸ್ವಿಯಾಗಿ ನಿಭಾಯಿಸಿದ್ದಾರೆ. ಅವರ ಮಾರ್ಗದರ್ಶನದಲ್ಲಿ ಕೈಗಾ 1 ರಿಂದ 4 ಹಾಗೂ ರಾಜಸ್ಥಾನದ 7 ಮತ್ತು 8 ಘಟಕಗಳು ಉತ್ತಮವಾಗಿ ಕಾರ್ಯನಿರ್ವಹಿಸಿವೆ. ದೇಶಾದ್ಯಾಂತ ಉನ್ನತ ಹುದ್ದೆ ನಿಭಾಯಿಸಿದ ಅವರು ಜುಲೈ 1ರಂದು ಕೈಗಾ ಸ್ಥಳ ನಿರ್ದೇಶಕರಾಗಿ ಅಧಿಕಾರ ಸ್ವೀಕರಿಸಿದ್ದಾರೆ.
- [ವಿದ್ಯುತ್ ಖಾಸಗಿಕರಣ: ಟಾಟಾ ಕಂಪನಿಗೆ ಟಾಟಾ!](https://mobiletime.in/2026/07/power-privatization-a-tata-to-the-tata-company/): ವಿದ್ಯುತ್ ಹಂಚಿಕೆ ಹಾಗೂ ನಿರ್ವಹಣೆಯನ್ನುವಹಿಸಿಕೊಳ್ಳುವುದಾಗಿ ಟಾಟಾ ಪವರ್ ಕಂಪನಿ ಸರ್ಕಾರಕ್ಕೆ ಅರ್ಜಿ ಸಲ್ಲಿಸಿದ್ದು, ಭಾರೀ ವಿರೋದದ ನಂತರ ಆ ಅರ್ಜಿಯನ್ನು ಕಂಪನಿ ಹಿಂಪಡೆದಿದೆ. ಕರ್ನಾಟಕ ವಿದ್ಯುತ್ ನಿಯಂತ್ರಣ ಆಯೋಗದ ಮುಂದೆ ಟಾಟಾ ಪವರ್ ಕಂಪನಿ ಸಲ್ಲಿಸಿದ್ದ ರಾಜ್ಯದ 19 ಕಂದಾಯ ಜಿಲ್ಲೆಗಳಿಗೆ ಸಂಬAಧಿಸಿದ ‘ಸಮಾನಾಂತರ ವಿದ್ಯುತ್ ವಿತರಣಾ ಪರವಾನಗಿ’ ಅರ್ಜಿಯನ್ನು ಶುಕ್ರವಾರ ಹಿಂಪಡೆದಿದೆ. ಈ ಬೆಳವಣಿಗೆಯನ್ನು ಕರ್ನಾಟಕ ಪ್ರಾಂತ ರೈತ ಸಂಘ ಹಾಗೂ ಕೆಇಬಿ ಎಂಜಿನಿಯರ್ಸ್ ಅಸೋಸಿಯೇಷನ್ ಹಾಗೂ ವಿವಿಧ ಕಾರ್ಮಿಕ ಮತ್ತು ಜನಪರ ಸಂಘಟನೆಗಳು ಸ್ವಾಗತಿಸಿವೆ. ಟಾಟಾ ಪವರ್ ಕಂಪನಿಯ ಪ್ರತಿನಿಧಿಯು, ಕರ್ನಾಟಕದ ಎಲ್ಲಾ 19 ಕಂದಾಯ ಜಿಲ್ಲೆಗಳಲ್ಲಿ ಸಮಾನಾಂತರ ವಿದ್ಯುತ್ ವಿತರಣಾ ಪರವಾನಗಿ ಪಡೆಯಲು ಸಲ್ಲಿಸಿದ್ದ ಅರ್ಜಿಯನ್ನು ಹಿಂಪಡೆಯುವ ಮನವಿ ಸಲ್ಲಿಸಿದರು. ವಿಚಾರಣೆ ವೇಳೆ ಅರ್ಜಿಯಲ್ಲಿ ಕೆಲವು ಲೋಪಗಳು ಇರುವುದನ್ನು ಕೆಇಆರ್‌ಸಿ ಅಧ್ಯಕ್ಷರು ಗಮನಿಸಿದ್ದು, ಬಳಿಕ ಅರ್ಜಿ ಹಿಂಪಡೆಯಲು ಸಲ್ಲಿಸಿದ್ದ ಮನವಿಯನ್ನು ಅಂಗೀಕರಿಸಿದ್ದಾರೆ. ಟಾಟಾ ಕಂಪನಿಗೆ ವಿದ್ಯುತ್ ವಿತರಣಾ ಪರವಾನಗಿ ನೀಡದಂತೆ ಒತ್ತಾಯಿಸಿ ರೈತ ಮತ್ತು ಜನಪರ ಸಂಘಟನೆಗಳು ಪ್ರತಿಭಟನೆ ನಡೆಸಿದ್ದವು. ಸಿಪಿಐ(ಎಂ) ನೇತೃತ್ವದಲ್ಲಿ ಎಡ ಪಕ್ಷಗಳು ಬೆಂಗಳೂರಿನಲ್ಲಿ ವಿದ್ಯುತ್ ಖಾಸಗೀಕರಣ ವಿರೋಧಿಸಿ ರಾಜ್ಯ ಮಟ್ಟದ ಸಮಾವೇಶ ನಡೆಸಿದ್ದವು. ರಾಜ್ಯದ ಎಲ್ಲ ಜನರು ಆಕ್ಷೇಪಣೆ ಸಲ್ಲಿಸುವಂತೆ ಸಮಾವೇಶ ಮನವಿ ಮಾಡಿತ್ತು. ಸಾವಾರಾರು ಆಕ್ಷೇಪಣೆಗಳು ಸಲ್ಲಿಕೆಯಾಗಿದ್ದವು. ಈ ಬಗ್ಗೆ ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಪ್ರತಿಕ್ರಿಯಿಸಿ `ಟಾಟಾ ಪವರ್ ಅರ್ಜಿ ಹಿಂಪಡೆಯಲು ರಾಜ್ಯಾದ್ಯಂತ ನಡೆದ ನಿರಂತರ ಹೋರಾಟ, ಸಾರ್ವಜನಿಕ ಪ್ರತಿರೋಧ ಹಾಗೂ ವಿವಿಧ ಸಂಘಟನೆಗಳ ಒಗ್ಗಟ್ಟಿನ ಪ್ರಯತ್ನವೇ ಕಾರಣ’ ಎಂದು ಹೇಳಿದ್ದಾರೆ.
- [ಪಾಸ್ ಕೊಟ್ಟು ಬಸ್ ಬಿಡದ ಸರ್ಕಾರ!](https://mobiletime.in/2026/07/government-issues-passes-but-fails-to-run-buses/): ಶಾಲೆಗೆ ಹೋಗುವ ಮಕ್ಕಳಿಗೆ ಸರ್ಕಾರ ಉಚಿತ ಬಸ್ ಪಾಸ್ ಕೊಟ್ಟಿದೆ. ಆದರೆ, ಅಗತ್ಯಕ್ಕೆ ಅನುಣವಾಗಿ ಬಸ್ ಮಾತ್ರ ಬಿಡುತ್ತಿಲ್ಲ. ಹೀಗಾಗಿ ಯಲ್ಲಾಪುರ-ಅಂಕೋಲಾ ಮಾರ್ಗದ ವಿದ್ಯಾರ್ಥಿಗಳು ಲಾರಿ-ಟ್ರಕ್ಕುಗಳನ್ನು ಆಶ್ರಯಿಸಿ ಶಾಲೆ ಸೇರುತ್ತಿದ್ದಾರೆ. ಯಲ್ಲಾಪುರ-ಅಂಕೋಲಾ ಮಾರ್ಗವಾಗಿ ನಿತ್ಯ ಹಲವು ಬಸ್ ಓಡಾಡುತ್ತವೆ. ಆದರೆ, ಅನೇಕ ಬಸ್ಸುಗಳು ಸ್ಥಳೀಯವಾಗಿ ನಿಲುಗಡೆ ಹೊಂದುತ್ತಿಲ್ಲ. ಅದರಿಂದ ವಿದ್ಯಾರ್ಥಿಗಳು ದಿನವೂ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಸ್ಥಳೀಯ ಬಸ್ಸುಗಳ ಓಡಾಟವಿಲ್ಲದ ಕಾರಣ ಅವರ ಬಳಿಯಿರುವ ಪಾಸ್ ಪ್ರಯೋಜನಕ್ಕೆ ಬರುತ್ತಿಲ್ಲ. ಶಾಲೆಗೆ ಹೋಗುವುದಕ್ಕಾಗಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಗಂಟೆಗಟ್ಟಲೆ ಕಾಯುವ ಮಕ್ಕಳು ಸಿಕ್ಕ ಸಿಕ್ಕ ವಾಹನಗಳಿಗೆ ಕೈ ಮಾಡುತ್ತಿದ್ದಾರೆ. ಮಾಸ್ತಿಕಟ್ಟಾ, ಹಬ್ಬುಳ, ಮೂಲೆಮನೆ, ಸಬಗುಳಿ, ಆಲದಕೋಣ, ವಜ್ರಳ್ಳಿ ಸೇರಿದಂತೆ ಹಲವು ಗ್ರಾಮಗಳ ವಿದ್ಯಾರ್ಥಿಗಳು ಪ್ರತಿನಿತ್ಯ ಇದೇ ಸಂಕಷ್ಟ ಅನುಭವಿಸುತ್ತಿದ್ದಾರೆ. ಅಂಕೋಲಾ ಮತ್ತು ಯಲ್ಲಾಪುರದ ಶಾಲೆ, ಕಾಲೇಜು ಹಾಗೂ ವಿವಿಧ ತರಬೇತಿ ಕೇಂದ್ರಗಳಿಗೆ ತೆರಳಲು ಸ್ಥಳೀಯ ಬಸ್ ಸೌಕರ್ಯ ಇಲ್ಲದ ಕಾರಣ ಮಕ್ಕಳಿಗೆ ದೊಡ್ಡ ಸಮಸ್ಯೆಯಾಗಿದೆ. ಇಲ್ಲಿನ ಅನೇಕ ವಿದ್ಯಾರ್ಥಿಗಳು ಲಾರಿ, ಟಾಕ್ಸಿ ಹಾಗೂ ಇನ್ನಿತರ ಅಪರಿಚಿತ ವಾಹನ ಅವಲಂಭಿಸಿ ಓಡಾಡುತ್ತಿದ್ದು, ಸಮಯಕ್ಕೆ ಸರಿಯಾಗಿ ಶಾಲೆ ತಲುಪಲು ತೊಂದರೆ ಅನುಭವಿಸುತ್ತಿದ್ದಾರೆ. ಅಂಕೋಲಾ – ಯಲ್ಲಾಪುರ ಮಾರ್ಗದಲ್ಲಿ ವಿದ್ಯಾರ್ಥಿಗಳಷ್ಟೇ ಅಲ್ಲದೆ ಕಾರ್ಮಿಕರು, ಸಣ್ಣ ವ್ಯಾಪಾರಿಗಳು ಹಾಗೂ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಸಂಚರಿಸುತ್ತಾರೆ. ಆದರೂ ಪ್ರಯಾಣಿಕರ ಬೇಡಿಕೆಗೆ ಅನುಗುಣವಾಗಿ ಅಂಕೋಲಾದಿAದ ಯಲ್ಲಾಪುರ ಮಾರ್ಗದಲ್ಲಿ ಒಂದೇ ಒಂದು ಸ್ಥಳೀಯ ಬಸ್ ಬಿಡುತ್ತಿಲ್ಲ. ಎಲ್ಲಾ ಹಳ್ಳಿಗಳ ಓಡಾಟಕ್ಕೂ ಸ್ಥಳೀಯ ಬಸ್ ವ್ಯವಸ್ಥೆ ಇದ್ದರೂ ಹೆದ್ದಾರಿ ಮಾರ್ಗವಾಗಿ ಸೂಕ್ತ ಬಸ್ ಬಿಡದಿರುವುದು ಅಸಮಧಾನಕ್ಕೆ ಕಾರಣವಾಗಿದೆ.
- [ಥಿಯೇಟರ್ ಟೂರ್: ಬೆಂಗಳೂರಿನಲ್ಲಿ ಇಮ್ತಿಯಾಜ್ ಅಲಿಗೆ ಭವ್ಯ ಸ್ವಾಗತ](https://mobiletime.in/2026/07/theatre-tour-grand-welcome-for-imtiaz-ali-in-bengaluru/): ಖ್ಯಾತ ಚಲನಚಿತ್ರ ನಿರ್ದೇಶಕ ಇಮ್ತಿಯಾಜ್ ಅಲಿ ತಮ್ಮ ಹೊಸ ಸಿನಿಮಾ ‘ಮೇನ್ ವಾಪಸ್ ಆವುಂಗಾ’ ಯಶಸ್ಸಿನ ಸಂಭ್ರಮಾಚರಣೆಯ ಭಾಗವಾಗಿ ಶುಕ್ರವಾರ ಬೆಂಗಳೂರಿಗೆ ಭೇಟಿ ನೀಡಿದ್ದರು. ಈ ವೇಳೆ ಸಿಲಿಕಾನ್ ಸಿಟಿಯ ಜನತೆ ಅವರಿಗೆ ಅಭೂತಪೂರ್ವ ಸ್ವಾಗತ ಕೋರಿದ್ದಾರೆ. ತಮ್ಮ ನೆಚ್ಚಿನ ನಿರ್ದೇಶಕನನ್ನು ಕಣ್ಣುಂಬಿಕೊಳ್ಳಲು ಕೋರಮಂಗಲದ ನೆಕ್ಸಸ್ ಮಾಲ್, ಬನ್ನೇರುಘಟ್ಟ ರಸ್ತೆಯ ಪಿವಿಆರ್ ವೇಗಾ ಸಿಟಿ, ಪಿವಿಆರ್ ವಿಆರ್ ಬೆಂಗಳೂರು ಮತ್ತು ಪಿವಿಆರ್ ಫೀನಿಕ್ಸ್ ಮಾರ್ಕೆಟ್‌ಸಿಟಿಗೆ ಅಭಿಮಾನಿಗಳು ಸಾಗರೋಪಾದಿಯಲ್ಲಿ ಹರಿದು ಬಂದಿದ್ದರು. ಚಿತ್ರಮಂದಿರಗಳ ತುಂಬೆಲ್ಲಾ ಹರ್ಷೋದ್ಗಾರ, ಕಿಕ್ಕಿರಿದು ತುಂಬಿದ್ದ ಜನಸಂದಣಿ, ಸೆಲ್ಫಿಗಳ ಅಬ್ಬರ ಮತ್ತು ಇಮ್ತಿಯಾಜ್ ಅಲಿ ಅವರೊಂದಿಗೆ ಅಭಿಮಾನಿಗಳು ನಡೆಸಿದ ಆತ್ಮೀಯ ಸಂವಾದಗಳು ಬೆಂಗಳೂರಿಗರಿಗೆ ಸಿನಿಮಾ ಮೇಲಿರುವ ಪ್ರೀತಿಯನ್ನು ಸಾಬೀತುಪಡಿಸಿದವು. ಚಿತ್ರಮಂದಿರಗಳಿಗೆ ಭೇಟಿ ನೀಡಿದ ಇಮ್ತಿಯಾಜ್ ಅಲಿ, ಪ್ರೇಕ್ಷಕರೊಂದಿಗೆ ನೇರವಾಗಿ ಸಂವಾದ ನಡೆಸಿ, ‘ಮೇನ್ ವಾಪಸ್ ಆವುಂಗಾ’ ಚಿತ್ರಕ್ಕೆ ಸಿಗುತ್ತಿರುವ ಅಪಾರ ಪ್ರಶಂಸೆಗೆ ಧನ್ಯವಾದ ಅರ್ಪಿಸಿದರು. ಪ್ರೇಕ್ಷಕರು ಸಿನಿಮಾ ಜೊತೆ ಕನೆಕ್ಟ್ ಆಗಿ ಭಾವುಕರಾಗಿದ್ದನ್ನು ನೋಡಿ ಅವರು ಸಂತಸ ಹಂಚಿಕೊಂಡರು. ದೇಶಾದ್ಯಂತ ಈ ಚಿತ್ರಕ್ಕೆ ಸಿಗುತ್ತಿರುವ ಅಭೂತಪೂರ್ವ ಪ್ರತಿಕ್ರಿಯೆಯ ಸಂಭ್ರಮವನ್ನು ಈ ಭೇಟಿ ಮತ್ತಷ್ಟು ಹೆಚ್ಚಿಸಿದೆ. ದಿಲ್ಜಿತ್ ದೋಸಾಂಜ್, ವೇದಾಂತ್ ರೈನಾ ಮತ್ತು ಶರ್ವರಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ‘ಮೇನ್ ವಾಪಸ್ ಆವುಂಗಾ’ ಸಿನಿಮಾ, ತನ್ನ ಹೃದಯಸ್ಪರ್ಶಿ ಕಥೆ ಮತ್ತು ಅದ್ಭುತ ನಟನೆಯ ಮೂಲಕ ಪ್ರೇಕ್ಷಕರ ಮನ ಗೆದ್ದಿದೆ. ಜಬ್ ವಿ ಮೆಟ್, ಲವ್ ಆಜ್ ಕಲ್, ರಾಕ್‌ಸ್ಟಾರ್, ಹೈವೇ, ತಮಾಷಾ, ಕಾಕ್‌ಟೇಲ್ ಮತ್ತು ಜಬ್ ಹ್ಯಾರಿ ಮೆಟ್ ಸೆಜಲ್ ನಂತಹ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿರುವ ಇಮ್ತಿಯಾಜ್ ಅಲಿ, ತಲೆಮಾರುಗಳನ್ನು ದಾಟಿ ಕಾಡುವ ಕಥೆಗಳ ಮೂಲಕ ಇಂದಿಗೂ ಪ್ರೇಕ್ಷಕರನ್ನು ಮಂತ್ರಮುಗ್ಧರನ್ನಾಗಿಸುತ್ತಿದ್ದಾರೆ. ಅವರ ಈ ಬೆಂಗಳೂರು ಭೇಟಿಯು ಇತ್ತೀಚಿನ ದಿನಗಳಲ್ಲಿ ನಗರದಲ್ಲಿ ನಡೆದ ಅತ್ಯಂತ ಸ್ಮರಣೀಯ ಪ್ರಚಾರದ ಈವೆಂಟ್‌ಗಳಲ್ಲಿ ಒಂದಾಗಿದೆ. ಬೆಂಗಳೂರಿನ ಪ್ರೀತಿಯ ಬಗ್ಗೆ ಇಮ್ತಿಯಾಜ್ ಅಲಿ ಮಾತುಗಳು: “ನನ್ನ ಬೆಂಗಳೂರು ಭೇಟಿ ನಿಜಕ್ಕೂ ರೋಮಾಂಚನಕಾರಿಯಾಗಿತ್ತು. ಭರ್ತಿ ಆಗಿದ್ದ ಥಿಯೇಟರ್‌ಗಳಲ್ಲಿ ಪ್ರೇಕ್ಷಕರು ‘ಮೇನ್ ವಾಪಸ್ ಆವುಂಗಾ’ ಚಿತ್ರಕ್ಕೆ ಪ್ರತಿಕ್ರಿಯಿಸುತ್ತಿದ್ದ ರೀತಿ ಮರೆಯಲು ಸಾಧ್ಯವಿಲ್ಲ. ಸಿನಿಮಾ ಮುಗಿಯುವ ಹೊತ್ತಿಗೆ ಪ್ರೇಕ್ಷಕರಿಂದ ಸಿಕ್ಕ ಅಪಾರ ಪ್ರೀತಿ ನನ್ನ ಕಣ್ಣು ತೇವಗೊಳಿಸಿತು. ಬೆಂಗಳೂರು ಅತ್ಯಂತ ಯೂತ್‌ಫುಲ್ ಮತ್ತು ಕಾಸ್ಮೋಪಾಲಿಟನ್ ಸಿಟಿ. ಇಲ್ಲಿನ ಜನ ಕೇವಲ ಸಿನಿಮಾ ನೋಡಿ ಭಾವುಕರಾಗಲಿಲ್ಲ, ಬದಲಿಗೆ ಆ ಸಿನಿಮಾ ತಮ್ಮದೇ ಎಂಬಂತೆ ಸಂಭ್ರಮಿಸಿದರು. ಥಿಯೇಟರ್‌ನಲ್ಲಿ ಸಿನಿಮಾ ಹೇಗೆ ಜೀವ ಪಡೆದುಕೊಳ್ಳುತ್ತದೆ ಎಂಬುದನ್ನು ನಾನು ಇಲ್ಲಿ ಕಣ್ಣಾರೆ ಕಂಡೆ. ಒಂಟಿಯಾಗಿ ಸಿನಿಮಾ ನೋಡುವುದಕ್ಕಿಂತ, ನೂರಾರು ಜನರ ಮಧ್ಯೆ ಒಟ್ಟಿಗೆ ಕುಳಿತು ಸಿನಿಮಾ ನೋಡುವುದರಲ್ಲಿರುವ ಮ್ಯಾಜಿಕ್ ದೊಡ್ಡದು. ಅದನ್ನು ಬೆಂಗಳೂರು ನನಗೆ ನೆನಪಿಸಿತು. ಇಲ್ಲಿನ ಜನ ಭಾವನೆಗಳನ್ನು ತುಂಬಾ ಚೆನ್ನಾಗಿ ವ್ಯಕ್ತಪಡಿಸುತ್ತಾರೆ, ಕಥೆಗಳನ್ನು ಮುಕ್ತ ಮನಸ್ಸಿನಿಂದ ಸ್ವೀಕರಿಸುತ್ತಾರೆ. ‘ಮೇನ್ ವಾಪಸ್ ಆವುಂಗಾ’ ಕಥೆ ಪಂಜಾಬ್ ಹಿನ್ನೆಲೆಯಲ್ಲಿದ್ದರೂ, ಕಥೆಯಲ್ಲಿ ಮಾನವೀಯತೆ ಇದ್ದಾಗ ಭೌಗೋಳಿಕ ದೂರ ಮರೆಯಾಗುತ್ತದೆ ಎಂಬುದನ್ನು ನಾನು ಅರಿತುಕೊಂಡೆ. ಮಾನವೀಯ ಭಾವನೆಗಳಿಗೆ ಯಾವುದೇ ಗಡಿಗಳಿಲ್ಲ ಎಂಬುದಕ್ಕೆ ಬೆಂಗಳೂರಿನ ಪ್ರೇಕ್ಷಕರೇ ಸಾಕ್ಷಿ. ಇಲ್ಲಿನ ಜನರ ಆತಿಥ್ಯ, ಪ್ರೀತಿ ಮತ್ತು ಉದಾರತೆಗೆ ನಾನು ಮನಸೋತಿದ್ದೇನೆ. ಅವರು ತೋರಿಸಿದ ಸಣ್ಣ ಸಣ್ಣ ಸೌಜನ್ಯದ ನಡವಳಿಕೆಗಳೂ ನನ್ನ ಹೃದಯ ಮುಟ್ಟಿವೆ. ಪ್ರೇಕ್ಷಕರು ಥಿಯೇಟರ್‌ಗೆ ಬರುವ ತನಕ ನಾನು ಸಿನಿಮಾ ಮಾಡುತ್ತಲೇ ಇರುತ್ತೇನೆ ಎಂದು ನಾನು ಅವರಿಗೆ ಮಾತು ಕೊಟ್ಟಿದ್ದೇನೆ. ಹಾಗೆಯೇ ಬೆಂಗಳೂರಿನ ಜನ ಕೂಡ ನನ್ನ ಸಿನಿಮಾಗಳನ್ನು ಥಿಯೇಟರ್‌ನಲ್ಲೇ ಬಂದು ನೋಡುತ್ತೇವೆ ಎಂದು ಪ್ರಾಮಿಸ್ ಮಾಡಿದ್ದಾರೆ. ಇದು ನಮ್ಮಿಬ್ಬರ ನಡುವಿನ ಒಪ್ಪಂದ. ಇದಕ್ಕೆ ಪ್ರತಿಯಾಗಿ, ನೀವು ಥಿಯೇಟರ್‌ಗೆ ಬಂದು ನೋಡುವಂತಹ ಅತ್ಯುತ್ತಮ ಕಥೆಗಳನ್ನು ನೀಡುತ್ತಲೇ ಇರುತ್ತೇನೆ ಎಂದು ನಾನು ಮಾತು ನೀಡುತ್ತೇನೆ.” – ಇಮ್ತಿಯಾಜ್ ಅಲಿ
- [ಸಾಲ ಮಾಡಿ ಕಾರು ಖರೀದಿಸಿದ: ಸಾಲ ತೀರಿಸಲಾಗದೇ ಸಾವನಪ್ಪಿದ!](https://mobiletime.in/2026/07/bought-a-car-on-loan-died-unable-to-repay-the-debt/): ಕಾರು ಖರೀದಿಗಾಗಿ ಕೆನರಾ ಬ್ಯಾಂಕಿನಲ್ಲಿ ಸಾಲ ಮಾಡಿದ ಶಿವಮೊಗ್ಗದ ಲೋಕೇಶ ಅವರು ಸಾಲ ತೀರಿಸಲಾಗದ ಕಾರಣ ಶಿರಸಿಗೆ ಬಂದು ಸಾವನಪ್ಪಿದ್ದಾರೆ. 34ನೇ ವಯಸ್ಸಿನಲ್ಲಿಯೇ ಮಗನನ್ನು ಕಳೆದುಕೊಂಡ 74 ವರ್ಷದ ವಿರೂಪಾಕ್ಷ ಅವರು ಬಿಕ್ಕಿ ಬಿಕ್ಕಿ ಅಳುತ್ತಿದ್ದಾರೆ. ಶಿವಮೊಗ್ಗದ ಶಿಕಾರಿಪುರ ಕೊಳಗಿ ಬಳಿ ಲೋಕೇಶ ವಿರೂಪಾಕ್ಷ ಅವರು ವಾಸವಾಗಿದ್ದರು. ಕೃಷಿ ಕೆಲಸ ಮಾಡಿಕೊಂಡಿದ್ದ ಅವರಿಗೆ ಕಾರು ಖರೀದಿಸುವ ಮನಸ್ಸಾಯಿತು. ಕೈಯಲ್ಲಿ ಕಾಸಿಲ್ಲದ ಕಾರಣ ಅವರು ಕೆನರಾ ಬ್ಯಾಂಕಿನಲ್ಲಿ ಸಾಲ ಮಾಡಲು ನಿರ್ಧರಿಸಿದರು. ಎರಡು ವರ್ಷದ ಹಿಂದೆ ಪತ್ನಿ ಹೆಸರಿನಲ್ಲಿ 10 ಲಕ್ಷ ರೂ ಬೆಳೆ ಸಾಲ ಮಾಡಿದರು. ಅದಾದ ನಂತರ ಶಿರಾಳಿಕೊಪ್ಪದ ಕೆನರಾ ಬ್ಯಾಂಕಿಗೆ ಹೋಗಿ ಮತ್ತೆ 8 ಲಕ್ಷ ರೂ ಸಾಲ ಮಾಡಿದರು. ಕಾರನ್ನು ಸಹ ಖರೀದಿಸಿದರು. ಈ ನಡುವೆ ಲೋಕೇಶ ಅವರಿಗೆ ಆರ್ಥಿಕ ಸಂಕಷ್ಟ ಶುರುವಾಯಿತು. ಜೂನ್ 29ರಂದು ಅವರು ಬೆಳೆಗೆ ಬೇಕಾಗುವ ಗೊಬ್ಬರ ಖರೀದಿಗೆ ಶಿರಸಿಗೆ ಬಂದಿದ್ದರು. ಹಣವಿಲ್ಲದ ಕಾರಣ ಪತ್ನಿಯ ಚಿನ್ನದ ಸರ ಅಡವಿಟ್ಟು ಮತ್ತೆ ಸಾಲ ಮಾಡಲು ನಿರ್ಧರಿಸಿದ್ದರು. ತೋಗರ್ಸಿ ಬ್ಯಾಂಕ್ ಆಫ್ ಬರೋಡಾದಲ್ಲಿ 3 ತೊಲೆ ಚಿನ್ನ ಅಡವಿಟ್ಟ ಲೋಕೇಶ್ ಅವರು ಮತ್ತೆ ಸಾಲ ಮಾಡಿದರು. ಮಳೆ-ಬೆಳೆ ಸಮಯಕ್ಕೆ ಸರಿಯಾಗಿ ಆಗದ ಕಾರಣ ಲೋಕೇಶ್ ಅವರಿಗೆ ಸಾಲದ ಕಂತು ಪಾವತಿ ಕಷ್ಟವಾಯಿತು. ಅದೇ ಚಿಂತೆಯಲ್ಲಿದ್ದ ಅವರು ಆತ್ಮಹತ್ಯೆಗೆ ನಿರ್ಧರಿಸಿದರು. ಜೂನ್ 1ರಂದು ಶಿರಸಿಯ ಇಳಸೂರಿಗೆ ಬಂದಿದ್ದ ಲೋಕೇಶ್ ಅವರು ಅಲ್ಲಿ ವಿಷ ಸೇವಿಸಿದರು. ಹುಲಿದೇವರ ರಸ್ತೆ ಬದಿ ಲೋಕೇಶ್ ಅವರು ನರಳಾಡಿ ಸಾವನಪ್ಪಿದರು. ಅಲ್ಲಿದ್ದ ಶವ ನೋಡಿದ ಪೊಲೀಸರು ಕುಟುಂಬದವರನ್ನು ಹುಡುಕಿ ವಿಷಯ ಮುಟ್ಟಿಸಿದರು. ದುಡಿದು ಸಂಸಾರ ನಡೆಸಬೇಕಿದ್ದ ಯುವಕ ಬೀದಿಯಲ್ಲಿ ಬಿದ್ದು ಹೆಣವಾಗಿದನ್ನು ನೋಡಿ ಊರಿನವರು ಶೋಕವ್ಯಕ್ತಪಡಿಸಿದರು.  
- [ಕೈಗಾ: ಉದ್ಯೋಗಕ್ಕೆ ಆಗ್ರಹಿಸಿದವನ ವಿರುದ್ಧ ದೂರು!](https://mobiletime.in/2026/07/kaiga-complaint-filed-against-man-who-demanded-a-job/): `ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ಸ್ಥಳೀಯರಿಗೆ ಕೆಲಸ ಕೊಡಬೇಕು’ ಎಂದು ಮಲ್ಲಾಪುರದ ಅಂಬ್ರಿಷ್ ಬಾಂದೇಕರ್ ಅವರು ಪಟ್ಟು ಹಿಡಿದಿದ್ದಾರೆ. ಕೈಗಾದಲ್ಲಿ 5 & 6ನೇ ಘಟಕ ನಿರ್ಮಾಣ ಮಾಡುತ್ತಿರುವ ಮೇಗಾ ಇಂಜಿನಿಯರಿoಗ್ ಕಂಪನಿ ಅಧಿಕಾರಿಯೊಬ್ಬರು ಅವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಮಲ್ಲಾಪುರದ ಹಿಂದೂವಾಡದಲ್ಲಿ ಅಂಬ್ರಿಷ್ ಬಾಂದೇಕರ್ ಅವರು ವಾಸವಾಗಿದ್ದಾರೆ. ಅವರು ಕೈಗಾ ಅಣು ಘಟಕದಲ್ಲಿ ಸ್ಥಳೀಯರಿಗೆ ಉದ್ಯೋಗ ಕೊಡಬೇಕು ಎಂದು ಆಗ್ರಹಿಸಿದ್ದಾರೆ. ಅದರೊಂದಿಗೆ ಗುತ್ತಿಗೆ ಕೆಲಸ ಹಾಗೂ ವಾಹನಗಳ ಹಂಚಿಕೆ ವಿಚಾರದಲ್ಲಿ ತಾನು ಹೇಳಿದಂತೆಯೇ ಕೇಳಬೇಕು ಎಂದು ಹಠ ಹಿಡಿದಿದ್ದಾರೆ. ಈ ಬಗ್ಗೆ ಮೇಗಾ ಇಂಜಿನಿಯರಿAಗ್ ಕಂಪನಿಯ ಮೆಕಾನಿಕಲ್ ಮ್ಯಾನೇಜರ್ ವೆಂಕಟನಾಯಿಡು ಅವರನ್ನು ಸಂಪರ್ಕಿಸಿದ್ದಾರೆ. ವೆಂಕಟನಾಯಿಡು ಅವರು ಅಂಬ್ರಿಷ್ ಬಾಂದೇಕರ್ ಅವರ ಮಾತಿಗೆ ಬೆಲೆ ಕೊಟ್ಟಿಲ್ಲ. ಇದರಿಂದ ಸಿಟ್ಟಾದ ಅಂಬ್ರಿಷ್ ಬಾಂದೇಕರ್ ಅವರು ಅಲ್ಲಿ ಕೂಗಾಡಿದ್ದಾರೆ. ಜೂನ್ 27ರಂದು ಬೆಳಿಗ್ಗೆ ಕಂಪನಿಯ ಕಚೇರಿಗೆ ಅಂಬ್ರಿಷ್ ಬಾಂದೇಕರ್ ಅವರು ನುಗ್ಗಿ ದಾಂದಲೆ ಮಾಡಿದ ಬಗ್ಗೆ ವೆಂಕಟನಾಯಿಡು ಅವರು ದೂರಿದ್ದಾರೆ. `ನೀವೆಲ್ಲ ಹೊರ ರಾಜ್ಯದಿಂದ ಬಂದವರು, ಇಲ್ಲಿ ನನ್ನ ಅಣತಿಯಂತೆಯೇ ನಡೆಯಬೇಕು’ ಎಂದು ಅಂಬ್ರಿಷ್ ಬಾಂದೇಕರ್ ಹೇಳಿದ ಬಗ್ಗೆ ಅವರು ಆರೋಪಿಸಿದ್ದಾರೆ. ವೆಂಕಟನಾಯಿಡು ನೀಡಿದ ದೂರಿನ ಅನ್ವಯ ಮಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಕೋಟಿ ರೂ ಆಮೀಷ: ದುಡ್ಡು ಕಾಣಿಸಿದರೂ ಸುಮ್ಮನಾಗದ ಗುರೂಜಿ!](https://mobiletime.in/2026/07/lure-of-crores-of-rupees-guruji-who-is-not-satisfied-even-if-he-is-given-money/): ಹೊನ್ನಾವರದ ಬಂಗಾರಮಕ್ಕಿ ಶ್ರೀಕ್ಷೇತ್ರದ ಮಾರುತಿ ಗುರೂಜಿ ಅವರಿಗೆ ಕೋಟಿ ರೂಪಾಯಿಯ ಆಫರ್ ಬಂದಿದೆ. ಶರಾವತಿ ಪಂಪ್ ಸ್ಟೋರೆಜ್ ಯೋಜನೆ ವಿರುದ್ಧ ಹೋರಾಟ ಕೈ ಬಿಡುವಂತೆ ಅವರಿಗೆ ಒತ್ತಡಗಳು ಹೆಚ್ಚಾಗಿವೆ. ಅವೈಜ್ಞಾನಿಕವಾದ ಶರಾವತಿ ಪಂಪ್ ಸ್ಟೋರೆಜ್ ವಿರುದ್ಧ ಎಲ್ಲಡೆ ಜನಾಂದೋಲನ ನಡೆಯುತ್ತಿದೆ. ಈ ಯೋಜನೆ ವಿರೋಧಿಸಿ ಅನೇಕ ಹೋರಾಟಗಳು ನಡೆದಿವೆ. ಬಂಗಾರಮಕ್ಕಿಯ ಮಾರುತಿ ಗುರೂಜಿ ಅವರು ಹೋರಾಟದಲ್ಲಿ ಪ್ರಖರ ಭಾಷಣ ಮಾಡಿದ್ದು, ಯೋಜನೆಯನ್ನು ಸಂಪೂರ್ಣವಾಗಿ ವಿರೋಧಿಸಿದ್ದಾರೆ. ಪರಸರ ನಾಶದ ಜೊತೆ ಮನುಕುಲಕ್ಕೆ ಈ ಯೋಜನೆ ಹಾನಿ ಮಾಡುವ ಬಗ್ಗೆ ಅವರು ವಿವರವಾಗಿ ಹೇಳಿದ್ದಾರೆ. ಈ ಎಲ್ಲಾ ಹಿನ್ನಲೆ ಮಾರುತಿ ಗುರೂಜಿ ಅವರಿಗೆ ಈ ಯೋಜನೆ ವಿರುದ್ಧದ ಹೋರಾಟದಿಂದ ಹಿಂದೆ ಸರಿಯುವಂತೆ ಒತ್ತಡ ಬಂದಿದೆ. ಶರಾವತಿ ಪಂಪ್ ಸ್ಟೋರೇಜ್ ಯೋಜನೆ ವಿರುದ್ಧದ ಹೋರಾಟದಿಂದ ಹಿಂದೆ ಸರಿಯದ ಕಾರಣ ಮಾರುತಿ ಗುರೂಜಿ ಅವರನ್ನು ಹೆದರಿಸುವ ಕೆಲಸ ನಡೆದಿದೆ. ದುಷ್ಕರ್ಮಿಗಳು ಅವರ ಕಾರನ್ನು ಅಪಘಾತ ಮಾಡಿದ್ದು, ಅದಕ್ಕೆ ಸಹ ಮಾರುತಿ ಗುರೂಜಿ ಬಗ್ಗಿಲ್ಲ. ಅದಾದ ನಂತರ ಮಾರುತಿ ಗುರೂಜಿ ಅವರಿಗೆ ಬೆದರಿಕೆಯ ಫೋನ್ ಬಂದಿದೆ. ಅವರ ವಿರುದ್ಧ ಅನಗತ್ಯ ಕೇಸುಗಳನ್ನು ಹಾಕುವ ಪ್ರಯತ್ನ ನಡೆದಿದೆ. ಆದರೆ, ಇಷ್ಟೇಲ್ಲ ನಡೆದರೂ ಮಾರುತಿ ಗುರೂಜಿ `ಶರಾವತಿ ಉಳಿಸಿ’ ಎಂಬ ಆಗ್ರಹದಿಂದ ಹಿಂದೆ ಸರಿದಿಲ್ಲ. ಈ ಎಲ್ಲಾ ಘಟನಾವಳಿಗಳ ನಂತರ ಕೆಪಿಸಿ ಅಧಿಕಾರಿಗಳೇ ಮಾರುತಿ ಗುರೂಜಿ ಅವರ ಬಳಿ ಮಾತುಕಥೆಗೆ ಬಂದಿದ್ದಾರೆ. ಹಣದ ಆಸೆ ತೋರಿಸಿ ಶರಾವತಿ ಪಂಪ್ ಸ್ಟೋರೆಜ್ ಯೋಜನೆಗೆ ಬೆಂಬಲಿಸುವoತೆ ಕೇಳಿಕೊಂಡಿದ್ದಾರೆ. ಆಮೀಷ ಒಡ್ಡಲು ಬಂದವರಿಗೆ ಮಾರುತಿ ಗುರೂಜಿ ಎಚ್ಚರಿಕೆ ನೀಡಿ ಕಳುಹಿಸಿದ್ದಾರೆ. `ದುಡ್ಡಿನ ಆಮೀಷಕ್ಕೆ ನಾವು ಬಲಿ ಆಗುವವರಲ್ಲ’ ಎಂದು ಸಹ ಅವರು ಹೇಳಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಸ್ವತಃ ಮಾರುತಿ ಗುರೂಜಿ ಮಾತನಾಡಿದ್ದಾರೆ. `ನಾಳೆ ಇನ್ನೂ ಹೆಚ್ಚು ದುಡ್ಡು ಕೊಟ್ಟರೆ ಅದಕ್ಕೆ ಒಪ್ಪುವಿರಾ? ಎಂದು ಕೆಲವರು ಪ್ರಶ್ನಿಸಿದ್ದಾರೆ. ಆದರೆ, ಪ್ರಾಣ ಬಿಟ್ಟರೂ ಆ ದುಡ್ಡು ಮುಟ್ಟಲ್ಲ’ ಎಂದು ಮಾರುತಿ ಗುರೂಜಿ ಹೇಳಿದ್ದಾರೆ. `ಪಂಪ್ ಸ್ಟೋರೆಜ್ ಯೋಜನೆ ಮಾಡಲು ಹೊರಟಿರುವವರು ಒಡೆದು ಆಳುವ ನೀತಿ ಅನುಸರಿಸುತ್ತಿದ್ದಾರೆ. ಒಬ್ಬರು ನಿಮ್ಮ ವಿರುದ್ಧ ಕೇಸ್ ಹಾಕುತ್ತೇವೆ ಎಂದು ಹೆದರಿಸಿದರು. ಮತ್ತೊಬ್ಬರು ಆಮೀಷ ಒಡ್ಡಲು ಆಗಮಿಸಿದ್ದರು’ ಎಂದವರು ವಿವರಿಸಿದ್ದಾರೆ. `ತಮ್ಮ ಕಾರು ಅಪಘಾತಪಡಿಸಿ ಬೆದರಿಸುವ ಪ್ರಯತ್ನ ನಡೆಯಿತು. ಏನೇ ತಂತ್ರಗಾರಿಕೆ ಮಾಡಿದರೂ ಈ ಹೋರಾಟ ನಿಲ್ಲುವುದಿಲ್ಲ’ ಎಂದು ಅವರು ಮಾಧ್ಯಮದ ಮುಂದೆ ಹೇಳಿದ್ದಾರೆ. `ಎಲ್ಲರೂ ಅವರ ಪರವೇ ಇದ್ದಾಗ ಇಷ್ಟೆಲ್ಲ ನಡೆದರೂ ಯಾರಿಗೆ ದೂರು ಕೊಡುವುದು?’ ಎಂದು ಅವರು ಪ್ರಶ್ನಿಸಿದ್ದಾರೆ.
- [ಅಂಗವಿಕಲನ ಅಂಗಡಿಗೆ ಸಿಡಲ ಆಘಾತ: ಕೃತಕ ಕಾಲು ಕರಕಲು!](https://mobiletime.in/2026/07/shocking-blow-to-a-differently-abled-persons-shop-artificial-leg-charred/): ಕುಮಟಾ ಗಂಗೆಕೊಳ್ಳದ ಮಂಜುನಾಥ ಗೌಡ ಅವರು ಅಂಗವಿಕಲರಾದರೂ ಸ್ವಾವಲಂಬಿ ಬದುಕು ಕಟ್ಟಿಕೊಂಡಿದ್ದು, ಸದ್ಯ ಅವರ ಅಂಗಡಿಗೆ ಸಿಡಿಲು ಬಡಿದಿದೆ. ಉರಿದ ಬೆಂಕಿ ಜ್ವಾಲೆಗೆ ಮಂಜುನಾಥ ಗೌಡ ಅವರ ಕೃತಕ ಕಾಲು ಕರಕಲಾಗಿದೆ. ಕುಮಟಾದ ಗಂಗೆಕೊಳ್ಳದಲ್ಲಿ ಮಂಜುನಾಥ ಪರಮೇಶ್ವರ ಗೌಡ ಅವರು ವಾಸವಾಗಿದ್ದರು. ಉತ್ಸಾಹಿ ಕೃಷಿಕರಾಗಿದ್ದ ಅವರು ಉಳುಮೆ ಮಾಡುವ ವೇಳೆ ಅವಘಡಕ್ಕೆ ಸಿಲುಕಿ ಕಾಲು ಕಳೆದುಕೊಂಡಿದ್ದರು. ಅದಾದ ನಂತರ ಕೃತಕ ಕಾಲು ಜೋಡಿಸಿಕೊಂಡು ಅವರು ಓಡಾಡುವುದನ್ನು ರೂಢಿಸಿಕೊಂಡಿದ್ದರು. ಕೃಷಿ ಕೆಲಸ ಸಾಧ್ಯವಾಗದ ಕಾರಣ ಮನೆ ಬಳಿಯೇ ಗೂಡಂಗಡಿ ನಿರ್ಮಿಸಿಕೊಂಡಿದ್ದರು. ಅಲ್ಲಿ ಚಹಾ-ಕುರುಕಲು ತಿಂಡಿ ಮಾರಾಟದ ಮೂಲಕ ಬದುಕು ಕಟ್ಟಿಕೊಂಡಿದ್ದರು. ದೊಡ್ಡ ಪ್ರಮಾಣದ ವ್ಯಾಪಾರ ಇಲ್ಲದಿದ್ದರೂ ಅವರ ಜೀವನ ನಡೆಯುವಷ್ಟರ ಮಟ್ಟಿಗೆ ಅಲ್ಲಿ ವಹೀವಾಟು ನಡೆಯುತ್ತಿದ್ದು, ಸದ್ಯ ಅದಕ್ಕೂ ಕೊಳ್ಳಿ ಬಿದ್ದಿದೆ. ಬುಧವಾರ ರಾತ್ರಿ ಮಂಜುನಾಥ ಗೌಡ ಅವರ ಗೂಡಂಗಡಿಗೆ ಸಿಡಿಲು ಬಡಿದಿದೆ. ಅದರ ಪರಿಣಾಮ ಅಂಗಡಿಗೆ ಬೆಂಕಿ ತಗುಲಿದ್ದು, ಸಾಮಗ್ರಿಗಳೆಲ್ಲವೂ ಸುಟ್ಟು ಕರಕಲಾಗಿದೆ. ಅಂಗಡಿ ಪಕ್ಕವೇ ವಾಸಿಸುತ್ತಿದ್ದ ಗೌಡರು ಬೆಂಕಿ ನೋಡಿ ದೂರ ಓಡುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಅವರ ಕಾಲಿಗೆ ಬೆಂಕಿ ತಗುಲಿ ಅದು ಕೃತಕವಾಗಿ ಜೋಡಿಸಿಕೊಂಡಿದ್ದ ಕಾಲು ಸುಟ್ಟು ಬೂದಿಯಾಗಿದೆ. ಅದಾಗಿಯೂ, ಅವರು ಅಲ್ಲಿಂದ ಹೊರಬಿದ್ದು ಜೀವ ಉಳಿಸಿಕೊಂಡಿದ್ದಾರೆ. ಮೂರು ಲಕ್ಷ ರೂ ಖರ್ಚು ಮಾಡಿ ಜೋಡಿಸಿಕೊಂಡಿದ್ದ ಕೃತಕ ಕಾಲು ಸುಟ್ಟಿದ್ದರಿಂದ ಮಂಜುನಾಥ ಗೌಡ ಅವರು ಅತಂತ್ರರಾಗಿದ್ದಾರೆ. ಈ ದುರಂತದಿAದ ಅವರ ಬದುಕು ಬೀದಿಗೆ ಬಿದ್ದಿದೆ. `ಬುಧವಾರ ರಾತ್ರಿ ಧಾರಾಕಾರ ಮಳೆಯಾಗಿದ್ದು, ಜೋರು ಗುಡುಗು ಇತ್ತು. ಆ ವೇಳೆ ಒಮ್ಮೆಲೆ ಸಿಡಿಲು ಅಬ್ಬರಿಸಿ ಅಂಗಡಿಗೆ ಬೆಂಕಿ ತಗುಲಿತು’ ಎಂದು ಅಲ್ಲಿದ್ದವರು ವಿವರಿಸಿದ್ದಾರೆ. ಅಧಿಕಾರಿಗಳು ಭೇಟಿ ನೀಡಿದ್ದು, ವಿದ್ಯುತ್ ಅವಘಡ ಎಂದು ವರದಿ ಒಪ್ಪಿಸಿದ್ದಾರೆ. `ಶಾರ್ಟ ಸರ್ಕೀಟ್ ಆಗಿದ್ದರೆ ವಿದ್ಯುತ್ ಮೀಟರ್ ಸುಡಬೇಕಿತ್ತು. ಇದು ಸಿಡಿಲ ಆಘಾತ’ ಎಂದು ಅಲ್ಲಿದ್ದವರು ಹೇಳಿದ್ದಾರೆ.
- [ಮರ ಮುರಿದ ಸೀಬರ್ಡ ಬಸ್ಸು!](https://mobiletime.in/2026/07/seabird-bus-crashes-into-a-tree/): ಅಂಕೋಲಾದಿoದ ಕಾರವಾರ ಕಡೆ ಹೋಗುತ್ತಿದ್ದ ಸೀಬರ್ಡ ಬಸ್ಸು ಅವರ್ಸಾ ಬಳಿ ಅಪಘಾತಕ್ಕೀಡಾಗಿದೆ. ಕಂದಕಕ್ಕೆ ಬೀಳುತ್ತಿದ್ದ ಬಸ್ಸನ್ನು ಮರ ಹಿಡಿದಿಟ್ಟುಕೊಂಡಿದ್ದು, ಮರದ ರಕ್ಷಣೆ ಸಿಕ್ಕ ಕಾರಣ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಗುರುವಾರ ಬೆಳಗ್ಗೆ ಅಂಕೋಲಾ ಕಡೆಯಿಂದ ಕಾರವಾರ ಕಡೆ ಸೀಬರ್ಡ ಬಸ್ ಹೊರಟಿತ್ತು. ಅವರ್ಸಾದ ಕವಲಗದ್ದ ಸೇತುವೆ ಬಳಿ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿತು. ಪರಿಣಾಮ ಬಸ್ಸು ರಸ್ತೆ ಅಂಚಿನ ಕಂದಕದ ಕಡೆ ಮುಖ ಮಾಡಿತು. ಅದಾದ ನಂತರ ಅಲ್ಲಿದ್ದ ಮರಕ್ಕೆ ಬಸ್ಸು ಗುದ್ದಿ ಪಲ್ಟಿಯಾಯಿತು. ಅದೇ ಮರ ಬಸ್ಸನ್ನು ಹಿಡಿದುಕೊಂಡಿದ್ದು, ಇನ್ನಷ್ಟು ಅಪಾಯ ತಪ್ಪಿತು. ಅಪಘಾತಕ್ಕೀಡಾದ ಆ ಬಸ್ಸಿನಲ್ಲಿ 25 ಪ್ರಯಾಣಿಕರಿದ್ದು, ಅವರಲ್ಲಿ ಅನೇಕರಿಗೆ ಸಣ್ಣಪುಟ್ಟ ಗಾಯಗಳಾದವು. ಎಲ್ಲರೂ ಬಸ್ಸಿನಿಂದ ಬೇಗ ಇಳಿದು ಪ್ರಾಣಾಪಾಯದಿಂದ ಪಾರಾದರು. ಅದಾಗಿಯೂ, ಇಬ್ಬರಿಗೆ ಗಂಭೀರ ಪ್ರಮಾಣದಲ್ಲಿ ನೋವಾಗಿದ್ದು, ಅವರನ್ನು ತುರ್ತಾಗಿ ಚಿಕಿತ್ಸೆಗೆ ಕರೆದೊಯ್ಯಲಾಯಿತು. ಸ್ಥಳೀಯರು ಆಗಮಿಸಿ ರಕ್ಷಣಾ ಕಾರ್ಯಾಚರಣೆಗೆ ಕೈ ಜೋಡಿಸಿದರು. ಮಾಹಿತಿ ಆಧರಿಸಿ ಆಂಬುಲೆನ್ಸ್ ಸ್ಥಳಕ್ಕೆ ಆಗಮಿಸಿದ್ದು ಅಲ್ಲಿದ್ದ ಸಿಬ್ಬಂದಿ ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಿದರು. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದಾರೆ. ಅಪಘಾತದ ಕಾರಣದ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಅಪಘಾತದಿಂದಾಗಿ ಕೆಲ ಕಾಲ ಸಂಚಾರ ದಟ್ಟಣೆ ಆಗಿದ್ದು, ಅದನ್ನು ಸರಿಪಡಿಸಿದ್ದಾರೆ.
- [ಮತ್ತೆ ಜೈಲು ಸೇರಿದ ಪ್ರಕಾಶ!](https://mobiletime.in/2026/07/prakash-back-in-jail/): ಅನಧಿಕೃತ ಬಂದೂಕು ಬಳಕೆ, ದರೋಡೆ, ಬೈಕ್ ಕಳ್ಳತನ ಸೇರಿ ವಿವಿಧ ಆರೋಪಗಳನ್ನು ಎದುರಿಸುತ್ತಿರುವ ಯಲ್ಲಾಪುರದ ಪ್ರಕಾಶ ಸಿದ್ದಿ ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಕಳೆದ ಒಂದು ವರ್ಷದಿಂದ ತಲೆಮರೆಸಿಕೊಂಡು ಓಡಾಡುತ್ತಿದ್ದ ಪ್ರಕಾಶ ಸಿದ್ದಿ ಅವರನ್ನು ಪೊಲೀಸರು ಉಪಾಯವಾಗಿ ಹಿಡಿದಿದ್ದಾರೆ. ಯಲ್ಲಾಪುರದ ಬಿಳಕಿ ಜಡಗಿನಕೊಪ್ಪದ ಬಳಿ ಪ್ರಕಾಶ ಕೃಷ್ಣ ಸಿದ್ದಿ ಅವರು ವಾಸವಾಗಿದ್ದಾರೆ. 26 ವರ್ಷದ ಅವರು ಮೊದಲಿನಿಂದಲೂ ಕಳ್ಳತನ ರೂಢಿಸಿಕೊಂಡಿದ್ದು, ಅನೇಕ ಅಕ್ರಮ-ಅವ್ಯವಹಾರಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. 2022ರಲ್ಲಿ ಪ್ರಕಾಶ ಸಿದ್ದಿ ಅವರ ಬಳಿ ಅನಧಿಕೃತ ಬಂದೂಕು ಪತ್ತೆಯಾಗಿತ್ತು. ಯಾವುದೇ ಅನುಮತಿ-ಪರವಾನಿಗೆ ಇಲ್ಲದಿದ್ದರೂ ಪ್ರಕಾಶ ಸಿದ್ದಿ ಅವರು ಬಂದೂಕು ಬಳಸುತ್ತಿದ್ದರು. ಅದಾದ ನಂತರ ದರೋಡೆ ಪ್ರಕರಣವೊಂದರಲ್ಲಿ ಪ್ರಕಾಶ ಸಿದ್ದಿ ಅವರು ಸಿಕ್ಕಿ ಬಿದ್ದಿದ್ದರು. 2024ರ ಅಗಸ್ಟ್ 30ರಂದು ಮಾದೇವಕೊಪ್ಪದ ಬೆಂಡು ಪಾಂಡ್ರಮೀಸೆ ಅವರ ಬೈಕ್ ಕಳ್ಳತನವಾಗಿತ್ತು. ಮನೆ ಮುಂದೆ ನಿಲ್ಲಿಸಿದ್ದ ಬೈಕ್’ನ್ನು ಪ್ರಕಾಶ ಸಿದ್ದಿ ಅಪಹರಿಸಿದ್ದು ಗೊತ್ತಾಗಿತ್ತು. 2024ರ ಫೆ 4ರಂದು ಮುಂಡಗೋಡು ಶಿಡ್ಲಗುಂಡಿ ಗ್ರಾಮದಲ್ಲಿ ಮೌಲಾಲಿ ಪಿರಸಾಬ್ ಕುಣಬಿ ಅವರ ಬೈಕ್ ಸಹ ಕಳ್ಳತನವಾಗಿದ್ದು, ಅದರಲ್ಲಿಯೂ ಪ್ರಕಾಶ ಸಿದ್ದಿ ಪ್ರಮುಖ ಪಾತ್ರ ನಿಭಾಯಿಸಿದ್ದರು. 2023ರ ಡಿಸೆಂಬರ್ 26ರಂದು ಮುಂಡಗೋಡಿನ ಕಾತೂರು ಗ್ರಾಮದ ಮಂಜುನಾಥ ಶೆಟ್ಟರ್ ಅವರ ಬೈಕನ್ನು ಸಹ ಪ್ರಕಾಶ ಸಿದ್ದಿ ಅವರು ಅಪಹರಿಸಿದ್ದರು. ಈ ಎಲ್ಲಾ ಪ್ರಕರಣದಲ್ಲಿಯೂ ಪ್ರಕಾಶ ಸಿದ್ದಿ ಅವರನ್ನು ಪೊಲೀಸರು ಬಂಧಿಸಿದ್ದರು. ಆದರೆ, ಜಾಮೀನುಪಡೆದು ಅವರು ಬಿಡುಗಡೆಯಾಗಿದ್ದರು. ಜಾಮೀನಿನ ಮೇಲೆ ಹೊರಬಂದ ಪ್ರಕಾಶ ಸಿದ್ದಿ ತಲೆಮರೆಸಿಕೊಂಡು ಓಡಾಡುತ್ತಿದ್ದರು. ಕಳೆದ ಒಂದು ವರ್ಷದಿಂದ ಕೋರ್ಟಿಗೆ ಹೋಗದೇ ತಪ್ಪಿಸಿಕೊಂಡಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಡಿವೈಎಸ್ಪಿ ಗೀತಾ ಪಾಟೀಲ ಅವರ ಸೂಚನೆ ಮೇರೆಗೆ ಯಲ್ಲಾಪುರ ಹಾಗೂ ಮುಂಡಗೋಡು ಪಿಐ ರಮೇಶ ಹಾನಾಪುರ ಅವರು ಪ್ರಕಾಶ ಸಿದ್ದಿ ಅವರ ಬಂಧನಕ್ಕೆ ಬಲೆ ಬೀಸಿದರು. ಯಲ್ಲಾಪುರ ಪಿಸೈ ರಾಜಶೇಖರ ವಂದಲಿ, ಸಿದ್ದಪ್ಪ ಗುಡಿ, ಮಹಾವೀರ ಕಾಂಬಳೆ ಅವರ ಜೊತೆ ಪೊಲೀಸ್ ಸಿಬ್ಬಂದಿ ಗೋಪಾಲ ಚೌಹಾಣ, ಸಂತೋಷ ಬಾಳೇರ್, ಬಸವರಾಜ ಡಿಕೆ, ಪರಶುರಾಮ ದೊಡ್ಡಮನಿ, ಮಹಾಂತೇಶ ಕಡಪಟ್ಟಿ, ಹನುಮಂತಪ್ಪ ಕೋಲಾರ, ಮಹೇಶ ಸಾವಂಗಿ, ವಿಶ್ವನಾಥ ಜಯನ್ನಗೌಡರ್, ರೇಖಾ ಎಂ ಎಸ್ ಸೇರಿ ಆರೋಪಿ ಪ್ರಕಾಶ ಸಿದ್ದಿ ಅವರನ್ನು ಬಂಧಿಸಿದರು. ಸದ್ಯ ಆರೋಪಿಯನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ.  
- [ಕಾರಿನಲ್ಲಿ ಎಸಿ ಹಾಕ್ತೀರಾ?  ಸೈಲೆಂಟ್ ಕಿಲ್ಲರ್ ಬರ್ತಾನೆ ಎಚ್ಚರ](https://mobiletime.in/2026/07/do-you-use-the-car-ac-beware-a-silent-killer-is-lurking/): ಬೇಸಿಗೆಯ ಮಧ್ಯಾಹ್ನ. ಕಾರಿನ ಬಾಗಿಲು ತೆರೆದ ಕೂಡಲೇ ಮುಖಕ್ಕೆ ರಾಚುವ ಬಿಸಿ ಗಾಳಿ, ಉರಿಯುವ ಸೀಟು, ಉಸಿರುಗಟ್ಟಿಸುವ ವಾತಾವರಣ… ಇಂತಹ ಸಂದರ್ಭದಲ್ಲಿ ಹೆಚ್ಚಿನವರು ಯಾವುದೇ ಯೋಚನೆ ಮಾಡದೆ ನೇರವಾಗಿ ಎಸಿ ಆನ್ ಮಾಡುತ್ತಾರೆ. ಆದರೆ ತಜ್ಞರು ಹೇಳುವುದೇ ಬೇರೆ. ಎಸಿ ಬಟನ್ ಒತ್ತುವ ಮುನ್ನ ಕೇವಲ 30 ರಿಂದ 60 ಸೆಕೆಂಡುಗಳ ಕಾಲ ಕಾರಿನ ಕಿಟಕಿಗಳನ್ನು ತೆರೆದರೆ ಪ್ರಯಾಣ ಹೆಚ್ಚು ಸುರಕ್ಷಿತ.‌ ಕೆಲ ವರ್ಷಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ “ಕಾರಿನೊಳಗೆ ಬೆಂಜೀನ್ ಎಂಬ ವಿಷಕಾರಿ ಅನಿಲ ಸಂಗ್ರಹವಾಗಿರುತ್ತದೆ.    ಎಸಿ ಆನ್ ಮಾಡಿದರೆ ಅದು ಉಸಿರಾಟದ ಮೂಲಕ ದೇಹ ಸೇರಿ ಕ್ಯಾನ್ಸರ್‌ಗೆ ಕಾರಣವಾಗುತ್ತದೆ” ಎಂಬ ಸಂದೇಶಗಳು ಭಾರೀ ವೈರಲ್ ಆಗುತ್ತಿವೆ. ಇದೇ ಕಾರಣಕ್ಕೆ ಇದನ್ನು ‘ಸೈಲೆಂಟ್ ಕಿಲ್ಲರ್’ ಎಂದೂ ಕರೆಯಲಾಗುತ್ತಿದೆ. ಆದರೆ ಈ ಹೇಳಿಕೆಗೆ ದೃಢವಾದ ವೈಜ್ಞಾನಿಕ ಸಾಕ್ಷ್ಯ ಇಲ್ಲ ಎಂದು ಆರೋಗ್ಯ ತಜ್ಞರು ಮತ್ತು ತಥ್ಯ ಪರಿಶೀಲನಾ ಸಂಸ್ಥೆಗಳು ಸ್ಪಷ್ಟಪಡಿಸಿವೆ. ಹಾಗಾದರೆ ಕಿಟಕಿಗಳನ್ನು ತೆರೆಯಬೇಕು ಎಂದು ಯಾಕೆ ಹೇಳುತ್ತಾರೆ? ಅದಕ್ಕೆ ಕಾರಣ ಬೆಂಜೀನ್ ಅಲ್ಲ, ಬಿಸಿಯಾದ ಗಾಳಿ. ಬಿಸಿಲಿನಲ್ಲಿ ಗಂಟೆಗಟ್ಟಲೆ ನಿಂತಿರುವ ಕಾರಿನೊಳಗಿನ ತಾಪಮಾನ ಹೊರಗಿನ ತಾಪಮಾನಕ್ಕಿಂತ ಹಲವು ಪಟ್ಟು ಹೆಚ್ಚಾಗಿರುತ್ತದೆ.    ಈ ಬಿಸಿ ಗಾಳಿಯಿಂದ ಉಸಿರುಗಟ್ಟುವ ಭಾವನೆ, ತಲೆಸುತ್ತು, ಸುಸ್ತು ಹಾಗೂ ಅಸ್ವಸ್ಥತೆ ಉಂಟಾಗಬಹುದು. ಕಿಟಕಿಗಳನ್ನು ಕೆಲವು ಕ್ಷಣ ತೆರೆದರೆ ಆ ಬಿಸಿ ಗಾಳಿ ಹೊರಹೋಗಿ, ನಂತರ ಎಸಿ ವೇಗವಾಗಿ ತಂಪು ನೀಡಲು ಸಹ ನೆರವಾಗುತ್ತದೆ. ಇನ್ನೊಂದು ಪ್ರಮುಖ ವಿಷಯವೆಂದರೆ ಕಾರಿನ ಎಸಿ ಫಿಲ್ಟರ್. ಅದರಲ್ಲಿ ಧೂಳು, ಕೊಳೆ ಅಥವಾ ಶಿಲೀಂಧ್ರ ಜಮೆಯಾಗಿದ್ದರೆ, ಎಸಿ ಚಾಲನೆಯಾದಾಗ ದುರ್ವಾಸನೆ, ಅಲರ್ಜಿ ಹಾಗೂ ಉಸಿರಾಟದ ತೊಂದರೆ ಉಂಟಾಗುತ್ತದೆ. ಆದ್ದರಿಂದ ಎಸಿ ಫಿಲ್ಟರ್‌ಗಳನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುವುದು ಅಥವಾ ಬದಲಾಯಿಸುವುದು ಅತ್ಯಗತ್ಯ.   ವಿಶೇಷವಾಗಿ ಮಕ್ಕಳು, ವೃದ್ಧರು ಹಾಗೂ ಉಸಿರಾಟದ ಸಮಸ್ಯೆ ಇರುವವರು ಬಿಸಿಯಾದ ಕಾರಿನಲ್ಲಿ ಕುಳಿತಾಗ ಮೊದಲ ಕೆಲವು ಕ್ಷಣ ತಾಜಾ ಗಾಳಿ ಸಿಗುವಂತೆ ನೋಡಿಕೊಳ್ಳುವುದು ಉತ್ತಮ ಅಭ್ಯಾಸ. ಹೀಗಾಗಿ, ಕಾರಿನಲ್ಲಿ ಎಸಿ ಆನ್ ಮಾಡುವ ಮೊದಲು ಕಿಟಕಿಗಳನ್ನು ಕ್ಷಣಕಾಲ ತೆರೆಯುವುದು ಒಳ್ಳೆಯ ಅಭ್ಯಾಸವೇ ಹೊರತು, “ಬೆಂಜೀನ್ ಅನಿಲವೇ ಸೈಲೆಂಟ್ ಕಿಲ್ಲರ್” ಎಂಬ ವೈರಲ್ ಸಂದೇಶವನ್ನು ನಿಜವೆಂದು ನಂಬುವ ಅಗತ್ಯವಿಲ್ಲ. ವೈಜ್ಞಾನಿಕ ಮಾಹಿತಿಯ ಆಧಾರದ ಮೇಲೆ ಸರಿಯಾದ ಮುನ್ನೆಚ್ಚರಿಕೆ ವಹಿಸಿದರೆ ನಿಮ್ಮ ಪ್ರಯಾಣ ಇನ್ನಷ್ಟು ಸುರಕ್ಷಿತ ಮತ್ತು ಆರಾಮದಾಯಕವಾಗಿರುತ್ತದೆ.
- [ಜೋರಾದ ಮಳೆ: ಕಾರವಾರದ ಶಾಲೆಗೆ ರಜೆ!](https://mobiletime.in/2026/07/heavy-rain-holiday-for-karwar-school/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಜೋರಾದ ಕಾರಣ ಕಾರವಾರದ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಿಸಲಾಗಿದೆ. ಜೂನ್ 2ರಂದು ಈ ರಜೆ ಆದೇಶ ಅನ್ವಯ ಆಗಲಿದೆ. ಕಾರವಾರ ತಾಲೂಕಿನ ಎಲ್ಲಾ ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳಿಗೆ ರಜೆಯನ್ನು ಘೋಷಿಸಲಾಗಿದೆ. ರಜಾವಧಿಯನ್ನು ಮುಂದಿನ ದಿನಗಳಲ್ಲಿ ಶಾಲೆ ನಡೆಸಿ ಕಲಿಕಾ ದಿನವನ್ನು ಸರಿದೂಗಿಸಿಕೊಳ್ಳುವುದು ಎಂದು ಶಿಕ್ಷಣಾಧಿಕಾರಿಗಳು ಹೇಳಿದ್ದಾರೆ. ಪ್ರಾಥಮಿಕ ಶಾಲೆ, ಪ್ರೌಢಶಾಲೆ ಹಾಗೂ ಅಂಗನವಾಡಿಗಳಿಗೆ ಮಾತ್ರ ಈ‌ ರಜೆ ಘೋಷಣೆ ಆಗಿದೆ. ಕಾರವಾರ ತಾಲೂಕಿಗೆ ಮಾತ್ರ ರಜೆ ಅನ್ವಯ. ಕಾಲೇಜುಗಳಿಗೆ ರಜೆ ಘೋಷಣೆ ಆಗಿಲ್ಲ. ರಜೆ ಬಗ್ಗೆ ಕಾರವಾರ ತಹಶೀಲ್ದಾರ್ ಆದೇಶ ಹೊರಡಿಸಿದ್ದಾರೆ.  
- [ವಕೀಲರ ಸಂಘ: ಅಧ್ಯಕ್ಷನೂ ನಾಗರಾಜ.. ಕಾರ್ಯದರ್ಶಿಯೂ ನಾಗರಾಜ!](https://mobiletime.in/2026/07/lawyers-association-nagaraja-is-the-president-nagaraja-is-the-secretary/): ಕಾರವಾರದ ವಕೀಲರ ಸಂಘದ ಅಧ್ಯಕ್ಷರಾಗಿ ನಾಗರಾಜ ನಾಯಕ ಅವರು ಆಯ್ಕೆಯಾಗಿದ್ದಾರೆ. ಪ್ರತಿಸ್ಪರ್ಧಿಗಳಾಗಿದ್ದ ಎಂ ಎಲ್ ನಾಯ್ಕ, ಸಂತೋಷ ಭಾಗ್ವತ ಹಾಗೂ ರವಿ ಬೇಳೂರಕರ್ ಅವರನ್ನು ಹಿಂದಿಕ್ಕಿ ನಾಗರಾಜ ನಾಯಕ ಅವರು ಅಧ್ಯಕ್ಷ ಸ್ಥಾನ ಅಲಂಕರಿಸಿದ್ದಾರೆ. ವಕೀಲರ ಸಂಘದ ಕಾರ್ಯದರ್ಶಿ ಸ್ಥಾನಕ್ಕೆ ನಾಗರಾಜ ದೇಶಭಂಡಾರಿ ಹಾಗೂ ಜಿ ಎಫ್ ನಾಯ್ಕ ಅವರು ಸ್ಪರ್ಧಿಸಿದ್ದು, ನಾಗರಾಜ ದೇಶಭಂಡಾರಿ ಅವರು ಇಲ್ಲಿ ಗೆಲುವು ಸಾಧಿಸಿದ್ದಾರೆ. ಉಳಿದಂತೆ ಸಂಘದ ಖಜಾಂಚಿಯಾಗಿ ಪದ್ಮಾ ತಾಂಡೇಲ, ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ಭಟ್ಕಳದ ಮಾರುತಿ ಬಿ ನಾಯ್ಕ ಹಾಗೂ ಮಹಿಳಾ ಸದಸ್ಯರಾಗಿ ದೀಪಾ ಎಸ್ ನಾಯ್ಕ ಮತ್ತು ಸುಮಿತಾ ಪಿ ಭೂತೆ ಅವರು ಆಯ್ಕೆಯಾಗಿದ್ದಾರೆ. `1862ರಲ್ಲಿ ಜಿಲ್ಲಾ ವಕೀಲರ ಸಂಘ ಶುರುವಾಗಿದ್ದು, ವಿಶ್ವಕವಿ ರವೀಂದ್ರನಾಥ ಟ್ಯಾಗೋರರ ಅಣ್ಣ ಸತ್ಯೇಂದ್ರನಾಥ ಟ್ಯಾಗೋರ್ ಅವರು ಇಲ್ಲಿನ ನ್ಯಾಯಾಲಯದಲ್ಲಿ ನ್ಯಾಯಾಧೀಶರಾಗಿ ಸೇವೆ ಸಲ್ಲಿಸಿದ್ದರು. ಅಂಥ ಐತಿಹಾಸಿಕ ಹಿನ್ನೆಲೆಯುಳ್ಳ ಸಂಘದ ಅಧ್ಯಕ್ಷನಾಗಿ ಆಯ್ಕೆಯಾಗಿರುವುದು ನನಗೆ ಅತ್ಯಂತ ಹೆಮ್ಮೆ ತಂದಿದೆ’ ಎಂದು ನಾಗರಾಜ ನಾಯಕ ಅವರು ಹೇಳಿದ್ದಾರೆ.
- [ಒಂದು ಸ್ಕೂಟಿ ಹುಡುಕಿದವರಿಗೆ ಸಿಕ್ಕಿದ್ದು 3 ಸ್ಕೂಟಿ!](https://mobiletime.in/2026/07/those-who-were-looking-for-one-scooty-found-3/): ಹಳಿಯಾಳದ ಬಾಲಾಜಿ ವೈನ್ ಶಾಪ್ ಎದುರು ನಿಲ್ಲಿಸಿದ್ದ ಬೆಳಗಾವಿಯ ಲಕ್ಷಣ ಶವನಗೊಪ್ಪಗೋಳ್ ಅವರ ಸ್ಕೂಟಿ ಕಳ್ಳತನವಾಗಿದ್ದು, ಆ ಸ್ಕೂಟಿ ಹುಡುಕಿ ಹೊರಟ ಪೊಲೀಸರಿಗೆ ಒಟ್ಟು ಮೂರು ಸ್ಕೂಟಿ ಸಿಕ್ಕಿದೆ. ಹಳಿಯಾಳದ ಪೌರ ಕಾರ್ಮಿಕ ಎರಸ್ವಾಮಿ ಹರಿಜನ, ಧಾರವಾಡ ರಸ್ತೆಯ ಅಕ್ಕಸಾಲಿಗ ಮಹೇಶ ಮಿಂಡೋರಕರ್ ಅವರ ಸ್ಕೂಟಿಯನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಜೂನ್ 25ರಂದು ಬೆಳಗಾವಿಯ ಲಕ್ಷö್ಮಣ ಶವನಗೊಪ್ಪಗೋಳ್ ಅವರು ಹಳಿಯಾಳದ ಬಾಲಾಜಿ ವೈನ್ ಶಾಪ್ ಬಳಿ ನಿಲ್ಲಿಸಿದ್ದ ಸ್ಕೂಟಿ ಕಳ್ಳತನವಾಗಿತ್ತು. ಜೂನ್ 18ರಂದು ಹಳಿಯಾಳದ ಪೌರ ಕಾರ್ಮಿಕ ಎರಸ್ವಾಮಿ ಹರಿಜನ ಅವರು ಕೆನರಾ ಬ್ಯಾಂಕ್ ಬಳಿ ನಿಲ್ಲಿಸಿದ ಸ್ಕೂಟಿ ಅಪಹರಣವಾಗಿತ್ತು. ಜೂನ್ 17ರಂದು ಐಸಿಐಸಿಐ ಬ್ಯಾಂಕ್ ಎದುರು ಮಹೇಶ ಮಿಂಡೋಳಕರ್ ಅವರು ನಿಲ್ಲಿಸಿದ ಸ್ಕೂಟಿ ಸಹ ಕಳ್ಳರ ಪಾಲಾಗಿತ್ತು. ಈ ಎಲ್ಲಾ ಕಳ್ಳತನದ ಬಗ್ಗೆ ತಲೆಕೆಡಿಸಿಕೊಂಡ ಪೊಲೀಸರು ಸಿಸಿ ಕ್ಯಾಮರಾ ದಾಖಲೆ ಗಮನಿಸಿದ್ದರು. ಲಕ್ಷö್ಮಣ ಶವನಗೊಪ್ಪಗೋಳ್ ಅವರ ಸ್ಕೂಟಿ ಕದ್ದ ವ್ಯಕ್ತಿಯ ಬಗ್ಗೆ ಸುಳಿವು ಸಿಕ್ಕಿದ್ದು ಅದನ್ನು ಬೆನ್ನತ್ತಿದರು. ಆಗ, ಬೆಳಗಾವಿ ಸರ್ವೋದಯ ನಗರದವ ಅವರು ಸರ್ವೇಶ ಶಿವಲಿಂಗಯ್ಯ ಮಠಪತಿ ಅವರು ಸಿಕ್ಕಿಬಿದ್ದರು. ಅವರನ್ನು ವಿಚಾರಣೆಗೆ ಒಳಪಡಿಸಿದಾಗ ಆ ಮೂರು ಸ್ಕೂಟಿ ಕದ್ದಿರುವುದನ್ನು ಸರ್ವೇಶ ಮಠಪತಿ ಅವರು ಒಪ್ಪಿಕೊಂಡರು. ಕದ್ದ ಸ್ಕೂಟಿಗಳನ್ನು ಅವರು ಪ್ರಾಮಾಣಿಕವಾಗಿ ಪೊಲೀಸರಿಗೆ ಒಪ್ಪಿಸಿದರು. ಸ್ಕೂಟಿ ಕದ್ದ ಕಳ್ಳನನ್ನು ಪೊಲೀಸರು ಬಂಧಿಸಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರ ಸೂಚನೆಯಂತೆ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಡಿವೈಎಸ್ಪಿ ಶಿವಾನಂದ ಮದರಕಂಡಿ, ಸಿಪಿಐ ಜಯಪಾಲ ಪಾಟೀಲ್, ಪಿಸೈ ಕೃಷ್ಣಗೌಡ ಅರಕೇರಿ, ಮಹೇಶ ಮಾಳಿ, ಅಂಬಿಕಾ ಗಾಣಿಗೆರೆ, ಸಿಬ್ಬಂದಿ ಬಸವರಾಜ ಹಗೇರಿ, ಭೀಮಣ್ಣ, ಶೈಲೇಶ್ ಜಿ ಎಂ, ವಿನೋದ, ಲಕ್ಷಣ ಪೂಜಾರಿ, ಬಸವರಾಜ ಜವಡಿ, ಅರವಿಂದ ಭಜಂತ್ರಿ, ಗಣೇಶ, ಮಲ್ಲಿಕಾರ್ಜುನ ಇತರರು ಈ ಕಾರ್ಯಾಚರಣೆಯಲ್ಲಿದ್ದರು.
- [ಬಡವರ ಮನೆಯಲ್ಲಿ ಬೆಳಕು ಮೂಡಿಸಿದ ಸ್ಕೋಡ್‌ವೆಸ್](https://mobiletime.in/2026/07/skodves-brought-light-to-the-homes-of-the-poor/): `ಸೌರ ದೀಪದ ನಿರಂತರ ಬಳಕೆಯಿಂದ ವ್ಯಕ್ತಿಯ ಉತ್ಪಾದಕ ಸಾಮರ್ಥ್ಯಗಳನ್ನು ಹೆಚ್ಚಿಸಲು ಸಾಧ್ಯ’ ಎಂದು ಶಿರಸಿ-ಸಿದ್ದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ಹೇಳಿದ್ದಾರೆ. ಸೋಂದಾ ಕಮಟಗೇರಿಯಲ್ಲಿ ಸ್ಕೊಡ್‌ವೆಸ್ ಸಂಸ್ಥೆ ಆಯೋಜಿಸಿದ ಸೋಲಾರ್ ಗ್ರಾಮ ಯೋಜನೆಯಡಿ ಉಚಿತ ಸೌರ ದೀಪ ವಿತರಿಸಿ ಮಾತನಾಡಿದ ಅವರು `ಸರ್ಕಾರದಿಂದ ಉಚಿತ ವಿದ್ಯುತ್ ಒದಗಿಸಲಾಗುತ್ತಿದ್ದರೂ ಉತ್ತರ ಕನ್ನಡ ಜಿಲ್ಲೆಗೆ ಸೋಲಾರ್ ದೀಪಗಳೇ ಆಧಾರ’ ಎಂದಿದ್ದಾರೆ. `ದಟ್ಟ ಕಾಡು ಕಣಿವೆಗಳಿಂದ ಆವೃತ್ತವಾದ ಉತ್ತರ ಕನ್ನಡ ಜಿಲ್ಲೆಯ ಹಲವಾರು ಕುಗ್ರಾಮಗಳಿಗೆ ನಿರಂತರ ವಿದ್ಯುತ್ ಸರಬರಾಜು ಮಾಡಲು ತಾಂತ್ರಿಕ ಅಡೆತಡೆಗಳು ಸಾಕಷ್ಟಿವೆ. ಇದರಿಂದ ಮಹಿಳೆಯರು, ವಿದ್ಯಾರ್ಥಿಗಳು, ಕೃಷಿಕರು, ಕಾರ್ಮಿಕರು ದೂರ ದಿನನಿತ್ಯದ ಚಟುವಟಿಕೆಗಳನ್ನು ಪೂರ್ತಿಗೊಳಿಸುವಲ್ಲಿ ಸಾಧ್ಯವಾಗುತ್ತಿಲ್ಲ. ಈ ಅಡಚಣೆಗಳು ಕೌಟುಂಬಿಕ ಪ್ರಗತಿಯ ಮೇಲೂ ಪರಿಣಾಮ ಬೀರುವಂತಾಗಿದ್ದು, ಇಂಥ ಎಲ್ಲಾ ಸಮಸ್ಯೆಗಳಿಗೆ ಸೌರ ಶಕ್ತಿ ಬಳಕೆಯೇ ಸೂಕ್ತ ಪರಿಹಾರ’ ಎಂದರು. `ಸೌರಶಕ್ತಿಯ ಬಳಕೆ ವಿದ್ಯುತ್ ಜಾಲದ ಮೇಲಿನ ಒತ್ತಡವನ್ನು ಕಡಿಮೆ ಮಾಡುವುದಲ್ಲದೇ ಮತ್ತು ಶುದ್ಧ ಇಂಧನದ ಬಳಕೆಯನ್ನು ಉತ್ತೇಜಿಸುವುದರಿಂದ ಪ್ರತಿಯೊಬ್ಬರೂ ಸೌರ ಶಕ್ತಿ ಬಳಕೆಗೆ ಹೆಚ್ಚಿನ ಆದ್ಯತೆ ನೀಡಬೇಕು’ ಎಂದು ಕರೆ ನೀಡಿದರು. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯವನ್ನು ಶ್ಲಾಘಿಸಿದ ಶಾಸಕರು `ಸಂಸ್ಥೆಯ ಸೋಲಾರ್ ಗ್ರಾಮ ಪರಿಕಲ್ಪನೆ ಗ್ರಾಮೀಣ ಅಭಿವೃದ್ಧಿ ಕ್ಷೇತ್ರದಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿರುವುದರಿಂದ ಮಲೆನಾಡಿನ ತೀರಾ ಹಿಂದುಳಿದ ಎಲ್ಲಾ ಗ್ರಾಮಗಳಿಗೂ ಸೋಲಾರ್ ದೀಪ ಅಳವಡಿಸಲು ಅಗತ್ಯ ಕ್ರಮ ಜರುಗಿಸಿ’ ಎಂದು ಮನವಿ ಮಾಡಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು `ಈಗಾಗಲೇ ಕೃಷಿ ಕೂಲಿಕಾರ್ಮಿಕರು ಹಾಗೂ ಹಿಂದುಳಿದ ವರ್ಗಗಳು ಹೆಚ್ಚಾಗಿರುವ ಆಯ್ದ 13 ಗ್ರಾಮಗಳ ಎಲ್ಲಾ ಮನೆಗಳಿಗೆ ಸೋಲಾರ್ ದೀಪಗಳನ್ನು ಅಳವಡಿಸಲಾಗಿದ್ದು, ಮುಂದಿನ ದಿನಗಳಲ್ಲಿ ಗ್ರಾಮ ಪಂಚಾಯಿತಿವಾರು ಹಳ್ಳಿಗಳನ್ನು ಗುರುತಿಸಿ ಸೌರ ದೀಪ ವಿತರಿಸುವ ಪ್ರಯತ್ನ ಮಾಡಲಾಗುತ್ತದೆ’ ಎಂದರು. ಸಮಾರಂಭದಲ್ಲಿ ಅಧ್ಯಕ್ಷತೆ ವಹಿಸಿದ್ದ ಸೋಂದಾ ಗ್ರಾಮ ಪಂಚಾಯಿತಿಯ ನಿಕಟಪೂರ್ವ ಉಪಾಧ್ಯಕ್ಷೆ ಭಾರತಿ ಗಣಪತಿ ಚೆನ್ನಯ್ಯ, ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ನಗರ ಯೋಜನಾ ಪ್ರಾಧಿಕಾರ ಅಧ್ಯಕ್ಷ ಜಗದೀಶ ಗೌಡ, ಹುಲೇಕಲ್ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷ ಖಾಸಿಮ್ ಸಾಬ್, ಸೋಂದಾ ಗ್ರಾಮ ಪಂಚಾಯಿತಿ ಮಾಜಿ ಸದಸ್ಯೆ ಅಕ್ಷತಾ ಅಶೋಕ ಚೆನ್ನಯ್ಯ, ಪ್ರಮುಖರಾದ ಎಸ್ ಕೆ ಭಾಗ್ವತ್, ಅಶೋಕ ಮರಾಠೆ, ಬಾಲಚಂದ್ರ ಹೆಗಡೆ ಅವರು ಮಾತನಾಡಿದರು. ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಜಗದೀಶ ಗೌಡ ಅವರ ಮನವಿಯ ಮೇರೆಗೆ ಗುರುತಿಸಲಾದ ಸೋಂದಾ ಕಮಟಗೇರಿಯ 35 ಮನೆಗಳಿಗೆ ಸ್ಕೊಡ್‌ವೆಸ್ ಸಂಸ್ಥೆಯಿoದ ಉಚಿತವಾಗಿ ಸೋಲಾರ್ ದೀಪಗಳನ್ನು ವಿತರಿಸಲಾಯಿತು. ಸೋಂದಾ ಗ್ರಾಮ ಪಂಚಾಯಿತಿಯ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಪರಶುರಾಮ ಎಲ್ಲರನ್ನು ಸ್ವಾಗತಿಸಿದರು. ಸ್ಕೊಡ್‌ವೆಸ್ ಸಂಸ್ಥೆಯ ಯೋಜನಾ ಸಂಯೋಜಕ ಉಮೇಶ ಮರಾಠಿ ಅವರು ಕಾರ್ಯಕ್ರಮ ನಿರ್ವಹಿಸಿ, ವಂದಿಸಿದರು.    
- [ಕಾಮ ಪಿಶಾಚಿಗೆ ಜೈಲೇ ಗತಿ!](https://mobiletime.in/2026/07/jail-is-the-fate-of-the-lustful-demon/): ಶಾಲೆಗೆ ಹೋಗುವ ಬಾಲಕಿಯನ್ನು ಲೈಂಗಿಕವಾಗಿ ಬಳಸಿಕೊಂಡ ಆರೋಪಿಗೆ ಯಲ್ಲಾಪುರ ನ್ಯಾಯಾಲಯ 20 ವರ್ಷ ಜೈಲು ಶಿಕ್ಷೆ ವಿಧಿಸಿದೆ. ಉಮ್ಮಚ್ಗಿಯ ಸಂತೋಷ ಸಿದ್ದಿ ಅವರ ಕ್ರೂರನಡೆಯನ್ನು ಖಂಡಿಸಿದ ನ್ಯಾಯಾಧೀಶೆ ಪ್ರತಿಭಾ ಕುಲಕರ್ಣಿ ಅವರು ಕಠಿಣ ಆದೇಶ ಹೊರಡಿಸಿದ್ದಾರೆ. 2022ರಲ್ಲಿ ಉಮ್ಮಚ್ಗಿಯ ಸಂತೋಷ ಪೆದ್ರು ಸಿದ್ದಿ (ಮಂಡವಾಳಕರ್) ಅವರು ಬಾಲಕಿಯೊಬ್ಬರನ್ನು ಲೈಂಗಿಕವಾಗಿ ಬಳಸಿಕೊಂಡಿದ್ದರು. 27 ವರ್ಷದ ಅವರು ಶಾಲೆಗೆ ಹೊಗುವ ಹೆಣ್ಣು ಮಗಳ ಮೇಲೆ ದೌರ್ಜನ್ಯ ಎಸಗಿದ್ದರು. ಸಮಸ್ಯೆಗೆ ಸಿಲುಕಿದ ಸಂತ್ರಸ್ತ ಬಾಲಕಿ ನಡವಳಿಕೆಯಲ್ಲಿ ಬದಲಾವಣೆಯಾಗಿದ್ದು, ಆಪ್ತ ಸಮಾಲೋಚನೆ ನಡೆಸಿದಾಗ ಈ ವಿಷಯ ಹೊರಬಂದಿತ್ತು. ಆ ವೇಳೆ ಯಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿ ಸಂತೋಷ ಸಿದ್ದಿ ಅವರನ್ನು ಬಂಧಿಸಿದ್ದರು. ಆಗಿನ ಪಿಐ ಸುರೇಶ ಯಳ್ಳೂರು ತನಿಖೆ ನಡೆಸಿ, ದೋಷಾರೋಪಣ ಪಟ್ಟಿ ಸಿದ್ಧಪಡಿಸಿದ್ದರು. ಎಸೈ ಮಂಜುನಾಥ ಮನ್ನಂಗಿ ಅವರ ಸಹಕಾರದಲ್ಲಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಕೆಯಾಗಿತ್ತು. ಪಿಸೈ ರಾಜಶೇಖರ ವಂದಲಿ ಅವರು ಕೋರ್ಟ ಮಾನಟರಿಂಗ್ ಕೆಲಸ ನಿರ್ವಹಿಸಿದರು. ವಿಶೇಷ ಸರ್ಕಾರಿ ಅಭಿಯೋಜಕ ಗುರುಶಾಂತಯ್ಯ ಕುರ್ಡಿಕೇರಿ ವಾದ ಮಂಡಿಸಿದ್ದು, ಆರೋಪಿಗೆ ಕಠಿಣ ಶಿಕ್ಷೆ ವಿಧಿಸಬೇಕು ಎಂದು ನ್ಯಾಯಾಲಯದ ಮುಂದೆ ಮನವಿ ಮಾಡಿದರು. ಆರೋಪಿ ಸಂತೋಷ ಸಿದ್ದಿ ಬಾಲಕಿ ಮುಂದೆ ನಡೆದುಕೊಂಡ ಅಮಾನವೀಯ ಕೃತ್ಯದ ಬಗ್ಗೆ ಅವರು ವಿವರಿಸಿ ವಾದ ಮಂಡಿಸಿದರು. ಪೊಲೀಸ್ ಸಿಬ್ಬಂದಿ ಗಜಾನನ ನಾಯ್ಕ ಹಾಗೂ ವೀರೇಶ್ ಎಂ ಎಚ್ ಅವರು ಪ್ರಕರಣದ ಸಾಕ್ಷಿದಾರರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಸಮಗ್ರ ವಾದ ಆಲಿಸಿದ ನ್ಯಾಯಾಧೀಶೆ ಪ್ರತಿಭಾ ಕುಲಕರ್ಣಿ ಅವರು ಅತ್ಯಾಚಾರ ಆರೋಪಿ ಸಂತೋಷ ಸಿದ್ದಿಗೆ ಕಠಿಣ ಶಿಕ್ಷೆ ಪ್ರಕಟಿಸಿದರು. 20 ವರ್ಷ ಜೈಲು ಶಿಕ್ಷೆಯ ಜೊತೆ 1 ಲಕ್ಷ ರೂ ದಂಡ ಪಾವತಿಸುವಂತೆ ಅವರು ಆದೇಶಿಸಿದರು. ಸಂತ್ರಸ್ತ ಬಾಲಕಿಗೆ ಕಾನೂನು ಸೇವಾ ಪ್ರಾಧಿಕಾರದವರು 4 ಲಕ್ಷ ರೂ ನೆರವು ನೀಡುವಂತೆ ಸೂಚಿಸಿದರು.
- [ಸತ್ತ ಗಿಡದ ಲೆಕ್ಕವೇ ಗೊತ್ತಿಲ್ಲ!](https://mobiletime.in/2026/07/there-is-no-count-of-the-dead-plants/): ಅರಣ್ಯ ಇಲಾಖೆಯಿಂದ ಅನುಷ್ಠಾನಗೊಳಿಸಿದ `ಗಿಡ ನೆಡುವ ಯೋಜನೆ’ ಬಗ್ಗೆ ಮಾಹಿತಿ ಕೋರಿ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಅರ್ಜಿ ಸಲ್ಲಿಸಿದ್ದು, ಅವಧಿ ಮುಗಿದರೂ ಅಧಿಕಾರಿಗಳು ಉತ್ತರ ಕೊಟ್ಟಿಲ್ಲ. `ನೆಟ್ಟ ಗಿಡಗಳಲ್ಲಿ ಬದುಕಿದ್ದು ಎಷ್ಟು? ಸತ್ತಿರುವುದು ಎಷ್ಟು?’ ಎಂದು ಬಯಸಿದ ರವೀಂದ್ರ ನಾಯ್ಕ ಅವರ ಅರ್ಜಿಗೆ ಹಿಂಬರಹವೇ ಬಂದಿಲ್ಲ! ಅರಣ್ಯ ಇಲಾಖೆ ಅನುಷ್ಠಾನಗೊಳಿಸುವ ಗಿಡ ನೆಡುವ ಕಾರ್ಯಕ್ರಮದ ಬಗ್ಗೆ ಎಲ್ಲಡೆ ಟೀಕೆ ಹಾಗೂ ಸಂಶಯ ಶುರುವಾಗಿತ್ತು. ಈ ಹಿನ್ನಲೆ ರವೀಂದ್ರ ನಾಯ್ಕ ಅವರು ಅಧಿಕೃತ ಅರ್ಜಿ ಸಲ್ಲಿಸಿ ಮಾಹಿತಿ ಕೇಳಿದ್ದರು. ನಿಯಮಾನುಸಾರ ಅವರು 10ರೂಪಾಯಿಯನ್ನು ಅರಣ್ಯ ಇಲಾಖೆಗೆ ಪಾವತಿಸಿ, ಗಿಡ ನೆಟ್ಟ ಲೆಕ್ಕಾಚಾರದ ವಿವರ ಕೇಳಿದ್ದರು. ಆದರೆ, ಅಧಿಕಾರಿಗಳು ಮಾತ್ರ ಲೆಕ್ಕಾಚಾರದ ಮಾಹಿತಿ ಬಿಚ್ಚಿಟ್ಟಿಲ್ಲ. `ಮಾಹಿತಿ ಹಕ್ಕು ಕಾಯ್ದೆ ಅಡಿ ಸಲ್ಲಿಸಿದ ಅರ್ಜಿಗೆ 30 ದಿನದಲ್ಲಿ ದಾಖಲೆ ಒದಗಿಸುವುದು ಅಧಿಕಾರಿಗಳ ಕರ್ತವ್ಯ. ಆದರೆ, ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಕಚೇರಿಗೆ ಆರು ಪ್ರಶ್ನೆಗಳನ್ನು ಕೇಳಿ ಸಲ್ಲಿಸಿದ ಅರ್ಜಿಗೆ ಉತ್ತರ ಬಂದಿಲ್ಲ’ ಎಂದು ರವೀಂದ್ರ ನಾಯ್ಕ ಅವರು ಅಸಮಧಾನವ್ಯಕ್ತಪಡಿಸಿದರು. `ಅರಣ್ಯ ಇಲಾಖೆ ಪಾರದರ್ಶಕ ಮತ್ತು ಸ್ಪಷ್ಟತೆ ವ್ಯಕ್ತಪಡಿಸಲು ಹಿಂದೆಟು ಹಾಕುತ್ತಿರುವುದು ವಿಷಾಧನೀಯ’ ಎಂದವರು ಹೇಳಿದರು. ನಡುತೋಪು ಯೋಜನೆ ಕಾಮಗಾರಿ ಸಂಭoಧಿಸಿ ಅರಣ್ಯ ಇಲಾಖೆಯು ಮಾಹಿತಿ ಹಕ್ಕು ಅಧಿನಿಯಮದ ಅಡಿಯಲ್ಲಿ ಕಾಮಗಾರಿ ಸಂಬAಧಿಸಿ ವೆಚ್ಚ, ಗುತ್ತಿಗೆದಾರನ ವಿವರ, ಯೋಜನೆಗೆ ಸಂಬAಧಿಸಿ ಇನ್ನೀತರ ಪೂರ್ಣ ಪ್ರಮಾಣದ ಮಾಹಿತಿಯನ್ನು ಪ್ರಕಟಿಸದ ಕಾರಣ ಕಚೇರಿಗೆ ಪಾದಯಾತ್ರೆ ನಡೆಸುವುದಾಗಿ ಅವರು ಘೋಷಿಸಿದ್ದಾರೆ.  
- [ಮತದಾರರ ಪರಿಷ್ಕರಣೆ: ಜಾಗೃತಿ ಜಾಥಾ](https://mobiletime.in/2026/07/voter-registration-revision-awareness-rally/): ಮತದಾರರ ಪರಿಷ್ಕರಣೆ ಜಾಗೃತಿ ಅಂಗವಾಗಿ ಸರ್ಕಾರ ಎಲ್ಲಡೆ ವಿವಿಧ ಕಾರ್ಯಕ್ರಮ ರೂಪಿಸಿದ್ದು, ಯಲ್ಲಾಪುರದ ಹೋಲಿ ರೋಜರಿ ಪ್ರೌಢಶಾಲೆಯಲ್ಲಿಯೂ ಜಾಥಾ ನಡೆಸಲಾಗಿದೆ. ತಹಶೀಲ್ದಾರ್ ಕಚೇರಿ, ಶಿಕ್ಷಣಾಧಿಕಾರಿಗಳ ಕಚೇರಿ, ಕ್ಷೇತ್ರ ಸಂಪನ್ಮೂಲ ಹಾಗೂ ಹೋಲಿ ರೋಜರಿ ಪ್ರೌಢಶಾಲೆ ಸಹಯೋಗದಲ್ಲಿ ಈ ಜಾಥಾ ನಡೆದಿದೆ. ಇ ಎಲ್ ಸಿ ಕ್ಲಬ್ ಅಡಿ ನಡೆದ ಜಾಥಾಗೆ ಕ್ಷೇತ್ರ ಸಮನ್ವಯ ಅಧಿಕಾರಿ ಸಂತೋಷ ಜಿಗಳೂರು ಅವರು ಚಾಲನೆ ನೀಡಿದ್ದಾರೆ. ಮತದಾರರ ಪರಿಷ್ಕರಣೆಯ ಜಾಗೃತಿ ವಿಷಯಗಳ ಬಗ್ಗೆ ಅವರು ಈ ವೇಳೆ ಮಾತನಾಡಿದ್ದಾರೆ.ಕ್ಷೇತ್ರ ಸಂಪನ್ಮೂಲ ಕೇಂದ್ರದ ಅಧಿಕಾರಿ ಚಂದ್ರಹಾಸ ನಾಯ್ಕ, ಹೋಲಿ ರೋಜರಿ ಪ್ರೌಢಶಾಲೆಯ ಮುಖ್ಯಾಧ್ಯಾಪಕ ಎಂ ರಾಜಶೇಖರ್ ಅವರು ಈ ಜಾಥಾದ ಪ್ರಮುಖ ಜವಾಬ್ದಾರಿ ನಿಭಾಯಿಸಿದ್ದಾರೆ. ಯಲ್ಲಾಪುರದ ಪ್ರಮುಖ ಬೀದಿಗಳಲ್ಲಿ ಜಾಥಾ ಸಂಚರಿಸಿದ್ದು, ಜನರಲ್ಲಿ ಅರಿವು ಮೂಡಿಸುವ ಕೆಲಸ ಮಾಡಿದೆ. ಹಿರಿಯ ಶಿಕ್ಷಕರಾದ ವೆಂಕಟ್ರಮಣ ಭಟ್, ಕನ್ನಡ ಶಿಕ್ಷಕ ಮಲ್ಲಿಕಾರ್ಜುನ್ ಹೆಗ್ಗೇರಿ, ನಿವೃತ್ತ ಶಿಕ್ಷಕ ಚಂದ್ರಶೇಖರ್ ಹಾಗೂ ಹೋಲಿ ರೋಜರಿ ಪ್ರೌಢಶಾಲೆಯ ಮಕ್ಕಳು ಜಾಥಾದಲ್ಲಿ ಭಾಗವಹಿಸಿದ್ದಾರೆ. ಇ ಎಲ್ ಸಿ ಕ್ಲಬ್ ಸಂಚಾಲಕ ನೆಲ್ಸನ್ ಗೊನ್ಸಾಲ್ವಿಸ್ ಅವರು ಈ ಎಲ್ಲಾ ಕಾರ್ಯಕ್ರಮ ಉಸ್ತುವಾರಿ ನೋಡಿಕೊಂಡಿದ್ದಾರೆ.
- [ಕರೆಂಟ್ ಕೊಡುವ ಅರಣ್ಯ ಕಚೇರಿ!](https://mobiletime.in/2026/07/the-forest-office-that-provides-electricity/): ಕಾರವಾರದ ಸಾಮಾಜಿಕ ಅರಣ್ಯ ಇಲಾಖೆ ಕಚೇರಿ ಕರೆಂಟ್ ಉತ್ಪಾದನೆ ಮಾಡುತ್ತಿದ್ದು, ಹೆಸ್ಕಾಂ’ಗೆ ವಿದ್ಯುತ್ ಪೂರೈಕೆ ಮಾಡುತ್ತಿದೆ. ಕಟ್ಟಡದ ಮೇಲೆ ಸೋಲಾರ್ ಅಳವಡಿಸಿದ ಅಧಿಕಾರಿಗಳು, ಕಚೇರಿ ಬಳಕೆ ನಂತರ ಹೆಚ್ಚುಳಿದ ವಿದ್ಯುತನ್ನು ಮಾರಾಟ ಮಾಡುತ್ತಿದ್ದಾರೆ. ಪ್ರತಿ ಯುನಿಟ್’ಗೆ 3 ರೂ ದರದಲ್ಲಿ ಹೆಸ್ಕಾಂ ವಿದ್ಯುತ್ ಖರೀದಿಸುತ್ತಿದೆ. ಈಚೆಗೆ ಪರಿಸರ ಸ್ನೇಹಿ ಮತ್ತು ಸ್ವಾವಲಂಬಿ ಇಂಧನ ಬಳಕೆಗೆ ಜಗತ್ತಿನಾದ್ಯಂತ ಹೆಚ್ಚಿನ ಒತ್ತು ನೀಡಲಾಗುತ್ತಿದೆ. ಈ ನಿಟ್ಟಿನಲ್ಲಿ ಸರ್ಕಾರಿ ಕಚೇರಿಯ ಮೇಲೆ ಸೌರ ವಿದ್ಯುತ್ ಸ್ಥಾವರಗಳನ್ನು ಅಳವಡಿಸಿ ಯಶಸ್ವಿಯಾಗುವುದರ ಜೊತೆಗೆ ಕಚೇರಿಯ ವಿದ್ಯುತ್ ವೆಚ್ಚದ ಆರ್ಥಿಕ ಹೊರೆಯನ್ನು ಗಣನೀಯವಾಗಿ ತಗ್ಗಿಸುವ ಪ್ರಯತ್ನ ನಡೆದಿದೆ. ಜೊತೆಗೆ ಉತ್ಪಾದನೆಯಾದ ವಿದ್ಯುತ್’ನ್ನು ಆದಾಯವನ್ನಾಗಿಯೂ ಪರಿವರ್ತಿಸಿಕೊಂಡು ಹಸಿರು ಶಕ್ತಿಯ ಬಳಕೆ ಮಾಡಲು ಸಾಮಾಜಿಕ ಅರಣ್ಯ ಇಲಾಖೆ ಕಚೇರಿ ಆಸಕ್ತಿವಹಿಸಿದೆ. ಕಾರವಾರದ ಸಾಮಾಜಿಕ ಅರಣ್ಯ ವಿಭಾಗ ಕಛೇರಿಯಲ್ಲಿ ನವೀಕರಿಸಬಹುದಾದ ಇಂಧನ ಬಳಕೆಯನ್ನು ಉತ್ತೇಜಿಸುವ ಹಾಗೂ ವಿದ್ಯುತ್ ವೆಚ್ಚವನ್ನು ಕಡಿಮೆಗೊಳಿಸುವ ಉದ್ದೇಶದಿಂದ ರೂ 4.20 ಲಕ್ಷ ವೆಚ್ಚದಲ್ಲಿ 5 ಕಿ.ವ್ಯಾ ಸಾಮರ್ಥ್ಯದ ಸೌರ ಮೇಲ್ಛಾವಣಿ ನೆಟ್ ಮೀಟರಿಂಗ್ ವ್ಯವಸ್ಥೆಯನ್ನು ಅಳವÀಡಿಸಲಾಗಿದೆ. ಇದು ಏಪ್ರಿಲ್ 2026 ರಿಂದ ಕಾರ್ಯಾರಂಭ ಮಾಡಿದೆ. ಈ ಸೌರ ಮೇಲ್ಛಾವಣಿ ವ್ಯವಸ್ಥೆಯಿಂದ ಸರಾಸರಿ ತಿಂಗಳಿಗೆ ಸುಮಾರು 600 ಯೂನಿಟ್ ವಿದ್ಯುತ್ ಉತ್ಪಾದನೆಯಾಗುತ್ತಿದ್ದು, ಬೇಸಿಗೆ ಅವಧಿಯಲ್ಲಿ ಗರಿಷ್ಠ ಒಂದು ದಿನದಲ್ಲಿ 29.5 ಯೂನಿಟ್ ವಿದ್ಯುತ್ ಉತ್ಪಾದನೆ ದಾಖಲಾಗಿದೆ. ಪ್ರಸ್ತುತ ಮಳೆಗಾಲದ ಮೋಡ ಕವಿದ ವಾತಾವರಣದಲ್ಲೂ ದಿನಕ್ಕೆ ಸರಾಸರಿ 6 ಯೂನಿಟ್ ವಿದ್ಯುತ್ ಉತ್ಪಾದನೆಯನ್ನು ಕಾಯ್ದುಕೊಂಡಿದೆ. ಸೌರವ್ಯವಸ್ಥೆ ಅಳವಡಿಸುವ ಪೂರ್ವದಲ್ಲಿ ಕಛೇರಿಯ ಮಾಸಿಕ ವಿದ್ಯುತ್ ಬಿಲ್ ಸುಮಾರು ರೂ 5,000 ರಿಂದ 6000ರವರೆಗೆ ಬರುತ್ತಿದ್ದು, ಪ್ರಸ್ತುತ ನೆಟ್ ಮೀಟರಿಂಗ್ ವ್ಯವಸ್ಥೆ ಜಾರಿಯಾದ ನಂತರ ಮಾಸಿಕ ವಿದ್ಯುತ್ ವೆಚ್ಚವು ನಿಗಧಿತ ಕನಿಷ್ಠ ಮೊತ್ತ ರೂ.1000 ಬರುತಿದೆ. ವಿದ್ಯುತ್ ವೆಚ್ಚದಲ್ಲಿ ಇಲಾಖೆಗೆ ಪ್ರತಿ ತಿಂಗಳು ಶೇ 80ಕ್ಕಿಂತ ಹೆಚ್ಚು ಹಣ ಉಳಿತಾಯವಾಗುತ್ತಿದೆ. ಕಚೇರಿಯ ಅವಶ್ಯಕತೆ ಅನುಗುಣವಾಗಿ ಬಳಕೆಯಾಗುವ ವಿದ್ಯುತ್ ಹೆಚ್ಚುವರಿಯಾಗಿ ಉತ್ಪಾದನೆಯಾಗುವ ಮತ್ತು ರವಿವಾರ ಅಥವಾ ಸಾರ್ವಜನಿಕ ರಜಾದಿನಗಳಲ್ಲಿ ಕಚೇರಿಯು ಮುಚ್ಚಿರುವಾಗ ಉತ್ಪತ್ತಿಯಾಗುವ ಹೆಚ್ಚುವರಿ ವಿದ್ಯುತ್’ನ್ನು ಸ್ಥಳೀಯ ಗ್ರಿಡ್‌ಗೆ ಸರಬರಾಜು ಮಾಡಲಾಗುತ್ತದೆ. ಇದಕ್ಕೆ ಹೆಸ್ಕಾಂನಿAದ ಪ್ರತಿ ಯೂನಿಟ್‌ಗೆ ರೂ 3.08ರಂತೆ ಅರಣ್ಯ ಇಲಾಖೆಗೆ ಪಾವತಿಸಲಾಗುತ್ತದೆ. ಪರಿಸರ ಸಂರಕ್ಷಣೆ ಮತ್ತು ಹಸಿರು ವಲಯದ ವಿಸ್ತರಣೆಯನ್ನೇ ಮುಖ್ಯ ಧ್ಯೇಯವಾಗಿಸಿಕೊಂಡಿರುವ ಸಾಮಾಜಿಕ ಅರಣ್ಯ ವಿಭಾಗದ ಕಚೇರಿ ಇದೀಗ ನವೀಕರಿಸಬಹುದಾದ ಇಂಧನ ಬಳಕೆಯಲ್ಲೂ ಇಡೀ ಜಿಲ್ಲೆಗೆ ಮಾದರಿಯಾಗಿ ಹೊರಹೊಮ್ಮಿದೆ. ಈಗಾಗಲೇ ಹೆಚ್ಚುವರಿಯಾಗಿ ಉತ್ಪಾದನೆಯಾದ 292 ಯೂನಿಟ್ ವಿದ್ಯುತ್ ನ್ನು ಹೆಸ್ಕಾಂ ಗೆ ಮಾರಾಟ ಮಾಡಲಾಗಿದೆ. ಈ ಯೋಜನೆಯು ಕಚೇರಿಯ ವಿದ್ಯುತ್ ಬಿಲ್ ಉಳಿಸುವ ಯೋಜನೆ ಮಾತ್ರವಾಗಿರದೇ ಸರ್ಕಾರಿ ವಲಯದಲ್ಲೂ ಪರಿಸರಸ್ನೇಹಿ ತಂತ್ರಜ್ಞಾನವನ್ನು ಹೇಗೆ ಯಶಸ್ವಿಯಾಗಿ ಬಳಸಬಹುದು ಎಂಬುದಕ್ಕೆ ಉತ್ತಮ ನಿದರ್ಶನವಾಗಿದೆ.
- [ಎಸ್ಐಆರ್: ಉತ್ತರ ಕನ್ನಡ ಜಿಲ್ಲೆಯಲ್ಲಿ 61 ಸಾವಿರ ಅರ್ಜಿ ವಿತರಣೆ](https://mobiletime.in/2026/07/sir-61-thousand-applications-distributed-in-uttara-kannada-district/):  ಮತದಾರರ ಪಟ್ಟಿಯ ವಿಶೇಷ ತೀವ್ರ ಪರಿಷ್ಕರಣೆ (ಎಸ್‌ಐಆರ್) ಕಾರ್ಯ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಚುರುಕುಗೊಂಡಿದ್ದು, ಮಳೆಯ ಅಬ್ಬರದ ನಡುವೆಯೂ ಅಧಿಕಾರಿಗಳು ಮನೆ-ಮನೆಗೆ ಭೇಟಿ ನೀಡಿ ಅರ್ಜಿ ವಿತರಣೆ ಹಾಗೂ ಪರಿಶೀಲನೆ ನಡೆಸುತ್ತಿದ್ದಾರೆ. ಜಿಲ್ಲೆಯಲ್ಲಿ ಇದುವರೆಗೆ 61,476 ಎಸ್‌ಐಆರ್ ಅರ್ಜಿಗಳನ್ನು ವಿತರಣೆ ಮಾಡಲಾಗಿದೆ. ಭಾರತ ಚುನಾವಣಾ ಆಯೋಗದ ನಿರ್ದೇಶನದಂತೆ ನಡೆಯುತ್ತಿರುವ ಈ ವಿಶೇಷ ಅಭಿಯಾನದಲ್ಲಿ ಮತದಾರರ ವಿವರಗಳ ಪರಿಶೀಲನೆ, ಹೊಸ ಮತದಾರರ ಸೇರ್ಪಡೆ, ಹೆಸರು ತಿದ್ದುಪಡಿ ಹಾಗೂ ಅಗತ್ಯ ದಾಖಲೆಗಳ ಸಂಗ್ರಹ ಕಾರ್ಯ ಕೈಗೊಳ್ಳಲಾಗಿದೆ.   ಬಿಎಲ್‌ಒಗಳು ಹಾಗೂ ಚುನಾವಣಾ ಸಿಬ್ಬಂದಿ ಮನೆ-ಮನೆಗೆ ತೆರಳಿ ಮತದಾರರನ್ನು ಸಂಪರ್ಕಿಸುತ್ತಿದ್ದಾರೆ. ಜಿಲ್ಲಾವಾರು ವಿತರಣೆಗೊಂಡ ಅರ್ಜಿಗಳ ಪೈಕಿ ಕಾರವಾರ ವಿಧಾನಸಭಾ ಕ್ಷೇತ್ರದಲ್ಲಿ 2,774, ಯಲ್ಲಾಪುರದಲ್ಲಿ 15,394, ಮುಂಡಗೋಡಿನಲ್ಲಿ 13,394, ಭಟ್ಕಳದಲ್ಲಿ 9,469, ಶಿರಸಿಯಲ್ಲಿ 11,515 ಹಾಗೂ ಹೊನ್ನಾವರದಲ್ಲಿ 8,930 ಅರ್ಜಿಗಳನ್ನು ವಿತರಿಸಲಾಗಿದೆ. ಒಟ್ಟಾರೆ ಜಿಲ್ಲೆಯಲ್ಲಿ 61,476 ಅರ್ಜಿಗಳು ವಿತರಣೆಗೊಂಡಿವೆ. ಜಿಲ್ಲೆಯಲ್ಲಿ ಒಟ್ಟು 1,445 ಬಿಎಲ್‌ಒಗಳು ಕಾರ್ಯನಿರ್ವಹಿಸುತ್ತಿದ್ದು, ಮನೆ-ಮನೆ ಭೇಟಿ ಮೂಲಕ ಮತದಾರರ ವಿವರಗಳನ್ನು ಪರಿಶೀಲಿಸುತ್ತಿದ್ದಾರೆ. ಹಲವೆಡೆ ಮಳೆಯ ಕೊರತೆಯಿದ್ದರೂ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಕಾರ್ಯವನ್ನು ಮುಂದುವರಿಸಿದ್ದಾರೆ. ಜಿಲ್ಲಾಡಳಿತದ ಮಾಹಿತಿ ಪ್ರಕಾರ, ಎಸ್‌ಐಆರ್ ಪ್ರಕ್ರಿಯೆಯಡಿ ಅರ್ಹ ಮತದಾರರು ಅಗತ್ಯ ದಾಖಲೆಗಳೊಂದಿಗೆ ಅರ್ಜಿಗಳನ್ನು ಭರ್ತಿ ಮಾಡಿ ನಿಗದಿತ ಅವಧಿಯೊಳಗೆ ಸಲ್ಲಿಸುವಂತೆ ಮನವಿ ಮಾಡಲಾಗಿದೆ. ಈ ಅಭಿಯಾನದ ಮೂಲಕ ಮತದಾರರ ಪಟ್ಟಿಯನ್ನು ಇನ್ನಷ್ಟು ನಿಖರ ಮತ್ತು ಸಮಗ್ರಗೊಳಿಸುವ ಉದ್ದೇಶ ಹೊಂದಲಾಗಿದೆ.
- [ರೆಡ್ ಅಲರ್ಟ್!](https://mobiletime.in/2026/07/red-alert/): ಉತ್ತರ ಕನ್ನಡ ಜಿಲ್ಲೆಯ ಉದ್ದಗಲಕ್ಕೂ ಮಳೆ ಜೋರಾಗಿದೆ. ಈ ಹಿನ್ನಲೆ ರೆಡ್ ಅಲರ್ಟ್ ಘೋಷಿಸಲಾಗಿದೆ. ಜುಲೈ 1ರಿಂದ ಜಿಲ್ಲಾಡಳಿತ ರೆಡ್ ಅಲರ್ಟ್ ಘೋಷಿಸಿದ್ದು, ಸಾರ್ವಜನಿಕರಿಗೆ ಎಚ್ಚರಿಕೆವಹಿಸಲು ಸೂಚಿಸಿದೆ. ಮುಂದಿನ ಒಂದು ವಾರಗಳ ಕಾಲ ವ್ಯಾಪಕ ಪ್ರಮಾಣದಲ್ಲಿ ಮಳೆ ಸುರಿಯುವ ಸಾಧ್ಯತೆಗಳಿರುವ ಬಗ್ಗೆ ಹವಾಮಾನ ಇಲಾಖೆಯೂ ಮಾಹಿತಿ ನೀಡಿದೆ. ಅದರಲ್ಲಿಯೂ ಈ ಅವಧಿಯಲ್ಲಿ ಕರಾವಳಿ ಭಾಗದಲ್ಲಿ ಹೆಚ್ಚಿನ ಮಳೆ ಸುರಿಯಲಿದೆ. ಜುಲೈ 2 ಹಾಗೂ ಜುಲೈ 5, 6 ಹಾಗೂ 7ರಂದು ಭಾರೀ ಪ್ರಮಾಣದಲ್ಲಿ ಮಳೆ ಬೀಳುವ ಮುನ್ಸುಚನೆ ಸಿಕ್ಕಿದೆ. ಈ ಹಿನ್ನಲೆ ಜಿಲ್ಲೆಯಲ್ಲಿ ಸಾಕಷ್ಟು ಮುನ್ನಚ್ಚರಿಕಾ ಕ್ರಮ ಅನುಸರಿಸಲಾಗಿದೆ. ಜುಲೈ 3 ಹಾಗೂ 4ರಂದು ಮಳೆ ಕೊಂಚ ಬಿಡುವು ನೀಡುವ ಲಕ್ಷಣವಿರುವ ಬಗ್ಗೆ ಅಧಿಕಾರಿಗಳು ಹೇಳಿದ್ದಾರೆ. ಅದನ್ನು ಹೊರತುಪಡಿಸಿ ಉಳಿದ ದಿನಗಳಲ್ಲಿ 204.5ಮಿಲೀ ಮೀಟರ್ ಮಳೆಯಾಗುವ ಸಾಧ್ಯತೆಗಳಿವೆ. ಮಳೆ ಪ್ರಮಾಣ ಅಧಿಕವಿರುವ ಕಾರಣ ಕೆರೆ, ನದಿ ಹಾಗೂ ಸಮುದ್ರ ತೀರಕ್ಕೆ ಇಳಿಯದಂತೆ ಸೂಚಿಸಲಾಗಿದೆ. ಮೀನುಗಾರರು ಸಮುದ್ರಕ್ಕೆ ತೆರಳದಂತೆ ಕೋರಲಾಗಿದೆ. ಮಳೆ ಹಾಗೂ ಸಿಡಿಲಿನ ಸಂದರ್ಭದಲ್ಲಿ ರೈತರು ಕೃಷಿ ಚಟುವಟಿಕೆಗಳಿಂದ ದೂರವಿರಬೇಕು ಎಂದು ಸರ್ಕಾರ ಸೂಚಿಸಿದೆ. ಅಪಾಯಕಾರಿ ಮರ ಹಾಗೂ ಶಿಥಿಲಗೊಂಡ ಕಟ್ಟಡಗಳ ಆಶ್ರಯ ಪಡೆಯದಂತೆಯೂ ಮನವಿ ಮಾಡಲಾಗಿದೆ.
- [ಮಹಿಳೆಯರ ಹೈ ಹೀಲ್ಸ್ ಮೊದಲು ತಯಾರಿಸಿದ್ದೇ ಗಂಡಸರಿಗಾಗಿ](https://mobiletime.in/2026/07/womens-high-heels-were-first-made-for-men/): ಇಂದು ಹೈ ಹೀಲ್ಸ್ ಎಂದರೆ ಬಹುತೇಕ ಎಲ್ಲರಿಗೂ ಮಹಿಳೆಯರ ಫ್ಯಾಷನ್ ನೆನಪಾಗುತ್ತದೆ. ಆದರೆ ಈ ಚಪ್ಪಲಿಯ ಆರಂಭಿಕ ಇತಿಹಾಸವನ್ನು ತಿಳಿದುಕೊಂಡರೆ ಅಚ್ಚರಿಯಾಗಬಹುದು. ಏಕೆಂದರೆ ಹೈ ಹೀಲ್ಸ್ ಅನ್ನು ಮೊದಲಿಗೆ ರೂಪಿಸಿದ್ದು ಮಹಿಳೆಯರಿಗಾಗಿ ಅಲ್ಲ, ಗಂಡಸರಿಗಾಗಿ ಅಂದರೆ ಆಶ್ಚರ್ಯವಾಗುತ್ತದೆ. ಇತಿಹಾಸಕಾರರ ಪ್ರಕಾರ, ಸುಮಾರು 10ನೇ ಶತಮಾನದಲ್ಲಿ ಪರ್ಷಿಯಾ (ಇಂದಿನ ಇರಾನ್) ದೇಶದ ಕುದುರೆ ಸವಾರ ಯೋಧರು ಹೀಲ್ಸ್ ಇರುವ ಬೂಟುಗಳನ್ನು ಬಳಸುತ್ತಿದ್ದರು.    ಆಗ ಯುದ್ಧದಲ್ಲಿ ಕುದುರೆ ಸವಾರಿ ಮಾಡುವಾಗ ಕಾಲು ಸ್ಟಿರಪ್‌ನಲ್ಲಿ ಗಟ್ಟಿಯಾಗಿ ಹಿಡಿದಿಡಲು ಹೀಲ್ಸ್ ಸಹಾಯ ಮಾಡುತ್ತಿತ್ತು. ಇದರಿಂದ ಯೋಧರು ಬಿಲ್ಲು ಅಥವಾ ಇತರ ಆಯುಧಗಳನ್ನು ಹೆಚ್ಚು ಸ್ಥಿರವಾಗಿ ಬಳಸಲು ಸಾಧ್ಯವಾಗುತ್ತಿತ್ತು. ಹೀಗಾಗಿ ಹೀಲ್ಸ್ ಅಂದು ಅಲಂಕಾರಕ್ಕಿಂತ ಉಪಯೋಗಕ್ಕಾಗಿ ಹುಟ್ಟಿದ ವಿನ್ಯಾಸವಾಗಿತ್ತು. 16 ಮತ್ತು 17ನೇ ಶತಮಾನಗಳಲ್ಲಿ ಪರ್ಷಿಯಾದೊಂದಿಗೆ ಯುರೋಪಿನ ಸಂಪರ್ಕ ಹೆಚ್ಚಾದಂತೆ ಹೈ ಹೀಲ್ಸ್ ಅಲ್ಲಿನ ರಾಜಮನೆತನ ಮತ್ತು ಶ್ರೀಮಂತರ ಗಮನ ಸೆಳೆಯಿತು. ನಿಧಾನವಾಗಿ ರಾಜರು, ಸೇನಾಧಿಕಾರಿಗಳು ಮತ್ತು ಶ್ರೀಮಂತರು ತಮ್ಮ ಪ್ರತಿಷ್ಠೆ, ಅಧಿಕಾರ ಹಾಗೂ ಶ್ರೀಮಂತಿಕೆಯ ಸಂಕೇತವಾಗಿ ಹೈ ಹೀಲ್ಸ್ ಧರಿಸಲು ಆರಂಭಿಸಿದರು.   ಈ ಪ್ರವೃತ್ತಿಯನ್ನು ಹೆಚ್ಚು ಜನಪ್ರಿಯಗೊಳಿಸಿದವರಲ್ಲಿ ಫ್ರಾನ್ಸ್‌ನ ರಾಜ ಲೂಯಿ ಹದಿನಾಲ್ಕನೇ ಪ್ರಮುಖರು. ಅವರು ಕೆಂಪು ಬಣ್ಣದ ಹೀಲ್ಸ್ ಇರುವ ಬೂಟುಗಳನ್ನು ಧರಿಸುತ್ತಿದ್ದರು. ಆ ಕಾಲದಲ್ಲಿ ಕೆಂಪು ಹೀಲ್ಸ್ ಧರಿಸುವ ಹಕ್ಕು ರಾಜನ ಆಪ್ತರಿಗೆ ಮಾತ್ರ ಇತ್ತು ಎನ್ನಲಾಗುತ್ತದೆ. ಹೀಗಾಗಿ ಹೈ ಹೀಲ್ಸ್ ಅಧಿಕಾರ ಮತ್ತು ಸಾಮಾಜಿಕ ಸ್ಥಾನಮಾನದ ಸಂಕೇತವಾಗಿ ರೂಪುಗೊಂಡಿತು. ಆದರೆ 18ನೇ ಶತಮಾನದಲ್ಲಿ ಪುರುಷರ ಉಡುಗೆ ಸರಳವಾಗತೊಡಗಿತು. ಹೈ ಹೀಲ್ಸ್ ಬಳಕೆ ಪುರುಷರಲ್ಲಿ ಕಡಿಮೆಯಾಗಿ, ಮಹಿಳೆಯರ ಫ್ಯಾಷನ್‌ನಲ್ಲಿ ಹೆಚ್ಚು ಸ್ಥಾನ ಪಡೆಯಿತು.   ನಂತರದ ಶತಮಾನಗಳಲ್ಲಿ ವಿವಿಧ ವಿನ್ಯಾಸ, ಬಣ್ಣ ಮತ್ತು ಎತ್ತರದ ಹೀಲ್ಸ್‌ಗಳು ಮಾರುಕಟ್ಟೆಗೆ ಬಂದವು. ಇಂದು ಹೈ ಹೀಲ್ಸ್ ವಿಶ್ವದ ಫ್ಯಾಷನ್ ಉದ್ಯಮದ ಪ್ರಮುಖ ಭಾಗವಾಗಿದೆ. ಆದರೆ ವೈದ್ಯಕೀಯ ತಜ್ಞರ ಪ್ರಕಾರ, ಅತಿ ಎತ್ತರದ ಹೀಲ್ಸ್‌ಗಳನ್ನು ದೀರ್ಘಕಾಲ ಧರಿಸುವುದರಿಂದ ಪಾದ, ಮೊಣಕಾಲು, ಸೊಂಟ ಹಾಗೂ ಬೆನ್ನಿನ ಮೇಲೆ ಹೆಚ್ಚಿನ ಒತ್ತಡ ಉಂಟಾಗಬಹುದು. ಆದ್ದರಿಂದ ಅಗತ್ಯವಿದ್ದಾಗ ಮಾತ್ರ ಬಳಸುವುದು ಮತ್ತು ಆರಾಮದಾಯಕ ವಿನ್ಯಾಸಗಳನ್ನು ಆಯ್ಕೆ ಮಾಡುವುದು ಉತ್ತಮ. ಹೀಗಾಗಿ, ಇಂದು ಮಹಿಳೆಯರ ಸೌಂದರ್ಯದ ಸಂಕೇತವೆಂದು ಪರಿಗಣಿಸಲಾಗುವ ಹೈ ಹೀಲ್ಸ್‌ನ ಮೂಲ ಇತಿಹಾಸವನ್ನು ನೋಡಿದರೆ, ಅದು ಯುದ್ಧಭೂಮಿಯಲ್ಲಿ ಕುದುರೆ ಸವಾರ ಪುರುಷ ಯೋಧರಿಗೆ ನೆರವಾಗುವ ಉದ್ದೇಶದಿಂದ ಹುಟ್ಟಿಕೊಂಡ ಒಂದು ಉಪಯುಕ್ತ ಪಾದರಕ್ಷೆ ಎಂಬುದು ವಿಶೇಷ.
- [ಗೋವಾಗೆ ಹೋಗುವ ಕಾರವಾರ ಮರಳು: ಅನುಮತಿ ಇಲ್ಲ.. ಪರವಾನಿಗೆ ಬೇಕಿಲ್ಲ!](https://mobiletime.in/2026/06/karwar-sand-going-to-goa-no-permission-no-permit-required/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆಗಾಲದ ಅವಧಿಯಲ್ಲಿಯೂ ಅಕ್ರಮ ಮರಳುಗಾರಿಕೆ ಮುಂದುವರೆದಿದೆ. ಜಲಚರಗಳಿಗೆ ಹಿಂಸೆ ಆಗುವ ರೀತಿ ಮರಳುಗಾರಿಕೆ ನಡೆಯುತ್ತಿದ್ದು, ಕಾರವಾರ ಕಾಳಿ ನದಿಯ ಮರಳು ಗೋವಾಗೆಗೆ ಸಾಗಾಟವಾಗುತ್ತಿದೆ. ಕಾರವಾರ ತಾಲೂಕಿನ ಕದ್ರಾ ಮಾರ್ಗವಾಗಿ ಗೋವಾಗೆ ಅಕ್ರಮವಾಗಿ ಮರಳು ಸಾಗಿಸುತ್ತಿದ್ದ ವಾಹನವೊಂದನ್ನು ತಹಶೀಲ್ದಾರ್ ನಿಶ್ಚಲ್ ನರೋನಾ ಅವರು ಮಂಗಳವಾರ ಹಿಡಿದಿದ್ದಾರೆ. ಸಂಜೆ ವೇಳೆ ಕದ್ದು ಮರಳು ಸಾಗಿಸುತ್ತಿದ್ದ ಪಿಕಪ್ ಅಸ್ನೋಟಿ ಬಳಿ ಸಿಕ್ಕಿ ಬಿದ್ದಿದೆ. ಸದ್ಯ ಮರಳು ತುಂಬಿದ ವಾಹನವನ್ನು ಕಾರವಾರ ತಹಶೀಲ್ದಾರ್ ಕಚೇರಿ ಬಳಿ ತರಲಾಗಿದ್ದು, ಅದರ ವಿಚಾರಣೆಗೆ ಅಲ್ಲಿ ಜನ ಜಮಾಯಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮರಳು ಗಣಿಗಾರಿಕೆಗೆ ಅನುಮತಿ ಇಲ್ಲ. ಮರಳು ಸಾಗಾಟದ ವಾಹನಕ್ಕೂ ವಿಶೇಷ ದಾಖಲೆಗಳಿರಲಿಲ್ಲ. ಈ ಹಿನ್ನಲೆ ಮರಳು ಗಾಡಿಯನ್ನು ಅಧಿಕಾರಿಗಳು ಹಿಡಿದಿದ್ದು, ಅದನ್ನು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಗೆ ಹಸ್ತಾಂತರಿಸಲಿದ್ದಾರೆ. ಇನ್ನೂ ರಾಜಾರೋಷವಾಗಿ ಅಕ್ರಮ ಮರಳುಗಾರಿಕೆ ನಡೆಯುತ್ತಿದ್ದರೂ ಕಠಿಣ ಕ್ರಮವಾಗುತ್ತಿಲ್ಲ ಎಂಬ ಆರೋಪವೂ ಇದೆ. ಎಲ್ಲಡೆ ತಪಾಸಣಾ ಕೇಂದ್ರ, ಚೆಕ್‌ಪೋಸ್ಟ್ ಹಾಕಿದ್ದರೂ ಅಕ್ರಮ ಮರಳುಗಾರಿಕೆ ನಿಂತಿಲ್ಲ. ಈ ಬಗ್ಗೆ ಸಮಗ್ರ ತನಿಖೆ ನಡೆಯಬೇಕು ಎಂದು ಜನ ಆಗ್ರಹಿಸಿದ್ದಾರೆ.
- [ಮತ್ತೆ ಮೂರು ಬಾಂಬ್ ಪತ್ತೆ!](https://mobiletime.in/2026/06/three-more-bombs-found/): ಬಾಂಬ್ ಸಿಡಿಸಿಕೊಂಡು ಭಸ್ಮವಾದ ಅಂಕೋಲಾ ನಾಗೇಂದ್ರ ಗೌಡ ಅವರ ಪ್ರಕರಣ ತನಿಖೆ ನಡೆಸಿದವರಿಗೆ ಮತ್ತೆ ಮೂರು ಬಾಂಬ್ ಸಿಕ್ಕಿದೆ. ಅಗಸೂರಿನ ಬಳಿ ಮಣ್ಣಿನ ಅಡಿ ಬಾಂಬ್ ಅಡಗಿಸಿರುವುದು ಪತ್ತೆಯಾಗಿದೆ. ಬಾಂಬ್ ನಿಷ್ಕ್ರಿಯ ದಳದವರು ಆಗಮಿಸಿ ಆ ಬಾಂಬ್ ಸ್ಪೋಟವಾಗದ ಹಾಗೇ ನಾಶ ಮಾಡಿದ್ದಾರೆ. ಅಂಕೋಲಾದ ಹೆಬ್ಬುಳದ ನಾಗೇಂದ್ರ ಗೌಡ ಅವರು ತುಮಕೂರಿನಲ್ಲಿ ಬಾಂಬ್ ಸಿಡಿಸಿ ಆತ್ಮಹತ್ಯೆಗೆ ಶರಣಾದ ನಂತರ ಬಾಂಬ್ ಕುರಿತು ಎಲ್ಲಡೆ ಶೋಧ ನಡೆಯುತ್ತಿದೆ. ಪ್ರೇಯಸಿ ರಮ್ಯಾ ಅವರನ್ನು ಸಾಯಿಸುವುದಕ್ಕಾಗಿ ನಾಗೇಂದ್ರ ಗೌಡ ಅವರು ಉತ್ತರ ಕನ್ನಡ ಜಿಲ್ಲೆಯಿಂದಲೇ ಬಾಂಬ್ ತೆಗೆದುಕೊಂಡ ಹೋಗಿರುವುದು ಖಚಿತವಾಗಿದೆ. ನಾಗೇಂದ್ರ ಗೌಡ ಅವರ ಕುಟುಂಬದವರನ್ನು ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ನಾಗೇಂದ್ರ ಗೌಡ ಅವರ ಅತ್ತೆ ಮಕ್ಕಳಾದ ಹೊನ್ನಳ್ಳಿಯ ನಾರಾಯಣ ಗೌಡ ಹಾಗೂ ನಾಗರಾಜ ಗೌಡ ಅವರು ಸದ್ಯ ಪೊಲೀಸರ ವಶದಲ್ಲಿದ್ದಾರೆ. ಅಂಕೋಲ ತಾಲೂಕಿನ ಶಿರಗುಂಜಿಯ ಸಂದೀಪ್ ಗೌಡ ಅವರ ಜೊತೆ ನಾರಾಯಣ ಗೌಡ, ನಾಗರಾಜ ಗೌಡ ಅವರಲ್ಲಿಯೂ ಪೊಲೀಸರು ವಿವಿಧ ಪ್ರಶ್ನೆ ಕೇಳಿದ್ದಾರೆ. ಮೀನು ಹಿಡಿಯುವುದಕ್ಕಾಗಿ ಬಾಂಬ್ ಬಳಕೆ ಮಾಡುವ ಬಗ್ಗೆ ಅವರು ತಿಳಿಸಿದ್ದು, ಕಾಡಿನಲ್ಲಿ ಅಡಗಿಸಿದ್ದ ಬಾಂಬ್’ಗಳನ್ನು ಪೊಲೀಸರಿಗೆ ಕಾಣಿಸಿದ್ದಾರೆ. ತುಮಕೂರಿನ ಬಳಿ ಕಾರಿನಲ್ಲಿ ಬಾಂಬ್ ಸ್ಪೋಟಕ್ಕೂ ಮುನ್ನ ಒಂದು ಬಾಂಬ್’ನ್ನು ಕಾರಿನ ಚಾಲಕ ಪ್ರವೀಣ ಅವರು ಕಸಿದು ಎಸೆದಿದ್ದಾರೆ. ಅದಾದ ನಂತರ ರಮ್ಯಾ ಹಾಗೂ ಪ್ರವೀಣ ಅವರು ಕಾರಿನಿಂದ ಹಾರಿ ಜೀವ ಉಳಿಸಿಕೊಂಡಿದ್ದು, ಕಾರಿನ ಒಳಗಿದ್ದ ನಾಗೇಂದ್ರ ಗೌಡ ಅವರು ಬಾಂಬ್ ಸಿಡಿಸಿಕೊಂಡು ಪ್ರಾಣ ಬಿಟ್ಟಿದ್ದಾರೆ. ಈ ಪ್ರಕರಣದ ಅಂಗವಾಗಿ ಜಿಲ್ಲೆಯ ಎಲ್ಲಾ ಕಡೆ ಶೋಧ ಮುಂದುವರೆದಿದ್ದು, ಅಂಕೋಲಾದ ಅಗಸೂರಿನ ಬಳಿ ಮೂರು ಸಜೀವ ನಾಡಬಾಂಬ್ ದೊರೆತಿದೆ. ನಾಗೇಂದ್ರ ಗೌಡ ಅವರ ಬಳಿ ಇನ್ನೂ ಎಷ್ಟು ಬಾಂಬ್ ಇದ್ದವು? ಅವರಿಗೆ ಅದನ್ನು ಪೂರೈಸಿದವರು ಯಾರು? ಅದನ್ನು ಅವರು ಮತ್ತೆ ಎಲ್ಲಿಯಾದರೂ ಅಡಗಿಸಿದ್ದಾರೆಯಾ? ಎನ್ನುವುದರ ಬಗ್ಗೆಯೂ ಶೋಧ ನಡೆದಿದೆ. ಬಾಂಬ್ ತಯಾರಿಕೆ ಆರೋಪದಡಿ ಹೊನ್ನಾವರ ತಾಲೂಕಿನ ಚಂದಾವರದ ಜಾರ್ಜ ಫರ್ನಾಂಡೀಸ್ (63) ಎಂಬಾತರನ್ನು ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಆದರೆ, ಜಾರ್ಜ ಫರ್ನಾಂಡಿಸ್ ಅನಾರೋಗ್ಯದ ಕಾರಣ ಆಸ್ಪತ್ರೆ ಸೇರಿದ್ದಾರೆ. ಹೀಗಾಗಿ ತನಿಖೆಗೆ ತಡವಾಗುತ್ತಿದೆ. ಚಾರ್ಜ ಫರ್ನಾಂಡಿಸ್ ಅವರ ಹೇಳಿಕೆಗಳು ಈ ಪ್ರಕರಣದ ಸ್ವರೂಪ ಬದಲಿಸುವ ಸಾಧ್ಯತೆಯಿದ್ದು, ಮಹತ್ವದ ಮಾಹಿತಿ ಕೊಡಲಿದೆ.
- [ಟುಸ್ ಪಟಾಕಿ:  ಸ್ಪೋಟಕ ಸಿದ್ಧಪಡಿಸುವುದೇ ಆ ಕಳ್ಳ ವ್ಯಾಪಾರಿಯ ಕಸುಬು!](https://mobiletime.in/2026/06/two-firecrackers-that-smugglers-job-is-to-prepare-explosives/): ಹೊನ್ನಾವರ ಕರ್ಕಿಯ ಇಸ್ಮಾಯಲ್ ಸಾಬ್ ಅವರು ಕದ್ದು-ಮುಚ್ಚಿ ಸ್ಪೋಟಕಗಳನ್ನು ತಯಾರಿಸುತ್ತಿದ್ದು, ಅವರ ಮನೆ ಹಿಂದಿನ ಶೆಡ್ಡಿನೊಳಗೆ ಭಾರೀ ಪ್ರಮಾಣದ ಗಂಧಕದ ಪುಡಿ ದಾಸ್ತಾನು ನಡೆದಿದೆ. ಜೊತೆಗೆ ಇಸ್ಮಾಯಲ್ ಅವರು ಸ್ಪೋಟಕ ತಯಾರಿಕೆಗೆ ಅಗತ್ಯವಿರುವ ಇದ್ದಿಲು, ಬತ್ತಿ, ಕಾರ್ಡಬೋರ್ಡ ತುಂಬಿದ ಚೀಲವನ್ನು ಶೆಡ್ಡಿನೊಳಗೆ ಶೇಖರಿಸಿಟ್ಟಿದ್ದಾರೆ. ಹೊನ್ನಾವರದ ಕರ್ಕಿಯ ನಡುಚಿಟ್ಟೆಯಲ್ಲಿ ಇಸ್ಮಾಯಲ್ ಯೂಸಬ್ ಸಾಬ್ ಅವರು ವಾಸವಾಗಿದ್ದಾರೆ. ಅವರು ವ್ಯಾಪಾರಿಯಾಗಿ ಬದುಕು ಕಟ್ಟಿಕೊಂಡಿದ್ದಾರೆ. ಅದರ ಜೊತೆ ಸ್ಪೋಟಕಗಳನ್ನು ಸಿದ್ಧಪಡಿಸುವ ಕಳ್ಳ ದಂಧೆಯಲ್ಲಿಯೂ ಅವರು ಅತ್ಯಂತ ಆಸಕ್ತರಾಗಿದ್ದಾರೆ. ಸ್ಪೋಟಕಗಳನ್ನು ತಯಾರಿಸಲು ಅವರು ತಮ್ಮ ಮನೆ ಹಿಂದೆ ಪ್ರತ್ಯೇಕ ಶೆಡ್ ನಿರ್ಮಿಸಿದ್ದಾರೆ. ಅಲ್ಲಿ ಅನಧಿಕೃತವಾಗಿ ವಿವಿಧ ಸ್ಪೋಟಕ ಸಾಮಗ್ರಿಗಳನ್ನು ಶೇಖರಿಸಿಟ್ಟಿದ್ದಾರೆ. ಸ್ಪೋಟಕಗಳ ತಯಾರಿಕೆಗೆ ಇಸ್ಮಾಯಲ್ ಸಾಬ್ ಅವರು ತರಬೇತಿಪಡೆದವರಲ್ಲ. ಅವರ ಬಳಿ ಸ್ಪೋಟಕ ಸಿದ್ಧಪಡಿಸುವ ಅನುಮತಿಯೂ ಇಲ್ಲ. ಅದಾಗಿಯೂ ಅವರು ಪಟಾಕಿ ತಯಾರಿಸಿಕೊಡುವುದಾಗಿ ಊರಿನಲ್ಲಿ ಹೇಳಿಕೊಂಡಿದ್ದಾರೆ. ಅವರ ಶೆಡ್ಡಿನೊಳಗೆ ಅಪಾಯಕಾರಿ ರೀತಿಯಲ್ಲಿ ಸ್ಪೋಟಕ ಸಾಮಗ್ರಿಗಳನ್ನು ತಂದಿರಿಸಿದ್ದಾರೆ. ಅವುಗಳ ಸ್ಪೋಟದಿಂದ ಭಾರೀ ಪ್ರಮಾಣದ ಅಪಾಯ ಸಂಭವಿಸುವ ಬಗ್ಗೆ ಅರಿವಿದ್ದರೂ ಸುರಕ್ಷತೆಗೆ ಆದ್ಯತೆ ಕೊಟ್ಟಿಲ್ಲ. ತಾವು ಮಾಡುವ ಕೆಲಸ ಅನಧಿಕೃತ ಎಂಬ ಅರಿವಿದ್ದರೂ ಆ ಕೆಲಸ ಬಿಟ್ಟಿಲ್ಲ. ಹೊನ್ನಾವರ ಪಿಐ ಸಿದ್ದರಾಮೇಶ್ವರ ಎಸ್ ಅವರು ಜೂನ್ 29ರ ರಾತ್ರಿ 8.30ರ ವೇಳೆಗೆ ಕರ್ಕಿಗೆ ಹೋಗಿದ್ದಾರೆ. ಆ ವೇಳೆ ಅವರಿವರನ್ನು ಮಾತನಾಡಿಸಿದಾಗ ಇಸ್ಮಾಯಲ್ ಸಾಬ್ ಅವರ ಅಕ್ರಮ ಕೆಲಸದ ಬಗ್ಗೆ ಗೊತ್ತಾಗಿದೆ. ತಕ್ಷಣ ಸಿದ್ದರಾಮೇಶ್ವರ ಎಸ್ ಅವರು ತಮ್ಮ ತಂಡದ ಜೊತೆ ಅವರ ಮನೆ ಮೇಲೆ ದಾಳಿ ಮಾಡಿದ್ದಾರೆ. ಆಗ, ಮನೆ ಹಿಂದಿನ ಶೆಡ್ಡಿನೊಳಗೆ ಪಟಾಕಿಗಳಂಥ ಸ್ಪೋಟಕಗಳನ್ನು ತುಂಬಿದ ಪ್ಲಾಸ್ಟಿಕ್ ಡ್ರಮ್ ಸಿಕ್ಕಿದೆ. ಇನ್ನಷ್ಟು ಪರಿಶೀಲನೆ ನಡೆಸಿದಾಗ ಕಾರ್ಡಬೋರ್ಡ ತುಂಬಿದ ಚೀಲ, ಪಟಾಕಿ ತುಂಬಿದ ಚೀಲ ಕಾಣಿಸಿದೆ. ಅದರೊಂದಿಗೆ 9 ಕೆಜಿ ಗಂಧಕದ ಪೌಡರ್, 600 ಗ್ರಾಂ ಇದ್ದಿಲ ಪುಡಿ, ಬತ್ತಿ ಹಾಗೂ ಸ್ಪೋಟಕಗನ್ನು ಸುತ್ತುವ ಉಂಡೆ ದೊರೆತಿದೆ. ಅಷ್ಟು ಹೊತ್ತಿನವರೆಗೆ ಅಲ್ಲಿಯೇ ಅಡಗಿದ್ದ ಇಸ್ಮಾಯಲ್ ಸಾಬ್ ಅವರು ಪೊಲೀಸರನ್ನು ನೋಡಿ ಪರಾರಿಯಾಗಿದ್ದಾರೆ. ಅಲ್ಲಿರುವ ಸ್ಪೋಟಕ ಹಾಗೂ ಸಾಮಗ್ರಿಗಳನ್ನು ವಶಕ್ಕೆಪಡೆದ ಪೊಲೀಸರು ಇಸ್ಮಾಯಲ್ ಸಾಬ್ ವಿರುದ್ಧ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.  
- [ನಕಲಿ ಚಿನ್ನಕ್ಕೂ ಸಾಲ ಕೊಡುವ ICICI ಬ್ಯಾಂಕ್!](https://mobiletime.in/2026/06/icici-bank-gives-loans-even-for-fake-gold/): ಹಳಿಯಾಳದ ICICI ಬ್ಯಾಂಕಿನವರು ನಕಲಿ ಬಂಗಾರಕ್ಕೂ ಲಕ್ಷಾಂತರ ರೂ ಸಾಲ ಕೊಟ್ಟಿದ್ದಾರೆ. ಸಾಲಪಡೆದವರು ಬ್ಯಾಂಕಿನವರಿಗೆ ಸಿಗದೇ ತಲೆಮರೆಸಿಕೊಂಡು ಓಡಾಡುತ್ತಿದ್ದಾರೆ. ಹಳಿಯಾಳದ ಯಲ್ಲಾಪುರ ನಾಕಾ ರಸ್ತೆಯಲ್ಲಿ ಐಸಿಐಸಿಐ ಬ್ಯಾಂಕ್ ಶಾಖೆಯಿದೆ. ಇಲ್ಲಿ ಜನಗಾದ ಗುಂಡು ನಾಗೇಂದ್ರ ಕಾಕತೀಕರ್ ಅವರು ಮ್ಯಾನೇಜರ್ ಆಗಿದ್ದಾರೆ. ಸಿದ್ದರಾಮೇಶ್ವರಗಲ್ಲಿಯ ಅಮರನಾಥ ರಾಮು ವಡ್ಡರ್ ಹಾಗೂ ಜೋಗಿನಕೊಪ್ಪದ ನಿಸಾರ ಅಹಮದ್ ಸರ್ಕಾವಸ್ ಸೇರಿ ಬ್ಯಾಂಕ್ ಮ್ಯಾನೇಜರ್ ಗುಂಡು ಕಾಕತೀಕರ್ ಅವರನ್ನು ಯಾಮಾರಿಸಿದ್ದಾರೆ. ಅವರಿಬ್ಬರು ಸಂಚು ರೂಪಿಸಿ ಬ್ಯಾಂಕಿಗೆ ನಕಲಿ ಬಂಗಾರ ನೀಡಿದ್ದಾರೆ. ಆ ಮೂಲಕ 355800ರೂ ಸಾಲಪಡೆದಿದ್ದಾರೆ. ಮೊದಲು ಸಿದ್ದರಾಮೇಶ್ವರಗಲ್ಲಿಯ ಅಮರನಾಥ ವಡ್ಡರ್ ಅವರು ಸಾಲಕ್ಕಾಗಿ ಬ್ಯಾಂಕಿಗೆ ಅರ್ಜಿ ಸಲ್ಲಿಸಿದ್ದಾರೆ. ಜೋಗಿನಕೊಪ್ಪದ ನಿಸಾರ ಅಹಮದ್ ಸರ್ಕಾವಸ್ ಅವರು ಆ ಬ್ಯಾಂಕಿನಲ್ಲಿ ಬಂಗಾರ ಪರೀಕ್ಷಕರಾಗಿದ್ದು, ನಕಲಿ ಬಂಗಾರವನ್ನು ಅಸಲಿ ಎಂದು ಅವರು ದೃಢಪಡಿಸಿದ್ದಾರೆ. ಅದದ ನಂತರ ಬ್ಯಾಂಕಿನವರು 73 ಗ್ರಾಂ ಚಿನ್ನದಂಥ ವಸ್ತುಪಡೆದು ಸಾಲ ಮಂಜೂರಿ ಮಾಡಿದ್ದಾರೆ. 2025ರ ಅಗಸ್ಟ 28ಕ್ಕೆ 355800ರೂ ಸಾಲ ವಿತರಣೆಯಾಗಿದೆ. ಅದಾದ ನಂತರ ಆ ಚಿನ್ನದ ಮೇಲೆ ಬ್ಯಾಂಕ್ ಮ್ಯಾನೇಜರ್ ಗುಂಡು ಕಾಕತೀಕರ್ ಅವರಿಗೆ ಅನುಮಾನ ಮೂಡಿದೆ. ಚಿನ್ನ ತಪಾಸಣೆ ನಡೆಸಿದಾಗ ಅದು ನಕಲಿ ಎಂದು ಗೊತ್ತಾಗಿದೆ. ಈ ಹಿನ್ನಲೆ ಗುಂಡು ಕಾಕತೀಕರ್ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಈ ಹಸುವಿಗೆ ಐದೇ ಕಾಲು!](https://mobiletime.in/2026/06/this-cow-has-five-legs/): ಜೊಯಿಡಾದ ಬಾಮಣಗಿಯಲ್ಲಿನ ಕೊಟ್ಟಿಗೆಯಲ್ಲಿ ಐದು ಕಾಲು ಹೊಂದಿದ ಆಕಳು ಜನಿಸಿದೆ. ಪುಟ್ಟ ಕರುವಿನ ಬೆನ್ನ ಮೇಲೆ ಒಂದು ಕಾಲಿದೆ. ಜೊಯಿಡಾದ ಬಾಮಣಗಿಯಲ್ಲಿ ಪರಶುರಾಮ ಗೌಡ ಅವರು ವಾಸವಾಗಿದ್ದಾರೆ. ಕೃಷಿ ಜೊತೆ ಅವರು ಹೈನುಗಾರಿಕೆಯನ್ನು ಅತ್ಯಂತ ಶೃದ್ಧೆಯಿಂದ ಮಾಡುತ್ತಿದ್ದಾರೆ. ಮಂಗಳವಾರ ಅವರ ಕೊಟ್ಟಿಗೆಯಲ್ಲಿ ಆಕಳೊಂದು ಕರು ಹಾಕಿದೆ. ಆ ಕರುವಿಗೆ ಒಟ್ಟು ಐದು ಕಾಲುಗಳಿವೆ. ಯಾವುದೇ ವೈದ್ಯಕೀಯ ನೆರವು ಇಲ್ಲದೇ ಹಸು ಸಹಜವಾಗಿ ಕರುವಿಗೆ ಜನ್ಮ ನೀಡಿದೆ. ಕೊಟ್ಟಿಗೆಯಲ್ಲಿ ಈ ದಿನ ಗಂಡು ಕರುವಿನ ಜನನವಾಗಿದ್ದು, ಆ ಕರು ಸಹ ಆರೋಗ್ಯವಾಗಿಯೇ ಇದೆ. ಸಾಮಾನ್ಯವಾಗಿ ದೈಹಿಕ ನ್ಯೂನ್ಯತೆಗಳಿರುವ ಕರು ಜನನದ ವೇಳೆ ಹಸು ಸಾಕಷ್ಟು ಸಮಸ್ಯೆಗೆ ಸಿಲುಕುತ್ತದೆ. ಆದರೆ, ಇಲ್ಲಿ ಸಹಜ ಹೆರಿಗೆಯಾಗಿದ್ದು, ವಿಚಿತ್ರ ಕರು ನೋಡಲು ಜನ ಆಗಮಿಸುತ್ತಿದ್ದಾರೆ. ಕರುವಿನ ಬೆನ್ನಿನ ಮೇಲಿರುವ ಕಾಲಿಗೂ ಜೀವವಿದೆ. ಇತರ ಅಂಗಗಳ ಹಾಗೇ ಆ ಕಾಲು ಸಹ ಚಲನೆಗೆ ಒಳಪಡುತ್ತಿದೆ. ಆದರೆ, ಅದರಿಂದ ಕರುವಿಗೆ ಯಾವ ಪ್ರಯೋಜನವೂ ಇಲ್ಲ. ಕರು ಬೆಳೆದ ಹಾಗೇ ಆ ಕಾಲು ಸಹ ಬೆಳವಣಿಗೆಯಾಗುವ ಸಾಧ್ಯತೆಯಿದ್ದು, ಚಿಕಿತ್ಸೆ ಮೂಲಕ ಆ ಕಾಲನ್ನು ತುಂಡರಿಸುವ ಚಿಂತನೆ ನಡೆದಿದೆ.
- [ಬಾಂಬ್ ನಾಗೇಂದ್ರನ ಮನೆಯಲ್ಲಿ ಅಕ್ಕಿ ಕೊರತೆ: ಅಳಲು ಆಲಿಸಿದ ಅಧಿಕಾರಿ!](https://mobiletime.in/2026/06/there-is-a-shortage-of-rice-in-bomb-nagendras-house-the-tahsildar-listened-to-his-cries/): ಬಾಂಬ್ ಸ್ಟೋಟಿಸಿಕೊಂಡು ಸಾವನಪ್ಪಿದ್ದ ಅಂಕೋಲಾದ ನಾಗೇಂದ್ರ ಗೌಡ ಅವರ ಮನೆಯಲ್ಲಿ ಊಟಕ್ಕೆ ಅಕ್ಕಿ ಕೊರತೆ ಉಂಟಾಗಿದೆ. ಸೂತಕದ ಕಾರಣ ಮನೆಯಿಂದ ಹೊರಬರಲಾಗದೇ ಸಮಸ್ಯೆಯಲ್ಲಿದ್ದ ತಿಮ್ಮಪ್ಪ ಗೌಡ ಅವರಿಗೆ ಅಧಿಕಾರಿಗಳು ನೆರವಾಗಿದ್ದಾರೆ. ಬಯೋಮೆಟ್ರಿಕ್ ಇಲ್ಲದೇ ಅವರ ಮನೆಗೆ ಅಕ್ಕಿ ಮುಟ್ಟಿಸಿದ್ದಾರೆ. ಜೂನ್ 27ರಂದು ಹೆಬ್ಬುಳ ಸಮೀಪದ ರಾಜನಗುಳಿಯ ತಿಮ್ಮಪ್ಪ ಗೌಡ ಪಡಿತರ ಅಕ್ಕಿ ತರುವುದಕ್ಕಾಗಿ ಪೇಟೆಗೆ ಬಂದಿದ್ದರು. ಆ ವೇಳೆಯಲ್ಲಿಯೇ ತುಮಕೂರಿನಲ್ಲಿ ತಿಮ್ಮಪ್ಪ ಗೌಡ ಅವರ ಪುತ್ರ ನಾಗೇಂದ್ರ ಗೌಡ ಅವರು ಬಾಂಬ್ ಸಿಡಿಸಿ ಸಾವನಪ್ಪಿರುವ ವಿಷಯ ಗೊತ್ತಾಗಿದ್ದು, ಅಕ್ಕಿ ಪಡೆಯುವ ಮುನ್ನವೇ ಪೊಲೀಸರು ಅವರನ್ನು ಮನೆಗೆ ಕರೆದೊಯ್ದಿದ್ದರು. ಹೀಗಾಗಿ ತಮ್ಮಪ್ಪ ಗೌಡ ಅವರ ಮನೆಯಲ್ಲಿ ಊಟಕ್ಕೂ ಅಕ್ಕಿಯಿರಲಿಲ್ಲ. ತಿಮ್ಮಪ್ಪ ಗೌಡ ಅವರ ಜೊತೆ ಅವರ ಸಹೋದರರ ಮನೆಯಲ್ಲಿಯೂ ಅಕ್ಕಿ ಖಾಲಿಯಾಗಿತ್ತು. ಮಗನ ಸಾವಿನ ಸೂತಕದಲ್ಲಿರುವ ಕಾರಣ ತಿಮ್ಮಪ್ಪ ಗೌಡ ಅವರು 12 ದಿನ ಮನೆಯಿಂದ ಹೊರಬರುವ ಹಾಗಿರಲಿಲ್ಲ. `ಮಗ ಸಾವನಪ್ಪಿದ್ದಾನೆ. ಮನೆಯಿಂದ ಹೊರ ಹೋಗುವ ಹಾಗಿಲ್ಲ. ಊಟಕ್ಕೂ ಅಕ್ಕಿಯಿಲ್ಲ’ ಎಂದು ತಿಮ್ಮಪ್ಪ ಗೌಡ ಅವರು ಅಳಲು ತೋಡಿಕೊಂಡಿದ್ದರು. ಪಡಿತರ ಅಕ್ಕಿ ಪಡೆಯುವುದಕ್ಕಾಗಿ ಬಯೋಮೆಟ್ರಿಕ್ ಮೂಲಕ ಕೈ ಬೆರಳ ಅಚ್ಚು ಕೊಡಬೇಕಿದ್ದು, ಅದು ಸಾಧ್ಯವಾಗದ ಕಾರಣ ತಿಮ್ಮಪ್ಪ ಗೌಡ ಕುಟುಂಬದವರು ಸಮಸ್ಯೆಗೆ ಸಿಲುಕಿದ್ದರು. ಈ ಸಮಸ್ಯೆ ಅರ್ಥ ಮಾಡಿಕೊಂಡ ಅಂಕೋಲಾ ತಹಶೀಲ್ದಾರ್ ನಿಶ್ಚಲ್ ನರೋನಾ ಅವರು ಅಕ್ಕಿ ಪೂರೈಕೆದಾರರನ್ನು ಸಂಪರ್ಕಿಸಿದರು. ಬಯೋಮೆಟ್ರಿಕ್ ಇಲ್ಲದೆಯೇ ತಿಮ್ಮಪ್ಪ ಗೌಡ ಅವರಿಗೆ ಅಕ್ಕಿ ಕೊಡುವಂತೆ ಸೂಚಿಸಿದ್ದು, ಈ ತಿಂಗಳು ತಲುಪಬೇಕಾದ ಅಕ್ಕಿಯನ್ನು ಅವರ ಮನೆಗೆ ಮುಟ್ಟಿಸಿದರು.
- [ಈ ಊರಲ್ಲಿ ಮದ್ಯ ಮಾರಾಟವೇ ದೊಡ್ಡ ಉದ್ಯಮ!](https://mobiletime.in/2026/06/selling-alcohol-is-big-business-in-this-town/): ಯಲ್ಲಾಪುರದ ಕಿರವತ್ತಿಯಲ್ಲಿ ರಾಜಾರೋಷವಾಗಿ ಸರಾಯಿ ಮಾರಾಟ ನಡೆಯುತ್ತದೆ. ಸಣ್ಣಪುಟ್ಟ ಗೂಡಂಗಡಿಯವರು ಸಹ ಅಕ್ರಮ ಸರಾಯಿ ಮಾರಾಟ ಮಾಡುತ್ತಿದ್ದಾರೆ. ಈ ಬಗ್ಗೆ ಅರಿವಿದ್ದರೂ ಅಬಕಾರಿ ಅಧಿಕಾರಿಗಳು ಎಲ್ಲವನ್ನು ಸಹಿಸಿಕೊಂಡು ಮೌನವಾಗಿದ್ದಾರೆ. ಕಿರವತ್ತಿ ಸುತ್ತಲಿನ ವಿವಿಧ ಶಾಲೆ, ಪೊಲೀಸ್ ಹೊರಠಾಣೆ, ಸರ್ಕಾರಿ ಕಚೇರಿ ಸುತ್ತಲಿನ ಗೂಡಂಗಡಿಗಳಲ್ಲಿ ಸರಾಯಿ ಸಿಗುತ್ತಿದೆ. ಇಲ್ಲಿನ ಕೆಲ ಚಹಾ ಅಂಗಡಿ, ಪಾಸ್ಟ್ಫುಡ್ ಮಳಿಗೆಗಳು ಸರಾಯಿ ಮಾರಾಟದಿಂದ ಹೊರತಾಗಿಲ್ಲ. ಹೊಟೇಲುಗಳಲ್ಲಿ ಸಹ ಸರಾಯಿ ಸಿಗುತ್ತಿದ್ದು, ಅನೇಕರು ತಮ್ಮ ದುಡಿಮೆಯ ಹಣವನ್ನು ಅಲ್ಲಿ ಚೆಲ್ಲುತ್ತಿದ್ದಾರೆ. ಬೆಳಗ್ಗೆ 5 ಗಂಟೆಯಿoದ ರಾತ್ರಿ 1ಗಂಟೆಯವರೆಗೂ ಅಂಗಡಿಯ ಬಾಗಿಲು ಅರ್ದ ತೆರೆದಿದ್ದು, ಅಲ್ಲಿ ಜನ ಜಂಗುಳಿ ಕಾಣಿಸುತ್ತಿದೆ. ಮಹಿಳೆಯರು ಸಹ ಈ ಅಕ್ರಮ ಸರಾಯಿ ದಂಧೆಯಲ್ಲಿ ತೊಡಗಿದ್ದಾರೆ. ಅಂಗಡಿ ಬಾಗಿಲು ಮುಚ್ಚಿದ್ದರೂ ಮನೆ ಬಳಿ ಬರುವ ಗಿರಾಕಿಗೂ ಸರಾಯಿ ಸರಬರಾಜು ಮಾಡುವವರಿದ್ದಾರೆ. ಕೆಲವಡೆ ಬೀಗ ಹಾಕಿದ ಅಂಗಡಿಯ ಬಾಗಿಲು ಬಡಿದರೂ ಮದ್ಯ ಸಿಗುತ್ತದೆ. ಕಿರವತ್ತಿಯಲ್ಲಿ ನಡೆದ ಗ್ರಾಮ ಸಭೆಯಲ್ಲಿಯೂ ಅಕ್ರಮ ಸರಾಯಿ ದಂಧೆ ಕುರಿತು ಜನ ಧ್ವನಿ ಎತ್ತಿದ್ದಾರೆ. ಸರಾಯಿ ಮಾರಾಟ ನಿಷೇಧಿಸಬೇಕು ಎಂದು ಆಗ್ರಹಿಸಿದ್ದಾರೆ. ಅದರ ಪರಿಣಾಮ ಅಕ್ರಮ ಸರಾಯಿ ಮಾರಾಟಕ್ಕೆ ತಡೆ ಒಡ್ಡುವಂತೆ ಗ್ರಾಮ ಪಂಚಾಯತದಿoದ ಅಬಕಾರಿ ಅಧಿಕಾರಿಗಳಿಗೆ ವರ್ಷದ ಹಿಂದೆಯೇ ಪತ್ರ ರವಾನೆಯಾಗಿದೆ. ಅದಾಗಿಯೂ, ಅಬಕಾರಿ ಅಧಿಕಾರಿಗಳು ಆ ಪತ್ರದ ಕಡೆ ಗಮನಹರಿಸಿಲ್ಲ. ಅಕ್ರಮ ಸರಾಯಿ ಮಾರಾಟದಿಂದ ಆಗುವ ಸಮಸ್ಯೆಗಳ ಬಗ್ಗೆ ಆತಂಕವ್ಯಕ್ತಪಡಿಸಿದರೂ ಕಠಿಣ ಕ್ರಮ ಜರುಗಿಸಿಲ್ಲ. ಕಿರವತ್ತಿಯಲ್ಲಿ ಒಂದೇ ಒಂದು ಅಧಿಕೃತ ಸರಾಯಿ ಮಾರಾಟ ಮಳಿಗೆಯಿದೆ. ಅದಾಗಿಯೂ, ನೂರಾರು ಅಂಗಡಿಗಳಲ್ಲಿ ಸರಾಯಿ ಸಿಗುತ್ತದೆ. ಅಧಿಕೃತ ಅಂಗಡಿ ಬಾಗಿಲು ಹಾಕಿದ ಸಮಯದಲ್ಲಿ ಅಕ್ರಮ ಮಳಿಗೆಯವರ ವ್ಯಾಪಾರ ಜೋರಾಗಿ ನಡೆಯುತ್ತಿದ್ದು, ದುಪ್ಪಟ್ಟು ಬೆಲೆ ಕೊಟ್ಟು ಜನ ನಶೆಯೇರಿಸಿಕೊಳ್ಳುತ್ತಿದ್ದಾರೆ. ಶಾಲೆಗಳ ಪಕ್ಕದಲ್ಲಿನ ಅಂಗಡಿಗಳಲ್ಲಿಯೂ ಅಕ್ರಮ ಮದ್ಯದ ವ್ಯಾಪಾರ ಜೋರಾಗಿರುವುದರಿಂದ ಶೈಕ್ಷಣಿಕ ವಾತಾವರಣ ಹಾಳಾಗುತ್ತಿದೆ. ಕೆಲ ಬಾರಿ ಪೊಲೀಸರು ದಾಳಿ ಮಾಡಿ ಅಕ್ರಮ ಮದ್ಯ ಮಾರಾಟಗಾರರನ್ನು ಹಿಡಿದಿದ್ದಾರೆ. ಆದರೂ, ಅಕ್ರಮ ಮದ್ಯ ಮಾರಾಟ ಶಾಶ್ವತವಾಗಿ ನಿಂತಿಲ್ಲ.
- [ಕಳಲೆ ತಿಂತೀರಾ? ಹಾಗಾದ್ರೆ ಹುಷಾರ್ ](https://mobiletime.in/2026/06/do-you-eat-the-scallion-then-be-careful/): ಕಳಲೆಯನ್ನ ತಡಿದ ದಿನವೇ ತಿನ್ನಬಾರದು ಅಂತ ನಮ್ಮ ಹಿರಿಯರು ಹೇಳಿಕೊಟ್ಟಿದ್ದಾರೆ. ಆದರೆ ಯಾಕೆ ಗೊತ್ತಾ ?  ಮುಂಗಾರು ಆರಂಭವಾದರೆ ಸಾಕು, ಮಲೆನಾಡಿನ ಕಾಡುಗಳಲ್ಲಿ ಬಿದಿರಿನ ಬುಡದಿಂದ ಮೃದುವಾದ ಕಳಲೆಗಳು ತಲೆ ಎತ್ತಲಾರಂಭಿಸುತ್ತವೆ. ಕೆಲವೇ ವಾರಗಳ ಕಾಲ ದೊರೆಯುವ ಈ ಕಳಲೆಗಾಗಿ ಗ್ರಾಮೀಣ ಜನರು ಕಾಡಿನತ್ತ ಹೆಜ್ಜೆ ಹಾಕುತ್ತಾರೆ. ಮಾರುಕಟ್ಟೆಗಳಲ್ಲೂ ಕಳಲೆಯ ರಾಶಿ ಕಾಣಸಿಗುತ್ತದೆ. ಪಲ್ಯ, ಹುಳಿ, ಸಾಂಬಾರ್, ಉಪ್ಪಿನಕಾಯಿ. ಹೀಗೆ ಹಲವು ಬಗೆಯ ಖಾದ್ಯಗಳಲ್ಲಿ ಕಳಲೆಗೆ ವಿಶೇಷ ಸ್ಥಾನವಿದೆ. ಆದರೆ ಕಳಲೆಯ ವಿಷಯದಲ್ಲಿ ಮಲೆನಾಡಿನ ಹಿರಿಯರು ಕಿತ್ತ ತಕ್ಷಣ ಕಳಲೆ ತಿನ್ನಬಾರದು ಎನ್ನುವ ನಿಯಮ ಪಾಲಿಸುತ್ತಾರೆ.     ಇದು ಕೇವಲ ಸಂಪ್ರದಾಯವಲ್ಲ, ಅದರ ಹಿಂದೆ ಆರೋಗ್ಯ ರಕ್ಷಣೆಯ ವೈಜ್ಞಾನಿಕ ಕಾರಣವೂ ಇದೆ. ತಾಜಾ ಕಳಲೆಯಲ್ಲಿ ಸಯಾನೋಜೆನಿಕ್ ಗ್ಲೈಕೋಸೈಡ್‌ಗಳು ಎಂಬ ನೈಸರ್ಗಿಕ ಸಂಯುಕ್ತಗಳಿರುತ್ತವೆ. ಕಳಲೆಯನ್ನು ಕಚ್ಚಾ ಅಥವಾ ಸರಿಯಾಗಿ ಸಂಸ್ಕರಿಸದೇ ತಿಂದರೆ, ಈ ಸಂಯುಕ್ತಗಳು ದೇಹದಲ್ಲಿ ಹೈಡ್ರೋಜನ್ ಸಯನೈಡ್ ಎಂಬ ವಿಷಕಾರಿ ಅಂಶವನ್ನು ಬಿಡುಗಡೆ ಮಾಡುತ್ತವೆ. ಅದರ ಪರಿಣಾಮವಾಗಿ ವಾಕರಿಕೆ, ವಾಂತಿ, ಹೊಟ್ಟೆನೋವು, ತಲೆಸುತ್ತು, ತಲೆನೋವು ಹಾಗೂ ಅಜೀರ್ಣದಂತಹ ತೊಂದರೆಗಳು ಕಾಣಿಸಬಹುದು. ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿದರೆ ಗಂಭೀರ ಆರೋಗ್ಯ ಸಮಸ್ಯೆಗಳೂ ಉಂಟಾಗಲಿದೆ.   ಇದೇ ಕಾರಣಕ್ಕೆ ಮಲೆನಾಡಿನ ಮನೆಗಳಲ್ಲಿ ಕಳಲೆಯನ್ನು ಕಿತ್ತ ತಕ್ಷಣ ಅಡುಗೆ ಮಾಡುವುದಿಲ್ಲ. ಮೊದಲು ಅದರ ಗಟ್ಟಿಯಾದ ಸಿಪ್ಪೆಯನ್ನು ತೆಗೆದು ಸಣ್ಣ ತುಂಡುಗಳಾಗಿ ಕತ್ತರಿಸುತ್ತಾರೆ. ಬಳಿಕ ಎರಡು ಅಥವಾ ಮೂರು ದಿನಗಳ ಕಾಲ ನೀರಿನಲ್ಲಿ ನೆನೆಸಿಡುತ್ತಾರೆ. ಈ ಅವಧಿಯಲ್ಲಿ ಪ್ರತಿದಿನ ನೀರನ್ನು ಬದಲಾಯಿಸುವ ಪದ್ಧತಿಯೂ ಇದೆ. ಕೆಲವರು ಮೊದಲು ಚೆನ್ನಾಗಿ ಕುದಿಸಿ ಆ ನೀರನ್ನು ಸಂಪೂರ್ಣವಾಗಿ ಬಿಸಾಡುತ್ತಾರೆ. ಈ ಪ್ರಕ್ರಿಯೆಯಿಂದ ವಿಷಕಾರಿ ಅಂಶಗಳು ಬಹುತೇಕ ಹೊರಹೋಗುತ್ತವೆ. ಜೊತೆಗೆ ಕಳಲೆಯ ಕಹಿತನವೂ ಕಡಿಮೆಯಾಗಿ ರುಚಿ ಹೆಚ್ಚುತ್ತದೆ.   ಆಧುನಿಕ ವಿಜ್ಞಾನ ಇಂದು ಹೇಳುತ್ತಿರುವ ಸಂಗತಿಯನ್ನು ಮಲೆನಾಡಿನ ಜನರು ಹಲವು ತಲೆಮಾರುಗಳ ಹಿಂದೆಯೇ ತಮ್ಮ ಅನುಭವದಿಂದ ಅರಿತುಕೊಂಡಿದ್ದರು. ಅದಕ್ಕಾಗಿಯೇ “ನೆನೆಸದ ಕಳಲೆ ಊಟಕ್ಕೆ ಬೇಡ” ಎಂಬ ಎಚ್ಚರಿಕೆಯನ್ನು ಹಿರಿಯರು ನೀಡುತ್ತಿದ್ದರು. ಆ ಕಾಲದಲ್ಲಿ ವೈಜ್ಞಾನಿಕ ಹೆಸರು ಗೊತ್ತಿರದಿದ್ದರೂ, ಸರಿಯಾಗಿ ಸಂಸ್ಕರಿಸದ ಕಳಲೆ ಆರೋಗ್ಯಕ್ಕೆ ಹಾನಿಕಾರಕ ಎಂಬ ಅರಿವು ಅವರ ಬದುಕಿನ ಅನುಭವದಿಂದಲೇ ಬಂದಿತ್ತು. ಕಳಲೆ ಆರೋಗ್ಯಕ್ಕೂ ಉತ್ತಮ ಆಹಾರವಾಗಿದೆ. ಇದರಲ್ಲಿ ನಾರಿನಾಂಶ, ಪೊಟ್ಯಾಷಿಯಂ, ಕ್ಯಾಲ್ಸಿಯಂ, ವಿಟಮಿನ್‌ಗಳು ಹಾಗೂ ಹಲವು ಖನಿಜಾಂಶಗಳಿವೆ. ಕಡಿಮೆ ಕೊಬ್ಬು ಮತ್ತು ಕಡಿಮೆ ಕ್ಯಾಲೊರಿಯನ್ನು ಹೊಂದಿರುವುದರಿಂದ ಆರೋಗ್ಯಕರ ಆಹಾರವೆಂದು ಪರಿಗಣಿಸಲಾಗುತ್ತದೆ. ಆದರೆ ಅದರ ಎಲ್ಲ ಪ್ರಯೋಜನಗಳು ದೊರೆಯಬೇಕಾದರೆ ಸರಿಯಾದ ರೀತಿಯಲ್ಲಿ ಸಂಸ್ಕರಿಸಿ ಸೇವಿಸುವುದು ಅತ್ಯಗತ್ಯ.   ಹೀಗಾಗಿ   ಕಳಲೆ ಪ್ರಕೃತಿಯ ಅಮೂಲ್ಯ ಕೊಡುಗೆ ಸರಿ, ಆದರೆ ಅದನ್ನು ಕಿತ್ತ ತಕ್ಷಣ ತಿನ್ನುವ ಆಹಾರವಲ್ಲ. ಎರಡು–ಮೂರು ದಿನ ನೀರಿನಲ್ಲಿ ನೆನೆಸಿ ಅಥವಾ ಚೆನ್ನಾಗಿ ಕುದಿಸಿ ವಿಷಕಾರಿ ಅಂಶಗಳನ್ನು ತೆಗೆದ ನಂತರವೇ ಅದು ಸುರಕ್ಷಿತ ಮತ್ತು ಆರೋಗ್ಯಕರ ಆಹಾರವಾಗುತ್ತದೆ. ಪ್ರಕೃತಿಯ ಕೊಡುಗೆಯನ್ನು ಸವಿಯುವಾಗ ಪ್ರಕೃತಿಯ ನಿಯಮವನ್ನೂ ಪಾಲಿಸಿದರೆ ಮಾತ್ರ ಅದರ ಸಂಪೂರ್ಣ ಲಾಭವನ್ನು ಪಡೆಯಲು ಸಾಧ್ಯ.
- [ಮಿಸ್ಟೇಕ್ ಮಾಡಿದ ಮಿಸ್ಟರ್ ಕನ್ನಡಿಗ!](https://mobiletime.in/2026/06/mr-mirror-made-a-mistake/): ಲೈಕು-ಶೇರು-ಕಮಂಟಿನ ಆಸೆಗಾಗಿ ಜೋಗ ಜಲಪಾತದ ಬಳಿ ಸರ್ಕಸ್ ಮಾಡಿದ್ದ ಮೂವರು ಯೂಟೂಬರ್ ವಿರುದ್ಧ ಸಿದ್ದಾಪುರ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. `ಮಿಸ್ಟರ್ ಕನ್ನಡಿಗ’ ಖಾತೆಯಲ್ಲಿ ಪ್ರಸಾರವಾದ ಅಪಾಯಕಾರಿ ವಿಡಿಯೋದಲ್ಲಿ ಕಾಣಿಸಿಕೊಂಡ ಶಿವಮೊಗ್ಗದ ಭರತ ಗೌಡ, ಮದನ ಗೌಡ ಹಾಗೂ ಮೋಹನ ಗೌಡ ಅವರ ವಿರುದ್ಧ ಕಠಿಣ ಕ್ರಮವಾಗಿದೆ. 2026ರ ಜೂನ್ 25ರಂದು ಮಿಸ್ಟರ್ ಕನ್ನಡಿಗ ತಂಡದ ಶಿವಮೊಗ್ಗ ತೀರ್ಥಹಳ್ಳಿಯ ಜೋಗಿನಕೊಪ್ಪದ ಮೋಹನ ಶುಭಕರ ಗೌಡ ಹಾಗೂ ಅವರ ಸ್ನೇಹಿತರಾದ ಅದೇ ಊರಿನ ಭರತ ಗೌಡ ಹಾಗೂ ಮದನ ಗೌಡ ಅವರು ಜೋಗ ಜಲಪಾತಕ್ಕೆ ಬಂದಿದ್ದರು. ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರ ತಾಲೂಕಿನಿಂದ ಅವರು ಜಲಪಾತದ ಹಿಂದಿನ ಪ್ರದೇಶಕ್ಕೆ ಹೋಗಿದ್ದರು. ಅಲ್ಲಿ ಹೋಗದಂತೆ ಸೂಚನಾ ಫಲಕವಿದ್ದರೂ ನಿಯಮ ಮೀರಿ ಆ ಅಪಾಯಕಾರಿ ಸ್ಥಳ ತಲುಪಿದ್ದರು. ಅಲ್ಲಿ ಸಾಕಷ್ಟು ಸಮಯ ಮೋಜು-ಮಸ್ತಿ ಮಾಡಿದ ಆ ಮೂವರು ಅದನ್ನು ವಿಡಿಯೋ ಮಾಡಿದ್ದರು. ಜೂನ್ 26ರಂದು ಆ ವಿಡಿಯೋವನ್ನು ತಮ್ಮ ಜಾಲತಾಣದಲ್ಲಿ ಹರಿಬಿಟ್ಟಿದ್ದರು. ಸಿದ್ದಾಪುರ ಪೊಲೀಸ್ ಠಾಣೆಯ ಸೋಶಿಯಲ್ ಮಿಡಿಯಾ ವಿಭಾಗದವರು ಆ ವಿಡಿಯೋ ನೋಡಿ, ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದರು. ಪಿಸೈ ಶಾಂತಿನಾಥ ಪಾಸಾನೆ ಅವರು ಸಹ ವಿಡಿಯೋ ನೋಡಿದರು. ಜೋಗದ ರಾಜಾ ಜಲಪಾತದ ಕಲ್ಲಿನ ಬಂಡೆ ಮೇಲೆ ಅತ್ಯಂತ ಅಪಾಯಕಾರಿಯಾಗಿ ವರ್ತಿಸಿದ್ದದನ್ನು ಗಮನಿಸಿದರು. ತಮ್ಮ ವ್ಯಾಪ್ತಿಗೆ ಬಂದು ಉದ್ದಟತನ ತೋರಿದವರ ವಿರುದ್ಧ ಕಠಿಣ ಕ್ರಮಕ್ಕೆ ನಿರ್ಣಯಿಸಿದರು. `ಈ ವಿಡಿಯೋ ನೋಡಿ ಅನೇಕರು ಅಲ್ಲಿ ಬರುವ ಸಾಧ್ಯತೆಯಿದೆ. ಅದರಿಂದ ಜನರ ಜೀವಕ್ಕೆ ಅಪಾಯವಾಗುವ ಸಾಧ್ಯತೆಯಿದೆ’ ಎಂದು ಪೊಲೀಸರು ಪ್ರಕರಣ ದಾಖಲಿಸಿದರು.
- [ಇನಸ್ಟಾಗ್ರಾಂ ಪ್ರೀತಿ: ಇದಕ್ಕೆ ಗ್ಯಾರಂಟಿಯೂ ಇಲ್ಲ.. ವಾರಂಟಿಯೂ ಇಲ್ಲ!](https://mobiletime.in/2026/06/instagram-love-theres-no-guarantee-no-warranty/): ದಾಂಡೇಲಿಯ ಸುಶಿಯಾ ನಾಯ್ಕ ಹಾಗೂ ಅಪ್ಜಲ್ ಅಲಿ ಇನಸ್ಟಾಗ್ರಾಮಿನ ಮೂಲಕ ಪರಿಚಯವಾಗಿದ್ದು, ಅವರ ಪರಿಚಯ ಪ್ರೀತಿ-ಪ್ರೇಮಕ್ಕೆ ತಿರುಗಿದೆ. ಕುಟುಂಬದವರನ್ನು ಒಪ್ಪಿಸಿ ಅವರು ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಅದಾದ ನಂತರ ಹೊಡೆದಾಡಿಕೊಂಡಿದ್ದಾರೆ. ದಾoಡೇಲಿಯ ಗಾಂಧೀನಗರ ಆಶ್ರಯ ಕಾಲೋನಿಯಲ್ಲಿ ಸುಶಿಯಾ ನಾಯ್ಕ (ಹೆಸರು ಬದಲಿಸಿದೆ) ಅವರು ವಾಸವಾಗಿದ್ದಾರೆ. 19 ವರ್ಷದ ಅವರು ಇನಸ್ಟಾಗ್ರಾಮಿನಲ್ಲಿ ಖಾತೆ ತೆರೆದು ರೀಲ್ಸ್ ಮಾಡುತ್ತಿದ್ದು, ಹಳೆ ದಾಂಡೇಲಿಯ ಅಪ್ಜಲ್ ಮಹಮದ್ ಅಲಿ ಯರಗಟ್ಟಿ ಅವರು ಸುಶಿಯಾ ನಾಯ್ಕ ಅವರನ್ನು ಹಿಂಬಾಲಿಸಿದ್ದಾರೆ. 23 ವರ್ಷದ ಅಪ್ಜಲ್ ಅಲಿ ಹಾಗೂ ಸುಶಿಯಾ ನಾಯ್ಕ ಅವರ ನಡುವೆ ಆತ್ಮೀಯತೆ ಬೆಳೆದಿದೆ. ಅವರಿಬ್ಬರ ಪರಿಚಯ ಪ್ರೀತಿಯಾಗಿ ಬದಲಾಗಿದೆ. 2023ರಲ್ಲಿ ಇನಸ್ಟಾಗ್ರಾಮಿನ ಮೂಲಕ ಪರಿಚಯವಾದವರು ನಂತರ ಪ್ರೀತಿ-ಪ್ರೇಮ-ಪ್ರಯಣ ಎಂದು ಎಲ್ಲಡೆ ಸುತ್ತಾಟ ನಡೆಸಿದ್ದಾರೆ. 2026ರ ಮಾರ್ಚ 29ರಂದು ಕುಟುಂಬದವರನ್ನು ಒಪ್ಪಿಸಿ ವಿವಾಹ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. 2026ರ ಜೂನ್ 25ರ ಸಂಜೆ ಸುಶಿಯಾ ನಾಯ್ಕ ಅವರಿಗೆ ಎಂದಿನoತೆ ಅಪ್ಜಲ್ ಅಲಿ ಅವರು ಫೋನ್ ಮಾಡಿದ್ದಾರೆ. ಫೋನಿನಲ್ಲಿ ಮಾತನಾಡುವಾಗ ಸುಶಿಯಾ ನಾಯ್ಕ ಅವರ ಎದುರುಮನೆಯ ಅಂಜುಮ ಕುಟ್ಟಿ ಅವರು ಅಲ್ಲಿಗೆ ಆಗಮಿಸಿದ್ದಾರೆ. ಆಗ, ಸುಶಿಯಾ ನಾಯ್ಕ ಅವರು ಅಂಜುಮ ಕುಟ್ಟಿ ಅವರಲ್ಲಿ `ನಿನ್ನ ಬಳಿಯಿರುವ ಟೀ-ಶರ್ಟ ಕೊಡು. ನಾನು ಹಾಕಿ ಮರಳಿಸುವೆ’ ಎಂದಿದ್ದಾರೆ. ಅದನ್ನು ಕೇಳಿದ ಅಪ್ಜಲ್ ಅಲಿ `ಬೇರೆಯವರ ಟೀ-ಶರ್ಟ ಧರಿಸಬೇಡ’ ಎಂದಿದ್ದಾರೆ. ಅದಾಗಿಯೂ, ಸುಶಿಯಾ ನಾಯ್ಕ ಅವರು ಟೀ-ಶರ್ಟಪಡೆದಿದ್ದಾರೆ. ಇದರಿಂದ ಸಿಟ್ಟಾದ ಅಪ್ಜಲ್ ಅಲಿ ತಕ್ಷಣ ಆಶ್ರಯ ಕಾಲೋನಿಗೆ ಬಂದಿದ್ದಾರೆ. ಅಲ್ಲಿ ದೊಡ್ಡ ಗಲಾಟೆ ಮಾಡಿದ್ದಾರೆ. ನಿಶ್ಚಿತಾರ್ಥದ ದಿನ ಹುಡುಗಿ ಮನೆಯವರು ಕೊಡಿಸಿದ ಬಟ್ಟೆಯನ್ನು ತಂದು ಬಿಸಾಡಿದ್ದು, `ನಾವು ಕೊಟ್ಟ ಉಂಗುರ ಹಾಗೂ ಬಟ್ಟೆ ಮರಳಿಸು’ ಎಂದು ಕೂಗಾಡಿದ್ದಾರೆ. ಈ ವೇಳೆ ಅಪ್ಜಲ್ ಅಲಿ ಚಾಕುವಿನಿಂದ ಕೈ ಕೊಯ್ದುಕೊಳ್ಳುವ ಪ್ರಯತ್ನ ಮಾಡಿದ್ದರೆ. ಬೆದರಿದ ಸುಶಿಯಾ ನಾಯ್ಕ ಅವರು ಚಾಕು ಕಸಿದಿದ್ದು, ಸಿಟ್ಟಾದ ಅಬ್ಜಲ್ ಅಲಿ ಕೆನ್ನೆಗೆ ಬಾರಿಸಿದ್ದಾರೆ. ಅದಾದ ನಂತರ ಅಪ್ಜಲ್ ಅಲಿ ಮನೆಯಲ್ಲಿದ್ದ 4 ಪ್ಯಾಕ್ ಕಂಪರ್ಟ ಕುಡಿದು ನರಳಾಡಿದ್ದಾರೆ. ಈ ವೇಳೆ ಕೆಲಸಕ್ಕೆ ಹೋಗಿದ್ದ ಸುಶಿಯಾ ನಾಯ್ಕ ಅವರ ತಂದೆ-ತಾಯಿ ಮನೆಗೆ ಬಂದಿದ್ದಾರೆ. ಅವರನ್ನು ನೋಡಿದ ಅಪ್ಜಲ್ ಅಲಿ ಅಲ್ಲಿಂದ ಪರಾರಿಯಾಗಿದ್ದಾರೆ. ಜೂನ್ 26ಕ್ಕೆ ಸುಶಿಯಾ ನಾಯ್ಕ ಅವರು ಮಾರುತಿ ನಗರದ ಮಾರುತಿ ದೇಗುಲ ಬಳಿ ಬರುವಾಗ ಅವರನ್ನು ಅಡ್ಡಗಟ್ಟಿದ ಅಪ್ಜಲ್ ಅಲಿ ತಲೆ-ಮುಖಕ್ಕೆ ಹೊಡೆದಿದ್ದಾರೆ. ಈ ನೋವು ಸಹಿಸದ ಸುಶಿಯಾ ನಾಯ್ಕ ಅವರು ದಾಂಡೇಲಿ ಆಸ್ಪತ್ರೆಗೆ ದಾಖಲಾಗಿದ್ದು, ಪೊಲೀಸರ ಬಳಿ ಈ ಎಲ್ಲಾ ವಿಷಯದ ಬಗ್ಗೆ ವಿವರಿಸಿದ್ದಾರೆ.
- [ಬೆಂಬಿಡದೇ ಕಾಡುವ ಬಾಂಬ್ ಭೂತ!](https://mobiletime.in/2026/06/the-relentless-bomb-menace/): ಪ್ರೇಮ ವೈಪಲ್ಯದ ಕಾರಣ ಬಾಂಬ್ ಸಿಡಿಸಿ ಪ್ರೇಯಸಿ ಕೊಲ್ಲಲು ಸಂಚು ರೂಪಿಸಿದ್ದ ಅಂಕೋಲಾದ ನಾಗೇಂದ್ರ ಗೌಡ ಅವರು ಉತ್ತರ ಕನ್ನಡ ಜಿಲ್ಲೆಯಲ್ಲಿಯೇ ಬಾಂಬ್ ಖರೀದಿಸಿದ್ದು ಖಚಿತವಾಗಿದೆ. 60ಕ್ಕೂ ಅಧಿಕ ಜನರನ್ನು ವಿಚಾರಣೆ ನಡೆಸಿದ ತನಿಖಾಧಿಕಾರಿಗಳು ನಾಲ್ವರನ್ನು ವಶಕ್ಕೆಪಡೆದಿದ್ದಾರೆ. ಬೆಂಗಳೂರಿಗೆ ಹೋಗಿದ್ದ ನಾಗೇಂದ್ರ ಗೌಡ ಅವರು ತಮ್ಮ ಪ್ರೇಯಸಿ ರಮ್ಯಾ ಅವರನ್ನು ಅಪಹರಿಸಿ ಅಂಕೋಲಾ ಕಡೆ ತರುವ ಪ್ರಯತ್ನ ಮಾಡಿದ್ದು, ತುಮಕೂರಿನ ಬಳಿ ಬಾಂಬ್ ಸಿಡಿಸಿದ್ದರು. ಅವರಿದ್ದ ಕಾರು ಸ್ಪೋಟವಾಗಿದ್ದು, ಕಾರಿನಲ್ಲಿದ್ದ ನಾಗೇಂದ್ರ ಗೌಡ ಅವರು ಸಜೀವ ದಹನವಾಗಿದ್ದರು. ಈ ವೇಳೆ ಚಾಲಕ ಪ್ರವೀಣ ಹಾಗೂ ರಮ್ಯಾ ಅವರು ಕಾರಿನಿಂದ ಹಾರಿ ಜೀವ ಉಳಿಸಿಕೊಂಡಿದ್ದರು. ಸದ್ಯ ರಮ್ಯಾ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆಯುತ್ತಿದ್ದು, ಪೊಲೀಸರು ಅವರ ಹೇಳಿಕೆಯನ್ನುಪಡೆದಿದ್ದಾರೆ. ನಾಗೇಂದ್ರ ಗೌಡ ಅವರ ಮನೆ ಶೋಧ ನಡೆಸಿದ ಪೊಲೀಸರಿಗೆ ಅಲ್ಲಿ ಮಹತ್ವದ ಸುಳಿವು ಸಿಕ್ಕಿಲ್ಲ. ನಾಗೇಂದ್ರ ಗೌಡ ಅವರ ಸ್ನೇಹಿತರನ್ನು ವಿಚಾರಿಸಿದಾಗಲೂ ಆತನ ವ್ಯಾಘ್ರ ಸ್ವರೂಪದ ಬಗ್ಗೆ ಮಾತನಾಡಿಲ್ಲ. ಅದಾಗಿಯೂ ಬೆಂಬಿಡದೇ ಓಡಾಡಿದ ಪೊಲೀಸರು ಜಿಲ್ಲೆಯ ಅನೇಕ ಕಡೆ ಅನುಮಾನಾಸ್ಪದ ವ್ಯಕ್ತಿಗಳನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಈ ವೇಳೆ ಸಿಕ್ಕ ಸುಳಿವಿನ ಆಧಾರದಲ್ಲಿ ನಾಲ್ವರನ್ನು ವಶಕ್ಕೆಪಡೆದಿದ್ದಾರೆ. ಗೋಕರ್ಣ ಪೊಲೀಸ್ ಇನ್ಸ್ಪೆಕ್ಟರ್ ಶ್ರೀಧರ್ ನೇತೃತ್ವದಲ್ಲಿ ಅಂಕೋಲಾ ಮತ್ತು ತುಮಕೂರು ಪೊಲೀಸರು ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಹೊನ್ನಾವರದ ಚಂದಾವರ ಮೂಲದ ಒಬ್ಬ ಹಾಗೂ ಸರಳೆಬೈಲಿನ ಮೂವರು ಈ ಪ್ರಕರಣದಲ್ಲಿ ಸಿಕ್ಕಿಬಿದ್ದಿದ್ದಾರೆ. ನಾಗೇಂದ್ರ ಗೌಡ ಅವರು ಖರೀದಿಸುವ ಮುನ್ನ ಮಾರಾಟಗಾರರೊಂದಿಗೆ ಮೊಬೈಲ್‌ನಲ್ಲಿ ಯಾವುದೇ ಮಾತುಕತೆ ನಡೆಸಿರಲಿಲ್ಲ. ಹೀಗಾಗಿ, ನಾಗೇಂದ್ರ ಗೌಡ ಹಾಗೂ ಸಹಚರರ ಫೋನ್ ಮಾಹಿತಿ ಪರಿಶೀಲಿಸಿದಾಗ ಅಂಥ ಯಾವ ಸಂವಹನವೂ ಸಿಕ್ಕಿರಲಿಲ್ಲ. ಯಾವುದೇ ಡಿಜಿಟಲ್ ಸುಳಿವು ಸಿಗದ ಹಾಗೇ ಪ್ಲಾನ್ ಮಾಡಿ ಬಾಂಬ್ ಖರೀದಿಸಿದ್ದು ಗೊತ್ತಾಗಿದೆ. ಖುದ್ದಾಗಿ ಚಂದಾವರಕ್ಕೆ ಹೋಗಿದ್ದ ನಾಗೇಂದ್ರ ಗೌಡ ಅಲ್ಲಿ ಮಾರಾಟಗಾರರನ್ನು ಮುಖಾಮುಖಿ ಭೇಟಿಯಾಗಿ ಮಾತುಕತೆ ನಡೆಸಿ, ಮೂರು ಬಾಂಬ್ ಖರೀದಿಸಿದ್ದು ತನಿಖೆಯಿಂದ ಗೊತ್ತಾಗಿದೆ. ಈ ಹಿಂದೆಯೂ ಮೀನು ಶಿಕಾರಿಗಾಗಿ ನಾಗೇಂದ್ರ ಗೌಡ ಅವರು ಅದೇ ಮಾರಾಟ ಜಾಲದವರಿಂದ ಬಾಂಬ್ ಖರೀದಿಸಿದ ಮಾಹಿತಿಯೂ ಸಿಕ್ಕಿದೆ. ಇಲ್ಲಿ ತಯಾರಾಗುವ ನಾಡಬಾಂಬ್‌ಗಳ ತೀವ್ರತೆಯು ಅದರಲ್ಲಿ ಬಳಸಲಾಗುವ ನೈಟ್ರೇಟ್ ಪ್ರಮಾಣದ ಮೇಲೆ ಅವಲಂಬಿತವಾಗಿರುತ್ತದೆ. ನೈಟ್ರೇಟ್ ಹೆಚ್ಚಿದ್ದಷ್ಟೂ ಸ್ಫೋಟದ ತೀವ್ರತೆ ಭೀಕರವಾಗಿರುತ್ತದೆ. ಮುಖ್ಯವಾಗಿ ಕಾಡು ಹಂದಿಗಳ ಬೇಟೆಗಾಗಿ ಕೋಳಿ ಮಾಂಸದೊಳಗೆ ಈ ನಾಡಬಾಂಬ್‌ಗಳನ್ನು ಸುತ್ತಿ ಇಡಲಾಗುತ್ತದೆ. ಆಹಾರ ಅರಸಿ ಬರುವ ಹಂದಿಗಳು ಇದನ್ನು ಅಗಿಯುತ್ತಿದ್ದಂತೆ ಉಂಟಾಗುವ ಒತ್ತಡಕ್ಕೆ ಬಾಂಬ್ ಒಮ್ಮೆಲೇ ಬ್ಲಾಸ್ಟ್ ಆಗುತ್ತದೆ. ಈ ಭೀಕರ ಸ್ಫೋಟಕ್ಕೆ ಪ್ರಾಣಿಯ ಮುಖ ಹಾಗೂ ತಲೆ ಭಾಗ ಛಿದ್ರಗೊಂಡು ಸ್ಥಳದಲ್ಲೇ ಸಾವನ್ನಪ್ಪುತ್ತದೆ. ಅಂಥಹುದೇ ಬಾಂಬ್ ಬಳಸಿ ನಾಗೇಂದ್ರ ಗೌಡ ಕಾರು ಸ್ಪೋಟಿಸಿ ಆತ್ಮಹತ್ಯೆಗೆ ಶರಣಾದ ಅನುಮಾನಗಳಿವೆ.
- [ಕನಸಿನಲ್ಲಿ ಕಂಡ ಕರಡಿ: ಹೆದರಿಕೆಯಿಂದಲೇ ಕ್ರಿಮಿನಾಶಕ ಕುಡಿದ ಕಾರ್ಮಿಕ!](https://mobiletime.in/2026/06/a-worker-drank-pesticide-out-of-fear-after-seeing-a-bear-in-his-dream/): ಕನಸಿನಲ್ಲಿ ಬರುತ್ತಿದ್ದ ಕಾಡು ಪ್ರಾಣಿಗಳಿಗೆ ಹೆದರಿದ ವ್ಯಕ್ತಿಯೊಬ್ಬರು ಕ್ರಿಮಿನಾಶಕ ಸೇವಿಸಿ ಕೊನೆಯುಸಿರೆಳೆದಿದ್ದಾರೆ. ವಿಷ ಸೇವಿಸಿದ ನಂತರ ನರಳಾಡುತ್ತಿದ್ದ ಜೊಯಿಡಾದ ಸಂತೋಷ ದೇವಳಿ ಅವರನ್ನು ತಕ್ಷಣ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಜೊಯಿಡಾದ ಕಸಾಂಬಾದಲ್ಲಿ ಸಂತೋಷ ಶಾಂತರಾಮ ದೇವಳಿ (39) ಅವರು ವಾಸವಾಗಿದ್ದರು. ಕಟ್ಟಡ ಕಾರ್ಮಿಕರಾಗಿ ಅವರು ಬದುಕು ಕಟ್ಟಿಕೊಂಡಿದ್ದರು. ಗೌಂಡಿ ಕೆಲಸ ಮಾಡುವಲ್ಲಿ ಸಂತೋಷ ದೇವಳಿ ಅವರು ಪರಿಣಿತರಾಗಿದ್ದರು. ಹೀಗಿರುವಾಗ ಅವರ ಮನಸ್ಸು ಚಂಚಲವಾಗಿದ್ದು, ಮಾನಸಿಕವಾಗಿ ಕುಗ್ಗಿದ್ದರು. ರಾತ್ರಿ ಸರಿಯಾಗಿ ನಿದ್ದೆ ಮಾಡುತ್ತಿರಲಿಲ್ಲ. ಮಲಗಿದ್ದವರು ದಿಢೀರ್ ಆಗಿ ಎದ್ದು `ಕಾಡು ಪ್ರಾಣಿಗಳು ಬೆನ್ನಟ್ಟುತ್ತಿವೆ’ ಎನ್ನುತ್ತಿದ್ದರು. ಮನೆಯಲ್ಲಿ ಎಲ್ಲರೂ ಮಲಗಿದಾಗ ಕತ್ತಲಿನಲ್ಲಿ ಗೋಡೆ ನೋಡುತ್ತಿದ್ದ ಸಂತೋಷ ದೇವಳಿ ಅವರು ಅಲ್ಲಿಯೂ `ಕಾಡು ಪ್ರಾಣಿಗಳಿವೆ’ ಎಂದು ಕೂಗುತ್ತಿದ್ದರು. ಕರಡಿ, ಹುಲಿಯಂಥ ಜೀವಿಗಳನ್ನು ತಾವೇ ಕಲ್ಪಿಸಿಕೊಳ್ಳುತ್ತಿದ್ದರು. ಆ ಪ್ರಾಣಿಗಳಿಂದ ಆಕ್ರಮಣಕ್ಕೆ ಒಳಗಾದವರ ಹಾಗೇ ಭಾವಿಸಿ ಆಘಾತಕ್ಕೊಳಗಾಗುತ್ತಿದ್ದರು. ಮನೆಯ ಗೋಡೆಗಳ ಮೇಲೆಯೂ ಕಾಡು ಪ್ರಾಣಿಗಳು ಕಾಣುತ್ತಿರುವುದಾಗಿ ಅವರು ಪತ್ನಿ ಶಿಲ್ಪಾ ದೇವಳಿ ಅವರಲ್ಲಿ ಹೇಳಿದ್ದರು. ತಡರಾತ್ರಿಯ ವಿಚಿತ್ರ ವರ್ತನೆ ನೋಡಿದ ಶಿಲ್ಪಾ ದೇವಳಿ ಅವರು ಪತಿಯನ್ನು ಸಮಾಧಾನ ಮಾಡಿ ಮಲಗಿಸುತ್ತಿದ್ದರು. ಆದರೆ, ನಿತ್ಯವೂ ಅದೇ ಮುಂದುವರೆದಿತ್ತು. ಮಾನಸಿಕ ಅಸ್ವಸ್ಥರಂತೆ ವರ್ತಿಸುತ್ತಿದ್ದ ಸಂತೋಷ ದೇವಳಿ ಅವರನ್ನು ಸರಿಯಾದ ಜೀವನದ ಕಡೆ ಸಾಗಿಸುವ ಪ್ರಯತ್ನ ಮುಂದುವರೆದಿತ್ತು. ಕಾಡು ಪ್ರಾಣಿಗಳ ಬಗ್ಗೆ ಆತಂಕದಲ್ಲಿದ್ದ ಸಂತೋಷ ದೇವಳಿ ಅವರು ಅದೇ ಹೆದರಿಕೆಯಲ್ಲಿ ಜೂನ್ 24ರಂದು ಗದ್ದೆಗೆ ಹೊಡೆಯಲು ತಂದಿದ್ದ ಕ್ರಿಮಿನಾಶಕ ಸೇವಿಸಿದ್ದರು. ಅವರನ್ನು ಉಳಿಸಿಕೊಳ್ಳುವುದಕ್ಕಾಗಿ ಶಿಲ್ಪಾ ದೇವಳಿ ಅವರು ಆಸ್ಪತ್ರೆಗೆ ಕರೆದೊಯ್ದರು. ಹೆಚ್ಚಿನ ಚಿಕಿತ್ಸೆಗಾಗಿ ಕಾರವಾರ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಚಿಕಿತ್ಸೆಗೆ ಸ್ಪಂದಿಸದೇ ಜೂನ್ 28ರಂದು ಅವರು ಸಾವನಪ್ಪಿದರು. ಪತಿ ಸಾವಿನ ಸುದ್ದಿ ಕೇಳಿ ಶಿಲ್ಪಾ ದೇವಳಿ ಅವರು ಕಣ್ಣೀರು ಹಾಕಿದರು.
- [ಭಟ್ಕಳ: 60 ಜನರಿಗೆ ನೋಟಿಸ್!](https://mobiletime.in/2026/06/bhatkal-notices-to-60-people/): ಭಟ್ಕಳದ ಮುರಿನಕಟ್ಟೆ ಧ್ವಂಸ ವಿವಾದದ ಬಳಿಕ ಅಲ್ಲಿನ ಆಡಳಿತ ಇನ್ನಷ್ಟು ಮುಂಜಾಗ್ರತಾ ಕ್ರಮ ಜರುಗಿಸಿದ್ದು, ಕೋಮು ಸೌಹಾರ್ದಕ್ಕೆ ಧಕ್ಕೆ ಆಗದ ರೀತಿ ಕಟ್ಟೆಚ್ಚರವಹಿಸಿದೆ. ಬರಲಿರುವ ಹಬ್ಬ-ಹರಿದಿನಗಳಿಗೆ ಸಮಸ್ಯೆ ಆಗದಂತೆ ನೋಡಿಕೊಳ್ಳುವುದಕ್ಕಾಗಿ ಭಟ್ಕಳದ 60 ರೌಡಿ ಶೀಟರ್’ಗಳಿಗೆ ಅಧಿಕಾರಿಗಳು ನೋಟಿಸ್ ನೀಡಿದ್ದಾರೆ. ಗುಪ್ತಚರ ಇಲಾಖೆಯ ಮಾಹಿತಿ ಹಾಗೂ ಪೊಲೀಸ್ ವರದಿ ಆಧರಿಸಿ ಭಟ್ಕಳ ತಹಶೀಲ್ದಾರ್ ಪ್ರವೀಣ್ ಕರಾಂಡೆ ಅವರು ನೋಟಿಸ್ ಜಾರಿ ಮಾಡಿದ್ದಾರೆ. 40 ಮಂದಿ ಮುಸ್ಲಿಂ ಹಾಗೂ 20 ಮಂದಿ ಹಿಂದೂ ಯುವಕರಿಗೆ ನೋಟಿಸ್ ಜಾರಿಯಾಗಿದೆ. ಅವರಿಂದ `ಗಣೇಶೋತ್ಸವ, ಈದ್ ಮಿಲಾದ್ ಸೇರಿದಂತೆ ಮುಂಬರುವ ಹಬ್ಬಗಳ ವೇಳೆ ಯಾವುದೇ ರೀತಿಯ ಕೋಮು ಗಲಭೆ, ಅಶಾಂತಿ ಅಥವಾ ಕಾನೂನು ಸುವ್ಯವಸ್ಥೆಗೆ ಧಕ್ಕೆ ಉಂಟುಮಾಡುವ ಕೃತ್ಯಗಳಲ್ಲಿ ಭಾಗಿಯಾಗುವುದಿಲ್ಲ’ ಎಂದು ಬರೆದುಕೊಡುವಂತೆ ಸೂಚಿಸಲಾಗಿದೆ. `ಸಮಾಜದಲ್ಲಿ ದುರ್ವರ್ತನೆ ತೋರುವುದಿಲ್ಲ’ ಎಂದು ತಲಾ 50 ಸಾವಿರ ರೂ ಮೊತ್ತದ ಮುಚ್ಚಳಿಕೆ ಬಾಂಡ್ ಕೊಡುವಂತೆಯೂ ಸೂಚಿಸಲಾಗಿದೆ. ಈ ನೋಟಿಸ್’ಗೆ ಕೆಲವರು ಆಕ್ಷೇಪಿಸಿದ್ದಾರೆ. ಆ ಬಗ್ಗೆಯೂ ತಹಶೀಲ್ದಾರರು ವಿಚಾರಣೆ ನಡೆಸುವವರಿದ್ದಾರೆ. ಸದ್ಯ `ಶಾಂತಿ ಮತ್ತು ಸುವ್ಯವಸ್ಥೆ ಕಾಪಾಡಲು ನಿಮ್ಮಿಂದ ಮುಚ್ಚಳಿಕೆ ಬಾಂಡ್ ಏಕೆ ಪಡೆದುಕೊಳ್ಳಬಾರದು?’ ಎಂಬ ಬಗ್ಗೆ ವಿಚಾರಣೆ ನಡೆಸಲು ತಹಶೀಲ್ದಾರ್ ನಿರ್ಧರಿಸಿದ್ದಾರೆ. ನೋಟಿಸ್ ಪಡೆದವರು ಹಾಗೂ ಆಕ್ಷೇಪ ಸಲ್ಲಿಸಿದವರು ನಿಗದಿತ ದಿನ ನ್ಯಾಯಾಲಯಕ್ಕೆ ಖುದ್ದಾಗಿ ಹಾಜರಾಗುವಂತೆ ಸೂಚಿಸಲಾಗಿದೆ.
- [ಶೌಚಾಲಯ ಮುರಿದ ಬಂದರು ಕಾಮಗಾರಿ!](https://mobiletime.in/2026/06/toilet-construction-work-halted/): ಹೊನ್ನಾವರದ ಕಾಸರಕೋಡು ಟೊಂಕಾ ಬಳಿ ಬಂದರು ನಿರ್ಮಾಣ ಕಾರ್ಯ ನಡೆಯುತ್ತಿದ್ದು, ಈ ಕಾಮಗಾರಿಗೆ ಬಳಸುವ ಯಂತ್ರಗಳ ಸದ್ದಿಗೆ ಆ ಭಾಗದ ಮನೆಗಳು ಅಲ್ಲಾಡುತ್ತಿವೆ. ಯಂತ್ರದ ಆರ್ಭಟಕ್ಕೆ ಕಾಸರಕೋಡು ಟೊಂಕಾ ರಸ್ತೆ ಅಂಚಿನಲ್ಲಿ ಮನೆ ಮಾಡಿಕೊಂಡಿರುವ ಸೌಜನ್ಯ ತಾಂಡೇಲ್ ಅವರ ಶೌಚಾಲಯ ಕುಸಿದು ಬಿದ್ದಿದೆ. ಹೊನ್ನಾವರದ ಇಕೋ ಬೀಚಿನಿಂದ ಕಾಸರಕೋಡು ಟೊಂಕಾಗೆ ಹೋಗುವ ರಸ್ತೆ ಅಂಚಿನಲ್ಲಿ ಸೌಜನ್ಯ ನಾಗರಾಜ ತಾಂಡೇಲ್ ಅವರು ವಾಸವಾಗಿದ್ದಾರೆ. 16 ವರ್ಷದ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ತಮಗಾದ ಸಮಸ್ಯೆ ವಿರುದ್ಧ ಧ್ವನಿ ಎತ್ತಿದ್ದಾರೆ. ಜೂನ್ 26ರ ಮಧ್ಯಾಹ್ನ ಶೌಚಾಲಯಕ್ಕೆ ಹೋದ ವೇಳೆಯಲ್ಲಿಯೇ ಶೌಚಾಲಯದ ಮೇಲ್ಚಾವಣಿ ಕುಸಿದು ಬಿದ್ದಿರುವುದಾಗಿ ಅವರು ದೂರು ನೀಡಿದ್ದಾರೆ. ಮೇಲ್ಚಾವಣಿ ಬಿದ್ದ ಪರಿಣಾಮ ತಮ್ಮ ಬುಜಕ್ಕೆ ಪೆಟ್ಟಾಗಿರುವ ಬಗ್ಗೆ ಅವರು ವಿವರಿಸಿದ್ದು, ಇದಕ್ಕಾಗಿ ಆಸ್ಪತ್ರೆ ಅಲೆದಾಟವನ್ನು ಮಾಡಿದ್ದಾರೆ. ಹೊನ್ನಾವರದ ಇಕೋ ಬೀಚಿನಿಂದ ಕಾಸರಕೋಡು ಟೊಂಕಾಗೆ ಹೋಗುವ ರಸ್ತೆಯಲ್ಲಿ ಭಾರೀ ಪ್ರಮಾಣದ ವಾಹನಗಳು ಓಡಾಡುತ್ತಿವೆ. ಆ ಭಾಗದ ರಸ್ತೆ ಅಂಚಿನ ನಿವಾಸಿಗಳು ನಿತ್ಯ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಹೊನ್ನಾವರ ಪೊರ್ಟ ಪ್ರೆವೆಟ್ ಲಿಮಿಟೆಡ್ ಕಂಪನಿ ಇಲ್ಲಿ ಬಂದರು ನಿರ್ಮಾಣ ಕೆಲಸ ಮಾಡುತ್ತಿದ್ದು, ಅದೇ ಜನರ ಸಮಸ್ಯೆಗೆ ಕಾರಣವಾಗಿದೆ. ಭಾರೀ ವಾಹನ ಓಡಾಟದ ರಸ್ತೆ ಹಾಳಾದ ಕಾರಣ ಅದರ ಗುಂಡಿ ಮುಚ್ಚಲು ಬಂದ ವಾಹನದ ವೈಬ್ರೇಶನ್’ಗೆ ತಮ್ಮ ಮನೆಯ ಶೌಚಾಲಯ ಮುರಿದ ಬಗ್ಗೆ ಸೌಜನ್ಯ ತಾಂಡೇಲ್ ಅವರು ದೂರಿದ್ದಾರೆ. ಇನ್ನೂ ಅನೇಕ ದೊಡ್ಡ ದೊಡ್ಡ ವಾಹನಗಳು ಈ ಮಾರ್ಗದಲ್ಲಿ ಓಡಾಡುತ್ತಿದ್ದು, ಜನ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಅದಕ್ಕೆ ಶಾಶ್ವತ ಪರಿಹಾರ ಒದಗಿಸಬೇಕು ಎಂದು ಅವರು ಆಗ್ರಹಿಸಿದ್ದಾರೆ. ಶೌಚಾಲಯದ ಮೇಲ್ಚಾವಣಿ ಮುರಿದು ಬಿದ್ದಿದ್ದರಿಂದ ತಮಗೆ ನೋವಾಗಿರುವ ಜೊತೆ ಆರ್ಥಿಕ ನಷ್ಟವನ್ನು ಅನುಭವಿಸಿದ ಬಗ್ಗೆ ವಿವರಿಸಿದ್ದಾರೆ.
- [ಸಮಸ್ಯೆಯಿದ್ದರೆ ವಾಟ್ಸಪ್ ಮಾಡಿ!](https://mobiletime.in/2026/06/whatsapp-if-you-have-a-problem/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೂನ್ 30ರಿಂದ ಜುಲೈ 2ರವರೆಗೆ 40ಕಿಮೀ ವೇಗದಲ್ಲಿ ಗಾಳಿ ಬೀಸುವ ಸಾಧ್ಯತೆಗಳಿವೆ. ಅದರೊಂದಿಗೆ ಜೋರು ಮಳೆಯೂ ಬರುವ ಲಕ್ಷಣಗಳಿವೆ. ಹೀಗಾಗಿ ಎಲ್ಲರೂ ಎಚ್ಚರಿಕೆಯಿಂದಿರಬೇಕು ಎಂದು ಡೀಸಿ ಕೆ ಲಕ್ಷಿಪ್ರಿಯಾ ಅವರು ಪ್ರಕಟಣೆ ಹೊರಡಿಸಿದ್ದಾರೆ. ಭಾರತೀಯ ಹವಾಮಾನ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರದವರು ಜಿಲ್ಲಾಡಳಿತಕ್ಕೆ ಮಳೆ-ಗಾಳಿಯ ಮುನ್ಸೂಚನೆ ನೀಡಿದ್ದಾರೆ. ಅದರ ಪ್ರಕಾರ, ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜೂನ್ 30 ಮಧ್ಯಾಹ್ನ 1 ಗಂಟೆಯಿoದ ಜುಲೈ 2ರ ಬೆಳಗ್ಗೆ 8.30ರವರೆಗೆ ಆರೆಂಜ್ ಅಲರ್ಟ್ ಘೋಷಿಸಲಾಗಿದೆ. ಈ ಅವಧಿಯಲ್ಲಿ 30-40ಕಿಮೀ ಗಾಳಿಯ ವೇಗದೊಂದಿಗೆ ಹೆಚ್ಚಿನ ಮಳೆಯಾಗುವ ಸಾಧ್ಯತೆಯಿರುವ ಬಗ್ಗೆ ಮುನ್ಸೂಚನೆ ನೀಡಲಾಗಿದೆ. ತುರ್ತು ಪರಿಸ್ಥಿತಿ ನಿಭಾಯಿಸುವುದಕ್ಕಾಗಿ ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿ ಕಾರ್ಯಾಚರಣೆ ಕೇಂದ್ರವನ್ನು ತೆರೆಯಲಾಗಿದೆ. ವೇಗದ ಗಾಳಿ ಹಾಗೂ ಮಳೆ ಬೀಳುವ ಅವಧಿಯಲ್ಲಿ ಮೀನುಗಾರರು ಸಮುದ್ರದಲ್ಲಿ ಮೀನುಗಾರಿಕೆಗೆ ಹೋಗದಂತೆ ಸೂಚಿಸಲಾಗಿದೆ. ನೀರು ಇರುವ ತಗ್ಗು ಪ್ರದೇಶ, ಕೆರೆ, ನದಿ ತೀರ, ಸಮುದ್ರ ತೀರಕ್ಕೆ ಹೋಗದಂತೆಯೂ ಜನರಿಗೆ ಸೂಚನೆ ನೀಡಲಾಗಿದೆ. ಮುಖ್ಯವಾಗಿ ಮಕ್ಕಳ ಬಗ್ಗೆ ಕಾಳಜಿವಹಿಸುವಂತೆ ತಿಳಿಸಲಾಗಿದೆ. ಕೃಷಿಕರು ಮಳೆ-ಸಿಡಿಲಿನಂತಹ ಸಂದರ್ಭದಲ್ಲಿ ಕೃಷಿ ಚಟುವಟಿಕೆಯಿಂದ ದೂರವಿರುವುದು ಉತ್ತಮ. ಮಳೆ ಬರುವಾಗ ಜನ ಹೊರಗೆ ತಿರುಗಾಡದೇ ಸೂಕ್ತ ಕಟ್ಟಡದಲ್ಲಿ ಆಶ್ರಯಪಡೆಯುವುದು ಸೂಕ್ತ. ಅಪಾಯಕಾರಿ ಮರ, ವಿದ್ಯುತ್ ಕಂಬದ ಹತ್ತಿರ ಸುಳಿಯದಂತೆಯೂ ಜಿಲ್ಲಾಡಳಿತ ಸೂಚಿಸಿದೆ. ದುರ್ಬಲವಾದ ಕಟ್ಟಡ ಅಥವಾ ಮರಗಳ ಹತ್ತಿರ ನಿಲ್ಲದಂತೆಯೂ ಮತ್ತೊಮ್ಮೆ ತಿಳಿಸಲಾಗಿದೆ. ತಗ್ಗು ಪ್ರದೇಶದಲ್ಲಿ ಅಥವಾ ಮಳೆಯಿಂದ ಅಪಾಯಕ್ಕೀಡಾಗುವ ಪ್ರದೇಶದಲ್ಲಿ ವಾಸವಿದ್ದಲ್ಲಿ ಅಲ್ಲಿಂದ ಸ್ಥಳಾಂತರವಾಗಬೇಕು. ಅಗತ್ಯವಿದ್ದಲ್ಲಿ ಈಗಾಗಲೇ ತೆರೆದ ಕಾಳಜಿ ಕೇಂದ್ರದಲ್ಲಿ ಆಶ್ರಯಪಡೆಯಬೇಕು. ಕಾಲುಸಂಕ, ಕಿರು ಸೇತುವೆ ದಾಟುವಾಗ ಎಚ್ಚರಿಕೆವಹಿಸಬೇಕು ಎಂದು ಡೀಸಿ ಮನವಿ ಮಾಡಿದ್ದಾರೆ. ಶಿಥಿಲಾವಸ್ಥೆಯಿರುವ ಅಥವಾ ಕುಸಿತದ ಹಂತದ ಕಂಪೌAಡ್ ಅಥವಾ ಮನೆಯಗೋಡೆ ಕಂಡುಬAದಲ್ಲಿ ಇಲ್ಲಿ ವಾಟ್ಸಪ್ ಮಾಡಿ: 9483511015
- [ಎಲ್ಲರೂ ಸರ್ಕಾರಿ ಉದ್ಯೋಗವೇ ಬೇಕೆಂದರೆ ಹೇಗೆ?](https://mobiletime.in/2026/06/what-if-everyone-wants-a-government-job/): `ಕೌಶಲ್ಯಾಧಾರಿತ ವ್ಯಕ್ತಿತ್ವವನ್ನು ರೂಪಿಸುವುದರಿಂದ ಸದೃಢ ಭಾರತದ ಸ್ಕಿಲ್ ಇಂಡಿಯಾ ಕನಸು ನನಸಾಗಿಸಲು ಸಾಧ್ಯ’ ಎಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆ, ಗುಜರಾತ್‌ನ ದೇಸಾಯಿ ಫೌಂಡೇಶನ್ ಹಾಗೂ ಸೆಜಿಲಿಟಿ ಸಂಸ್ಥೆಗಳ ಸಹಯೋಗದಲ್ಲಿ ಬ್ಯೂಟಿಷಿಯನ್ ತರಬೇತಿ ಪಡೆದ 75 ಯುವತಿಯರಿಗೆ ಸ್ವಯಂ ಉದ್ಯೋಗ ಆರಂಭಿಸಲು ಬೇಕಾಗುವ ಸೌಂದರ್ಯ ಸಲಕರಣೆಗಳ ಕಿಟ್ ವಿತರಿಸಿ ಅವರು ಮಾತನಾಡಿದ್ದಾರೆ. ವಿದ್ಯಾವಂತ ನಿರುದ್ಯೋಗಿಗಳ ಸಂಖ್ಯೆ ಹೆಚ್ಚುತ್ತಿರುವ ಬಗ್ಗೆ ಆತಂಕವ್ಯಕ್ತಪಡಿಸಿದ ಕಾಗೇರಿಯವರು `ಕೌಶಲ್ಯತೆಯ ಕೊರತೆಯಿಂದ ಆಧುನಿಕತೆಯ ಪೈಪೋಟಿ ಭರಾಟೆಯಲ್ಲಿ ಉತ್ತಮ ಉದ್ಯೋಗ ಹೊಂದಲು ಹರ ಸಾಹಸ ಪಡುವಹಾಗಾಗಿದೆ. ಸರ್ಕಾರಿ ನೌಕರಿಯೇ ಬೇಕೆಂದು ಸಮಯ ವ್ಯರ್ಥ ಮಾಡುವ ಬದಲು ಒಪ್ಪಿತ ಕೌಶಲ್ಯಗಳನ್ನು ಹೆಚ್ಚಿಸಿಕೊಂಡು ಬದುಕಬೇಕು. ಸರ್ಕಾರದ ಹಲವಾರು ಯೋಜನೆಗಳ ಉಪಯೋಗ ಪಡೆದು ಆದಾಯದ ಮೂಲವನ್ನು ವೃದ್ಧಿಸಿಕೊಳ್ಳುವ ಮೂಲಕ ಔದ್ಯೋಗಿಕ ಭದ್ರತೆ ಹೊಂದಬೇಕು. ಸ್ವತಂತ್ರ ಉದ್ಯಮ ಆರಂಭಿಸುವುದರ ಮೂಲಕ ಸ್ವಾವಲಂಬಿ ಬದುಕಿಗೆ ಆದ್ಯತೆ ನೀಡಿ’ ಎಂದು ಕರೆ ನೀಡಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯಗಳನ್ನು ಪ್ರಶಂಶಿಸಿದ ವಿಶ್ವೇಶ್ವರ ಹೆಗಡೆ ಕಾಗೇರಿಯವರು, 21ನೇ ಶತಮಾನದ ವೃತ್ತಿಪರ ಕೌಶಲ್ಯಗಳನ್ನು ಪರಿಚಯಿಸುವಂತೆ ಸಂಸ್ಥೆಯ ಮುಖ್ಯಸ್ಥರಿಗೆ ಕೋರಿದರು. ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದ ಸ್ಕೊಡ್‌ವೆಸ್ ಸಂಸ್ಥೆಯ ಸಹಕಾರ್ಯದರ್ಶಿ  ಕೆ ಎನ್ ಹೊಸಮನಿ ಅವರು ಮಾತನಾಡಿ `ಸಂಸ್ಥೆಯ 09 ವಿಭಾಗದಲ್ಲಿ ಕೌಶಲ್ಯ ಅಭಿವೃದ್ಧಿ ಕಾರ್ಯಕ್ರಮವೂ ಒಂದಾಗಿದ್ದು ಯುವಕರ ಬೇಡಿಕೆ ಮತ್ತು ಅವಶ್ಯಕತೆಗಳನ್ನು ಆಧರಿಸಿ ತರಬೇತಿಗಳನ್ನು ನೀಡಲಾಗುತ್ತಿದೆ. ಉನ್ನತ ಮಟ್ಟದ ತರಬೇತಿಗಾಗಿ ಮಾನವ ಸಂಪನ್ಮೂಲ ಅಭಿವೃದ್ಧಿ ಹಾಗೂ ಸಂಶೋಧನಾ ಕೇಂದ್ರವನ್ನು ಆರಂಭಿಸುವ ಉದ್ದೇಶ ಹೊಂದಲಾಗಿದೆ’ ಎಂದರು. ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಮಾತನಾಡಿ ಸಂಸ್ಥೆಯ ಕೌಶಲ್ಯ ತರಬೇತಿ ಕ್ಷೇತ್ರದಲ್ಲಿ ಕೈಗೊಂಡಿರುವ ಯೋಜನೆಗಳ ಬಗ್ಗೆ ಮಾಹಿತಿ ನೀಡಿದರು. `ಕಳೆದ 20 ವರ್ಷಗಳಲ್ಲಿ 16,500 ಕ್ಕೂ ಅಧಿಕ ಜನರಿಗೆ ಕೌಶಲ್ಯ ತರಬೇತಿ ನೀಡಿದ್ದು, ಶೇ 78ರಷ್ಟು ಜನರು ಉದ್ಯೋಗ ಹಾಗೂ ಸ್ವಯಂ ಉದ್ಯೋಗ ಹೊಂದಲು ಸಾಧ್ಯವಾಗಿದೆ’ ಎಂದರು. ಕಾರ್ಯಕ್ರಮದಲ್ಲಿ ಸಂಸ್ಥೆಯ ಕಾರ್ಯದರ್ಶಿ ಮತ್ತು ಮುಖ್ಯ ಹಣಕಾಸು ಮತ್ತು ಆಡಳಿತಾಧಿಕಾರಿ ಸರಸ್ವತಿ ಎನ್ ರವಿ, ಖಜಾಂಚಿ ವಸಂತ ಹಾದಿಮನೆ ಉಪಸ್ಥಿತರಿದ್ದರು. ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯಕ್ರಮಗಳ ಮುಖ್ಯಸ್ಥ ನಾರಾಯಣ ಹೆಗಡೆ ಕಾರ್ಯಕ್ರಮ ನಿರ್ವಹಿಸಿ, ವಂದಿಸಿದರು.
- [ಅಸ್ತವ್ಯಸ್ಥವಾಗಿರುವ ಆಶ್ರಯ ಕಾಲೋನಿ!](https://mobiletime.in/2026/06/a-chaotic-asylum-colony/): ಯಲ್ಲಾಪುರದ ಕಾಳಮ್ಮ ನಗರದ ಆಶ್ರಯ ಕಾಲೋನಿಯಲ್ಲಿ ವಾಸಿಸುವವರಿಗೆ ಸರಿಯಾದ ಆಶ್ರಯ ಸಿಗುತ್ತಿಲ್ಲ. ಆ ಪ್ರದೇಶ ಮೂಲಭೂತ ಸೌಕರ್ಯದಿಂದ ವಂಚಿತವಾಗಿದ್ದು, ಈ ಬಗ್ಗೆ ಅಧಿಕಾರಿಗಳಿಗೆ ದೂರಿದರೂ ಯಾವ ಪ್ರಯೋಜನವೂ ಆಗಿಲ್ಲ. ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಸಹಚರರು ಈ ದಿನ ಆಶ್ರಯ ಕಾಲೋನಿಗೆ ಭೇಟಿ ನೀಡಿದ್ದಾರೆ. ಅಲ್ಲಿನ ಸಮಸ್ಯೆಗಳ ಬಗ್ಗೆ ಜನರ ಜೊತೆ ಚರ್ಚೆ ನಡೆಸಿದ್ದಾರೆ. ಅಲ್ಲಿನ ಸಮಸ್ಯೆ ಹಾಗೂ ಜನ ಅನುಭವಿಸುತ್ತಿರುವ ನೋವಿನ ಬಗ್ಗೆ ವಿವಿಧ ಇಲಾಖೆಯವರ ಗಮನಕ್ಕೆ ತರುವ ಭರವಸೆ ನೀಡಿದ್ದಾರೆ. `ಈಗಾಗಲೇ ಅಧಿಕಾರಿಗಳಿಗೆ ಮಾಹಿತಿ ನೀಡಿದರೂ ಕನಿಷ್ಟ ಸೌಕರ್ಯ ಒದಗಿಸುವ ಕೆಲಸ ಆಗಿಲ್ಲ’ ಎಂದು ಸಹ ಬಿಜೆಪಿಗರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಯಲ್ಲಾಪುರದಲ್ಲಿ ರಾಜ ಕಾಲುವೆ ನಿರ್ಮಾಣ ಕೆಲಸ ಅರೆಬರೆಯಾಗಿದೆ. ಆಶ್ರಯ ಕಾಲೋನಿ ಬಳಿ ರಾಜಕಾಲುವೆ ನಿರ್ಮಾಣ ಸಂಪೂರ್ಣ ಆಗದ ಕಾರಣ ಅಲ್ಲಿನ ಮನೆಗಳು ಬೀಳುವ ಹಂತ ತಲುಪಿದೆ. ಆಶ್ರಯ ಕಾಲೋನಿ ಹಿಂಭಾಗದಲ್ಲಿ ದೊಡ್ಡದಾಗಿ ಹುಲ್ಲಿನ ಪೊದರೆ ಬೆಳೆದಿದ್ದು, ಅಲ್ಲಿರುವ ಹಂದಿ-ನಾಯಿ ಕಾಟಕ್ಕೆ ಜನ ತತ್ತರಿಸಿದ್ದಾರೆ. ಬಡವರು ಅನಾರೋಗ್ಯಕ್ಕೆ ಒಳಗಾಗುತ್ತಿದ್ದಾರೆ’ ಎಂದು ಪ್ರಸಾದ ಹೆಗಡೆ ಅವರು ಮಾಧ್ಯಮದವರಿಗೆ ಮಾಹಿತಿ ನೀಡಿದ್ದಾರೆ. `ಇಲ್ಲಿನ ಸಮಸ್ಯೆಗಳನ್ನು ಅಧಿಕಾರಿಗಳು ಗಂಭೀರವಾಗಿ ಪರಿಗಣಿಸಬೇಕು. ಅಗತ್ಯ ಮುನ್ನಚ್ಚರಿಕಾ ಕ್ರಮ ಜರುಗಿಸಬೇಕು. ಇಲ್ಲವಾದಲ್ಲಿ ನಡೆಯುವ ಅನಾಹುತಕ್ಕೆ ಅಧಿಕಾರಿಗಳೇ ಜವಾಬ್ದಾರರಾಗಲಿದ್ದಾರೆ’ ಎಂದು ಬಿಜೆಪಿ ಪ್ರಮುಖರಾದ ಗಣೇಶ ಪಾಟಣಕರ, ರವಿ ದೇವಡಿಗ, ತುಳಸಿದಾಸ ನಾಯ್ಕ ಇತರರು ಎಚ್ಚರಿಸಿದ್ದಾರೆ.
- [ಮರಿ ಪುಡಾರಿಗಳಿಗೆ ಪರಊರಿನ ಪ್ರವಾಸ!](https://mobiletime.in/2026/06/a-trip-abroad-for-the-little-ones/): ಬೇರೆಯವರನ್ನು ಬೆದರಿಸುವುದನ್ನೇ ಜೀವನ ಮಾಡಿಕೊಂಡಿದ್ದ ಮುಂಡಗೋಡಿನ ರೌಡಿಗಳಿಬ್ಬರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಹೊರಗೆ ಓಡಿಸಲಾಗಿದೆ. ಮೀಟರ್ ಬಡ್ಡಿ ದಂಧೆ ಜೊತೆ ಸಮಾಜ ವಿರೋಧಿ ಚಟುವಟಿಕೆಯಲ್ಲಿ ಭಾಗಿಯಾಗಿದ್ದ ಮಂಜು ನವಲೆ ಹಾಗೂ ಮಧು ಸಿಂಗ್ ಅವರನ್ನು ಗಡಿಪಾರು ಮಾಡಲಾಗಿದೆ. ಮುಂಡಗೋಡ ಮೂಲದ ರೌಡಿಶೀಟರ್ ಆದ ಮಂಜು ನವಲೆ ಹಾಗೂ ಮಧು ಸಿಂಗ್ ವಿರುದ್ಧ ಕೊಲೆ ಹಾಗೂ ಮೀಟರ್ ಬಡ್ಡಿ ವ್ಯವಹಾರ ಸೇರಿದಂತೆ ವಿವಿಧ ಪ್ರಕರಣಗಳು ದಾಖಲಾಗಿದ್ದವು. ಪೊಲೀಸರು ಅವರ ಮೇಲೆ ಕಣ್ಣಿಟ್ಟಿದ್ದರು. ಅಪರಾಧ ಪ್ರಕರಣದಲ್ಲಿ ಭಾಗಿಯಾಗದಂತೆ ಸಾಕಷ್ಟು ಎಚ್ಚರಿಕೆಯನ್ನು ನೀಡಿದ್ದರು. ಆದರೆ, ಅವರ ವರ್ತನೆಯಲ್ಲಿ ಯಾವುದೇ ಬದಲಾವಣೆಗಳಾಗಿರಲಿಲ್ಲ. ಈ ಹಿನ್ನಲೆ ಪೊಲೀಸರು ಮೇಲಧಿಕಾರಿಗಳಿಗೆ ಕಠಿಣ ಕ್ರಮಕ್ಕೆ ಮನವಿ ಮಾಡಿದ್ದರು. ಅದನ್ನು ಅರಿತ ಜಿಲ್ಲಾಧಿಕಾರಿ ಲಕ್ಷ್ಮೀಪ್ರಿಯಾ ಅವರು ಗಡಿಪಾರು ಆದೇಶ ಹೊರಡಿಸಿದರು. ಅದರಂತೆ, ಮಂಜು ನವಲೆ ಅವರನ್ನು ಆರು ತಿಂಗಳ ಅವಧಿಗೆ ಕೋಲಾರ ಜಿಲ್ಲೆಯ ಕೆಜಿಎಫ್ ಪ್ರದೇಶಕ್ಕೆ ಗಡಿಪಾರು ಮಾಡಿದರು. ಮಧು ಸಿಂಗ್ ಅವರನ್ನು ಮಂಡ್ಯ ಜಿಲ್ಲೆಗೆ ಗಡಿಪಾರು ಮಾಡಿ ಆದೇಶಿಸಿದರು.
- [ಆಸ್ತಿಗಾಗಿಯೇ ಹುಟ್ಟಿ ಬಂದ ಮಗಳು!](https://mobiletime.in/2026/06/a-daughter-born-for-wealth/): ಶಿರಸಿ ಗಾಂಧೀನಗರದಲ್ಲಿ ವಾಸವಾಗಿದ್ದ ಗಣಪತಿ ಭಟ್ಟ ಕಂಚಿ ಅವರು ನಿಗೂಢವಾಗಿ ಸಾವನಪ್ಪಿದ್ದು, ಆ ಸಾವಿನ ನಂತರ ಅವರ ಆಸ್ತಿಪಡೆಯಲು ಮಗಳೊಬ್ಬರು ಹುಟ್ಟಿ ಬಂದಿದ್ದಾರೆ. ಬೆಂಗಳೂರಿನ ಅರ್ಚನಾ ಕೆ ಎಂಬಾತರು ನಕಲಿ ದಾಖಲೆಗಳನ್ನು ಸೃಷ್ಠಿಸಿ ಗಣಪತಿ ಭಟ್ಟ ಅವರ ಆಸ್ತಿ ಲಪಟಾಯಿಸಿದ್ದಾರೆ. ಶಿರಸಿಯ ಗಾಂಧೀನಗರದಲ್ಲಿ ಗಣಪತಿ ಭಟ್ಟ ಕಂಚಿ ಅವರು ವಾಸವಾಗಿದ್ದರು. ದೈವಜ್ಞ ಕಲ್ಯಾಣ ಮಂಟಪದ ಬಳಿಯಿರುವ `ಸಂಕಲ್ಪ ನಿವಾಸ’ದಲ್ಲಿ ಅವರು ಜೀವಿಸುತ್ತಿದ್ದರು. ಇಂಡಿಯನ್ ಓವರ್ಸಿಸ್ ಬ್ಯಾಂಕಿನಲ್ಲಿ ಗಣಪತಿ ಭಟ್ಟ ಕಂಚಿ ಅವರು ಸೀನಿಯರ್ ಮ್ಯಾನೇಜರ್ ಆಗಿದ್ದರು. ನಿವೃತ್ತಿ ನಂತರ ಅವರು ಗಾಂಧೀನಗರದಲ್ಲಿ ವಾಸವಾಗಿದ್ದರು. ಗಣಪತಿ ಭಟ್ಟ ಅವರ ಪುತ್ರಿ ಸೀಮಾ ಕಂಚಿ ಅವರು ಸಾಪ್ಟವೇರ್ ಇಂಜಿನಿಯರ್ ಆಗಿದ್ದು, ಅವರು ವಿದೇಶದಲ್ಲಿ ಉದ್ಯೋಗದಲ್ಲಿದ್ದರು. ಸೀಮಾ ಕಂಚಿ ಅವರು ತಮ್ಮ ಬಳಿಯಿದ್ದ ಹಣ-ಒಡವೆಯನ್ನು ತಂದೆಗೆ ಕೊಟ್ಟು ಅದನ್ನು ಬ್ಯಾಂಕಿನಲ್ಲಿ ಭದ್ರವಾಗಿರಿಸುವಂತೆ ಸೂಚಿಸಿದ್ದರು. ಅದರ ಪ್ರಕಾರ, ಗಣಪತಿ ಕಂಚಿ ಅವರು ತಾವು ಕೆಲಸ ಮಾಡಿದ್ದ ಇಂಡಿಯನ್ ಓವರ್ಸಿಸ್ ಬ್ಯಾಂಕಿನಲ್ಲಿ ಲಾಕರ್ ತೆರೆದು ಅಲ್ಲಿ ಒಡವೆ ಹಾಗೂ ದಾಖಲೆಗಳನ್ನಿರಿಸಿದ್ದರು. 2025ರ ಏಪ್ರಿಲ್ 8ರಂದು ಗಣಪತಿ ಭಟ್ಟ ಅವರು ಸೀಮಾ ಅವರಿಗೆ ಕೊನೆಯದಾಗಿ ವಾಟ್ಸಪ್ ಫೋನ್ ಮಾಡಿದ್ದರು. `ಆದಷ್ಟು ಬೇಗ ಭಾರತಕ್ಕೆ ಬಂದು ವಿಲ್ ಪತ್ರ ಹಾಗೂ ದಾಖಲೆ-ಒಡವೆ ಪಡೆಯಬೇಕು’ ಎಂದು ಸೂಚಿಸಿದ್ದರು. ಅದಾದ ಕೆಲವೇ ದಿನಗಳಲ್ಲಿ ಗಣಪತಿ ಭಟ್ಟ ಅವರು ನಿಗೂಢವಾಗಿ ಸಾವನಪ್ಪಿದರು. ಏಪ್ರಿಲ್ 19ರಂದು ಗಣಪತಿ ಭಟ್ಟ ಅವರು ಸಾವನಪ್ಪಿದ್ದು, ಅವರ ಕುಟುಂಬಕ್ಕೆ ಸಂಬAಧವೇ ಇಲ್ಲದ ಅರ್ಚನಾ ಕೆ ಅವರಿಗೆ ಈ ವಿಷಯ ಗೊತ್ತಾಯಿತು. ಬೆಂಗಳೂರಿನ ದೊಮ್ಮಲೂರಿನ ಬಳಿ ವಾಸವಾಗಿದ್ದ ಅರ್ಚನಾ ಕೆ ಅವರು ಶಿರಸಿಗೆ ಬಂದರು. `ತಾನೇ ಅವರ ಮಗಳು’ ಎಂದು ಬಿಂಬಿಸಿಕೊAಡು ಗಣಪತಿ ಭಟ್ಟ ಕಂಚಿ ಅವರ ಮರಣೋತ್ತರ ಪರೀಕ್ಷೆ ಮಾಡಿಸಿದರು. ಅವರೇ ಮುಂದೆ ನಿಂತು ಶವ ಸಂಸ್ಕಾರವನ್ನು ಮಾಡಿದ್ದು, ವಿದೇಶದಲ್ಲಿದ್ದ ಸೀಮಾ ಕಂಚಿ ಅವರು ಊರಿಗೆ ಬರುವಷ್ಟರಲ್ಲಿ ಗಣಪತಿ ಭಟ್ಟ ಕಂಚಿ ಅವರ ಬ್ಯಾಂಕ್ ಖಾತೆಯಲ್ಲಿದ್ದ ಹಣವೂ ಕಾಣೆಯಾಗಿತ್ತು. ವಿವಿಧ ನಕಲಿ ದಾಖಲೆ ಸೃಷ್ಠಿ ಹಾಗೂ ಸೀಮಾ ಕಂಚಿ ಅವರ ಆಧಾರ್ ಕಾರ್ಡ, ಸಹಿ ದುರುಪಯೋಗಪಡಿಸಿಕೊಂಡ ಅರ್ಚನಾ ಕೆ ಅವರು ಬ್ಯಾಂಕ್ ಲಾಕರಿನಲ್ಲಿದ್ದ ಚಿನ್ನ ಲಪಟಾಯಿಸಿದ್ದರು. ವಿವಿಧ ಕಾಗದಪತ್ರಗಳನ್ನು ತಮ್ಮದಾಗಿಸಿಕೊಂಡಿದ್ದರು. ಅಗಸೆಬೈಲಿನ ಮಾಲಾ ಕಂಚಿ, ಬೆಂಗಳೂರಿನ ಡೊಮ್ಮಲೂರಿನ ಸುಶ್ಮಾ ಕೆ ಅವರು ಈ ಕೃತ್ಯಕ್ಕೆ ಸಹಕಾರ ನೀಡಿದ್ದರು. ಗಣಪತಿ ಭಟ್ಟ ಅವರ ಹೆಸರಿನಲ್ಲಿ ಇಂಡಿಯನ್ ಓವರಸಿಸ್ ಬ್ಯಾಂಕ್ ಹಾಗೂ ಅಂಚೆ ಕಚೇರಿಗಳಿಂದ 1.20 ಕೋಟಿ ರೂ ಹಣ ಹಾಗೂ ಆಸ್ತಿ ಬೇರೆ ಬೇರೆ ಹೆಸರಿಗೆ ಹೋಗಿತ್ತು. ಬ್ಯಾಂಕ್ ಉದ್ಯೋಗಿ ರಮೇಶ್ ಅವರು ಸಹ ಸೀಮಾ ಕಂಚಿ ಅವರ ಒಪ್ಪಿಗೆ ಇಲ್ಲದೇ ಬ್ಯಾಂಕ್ ಖಾತೆಯ ಹಣವನ್ನು ಮಾಲಾ ಕಂಚಿ ಅವರಿಗೆ ವರ್ಗಾಯಿಸಿದ್ದರು. ಅದಾದ ನಂತರ ಅರ್ಚನಾ ಕೆ ಅವರು ಗಾಂಧೀನಗರದಲ್ಲಿರುವ ಸಂಕಲ್ಪ ನಿವಾಸ ಸಂಪೂರ್ಣವಾಗಿ ತಮ್ಮ ವಶಕ್ಕೆಪಡೆದಿದ್ದರು. ವಿದೇಶದಿಂದ ಬಂದ ಸೀಮಾ ಕಂಚಿ ಅವರು ತಮ್ಮ ನಿವಾಸಕ್ಕೆ ಹೋಗಿದ್ದು, ಅಲ್ಲಿದ್ದ ಅರ್ಚನಾ ಕೆ, ಮಾಲಾ ಕಂಚಿ ಹಾಗೂ ಸುಶ್ಮಾ ಕೆ ಸೇರಿ ಸೀಮಾ ಅವರನ್ನು ಆ ಮನೆಯಿಂದ ಹೊರ ದಬ್ಬಿದರು. ಈ ವೇಳೆ ಮಾಲಾ ಕಂಚಿ ಅವರು ಸೀಮಾ ಅವರ ಕುತ್ತಿಗೆ ಹಿಡಿದು ನೋವು ಮಾಡಿದರು. ಅದಾದ ನಂತರ ಮನೆ ಮುಂದೆ ಬಿದ್ದಿದ್ದ ಗಣಪತಿ ಭಟ್ಟ ಕಂಚಿ ಅವರ ಚಪ್ಪಲಿಯಿಂದ ಸೀಮಾ ಕಂಚಿ ಅವರಿಗೆ ಹೊಡೆದರು. `ಇದೇ ನಿನಗೆ ಸಿಗುವ ಆಸ್ತಿ’ ಎಂದು ಹೇಳಿ ನಿಂದಿಸಿದರು. ಅದಾದ ನಂತರವೂ ಸೀಮಾ ಅವರು ತಮ್ಮ ದಾಖಲೆಪಡೆಯಲು ಮನೆ ಬಳಿ ಹೋಗಿದ್ದು, ಅಲ್ಲಿದ್ದ ವೆಂಕಟ್ರಮಣ ಕಂಚಿ ಅವರಿಂದ ತೊಂದರೆ ಅನುಭವಿಸಿದರು. ಈ ಎಲ್ಲಾ ವಿಷಯಗಳಿಂದ ನೊಂದ ಸೀಮಾ ಕಂಚಿ ಅವರು ಮತ್ತೆ ವಿದೇಶಕ್ಕೆ ಹೋದರು. ಅನಾರೋಗ್ಯದಿಂದ ಬಳಲುತ್ತಿರುವ ಅವರು ತಮಗಾದ ಅನ್ಯಾಯದ ಬಗ್ಗೆ ಅಂಕೋಲಾ ಅವರ್ಸಾದ ಮಹೇಶ ಮೋಹನ ನಾಯಕ ಅವರಲ್ಲಿ ಹೇಳಿಕೊಂಡರು. ತಪ್ಪು ಮಾಡಿದವರಿಗೆ ಶಿಕ್ಷೆಯಾಗಲೇ ಬೇಕು ಎಂದು ಮಹೇಶ ನಾಯಕ ಅವರು ಈ ಬಗ್ಗೆ ಶಿರಸಿ ನಗರ ಪೊಲೀಸ್ ಠಾಣೆಗೆ ದೂರು ನೀಡಿದರು. ಸೀಮಾ ಅವರ ಹೇಳಿಕೆಯನ್ನುಪಡೆದ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.
- [ಕ್ರಿಕೆಟ್: ವಿಶ್ವಕ್ಕೆ ಪರಿಚಿತನಾದ ನಾಯಕ!](https://mobiletime.in/2026/06/cricket-a-world-renowned-leader/): ಉತ್ತರ ಕನ್ನಡ ಜಿಲ್ಲಾ ಲಾರಿ ಮಾಲಕ ಸಂಘದ ಅಧ್ಯಕ್ಷ ವಿಶ್ವಜಿತ್ ನಾಯಕ ಅವರು ಭಾರತೀಯ ವೆಟರನ್ಸ್ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾಗಿದ್ದು, ತಮ್ಮ ಪ್ರತಿಭೆ ಪ್ರದರ್ಶನಕ್ಕಾಗಿ ಅವರು ಲಂಡನ್’ಗೆ ಹೋಗಿದ್ದಾರೆ. ಸಣ್ಣ ವಯಸ್ಸಿನಲ್ಲಿಯೇ ಕ್ರಿಕೆಟ್ ಕುರಿತು ಅಪಾರ ಆಸಕ್ತಿಹೊಂದಿದ್ದ ಅವರಿಗೆ ಉತ್ತಮ ವೇದಿಕೆ ಸಿಕ್ಕಿದೆ. ಅಂಕೋಲಾದ ವಿಶ್ವಜಿತ್ ನಾಯಕ ಅವರು ವಿಸಿಐ (ವೆಟರನ್ಸ್ ಕ್ರಿಕೆಟ್ ಇಂಡಿಯಾ) ಅಡಿ ನಡೆಯುವ ‘ಮರ್ಲ್ ಪ್ರೋ ಕಪ್’ಗೆ ಆಯ್ಕೆಯಾಗಿದ್ದಾರೆ. ಅದರ ಅಂಗವಾಗಿ ಅವರು ಲಂಡನ್ ಪ್ರವಾಸ ಮಾಡಿದ್ದು, ಅಲ್ಲಿ ಉತ್ತಮ ಪ್ರದರ್ಶನವನ್ನು ನೀಡಿದ್ದಾರೆ. ವಿಶ್ವಜಿತ್ ನಾಯಕ ಅವರು ಹಲವು ಟೆನ್ನಿಸ್ ಬಾಲ್ ಟೂರ್ನಮೆಂಟ್‌ಗಳಲ್ಲಿ ‘ಶಾಂತಿಕಾ 11’ ಹಾಗೂ ‘ರಾಜ್ 11’ ತಂಡಗಳ ಮೂಲಕ ಭಾಗವಹಿಸುತ್ತಿದ್ದರು. ಕುಮಟಾದಲ್ಲಿ ನಡೆದ ರವಿರಾಜ್ ಟ್ರೋಫಿಯ 25ನೇ ವರ್ಷದ ಬೆಳ್ಳಿ ಕಪ್’ನ್ನು ಅವರು ಗೆದ್ದಿದ್ದರು. 2022ರವರೆಗೆ ಟೆನ್ನಿಸ್ ಬಾಲ್ ಕ್ರಿಕೆಟ್‌ನಲ್ಲಿ ಸಕ್ರಿಯರಾಗಿದ್ದ ಅವರು ನಂತರ ಲೆದರ್ ಬಾಲ್ ಕ್ರಿಕೆಟ್ ಕಡೆ ಆಸಕ್ತಿವಹಿಸಿದ್ದು, ಅದರ ಮುಂದುವರೆದ ಭಾಗವಾಗಿ ಭಾರತೀಯ ವೆಟರನ್ಸ್ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾದರು. ರೋಟರಿ ಸಂಸ್ಥೆಯ ಸಕ್ರಿಯ ಸದಸ್ಯರಾಗಿದ್ದ ವಿಶ್ವಜಿತ್ ಅವರಿಗೆ ರೋಟರಿ ಮಟ್ಟದ ಟೆನ್ನಿಸ್ ಬಾಲ್ ಟೂರ್ನಿಗಳಲ್ಲಿನ ಪ್ರದರ್ಶನ ಇನ್ನಷ್ಟು ಅವಕಾಶಗಳನ್ನು ತಂದುಕೊಟ್ಟಿತು. ಅವರ ಆಟವನ್ನು ಗುರುತಿಸಿದ ಹುಬ್ಬಳ್ಳಿಯ ಐಎಫ್‌ಸಿಆರ್ ವಿಭಾಗವು ಲೆದರ್ ಬಾಲ್ ಕ್ರಿಕೆಟ್‌ಗೆ ಕರೆದೊಯ್ಯಿತು. ಹುಬ್ಬಳ್ಳಿಯಲ್ಲಿ ಮೊದಲ ಲೆದರ್ ಬಾಲ್ ಪಂದ್ಯ ಆಡಿದ ವಿಶ್ವಜಿತ್ ನಾಯಕ ಅವರು ರೋಟರಿ ಇಂಡಿಯಾ ಪರವಾಗಿ ಆಸ್ಟ್ರೇಲಿಯಾ, ದುಬೈ ಹಾಗೂ ಶ್ರೀಲಂಕಾ ಪ್ರವಾಸವನ್ನು ಮಾಡಿದ್ದಾರೆ. ಅವರ ಅಲ್ಲಿನ ಪ್ರದರ್ಶನ ಗಮನಿಸಿದ ವೆಟರನ್ಸ್ ಕ್ರಿಕೆಟ್ ಇಂಡಿಯಾ ಸಂಸ್ಥೆಯು ವಿಸಿಐ ಟೂರ್ನಿಗಳಿಗೆ ಆಹ್ವಾನಿಸಿದೆ. ಸದ್ಯ ವಿಶ್ವಜಿತ್ ನಾಯಕ ಅವರು ಲಂಡನ್’ನಲ್ಲಿ ನಡೆದ ಕ್ರಿಕೆಟ್’ನಲ್ಲಿ ಉತ್ತಮವಾಗಿ ಆಡಿದ್ದಾರೆ. ಅವರ ಸಾಧನೆ ಇನ್ನಷ್ಟು ಬೆಳಗಲಿ ಎಂದು ಲಾರಿ ಮಾಲಕರ ಸಂಘದವರು ಹಾರೈಸಿದ್ದಾರೆ.  
- [ಸ್ಪೋಟಕ ಸಾಗಾಣಿಕೆಗೆ ಈ ಊರೇ ತವರು!](https://mobiletime.in/2026/06/this-town-is-home-to-explosives-trafficking/): ಕಳೆದ ಮೂರು ದಿನಗಳಿಂದ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬಾಂಬ್ ಸ್ಪೋಟದ ಸುದ್ದಿ ಜೋರಾಗಿದೆ. ಹಳಿಯಾಳದಲ್ಲಿನ ಮನೆ ಸ್ಪೋಟ ಹಾಗೂ ಅಂಕೋಲಾ ಯುವಕ ಬಾಂಬ್ ಸ್ಪೋಟಿಸಿಕೊಂಡು ಸಾವನಪ್ಪಿರುವ ವಿಷಯದ ನಡುವೆ ದಶಕದ ಹಿಂದೆ ಯಲ್ಲಾಪುರದ ವ್ಯಕ್ತಿಯೊಬ್ಬರು ಗೋವಾಗೆ ಭಾರೀ ಪ್ರಮಾಣದ ಸ್ಪೋಟಕವನ್ನು ಅಕ್ರಮವಾಗಿ ಸಾಗಿಸಿದ ವಿಷಯವೂ ಮುನ್ನೆಲೆಗೆ ಬಂದಿದೆ. ಜೂನ್ 22ರ ನಸುಕಿನಲ್ಲಿ ಹಳಿಯಾಳ ಕಾಳಗಿನಕೊಪ್ಪದ ವಸಂತ ಕೋರವರ್ ಅವರ ಮನೆಯಲ್ಲಿ ಬಾಂಬ್ ಸ್ಪೋಟವಾಗಿತ್ತು. ವಸಂತ ಕೋರವರ್ ಅವರು ಮನೆಯಲ್ಲಿಯೇ ಹಲವು ಬಾಂಬ್ ಇರಿಸಿಕೊಂಡಿದ್ದು, ಸ್ಪೋಟದ ನಂತರ ಇನ್ನಿತರ ಬಾಂಬುಗಳನ್ನು ಕೆರೆ ಬಳಿ ಎಸೆದು ಪರಾರಿಯಾಗಿದ್ದರು. ಸ್ಪೋಟದ ರಭಸಕ್ಕೆ ವಸಂತ ಕೋರವರ್ ಅವರ ಮನೆ ಮುರಿದಿದ್ದು, ಅಕ್ಕಪಕ್ಕದ ಮನೆಯವರು ಹಾನಿ ಅನುಭವಿಸಿದ್ದರು. ಅದಾದ ನಂತರ ಹುಬ್ಬಳ್ಳಿಯಲ್ಲಿ ಅಡಗಿದ್ದ ವಸಂತ ಕೋರವರ್ ಅವರನ್ನು ದಾಂಡೇಲಿ, ಹಳಿಯಾಳ ಹಾಗೂ ರಾಮನಗರ ಪೊಲೀಸರ ಜಂಟಿ ಕಾರ್ಯಾಚರಣೆ ಮೂಲಕ ಬಂಧಿಸಿದ್ದರು. ನಂತರ ಇದೇ ಪ್ರಕರಣದ ಮತ್ತೊಬ್ಬ ಆರೋಪಿ ಮನೇಶ್ವರ ಕೋರವರ್ ಸಹ ಸಿಕ್ಕಿಬಿದ್ದಿದ್ದರು. ಜೂನ್ 27ರಂದು ಅಂಕೋಲಾದ ನಾಗೇಂದ್ರ ಗೌಡ ಅವರು ತಮ್ಮ ಬ್ಯಾಗಿನಲ್ಲಿ ಬಾಂಬ್ ಹಾಕಿಕೊಂಡು ಎಲ್ಲಡೆ ಓಡಾಡಿದ್ದರು. ಬೆಂಗಳೂರಿಗೆ ಹೋಗಿದ್ದ ನಾಗೇಂದ್ರ ಗೌಡ ಅವರು ರಮ್ಯಾ ಎಂಬಾತರನ್ನು ಬೆದರಿಸಿ ಕಾರಿನಲ್ಲಿ ಅಂಕೋಲಾಗೆ ಕರೆತರುವ ಪ್ರಯತ್ನ ಮಾಡಿದ್ದು, ತುಮಕೂರಿನ ಬಳಿ ಅವರಿಬ್ಬರ ನಡುವೆ ಜಗಳವಾದಾಗ ಬಾಂಬ್ ಸ್ಪೋಟಿಸಿದ್ದರು. ಇದರಲ್ಲಿ ನಾಗೇಂದ್ರ ಗೌಡ ಅವರು ಸಜೀವ ದಹನವಾಗಿದ್ದು, ರಮ್ಯಾ ಹಾಗೂ ಆ ಕಾರಿನ ಚಾಲಕ ಪ್ರವೀಣ ಅವರು ಕಾರಿನಿಂದ ಹಾರಿ ಜೀವ ಉಳಿಸಿಕೊಂಡಿದ್ದರು. ಈ ಎರಡು ಪ್ರಕರಣದ ಬೆನ್ನಲ್ಲೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬಾಂಬ್ ಸಿಗುವ ಬಗ್ಗೆ ಖಾತ್ರಿಯಾಗಿದ್ದು, ಪೊಲೀಸರು ಆ ಬಾಂಬ್ ಮೂಲ ಹುಡುಕಲು ಹೊರಟಿದ್ದಾರೆ. ದಶಕದ ಹಿಂದೆ ಯಲ್ಲಾಪುರದ ಅಂಗಡಿ ಮಾಲಕರೊಬ್ಬರು ನೆರೆ ರಾಜ್ಯ ಗೋವಾಗೆ ದಾಖಲೆಗಳಿಲ್ಲದೇ ಸ್ಪೋಟಕ ಸಾಗಾಟ ಮಾಡಿದ ಪ್ರಕರಣವೂ ಇದೀಗ ಮುನ್ನಲೆಗೆ ಬಂದಿದೆ. ಕೋಟ್ಯಂತರ ರೂ ಮೌಲ್ಯದ ಸ್ಪೋಟಕವನ್ನ ಗೋವಾಗೆ ಸಾಗಿಸಿದ ಪ್ರಕರಣದಲ್ಲಿ ಆರೋಪಿ ಜೈಲು ಶಿಕ್ಷೆ ಅನುಭವಿಸಿ, ಊರಿಗೆ ಮರಳಿದ್ದರೂ ತನಿಖೆ ಆಧಾರದಲ್ಲಿ ಹಳೆಯ ಪ್ರಕರಣದ ಬಗ್ಗೆಯೂ ವಿಚಾರಣೆ ನಡೆದಿದೆ. ಜೊತೆಗೆ ಜಿಲ್ಲೆಯ ಅನೇಕ ಕಡೆ ವನ್ಯಜೀವಿ ಹತ್ಯೆ, ಅಕ್ರಮ ಮೀನುಗಾರಿಕೆಗೆ ಕದ್ದು-ಮುಚ್ಚಿ ಸ್ಪೋಟಕಗಳನ್ನು ಬಳಸಲಾಗುತ್ತದೆ. ವಿವಿಧ ಗಣಿಗಾರಿಕಾ ಪ್ರದೇಶದಲ್ಲಿಯೂ ಸ್ಪೋಟಕಗಳನ್ನು ಬಳಸಲಾಗುತ್ತಿದೆ. ವಿವಿಧ ಹಳ್ಳಿಗಳಲ್ಲಿ ನಡೆಯುವ ಕಲ್ಲು ಗಣಿಗಾರಿಕೆಗಾಗಿ ನೆರೆ ಜಿಲ್ಲೆಗಳಿಂದ ಕೆಲವರು ಸ್ಪೋಟಕ ತರುತ್ತಿದ್ದು, ಅದೇ ಸ್ಪೋಟಕ ಬಳಸಿ ಬಾಂಬ್ ಸಿದ್ಧಪಡಿಸಲಾಗಿತ್ತಾ? ಎನ್ನುವುದರ ಬಗ್ಗೆಯೂ ತನಿಖೆ ಶುರುವಾಗಿದೆ. ನಿನ್ನೆ ಪೊಲೀಸ್ ತಂಡವೊoದು ಯಲ್ಲಾಪುರಕ್ಕೆ ಆಗಮಿಸಿ ಅನುಮಾನಾಸ್ಪದ ವ್ಯಕ್ತಿಗಳನ್ನು ವಿಚಾರಿಸಿದೆ. ಹಳಿಯಾಳದಲ್ಲಿಯೂ ಪೊಲೀಸರು ಬಾಂಬ್ ಪತ್ತೆಯಾದ ಸ್ಥಳದ ಮೇಲೆ ನಿಗಾವಿರಿಸಿದ್ದಾರೆ. ಅಂಕೋಲಾದ ರಾಜನಗುಳಿ ಹೆಬ್ಬುಳ ಗ್ರಾಮದ ನಾಗೇಂದ್ರ ಗೌಡ ಅವರ ಮನೆ, ಸಮೀಪದ ಚಹಾ ಅಂಗಡಿಗೆ ಶ್ವಾನದಳ ಹಾಗೂ ಬಾಂಬ್ ನಿಷ್ಕ್ರಿಯ ದಳದ ಸಿಬ್ಬಂದಿ ಭೇಟಿ ನೀಡಿದ್ದಾರೆ. ವಿವಿಧ ತನಿಖಾ ತಂಡದವರು ಸಹ ಸದ್ಯ ಬಾಂಬ್ ಕುರಿತಾಗಿ ಹೆಚ್ಚಿನ ತಪಾಸಣೆ ನಡೆಸುತ್ತಿದ್ದು, ಈವರೆಗೆ ಯಾವುದೇ ಮಹತ್ವದ ಸುಳಿವು ಸಿಕ್ಕಿಲ್ಲ. ಬ್ಯಾಗಿನಲ್ಲಿ ಬಾಂಬ್ ಹಾಕಿಕೊಂಡಿದ್ದ ನಾಗೇಂದ್ರ ಗೌಡ ಅವರು ಹೆಬ್ಬುಳದ ಆಸ್ವಾಸ್ ಹೋಟೆಲ್‌ನಲ್ಲಿ ಊಟದ ಪಾರ್ಸೆಲ್ ಪಡೆದು ಬಳಿಕ ಖಾಸಗಿ ಬಸ್ ಹತ್ತುತ್ತಿರುವ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ.
- [ಮೊಸರು, ಉಪ್ಪಿನಿಂದ ಉತ್ತಮ ಇಳುವರಿ, ಬುಟ್ಟಿಗಟ್ಟಲೆ ಹೂವು, ತರಕಾರಿ](https://mobiletime.in/2026/06/good-yields-of-yogurt-salt-baskets-of-flowers-vegetables/): ಮನೆ ತೋಟದಲ್ಲಿ ಬೆಳೆದ ಟೊಮೆಟೊ, ಮೆಣಸಿನಕಾಯಿ, ಬದನೆಕಾಯಿ ಅಥವಾ ಹೂವಿನ ಗಿಡಗಳು ಚೆನ್ನಾಗಿ ಬೆಳೆಯಬೇಕು, ಹೂವು ಉದುರದೇ ಸಮೃದ್ಧವಾಗಿ ಕಾಯಿ ಬಿಡಬೇಕು ಎಂಬುದು ಪ್ರತಿಯೊಬ್ಬರ ಆಸೆ. ಇದಕ್ಕಾಗಿ ಅನೇಕರು ವಿವಿಧ ರೀತಿಯ ರಾಸಾಯನಿಕ ಅಥವಾ ಸಾವಯವ ಗೊಬ್ಬರಗಳನ್ನು ಬಳಸುತ್ತಾರೆ. ಆದರೆ ಮನೆಯಲ್ಲೇ ಸುಲಭವಾಗಿ ದೊರೆಯುವ ಮೊಸರನ್ನು ಸರಿಯಾದ ರೀತಿಯಲ್ಲಿ ಬಳಸಿದರೆ ಗಿಡಗಳ ಬೆಳವಣಿಗೆಗೆ ಪೂರಕವಾಗಬಹುದು ಎಂಬುದು ತೋಟಗಾರಿಕಾ ವಲಯದಲ್ಲಿ ಜನಪ್ರಿಯವಾಗಿರುವ ಮನೆಮದ್ದಾಗಿದೆ.   ಮೊಸರಿನಲ್ಲಿ ಲ್ಯಾಕ್ಟಿಕ್ ಆಮ್ಲ ಬ್ಯಾಕ್ಟೀರಿಯಾ ಸೇರಿದಂತೆ ಕೆಲವು ಉಪಯುಕ್ತ ಸೂಕ್ಷ್ಮಜೀವಿಗಳಿರುತ್ತವೆ. ಇವು ಮಣ್ಣಿನಲ್ಲಿರುವ ಸೂಕ್ಷ್ಮಜೀವಿಗಳ ಚಟುವಟಿಕೆಗೆ ಸಹಾಯ ಮಾಡಬಹುದು. ಇದರಿಂದ ಮಣ್ಣಿನ ಫಲವತ್ತತೆ ಸುಧಾರಿಸಿ, ಗಿಡಗಳು ಪೋಷಕಾಂಶಗಳನ್ನು ಸುಲಭವಾಗಿ ಹೀರಿಕೊಳ್ಳಲು ನೆರವಾಗುವ ಸಾಧ್ಯತೆ ಇದೆ. ಜೊತೆಗೆ ಮೊಸರಿನಲ್ಲಿರುವ ಕ್ಯಾಲ್ಸಿಯಂ ಸೇರಿದಂತೆ ಕೆಲವು ಪೋಷಕಾಂಶಗಳು ಗಿಡಗಳ ಆರೋಗ್ಯಕ್ಕೆ ಪೂರಕವಾಗುತ್ತದೆ.   ಮೊಸರನ್ನು ನೇರವಾಗಿ ಗಿಡಕ್ಕೆ ಹಾಕಬಾರದು. ಒಂದು ಲೀಟರ್ ನೀರಿಗೆ ಎರಡು ಅಥವಾ ಮೂರು ಚಮಚ ಸ್ವಲ್ಪ ಹುಳಿಯಾದ ಮೊಸರನ್ನು ಸೇರಿಸಿ ಚೆನ್ನಾಗಿ ಕಲಸಿ ದ್ರಾವಣ ತಯಾರಿಸಬೇಕು. ಈ ದ್ರಾವಣವನ್ನು 15 ರಿಂದ 20 ದಿನಗಳಿಗೊಮ್ಮೆ ಗಿಡದ ಬೇರು ಭಾಗಕ್ಕೆ ಹಾಕುವುದು ಉತ್ತಮ. ಕೆಲವರು ಇದಕ್ಕೆ ಒಂದು ಚಿಟಿಕೆ ಕಪ್ಪು ಉಪ್ಪನ್ನೂ ಸೇರಿಸುತ್ತಾರೆ. ಆದರೆ ಉಪ್ಪನ್ನು ಅತಿಯಾಗಿ ಬಳಸಿದರೆ ಮಣ್ಣಿನ ಗುಣಮಟ್ಟಕ್ಕೆ ಹಾನಿಯಾಗುವ ಸಾಧ್ಯತೆ ಇರುವುದರಿಂದ ಅತ್ಯಂತ ಕಡಿಮೆ ಪ್ರಮಾಣದಲ್ಲಿಯೇ ಬಳಸಬೇಕು.   ಈ ವಿಧಾನವನ್ನು ಟೊಮೆಟೊ, ಮೆಣಸಿನಕಾಯಿ, ಬದನೆಕಾಯಿ, ಬೆಂಡೆಕಾಯಿ ಸೇರಿದಂತೆ ಹಲವು ತರಕಾರಿ ಗಿಡಗಳಿಗೆ ಹಾಗೂ ಗುಲಾಬಿ, ಮಲ್ಲಿಗೆ ಸೇರಿದಂತೆ ಹೂವಿನ ಗಿಡಗಳಿಗೆ ಬಳಸಬಹುದು. ಗಿಡಗಳ ಬೆಳವಣಿಗೆ ಉತ್ತಮವಾಗಲು, ಹೂವು ಮತ್ತು ಕಾಯಿ ಉದುರುವಿಕೆ ಕಡಿಮೆಯಾಗಲು ಇದು ಪೂರಕವಾಗುತ್ತದೆ. ಗಿಡಗಳ ಉತ್ತಮ ಬೆಳವಣಿಗೆಗೆ ಮೊಸರು ಮಾತ್ರ ಸಾಕಾಗುವುದಿಲ್ಲ. ಉತ್ತಮ ಗುಣಮಟ್ಟದ ಮಣ್ಣು, ಅಗತ್ಯ ಪ್ರಮಾಣದ ಸಾವಯವ ಗೊಬ್ಬರ, ಸಾಕಷ್ಟು ಸೂರ್ಯನ ಬೆಳಕು, ನಿಯಮಿತ ನೀರಾವರಿ ಮತ್ತು ಕೀಟ-ರೋಗಗಳ ನಿಯಂತ್ರಣವೂ ಅಷ್ಟೇ ಮುಖ್ಯ.    ಇವೆಲ್ಲವೂ ಸಮತೋಲನದಲ್ಲಿದ್ದಾಗ ಮಾತ್ರ ಗಿಡಗಳು ಆರೋಗ್ಯಕರವಾಗಿ ಬೆಳೆದು ಸಮೃದ್ಧವಾಗಿ ಹೂವು ಹಾಗೂ ಉತ್ತಮ ಇಳುವರಿ ನೀಡುತ್ತವೆ. ಹೀಗಾಗಿ ಮನೆ ತೋಟದಲ್ಲಿ ಮೊಸರನ್ನು ಸಹಾಯಕ ಸಾವಯವ ಪೂರಕವಾಗಿ ಬಳಸಬಹುದು. ಆದರೆ ಅದನ್ನೇ ಸಂಪೂರ್ಣ ಗೊಬ್ಬರಕ್ಕೆ ಪರ್ಯಾಯ ಎಂದು ಭಾವಿಸದೆ, ಸಮತೋಲಿತ ತೋಟಗಾರಿಕೆ ಕ್ರಮಗಳೊಂದಿಗೆ ಬಳಸಿದರೆ ಉತ್ತಮ ಫಲಿತಾಂಶ ಬರುತ್ತದೆ.
- [ಮಹಿಳೆಯರು ಪುರುಷರಿಗಿಂತ ಹೆಚ್ಚು ಕಾಲ ಬದುಕುವುದೇಕೆ? ](https://mobiletime.in/2026/06/why-do-women-live-longer-than-men/): ಜಗತ್ತಿನ ಬಹುತೇಕ ದೇಶಗಳಲ್ಲಿ ಮಹಿಳೆಯರ ಸರಾಸರಿ ಆಯುಷ್ಯ ಪುರುಷರಿಗಿಂತ ಹೆಚ್ಚಾಗಿರುವುದು ಹಲವು ಅಧ್ಯಯನಗಳಿಂದ ಕಂಡುಬಂದಿದೆ. ಇದಕ್ಕೆ ಒಂದೇ ಕಾರಣವಲ್ಲ, ಬದಲಾಗಿ ಜೈವಿಕ, ಹಾರ್ಮೋನು, ಜೀವನಶೈಲಿ ಹಾಗೂ ಸಾಮಾಜಿಕ ಅಂಶಗಳ ಸಂಯೋಜನೆಯೇ ಕಾರಣವೆಂದು ತಜ್ಞರು ಹೇಳುತ್ತಾರೆ. ಮಹಿಳೆಯರಲ್ಲಿ ಇರುವ ಈಸ್ಟ್ರೋಜನ್ ಹಾರ್ಮೋನ್ ಹೃದಯ ಮತ್ತು ರಕ್ತನಾಳಗಳ ಆರೋಗ್ಯವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದರಿಂದ ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯ ಆರಂಭಿಕ ವಯಸ್ಸಿನಲ್ಲಿ ತುಲನಾತ್ಮಕವಾಗಿ ಕಡಿಮೆಯಾಗಿದೆ.   ರೋಗನಿರೋಧಕ ಶಕ್ತಿಯ ವಿಚಾರದಲ್ಲಿಯೂ ಮಹಿಳೆಯರು ಸ್ವಲ್ಪ ಮುನ್ನಡೆಯಲ್ಲಿರುತ್ತಾರೆ. ಸೋಂಕುಗಳ ವಿರುದ್ಧ ಅವರ ದೇಹ ಉತ್ತಮವಾಗಿ ಪ್ರತಿಕ್ರಿಯಿಸುವ ಪ್ರವೃತ್ತಿ ಇರುವುದರಿಂದ ಕೆಲವು ಕಾಯಿಲೆಗಳಿಂದ ಚೇತರಿಸಿಕೊಳ್ಳುವ ಸಾಧ್ಯತೆ ಹೆಚ್ಚು ಎಂದು ಅಧ್ಯಯನಗಳು ಸೂಚಿಸುತ್ತವೆ. ಜೀವನಶೈಲಿಯೂ ಆಯುಷ್ಯದ ಮೇಲೆ ಪರಿಣಾಮ ಬೀರುತ್ತದೆ. ಸಾಮಾನ್ಯವಾಗಿ ಮಹಿಳೆಯರು ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸುವುದು, ಆರೋಗ್ಯ ತಪಾಸಣೆಗಳನ್ನು ನಿಯಮಿತವಾಗಿ ಮಾಡಿಸಿಕೊಳ್ಳುವುದು ಹಾಗೂ ವೈದ್ಯರ ಸಲಹೆ ಪಡೆಯುವುದು ಹೆಚ್ಚಾಗಿರುತ್ತದೆ. ಇದರಿಂದ ಅನೇಕ ಕಾಯಿಲೆಗಳು ಆರಂಭದಲ್ಲೇ ಪತ್ತೆಯಾಗುತ್ತದೆ.   ಇದರ ವಿರುದ್ಧವಾಗಿ, ಪುರುಷರಲ್ಲಿ ಧೂಮಪಾನ, ಮದ್ಯಪಾನ, ಅಪಾಯಕಾರಿ ವಾಹನ ಚಾಲನೆ, ಒತ್ತಡದ ಉದ್ಯೋಗಗಳು ಹಾಗೂ ಅಪಘಾತಗಳಿಗೆ ಒಳಗಾಗುವ ಸಾಧ್ಯತೆ ಹೆಚ್ಚಿರುವುದು ಅವರ ಸರಾಸರಿ ಆಯುಷ್ಯದ ಮೇಲೆ ಪರಿಣಾಮ ಬೀರುತ್ತದೆ ಎಂದು ತಜ್ಞರು ಅಭಿಪ್ರಾಯಪಡುತ್ತಾರೆ. ಆದಾಗ್ಯೂ, ಮಹಿಳೆಯರು ಹೆಚ್ಚು ಕಾಲ ಬದುಕುತ್ತಾರೆ ಎಂದರೆ ಅವರು ಸದಾ ಉತ್ತಮ ಆರೋಗ್ಯದಲ್ಲೇ ಇರುತ್ತಾರೆ ಎನ್ನುವುದಿಲ್ಲ. ವಯಸ್ಸಾದಂತೆ ಮೂಳೆ ಸವೆತ, ಸಂಧಿವಾತ, ಮರೆವಿನ ಸಮಸ್ಯೆ ಸೇರಿದಂತೆ ಕೆಲವು ದೀರ್ಘಕಾಲದ ಆರೋಗ್ಯ ಸಮಸ್ಯೆಗಳು ಮಹಿಳೆಯರಲ್ಲಿ ಹೆಚ್ಚಾಗಿ ಕಾಣಿಸಬಹುದು. ದೀರ್ಘಾಯುಷ್ಯಕ್ಕಾಗಿ ಲಿಂಗಕ್ಕಿಂತ ಆರೋಗ್ಯಕರ ಜೀವನಶೈಲಿಯೇ ಹೆಚ್ಚು ಮುಖ್ಯ. ಸಮತೋಲಿತ ಆಹಾರ, ನಿಯಮಿತ ವ್ಯಾಯಾಮ, ಸಾಕಷ್ಟು ನಿದ್ರೆ, ಮಾನಸಿಕ ಒತ್ತಡ ನಿಯಂತ್ರಣ, ಧೂಮಪಾನ ಮತ್ತು ಮದ್ಯಪಾನದಿಂದ ದೂರವಿರುವುದು ಹಾಗೂ ಕಾಲಕಾಲಕ್ಕೆ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವುದು ಮಹಿಳೆಯರು ಮತ್ತು ಪುರುಷರು ಇಬ್ಬರಿಗೂ ಸಮಾನವಾಗಿ ಅಗತ್ಯ.‌ ಒಟ್ಟಾರೆ, ಮಹಿಳೆಯರು ಪುರುಷರಿಗಿಂತ ಹೆಚ್ಚು ಕಾಲ ಬದುಕಲು ಜೈವಿಕ ರಚನೆ, ಹಾರ್ಮೋನುಗಳ ಪರಿಣಾಮ, ಉತ್ತಮ ರೋಗನಿರೋಧಕ ಶಕ್ತಿ ಮತ್ತು ಆರೋಗ್ಯದ ಬಗ್ಗೆ ಇರುವ ಹೆಚ್ಚಿನ ಕಾಳಜಿ ಪ್ರಮುಖ ಕಾರಣಗಳಾಗಿವೆ ಎಂದು ವೈದ್ಯಕೀಯ ಸಂಶೋಧನೆಗಳು ಸೂಚಿಸುತ್ತವೆ.
- [ವಿದ್ಯುತ್ ಆಘಾತ: ಹೂವು ತರಲು ಹೋದವ ಹೆಣವಾದ!](https://mobiletime.in/2026/06/electric-shock-the-one-who-went-to-bring-flowers-was-killed/): ಮುಂಡಗೋಡ ಜೋಗೇಶ್ವರ ಹಳ್ಳದ ಗೌಳಿ ದಡ್ಡಿಯಲ್ಲಿ ವಿದ್ಯುತ್ ಆಘಾತಕ್ಕೆ ಒಳಗಾಗಿ ಜಾನು ಕೊಕ್ಕರೆ ಅವರು ಸಾವನಪ್ಪಿದ್ದಾರೆ. 26 ವರ್ಷದ ಜಾನು ಕೊಕ್ಕರೆ ಅವರು ದೇವರ ಪೂಜೆಗೆ ಹೂವು ತರಲು ಹೋಗಿ ಶವವಾಗಿದ್ದಾರೆ. ಮುಂಡಗೋಡ ಜೋಗೇಶ್ವರ ಹಳ್ಳದ ಗೌಳಿ ದಡ್ಡಿಯಲ್ಲಿ ಜಾನು ಕೊಕ್ಕರೆ ಅವರು ವಾಸವಾಗಿದ್ದರು. ಅವರು ಅಲ್ಲಿನ ದೇಗುಲದ ಪೂಜಾ ಕೆಲಸವನ್ನು ನಿರ್ವಹಿಸುತ್ತಿದ್ದರು. ಭಾನುವಾರ ಸಂಜೆ ಪೂಜೆಗಾಗಿ ಹೂವು ಕೀಳಲು ಅವರು ಹೊರಟಿದ್ದರು. ಸೋಮವಾರ ನಡೆಯಲಿದ್ದ ಹುಣ್ಣಿಮೆ ಪೂಜೆಗೆ ಹೂವು ಸಂಗ್ರಹಿಸಲು ಅವರು ಗ್ರಾಮದ ಕಿರಿಯ ಪ್ರಾಥಮಿಕ ಶಾಲೆ ಸಮೀಪ ಹೋಗಿದ್ದರು. ಈ ವೇಳೆ ವಿದ್ಯುತ್ ತಂತಿಯೊoದು ಅವರಿಗೆ ಸ್ಪರ್ಶವಾಗಿದ್ದು, ಅಲ್ಲಿಯೇ ಅವರು ಕುಸಿದು ಸಾವನಪ್ಪಿದ್ದಾರೆ. ಶಾಲೆ ಪಕ್ಕದಲ್ಲಿರುವ ವಿದ್ಯುತ್ ಟಿಸಿಯ ತಂತಿ ಸಮೀಪದ ಬೇಲಿಗೆ ತಗಲಿರುವುದೇ ಅವಘಡಕ್ಕೆ ಕಾರಣ ಎಂಬ ಮಾಹಿತಿಯಿದೆ. ಗ್ರಾಮದ ಜನ ಸಹ ಹಾಗೇ ದೂರಿದ್ದಾರೆ. ಶಾಲೆ ಬಳಿಯೇ ಅಪಾಯ ರೀತಿಯಲ್ಲಿ ವಿದ್ಯುತ್ ಹರಿದಿರುವುದು ಆತಂಕಕ್ಕೆ ಕಾರಣವಾಗಿದೆ. ಶಾಲಾ ಸಮಯವಾಗಿದ್ದರೆ ಇನ್ನಷ್ಟು ದೊಡ್ಡ ಅನಾಹುತ ನಡೆಯುತ್ತಿದ್ದು, ಯುವಕನ ಸಾವಿನಿಂದ ಊರಿನವರು ಆಘಾತಕ್ಕೆ ಒಳಗಾಗಿದ್ದಾರೆ.
- [ಮಳೆಗೆ ಮುಳುಗಿದ ಮಹಾಬಲೇಶ್ವರ!](https://mobiletime.in/2026/06/mahabaleshwar-submerged-in-rain/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ಭಾನುವಾರ ಧಾರಾಕಾರ ಮಳೆಯಾಗಿದೆ. ಮಳೆ ರಭಸಕ್ಕೆ ಗೋಕರ್ಣದ ಆತ್ಮಲಿಂಗ ಮುಳುಗಿದೆ. ಉತ್ತರ ಕನ್ನಡ ಜಿಲ್ಲೆಯ ವಿವಿಧೆಡೆ ಭಾನುವಾರ ಬೆಳಗ್ಗೆಯೇ ಮಳೆ ಶುರುವಾಗಿದೆ. ರಾತ್ರಿಯವರೆಗೂ ನಿರಂತರವಾಗಿ ಮಳೆ ಸುರಿಯತ್ತಿದೆ. ಮಧ್ಯಾಹ್ನದ ವೇಳೆ ಕೊಂಚ ಬಿಡುವು ನೀಡಿದ್ದ ವರುಣ ಸಂಜೆ ಮತ್ತಷ್ಟು ಜೋರಾಗಿದ್ದು, ಅಲ್ಲಲ್ಲಿ ಜನ ಜೀವನ ಅಸ್ತವ್ಯಸ್ತವಾಗಿದೆ. ಕುಮಟಾ-ಗೋಕರ್ಣ ಭಾಗದಲ್ಲಿ ನಾಲ್ಕು ಗಂಟೆಗಳ ಕಾಲ ನಿರಂತರ ಮಳೆ ಸುರಿದಿದೆ. ಅದರ ಪರಿಣಾಮ ತಗ್ಗು ಪ್ರದೇಶಗಳಿಗೆ ನೀರು ನುಗ್ಗಿದೆ. ಇಲ್ಲಿನ ಮಹಾಗಣಪತಿ ಮುಂಭಾಗದ ರಸ್ತೆ, ಮೇಲಿನಕೇರಿ ರಸ್ತೆ ಮತ್ತಿತರ ಪ್ರಮುಖ ರಸ್ತೆಗಳು ಜಲಾವೃತಗೊಂಡಿದೆ. ಹಲವು ಪ್ರಮುಖ ಮಾರ್ಗಗಳಲ್ಲಿ ಮಳೆ ನೀರು ತುಂಬಿ ಸಂಚಾರಕ್ಕೆ ತೊಡಕಾಗಿದೆ. ಕೇಣಿ- ತದಡಿ ರಾಜ್ಯ ಹೆದ್ದಾರಿಯ ನಾಡುಮಾಸ್ಕೇರಿವರೆಗೆ ಚರಂಡಿ ಸ್ವಚ್ಚಗೊಳಿಸದ ಪರಿಣಾಮ ಗಂಗಾವಳಿಯ ಜನವಸತಿ ಪ್ರದೇಶಕ್ಕೆ ಭಾರಿ ಪ್ರಮಾಣದ ನೀರು ನುಗ್ಗಿದೆ. ತದಡಿ, ಮಾದನಗೇರಿ, ಹಿರೇಗುತ್ತಿ, ಬರ್ಗಿ ಭಾಗದಲ್ಲಿ ಮಳೆಯಿಂದ ರಸ್ತೆ ಸಂಚಾರಕ್ಕೆ ಸಮಸ್ಯೆಯಾಗಿದೆ. ಗೋಕರ್ಣ ಮಹಾಬಲೇಶ್ವರ ಮಂದಿರದ ಪಶ್ಚಿಮ ದ್ವಾರದ ಮುಂಭಾಗದ ಮುಖ್ಯ ಕಡಲತೀರಕ್ಕೆ ಸಾಗುವ ರಸ್ತೆಯ ಚರಂಡಿ ಸಂಗಮ ನಾಲಾ ಸೇರುವಲ್ಲಿ ಮುಚ್ಚಿದೆ. ಇದರಿಂದ 200 ಮೀಟರಗೂ ಹೆಚ್ಚಿನ ದೂರದ ರಸ್ತೆ ಸಂಪೂರ್ಣ ಕೊಳಚೆ ನೀರು ತುಂಬಿಕೊAಡಿದೆ. ಈ ನೀರು ಉಕ್ಕಿ ರಸ್ತೆಯ ಪಕ್ಕದಲ್ಲಿರುವ ದೇವಾಲಯದ ಭೋಜನ ಶಾಲೆಗೂ ನುಗ್ಗಿದೆ. ಚರಂಡಿ ನೀರು ಸಂಗಮ ನಾಲಾಕ್ಕೆ ಸೇರುವಲ್ಲಿ ಮಣ್ಣು ಹಾಕಿ ಪಕ್ಕದ ಅಂಗಡಿಯವರು ಮುಚ್ಚಿದ್ದು, ಅದನ್ನು ಬಿಡಿಸದ ಕಾರಣ ಜನ ಇನ್ನಷ್ಟು ಸಮಸ್ಯೆ ಅನುಭವಿಸಿದ್ದಾರೆ. ಸಮುದ್ರದ ಅಬ್ಬರ ಹಾಗೂ ಸಂಗಮ ನಾಲಾ ಕಡಲು ಸೇರುವಲ್ಲಿ ಮರಳಿನ ದಿಬ್ಬವಾದ ಪರಿಣಾಮ ನೀರು ಸಮುದ್ರ ಸೇರದೇ ಅಲ್ಲಿಯೇ ನಿಂತಿದೆ. ಅದರಿಂದ ಮಹಾಬಲೇಶ್ವರ ಮಂದಿರದ ತೀರ್ಥ ಹೋಗುವ ಸೋಮಸೋತ್ರದ ನೀರು ಸಂಗಮಕ್ಕೆ ಸೇರುತ್ತಿಲ್ಲ. ಗರ್ಭಗುಡಿಯಲ್ಲಿ ನೀರು ತುಂಬಿದ್ದರಿAದ ಭಕ್ತರ ದರ್ಶನಕ್ಕೂ ಸಮಸ್ಯೆಯಾಗಿದೆ. ಪಂಪ್ ಸೆಟ್ ಅಳವಡಿಸಿ ನೀರನ್ನು ಗರ್ಭಗುಡಿಯಿಂದ ಹೊರ ತೆಗೆಯಲಾಗುತ್ತಿದೆ. ಸದ್ಯ ಸೋಮಸೂತ್ರ ನಾಲಾಕ್ಕೆ ಹೊರಗಿನ ಹೊಲಸು ನೀರು ನುಗ್ಗದಂತೆ ಗೇಟ್ ಅಳವಡಿಸಿದ್ದು, ದೇವಾಲಯದ ಒಳಗಿನ ನೀರನ್ನು ಹೊರ ಹಾಕುವ ಪ್ರಯತ್ನ ನಡೆದಿದೆ.
- [ತೆಂಗಿನ ರಾಶಿಯಲ್ಲಿದ್ದ ಉರಗ: ವೃದ್ಧೆಗೆ ಕಚ್ಚಿದ ಹಾವು!](https://mobiletime.in/2026/06/a-snake-in-a-pile-of-coconuts-a-snake-that-bit-an-old-woman/): ಭಟ್ಕಳ ಶಿರಾಲಿ ಅಳ್ವೆಕೊಡಿಯ ನಾಗಮ್ಮ ನಾಯ್ಕ ಅವರಿಗೆ ವಿಷಕಾರಿ ಹಾವು ಕಚ್ಚಿದೆ. ಹಾವು ಕಚ್ಚಿದ ನಂತರವೂ ಒಂದು ತಿಂಗಳ ಕಾಲ ಅವರು ಬದುಕಿದ್ದು, ಈ ದಿನ ಸಾವನಪ್ಪಿದ್ದಾರೆ. ಭಟ್ಕಳದ ಶಿರಾಲಿ ಅಳ್ವೆಕೊಡಿ ನಾಗಮ್ಮ ನಾಗಪ್ಪ ನಾಯ್ಕ ಅವರು ವಾಸವಾಗಿದ್ದರು. 71ರ ಇಳಿವಯಸ್ಸಿನಲ್ಲಿಯೂ ಅವರು ಚಟುವಟಿಕೆಯಿಂದ ಜೀವಿಸುತ್ತಿದ್ದರು. ಅವರ ಮನೆ ಬಳಿಯ ಶೌಚಾಲಯದ ಸಮೀಪ ತೆಂಗಿನ ಕಾಯಿಗಳನ್ನು ರಾಶಿ ಮಾಡಿದ್ದರು. ಆ ತೆಂಗಿನ ಕಾಯಿ ರಾಶಿಯಲ್ಲಿ ಹಾವು ಅವಿತಿತ್ತು. ಮೇ 31ರಂದು ತೆಂಗಿನ ಕಾಯಿ ತರಲು ಹೋಗಿದ್ದಾಗ ನಾಗಮ್ಮ ನಾಯ್ಕ ಕೈಗೆ ಹಾವು ಕಚ್ಚಿತ್ತು. ಎಡಗೈ ತೋರು ಬೆರಳಿಗೆ ಹಾವು ಕಚ್ಚಿದ್ದರಿಂದ ಗಾಯವಾಗಿದ್ದು, ಅದೇ ದಿನ ಅವರು ಆಸ್ಪತ್ರೆ ಸೇರಿದ್ದರು. ನಿರಂತರ ಚಿಕಿತ್ಸೆ ನಂತರ ನಾಗಮ್ಮ ನಾಯ್ಕ ಅವರು ಚೇತರಿಸಿಕೊಂಡಿದ್ದು, ಈ ದಿನ ದಿಢೀರ್ ಆಗಿ ಸಾವನಪ್ಪಿದರು. ಭಟ್ಕಳ ಸರ್ಕಾರಿ ಆಸ್ಪತ್ರೆ ವೈದ್ಯರು ನಾಗಮ್ಮ ನಾಯ್ಕ ಅವರ ಸಾವನ್ನು ದೃಢಪಡಿಸಿದರು. ತಾಯಿ ಸಾವಿನ ವಿಷಯ ಕೇಳಿ ಶಿವರಾಮ ನಾಯ್ಕ ಅವರು ಕಣ್ಣೀರಾದರು.
- [ಕ್ಯಾಮರಾ ಮುಂದೆ ಪೆಟ್ರೋಲ್ ಕದ್ದ!](https://mobiletime.in/2026/06/stole-petrol-in-front-of-the-camera/): ಹಳಿಯಾಳದ ಉದಯ ಮೂಳೆ ಅವರ ಬೈಕಿನಲ್ಲಿದ್ದ ಪೆಟ್ರೊಲ್ ಕಳ್ಳತನವಾಗಿದೆ. ಅಪರಿಚಿತ ವ್ಯಕ್ತಿಯೊಬ್ಬ ಅಂಗಡಿ ಮುಂದೆ ನಿಲ್ಲಿಸಿದ್ದ ಬೈಕಿನ ಪೆಟ್ರೊಲ್ ಕದ್ದಿರುವುದು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಹಳಿಯಾಳ ತಾಲೂಕಿನಲ್ಲಿ ಈಚೆಗೆ ಬೈಕ್ ಪೆಟ್ರೋಲ್ ಕದಿಯುವವರ ಸಂಖ್ಯೆ ಹೆಚ್ಚಾಗಿದೆ. ಭಾನುವಾರ ಬೆಳಗ್ಗೆ ಮೋತಿಕೆರೆ ರಸ್ತೆಯ ಅಂಗಡಿ ಮುಂದಿದ್ದ ಬೈಕಿನ ಪೆಟ್ರೋಲ್ ಕಳ್ಳತನವಾಗಿದೆ. ಒಟ್ಟು 6 ಲೀಟರ್ ಪೆಟ್ರೊಲ್ ಕದ್ದ ವ್ಯಕ್ತಿಯ ಚಹರೆ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಿಗೆ ಆ ವಿಡಿಯೋ ಇಂದಿನ ಆಹಾರವಾಗಿದೆ. ಪೆಟ್ರೊಲ್ ಕದ್ದ ವ್ಯಕ್ತಿಯ ಚಹರೆ ಸ್ಪಷ್ಠವಾಗಿದ್ದರೂ ಅವರ ಗುರುತು ಪತ್ತೆಯಾಗಿಲ್ಲ. ಸ್ಥಳೀಯರು ಯಾರೂ ಅವರ ಪರಿಚಯದ ಬಗ್ಗೆ ಮಾಹಿತಿ ನೀಡಿಲ್ಲ. ಎರಡು-ಮೂರು ಸಲ ಅದೇ ಭಾಗದಲ್ಲಿ ಓಡಾಡಿದ ಅಪರಿಚಿತ ಯಾರೂ ಇಲ್ಲದಿರುವುದನ್ನು ಗಮನಿಸಿ ಬೈಕಿನಿಂದ ಪೆಟ್ರೊಲ್ ಕದ್ದಿದ್ದು, ಪೊಲೀಸ್ ಕ್ರಮಕ್ಕೆ ಉದಯ ಮೂಳೆ ಅವರು ಆಗ್ರಹಿಸಿದ್ದಾರೆ.
- [ಬೆಂಕಿ ಬಿದ್ದ ಮನೆಗೆ ಬಿಜೆಪಿಗನ ಭೇಟಿ](https://mobiletime.in/2026/06/bjp-leader-visits-house-that-caught-fire/): ಸಿದ್ದಾಪುರಕ್ಕೆ ಹೋಗಿದ್ದ ಬಿಜೆಪಿ ರೈತಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರಿಗೆ ವಿನಾಯಕ ಹೆಗಡೆ ಅವರ ಮನೆಗೆ ಬೆಂಕಿ ಬಿದ್ದ ವಿಷಯ ಗೊತ್ತಾಗಿದೆ. ಲಕ್ಷಾಂತರ ರೂ ಮೌಲ್ಯದ ಅಡಿಕೆ ಸುಟ್ಟಿರುವುದನ್ನು ಕೇಳಿದ ತಕ್ಷಣ ಅನಂತಮೂರ್ತಿ ಹೆಗಡೆ ಅವರು ತಮ್ಮ ಕಾರನ್ನು ಶೇಡಿದಂಟ್ಕಲ್ ಕಡೆ ತಿರುಗಿಸಿದ್ದಾರೆ. ವಿನಾಯಕ ಹೆಗಡೆ ಅವರು 70 ಚೀಲ ಚಾಲಿ ಅಡಿಕೆಯನ್ನು ಮನೆಯಲ್ಲಿ ದಾಸ್ತಾನು ಮಾಡಿದ್ದರು. ವಿದ್ಯುತ್ ಅವಘಡದಿಂದಾಗಿ ಅದು ಅಗ್ನಿಗೆ ಆಹುತಿಯಾಯಿತು. ನಿನ್ನೆ ಬೆಳಗ್ಗೆ ನಡೆದ ದುರಂತದಿoದ ವಿನಾಯಕ ಹೆಗಡೆ ಅವರಿಗೆ ನಾಲ್ಕು ಲಕ್ಷ ರೂ ನಷ್ಟವಾಗಿದ್ದು, ಅದನ್ನು ಅರಿತು ಅನಂತಮೂರ್ತಿ ಹೆಗಡೆ ಅವರು ಆತಂಕವ್ಯಕ್ತಪಡಿಸಿದರು. `ಎಲೆ ಚುಕ್ಕಿರೋಗದಿಂದಾಗಿ ಈ ವರ್ಷ ಬಹುತೇಕ ಅಡಿಕೆ ಮರಗಳು ನಾಶವಾಗಿವೆ. ಇನ್ನು ಕೆಲವು ಭಾಗಗಳಲ್ಲಿ ಕೊಳೆರೋಗ ಬಂದು ಶೇ 50ರಷ್ಟು ಅಡಿಕೆ ಕಡಿಮೆಯಾಗಿದೆ. ಹೀಗಿರುವಾಗ ಇಂಥ ದುರಂತ ನಡೆದಿರುವುದು ಆಘಾತಕಾರಿ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದರು. `ಆಕಸ್ಮಿಕ ಬೆಂಕಿ ಅವಘಡದಿಂದ ಹಾನಿಗೊಳಗಾದ ಅಡಿಕೆ ಬೆಳೆಗಾರನಿಗೆ ರಾಜ್ಯ ಸರ್ಕಾರವು ವಿಶೇಷ ಪರಿಹಾರವನ್ನು ನೀಡಬೇಕು. ಆ ಮೂಲಕ ಸರ್ಕಾರ ರೈತಾಪಿ ವರ್ಗದ ಜೊತೆಗಿದೆ ಎನ್ನುವ ಆತ್ಮವಿಶ್ವಾಸವನ್ನು ತುಂಬಬೇಕು’ ಎಂದು ಒತ್ತಾಯಿಸಿದರು.
- [ಮನೆಯೂ ಇಲ್ಲ.. ಹಣವೂ ಇಲ್ಲ!](https://mobiletime.in/2026/06/no-house-no-money/): ಸ್ವಂತದೊoದು ಮನೆ ಖರೀದಿಸಬೇಕು ಎಂಬ ಆಸೆ ಕಂಡಿದ್ದ ಗೋಕರ್ಣ ಬೇಲೆಹಿತ್ತಲದ ಸೋಮಿ ಗೌಡ ಅವರು ಮೂವರು ಎಜಂಟರ ಕೈಗೆ ಕಾಸು ಕೊಟ್ಟು ಮೋಸ ಹೋಗಿದ್ದಾರೆ. ತಾರಿಮಕ್ಕಿಯಲ್ಲಿ ಮನೆಯೊಂದನ್ನು ಕಾಣಿಸಿದ ಅದೇ ಊರಿನ ಮಲ್ಲಿಕಾರ್ಜುನ ಕಲಾಲ್, ದೀಪಾ ಕಲಾಲ್ ಹಾಗೂ ಮೇಲಿನಕೇರಿಯ ದತ್ತಾ ಬಾಗಿಲ ಸೇರಿ ಸೋಮಿ ಗೌಡ ಅವರಿಗೆ 4.50 ಲಕ್ಷ ರೂ ಯಾಮಾರಿಸಿದ್ದಾರೆ. ಕುಮಟಾ ಗೋಕರ್ಣ ಬಳಿಯ ಬೇಲೆಹಿತ್ತಲ ಬಳಿ ಸೋಮಿ ಗೌಡ ಹಾಗೂ ಸೋಮು ಗೌಡ ದಂಪತಿ ವಾಸವಾಗಿದ್ದಾರೆ. 57 ವರ್ಷದ ಸೋಮಿ ಗೌಡ ಅವರು ಕೂಲಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದಾರೆ. ಸ್ವಂತಕ್ಕೆ ಒಂದು ಮನೆ ಖರೀದಿಸಬೇಕು ಎಂಬುದು ಅವರ ದಶಕದ ಹಿಂದಿನ ಕನಸು. ದಿನವೂ ದುಡಿದು ತಿನ್ನುವ ಆ ಕುಟುಂಬಕ್ಕೆ ಮನೆ ಖರೀದಿ ಕನಸು ಕನಸಾಗಿಯೇ ಉಳಿದಿದೆ. ಹೀಗಿರುವಾಗ ಸೋಮಿ ಗೌಡ ಅವರಿಗೆ ತಾರಿಮಕ್ಕಿಯ ಮಲ್ಲಿಕಾರ್ಜುನ ಕಲಾಲ್ ಅವರ ಪರಿಚಯವಾಗಿದೆ. ಅವರ ಜೊತೆ ದೀಪಾ ಕಲಾಲ್ ಹಾಗೂ ಗೋಕರ್ಣ ಮೇಲಿನ ಕೇರಿಯ ದತ್ತಾ ಬಾಗಿಲ್ ಸೇರಿ ಮನೆ ಕೊಡಿಸುವ ಭರವಸೆ ನೀಡಿದ್ದಾರೆ. 2022ರಲ್ಲಿ ತಾರಿಮಕ್ಕಿಯಲ್ಲಿರುವ ಮನೆಯೊಂದನ್ನು ಕಾಣಿಸಿದ ಆ ಮೂವರು 20 ಲಕ್ಷ ರೂಪಾಯಿಗೆ ಮನೆ ವ್ಯವಹಾರ ಮುಗಿಸುವುದಾಗಿ ಹೇಳಿದ್ದಾರೆ. ಇದಕ್ಕಾಗಿ 5 ಲಕ್ಷ ರೂ ಮುಂಗಡ ಹಣವನ್ನು ನೀಡುವಂತೆ ಕೇಳಿದ್ದಾರೆ. ಆ ಮೂವರನ್ನು ನಂಬಿದ ಸೋಮಿ ಗೌಡ ಅವರು 5 ಲಕ್ಷ ರೂ ಹಣ ಕೊಟ್ಟಿದ್ದಾರೆ. ಅದಾದ ನಂತರ 2023ರಲ್ಲಿ ಮನೆ ಖರೀದಿ ಕರಾರುಪತ್ರ ಮಾಡಿದ ಆ ಮೂವರು ಅದಕ್ಕೆ ಸಹಿ ಹಾಕಿಸಿ ಮತ್ತೆ 50 ಸಾವಿರ ರೂಪಡೆದಿದ್ದಾರೆ. ಆದರೆ, ಈವರೆಗೂ ಆ ಮೂವರು ಮನೆಯನ್ನು ಕೊಡಿಸಿಲ್ಲ. ಕೊಟ್ಟ ಹಣವನ್ನು ಮರಳಿಸಿಲ್ಲ. ಸೋಮಿ ಗೌಡ ಅವರು ಪದೇ ಪದೇ ಆ ಮೂವರಿಗೂ ಫೋನ್ ಮಾಡಿದ್ದಾರೆ. `ಮನೆ ಕೊಡಿಸಿ, ಇಲ್ಲವೇ ಹಣ ಮರಳಿಸಿ’ ಎಂದು ಕೇಳಿದ್ದಾರೆ. ಸೋಮಿ ಗೌಡ ಅವರ ಕಾಟ ಸಹಿಸಲಾಗದೇ 2024ರಲ್ಲಿ ಮಲ್ಲಿಕಾರ್ಜುನ ಕಲಾಲ್ ಅವರು 1 ಲಕ್ಷ ರೂ ಹಿಂತಿರುಗಿಸಿದ್ದಾರೆ. ಉಳಿದ 4.5 ಲಕ್ಷ ರೂ ನೀಡುವಂತೆ ಕೇಳಿದರೂ ಅದನ್ನು ಯಾರೂ ಮರಳಿಸುತ್ತಿಲ್ಲ. ತಮಗಾದ ಅನ್ಯಾಯದ ಬಗ್ಗೆ ಸೋಮಿ ಗೌಡ ಅವರು ಪೊಲೀಸ್ ಮೊರೆ ಹೋಗಿದ್ದಾರೆ. ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಆ ಮೂವರ ವಿರುದ್ಧ ಕ್ರಮ ಜರುಗಿಸಿದ್ದಾರೆ.
- [ಜೈಲಿನ ಹಿಂದೆ ಮನೆ ಮಾಡಿದ ರೌಡಿ: ಬಡ್ಡಿ ಮಗನ ಮನೆ ಶೋಧ!](https://mobiletime.in/2026/06/rowdy-who-built-a-house-behind-the-prison-search-of-the-house-of-his-friends-son/): ದಾದಾಗಿರಿ ಮೂಲಕ ಜನರನ್ನು ಬೆದರಿಸುವ ರೌಡಿ ಹಾಗೂ ಅಕ್ರಮವಾಗಿ ಬಡ್ಡಿ ದಂಧೆ ನಡೆಸುವ ವ್ಯಕ್ತಿಗಳಿಬ್ಬರ ಮನೆ ಮೇಲೆ ಹಳಿಯಾಳ ಪೊಲೀಸರು ದಾಳಿ ಮಾಡಿದ್ದಾರೆ. ಇಲ್ಲಿನ ರಾಜೇಶ ವಾಲೇಕರ್ ಹಾಗೂ ಶಾಹಿಬ್ ಮುಲ್ಲಾ ಅವರ ಮನೆಯಲ್ಲಿ ಗಂಟೆಗಳ ಕಾಲ ಪೊಲೀಸರು ಶೋಧ ಕಾರ್ಯಾಚರಣೆ ನಡೆಸಿದ್ದಾರೆ. ಹಳಿಯಾಳದ ಚಹ್ವಾಣ ಪ್ಲಾಟಿನ ರಾಕೇಶ ದಿನಕರ ವಾಲೇಕರ್ ಅವರು ರೌಡಿ ಶೀಟರ್ ಆಗಿದ್ದಾರೆ. ಸದ್ಯ ಅವರು ಜೈಲಿನ ಹಿಂದೆ ಜಿ+2 ಮನೆಯಲ್ಲಿ ವಾಸವಾಗಿದ್ದಾರೆ. ಅವರ ವಿರುದ್ಧ ವಿವಿಧ ಪ್ರಕರಣಗಳಿದ್ದು, ಅವರ ಚಟುವಟಿಕೆ ಮೇಲೆ ಪೊಲೀಸರು ಕಣ್ಣಿರಿಸಿದ್ದಾರೆ. ಬಂಧನ-ಬಿಡುಗಡೆ-ಎಚ್ಚರಿಕೆ ನಂತರವೂ ಅವರ ವರ್ತನೆಯಲ್ಲಿ ಸುಧಾರಣೆ ಕಂಡಿಲ್ಲ. ಹೀಗಾಗಿ ಪೊಲೀಸರು ಇನ್ನಷ್ಟು ಕಠಿಣ ಕ್ರಮಕ್ಕೆ ಮುಂದಾಗಿದ್ದಾರೆ. ಮೇದಾರಗಲ್ಲಿಯ ಶಾಹಿಬ್ ಮಹಮದ್ ಶರೀಪ್ ಮುಲ್ಲಾ ಅವರು ಸಹ ಅಕ್ರಮ ಚಟುವಟಿಕೆಗಳಿಂದ ಹಳಿಯಾಳದ ಜನರಿಗೆ ತಲೆನೋವಾಗಿದ್ದಾರೆ. ಅವರ ವಿರುದ್ಧವೂ ಪೊಲೀಸರು ಸಾಕಷ್ಟು ಕಠಿಣ ಕ್ರಮ ಜರುಗಿಸಿದ್ದಾರೆ. ಆದರೆ, ಶಾಹಿಬ್ ಮುಲ್ಲಾ ವರ್ತನೆಯಲ್ಲಿ ಸಹ ಯಾವುದೇ ಬದಲಾವಣೆ ಆಗಿಲ್ಲ. ಮೀಟರ್ ಬಡ್ಡಿ ದಂಧೆ ನಡೆಸುವ ಶಾಹಿಬ್ ಮುಲ್ಲಾ ಜನರಿಗೆ ಮಾನಸಿಕ ಹಿಂಸೆ ನೀಡುವ ಆರೋಪಗಳಿದ್ದು, ಈ ಹಿನ್ನಲೆ ಪೊಲೀಸರು ಇನ್ನಷ್ಟು ಎಚ್ಚರಿಕೆವಹಿಸಿದ್ದಾರೆ. ಈ ಇಬ್ಬರು ಆರೋಪಿತರ ಮನೆ ಮೇಲೆ ಜೂನ್ 28ರಂದು ಹಳಿಯಾಳ ಪಿಐ ಜಯಪಾಲ ಪಾಟೀಲ, ಪಿಸೈ ಮಹೇಶ ಮಾಳಿ ಹಾಗೂ ಅಂಬಿಕಾನಗರ ಪಿಸೈ ಮಹೇಶ ಮೇಲಗಿರಿ ಅವರು ದಾಳಿ ಮಾಡಿದ್ದಾರೆ. ಮನೆಯಲ್ಲಿದ್ದ ವಿವಿಧ ದಾಖಲೆಗಳನ್ನು ಪರಿಶೀಲನೆ ಮಾಡಿದ್ದಾರೆ. ಕಾಗದ ಪತ್ರಗಳನ್ನು ಗಮನಿಸಿದ ಅವರು ಅದರ ಬಗ್ಗೆ ಕುಟುಂಬದವರಿAದ ವಿವರಣೆಪಡೆದಿದ್ದಾರೆ.  
- [ಯಕ್ಷಗಾನ: ವಾಕ್ಸಮರಕ್ಕೆ ವೇದಿಕೆಯಾದ ಕಲಾವಿದರ ಸಮ್ಮಿಲನ!](https://mobiletime.in/2026/06/yakshagana-a-gathering-of-artists-that-became-a-platform-for-a-war-of-words/): `ಯಕ್ಷಗಾನ ಸಂಪ್ರದಾಯ ಉಳಿಸುವುದು ಪ್ರಧಾನ ಅಲ್ಲ. ನನಗೆ ನಾಲ್ಕು ಕಾಸು ಎಲ್ಲಿ ಹೆಚ್ಚಿಗೆ ಸಿಗುತ್ತದೆ ಎಂಬುದೇ ಪ್ರಧಾನ’ ಎಂದು ಯಕ್ಷಗಾನ ವಿದ್ಯಾಧರ ಜಲವಳ್ಳಿ ಅವರು ಹೇಳಿದ್ದಾರೆ. ಯಕ್ಷಗಾನ ಅಕಾಡೆಮಿ ಮಾಜಿ ಅಧ್ಯಕ್ಷ ಜಿ ಎಲ್ ಹೆಗಡೆ ಇದಕ್ಕೆ ಖಾರವಾಗಿ ಪ್ರತಿಕ್ರಿಯಿಸಿದ್ದು, `ಕೇವಲ ಹೊಟ್ಟೆಪಾಡಿಗಾಗಿ ಯಕ್ಷಗಾನ ಅವಲಂಬಿಸುತ್ತೇವೆ ಎಂಬುದು ಸರಿಯಲ್ಲ’ ಎಂದಿದ್ದಾರೆ. ಅದೇ ವೇದಿಕೆಯಲ್ಲಿ ವಿದ್ಯಾಧರ ಜಲವಳ್ಳಿ ಅವರ ಮಾತನ್ನು ಖಂಡಿಸಿದ್ದಾರೆ. ಕುಮಟಾ ಹವ್ಯಕ ಭವನದಲ್ಲಿ ಸಂಸ್ಕಾರ ಭಾರತಿಯವರು ಯಕ್ಷಗಾನ ಕಲಾವಿದರನ್ನೆಲ್ಲ ಒಗ್ಗೂಡಿಸಿ ಕಾರ್ಯಕ್ರಮ ನಡೆಸಿದ್ದು, ಈ ವೇದಿಕೆಯಲ್ಲಿ ವಿದ್ಯಾಧರ ಜಲವಳ್ಳಿ ಹಾಗೂ ಜಿ ಎಲ್ ಹೆಗಡೆ ಅವರ ನಡುವೆ ಮಾತಿನ ಯುದ್ಧ ನಡೆದಿದೆ. ಮೊದಲು ಭಾಷಣ ಮಾಡಿದ ವಿದ್ಯಾಧರ ಜಲವಳ್ಳಿ ಅವರು `ಯಕ್ಷಗಾನದಲ್ಲಿ ಸಂಪ್ರದಾಯ ಉಳಿಸುವುದು ಪ್ರಧಾನ ಅಲ್ಲ. ನನಗೆ ಎಲ್ಲಿ ನಾಲ್ಕು ಕಾಸು ಜಾಸ್ತಿ ಸಿಗುತ್ತದೆ? ಎಂಬುದೇ ಮುಖ್ಯ. ವಿಮರ್ಷೆ ಮಾಡುವವರು ಹಾಗೂ ಭಾಷಣ ಮಾಡುವವರು ಸಂಬಳ ಕೊಡುವುದಿಲ್ಲ. ಭಾಷಣ ಮಾಡಿದವರು ಮನೆಗೆ ಹೋಗಿ ಮಲಗುತ್ತಾರೆ. ನಾವು ಹೊಟ್ಟೆಗೆ ಏನು ಮಾಡುವುದು?’ ಎಂದು ಪ್ರಶ್ನಿಸಿದ್ದಾರೆ. `ಯಕ್ಷಗಾನ ಹಾಳಾಗುತ್ತಿದೆ. ಯಕ್ಷಗಾನ ಕುಲಗೆಡಿಸುತ್ತಿದ್ದಾರೆ ಎಂಬುದು ಈಗಿನದಲ್ಲ. ಯಕ್ಷಗಾನ ಮೊದಲಿನ ಹಾಗಿಲ್ಲ ಎಂಬುದು ಪ್ರತಿ ದಿನ ಯಕ್ಷಗಾನ ಕುಣಿಯುವ ನನ್ನಂಥ ಎಲ್ಲಾ ಕಲಾವಿದರಿಗೂ ಗೊತ್ತಿರುವ ವಿಷಯ. ಯುವ ಕಲಾವಿದರಿಗೆ ಕೌರವನ ಪರಿಸ್ಥಿತಿ. ಧರ್ಮ ಯಾವುದು ಎಂದು ಗೊತ್ತು. ಆದರೆ, ಅದನ್ನು ಆಚರಿಸಲು ಆಗುವುದಿಲ್ಲ. ಅಧರ್ಮ ಯಾವುದು ಎಂದು ಗೊತ್ತು. ಆದರೆ, ಅದನ್ನು ಬಿಟ್ಟಿರಲು ಆಗುವುದಿಲ್ಲ. `ನಾವು ಕುಣಿಯುತ್ತಿರುವುದು ಯಕ್ಷಗಾನಕ್ಕೆ ಅಲ್ಲ ಎಂದು ಗೊತ್ತು. ಆದರೆ, ಮೊದಲಿನ ಯಕ್ಷಗಾನ ಮಾಡಿದರೆ ನಮ್ಮನ್ನು ಮೂಲೆಗುಂಪು ಮಾಡುತ್ತಾರೆ. ಹೀಗಿರುವಾಗ, ಯಾವುದು ಜನರನ್ನು ರಂಜಿಸುತ್ತದೆಯೋ ಅದನ್ನು ಮಾಡುವುದು ಮುಖ್ಯ. ಯಕ್ಷಗಾನ ಉಳಿಸಲು ಯಾವ ಕಲಾವಿದ-ಯಾವ ಸಂಘಟನೆಯೂ ಬೇಡ. ಯಕ್ಷಗಾನ ಕುಲಗೆಡದ ಹಾಗೇ ಕಲಾವಿದರು ನೋಡಿಕೊಂಡರೆ ಸಾಕು’ ಎಂದಿದ್ದಾರೆ. `ಯಕ್ಷಗಾನ ಹಾಳಾಗಿದೆ ಎಂದು ನಾವು ಹೇಳುವಾಗ ಸರಿ ಮಾಡುವುದು ಹೇಗೆ ಎನ್ನುವುದರ ಬಗ್ಗೆ ಚಿಂತಿಸಬೇಕು’ ಎಂದು ಹೇಳಿದ್ದಾರೆ. `ಉಡುಪಿಯಲ್ಲಿ ಯಕ್ಷಗಾನ ತರಬೇತಿ ನಡೆಸುತ್ತಾರೆ. ಅದಕ್ಕೆ 25 ಜನ ಸಹ ಹೋಗುವುದಿಲ್ಲ. ನಾನು ಹೋಗಿಲ್ಲ. 35 ವರ್ಷ ಸೇವೆ ಸಲ್ಲಿಸಿದ ನಾನು ಅಲ್ಲಿ ಹೋಗದಿದ್ದರೂ ನಡೆಯುತ್ತದೆ ಎಂಬುದು ನನ್ನ ಭಾವನೆ. ಇಷ್ಟರ ಮೇಲೆ ಕಲಿಯುವಂಥಹುದು ಇಲ್ಲ. ನಾವು ಕಲಿಸಲು ಹೋಗಬೇಕು, ಕಲಿಯಲಿಕ್ಕೆ ಅಲ್ಲ ಎಂಬ ಭಾವನೆ ತಲೆಯಲ್ಲಿದೆ’ ಎಂದಿದ್ದಾರೆ. `ಯಕ್ಷಗಾನದಲ್ಲಿ ಸಿನಿಮಾ ಹಾಡು ಬಂದಿದ್ದು, ಈಚೆಗೆ ಅಲ್ಲ. 10 ವರ್ಷದ ಹಿಂದೆ ಹೆಚ್ಚು ಹಾಳಾಗಿದೆ. ಅಷ್ಟೇ. ಮೊದಲಿನ ಕಲಾವಿದರು ಸ್ವಲ್ಪ ಸ್ವಲ್ಪ ಹಾಳು ಮಾಡುತ್ತ ಬಂದಿದ್ದರು’ ಎಂದು ವಿದ್ಯಾಧರ ಜಲವಳ್ಳಿ ಅವರು ಹೇಳಿದ್ದಾರೆ. `ಯಕ್ಷಗಾನಕ್ಕೆ ವಿಮರ್ಶೆ ಬೇಕು. ಬುದ್ದಿ ಹೇಳುವವರು ಬೇಕು. ಹಿರಿಯರ ಮಾರ್ಗದರ್ಶನ ಬೇಕು ಎಂದು ಏನೇ ಹೇಳಿ. ಆದರೆ, ಹಿರಿಯ ಕಲಾವಿದರು ನಮಗೆ ತೆಂಗಿನ ಮರದ ಹಾಗಿರಬೇಕು. ಉಳಿದ ಕಲಾವಿದರಿಗೆ ಬೆಳೆಯುವ ಅವಕಾಶ ಕೊಡಬೇಕು’ ಎಂದಿದ್ದಾರೆ. `ಹಿರಿಯ ಕಲಾವಿದರು ಆಲದ ಮರ ಹಾಗಾಗಬಾರದು’ ಎಂದಿದ್ದಾರೆ. ಕೊನೆಗೆ `ಆದಷ್ಟು ಸಂಪ್ರದಾಯಕ್ಕೆ ಒತ್ತು ಕೊಡೋಣ. ಪೂರ್ಣ ಸಂಪ್ರದಾಯದ ಹಿಂದೆ ಹೋದರೆ ಜನ ನೋಡುವುದಿಲ್ಲ’ ಎಂದು ವಿದ್ಯಾಧರ ಜಲವಳ್ಳಿ ಅವರು ಹೇಳಿದ್ದಾರೆ. ಇದಾದ ನಂತರ ಭಾಷಣ ಮಾಡಿದ ಯಕ್ಷಗಾನ ಅಕಾಡೆಮಿ ಅಧ್ಯಕ್ಷ ಜಿ ಎಲ್ ಹೆಗಡೆ ಅವರು `ಕೇವಲ ಹೊಟ್ಟೆಪಾಡಿಗಾಗಿ ಯಕ್ಷಗಾನ ಅವಲಂಬಿಸುತ್ತೇವೆ ಎಂಬುದು ಸರಿಯಲ್ಲ.`ಅದರಲ್ಲಿಯೂ ವಿದ್ಯಾಧರ ಜಲವಳ್ಳಿ ಅವರು ಇಂಥ ಮಾತನಾಡುವುದು ಶೋಭೆಯಲ್ಲ ಎಂದು ಅದೇ ವೇದಿಕೆಯಲ್ಲಿ ನೇರ ಮಾತನಾಡಿದ್ದಾರೆ. `ಯಕ್ಷಗಾನ ರಂಗಕ್ಕೆ ತನ್ನದೇ ಆದ ಸಂಸ್ಕಾರವಿದೆ. ಆ ಸಂಸ್ಕಾರವನ್ನು ಯುವ ಕಲಾವಿದರಿಗೆ ತಿಳಿಸುವ ಕಾರ್ಯ ಆಗಬೇಕಿದೆ’ ಎಂದು ಹೇಳಿದ್ದಾರೆ. `ಯಕ್ಷಗಾನಕ್ಕೆ ಅನೇಕ ಯುವ ಕಲಾವಿದರು ಆಗಮಿಸುತ್ತಿದ್ದಾರೆ. ಅಂಥವರಿಗೆ ಹಿರಿಯ ಕಲಾವಿದರ ಮಾರ್ಗದರ್ಶನ ಮುಖ್ಯವಾಗಿದೆ. ಕೇವಲ ಹೊಟ್ಟೆಪಾಡಿಗಾಗಿ ಯಕ್ಷಗಾನ ಅವಲಂಬಿಸುತ್ತೇವೆ ಎಂಬುದು ಸರಿಯಲ್ಲ’ ಎಂದವರು ಹೇಳಿದ್ದಾರೆ. `ಇಂಗ್ಲಿಷ್ ವ್ಯಾಮೋಹಕ್ಕೆ ಒಳಗಾಗಿ ಜನ ಸಂಸ್ಕಾರ ಮರೆಯುತ್ತಿದ್ದಾರೆ. ಸಂಸ್ಕಾರ-ಸoಸ್ಕೃತಿಯಲ್ಲಿ ಸಾಕಷ್ಟು ಶಕ್ತಿಯಿದ್ದು, ಇಂಗ್ಲಿಷ್ ವ್ಯಾಮೋಹವೂ ಆಯುರ್ವೇದ ಶಕ್ತಿಯನ್ನು ನಾಶ ಮಾಡುತ್ತಿದೆ. ಸಂಸ್ಕೃತವನ್ನು ನಿಂದಿಸುವುದು ಸರಿಯಲ್ಲ. ಸಂಸ್ಕೃತ ಕೇವಲ ಬ್ರಾಹ್ಮಣರ ಭಾಷೆ ಎನ್ನುವವರು ಮೂರ್ಖರು’ ಎಂದು ಜಿ ಎಲ್ ಹೆಗಡೆ ಅವರು ಹೇಳಿದ್ದಾರೆ. `ನಮ್ಮ ನಮ್ಮೊಳಗೆ ಸಣ್ಣ ಸಣ್ಣ ಕೋಳಿ ಜಗಳ ಏನೇ ಇದ್ದರೂ ಯಕ್ಷಗಾನದ ವಿಷಯದಲ್ಲಿ ಎಲ್ಲರೂ ಒಂದಾಗಬೇಕು. ಕಲಾ ಆರಾಧನೆಯ ಶಕ್ತಿಯನ್ನು ಒಗ್ಗಟ್ಟಿನಿಂದ ಪ್ರದರ್ಶಿಸಬೇಕು’ ಎಂದು ಕರೆ ನೀಡಿದ್ದಾರೆ. `ವಿಶಾಲವಾದ ಪ್ರಪಂಚದಲ್ಲಿ ಯಕ್ಷಗಾನ ಎಂಬುದು ಅತ್ಯಂತ ಸಣ್ಣ ಕ್ಷೇತ್ರ. ಈ ರಂಗವನ್ನು ಶುದ್ಧಿ ಮಾಡಲು ಸಾಧ್ಯವಾಗದೇ ಇದ್ದರೆ ಏನು ಪ್ರಯೋಜನ:?’ ಎಂದು ಸಭೀಕರನ್ನು ಪ್ರಶ್ನಿಸಿದರು. `ಸಂಸ್ಕಾರ ಭಾರತಿಯೂ ಹಳ್ಳಿ ಹಳ್ಳಿಗೆ ಹೋಗಿ ಯಕ್ಷಗಾನದ ಕೆಲಸ ಮಾಡದಿದ್ದರೆ ಅಸ್ತಿತ್ವ ಕಳೆದುಕೊಳ್ಳುವ ಆತಂಕವಿದೆ’ ಎಂದರು. `ಎಲ್ಲಾ ಕಲಾವಿದರನ್ನು ಒಟ್ಟಿಗೆ ಕೂಡಿಸುವುದು ಕಷ್ಟ. ಅದಾಗಿಯೂ, ಇಲ್ಲಿ ಒಟ್ಟಿಗೆ ಕೂಡಿಸಿರುವುದು ಸಾಧನೆ’ ಎಂದು ಬಣ್ಣಿಸಿದರು. ವಿದ್ಯಾಧರ ಜಲವಳ್ಳಿ ಅವರ ಮಾತನ್ನು ಕೆಲವರು ಸ್ವಾಗತಿಸಿ, ಅನೇಕರು ವಿರೋಧಿಸಿದ್ದಾರೆ. ಜಿ ಎಲ್ ಹೆಗಡೆ ಅವರ ಭಾಷಣದ ಕುರಿತು ಪರ-ವಿರೋಧ ಚರ್ಚೆ ಶುರುವಾಗಿದೆ.
- [ಶುಭ ವಿವಾಹ: ಮನೆ ಬಿಟ್ಟು ಹೋದವರು ಮದುವೆಯಾಗಿ ಬಂದರು!](https://mobiletime.in/2026/06/happy-wedding-those-who-left-home-came-back-married/): ತಾಯಿಗೆ ಔಷಧಿ ತರುವುದಕ್ಕಾಗಿ ಶಿರಸಿ TSS ಆಸ್ಪತ್ರೆಗೆ ಹೊರಟಿದ್ದ ಅಂಕೋಲಾ ಕುಂಟಕಣಿಯ ಶ್ರೀದೇವಿ ಗೌಡ ಅವರು ದಿಢೀರ್ ಆಗಿ ಕಾಣೆಯಾಗಿದ್ದು, ಸದ್ಯ ಅವರು ತಮ್ಮ ಪ್ರಿಯತಮನ ಜೊತೆ ಪ್ರತ್ಯಕ್ಷವಾಗಿದ್ದಾರೆ. `ಇಲ್ಲೇ ಹೋಗಿ ಬರುವೆ’ ಎಂದು ಹೇಳಿ ಕಣ್ಮರೆಯಾಗಿದ್ದ ಕೇಣಿಯ ಸಾಕ್ಷಿ ಚೋಡಣಕರ್ ಅವರು ಸಹ ಪ್ರೀತಿಸಿದ ಹುಡುಗನ ಜೊತೆ ಸಪ್ತಪದಿ ತುಳಿದಿದ್ದಾರೆ. ಅಂಕೋಲಾ ತಾಲೂಕಿನ ಕೇಣಿ ಗಾಬಿತವಾಡಾದ ಸಾಕ್ಷಿ ಸೂರ್ಯಕಾಂತ ಚೋಡಣಕರ (19) ಅವರು ಜೂನ್ 23ರಂದು ಕಾಣೆಯಾಗಿದ್ದರು. ಮಧ್ಯಾಹ್ನ ಮನೆಯಿಂದ ಹೊರಗೆ ಹೋದ ಅವರು ಮರಳಿ ಮನೆಗೆ ಬಂದಿರಲಿಲ್ಲ. ಇದರಿಂದ ಆತಂಕಕ್ಕೆ ಒಳಗಾದ ಕುಟುಂಬದವರು ಎಲ್ಲಾ ಕಡೆ ಹುಡುಕಾಟ ನಡೆಸಿದರು. ಆದರೆ, ಎಲ್ಲಿಯೂ ಸಾಕ್ಷಿ ಅವರ ಸುಳಿವು ಸಿಕ್ಕಿರಲಿಲ್ಲ. ಹೀಗಾಗಿ ಅವರ ಕುಟುಂಬದವರು ಪೊಲೀಸರ ಮೊರೆ ಹೋಗಿದ್ದರು. ಅಂಕೋಲಾ ಕುಂಟಕಣಿ ಪಂಚಾಯತ ವ್ಯಾಪ್ತಿಯ ಅಸೊಳ್ಳಿ ಗ್ರಾಮದ ಶ್ರೀದೇವಿ ಈಶ್ವರ ಗೌಡ (18) ಅವರು ಸಹ ದಿಢೀರ್ ಆಗಿ ಕಣ್ಮರೆಯಾಗಿದ್ದರು. ಜೂನ್ 24ರಂದು ಮುಂಜಾನೆ ತಾಯಿಯ ಔಷಧಿ ತರಲು ಶಿರಸಿ ಟಿಎಸ್‌ಎಸ್ ಆಸ್ಪತ್ರೆಗೆ ಹೋಗುವುದಾಗಿ ಹೇಳಿದ್ದ ಶ್ರೀದೇವಿ ಗೌಡ ಅವರು ಎಲ್ಲಿ ಹೋದರು? ಎಂದು ಯಾರಿಗೂ ಗೊತ್ತಾಗಿಲ್ಲ. ಟಿಎಸ್‌ಎಸ್ ಆಸ್ಪತ್ರೆಯಲ್ಲಿಯೂ ಅವರು ಆ ದಿನ ಕಾಣಿಸಿಕೊಂಡಿಲ್ಲ. ಶ್ರೀದೇವಿ ಗೌಡ ಅವರ ಕುಟುಂಬದವರು ಸಹ ಸಾಕಷ್ಟು ಹುಡುಕಾಟ ನಡೆಸಿದರೂ ಅದರಿಂದ ಪ್ರಯೋಜನವಾಗಿರಲ್ಲ. ಹೀಗಾಗಿ ಅವರು ಸಹ ಸಹಾಯ ಕೋರಿ ಪೊಲೀಸರ ಮೊರೆ ಹೋಗಿದ್ದರು. ಇದನ್ನು ಓದಿ: ನಾವು ಮನೆಗ್ ಹೋಗೋದಿಲ್ಲ! ಈ ದಿನ ಆ ಯುವತಿಯರಿಬ್ಬರೂ ಸುರಕ್ಷಿತವಾಗಿರುವ ಬಗ್ಗೆ ಮಾಹಿತಿ ಸಿಕ್ಕಿದೆ. ತಮ್ಮಿಷ್ಟದ ಹುಡುಗರೊಂದಿಗೆ ಮದುವೆಯಾಗಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ. ಯಲ್ಲಾಪುರದ ದೇವಿ ದೇವಸ್ಥಾನದಲ್ಲಿ ಶ್ರೀದೇವಿ ಗೌಡ ಅವರು ಮದುವೆ ಆಗಿದ್ದಾರೆ. ಸಾಕ್ಷಿ ಅವರು ಸಹ ತಮ್ಮ ಸಂಬAಧಿ ಯುವಕನನ್ನೇ ಪ್ರೀತಿಸುತ್ತಿದ್ದು, ಅವರನ್ನು ವಿವಾಹವಾಗಿದ್ದಾರೆ. ಪ್ರೀತಿಗೆ ಕುಟುಂಬದವರು ಒಪ್ಪುವ ಸಾಧ್ಯತೆ ಕಡಿಮೆಯಿರುವ ಕಾರಣ ಆ ಎರಡು ಯುವತಿಯರು ಓಡಿ ಹೋಗಿ ಮದುವೆ ಆಗಿದ್ದಾರೆ. ವಾತಾವರಣ ತಿಳಿಯಾಗುವವರೆಗೆ ನವ ಜೋಡಿ ಊರಿನಿಂದ ಹೊರಗಿರುವ ಸಾಧ್ಯತೆ ಹೆಚ್ಚಿದೆ. ಕಾಣೆಯಾದ ಇಬ್ಬರು ಯುವತಿಯರು ತಮ್ಮ ಪ್ರಿಯಕರನ ಜೊತೆ ಹಾರ ಬದಲಿಸಿಕೊಂಡ ಫೋಟೋಗಳು ಸಿಕ್ಕಿವೆ.  
- [ದೇವರ ಹೆಸರಲ್ಲೆ ಇರಬೇಕು ದೇವಸ್ಥಾನದ ಜಾಗ](https://mobiletime.in/2026/06/the-temple-land-should-be-in-the-name-of-god/):   ದೇವರ ಹೆಸರಲ್ಲೆ ಇರಬೇಕು ದೇವಸ್ಥಾನದ ಜಾಗ ದೇವಸ್ಥಾನದ ಭೂಮಿ ಕಬಳಿಕೆ, ಆಸ್ತಿಗೆ ಸಂಬಂಧಿಸಿದ ವ್ಯಕ್ತಿಗತ ವ್ಯಾಜ್ಯಗಳು ಸೃಷ್ಟಿಯಾಗುವುದನ್ನು ತಡೆಯಲು ರಾಜ್ಯ ಸರಕಾರ ಬಿಗಿ ಕ್ರಮಕ್ಕೆ ಮುಂದಾಗಿದೆ. ದೇವಸ್ಥಾನದ ಜಮೀನುಗಳಿಗೆ ದೇವರ ಹೆಸರಿನಲ್ಲಿಯೇ ರಕ್ಷಣೆ ನೀಡಲು ಕೆಲಸ ಆರಂಭಿಸಲಾಗಿದೆ. ಮುಜರಾಯಿ ಇಲಾಖೆಗೆ ಸೇರಿದ ದೇವಸ್ಥಾನದ ಜಮೀನುಗಳಿಗೆ ಈ ಮೂಲಕ ತಾಂತ್ರಿಕ ಭದ್ರತೆ ಒದಗಿಸಲಾಗುತ್ತಿದೆ.   ದೇವಸ್ಥಾನಗಳಿಗೆ ಸರಕಾರದಿಂದ ಮಂಜೂರು ಮಾಡಿದ ಜಮೀನುಗಳ ದಾಖಲೆಯಲ್ಲಿ ಯಾವುದೇ ವ್ಯಕ್ತಿಯ ಹೆಸರು ಇದ್ದರೂ ಅದನ್ನು ತೆಗೆದು ದೇವಸ್ಥಾನದ ಹೆಸರು ದಾಖಲಿಸಲಾಗುತ್ತದೆ. ಜತೆಗೆ ಮುಂದೆ ಯಾವುದೇ ರೀತಿಯಲ್ಲಿ ದೇವಸ್ಥಾನದ ಹೆಸರಿನ ಜಮೀನನ್ನು (ನಿರ್ಬಂಧ) ಮಾಡಲಾಗುತ್ತದೆ.  ಒಟ್ಟು 34,566 ದೇವಸ್ಥಾನ, 105 ಕೋಟಿ ರೂ. ಆದಾಯ ಬರುತ್ತಿದೆ. ರಾಜ್ಯದಲ್ಲಿ ಮುಜರಾಯಿ ಇಲಾಖೆಯ ಅಧೀನದಲ್ಲಿ ಎ, ಬಿ, ಸಿ ದರ್ಜೆ ಒಟ್ಟು 34,566 ದೇವಸ್ಥಾನಗಳು ಇವೆ. ಈ ದೇವಸ್ಥಾನಗಳಲ್ಲಿ ವರ್ಷಕ್ಕೆ 105 ಕೋಟಿ ರೂ.ವರೆಗೆ ಆದಾಯ ಸಂಗ್ರಹ ಆಗುತ್ತಿದೆ. ಅದರಲ್ಲಿ ಅನೇಕ ಕಡೆ ದೇವಸ್ಥಾನದ ಜಮೀನು ದಾಖಲೆಗಳಲ್ಲಿ ಮೊತ್ತೇಸರರು, ಪೂಜಾರಿಗಳ ಹೆಸರು ಇದೆ. ಅಂಥ ಕೆಲವೆಡೆ ಜಮೀನು ವ್ಯಾಜ್ಯಗಳು, ಪರಭಾರೆ ಯತ್ನ ನಡೆಯಬಾರದು ಎಂದು ಪಹಣಿಯಲ್ಲಿ ದೇವಸ್ಥಾನದ ಹೆಸರು ಮಾತ್ರ ಉಳಿಸಲಾಗುತ್ತಿದೆ. ಗ್ರಾಮೀಣ ಭಾಗದಲ್ಲಿ ಸ್ಥಳೀಯ ಮಂಡಳಿ, ಖಾಸಗಿಯಾಗಿ ನಡೆಯುವ ದೇವಸ್ಥಾನಗಳಿಗೆ ಇದು ಅನ್ವಯಿಸುವುದಿಲ್ಲ. ಮುಜರಾಯಿ ಇಲಾಖೆ ವ್ಯಾಪ್ತಿಯ ದೇವಸ್ಥಾನಗಳಿಗೆ ಮಾತ್ರ ಅನ್ವಯ ಎಂದು ಅಧಿಕಾರಿಗಳು ಸ್ಪಷ್ಟಪಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮುಜರಾಯಿ ಇಲಾಖೆಯಡಿ 662 ದೇವಸ್ಥಾನಗಳು ಇದ್ದು, ಅನೇಕ ದೇವಸ್ಥಾನಗಳ ಆಸ್ತಿ ದಾಖಲೆಯಲ್ಲಿ ಮೊತ್ತೇಸರರ ಬಿಟ್ಟು ದೇವಸ್ಥಾನದ ಹೆಸರು ದಾಖಲಿಸಲಾಗಿದೆ. ಇರುವ ಸರಕಾರಿ ಜಮೀನು ಪ್ಲಾಗ್ ಮಾಡುವ ಸಂಬಂಧ ಕಂದಾಯ ಇಲಾಖೆಯಿಂದ ಪ್ರಕ್ರಿಯೆ ಆರಂಭವಾಗಿದೆ. ಸರಕಾರಿ ಜಮೀನು ದುರುಪಯೋಗ ಆಗಬಾರದು, ಪರಭಾರೆ ಆಗಬಾರದು ಎಂದು ಪ್ಲಾಗ್ ಮಾಡಲು ಗವರ್ನಮೆಂಟ್ ಲ್ಯಾಂಡ್ ಮ್ಯಾಪಿಂಗ್‌ ಟೂಲ್‌ನಲ್ಲಿ ಅವಕಾಶ ನೀಡಲಾಗಿದೆ. ಹಾಗಾಗಿ ಯಾವ ದೇವಸ್ಥಾನಗಳು ಸರಕಾರಿ ಜಮೀನಿನಲ್ಲಿವೆ, ಖಾಸಗಿ ಜಮೀನುಗಳಲ್ಲಿ ಎಷ್ಟು ದೇವಸ್ಥಾನಗಳು ಇವೆ ಎಂದು ಕಂದಾಯ ಇಲಾಖೆ ಆಯುಕ್ತರಿಂದ ಎಲ್ಲ ಜಿಲ್ಲೆಗಳ ಮಾಹಿತಿ ಕೇಳಲಾಗಿದೆ. ಆಯಾ ಗ್ರಾಮ ಲೆಕ್ಕಾಧಿಕಾರಿ ಮೂಲಕ ದೇವಸ್ಥಾನಗಳ ಆಸ್ತಿ ದಾಖಲೆ ಮಾಹಿತಿ ಸಂಗ್ರಹಿಸಲಾಗುತ್ತಿದೆ.
- [ಆಡಳಿತ ಸ್ಥಬ್ಧ: ಉತ್ತರಕನ್ನಡಕ್ಕೆ ಉಸ್ತುವಾರಿಯೂ ಇಲ್ಲ, ಪಂಚಾಯಿತಿಗಳಲ್ಲಿ ಸದಸ್ಯರೂ ಇಲ್ಲ](https://mobiletime.in/2026/06/administration-at-a-standstill-uttara-kannada-lacks-a-minister-in-charge-and-panchayats-lack-members/): ರಾಜ್ಯದಲ್ಲಿ ಸದ್ಯದ ರಾಜಕೀಯ ಬೆಳವಣಿಗೆಯಲ್ಲಿ ಅಧಿಕಾರ ವಿಕೇಂದ್ರಿಕರಣದ ಜನ ಪ್ರತಿನಿಧಿ ಆಡಳಿತ ವ್ಯವಸ್ಥೆ ಜನ ಸಾಮಾನ್ಯರ ಮಟ್ಟದಲ್ಲಿ ಸ್ತಬ್ಧವಾದಂತಾಗಿದೆ. ಸಕಾಲಕ್ಕೆ ಚುನಾವಣೆ ನಡೆಯದೆ ಸ್ಥಳೀಯ ಸಂಸ್ಥೆಗಳ ಅಧಿಕಾರಗಳು ಜಿಲ್ಲಾಡಳಿತ ಮತ್ತು ಶಾಸಕರ ಕಡೆ ಕೇಂದ್ರೀಕೃತವಾಗುತ್ತಿವೆ. ಜಿಲ್ಲಾ ಪಂಚಾಯಿತಿ, ತಾಲೂಕು ಪಂಚಾಯಿತಿಗಳ ಚುನಾವಣೆಯೇ ಇಲ್ಲದೆ ಆಡಳಿತಾಧಿಕಾರಿಗಳ ಮೂಲಕ ಒಂದು ಅವಧಿ (ಐದು ವರ್ಷ) ಮುಗಿಸಿವೆ.   ಈಗ ಗ್ರಾಮ ಪಂಚಾಯಿತಿ ಮತ್ತು ನಗರ ಸ್ಥಳೀಯ ಸಂಸ್ಥೆಗಳು ಕೂಡ ಚುನಾವಣೆ ಇಲ್ಲದೆ ಅರ್ಧ ವರ್ಷ ದಾಟಿವೆ. ಶಾಸಕರ ಹೊರತಾಗಿ ಅಧಿಕಾರ ವಿಕೇಂದ್ರಿಕರಣದ ಭಾಗವಾಗಿ ಸೃಜನೆಯಾದ ಎಲ್ಲ ಜನಪ್ರತಿನಿಧಿ ಹುದ್ದೆಗಳು ಖಾಲಿ ಉಳಿದಿವೆ. ಮುಖ್ಯಮಂತ್ರಿ ಬದಲಾವಣೆ ಬಳಿಕ ಜಿಲ್ಲಾ ಉಸ್ತುವಾರಿ ಸಚಿವರೂ ಇಲ್ಲ, ಇದೇ ಅವಧಿಯಲ್ಲಿ ರಾಜ್ಯದಲ್ಲಿ ಎಸ್ ಐಆರ್ ಆರಂಭವಾಗಿದೆ. ಮತ್ತೊಂದೆಡೆ ಮುಂಗಾರು ದುರ್ಬಲದಿಂದ ಕೃಷಿ ವಲಯ ಸಮಸ್ಯೆಯಲ್ಲಿದೆ. ಬರಗಾಲ, ಬೆಳೆ ನಷ್ಟದ ಆತಂಕ ಆವರಿಸಿದೆ.    ಮಲೆನಾಡು ಕರಾವಳಿ ಭಾಗದ ಜಿಲ್ಲೆಗಳು ಸಂಭಾವ್ಯ ಪ್ರವಾಹ ಸ್ಥಿತಿ ಎದುರಿಸಬೇಕಿವೆ. ಸದ್ಯದ ಸ್ಥಿತಿಯಲ್ಲಿ ಎಲ್ಲ ಹೊಣೆಗಾರಿಕೆ ಅಧಿ ಕಾರಿ ವಲಯದಲ್ಲಿದೆ. ವಾಸ್ತವದಲ್ಲಿ ಅಲ್ಲಿಯೂ ಸಿಬ್ಬಂದಿ ಕೊರತೆ ಸಾಕಷ್ಟಿದೆ. ರಾಜ್ಯದಲ್ಲಿ ಅಪರೂಪಕ್ಕೆ ಇಂಥದ್ದೊಂದು ಸನ್ನಿವೇಶ ಎದುರಾಗಿದೆ. ಹಳ್ಳಿಗಳಲ್ಲಿ ಗ್ರಾಮ ಸಭೆಗಳು ನಡೆಯುತ್ತಿಲ್ಲ. ನಗರ ಪ್ರದೇಶದ ಸ್ಥಳೀಯ ಸಂಸ್ಥೆ ಗಳಲ್ಲಿ ವಾರ್ಡ್‌ಗಳ ಸಮಸ್ಯೆಯ ಚರ್ಚೆ ಗಳು ನಡೆಯುತ್ತಿಲ್ಲ. ಜನ ಸಮಸ್ಯೆ ಹೇಳಲು ಅಧಿಕಾರಿಗಳ ಬೆನ್ನು ಬೀಳುವ ಸ್ಥಿತಿ ಇದೆ.   ಎರಡನೇ ಹಂತದ ಸಚಿವ ಸಂಪುಟ ವಿಸ್ತರಣೆ ಬಾಕಿ ಇರುವುದರಿಂದ ಸಚಿವ ಆಕಾಂಕ್ಷಿ ಶಾಸಕರ ದಂಡು ಬೆಂಗಳೂರು ಸೇರುತ್ತಿವೆ. ಬರ ನೆರೆ ಪರಿಸ್ಥಿತಿ ಕುರಿತು ಜನರ ಉತ್ತರದಾಯಿಗಾಗಿ ಆಡಳಿತ ವ್ಯವಸ್ಥೆ ದುಡಿಸುವ ಉಸ್ತುವಾರಿ ಸಚಿವರು ಕೂಡ ಇಲ್ಲ. ಒಂದೂವರೆ ತಿಂಗಳಲ್ಲಿ ಆಗಸ್ಟ್ 15 ಸ್ವಾತಂತ್ರ್ಯ ದಿನೋತ್ಸವ ನಡೆಯಲಿದೆ. ಸ್ಥಳೀಯ ಸಂಸ್ಥೆಗಳ ಅಧ್ಯಕ್ಷರು ಅಲ್ಲಿ ಧ್ವಜಾರೋಹಣ ನಡೆಸುತ್ತಿದ್ದರು. ರಾಜ್ಯದಲ್ಲಿ 5746 ಗ್ರಾಮ ಪಂಚಾಯಿತಿಗಳ ಅಧಿಕಾರ ಅವಧಿ ಕಳೆದ ಡಿಸೆಂಬ‌ರ್-ಜನವರಿ ತಿಂಗಳಂತರದ ಲ್ಲಿಯೇ ಮುಗಿದಿದೆ.  ನಗರಸಭೆ, ಪುರಸಭೆ, ಪಟ್ಟಣ ಪಂಚಾಯಿತಿ ಅವಧಿ ಕೂಡ 2025ರ ನವೆಂಬರ್ ವೇಳೆ ಮುಕ್ತಾಯ ಆಗಿವೆ. ಆರು ತಿಂಗಳು ಕಳೆದರೂ ಚುನಾವಣೆ ನಡೆಸದೇ ಇರುವುದಕ್ಕೆ ಆಕಾಂಕ್ಷಿಗಳು ಭಾರೀ ನಿರಾಸೆಯಲ್ಲಿದ್ದಾರೆ.
- [ಅಗ್ನಿ ಅವಘಡ: ಅಡಿಕೆ ನಾಶ!](https://mobiletime.in/2026/06/fire-disaster-areca-destroyed/): ಸಿದ್ದಾಪುರ ಕಾನಸೂರಿನ ಶೇಡಿದಂಡ್ಕಲ್ ಬಳಿಯಿದ್ದ ಅಡಿಕೆ ಗೋದಾಮಿಗೆ ಬೆಂಕಿ ಬಿದ್ದಿದೆ. ಅಲ್ಲಿ ವಿನಾಯಕ ಹೆಗಡೆ ಅವರು ಒಣಗಿಸಿಟ್ಟಿದ್ದ 70 ಚೀಲ ಚಾಲಿ ಅಡಿಕೆ ಸುಟ್ಟು ಕರಕಲಾಗಿದೆ. ಶುಕ್ರವಾರ ಮಧ್ಯರಾತ್ರಿ ಸುಮಾರು 1 ಗಂಟೆ ವೇಳೆಗೆ ಏಕಾಏಕಿ ಇಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಬೆಂಕಿ ನೋಡಿದ ಜನ ಅದನ್ನು ಆರಿಸುವ ಪ್ರಯತ್ನ ಮಾಡಿದರೂ ಫಲ ಕೊಟ್ಟಿಲ್ಲ. ತಾಸು ಕಳೆಯುವುದರೊಳಗೆ 70 ಚೀಲ ಅಡಿಕೆ ಸುಟ್ಟಿದ್ದು, 5 ಲಕ್ಷ ರೂಪಾಯಿ ಹಾನಿ ಸಂಭವಿಸಿದೆ. ಗ್ರಾಮಸ್ಥರು ಸುತ್ತಲು ನೀರು ಚುಮುಕಿಸಿದ ಕಾರಣ ಇನ್ನಷ್ಟು ದೊಡ್ಡ ಪ್ರಮಾಣದಲ್ಲಿ ಬೆಂಕಿ ಹರಡುವುದು ತಪ್ಪಿದೆ. ಸಮೀಪದ ಆಸ್ತಿಗಳು ಅನಾಹುತಕ್ಕೆ ಸಿಲುಕುವುದನ್ನು ಜನ ತಪ್ಪಿಸಿದ್ದಾರೆ. ಅಗ್ನಿ ಅವಘಡಕ್ಕೆ ಕಾರಣ ಗೊತ್ತಾಗಿಲ್ಲ. ವರ್ಷದ ಪೂರ್ತಿ ಬೆಳೆ ಕಳೆದುಕೊಂಡ ವಿನಾಯಕ ಹೆಗಡೆ ಅವರು ಮುಂದೇನು? ಎಂದು ತಿಳಿಯದೇ ಆತಂಕದಲ್ಲಿದ್ದಾರೆ. ಈ ಬಾರಿ ಅಡಿಕೆ ಫಸಲು ಸಹ ಕಡಿಮೆಯಾಗಿದ್ದು, ಅದರಲ್ಲಿಯೂ ಇದೀಗ ನಡೆದ ಅಗ್ನಿ ಅವಘಡ ಕುಟುಂಬದವರನ್ನು ಅತಂತ್ರವನ್ನಾಗಿಸಿದೆ.
- [ಮದುವೆಗೆ ಒಪ್ಪದ ಪ್ರೇಯಸಿ: ಬಾಂಬ್ ಸ್ಪೋಟಿಸಿದ ಪ್ರಿಯತಮ!](https://mobiletime.in/2026/06/the-lover-who-refused-to-marry-the-lover-who-exploded-the-bomb/): ಅಂಕೋಲಾ ಹೆಬ್ಬುಳ ಬಳಿಯ ನಾಗೇಂದ್ರ ಗೌಡ ಹಾಗೂ ಅಗಸೂರಿನ ರಮ್ಯಾ ಪರಸ್ಪರ ಪ್ರೀತಿಸುತ್ತಿದ್ದು, ಪ್ರೀತಿ ಮುರಿದುಕೊಂಡ ಪರಿಣಾಮ ನಾಗೇಂದ್ರ ಗೌಡ ಅವರು ಬಾಂಬ್ ಸಿಡಿಸಿದ್ದಾರೆ. ಕಾರಿನೊಳಗೆ ಬಾಂಬ್ ಸಿಡಿದ ಪರಿಣಾಮ ನಾಗೇಂದ್ರ ಗೌಡ ಅವರು ಸುಟ್ಟು ಕರಕಲಾಗಿದ್ದಾರೆ. ಅಂಕೋಲಾದ ಹೆಬ್ಬುಳದ ನಾಗೇಂದ್ರ ಗೌಡ ಹಾಗೂ ಅಗಸೂರಿನ ರಮ್ಯಾ ಅವರು ಆರು ವರ್ಷದಿಂದ ಪ್ರೀತಿಸುತ್ತಿದ್ದರು. ನಾಗೇಂದ್ರ ಗೌಡ ಅವರು ಬೆಂಗಳೂರಿಗೆ ಹೋಗಿದ್ದು, ರಮ್ಯಾ ಅವರು ಸಹ ಬೆಂಗಳೂರಿನ ಆಸ್ಪತ್ರೆಯೊಂದರಲ್ಲಿ ಲ್ಯಾಬ್ ಟೆಕ್ನಿಶಿಯನ್ ಆಗಿ ಕೆಲಸ ಮಾಡುತ್ತಿದ್ದರು. ಮದುವೆ ವಿಚಾರವಾಗಿ ಅವರಿಬ್ಬರ ನಡುವೆ ಭಿನ್ನಾಭಿಪ್ರಾಯ ಉಂಟಾಗಿತ್ತು. ರಮ್ಯಾ ಅವರು ಮದುವೆ ನಿರಾಕರಿಸಿದ ಹಿನ್ನಲೆ ಅವರಿಬ್ಬರ ನಡುವೆ ಜಗಳವಾಗಿತ್ತು. ಪ್ರೇಯಸಿಯನ್ನು ಸಮಾಧಾನ ಮಾಡುವುದಕ್ಕಾಗಿ ನಾಗೇಂದ್ರ ಗೌಡ ಅವರು ರಮ್ಯಾ ಅವರು ವಾಸವಿದ್ದ ಮನೆಗೆ ಹೋಗಿದ್ದರು. ಅಲ್ಲಿ ಉಬರ್ ಮೂಲಕ ಕ್ಯಾಬ್ ಬುಕ್ ಮಾಡಿದ್ದರು. ಬೆಂಗಳೂರಿನ ಜಯನಗರದಲ್ಲಿ ಅವರಿಬ್ಬರು ಕಾರು ಹತ್ತಿದ್ದು, ಅಂಕೋಲಾಗೆ ಬಿಡುವಂತೆ ಕೇಳಿಕೊಂಡಿದ್ದರು. ಅದಾದ ನಂತರ ಕಾರು ಅಂಕೋಲಾ ಕಡೆ ಓಡಿದ್ದು, ಪೆಟ್ರೋಲ್ ಬಂಕಿನಲ್ಲಿ ಇಂಧನ ಹಾಕಿಸುವಾಗ ನಾಗೇಂದ್ರ ಹಾಗೂ ರಮ್ಯಾ ಇಬ್ಬರು ಶೌಚಾಲಯಕ್ಕೆ ಹೋಗಿ ಬಂದರು. ಅದಾದ ನಂತರ ಅವರಿಬ್ಬರ ನಡುವೆ ಜಗಳ ಶುರುವಾಗಿತ್ತು. ಈ ನಡುವೆ ನಾಗೇಂದ್ರ ಅವರು ರಮ್ಯಾ ಅವರನ್ನು ಅಪಹರಿಸಿದ ಬಗ್ಗೆ ಪೊಲೀಸರು ಚಾಲಕ ಪ್ರವೀಣ ಅವರಿಗೆ ಫೋನ್ ಮಾಡಿದ್ದರು. ರಮ್ಯಾ ಹಾಗೂ ನಾಗೇಂದ್ರ ಅವರು ಸಂಚರಿಸುತ್ತಿದ್ದ ಕ್ಯಾಬ್ ತುಮಕೂರಿನ ಶಿರಾ ಬಳಿ ತಲುಪಿದಾಗ ಅವರಿಬ್ಬರ ನಡುವೆ ದೊಡ್ಡ ಜಗಳವಾಯಿತು. ಈ ಜಗಳದಲ್ಲಿ ರಮ್ಯಾ ಅವರಿಗೆ ನಾಗೇಂದ್ರ ಅವರು ಚಾಕು ಚುಚ್ಚಿದ್ದು, ಇದನ್ನು ನೋಡಿದ ಕಾರು ಚಾಲಕ ಪ್ರವೀಣ ಕಾರನ್ನು ರಸ್ತೆ ಅಂಚಿಗೆ ನಿಲ್ಲಿಸಿದರು. ಈ ವೇಳೆ ರಮ್ಯಾ ಅವರು `ಕಾರಿನಲ್ಲಿ ಬಾಂಬ್ ಇದೆ’ ಎಂದು ಕಿರುಚಿದರು. ತಕ್ಷಣ ರಮ್ಯಾ ಅವರ ಜೊತೆ ಪ್ರವೀಣ ಅವರು ಕಾರಿನಿಂದ ದೂರ ಸಾಗಿದ್ದು, ಅಷ್ಟರಲ್ಲಿ ಕಾರು ಸ್ಪೋಟಗೊಂಡಿತು. ಆ ಸ್ಪೋಟದಲ್ಲಿ ನಾಗೇಂದ್ರ ಗೌಡ ಅವರು ಅಲ್ಲಿಯೇ ಸಾವನಪ್ಪಿದರು. ಮದುವೆಗೆ ಒಪ್ಪದ ರಮ್ಯಾ ಅವರನ್ನು ಸಾಯಿಸುವ ಉದ್ದೇಶದಿಂದ ನಾಗೇಂದ್ರ ಗೌಡ ಅವರು ಬಾಂಬ್ ತಂದಿದ್ದು, ಒಂದು ಬಾಂಬನ್ನು ಚಾಲಕ ಪ್ರವೀಣ ದೂರ ಎಸೆದಿದ್ದರು. ಅದಾಗಿಯೂ, ನಾಗೇಂದ್ರ ಅವರ ಬಳಿಯಿದ್ದ ಮತ್ತೆರಡು ಬಾಂಬ್ ಸ್ಪೋಟಿಸಿ ಕಾರು ಸಹ ಸುಟ್ಟಿತು. ಗಾಯಾಳು ರಮ್ಯಾ ಅವರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.
- [ಮನೆಗೆ ಮರಳದ ಮಹಿಳೆ: ಪತಿ ಆತ್ಮಹತ್ಯೆ!](https://mobiletime.in/2026/06/woman-fails-to-return-home-husband-commits-suicide/): ಯಲ್ಲಾಪುರ ರವೀಂದ್ರ ನಗರದ ಸಂತೋಷ ಪಾಟೀಲ್ ಅವರು ತಮ್ಮ ಪತ್ನಿ ಮುನಿಸಿಕೊಂಡ ಕಾರಣ ಪ್ರಾಣ ಬಿಟ್ಟಿದ್ದಾರೆ. ದೂರವಾದ ಪತ್ನಿ ಮತ್ತೆ ಮನೆಗೆ ಬರದ ಬೇಸರದಲ್ಲಿ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಯಲ್ಲಾಪುರ ಶಿರಸಿ ರಸ್ತೆಯ ಎಪಿಎಂಸಿ ಎದುರಿನ ರವೀಂದ್ರ ನಗರ ಬಳಿ ಸಂತೋಷ ಮನೋಹರ ಪಾಟೀಲ್ (47) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ದುಡಿಮೆಯ ಹಣವನ್ನು ಅವರು ಸರಾಯಿ ಅಂಗಡಿಗೆ ವಿನಿಯೋಗಿಸುತ್ತಿದ್ದರು. ಸರಾಯಿ ನಶೆಯಲ್ಲಿ ಮನೆಗೆ ಬರುವ ಸಂತೋಷ ಪಾಟೀಲ್ ಅವರು ಪತ್ನಿ ಅನುಷಾ ಪಾಟೀಲ್ ಅವರ ಜೊತೆ ಜಗಳ ಮಾಡುವುದು ಸಾಮಾನ್ಯವಾಗಿತ್ತು. ಸಂತೋಷ ಪಾಟೀಲ್ ಅವರು ಪದೇ ಪದೇ ಜಗಳವಾಡುವುದನ್ನು ಸಹಿಸಿಕೊಳ್ಳಲಾಗದೇ ಅನುಷಾ ಅವರು ಮನೆ ಬಿಟ್ಟಿದ್ದರು. ಪತ್ನಿ ತವರು ಸೇರಿದ ಕಾರಣ ಸಂತೋಷ ಪಾಟೀಲ್ ಅವರು ಇನ್ನಷ್ಟು ಬೇಸರಕ್ಕೆ ಒಳಗಾಗಿದ್ದರು. ಜೂನ್ 26ರಂದು ಮನೆಯೊಳಗೆ ಹೋದ ಸಂತೋಷ್ ಪಾಟೀಲ್ ಅವರು ಹೊರಗೆ ಬರಲಿಲ್ಲ. ಜೂನ್ 27ರ ಬೆಳಗ್ಗೆ 9.45ಕ್ಕೆ ಅವರು ಆತ್ಮಹತ್ಯೆಗೆ ಶರಣಾಗಿರುವುದನ್ನು ಅವರ ತಮ್ಮ ಶ್ರೀಕಾಂತ ಪಾಟೀಲ್ ಅವರು ನೋಡಿದರು. ಶ್ರೀಕಾಂತ ಪಾಟೀಲ್ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಯಲ್ಲಾಪುರ ಪಿಸೈ ಮಹಾವೀರ ಕಾಂಬಳೆ ಅವರು ಸ್ಥಳಕ್ಕೆ ಭೇಟಿ ನೀಡಿದರು. ನಂತರ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು.
- [ಪಾಠ ಮಾಡುವ ಬದಲು ಕಾಟ ಕೊಟ್ಟ ಕಾಮುಕ!](https://mobiletime.in/2026/06/a-lover-who-gave-trouble-instead-of-teaching/): ಸಿದ್ದಾಪುರದ ಕಾನಸೂರಿನ ಇಂದಿರಾಗಾoಧಿ ವಸತಿ ಶಾಲೆಯ 9ನೇ ತರಗತಿ ವಿದ್ಯಾರ್ಥಿನಿ ಜೊತೆ ಶಿಕ್ಷಕ ಅಬ್ಬು ತಲಹ್ ಅವರು ಅನುಚಿತವಾಗಿ ವರ್ತಿಸಿದ್ದು, ಅದನ್ನು ನೋಡಿದ ತಪ್ಪಿಗೆ ಅದೇ ಹಾಸ್ಟೇಲಿನ ಗೋಕುಲ ಗೌಡ ಅವರು ಸಾವನಪ್ಪಿದ್ದಾರೆ. ಈ ಪ್ರಕರಣದ ಮುಖ್ಯ ಆರೋಪಿ ಅಬ್ಬು ತಲಹ್ ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಕಾನಸೂರಿನ ಇಂದಿರಾಗಾAಧಿ ವಸತಿ ಶಾಲೆಯ 10ನೇ ತರಗತಿ ವಿದ್ಯಾರ್ಥಿ ಗೋಕುಲ ಕೃಷ್ಣ ಗೌಡ (15) ಅವರ ಸಾವು ಮೊದಲು ಆತ್ಮಹತ್ಯೆ ಎಂದು ಬಿಂಬಿಸಲಾಗಿತ್ತು. ಗೋಕುಲ ಗೌಡ ಅವರ ಸಾವಿನ ವೇಳೆ ವಿದ್ಯುತ್ ಕಡಿತ, ವಸತಿ ನಿಲಯದ ಪ್ರಭಾರಿ ವಾರ್ಡನ್ ಸಹ ಆಗಿರುವ ಅಬ್ಬು ತಲಹ ಹಿಂದೆ ನಡೆಸಿದ ಕ್ರೌರ್ಯ ಬೆಳಕಿಗೆ ಬಂದ ನಂತರ ಆ ಸಾವಿನ ತನಿಖೆ ಇನ್ನೊಂದು ದಿಕ್ಕಿನ ಕಡೆ ಸಾಗಿತು. ಶಿಕ್ಷಕನ ಕಾಮದ ಮುಖದ ಬಗ್ಗೆ ಸಾವಿಗೂ ಮುನ್ನ ಗೋಕುಲ ಗೌಡ ಅವರು ತಾಯಿ ಬಳಿ ಹೇಳಿದ್ದರು. ಜೊತೆಗೆ ಅಬ್ಬು ತಲಾಹ್ ತಮ್ಮ ಮೇಲೆ ನಡೆಸಿದ ಹಲ್ಲೆಯ ಬಗ್ಗೆಯೂ ವಿವರಿಸಿದ್ದರು. ಗೋಕುಲ ಗೌಡ ಅವರ ಸಾವಿನ ನಂತರ ಈ ಎಲ್ಲಾ ವಿಷಯವನ್ನು ಅವರ ತಾಯಿ ಪೊಲೀಸರಲ್ಲಿ ಹೇಳಿಕೊಂಡಿದ್ದು, ಅದೇ ತನಿಖೆಗೆ ಮಹತ್ವದ ತಿರುವು ಕೊಟ್ಟಿದೆ. ಈ ಎಲ್ಲಾ ಹಿನ್ನಲೆ ಶನಿವಾರ ಪೊಲೀಸರು ಆರೋಪಿ ಶಿಕ್ಷಕನನ್ನು ಬಂಧಿಸಿದ್ದಾರೆ. ನ್ಯಾಯಾಲಯ ಅಬ್ಬು ತಲಹ್ ಅವರಿಗೆ 15 ದಿನಗಳ ನ್ಯಾಯಾಂಗ ಬಂಧನ ವಿಧಿಸಿದೆ. ಈ ಪ್ರಕರಣದ ಸಮಗ್ರ ತನಿಖೆಗಾಗಿ ಸಿದ್ದಾಪುರದ ಜನ ಪ್ರತಿಭಟಿಸಿದ್ದು, ಅದರ ಪರಿಣಾಮವಾಗಿ ಪ್ರಕರಣ ಇನ್ನಷ್ಟು ಗಂಭೀರ ಸ್ವರೂಪಪಡೆದಿದೆ. ಪೊಲೀಸರು ಈ ಸಾವಿನ ಹಿಂದಿರುವ ಸತ್ಯ ಅರಿಯುವುದಕ್ಕಾಗಿ ಸಾಕಷ್ಟು ಕಸರತ್ತು ನಡೆಸಿದ್ದಾರೆ.
- [`ನನ್ನ ಸಾವಿಗೆ ನಾನೇ ಕಾರಣ'](https://mobiletime.in/2026/06/i-am-responsible-for-my-own-death/): ಉಡುಪಿಯ ಪೂರ್ಣಪ್ರಜ್ಞ ಕಾಲೇಜಿನಲ್ಲಿ ಓದುತ್ತಿದ್ದ ಸಿದ್ದಾಪುರದ ಅಭಿರಾಮ ಹೆಗಡೆ ಅವರು `ನನ್ನ ಸಾವಿಗೆ ನಾನೇ ಕಾರಣ’ ಎಂದು ಪಟ್ಟಿಯಲ್ಲಿ ಬರೆದು ಸಹಿ ಮಾಡಿದ್ದಾರೆ. ಅದಾದ ನಂತರ ಶೌಚಾಲಯಕ್ಕೆ ಹೋಗಿ ಅವರು ಅಲ್ಲಿ ನೇಣಿಗೆ ಶರಣಾಗಿದ್ದಾರೆ. ಸಿದ್ದಾಪುರದ ಕಾನಸೂರಿನ ಬಳಿ ಅಭಿರಾಮ ವೆಂಕಟ್ರಮಣ ಹೆಗಡೆ ಅವರು ವಾಸವಾಗಿದ್ದರು. 21 ವರ್ಷದ ಅವರು ಉಡುಪಿಯ ಪೂರ್ಣಪ್ರಜ್ಞ ಕಾಲೇಜಿನ ಪ್ರವೇಶಪಡೆದಿದ್ದರು. ಅಲ್ಲಿ ಅವರು ಬಿ ಕಾಂ ಎರಡನೇ ವರ್ಷ ಓದುತ್ತಿದ್ದು, ನಾಲ್ಕನೇ ಸಮಿಸ್ಟರ್ ಪರೀಕ್ಷೆ ಮುಗಿಸಿ ಮನೆಗೆ ಮರಳಿದ್ದರು. ಜೂನ್ 22ರಂದು ಮನೆಗೆ ಬಂದ ಅಭಿರಾಮ ಹೆಗಡೆ ಅವರು ಪರೀಕ್ಷೆಯಲ್ಲಿ ಫೇಲಾಗುವ ಭಯದಲ್ಲಿದ್ದರು. ಜೂನ್ 26ರ ಮಧ್ಯಾಹ್ನ ಅಭಿರಾಮ ಹೆಗಡೆ ಅವರ ತಾಯಿ ಕೆಲಸಕ್ಕಾಗಿ ಕಾನಸೂರಿಗೆ ಹೋಗಿದ್ದರು. ಈ ವೇಳೆ ಅಭಿರಾಮ ಹೆಗಡೆ ಅವರು ಮನೆಯಲ್ಲಿ ಒಬ್ಬರೇ ಇದ್ದು, ಸಾವಿನ ನಿರ್ಧಾರ ಮಾಡಿದರು. ಓದು-ಬರಹಕ್ಕಾಗಿ ತಂದೆ ತೆಗೆಸಿಕೊಟ್ಟಿದ್ದ ನೋಟ್‌ಬುಕ್ ಮೊದಲ ಪುಟಲದಲ್ಲಿ `ನನ್ನ ಸಾವಿಗೆ ನಾನೇ ಕಾರಣ’ ಎಂದು ಅಭಿರಾಮ ಹೆಗಡೆ ಅವರು ಬರೆದು ಸಹಿ ಮಾಡಿದರು. ಅದಾದ ನಂತರ ಎರಡನೇ ಪುಟದಲ್ಲಿ `ನನ್ನ ಓದು ಅಷ್ಟಕಷ್ಟೇ. ತನ್ನ ಜೀವನ ಚನ್ನಾಗಿರಲ್ಲ. ತನಗೆ ಸಾಧಿಸಬೇಕು ಎಂಬ ಹಠವೂ ಇಲ್ಲ. ಟ್ಯೂಶನ್ ಸೇರುವ ಆಸಕ್ತಿ ಇಲ್ಲ. ಬದುಕಿ ಪ್ರಯೋಜನವಿಲ್ಲ’ ಎಂದು ಬರೆದರು. ಅದಾದ ನಂತರ ಸ್ನಾನದ ಕೋಣೆಗೆ ಹೋದ ಅಭಿರಾಮ ಹೆಗಡೆ ಅವರು ಅಲ್ಲಿದ್ದ ಜಂತಿಗೆ ನೇಣು ಹಾಕಿಕೊಂಡರು. ಸಂಜೆ ಮನೆಗೆ ಮರಳಿದ ಅವರ ತಾಯಿ ಮಗನ ಆತ್ಮಹತ್ಯೆಯ ದೃಶ್ಯ ನೋಡಿ ಆಘಾತಕ್ಕೆ ಒಳಗಾದರು. ಮಗನ ಸಾವಿನ ಬಗ್ಗೆ ವೆಂಕಟ್ರಮಣ ಹೆಗಡೆ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು.
- [ಸಮುದ್ರದಲ್ಲಿ ಸಿಕ್ಕಿದ ರಾಮ!](https://mobiletime.in/2026/06/rama-found-in-the-sea/): ಗೋಕರ್ಣ ಸಮುದ್ರದಲ್ಲಿ ಸುಂದರವಾದ ರಾಮನ ಮೂರ್ತಿ ಸಿಕ್ಕಿದೆ. ಆ ಮೂರ್ತಿ ನೋಡಿದ ಜನ ಕೈ ಮುಗಿದು ಮುಂದೆ ಸಾಗುತ್ತಿದ್ದಾರೆ. ಈಚೆಗೆ ಅನೇಕ ದೇವರ ಫೋಟೋ-ಮೂರ್ತಿಗಳು ವಿವಿಧ ಮರ ಹಾಗೂ ನೀರಿನಲ್ಲಿ ಕಾಣಿಸುತ್ತಿವೆ. ದೇವರ ಮೂರ್ತಿಗಳು ಬೀದಿಗೆ ಬರುವುದು ಮತಾಂತರ ಹೆಚ್ಚಳದ ಅನುಮಾನವನ್ನು ಹುಟ್ಟು ಹಾಕಿವೆ. ಸಾಮಾನ್ಯವಾಗಿ ಭಿನ್ನ ಮೂರ್ತಿಗಳನ್ನು ಜನ ನದಿಗೆ ಬಿಡುತ್ತಾರೆ. ಅಥವಾ ಮರದ ಬುಡದಲ್ಲಿ ಬಿಟ್ಟು ಬರುತ್ತಾರೆ. ಆದರೆ, ಈಚೆಗೆ ಸರಿಯಾಗಿರುವ ಸುಂದರ ಮೂರ್ತಿ-ಫೋಟೋಗಳು ಸಹ ಎಲ್ಲೆಂದರಲ್ಲಿ ಬೀಳುತ್ತಿರುವುದು ಸಾಮಾನ್ಯವಾಗಿದೆ. `ಕಣ ಕಣದಲ್ಲಿಯೂ ಶಿವ’ ಎಂಬ ಘೋಷವಾಕ್ಯದ ಅಡಿ ಯುವಾ ಬಿಗ್ರೇಡ್ ತಂಡವೂ ದೇವರ ಫೋಟೋಗಳಿಗೆ ವೈಜ್ಞಾನಿಕವಾಗಿ ಮುಕ್ತಿ ನೀಡುವ ಕೆಲಸ ಮಾಡುತ್ತಿದ್ದೆ. ಇದರ ರೂವಾರಿ ಅಣ್ಣಪ್ಪ ನಾಯ್ಕ ಅವರ ಪ್ರಕಾರ ವರ್ಷದಿಂದ ವರ್ಷಕ್ಕೆ ಅವರು ವೈಜ್ಞಾನಿಕವಾಗಿ ಮುಕ್ತಿ ನೀಡುವ ದೇವರ ಚಿತ್ರಗಳ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ಆಲ-ಅಶ್ವಥ ಮರದ ಅಡಿ ವಾರಕ್ಕೆ ಒಮ್ಮೆ ಸ್ವಚ್ಛಗೊಳಿಸಿದರೂ ಮತ್ತೆ ಮತ್ತೆ ಅಲ್ಲಿ ದೇವರ ಮೂರ್ತಿಗಳು ಬಂದು ಬೀಳುತ್ತಿವೆ. ಸದ್ಯ ಗೋಕರ್ಣ ಮುಖ್ಯ ಕಡಲತೀರದಲ್ಲಿಯೂ ಸುಂದರವಾದ ರಾಮನ ಮೂರ್ತಿ ಕಾಣಿಸಿದೆ. ಹೊಸ ಮೂರ್ತಿ ಸ್ಥಾಪಿಸಿ ಹಳೆಯದನ್ನು ಸಮುದ್ರಕ್ಕೆ ಬಿಟ್ಟಿದ್ದಾರ? ಅಥವಾ ಬೇರೆ ಉದ್ದೇಶಕ್ಕಾಗಿ ಮೂರ್ತಿಯನ್ನು ಇಲ್ಲಿ ತಂದಿರಿಸಿದ್ದಾರಾ? ಎಂಬುದು ಗೊತ್ತಾಗಿಲ್ಲ. ಮಳೆಗಾಲದ ಅವಧಿಯಲ್ಲಿ ನದಿಯಲ್ಲಿ ಬಿಟ್ಟ ವಸ್ತುಗಳೆಲ್ಲವೂ ಸಮುದ್ರ ಸೇರಿ ದಡಕ್ಕೆ ಬರುತ್ತಿದ್ದು, ಮರಳಿನಲ್ಲಿ ಬಿದ್ದ ರಾಮನನ್ನು ನೋಡಿ ಜನ ಕೈ ಮುಗಿಯುತ್ತಿದ್ದಾರೆ.
- [ಪಂಡಿತ್ ಆಸ್ಪತ್ರೆ: ಹಾವು ಕಚ್ಚಿದರೆ ಇಲ್ಲಿ ಔಷಧಿ ಸಿಗಲ್ಲ!](https://mobiletime.in/2026/06/pandit-hospital-if-you-get-bitten-by-a-snake-you-wont-get-medicine-here/): ಶಿರಸಿಯ ಸಹಸ್ರಳ್ಳಿಯ ಮನೆಯಲ್ಲಿ ಮಲಗಿದ್ದ 12 ವರ್ಷದ ಮಿಥುನ್ ನಾಯ್ಕ ಅವರು ಹಾವು ಕಚ್ಚಿ ಸಾವನಪ್ಪಿದ್ದು, ಮಿಥುನ್ ನಾಯ್ಕ ಅವರ ತಂದೆ ಪುಟ್ಟಪ್ಪ ನಾಯ್ಕ ಅವರು ಆಸ್ಪತ್ರೆ ಅವ್ಯವಸ್ಥೆ ವಿರುದ್ಧ ಅಸಮಧಾನವ್ಯಕ್ತಪಡಿಸಿದ್ದಾರೆ. ಆಸ್ಪತ್ರೆ ವೈದ್ಯರ ವಿರುದ್ಧವೂ ಅವರು ನಿರ್ಲಕ್ಷದ ಆರೋಪ ಮಾಡಿದ್ದಾರೆ. ಈ ದಿನ ಬಿಜೆಪಿ ರೈತಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಪುಟ್ಟಪ್ಪ ನಾಯ್ಕ ಅವರನ್ನು ಮಾತನಾಡಿಸಿದ್ದು, ಆ ದಿನ ನಡೆದ ಘಟನಾವಳಿಗಳನ್ನು ಮೆಲಕು ಹಾಕಿದ್ದಾರೆ. ಶಿರಸಿ ತಾಲೂಕಿನ ಬನವಾಸಿ ಬಳಿಯ ಸಹಸ್ರಳ್ಳಿಯಲ್ಲಿ ಪುಟ್ಟಪ್ಪ ನಾಯ್ಕ ಅವರು ವಾಸವಾಗಿದ್ದಾರೆ. ಪುಟ್ಟಪ್ಪ ನಾಯ್ಕ ಅವರಿಗೆ ಮಿಥುನ್ ನಾಯ್ಕ ಹಾಗೂ ದೀಕ್ಷಾ ನಾಯ್ಕ ಎಂಬ ಮಕ್ಕಳಿದ್ದು, ಕಳೆದ ಬುಧವಾರ ಹಾವು ಕಚ್ಚಿದ ಕಾರಣ ಮಿಥುನ್ ನಾಯ್ಕ ಅವರು ಸಾವನಪ್ಪಿದ್ದಾರೆ. ರಾತ್ರಿ ಊಟ ಮುಗಿಸಿ ಮಿಥುನ್ ನಾಯ್ಕ ಹಾಗೂ ದೀಕ್ಷಾ ನಾಯ್ಕ ಅವರು ಮಲಗಿದ್ದು, ಬೆಳಗ್ಗೆ ಎದ್ದಾಗ ಮಿಥುನ್ ನಾಯ್ಕ ಹಾಗೂ ದೀಕ್ಷಾ ನಾಯ್ಕ ಅವರಿಗೆ ಹಾವು ಕಚ್ಚಿದ್ದು ಅರಿವಿಗೆ ಬಂದಿತ್ತು. ಮಕ್ಕಳಿಬ್ಬರು ವಾಂತಿ ಮಾಡಿಕೊಂಡಿದನ್ನು ನೋಡಿದ ಪಾಲಕರು ಅವರನ್ನು ಸರ್ಕಾರಿ ಪಂಡಿತ್ ಆಸ್ಪತ್ರೆಗೆ ಕರೆತಂದಿದ್ದರು. `ಬೆಳಗ್ಗೆ 4.45ರ ವೇಳೆಗೆ ಆಸ್ಪತ್ರೆಗೆ ಬಂದಾಗ ಅಲ್ಲಿ ವೈದ್ಯರಿರಲಿಲ್ಲ. 10 ದನ ಹಾಗೂ ಇಬ್ಬರು ಜನ ಮಾತ್ರ ಆಸ್ಪತ್ರೆ ಮುಂದಿದ್ದರು’ ಎಂದು ಪುಟ್ಟಪ್ಪ ನಾಯ್ಕ ಅವರು ಹೇಳಿದ್ದಾರೆ. `ಮಕ್ಕಳ ಅನಾರೋಗ್ಯದ ಬಗ್ಗೆ ವಿಚಾರಿಸಿದಾಗ ಅಲ್ಲಿ-ಇಲ್ಲಿ ಎಂದು ತಿರುಗಾಡಿಸಿದರು. ಅದಾದ ನಂತರ ನರ್ಸ ಒಬ್ಬರು ಬಂದಿದ್ದು, ನಂತರ ಅವರು ಅಲ್ಲಿಂದ ಕಣ್ಮರೆಯಾದರು. 10 ನಿಮಿಷದ ನಂತರ ಡಾಕ್ಟರ್ ಬಂದಿದ್ದು, ಅವರಿಂದ ಹಾವು ಕಚ್ಚಿರುವುದನ್ನು ಗುರುತಿಸಲು ಆಗಲಿಲ್ಲ. ಆ ಡಾಕ್ಟರ್ ಸಹ ನಿದ್ದೆಗಣ್ಣಿನಲ್ಲಿದ್ದರು’ ಎಂದು ಪುಟ್ಟಪ್ಪ ನಾಯ್ಕ ಅವರು ವಿವರಿಸಿದ್ದಾರೆ. `ಮಿಥುನ್ ನಾಯ್ಕ ಅವರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಆದರೆ, ಕೈ ಸನ್ನೆ ಮಾಡುತ್ತಿದ್ದರು. ಈ ವೇಳೆ ಡಾಕ್ಟರ್ ಡ್ರಿಪ್ ಏರಿಸಲು ಸೂಚಿಸಿದ್ದು, ಸೂಚಿ ಚುಚ್ಚುವುದನ್ನು ನೋಡಿ ಮಿಥುನ್ ನಾಯ್ಕ ಅವರು ಕೂಗಿದರು. ಅದಾದ ನಂತರ ಒಮ್ಮೆಲೆ ಬಿದ್ದಿದ್ದು, ಹುಬ್ಬಳ್ಳಿ ಅಥವಾ ಕಾರವಾರ ಕಿಮ್ಸ್ ಆಸ್ಪತ್ರೆಗೆ ಒಯ್ಯುವಂತೆ ವೈದ್ಯರು ಸೂಚಿಸಿದರು’ ಎಂಬುದನ್ನು ಪುಟ್ಟಪ್ಪ ನಾಯ್ಕ ಅವರು ಮೆಲಕು ಹಾಕಿದ್ದಾರೆ. `ದೂರದ ಆಸ್ಪತ್ರೆಗೆ ಕರೆದೊಯ್ಯಲು ಆಗದ ಕಾರಣ ಸ್ನೇಹಿತರ ಸೂಚನೆ ಮೇರೆಗೆ ಮಹಾಲಕ್ಷಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಷ್ಟರೊಳಗೆ ಮಿಥುನ್ ನಾಯ್ಕ ಅವರು ಸಾವನಪ್ಪಿದ್ದರು. ಆ ಆಸ್ಪತ್ರೆಯವರು ಮಗಳು ದೀಕ್ಷಾ ನಾಯ್ಕ ಅವರನ್ನಾದರೂ ಬದುಕಿಸುವ ಪ್ರಯತ್ನ ಮಾಡಿದ್ದು, ಅದು ಸಹ ಅನುಮಾನ ಎಂದಿದ್ದರು. ಆದರೆ, ವೈದ್ಯರ ಚಿಕಿತ್ಸೆ ನಂತರ ದೀಕ್ಷಾ ನಾಯ್ಕ ಅವರು ಜೀವಾಪಾಯದಿಂದ ಪಾರಾದರು’ ಎಂದು ವಿವರಿಸಿದರು. `ಮಿಥುನ್ ನಾಯ್ಕ ಅವರ ಕಿವಿಗೆ ಹಾಗೂ ದೀಕ್ಷಾ ನಾಯ್ಕ ಅವರ ಕೈಗೆ ಹಾವು ಕಚ್ಚಿದನ್ನು ಮಹಾಲಕ್ಷಿ ಆಸ್ಪತ್ರೆ ವೈದ್ಯರು ನೋಡಿ ತಿಳಿಸಿದರು. ಸರ್ಕಾರಿ ಆಸ್ಪತ್ರೆ ವೈದ್ಯರಿಗೆ ಏನಾಗಿದೆ? ಎಂದು ಸಹ ಗೊತ್ತಾಗುವ ಹಾಗಿರಲಿಲ್ಲ. ಸರ್ಕಾರಿ ಆಸ್ಪತ್ರೆಯಲ್ಲಿಯೇ ಸರಿಯಾಗಿ ಔಷಧಿ ಮಾಡಿದ್ದರೆ ಮಿಥುನ್ ನಾಯ್ಕ ಅವರು ಸಾವನಪ್ಪುತ್ತಿರಲಿಲ್ಲ. ಅಲ್ಲನ ಆಸ್ಪತ್ರೆಯವರಿಗೆ ತುರ್ತು ಪರಿಸ್ಥಿತಿಯಲ್ಲಿ ಏನಾಗಿದೆ? ಎಂದು ಸಹ ಗೊತ್ತಾಗುವುದಿಲ್ಲ’ ಎಂದು ಆಕ್ರೋಶವ್ಯಕ್ತಪಡಿಸಿದರು. ಈ ಎಲ್ಲಾ ವಿಷಯ ಕೇಳಿದ ಅನಂತಮೂರ್ತಿ ಹೆಗಡೆ ಅವರು ಪುಟ್ಟಪ್ಪ ನಾಯ್ಕ ಅವರಿಗೆ ಆರ್ಥಿಕ ಸಹಾಯ ಮಾಡಿದರು. `ಸರ್ಕಾರಿ ಆಸ್ಪತ್ರೆ ಸುಧಾರಿಸಿ’ ಎಂಬ ನಿಟ್ಟಿನಲ್ಲಿ ಹೋರಾಟ ನಡೆಸುವುದಾಗಿ ಆಶ್ವಾಸನೆ ನೀಡಿದರು. `ಇಲ್ಲಿನ ಅವ್ಯವಸ್ಥೆ ಸರಿಪಡಿಸಬೇಕು. ಮಿಥುನ್ ನಾಯ್ಕ ಅವರ ಸಾವಿಗೆ ನ್ಯಾಯ ಸಿಗಬೇಕು’ ಎಂದು ಪುಟ್ಟಪ್ಪ ನಾಯ್ಕ ಅವರು ಆಗ್ರಹಿಸಿದರು.
- [ಬೆಂಗಳೂರಿನಲ್ಲಿ ಬದುಕದ ಭಟ್ಕಳದ ಬೆಡಗಿ!](https://mobiletime.in/2026/06/a-bhatkal-witch-who-doesnt-live-in-bangalore/): ಬೆಂಗಳೂರಿಗೆ ಹೋಗಿದ್ದ ಭಟ್ಕಳದ ದೀಪಾಲಿ ಗೊಂಡ ಅವರು ಕೆ ಆರ್ ಪುರಂ ಬಳಿ ನಡೆದ ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಏಳು ತಿಂಗಳ ಹಿಂದೆ ಉದ್ಯೋಗ ಅರೆಸಿ ಹೋಗಿದ್ದ ಅವರು ಸಹೋದ್ಯೋಗಿಯೊಬ್ಬರ ಮದುವೆಗೆ ಹೋಗಿ ಮರಳುವಾಗ ದುರಂತ ಅಂತ್ಯ ಕಂಡಿದ್ದಾರೆ. ಭಟ್ಕಳದ ಬೆಳಕೆ ಗ್ರಾಮದ ಕಾನುಬದ್ಲು ಬೊಮ್ಮನಕೆರೆಯಲ್ಲಿ ದೀಪಾಲಿ ಗುರು ಗೊಂಡ ಅವರು ವಾಸವಾಗಿದ್ದರು. 22 ವರ್ಷದ ಅವರು ಉದ್ಯೋಗ ಹುಡುಕುತ್ತಿದ್ದು, ಬೆಂಗಳೂರಿನ ಖಾಸಗಿ ಕಂಪನಿ ಅವರಿಗೆ ಅವಕಾಶ ನೀಡಿತ್ತು. ಹೀಗಾಗಿ ಏಳು ತಿಂಗಳ ಹಿಂದೆ ಅವರು ಬೆಂಗಳೂರಿಗೆ ಹೋಗಿ ಬದುಕು ಕಟ್ಟಿಕೊಳ್ಳುವ ಪ್ರಯತ್ನ ನಡೆಸಿದ್ದರು. ಹೀಗಿರುವಾಗ ಪರಿಚಯಸ್ಥರೊಬ್ಬರ ಮದುವೆಗೆ ಹೋಗಲು ದೀಪಾಲಿ ಅವರು ನಿರ್ಧರಿಸಿದ್ದರು. ಅವರ ಕಚೇರಿಯಲ್ಲಿ ಕೆಲಸ ಮಾಡುವ ಇನ್ನಿತರ ಸ್ನೇಹಿತರ ಜೊತೆ ಅವರು ಟಿಟಿ ವಾಹನದಲ್ಲಿ ಮದುವೆಗೆ ಹೋಗಿದ್ದರು. ಮದುವೆ ಮುಗಿಸಿ ಮರಳುವಾಗ ಆ ಟಿಟಿ ವಾಹನಕ್ಕೆ ಲಾರಿಯೊಂದು ಗುದ್ದಿತು. ರಸ್ತೆ ಬದಿ ಟಿಟಿ ವಾಹನ ನಿಲ್ಲಿಸಿದ್ದ ಚಾಲಕ ಅದರಲ್ಲಿದ್ದ ಪ್ರಯಾಣಿಕರನ್ನು ಕೆಳಗೆ ಇಳಿಯುವಂತೆ ಸೂಚಿಸಿದ್ದರು. ಕೊನೆಯ ಮೂವರು ಪ್ರಯಾಣಿಕರು ಮಾತ್ರ ಟಿಟಿ ವಾಹನದಲ್ಲಿದ್ದು, ಅದರಲ್ಲಿ ದೀಪಾಲಿ ಅವರು ಸಹ ಒಬ್ಬರಾಗಿದ್ದರು. ಲಾರಿ ಗುದ್ದಿದ ರಭಸಕ್ಕೆ ಟಿಟಿ ವಾಹನ ಪಲ್ಟಿಯಾಗಿದ್ದು, ಅದರೊಳಗೆ ಸಿಲುಕಿದ್ದರು. ಅವರ ಜೊತೆಗಿದ್ದ ಮತ್ತೊಬ್ಬರು ಗಂಭೀರವಾಗಿ ಗಾಯಗೊಂಡರು. ದೀಪಾಲಿ ಅವರ ದೇಹಕ್ಕೆ ದೊಡ್ಡ ಪೆಟ್ಟಾಗದೇ ಇದ್ದರೂ ತಲೆಗೆ ಭಾರೀ ಪ್ರಮಾಣದಲ್ಲಿ ಗಾಯವಾಗಿದ್ದರಿಂದ ಅವರು ಪ್ರಜ್ಞೆ ತಪ್ಪಿದ್ದರು. ಆಸ್ಪತ್ರೆಗೆ ಸಾಗಿಸುವಾಗ ಕೊನೆಯುಸಿರೆಳೆದರು. ಈ ವೇಳೆ ಭಾರೀ ಪ್ರಮಾಣದಲ್ಲಿ ಟ್ರಾಫಿಕ್ ಜಾಮ್ ಆಗಿದ್ದರಿಂದ ಆಂಬುಲೆನ್ಸ ಬರಲು ತಡವಾಯಿತು. ರಕ್ಷಣಾ ಕಾರ್ಯಾಚರಣೆಗೂ ಜನ ಜಂಗುಳಿ ಅಡ್ಡಿಯಾಯಿತು.
- [ಮಕ್ಕಳು ಶಾಲೆಗೆ: ಶಿಕ್ಷಕರು ಎಸ್ಐಆರ್ ಪರಿಶೀಲನೆಗೆ](https://mobiletime.in/2026/06/children-to-school-teachers-to-voters-doorsteps/): ರಾಜ್ಯದ ಸರ್ಕಾರಿ ಶಾಲೆಗಳ ಶಿಕ್ಷಕರಿಗೆ ಚುನಾವಣಾ ಆಯೋಗದ ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆ (ಎಸ್‌ಐಆರ್) ಕಾರ್ಯದ ಜವಾಬ್ದಾರಿ ನೀಡಿರುವುದು ಶಿಕ್ಷಣ ವಲಯದಲ್ಲಿ ಆತಂಕ ಮೂಡಿಸಿದೆ. ಅದರಲ್ಲೂ ಉತ್ತರ ಕನ್ನಡ ಜಿಲ್ಲೆಯ ಅನೇಕ ಸರ್ಕಾರಿ ಶಾಲೆಗಳಲ್ಲಿ ಒಬ್ಬರೇ ಶಿಕ್ಷಕರಿರುವ ಕಾರಣ, ಶಾಲೆ ಮತ್ತು ಚುನಾವಣಾ ಕೆಲಸ ಎರಡನ್ನೂ ಸಮತೋಲನಗೊಳಿಸುವುದು ಕಷ್ಟಕರವಾಗಿದೆ.   ಹೊಸ ಶೈಕ್ಷಣಿಕ ವರ್ಷ ಆರಂಭವಾಗಿ ಮಕ್ಕಳಿಗೆ ಪಾಠಗಳು ಆರಂಭವಾಗಿರುವ ವೇಳೆಯಲ್ಲೇ ಶಿಕ್ಷಕರು ಮನೆಮನೆಗೆ ತೆರಳಿ ಮತದಾರರ ಪರಿಶೀಲನೆ, ದಾಖಲೆ ಸಂಗ್ರಹ, ನಮೂನೆಗಳ ಭರ್ತಿ ಮತ್ತು ಪರಿಶೀಲನಾ ಕಾರ್ಯದಲ್ಲಿ ತೊಡಗಬೇಕಾಗಿದೆ. ಇದರಿಂದ ಶಾಲೆಗಳಲ್ಲಿ ನಿಯಮಿತ ಬೋಧನೆಗೆ ಅಡ್ಡಿಯಾಗಲಿದೆ. ಶಿಕ್ಷಕರ ಸಂಘಗಳೂ ಈ ಬಗ್ಗೆ ಕಳವಳ ವ್ಯಕ್ತಪಡಿಸುತ್ತಿದ್ದು, ಈಗಾಗಲೇ ಶಿಕ್ಷಕರ ಕೊರತೆಯಿಂದ ಬಳಲುತ್ತಿರುವ ಶಾಲೆಗಳಲ್ಲಿ ಮಕ್ಕಳ ಕಲಿಕೆ ಇನ್ನಷ್ಟು ಹಿನ್ನಡೆಯಾಗಬಹುದು ಎಂದು ಹೇಳುತ್ತಿವೆ. ಬೆಂಗಳೂರು ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಇದೇ ಕಾರಣಕ್ಕೆ ಪಾಠದ ಅವಧಿ ಕಡಿಮೆಯಾಗುವ ಆತಂಕ ವ್ಯಕ್ತವಾಗಿದೆ.   ವಿಶೇಷವಾಗಿ ಉತ್ತರ ಕನ್ನಡ ಜಿಲ್ಲೆಯಂತಹ ಗ್ರಾಮೀಣ ಪ್ರದೇಶಗಳಲ್ಲಿ ಒಬ್ಬರೇ ಶಿಕ್ಷಕರಿರುವ ಶಾಲೆಗಳ ಸ್ಥಿತಿ ಗಮನಿಸಿದರೆ, ಚುನಾವಣಾ ಇಲಾಖೆಯ ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆ (SIR) ಕಾರ್ಯದಿಂದ ಮಕ್ಕಳ ಕಲಿಕೆಯ ಮೇಲೆ ಗಂಭೀರ ಪರಿಣಾಮ ಬೀರುವ ಸಾಧ್ಯತೆ ಇದೆ. ಕರ್ನಾಟಕದಲ್ಲಿ ಎಸ್‌ಐಆರ್ ಪ್ರಕ್ರಿಯೆಗಾಗಿ ಸರ್ಕಾರಿ ಶಾಲಾ ಶಿಕ್ಷಕರನ್ನು ದೊಡ್ಡ ಪ್ರಮಾಣದಲ್ಲಿ ಬೂತ್ ಮಟ್ಟದ ಅಧಿಕಾರಿಗಳಾಗಿ (BLO) ನಿಯೋಜಿಸಲಾಗಿದೆ. ಮನೆಮನೆಗೆ ತೆರಳಿ ಮತದಾರರ ಪರಿಶೀಲನೆ, ದಾಖಲೆ ಸಂಗ್ರಹ ಮತ್ತು ನಮೂನೆಗಳ ಪರಿಶೀಲನೆಗೆ ಜೂನ್ ಅಂತ್ಯದಿಂದ ಜುಲೈ ಅಂತ್ಯದವರೆಗೆ ವೇಳಾಪಟ್ಟಿ ನಿಗದಿಯಾಗಿದೆ.    ಉತ್ತರ ಕನ್ನಡ ಜಿಲ್ಲೆಯ ಮಲೆನಾಡು ಹಾಗೂ ಗ್ರಾಮೀಣ ಭಾಗದ ಅನೇಕ ಶಾಲೆಗಳಲ್ಲಿ ಒಬ್ಬರೇ ಶಿಕ್ಷಕರು ಒಂದರಿಂದ ಐದನೇ ತರಗತಿವರೆಗೆ ಎಲ್ಲ ಮಕ್ಕಳಿಗೂ ಪಾಠ ಮಾಡುತ್ತಿದ್ದಾರೆ. ಇಂತಹ ಶಾಲೆಗಳಲ್ಲಿ ಶಿಕ್ಷಕರು ಚುನಾವಣಾ ಕೆಲಸಕ್ಕೆ ತೆರಳಿದರೆ, ಶಾಲೆಗೆ ಪರ್ಯಾಯ ಶಿಕ್ಷಕರನ್ನು ನೇಮಿಸುವ ವ್ಯವಸ್ಥೆ ಇಲ್ಲ. ಪರಿಣಾಮವಾಗಿ ಮಕ್ಕಳು ಹಲವು ದಿನಗಳ ಕಾಲ ಪರಿಣಾಮಕಾರಿ ಕಲಿಕೆಯಿಂದ ವಂಚಿತರಾಗಲಿದ್ದಾರೆ.   ಇನ್ನೊಂದೆಡೆ, ನ್ಯಾಯಾಲಯಗಳಲ್ಲೂ ಶಿಕ್ಷಕರನ್ನು ಚುನಾವಣಾ ಸಂಬಂಧಿತ ಕೆಲಸಕ್ಕೆ ಬಳಸುವಾಗ ಬೋಧನಾ ಸಮಯಕ್ಕೆ ಧಕ್ಕೆಯಾಗದಂತೆ ನೋಡಿಕೊಳ್ಳಬೇಕು ಎಂದು ಮಾರ್ಗಸೂಚಿಗಳನ್ನು ಉಲ್ಲೇಖಿಸಲಾಗಿದೆ. ಸಾಧ್ಯವಾದಷ್ಟು ರಜೆ ದಿನಗಳು ಅಥವಾ ಬೋಧನೇತರ ಸಮಯದಲ್ಲೇ ಇಂತಹ ಕಾರ್ಯಗಳನ್ನು ನಡೆಸುವಂತೆ ಸೂಚಿಸಲಾಗಿದೆ.   ಸರ್ಕಾರ ಒಂದು ಕಡೆ ಸರ್ಕಾರಿ ಶಾಲೆಗಳಿಗೆ ಹೆಚ್ಚಿನ ಮಕ್ಕಳನ್ನು ಸೇರಿಸುವ ಅಭಿಯಾನ ನಡೆಸುತ್ತಿದ್ದು, ಮತ್ತೊಂದೆಡೆ ಅದೇ ಶಾಲೆಗಳ ಶಿಕ್ಷಕರನ್ನು ದೀರ್ಘಾವಧಿಯ ಚುನಾವಣಾ ಕೆಲಸಕ್ಕೆ ನಿಯೋಜಿಸುವುದು ಶಿಕ್ಷಣದ ಗುಣಮಟ್ಟದ ಬಗ್ಗೆ ಪ್ರಶ್ನೆಗಳನ್ನು ಎಬ್ಬಿಸಿದೆ. ಶಿಕ್ಷಣ ತಜ್ಞರ ಅಭಿಪ್ರಾಯದಂತೆ, ಮಕ್ಕಳ ಕಲಿಕೆಯ ಹಕ್ಕಿಗೆ ಧಕ್ಕೆಯಾಗದಂತೆ ಚುನಾವಣಾ ಕಾರ್ಯ ಮತ್ತು ಶಿಕ್ಷಣದ ನಡುವೆ ಸಮತೋಲನ ಕಾಯ್ದುಕೊಳ್ಳುವುದು ಅಗತ್ಯವಾಗಿದೆ.   ಉತ್ತರ ಕನ್ನಡ ಜಿಲ್ಲೆಯಲ್ಲಿ ಎಷ್ಟು ಏಕ-ಶಿಕ್ಷಕರ ಶಾಲೆಗಳಿವೆ, ಎಷ್ಟು ಶಿಕ್ಷಕರನ್ನು ಎಸ್‌ಐಆರ್ ಕಾರ್ಯಕ್ಕೆ ನಿಯೋಜಿಸಲಾಗಿದೆ ಹಾಗೂ ಶಿಕ್ಷಣ ಇಲಾಖೆ ಈ ಬಗ್ಗೆ ಯಾವ ಕ್ರಮ ಕೈಗೊಂಡಿದೆ ಎಂಬ ಮಾಹಿತಿ ಬಹಿರಂಗವಾದರೆ ಪರಿಸ್ಥಿತಿಯ ಸ್ಪಷ್ಟ ಚಿತ್ರಣ ದೊರೆಯಲಿದೆ. ಈ ಬಗ್ಗೆ ಜಿಲ್ಲಾಡಳಿತ ಹಾಗೂ ಶಿಕ್ಷಣ ಇಲಾಖೆಯ ಸ್ಪಷ್ಟನೆಗೆ ಸಾರ್ವಜನಿಕರು ಮತ್ತು ಪೋಷಕರು ಕಾಯುತ್ತಿದ್ದಾರೆ.
- [ಬೈಕಿಗೆ ಗುದ್ದಿದ ಟಿಪ್ಪರ್: ಗಂಭೀರ ಗಾಯಗೊಂಡಿದ್ದ ಯುವಕ ಸಾವು!](https://mobiletime.in/2026/06/a-tipper-truck-hit-a-bike-a-young-man-with-serious-injuries-died/): ಅಡ್ಡಾದಿಡ್ಡಿ ಟಿಪ್ಪರ್ ಓಡಿಸುವ ಶಿರಸಿ ಕೂರ್ಸೆ ಬಳಿಯ ಗೋಪಾಲ ಗೌಡ ಅವರು ಕಳೆದ ತಿಂಗಳು ಬೈಕಿಗೆ ಟಿಪ್ಪರ್ ಗುದ್ದಿದ್ದು, ಆ ಅಪಘಾತದಲ್ಲಿ ಗಾಯಗೊಂಡಿದ್ದ ದೊಡ್ನಳ್ಳಿ ಬಳಿಯ ಉಲ್ಲಾಸ್ ಆರೇರ್ ಅವರು ಸಾವನಪ್ಪಿದ್ದಾರೆ. ಒಂದು ತಿಂಗಳ ಕಾಲ ಅವರನ್ನು ಆಸ್ಪತ್ರೆಯಲ್ಲಿರಿಸಿಕೊಂಡರೂ ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಶಿರಸಿಯ ದೊಡ್ನಳ್ಳಿ ಬಳಿಯ ಬಿಕ್ಕನಳ್ಳಿಯಲ್ಲಿ ಉಲ್ಲಾಸ್ ಸಣ್ಯ ಆರೇರ್ ಅವರು ವಾಸವಾಗಿದ್ದರು. ಈಗಿನ್ನೂ 27 ವರ್ಷದ ಅವರು ಮೇ 27ರಂದು ಮಂಜಗುಣಿಯಿoದ ಶಿರಸಿ-ಕುಮಟಾ ಮಾರ್ಗವಾಗಿ ಬೈಕ್ ಓಡಿಸುತ್ತಿದ್ದರು. ಅದೇ ದಾರಿಯಲ್ಲಿ ಶಿರಸಿ ಕಲ್ಲಕಂಟ ಕೂರ್ಸೆಯ ಗೋಪಾಲ ಮಹಾಬಲೇಶ್ವರ ಗೌಡ ಅವರು ಟಿಪ್ಪರ್ ಓಡಿಸಿಕೊಂಡು ಬಂದರು. ಅತ್ಯಂತ ವೇಗವಾಗಿ ಬಂದ ಟಿಪ್ಪರ್ ಉಲ್ಲಾಸ್ ಆರೇರ್ ಅವರ ಬೈಕಿಗೆ ಡಿಕ್ಕಿ ಹೊಡೆಯಿತು. ಹಿಂದಿನಿoದ ಟಿಪ್ಪರ್ ಗುದ್ದಿದ ಪರಿಣಾಮ ಉಲ್ಲಾಸ್ ಆರೇರ್ ಅವರು 10 ಅಡಿಯವರೆಗೆ ರಸ್ತೆ ಮೇಲೆ ಉಜ್ಜಿಕೊಂಡು ಹೋದರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಈ ಅಪಘಾತ ನೋಡಿದ ಜನ ಉಲ್ಲಾಸ್ ಆರೇರ್ ಅವರನ್ನು ಶಿರಸಿ ಪಂಡಿತ್ ಆಸ್ಪತ್ರೆಗೆ ದಾಖಲಿಸಿದರು. ನಂತರ ಕುಟುಂಬದವರು ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಕಿಮ್ಸ್’ಗೆ ಕರೆದೊಯ್ದರು. ಒಂದು ತಿಂಗಳ ಕಾಲ ವೈದ್ಯರು ಅವರಿಗೆ ಆರೈಕೆ ಮಾಡಿದರು. ಕುಟುಂಬದವರು ಸಹ ಉಲ್ಲಾಸ್ ಆರೇರ್ ಅವರನ್ನು ಉಳಿಸಿಕೊಳ್ಳಲು ಸಾಕಷ್ಟು ಪ್ರಯತ್ನಿಸಿದರು. ಆದರೆ, ಅದು ಪ್ರಯೋಜನಕ್ಕೆ ಬರಲಿಲ್ಲ. ನಿನ್ನೆ ಉಲ್ಲಾಸ್ ಆರೇರ್ ಅವರ ತಂಗಿ ನೇತ್ರಾವತಿ ಆರೇರ್ ಅವರು ಸಾವಿನ ಸುದ್ದಿ ಹೇಳಲು ಪೊಲೀಸರಿಗೆ ಫೋನ್ ಮಾಡಿದರು. ದೊಡ್ನಳ್ಳಿಯ ಅಭಿಷೇಕ ಮಧುಕೇಶ್ವರ ಆರೇರ್ ಅವರು ಈ ಮೊದಲು ಅಪಘಾತದ ಬಗ್ಗೆ ಮಾಹಿತಿ ನೀಡಿದ್ದು, ಅದೇ ಆಧಾರದಲ್ಲಿ ಪೊಲೀಸರು ಟಿಪ್ಪರ್ ಚಾಲಕ ಗೋಪಾಲ ಗೌಡ ಅವರ ವಿರುದ್ಧ ಕ್ರಮ ಜರುಗಿಸಿದರು.
- [ಇನಸ್ಟಾಗ್ರಾಮಿನ ಮೇಲೆಯೂ ಪೊಲೀಸ್ ಕಣ್ಣು!](https://mobiletime.in/2026/06/police-eye-on-instagram/): ಲೈಕು-ಶೇರು-ಕಮೆಂಟಿನ ಆಸೆಗಾಗಿ ರಸ್ತೆ ಮೇಲೆ ಅಡ್ಡಾದಿಡ್ಡಿ ಬೈಕ್ ಓಡಿಸಿದ ಇನಸ್ಟಾಗ್ರಾಮ್ ಖಾತೆದಾರನ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಸರಾಗವಾಗಿ ಬೈಕಿನಲ್ಲಿ ಸಾಗುವುದನ್ನು ಬಿಟ್ಟು ವ್ಹೀಲಿಂಗ್ ಮಾಡಿದ್ದ ವ್ಯಕ್ತಿಗೆ ಇದೀಗ ಸಂಕಷ್ಟ ಎದುರಾಗಿದೆ. ಭಟ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಸಚಿನ್ ಯಶವಂತರಾವ್ ಪವಾರ್ ಅವರು ಕರ್ತವ್ಯ ನಿಭಾಯಿಸುತ್ತಿದ್ದು, ಅವರು ಅಲ್ಲಿ ಸೋಷಿಯಲ್ ಮೀಡಿಯಾ ಮಾನಿಟರಿಂಗ್ ಸೆಲ್ ಸಿಬ್ಬಂದಿಯಾಗಿದ್ದಾರೆ. ಹೀಗಾಗಿ ವಿವಿಧ ಸಾಮಾಜಿಕ ಜಾಲತಾಣಗಳನ್ನು ಗಮನಿಸುವುದು ಅವರ ಕರ್ತವ್ಯವಾಗಿದೆ. ಜೂನ್ 25ರಂದು ಸಚಿನ್ ಪವಾರ್ ಅವರು ಇನಸ್ಟಾಗ್ರಾಂ ಖಾತೆ ನೋಡುವಾಗ ಅಲ್ಲಿ ವ್ಯಕ್ತಿಯೊಬ್ಬರು ವ್ಹೀಲಿಂಗ್ ಮಾಡಿದ ವಿಡಿಯೋ ಕಾಣಿಸಿದೆ. ಅದು ಭಟ್ಕಳದಲ್ಲಿ ಚಿತ್ರಿಕರಿಸಿದ ವಿಡಿಯೋ ಎಂಬುದು ಸಹ ಗೊತ್ತಾಗಿದೆ. ಅಪಾಯಕಾರಿಯಾಗಿ ಬೈಕ್ ಓಡಿಸಿದ ಇನಸ್ಟಾಗ್ರಾಮ್ ಖಾತೆದಾರನ ವಿರುದ್ಧ ಅವರು ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ. akkihotpiston ಹೆಸರಿನ ಖಾತೆಯಲ್ಲಿ ಭಟ್ಕಳದ ವಿವಿಧ ಸಾರ್ವಜನಿಕ ರಸ್ತೆಗಳಲ್ಲಿ ದ್ವಿಚಕ್ರ ವಾಹನಗಳ ಮೂಲಕ ಅಪಾಯಕಾರಿಯಾಗಿ ವ್ಹೀಲಿಂಗ್ ನಡೆಸಿದ ವಿಡಿಯೋಗಳನ್ನು ಅಪ್ಲೋಡ್ ಮಾಡಿದ ಕಾರಣ ಅವರು ಕೇಸು ದಾಖಲಿಸಿದ್ದಾರೆ. `ಈ ವಿಡಿಯೋಗಳು ಸಾರ್ವಜನಿಕರ ಜೀವಕ್ಕೆ ಅಪಾಯ ಉಂಟುಮಾಡುವುದರ ಜೊತೆಗೆ ಯುವಕರನ್ನು ಇಂಥ ಅಪಾಯಕಾರಿ ಸಾಹಸಗಳಿಗೆ ಪ್ರೇರೇಪಿಸುವಂತಿವೆ’ ಎಂದವರು ದೂರಿದ್ದಾರೆ. akkihotpiston ಖಾತೆದಾರನಿಗೆ ಲಕ್ಷಾಂತರ ಜನ ಪಾಲೋವರ್ಸ ಇದ್ದು, ವಿವಿಧ ಉತ್ಪನ್ನಗಳನ್ನು ಅವರು ಪ್ರಚಾರ ಮಾಡುತ್ತಿದ್ದಾರೆ. ಮುಖ್ಯವಾಗಿ ಬೈಕುಗಳ ಬಗ್ಗೆ ಅವರು ಪ್ರಚಾರ ಕಾರ್ಯ ನಡೆಸುತ್ತಿದ್ದು, ಪ್ರಕರಣ ದಾಖಲಾದ ನಂತರ ಆ ವಿಡಯೋ ಡಿಲಿಟ್ ಮಾಡಿದ್ದಾರೆ.
- [ಭೀಮಣ್ಣ ವಿರುದ್ಧ ಅವಹೇಳನ!](https://mobiletime.in/2026/06/insult-against-bhimanna/): ಶಿರಸಿಯ ಶಿಂಗನಮನೆಯಲ್ಲಿ ನಡೆದ ಕೊಲೆ ಪ್ರಕರಣಕ್ಕೆ ಸಂಬoಧಿಸಿ ಶಾಸಕ ಭೀಮಣ್ಣ ನಾಯ್ಕ ಅವರ ವಿರುದ್ಧ ವ್ಯಕ್ತಿಗಳಿಬ್ಬರು ಅವಹೇಳನಕಾರಿಯಾಗಿ ಮಾತನಾಡಿದ್ದಾರೆ. ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ವಿಭಾಗ ಅಧ್ಯಕ್ಷ ಪ್ರಸನ್ನ ಶೆಟ್ಟಿ ಅವರು ಇದನ್ನು ಗಮನಿಸಿದ್ದು, ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಶಿರಸಿ ಶಿಂಗನಮನೆಯ ಪರಮೇಶ್ವರ ನಾಯ್ಕ ಅವರ ಕೊಲೆಯಾಗಿದೆ. ಈ ಕುರಿತು ವಿವಿಧ ಮಾಧ್ಯಮಗಳು ವರದಿ ಪ್ರಸಾರ ಮಾಡಿವೆ. ಸಾವಿರಾರು ಜನ ವೀಕ್ಷಿಸುವ ಶಿರಸಿಯ ಮಾರಿಕಾಂಬಾ ಟಿವಿಯೂ ಈ ಕುರಿತು ವರದಿ ಪ್ರಸಾರ ಮಾಡಿದೆ. ಫೇಸ್ಬುಕ್’ನಲ್ಲಿ ಹರಿದಾಡಿದ ಮಾರಿಕಾಂಬಾ ಟಿವಿಯ ವರದಿ ಅಡಿ ಕಿಡಿಗೇಡಿಗಳು ಶಾಸಕ ಭೀಮಣ್ಣ ನಾಯ್ಕ ಅವರ ವಿರುದ್ಧ ಅವಹೇಳನಕಾರಿಯಾಗಿ ಕಮೆಂಟ್ ಮಾಡಿದ್ದಾರೆ. ಚಿದಂಬರ ಗುನಗಾ ಎಂಬ ಪ್ರೋಪೈಲ್ ಹೊಂದಿದ ವ್ಯಕ್ತಿಯೊಬ್ಬರು ಭೀಮಣ್ಣ ನಾಯ್ಕ ಅವರ ಕುರಿತು ಕೆಟ್ಟ ಶಬ್ದಗಳನ್ನು ಬಳಕೆ ಮಾಡಿದ್ದಾರೆ. ಅದಕ್ಕೆ ಪ್ರತಿಕ್ರಿಯೆ ನೀಡಿದ ಸಂತೋಷ ಡಿಸೋಜಾ ಎಂಬ ಪ್ರೊಪೈಲಿನವರು `ಭೀಮಣ್ಣ ನಾಯ್ಕ ಅವರ ಬಲದ ಮೇಲೆ ಇಂತಹುದು ನಡೆಯುತ್ತಿರುವುದು’ ಎಂಬ ಅರ್ಥದಲ್ಲಿ ಕಮೆಂಟ್ ಹಾಕಿದ್ದಾರೆ. `ಯಾರು ಯಾರನ್ನು ಕೊಲೆ ಮಾಡುತ್ತಾರೆ ಎಂದು ಭೀಮಣ್ಣ ನೋಡುತ್ತ ಕೂರಬೇಕ?’ ಎಂದು ಗೋಪಿ ನಾಯ್ಕ ಅವರು ಅದಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ. `ಉತ್ತರ ಕನ್ನಡ ಹಾಗೂ ಶಿರಸಿಯಲ್ಲಿ ಇಂಥವು ಹೆಚ್ಚಾಗಿದೆ’ ಎನ್ನುವುದರ ಬಗ್ಗೆಎ ವಿನೋತ ಕೋಟರ‍್ಕರ್ ಎಂಬ ಖಾತೆದಾರರು ಕಮೆಂಟ್ ಮಾಡಿದ್ದಾರೆ. ಕಾಂಗ್ರೆಸ್ ಸಾಮಾಜಿಕ ಜಾಲತಾಣದ ಅಧ್ಯಕ್ಷ ಪ್ರಸನ್ನ ಶೆಟ್ಟಿ ಅವರು ಇದನ್ನು ಗಮನಿಸಿದ್ದು, ಶಾಸಕರ ವಿರುದ್ಧ ಅನಗತ್ಯ ಆರೋಪ ಮಾಡಿ, ಅವಹೇಳನ ಪದ ಬಳಕೆ ಮಾಡಿದವರ ವಿರುದ್ಧ ಕಿಡಿಕಾರಿದ್ದಾರೆ. ತಕ್ಷಣ ಕಾನೂನು ಕ್ರಮಕ್ಕಾಗಿ ಅವರು ಪೊಲೀಸರಿಗೆ ದೂರಿದ್ದಾರೆ. `ಈ ಕಮೆಂಟ್ ನೋಡಿ ಶಾಸಕರ ಅಭಿಮಾನಿಗಳು ರೊಚ್ಚಿಗೆದ್ದಿದ್ದು, ಅನಾಹುತ ಆಗುವ ಮುನ್ನ ಕ್ರಮ ಜರುಗಿಸಿ’ ಎಂದು ಪ್ರಸನ್ನ ಶೆಟ್ಟಿ ಅವರು ಆಗ್ರಹಿಸಿದ್ದಾರೆ.
- [Puc ಮಕ್ಕಳಿಗೆ ಪಾಠ ಮಾಡಿದ Psi](https://mobiletime.in/2026/06/psi-taught-puc-students/): ಯಲ್ಲಾಪುರ ಸರ್ಕಾರಿ ಪದವಿ ಪೂರ್ವ ಕಾಲೇಜಿಗೆ ಪಿಸೈ ರಾಜಶೇಖರ ವಂದಲಿ ಅವರು ಭೇಟಿ ನೀಡಿದ್ದು, ಮುಕ್ಕಾಲು ತಾಸು ಪಾಠ ಮಾಡಿದ್ದಾರೆ. ಮಾದಕ ಮುಕ್ತ ಸಮಾಜದ ಬಗ್ಗೆ ಅವರು ವಿವರಿಸಿದ್ದು, ಮಕ್ಕಳು ಅದನ್ನು ಆಲಿಸಿದ್ದಾರೆ. ಈ ವೇಳೆ ಮಾದಕ ದ್ರವ್ಯಗಳ ಸೇವನೆ-ಸಾಗಾಣಿಕೆ ಹಾಗೂ ಬಳಕೆ ಕುರಿತು ಪಿಯುಸಿ ವಿದ್ಯಾರ್ಥಿಗಳಿಗೆ ಪ್ರಬಂಧ ಸ್ಪರ್ಧೆಯನ್ನು ನಡೆಸಲಾಗಿದೆ. ಈ ಸ್ಪರ್ಧೆಯಲ್ಲಿ ದ್ವಿತೀಯ ಪಿಯುಸಿ ವಾಣಿಜ್ಯ ವಿಭಾಗದ ಅಶ್ವಿನಿ ಗಾಂವ್ಕರ್ ಅವರು ಪ್ರಥಮ ಬಹುಮಾನಪಡೆದಿದ್ದಾರೆ. ಪ್ರಥಮ ಪಿಯುಸಿ ವಿಜ್ಞಾನ ವಿಭಾಗದ ಐಶ್ವರ್ಯ ನಾಯ್ಕ ಹಾಗೂ ಕಾವ್ಯ ಪಟಗಾರ ಅವರು ದ್ವಿತೀಯ ಬಹುಮಾನ ಹಂಚಿಕೊAಡಿದ್ದಾರೆ. ದ್ವಿತೀಯ ಪಿಯುಸಿ ವಾಣಿಜ್ಯ ವಿಭಾಗದ ಮಾನ್ಯ ಬಾಂದೇಕರ್ ಅವರು ಮೂರನೇ ಬಹುಮಾನ ಗೆದ್ದಿದ್ದಾರೆ. ಈ ಎಲ್ಲರಿಗೂ ಪೊಲೀಸರು ಪ್ರಶಂಸಾ ಪತ್ರವನ್ನು ನೀಡಿದ್ದಾರೆ. `ಮಾದಕ ವಸ್ತುಗಳು ಜೀವನಕ್ಕೆ ಮಾರಕ’ ಎಂದು ಈ ವೇಳೆ ರಾಜಶೇಖರ ವಂದಲಿ ಅವರು ಹೇಳಿದ್ದಾರೆ. `ಸಣ್ಣ ಪ್ರಮಾಣದಲ್ಲಿ ಶುರುವಾಗುವ ದುಶ್ಚಟಗಳು ಕ್ರಮೇಣ ದೊಡ್ಡದಾಗಿ ಬೆಳೆಯುತ್ತದೆ. ಅವು ಇಡೀ ಬದುಕನ್ನು ನಾಶ ಮಾಡುತ್ತದೆ’ ಎಂದವರು ಮಕ್ಕಳಿಗೆ ಮನವರಿಕೆ ಮಾಡಿದ್ದಾರೆ. `ಮಾದಕ ವಸ್ತುಗಳ ಸಾಗಾಟ, ಮಾರಾಟ ಹಾಗೂ ಸೇವನೆಯ ಬಗ್ಗೆ ಅನುಮಾನವಿದ್ದರೆ ಪೊಲೀಸರಿಗೆ ತಿಳಿಸಿ’ ಎಂದು ಮನವಿ ಮಾಡಿದ್ದಾರೆ.      
- [ಗಡಿ ಬಿಟ್ಟು ಓಡಿದ ಗೋ ಹಂತಕ!](https://mobiletime.in/2026/06/cow-killer-who-fled-across-the-border/): ಮಾoಸ ಮಾರಾಟಕ್ಕಾಗಿ ಮುಗ್ದ ಹಸುಗಳನ್ನು ಕೊಲ್ಲುತ್ತಿದ್ದ ಭಟ್ಕಳದ ಇಬ್ರಾಯಿಂ ಹವ್ವಾ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದೆ. ಮುಂದಿನ ಆರು ತಿಂಗಳ ಕಾಲ ಇಬ್ರಾಯಿಂ ಹವ್ವಾ ಅವರು ಈ ಜಿಲ್ಲೆಗೆ ಕಾಲಿರಿಸುವ ಹಾಗಿಲ್ಲ. ಭಟ್ಕಳ ಹನಿಪಾಬಾದ್ ಮುನರಪಳ್ಳಿಯಲ್ಲಿ ಇಬ್ರಾಯಿಂ ಮಹಮದ್ ಹುಸೇನ್ ಹವ್ವಾ ಅವರು ವಾಸವಾಗಿದ್ದರು. ಕಾನೂನುಬಾಹಿರವಾಗಿ ಗೋ ಸಾಗಾಟ, ಮಾಂಸಕ್ಕಾಗಿ ಗೋಹತ್ಯೆ ಮಾಡುವುದನ್ನು ಅವರು ರೂಢಿಸಿಕೊಂಡಿದ್ದರು. 2012ರಿಂದ ಗೋವುಗಳನ್ನು ವಧೆ ಮಾಡುವ ಕಾಯಕ ಮಾಡಿಕೊಂಡಿದ್ದರು. ದಷ್ಟಪುಷ್ಟ ಗೋವುಗಳನ್ನು ಸಹ ಕಿಂಚಿತ್ತು ಕನಿಕರವಿಲ್ಲದೇ ಕೊಲ್ಲುತ್ತಿದ್ದರು. ಅಕ್ರಮ ಗೋ ಹತ್ಯೆ ಪ್ರಕರಣದ ಅಡಿ ಇಬ್ರಾಯಿಂ ಹವ್ವಾ ಅವರು 8 ಬಾರಿ ಸಿಕ್ಕಿ ಬಿದ್ದಿದ್ದರು. ಮತ್ತೊಂದು ಹೊಡೆದಾಟ ಪ್ರಕರಣದಲ್ಲಿಯೂ ಅವರು ಆರೋಪಿಯಾಗಿದ್ದರು. ಕಾನೂನುಬಾಹಿರ ಕೆಲಸ ನಿಲ್ಲಿಸುವಂತೆ ಪೊಲೀಸರು ಸಾಕಷ್ಟು ಸಲ ತಿಳುವಳಿಕೆ ನೀಡಿದ್ದರು. ಆದರೂ, ಇಬ್ರಾಯಿಂ ಹವ್ವಾ ಅವರ ವರ್ತನೆಯಲ್ಲಿ ಏನೂ ಬದಲಾಗಿರಲಿಲ್ಲ. ಜೈಲಿಗೆ ಹೋಗಿ ಬಂದರೂ ಸಹ ಇಬ್ರಾಹಿಂ ಹವ್ವಾ ತಮ್ಮ ನಡುವಳಿಕೆ ಬದಲಿಸಿಕೊಂಡಿರಲಿಲ್ಲ. ಹೀಗಾಗಿ ಪೊಲೀಸರು ಇನ್ನಷ್ಟು ಕಠಿಣ ಕ್ರಮಕ್ಕೆ ಮುಂದಾದರು. ಪೊಲೀಸ್ ಅಧೀಕ್ಷಕರಿಗೆ ವರದಿ ಸಲ್ಲಿಸಿ ಗಡಿಪಾರು ಆದೇಶಕ್ಕೆ ಶಿಫಾರಸ್ಸು ಮಾಡಿದರು. ಈ ಎಲ್ಲಾ ಹಿನ್ನಲೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಗೋ ಹಂತರ ಇಬ್ರಾಯಿಂ ಹವ್ವಾ ಅವರನ್ನು ಜಿಲ್ಲೆಯಿಂದ ಓಡಿಸಿದರು. ಭಟ್ಕಳ ಪೊಲೀಸರು ಅವರನ್ನು ಕೊಪ್ಪಳಕ್ಕೆ ಕರೆದೊಯ್ದು ಬಿಟ್ಟರು.
- [ಅಣ್ಣನ ಜೊತೆ ವಿರಸ.. ಅತ್ತಿಗೆ ಜೊತೆ ಸರಸ!](https://mobiletime.in/2026/06/estrangement-from-the-elder-brother-flirtation-with-the-sister-in-law/): ಶಿರಸಿ ಶಿಂಗನಮನೆಯ ಪರಮೇಶ್ವರ ನಾಯ್ಕ ಅವರು ಅತ್ತಿಗೆ ಜೊತೆ ಅಕ್ರಮ ಸಂಬoಧಹೊoದಿದ್ದು, ಅದರ ಪರಿಣಾಮ ಸಹೋದರನಿಂದಲೇ ಕೊಲೆಯಾಗಿದ್ದಾರೆ. ಈ ದಿನ ಬೆಳಗ್ಗೆ ಶಿಂಗನಮನೆ ಕಾಡಿನಲ್ಲಿ ಪರಮೇಶ್ವರ ನಾಯ್ಕ ಅವರ ಶವ ದೊರೆತಿದ್ದು, ಪೊಲೀಸರು ಆರೋಪಿತರನ್ನು ಬಂಧಿಸಿದ್ದಾರೆ. 2026ರ ಜೂನ್ 25ರ ಸಂಜೆ 112ಗೆ ಫೋನ್ ಒಂದು ಬಂದಿತ್ತು. ಇಡ್ತಳ್ಳಿ ಬಳಿಯ ಶಿಂಗನಮನೆಯ ಪರಮೇಶ್ವರ ಬಾಬು ನಾಯ್ಕ (35) ಎಂಬಾತರು ಕಾಣೆಯಾದ ಬಗ್ಗೆ ಫೋನಿನಲ್ಲಿ ವಿವರಿಸಲಾಗಿತ್ತು. 112 ಸಹಾಯವಾಣಿಯ ಪೊಲೀಸರ ಜೊತೆ ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಸ್ಥಳಕ್ಕೆ ಹೋಗಿ ಹುಡುಕಾಟ ನಡೆಸಿದ್ದರು. ಜೂನ್ 26ರ ಬೆಳಗ್ಗೆ ಶಿಂಗನಮನೆಯ ಪರಮೇಶ್ವರ ನಾಯ್ಕ ಅವರ ಮನೆಯಿಂದ 200ಮೀಟರ್ ದೂರದ ಕಾಡಿನಲ್ಲಿ ಶವ ಸಿಕ್ಕಿತ್ತು. ಕುಟುಂಬದವರು ಅದು ಪರಮೇಶ್ವರ ನಾಯ್ಕ ಅವರದ್ದೇ ಶವ ಎಂದು ಗುರುತಿಸಿದ್ದರು. ಪರಮೇಶ್ವರ ಬಾಬು ನಾಯ್ಕ ಅವರಿಗೆ ಮದುವೆ ಆಗಿ ಎರಡು ಮಕ್ಕಳಿದ್ದರು. ಅದಾಗಿಯೂ, ಪರಮೇಶ್ವರ ನಾಯ್ಕ ಅವರು ಪರ ಸ್ತ್ರೀ ಮೇಲೆ ಕಣ್ಣು ಹಾಕಿದ್ದರು. ತನ್ನದೇ ಹೆಸರಿನವನಾದ ದೊಡ್ಡಪ್ಪನ ಮಗನಾದ ಪರಮೇಶ್ವರ ನಾಯ್ಕ ಅವರ ಪತ್ನಿ ಜೊತೆ ಪರಮೇಶ್ವರ ಬಾಬು ನಾಯ್ಕ ಅವರು ಅಕ್ರಮ ಸಂಬoಧಹೊoದಿದ್ದರು. ಕಳೆದ ಎಂಟು ವರ್ಷಗಳಿಂದಲೂ ಅತ್ತಿಗೆ ಜೊತೆ ಅವರು ಸರಸ-ಸಲ್ಲಾಪದಲ್ಲಿ ತೊಡಗಿದ್ದರು. ಈ ವಿಷಯವಾಗಿ ಕುಟುಂಬದದ ನಡುವೆ ಸಾಕಷ್ಟು ಬಾರಿ ಕಲಹವೂ ನಡೆದಿತ್ತು. ಆದರೆ, ಸಂಸಾರ ಮಾತ್ರ ಸರಿ ದಾರಿಗೆ ಬಂದಿರಲಿಲ್ಲ. ಜೂನ್ 25ರ ಸಂಜೆ 7.45ಕ್ಕೆ ಪರಮೇಶ್ವರ ಬಾಬು ನಾಯ್ಕ ಅವರಿಗೆ ಫೋನ್ ಒಂದು ಬಂದಿತು. ಆ ಫೋನಿನಲ್ಲಿ ಮಾತನಾಡುತ್ತ ಹೊರಗೆ ಹೋಗಿದ್ದ ಅವರು ರಾತ್ರಿಯಾದರೂ ಮನೆಗೆ ಮರಳಿರಲಿಲ್ಲ. ಮರುದಿನ ಬೆಳಗ್ಗೆ ಅವರು ಶವವಾಗಿ ಕಾಣಿಸಿದ್ದು, ವಿವಿಧ ಆಯಾಮದಲ್ಲಿ ತನಿಖೆ ನಡೆಸಿದ ಪೊಲೀಸರು ಅಕ್ರಮ ಸಂಬoಧದಿoದ ಸಾವನಪ್ಪಿರುವುದನ್ನು ಕಂಡುಹಿಡಿದರು. ಬೆರಳಚ್ಚು ತಜ್ಞರ ಜೊತೆ ಶ್ವಾನದಳವೂ ಸ್ಥಳಕ್ಕೆ ಆಗಮಿಸಿ ಆರೋಪಿತರನ್ನು ಗುರುತಿಸಿತು. ಸದ್ಯ ಆರೋಪಿ ಹಾಗೂ ಪ್ರಕರಣದಲ್ಲಿ ಭಾಗಿಯಾದವರನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ವಿಚಾರಣೆ ಮುಂದುವರೆದಿದೆ.
- [ನಾವು ಮನೆಗೆ ಹೋಗಲಿಲ್ಲ!](https://mobiletime.in/2026/06/we-didnt-go-home/): ಅಂಕೋಲಾದ ಯುವತಿಯರಿಬ್ಬರು ದಿಢೀರ್ ಆಗಿ ಮನೆ ಬಿಟ್ಟು ಹೋಗಿದ್ದಾರೆ. ಅದರಿಂದ ಕುಟುಂಬದವರು ಆತಂಕಕ್ಕೆ ಒಳಗಾಗಿದ್ದಾರೆ. ಅಂಕೋಲಾ ತಾಲೂಕಿನ ಕೇಣಿ ಗಾಬಿತವಾಡಾದ ಸಾಕ್ಷಿ ಸೂರ್ಯಕಾಂತ ಚೋಡಣಕರ (19) ಅವರು ಕಾಣೆಯಾಗಿದ್ದಾರೆ. ಜೂನ್ 23ರ ಮಧ್ಯಾಹ್ನ ಮನೆಯಿಂದ ಹೊರಗೆ ಹೋದ ಅವರು ಮರಳಿ ಮನೆಗೆ ಬಂದಿಲ್ಲ. ಆತಂಕಕ್ಕೆ ಒಳಗಾದ ಕುಟುಂಬದವರು ಎಲ್ಲಾ ಕಡೆ ಹುಡುಕಾಟ ನಡೆಸಿದರೂ ಸಾಕ್ಷಿ ಅವರ ಸುಳಿವು ಸಿಕ್ಕಿಲ್ಲ. ಇದರಿಂದ ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಅಂಕೋಲಾ ಕುಂಟಕಣಿ ಪಂಚಾಯತ ವ್ಯಾಪ್ತಿಯ ಅಸೊಳ್ಳಿ ಗ್ರಾಮದ ಶ್ರೀದೇವಿ ಈಶ್ವರ ಗೌಡ (18) ಅವರು ಸಹ ದಿಢೀರ್ ಆಗಿ ಕಣ್ಮರೆಯಾಗಿದ್ದಾರೆ. ಜೂನ್ 24ರಂದು ಮುಂಜಾನೆ ತಾಯಿಯ ಔಷಧಿ ತರಲು ಶಿರಸಿ TSS ಆಸ್ಪತ್ರೆಗೆ ಹೋಗುವುದಾಗಿ ಹೇಳಿದ್ದ ಶ್ರೀದೇವಿ ಗೌಡ ಅವರು ಎಲ್ಲಿ ಹೋದರು? ಎಂದು ಯಾರಿಗೂ ಗೊತ್ತಾಗಿಲ್ಲ. ಟಿಎಸ್‌ಎಸ್ ಆಸ್ಪತ್ರೆಯಲ್ಲಿಯೂ ಅವರು ಆ ದಿನ ಕಾಣಿಸಿಕೊಂಡಿಲ್ಲ. ಶ್ರೀದೇವಿ ಗೌಡ ಅವರ ಕುಟುಂಬದವರು ಸಹ ಸಾಕಷ್ಟು ಹುಡುಕಾಟ ನಡೆಸಿದರೂ ಅದರಿಂದ ಪ್ರಯೋಜನವಾಗಿಲ್ಲ. ಅವರು ಸಹ ಸಹಾಯ ಕೋರಿ ಪೊಲೀಸರ ಮೊರೆ ಹೋಗಿದ್ದಾರೆ. ಕುಟುಂಬದವರ ದೂರು ಆಧರಿಸಿ ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಎರಡು ಯುವತಿರ ಶೋಧ ಶುರುವಾಗಿದೆ. ಈ ಯುವತಿಯರಿಬ್ಬರನ್ನು ಯಾರಾದರೂ ನೋಡಿದರೆ ಇಲ್ಲಿ ಫೋನ್ ಮಾಡಿ: 9480805250
- [ಕಳ್ಳಿ ಇವಳು.. ಅರೇ ಕಳ್ಳಿ ಇವಳು!](https://mobiletime.in/2026/06/this-is-a-cactus-hey-this-is-a-cactus/): ಕದಿಯುವುದಕ್ಕಾಗಿಯೇ ಬೆಂಗಳೂರಿನಿoದ ಶಿರಸಿಗೆ ಬರುತ್ತಿದ್ದ ಜ್ಯೋತಿ ಎಂಬಾತರನ್ನು ಪೊಲೀಸರು ಹಿಡಿದಿದ್ದಾರೆ. ಗ್ಯಾರಂಟಿ ಯೋಜನೆಯ ಉಚಿತ ಬಸ್ಸಿನಲ್ಲಿ ಬಂದು, ಅದೇ ಯೋಜನೆಯ ಫಲಾನುಭವಿಗಳು ಧರಿಸಿದ್ದ ಚಿನ್ನ ಎಗರಿಸುತ್ತಿದ್ದ ಜ್ಯೋತಿ ಇದೀಗ ಜೈಲು ಸೇರಿದ್ದಾರೆ. ಹೊನ್ನಾವರ ಇಡಗುಂಜಿ ಬಳಕೂರಿನ ಹಾಮಾಕ್ಕಿ ನಿವಾಸಿ ಮಾದೇವಿ ರಾಮಚಂದ್ರ ನಾಯ್ಕ ಅವರು ಮೇ 19ರಂದು ಶಿರಸಿಗೆ ಬಂದಿದ್ದರು. ಆ ದಿನ ಮಧ್ಯಾಹ್ನ 2.15ಕ್ಕೆ ಚಂದ್ರಗುತ್ತಿ-ಹರೀಶಿ ಮಾರ್ಗದ ಬಸ್ ಬಂದಿದ್ದು, ಆ ಬಸ್ಸಿನ ತುಂಬ ಜನರಿದ್ದರು. ಜೊತೆಗೆ, ಬಸ್ ನಿಲ್ದಾಣದಲ್ಲಿ ಕುಳಿತಿದ್ದ ಜನರು ಆ ಬಸ್ಸು ಹತ್ತಲು ಒಮ್ಮೆಲೆ ಬಂದಿದ್ದರಿAದ ಅಲ್ಲಿ ನೂಕು ನುಗ್ಗಲು ಉಂಟಾಗಿದ್ದು, ಮಾದೇವಿ ನಾಯ್ಕ ಅವರ ಜೊತೆ ಅವರ ಪುತ್ರ ದಿಗಂತ, ಅತ್ತೆ ಪಾರ್ವತಿ ಹಾಗೂ ಇನ್ನಿತರ ಸಂಬoಧಿಕರು ಬಸ್ಸಿನ ಬಳಿ ಓಡಿ ಸೀಟು ಹಿಡಿಯುವ ಪ್ರಯತ್ನ ಮಾಡುವ ವೇಳೆ ಅವರ ಬಳಿಯಿದ್ದ ಚಿನ್ನ ಕಳ್ಳತನವಾಗಿತ್ತು. ಜೂನ್ 3ರಂದು ಸಹ ಮತ್ತೊಬ್ಬರ ಮಹಿಳೆಯ ಚಿನ್ನ ಕಾಣೆಯಾಗಿತ್ತು. ಈ ಎರಡು ಕೇಸು ದಾಖಲಿಸಿಕೊಂಡ ಪೊಲೀಸರು ಕಳ್ಳರ ಪತ್ತೆಗೆ ವಿಶೇಷ ತಂಡ ರಚಿಸಿದರು. ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದಾಗ ಬೆಂಗಳೂರಿನ ಜ್ಯೋತಿ (ಸಂಜನಾ) ವೆಂಕಟೇಶ್ ಪುಸುಪಲೇಟ್ (32) ಅವರ ಮೇಲೆ ಅನುಮಾನ ಮೂಡಿತು. ಈ ವೇಳೆಗೆ ಕಾರವಾರ ಟೆಕ್ನಿಕಲ್ ಸೆಲ್’ನ ಉದಯ ಗುನಗಾ, ಬಬನ ಕದಂ ಹಾಗೂ ಮಹಾಲಿಂಗ ಸಾವಳಗಿ ಅವರು ಜ್ಯೋತಿ ಅವರ ಜಾತಕ ತೆರೆದಿಟ್ಟಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ, ಪೊಲೀಸ್ ನಿರೀಕ್ಷಕ ಸಂಪತ್ ಈ ಸಿ ಅವರ ಜೊತೆ ಪಿಸೈ ನರಸಿವಂಹಲು, ಕೋಟೇಶ್ ನಾಗರವಳ್ಳಿ, ರಾಮಯ್ಯ ಪೂಜಾರಿ, ಹನುಮಂತ ಮಾಕಾಪುರ, ಸದ್ದಾಂ ಹುಸೇನ್, ಚನ್ನಬಸಪ್ಪ ಕೆ, ರಾಜು ಎಂ, ತುಕಾರಾಮ ಬಣಗಾರ, ಸುನೀಲ, ಪ್ರಶಾಂತ, ಶಂಕರಮ್ಮ ಅವರು ಆರೋಪಿಯನ್ನು ಬಂಧಿಸಿದರು.
- [ಮನೆಗೆ ಬರ್ತಾನೆ.. ಕತ್ತಿ ತೋರಸ್ತಾನೆ.. ಚಿನ್ನ ಕದಿತಾನೆ!](https://mobiletime.in/2026/06/he-comes-home-shows-a-sword-steals-gold/): ಸಿದ್ದಾಪುರದ ಪೂನಂ ಶೇಟ್ ಅವರ ಮನೆಗೆ ನುಗ್ಗಿ ಅವರಿಗೆ ಕತ್ತಿ ತೋರಿಸಿ ಚಿನ್ನ ಎಗರಿಸಿದ್ದ ದರೋಡೆಕೋರನ ಪತ್ತೆಯಾಗಿದೆ. ಕೊಂಡ್ಲಿಯಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದ ಮಹೇಶ ಮಡಿವಾಳ ಆರೋಪಿಯಾಗಿದ್ದು, ಶಿರಸಿ-ಸಿದ್ದಾಪುರ ಪೊಲೀಸರ ಚುರುಕು ಕಾರ್ಯಾಚರಣೆಯಿಂದ ಮಹೇಶ ಮಡಿವಾಳ ಜೈಲು ಸೇರಿದ್ದಾರೆ. ಸಿದ್ದಾಪುರದ ಹಾಳದಕಟ್ಟಾದಲ್ಲಿ ಪೂನಂ ಗಣಪತಿ ಶೇಟ್ ಅವರು ವಾಸವಾಗಿದ್ದರು. ಜೂನ್ 22ರಂದು ಸಂಜೆ ಅವರ ಮನೆಗೆ ನುಗ್ಗಿದ ಕೊಂಡ್ಲಿಯ ಮಹೇಶ ಹನುಮಂತ ಮಡಿವಾಳ ಅವರು ಪೂನಂ ಶೇಟ್ ಅವರಿಗೆ ಕತ್ತಿ ತೋರಿಸಿ ಬೆದರಿಸಿದ್ದರು. `ಕುತ್ತಿಗೆಯಲ್ಲಿರುವ ಸರ ಕೊಡು’ ಎಂದು ಹೆದರಿಸಿದ್ದು, ಆಗಂತುಕನಿAದ ಪೂನಂ ಶೇಟ್ ಅವರು ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದರು. ಆದರೆ, ಅದಕ್ಕೆ ಅವಕಾಶ ಕೊಡದ ಮಹೇಶ ಮಡಿವಾಳ ಸರ ತುಂಡರಿಸಿಕೊAಡು ಪರಾರಿಯಾಗಿದ್ದರು. ಮನೆಗೆ ನುಗ್ಗಿ ಹೆದರಿಸಿ ದರೋಡೆ ಮಾಡಿದ ವ್ಯಕ್ತಿಯ ಗುರುತು-ಪರಿಚಯ ಪೂನಂ ಶೇಟ್ ಅವರಿಗೆ ಇರಲಿಲ್ಲ. ಅದಾಗಿಯೂ, ಅಪರಿಚಿತನಿಂದ ಆದ ಅನ್ಯಾಯದ ಬಗ್ಗೆ ಪೂನಂ ಶೇಟ್ ಅವರು ಪೊಲೀಸರಲ್ಲಿ ವಿವರಿಸಿದ್ದರು. ಅಂದಾಜು 3 ಲಕ್ಷ ರೂ ಮೌಲ್ಯದ ಚಿನ್ನದ ಸರ ದರೋಡೆ ನಡೆದ ಬಗ್ಗೆ ದೂರಿದ್ದರು. ಪ್ರಕರಣದ ಗಂಭೀರತೆ ಅರಿತ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ವಿಶೇಷ ತಂಡ ರಚಿಸಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಅವರ ಮುಂದಾಳತ್ವದಲ್ಲಿ ತನಿಖೆ ಶುರು ಮಾಡಿಸಿದರು. ಸಿದ್ದಾಪುರ ಪೊಲೀಸ್ ನಿರೀಕ್ಷಕ ಜೆ ಬಿ ಸೀತಾರಾಮ, ಪಿಸೈ ನಾಗಪ್ಪ ಹಾಗೂ ಶಾಂತಿನಾಥ ಪಾಸಾನೆ ಅವರನ್ನು ಈ ಕಾರ್ಯಾಚರಣೆಗೆ ಬಳಸಿಕೊಂಡರು. ಎಸೈ ಸಂಗೀತಾ ಕಾನಡೆ, ರಮೇಶ ಗೌಡ, ಸಿಬ್ಬಂದಿ ಪ್ರಕಾಶ ಪಟಗಾರ, ರಮೇಶಪ್ಪಾ ಕೂಡಲ್ ಮಣಿಕಂಠ ಎಂ ಆರ್, ಗಿರೀಶಯ್ಯ ಎಂ ಎಸ್, ಪ್ರಕಾಶ ಮಲ್ಲಾಡದ, ನಾಗರಾಜ ತಿಮ್ಮಾಪುರ, ರವಿ ಕ್ಯಾಲಕೋಡ್ ಧನಂಜಯ ಮಡಿವಾಳ ಅವರ ಜೊತೆ ಶಿರಸಿ ನಗರ ಪೊಲೀಸ್ ಠಾಣೆಯ ರಾಮಯ್ಯ ಪೂಜಾರಿ, ಹನುಮಂತ ಮಂಕಾಪುರ ಅವರು ದರೋಡೆಕೋರನ ಬಗ್ಗೆ ಮಾಹಿತಿ ಕಲೆ ಹಾಕಿದರು. ವಿವಿಧ ತಾಂತ್ರಿಕ ಮಾಹಿತಿ ಆಧರಿಸಿ ಶೋಧ ನಡೆಸಿದಾಗ ಸಿದ್ದಾಪುರ ಕೊಂಡ್ಲಿಯ ಮಹೇಶ ಹನುಮಂತ ಮಡಿವಾಳ ಅವರ ಮೇಲೆ ಅನುಮಾನ ಮೂಡಿತು. ತನಿಖೆ ವೇಳೆ ಮಹಿಳೆಯ ಮನೆಗೆ ನುಗ್ಗಿ ದರೋಡೆ ಮಾಡಿದ ಆರೋಪಿ ಮಹೇಶ ಮಡಿವಾಳ ಎಂಬುದು ಖಚಿತವಾಯಿತು. ಪೊಲೀಸರು ಕೂಡಲೇ ಆರೋಪಿಯನ್ನು ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಕಳ್ಳತನ ಮಾಡಿದ್ದ ಚಿನ್ನದ ತಾಳಿ ಜೊತೆ ಮಹೇಶ ಮಡಿವಾಳರ ಬೈಕನ್ನು ಜಪ್ತು ಮಾಡಿದರು. ಸದ್ಯ ಆರೋಪಿಗೆ ನ್ಯಾಯಾಲಯ ನ್ಯಾಯಾಂಗ ಬಂಧನವಿಧಿಸಿದೆ.
- [ಬಾಂಬ್ ಪಕ್ಕವೇ ಮಲಗಿದ್ದ ಭೂಪ!](https://mobiletime.in/2026/06/the-earth-was-sleeping-next-to-the-bomb/): ಮನೆಯಲ್ಲಿ ಬಾಂಬ್ ಸಂಗ್ರಹಿಸಿಕೊoಡಿದ್ದ ಹಳಿಯಾಳದ ವಸಂತ ಕೋರವರ್ ಅವರು ಬಾಂಬ್ ಸ್ಪೋಟದ ನಂತರ ಹುಬ್ಬಳ್ಳಿಗೆ ಪರಾರಿಯಾಗಿದ್ದು, ಪೊಲೀಸರು ಅವರನ್ನು ಹುಡುಕಿದ್ದಾರೆ. ದಾಂಡೇಲಿ, ಹಳಿಯಾಳ ಹಾಗೂ ರಾಮನಗರ ಪೊಲೀಸರ ಜಂಟಿ ಕಾರ್ಯಾಚರಣೆ ಪರಿಣಾಮ ವಸಂತ ಕೋರವರ್ ಅವರು ಸಿಕ್ಕಿ ಬಿದ್ದಿದ್ದಾರೆ. ಜೂನ್ 22ರ ನಸುಕಿನಲ್ಲಿ ಹಳಿಯಾಳದ ಕಾಳಗಿನಕೊಪ್ಪ ಗ್ರಾಮದಲ್ಲಿ ಬಾಂಬ್ ಸ್ಪೋಟ ನಡೆದಿತ್ತು. ಅಲ್ಲಿನ ವಸಂತ ರಾಯಪ್ಪ ಕೊರವರ್ ಅವರು ಮನೆಯಲ್ಲಿ ಬಾಂಬ್ ಶೇಖರಿಸಿಕೊಂಡಿದ್ದು, ಅದು ಸ್ಪೋಟಿಸಿದ ಪರಿಣಾಮ ಇಡೀ ಮನೆ ಮುರಿದು ಬಿದ್ದಿತ್ತು. ಜೊತೆಗೆ ಅಕ್ಕ-ಪಕ್ಕದ ಮನೆಗಳು ಬಿರುಕು ಮೂಡಿದ್ದವು. ಶಂಕರ ನಿಂಗಪ್ಪ ಬೆಡದೋಳ್ಕರ್, ಅಪ್ಪಾರಾವ್ ನಿಂಗಪ್ಪ ಬೆಡದೋಳ್ಕರ್ ಅವರ ಜೊತೆ ಪೀಶಪ್ಪ ಲೋಕಪ್ಪ ದೊಡ್ಡ ಗೌಡ ಅವರ ಮನೆಗೆ ಬಾಂಬ್ ಸ್ಪೋಟದಿಂದ ಹಾನಿಯಾಗಿತ್ತು. ಬಾಂಬ್ ಸ್ಪೋಟದ ನಂತರ ಆರೋಪಿ ವಸಂತ ಕೋರವರ್ ಅವರು ಪರಾರಿಯಾಗಿದ್ದರು. ಮನೆಯಲ್ಲಿ ಉಳಿದ ಬಾಂಬ್’ನ್ನು ಅವರು ಸಮೀಪದ ಕೆರೆ ಬಳಿ ಎಸೆದು ಓಡಿ ಹೋಗಿದ್ದರು. ಬಾಂಬ್ ಸ್ಪೋಟದ ಸುದ್ದಿ ಕೇಳಿ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಅಲ್ಲಿ ಭೇಟಿ ನೀಡಿದ್ದರು. ಹೆಚ್ಚುವರಿ ಅಧೀಕ್ಷಕ ಕೃಷ್ಣಮೂರ್ತಿ, ಡಿವೈಎಸ್ಪಿ ಶಿವಾನಂದ ಮದರಖಂಡಿ, ಪಿಐ ಜಯಪಾಲ ಪಾಟೀಲ, ದಾಂಡೇಲಿ ಪಿಸೈ ಕಿರಣ ಪಾಟೀಲ, ಹಳಿಯಾಳ ಪಿಸೈ ಕುಷ್ಣಗೌಡ ಅರಕೇರಿ, ರಾಮನಗರ ಪಿಸೈ ಮಹಂತೇಶ ನಾಯಕ, ರಾಮನಗರದ ಪೊಲೀಸ್ ಸಿಬ್ಬಂದಿ ಮಹಮದ್ ಶಫಿ, ದಾಂಡೇಲಿ ಪೊಲೀಸ್ ಸಿಬ್ಬಂದಿ ಎಂ ಎಂ ಮುಲ್ಲಾ, ಕೃಷ್ಣ ಬಿಳವರಿ, ಬಸವರಾಜ ತೆಲಸಂಗ, ಹಳಿಯಾಳ ಸಿಬ್ಬಂದಿ ಬಸವರಾಜ ತ್ಯಾಪಿ, ಶ್ರೀಶೈಲ, ಬಸವರಾಜ ಹಗೇರಿ, ಮಲ್ಲಿಕಾರ್ಜುನ ಕುದರಿ, ವಿನೋದ, ಲಕ್ಷಣ, ಅರವಿಂದ, ನಿಂಗಪ್ಪ, ತಾಂತ್ರಿಕ ಸಿಬ್ಬಂದಿ ಉದಯ ಗುನಗಾ, ಚಂದ್ರು ಪಾಟೀಲ ಸೇರಿ ಸಮಗ್ರ ತನಿಖೆ ಶುರು ಮಾಡಿದ್ದರು. ಅದರ ಪರಿಣಾಮ ಬಾಂಬ್ ಮನೆಯಲ್ಲಿರಿಸಿಕೊಂಡಿದ್ದ ವಸಂತ ಕೋರವರ್ ಸಿಕ್ಕಿ ಬಿದ್ದಿದ್ದಾರೆ. ಜೂನ್ 24ರಂದು ಹುಬ್ಬಳ್ಳಿ ತಾರಿಹಾಳದ ಬಸ್ ನಿಲ್ದಾಣದ ಬಳಿ ಅಲೆದಾಡುತ್ತಿದ್ದ ವಸಂತ ಕೋರವರ್ ಅವರನ್ನು ಪೊಲೀಸರು ಹಿಡಿದಿದ್ದಾರೆ. ನಂತರ ಅವರನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದ್ದು, ನ್ಯಾಯಾಲಯವೂ ವಸಂತ ಕೋರವರ್ ಅವರಿಗೆ ನ್ಯಾಯಾಂಗ ಬಂಧನವಿಧಿಸಿದೆ. ಬಾಂಬ್ ದಾಸ್ತಾನಿಗೆ ಕಾರಣ, ಬಾಂಬ್ ತಯಾರಿಕೆ ಹಿಂದಿರುವ ವ್ಯಕ್ತಿಗಳ ಬಗ್ಗೆಯೂ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಭೂ ಅಕ್ರಮದ ಹಿಂದೆ ವಾಣಿಜ್ಯ ಬಂದರಿನ ಅನುಮಾನ!](https://mobiletime.in/2026/06/suspicion-of-a-commercial-port-behind-land-illegality/): ಅಂಕೋಲಾದಲ್ಲಿ ದಶಕದ ಹಿಂದೆ ಸಾವನಪ್ಪಿದವರು ಸಹ ಉಪನೋಂದಣಾಧಿಕಾರಿ ಕಚೇರಿಗೆ ಬಂದು ಭೂಮಿ ಮಾರಾಟ ಮಾಡಿದ ಬಗ್ಗೆ ದಾಖಲೆ ಸೃಷ್ಠಿಸಿದ ಪ್ರಕರಣ ಮತ್ತೊಂದು ಸ್ವರೂಪಪಡೆದಿದೆ. ಈ ಅಕ್ರಮದ ಹಿಂದೆ ಖಾಸಗಿ ವಾಣಿಜ್ಯ ಬಂದರು ನಿರ್ಮಾಣದ ಕೈ ಕೆಲಸ ಮಾಡಿದ ಬಗ್ಗೆ ಅನುಮಾನ ಶುರುವಾಗಿದೆ. ಬೋಗ್ರಿಬೈಲ್ ಬಳಿ ಈಚೆಗೆ ಜಮೀನು ಮಾರಾಟ ಪ್ರಕ್ರಿಯೆಯೊಂದು ನಡೆದಿತ್ತು. ಸಾವನಪ್ಪಿದವರ ಹೆಸರಿನಲ್ಲಿದ್ದ ಜಮೀನು ಸಹ ಮಾರಾಟವಾಗಿತ್ತು. ಸಾವನಪ್ಪಿದವರ ಹೆಸರಿನಲ್ಲಿ ಆಧಾರ್ ಕಾರ್ಡ ರಚಿಸಿ, ನಕಲಿ ವ್ಯಕ್ತಿಗಳ ಮೂಲಕ ಭೂಮಿ ಮಾರಾಟ ಮಾಡಿದ್ದು ಗಮನಕ್ಕೆ ಬಂದಿತ್ತು. ವಿಷಯ ಹೊರ ಬಂದ ನಂತರ ದಸ್ತಾವೇಜು ರದ್ಧಾಗಿದ್ದು, ಆರೋಪಿಗಳ ವಿರುದ್ಧ ಯಾವ ಕ್ರಮವೂ ಆಗಿಲ್ಲ. ತಪ್ಪಿತಸ್ಥರ ಬಗ್ಗೆ ಸಮಗ್ರ ತನಿಖೆಯೂ ನಡೆದಿಲ್ಲ. ಈ ಎಲ್ಲಾ ಹಿನ್ನಲೆ ಈ ಅಕ್ರಮದಲ್ಲಿ ಪ್ರಭಾವಿಗಳೇ ಶಾಮೀಲಾರಿಗುವ ಶಂಕೆ ಸ್ಥಳೀಯರನ್ನು ಕಾಡುತ್ತಿದೆ. ಜೊತೆಗೆ ಕೇಣಿ ವಾಣಿಜ್ಯ ಬಂದರು ನಿರ್ಮಾಣಕ್ಕೆ ಅನುಕೂಲವಾಗುವ ಹಾಗೇ ಭೂಮಿ ಮಾರಾಟ ಪ್ರಕ್ರಿಯೆ ನಡೆದ ಬಗ್ಗೆಯೂ ಅನುಮಾನಗಳು ಶುರುವಾಗಿದೆ. `ಬಂದರು ನಿರ್ಮಾಣದ ನಂತರ ಸರಕು-ಸಾಮಗ್ರಿಗಳ ದಾಸ್ತಾನಿಗೆ ಅನುಕೂಲವಾಗುವ ಹಾಗೇ ಪರ ಜಿಲ್ಲೆಯವರ ಹೆಸರಿನಲ್ಲಿ ಭೂಮಿ ಖರೀದಿ ಪ್ರಯತ್ನ ನಡೆದಿದೆ. ಬಂದರು ಚಟುವಟಿಕೆ ಚುರುಕುಗೊಳಿಸಲು ಭೂ ಅಕ್ರಮ ನಡೆಸಿರುವ ಸಾಧ್ಯತೆಗಳಿವೆ’ ಎಂದು ಅಂಕೋಲಾ ಸರ್ವ ಸಮಾಜಗಳ ಹಿತ ರಕ್ಷಣಾ ಒಕ್ಕೂಟದವರು ಹೇಳಿದ್ದಾರೆ. ಈ ಕುರಿತು ಅವರು ತಹಶೀಲ್ದಾರ್ ಕಚೇರಿಗೆ ಅರ್ಜಿಯನ್ನು ಸಲ್ಲಿಸಿದ್ದಾರೆ. ಅಕ್ರಮ ನಡೆದರೂ ಆ ಬಗ್ಗೆ ಗಂಭೀರವಾಗಿ ಪರಿಗಣಿಸಿದ ಕಾರಣ ಅವರು ಇನ್ನಷ್ಟು ಅನುಮಾನವ್ಯಕ್ತಪಡಿಸಿದ್ದಾರೆ. ಸತ್ತವರಿಂದಲೂ ಭೂಮಿ ಮಾರಾಟ: ಸ್ವರ್ಗದಿಂದಲೇ ಸಹಿ ಮಾಡಿದ ಶೂರರು! ಇದರೊಂದಿಗೆ ಅಲಗೇರಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಬೋಗ್ರಿಬೈಲ್, ಶಿರಕುಳಿ ಹಾಗೂ ಸುತ್ತಲಿನ ಜನ ಸಹ ತಹಶೀಲ್ದಾರ್ ಕಚೇರಿಗೆ ಆಗಮಿಸಿ ಮತ್ತೊಂದು ಪತ್ರ ನೀಡಿದ್ದಾರೆ. `ಶಿವಮೊಗ್ಗದ ಶಿವಕುಮಾರ ಎಂಬಾತರಿಗೆ ಮಾರಾಟವಾದ ಭೂಮಿ ಹಗರಣದ ಬಗ್ಗೆ ತನಿಖೆ ನಡೆಯಬೇಕು. ಸಾವನಪ್ಪಿದವರ ಹೆಸರಿನಲ್ಲಿದ್ದ ಭೂಮಿಯನ್ನು ಮಾರಾಟ ಮಾಡಿದವರು ಯಾರು? ಮಾರಾಟ ಮಾಡಿಸಿದವರು ಯಾರು? ಎಂದು ಗೊತ್ತಾಗಬೇಕು’ ಎಂದು ಆಗ್ರಹಿಸಿದ್ದಾರೆ. `ಈ ಹಿಂದೆಯೂ ಇಂಥ ಅನೇಕ ಪ್ರಕರಣ ನಡೆದ ಸಾಧ್ಯತೆಗಳಿದ್ದು, ಅದೆಲ್ಲದರ ಬಗ್ಗೆ ತನಿಖೆ ನಡೆಯಬೇಕು’ ಎಂದು ಒತ್ತಾಯಿಸಿದ್ದಾರೆ.
- [ಉತ್ತರ ಕನ್ನಡ: ಊರು ಗೊತ್ತಿಲ್ಲದವನೇ ಉಸ್ತುವಾರಿ ಸಚಿವ!](https://mobiletime.in/2026/06/uttara-kannada-the-minister-in-charge-is-the-one-who-doesnt-know-the-town/): ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿ ಸಚಿವರಾಗಿ ಆಡಳಿತ ನಡೆಸಿದ ಘಟಾನುಘಟಿ ನಾಯಕರು ಈ ಊರಿನಲ್ಲಿಯೇ ಇದ್ದರೂ ಡಿ ಕೆ ಶಿವಕುಮಾರ ಅವರ ನೇತ್ರತ್ವದ ಕಾಂಗ್ರೆಸ್ ಸರ್ಕಾರ ಅವರಿಗೆ ನಾಯಕತ್ವ ಕೊಟ್ಟಿಲ್ಲ. ಉತ್ತರ ಕನ್ನಡ ಜಿಲ್ಲೆಯ ಊರುಗಳ ಬಗ್ಗೆಯೂ ಸರಿಯಾಗಿ ಅರಿವಿಲ್ಲದ ಯು ಟಿ ಖಾದರ್ ಅವರನ್ನು ಈ ಜಿಲ್ಲೆಗೆ ಉಸ್ತುವಾರಿಯನ್ನಾಗಿ ನೇಮಿಸಿದೆ. ಯು ಟಿ ಖಾದರ್ ಅವರು ಮಂಗಳೂರು ವಿಧಾನಸಭಾ ಕ್ಷೇತ್ರದ ಶಾಸಕರಾಗಿದ್ದಾರೆ. ಅವರನ್ನು ಉತ್ತರ ಕನ್ನಡ ಜಿಲ್ಲೆಯ ತಾತ್ಕಾಲಿಕ ಉಸ್ತುವಾರಿಯನ್ನಾಗಿ ಸರ್ಕಾರ ನೇಮಕ ಮಾಡಿದೆ. ಪ್ರಕೃತಿ ವಿಕೋಪವನ್ನು ಸಮರ್ಥವಾಗಿ ಎದುರಿಸುವ ಜವಾಬ್ದಾರಿವಹಿಸಿ ಯು ಟಿ ಖಾದರ್ ಅವರಿಗೆ ಉಸ್ತುವಾರಿ ನೀಡಲಾಗಿದೆ. ಆದರೆ, ಯು ಟಿ ಖಾದರ್ ಅವರು ಉತ್ತರ ಕನ್ನಡ ಜಿಲ್ಲೆಯ ಜನರಿಗೆ ಪರಿಚಿತರಲ್ಲ. ಇಲ್ಲಿನ ಕಾಂಗ್ರೆಸ್ ಕಾರ್ಯಕರ್ತರಿಗೆ ಸಹ ಯು ಟಿ ಖಾದರ್ ಅವರ ಜೊತೆ ನೇರ ಒಡನಾಟವಿಲ್ಲ. ಉತ್ತರ ಕನ್ನಡ ಜಿಲ್ಲೆಯ ಗುಡ್ಡಗಾಡು ಪ್ರದೇಶ, ಪೃಕೃತಿ ವಿಕೋಪ ತಾಣಗಳ ಬಗ್ಗೆಯೂ ಯು ಟಿ ಖಾದರ್ ಅವರು ಅಧ್ಯಯನ ನಡೆಸಿದವರಲ್ಲ. ಇಲ್ಲಿನ ಜನಪ್ರತಿನಿಧಿಗಳ ಹಾಗೇ ಅವರು ಈ ಕ್ಷೇತ್ರದಲ್ಲಿ ಓಡಾಟ ಮಾಡಿದವರು ಸಹ ಅಲ್ಲ. ಅದಾಗಿಯೂ, ಕರಾವಳಿ-ಮಲೆನಾಡು ಹಾಗೂ ಬಯಲು ಸೀಮೆ ಪ್ರದೇಶವನ್ನು ಹೊಂದಿದ ಉತ್ತರ ಕನ್ನಡ ಜಿಲ್ಲೆಯ ಪ್ರಕೃತಿ ವಿಕೋಪ ತಡೆಗಾಗಿ ಯು ಟಿ ಖಾದರ್ ಅವರನ್ನು ಸರ್ಕಾರ ಉಸ್ತುವಾರಿಯನ್ನಾಗಿ ನೇಮಿಸಿದೆ! ಹಳಿಯಾಳ ವಿಧಾನಸಭಾ ಕ್ಷೇತ್ರದ ಶಾಸಕ ಆರ್ ವಿ ದೇಶಪಾಂಡೆ, ಯಲ್ಲಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಶಿವರಾಂ ಹೆಬ್ಬಾರ್, ಭಟ್ಕಳ ವಿಧಾನಸಭಾ ಕ್ಷೇತ್ರದ ಮಂಕಾಳು ವೈದ್ಯ ಅವರು ಉತ್ತರ ಕನ್ನಡ ಜಿಲ್ಲೆಯ ಆಳ-ಅಗಲದ ಬಗ್ಗೆ ಅರಿತಿದ್ದಾರೆ. ಈ ಮೂವರು ಸದ್ಯ ಕಾಂಗ್ರೆಸ್ ಪಕ್ಷದ ಪರವಾಗಿದ್ದು, ಉಸ್ತುವಾರಿ ಸಚಿವ ಸ್ಥಾನವನ್ನು ಸಮರ್ಥವಾಗಿ ಎದುರಿಸುವ ತಾಕತ್ತುಹೊಂದಿದ್ದಾರೆ. ಅದರಲ್ಲಿಯೂ, ಮಂಕಾಳು ವೈದ್ಯ ಹಾಗೂ ಆರ್ ವಿ ದೇಶಪಾಂಡೆ ಅವರು ಸಚಿವ ಸ್ಥಾನಕ್ಕಾಗಿ ಕಾಯುತ್ತಿದ್ದಾರೆ. ಆದರೆ, ಅವರಿಬ್ಬರಿಗೂ ಸಚಿವ ಸ್ಥಾನ ಕೊಡದ ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ನೆರೆ ಜಿಲ್ಲೆಯ ಯು ಟಿ ಖಾದರ್ ಅವರಿಗೆ ಜವಾಬ್ದಾರಿ ನೀಡಿದ್ದಾರೆ. ಯು ಟಿ ಖಾದರ್ ಅವರಿಗೆ ಉತ್ತರ ಕನ್ನಡದ ಜೊತೆ ಉಡುಪಿ, ದಕ್ಷಿಣ ಕನ್ನಡ ಹಾಗೂ ಕೊಡಗು ಜಿಲ್ಲೆಯ ಉಸ್ತುವಾರಿಯನ್ನು ಸಹ ಯು ಟಿ ಖಾದರ್ ಅವರಿಗೆ ನೀಡಲಾಗಿದೆ. ಯು ಟಿ ಖಾದರ್ ಅವರಿಗೆ ಅವರ ಸ್ವಕ್ಷೇತ್ರದಲ್ಲಿಯೇ ಸಾಕಷ್ಟು ಕೆಲಸಗಳಿವೆ. ಜೋರು ಮಳೆ ಆದರೆ ಮಂಗಳೂರಿನಲ್ಲಿಯೂ ನೂರಾರು ಸಮಸ್ಯೆಗಳು ಎದುರಾಗುತ್ತವೆ. ಹೀಗಿರುವಾಗ ಅವರು ಸ್ವಕ್ಷೇತ್ರದ ಕೆಲಸ ಬಿಟ್ಟು ಇಲ್ಲಿ ಬಂದಿರಲು ಸಾಧ್ಯವಿಲ್ಲ. ಈ ಬಗ್ಗೆ ಅರಿವಿದ್ದರೂ ಸರ್ಕಾರ ಸ್ಥಳೀಯ ಶಾಸಕರಿಗೆ ಉಸ್ತುವಾರಿ ಸಚಿವ ಸ್ಥಾನ ಕೊಟ್ಟಿಲ್ಲ. ಈ ಮೊದಲು ಬಿಜೆಪಿ ಸಹ ಈ ಜಿಲ್ಲೆಯವರನ್ನು ಬಿಟ್ಟು ಬೇರೆಯವರಿಗೆ ಜಿಲ್ಲಾ ಉಸ್ತುವಾರಿ ಸಚಿವ ಸ್ಥಾನ ನೀಡಿತ್ತು. ಸದ್ಯ ಕಾಂಗ್ರೆಸ್ ಸಹ ಅದೇ ದಾರಿ ಹಿಡಿದಿದೆ. ಇಲ್ಲಿನವರಿಗೆ ಈ ಹುದ್ದೆ ಕೊಟ್ಟರೆ ಅವರವರಲ್ಲಿಯೇ ಮುನಿಸು ಹೆಚ್ಚಾಗುವ ಕಾರಣದಿಂದ ಪರ ಜಿಲ್ಲೆಯವರಿಗೆ ಜವಾಬ್ದಾರಿ ನೀಡುವ ಕೆಲಸ ನಡೆದಿದೆ.
- [ಪ್ರೀತಿಸು ಇಲ್ಲವೇ ಸಾಯಿಸು!](https://mobiletime.in/2026/06/love-or-kill/): ಜೊಯಿಡಾದ ಜಯಶ್ರೀ ವೇಳಿಪ್ ಅವರಿಗೆ ರಾಮನಗರದ ಸುನೀಲ ಮಿರಾಶಿ ಅವರು ಪ್ರೀತಿಸುವಂತೆ ಕಾಡಿಸುತ್ತಿದ್ದು, ಆ ಕಾಟ ಸಹಿಸಲಾಗದೇ ಜಯಶ್ರೀ ಅವರು ಬ್ಯಾಗಿನಲ್ಲಿದ್ದ ಗುಳುಗೆ ತಿಂದಿದ್ದಾರೆ. ಅದರ ಪರಿಣಾಮ ಅವರು ಹೊಟ್ಟೆನೋವಿನಿಂದ ಬಳಲಿ ವಾಂತಿ ಮಾಡಿಕೊಂಡು ಆಸ್ಪತ್ರೆ ಸೇರಿದ್ದಾರೆ. ಜೊಯಿಡಾದ ಕುಂಬಾರವಾಡ ಬಳಿಯ ಕಾತ್ರೋಳ್ಳಿಯಲ್ಲಿ ಜಯಶ್ರೀ ವೇಳಿಪ್ (23) ಅವರು ವಾಸವಾಗಿದ್ದಾರೆ. ಕಳೆದ ಮೂರು ವರ್ಷದ ಹಿಂದೆ ಅವರಿಗೆ ರಾಮನಗರದ ವರಾಂಡದ ಸುನೀಲ ತುಳಸಿದಾಸ ಮಿರಾಶಿ ಅವರ ಪರಿಚಯವಾಗಿದೆ. ಕಳೆದ ಒಂದು ವರ್ಷದಿಂದ ಸುನೀಲ ಮಿರಾಶಿ ಅವರು ಜಯಶ್ರೀ ಅವರಿಗೆ ಪ್ರೀತಿಸುವಂತೆ ಬೆನ್ನು ಬಿದ್ದಿದ್ದಾರೆ. ಜಯಶ್ರೀ ಅವರು ತಂದೆ ರಾಜಾ, ತಾಯಿ ರಾಜಶ್ರೀ, ಅಜ್ಜಿ ದ್ರೌಪದಿ, ಚಿಕ್ಕಪ್ಪ ದೀಪಕ ಜೊತೆ ವಾಸವಾಗಿದ್ದು ಪ್ರೀತಿ ಒಪ್ಪದೇ ಇದ್ದಲ್ಲಿ ಅವರೆಲ್ಲರಿಗೂ ಸಮಸ್ಯೆ ಮಾಡುವುದಾಗಿ ಸುನೀಲ್ ಮಿರಾಶಿ ಅವರು ಬೆದರಿಸುತ್ತಿದ್ದಾರೆ. ಸುನೀಲ ಮಿರಾಶಿ ಅವರ ಕಾಟ ಸಹಿಸಲಾಗದೇ ಜಯಶ್ರೀ ಅವರು ಬೆಂಗಳೂರಿಗೆ ಹೋಗಿ ಉದ್ಯೋಗ ಶುರು ಮಾಡಿದ್ದಾರೆ. ಬೆಂಗಳೂರಿನ ಕೆಂಗೇರಿಯ ಲುಮೆಕ್ಸ್ ಕಂಪನಿಯಲ್ಲಿ ಜಯಶ್ರೀ ಅವರು 4 ತಿಂಗಳಿoದ ಫಿಲ್ಟರ್ ಹೆಡ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಆದರೆ, ಊರು ಬಿಟ್ಟರೂ ಜಯಶ್ರೀ ಅವರಿಗೆ ಸುನೀಲ ಮಿರಾಶಿ ಅವರ ಕಾಟ ತಪ್ಪಿಲ್ಲ. ಪದೇ ಪದೇ ಫೋನ್ ಮಾಡುವ ಸುನೀಲ ಮಿರಾಶಿ ಅವರು ಪ್ರೀತಿಸುವಂತೆ ಒತ್ತಡ ಹಾಕುತ್ತಿದ್ದಾರೆ. `ಪ್ರೀತಿಸದೇ ಇದ್ದರೆ ನಿನ್ನ ಸಾಯಿಸುವೆ. ನಿನ್ನ ಅಪ್ಪ-ಅಮ್ಮನ ಮರ್ಯಾದೆ ತೆಗೆಯುವೆ’ ಎಂದು ಹೇಳಿಯೂ ಹೆದರಿಸುತ್ತಿದ್ದಾರೆ. ಈ ಎಲ್ಲದರ ನಡುವೆ ಜೂನ್ 7ರಂದು ಜಯಶ್ರೀ ಅವರಿಗೆ ಮನೆಯಿಂದ ಫೋನ್ ಬಂದಿದೆ. `ಅರ್ಜಂಟ್ ಊರಿಗೆ ಬಾ’ ಎಂದು ಕುಟುಂಬದವರು ಕರೆದ ಕಾರಣ ಅವರು ಬಸ್ಸು ಹತ್ತಿದ್ದಾರೆ. ಬೆಂಗಳೂರಿನಿoದ ಹೊರಟು ಜೊಯಿಡಾ ತಲುಪಿ ಕಾರ್ಟೋಳಿಗೆ ಹೋಗುತ್ತಿದ್ದ ಜಯಶ್ರೀ ಅವರು ಕಿರವತ್ತಿ ಬಸ್ ನಿಲ್ದಾಣದ ಬಳಿ ಸುನೀಲ ಮಿರಾಶಿ ಅವರಿಗೆ ಫೋನ್ ಮಾಡಿದ್ದಾರೆ. ಆಗಲೂ, ಸುನೀಲ ಮಿರಾಶಿ ಅವರು ಗದರಿಸಿದ್ದು, ಆ ಭಯಕ್ಕೆ ಬ್ಯಾಗಿನಲ್ಲಿದ್ದ ಎರಡು ಮಾತ್ರೆ ತಿಂದಿದ್ದಾರೆ. ಆದರೆ, ಆ ಮಾತ್ರೆ ಯಾವುದು? ಎಂದು ಸಹ ಜಯಶ್ರೀ ಅವರಿಗೆ ಗೊತ್ತಾಗಿಲ್ಲ. ಅದಾದ ನಂತರ ಜಯಶ್ರೀ ಅವರಿಗೆ ಹೊಟ್ಟೆ ನೋವು ಶುರುವಾಗಿದೆ. ಅದಾದ ನಂತರ ಅವರು ವಾಂತಿ ಮಾಡಿಕೊಂಡಿದ್ದಾರೆ. ಕುಟುಂಬದವರು ಜಯಶ್ರೀ ಅವರನ್ನು ಜೊಯಿಡಾ ಆಸ್ಪತ್ರೆಗೆ ಸೇರಿಸಿದ್ದಾರೆ. ಅದಾದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಅವರನ್ನು ಕಾರವಾರ ಆಸ್ಪತ್ರೆಗೆ ಸಾಗಿಸಲಾಗಿದೆ. ಅಲ್ಲಿನ ವೈದ್ಯರು ಜಯಶ್ರೀ ಅವರನ್ನು ಉಳಿಸಿಕೊಂಡಿದ್ದು, ಸದ್ಯ ಅವರು ಚೇತರಿಸಿಕೊಳ್ಳುತ್ತಿದ್ದಾರೆ. `ಪ್ರೀತಿಸು ಇಲ್ಲವಾದರೆ ಸಾಯಿಸುವೆ’ ಎಂದು ಹೆದರಿಸಿದ್ದ ಸುನೀಲ ಮಿರಾಶಿ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ.
- [ರಾಮನಗುಳಿ ಸೊಸೈಟಿಗೆ ಹೊಸ ಸಾರಥಿ!](https://mobiletime.in/2026/06/a-new-leader-for-the-ramanagara-society/): ಅಂಕೋಲಾ-ಯಲ್ಲಾಪುರ ಗಡಿಭಾಗವಾದ ರಾಮನಗುಳಿಯಲ್ಲಿರುವ `ರಾಮನಗುಳಿ ಗ್ರೂಪ್ ಸೇವಾ ಸಹಕಾರಿ ಸಂಘ’ಕ್ಕೆ ಕಾರ್ತಿಕ ಭಟ್ಟ ಅವರು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ನೇಮಕವಾಗಿದ್ದಾರೆ. ಗುರುವಾರ ಅವರು ಅಧಿಕಾರ ಸ್ವೀಕರಿಸಿದ್ದು, ಅನೇಕರು ಕಚೇರಿಗೆ ಆಗಮಿಸಿ ಅಭಿನಂದಿಸಿದ್ದಾರೆ. ಅoಕೋಲಾ ತಾಲೂಕಿನ ರಾಮನಗುಳಿ ಗ್ರೂಪ್ ಸೇವಾ ಸಹಕಾರಿ ಸಂಘವೂ ತಾಲೂಕಿನಲ್ಲಿಯೇ ಅತಿ ದೊಡ್ಡ ಸೊಸೈಟಿಯಾಗಿ ಗುರುತಿಸಿಕೊಂಡಿದೆ. ಸುಮಾರು ಏಳು ದಶಕಗಳಿಂದ ಈ ಸೊಸೈಟಿ ಜನರ ಆಗು-ಹೋಗುಗಳಿಗೆ ಸ್ಪಂದಿಸುತ್ತಿದೆ. ಗ್ರಾಮದ ಬೆಳವಣಿಗೆಯಲ್ಲಿ ಸೊಸೈಟಿಯ ಪಾತ್ರ ಅತಿ ಮುಖ್ಯವಾಗಿದ್ದು, ಕೃಷಿ-ಹೈನುಗಾರಿಕೆ ಸೇರಿ ಊರಿನ ಆರ್ಥಿಕ ವ್ಯವಹಾರಗಳಿಗೂ ತನ್ನದೇ ಆದ ಕೊಡುಗೆ ನೀಡಿದೆ. ಸಾವಿರಾರು ಸದಸ್ಯರಿಗೆ ಈ ಸೊಸೈಟಿ ಸೇವೆ ನೀಡುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯ ಸಹಕಾರ ಕ್ಷೇತ್ರದಲ್ಲಿ ಮಹತ್ವದ ಸ್ಥಾನವನ್ನು ಹೊಂದಿರುವ ರಾಮನಗುಳಿ ಗ್ರೂಪ್ ಸೇವಾ ಸಹಕಾರಿ ಸಂಘಕ್ಕೆ ಶೇವ್ಕಾರಿನ ಕಾರ್ತಿಕ ಭಟ್ಟ ಅವರು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ಆಗಮಿಸಿದ್ದಾರೆ. ಬೆಂಗಳೂರಿನ ದಯಾನಂದ ಸಾಗರ ಶಿಕ್ಷಣ ಸಂಸ್ಥೆಯಲ್ಲಿ MBA ಪದವಿಯನ್ನು ಪೂರ್ಣಗೊಳಿಸಿರುವ ಕಾರ್ತಿಕ ಭಟ್ಟ ಅವರು ಸಹಕಾರ ಕ್ಷೇತ್ರದ ನಿರ್ವಹಣೆಯ ಆಳ-ಅಗಲದ ಬಗ್ಗೆ ಅರಿವು ಹೊಂದಿದ್ದಾರೆ. ಸಹಕಾರ ಕ್ಷೇತ್ರದ ಆಡಳಿತ ಮತ್ತು ನಿರ್ವಹಣಾ ಜ್ಞಾನವನ್ನು ವೃದ್ಧಿಪಡಿಸುವ ಉದ್ದೇಶದಿಂದ ಡಿಪ್ಲೊಮಾ ಇನ್ ಕೋ-ಆಪರೇಟಿವ್ ಮ್ಯಾನೇಜ್‌ಮೆಂಟ್ ಶಿಕ್ಷಣವನ್ನು ಅವರು ಓದಿದ್ದಾರೆ. ಆಧುನಿಕ ಆಡಳಿತ ವ್ಯವಸ್ಥೆ, ಪಾರದರ್ಶಕ ಕಾರ್ಯನಿರ್ವಹಣೆ, ತಂತ್ರಜ್ಞಾನ ಅಳವಡಿಕೆ, ಸಾಲ ವಸೂಲಾತಿ ಬಲವರ್ಧನೆ ಹಾಗೂ ಸದಸ್ಯ ಕೇಂದ್ರಿತ ಸೇವೆಗಳ ಮೂಲಕ ಸಂಘಕ್ಕೆ ಶಕ್ತಿ ತುಂಬಲು ಕಾರ್ತಿಕ ಭಟ್ಟ ಅವರು ಆಸಕ್ತರಾಗಿದ್ದಾರೆ. ವಿದ್ಯಾವಂತ ಯುವಕನ ಕೈಗೆ ಸೊಸೈಟಿಯ ಅಧಿಕಾರ ಸಿಕ್ಕಿರುವುದರಿಂದ ಸಹಕಾರ ಕ್ಷೇತ್ರದಲ್ಲಿ ಹೊಸ ಚಿಂತನೆ ಮತ್ತು ವೃತ್ತಿಪರ ನಿರ್ವಹಣೆಗೆ ಹೆಚ್ಚಿನ ಒತ್ತು ಬರುವ ಸಾಧ್ಯತೆಗಳಿವೆ.
- [ಆ ಆದೇಶವೇ ಅಸಂಬದ್ಧ!](https://mobiletime.in/2026/06/that-order-is-absurd/): ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ (SIR) ವಿಷಯವಾಗಿ ಗ್ರಾಮ ಪಂಚಾಯತ ಮಟ್ಟದಲ್ಲಿ ವಾಸಸ್ಥಳ ದೃಢೀಕರಣಕ್ಕೆ ಸರ್ಕಾರ ಆದೇಶಿಸಿದ್ದು, ಆ ಆದೇಶವೇ ಅಸಂಬದ್ಧ ಎಂಬ ಅಭಿಪ್ರಾಯವ್ಯಕ್ತವಾಗಿದೆ. ಈ ವಿಷಯವಾಗಿ ಮಾತನಾಡಿದ ನ್ಯಾಯವಾದಿ, ಉತ್ತರ ಕನ್ನಡ ಜಿಲ್ಲಾ ಕಾಂಗ್ರೇಸ್ ಪ್ರಚಾರ ಸಮಿತಿ ಅಧ್ಯಕ್ಷ ರವೀಂದ್ರ ನಾಯ್ಕ್ಕ ಅವರು `ವಾಸಸ್ಥಳ ದೃಡೀಕರಣ ದಾಖಲೆ ಸ್ಪಷ್ಟತೆಗೆ ಚುನಾವಣಾ ಆಯೋಗ ಸ್ಪಷ್ಟೀಕರಣ ಕೊಡಬೇಕು’ ಎಂದು ಆಗ್ರಹಿಸಿದ್ದಾರೆ. `ವಿಶೇಷ ಸಮಗ್ರ ಪರಿಷ್ಕರಣೆಯಲ್ಲಿ ಭಾರತದ ಪೌರತ್ವ ಸಾಭೀತುಪಡಿಸುವ ದಾಖಲಾತಿ ಪಟ್ಟಿಯಲ್ಲಿ ಶಾಶ್ವತ ನಿವಾಸಿ ಪ್ರಮಾಣ ಪತ್ರ ಒದಗಿಸಲು ಅವಕಾಶ ನೀಡಿದೆ. ಮತದಾರರಿಗೆ ಅನುಕೂಲ ದೃಷ್ಟಿಯಲ್ಲಿ ರಾಜ್ಯ ಸರ್ಕಾರದ ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಜೂನ್ 20ರಂದು ಸ್ಥಳಿಯ ಗ್ರಾಮ ಪಂಚಾಯತ್ ಅಭೀವೃದ್ದಿ ಅಧಿಕಾರಿಯಿಂದ ವಾಸಸ್ಥಳ ದೃಡಿಕರಣ ಪತ್ರ ನೀಡಲು ಸೂಚನೆ ನೀಡಿದ್ದಾರೆ. ಆದರೆ, ಚುನಾವಣೆ ಆಯೋಗವು ಕಂದಾಯ ಇಲಾಖೆ ಸೂಚಿಸಿದ ಅಧಿಕಾರಿಯು ಧೃಡಿಕರಿಸಿದ ವಾಸಸ್ಥಳದ ಪ್ರಮಾಣ ಪತ್ರ ಅವಶ್ಯ ಎಂದು ಹೇಳಿದೆ. ಈ ಬಗ್ಗೆ ವಿಶೇಷ ಸಮಗ್ರ ಪರಿಷ್ಕರಣ ಪಟ್ಟಿಯ 11 ವಿವಿಧ ದಾಖಲೆಯ ಪಟ್ಟಿಯಲ್ಲಿ ಉಲ್ಲೇಖವೂ ಆಗಿದೆ’ ಎಂದವರು ವಿವರಿಸಿದ್ದಾರೆ. `ಕರ್ನಾಟಕದಲ್ಲಿ ಉಪತಹಶೀಲ್ದಾರ ದರ್ಜೆಗಿಂತ ಕೆಳಹಂತದ ಅಧಿಕಾರಿಗಳು ನೀಡುವ ಪ್ರಮಾಣ ಪತ್ರಕ್ಕೆ ಕಾನೂನಾತ್ಮಕ ಮೌಲ್ಯತೆ ಕುರಿತ ಚರ್ಚೆಯೂ ಗೊಂದಲಕ್ಕೆ ಕಾರಣವಾಗಿದೆ. ಮತದಾರರಲ್ಲಿ ಆಗಿರುವ ಗೊಂದಲವನ್ನು ಜಿಲ್ಲಾ ಚುನಾವಣಾ ಆಯೋಗ ಬಗೆಹರಿಸಬೇಕು. ಮತದಾರರಿಗೆ ಸೂಕ್ತ ಮಾಹಿತಿ ಒದಗಿಸಬೇಕು’ ಎಂದು ಅವರು ಹೇಳಿದ್ದಾರೆ. `ಆಯೋಗದ ಉಲ್ಲೇಖದಂತೆ ಶಾಶ್ವತ ನಿವಾಸಿ ಪ್ರಮಾಣ ಪತ್ರವು ಪೌರತ್ವ ಧೃಡೀಕರಣದ ದಾಖಲೆಯೆಂದು ಆರ್ಥಯಿಸಿದರೆ ರಾಜ್ಯ ಸರ್ಕಾರ ಉಲ್ಲೇಖಿಸಿದ ವಾಸಸ್ಥಳದ ಧೃಡೀಕರಣ ಪತ್ರವು ವಿಳಾಸ ಧೃಡೀಕರಣಕ್ಕೆಂದು ಅರ್ಥಯಿಸಲಾಗುತ್ತಿದೆ. ಈ ಹಂತದಲ್ಲಿ ಜಿಲ್ಲಾ ಚುನಾವಣೆ ಆಯೋಗದ ಸ್ಪಷ್ಟೀಕರಣ ಅವಶ್ಯ’ ಎಂದು ರವೀಂದ್ರ ನಾಯ್ಕ ಅವರು ಅಭಿಪ್ರಾಯಪಟ್ಟಿದ್ದಾರೆ.
- [ಕಾರವಾರ ಕೋರ್ಟಿಗೆ ಇಮೇಲ್ ಬಾಂಬ್!](https://mobiletime.in/2026/06/email-bomb-sent-to-karwar-court-2/): ಕಾರವಾರ ಕೋರ್ಟಿಗೆ ಅನಾಮದೇಯ ಇಮೇಲ್ ಬಂದಿದ್ದು, ಅದರಲ್ಲಿ ಬಾಂಬ್ ಸ್ಪೋಟದ ಬೆದರಿಕೆ ಒಡ್ಡಲಾಗಿದೆ. ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ಸಿಬ್ಬಂದಿ ಇಮೇಲ್ ಸ್ವೀಕರಿಸಿ ಆತಂಕ್ಕೆ ಒಳಗಾಗಿದ್ದಾರೆ. ಬಾಂಬ್ ಬೆದರಿಕೆ ಜೊತೆ ಇನ್ನಿತರ ಕೆಲ ವಿಷಯಗಳ ಬಗ್ಗೆಯೂ ಇಮೇಲ್ ಮೂಲಕ ಬರೆಯಲಾಗಿದೆ. ತಮಿಳುನಾಡಿನ ಪ್ರಮುಖ ರಾಜಕೀಯ ಮುಖಂಡ ಉದಯನಿಧಿ ಸ್ಟಾಲಿನ್ ಅವರನ್ನು ಬೆಂಬಲಿಸುವ ಚೆನೈ ಪತ್ರಕರ್ತರ ಕುರಿತು ಬಾಂಬ್ ಸ್ಪೋಟದ ಸಂದೇಶದಲ್ಲಿ ಬರೆಯಲಾಗಿದೆ. ಉದಯನಿಧಿ ಸ್ಟಾಲಿನ್ ಅವರಿಗೆ ಸಂಬAಧಿಸಿದ ಈ ಆರೋಪಗಳ ಕುರಿತು ಇದುವರೆಗೆ ಯಾವುದೇ ಪ್ರಕರಣ ದಾಖಲಿಸದ ಬಗ್ಗೆ ಉಲ್ಲೇಖಿಸಲಾಗಿದೆ. ಉದಯನಿಧಿ ಸ್ಟಾಲಿನ್ ಹಾಗೂ ಕಾರವಾರ ಕೋರ್ಟಿಗೆ ಯಾವ ಸಂಬAಧವಿಲ್ಲದಿದ್ದರೂ ಈ ಸಂದೇಶ ಬಂದಿರುವುದು ಏತಕೆ? ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ. ಬೆದರಿಕೆ ಇ-ಮೇಲ್ ಬಂದಿರುವ ಮಾಹಿತಿ ತಿಳಿಯುತ್ತಿದ್ದಂತೆ ತಕ್ಷಣವೇ ಕಾರ್ಯಪ್ರವೃತ್ತರಾದ ಕಾರವಾರ ಪೊಲೀಸರು ಜಿಲ್ಲಾ ನ್ಯಾಯಾಲಯ ಪರಿಶೀಲನೆ ಮಾಡಿದ್ದಾರೆ. ಬಾಂಬ್ ನಿಷ್ಕ್ರಿಯ ದಳದ ಸಿಬ್ಬಂದಿ ಕೂಡ ಸ್ಥಳಕ್ಕೆ ಆಗಮಿಸಿ ಇಡೀ ನ್ಯಾಯಾಲಯದ ಆವರಣವನ್ನು ಸಂಪೂರ್ಣವಾಗಿ ತಪಾಸಣೆ ನಡೆಸಿದ್ದಾರೆ. ಆದರೆ, ಯಾವುದೇ ಬಾಂಬ್ ಸಿಕ್ಕಿಲ್ಲ. ಇ-ಮೇಲ್ ಬೆದರಿಕೆಯ ಮೂಲ ಮತ್ತು ಅದರ ಹಿಂದಿರುವವರ ಪತ್ತೆಗಾಗಿ ಶೋಧ ನಡೆದಿದೆ.
- [ಬಡ್ಡಿ ದಂಧೆ: ದುಡ್ಡು ಕೊಡುವವರ ಮನೆ ಮೇಲೆ ಪೊಲೀಸ್ ದಾಳಿ!](https://mobiletime.in/2026/06/usury-racket-police-raid-on-money-lenders-house/): ಮುಂಡಗೋಡಿನ ಮೀಟರ್ ಬಡ್ಡಿ ದಂಧೆಕೋರರ ಮನೆ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಅವರ ಬಳಿಯಿದ್ದ ಚೆಕ್ಕು ಹಾಗೂ ವಿವಿಧ ಕಾಗದ ಪತ್ರಗಳನ್ನು ವಶಕ್ಕೆಪಡೆದಿದ್ದಾರೆ. ಮುಂಡಗೋಡಿನಲ್ಲಿ ಮೀಟರ್ ಬಡ್ಡಿ ವ್ಯವಹಾರ ವಿಪರೀತ ಹಂತಕ್ಕೆ ತಲುಪಿದ್ದು, ಮೀಟರ್ ಬಡ್ಡಿ ದಂಧೆ ನಡೆಸುತ್ತಿದ್ದ ಜಮೀರ್ ಅಹ್ಮದ್ ದುರ್ಗಾವಾಲೆ ಅವರ ಕೊಲೆಯೂ ನಡೆದಿದೆ. ಹಣಕಾಸು ದ್ವೇಷವೇ ಕೊಲೆಗೆ ಕಾರಣ ಎಂಬುದು ತನಿಖೆಯಲ್ಲಿ ಗೊತ್ತಾಗಿದೆ. ಈ ಹಿನ್ನಲೆ ಭವಿಷ್ಯದ ಅಪಾಯಗಳನ್ನು ತಪ್ಪಿಸುವುದಕ್ಕಾಗಿ ಪೊಲೀಸರು ಮುನ್ನಚ್ಚರಿಕೆವಹಿಸಿದ್ದಾರೆ. ರೌಡಿ ಶೀಟರ್ ಹಾಗೂ ಮೀಟರ್ ಬಡ್ಡಿ ದಂಧೆ ನಡೆಸುವವರ ಮೇಲೆ ಕಣ್ಣಿಟ್ಟಿದ್ದಾರೆ. ಬುಧವಾರ ಬೆಳಗ್ಗೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರ ಸೂಚನೆ ಮೇರೆಗೆ ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಮುಂಡಗೋಡಿಗೆ ಹೋಗಿದ್ದಾರೆ. ಅಲ್ಲಿನ ಕಿರಣ ಸೋಳಂಕಿ, ಸಂಜು ನಾವಲೆ, ಮಲ್ಲಿಕ್ ಜಾನ್ ಅವರ ಮನೆ ಮೇಲೆ ದಾಳಿ ಮಾಡಿದ್ದಾರೆ. ವಿವಿಧ ದಾಖಲೆಗಳನ್ನು ವಶಕ್ಕೆಪಡೆದ ಪೊಲೀಸರು ಅವರಿಗೆ ಎಚ್ಚರಿಕೆಯನ್ನು ನೀಡಿದ್ದಾರೆ.
- [ಫಾರ್ಚೂನರ್ ಡಿಕ್ಕಿಗೆ ಬೊಲೆರೋ ಪಲ್ಟಿ](https://mobiletime.in/2026/06/bolero-overturns-after-colliding-with-fortuner/): ಕಾರವಾರದ ಕೋಡಿಭಾಗದ ಬಳಿ ಫಾರ್ಚುನರ್ ಕಾರು ಬುಲೆರೋಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಬುಲೆರೋ ಪಲ್ಟಿಯಾಗಿದೆ. ಉಜ್ವಲಲಕ್ಷ್ಮೀ ಭವನದ ಸಮೀಪ ಕಾರು ಅಪಘಾತಕ್ಕೀಡಾಗಿದ್ದು, ಮೂವರು ಗಾಯಗೊಂಡಿದ್ದಾರೆ. ಬುಧವಾರ ಈ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಫಾರ್ಚುನರ್ ಕಾರು ಮುಂದಿದ್ದ ಬುಲೋರೋ ಹಿಂದಿಕ್ಕುವ ಪ್ರಯತ್ನ ಮಾಡಿತು. ಆ ವೇಳೆ ನಿಯಂತ್ರಣ ತಪ್ಪಿ ಆ ಕಾರು ಬುಲೇರೋಗೆ ಗುದ್ದಿತು. ಗುದ್ದಿದ ರಭಸಕ್ಕೆ ಬುಲೇರೋ ಅಲ್ಲಿಯೇ ಪಲ್ಟಿಯಾಯಿತು. ಬುಲೇರೋ ಒಳಗಿದ್ದ ಮೂವರು ಗಾಯಗೊಂಡರು. ಕುಮಟಾದಲ್ಲಿ ವಾಸವಾಗಿದ್ದ ಲಕ್ಷ್ಮಣಸಿಂಗ್ ಮಂಗುಸಿAಗ್ ರಾಥೋರ್ (31) ಅವರು ಫಾರ್ಚೂನರ್ ಕಾರನ್ನು ಚಿತ್ತಾಕುಲ ಕಡೆಯಿಂದ ಕಾರವಾರ ಕಡೆ ವೇಗವಾಗಿ ಓಡಿಸಿದ್ದು ಅಪಘಾತಕ್ಕೆ ಕಾರಣ. ಬುಲೇರೋ ವಾಹನದ ಚಾಲಕ ಮೈಕಲ್ (57) ಹಾಗೂ ಆ ವಾಹನದಲ್ಲಿದ್ದ ಉತ್ತರ ಪ್ರದೇಶ ಮೂಲದ ಸುಶೀಲಕುಮಾರ ಜವಾಹರಲಾಲ್ (34) ಹಾಗೂ ನಿಪ್ಪಾಣಿಯ ಅಭಿಜೀತ್ ಸುರೇಶ್ ನಾಯ್ಕ (39) ಅವರಿಗೆ ಗಾಯವಾಗಿದೆ. ಗಾಯಗೊಂಡವರಲ್ಲಿ ಇಬ್ಬರು ಇಂಜಿನಿಯರ್ ಆಗಿದ್ದಾರೆ. ಸ್ಥಳೀಯರು ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಬೊಲೆರೋ ಚಾಲಕ ಮೈಕಲ್ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
- [4ನೇ ತರಗತಿಯ ಈ ಬಾಲಕಿ ಸಾಮಾಜಿಕ ಹೋರಾಟಗಾರ್ತಿ!](https://mobiletime.in/2026/06/this-4th-grade-girl-is-a-social-activist/): ಕಾರವಾರದ ಚಿತ್ತಾಕುಲ ಗ್ರಾಮ ಪಂಚಾಯತದ ಕಸ ವಿಲೇವಾರಿ ವಾಹನ ಕೈ ಕೊಟ್ಟಿದ್ದು, ಊರು ಗಬ್ಬೆದ್ದಿದೆ. ಅದರ ವಿರುದ್ಧ ಸದಾಶಿವಗಡದ 4ನೇ ತರಗತಿ ವಿದ್ಯಾರ್ಥಿನಿ ಅನಿಕಾ ನಾಯ್ಕ ಹೋರಾಟ ಶುರು ಮಾಡಿದ್ದಾರೆ! 2025ರ ಅಕ್ಟೋಬರ್ ತಿಂಗಳಿoದ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಮನೆ ಮನೆಗೆ ಬಂದು ಹಸಿ ಕಸ ಸಂಗ್ರಹಿಸುವ ಪ್ರಕ್ರಿಯೆ ನಡೆಯುತ್ತಿಲ್ಲ. ಇದರಿಂದಾಗಿ ಗ್ರಾಮದಲ್ಲಿ ಸ್ವಚ್ಛತೆ ಕೆಡುತ್ತಿದ್ದು, ಪರಿಸರ ಮಾಲಿನ್ಯದ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಈ ಬಗ್ಗೆ ಅನಿಕಾ ನಾಯ್ಕ ಅವರು ಆತಂಕವ್ಯಕ್ತಪಡಿಸಿ ಜಾಲತಾಣದಗಳ ಮೂಲಕ ಅಧಿಕಾರಿಗಳ ಗಮನಸೆಳೆದಿದ್ದಾರೆ. `ಈ ಗಂಭೀರ ಸಮಸ್ಯೆಗೆ ತಕ್ಷಣವೇ ಶಾಶ್ವತ ಪರಿಹಾರ ಕಂಡುಕೊಳ್ಳಬೇಕಾಗಿದ್ದು, ಮನೆಗಳಿಂದ ಹಸಿ ಕಸವನ್ನು ವಾರಕ್ಕೆ ಕನಿಷ್ಠ ಎರಡು ಬಾರಿಯಾದರೂ ಸಂಗ್ರಹಿಸಲು ವಿಶೇಷ ವಾಹನದ ವ್ಯವಸ್ಥೆ ಮಾಡಬೇಕು’ ಎಂದು ಅನಿಕಾ ನಾಯ್ಕ ಅವರು ಆಗ್ರಹಿಸಿದ್ದಾರೆ. `ಸ್ವಚ್ಛ ಪಂಚಾಯತ್ ನಮ್ಮೆಲ್ಲರ ಜವಾಬ್ದಾರಿ. ಉತ್ತಮ ಪರಿಸರಕ್ಕಾಗಿ ಎದ್ದಿರುವ ಪ್ರತಿಯೊಂದು ಧ್ವನಿಗೂ ಮೌಲ್ಯವಿದೆ’ ಎಂದು ಅನಿಕಾ ನಾಯ್ಕ ಅವರು ಹೇಳಿದ್ದಾರೆ. ಚಿಕ್ಕ ವಯಸ್ಸಿನಲ್ಲಿಯೇ ತಂತ್ರಜ್ಞಾನ ಸಬ್ದಳಕೆ ಮಾಡಿಕೊಂಡು ಪರಿಸರ ಕಾಳಜಿವಹಿಸಿದ ಅನಿಕಾ ನಾಯ್ಕ ಅವರ ಬಗ್ಗೆ ಮೆಚ್ಚುಗೆಯ ಮಾತುಗಳು ವ್ಯಕ್ತವಾಗಿದೆ. ಆದರೆ, ಅನಿಕಾ ನಾಯ್ಕ ಅವರ ಮನವಿಗೆ ಅಧಿಕಾರಿಗಳು ಈವರೆಗೂ ಸ್ಪಂದಿಸಿಲ್ಲ. ಈ ಬಗ್ಗೆಯೂ ಆಕ್ರೋಶವ್ಯಕ್ತವಾಗುತ್ತಿದೆ.
- [ಕಲ್ಪವೃಕ್ಷಕ್ಕೆ ಕಂಟಕ!](https://mobiletime.in/2026/06/thorns-on-the-tree-of-imagination/): ಯಲ್ಲಾಪುರದ ಮಂಚಿಕೇರಿ ಬಳಿ ಬೆಳೆದ ತೆಂಗಿನ ಮರಗಳಿಗೆ ವಿಚಿತ್ರ ರೋಗ ಬಂದಿದೆ. ಆರೋಗ್ಯವಾಗಿಯೇ ಇದ್ದ ತೆಂಗಿನ ಮರಗಳು ದಿಢೀರ್ ಆಗಿ ಸಾವನಪ್ಪುತ್ತಿವೆ. ಸಾಲು ಸಾಲು ತೆಂಗಿನ ಮರಗಳು ಸಾಯುತ್ತಿರುವುದನ್ನು ನೋಡಿ ಬೆಳೆಗಾರರು ಕಂಗಾಲಾಗಿದ್ದಾರೆ. ಮAಚಿಕೇರಿಯ ಮುಕ್ತಾರ್ ಶೇಖ್, ತವಾಬ್ ಸಯ್ಯದ್, ಅಮೀನಾ ಸಾಬ್ ಅವರು ಅಂಗಳದಲ್ಲಿ ಬೆಳೆದಿದ್ದ ತೆಂಗಿನ ಮರಗಳು ಏಕಾಏಕಿ ಸಾವನಪ್ಪಿದೆ. 25-30 ವರ್ಷದಿಂದ ಸರಿಯಾಗಿಯೇ ಇದ್ದ ಮರಗಳು ಒಮ್ಮೆಲೆ ಸಾವನಪ್ಪಿರುವುದನ್ನು ನೋಡಿ ಅಲ್ಲಿನವರು ಕಾರಣ ಹುಡುಕುತ್ತಿದ್ದಾರೆ. ತೆಂಗಿನ ಮರ ಸಮೀಪ ಹೋಗಿ ನೋಡಿದಾಗ ಅಲ್ಲಿ ದುಂಬಿಯ ಕಾಟ ಕಾಣಿಸಿಲ್ಲ. ಬೇರೆ ಬೇರೆ ಪ್ರಾಣಿಯ ಬಾದೆಗಳು ಅಷ್ಟಾಗಿ ಇಲ್ಲ. ಅದಾಗಿಯೂ, ತೆಂಗಿನ ಮರಗಳ ನಿಗೂಢ ಸಾವು ಅದರ ತೆಂಗು ಬೆಳೆಗಾರರಲ್ಲಿ ಆತಂಕ ಮೂಡಿಸಿದೆ. ಮಂಚಿಕೇರಿ ಬಸ್ ನಿಲ್ದಾಣ ಬಳಿಯ ಉರ್ದು ಶಾಲೆ ಎದುರು ಸಾಲು ಸಾಲಾಗಿ ತೆಂಗಿನ ಮರಗಳು ಒಣಗಿರುವುದು ಕಾಣಿಸುತ್ತಿದೆ. ತೆಂಗಿನ ಮರದ ಬಳಿ ಹೋದರೆ ದುರ್ವಾಸನೆ ಬರುತ್ತಿದೆ. ಹೀಗಾಗಿ ಮರ ಏರಿ ಏನಾಗಿದೆ? ಎಂದು ನೋಡುವವರು ಸಹ ಸಿಗುತ್ತಿಲ್ಲ. ಕಳೆದ ಒಂದು ತಿಂಗಳಿನಿAದ ತೆಂಗಿನ ಮರಗಳು ಒಂದೊAದಾಗಿ ಸಾವನಪ್ಪುತ್ತಿದ್ದು, ಇದಕ್ಕೆ ಪರಿಹಾರ ಸೂಚಿಸಬೇಕು ಎಂದು ಅಲ್ಲಿನವರು ಆಗ್ರಹಿಸಿದ್ದಾರೆ. `ಇಲ್ಲಿ ವಾಸಿಸುವ ಅನೇಕರು ಮನೆ ಬಳಕೆಗೆ ಅನುಕೂಲವಾಗುವಂತೆ ತೆಂಗಿನ ಗಿಡ ನೆಟ್ಟು ಪೋಷಿಸುತ್ತಿದ್ದಾರೆ. ಆದರೆ, ಇದೀಗ ಏಕಾಏಕಿ ಮರ ಸಾವನಪ್ಪುತ್ತಿರುವುದರಿಂದ ರೈತರು ಆತಂಕಕ್ಕೆ ಒಳಗಾಗಿದ್ದಾರೆ. 20ಕ್ಕೂ ಅಧಿಕ ಮರಗಳು ಸಾವನಪ್ಪಿದೆ. ತಜ್ಞರು ಸ್ಥಳ ಪರಿಶೀಲನೆ ಮಾಡಿ, ಸೂಕ್ತ ಪರಿಹಾರ ಒದಗಿಸಬೇಕು’ ಎಂದು ಭೂ ನ್ಯಾಯ ಮಂಡಳಿ ಸದಸ್ಯ ವಿಕಾಸ ನಾಯ್ಕ ಅವರು ಆಗ್ರಹಿಸಿದ್ದಾರೆ. `ಮೇಲ್ನೋಟಕ್ಕೆ ಚಂಡೆ ಕೊಳೆ ರೋಗದಿಂದ ಮರ ಸಾವನಪ್ಪಿರುವ ಹಾಗಿದೆ. ಸ್ಥಳಕ್ಕೆ ಭೇಟಿ ನೀಡಿ, ಈ ಬಗ್ಗೆ ಪರಿಶೀಲಿಸಿ ರೈತರಿಗೆ ಸೂಕ್ತ ಪರಿಹಾರಕ್ಕೆ ಸಲಹೆ ಕೊಡಲಾಗುತ್ತದೆ’ ಎಂದು ತೋಟಗಾರಿಕಾ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕ ಸತೀಶ ಹೆಗಡೆ ಅವರು ಹೇಳಿದ್ದಾರೆ.    
- [ಸಾಲಕ್ಕಾಗಿ ಸಂಪರ್ಕಿಸಿ!](https://mobiletime.in/2026/06/contact-us-for-a-loan/): ಪ್ರವಾಸೋದ್ಯಮ ಚಟುವಟಿಕೆ ಶುರು ಮಾಡುವವರಿಗೆ ಜಿಲ್ಲೆಯ ಎಲ್ಲಾ ಬ್ಯಾಂಕುಗಳು ಸಾಲ ಕೊಡಲು ಮುಂದಾಗಿವೆ. `ಹೆಚ್ಚಿನ ಸಂಖ್ಯೆಯಲ್ಲಿ ಸಾಲ ಕೊಡಬೇಕು’ ಎಂದು ಬ್ಯಾಂಕ್ ಅಧಿಕಾರಿಗಳಿಗೆ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ನಿರ್ದೇಶನ ನೀಡಿದ್ದಾರೆ. ಬುಧವಾರ ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ಲೀಡ್ ಬ್ಯಾಂಕ್ ಪçಗತಿ ಪರಿಶೀಲನಾ ಸಭೆ ನಡೆಸಿದ ಅವರು `ಕರಾವಳಿ ಜಿಲ್ಲೆಗಳಲ್ಲಿ ಪ್ರವಾಸೋದ್ಯಮವನ್ನು ಮತ್ತಷ್ಟು ಅಭಿವೃದ್ಧಿಪಡಿಸುವ ಕುರಿತಂತೆ ಮುಖ್ಯಮಂತ್ರಿಗಳು ಹೆಚ್ಚಿನ ಆಸಕ್ತಿಯನ್ನು ಹೊಂದಿದ್ದಾರೆ. ಜಿಲ್ಲೆಯಲ್ಲಿ ಏರ್ ಪೋರ್ಟ್ ಸಹ ಶೀಘ್ರದಲ್ಲಿ ಆರಂಭವಾಗಲಿದೆ. ಮುಂದಿನ 5ರಿಂದ 6 ವರ್ಷಗಳಲ್ಲಿ ಜಿಲ್ಲೆಯಲ್ಲಿ ಹೆಚ್ಚಿನ ಅಭಿವೃದ್ಧಿಯಾಗಲಿದ್ದು, ಈ ಸಂದರ್ಭದಲ್ಲಿ ಪ್ರವಾಸೋದ್ಯಮ ಚಟುವಟಿಕೆಗಳನ್ನು ನಡೆಸುವವರಿಗೆ ಹಾಗೂ ಬಂಡವಾಳ ಹೂಡಿಕೆದಾರರಿಗೆ ಬ್ಯಾಂಕ್‌ಗಳು ಹೆಚ್ಚಿನ ಪ್ರಮಾಣದ ಸಾಲಗಳನ್ನು ಆದ್ಯತೆಯಲ್ಲಿ ವಿತರಿಸಬೇಕು. ಆ ಮೂಲಕ ಪ್ರವಾಸೋದ್ಯಮ ಬೆಳವಣಿಗೆಗೆ ಮತ್ತು ಬ್ಯಾಂಕ್‌ಗಳ ಸಾಲ ಮತ್ತು ಠೇವಣಿ ಅನುಪಾತದಲ್ಲಿ ನಿಗಧಿತ ಗುರಿ ಸಾಧಿಸಬೇಕು’ ಎಂದು ಸೂಚಿಸಿದ್ದಾರೆ. `ಮಾರ್ಚ್ 2026ರ ತ್ರೆöÊಮಾಸಿಕ ಅಂತ್ಯದಲ್ಲಿ ಜಿಲ್ಲೆಯ ಬ್ಯಾಂಕ್‌ಗಳಲ್ಲಿ ಒಟ್ಟು ರೂ 27,064 ಕೋಟಿ ಠೇವಣಿ ಸಂಗ್ರಹ ಮತ್ತು ರೂ.12,528 ಕೋಟಿ ಸಾಲ ವಿತರಣೆ ಮಾಡಿದ್ದು, ಸಾಲ ಮತ್ತು ಠೇವಣಿ ಅನುಪಾತ ಶೇ 46.29 ಮಾತ್ರ ಇದ್ದು, ಪ್ರಸಕ್ತ ವರ್ಷದಲ್ಲಿ ಈ ಅನುಪಾತವನ್ನು ಉತ್ತಮಪಡಿಸುವ ನಿಟ್ಟಿನಲ್ಲಿ ಎಲ್ಲಾ ಬ್ಯಾಂಕ್‌ಗಳು ಪ್ರತ್ಯೇಕವನ್ನು ಯೋಜನೆಯನ್ನು ರೂಪಿಸಿ ನಿಗಧಿತ ಗುರಿ ಸಾಧಿಸಬೇಕು’ ಎಂದು ಸೂಚಿಸಿದರು. ಸಭೆಯಲ್ಲಿ ವಿವಿಧ ಸರ್ಕಾರಿ ಯೋಜನೆಗಳಿಗೆ ಬ್ಯಾಂಕ್ ಗಳಿಂದ ನೀಡುತ್ತಿರುವ ಸಾಲಗಳ ಕುರಿತು ವಿಸ್ತೃತವಾಗಿ ಚರ್ಚಿಸಲಾಯಿತು. ಜಿಲ್ಲಾ ಪಂಚಾಯತ್ ಯೋಜನಾ ನಿರ್ದೇಶಕ ಕರೀಂ ಅಸಾದಿ, ಮುಖ್ಯ ಯೋಜನಾಧಿಕಾರಿ ಸೋಮಶೇಖರ್ ಮೇಸ್ತಾ, ಮುಖ್ಯ ಲೆಕ್ಕಾಧಿಕಾರಿ ಆನಂದಸಾ ಹಬೀಬ್, ಕೆನರಾ ಬ್ಯಾಂಕ್ ಪ್ರಾದೇಶಿಕ ಮೆನೇಜರ್ ನಾಗರಾಜ್, ನಬಾರ್ಡ್ ಬ್ಯಾಂಕ್ ಮೆನೇಜರ್ ಸುಶೀಲ್, ಲೀಡ್ ಬ್ಯಾಂಕ್ ಮೆನೇಜರ್ ರಾಜಪ್ಪ ಹಾಗೂ ವಿವಿಧ ಇಲಾಖೆಗಳ ಅಧಿಕಾರಿಗಳು ಮತ್ತು ಎಲ್ಲಾ ಬ್ಯಾಂಕ್ ಗಳ ಅಧಿಕಾರಿಗಳು ಇದ್ದರು.
- [ವಿದ್ಯಾರ್ಥಿ ಬಳಿಯಿದ್ದ ಶಿಕ್ಷಕನ ರಹಸ್ಯ: ಆತ್ಮಹತ್ಯೆ ಹಿಂದೆ ಅಡಗಿದ ಕರಾಳ ಸತ್ಯ!](https://mobiletime.in/2026/06/the-teachers-secret-from-the-student-the-dark-truth-behind-the-suicide/): ಸಿದ್ದಾಪುರ ಕಾನಸೂರಿನ ಇಂದಿರಾಗಾoಧಿ ವಸತಿ ಶಾಲೆಯ ವಿದ್ಯಾರ್ಥಿ ಗೋಕುಲ ಗೌಡ ಅವರ ಸಾವಿನ ಪ್ರಕರಣ ಇದೀಗ ಮತ್ತೊಂದು ಸ್ವರೂಪಪಡೆದಿದೆ. ಆ ಶಾಲೆಯ ಶಿಕ್ಷಕರೊಬ್ಬರು ವಿದ್ಯಾರ್ಥಿನಿ ಜೊತೆ ಶೌಚಾಲಯದ ಬಳಿ ಅಸಭ್ಯವಾಗಿ ವರ್ತಿಸಿದನ್ನು ಗೋಕುಲ ಗೌಡ ಅವರು ನೋಡಿದ್ದು, ಅದನ್ನು ತಾಯಿ ಬಳಿ ಹೇಳಿದ್ದೇ ಸಾವಿಗೆ ಕಾರಣ ಎಂಬ ಅನುಮಾನ ಶುರುವಾಗಿದೆ. ಗೋಕುಲ ಗೌಡ ಅವರ ಸಾವಿನ ಸಮಯದಲ್ಲಿ ಇಡೀ ಊರಿನಲ್ಲಿ ಕರೆಂಟ್ ಇದ್ದರೂ ಹಾಸ್ಟೇಲಿನಲ್ಲಿ ಮಾತ್ರ ಬೆಳಕು ಕಾಣದಿರುವುದು ಇನ್ನಷ್ಟು ಶಂಕೆಗೆ ಕಾರಣವಾಗಿದೆ. ಸಿದ್ದಾಪುರ ತಾಲೂಕಿನ ಹಾರ್ಸಿಕಟ್ಟಾ ಬಳಿಯ ಹುತಗಾರದಲ್ಲಿ ಕೃಷ್ಣ ಗೌಡ ಅವರು ವಾಸವಾಗಿದ್ದು, ಅವರು ತಮ್ಮ ಪುತ್ರ ಗೋಕುಲ ಗೌಡ ಅವರನ್ನು ಹಾಸ್ಟೇಲಿಗೆ ಹಾಕಿದ್ದರು. 15 ವರ್ಷದ ಗೋಕುಲ ಗೌಡ ಅವರು ಕಾನಸೂರಿನ ಇಂದಿರಾಗಾoಧಿ ವಸತಿ ಶಾಲೆಯಲ್ಲಿ 10ನೇ ತರಗತಿ ಓದುತ್ತಿದ್ದರು. ಎಲ್ಲರ ಜೊತೆ ಅನ್ಯೋನ್ಯವಾಗಿಯೇ ಇದ್ದ ಗೋಕುಲ ಗೌಡ ಅವರು 2026ರ ಜೂನ್ 9ರಂದು ಸಂಜೆ ಶಾಲಾ ಆವರಣದಲ್ಲಿನ ಬಟ್ಟೆ ಒಣಗಿಸುವ ಕೋಣೆಯಲ್ಲಿ ಆತ್ಮಹತ್ಯೆಗೆ ಶರಣಾದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು. ಗೋಕುಲ ಗೌಡ ಅವರಿಗೆ ಆತ್ಮಹತ್ಯೆ ಮಾಡಿಕೊಳ್ಳುವಂಥ ಯಾವ ಸಮಸ್ಯೆಯೂ ಅವರಿಗಿರಲಿಲ್ಲ. ಮಾನಸಿಕವಾಗಿ ಅತ್ಯಂತ ದೃಢವಾಗಿದ್ದ ಗೋಕುಲ ಗೌಡ ಅವರ ಸಾವು ಎಲ್ಲರಿಗೂ ಆಘಾತ ತಂದಿತ್ತು. ಸಾವಿನ ಬಗ್ಗೆ ಸಂಶಯವ್ಯಕ್ತವಾದಾಗ ಶಿಕ್ಷಕರೊಬ್ಬರ ಕಾಮ ಪುರಾಣ ಹೊರ ಬಂದಿತ್ತು! ಗೋಕುಲ ಗೌಡ ಅವರು ಸಿದ್ದಾಪುರದ ಕಾನಸೂರಿನಲ್ಲಿರುವ ಇಂದಿರಾಗಾAಧಿ ವಸತಿ ಶಾಲೆಯಲ್ಲಿ ಕಳೆದ 2 ವರ್ಷದಿಂದ ವ್ಯಾಸಂಗ ಮಾಡುತ್ತಿದ್ದರು. ಜಯಶ್ರೀ ಗೌಡ ಅವರು ಆಗಾಗ ಮಗನನ್ನು ನೋಡಲು ಹಾಸ್ಟೇಲಿಗೆ ಭೇಟಿ ನೀಡುತ್ತಿದ್ದರು. ಕಳೆದ ಬಾರಿ ಜಯಶ್ರೀ ಗೌಡ ಅವರು ಹಾಸ್ಟೇಲಿಗೆ ಹೋದಾಗ ಗೋಕುಲ ಗೌಡ ಅವರ ಕುತ್ತಿಗೆ ಉಬ್ಬಿತ್ತು. ಆಗಲೇ ಜಯಶ್ರೀ ಗೌಡ ಅವರು ಈ ಬಗ್ಗೆ ಪ್ರಶ್ನಿಸಿದ್ದರು. ಆಗ, ಗೋಕುಲ ಗೌಡ ಅವರು ಏನೂ ಹೇಳಿರಲಿಲ್ಲ. ಮತ್ತೊಮ್ಮೆ ಪ್ರಶ್ನಿಸಿದಾಗ `ಅಬ್ಬು ಸರ್ ಕುತ್ತಿಗೆ ಹಿಡಿದು ಎತ್ತಿದ್ದಾರೆ. ಮನೆಗೆ ಬಂದಾಗ ಎಲ್ಲಾ ವಿಷಯ ತಿಳಿಸುವೆ’ ಎಂದು ಗೋಕುಲ ಗೌಡ ಅವರು ಹೇಳಿದ್ದರು. ಏಪ್ರಿಲ್ ರಜೆಗೆ ಗೋಕುಲ ಗೌಡ ಅವರು ಮನೆಗೆ ಬಂದಿದ್ದರು. ಈ ವೇಳೆ ಹಾಸ್ಟೇಲಿನಲ್ಲಿ ನಡೆಯುವ ಅನೇಕ ವಿಚಾರಗಳ ಬಗ್ಗೆ ತಾಯಿ ಬಳಿ ಮಾತನಾಡಿದ್ದರು. `ಹಿಂದಿ ಪಾಠ ಮಾಡುವ ಅಬ್ಬು ಸರ್ 9ನೇ ತರಗತಿ ಹುಡುಗಿ ಜೊತೆ ಬಾತ್ ರೂಮಿನ ಸಮೀಪ ಅಸಭ್ಯ ವರ್ತನೆ ಮಾಡಿದ್ದಾರೆ. ಅದನ್ನು ತಾನು ನೋಡಿದ್ದು, ಈ ವಿಚಾರ ಯಾರಿಗೂ ಹೇಳಬೇಡ. ಹೇಳಿದರೆ ಸಾಯಿಸುವೆ ಎಂದು ಕುತ್ತಿಗೆ ಹಿಡಿದು ಎತ್ತಿದ್ದಾರೆ’ ಎಂಬ ವಿಷಯವನ್ನು ಬಾಯ್ಬಿಟ್ಟಿದ್ದರು. ಇದರಿಂದ ಆತಂಕಕ್ಕೆ ಒಳಗಾದ ಜಯಶ್ರೀ ಗೌಡ ಅವರು ಈ ಎಲ್ಲಾ ವಿಷಯವನ್ನು ದೊಡ್ಡ ಮಗನ ಬಳಿ ಹೇಳಿದ್ದರು. `ಅಬ್ಬು ಸರ್ ಮೊದಲು ಹಾರ್ಸಿಕಟ್ಟಾ ಮುರಾರ್ಜಿ ಶಾಲೆಯಲ್ಲಿದ್ದರು. ಅಲ್ಲಿಯೂ ಹೆಣ್ಣು ಮಕ್ಕಳ ಜೊತೆ ಅಸಭ್ಯವಾಗಿ ವರ್ತಿಸಿದ ಕಾರಣ ವರ್ಗಾವಣೆ ಆಗಿದ್ದಾರೆ’ ಎಂದು ಈ ವೇಳೆ ದೊಡ್ಡ ಮಗ ಸಹ ಹೇಳಿದ್ದರು. ಈ ಎಲ್ಲದರ ನಡುವೆ ಗೋಕುಲ ಗೌಡ ಅವರು ಮತ್ತೆ ಅದೇ ಹಾಸ್ಟೇಲ್ ಸೇರಿದರು. ಜೂನ್ 9ರಂದು ಇಂದಿರಾಗಾAಧಿ ವಸತಿ ಶಾಲೆಯ ನವೀನ್ ಅವರು ಕೃಷ್ಣ ಗೌಡ ಅವರಿಗೆ ಫೋನ್ ಮಾಡಿ, `ಸಿರಿಯಸ್ ಇದೆ. ಜಯಶ್ರೀ ಅವರನ್ನು ಕರೆದುಕೊಂಡು ಬನ್ನಿ’ ಎಂದು ಸೂಚಿಸಿದರು. ಕೂಡಲೇ ಜಯಶ್ರೀ ಗೌಡ ಅವರು ಅಡುಗೆ ಸಿಬ್ಬಂದಿಗೆ ಫೋನ್ ಮಾಡಿದ್ದು, `ಮಗನಿಗೆ ಪೆಟ್ಟಾಗಿದೆ’ ಎಂಬ ಮಾಹಿತಿ ಸಿಕ್ಕಿತು. ಕೃಷ್ಣ ಗೌಡ ಹಾಗೂ ಜಯಶ್ರೀ ಗೌಡ ಅವರು ಶಿರಸಿ ಆಸ್ಪತ್ರೆಗೆ ಹೋದಾಗ ಅಲ್ಲಿದ್ದ ಮತ್ತೊಬ್ಬ ಶಿಕ್ಷಕರು `ಗೋಕುಲ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ’ ಎಂದರು. `ನನ್ನ ಮಗ ಆತ್ಮಹತ್ಯೆ ಮಾಡಿಕೊಳ್ಳುವವನಲ್ಲ’ ಎಂದು ಜಯಶ್ರೀ ಗೌಡ ಅವರು ಜೋರಾಗಿ ಹೇಳಿದರೂ ಸಹ ಅದನ್ನು ಕೇಳುವವರಿರಲಿಲ್ಲ. ಅದಾದ ನಂತರ ಜಯಶ್ರೀ ಗೌಡ ಅವರಿಗೆ ಹಳೆಯದೆಲ್ಲವೂ ನೆನಪಾಯಿತು. ಅಬ್ಬು ಸರ್ ಅಸಭ್ಯವಾಗಿ ವರ್ತಿಸಿದನ್ನು ಗೋಕುಲ ಗೌಡ ಅವರು ನೋಡಿದ್ದು, ಗೋಕಲ ಗೌಡ ಅವರನ್ನು ಬೆದರಿಸಿ ಕುತ್ತಿಗೆ ಹಿಡಿದು ಎತ್ತಿದ್ದು, ಬಿಸ್ಕತ್ ತಿಂದ ಎಂಬ ಸಣ್ಣ ಕಾರಣಕ್ಕೆ ಅಬ್ಬು ಸರ್ ಗೋಕುಲ ಗೌಡ ಅವರಿಗೆ ಥಳಿಸಿದ್ದು ಹಾಗೂ ಮುಖ್ಯವಾಗಿ ಗೋಕುಲ ಗೌಡ ಅವರು ಸಾವನಪ್ಪುವ ವೇಳೆ ಹಾಸ್ಟೇಲ್ ಕರೆಂಟ್ ಕಡಿತವಾಗಿದ್ದು ಜಯಶ್ರೀ ಅವರ ಅನುಮಾನ ಹೆಚ್ಚಿಸಿತು. ಊರಿನ ಎಲ್ಲಡೆ ಕರೆಂಟ್ ಇದ್ದರೂ ಆ ವೇಳೆ ಹಾಸ್ಟೇಲಿನಲ್ಲಿ ಮಾತ್ರ ಕರೆಂಟ್ ಇಲ್ಲದಿರುವುದು ಅಚ್ಚರಿಯನ್ನು ಮೂಡಿಸಿತು. `ಅಬ್ಬು ಸರ್ ಅಸಭ್ಯವಾಗಿ ವರ್ತಿಸಿದನ್ನು ನೋಡಿದ್ದು, ಅದನ್ನು ಯಾರಿಗಾದರೂ ಹೇಳಿದರೆ ಎಂಬ ಭಯದಿಂದ ಗೋಕುಲ ಗೌಡ ಅವರ ಸಾವಾಗಿರುವ ಸಾಧ್ಯತೆಯಿದೆ’ ಎಂದು ಜಯಶ್ರೀ ಗೌಡ ಅವರು ದೂರು ನೀಡದರು. `ಇದು ಆತ್ಮಹತ್ಯೆ ಅಲ್ಲ. ಕೊಲೆ’ ಎಂದು ಜಯಶ್ರೀ ಗೌಡ ಅವರು ದೂರಿದ್ದು, ಸಮಗ್ರ ತನಿಖೆಗಾಗಿ ಜೂನ್ 23ರಂದು ಪೊಲೀಸ್ ಪ್ರಕರಣ ದಾಖಲಿಸಿದರು.  
- [ಹಾವಿನ ದ್ವೇಷ: 12 ವರ್ಷದ ಬಾಲಕನ ಕೊಂದ ವಿಷ ಸರ್ಪ!](https://mobiletime.in/2026/06/snake-hatred-a-poisonous-snake-killed-a-12-year-old-boy/): ಶಿರಸಿಯ ಸಹಸ್ರಳ್ಳಿಯ ಮನೆಯಲ್ಲಿ ಮಲಗಿದ್ದ ಬಾಲಕನಿಗೆ ಹಾವು ಕಚ್ಚಿದೆ. ವಿಷ ನೆತ್ತಿಗೇರಿದ ಪರಿಣಾಮ 12 ವರ್ಷದ ಮಿಥುನ್ ನಾಯ್ಕ ಅವರು ಸಾವನಪ್ಪಿದ್ದಾರೆ. ಮಿಥುನ್ ನಾಯ್ಕ ಅವರ ಜೊತೆಗಿದ್ದ ಸಹೋದರಿ ದೀಕ್ಷಾ ನಾಯ್ಕ ಅವರಿಗೂ ಹಾವು ಕಚ್ಚಿದ್ದು, ಅವರು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಶಿರಸಿ ತಾಲೂಕಿನ ಬನವಾಸಿ ಬಳಿಯ ಸಹಸ್ರಳ್ಳಿಯಲ್ಲಿ ಪುಟ್ಟಪ್ಪ ನಾಯ್ಕ ಅವರು ವಾಸವಾಗಿದ್ದಾರೆ. ಪುಟ್ಟಪ್ಪ ನಾಯ್ಕ ಅವರಿಗೆ ಮಿಥುನ್ ನಾಯ್ಕ ಹಾಗೂ ದೀಕ್ಷಾ ನಾಯ್ಕ ಎಂಬ ಮಕ್ಕಳಿದ್ದು, ಬುಧವಾರ ಹಾವು ಕಚ್ಚಿದ ಕಾರಣ ಮಿಥುನ್ ನಾಯ್ಕ ಅವರು ಅಸುನೀಗಿದ್ದಾರೆ. ಮಂಗಳವಾರ ರಾತ್ರಿ ಮಿಥುನ್ ನಾಯ್ಕ ಹಾಗೂ ದೀಕ್ಷಾ ನಾಯ್ಕ ಅವರು ಊಟ ಮುಗಿಸಿ ಮಲಗಿದ್ದರು. ತಂದೆಯೂ ಅವರ ಜೊತೆಯೇ ಇದ್ದರು. ಬುಧವಾರ ಬೆಳಗ್ಗೆ ಎದ್ದಾಗ ಮಿಥುನ್ ನಾಯ್ಕ ಹಾಗೂ ದೀಕ್ಷಾ ನಾಯ್ಕ ಅವರು ವಾಂತಿ ಮಾಡಿಕೊಂಡಿದ್ದು, ಆರೋಗ್ಯದಲ್ಲಿ ಏರುಪೇರಾಗಿದ್ದನ್ನು ಪಾಲಕರು ಗಮನಿಸಿದರು. ಈ ವೇಳೆ ಮನೆಯಲ್ಲಿದ್ದ ಹಾವು ಹೊರಗೆ ಹೋಗಿದನ್ನು ಪುಟ್ಟಪ್ಪ ನಾಯ್ಕ ಅವರು ಗಮನಿಸಿದ್ದು, ಹಾವು ಕಚ್ಚಿದ ಪರಿಣಾಮ ಮಕ್ಕಳಿಬ್ಬರಿಗೂ ಸಮಸ್ಯೆ ಆಗಿರುವುದನ್ನು ಅರಿತು. ತಕ್ಷಣ ಪುಟ್ಟಪ್ಪ ನಾಯ್ಕ ಅವರು ಮಕ್ಕಳಿಬ್ಬರನ್ನು ಸಮೀಪದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿದರು. ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದ ಕಾರಣ ಶಿರಸಿಯ ಮಹಾಲಕ್ಷ್ಮೀ ಆಸ್ಪತ್ರೆಗೆ ಕರೆದೊಯ್ದರು. ಆದರೆ, ಆಸ್ಪತ್ರೆ ಸೇರುವ ಮೊದಲೇ ಮಿಥುನ್ ನಾಯ್ಕ ಅವರು ಉಸಿರು ನಿಲ್ಲಿಸಿದ್ದರು. ಮಿಥುನ್ ನಾಯ್ಕ ಅವರಿಗೆ ಕಿವಿಯ ಬಳಿ ಹಾವು ಕಚ್ಚಿದ್ದು ದೃಢವಾಗಿದೆ. ದೀಕ್ಷಾ ನಾಯ್ಕ ಅವರ ಕೈ ಬೆರಳಿಗೆ ಹಾವು ಕಚ್ಚಿದೆ. ಸದ್ಯ ದೀಕ್ಷಾ ನಾಯ್ಕ ಅವರು ಆಸ್ಪತ್ರೆಯಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ. ಮಿಥುನ್ ನಾಯ್ಕ ಅವರ ಮರಣೋತ್ತರ ಪರೀಕ್ಷೆ ನಡೆಸಿ ಶವವನ್ನು ಕುಟುಂಬದವರಿಗೆ ಹಸ್ತಾಂತರಿಸುವ ಪ್ರಕ್ರಿಯೆ ನಡೆದಿದೆ.
- [ಶಿರಸಿ ಶಾಸಕರ ಕ್ಷೇತ್ರ ಸಂಚಾರ: ಎಸಿ ರೂಮಿನಲ್ಲಿಯೂ ಬೆವರಿದ ನಗರಸಭೆ ಸಿಬ್ಬಂದಿ!](https://mobiletime.in/2026/06/sirsi-mlas-constituency-tour-municipal-staff-sweat-even-in-ac-room/): ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಅವರು ದಿಢೀರ್ ಆಗಿ ನಗರಸಭೆಗೆ ಭೇಟಿ ನೀಡಿದ್ದು, ಅಲ್ಲಿನ ಅಧಿಕಾರಿ-ಸಿಬ್ಬಂದಿಯ ಬೆವರಿಳಿಸಿದ್ದಾರೆ. ದಕ್ಷತೆಯಿಂದ ಕೆಲಸ ಮಾಡಿದ ಅಧಿಕಾರಿ-ಸಿಬ್ಬಂದಿ ಕರೆದು ನೀತಿ ಪಾಠ ಮಾಡಿದ್ದಾರೆ. ನಗರಸಭೆ ವಿರುದ್ಧ ಸಾಕಷ್ಟು ದೂರು ಬಂದ ಹಿನ್ನಲೆ ಮಂಗಳವಾರ ಭೀಮಣ್ಣ ನಾಯ್ಕ ಅವರು ಅಲ್ಲಿಗೆ ಭೇಟಿ ನೀಡಿದರು. ಆಡಳಿತ ವ್ಯವಸ್ಥೆಯಲ್ಲಿ ಪಾರದರ್ಶಕತೆ ಮತ್ತು ಜವಾಬ್ದಾರಿಯನ್ನು ತರುವ ನಿಟ್ಟಿನಲ್ಲಿ ಶ್ರಮಿಸಬೇಕು ಎಂದವರು ಅಧಿಕಾರಿಗಳಿಗೆ ಸೂಚಿಸಿದರು. ಈ ವೇಳೆ ಸಾರ್ವಜನಿಕರಿಂದ ಅರ್ಜಿ ಸ್ವೀಕಾರ ನಡೆಸಿದ ಅವರು ವಿವಿವಿಧ ಸಮಸ್ಯೆಗಳನ್ನು ಬಗೆಹರಿಸುವಂತೆ ತಾಕೀತು ಮಾಡಿದರು. ನಗರಸಭೆಯ ವಿವಿಧ ವಿಭಾಗಗಳಿಗೆ ತೆರಳಿ ಅಲ್ಲಿನ ಕಾರ್ಯವೈಖರಿಯನ್ನು ಗಮನಿಸಿದರು. ಸಾರ್ವಜನಿಕರು ಸಲ್ಲಿಸಿರುವ ಖಾತಾ ಬದಲಾವಣೆ, ನಿರಾಕ್ಷೇಪಣಾ ಪತ್ರ, ಕಟ್ಟಡ ನಿರ್ಮಾಣ ಪರವಾನಿಗೆ ಬಗ್ಗೆ ಅವರು ಅಧಿಕಾರಿಗಳಿಂದ ಮಾಹಿತಿಪಡೆದರು. ಕಡತ ವಿಲೇವಾರಿ ನಿಧಾನವಾಗಿರುವುದಕ್ಕೆ ಕಾರಣಗಳನ್ನು ಪ್ರಶ್ನಿಸಿದರು. ಸಣ್ಣ-ಪುಟ್ಟ ಕೆಲಸಗಳಿಗೂ ಜನ ದಿನವಿಡೀ ಕಾಯುವ ಪರಿಸ್ಥಿತಿ ಬಾರದಂತೆ ನೋಡಿಕೊಳ್ಳಬೇಕು ಎಂದು ಸೂಚಿಸಿದರು. `ಜನರ ಜೊತೆ ಸೌಜನ್ಯದಿಂದ ವರ್ತಿಸಬೇಕು. ಕಾಲಮಿತಿಯಲ್ಲಿ ಕೆಲಸ ಮಾಡಿಕೊಡಬೇಕು’ ಎಂದು ಸೂಚಿಸಿದರು. `ಎಜಂಟರಿಗೆ ಇಲ್ಲಿ ಕೆಲಸ ಇಲ್ಲ. ಯಾವುದೇ ಮಧ್ಯವರ್ತಿಗಳ ಮೂಲಕ ಸರ್ಕಾರಿ ಕೆಲಸ ನಡೆಯಬಾರದು’ ಎಂದು ಸಹ ಭೀಮಣ್ಣ ನಾಯ್ಕ ಅವರು ಹೇಳಿದರು. ಕೆಲಸದ ಬಗ್ಗೆ ಅಸಡ್ಡೆ ತೋರುವ ಅಧಿಕಾರಿಗಳ ವಿರುದ್ಧ ಕಠಿಣ ಕ್ರಮದ ಎಚ್ಚರಿಕೆಯನ್ನು ನೀಡಿದರು.
- [15 ಸಾವಿರಕ್ಕೆ ಕೈ ಒಡ್ಡಿದ ಕೋಟಿ ವೀರ!](https://mobiletime.in/2026/06/a-multi-millionaire-holds-out-his-hand-for-15000/): ಕಂದಾಯ ಇಲಾಖೆ ಸೇರಿ ಕೋಟಿ ರೂ ಸಂಪಾದಿಸಿದ್ದ ಮುಂಡಗೋಡಿನ ಕಂದಾಯ ನಿರೀಕ್ಷಕ ಬಸವರಾಜ ಬಿಸ್ನಾಳ್ ಅವರು 15 ಸಾವಿರ ರೂಪಾಯಿಗಾಗಿ ರೈತರಿಗೆ ಕಾಡಿಸಿದ್ದಾರೆ. ಇದರಿಂದ ಸಿಟ್ಟಾದ ರೈತ ನಾರಾಯಣ ಅವರು ಹಣ ಕೊಟ್ಟು ಲೋಕಾಯುಕ್ತರಿಗೆ ಹಿಡಿಸಿದ್ದಾರೆ. ಮುಂಡಗೋಡು ತಹಶೀಲ್ದಾರ್ ಕಚೇರಿಯಲ್ಲಿ ಬಸವರಾಜ ಬಿಸ್ನಾಳ್ ಅವರು ಕಂದಾಯ ನಿರೀಕ್ಷಕರಾಗಿದ್ದರು. ಸಣ್ಣ-ಪುಟ್ಟ ಕೆಲಸಗಳಿಗೂ ಅವರು ಜನರನ್ನು ಕಾಡಿಸಿ ಹಣ ಪೀಕುತ್ತಿದ್ದರು. ಕೋಟಿ ರೂ ಸಂಪಾದಿಸಿದರೂ ಅವರ ಹಣದ ದಾಹ ತೀರಿರಲಿಲ್ಲ. ಬಡವರು, ರೈತರು ಕೆಲಸಕ್ಕಾಗಿ ಬಂದರೆ ಅವರನ್ನು ಅತ್ಯಂತ ಕೀಳರಿಮೆಯಿಂದ ನೋಡುತ್ತಿದ್ದರು. ಕಾಸು ಕೊಟ್ಟವರಿಗೆ ಮಾತ್ರ ಬಹುಬೇಗ ಕೆಲಸ ಮಾಡಿಕೊಡುತ್ತಿದ್ದರು. ಮುಂಡಗೋಡಿನ ನಾರಾಯಣ ಅರೆಜೋಗಿ ಅವರು ತಮ್ಮ ಭೂಮಿಯಲ್ಲಿ ಫಾರ್ಮ ಹೌಸ್ ಕಟ್ಟಿದ್ದರು. ಫಾರ್ಮ ಹೌಸ್ ಪರವಾನಿಗೆಗಾಗಿ ಅವರು ಅರ್ಜಿ ಸಲ್ಲಿಸಿದ್ದರು. ಆದರೆ, ಪರವಾನಿಗೆ ಕೆಲಸ ಮಾತ್ರ ಆಗಿರಲಿಲ್ಲ. ಈ ಬಗ್ಗೆ ವಿಚಾರಿಸಿದಾಗ ಆ ಫೈಲುಗಳು ಕಂದಾಯ ನಿರೀಕ್ಷಕ ಬಸವರಾಜ ಬಿಸ್ನಾಳ್ ಅವರ ಬಳಿ ಬಾಕಿಯಿದ್ದಿದ್ದು ಗೊತ್ತಾಯಿತು. ಅವರನ್ನು ವಿಚಾರಿಸಿದಾಗ ಹಣಕ್ಕಾಗಿ ಕಾಡಿಸಲು ಶುರು ಮಾಡಿದ್ದರು. ಸರ್ಕಾರಿ ಕೆಲಸ ಮಾಡಿಕೊಡಲು ಹಣ ಕೇಳಿದ ಭ್ರಷ್ಟ ಅಧಿಕಾರಿಗೆ ಬುದ್ದಿ ಕಲಿಸಲು ನಾರಾಯಣ ಅರೆಜೋಗಿ ಅವರು ಮುಂದಾದರು. ಹಣ ಕೇಳಿದ ದಾಖಲೆಗಳ ಜೊತೆ ನಾರಾಯಣ ಅರೆಜೋಗಿ ಅವರು ಕಾರವಾರಕ್ಕೆ ಹೋದರು. ಲೋಕಾಯುಕ್ತ ಪೊಲೀಸರನ್ನು ಭೇಟಿ ಮಾಡಿದ ನಾರಾಯಣ ಅರೆಜೋಗಿ ಅವರು ಕಂದಾಯ ನಿರೀಕ್ಷಕ ಬಸವರಾಜ ಬಿಸ್ನಾಳ್ ಅವರಿಂದ ರೈತರಿಗೆ ಆಗುವ ಅನ್ಯಾಯದ ಬಗ್ಗೆ ವಿವರಿಸಿದರು. ಹಣ ಕೇಳಿದನ್ನು ರಹಸ್ಯವಾಗಿ ರೆಕಾರ್ಡ ಮಾಡಿದನ್ನು ಕೇಳಿಸಿದರು. ಕಂದಾಯ ನಿರೀಕ್ಷಕರಿಗೆ ಹಣ ಕೊಡುವಂತೆ ಲೋಕಾಯುಕ್ತರು ನಾರಾಯಣ ಅರೆಜೋಗಿ ಅವರಿಗೆ ತಿಳಿಸಿದ್ದು, ಹಣಪಡೆಯುವಾಗಲೇ ದಾಳಿ ಮಾಡಿದರು. ಕಂದಾಯ ನಿರೀಕ್ಷಕ ಬಸವರಾಜ ಅವರನ್ನು ಬಂಧಿಸಿ ಜೈಲಿಗೆ ಹಾಕಿದರು.
- [ಹಳಿಯಾಳದಿಂದ ಹೊರಗುಳಿದ ಮಟ್ಕಾ ಬುಕ್ಕಿ!](https://mobiletime.in/2026/06/a-matka-bookie-gone-off-the-rails/): ಹಳಿಯಾಳ ಪೊಲೀಸ್ ಠಾಣೆಗೆ ನಿರಂತರವಾಗಿ ಬಾಲ್ ಪೆನ್ ಕೊಡಿಸುತ್ತಿದ್ದ ಮಂಜುನಾಥ ಕೋಳಿಪುಚ್ಚ ಅವರನ್ನು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಊರು ಬಿಟ್ಟು ಓಡಿಸಿದ್ದಾರೆ. ಅಂಕಿ-ಸoಖ್ಯೆಗಳ ಆಟದ ರೂವಾರಿಯಾಗಿದ್ದ ಮಂಜುನಾಥ ಕೋಳಿಪುಚ್ಚ ಅವರು ಐದು ಪ್ರಕರಣದಲ್ಲಿ ಶಿಕ್ಷೆಯಾದರೂ ಕಾನೂನುಬಾಹಿರ ಕ್ರೀಡೆ ನಿಲ್ಲಿಸದ ಕಾರಣ ಅವರ ವಿರುದ್ಧ ಕಠಿಣ ಕ್ರಮ ಜರುಗಿಸಿದ್ದಾರೆ. ಮಂಜುನಾಥ ಕೋಳಿಪುಚ್ಚ ಅವರನ್ನು ಪೊಲೀಸರೇ ಹಿಡಿದು ಹಾಸನಕ್ಕೆ ಕರೆದೊಯ್ದು ಬಿಟ್ಟಿದ್ದಾರೆ. ಹಳಿಯಾಳದ ಭಜಂತ್ರಿಗಲ್ಲಿಯ ಮಂಜುನಾಥ ಹನುಮಂತ ಕೋಳಿಪುಚ್ಚ ಅವರು ವಾಸವಾಗಿದ್ದರು. ವಿವಿಧ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾದ ಅವರು 5 ಪ್ರಕರಣದಲ್ಲಿ ಶಿಕ್ಷೆಯನ್ನು ಅನುಭವಿಸಿದ್ದರು. ಮತ್ತೆ ಐದು ಪ್ರಕರಣದಲ್ಲಿ ಅವರ ವಿರುದ್ಧ ವಿಚಾರಣೆ ನಡೆದಿತ್ತು. ಮುಖ್ಯವಾಗಿ ಹಳಿಯಾಳದಲ್ಲಿ ಅವರು ಮಟ್ಕಾ ಬುಕ್ಕಿಯಾಗಿ ಕೆಲಸ ಮಾಡುತ್ತಿದ್ದರು. ವಿವಿಧ ಅಂಗಡಿಕಾರರು, ಕೂಲಿ ಕಾರ್ಮಿಕರಿಗೆ ಕಮಿಷನ್ ಆಸೆ ತೋರಿಸಿ ಅವರಿಂದ ಕಾನೂನುಬಾಹಿರ ಕ್ರೀಡೆ ಆಡಿಸುತ್ತಿದ್ದರು. ಪೊಲೀಸರು ಸಾಕಷ್ಟು ಬಾರಿ ಮಂಜುನಾಥ ಕೋಳಿಪುಚ್ಚ ಅವರನ್ನು ಠಾಣೆಗೆ ಕರೆಯಿಸಿದ್ದರು. ಕೇಸು ದಾಖಲಿಸಿದ್ದರು. ಎಚ್ಚರಿಕೆಯನ್ನು ಸಹ ನೀಡಿದ್ದರು. ಆದರೆ, ಅದಕ್ಕೆ ಯಾವುದಕ್ಕೂ ಮಂಜುನಾಥ ಕೋಳಿಪುಚ್ಚ ಅವರು ತಲೆಭಾಗಿರಲಿಲ್ಲ. ನ್ಯಾಯಾಲಯ ನೀಡಿದ ಶಿಕ್ಷೆಯನ್ನು ಅನುಭವಿಸಿದ ಅವರು ನಂತರವೂ ಮಟ್ಕಾ ಆಡುವಂತೆ ಜನರನ್ನು ಪ್ರೇರೇಪಿಸುತ್ತಲೇ ಇದ್ದರು. ಮಂಜುನಾಥ ಕೋಳಿಪುಚ್ಚ ಅವರ ಕಾನೂನುಬಾಹಿರ ಚಟುವಟಿಕೆ ನಿಲ್ಲಿಸುವುದಕ್ಕಾಗಿ ಪೊಲೀಸರು ರೌಡಿ ಶೀಟರ್ ಹಾಳೆಯಲ್ಲಿ ಹೆಸರು ದಾಖಲಿಸಿದ್ದರು. ಅದಾಗಿಯೂ, ಅಂಕಿ-ಸAಖ್ಯೆಗಳ ಆಟ ನಿಂತಿರಲಿಲ್ಲ. ಮಂಜುನಾಥ ಕೋಳಿಪುಚ್ಚ ಅವರಿಂದ ಕಾನೂನು ಸುವ್ಯವಸ್ಥೆಗೆ ಅಡ್ಡಿ ಆಗುವ ಹಿನ್ನಲೆ ಹಳಿಯಾಳ ಪೊಲೀಸರು ಗಡಿಪಾರಿಗೆ ಕೋರಿ ಶಿಫಾರಸ್ಸು ಮಾಡಿದ್ದರು. ಆ ಶಿಫಾರಸ್ಸು ಆಧಾರದಲ್ಲಿ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ವಿಚಾರಣೆ ನಡೆಸಿದರು. ಸದ್ಯ ಸಿದ್ದರಾಮೇಶ್ವರ ಗಲ್ಲಿಯಲ್ಲಿ ವಾಸವಾಗಿದ್ದ ಮಂಜುನಾಥ ಕೋಳಿಪುಚ್ಚ ಅವರನ್ನು ಹಾಸನಕ್ಕೆ ಗಡಿಪಾರು ಮಾಡಿ ಅವರು ಆದೇಶಿಸಿದರು. ಹಳಿಯಾಳ ಪೊಲೀಸರು ಆರೋಪಿಯನ್ನು ಹಾಸನ ಗ್ರಾಮೀಣ ಠಾಣೆಗೆ ಕರೆದೊಯ್ದು ಬಿಟ್ಟು ಬಂದರು.  
- [ಯಲ್ಲಾಪುರ | ಅಧಿಕಾರಿಗಳಿಗೆ ಮಾಹಿತಿ ಹಕ್ಕು ಕಾರ್ಯಾಗಾರ - ಸಾಧಕ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ!](https://mobiletime.in/2026/07/yellapur-right-to-information-workshop-for-officials-talent-awards-for-high-achieving-students/): ಕ್ರಿಯಾಶೀಲ ಚಟುವಟಿಕೆಗಳ ಮೂಲಕ ಗಮನಸೆಳೆಯುತ್ತಿರುವ ಯಲ್ಲಾಪುರದ ಸರ್ಕಾರಿ ನೌಕರರ ಸಂಘವು ಈ ಭಾರಿಯ ಸರ್ವ ಸದಸ್ಯರ ಸಭೆಯನ್ನು ವಿಭಿನ್ನವಾಗಿ ಆಯೋಜಿಸಲು ನಿರ್ಧರಿಸಿದೆ. ಸಭೆಯ ಜೊತೆಗೆ ಅಧಿಕಾರಿ-ಸಿಬ್ಬಂದಿಗೆ ಮಾಹಿತಿ ಹಕ್ಕು ಕಾರ್ಯಾಗಾರ ಹಾಗೂ ಸಾಧಕ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ ನಡೆಸಲು ಸಂಘ ಆಸಕ್ತಿವಹಿಸಿದೆ. ಯಲ್ಲಾಪುರದ ಸರ್ಕಾರಿ ನೌಕರರ ಭವನದಲ್ಲಿ ಸಂಘದ ಅಧ್ಯಕ್ಷ ಸಂಜೀವಕುಮಾರ ಹೊಸ್ಕೇರಿ ಅವರು ಈ ಎಲ್ಲಾ ಕಾರ್ಯಕ್ರಮದ ಆಮಂತ್ರಣ ಬಿಡುಗಡೆ ಮಾಡಿದ್ದು, ರೂಪುರೇಷೆಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಸರ್ಕಾರಿ ನೌಕರರ ಸಂಘದ ಸರ್ವಸದಸ್ಯರ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ಮಾಹಿತಿ ಹಕ್ಕು ಕಾರ್ಯಾಗಾರವನ್ನು ಜುಲೈ 18ರಂದು ಬೆಳಗ್ಗೆ 10ಕ್ಕೆ ತಾಲೂಕು ಪಂಚಾಯತ ಸಭಾಭವನದಲ್ಲಿ ಆಯೋಜಿಸಲಾಗಿದೆ. ಶಾಸಕ ಶಿವರಾಮ ಹೆಬ್ಬಾರ್ ಹಾಗೂ ವಿಧಾನ ಪರಿಷತ್ ಸಭಾಪತಿ ಬಸವರಾಜ ಹೊರಟ್ಟಿ ಅವರ ಜೊತೆ ಅನೇಕ ಗಣ್ಯರು ಇದರಲ್ಲಿ ಭಾಗಿಯಾಗಲಿದ್ದಾರೆ’ ಎಂದವರು ವಿವರಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲಾಧಿಕಾರಿಗಳಿಗೆ ಕಾನೂನು ಸಲಹೆಗಾರರಾಗಿರುವ ನಿವೃತ್ತ ಜಿಲ್ಲಾ ನ್ಯಾಯಾಧೀಶ ರವಿ ನಾಯ್ಕ ಅವರು ಮಾಹಿತಿ ಹಕ್ಕು ಕಾಯ್ದೆ ಬಗ್ಗೆ ಮಾಹಿತಿ ನೀಡಿ, ಸಂವಾದ ನಡೆಸಲಿದ್ದಾರೆ. ಲೋಕೋಪಯೋಗಿ ಇಲಾಖೆಯ ನಿವೃತ್ತ ಅಭಿಯಂತರ ವಿ ಎಂ ಭಟ್ಟ ವಿದ್ಯಾರ್ಥಿಗಳಿಗೆ ಪ್ರೇರಣಾ ನುಡಿಗಳನ್ನಾಡಲಿದ್ದಾರೆ. ಶೈಕ್ಷಣಿಕ ಸಾಧನೆ ಮಾಡಿದ ಸರ್ಕಾರಿ ನೌಕರರ ಮಕ್ಕಳನ್ನು ಪುರಸ್ಕರಿಸಲಾಗುತ್ತದೆ. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸರ್ಕಾರಿ ನೌಕರರನ್ನು ಈ ವೇದಿಕೆಯಲ್ಲಿ ಗೌರವಿಸಲಾಗುತ್ತದೆ’ ಎಂದವರು ಹೇಳಿದ್ದಾರೆ. ಸಂಘದ ಗೌರವಾಧ್ಯಕ್ಷ ಸುಭಾಸ ನಾಯಕ, ರಾಜ್ಯ ಪರಿಷತ್ ಸದಸ್ಯೆ ರೇಷ್ಮಾ ಶೇಟ್, ಉಪಾಧ್ಯಕ್ಷ ಆರ್ ಡಿ ಜನಾರ್ದನ, ಪ್ರಧಾನ ಕಾರ್ಯದರ್ಶಿ ಶರಣಪ್ಪ ಗೊಜನೂರು, ಜಂಟಿ ಕಾರ್ಯದರ್ಶಿಗಳಾದ ವೆಂಕಟರಮಣ ಭಟ್ಟ, ಮಹೇಶ ತಾಳಿಕೋಟಿ, ನಿರ್ದೇಶಕರಾದ ಅಜಿತ್ ನಾಯಕ, ಸುಧಾಕರ ನಾಯಕ ಅವರು ಈ ಎಲ್ಲಾ ಕಾರ್ಯಕ್ರಮಗಳ ಸಂಘಟನೆಗೆ ಶ್ರಮಿಸುತ್ತಿದ್ದು, ಸಂಜೀವಕುಮಾರ ಹೋಸ್ಕೇರಿ ಅವರು ಆಮಂತ್ರಣ ಪತ್ರಿಕೆ ಬಿಡುಗಡೆ ಮಾಡುವಾಗ ಅವರೆಲ್ಲರೂ ಜೊತೆಯಾದರು.
- [ಭಟ್ಕಳ | ಅವೈಜ್ಞಾನಿಕ ಕಾಮಗಾರಿಗೆ ಮತ್ತೊಂದು ಬಲಿ!](https://mobiletime.in/2026/07/bhatkal-another-victim-of-unscientific-work/): ರಾಷ್ಟ್ರೀಯ ಹೆದ್ದಾರಿ ಅಗಲೀಕರಣದ ಅವೈಜ್ಞಾನಿಕತೆಯ ಪರಿಣಾಮ ಮುರುಡೇಶ್ವರದಲ್ಲಿ ಅಪಘಾತವೊಂದು ನಡೆದಿದೆ. ತೆರ್ನಮಕ್ಕಿ ಸಬಾತಿಯ ಕೃಷ್ಣಾ ನಾಯ್ಕ ಅವರು ಈ ದುರಂತದಲ್ಲಿ ಸಾವನಪ್ಪಿದ್ದಾರೆ. ಬೈಕ್ ಹಾಗೂ ಲಾರಿ ನಡುವೆ ಇಲ್ಲಿ ಅಪಘಾತ ನಡೆದಿದೆ. ಐಆರ್‌ಬಿ ಕಂಪನಿಯ ಬೇಜವಾಬ್ದಾರಿತನವೇ ಅಪಘಾತಕ್ಕೆ ಕಾರಣ ಎಂದು ಜನ ದೂರಿದ್ದಾರೆ. ಮುರುಡೇಶ್ವರದ ಬಸ್ತಿ ಬಳಿ ಚಲಿಸುತ್ತಿದ್ದ ವೇಳೆ ಬೈಕಿಗೆ ಲಾರಿ ಡಿಕ್ಕಿ ಹೊಡೆದಿದ್ದು, ಲಾರಿ ಚಕ್ರದ ಅಡಿ ಸಿಲುಕಿ ಕೃಷ್ಣ ನಾಯ್ಕ ಅವರು ಕೊನೆಯುಸಿರೆಳೆದಿದ್ದಾರೆ. ಸಾರ್ವಜನಿಕರು ಹೆದ್ದಾರಿ ಪ್ರಾಧಿಕಾರ ಮತ್ತು ಕಾಮಗಾರಿ ನಡೆಸುತ್ತಿರುವ ಐಆರ್‌ಬಿ ಕಂಪನಿ ವಿರುದ್ಧ ತೀವ್ರ ಆಕ್ರೋಶ ಹೊರಹಾಕಿದ್ದಾರೆ. ಯಾವುದೇ ಸೂಕ್ತ ಮುನ್ನೆಚ್ಚರಿಕೆ ಫಲಕಗಳಿಲ್ಲದೆ, ರಸ್ತೆ ತಿರುವುಗಳನ್ನು ತೀರಾ ಅವೈಜ್ಞಾನಿಕವಾಗಿ ಮಾಡಿರುವುದರಿಂದ ಅವಘಡ ನಡೆಯುತ್ತಿರುವುದಾಗಿ ದೂರಿದ್ದಾರೆ.
- [ದಾಂಡೇಲಿ | ಉದ್ಯಾನವನದಲ್ಲಿ ನೇತಾಡಿದ ಶವ!](https://mobiletime.in/2026/07/dandeli-body-found-hanging-in-the-park/): ಮೂರು ದಿನಗಳ ಹಿಂದೆ ಊರಿಗೆ ಬಂದಿದ್ದ ಮಂಜುನಾಥ ನಿಂಬಾಳ್ಕರ್ ಅವರು ದಾಂಡೇಲಿ ಉದ್ಯಾನವನಕ್ಕೆ ಹೋಗಿ ನೇಣಿಗೆ ಶರಣಾಗಿದ್ದಾರೆ. ಅವರ ಈ ದುಡುಕು ನಿರ್ಧಾರಕ್ಕೆ ಕಾರಣ ಗೊತ್ತಾಗಿಲ್ಲ. ದಾಂಡೇಲಿ ಗಾಂಧೀನಗರದ ರೈಲ್ವೆ ಹಳಿ ಬಳಿ ಮಂಜುನಾಥ ಮಲ್ಲೇಶ ನಿಂಬಾಳ್ಕರ್ (23) ಅವರು ವಾಸವಾಗಿದ್ದರು. ಅವರು ಬೆಂಗಳೂರಿಗೆ ಹೊಗಿ ಅಲ್ಲಿಯೇ ಜೀವನ ನಡೆಸುತ್ತಿದ್ದರು. ತಾಯಿ ಹಾಗೂ ಸಹೋದರಿಯನ್ನು ಸಹ ಅವರು ಬೆಂಗಳೂರಿಗೆ ಕರೆಯಿಸಿಕೊಂಡಿದ್ದರು. ನಾಲ್ಕು ವರ್ಷಗಳಿಂದ ಅಲ್ಲಿಯೇ ಇದ್ದ ಅವರು ಮೂರು ದಿನಗಳ ಹಿಂದೆ ದಾಂಡೇಲಿಗೆ ಬಂದಿದ್ದರು. ಹೀಗಿರುವಾಗ, ದಿಢೀರ್ ಆಗಿ ಮಂಜುನಾಥ ನಿಂಬಾಳ್ಕರ್ ಅವರು ಆತ್ಮಹತ್ಯೆಯ ನಿಧಾರ ಮಾಡಿದರು. ಉದ್ಯಾನವನಕ್ಕೆ ತೆರಳಿದ ಅವರು ಅಲ್ಲಿಯೇ ನೇಣಿಗೆ ಶರಣಾದರು. ಈ ವಿಷಯ ತಿಳಿದ ಪೊಲೀಸರು ಅಲ್ಲಿಗೆ ಧಾವಿಸಿದ್ದು, ಸ್ಥಳ ಪರಿಶೀಲನೆ ಮಾಡಿದ್ದಾರೆ. ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.
- [ಕಾರವಾರ | ರೋಟರಿ ಸದಸ್ಯರ ಹಸಿರು ಪ್ರೀತಿ](https://mobiletime.in/2026/07/karwar-rotary-members-love-for-greenery/): ರೋಟರಿ ಕ್ಲಬ್ ಪಶ್ಚಿಮ ಕಾರವಾರ ಘಟಕದವರು ಮಕ್ಕಳಲ್ಲಿ ಹಸಿರು ಪ್ರೀತಿ ಹುಟ್ಟಿಸುವ ಅಭಿಯಾನ ನಡೆಸಿದ್ದಾರೆ. ಅಸ್ನೋಟಿ ಶಿವಾಜಿ ವಿದ್ಯಾ ಮಂದಿರದಲ್ಲಿ ಅವರು ವನ ಮಹೋತ್ಸವ ಕಾರ್ಯಕ್ರಮ ನಡೆಸಿ, ಗಿಡಗಳ ಮಹತ್ವದ ಬಗ್ಗೆ ಅರಿವು ಮೂಡಿಸಿದ್ದಾರೆ. ಶಾಲಾ ಆವರಣದಲ್ಲಿ ಬಗೆ ಬಗೆಯ ಹಣ್ಣಿನ ಗಿಡಗಳನ್ನು ರೋಟರಿ ಕ್ಲಬ್ ಸದಸ್ಯರು ನಾಟಿ ಮಾಡಿದ್ದಾರೆ. ಆ ಗಿಡಗಳನ್ನು ರಕ್ಷಿಸಿ-ಪೋಷಿಸುವುದಾಗಿ ಅಲ್ಲಿನ ಮಕ್ಕಳು ಪ್ರಮಾಣ ಮಾಡಿದ್ದಾರೆ. ‘CREATE LASTING IMPACT’ ಘೋಷಣೆಯ ಅಡಿ ರೋಟರಿ ಕ್ಲಬ್ ಈ ಅಭಿಯಾನ ನಡೆಸಿದೆ. ಸಂಘಟನೆ ಕಾರ್ಯದರ್ಶಿ ರತ್ನಾಕರ ಅಂಬಿಗ ಅವರು ಮಾತನಾಡಿ ಜಾಗತಿಕ ತಾಪಮಾನ ಏರಿಕೆ ಮತ್ತು ಮರಗಳ ಕಡಿತದಿಂದಾಗುವ ಅನಾಹುತಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ವಿವರಿಸಿದ್ದಾರೆ. `ಒಬ್ಬ ವಿದ್ಯಾರ್ಥಿ ಕನಿಷ್ಠ 5 ಗಿಡ ನೆಟ್ಟು ಅದನ್ನು ಮರವಾಗಿಸುವ ಜವಾಬ್ದಾರಿ ತೆಗೆದುಕೊಂಡರೆ ನಮ್ಮ ಊರು ಹಸಿರಾಗುತ್ತದೆ’ ಎಂದವರು ಕರೆ ನೀಡಿದ್ದಾರೆ. ರೋಟರಿ ಕ್ಲಬ್ ಪಶ್ಚಿಮ ಕಾರವಾರದ ಅಧ್ಯಕ್ಷ ಡಾಲರೀಚ್ ಫರ್ನಾಂಡೀಸ್ ಅವರು ಮಾತನಾಡಿ `ರೋಟರಿ ಕ್ಲಬ್ ಶಿಕ್ಷಣದ ಜೊತೆಗೆ ಸಾಮಾಜಿಕ ಕಾರ್ಯಗಳಲ್ಲಿಯೂ ಉತ್ತಮ ಕಾರ್ಯಕ್ರಮಗಳನ್ನು ನಡೆಸುತ್ತಿದೆ’ ಎಂದಿದ್ದಾರೆ. ಪ್ರಮುಖರಾದ ಶಿವಾನಂದ ನಾಯ್ಕ ಅವರು ಮಾತನಾಡಿ `ಮಕ್ಕಳಲ್ಲಿ ಶಾಲಾ ದಿನಗಳಲ್ಲೇ ನಾಯಕತ್ವ ಗುಣ ಬೆಳೆಯಬೇಕು’ ಎಂದು ಹೇಳಿದ್ದಾರೆ. ಕ್ಲಬ್’ನ ಮಾಜಿ ಅಧ್ಯಕ್ಷ ಅರವಿಂದ ನಾಯಕ, ಪ್ರಮುಖರಾದ ಶಿಲ್ಪಾ ಶಿವಾನಂದ ನಾಯ್ಕ, ಶಿಕ್ಷಕರಾದ ವಿಜಯಕುಮಾರ ನಾಯ್ಕ, ಸಂತೋಷ ಕಾಂಬಳೆ, ಜೆ ಬಿ ತಿಪ್ಪೇಸ್ವಾಮಿ, ವಿಕ್ರಾಂತ ತಾಂಡೇಲ್, ರೂಪಾಲಿ ಸಾವಂತ್ ವೇದಿಕೆಯಲ್ಲಿದ್ದರು. ಅನುಷ್ಕಾ ಸಾವಂತ್ ಹಾಗೂ ಸಂಗಡಿಗರು ಪ್ರಾರ್ಥಿಸಿದರು. ಶಾಲಾ ಮುಖ್ಯಾಧ್ಯಾಪಕ ಗಣೇಶ ಬೀಷ್ಟಣ್ಣನವರ್ ಅವರು ಸ್ವಾಗತಿಸಿದರು.
- [ಹಳಿಯಾಳ | ಕಾರಾಗೃಹದ ಕೈದಿಗೆ ಮಾದಕ ಸಾಗಾಟ: ತಾಂತ್ರಿಕ ದೋಷದಿಂದ ಸಿಕ್ಕಿಬಿದ್ದ ಮಹಿಳೆ!](https://mobiletime.in/2026/07/haliyal-smuggling-narcotics-to-a-prison-inmate-woman-caught-due-to-a-technical-glitch/): ಕಾರಾಗೃಹದಲ್ಲಿರುವ ಕೈದಿಗಳನ್ನು ಭೇಟಿಯಾಗಲು ಬರುವವರ ಬಗ್ಗೆ ಇ-ಪ್ರಿನ್ಸಸ್ ತಂತ್ರಾoಶದಲ್ಲಿ ದಾಖಲಿಸಬೇಕಿದ್ದು, ಆ ತಂತ್ರಾoಶದಲ್ಲಿ ದೋಷ ಕಾಣಿಸಿಕೊಂಡ ಪರಿಣಾಮ ಹಳಿಯಾಳದಲ್ಲಿ ಹಗರಣವೊಂದು ಹೊರಬಿದ್ದಿದೆ. ತೆಂಗಿನ ಎಣ್ಣೆ ಡಬ್ಬಿಯಲ್ಲಿ ತಂಬಾಕು ಸಾಗಿಸುತ್ತಿದ್ದ ಮಹಿಳೆಯೊಬ್ಬರು ಕಾರಾಗೃಹ ಅಧಿಕಾರಿಗಳ ಬಳಿ ಸಿಕ್ಕಿ ಬಿದ್ದಿದ್ದಾರೆ. ರಾಜಕುಮಾರ ದೊಡ್ಡಮನಿ ಎಂಬಾತರು ಹಳಿಯಾಳ ಉಪಕಾರಾಗೃಹದಲ್ಲಿ ಅಧೀಕ್ಷಕರಾಗಿದ್ದಾರೆ. ಕಾರಾಗೃಹಕ್ಕೆ ಬಂದು ಕೈದಿಗಳನ್ನು ಭೇಟಿ ಮಾಡುವವರ ಮೇಲೆ ಅವರು ಕಣ್ಣಿಟ್ಟಿದ್ದಾರೆ. ಆದರೆ, ಅವರ ಕಣ್ತಪ್ಪಿಸಿ ಕೆಲವರು ನಿಷೇಧಿತ ವಸ್ತುಗಳನ್ನು ಜೈಲಿನ ಒಳಗೆ ಸರಬರಾಜು ಮಾಡುತ್ತಿದ್ದಾರೆ. ಜುಲೈ 14ರಂದು ಸಹ ಮಂಜುಳಾ ಕಿರನ್ನವರ್ ಎಂಬಾತರು ಕಾರಾಗೃಹದೊಳಗೆ ನಿಷೇಧಿಸಲಾದ ತಂಬಾಕು ಪುಡಿ ಸಾಗಾಟ ಪ್ರಯತ್ನ ಮಾಡಿದ್ದು, ಅದನ್ನು ಅಲ್ಲಿನ ಸಿಬ್ಬಂದಿ ತಡೆದಿದ್ದಾರೆ. ಪ್ರತಿ ಸಲ ಕಾರಾಗೃಹಕ್ಕೆ ಭೇಟಿ ನೀಡುವವರನ್ನು ಅಲ್ಲಿನ ತಂತ್ರಾoಶದ ಮೂಲಕ ತಪಾಸಣೆ ಮಾಡಲಾಗುತ್ತದೆ. ಭೇಟಿ ನೀಡಿದವರ ವಿವರವನ್ನು ಸಹ ಇ-ಪ್ರಿನ್ಸಸ್ ತಂತ್ರಾAಶದಲ್ಲಿ ದಾಖಲಿಸಲಾಗುತ್ತದೆ. ಆದರೆ, ಜುಲೈ 14ರಂದು ಈ ತಂತ್ರಾoಶ ಹಾಳಾಗಿದ್ದು, ಕಾರಾಗೃಹದ ಸಿಬ್ಬಂದಿ ತಂತ್ರಾAಶ ಇಲ್ಲದೇ ಆಗಮಿಸಿದವರನ್ನು ತಪಾಸಣೆ ಮಾಡಿದ್ದಾರೆ. ಈ ವೇಳೆ ವಿಚಾರಣಾಧೀನ ಖೈದಿ ಶ್ರೀಕಾಂತ ರಾಜಶೇಖರ ಕಿರನ್ನವರ್ ಅವರನ್ನು ಭೇಟಿಯಾಗಲು ಬಂದಿದ್ದ ಅವರ ತಾಯಿ ಮಂಜುಳಾ ಕಿರನ್ನವರ್ ಅವರ ಬಳಿ ತಂಬಾಕಿನ ಪುಡಿ ಸಿಕ್ಕಿದೆ. ಮಂಜುಳಾ ಕಿರನ್ನವರ್ ಅವರು ತಮ್ಮ ಮಗನಿಗೆ ಬೇಕರಿಯಿಂದ ತಿಂಡಿ ತಂದಿರುವುದಾಗಿ ಹೇಳಿದ್ದಾರೆ. ಬಂಧಿಗಳ ಸಂದರ್ಶಕ ಪುಸ್ತಕದಲ್ಲಿ ಅವರ ಹೆಸರು ಬರೆದ ನಂತರ ಕಾರಾಗೃಹ ಸಿಬ್ಬಂದಿ ಸಂದೀಪ ಮಂಜುನಾಥ ನಾಯ್ಕ ಅವರು ತಪಾಸಣೆ ಶುರು ಮಾಡಿದ್ದಾರೆ. ಆಗ, ನೀಲಿ ಬಣ್ಣದ ಡಾಬರ್ ಕಂಪನಿಯ ಅನ್ಮೋಲ್ ತೆಂಗಿನ ಎಣ್ಣೆಯ ಡಬ್ಬಿಯಲ್ಲಿ 25 ಗ್ರಾಂ ತಂಬಾಕು ಸಾಗಿಸುತ್ತಿರುವುದು ಗಮನಕ್ಕೆ ಬಂದಿದೆ. ಸಂದೀಪ ನಾಯ್ಕ ಅವರು ಕೂಡಲೇ ಈ ವಿಷಯವನ್ನು ಮೇಲಧಿಕಾರಿಗಳಿಗೆ ಹೇಳಿದ್ದು, ರಾಜಕುಮಾರ ದೊಡ್ಡಮನಿ ಅವರು ತಾಯಿ-ಮಗನ ವಿರುದ್ಧ ಮತ್ತೊಂದು ಕೇಸು ದಾಖಲಿಸಿದ್ದಾರೆ.
- [ನಂದೇನೂ ತಪ್ಪಿಲ್ಲ..!](https://mobiletime.in/2026/07/its-not-my-fault-at-all/): ಕಾರು ಚಾಲಕನಿಗೆ ಫೋನ್ ಮಾಡಿ ಬೆದರಿಸಿದ ವಿಷಯವಾಗಿ ಮೊಬೈಲ್ ಮಿಡಿಯಾ ನೆಟ್ ವರ್ಕ ಪ್ರಕಟಿಸಿದ ವರದಿಗೆ ಪೊಲೀಸ್ ಸಿಬ್ಬಂದಿ ಪ್ರಸಾದ ತಲಗೇರಿ ಅವರು ಫೋನ್ ಮಾಡಿ ಸ್ಪಷ್ಠೀಕರಣ ನೀಡಿದ್ದಾರೆ. `ವೇಗವಾಗಿ ಬಂದ ಕಾರು ತಮ್ಮ ಸಮೀಪದಿಂದ ಸಾಗಿದ್ದು, ಕಾರು ಚಾಲಕನಿಗೆ ಈ ಬಗ್ಗೆ ವಿಚಾರಿಸಲು ಫೋನ್ ಮಾಡಿದ್ದೆ’ ಎಂದವರು ಹೇಳಿಕೊಂಡಿದ್ದಾರೆ. `ಕರ್ತವ್ಯಕ್ಕೆ ತೆರಳುವುದಕ್ಕಾಗಿ ನಾನು ಅವರ್ಸಾ ಬಳಿ ನಿಂತಿದ್ದು, ಬಸ್ಸಿಗಾಗಿ ಕಾಯುತ್ತಿದ್ದೆ. ಈ ವೇಳೆ ಕಾರೊಂದು ವೇಗವಾಗಿ ಮುನ್ನುಗ್ಗಿ ಬಂದಿದ್ದು, ತನಗೆ ಡಿಕ್ಕಿ ಹೊಡೆಯುವಷ್ಟು ಸಮೀಪದಿಂದ ಸಾಗಿತು. ಅಷ್ಟು ವೇಗವಾಗಿ ಬಂದ ಕಾರಿನ ಬಗ್ಗೆ ವಿಚಾರಿಸಲು ಕೈ ಮಾಡಿದೆ’ ಎಂದವರು ಹೇಳಿದ್ದಾರೆ. `ಈ ವೇಳೆ ತಾನು ಪೊಲೀಸ್ ಸಮವಸ್ತದಲ್ಲಿದ್ದು, ನಿಧಾನವಾಗಿ ಕಾರು ಓಡಿಸಿ ಎಂದು ಸೂಚಿಸುವುದಕ್ಕಾಗಿ ಕೈ ಮಾಡಿದ್ದೇನೆ. ಆದರೆ, ಅವರು ಕಾರು ನಿಲ್ಲಿಸಲಿಲ್ಲ. ಹೀಗಾಗಿ ಕಾರು ಮಾಲಕರ ಫೋನ್ ನಂ ಸಂಗ್ರಹಿಸಿ, ಫೋನ್ ಮಾಡಿ ಬುದ್ದಿ ಹೇಳಿದ್ದೇನೆ’ ಎಂದವರು ವಿವರಿಸಿದ್ದಾರೆ. `ಮೈಮೇಲೆ ಮುನ್ನುಗ್ಗಿ ಬರುವ ಹಾಗೇ ಕಾರು ಓಡಿಸಬೇಡಿ ಎಂದಿದ್ದೇನೆ’ ಎಂದು ಪೊಲೀಸ್ ಸಿಬ್ಬಂದಿ ಪ್ರಸಾದ ತಲಗೇರಿ ಅವರು ಹೇಳಿದ್ದಾರೆ. `ಕೈ ಮಾಡಿದರೂ ಏಕೆ ಕಾರು ನಿಲ್ಲಿಸಿಲ್ಲ? ಎಂದು ಪ್ರಶ್ನಿಸಿದ್ದು ನಿಜ. ಆದರೆ, ನೀವು ಕೈ ಮಾಡಿದಾಗ ನಾವು ಏಕೆ ಕಾರು ನಿಲ್ಲಿಸಬೇಕು? ಎಂದು ಅವರು ಮರು ಪ್ರಶ್ನೆ ಹಾಕಿದ್ದಾರೆ. ಆ ವೇಳೆಯಲ್ಲಿಯೂ ತಾನು ಅವರನ್ನು ಬೆದರಿಸಿಲ್ಲ. ಅದಾಗಿಯೂ, ತಮ್ಮ ವಿರುದ್ಧ ದೂರು ನೀಡಿದ್ದಾರೆ’ ಎಂದವರು ಸ್ಪಷ್ಠಪಡಿಸಿದ್ದಾರೆ.
- [ಕಾರವಾರ | ಅಂಕೋಲಾ ಪೊಲೀಸರ ಹೆಸರಿನಲ್ಲಿ ಫೋನು: ದಂಡ ಪಾವತಿ ಸೂಚಿಸಿದವನ ವಿರುದ್ಧ ದೂರು!](https://mobiletime.in/2026/07/karwar-call-made-in-the-name-of-ankola-police-complaint-filed-against-person-who-directed-payment-of-a-fine/): ಕಾರವಾರದ ಪೊಲೀಸ್ ಪೇದೆಯಾಗಿರುವ ಪ್ರಸಾದ ತಲಗೇರಿ ಅವರು ಅಂಕೋಲಾದ ಗಣೇಶ ನಾಯ್ಕ ಎಂಬಾತರಿಗೆ ಫೋನ್ ಮಾಡಿದ್ದಾರೆ. ಸಂಚಾರಿ ನಿಯಮ ಉಲ್ಲಂಘಿಸಿದ ಕಾರಣ 5 ಸಾವಿರ ರೂಪಾಯಿ ದಂಡ ಪಾವತಿಸುವಂತೆ ಅವರು ಸೂಚಿಸಿದ್ದಾರೆ. ಆದರೆ, ಕಾರವಾರದಲ್ಲಿ ಕೆಲಸ ಮಾಡುವ ಪೊಲೀಸ್ ಸಿಬ್ಬಂದಿ ಅಂಕೋಲಾದ ಅವರ್ಸಾ ಬಳಿ ಕಾರು ನಿಲ್ಲಿಸದ ಕಾರಣ ಫೋನ್ ಮಾಡಿ, ದಂಡ ಪಾವತಿಸುವಂತೆ ಸೂಚಿಸಿದ್ದರಿಂದ ಅನುಮಾನಗೊಂಡ ಮಂಜುನಾಥ ನಾಯ್ಕ ಎಂಬಾತರು ಈ ಬಗ್ಗೆ ತನಿಖೆಗೆ ಆಗ್ರಹಿಸಿ ಹಿರಿಯ ಅಧಿಕಾರಿಗಳಿಗೆ ಪತ್ರ ಬರೆದಿದ್ದಾರೆ. ಜುಲೈ 15ರಂದು ಅಂಕೋಲಾದ ಗಣೇಶ ವಾಸುದೇವ ನಾಯ್ಕ ಅವರು ಅಂಕೋಲಾದಿAದ ಕಾರವಾರ ಕಡೆ ತಮ್ಮ ಇನೋವಾ ಕಾರಿನಲ್ಲಿ ಹೋಗುತ್ತಿದ್ದರು. ಬೆಳಗ್ಗೆ 9.45ರ ವೇಳೆಗೆ ಅವರ್ಸಾ ಬಳಿ ಪೊಲೀಸ್ ಸಿಬ್ಬಂದಿ ಪ್ರಸಾದ ತಲಗೇರಿ ಅವರು ನಿಂತಿದ್ದರು. ಪ್ರಸಾದ ತಲಗೇರಿ ಅವರು ಆ ಕಾರಿಗೆ ಅಡ್ಡಲಾಗಿ ಕೈ ಮಾಡಿದ್ದು, ಗಣೇಶ ನಾಯ್ಕ ಅವರು ಕಾರು ನಿಲ್ಲಿಸಲಿಲ್ಲ. ಅದರಿಂದ ಸಿಟ್ಟಾದ ಪ್ರಸಾದ ತಲಗೇರಿ ಅವರು ಗಣೇಶ ನಾಯ್ಕ ಅವರ ಮೊಬೈಲ್ ಸಂಖ್ಯೆ ಹುಡುಕಿದರು. ಆ ಸಂಖ್ಯೆಗೆ ಫೋನ್ ಮಾಡಿ ಬೈದರು. `ಕೈ ಮಾಡಿದರೂ ಕಾರು ನಿಲ್ಲಿಸಲು ಆಗಿಲ್ವೇ?’ ಎಂದು ಪ್ರಶ್ನಿಸಿ, ನಿಂದಿಸಿದರು. `5 ಸಾವಿರ ರೂ ದಂಡ ಕಟ್ಟಬೇಕು’ ಎಂದು ಸಹ ಹೇಳಿದರು. ಇದರಿಂದ ಹೆದರಿದ ಗಣೇಶ ನಾಯ್ಕ ಅವರು ತಮ್ಮ ಸಂಬAಧಿ ಮಂಜುನಾಥ ನಾಯ್ಕ ಅವರಿಗೆ ಫೋನ್ ಮಾಡಿದರು. ಪೊಲೀಸರ ಹೆಸರಿನಲ್ಲಿ ಬಂದ ಫೋನ್ ನಂ ಪಡೆದ ಮಂಜುನಾಥ ನಾಯ್ಕ ಅವರು ಅದೇ ಸಂಖ್ಯೆಗೆ ಫೋನಾಯಿಸಿದರು. ದಂಡ ಪಾವತಿಸಬೇಕಾದ ವಿಷಯದ ಬಗ್ಗೆ ಪ್ರಸ್ತಾಪಿಸಿದರು. `ಪೊಲೀಸ್ ಚೆಕ್ಕಿಂಗ್ ನಡೆಯುತ್ತಿದ್ದು, ಕಾರಿನವರು ಕೈ ಮಾಡಿದರೂ ನಿಲ್ಲಿಸಲಿಲ್ಲ’ ಎಂದು ಪೊಲೀಸ್ ಸಿಬ್ಬಂದಿ ಪ್ರಸಾದ ತಲಗೇರಿ ಅವರು ಹೇಳಿದರು. `ಅಲ್ಲಿ ಯಾವುದೇ ಚಕ್ಕಿಂಗ್ ನಡೆಯುತ್ತಿರಲಿಲ್ಲ’ ಎಂದು ಮಂಜುನಾಥ ನಾಯ್ಕ ಅವರು ವಾದಿಸಿದರು. ಅದಾಗಿಯೂ, `5 ಸಾವಿರ ರೂ ದಂಡ ಕಟ್ಟಬೇಕು’ ಎಂದು ಪ್ರಸಾದ ತಲಗೇರಿ ಅವರು ಹೇಳಿದರು. `ನೀವು ಪೊಲೀಸ್ ಇಲಾಖೆಯಲ್ಲಿ ಯಾವ ಹುದ್ದೆಯಲ್ಲಿದ್ದೀರಿ?’ ಎಂದು ಮಂಜುನಾಥ ನಾಯ್ಕ ಅವರು ಪ್ರಶ್ನಿಸಿದ್ದು, ಅದಕ್ಕೆ ಫೋನಿನಲ್ಲಿ ಮಾತನಾಡಿದ ವ್ಯಕ್ತಿ ಉತ್ತರಿಸಲಿಲ್ಲ. `ಯಾವ ಪೊಲೀಸ್ ಠಾಣೆಯಲ್ಲಿ ಕೆಲಸ ಮಾಡುತ್ತೀರಿ?’ ಎಂದು ಕೇಳಿದರೂ ಸಹ ಮಾತನಾಡಲಿಲ್ಲ. ಇದರಿಂದ ಅನುಮಾನಗೊಂಡ ಮಂಜುನಾಥ ನಾಯ್ಕ ಅವರು ಆ ಫೋನ್ ನಂ ಆಧಾರದಲ್ಲಿ ಮಾಹಿತಿ ಸಂಗ್ರಹಿಸಿದ್ದು, ಕಾರವಾರ ಪೊಲೀಸ್ ಠಾಣೆಯಲ್ಲಿ ಕೆಲಸ ಮಾಡುವ ಸಿಬ್ಬಂದಿ ಅಂಕೋಲಾದ ಅವರ್ಸಾ ಬಳಿ ಏಕಾಂಗಿಯಾಗಿ ವಾಹನ ತಪಾಸಣೆ ಮಾಡುತ್ತಿರುವ ವಿಷಯ ಕೇಳಿ ಅಚ್ಚರಿವ್ಯಕ್ತಪಡಿಸಿದರು. ಇದನ್ನೂ ಓದಿ: ನಂದೇನೂ ತಪ್ಪಿಲ್ಲ! ಅದಾದ ನಂತರ ಪೊಲೀಸ್ ಪೇದೆಯೊಬ್ಬರು ಅಧಿಕಾರ ದುರುಪಯೋಗಪಡಿಸಿಕೊಂಡು ಜನರನ್ನು ಬೆದರಿಸಿ ಹಣ ಬೇಡಿದ ಬಗ್ಗೆ ಮೇಲಧಿಕಾರಿಗಳಿಗೆ ದೂರು ಸಲ್ಲಿಸಿದರು. ಫೋನ್ ಬಂದ ಸಂಖ್ಯೆಯನ್ನು ನೀಡಿ ಪ್ರಕರಣ ದಾಖಲಿಸುವಂತೆ ಅವರು ಪತ್ರ ರವಾನಿಸಿದರು.  
- [ಸ್ಕೂಟಿ ಸ್ಕಿಡ್ ಆಗಿ ಸಾವು!](https://mobiletime.in/2026/07/death-after-scooty-skids/): ಯಲ್ಲಾಪುರದ ಉಮ್ಮಚ್ಗಿ ಬಳಿ ಸ್ಕೂಟಿಯೊಂದು ಸ್ಕಿಡ್ ಆಗಿದ್ದು, ದಾಂಡೇಲಿಯ ಲಕ್ಷ್ಮೀ  ಬೋವಿವಡ್ಡರ್ ಅವರು ಸಾವನಪ್ಪಿದ್ದಾರೆ. ದಾಂಡೇಲಿಯ ಗಾಂಧೀನಗರದಲ್ಲಿ ಸಾವಂತಕುಮಾರ ಬಸಪ್ಪ ಬೋವಿವಡ್ಡರ್ ಅವರು ವಾಸವಾಗಿದ್ದಾರೆ. ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಚಿಕ್ಕಮಗಳೂರಿನ ಕೊಪ್ಪದಲ್ಲಿ ಕೆಲಸವಿದ್ದ ಕಾರಣ ಅವರು ಪತ್ನಿ ಸಮೇತ ಅಲ್ಲಿ ಹೋಗಿದ್ದು, ಕೆಲಸ ಮುಗಿಸಿ ಸ್ಕೂಟಿಯಲ್ಲಿ ಅವರು ಮರಳುವಾಗ ಅಪಘಾತಕ್ಕೀಡಾಗಿದ್ದಾರೆ. ಜುಲೈ 7ರ ರಾತ್ರಿ 9.45ಕ್ಕೆ ಶಿರಸಿ-ಯಲ್ಲಾಪುರ ಮಾರ್ಗದ ಉಮ್ಮಚ್ಗಿಯಿಂದ 1ಕಿಮೀ ಹಿಂದೆ ಅವರ ಸ್ಕೂಟಿ ಸ್ಕಿಡ್ ಆಗಿದೆ. ಪರಿಣಾಮ ದಂಪತಿ ನೆಲಕ್ಕೆ ಅಪ್ಪಳಿಸಿದ್ದು, ಸಾವಂತಕುಮಾರ ಅವರ ಪತ್ನಿ ಲಕ್ಷ್ಮೀ  ಬೋವಿವಡ್ಡರ್ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಈ ಅಪಘಾತ ನೋಡಿದ ಅಪರಿಚಿತರಿಬ್ಬರು ಗಾಯಗೊಂಡವರನ್ನು ಯಲ್ಲಾಪುರ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅದಾದ ನಂತರ ಲಕ್ಷ್ಮೀ ಬೋವಿವಡ್ಡರ್ ಅವರಿಗೆ ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದ ಕಾರಣ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ಸಾಗಿಸಲಾಗಿದೆ. ಜುಲೈ 14ರವರೆಗೂ ಆರೈಕೆಯಲ್ಲಿದ್ದ ಅವರು ಸಂಜೆ ವೇಳೆ ಸಾವನಪ್ಪಿದ್ದಾರೆ. ಈ ಅಪಘಾತದ ಬಗ್ಗೆ ಸಾವಂತಕುಮಾರ ಅವರ ಪುತ್ರ ವಿವೇಕ ಬೋವಿವಡ್ಡರ್ ಅವರು ಎದುರುಮನೆಯ ಸುನೀಲ ಶಿಕಾಮಣಿ ಡುಮ್ಮು ಅವರಿಗೆ ಫೋನ್ ಮಾಡಿದ್ದಾರೆ. ಸುನೀಲ ಡುಮ್ಮು ಅವರು ಯಲ್ಲಾಪುರಕ್ಕೆ ಆಗಮಿಸಿ, ಅಪಘಾತ ಹಾಗೂ ಸಾವು ನೋವಿನ ಬಗ್ಗೆ ಪೊಲೀಸರಿಗೆ ವರದಿ ಒಪ್ಪಿಸಿದ್ದಾರೆ.
- [ಶಿರಸಿ | ಪೊಲೀಸರಿಗೆ ಒದ್ದು ಓಡಿದ ರೌಡಿ: ಪೊದೆಯೊಳಗೆ ಅಡಗಿದ್ದವನ ಸೆರೆ!](https://mobiletime.in/2026/07/sirasi-rowdy-kicks-police-and-flees-captured-while-hiding-in-a-bush/): ಗಡಿಪಾರು ಆದೇಶವನ್ನು ಮೀರಿ ಉತ್ತರ ಕನ್ನಡ ಜಿಲ್ಲೆ ಪ್ರವೇಶಿಸಿದ್ದ ಸುನೀಲ ಭೋವಿವಡ್ಡರ್ (ಸ್ವಾಮೇಲ್) ಅವರನ್ನು ಪೊಲೀಸರು ಬಂಧಿಸಿದ್ದು, ಅವರು ಪೊಲೀಸರ ಮೇಲೆ ಹಲ್ಲೆ ನಡೆಸಿ ಪರಾರಿಯಾಗುವ ಪ್ರಯತ್ನ ಮಾಡಿದ್ದಾರೆ. ಪೊಲೀಸರನ್ನು ದೂಡಿ ಓಡಿ ಹೋಗಿದ್ದ ಸುನೀಲ ಭೋವಿವಡ್ಡರ್ ಅವರು ಪೊದೊಯೊಳಗೆ ಕುಳಿತು ಬೆವರುತ್ತಿದ್ದು, ಶಿರಸಿ ಪೊಲೀಸರು ಚಾಣಾಕ್ಷತನದಿಂದ ಅವರನ್ನು ಮತ್ತೆ ಹಿಡಿದಿದ್ದಾರೆ. ಶಿರಸಿಯ ಬನವಾಸಿ ಬಳಿಯ ಬದನಗೋಡದ ಸುನೀಲ ಭೋವಿವಡ್ಡರ್ ಅವರು ಕಳ್ಳತನ, ಜೀವ ಬೆದರಿಕೆ ಸೇರಿ ಏಳು ಅಪರಾಧ ಪ್ರಕರಣದಲ್ಲಿ ಭಾಗಿಯಾಗಿದ್ದರು. ಸಾಕ್ಷಿದಾರರನ್ನು ಸಹ ಅವರು ಹೆದರಿಸುತ್ತಿದ್ದರು. ರೌಡಿಯ ಅಟ್ಟಹಾಸ ತಡೆಗಾಗಿ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿತ್ತು. ಪೊಲೀಸರು ಅವರನ್ನು ಯಾದಗಿರಿಗೆ ಬಿಟ್ಟು ಬಂದಿದ್ದರು. ಅಲ್ಲಿನ ಪೊಲೀಸ್ ಠಾಣೆಯಲ್ಲಿ ಸಹಿ ಹಾಕಿದ ಆರೋಪಿ, ಮರುದಿನವೇ ಅವರು ಊರಿಗೆ ಮರಳಿದ್ದು, ಗಡಿಪಾರು ಆದೇಶ ಉಲ್ಲಂಗಿಸಿದ ಕಾರಣ ಪೊಲೀಸರು ಮತ್ತೊಂದು ಪ್ರಕರಣ ದಾಖಲಿಸಿದ್ದರು. ಈ ನಡುವೆ ಪೊಲೀಸರು ಸುನೀಲ ಚಂದ್ರಪ್ಪ ಭೋವಿವಡ್ಡರ್ ಅವರನ್ನು ಬಂಧಿಸಿದರು. ಅವರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಅಬ್ದುಲ್ ಸಯ್ಯದ್ ಹುಸೇನ್ ಅವರ ಬೆಂಗಾವಲಿನಲ್ಲಿ ಸುನೀಲ ಭೋವಿವಡ್ಡರ್ ಅವರು ನ್ಯಾಯಾಲಯಕ್ಕೆ ಹಾಜರಾದರು. ನ್ಯಾಯಾಲಯ ಜುಲೈ 14ರಿಂದ ಜುಲೈ 27ರವರೆಗೆ ಸುನೀಲ ಭೋವಿವಡ್ಡರ್ ಅವರನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿತು. ನ್ಯಾಯಾಂಗ ಬಂಧನಕ್ಕೂ ಮುನ್ನ ಆರೋಪಿಯ ದೈಹಿಕ ಪರೀಕ್ಷೆ ನಡೆಸಲು ನಿರ್ಧರಿಸಿದ್ದು, ಪೊಲೀಸರು ಅವರನ್ನು ಪಿಜಿ ಆಸ್ಪತ್ರೆಗೆ ಕರೆತಂದರು. ಜೈಲಿಗೆ ಹೋಗಲು ಇಷ್ಟವಿಲ್ಲದ ಸುನೀಲ್ ಭೋವಿವಡ್ಡರ್ ಅವರು ಪೊಲೀಸ್ ಸಿಬ್ಬಂದಿ ಅಬ್ದುಲ್ ಸಯ್ಯದ್ ಹುಸೇನ್ ಅವರನ್ನು ದೂಡಿ ಅಲ್ಲಿಂದ ಓಡಿ ಹೋದರು. ಅಬ್ದುಲ್ ಸಯ್ಯದ್ ಹುಸೇನ್ ಅವರು ನೆಲಕ್ಕೆ ಬಿದ್ದಿದ್ದು, ಮತ್ತೊಬ್ಬ ಪೊಲೀಸ್ ಸಿಬ್ಬಂದಿ ಆರೋಪಿ ಬೆನ್ನತ್ತಿದರು. ಆದರೆ, ಶಿರಸಿ-ಯಲ್ಲಾಪುರ ರಸ್ತೆಯಲ್ಲಿ ಆ ಪೊಲೀಸ್ ಸಿಬ್ಬಂದಿ ಮೇಲೆಯೂ ಸುನೀಲ ಭೋವಿವಡ್ಡರ್ ಹಲ್ಲೆ ಮಾಡಿ ಪರಾರಿಯಾದರು. ಗಾಯಗೊಂಡ ಪೊಲೀಸ್ ಸಿಬ್ಬಂದಿ ಈ ವಿಷಯವನ್ನು ಶಿರಸಿ ಹೊಸಮಾರುಕಟ್ಟೆ ಪೊಲೀಸರಿಗೆ ತಿಳಿಸಿದರು. ಎಲ್ಲಾ ಪೊಲೀಸರು ಸೇರಿ ಸುನೀಲ ಭೋವಿವಡ್ಡರ್ ಅವರನ್ನು ಹುಡುಕಿದರು. ತೋಟಗಾರ್ಸ ಬಾಯ್ಸ್ ಹಾಸ್ಟೇಲ್ ಎಡಭಾಗದ ಪೊದೆಯೊಳಗೆ ಸುನೀಲ ಭೋವಿವಡ್ಡರ್ ಅಡಗಿ ಕುಳಿತಿದ್ದರು. ಎಲ್ಲಾ ಪೊಲೀಸರು ಸುತ್ತುವರೆದು ಆರೋಪಿಯನ್ನು ಮತ್ತೆ ವಶಕ್ಕೆಪಡೆದು, ಜೈಲಿಗೆ ಕಳುಹಿಸಿದರು.
- [ಶಿರಸಿ: ಶೆಟ್ಟಿ ಲಂಚ್ ಹೋಂ'ಗೆ ಸೂತಕ!](https://mobiletime.in/2026/07/sirsi-mourning-at-shetty-lunch-home/): ಶಿರಸಿಯ ಶೆಟ್ಟಿ ಲಂಚ್ ಹೋಂ’ಗೆ ಬರುವ ಗ್ರಾಹಕರಿಗೆ ರುಚಿಯಾದ ಅಡುಗೆ ಮಾಡಿ ಬಡಿಸುತ್ತಿದ್ದ ಸುಧಾಕರ ಭಂಡಾರಿ ಅವರು ಸಾವನಪ್ಪಿದ್ದಾರೆ. ಅಡುಗೆ ಮಾಡಿ ಕುಳಿದಿದ್ದ ಅವರು ಕುಸಿದು ಬಿದ್ದಿದ್ದು, ನಾಲ್ಕು ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದರೂ ಬದುಕಲಿಲ್ಲ. ಉಡುಪಿ ಬ್ರಹ್ಮಾನವರದ ಅವಂಜಿ ಬಳಿಯ ಸುಧಾಕರ್ ಗೋಪು ಭಂಡಾರಿ ಅವರು ಶಿರಸಿಗೆ ಬಂದು ವಾಸವಾಗಿದ್ದರು. ಶಿರಸಿ ಹುತಗಾರಿನ ಚಂದ್ರಶೇಖರ ಅಂತಯ್ಯ ಶೆಟ್ಟಿ ಅವರು ನಡೆಸುವ ಶೆಟ್ಟಿ ಲಂಚ್ ಹೋಂ’ಗೆ ಅವರು ಕೆಲಸ ಕೇಳಿ ಬಂದಿದ್ದರು. ಸುಧಾಕರ ಭಂಡಾರಿ ಅವರ ಕೈರುಚಿ ನೋಡಿದ ಚಂದ್ರಶೇಖರ ಶೆಟ್ಟಿ ಅವರು ತಮ್ಮ ಹೊಟೇಲಿನಲ್ಲಿ ಅಡುಗೆ ಮಾಡುವ ಕೆಲಸ ಕೊಟ್ಟಿದ್ದರು. 73 ವರ್ಷವಾಗಿದ್ದರೂ ಅವರು ಅತ್ಯಂತ ಪ್ರೀತಿಯಿಂದ ಅಡುಗೆ ಮಾಡಿ, ಬಡಿಸುತ್ತಿದ್ದರು. ಎಂದಿನAತೆ, ಏಪ್ರಿಲ್ 24ರಂದು ಸುಧಾಕರ ಭಂಡಾರಿ ಅವರು ಹೊಟೇಲಿಗೆ ಬಂದಿದ್ದರು. ಅಲ್ಲಿ ಅವರು ನಿತ್ಯದ ಕಾಯಕ ಮಾಡುತ್ತಿದ್ದರು. ರಾತ್ರಿ 8 ಗಂಟೆಗೆ ಅಡುಗೆ ಮಾಡಿದ ಅವರು ಹೊಟೇಲಿನಲ್ಲಿ ಕುಳಿತಿದ್ದು, ಅಲ್ಲಿಯೇ ಕುಸಿದು ಬಿದ್ದರು. ಇದನ್ನು ನೋಡಿದ ಚಂದ್ರಶೇಖರ ಶೆಟ್ಟಿ ಅವರು ತಕ್ಷಣ ಸುಧಾಕರ ಭಂಡಾರಿ ಅವರನ್ನು ಸಾರ್ವಜನಿಕ ಆಸ್ಪತ್ರೆಗೆ ಕರೆದೊಯ್ದರು. ಅದಾದ ನಂತರ ರೋಟರಿ ಆಸ್ಪತ್ರೆಗೆ ದಾಖಲಿಸಿದರು. ಅಲ್ಲಿಂದ ಮುಂದೆ ವೆಂಕಟೇಶ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದರು. ಅಲ್ಲಿಯೂ ತೃಪ್ತಿಯಾಗದ ಕಾರಣ ಕಾರವಾರದ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಿದರು. ಈ ನಡುವೆ ಸುಧಾಕರ ಭಂಡಾರಿ ಅವರಿಗೆ ಪಾರ್ಶವಾಯು ತಗುಲಿತು. ಆರೈಕೆಯಲ್ಲಿದ್ದ ಅವರು ಜುಲೈ 14ರಂದು ಕೊನೆಯುಸಿರೆಳೆದರು.
- [ಮುಂಡಗೋಡು: ಸಾಲದ ಶೂಲಕ್ಕೆ ಸಾವನಪ್ಪಿದ ಕೃಷಿಕ!](https://mobiletime.in/2026/07/mundagodu-farmer-who-died-due-to-debt/): ಕೃಷಿ ಭೂಮಿ ಅಭಿವೃದ್ಧಿಗಾಗಿ ಸಾಲ ಮಾಡಿಕೊಂಡಿದ್ದ ಮುಂಡಗೋಡಿನ ಫಕೀರಗೌಡ ಪಾಟೀಲ್ ಅವರು ಸಾಲ ತೀರಿಸಲಾಗದೇ ಸಾವನಪ್ಪಿದ್ದಾರೆ. ಗದ್ದೆಯಲ್ಲಿ ವಿಷ ಸೇವಿಸಿದ ಅವರು ಅಲ್ಲಿಯೇ ಕೊನೆಯುಸಿರೆಳೆದಿದ್ದು, ಮನೆಗೆ ಬಾರದ ಪಾಟೀಲರನ್ನು ಹುಡುಕಿ ಹೊರಟ ಕುಟುಂಬದವರು ಆಘಾತಕ್ಕೆ ಒಳಗಾಗಿದ್ದಾರೆ. ಮುಂಡಗೋಡದ ಹುನಗುಂದ ಬಳಿ ಫಕೀರಗೌಡ ಬಸನಗೌಡ ಪಾಟೀಲ್ ಅವರು ವಾಸವಾಗಿದ್ದರು. 42 ವರ್ಷದ ಅವರು ತಮಗಿದ್ದ ಕೃಷಿ ಭೂಮಿಯಲ್ಲಿಯೇ ದುಡಿದು ಅವರು ಸಂಸಾರ ಸಾಗಿಸುತ್ತಿದ್ದರು. ಕೃಷಿ ಚಟುವಟಿಕೆಗಳಿಗಾಗಿ ಫಕೀರಗೌಡ ಅವರು ವಿವಿಧ ಬ್ಯಾಂಕುಗಳಲ್ಲಿ ಸಾಲ ಮಾಡಿದ್ದರು. ಆ ಸಾಲ ಸಾಲದ ಕಾರಣ ಖಾಸಗಿ ಹಣಕಾಸು ಸಂಸ್ಥೆಗಳ ಮೊರೆ ಹೋಗಿದ್ದರು. ಒಟ್ಟು 10 ಲಕ್ಷ ರೂ ಸಾಲ ಮಾಡಿದ್ದು, ಅದನ್ನು ತೀರಿಸಲು ಸಾಧ್ಯವಾಗುತ್ತಿರಲಿಲ್ಲ. ಈ ವರ್ಷ ಮಳೆ ಸರಿಯಾಗಿ ಆಗದಿರುವುದು ಹಾಗೂ ಬರಗಾಲದ ಭೀತಿ ಫಕೀರಗೌಡ ಅವರನ್ನು ಕಾಡಿತು. ದಿನವೂ ಬೆಳೆಯುತ್ತಿದ್ದ ಸಾಲದ ಹೊರೆ ಅವರನ್ನು ಮಾನಸಿಕ ಒತ್ತಡಕ್ಕೆ ಸಿಲುಕಿಸಿತು. ಸಾಲದ ಚಿಂತೆಯಲ್ಲಿಯೇ ಅವರು ದುಡುಕು ನಿರ್ಧಾರಕ್ಕೆ ಮುಂದಾದರು. ಹೊಲಕ್ಕೆ ಹೋಗಿದ್ದ ಫಕೀರ ಗೌಡ ಅವರು ತಡರಾತ್ರಿ ಆದರೂ ಮನೆಗೆ ಮರಳಲಿಲ್ಲ. ಆತಂಕಕ್ಕೆ ಒಳಗಾದ ಕುಟುಂಬದವರು ಅವರನ್ನು ಹುಡುಕಿ ಹೊಲದ ಕಡೆ ಹೋಗಿದ್ದು, ಫಕೀರಗೌಡ ಪಾಟೀಲ್ ಅವರು ಮಂಗಳವಾರ ಶವವಾಗಿ ಕಾಣಿಸಿಕೊಂಡರು. ಕೀಟ ನಾಶಕ ಸೇವಿಸಿ ಅವರು ಸಾವನಪ್ಪಿರುವುದಾಗಿ ಗೊತ್ತಾಗಿದೆ.
- [ಕುಮಟಾ: ಅಜ್ಜಿಯನ್ನು ಕೊಂದ ದೇವರ ದೀಪ!](https://mobiletime.in/2026/07/kumta-ritual-lamp-kills-grandmother/): ದೇವರಿಗೆ ದೀಪ ಹಚ್ಚುತ್ತಿದ್ದಾಗ ಸೀರೆಗೆ ಬೆಂಕಿ ತಗುಲಿದ ಪರಿಣಾಮ ಕುಮಟಾದ ಮೋಹಿನಿ ವೆಂಗುರ್ಲೆಕರ್ ಅವರು ಸಾವನಪ್ಪಿದ್ದಾರೆ. ಗಾಯಗೊಂಡ ಅವರನ್ನು ಮಂಗಳೂರಿನ ವೆನ್ಲಾಕ್ ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಿದರೂ ಪ್ರಯೋಜನವಾಗಿಲ್ಲ. ಕುಮಟಾದ ಅಳ್ವೆಕುಡಿಯಲ್ಲಿ ಮೋಹಿನಿ ತಮ್ಮಣ್ಣ ವೆಂಗುರ್ಲೆಕರ್ ಅವರು ವಾಸವಾಗಿದ್ದರು. 70 ವರ್ಷದ ಅವರಿಗೆ ಕೂಲಿ ಕೆಲಸ ಮಾಡುವ ಮಗ ಚಂದ್ರಕಾAತ ವೆಂಗುರ್ಲೆಕರ್ ಅವರು ಆಸರೆಯಾಗಿದ್ದರು. ಮೋಹಿನಿ ಅವರಿಗೆ ದೇವರ ಮೇಲೆ ಅಪಾರ ಭಕ್ತಿಯಿದ್ದು, ನಿತ್ಯ ದೇವರಿಗೆ ದೀಪ ಹಚ್ಚುವುದನ್ನು ರೂಢಿಸಿಕೊಂಡಿದ್ದರು. ಸಂಜೆ ದೀಪ ಬೆಳಗಿದ ನಂತರ ಅವರು ಭಕ್ತಿಯಿಂದ ಪ್ರಾರ್ಥಿಸುತ್ತಿದ್ದರು. ಜೂನ್ 15ರ ರಾತ್ರಿಯೂ ಅವರು ಎಂದಿನoತೆ ದೇವರಿಗೆ ದೀಪ ಹಚ್ಚಿದ್ದರು. ಈ ವೇಳೆ ಅಲ್ಲಿದ್ದ ಅಗ್ನಿ ಅಜ್ಜಿಯ ಸೀರೆಗೆ ತಗುಲಿದ್ದು, ಕ್ಷಣಮಾತ್ರದಲ್ಲಿ ಅದು ಎರಡು ಕಾಲುಗಳಿಗೆ ಹರಡಿಕೊಂಡಿತು. ಅಗ್ನಿ ಅವಘಡದಿಂದ ಗಾಯಗೊಂಡ ಮೋಹಿನಿ ವೆಂಗುರ್ಲೇಕರ್ ಅವರನ್ನು ಮಂಗಳೂರಿಗೆ ಕರೆದೊಯ್ಯಲಾಯಿತು. ಅಲ್ಲಿನ ವೆನ್ಲಾಕ್ ಆಸ್ಪತ್ರೆಯಲ್ಲಿ ಅವರಿಗೆ ಚಿಕಿತ್ಸೆ ಕೊಡಿಸಿ, ಬದುಕಿಸಿಕೊಳ್ಳುವ ಪ್ರಯತ್ನ ನಡೆಯಿತು. ಆದರೆ, ಆ ನೋವು ಸಹಿಸಲಾಗದೇ ಅವರು ಜುಲೈ 13ರ ರಾತ್ರಿ ಪ್ರಾಣ ಬಿಟ್ಟರು.
- [ಯಲ್ಲಾಪುರ: ಮದುವೆಯಾಗದೇ ಸಾವನಪ್ಪಿದ ಮುದುಕ!](https://mobiletime.in/2026/07/yellapur-elderly-man-dies-unmarried/): `70 ವರ್ಷವಾದರೂ ಮದುವೆ ಆಗಿಲ್ಲ. ಮಕ್ಕಳು ಆಗಿಲ್ಲ’ ಎಂಬ ಕಾರಣಕ್ಕೆ ಯಲ್ಲಾಪುರದ ರಾಮಕೃಷ್ಣ ನಾಯ್ಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಆನಗೋಡು ಗ್ರಾಮದ ಕೊಂಬೆಮನೆ ಅರಣ್ಯ ಪ್ರದೇಶದಲ್ಲಿ ಅವರು ನೇಣು ಹಾಕಿಕೊಂಡು ಸಾವನಪ್ಪಿದ್ದಾರೆ. ರಾಮಕೃಷ್ಣ ವಿಠ್ಠೋಬಾ ನಾಯ್ಕ ಅವರು ಯಲ್ಲಾಪುರದ ಮದನೂರಿನ ಮಾದೇವಕೊಪ್ಪದಲ್ಲಿ ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದ ಅವರು ತಮ್ಮ 25ನೇ ವಯಸ್ಸಿನಲ್ಲಿಯೇ ಮದುವೆಯ ಕನಸು ಕಂಡಿದ್ದರು. ಪ್ರಾಯದ ಕಾಲದಿಂದಲೂ ಅವರು ಮದುವೆಗಾಗಿ ಕನ್ಯೆ ಹುಡುಕುತ್ತಿದ್ದರು. ಆದರೆ, ಅವರಿಗೆ ಸರಿ ಹೊಂದುವ ಹುಡುಗಿ ಮಾತ್ರ ಸಿಕ್ಕಿರಲಿಲ್ಲ. `ತಮಗೆ ಮದುವೆ ಆಗಿಲ್ಲ. ಮಕ್ಕಳು ಇಲ್ಲ’ ಎಂದು ರಾಮಕೃಷ್ಣ ನಾಯ್ಕ ಅವರು ಸಾಕಷ್ಟು ನೊಂದಿದ್ದರು. ಸದ್ಯ ಹುತ್ಕಂಡ ಕ್ರಾಸಿನ ಬಳಿ ವಾಸವಾಗಿರುವ ಮಾದೇವಕೊಪ್ಪದ ಚಾಲಕ ರವಿ ಪ್ರಭಾಕರ ನಾಯ್ಕ ಅವರ ಬಳಿಯೂ ತಮ್ಮ ನೋವು ಹೇಳಿಕೊಂಡಿದ್ದರು. ಹೀಗಿರುವಾಗ, ಜುಲೈ 10ರಂದು ಮನೆಯಿಂದ ಕಾಣೆಯಾದ ರಾಮಕೃಷ್ಣ ನಾಯ್ಕ ಅವರು ಜುಲೈ 14ರಂದು ಶವವಾಗಿದ್ದರು. ಆನಗೋಡಿನ ಕೊಂಬೆಮನೆ ಬಸ್ ನಿಲ್ದಾಣದ ಬಳಿಯ ಅರಣ್ಯ ಪ್ರದೇಶದಲ್ಲಿ ಅವರು ನೇಣು ಹಾಕಿಕೊಂಡಿದ್ದರು. ಕಾಡಿನ ಗಿಡಕ್ಕೆ ಶವ ನೇತಾಡುವುದನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದರು. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ಮಾಡಿದರು. ರವಿ ನಾಯ್ಕ ಅವರು ಸ್ಥಳಕ್ಕೆ ಆಗಮಿಸಿ, `ಮದುವೆ ಆಗದ ನೋವಿನಲ್ಲಿಯೇ ರಾಮಕೃಷ್ಣ ನಾಯ್ಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ’ ಎಂಬ ವಿಷಯ ತಿಳಿಸಿದರು. ಅದನ್ನೇ ಪೊಲೀಸರು ಪ್ರಕರಣದಲ್ಲಿ ದಾಖಲಿಸಿದರು.  
- [ಸೇಫ್ ಸ್ಟಾರ್: ಸೊಸೈಟಿ ಅಂಗಳದಲ್ಲಿ ದೂರುಗಳ ಸುರಿಮಳೆ!](https://mobiletime.in/2026/07/safe-star-a-barrage-of-complaints-in-the-societys-courtyard/): `ಅಕ್ರಮ-ಅವ್ಯವಹಾರಗಳ ಬಗ್ಗೆ ದೂರು ನೀಡಿದ ಕಾರಣ ಸೇಪ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷ ಜಿ ಜಿ ಶಂಕರ್ ಅವರು ತಮ್ಮ ವಿರುದ್ಧ ಹಗೆ ಸಾಧಿಸುತ್ತಿದ್ದಾರೆ’ ಎಂದು ಅದೇ ಸೊಸೈಟಿಯಲ್ಲಿ ಹಿರಿಯ ಅಭಿವೃದ್ಧಿ ಅಧಿಕಾರಿಯಾಗಿರುವ ರವಿಚಂದ್ರ ಹಳದಿಪುರ ಅವರು ದೂರಿದ್ದಾರೆ. `ಉನ್ನತ ಹುದ್ದೆ ನೀಡದ ಕಾರಣ ರವಿಚಂದ್ರ ಹಳದಿಪುರ ಅವರು ಸುಳ್ಳು ದೂರು ನೀಡಿದ್ದಾರೆ’ ಎಂದು ಕಾರಣ ಸೇಪ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷ ಜಿ ಜಿ ಶಂಕರ್ ಅವರು ಹೇಳಿದ್ದಾರೆ. ಹೊನ್ನಾವರದಲ್ಲಿ ಕೇಂದ್ರ ಕಚೇರಿ ಹೊಂದಿರುವ ಕಾರಣ ಸೇಪ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ ಸದ್ಯ ವಿವಾದದ ಕೇಂದ್ರವಾಗಿದೆ. ಸೊಸೈಟಿಯಲ್ಲಿ ಕೆಲಸ ಮಾಡುವ ಮೂವರು ಉದ್ಯೋಗಿಗಳು ಹಿರಿಯ ಅಭಿವೃದ್ಧಿ ಅಧಿಕಾರಿಯಾಗಿರುವ ರವಿಚಂದ್ರ ಹಳದಿಪುರ ಅವರ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಅದರೊಂದಿಗೆ ಸ್ವತಃ ಸೊಸೈಟಿ ಅಧ್ಯಕ್ಷ ಜಿ ಜಿ ಶಂಕರ್ ಅವರು ಸಹ ರವಿಚಂದ್ರ ಹಳದಿಪುರ ಅವರ ವಿರುದ್ಧ ದೂರು ನೀಡಿದ್ದಾರೆ. ಒಂದೇ ವಿಷಯವಾಗಿ ನಾಲ್ಕು ಕೇಸುಗಳನ್ನು ಎದುರಿಸುತ್ತಿರುವ ರವಿಚಂದ್ರ ಹಳದಿಪುರ ಅವರು ಮತ್ತೊಂದು ದೂರು ನೀಡಿದ್ದು, ಈ ಎಲ್ಲಾ ದೂರುಗಳು ಕೋರ್ಟು-ಕಚೇರಿಯ ಕಡತ ಸೇರಿದೆ. ಹೊನ್ನಾವರ ಗಾಂಧೀನಗರ ರವಿಚಂದ್ರ ಕೇಶವ ಹಳದಿಪುರ ಅವರು ಸೇಪ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ವಿರುದ್ಧ ಅನೇಕ ಆರೋಪಗಳನ್ನು ಮಾಡಿದ್ದಾರೆ. ಅದೇ ಸಂಸ್ಥೆಯಲ್ಲಿ ಕೆಲಸ ಮಾಡಿರುವ ರವಿಚಂದ್ರ ಹಳದಿಪುರ ಅವರು ಅಲ್ಲಿನ ಆಗು-ಹೋಗುಗಳ ಬಗ್ಗೆ ಅರಿವುಹೊಂದಿದ್ದು, ಅಕ್ರಮಗಳ ಬಗ್ಗೆ ಜಿಲ್ಲಾಧಿಕಾರಿ-ಪೊಲೀಸ್ ವರಿಷ್ಠಾಧಿಕಾರಿ ಹಾಗೂ ಲೋಕಾಯುಕ್ತರಿಗೂ ದೂರು ನೀಡಿರುವುದಾಗಿ ಹೇಳಿದ್ದಾರೆ. `ದೂರು ನೀಡಿದನ್ನು ಸಹಿಸದೇ ತಮ್ಮನ್ನು ಸಂಸ್ಥೆಯಿAದ ಹೊರದಬ್ಬುವ ಪ್ರಯತ್ನ ನಡೆದಿದೆ’ ಎಂದವರು ಅಳಲು ತೋಡಿಕೊಂಡಿದ್ದಾರೆ. ಕಚೇರಿಯಲ್ಲಿರುವಾಗಲೇ ತಮ್ಮ ಮೇಲೆ ದಾಳಿ ನಡೆದಿರುವ ಬಗ್ಗೆಯೂ ರವಿಚಂದ್ರ ಹಳದಿಪುರ ಅವರು ಅಳಲು ತೋಡಿಕೊಂಡಿದ್ದಾರೆ. ಜುಲೈ 7ರಂದು ಸೇಪ್ ಸ್ಟಾರ್ ಸೌಹಾರ್ದ ಸಂಘದ ಉದ್ಯೋಗಿಗಳಾದ ನಾಗರಾಜ ಶ್ರೀಧರ ನಾಯ್ಕ ಹಾಗೂ ಸಂದೀಪ ಪರಮೇಶ್ವರ ನಾಯ್ಕ ಅವರ ಜೊತೆ ಅಧ್ಯಕ್ಷ ಜಿ ಜಿ ಶಂಕರ್ ಅವರು ಸೇರಿ `ನಿನ್ನನ್ನು ಇಲ್ಲಿಂದ ಓಡಿಸದಿದ್ದರೆ ಉಳಿಗಾಲವಿಲ್ಲ’ ಎಂದು ಬೆದರಿಸಿದ ಬಗ್ಗೆ ದೂರಿದ್ದಾರೆ. ಆದರೆ, ಸೇಪ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷ ಜಿ ಜಿ ಶಂಕರ್ ಅವರು ಇದಕ್ಕೆ ಇನ್ನೊಂದು ಬಗೆಯಲ್ಲಿ ಪೊಲೀಸ್ ಕೇಸು ದಾಖಲಿಸಿದ್ದಾರೆ. ಉದ್ಯೋಗಿಗಳಾದ ನಾಗರಾಜ ಶ್ರೀಧರ ನಾಯ್ಕ ಹಾಗೂ ಸಂದೀಪ ಪರಮೇಶ್ವರ ನಾಯ್ಕ ಅವರಿಗೂ ರವಿಚಂದ್ರ ಹಳದಿಪುರ ಅವರು ತೊಂದರೆ ಮಾಡಿದ್ದಾರೆ. ಹೀಗಾಗಿ ಅವರು ಪ್ರತ್ಯೇಕ ದೂರು ನೀಡಿದ್ದಾರೆ. ರವಿಚಂದ್ರ ಹಳದಿಪುರ ಅವರ ವಿರುದ್ಧ ಬಂದ ಆರೋಪದ ವಿಚಾರಣೆ ನಡೆಸುವಾಗ `ನೀ ಎಂತ ಅಧ್ಯಕ್ಷ?’ ಎಂದು ತಮಗೆ ನಿಂದಿಸಿದ್ದಾರೆ. `ಕೂಡಲೇ ತನ್ನನ್ನು ಅಸಿಸ್ಟೆಂಟ್ ಜನರಲ್ ಮ್ಯಾನೇಜರ್ ಎಂದು ನೇಮಕ ಮಾಡಬೇಕು. ಜೊತೆಗೆ ಹೆಚ್ಚಿನ ಸಂಬಳ ಕೊಡಬೇಕು’ ರವಿಚಂದ್ರ ಹಳದಿಪುರ ಅವರು ಎಂದು ತಾಕೀತು ಮಾಡಿದ್ದಾರೆ. `ಇಲ್ಲವಾದರೆ ಸುಳ್ಳು ದೂರು ಕೊಟ್ಟು ಜೈಲಿಗೆ ಹಾಕಿಸುವ ಬೆದರಿಸಿದ್ದಾರೆ’ ಎಂದು ಜಿ ಜಿ ಶಂಕರ್ ಅವರು ಆರೋಪಿಸಿದ್ದಾರೆ. ಸದ್ಯ ಈ ದೂರನ್ನು ಸಹ ದಾಖಲಿಸಿದ ಹೊನ್ನಾವರ ಪೊಲೀಸರು ಯಾವುದು ಸತ್ಯ? ಯಾವುದು ಸುಳ್ಳು? ಎಂದು ವಿಚಾರಣೆ ಶುರು ಮಾಡಿದ್ದಾರೆ.
- [ಏಳು ಪ್ರಶ್ನೆಗಳಿಗೆ ಉತ್ತರಿಸಿ.. ಇಲ್ಲವೇ ಹೋರಾಟ ಎದುರಿಸಿ!](https://mobiletime.in/2026/07/answer-seven-questions-or-face-a-fight/): ಶಿರಸಿ ಸರ್ಕಾರಿ ಆಸ್ಪತ್ರೆ ಕುರಿತು ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಕೇಳಿದ ಪ್ರಶ್ನೆಗಳಿಗೆ ಶಾಸಕ ಭೀಮಣ್ಣ ನಾಯ್ಕ ಅವರು ಯಾವುದೇ ಉತ್ತರ ನೀಡಿಲ್ಲ. ಅಗಸ್ಟ್ 1ರ ಒಳಗೆ ತಮ್ಮ ಏಳು ಪ್ರಶ್ನೆಗಳಿಗೆ ಉತ್ತರ ಸಿಗದೇ ಇದ್ದರೆ ಪಾದಯಾತ್ರೆ ಮೂಲಕ ಹೊರಾಟ ನಡೆಸುವುದಾಗಿ ಅನಂತಮೂರ್ತಿ ಹೆಗಡೆ ಅವರು ಎಚ್ಚರಿಸಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಸರ್ಕಾರಿ ಆಸ್ಪತ್ರೆ ಅಭಿವೃದ್ದಿ ಕುರಿತು ಏಳು ಪ್ರಶ್ನೆಗಳನ್ನು ಕೇಳಲಾಗಿತ್ತು. ಆದರೆ, ಶಾಸಕರು ಅದಕ್ಕೆ ಉತ್ತರಿಸಿಲ್ಲ. ಅಧಿಕಾರಿಗಳು ಸಹ ಪ್ರತಿಕ್ರಿಯಿಸಿಲ್ಲ. ಆಸ್ಪತ್ರೆಯನ್ನು ಮೂಲ ಸ್ವರೂಪದಲ್ಲಿಯೇ ಕಾರ್ಯಾರಂಭಗೊಳಿಸದೆ ಹಾಳು ಮಾಡಲಾಗುತ್ತಿದೆ’ ಎಂದವರು ದೂರಿದರು. `ಆರೋಗ್ಯ ಸಚಿವ ಯು ಟಿ ಖಾದರ್ ಅವರು ಜಿಲ್ಲೆಗೆ ಭೇಟಿ ನೀಡಿದ ಸಂದರ್ಭದಲ್ಲೂ ಆಸ್ಪತ್ರೆಯ ಸಮಸ್ಯೆಗಳ ಕುರಿತು ಶಾಸಕರು ಗಮನಕ್ಕೆ ತಂದಿಲ್ಲ. ಆಸ್ಪತ್ರೆ ಕಟ್ಟಡ ನಿರ್ಮಾಣ ಪೂರ್ಣಗೊಂಡು ವರ್ಷ ಕಳೆದರೂ ಇನ್ನೂ ವೈದ್ಯಕೀಯ ಯಂತ್ರೋಪಕರಣಗಳ ಖರೀದಿ ನಡೆದಿಲ್ಲ’ ಎಂದು ಆಕ್ಷೇಪಿಸಿದರು. `ಕಾಂಗ್ರೆಸ್ ಸರ್ಕಾರದ ಸಚಿವರು ಶಿರಸಿಗೆ ಬಂದು ಭರವಸೆ ನೀಡಿ ಹೋಗುತ್ತಿದ್ದಾರೆ. ಆದರೆ ಸಮಸ್ಯೆಗಳು ಮಾತ್ರ ಹಾಗೆಯೇ ಉಳಿದಿವೆ. ಆಸ್ಪತ್ರೆಗೆ ಆರಂಭದಲ್ಲಿ ಸುಮಾರು 30 ಕೋಟಿ ಮೌಲ್ಯದ ವೈದ್ಯಕೀಯ ಯಂತ್ರೋಪಕರಣಗಳ ಯೋಜನೆ ಇದ್ದು, ಅದು ಈಗ 5.20 ಕೋಟಿಗೆ ಸೀಮಿತಗೊಂಡಿದೆ. ಸಿಟಿ ಸ್ಕ್ಯಾನ್ ಹಾಗೂ ಎಂಆರ್‌ಐ ಯಂತ್ರಗಳ ಪಟ್ಟಿಯಲ್ಲಿ ಇಲ್ಲ. ಆದ್ಯತಾ ಪಟ್ಟಿಯಲ್ಲಿ ಇದೆ ಎಂದು ಹೇಳುವುದರಿಂದ ಪ್ರಯೋಜನವಿಲ್ಲ. ಶೀಘ್ರವೇ ಎಲ್ಲಾ ಅಗತ್ಯ ಯಂತ್ರೋಪಕರಣಗಳನ್ನು ಅಳವಡಿಸಬೇಕು’ ಎಂದು ಆಗ್ರಹಿಸಿದರು. `ಶಿರಸಿ ಆಸ್ಪತ್ರೆಯಲ್ಲಿ ಹೃದಯ ಶಸ್ತ್ರಚಿಕಿತ್ಸೆ ಸೇರಿದಂತೆ ಎಲ್ಲ ವಿಶೇಷ ಚಿಕಿತ್ಸಾ ಸೌಲಭ್ಯಗಳು ಲಭ್ಯವಾಗಬೇಕು. ಆಸ್ಪತ್ರೆಯನ್ನು ಪೂರ್ಣ ಪ್ರಮಾಣದ ಟ್ರಾಮಾ ಸೆಂಟರ್ ಆಗಿ ಅಭಿವೃದ್ಧಿಪಡಿಸಬೇಕು ಎಂದು ಹಲವು ಬಾರಿ ಮನವಿ ಸಲ್ಲಿಸಿದ್ದರೂ ಯಾವುದೇ ಕ್ರಮವಾಗಿಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು. `ಅಗಸ್ಟ್ 1ರೊಳಗೆ ಆಸ್ಪತ್ರೆ ಅಭಿವೃದ್ಧಿ ಕುರಿತು ಸ್ಪಷ್ಟ ಉತ್ತರ ನೀಡದಿದ್ದರೆ ಹಾಗೂ ಅಗತ್ಯ ಪ್ರಕ್ರಿಯೆ ಆರಂಭಿಸದಿದ್ದರೆ ಪಾದಯಾತ್ರೆ, ಧರಣಿ ಸೇರಿದಂತೆ ಉಗ್ರ ಹೋರಾಟ ನಡೆಸಲಾಗುತ್ತದೆ. ಹಳ್ಳಿ ಹಳ್ಳಿಗೆ ತೆರಳಿ ಕಾಂಗ್ರೆಸ್ ಸರ್ಕಾರದ ವೈಫಲ್ಯವನ್ನು ಜನರಿಗೆ ತಿಳಿಸುವ ಜಾಗೃತಿ ಅಭಿಯಾನ ನಡೆಸಲಾಗುತ್ತದೆ’ ಎಂದು ಎಚ್ಚರಿಸಿದರು. ಬಿಜೆಪಿ ಗ್ರಾಮೀಣ ಮಂಡಲ ಅಧ್ಯಕ್ಷೆ ಉಷಾ ಹೆಗಡೆ, ಸುರೇಶ್ ನಾಯ್ಕ ಕಾನಗೋಡ, ನಾರಾಯಣ ಹೆಗಡೆ ಮತ್ತಿಗಟ್ಟ, ರವಿ ಗಾಂವ್ಕರ್, ಹಾಗೂ ರಾಘವೇಂದ್ರ ನಾಯ್ಕ ಇದ್ದರು.
- [ಬಸ್ಸಿನ ಮೇಲೆ ಶಕ್ತಿ ಪ್ರಯೋಗಿಸಿದ ನಾರಿ!](https://mobiletime.in/2026/07/a-woman-exerts-force-on-the-bus/): ಶಕ್ತಿ ಯೋಜನೆಯ ಫಲಾನುಭವಿಯೊಬ್ಬರು ಕೊಲ್ಲಾಪುರದಿಂದ ಗೋಕರ್ಣಕ್ಕೆ ಬರುವ ಬಸ್ಸಿಗೆ ಕಲ್ಲು ಹೊಡೆದಿದ್ದಾರೆ. ತಾವು ಸೂಚಿಸಿದ ಸ್ಥಳದಲ್ಲಿ ಬಸ್ ನಿಲ್ಲಿಸದ ಕಾರಣ ಕಂಡೇಕ್ಟರ್ ಮೇಲೆಯೂ ಅವರು ತಮ್ಮ ಶಕ್ತಿ ಪ್ರಯೋಗ ಮಾಡಿದ್ದಾರೆ. ಮಂಗಳವಾರ ಖಾನಾಪುರದ ಹೊರಟ ಬಸ್ಸಿಗೆ ಮಹಿಳೆಯೊಬ್ಬರು ಹತ್ತಿದ್ದು, ಗುಂಜಿ ಎಂಬ ಊರಿಗೆ ಟಿಕೆಟ್ ಕೇಳಿದ್ದರು. `ಆ ಊರಿನಲ್ಲಿ ಬಸ್ ನಿಲ್ಲಿಸಲ್ಲ’ ಎಂದರೂ ಸಹ ಮಹಿಳೆ ಬಸ್ಸಿನಿಂದ ಕೆಳಗಿಳಿದಿರಲಿಲ್ಲ. ಶಕ್ತಿ ಯೋಜನೆಯ ಪ್ರಯಾಣಿಕರಾದ ಅವರಿಗೆ ಕಂಡೆಕ್ಟರ್ ಲೋಂಡಾ ಊರಿನ ಟಿಕೆಟ್ ನೀಡಿದ್ದರು. ಆಧಾರ್ ಕಾರ್ಡ ಗಮನಿಸಿ ಕಂಡೆಕ್ಟರ್ ಟಿಕೆಟ್ ಹರಿದಿದ್ದರು. ಗುಂಜಿ ಬಳಿ ಬಸ್ಸು ಬಂದಾಗ ನಿಲ್ಲಿಸುವಂತೆ ಆ ಮಹಿಳೆ ತಾಕೀತು ಮಾಡಿದರು. ಆದರೆ, ಪ್ರಯಾಣಿಕರನ್ನು ಇಲ್ಲಿ ಇಳಿಸಿದರೆ ತಮಗೆ ಸಮಸ್ಯೆಯಾಗುತ್ತದೆ ಎಂದು ಅರಿತಿದ್ದ ಕಂಡೆಕ್ಟರ್ ಸೀಟಿ ಊದಲಿಲ್ಲ. ಆ ಬಸ್ಸು ಲೋಂಡಾ ತಲುಪಿದ್ದು, ಗುಂಜಿಯಲ್ಲಿ ಇಳಿಯಲು ಸಾಧ್ಯವಾಗದ ಮಹಿಳೆ ಲೋಂಡಾದಲ್ಲಿ ಬಸ್ಸಿನಿಂದ ಇಳಿದು ಕಲ್ಲು ತೂರಿದರು. ಕಂಡೆಕ್ಟರ್’ಗೂ ಕೆಟ್ಟದಾಗಿ ಬೈದು ಅವರ ಕಾಲರ್ ಹಿಡಿದು ಥಳಿಸಿದರು. ಬಸ್ಸಿನ ಗಾಜು ಒಡೆದಿದ್ದು, ಕಂಡೆಕ್ಟರ್ ಸಹ ತಮ್ಮ ಕೊರಳಿನಲ್ಲಿದ್ದ ಎರಡು ತೊಲೆಯ ಚಿನ್ನದ ಸರ ಕಾಣೆಯಾಗಿದೆ ಎಂದು ದೂರಿದ್ದಾರೆ.
- [ಎಣ್ಣೆ ಖರೀದಿಸಿದವನಿಗೆ ದೊಣ್ಣೆ ಏಟು!](https://mobiletime.in/2026/07/a-blow-from-a-club-for-the-one-who-bought-the-oil/): ಶಿರಸಿಯ ಶ್ರೀನಿವಾಸ ಆಚಾರಿ ಅವರಿಗೆ ಸಂಕೇತ ಪೂಜಾರಿ ಅವರು ದೊಣ್ಣೆಯಿಂದ ಹೊಡೆದಿದ್ದಾರೆ. `ಏಕೆ ಹೊಡೆಯುವೆ?’ ಎಂದು ಪ್ರಶ್ನಿಸಿದ ಕಾರಣ ಮತ್ತೆ ಎರಡು ಏಟು ಹೆಚ್ಚಿಗೆ ಹೊಡೆದಿದ್ದಾರೆ! ಶಿರಸಿಯ ಕರಿಗುಂಡಿ ರಸ್ತೆಯಲ್ಲಿ ಕ್ವಾಲಿಟಿ ವೈನ್ ಶಾಫ್ ಮಳಿಗೆಯಿದೆ. ಭಗತ್‌ಸಿಂಗ್ ನಗರದ ಶ್ರೀನಿವಾಸ ಅರವಿಂದ ಆಚಾರಿ ಅವರು ಅಲ್ಲಿ ನಿತ್ಯ ಸರಾಯಿ ಖರಿದಿಸುತ್ತಾರೆ. ಪ್ರತಿ ದಿನ ಸರಾಯಿ ಖರೀದಿಸಲು ಹೋದಾಗಲೂ ಆ ವೈನ್‌ಶಾಪ್ ಮ್ಯಾನೇಜರ್ ಸಂಕೇತ ಪೂಜಾರಿ ಅವರು ಶ್ರೀನಿವಾಸ ಆಚಾರಿ ಅವರನ್ನು ನಿಂದಿಸುತ್ತಾರೆ. ಅನಗತ್ಯವಾಗಿ ಕೆಟ್ಟ ಶಬ್ದಗಳಿಂದ ಬೈಯ್ಯುತ್ತಾರೆ. ಅದಾಗಿಯೂ, ಶ್ರೀನಿವಾಸ ಆಚಾರಿ ಅವರು ಅಲ್ಲಿಗೇ ಹೋಗಿ ಸರಾಯಿ ಖರೀದಿಸುತ್ತಿದ್ದು, ಇದನ್ನು ಸಹಿಸದ ಸಂಕೇತ ಪೂಜಾರಿ ಅವರು ಶ್ರೀನಿವಾಸ ಆಚಾರಿ ಅವರಿಗೆ ದೊಣ್ಣೆಯಿಂದ ಬಡಿದಿದ್ದಾರೆ. ಜುಲೈ 13ರ ಸಂಜೆ 7.30ಕ್ಕೆ ಎಂದಿನoತೆ ಶ್ರೀನಿವಾಸ ಆಚಾರಿ ಅವರು ಮದ್ಯಪಾನ ಮಾಡಲು ಕ್ವಾಲಿಟಿ ವೈನ್ ಶಾಫ್’ಗೆ ಹೋಗಿದ್ದಾರೆ. ಅಲ್ಲಿ ಹಣ ಕೊಟ್ಟು ಕ್ವಾಟರ್ ಖರೀದಿ ಮಾಡಿದ್ದಾರೆ. ಆಗಲೂ, ಅಲ್ಲಿದ್ದ ಸಂಕೇತ ಪೂಜಾರಿ ಅವರು ಶ್ರೀನಿವಾಸ ಆಚಾರಿ ಅವರನ್ನು ಕೆಟ್ಟದಾಗಿ ಬೈದಿದ್ದಾರೆ. ಅದಾದ ನಂತರ ಅಲ್ಲಿಯೇ ಅಲ್ಪ ಪ್ರಮಾಣದಲ್ಲಿ ಮದ್ಯ ಸೇವಿಸಿದ ಶ್ರೀನಿವಾಸ ಆಚಾರಿ ಅವರು, ವೈನ್ ಶಾಪಿನಿಂದ ಹೊರಗೆ ಬಂದಿದ್ದಾರೆ. ಪರಿಚಿತ ವ್ಯಕ್ತಿಯೊಬ್ಬರು ಎದುರಾಗಿದ್ದು, ಅವರ ಬಳಿ ಮಾತನಾಡಿದ್ದಾರೆ. ಈ ವೇಳೆ ಸಿಟ್ಟಿನಲ್ಲಿ ಬಂದ ಸಂಕೇತ ಪೂಜಾರಿ ಅವರು ಶ್ರೀನಿವಾಸ ಆಚಾರಿ ಅವರಿಗೆ ದೊಣ್ಣೆಯಿಂದ ಹೊಡೆದಿದ್ದಾರೆ. ಶ್ರೀನಿವಾಸ ಆಚಾರಿ ಅವರ ಬಲಬುಜಕ್ಕೆ ನೋವಾಗಿದೆ. `ಏಕೆ ಹೊಡೆಯುವೆ?’ ಎಂದು ಶ್ರೀನಿವಾಸ ಆಚಾರಿ ಅವರು ಪ್ರಶ್ನಿಸಿದ್ದು, ಅದಕ್ಕೆ ಉತ್ತರಿಸದೇ ಮತ್ತೆ ಹೊಡೆಯಲು ಶುರು ಮಾಡಿದ್ದಾರೆ. ಹೀಗಾಗಿ ಅದೇ ದಿನ ರಾತ್ರಿ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಗೆ ಹೋದ ಶ್ರೀನಿವಾಸ ಆಚಾರಿ ಅವರು ಕರಿಗುಂಡಿ ರಸ್ತೆಯ ಸಂಕೇತ ಪೂಜಾರಿ ಅವರ ವಿರುದ್ಧ ಕೇಸು ಕೊಟ್ಟಿದ್ದಾರೆ. ಈ ಹೊಡೆದಾಟದ ಬಗ್ಗೆ ಪೊಲೀಸರು ವಿಚಾರಣೆ ಶುರು ಮಾಡಿದ್ದಾರೆ.
- [ಸಹಕಾರಿ ಕ್ಷೇತ್ರದಲ್ಲಿ ರಾಜಕೀಯ: 198 ಸದಸ್ಯರ ಸಹಿಯೇ ಫೋರ್ಜರಿ!](https://mobiletime.in/2026/07/politics-in-the-cooperative-sector-signatures-of-198-members-forged/): ಕೆನರಾ ಸಾರಸ್ವತ ಕ್ರೆಡಿಟ್ ಸೌಹಾರ್ದ ಸಹಕಾರಿ ಸಂಘದ ಸದಸ್ಯರ ಸಹಿ ಫೋರ್ಜರಿಯಾಗಿದೆ. ಅಲ್ಲಿನ ವಿವೇಕ ಪೈ ಅವರು ತಮ್ಮ ದುಷ್ಟಕೂಟದ ಸಹಚರರಾದ ನಾಗೇಂದ್ರ ಪೈ ಹಾಗೂ ಮಂಜುನಾಥ ನಾಯ್ಕ ಅವರ ಜೊತೆ ಸೇರಿ ಸೊಸೈಟಿ ಸದಸ್ಯರ ಸಹಿ ನಕಲು ಮಾಡಿ ಕೋರ್ಟಿಗೆ ಹೋಗಿದ್ದಾರೆ! ಕುಮಟಾ ರಥಬೀದಿಯಲ್ಲಿ ಕೆನರಾ ಸಾರಸ್ವತ ಕ್ರೆಡಿಟ್ ಸೌಹಾರ್ದ ಸಹಕಾರಿ ಸಂಘದ ಕಚೇರಿಯಿದೆ. ಇಲ್ಲಿ ರಕ್ಷಾ ರಾಮದಾಸ ಪ್ರಭು ಅವರು ಪ್ರಧಾನ ವ್ಯವಸ್ಥಾಪಕಿಯಾಗಿದ್ದಾರೆ. 2026ರ ಜನವರಿ 12ರಂದು ಈ ಸೊಸೈಟಿಗೆ ಚುನಾವಣೆ ಘೋಷಣೆಯಾಗಿದ್ದು, ಫೆಬ್ರವರಿ 1ರಂದು ಚುನಾವಣೆ ನಡೆದಿದೆ. ಏಪ್ರಿಲ್ 19ರಂದು ಫಲಿತಾಂಶವೂ ಪ್ರಕಟವಾಗಿದೆ. ಆದರೆ, `ಚುನಾವಣೆಯ ಮತದಾರರ ಪಟ್ಟಿ ಪಾರದರ್ಶಕವಾಗಿಲ್ಲ’ ಎಂದು ಸುಭಾಶ್ ರಸ್ತೆಯ ವಿವೇಕ ಮುರ್ತು ಪೈ ಅವರು ಆಕ್ಷೇಪಿಸಿದ್ದಾರೆ. `ತಮ್ಮ ಮತದಾನದ ಹಕ್ಕು ತಡೆಯಲಾಗಿದೆ’ ಎಂದು ಅವರು ಧಾರವಾಡ ಹೈಕೋರ್ಟಿನ ಮೊರೆ ಹೋಗಿದ್ದಾರೆ. ಪ್ರಕರಣದ ವಿಚಾರಣೆ ನಡೆಸಿದ ಹೈಕೋರ್ಟು ಮಾರ್ಚ 11ರಂದು ಅವರ ಅರ್ಜಿ ತಿರಸ್ಕರಿಸಿದೆ. ಅದಾಗಿಯೂ, ವಿವೇಕ ಪೈ ಅವರು ದ್ವಿಸದಸ್ಯ ಪೀಠಕ್ಕೆ ಮೇಲ್ಮನವಿ ಸಲ್ಲಿಸಿದ್ದು, ಆ ಪೀಠವೂ ಹೈಕೋರ್ಟಿನ ಮೊದಲ ಆದೇಶವನ್ನೇ ಎತ್ತಿಹಿಡಿದಿದೆ. ಈ ವೇಳೆ ಕೋರ್ಟು ವಿವೇಕ್ ಪೈ ಅವರಿಗೆ ಇನ್ನೊಂದು ಅವಕಾಶ ಕಲ್ಪಿಸಿದ್ದು, ಉಪನಿಬಂಧಕರ ಕಚೇರಿಯಲ್ಲಿ ಈ ಪ್ರಕರಣ ಮುಂದುವರೆಸಲು ಅವಕಾಶ ಮಾಡಿಕೊಟ್ಟಿದೆ. ಆ ಅವಕಾಶವನ್ನು ದುರುಪಯೋಗಪಡಿಸಿಕೊಂಡ ವಿವೇಕ ಪೈ ಅವರು ಮೇ 24ರಂದು ಬೆಳಗಾವಿಯ ಸಹಕಾರಿ ಸಂಘಗಳ ಉಪನಿಬಂಧಕರ ಕಚೇರಿಗೆ ಅರ್ಜಿ ಸಲ್ಲಿಸಿದ್ದಾರೆ. ವಕೀಲರ ಮೂಲಕ ಸಲ್ಲಿಸಿದ ಅರ್ಜಿಯ ವಕಾಲತ್ ನಮೂನೆಯಲ್ಲಿ ಕೆನರಾ ಸಾರಸ್ವತ ಕ್ರೆಡಿಟ್ ಸೌಹಾರ್ದ ಸಹಕಾರಿ ಸಂಘದ 198 ಸದಸ್ಯರ ಸಹಿಯನ್ನು ಫೋರ್ಜರಿ ಮಾಡಿದ್ದಾರೆ. ಈ ಫೋರ್ಜರಿ ಕೆಲಸಕ್ಕೆ ಕುಮಟಾ ಚಿತ್ರಗಿಯ ನಾಗೇಂದ್ರ ನಾರಾಯಣ ಪೈ ಹಾಗೂ ಹೆಗಡೆಯ ಮಂಜುನಾಥ ಶ್ರೀಧರ ನಾಯ್ಕ ಅವರು ಜೊತೆಯಾಗಿದ್ದಾರೆ. ಈ ಅರ್ಜಿಯಲ್ಲಿ ಚುನಾವಣಾಧಿಕಾರಿ ಹಾಗೂ 16 ಪ್ರತಿವಾದಿಗಳ ವಿರುದ್ಧ ಅವರು ದೂರು ನೀಡಿದ್ದು, ಈ ವಿಷಯ ಅರಿತ ಸೊಸೈಟಿ ವ್ಯವಸ್ಥಾಪಕಿ ರಕ್ಷಾ ಪ್ರಭು ಅವರು ಅದನ್ನು ಪ್ರಾಧಿಕಾರದ ಗಮನಕ್ಕೆ ತಂದಿದ್ದಾರೆ. ಫೋರ್ಜರಿ ಸಹಿ ವಿಷಯ ಪ್ರಾಧಿಕಾರದ ಗಮನಕ್ಕೆ ಬಂದಿರುವುದನ್ನು ಅರಿತು ವಿವೇಕ ಪೈ ಅವರು ಜೂನ್ 10ರಂದು ತಾವು ದಾಖಲಿಸಿದ ದಾವೆ ಹಿಂಪಡೆದಿದ್ದಾರೆ. ಆದರೆ, ಸೊಸೈಟಿ ವಿರುದ್ಧ ಸೇಡು ತೀರಿಸಿಕೊಳ್ಳಲು ಬಂದ ವಿವೇಕ ಪೈ, ನಾಗೇಂದ್ರ ಪೈ ಹಾಗೂ ಮಂಜುನಾಥ ನಾಯ್ಕ ಅವರ ಕುರಿತು ರಕ್ಷಾ ಪ್ರಭು ಅವರು ಮೃದು ಧೋರಣೆ ಅನುಸರಿಸಿಲ್ಲ. ಆ ಮೂವರು ಮಾಡಿದ ಕುತಂತ್ರದ ಬಗ್ಗೆ ಅವರು ಕುಮಟಾ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಆ ದೂರು ಸದ್ಯ ಬೆಳಗಾವಿಯ ಮಾಳಮಾರುತಿ ಪೊಲೀಸ್ ಠಾಣೆಗೆ ವರ್ಗವಾಗಿದೆ. ಬೆಳಗಾವಿ ಸಹಕಾರಿ ಉಪನಿಬಂಧಕರ ಕಚೇರಿಗೆ ಸುಳ್ಳು ಸಹಿ ಮಾಡಿದ ದಾಖಲೆ ನೀಡಿದ ಕಾರಣ ಆ ಮೂವರು ಸಮಸ್ಯೆಗೆ ಸಿಲುಕಿದ್ದಾರೆ.    
- [ಮುಂಡಗೊಡು: ಮುರಾರ್ಜಿ ಕಾಲೇಜಿನಲ್ಲಿ ಮಾರಾಮಾರಿ!](https://mobiletime.in/2026/07/mundagodu-fight-in-murarji-college/): ಮುಂಡಗೋಡು ಕರಗಿನಕೊಪ್ಪ ಗ್ರಾಮದ ಮೊರಾರ್ಜಿ ದೇಸಾಯಿ ವಿಜ್ಞಾನ ಪದವಿಪೂರ್ವ ಕಾಲೇಜಿನಲ್ಲಿ ಮಾರಾಮಾರಿ ನಡೆದಿದೆ. ವಿದ್ಯಾರ್ಥಿಗಳ ನಡುವೆ ಹುಟ್ಟಿದ ಭಿನ್ನಾಭಿಪ್ರಾಯದಿಂದ ಕೆರಳಿದ ಪಾಲಕರು ಕಾಲೇಜಿಗೆ ನುಗ್ಗಿ ಗಲಾಟೆ ಮಾಡಿದ್ದಾರೆ. ಮುಂಡಗೋಡ ತಾಲೂಕಿನ ಕರಗಿನಕೊಪ್ಪ ಗ್ರಾಮದ ಮೊರಾರ್ಜಿ ದೇಸಾಯಿ ವಿಜ್ಞಾನ ಪದವಿಪೂರ್ವ ಕಾಲೇಜಿನಲ್ಲಿ ಸಣ್ಣ ವಿಷಯಕ್ಕೆ ಗೊಂದಲ ಉಂಟಾಗಿತ್ತು. ಇಲ್ಲಿನ ಬಾಲಕರ ವಸತಿ ನಿಲಯದಲ್ಲಿ 9ನೇ ತರಗತಿ ವಿದ್ಯಾರ್ಥಿ ಹಾಗೂ ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳ ನಡುವೆ ಮಾತಿನ ಚಕಮಕಿ ನಡೆದು ಗಲಾಟೆಗೆ ತಿರುಗಿತ್ತು. ಈ ಘಟನೆಯ ಸತ್ಯಾಸತ್ಯತೆ ತಿಳಿದುಕೊಳ್ಳಲು ಪ್ರಾಂಶುಪಾಲ ಆನಂದ ಚಿಕ್ಕೋಡಿ ಅವರು ಶಿಕ್ಷಕರ ಸಮ್ಮುಖದಲ್ಲಿ ಸಂಬAಧಿತ ವಿದ್ಯಾರ್ಥಿಗಳನ್ನು ಕರೆಸಿ ವಿಚಾರಣೆ ನಡೆಸುತ್ತಿದ್ದರು. ವಿದ್ಯಾರ್ಥಿಗಳ ನಡುವಿನ ವಿವಾದದ ಕುರಿತು ಕಾಲೇಜಿನವರು ವಿಚಾರಣೆ ನಡೆಸಲು ನಿರ್ಧರಿಸಿದ್ದರು. ವಿಚಾರಣೆ ವೇಳೆ ಕೆಲ ಪೋಷಕರು ಆಗಮಿಸಿದ್ದು, ಅವರು ಕಾಲೇಜಿನಲ್ಲಿದ್ದ ಎದುರು ಗುಂಪಿನ ಮಕ್ಕಳ ಮೇಲೆ ಹಲ್ಲೆ ಮಾಡಿದ್ದಾರೆ. ಹಲ್ಲೆ ತಡೆಯಲು ಪ್ರಯತ್ನಿಸಿದ ಸಿಬ್ಬಂದಿ ಮೇಲೆಯೂ ದಾಳಿ ನಡೆದಿದೆ. ಈ ವೇಳೆ ಕಾಲೇಜು ವಾತಾವರಣದಲ್ಲಿ ಗೊಂದಲ ಕಾಣಿಸಿದ್ದು, ನೂಕು ನುಗ್ಗಾಟ ಸಾಮಾನ್ಯವಾಗಿತ್ತು. ಸದ್ಯ ಪೊಲೀಸರು ಪ್ರಕರಣದ ವಿಚಾರಣೆ ನಡೆಸಿದ್ದಾರೆ.
- [ಸೆಲ್ಪಿ ವಿಡಿಯೋದಿಂದ ಸಂಕಷ್ಟ!](https://mobiletime.in/2026/07/trouble-caused-by-a-selfie-video/): ಭಟ್ಕಳದ ಸಂದೀಪ ಶಿರಾಲಿ ಎಂಬಾತರು ಅಪ್ರಾಪ್ತನಿಗೆ ಬೈಕ್ ನೀಡಿ ಅದರ ಸೆಲ್ಪಿ ವಿಡಿಯೋ ಹರಿಬಿಟ್ಟಿದ್ದು, ಆ ವಿಡಿಯೋವೇ ಅವರಿಗೆ ಮುಳುವಾಗಿದೆ. ಅಪ್ರಾಪ್ತನಿಗೆ ಬೈಕ್ ನೀಡಿದ ಕಾರಣ ಸಂದೀಪ ಶಿರಾಲಿ ಅವರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಭಟ್ಕಳ ಪೊಲೀಸ್ ಠಾಣೆಯಲ್ಲಿ ದುರ್ಗೇಶ ನಾಯ್ಕ ಎಂಬಾತರು ಕಾರ್ಯನಿರ್ವಹಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳ ಮೇಲೆ ದುರ್ಗೇಶ ನಾಯ್ಕ ಅವರು ಕಣ್ಣಿಟ್ಟಿದ್ದಾರೆ. ಜಾಲತಾಣಗಳಲ್ಲಿ ಬರುವ ಎಲ್ಲಾ ವಿಷಯಗಳನ್ನು ಗಮನಿಸುವ ಅವರು ಕಾನೂನುಬಾಹಿರ ಕೆಲಸದ ವಿರುದ್ಧ ಧ್ವನಿ ಎತ್ತುತ್ತಿದ್ದಾರೆ. ಅದರಂತೆ, ಜುಲೈ 12ರಂದು ಅವರು ಫೇಸ್ಬುಕ್ ನೋಡುವಾಗ ಅಪ್ರಾಪ್ತನೊಬ್ಬ ಬೈಕ್ ಓಡಿಸಿದ ವಿಡಿಯೋ ಕಾಣಿಸಿದೆ. ಆ ವಿಡಿಯೋ ಭಟ್ಕಳ ರಾಷ್ಟಿಯ ಹೆದ್ದಾರಿಯಲ್ಲಿ ಸಂಚರಿಸಿದ ಬೈಕಿನದ್ದಾಗಿದ್ದು, ವಿಡಿಯೋ ಅಪ್ಲೋಡ್ ಮಾಡಿದ ಪ್ರೊಪೈಲನ್ನು ಅವರು ಗಮನಿಸಿದ್ದಾರೆ. ಸಂದೀಪ ಶಿರಾಲಿ ಎಂಬ ಖಾತೆದಾರರು ಆ ವಿಡಿಯೋ ಹರಿಬಿಟ್ಟಿದನ್ನು ದುರ್ಗೇಶ ನಾಯ್ಕ ಅವರು ದೃಢಪಡಿಸಿಕೊಂಡಿದ್ದಾರೆ. ಅಪ್ರಾಪ್ತ ಬೈಕ್ ಚಲಾಯಿಸಿದ ಸೆಲ್ಪಿ ವಿಡಿಯೋದಲ್ಲಿ ಅನೇಕ ಬಗೆಯ ಹುಚ್ಚಾಟಗಳಿದ್ದು, ಶಿರಾಲಿ ರಾಷ್ಟಿಯ ಹೆದ್ದಾರಿಯಲ್ಲಿ ಅಪಾಯಕಾರಿ ವಿಡಿಯೋ ಮಾಡಿದಲ್ಲದೇ, ಅದನ್ನು ಹರಿಬಿಟ್ಟು ಬೇರೆಯವರಿಗೂ ಪ್ರಚೋದನೆ ನೀಡಿದ ಕಾರಣ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಕಾಡಿಗೆ ಹೋದ ಗಿಡಕ್ಕೆ ಹತ್ತೇ ದಿನ ಆಯಸ್ಸು!](https://mobiletime.in/2026/07/a-plant-taken-to-the-forest-has-a-lifespan-of-only-ten-days/): ಕಳೆದ ನಾಲ್ಕು ವರ್ಷದ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸುಮಾರು 4 ಕೋಟಿ ಗಿಡ ನೆಡುವುದಕ್ಕಾಗಿ ಅರಣ್ಯ ಇಲಾಖೆ 212 ಕೋಟಿ ರೂಪಾಯಿ ಖರ್ಚು ಮಾಡಿದೆ. ಆದರೆ, ಅದರಲ್ಲಿ ಎಷ್ಟು ಗಿಡ ಬದುಕಿದೆ? ಎಂದು  ಅಧಿಕಾರಿಗಳ ಬಳಿಯೂ ಲೆಕ್ಕವಿಲ್ಲ! ಯಲ್ಲಾಪುರದ ಕಿರವತ್ತಿಯ ಹೊಸಳ್ಳಿ ಬಳಿ 10 ದಿನಗಳ ಹಿಂದೆ 200ಕ್ಕೂ ಅಧಿಕ ಗಿಡ ನಾಟಿ ಮಾಡಲಾಗಿದೆ. ಅದರಲ್ಲಿ 70ಕ್ಕೂ ಅಧಿಕ ಗಿಡಗಳು ಈಗ ಬದುಕಿಲ್ಲ. ಇನ್ನಷ್ಟು ಗಿಡಗಳು ಸಾವಿನ ಅಂಚಿನಲ್ಲಿದ್ದು, ಅದರ ರಕ್ಷಣೆಗೆ ಈವರೆಗೂ ಕ್ರಮವಾಗಿಲ್ಲ. ಈ ನಡುವೆ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಮಾಹಿತಿ ಹಕ್ಕು ಕಾಯ್ದೆ ಅಡಿ ಸಲ್ಲಿಸಿದ ಅರ್ಜಿಗೆ ಉತ್ತರ ಬಂದಿದ್ದು, ಆ ದಾಖಲೆಗಳ ಪ್ರಕಾರ ಉತ್ತರ ಕನ್ನಡ ಜಿಲ್ಲೆಯಲ್ಲಿ ನಾಲ್ಕು ವರ್ಷದ ಅವಧಿಯಲ್ಲಿ ಗಿಡ ನೆಡಲು 2123635800ರೂ ಖರ್ಚು ಮಾಡಿರುವುದು ಗೊತ್ತಾಗಿದೆ. 41385521 ಈ ಹಣ ಬಳಸಿ ಗಿಡಗಳನ್ನು ನೆಡಲಾಗಿದೆ. ಜೊತೆಗೆ, ಈ ವರ್ಷವೂ 9104068 ಗಿಡ ನಾಟಿ ಮಾಡಿದ್ದು, 2026-27ನೇ ಸಾಲಿನಲ್ಲಿ ಖರ್ಚು ಮಾಡಿದ ಹಣ ಎಷ್ಟು ಎಂಬುದು ಇನ್ನೂ ಲೆಕ್ಕಕ್ಕೆ ಸಿಕ್ಕಿಲ್ಲ. ದಾಖಲೆಗಳ ಪ್ರಕಾರ, ಉತ್ತರ ಕನ್ನಡ ಜಿಲ್ಲೆಯ 58838 ಹೆಕ್ಟೇರ್ ಪ್ರದೇಶದಲ್ಲಿ ಅರಣ್ಯ ಇಲಾಖೆ ಗಿಡಗಳನ್ನು ನಾಟಿ ಮಾಡಿದೆ. ಗಿಡ ನಾಟಿ ಮಾಡಿದ ಗುತ್ತಿಗೆದಾರರ ಹೆಸರನ್ನು ಆ ಪ್ರದೇಶದಲ್ಲಿ ಬರೆಯುವ ಬಗ್ಗೆ ಸೂಚನೆ ನೀಡಲಾಗಿದೆ. ಬದುಕಿರುವ ಗಿಡಗಳನ್ನು ಅರಣ್ಯ ಇಲಾಖೆಯ ಕೇಂದ್ರ ಕಚೇರಿಯವರು ಪರಿಶೀಲಿಸಲಿದ್ದಾರೆ. ಪರಿಶೀಲನೆ ನಂತರ ಆ ಮಾಹಿತಿ ನೀಡಲಾಗುತ್ತದೆ’ ಎಂದು ಅಧಿಕಾರಿಗಳು ಉತ್ತರ ನೀಡಿದ್ದಾರೆ. ಅರಣ್ಯದಲ್ಲಿನ ಗಿಡ ನಾಟಿ ಬಗ್ಗೆ ಅನೇಕ ಪ್ರಶ್ನೆಗಳು ಉದ್ಬವಿಸಿದ ಕಾರಣ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳಿಗೆ ಮಾಹಿತಿ ಹಕ್ಕು ಕಾಯ್ದೆ ಅಡಿ ಅರ್ಜಿ ಸಲ್ಲಿಸಿದ್ದರು. ಅದಕ್ಕೆ ಬಂದ ಉತ್ತರದಲ್ಲಿ ವರ್ಷವಾರು ನಾಟಿ ಮಾಡಿದ ಗಿಡಗಳ ಬಗ್ಗೆ ಮಾಹಿತಿಯಿದ್ದು, ಜೊತೆಗೆ ಮಾಡಿದ ಖರ್ಚುಗಳ ಬಗ್ಗೆಯೂ ವಿವರಿಸಲಾಗಿದೆ. ಕೇಂದ್ರ ವನ್ಯಜೀವಿ ನಿರ್ವಹಣಾ ಯೋಜನೆಯ ದೃಡೀಕರಣ ವರದಿ ಹಾಗೂ ಅಭಿಯಾರಣ್ಯದಲ್ಲಿ ದೆಹಲಿಯ ಕೇಂದ್ರ ವನ್ಯಜೀವಿ ನಿರ್ವಹಣಾ ಯೋಜನೆಯಿಂದ ಮತ್ತು ಕೇಂದ್ರ ಸರ್ಕಾರದ ಪೂರ್ವಾನುಮತಿಯಿಂದ ನೆಡುತೋಪು ಕಾಮಗಾರಿ ತಂತಿ ಬೇಲಿ, ಇಂಗು ಗುಂಡಿ ಇನ್ನಿತರ ಕಾಮಾಗಾರಿಗೆ ಅನುಮತಿಪಡೆದ ದಾಖಲೆಯನ್ನು ಅರ್ಜಿದಾರರು ಕೇಳಿದ್ದಾರೆ. ಅನುಮೋಧನೆ ಕರಡು ಪ್ರತಿ ತಯಾರಿಸಿದ್ದು, ಅನುಮೋಧನೆ ಆಗಿದ್ದು ಇರುವುದಿಲ್ಲ ಎಂದು ಅಧಿಕಾರಿಗಳು ಉತ್ತರಿಸಿದ್ದಾರೆ. ಹೀಗಾಗಿ `ಅರಣ್ಯ ಇಲಾಖೆ ಕಾನೂನುಬಾಹಿರವಾಗಿ ಅನುಮೋದನೆ ಪೂರ್ವದಲ್ಲಿ ವನ್ಯಜೀವಿ ನಿರ್ವಹಣಾ ಯೋಜನೆ ಮತ್ತು ಅಭಿಯಾನದಲ್ಲಿ ಕಾಮಗಾರಿ ಕಾರ್ಯ ಜರುಗಿಸುತ್ತಿದೆ’ ಎಂದು ರವೀಂದ್ರ ನಾಯ್ಕ ಅವರು ದೂರಿದ್ದಾರೆ. `ಮಳೆ ಶುರುವಾದ ಹಿನ್ನಲೆ ಯಲ್ಲಾಪುರದಲ್ಲಿ ಗಿಡ ನಾಟಿ ಶುರು ಮಾಡಿದ್ದು, ಮಳೆ ಇಲ್ಲದ ಕಾರಣ ನೀರಿಲ್ಲದೇ ಗಿಡ ಸಾವನಪ್ಪಿದೆ. ಸಾವನಪ್ಪಿದ ಗಿಡಗಳ ಬದಲು ಬೇರೆ ಗಿಡಗಳನ್ನು ನಾಟಿ ಮಾಡಲಾಗುತ್ತದೆ’ ಎಂದು ಸಾಮಾಜಿಕ ಅರಣ್ಯ ವಿಭಾಗದ DFO ಮಂಜುನಾಥ ನಾವಿ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಪ್ರತಿಕ್ರಿಯಿಸಿದ್ದಾರೆ.
- [ಮರ ಮುರಿದು ಮುಗುಚಿದ ಲಾರಿ!](https://mobiletime.in/2026/07/lorry-overturns-after-crashing-into-a-tree/): ಕೇರಳದಿಂದ ಕೊಪ್ಪಳಕ್ಕೆ ಹೋಗುತ್ತಿದ್ದ ಲಾರಿ ಅಂಕೋಲಾದಲ್ಲಿ ಪಲ್ಟಿಯಾಗಿದೆ. ಲಾರಿ ಬಿದ್ದ ರಭಸಕ್ಕೆ ರಸ್ತೆ ಅಂಚಿನ ಮರ-ವಿದ್ಯುತ್ ಕಂಬಗಳು ಮುರಿದಿದೆ. ಅಂಕೋಲಾದ ಅಡ್ಲೂರು ಸಮೀಪ ಈ ಲಾರಿ ಅಪಘಾತಕ್ಕೀಡಾಗಿದೆ. ಈ ಲಾರಿ ತುಂಬ ಜಿಪ್ಸಮ್ ಪುಡಿ ತುಂಬಿದ್ದು, ಅಪಘಾತ ನೋಡಿದ ಜನ ಕಂಗಾಲಾಗಿದ್ದಾರೆ. ಚಾಲಕನ ನಿಯಂತ್ರಣ ತಪ್ಪಿದ ಲಾರಿ ರಸ್ತೆ ಅಂಚಿನ ಮರ ಹಾಗೂ ವಿದ್ಯುತ್ ಕಂಬಕ್ಕೆ ಗುದ್ದಿದೆ. ಅದಾದ ನಂತರ ಪಲ್ಟಿಯಾಗಿದೆ. ವಿದ್ಯುತ್ ಕಂಬಗಳು ಮುರಿದ ಕಾರಣ ಜನ ಆತಂಕಕ್ಕೆ ಒಳಗಾಗಿದ್ದು, ರಕ್ಷಣಾ ಕಾರ್ಯಾಚರಣೆಗೆ ಬಂದವರು ಜನರನ್ನು ಸಮಾಧಾನ ಮಾಡಿದ್ದಾರೆ. ಈ ಅವಘಡದಲ್ಲಿ ಯಾವುದೇ ಪ್ರಾಣ ಹಾನಿ ನಡೆದಿಲ್ಲ. ಮಾಹಿತಿ ಅರಿತ ತಕ್ಷಣ ಪೊಲೀಸರು ಸ್ಥಳಕ್ಕೆ ಬಂದಿದ್ದಾರೆ. ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ಲಾರಿ ಚಾಲಕನನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ.
- [ಕುಮಟಾ ಬಸ್ ನಿಲ್ದಾಣ: ರಿಕ್ಷಾ ಚಾಲಕರ ನಡುವೆ ಜಟಾಪಟಿ!](https://mobiletime.in/2026/07/kumta-bus-stand-altercation-between-auto-rickshaw-drivers/): ಕುಮಟಾದಲ್ಲಿ ರಿಕ್ಷಾ ಓಡಿಸಿ ಬದುಕು ಕಟ್ಟಿಕೊಂಡಿರುವವರ ನಡುವೆ ಭಿನ್ನಾಭಿಪ್ರಾಯ ಉಂಟಾಗಿದೆ. ರಿಕ್ಷಾ ಚಾಲಕರ ನಡುವೆ ಎರಡು ಗುಂಪುಗಳಾಗಿದ್ದು, ಆ ಗುಂಪುಗಳಲ್ಲಿನ ವೈಮನಸ್ಸು ಹೊಡೆದಾಟದ ಸ್ವರೂಪಪಡೆದಿದೆ. ಕುಮಟಾ ಊರಕೇರಿಯ ಪ್ರಸನ್ನ ಮುಕ್ರಿ ಅವರು ರಿಕ್ಷಾ ಓಡಿಸಿಕೊಂಡು ಬದುಕು ನಡೆಸುತ್ತಿದ್ದು, `ಮುಕ್ರಿ ಸಮುದಾಯದವರು ಇಲ್ಲಿ ರಿಕ್ಷಾ ನಿಲ್ಲಿಸುವ ಹಾಗಿಲ್ಲ’ ಎಂದು ಸಿದ್ದನಬಾವಿಯ ಶಂಕರ್ ಉಪ್ಪಾರ್, ಗಣಪತಿ ಉಪ್ಪಾರ್ ಹಾಗೂ ರಾಜೇಶ ಉಪ್ಪಾರ್ ಅವರು ತಾಕೀತು ಮಾಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ಮಹೇಶ ಮಾಧವ ನಾಯ್ಕ, ರಾಘವೇಂದ್ರ ಮಾಧವ ಗೌಡ, ಸಂದೀಪ ಶ್ರೀಧರ ಪಟಗಾರ, ತುಳಸು ಗೌಡ, ಗೋವಿಂದ ಬೀರಾ ಗೌಡ, ಗಣೇಶ ನಾರಾಯಣ ಗೌಡ, ಪ್ರಸನ್ನ ಜಟ್ಟಿ ಮುಕ್ರಿ, ಭರತ ಗೌಡ, ಮನೋಜ ಮೋಹನ ನಾಯ್ಕ ಅವರು ಸೇರಿ ಶಂಕರ್ ದಾಮು ಉಪ್ಪಾರ್ ಹಾಗೂ ರಾಜೇಶ ಸೋಮಾ ಉಪ್ಪಾರ್ ಅವರ ಮೇಲೆ ದಾಳಿ ಮಾಡಿದ್ದಾರೆ. ಕುಮಟಾ ಬಸ್ ನಿಲ್ದಾಣದ ಹೊರಗೆ `ಜೈ ಭಗೀರಥ’ ಎಂಬ ಹೆಸರಿನಲ್ಲಿ ಆಟೋ ನಿಲ್ದಾಣವಿದೆ. ಬಸ್ ನಿಲ್ದಾಣದ ಒಳ ಪ್ರದೇಶದಲ್ಲಿ ಮತ್ತೊಂದು ಆಟೋ ನಿಲ್ದಾಣವಿದೆ. ಈ ಎರಡು ನಿಲ್ದಾಣದ ಆಟೋ ಚಾಲಕರ ನಡುವೆ ವೈಮನಸ್ಸು ಶುರುವಾಗಿದೆ. ರಿಕ್ಷಾ ಪಾಳಿ ಹಚ್ಚುವ ವಿಚಾರದಲ್ಲಿ ಶುರುವಾದ ಅವರಲ್ಲಿನ ಜಗಳ ಸದ್ಯ ಹೊಡೆದಾಟಕ್ಕೆ ಕಾರಣವಾಗಿದ್ದು, ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಜೂನ್ 19ರಂದು ಸಂಜೆ ಕುಮಟಾ ಹೊಸ ಬಸ್ ನಿಲ್ದಾಣ ಬಳಿ ಈ ಚಾಲಕರ ನಡುವೆ ಜಗಳ ಶುರುವಾಗಿದೆ. ಪ್ರಯಾಣಿಕರೊಬ್ಬರನ್ನು ಬಿಡುವ ವಿಚಾರದಲ್ಲಿ ಶುರುವಾದ ಜಗಳ ತಾರಕಕ್ಕೇರಿದೆ. ಪ್ರಸನ್ನ ಮುಕ್ರಿ ಅವರ ದೂರಿನ ಪ್ರಕಾರ ಶಂಕರ್ ಉಪ್ಪಾರ್, ಗಣಪತಿ ಉಪ್ಪಾರ್ ಹಾಗೂ ರಾಜೇಶ ಉಪ್ಪಾರ್ ಅವರು ಮೊದಲು ಜಗಳ ಶುರು ಮಾಡಿದ್ದಾರೆ. ಆದರೆ, ಶಂಕರ್ ಉಪ್ಪಾರ್ ಅವರ ಪ್ರಕಾರ ಮಹೇಶ ನಾಯ್ಕ ಹಾಗೂ ಅವರ ತಂಡದವರು ಮೊದಲು ಆಕ್ರಮಣ ಮಾಡಿದ್ದಾರೆ. ಈ ಬಗ್ಗೆ ಎರಡು ಗುಂಪಿನವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿ ಪ್ರಕರಣ ದಾಖಲಿಸಿದ್ದಾರೆ. ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.  
- [ಸೇಫ್ ಸ್ಟಾರ್ ಸೊಸೈಟಿ | ಅಧ್ಯಕ್ಷರ ವಿರುದ್ಧ ಕುತಂತ್ರ: ಸಿಬ್ಬಂದಿ ಮಾಡಿದ್ದು ರಣತಂತ್ರ!](https://mobiletime.in/2026/07/safe-star-society-plot-against-the-president-staff-orchestrate-a-strategic-move/): ಹೊನ್ನಾವರದ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷ ಜಿ ಜಿ ಶಂಕರ್ ಹಾಗೂ ಆ ಸೊಸೈಟಿಯ ಹಿರಿಯ ಅಭಿವೃದ್ಧಿ ಅಧಿಕಾರಿ ರವಿಚಂದ್ರ ಹಳದಿಪುರ ಅವರ ನಡುವೆ ವೈಮನಸ್ಸು ಉಂಟಾಗಿದೆ. ಹೀಗಾಗಿ ಅಧ್ಯಕ್ಷರ ವಿರುದ್ಧ ರವಿಚಂದ್ರ ಹಳದಿಪುರ ಅವರು ಸಿಡಿದೆದ್ದಿದ್ದು, ಸಿಬ್ಬಂದಿ ಮೂಲಕ ಅವರ ವಿರುದ್ಧ ಪತ್ರ ಬರೆಯಿಸುವ ಪ್ರಯತ್ನ ಮಾಡಿಸಿದ್ದಾರೆ. ಆದರೆ, ಅಧ್ಯಕ್ಷ ಜಿ ಜಿ ಶಂಕರ್ ಅವರಿಗೆ ಬೆಂಬಲ ನೀಡಿದ ಸೊಸೈಟಿ ಸಿಬ್ಬಂದಿ ಆ ಸೊಸೈಟಿಯ ಹಿರಿಯ ಅಭಿವೃದ್ಧಿ ಅಧಿಕಾರಿ ರವಿಚಂದ್ರ ಹಳದಿಪುರ ಅವರ ವಿರುದ್ಧವೇ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘ ಹೊನ್ನಾವರದಲ್ಲಿ ಪ್ರಧಾನ ಶಾಖೆ ಹೊಂದಿದೆ. ಬಿಜೆಪಿ ಮುಖಂಡರೂ ಆಗಿರುವ ಜಿ ಜಿ ಶಂಕರ್ ಅವರು ಈ ಸೊಸೈಟಿಯ ಅಧ್ಯಕ್ಷರಾಗಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಜೊತೆ ನೆರೆ ಜಿಲ್ಲೆಯಲ್ಲಿಯೂ ಈ ಸೊಸೈಟಿ ಶಾಖೆ ಹೊಂದಿದೆ. ವರ್ಷಕ್ಕೆ ಐದಾರು ಬಾರಿಯಾದರೂ ಒಂದಿಲ್ಲೊoದು ವಿಷಯಗಳಿಂದ ಸೊಸೈಟಿ ಸುದ್ದಿಯಾಗುತ್ತಿದ್ದು, ಸದ್ಯ ಇದಕ್ಕೆ ಮತ್ತೊಂದು ಸಂಗತಿ ಸೇರ್ಪಡೆಯಾಗಿದೆ. ಹೊನ್ನಾವರದ ಗಾಂಧೀನಗರದಲ್ಲಿ ವಾಸವಾಗಿರುವ ರವಿಚಂದ್ರ ಕೇಶವ ಹಳದಿಪುರ ಅವರು ಈ ಸೊಸೈಟಿಯಲ್ಲಿ `ಹಿರಿಯ ಅಭಿವೃದ್ಧಿ ಅಧಿಕಾರಿ’ ಎಂಬ ಹುದ್ದೆಯಲ್ಲಿದ್ದಾರೆ. ಅವರೇ ಇದೀಗ ಸೊಸೈಟಿ ಅಧ್ಯಕ್ಷ ಜಿ ಜಿ ಶಂಕರ್ ಅವರ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಅಧ್ಯಕ್ಷರ ವಿರುದ್ಧ ಅಪಪ್ರಚಾರ ಮಾಡುವುದಕ್ಕಾಗಿ ರವಿಚಂದ್ರ ಹಳದಿಪುರ ಅವರು ನಾನಾ ಪ್ರಯತ್ನ ಮಾಡಿದ್ದು, ಅದೆಲ್ಲವೂ ಅವರಿಗೆ ತಿರುಗು ಬಾಣವಾಗಿದೆ. ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ಸಹಾಯಕ ವ್ಯವಸ್ಥಾಪಕರಾಗಿ ಸಂದೀಪ ಪರಮೇಶ್ವರ ನಾಯ್ಕ ಅವರು ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕಳೆದ ನಾಲ್ಕು ತಿಂಗಳಿನಿAದ ಸಂದೀಪ ನಾಯ್ಕ ಅವರು ಸೊಸೈಟಿ ಕೆಲಸಗಳ ಜೊತೆಯೇ ರವಿಚಂದ್ರ ಹಳದಿಪುರ ಅವರ ವೈಯಕ್ತಿಕ ಕೆಲಸ ಮಾಡಿಕೊಡುತ್ತಿದ್ದಾರೆ. ಹೀಗಾಗಿ, ಜಿ ಜಿ ಶಂಕರ್ ಅವರ ತೇಜೋವಧೆಗಾಗಿ ರವಿಚಂದ್ರ ಹಳದಿಪುರ ಅವರು ಸಂದೀಪ ನಾಯ್ಕ ಅವರ ಸಹಾಯ ಯಾಚಿಸಿದ್ದಾರೆ. ಆದರೆ, `ಅನ್ನ ಕೊಟ್ಟ ಸಂಸ್ಥೆಗೆ ದ್ರೋಹ ಬಗೆಯಲಾರೆ’ ಎಂದು ಸಂದೀಪ ನಾಯ್ಕ ಅವರು ಹೇಳಿದ್ದು, ಇದನ್ನು ಸಹಿಸದ ರವಿಚಂದ್ರ ಹಳದಿಪುರ ಅವರು ಸಂದೀಪ ನಾಯ್ಕ ಅವರನ್ನು ನಿಂದಿಸಿದ್ದಾರೆ. ಸೊಸೈಟಿ ಹಾಗೂ ಅಧ್ಯಕ್ಷರ ವಿರುದ್ಧ ಅಪಪ್ರಚಾರದ ಪತ್ರ ಬರೆದ ರವಿಚಂದ್ರ ಹಳದಿಪುರ ಅವರು ಅದರ ಮೇಲೆ ಸಹಿ ಮಾಡುವಂತೆ ಸಂದೀಪ ನಾಯ್ಕ ಅವರಿಗೆ ಪೀಡಿಸಿದ್ದಾರೆ. ಅದಕ್ಕೆ ಒಪ್ಪದ ಸಂದೀಪ ನಾಯ್ಕ ಅವರು ತಮ್ಮ ಹಿರಿಯ ಅಧಿಕಾರಿಯೂ ಆಗಿರುವ ಸೊಸೈಟಿ ವ್ಯವಸ್ಥಾಪಕ ನಾಗರಾಜ ಶ್ರೀಧರ ನಾಯ್ಕ ಅವರಲ್ಲಿ ಸಮಸ್ಯೆ ಹೇಳಿದ್ದಾರೆ. `ಅಧ್ಯಕ್ಷರ ಬಳಿ ಮಾತನಾಡಿ ಸಮಸ್ಯೆ ಬಗೆಹರಿಸೋಣ’ ಎಂದು ನಾಗರಾಜ ನಾಯ್ಕ ಅವರು ಹೇಳಿ ಸುಮ್ಮನಾಗಿದ್ದಾರೆ. ಜುಲೈ 2ರಂದು ಕಚೇರಿ ಬಳಿ ಸಿಬ್ಬಂದಿ ಅಂಕಿತ ಕೃಷ್ಣ ಶೆಟ್ಟಿ, ರವೀಶ ಮಂಜು ಗೌಡ ಅವರ ಬಳಿ ಸಂದೀಪ ನಾಯ್ಕ ಅವರು ಮಾತನಾಡುತ್ತಿದ್ದಾಗ ಅಲ್ಲಿಗೆ ಬಂದ ರವಿಚಂದ್ರ ಹಳದಿಪುರ ಅವರು ಕೆಟ್ಟದಾಗಿ ಬೈದಿದ್ದಾರೆ. ಅಧ್ಯಕ್ಷರ ವಿರುದ್ಧ ಬರೆದ ಪತ್ರಕ್ಕೆ ಸಹಿ ಹಾಕದ ಕಾರಣ ಕೇಸು ಹಾಕಿ ಕೋರ್ಟಿಗೆ ಅಲೆದಾಡುವ ಹಾಗೇ ಮಾಡುವುದಾಗಿ ಹೆದರಿಸಿದ್ದಾರೆ. 7 ತಿಂಗಳ ಹಿಂದೆ ಮದುವೆ ಸಂದೀಪ ನಾಯ್ಕ ಅವರ ಮದುವೆ ಆಗಿದ್ದು, ಸದ್ಯ ಅವರ ಪತ್ನಿ 5 ತಿಂಗಳ ಗರ್ಭಿಣಿಯಾಗಿದ್ದಾರೆ. ಇಂಥ ಪರಿಸ್ಥಿತಿಯಲ್ಲಿ ಜಾತಿ ನಿಂದನೆ ಕೇಸು ದಾಖಲಾದರೆ ಸಮಸ್ಯೆ ಎಂದು ಹೆದರಿದ ಸಂದೀಪ ನಾಯ್ಕ ಅವರು ನ್ಯಾಯಕ್ಕಾಗಿ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಭಟ್ಕಳ ಹರಾಡಿಯ ಕಾಯ್ಕಿಣಿ ಮೂಲದ ಜನಾರ್ಧನ ಮಾಸ್ತಿ ನಾಯ್ಕ ಅವರು ಸಹ ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ಉದ್ಯೋಗಿಯಾಗಿದ್ದಾರೆ. ಜನಾರ್ಧನ ನಾಯ್ಕ ಅವರು ಮಹಿಳಾ ಸಾಲ ವಿಭಾಗದ ಅಭಿವೃದ್ಧಿ ಅಧಿಕಾರಿಯಾಗಿ ಕೆಲಸ ಮಾಡುತ್ತಿದ್ದಾರೆ. ರವಿಚಂದ್ರ ಹಳದಿಪುರ ಅವರು ಜನಾರ್ಧನ ನಾಯ್ಕ ಅವರಿಗೂ ಕಳೆದ ಆರು ತಿಂಗಳಿನಿAದ ಹಿಂಸೆ ನೀಡುತ್ತಿದ್ದಾರೆ. ಜುಲೈ 3ರಂದು ಅಧ್ಯಕ್ಷರ ವಿರುದ್ಧ ಅಪಪ್ರಚಾರ ಮಾಡುವ ಪತ್ರಕ್ಕೆ ಸಹಿ ಹಾಕುವಂತೆ ಅವರನ್ನು ಕಾಡಿಸಿದ್ದಾರೆ. ಒಪ್ಪದ ಕಾರಣ ಕಚೇರಿಯ ಐಟಿ ವಿಭಾಗದ ಮ್ಯಾನೇಜರ್ ವಿಘ್ನೇಶ್ವರ ಹೆಗಡೆ ಹಾಗೂ ಜೀವನ ಮೌಲ್ಯ ವಿಭಾಗದ ಅಧಿಕಾರಿ ಜಗದೀಶ ಕೃಷ್ಣ ವೈದ್ಯ ಅವರ ಮುಂದೆಯೇ ರವಿಚಂದ್ರ ಹಳದಿಪುರ ಅವರು ಜನಾರ್ಧನ ನಾಯ್ಕ ಅವರಿಗೆ ಬೆದರಿಕೆ ಹಾಕಿದ್ದಾರೆ. ಸುಳ್ಳು ಕೇಸು ಹಾಕಿ ಜೈಲಿಗೆ ಕಳುಹಿಸುವುದಾಗಿಯೂ ರವಿಚಂದ್ರ ಹಳದಿಪುರ ಅವರು ಹೆದರಿಸಿದ್ದಾರೆ. `ಹೆಂಡತಿ ಹಾಗೂ ಸಣ್ಣ ಮಕ್ಕಳ ಜೊತೆ ಜೀವನ ನಡೆಸುತ್ತಿರುವ ತನಗೆ ಈ ಸಂಸ್ಥೆಯೇ ಆಧಾರ. ಹೀಗಾಗಿ ಸಂಸ್ಥೆ ಜೊತೆ ತಮ್ಮನ್ನು ರಕ್ಷಿಸಿ’ ಎಂದು ಜನಾರ್ಧನ ನಾಯ್ಕ ಅವರು ಪೊಲೀಸರ ಮುಂದೆ ಬೇಡಿದ್ದಾರೆ. ಸೇಫ್ ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದಲ್ಲಿ ಮಾವಿನಕೂರ್ವಾ ಹೊಳಕೇರಿಯ ನಾಗರಾಜ ಶ್ರೀಧರ ನಾಯ್ಕ ಅವರು ಆರು ವರ್ಷಗಳಿಂದ ವ್ಯವಸ್ಥಾಪಕರಾಗಿದ್ದಾರೆ. ಕಳೆದ ಒಂದು ವರ್ಷದಿಂದ ಅವರಿಗೂ ಅದೇ ಸೊಸೈಟಿಯ ಉದ್ಯೋಗಿ ರವಿಚಂದ್ರ ಹಳದಿಪುರ ಅವರು ಕಾಡಿಸುತ್ತಿದ್ದಾರೆ. `ತಾನು ಹೇಳಿದ ಹಾಗೇ ಮಾಡದಿದ್ದರೆ ಹುದ್ದೆಯಿಂದ ವಜಾ ಮಾಡುವೆ’ ಎಂದು ನಾಗರಾಜ ನಾಯ್ಕ ಅವರನ್ನು ಹೆದರಿಸುತ್ತಿದ್ದಾರೆ. ನಾಗರಾಜ ನಾಯ್ಕ ಅವರಿಗೂ ರವಿಚಂದ್ರ ಹಳದಿಪುರ ಅವರು ಅಧ್ಯಕ್ಷರ ವಿರುದ್ಧ ಅಪಪ್ರಚಾರ ಮಾಡುವ ಪತ್ರಕ್ಕೆ ಸಹಿ ಹಾಕುವಂತೆ ಒತ್ತಡ ಹಾಕಿದ್ದಾರೆ. `ತಮಗೆ ಸೊಸೈಟಿಯಲ್ಲಿ ಬಡ್ತಿ ನೀಡಿಲ್ಲ. ವೇತನ ಹೆಚ್ಚಿಸಿಲ್ಲ’ ಎಂಬ ಕಾರಣಕ್ಕೆ ರವಿಚಂದ್ರ ಹಳದಿಪುರ ಅವರು ಸಿಟ್ಟಾಗಿರುವುದನ್ನು ನಾಗರಾಜ ನಾಯ್ಕ ಅವರು ಅರಿತು ಸಮಾಧಾನ ಮಾಡುವ ಪ್ರಯತ್ನ ಮಾಡಿದ್ದಾರೆ. ಆದರೆ, ನಾಗರಾಜ ನಾಯ್ಕ ಅವರ ವಿರುದ್ಧವೂ ಜಾತಿ ನಿಂದನೆ ಕೇಸು ಹಾಕಿ ಜೈಲಿಗೆ ಕಳುಹಿಸುವುದಾಗಿ ರವಿಚಂದ್ರ ಹಳದಿಪುರ ಅವರು ಹೇಳಿದ್ದಾರೆ. `ತಾನು ಜೈಲಿಗೆ ಹೋದರೆ ತಾಯಿಗೆ ಯಾರು ದಿಕ್ಕು?’ ಎಂದು ಯೋಚಿಸಿದ ನಾಗರಾಜ ನಾಯ್ಕ ಅವರು ರಕ್ಷಣೆ ಕೋರಿ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ. ಸದ್ಯ ಹೊನ್ನಾವರ ಪೊಲೀಸರು ರವಿಚಂದ್ರ ಹಳದಿಪುರ ಅವರ ವಿರುದ್ಧ ಬಂದ ಮೂರು ಕೇಸುಗಳನ್ನು ದಾಖಲಿಸಿದ್ದು, ಅವರು ಹೇಳಿದ ವಿಷಯದಲ್ಲಿನ ಸತ್ಯಾಸತ್ಯತೆಯ ಬಗ್ಗೆ ಶೋಧ ನಡೆಸಿದ್ದಾರೆ.
- [ಕನ್ನಡಕ್ಕಾಗಿ ಹೋರಾಟ: ವಕೀಲೆ ಬಳಿ ಕ್ಷಮೆ ಕೋರಿದ ಕರವೇ ಅಧ್ಯಕ್ಷ!](https://mobiletime.in/2026/07/fight-for-kannada-karave-president-apologizes-to-lawyer/): ದಾಂಡೇಲಿಯ ನ್ಯಾಯವಾದಿ ಜಯಾ ನಾಯ್ಕ ಅವರಿಗೆ ಅವಮಾನ ಮಾಡಿದ್ದ ಕರ್ನಾಟಕ ರಕ್ಷಣಾ ವೇದಿಕೆಯವರು ನ್ಯಾಯಾಲಯದಲ್ಲಿ ಅವರಿಗೆ ಕ್ಷಮೆ ಕೋರಿದ್ದಾರೆ. ಗುಂಡಾಗಿರಿ ಪ್ರದರ್ಶಿಸಿದ್ದ ಮತ್ತೆ ಮೂವರು ಸಹ ಕ್ಷಮೆ ಕೊರಿದ್ದು, ರಾಜಿಸೂತ್ರದ ಮೂಲಕ ಈ ಪ್ರಕರಣ ಮುಕ್ತಾಯವಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ದಾಂಡೇಲಿಯಲ್ಲಿ ಜಯಾ ಡಿ ನಾಯ್ಕ ಅವರು ನ್ಯಾಯವಾದಿಯಾಗಿದ್ದಾರೆ. ನೊಂದವರಿಗೆ ನೆರವು ನೀಡುತ್ತಿರುವ ಅವರು ತಮ್ಮ ಕಚೇರಿ ಬಳಿ ನಾಮಫಲಕವನ್ನು ಅಳವಡಿಸಿದ್ದಾರೆ. 2024ರ ಜನವರಿಯಲ್ಲಿ ದಾಂಡೇಲಿ ಜೆ ಎನ್ ರಸ್ತೆಯಲ್ಲಿರುವ ಇಂಗ್ಲಿಷ್ ನಾಮಫಲಕ ಕೀಳಲು ರಕ್ಷಣಾ ವೇದಿಕೆಯವರು ನಿರ್ಧರಿಸಿದ್ದರು. ಶೆಟ್ಟಿ ಲಂಚ್ ಹೋಂ ಪಕ್ಕದಲ್ಲಿ ಇದ್ದ ವಕೀಲೆ ಜಯಾ ನಾಯ್ಕ ಅವರ ಕಚೇರಿ ನಾಮಫಲಕವನ್ನು ಕರವೇ ಪದಾಧಿಕಾರಿಗಳು ಕಿತ್ತು ಹಾಕಿದ್ದರು. `ಆ ನಾಮಫಲಕ ಕನ್ನಡದಲ್ಲಿ ಇಲ್ಲ’ ಎಂದು ಸಂಘಟನೆಯವರು ದೂರಿದ್ದರು. ಆದರೆ, ನಾಮಫಲಕ ಕನ್ನಡದಲ್ಲಿಯೇ ಇದಿದ್ದನ್ನು ಜಯಾ ನಾಯ್ಕ ಅವರು ಸಾಭೀತು ಮಾಡಿದ್ದರು. ಕರ್ನಾಟಕ ರಕ್ಷಣಾ ವೇದಿಕೆಯ (ನಾರಾಯಣ ಗೌಡ ಬಣ) ದಾಂಡೇಲಿ ಅಧ್ಯಕ್ಷ ಸಾದಿಕ್ ಮುಲ್ಲಾ ಅವರ ವಿರುದ್ಧ ಜಯಾ ನಾಯ್ಕ ಅವರು ಕಾನೂನು ಹೋರಾಟ ಶುರು ಮಾಡಿದ್ದರು. ಕನ್ನಡ ಸಂಘಟನೆಯ ಕಾರ್ಯಕರ್ತರಾಗಿ ಕನ್ನಡ ನಾಮಫಲಕ ಕಿತ್ತೆಸೆದ ಬಗ್ಗೆ ಅವರು ಸಿಡಿಮಿಡಿಗೊಂಡಿದ್ದರು. ಈ ಬಗ್ಗೆ ವಕೀಲರು ಪೊಲೀಸ್ ದೂರು ನೀಡುವ ಪ್ರಯತ್ನ ನಡೆಸಿದ್ದು, ಅದು ಫಲ ಕೊಟ್ಟಿರಲಿಲ್ಲ. ನಾಮಫಲಕ ಕಿತ್ತ ವಿಡಿಯೋ ದಾಖಲೆ ಆಧಾರದಲ್ಲಿ ಜಯಾ ನಾಯ್ಕ ಅವರು ನ್ಯಾಯಾಲಯದ ಮೆಟ್ಟಿಲೇರಿದ್ದರು. ಕನ್ನಡ ಸಂಘಟನೆಯವರೇ ಕನ್ನಡ ನಾಮಫಲಕ ಕಿತ್ತೆಸೆದ ವಿಷಯವನ್ನು ಅವರು ನ್ಯಾಯಾಧೀಶರ ಮುಂದೆ ವಿವರಿಸಿದ್ದರು. ಅಂದಿನ ನ್ಯಾಯಾಧೀಶೆ ರೋಹಿಣಿ ಬಸಾಪುರ ಅವರು ಈ ಬಗ್ಗೆ ಪ್ರಕರಣ ದಾಖಲಿಸಿ ತನಿಖೆಗೆ ಆದೇಶ ನೀಡಿದ್ದರು. ಎರಡುವರೆ ವರ್ಷಗಳ ನಂತರ ಈ ಪ್ರಕರಣ ರಾಜಿಯಲ್ಲಿ ಅಂತ್ಯವಾಯಿತು. ಲೋಕ್ ಅದಾಲತ್ ಅವಧಿಯಲ್ಲಿ ನ್ಯಾಯಾಧೀಶೆ ತೇಜಸ್ವಿನಿ ಸೊಗಲದ ಅವರ ಎದುರು ಕರವೇ ಅಧ್ಯಕ್ಷ ಸಾದಿಕ ಮುಲ್ಲಾ ಹಾಗೂ ಇತರರು ಕ್ಷಮೆ ಕೋರಿದರು. ಸರ್ಕಾರಿ ಅಭಿಯೋಜಕ ರಮೇಶ್ ಬಂಕಾಪುರ, ವಕೀಲ ರಾಘವೇಂದ್ರ ಗಡೆಪ್ಪ, ಕೋರ್ಟ ಸಿಬ್ಬಂದಿ ಸುಭಾಷ್, ರಾಹುಲ್ ಮಡಿವಾಳ ಇತರರು ಈ ಘಟನೆಗೆ ಸಾಕ್ಷಿಯಾದರು.
- [ದುಬೈ ಗಂಡ: ದಂಡಪಿoಡ!](https://mobiletime.in/2026/07/dubai-husband-good-for-nothing/): ದುಬೈಯಲ್ಲಿ ಕೆಲಸ ಮಾಡಿಕೊಂಡಿದ್ದ ಶೇಖ್ ಯುನಿಕ್ ಅವರನ್ನು ಭಟ್ಕಳದ ಶಾಹಿಕಾಭಾನು ಖಾಜಿ ಅವರು ಮದುವೆ ಆಗಿದ್ದು, ಅವರ ಸಂಸಾರದಲ್ಲಿ ಸದ್ಯ ಸಮಸ್ಯೆ ಶುರುವಾಗಿದೆ. ಶಾಹಿಕಾಭಾನು ಖಾಜಿ ಅವರನ್ನು ದುಬೈ ಗಂಡ ದೂರ ಮಾಡಿದ್ದಾರೆ. ಭಟ್ಕಳದ ಮುಗ್ದುಂ ಕಾಲೋನಿಯ ಗುಲ್ಜರ್ ಸ್ಟೀಟ್’ನಲ್ಲಿ ಶಾಹಿಕಾಭಾನು ಖಾಜಿ (40) ಅವರು ವಾಸವಾಗಿದ್ದಾರೆ. 2019ರಲ್ಲಿ ಅವರು ಉಡುಪಿ ಬ್ರಹ್ಮಾವರದ ಉಪ್ಪಿನಕೋಟೆಯ ಶೇಖ್ ಯುನಿಕ್ ಶೇಖ್ ಹುಸೇನ್ (60) ಅವರನ್ನು ಮದುವೆ ಆಗಿದ್ದಾರೆ. ಬಂದರು ರಸ್ತೆಯ ಜಮಾತ್ ಉಲ್ ಮುಸ್ಲಿಮೀನ್ ಮಹಕಮಾ ಶರೀಯಾ ಮಸೀದಿಯಲ್ಲಿ ಮುಸ್ಲೀಂ ಸಂಪ್ರದಾಯದ ಪ್ರಕಾರ ಅವರ ಮದುವೆ ನಡೆದಿದೆ. ಅದಾದ ನಂತರ ಅವರಿಬ್ಬರು ಭಟ್ಕಳದಲ್ಲಿ ಬಾಡಿಗೆ ಮನೆಯನ್ನು ಮಾಡಿದ್ದಾರೆ. ಶೇಖ್ ಯುನಿಕ್ ಅವರು ಆಗಾಗ ದುಬೈಗೆ ಹೋಗಿ ಬರುತ್ತಿದ್ದು, ಬಿಡುವಾದಾಗಲೆಲ್ಲ ಭಟ್ಕಳದ ಬಾಡಿಗೆ ಮನೆಗೆ ಬರುತ್ತಾರೆ. ಒಮ್ಮೆ ಶಾಹಿಕಾಭಾನು ಖಾಜಿ ಅವರನ್ನು ದುಬೈಗೆ ಕರೆದುಕೊಂಡು ಹೋಗಿದ್ದಾರೆ. ಮೂರು ವರ್ಷಗಳ ಕಾಲ ಅವರು ಅಲ್ಲಿ ಸಂಸಾರ ಮಾಡಿದ್ದಾರೆ. 2024ರಲ್ಲಿ ಶಾಹಿಕಾಭಾನು ಖಾಜಿ ಅವರು ದುಬೈಯಿಂದ ಮರಳಿ ಭಟ್ಕಳಕ್ಕೆ ಬಂದಿದ್ದಾರೆ. ಅಲ್ಲಿನ ಬಾಡಿಗೆ ಮನೆಯಲ್ಲಿ ಅವರು ವಾಸವಾಗಿದ್ದಾರೆ. ಹೀಗಿರುವಾಗ, ದುಬೈಯಿಂದ ಬಂದ ಶೇಖ್ ಯುನಿಕ್ ಅವರು ಶಾಹಿಕಾಭಾನು ಖಾಜಿ ಅವರ ಪಾಸಪೋರ್ಟ ಹಾಗೂ ಪಾಸ್‌ಬುಕ್ ಕದ್ದಿದ್ದಾರೆ. ಅದನ್ನು ಅವರಿಗೆ ಮರಳಿಸದೇ ಹಿಂಸೆ ನೀಡಲು ಶುರು ಮಾಡಿದ್ದಾರೆ. ಮತ್ತೆ ಶಾಹಿಕಾಭಾನು ಖಾಜಿ ಅವರನ್ನು ದುಬೈಗೆ ಕರೆದೊಯ್ದಿಲ್ಲ. ಬ್ರಹ್ಮಾವರದಲ್ಲಿರುವ ಅವರ ಮನೆಗೂ ಕರೆದಿಲ್ಲ. ಫೋನ್ ಮಾಡಿದರೂ ಶೇಖ್ ಯುನಿಕ್ ಅವರು ಸಿಗುತ್ತಿಲ್ಲ. ಈ ಎಲ್ಲ ಹಿನ್ನಲೆ ಶಾಹಿಕಾಭಾನು ಖಾಜಿ ಅವರು ಬ್ರಹ್ಮಾವರಕ್ಕೆ ಹೋಗಿದ್ದಾರೆ. ಶೇಕ್ ಯುನಿಕ್ ಅವರ ಮನೆ ಒಳಗೆ ಪ್ರವೇಶಿಸಿದ್ದಾರೆ. ಆಗ, ಅಲ್ಲಿದ್ದವರು ಶಾಹಿಕಾಭಾನು ಖಾಜಿ ಅವರನ್ನು ಮನೆಯಿಂದ ಹೊರ ದಬ್ಬಿ ಅವಮಾನ ಮಾಡಿದ್ದಾರೆ. ದುಬೈ ಗಂಡನ ವಿರುದ್ಧ ಶಾಹಿಕಾಭಾನು ಖಾಜಿ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಸಿಕ್ಕಿಬಿದ್ದ ಸ್ವಾಮೀಜಿ: ಶಿಷ್ಯನಿಂದಲೇ ದೂರು!](https://mobiletime.in/2026/07/swamiji-caught-complaint-filed-by-disciple/): ಹೊನ್ನಾವರ ಹಳದಿಪುರದದಲ್ಲಿ ವೈಶ್ಯ ಸಮಾಜದ ಕೃಷ್ಣಾಪುರ ಮಠವಿದ್ದು, ಅಲ್ಲಿನ ವಾಮನಾಶ್ರಮ ಸ್ವಾಮೀಜಿ ವಿರುದ್ಧ ಅಕ್ರಮ-ಅನೈತಿಕ ಹಾಗೂ ಅವ್ಯವಹಾರಗಳ ಆರೋಪ ಕೇಳಿ ಬಂದಿದೆ. ಇದನ್ನು ಪ್ರಶ್ನಿಸಿದ ಕಾರವಾರದ ಅಜಿತ್ ಪೊಕಳೆ ಅವರಿಗೆ ಒದೆ ಬಿದ್ದಿದೆ. ಅಪರಿಚಿತರು ದಾಳಿ ಮಾಡಿದ ವಿಷಯವನ್ನು ಅವರು ಪೊಲೀಸರ ಬಳಿ ಹೇಳಿದ್ದು, ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಹೊನ್ನಾವರ ಹಳದಿಪುರದ ಕೃಷ್ಣಾಶ್ರಮದ ವಾಮನಾಶ್ರಮ ಸ್ವಾಮೀಜಿ ಅವರ ವಿರುದ್ಧ ಮಹಿಳೆಯರಿಗೆ ಕಿರುಕುಳ ಹಾಗೂ ಹಣಕಾಸು ಅವ್ಯವಹಾರ ಮಾಡಿದ ಆರೋಪಗಳಿವೆ. ಹೀಗಾಗಿ ಕಳೆದ ಐದು ತಿಂಗಳಿನಿAದ ವಾಮನಾಶ್ರಮ ಸ್ವಾಮೀಜಿ ಮಠ ಬಿಟ್ಟು ಬೇರೆಡೆ ಹೋಗಿದ್ದಾರೆ. ಈ ಬಗ್ಗೆ ಚರ್ಚಿಸುವುದಕ್ಕಾಗಿ ಜುಲೈ 5ರಂದು ವೈಶ್ಯ ಸಮಾಜದ ಕೃಷ್ಣಾಶ್ರಮದಲ್ಲಿ ಸಭೆ ನಡೆದಿದೆ. ಸಭೆಯಲ್ಲಿ ಸ್ವಾಮೀಜಿಯನ್ನು ಮತ್ತೆ ಮಠಕ್ಕೆ ಕರೆಯಿಸುವ ಬಗ್ಗೆ ಮಿಥುನ್ ಚಕ್ರವರ್ತಿ ಸೂಲೆಬೆಲೆ ಅವರು ಭಾಷಣ ಮಾಡಿದ್ದಾರೆ. ಈ ಸಭೆಗೆ ಕಾರವಾರ ಸದಾಶಿವಗಡದ ಅಜಿತ್ ಪೊಕಳೆ ಅವರು ಹೋಗಿದ್ದು, ಸ್ವಾಮೀಜಿಯವರ ನಡೆಯನ್ನು ಪ್ರಶ್ನಿಸಿದ್ದಾರೆ. ಐದು ತಿಂಗಳಿನಿoದ ಸ್ವಾಮೀಜಿ ಊರು ಬಿಟ್ಟಿರುವ ಬಗ್ಗೆ ಮಾತನಾಡಿದ್ದಾರೆ. ಅಜಿತ್ ಪೊಕಳೆ ಅವರು ಮಾತನಾಡಿ ಹೊರಗೆ ಬರುವಾಗ 10 ಜನ ಅವರ ಮೇಲೆ ದಾಳಿ ಮಾಡಿದ್ದು, ಆ ವಿಡಿಯೋ ವೈರಲ್ ಆಗಿದೆ. ಅದಾದ ನಂತರ `ಮಠದ ವಾಮನಾಶ್ರಮ ಸ್ವಾಮೀಜಿ ವಿರುದ್ಧ ಮಠದ ಆಸ್ತಿ ಹಾಗೂ ಹಣಕಾಸು ವ್ಯವಹಾರಗಳಲ್ಲಿ ಅವ್ಯವಹಾರ ನಡೆಸಿದ್ದು, ಮಹಿಳೆಯರ ಮೇಲಿನ ಕಿರುಕುಳದ ಆರೋಪ ಎದುರಿಸುತ್ತಿದ್ದಾರೆ. ಸ್ವಾಮೀಜಿಯವರ ವಿರುದ್ಧ ಇಷ್ಟೊಂದು ಗಂಭೀರ ಆರೋಪಗಳು ಕೇಳಿಬಂದಿದ್ದರೂ ಈವರೆಗೆ ಪೊಲೀಸ್ ಠಾಣೆಯಲ್ಲಿ ಏಕೆ ದೂರು ದಾಖಲಾಗಿಲ್ಲ? ಎಂದು ಪ್ರಶ್ನಿಸಿದ ಕಾರಣ ಹಲ್ಲೆ ನಡೆದಿದೆ’ ಎಂದು ಅಜಿತ ಪೊಕಳೆ ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ. `ಅಪರಿಚಿತರು ತಮ್ಮ ಮೇಲೆ ಏಕಾಏಕಿ ಹಲ್ಲೆ ನಡೆಸಿದರು. ಕುತ್ತಿಗೆಯನ್ನು ಹಿಸುಕಿದರು, ಗಡ್ಡ ಮತ್ತು ತಲೆ ಕೂದಲು ಎಳೆದು ನೆಲಕ್ಕುರುಳಿಸಿ ಕಾಲಿನಿಂದ ಒದ್ದರು. ಅಲ್ಲದೆ, ಸ್ವಾಮೀಜಿಯವರ ವಿರುದ್ಧ ಮಾತನಾಡಿದರೆ ಜೀವ ಸಮೇತ ಮುಗಿಸಿ ಬಿಡುತ್ತೇವೆ’ ಎಂದು ಬೆದರಿಸಿದ ಬಗ್ಗೆ ಅವರು ದೂರಿದ್ದಾರೆ. ಇದೇ ವಿಷಯವನ್ನು ಅವರು ಪೊಲೀಸರ ಬಳಿ ಹೇಳಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಇಷ್ಟೆಲ್ಲ ಬೆಳವಣಿಗೆಗಳ ನಡುವೆಯೂ ಟ್ರಸ್ಟ್ನವರು ಮೌನವಹಿಸಿರುವುದು ಅನುಮಾನಕ್ಕೆ ಮತ್ತಷ್ಟು ಕಾರಣ’ ಎಂದು ಅಜಿತ ಪೊಕಳೆ ಅವರು ಹೇಳಿದ್ದಾರೆ. `2008-09ರಲ್ಲಿ ಪಟ್ಟಾಭಿಷೇಕಗೊಂಡ ಸ್ವಾಮೀಜಿಯವರ ವಿರುದ್ಧ ಸಮಾಜದ ಆಸ್ತಿ, ಅಂಗಡಿ ಹಾಗೂ ಹಣಕಾಸು ನಿರ್ವಹಣೆಗೆ ಸಂಬAಧಿಸಿದ ಹಲವು ಪ್ರಶ್ನೆಗಳು ಉದ್ಭವಿಸಿರುವುದರಿಂದ ಈ ಕುರಿತು ಸಮಗ್ರ ತನಿಖೆ ನಡೆಯಬೇಕು’ ಎಂದು ಆಗ್ರಹಿಸಿದ್ದಾರೆ.
- [ಮದುವೆ ಮನೆಯಲ್ಲಿಯೂ ವೃಕ್ಷ ಅಭಿಯಾನ](https://mobiletime.in/2026/07/tree-planting-campaign-at-the-wedding-venue-too/): ದಶಲಕ್ಷ ಗಿಡ ನೆಡುವ ಅಭಿಯಾನ ನಡೆಸುತ್ತಿರುವ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಈ ದಿನ ಕುಮಟಾಗೆ ಹೋಗಿದ್ದು, ಅಲ್ಲಿನ ಮದುವೆಯಲ್ಲಿ ಭಾಗಿಯಾಗಿದ್ದಾರೆ. ಸಪ್ತಪದಿ ತುಳಿದ ನವ ದಂಪತಿಗೆ ಅವರು ಹಲಸಿನ ಗಿಡವನ್ನು ಉಡುಗರೆಯಾಗಿ ನೀಡಿದ್ದಾರೆ. ಕುಮಟಾದ ಬರ್ಗಿಯಲ್ಲಿ ಭಾನುವಾರ ದಿನೇಶ ಹರಿಕಂತ್ರ ಹಾಗೂ ಅಕ್ಷತಾ ಹರಿಕಂತ್ರ ಅವರ ಮದುವೆ ನಡೆದಿದೆ. ದಿನೇಶ ಹರಿಕಂತ್ರ ಅವರ ತಾಯಿ ಸೀತಾ ಹರಿಕಂತ್ರ ಹಾಗೂ ಅಕ್ಷತಾ ಹರಿಕಂತ್ರ ಅವರ ತಂದೆ ರಾಮಚಂದ್ರ ಹರಿಕಂತ್ರ ಅವರು ಅರಣ್ಯವಾಸಿಗಳಾಗಿದ್ದು, ರವೀಂದ್ರ ನಾಯ್ಕ ಅವರು ನಡೆಸುವ ಹೋರಾಟದಲ್ಲಿ ಸಕ್ರೀಯರಾಗಿದ್ದಾರೆ. ಈ ಹಿನ್ನಲೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಈ ಮದುವೆಯಲ್ಲಿ ಭಾಗವಹಿಸಿದ್ದು, ಮದುವೆ ಮನೆಯಲ್ಲಿಯೂ ಅವರು ತಮ್ಮ ಅಭಿಯಾನದ ಕಾರ್ಯ ಮುಂದುವರೆಸಿದ್ದಾರೆ. ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ, ತಾಲೂಕಾಧ್ಯಕ್ಷ ಮಂಜುನಾಥ ಮರಾಠಿ ನಾಗೂರು, ಸಂಚಾಲಕ ರಾಜೀವ ಎಮ್ ಗೌಡ ಕತಗಾಲ, ಸುನೀಲಾ ಇತರರು ನವ ದಂಪತಿಗೆ ಗಿಡ ಕೊಟ್ಟು ಶುಭ ಹಾರೈಸಿದ್ದಾರೆ. ಅದಾದ ನಂತರ ಅಲ್ಲಿಯೇ ಅವರು ಸಭೆ ನಡೆಸಿ, ಮುಂದಿನ ಅಭಿಯಾನ ಹಾಗೂ ಹೋರಾಟದ ಚರ್ಚೆ ಮಾಡಿದ್ದಾರೆ.
- [ಲಾರಿಗೆ ಗುದ್ದಿದ ಬಸ್ಸು!](https://mobiletime.in/2026/07/bus-crashes-into-lorry/): ಹಾವೇರಿಯಿಂದ ಮುಂಡಗೋಡಿಗೆ ಬರುತ್ತಿದ್ದ ಬಸ್ಸು ಮುಂಡಗೋಡದಿoದ ಶಿರಸಿ ಕಡೆ ಹೊರಟಿದ್ದ ಲಾರಿಗೆ ಡಿಕ್ಕಿ ಹೊಡೆದಿದೆ. ಈ ದುರಂತದಲ್ಲಿ ಬಸ್ಸಿನಲ್ಲಿದ್ದ 30ಕ್ಕೂ ಅಧಿಕ ಪ್ರಯಾಣಿಕರಿಗೆ ಗಾಯವಾಗಿದೆ. ಭಾನುವಾರ ಬೆಳಗ್ಗೆ ಹಾವೇರಿಯ ಹಾನಗಲ್ಲಿನಿಂದ ಸರ್ಕಾರಿ ಬಸ್ಸು ಹೊರಟಿತ್ತು. ಈ ಬಸ್ಸು ಮುಂಡಗೋಡು ಮಾರ್ಗವಾಗಿ ಚಲಿಸುತ್ತಿತ್ತು. ಮುಂಡಗೋಡು ತಾಲೂಕಿನ ಕಾವಲಕೊಪ್ಪ ಗ್ರಾಮದ ಶರೀಫಜ್ಜನ ದೇವಸ್ಥಾನದ ಸಮೀಪ ಬಸ್ ಮತ್ತು ಲಾರಿ ನಡುವೆ ಅಪಘಾತ ನಡೆಯಿತು. ಪರಿಣಾಮ ಬಸ್ಸಿನಲ್ಲಿದ್ದ 30ಕ್ಕೂ ಅಧಿಕ ಜನ ಗಾಯಗೊಂಡರು. ಅವರಲ್ಲಿ ಐವರು ಗಂಭೀರ ಪ್ರಮಾಣದಲ್ಲಿ ನೋವು ಅನುಭವಿಸಿದರು. ಗಂಭೀರವಾಗಿ ಗಾಯಗೊಂಡವರನ್ನು ಸದ್ಯ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ರವಾನಿಸಲಾಗಿದೆ. ಅಪಘಾತದ ಪರಿಣಾಮ ಸ್ಥಳದಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದ್ದು, ತಕ್ಷಣ ಪೊಲೀಸರು ಅಲ್ಲಿ ದೌಡಾಯಿಸಿದರು. ಸ್ಥಳೀಯರ ಜೊತೆಗೂಡಿ ರಕ್ಷಣಾ ಕಾರ್ಯಾಚರಣೆ ನಡೆಸಿದರು. ಅಪಘಾತಕ್ಕೆ ಕಾರಣದ ಬಗ್ಗೆ ತನಿಖೆ ನಡೆಯುತ್ತಿದೆ.
- [ನೀರುಪಾಲಾದ ಅಣ್ಣ-ತಮ್ಮ: ಒಟ್ಟಿಗೆ ಹುಟ್ಟಿದರು.. ಒಟ್ಟಿಗೆ ಸಾವನಪ್ಪಿದರು!](https://mobiletime.in/2026/07/brothers-perish-in-water-born-together-died-together/): ಮಳೆಗಾಲದ ಮೋಜಿಗಾಗಿ ಹೊಳೆಗೆ ಹೋಗಿದ್ದ ಅವಳಿ-ಜವಳಿ ಮಕ್ಕಳು ನೀರಿನಾಳಕ್ಕೆ ಸಿಲುಕಿ ಸಾವನಪ್ಪಿದ್ದಾರೆ. ಶಿರಸಿಯ ಉಂಚಳ್ಳಿ ಬಳಿಯ ಮಾಸ್ತಿಜಡ್ಡಿ ಹೊಳೆಯಲ್ಲಿ ಎರಡು ಶವ ಸಿಕ್ಕಿದೆ. ಮಾಸ್ತಿಜಡ್ಡಿಯಲ್ಲಿ ಹರ್ಷ ನಾಯ್ಕ ಹಾಗೂ ಮದನ್ ನಾಯ್ಕ ಎಂಬಾತರು ಅವಳಿ-ಜವಳಿ ಮಕ್ಕಳಾಗಿದ್ದು, ಭಾನುವಾರ ಮಧ್ಯಾಹ್ನ ಅವರಿಬ್ಬರು ನೀರಿನಲ್ಲಿ ಆಟವಾಡಲು ನಿರ್ಧರಿಸಿದ್ದರು. ಅದಕ್ಕಾಗಿ ಉಂಚಳ್ಳಿ ಸಮೀಪದ ಮಾಸ್ತಿಜಡ್ಡಿ ಹೊಳೆಗೆ ಹೋಗಿದ್ದರು. ಈಜುವುದಕ್ಕಾಗಿ ನೀರಿಗೆ ಹಾರಿದ ಅವರು ಕೆಲ ಕಾಲ ಅಲ್ಲಿ ವಿಹರಿಸಿದರು. ಒಮ್ಮೆ ನೀರಿನ ಆಳಕ್ಕೆ ಹೋದ ಅವರಿಗೆ ಮತ್ತೆ ಮೇಲೆ ಬರಲು ಸಾಧ್ಯವಾಗಿಲ್ಲ. ಉಸಿರುಗಟ್ಟಿ ಅವರಿಬ್ಬರು ಸಾವನಪ್ಪಿದರು. ಮಕ್ಕಳಿಬ್ಬರು ನೀರುಪಾಲಾದ ವಿಷಯ ಕೇಳಿ ಶಿರಸಿಯ ಶ್ರೀ ಮಾರಿಕಾಂಬಾ ಲೈಫ್ ಗಾರ್ಡ ಸಿಬ್ಬಂದಿ ಅಲ್ಲಗೆ ಧಾವಿಸಿದರು. ಸಾಕಷ್ಟು ಶೋಧದ ನಂತರ ಅವರಿಬ್ಬರ ಶವ ಸಿಕ್ಕಿತು. ಪೊಲೀಸರು, ಅಗ್ನಿಶಾಮಕ ಸಿಬ್ಬಂದಿ ಸಹ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದು, ಆ ಶವಗಳನ್ನು ನೀರಿನಿಂದ ಮೇಲೆತ್ತಿದರು. ಶ್ರೀ ಮಾರಿಕಾಂಬಾ ಲೈಫ್ ಗಾರ್ಡ್ ನ ಪ್ರಮುಖರಾದ ಗೋಪಾಲ ಗೌಡಾ, ರಾಜು ಮಡಿವಾಳ, ಪ್ರದೀಪ ಎಸಳೆ, ದೀಪಕ ಕಾನಡೆ, ದರ್ಶನ ಕಬ್ಬೆ ಅವರು ರಕ್ಷಣಾ ಕಾರ್ಯ ನಡೆಸಿದರು.
- [ಕ್ಯಾಮರಾ ಕದ್ದ ಕಳ್ಳ ಕೊನೆಗೂ ಸಿಕ್ಕಿಬಿದ್ದ!](https://mobiletime.in/2026/07/the-thief-who-stole-the-camera-was-finally-caught/): ಹುಲಿ ಗಣತಿ ಮಾಡುವುದಕ್ಕಾಗಿ ಅರಣ್ಯ ಇಲಾಖೆಯವರು ಕಾಡಿನಲ್ಲಿ ಅಡಗಿಸಿಟ್ಟಿದ್ದ ಕ್ಯಾಮರಾ ಕದ್ದ ದುರ್ಗಾ ಹರಿಕಂತ್ರ ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಕದ್ದ ಕ್ಯಾಮರಾ ಬಳಕೆ ಮಾಡಲು ಬರದೇ ಅವರು ಸಿಕ್ಕಿ ಬಿದ್ದಿದ್ದಾರೆ! ದೇಶದ ಎಲ್ಲಡೆ ಹುಲಿ ಗಣತಿ ಕಾರ್ಯ ನಡೆಯುತ್ತಿದ್ದು, ಅರಣ್ಯ ಇಲಾಖೆಯವರು ಅದಕ್ಕಾಗಿ ಕಾಡಿನಲ್ಲಿ ಕ್ಯಾಮರಾ ಅಳವಡಿಸಿದ್ದರು. ಅಂಕೋಲಾ ಅರಣ್ಯದಲ್ಲಿಯೂ ಕ್ಯಾಮರಾ ಅಳವಡಿಕೆ ನಡೆದಿದ್ದು, ಅಲ್ಲಿದ್ದ ಕ್ಯಾಮರಾ ಕಳ್ಳರ ಪಾಲಾಗಿತ್ತು. ಈ ಕುರಿತು ಉಪ ವಲಯ ಅರಣ್ಯಾಧಿಕಾರಿ ರಾಘವೇಂದ್ರ ಜಿರಗಾಳೆ ಅವರು ಮೇ 16ರಂದು ಅಂಕೋಲಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಮೇ 1ರಂದು ಹೊಸಕಂಬಿ ವಲಯದ ಅರಣ್ಯ ಪ್ರದೇಶದಲ್ಲಿ “ಕಡಿಬ್ಯಾಕ್” ಕಂಪನಿಯ ಆಫ್‌ಲೈನ್ ಕ್ಯಾಮರಾ ಕಾಣೆಯಾದ ಬಗ್ಗೆ ಅವರು ದೂರಿದ್ದರು. ಕ್ಯಾಮರಾ ಹುಡುಕಾಟಕ್ಕೆ ಪೊಲೀಸರು ತನಿಖಾ ತಂಡ ರಚಿಸಿದ್ದು, ಕೋಳಗಿ – ಹಿಲ್ಲೂರು ಬಳಿಯ ದುರ್ಗಾ ದೇವು ಹರಿಕಾಂತ್ರ (54) ಅವರ ಮೇಲೆ ಅನುಮಾನ ಮೂಡಿತು. ವಿಚಾರಣೆ ನಡೆಸಿದಾಗ ಕ್ಯಾಮರಾ ಕದ್ದಿದನ್ನು ಅವರೇ ಒಪ್ಪಿಕೊಂಡರು. ಅಂಕೋಲಾ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕ ಚಂದ್ರಶೇಖರ ಮಠಪತಿ ಅವರ ನೇತೃತ್ವದಲ್ಲಿ ಪಿಎಸ್‌ಐ ವಿಶ್ವನಾಥ ನಿಂಗೋಳ್ಳಿ, ಪಿಎಸ್‌ಐ ಲಲಿತಾ ರಜಪೂತ ಅವರು ಕ್ಯಾಮರಾ ಕಳ್ಳನನ್ನು ಬಂಧಿಸಿ ಜೈಲಿಗೆ ಕಳುಹಿಸಿದರು.
- [ಮನೆ ಮುರಿದರೂ ಸಿಗದ ಪರಿಹಾರ: ಆಕ್ರೋಶ](https://mobiletime.in/2026/07/no-compensation-despite-house-collapse-outrage/): `ಬಿ ಎಸ್ ಯಡಿಯೂರಪ್ಪ ಅವರ ಸರ್ಕಾರದಲ್ಲಿ ಪ್ರಕೃತಿ ವಿಕೋಪದಿಂದ ಮನೆ ಮುರಿದ 24 ತಾಸಿನಲ್ಲಿ ಪರಿಹಾರ ಸಿಗುತ್ತಿತ್ತು. ಆದರೆ, ಇದೀಗ ಪರಿಹಾರ ಸಿಗುವುದೇ ಕಷ್ಟವಾಗಿದೆ’ ಎಂದು ಬಿಜೆಪಿ ರೈತ ಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಹೇಳಿದ್ದಾರೆ. ಶಿರಸಿಯ ಹುತ್ಗಾರ್ ಬಳಿಯ ಪುಟ್ಟನಮನೆಗೆ ಭೇಟಿ ನೀಡಿದ ಅವರು ಶಿವಾನಂದ ಗೊಂಡೇನಹಳ್ಳಿ ಅವರ ಅಳಲು ಆಲಿಸಿದ್ದು, ಅದಾದ ನಂತರ ಸರ್ಕಾರಿ ವ್ಯವಸ್ಥೆಯನ್ನು ಟೀಕಿಸಿದ್ದಾರೆ. `ಶಿವಾನಂದ ಗೊಂಡೇನಹಳ್ಳಿ ಅವರ ಮನೆ ಮುರಿದು ನಾಲ್ಕು ದಿನವಾಗಿದೆ. ಅಧಿಕಾರಿಗಳು ಈವರೆಗೆ ಹಾನಿ ವರದಿ ಸಲ್ಲಿಸಿಲ್ಲ. ಮಳೆ ಬಂದರೆ ಮತ್ತೆ ಧರೆ ಕುಸಿಯುವ ಆತಂಕವಿದೆ. ಧರೆಗೆ ಅವೈಜ್ಞಾನಿಕ ತಡೆಗೋಡೆ ನಿರ್ಮಿಸಿರುವುದು ಇನ್ನಷ್ಟು ಸಮಸ್ಯೆಗೆ ಕಾರಣ’ ಎಂದವರು ಹೇಳಿದ್ದಾರೆ. `ಔಷಧಿ ಅಂಗಡಿಯಲ್ಲಿ ಕೂಲಿ ಕೆಲಸ ಮಾಡುವ ಶಿವಾನಂದ ಅವರಿಗೆ ತಕ್ಷಣ ಪರಿಹಾರ ಸಿಗಬೇಕು’ ಎಂದು ಆಗ್ರಹಿಸಿದ್ದಾರೆ. ವೈಯಕ್ತಿಕವಾಗಿ ಅನಂತಮೂರ್ತಿ ಹೆಗಡೆ ಅವರು ನೆರವು ನೀಡಿದ್ದಾರೆ. ಗ್ರಾಮ ಆಡಳಿತಾಧಿಕಾರಿಗಳಿಗೆ ಫೋನ್ ಮಾಡಿದ ಅನಂತಮೂರ್ತಿ ಹೆಗಡೆ ಅವರು ಸಮಸ್ಯೆ ಬಗ್ಗೆ ವಿವರಿಸಿದ್ದು, ತಕ್ಷಣ ಕ್ರಮಕ್ಕೆ ಒತ್ತಾಯಿಸಿದ್ದಾರೆ. ಬಿಜೆಪಿ ನಗರ ಮಂಡಲದ ಅಧ್ಯಕ್ಷ ಆನಂದ್ ಸಾಲೇರ್, ಬಿಜೆಪಿ ನಗರ ಪ್ರಧಾನ ಕಾರ್ಯದರ್ಶಿ ನಾಗರಾಜ್ ನಾಯ್ಕ್, ಹುತ್ತಗಾರು ಗ್ರಾ ಪಂ ಮಾಜಿ ಸದಸ್ಯ ಫಕೀರಪ್ಪ ಜೊತೆಯೂ ಅವರು ಚರ್ಚಿಸಿದ್ದಾರೆ.
- [ನೊಂದವರಿಗೆ ನ್ಯಾಯ ಕೊಡಿಸಿದ ನ್ಯಾಯದೇವತೆ: ರಸ್ತೆ ಇಲ್ಲದ ಊರಿಗೆ ಹೊಸ ದಾರಿ!](https://mobiletime.in/2026/07/the-goddess-of-justice-delivers-justice-to-the-aggrieved-a-new-road-for-a-village-that-had-none/): ಮನೆಗೆ ಹೋಗಲು ಸಹ ರಸ್ತೆ ಇಲ್ಲದೇ ಸಮಸ್ಯೆ ಅನುಭವಿಸುತ್ತಿದ್ದ ಗೋಕರ್ಣದ 15 ಕುಟುಂಬಗಳಿಗೆ ಕುಮಟಾದ ನ್ಯಾಯಾಧೀಶರಿಬ್ಬರು ರಸ್ತೆ ಸಂಪರ್ಕ ವ್ಯವಸ್ಥೆ ಮಾಡಿದ್ದಾರೆ. 20 ವರ್ಷಗಳಿಂದ ರಸ್ತೆಗಾಗಿ ಹೋರಾಟ ನಡೆಸುತ್ತಿದ್ದವರಿಗೆ ನ್ಯಾಯಾಧೀಶರಿಬ್ಬರು ದಾರಿ ತೋರಿಸಿದ್ದಾರೆ. ಕುಮಟಾದ ಗೋಕರ್ಣ ರುದ್ರಪಾದದ ಬಳಿಯ 15 ಕುಟುಂಬದವರು ತಮ್ಮ ನಿತ್ಯದ ಓಡಾಟಕ್ಕೆ ರಸ್ತೆ ಇಲ್ಲದೇ ಸಮಸ್ಯೆ ಅನುಭವಿಸುತ್ತಿದ್ದರು. ಸಮುದ್ರ ತೀರದಿಂದ ಅವರು ಓಡಾಡುತ್ತಿದ್ದು, ಅಲ್ಲಿನ ನಾಗರಾಜ ಸುಬ್ಬ ಗೌಡ ಅವರು ಆ ಓಡಾಟಕ್ಕೆ ತಡೆ ಒಡ್ಡಿದ್ದರು. ನಾಗರಾಜ ಗೌಡ ಅವರ ಮಾಲ್ಕಿ ಜಾಗದಿಂದ ಮಾತ್ರ ಉಳಿದವರ ಮನೆಗೆ ಹೋಗಲು ದಾರಿಯಿದ್ದು, ನಾಗರಾಜ ಗೌಡ ಅವರು ರಸ್ತೆ ಬಿಡದ ಕಾರಣ ಎಲ್ಲರೂ ಸಮಸ್ಯೆಗೆ ಸಿಲುಕಿದ್ದರು. ಮೂಲಭೂತ ಸೌಕರ್ಯಗಳಲ್ಲಿ ಒಂದಾದ ರಸ್ತೆ ಇಲ್ಲದೇ ತೊಂದರೆಯಾದ ಬಗ್ಗೆ ಆ 15 ಕುಟುಂಬದ ಜನ ನ್ಯಾಯಾಲಯದ ಮೊರೆ ಹೋದರು. ಕಾನೂನು ಸೇವಾ ಪ್ರಾಧಿಕಾರದ ಮೂಲಕ ಅವರೆಲ್ಲರೂ ನ್ಯಾಯಾಧೀಶರಲ್ಲಿ ಮನವಿ ಮಾಡಿದರು. ನ್ಯಾಯಾಧೀಶರಾದ ವರ್ಷ ಶ್ರೀ ಹಾಗೂ ಶ್ವೇತಾ ಎಚ್ ಇ ಅವರು ಬಡ ಜನರ ಸಮಸ್ಯೆ ಅರಿತು ನಾಗರಾಜ ಗೌಡ ಅವರನ್ನು ಕೋರ್ಟಿಗೆ ಕರೆಯಿಸಿದರು. `ಬೇರೆ ದಾರಿ ಇಲ್ಲದೇ 15 ಜನ ಸಮಸ್ಯೆ ಅನುಭವಿಸುತ್ತಿದ್ದು, ಅವರಿಗೆ ರಸ್ತೆ ಬಿಟ್ಟುಕೊಡಿ’ ಎಂದು ನ್ಯಾಯಾಧೀಶೆಯರಿಬ್ಬರೂ ನಾಗರಾಜ ಗೌಡ ಅವರಿಗೆ ಸೂಚಿಸಿದರು. ರಸ್ತೆ ಇಲ್ಲದ ಕಾರಣ ಅಲ್ಲಿನವರು ಅನುಭವಿಸುವ ಸಮಸ್ಯೆ ಬಗ್ಗೆ ಮನವರಿಕೆ ಮಾಡಿದರು. ಅದಾದ ನಂತರ ನಾಗರಾಜ ಗೌಡ ಅವರು ಸಹ ಸ್ವ ಖುಷಿಯಿಂದ ಜನರ ಓಡಾಟಕ್ಕೆ ರಸ್ತೆ ಬಿಡುವುದಾಗಿ ಘೋಷಿಸಿದರು. ಜನರ ಓಡಾಟಕ್ಕೆ ಅನುಕೂಲವಾಗುವ ಹಾಗೇ ತಮ್ಮ ಸ್ವಂತ ಭೂಮಿಯಲ್ಲಿ 2 ಅಡಿ ಕಾಲು ದಾರಿ ಕೊಡುವುದಾಗಿ ಅವರು ಹೇಳಿದರು. 20 ವರ್ಷಗಳಿಂದ ಜನ ಅನುಭವಿಸುತ್ತಿದ್ದ ಸಮಸ್ಯೆ ಪರಸ್ಪರ ರಾಜಿ-ಸಂದಾನದಿAದ ಬಗೆಹರಿಯಿತು. ಅಲ್ಲಿದ್ದ ವಕೀಲರು ಸಹ ಚಪ್ಪಾಳೆ ಹೊಡೆದು ನಾಗರಾಜ ಗೌಡ ಅವರ ನಿರ್ಧಾರ ಸ್ವಾಗತಿಸಿದರು.
- [ಪೊಲೀಸರನ್ನೇ ಬೆದರಿಸಿದ ಕುಡುಕ!](https://mobiletime.in/2026/07/drunkard-threatens-the-police/): ಕಂಠಪೂರ್ತಿ ಕುಡಿದು ಕರ್ಕಶ ಶಬ್ದ ಮಾಡುವ ಕೆಟಿಎಂ ಬೈಕ್ ಓಡಿಸಿದ ಹಳೆ ದಾಂಡೇಲಿಯ ದಿನೇಶ ಪವಾರ್ ಅವರು ಅದನ್ನು ಪ್ರಶ್ನಿಸಿದ ಪೊಲೀಸ್ ಸಿಬ್ಬಂದಿ ಮಂಗಲದಾಸ ನಾಯ್ಕ ಅವರ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ. `ಒಂದು ವರ್ಷ ಜೈಲಿಗೆ ಹೋಗಲು ಸಿದ್ಧ’ ಎಂದು ಕೂಗಾಡಿದ ದಿನೇಶ ಪವಾರ್ ವಿರುದ್ಧ ಪೊಲೀಸರು ಕೇಸು ದಾಖಲಿಸಿದ್ದಾರೆ. 26 ವರ್ಷದ ದಿನೇಶ ರಾಜಾರಾಮ ಪವಾರ್ ಅವರು ಹಳೆ ದಾಂಡೇಲಿಯಲ್ಲಿ ವಾಸವಾಗಿದ್ದಾರೆ. ವ್ಯಾಪಾರಿಯಾಗಿರುವ ಅವರು ದುಡಿಮೆಯ ಹಣವನ್ನು ದುಶ್ಚಟಕ್ಕೆ ಬಳಸುತ್ತಿದ್ದಾರೆ. ಜುಲೈ 10ರ ರಾತ್ರಿ ಅವರು ಕಂಠಪೂರ್ತಿ ಸರಾಯಿ ಕುಡಿದು ಬೈಕ್ ಓಡಿಸಿದ್ದಾರೆ. ಕರ್ಕಶ ಶಬ್ದ ಮಾಡುವ ಬೈಕ್ ಓಡಿದನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಮೇಲಧಿಕಾರಿಗಳ ಸೂಚನೆ ಮೇರೆಗೆ ಪೊಲೀಸ್ ಸಿಬ್ಬಂದಿ ಮಂಗಲದಾಸ ನಾಯ್ಕ ಅವರು ದಿನೇಶ ಪವಾರ್ ಅವರ ವಿಚಾರಣೆಗೆ ಹೋಗಿದ್ದಾರೆ. ಸರಾಯಿ ಕುಡದ ಪ್ರಮಾಣ ಪರೀಕ್ಷಿಸಲು ಬ್ರೀಥ್ ಅನಲೈಜರ್ ಜೊತೆ ಸ್ಥಳಕ್ಕೆ ಹೋದ ಪೊಲೀಸ್ ಸಿಬ್ಬಂದಿ ಮಂಗಲದಾಸ ನಾಯ್ಕ ಅವರ ಬಳಿ ದಿನೇಶ ಪವಾರ್ ಅವರು ಗಲಾಟೆ ಮಾಡಿದ್ದಾರೆ. `ಹೆಣ್ಣು ಮಕ್ಕಳು ಓಡಾಡುವ ಪ್ರದೇಶ. ತೊಂದರೆ ಕೊಡಬೇಡ’ ಎಂದು ಪೊಲೀಸರು ಬುದ್ದಿ ಹೇಳಿದಾಗ ದಿನೇಶ ಪವಾರ್ ಅವರು ಇನ್ನಷ್ಟು ಸಿಟ್ಟಾಗಿದ್ದಾರೆ. `ಏನು ಮಾಡುತ್ತೀರಾ? ಒಳಗೆ ಹಾಕುತ್ತೀರಾ? ನನಗೂ ಹಾಕಿ, ಗಾಡಿಗೂ ಹಾಕಿ. ಒಂದು ವರ್ಷ ಒಳಗೆ ಹೋಗಿ ಬರುವೆ’ ಎಂದು ಕೂಗಾಡಿದ್ದಾರೆ. ಇದನ್ನು ನೋಡಿದ ಸಾರ್ವಜನಿಕರು ದಿನೇಶ ಪವಾರ್ ಅವರನ್ನು ಸಮಾಧಾನ ಮಾಡುವ ಪ್ರಯತ್ನ ಮಾಡಿದ್ದು, ಜನರನ್ನು ಉದ್ದೇಶಿಸಿ ಕೆಟ್ಟದಾಗಿ ಬೈದಿದ್ದಾರೆ. ಇದಲ್ಲದೇ ದಿನೇಶ ಪವಾರ್ ತಮ್ಮ ಮೊಬೈಲ್ ತೆಗೆದು ವಿಡಿಯೋ ಮಾಡಿ, ಕೆಟ್ಟ ಪದಗಳ ಪ್ರಯೋಗ ಮಾಡಿದ್ದಾರೆ. ಕರ್ತವ್ಯಕ್ಕೆ ಅಡ್ಡಿ ಮಾಡಿದ ವ್ಯಾಪಾರಿ ವಿರುದ್ಧ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಅಪಘಾತ: ಆಸ್ಪತ್ರೆ ಸೇರಿದ್ದ ಯುವ ಉದ್ಯಮಿ ಇನ್ನಿಲ್ಲ!](https://mobiletime.in/2026/07/accident-the-young-businessman-who-was-admitted-to-the-hospital-is-no-more/): ಕಾರವಾರದ ಸದಾಶಿವಗಡದಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಗಾಯಗೊಂಡಿದ್ದ ಉದ್ಯಮಿ ಶುಭಂ ರಾಣೆ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಿದರೂ ಪ್ರಯೋಜನವಾಗಿಲ್ಲ. 32ನೇ ವಯಸ್ಸಿನಲ್ಲಿಯೇ ಅವರು ಭೂ ಲೋಕದ ಯಾತ್ರೆ ಮುಗಿಸಿದ್ದಾರೆ. ಶುಭಂ ರಾಣೆ ಅವರು ಜುಲೈ 30ರಂದು ಸದಾಶಿವಗಡದ ದುರ್ಗಾದೇವಿ ದೇವಸ್ಥಾನದಿಂದ ತಾರಿವಾಡ ಕಡೆ ಹೊರಟಿದ್ದರು. ಅಲ್ಲಿನ ಶಮಸುದ್ದಿನ್ ದರ್ಗಾ ಕಪೌಂಡಿಗೆ ಅವರು ಬೈಕು ಗುದ್ದಿದರು. ತಲೆಗೆ ಪೆಟ್ಟಾದ ಕಾರಣ ಅವರನ್ನು ಕಾರವಾರದ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಯಿತು. ಅದಾದ ನಂತರ ಗೋವಾದಲ್ಲಿರುವ ಕೆ ಎಂ ಸಿ ಮಣಿಪಾಲ್ ಆಸ್ಪತ್ರೆಗೆ ಕರೆದೊಯ್ದು ಅಲ್ಲಿ ಆರೈಕೆ ಮಾಡಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಲಿಲ್ಲ. ಜುಲೈ 10ರಂದು ಶುಭಂ ರಾಣೆ ಅವರು ಸಾವನಪ್ಪಿದರು. ಶುಭಂ ರಾಣೆ ಅವರು ಹೊಟೇಲ್ ಉದ್ಯಮಿಯಾಗಿದ್ದರು. ಸದಾಶಿವಗಡ, ಮಾಜಾಳಿ, ಚಿತ್ತಾಕುಲಾ ಸೇರಿದಂತೆ ತಾಲೂಕಿನ ವಿವಿಧ ಭಾಗಗಳಲ್ಲಿ ಅವರ ಸ್ನೇಹಿತರಿದ್ದರು. ಹೀಗಾಗಿ ಅವರ ಅಕಾಲಿಕ ನಿಧನಕ್ಕೆ ಅನೇಕರು ಸಂತಾಪ ಸೂಚಿಸಿದರು. ಶುಭಂ ರಾಣೆ ಅವರ ಅಗಲಿಕೆ ಸದಾಶಿವಗಡ ಭಾಗದ ಜನರಲ್ಲಿ ನೋವು ತಂದಿದ್ದು, ನೂರಾರು ಜನ ಅಂತಿಮ ಯಾತ್ರೆಯಲ್ಲಿ ಭಾಗವಹಿಸಿದ್ದರು.
- [ಹಮಾಲಿಗೆ ಹೊಡೆದ ಉದ್ಯಮಿ!](https://mobiletime.in/2026/07/businessman-hits-a-manual-laborer/): ಭಟ್ಕಳದಲ್ಲಿ ಸ್ಟಾಂಡರ್ಡ ಕಾರ್ಗೋ ಸರ್ವೀಸ್ ನಡೆಸುವ ರಾಜೇಶ ನಾಯ್ಕ ಅವರು ತಮ್ಮ ಸಹಚರ ಸಚಿನ್ ನಾಯ್ಕ ಅವರ ಜೊತೆ ಸೇರಿ ರೈಲು ನಿಲ್ದಾಣದ ಹಮಾಲಿ ಗಣಪತಿ ನಾಯ್ಕ ಅವರಿಗೆ ಹೊಡೆದಿದ್ದಾರೆ. ರೈಲಿನ ಮೂಲಕ ಬಂದ ಪಾರ್ಸಲ್’ಗಳನ್ನು ಕಮರ್ಷಿಯಲ್ ಅಧಿಕಾರಿಗಳ ಮುಂದೆ ಹಾಜರುಪಡಿಸಿದ ಕಾರಣ ಹಲ್ಲೆ ಮಾಡಿದ್ದಾರೆ. ಭಟ್ಕಳ ಮುಟ್ಟಳ್ಳಿ ಮುಂಡೋಳಿಮನೆಯ ಗಣಪತಿ ನಾರಾಯಣ ನಾಯ್ಕ ಅವರು ಐದು ವರ್ಷದಿಂದ ರೈಲು ನಿಲ್ದಾಣದಲ್ಲಿ ಹಮಾಲಿಯಾಗಿದ್ದಾರೆ. ಭಟ್ಕಳದ ರಘುನಾಥ ರೋಡಿನಲ್ಲಿರುವ ರಾಜೇಶ್ ನಾರಾಯಣ ನಾಯ್ಕ ಅವರ ಸ್ಟಾಂಡರ್ಡ ಕಾರ್ಗೋ ಸರ್ವೀಸ್ ಹಾಗೂ ಸುಕ್ರಪ್ಪ ಮಾದೇವ ನಾಯ್ಕ ಅವರ ಎಸ್ ಎಂ ರೈಲ್ವೆ ಟ್ರಾನ್ಸಫರ್ ಎಂಬ ಹೆಸರಿನ ಪಾರ್ಸಲ್’ನ್ನು ಅವರು ಹಿಡಿದು ಅಧಿಕಾರಿಗಳ ಮುಂದೆ ಹಾಜರುಪಡಿಸುತ್ತಿದ್ದಾರೆ. ಮುಂಡಳ್ಳಿಯ ಸಚೀನ್ ನಾರಾಯಣ ನಾಯ್ಕ, ತಲಾಂದ ಹೊಸ್ಮನೆಯ ಮಾದೇವ ಈರಪ್ಪ ನಾಯ್ಕ, ಮುಟ್ಟಳ್ಳಿ ಬಗ್ಗಿಮನೆಯ ಕೃಷ್ಣ ಗೋವಿಂದ ನಾಯ್ಕ, ಮುಟ್ಟಳ್ಳಿ ನರ್ಸತ್ತಿಮನೆಯ ಗಣಪತಿ ನಾರಾಯಣ ನಾಯ್ಕ ಅವರು ಸಹ ಅಲ್ಲಿಯೇ ಹಮಾಲಿ ಕೆಲಸ ಮಾಡಿಕೊಂಡಿದ್ದು ಅವರೆಲ್ಲರೂ ಸೇರಿ ದೊಡ್ಡ ದೊಡ್ಡ ಪಾರ್ಸಲ್ ಇಳಿಸಿ ಅದನ್ನು ಕಮರ್ಶಿಯಲ್ ಅಧಿಕಾರಿಗಳಿಗೆ ಕೊಡುತ್ತಿದ್ದಾರೆ. ಅದರಂತೆ, ಜುಲೈ 7ರಂದು ಪಂಚಗAಗಾ ಎಕ್ಸಪ್ರೆಸ್ ರೈಲಿನಲ್ಲಿ ಸ್ಟಾಂಡರ್ಡ ಕಾರ್ಗೋ ಸರ್ವೀಸ್ ಹೆಸರಿನಲ್ಲಿ ಪಾರ್ಸಲ್ ಬಂದಿದೆ. ಅದನ್ನು ಅಲ್ಲಿನ ಹಮಾಲಿಗಳಾದ ಗಣಪತಿ ನಾಯ್ಕ ಅವರ ಜೊತೆ ಮಾದೇವ ನಾಯ್ಕ, ಕೃಷ್ಣ ನಾಯ್ಕ ಸೇರಿ ಇಳಿಸಿದ್ದಾರೆ. ನಂತರ ಅದನ್ನು ಕಮರ್ಶಿಯಲ್ ಅಧಿಕಾರಿಗಳ ಬಳಿ ಒಯ್ಯುವ ಪ್ರಯತ್ನ ಮಾಡಿದ್ದಾರೆ. ಆಗ, ಅಲ್ಲಿಗೆ ಧಾವಿಸಿ ಬಂದ ಸ್ಟಾಂಡರ್ಡ ಕಾರ್ಗೋ ಸರ್ವೀಸ್ ನಡೆಸುವ ರಾಜೇಶ್ ನಾರಾಯಣ ನಾಯ್ಕ ಹಾಗೂ ಮುಂಡಳ್ಳಿ ಪಟೇಲ್ ಹೌಸ್’ನ ಸಚೀನ್ ನಾರಾಯಣ ನಾಯ್ಕ ಸೇರಿ ಅಡ್ಡಗಟ್ಟಿದ್ದಾರೆ. `ಆ ಪಾರ್ಸಲ್ ಅಧಿಕಾರಿಗಳಿಗೆ ಕೊಡಬೇಡಿ’ ಎಂದು ತಾಕೀತು ಮಾಡಿದ್ದಾರೆ. ಜೊತೆಗೆ ಗಣಪತಿ ನಾಯ್ಕ ಅವರನ್ನು ಹೊಡೆದು ಥಳಿಸಿದ್ದಾರೆ. `ಇನ್ಮುಂದೆ ನೀವು ನಮ್ಮ ಪಾರ್ಸಲ್ ಮುಟ್ಟಬಾರದು. ಮುಟ್ಟಿದರೆ ಕೊಲೆ ಮಾಡುವೆ’ ಎಂದು ಬೆದರಿಸಿದ್ದಾರೆ. ನೋವು ಅನುಭವಿಸಿದ ಗಣಪತಿ ನಾಯ್ಕ ಅವರು ಈ ಎಲ್ಲಾ ವಿಷಯವನ್ನು ಪೊಲೀಸರ ಮುಂದೆ ಹೇಳಿದ್ದು, ದೂರು ದಾಖಲಿಸಿದ್ದಾರೆ. ಆ ಪಾರ್ಸಲ್ ಒಳಗೆ ಏನಿತ್ತು? ಅದನ್ನು ಅಧಿಕಾರಿಗಳ ಮುಂದೆ ಹಾಜರುಪಡಿಸಿದ್ದರಿಂದ ರಾಜೇಶ ನಾಯ್ಕ ಅವರಿಗೆ ಆಗುವ ಸಮಸ್ಯೆ ಏನು? ಎಂಬುದು ತನಿಖೆಯಿಂದ ಗೊತ್ತಾಗಬೇಕಿದೆ.
- [14 ವರ್ಷ ಕಾಡಿಸಿದ ಲಾರಿ ಚಾಲಕ!](https://mobiletime.in/2026/07/the-lorry-driver-who-tormented-for-14-years/): ವ್ಯಕ್ತಿಯೊಬ್ಬರ ಸಾವಿಗೆ ಕಾರಣನಾಗಿದ್ದ ಲಾರಿ ಚಾಲಕ ಕಳೆದ 14 ವರ್ಷಗಳಿಂದ ತಲೆಮರೆಸಿಕೊಂಡು ಓಡಾಡುತ್ತಿದ್ದು, ಆಧುನಿಕ ತಂತ್ರಜ್ಞಾನದ ಆಧಾರದಲ್ಲಿ ಅಂಕೋಲಾ ಪೊಲೀಸರು ಆ ಚಾಲಕನನ್ನು ಹುಡುಕಿದ್ದಾರೆ. ಕೇರಳಕ್ಕೆ ಹೋಗುವ ಪ್ರಯತ್ನದಲ್ಲಿದ್ದ ಬೆಳಗಾವಿಯ ರಫಿಕ್ ಅಹ್ಮದ್ ಅವರನ್ನು ಪೊಲೀಸರು ಜೈಲಿಗೆ ಕಳುಹಿಸಿದ್ದಾರೆ. 2012ರ ನವೆಂಬರ್ 28ರಂದು ಅಂಕೋಲಾದ ಸುಂಕಸಾಳದ ಬಳಿ ಅಪಘಾತವೊಂದು ನಡೆದಿತ್ತು. ರಫಿಕ್ ಅಹ್ಮದ್ ಓಡಿಸುತ್ತಿದ್ದ ಲಾರಿ ಸ್ಕಾರ್ಪಿಯೋ ಕಾರಿಗೆ ಗುದ್ದಿತ್ತು. ಪರಿಣಾಮ ಕಾರಿನಲ್ಲಿದ್ದ ಲೋಪಸೂನ್ ಪ್ರೋಟಿನ್ ಡಾರಗೋಳ ಎಂಬಾತರು ಸಾವನಪ್ಪಿದ್ದರು. ಜೊತೆಗೆ ಆ ಕಾರಿನಲ್ಲಿದ್ದ ಟೆನನ್ ಯೋನವೆನ್ ಹಾಗೂ ತೂಟೆನ್ ಪ್ಲೇರಿಂಗ ಎಂಬಾತರು ಗಾಯಗೊಂಡಿದ್ದರು. ಪ್ರಕರಣ ದಾಖಲಿಸಿದ ಪೊಲೀಸರು ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದು, ಆರೋಪಿಯನ್ನು ಬಂಧಿಸಿದ್ದರು. ಜಾಮೀನುಪಡೆದ ಆರೋಪಿ ರಫಿಕ್ ಅಹ್ಮದ್ ತಲೆಮರೆಸಿಕೊಂಡಿದ್ದರು. ನಾನಾ ವೇಷ ಧರಿಸಿ ಸಂಚರಿಸುತ್ತಿದ್ದ ಅವರು ಪೊಲೀಸರಿಗೆ ಸಿಗದೇ ಯಾಮಾರಿಸುತ್ತಿದ್ದರು. ರಫಿಕ್ ಅಹ್ಮದ್ ಖಾಯಂ ವಿಳಾಸದಲ್ಲಿ ವಾಸವಾಗಿರಲಿಲ್ಲ. ಪದೇ ಪದೇ ಮನೆ ಬದಲಿಸುತ್ತಿದ್ದರು. ನ್ಯಾಯಾಲಯಕ್ಕೆ ಹಾಜರಾಗದ ಕಾರಣ ವಾರೆಂಟ್ ಜಾರಿಯಾದರೂ ರಫಿಕ್ ಅಹ್ಮದ್ ಅವರು ಸಿಕ್ಕಿರಲಿಲ್ಲ. ಹೀಗಾಗಿ ಅಂಕೋಲಾ ಪೊಲೀಸರು ಆರೋಪಿ ಬಂಧನಕ್ಕೆ ಸಾಕಷ್ಟು ಕಸರತ್ತು ನಡೆಸಿದ್ದು, ಜುಲೈ 10 ರಂದು ಹುಬ್ಬಳ್ಳಿಯಿಂದ ಕೇರಳದ ಕಡೆಗೆ ರಫಿಕ್ ಅಹ್ಮದ್ ಲಾರಿ ಚಾಲಕನಾಗಿ ತೆರಳುತ್ತಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿತು. ಬಾಳೆಗುಳಿ ಕ್ರಾಸಿನಲ್ಲಿ ಕಾದು ಕುಳಿತ ಪೊಲೀಸರು ಆ ಲಾರಿ ಬಂದ ತಕ್ಷಣ ಅದಕ್ಕೆ ಮುತ್ತಿಗೆ ಹಾಕಿದರು. ರಫಿಕ್ ಅಹ್ಮದ್ ಅವರನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದರು. ನ್ಯಾಯಾಲಯ ರಫಿಕ್ ಅಹ್ಮದ್ ಅವರಿಗೆ ನ್ಯಾಯಾಂಗ ಬಂಧನವಿಧಿಸಿದೆ. ಪೊಲೀಸ್ ನಿರೀಕ್ಷಕ ಚಂದ್ರಶೇಖರ ಮಠಪತಿ ಅವರ ಜೊತೆ ಪಿಸೈ ಸುನೀಲ ಹುಲ್ಲೋಳ್ಳಿ, ಎಎಸ್‌ಐ ದೇವಿದಾಸ ಚಾಪೋಲೇಕರ, ಸಿಬ್ಬಂದಿ ಮೋಹನ ಗೌಡ, ಮಹಾದೇವ ಸಿದ್ದಿ, ರಮೇಶ್ ತುಂಗಳ, ರಯೀಸ್ ಬಾಗವಾನ ಹಾಗೂ ಉಮೇಶ್ ಗಾಳಿ ಈ ಕಾರ್ಯಾಚರಣೆಯಲ್ಲಿದ್ದರು.
- [ಈ ಭಾನುವಾರದ ಪ್ರವಾಸಕ್ಕೆ ಈಗಲೇ ಸಿದ್ಧರಾಗಿ!](https://mobiletime.in/2026/07/get-ready-for-this-sundays-trip-right-now/): ಯಲ್ಲಾಪುರ-ಶಿರಸಿ-ಸಿದ್ದಾಪುರದಿಂದ ಸಿಗಂದೂರು ಹಾಗೂ ಜೋಗ ಜಲಪಾತ ವೀಕ್ಷಣೆ ಮಾಡಲು ಬಯಸುವವರಿಗೆ KSRTC ಒಂದು ದಿನದ ಪ್ರವಾಸಿ ಪ್ಯಾಕೇಜ್ ಶುರು ಮಾಡಿದೆ. ಪ್ರತಿ ಭಾನುವಾರ ಯಲ್ಲಾಪುರದಿಂದ ವಿಶೇಷ ಬಸ್ ಸಂಚಾರ ಶುರುವಾಗಿದೆ. ಯಲ್ಲಾಪುರ KSRTC ಘಟಕದಿಂದ ಕಳೆದ ವರ್ಷ ಸಿಗಂದೂರು-ಜೋಗ ಪ್ರವಾಸಕ್ಕೆ ವಿಶೇಷ ಬಸ್ ಸೌಕರ್ಯ ಒದಗಿಸಲಾಗಿತ್ತು. ಎರಡು ತಿಂಗಳು ಸಂಚರಿಸಿದ ಈ ಪ್ರವಾಸಿ ಬಸ್ ನಂತರ ಪ್ರಯಾಣಿಕರ ಕೊರತೆ ಅನುಭವಿಸಿತು. ಪ್ರಚಾರದ ಕೊರತೆಯಿಂದ ಈ ಮಾರ್ಗದ ಬಸ್ ಸಂಚಾರ ಸ್ಥಗಿತಗೊಂಡಿತು. ಸದ್ಯ ಮತ್ತೆ ಮಳೆಗಾಲ ಶುರುವಾಗಿದ್ದು, ಜೋಗ ಜಲಪಾತದ ಸೌಂದರ್ಯ ಇಮ್ಮಡಿಯಾಗಿದೆ. ಸಿಗಂದೂರು ಚೌಡೇಶ್ವರಿ ದೇವಿ ದರ್ಶನಕ್ಕೂ ಈ ಅವಧಿ ಸೂಕ್ತವಾಗಿದೆ. ಈ ಹಿನ್ನಲೆ ಯಲ್ಲಾಪುರ ಕೆಎಸ್‌ಆರ್‌ಟಿಸಿ ಘಟಕದಿಂದ ಮತ್ತೆ ವಿಶೇಷ ಪ್ರವಾಸಿ ಬಸ್ ಶುರು ಮಾಡಲಾಗಿದೆ. ಪ್ರತಿ ಭಾನುವಾರ ಬೆಳಗ್ಗೆ 7 ಗಂಟೆಗೆ ಯಲ್ಲಾಪುರ ಬಸ್ ನಿಲ್ದಾಣದಿಂದ ಈ ಬಸ್ ಶಿರಸಿ ಮಾರ್ಗವಾಗಿ ಸಂಚರಿಸಲಿದೆ. ಶಿರಸಿಯಲ್ಲಿ ಲಘು ಉಪಹಾರಕ್ಕೆ ಸಮಯ ಮೀಸಲಿಡಲಿದ್ದು, ಅದಾದ ನಂತರ 8.15ಕ್ಕೆ ಶಿರಸಿಯಿಂದ ಸಿದ್ದಾಪುರ ಮಾರ್ಗವಾಗಿ ಸಿಗಂದೂರಿಗೆ ತಲುಪಲಿದೆ. ಸಿದ್ದಾಪುರದ ಪ್ರಯಾಣಿಕರಿಗಾಗಿ ಈ ಬಸ್ಸು 9 ಗಂಟೆಗೆ ಕಾಯಲಿದೆ. ಅದಾದ ನಂತರ ಪ್ರವಾಸಿಗರನ್ನು ಹೊತ್ತ ಈ ಬಸ್ಸು ನೂತನವಾಗಿ ನಿರ್ಮಿಸಲಾದ ಸಿಗಂದೂರು ಸೇತುವೆ ವೀಕ್ಷಣೆ ಸ್ಥಳದತ್ತ ಸಂಚರಿಸಲಿದೆ. ಅಲ್ಲಿಂದ ಮುಂದೆ ಸಿಗಂದೂರು ಚೌಡೇಶ್ವರಿ ದೇವಿ ದರ್ಶನಕ್ಕೆ ಸಮಯ ಮೀಸಲಿಡಲಾಗುತ್ತದೆ. ಅದಾದ ನಂತರ ಸಿಗಂದೂರು ದೇಗಲದಲ್ಲಿ ನಡೆಯುವ ಅನ್ನ ಸಂತರ್ಪಣೆಯಲ್ಲಿ ಭಾಗಿಯಾಗಲು ಭಕ್ತರಿಗೆ ಸಾಕಷ್ಟು ಸಮಯ ಸಿಗಲಿದೆ. ಮಧ್ಯಾಹ್ನ 1 ಗಂಟೆಗೆ ಬಸ್ಸು ಸಿಗಂದೂರು ತಲುಪಲಿದ್ದು, ಭೋಜನದ ನಂತರ ಈ ವಿಶೇಷ ಸಾರಿಗೆ 2.30ಕ್ಕೆ ಜೋಗ ಜಲಪಾತಕ್ಕೆ ಬರಲಿದೆ. ಎರಡು ತಾಸುಗಳ ಕಾಲ ಜೋಗ ಜಲಪಾತದ ಸೌಂದರ್ಯ ಸವಿಯಲು ಪ್ರವಾಸಿಗರಿಗೆ ಸಮಯ ಸಿಗಲಿದೆ. ಸಂಜೆ 4.30ಕ್ಕೆ ಮತ್ತೆ ಸಿದ್ದಾಪುರ ಮಾರ್ಗವಾಗಿ ಈ ಬಸ್ಸು ಶಿರಸಿಗೆ ಬಂದು ಅಲ್ಲಿಂದ ಯಲ್ಲಾಪುರಕ್ಕೆ ಮರಳಲಿದೆ. ಸಂಜೆ 5.45ಕ್ಕೆ ಬಸ್ಸು ಶಿರಸಿ ಬಸ್ ನಿಲ್ದಾಣ ಪ್ರವೇಶಿಸಲಿದ್ದು, 7 ಗಂಟೆಗೆ ಯಲ್ಲಾಪುರವನ್ನು ತಲುಪಲಿದೆ. ಯಲ್ಲಾಪುರದಿಂದ ಸಿಗಂದೂರು ಹಾಗೂ ಜೋಗ ಪ್ರವಾಸ ಮಾಡುವವರಿಗೆ ಕೆಎಸ್‌ಆರ್‌ಟಿಸಿ 400ರೂ ಹಾಗೂ ಶಿರಸಿಯಿಂದ ಈ ಪ್ರವಾಸ ಮಾಡುವವರಿಗೆ 350ರೂ ಟಿಕೆಟ್ ದರವಿದೆ. ಪ್ರವಾಸಿ ಪ್ಯಾಕೇಜ್ ಅಡಿ ಬಿಡುವ ವಿಶೇಷ ಬಸ್ ಇದಾಗಿದ್ದರಿಂದ ಶಕ್ತಿ ಯೋಜನೆಯ ಉಚಿತ ಪ್ರಯಾಣಕ್ಕೆ ಅವಕಾಶವಿಲ್ಲ. ಈ ಭಾನುವಾರ ನಿಮ್ಮ ಪ್ಲಾನ್ ಏನು? ಏನೂ ಇಲ್ಲ ಎಂದಾದರೆ ಈಗಲೇ ಈ ಪ್ರವಾಸಕ್ಕೆ ಪ್ಲಾನ್ ಮಾಡಿ.. ನಿಮ್ಮ ಕುಟುಂಬ ಹಾಗೂ ಸ್ನೇಹಿತರ ಜೊತೆ ಈ ಪ್ರವಾಸಕ್ಕೆ ಬನ್ನಿ.. ಈ ವಾರ ಮಿಸ್ ಆದವರೂ ಮುಂದಿನವಾರ ತಪ್ಪಿಸಲೇ ಬೇಡಿ. ಇನ್ನೂ ಏನಾದರೂ ಮಾಹಿತಿ ಬೇಕೇ? ಹಾಗಾದರೆ, ಇಲ್ಲಿ ಫೋನ್ ಮಾಡಿ 7760991702, 7760991713, 8762721591 ಹಾಗೂ 7676412996
- [ಈತ ಬೈಕು ಬಿಟ್ಟು ಬೇರೆನೂ ಕದಿಯಲ್ಲ!](https://mobiletime.in/2026/07/he-steals-nothing-but-bikes/): ಶಿರಸಿ ಅಂಕೋಲಾ,, ಬನವಾಸಿ, ಯಲ್ಲಾಪುರ, ಕಾರವಾರ, ಕುಮಟಾ, ಹಳಿಯಾಳ ಸೇರಿ ಬೇರೆ ಬೇರೆ ಭಾಗಗಳಲ್ಲಿ ಬೈಕ್ ಕದ್ದಿದ್ದ ಶಿರಸಿ ಅರೆಕೊಪ್ಪದ ಖಾಲಿದ್ ಸಾಬ್ ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಶಿರಸಿ ಅರೆಕೊಪ್ಪದ ಖಾಲಿದ್ ಷರೀಫ್ ಸಾಬ್ ಕಾನವಳ್ಳಿ ಸಿಕ್ಕಿಬಿದ್ದ ಬೈಕ್ ಕಳ್ಳ. ಉತ್ತರ ಕನ್ನಡ ಜಿಲ್ಲೆ ಮಾತ್ರವಲ್ಲದೇ ಧಾರವಾಡದಲ್ಲಿಯೂ ಖಾಲಿದ್ ಷರೀಫ್ ಸಾಬ್ ಕಾನವಳ್ಳಿ ತಮ್ಮ ಕೈ ಚಳಕ ಪ್ರದರ್ಶಿಸಿದ್ದಾರೆ. ಈವರೆಗೂ ಪೊಲೀಸರಿಗೆ ಸಿಕ್ಕಿ ಬೀಳದೇ ತಪ್ಪಿಸಿಕೊಳ್ಳುತ್ತಿದ್ದ ಆರೋಪಿಗೆ ಈಚೆಗೆ ಅಂಕೋಲಾ ಬಸ್ ನಿಲ್ದಾಣ ಬಳಿಯ ಬೈಕ್ ಎಗರಿಸಿದ್ದು, ಅವರ ಪಾಲಿಗೆ ಮುಳುವಾಗಿದೆ. ವಿಚಾರಣೆ ವೇಲೆ ಖಾಲಿದ್ ಷರೀಫ್ ಸಾಬ್ ಕಾನವಳ್ಳಿ ಅವರು ಶಿರಸಿ, ಬನವಾಸಿ, ಯಲ್ಲಾಪುರ, ಕಾರವಾರ, ಕುಮಟಾ, ಹಳಿಯಾಳದಲ್ಲಿ ಬೈಕ್ ಕದ್ದಿರುವುದು ಗೊತ್ತಾಗಿದೆ. ಅಂಕೋಲಾ ಬಸ್ ನಿಲ್ದಾಣದ ಬಳಿ ನಡೆದಿದ್ದ ದ್ವಿಚಕ್ರ ವಾಹನ ಕಳ್ಳತನ ಪ್ರಕರಣವನ್ನು ಭೇದಿಸುವಲ್ಲಿ ಯಶಸ್ವಿಯಾಗಿರುವ ಪೊಲೀಸರು ಹತ್ತಕ್ಕೂ ಹೆಚ್ಚು ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಖಾಲಿದ ಷರೀಫ್ ಸಾಬ್ ಕನವಳ್ಳಿ ಅವರನ್ನು ಜೈಲಿಗೆ ಕಳುಹಿಸಿದ್ದಾರೆ. ಜೂನ್ 26 ರಂದು ಬೆಳಿಗ್ಗೆ ಅಂಕೋಲಾ ಬಸ್ ನಿಲ್ದಾಣದ ನೀರಿನ ಟ್ಯಾಂಕ್ ಬಳಿ ನಿಲ್ಲಿಸಲಾಗಿದ್ದ ಸ್ಕೂಟರ್ ಕಳ್ಳತನವಾಗಿತ್ತು. ಈ ಕುರಿತು ಸಲ್ಲಿಕೆಯಾಗಿದ್ದ ದೂರಿನ ಅನ್ವಯ ಪ್ರಕರಣ ದಾಖಲಿಸಿಕೊಂಡಿದ್ದ ಪೊಲೀಸರು, ತನಿಖೆಗಾಗಿ ವಿಶೇಷ ತಂಡವನ್ನು ರಚಿಸಿದ್ದರು. ಜುಲೈ 8ರಂದು ಸಿಸಿಟಿವಿ ದೃಶ್ಯಾವಳಿಗಳು ಹಾಗೂ ಸಿಕ್ಕ ಖಚಿತ ಮಾಹಿತಿಯ ಆಧಾರದ ಮೇಲೆ ಕಾರ್ಯಾಚರಣೆ ನಡೆಸಿದ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ. ತೀವ್ರ ವಿಚಾರಣೆಯ ವೇಳೆ ಆತ ತಾನೇ ಬೈಕ್ ಕದ್ದಿರುವುದನ್ನು ಒಪ್ಪಿಕೊಂಡಿದ್ದು, ಆತನಿಂದ ಕಳ್ಳತನವಾಗಿದ್ದ ಸ್ಕೂಟರ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಪ್ರಸ್ತುತ ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ನ್ಯಾಯಾಂಗ ಬಂಧನ ವಿಧಿಸಲಾಗಿದೆ. ಜಿಲ್ಲಾ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ ಹಾಗೂ ಕಾರವಾರ ಉಪವಿಭಾಗದ ಡಿವೈಎಸ್ಪಿ ಗಿರೀಶ ಎಸ್.ವಿ. ಅವರ ಮಾರ್ಗದರ್ಶನದಲ್ಲಿ ಈ ಕಾರ್ಯಾಚರಣೆ ನಡೆದಿದೆ. ಅಂಕೋಲಾ ಪೊಲೀಸ್ ಠಾಣೆಯ ಪಿಐ ಚಂದ್ರಶೇಖರ ಮಠಪತಿ ನೇತೃತ್ವದಲ್ಲಿ, ಪಿಎಸ್‌ಐ ವಿಶ್ವನಾಥ ನಿಂಗೋಳ್ಳಿ, ಲಲಿತಾ ರಜಪೂತ ಹಾಗೂ ಸಿಬ್ಬಂದಿಗಳಾದ ಪ್ರಶಾಂತ್ ನಾಯ್ಕ, ಮಹಾದೇವ ಸಿದ್ದಿ, ಆಸಿಫ್ ಆರ್ ಕೆ. ಮತ್ತು ಗಿರೀಶ ಲಮಾಣಿ ಅವರನ್ನೊಳಗೊಂಡ ತಂಡದವರು ಆರೋಪಿಯನ್ನು ಬಂಧಿಸಿದ್ದಾರೆ.
- [ಕಾಗೇರಿ ಜನ್ಮದಿನ: ಮಕ್ಕಳಿಗೆ ನೀರು ಕುಡಿಸಿದ ಅನಂತಮೂರ್ತಿ](https://mobiletime.in/2026/07/kageris-birthday-ananthamurthy-gives-water-to-children-to-drink/): ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ಜನ್ಮ ದಿನದ ಅಂಗವಾಗಿ ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಶಿರಸಿಯ ಕೋಳಿಗಾರ ಸರ್ಕಾರಿ ಶಾಲಾ ಮಕ್ಕಳಿಗೆ ನೀರು ಕುಡಿಸಿದ್ದಾರೆ. ಜೊತೆಗೆ ಆ ಶಾಲಾ ಮಕ್ಕಳಿಗೆ ಅಗತ್ಯವಿರುವ ಕುಡಿಯುವ ನೀರಿನ ಪಿಲ್ಟರ್’ನ್ನು ದೇಣಿಗೆಯಾಗಿ ನೀಡಿದ್ದಾರೆ. `ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ಜನ್ಮ ದಿನದಂದು ಶಾಲೆಗೆ ನೀರಿನ ಪಿಲ್ಟರ್ ಕೊಡುಗೆ ನೀಡಿರುವುದು ಹೆಮ್ಮೆಯ ಸಂಗತಿ. ಕಾಗೇರಿ ಅವರಿಗೆ ಇನ್ನಷ್ಟು ಅಭಿವೃದ್ಧಿ ಕೆಲಸ ಮಾಡುವ ಅವಕಾಶ ಸಿಗಲಿ’ ಎಂದು ಈ ವೇಳೆ ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. ಈ ವೇಳೆ `ಈ ಶಾಲೆಯ ಅಡುಗೆ ಕೋಣೆಯ ಕಟ್ಟಡಕ್ಕೆ ನಿರ್ಮಾಣಕ್ಕೆ ಹಣಕಾಸಿನ ಅವಶ್ಯಕತೆ ಇದೆ’ ಎಂದು ಶಾಲೆಯವರು ಹೇಳಿದ್ದಾರೆ. `ಕಷ್ಟದಲ್ಲಿರುವ ಎಲ್ಲರಿಗೂ ನಾನು ಸಹಾಯ ಮಾಡುತ್ತಿದ್ದು, ಕಟ್ಟಡ ನಿರ್ಮಾಣಕ್ಕೂ ನೆರವು ನೀಡುವೆ’ ಎಂದು ಅನಂತಮೂರ್ತಿ ಹೆಗಡೆ ಅವರು ಘೋಷಿಸಿದ್ದಾರೆ. ಶಾಲೆಯ ಎಸ್ ಡಿ ಎಂ ಸಿ ಅಧ್ಯಕ್ಷ ಶ್ರೀನಿವಾಸ ಹೆಗಡೆ ಮಾತನಾಡಿ `ನಾವು ಗಳಿಸುವ ಆಸ್ತಿ ಮತ್ತು ಹಣ ಶಾಶ್ವತವಲ್ಲ. ಆದರೆ, ನಾವು ಮಾಡುವ ಸಮಾಜ ಸೇವೆ ಹಾಗೂ ಹುಟ್ಟಿನಿಂದ ಸಾಯುವವರೆಗೆ ಮಾಡುವ ಸಾಧನೆಗಳು ಜೀವನದಲ್ಲಿ ಶಾಶ್ವತವಾಗಿ ಉಳಿಯುತ್ತವೆ’ ಎಂದಿದ್ದಾರೆ. ಈ ಸಂದರ್ಭದಲ್ಲಿ ಗ್ರಾ ಪಂ ಮಾಜಿ ಸದಸ್ಯರಾದ ವಿನಾಯಕ ಭಟ್, ಶಾಲೆಯ ಎಸ್.ಡಿ.ಎಂ.ಸಿ ಉಪಾಧ್ಯಕ್ಷರಾದ ರಮ್ಯಾ ಹೆಗಡೆ, ಶಾಲೆಯ ಮುಖ್ಯೋಪಾಧ್ಯಾಯರಾದ ಸುರೇಖಾ ಜಿ ಕೊಡಸರ, ಶಿಕ್ಷಕಿ ಸುಧಾ ಎಸ್. ಹೆಗಡೆ, ಮಹಾಬಲೇಶ್ವರ್ ಹೆಗಡೆ ಇದ್ದರು.
- [ಜಾನುವಾರು ವೇಷದಲ್ಲಿ ಬಂದ ಜವರಾಯ!](https://mobiletime.in/2026/07/yama-arrived-in-the-guise-of-cattle/): ಕಾರವಾರ ಅರಗಾದ ಮಹೇಂದ್ರ ಗುನಗಿ ಅವರು ಸಂಚರಿಸುತ್ತಿದ್ದ ಬೈಕಿಗೆ ದನ ಅಡ್ಡ ಬಂದಿದೆ. ಬೈಕಿನಿಂದ ಬಿದ್ದು ಗಾಯಗೊಂಡ ಅವರು ಸಾವನಪ್ಪಿದ್ದಾರೆ. ಕಾರವಾರದ ಚಿತ್ತಾಕುಲದ ಬಳಿ ಜುಲೈ 9ರ ರಾತ್ರಿ 8 ಗಂಟೆ ವೇಳೆಗೆ ಈ ಅಪಘಾತ ನಡೆದಿದೆ. ಬಿಣಗಾದ ವಿಜಯಾ ದೇವಿದಾಸ ನಾಯ್ಕ ಹಾಗೂ ಅರಗಾದ ಮಹೇಂದ್ರ ಲಕ್ಷಣ ಗುನಗಿ ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಮಾಜಾಳಿಯ ಗಾಂವಕೇರಿ ಕ್ರಾಸಿನ ಬಳಿ ಅವರ ಬೈಕಿಗೆ ದನ ಗುದ್ದಿತು. ಪರಿಣಾಮ ಬೈಕು ನೆಲಕ್ಕೆ ಅಪ್ಪಳಿಸಿದ್ದು, ಸವಾರರಿಬ್ಬರು ಪೆಟ್ಟು ಮಾಡಿಕೊಂಡರು. ಈ ಅಪಘಾತದಲ್ಲಿ ಮಹೇಂದ್ರ ಗುನಗಿ ಅವರ ತಲೆಗೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ಅಪಾರ ರಕ್ತ ಸೋರಿದ ಕಾರಣ ಅವರನ್ನು ಕಾರವಾರದ ಸರ್ಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಆದರೆ, ಅದರಿಂದ ಪ್ರಯೋಜನವಾಗಿಲ್ಲ. ಮಹೇಂದ್ರ ಗುನಗಿ ಅವರು ಈ ದಿನ ಸಾವನಪ್ಪಿದರು.
- [ಎನ್ಯುಮರೇಷನ್ ಫಾರ್ಮ್: ಗೊಂದಲಗಳಿದ್ದರೆ ಇಲ್ಲಿ ಫೋನ್ ಮಾಡಿ](https://mobiletime.in/2026/07/enumeration-form-call-here-if-there-is-any-confusion/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮತದಾರರ ಪಟ್ಟಿ ಪರಿಷ್ಕರಣೆ ಕಾರ್ಯ ಜೋರಾಗಿ ನಡೆದಿದ್ದು, ಮನೆ ಮನೆಗೂ ಎನ್ಯುಮರೇಷÀನ್ ಫಾರ್ಮ್ ವಿತರಣೆ ಮುಂದುವರೆದಿದೆ. ಎನ್ಯುಮರೇಷನ್ ಫಾರ್ಮ್ ಪಡೆದವರಿಗೆ ಅದನ್ನು ಭರ್ತಿ ಮಾಡುವಲ್ಲಿ ಗೊಂದಲ ಆದರೆ 08382-1950ಗೆ ಫೋನ್ ಮಾಡುವಂತೆ ಜಿಲ್ಲಾಡಳಿತ ಸೂಚಿಸಿದೆ. ಶುಕ್ರವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಜಿಲ್ಲಾಧಿಕಾರಿ ಕೆ ಲಕ್ಷಿö್ಮÃಪ್ರಿಯಾ ಅವರು ರಾಜಕೀಯ ಪಕ್ಷಗಳ ಪ್ರತಿನಿಧಿಗಳ ಸಭೆ ನಡೆಸಿದ್ದು, `ಈ ಫಾರಂ ಗಳನ್ನು ಭರ್ತಿ ಮಾಡುವಲ್ಲಿ ಯಾವುದೇ ಗೊಂದಲಗಳಿದ್ದಲ್ಲಿ ಮತದಾರರ ಸಹಾಯವಾಣಿ ಸಂಖ್ಯೆ 08382-1950 ಗೆ ಸಂಪರ್ಕಿಸಿ’ ಎಂದು ಸೂಚಿಸಿದ್ದಾರೆ. `ಈಗಾಗಲೇ ಬಿ.ಎಲ್.ಓ ಗಳು ಮನೆಗಳಿಗೆ ವಿತರಿಸಿರುವ ಎನ್ಯುಮರೇಷÀನ್ ಫಾರ್ಮ್ಗಳನ್ನು ಭರ್ತಿ ಮಾಡಲು ನೆರವಾಗುವ ಉದ್ದೇಶದಿಂದ ಎಲ್ಲಾ ಮತಗಟ್ಟೆಗಳಲ್ಲಿ ಜಿಲ್ಲಾ ಪಂಚಾಯತ್ ವತಿಯಿಂದ ಮತದಾರರ ಸಹಾಯ ಕೇಂದ್ರಗಳನ್ನು ತೆರೆಯಲಾಗಿದ್ದು, ಈ ಕೇಂದ್ರಗಳ ನೆರವು ಪಡೆಯುವಂತೆ ಹಾಗೂ ಮತದಾರರ ಉಚಿತ ಸಹಾಯವಾಣಿ ಸಂಖ್ಯೆ 08382-1950 ಗೆ ಕರೆ ಮಾಡಿ ಗೊಂದಲಗಳನ್ನು ಬಗೆಹರಿಸಿಕೊಳ್ಳಬೇಕು’ ಎಂದವರು ಹೇಳಿದ್ದಾರೆ. `ಜಿಲ್ಲೆಯ ಮತದಾರರ ಪಟ್ಟಿಯಲ್ಲಿ ಹೆಸರು ಇದ್ದು, ಜಿಲ್ಲೆಯಿಂದ ವಲಸೆ ಹೋಗಿರುವವರ ಮನೆಗಳಿಗೆ ಕೂಡಾ ಎನ್ಯುಮರೇಷÀನ್ ಫಾರ್ಮ್ಗಳನ್ನು ವಿತರಣೆ ಮಾಡಲಾಗಿದ್ದು, ಇಂತಹ ಮತದಾರರು ಆನ್‌ಲೈನ್ ಮೂಲಕ ಕೂಡಾ ತಮ್ಮ ಫಾರಂ ಭರ್ತಿ ಮಾಡಿ ಸಲ್ಲಿಸಬಹುದಾಗಿದ್ದು, ಕರಡು ಮತದಾರರ ಪಟ್ಟಿ ಪ್ರಕಟವಾದ ನಂತರ ಅಗತ್ಯವಿದ್ದಲ್ಲಿ ಹೆಸರುಗಳನ್ನು ವರ್ಗಾವಣೆ ಮಾಡಿಸಿಕೊಳ್ಳಬಹುದಾಗಿದೆ. ಎನ್ಯುಮರೇಷನ್ ಫಾರ್ಮ್ ವಿತರಣೆಯಾಗಿರುವ ಪ್ರತಿಯೊಬ್ಬರೂ ಅವುಗಳನ್ನು ಭರ್ತಿ ಮಾಡಿ ಹಿಂದಿರುಗಿಸುವುದು ಕಡ್ಡಾಯ’ ಎಂದವರು ಹೇಳಿದ್ದಾರೆ. `ಜಿಲ್ಲೆಯಲ್ಲಿ ಮತದಾರರ ಪಟ್ಟಿ ಸಮಗ್ರ ಪರಿಷ್ಕರಣೆ ಕಾರ್ಯದ ಪ್ರಗತಿಯ ಕುರಿತ ಸಂಪೂರ್ಣ ವರದಿಗಳನ್ನು ನಿಗಧಿತವಾಗಿ ಎಲ್ಲಾ ರಾಜಕೀಯ ಪಕ್ಷಗಳಿಗೆ ನೀಡಲಾಗುತ್ತಿದ್ದು, ಈವರೆಗಿನ ಮನೆ ಮನೆ ಭೇಟಿಯ ಸಂದರ್ಭದಲ್ಲಿ ಕಂಡು ಬಂದಿರುವ, ಸ್ಥಳಾಂತರ, ಮರಣ ಹಾಗೂ ದ್ವಿಪ್ರತಿ ಪ್ರಕರಣ ಸೇರಿದಂತೆ ಮತ್ತಿತರ ವಿವರಗಳನ್ನು ತಮ್ಮ ಪಕ್ಷಗಳ ಬಿ.ಎಲ್.ಎ ಗಳಿಂದ ಪರಿಶೀಲಿಸಿಕೊಂಡು ಇದರಲ್ಲಿ ಯಾವುದೇ ಗೊಂದಲಗಳಿದ್ದಲ್ಲಿ ಬಗೆಹರಿಸಿಕೊಳ್ಳುವಂತೆ ಮತ್ತು ಮತದಾರರ ಪಟ್ಟಿ ಸಮಗ್ರ ಪರಿಷ್ಕÀ್ಕರಣೆ ಕಾರ್ಯದ ಸಂಪೂರ್ಣ ಯಶಸ್ಸಿಗೆ ಅಗತ್ಯ ಸಹಕಾರ ನೀಡಬೇಕು’ ಎಂದವರು ಕೋರಿದ್ದಾರೆ. ಈ ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಕಾಂಗ್ರೆಸ್ ಪಕ್ಷದ ಜಿಲ್ಲಾ ಉಪಾಧ್ಯಕ್ಷ ಕೆ. ಶಂಭುಶೆಟ್ಟಿ, ಸಿ.ಪಿ.ಐ(ಎಂ) ನ ಶಾಂತಾರಾಮ ನಾಯಕ್, ಸಿ.ಪಿ.ಎಂ ನ ಯಮುನಾ ಗಾಂವಕರ್, ಬಿಜೆಪಿಯ ಎನ್.ಎಸ್.ಹೆಗಡೆ, ಜೆ.ಡಿ.ಎಸ್ ನ ಸೂರಜ್ ನಾಯ್ಕ ಸೋನಿ, ಉದಯ ಭೋವಿ, ಚುನಾವಣಾ ಶಾಖೆಯ ಶಿರಸ್ತೇದಾರ್ ಶೇಖ್ ಮತ್ತಿತರರು ಇದ್ದರು.
- [ಅವರು ಬರ್ತಿದ್ದಾರೆ.. ನೀವು ಬನ್ನಿ!](https://mobiletime.in/2026/07/they-are-coming-you-come-too/): ರಾಜ್ಯ ವಾಲ್ಮೀಕಿ ಸಮಾಜದ ಸಮಾನ ಮನಸ್ಕರ ವೇದಿಕೆಯ ಅಧ್ಯಕ್ಷ ವಿ ಎಸ್ ಉಗ್ರಪ್ಪ ಅವರು ಜುಲೈ 12ಕ್ಕೆ ಕಾರವಾರಕ್ಕೆ ಬರಲಿದ್ದಾರೆ. ಇಲ್ಲಿನ ಕನ್ನಡ ಭವನದಲ್ಲಿ ಅವರು ಸಮಾನ ಮನಸ್ಕರ ಜೊತೆ ಚಿಂತನ-ಮoಥನ ಸಭೆಯನ್ನು ನಡೆಸಲಿದ್ದಾರೆ. ಉಗ್ರಪ್ಪ ಅವರು ವಿಧಾನ ಪರಿಷತ್ ವಿರೋಧ ಪಕ್ಷದ ನಾಯಕರಾಗಿ ಅಪಾರ ಅನುಭವಹೊಂದಿದ್ದು, ಸಂಸದರಾಗಿಯೂ ಉತ್ತಮ ಕಾರ್ಯ ನಿರ್ವಹಿಸಿದ್ದಾರೆ. ಅವರ ಅನುಭವದ ಆಧಾರದಲ್ಲಿ ಹೊಸ ಬಗೆಯ ಹೋರಾಟದ ರೂಪುರೇಷೆ ನಡೆಸಲು ಅವರು ಚಿಂತನೆ ಮಾಡಿದ್ದಾರೆ. ಕರ್ನಾಟಕ ರಾಜ್ಯದ ಜನಸಂಖ್ಯೆಯಲ್ಲಿ ಪರಿಶಿಷ್ಟ ಜಾತಿ ಜನ ಸಂಖ್ಯೆ ಶೇ 17.1 ಮತ್ತು ಪರಿಶಿಷ್ಟ ಪಂಗಡ ಜನ ಸಂಖ್ಯೆ ಶೇ 6.95ರಷ್ಟಿದೆ. ಅದಕ್ಕೆ ಅನುಗುಣವಾಗಿ ರಾಜಕೀಯ ಮೀಸಲಾತಿ ಸಿಕ್ಕಿಲ್ಲ. ಉದ್ಯೋಗ ಮೀಸಲಾತಿಗಳು ಸಹ ಜನ ಸಂಖ್ಯೆಯ ಆಧಾರವಾಗಿಲ್ಲ. ಈ ಹಿನ್ನಲೆ ಸಮಾನ ಮನಸ್ಕರ ಸಭೆ ನಡೆಸಿ ಸಮುದಾಯದ ಜನರ ಜೊತೆ ಚರ್ಚಿಸಲು ಉಗ್ರಪ್ಪ ಅವರು ಕಾರವಾರಕ್ಕೆ ಆಗಮಿಸುತ್ತಿದ್ದಾರೆ. ಈ ಹಿನ್ನಲೆ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ತಾಲೂಕಿನ ಪರಿಶಿಷ್ಟ ಜಾತಿ ಮತ್ತು ಪಂಗಡದ ನಾಯಕರು, ಮುಖಂಡರು, ಸಮುದಾಯದ ಸದಸ್ಯರು ಈ ಸಭೆಯಲ್ಲಿ ಭಾಗವಹಿಸಿ ತಮ್ಮ ಅಭಿಪ್ರಾಯ ಮಂಡಿಸುವುದು ಮುಖ್ಯವಾಗಿದೆ. ಜಿಲ್ಲಾ ಪರಿಶಿಷ್ಟ ಪಂಗಡ ನೌಕರರ ಜಿಲ್ಲಾಧ್ಯಕ್ಷ ಗಣೇಶ್ ಬಿಷ್ಠಣ್ಣನವರ ಹಾಗೂ ಉತ್ತರ ಕನ್ನಡ ಜಿಲ್ಲಾ ಶ್ರೀ ಮಹರ್ಷಿ ವಾಲ್ಮೀಕಿ ನಾಯಕ ಪರಿಶಿಷ್ಟ ಪಂಗಡಗಳ ಸಂಘದ ಜಿಲ್ಲಾ ಅಧ್ಯಕ್ಷ ನಾಗರಾಜ ತಳವಾರ ಅವರು ಈ ಕಾರ್ಯಕ್ರಮಕ್ಕೆ ಆಗಮಿಸುವಂತೆ ಮನವಿ ಮಾಡಿದ್ದಾರೆ.
- [ಕಸಾಪ ಅಧ್ಯಕ್ಷನೇ ಪಹರೆಗೂ ಗೌರವಾಧ್ಯಕ್ಷ!](https://mobiletime.in/2026/07/kasapa-president-himself-becomes-the-honorary-president-of-the-pahare/): ಕಾರವಾರದ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷರಾಗಿರುವ ರಾಮಾ ನಾಯ್ಕ ಅವರು ಪಹರೆ ವೇದಿಕೆಯ ಗೌರವಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ನಿರಂತರ ಸ್ವಚ್ಛತಾ ಆಂದೋಲನ ನಡೆಸುತ್ತಿರುವ ಪಹರೆ ವೇದಿಕೆಯೂ ರಾಮಾ ನಾಯ್ಕ ಅವರಿಗೆ ಹೆಚ್ಚಿನ ಜವಾಬ್ದಾರಿ ನೀಡಿದೆ. ರಾಮಾ ನಾಯ್ಕ ಅವರು ಕಳೆದ 10 ವರ್ಷದಿಂದ ಪಹರೆ ವೇದಿಕೆಯಲ್ಲಿದ್ದಾರೆ. ಪ್ರತಿ ಶನಿವಾರ ನಡೆಯುವ ಸ್ವಚ್ಛತಾ ಕಾರ್ಯದಲ್ಲಿ ಅವರು ತಪ್ಪದೇ ಭಾಗವಹಿಸುತ್ತಿದ್ದಾರೆ. ತಮ್ಮ ಜೊತೆ ಇನ್ನಿತರರ ಸ್ವಯಂ ಸೇವಕರನ್ನು ಸ್ವಚ್ಛತಾ ಕೆಲಸಕ್ಕಾಗಿ ಸೇರಿಸುತ್ತಿದ್ದಾರೆ. ಪರಿಸರ, ಸಾಹಿತ್ಯ ಸೇರಿ ವಿವಿಧ ವಿಷಯಗಳಲ್ಲಿ ರಾಮಾ ನಾಯ್ಕ ಅವರು ಆಸಕ್ತರಾಗಿದ್ದಾರೆ. ಅವರ ಈ ಎಲ್ಲಾ ಸ್ವಭಾವ ಮನಗಂಡು ಪಹರೆ ವೇದಿಕೆಯ ರೂವಾರಿ, ನ್ಯಾಯವಾದಿ ನಾಗರಾಜ ನಾಯಕ ಅವರು ಹೊಸ ಜವಾಬ್ದಾರಿ ನೀಡಿದ್ದಾರೆ. ಪಹರೆ ವೇದಿಕೆಯೂ ಪ್ರತಿ ವರ್ಷ ಗೌರವಾಧ್ಯಕ್ಷರನ್ನಾಗಿ ಹಿರಿಯ ಸದಸ್ಯರನ್ನ ನೇಮಕ ಮಾಡುತ್ತಾ ಬಂದಿದೆ. ಕಳೆದ ಅವಧಿಯಲ್ಲಿ ಉದ್ಯಮಿ ಜಾರ್ಜ್ ಫರ್ನಾಂಡಿಸ್ ಗೌರವಾಧ್ಯಕ್ಷರಾಗುವ ಮೂಲಕ ಸಂಘಟನೆಯಲ್ಲಿ ಉತ್ತಮ ಕೆಲಸವನ್ನ ಮಾಡಿದ್ದರು. ಈವರೆಗೆ 8 ಜನ ಪಹರೆ ವೇದಿಕೆಯ ಗೌರವಧ್ಯಕ್ಷರಾಗಿದ್ದು, 9ನೇ ಗೌರವಾಧ್ಯಕ್ಷರಾಗಿ ರಾಮ ನಾಯ್ಕ ಅವರು ಆಯ್ಕೆ ಆಗಿದ್ದಾರೆ. ಪಹರೆ ಕಾರ್ಯಕಾರಿಣಿ ಸದಸ್ಯರು ಸರ್ವಾನುಮತದಿಂದ ಈ ಆಯ್ಕೆ ಮಾಡಿದ್ದಾರೆ. ಈ ದಿನ ನಡೆದ ಸಭೆಯಲ್ಲಿ ಮುಂದಿನ ಒಂದು ವರ್ಷ ಸಂಘಟನೆಯ ಕಾರ್ಯಚಟುವಟಿಕೆ ಹಾಗೂ ಕಾರವಾರ ಸೇರಿದಂತೆ ಜಿಲ್ಲೆಯಲ್ಲಿ ಸ್ವಚ್ಚತೆ ಜಾಗೃತಿ ಮೂಡಿಸಲು ಮಾಡಬೇಕಾದ ಕೆಲಸದ ಬಗ್ಗೆ ಚರ್ಚಿಸಲಾಗಿದೆ. ಈ ಸಂದರ್ಭದಲ್ಲಿ ಸಂಘಟನೆಯ ಕಾರ್ಯದರ್ಶಿ ಟಿ ಬಿ ಹರಿಕಾಂತ್, ಖಜಾಂಚಿ ಎಲ್ ಎಸ್ ಫರ್ನಾಂಡಿಸ್, ಸದಸ್ಯರಾದ ಜಿ ಡಿ ಮನೋಜೆ, ಅಜಯ್ ಸಾಹುಕಾರ್, ಸದಾನಂದ ಮಾಂಜ್ರೇಕರ್, ಶಿವಾನಂದ ಶ್ಯಾನಭಾಗ, ಸಂತೋಷ್ ವೆರ್ಣೇಕರ್, ಖೈರುನ್ನೀಸಾ, ಸುಜಾತಾ ಥಾಮ್ಸೆ, ಸಂದೀಪ್ ಸಾಗರ್ ಸಮ್ಮುಖದಲ್ಲಿ ರಾಮಾ ನಾಯ್ಕ ಅವರಿಗೆ ಜವಾಬ್ದಾರಿ ನೀಡಲಾಗಿದೆ.
- [ಹೊಂಡ ಮುಚ್ಚದೇ ಓಡಿ ಹೋದ ಗುತ್ತಿಗೆದಾರ: ಕಠಿಣ ಕ್ರಮಕ್ಕೆ ಆಗ್ರಹ](https://mobiletime.in/2026/07/contractor-fled-without-filling-the-pit-demand-for-strict-action/): `ಯಲ್ಲಾಪುರದಲ್ಲಿ ಹಾದು ಹೋದ ರಾಷ್ಟಿಯ ಹೆದ್ದಾರಿ ಪಕ್ಕದಲ್ಲಿ ಪೈಪ್‌ಲೈನ್ ಅಳವಡಿಕೆಗೆ ಕಾನೂನುಬಾಹಿರವಾಗಿ ಹೊಂಡ ತೋಡಿದ್ದು, ಅದನ್ನು ಸರಿಯಾಗಿ ಮುಚ್ಚದ ವಾಹನಗಳ ಓಡಾಟಕ್ಕೆ ಸಮಸ್ಯೆಯಾಗಿದೆ. ಸಾರ್ವಜನಿಕರಿಗೆ ಸಮಸ್ಯೆ ಮಾಡಿದ ಗುತ್ತಿಗೆದಾರನ ವಿರುದ್ಧ ಕ್ರಿಮಿನಲ್ ಪ್ರಕರಣ ದಾಖಲಿಸಬೇಕಿದೆ’ ಎಂದು ಉತ್ತರ ಕನ್ನಡ ಲಾರಿ ಮಾಲಕರ ಸಂಘದವರು ಪೊಲೀಸರಲ್ಲಿ ಆಗ್ರಹಿಸಿದ್ದಾರೆ. `ಯಲ್ಲಾಪುರದ ಕೋಳಿಕೇರೆಯಿಂದ ಕಿರವತ್ತಿಯವರೆಗೆ ರಸ್ತೆ ಪಕ್ಕ ಪೈಪ್‌ಲೈನ್ ಅಳವಡಿಕೆಗೆ ಹೊಂಡ ತೆಗೆಯಲಾಗಿದೆ. ಕಾಮಗಾರಿ ಮುಗಿದ ನಂತರ ಆ ಹೊಂಡ ಮುಚ್ಚುವ ಕೆಲಸ ನಡೆದಿಲ್ಲ. ಮೇಲ್ಮೆöÊ ಮಾತ್ರ ಮಣ್ಣು ಹಾಕಿದ್ದರಿಂದ ಅಲ್ಲಿ ಅನೇಕ ವಾಹನಗಳು ಸಿಲುಕುತ್ತಿವೆ. ಜನರ ಸುರಕ್ಷತೆಗೆ ಸಮಸ್ಯೆಯಾಗಿದ್ದು, ಕೂಡಲೇ ಕ್ರಮ ಜರುಗಿಸಬೇಕು’ ಎಂದು ಸಂಘದವರು ಒತ್ತಾಯಿಸಿದ್ದಾರೆ. `ಈ ಮಾರ್ಗದಲ್ಲಿ ಸೂಕ್ತ ಎಚ್ಚರಿಕಾ ಫಲಕ ಅಳವಡಿಸಬೇಕು. ಅಗತ್ಯವಿರುವ ಕಡೆ ಬ್ಯಾರಿಕೆಟ್ ಹಾಕಬೇಕು. ಚಾಲಕರ ಜೀವಕ್ಕೆ ಸಮಸ್ಯೆ ಆಗುವ ರೀತಿ ವರ್ತಿಸಿದವರ ವಿರುದ್ಧ ಕಾನೂನು ಕ್ರಮವಾಗಬೇಕು’ ಎಂದು ಆಗ್ರಹಿಸಿದರು. `ಇಲ್ಲಿ ಯಾವುದೇ ಅಪಘಾತ ನಡೆದರೆ ಅಪಾಯ ಸೃಷ್ಠಿಸಿದ ಗುತ್ತಿಗೆದಾರರನ್ನು ಹೊಣೆಗಾರರನ್ನಾಗಿ ಮಾಡಬೇಕು. ಗಾಯಗೊಂಡವರ ಚಿಕಿತ್ಸೆ ವೆಚ್ಚದ ಜೊತೆ ರಕ್ಷಣಾ ಕಾರ್ಯಾಚರಣೆಯ ಸಂಪೂರ್ಣ ವೆಚ್ಚವನ್ನು ಗುತ್ತಿಗೆದಾರರಿಂದಲೇ ಭರಿಸಬೇಕು’ ಎಂದು ಒತ್ತಾಯಿಸಿದರು. `ಕಾನೂನು ಹಾಗೂ ಸುವ್ಯವಸ್ಥೆ ಕಾಪಾಡುವ ನಿಟ್ಟಿನಲ್ಲಿ ಪೊಲೀಸರು ಈ ಸಮಸ್ಯೆ ಗಮನಿಸಿ ಕ್ರಮ ಜರುಗಿಸಬೇಕು. ಕೂಡಲೇ ಸ್ಥಳ ಪರಿಶೀಲನೆ ನಡೆಸಿ, ಸರಿಯಾದ ರೀತಿ ಕಾಲುವೆ ಮುಚ್ಚಿಸಬೇಕು’ ಎಂದು ಮನವಿ ಸಲ್ಲಿಸಿದರು. ಪಿಸೈ ರಾಜಶೇಖರ ವಂದಲಿ ಅವರು ಮನವಿ ಸ್ವೀಕರಿಸಿ, ಕ್ರಮ ಜರುಗಿಸುವ ಭರವಸೆ ನೀಡಿದರು. ಯಲ್ಲಾಪುರ ಲಾರಿ ಮಾಲಕರ ಸಂಘದ ಅಧ್ಯಕ್ಷ ಸುಜಯ್ ಮರಾಠಿ, ಸಂಘಟನೆ ಗೌರವಾಧ್ಯಕ್ಷ ಮಹೇಶ್ ನಾಯ್ಕ, ಸಂಘಟನೆ ಜಿಲ್ಲಾ ಉಪಾಧ್ಯಕ್ಷ ಖಾಜಾ, ಪ್ರಮುಖರಾದ ಅತ್ತಾರ, ರಾಜೇಶ್ ನಾಯ್ಕ, ಮುರಳಿ ರಾವಲ್ ಇದ್ದರು.
- [ಉರುಳಿ ಬಿದ್ದ ಗ್ಯಾಸ್ ಟ್ಯಾಂಕರ್!](https://mobiletime.in/2026/07/gas-tanker-overturns/): ಅoಕೋಲಾ-ಹುಬ್ಬಳ್ಳಿ ಮಾರ್ಗವಾಗಿ ಸಂಚರಿಸುತ್ತಿದ್ದ ಗ್ಯಾಸ್ ಟ್ಯಾಂಕರ್ ಯಲ್ಲಾಪುರದಲ್ಲಿ ಅಪಘಾತಕ್ಕೀಡಾಗಿದೆ. ಟ್ಯಾಂಕರಿನಿoದ ಗ್ಯಾಸ್ ಸೋರಿಕೆ ಆಗಿಲ್ಲ. ಮಂಗಳೂರು ಕಡೆಯಿಂದ ಹೊರಟ ಗ್ಯಾಸ್ ಟ್ಯಾಂಕರಿನಲ್ಲಿ ಎಲ್ ಪಿ ಜಿ ಅಡುಗೆ ಅನಿಲ ತುಂಬಿತ್ತು. ಅಂಕೋಲಾ ದಾಟಿ ಯಲ್ಲಾಪುರ ಪ್ರವೇಶಿಸುವ ಮುನ್ನ ಆ ಟ್ಯಾಂಕರ್ ಆರತಿ ಬೈಲ್ ಘಟ್ಟ ಪ್ರದೇಶದಲ್ಲಿ ಪಲ್ಟಿಯಾಯಿತು. ಅಪಾಯದ ಬಗ್ಗೆ ಅರಿವಿದ್ದರೂ ಚಾಲಕ ಟ್ಯಾಂಕರನ್ನು ವೇಗವಾಗಿ ಚಲಿಸಿದ್ದು ಅವಘಡಕ್ಕೆ ಮುಖ್ಯ ಕಾರಣ. ಟ್ಯಾಂಕರ್ ಬಿದ್ದ ಪರಿಣಾಮ ಆ ಭಾಗದ ಜನ ಆತಂಕಕ್ಕೆ ಒಳಗಾದರು. ಸುದ್ದಿ ತಿಳಿದು ಸ್ಥಳಕ್ಕೆ ಆಗಮಿಸಿದ ತಜ್ಞರು ಟ್ಯಾಂಕರಿನಿAದ ಗ್ಯಾಸ್ ಸೋರಿಕೆ ಆಗದಿರುವುದನ್ನು ದೃಢಪಡಿಸಿದರು. ಗ್ಯಾಸ್ ಸೋರಿಕೆ ಆಗದ ಕಾರಣ ಜನ ನಿರಾಳರಾದರು. ಅದಾದ ನಂತರ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಸಂಚಾರ ದಟ್ಟಣೆ ನಿಯಂತ್ರಿಸುವ ಕೆಲಸ ಮಾಡಿದರು. ಸದ್ಯ ಹೆದ್ದಾರಿ ಮೇಲೆ ಬಿದ್ದಿದ್ದ ಟ್ಯಾಂಕರನ್ನು ರಸ್ತೆ ಬದಿಗೆ ಸರಿಸಲಾಗಿದೆ. ಮತ್ತೊಂದು ಟ್ಯಾಂಕರ್ ಆಗಮಿಸಿದ ಮೇಲೆ ಈ ಟ್ಯಾಂಕರಿನ ಅನಿಲವನ್ನು ಅದಕ್ಕೆ ವರ್ಗಾಯಿಸಲಾಗುತ್ತದೆ.
- [ಪುರೋಹಿತ ಭಟ್ಟರಿಗೆ ಜಲ ಕಂಟಕ!](https://mobiletime.in/2026/07/danger-from-water-for-priest-bhattaru/): ಕುಮಟಾದಲ್ಲಿ ಸುರಿದ ಧಾರಾಕಾರ ಮಳೆಗೆ ಕತಗಾಲಿನ ತೋಟಕ್ಕೆ ನೀರು ನುಗ್ಗಿದ್ದು, ಶಿರಗುಂಜಿಯ ಗೋಪಾಲಕೃಷ್ಣ ಭಟ್ಟರ ಮನೆ ಹಿಂದಿನ ಬಾವಿ ಮುಳುಗಿದೆ. ಆ ಬಾವಿಯೊಳಗೆ ಬಿದ್ದು ಗೋಪಾಲಕೃಷ್ಣ ಭಟ್ಟರು ಸಾವನಪ್ಪಿದ್ದಾರೆ. ಕುಮಟಾ ಕತಗಾಲದ ಶಿರಗುಂಜಿಯಲ್ಲಿ ಗೋಪಾಲಕೃಷ್ಣ ವಿಷ್ಣು ಭಟ್ಟ ಅವರು ವಾಸವಾಗಿದ್ದರು. ಪುರೋಹಿತ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಜೊತೆಗೆ ಗೋಪಾಲಕೃಷ್ಣ ಭಟ್ಟರು ಕೃಷಿಯನ್ನು ಮಾಡಿಕೊಂಡಿದ್ದು, ತೋಟದಲ್ಲಿ ಬಾವಿ ತೋಡಿಸಿದ್ದರು. ಆ ಬಾವಿ ಸುತ್ತ ರಕ್ಷಣಾ ಬೇಲಿ ಇರಲಿಲ್ಲ. ತಡೆಗೋಡೆ ಸಹ ಹಾಕಿರಲಿಲ್ಲ. ಹೀಗಿರುವಾಗ, ಜುಲೈ 9ರಂದು ಕುಮಟಾದಲ್ಲಿ ಸುರಿದ ಭಾರೀ ಪ್ರಮಾಣದ ಮಳೆ ಅವರ ಬದುಕಿಗೆ ಮಾರಕವಾಯಿತು. ಆ ದಿನ ಗೋಪಾಲಕೃಷ್ಣ ಭಟ್ಟರು ತೋಟದ ಕೆಲಸಕ್ಕೆ ಹೋಗಿದ್ದರು. ಮಳೆಯಲ್ಲಿ ಸಿಲುಕಿದ ಅವರು ಮನೆ ಕಡೆ ಹೊರಡಲು ನಿರ್ಧರಿಸಿದರು. ಜೋರಾದ ಮಳೆಗೆ ತೋಟದ ಬಾವಿ ತುಂಬಿಕೊAಡಿದ್ದು, ಬಾವಿಗೆ ಸಮನಾಂತರವಾಗಿ ನೀರು ಹರಿಯುತ್ತಿತ್ತು. ಗೋಪಾಲಕೃಷ್ಣ ಭಟ್ಟರು ಅದೇ ನೀರಿನಲ್ಲಿ ಹೆಜ್ಜೆ ಹಾಕುತ್ತ ಬಂದವರು ಬಾವಿಯ ಬಗ್ಗೆ ಅರಿವಿಲ್ಲದೇ ಅಲ್ಲಿ ಕಾಲಿಟ್ಟರು. ಆಳವಾದ ಬಾವಿಗೆ ಬಿದ್ದ ಅವರಿಂದ ಮೇಲೆ ಬರಲು ಸಾಧ್ಯವಾಗಲಿಲ್ಲ. ನೀರನ್ನೇ ಉಸಿರಾಡಿದ ಪರಿಣಾಮ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಮಧ್ಯಾಹ್ನವಾದರೂ ಗೋಪಾಲಕೃಷ್ಣ ಭಟ್ಟರು ಮನೆಗೆ ಬಾರದ ಕಾರಣ ಅವರ ಪತ್ನಿ ಜಯಲಕ್ಷಿ ಭಟ್ಟ ಅವರು ತೋಟದ ಕಡೆ ಹೊರಟರು. ಆ ಹೊತ್ತಿಗೆ ಮಳೆ ಸ್ವಲ್ಪ ಕಡಿಮೆಯಾಗಿದ್ದು, ಬಾವಿಯ ಬಳಿ ಪತಿಯ ಶವ ಕಂಡರು. ಪತಿ ಸಾವಿನ ಬಗ್ಗೆ ಅವರೇ ಪೊಲೀಸರಿಗೆ ಫೋನ್ ಮಾಡಿ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು. `ನೀರಿರುವ ಸ್ಥಳದ ಕಡೆ ಹೋಗುವಾಗ ಜೋಪಾನ’
- [ಇನ್ಮುಂದೆ ಈತನ ಬಳಿ ಗಾಂಜಾ ಸಿಗಲ್ಲ!](https://mobiletime.in/2026/07/you-wont-get-ganja-from-him-anymore/): ಹಾವೇರಿಯಿಂದ ಶಿರಸಿಗೆ ಬಂದು ಗಾಂಜಾ ಮಾರುತ್ತಿದ್ದ ಸೈಯದ್ ಸಾದಿಕ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಆತನ ಬಳಿಯಿದ್ದ ಗಾಂಜಾ ಜೊತೆ ಬೈಕನ್ನು ಜಪ್ತು ಮಾಡಿದ್ದಾರೆ. ಶಿರಸಿ ಹೊಸ ಮಾರುಕಟ್ಟೆ ಠಾಣೆ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಹಾನಗಲ್ಲ ತಾಲೂಕಿನ ಅಕ್ಕಿಆಲೂರಿನ ಸೈಯದ್ ಸಾದಿಕ್ ತಂದೆ ಮುಜೀಬು (27) ಅವರು ಸಿಕ್ಕಿ ಬಿದ್ದಿದ್ದಾರೆ. ಜುಲೈ 8ರ ರಾತ್ರಿ ಶಿರಸಿ-ಯಲ್ಲಾಪುರ ರಸ್ತೆಯ ಅರಣ್ಯ ನೌಕರರ ಸಮುದಾಯ ಭವನದ ಬಳಿ ಗಾಂಜಾ ಮಾರುತ್ತಿದ್ದಾಗ ಪೊಲೀಸರು ದಾಳಿ ಮಾಡಿದ್ದಾರೆ. ಈ ವೇಲೆ 272 ಗ್ರಾಂ ಗಾಂಜಾ ಸಿಕ್ಕಿದ್ದು, ಗಾಂಜಾ ಸಾಗಾಟಕ್ಕೆ ಬಳಸಿದ್ದ ಪಲ್ಸರ್ ಬೈಕನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಹೆಚ್ಚುವರಿ ಎಸ್‌ಪಿ ಕೃಷ್ಣಮೂರ್ತಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಹಾಗೂ ಸಿಪಿಐ ಸಂಪತ್‌ಕುಮಾರ್ ಸಿ ಅವರ ಸೂಚನೆ ಮೇರೆಗೆ ಪಿಸೈ ಬಸವರಾಜ್ ಕರಶೆಟ್ಟಿ ಮತ್ತು ಗೀತಾ ಜಿ ಕಲಘಟಗಿ ಅವರು ಈ ಕಾರ್ಯಾಚರಣೆ ಮಾಡಿದ್ದಾರೆ. ಅಪರಾಧ ವಿಭಾಗದ ಸಿಬ್ಬಂದಿ ಕೋಟೇಶ್ ನಾಗರೊಳ್ಳಿ, ಸಂದೀಪ್ ನಿಂಬಾಳ್ಕರ್, ರಾಕೇಶ್ ಎನ್ ಎಚ್ ಇತರರು ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದಾರೆ.
- [ಈ ಸಮುದಾಯದವರ ರಿಕ್ಷಾಗೆ ಆ ಊರಿನಲ್ಲಿ ಜಾಗವೇ ಇಲ್ಲ!](https://mobiletime.in/2026/07/there-is-absolutely-no-space-for-this-communitys-rickshaws-in-that-town/): ಕುಮಟಾ ಊರಕೇರಿಯ ಪ್ರಸನ್ನ ಮುಕ್ರಿ ಅವರು ರಿಕ್ಷಾ ಓಡಿಸಿಕೊಂಡು ಬದುಕು ನಡೆಸುತ್ತಿದ್ದು, `ಮುಕ್ರಿ ಸಮುದಾಯದವರು ಇಲ್ಲಿ ರಿಕ್ಷಾ ನಿಲ್ಲಿಸುವ ಹಾಗಿಲ್ಲ’ ಎಂದು ಮೂವರು ತಾಕೀತು ಮಾಡಿದ್ದಾರೆ. ರಿಕ್ಷಾ ಸಂಘದವರ ಸಲಹೆಪಡೆದ ಪ್ರಸನ್ನ ಮುಕ್ರಿ ಅವರು ಸಿದ್ದನಬಾವಿಯ ಶಂಕರ್ ಉಪ್ಪಾರ್, ಗಣಪತಿ ಉಪ್ಪಾರ್ ಹಾಗೂ ರಾಜೇಶ ಉಪ್ಪಾರ್ ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಕುಮಟಾದ ಊರಕೇರಿಯಲ್ಲಿ ಪ್ರಸನ್ನ ಜಟ್ಟಿ ಮುಕ್ರಿ ಅವರು ವಾಸವಾಗಿದ್ದಾರೆ. 24 ವರ್ಷದ ಅವರು ರಿಕ್ಷಾ ಓಡಿಸಿಯೇ ಕುಟುಂಬ ಸಲಹುತ್ತಿದ್ದಾರೆ. ಕುಮಟಾ ಬಸ್ ನಿಲ್ದಾಣ ಬಳಿಯ ರಿಕ್ಷಾ ನಿಲ್ದಾಣದಲ್ಲಿ ಅವರು ಪ್ರಯಾಣಿಕರಿಗಾಗಿ ಕಾದು, ಸೇವೆ ನೀಡುತ್ತಿದ್ದಾರೆ. ಆದರೆ, ಸಿದ್ಧನಬಾವಿಯ ಶಂಕರ್ ದಾಮು ಉಪ್ಪಾರ್, ಗಣಪತಿ ಮಾದೇವ್ ಉಪ್ಪಾರ್ ಹಾಗೂ ರಾಜೇಶ ಉಪ್ಪಾರ್ ಸೇರಿ ಪ್ರಸನ್ನ ಮುಕ್ರಿ ಅವರಿಗೆ ಸಮಸ್ಯೆ ಮಾಡುತ್ತಿದ್ದಾರೆ. ಜೂನ್ 19ರಂದು ಸಂಜೆ ಕುಮಟಾ ಹೊಸ ಬಸ್ ನಿಲ್ದಾಣ ಬಳಿಯ ರಿಕ್ಷಾ ನಿಲ್ದಾಣದಲ್ಲಿ ಪ್ರಸನ್ನ ಮುಕ್ರಿ ಹಾಗೂ ಆ ಮೂವರಿಗೆ ವಾಗ್ವಾದ ನಡೆದಿದೆ. `ಈ ರಿಕ್ಷಾ ನಿಲ್ದಾಣ ನಮ್ಮ ಜಾತಿಯವರಿಗೆ ಸೇರಿದ್ದು, ಇಲ್ಲಿ ಮುಕ್ರಿ ಜನ ರಿಕ್ಷಾ ನಿಲ್ಲಿಸುವ ಹಾಗಿಲ್ಲ’ ಎಂದು ಶಂಕರ್ ಉಪ್ಪಾರ್, ಗಣಪತಿ ಉಪ್ಪಾರ್ ಹಾಗೂ ರಾಜೇಶ ಉಪ್ಪಾರ್ ಅವರು ಹೇಳಿದ್ದಾರೆ. `ಮುಕ್ರಿ ಜಾತಿಗೆ ಹೊಸ ರಿಕ್ಷಾ ನಿಲ್ದಾಣ ಮಾಡಿಕೊಂಡು ಅಲ್ಲಿಯೇ ರಿಕ್ಷಾ ನಿಲ್ಲಿಸಬೇಕು’ ಎಂದು ಪ್ರಸನ್ನ ಮುಕ್ರಿ ಅವರಿಗೆ ತಾಕೀತು ಮಾಡಿದ್ದಾರೆ. `ನಾನು ಇಲ್ಲೇ ರಿಕ್ಷಾ ಇಟ್ಟರೆ ಏನು ತೊಂದರೆ?’ ಎಂದು ಪ್ರಸನ್ನ ಮುಕ್ರಿ ಅವರು ಕೇಳಿದ್ದಾರೆ. ಆಗ ಆ ಎದುರುದಾರರು `ನಿನ್ನ ಮುಟ್ಟಿದರೆ ಸ್ನಾನ ಮಾಡಬೇಕು. ರಿಕ್ಷಾ ತೆಗೆಯದಿದ್ದರೆ ಬೆಂಕಿ ಹಚ್ಚುವೆ’ ಎಂದು ಬೆದರಿಸಿದ್ದಾರೆ. ಜೊತೆಗೆ ಪ್ರಸನ್ನ ಮುಕ್ರಿ ಅವರನ್ನು ದೂಡಿ, `ರಿಕ್ಷಾ ಇಲ್ಲಿಟ್ಟರೆ ತಲೆ ಒಡೆಯುವೆ’ ಎಂದು ಹೆದರಿಸಿದ್ದಾರೆ. ತಾಲೂಕು ಹಾಗೂ ಜಿಲ್ಲಾ ರಿಕ್ಷಾ ಸಂಘದವರ ಬಳಿ ಈ ವಿಷಯದ ಬಗ್ಗೆ ಪ್ರಸನ್ನ ಮುಕ್ರಿ ಅವರು ಹೇಳಿದ್ದಾರೆ. ಅವರೆಲ್ಲರ ಸಲಹೆ ಮೇರೆಗೆ ಆ ಮೂವರ ವಿರುದ್ಧವೂ ಪೊಲೀಸ್ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.
- [ಅಡವಿ ಮಕ್ಕಳ ಅರಣ್ಯ ಪ್ರೇಮ](https://mobiletime.in/2026/07/the-forest-loving-children-of-the-wild/): ಅರಣ್ಯವಾಸಿಗಳಿಗೆ ಪರಿಸರ ಜ್ಞಾನ ಮೂಡಿಸುವಿಕೆಗೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ದಶಲಕ್ಷ ಗಿಡ ನೆಡುವ ಅಭಿಯಾನ ನಡೆಸಿದ್ದು, ನೂರಾರು ಮಕ್ಕಳು ಉತ್ಸಾಹದಿಂದ ಈ ಕಾರ್ಯದಲ್ಲಿ ಭಾಗಿಯಾಗಿದ್ದಾರೆ. ಜಿಲ್ಲೆಯ ಎಲ್ಲಡೆ ಮಕ್ಕಳೇ ಮುಂದೆ ನಿಂತು ಬಗೆ ಬಗೆಯ ಗಿಡಗಳನ್ನು ನಾಟಿ ಮಾಡುತ್ತಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ 650ಕ್ಕೂ ಅಧಿಕ ಗ್ರಾಮದಲ್ಲಿ ಗಿಡ ನೆಡುವ ಕಾರ್ಯ ನಡೆಯುತ್ತಿದೆ. ಮಕ್ಕಳಲ್ಲಿ ಪರಿಸರ ಕಾಳಜಿ ಮೂಡಿರುವುದು ಶ್ಲಾಘನೀಯ’ ಎಂದು ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. `ಶಿರಸಿ, ಸಿದ್ದಾಪುರ, ಯಲ್ಲಾಪುರ, ಮುಂಡಗೋಡ, ಜೋಯಿಡಾ, ಭಟ್ಕಳ, ಹೊನ್ನಾವರ, ಕುಮಟಾ, ಅಂಕೋಲ ಮತ್ತು ಕಾರವಾರ ತಾಲೂಕಿನಲ್ಲಿ ಉತ್ತಮ ಸ್ಪಂದನೆ ಸಿಕ್ಕಿದೆ. ಹೋರಾಟಗಾರರ ಮಕ್ಕಳು ಸಹ ಉತ್ಸಾಹದಿಂದ ಗಿಡ ನೆಡುವ ಕಾರ್ಯದಲ್ಲಿ ಭಾಗಿಯಾಗಿದ್ದಾರೆ’ ಎಂದವರು ಮಾಹಿತಿ ನೀಡಿದ್ದಾರೆ. `ಜೀವನಕ್ಕಾಗಿ ಅರಣ್ಯ ಭೂಮಿಯಲ್ಲಿ ಜೀವಿಸಿದ ಅರಣ್ಯವಾಸಿಗಳು ಅರಣ್ಯ ಸಾಂದ್ರತೆ ಹೆಚ್ಚಿಸುವ ಮನೋಭಾವನೆ ವೃದ್ಧಿಸುವ ಉದ್ದೇಶದಿಂದ ಗಿಡ ನೆಡುವ ಕಾರ್ಯಕ್ಕೆ ಹೋರಾಟಗಾರರ ವೇದಿಕೆ ಚಾಲನೆ ನೀಡಿದೆ. 10 ವರ್ಷದಿಂದ ಗಿಡ ನೆಡುವ ಅಭಿಯಾನ ನಡೆಯುತ್ತಿದೆ’ ಎಂದವರು ವಿವರಿಸಿದ್ದಾರೆ. `ಮಹಿಳೆಯರು, ಮಕ್ಕಳು ಸೇರಿ ನೂರಕ್ಕೂ ಅಧಿಕ ಬಗೆಯ ಗಿಡ ನೆಡುತ್ತಿದ್ದಾರೆ. ಪರಿಸರಕ್ಕೆ ಈ ಗಿಡಗಳು ಪೂರಕವಾಗಿದೆ’ ಎಂದಿದ್ದಾರೆ.
- [ಎನ್ಯುಮರೇಷನ್ ಫಾರ್ಮ್: ಮನೆ ಮನೆ ಭೇಟಿ ಮಾಡುವ ಮಹಿಳೆಗೆ ಜೀವ ಬೆದರಿಕೆ!](https://mobiletime.in/2026/07/enumeration-form-death-threat-to-woman-conducting-door-to-door-visits/): ಕಾರವಾರದಲ್ಲಿ ಮನೆ ಮನೆಗೆ ಎನ್ಯುಮರೇಷನ್ ಫಾರ್ಮ್ ವಿತರಣೆಗೆ ಹೊರಟಿದ್ದ ಕಾರವಾರದ ವಿದ್ಯಾಭಾರತಿ ಪೆರುಲಕರ್ ಅವರಿಗೆ ಜೀವ ಬೆದರಿಕೆ ಬಂದಿದೆ. ಎನ್ಯುಮರೇಷನ್ ಫಾರ್ಮ್ ವಿತರಿಸಲು ಹೋಗಿದ್ದ ಅವರಿಗೆ ಆಳ್ವೇವಾಡದ ಶಿಶಿರ ಪೆಡುಲಕರ್ ಅವರು ಬೆದರಿಸಿದ್ದಾರೆ. ಕಾರವಾರದ ಖಾಪ್ರಿ ದೇವಾಲಯ ಎದುರು ವಿದ್ಯಾಭಾರತಿ ಸಂದೀಪ ಪೆರುಲಕರ್ ಅವರು ವಾಸವಾಗಿದ್ದಾರೆ. ಅಲ್ಲಿಯೇ ಸಮೀಪದ ಆಳ್ವೇವಾಡದಲ್ಲಿ ಶಿಶಿರ ಗಣಪತಿ ಪೆಡುಲಕರ್ ಅವರು ವಾಸವಾಗಿದ್ದಾರೆ. ವಿದ್ಯಾಭಾರತಿ ಪೆರುಲಕರ್ ಅವರು ತಮ್ಮ ಸ್ನೇಹಿತೆ ಸುನಿತಾ ಗಣೇಶ ಸಾರಂಗ ಹಾಗೂ ಅಂಗನವಾಡಿ ಕಾರ್ಯಕರ್ತೆ ಚಂದ್ರಕಲಾ ಮೆಹ್ತಾ ಅವರ ಜೊತೆ ಸೇರಿ ಮನೆ ಮನೆ ಭೇಟಿ ಮಾಡುತ್ತಿದ್ದಾರೆ. ಎಲ್ಲಾ ಮತದಾರರಿಗೂ ಅವರು ಎನ್ಯುಮರೇಷನ್ ಫಾರ್ಮ್ ಹಂಚಿಕೆ ಮಾಡುವ ಕೆಲಸದಲ್ಲಿ ನಿರತರಾಗಿದ್ದಾರೆ. ಜುಲೈ 2ರಂದು ಈ ಮೂವರು ಎನ್ಯುಮರೇಷನ್ ಫಾರ್ಮ್ ವಿತರಣೆಗಾಗಿ ಆಳ್ವೇವಾಡಕ್ಕೆ ಹೋಗಿದ್ದಾರೆ. ಶಿಶಿರ ಪೆಡುಲಕರ್ ಅವರ ಮನೆ ಮುಂದೆ ಹಾಯ್ದು ಹೋಗುವಾಗ ಅಲ್ಲಿದ್ದ ಶಿಶಿರ್ ಪೆಡಲಕರ್ ಅವರು ಆ ಮೂವರು ಮಹಿಳೆಯರನ್ನು ಅಡ್ಡಗಟ್ಟಿದ್ದಾರೆ. `ನನ್ನ ಮೇಲೆ ಕೇಸ್ ಹಾಕಿ, ನನ್ನ ಮನೆಗೆ ಬಂದಿದ್ದೀಯಾ? ಎಂದು ಅವರು ವಿದ್ಯಾಭಾರತಿ ಪೆರುಲಕರ್ ಅವರನ್ನು ಪ್ರಶ್ನಿಸಿದ್ದಾರೆ. 2024ರಲ್ಲಿ ವಿದ್ಯಾಭಾರತಿ ಅವರು ಶಿಶಿರ ಪೆಡಲಕರ್ ಅವರ ವಿರುದ್ಧ ಪೊಲೀಸ್ ಪ್ರಕರಣವೊಂದನ್ನು ದಾಖಲಿಸಿದ್ದು, ಅದನ್ನು ಹಿಂಪಡೆಯಬೇಕು ಎಂದು ಒತ್ತಾಯಿಸಿದ್ದಾರೆ. ಆ ಕೇಸ್ ಹಿಂಪಡೆಯದೇ ಇದ್ದರೆ ಜೀವಸಹಿತ ಬಿಡುವುದಿಲ್ಲ ಎಂದು ಹೆದರಿಸಿದ್ದಾರೆ.  
- [ಶ್ರೀರಾಮ ಫೈನಾನ್ಸ್: ಸಾಲ ವಸೂಲಿ ನೆಪದಲ್ಲಿ ದರೋಡೆ!](https://mobiletime.in/2026/07/shriram-finance-robbery-under-the-guise-of-loan-recovery/): ಕಾರು ಖರೀದಿಗೆಗಾಗಿ ಶ್ರೀರಾಮ ಫೈನಾನ್ಸಿನಲ್ಲಿ ಸಾಲ ಮಾಡಿದ್ದ ಭಟ್ಕಳದ ಮಣಿಕಂಟ ವೆಂಕಟಾಪುರ ಅವರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಕಾರಿನಲ್ಲಿ ಬರುತ್ತಿದ್ದ ಅವರನ್ನು ಅಡ್ಡ ಹಾಕಿದ ಮೂವರು ಕಾಲರ್ ಪಟ್ಟಿ ಹಿಡಿದು ಚಾಕು ತೋರಿಸಿ ದರೋಡೆ ಮಾಡಿದ್ದಾರೆ. ಭಟ್ಕಳದ ನೆರ್ಲೆಸರದ ಮಣಿಕಂಠ ವೆಂಕಟಾಪುರ ಅವರು ಭಟ್ಕಳದ ಶ್ರೀರಾಮ ಫೈನಾನ್ಸಿನಲ್ಲಿ 8.10 ಲಕ್ಷ ರೂ ಸಾಲ ಮಾಡಿದ್ದರು. ಆ ಕಾರಿನ ಮೇಲೆ ಅವರು ಬೆಂಗಳೂರಿಗೆ ಹೋಗಿದ್ದರು. ಅಲ್ಲಿಂದ ಮರಳುವಾಗ ರಂಗಿನಕಟ್ಟಾದ ಜೀವನ ನಾಯ್ಕ ಅವರ ಸೂಚನೆ ಮೇರೆಗೆ ಬೆಂಗಳೂರಿನ ರಾಜ್ ರಿಕವರಿ ಎಜನ್ಸಿಯ ಸೀನು, ಪ್ರದೀಪ ಎಂಬಾತರು ಮಣಿಕಂಠ ವೆಕಟಾಪುರ ಅವರನ್ನು ಬೆಂಗಳೂರಿನ ಬಳಿ ಅಡ್ಡಗಟ್ಟಿದರು. ಹೆಬ್ಬಾಳದ ಬಿ ಎಲ್ ಸರ್ಕಲ್ ಬಳಿ ಚಾಕು ತೋರಿಸಿ, ಹಣ ಕೊಡುವಂತೆ ದಬಾಯಿಸಿದರು. `ಕೂಡಲೇ 60 ಸಾವಿರ ರೂ ಪಾವತಿಸಬೇಕು. ಇಲ್ಲವಾದಲ್ಲಿ ಹುಡುಗರನ್ನು ಕರೆಯಿಸಿ ಹೊಡೆಸುತ್ತೇವೆ’ ಎಂದು ಅಡ್ಡಗಟ್ಟಿದವರು ಬೆದರಿಸಿದರು. ಈ ವೇಳೆ ಮಣಿಕಂಠ ಅವರ ಬಳಿ 30 ಸಾವಿರ ರೂಪಾಯಿ ಇದ್ದು, ಅದನ್ನು ಅವರಿಗೆ ನೀಡಿದರು. ಅದಾದ ನಂತರ ಸಮೀಪದ ಎಟಿಎಂ ಕೇಂದ್ರಕ್ಕೆ ಕರೆದೊಯ್ದು ಅಲ್ಲಿಂದ 20 ಸಾವಿರ ರೂ ತೆಗೆಸಿದರು. ಉಳಿದ 10 ಸಾವಿರ ರೂ ಹಣವನ್ನು ಲೋಕೇಶ ಕುಮಾರ ಎಂಬಾತರ ಬ್ಯಾಂಕ್ ಖಾತೆಗೆ ಆನ್ ಲೈನ್ ಮೂಲಕ ವರ್ಗಾಯಿಸಿದರು. ಆ ಡಕಾಯಿತರಿಂದ ತಪ್ಪಿಸಿಕೊಂಡು ಬಂದ ಮಣಿಕಂಠ ಅವರು ಭಟ್ಕಳ ಗ್ರಾಮೀಣ ಠಾಣೆಯಲ್ಲಿ ದೂರು ನೀಡಿದರು. ಪೊಲೀಸರು ಜಿರೋ ಎಫ್‌ಐಆರ್ ದಾಖಲಿಸಿಕೊಂಡಿದ್ದು, ಘಟನೆ ನಡೆದ ಪೊಲೀಸ್ ಠಾಣೆಗೆ ಪ್ರಕರಣ ವರ್ಗಾಯಿಸುವ ತಯಾರಿ ಮಾಡಿದ್ದಾರೆ.
- [ಅರ್ದ ಆಯಸ್ಸಿಗೆ ಬದುಕು ಮುಗಿಸಿದ ಅಡುಗೆ ಸಹಾಯಕಿ!](https://mobiletime.in/2026/07/kitchen-helpers-life-cut-short-in-her-prime/): ಯಲ್ಲಾಪುರದ ಮಳಲಗಾಂವ್ ಶಾಲೆಯಲ್ಲಿ ಅಡುಗೆ ಸಹಾಯಕರಾಗಿದ್ದ ಪಾರ್ವತಿ ಆಗೇರ್ ಅವರು ಬೈಕಿನಿಂದ ಬಿದ್ದು ಸಾವನಪ್ಪಿದ್ದಾರೆ. ಕಿವಿ ಹಾಗೂ ಮೂಗಿನಿಂದ ರಕ್ತ ಸುರಿಯುತ್ತಿದ್ದ ಅವರನ್ನು ಆಸ್ಪತ್ರೆಗೆ ಸಾಗಿಸಿದರೂ ಪ್ರಯೋಜನವಾಗಿಲ್ಲ. ಯಲ್ಲಾಪುರದ ಮಳಲಗಾಂವಿನಲ್ಲಿ ಪಾರ್ವತಿ ಸತೀಶ ಆಗೇರ್ (51) ಅವರು ವಾಸವಾಗಿದ್ದರು. ಅವರು ಆ ಊರಿನ ಶಾಲೆಯಲ್ಲಿ ಅಡುಗೆ ಸಹಾಯಕರಾಗಿ ಸೇವೆ ಸಲ್ಲಿಸುತ್ತಿದ್ದರು. ಜುಲೈ 7ರಂದು ಪಾರ್ವತಿ ಆಗೇರ್ ಅವರು ಚಂದ್ಗುಳಿ ಬಳಿಯ ಮರ್ಕಲಮನೆಯ ಸಂತೋಷ ಜೂಜೆ ಫರ್ನಾಂಡಿಸ್ ಅವರ ಬೈಕ್ ಹತ್ತಿದ್ದರು. ಶಿರಸಿ ಕಡೆ ಜೋರಾಗಿ ಹೊರಟ ಆ ಬೈಕು ಸಿಮೆಂಟ್ ರಸ್ತೆ ಮೇಲೆ ಸ್ಕಿಟ್ ಆಯಿತು. ಬೈಕಿನಿಂದ ಬಿದ್ದ ಪಾರ್ವತಿ ಆಗೇರ್ ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಯಿತು. ಅವರ ಕಿವಿ-ಮೂಗಿನಿಂದ ಭಾರೀ ಪ್ರಮಾಣದ ರಕ್ತ ಸುರಿಯಿತು. ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಯಲ್ಲಿ ಅವರಿಗೆ ಪ್ರಥಮ ಚಿಕಿತ್ಸೆ ಕೊಡಿಸಿ ನಂತರ ಹುಬ್ಬಳ್ಳಿಯ ಶೆಕ್ಯೂರ್ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿಂದ ಕಿಮ್ಸ್’ಗೆ ಕರೆದೊಯ್ದು ಆರೈಕೆ ಮಾಡಲಾಯಿತು. ಸಾಕಷ್ಟು ಪ್ರಯತ್ನಿಸಿದರೂ ಅವರನ್ನು ಬದುಕಿಸಲು ಆಗಲಿಲ್ಲ. ಜುಲೈ 9ರಂದು ಪಾರ್ವತಿ ಆಗೇರ್ ಅವರು ಕೊನೆಯುಸಿರೆಳೆದರು. ಪೆಂಟಿoಗ್ ಕೆಲಸ ಮಾಡುವ ಮಂಜುನಾಥ ಆಗೇರ್ ಅವರು ಅಪಘಾತದ ಬಗ್ಗೆ ವರದಿ ನೀಡಿದ್ದು, ವೇಗವಾಗಿ ಬೈಕ್ ಓಡಿಸಿದ ಸಂತೋಷ ಜೂಜೆ ಫರ್ನಾಂಡಿಸ್ ಅವರ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದರು. `ಸಂಚಾರಿ ನಿಯಮ ಪಾಲಿಸಿ. ಅಪಘಾತ ತಪ್ಪಿಸಿ’
- [ಹೆಣವಾದ ಹಣ್ಣಿನ ವ್ಯಾಪಾರಿ!](https://mobiletime.in/2026/07/the-fruit-vendor-who-turned-into-a-corpse/): ಕಾರವಾರದ ಮೀನು ಮಾರುಕಟ್ಟೆ ಬಳಿ ಹಣ್ಣಿನ ವ್ಯಾಪಾರ ಮಾಡುತ್ತಿದ್ದ ನಿಯಾಜ್ ಸಾಬ್ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ನೇಣು ಬಿಗಿದುಕೊಂಡ ಸ್ಥಿತಿಯಲ್ಲಿ ಅವರ ಶವ ಪತ್ತೆಯಾಗಿದೆ. ಕಾರವಾರ ನಗರದ ಕೋಡಿಬೀರ ದೇವಸ್ಥಾನದ ಸಮೀಪ ನಿಯಾಜ್ ಹುಸೇನ್‌ಸಾಬ್ ನೀಲಂಜಿ ಅವರು ವಾಸವಾಗಿದ್ದರು. ನೂತನ ಮೀನು ಮಾರುಕಟ್ಟೆ ಬಳಿ ಅವರು ಹಣ್ಣಿನ ಅಂಗಡಿ ನಡೆಸುತ್ತಿದ್ದರು. ಉತ್ತಮ ರೀತಿಯಲ್ಲಿ ಅವರಿಗೆ ವ್ಯಾಪಾರವಿದ್ದು, ನೆಮ್ಮದಿಯ ಜೀವನ ನಡೆಸುತ್ತಿದ್ದರು. ಅದಾಗಿಯೂ, ಗುರುವಾರ ಅವರು ದಿಢೀರ್ ಆಗಿ ದುಡುಕು ನಿರ್ಧಾರ ಮಾಡಿದ್ದಾರೆ. ಕಳೆದ ಹಲವು ವರ್ಷಗಳಿಂದ ನಗರದ ಮೀನು ಮಾರುಕಟ್ಟೆ ಕಟ್ಟಡದ ಮಳಿಗೆಯಲ್ಲಿ ಹಣ್ಣಿನ ವ್ಯಾಪಾರ ನಡೆಸುತ್ತಿದ್ದ ನಿಯಾಜ್ ಹುಸೇನ್‌ಸಾಬ್ ನೀಲಂಜಿ ಅವರು ಅನೇಕರಿಗೆ ಆತ್ಮೀಯರಾಗಿದ್ದರು. ಅವರ ಆತ್ಮಹತ್ಯೆಗೆ ಕಾರಣ ಗೊತ್ತಾಗಿಲ್ಲ. ವಿವಿಧ ಬಗೆಯ ಊಹಾಪೋಹಗಳಿದ್ದು, ಸ್ಥಳಕ್ಕೆ ಪೊಲೀಸರು ದೌಡಾಯಿಸಿದ್ದಾರೆ. ತನಿಖೆ ಶುರು ಮಾಡಿದ್ದಾರೆ.
- [ಪೊಲೀಸರ ಮೇಲೆ ಸ್ಕೂಟಿ ಹಾರಿಸಿದ ಸವಾರ!](https://mobiletime.in/2026/07/rider-rams-scooter-into-police/): ಶಿರಸಿಯಲ್ಲಿ ವಾಹನ ತಪಾಸಣೆ ಮಾಡುತ್ತಿದ್ದ ಪೊಲೀಸರ ಮೇಲೆ ಗಾಂಧೀನಗರದ ರಾಘು ಕಲ್ಗುಟ್ರ ಅವರು ಸ್ಕೂಟಿ ಹಾಯಿಸಿದ್ದಾರೆ. ಪೊಲೀಸ್ ಸಿಬ್ಬಂದಿಯೊಬ್ಬರು ಬಿದ್ದು ಗಾಯಗೊಂಡಿದ್ದು, ಆಸ್ಪತ್ರೆ ಸೇರಿದ್ದಾರೆ. ಶಿರಸಿ ಸಂಚಾರ ಠಾಣೆಯ ಎಸೈ ದಾಕು ಹೊಸಕಟ್ಟಾ ಅವರು ಶಿರಸಿಯ ಮಿರ್ಜಾನಕರ ಪೆಟ್ರೊಲ್ ಬಂಕಿನ ಬಳಿ ವಿವಿಧ ವಾಹನ ತಪಾಸಣೆ ಮಾಡುತ್ತಿದ್ದರು. ಪೊಲೀಸ್ ಸಿಬ್ಬಂದಿ ಬಸವರಾಜ ಇ ಪಿ ಹಾಗೂ ಚಂದ್ರಶೇಖರ ನಾಯ್ಕ ಅವರು ವಾಹನಗಳಿಗೆ ಕೈ ಮಾಡುವ ಕೆಲಸ ನಿರ್ವಹಿಸುತ್ತಿದ್ದರು. ಜುಲೈ 4ರಂದು ಕಾಮತ್ ಹೊಟೇಲ್ ಕ್ರಾಸ್ ಕಡೆಯಿಂದ ಮಿರ್ಜಾನಕರ್ ಪೆಟ್ರೊಲ್ ಬಂಕ್ ಮಾರ್ಗವಾಗಿ ಶಿವಾಜಿ ಚೌಕದ ಕಡೆಗೆ ಗಾಂಧೀನಗರದ ರಾಘು ಕಲ್ಗುಟ್ರ ಅವರು ಸ್ಕೂಟಿ ಓಡಿಸಿಕೊಂಡು ಬರುತ್ತಿದ್ದರು. ರಾಘು ಕಲ್ಗುಟ್ರ ಅವರು ಹೆಲ್ಮೆಟ್ ಧರಿಸದ ಕಾರಣ ಪೊಲೀಸರು ಅವರ ಸ್ಕೂಟಿಗೆ ಕೈ ಮಾಡಿದರು. ಆದರೆ, ಅವರು ಸ್ಕೂಟಿ ನಿಲ್ಲಿಸದೇ ಮುನ್ನುಗ್ಗಿ ಬಂದಿದ್ದು, `ರಾಘು ಕಂಬಳಿ ಸ್ಕೂಟಿ ನಿಲ್ಲಿಸು’ ಎಂದು ಪೊಲೀಸರು ಕೂಗಿದರು. ಆಗ, ಅವರು ಸ್ಕೂಟಿ ನಿಲ್ಲಿಸಿದರು. ಪೊಲೀಸರು ಸ್ಕೂಟಿ ಚಾಲಕನ ಬಳಿ ಹೋದಾಗ ರಾಘು ಕಲ್ಗುಟ್ರ ಅವರು ಜೋರಾಗಿ ಬೊಬ್ಬೆ ಹೊಡೆದರು. `ನನ್ನ ಸ್ಕೂಟಿ ನಿಲ್ಲಿಸಲು ಅಧಿಕಾರ ಕೊಟ್ಟವರು ಯಾರು?’ ಎಂದು ಪ್ರಶ್ನಿಸಿದರು. ಮತ್ತೆ ಸ್ಕೂಟರನ್ನು ಮುನ್ನುಗ್ಗಿಸಲು ಪ್ರಯತ್ನಿಸಿದಾಗ ಬಸವರಾಜ ಇಪಿ ಅವರು ಅದನ್ನು ತಡೆದರು. ಅದರಿಂದ ಸಿಟ್ಟಾದ ರಾಘು ಕಲ್ಗುಟ್ರ ಅವರು ಬಸವರಾಜ ಇಪಿ ಅವರ ಮೇಲೆ ಸ್ಕೂಟಿ ಹಾಯಿಸಿ ಪರಾರಿಯಾದರು. ನೆಲಕ್ಕೆ ಬಿದ್ದ ಬಸವರಾಜ ಅವರನ್ನು ಎಸೈ ದಾಕು ಹೊಸಕಟ್ಟಾ ಹಾಗೂ ಮತ್ತೊಬ್ಬ ಪೊಲೀಸ್ ಸಿಬ್ಬಂದಿ ಚಂದ್ರಶೇಖರ ನಾಯ್ಕ ಅವರು ಮೇಲೆತ್ತಿದರು. ಕೈ-ಕಾಲಿಗೆ ಗಾಯವಾಗಿದ್ದ ಬಸವರಾಜ ಅವರು ಆಸ್ಪತ್ರೆಗೆ ಹೋಗಿ ಚಿಕಿತ್ಸೆಪಡೆದರು. ಅದಾದ ನಂತರ ಶಿರಸಿ ಗಾಂಧಿನಗರದ ರಾಘವೇಂದ್ರ (ರಾಘು) ಸಿದ್ರಣ್ಣ ಕಲ್ಕುಟ್ರ ವಿರುದ್ಧ ಅವರು ದೂರು ನೀಡಿ, ಪ್ರಕರಣವನ್ನು ದಾಖಲಿಸಿದರು.
- [ಮೆಸೆಜ್ ಮಾಡದಂತೆ ಸೂಚನೆ: ವಿದ್ಯಾರ್ಥಿಗೆ ಥಳಿತ!](https://mobiletime.in/2026/07/student-beaten-for-sending-messages/): ತಂಗಿಗೆ ಮೆಸೆಜ್ ಮಾಡುವುದನ್ನು ಪ್ರಶ್ನಿಸಿದ ಶಿರಸಿಯ ಫೈಜಾನ್ ಶೇಖ್ ಅವರಿಗೆ ನಾಲ್ವರು ಸೇರಿ ಹೊಡೆದಿದ್ದಾರೆ. ಆ ನೋವು ಸಹಿಸದ ಫೈಜಾನ್ ಶೇಖ್ ಅವರು ಹೊಡೆದವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಶಿರಸಿಯ ಕಸ್ತೂರಿಬಾ ನಗರದಲ್ಲಿ ಫೈಜಾನ್ ಅಲ್ತಾಫ್ ಶೇಖ್ ಅವರು ವಾಸವಾಗಿದ್ದಾರೆ. 18 ವರ್ಷದ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಅವರ ಚಿಕ್ಕಪ್ಪನ ಮಗಳಾದ ಗುಲೂಪ್ ಶಾ ಅವರಿಗೆ ಶಿರಸಿಯ ಅಮೀನ್ ಸೂಪರ್ ಅವರು ಪದೇ ಪದೇ ಮೆಸೆಜ್ ಮಾಡಿದ್ದಾರೆ. ಈ ವಿಷಯ ಫೈಜಾನ್ ಶೇಖ್ ಅವರಿಗೆ ಗೊತ್ತಾಗಿದ್ದು, ಅಮೀನ್ ಸೂಪರ್ ಅವರಿಗೆ ಫೈಜಾನ್ ಶೇಖ್ ಅವರು ಎಚ್ಚರಿಕೆ ನೀಡಿದ್ದಾರೆ. `ತಂಗಿಗೆ ಮತ್ತೆ ಮೆಸೆಜ್ ಮಾಡಬೇಡ’ ಎಂದು ಸೂಚಿಸಿದ್ದಾರೆ. `ಮತ್ತೆ ಮೆಸೆಜ್ ಮಾಡಿದರೆ ಪೊಲೀಸ್ ಕಂಪ್ಲೆಟ್ ಕೊಡುವೆ’ ಎಂದು ಹೆದರಿಸಿದ್ದಾರೆ. ಇದರಿಂದ ಅಮೀನ್ ಸೂಪರ್ ಅವರು ಸಿಟ್ಟಾಗಿದ್ದಾರೆ. ಹೀಗಿರುವಾಗ, ಜುಲೈ 4ರಂದು ಫೈಜಾನ್ ಶೇಕ್ ಅವರಿಗೆ ಅವರ ಸ್ನೇಹಿತ ಅಪ್ಜಲ್ ಫೋನ್ ಮಾಡಿದ್ದಾರೆ. `ಬಹಳ ದಿನವಾಯಿತು. ಮಾತನಾಡೋಣ ಬಾ’ ಎಂದು ಕರೆದಿದ್ದಾರೆ. ಅದರಂತೆ, ಆ ದಿನ ರಾತ್ರಿ ಫೈಜಾನ್ ಶೇಖ್ ಅವರು ಅರ್ಬನ್ ಸರ್ಕಲ್ ಬಳಿ ಹೋಗಿದ್ದಾರೆ. ಆಗ ಅಲ್ಲಿ ಸ್ಕೂಟರ್ ಮೇಲೆ ಐಮನ್ ಸೂಪರ್ ಹಾಗೂ ಸಾಕೀಬ್ ಆನವಟ್ಟಿ, ಸಾದ್ ಎಂಬಾತರು ಆಗಮಿಸಿದ್ದಾರೆ. ಅವರೆಲ್ಲರೂ ಸೇರಿ ಗಲಾಟೆ ಶುರು ಮಾಡಿದ್ದಾರೆ. ತಾವು ಧರಿಸಿದ್ದ ಜಾಕೇಟ್’ನ್ನು ಫೈಜಾನ್ ಅವರ ಮುಖಕ್ಕೆ ಮುಚ್ಚಿ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ನೋವಿನಿಂದ ಬಳಲಿದ ಫೈಜಾನ್ ಅವರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ.
- [ಲಂಚದ ಆಸೆಗೆ ಬಿದ್ದ ಆಡಿಟ್ ಅಧಿಕಾರಿ!](https://mobiletime.in/2026/07/audit-officer-succumbs-to-the-lure-of-a-bribe/): ಸರ್ಕಾರಿ ಪದವಿ ಕಾಲೇಜಿನ ಲೆಕ್ಕಪತ್ರಗಳನ್ನು ಆಡಿಟ್ ಮಾಡಲು ಆಗಮಿಸಿದ್ದ ಅಧಿಕಾರಿಯೊಬ್ಬರು 1 ಲಕ್ಷ ರೂ ಲಂಚ ಕೇಳಿದ್ದು, ಹಣಪಡೆಯುವಾಗ ಲೋಕಾಯುಕ್ತರ ಬಲೆಗೆ ಬಿದ್ದಿದ್ದಾರೆ. ಅಂಕೋಲಾದ ಸರ್ಕಾರಿ ಪದವಿ ಕಾಲೇಜಿನ ಆಡಿಟ್ ಮಾಡಲು 80 ಸಾವಿರ ರೂ ಹಣಪಡೆಯುತ್ತಿದ್ದ ಶ್ರೀಧರ್ ಎಂಬಾತರು ಜೈಲು ಸೇರಿದ್ದಾರೆ. ಅಂಕೋಲಾದ ಸರ್ಕಾರಿ ಪದವಿ ಕಾಲೇಜಿನ ಆಡಿಟ್ ಪ್ರಕ್ರಿಯೆಗಾಗಿ ಶ್ರೀಧರ್ ಎಂಬಾತರು ನಿಯೋಜನೆಗೊಂಡಿದ್ದರು. ಲೆಕ್ಕ ಪರಿಶೀಲನೆಗಾಗಿ ಅವರು 1 ಲಕ್ಷ ರೂ ಬೇಡಿದ್ದರು. ಕಾಲೇಜು ಪ್ರಾಚಾರ್ಯೆ ಪ್ರತಿಭಾ ಪಾಟೀಲ್ ಅವರಿಗೆ ಹಣ ನೀಡುವ ಮನಸ್ಸಿರಲಿಲ್ಲ. ಹೀಗಾಗಿ ಅವರು ಲೋಕಾಯುಕ್ತರಿಗೆ ದೂರು ನೀಡಿದ್ದು, 80 ಸಾವಿರ ರೂ ಹಣಪಡೆಯುವಾಗ ಲೋಕಾಯುಕ್ತರು ದಾಳಿ ಮಾಡಿದ್ದಾರೆ. ಮೊದಲು ಭಟ್ಕಳಕ್ಕೆ ಆಗಮಿಸಿ ಹಣ ಕೊಡುವಂತೆ ಹೇಳಿದ್ದ ಆಡಿಟ್ ಅಧಿಕಾರಿ ಶ್ರೀಧರ್, ನಂತರ ಬೈಂದೂರಿನಲ್ಲಿ ಹಣಪಡೆಯುವಾಗ ಸಿಕ್ಕಿ ಬಿದ್ದಿದ್ದಾರೆ. ಹಣಪಡೆದ ಶ್ರೀಧರ್ ಓಡಿ ಹೋಗುವ ಪ್ರಯತ್ನ ಮಾಡಿದ್ದು, ಲೋಕಾಯುಕ್ತ ಕಾರವಾರ ಡಿವೈಎಸ್ಪಿ ಧನ್ಯಾ ನಾಯಕ, ಇನ್ಸಪೆಕ್ಟರ್ ವಿನಾಯಕ ಬಿಲ್ಲವ ನೇತೃತ್ವದ ತಂಡ ಅವರನ್ನು ಬೆನ್ನಟ್ಟಿ ಹಿಡಿದಿದೆ. ಶ್ರೀಧರ ಅವರ ಬ್ಯಾಗಿನಲ್ಲಿ 2.60 ಲಕ್ಷ ರೂ ಸಿಕ್ಕಿದೆ. ಕಾರವಾರ, ಮಂಕಿ, ಭಟ್ಕಳ ಪದವಿ ಕಾಲೇಜಿನ ಆಡಿಟ್ ಮಾಡಿ ಅಲ್ಲಿಯೂ ಹಣಕ್ಕೆ ಬೇಡಿಕೆಯಿಟ್ಟಿರುವ ಸಾಧ್ಯತೆಯಿದೆ. ಸದ್ಯ ನ್ಯಾಯಾಲಯ ಆಡಿಟ್ ಅಧಿಕಾರಿಗೆ ನ್ಯಾಯಾಂಗ ಬಂಧನವಿಧಿಸಿದೆ.
- [ಶಿಕ್ಷಣಕ್ಕೆ ಸಹಾಯ ಮಾಡಿದ ಓ ಎಸ್ ಜಿ ಗ್ರೂಪ್](https://mobiletime.in/2026/07/osg-group-supported-education/): `ವಿದ್ಯಾರ್ಥಿಗಳು ಅಂಕಗಳಿಸುವ ಉದ್ದೇಶದಿಂದ ಓದದೇ, ಉತ್ತಮ ವ್ಯಕ್ತಿತ್ವ ರೂಪಿಸಿಕೊಳ್ಳುವುದಕ್ಕಾಗಿ ವಿದ್ಯಾರ್ಜನೆ ಮಾಡಬೇಕು’ ಎಂದು ಕಾರವಾರದ ಓ ಎಸ್ ಜಿ ಗ್ರೂಪ್ ಅಧ್ಯಕ್ಷ ಪವನ ಸಾವಂತ ಅವರು ಹೇಳಿದ್ದಾರೆ. ಅಸ್ನೋಟಿ ಶಿವಾಜಿ ವಿದ್ಯಾಮಂದಿರದಲ್ಲಿ ನಡೆದ ಪ್ರತಿಭಾ ಪುರಸ್ಕಾರದಲ್ಲಿ ಭಾಗಿಯಾದ ಅವರು ವಸತಿ ನಿಲಯಕ್ಕೆ ವಿವಿಧ ಸಾಮಗ್ರಿ ವಿತರಿಸಿ ಮಾತನಾಡಿದ್ದು, `ಕಠಿಣ ಪರಿಶ್ರಮ ಹಾಗೂ ಆತ್ಮ ವಿಶ್ವಾಸವೇ ಯಶಸ್ಸಿನ ಸೂತ್ರ’ ಎಂದು ಅವರು ವಿವರಿಸಿದ್ದಾರೆ. ಶಿಕ್ಷಣಕ್ಕೆ ಸಹಾಯ ಮಾಡುವ ಜೊತೆಗೆ ಸಮಾಜಮುಖಿ ಕಾರ್ಯ ಮಾಡುತ್ತಿರುವ ಓ ಎಸ್ ಜಿ ಗ್ರೂಪ್ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರಕ್ಕೂ ನೆರವು ನೀಡಿದೆ. ಅಲ್ಲಿರುವ ಬಾಲಕಿಯರ ವಸತಿ ನಿಲಯಕ್ಕೆ ಅಗತ್ಯವಿರುವ ಕಿರಾಣಿ ಸಾಮಗ್ರಿಗಳನ್ನು ವಿತರಿಸಿದೆ. ಈ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದ ಇಂಜಿನಿಯರ್ ಪವನ ಸಾವಂತ ಅವರು ಮಕ್ಕಳಲ್ಲಿ ಸ್ಪೂರ್ತಿ ತುಂಬಿದ್ದಾರೆ. `ಬಡ ಮಕ್ಕಳ ಶೈಕ್ಷಣಿಕ ನೆರವಿಗೆ ನಾವು ಸದಾ ಬದ್ಧ’ ಎಂದು ಅವರು ಘೋಷಿಸಿದ್ದಾರೆ. ಈ ವೇದಿಕೆಯಲ್ಲಿ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಸಾಧನೆ ಮಾಡಿದ ಮಕ್ಕಳನ್ನು ಅವರು ಗೌರವಿಸಿದ್ದಾರೆ. ಓ ಎಸ್ ಜಿ ಗ್ರೂಪ್ ಚಾಂಪಿಯನ್ ಚಂದ್ರಶೇಖರ, ಗ್ರೂಪ್ ಕಾರ್ಯದರ್ಶಿ ನಾಗಪ್ಪ ನಾಯ್ಕ ಶಾಲೆಯ ನಿವೃತ್ತ ಮುಖ್ಯಾಧ್ಯಾಪಕರಾದ ದಿನೇಶ್ ಗಾಂವಕರ ಅವರು ಈ ವೇಳೆ ಮಾತನಾಡಿದ್ದಾರೆ. ಈ ವೇಳೆ ದಾನಿಗಳು ಕೆರಿಯರ್ ಮಾರ್ಗದರ್ಶನ ಪುಸ್ತಕಗಳು ಮತ್ತು ಸ್ಯಾನಿಟರಿ ಪ್ಯಾಡ್‌ಗಳನ್ನು ವಿತರಿಸಿದ್ದಾರೆ. ಪ್ರಜ್ಞಾ ವೇಳಿಪ ಮತ್ತು ಅವರ ಸಂಗಡಿಗರು ಪ್ರಾರ್ಥನಾ ಗೀತೆ ಹಾಡಿದರು. ಶಾಲಾ ಮುಖ್ಯಾಧ್ಯಾಪಕ ಗಣೇಶ ಬಿಷ್ಟಣ್ಣನವರ ಅವರು ಅತಿಥಿಗಳನ್ನು ಸ್ವಾಗತಿಸಿದರು. ಶಿಕ್ಷಕ ವಿಜಯಕುಮಾರ್ ನಾಯ್ಕ ಅವರು ವಂದಿಸಿದರು.
- [ಪದೇ ಪದೇ ಪೀಡಿಸಿದ ಪೋಲಿ ಪೊಲೀಸ್!](https://mobiletime.in/2026/07/a-rogue-policeman-who-harassed-repeatedly/): ಸ್ನೇಹಿತನಿಗೆ ಸಹಾಯ ಮಾಡಲು ಪೊಲೀಸ್ ಠಾಣೆಗೆ ಬಂದಿದ್ದ ಯುವತಿಯ ಫೋನ್ ನಂ ಪಡೆದಿದ್ದ ದಾಂಡೇಲಿಯ ಪೊಲೀಸರಿಬ್ಬರು ಆಕೆಯನ್ನು ಲಾಡ್ಜಿಗೆ ಕರೆದಿದ್ದಾರೆ. ಮಹಂತೇಶ ಹಾಗೂ ಇಮ್ರಾನ್ ಎಂಬಾತರು ಆ ಯುವತಿಗೆ ಕೆಟ್ಟ ಕೆಟ್ಟ ಮೆಸೆಜ್ ಸಹ ಮಾಡಿದ್ದಾರೆ. ಜುಲೈ 4ರಂದು ಅಪಘಾತಕ್ಕೀಡಾದ ಬೈಕ್ ಬಿಡಿಸಿಕೊಳ್ಳಲು ಯುವತಿಯೊಬ್ಬರುದಾಂಡೇಲಿ ಪೊಲೀಸ್ ಠಾಣೆಗೆ ಹೋಗಿದ್ದರು. 18 ವರ್ಷದ ಯುವತಿಯ ಸ್ನೇಹಿತನ ಬೈಕ್ ಪೊಲೀಸ್ ಠಾಣೆಯಲ್ಲಿದ್ದು, ಅದನ್ನು ಅವರು ಬಿಡಿಸಿಕೊಂಡಿದ್ದರು. ಈ ವೇಳೆ ಅಲ್ಲಿದ್ದ ಪೊಲೀಸರು ಯುವತಿಯ ಫೋನ್ ನಂ ಪಡೆದಿದ್ದರು. ಅದಾಗಿ ಕೆಲ ಸಮಯದ ನಂತರ ಆ ಯುವತಿಗೆ ಅಪರಿಚಿತ ಸಂಖೆಯಿAದ ಫೋನ್ ಹಾಗೂ ಮೆಸೆಜ್ ಬರಲು ಶುರುವಾದವು. ವಿಚಾರಿಸಿದಾಗ ಅದು ದಾಂಡೇಲಿ ಪೊಲೀಸ್ ಠಾಣೆಯ ಸಿಬ್ಬಂದಿ ಮಹಂತೇಶ್ ಹಾಗೂ ಇಮ್ರಾನ್ ಅವರದ್ದು ಎಂದು ಅರಿವಾಯಿತು. ವಾಟ್ಸಪ್ ಚಾಟ್ ಮಾಡಿದ ಅವರಿಬ್ಬರು ಯುವತಿ ಜೊತೆ ಕೆಟ್ಟದಾಗಿ ಮಾತನಾಡಿದರು. ಫೋನ್ ಮಾಡಿಯೂ ಕೆಟ್ಟ ಕೆಟ್ಟ ಶಬ್ದಗಳ ಬಳಕೆ ಮಾಡಿದರು. `ಲಾಡ್ಜಿಗೆ ಬಾ’ ಎಂದು ಪೊಲೀಸರು ಯುವತಿಗೆ ಮೆಸೆಜ್ ಮಾಡಿದ್ದು, ಅದನ್ನು ಯುವತಿ ಸಹಿಸಲಿಲ್ಲ. `ಅಪಘಾತಕ್ಕೀಡಾದ ಬೈಕ್ ಬಿಟ್ಟು ಕೊಡಲು ಪೊಲೀಸರು ಹಣಪಡೆದಿದ್ದಾರೆ. ಜೊತೆಗೆ ತನ್ನ ಫೋನ್ ನಂ ದುರ್ಬಳಕೆ ಮಾಡಿಕೊಂಡು ಅಶ್ಲೀಲ ಮೆಸೆಜ್ ಮಾಡಿದ್ದಾರೆ’ ಎಂದು ಆ ಯುವತಿ ದಾಂಡೇಲಿ ಪೊಲೀಸ್ ಠಾಣೆಗೆ ದೂರು ನೀಡಿದರು. ಆದರೆ, ಅಲ್ಲಿ ಯಾವ ಕ್ರಮವೂ ಆಗಲಿಲ್ಲ. ಈ ಹಿನ್ನಲೆ ಕಾರವಾರಕ್ಕೆ ಆಗಮಿಸಿದ ಯುವತಿ ತನಗಾದ ನೋವಿನ ಬಗ್ಗೆ ಪೊಲೀಸ್ ಅಧೀಕ್ಷಕರಲ್ಲಿ ಹೇಳಿಕೊಂಡರು. ನಂತರ ಮಹಿಳಾ ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲಿಸಿದರು. ಸದ್ಯ ಯುವತಿಗೆ ಅಶ್ಲೀಲ ಮೆಸೆಜ್ ಮಾಡಿದ ಪೊಲೀಸರಿಬ್ಬರ ವಿಚಾರಣೆ ನಡೆದಿದೆ. ಕೊಂಕಣಿ ಭಾಷೆಯಲ್ಲಿ ಮೆಸೆಜ್ ಮಾಡಿದ ಬಗ್ಗೆ ಮಾಹಿತಿ ಸಿಕ್ಕಿದೆ.
- [ಚಿಪ್ಪೆಕಲ್ಲು ದುರಂತ: ತಾಯಿ ನೆನಪಿನಲ್ಲಿಯೇ ಬಾವಿಗೆ ಹಾರಿದ ಮಗ!](https://mobiletime.in/2026/07/chippekallu-tragedy-son-jumps-into-well-consumed-by-memories-of-his-mother/): ಭಟ್ಕಳದಲ್ಲಿ ನಡೆದ ಚಿಪ್ಪಿಕಲ್ಲು ದುರಂತದಲ್ಲಿ ತಾಯಿಯನ್ನು ಕಳೆದುಕೊಂಡ ಆನಂದ ನಾಯ್ಕ ಅವರು ತಾಯಿ ಅಗಲುವಿಕೆಯ ನೋವು ಸಹಿಸಲಾಗದೇ ಸಾವನಪ್ಪಿದ್ದಾರೆ. ಮಾನಸಿಕವಾಗಿ ಕುಗ್ಗಿದ ಅವರು ಬಾವಿಗೆ ಹಾರಿ ಪ್ರಾಣ ಬಿಟ್ಟಿದ್ದಾರೆ. ಕೆಲ ದಿನದ ಹಿಂದೆ ಭಟ್ಕಳದ ವೆಂಕಟಾಪುರ ನದಿಯ ತಟ್ಟಿಹಕ್ಕಲ ಹೊಳೆಯಲ್ಲಿ ಚಿಪ್ಪೆಕಲ್ಲು ಆರಿಸಲು ಹೋಗಿದ್ದ 14 ಜನ ನೀರಿನಲ್ಲಿ ಕೊಚ್ಚಿ ಹೋಗಿ ಸಾವನಪ್ಪಿದ್ದರು. ಅದರಲ್ಲಿ ಬೆಂಗ್ರೆ ಬಳಿಯ ಮೋಳಿನಮನೆಯ ಆನಂದ ಅಣ್ಣಪ್ಪ ನಾಯ್ಕ (36) ಅವರ ತಾಯಿ ಲಕ್ಷಿ ನಾಯ್ಕ ಅವರು ಸಹ ಕೊನೆಯುಸಿರೆಳೆದಿದ್ದರು. ತಾಯಿ ಸಾವಿನ ನಂತರ ಆನಂದ ನಾಯ್ಕ ಅವರು ವಿಪರೀತ ಪ್ರಮಾಣದಲ್ಲಿ ಮದ್ಯ ಸೇವಿಸಲು ಶುರು ಮಾಡಿದ್ದು, ಮಾನಸಿಕವಾಗಿ ಕುಗ್ಗಿದ್ದರು. ಮೊನ್ನೆ ಮಧ್ಯಾಹ್ನವೂ ಅವರು ಮಾನಸಿಕ ಅಸ್ವಸ್ಥರ ಹಾಗೇ ವರ್ತಿಸಿದ್ದು, ಮನೆ ಒಳಗಿನಿಂದ ಬಾಗಿಲು ಹಾಕಿಕೊಂಡು ಅದಕ್ಕೆ ಬೀಗ ಜಡಿದಿದ್ದರು. ಅದಾದ ನಂತರ ಮನೆಯ ಮೇಲ್ಚಾವಣಿ ಹಂಚು ತೆಗೆದು ಅಲ್ಲಿಂದ ಹೊರಬಂದು ಬಾವಿಗೆ ಹಾರಿದ್ದಾರೆ. ಆನಂದ ನಾಯ್ಕ ಅವರು ಎಂ ಕಾಂ ಪದವಿದರರಾಗಿದ್ದರೂ ಅವರಿಗೆ ಉದ್ಯೋಗವಿರಲಿಲ್ಲ. ಇದರಿಂದಲೂ ಅವರು ಮಾನಸಿಕ ನೋವು ಅನುಭವಿಸುತ್ತಿದ್ದರು. ಆಗಾಗ, ಮದ್ಯ ಸೇವನೆ ಮಾಡುತ್ತಿದ್ದ ಆನಂದ ನಾಯ್ಕ ಅವರು ಚಿಪ್ಪೆಕಲ್ಲು ದುರಂತದಲ್ಲಿ ತಾಯಿ ಕಳೆದುಕೊಂಡ ನಂತರ ದೊಡ್ಡ ಪ್ರಮಾಣದಲ್ಲಿ ವ್ಯಸನದ ದಾಸರಾಗಿದ್ದರು. ಕುಡಿತಕ್ಕೆ ಹಣ ಕೊಡದೇ ಇದ್ದರೆ ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿಯೂ ಅವರು ಕುಟುಂಬದವರನ್ನು ಬೆದರಿಸುತ್ತಿದ್ದರು. ಸದ್ಯ ಶವವನ್ನು ಬಾವಿಯಿಂದ ಮೇಲೆತ್ತಲಾಗಿದೆ. ಪತ್ನಿ ಹಾಗೂ ಮಗನನ್ನು ಕಳೆದುಕೊಂಡ ಅಣ್ಣಪ್ಪ ನಾಯ್ಕ ಅವರು ಘಟನಾವಳಿಗಳ ಬಗ್ಗೆ ಮುರುಡೇಶ್ವರ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
- [ಅವರ ಪಾಲಿಗೆ ಅದೇ ಕೊನೆಯ ಸೆಲ್ಪಿ!](https://mobiletime.in/2026/07/that-was-the-last-selfie-for-them/): ಧಾರವಾಡದಿಂದ ಧರ್ಮಸ್ಥಳಕ್ಕೆ ಹೊರಟಿದ್ದ ತುಪಾನ್ ಕ್ರೂಸರ್ ಯಲ್ಲಾಪುರದಲ್ಲಿ ಅಪಘಾತಕ್ಕೀಡಾಗಿದೆ. ಈ ಅವಘಡದಲ್ಲಿ ಒಟ್ಟು ಏಳು ಜನ ಸಾವನಪ್ಪಿದ್ದಾರೆ. ಯಲ್ಲಾಪುರದ ಆರತಿಬೈಲ್ ಘಟ್ಟ ಪ್ರದೇಶದಲ್ಲಿ ಗುರುವಾರ ಬೆಳಗ್ಗೆ ಅಪಘಾತ ನಡೆದಿದ್ದು, ಗಾಯಗೊಂಡ ಇಬ್ಬರನ್ನು ಚಿಕಿತ್ಸೆಗಾಗಿ ಹುಬ್ಬಳ್ಳಿಗೆ ಕರೆದೊಯ್ಯಲಾಗಿದೆ. ಧಾರವಾಡದ ಕುಬರಗಟ್ಟಿಯ ಸಂಜೀವ ಮೈಲಾರ ಅಂಗಡಿ (33) ಅವರು ತುಫಾನ್ ಟ್ರಾಕ್ಸಿನಲ್ಲಿ ಎಂಟು ಜನ ಸ್ನೇಹಿತರನ್ನು ಪ್ರವಾಸಕ್ಕೆ ಕರೆದೊಯ್ಯುತ್ತಿದ್ದರು. ಧಾರವಾಡದಿಂದ ಹೊರಟ ಅವರೆಲ್ಲರೂ ಧರ್ಮಸ್ಥಳಕ್ಕೆ ಹೋಗಿ ಮುಂದೆ ಚಿಕ್ಕಮಂಗಳೂರು ಪ್ರವೇಶಿಸಲು ನಿರ್ಧರಿಸಿದ್ದರು. ಆದರೆ, ಗುರುವಾರ ನಸುಕಿನಲ್ಲಿ ಯಲ್ಲಾಪುರದ ಆರತಿಬೈಲ್ – ಬಳಗಾರ್ ತಿರುವು ಪ್ರದೇಶದಲ್ಲಿ ಆ ತುಪಾನ್ ಕ್ರುಸರ್ ಲಾರಿಗೆ ಡಿಕ್ಕಿ ಹೊಡೆಯಿತು. ಈ ಡಿಕ್ಕಿಯ ರಭಸಕ್ಕೆ ತುಪಾನ್ ಚಾಲಕ ಸಂಜೀವ ಮೈಲಾರ ಅಂಗಡಿ ಅಲ್ಲಿಯೇ ಸಾವನಪ್ಪಿದರು. ಅವರ ಜೊತೆಯಿದ್ದ ಧಾರವಾಡ ಸಾಧನಕೇರಿಯ ಅಕ್ಷಯ ತೇಜಪ್ಪ ಮುರಳವರ್ (26), ಧಾರವಾಡ ಜಯನಗರದ ಅಭಿಷೇಕ ಈಶ್ವರ (28), ಅದೇ ಊರಿನ ಅಭಿಷೇಕ ಮಲ್ಲೇಶ ಮಡಬಾವಿ (27), ಧಾರವಾಡ ಜೆಎಸ್‌ಎಸ್ ಕ್ಯಾಂಪಸ್ ಬಳಿಯ ಬಸಪ್ಪ ದೇವಪ್ಪ ಕನಕವರ್ (38) ಧಾರವಾಡ ಮುರುಘಾಮಠದ ಮಂಜುನಾಥ ಅಶೋಕ ಚುಳಕಿ (33) ಸ್ಥಳದಲ್ಲಿಯೇ ಕೊನೆಯುಸಿರೆಳೆದರು. ಧಾರವಾಡ ಮೆಹಬೂಬನಗರದ ಸಚೀನ್ (26) ಅವರು ಆಸ್ಪತ್ರೆಗೆ ಕರೆದೊಯ್ಯುವಾಗ ಉಸಿರು ನಿಲ್ಲಿಸಿದರು. ಧಾರವಾಡದ ನರಗುಂದದ ಶಿವರಾಜ ಗುರಪ್ಪ ಮಡಿವಾಳರ (22) ಹಾಗೂ ಕಲಘಟಗಿಯ ಚನ್ನಬಸು ಬಸವಲಿಂಗಯ್ಯ ಸಂಪಗಾವಿಮಠ್ (28) ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದು, ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. `ನಿಧಾನವಾಗಿ ವಾಹನ ಓಡಿಸಿ. ಸುರಕ್ಷತಾ ನಿಯಮಗಳನ್ನು ಪಾಲಿಸಿ’
- [ಜಾಗದ ವಿಷಯಕ್ಕೆ ವೈಮನಸ್ಸು: ವೈದಿಕರಿಂದ ಥಳಿತ!](https://mobiletime.in/2026/07/dispute-over-land-beaten-up-by-vedic-priests/): ಹೊನ್ನಾವರ ಹಳದಿಪುರದ ಅಪ್ಪೇಕೇರಿಯ ಅಶೋಕ ದೇಶಭಂಡಾರಿ ಅವರಿಗೆ ಐದು ಜನ ಸೇರಿ ಥಳಿಸಿದ್ದಾರೆ. ಧರಣೇಂದ್ರ ಇಂದ್ರ, ರಾಜೇಂದ್ರ ಇಂದ್ರ, ಅಂಬಾಬಾಯಿ ಇಂದ್ರ ಅವರ ಜೊತೆ ವೀಣಾ ಹೆಗಡೆ, ಸುಮನಾ ಹೆಗಡೆ ಅವರು ಸೇರಿ ಅಶೋಕ ದೇಶಭಂಡಾರಿ ಅವರಿಗೆ ಹಿಗ್ಗಾಮುಗ್ಗ ಹೊಡೆದಿದ್ದಾರೆ. ಹೊನ್ನಾವರ ಹಳದಿಪುರದ ಅಪ್ಪೇಕೇರಿಯಲ್ಲಿ ಅಶೋಕ ವಾಸುದೇವ ದೇಶಭಂಡಾರಿ ಅವರು ವಾಸವಾಗಿದ್ದಾರೆ. ಟೇಲರಿಂಗ್ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಅಶೋಕ ದೇಶಭಂಡಾರಿ ಅವರ ದುಡಿಮೆಯಿಂದಲೇ ಅವರ ಅಣ್ಣ ಚಂದ್ರಕಾoತ ದೇಶಭಂಡಾರಿ ಹಾಗೂ ಅಕ್ಕ ಮಂಗಲಾ ಭಂಡಾರಿ ಅವರು ಬದುಕುತ್ತಿದ್ದಾರೆ. ಅಶೋಕ ದೇಶಭಂಡಾರಿ ಅವರ ಮನೆ ಅಂಚಿನಲ್ಲಿ ಧರಣೇಂದ್ರ ಮಂಜಯ್ಯ ಇಂದ್ರ ಅವರು ವಾಸವಾಗಿದ್ದಾರೆ. ಧರಣೇಂದ್ರ ಇಂದ್ರ ಅವರು ವೈದಿಕರಾಗಿದ್ದಾರೆ. ಧರಣೇಂದ್ರ ಇಂದ್ರ ಹಾಗೂ ಅಶೋಕ ದೇಶಭಂಡಾರಿ ಅವರ ನಡುವೆ ಜಾಗದ ವಿಷಯವಾಗಿ ವೈಮನಸ್ಸಿದ್ದು, ಅದೇ ಹೊಡೆದಾಟಕ್ಕೆ ಕಾರಣವಾಗಿದೆ. ಜುಲೈ 2ರಂದು ಸಾಲಕೇರಿ ಕಡೆಯಿಂದ ಅಪ್ಪೇಕೇರಿ ಮಾರ್ಗವಾಗಿ ಮೂಡಗಣಪತಿ ಕಡೆ ಅಶೋಕ ದೇಶಭಂಡಾರಿ ಅವರು ನಡೆದು ಹೋಗುತ್ತಿದ್ದರು. ಆಗ ಅಲ್ಲಿಗೆ ಬಂದ ಧರಣೇಂದ್ರ ಇಂದ್ರ ಅವರು ಅಶೋಕ ದೇಶಭಂಡಾರಿ ಅವರನ್ನು ಅಡ್ಡಗಟ್ಟಿದರು. ಧರಣೇಂದ್ರ ಇಂದ್ರ ಅವರ ಜೊತೆ ರಾಜೇಂದ್ರ ಇಂದ್ರ, ಅಂಬಾಬಾಯಿ ಇಂದ್ರ, ವೀಣಾ ಮಹಾಬಲೇಶ್ವರ ಹೆಗಡೆ, ಸುಮನಾ ಮಹಾಬಲೇಶ್ವರ ಹೆಗಡೆ ಸಹ ಇದ್ದರು. ಅವರೆಲ್ಲರೂ ಸೇರಿ ಅಶೋಕ ದೇಶಭಂಡಾರಿ ಅವರನ್ನು ಬಡಿಗೆಯಿಂದ ಬಡಿದರು. ಆ ಐದು ಜನರ ಏಟು ಸಹಿಸಲಾಗದ ಅಶೋಕ ದೇಶಭಂಡಾರಿ ಅವರು ಜೋರಾಗಿ ಕೂಗಿದ್ದು, ಆಗ ಅವರ ಅಣ್ಣ ಚಂದ್ರಕಾoತ ದೇಶಭಂಡಾರಿ ಹಾಗೂ ಮಂಗಲಾ ಭಂಡಾರಿ ಆಗಮಿಸಿ ಹೊಡೆದಾಟ ತಪ್ಪಿಸಿದರು. ಗಾಯಗೊಂಡ ಅಶೋಕ ದೇಶಭಂಡಾರಿ ಅವರು 108ಗೆ ಫೋನ್ ಮಾಡಿದ್ದು, ಆಂಬುಲೆನ್ಸ ಸಹಾಯದಿಂದ ಆಸ್ಪತ್ರೆ ಸೇರಿದರು. ಚಿಕಿತ್ಸೆಪಡೆದ ನಂತರ ಅವರು ತಮಗಾದ ನೋವಿನ ಬಗ್ಗೆ ಪೊಲೀಸ್ ದೂರು ನೀಡಿದರು.
- [ವರದಕ್ಷಿಣೆ ಕಿರುಕುಳ: 10 ವರ್ಷದ ನಂತರ ದೂರು!](https://mobiletime.in/2026/07/dowry-harassment-complaint-filed-after-10-years/): ಭಟ್ಕಳದ ಮಾನಸಾ ಮೊಗೇರ್ ಅವರಿಗೆ ಅವರ ಗಂಡನ ಮನೆಯವರು ವರದಕ್ಷಿಣೆಗಾಗಿ ಪೀಡಿಸುತ್ತಿದ್ದಾರೆ. ಇಷ್ಟು ದಿನ ಸಹಿಸಿಕೊಂಡ ಮಾನಸಾ ಮೊಗೇರ್ ಅವರು ಇದೀಗ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಭಟ್ಕಳದ ಗೊರಟೆಯ ಜಾಣನಮನೆಯಲ್ಲಿ ಮಾನಸಾ (ಕಾವ್ಯ) ಮೊಗೇರ್ ಅವರು ವಾಸವಾಗಿದ್ದಾರೆ. ಅವರು ಶ್ರೀಧರ ಮೊಗೇರ್ ಅವರನ್ನು ಮದುವೆಯಾಗಿದ್ದಾರೆ. ಶ್ರೀಧರ ಮೊಗೇರ್ ಅವರ ಜೊತೆ ಅವರ ತಂದೆ ಪರಮೇಶ್ವರ ಶನಿಯಾರ ಮೊಗೇರ್, ತಾಯಿ ಪದ್ಮಾವತಿ ಪರಮೇಶ್ವರ ಮೊಗೇರ್ ಹಾಗೂ ಪತಿಯ ಸಹೋದರರಾದ ಯೊಗೇಶ್ವರ ಪರಮೇಶ್ವರ ಮೊಗೇರ್, ಆನಂದ ಪರಮೇಶ್ವರ ಮೊಗೇರ್ ಅವರು ಮಾನಸಾ ಮೊಗೇರ್ ಅವರಿಗೆ ಹಿಂಸೆ ನೀಡುತ್ತಿದ್ದಾರೆ. 2016ರಲ್ಲಿ ಮಾನಸಾ ಮೊಗೇರ್ ಅವರು ಶ್ರೀಧರ್ ಮೊಗೇರ್ ಅವರನ್ನು ಮದುವೆ ಆಗಿದ್ದು, ಅಲ್ಲಿಂದ ಇಲ್ಲಿಯವರೆಗೂ ಅವರ ಕಾಟ ಸಹಿಸಿಕೊಂಡಿದ್ದಾರೆ. ಆದರೆ, ಇನ್ಮುಂದೆ ಆ ಹಿಂಸೆ ಸಹಿಸಲಾಗುವುದಿಲ್ಲ ಎಂದು ಭಾವಿಸಿ ಅವರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಗಂಡನ ಮನೆಯವರು ವರದಕ್ಷಿಣೆ ತರುವಂತೆ ಮಾನಸಾ ಅವರನ್ನು ಪೀಡಿಸುತ್ತಿದ್ದು, ತವರು ಮನೆಯಿಂದ ಹಣ ತರದ ಕಾರಣ ದೈಹಿಕವಾಗಿಯೂ ಹಿಂಸಿಸಿದ್ದಾರೆ. 2024ರ ಅವಧಿಯಲ್ಲಿ ಮಾನಸಾ ಅವರನ್ನು ಮನೆಯಿಂದ ಹೊರ ಹಾಕಿ ನೋವು ಮಾಡಿದ್ದಾರೆ. ಪತಿ ಹಾಗೂ ಅವರ ಮನೆಯವರಲ್ಲಿ ಸುಧಾರಣೆ ಆಗಬಹುದು ಎಂಬ ನಿರೀಕ್ಷೆಯಲ್ಲಿ ಮಾನಸಾ ಮೊಗೇರ್ ಅವರು ಮೌನವಾಗಿದ್ದು, ಯಾವುದೇ ಸುಧಾರಣೆ ಕಾಣದ ಕಾರಣ ವರದಕ್ಷಿಣೆ ಕಿರುಕುಳದ ದೂರು ನೀಡಿದ್ದಾರೆ. ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ವಿಚಾರಣೆ ನಡೆಸಿದ್ದಾರೆ.
- [ಹೆದ್ದಾರಿ ಮದ್ಯೆ ಜಲ್ಲಿಗಲ್ಲಿನ ರಾಶಿ: ಪಲ್ಟಿಯಾದ ಕಾರು!](https://mobiletime.in/2026/07/pile-of-gravel-in-the-middle-of-the-highway-car-overturns/): ಕರಾವಳಿಯಲ್ಲಿ ಚತುಷ್ಪದ ಹೆದ್ದಾರಿ ನಿರ್ಮಾಣ ಮಾಡುತ್ತಿರುವ ಐ ಆರ್ ಬಿ ಕಂಪನಿ ರಸ್ತೆ ಮದ್ಯೆಯೇ ಜಲ್ಲಿ ಕಲ್ಲು ರಾಶಿ ಹಾಕಿದ್ದು, ಕಾರವಾರದಲ್ಲಿ ಅದೇ ಅಪಘಾತಕ್ಕೆ ಕಾರಣವಾಗಿದೆ. ಬಿಣಗಾದಲ್ಲಿ ಕಾರೊಂದು ಪಲ್ಟಿಯಾಗಿದೆ. ಕಾರವಾರದ ಬಿಣಗಾದ ಸೋಮನಾಥ ಐಟಿಐ ಕಾಲೇಜಿನ ಬಳಿ ಐಆರ್‌ಬಿಯವರು ಜಲ್ಲಿಕಲ್ಲಿನ ಗುಡ್ಡೆ ಮಾಡಿದ್ದಾರೆ. ಆ ಗುಡ್ಡೆಗೆ ಕಂಬ ನಿಲ್ಲಿಸಿ ಕೆಲ ಸೂಚನಾ ಫಲಕ ಅಳವಡಿಸಿದ್ದಾರೆ. ಜೋರಾಗಿ ಬಂದ ಕಾರಿನವರು ಜಲ್ಲಿ ಕಲ್ಲಿನ ರಾಶಿ ನೋಡಿ ಏಕಾಏಕಿ ಬ್ರೆಕ್ ಅದುಮಿದ್ದು, ಆ ಕಾರು ಪಲ್ಟಿಯಾಗಿದೆ. ಈ ಮಾರ್ಗದಲ್ಲಿನ ರಸ್ತೆ ಕಾಮಗಾರಿ ಇನ್ನೂ ಪೂರ್ಣವಾಗಿಲ್ಲ. ಕಾಮಗಾರಿ ಪ್ರಗತಿಯಲ್ಲಿರುವ ಬಗ್ಗೆ ಅನೇಕ ಕಡೆ ಸೂಚನಾ ಫಲಕಗಳಿಲ್ಲ. ಅದು ಸಹ ಅವಘಡಗಳಿಗೆ ಕಾರಣವಾಗುತ್ತಿದೆ. ಸದ್ಯ ಜೋರು ಮಳೆಯಾಗುತ್ತಿದ್ದು, ಜಲ್ಲಿ ಕಲ್ಲುಗಳನ್ನು ಸುರಿದು ಆ ಮಾರ್ಗದ ವಾಹನ ತಡೆಗೆ ಗುತ್ತಿಗೆ ಕಂಪನಿ ಚಿಂತಿಸಿತ್ತು. ಆ ಚಿಂತನೆ ಜಾರಿಯಾಗಿರುವುದು ಇದೀಗ ಅಪಘಾತ ಪ್ರಮಾಣ ಹೆಚ್ಚಿಸಿದೆ. ಅಪಾಯ ಸೂಚಿಸುವ ಫಲಕಗಳು, ಪ್ರತಿಫಲಕ ಬ್ಯಾರಿಕೇಡ್‌ಗಳು ಅಥವಾ ಎಚ್ಚರಿಕೆ ದೀಪಗಳನ್ನು ಅಳವಡಿಸುವ ಬದಲು ರಸ್ತೆ ಮಧ್ಯದಲ್ಲೇ ಕಲ್ಲು-ಮಣ್ಣನ್ನು ಹಾಕಿ ತಡೆ ನಿರ್ಮಿಸಿರುವುದು ದುರಂತಕ್ಕೆ ಕಾರಣವಾಗಿದೆ.  
- [ಮತ್ತೊಂದು ಹೋರಾಟಕ್ಕೆ ಸಜ್ಜಾದ ಅಂಕೋಲಾ!](https://mobiletime.in/2026/07/ankola-gears-up-for-another-struggle/): ಜನ ವಿರೋಧದ ನಡುವೆಯೂ ಕೇಣಿಯಲ್ಲಿ ಖಾಸಗಿ ವಾಣಿಜ್ಯ ಬಂದರು ನಿರ್ಮಾಣ ಮಾಡಲು ಮುಂದಾದ ಸರ್ಕಾರದ ನಿಲುವು ಖಂಡಿಸಿ ಅಂಕೋಲಾದ ಜನ ಸಿಡಿದೆದ್ದಿದಾರೆ. ಅಂಕೋಲಾದಿoದ ಕಾರವಾರದವರೆಗೂ ಸಾವಿರಾರು ಸಂಖ್ಯೆಯ ಜನ ಪಾದಯಾತ್ರೆ ನಡೆಸಿ ಯೋಜನೆ ವಿರುದ್ಧ ಧಿಕ್ಕಾರ ಮೊಳಗಿಸಲು ನಿರ್ಣಯಿಸಿದ್ದಾರೆ. ಅಂಕೋಲಾದ ಕೇಣಿಯಲ್ಲಿ ಖಾಸಗಿ ವಾಣಿಜ್ಯ ಬಂದರು ನಿರ್ಮಾಣಕ್ಕೆ ಸರ್ಕಾರ ಆಸಕ್ತಿವಹಿಸಿದೆ. ಇಲ್ಲಿ ಹೂಡಿಕೆ ಮಾಡಲು ಜೆಎಸ್‌ಡಬ್ಲೂ ಕಂಪನಿ ಮುಂದೆ ಬಂದಿದೆ. ಆದರೆ, ವಾಣಿಜ್ಯ ಬಂದರು ನಿರ್ಮಾಣದಿಂದ ಮೀನುಗಾರಿಕೆ ಮೇಲೆ ದುಷ್ಪರಿಣಾಮ ಬೀರಲಿದೆ. ಜೊತೆಗೆ ವ್ಯಾಪಕ ಪ್ರಮಾಣದಲ್ಲಿ ಪರಿಸರ ಹಾನಿ ಆಗಲಿದೆ. ಹೀಗಾಗಿ ಅನೇಕರು ಈ ಯೋಜನೆ ವಿರುದ್ಧ ಕಿಡಿಕಾರಿದ್ದಾರೆ. ಯಾವುದೇ ಕಾರಣಕ್ಕೂ ಖಾಸಗಿ ವಾಣಿಜ್ಯ ಬಂದರು ನಿರ್ಮಾಣಕ್ಕೆ ಅವಕಾಶಕೊಡಬಾರದು ಎಂದು ಪಟ್ಟು ಹಿಡಿದಿದ್ದಾರೆ. ಆದರೆ, ಕಳೆದ ಒಂದು ವರ್ಷದಿಂದ ಹೋರಾಟ ನಡೆಯುತ್ತಿದ್ದರೂ ಸರ್ಕಾರ ಹೋರಾಟಗಾರರಿಗೆ ಯಾವ ಭರವಸೆಯನ್ನು ನೀಡಿಲ್ಲ. ವಾಣಿಜ್ಯ ಬಂದರು ನಿರ್ಮಾಣ ವಿರೋಧಿಸಿ ಗ್ರಾಮ ಪಂಚಾಯತಗಳು ಠರಾವು ಮಾಡಿದ್ದರೂ ಅದಕ್ಕೆ ಬೆಲೆ ಕೊಟ್ಟಿಲ್ಲ. ಸಾರ್ವಜನಿಕ ಅಹವಾಲು ಸಭೆಯಲ್ಲಿ ಸಹ ವಾಣಿಜ್ಯ ಬಂದರು ವಿರುದ್ಧವಾಗಿ ಸಾವಿರ ಸಂಖ್ಯೆಯ ಅರ್ಜಿ ಸಲ್ಲಿಕೆಯಾಗಿದ್ದು, ಅದನ್ನು ಸಹ ಗಂಭೀರವಾಗಿ ಪರಿಗಣಿಸಿಲ್ಲ. ಈ ಎಲ್ಲಾ ಹಿನ್ನಲೆ ಅಂಕೋಲಾದ ಜನ ಪಾದಯಾತ್ರೆ ನಡೆಸಿ ಯೋಜನೆ ವಿರೋಧಿಸಲು ನಿರ್ಧರಿಸಿದ್ದಾರೆ. ಉತ್ತರ ಕನ್ನಡ ಉಳಿಸಿ ಹೋರಾಟಗಾರರ ವೇದಿಕೆ ಆಶ್ರಯದಲ್ಲಿ ಹತ್ತಾರು ಹಳ್ಳಿಯ ಜನ ಅಂಕೋಲಾದಿAದ ಕಾರವಾರದವರೆಗೆ ಸಂಚರಿಸಲಿದ್ದಾರೆ. ಜುಲೈ 22ರಂದು ಅಂಕೋಲಾದ ಸ್ವಾತಂತ್ರ ಸಂಗ್ರಾಮ ಸ್ಮಾರಕ ಭವನದಿಂದ ಈ ಪಾದಯಾತ್ರೆ ಶುರುವಾಗಲಿದೆ. ಜಿಲ್ಲಾಧಿಕಾರಿ ಕಚೇರಿವರೆಗೆ ನಡೆದು ಹೋಗಿ ಕೇಣಿ ವಾಣಿಜ್ಯ ಬಂದರು ಯೋಜನೆ ಕೈ ಬಿಡುವಂತೆ ಹಕ್ಕೊತ್ತಾಯ ಮಾಡಲಿದ್ದಾರೆ. ಈ ಪಾದಯಾತ್ರೆಗೆ ಅನುಮತಿ ಕೋರಿ ಈ ದಿನ ಜಿಲ್ಲಾಡಳಿತಕ್ಕೂ ಪತ್ರ ಕೊಟ್ಟಿದ್ದಾರೆ.
- [ಮನೆ ಮುರಿದ ಮಳೆ!](https://mobiletime.in/2026/07/rain-that-wrecked-the-house/): ಧಾರಾಕಾರವಾಗಿ ಸುರಿದ ಮಳೆಗೆ ಶಿರಸಿ ಗಾಂಧೀನಗರದ ರಾಮಚಂದ್ರ ನಾಯ್ಕ ಅವರ ಮನೆ ಬಳಿ ಕುಸಿತ ಉಂಟಾಗಿದೆ. ಮನೆ ಕಪ್ಪದ ಕಪೌಂಡ್, ಮನೆಯ ಗೋಡೆ ಸಹ ಕುಸಿದು ಬಿದ್ದಿದೆ. ಮಳೆ ಜೋರಾದರೆ ಇಲ್ಲಿ ಇನ್ನಷ್ಟು ಕುಸಿಯುವ ಆತಂಕ ಎದುರಾಗಿದೆ. ರಾಮಚಂದ್ರ ನಾಯ್ಕ ಅವರು ಜ್ಯೋಮೆಟೋದಲ್ಲಿ ಪುಡ್ ಡಿಲೆವರಿ ಬಾಯ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಕುಸಿತದ ಪರಿಣಾಮ ಅವರ ಬದುಕು ಇನ್ನಷ್ಟು ಸಂಕಷ್ಟ ಅನುಭವಿಸಿದ್ದು, ಬಿಜೆಪಿ ರೈತ ಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಸ್ಥಳಕ್ಕೆ ಭೇಟಿ ನೀಡಿ ಸಮಸ್ಯೆ ಆಲಿಸಿದ್ದಾರೆ. `ರಾತ್ರಿ ಏಕಾಏಕಿ ಜೋರು ಗಾಳಿ-ಮಳೆ ಶುರುವಾಗಿದ್ದು ಮನೆಯ ಕಂಪೌAಡ್ ಕುಸಿದು ಬಿದ್ದಿತು. ಮನೆಯ ಹಂಚು, ಗೋಡೆ, ನೀರಿನ ಟ್ಯಾಂಕ್ ಹಾನಿಯಾಯಿತು’ ಎಂದು ರಾಮಚಂದ್ರ ನಾಯ್ಕ ಅವರು ವಿವರಿಸಿದರು. `ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಹಾನಿ ಪರಿಶೀಲನೆ ಮಾಡಬೇಕು. ಸಂತ್ರಸ್ತರಿಗೆ ಸೂಕ್ತ ಪರಿಹಾರ ಕೊಡಬೇಕು’ ಎಂದು ಅನಂತಮೂರ್ತಿ ಹೆಗಡೆ ಅವರು ಆಗ್ರಹಿಸಿದರು. ವೈಯಕ್ತಿಕವಾಗಿಯೂ ನೆರವು ನೀಡಿದರು. ಬಿಜೆಪಿ ನಗರ ಮಂಡಲ ಅಧ್ಯಕ್ಷ ಆನಂದ್ ಸಾಲೇರ್ ಅವರು ನಗರಸಭೆ ಅಧಿಕಾರಿಗಳಿಗೆ ಫೋನ್ ಮಾಡಿ ಪರಿಸ್ಥಿತಿಯ ಬಗ್ಗೆ ವರದಿ ಒಪ್ಪಿಸಿದರು. ಬಿಜೆಪಿ ನಗರ ಪ್ರಧಾನ ಕಾರ್ಯದರ್ಶಿ ನಾಗರಾಜ ನಾಯ್ಕ ಹಾಗೂ ನಗರಸಭೆ ಮಾಜಿ ಉಪಾಧ್ಯಕ್ಷ ರಮಾಕಾಂತ್ ಭಟ್ ಉಪಸ್ಥಿತರಿದ್ದರು.
- [ಮಾದಕ ವಸ್ತು ಪತ್ತೆಗೆ ನಾಯಿ ಬಳಕೆ: ಗಾಂಜಾ ಗಿರಾಕಿ ಹುಡುಕುವ ಶ್ವಾನಪಡೆ!](https://mobiletime.in/2026/07/use-of-dogs-to-detect-narcotics-a-canine-squad-on-the-hunt-for-cannabis-users/): ಮಾದಕ ವಸ್ತುಗಳ ಸೇವನೆ ಹಾಗೂ ಸಾಗಾಣಿಕೆ ಪತ್ತೆಗೆ ಪೊಲೀಸರು ಶ್ವಾನ ದಳ ಬಳಕೆ ಮಾಡಿದ್ದಾರೆ. ಬೆಂಗಳೂರಿನಲ್ಲಿ ವಿಶೇಷ ತರಬೇತಿಪಡೆದ ಶ್ವಾನವೊಂದು ಉತ್ತರ ಕನ್ನಡ ಜಿಲ್ಲೆಗೆ ಆಗಮಿಸಿ, ಮಾದಕ ವಸ್ತುಗಳ ಹುಡುಕಾಟ ನಡೆಸಿದೆ! ಉತ್ತರ ಕನ್ನಡ ಜಿಲ್ಲೆಯ ಗೋಕರ್ಣದ ವಿವಿಧ ಕಡೆ ಪೊಲೀಸರು ಶ್ವಾನ ದಳದ ಸಹಾಯದಿಂದ ಮಾದಕ ವಸ್ತುಗಳ ಕಾರ್ಯಾಚರಣೆ ಮಾಡಿದ್ದಾರೆ. ಗೋಕರ್ಣ ಪಿಐ ಶ್ರೀಧರ್ ಎಸ್ ಆರ್ ಅವರು ವಿವಿಧ ಕಡೆ ದಾಳಿ ಮಾಡಿದ್ದು, ಅನುಮಾನಾಸ್ಪದ ವ್ಯಕ್ತಿಗಳ ಅಡಗು ತಾಣಗಳನ್ನು ಶೋಧಿಸಿದ್ದಾರೆ. ಈ ಹಿಂದೆ ಗಾಂಜಾ ಸೇವನೆ ಹಾಗೂ ಸಾಗಾಣಿಕೆ ಪ್ರಕರಣದಲ್ಲಿ ಸಿಕ್ಕಿ ಬಿದ್ದವರ ಮನೆಯನ್ನು ತರಬೇತಿಪಡೆದ ನಾಯಿ ತಪಾಸಣೆ ಮಾಡಿದೆ. ದಿಢೀರ್ ಕಾರ್ಯಾಚರಣೆ ನಡೆಸಿದ ಪೊಲೀಸರಿಗೆ ಮೂರು ಕಡೆ ಗಾಂಜಾ ಸೇವಿಸಿದವರು ಸಿಕ್ಕಿ ಬಿದ್ದಿದ್ದಾರೆ. ವಿವಿಧ ಮನೆ, ಹೊಟೇಲುಗಳ ಮೇಲೆ ಪೊಲೀಸರು ಕಣ್ಣಿರಿಸಿದ್ದಾರೆ. ಸಂದೇಹವುಳ್ಳ ಕಡೆ ದಿಢೀರ್ ಆಗಿ ದಾಳಿ ಮಾಡುತ್ತಿದ್ದಾರೆ. ರೆಸಾರ್ಟ, ಹೋಂ ಸ್ಟೇ ಮೇಲೆಯೂ ಪೊಲೀಸರು ಕಣ್ಣಿಟ್ಟಿದ್ದು ಮಾದಕ ವ್ಯಸನ ಮಾರಾಟ-ಸಾಗಾಟ-ಸೇವನೆ ಮಾಡದಂತೆ ಎಚ್ಚರಿಕೆಯನ್ನು ನೀಡಿದ್ದಾರೆ. ಗೋಕರ್ಣದ ಕುಡ್ಲೆ ಮತ್ತು ಮುಖ್ಯ ಕಡಲತೀರ, ದುಬ್ಬನಶಸಿ ಕಡಲತೀರದಲ್ಲಿ ಈ ದಿನ ವಿಶೇಷ ಗಸ್ತು ಕಾರ್ಯ ನಡೆದಿದೆ. ಪಿಸೈ ಅನಿಲ್ ಅವರ ಜೊತೆ ಅಪರಾಧ ವಿಭಾಗದ ಪಿಸೈ ಸುನಿಲ್, ಮಾದಕ ವಸ್ತು ಪತ್ತೆ ಶ್ವಾನದಳದ ಪ್ರವೀಣ ಗೌಡ, ಶುಭಂ, ಜಗನ್ನಾಥ ಅವರು ಶೋಧ ಕಾರ್ಯದಲ್ಲಿ ಭಾಗಿಯಾಗಿದ್ದಾರೆ.
- [ಹೊಟ್ಟೆಕಿಚ್ಚು: ಮಗುವಿಗೆ ವಿಷ ಉಣಿಸಿದ ರಾಕ್ಷಸಿ!](https://mobiletime.in/2026/07/jealousy-a-monster-who-fed-poison-to-her-child/): ಮಕ್ಕಳಾಗದ ಕಾರಣ ಕೊರಗುತ್ತಿದ್ದ ಶಿರಸಿ ರಾಜೀವ ನಗರದ ಸುಚೇತ್ರಾ ನಾಯ್ಕ ಅವರು ತಮ್ಮ ಅಕ್ಕನ ಮಗನಿಗೆ ವಿಷ ಉಣಿಸಿದ್ದಾರೆ. ಬಾಯಿಂದ ನೊರೆ ಕಾರಿಕೊಂಡ ಒಂದು ತಿಂಗಳ ಮಗು ಸಾವು-ಬದುಕಿನ ನಡುವೆ ಹೋರಾಟ ನಡೆಸಿದೆ. ಶಿರಸಿ ಗಣೇಶನಗರ ಪುಟ್ಟನಮನೆಯ ಬಾಪೂಜಿ ಮಹಾದೇವ ಹುಬ್ಬಳ್ಳಿ ಅವರು ಸದ್ಯ ಶಿರಸಿಯ ರಾಜೀವ ನಗರದಲ್ಲಿ ವಾಸವಾಗಿದ್ದಾರೆ. ಸೆಕ್ಯುರಿಟಿ ಗಾರ್ಡ ಆಗಿ ಅವರು ಕೆಲಸ ಮಾಡಿಕೊಂಡಿದ್ದಾರೆ. ಅವರು ಶಿರಸಿ ರಾಜೀವ ನಗರದ ಚೇತನ ಅವರನ್ನು ಮದುವೆ ಆಗಿದ್ದು, ಮೇ 28ರಂದು ಅವರಿಗೆ ಗಂಡು ಮಗು ಜನಿಸಿದೆ. ಚೇತನ ಅವರು ಗರ್ಭಿಣಿಯಾಗಿದ್ದಾಗ ತವರು ಮನೆಗೆ ಹೋಗಿದ್ದರು. ರಾಜೀವ ನಗರದಲ್ಲಿರುವ ಆ ತವರು ಮನೆಯಲ್ಲಿ ಬಾಪೂಜಿ ಅವರ ಮಾವ ನಾಗೇಂದ್ರ ನಾಯ್ಕ, ಅತ್ತೆ ಮಾದೇವಿ ನಾಯ್ಕ, ಭಾವ ಯತಿನ್ ನಾಯ್ಕ ಹಾಗೂ ಬಾವನ ಪತ್ನಿ ಸುಚಿತ್ರಾ ನಾಯ್ಕ ಅವರು ವಾಸವಾಗಿದ್ದರು. ಸುಚಿತ್ರಾ ನಾಯ್ಕ ಅವರು ಗರ್ಭಿಣಿಯಾದಾಗ ಅವರ ಮಗು ಹೊಟ್ಟೆಯಲ್ಲಿಯೇ ಸಾವನಪ್ಪಿದ್ದು, ಮಕ್ಕಳಿಲ್ಲದ ಕಾರಣ ಸುಚಿತ್ರಾ ನಾಯ್ಕ ಅವರು ಬೇಸರದಲ್ಲಿದ್ದರು. ಚೇತನ ನಾಯ್ಕ ಅವರಿಗೆ ಗಂಡು ಮಗು ಆದಾಗ `ನಿನಗೆ ಗಂಡು ಮಗು ಆಯಿತು. ನನಗೆ ಮಕ್ಕಳೇ ಆಗಲಿಲ್ಲ’ ಎಂದು ಹೊಟ್ಟೆಕಿಚ್ಚಿನಿಂದ ಹೇಳಿದ್ದರು. ಈ ಎಲ್ಲದರ ನಡುವೆ ಜುಲೈ 4ರಂದು ಬಾಪೂಜಿ ಹುಬ್ಬಳ್ಳಿ ಹಾಗೂ ಅವರ ಪತ್ನಿ ಚೇತನ ಅವರು ಮತದಾರರ ಚೀಟಿ ಅಪ್ಟೇಡ್ ಮಾಡಲು ನಿರ್ಧರಿಸಿದ್ದರು. ಆ ಕೆಲಸಕ್ಕಾಗಿ ಅವರು ಶಿರಸಿ ಪೇಟೆಗೆ ಹೊರಟಿದ್ದು, ತಮ್ಮ ಮಗುವನ್ನು ಚೇತನ ಅವರ ತವರು ಮನೆಯಲ್ಲಿ ಬಿಟ್ಟಿದ್ದರು. ಚೇತನ ಅವರು ಅಕ್ಕ ಸುಚೇತ್ರಾ ನಾಯ್ಕ ಅವರ ಬಳಿ ಮಗು ನೋಡಿಕೊಳ್ಳುವಂತೆ ಮನವಿ ಮಾಡಿದ್ದರು. ಆ ದಿನ ಮಧ್ಯಾಹ್ನ 1 ಗಂಟೆಗೆ ಅವರು ಶಿರಸಿ ಪೇಟೆಗೆ ಹೋಗಿದ್ದು, 2 ಗಂಟೆಗೆ ಮಾವ ನಾಗೇಂದ್ರ ಅವರು ಫೋನ್ ಮಾಡಿದರು. `ಮಗುವಿನ ಬಾಯಿಂದ ಕೆಟ್ಟ ವಾಸನೆ ಬರುತ್ತಿದೆ. ಜೊತೆಗೆ ಮಗು ನೊರೆ ಉಗುಳುತ್ತಿದೆ’ ಎಂದು ನಾಗೇಂದ್ರ ಅವರು ಹೇಳಿದರು. ತಕ್ಷಣ ಚೇತನ ಹಾಗೂ ಬಾಪೂಜಿ ದಂಪತಿ ಮನೆಗೆ ದೌಡಾಯಿಸಿದರು. ಮಗು ಅಸ್ವಸ್ಥವಾಗಿತ್ತು. ಗಂಡು ಮಗು ಜನಿಸಿದ ಕಾರಣ ಹೊಟ್ಟೆಕಿಚ್ಚಿನಿಂದ ಇದ್ದ ಸುಚಿತ್ರಾ ನಾಯ್ಕ ಅವರೇ ಆ ಮಗುವನ್ನು ಕೊಲ್ಲುವ ಪ್ರಯತ್ನ ನಡೆಸಿರುವುದು ಬಾಪೂಜಿ ಹಾಗೂ ಚೇತನ ದಂಪತಿಗೆ ಅರಿವಾಯಿತು. ಹೊಟ್ಟೆಕಿಚ್ಚಿನ ಕಾರಣ ಮಗು ಕೊಲ್ಲುವಷ್ಟರ ಮಟ್ಟಿಗೆ ಯೋಚಿಸಿದ ಸುಚಿತ್ರ ಯತಿನ್ ನಾಯ್ಕ ಅವರ ವಿರುದ್ಧ ಬಾಪೂಜಿ ಅವರು ಪೊಲೀಸ್ ದೂರು ನೀಡಿದರು. ಸದ್ಯ ಪೊಲೀಸರು ಈ ಪ್ರಕರಣದ ವಿಚಾರಣೆ ನಡೆಸಿ, ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.  
- [ಹಾರವಾಡ: ಹಾರಿ ಹೋದ ಮೇಲ್ಚಾವಣಿ!](https://mobiletime.in/2026/07/haravada-roof-blown-away/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಧಾರಾಕಾರ ಮಳೆಯಾಗುತ್ತಿದ್ದು, ಅಂಕೋಲಾದ ಹಾರವಾಡದಲ್ಲಿ ವಿವಿಧ ಅವಘಡಗಳು ನಡೆದಿವೆ. ಬೀಸುತ್ತಿರುವ ಗಾಳಿ ಹಾಗೂ ಮಳೆ ಆರ್ಭಟಕ್ಕೆ ಜನ ಆತಂಕದಲ್ಲಿದ್ದಾರೆ. ಹಾರವಾಡದಲ್ಲಿನ ಎರಡು ಮನೆಗಳ ಛಾವಣಿ ಹಾರಿ ಹೋಗಿದೆ. ಸಮುದ್ರದ ಅಲೆಗಳು ದಡಕ್ಕೆ ಅಪ್ಪಳಿಸಿದ ರಭಕ್ಕೆ ಕಡಲ ಕೊರೆತ ಉಂಟಾಗಿದೆ. ಹಾರವಾಡದ ಸತೀಶ ಹರಿಕಂತ್ರ ಮತ್ತು ಸುಮಿತ್ರ ಹರಿಕಂತ್ರ ಅವರ ಮನೆಗಳು ಅಪಾಯದ ಅಂಚಿನಲ್ಲಿದ್ದು, ಕುಸಿಯುವ ಸಾಧ್ಯತೆ ಹೆಚ್ಚಿದೆ. ಸದ್ಯ ಕುಟುಂಬದವರು ಆ ಮನೆ ಖಾಲಿ ಮಾಡಿ ಸುರಕ್ಷಿತ ಸ್ಥಳಕ್ಕೆ ಹೋಗಿದ್ದಾರೆ. ಕಂದಾಯ ಇಲಾಖೆ, ಗ್ರಾಮ ಪಂಚಾಯಿತಿ ಹಾಗೂ ಬಂದರು ಇಲಾಖೆಯ ಅಧಿಕಾರಿಗಳು ಮನೆಯಿದ್ದ ಪ್ರದೇಶಕ್ಕೆ ಭೇಟಿ ನೀಡಿದ್ದಾರೆ. ಹಾರವಾಡ ಭಾಗದಲ್ಲಿ ಕಡಲಕೊರೆತ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವುದನ್ನು ಅಧಿಕಾರಿಗಳು ಗಮನಿಸಿದ್ದಾರೆ. `ಇಲ್ಲಿ ತಾತ್ಕಾಲಿಕ ಪರಿಹಾರದ ಬದಲು ಸಮಸ್ಯೆಯನ್ನು ಶಾಶ್ವತವಾಗಿ ದೂರ ಮಾಡಲು ಸಮುದ್ರ ದಡಕ್ಕೆ ರಕ್ಷಣಾ ತಡೆಗೋಡೆ ನಿರ್ಮಿಸಬೇಕು ಎಂದು ಜನ ಆಗ್ರಹಿಸಿದ್ದಾರೆ.
- [ರಿಕ್ಷಾ ಚಾಲಕರ ಅಳಲು ಆಲಿಸುವವರಾರು?](https://mobiletime.in/2026/07/who-will-listen-to-the-woes-of-the-auto-rickshaw-drivers/): `ಶಿರಸಿ ಹಾಗೂ ಮುಂಡಗೋಡಿನ ಪೆಟ್ರೋಲ್ ಬಂಕ್’ಗಳಲ್ಲಿ ಸಿಬಿಜಿ ವಿತರಣೆ ನಡೆದಿದ್ದು, ಅದನ್ನು ನಿಲ್ಲಿಸಿ ಸಿಎನ್‌ಜಿ ಪೂರೈಕೆ ಮಾಡಬೇಕು’ ಎಂದು ಆಟೋ-ರಿಕ್ಷಾ ಚಾಲಕ ಮತ್ತು ಮಾಲಕ ಸಂಘದವರು ಆಗ್ರಹಿಸಿದ್ದಾರೆ. ಮಂಗಳವಾರ ಕಾರವಾರಕ್ಕೆ ಆಗಮಿಸಿದ್ದ ಸಂಘದ ಪದಾಧಿಕಾರಿಗಳು ಈ ಬಗ್ಗೆ ಜಿಲ್ಲಾಡಳಿತಕ್ಕೆ ಮನವಿ ಸಲ್ಲಿಸಿದ್ದಾರೆ. `ಸಿಬಿಜಿ ಅನಿಲದ ಬಳಕೆಯಿಂದ ವಾಹನಗಳಲ್ಲಿ ತೀವ್ರ ದುರ್ವಾಸನೆ ಬರುತ್ತಿದೆ. ರಿಕ್ಷಾದ ಎಂಜಿನ್‌ಗಳು ಪದೇ ಪದೇ ಹಾಳಾಗುತ್ತಿದೆ. ಅದರಿಂದ ಪ್ರಯಾಣಿಕರು ರಿಕ್ಷಾ ಹತ್ತಲು ಹಿಂಜರಿಯುತ್ತಿದ್ದು, ದುರಸ್ಥಿ ವೆಚ್ಚವೂ ದುಬಾರಿಯಾಗಿದೆ’ ಎಂದು ವಿಶ್ವನಾಥ ಗೌಡ ಅವರು ವಿವರಿಸಿದರು. `ವಾಹನಗಳ ಆರ್‌ಸಿ ಬುಕ್‌ನಲ್ಲಿ ಸಿಎನ್‌ಜಿ ಬಳಕೆಗೆ ಮಾತ್ರ ಅನುಮತಿ ಇದ್ದರೂ ಬಂಕ್ ಸಿಬ್ಬಂದಿ ಸಿಬಿಜಿ ಹಾಕುತ್ತಿದ್ದಾರೆ. ಬೇರೆ ಎಲ್ಲಿಯೂ ಇಲ್ಲದ ನಿಯಮ ಶಿರಸಿ ಹಾಗೂ ಮುಂಡಗೋಡಿನಲ್ಲಿದೆ’ ಎಂದವರು ದೂರಿದರು. `ಒಂದು ವಾರದೊಳಗೆ ಈ ಸಮಸ್ಯೆಯನ್ನು ಬಗೆಹರಿಸದಿದ್ದರೆ ಜಿಲ್ಲೆಯ ಎಲ್ಲಾ ತಾಲೂಕುಗಳಲ್ಲಿ ಆಟೋ ಹಾಗೂ ಟಾಕ್ಸಿ ಸೇವೆ ಬಂದ್ ಮಾಡಲಾಗುತ್ತದೆ. ಜೊತೆಗೆ ಪ್ರತಿಭಟನೆಯನ್ನು ಆಯೋಜಿಸಲಾಗುತ್ತದೆ’ ಎಂದು ಎಚ್ಚರಿಸಿದರು. ಪ್ರಮುಖರಾದ ಉದಯ ನಾಯ್ಕ, ರಾಘು ಗೌಳಿ, ಶಾನ್ ಪಠಾಣ, ವಿನಾಯಕ ಶಿರಸಿ, ಪ್ರದೀಪ್ ಪವಾರ್, ಮಹೇಶ್ ನಾಯ್ಕ, ಅರುಣ ಇತರರಿದ್ದರು.
- [10ಕ್ಕೆ ಜನ್ಮದಿನ.. 12ಕ್ಕೆ ಆರೋಗ್ಯ ಶಿಬಿರ](https://mobiletime.in/2026/07/birthday-on-the-10th-health-camp-on-the-12th/): ಜುಲೈ 10ರಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು 65 ವರ್ಷದ ಜನ್ಮದಿನ ಆಚರಿಸಿಕೊಳ್ಳುತ್ತಿದ್ದಾರೆ. ಅದರ ಅಂಗವಾಗಿ ಜುಲೈ 12ರಂದು ಬಿಜೆಪಿ ರೈತಮೋರ್ಚಾದವರು ಆರೋಗ್ಯ ಶಿಬಿರವನ್ನು ಆಯೋಜಿಸಿದ್ದಾರೆ. ಸಿದ್ದಾಪುರದ ಹಾರ್ಸಿಕಟ್ಟಾದಲ್ಲಿ ಭಾನುವಾರ ಈ ಶಿಬಿರ ನಡೆಯಲಿದೆ. ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಹಾರ್ಸಿಕಟ್ಟಾ ವ್ಯವಸಾಯ ಸೇವಾ ಸಹಕಾರಿ ಸಂಘದ ಸಭಾಭವನದಲ್ಲಿ ಬೆಳಿಗ್ಗೆ 9ಗಂಟೆಯಿAದ ಈ ಬೃಹತ್ ಆರೋಗ್ಯ ಶಿಬಿರ ಆಯೋಜಿಸಲಾಗಿದೆ’ ಎಂದವರು ತಿಳಿಸಿದ್ದಾರೆ. `ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಜನಪ್ರತಿನಿಧಿಯಾಗಿದ್ದ ಅವಧಿಯಲ್ಲಿ ಜಿಲ್ಲೆಯ ವೈದ್ಯಕೀಯ ಮೂಲಸೌಕರ್ಯಗಳಿಗೆ ನೀಡಿದ ಕೊಡುಗೆ ಅಪಾರವಾಗಿದ್ದು, ಮುಖ್ಯವಾಗಿ ಶಿರಸಿಯ ಪಂಡಿತ್ ಸಾರ್ವಜನಿಕ ಆಸ್ಪತ್ರೆಯನ್ನು 142 ಕೋಟಿ ರೂಪಾಯಿ ಭಾರಿ ವೆಚ್ಚದಲ್ಲಿ 250 ಹಾಸಿಗೆಗಳ ಅತ್ಯಾಧುನಿಕ ಆಸ್ಪತ್ರೆಯನ್ನಾಗಿ ಮೇಲ್ದರ್ಜೆಗೇರಿಸಿದ ಕೀರ್ತಿ ಅವರಿಗೆ ಸಲ್ಲುತ್ತದೆ’ ಎಂದು ಅನಂತಮೂರ್ತಿ ಹೆಗಡೆ ಅವರು ಬಣ್ಣಿಸಿದ್ದಾರೆ. `ಹಾರ್ಸಿಕಟ್ಟಾ ಸುತ್ತಮುತ್ತಲಿನ ಗ್ರಾಮೀಣ ಭಾಗಗಳಲ್ಲಿ ಸುಸಜ್ಜಿತ ಆಸ್ಪತ್ರೆಗಳ ಕೊರತೆಯಿರುವುದನ್ನು ಮನಗಂಡು ಈ ಸಮಾಜಮುಖಿ ಶಿಬಿರವನ್ನು ಆಯೋಜಿಸಲಾಗಿದೆ. ಗಂಭೀರ ಕಾಯಿಲೆಗಳು ಬಂದ ಮೇಲೆ ಚಿಕಿತ್ಸೆಗಾಗಿ ಅಲೆಯುವುದಕ್ಕಿಂತ ಮುಂಜಾಗ್ರತೆಯಾಗಿ ಇಂತಹ ಶಿಬಿರಗಳಲ್ಲಿ ಉಚಿತವಾಗಿ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವುದು ಬದುಕಿನ ದೃಷ್ಟಿಯಿಂದ ಅತ್ಯಂತ ಉತ್ತಮ’ ಎಂದವರು ಹೇಳಿದ್ದಾರೆ. `ಈ ಉಚಿತ ಶಿಬಿರದಲ್ಲಿ ಶಿರಸಿಯ ಪ್ರಸಿದ್ಧ ಟಿ ಎಸ್ ಎಸ್ ಆಸ್ಪತ್ರೆ, ಮಾರಿಕಾಂಬಾ ಆಸ್ಪತ್ರೆ ಹಾಗೂ ಜೋಶಿ ಆಸ್ಪತ್ರೆಗಳ ನುರಿತ ತಜ್ಞ ವೈದ್ಯರು ಭಾಗವಹಿಸಲಿದ್ದಾರೆ. ಜನರಲ್ ಮೆಡಿಸಿನ್ ತಜ್ಞ ಜೆ ಬಿ ಕಾರಂತ, ಯೂರಾಲಜಿ ಸೂಪರ್ ಸ್ಪೆಷಲಿಸ್ಟ್ ಗಜಾನನ ಭಟ್ಟ, ಸ್ತ್ರೀರೋಗ ತಜ್ಞ ಶ್ರೀಧರ ವೈದ್ಯ, ಮಕ್ಕಳ ತಜ್ಞ ಆಶಿಶ್ ಜನ್ನು, ಚರ್ಮರೋಗ ತಜ್ಞೆ ಪ್ರಜ್ಞಾ ಜನ್ನು, ಕಣ್ಣಿನ ಸ್ಪೆಷಲಿಸ್ಟ್ ಹರ್ಷ ನಾಡಗೇರ್, ಕ್ಯಾನ್ಸರ್ ತಜ್ಞೆ ಮಮತಾ ಹೆಗಡೆ ಹಾಗೂ ಶಾರದಾ ಸತೀಶ್ ಸೇರಿದಂತೆ ವಿವಿಧ ವೈದ್ಯಕೀಯ ವಿಭಾಗಗಳ ನುರಿತ ತಜ್ಞರು ರೋಗಿಗಳಿಗೆ ನೇರ ಸಲಹೆ ನೀಡಲಿದ್ದಾರೆ’ ಎಂದವರು ಹೇಳಿದ್ದಾರೆ. ಇದರೊಂದಿಗೆ `ಶಿರಸಿಯ ಎಂ ಎಂ ಜೋಶಿ ಗಣೇಶ ನೇತ್ರಾಲಯದ ವತಿಯಿಂದ ಉಚಿತ ಕಣ್ಣಿನ ತಪಾಸಣೆ ಹಾಗೂ ಬೆಂಗಳೂರಿನ ಭಾರತೀಯ ಕ್ಯಾನ್ಸರ್ ಸೊಸೈಟಿ ಮತ್ತು ಅಸ್ಮಿತೆ ಫೌಂಡೇಶನ್ ವೈದ್ಯರ ತಂಡದಿAದ ಮಹಿಳೆಯರಿಗಾಗಿ ವಿಶೇಷವಾಗಿ ಸ್ತನ ಕ್ಯಾನ್ಸರ್ ಸೇರಿದಂತೆ ಉಚಿತ ಕ್ಯಾನ್ಸರ್ ಸ್ಕ್ರೀನಿಂಗ್ ನಡೆಯಲಿದೆ. ಶಿಬಿರದಲ್ಲಿ ಉಚಿತವಾಗಿ ಬಿಪಿ ಹಾಗೂ ಶುಗರ್ ಪರೀಕ್ಷೆ ನಡೆಸಿ ಅಗತ್ಯವಿರುವ ಕೆಲವು ಪ್ರಮುಖ ಔಷಧಿಗಳನ್ನು ಉಚಿತವಾಗಿ ವಿತರಿಸಲಾಗುತ್ತದೆ’ ಎಂದವರು ತಿಳಿಸಿದ್ದಾರೆ. ಪ್ರದೀಪ್ ಹೆಗಡೆ, ಶಿವಕುಮಾರ ಕೊಂಡ್ಲಿ, ವಿನಾಯಕ ನಾಯ್ಕ ಉಪಸ್ಥಿತರಿದ್ದರು.
- [ಮನೆ ಮನೆ ಭೇಟಿ: ಉತ್ತರ ಕನ್ನಡಕ್ಕೆ 3ನೇ ಸ್ಥಾನ!](https://mobiletime.in/2026/07/door-to-door-visits-uttara-kannada-secures-3rd-place/): ಮತದಾರರ ಪಟ್ಟಿ ಸಮಗ್ರ ಪರಿಷ್ಕರಣೆ ವಿಷಯವಾಗಿ ಉತ್ತರ ಕನ್ನಡ ಜಿಲ್ಲೆ ರಾಜ್ಯದಲ್ಲಿ ಮೂರನೇ ಸ್ಥಾನದಲ್ಲಿದೆ. ಈ ಜಿಲ್ಲೆಯಲ್ಲಿ ಈವರೆಗೆ 11,91,548 ಎನ್ಯುಮರೇಷನ್ ಫಾರ್ಮ್’ಗಳನ್ನು ವಿತರಿಸಲಾಗಿದೆ. ಸರ್ಕಾರಿ ದಾಖಲೆಗಳ ಪ್ರಕಾರ ಎನ್ಯುಮರೇಷನ್ ಫಾರ್ಮ್ ವಿತರಣೆಯಲ್ಲಿ ಶೇ.96.87ರಷ್ಟು ಸಾಧನೆ ಆಗಿದೆ. ಈ ಜಿಲ್ಲೆಯಲ್ಲಿ ಒಟ್ಟು 12,30,037 ಮತದಾರರಿದ್ದು, ಈಗಾಗಲೇ 11,58,776 ಮಂದಿಯ ಮ್ಯಾಪಿಂಗ್ ಮಾಡಲಾಗಿದೆ. ಜೊತೆಗೆ ಒಟ್ಟು 59,123 ಫಾರ್ಮ್ ಗಳನ್ನು ಗಣಕೀಕರಣಗೊಳಿಸಲಾಗಿದೆ. ಹಳಿಯಾಳ ಕ್ಷೇತ್ರದಲ್ಲಿ ಒಟ್ಟು 1,87,543 ಮತದಾರರ ಪೈಕಿ 1,73,750 ನಮೂನೆಗಳನ್ನು ವಿತರಿಸಲಾಗಿದ್ದು, 14,375 ನಮೂನೆಗಳು ಗಣಕೀಕೃತಗೊಂಡಿವೆ. ಕಾರವಾರ ಕ್ಷೇತ್ರದಲ್ಲಿ ಒಟ್ಟು 2,23,390 ಮತದಾರರ ಪೈಕಿ 2,22,950 ನಮೂನೆಗಳನ್ನು ವಿತರಿಸಲಾಗಿದ್ದು,9024 ನಮೂನೆಗಳು ಗಣಕೀಕೃತಗೊಂಡಿವೆ. ಕುಮಟಾ ಕ್ಷೇತ್ರದಲ್ಲಿ ಒಟ್ಟು 1,92,055 ಮತದಾರರ ಪೈಕಿ 1,92,054 ನಮೂನೆಗಳನ್ನು ವಿತರಿಸಲಾಗಿದ್ದು, 15,078 ನಮೂನೆಗಳು ಗಣಕೀಕೃತಗೊಂಡಿವೆ. ಭಟ್ಕಳ ಕ್ಷೇತ್ರದಲ್ಲಿ ಒಟ್ಟು 2,31,778 ಮತದಾರರ ಪೈಕಿ 2,23,064 ನಮೂನೆಗಳನ್ನು ವಿತರಿಸಲಾಗಿದ್ದು,8,670 ನಮೂನೆಗಳು ಗಣಕೀಕೃತಗೊಂಡಿವೆ. ಶಿರಸಿ ಕ್ಷೇತ್ರದಲ್ಲಿ ಒಟ್ಟು 2,05,743 ಮತದಾರರ ಪೈಕಿ 1,95,617 ನಮೂನೆಗಳನ್ನು ವಿತರಿಸಲಾಗಿದ್ದು, 5175 ನಮೂನೆಗಳು ಗಣಕೀಕೃತಗೊಂಡಿವೆ. ಯಲ್ಲಾಪುರ ಕ್ಷೇತ್ರದಲ್ಲಿ ಒಟ್ಟು 1,89,528 ಮತದಾರರ ಪೈಕಿ 1,84,113 ನಮೂನೆಗಳನ್ನು ವಿತರಿಸಲಾಗಿದ್ದು,6801 ನಮೂನೆಗಳು ಗಣಕೀಕೃತಗೊಂಡಿವೆ. ಕುಮಟಾ ವಿಧಾನ ಸಭಾ ಕ್ಷೇತ್ರವು ಎನ್ಯುಮರೇಷನ್ ಫಾರ್ಮ್ ವಿತರಣೆಯಲ್ಲಿ ಶೇ 100ರಷ್ಟು ಸಾಧನೆ ಮಾಡಿದೆ. ಈವರೆಗಿನ ಮನೆ ಮನೆ ಭೇಟಿಯ ಸಂದರ್ಭದಲ್ಲಿ ಸ್ಥಳಾಂತರ, ಮರಣ ಹಾಗೂ ದ್ವಿಪ್ರತಿ ಪ್ರಕರಣಗಳಿಗೆ ಸಂಬ0ಧಿಸಿದ0ತೆ ಒಟ್ಟು 1092 ಮತದಾರರನ್ನು ಗುರುತಿಸಲಾಗಿದೆ. ಇದರಲ್ಲಿ 149 ಶಾಶ್ವತ ವಲಸೆ ಹಾಗೂ 868 ಮರಣ ಹೊಂದಿದ ಪ್ರಕರಣಗಳು, 70 ದ್ವಿಪ್ರತಿಗಳು ಸೇರಿವೆ.
- [ಟಾಸ್ಕ್ ಫೋರ್ಸ್: ಕಾಮಗಾರಿ ಪೂರ್ಣಗೊಳಿಸಲು ಸೂಚನೆ](https://mobiletime.in/2026/07/task-force-instructions-to-complete-the-work/): `ಟಾಸ್ಕ್ ಫೋರ್ಸ್ ಕ್ರಿಯಾ ಯೋಜನೆಯಡಿ ಮಂಜೂರಾದ ಕಾಮಗಾರಿಗಳನ್ನು ನಿಗಧಿತ ಅವಧಿಯೊಳಗೆ ಮುಕ್ತಾಯಗೊಳಿಸಬೇಕು’ ಎಂದು ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ ಅಧಿಕಾರಿಗಳಿಗೆ ಜಿ ಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಸೂಚನೆ ನೀಡಿದ್ದಾರೆ. ಕಾರವಾರದಲ್ಲಿ ನೀರು ಮತ್ತು ನೈರ್ಮಲ್ಯ ಸಮಿತಿ ಸಭೆ ನಡೆಸಿದ ಅವರು `ಈ ವರ್ಷ 1.50 ಕೋಟಿ ರೂ ವೆಚ್ಚದಲ್ಲಿ ಕಾಮಗಾರಿ ಕೈಗೊಳ್ಳಲಾಗಿದ್ದು, ಅದನ್ನು ಶೀಘ್ರದಲ್ಲಿ ಮುಕ್ತಾಯಗೊಳಿಸಬೇಕು. ಮತ್ತೆ 2.50 ಕೋಟಿ ರೂ ವೆಚ್ಚದ ಕಾಮಗಾರಿಗೆ ಕ್ರಿಯಾ ಯೋಜನೆ ಸಿದ್ಧಪಡಿಸಿ ಅನುಮೋದನೆ ಪಡೆಯಬೇಕು’ ಎಂದು ಸೂಚಿಸಿದ್ದಾರೆ. `ಟಾಸ್ಕ್ ಪೋರ್ಸ್ ಯೋಜನೆಯಡಿ ಈವರೆಗೆ ಕೈಗೊಂಡಿರುವ ಕಾಮಗಾರಿಗಳು ಮತ್ತು ಅವುಗಳ ಪ್ರಗತಿ ಕುರಿತಂತೆ ವಿವರವಾದ ವರದಿ ಸಲ್ಲಿಸಬೇಕು. ಬೋರ್‌ವೆಲ್ ಕಾಮಗಾರಿ ಸಂದರ್ಭದಲ್ಲಿ ಕಡ್ಡಾಯವಾಗಿ ಜಿಯಾಲಿಜಿಸ್ಟ್ ಅಭಿಪ್ರಾಯ ಪಡೆಯಬೇಕು’ ಎಂದು ತಿಳಿಸಿದರು ಈ ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಅಲ್ಲಾಬಕಷ್ ಹಾಗೂ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ ಅಧಿಕಾರಿಗಳು ಇದ್ದರು.
- [ಅಂದರ್ ಬಾಹರ್: 16 ಜನರ ವಿರುದ್ಧ ಕಾನೂನು ಕ್ರಮ!](https://mobiletime.in/2026/07/andar-bahar-legal-action-against-16-people/): ಶಿರಸಿ ತಾರಗೋಡು ಬಳಿಯ ನೀಡಗೋಡಿನ ಮಂಜು ಪೂಜಾರಿ ಅವರು ತಮ್ಮ ಸ್ನೇಹಿತರನ್ನು ಅಂದರ್-ಬಾಹರ್ ಆಟಕ್ಕೆ ಆಮಂತ್ರಿಸಿದ್ದು, ಮಂಜು ಪೂಜಾರಿ ಅವರ ಜೊತೆ ಮತ್ತೆ 15 ಜನ ಪೊಲೀಸರ ಅತಿಥಿಯಾಗಿದ್ದಾರೆ. ಜುಲೈ 5ರ ಸಂಜೆ 6ಗಂಟೆಗೆ ತಾರಗೋಡು ಬಳಿಯ ನೀಡಗೋಡಿನ ಮಂಜು ಮಾಚಾ ಪೂಜಾರಿ ಅವರು ಕಂಬಳಿ ಹಾಸಿದ್ದರು. ಆ ಕಂಬಳಿ ಮೇಲೆ 60 ಸಾವಿರ ರೂ ಹಣ ಹರಡಿ ದುರ್ಗಾ ಮಾಚಾ ಪೂಜಾರಿ ಅವರು ಕೂತಿದ್ದರು. ಬೊಮ್ಮನಳ್ಳಿಯ ವ್ಯಾಪಾರಿ ಆನಂದ ಸುಬ್ರಾಯ ನಾಯ್ಕ, ಚಂದ್ರಶೇಖರ ನಾಗಾ ನಾಯ್ಕ, ದಾನಂದಿಯ ಮಾದೇವ ಚನ್ನಾ ಪೂಜಾರಿ, ವರ್ಷ, ಯಲ್ಲಾಪುರ ತುಡುಗುಣಿಯ ಹನುಮಂತ ಗೋವಿಂದ ಪೂಜಾರಿ, ಗಣಪತಿ ವೆಂಕಟ ಪೂಜಾರಿ, ಯಲ್ಲಾಪುರ ಹಿತ್ಲಳ್ಳಿಯ ಭಾಸ್ಕರ ಸುಬ್ಬಾ ದೇವಾಡಿಗ, ಶಿರಸಿ ಉಲ್ಲಾಳದ ಸೀನಾ ಮಂಜು ಪೂಜಾರಿ, ಶಿರಸಿ ಮುಂಡಗೆಹಳ್ಳ ಹುಲೆಕಲ್’ನ ಹಿರಿಯ ಶೇಷಾ ಪೂಜಾರಿ, ಮಂಜು ಶೇಷಾ ಪೂಜಾರಿ ಅವರು ಅಲ್ಲಿಗೆ ಆಗಮಿಸಿ ಹಣ ಹೂಡಿಕೆ ಮಾಡಿದ್ದರು. ಕಾನಗೋಡು ಕಲಕೈಯ ಸುಬ್ರಾಯ ತಿಮ್ಮಪ್ಪ ಪೂಜಾರಿ, ಶಿರಸಿ ಸದಾಶಿವಳ್ಳಿಯ ರುದ್ರ ಶಿವು ಗೌಡ ಹಾಗೂ ಶಿರಸಿ ಮಾವಿನಸರದ ಕೃಷ್ಣ ತಿಪ್ಪಯ್ಯ ನಾಯ್ಕ ಅವರು ಅಲ್ಲಿ ನಡೆದ ಅಂದರ್ ಬಾಹರ್ ಆಟಕ್ಕೆ ಕೈ ಜೋಡಿಸಿದ್ದರು. ಶಿರಸಿ ಗ್ರಾಮೀಣ ಠಾಣೆಯ ಪಿಸೈ ಸಂತೋಷಕುಮಾರ ಅವರು ಅಲ್ಲಿ ದಾಳಿ ಮಾಡಿದ್ದು, ಆ ಎಲ್ಲರನ್ನು ಬಂಧಿಸಿದರು. ಕಾನೂನುಬಾಹಿರ ಕ್ರೀಡೆ ಆಡಿದಕ್ಕಾಗಿ ಅವರ ವಿರುದ್ಧ ಕೇಸು ದಾಖಲಿಸಿದರು. ಜೊತೆಗೆ ಆಟಕ್ಕೆ ಬಳಸಿದ್ದ 60400ರೂ ಹಣವನ್ನು ವಶಕ್ಕೆಪಡೆದು ನ್ಯಾಯಾಲಯಕ್ಕೆ ಒಪ್ಪಿಸಿದರು.  
- [ಪೊಲೀಸರ ಮೇಲೆ ದಾಳಿ: ನಾಲ್ವರ ಸೆರೆ!](https://mobiletime.in/2026/07/attack-on-police-four-arrested/): ಶಿರಸಿ ಬಸ್ ನಿಲ್ದಾಣ ಬಳಿಯ ಕ್ಯಾಂಟೀನ್’ನಲ್ಲಿ ತಿಂಡಿ ತಿಂದು ದುಡ್ಡು ಕೊಡದೇ ಗಲಾಟೆ ಮಾಡಿದ ನಾಲ್ವರನ್ನು ಪೊಲೀಸರು ಪ್ರಶ್ನಿಸಿದ್ದು, ಆ ನಾಲ್ವರು ಪೊಲೀಸರ ಮೇಲೆ ದಾಳಿ ಮಾಡಿದ್ದಾರೆ. ಹೀಗಾಗಿ, ಅವರೆಲ್ಲರನ್ನು ಪೊಲೀಸರು ಹಿಡಿದು ಜೈಲಿಗೆ ಹಾಕಿದ್ದಾರೆ. ಜುಲೈ 5ರ ರಾತ್ರಿ 1 ಗಂಟೆಗೆ ಶಿರಸಿ ಕೇಂದ್ರೀಯ ಬಸ್ ನಿಲ್ದಾಣ ಬಳಿ ಗಲಾಟೆ ನಡೆದಿದ್ದು, ಎಸೈ ಎಸೈ ಸುರೇಶ ಗೊಂಜಾಲಿ ಹಾಗೂ ಹೋಂ ಗಾರ್ಡ ನವೀನ ಶಾಸ್ತಿçಗೆ ನಿಂದನೆ ಅವರು ಅಲ್ಲಿ ಹೋಗಿ ವಿಚಾರಿಸಿದ್ದಾರೆ. ಆಗ, ವೆಲ್ಡಿಂಗ್ ಕೆಲಸ ಮಾಡುವ ರಾಮನಬೈಲ್ ಶ್ರೀರಾಮ ಕಾಲೋನಿಯ ಫೈಜಾನ್ ಅಬ್ದುಲ್ ಸಮ್ಮದ್ ಮುಲ್ಲಾ (22), ಅದೇ ಪ್ರದೇಶದಲ್ಲಿ ಕ್ಯಾಟರಿಂಗ್ ಕೆಲಸ ಮಾಡುವ ರಿಹಾನ್ ಅಬ್ದುಲ್ ಸಮ್ಮದ್ ಮುಲ್ಲಾ (27) ಹುಬ್ಬಳ್ಳಿ ರಸ್ತೆಯ ಹವಾಲ್ದಾರಗಲ್ಲಿಯ ತನ್ವೀರ ಆಸೀಫ್ ಶೇಖ್ (22) ಹಾಗೂ ಚಿಕನ್ ಅಂಗಡಿ ನಡೆಸುವ ರಾಜೀವ ನಗರದ ತೋಹಿದ್ ಶಬ್ಬೀರ್ ಸವಣೂರು (22) ಅವರು ಅಲ್ಲಿ ತಿಂಡಿ ತಿಂದು ದುಡ್ಡು ಕೊಡದೇ ಗಲಾಟೆ ಮಾಡುತ್ತಿರುವುದು ಗೊತ್ತಾಗಿದೆ. ಈ ಬಗ್ಗೆ ವಿಚಾರಣೆ ನಡೆಸುತ್ತಿದ್ದ ಎಸೈ ಸುರೇಶ ಗೊಂಜಾಲಿ ಅವರಿಗೆ ಆರೋಪಿತರು ಕಾಲಿನಿಂದ ಒದ್ದಿದ್ದಾರೆ. ಈ ವಿಷಯ ತಿಳಿದು ಪಿಸೈ ನರಸಿಂಹಲು ಅವರು ಅಲ್ಲಿಗೆ ಧಾವಿಸಿದ್ದು, ಆಗ ರಿಹಾನ್ ಅಬ್ದುಲ್ ಸಮ್ಮದ್ ಮುಲ್ಲಾ ಅವರು ನರಸಿಂಹಲು ಅವರಿಗೂ ನಿಂದಿಸಿದ್ದಾರೆ. ಜೊತೆಗೆ ಪೊಲೀಸ್ ಜೀಪ್ ಮೇಲೆ ದಾಳಿ ಮಾಡಿ ಅದನ್ನು ಜಖಂ ಮಾಡಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಸುರೇಶ ಗೊಂಜಾಲಿ ಅವರು ಪೊಲೀಸ್ ಪ್ರಕರಣ ದಾಖಲಿಸಿದ್ದು, ಪೊಲೀಸರ ಮೇಲೆ ಹಲ್ಲೆ ಮಾಡಿದವರು ಅಲ್ಲಿಂದ ಓಡಿ ಪರಾರಿಯಾಗಿದ್ದಾರೆ. ಅದಾದ ನಂತರ ಪೊಲೀಸರು ಅವರನ್ನು ಹುಡುಕಿ ಈ ದಿನ ಎಲ್ಲರನ್ನು ಬಂಧಿಸಿದ್ದಾರೆ. ಸದ್ಯ ಆರೋಪಿತರನ್ನು ನ್ಯಾಯಾಲಯದ ಮುಂದೆ ಹಾಜರುಪಡಿಸಿ, ಜೈಲಿಗೆ ಕಳುಹಿಸಲಾಗಿದೆ.
- [ಶಿರಸಿ | ಅತಿಕ್ರಮಣ ವಿಷಯ: ಅಧಿಕಾರಿಗಳಿಗೆ ಸೂಚನೆ ನೀಡಿದ ಶಾಸಕ](https://mobiletime.in/2026/07/sirsi-encroachment-issue-mla-issues-instructions-to-officials/): `ಉತ್ತರ ಕನ್ನಡ ಜಿಲ್ಲೆಯ ರೈತರು ಜೀವನೋಪಾಯಕ್ಕಾಗಿ ನೆಟ್ಟ ಅಡಿಕೆ ಗಿಡಗಳನ್ನು ಅಧಿಕಾರಿಗಳು ಕೀಳಬಾರದು’ ಎಂದು ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಹಾಗೂ ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್ ಸೂಚಿಸಿದ್ದಾರೆ. `ನಾವು ಹೊಸ ಅತಿಕ್ರಮಣ ಬೆಂಬಲಿಸುವುದಿಲ್ಲ. ಆದರೆ, ಹಳೆಯ ಅತಿಕ್ರಮಣದಾರರನ್ನು ಒಕ್ಕಲೆಬ್ಬಿಸಿದರೆ ಸುಮ್ಮನಿರುವುದಿಲ್ಲ’ ಎಂದು ಗಟ್ಟಿಯಾಗಿ ಹೇಳಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಗೆ ಆಗಮಿಸಿದ ಉಸ್ತುವಾರಿ ಸಚಿವ ಲಕ್ಷಣ ಸವದಿ ಅವರು ಶುಕ್ರವಾರ ಶಿರಸಿಯಲ್ಲಿ ಸಭೆ ಮಾಡಿದ್ದು, ಈ ಸಭೆಯಲ್ಲಿ ಶಿವರಾಮ ಹೆಬ್ಬಾರ್ ಹಾಗೂ ಭೀಮಣ್ಣ ನಾಯ್ಕ ಅವರು ಅತಿಕ್ರಮಣದಾರರ ಪರವಾಗಿ ಧ್ವನಿ ಎತ್ತಿದ್ದಾರೆ. `ರೈತರು ತಮ್ಮ ಮನೆ ಸುತ್ತಮುತ್ತ ಜೀವನೋಪಾಯಕ್ಕಾಗಿ ನೆಟ್ಟಿರುವ ಅಡಕೆ ಗಿಡಗಳನ್ನು ಕೀಳಬಾರದು. ಜಿಲ್ಲೆಯಲ್ಲಿ ಅರಣ್ಯ ಪ್ರದೇಶವೇ ಹೆಚ್ಚಿದ್ದು, ಅನೇಕ ಹಳ್ಳಿಗಳು ಅರಣ್ಯದ ಒಳಗಡೆಯೇ ಇವೆ. ಹೊಸ ಅತಿಕ್ರಮಣವನ್ನು ನಾವು ಬೆಂಬಲಿಸುವುದಿಲ್ಲ, ಆದರೆ ಹಳೆಯ ಅತಿಕ್ರಮಣದಾರರ ಮತ್ತು ರೈತರ ತಂಟೆಗೆ ಅರಣ್ಯ ಅಧಿಕಾರಿಗಳು ಹೋಗಿ ತೊಂದರೆ ನೀಡುವುದು ಸರಿಯಲ್ಲ’ ಎಂದು ಭೀಮಣ್ಣ ನಾಯ್ಕ ಅವರು ಹೇಳಿದ್ದಾರೆ. ಇದಕ್ಕೆ ಧ್ವನಿಗೂಡಿಸಿದ ಶಿವರಾಮ ಹೆಬ್ಬಾರ್ ಅವರು `ಹಳೆಯ ಅತಿಕ್ರಮಣದಾರರಿಗೆ ಯಾವುದೇ ತೊಂದರೆ ಕೊಡಬೇಡಿ. ಕೃಷಿಕರು ಅರಣ್ಯ ಸಂರಕ್ಷಿಸಿಕೊAಡು ತಾವು ಬೆಳೆಯುತ್ತಿದ್ದಾರೆ. ಇಲ್ಲಿನ ರೈತರ ವಿಶ್ವಾಸಗಳಿಸದಿದ್ದರೆ ಅರಣ್ಯಕ್ಕೆ ಬೆಂಕಿ ಬಿದ್ದಾಗ ಆರಿಸಲು ಅಧಿಕಾರಿಗಳಿಗೆ ಸಾಧ್ಯವಾಗುವುದಿಲ್ಲ ಎಂಬುದನ್ನು ನೆನಪಿಡಬೇಕು’ ಎಂದು ಹೇಳಿದರು. ಈ ಸಭೆಯಲ್ಲಿ ಮಾತನಾಡಿದ ಸಚಿವರು `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅತಿವೃಷ್ಟಿ ಹಾಗೂ ಅನಾವೃಷ್ಟಿಯಿಂದಾಗಿ ಉಂಟಾಗಿರುವ ಸಮಗ್ರ ಹಾನಿಯ ವಿವರವಾದ ಪಟ್ಟಿಯನ್ನು ತಕ್ಷಣ ಸಿದ್ಧಪಡಿಸಿ ಮೂರು ದಿನಗಳ ಒಳಗೆ ತಲುಪಿಸಿ’ ಎಂದು ಅಧಿಕಾರಿಗಳಿಗೆ ಕಟ್ಟುನಿಟ್ಟಿನ ಆದೇಶ ನೀಡಿದರು. `ರಾಜ್ಯದ ಕೆಲವೆಡೆ ಅತಿವೃಷ್ಟಿಯಿಂದ ಭಾರಿ ಹಾನಿಯಾಗಿದೆ. ಇನ್ನು ಕೆಲವೆಡೆ ಅನಾವೃಷ್ಟಿಯಿಂದ ಬರಗಾಲದ ವಾತಾವರಣ ನಿರ್ಮಾಣವಾಗಿದೆ. ಈ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿಗಳು ತಕ್ಷಣವೇ ಜಿಲ್ಲೆಯ ಪ್ರತಿ ವಿಧಾನಸಭಾ ಕ್ಷೇತ್ರವಾರು ಪರಿಶೀಲನಾ ಸಭೆ ನಡೆಸಿ, ಹಾನಿಯ ನಿಖರ ಪಟ್ಟಿ ಸಿದ್ಧಪಡಿಸಲು ನಿರ್ದೇಶಿಸಿದ್ದಾರೆ. ಆದ್ದರಿಂದ ಅಧಿಕಾರಿಗಳು ತಮ್ಮ ತಮ್ಮ ತಾಲೂಕು ವ್ಯಾಪ್ತಿಯ ಹಾನಿಯ ಸವಿಸ್ತಾರ ವರದಿಯ ಪ್ರತಿಗಳನ್ನು ಸಲ್ಲಿಸಬೇಕು’ ಎಂದು ಸಚಿವರು ಸೂಚಿಸಿದರು. `ಮಳೆಗಾಲದಲ್ಲಿ ಗ್ರಾಮೀಣ ಭಾಗದಲ್ಲಿ ವಿದ್ಯುತ್ ಸಮಸ್ಯೆ ತೀವ್ರವಾಗುತ್ತಿದ್ದು, ಜನತೆ ವಾರಗಟ್ಟಲೆ ಕತ್ತಲಿನಲ್ಲಿ ಕಳೆಯುತ್ತಿದ್ದಾರೆ. ಹೆಸ್ಕಾಂ ಅಧಿಕಾರಿಗಳು ನಗರ ಪ್ರದೇಶದಲ್ಲಿ ವಿದ್ಯುತ್ ವ್ಯತ್ಯಯ ಉಂಟಾದಲ್ಲಿ ನಿಗದಿತ ಅವಧಿಯ ಒಳಗಾಗಿ ಅದನ್ನು ಸರಿಪಡಿಸಬೇಕು ‘ ಎಂದು ಸೂಚಿಸಿದರು. ಕಾಲಮಿತಿಯೊಳಗೆ ವಿದ್ಯುತ್ ಪೂರೈಸಲು ವಿಳಂಬ ಮಾಡುವ ಅಧಿಕಾರಿಗಳಿಗೆ ಕಾರಣ ಕೇಳಿ ನೋಟೀಸ್ ಜಾರಿಗೊಳಿಸುವಂತೆ ಹೆಸ್ಕಾಂ ಅಧಿಕಾರಿಗೆ ಸೂಚಿಸಿದರು. `ಶಾರ್ಟ್ ಸರ್ಕ್ಯೂಟ್ ತಡೆಯಲು ತಕ್ಷಣವೇ ಜಂಗಲ್ ಕಟಿಂಗ್ ಮಾಡಿಸಬೇಕು’ ಎಂದು ನಿರ್ದೇಶಿಸಿದರು. ಸಭೆಯಲ್ಲಿ ಗ್ಯಾರಂಟಿ ಪ್ರಾಧಿಕಾರದ ಅಧ್ಯಕ್ಷ ಸತೀಶ್ ನಾಯ್ಕ, ಜಿಲ್ಲಾಧಿಕಾರಿ ಕೆ ಲಕ್ಷೀಪ್ರಿಯಾ, ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಉಪವಿಭಾಗಾಧಿಕಾರಿ ಚಂದ್ರಶೇಖರ, ತಹಶೀಲ್ದಾರ್ ಪಟ್ಟರಾಜಗೌಡ ಇತರರು ಇದ್ದರು.
- [ಕಟ್ಟಡದಿಂದ ಬಿದ್ದ ಕಾರ್ಮಿಕ: ಸಾವು!](https://mobiletime.in/2026/07/worker-falls-from-building-dies/): ಮುಂಡಗೋಡಿನ ಟಿಬೆಟಿಯನ್ ಕಾಲೋನಿಯಲ್ಲಿ ಕಟ್ಟಡ ಕೆಲಸ ಮಾಡುತ್ತಿದ್ದ ಮಂಜುನಾಥ ಮಾದರ್ ಅವರು 2ನೇ ಮಹಡಿಯಿಂದ ಬಿದ್ದು ಸಾವನಪ್ಪಿದ್ದಾರೆ. ಆ ಕಟ್ಟಡ ನಿರ್ಮಾಣ ಗುತ್ತಿಗೆಪಡೆದ ಇಸ್ಮಾಯಲ್ ಸಾಬ್ ಅವರ ನಿರ್ಲಕ್ಷವೇ ಈ ಅವಘಡಕ್ಕೆ ಮುಖ್ಯ ಕಾರಣವಾಗಿದೆ. ಮುಂಡಗೋಡು ಟಿಬೇಟಿಯನ್ ಕಾಲೋನಿಯ ಕ್ಯಾಂಪ್ 2ರಲ್ಲಿ ಕಟ್ಟಡ ನಿರ್ಮಾಣ ಕೆಲಸವೊಂದು ನಡೆಯುತ್ತಿದೆ. ಮುಂಡಗೋಡಿನ ಇಸ್ಮಾಯಲ್ ಸಾಬ್ ಅವರು ಆ ಕಟ್ಟಡದ ಉಸ್ತುವಾರಿವಹಿಸಿಕೊಂಡಿದ್ದಾರೆ. ಅಲ್ಲಿ ದುಡಿಯುವ ಕಾರ್ಮಿಕರಿಗೆ ಇಸ್ಮಾಯಲ್ ಸಾಬ್ ಅವರು ಸುರಕ್ಷತಾ ಸಾಮಗ್ರಿ ನೀಡದೇ ಕೆಲಸ ಮಾಡಿಸಿಕೊಳ್ಳುತ್ತಿದ್ದಾರೆ. ಅದರಂತೆ, ಕಲಘಟಗಿಯ ಮಂಜುನಾಥ ಮಾದರ್ ಅವರನ್ನು ಇಸ್ಮಾಯಲ್ ಸಾಬ್ ಅವರು ಅಲ್ಲಿ ದುಡಿಸಿಕೊಂಡಿದ್ದಾರೆ. ಜೂನ್ 26ರಂದು ಮಂಜುನಾಥ ಮಾದರ್ ಅವರು ಅಲ್ಲಿ ಕೆಲಸ ಮಾಡುತ್ತಿದ್ದಾಗ ಇಸ್ಮಾಯಲ್ ಸಾಬ್ ಅವರು ಮಂಜುನಾಥ ಮಾದರ್ ಅವರನ್ನು 2ನೇ ಮಹಡಿಗೆ ಕಳುಹಿಸಿದರು. ಅಲ್ಲಿ ಕೆಲಸ ಮಾಡುವಾಗ ಮಂಜುನಾಥ ಮಾದರ್ ಅವರು ಕೆಳಗೆ ಬಿದ್ದು ಗಾಯಗೊಂಡರು. ತಕ್ಷಣ ಅವರನ್ನು ಮುಂಡಗೋಡಿನ ಡಾ ಭರತ್ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿ ಪ್ರಾಥಮಿಕ ಚಿಕಿತ್ಸೆಕೊಡಿಸಿ ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲು ಮಾಡಲಾಯಿತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಜುಲೈ 5ರ ರಾತ್ರಿ ಮಂಜುನಾಥ ಮಾದರ್ ಅವರು ಸಾವನಪ್ಪಿದರು. ಪತಿಯ ಸಾವಿನ ಬಗ್ಗೆ ಶಂಕ್ರವ್ವ ಮಾದರ್ ಅವರು ಪೊಲೀಸರಿಗೆ ವಿವರಿಸಿ, ದೂರು ನೀಡಿದರು.
- [`ಫಸಲ್ ಭೀಮಾ ಪ್ರಯೋಜನ ಪಡೆಯಿರಿ'](https://mobiletime.in/2026/07/avail-the-benefits-of-fasal-bima/): `ರೈತರೆಲ್ಲರೂ ಪ್ರಧಾನ ಮಂತ್ರಿ ಫಸಲ್ ಭೀಮಾ ಯೋಜನೆಯ ಪ್ರಯೋಜನಪಡೆಯಬೇಕು’ ಎಂದು ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಹೇಳಿದ್ದಾರೆ. ಫಸಲ್ ಭೀಮಾ ಯೋಜನೆಯ ಪೋಸ್ಟರ್ ಬಿಡುಗಡೆ ಮಾಡಿದ ಅವರು `ನೈಸರ್ಗಿಕ ವಿಕೋಪಗಳಿಂದ ರೈತರಿಗೆ ಉಂಟಾಗುವ ಬೆಳೆ ಹಾನಿ ನಷ್ಟ ತಪ್ಪಿಸಲು ಈ ಯೋಜನೆ ಸಹಕಾರಿ’ ಎಂದಿದ್ದಾರೆ. `ಅಧಿಕಾರಿಗಳು ಹಾಗೂ ವಿಮಾ ಕಂಪನಿಗಳು ಸಮನ್ವಯತೆಯಿಂದ ಕಾರ್ಯನಿರ್ವಹಿಸಿ ಹೆಚ್ಚಿನ ರೈತರನ್ನು ಯೋಜನೆಯ ವ್ಯಾಪ್ತಿಗೆ ತರಬೇರಕು. ನೋಂದಣಿ ಕಾರ್ಯವನ್ನು ಮತ್ತಷ್ಟು ಚುರುಕುಗೊಳಿಸಬೇಕು’ ಎಂದವರು ಹೇಳಿದ್ದಾರೆ. `2026ನೇ ಸಾಲಿನಲ್ಲಿ ಜಿಲ್ಲೆಯಲ್ಲಿ ಪ್ರಧಾನ ಮಂತ್ರಿ ಫಸಲ್ ಭೀಮಾ ಯೋಜನೆಯನ್ನು ಅನುಷ್ಠಾನಗೊಳಿಸುವ ಜವಾಬ್ದಾರಿಯನ್ನು ಇಪ್ಕೋ ಟೋಕಿಯೋ ವಿಮಾ ಕಂಪನಿಗೆವಹಿಸಲಾಗಿದೆ’ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. ಈ ಪೋಸ್ಟರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಜಿ ಪಂ ಮುಖ್ಯ ಯೋಜನಾಧಿಕಾರಿ ಸೋಮಶೇಖರ್ ಮೆಸ್ತಾ, ಕೃಷಿ ಇಲಾಖೆ ಜಂಟಿ ನಿರ್ದೇಶಕ ಶಿವಪ್ರಸಾದ್ ಗಾಂವ್ಕರ್, ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಉಪನಿರ್ದೇಶಕ ಮಂಜುನಾಥ್ ರೇವಣಕರ್ ಹಾಗೂ ಸಮಾಜ ಕಲ್ಯಾಣ ಇಲಾಖೆ ಉಪನಿರ್ದೇಶಕ ಉಮೇಶ್ ಉಪಸ್ಥಿತರಿದ್ದರು. ಇಪ್ಕೋ ಟೋಕಿಯೋ ವಿಮಾ ಕಂಪನಿಯ ಉತ್ತರ ಕನ್ನಡ ಜಿಲ್ಲಾ ಸಂಯೋಜಕ ರವೀಂದ್ರ ಮೊಗವೀರ ಹಾಗೂ ವಿವಿಧ ತಾಲೂಕುಗಳ ವಿಮಾ ಪ್ರತಿನಿಧಿಗಳು ಭಾಗವಹಿಸಿದ್ದರು.
- [ಯಲ್ಲಾಪುರ: ಎಲ್ಲಾ ಕಡೆ ಮಳೆ-ಹಾನಿ!](https://mobiletime.in/2026/07/yellapur-rain-related-damage-everywhere/): ಕಳೆದ ಮೂರು ದಿನಗಳಿಂದ ಯಲ್ಲಾಪುರದ ಎಲ್ಲಡೆ ಗಾಳಿ-ಮಳೆ ಜೋರಾಗಿದ್ದು, ಲಕ್ಷಾಂತರ ರೂ ಮೌಲ್ಯದ ಆಸ್ತಿ-ಪಾಸ್ತಿಗೆ ಹಾನಿಯಾಗಿದೆ. ಜೊತೆಗೆ ವಿದ್ಯುತ್, ಮೊಬೈಲ್ ನೆಟ್‌ವರ್ಕ, ಇಂಟರ್‌ನೆಟ್ ವ್ಯವಸ್ಥೆಗಳಿಗೂ ಸಮಸ್ಯೆಯಾಗಿದೆ. ಯಲ್ಲಾಪುರದ ಬಿಳಕಿ ಬಳಿಯ ಪಿಲ್ಲು ಸಾವೇರ ಸಿದ್ದಿ ಅವರ ಮನೆ ಮೇಲೆ ಮರ ಮುರಿದು ಬಿದ್ದಿದೆ. ಮನೆಯ ಮೇಲ್ಚಾವಣಿ ಮೇಲೆ ಮರ ಬಿದ್ದಿರುವುದರಿಂದ ಒಳಗೆ ನೀರು ನುಗ್ಗುತ್ತಿದೆ. ಮಣ್ಣಿನ ಮನೆಯ ಗೋಡೆಗಳು ಒದ್ದೆಯಾಗಿದೆ. ಕೋಳಿಕೇರಿಯ ಸುಭಾಷ ಯಲ್ಲಪ್ಪ ಹರಿಜನ ಅವರ ಮನೆ ಮೇಲೆಯೂ ಮರ ಬಿದ್ದಿದೆ. ಅವರ ಮನೆ ಮುರಿದ ಕಾರಣ ಕುಟುಂಬದವರು ಸಮಸ್ಯೆಗೆ ಸಿಲುಕಿದ್ದಾರೆ. ಮಳೆ ಕಾರಣ ಆ ಮನೆಯಲ್ಲಿದ್ದ ಮಕ್ಕಳ ಶಿಕ್ಷಣಕ್ಕೂ ಸಮಸ್ಯೆಯಾಗಿದೆ. ಬಸವಣ್ಣನಗರದ ಲಕ್ಷಿ ಸುಬ್ಬ ಮರಾಠಿ ಅವರ ಮನೆ, ತೋಟ, ಶೌಚಾಲಯದ ಮೇಲೆ ಭಾರೀ ಗಾತ್ರದ ಮರ ಮುರಿದು ಬಿದ್ದಿದೆ. ಹೀಗಾಗಿ, ಅಲ್ಲಿನ ಜನರು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಮನೆ ಮೇಲೆ ಮರ ಬಿದ್ದ ಪ್ರದೇಶಗಳಿಗೆ ಕಂದಾಯ ಅಧಿಕಾರಿಗಳು ಭೇಟಿ ನೀಡಿದ್ದಾರೆ. ವಿದ್ಯುತ್ ತಂತಿಗಳ ಮೇಲೆ ಮರ ಬಿದ್ದ ಕಡೆ ಹೆಸ್ಕಾಂ ಸಿಬ್ಬಂದಿ ಸಂಚರಿಸುತ್ತಿದ್ದಾರೆ. ಸಮಸ್ಯೆಗೆ ಸಿಲುಕಿದವರಿಗೆ ಸ್ಪಂದಿಸುವ ಪ್ರಯತ್ನ ಮುಂದುವರೆದಿದ್ದು, ಜನ-ದನಗಳಿಗೆ ಸಮಸ್ಯೆ ಆಗದ ಹಾಗೇ ಸುರಕ್ಷತಾ ಸ್ಥಳಗಳಲ್ಲಿ ಆಶ್ರಯಪಡೆಯುವಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.
- [ಬೈಕ್ ಅಪಘಾತ: ವಿದ್ಯಾರ್ಥಿ ಸಾವು!](https://mobiletime.in/2026/07/bike-accident-student-dies/): ಕುಮಟಾದ ಬರ್ಗಿ ಬಳಿ ನಡೆದ ಅಪಘಾತದಲ್ಲಿ ಗಾಯಗೊಂಡಿದ್ದ ಚಿನ್ಮಯ ಪಟಗಾರ್ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಗಂಭೀರ ಗಾಯಗೊಂಡಿದ್ದ ಅವರು ಸಾವನಪ್ಪಿದ್ದಾರೆ. ಕುಮಟಾದ ಹೆಗಡೆಯಲ್ಲಿ ಚಿನ್ಮಯ ಪಟಗಾರ ಅವರು ವಾಸವಾಗಿದ್ದರು. ಯಾಣದ ತಿಲಕ ಗೌಡ ಅವರ ಜೊತೆ ಮಂಗಳವಾರ ಕುಮಟಾದಿಂದ ಅಂಕೋಲಾ ಕಡೆ ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಚಿನ್ಮಯ ಪಟಗಾರ ಹಾಗೂ ತಿಲಕ ಗೌಡ ಅವರು ಸ್ನೇಹಿತರಾಗಿದ್ದು, ಅವರು ಐಟಿಐ ವಿದ್ಯಾರ್ಥಿಯಾಗಿದ್ದರು. ಅಂಕೋಲಾದ ಕಾಲೇಜಿನಲ್ಲಿ ಅವರು ಕಲಿಯುತ್ತಿದ್ದರು. ಕುಮಟಾದ ಬರ್ಗಿ ಬಳಿ ಅವರ ಬೈಕು ಅಪಘಾತಕ್ಕೀಡಾಯಿತು. ಅಪರಿಚಿತ ವಾಹನವೊಂದು ಅವರಿದ್ದ ಬೈಕಿಗೆ ಡಿಕ್ಕಿ ಹೊಡೆದು ಪರಾರಿಯಾಯಿತು. ಪರಿಣಾಮ ಚಿನ್ಮಯ ಪಟಗಾರ ಅವರ ಜೊತೆ ತಿಲಕ ಗೌಡ ಅವರು ಹೆದ್ದಾರಿಯಲ್ಲಿ ಬಿದ್ದು ಗಾಯಗೊಂಡರು. ಆಂಬುಲೆನ್ಸಿನ ಮೂಲಕ ಅವರಿಬ್ಬರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಚಿನ್ಮಯ ಪಟಗಾರ ಅವರು ಸಾವನಪ್ಪಿದರು. ತಿಲಕ ಗೌಡ ಅವರನ್ನು ಸದ್ಯ ಮಂಗಳೂರು ಆಸ್ಪತ್ರೆಗೆ ಸಾಗಿಸಲಾಗಿದೆ. ಪರಾರಿಯಾದ ವಾಹನ ಹಾಗೂ ಅದರ ಚಾಲಕನ ಹುಡುಕಾಟ ಮುಂದುವರೆದಿದೆ.  
- [`ಸರ್ವತೋಮುಖ ಬೆಳವಣಿಗೆಗೆ ಸ್ಕೌಟ್ಸ್ ಹಾಗೂ ಗೈಡ್ಸ್ ಸಹಕಾರಿ'](https://mobiletime.in/2026/07/scouts-and-guides-contribute-to-all-round-development/): `ವಿದ್ಯಾರ್ಥಿಗಳಿಗೆ ಶಿಸ್ತು, ನಾಯಕತ್ವ ಗುಣ, ಆತ್ಮವಿಶ್ವಾಸ ಹೆಚ್ಚಿಸುವುದರ ಜೊತೆ ಕೌಶಲ್ಯ, ಸೇವಾ ಮನೋಭಾವ ಬೆಳೆಸಲು ಸ್ಕೌಟ್ಸ್ ಹಾಗೂ ಗೈಡ್ಸ್ ಸಹಕಾರಿ’ ಎಂದು ಕಾರವಾರ ತಾಲೂಕು ದೈಹಿಕ ಶಿಕ್ಷಣ ಪರಿವೀಕ್ಷಕ ವಿಠೋಬಾ ನಾಯ್ಕ ಅವರು ಹೇಳಿದ್ದಾರೆ. ಅವರು ಕಾರವಾರ ಭಾರತ ಸ್ಕೌಟ್ಸ್ ಮತ್ತು ಗೈಡ್ಸ್ ಸ್ಥಳೀಯ ಸಂಸ್ಥೆ ಆಯೋಜಿಸಿದ ವಾರ್ಷಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ್ದು, `ಪ್ರಸ್ತುತ ವರ್ಷದಲ್ಲಿ ತಾಲೂಕಿನ ವಿದ್ಯಾರ್ಥಿಗಳು ರಾಷ್ಟ್ರಮಟ್ಟದ ಪುರಸ್ಕಾರ ಪಡೆಯಲು ಶ್ರಮಿಸಬೇಲಿ’ ಎಂದು ಕರೆ ನೀಡಿದ್ದಾರೆ. `ಸ್ಕೌಟ್ಸ್ ಮತ್ತು ಗೈಡ್ಸ್ ಮೂಲಕ ಶಿಸ್ತು, ನಾಯಕತ್ವ, ಆತ್ಮವಿಶ್ವಾಸ, ಕೌಶಲ್ಯ, ಸೇವಾ ಮನೋಭಾವ, ದೇಶಭಕ್ತಿ ಜಾಗೃತಿ ಸಾಧ್ಯವಿದೆ. ಪ್ರಾಮಾಣಿಕತೆ, ಸಹಾಯ ಮಾಡುವ ಗುಣ ಜೊತೆಗೆ ಪ್ರಕೃತಿ ಪ್ರೀತಿಯನ್ನು ಕಲಿಸುತ್ತದೆ’ ಎಂದವರು ಅಭಿಪ್ರಾಯಪಟ್ಟರು. ಉತ್ತರಕನ್ನಡ ಜಿಲ್ಲೆಯ ಸ್ಕೌಟ್ಸ್ ಮತ್ತು ಗೈಡ್ಸ್ ಆಯುಕ್ತರಾದ ಜಿ ಜಿ ಸಭಾಹಿತ ಮಾತನಾಡಿ, `ಜಿಲ್ಲೆಯ ತರಬೇತಿ ಕೇಂದ್ರವನ್ನು ಸದ್ಯದಲ್ಲೇ ಪ್ರಾರಂಭಿಸಲಾಗುವುದು. ಆ ನಿಟ್ಟಿನಲ್ಲಿ ನಾವೆಲ್ಲರು ಶ್ರಮಿಸೋಣ’ ಎಂದರು. ಸ್ಥಳೀಯ ಸಂಸ್ಥೆಯ ಉಪಾಧ್ಯಕ್ಷರು ಹಾಗೂ ಬಾಲಮಂದಿರ ಪ್ರೌಢಶಾಲೆಯ ಮುಖ್ಯಾಧ್ಯಪಕಿ ಅಂಜಲಿ ಮಾನೆ ಅವರು `ಮಕ್ಕಳಿಗೆ ಶಿಸ್ತು ಮತ್ತು ಸಂಯಮಶೀಲತೆ ಸ್ಕೌಟ್ಸನಿಂದ ಬರುತ್ತದೆ’ ಎಂದರು. ಅಧ್ಯಕ್ಷತೆಯನ್ನು ಸ್ಥಳೀಯ ಸಂಸ್ಥೆಯ ಅಧ್ಯಕ್ಷರಾದ ಛಾಯಾ ಜಾವಕರ ವಹಿಸಿದ್ದು. `ಸಂಸ್ಥೆ ಬೆಳೆಯಬೇಕು. ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳಿಗೆ ಹೆಚ್ಚು ತರಬೇತಿಗಳ ಅವಶ್ಯಕತೆಯಿರುತ್ತದೆ’ ಎಂದು ಹೇಳಿದರು. ವೇದಿಕೆಯ ಮೇಲೆ ಕಾರ್ಯದರ್ಶಿ ರಾಜು ಹೆಬ್ಬಾರ, ಕೋಶಾಧಿಕಾರಿ ಜಿ ಆರ್ ಮಡಿವಾಳ ಮತ್ತು ಎಸ್ ಓ ಸಿ ಭಾರತಿ ಡಯಾಸ್, ಎಲ್ ಟಿ ಬಿ ಡಿ ಫರ್ನಾಂಡೀಸ್ ಉಪಸ್ಥಿತರಿದ್ದರು. ಕಾರ್ಯಕ್ರಮವನ್ನು ಸ್ಥಳೀಯ ಸಂಸ್ಥೆ ಕಾರ್ಯದರ್ಶಿ ಗಣೇಶ ಬಿಷ್ಟಣ್ಣನವರ ಸ್ವಾಗತಿಸಿ, ನಿರೂಪಿಸಿದರು.
- [ಜೋರು ಮಳೆ: ನಾಳೆ ರಜೆ!](https://mobiletime.in/2026/07/heavy-rain-holiday-tomorrow/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಧಾರಾಕಾರ ಮಳೆ ಸುರಿಯುತ್ತಿರುವ ಕಾರಣ ಜುಲೈ 7ರಂದು 5 ತಾಲೂಕಿನ ಶಾಲೆಗಳಿಗೆ ರಜೆ ಘೋಷಿಸಲಾಗಿದೆ. ಶಿರಸಿ, ಸಿದ್ದಾಪುರ, ಯಲ್ಲಾಪುರ ಜೊಯಿಡಾ ಹಾಗೂ ದಾಂಡೇಲಿ ತಾಲೂಕಿನ ಶಾಲೆ-ಅಂಗನವಾಡಿ-ಪ್ರೌಢಶಾಲೆಗಳಿಗೆ ಈ ರಜೆ ನಿಯಮ ಅನ್ವಯ ಆಗಲಿದೆ. ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಈ ಆದೇಶ ಹೊರಡಿಸಿದ್ದು, ಕಟ್ಟುನಿಟ್ಟಾಗಿ ರಜೆ ನಿಯಮ ಪಾಲಿಸಲು ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ಮುಂದಿನ ಎರಡು ದಿನಗಳ ಕಾಲ ಮಳೆ ಮುಂದುವರೆಯುವ ಲಕ್ಷಣಗಳಿವೆ. ಸದ್ಯಕ್ಕೆ ಜುಲೈ 7ರಂದು ಮಾತ್ರ ರಜೆ ಘೋಷಣೆಯಾಗಿದೆ. ಕಾಲೇಜುಗಳಿಗೆ ಈ ರಜೆ ಸಿಕ್ಕಿಲ್ಲ. ರಜಾ ಅವಧಿಯ ಪಠ್ಯವನ್ನು ಬೇರೆ ದಿನಗಳಲ್ಲಿ ಹೊಂದಾಣಿಕೆ ಮಾಡಿ, ಪಾಠ ಮಾಡಲಾಗುತ್ತದೆ. ಮುಂದಿನ ಎರಡು ದಿನಗಳ ಕಾಲ ಮಳೆ ಮುಂದುವರೆಯುವ ಲಕ್ಷಣಗಳಿವೆ. ಸದ್ಯಕ್ಕೆ ಜುಲೈ ೭ರಂದು ಮಾತ್ರ ರಜೆ ಘೋಷಣೆಯಾಗಿದೆ. ಕಾಲೇಜುಗಳಿಗೆ ಈ ರಜೆ ಸಿಕ್ಕಿಲ್ಲ. ರಜಾ ಅವಧಿಯ ಪಠ್ಯವನ್ನು ಬೇರೆ ದಿನಗಳಲ್ಲಿ ಹೊಂದಾಣಿಕೆ ಮಾಡಿ, ಪಾಠ ಮಾಡಲಾಗುತ್ತದೆ.
- [ಯಲ್ಲಾಪುರದಲ್ಲಿ ಆನಂದ ಉತ್ಸವ!](https://mobiletime.in/2026/07/ananda-utsava-in-yellapur/): ಆರ್ಟ ಆಫ್ ಲಿವಿಂಗ್’ನಿOದ ಯಲ್ಲಾಪುರದಲ್ಲಿ ಆರು ದಿನಗಳ ಆನಂದ ಉತ್ಸವ ಶಿಬಿರ ನಡೆಸಿದ್ದು, 85 ಶಿಬಿರಾರ್ಥಿಗಳು ಭಾಗವಹಿಸಿ ಧ್ಯಾನ-ಜ್ಞಾನದ ಅನುಭವಪಡೆದಿದ್ದಾರೆ. ಇಲ್ಲಿನ TMS ಆವಾರದಲ್ಲಿ ಈ ಶಿಬಿರ ನಡೆಯಿತು. ನಿತ್ಯ ಸಂಜೆ ನಡೆದ ಸತ್ಸಂಗದಲ್ಲಿ ತಾಲೂಕಿನ ಬೇರೆ ಬೇರೆ ಭಾಗದ ಜನ ಭಾಗವಹಿಸಿದ್ದಾರೆ. ಶಿಬಿರಾರ್ಥಿಗಳೆಲ್ಲರಿಗೂ ಸುದರ್ಶನ ಕ್ರಿಯೆ, ಧ್ಯಾನ ಹಾಗೂ ಯೋಗ-ಪ್ರಾಣಾಯಾಮದ ಬಗ್ಗೆ ಅರಿವು ಮೂಡಿಸಲಾಗಿದೆ. 50ಕ್ಕೂ ಅಧಿಕ ಮಹಿಳೆಯರು ಉತ್ಸಾಹದಿಂದ ಶಿಬಿರದಲ್ಲಿ ಪಾಲ್ಗೊಂಡಿದ್ದು, ವಿವಿಧ ಆಧ್ಯಾತ್ಮಿಕ ಚಟುವಟಿಕೆಯಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಯಲ್ಲಾಪುರದಲ್ಲಿ ಈವರೆಗೆ 9 ಸಲ ಆನಂದೋತ್ಸವ ಶಿಬಿರ ನಡೆದಿದ್ದು, ಈವರೆಗೆ 250ರಷ್ಟು ಜನ ಸುದರ್ಶನ ಕ್ರಿಯೆ ಕಲಿತಿದ್ದಾರೆ. ಈ ಬಾರಿ ಶ್ರೀ ಶ್ರೀ ರವಿಶಂಕರ್ ಗುರೂಜಿ ಅವರ ಶಿಷ್ಯೆ ದೀಪಿಕಾ ಅವರು ಶಿಬಿರ ನಡೆಸಿಕೊಟ್ಟಿದ್ದಾರೆ. `ಮಾನಸಿಕ ನೆಮ್ಮದಿಯ ಜೊತೆ ದೈಹಿಕ ವ್ಯಾಯಾಮಗಳಿಗೂ ಈ ಶಿಬಿರದಿಂದ ಅನುಕೂಲವಾಗಿದೆ’ ಎಂದು ಶಿಬಿರಾರ್ಥಿಗಳು ಅನುಭವಹಂಚಿಕೊOಡಿದ್ದಾರೆ. ಯಲ್ಲಾಪುರದ ಆರ್ಟ ಆಫ್ ಲಿವಿಂಗ್ ಸದಸ್ಯ ಶಂಕರ್ ಭಟ್ ಕವರಿಗದ್ದೆ, ಸುಬ್ರಾಯ ಭಟ್ಟ, ನಾರಾಯಣ ಸಭಾಹಿತ, ಚಂದ್ರಶೇಖರ ಹುತ್ಕಂಡ, ಸದಾನಂದ ದಬಗಾರ್ ಕುಟುಂಬದವರು ಈ ಶಿಬಿರದ ಮೇಲುಸ್ತುವಾರಿವಹಿಸಿದ್ದರು. ಇನ್ನೂ ಅಗಸ್ಟ್ 3ರಿಂದ 8ರವರೆಗೆ ಯಲ್ಲಾಪುರದಲ್ಲಿ 10ನೇ ಸಲದ ಆನಂದೋತ್ಸವ ಶಿಬಿರ ನಡೆಯಲಿದೆ. ಮಕ್ಕಳಿಗಾಗಿ ಉತ್ಕರ್ಷ ಹಾಗೂ ಮೇದಾ ಶಿಬಿರವನ್ನು ಆಯೋಜಿಸಲು ಸಂಘಟಕರು ನಿರ್ಧರಿಸಿದ್ದಾರೆ.
- [ನಕಲಿ ಚಿನ್ನಕ್ಕೂ ಲಕ್ಷಾಂತರ ರೂ ಲಾಭ!](https://mobiletime.in/2026/07/profits-of-lakhs-of-rupees-even-from-fake-gold/): ಭಟ್ಕಳದಲ್ಲಿರುವ ವಿಜ್ ಮೋನಿ ಫೈನಾನ್ಸಿನವರು ನಕಲಿ ಬಂಗಾರಕ್ಕೂ ಲಕ್ಷಾಂತರ ರೂ ಸಾಲ ಕೊಟ್ಟಿದ್ದಾರೆ. ಅದಾದ ನಂತರ ಅವರ ಬಳಿಯಿರುವ ಬಂಗಾರ ನಕಲಿ ಎಂದು ಗೊತ್ತಾಗಿದ್ದು, ಹಣ ವಸೂಲಿಗಾಗಿ ಸಾಲಪಡೆದವರನ್ನು ಹುಡುಕಿ ಹೊರಟಿದ್ದಾರೆ. ಭಟ್ಕಳದ ಮುಖ್ಯ ರಸ್ತೆಯಲ್ಲಿ ವಿಜ್ ಮೋನಿ ಫೈನಾನ್ಸ್ ಕಚೇರಿಯಿದೆ. ಅಲ್ಲಿ ಭಟ್ಕಳ ಹೆಬ್ಸಿ ಬಳಿಯ ತಲಗೋಡಿನ ಪ್ರಶಾಂತ ಮಾಧವ ನಾಯ್ಕ ಅವರು ಕೆಲಸ ನಿರ್ವಹಿಸುತ್ತಿದ್ದಾರೆ. ಅಗತ್ಯವಿದ್ದವರಿಂದ ವಿವಿಧ ದಾಖಲೆ-ಆಸ್ತಿಪಡೆದು ಅಗತ್ಯಕ್ಕೆ ಅನುಗುಣವಾಗಿ ಸಾಲ ಕೊಡುವುದು ಅವರ ಕೆಲಸ. ಪ್ರಶಾಂತ ನಾಯ್ಕ ಅವರ ನ್ಯೂನ್ಯತೆಗಳ ಬಗ್ಗೆ ಅರಿತ ಸಿದ್ರಿಕ್ ಸ್ಟಿಟ್’ಮ ಬೇಬಿ ಸಬೀನಾ ಸೀರಾಜ್ ತಾರ್ ಅವರು ಫೈನಾನ್ಸ್ ಕಂಪನಿಗೆ ಮೋಸ ಮಾಡಲು ಉದ್ದೇಶಿಸಿದ್ದಾರೆ. ತಾವು ನಿರ್ಧರಿಸಿದಂತೆಯೇ ಅವರು ಮತ್ತೆ ಮೂವರ ಜೊತೆ ಸೇರಿ 2.5 ಲಕ್ಷ ರೂ ಯಾಮಾರಿಸಿದ್ದಾರೆ. ಫೆಬ್ರವರಿ 6ರಂದು ಭಟ್ಕಳ ಮೇನ್ ರೋಡಿನಲ್ಲಿರುವ ವಿಜ್ ಮೋನಿ ಫೈನಾನ್ಸ್ ಶಾಖೆಗೆ ಬೇಬಿ ಸಬೀನಾ ಅವರು ಭೇಟಿ ನೀಡಿದ್ದಾರೆ. ಉಡುಪಿಯ ಮಹಮದ್ ಜುಬೇರ್, ಕುಂದಾಪುರ ನಾವುಂದದ ಅಬ್ಬಾಸ್ ಸಾಬ್ ಹಾಗೂ ಕುಂದಾಪುರದ ಹರೀಶಿ ಅವರನ್ನು ಬೇಬಿ ಸಬೀನಾ ಅವರು ಆ ಕಚೇರಿಗೆ ಕರೆತಂದಿದ್ದಾರೆ. ಆ ನಾಲ್ವರು ಸೇರಿ ಪ್ರಶಾಂತ ನಾಯ್ಕ ಅವರನ್ನು ಮಾತನಾಡಿಸಿದ್ದಾರೆ. `ನಮಗೆ ಚಿನ್ನದ ಮೇಲೆ ಸಾಲ ಬೇಕು’ ಎಂದು ಹೇಳಿ ಚಿನ್ನವನ್ನು ತೋರಿಸಿದ್ದಾರೆ. ಅದಾದ ನಂತರ ಅಲ್ಲಿ ಸಾಲಕ್ಕಾಗಿ ಖಾತೆಗಳನ್ನು ತೆರೆದಿದ್ದಾರೆ. ಚಿನ್ನವನ್ನು ಅಡವಿರಿಸಿ 2.5 ಲಕ್ಷ ರೂ ಸಾಲಪಡೆದಿದ್ದಾರೆ. ಅದಾಗಿ ಕೆಲ ದಿನದ ನಂತರ ಪ್ರಶಾಂತ ನಾಯ್ಕ ಅವರಿಗೆ ಆ ಚಿನ್ನದ ಮೇಲೆ ಅನುಮಾನ ಬಂದಿದೆ. ಪರೀಕ್ಷಿಸಿದಾಗ ಅದೆಲ್ಲವೂ ನಕಲಿ ಚಿನ್ನ ಎಂದು ಗೊತ್ತಾಗಿದೆ. ಕೂಡಲೇ ಬೇಬಿ ಸಬೀನಾ ಅವರಿಗೆ ಪ್ರಶಾಂತ ನಾಯ್ಕ ಅವರು ಫೋನ್ ಮಾಡಿದ್ದಾರೆ. ನಕಲಿ ಚಿನ್ನ ಅಡವಿರಿಸಿದ ಬಗ್ಗೆ ಪ್ರಶ್ನಿಸಿದ್ದಾರೆ. ಕೂಡಲೇ ಸಾಲದ ಹಣ ಮರಳಿಸುವಂತೆ ಸೂಚಿಸಿದ್ದಾರೆ. `ಇಂದು ಕೊಡುವೆ. ನಾಳೆ ಕೊಡುವೆ’ ಎನ್ನುತ್ತಲೇ ಬೇಬಿ ಸಬೀನಾ ಅವರು ಕಾಲಹರಣ ಮಾಡಿದ್ದು, ಇದರಿಂದ ಸಿಟ್ಟಾದ ಪ್ರಶಾಂತ ನಾಯ್ಕ ಅವರು ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ. `ಮೋಸ ಮಾಡಬೇಡಿ | ಮೋಸ ಹೋಗಬೇಡಿ’
- [ಕಡಲಾಮೆಯನ್ನು ಬಂಧಿಸಿದ ಮೀನಿನ ಗಾಳ!](https://mobiletime.in/2026/07/a-fishing-hook-that-caught-a-sea-turtle/): ಅರಬ್ಬಿ ಸಮುದ್ರದಲ್ಲಿ ಸ್ವಚ್ಛಂದ ಬದುಕು ಕಟ್ಟಿಕೊಂಡಿದ್ದ ಕಡಲ ಆಮೆಗಳ ಬದುಕಿಗೆ ಮೀನು ಹಿಡಿಯುವ ಗಾಳ ಮಾರಕವಾಗಿದೆ. ಮೀನಿನ ಗಾಳ ಗಂಟಲಲ್ಲಿ ಸಿಕ್ಕಿಸಿಕೊಂಡ ಆಮೆಯೊಂದ ಸೋಮವಾರ ದಡಕ್ಕೆ ಬಂದಿದ್ದು, ನಿತ್ರಾಣಗೊಂಡಿದ್ದ ಆ ಆಮೆಯನ್ನು ಗೋಕರ್ಣದ ದೇವಸಮುದ್ರ ರೆಸಾರ್ಟ ಸಿಬ್ಬಂದಿ ಬದುಕಿಸಿದ್ದಾರೆ. ಮೀನು ಹಿಡಿಯುವ ಗಾಳ, ಪ್ಲಾಸ್ಟಿಕ್ ತ್ಯಾಜ್ಯ ಹಾಗೂ ಇನ್ನಿತರ ವಸ್ತುಗಳು ಜಲಚರ ಜೀವಿಗಳಿಗೆ ಅಪಾಯ ಸೃಷ್ಠಿಸಿದೆ. ಸೋಮವಾರ ಗೋಕರ್ಣದ ಕರಿಯಪ್ಪನ ಕಟ್ಟೆಯ ಬಳಿ ಆಗಮಿಸಿದ್ದ ಆಮೆಯ ಗಂಟಲಿನಲ್ಲಿ ಮೀನು ಹಿಡಿಯಲು ಬಳಸುವ ಗಾಳ ಕಾಣಿಸಿದೆ. ಅದರಿಂದ ಅಸ್ವಸ್ಥಗೊಂಡಿದ್ದ ಆಮೆಯನ್ನು ರೆಸಾರ್ಟ ಸಿಬ್ಬಂದಿ ರವಿ ಮಡಿವಾಳ, ದೀಪಕ ಮಡಿವಾಳ,ಪುಟ್ಟಯ್ಯ ಗೌಡ ಹಾಗೂ ಅನುಪ್ ಗುನಗಾ ರಕ್ಷಿಸಿದ್ದಾರೆ. ಅದಾದ ನಂತರ ಆಮೆಯನ್ನು ಸಮುದ್ರಕ್ಕೆ ಬಿಟ್ಟರೂ ಅದು ಮತ್ತೆ ದಡಕ್ಕೆ ಮರಳಿದೆ. ಹೀಗಾಗಿ ಆ ರೆಸಾರ್ಟ ಸಿಬ್ಬಂದಿ ಅರಣ್ಯ ಅಧಿಕಾರಿಗಳಿಗೆ ಫೋನ್ ಮಾಡಿದ್ದಾರೆ. ಅರಣ್ಯ ಇಲಾಖೆಯವರು ಆಗಮಿಸಿ ಆಮೆಗೆ ಇನ್ನಷ್ಟು ಚಿಕಿತ್ಸೆ ಮಾಡಿದ್ದಾರೆ. ನಂತರ ಗಂಗಾವಳಿಯ ಆಮೆ ಸಂರಕ್ಷಣಾ ಕೇಂದ್ರಕ್ಕೆ ಅದನ್ನು ಒಯ್ದು ಆರೈಕೆ ಮಾಡಿದ್ದಾರೆ. ಸಮುದ್ರದ ಅಬ್ಬರ ಕಡಿಮೆಯಾದ ನಂತರ ಆ ಆಮೆಯನ್ನು ಮತ್ತೆ ಕಡಲಿಗೆ ಬಿಡಲಾಗಿದೆ. ಉಪವಲಯ ಅರಣ್ಯಾಧಿಕಾರಿ ರಾಘವೇಂದ್ರ ನಾಯ್ಕ, ಅರಣ್ಯ ರಕ್ಷಕ ಪ್ರಶಾಂತ ಗೌಡ, ಕಾವಲುಗಾರ ವೆಂಕಟ್ರಮಣ ಆಗೇರ ಅವರು ಆಮೆಗೆ ಆರೈಕೆ ಮಾಡಿದ್ದಾರೆ. ಭಾನುವಾರ ಸಹ ಮುಖ್ಯ ಕಡಲತೀರಕ್ಕೆ ಎರಡು ಆಮೆ ಬಂದಿದ್ದು, ಆ ಆಮೆಗೆ ದೋಣಿಯ ಇಂಜಿನ್ ಫ್ಯಾನ್ ಬಡಿದು ಗಾಯವಾಗಿರುವುದು ಗಮನಕ್ಕೆ ಬಂದಿತ್ತು. ಆ ಎರಡು ಆಮೆಯನ್ನು ಕುಂದಾಪುರದ ರೀಫ್ ವಾಚ್ ತಂಡದ ತಜ್ಞರು ಚಿಕಿತ್ಸೆಗೆ ಒಯ್ದಿದ್ದಾರೆ. ಗಾಯಗೊಂಡ ಆಮೆಗಳು ಕಡಲ ಬುಡದಲ್ಲಿ ಕಾಣಿಸಿದರೆ ತಕ್ಷಣ ಮಾಹಿತಿ ನೀಡುವಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ. `ಪ್ಲಾಸ್ಟಿಕ್ ತ್ಯಜಿಸಿ.. ಜೀವ ಸಂಕುಲ ರಕ್ಷಿಸಿ’
- [ಮದುವೆಗೆ ಒಪ್ಪದವನ ಮಾನ ಹರಾಜು!](https://mobiletime.in/2026/07/man-who-refused-marriage-publicly-shamed/): ಶಿರಸಿ ಗಣೇಶ ನಗರದ ಚೇತನ ಕಲಾಲ್ ಅವರಿಗೆ ಹುಬ್ಬಳ್ಳಿಯ ಹುಡುಗಿ ಜೊತೆ ವಿವಾಹ ನಿಶ್ಚಿತಾರ್ಥ ನಡೆದಿದ್ದು, ಶಿವಮೊಗ್ಗದ ಪ್ರಿಯಾಂಕ ಮೈಸೂರು ಎಂಬಾತರು ಆ ಮದುವೆಗೆ ಅಡ್ಡಗಾಲು ಹಾಕುತ್ತಿದ್ದಾರೆ. `ನೀ ನನಗೆ ಮದುವೆ ಆಗಬೇಕು’ ಎಂದು ಪ್ರಿಯಾಂಕ ಅವರು ಕಾಡಿಸುತ್ತಿದ್ದು, `ಈ ಮದುವೆ ನಿರಾಕರಿಸುವುದಾದರೆ 50 ಲಕ್ಷ ರೂ ಹಣ ಕೊಡಬೇಕು’ ಎಂದು ತಾಕೀತು ಮಾಡಿದ್ದಾರೆ. ಶಿರಸಿ ಗಣೇಶ ನಗರದ ಶೆಟ್ಟರ್ ಕಾಲೋನಿಯಲ್ಲಿ ಚೇತನ ಅಡವಿಲಪ್ಪ ಕಲಾಲ್ ಅವರು ವಾಸವಾಗಿದ್ದಾರೆ. 34 ವರ್ಷದ ಅವರಿಗೆ ಶಿವಮೊಗ್ಗದ ಶಿವಮೊಗ್ಗದ ಹರಿಗೆ ವಿದ್ಯಾನಗರದಲ್ಲಿ ವಾಸವಾಗಿರುವ ಪ್ರಿಯಾಂಕಾ ಮೈಸೂರು ಅವರು ಪರಿಚಿತರಾಗಿದ್ದಾರೆ. ಪ್ರಿಯಾಂಕ ಮೈಸೂರು ಹಾಗೂ ಚೇತನ ಕಲಾಲ್ ಮೊದಲು ಅನ್ಯೋನ್ಯವಾಗಿದ್ದು, ಪ್ರಿಯಾಂಕ ಅವರು ಚೇತನ್ ಅವರನ್ನೇ ಮದುವೆ ಆಗುವ ಕನಸು ಕಂಡಿದ್ದಾರೆ. ಆದರೆ, ಚೇತನ ಕಲಾಲ್ ಅವರಿಗೆ ಪ್ರಿಯಾಂಕ ಅವರನ್ನು ವರಿಸಲು ಮನಸ್ಸಿಲ್ಲ. ಹೀಗಿರುವಾಗ ಚೇತನ ಕಲಾಲ್ ಅವರಿಗೆ ಅವರದ್ದೇ ಸಂಬAಧಿಕರೊಬ್ಬರ ಜೊತೆ ವಿವಾಹ ನಿಶ್ಚಯವಾಗಿದೆ. ಹುಬ್ಬಳ್ಳಿಯಲ್ಲಿ ವಾಸವಾಗಿರುವ ಹುಡುಗಿಯನ್ನು ಮದುವೆ ಆಗಲು ಚೇತನ ಕಲಾಲ್ ಅವರು ಒಪ್ಪಿದ್ದು, ಅದಕ್ಕೆ ಪ್ರಿಯಾಂಕ ಅವರು ಅಡ್ಡಿಯಾಗಿದ್ದಾರೆ. ಚೇತನ ಕಲಾಲ್ ಅವರ ನಿಶ್ಚಿತಾರ್ಥದ ದಿನ ಫೋನ್ ಮಾಡಿದ ಪ್ರಿಯಾಂಕ ಅವರು `ಆಕೆಯನ್ನು ಬಿಟ್ಟು ನನ್ನ ಮದುವೆ ಆಗು’ ಎಂದು ಒತ್ತಾಯ ಮಾಡಿದ್ದಾರೆ. ಇದಕ್ಕೆ ಒಪ್ಪದೇ ಇದ್ದಾಗ `ನನ್ನ ಮದುವೆ ಆಗದೇ ಇದ್ದರೆ 50 ಲಕ್ಷ ರೂ ಹಣ ಕೊಡು’ ಎಂದು ಪೀಡಿಸಲು ಶುರು ಮಾಡಿದ್ದಾರೆ. `ನನ್ನ ಮದುವೆ ಆಗಬೇಕು. ಇಲ್ಲವೇ, 50 ಲಕ್ಷ ರೂ ಹಣ ಕೊಡಬೇಕು. ಇದೆರಡೂ ಆಗದಿದ್ದರೆ ನಿನಗೆ ಜೀವನ ಮಾಡಲು ಬಿಡುವುದಿಲ್ಲ’ ಎಂದು ಪ್ರಿಯಾಂಕ ಅವರು ಹೆದರಿಸಿದ್ದಾರೆ. ಇದಕ್ಕೆ ಚೇತನ ಕಲಾಲ್ ಅವರು ಪ್ರತಿಕ್ರಿಯಿಸದ ಕಾರಣ ಜೂನ್ 23ರಂದು ಪ್ರಿಯಾಂಕ ಹಾಗೂ ಅವರ ತಾಯಿ ಮಮತಾ ಅವರು ಶಿರಸಿಗೆ ಬಂದಿದ್ದಾರೆ. ಗಣೇಶ ನಗರದ ನಾಗೇಶ ಶೆಟ್ಟಿ ಕಾಲೋನಿಗೆ ನುಗ್ಗಿ ಗಲಾಟೆ ಮಾಡಿದ್ದಾರೆ. ಮನೆಯ ಒಳಗಿದ್ದ ಚೇತನ ಕಲಾಲ್ ಅವರನ್ನು ಉದ್ದೇಶಿಸಿ `ನೀ ಹೇಗೆ ಮದುವೆ ಆಗುತ್ತೀಯಾ? ನಾನು ನೋಡುವೆ’ ಎಂದು ಪ್ರಿಯಾಂಕ ಹಾಗೂ ಮಮತಾ ಕೂಗಾಡಿದ್ದಾರೆ. ಈ ವೇಳೆ ಚೇತನ ಕಲಾಲ್ ಅವರ ಅಣ್ಣ ಅಣ್ಣ ಮಂಜುನಾಥ ಕಲಾಲ್ ಹಾಗೂ ತಾಯಿ ಗಾಯತ್ರಿ ಕಲಾಲ್ ಅವರು ಶಿವಮೊಗ್ಗದಿಂದ ಬಂದ ಮಹಿಳೆಯರಿಬ್ಬರನ್ನು ಸಮಾಧಾನ ಮಾಡುವ ಪ್ರಯತ್ನ ಮಾಡಿದ್ದಾರೆ. `ಆತನಿಗೆ ಮದುವೆ ಆಗಲು ಇಷ್ಟವಿಲ್ಲ. ಬಲವಂತ ಮಾಡಬೇಡಿ’ ಎಂದು ಮನವಿ ಮಾಡಿದ್ದಾರೆ. ಇದರಿಂದ ಇನ್ನಷ್ಟು ಸಿಟ್ಟಾದ ಪ್ರಿಯಾಂಕ ಅವರು ಚೇತನ ಅವರ ಹೆಸರಿನಲ್ಲಿ ಇನಸ್ಟಾಗ್ರಾಮಿನಲ್ಲಿ ನಕಲಿ ಖಾತೆ ತೆರೆದಿದ್ದಾರೆ. ಅಲ್ಲಿ ಚೇತನ ಕಲಾಲ್ ಅವರ ವಿವಿಧ ಫೋಟೋ ಹರಿಬಿಟ್ಟಿ ಕೆಟ್ಟದಾಗಿ ಬರೆದು ಸೇಡು ತೀರಿಸಿಕೊಂಡಿದ್ದಾರೆ. `ನಕಲಿ ಖಾತೆಗಳ ಸಂದೇಶ ನಂಬಬೇಡಿ’  
- [ಸಹವಾಸ ದೋಷದಿಂದ ಸ್ನೇಹಿತ ಕೆಟ್ಟ!](https://mobiletime.in/2026/07/my-friend-went-astray-due-to-bad-company/): 20ನೇ ವಯಸ್ಸಿಗೆ ಭಾರತೀಯ ನೌಕಾನೆಲೆಯಲ್ಲಿ ಕೆಲಸ ಗಿಟ್ಟಿಸಿಕೊಂಡ ಕಾರವಾರ ಬಿಣಗಾದ ರೋಹಿತ್ ಮಾಸ್ತೇಕರ್ ಅವರು ಅತಿಯಾದ ಮೋಜು-ಮಸ್ತಿಗೆ ಮಾರು ಹೋಗಿದ್ದಾರೆ. ಅರಗಾ ಮಹಾದೇವಸ್ಥಾನ ಬಳಿಯ ಸುದೀಪ ಅಂಬಿಗ ಹಾಗೂ ರಿತೀಶ್ ಮಡಿವಾಳ ಅವರು ಸಹವಾಸ ದೋಷದಿಂದ ಹಾಳಾಗಿದ್ದಾರೆ. ಕಾರವಾರದ ಅರಗಾ ಮಹಾದೇವಸ್ಥಾನ ಬಳಿ ಸುದೀಪ ಮಂಜುನಾಥ ಅಂಬಿಗ (25) ಅವರು ವಾಸವಾಗಿದ್ದಾರೆ. ಅಲ್ಲಿಯೇ ಸಮೀಪ ರಿತೀಶ ಗಣೇಶ ಮಡಿವಾಳ ಅವರು ವಾಸವಾಗಿದ್ದಾರೆ. ಅವರಿಬ್ಬರೂ ಬೇರೆ ಬೇರೆ ಖಾಸಗಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಅವರಿಬ್ಬರಿಗೂ ಭಾರತೀಯ ನೌಕಾನೆಲೆಯಲ್ಲಿ ಉದ್ಯೋಗ ಮಾಡುವ ಬಿಣಗಾ ಮಾಳ್ಸವಾಡದ ರೋಹಿತ್ ರಾಜೇಶ ಮಾಸ್ತೇಕರ್ (20) ಅವರು ಸ್ನೇಹಿತರಾಗಿದ್ದು, ರೋಹಿತ್ ಮಾಸ್ತೇಕರ್ ಅವರ ಜೊತೆ ಸೇರಿ ಸಂದೀಪ ಅಂಬಿಗ ಹಾಗೂ ರಿತೀಶ್ ಮಡಿವಾಳ ದಾರಿ ತಪ್ಪಿದ್ದಾರೆ. ಈ ಮೂವರು ದುಶ್ಚಟಕ್ಕೆ ದಾಸರಾಗಿದ್ದು, ರಾತ್ರಿ ವೇಳೆ ಕದ್ದು ಮುಚ್ಚಿ ಒಂದಡೆ ಸೇರುತ್ತಾರೆ. ಎಲ್ಲರೂ ಸೇರಿ ಒಟ್ಟಿಗೆ ವ್ಯಸನಗಳನ್ನು ಮಾಡುತ್ತಾರೆ. ಮುಖ್ಯವಾಗಿ, ನಿಷೇಧಿತ ಗಾಂಜಾ ಸೇವಿಸುವುದಕ್ಕಾಗಿಯೇ ಅವರು ಕಾರವಾರಕ್ಕೆ ಬರುತ್ತಿದ್ದು, ಮುಖ್ಯ ಕಡಲತೀರದ ಹನುಮಾನ್ ಮೂರ್ತಿ ಬಳಿ ಮೋಜು-ಮಸ್ತಿ ಮಾಡುತ್ತಾರೆ. ವಾರದ ಹಿಂದೆ ಅಮಲಿನಲ್ಲಿ ಅಲೆದಾಡುತ್ತಿದ್ದ ಆ ಮೂವರು ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾರೆ. ನಂತರ ನಡೆದ ವೈದ್ಯಕೀಯ ತಪಾಸಣೆಯಲ್ಲಿಯೂ ವಿಪರೀತ ಪ್ರಮಾಣದಲ್ಲಿ ಗಾಂಜಾ ಸೇವಿಸಿರುವುದು ದೃಢವಾಗಿದೆ. ಅತ್ಯಂತ ಸಣ್ಣ ವಯಸ್ಸಿನಲ್ಲಿಯೇ ಆ ಮೂವರು ಅಡ್ಡದಾರಿ ಹಿಡಿದಿದನ್ನು ನೋಡಿ ಪೊಲೀಸರು ಕೆಂಡಾಮAಡಲರಾಗಿದ್ದಾರೆ. ಸಿಕ್ಕಿರುವ ಒಳ್ಳೆಯ ಉದ್ಯೋಗವನ್ನು ಸದುಪಯೋಗಪಡಿಸಿಕೊಂಡು ಉತ್ತಮ ನಾಗರಿಕರಾಗಿ ಎಂದು ಬುದ್ದಿಮಾತು ಹೇಳಿದ್ದಾರೆ. ಅದಾಗಿಯೂ, ನಶೆಯಿಂದಿಳಿಯದ ಆ ಮೂವರ ವಿರುದ್ಧವೂ ಕೇಸು ದಾಖಲಿಸಿದ್ದಾರೆ. `ಮಾದಕ ವ್ಯಸನಗಳು ಬದುಕಿಗೆ ಮಾರಕ’  
- [ಮನೆಯಲ್ಲಿಯೇ ಇರೀ.. ಸುರಕ್ಷಿತವಾಗಿರಿ!](https://mobiletime.in/2026/07/stay-at-home-stay-safe/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಧಾರಾಕಾರ ಮಳೆಯಾಗುತ್ತಿದ್ದು, ಮುಂದಿನ ಎರಡು ದಿನಗಳ ಕಾಲ ಮಳೆ ಹೀಗೆ ಮುಂದುವರೆಯುವ ಲಕ್ಷಣಗಳಿವೆ. ಜುಲೈ 6ರ ಬೆಳಗ್ಗೆಯಿಂದ ಮಳೆ ಜೋರಾಗಿದ್ದು, ಜುಲೈ 7ರ ಬೆಳಗ್ಗೆಯವರೆಗೂ ಮಳೆ ಪ್ರಮಾಣ ಹೆಚ್ಚಾಗುವ ಮಾಹಿತಿ ಸಿಕ್ಕಿದೆ. ಭಾರತೀಯ ಹವಾಮಾನ ಇಲಾಖೆ ನೀಡಿದ ಮಾಹಿತಿ ಅನ್ವಯ ಉತ್ತರ ಕನ್ನಡ, ಉಡುಪಿ ಹಾಗೂ ಮಂಗಳೂರು ಭಾಗದಲ್ಲಿ ಭಾರೀ ಪ್ರಮಾಣದ ಗಾಳಿ ಜೊತೆ ಮಳೆ ಬೀಳಲಿದೆ. ಹೀಗಾಗಿ ಈ ಜಿಲ್ಲೆಗಳಲ್ಲಿ ರೆಡ್ ಅಲರ್ಟ್ ಘೋಷಣೆ ಮಾಡಲಾಗಿದೆ. ಈ ಭಾಗದಲ್ಲಿ ಪ್ರತಿ ಗಂಟೆಗೆ 50ಕಿಮೀ ವೇಗದಲ್ಲಿ ಗಾಳಿ ಬೀಸುವ ಲಕ್ಷಣಗಳಿವೆ. ಭಾರೀ ಮಳೆ ಕಾರಣ ಸಮುದ್ರದ ವಾತಾವರಣವೂ ಬದಲಾಗಿದ್ದು, ಅಲ್ಲಿ ತೆರಳುವುದು ಅಪಾಯಕಾರಿ ಎಂದು ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಜೊತೆ ಗುಡುಗು-ಸಿಡಿಲಿನ ಸಾಧ್ಯತೆಗಳಿವೆ. ಅದರಲ್ಲಿಯೂ, ಮುಖ್ಯವಾಗಿ ಕರಾವಳಿ ಭಾಗದಲ್ಲಿ ಹೆಚ್ಚಿನ ಮಳೆಯಾಗುವ ಸಾಧ್ಯತೆಯಿದೆ. ಈ ಎಲ್ಲಾ ಹಿನ್ನಲೆ `ಜನ ಸುರಕ್ಷಿತ ಸ್ಥಳದಲ್ಲಿರಬೇಕು. ಅನಗತ್ಯವಾಗಿ ಮನೆಯಿಂದ ಹೊರ ಹೋಗಬಾರದು. ತಗ್ಗು ಪ್ರದೇಶದಲ್ಲಿ ವಾಸಿಸುವ ಜನ ಅಪಾಯ ಎದುರಾಗುವ ಮುನ್ನ ಸ್ಥಳಾಂತರವಾಗಬೇಕು. ವಿದ್ಯುತ್ ಕಂಬ, ಮರಗಳ ಅಡಿ ಆಶ್ರಯಪಡೆಯುವುದು ಅಪಾಯಕಾರಿ’ ಎಂದು ಸರ್ಕಾರ ಸೂಚಿಸಿದೆ.
- [ಮಳೆ: ಜುಲೈ 9ರವರೆಗೂ ಮುನ್ನಚ್ಚರಿಕೆ ಅನಿವಾರ್ಯ!](https://mobiletime.in/2026/07/rain-precautionary-measures-essential-until-july-9/): ಭಾರತೀಯ ಹವಾಮಾನ ಇಲಾಖೆ ಹಾಗೂ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರದ ಮುನ್ಸೂಚನೆಯಂತೆ, ಉತ್ತರ ಕನ್ನಡ ಜಿಲ್ಲೆಯಲ್ಲಿ ಜುಲೈ 5ರ ಮಧ್ಯಾಹ್ನ 1 ಗಂಟೆಯಿಂದ ಜುಲೈ 9ರ ಬೆಳಿಗ್ಗೆ 8.30ರವರೆಗೆ ಆರೆಂಜ್ ಅಲರ್ಟ್ ಘೋಷಿಸಲಾಗಿದೆ. ಈ ಅವಧಿಯಲ್ಲಿ 40–50 ಕಿ.ಮೀ. ವೇಗದ ಗಾಳಿಯೊಂದಿಗೆ ಭಾರೀ ಮಳೆಯಾಗುವ ಸಾಧ್ಯತೆ ಇರುವುದರಿಂದ ಜಿಲ್ಲಾಡಳಿತ ಸಾರ್ವಜನಿಕರಿಗೆ ಅಗತ್ಯ ಮುನ್ನೆಚ್ಚರಿಕೆ ವಹಿಸುವಂತೆ ಸೂಚಿಸಿದೆ. ಜಿಲ್ಲೆಯಲ್ಲಿ ಮುಂಗಾರು ಪೂರ್ವಸಿದ್ಧತೆಗಳನ್ನು ಈಗಾಗಲೇ ಕೈಗೊಳ್ಳಲಾಗಿದ್ದು, ಜಿಲ್ಲಾಧಿಕಾರಿ ಕಚೇರಿಯಲ್ಲಿ 24×7 ತುರ್ತು ಕಾರ್ಯಾಚರಣೆ ಕೇಂದ್ರ ಕಾರ್ಯನಿರ್ವಹಿಸುತ್ತಿದೆ. ಸಾರ್ವಜನಿಕರು ಹವಾಮಾನ ಹಾಗೂ ತುರ್ತು ಮಾಹಿತಿಗಾಗಿ ಜಿಲ್ಲಾಧಿಕಾರಿಗಳ ಅಧಿಕೃತ ಸಾಮಾಜಿಕ ಜಾಲತಾಣಗಳು ಮತ್ತು ಸ್ಥಳೀಯ ಸುದ್ದಿಮಾಧ್ಯಮಗಳನ್ನು ಗಮನಿಸುವಂತೆ ತಿಳಿಸಲಾಗಿದೆ. ಮೀನುಗಾರರು ಈ ಅವಧಿಯಲ್ಲಿ ಸಮುದ್ರಕ್ಕೆ ತೆರಳಬಾರದು. ಈಗಾಗಲೇ ಸಮುದ್ರದಲ್ಲಿರುವವರು ಕೂಡಲೇ ಸುರಕ್ಷಿತ ಬಂದರುಗಳಿಗೆ ಮರಳುವಂತೆ ಸೂಚಿಸಲಾಗಿದೆ. ಪ್ರವಾಸಿಗರು ಹಾಗೂ ಸಾರ್ವಜನಿಕರು ಸಮುದ್ರ ತೀರ, ನದಿ ತೀರ, ಜಲಾಶಯಗಳು ಮತ್ತು ಅಪಾಯ ಸಂಭವಿಸಬಹುದಾದ ಪ್ರದೇಶಗಳಿಗೆ ಹೋಗುವುದನ್ನು ಕಟ್ಟುನಿಟ್ಟಾಗಿ ತಪ್ಪಿಸಬೇಕು ಎಂದು ಜಿಲ್ಲಾಡಳಿತ ಮನವಿ ಮಾಡಿದೆ. ಬಿರುಗಾಳಿಯ ಸಂದರ್ಭದಲ್ಲಿ ಮರಗಳು, ಮರದ ಕೊಂಬೆಗಳು, ವಿದ್ಯುತ್ ಕಂಬಗಳು, ಜಾಹೀರಾತು ಫಲಕಗಳು, ನಿರ್ಮಾಣ ಹಂತದ ಕಟ್ಟಡಗಳು ಹಾಗೂ ತಾತ್ಕಾಲಿಕ ಶೆಡ್‌ಗಳ ಬಳಿ ನಿಲ್ಲಬಾರದು ಅಥವಾ ವಾಹನಗಳನ್ನು ನಿಲ್ಲಿಸಬಾರದು ಎಂದು ಸೂಚಿಸಲಾಗಿದೆ. ಅಪಾಯಕಾರಿ ಮರಗಳು ಅಥವಾ ಶಿಥಿಲಾವಸ್ಥೆಯ ಕಟ್ಟಡಗಳ ಸಮೀಪದ ಕೊಠಡಿಗಳಲ್ಲಿ ಶಾಲೆ ಹಾಗೂ ಅಂಗನವಾಡಿ ತರಗತಿಗಳನ್ನು ನಡೆಸದಂತೆ ಶಿಕ್ಷಣ ಇಲಾಖೆ ಮತ್ತು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ. ಸಾರ್ವಜನಿಕರು ಅಗತ್ಯವಿಲ್ಲದಿದ್ದರೆ ಮನೆಯಿಂದ ಹೊರಗೆ ಸಂಚರಿಸುವುದನ್ನು ಸಾಧ್ಯವಾದಷ್ಟು ತಪ್ಪಿಸಿ, ಅತ್ಯಾವಶ್ಯಕ ಸಂದರ್ಭಗಳಲ್ಲಿ ಮಾತ್ರ ಹೊರಗೆ ತೆರಳಿ ಅಗತ್ಯ ಸುರಕ್ಷತಾ ಕ್ರಮಗಳನ್ನು ಪಾಲಿಸುವಂತೆ ಜಿಲ್ಲಾಡಳಿತ ಮನವಿ ಮಾಡಿದೆ.
- [ಜೊಯಿಡಾ: ರಾಮನಗರದಲ್ಲಿ ರಸ್ತೆ ಕುಸಿತ!](https://mobiletime.in/2026/07/joida-road-collapse-in-ramanagara/): ಜೊಯಿಡಾದ ರಾಮನಗರದಲ್ಲಿ ಮತ್ತೆ ರಸ್ತೆ ಕುಸಿದಿದೆ. ಕಳೆದ ವರ್ಷ ರಸ್ತೆ ಕುಸಿದ ಸ್ಥಳದಲ್ಲಿಯೇ ಮತ್ತೆ ಕುಸಿತ ಸಂಭವಿಸಿದೆ. ಭಾನುವಾರ ಜೋಯಿಡಾ ತಾಲೂಕಿನ ರಾಮನಗರದ ಗಣೇಶಗಲ್ಲಿಗೆ ಹೋಗುವ ಮುಖ್ಯ ರಸ್ತೆಯಲ್ಲಿ ಈ ಕುಸಿತ ಸಂಭವಿಸಿದೆ. ಕುಸಿತದ ಕಾರಣ ಅಲ್ಲಿ ಕಾರೊಂದು ಸಿಕ್ಕಿ ಬಿದ್ದಿದೆ. ಕಾರಿನ ಮುಂಬಾಗ ಮಣ್ಣಿನಲ್ಲಿ ಹೂತು ಹೋಗಿದ್ದು, ಅದನ್ನು ಹೊರ ತೆಗೆಯಲು ಚಾಲಕ ಸಾಹಸಪಟ್ಟಿದ್ದಾರೆ. ನಂತರ ಅಲ್ಲಿದ್ದ ಜನ ಸಹಾಯ ಮಾಡಿದ ಪರಿಣಾಮ ಕಾರು ಮತ್ತೆ ರಸ್ತೆಗೆ ಬಂದಿದೆ. ಕಳೆದ ಮೂರು ವರ್ಷಗಳಿಂದ ಈ ರಸ್ತೆ ಕುಸಿಯುತ್ತಲೇ ಇದೆ. ಮಳೆಗಾಲದ ಅವಧಿಯಲ್ಲಿ ಎಲ್ಲಿ ರಸ್ತೆ ಕುಸಿಯಲಿದೆ? ಎಂದು ಅಂದಾಜಿಸುವುದೇ ಕಷ್ಟವಾಗಿದೆ. ಕಳೆದ ವರ್ಷ ಟ್ರ‍್ಯಾಕ್ಟರ್, ಅದಕ್ಕೂ ಮುನ್ನ ಟಿಪ್ಪರ್ ಇದೇ ಸ್ಥಳದಲ್ಲಿ ಸಿಲುಕಿ ಸಮಸ್ಯೆಯಾಗಿತ್ತು. ಆ ಬಾರಿ ಅಧಿಕಾರಿಗಳ ಗಮನಕ್ಕೆ ತಂದರೂ ಯಾವ ಕ್ರಮವೂ ಆಗಿಲ್ಲ ಎಂಬುದು ಜನರ ದೂರು. `ಹಲವಾರು ಬಾರಿ ದೂರು ನೀಡಿದರೂ ಅಧಿಕಾರಿಗಳು ತಾತ್ಕಾಲಿಕ ದುರಸ್ತಿ ಕಾರ್ಯಕ್ಕೆ ಮಾತ್ರ ಸೀಮಿತರಾಗಿದ್ದಾರೆ . ಈವರೆಗೂ ಶಾಶ್ವತ ಪರಿಹಾರಕ್ಕೆ ಮುಂದಾಗಿಲ್ಲ’ ಎಂದು ಜನ ಆರೋಪಿಸಿದ್ದಾರೆ. `ಈ ಮಾರ್ಗದಲ್ಲಿ ಶಾಲಾ ಮಕ್ಕಳು ಸಂಚರಿಸುವ ಬಸ್ ಸಹ ಓಡಾಡಲಿದ್ದು, ಅಪಾಯಕ್ಕೂ ಮುನ್ನ ಎಚ್ಚೆತ್ತುಕೊಳ್ಳಬೇಕು’ ಎಂದು ಆಗ್ರಹಿಸಿದ್ದಾರೆ. ಸದ್ಯ ರಾತ್ರಿ ಸಂಚರಿಸುವ ವಾಹನಗಳಿಗೆ ಸಮಸ್ಯೆ ಆಗದ ಹಾಗೇ ಸ್ಥಳೀಯ ನಿವಾಸಿ ದೀಪಕ್ ದುಗಾಣೆ ಅವರು ಅಲ್ಲಿ ವಿವಿಧ ಕಡ್ಡಿಗಳನ್ನು ನೆಟ್ಟು ಎಚ್ಚರಿಕೆ ನೀಡಿದ್ದಾರೆ.
- [ಯಲ್ಲಾಪುರ: ಯುಗಾದಿ ಉತ್ಸವಕ್ಕೆ ಐದುವರೆ ಲಕ್ಷ ರೂ ಖರ್ಚು!](https://mobiletime.in/2026/07/yellapur-%e2%82%b95-5-lakh-spent-on-the-ugadi-festival/): ಯಲ್ಲಾಪುರದಲ್ಲಿ ಈ ವರ್ಷ ನಡೆದ ಯುಗಾದಿ ಉತ್ಸವದ ಲೆಕ್ಕಾಚಾರದ ಪಟ್ಟಿ ಹೊರ ಬಿದ್ದಿದೆ. ಯುಗಾದಿ ಉತ್ಸವಕ್ಕೆ ಐದುವರೆ ಲಕ್ಷಕ್ಕೂ ಅಧಿಕ ಹಣ ಖರ್ಚಾಗಿದೆ. ಯಲ್ಲಾಪುರಲ್ಲಿ ನಡೆದ 26ನೇ ಯುಗಾದಿ ಉತ್ಸವ ಸಮಿತಿಗೆ ಈ ವರ್ಷ ವಿಶಾಲ ವಾಳಂಬಿ ಅವರು ಅಧ್ಯಕ್ಷರಾಗಿದ್ದರು. ಅನೇಕ ದಾನಿಗಳು ಉತ್ಸವಕ್ಕೆ ನೆರವು ನೀಡಿದ್ದರು. ಭಾನುವಾರ ಯಲ್ಲಾಪುರದ ವೆಂಕಟ್ರಮಣ ಮಠದಲ್ಲಿ ವಿಶಾಲ ವಾಳಂಬಿ ಅವರು ಉತ್ಸವದ ಲೆಕ್ಕಪತ್ರಗಳನ್ನು ಸಾರ್ವಜನಿಕರ ಮುಂದಿಟ್ಟರು. ಯುಗಾದಿ ಉತ್ಸವದ ಹಿನ್ನಲೆ ಒಟ್ಟು 596064ರೂ ಸಂಗ್ರಹವಾಗಿತ್ತು. ಅದರಲ್ಲಿ 579604ರೂ ಖರ್ಚಾಗಿದೆ. 16294ರೂ ಸಮಿತಿಗೆ ಉಳಿತಾಯವಾಗಿದೆ. ಆ ಹಣವನ್ನು ಮುಂದಿನ ಯುಗಾದಿ ಉತ್ಸವಕ್ಕೆ ಬಳಕೆ ಮಾಡಲು ಈ ದಿನ ನಡೆದ ಸಭೆಯಲ್ಲಿ ನಿರ್ಣಯಿಸಲಾಗಿದೆ. ದೀಪಾಲಂಕಾರ, ಕಲಾವಿದರಿಗೆ ಗೌರವಧನ, ಪ್ರಸಾದ ವ್ಯವಸ್ಥೆ, ಸ್ಥಬ್ದಚಿತ್ರ, ವಾಹನ ಬಾಡಿಗೆ, ಪ್ರಚಾರ, ಊಟೋಪಚಾರ ಸೇರಿ ವಿವಿಧ ಖರ್ಚುಗಳ ಬಗ್ಗೆ ವರದಿ ವಿಶಾಲ ವಾಳಂಬಿ ಅವರು ವರದಿ ಒಪ್ಪಿಸಿದರು. `ಈ ಹಿಂದೆ ನಡೆದಕ್ಕಿಂತಲೂ ಹೆಚ್ಚಿನ ವಿಜ್ರಂಭಣೆಯಿAದ ಹಾಗೂ ಅಚ್ಚುಕಟ್ಟಾಗಿ ಯುಗಾದಿ ಉತ್ಸ ನಡೆದಿದೆ. ಇದಕ್ಕೆ ಸಹಕಾರ ನೀಡಿದ ಎಲ್ಲರಿಗೂ ಕೃತಜ್ಞತೆ’ ಎಂದು ಸಮಿತಿ ಉಪಾಧ್ಯಕ್ಷ ಆರ್ ಎಸ್ ಭಟ್ಟ ಚಂದ್ಗುಳಿ ಅವರು ಹೇಳಿದರು. `ಕಾರ್ಯಕ್ರಮಕ್ಕೆ ತನು-ಮನ-ದನ ಸಹಕಾರ ನೀಡಿದವರಿಗೆ ಮತ್ತೊಮ್ಮ ಉಪಾಧ್ಯಕ್ಷ ಗಜಾನನ ಭಟ್ಟ ಕಳಚೆ ಅವರು ಧನ್ಯವಾದ ಸಲ್ಲಿಸಿದರು. ಪ್ರಮುಖರಾದ ಮಹೇಶ ನಾಯ್ಕ, ರಾಮು ಆಚಾರಿ, ಗಣೇಶ ದೇವಡಿಗಾ, ಸತೀಶ ನಾಯ್ಕ, ಸಿದ್ದಾರ್ಥ ನಂದೊಳಿಮಠ ಅವರು ಇದ್ದರು.
- [ಗಾಳಿ-ಮಳೆ: ಸರ್ಕಾರಿ ಕಚೇರಿ ಧ್ವಂಸ!](https://mobiletime.in/2026/07/wind-and-rain-government-office-destroyed/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಭಾರಿ ಪ್ರಮಾಣದ ಮಳೆ-ಗಾಳಿ ಶುರುವಾಗಿದೆ. ಪರಿಣಾಮ, ಕಾರವಾರದ ಸರ್ಕಾರಿ ಕಚೇರಿ ಮೇಲೆ ಮರ ಬಿದ್ದಿದ್ದು, ಆ ಕಚೇರಿ ಧ್ವಂಸವಾಗಿದೆ. ಉತ್ತರಕನ್ನಡ ಜಿಲ್ಲೆಯ ಕಾರವಾರದ ನಗರಸಭೆ ಪಕ್ಕದಲ್ಲಿದ್ದ ಕಚೇರಿ ಮೇಲೆ ಮರ ಬಿದ್ದಿದೆ. ಅಲ್ಲಿದ್ದ ಸರ್ಕಾರಿ ಅಭಿಯೋಜಕರ ಕಚೇರಿ ಧ್ವಂಸ ವಾಗಿದೆ. ಭಾನುವಾರ ಈ ದುರಂತ ನಡೆದ ಕಾರಣ ಜೀವ ಹಾನಿ ಸಂಭವಿಸಿಲ್ಲ ರಜಾದಿನ ಹೊರತುಪಡಿಸಿ ಉಳಿದ ದಿನ ಸಹಾಯಕ ಸರ್ಕಾರಿ ಅಭಿಯೋಜಕರು ಈ ಕಚೇರಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದು, ಮರ ಬಿದ್ದ ಪರಿಣಾಮ ಅವರ ಕಚೇರಿಯಲ್ಲಿನ ವಸ್ತುಗಳು ಚಲ್ಲಾಪಿಲ್ಲಿಯಾಗಿವೆ. ಹೆಚ್ಚುವರಿ ಹಿರಿಯ ಸಿಜೆ ಮತ್ತು ಜೆಎಂಎಪ್ಸಿ ನ್ಯಾಯಾಲಯದ ಸರ್ಕಾರಿ ಅಭಿಯೋಜಕರ ಕಚೇರಿಯೊಳಗೆ ಮಳೆಯ ನೀರು ನುಗ್ಗುತ್ತಿದೆ. ಸ್ಥಳಕ್ಕೆ ಪೊಲೀಸರು ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿದ್ದಾರೆ. ಕಚೇರಿ ಸಿಬ್ಬಂದಿಯೂ ಅಲ್ಲಿ ದೌಡಾಯಿಸಿದ್ದು, ಮುಖ್ಯ ಕಡತಗಳನ್ನು ಬೇರೆಡೆ ಸ್ಥಳಾಂತರ ಮಾಡುತ್ತಿದ್ದಾರೆ.
- [ಸರಣಿ ಅಪಘಾತ: ಸ್ಕೂಟಿ ಸವಾರರ ಸಾವು!](https://mobiletime.in/2026/07/serial-accident-scooty-riders-killed/): ಯಲ್ಲಾಪುರದ ಹಿಟ್ಟನಬೈಲ್ ಬಳಿ ಭಾನುವಾರ ನಡೆದ ಅಪಘಾತದಲ್ಲಿ ವ್ಯಕ್ತಿಗಳಿಬ್ಬರು ಸಾವನಪ್ಪಿದ್ದಾರೆ. ಇಲ್ಲಿ ಬಸ್ಸು-ಕಾರು-ಸ್ಕೂಟಿ ನಡುವೆ ಸರಣಿ ಅಪಘಾತ ನಡೆದಿದೆ. ಹಳೆ ಹುಬ್ಬಳ್ಳಿಯ ಮಂಜುನಾಥ ಗೌಡ ಹಾಗೂ ಸುಮಿತ್ ಹಾಮನಳ್ಳಿ ಅವರು ಸ್ಕೂಟಿ ಮೇಲೆ ಬರುತ್ತಿದ್ದಾಗ ಈ ಅಪಘಾತ ನಡೆದಿದೆ. ಅಪಘಾತದ ರಭಸಕ್ಕೆ ಸ್ಕೂಟಿಯಲ್ಲಿದ್ದ ಇಬ್ಬರು ಕೊನೆಯುಸಿರೆಳೆದಿದ್ದಾರೆ. ಈ ಅಪಘಾತದಲ್ಲಿ ಮೂರು ವಾಹನಕ್ಕೆ ಹಾನಿಯಾಗಿದೆ. ಗಾಯಗೊಂಡವರನ್ನು ಆಂಬುಲೆನ್ಸ ಮೂಲಕ ಸರ್ಕಾರಿ ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ನಡೆದಿದ್ದು, ಸ್ಕೂಟಿ ಸವಾರರ ಪ್ರಾಣ ಉಳಿಸಲು ಸಾಧ್ಯವಾಗಿಲ್ಲ. ಸದ್ಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಅಪಘಾತಕ್ಕೆ ಕಾರಣ ಏನು? ಎನ್ನುವುದರ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಅಪಘಾತದ ಕಾರಣ ಸ್ಥಳದಲ್ಲಿ ಟ್ರಾಫಿಕ್ ಜಾಂ ಆಗಿದ್ದು, ಸದ್ಯ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿದೆ.
- [ಕೆಲಸ ಮಾಡದೇ ಕಾಸು ಕೇಳಿದ ಪಕೀರ!](https://mobiletime.in/2026/07/a-beggar-asked-for-money-without-doing-any-work/): ಗೋಕರ್ಣದ ಈಶಾ ವ್ಯಾಲಿ ರೆಸಾರ್ಟಿನ ಜಗದೀಶ ನಾಯಕ ಅವರು ಗೋವಾದ ಭಾನು ಪಾವ ಎಂಬಾತರಿಗೆ ವೆಬ್‌ಸೈಟ್ ರಚನೆ ಹಾಗೂ ಲೊಕೇಶನ್ ಅಪ್ಟೇಡ್ ಕೆಲಸ ನೀಡಿ ಮೋಸ ಹೋಗಿದ್ದಾರೆ. ಕೆಲಸ ಮಾಡದಿದ್ದರೂ 8 ಲಕ್ಷ ರೂ ಕೊಡಬೇಕು ಎಂದು ಭಾನು ಬಾವ ಅವರು ಪಟ್ಟು ಹಿಡಿದಿದ್ದು, ಆ ಹಣ ಕೊಡದ ಕಾರಣ ಜಗದೀಶ ನಾಯಕ ಅವರ ವಿರುದ್ಧ ಅವರು ಜಾಲತಾಣದಲ್ಲಿ ಕೆಟ್ಟದಾಗಿ ಬರೆದಿದ್ದಾರೆ. ಗೋವಾದ ಆಶಿವೆಂ ಬಳಿಯಿ ಇಂಡಿಯಾ ಟ್ರಾವೆಲ್ಸ್ & ಟೂರಿಸಂ ಎಂಬ ಕಂಪನಿಯಿದ್ದು, ಅಲ್ಲಿ ಭಾನು ಪಾವ ಎಂಬಾತರು ವ್ಯವಸ್ಥಾಪಕರಾಗಿದ್ದಾರೆ. ಗೋಕರ್ಣದ ಈಶಾ ವ್ಯಾಲಿ ರೆಸಾರ್ಟಿನ ಜಗದೀಶ ದೇವರಾಯ ನಾಯಕ ಅವರು ಭಾನು ಪಾವ ಅವರನ್ನು ಸಂಪರ್ಕಿಸಿದ್ದು, 8 ಲಕ್ಷ ರೂಪಾಯಿಯ ಮಾತುಕಥೆ ಮಾಡಿದ್ದಾರೆ. ಅವರ ರೆಸಾರ್ಟ ವ್ಯವಹಾರಕ್ಕೆ ಅನುಕೂಲವಾಗುವ ಹಾಗೇ ವೆಬ್‌ಸೈಟ್ ಹಾಗೂ ಲೊಕೇಶನ್ ಅಪ್ಟೇಡ್ ಮಾಡಿಸುವುದಕ್ಕಾಗಿ ಭಾನು ಬಾವ ಅವರು ನಂಬಿಸಿದ್ದಾರೆ. ಆದರೆ, ಭಾನು ಪಾವ ಅವರು ಮಾತುಕಥೆ ಪ್ರಕಾರ ನಡೆದುಕೊಂಡಿಲ್ಲ. ಹೀಗಾಗಿ ಜಗದೀಶ ನಾಯಕ ಅವರು ದುಡ್ಡು ಕೊಟ್ಟಿಲ್ಲ. ಹೀಗಿರುವಾಗ ಭಾನು ಪಾವ ಅವರು ಪದೇ ಪದೇ ದುಡ್ಡಿಗಾಗಿ ಕಾಟ ಕೊಟ್ಟಿದ್ದಾರೆ. `ಕೆಲಸ ಮಾಡದೇ ಹಣ ಕೊಡುವುದಿಲ್ಲ’ ಎಂದು ಜಗದೀಶ ನಾಯಕ ಅವರು ಹೇಳಿದ್ದಾರೆ. ಇದರಿಂದ ಭಾನುಪಾವ ಅವರು ಸಿಟ್ಟಾಗಿದ್ದು, ಜಗದೀಶ ನಾಯಕ ಅವರ ವಿರುದ್ಧ ಕೆಟ್ಟದಾಗಿ ಬರೆಯುವುದಾಗಿ ಬೆದರಿಸಿದ್ದಾರೆ. ಅದಾಗಿಯೂ, ಹಣ ಕೊಡದ ಕಾರಣ ಸಾಮಾಜಿಕ ಜಾಲತಾಣದಲ್ಲಿ ಜಗದೀಶ ನಾಂiÀiಕ ಹಾಗೂ ಅವರ ಪತ್ನಿ ಫೋಟೋ ಹರಿಬಿಟ್ಟು ನಿಂದನೆ ಮಾಡಿದ್ದಾರೆ. ಅದರಿಂದ ಅವಮಾನ ಅನುಭವಿಸಿದ ಜಗದೀಶ ನಾಯಕ ಅವರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
- [ಮಳೆಯಲ್ಲಿಯೂ ಮುಂದುವರೆದ ಹುಚ್ಚಾಟ!](https://mobiletime.in/2026/07/the-reckless-antics-continued-even-in-the-rain/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಭಾರೀ ಪ್ರಮಾಣದ ಮಳೆಯಾಗುತ್ತಿದ್ದು, ಜಿಲ್ಲಾಡಳಿತ ರೆಡ್ ಅಲರ್ಟ ಘೋಷಿಸಿದೆ. ಸಮುದ್ರಕ್ಕೆ ಹೋಗದಂತೆ ಪ್ರವಾಸಿಗರಿಗೂ ಎಚ್ಚರಿಕೆ ನೀಡಿದೆ. ಅದಾಗಿಯೂ, ಭಾನುವಾರ ವಿವಿಧ ಕಡಲತೀರಗಳಲ್ಲಿ ಭಾರೀ ಪ್ರಮಾಣದ ಜನ ಕಾಣಿಸಿಕೊಂಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಮುಂದುವರೆಯುವ ಲಕ್ಷಣಗಳು ಹೆಚ್ಚಿವೆ. ಜೋರಾದ ಗಾಳಿಯೂ ಬೀಸುತ್ತಿದೆ. ಇದರಿಂದ ಅಪಾಯದ ಸಾಧ್ಯತೆಗಳು ಹೆಚ್ಚಿದ್ದು, ಜಿಲ್ಲಾಡಳಿತ ಸಾಕಷ್ಟು ಮುನ್ನಚ್ಚರಿಕೆವಹಿಸಿದೆ. ಜನ ಜಾಗೃತಿಗಾಗಿ ಅಪಾಯದಿಂದ ದೂರವಿರುವಂತೆ ಸೂಚನೆಯನ್ನು ರವಾನಿಸಿದೆ. ಆದರೆ, ಬೇರೆ ಬೇರೆ ಊರುಗಳಿಂದ ಬರುವ ಜನ ಇದಕ್ಕೆ ಖ್ಯಾರೇ ಅನ್ನುತ್ತಿಲ್ಲ. ರಕ್ಕಸ ಅಲೆಗಳ ನಡುವೆಯೇ ನಿಂತು ಸೆಲ್ಪಿ ಕ್ಲಿಕ್ಕಿಸಿಕೊಳ್ಳುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ. ಕಳೆದ ಎರಡು ದಿನಗಳಿಂದ ಕರಾವಳಿಯಲ್ಲಿ ಮಳೆ ಪ್ರಮಾಣ ಹೆಚ್ಚಾಗಿದೆ. ರಭಸ ಗಾಳಿ ಪರಿಣಾಮ ಕಡಲತೀರದ ವಾತಾವರಣವೂ ಶಾಂತವಾಗಿಲ್ಲ. ಅದಾಗಿಯೂ, ಸಮುದ್ರಕ್ಕೆ ಜನ ದೊಡ್ಡ ಪ್ರಮಾಣದಲ್ಲಿ ಬರುತ್ತಿದ್ದಾರೆ. ಅಪಾಯದ ಬಗ್ಗೆ ಅರಿವಿದ್ದರೂ ಅದನ್ನು ಲೆಕ್ಕಿಸದೇ ಮೋಜು-ಮಸ್ತಿಯಲ್ಲಿ ತೊಡಗಿದ್ದಾರೆ. ಕಡಲತೀರಗಳಲ್ಲಿ ಜೀವ ರಕ್ಷಕ ಸಿಬ್ಬಂದಿ ಕಾವಲಿದ್ದರೂ ಅವರ ನಿಯಂತ್ರಣಕ್ಕೆ ಪ್ರವಾಸಿಗರು ಸಿಗುತ್ತಿಲ್ಲ. ಗೋಕರ್ಣದ ಓಂ ಬೀಚ್ ಬಳಿ ಕಲ್ಬಂಡೆ ಮೇಲೆ ನಿಂತು ಪ್ರವಾಸಿಗರು ಫೋಟೋ ಕ್ಲಿಕ್ಕಿಸುತ್ತಿದ್ದಾರೆ. ಕಲ್ಬಂಡೆ ಜಾರಿ ಅನಾಹುತ ನಡೆಯುವ ಸಾಧ್ಯತೆಯಿದ್ದರೂ ಅದನ್ನು ಮರೆತು ಮೈ ಮರೆಯುತ್ತಿದ್ದಾರೆ. ಗೋಕರ್ಣ ಮುಖ್ಯ ಕಡಲತೀರ, ಕುಡ್ಲೆ, ದುಬ್ಬನಸಶಿ ಭಾಗದಲ್ಲಿಯೂ ಅದೇ ರೀತಿ ಮುಂದುವರೆದಿದೆ.
- [ಪೊಲೀಸ್ ಠಾಣೆಯಲ್ಲಿ ಪತ್ರಿಕಾ ದಿನಾಚರಣೆ](https://mobiletime.in/2026/07/press-day-celebration-at-the-police-station/): ಕಾರ್ಯನಿರತ ಪತ್ರಕರ್ತರ ಧ್ವನಿ ಸಂಘಟನೆಯವರು ಭಟ್ಕಳ ಪೊಲೀಸ್ ಠಾಣೆಯಲ್ಲಿಯೇ ಪತ್ರಿಕಾ ದಿನಾಚರಣೆ ಆಚರಿಸಿದ್ದು, ಈ ವೇಳೆ ಗಣನೀಯ ಸೇವೆ ಸಲ್ಲಿಸಿದ ಪಿಸೈ ನವೀನ ನಾಯ್ಕ ಹಾಗೂ ಪೊಲೀಸ್ ಸಿಬ್ಬಂದಿ ದೀಪಕ ನಾಯ್ಕ ಅವರನ್ನು ಸನ್ಮಾನಿಸಿದ್ದಾರೆ. ಭಾನುವಾರ ನಡೆದ ಈ ಕಾರ್ಯಕ್ರಮದಲ್ಲಿ ಹಿರಿಯ ಪೊಲೀಸ್ ಅಧಿಕಾರಿಗಳು ಭಾಗವಹಿಸಿದ್ದಾರೆ. `ಆಡಳಿತದಲ್ಲಿನ ಲೋಪದೋಷಗಳನ್ನು ಗುರುತಿಸಿ ಸಮಾಜವನ್ನು ಎಚ್ಚರಿಸುವಲ್ಲಿ ಮಾಧ್ಯಮಗಳ ಪಾತ್ರ ದೊಡ್ಡದು. ಸಮಾಜದ ಹಿತಕ್ಕಾಗಿ ಪೊಲೀಸರು ಹಾಗೂ ಪತ್ರಕರ್ತರು ಉತ್ತಮ ರೀತಿ ಕೆಲಸ ಮಾಡಬೇಕು’ ಎಂದು ಡಿವೈಎಸ್ಪಿ ಗಿರೀಶ ಬಿ ಅವರು ಹೇಳಿದರು. `ಪೊಲೀಸರ ಸೇವೆ ಗುರುತಿಸುವ ಪತ್ರಕರ್ತರ ಕಾರ್ಯದಿಂದ ಆತ್ಮವಿಶ್ವಾಸ ಹೆಚ್ಚಲಿದೆ’ ಎಂದವರು ಅಭಿಪ್ರಾಯಪಟ್ಟರು. ಸಿಪಿಐ ದಿವಾಕರ್ ಅವರು ಮಾತನಾಡಿ, `ಪೊಲೀಸ್ ಹಾಗೂ ಮಾಧ್ಯಮಗಳ ಜವಾಬ್ದಾರಿ ದೊಡ್ಡದಾಗಿದ್ದು, ಪ್ರತಿಯೊಬ್ಬರು ಜವಾಬ್ದಾರಿಯುತವಾಗಿ ವರ್ತಿಸಬೇಕು’ ಎಂದರು. ಪತ್ರಿಕಾ ಕ್ಷೇತ್ರದ ಸೇವೆಯನ್ನು ಅವರು ಶ್ಲಾಘಿಸಿದರು. ಮುಖ್ಯಮಂತ್ರಿ ಪದಕಕ್ಕೆ ಆಯ್ಕೆಯಾಗಿರುವ ಪಿಸೈ ನವೀನ ನಾಯ್ಕ ಹಾಗೂ ಡಿಜಿ-ಐಜಿಪಿ ಪ್ರಶಸ್ತಿ ಪದಕಕ್ಕೆ ಭಾಜನರಾದ ಹೆಡ್ ಕಾನ್ಸ್ಟೇಬಲ್ ದೀಪಕ್ ನಾಯ್ಕ ಅವರು ಗೌರವ ಸ್ವೀಕರಿಸಿದರು. ಈ ವೇಳೆ ರಾಜ್ಯ ಪತ್ರಿಕಾ ವಿತರಕರ ಸಂಘದ ಅಧ್ಯಕ್ಷ ರಾಮಕೃಷ್ಣ ಭಟ್ಟ, ಮಂಜುನಾಥ್ ಮೊಗೇರ್, ದಯಾನಂದ ನಾಯ್ಕ್, ಗಣೇಶ್ ನಾಯ್ಕ ಯಶಶ್ರೀ ಆರ್ ಭಟ್ ಅವರನ್ನು ಈ ವೇದಿಕೆಯಲ್ಲಿ ಸನ್ಮಾನಿಸಲಾಯಿತು. ಸಂಘದ ಖಜಾಂಚಿ ಅರ್ಜುನ್ ಮಲ್ಯ ಅವರು ಸ್ವಾಗತಿಸಿದರು. ಸಂಘಟನೆಯ ಕರಾವಳಿ ಕರ್ನಾಟಕ ವಲಯದ ಅಧ್ಯಕ್ಷ ಕುಮಾರ್ ನಾಯ್ಕ್ ಅವರು ಪ್ರಸ್ತಾಪಿಸಿದರು. ಭಟ್ಕಳ ತಾಲೂಕು ಘಟಕದ ಅಧ್ಯಕ್ಷ ನಸಿ ಮುಲ್ಲಾ ಘನಿ ಕಾರ್ಯಕ್ರಮದ ನೇತೃತ್ವವಹಿಸಿದ್ದರು. ಸಂಘದ ಕಾರ್ಯದರ್ಶಿ ಉಲ್ಲಾಸ್, ಸದಸ್ಯರಾದ ಮೊಹಮ್ಮದ್ ಅಶ್ರಫ್ ಎಂ, ಗುರುಪ್ರಸಾದ್ ಇತರರು ಕಾರ್ಯಕ್ರಮದಲ್ಲಿದ್ದರು.
- [ಸೊಪ್ಪಿನ ಬೆಟ್ಟ: ಅರಣ್ಯಾಧಿಕಾರಿಗೆ ಇಲ್ಲಿ ಅಧಿಕಾರವೇ ಇಲ್ಲ!](https://mobiletime.in/2026/07/soppina-betta-forest-officials-have-no-authority-here/): `ಭಾಗಾಯತ ಭೂಮಿಯ ಅನುಕೂಲಕ್ಕೆ ಬಿಟ್ಟಿರುವ ಸೊಪ್ಪಿನ ಬೆಟ್ಟ ಪ್ರದೇಶದಲ್ಲಿ ಹಸ್ತಕ್ಷೇಪ ನಡೆಸಲು ಅರಣ್ಯ ಅಧಿಕಾರಿಗಳಿಗೆ ಹಕ್ಕಿಲ್ಲ. ಸೊಪ್ಪಿನ ಬೆಟ್ಟದ ಆಡಳಿತಾತ್ಮಕ ನಿಯಂತ್ರಣಕ್ಕೆ ಅರಣ್ಯ ಇಲಾಖೆ ಒಳಪಡುವುದಿಲ್ಲ. ಅದಾಗಿಯೂ, ಕಾನೂನು ಮೀರಿ ಅರಣ್ಯ ಇಲಾಖೆ ಹಸ್ತಕ್ಷೇಪ ಮಾಡುವುದು ಸರಿಯಲ್ಲ’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. `ಭಾಗಾಯತಿಗೆ ಬಿಟ್ಟಂತ ಬೆಟ್ಟದಲ್ಲಿ ಸಾಗುವಳಿದಾರರಿಗೆ ಮತ್ತು ವಾಸ್ತವ್ಯಕ್ಕೆ ಮಾಡಿಕೊಂಡ ಅತಿಕ್ರಮಣದಾರರ ಚಟುವಟಿಕೆಗೆ ಕೆಲ ಅರಣ್ಯ ಅಧಿಕಾರಿ-ಸಿಬ್ಬಂದಿ ಹಸ್ತಕ್ಷೇಪ ಮಾಡುತ್ತಿದ್ದಾರೆ. ಆದರೆ, ಅಲ್ಲಿ ಅವರು ಅಧಿಕಾರ ಚಲಾಯಿಸುವ ಹಾಗಿಲ್ಲ. ಅರಣ್ಯ ಇಲಾಖೆ ಸರ್ಕಾರದ ಭಾಗ ಮಾತ್ರವಾಗಿದ್ದು, ಬೆಟ್ಟದ ಆಡಳಿತಾತ್ಮಕ ನಿಯಂತ್ರಣ ಅರಣ್ಯ ಇಲಾಖೆ ವ್ಯಾಪ್ತಿಗೆ ಬರುವುದಿಲ್ಲ’ ಎಂದವರು ವಿವರಿಸಿದ್ದಾರೆ. ಶಿರಸಿ ರಾಜೀವನಗರದಲ್ಲಿ ಬೆಟ್ಟ ಅತಿಕ್ರಮಣದಾರರ ಸಭೆ ನಡೆಸಿದ ಅವರು ಕಾನೂನು ಅರಿವು ನೀಡಿದ್ದು, ವಿವಿಧ ವಿಷಯಗಳ ಬಗ್ಗೆ ಚರ್ಚಿಸಿದ್ದಾರೆ. `ಕಂದಾಯ ಇಲಾಖೆ ಮಾಲಕತ್ವದ ಬೆಟ್ಟ ಕ್ಷೇತ್ರದಲ್ಲಿ ಅರಣ್ಯ ಕಾಯಿದೆ ಅಡಿ ಮರಗಳ ರಕ್ಷಣೆ ಹಾಗೂ ಪಾಲನೆಗೆ ಅವಕಾಶವಿದೆ. ಆದರೆ, ಬೆಟ್ಟ ಕ್ಷೇತ್ರದ ಭೂಮಿಯ ಮೇಲಿನ ಹಕ್ಕಿಗೆ ಬೆಟ್ಟ ಬಳಕೆದಾರರು ಹಾಗೂ ಅತಿಕ್ರಮಣದಾರರನ್ನು ಪ್ರಶ್ನಿಸಲು ಅರಣ್ಯ ಇಲಾಖೆಗೆ ಅಧಿಕಾರವಿಲ್ಲ. ಬೆಟ್ಟವೂ ಭಾಗಾಯಿತದ ಅವಿಭಾಜ್ಯ ಅಂಗವಾಗಿದ್ದು, ಬೆಟ್ಟದ ಮಾಲೀಕತ್ವವೂ ವಯಕ್ತಿಕವಾದದ್ದಲ್ಲ’ ಎಂದವರು ವಿವರಿಸಿದ್ದಾರೆ. `ಬ್ರೀಟಿಷರು ಸರ್ವೆ ಸೆಟಲ್‌ಮೆಂಟ್ ಮಾಡುವಾಗ ಬೆಟ್ಟವನ್ನು ಕಂದಾಯ ಇಲಾಖೆಗೆ ಸೇರಿಸಿದ್ದಾರೆ. ಜೊತೆಗೆ ಆ ಬೆಟ್ಟವನ್ನು ಮೀಸಲು ಅರಣ್ಯದಿಂದ ಮುಕ್ತಗೊಳಿಸಿದ್ದಾರೆ. ಹೀಗಿರುವಾಗ ಬೆಟ್ಟ ಕ್ಷೇತ್ರವನ್ನು ಅರಣ್ಯ ಇಲಾಖೆ ತಮ್ಮದು ಎಂಬ ರೀತಿ ವರ್ತಿಸುವುದು ಸರಿಯಲ್ಲ’ ಎಂದು ಹೇಳಿದ್ದಾರೆ. `ಬೆಟ್ಟವೇ ಆಗಲಿ-ಅರಣ್ಯ ಆಗಲಿ, ಹೊಸ ಅತಿಕ್ರಮಣಕ್ಕೆ ಅವಕಾಶ ಕೊಡದಂತೆ ತಡೆಯುವುದು ಅರಣ್ಯಾಧಿಕಾರಿಗಳ ಕೆಲಸ. ಹೀಗಾಗಿ ಸಾಗುವಳಿ ಮತ್ತು ವಾಸ್ತವ್ಯ ಮಾಡುವ ಅತಿಕ್ರಮಣದಾರರು ಕಾನೂನು ಭದ್ದ ಭೂಮಿ ಹಕ್ಕಿನ ಕುರಿತು ಸರ್ಕಾರ ಶಾಶ್ವತ ಪರಿಹಾರಕ್ಕಾಗಿ ಚಿಂತಿಸಬೇಕು’ ಎಂದವರು ಕರೆ ನೀಡಿದರು. ಶಿರಸಿ ನಗರ ಸಭೆಯ ಮಾಜಿ ಅಧ್ಯಕ್ಷ ಪ್ರದೀಪ್ ಶೆಟ್ಟಿ ಮಾತನಾಡಿ, `ಬೆಟ್ಟ ಅತಿಕ್ರಮಣದಾರರ ಸಮಸ್ಯೆಗಳ ಕುರಿತು ಸಂಘಟನಾತ್ಮಕ ಹೋರಾಟ ಜರುಗಬೇಕು’ ಎಂದರು. ಕಿರಣ ನಾಯ್ಕ, ರಘು ಕಾನಡೆ ಜಭ್ಬಾರ್ ಶೇಕ್, ರಾಜು ನಾಯ್ಕ ಮಾತನಾಡಿದರು. ಮಗದಲೀನ್ ಲೋಪೀಸ್, ಮಂಜುಳಾ ಅನಾಬಳಗ, ಚಂದ್ರು ನಾಯ್ಕ, ಬಾಬು ಅನದಳಗಿ, ಮೈಲಕ ಗೋನ್ಸಾಲೀನ್, ನಾಗರಾಜ ಮಡಿವಾಳ, ಶಾರದ ನಾಯ್ಕ, ಪುಂಡಲೀಕ್ ಬಗವೆ, ನೂರಹ್ಮದ್ ಬೆಣ್ಣೆ, ಶಂಕರ ನಾಯ್ಕ, ವಿನೋದ ಗಡಕರ, ಜೋನ್ ಫರ್ನಾಂಡಿಸ್ , ಸಂಜಯ್ ಶಿರೋಡಕರ್ ಮುಂತಾದವರು ಅಭಿಪ್ರಾಯವ್ಯಕ್ತಪಡಿಸಿದರು. ಉಮೇಶ ಪಟಗಾರ ವಂದಿಸಿದರು.
- [ಪಾಪಿ ಪೊಲೀಸ್: ರಕ್ಷಣೆ ನೀಡುವವನೇ ಭಕ್ಷಕನಾದ!](https://mobiletime.in/2026/07/wicked-policeman-the-protector-turned-predator/): ಯಲ್ಲಾಪುರದ ಬಾಲಕಿಯೊಬ್ಬರ ಮೇಲೆ ಭಟ್ಕಳದಲ್ಲಿ ಅತ್ಯಾಚಾರ ನಡೆದಿದೆ. ನೊಂದವರಿಗೆ ನೆರವು ನೀಡಬೇಕಾದ ಪೊಲೀಸ್ ಅಧಿಕಾರಿಯೊಬ್ಬರು ಅಪ್ರಾಪ್ತೆಯನ್ನು ಲೈಂಗಿಕವಾಗಿ ಬಳಸಿಕೊಂಡಿದ್ದಾರೆ. ಬೆoಗಳೂರು ಬಳಿಯ ರಾಮನಗರದ ಅಭಿನಂದನ ಗೌಡ ಅವರು ಪೊಲೀಸ್ ಅಧಿಕಾರಿಯಾಗಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದ ಮಂಕಿ ಪೊಲೀಸ್ ಠಾಣೆಯಲ್ಲಿ ಅವರು ಪಿಸೈ ಆಗಿ ಕೆಲಸ ಮಾಡುತ್ತಿದ್ದಾರೆ. ಯಲ್ಲಾಪುರದ ಬಾಲಕಿಯೊಬ್ಬರನ್ನು ಅಭಿನಂದನ ಗೌಡ ಅವರು ಪರಿಚಯಿಸಿಕೊಂಡಿದ್ದು, ತಮ್ಮ ಅಧಿಕಾರ ಬಳಸಿ ಅವರಿಗೆ ಸಹಾಯ ಮಾಡುವ ಆಶ್ವಾಸನೆ ನೀಡಿದ್ದಾರೆ. ಅನೇಕ ಬಾರಿ ಆ ಬಾಲಕಿಗೆ ಫೋನ್-ಮೆಸೆಜ್ ಮಾಡಿದ್ದಾರೆ. ಜೊತೆಗೆ ಆ ಬಾಲಕಿಗೆ ಆಗಾಗ ಖರ್ಚಿಗೆ ದುಡ್ಡು ಕೊಟ್ಟು ಅವರ ಸ್ನೇಹ ಸಂಪಾದಿಸಿದ್ದಾರೆ. 2026ರ ಮೇ 31ರಂದು ಹೊನ್ನಾವರದ ಅಪ್ಸರಕೊಂಡದಲ್ಲಿ ಅಭಿನಂದನ ಗೌಡ ಅವರ ತಂಗಿ ಮಗಳ ಹುಟ್ಟು ಹಬ್ಬ ನಡೆದಿದೆ. ಆ ಸಂಭ್ರಮದಲ್ಲಿ ಭಾಗವಹಿಸುವಂತೆ ಅಭಿನಂದನ ಗೌಡ ಅವರು ಯಲ್ಲಾಪುರದ ಬಾಲಕಿಯನ್ನು ಆಮಂತ್ರಿಸಿದ್ದಾರೆ. ಹೊನ್ನಾವರಕ್ಕೆ ಬಂದ ಬಾಲಕಿಯನ್ನು ಅಭಿನಂದನ ಗೌಡ ಅವರೇ ತಮ್ಮ ಕಾರಿನಲ್ಲಿ ಕೂರಿಸಿಕೊಂಡು ವಿವಿಧ ಕಡೆ ಸುತ್ತಾಡಿಸಿದ್ದಾರೆ. ನಂತರ ಅವರ ಆ ಬಿಳಿ ಬಣ್ಣದ ಕಾರು ಭಟ್ಕಳದ ಕಡೆ ಹೋಗಿದ್ದು, ಭಟ್ಕಳದ KSRTC ಬಸ್ ನಿಲ್ದಾಣ ಬಳಿಯ Royal Oak Lodge ಲಾಡ್ಜ್ ಮುಂದೆ ನಿಂತಿದೆ. ಆ ಬಾಲಕಿ ಜೊತೆ 3ನೇ ಪ್ಲೋರಿಗೆ ಹೋದ ಅಭಿನಂದನ ಗೌಡ ಅವರು ಅಲ್ಲಿ 202ರ ಕೊಠಡಿ ಬಾಡಿಗೆಗೆ ಪಡೆದಿದ್ದಾರೆ. ಆ ರೂಮಿನೊಳಗೆ ಬಾಲಕಿ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ. ಆಕೆ ಅಪ್ರಾಪ್ತೆ ಎಂಬ ಅರಿವಿದ್ದರೂ ಅತ್ಯಾಚಾರ ಮಾಡಿದ್ದಾರೆ. ಇದರಿಂದ ನೋವು ಅನುಭವಿಸಿದ ಬಾಲಕಿ ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಸಹಾಯ ಮಾಡುವುದಾಗಿ ನಂಬಿಸಿ ವಿಶ್ವಾಸಗಳಿಸಿ ಲೈಂಗಿಕವಾಗಿ ಬಳಸಿಕೊಂಡ ಪಿಸೈ ಅಭಿನಂದನ ಗೌಡ ಅವರ ವಿರುದ್ಧ ದೂರು ನೀಡಿದ್ದಾರೆ. ಜುಲೈ 4ರ ರಾತ್ರಿ 11ಗಂಟೆಗೆ ಭಟ್ಕಳ ಪೊಲೀಸರಿಗೆ ಈ ವಿಷಯ ಗೊತ್ತಾಗಿದ್ದು, ತಮ್ಮದೇ ಇಲಾಖೆ ಪಿಸೈ ವಿರುದ್ಧ ಅವರು ಕಾನೂನು ಕ್ರಮ ಜರುಗಿಸಿದ್ದಾರೆ. ಬಾಲಕಿ ನೀಡಿದ ದೂರಿನ ಅನ್ವಯ ಪ್ರಕರಣ ದಾಖಲಿಸಿದ ಪಿಐ ದಿವಾಕರ ಪಿ ಎಂ ಅವರು ಅಭಿನಂದನ ಗೌಡ ಅವರನ್ನು ಬಂಧಿಸಿ ಜೈಲಿಗೆ ಹಾಕಿದ್ದಾರೆ. ಡಿವೈಎಸ್ಪಿ ಗಿರೀಶ್ ಬಿ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಕೈದಿಗಳ ಕೈಯಲ್ಲಿ ಕರಕುಶಲ!](https://mobiletime.in/2026/07/handicrafts-made-by-prisoners/): ಕಾರವಾರ ಜೈಲು ಸೇರಿದ ಕೈದಿಗಳು ಕರಕುಶಲ ವಸ್ತುಗಳ ತಯಾರಿಕಾ ತರಬೇತಿ ಪಡೆದಿದ್ದು, ಅದರ ಮೂಲಕ ಆದಾಯಗಳಿಸುತ್ತಿದ್ದಾರೆ. ಇಲ್ಲಿರುವ 25 ಕೈದಿಗಳು ಜೈಲಿನ ಚೌಕಟ್ಟಿನೊಳಗೆ ಕುಳಿತು ಕೌಶಲ್ಯ ಆಧಾರಿತ ತರಬೇತಿ ಮುಗಿಸಿದ್ದಾರೆ. ಜೈಲು ಎಂದರೆ ಕೇವಲ ಶಿಕ್ಷೆ ನೀಡುವ ಸ್ಥಳವಲ್ಲ. ಅದು ಅಪರಾಧಿಗಳನ್ನು ಸನ್ಮಾರ್ಗಕ್ಕೆ ತರುವ ಸುಧಾರಣಾ ಗೃಹ ಎಂದು ಭಾವಿಸಲಾಗುತ್ತದೆ. ಕಾರಾಗೃಹಗಳಲ್ಲಿ ಕೈದಿಗಳ ಮನಃ ಪರಿವರ್ತನೆಗಾಗಿ ಹಮ್ಮಿಕೊಳ್ಳಲಾಗುತ್ತಿರುವ ಕೌಶಲ್ಯಾಭಿವೃದ್ಧಿ ತರಬೇತಿ ಕಾರ್ಯಕ್ರಮಗಳು ಜೋರಾಗಿ ನಡೆಯುತ್ತಿವೆ. ಕಾರವಾರದ ಜಿಲ್ಲಾ ಕಾರಾಗೃಹದಲ್ಲಿಯೂ ನಕಾರಾತ್ಮಕ ಯೋಚನೆ ದೂರ ಮಾಡುವುದಕ್ಕಾಗಿ ಕೌಶಲ್ಯ ತರಬೇತಿ ಆಯೋಜಿಸಲಾಗಿದ್ದು, ಅಲ್ಲಿ ಪರಿಣಿತಿಪಡೆದ ಕೈದಿಗಳು ಬಗೆ ಬಗೆಯ ವಸ್ತು ತಯಾರಿಸಿದ್ದಾರೆ. ಸದ್ಯ ಕಾರಾಗೃಹದಲ್ಲಿ ಪರಿಸರ ಸ್ನೇಹಿ ಕೈಚೀಲಗಳು, ಗೃಹೋಪಯೋಗಿ ವಸ್ತುಗಳು, ಮಣ್ಣಿನ ಕಲಾಕೃತಿಗಳು ಹಾಗೂ ಆಕಷÀðಕ ವರ್ಣಚಿತ್ರಗಳು ಸಿದ್ಧವಾಗಿದೆ. ಆ ವಸ್ತುಗಳೆಲ್ಲವೂ ಗುಣಮಟ್ಟದಿಂದ ಕೂಡಿದ್ದು, ಮಾರುಕಟ್ಟೆ ಪ್ರವೇಶಿಸಿ ಪೈಪೋಟಿ ನೀಡುತ್ತಿವೆ. ಸಾಮಾನ್ಯವಾಗಿ ಜೈಲುಗಳಲ್ಲಿ ದೈಹಿಕ ಶ್ರಮಕ್ಕೆ ಹೆಚ್ಚಿನ ಒತ್ತು ಕೊಡಲಾಗುತ್ತದೆ. ಸದ್ಯ ಅದರ ಜೊತೆ ಕಾರವಾರದ ಕೈದಿಗಳು ಪರಿಸರ ಸ್ನೇಹಿ ಮತ್ತು ಕಲಾತ್ಮಕ ವಸ್ತುಗಳನ್ನು ತಯಾರಿಸುವಲ್ಲಿ ನೈಪುಣ್ಯತೆ ಸಾಧಿಸಿದ್ದಾರೆ. ಇಲ್ಲಿ ಪರಿಸರ ಸ್ನೇಹಿ ಬಟ್ಟೆ ಮತ್ತು ಕಾಗದದ ಚೀಲಗಳು, ಪ್ಲಾಸ್ಟಿಕ್ ಮುಕ್ತ ಸಮಾಜ ನಿರ್ಮಾಣಕ್ಕೆ ಪೂರಕವಾಗಿ ವಿವಿಧ ಗಾತ್ರದ ಮತ್ತು ವಿನ್ಯಾಸದ ಸುಂದರವಾದ ಬಟ್ಟೆಯ ಬ್ಯಾಗುಗಳಿದ್ದು, ಅವು ದಿನನಿತ್ಯದ ಬಳಕೆಗೆ ಹಾಗೂ ಕಚೇರಿ ಬಳಕೆಗೆ ಯೋಗ್ಯವಾಗಿವೆ. `ಈ ಸುಧಾರಣಾ ಪ್ರಕ್ರಿಯೆಯಿಂದಾಗಿ ಕೈದಿಗಳಲ್ಲಿ ಧನಾತ್ಮಕ ಬದಲಾವಣೆಗಳು ಕಂಡುಬರುತ್ತಿದ್ದು, ನಿರಂತರ ಕೆಲಸದಲ್ಲಿ ತೊಡಗುವುದರಿಂದ ಅವರ ಮಾನಸಿಕ ಒತ್ತಡ, ಖಿನ್ನತೆ ಮತ್ತು ಆಕ್ರೋಶ ಕಡಿಮೆಯಾಗುತ್ತಿದೆ’ ಎಂಬುದು ಕಾರಾಗೃಹ ಅಧಿಕಾರಿ ಹೇಮವತಿ ಅವರ ನುಡಿ. `ಕೈದಿಗಳು ತಯಾರಿಸುವ ಈ ಉತ್ಪನ್ನಗಳ ಮಾರಾಟದಿಂದ ಬರುವ ಆದಾಯದ ಒಂದು ಭಾಗವನ್ನು ಅವರ ಬ್ಯಾಂಕ್ ಖಾತೆಗಳಿಗೆ ಜಮಾ ಮಾಡಲಾಗುತ್ತದೆ. ಇದರಿಂದ ಅವರು ಜೈಲಿನಲ್ಲಿದ್ದೂ ತಮ್ಮ ಕುಟುಂಬಕ್ಕೆ ಆರ್ಥಿಕ ಆಸರೆಯಾಗಲು ಸಾಧ್ಯವಾಗುತ್ತದೆ. ಅಲ್ಲದೇ ಅವರು ಜೈಲಿನಿಂದ ಬಿಡುಗಡೆಯಾದಾಗ ಶೂನ್ಯದಿಂದ ಹೊಸ ಜೀವನ ಆರಂಭಿಸಲು ಆರ್ಥಿಕ ಭದ್ರತೆಯನ್ನು ಒದಗಿಸುತ್ತದೆ.
- [ಓವರ್ ಲೋಡ್: ಕಠಿಣ ಕ್ರಮಕ್ಕೆ ಡೀಸಿ ಸೂಚನೆ!](https://mobiletime.in/2026/07/overload-dicey-notice-for-strict-action/): ನಿಗದಿಪಡಿಸಿದ ತೂಕಕ್ಕಿಂತ ಹೆಚ್ಚಿನ ಬಾರ ಹೊತ್ತು ಸಂಚರಿಸುವ ಸರಕು ಸಾಮಗ್ರಿ ವಾಹನಗಳ ಮೇಲೆ ಕಠಿಣ ಕ್ರಮ ಜರುಗಿಸಲು ಜಿಲ್ಲಾಡಳಿತ ಮುಂದಾಗಿದೆ. `ಓವರ್ ಲೋಡ್ ಹೊತ್ತು ಸಾಗುವ ವಾಹನಗಳನ್ನು ತಡೆದು ಪ್ರಕರಣ ದಾಖಲಿಸಿ’ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. `ಎಲ್ಲಾ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ಎಲ್ಲಾ ಪ್ರಮುಖ ರಸ್ತೆಗಳಲ್ಲಿ ನಿಯಮಿತವಾಗಿ ತಪಾಸಣೆಗಳನ್ನು ನಡೆಸಬೇಕು. ನಿಗಧಿತ ಮಿತಿಗಿಂತ ಹೆಚ್ಚಿನ ಸರಕು ಸಾಮಗ್ರಿ ಸಾಗಿಸುವ ವಾಹನಗಳ ವಿರುದ್ದ ಪ್ರಕರಣ ದಾಖಲಿಸಬೇಕು. ಖಾಸಗಿ ಸಾರಿಗೆ ಬಸ್ಸುಗಳ ಡಿಕ್ಕಿಯಲ್ಲಿ ಪ್ರಯಾಣಿಕರ ಲಗೇಜ್ ಹೊರತುಪಡಿಸಿ ಇತರ ಸಾಮಗ್ರಿಗಳನ್ನು ಸಾಗಿಸುವುದರ ಬಗ್ಗೆಯೂ ತಪಾಸಣೆ ನಡೆಸಬೇಕು. ದೂರದ ಸ್ಥಳಗಳಿಗೆ ಪ್ರಯಾಣಿಸುವ ಬಸ್ಸುಗಳಲ್ಲಿ ಇಬ್ಬರು ಚಾಲಕರು ಇರುವ ಹಾಗೇ ನೋಡಿಕೊಳ್ಳಬೇಕು’ ಎಂದು ಕ್ಟುನಿಟ್ಟಾಗಿ ಹೇಳಿದ್ದಾರೆ. `ಕಾರವಾರದ ಫ್ಲೆöÊ ಓವರ್ ಕೆಳಗೆ ಅಂಗಡಿಗಳು ಮತ್ತು ಜನವಸತಿ ಕಂಡುಬರುತ್ತಿದ್ದು, ಈ ಬಗ್ಗೆ ರಾಷ್ಟಿಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು ಅಗತ್ಯ ಕ್ರಮ ಕೈಗೊಳ್ಳಬೇಕು’ ಎಂದು ಸೂಚಿಸಿದರು. `ಈಚೆಗೆ ಕುಮಟಾದಲ್ಲಿ ಹೆಚ್ಚಿನ ಅಪಘಾತಗಳು ಸಂಭವಿಸುತ್ತಿದ್ದು ಅಗತ್ಯವಿರುವಡೆಗಳಲ್ಲಿ ಬೀದಿದೀಪಗಳನ್ನು ಅಳವಡಿಸಬೇಕು. ರಸ್ತೆಗಳಿಗೆ ಲೈನ್ ಮಾರ್ಕ್ ಮತ್ತು ಕ್ಯಾಟ್ ಐ ಗಳನ್ನು ಅಳವಡಿಸಬೇಕು. ಹೆದ್ದಾರಿಯ ಪಕ್ಕದಲ್ಲಿ ಗುಡ್ಡಗಳಿಂದ ಜಲಪಾತದ ರೀತಿಯಲ್ಲಿ ನೀರು ಬೀಳುವ ಪ್ರದೇಶದಲ್ಲಿ ಸಾರ್ವಜನಿಕರು ರಸ್ತೆಯಲ್ಲಿಯೇ ವಾಹನಗಳನ್ನು ನಿಲ್ಲಿಸಿ ಪೋಟೋ ಮತ್ತು ವೀಡಿಯೋ ಚಿತ್ರೀಕರಣ ಮಾಡುತ್ತಿದ್ದು, ಇದರಿಂದ ಅಪಘಾತಗಳಾಗುವ ಸಾಧ್ಯತೆಗಳಿರುವುದರಿಂದ ಇಂತಹ ಪ್ರದೇಶದಲ್ಲಿ ನೋ ಪಾರ್ಕಿಂಗ್ ಸೇರಿದಂತೆ ಇತರೇ ಅಗತ್ಯ ಎಚ್ಚರಿಕೆ ಫಲಕಗಳನ್ನು ಅಳವಡಿಸಿ’ ಎಂದು ಹೇಳಿದರು. `ಘಟ್ಟ ಪ್ರದೇಶದಿಂದ ಆಗಮಿಸುವ ವಾಹನಗಳ ಚಾಲಕರಿಗೆ ಮುಂದೆ ಎಷ್ಟು ತಿರುವುಗಳು ಇವೆ ಎಂಬ ಬಗ್ಗೆ ಮಾಹಿತಿ ಇಲ್ಲದ ಕಾರಣ ವೇಗವಾಗಿ ವಾಹನ ಚಲಾಯಿಸಿ ಹೆಚ್ಚಿನ ಸಂಖ್ಯೆಯ ಅಪಘಾತಗಳು ಸಂಭವಿಸುತ್ತಿವೆ. `ಇಳಿಜಾರು ಪ್ರದೇಶ ಆರಂಭವಾಗುವ ಸ್ಥಳದಿಂದಲೇ ಮುಂದೆ ಎಷ್ಟನೇ ತಿರುವು ಇದೆ ಎಂಬ ಸಂಖ್ಯೆಗಳ ಮಾಹಿತಿಯನ್ನು ಒಳಗೊಂಡ ಸೂಚನಾ ಫಲಕಗಳನ್ನು ಅಳವಡಿಸಿ. ಎಲ್ಲಾ ಸೇತುವೆಗಳ ಬಗ್ಗೆ ಸೂಚನಾ ಫಲಕ ಮತ್ತು ರಾತ್ರಿ ವೇಳೆ ಸೇತುವೆ ಸ್ಪಷ್ಟವಾಗಿ ಗೋಚರವಾಗುವಂತೆ ಕ್ರಮ ಕೈಗೊಳ್ಳಬೇಕು’ ಎಂದರು. `ಪೊಲೀಸ್ ಇಲಾಖೆಯ ಸೂಚನೆಯಂತೆ ಅಗತ್ಯವಿರುವೆಡೆಗಳಲ್ಲಿ ಎ.ಎನ್.ಪಿ.ಆರ್ ಕೆಮರಗಳನ್ನು ಅಳವಡಿಸಬೇಕು. ಬ್ಲಾಕ್ ಸ್ಪಾಟ್ ಪ್ರದೇಶಗಳಲ್ಲಿ ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳಬೇಕು, ವೇಗಮಿತಿ ಸೂಚನಾ ಫಲಕಗಳು ಮತ್ತು ಬ್ಲಿಂರ‍್ಸ್ ಗಳನ್ನು ಅಳವಡಿಸಬೇಕು’ ಎಂದು ಸೂಚಿಸಿದರು. ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ.ಎನ್, ಉಪವಿಭಾಗಧಿಕಾರಿ ಶ್ರವಣಕುಮಾರ್, ರಾಷ್ಟಿçÃಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು, ಲೋಕೋಪಯೋಗಿ ಇಲಾಖೆಯ ಅಧಿಕಾರಿಗಳು ಮತ್ತಿತರರು ಇದ್ದರು.    
- [ಸಿದ್ದಾಪುರ | ಹಲೋ... ಐ ಎಂ ಸಾನಿಯಾ!](https://mobiletime.in/2026/07/siddapura-hello-i-am-sania/): ಸಿದ್ದಾಪುರದಲ್ಲಿ ಬೇಕರಿ ನಡೆಸುತ್ತಿರುವ ಎಸ್ ಎಸ್ ಅರ್ಪಿತಾ ಅವರಿಗೆ `ಹಲೋ.. ಐ ಎಂ ಸಾನಿಯಾ’ ಎಂದು ಮೆಸೆಜ್ ಬಂದಿದೆ. ಆ ಮೆಸೆಜ್’ಗೆ ಮರುಳಾದ ಅರ್ಪಿತಾ ಅವರ ಬ್ಯಾಂಕ್ ಖಾತೆಯಿಂದ 5 ಲಕ್ಷ ರೂ ಹಣ ಮಾಯವಾಗಿದೆ! ಹಾಸನದ ಎಸ್ ಎಸ್ ಅರ್ಪಿತಾ ಅವರು ಸದ್ಯ ಸಿದ್ದಾಪುರದ ಹೊಸೂರು ಕಾನಕೇರಿಯಲ್ಲಿ ವಾಸವಾಗಿದ್ದಾರೆ. ಇಲ್ಲಿ ಬೇಕರಿ ಮಾಡಿಕೊಂಡು ಅವರು ಬದುಕು ನಡೆಸುತ್ತಿದ್ದಾರೆ. ಜುಲೈ 21ರಂದು ಅವರು ಬೇಕರಿಯಲ್ಲಿ ವ್ಯಾಪಾರ ಮಾಡುವಾಗ ಅವರ ವಾಟ್ಸಪ್’ಗೆ ಮೆಸೆಜ್ ಒಂದು ಬಂದಿದೆ. ಆ ಮೆಸೆಜ್’ನ್ನು ಅವರು ಆಸಕ್ತಿಯಿಂದ ಓದಿದ್ದಾರೆ. ಅದರಲ್ಲಿ ಸಾನಿಯಾ ಎಂಬಾತರು ತಮ್ಮ ಪರಿಚಯ ಮಾಡಿಕೊಂಡು ತಾವು ನೀಡಿದ ಟಾಸ್ಕ್ ಮಾಡಿದರೆ ಹಣ ಕೊಡುವುದಾಗಿ ಹೇಳಿದ್ದಾರೆ. ಇದನ್ನು ನಂಬಿದ ಅರ್ಪಿತಾ ಅವರು ಟಾಸ್ಕ್ ಬಗ್ಗೆ ಪ್ರಶ್ನಿಸಿದ್ದಾರೆ. ಆಗ, `ತಾವು ಹೇಳಿದ ರೆಸ್ಟೊರೆಂಟುಗಳಿಗೆ 5ಸ್ಟಾರ್ ರೇಟಿಂಗ್ ಕೊಡಬೇಕು. ಪ್ರತಿ ರೇಟಿಂಗ್’ಗೆ 50ರೂ ಕೊಡುತ್ತೇವೆ’ ಎಂದು ಸಾನಿಯಾ ಎಂಬಾತರು ಹೇಳಿದ್ದು, ಅರ್ಪಿತಾ ಅವರು ಅದಕ್ಕೆ ಒಪ್ಪಿದ್ದಾರೆ. ಒಟ್ಟು 11 ಟಾಸ್ಕನ್ನು ಅವರು ಪೂರ್ಣಗೊಳಿಸಿ, ಹಣ ಕೊಡುವಂತೆ ಕೇಳಿದ್ದಾರೆ. ಅಷ್ಟರೊಳಗೆ ಅರ್ಪಿತಾ ಅವರ ಬ್ಯಾಂಕ್ ಖಾತೆಯಲ್ಲಿದ್ದ 514249ರೂ ಕಾಣೆಯಾಗಿದೆ. ಆ ಹಣಪಡೆದ ಸಾನಿಯಾ ಮಾಡಿದ ಕೆಲಸದ ಹಣವನ್ನು ಕೊಡದೇ ಮೋಸ ಮಾಡಿದ್ದಾರೆ.
- [ಕುಮಟಾ | ಈ ಕೆಲಸ ಮನೆಯಲ್ಲಿಯೇ ಮಾಡಿದರೂ ಅಪರಾಧ!](https://mobiletime.in/2026/07/kumta-doing-this-work-even-at-home-is-a-crime/): ಸೊಪ್ಪಿನಹೊಸಳ್ಳಿಯ ರಜತ ನಾಯಕ ಅವರು ಮನೆಯಲ್ಲಿ ಮಲಗಿದ್ದರೂ ಪೊಲೀಸರು ಅವರನ್ನು ಹಿಡಿದು ಬಂಧಿಸಿದ್ದಾರೆ. ಕಾರಣ, ಅವರು ಮನೆಯಲ್ಲಿರುವಾಗಲೂ ಮಾದಕ ವ್ಯಸನ ಸೇವಿಸಿ ಸಿಕ್ಕಿ ಬಿದ್ದಿದ್ದಾರೆ! ಕುಮಟಾ ಸೊಪ್ಪಿನಹೊಸಳ್ಳಿಯ ಮೂಡಗಿಯಲ್ಲಿ ರಜತ ಭಾಸ್ಕರ ನಾಯಕ ಅವರು ವಾಸವಾಗಿದ್ದಾರೆ. 30 ವರ್ಷದ ಅವರು ಸಣ್ಣ ವಯಸ್ಸಿನಲ್ಲಿಯೇ ದಾರಿ ತಪ್ಪಿದ್ದು, ಮೋಜು-ಮಸ್ತಿಗಾಗಿ ಮಾದಕ ವ್ಯಸನದ ಹಿಂದೆ ಬಿದ್ದಿದ್ದಾರೆ. ಮಾಡಲು ಏನೂ ಕೆಲಸವಿಲ್ಲದಿದ್ದಾಗ ಅವರು ಗಾಂಜಾ ಸೇವಿಸಿ ಅಲೆದಾಡುತ್ತಿದ್ದು, ಜುಲೈ 21ರಂದು ಸಹ ಹಾಗೇ ನಶೆಯಲ್ಲಿರುವಾಗ ಕುಮಟಾ ಪಿಐ ಯೋಗೇಶ್ ಕೆ ಎಂ ಅವರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ರಜತ ನಾಯಕ ಅವರು ಕೂಲಿ ಕೆಲಸ ಮಾಡುವವರಾಗಿದ್ದು, ದುಡಿಮೆಯ ಎಲ್ಲಾ ಹಣವನ್ನು ಮನೆಗೆ ಕೊಡುತ್ತಿಲ್ಲ. ವಾಸದ ಮನೆ ಮುಂದೆಯೇ ಅವರು ಮಾದಕ ವ್ಯಸನ ಸೇವಿಸುತ್ತಿದ್ದು, ಇದನ್ನು ನೋಡಿದವರು ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ವ್ಯಸನ ಮುಗಿಸಿ ಮನೆಗೆ ಮರಳುತ್ತಿದ್ದ ಅವರನ್ನು ಪೊಲೀಸರು ಹತ್ತಿರ ಕರೆದು ವಿಚಾರಿಸಿದ್ದಾರೆ. ಅಮಲಿನಲ್ಲಿದ್ದ ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿ, ಆ ವರದಿ ಆಧರಿಸಿ ಕೇಸು ದಾಖಲಿಸಿದ್ದಾರೆ.  
- [ಶಿರಸಿ | ಅನಂತಮೂರ್ತಿಗೆ ಆಹ್ವಾನ ನೀಡಿದ ಕಾಂಗ್ರೆಸ್ ಬಳಗ!](https://mobiletime.in/2026/07/sirsi-congress-group-extends-invitation-to-ananthamurthy/): ಶಿರಸಿ-ಸಿದ್ದಾಪುರ ಕ್ಷೇತ್ರಕ್ಕೆ ಭೀಮಣ್ಣ ನಾಯ್ಕ ಅವರು ಶಾಸಕರಾದ ನಂತರ 500ಕೋಟಿಗೂ ಅಧಿಕ ಅನುದಾನ ತಂದು ಅಭಿವೃದ್ಧಿ ಮಾಡಿದ್ದು, ಅನಂತಮೂರ್ತಿ ಹೆಗಡೆ ಅವರು ತಮ್ಮೊಂದಿಗೆ ಬಂದರೆ ಆ ಎಲ್ಲಾ ಅಭಿವೃದ್ಧಿ ಕೆಲಸ ಕಾಣಿಸುವುದಾಗಿ ಭೀಮಣ್ಣ ನಾಯ್ಕ ಅಭಿಮಾನಿ ಬಳಗದವರು ಹೇಳಿದ್ದಾರೆ. ಶಾಸಕ ಭೀಮಣ್ಣ ನಾಯ್ಕ ಅವರಿಗೆ ಟೀಕಿಸುವ ಬದಲು ಅವರ ಜೊತೆ ಕೈ ಜೋಡಿಸಿ’ ಎಂದು ಮನವಿ ಮಾಡಿದ್ದಾರೆ. ಅದಾದ ನಂತರ ಸಿಟ್ಟಿಗೆದ್ದ ಭೀಮಣ್ಣ ಬೆಂಬಲಿಗರು ಅನಂತಮೂರ್ತಿ ಹೆಗಡೆ ಅವರನ್ನು `ಅನಾಥಮೂರ್ತಿ-ಪ್ರಚಾರಮೂರ್ತಿ’ ಎಂಬ ಪದ ಬಳಸಿಯೂ ಕೆಲ ಪ್ರಶ್ನೆಗಳನ್ನು ಮುಂದಿಟ್ಟಿದ್ದಾರೆ. ಜೊತೆಗೆ `ಅನಂತಮೂರ್ತಿ ಹೆಗಡೆ ಅವರು ಬಿಜೆಪಿಗೆ ದುಡ್ಡು ಕೊಟ್ಟು ಹುದ್ದೆಪಡೆದಿದ್ದಾರೆ. ಇದೀಗ ಆ ಪಕ್ಷದ ರೈತ ಮೋರ್ಚಾ ಅಧ್ಯಕ್ಷರಾಗಿದ್ದಾರೆ. ಆದರೆ, ಆ ಹುದ್ದೆಯ ಮಹತ್ವ ಅವರಿಗೆ ಗೊತ್ತಿಲ್ಲ’ ಎಂದು ಸಹ ಆರೋಪಿಸಿದ್ದಾರೆ. `ಅತಿವೃಷ್ಟಿ-ಅನಾವೃಷ್ಟಿಯಿಂದ ರೈತರಿಗೆ ಆದ ಸಮಸ್ಯೆ ಬಗ್ಗೆ ಅನಂತಮೂರ್ತಿ ಹೆಗಡೆ ಅವರು ಮಾತನಾಡುತ್ತಿಲ್ಲ. ಅನಂತಮೂರ್ತಿ ಹೆಗಡೆ ಅವರಿಗೆ ಆಡಳಿತ ವ್ಯವಸ್ಥೆಯ ಬಗ್ಗೆ ಮಾಹಿತಿ ಇಲ್ಲ’ ಎಂದು ಭೀಮಣ್ಣ ನಾಯ್ಕ ಅವರ ಅಭಿಮಾನಿ ಮಧುಕೇಶ್ವರ ನಾಯ್ಕ ಅವರು ಹೇಳಿದ್ದಾರೆ. `ಭೀಮಣ್ಣ ನಾಯ್ಕ ಅವರ ಕೆಲಸವನ್ನು ಬಿಜೆಪಿಗರು ಹೊಗಳುತ್ತಿದ್ದರೂ ಅನಂತಮೂರ್ತಿ ಹೆಗಡೆ ಅದನ್ನು ಒಪ್ಪುತ್ತಿಲ್ಲ. ಫೋಟೋ-ಪ್ರಚಾರಕ್ಕಾಗಿ ಮಾತನಾಡುವ ಬದಲು ಮಾಡಿದ ಕೆಲಸ ಗಮನಿಸಿ’ ಎಂದು ಮನವಿ ಮಾಡಿದ್ದಾರೆ. `ಶಾಸಕರನ್ನು ಟೀಕಿಸುವ ಬದಲು ಅವರ ಜೊತೆ ಕೈ ಜೋಡಿಸಿ’ ಎಂದು ಮತ್ತೊಮ್ಮೆ ಹೇಳಿದ್ದಾರೆ. `ಅನಂತಮೂರ್ತಿ ಹೆಗಡೆ ಅವರು ತಮ್ಮ ಸ್ವಾರ್ಥಕ್ಕಾಗಿ ಚ್ಯಾರಿಟೇಬಲ್ ಟ್ರಸ್ಟ್ ಮಾಡಿಕೊಂಡಿದ್ದಾರೆ. ಮೊನ್ನೆ ಮೊನ್ನೆ ಬಂದು ಹೋರಾಟ ಸಮಿತಿ ಮಾಡಿದ್ದಾರೆ. ಆ ಸಮಿತಿಯವರು ಈಗ ಕಾಣುತ್ತಿಲ್ಲ. ಸಾವು ಸಂಭವಿಸಿದ ಮನೆಗೆ ಹೋಗಿ ಸಾಂತ್ವಾನ ಹೇಳುವ ಬದಲು ಅವರನ್ನು ಪ್ರಚಾರಕ್ಕೆ ಬಳಸಿದಕ್ಕೆ ನಾಚಿಕೆ, ಮಾನ-ಮರ್ಯಾದಿ ಇಲ್ಲವೇ? ಎಂದು ಪ್ರಶ್ನಿಸಿದ್ದಾರೆ. `ಸಂಸ್ಕಾರವoತರಾಗಿ ಮಾತನಾಡಿ’ ಎಂದು ಮಧುಕೇಶ್ವರ ನಾಯ್ಕ ಅವರು ಮನವಿ ಮಾಡಿದ್ದಾರೆ. `ಭೀಮಣ್ಣ ನಾಯ್ಕ ಅವರ ಅವಧಿಯಲ್ಲಿ ಹಳ್ಳಿ ಹಳ್ಳಿಗೂ ಉತ್ತಮ ರಸ್ತೆಯಾಗಿದೆ. ಅವರಿಗೆ ಜಿಲ್ಲೆಯ ಎಲ್ಲಡೆ ಅಭಿಮಾನಿ ಬಳಗವಿದೆ. ಅನಂತಮೂರ್ತಿ ಹೆಗಡೆ ಅವರು ಹಳ್ಳಿ-ಹಳ್ಳಿ ಓಡಾಡಿ ಪರಿಸ್ಥಿತಿ ಅರಿಯಬೇಕು. ಟೀಕೆ ಮಾಡುವುದು ಬೇಡ ಎನ್ನುವುದಿಲ್ಲ. ಆದರೆ, ನಿಮ್ಮ ತಿಳುವಳಿಕೆ ಮಟ್ಟಕ್ಕೆ ಮಾತನಾಡಬೇಡಿ’ ಎಂದು ಅವರು ಹೇಳಿದ್ದಾರೆ. `ಅನಂತಮೂರ್ತಿ ಹೆಗಡೆ ಅವರಿಗೆ ಭೀಮಣ್ಣ ನಾಯ್ಕ ಅವರ ಸಂಪೂರ್ಣ ಪರಿಚಯ ಇಲ್ಲ. ಅವರ ಬಗ್ಗೆ ಅರಿತು ಮಾತನಾಡಬೇಕು’ ಎಂದು ಹೇಳಿದ್ದು, `ಅನಂತಮೂರ್ತಿ ಹೆಗಡೆ ಅವರು ತಪ್ಪು ತಿದ್ದುಕೊಳ್ಳದೇ ಇದ್ದರೆ ನಮಗೂ ಹೋರಾಟ ಅನಿವಾರ್ಯ’ ಎಂದು ಎಚ್ಚರಿಸಿದರು. ಅಭಿಮಾನಿ ಬಳಗದ ರಾಘವೇಂದ್ರ ನಾಯ್ಕ, ರವಿ ನಾಯ್ಕ ಕಲಕರಡಿ, ಜಗದೀಶ ನಾಯ್ಕ, ಅಶೋಕ ಗುಡ್ನಾಪುರ, ಲೋಕೇಶ ನಾಯ್ಕ, ಮಧುಕರ ನಾಯ್ಕ, ಅಣ್ಣಪ್ಪ ನಾಯ್ಕ, ರಮಾಕಾಂತ ನಾಯ್ಕ, ಭದ್ರಗೌಡ, ಗಣಪತಿ ಬಾಶಿ, ಮಂಜುನಾಥ ನಾಯ್ಕ ಇದ್ದರು.
- [ಶಿರಸಿ | ಚಾತುರ್ಮಾಸ್ಯಕ್ಕೆ ಸಜ್ಜಾದ ಶ್ರೀ ಶ್ರೀ: ಅನುದಿನವೂ ಪ್ರವಚನ.. ಆದ್ಯಾತ್ಮಕ ಚಿಂತನ!](https://mobiletime.in/2026/07/sirsi-sri-sri-ready-for-chaturmasya-daily-discourses-and-spiritual-reflections/): ಸೋoದಾ ಸ್ವರ್ಣವಲ್ಲಿಯ ಗಂಗಾಧರೇoದ್ರ ಸರಸ್ವತೀ ಸ್ವಾಮಿಗಳ 36ನೇ ಹಾಗೂ ಆನಂದಬೋಧೇoದ್ರ ಸರಸ್ವತೀ ಸ್ವಾಮಿಗಳ ಮೂರನೇ ಚಾತುರ್ಮಾಸ್ಯ ವ್ರತ ಸಂಕಲ್ಪ ಆಚರಣೆಯು ಜುಲೈ 29ರಂದು ನಿಗದಿಯಾಗಿದೆ. ಶ್ರೀ ಕ್ಷೇತ್ರ ಸೋಂದಾ ಸ್ವರ್ಣವಲ್ಲಿ ಮಹಾಸಂಸ್ಥಾನದಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ. ಅಂದು ಬೆಳಿಗ್ಗೆ 10 ಗಂಟೆಯಿoದ ಉಭಯ ಶ್ರೀಗಳವರಿಂದ ಶ್ರೀ ವೇದವ್ಯಾಸ ಪೂಜೆ, ಚಾತುರ್ಮಾಸ್ಯ ವ್ರತ ಸಂಕಲ್ಪ, ಚತುರ್ವೇದ ಪಾರಾಯಣ, 18 ಮಹಾಪುರಾಣಗಳ ಪಾರಾಯಣ, ಸಮಗ್ರ ಶಿಷ್ಯರಿಂದ ಪಾದಪೂಜೆ ಸೇರಿದಂತೆ ವಿವಿಧ ಧಾರ್ಮಿಕ ವಿಧಿವಿಧಾನಗಳು ನೆರವೇರಲಿವೆ. ಮಧ್ಯಾಹ್ನ 1 ಗಂಟೆಯಿAದ ಮಹಾಮಂಗಳಾರತಿ ಹಾಗೂ ತೀರ್ಥಪ್ರಸಾದ ವಿತರಣೆ ನಡೆಯಲಿದೆ. ಸಂಜೆ 4.30ಕ್ಕೆ ಶ್ರೀಮಜ್ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀಮದ್ ಗಂಗಾಧರೇoದ್ರ ಸರಸ್ವತೀ ಮಹಾಸ್ವಾಮಿಗಳು, ಶ್ರೀಮದ್ ಆನಂದಬೋಧೇoದ್ರ ಸರಸ್ವತೀ ಮಹಾಸ್ವಾಮಿಗಳವರ ಸಾನ್ನಿಧ್ಯದಲ್ಲಿ ಸಭಾ ಕಾರ್ಯಕ್ರಮ ನಡೆಯಲಿದೆ. ಸಮ್ಮಾನಿತರಾಗಿ ಡಿಜಿಪಿ ಮತ್ತು ಪೊಲೀಸ್ ಕಮಿಷನರ್ ಗುಜರಾತ್ ವಡೋದರದ ಐಪಿಎಸ್ ಅಧಿಕಾರಿ ನರಸಿಂಹ ಕೋಮಾರ್ ಭಾಗವಹಿಸಲಿದ್ದು, ಸಂಸ್ಥಾನದ ಪುರೋಹಿತರು ವೇದಮೂರ್ತಿ ನರಸಿಂಹ ಜೋಶಿ ಬಾಡ್ಲಕೊಪ್ಪ, ಸ್ವರ್ಣವಲ್ಲೀಯ ಮಾಸ ಪತ್ರಿಕೆಯಾದ ಸ್ವರ್ಣವಲ್ಲೀಪ್ರಭಾ ಸಂಪಾದಕರಾಗಿ ಸೇವೆ ಸಲ್ಲಿಸಿದ ಗಣಪತಿ ರಾಮಚಂದ್ರ ಭಟ್ಟ (ವನರಾಗ ಶರ್ಮಾ) ಅವರಿಗೆ ಸಮ್ಮಾನ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿದೆ. ಇದೇ ಸಂದರ್ಭದಲ್ಲಿ ಪುಸ್ತಕಗಳ ಬಿಡುಗಡೆ ಕೂಡ ನಡೆಯಲಿದೆ. ಚಾತುರ್ಮಾಸ್ಯದ ಪ್ರಯುಕ್ತ ಜುಲೈ 29ರಿಂದ ಸೆಪ್ಟೆಂಬರ್ 26ರವರೆಗೆ ನಿತ್ಯವೂ ಮಹಾಭಾರತದ ಪ್ರವಚನ, ವಿವಿಧ ಧಾರ್ಮಿಕ, ಆಧ್ಯಾತ್ಮಿಕ ಕಾರ್ಯಕ್ರಮಗಳು, ಶಿಷ್ಯರಿಂದ ಸೇವೆ, ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಮಹಾಸಂಸ್ಥಾನದಲ್ಲಿ ನಿರಂತರವಾಗಿ ನಡೆಯಲಿವೆ. ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಶ್ರೀಗಳ ಆಶೀರ್ವಾದ ಪಡೆಯುವಂತೆ ಮಹಾಸಂಸ್ಥಾನ ಆಡಳಿತ ಮಂಡಳಿ ಅಧ್ಯಕ್ಷ ವಿ.ಎನ್.ಹೆಗಡೆ ಬೊಮ್ಮನಳ್ಳಿ ಅವರು ಕೋರಿದ್ದಾರೆ.
- [ದಾಂಡೇಲಿ | ಆಕೆಯ ಆಯಸ್ಸು ಇನ್ನಷ್ಟು ಗಟ್ಟಿ: ಮೈಮೇಲೆ ಮರ ಬಿದ್ದರೂ ಬದುಕಿದ ಅಜ್ಜಿ!](https://mobiletime.in/2026/07/dandeli-she-defied-the-odds-grandmother-survives-after-a-tree-falls-on-her/): ದಾಂಡೇಲಿಯ ಬಿಬಿ ಜಹರಾ ಅವರ ಮನೆ ಮೇಲೆ ಮರ ಮುರಿದು ಬಿದ್ದಿದೆ. ಮರ ಮುರಿದ ರಭಸಕ್ಕೆ ಮನೆಯ ಛಾವಣಿ ಒಡೆದಿದ್ದು, ಮನೆಯೊಳಗಿದ್ದ ಬಿಬಿ ಜಹರಾ ಅವರ ತಲೆಗೆ ಗಾಯವಾಗಿದೆ. ದಾಂಡೇಲಿಯ ಹಳಿಯಾಳ ರಸ್ತೆ ಅಂಚಿನಲ್ಲಿ ಮೆಹಬೂಬ್ ಕಾಕರ್ ಅವರು ತಮ್ಮ ಕುಟುಂಬದವರ ಜೊತೆ ವಾಸವಾಗಿದ್ದಾರೆ. ಮನೆ ಅಂಚಿನ ಮರ ಅಪಾಯಕಾರಿಯಾಗಿರುವ ಬಗ್ಗೆ ಅವರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ. ಅಧಿಕಾರಿಗಳ ಸೂಚನೆ ಮೇರೆಗೆ ಆರು ತಿಂಗಳ ಹಿಂದೆಯೇ ಅವರು ಲಿಖಿತ ಮನವಿ ಸಲ್ಲಿಸಿದ್ದಾರೆ. ಅದಾಗಿಯೂ, ಮರ ಕಟಾವಿಗೆ ಅವರಿಗೆ ಅನುಮತಿ ಸಿಕ್ಕಿಲ್ಲ. ಈ ನಡುವೆಯೇ ಆ ಮರದ ಟೊಂಗೆ ಮುರಿದಿದೆ. ಮುರಿದ ಟೊಂಗೆ ಮೆಹಬೂಬ್ ಕಾಕರ್ ಅವರ ಮನೆ ಮೇಲೆ ಬಿದ್ದು, ಮನೆಯೊಳಗಿದ್ದ ಅವರ ತಾಯಿ ಬಿಬಿ ಜಹರಾ ಅವರ ತಲೆಗೆ ಬಡಿದಿದೆ. ಶನಿವಾರ ಬಿಬಿ ಜಹರಾ ಅವರು ಮನೆಯಲ್ಲಿ ಮಲಗಿದ ವೇಳೆ ಈ ದುರಂತ ನಡೆದಿದೆ. ಮರದ ಟೊಂಗೆ ಹಾಗೂ ಮನೆಯ ಮೇಲ್ಚಾವಣಿ ಮುರಿದು ಬಿದ್ದಿದ್ದರಿಂದ ಬಿಬಿ ಜಹರಾ ಅವರ ತಲೆಗೆ ಪೆಟ್ಟಾಗಿ ರಕ್ತ ಸುರಿದಿದೆ. ಸದ್ಯ ಅವರು ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆಯುತ್ತಿದ್ದಾರೆ. `ಮನೆಯಲ್ಲಿ ಸಣ್ಣ ಸಣ್ಣ ಮಕ್ಕಳಿದ್ದಾರೆ. ಅರ್ಜಿ ಕೊಟ್ಟರೂ ಮರ ಕಟಾವು ನಡೆಸದ ಕಾರಣ ಅನಾಹುತ ನಡೆದಿದೆ’ ಎಂದು ಕುಟುಂಬದವರು ಹೇಳಿದ್ದಾರೆ.
- [ಶಿರಸಿ | ಮೊಬೈಲ್ ಮಾಣಿಗೆ ಬೈಕ್ ಡಿಕ್ಕಿ: ಒಬ್ಬರ ಸಾವು-ಇಬ್ಬರಿಗೆ ನೋವು!](https://mobiletime.in/2026/07/sirsi-bike-hits-youth-looking-at-mobile-phone-one-dead-two-injured/): ಮೊಬೈಲ್ ರಿಪೇರಿ ಕೆಲಸ ಮಾಡಿಕೊಂಡಿದ್ದ ಸಿದ್ದಾಪುರದ ಸಿಂದೂರ ಹೆಗಡೆ ಅವರು ಓಡಿಸುತ್ತಿದ್ದ ಬೈಕು ಸರಕುಳಿಯ ಗಿರೀಶ ಗೌಡ ಅವರ ಬೈಕಿಗೆ ಡಿಕ್ಕಿಯಾಗಿದೆ. ಈ ಡಿಕ್ಕಿ ರಭಸಕ್ಕೆ ಸಿಂದೂರ ಹೆಗಡೆ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಸಿದ್ದಾಪುರದ ಕೋಡ್ಸರದ ಮುಟ್ಟಳ್ಳಿಯಲ್ಲಿ ಸಿಂದೂರ ಸದಾನಂದ ಹೆಗಡೆ ಅವರು ವಾಸವಾಗಿದ್ದರು. 21 ವರ್ಷದ ಅವರು ಮೊಬೈಲ್ ರಿಪೇರಿಯಲ್ಲಿ ಪರಿಣಿತಿಪಡೆದಿದ್ದು, ಅದನ್ನೇ ಉದ್ಯೋಗವನ್ನಾಗಿಸಿಕೊಂಡಿದ್ದರು. ಜುಲೈ 24ರಂದು ಸಿಂದೂರ ಹೆಗಡೆ ಅವರು ಶಿರಸಿಗೆ ಹೋಗಿದ್ದರು. ರಾತ್ರಿ 9.45ರ ವೇಳೆಗೆ ಅವರು ಶಿರಸಿಯಿಂದ ಸಿದ್ದಾಪುರದ ಕಡೆ ಹೊರಟಿದ್ದರು. ಬೇಗ ಮನೆ ಸೇರುವುದಕ್ಕಾಗಿ ಅವರು ಜೋರಾಗಿ ಬೈಕ್ ಓಡಿಸಿದ್ದು, ಆ ವೇಗದ ಬೈಕ್ ಚಾಲನೆಯೇ ಅವರ ಮರಣಕ್ಕೆ ಕಾರಣವಾಯಿತು. ಆ ರಾತ್ರಿ ಸಿದ್ದಾಪುರ ಸರಕುಳಿಯ ಗಿರೀಶ ರಾಮಾ ಗೌಡ (26) ಅವರು ಚೈತ್ರಾ ಎಂಬಾತರ ಜೊತೆ ಶಿರಸಿಯಿಂದ ಸಿದ್ದಾಪುರದ ಕಡೆ ಹೊರಟಿದ್ದರು. ಅವರು ಅಜ್ಜಿಬಳ ತಲುಪಿದಾಗ ಸಿಂದೂರ ಹೆಗಡೆ ಅವರ ಬೈಕು ಡಿಕ್ಕಿಯಾಯಿತು. ಆ ಡಿಕ್ಕಿ ರಭಸಕ್ಕೆ ಎರಡು ಬೈಕಿನಲ್ಲಿದ್ದ ಮೂವರು ನೆಲಕ್ಕೆ ಅಪ್ಪಳಿಸಿದರು. ಸಿಂದೂರ ಹೆಗಡೆ ಅವರು ಅಲ್ಲಿಯೇ ಸಾವನಪ್ಪಿದ್ದು, ಗಿರೀಶ ಗೌಡ ಹಾಗೂ ಚೈತ್ರಾ ಅವರು ಆಸ್ಪತ್ರೆ ಸೇರಿದರು. ಗಿರೀಶ ಗೌಡ ಅವರು ಸಹ ಬೈಕನ್ನು ವೇಗವಾಗಿಯೇ ಓಡಿಸುತ್ತಿದ್ದು, ಅಪಘಾತದಲ್ಲಿ ಅವರ ಪಾತ್ರವೂ ಅಷ್ಟೇ ದೊಡ್ಡದಾದ ಕಾರಣ ಕೊಡ್ಸರದ ಮಹೇಶ ವೆಂಕಟ್ರಮಣ ಹೆಗಡೆ ಅವರು ಗಿರೀಶ ಗೌಡ ಅವರ ಹೆಸರು ಸೇರಿಸಿ ದೂರು ನೀಡಿದರು. `ಹೆಲ್ಮೆಟ್ ಧರಿಸಿಯೇ ಬೈಕ್ ಓಡಿಸಿ’
- [ಕಾರವಾರ | ವೈದ್ಯರ ಪುತ್ರನ ಅಪಹರಣ: ಮಗನನ್ನೇ ಕಿಡ್ನಾಪ್ ಮಾಡಿಸಿದ ಅಮ್ಮ!](https://mobiletime.in/2026/07/karwar-kidnapping-of-doctors-son-mother-orchestrated-her-own-sons-abduction/): ಗೋವಾದ ವೈದ್ಯ ಡಾ ಸತೀಶ ಕುಡ್ಚಲಕರ್ ಅವರ ಮಗ ಸಂಜೀಲ ಕುಡ್ಚಲಕರ್ ಅವರನ್ನು ದುಷ್ಕರ್ಮಿಗಳು ಅಪಹರಿಸಿದ್ದಾರೆ. ಕಾರವಾರದಲ್ಲಿ ಸಂಜೀಲ ಕುಡ್ಚಲಕರ್ ಅವರನ್ನು ರಕ್ಷಿಸಲಾಗಿದ್ದು, ಅಪಹರಣಕಾರರಿಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಡಾ ಸತೀಶ ಕುಡ್ಚಲಕರ್ ಅವರು ಗೋವಾದ ಮಡಗಾಂವಿನಲ್ಲಿ ವೈದ್ಯಕೀಯ ಸೇವೆಯಲ್ಲಿದ್ದಾರೆ. ಅವರನ್ನು ಬೆದರಿಸುವುದಕ್ಕಾಗಿ ಗೋವಾದ ಸಶೀಲ್ ಮಕ್ಸೂದ್ ಹಾಗೂ ಷಾ ಅಲಿ ಸೌದಾಗರ್ ಎಂಬಾತರು ಅವರ ಪುತ್ರ ಸಂಜೀಲ ಅವರನ್ನು ಅಪಹರಿಸಿದ್ದಾರೆ. ಅಪಹರಣದ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಅದೇ ಆಧಾರದಲ್ಲಿ ದಕ್ಷಿಣ ಗೋವಾದ ಪೊಲೀಸರು ತನಿಖೆ ನಡೆಸಿದ್ದಾರೆ. ಆ ತನಿಖೆಯಲ್ಲಿ ಸಂಜೀವ ಕುಡ್ಚಲಕರ್ ಅವರು ಕಾರವಾರದಲ್ಲಿರುವುದು ಗೊತ್ತಾಗಿದ್ದು, ಇಲ್ಲಿನ ಪೊಲೀಸರ ಸಹಾಯದಿಂದ ವೈದ್ಯರ ಪುತ್ರರನ್ನು ರಕ್ಷಿಸಲಾಗಿದೆ. `ಅಪಹರಣಕಾರರು ಸಂಜೀಲ ಅವರನ್ನು ಕಾರಿನಲ್ಲಿ ಅಪಹರಿಸಿದ್ದರು. ಅವರ ಅಪಹರಣಕ್ಕೆ ಮತ್ತೊಬ್ಬರು ಸುಪಾರಿ ನೀಡಿದ ಶಂಕೆಯಿದೆ’ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಡಾ ಸತೀಶ ಕುಡ್ಚಲಕರ್ ಅವರ ಮೊದಲ ಪತ್ನಿ ಈ ಅಪಹರಣ ಹಗರಣದಲ್ಲಿ ಭಾಗಿಯಾದ ಅನುಮಾನಗಳಿವೆ. ಹೀಗಾಗಿ ಅವರನ್ನು ಸಹ ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ಅಪಹರಣಕಾರರನ್ನು ಬಂಧಿಸುವಲ್ಲಿ ಹಾಗೂ ಸಂಜೀಲ ಕುಡ್ಚಲಕರ್ ಅವರ ರಕ್ಷಣೆಗೆ ಕಾರವಾರ ಪೊಲೀಸರು ನೆರವು ನೀಡಿದ್ದಾರೆ.
- [ಯಲ್ಲಾಪುರ | ಬಣ್ಣ ಬದಲಿಸಿದ ಕಾಗೆ!](https://mobiletime.in/2026/07/yellapur-a-crow-that-changed-its-color/): ಸಾಮಾನ್ಯವಾಗಿ ಎಲ್ಲಾ ಕಾಗೆಗಳು ಕಪ್ಪು ಬಣ್ಣದಿಂದ ಕೂಡಿರುತ್ತದೆ. ಆದರೆ, ಯಲ್ಲಾಪುರದ ಜೋಡುಕೆರೆ, ಕೊಂಡೆಮನೆ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಕೆಲ ದಿನಗಳಿಂದ ಬಿಳಿ ಬಣ್ಣದ ಕಾಗೆ ಹಾರಾಡುತ್ತಿದೆ. ಬಿಳಿ ಬಣ್ಣದ ಪಕ್ಷಿ ನೋಡಿದ ಜನ ಮೊದಲು ಅದನ್ನು ಪಾರಿವಾಳ ಎಂದು ಭಾವಿಸಿದ್ದರು. ಆದರೆ, ಅದರ ಕೂಗು ಕೇಳಿದ ನಂತರ ಸಮೀಪದಿಂದ ಗಮನಿಸಿದ್ದು, ಅದು ಕಾಗೆ ಎಂದು ಗೊತ್ತಾಗಿದೆ. ಆ ಕಾಗೆಯ ಫೋಟೋ-ವಿಡಿಯೋ ಸದ್ಯ ಜಾಲತಾಣದಲ್ಲಿ ಹರಿದಾಡುತ್ತಿದ್ದು ಬಿಳಿ ಕಾಗೆ ನೋಡಿದ ಜನ ಕುತೂಹಲವ್ಯಕ್ತಪಡಿಸಿದ್ದಾರೆ. ವೈದ್ಯಕೀಯ ಮತ್ತು ವೈಜ್ಞಾನಿಕ ವಿವರಣೆಗಳ ಪ್ರಕಾರ, ಕಾಗೆಗಳ ಸಂತಾನೋತ್ಪತ್ತಿಯಲ್ಲಿ ಅಪರೂಪದ ಆನುವಂಶಿಕ ಬದಲಾವಣೆಗಳಿಂದ ಅಪರೂಪಕ್ಕೆ ಒಮ್ಮೆ ಇಂಥ ಕಾಗೆಗಳ ಜನನವಾಗುತ್ತದೆ. ಪಕ್ಷಿಯ ದೇಹದಲ್ಲಿ ಮೆಲನಿನ್ ಎಂಬ ವರ್ಣದ್ರವ್ಯದ ಕೊರತೆ ಉಂಟಾದಾಗ ಬಣ್ಣ ಬದಲಾಗುವ ಸಾಧ್ಯತೆಗಳಿವೆ. ಅಲ್ಬಿನೋ ರೋಗದಿಂದ ಬಳಲುವ ಪಕ್ಷಿಗಳಲ್ಲಿಯೂ ಬಣ್ಣದಲ್ಲಿ ವ್ಯತ್ಯಾಸವಾಗುತ್ತದೆ. ಅಲ್ಬಿನೋ ಪಕ್ಷಿಗಳಲ್ಲಿ ದೃಷ್ಟಿ ಸಮಸ್ಯೆ ಕಾಣಿಸುತ್ತದೆ. ಹೀಗಾಗಿ ಅವು ತಮ್ಮ ಗುಂಪಿನಲ್ಲಿ ಸಹಜವಾಗಿ ಬೆರೆಯಲು ಕಷ್ಟಪಡುತ್ತಿದ್ದು, ಕಪ್ಪು ಕಾಗೆಗಳು ಅಂಥ ಪಕ್ಷಿಯನ್ನು ದೂರವಿಡುವ ಸಾಧ್ಯತೆಗಳು ಹೆಚ್ಚಿವೆ. ಈ ಹಿಂದೆ ತಮಿಳುನಾಡಿನ ತಿರುಪತ್ತೂರು ಪ್ರದೇಶದಲ್ಲಿಯೂ ಬಿಳಿ ಕಾಗೆಯೊಂದು ಕಾಣಿಸಿತ್ತು. ಆಗ, ರಾಜಕೀಯ ಬದಲಾವಣೆ ಸಂಭವಿಸಲಿದೆ ಎಂಬ ಚರ್ಚೆ ನಡೆದಿತ್ತು. ಕಾಗೆ ಹಾಗೂ ಜ್ಯೋತಿಷ್ಯದ ನಂಬಿಕೆಯ ಬಗ್ಗೆಯೂ ಸದ್ಯ ಚರ್ಚೆ ನಡೆಯುತ್ತಿದೆ. ಆದರೆ, ಇದಕ್ಕೆ ವೈಜ್ಞಾನಿಕ ಪುರಾವೆಗಳಿಲ್ಲ.
- [ಕಾರವಾರ | ಪರಿಸರ ಸ್ನೇಹಿ ಕಟ್ಟಡ ನಿರ್ಮಾತನಿಗೆ ಸಿಕ್ಕ ಗೌರವ](https://mobiletime.in/2026/07/karwar-honor-for-eco-friendly-building-constructor/): ಪರಿಸರ ಸ್ನೇಹಿ ಕಟ್ಟಡ ನಿರ್ಮಾಣ ಹಾಗೂ ಸಾಮಗ್ರಿ ಉತ್ಪಾದನೆಯಲ್ಲಿ ಸಾಧನೆ ಮಾಡಿರುವ ಯುವ ಉದ್ಯಮಿ ಸಿದ್ಧಾರ್ಥ ನಾಯ್ಕ ಅವರಿಗೆ Emerging Company of the Year Award for Business Excellence ಪ್ರಶಸ್ತಿ ಸಿಕ್ಕಿದೆ. ಅಚೀವರ್ಸ್ ಕಾನ್ಫರೆನ್ಸ್’ನವರು ಈ ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ. ಸಿದ್ಧಾರ್ಥ ನಾಯ್ಕ ಅವರು ಕಾರವಾರದಲ್ಲಿ ಡಾಲ್ಫಿನ್ ಕನ್‌ಸ್ಟ್ರಕ್ಷನ್ಸ್ & ಇಂಡಸ್ಟ್ರೀಸ್ ಸಂಸ್ಥೆ ಕಟ್ಟಿದ್ದಾರೆ. ಆ ಸಂಸ್ಥೆಯ ಮೂಲಕ ಪರಿಸರ ಸ್ನೇಹಿ ಕಟ್ಟಡ ನಿರ್ಮಾಣ ಹಾಗೂ ಪರಿಸರ ಸ್ನೇಹಿ ಕಟ್ಟಡಕ್ಕೆ ಬೇಕಿರುವ ಸಾಮಗ್ರಿಗಳ ಉತ್ಪಾದನೆ ಮಾಡುತ್ತಿದ್ದಾರೆ. ಈ ಕ್ಷೇತ್ರದಲ್ಲಿ ಅವರ ಸಾಧನೆ ನೋಡಿದ ಇಂಟರ್‌ನ್ಯಾಷನಲ್ ಅಚೀವರ್ಸ್ ಕಾನ್ಫರೆನ್ಸ್’ನವರು ರಾಷ್ಟ್ರೀಯ ಪ್ರಶಸ್ತಿ ನೀಡಿದ್ದಾರೆ. ದೆಹಲಿಯ ಇಂಡಿಯಾ ಹ್ಯಾಬಿಟಾಟ್ ಸೆಂಟರ್‌ನ ಗುಲ್ಮೋಹರ್ ಸಭಾಂಗಣದಲ್ಲಿ ನಡೆದ ಅದ್ಧೂರಿ ಕಾರ್ಯಕ್ರಮದಲ್ಲಿ ಸಿದ್ಧಾರ್ಥ ನಾಯ್ಕ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಕೇಂದ್ರ ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಖಾತೆ ರಾಜ್ಯ ಸಚಿವರಾದ ರಾಮದಾಸ್ ಅಠಾವಳೆ, ಉತ್ತರಾಖಂಡದ ಮಾಜಿ ಮುಖ್ಯಮಂತ್ರಿ ತೀರಥ್ ಸಿಂಗ್ ರಾವತ್, ಸಂಸದ ಕೆ ಸಿ ತ್ಯಾಗಿ, ಜೆ.ಕೆ. ಜೈನ್ ಹಾಗೂ ಸುಪ್ರೀಂ ಕೋರ್ಟ್ನ ಹಿರಿಯ ವಕೀಲ ಸಂಗ್ರಾಮ್ ಪಟ್ನಾಯಕ್ ಸೇರಿದಂತೆ ಅನೇಕ ಗಣ್ಯರು ಈ ಪ್ರಶಸ್ತಿ ವಿತರಿಸಿ, ಅಭಿನಂದಿಸಿದ್ದಾರೆ. ಪ್ರಶಸ್ತಿ ಸ್ವೀಕರಿಸಿದ ಬಳಿಕ ಮಾತನಾಡಿದ ಸಿದ್ಧಾರ್ಥ ನಾಯ್ಕ ಅವರು `ಪರಿಸರ ಸ್ನೇಹಿ ಕ್ಷೇತ್ರದಲ್ಲಿ ಗುಣಮಟ್ಟದ ನಿರ್ಮಾಣ ಕಾಮಗಾರಿ ನಡೆಸಿದ ಕಾರಣ ಈ ಗೌರವ ಸಿಕ್ಕಿದೆ. ಈ ಪ್ರಶಸ್ತಿಯಿಂದ ತಮ್ಮ ವಿಶ್ವಾಸ ಹೆಚ್ಚಾಗಿದೆ’ ಎಂದು ಹೇಳಿದ್ದಾರೆ. ಸಿದ್ಧಾರ್ಥ ನಾಯ್ಕ ಅವರು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರ ಪುತ್ರರಾಗಿದ್ದಾರೆ.
- [ಹೊನ್ನಾವರ | ದಾರಿ ತಪ್ಪಿದ ಲೋಕಲ್ ಮ್ಯಾಪ್!](https://mobiletime.in/2026/07/honnavara-local-map-leads-astray/): ಶರಾವತಿಯ ಶಿಂಗಳಿಕ ಕಣಿವೆ ಪ್ರದೇಶದೊಳಗೆ ಪ್ರವೇಶಿಸಿದ Facebook ಹಾಗೂ Instagram influencer ವಿರುದ್ಧ ಅರಣ್ಯಾಧಿಕಾರಿಗಳು ದೂರು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಲೋಕಲ್ ಮಾಪ್ಸ್’ ಎಂಬ ಜಾಲತಾಣ ಪುಟದವರು ಅಪಾಯಕಾರಿ ಸ್ಥಳಕ್ಕೆ ಹೋದ ಕಾರಣ ಅವರ ವಿರುದ್ಧ ಕಾನೂನು ಕ್ರಮವಾಗಿದೆ. ಈಚೆಗೆ `ಲೋಕಲ್ ಮಾಪ್ಸ್’ ತಂಡದವರು ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕ್ಷೇತ್ರಗಳ ವಿಡಿಯೋ ಹರಿಬಿಡುತ್ತಿದ್ದಾರೆ. ಹಾಗೇ, ಜುಲೈ 23ರಂದು ಅವರು ಹೊನ್ನಾವರಕ್ಕೆ ಹೋಗಿದ್ದು, ಅಲ್ಲಿನ ಕಾಡುಗಳಲ್ಲಿ ಸಂಚಾರ ಮಾಡಿದ್ದಾರೆ. ಶರಾವತಿಯ ಶಿಂಗಳಿಕ ಕಣಿವೆ ಪ್ರದೇಶದೊಳಗೆ ಪ್ರವೇಶಿಸಿ ಅಲ್ಲಿನ `ಕನ್ನಿಕಾ ಜಲಪಾತ’ವನ್ನು ಚಿತ್ರಿಸಿದ್ದಾರೆ. ಫೇಸ್ಬುಕ್’ಲಿ ಬಂದ ಈ ವಿಡಿಯೋವನ್ನು ಅರಣ್ಯಾಧಿಕಾರಿಗಳು ನೋಡಿದ್ದಾರೆ. ಅಪಾಯಕಾರಿಯಾದ ಸ್ಥಳಕ್ಕೆ ಹೋಗಿದಲ್ಲದೇ, ಅಲ್ಲಿನ ವಿಡಿಯೋ ಮಾಡಿ ಹರಿಬಿಟ್ಟಿದ್ದರಿಂದ ಇನ್ನಷ್ಟು ಜನ ಅಲ್ಲಿ ಬರುವ ಪ್ರಯತ್ನ ಮಾಡಿದ್ದಾರೆ. ಇದು ಅರಣ್ಯ ಇಲಾಖೆಯವರಿಗೆ ಸಮಸ್ಯೆಯಾಗಿದೆ. ಈ ಹಿನ್ನಲೆ ಗೇರುಸೊಪ್ಪ ಉಪವಲಯ ಅರಣ್ಯಾಧಿಕಾರಿ ಬಾಲಕೃಷ್ಣ ಈಶ್ವರ ನಾಯ್ಕ ಅವರು `ಲೋಕಲ್ ಮಾಪ್ಸ್’ ವಿರುದ್ಧ ದೂರು ನೀಡಿದ್ದಾರೆ. ಐದು ಜನ ಸೇರಿ ಅಲ್ಲಿ ಅಪಾಯಕಾರಿ ರೀತಿ ವಿಡಿಯೋ ಮಾಡಿದ ಬಗ್ಗೆ ಅವರು ದೂರಿದ್ದು, ಪೊಲೀಸರು ಕೇಸು ದಾಖಲಿಸಿ `ಲೋಕಲ್ ಮಾಪ್ಸ್’ ತಂಡದವರ ಹುಡುಕಾಟ ಶುರು ಮಾಡಿದ್ದಾರೆ.
- [ಹೊನ್ನಾವರ | ಬಸ್ಸು-ಟೆಂಪೋ ಮುಖಾಮುಖಿ!](https://mobiletime.in/2026/07/honnavar-bus-and-tempo-collide-head-on/): ಹೊನ್ನಾವರದ ಹಡಿನಬಾಳದಲ್ಲಿ ಸರ್ಕಾರಿ ಬಸ್ಸು ಹಾಗೂ ಖಾಸಗಿ ಟೆಂಪೋ ನಡುವೆ ಅಪಘಾತ ನಡೆದಿದೆ. `ಟೆಂಪೋ ಓಡಿಸುತ್ತಿದ್ದ ಪ್ರಕಾಶ ನಾಯ್ಕ ಅವರ ಅತಿವೇಗವೇ ಅಪಘಾತಕ್ಕೆ ಕಾರಣ’ ಎಂದು ಬಸ್ಸಿನ ಚಾಲಕ ಅನಿಲ ನಾಯ್ಕ ಅವರು ದೂರಿದ್ದಾರೆ. ಹೊನ್ನಾವರ ಗೇರುಸೊಪ್ಪ ಉಪ್ಪಿನಗೋಳಿಯ ಪ್ರಕಾಶ ಆನಂದ ನಾಯ್ಕ ಅವರು ಟೆಂಪೋದಲ್ಲಿ ಪ್ರಯಾಣಿಕರನ್ನು ಕರೆದೊಯ್ಯುತ್ತಿದ್ದರು. ಹೊನ್ನಾವರದಿಂದ ಗೇರುಸೊಪ್ಪದ ಕಡೆ ಆ ಟೆಂಪೋ ಹೊರಟಿತ್ತು. ಅದೇ ವೇಳೆ ಹೊನ್ನಾವರ ಕರ್ಕಿಯ ಅನಿಲ ರಾಮಚಂದ್ರ ನಾಯ್ಕ ಅವರು ಸರ್ಕಾರಿ ಬಸ್ಸು ಓಡಿಸಿಕೊಂಡು ಬರುತ್ತಿದ್ದರು. ಹೊನ್ನಾವರದ ಹಡಿನಬಾಳದ ಬಳಿ ಟೆಂಪೋ ಹಾಗೂ ಬಸ್ಸು ಮುಖಾಮುಖಿ ಡಿಕ್ಕಿಯಾಯಿತು. ಈ ಅಪಘಾತದಲ್ಲಿ ಟೆಂಪೋದಲ್ಲಿದ್ದ ಐವರು ಗಾಯಗೊಂಡರು. ಟೆಂಪೋ ಚಾಲಕ ಪ್ರಕಾಶ ನಾಯ್ಕ ಅವರಿಗೂ ಅಲ್ಲಲ್ಲಿ ಪೆಟ್ಟಾಯಿತು. ಅಪಘಾತದ ಬಗ್ಗೆ ಬಸ್ಸಿನ ಚಾಲಕ ಪೊಲೀಸ್ ದೂರು ನೀಡಿದ್ದು, ಪ್ರಕಾಶ ನಾಯ್ಕ ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಒತ್ತಾಯಿಸಿದರು.
- [ಭಟ್ಕಳ | ಜನಧನ ಯೋಜನೆ ಹೆಸರಿನಲ್ಲಿ ವಂಚನೆ: 68 ಲಕ್ಷ ರೂ ಕಳೆದುಕೊಂಡ ಮಹಿಳೆ!](https://mobiletime.in/2026/07/bhatkal-fraud-in-the-name-of-jan-dhan-yojana-woman-loses-%e2%82%b968-lakh/): ಪ್ರಧಾನ ಮಂತ್ರಿ ಜನಧನ ಯೋಜನೆ ಅಡಿ ಕಡಿಮೆ ಬಡ್ಡಿಗೆ ಸಾಲ ಕೊಡುವುದಾಗಿ ಫೋನ್ ಮಾಡಿದ ಅಪರಿಚಿತರು ಹರೀಣಿ ಹೆಬ್ಬಾರ್ ಅವರಿಗೆ ಮೋಸ ಮಾಡಿದ್ದಾರೆ. ಸಾಲ ಸಿಗುವ ಖುಷಿಗೆ ಹರೀಣಿ ಹೆಬ್ಬಾರ್ ಅವರು 68.58 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಭಟ್ಕಳದ ಹಳ್ಳಿಕೇರಿ ಕೋಟಖಂಡ ಮಾರುಕೇರಿ ಬಳಿ ಹರೀಣಿ ಗಜಾನನ ಹೆಬ್ಬಾರ ಅವರು ವಾಸವಾಗಿದ್ದಾರೆ. 31 ವರ್ಷದ ಅವರು ಮನೆ ಕೆಲಸ ಮಾಡಿಕೊಂಡಿದ್ದು, ಅವರಿಗೆ 2024ರ ಫೆಬ್ರವರಿ 20ರಿಂದ 2026ರ ಜನವರಿ 25ರವರೆಗೆ ಪ್ರಧಾನ ಮಂತ್ರಿ ಜನಧನ ಯೋಜನೆಯ ಅಧಿಕಾರಿ ಎಂಬ ಸೋಗಿನಲ್ಲಿ ಅವರಿಗೆ ಫೋನ್ ಬಂದಿದೆ. `ಕಡಿಮೆ ಬಡ್ಡಿದರದಲ್ಲಿ ಸಾಲ ಮಂಜೂರು ಮಾಡಿಕೊಡುತ್ತೇವೆ’ ಎಂದು ಫೋನ್ ಮಾಡಿದವರು ಹೇಳಿದ್ದಾರೆ. ಫೋನ್ ಮಾಡಿದವರು ನವೀನ ಕುಮಾರ, ಪ್ರಕಾಶ ಕುಮಾರ ಹಾಗೂ ಲಕ್ಷ್ಮೀ ಎಂದು ಪರಿಚಯಿಸಿಕೊಂಡಿದ್ದು, ವಾಟ್ಸಪ್ ಮೂಲಕವೂ ವಿವಿಧ ದಾಖಲೆ ಕಳುಹಿಸಿದ್ದಾರೆ. ಆರಂಭದಲ್ಲಿ ಪ್ರಕ್ರಿಯೆ ಶುಲ್ಕದ ಹೆಸರಿನಲ್ಲಿ 94,644ಪಡೆದ ಅವರು ಬಳಿಕ ಸಾಲ ಮಂಜೂರಿಗೆ ಪ್ರೊಸೆಸಿಂಗ್ ಶುಲ್ಕ, ಜಿಎಸ್‌ಟಿ, ಭದ್ರತಾ ಠೇವಣಿ, ವಿಮೆ, ಎನ್‌ಒಸಿ ಹಾಗೂ ದಾಖಲೆ ಪರಿಶೀಲನೆ ಸೇರಿದಂತೆ ವಿವಿಧ ಕಾರಣಗಳನ್ನು ನೀಡಿ ಪದೇ ಪದೆ ಹಣ ಪಾವತಿಸುವಂತೆ ಒತ್ತಾಯಿಸಿದ್ದಾರೆ. ಹರೀಣಿ ಹೆಬ್ಬಾರ ಅವರು ಕರ್ನಾಟಕ ಬ್ಯಾಂಕ್, ಎಚ್‌ಡಿಎಫ್‌ಸಿ ಬ್ಯಾಂಕ್ ಹಾಗೂ ಕೆನರಾ ಬ್ಯಾಂಕ್ ಖಾತೆಗಳಿಗೆ ಒಟ್ಟು 68,58,754 ವರ್ಗಾವಣೆ ಮಾಡಿದ್ದಾರೆ. ಆದರೆ ಇಷ್ಟೊಂದು ಹಣ ಪಡೆದಿದ್ದರೂ ಯಾವುದೇ ಸಾಲ ಮಂಜೂರು ಮಾಡಿಲ್ಲ. ಪಡೆದ ಹಣವನ್ನು ಮರಳಿಸಿಲ್ಲ. ಮೋಸ ಹೋಗಿದನ್ನು ಅರಿತು ಹರೀಣಿ ಹೆಬ್ಬಾರ್ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಉತ್ತರ ಕನ್ನಡ | ಸ್ಕಾನಿಂಗ್ ಸೆಂಟರುಗಳನ್ನೇ ಸ್ಕಾನ್ ಮಾಡಿ!](https://mobiletime.in/2026/07/uttara-kannada-scan-the-scanning-centers-themselves/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ 82 ಸ್ಕಾನಿಂಗ್ ಸೆಂಟರ್’ಗಳಿದ್ದು, ಎಲ್ಲಾ ಸ್ಕಾನಿಂಗ್ ಸೆಂಟರ್’ಗಳನ್ನು ಆಗಾಗ ತಪಾಸಣೆಗೊಳಪಡಿಸಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಆರೋಗ್ಯ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. `ಗರ್ಭಧಾರಣಾ ಪೂರ್ವ ಮತ್ತು ಪ್ರಸವ ಪೂರ್ವ ಲಿಂಗ ಪತ್ತೆಯನ್ನು ತಡೆಯುವ ನಿಟ್ಟಿನಲ್ಲಿ ಕಟ್ಟುನಿಟ್ಟಿನ ಕ್ರಮ ಜರುಗಿಸಬೇಕು’ ಎಂದವರು ಸೂಚಿಸಿದ್ದಾರೆ. ತಮ್ಮ ಕಚೇರಿಯಲ್ಲಿ ಗರ್ಭಧಾರಣಾ ಪೂರ್ವ ಮತ್ತು ಪ್ರಸವ ಪೂರ್ವ ಪತ್ತೆ ತಂತ್ರ ವಿಧಾನಗಳ ಸಕ್ಷಮ ಪ್ರಾಧಿಕಾರದ ಸಭೆ ನಡೆಸಿದ ಅವರು `82 ಸ್ಕಾನಿಂಗ್ ಸೆಂಟರುಗಳಿಗೆ ಅಧಿಕಾರಿಗಳು ಆಗಾಗ ಭೇಟಿ ನೀಡಬೇಕು. ಪರಿಶೀಲನೆ ಸಂದರ್ಭದಲ್ಲಿ ಕೆಂದ್ರದಲ್ಲಿನ ಅಗತ್ಯ ದಾಖಲಾತಿಗಳನ್ನು ಗಮನಿಸಬೇಕು. ಈ ಕೇಂದ್ರಗಳಲ್ಲಿ ಗರ್ಭಧಾರಣಾ ಪೂರ್ವ ಮತ್ತು ಪ್ರಸವ ಪೂರ್ವ ಲಿಂಗ ಪತ್ತೆ ಮಾಡುತ್ತಿದ್ದಾರೆಯೇ? ಎಂದು ವಿಚಾರಣೆ ನಡೆಸಬೇಕು. ಭೇಟಿ ನೀಡಿದ ಸಂದರ್ಭದ ಜಿಪಿಎಸ್ ಪೋಟೋಗಳೊಂದಿಗೆ ಸಮಗ್ರ ವರದಿ ಸಿದ್ದಪಡಿಸಿ, ಈ ವರದಿಯನ್ನು ದೃಢೀಕರಿಸಿ ಸಲ್ಲಿಸಬೇಕು’ ಎಂದು ಸೂಚಿಸಿದರು. ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ಸಂಜಯ್ ದೊಡ್ಡಮನಿ, ಜಿಲ್ಲಾ ಸಲಹಾ ಸಮಿತಿ ಅಧ್ಯಕ್ಷ ಕ್ರಿಮ್ಸ್’ನ ಸ್ತಿçà ರೋಗ ತಜ್ಞ ಡಾ ನರೇಶ ಪಾವಸ್ಕರ, ಸದಸ್ಯರಾದ ಕ್ರಿಮ್ಸ್ ಮಕ್ಕಳ ವಿಭಾಗದ ಮುಖ್ಯಸ್ಥ ಮತ್ತು ಸಹ ಪ್ರಾದ್ಯಾಪಕ ಡಾ ಪವನ ಕುಮಾರ್, ಜಿಲ್ಲಾ ವಾರ್ತಾಧಿಕಾರಿ ಬಿ ಶಿವಕುಮಾರ್, ವಕೀಲೆ ಸುಧಾರಾಣಿ, ಸಾಮಾಜಿಕ ಕಾರ್ಯಕರ್ತೆ ಯಶೋಧ ಹೆಗಡೆ ಮತ್ತು ತಪಾಸಣಾ ಮತ್ತು ಮೇಲ್ವಿಚಾರಣಾ ಸಮಿತಿ ಅಧ್ಯಕ್ಷೆ ಜಿಲ್ಲಾ ಕುಟುಂಬ ಕಲ್ಯಾಣಾಧಿಕಾರಿ ಡಾ ಅಶ್ವಿನಿ ಬೋರಕರ ಸದಸ್ಯರಾದ ರೇಡಿಯಾಲಜಿಸ್ಟ್ ಡಾ ಆಶಿತಾ, ರೋಟರಿ ಕ್ಲಬ್ಬಿನ ಹೇಮ್ಲಾ ಅಲ್ಫಾನ್ಸೋ ಸಭೆಯಲ್ಲಿದ್ದರು.
- [ಕಾರವಾರ | ಸಂಬoಧಿಕರಿಗೆ ಶವ ಸಿಬ್ಬಂದಿ ಕಾಟ: ಪ್ರತಿಭಟನೆ!](https://mobiletime.in/2026/07/karwar-staff-harass-relatives-over-body-protest/): ಸಾವನಪ್ಪಿದ ರೋಗಿಯ ಶವವನ್ನು ಸಂಬoಧಿಕರಿಗೆ ಹಸ್ತಾಂತರಿಸಲು ಕಿಮ್ಸ್ ಅನಗತ್ಯವಾಗಿ ಕಾಡಿಸಿದ್ದು, ಇದರಿಂದ ಕಂಗಾಲಾದ ಕುಟುಂಬದವರು ಶವಾಗಾರದ ಬಳಿಯೇ ಪ್ರತಿಭಟನೆ ನಡೆಸಿದ್ದಾರೆ. ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರ ಮನವಿ ಮಾಡಿದರೂ ಶವ ಕೊಡದ ಕಾರಣ ಅವರು ಆಸ್ಪತ್ರೆ ವಿರುದ್ಧ ಮಾನವ ಹಕ್ಕು ಆಯೋಗಕ್ಕೆ ದೂರು ಸಲ್ಲಿಸಿದ್ದಾರೆ. ಜೋಯಿಡಾದ ಗೋವಿಂದ್ ನಾಯ್ಕ (60) ಎಂಬಾತರು ಕಾರವಾರ ವೈದ್ಯಕೀಯ ವಿಜ್ಞಾನ ಕಾಲೇಜಿಗೆ ಚಿಕಿತ್ಸೆಗೆ ದಾಖಲಾಗಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ಅವರು ಜುಲೈ 23ರಂದು ಸಾವನಪ್ಪಿದರು. ಜೊಯಿಡಾದಿಂದ ಪೊಲೀಸರು ಬರುವವರೆಗೆ ಶವ ಕೊಡುವುದಿಲ್ಲ ಎಂದು ಆಸ್ಪತ್ರೆ ಸಿಬ್ಬಂದಿ ಪಟ್ಟು ಹಿಡಿದಿದ್ದರು. ಸಹಜ ಸಾವಾಗಿರುವ ಕಾರಣ ಶವ ಕೊಡುವಂತೆ ಕುಟುಂಬದವರು ಎಷ್ಟೇ ಕೇಳಿಕೊಂಡರೂ ಆಸ್ಪತ್ರೆಯವರು ಅದಕ್ಕೆ ಸಿದ್ಧವಿರಲಿಲ್ಲ. ಈ ವಿಷಯ ಅರಿತು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಕಿಮ್ಸ್ ನಿರ್ದೇಶಕಿ ಡಾ ಪೂರ್ಣಿಮಾ ಅವರಿಗೆ ಫೋನ್ ಮಾಡಿದರು. ಶವ ಹಸ್ತಾಂತರಕ್ಕೆ ಮನವಿ ಮಾಡಿದರೂ ಮರು ದಿನವೂ ಶವ ಬಿಟ್ಟು ಕೊಟ್ಟಿರಲಿಲ್ಲ. ಅನಗತ್ಯವಾಗಿ ಪೊಲೀಸ್ ದಾಖಲೆಗಳಲ್ಲಿ ಎಂಎಲ್‌ಸಿ ದಾಖಲಿಸಿ ದೂರದ ಗ್ರಾಮಗಳಿಂದ ಬಂದಿದ್ದ ಮೃತರ ಕುಟುಂಬಸ್ಥರಿಗೆ ಆಸ್ಪತ್ರೆಯವರು ಅಲೆದಾಡಿಸಿದ್ದರು. ಹೀಗಾಗಿ ಕುಟುಂಬದವರು ಆಕ್ಷೇಪವ್ಯಕ್ತಪಡಿಸಿ ಪ್ರತಿಭಟಿಸಿದ್ದು, ಕಾರವಾರ ವೈದ್ಯಕೀಯ ವಿಜ್ಞಾನ ಸಂಸ್ಥೆಯ ಎದುರು ಉಪತಹಸೀಲ್ದಾರ್ ಅವರ ಮೂಲಕ ಮಾಧವ ನಾಯಕ ಅವರು ಮಾನವ ಹಕ್ಕು ಆಯೋಗಕ್ಕೆ ದೂರು ರವಾನಿಸಿದರು. ಸುರಜ್ ಕುರಮಕರ, ರಾಮಾ ನಾಯ್ಕ ಅವರು ಸಹ ಆಸ್ಪತ್ರೆ ವಿರುದ್ಧ ಅಸಮಧಾನವ್ಯಕ್ತಪಡಿಸಿದರು.
- [ಉತ್ತರ ಕನ್ನಡ: ಆರೋಗ್ಯ ಇಲಾಖೆಯಲ್ಲಿ ಉದ್ಯೋಗವಕಾಶ!](https://mobiletime.in/2026/07/uttara-kannada-job-opportunity-in-the-health-department/): ಉತ್ತರ ಕನ್ನಡ ಜಿಲ್ಲೆಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅಡಿ ಅನೇಕ ಉದ್ಯೋಗಗಳು ಖಾಲಿ ಇವೆ. ಸಂಬoಧಿಸಿದ ಹುದ್ದೆಗಳಿಗೆ ಅರ್ಹರ ಹುಡುಕಾಟ ನಡೆದಿದೆ. ಉತ್ತರ ಕನ್ನಡ ಜಿಲ್ಲೆಯ ಆರೋಗ್ಯ ಇಲಾಖೆ ಮತ್ತು ರಾಷ್ಟಿಯ ಆರೋಗ್ಯ ಅಭಿಯಾನ ಅಡಿಯಲ್ಲಿಯ ವಿವಿಧ ಕಾರ್ಯಕ್ರಮಗಳು ನಡೆಯುತ್ತಿದೆ. ಅವುಗಳ ಅನುಷ್ಠಾನಕ್ಕಾಗಿ ತಜ್ಞ ವೈದ್ಯಾಧಿಕಾರಿಗಳು ಹಾಗೂ ಸಿಬ್ಬಂದಿ ಅಗತ್ಯವಿದೆ. MD, MS, ಡಿಪ್ಲೋಮಾ ವಿದ್ಯಾರ್ಹತೆಯಿರುವವರ ಜೊತೆ MBBS ಓದಿದವರನ್ನು ಇಲ್ಲಿ ನೇಮಿಸಿಕೊಳ್ಳಲಾಗುತ್ತದೆ. ಇದರೊಂದಿಗೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಚೇರಿಯ ವ್ಯಾಪ್ತಿಯಲ್ಲಿರುವ ಆರೋಗ್ಯ ಸಂಸ್ಥೆಗಳಲ್ಲಿ ಖಾಲಿ ಇರುವ ಹಿರಿಯ ಪ್ರಯೋಗಶಾಲಾ ತಾಂತ್ರಿಕ ಅಧಿಕಾರಿ ಹಾಗೂ ಫಾರ್ಮಸಿ ಅಧಿಕಾರಿ ಮತ್ತು ಶುಶ್ರೂಷಾಧಿಕಾರಿ ಹುದ್ದೆಗಳಿಗೂ ಅರ್ಹರ ಹುಡುಕಾಟ ನಡೆದಿದೆ. ರಾಷ್ಟಿಯ ಆರೋಗ್ಯ ಅಭಿಯಾನ ಯೋಜನೆ ಅಡಿ ಅರ್ಜಿ ಸಲ್ಲಿಸುವವರು ಕರ್ನಾಟಕ ಮೆಡಿಕಲ್ ಕೌನ್ಸಿಲ್‌ನಲ್ಲಿ ನೋಂದಣಿ ಹೊಂದಿರಬೇಕು ಎಂಬ ನಿಯಮವಿದೆ. ರಜಾ ದಿನಹೊರತುಪಡಿಸಿ ನೇರ ಸಂದರ್ಶನಕ್ಕೆ ಅವರನ್ನು ಆಹ್ವಾನಿಸಲಾಗಿದೆ. ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಲ್ಲಿ ಸಂದರ್ಶನ ನಡೆಯಲಿದೆ. ತಜ್ಞ ವೈದ್ಯಾಧಿಕಾರಿಗಳಿಗೆ ಮಾಸಿಕ 1,30,000ರೂ ವೇತನ ಹಾಗೂ ಎಂ.ಬಿ.ಬಿ.ಎಸ್. ವೈದ್ಯಾಧಿಕಾರಿಗಳಿಗೆ ಮಾಸಿಕ 60,000 ವೇತನ ನೀಡಲಾಗುತ್ತದೆ. ಇನ್ನೂ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಚೇರಿಯ ವ್ಯಾಪ್ತಿಯಲ್ಲಿರುವ ಆರೋಗ್ಯ ಸಂಸ್ಥೆಗಳಲ್ಲಿ ಖಾಲಿ ಇರುವ ಹಿರಿಯ ಪ್ರಯೋಗಶಾಲಾ ತಾಂತ್ರಿಕ ಅಧಿಕಾರಿ ಹಾಗೂ ಫಾರ್ಮಸಿ ಅಧಿಕಾರಿ ಮತ್ತು ಶುಶ್ರೂಷಾಧಿಕಾರಿ ಹುದ್ದೆಗೆ ಆಯ್ಕೆಯಾದವರಿಗೆ ಕಾರ್ಮಿಕ ಇಲಾಖೆ ನಿಗದಿಪಡಿಸಿದ ವೇತನ ನೀಡಲಾಗುತ್ತದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ 23 ಕಡೆ ಫಾರ್ಮಾಸಿಸ್ಟ್ ಅಧಿಕಾರಿ ಹುದ್ದೆ ಖಾಲಿಯಿದೆ. ಈ ಉದ್ಯೋಗಪಡೆಯಲು ಡಿಪ್ಲೋಮಾ ಇನ್ ಲ್ಯಾಬೋರೇಟರಿ ತಾಂತ್ರಿಕ ವಿದ್ಯಾರ್ಹತೆಪಡೆದವರಿರಬೇಕು ಎಂಬ ನಿಯಮವಿದೆ. 27 ಕಡೆ ಕಿರಿಯ ಲ್ಯಾಬ್ ಟೆಕ್ನಿಷಿಯನ್ ಅಧಿಕಾರಿ ಹುದ್ದೆ ಖಾಲಿಯಿದ್ದು, ಡಿ ಪರ್ಮಾ ವಿದ್ಯಾರ್ಹತೆಪಡೆದಿರಬೇಕು. ಜೊತೆಗೆ ಈ ಹುದ್ದೆಗೆ ಕರ್ನಾಟಕ ಫಾರ್ಮಸಿ ಕೌನ್ಸಿಲ್ ನೋಂದಣಿಯಾಗಿರಬೇಕು ಎಂಬ ನಿಯಮವಿದೆ. 11 ಕಡೆ ಶುಶ್ರೂಷಾಧಿಕಾರಿ ಹುದ್ದೆ ಖಾಲಿ ಇದ್ದು, ಸರ್ಕಾರಿ ಮಾನ್ಯತೆಪಡೆದ ಶಾಲೆಯಲ್ಲಿ ನರ್ಸಿಂಗ್ ವಿದ್ಯಾರ್ಹತೆಪಡೆದಿರಬೇಕು. ಹಾಗೂ ನರ್ಸಿಂಗ್ ಕೌನ್ಸಿಲ್’ನಲ್ಲಿ ನೋಂದಣಿಯಾಗಿರಬೇಕು ಎಂಬ ನಿಯಮವಿದೆ. ಈ ಹುದ್ದೆ ಗುತ್ತಿಗೆ ಆಧಾರಿತವಾಗಿದ್ದು, ಒಂದು ವರ್ಷದ ಅವಧಿ ಅಥವಾ ಮುಂದಿನ ಆದೇಶದವರೆಗೆ ಚಾಲ್ತಿಯಲ್ಲಿರುತ್ತದೆ. ಆಸಕ್ತರಿಗೆ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳ ಕಚೇರಿಯಲ್ಲಿ ಉಚಿತ ಅರ್ಜಿ ವಿತರಣೆ ನಡೆಯುತ್ತಿದೆ. ಜುಲೈ 24ರಿಂದ ಅರ್ಜಿ ವಿತರಣೆ ಶುರುವಾಗಿದ್ದು, ಅರ್ಜಿ ಸಲ್ಲಿಸಲು ಅಗಸ್ಟ 5 ಕೊನೆ ದಿನ.  
- [ಜೊಯಿಡಾ | ಕಷ್ಟ ಕೇಳದ ಕಸ್ಟಮರ್ ಕೇರ್: ಗೂಗಲ್ ಹೇಳಿದ ಸುಳ್ಳಿಗೆ 90 ಸಾವಿರ ನಷ್ಟ!](https://mobiletime.in/2026/07/joida-loss-of-90000-due-to-misinformation-from-google/): ರಾಮನಗರದ ಪವನಕುಮಾರ ಕಟಾವರಕರ್ ಅವರು ಲಾರಿ ಓಡಿಸಿ ಜೀವನ ನಡೆಸುತ್ತಿದ್ದು, ಲಾರಿ ಹಾಳಾದಾಗ GOOGLE ನೆರವು ಯಾಚಿಸಿ ಅವರು 90 ಸಾವಿರ ರೂ ಕಳೆದುಕೊಂಡಿದ್ದಾರೆ. ಸಹಾಯ ಮಾಡುವುದಾಗಿ ನಂಬಿಸಿದ ಅಪರಿಚಿತರು ಪವನಕುಮಾರ ಅವರ ಬ್ಯಾಂಕ್ ಖಾತೆ ಖಾಲಿ ಮಾಡಿದ್ದಾರೆ. ಜೊಯಿಡಾದ ರಾಮನಗರದ ದುರ್ಗಾದೇವಿಗಲ್ಲಿಯಲ್ಲಿ ಪವನಕುಮಾರ ದೀಪಕ ಕಟಾವರಕರ್ ಅವರು ವಾಸವಾಗಿದ್ದಾರೆ. ಒಂದು ಊರಿನಿಂದ ಮತ್ತೊಂದು ಊರಿಗೆ ಲಾರಿ ಓಡಿಸಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಮಾರ್ಚ್ 5ರಂದು ರಾತ್ರಿ ಅವರು ಧಾರವಾಡದಿಂದ ರಾಮನಗರಕ್ಕೆ ಬರುತ್ತಿದ್ದ ವೇಳೆ ಅವರ ಲಾರಿ ಹಾಳಾಗಿದೆ. ಐಚರ್ ಕಂಪನಿಯ ಎಲ್ಪಿಜಿ ಸಿಲಿಂಡರ್ ಲಾರಿ ಹಾಳಾಗಿದ್ದರಿಂದ ಅವರು ಮೆಕ್ಯಾನಿಕ್ ನೆರವು ಪಡೆಯಲು ಗೂಗಲ್ ಮಾಡಿದ್ದಾರೆ. ಐಚರ್ ಕಂಪನಿಯ ಕಸ್ಟಮರ್ ಕೇರ್ ಸಂಖ್ಯೆ ಹುಡುಕಿದಾಗ ಅಲ್ಲಿ ಅವರಿಗೆ 7319673644 ಸಂಖ್ಯೆ ಸಿಕ್ಕಿದೆ. ಅದಕ್ಕೆ ಫೋನ್ ಮಾಡಿದಾಗ, ಹಿಂದಿಯಲ್ಲಿ ಮಾತನಾಡಿದ ವ್ಯಕ್ತಿ ಸಹಾಯ ಮಾಡುವುದಾಗಿ ಹೇಳಿದ್ದಾರೆ. `ನಿಮ್ಮ ಟಿಕೆಟ್ ಬುಕ್ ಆಗಿದೆ. ನಿಮ್ಮ ಮೊಬೈಲ್ಗೆ ಬಂದ ಟಿಕೆಟ್ ಸಂಖ್ಯೆಯನ್ನು ಹೇಳಿ’ ಎಂದಿದ್ದಾರೆ. `ಹುಬ್ಬಳ್ಳಿಯಿಂದ ಮೆಕ್ಯಾನಿಕ್ ಕಳುಹಿಸುತ್ತೇವೆ’ ಎಂಬ ಭರವಸೆ ನೀಡಿದ್ದಾರೆ. ಅದಾದ ನಂತರ ಪವನಕುಮಾರ ಅವರ ಮೊಬೈಲಿಗೆ ಬಂದ ಸಂಖ್ಯೆಪಡೆದ ಫೋನ್ ಮಾಡಿದ ವ್ಯಕ್ತಿ, ಅವರ ಫೋನ್ ಹ್ಯಾಕ್ ಮಾಡಿ ಹಣ ಎಗರಿಸಿದ್ದಾರೆ. ಎರಡು ತಾಸುಗಳ ಕಾಲ ಪವನಕುಮಾರ ಅವರ ಮೊಬೈಲ್ ಹ್ಯಾಂಗ್ ಆಗಿದೆ. ಅದಾದ ನಂತರ ಅವರ ಕೆನರಾ ಬ್ಯಾಂಕ್ ಖಾತೆಯಿಂದ 90 ಸಾವಿರ ರೂ ಹಣ ಖಾಲಿಯಾಗಿದೆ. ಸೌರಭ್ ಯಾದವ್ ಎಂಬ ಅಪರಿಚಿತನ ಖಾತೆಗೆ ಹಣ ವರ್ಗವಾಗಿರುವುದು ಗಮನಕ್ಕೆ ಬಂದಿದೆ. ತಕ್ಷಣವೇ ಪವನಕುಮಾರ್ ಅವರು ರಾಷ್ಟ್ರೀಯ ಸೈಬರ್ ಕ್ರೈಂ ಸಹಾಯವಾಣಿಗೆ ದೂರು ನೀಡಿದ್ದು, ಅದಾಗಿಯೂ ಹಣ ಮರಳಿ ಸಿಕ್ಕಿಲ್ಲ. `ಯಾರಿಗೂ OTP ಹೇಳಬೇಡಿ’
- [ಶಿರಸಿ | ಬೈಕ್ ಓಡಿಸಿದ ಬಾಲಕ: ಜೈಲು ಸೇರಿದ ಪಾಲಕ!](https://mobiletime.in/2026/07/sirsi-boy-rode-the-bike-parent-lands-in-jail/): ಮಕ್ಕಳಿಗೆ ಬೈಕ್ ಕೊಟ್ಟ ಪಾಲಕರಿಗೆ ನ್ಯಾಯಾಲಯ ಪದೇ ಪದೇ ದುಬಾರಿ ದಂಡ ವಿಧಿಸುತ್ತಿದ್ದು, ಅದಾಗಿಯೂ ಜನರಲ್ಲಿ ಈ ಬಗ್ಗೆ ಅರಿವು ಮೂಡಿಲ್ಲ. ಹೀಗಾಗಿ ಶಿರಸಿ ನ್ಯಾಯಾಲಯ ಅಪ್ತಾಪ್ತರಿಗೆ ಬೈಕ್ ನೀಡಿದ ಪಾಲಕರೊಬ್ಬರನ್ನು ಜೈಲಿಗೆ ಕಳುಹಿಸಿದೆ. ಶಿರಸಿಯ ಟ್ರಾಫಿಕ್ ಪಿಸೈ ದೇವೇಂದ್ರ ನಾಯ್ಕ ಅವರು ಮೇ ಮಾಸದಲ್ಲಿ ಸಂಚಾರ ದಟ್ಟಣೆ ನಿಯಂತ್ರಣ ಕೆಲಸ ನಿರ್ವಹಿಸುತ್ತಿದ್ದರು. ಈ ವೇಳೆ ಬಿಡ್ಕಿ ಸರ್ಕಲ್ ಬಳಿ ವೇಗವಾಗಿ ಬೈಕ್ ಒಂದು ಬಂದಿದ್ದು, ಅದಕ್ಕೆ ಅಡ್ಡಲಾಗಿ ಅವರು ಕೈ ಮಾಡಿದರು. ವಿಚಾರಣೆ ವೇಳೆ ಅಪ್ರಾಪ್ತ ಬೈಕ್ ಓಡಿಸಿದ್ದು ಅವರ ಗಮನಕ್ಕೆ ಬಂದಿತು. ಹೀಗಾಗಿ, ಆ ಬಗ್ಗೆ ಕೇಸು ದಾಖಲಿಸಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದರು. ಜುಲೈ 22ರಂದು ಶಿರಸಿ ನ್ಯಾಯಾಲಯ ಈ ಪ್ರಕರಣದ ವಿಚಾರಣೆ ನಡೆಸಿತು. ಬಾಲಕನಿಗೆ ಬೈಕ್ ನೀಡಿದ ಪಾಲಕನನ್ನು ಕೋರ್ಟು ಕಟಕಟೆಯಲ್ಲಿ ನಿಲ್ಲಿಸಿತು. ಆ ಪಾಲಕನಿಗೆ 26500ರೂ ದಂಡ ವಿಧಿಸಿದ ನ್ಯಾಯಾಲಯ ಎರಡು ದಿನ ಜೈಲು ಶಿಕ್ಷೆಯನ್ನು ನೀಡಿತು. ಮಗ ಮಾಡಿದ ತಪ್ಪಿಗೆ ತಂದೆ ಜೈಲು ಸೇರಿದ್ದು, ದಂಡವನ್ನು ಪಾವತಿಸಿ ಕ್ಷಮೆ ಕೋರಿದರು.  
- [ಯಲ್ಲಾಪುರ | ಮಕ್ಕಳ ಸಮಸ್ಯೆಗೆ ಧ್ವನಿಯಾದ ದ್ಯಾಮಣ್ಣ](https://mobiletime.in/2026/07/yellapur-dyamanna-becomes-a-voice-for-childrens-issues/): ಯಲ್ಲಾಪುರ-ಮಂಚಿಕೇರಿ ಮಾರ್ಗವಾಗಿ ಓಡಾಡುವ ಶಾಲಾ ಮಕ್ಕಳಿಗೆ ಸಮಯಕ್ಕೆ ಸರಿಯಾಗಿ ಬಸ್ ಸಿಗುತ್ತಿಲ್ಲ. ಈ ಸಮಸ್ಯೆ ಬಗ್ಗೆ ಅಹಿಂದ್ ವೇದಿಕೆ ಅಧ್ಯಕ್ಷ ದ್ಯಾಮಣ್ಣ ಬೋವಿವಡ್ಡರ್ ಧ್ವನಿ ಎತ್ತಿದ್ದು, ವಿದ್ಯಾರ್ಥಿಗಳ ಅನುಕೂಲಕ್ಕೆ ತಕ್ಕಂತೆ ಬಸ್ ಬಿಡುವಂತೆ ಆಗ್ರಹಿಸಿದ್ದಾರೆ. `ಪ್ರತಿ ದಿನ ಮಂಚಿಕೇರಿಯಿoದ ಯಲ್ಲಾಪುರಕ್ಕೆ ಅನೇಕ ವಿದ್ಯಾರ್ಥಿಗಳು ಬರುತ್ತಾರೆ. ಈ ಮಾರ್ಗದಲ್ಲಿ ಓಡಾಡುವ ಎಲ್ಲಾ ಬಸ್ಸುಗಳು ಭರ್ತಿಯಾಗುತ್ತಿದ್ದು, ಅಂಥ ಬಸ್ಸುಗಳಲ್ಲಿ ನಿಲ್ಲಲು ಸಹ ಜಾಗ ಸಿಗುತ್ತಿಲ್ಲ. ತರಗತಿ ತಪ್ಪಿಸಿಕೊಳ್ಳಲು ಇಚ್ಚಿಸದ ಮಕ್ಕಳು ಜೀವದ ಹಂಗು ತೊರೆದು ಚಲಿಸುತ್ತಿದ್ದಾರೆ. ಜೊತೆಗೆ ಬಸ್ಸಿನಲ್ಲಿ ಬರುವ ಹೆಣ್ಣು ಮಕ್ಕಳು ವಿವಿಧ ಸಮಸ್ಯೆ ಅನುಭವಿಸುತ್ತಿದ್ದು, ಅದಕ್ಕೆಲ್ಲವೂ ಪರಿಹಾರ ಅಗತ್ಯ’ ಎಂದು ದ್ಯಾಮಣ್ಣ ಬೋವಿವಡ್ಡರ್ ಅವರು ಒತ್ತಾಯಿಸಿದ್ದಾರೆ. `ತೂಕದಬೈಲ್, ಹೊಂಡಗದ್ದೆ, ಮಳಲಗಾಂವ್, ಜಂಬೆಸಾಲ್, ಉಪಳೇಸ್ವರ, ಹುತ್ಕಂಡ ಭಾಗದ ಮಕ್ಕಳು ಸಮಸ್ಯೆ ಅನುಭವಿಸುತ್ತಿದ್ದಾರೆ. ಆ ಸಮಸ್ಯೆ ದೂರ ಮಾಡುವುದಕ್ಕಾಗಿ ಮಂಚಿಕೇರಿಯಿoದ ಪ್ರತಿದಿನ ಬೆಳಗ್ಗೆ 8.30ಕ್ಕೆ ಹಾಗೂ ಯಲ್ಲಾಪುರದಿಂದ ಸಂಜೆ 4.45ಕ್ಕೆ ಬಸ್ ಬಿಡಬೇಕು’ ಎಂದವರು ಮನವಿ ಮಾಡಿದ್ದಾರೆ. ಈ ಬೇಡಿಕೆ ಈಡೇರದೇ ಇದ್ದರೆ ಉಗ್ರ ಹೋರಾಟ ನಡೆಸುವುದಾಗಿ ಅವರು ಎಚ್ಚರಿಸಿದ್ದಾರೆ. ಡಿಪೋ ಮ್ಯಾನೇಜರ್ ಸಂತೋಷ ವರ್ಣೇಕರ್ ಅವರು ಮನವಿ ಸ್ವೀಕರಿಸಿದ್ದು, ದ್ಯಾಮಣ್ಣ ಅವರ ಹೋರಾಟಕ್ಕೆ ಈಶ್ವರ ಪಟಗಾರ, ಸಂತೋಷ ಹೆಗಡೆ, ನರಸಿಂಹ ಸಿದ್ದಿ, ಈರಪ್ಪ ಬೋವಿವಡ್ಡರ್, ಯೋಗೇಶ ನಾಯ್ಕ ಹಾಗೂ ಕೃಷ್ಣ ನಾಯ್ಕ ಅವರು ಬೆಂಬಲ ನೀಡಿದ್ದಾರೆ.  
- [ಹಳಿಯಾಳ | ಕೆರೆ ನೀರು ಬಿಟ್ಟ ವಿಷಯಕ್ಕೆ ಹೊಡೆದಾಟ!](https://mobiletime.in/2026/07/haliyal-clash-over-the-release-of-lake-water/): ಬಿಜೆಪಿ ಪ್ರಮುಖ ಗಣಪತಿ ಕರಂಜೇಕರ್ ಅವರು ತಮ್ಮ ಸಹಚರರ ಜೊತೆ ಸೇರಿ ಕೆಸರೊಳ್ಳಿಯ ಮೀನಿನ್ ಸೂಜ್ ಅವರಿಗೆ ಥಳಿಸಿದ್ದಾರೆ. ಮೀನಿನ್ ಸೋಜ್ ಅವರು ನೆಲಕ್ಕೆ ಬಿದ್ದ ನಂತರ ನಾಲ್ವರು ಸೇರಿ ಬಡಿಗೆಯಿಂದ ಬಡಿದಿದ್ದಾರೆ. ಕೆಸರೊಳ್ಳಿಯಲ್ಲಿ ಕೆರೆಯ ನೀರು ಬಿಟ್ಟ ವಿಷಯವಾಗಿ ಜಗಳ ನಡೆದಿದ್ದು, ಅದೇ ಹೊಡೆದಾಟದ ಸ್ವರೂಪಪಡೆದಿದೆ. ತಮ್ಮನಿಗೆ ಥಳಿಸಿದ ಗಣಪತಿ ಸಹದೇವ್ ಕರಂಜೇಕರ್ ಅವರು ತಮ್ಮ ಸಹಚರರಾದ ಸತೀಶ ಅಶೋಕ ಕರಂಜೇಕರ್, ಶಿವಾಜಿ ಸಹದೇವ ಕರಂಜೇಕರ್, ಲೋಕಪ್ಪಾ ಸಹದೇವ ಕರಂಜೆಕರ್ ಅವರ ವಿರುದ್ಧ ವ್ಯಾಪಾರಿ ಅಂತೋನ್ ಪಾವಲು ಸೀಜ್ ಅವರು ಪೊಲೀಸ್ ದೂರು ನೀಡಿ ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಅವರ ದೂರಿನ ಪ್ರಕಾರ, ಜುಲೈ 23ರಂದು ಈ ಹೊಡೆದಾಟ ನಡೆದಿದೆ. ಗಣಪತಿ ಕರಂಜೇಕರ್ ಅವರು ಮೀನಿನ್ ಸೋಜ್ ಅವರ ಬಳಿ ಆಗಮಿಸಿ `ಈ ಕೆರೆ ಏನ್ ನಿಮ್ಮ ಅಪ್ಪಂದ?’ ಎಂದು ಪ್ರಶ್ನಿಸಿದ್ದಾರೆ. `ಬೇಕಾಬಿಟ್ಟಿ ನೀರು ಬಿಡುವುದಕ್ಕೆ ಹೇಳಿದ್ದು ಯಾರು?’ ಎಂದು ಗದರಿಸಿದ್ದಾರೆ. ಆ ಪ್ರಶ್ನೆಗೆ ಸೂಕ್ತ ಉತ್ತರ ಸಿಗದ ಕಾರಣ ಅವರನ್ನು ಹಿಡಿದು ಥಳಿಸಿದ್ದಾರೆ. ಆಗ, ಸಹಚರರಾದ ಸತೀಶ ಅಶೋಕ ಕರಂಜೇಕರ್, ಶಿವಾಜಿ ಸಹದೇವ ಕರಂಜೇಕರ್, ಲೋಕಪ್ಪಾ ಸಹದೇವ ಕರಂಜೆಕರ್ ಅವರು ಸಹ ಮೀನಿನ್ ಸೋಜ್ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ನೆಲಕ್ಕೆ ಬೀಳಿಸಿ ಬಡಿಗೆಯಿಂದ ಬಡಿದಿದ್ದಾರೆ. ಈ ಹೊಡೆದಾಟದ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ. ಹೊಡೆದಾಟ ಖಂಡಿಸಿದ ಊರಿನ ಜನ ಸಮಗ್ರ ತನಿಖೆಗೆ ಆಗ್ರಹಿಸಿ ಮಾಜಿ ಶಾಸಕ ಸುನೀಲ ಹೆಗಡೆ, ತಹಶಿಲ್ದಾರ್ ಪಿರೋಜ್ ಷಾ ಸೋಮನಕಟ್ಟಿ ಹಾಗೂ ಪೊಲೀಸರಿಗೆ ಮನವಿ ಮಾಡಿದ್ದಾರೆ. ಜೊತೆಗೆ ಊರಿನವರು ಬ್ಲಾಕ್ ಕಾಂಗ್ರೆಸ್ ಕಚೇರಿಗೆ ತೆರಳಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕೃಷ್ಣಾ ಪಾಟೀಲ್ ಅವರಿಗೂ ಮನವಿ ಸಲ್ಲಿಸಿ ಆರೋಪಿತರ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದಾರೆ. `ಕಾನೂನು ಸುವ್ಯವಸ್ಥೆ ಕಾಪಾಡಿ’  
- [ಶಿರಸಿ | ಅತಿಕ್ರಮಣದಾರನಿಗೆ ಕಾಂಗ್ರೆಸ್ ಅಧ್ಯಕ್ಷನಾಗುವ ಆಸೆ!](https://mobiletime.in/2026/07/sirsi-encroacher-aspires-to-become-congress-president/): ಕಾಂಗ್ರೆಸ್ ಪಕ್ಷದ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ಅರಣ್ಯ ಅತಿಕ್ರಮಣ ಹೋರಾಟಗಾರ ರವೀಂದ್ರ ನಾಯ್ಕ ಆಕಾಂಕ್ಷಿಯಾಗಿದ್ದಾರೆ. ಆದರೆ, `ಈ ಹುದ್ದೆಗಾಗಿ ಲಾಭಿ ಮಾಡುವುದಿಲ್ಲ’ ಎಂದವರು ಹೇಳಿಕೆ ನೀಡಿದ್ದಾರೆ. ಜಿಲ್ಲಾ ಕಾಂಗ್ರೇಸ್ ಅಧ್ಯಕ್ಷ ಸ್ಥಾನಕ್ಕೆ ಅರ್ಹರ ಹುಡುಕಾಟ ನಡೆದಿದೆ. ಇದಕ್ಕಾಗಿ ಪಕ್ಷವೂ ಜುಲೈ 25ರಿಂದ 31ರವರೆಗೆ ಅಭಿಪ್ರಾಯ ಸಂಗ್ರಹಕ್ಕೆ ಮುಂದಾಗಿದೆ. ಸಂಘಟನೆಯ ಉದ್ದೇಶದಿಂದ ಎಲ್ಲರನ್ನು ಒಗ್ಗೂಡಿಸಿಕೊಂಡು ಹೋಗುವ ನಾಯಕನನ್ನು ಅಧ್ಯಕ್ಷರನ್ನಾಗಿ ಮಾಡಲು ಕಾಂಗ್ರೆಸ್ ಆಸಕ್ತಿವಹಿಸಿದೆ. ಈ ಅಧ್ಯಕ್ಷ ಸ್ಥಾನದ ಮೇಲೆ ರವೀಂದ್ರ ನಾಯ್ಕ ಅವರು ಕಣ್ಣಿಟ್ಟಿದ್ದಾರೆ. ಆದರೆ, `ಈ ಹುದ್ದೆಗಾಗಿ ಸ್ಪರ್ಧೆ ಮಾಡುವುದಿಲ್ಲ. ಪಕ್ಷದ ನಿರ್ಧಾರಕ್ಕೆ ಬದ್ಧ’ ಎಂದು ಸಹ ಅವರು ಹೇಳಿದ್ದಾರೆ. `ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ನಾನೂ ಆಕಾಂಕ್ಷಿ’ ಎಂದವರು ಪಕ್ಷದವರಲ್ಲಿ ಹೇಳಿಕೊಂಡಿದ್ದಾರೆ. `ಈ ಹಿಂದೆ ಅನೇಕ ಬಾರಿ ವಿಧಾನಸಭೆ-ಸ್ಥಳೀಯ ಸಂಸ್ಥೆ, ವಿಧಾನ ಪರಿಷತ್ ಹಾಗೂ ಲೋಕಸಭಾ ಚುನಾವಣೆಯ ಅಭ್ಯರ್ಥಿ ಸ್ಥಾನಕ್ಕೆ ಅಪೇಕ್ಷಿಸಿದ್ದೆ. 1990ರಲ್ಲಿ ವಿದ್ಯಾರ್ಥಿ ಕಾಂಗ್ರೇಸ್, ನಂತರ ಯುವ ಕಾಂಗ್ರೆಸ್, ಹಿಂದುಳಿದ ಘಟಕ, ಕಾನೂನು ಘಟಕದಲ್ಲಿ ಕೆಲಸ ಮಾಡಿದ್ದು ಸದ್ಯ ಜಿಲ್ಲಾ ಪ್ರಚಾರ ಸಮಿತಿ ಅಧ್ಯಕ್ಷನಾಗಿದ್ದೇನೆ. ನನ್ನ ಈ ಕೆಲಸ ಗುರುತಿಸಿ ಪಕ್ಷ ಅವಕಾಶ ನೀಡಿದರೆ ಜಿಲ್ಲಾಧ್ಯಕ್ಷ ಸ್ಥಾನ ನಿಭಾಯಿಸಲು ಬದ್ಧ’ ಎಂದವರು ಹೇಳಿದ್ದಾರೆ.  
- [ಜೊಯಿಡಾ | ರೂಲ್ಸ್ ಮೀರಿ ರೀಲ್ಸ್ ಮಾಡಿದ ಪಡ್ಡೆ - ಪೋಕರಿ!](https://mobiletime.in/2026/07/joida-youngsters-flout-rules-to-shoot-reels/): ಲೈಕು-ಕಮೆಂಟಿನ ಆಸೆಗಾಗಿ 12 ಜನ ತೂಫಾನ್ ಕ್ರೂಸರ್ ಮೇಲೆ ಅಪಾಯಕಾರಿ ರೀತಿ ಕುಳಿತು ರೀಲ್ಸ್ ಮಾಡಿದ್ದಾರೆ. ನಂತರ ಪ್ರದೀಪ ಪೂಜಾರಿ ಎಂಬ ಇನಸ್ಟಾಗ್ರಾಂ ಖಾತೆಯಲ್ಲಿ ಆ ವಿಡಿಯೋ ಹರಿಬಿಟ್ಟಿದ್ದಾರೆ. ಜೊಯಿಡಾದ ಪ್ರಧಾನಿ ಬಳಿಯಿರುವ ಇನ್ವಿಟಿ ಹೋಂ ಸ್ಟೇ ಬಳಿ ಈ ರೀಲ್ಸ್ ನಡೆಸಿರುವುದು ಗೊತ್ತಾಗಿದೆ. ಕೆಎ 24 ನೋಂದಣಿಯ ತೂಫಾನ್ ಕ್ರೂಸರ್ ವಾಹನದ ಮೇಲೆ ಪಡ್ಡೆ ಹುಡುಗರು ನೇತಾಡುತ್ತ ರೀಲ್ಸ್ ಮಾಡಿದ್ದಾರೆ. ದಾಂಡೇಲಿಯ ಪೊಲೀಸ್ ಸಿಬ್ಬಂದಿ ಸುಭಾಸ್ ಸಾಲಮಂಟಪ ಅವರು ಈ ವಿಡಿಯೋ ನೋಡಿದ್ದು, ಅದಾದ ನಂತರ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ನಿಯಮಗಳನ್ನು ಉಲ್ಲಂಘಿಸಿ ಅಪಾಯಕಾರಿ ರೀಲ್ಸ್ ಮಾಡಿದಲ್ಲದೇ ಬೇರೆಯವರು ಇಂಥ ರೀಲ್ಸ್ ಮಾಡಲು ಪ್ರೇರೇಪಿಸಿದ ಹಿನ್ನಲೆ ಪೊಲೀಸರು ಆ ತೂಫಾನ್ ಕ್ರೂಸರ್ ಸಂಖ್ಯೆ ಉಲ್ಲೇಖಿಸಿ ಪ್ರಕರಣ ದಾಖಲಿಸಿದ್ದಾರೆ. ತೂಫಾನ್ ಕ್ರೂಸರಿನ ಬಾಯನೇಟ್ ಹಾಗೂ ಮೇಲ್ಬಾವಣಿಯಲ್ಲಿ ಕುಳಿತು ಸಂಚರಿಸಿದ ವಿಡಿಯೋ ವೈರಲ್ ಆಗಿದ್ದು, ಪೊಲೀಸರು ಇದಕ್ಕೆ ಅವಕಾಶ ನೀಡಿದ ಎಲ್ಲರ ವಿಚಾರಣೆಗೆ ಮುಂದಾಗಿದ್ದಾರೆ. ಆ ತೂಫಾನ್ ಕ್ರೂಸರಿನ ಚಾಲಕನನ್ನು ಹುಡುಕಿದ್ದಾರೆ. ಲೈಕು-ವೀವ್ಸ್-ಕಮೆಂಟ್ ಆಸೆಗಾಗಿ ಜೀವದ ಜೊತೆ ಚಲ್ಲಾಟವಾಡುವವರನ್ನು ಕಾನೂನಿನ ಅಡಿ ಶಿಕ್ಷಿಸುವುದಾಗಿ ಪೊಲೀಸರು ಎಚ್ಚರಿಕೆಯನ್ನು ನೀಡಿದ್ದಾರೆ. `ಹುಚ್ಚು ಸಾಹಸಗಳನ್ನು ಮಾಡಬೇಡಿ’
- [ಕಾರವಾರ | ಮಾಜಾಳಿ ಗಡಿಯಲ್ಲಿ ಮಾರಾಮಾರಿ!](https://mobiletime.in/2026/07/karwar-clash-at-the-majali-border/): ಎರಡು ತಿಂಗಳ ಹಿಂದೆ ಮಾಜಾಳಿ ಗಡಿಯಲ್ಲಿ ನಡೆದ ಮಾರಾಮಾರಿಯಲ್ಲಿ ಸದಾಶಿವಗಡದ ಸಮೀರ್ ಅತ್ತಾರ್ ಅವರು ಗಾಯಗೊಂಡಿದ್ದು, ಪ್ರಕರಣ ದಾಖಲಿಸಿದ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ಸಮೀರ್ ಅತ್ತಾರ್ ಅವರ ಮೇಲೆ ದಾಳಿ ಮಾಡಿದ ದರ್ಶನ ಮಾಜಾಳಿಕರ್, ಮೋಸಿಸ್ ಖಾನ್ ಹಾಗೂ ಚೇತು ಎಂಬಾತರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಕಾರವಾರದ ಸದಾಶಿವಗಡದಲ್ಲಿ ಸಮೀರ್ ಅತ್ತಾರ್ ಅವರು ವಾಸವಾಗಿದ್ದಾರೆ. ಚಾಲಕರಾಗಿ ಅವರು ಕೆಲಸ ಮಾಡಿಕೊಂಡಿದ್ದು, ಏಪ್ರಿಲ್ 17ರ ರಾತ್ರಿ 12 ಗಂಟೆಗೆ ಅವರ ಮೇಲೆ ದಾಳಿ ನಡೆದಿದೆ. ಆ ದಿನ ಅವರು ಮನೆಗೆ ಹೋಗುವಾಗ ಮಾಜಾಳಿ ಪೊಲೀಸ್ ಚೆಕ್‌ಪೋಸ್ಟಿನ ಬಳಿ ಅದೇ ಭಾಗದ ದರ್ಶನ ಮಾಜಾಳಿಕರ್, ಮೋಸಿಸ್ ಖಾನ್ ಹಾಗೂ ಮಂಗಳೂರು ಮೂಲದ ಚೇತು ಎಂಬಾತರು ಸಮೀರ್ ಅತ್ತಾರ್ ಅವರನ್ನು ಅಡ್ಡಗಟ್ಟಿದ್ದಾರೆ. ಅವರ ಜೊತೆ ಮತ್ತಿಬ್ಬರು ಅಪರಿಚಿತರು ಸೇರಿ ಕಬ್ಬಿಣದ ರಾಡಿನಿಂದ ಹಲ್ಲೆ ಮಾಡಿದ್ದಾರೆ. `ನಿನ್ನನ್ನು ಕೊಲ್ಲುವೆ’ ಎಂದು ಅಬ್ಬರಿಸಿ ಆ ಐದು ಜನ ದಾಳಿ ಮಾಡಿದ್ದಾರೆ. ಸಮೀರ್ ಅತ್ತಾರ್ ಅವರು ಆ ವೇಳೆ ತಪ್ಪಿಸಿಕೊಂಡರಾದರೂ ಅವರಿಗೆ ಅಲ್ಲಲ್ಲಿ ಗಾಯವಾಗಿದೆ. ನಂತರ ಅವರು ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದಿದ್ದಾರೆ. ಎದುರಾಳಿಗಳ ದಾಳಿಯಿಂದ ತತ್ತರಿಸಿದ ಸಮೀರ್ ಅತ್ತಾರ್ ಅವರು ಸದ್ಯ ನ್ಯಾಯಾಕ್ಕಾಗಿ ಕಾನೂನು ಹೋರಾಟ ಶುರು ಮಾಡಿದ್ದಾರೆ. ಚಿತ್ತಾಕುಲ ಪೊಲೀಸ್ ಠಾಣೆಗೆ ಹೋಗಿ ಆ ದಿನ ನಡೆದ ಘಟನಾವಳಿಗಳ ಬಗ್ಗೆ ದೂರು ನೀಡಿದ್ದಾರೆ. `ಪೊಲೀಸರ ಸಮ್ಮುಖದಲ್ಲಿಯೇ ತಮ್ಮ ಮೇಲೆ ದಾಳಿ ನಡೆದಿದ್ದು, ಮಾಜಾಳಿ ಗಡಿಯ ಸಿಸಿ ಕ್ಯಾಮರಾದಲ್ಲಿಯೂ ದೃಶ್ಯಾವಳಿಗಳು ಸೆರೆಯಾಗಿದೆ’ ಎಂದು ಸಮೀರ್ ಅತ್ತಾರ್ ಅವರು ದೂರಿನಲ್ಲಿ ವಿವರಿಸಿದ್ದಾರೆ. `ಆರೋಪತರನ್ನು ಬಂಧಿಸಿ ತಮಗೆ ರಕ್ಷಣೆ ಕೊಡಬೇಕು’ ಎಂದವರು ಮನವಿ ಮಾಡಿದ್ದಾರೆ. ಈ ಎಲ್ಲಾ ವಿಷಯ ಆಲಿಸಿದ ಪೊಲೀಸರು ದರ್ಶನ್ ಮಾಜಾಳಿಕರ್ ಹಾಗೂ ಸಹಚರರ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. `ಶಾಂತಿ ಕಾಪಾಡಿ’
- [ಶಿರಸಿ | ಶಿಕ್ಷಕಿಗೆ ಶಿಕ್ಷೆ ಕೊಟ್ಟ ಆನಂದ!](https://mobiletime.in/2026/07/sirsi-anand-punishes-the-teacher/): ಶಿಕ್ಷಕಿಯಾಗಿರುವ ಪ್ರೀತಿ ನಾಯ್ಕ ಅವರಿಗೆ ಕಷ್ಟಗಳ ಮೇಲೆ ಕಷ್ಟ ಬರುತ್ತಿದೆ. ಆರು ತಿಂಗಳ ಗರ್ಭಿಣಿಯಾಗಿರುವ ಅವರನ್ನು ಗಂಡ ದೂರ ಮಾಡಿದ್ದು, ತವರು ಸೇರಿದರೂ ನೆಮ್ಮದಿಯಾಗಿ ಬದುಕಲು ಬಿಡುತ್ತಿಲ್ಲ. ಶಿರಸಿಯ ಇಳಸೂರಿನ ಹೂಡಸಲಮನೆಯಲ್ಲಿ ಪ್ರೀತಿ ಮಹಾಬಲೇಶ್ವರ ನಾಯ್ಕ ಅವರು ವಾಸವಾಗಿದ್ದಾರೆ. ಶಿಕ್ಷಕಿ ಆಗಬೇಕು ಎಂದು ಕನಸು ಕಂಡ ಅವರು ತಮ್ಮ ವೃತ್ತಿ ಜೀವನದ ಆಸೆಯನ್ನು ಪೂರೈಸಿದ್ದಾರೆ. 2017ರಲ್ಲಿ ಎಂ ಬಿ ಗಣಪತಿ ಅವರನ್ನು ಮದುವೆ ಆದ ಪ್ರೀತಿ ನಾಯ್ಕ ಅವರು ಹೊಂದಾಣಿಕೆಯಾಗದ ಕಾರಣ ಅವರಿಂದ ವಿಚ್ಚೇದನಪಡೆದಿದ್ದಾರೆ. ಅದಾದ ನಂತರ 2025ರ ಸೆಪ್ಟೆಂಬರ್ 5ರಂದು ಅವರು ಸಾಗರದ ಆನಂದ ಆರ್ ಅವರನ್ನು ಮದುವೆ ಆಗಿದ್ದಾರೆ. ನಂತರ ಈ ದಂಪತಿ ಸಾಗರಕ್ಕೆ ಹೋಗಿ ವಾಸವಾಗಿದ್ದಾರೆ. ಆದರೆ, ಪ್ರೀತಿ ನಾಯ್ಕ ಅವರನ್ನು ವರಿಸಿದ ಆನಂದ ಆರ್ ಅವರಿಗೆ ಪತ್ನಿ ಮೇಲೆ ಸಂಶಯ ಶುರುವಾಗಿದೆ. ಪ್ರೀತಿ ನಾಯ್ಕ ಅವರಿಗೆ ಬರುವ ಪ್ರತಿ ಫೋನು-ಮೆಸೆಜನ್ನು ಆನಂದ ಆರ್ ಅವರು ಪರಿಶೀಲಿಸುತ್ತಿದ್ದು, ಪ್ರತಿಯೊಬ್ಬರಿಗೂ ಫೋನ್ ಮಾಡಿ ವಿಚಾರಿಸುವುದನ್ನು ರೂಢಿಸಿಕೊಂಡಿದ್ದಾರೆ. ಇದರೊಂದಿಗೆ `ತವರು ಮನೆಯಿಂದ ಚಿನ್ನ ತಂದು ಕೊಡು’ ಎಂದು ಆನಂದ ಆರ್ ಅವರು ಪತ್ನಿಯನ್ನು ಪೀಡಿಸಿದ್ದಾರೆ. ಚಿನ್ನ ಕೊಡದ ಕಾರಣ ಪತ್ನಿಯನ್ನು ಬ್ಯಾಂಕ್ ಆಫ್ ಬರೋಡಾಗೆ ಕರೆದೊಯ್ದು, ಅವರ ಹೆಸರಿನಲ್ಲಿ 5 ಲಕ್ಷ ರೂ ಸಾಲ ಮಾಡಿ ಮಾರುತಿ ಕಂಪನಿಯ ಕಾರು ಖರಿದಿಸಿದ್ದಾರೆ. ಅದಾದ ನಂತರವೂ ಮತ್ತೆ ಹಣ ಕೊಡು ಎಂದು ಆನಂದ ಅವರು ಪೀಡಿಸಿದ್ದು, ಸಂಸಾರ ಉಳಿಸಿಕೊಳ್ಳುವ ಕಾರಣಕ್ಕೆ ಪ್ರೀತಿ ನಾಯ್ಕ ಅವರು ತಮ್ಮಲ್ಲಿದ್ದ ಎಲ್ಲಾ ಹಣವನ್ನು ಪತಿಗೆ ಕೊಟ್ಟಿದ್ದಾರೆ. ಈ ನಡುವೆ ಪ್ರೀತಿ ನಾಯ್ಕ ಅವರು ಗರ್ಭಿಣಿಯಾಗಿದ್ದಾರೆ. ಆಗ, ಆನಂದ ಅವರು `ಆ ಮಗು ತೆಗೆಸು’ ಎಂದು ಪೀಡಿಸಲು ಶುರು ಮಾಡಿದ್ದಾರೆ. `ಮಗು ಜೊತೆ ನಿನ್ನನ್ನು ಕೊಲ್ಲುವೆ’ ಎಂದು ಹೆದರಿಸಿದ್ದಾರೆ. `ನಿನ್ನ ನೌಕರಿ ನೋಡಿ ನಾನು ಮದುವೆ ಆಗಿದ್ದು, ಮಗುವಿಗಾಗಿ ಅಲ್ಲ’ ಎಂದು ಹೇಳಿದ್ದಾರೆ. ಸಾಗರದಿಂದ ಶಿರಸಿಗೆ ಬಂದ ಪ್ರೀತಿ ನಾಯ್ಕ ಅವರು ಇಲ್ಲಿನ ವಿಜಯ ನಗರದಲ್ಲಿ ಮನೆ ಮಾಡಿದ್ದಾರೆ. ಮೇ 23ರಂದು ಅಲ್ಲಿಗೆ ಬಂದ ಆನಂದ ಆರ್ ಅವರು ಮನೆಯಲ್ಲಿದ್ದ ಎಲ್ಲಾ ಸಾಮಗ್ರಿಗಳನ್ನು ಲಾರಿಯಲ್ಲಿ ತುಂಬಿಕೊAಡು ಹೋಗಿದ್ದಾರೆ. `ನಾನು ಬೇರೆ ಮದುವೆ ಆಗುವೆ’ ಎಂದು ಹೇಳಿ ಅವರು ಅಲ್ಲಿಂದ ಹೊರಟಿದ್ದಾರೆ. `ಈ ವಿಷಯ ಎಲ್ಲಾದರೂ ಹೇಳಿದರೆ, ನಿನ್ನ ಮೇಲೆ ಸುಳ್ಳು ಕೇಸ್ ಹಾಕಿಸುವೆ. ನಿನ್ನ ನೌಕರಿಯನ್ನು ತೆಗೆಸುವೆ’ ಎಂದು ಆನಂದ ಆರ್ ಅವರು ಪ್ರೀತಿ ನಾಯ್ಕ ಅವರಿಗೆ ಬೆದರಿಸಿದ್ದಾರೆ. ಸದ್ಯ ಆರು ತಿಂಗಳ ಗರ್ಭಿಣಿಯಾಗಿರುವ ಪ್ರೀತಿ ನಾಯ್ಕ ಅವರು ಪತಿ ಕಾಟದಿಂದ ನಲುಗಿದ್ದಾರೆ. ಪತಿ ಸುಧಾರಿಸಿಕೊಳ್ಳಲಿ ಎಂದು ಕಾದ ಅವರು ಅವರ ವರ್ತನೆಯಲ್ಲಿ ಯಾವುದೇ ಸುಧಾರಣೆ ಕಾಣದ ಕಾರಣ ಕಾನೂನು ಹೋರಾಟಕ್ಕಿಳಿದಿದ್ದಾರೆ. `ಹೆಣ್ಣು ಮಕ್ಕಳನ್ನು ಗೌರವಿಸಿ’
- [ಭಾರೀ ಮಳೆ: ಜೊಯಿಡಾಗೂ ರಜೆ!](https://mobiletime.in/2026/07/heavy-rain-holiday-for-joida-too/): ಉತ್ತರ‌ ಕನ್ನಡ ಜಿಲ್ಲೆಯಲ್ಲಿ ಭಾರೀ ಪ್ರಮಾಣದ ಮಳೆ ಮುಂದುವರೆದಿದೆ. ಈ ಹಿನ್ನಲೆ ಮೂರು ತಾಲೂಕಿನ ಶಾಲೆಗಳಿಗೆ ಜಿಲ್ಲಾಡಳಿತ ರಜೆ ಘೋಷಿಸಿದೆ. ಶಿರಸಿ-ಸಿದ್ದಾಪುರ ಹಾಗೂ ಜೊಯಿಡಾದ ಶಾಲೆಗಳಿಗೆ ಜುಲೈ 24ರಂದು ರಜೆ ಘೋಷಣೆಯಾಗಿದೆ. ಪ್ರಾಥಮಿಕ ಶಾಲೆ, ಪ್ರೌಢಶಾಲೆ ಹಾಗೂ ಅಂಗನವಾಡಿಗಳಿಗೆ ಈ ರಜೆ ಘೋಷಿಸಲಾಗಿದೆ. ಹವಾಮಾನ ಇಲಾಖೆ ನೀಡಿದ ಮಾಹಿತಿ ಆಧರಿಸಿ ಜಿಲ್ಲಾಡಳಿತ ಈ ರಜೆ ಘೋಷಿಸಿದೆ. ಉಳಿದ ತಾಲೂಕಿನ ಶಾಲೆಗಳು ಎಂದಿನಂತೆ ನಡೆಯಲಿವೆ. ರಜೆಪಡೆದ ಶಾಲೆಗಳ ಪಾಠವನ್ನು ಬೇಸಿಗೆಯಲ್ಲಿ ಹೊಂದಾಣಿಕೆ ಮಾಡಲಾಗುತ್ತದೆ.
- [ಭಾರೀ ಮಳೆ: ಶಾಲೆಗೆ ರಜೆ!](https://mobiletime.in/2026/07/heavy-rain-school-holiday/): ಉತ್ತರ‌ ಕನ್ನಡ ಜಿಲ್ಲೆಯಲ್ಲಿ ಭಾರೀ ಪ್ರಮಾಣದ ಮಳೆ ಮುಂದುವರೆದಿದ್ದು, ಶಿರಸಿ-ಸಿದ್ದಾಪುರದ ಶಾಲೆಗಳಿಗೆ ಶುಕ್ರವಾರ ರಜೆ ಘೋಷಿಸಲಾಗಿದೆ. ಪ್ರಾಥಮಿಕ ಶಾಲೆ, ಪ್ರೌಢಶಾಲೆ ಹಾಗೂ ಅಂಗನವಾಡಿಗಳಿಗೆ ಈ ರಜೆ ಘೋಷಣೆಯಾಗಿದೆ. ಹವಾಮಾನ ಇಲಾಖೆ ನೀಡಿದ ಮಾಹಿತಿ ಆಧರಿಸಿ ಜಿಲ್ಲಾಡಳಿತ ಈ ರಜೆ ಘೋಷಿಸಿದೆ. ಉಳಿದ ತಾಲೂಕಿನ ಶಾಲೆಗಳು ಎಂದಿನಂತೆ ನಡೆಯಲಿವೆ.
- [ಸಿದ್ದಾಪುರ | ತಂದೆ-ತಾಯಿ ಅಗಲಿದ ನೋವು: ಮಗನ ಸಾವು!](https://mobiletime.in/2026/07/siddapura-grief-over-loss-of-parents-son-dies/): ತಂದೆ-ತಾಯಿ ಸಾವಿನಿಂದ ನೊಂದಿದ್ದ ನೆಜ್ಜೂರಿನ ಚಂದ್ರಶೇಖರ ವಕ್ಕಲಿಗ ಅವರು ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಅಸ್ವಸ್ಥರಾದ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದರೂ ಪ್ರಯೋಜನವಾಗಿಲ್ಲ. ಸಿದ್ದಾಪುರದ ನೆಜ್ಜೂರು ಹಾರೆಕೊಪ್ಪದಲ್ಲಿ ಚಂದ್ರಶೇಖರ ಅಣ್ಣಪ್ಪ ವಕ್ಕಲಿಗ ಅವರು ವಾಸವಾಗಿದ್ದರು. 30 ವರ್ಷದ ಅವರು ತಂದೆ-ತಾಯಿಯನ್ನು ಕಳೆದುಕೊಂಡಿದ್ದರು. ಅದಾದ ನಂತರ ಒಂಟಿ ಜೀವನ ನಡೆಸುತ್ತಿದ್ದ ಚಂದ್ರಶೇಖರ ಅವರು ಸರಾಯಿ ಚಟವನ್ನು ಅಂಟಿಸಿಕೊAಡಿದ್ದರು. ವಿಪರೀತ ಪ್ರಮಾಣದಲ್ಲಿ ವ್ಯಸನಕ್ಕೆ ಒಳಗಾದ ಅವರು ಒಂಟಿ ಜೀವನ ಬಾಳಲಾಗದೇ ಸಾವಿನ ನಿರ್ಧಾರ ಮಾಡಿದ್ದರು. ಅದರಂತೆ, ಜುಲೈ 20ರಂದು ಸರಾಯಿ ಜೊತೆ ವಿಷ ಸೇರಿಸಿದ ಚಂದ್ರಶೇಖರ ಅವರು ಅದನ್ನು ಸೇವಿಸಿದರು. ಅಸ್ವಸ್ಥರಾಗಿ ಬಿದ್ದಿದ್ದ ಅವರನ್ನು ಚಿಕ್ಕಪ್ಪ ಬೊಮ್ಮಾ ಬೀರಾ ಗೊಂಡ ಅವರು ಗಮನಿಸಿ, ಆಸ್ಪತ್ರೆಗೆ ಸೇರಿಸಿದರು. ಮೊದಲು ಸಿದ್ದಾಪುರ ಸರ್ಕಾರಿ ಆಸ್ಪತ್ರೆ, ನಂತರ ಶಿರಸಿ ಸಾರ್ವಜನಿಕ ಆಸ್ಪತ್ರೆಗೆ ದಾಖಲಾದರೂ ಅದರಿಂದ ಪ್ರಯೋಜನವಾಗಿಲ್ಲ. ವಿಷ ನೆತ್ತಿಗೇರಿದ ಪರಿಣಾಮ ಚಂದ್ರಶೇಖರ ವಕ್ಕಲಿಗ ಅವರು ಜುಲೈ 23ರಂದು ಸಾವನಪ್ಪಿದರು.
- [ಜೊಯಿಡಾ | ಅಪಾಯಕಾರಿಯಾದ ಜಗಲಪೇಟೆ ರಸ್ತೆ!](https://mobiletime.in/2026/07/zoida-dangerous-jagalpet-road/): ಜಗಲಪೇಟೆ-ಕ್ಯಾಸಲ್‌ರಾಕ್ ರಸ್ತೆಯಯೂ ಅಸ್ಸು ಸಮೀಪ ಅಪಾಯಕರಿಯಾಗಿದೆ. ಸುರಿದ ಭಾರೀ ಮಳೆಗೆ ಈ ರಸ್ತೆ ಅಂಚಿನ ಪ್ರದೇಶ ಕುಸಿದಿದೆ. ಅಲ್ಲಿ ಅಳವಡಿಸಿದ್ದ ಪೈಪು ಕಾಣುತ್ತಿದೆ. ಆ ಪ್ರದೇಶ ಹಂತ ಹಂತವಾಗಿ ಕುಸಿಯುತ್ತಿದ್ದು, ರಸ್ತೆಯೂ ಕುಸಿಯುವ ಆತಂಕ ಎದುರಾಗಿದೆ. ಮಳೆ ಮುಂದುವರೆದರೆ ರಸ್ತೆ ಕುಸಿಯಲಿದ್ದು, ಆಗ ಸಂಚಾರ ಸ್ಥಗಿತವಾಗುವ ಸಾಧ್ಯತೆಗಳಿವೆ. ಈ ರಸ್ತೆ ಗೋವಾಕ್ಕೆ ಸಂಪರ್ಕ ಕಲ್ಪಿಸುತ್ತದೆ. ಹೀಗಾಗಿ ಭಾರೀ ಗಾತ್ರದ ವಾಹನಗಳು ಈ ಮಾರ್ಗವಾಗಿ ಚಲಿಸುತ್ತವೆ. ಬಸ್ಸುಗಳ ಜೊತೆ ನೂರಾರು ವಾಹನಗಳು ಓಡಾಡುತ್ತವೆ. ರಸ್ತೆ ಕುಸಿತವಾದಲ್ಲಿ ಈ ಮಾರ್ಗದಲ್ಲಿ ಓಡಾಡುವ ಅನೇಕರಿಗೆ ಸಮಸ್ಯೆ ಆಗಲಿದೆ. ರಸ್ತೆ ಅಂಚಿನ ಪ್ರದೇಶ ಕುಸಿದ ಕಾರಣ ಪ್ರಯಾಣಿಕರಿಗೆ ಎಚ್ಚರಿಸಲು ಮಾರುತಿ ಪಾಟೀಲ ಅವರು ಮರದ ಕೊಂಬೆ ಅಡ್ಡವಿರಿಸಿದ್ದಾರೆ. ರಾತ್ರಿ ವೇಳೆ ಸಂಚರಿಸುವವರಿಗೆ ಅಪಾಯದ ಅರಿವು ಮೂಡಿಸಲು ಈ ಪ್ರಯತ್ನ ಮಾಡಿರುವುದಾಗಿ ಅವರು ಹೇಳಿದ್ದಾರೆ. ದುರಂತ ನಡೆಯುವ ಮುನ್ನ ರಸ್ತೆ ಸಂಚಾರ ಸುರಕ್ಷಿತಗೊಳಿಸುವಂತೆ ಅಲ್ಲಿನ ಜನ ಆಗ್ರಹಿಸಿದ್ದಾರೆ.
- [ಡುಪ್ಲಿಕೇಟ್ ಡಾಕ್ಟರಿಗೆ ದಂಡ: ನಕಲಿ ವೈದ್ಯರಿಗೆ ನಡುಕ ಹುಟ್ಟಿಸಿದ ಡೀಸಿ!](https://mobiletime.in/2026/07/fine-for-fake-doctor-dc-strikes-fear-into-quacks/): ಕಳೆದ ಮೂರು ತಿಂಗಳ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ 7 ನಕಲಿ ವೈದ್ಯರು ಪತ್ತೆಯಾಗಿದ್ದಾರೆ. ಅವರಿಗೆ ಎಚ್ಚರಿಕೆ ನೀಡಿದ ಅಧಿಕಾರಿಗಳು 1.45 ಲಕ್ಷ ರೂ ದಂಡ ವಸೂಲಿ ಮಾಡಿದ್ದಾರೆ. ಜೊತೆಗೆ ಅವರ ಕ್ಲಿನಿಕ್ ಸಹ ಬಂದ್ ಮಾಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿರುವ ನಕಲಿ ವೈದ್ಯರಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ನಡುಕ ಹುಟ್ಟಿಸಿದ್ದು, ಅರ್ಹತೆ ಇಲ್ಲದೇ ಕ್ಲಿನಿಕ್ ನಡೆಸುತ್ತಿರುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವಂತೆ ಸೂಚಿಸಿದ್ದಾರೆ. ಗುರುವಾರ ಡೀಸಿ ಕಚೇರಿಯಲ್ಲಿ ಕುಂದು-ಕೊರತೆ ಸಭೆ ನಡೆಸಿದ ಅವರು `ನಿಯಮಬಾಹಿರವಾಗಿ ವೈದ್ಯಕೀಯ ವೃತ್ತಿ ನಡೆಸುತ್ತಿರುವ ನಕಲಿ ವೈದ್ಯರ ವಿರುದ್ಧ ಬರುವ ಎಲ್ಲಾ ದೂರುಗಳನ್ನು ಸಮಗ್ರವಾಗಿ ಪರಿಶೀಲಿಸಬೇಕು. ನಕಲಿ ವೈದ್ಯರ ವಿರುದ್ಧ ಆರೋಗ್ಯ ಇಲಾಖೆ ಅಧಿಕಾರಿಗಳು ಕಟ್ಟುನಿಟ್ಟಿನ ಕ್ರಮ ಜರುಗಿಸಬೇಕು’ ಎಂದು ಮತ್ತೊಮ್ಮೆ ಹೇಳಿದ್ದಾರೆ. `ನಕಲಿ ವೈದ್ಯರ ಪತ್ತೆಗೆ ವಿಶೇಷ ಪಡೆ ರಚಿಸಬೇಕು. ಅಂಥ ವೈದ್ಯರಿಗೆ ಗರಿಷ್ಟ ಪ್ರಮಾಣದ ದಂಡ ವಿಧಿಸಿ, ಕ್ಲಿನಿಕ್ ಬಂದ್ ಮಾಡಬೇಕು. ಅದಾಗಿಯೂ, ಮತ್ತೆ ಕ್ಲಿನಿಕ್ ತೆರೆದರೆ ಪ್ರಕರಣ ದಾಖಲಿಸಬೇಕು’ ಎಂದು ನಿರ್ದೇಶನ ನೀಡಿದ್ದಾರೆ. `ಅರ್ಹತೆಗನುಗುಣವಾಗಿ ಅನುಮತಿ ಪಡೆದ ವೈದ್ಯಕೀಯ ಪದ್ದತಿಯಲ್ಲಿ ಮಾತ್ರ ಸಾರ್ವಜನಿಕರಿಗೆ ಆರೋಗ್ಯ ಸೇವೆಗಳನ್ನು ನೀಡಬೇಕು, ಅನುಮತಿಯಿಲ್ಲದ ವೈದ್ಯಕೀಯ ಪದ್ದತಿಯಲ್ಲಿ ಚಿಕಿತ್ಸೆ ಮತ್ತು ಔಷಧಗಳನ್ನು ನೀಡುವುದು ಕಂಡುಬAದಲ್ಲಿ ಅವರ ವಿರುದ್ದ ಸೂಕ್ತ ಕ್ರಮ ಕೈಗೊಳ್ಳಬೇಕು. ಎಲ್ಲಾ ತಾಲೂಕುಗಳಲ್ಲಿನ ಖಾಸಗಿ ಕ್ಲಿನಿಕ್‌ಗಳು, ಆಸ್ಪತ್ರೆಗಳು ಮತ್ತು ನರ್ಸಿಂಗ್ ಹೋಮ್‌ಗಳಲ್ಲಿ ನಕಲಿ ವೈದ್ಯರ ಬಗ್ಗೆ ಅಧಿಕಾರಿಗಳು ಎಚ್ಚರಿಕೆವಹಿಸಬೇಕು’ ಎಂದು ಡೀಸಿ ಹೇಳಿದ್ದಾರೆ. ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ಸಂಜಯ ದೊಡ್ಡಮನಿ, ಜಿಲ್ಲಾ ಆಯುಷ್ ಅಧಿಕಾರಿ ಡಾ ಜಗದೀಶ ಯಾಜಿ, ಆರ್ಥೋಪೆಡಿಕ್ ವೈದ್ಯಕೀಯ ಸಂಘದ ಅಧ್ಯಕ್ಷ ಡಾ ನಿತಿನ್ ಪಿಕಳೆ, ಐಎಂಎ ಅಧ್ಯಕ್ಷ ಡಾ ಸುರೇಶ್ ಭಟ್, ಮಹಿಳಾ ಸಾಮಾಜಿಕ ಕಾರ್ಯಕರ್ತೆ ಯಶೋಧ ಹೆಗಡೆ, ವಕೀಲ ಕೃಷ್ಣಾನಂದ ಬಿ ನಾಯ್ಕ, ಜಿಲ್ಲಾ ಕುಟುಂಬ ಕಲ್ಯಾಣಾಧಿಕಾರಿ ಡಾ ಅಶ್ವಿನಿ ಬೊರಕರ್ ಸಭೆಯಲ್ಲಿದ್ದರು. ​
- [ಭಟ್ಕಳ |  ಸಂಬoಧಿ ವಿರುದ್ಧ ಸಮರ!](https://mobiletime.in/2026/07/bhatkal-battle-against-a-relative/): ಭಟ್ಕಳ ಬೆಂಗ್ರೆ ಪಡುಶಿರಾಲಿಯ ಶಿವಾನಂದ ನಾಯ್ಕ ಅವರ ತಾರ್ ಕಾರನ್ನು ಹೊನ್ನಾವರ ಕನಸಗಿರಿಯ ದೇವೇಂದ್ರ ನಾಯ್ಕ ಅವರು ಅಪಹರಿಸಿದ್ದಾರೆ. ಆರು ತಿಂಗಳುಗಳ ಕಾಲ ಶಿವಾನಂದ ನಾಯ್ಕ ಅವರು ಇದೀಗ ದೇವೇಂದ್ರ ನಾಯ್ಕ ಅವರ ವಿರುದ್ಧ ಸಮರ ಸಾರಿದ್ದಾರೆ. ಭಟ್ಕಳದ ಬೆಂಗ್ರೆ ಪಡುಶಿರಾಳಿಯಲ್ಲಿ ಶಿವಾನಂದ ನಾಗಪ್ಪ ನಾಯ್ಕ ಅವರು ವಾಸವಾಗಿದ್ದಾರೆ. 28 ವರ್ಷದ ಅವರು ವ್ಯಾಪಾರಿಯಾಗಿದ್ದು, ಅವರ ವ್ಯಾಪಾರಕ್ಕೆ ಅನುಕೂಲವಾಗುವ ಹಾಗೇ ತಾರ್ ಕಾರ್ ಖರೀದಿಗೆ ಯೋಚಿಸಿದ್ದಾರೆ. ತಮ್ಮ ಯೋಜನೆಯನ್ನು ಅವರು ಸಂಬoಧಿಯಾದ ಹೊನ್ನಾವರ ಕನಸಗಿರಿಯ ದೇವೇಂದ್ರ ಹೊನ್ನಪ್ಪ ನಾಯ್ಕ ಅವರಿಗೆ ಹೇಳಿದ್ದಾರೆ. ತಕ್ಷಣ ದೇವೇಂದ್ರ ನಾಯ್ಕ ಅವರು ಬೆಂಗಳೂರಿನಲ್ಲಿ ವಕೀಲರಾದ ಮೇಘಚಂದ್ರ ಡಿ ಎನ್ ಅವರ ಜೊತೆ ಮಾತನಾಡಿ ಶಿವಾನಂದ ನಾಯ್ಕ ಅವರಿಗೆ ತಾರ್ ಕಾರು ಕೊಡಿಸಿದ್ದಾರೆ. 14.60 ಲಕ್ಷ ರೂಪಾಯಿಗೆ ಶಿವಾನಂದ ನಾಯ್ಕ ಅವರು ಮಹೇಂದ್ರ ತಾರ್ ವಾಹನ ಖರೀದಿಸಿದ್ದಾರೆ. ಈ ವೇಳೆ ಶಿವಾನಂದ ನಾಯ್ಕ ಅವರಿಗೆ ಅವರ ಸ್ನೇಹಿತ ಸುಬ್ರಹ್ಮಣ್ಯ ಬಾಂದೇಕರ್ ಅವರು ಹಣಕಾಸಿನ ಸಹಾಯ ಮಾಡಿದ್ದಾರೆ. ಅದಾದ ನಂತರ ಶಿವಾನಂದ ನಾಯ್ಕ ಅವರು ಭಟ್ಕಳದ ಶ್ರೀರಾಮ ಫೈನಾನ್ಸಿನಲ್ಲಿ 12 ಲಕ್ಷ ರೂ ಸಾಲ ಮಾಡಿದ್ದು, ಆ ಹಣವನ್ನು ಸುಬ್ರಹ್ಮಣ್ಯ ಬಾಂದೇಕರ್ ಅವರಿಗೆ ನೀಡಿ ಕಾರಿನ ವ್ಯವಹಾರ ಮುಗಿಸಿದ್ದಾರೆ. ಶಿವಾನಂದ ನಾಯ್ಕ ಅವರ ಜೊತೆ ಅತ್ಯಂತ ಸಲುಗೆ ಬೆಳೆಸಿಕೊಂಡಿದ್ದ ದೇವೇಂದ್ರ ನಾಯ್ಕ ಅವರು ಆ ಕಾರು ಕೊಡಿಸಿದ್ದು ತಾನೂ ಎಂಬ ಅಧಿಕಾರದಲ್ಲಿ ಆಗಾಗ ಅದನ್ನು ಓಡಿಸುತ್ತಿದ್ದು, ಜನವರಿ 12ರಂದು ತೆಗೆದುಕೊಂಡು ಹೋದ ದೇವೇಂದ್ರ ನಾಯ್ಕ ಮತ್ತೆ ಆ ಕಾರನ್ನು ಮರಳಿಸಿಲ್ಲ. ಕಾರು ಹೊಯಿತು. ಸಂಬAಧವೂ ಹಾಳಾಯಿತು ಎಂದು ಯೋಚಿಸಿದ ಶಿವಾನಂದ ನಾಯ್ಕ ಅವರು ಆ ಕಾರಿಗಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ದೇವೇಂದ್ರ ನಾಯ್ಕ ಅವರ ಬಳಿಯಿಂದ ಕಾರು ಪಡೆದು ನೀಡುವಂತೆ ಅವರು ಮನವಿ ಮಾಡಿದ್ದಾರೆ.
- [ಶಿರಸಿ | ವೆಲ್ಡಿಂಗ್ ಕಾರ್ಮಿಕನ ಮಾದಕ ಮೋಹ!](https://mobiletime.in/2026/07/sirsi-a-welding-workers-obsession-with-drugs/): ವೆಲ್ಡಿಂಗ್ ಕೆಲಸ ಮಾಡಿಕೊಂಡಿದ್ದ ಕಸ್ತೂರಿಬಾ ನಗರದ ಮಹಮಹದ್ ಕೈಪ್ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಅವರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ ಅತಿಯಾದ ಮಾದಕ ವ್ಯಸನ ಸೇವಿಸಿರುವುದು ಬೆಳಕಿಗೆ ಬಂದಿದೆ. ಶಿರಸಿಯ ಕಸ್ತೂರಿ ಬಾ ನಗರದ ಆರ್ ಟಿ ಓ ಆಫೀಸ್ ಬಳಿ ಮಹಮದ್ ಕೈಫ್ ಮಹಮದ್ ಪಯಾಜ್ ಖಾನ್ ಅವರು ವಾಸವಾಗಿದ್ದಾರೆ. 19 ವರ್ಷದ ಅವರು ವೆಲ್ಡಿಂಗ್ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಳ್ಳುವ ಉಮೇದಿಯಲ್ಲಿದ್ದಾರೆ. ಆದರೆ, ಸಣ್ಣ ವಯಸ್ಸಿನಲ್ಲಿಯೇ ಶುರುವಾದ ಗಾಂಜಾ ವ್ಯಸನ ಮಹಮದ್ ಕೈಪ್ ಅವರ ಬದುಕನ್ನು ಹಾಳು ಮಾಡಿದೆ. ನಶೆಯ ಗುಂಗಿನಲ್ಲಿ ಅಲ್ಲಿ-ಇಲ್ಲಿ ಅಲೆದಾಡುತ್ತಿದ್ದ ಅವರ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದು, ಹೊಸ ಮಾರುಕಟ್ಟೆ ಠಾಣೆಯ ಉಪಪೊಲೀಸ್ ನಿರೀಕ್ಷಕಿ ಗೀತಾ ಕಲಘಟಕಿ ಅವರು ಮಹಮದ್ ಕೈಪ್ ಅವರ ನಶೆ ಇಳಿಸಿದ್ದಾರೆ. ಜುಲೈ 21ರ ರಾತ್ರಿ 8.40 ಆದರೂ ಮಹಮದ್ ಕೈಪ್ ಅವರು ಮನೆಗೆ ಹೋಗಿಲ್ಲ. ಕಸ್ತೂರಿ ಬಾ ನಗರದ ಬಸಟ್ಟಿ ಕೆರೆ ಬಳಿ ಮಾದಕ ವ್ಯಸನ ಸೇವಿಸಿದ ಅವರು ಕೆರೆ ಸುತ್ತ ಅಲೆದಾಡುತ್ತಿದ್ದು, ಅದನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಅಪಾಯದ ಅಂಚಿನಲ್ಲಿದ್ದ ಮಹಮದ್ ಕೈಪ್ ಅವರನ್ನು ಪೊಲೀಸರು ರಕ್ಷಿಸಿ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಅಲ್ಲಿ ನಡೆಸಿದ ವೈದ್ಯಕೀಯ ತಪಾಸಣೆಯಲ್ಲಿ ಮಹಮದ್ ಕೈಪ್ ಅವರು ಗಾಂಜಾ ಸೇವಿಸಿರುವುದು ಗೊತ್ತಾಗಿದೆ. ನಿಷೇಧಿತ ವಸ್ತು ಸೇವಿಸಿದ ಹಿನ್ನಲೆ ಆರೋಪಿ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಕಾರವಾರ | ಕಾಂಗ್ರೆಸ್-ಕಾಕ್ರೋಚ್ ವಿರುದ್ಧ ಬಿಜೆಪಿಗರ ಕಿಡಿ!](https://mobiletime.in/2026/07/karwar-bjp-members-lash-out-at-congress-cockroach/): ಕಾಂಗ್ರೆಸ್, ಕಾಕ್ರೋಚ್, ಆಮ್ ಆದ್ಮಿ ಪಕ್ಷದ ವಿರುದ್ಧ ಬಿಜೆಪಿಗರು ಕಿಡಿಕಾರಿದ್ದು, `ಈ ಮೂರು ಪಕ್ಷದವರು ಸೇರಿ ದೇಶದಲ್ಲಿ ಅಭದ್ರತೆ ಹಾಗೂ ಅಸ್ಥಿರತೆ ಸೃಷ್ಠಿಸುತ್ತಿದ್ದಾರೆ’ ಎಂದು ಆರೋಪಿಸಿದ್ದಾರೆ. ಆ ಮೂರು ಪಕ್ಷದವರ ವಿರುದ್ಧ ಬಿಜೆಪಿಕರು ಗುರುವಾರ ಕಾರವಾರದಲ್ಲಿ ಪ್ರತಿಭಟನೆಯನ್ನು ಮಾಡಿದ್ದಾರೆ. `ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ನೇತೃತ್ವದ ಸರ್ಕಾರದ ಸತತ ಗೆಲುವು ಸಹಿಸಿಕೊಳ್ಳಲಾಗದೇ ವಿರೋಧಿಗಳು ಅನಗತ್ಯ ಗೊಂದಲ ಮೂಡಿಸುತ್ತಿದ್ದಾರೆ. ವಿದ್ಯಾರ್ಥಿಗಳ ಪ್ರತಿಭಟನೆಯ ಲಾಭ ಪಡೆದುಕೊಂಡು ಪಶ್ಚಿಮ ಬಂಗಾಳ, ನೇಪಾಳ ಹಾಗೂ ಶ್ರೀಲಂಕಾಗಳಲ್ಲಿ ಸರ್ಕಾರಗಳನ್ನು ಉರುಳಿಸಲಾಗಿದ್ದು, ಅದೇ ರೀತಿ ಎಲ್ಲಡೆ ಮಾಡುವ ಹುನ್ನಾರ ನಡೆಸಿದ್ದಾರೆ’ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ. `ನೀಟ್ ಪರೀಕ್ಷೆಯಲ್ಲಿನ ಅಕ್ರಮದ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಅವರು ತನಿಖೆಗೆ ಸೂಚಿಸಿದ್ದಾರೆ. ವಿದ್ಯಾರ್ಥಿಗಳಿಗೆ ನ್ಯಾಯ ಕೊಡಿಸುವ ಭರವಸೆಯನ್ನು ನೀಡಿದ್ದಾರೆ. ಆದರೆ, ಈ ವಿಷಯವನ್ನು ವಿಪಕ್ಷಗಳು ರಾಜಕೀಯ ಲಾಭಕ್ಕೆ ಬಳಸಿಕೊಂಡಿದ್ದಾರೆ’ ಎಂದು ಬಿಜೆಪಿಗರು ಆರೋಪಿಸಿದ್ದಾರೆ. `ರಾಜ್ಯದಲ್ಲಿ ರೈತರ ಸಮಸ್ಯೆ, ಕಾನೂನು ಸುವ್ಯವಸ್ಥೆ ಹದಗೆಟ್ಟಿರುವಿಕೆ ಸೇರಿ ಅನೇಕ ತೊಂದರೆಗಳಿವೆ. ಅದನ್ನು ಬಿಟ್ಟು ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ದೆಹಲಿಗೆ ಹೋಗಿ ರಾಜಕೀಯ ಮಾಡುತ್ತಿದ್ದಾರೆ’ ಎಂದು ಕಿಡಿಕಾರಿದ್ದಾರೆ. ಬಿಜೆಪಿ ಪ್ರಮುಖರಾದ ನಾಗರಾಜ ನಾಯಕ, ಗುರುಪ್ರಸಾದ ಹೆಗಡೆ, ದಿನಕರ ಶೆಟ್ಟಿ, ಕೆ ಜಿ ನಾಯ್ಕ ಇತರರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದಾರೆ.
- [ದಾಂಡೇಲಿ | ವಿದ್ಯುತ್ ಗುತ್ತಿಗೆದಾರನ ಮನೆಯಲ್ಲಿ ಕಳ್ಳತನ: ಕೆಲಸದಾಕೆಯ ಮೇಲೆಯೇ ಅನುಮಾನ!](https://mobiletime.in/2026/07/dandeli-theft-at-electrical-contractors-house-suspicion-falls-on-the-maid/): ಅಂಬೇವಾಡಿಯ ಕಾವ್ಯ ಗೌಡ ಅವರ ಒಡೆತನದಲ್ಲಿದ್ದ ಚಿನ್ನಾಭರಣಗಳು ಕಳ್ಳತನವಾಗಿದೆ. ಅವರ ಮನೆಗೆ ಕೆಲಸಕ್ಕೆ ಬರುವ ಗಾಂವಠಾಣಾದ ಶಹನಾಜ್ ಕಾಕರ ಅವರೇ 15 ಲಕ್ಷ ರೂ ಮೌಲ್ಯದ ಆಭರಣ ಕದ್ದ ಅನುಮಾನ ಶುರುವಾಗಿದೆ. ದಾಂಡೇಲಿಯ ಅಂಬೇವಾಡಿ ಕೆ ಎಚ್ ಬಿ ಕಾಲೋನಿಯಲ್ಲಿ ಕಾವ್ಯ ಸೋಮಶೇಖರ ಗೌಡ ಅವರು ವಾಸವಾಗಿದ್ದಾರೆ. ಅವರ ಪತಿ ವಿದ್ಯುತ್ ಗುತ್ತಿಗೆದಾರರಾಗಿ ಕೆಲಸ ಮಾಡಿಕೊಂಡಿದ್ದಾರೆ. ವಿದ್ಯುತ್ ಸಾಮಗ್ರಿ ಖರೀದಿ ಹಾಗೂ ಕೆಲಸಗಾರರಿಗೆ ಹಣ ಕೊಡಬೇಕಾದ ವೇಳೆ ಅವರು ಕಾವ್ಯ ಗೌಡ ಅವರ ಬಂಗಾರವನ್ನು ಅಡವಿಡುತ್ತಾರೆ. ಆ ಕೆಲಸದ ಬಿಲ್ ಪಾವತಿ ಆದ ನಂತರ ಮಣಿಪುರಂ ಗೋಲ್ಡ್’ನಿಂದ ಬಂಗಾರ ಬಿಡಿಸಿಕೊಂಡು ಬರುತ್ತಾರೆ. ಹೀಗೆ ಮನೆಗೆ ಬಂದ ಬಂಗಾರವನ್ನು ಕಾವ್ಯ ಗೌಡ ಅವರು ಜೋಪಾನವಾಗಿರಿಸಿಕೊಂಡಿದ್ದು, ಆಗಾಗ ಒಂದೋoದೇ ಒಡವೆ ಕಾಣೆಯಾಗಿದೆ. ಕಾವ್ಯ ಗೌಡ ಅವರ ಮನೆಗೆ ದಾಂಡೇಲಿ ಗಾಂವಠಾಣಾದ ಶಹನಾಜ್ ಸಲೀಂ ಕಾಕರ ಅವರು ಕೆಲಸಕ್ಕೆ ಬರುತ್ತಿದ್ದಾರೆ. 2025ರ ಅಗಸ್ಟ್ 8ರಂದು ಬಂಗಾರ ಬಿಡಿಸಿಕೊಂಡು ಬಂದಿದನ್ನು ಕೆಲಸದಾಕೆ ನೋಡಿದ್ದಾರೆ. 2026ರ ಜುಲೈ 7ರಂದು ಕಾವ್ಯ ಗೌಡ ಅವರು ಪರಿಶೀಲಿಸಿದಾಗ ಅನೇಕ ಬಗೆಯ ಬಂಗಾರದ ಆಭರಣಗಳು ಕಾಣೆಯಾಗಿದೆ. ಒಂದೋAದೇ ಬಂಗಾರದ ಒಡವೆಗಳು ಹಂತ ಹಂತವಾಗಿ ಕಣ್ಮರೆಯಾಗಿದ್ದು ಮೂರು ಬಂಗಾರದ ಚೈನು, ಉಂಗುರ, ಬ್ರಾಸ್‌ಲೈಟ್ ಸೇರಿ 15 ಲಕ್ಷ ರೂ ಮೌಲ್ಯದ ಚಿನ್ನ ನಾಪತ್ತೆಯಾಗಿದೆ. ಕೆಲಸದಾಕೆ ಶಹನಾಜ್ ಕಾಕರ ಅವರ ಮೇಲೆ ಕಾವ್ಯ ಗೌಡ ಅವರಿಗೆ ಅನುಮಾನ ಮೂಡಿದೆ. `ಶಹನಾಜ್ ಕಾಕರ ಅವರನ್ನು ವಿಚಾರಣೆಗೊಳಪಡಿಸಬೇಕು. ತಮ್ಮ ಬಂಗಾರ ಮರಳಿಸಬೇಕು’ ಎಂದು ಕಾವ್ಯ ಗೌಡ ಅವರು ಪೊಲೀಸ್ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.
- ['ಪಿಸ್ತೂಲ್' ಕಥೆ ಹೇಳಲು ಹೊರಟ ಪ್ರಬಿಕ್ ಮೊಗವೀರ್!](https://mobiletime.in/2026/07/prabik-mogaveera-sets-out-to-tell-the-story-of-pistol/): ಸುಮಾರು 8 ವರ್ಷಗಳ ನಂತರ ಗಡಿಯಾರ ಚಿತ್ರದ ನಿರ್ದೇಶಕ ಪ್ರಬಿಕ್ ಮೊಗವೀರ್ ಅವರು ಪಿಸ್ತೂಲ್ ಹೆಸರಿನ ಚಿತ್ರವನ್ನು ನಿರ್ದೇಶನ ಮಾಡಲು ಮುಂದಾಗಿದ್ದಾರೆ. ಒಂದು ಗನ್ ಆರು ಬುಲೆಟ್ ಎನ್ನುವ ಅಡಿಬರಹ ಈ ಚಿತ್ರಕ್ಕೆ ಇದೆ. ಪಕ್ಕ ಮಾಸ್ ಜೊತೆಗೆ ಥ್ರಿಲಿಂಗ್ ಕಂಟೆಂಟ್ ಇದು ಒಳಗೊಂಡಿದೆ. ನಿರ್ದೇಶಕರು ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ. ಚಿತ್ರದ ಚಿತ್ರೀಕರಣ ಶೀಘ್ರದಲ್ಲೇ ಆರಂಭವಾಗಲಿದೆ. ಚಿತ್ರದ ಕಥಾ ವಸ್ತು ವಿಭಿನ್ನವಾಗಿರಲಿದೆ ಎಂದು ಪ್ರಬಿಕ್ ಮೊಗವೀರ್ ಅವರು ಹೇಳಿದ್ದಾರೆ. ಪ್ರಬಿಕ್ ಮೊಗವೀರ್ ಅವರು ಹಿಂದೆ ನಿರ್ದೇಶಿಸಿದ್ದ ಗಡಿಯಾರ ಚಿತ್ರ ಕನ್ನಡ ಅಲ್ಲದೆ ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿ ಬಿಡುಗಡೆಯಾಗಿ ಮೆಚ್ಚುಗೆ ಗಳಿಸಿತ್ತು. ಪ್ರಬಿಕ್ ಅವರು ಬಳಿಕ ನಟನೆಯತ್ತ ಹೆಚ್ಚು ಗಮನಹರಿಸಿದ್ದು ಶಾಂತಿಯನ್ನು ಕಳೆದುಕೊಳ್ಳಬೇಡಿ, ತನಿಖೆ, ಅಸುರನ ಕೈಯಲ್ಲಿ ಪಾರಿಜಾತ, ರಾವೆನ್, ನಾಯಿ ಇದೆ ಎಚ್ಚರಿಕೆ ಮೊದಲಾದ ಚಿತ್ರಗಳಲ್ಲಿ ವಿಭಿನ್ನ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಪಿಸ್ತೂಲ್ ಚಿತ್ರದ ಪೋಸ್ಟರ್ ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆದಿದೆ. ಪಿಸ್ತೂಲ್ ಚಿತ್ರ ತಂಡ ಈಗಾಗಲೇ ಚಿತ್ರೀಕರಣಕ್ಕೆ ಸಿದ್ಧತೆ ನಡೆಸುತ್ತಿದ್ದು ಅನುಭವಿ ಕಲಾವಿದರು ತಂಡವನ್ನು ಸೇರಲಿದ್ದಾರೆ.
- [ಬನವಾಸಿ | ರಸ್ತೆ ಹಾಳು ಮಾಡಿದ ಗುತ್ತಿಗೆದಾರ!](https://mobiletime.in/2026/07/banavasi-contractor-ruins-the-road/): ಹೊಸಕೊಪ್ಪದ ಸುಭಾಷ್ ಗೌಡ ಕಡ್ಲರ್ ಅವರ ಭೂಮಿಗೆ ಹೊಂದಿಕೊOಡಿದ್ದ ರಸ್ತೆಯಲ್ಲಿ ಕೊರ್ಲಕಟ್ಟಾದ ಗುತ್ತಿಗೆದರ ದಿನೇಶ ಹಳ್ಳಿಕೊಪ್ಪ ಅವರು JCB ಓಡಿಸಿದ್ದಾರೆ. ಆ ರಸ್ತೆಯನ್ನು ಅಗೆದು ಮೂರುವರೆ ಅಡಿ ಆಳದಲ್ಲಿ ಹೂತಿದ್ದ ಪೈಪುಗಳನ್ನು ಒಡೆದಿದ್ದಾರೆ. ಶಿರಸಿಯ ಬನವಾಸಿ ಬಳಿಯ ಹೊಸಕೊಪ್ಪದದಲ್ಲಿ ಸುಭಾಷ್ ಬಂಗಾರಪ್ಪ ಗೌಡ ಕಡ್ಲರ್ ಅವರು ವಾಸವಾಗಿದ್ದಾರೆ. ಅವರು ಹೊಸಕೊಪ್ಪದಲ್ಲಿ ಕೃಷಿ ಭೂಮಿ ಹೊಂದಿದ್ದು, ಆ ಭೂಮಿಗೆ ಹೋಗಲು ಅನಾಧಿಕಾಲದಿಂದಲೂ ಇದ್ದ ದಾರಿ ಬಳಸುತ್ತಿದ್ದಾರೆ. ಸುಭಾಷ್ ಅವರ ಜೊತೆ ಅವರ ಮನೆಗೆ ಬರುವ ಆಳುಗಳು ಹಾಗೂ ಸರಕು ಸಾಮಗ್ರಿ ಸಾಗಿಸುವ ಗಾಡಿಗಳು ಅದೇ ರಸ್ತೆ ಬಳಕೆ ಮಾಡುತ್ತಿವೆ. ಹೀಗಿರುವಾಗ ಶಿರಸಿ ಕಪ್ಪೆಗುಡ್ಡೆ ಹೊಸಕೊಪ್ಪದ ಮಲ್ಲಿಕಾರ್ಜುನ ವೀರಯ್ಯ ಹಿರೇಮಠ್ ಅವರ ಕುಮ್ಮಕ್ಕಿನಿಂದ ಜೆಸಿಬಿ ಮಾಲಕ ದಿನೇಶ ಹಳ್ಳಿಕೊಪ್ಪ ಅವರು ಆ ರಸ್ತೆ ಅಗೆದು ಹಾಳು ಮಾಡಿದ್ದಾರೆ. ಹೊಸಕೊಪ್ಪದ ಚಂದ್ರ ಬಂಗಾರ್ಯ ಚೆನ್ನಯ್ಯ, ಮಂಜುನಾಥ ಈರಪ್ಪ ಗೌಡ, ಸಿದ್ದು ಮಲ್ಲಿಕಾರ್ಜುನ ನಲ್ಲಿಕೊಪ್ಪ ಅವರು ಸಹ ರಸ್ತೆ ಹಾಳು ಮಾಡಲು ಸಹಕಾರ ನೀಡಿದ್ದಾರೆ. ಜನವರಿ 16ರಂದು ಆ ಊರಿಗೆ ಜೆಸಿಬಿ ಬಂದಿದ್ದು, ರಸ್ತೆ ಹಾಳು ಮಾಡುವ ಕೆಲಸ ಶುರು ಮಾಡಿದೆ. ಆಗ, ಅಲ್ಲಿದ್ದ ಜಯರಾಜ ಗೌಡ ಹಾಗೂ ಅವರ ಮಗ ಪ್ರದೀಪ ಗೌಡ ಅವರು ರಸ್ತೆ ಹಾಳು ಮಾಡಬೇಡಿ ಎಂದು ಮನವಿ ಮಾಡಿದ್ದಾರೆ. ಸುಭಾಷ್ ಗೌಡ ಕಡ್ಲರ್ ಅವರು ಸಹ ಇದನ್ನು ಪ್ರಶ್ನಿಸಿದ್ದಾರೆ. ಆಗ, ಎದುರುದಾರ ಗುಂಪಿನವರು ಅವರೆಲ್ಲರಿಗೂ ಕೆಟ್ಟದಾಗಿ ಬೈದು ನಿಂದಿಸಿದ್ದಾರೆ. ಜೊತೆಗೆ ಕೃಷಿ ಭೂಮಿ ಅನುಕೂಲಕ್ಕಾಗಿ ಮೂರುವರೆ ಅಡಿ ಆಳದಲ್ಲಿ ಹುದುಗಿಸಿದ್ದ ಪೈಪುಗಳನ್ನು ಜೆಸಿಬಿಯಿಂದ ಕಿತ್ತೆಸೆದಿದ್ದಾರೆ. ಈ ಕೆಲಸಕ್ಕೆ ಅಡ್ಡ ಬಂದರೆ ಜೆಸಿಬಿ ಅಡಿಗೆ ಹಾಕಿ ಮಣ್ಣು ಹೊಯ್ಯುವುದಾಗಿಯೂ ಅವರೆಲ್ಲರೂ ಬೆದರಿಸಿದ್ದಾರೆ. ಸಂತ್ರಸ್ತರು ಈ ಬಗ್ಗೆ ಪೊಲೀಸ್ ದೂರು ಕೊಡುವುದಾಗಿ ಹೇಳಿದ್ದು, `ದೂರು ಕೊಡಲು ಹೊರಟರೆ ಹೋಗುವ ದಾರಿಯಲ್ಲಿಯೇ ಹೆಣವಾಗುತ್ತೀರಿ’ ಎಂದು ಬೆದರಿಸಿದ್ದಾರೆ. ಅದಾದ ನಂತರ ಸಾಕ್ಷಿ ನಾಶಕ್ಕಾಗಿ ಆ ಕ್ಷೇತ್ರದಲ್ಲಿದ್ದ ಮಣ್ಣನ್ನು ಬೇರೆಡೆ ಸಾಗಿಸಿದ್ದಾರೆ. ಈ ಎಲ್ಲಾ ಕೃತ್ಯದಿಂದ ಆತಂಕಕ್ಕೆ ಒಳಗಾದ ಸುಭಾಷ್ ಗೌಡ ಕಡ್ಲರ್ ಅವರು ಕೋರ್ಟಿನ ಮೊರೆ ಹೊಗಿದ್ದಾರೆ. ಖಾಸಗಿ ದೂರು ಸಲ್ಲಿಸಿ, ತಮಗಾದ ಅನ್ಯಾಯಕ್ಕೆ ನ್ಯಾಯ ಕೊಡಿಸುವಂತೆ ಮನವಿ ಮಾಡಿದ್ದಾರೆ.
- [ದಾಂಡೇಲಿ | ರಾತ್ರಿ ವೇಳೆ ಮೊಸಳೆ ಸಂಚಾರ!](https://mobiletime.in/2026/07/dandeli-crocodile-movement-at-night/): ದಾಂಡೇಲಿ ಪಟೇಲ ನಗರದಲ್ಲಿ ರಾತ್ರಿ ವೇಳೆ ಮೊಸಳೆ ಓಡಾಡುತ್ತಿದ್ದು, ಆ ಮೊಸಳೆಯನ್ನು ಸದ್ಯ ಹಿಡಿದು ನದಿಗೆ ಬಿಡಲಾಗಿದೆ. ನಿತ್ಯ ಓಡಾಡುವ ಮರಿ ಮೊಸಳೆ ಜನರ ಆತಂಕ ಹೆಚ್ಚಿಸಿದ ಕಾರಣ ಅರಣ್ಯ ಅಧಿಕಾರಿಗಳು ಅದನ್ನು ಹಿಡಿಯುವ ಕೆಲಸ ಮಾಡಿದ್ದಾರೆ. ದಾಂಡೇಲಿ ಪಟೇಲ್ ನಗರದಲ್ಲಿ ರಾತ್ರಿ ಮೊಸಳೆ ಮರಿ ಓಡಾಡುವ ಬಗ್ಗೆ ಜನ ದೂರಿದ್ದರು. ಆದರೆ, ಆ ಮೊಸಳೆ ಮಾತ್ರ ಯಾರ ಕೈಗೂ ಸಿಗುತ್ತಿರಲಿಲ್ಲ. ಕಣ್ಣಿಗೆ ಕಾಣಿಸಿಕೊಂಡ ಕ್ಷಣ ಮಾತ್ರದಲ್ಲಿಯೇ ಆ ಮರಿ ಸ್ಥಳಾಂತರ ಮಾಡುತ್ತಿದ್ದು, ಬುಧವಾರ ರಾತ್ರಿ ರಸ್ತೆ ಮೇಲೆ ಓಡಾಡುತ್ತಿದ್ದ ಮೊಸಳೆ ಬಲೆಗೆ ಬಿದ್ದಿತು. ಉರಗ ತಜ್ಞ ರಜಾಕ್ ಶಾ ಅವರು ಈ ಮಾಹಿತಿ ಆಧರಿಸಿ ತಕ್ಷಣ ಸ್ಥಳಕ್ಕೆ ಧಾವಿಸಿದರು. ಆ ಮೊಸಳೆಯನ್ನು ಸುರಕ್ಷಿತವಾಗಿ ಹಿಡಿದು ನದಿಗೆ ಬಿಟ್ಟರು. ಕಾಳಿ ನದಿಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಮೊಸಳೆಗಳಿದ್ದು, ಅಲ್ಲಿಂದಲೇ ಈ ಮರಿ ಬಂದಿರುವ ಬಗ್ಗೆ ಅಂದಾಜಿಸಲಾಗಿದೆ. ಕಾಳಿ ನದಿಗೆ ಸಂಪರ್ಕ ಹೊಂದಿದ ಗಟಾರದಿಂದ ಮರಿ ಬಂದು ರಾತ್ರಿಯಿಡೀ ಪಟೇಲ ನಗರ ಸುತ್ತಾಡಿದ ಬಗ್ಗೆ ಜನ ಮಾತನಾಡಿದ್ದಾರೆ. ಮೊಸಳೆ ಕಂಡ ತಕ್ಷಣ ಅದರ ಸಮೀಪ ಹೋಗದೇ ಅರಣ್ಯ ಇಲಾಖೆಗೆ ಮಾಹಿತಿ ಕೊಡಬೇಕು ಎಂದು ಅಧಿಕಾರಿಗಳು ಮನವಿ ಮಾಡಿದ್ದಾರೆ.
- [ಭಟ್ಕಳ | ಗಾರೆ ಕೆಲಸಕ್ಕೆ ಬಂದವ ಬೈಕ್ ಕದ್ದ!](https://mobiletime.in/2026/07/bhatkal-man-hired-for-masonry-work-steals-bike/): ಭಟ್ಕಳದಲ್ಲಿ ಗಾರೆ ಕೆಲಸ ಮಾಡುವ ಸೈಯದ್ ಅಲಿ ಅವರು ಬೈಕ್ ಕದ್ದು ಸಿಕ್ಕಿ ಬಿದ್ದಿದ್ದಾರೆ. ಬೈಕ್ ವಶಕ್ಕೆಪಡೆದ ಪೊಲೀಸರು ಸಯ್ಯದ್ ಅಲಿ ಅವರನ್ನು ಕಂಬಿ ಹಿಂದೆ ಕಳುಹಿಸಿದ್ದಾರೆ. ಭಟ್ಕಳದ ಫಿರ್ದೋಸ್ ನಗರದಲ್ಲಿ ಸಯ್ಯದ್ ಅಲಿ ಸಯ್ಯದ್ ರೆಹಮತುಲ್ಲಾ ಅವರು ವಾಸವಾಗಿದ್ದಾರೆ. 22 ವರ್ಷದ ಅವರು ಗಾರೆ ಕೆಲಸ ಮಾಡಿ ಜೀವನ ನಡೆಸುತ್ತಿದ್ದು, ಅದರ ಜೊತೆ ಆಗಾಗ ಕಳ್ಳತನ ಮಾಡುವುದನ್ನು ರೂಢಿಸಿಕೊಂಡಿದ್ದಾರೆ. ಏಪ್ರಿಲ್ 28ರಂದು ಪಲ್ಸರ್ ಬೈಕ್ ಮೇಲೆ ಕಣ್ಣು ಹಾಕಿದ ಅವರು ನಕಲಿ ಚಾವಿ ಬಳಸಿ ಆ ಬೈಕ್ ಅಪಹರಿಸಿದ್ದಾರೆ. ಹೆಬಳೆ ನೆರ್ಲೆಸರದಲ್ಲಿ ನಿಲ್ಲಿಸಿದ ಬೈಕ್ ಕಾಣೆಯಾದ ಬಗ್ಗೆ ಬೈಕ್ ಮಾಲಕ ಲೋಹಿತ್ ಮೊಗೇರ್ ಅವರು ಪೊಲೀಸ್ ದೂರು ನೀಡಿದ್ದಾರೆ. ಅದಾದ ನಂತರ ಬೈಕ್ ಪತ್ತೆಗೆ ವಿಶೇಷ ತಂಡ ರಚಿಸಲಾಗಿದ್ದು, ಆ ತಂಡದ ಮುಖ್ಯಸ್ಥರಾದ ಭಟ್ಕಳ ಪಿಐ ವೆಂಕಟೇಶ ಮರನಾಳ ಅವರು ವಿವಿಧ ಕಡೆ ಶೋಧ ನಡೆಸಿದ್ದಾರೆ. ಪಿಸೈ ಬರಮಪ್ಪ ಬೆಳಗಲಿ ಅವರ ಜೊತೆ ಅಪರಾಧ ವಿಭಾಗದ ಪೊಲೀಸ್ ಸಿಬ್ಬಂದಿ ಮಂಜುನಾಥ ಗೊಂಡ, ಈರಣ್ಣ ಪೂಜೇರಿ, ಬಾಗಪ್ಪ ಕಡಗಲ್, ನಿಂಗನಗೌಡ ಪಾಟೀಲ್ ಅವರು ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದ್ದಾರೆ. ಆಗ, ಆ ಬೈಕು ಸಯ್ಯದ್ ಅಲಿ ಅವರ ಬಳಿಯಿರುವುದು ಗೊತ್ತಾಗಿದೆ. ವಿಚಾರಣೆ ವೇಳೆ ಸಯ್ಯದ್ ಅಲಿ ಅವರೇ ಬೈಕ್ ಕದ್ದಿರುವುದು ದೃಢವಾಗಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.
- [ಬರ ಅಧ್ಯಯನ: ದಿನಕರ ಶೆಟ್ಟಿ-ಗಣಪತಿ ಉಳ್ವೇಕರ್'ಗೆ ಹೊಸ ಹೊಣೆಗಾರಿಕೆ!](https://mobiletime.in/2026/07/drought-study-new-responsibility-for-dinakar-shetty-and-ganapathi-ulvekar/): ರಾಜ್ಯದಲ್ಲಿನ ಅತಿವೃಷ್ಟಿ ಹಾಗೂ ಅನಾವೃಷ್ಟಿ ಅಧ್ಯಯನಕ್ಕೆ ಬಿಜೆಪಿ ತಂಡ ರಚಿಸಿದೆ. ಈ ತಂಡದಲ್ಲಿ ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ್ ಅವರಿಗೆ ಜವಾಬ್ದಾರಿ ನೀಡಲಾಗಿದೆ. ಉತ್ತರ ಕನ್ನಡ ಜಿಲ್ಲೆಯಿಂದ ಗಣಪತಿ ಉಳ್ವೇಕರ್ ಅವರ ಜೊತೆ ಕುಮಟಾ ಕ್ಷೇತ್ರದ ಶಾಸಕ ದಿನಕರ ಶೆಟ್ಟಿ ಅವರು ಈ ತಂಡದಲ್ಲಿದ್ದಾರೆ. ಕರ್ನಾಟಕದಲ್ಲಿ ಅತಿವೃಷ್ಟಿ ಹಾಗೂ ಅನಾವೃಷ್ಟಿ ಸಂಭವಿಸಿರುವ ಹಿನ್ನೆಲೆಯಲ್ಲಿ ಬಿಜೆಪಿ ಬರ ಅಧ್ಯಯನ ನಡೆಸಲು ಪ್ರಮುಖರ ತಂಡವನ್ನು ರಚಿಸಿದ್ದು, ಜಿಲ್ಲಾ ಕೇಂದ್ರ ಹಾಗೂ ತಾಲೂಕುಗಳಿಗೆ ಭೇಟಿ ನೀಡಿ ಸಮಗ್ರ ವರದಿ ನೀಡುವಂತೆ ಸೂಚಿಸಲಾಗಿದೆ. ರಾಜ್ಯದ ಇನ್ನಿತರ ಕಡೆಗಳಲ್ಲಿಯೂ ಬಿಜೆಪಿ ತಂಡ ರಚಿಸಿ, ಕ್ಷೇತ್ರ ಅಧ್ಯಯನಕ್ಕೆ ಸೂಚಿಸಿದೆ. ಬಿಜೆಪಿ ಪ್ರಮುಖರಾದ ಎನ್ ರವಿಕುಮಾರ, ಮುರುಗೇಶ ನಿರಾಣಿ, ಅರವಿಂದ ಬೆಲ್ಲದ್, ಸಿದ್ದು ಸವದಿ, ಅಭಯ ಪಾಟೀಲ್, ಬಾಲಚಂದ್ರ ಜಾರಕಿಹೊಳಿ, ಶಶಿಕಲಾ ಜೊಲ್ಲೆ, ಮಹೇಶ ಟೆಂಗಿನಕಾಯಿ, ವಿಠ್ಠಲ ಹಲಗೇಕರ್, ದುರ್ಯೋದನ ಐಹೊಳೆ, ಜಗದೀಶ ಗುಡಗಂಟಿ, ಎಂ ಆರ್ ಪಾಟೀಲ್, ನಿಕಿಲ್ ಕತ್ತಿ, ಎಚ್ ಪಿ ಪೂಜಾರ್, ಹನುಮಂತ ನಿರಾಣಿ, ಪ್ರದೀಪ ಶೆಟ್ಟಿ ಹಾಗೂ ಲಿಂಗರಾಜ್ ಪಾಟೀಲ್ ಅವರು ಉತ್ತರ ಕನ್ನಡ ಜಿಲ್ಲೆಯ ಬರ ಅಧ್ಯಯನ ನಡೆಸಲಿದ್ದಾರೆ. ಉತ್ತರ ಕನ್ನಡದ ಜೊತೆ ಬೆಳಗಾವಿ, ವಿಜಯಪುರ, ಬಾಗಲಕೋಟೆ, ಹುಬ್ಬಳ್ಳಿ ಹಾಗೂ ಹಾವೇರಿ ಭಾಗದಲ್ಲಿಯೂ ಅಧ್ಯಯನ ನಡೆಸುವಂತೆ ಈ ತಂಡಕ್ಕೆ ಬಿಜೆಪಿ ರಾಜ್ಯ ಅಧ್ಯಕ್ಷ ಬಿ ವೈ ವಿಜಯೇಂದ್ರ ಅವರು ಸೂಚಿಸಿದ್ದಾರೆ.
- [ಶಿರಸಿ | ಹಾಸ್ಟೇಲ್ ವಿದ್ಯಾರ್ಥಿನಿಯರಿಗೆ ಬೆಡ್‌ಶೀಟ್ ವಿತರಣೆ](https://mobiletime.in/2026/07/sirsi-bed-sheets-distributed-to-hostel-students/): `ಉತ್ತಮ ಭವಿಷ್ಯವನ್ನು ರೂಪಿಸಿಕೊಳ್ಳಲು ಶಿಕ್ಷಣವು ಅತ್ಯಂತ ಅವಶ್ಯಕವಾಗಿದ್ದು, ವಿದ್ಯಾರ್ಥಿಗಳು ತಮ್ಮ ಜೀವನದ ಗುರಿಯನ್ನು ಆರಂಭಿಕ ಹಂತದಲ್ಲಿಯೇ ನಿಗದಿಪಡಿಸಿಕೊಂಡು ಸಾಧನೆ ಮಾಡಬೇಕು’ ಎಂದು ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಹೇಳಿದ್ದಾರೆ. ಶಿರಸಿಯ ಅಂಬೇಡ್ಕರ್ ಸರ್ಕಾರಿ ವಸತಿ ನಿಲಯದ ವಿದ್ಯಾರ್ಥಿನಿಯರಿಗೆ ಅಗತ್ಯವಿರುವ ಬೆಡ್‌ಶೀಟ್ ವಿತರಿಸಿದ ಅವರು `ಉತ್ತಮ ಭವಿಷ್ಯ ರೂಪಿಸಿಕೊಳ್ಳಲು ಕಲಿಕೆ ಅನಿವಾರ್ಯ’ ಎಂದಿದ್ದಾರೆ. `ವಿದ್ಯಾರ್ಥಿನಿಯರು ಹಂತದಲ್ಲಿಯೇ ಮುಂದಿನ ಭವಿಷ್ಯದ ಗುರಿಯನ್ನು ನಿಗದಿಪಡಿಸಿಕೊಳ್ಳಬೇಕು. ಗುರಿ ಸಾಧನೆಗಾಗಿ ನಿರಂತರವಾಗಿ ಶ್ರಮಿಸಬೇಕು. ಸ್ಕೊಡ್‌ವೆಸ್ ಸಂಸ್ಥೆಯು ತನ್ನ ವಿವಿಧ ಅಭಿವೃದ್ಧಿ ಕಾರ್ಯಕ್ರಮಗಳ ಮೂಲಕ ವಿದ್ಯಾರ್ಥಿಗಳು ಹಾಗೂ ಮಹಿಳೆಯರ ಸಬಲೀಕರಣಕ್ಕಾಗಿ ಶಿಕ್ಷಣ, ಕೌಶಲ್ಯಾಭಿವೃದ್ಧಿ ಮತ್ತು ಜೀವನೋಪಾಯಕ್ಕೆ ಸಂಬoಧಿಸಿದ ಹಲವು ಯೋಜನೆಗಳನ್ನು ಯಶಸ್ವಿಯಾಗಿ ಅನುಷ್ಠಾನಗೊಳಿಸುತ್ತಿದ್ದು, ವಿದ್ಯಾರ್ಥಿನಿಯರು ಈ ಅವಕಾಶಗಳ ಸದುಪಯೋಗವನ್ನು ಬಳಸಿಕೊಳ್ಳಬೇಕು’ ಎಂದು ಕರೆ ನೀಡಿದರು. ಸಂಸ್ಥೆಯ ಕಾರ್ಯಕ್ರಮ ವಿಭಾಗದ ಮುಖ್ಯಸ್ಥ ನಾರಾಯಣ ಹೆಗಡೆ ಹಾಗೂ ಅಂಬೇಡ್ಕರ್ ಸರ್ಕಾರಿ ವಸತಿ ನಿಲಯದ ವಾರ್ಡ್ನ್ ರಾಜೇಶ್ವರಿ, ವಸತಿ ನಿಲಯದ ವಿದ್ಯಾರ್ಥಿನಿಯರು ಹಾಗೂ ಸಿಬ್ಬಂದಿ ಹಾಜರಿದ್ದರು. 200ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ಬೆಡ್‌ಶೀಟ್ ವಿತರಣೆ ನಡೆಯಿತು.
- [ಶಿರಸಿ-ಯಲ್ಲಾಪುರದಲ್ಲಿ ಭೂ ಕುಸಿತ: ಕಾಲೇಜಿಗೆ ನುಗ್ಗಿದ ಮಳೆ ನೀರು!](https://mobiletime.in/2026/07/landslide-in-sirsi-yellapur-rainwater-floods-college/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಧಾರಾಕಾರ ಮಳೆಯಾಗುತ್ತಿದೆ. ಮಳೆ ಪರಿಣಾಮ ಶಿರಸಿ ಹಾಗೂ ಯಲ್ಲಾಪುರದ ಅಲ್ಲಲ್ಲಿ ಭೂ ಕುಸಿತ ಉಂಟಾಗಿದೆ. ಯಲ್ಲಾಪುರದಿoದ ಕಳಚೆಗೆ ಹೋಗುವ ಮಾರ್ಗ ಮಧ್ಯೆ ಗುರುವಾರ ಬೆಳಗ್ಗೆ ಭೂ ಕುಸಿತ ಉಂಟಾಗಿತ್ತು. ತಳಕೆಬೈಲ್ ಬಳಿ ಭೂಮಿ ಕುಸಿದಿರುವುದನ್ನು ಅರಿತು ಅಧಿಕಾರಿಗಳು ಅಲ್ಲಿ ದೌಡಾಯಿಸಿದರು. ರಸ್ತೆಯ ಮೇಲೆ ಇಲ್ಲಿ ಮಣ್ಣು ಕುಸಿದಿರುವುದನ್ನು ಗಮನಿಸಿ ರಕ್ಷಣಾ ಕಾರ್ಯಾಚರಣೆ ನಡೆಸಿದರು. ಲೋಕೋಪಯೋಗಿ ಇಲಾಖೆ, ಗ್ರಾಮ ಪಂಚಾಯತ ಹಾಗೂ ಕಂದಾಯ ಇಲಾಖೆ ಅಧಿಕಾರಿಗಳು ಸಮನ್ವಯದಿಂದ ರಸ್ತೆ ಮೇಲೆ ಬಿದ್ದ ಮಣ್ಣು ತೆರವು ಮಾಡಿದರು. ಸದ್ಯ ವಾಹನ ಓಡಾಟಕ್ಕೆ ಸಮಸ್ಯೆ ಆಗದಂತೆ ನೋಡಿಕೊಳ್ಳಲಾಗಿದೆ. ಉಳಿದ ಮಣ್ಣನ್ನು ಬೇರೆಡೆ ಸ್ಥಳಾಂತರಿಸುವ ಕೆಲಸ ನಡೆಯುತ್ತಿದೆ. ಶಿರಸಿಯ ನೆಗ್ಗು ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿಯೂ ಈ ದಿನ ಭಾರೀ ಪ್ರಮಾಣದ ಮಳೆಯಾಗಿದೆ. ಪರಿಣಾಮ ಅಲ್ಲಿನ ತಟಗುಣಿ ಸೇತುವೆ ಬಳಿ ಭೂ ಕುಸಿತವಾಗಿದೆ. ಈ ಮಾರ್ಗದ ಸಂಚಾರ ಬಂದ್ ಆಗಿದ್ದು, ಸುಗಮ ವಾಹನ ಓಡಾಟಕ್ಕೆ ಸಮಸ್ಯೆ ಆಗದಂತೆ ರಕ್ಷಣಾ ಕಾರ್ಯಾಚರಣೆ ಶುರುವಾಗಿದೆ. ಯಲ್ಲಾಪುರ ಮುಂಡಗೋಡು ಮಾರ್ಗವಾಗಿ ಗುರುವಾರ ಮರ ಮುರಿದು ಬಿದ್ದಿತ್ತು. ಅದರಿಂದ ವಾಹನ ಸಂಚಾರ ಅಸ್ತವ್ಯಸ್ಥವಾಗಿದ್ದು, ಅಧಿಕಾರಿಗಳು ಅಲ್ಲಿಗೂ ಧಾವಿಸಿ ಮರ ತೆರವು ಮಾಡಿದ್ದಾರೆ. ಶಿರಸಿ-ಯಲ್ಲಾಪುರ ರಸ್ತೆಯ ಮಾರ್ಗವಾಗಿ ಜೋರು ಮಳೆಯಾಗುತ್ತಿದೆ. ಪರಿಣಾಮ ಮಂಚಿಕೇರಿಯ ಆಂಟೋನಿ ರೋಡಿಗ್ರಿಸ್ ಅವರ ಮನೆಯ ಗೋಡೆ ಕುಸಿದಿದೆ. ಮನೆಯಲ್ಲಿ ಅವರು ವಾಸವಾಗಿಲ್ಲದ ಕಾರಣ ಅಪಾಯದಿಂದ ಪಾರಾಗಿದ್ದಾರೆ. ಮಂಚಿಕೇರಿ ಪದವಿ ಪೂರ್ವ ಕಾಲೇಜಿನ ಒಳಗೆ ಮಳೆ ನೀರು ನುಗ್ಗಿದೆ. ಜೊತೆಗೆ ಸಮೀಪದ ಕ್ರೀಡಾಂಗಣದಲ್ಲಿ ಭೂ ಕುಸಿತವಾಗಿದ್ದು, ಅಲ್ಲಿ ಕಟ್ಟಲಾಗಿದ್ದ ಕಲ್ಲುಗಳು ಉರುಳಿ ಬಿದ್ದಿದೆ.
- [ಗೋಕರ್ಣ | ಸಾರ್ವಜನಿಕರ ಪೂಜೆ ಸ್ಥಗಿತ: ಗಣಪನ ದರ್ಶನಕ್ಕೆ ಮಾತ್ರ ಅವಕಾಶ!](https://mobiletime.in/2026/07/gokarna-public-worship-suspended-darshan-of-lord-ganesha-only/): ಗೋಕರ್ಣದ ಮಹಾಗಣಪತಿ ವಿಗ್ರಹದ ಸವಕಳಿ ಶುರುವಾಗಿದ್ದು, ಈ ದಿನದಿಂದಲೇ ದೇವರ ಮೂರ್ತಿ ಮುಟ್ಟುವುದನ್ನು ನಿಷೇಧಿಸಲಾಗಿದೆ. ಜೊತೆಗೆ ಸಾರ್ವಜನಿಕರ ಪೂಜಾ ಸೇವೆಗಳನ್ನು ಬಂದ್ ಮಾಡಲಾಗಿದೆ. ಬುಧವಾರ ಸಂಜೆ ದೇಗುಲದ ಆವಾರದಲ್ಲಿ ಹಿಂದೂ ಧಾರ್ಮಿಕ ದತ್ತಿ ಇಲಾಖೆಯ ಸಹಾಯಕ ಆಯುಕ್ತೆ ಸುಧಾ ತಳವಾರ ಅವರು ಸಭೆ ನಡೆಸಿದ್ದು, ಸಲಹೆ-ಸೂಚನೆಗಳನ್ನು ಆಲಿಸಿ ಈ ನಿರ್ಣಯ ಹೊರಡಿಸಲಾಗಿದೆ. ಶತ ಶತಮಾನಗಳ ಹಿಂದಿನ ಗಣಪತಿ ವಿಗ್ರಹ ಸವಕಳಿ ಬರುತ್ತಿರುವುದು ದಶಕದ ಹಿಂದೆ ಗಮನಕ್ಕೆ ಬಂದಿತ್ತು. ಈಚೆಗೆ ಈ ವಿಗ್ರಹದ ಕೈ, ಭುಜ, ಎದೆ ಭಾಗದಲ್ಲಿ ಮತ್ತಷ್ಟು ಸವಕಳಿಯಾಗಿರುವುದನ್ನು ಅಲ್ಲಿನವರು ಗಮನಿಸಿದ್ದರು. ಈ ಹಿನ್ನಲೆ ದೇವರ ವಿಗ್ರಹಕ್ಕೆ ಅಭಿಷೇಕ, ಪೂಜೆ ನಿಷೇಧಿಸುವುದರ ಬಗ್ಗೆ ಸುಧೀರ್ಘವಾಗಿ ಚರ್ಚಿಸಿದ್ದು, ಸರ್ವರು ಅದಕ್ಕೆ ಒಪ್ಪಿದ ಕಾರಣ ಸ್ಪರ್ಶ ದರ್ಶನ ಹಾಗೂ ಪೂಜಾ ಸೇವೆಗಳನ್ನು ಸ್ಥಗಿತ ಮಾಡಲಾಗಿದೆ. VIP ದರ್ಶನಕ್ಕೂ ಅವಕಾಶವಿಲ್ಲ! ಈ ನಿಷೇಧ ಜನ ಸಾಮಾನ್ಯರಿಂದ ಹಿಡಿದು ಗಣ್ಯರವರೆಗೆ ಎಲ್ಲರಿಗೂ ಅನ್ವಯವಾಗಲಿದೆ. ಸ್ಥಳೀಯರು ಸಹ ಹೊರಗಿನಿಂದ ಮಾತ್ರ ದೇವರ ದರ್ಶನಪಡೆಯಬೇಕಿದ್ದು, ಸಂಕಷ್ಟಿ-ಗಣೇಶ ಚತುರ್ಥಿ ಸಯದಲ್ಲೂ ಸಹ ಇದೇ ಕ್ರಮ ಮುಂದುವರಿಯಲಿದೆ. ಇಲ್ಲಿ ನಡೆಯುತ್ತಿದ್ದ ಕೊಟ್ಟೆ ಕಣಜ, ಸಕ್ಕರೆ ಕಣಜ ಸೇವೆಗಳನ್ನು ಸಹ ನಿಷೇಧಿಸಲಾಗಿದೆ. ಗಣ್ಯರಿಗೂ ಸಹ ಸ್ಪರ್ಶ ದರ್ಶನಕ್ಕೆ ಅವಕಾಶ ನೀಡುವುದಿಲ್ಲ. ಪುರಾತನ ಮೂರ್ತಿಯನ್ನು ಸಂರಕ್ಷಿಸುವ ಉದ್ದೇಶದಿಂದ ಕಟ್ಟು ನಿಟ್ಟಾಗಿ ಈ ಸೂಚನೆ ಪಾಲಿಸಲಾಗುತ್ತಿದೆ.
- [ಬನವಾಸಿ | ಹೋರಿ ಹಬ್ಬಕ್ಕೆ ಹೋದವನಿಗೆ ಮಾರಿ ಹಬ್ಬ!](https://mobiletime.in/2026/07/banavasi-a-man-who-went-for-the-bull-festival-met-with-disaster/): ದಾಸನಕೊಪ್ಪದಲ್ಲಿ ನಡೆದಿದ್ದ ಹೋರಿ ಹಬ್ಬದಲ್ಲಿ ಸ್ವಯಂ ಸೇವಕರಾಗಿ ಕೆಲಸ ಮಾಡಿದ್ದ ಗಣೇಶ ಮಡಿವಾಳ ಅವರು ಆ ದಿನ ಅಖಾಡಕ್ಕೆ ಇಳಿಯಲು ಬಿಡದ ಕಾರಣ ಈ ದಿನ ಅದೇ ಊರಿನ ಪ್ರವೀಣ ಮಾಳಕ್ಕನವರ್, ಆಕಾಶ ಬೋವಿವಡ್ಡರ್, ಚಂದನ ಗೌಡ, ಕಾರ್ತಿಕ ಮಾಳಕ್ಕನವರ್, ರಾಘವೇಂದ್ರ ಹಾಗೂ ಶಶಾಂಕ ಸೇರಿ ಹೊಡೆದಿದ್ದಾರೆ. ಕಬ್ಬಿಣದ ರಾಡಿನಿಂದ ಅವರು ಥಳಿಸಿದ್ದು, ಇದನ್ನು ನೋಡಿದ ರಾಮಾಪುರದ ಬಸವರಾಜ ಮಡಿವಾಳ, ಮಳಲಗಾಂವಿನ ಬಸವರಾಜ ಮಡಿವಾಳ ಸೇರಿ ಗಣೇಶ ಮಡಿವಾಳರ ಜೀವ ಉಳಿಸಿದ್ದಾರೆ. ಶಿರಸಿಯ ಬಿಸಲಕೊಪ್ಪದ ಬಳಿಯ ಮಳಲಗಾಂವಿನಲ್ಲಿ ಗಣೇಶ ಮಡಿವಾಳ ಅವರು ವಾಸವಾಗಿದ್ದಾರೆ. 2026ರ ಫೆಬ್ರವರಿ 16ರಂದು ಅವರ ಊರಿನಲ್ಲಿ ಅದ್ಧೂರಿ ಹೋರಿ ಹಬ್ಬ ನಡೆದಿದೆ. ಈ ಹೋರಿ ಹಬ್ಬದ ದಿನ ಗಣೇಶ ಮಡಿವಾಳ ಅವರು ಸ್ವಯಂ ಸೇವಕರಾಗಿ ಕೆಲಸ ಮಾಡಿದ್ದಾರೆ. ಅವರ ಜೊತೆ ಊರಿನ ಅನೇಕರು ಹಬ್ಬದ ಯಶಸ್ಸಿಗೆ ದುಡಿದಿದ್ದಾರೆ. ಹೀಗಿರುವಾಗ, ಆ ದಿನ ಹೋರಿ ಹಬ್ಬ ನೋಡಲು ದಾಸನಕೊಪ್ಪದ ಪ್ರವೀಣ ನಾಗರಾಜ ಮಾಳಕ್ಕನವರ್ ಅವರು ಬಂದಿದ್ದಾರೆ. ಅವರ ಜೊತೆ ಅದೇ ಊರಿನ ರಾಘವೇಂದ್ರ, ಆಕಾಶ ಸತೀಶ್ ಭೋವಿವಡ್ಡರ್ ಶಶಾಂಕ, ಚಂದನ ಗೌಡ, ಕಾರ್ತಿಕ ಮಾಳಕ್ಕನವರ್ ಸಹ ಆಗಮಿಸಿದ್ದಾರೆ. ಪ್ರವೀಣ ಮಾಳಕ್ಕನವರ್ ತಂಡದವರು ಹೋರಿ ಹಬ್ಬದ ಅಖಾಡಕ್ಕೆ ಹಾರುವ ಪ್ರಯತ್ನ ಮಾಡಿದ್ದು, ಅದನ್ನು ಗಣೇಶ ಮಡಿವಾಳ ಅವರು ತಡೆದಿದ್ದಾರೆ. ಇದರಿಂದ ಆ ತಂಡದ ಎಲ್ಲರೂ ಸಿಟ್ಟಾಗಿದ್ದಾರೆ. ಹೋರಿ ಹಬ್ಬದ ದಿನ ತಮಗೆ ಅಖಾಡಕ್ಕೆ ಇಳಿಯಲು ಬಿಡದ ಗಣೇಶ ಮಡಿವಾಳರ ವಿರುದ್ಧ ಸೇಡು ತೀರಿಸಿಕೊಳ್ಳಲು ಅವರೆಲ್ಲರೂ ಸಂಚು ರೂಪಿಸಿದ್ದಾರೆ. ಹೀಗಿರುವಾಗ, ಜುಲೈ 19ರಂದು ಗಣೇಶ ಮಡಿವಾಳ ಅವರು ಸಹೋದರ ಭರತ ಮಡಿವಾಳ ಅವರ ಜೊತೆ ದಾಸನಕೊಪ್ಪಕ್ಕೆ ಹೋಗಿದ್ದಾರೆ. ಅಲ್ಲಿ ಗೊಬ್ಬರ ಖರೀದಿ ಮಾಡಲು ನಿರ್ಧರಿಸಿದ ಗಣೇಶ ಮಡಿವಾಳ ಅವರನ್ನು ಪ್ರವೀಣ ಮಾಳಕ್ಕನವರ್ ಅವರು ನೋಡಿದ್ದಾರೆ. ಕೂಡಲೇ ತಮ್ಮ ದುಷ್ಟಕೂಟದ ಇನ್ನಿತರರನ್ನು ಅಲ್ಲಿಗೆ ಕರೆಯಿಸಿದ್ದಾರೆ. ಇಂಡಿಯನ್ ಓವರ್ಸಿಸ್ ಬ್ಯಾಂಕ್ ಎದುರು ಗಣೇಶ ಮಡಿವಾಳ ಹಾಗೂ ಭರತ ಮಡಿವಾಳ ಅವರು ಸಿಕ್ಕಿ ಬಿದ್ದಿದ್ದಾರೆ. ಆಗ ಪ್ರವೀಣ ಮಾಳಕ್ಕನವರ್, ಆಕಾಶ ಬೋವಿವಡ್ಡರ್, ಚಂದನ ಗೌಡ, ಕಾರ್ತಿಕ ಮಾಳಕ್ಕನವರ್, ರಾಘವೇಂದ್ರ ಹಾಗೂ ಶಶಾಂಕ ಸೇರಿ ಕಬ್ಬಿಣದ ರಾಡಿನಿಂದ ಅವರಿಬ್ಬರಿಗೂ ಹೊಡೆದಿದ್ದಾರೆ. ಕಾಲಿನಿಂದ ತುಳಿದು ನೋವು ಮಾಡಿದ್ದಾರೆ. ಆಗ, ಅಲ್ಲದ್ದ ರಾಮಾಪುರದ ಬಸವರಾಜ ಪರಶುರಾಮ ಮಡಿವಾಳ, ಮಳಲಗಾಂವಿನ ಬಸವರಾಜ ದ್ಯಾವಾ ಮಡಿವಾಳ ಅವರು ಈ ಹೊಡದಾಟ ಬಿಡಿಸಿದ್ದಾರೆ. ಭರತ ಮಡಿವಾಳ ಶಿರಸಿ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದು, ಸದ್ಯ ಚೇತರಿಸಿಕೊಂಡಿದ್ದಾರೆ. `ಸಹನೆಯಿಂದ ವರ್ತಿಸಿ. ಶಾಂತಿ ಕಾಪಾಡಿ’
- [ಹಳಿಯಾಳ | ಕೆರೆ ಬಳಿ ಹೋದ ಅಜ್ಜಿ ಕೊನೆಯುಸಿರು!](https://mobiletime.in/2026/07/haliyal-elderly-woman-breathes-her-last-after-going-near-the-lake/): ದೇವರಿಗೆ ಅರ್ಪಿಸಿದ ಹೂವನ್ನು ಕೆರೆಗೆ ಎಸೆಯಲು ಹೋಗಿದ್ದ ಜಾಯವ್ವ ಸುಳಗೇಕರ್ ಅವರು ಅದೇ ಕೆರೆಗೆ ಬಿದ್ದು ಕೊನೆಯುಸಿರೆಳೆದಿದ್ದಾರೆ. ಒಂದು ದಿನದ ನಂತರ ಅವರ ಶವ ಕೆರೆಯಿಂದ ಮೇಲೆ ಬಂದಿದ್ದು, ಮಗನ ಹೇಳಿಕೆ ಆಧರಿಸಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಹಳಿಯಾಳದ ಮುರ್ಕುವಾಡದಲ್ಲಿ ಜಾಯವ್ವ ಗಂಗರಾಜ ಸುಳಗೇಕರ್ ಅವರು ವಾಸವಾಗಿದ್ದರು. 96 ವರ್ಷದ ಅವರು ದೇವರ ಸೇವೆ ಮಾಡುತ್ತ ಬದುಕು ಕಟ್ಟಿಕೊಂಡಿದ್ದರು. ಆರೋಗ್ಯಕರವಾಗಿ ಸುದೀರ್ಘ ಜೀವನ ನಡೆಸಿದ ಅವರು ನಿತ್ಯ ದೇವರ ಪೂಜೆ ಮಾಡುವುದನ್ನು ರೂಢಿಸಿಕೊಂಡಿದ್ದರು. ದೇವರಿಗೆ ಸಲ್ಲಿಸಿದ ಹೂವುಗಳನ್ನು ಅವರು ಸಮೀಪದ ಕೆರೆಗೆ ಬಿಡುತ್ತಿದ್ದರು. ಜುಲೈ 21ರ ಬೆಳಗ್ಗೆ 10 ಗಂಟೆ ವೇಳೆಗೆ ದೇವರ ಪೂಜೆ ಮಾಡಿದ ಅವರು ಹಳೆಯ ಹೂವುಗಳನ್ನು ಕೆರೆಗೆ ಬಿಡಲು ಹೋಗಿದ್ದರು. ಆ ದಿನ ಅವರು ಕಾಣೆಯಾಗಿದ್ದು, ಎಲ್ಲಿ ಹುಡುಕಿದರೂ ಸಿಗಲಿಲ್ಲ. ಜುಲೈ 22ರಂದು ಬೆಳಗ್ಗೆ 7 ಗಂಟೆಗೆ ಅವರ ಶವ ಕೆರೆಯಲ್ಲಿ ಕಾಣಿಸಿತು. ಹೂವು ಎಸೆಯಲು ಹೋದಾಗ ಕಾಲು ಜಾರಿ ಕೆರೆಗೆ ಬಿದ್ದು ಅವರು ಸಾವನಪ್ಪಿರುವುದು ಖಚಿತವಾಯಿತು. ಮುರ್ಕುವಾಡದ ಮಾದೇವ ಗಂಗರಾಜ ಸುಳಗೇಕರ್ ಅವರು ತಾಯಿ ಸಾವಿನ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಅಂಕೋಲಾ | ಬಂದರು ವಿರುದ್ಧ ಬೀದಿಗಿಳಿದ ಜನ!](https://mobiletime.in/2026/07/ankola-people-take-to-the-streets-against-the-port/): ಅಂಕೋಲಾ ಕೇಣಿಯಲ್ಲಿ ಖಾಸಗಿ ಸಹಭಾಗಿತ್ವದಲ್ಲಿ ಬಂದರು ನಿರ್ಮಿಸಲು ಉದ್ದೇಶಿಸಿರುವ ಕ್ರಮವನ್ನು ಅಲ್ಲಿನ ಜನ ಖಂಡಿಸಿದ್ದು, ಬುಧವಾರ ಬೀದಿಗಿಳಿದು ಹೋರಾಟ ನಡೆಸಿದ್ದಾರೆ. ಈ ವಾಣಿಜ್ಯ ಬಂದರು ಯೋಜನೆಯನ್ನು ಶಾಶ್ವತವಾಗಿ ಕೈಬಿಡುವಂತೆ ಆಗ್ರಹಿಸಿ ಪಾದಯಾತ್ರೆಯನ್ನು ಮಾಡಿದ್ದಾರೆ. ಈ ದಿನ ನೂರಾರು ಜನ ಅಂಕೋಲಾದಿoದ ಕಾರವಾರದವರೆಗೆ ಮೆರವಣಿಗೆ ಮಾಡಿದ್ದಾರೆ. ಅಂಕೋಲಾದ ಮಹಾತ್ಮ ಗಾಂಧಿ ಪ್ರತಿಮೆಗೆ ಪುಷ್ಪನಮನ ಸಲ್ಲಿಸಿ ಹೊರಟ ಪ್ರತಿಭಟನಾಕಾರರು `ಅಂಕೋಲಾ ಉಳಿಸಿ’ ಎಂದು ಘೋಷಣೆ ಕೂಗಿದ್ದಾರೆ. `ಈ ಯೋಜನೆ ಅನುಷ್ಠಾನಗೊಂಡರೆ ಉತ್ತರ ಕನ್ನಡದ ಪರಿಸರ, ಮೀನುಗಾರಿಕೆ, ಕೃಷಿ ಜೊತೆ ಪ್ರವಾಸೋದ್ಯಮವೂ ಹಾಳಾಗಲಿದೆ. ಜೀವವೈವಿಧ್ಯತೆಗೆ ಚೇತರಿಸಿಕೊಳ್ಳಲಾಗದಷ್ಟು ಗಂಭೀರ ಹಾನಿಯಾಗಲಿದೆ’ ಎಂದು ಪ್ರತಿಭಟನಾಕಾರರು ಆತಂಕದ ಮಾತನಾಡಿದ್ದಾರೆ. `ಧರಣಿ, ಸತ್ಯಾಗ್ರಹ ಹಾಗೂ ಸಹಿ ಸಂಗ್ರಹ ಅಭಿಯಾನಗಳ ಮೂಲಕ ಹೋರಾಟ ಮಾಡಿದರೂ ಪ್ರಯೋಜನವಾಗಿಲ್ಲ. 10 ಸಾವಿರಕ್ಕೂ ಅಧಿಕ ಜನ ಯೋಜನೆ ವಿರುದ್ಧವಿದ್ದರೂ ಅದಕ್ಕೆ ಬೆಲೆ ಕೊಟ್ಟಿಲ್ಲ’ ಎಂದು ಆಕ್ರೋಶದ ಮಾತನಾಡಿದ್ದಾರೆ. `ಈ ಯೋಜನಾ ಪ್ರದೇಶದ ಸುತ್ತಮುತ್ತ ನಡೆಯುತ್ತಿರುವ ಭೂ ವ್ಯವಹಾರಗಳ ತನಿಖೆ ನಡೆಸಬೇಕು’ ಎಂದು ಆಗ್ರಹಿಸಿದ್ದಾರೆ.
- [ಶಿರಸಿ | ಅಮೃತ ಹೊಟೇಲ್ ಹಿಂದೆ ಅಂದರ್ ಬಾಹರ್!](https://mobiletime.in/2026/07/sirsi-andar-bahar-behind-amrutha-hotel/): ಶಿರಸಿ-ಕುಮಟಾ ರಸ್ತೆಯ ಕೊಳಗಿಬೀಸ್ ಬಳಿ ಮಹಾಬಲೇಶ್ವರ ಹೆಗಡೆ ಅವರು ಅಂದರ್ ಬಾಹರ್ ಆಟ ಆಯೋಜಿಸಿದ್ದು, ಅಲ್ಲಿ ಭಾಗವಹಿಸಿದ್ದ 9 ಜನ ಪೊಲೀಸರ ಅತಿಥಿಯಾಗಿದ್ದಾರೆ. ಶಿರಸಿ ಗ್ರಾಮೀಣ ಠಾಣೆ ಪಿಸೈ ಅಶೋಕ ರಾಥೋಡ್ ಅವರು ಆ ಎಲೆಮಾನವರ ಆಟವನ್ನು ಬಂದ್ ಮಾಡಿಸಿದ್ದಾರೆ. ಕೊಳಗಿಬೀಸಿನ ಮಹಾಬಲೇಶ್ವರ ಸತ್ಯನಾರಾಯಣ ಹೆಗಡೆ ಅವರು ಆ ಭಾಗದ ವ್ಯಾಪಾರಿಯಾಗಿದ್ದು, ಅವರೇ ಈ ಕ್ರೀಡಾಕೂಟ ಆಯೋಜಿಸಿದ್ದರು. ಹಣ ಹೂಡಿ ಆಡುವ ಅಕ್ರಮ ಆಟಕ್ಕೆ ಹನುಮಂತಿಯ ಮಲ್ಲಪ್ಪ ಚನ್ನಬಸಪ್ಪ ಗೌಡರ್ ಹಾಗೂ ಬಾಬುಶ್ ಸಾವೇರ್ ರೋಡಿಗ್ರಸ್ ಅವರು ವಿಶೇಷ ಅತಿಥಿಯಾಗಿದ್ದರು. ಅವರ ಜೊತೆ ಪ್ರಗತಿ ಪರ ರೈತರಾದ ಮತ್ತಿಗಾರಿನ ಸುಬ್ರಾಯ ರಾಮಚಂದ್ರ ಹೆಗಡೆ, ಬೊಪ್ಪನಳ್ಳಿಯ ಗಂಗಾಧರ ಸುಬ್ರಾಯ ಭಟ್ಟ, ಯಡಳ್ಳಿಯ ಮಂಜುನಾಥ ಗಣಪತಿ ಹೆಗಡೆ, ಶ್ರೀಧರ ಸೀತಾರಾಮ ಹೆಗಡೆ, ಅಮಿನಳ್ಳಿಯ ಗಜಾನನ ರಾಮಕೃಷ್ಣ ಹೆಗಡೆ ಹಾಗೂ ಸಿದ್ದಾಪುರ ಹೇರೂರು ಶಿರಗೋಡಿನ ಗಜಾನನ ಗೋವಿಂದ ಹೆಗಡೆ ಅವರು ಸಹ ಹಣಹೂಡಿದ್ದರು. ಈ ಎಲ್ಲರೂ ಸೇರಿ ಜುಲೈ 19ರಂದು ಅಮೃತ ಹೊಟೇಲ್ ಹಿಂದೆ 16090ರೂಪಾಯಿಗಳನ್ನು ಹರಡಿಕೊಂಡು ಇಸ್ಪಿಟ್ ಆಡುತ್ತಿದ್ದರು. ಇದನ್ನು ನೋಡಿದ ಮತ್ತೊಬ್ಬರು ಪೊಲೀಸರಿಗೆ ಫೋನ್ ಮಾಡಿದ್ದರು. ತಮ್ಮ ವ್ಯಾಪ್ತಿಯಲ್ಲಿ ಅಂದರ್ ಬಾಹರ್ ಆಟ ನಡೆಯುತ್ತಿರುವ ಬಗ್ಗೆ ಅರಿತ ಪಿಸೈ ಅಶೋಕ ರಾಥೋಡ್ ಅವರು ತಮ್ಮ ತಂಡದ ಜೊತೆ ಅಲ್ಲಿ ದಾಳಿ ಮಾಡಿದರು. ಅಲ್ಲಿದ್ದ 9 ಆಟಗಾರರನ್ನು ವಶಕ್ಕೆಪಡೆದು, ಹಣ ಹಾಗೂ ಇಸ್ಪಿಟ್ ಎಲೆಗಳನ್ನು ಜಪ್ತು ಮಾಡಿದರು. ಶಿರಸಿ ನ್ಯಾಯಾಲಯದ ಅನುಮತಿಪಡೆದು ಆ ಎಲ್ಲರ ವಿರುದ್ಧವೂ ಕೇಸು ದಾಖಲಿಸಿದರು. `ಜೂಜಾಟದಿಂದ ಜೀವನ ಹಾಳು’
- [ಯಲ್ಲಾಪುರ | ಬೈಕ್ ಓಡಿಸಿದ ಬಾಲಕ-ದಂಡ ಕಟ್ಟಿದ ಪಾಲಕ!](https://mobiletime.in/2026/07/yellapur-boy-rode-the-bike-parent-paid-the-fine/): ಮೋಜು-ಮಸ್ತಿಗಾಗಿ ಯಲ್ಲಾಪುರ ಪ್ರವಾಸ ಮಾಡಿದ ಬಾಲಕನೊಬ್ಬ ಬೈಕ್ ಓಡಿಸಿದ್ದು, ಆ ಬೈಕನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ನ್ಯಾಯಾಲಯ ಸೂಚಿಸಿದ 25 ಸಾವಿರ ರೂ ದಂಡ ಕಟ್ಟಿದ ನಂತರ ಆ ಬಾಲಕನ ಪಾಲಕ ಬೈಕ್ ಬಿಡಿಸಿಕೊಂಡಿದ್ದಾರೆ. ಹುಬ್ಬಳ್ಳಿಯ ಅರವಿಂದ ದತ್ತಾತ್ರೇಯ ಪವಾರ್ ಅವರು ಕಾರವಾರ ರಸ್ತೆ ಅಂಚಿನಲ್ಲಿ ಮನೆ ಮಾಡಿಕೊಂಡಿದ್ದಾರೆ. ಅವರ ಮಗ ಕಾಲೇಜು ಕಲಿಯುತ್ತಿದ್ದು, ತಂದೆಗೂ ಗೊತ್ತಿಲ್ಲದ ಹಾಗೇ ಬೈಕ್ ಓಡಿಸುತ್ತಾರೆ. ವಾರದ ಹಿಂದೆ ಆ ಬಾಲಕ ಅದೇ ಬೈಕು ಏರಿ ಯಲ್ಲಾಪುರಕ್ಕೆ ಬಂದಿದ್ದಾರೆ. ಸ್ನೇಹಿತರ ಜೊತೆ ಬಂದಿದ್ದ ಬಾಲಕನನ್ನು ಕೋಳಿಕೆರೆ ಬಳಿ ಪೊಲೀಸರು ತಡೆದಿದ್ದಾರೆ. ಈ ವೇಳೆ ಪಿಸೈ ಸಿದ್ದಪ್ಪ ಗುಡಿ ಅವರು ಬೈಕಿನ ದಾಖಲೆಗಳನ್ನು ಕೇಳಿದ್ದಾರೆ. ಜೊತೆಗೆ ಬೈಕ್ ಓಡಿಸುತ್ತಿದ್ದವನ ಲೈಸನ್ಸ್ ಪ್ರಶ್ನಿಸಿದ್ದಾರೆ. ಜೊತೆಗೆ ಆಧಾರ್ ಕಾರ್ಡ ನೋಡಿದ್ದಾರೆ. ಇನ್ನೂ 18 ವರ್ಷ ಆಗದ ಕಾರಣ ಬೈಕ್ ಓಡಿಸುವವನ ಬಳಿ ಲೈಸನ್ಸ್ ಇರದಿರುವುದು ಗೊತ್ತಾಗಿದೆ. ಪರವಾನಿಗೆ ಇಲ್ಲದೇ ಬೈಕ್ ಓಡಿಸಿದ ಕಾರಣ ಆ ಬೈಕನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಅದಾದ ನಂತರ ನಿಯಮಾನುಸಾರ ಬೈಕ್ ವಶಕ್ಕೆಪಡೆದ ಬಗ್ಗೆ ಪೊಲೀಸರು ಕೋರ್ಟಿಗೆ ಮಾಹಿತಿ ನೀಡಿದ್ದಾರೆ. ಈ ಕೇಸಿನ ವಿಚಾರಣೆ ನಡೆಸಿದ ನ್ಯಾಯಾಧೀಶೆ ಅನಿತಾಕುಮಾರಿ ಅವರು ಬೈಕ್ ಓಡಿಸಿದ ಬಾಲಕನ ಪಾಲಕರನ್ನು ಕೋರ್ಟಿಗೆ ಕರೆಯಿಸಿದ್ದಾರೆ. ಮಕ್ಕಳಿಗೆ ಬೈಕ್ ನೀಡದಂತೆ ಎಚ್ಚರಿಕೆ ನೀಡಿದ ನ್ಯಾಯಾಧೀಶರು ಮಾಡಿದ ತಪ್ಪಿಗೆ 25 ಸಾವಿರ ರೂ ದಂಡ ಪಾವತಿಸುವಂತೆ ಆದೇಶಿಸಿದ್ದಾರೆ. ಆ ದಂಡ ಪಾವತಿಸಿದ ನಂತರ ಅರವಿಂದ ಪವಾರ್ ಅವರು ಬೈಕನ್ನು ಮನೆಗೆ ಒಯ್ದಿದ್ದಾರೆ.  
- [ಜೊಯಿಡಾ | ಲಾರಿಗೆ ಗುದ್ದಿದ ಲಾರಿ](https://mobiletime.in/2026/07/joida-lorry-rams-into-another-lorry/): ಗೋವಾ – ಬೆಳಗಾವಿ ರಾಷ್ಟ್ರೀಯ ಹೆದ್ದಾರಿಯ ಅನಮೋಡ್ ಸಮೀಪದ ಕ್ಯಾಸಲ್‌ರಾಕ್ ತಿರುವಿನ ಬಳಿ ಲಾರಿಗೆ ಲಾರಿ ಗುದ್ದಿದೆ. ಈ ಮುಖಾಮುಖಿ ಡಿಕ್ಕಿಯಲ್ಲಿ ಎರಡು ಲಾರಿಗಳು ಹಾನಿಗೊಳಗಾಗಿವೆ. ಮಂಗಳವಾರ ಮಧ್ಯರಾತ್ರಿ 12 ಗಂಟೆ ವೇಳೆಗೆ ಈ ಅಪಘಾತ ನಡೆದಿದೆ. ಸರಕು ಸಾಗಾಣಿಕೆ ಮಾಡುತ್ತಿದ್ದ ಲಾರಿಗಳ ಡಿಕ್ಕಿಯಿಂದ ರಸ್ತೆ ಸಂಚಾರ ಅಸ್ತವ್ಯಸ್ಥವಾಗಿದ್ದು, ಅದನ್ನು ಸರಿಪಡಿಸಲು ಪೊಲೀಸರು ಹರಸಾಹಸ ಮಾಡಿದ್ದರೆ. ಅಪಘಾತದಲ್ಲಿ ಎರಡು ಲಾರಿ ಚಾಲಕರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಗೊಂಡ ಚಾಲಕರನ್ನು ಸ್ಥಳೀಯರು ಹಾಗೂ ರಕ್ಷಣಾ ಸಿಬ್ಬಂದಿ ಲಾರಿಯಿಂದ ಹೊರ ತೆಗೆದು ಆಸ್ಪತ್ರೆಗೆ ಕಳುಹಿಸಿದ್ದಾರೆ. ಸದ್ಯ ಚಾಲಕರಿಬ್ಬರು ಬೆಳಗಾವಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಅಪಘಾತದ ಹಿನ್ನೆಲೆಯಲ್ಲಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಕೆಲಕಾಲ ವಾಹನ ಸಂಚಾರ ಅಸ್ತವ್ಯಸ್ತಗೊಂಡಿತ್ತು. ಮಾಹಿತಿ ತಿಳಿಯುತ್ತಿದ್ದಂತೆಯೇ ರಾಮನಗರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಅಪಘಾತಕ್ಕೀಡಾದ ವಾಹನಗಳನ್ನು ತೆರವುಗೊಳಿಸಿ ಸಂಚಾರವನ್ನು ಪುನಃ ಸುಗಮಗೊಳಿಸಿದರು. ಈ ಅಪಘಾತದಲ್ಲಿ ತಪ್ಪು ಯಾರದ್ದು? ಎನ್ನುವುದರ ಬಗ್ಗೆ ತನಿಖೆ ನಡೆದಿದೆ.
- [ಗೋವಾದಲ್ಲಿ ಗಂಡನ ಕಾಟ: ಗೋಕರ್ಣದಲ್ಲಿ ಅತ್ತೆ ಪಿಕಲಾಟ!](https://mobiletime.in/2026/07/husbands-harassment-in-goa-mother-in-law-in-a-fix-in-gokarna/): `ನೀನೇ ಬೇಕು’ ಎಂದು ಎಂದು ಪ್ರೀತಿಸಿ ಮದುವೆಯಾದ ಶಶಾಂಕ ನಾಯ್ಕ ಅವರು ಅಶ್ವಿನಿ ನಾಯ್ಕ ಅವರನ್ನು ದೂರ ಮಾಡಿದ್ದು, ಸದ್ಯ ಅಶ್ವಿನಿ ಅವರ ಅತ್ತೆ ಭಾರತಿ ನಾಯ್ಕ ಅವರು ಸಹ ಸೊಸೆಗೆ ಹೊಡೆದು ಮನೆಯಿಂದ ಹೊರ ಹಾಕಿದ್ದಾರೆ. ಅನ್ಯಾಯಕ್ಕೆ ಒಳಗಾದ ಅಶ್ವಿನಿ ನಾಯ್ಕ ಅವರು ಕಠಿಣ ಕ್ರಮಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದು, ನ್ಯಾಯಕ್ಕಾಗಿ ಮಾಧ್ಯಮದವರಿಗೂ ಮನವಿ ಮಾಡಿದ್ದಾರೆ. ಬೆಂಗಳೂರಿನ ಜೆಪಿ ನಗರದ ಸಾಲಕ್ಕಿ ಸಿಂಗಲ್ ಪಿಜಿ ಬಳಿಯ ಸಾವಂತಿ ಅಪಾರ್ಟಮೆಂಟಿನಲ್ಲಿ ಅಶ್ವಿನಿ ನಾಯ್ಕ ಅವರು ವಾಸವಾಗಿದ್ದರು. ಉದ್ಯೋಗಕ್ಕಾಗಿ ಅವರು ಗೋಕರ್ಣಕ್ಕೆ ಬಂದಿದ್ದು, ಇಲ್ಲಿಯೇ ಅವರಿಗೆ ಹನೇಹಳ್ಳಿಯ ಶಶಾಂಕ ವಿನೋದ ನಾಯ್ಕ ಅವರು ಪರಿಚಯವಾದರು. 25 ವರ್ಷದ ಅಶ್ವಿನಿ ನಾಯ್ಕ ಅವರು 30 ವರ್ಷದ ಶಶಾಂಕ ಅವರನ್ನು ಪ್ರೀತಿಸಿದ್ದು, ಅವರಿಬ್ಬರು 2024ರಲ್ಲಿ ಮದುವೆಯನ್ನು ಆದರು. ಮದುವೆ ನಂತರ ಈ ದಂಪತಿ ಗೋವಾಗೆ ಹೋದರು. ಗೋವಾದ ಕೋಲ್ವಾಗೆ ಹೋಗಿ ಅಲ್ಲಿನ ಅಕ್ವಾಮೆರಿನೋ ಅಪಾರ್ಟಮೆಂಟಿನಲ್ಲಿ ಅವರಿಬ್ಬರು ಸಂಸಾರ ಶುರು ಮಾಡಿದರು. ಮದುವೆ ಆದ ಹೊಸತರಲ್ಲಿ ಎಲ್ಲವೂ ಸರಿಯಾಗಿಯೇ ಇತ್ತು. ಆದರೆ, ಕ್ರಮೇಣ ಅವರ ದಾಂಪತ್ಯದಲ್ಲಿ ಬಿರುಕು ಮೂಡಿತು. ಅಶ್ವಿನಿ ನಾಯ್ಕ ಅವರ ಬಳಿ ದುಡಿಮೆಯ ಹಣವಿತ್ತು. ಆ ಬಗ್ಗೆ ಅರಿತಿದ್ದ ಶಶಾಂಕ ನಾಯ್ಕ ಅವರು `ತಂಗಿ ಮದುವೆಗಾಗಿ 2 ಕೋಟಿ ಕೊಡು’ ಎಂದು ಕೇಳಿದ್ದರು. ಆದರೆ, ಅಶ್ವಿನಿ ನಾಯ್ಕ ಅವರಿಗೆ ಹಣ ಕೊಡುವ ಮನಸ್ಸಿರಲಿಲ್ಲ. ಹೀಗಾಗಿ ಹಣ ಕೊಡಲು ನಿರಾಕರಿಸಿದ್ದರು. ಈ ವೇಳೆ ಅಶ್ವಿನಿ ನಾಯ್ಕ ಅವರ ಬಳಿಯಿದ್ದ ಒಡವೆಯನ್ನು ಬ್ಯಾಂಕಿನಲ್ಲಿ ಭದ್ರವಾಗಿರಿಸುವುದಾಗಿ ನಂಬಿಸಿದ ಶಶಾಂಕ ನಾಯ್ಕ ಅವರು ಆ ಚಿನ್ನದ ಒಡವೆಪಡೆದು ಅದನ್ನು ದುರುಪಯೋಗ ಮಾಡಿದ್ದರು. ಇದೇ ವಿಷಯವಾಗಿ ಅವರಿಬ್ಬರ ನಡುವೆ ವೈಮನಸ್ಸು ಮೂಡಿದ್ದು, ಅಶ್ವಿನಿ ನಾಯ್ಕ ಅವರು ಮಾತನಾಡಿದಾಗಲೆಲ್ಲ ಶಶಾಂಕ ನಾಯ್ಕ ಅವರು ಹೊಡೆಯುವುದು-ಬಡಿಯುವುದು ಶುರು ಮಾಡಿದರು. ಈ ಬಗ್ಗೆ 2026ರ ಜುಲೈ 5ರಂದು ಅಶ್ವಿನಿ ನಾಯ್ಕ ಅವರು ಕೋಲ್ವಾ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದರು. ತಮಗಾದ ಅನ್ಯಾಯಕ್ಕೆ ನ್ಯಾ ಕೊಡಿಸಿ ಎಂದು ಮನವಿ ಮಾಡಿದರು. ಇದರಿಂದ ಸಿಟ್ಟಾದ ಶಶಾಂಕ ನಾಯ್ಕ ಅವರು ಮನೆಯಲ್ಲಿದ್ದ ಗ್ಯಾಸ್ ಸಿಲೆಂಡರ್ ಸೋರಿಕೆ ಮಾಡಿ ಅಶ್ವಿನಿ ನಾಯ್ಕ ಅವರನ್ನು ಕೊಲ್ಲುವ ಪ್ರಯತ್ನ ನಡೆಸಿದರು. ಸಾವಿನ ದವಡೆಯಿಂದ ಪಾರಾದ ಅಶ್ವಿನಿ ನಾಯ್ಕ ಅವರು ಅಲ್ಲಿಂದ ತಪ್ಪಿಸಿಕೊಂಡು ಮತ್ತೆ ಗೋಕರ್ಣಕ್ಕೆ ಬಂದರು. ಸೊಸೆ ಮನೆಗೆ ಬಂದಿರುವುದನ್ನು ನೋಡಿದ ಭಾರತಿ ವಿನೋದ ನಾಯ್ಕ ಅವರು ಅಶ್ವಿನಿ ನಾಯ್ಕ ಅವರನ್ನು ಮನೆಯಿಂದ ಹೊರದಬ್ಬಿದರು. ಗೋವಾದ ಎನ್‌ಜಿಓವೊಂದರ ತಾರಾ ಕೇರ್ಕರ್ ಹಾಗೂ ಮತ್ತೊಬ್ಬ ಮಹಿಳೆಯನ್ನು ಕರೆದು ದಬ್ಬಾಳಿಕೆ ನಡೆಸಿದರು. ಗೋವಾದಲ್ಲಿ ಗಂಡನ ಕಾಟ ಹಾಗೂ ಗೋಕರ್ಣದಲ್ಲಿ ಅತ್ತೆಯ ಪಿಕಲಾಟ ನೋಡಿದ ಅಶ್ವಿನಿ ನಾಯ್ಕ ಅವರು ನೆರವು ಕೋರಿ ಮಾಧ್ಯಮದ ಮುಂದೆ ಬಂದರು. ಗೋಕರ್ಣದಲ್ಲಿಯೂ ಪೊಲೀಸ್ ದೂರು ದಾಖಲಿಸಿದ ಅವರು ತಮಗಾದ ಅನ್ಯಾಯದ ವಿಡಿಯೋವೊಂದನ್ನು ಮಾಡಿ ಹರಿಬಿಟ್ಟರು. `ನನ್ನ ಚಿನ್ನ ನನಗೆ ಒಪ್ಪಿಸಿ’ ಎಂದವರು ಕೇಳಿಕೊಂಡಿದ್ದು, ಪ್ರಕರಣದ ಸಮಗ್ರ ತನಿಖೆಗೆ ಒತ್ತಾಯಿಸಿದರು.
- [ಯಲ್ಲಾಪುರ | ಹಿತ್ಲಳ್ಳಿಯಲ್ಲಿ SIR ಅರಿವು ಕಾರ್ಯಾಗಾರ](https://mobiletime.in/2026/07/yellapur-sir-awareness-workshop-at-hitlalli/): ಯಲ್ಲಾಪುರದ ಹಿತ್ಲಳ್ಳಿಯಲ್ಲಿ ಸಮಗ್ರ ಮತದಾರ ಪಟ್ಟಿ ಪರಿಷ್ಕರಣೆಯ ಕುರಿತು ಜಾಗೃತಿ ಮೂಡಿಸಲು ನಾನಾ ಬಗೆಯ ಪ್ರಯತ್ನಗಳನ್ನು ನಡೆಸಲಾಗಿದೆ. ಗಿಡ ನಾಟಿ, ಮಕ್ಕಳಿಗೆ ಸ್ಪರ್ಧೆ, ಶ್ರಮದಾನ ಹಾಗೂ ಚಿತ್ರಕಲೆಯ ಮೂಲಕ ಮತದಾರರ ಪಟ್ಟಿ ಪರಿಷ್ಕರಣೆಯ ಮಹತ್ವವನ್ನು ಪ್ರಚಾರ ಮಾಡಲಾಗಿದೆ. ಹಿತ್ಲಳ್ಳಿ ಗ್ರಾಮ ಪಂಚಾಯತದಿAದ ವಿವಿಧ ಕಡೆ ಭೇಟಿ ನೀಡಿ ಈ ಬಗ್ಗೆ ಅರಿವು ಮೂಡಿಸಲಾಗುತ್ತಿದೆ. ಗ್ರಾಮ ಪಂಚಾಯತನ ಆಡಳಿತಾಧಿಕಾರಿಯೂ ಆಗಿರುವ ಕ್ಷೇತ್ರ ಶಿಕ್ಷಣಾಧಿಕಾರಿ ರೇಖಾ ನಾಯ್ಕ ಅವರು ಜಾಥಾವನ್ನು ಆಯೋಜಿಸಿದ್ದಾರೆ. ಪ್ರಮುಖ ಬೀದಿಗಳಲ್ಲಿ ಸಂಚರಿಸಿದ ಈ ಜಾಥಾ ಮತದಾನ ಹಾಗೂ ಜವಾಬ್ದಾರಿಯುತ ಜನಪ್ರತಿನಿಧಿ ಆಯ್ಕೆಯ ಬಗ್ಗೆ ಜಾಗೃತಿ ಮೂಡಿಸಿದೆ. ಹಿತ್ಲಳ್ಳಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಶಾಲೆಗಳಲ್ಲಿ ಚಿತ್ರಕಲಾ ಸ್ಪರ್ಧೆ ನಡೆಸಲಾಗಿದೆ. ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆ ಕುರಿತಾಗಿಯೇ ಈ ಸ್ಪರ್ಧೆ ನಡೆದಿದ್ದು, ಮಕ್ಕಳು ಉತ್ಸಾಹದಿಂದ ಭಾಗವಹಿಸಿದ್ದಾರೆ. ಅದಾದ ನಂತರ ನಡೆದ ಸ್ವಚ್ಚತಾ ಕಾರ್ಯಕ್ರಮ ಹಾಗೂ ಗಿಡ ನಾಟಿ, ಶ್ರಮದಾನದಲ್ಲಿಯೂ ಊರಿನವರು ಭಾಗವಹಿಸಿದ್ದಾರೆ. ಗ್ರಾ ಪಂ ಪಿಡಿಓ ನಾರಾಯಣ ಗೌಡ ಹಾಗೂ ಕಾರ್ಯದರ್ಶಿ ಸದ್ದಾಂ ಬಾಪುನವರ ಸೇರಿ ಈ ಎಲ್ಲಾ ಕಾರ್ಯಕ್ರಮ ಆಯೋಜಿಸಿದ್ದು, ಗ್ರಾ ಪಂ ಸಿಬ್ಬಂದಿ ಜೊತೆ ಶಾಲೆಯವರು ಕೈ ಜೋಡಿಸಿದ್ದಾರೆ.
- [ಕಾರವಾರ | ಈ ಕಳ್ಳ 300 ಕೋಟಿಯ ಒಡೆಯ!](https://mobiletime.in/2026/07/karwar-this-thief-is-worth-%e2%82%b9300-crore/): ಕಾರವಾರದ ಅಬಕಾರಿ ಇಲಾಖೆ ಅಂಚಿನಲ್ಲಿ ನಾಲ್ಕು ಪ್ಲಾಟ್ ಹೊಂದಿದ್ದ ಸುಲೇಮಾನ್ ಖಾನ್ ಅವರು ನಕಲಿ ದಾಖಲೆ ಸೃಷ್ಠಿಸಿ ಹಣ ವರ್ಗಾವಣೆ ಮಾಡಿದ ಆರೋಪಿಯಾಗಿದ್ದು, ಗೋವಾ ಜಾರಿ ನಿರ್ದೇಶನಾಲಯ ಆರೋಪಿಯನ್ನು ಬಂಧಿಸಿದೆ. ತನಿಖೆಯ ವೇಳೆ ಆ ಆರೋಪಿ ಹೆಸರು ಸುಲೇಮಾನ್ ಅಲ್ಲ, ಸಿದ್ಧಿಕ್ ಖಾನ್ ಎಂದು ಗೊತ್ತಾಗಿದೆ. ಈ ಸಿದ್ಧಿಕ್ ಖಾನ್ ಅವರು ಕಾರವಾರದಲ್ಲಿ ಐದು ವರ್ಷ ನೆಲೆಸಿದ್ದರು. ಅಬಕಾರಿ ಇಲಾಖೆ ಎದುರು ನಾಲ್ಕು ಪ್ಲಾಟ್ ಖರೀದಿಸಿದ್ದರು. ಶಿವಮೊಗ್ಗದವ ಎಂದು ಪರಿಚಿಯಸಿಕೊಂಡು ಅನೇಕರ ಸ್ನೇಹ ಬೆಳೆಸಿದ್ದರು. ನಂತರ ತಮ್ಮ ಕುಟುಂಬವನ್ನು ಕಾರವಾರಕ್ಕೆ ಕರೆತಂದು ಇಲ್ಲಿಯೇ ಸಂಸಾರ ಹೂಡಿದ್ದರು. ತಾವು ಮಾತ್ರ ಗೋವಾ ಜೊತೆ ನಂಟು ಹೊಂದಿದ್ದು, ಅಲ್ಲಿ ಸುಮಾರು 300 ಕೋಟಿ ರೂ ಬೆಲೆ ಬಾಳುವ 25 ಹೆಕ್ಟೇರ್ ಭೂಮಿಯನ್ನು ಖರೀದಿಸಿದ್ದರು. ಈ ಭೂಮಿ ಖರೀದಿಗೆ ಸಹ ನಕಲಿ ದಾಖಲೆ ಸೃಷ್ಠಿ ಮಾಡಿದ್ದು, ಸದ್ಯ ಅವರು ಜೈಲು ಸೇರಿದ್ದಾರೆ. ಸಿದ್ದಿಕ್ ಖಾನ್ ಹಾಗೂ ಅವರ ತಂಡ ಸಾವನಪ್ಪಿದವರ ಹೆಸರಿನಲ್ಲಿ ನಕಲಿ ದಾಖಲೆ ಸೃಷ್ಠಿಸುತ್ತಿದ್ದು, ಪೂರ್ವಜರ ದಾಖಲೆಗಳನ್ನು ತಿದ್ದುಪಡಿ ಮಾಡುವಲ್ಲಿ ಪರಿಣಿತರಾಗಿದ್ದರು. ಹಿಂದಿನ ದಿನಾಂಕದ ಕ್ರಯಪತ್ರಗಳು ಹಾಗೂ ಮಾಲೀಕತ್ವದ ದಾಖಲೆಗಳನ್ನು ಸೃಷ್ಟಿಸಿ ಭೂಮಿಯನ್ನು ಕಬಳಿಸುತ್ತಿದ್ದರು. 2024ರಲ್ಲಿ ಸಿದ್ದಿಕ್ ಖಾನ್ ಅವರನ್ನು ಗೋವಾ ಎಸ್‌ಐಟಿ ತಂಡ ಇದೇ ವಿಷಯವಾಗಿ ಬಂಧಿಸಿದ್ದು, ಆಗ ಅವರು ಪೊಲೀಸರಿಂದ ತಪ್ಪಿಸಿಕೊಂಡು ಪರಾರಿಯಾಗಿದ್ದರು. ಸ್ನೇಹಿತನ ಸಹಾಯದಿಂದ ಹುಬ್ಬಳ್ಳಿಗೆ ಹೋಗಿ, ಅಲ್ಲಿಂದ ಕೇರಳಕ್ಕೆ ಹೋಗಿದ್ದ ಆರೋಪಿಯನ್ನು ಮತ್ತೆ ಬಂಧಿಸಲಾಗಿತ್ತು. ಈ ವೇಳೆ ಗೋವಾ ಎಸ್‌ಐಟಿ ತಂಡವು ಕಾರವಾರದಲ್ಲಿರುವ ಸಿದ್ದಿಕ್ ಖಾನ್ ಅವರ 4 ಫ್ಲಾಟ್‌ಗಳನ್ನು ವಶಕ್ಕೆಪಡೆದು, ನೋಟಿಸ್ ಜಾರಿ ಮಾಡಿತ್ತು. ಸದ್ಯ ಗೋವಾ ಎಸ್‌ಐಟಿ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದು, ಆರೋಪಿಯನ್ನು ಮತ್ತೊಮ್ಮೆ ಬಂಧಿಸಿದೆ.
- [ಮುರುಡೇಶ್ವರ | ಡಕಾಯಿತನ ಹಿಡಿಯಲು 24 ತಾಸು ಸಾಕು!](https://mobiletime.in/2026/07/murudeshwar-24-hours-are-enough-to-catch-the-dacoit/): ಭಟ್ಕಳ ಕಟಗಾರಕೊಪ್ಪ ಹಲ್ಲಂದಿಯ ನಾಗರಾಜ ಗೊಂಡ ಅವರು ಶೋ ರೂಂ ಒಂದರಲ್ಲಿ ಕೆಲಸ ಮಾಡುತ್ತಿದ್ದು, ಅಲ್ಲಿನ ಆದಾಯ ಸಾಲದ ಕಾರಣ ಕಳ್ಳತನದ ಹಾದಿ ಹಿಡಿದಿದ್ದಾರೆ. ಕಿರಾಣಿ ವ್ಯಾಪಾರಿ ಮಾದೇವ ನಾಯ್ಕ ಅವರ ಚಿನ್ನದ ಸರ ಎಗರಿಸಿ ಪರಾರಿಯಾಗಿದ್ದ ಅವರನ್ನು ಪೊಲೀಸರು ಬಂಧಿಸಿ, ಜೈಲಿಗೆ ಹಾಕಿದ್ದಾರೆ. ಜುಲೈ 20ರ ರಾತ್ರಿ ಭಟ್ಕಳದ ಮುರುಡೇಶ್ವರ ಬೈಲೂರು ದೊಡ್ಡ ಬೆಳಸೆಯಲ್ಲಿ ಮಾದೇವ ನಾರಾಯಣ ನಾಯ್ಕ ಅವರು ಕಿರಾಣಿ ಅಂಗಡಿಗೆ ಬೀಗ ಹಾಕಿ ಮನೆಗೆ ಹೋಗುತ್ತಿದ್ದರು. ಆಗ, ಅಪರಿಚಿತರಿಬ್ಬರು ಅವರನ್ನು ಅಡ್ಡಹಾಕಿ `ಬೆಲಸೆ ಭಟ್ಟರ ಮನೆಗೆ ಹೋಗುವ ದಾರಿ ಹೇಗೆ?’ ಎಂದು ಕೇಳಿದ್ದರು. ಅವರಿಗೆ ಸಹಾಯ ಮಾಡಲು ಮುಂದಾದ ಮಾದೇವ ನಾಯ್ಕ ಅವರ ಕೊರಳಿಗೆ ಕೈ ಹಾಕಿ ಅವರು ಪರಾರಿಯಾಗಿದ್ದರು. ಪ್ರಕರಣ ದಾಖಲಿಸಿಕೊಂಡ ಮುರುಡೇಶ್ವರ ಪೊಲೀಸರು ಆ ದಡಾಯಿತರಲ್ಲಿ ಒಬ್ಬರನ್ನು ಹಿಡಿದಿದ್ದಾರೆ. ಭಟ್ಕಳ ಕಟಗಾರಕೊಪ್ಪ ಹಲ್ಲಂದಿಯ ನಾಗರಾಜ ಗಣಪತಿ ಗೊಂಡ ಅವರೇ ಚಿನ್ನದ ಸರ ಎಗರಿಸಿದವರಾಗಿದ್ದಾರೆ. ಈ ಡಕಾಯಿತರನ್ನು ಹಿಡಿಯಲು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಒಂದು ತಂಡ ರಚಿಸಿದ್ದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ ಹಾಗೂ ಡಿವೈಎಸ್ಪಿ ಗಿರೀಶ್ ಬಿ ಅವರು ಆ ತಂಡಕ್ಕೆ ಸಲಹೆ-ಸೂಚನೆ ನೀಡಿದ್ದರು. ಮುರುಡೇಶ್ವರ ಪಿಐ ಜಗದೀಶ ಹಂಚನಾಳ ಆ ತಂಡದ ಮುಂದಾಳತ್ವವಹಿಸಿದ್ದು, ಪಿಸೈ ಹನುಮಂತ ಬೀರಾದರ್ ಅವರು ಪೊಲೀಸ್ ಸಿಬ್ಬಂದಿ ಸುಬ್ರಹ್ಮಣ್ಯ ನಾಯ್ಕ, ಅರುಣ ಪಿಂಟೋ, ಮಂಜುನಾಥ ಲಕ್ಮಾಪುರ, ಬಿಲಾಲಹ್ಮದ್ ಸಿದ್ದಾಪುರ, ವಿಜಯ ನಾಯ್ಕ, ಮಹೇಶ ಸನಮಳ್ಳಿ, ಸಿದ್ದಪ್ಪ ಕಾಂಬ್ಳೆ, ಸದಾಶಿವ ಕಟ್ಟಿಮನಿ ಅವರ ನೆರವಿನಲ್ಲಿ ಶೋಧ ಶುರು ಮಾಡಿದರು. ಆಗ, ಕಟಗಾರಕೊಪ್ಪ ಹಲ್ಲಂದಿಯ ನಾಗರಾಜ ಗೊಂಡ ಅವರು ಸಿಕ್ಕಿ ಬಿದ್ದಿದ್ದು, ಅವರನ್ನು ವಶಕ್ಕೆಪಡೆದರು. ಮಾದೇವ ನಾಯ್ಕ ಅವರು ಕಳೆದುಕೊಂಡಿದ್ದ ಚಿನ್ನದ ಸರವನ್ನು ವಶಕ್ಕೆಪಡೆದರು. ನಾಗರಾಜ ಗೊಂಡ ಅವರಿಗೆ ಸಹಾಯ ಮಾಡಿದ್ದ ಮತ್ತೊಬ್ಬನ ಶೋಧ ಮುಂದುವರೆದಿದ್ದು, ಪೊಲೀಸರು ಆ ಡಕಾಯಿತನನ್ನು ಬಂಧಿಸುವ ವಿಶ್ವಾಸವ್ಯಕ್ತಪಡಿಸಿದ್ದಾರೆ.
- [ಶಿರಸಿ | ಸ್ಕೋಡ್‌ವೆಸ್ ಸಾಧಕನಿಗೆ ಸನ್ಮಾನ](https://mobiletime.in/2026/07/sirsi-felicitation-for-scodves-achiever/): `ವಿನೂತನ ಮಾದರಿಯ ಮಳೆ ನೀರು ಕೊಯ್ಲು ಘಟಕ ಅಳವಡಿಸಿದ್ದಕ್ಕಾಗಿ ತುಮಕೂರು ವಿಶ್ವವಿದ್ಯಾಲಯದ ಪರೀಕ್ಷಾಂಗ ಕುಲಸಚಿವ ಮೋಹನ್ ಚಂದ್ರಗುತ್ತಿ ಅವರು ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರಿಗೆ ಸನ್ಮಾನಿಸಿದ್ದಾರೆ. ತುಮಕೂರು ವಿಶ್ವವಿದ್ಯಾಲಯದ ಜ್ಞಾನಸಿರಿ ಆವರಣದ ನೂತನ ಕಟ್ಟಡಗಳ 50 ಸಾವಿರ ಚದರ ಅಡಿ ಮೇಲ್ಛಾವಣಿಗೆ ಪ್ರತಿಷ್ಠಿತ ಗೋಕಲ್ ದಾಸ್ ಎಕ್ಸ್ಪೋರ್ಟ್ಸ ಫೌಂಡೇಶನ್ ಅವರ ಸಿಎಸ್‌ಆರ್ ಕಾರ್ಯಕ್ರಮದ ಅಡಿ ಮಳೆ ನೀರು ಕೊಯ್ಲು ಘಟಕ ಅಳವಡಿಸಲಾಗಿದೆ. ಇಲ್ಲಿ ಕೊಳವೆ ಹಾಗೂ ತೆರೆದ ಬಾವಿಗಳ ಜಲ ಮರುಪೂರಣ ಘಟಕಗಳನ್ನು ವೈಜ್ಞಾನಿಕವಾಗಿ ನಿರ್ಮಿಸಲಾಗಿದೆ. ಆ ಮೂಲಕ ನೀರಿನ ಕೊರತೆಯನ್ನು ನೀಗಿಸುವಲ್ಲಿ ಸ್ಕೋಡ್‌ವೆಸ್ ಉತ್ತಮ ಸೇವೆ ನೀಡಿದೆ. ಇದನ್ನು ಅಭ್ಯಯಿಸಿದ ತುಮಕೂರು ವಿಶ್ವವಿದ್ಯಾಲಯದ ಪರೀಕ್ಷಾಂಗ ಕುಲಸಚಿವ ಮೋಹನ್ ಚಂದ್ರಗುತ್ತಿ ಅವರು ವೆಂಕಟೇಶ ನಾಯ್ಕ ಇವರಿಗೆ ಸನ್ಮಾನಿಸಿದ್ದಾರೆ. ಗೋಕಲ್ ದಾಸ್ ಎಕ್ಸ್ಪೋರ್ಟ್ಸ ಫೌಂಡೇಶನ್‌ನ ಸಿಎಸ್‌ಆರ್‌ಒ ಅಮಿತ್ ಶರ್ಮಾ, ಉಪಾಧ್ಯಕ್ಷ ಅಖಿಲ್ ಪಾಶಾ, ಸಿಎಸ್‌ಆರ್ ವಿಭಾಗದ ಜನರಲ್ ಮ್ಯಾನೆಜರ್ ಮಹಾಂತೇಶ್ ಬಂಗಾರಿ, ಎಚ್ ಆರ್ ವಿಭಾಗದ ಎವಿಪಿ ಗಿರೀಶ್ ಬಿ ಆರ್, ಸಿಎಸ್‌ಆರ್ ಎಚ್ ಆರ್ ವಿಭಾಗದ ಮ್ಯಾನೆಜರ್ ರಾಜೇಂದ್ರ ಪ್ರಸಾದ್, ಎಚ್ ಆರ್ ಮೆನೇಜರ್ ಲಕ್ಷಿನಾರಾಯಣ, ಎಚ್ ಆರ್ ಸತ್ಯಾ, ಜನರಲ್ ಮ್ಯಾನೇಜರ್ ಪ್ರಕಾಶ್, ತುಮಕೂರು ವಿಶ್ವ ವಿದ್ಯಾಲಯದ ಆರ್ಟ್ಸ ವಿಭಾಗದ ಡೀನ್ ಪರಶುರಾಮ್ ಕೆ ವಿ ಸೈನ್ಸ ವಿಭಾಗದ ಡೀನ್ ನಾಗಭೂಷಣ, ನಿರ್ದೇಶಕ ಸುರೇಶ, ಹಿರಿಯ ಪ್ರಾಧ್ಯಾಪಕ ಕೇಶವ, ಸ್ಕೊಡ್‌ವೆಸ್‌ನ ಕಾರ್ಯಕ್ರಮ ವಿಭಾಗದ ಮುಖ್ಯಸ್ಥ ನಾರಾಯಣ ಹೆಗಡೆ ಅವರು ಈ ಸನ್ಮಾನಕ್ಕೆ ಸಾಕ್ಷಿಯಾಗಿದ್ದಾರೆ.  
- [ಯಲ್ಲಾಪುರ | ಕೈ ಕೊಟ್ಟ ವಿದ್ಯುತ್: ಒಂದೇ ದಿನದಲ್ಲಿ ಟೀಸಿ ಮಂಜೂರಿ!](https://mobiletime.in/2026/07/yellapur-power-outage-transformer-sanctioned-in-a-single-day/): ತಟಗಾರ ಬಳಿಯ ಶೀಗೇಪಾಲ್ ಗ್ರಾಮಕ್ಕೆ ಮೂರು ದಿನಗಳಿಂದ ವಿದ್ಯುತ್ ಸಮಸ್ಯೆ ಉಂಟಾಗಿದ್ದು, ಈ ಬಗ್ಗೆ ದೂರು ಸ್ವೀಕರಿಸಿದ ಹೆಸ್ಕಾಂ ಶಾಖಾಧಿಕಾರಿ ರಮಾಕಾಂತ ನಾಯ್ಕ ಅವರು ಒಂದೇ ದಿನದಲ್ಲಿ ಹೊಸ ವಿದ್ಯುತ್ ಟ್ರಾನ್ಸಫರ್ಮರ್’ನ್ನು ಮಂಜೂರಿ ಮಾಡಿಸಿದ್ದಾರೆ. ಜೋರು ಮಳೆ, ವಾಹನ ಸಮಸ್ಯೆ, ಆನ್‌ಲೈನ್ ಪ್ರಕ್ರಿಯೆಯ ಸವಾಲುಗಳನ್ನು ಎದುರಿಸಿ ಮರುದಿನವೇ ಆ ಊರಿಗೆ ವಿದ್ಯುತ್ ಪೂರೈಕೆ ಮಾಡಿದ್ದಾರೆ. ಯಲ್ಲಾಪುರದಿಂದ ಅನತಿ ದೂರದಲ್ಲಿರುವ ಶೀಗೇಪಾಲ್ ಗ್ರಾಮದಲ್ಲಿ ವಿದ್ಯುತ್ ಕಡಿತವಾಗಿತ್ತು. ಹೆಸ್ಕಾಂ ಸಿಬ್ಬಂದಿ ಆಗಮಿಸಿ ಪರಿಶೀಲಿಸಿದಾಗ ವಿದ್ಯುತ್ ಟ್ರಾನ್ಸಫರ್ಮರ್ ಸುಟ್ಟು ಹೋಗಿರುವುದು ಗಮನಕ್ಕೆ ಬಂದಿತ್ತು. ಹೀಗಾಗಿ ಮೂರು ದಿನಗಳಿಂದ ಆ ಭಾಗಕ್ಕೆ ವಿದ್ಯುತ್ ಪೂರೈಕೆ ಆಗುತ್ತಿರಲಿಲ್ಲ. ಶಾಲಾ ಮಕ್ಕಳು ಸೇರಿದಂತೆ ಆ ಭಾಗದ ಜನ ಸಮಸ್ಯೆ ಅನುಭವಿಸುತ್ತಿದ್ದರು. ಈ ವಿಷಯದ ಬಗ್ಗೆ ಊರಿನವರು ಯಲ್ಲಾಪುರದ ಹೆಸ್ಕಾಂ ಶಾಖಾಧಿಕಾರಿ ರಮಾಕಾಂತ ನಾಯ್ಕ ಅವರ ಜೊತೆ ಚರ್ಚಿಸಿ, ಕೂಡಲೇ ವಿದ್ಯುತ್ ಸರಬರಾಜು ಮಾಡುವಂತೆ ಒತ್ತಡ ಹಾಕಿದ್ದರು. ಹೊಸದಾಗಿ ವಿದ್ಯುತ್ ಟ್ರಾನ್ಸಫರ್ಮರ್ ಅಳವಡಿಕೆಗೆ ಆನ್‌ಲೈನ್ ಮೂಲಕ ಅರ್ಜಿ ಹಾಕಬೇಕಿತ್ತು. ನಿಧಾನಗತಿಯ ಇಂಟರ್‌ನೆಟ್, ಸರ್ವರ್ ಸಮಸ್ಯೆ ನಡುವೆಯೂ ಆ ಅರ್ಜಿ ಸಲ್ಲಿಕೆ ಮಾಡಲಾಗಿದ್ದು, ಅಧಿಕಾರಿಗಳ ವಿಶೇಷ ಮುತುವರ್ಜಿಯಿಂದ ಆ ಕೆಲಸ ಸಲೀಸಾಗಿ ನಡೆಯಿತು. ಶಿರಸಿಯಿಂದ ಹೊಸ ವಿದ್ಯುತ್ ಟ್ರಾನ್ಸಫರ್ಮರ್ ತರಿಸಲು ವಾಹನ ಸಮಸ್ಯೆ ಕಾಡಿತು. ಜನರ ಸಮಸ್ಯೆ ಬಹುಬೇಗ ದೂರ ಮಾಡುವುದಕ್ಕಾಗಿ ಬೇರೆ ವಾಹನ ಮಾಡಿ ವಿದ್ಯುತ್ ಟ್ರಾನ್ಸಫರ್ಮರ್ ತರಿಸಲಾಯಿತು. ಬುಧವಾರ, ಅದನ್ನು ಅಳವಡಿಸುವ ವೇಳೆ ಜೋರು ಮಳೆ ಶುರುವಾಯಿತು. ಅದಾಗಿಯೂ, ಹೆಸ್ಕಾಂ ಸಿಬ್ಬಂದಿ ಉಮೇಶಕುಮಾರ ಗುಡಿಯಾಳ, ಶೇಖರ ಎರಗೇರಿ, ಮಂಜು ಪಾವಸ್ಕರ್, ಚಂದ್ರು ವಿವೇಕಿ, ಪ್ರಕಾಶ ಮಾಳಶೇಖರ, ಪ್ರವೀಣ ಶೆಟ್ಟಿ, ವಿನಾಯಕ ಕಾಂಬ್ಳೆ, ಗುರುನಾಥ ಮರಾಠಿ ಅವರು ದಿನವೀಡಿ ದುಡಿದು ವಿದ್ಯುತ್ ಪೂರೈಸಿದರು. ವಿದ್ಯುತ್ ಟ್ರಾನ್ಸಫರ್ಮರ್ ಅಳವಡಿಸುವ ಜಾಗಕ್ಕೆ ಸುಲಭವಾಗಿ ಹೋಗುವ ಹಾಗಿರಲಲ್ಲ. ಮಳೆ ಕಾರಣ ಅಲ್ಲಿನ ನೆಲ ಜಾರುತ್ತಿದ್ದು, ಗಿಡ-ಗಂಟಿಗಳು ಸಾಕಷ್ಟು ಬೆಳೆದಿದ್ದವು. ಶೀಗೇಪಾಲಿನ ಆರ ಎಸ್ ಭಾಗ್ವತ, ಗಜಾನನ ಭಟ್ಟ ಕಲ್ಲಬ್ಬಿಮನೆ, ನಾಗೇಂದ್ರ ಭಟ್ಟ ಶೀಗೆಪಾಲ್, ವಿನಾಯಕ ಭಟ್ಟ ಕಲ್ಲಬ್ಬಿಮನೆ, ಶ್ರೀಪತಿ ಭಟ್ಟ ದೇವಸ, ಎನ್ ಕೆ ಭಟ್ಟ ಶೀಗೆಪಾಲ್ ಸೇರಿ ಆ ಜಾಗ ಸರಿ ಮಾಡಿದರು. ವಿದ್ಯುತ್ ಟ್ರಾನ್ಸಫರ್ಮರ್ ಅಳವಡಿಕೆಗೆ ಹೆಸ್ಕಾಂ ಸಿಬ್ಬಂದಿಗೆ ಅವರೆಲ್ಲರೂ ಸಹಕರಿಸಿದರು.
- [ಜೊಯಿಡಾ | ಅಕಾಲಿಕ ಮರಣಕ್ಕೀಡಾದ ಯೋಧ: ಶೋಕ ಸಾಗರ](https://mobiletime.in/2026/07/joida-soldier-meets-untimely-death-a-sea-of-grief/): ದೇಶ ಸೇವೆಗಾಗಿ ದೆಹಲಿಗೆ ಹೋಗಿದ್ದ ಜೊಯಿಡಾದ ಯೋಧ ಈಶ್ವರ ನಾಯ್ಕ ಅವರು 30ನೇ ವಯಸ್ಸಿನಲ್ಲಿ ಪ್ರಾಣ ಬಿಟಟಿದ್ದಾರೆ. ಭಾರತೀಯ ಸೇನೆಯಲ್ಲಿ ನರ್ಸಿಂಗ್ ಅಸಿಸ್ಟೆಂಟ್ ಆಗಿ ಸೇವೆ ಸಲ್ಲಿಸುತ್ತಿದ್ದ ಅಕಾಲಿಕ ಮರಣಕ್ಕೆ ಒಳಗಾಗಿದ್ದಾರೆ. ಜೋಯಿಡಾ ತಾಲೂಕಿನ ಗಾಂಗೋಡಾ ಗ್ರಾಮದಲ್ಲಿ ಈಶ್ವರ ವಸಂತ ನಾಯ್ಕ ಅವರು ವಾಸವಾಗಿದ್ದರು. 30 ವರ್ಷದ ಅವರು ಬಾಲ್ಯದಲ್ಲಿಯೇ ಸೈನಿಕರಾಗುವ ಕನಸು ಕಂಡಿದ್ದರು. ಅದಕ್ಕಾಗಿ ಶ್ರಮಿಸಿ ಅವರು ದೇಶ ಸೇವೆಗೆ ತೆರಳಿದ್ದರು. 10 ವರ್ಷಗಳ ಕಾಲ ಭಾರತೀಯ ಸೇನೆಯಲ್ಲಿ ನರ್ಸಿಂಗ್ ಅಸಿಸ್ಟೆಂಟ್ ಆಗಿ ಅವರು ಸೇವೆಗೆ ಸಲ್ಲಿಸಿದ್ದು, ಅನಾರೋಗ್ಯಕ್ಕೆ ತುತ್ತಾಗಿ ದೆಹಲಿಯ ಆರ್ಮಿ ಮೇಡಿಕಲ್ ಕೋರ್ಸ್ ಆಸ್ಪತ್ರೆ ಸೇರಿದ್ದರು. ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಕೊನೆಯುಸಿರೆಳೆದರು. ಮಂಗಳವಾರ ಅವರ ಶವ ಜೊಯಿಡಾಗೆ ಆಗಮಿಸಿದ್ದು, ಸಾವಿರಾರು ಜನ ನಮನ ಸಲ್ಲಿಸಿದರು. ಮೂರು ವರ್ಷಗಳ ಹಿಂದೆಯಷ್ಟೇ ವಿವಾಹವಾಗಿದ್ದ ಈಶ್ವರ ನಾಯ್ಕ ಅವರಿಗೆ ಒಂದು ವರ್ಷದ ಪುಟ್ಟ ಗಂಡು ಮಗುವಿರುವುದನ್ನು ನೆನೆದು ಜನ ಕಣ್ಣೀರಾದರು. ಮಾಜಿ ಸೈನಿಕರ ಸಂಘದವರು ಶಿವಾಜಿ ವೃತ್ತದಲ್ಲಿ ಶ್ರದ್ಧಾಂಜಲಿ ಸಭೆ ನಡೆಸಿದ್ದು, ಇಡೀ ತಾಲೂಕು ಶೋಕದಲ್ಲಿ ಮುಳುಗಿತ್ತು.
- [ಶಿರಸಿ | ಕೊಟ್ಟ ಕಾಸು ಮರಳಿಸದ ಅಪ್ಪ-ಮಗ!](https://mobiletime.in/2026/07/sirsi-father-and-son-fail-to-return-the-money/): ದೊಡ್ಡ ಕಂಪನಿಯಲ್ಲಿ ಉತ್ತಮ ಹುದ್ದೆ ಗಿಟ್ಟಿಸಿಕೊಳ್ಳುವುದಕ್ಕಾಗಿ ಬೊಪ್ಪನಳ್ಳಿಯ ಗೌರೀಶ ನಾಯ್ಕ ಅವರು ಹುಸರಿ ಕಾನಕೊಪ್ಪದ ವಿವೇಕ ದೇವಾಡಿಗ ಹಾಗೂ ಕೃಷ್ಣ ದೇವಾಡಿಗ ಅವರಿಗೆ 3 ಲಕ್ಷ ರೂ ಕೊಟ್ಟಿದ್ದಾರೆ. ಮೂರು ತಿಂಗಳಿನಲ್ಲಿ ಮರಳಿ ಕೊಡುವುದಾಗಿ ಹೇಳಿದ್ದ ಆ ಅಪ್ಪ-ಮಗ ಹಣ ಮರಳಿಸದೇ ಮೋಸ ಮಾಡಿದ್ದಾರೆ. ಶಿರಸಿಯ ಬೊಪ್ಪನಳ್ಳಿಯ ಗೌರೀಶ ಪ್ರಭಾಕರ ನಾಯ್ಕ ಅವರು ವಾಸವಾಗಿದ್ದಾರೆ. 26 ವರ್ಷದ ಅವರು ವ್ಯಾಪಾರಿಯಾಗಿದ್ದು, ಟ್ರೇಡಿಂಗ್ ಕುರಿತು ಅಪಾರ ಆಸಕ್ತರಾಗಿದ್ದಾರೆ. ಹೀಗಾಗಿ ಟ್ರೇಡಿಂಗ್ ಕಂಪನಿಯಲ್ಲಿ ಉದ್ಯೋಗ ಮಾಡಲು ಅವರು ಸಾಕಷ್ಟು ಕಂಪನಿಗಳ ಬಾಗಿಲು ಬಡಿದಿದ್ದಾರೆ. ಇದಕ್ಕಾಗಿ ಅನೇಕ ಬಾರಿ ಗೌರೀಶ ನಾಯ್ಕ ಅವರು ಬೆಂಗಳೂರಿಗೂ ಹೋಗಿ ಬಂದಿದ್ದಾರೆ. ಹೀಗೆ ಬೆಂಗಳೂರಿಗೆ ಹೋಗಿ ಬರುವಾಗ ಅವರಿಗೆ ಹುಸರಿ ಕಾನಕೊಪ್ಪದ ವಿವೇಕ ದೇವಾಡಿಗ ಹಾಗೂ ಅವರ ತಂದೆ ಕೃಷ್ಣ ದೇವಾಡಿಗ ಅವರು ಪರಿಚಯವಾಗಿದ್ದಾರೆ. ಅವರೆಲ್ಲರೂ ಸೇರಿ ಮಾತನಾಡುವಾಗ ಗೌರೀಶ ನಾಯ್ಕ ಅವರು ಟ್ರೇಡಿಂಗ್ ಕಂಪನಿಯ ದೊಡ್ಡ ಹುದ್ದೆಯಲ್ಲಿ ಕೆಲಸ ಮಾಡುವ ಆಸೆ ಬಿಚ್ಚಿಟ್ಟಿದ್ದಾರೆ. ಆಗ, ವಿವೇಕ ದೇವಾಡಿಗ ಅವರು `ತಮ್ಮ ತಂದೆಗೆ ದೊಡ್ಡ ಕಂಪನಿ ಗೊತ್ತಿದೆ’ ಎಂದು ಹೇಳಿದ್ದಾರೆ. ಕೃಷ್ಣ ದೇವಾಡಿಗ ಅವರು ಅದಕ್ಕೆ ತಲೆಯಾಡಿಸಿ, `ಹಣ ಕೊಟ್ಟರೆ ಕೆಲಸ ಆಗುತ್ತದೆ’ ಎಂದಿದ್ದಾರೆ. ಇದಕ್ಕೆ ಒಪ್ಪಿದ ಗೌರೀಶ ನಾಯ್ಕ ಅವರು ಮೊದಲು 50 ಸಾವಿರ ರೂಪಾಯಿಯಂತೆ ಎರಡು ಸಲ ಹಾಗೂ ನಂತರ 1 ಲಕ್ಷ ರೂಪಾಯಿಯಂತೆ ಎರಡು ಸಲ ಫೋನ್ ಪೇ ಮಾಡಿದ್ದಾರೆ. `ಈ ಹಣವನ್ನು ಮರಳಿ ಕೊಡಬೇಕು’ ಎಂಬ ಕಂಡಿಶನ್ ಹಾಕಿ ಕೊಟ್ಟಿದ್ದಾರೆ. ಆದರೆ, ವಿವೇಕ ದೇವಾಡಿಗ ಹಾಗೂ ಕೃಷ್ಣ ದೇವಾಡಿಗ ಅವರು ಕೊಟ್ಟ ಮಾತು ಉಳಿಸಿಕೊಂಡಿಲ್ಲ. ಮೂರು ತಿಂಗಳ ಒಳಗೆ ಹಣ ಮರಳಿಸುವುದಾಗಿ ಹೇಳಿದ ಅವರು ಹಾಗೇ ನಡೆದುಕೊಂಡಿಲ್ಲ. ತಮಗಾದ ಮೋಸದ ಬಗ್ಗೆ ಗೌರೀಶ ನಾಯ್ಕ ಅವರು ಕೋರ್ಟಿನ ಮೊರೆ ಹೋಗಿ, ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.
- [ಹೊನ್ನಾವರ | ಸಮುದ್ರ ತಡದಲ್ಲಿ ಹೊತ್ತಿ ಉರಿದ ಬೆಂಕಿ!](https://mobiletime.in/2026/07/honnavar-fire-breaks-out-on-the-seashore/): ಕಾಸರಕೋಡಿನ ಮೀನುಗಾರಿಕಾ ಬಂದರಿನಲ್ಲಿ ಲಂಗರು ಹಾಕಿದ್ದ ಪರ್ಷಿಯನ್ ಬೋಟಿಗೆ ಬೆಂಕಿ ಬಿದ್ದಿದೆ. ಮೀನುಗಾರಿಕಾ ದೋಣಿ ಸಂಪೂರ್ಣ ಸುಟ್ಟು ಕರಕಲಾಗಿದೆ. ಹೊನ್ನಾವರದ ಕಾಸರಕೋಡು ಬಂದರಿನಲ್ಲಿ ಆಯುಬ್ ಸಾಬ್ ಅವರು ಮೀನುಗಾರಿಕೆ ನಡೆಸುತ್ತಿದ್ದರು. ಅವರು ಮಂಗಳವಾರ ತಮ್ಮ ಯಾಂತ್ರಿಕೃತ ದೋಣಿಯನ್ನು ಬಂದರಿನಲ್ಲಿ ಲಂಗರು ಹಾಕಿದ್ದರು. ಇದ್ದಕ್ಕಿದ್ದಂತೆ ಅಲ್ಲಿ ಆಕಸ್ಮಿಕವಾಗಿ ಬೆಂಕಿ ಹೊತ್ತಿಕೊಂಡು ಪರ್ಷಿಯನ್ ಬೋಟ್ ಸಂಪೂರ್ಣ ಸುಟ್ಟು ಭಸ್ಮವಾಯಿತು. ಬೋಟ್‌ನಿಂದ ಏಕಾಏಕಿ ದಟ್ಟ ಹೊಗೆ ಹಾಗೂ ಬೆಂಕಿಯ ಜ್ವಾಲೆಗಳು ಆವರಿಸಿಕೊಂಡವು. ಸ್ಥಳೀಯರು ಬೆಂಕಿ ಆರಿಸುವ ಪ್ರಯತ್ನ ಮಾಡಿದರು. ಆದರೆ, ಪ್ರಯೋಜನವಾಗಲಿಲ್ಲ. ಈ ದುರಂತದಲ್ಲಿ ಬೋಟ್‌ನಲ್ಲಿದ್ದ ಲಕ್ಷಾಂತರ ರೂ ಮೌಲ್ಯದ ಮೀನುಗಾರಿಕಾ ಬಲೆಗಳು ಹಾಗೂ ಶಕ್ತಿಶಾಲಿ ಇಂಜಿನ್‌ಗಳು ನಾಶವಾಗಿದೆ. ಬೋಟ್ ಮಾಲಕರಿಗೆ ಸುಮಾರು 30 ಲಕ್ಷ ನಷ್ಟವಾಗಿದೆ.
- [ಅಪಘಾತ: ಆಸ್ಪತ್ರೆಗೆ ಸೇರಿಸಿದವರಿಗೆ ಇಲ್ಲ ದುಡ್ಡಿನ ಚಿಂತೆ!](https://mobiletime.in/2026/07/accident-no-financial-worries-for-those-admitted-to-the-hospital/): ಕುಮಟಾಗೆ ಭೇಟಿ ನೀಡಿದ್ದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಯು ಟಿ ಖಾದರ್ ಅವರು ಆರೋಗ್ಯ ಕ್ಷೇತ್ರದ ವಿಚಾರವಾಗಿ ಮಹತ್ವದ ಹೇಳಿಕೆಯೊಂದನ್ನು ನೀಡಿದ್ದಾರೆ. ರಾಜ್ಯದಲ್ಲಿ ಅಪಘಾತಕ್ಕೊಳಗಾದವರಿಗೆ ಮೊದಲ 7 ದಿನದವರೆಗಿನ 2.5 ಲಕ್ಷ ರೂಪಾಯಿಯ ಉಚಿತ ಚಿಕಿತ್ಸೆ ನೀಡುವ ಯೋಜನೆ ಶುರು ಮಾಡುವ ಬಗ್ಗೆ ಅವರು ಮಾತನಾಡಿದ್ದಾರೆ. ಮಂಗಳವಾರ ಕುಮಟಾದ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ ಅವರ ಸಿಎಸ್‌ಆರ್ ನಿಧಿಯಲ್ಲಿ ನಿರ್ಮಿಸಿದ ಟ್ರಾಮಾ ಕೇರ್ ಸೆಂಟರ್ ಮತ್ತು ತುರ್ತು ಚಿಕಿತ್ಸಾ ಘಟಕ ಉದ್ಘಾಟಿಸಿದ ಸಚಿವರು `ಅಪಘಾತಕ್ಕೆ ಒಳಗಾದ ವ್ಯಕ್ತಿಯನ್ನು ಸಾರ್ವಜನಿಕರು ಅಸ್ಪತ್ರೆಗೆ ಸೇರಿಸಿದರೆ ಅವರ ಚಿಕಿತ್ಸಾ ವೆಚ್ಚ ಯಾರು ಪಾವತಿಸುವುದು?’ ಎಂಬ ಗೊಂದಲವಿದೆ. ಅದನ್ನು ತಪ್ಪಿಸುವುದಕ್ಕಾಗಿ ಅಪಘಾತವಾದ ವ್ಯಕ್ತಿಗೆ ತಕ್ಷಣ ಅಗತ್ಯ ತುರ್ತು ಚಿಕಿತ್ಸೆಗೆ ಒಳಪಡಿಸಿ, ಆಸ್ಪತ್ರೆಗೆ ದಾಖಲಾದ ಮೊದಲ 7 ದಿನಗಳವರೆಗೆ ರೂ 2.5 ಲಕ್ಷದವರೆಗೆ ಉಚಿತ ಚಿಕಿತ್ಸೆ ನೀಡುವ ಯೋಜನೆಯನ್ನು ಜಾರಿಗೆ ತರಲು ಮುಖ್ಯಮಂತ್ರಿಗಳೊoದಿಗೆ ಚರ್ಚೆ ನಡೆಸಲಾಗಿದೆ’ ಎಂದವರು ತಿಳಿಸಿದರು. `ರಾಜ್ಯದಲ್ಲಿ ಅಪಘಾತ ಮತ್ತು ತುರ್ತು ಸಂದರ್ಭದಲ್ಲಿ ಕರೆ ಮಾಡಿದ 15 ನಿಮಿಷಗಳ ಒಳಗೆ ಆಂಬ್ಯುಲೆನ್ಸ್ ಸ್ಥಳಕ್ಕೆ ತಲುಪುವಂತೆ ಹೊಸ ವ್ಯವಸ್ಥೆ ರೂಪಿಸಲಾಗುಗುತ್ತಿದ್ದು, ನಿಯಮಿತ ಸಮಯದಲ್ಲಿ ಆಂಬ್ಯುಲೆನ್ಸ್ ತಲುಪದಿದ್ದರೆ ಸಂಬAಧಪಟ್ಟ ಆಂಬ್ಯುಲೆನ್ಸ್ ನಿರ್ವಹಣಾ ಸಂಸ್ಥೆಗೆ ರೂ 3,000ದಿಂದ 5,000 ದಂಡ ವಿಧಿಸುವ ಕಾಯ್ದೆ ತರಲಾಗುತ್ತದೆ. `ಶಾಲಾ ಮಟ್ಟದಲ್ಲಿ ಮಕ್ಕಳಿಗೆ ಅನಾರೋಗ್ಯ ತರುವ ಜಂಕ್ ಫುಡ್ ಸಿಗದಂತೆ ತಡೆಯಲು ಫುಡ್ ಸೇಫ್ಟಿ ಆಕ್ಟ್’ ಅಡಿಯಲ್ಲಿ ಕಠಿಣ ನಿಯಮ ರೂಪಿಸಲಾಗುವುದು. ಆಹಾರ ಪದಾರ್ಥಗಳ ಗುಣಮಟ್ಟ ಪರೀಕ್ಷಿಸಲು ಹೈ-ಟೆಕ್ ಲ್ಯಾಬ್ ಸ್ಥಾಪಿಸಿ, ಕಲಬೆರಕೆ ಅಥವಾ ಕಳಪೆ ಆಹಾರ ಮಾರಾಟ ಮಾಡುವ ಕಂಪನಿಗಳ ಮೇಲೆ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಾಗುವುದು. ಇತ್ತೀಚೆಗೆ ಹೃದಯಾಘಾತ, ಕ್ಯಾನ್ಸರ್, ಕಿಡ್ನಿ ಸಮಸ್ಯೆಗಳಂತಹ ಅಸಾಂಕ್ರಾಮಿಕ ರೋಗಗಳು ಹೆಚ್ಚಾಗುತ್ತಿದ್ದು, ಜನರಲ್ಲಿ ಉತ್ತಮ ಜೀವನಶೈಲಿ ಮತ್ತು ಪರಿಸರ ಸ್ವಚ್ಛತೆಯ ಬಗ್ಗೆ ಜಾಗೃತಿ ಮೂಡಿಸುವುದು ಸಮಾಜದ ಕರ್ತವ್ಯವಾಗಿದೆ’ ಎಂದರು. `ಕುಮಟಾದಲ್ಲಿ ಟ್ರಾಮಾ ಕೇರ್ ಸೆಂಟರ್ ಪ್ರಾರಂಭವಾಗಿರುವುದು ತುರ್ತು ಮತ್ತು ಎಮರ್ಜೆನ್ಸಿ ಸಮಯದಲ್ಲಿ ಜೀವ ಉಳಿಸಲು ಅತ್ಯಂತ ಅಗತ್ಯವಾಗಿದೆ. ಇದು ರಾಜ್ಯದ ಆರೋಗ್ಯ ಇಲಾಖೆಯಿಂದ ಪ್ರಾರಂಭಗೊAಡ 3ನೇ ಕೇಂದ್ರವಾಗಿದೆ. ಈ ಆಸ್ಪತ್ರೆಗೆ ಬೇಕಾಗುವ ಹೆಚ್ಚುವರಿ ಉಪಕರಣಗಳು ಮತ್ತು ಮೂಲಸೌಕರ್ಯಗಳಿಗೆ ಆದಷ್ಟು ಬೇಗ ಅನುದಾನ ಬಿಡುಗಡೆ ಮಾಡುವ ಭರವಸೆ ನೀಡಿದ ಅವರು ಮಂಗಳೂರಿನ ಎ.ಜೆ ಆಸ್ಪತ್ರೆ. ಹಾಗೂ ಶ್ರೀನಿವಾಸ ಆಸ್ಪತ್ರೆಗಳು ಈ ಟ್ರಾಮಾ ಕೇರ್ ಸೆಂಟರ್ ಅನ್ನು ದತ್ತು ತೆಗೆದುಕೊಂಡು ಸೇವೆ ನೀಡಲು ಮನವಿ ಮಾಡಲಾಗುತ್ತದೆ’ ಎಂದರು. `ಕುಮಟಾ ಆಸ್ಪತ್ರೆಯು ಹೆದ್ದಾರಿಯ ಬಳಿ ಇರುವ ಆಸ್ಪತ್ರೆಯಾದ್ದರಿಂದ ಅಪಘಾತ ಅಥವಾ ತುರ್ತು ಸಂದರ್ಭದಲ್ಲಿ ಶವಾಗಾರಕ್ಕೆ ಆಗಮಿಸುವ ಕುಟುಂಬಸ್ಥರಿಗೆ ಅನುಕೂಲವಾಗುವಂತೆ ಆಸನ ವ್ಯವಸ್ಥೆ, ಫ್ಯಾನ್, ಬೆಳಕು, ಪೊಲೀಸ್ ಪಂಚನಾಮೆ ಕೊಠಡಿ, ವೈದ್ಯರ ಕೊಠಡಿ ಮತ್ತು ಫ್ರೀಜರ್ ಒಳಗೊಂಡ ಆಧುನಿಕ ಮಾರ್ಚುರಿ’ ಕಟ್ಟಡ ನಿರ್ಮಿಸಬೇಕು’ ಎಂದು ಸೂಚಿಸಿದರು. ಶಾಸಕ ದಿನಕರ ಶೆಟ್ಟಿ ಮಾತನಾಡಿ `​ಈ ಟ್ರಾಮಾ ಕೇರ್ ಸೆಂಟರ್ ಯೂನಿಟ್‌ಗೆ ಸುಮಾರು ರೂ.2.73 ಕೋಟಿ ರೂಪಾಯಿ ವೆಚ್ಚದ ಅಗತ್ಯವಿತ್ತು. ​ಈಯೋಜನೆ ಸಾಕಾರಗೊಳ್ಳಲು ಬಿಇಎಲ್ ಸಂಸ್ಥೆಯು ರೂ. 2.73 ಕೋಟಿ ಅನುದಾನ ನೀಡುವ ಮೂಲಕ ಈ ಯೋಜನೆಗೆ ಬಲ ನೀಡಿದೆ. ಸ್ಥಳೀಯ ರೋಟರಿ ಕ್ಲಬ್ ಈ ಆಸ್ಪತ್ರೆಯ ಅಭಿವೃದ್ಧಿಗೆ ಸುಮಾರು ರೂ. 1.70 ಕೋಟಿಗೂ ಹೆಚ್ಚಿನ ಕೊಡುಗೆಯನ್ನು ನೀಡಿದೆ’ ಎಂದರು. .
- [ಶಿರಸಿ | ಪರಿಹಾರಕ್ಕೆ ಆಗ್ರಹಿಸಿ ಪ್ರತಿಭಟನೆ](https://mobiletime.in/2026/07/sirsi-protest-demanding-compensation/): `ಹಾವು ಕಚ್ಚಿದ ಕಾರಣ ಸಾವನಪ್ಪಿದ ಮಿಥುನ್ ನಾಯ್ಕ ಅವರ ಕುಟುಂಬಕ್ಕೆ 25 ಲಕ್ಷ ರೂ ಪರಿಹಾರ ಕೊಡಬೇಕು’ ಎಂದು ಬಿಜೆಪಿಗರು ಆಗ್ರಹಿಸಿದ್ದಾರೆ. ಈ ಕುರಿತು ಬನವಾಸಿ ಬಿಜೆಪಿಗರು ಪ್ರತಿಭಟನೆ ನಡೆಸಿ, ಸರ್ಕಾರಕ್ಕೆ ಪತ್ರ ರವಾನಿಸಿದ್ದಾರೆ. `ಶಿರಸಿ ತಾಲೂಕಿನ ಬನವಾಸಿಯ ಸಹಸ್ರಳ್ಳಿಯ ಮಿಥುನ್ ಪುಟ್ಟಪ್ಪ ನಾಯ್ಕ ಅವರಿಗೆ ಹಾವು ಕಚ್ಚಿ ಅಸ್ವಸ್ಥರಾದಾಗ ಅವರ ಕುಟುಂಬದವರು ಆಸ್ಪತ್ರೆಗೆ ಕರೆತಂದರೂ ಸರಿಯದ ಚಿಕಿತ್ಸೆ ಸಿಗಲಿಲ್ಲ. ವೈದ್ಯರ ಬೇಜವಬ್ದಾರಿಯಿಂದ ಈ ಸಾವು ನಡೆದಿದ್ದು, ವೈದ್ಯರೆಲ್ಲರೂ ಸೇರಿ ಅವರ ಕುಟುಂಬಕ್ಕೆ ಪರಿಹಾರ ನೀಡಬೇಕು. ಇಲ್ಲವೇ ಸರ್ಕಾರವಾದರೂ ಸಹಾಯ ಮಾಡಬೇಕು’ ಎಂದು ಬನವಾಸಿ ಬಿಜೆಪಿ ಮಂಡಳ ಅಧ್ಯಕ್ಷ ರಮೇಶ ನಾಯ್ಕ ಕುಪ್ಪಳ್ಳಿ ಅವರು ಒತ್ತಾಯಿಸಿದರು. ಬಿಜೆಪಿ ರೈತ ಮೋರ್ಚಾ ಜಿಲ್ಲಾಧ್ಯಕ್ಷರಾದ ಅನಂತಮೂರ್ತಿ ಮಾತನಾಡಿ `ಶಾಸಕರಾದ ಭೀಮಣ್ಣ ನಾಯ್ಕ ಅವರು ತಮ್ಮ ವ್ಯಾಪ್ತಿಯ ಆಸ್ಪತ್ರೆಯಲ್ಲಿನ ಅವ್ಯವಸ್ಥೆ ಸರಿಪಡಿಸಿಲ್ಲ. ಹೀಗಾಗಿ ಮಿಥುನ್ ನಾಯ್ಕ ಅವರ ಸಾವಾಗಿದೆ. ಅದಾಗಿಯೂ, ಸಾವನಪ್ಪಿದ ಬಾಲಕನ ಕುಟುಂಬಕ್ಕೆ ಶಾಸಕರು ಸಾಂತ್ವಾನ ಹೇಳಿಲ್ಲ. ಘಟನೆಯ ಬಗ್ಗೆ ಆಸ್ಪತ್ರೆಯವರನ್ನು ವಿಚಾರಿಸಿಲ್ಲ’ ಎಂದು ದೂರಿದರು. `ಶಾಸಕರು ಇದೇ ರೀತಿ ದುರಹಂಕಾರ ಧೋರಣೆ ಮುಂದುವರೆಸಿದರೆ ಹಳ್ಳಿ ಹಳ್ಳಿಯಲ್ಲಿ ಪ್ರತಿಭಟನೆ ಅನಿವಾರ್ಯ’ ಎಂದು ಎಚ್ಚರಿಸಿದರು. ಸಿದ್ದಾಪುರ ಬಿಜೆಪಿ ಮಂಡಲಾಧ್ಯಕ್ಷರಾದ ತಿಮ್ಮಪ್ಪ ಎಂ ಕೆ ಮಾತನಾಡಿ `ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ಲಸಿಕೆಯಿಲ್ಲವೇ?’ ಎಂಬುದೇ ದೊಡ್ಡ ಪ್ರಶ್ನೆ. ಬಡವರನ್ನು ಹೀಗೆ ಸತಾಯಿಸುವುದು ಸರಿಯಲ್ಲ’ ಎಂದರು. ಪ್ರಮುಖರಾದ ಸತ್ಯವತಿ ನಾಯ್ಕ, ಮಿಥುನ್ ನಾಯ್ಕ ಅವರ ತಂದೆ ಪುಟ್ಟಪ್ಪ ನಾಯ್ಕ, ಬನವಾಸಿ ಮುಖಂಡರಾದ ಯುವರಾಜ ಗೌಡ ಮಾತನಾಡಿದರು. ಪ್ರಮುಖರಾದ ನಂದನ್ ಬೋರ್ಕರ್, ಪ್ರೇಮಕುಮಾರ ನಾಯ್ಕ, ಎಲ್ ಟಿ ಪಾಟೀಲ್, ರಾಘವೇಂದ್ರ ನಾಯ್ಕ, ಶಂಕರ ಗೌಡ, ಮಂಜುನಾಥ ನಾಯ್ಕ, ಗಣಪತಿ ಹೆಗಡೆ ಕಬ್ಬಿನಮನೆ, ರಾಘವೇಂದ್ರ ದೇವಾಡಿಗ, ಸುರೇಶ ನಾಯ್ಕ ಕಾನಗೋಡ, ನಾರಾಯಣ ಹೆಗಡೆ ಮತ್ತಿಗಟ್ಟ, ರವಿ ಗಾಂವಕರ, ಲಕ್ಷಿ ಕಾನಡೆ, ಮಣಿ ಪಾಟೀಲ್, ನಾರಾಯಣ ಗೌಡ, ವಸಂತ ಗೌಡ, ಮಹೇಂದ್ರ ಭಟ್ ಬಿಸಲಕೊಪ್ಪ ವಿ ಎಂ ಹೆಗಡೆ ಇತರರು ಪ್ರತಿಭಟನೆಯಲ್ಲಿದ್ದರು.
- [ದಾಂಡೇಲಿ | ಪ್ರವಾಸಿಗನಿಗೆ ನರಕ ಕಾಣಿಸಿದ ರೆಸಾರ್ಟ ಮಾಲಕ!](https://mobiletime.in/2026/07/dandeli-resort-owner-makes-a-tourists-life-a-living-hell/): ಮೋಜು-ಮಸ್ತಿಗಾಗಿ ದಾಂಡೇಲಿಗೆ ಬಂದಿದ್ದ ಪ್ರವಾಸಿಗ ಕುಬೇರ್ ಸುರಪುರ ಅವರು ಸಾಹಸ ಚಟುವಟಿಕೆಗೆ ತೆರಳಿದ್ದು, ರೆಸಾರ್ಟ ಮಾಲಕರ ನಿರ್ಲಕ್ಷದಿಂದ ಅವರು ನೋವು ಅನುಭವಿಸಿದ್ದಾರೆ. ಜಿಪ್‌ಲೈನ್ ಚಟುವಟಿಕೆ ಮಾಡುವ ವೇಳೆ ಹಗ್ಗ ತುಂಡಾಗಿ 40 ಅಡಿ ಆಳಕ್ಕೆ ಅವರು ಬಿದ್ದಿದ್ದಾರೆ. ವಿಜಯಪುರದ ಗ್ಯಾಂಗವಾಡಿ ಕುಬೇರ ರಮೇಶ ಸುರಪುರ (40) ಅವರು ಜುಲೈ 3ರಂದು ದಾಂಡೇಲಿಗೆ ಬಂದಿದ್ದರು. ಅವರು ಇಲ್ಲಿ ಸ್ಟಾರ್ಲಿಂಗ್ ರೆಸಾರ್ಟಗೆ ಹೋಗಿ ರೂಂ ಮಾಡಿದ್ದರು. ಅಲ್ಲಿಯೇ ಅವರು ವಿವಿಧ ಮೋಜು-ಮಸ್ತಿಯ ಚಟುವಟಿಕೆಯಲ್ಲಿ ಭಾಗಿಯಾಗಿದ್ದರು. ರೆಸಾರ್ಟ ಮಾಲಕರಾದ ಉಸ್ಮಾನ ವಹಾಬ್, ರಾಘವೇಂದ್ರ ಶೆಟ್ಟಿ ಹಾಗೂ ಪವನ ಅವರು ಜಿಪ್‌ಲೈನ್ ಕ್ರೀಡೆಯಲ್ಲಿ ಭಾಗವಹಿಸುವಂತೆ ಪ್ರೇರೇಪಿಸಿದ್ದರು. ಅದರಂತೆ, ಆ ಸಾಹಸ ಚಟುವಟಿಕೆಗೆ ಹೋದಾಗ ಪ್ರವಾಸಿಗನ ಸೊಂಟಕ್ಕೆ ಕಟ್ಟಿದ್ದ ಸುರಕ್ಷತಾ ಬೆಲ್ಟ್ ಏಕಾಏಕಿ ಹರಿದಿದ್ದು, ಅವರು ಸುಮಾರು 40 ಅಡಿ ಕೆಳಗೆ ನೆಲಕ್ಕೆ ಬಿದ್ದಿದ್ದಾರೆ. ಬಿದ್ದ ರಭಸಕ್ಕೆ ಕುಬೇರ ಸುರಪುರ ಅವರ ಎರಡೂ ಕೈಗಳು ಹಾಗೂ ಕಾಲುಗಳಿಗೆ ತೀವ್ರ ಸ್ವರೂಪದ ಮುರಿತದ ಗಾಯಗಳಾಗಿದೆ. ಹೆಲ್ಮೆಟ್ ಹಾರಿ ಹೋಗಿ ಗುತ್ತಿಗೆಗೆ ಗಾಯವಾಗಿದೆ. ಕೂಡಲೇ ಅವರನ್ನು ಆಸ್ಪತ್ರೆಗೆ ಸಾಗಿಸಿ ನಂತರ ಹೆಚ್ಚಿನ ಚಿಕಿತ್ಸೆಗೆ ವಿಜಯಪುರ ಹಾಗೂ ಮಿರಜ್ ಆಸ್ಪತ್ರೆ ಕರೆದೊತ್ತಲಾಗಿದೆ. ಸಾಹಸ ಕ್ರೀಡೆಗೆ ಬಳಸುವ ಯಂತ್ರೋಪಕರಣಗಳನ್ನು ಸರಿಯಾಗಿ ನಿರ್ವಹಿಸದಿರುವುದು ಹಾಗೂ ಅಗತ್ಯ ಸುರಕ್ಷತಾ ಕ್ರಮಗಳನ್ನು ಪಾಲಿಸದ ಕಾರಣ ಈ ಅವಘಡ ನಡೆದ ಬಗ್ಗೆ ದೂರು ದಾಖಲಾಗಿದೆ.
- [ಬನವಾಸಿ | ದುಷ್ಟರ ಖಾತೆಗೆ ಬಿದ್ದ ದೇವರ ದುಡ್ಡು!](https://mobiletime.in/2026/07/banavasi-gods-money-lands-in-the-hands-of-the-wicked/): ದೇವಾಲಯ ಅಭಿವೃದ್ಧಿ ಮಾಡುವುದಾಗಿ ಜನರಿಂದ ಸಂಗ್ರಹಿಸಿದ ಹಣ ದುಷ್ಟರ ಪಾಲಾಗಿದೆ. ನಟರಾಜ ಹೊಸೂರು, ರಾಜೇಂದ್ರ ಗೌಡ ಹಾಗೂ ಸುನೀಲ ಗೌಡ ಅವರು ಮತ್ತೆ ಏಳು ಜನರ ಜೊತೆ ಸೇರಿ 3.50 ಲಕ್ಷ ರೂ ಲಪಟಾಯಿಸಿದ್ದಾರೆ. ಶಿರಸಿ ತಾಲೂಕಿನ ಬನವಾಸಿ ಬಳಿಯ ದನಗನಹಳ್ಳಿಯಲ್ಲಿ ಈಶ್ವರ ದೇವಸ್ಥಾನವಿದ್ದು, ಅದರ ಅಭಿವೃದ್ಧಿಗಾಗಿ ಜನರಿಂದ ದೇಣಿಗೆ ಸಂಗ್ರಹಿಸಲಾಗುತ್ತಿದೆ. ಈ ಕಾರ್ಯಕಾರಿ ಸಮಿತಿಗೆ ದನಗರಹಳ್ಳಿಯ ಜಗದೀಶ ಚನ್ನಬಸಪ್ಪ ಮುರುಗಣ್ಣನವರ್ ಅವರು ಸದಸ್ಯರಾಗಿದ್ದಾರೆ. ಸದ್ಯ ದೇವರ ಹೆಸರಿನಲ್ಲಿ ದುಡ್ಡು ಹೊಡೆದಿರುವುದು ಅವರ ಗಮನಕ್ಕೆ ಬಂದಿದೆ. ದಾಸಗನಳ್ಳಿಯ ನಟರಾಜ ಭೀಮಪ್ಪ ಹೊಸೂರು, ಶಿರಸಿ ಕಪ್ಪಗುಡ್ಡೆ ವದ್ದಲದ ರಾಜೇಂದ್ರ ಪುಟ್ಟಪ್ಪ ಗೌಡ ಹಾಗೂ ಕಪ್ಪಗುಡ್ಡ ಕರ್ಡೇರ ಬಳಿಯ ಸುನೀಲ ಬಸವರಾಜ ಗೌಡ ಅವರು ಮತ್ತೆ ಏಳು ಜನರ ಜೊತೆ ಸೇರಿ ದೇವರ ದುಡ್ಡು ಲಪಟಾಯಿಸಿರುವಾಗಿ ಅವರು ದೂರಿದ್ದಾರೆ. `ದಾಸಗನಳ್ಳಿಯ ನಟರಾಜ ಭೀಮಪ್ಪ ಹೊಸೂರು ಅವರು ಕಾಳಂಗಿ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘದ ಉಪಾಧ್ಯಕ್ಷರೂ ಆಗಿದ್ದು, ಈತ ದೇಗುಲದ ಅಭಿವೃದ್ಧಿಗೆ ದೇಣಿಗೆಪಡೆದು ಅದನ್ನು ಸೊಸೈಟಿ ಖಾತೆಯಲ್ಲಿ ಜಮಾ ಮಾಡುತ್ತಿದ್ದರು. ಸದ್ಯ ಅವರೇ ಆ ಹಣ ದೂರುಪಯೋಗಪಡಿಸಿಕೊಂಡಿದ್ದಾರೆ ಎಂದು ಜಗದೀಶ ಮುರಗಣ್ಣನವರ್ ಅವರು ಆರೋಪಿಸಿದ್ದಾರೆ. 2015ರ ಮಾರ್ಚ 31ರಂದು ಆ ಖಾತೆಯಲ್ಲಿ 1,81,814ರೂ ದೇಣಿಗೆ ಜಮಾ ಆಗಿತ್ತು. 2025ರ ಮಾರ್ಚ 31ರಂದು 323795ರೂ ಜಮಾ ಇದ್ದು, 2025ರ ಮೇ 14ರಂದು ದಿಢೀರ್ ಆಗಿ 320000ರೂ ಖರ್ಚು ಎಂದು ಕಾಣಿಸಿ ಹಣ ಹೊಡೆಯಲಾಗಿದೆ’ ಎಂದವರು ವಿವರಿಸಿದ್ದಾರೆ. `ಆ ಹಣ ಬಸವೇಶ್ವರ ಯುವಕ ಸಂಘ ಎಂಬ ಖಾತೆಗೆ ಜಮಾ ಆಗಿದೆ. ನಂತರ ಸಂಘದವರು ಆ ಹಣವನ್ನು ಕೆನರಾ ಬ್ಯಾಂಕ್ ಖಾತೆಯ ದುರ್ಗಾದೇವಿ ಟ್ರಸ್ಟ್ ಖಾತೆಗೆ ಜಮಾ ಮಾಡಿದ್ದು, ಈ ವೇಳೆ ದುರ್ಗಾ ದೇವಿ ಟ್ರಸ್ಟ್ ಖಾತೆಯಲ್ಲಿ ಹಳೆಯದನ್ನು ಸೇರಿಸಿ 3.50 ಲಕ್ಷ ರೂ ಜಮಾ ಆಗಿದೆ. 2025ರ ಅಕ್ಟೊಬರ್ 13ರಂದು ನಟರಾಜ ಅವರ ಪಂಜಾಬ್ ನ್ಯಾಶನಲ್ ಬ್ಯಾಂಕ್ ಖಾತೆಗೆ ಈ 3.50 ಲಕ್ಷ ರೂ ಹೋಗಿದೆ. ನಕಲಿ ದಾಖಲೆ ಸೃಷ್ಠಿಸಿ ಈ ಹಣ ಹೊಡೆಯಲಾಗಿದ್ದು, ಶಿರಸಿ ಕಪ್ಪಗುಡ್ಡೆ ವದ್ದಲದ ರಾಜೇಂದ್ರ ಪುಟ್ಟಪ್ಪ ಗೌಡ ಹಾಗೂ ಕಪ್ಪಗುಡ್ಡ ಕರ್ಡೇರ ಬಳಿಯ ಸುನೀಲ ಬಸವರಾಜ ಗೌಡ ಅವರು ಇದಕ್ಕೆ ಕೈ ಜೋಡಿಸಿದ್ದಾರೆ’ ಎಂದವರು ಹೇಳಿದ್ದಾರೆ. ಶಿರಸಿ ದನಗನಹಳ್ಳಿಯ ಜಗದೀಶ ಚನ್ನಬಸಪ್ಪ ಮುರುಗಣ್ಣನವರ್ ಅವರ ದೂರಿನ ಪ್ರಕಾರ ಬನವಾಸಿ ಪೊಲೀಸರು ಪ್ರಕರಣ ದಾಖಲಿಸಿ, ಸತ್ಯಾಸತ್ಯತೆಯ ಶೋಧ ಶುರು ಮಾಡಿದ್ದಾರೆ.  
- [ಅಂಕೋಲಾ | ಕಿರಾಣಿ ಅಂಗಡಿಯಲ್ಲಿ ಮದ್ಯದ ಹೊಳೆ!](https://mobiletime.in/2026/07/ankola-a-river-of-liquor-at-a-grocery-store/): ಅಚವೆ ಬಳಿಯ ಚೇತನ ನಾಯಕ ಹಾಗೂ ಲತೀಶ ನಾಯಕ ಸೇರಿ ಸರಾಯಿ ಅಂಗಡಿ ಶುರು ಮಾಡಿದ್ದು, ಪೊಲೀಸರು ಅದಕ್ಕೆ ಅಡ್ಡಗಾಲು ಹಾಕಿದ್ದಾರೆ. ಅನುಮತಿ ಇಲ್ಲದೇ ಅಕ್ರಮ ಮದ್ಯ ಮಾರಾಟ ಮಾಡುತ್ತಿದ್ದ ಅವರಿಬ್ಬರ ವಿರುದ್ಧ ಪಿಸೈ ಗುರುನಾಥ ಹಾದಿಮನಿ ಅವರು ಕಠಿಣ ಕ್ರಮ ಜರುಗಿಸಿದ್ದಾರೆ. ಅಂಕೋಲಾದ ಅಚವೆಯ ಮಾಬಿಗಿಯ ಚೇತನ ಶಿವಾನಂದ ನಾಯಕ (23) ಹಾಗೂ ಕುಂಟಕಣಿಯ ಲತೀಶ ನಾರಾಯಣ ನಾಯಕ (30) ಅವರು ಕಿರಾಣಿ ಅಂಗಡಿ ನಡೆಸುತ್ತಾರೆ. ಅದರಿಂದ ಬರುವ ಆದಾಯದಿಂದ ತೃಪ್ತರಾಗದ ಅವರು ಸರಾಯಿ ಮಾರಾಟ ಶುರು ಮಾಡಿದ್ದಾರೆ. ಕುಂಟಕಣಿ ಕ್ರಾಸ್ ಬಳಿ ರಾಶಿ ರಾಶಿ ಬಾಟಲಿ ತಂದು ಮಾರಾಟ ಮಾಡುತ್ತಿದ್ದ ಅವರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಈ ವೇಳೆ ಅಲ್ಲಿ 11 ಬಗೆಯ ಮದ್ಯದ ಬಾಟಲಿ ಹಾಗೂ ಪ್ಯಾಕೇಟ್ ಸಿಕ್ಕಿದೆ. ವಿಚಾರಣೆ ನಡೆಸಿದಾಗ ಅಂಕೋಲಾದ ಲಕ್ಷಿ ವೈನ್ಸ್ ಮಳಿಗೆಯಿಂದ ಅದನ್ನು ತಂದಿರುವುದಾಗಿ ಅವರು ಬಾಯ್ಬಿಟ್ಟಿದ್ದಾರೆ. ಅಕ್ರಮ ಸರಾಯಿ ಮಾರಾಟದ ಕಾರಣ ಪೊಲೀಸರು ಚೇತನ ನಾಯಕ ಹಾಗೂ ಲತೀಶ ನಾಯಕ ಅವರಿಬ್ಬರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದು, ಆ ಸರಾಯಿ ನೀಡಿದ ಲಕ್ಷಿ ವೈನ್ಸ್ ವಿರುದ್ಧವೂ ಕೇಸು ದಾಖಲಿಸಿದ್ದಾರೆ.  
- [ಗೋಕರ್ಣ | ಪೊಲೀಸರು ಕೊಡಿಸಿದ ಪೆಟ್ರೋಲ್!](https://mobiletime.in/2026/07/gokarna-petrol-provided-by-the-police/): ಪೆಟ್ರೋಲ್ ಖಾಲಿಯಾದ ಕಾರಣ ಬೈಕ್ ದೂಡಿಕೊಂಡು ಹೋಗುತ್ತಿದ್ದ ರಾಘವೇಂದ್ರ ಲಕ್ಷ್ಮೀಶ್ವರ ಅವರಿಗೆ ಗೋಕರ್ಣ ಪೊಲೀಸರು ಪೆಟ್ರೋಲ್ ಕೊಡಿಸಿದ್ದಾರೆ. ರಾತ್ರಿ ಪ್ರಯಾಣದ ಸಮಸ್ಯೆಗೆ ಸಿಲುಕಿದ್ದ ಸವಾರನನ್ನು ಸುರಕ್ಷಿತವಾಗಿ ಮನೆಗೆ ಮುಟ್ಟಿಸಿದ್ದಾರೆ. ಕುಮಟಾದ ದೇವರಹಕ್ಕಲ ರಾಘವೇಂದ್ರ ಲಕ್ಷ್ಮೀಶ್ವರ ಅವರು ವಾಸವಾಗಿದ್ದಾರೆ. ಮೊನ್ನೆ ರಾತ್ರಿ ಅವರು ಕೆಲಸದ ನಿಮಿತ್ತ ಯಲ್ಲಾಪುರಕ್ಕೆ ಹೋಗಿದ್ದು, ಮರಳುವಾಗ ಸಮಸ್ಯೆಗೆ ಸಿಲುಕಿದ್ದಾರೆ. ಮಾದನಗೇರಿ ಬಳಿ ಅವರ ಬೈಕ್ ಪೆಟ್ರೋಲ್ ಪೂರ್ತಿ ಖಾಲಿ ಆಗಿದೆ. ಸಮೀಪದಲ್ಲಿದ್ದ ಪೆಟ್ರೋಲ್ ಬಂಕ್ ಸಹ ಹಾಳಾಗಿದೆ. ಇದರಿಂದ ದಿಕ್ಕೆಟ್ಟ ರಾಘವೇಂದ್ರ ಲಕ್ಷ್ಮೀಶ್ವರ ಅವರು ಅಲ್ಲಿ ಇಲ್ಲಿ ಪೆಟ್ರೋಲ್ ಬೇಡಿದ್ದಾರೆ. ಸಮೀಪದ ಲಾಡ್ಜು, ಗೂಡಗಂಡಿ, ರಿಕ್ಷಾ ಚಾಲಕರ ಬಳಿ ತಮ್ಮ ಸಮಸ್ಯೆ ಹೇಳಿಕೊಂಡಿದ್ದಾರೆ. ಆದರೆ, ಆ ರಾತ್ರಿ ಸಮಯದಲ್ಲಿ ಯಾರಿಗೂ ಸಹಾಯ ಮಾಡಲು ಸಾಧ್ಯವಾಗಿಲ್ಲ. ಹೀಗಾಗಿ ಕಿಲೋ ಮೀಟರ್ ದೂರದವರೆಗೆ ಅವರು ಬೈಕ್ ತಳ್ಳಿಕೊಂಡು ಹೊರಟಿದ್ದಾರೆ. ಈ ನಡುವೆ ಅವರಿಗೆ ಪೊಲೀಸರ ನೆನಪಾಗಿದೆ. ಧೈರ್ಯ ಮಾಡಿ ಅವರು 112ಗೆ ಫೋನ್ ಮಾಡಿದ್ದಾರೆ. ಕಾರವಾರ ಪೊಲೀಸ್ ಕಂಟ್ರೋಲ್ ರೂಮಿನಲ್ಲಿ ಆಗ ರಫಿಕ್ ಹೀರೆಮನಿ ಅವರು ಕರ್ತವ್ಯದಲ್ಲಿದ್ದು, ಫೋನ್ ಸ್ವೀಕರಿಸಿದ ಅವರ ಬಳಿ ರಾಘವೇಂದ್ರ ಲಕ್ಷ್ಮೀಶ್ವರ ಅವರು ತಮಗಾದ ಸಮಸ್ಯೆ ಹೇಳಿದ್ದಾರೆ. `ನೆರವು ನೀಡಿ’ ಎಂದು ಮನವಿ ಮಾಡಿದ್ದಾರೆ. ಫೋನ್ ಕಟ್ ಆದ 15 ನಿಮಿಷದ ಒಳಗೆ ಅಲ್ಲಿ 112 ಪೊಲೀಸ್ ಜೀಪ್ ಬಂದಿದೆ. ಆ ಜೀಪಿನಲ್ಲಿದ್ದ ಪೊಲೀಸ್ ಸಿಬ್ಬಂದಿ ಸಚಿನ್ ನಾಯಕ ಅವರು ರಾಘವೇಂದ್ರ ಲಕ್ಷ್ಮೀಶ್ವರ ಅವರ ಕಷ್ಟ ಅರ್ಥ ಮಾಡಿಕೊಂಡಿದ್ದಾರೆ. `ಮನೆಯಲ್ಲಿ ಅಪ್ಪ-ಅಮ್ಮ ಮಾತ್ರವಿದ್ದು, ಅವರು ಕಾಯುತ್ತಿದ್ದಾರೆ. ಎಷ್ಟೇ ರಾತ್ರಿಯಾದರೂ ಮನೆ ಮುಟ್ಟಬೇಕು’ ಎಂದು ರಾಘವೇಂದ್ರ ಲಕ್ಷ್ಮೀಶ್ವರ ಅವರು ಹೇಳಿದ್ದಾರೆ. ಕೂಡಲೇ ಕಾರ್ಯಪ್ರರ್ವತ್ತರಾದ ಪೊಲೀಸ್ ಸಿಬ್ಬಂದಿ ಸಚಿನ್ ನಾಯಕ ಹಾಗೂ ಅವರ ವಾಹನ ಚಾಲಕ ವಿಘ್ನೇಶ್ವರ ತಾಂಡೇಲ್ ಸೇರಿ ರಾಘವೇಂದ್ರ ಲಕ್ಷ್ಮೀಶ್ವರ ಅವರನ್ನು 4ಕಿಮೀ ದೂರದ ಪೆಟ್ರೋಲ್ ಬಂಕಿಗೆ ಕರೆದೊಯ್ದಿದ್ದಾರೆ. ಅವರಿಗೆ ಪೆಟ್ರೋಲ್ ಕೊಡಿಸಿ, ಬೈಕ್ ಏರುವವರೆಗೂ ಜೊತೆಗೆ ನಿಂತಿದ್ದಾರೆ. ಪೊಲೀಸರು ಮಾಡಿದ ಈ ಸಹಾಯದಿಂದ ರಾಘವೇಂದ್ರ ಲಕ್ಷ್ಮೀಶ್ವರ ಅವರು ರಾತ್ರಿ 2.30ಕ್ಕೆ ಮನೆಗೆ ಮುಟ್ಟಿದ್ದಾರೆ. ಪೊಲೀಸರೆಂದರೆ ಸಾಮಾನ್ಯವಾಗಿ ಎಲ್ಲರಿಗೂ ಭಯವಿರುತ್ತದೆ. ಆದರೆ, ಪೊಲೀಸರ ಈ ಒಂದು ಕೆಲಸದಿಂದಾಗಿ ಅನೇಕರ ಭಯ ದೂರವಾಗಿದೆ. ಈ ಬಗ್ಗೆ ರಾಘವೇಂದ್ರ ಲಕ್ಷ್ಮೀಶ್ವರ ಅವರು ಸಹ ತಮ್ಮ ಅನುಭವ ಬರೆದುಕೊಂಡಿದ್ದು, ಪೊಲೀಸರು ಕಿಂಚಿತ್ತು ಬೇಸರಿಸಿಕೊಳ್ಳದೇ ಸಹಾಯ ಮಾಡಿದನ್ನು ಸ್ಮರಿಸಿದ್ದಾರೆ. `ತುರ್ತು ಸನ್ನಿವೇಶಗಳಲ್ಲಿ 112ಗೆ ಫೋನ್ ಮಾಡಿ’
- [ಮುರುಡೇಶ್ವರ | ಸಹಾಯ ಮಾಡಲು ಹೋದವನಿಗೆ ಸಂಕಷ್ಟ: ಭಟ್ಟರ ಮನೆ ದಾರಿ ಕೇಳಿದವ ಚಿನ್ನ ಕದ್ದು ಓಡಿದ!](https://mobiletime.in/2026/07/murudeshwar-trouble-for-a-good-samaritan-man-who-asked-for-directions-to-bhats-house-stole-gold-and-fled/): ವಿಳಾಸ ಕೇಳುವುದಕ್ಕಾಗಿ ಮಾದೇವ ನಾಯ್ಕ ಅವರ ಸ್ಕೂಟಿಗೆ ಅಡ್ಡಲಾಗಿ ಕೈ ಮಾಡಿದ ವ್ಯಕ್ತಿಯೊಬ್ಬರು ಮಾದೇವ ನಾಯ್ಕ ಅವರ ಕತ್ತಿನಲ್ಲಿದ್ದ ಚಿನ್ನದ ಸರ ಎಗರಿಸಿದ್ದಾರೆ. ಈ ವೇಳೆ ಮಾದೇವ ನಾಯ್ಕ ಅವರು ಜೋರು ಬೊಬ್ಬೆ ಹೊಡೆದಿದ್ದು, ಆ ಬೊಬ್ಬೆ ಕೇಳಿ ಅಲ್ಲಿಗೆ ಆಗಮಿಸಿದ ವಿಶ್ವ ದೇವಾಡಿಗ ಅವರಿಂದಲೂ ಚಿನ್ನದ ಸರ ಎಗರಿಸಿದವರನ್ನು ಹಿಡಿಯಲು ಸಾಧ್ಯವಾಗಿಲ್ಲ. ಭಟ್ಕಳದ ಮುರುಡೇಶ್ವರ ಬೈಲೂರು ದೊಡ್ಡ ಬೆಳಸೆಯಲ್ಲಿ ಮಾದೇವ ನಾರಾಯಣ ನಾಯ್ಕ ಅವರು ವಾಸವಾಗಿದ್ದಾರೆ. 56 ವರ್ಷದ ಅವರು ಕಿರಾಣಿ ಅಂಗಡಿ ನಡೆಸಿ ಬದುಕು ಕಟ್ಟಿಕೊಂಡಿದ್ದಾರೆ. ಪ್ರತಿ ದಿನ ಬೆಳಗ್ಗೆ 8 ಗಂಟೆಗೆ ಅವರು ಕಿರಾಣಿ ಅಂಗಡಿಗೆ ಹಾಜರಾಗುತ್ತಾರೆ. ಮಧ್ಯಾಹ್ನ ಊಟಕ್ಕೆ ಮನೆಗೆ ಹೋಗಿ ಬರುವ ಅವರು ರಾತ್ರಿ 9.30ರವರೆಗೂ ಅಂಗಡಿ ನಡೆಸುತ್ತಾರೆ. ದಿನವಿಡೀ ದುಡಿದ ದುಡಿಮೆ ಹಣದಿಂದ ಅವರು ಒಂದು ಎಳೆಯ ಚಿನ್ನದ ಸರ ಮಾಡಿಸಿಕೊಂಡಿದ್ದು, ಅದನ್ನು ಮೈಮೇಲೆ ಹಾಕಿಕೊಂಡೇ ಓಡಾಡುತ್ತಾರೆ. ಇದನ್ನು ನೋಡಿದ ದುಷ್ಕರ್ಮಿಗಳಿಬ್ಬರು ಆ ಚಿನ್ನದ ಸರ ಎಗರಿಸಿದ್ದಾರೆ. ಜೂನ್ 20ರ ರಾತ್ರಿ ಮಾದೇವ ನಾಯ್ಕ ಅವರು ಎಂದಿನAತೆ ತಮ್ಮ ಅಂಗಡಿಗೆ ಬೀಗ ಹಾಕಿದ್ದಾರೆ. ಅದಾದ ನಂತರ ಸ್ಕೂಟಿ ಮೇಲೆ ಅವರು ಮನೆ ಕಡೆ ಸಂಚರಿಸಿದ್ದು, ಬೆಲಸೆ ಕ್ರಾಸಿನ ಬಳಿ ಸ್ಕೂಟಿ ನಿಧಾನ ಮಾಡಿದ್ದಾರೆ. ದೊಡ್ಡ ಬೆಲಸೆ ಕ್ರಾಸಿನ ಬಳಿ ಹೋಗುವಾಗ ಅಲ್ಲಿ ಅಪರಿಚಿತ ವ್ಯಕ್ತಿಯೊಬ್ಬರು ಸ್ಕೂಟಿಗೆ ಅಡ್ಡಲಾಗಿ ಕೈ ಮಾಡಿದ್ದಾರೆ. ದಾರಿ ತಪ್ಪಿ ಬಂದಿರುವವರ ಬಗ್ಗೆ ಯೋಚಿಸಿದ ಮಾದೇವ ನಾಯ್ಕ ಅವರು ಸ್ಕೂಟಿ ನಿಲ್ಲಿಸಿದ್ದಾರೆ. ಆಗ, ಆ ಅಪರಿಚಿತ ವ್ಯಕ್ತಿ `ಬೆಲಸೆ ಭಟ್ಟರ ಮನೆಗೆ ಹೋಗುವ ದಾರಿ ಹೇಗೆ?’ ಎಂದು ಕೇಳಿದ್ದಾರೆ. ಅದಕ್ಕೆ ಮಾದೇವ ನಾಯ್ಕ ಅವರು `ಹೀಗೆ ಮುಂದೆ ಹೋಗಬೇಕು’ ಎಂದಿದ್ದಾರೆ. ಅದಾದ ನಂತರ ಆ ಅಪರಿಚಿತ `ಜೇಬಿನಲ್ಲಿ ಎಷ್ಟು ದುಡ್ಡು ಇಟ್ಟಿದ್ದೀರಿ?’ ಎಂದು ಪ್ರಶ್ನಿಸಿದ್ದಾರೆ. `ದುಡ್ಡು ಏಕೆ?’ ಎಂದು ಮಾದೇವ ನಾಯ್ಕ ಅವರು ಪ್ರಶ್ನಿಸುವಾಗಲೇ ಆ ಅಪರಿಚಿತನ ಕೈ ಕೊರಳ ಬಳಿ ಹೋಗಿದೆ. ಕೊರಳಿನಲ್ಲಿದ್ದ ಚಿನ್ನದ ಸರ ಎಗರಿಸಿದ ಆ ಅಪರಿಚಿತ ಅಲ್ಲಿಯೇ ಅನತಿ ದೂರದಲ್ಲಿ ನಿಂತಿದ್ದ ಬೈಕ್ ಏರಿ ಪರಾರಿಯಾಗಿದ್ದಾರೆ. ಆ ಬೈಕು ಮಂಕಿ ಕಡೆ ಹೋಗಿದನ್ನು ಮಾದೇವ ನಾಯ್ಕ ಅವರು ನೋಡಿದ್ದಾರೆ. ಅದಾದ ನಂತರ ಮಾದೇವ ನಾಯ್ಕ ಅವರು ಜೋರಾಗಿ ಕೂಗಿಕೊಂಡಿದ್ದು, ವಿಶ್ವ ದೇವಾಡಿಗ ಅವರು ಅಲ್ಲಿಗೆ ಬಂದಿದ್ದಾರೆ. ನಡೆದ ವಿಷಯ ತಿಳಿದ ವಿಶ್ವ ದೇವಾಡಿಗ ಅವರು ಕಳ್ಳರನ್ನು ಹಿಡಿಯುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಅದು ಸಾಧ್ಯವಾಗಿಲ್ಲ. 1 ಲಕ್ಷ ರೂ ಮೌಲ್ಯದ ಚಿನ್ನದ ಸರ ಕಳೆದುಕೊಂಡ ಕಿರಾಣಿ ಅಂಗಡಿ ಮಾಲಕ ಮಾದೇವ ದೇವಾಡಿಗ ಅವರು ತಮಗಾದ ಅನ್ಯಾಯದ ಬಗ್ಗೆ ಪೊಲೀಸರಲ್ಲಿ ಹೇಳಿದ್ದಾರೆ. ಸಹಾಯ ಮಾಡಲು ಹೋಗಿ ಸಂಕಷ್ಟಕ್ಕೆ ಸಿಲುಕಿದ ವಿಷಯ ಕೇಳಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಅಪರಿಚಿತರ ಬಗ್ಗೆ ಎಚ್ಚರಿಕೆವಹಿಸಿ’
- [ಅಂಕೋಲಾ | ಸ್ನೇಹಿತೆಯ ಚಿನ್ನದಾಸೆಗೆ ಕುರುಪಿಯಾದ ಚಲುವೆ!](https://mobiletime.in/2026/07/ankola-young-woman-falls-victim-to-a-friends-greed-for-gold/): ಚಿನ್ನದ ಆಸೆಗೆ ಸ್ನೇಹಿತೆಯಿಂದಲೇ ದಾಳಿಗೆ ಒಳಗಾದ ಅಂಕೋಲಾದ ಯೋಗೇಶ್ವರಿ ಹರಿಕಂತ್ರ ಅವರು ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾರೆ. ಈವರೆಗೆ 10 ಲಕ್ಷ ರೂ ಖರ್ಚು ಮಾಡಿದರೂ ಅವರ ಆರೋಗ್ಯದಲ್ಲಿ ಸುಧಾರಣೆ ಕಂಡಿಲ್ಲ. ಅoಕೋಲಾದ ಕೂರ್ವೆಯ ಯೋಗೇಶ್ವರಿ ಸೀತಾರಾಮ ಹರಿಕಂತ್ರ ಅವರು ಮಣಿಪಾಲದಲ್ಲಿ ಕೆಲಸ ಮಾಡುತ್ತಿದ್ದರು. ಅವರ ಬಳಿಯಿದ್ದ ಚಿನ್ನದ ಮೇಲೆ ಆಸೆಪಟ್ಟ ಕೂರ್ವೆ ಮೂಲದ ಸುಷ್ಮಾ ಅಣ್ಣಪ್ಪ ನಾಯ್ಕ ಅವರು ಯೋಗೇಶ್ವರಿ ಅವರ ಮೇಲೆ ದಾಳಿ ಮಾಡಿ, ಚಿನ್ನ ಕದ್ದಿದ್ದರು. ಮೇ 12ರ ರಾತ್ರಿ ಯೋಗೇಶ್ವರಿ ಅವರು ಕೋಣೆಯಲ್ಲಿ ಮಲಗಿದ್ದಾಗ ಮಾರಣಾಂತಿಕ ದಾಳಿ ನಡೆದಿದ್ದು, ಇನ್ನಿತರ ಸ್ನೇಹಿತರು ಆ ಕೋಣೆ ಪ್ರವೇಶಿಸಿದಾಗ ಯೋಗೇಶ್ವರಿ ಅವರು ರಕ್ತಸ್ರಾವದಿಂದ ಅಸ್ವಸ್ಥರಾಗಿದ್ದು ಗಮನಕ್ಕೆ ಬಂದಿತ್ತು. ಕೂಡಲೇ ಅವರೆಲ್ಲರೂ ಸೇರಿ ಯೋಗೇಶ್ವರಿ ಹರಿಕಂತ್ರ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಪ್ರಕರಣದ ಬಗ್ಗೆ ವಿಚಾರಣೆ ಶುರು ಮಾಡಿದ ಮಣಿಪಾಲ ಪೊಲೀಸರು ಆರಂಭದಲ್ಲಿ ಹಲವು ಆಯಾಮಗಳಲ್ಲಿ ತನಿಖೆ ನಡೆಸಿದರೂ ಸತ್ಯ ಹೊರ ಬಿದ್ದಿರಲಿಲ್ಲ. ಆ ಕಟ್ಟಡದಲ್ಲಿ ಸಿಸಿಟಿವಿ ವ್ಯವಸ್ಥೆ ಇಲ್ಲದಿರುವುದು ಹಾಗೂ ಮೊಬೈಲ್ ಪರಿಶೀಲನೆಯಲ್ಲಿಯೂ ಯಾವುದೇ ಸುಳಿವು ಸಿಗದಿರುವುದು ತನಿಖೆಗೆ ಸವಾಲಾಗಿತ್ತು. ಮಣಿಪಾಲ ಠಾಣೆಯ ಸಿಪಿಐ ಮಹೇಶ್ ಪ್ರಸಾದ್ ಅವರ ನೇತೃತ್ವದಲ್ಲಿ ತನಿಖೆ ಮುಂದುವರಿದಿದ್ದು, ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಸೇರಿದಂತೆ ಹಲವರು ಸಮರ್ಪಕ ತನಿಖೆಗೆ ಸೂಚಿಸಿದ್ದರು. ಯೋಗೇಶ್ವರಿಯ ಸ್ನೇಹಿತರು ಹಾಗೂ ಆಸ್ಪತ್ರೆಗೆ ದಾಖಲಿಸಲು ಬಂದವರನ್ನು ಪ್ರತ್ಯೇಕವಾಗಿ ವಿಚಾರಣೆ ನಡೆಸಿದಾಗ ಆರೋಪಿಯ ಹೇಳಿಕೆಗಳಲ್ಲಿ ವ್ಯತ್ಯಾಸ ಕಂಡುಬoದಿದ್ದರಿoದ ಸತ್ಯ ಹೊರ ಬಂದಿತ್ತು. ಕೂರ್ವೆ ಮೂಲದ ಸುಷ್ಮಾ ಅಣ್ಣಪ್ಪ ನಾಯ್ಕ ಎಂಬಾಕೆ ಚಿನ್ನದ ಸರ ಕಳವು ಮಾಡುವ ಉದ್ದೇಶದಿಂದ ಯೋಗೇಶ್ವರಿಯ ಮೇಲೆ ಹಲ್ಲೆ ನಡೆಸಿರುವುದು ತನಿಖೆಯಲ್ಲಿ ಗೊತ್ತಾಯಿತು. ಕೋಣೆಯಲ್ಲಿ ಮಲಗುವ ನೆಪದಲ್ಲಿ ಬಂದಿದ್ದ ಆರೋಪಿಯು ಸಿಮೆಂಟ್ ಕಲ್ಲಿನಿಂದ ಯೋಗೇಶ್ವರಿಯ ತಲೆಗೆ ಮಾರಣಾಂತಿಕವಾಗಿ ಹಲ್ಲೆ ಮಾಡಿರುವುದು ಪೊಲೀಸರ ಅರಿವಿಗೆ ಬಂದಿತು. ಮೂರು ಗಂಟೆಗಳ ಕಾಲ ತೀವ್ರ ರಕ್ತಸ್ರಾವವಾಗಿದ್ದರಿಂದ ಯೋಗೇಶ್ವರಿಯ ಮೆದುಳಿಗೆ ಗಂಭೀರ ಆಘಾತ ಆದ ಬಗ್ಗೆ ವೈದ್ಯರು ಹೇಳಿದ್ದರು. ಹಲವು ದಿನಗಳ ಕಾಲ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ಯೋಗೇಶ್ವರಿಯನ್ನು ಉಳಿಸಿಕೊಳ್ಳಲು ಪೋಷಕರು ಸಾಲ ಮಾಡಿದರು. ಇತರರ ನೆರವಿನಿಂದಲೂ ಈಗಾಗಲೇ 10ರೂ ಖಾಲಿ ಮಾಡಿದರು. ಪ್ರಸ್ತುತ ಮೆದುಳಿಗೆ ಗಂಭೀರ ಗಾಯವಾಗಿರುವ ಹಿನ್ನೆಲೆಯಲ್ಲಿ ಮಂಗಳೂರಿನ ಫಸ್ಟ್ ನ್ಯೂರೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿದಿದೆ. ಮುಂದಿನ ಚಿಕಿತ್ಸೆಗೆ ಇನ್ನೂ ಸುಮಾರು 7 ಲಕ್ಷ ರೂ ಅಗತ್ಯವಿದ್ದು, ಹಣ ಹೊಂದಿಸಲಾಗದೆ ಕುಟುಂಬಸ್ಥರು ಅಸಹಾಯಕರಾಗಿದ್ದಾರೆ. ಯೋಗೇಶ್ವರಿ ಹರಿಕಂತ್ರ ಅವರ ಚಿಕಿತ್ಸೆಗೆ ನೆರವು ನೀಡಲು ಬಯಸುವವರು ಇಲ್ಲಿ ಸ್ಕಾನ್ ಮಾಡಿ
- [ಮುಂಡಗೋಡು | ಬೆಳೆ ಸಾಲಕ್ಕೆ ಹೆದರಿ ಕ್ರಿಮಿನಾಶಕ ಸೇವಿಸಿದ ಯುವ ರೈತ!](https://mobiletime.in/2026/07/mundgod-young-farmer-consumes-pesticide-fearing-crop-loan-burden/): ಒಂದುವರೆ ಲಕ್ಷ ರೂ ಬೆಳೆ ಸಾಲ ತೀರಿಸಲಾಗದ ಕಾರಣ ಮುಂಡಗೋಡಿನ ಹನುಮಂತ ಭದ್ರಾಪುರ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಹೊಲಕ್ಕೆ ಹೊಡೆಯಲು ತಂದಿದ್ದ ಕ್ರಿಮಿನಾಶಕ ಸೇವಿಸಿದ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಿದರೂ ಬದುಕಿಸಲು ಸಾಧ್ಯವಾಗಿಲ್ಲ. ಮುಂಡಗೋಡದ ಚಡವಳ್ಳಿಯಲ್ಲಿ ಹನುಮಂತ ಯಲ್ಲಪ್ಪ ಭದ್ರಾಪುರ (30) ಅವರು ವಾಸವಾಗಿದ್ದರು. ಅವರ ತಾಯಿ ಸೋಮಕ್ಕ ಭದ್ರಾಪುರ ಅವರ ಹೆಸರಿನಲ್ಲಿರುವ ಭೂಮಿ ಅಭಿವೃದ್ಧಿಗೆ ಸಾಲ ಮಾಡಿದ್ದರು. ಕೆರವಳ್ಳಿ ಗ್ರಾಮದಲ್ಲಿ 5 ಎಕರೆ ಭೂಮಿಯಲ್ಲಿ ಅವರು ವಿವಿಧ ಕೃಷಿ ಚಟುವಟಿಕೆ ನಡೆಸಿದ್ದರು. ಇದಕ್ಕಾಗಿ ಚಡವಳ್ಳಿ-ಮಲವಳ್ಳಿ ಗ್ರೂಪ್ ಸೇವಾ ಸಹಕಾರಿ ಸಂಘದಲ್ಲಿ ಅವರು 149000ರೂ ಬೆಳೆಸಾಲವನ್ನುಪಡೆದಿದ್ದರು. ಆದರೆ, ಮಳೆ ಬಾರದ ಕಾರಣ ಬೆಳೆ ಸರಿಯಾಗಿ ಆಗಲಿಲ್ಲ. ಬೋರ್ ಕೊರೆಸಿದರೂ ಅಲ್ಲಿ ನೀರು ಬರಲಿಲ್ಲ. ಮಳೆ-ಬೆಳೆ ಇಲ್ಲದ ಕಾರಣ ಬೆಳೆ ಸಾಲ ತೀರಿಸಲು ಸಹ ಹನುಮಂತ ಭದ್ರಾಪುರ ಅವರಿಂದ ಸಾಧ್ಯವಾಗಲಿಲ್ಲ. ಅದೇ ನೋವಿನಲ್ಲಿದ್ದ ಅವರು ಜುಲೈ 17ರಂದು ಹೊಲಕ್ಕೆ ಹೊಡೆಯಲು ತಂದಿದ್ದ ಕ್ರಿಮಿನಾಶಕ ಸೇವಿಸಿದರು. ಅಸ್ವಸ್ಥರಾದ ಅವರನ್ನು ಮುಂಡಗೋಡು ಸರ್ಕಾರಿ ಆಸ್ಪತ್ರೆಗೆ ಸಾಗಿಸಿ, ನಂತರ ಹುಬ್ಬಳ್ಳಿಗೆ ಕರೆದೊಯ್ಯಲಾಯಿತು. ಆದರೆ, ಅಲ್ಲಿಯೂ ಚಿಕಿತ್ಸೆ ಫಲಕಾರಿಯಾಗದೇ ಜುಲೈ 20ರಂದು ಅವರು ಸಾವನಪ್ಪಿದರು. ಅಣ್ಣನ ಸಾವಿನ ಬಗ್ಗೆ ರವಿ ಭದ್ರಾಪುರ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು.
- [ಹಳಿಯಾಳ | ಚೀನಾದಲ್ಲಿ ಮಿಂಚಿದ ಶಿವಾಜಿ: ಸನ್ಮಾನ](https://mobiletime.in/2026/07/haliyal-shivaji-shines-in-china-felicitated/): ಚೀನಾದಲ್ಲಿ ನಡೆದ ಅಥ್ಲೆಟಿಕ್ ಚಾಂಪಿಯನ್ ಶಿಫ್’ನಲ್ಲಿ ಭಾಗವಹಿಸಿದ ಹಳಿಯಾಳದ ಶಿವಾಜಿ ಪರಶುರಾಮ ಮಾದಪ್ಪನ ಗೌಡ್ರು ಅವರು 5 ಹಾಗೂ 10 ಸಾವಿರ ಮೀಟರ್ ವಿಭಾಗದಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಾರೆ. ಅವರ ಸಾಧನೆ ಗಮನಿಸಿ ಜಿಲ್ಲಾಡಳಿತ ಅವರನ್ನು ಗೌರವಿಸಿದೆ. `ಹಳಿಯಾಳ ತಾಲೂಕಿನ ಬೆಳವಟಗಿ ಗ್ರಾಮದ ಕ್ರೀಡಾಪಟು ಶಿವಾಜಿ ಪರಶುರಾಮ ಮಾದಪ್ಪನ ಗೌಡ್ರು ಅವರ ಸಾಧನೆ ಜಿಲ್ಲೆಯ ಎಲ್ಲಾ ಕ್ರೀಡಾಪಟುಗಳಿಗೆ ಸ್ಪೂರ್ತಿಯಾಗಲಿ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮಿಪ್ರಿಯಾ ಹೇಳಿದ್ದಾರೆ. ಅವರು ಸೋಮವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಕ್ರೀಡಾಪಟು ಶಿವಾಜಿ ಅವರಿಗೆ ಅವರ ಸಾಧನೆಯನ್ನು ಅಭಿನಂದಿಸಿ ಜಿಲ್ಲಾಡಳಿತದ ಮೂಲಕ ಆಯೋಜಿಸಿದ್ದ ಅಭಿನಂದನಾ ಕಾರ್ಯಕ್ರಮದಲ್ಲಿ ಮಾತನಾಡಿದ್ದು, `ಹಳಿಯಾಳ ತಾಲೂಕಿನ ಸಣ್ಣ ಪ್ರದೇಶದಿಂದ ಬಂದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಈ ರೀತಿಯ ಸಾಧನೆ ಮಾಡಿರುವುದು ನಮ್ಮೆಲ್ಲರಿಗೂ ಹಾಗೂ ಇಡೀ ಜಿಲ್ಲೆಗೆ ಅತ್ಯಂತ ಹೆಮ್ಮೆಯ ವಿಷಯವಾಗಿದೆ. ಶಿವಾಜಿ ಅವರು ಜಿಲ್ಲೆಯನ್ನು ವಿಶ್ವ ಮಟ್ಟದಲ್ಲಿ ಗುರುತಿಸುವಂತೆ ಮಾಡಿದ್ದಾರೆ’ ಎಂದು ಹೇಳಿದರು. ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಮಾತನಾಡಿ `ಜಿಲ್ಲೆಯಲ್ಲಿ ಕ್ರೀಡಾಪಟುಗಳಿಗೆ ಉತ್ತಮ ಸಾಧನೆ ಮಾಡುವಂತ ಪ್ರಾಕೃತಿಕ ವಾತಾವರಣವಿದ್ದು, ಕಾರವಾರದ ಜಿಲ್ಲಾ ಕ್ರೀಡಾಂಗಣವನ್ನು ಉತ್ತಮ ರೀತಿಯಲ್ಲಿ ಅಭಿವೃದ್ಧಿಪಡಿಸಲಾಗುವುದು. ಪೋಷಕರು ಮಕ್ಕಳಿಗೆ ಕ್ರೀಡೆಯಲ್ಲಿ ಭಾಗವಹಿಸಲು ಪ್ರೋತ್ಸಾಹಿಸಬೇಕು ವಿದ್ಯಾರ್ಥಿಗಳು ಪಠ್ಯದಲ್ಲಿ ಮಾತ್ರವಲ್ಲದೇ ಕ್ರೀಡೆ ಮತ್ತು ಸಾಂಸ್ಕೃತಿಕ ರಂಗದಲ್ಲೂ ಕೂಡಾ ತೊಡಗಿಕೊಳ್ಳಬೇಕು’ ಎಂದರು. ಜಿಲ್ಲಾಡಳಿತ ಅಭಿನಂದನೆ ಸ್ವೀಕರಿಸಿ ಮಾತನಾಡಿದ `ಕ್ರೀಡಾಪಟು ಶಿವಾಜಿ ಅವರು ಉತ್ತರ ಕನ್ನಡ ಜಿಲ್ಲೆಯ ಮಕ್ಕಳಿಗೆ ಕ್ರೀಡೆಯಲ್ಲಿ ಅತ್ಯುತ್ತಮ ಸಾಧನೆ ಮಾಡುವ ಪ್ರತಿಭೆ ಇದ್ದು, ಅವರಿಗೆ ಅಭ್ಯಾಸ ಮಾಡಲು ಕಾರವಾರದ ಜಿಲ್ಲಾ ಕ್ರೀಡಾಂಗಣದಲ್ಲಿ ಅಗತ್ಯ ಸುಸಜ್ಜಿತ ಸೌಲಭ್ಯಗಳನ್ನು ಒದಗಿಸಬೇಕು. ಸತತ ಪ್ರಯತ್ನ, ಕಠಿಣ ಪರಿಶ್ರಮ ಮತ್ತು ತಾಳ್ಮೆಯಿಂದ ಸಾಧನೆಗಳನ್ನು ಮಾಡಲು ಸಾಧ್ಯವಾಗಲಿದ್ದು, ಮುಂದಿನ ದಿನಗಳಲ್ಲಿ ಕಾಮನ್ ವೆಲ್ತ್, ಏಷ್ಯನ್ ಗೇಮ್ಸ್ ಮತ್ತು ಒಲಂಪಿಕ್ಸ್ ನಲ್ಲಿ ಪದಕ ಪಡೆಯುವ ಗುರಿಯನ್ನು ಹೊಂದಿದ್ದು, ಜಿಲ್ಲೆಗೆ ಮತ್ತು ದೇಶಕ್ಕಾಗಿ ಇನ್ನೂ ಉತ್ತಮ ಸಾಧನೆ ಮಾಡುತ್ತೇನೆ’ ಎಂದರು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ.ಎನ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಕ್ರೀಡಾ ಇಲಾಖೆಯ ಸಹಾಯಕ ನಿರ್ದೇಶಕ ರವಿ ನಾಯ್ಕ ಇದ್ದರು. ಆರಂಭಿಕ ಹಂತದಲ್ಲಿ ಶಿವಾಜಿ ಅವರಲ್ಲಿದ್ದ ಪ್ರತಿಭೆಯನ್ನು ಗುರುತಿಸಿ ಪ್ರೋತ್ಸಾಹಿಸಿದ ಕೋಚ್ ಪ್ರಕಾಶ್ ಅವರಿಗೆ ಅಭಿನಂದಿಸಲಾಯಿತು. ಕಾರವಾರದ ರೋಟರಿ ಸೀ ಸೈಡ್ ಸೇರಿದಂತೆ ವಿವಿಧ ಸಂಘ ಸಂಸ್ಥೆಗಳು ಶಿವಾಜಿ ಅವರನ್ನು ಅಭಿನಂದಿಸಿ, ನಗದು ಬಹುಮಾನ ನೀಡಲಾಯಿತು.  
- [ಹೊನ್ನಾವರ | ಬಲೆಗೆ ಬಿದ್ದ ಮೀನುಗಾರ: ಅಲೆಗಳ ಅಬ್ಬರಕ್ಕೆ ಸಿಲುಕಿ ಸಾವು!](https://mobiletime.in/2026/07/honnavara-fisherman-trapped-dies-after-being-caught-in-raging-waves/): ಮೀನುಗಾರಿಕೆ ನಡೆಸುವುದಕ್ಕಾಗಿ ಬಲೆಗಳ ಜೊತೆ ಸಮುದ್ರಕ್ಕೆ ಹೋಗಿದ್ದ ಲಿಂಗಾ ಹರಿಕಂತ್ರ ಅವರು ಅದೇ ಬಲೆಗಳ ನಡುವೆ ಸಿಲುಕಿ ಸಾವನಪ್ಪಿದ್ದಾರೆ. ಬಲೆಯಲ್ಲಿ ಕಾಲು ಸಿಕ್ಕಿ ಸಮುದ್ರಕ್ಕೆ ಬಿದ್ದ ಅವರಿಗೆ ಭಾರೀ ಗಾತ್ರದ ಅಲೆ ಅಪ್ಪಳಿಸಿದ್ದು, ಆಳ ಸಮುದ್ರದಲ್ಲಿ ಮುಳುಗಿ ಅವರು ಕೊನೆಯುಸಿರೆಳೆದಿದ್ದಾರೆ. ಹೊನ್ನಾವರದ ಮಂಕಿ ಹೊಸಹಿತ್ಲದಲ್ಲಿ ಲಿಂಗಾ ಮಂಜು ಹರಿಕಂತ್ರ ಅವರು ವಾಸವಾಗಿದ್ದರು. 54 ವರ್ಷದ ಅವರು ಜುಲೈ 18ರ ಸಂಜೆ ಮೀನುಗಾರಿಕೆಗೆ ಹೋಗಿದ್ದರು. ಮನೆಯಲ್ಲಿದ್ದ ಏಳು ಬಲೆಗಳನ್ನು ಹಿಡಿದು ಅವರು ಮೀನು ಹಿಡಿಯಲು ಹೊರಟಿದ್ದು, ಮರುದಿನ ಬೆಳಗ್ಗೆ 3 ಗಂಟೆ ವೇಳೆಗೆ ಅವಘಡಕ್ಕೆ ಸಿಲುಕಿದರು. ಹೊಸಹಿತ್ಲದಿಂದ ಅರಬ್ಬಿ ಸಮುದ್ರಕ್ಕೆ ಹೋಗಿದ್ದ ಅವರು ಆಳ ಸಮುದ್ರದಲ್ಲಿ ನಡೆದ ದುರಂತದಲ್ಲಿ ತಮ್ಮ ಉಸಿರು ನಿಲ್ಲಿಸಿದರು. ಜುಲೈ 19ರ ನಸುಕಿನ 3 ಗಂಟೆಗೆ ಲಿಂಗಾ ಹರಿಕಂತ್ರ ಅವರ ಬೀಸಿದ್ದ ಬಲೆಯೊಳಗೆ ಅವರ ಕಾಲು ಸಿಕ್ಕಿಬಿದ್ದಿತು. ಅದರಿಂದ ತಪ್ಪಿಸಿಕೊಳ್ಳುವದರೊಳಗೆ ದೊಡ್ಡ ಅಲೆಯೊಂದು ಅವರಿಗೆ ಬಡಿಯಿತು. ನೀರಿಗೆ ಬಿದ್ದ ಅವರಿಗೆ ಮೇಲೆ ಬರಲು ಸಾಧ್ಯವಾಗಲಿಲ್ಲ. ಬಲೆಯೊಳಗೆ ಸಿಕ್ಕಿಬಿದ್ದ ಕಾರಣ ಈಜಲು ಸಹ ಆಗಲಿಲ್ಲ. ಹೀಗಾಗಿ ಅವರು ಅಲ್ಲಿಯೇ ಸಾವನಪ್ಪಿದರು. ಅವರ ಸಂಬAಧಿಯೂ ಆಗಿರುವ ನಾಗೇಶ ಮಂಜಪ್ಪ ಹರಿಕಂತ್ರ (40) ಅವರು ಈ ವಿಷಯ ಪೊಲೀಸರಿಗೆ ಮುಟ್ಟಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು. `ಕೆಲಸ ಮಾಡುವಾಗ ಮುನ್ನಚ್ಚರಿಕೆವಹಿಸಿ’  
- [ಕಾರವಾರ | ಸರಾಯಿ ಕುಡಿದು ಕಾರು ಓಡಿಸಿದ ವ್ಯಾಪಾರಿ!](https://mobiletime.in/2026/07/karwar-businessman-drives-car-after-consuming-arrack/): ಕಂಠಪೂರ್ತಿ ಸರಾಯಿ ಕುಡಿದ ಕಾರವಾರದ ವ್ಯಾಪಾರಿ ವಸಂತ ಶೇಟ್ ಅವರು ಅಡ್ಡಾದಿಡ್ಡಿ ಕಾರು ಓಡಿಸಿದ್ದು, ಹಲವು ಅವಾಂತರಗಳಿಗೆ ಕಾರಣರಾಗಿದ್ದಾರೆ. ವಸಂತ ಶೇಟ್ ಅವರು ಓಡಿಸಿದ ಕಾರು ಗಿಂಡಿವಾಡದ ಬಳಿ ಮತ್ತೊಂದು ಕಾರಿಗೆ ಗುದ್ದಿದ್ದು, ಅದಾದ ನಂತರ ಆಂಬುಲೆನ್ಸಿಗೆ ಡಿಕ್ಕಿ ಹೊಡೆದಿದೆ. ನಂತರ ತರಕಾರಿ ಮಾರಾಟ ಮಾಡುತ್ತಿದ್ದ ಪ್ರಮೀಳಾ ತಳ್ಳೇಕರ್ ಅವರಿಗೂ ಆ ಕಾರು ಗುದ್ದಿದೆ. ಕಾರವಾರದ ಬಾಡ ಬಳಿಯ ಸೋನಾರವಾಡದ ಬಳಿ ವಸಂತ ಕರಿಯಪ್ಪ ಶೇಟ್ ಅವರು ವಾಸವಾಗಿದ್ದಾರೆ. ವ್ಯಾಪಾರಿಯಾಗಿ ಬದುಕು ಕಟ್ಟಿಕೊಂಡಿರುವ ಅವರಿಗೆ ಹಗಲಿನಲ್ಲಿಯೇ ಮದ್ಯಪಾನ ಮಾಡುವ ಚಟವಿದೆ. ಮದ್ಯಪಾನ ಮಾಡಿದ ನಂತರ ಮನೆಯಲ್ಲಿರುವುದನ್ನು ಬಿಟ್ಟು ಅವರು ತಮ್ಮ ಕಾರು ತೆಗೆದುಕೊಂಡು ಎಲ್ಲಡೆ ಓಡಾಡುತ್ತಿದ್ದು, ಅದು ಒಂದಿಲ್ಲೊoದು ಅವಘಡಕ್ಕೆ ಕಾರಣವಾಗಿದೆ. ಜುಲೈ 19ರಂದು ಮಧ್ಯಾಹ್ನವೇ ವಸಂತ ಶೇಟ್ ಅವರು ಟೈಟ್ ಆಗಿದ್ದಾರೆ. ಅದಾದ ನಂತರ ತಮ್ಮ ಕಾರಿನ ಜೊತೆ ಅವರು ರಸ್ತೆಗಿಳಿದಿದ್ದಾರೆ. ಸಾಯಿ ನಗರದಿಂದ ನಂದನಗದ್ದಾ ಕಡೆ ಕಾರು ಓಡಿಸಿದ ಅವರು ಒಮ್ಮೆಲೆ ತಾವು ಚಲಿಸುವ ದಿಕ್ಕು ಬದಲಿಸಿದ್ದಾರೆ. ಗಿಂಡಿವಾಡದ ಸರ್ಕಾರಿ ಶಾಲೆಯ ಬಳಿ ಅದೇ ವೇಗದಲ್ಲಿ ಕಾರು ತಿರುಗಿಸಿದ್ದು, ಅಲ್ಲಿದ್ದ ಮನೆ ಕಪೌಂಡ್’ಗೆ ಡಿಕ್ಕಿಯಾಗುವುದನ್ನು ಒಮ್ಮೆ ತಪ್ಪಿಸಿದ್ದಾರೆ. ಆದರೆ, ಅಲ್ಲಿದ್ದ ಮತ್ತೊಂದು ಕಾರಿಗೆ ತಮ್ಮ ಕಾರು ಗುದ್ದಿದ್ದಾರೆ. ಅದಾದ ನಂತರ ಅಲ್ಲಿದ್ದವರು ಕೂಗಿದರೂ ಕಾರು ನಿಲ್ಲಿಸದೇ ಇನ್ನಷ್ಟು ವೇಗವಾಗಿ ಶಿವಾಜಿ ಸರ್ಕಲ್ ಕಡೆ ಕಾರು ಓಡಿಸಿದ್ದಾರೆ. ಶಿವಾಜಿ ಸರ್ಕಲ್ ಬಳಿಯಿದ್ದ 108 ಆಂಬುಲೆನ್ಸಿಗೆ ತಮ್ಮ ಕಾರು ಗುದ್ದಿದ್ದಾರೆ. ಆಂಬುಲೆನ್ಸಿಗೆ ಕಾರು ಗುದ್ದಿದ ನಂತರವೂ ಕಾರು ನಿಲ್ಲಿಸದ ವಸಂತ ಶೇಟ್ ಅವರು ಅಲ್ಲಿ ತರಕಾರಿ ಮಾರುತ್ತಿದ್ದ ಅಮದಳ್ಳಿಯ ಪ್ರಮೀಳಾ ಪಾಂಡುರoಗ ತಳ್ಳೇಕರ್ ಅವರಿಗೆ ಡಿಕ್ಕಿ ಹೊಡೆದಿದ್ದಾರೆ. ಈ ಅಪಘಾತದಿಂದ ಪ್ರಮೀಳಾ ತಳ್ಳೇಕರ್ ಅವರಿಗೆ ಪೆಟ್ಟಾಗಿದ್ದು, ಅವರು ಆಸ್ಪತ್ರೆ ಸೇರಿದ್ದಾರೆ. ಈ ಎಲ್ಲಾ ಅಪಘಾತದ ಬಗ್ಗೆ ಅರ್ಗಾ ನೇವಲ್ ಬೇಸ್ ಉದ್ಯೋಗಿ ಪ್ರಜ್ವಲ್ ರಾಜೇಂದ್ರ ನಾಯ್ಕ ಅವರು ಪೊಲೀಸರಿಗೆ ವರದಿ ಒಪ್ಪಿಸಿದ್ದಾರೆ. ಸರಾಯಿ ಸೇವಿಸಿ ಕಾರು ಓಡಿಸಿದಲ್ಲದೇ ಅನೇಕ ಅವಾಂತರ ಮಾಡಿದ ವಸಂತ ಶೇಟ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. `ಮದ್ಯಪಾನ ಮಾಡಬೇಡಿ. ಸಂಚಾರಿ ನಿಯಮ ಉಲ್ಲಂಘಿಸಬೇಡಿ’
- [ಹಳಿಯಾಳ | ನಕಲಿ ದಾಖಲೆ ಆಧರಿಸಿ ದಾಂಡೇಲಿಯ ಆಸ್ತಿ ಖರೀದಿ!](https://mobiletime.in/2026/07/haliyal-dandeli-property-purchased-using-forged-documents/): 2013ರಲ್ಲಿ ಕಾರವಾರದಲ್ಲಿದ್ದ ಸರ್ಕಾರಿ ಅಧಿಕಾರಿಯೊಬ್ಬರು 2023ರಲ್ಲಿ ತಮ್ಮ ಅಧಿಕಾರ ದುರುಪಯೋಗಪಡಿಸಿಕೊಂಡ ಪ್ರಕರಣ ಬೆಳಕಿಗೆ ಬಂದಿದೆ. ಸದ್ಯ ಗದಗದಲ್ಲಿರುವ ಕರ್ನಾಟಕ ಗೃಹ ಮಂಡಳಿಯ ಕಾರ್ಯಪಾಲಕ ಅಭಿಯಂತರರಾಗಿರ ಲಕ್ಷ್ಮೀನಾರಾಯಣ ಹೆಗಡೆ ಅವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ. 2013ರಲ್ಲಿ ಲಕ್ಷ್ಮೀನಾರಾಯಣ ಹೆಗಡೆ ಅವರು ಕಾರವಾರದಲ್ಲಿ ವಾಸವಾಗಿದ್ದರು. ಆಗ, ಅವರು ಕರ್ನಾಟಕ ಗೃಹ ಮಂಡಳಿಯ ಸಹಾಯಕ ಕಾರ್ಯಪಾಲಕ ಅಭಿಯಂತರರಾಗಿ ಕೆಲಸ ಮಾಡುತ್ತಿದ್ದರು. ಈ ವೇಳೆ ಸರ್ಕಾರ ದಾಂಡೇಲಿಯಲ್ಲಿ ಕೆ ಎಚ್ ಬಿ ಕಾಲೋನಿ ಅಭಿವೃದ್ಧಿಪಡಿಸಿ ಹಂಚಿಕೆ ಮಾಡಿದ್ದು, ಆ ಕೆಲಸವನ್ನು ಲಕ್ಷ್ಮೀನಾರಾಯಣ ಹೆಗಡೆ ಅವರು ನಿರ್ವಹಿಸಿದ್ದರು. 2013ರಲ್ಲಿ ದಾಂಡೇಲಿ ಅಂಬೇವಾಡಿಯ ಹೀನಾ ಮಹಮದ್ ಯುಸಪ್‌ಖಾನ್ ಅವರು ಒಂದು ಸೈಟನ್ನು ಪಡೆದಿದ್ದರು. ಸದ್ಯ ಅದೇ ಸೈಟನ್ನು 2023ರಲ್ಲಿ ದಸ್ತಾವೇಜು ತಿದ್ದುಪಡಿ ಮಾಡಲಾಗಿದ್ದು, ಈ ವೇಳೆ ತಮ್ಮ ಅಧಿಕಾರ ಮೀರಿ ವರ್ತಿಸಿದ ಲಕ್ಷ್ಮೀನಾರಾಯಣ ಹೆಗಡೆ ಅವರ ವಿರುದ್ಧ ಪೊಲೀಸ್ ಕೇಸು ದಾಖಲಾಗಿದೆ. ಬೆಳಗಾವಿಯ ಹುಕ್ಕೇರಿಯಲ್ಲಿ ಪತ್ರಕರ್ತರಾಗಿರುವ ಬಸವರಾಜ ನಾಯ್ಕಮನೆ ಅವರು ಲಕ್ಷಿö್ಮÃನಾರಾಯಣ ಹೆಗಡೆ ಅವರು ಮಾಡಿದ ಅಪರಾತಪರಗಳ ಬಗ್ಗೆ ಪೊಲೀಸ್ ದೂರು ನೀಡಿದ್ದಾರೆ. ನಕಲಿ ದಾಖಲೆ ಸೃಷ್ಠಿಸಿ ಈ ದಸ್ತಾವೇಜು ಮಾಡಿರುವುದಾಗಿ ಅವರು ದೂರಿದ್ದಾರೆ. 2023ರಲ್ಲಿ ಕಾರವಾರದ ಕರ್ನಾಟಕ ಗೃಹ ಮಂಡಳಿಯಲ್ಲಿಲ್ಲದಿದ್ದರೂ ಲಕ್ಷ್ಮೀನಾರಾಯಣ ಹೆಗಡೆ ಅವರು ನಕಲಿ ದಾಖಲೆಗಳ ಜೊತೆ ದಸ್ತು ತಿದ್ದುಪಡಿ ಮಾಡಿದ್ದಾರೆ ಎಂದವರು ಆರೋಪಿಸಿದ್ದಾರೆ. ಸರ್ಕಾರಕ್ಕೆ ಮೋಸ ಮಾಡಿದ ಲಕ್ಷ್ಮೀನಾರಾಯಣ ಹೆಗಡೆ ಹಾಗೂ ಹೀನಾ ಮಹಮದ್ ಯುಸಪ್‌ಖಾನ್ ಅವರ ವಿರುದ್ಧ ಕಠಿಣ ಕ್ರಮಕ್ಕೆ ಆಗ್ರಹಿಸಿ, ಪೊಲೀಸ್ ದೂರು ನೀಡಿದ್ದಾರೆ.  
- [ಕುಮಟಾ | ಎಂಡೋಪೀಡಿತರಿಗೆ ಪರಿಕ್ಕರ ವಿತರಣೆ](https://mobiletime.in/2026/07/kumta-distribution-of-assistive-devices-to-the-differently-abled/): `ಎಂಡೋಸಲ್ಫಾನ್ ಬಾಧಿತರ ಪುನರ್ವಸತಿಗೆ ಸಾಂಘಿಕ ಪ್ರಯತ್ನದ ಅವಶ್ಯಕತೆಯಿದೆ’ ಎಂದು ಕುಮಟಾ-ಹೊನ್ನಾವರ ವಿಧಾನಸಭಾ ಕ್ಷೇತ್ರದ ಶಾಸಕ ದಿನಕರ ಶೆಟ್ಟಿ ಅವರು ಹೇಳಿದ್ದಾರೆ. ಕುಮಟಾದ ಮಿರ್ಜಾನ್ ಕೋಡ್ಕಣಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಆವಾರದಲ್ಲಿ ಸ್ಕೊಡ್‌ವೆಸ್ ಸಂಸ್ಥೆ ಮತ್ತು ಬೆಂಗಳೂರಿನ ಆಶ್ರಯ ಹಸ್ತ ಫೌಂಡೇಶನ್ ಸಹಯೋಗದಲ್ಲಿ ಅವರು ಎಂಡೋಬಾಧಿತರಿಗೆ ವೈದ್ಯಕೀಯ ಪರಿಕರಗಳನ್ನು ವಿತರಿಸಿದ್ದಾರೆ. `ಎಂಡೋಸಲ್ಫಾನ್ ಕ್ರಿಮಿನಾಶಕದ ಬಳಕೆಯನ್ನು ನಿಷೇಧಿಸಿ 30 ವರ್ಷ ಕಳೆದರೂ ಇಂದಿಗೂ ಎಂಡೋ ಬಾಧಿತ ಪ್ರದೇಶಗಳಲ್ಲಿ ಬಹು ಅಂಗವೈಕಲ್ಯ ಮಕ್ಕಳು ಜನಿಸುತ್ತಿದ್ದಾರೆ. ಈ ಬಗ್ಗೆ ಸರ್ಕಾರ ವಿಶೇಷ ಗಮನವಹಿಸಿ ಎಂಡೋಸಲ್ಫಾನ್ ಕ್ರಿಮಿನಾಶಕ ಬಳಸಲಾದ ಪ್ರದೇಶಗಳನ್ನು ಗುರುತಿಸಿ ಇಂತಹ ಪ್ರದೇಶಗಳಲ್ಲಿ ವೈಜ್ಞಾನಿಕವಾಗಿ ನಿಷ್ಕಿಯಗೊಳಿಸಲು ಕ್ರಮ ಕೈಗೊಳ್ಳಬೇಕು’ ಎಂದವರು ಆಗ್ರಹಿಸಿದ್ದಾರೆ. ಹಲವಾರು ವರ್ಷಗಳಿಂದ ಎಂಡೋಸಲ್ಫಾನ್ ಬಾಧಿತರ ಪುನರ್ವಸತಿಗಾಗಿ ಶ್ರಮಿಸುತ್ತಿರುವ ಸ್ಕೊಡ್‌ವೆಸ್ ಸಂಸ್ಥೆಯ ಶ್ರಮವನ್ನು ಅವರು ಶ್ಲಾಘಿಸಿದ್ದಾರೆ. ಮುಖ್ಯ ಅತಿಥಿಗಳಾಗಿದ್ದ ತಾಲೂಕು ವೈದ್ಯಾಧಿಕಾರಿ ಡಾ ಆಜ್ಞಾ ನಾಯಕ ಅವರು `ಎಂಡೋ ಬಾಧಿತರ ಜೊತೆಗೆ ಅವರ ಕುಟುಂಬದ ಸಂರಕ್ಷಣೆಗೂ ಕಾರ್ಯಕ್ರಮಗಳನ್ನು ರೂಪಿಸಬೇಕಾದ ಅವಶ್ಯಕತೆಗಳಿದ್ದು, ಇಲಾಖೆಯಿಂದ ಲಭ್ಯವಿರುವ ಸೌಲಭ್ಯಗಳನ್ನು ಒದಗಿಸಲಾಗುತ್ತಿದೆ’ ಎಂದರು. ಅಧ್ಯಕ್ಷತೆವಹಿಸಿದ್ದ ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಜಿಲ್ಲೆಯಲ್ಲಿ ಎಂಡೋಸಲ್ಫಾನ್ ಬಾಧಿತರಿಗೆ ಸರ್ಕಾರದಿಂದ ಒದಗಿಸಲಾಗುತ್ತಿರುವ ಸೌಲಭ್ಯಗಳ ಬಗ್ಗೆ ವಿವರಿಸಿದರು. `ಎಂಡೋ ಬಾಧಿತರ ಸರ್ವತೋಮುಖ ಅಭಿವೃದ್ಧಿಯ ದೃಷ್ಟಿಯಲ್ಲಿ ಪುನರ್ವಸತಿ ಒದಗಿಸಬೇಕಿದ್ದು ಸರ್ಕಾರ ಅಗತ್ಯ ಸೌಲಭ್ಯಗಳನ್ನು ಒದಗಿಸಬೇಕು’ ಎಂದು ಮನವಿ ಮಾಡಿದರು. ಕೋಡ್ಕಣಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ ಶ್ರೇಯಾಂಕಾ ನಾಯಕ್ ಅವರು ಮಾತನಾಡಿದರು. ಎಂಡೋಸಲ್ಫಾನ ಬಾಧಿತರು ಹಾಗೂ ಅವರ ಕುಟುಂಬದ ಸದಸ್ಯರು, ಸ್ಥಳೀಯ ಮುಖಂಡರು, ಆರೋಗ್ಯ ಇಲಾಖೆಯ ಸಿಬ್ಬಂದಿಗಳು ಉಪಸ್ಥಿತರಿದ್ದರು. ಸ್ಕೊಡ್‌ವೆಸ್ ಸಂಸ್ಥೆಯ ಯೋಜನಾ ಸಂಯೋಜಕ ಸೂರ್ಯ ಗುಂಡು ಅವರು ಎಲ್ಲರನ್ನೂ ಸ್ವಾಗತಿಸಿ ಕಾರ್ಯಕ್ರಮ ನಿರ್ವಹಿಸಿದರು. ಯೋಜನಾ ವಿಭಾಗದ ಮುಖ್ಯಸ್ಥ ನಾರಾಯಣ ಹೆಗಡೆ ಅವರು ವಂದಿಸಿದರು. ಕೊನೆಯಲ್ಲಿ ಎರಡು ತಿಂಗಳುಗಳ ಕಾಲ ನಡೆದ ಫಿಸಿಯೋಥೆರಪಿ ಚಿಕಿತ್ಸೆ ಪಡೆದ ಎಂಡೋ ಬಾಧಿತ ಮಕ್ಕಳಿಗೆ ವೈದ್ಯಕೀಯ ಪರಿಕರಗಳನ್ನು ವಿತರಿಸಲಾಯಿತು.
- [ಕಾರವಾರ | ಸದಾಶಿವಗಡ ಲಯನ್ಸ್ ಕ್ಲಬ್'ಗೆ ನೂತನ ಅಧ್ಯಕ್ಷ](https://mobiletime.in/2026/07/karwar-new-president-for-sadashivgad-lions-club/): ಕಾರವಾರದ ಸದಾಶಿವಗಡದ ಲಯನ್ಸ್ ಕ್ಲಬ್ ನೂತನ ಅಧ್ಯಕ್ಷರಾಗಿ ಸುನೀಲ ಐಗಳ ಅವರು ಅಧಿಕಾರ ಸ್ವೀಕರಿಸಿದ್ದಾರೆ. ಲಯನ್ಸ್ ಕ್ಲಬ್’ನ ಮಾನವೀಯ ಸೇವಾ ಚಳುವಳಿಯನ್ನು ಇನ್ನಷ್ಟು ವಿಸ್ತರಿಸುವುದಾಗಿ ಅವರು ಘೋಷಿಸಿದ್ದಾರೆ. ಸದಾಶಿವಗಡದ ಕೊಂಕಣವಾಡದ ಗಣೇಶ ಅಪಾರ್ಟ್ಮೆಂಟ್’ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸುನೀಲ ಐಗಳ ಅವರು ಪ್ರತಿಜ್ಞಾ ವಿಧಿ ಸ್ವೀಕಾರ ಮಾಡಿದ್ದಾರೆ. ಲಯನ್ಸ್ ಕ್ಲಬ್’ನ ಎಮ್ ಜೆ ಎಫ್ ಸಂದೀಪ್ ಅಣ್ವೇಕರ ಅವರು ನೂತನ ಪದಾಧಿಕಾರಿಗಳಿಗೆ ಪ್ರತಿಜ್ಞಾ ವಿಧಿಯನ್ನು ಬೋಧಿಸಿದ್ದಾರೆ. ಸದಾಶಿವಗಡ ಕೊಂಕಣ ಮರಾಠ ಮಂಡಳದ ಅಧ್ಯಕ್ಷ ಗಜಾನನ ರಾಣೆ ಅವರು ಈ ಕಾರ್ಯಕ್ರಮದಲ್ಲಿ ಮಾತನಾಡಿ `ಲಯನ್ಸ್ ಕ್ಲಬ್ ಕಳೆದ ವರ್ಷಗಳಲ್ಲಿ ಆರೋಗ್ಯ, ಶಿಕ್ಷಣ ಮತ್ತು ಸಾಮಾಜಿಕ ಕ್ಷೇತ್ರದಲ್ಲಿ ಮಾಡಿರುವ ಕಾರ್ಯಗಳನ್ನು ಮಾಡುತ್ತಿದೆ. ಅದು ಶ್ಲಾಘನೀಯ’ ಎಂದಿದ್ದಾರೆ. ನೂತನ ಅಧ್ಯಕ್ಷ ಸುನೀಲ ಐಗಳ ಅವರು ಮಾತನಾಡಿ `ತಮ್ಮ ಅಧಿಕಾರಾವಧಿಯಲ್ಲಿ ರಕ್ತದಾನ ಶಿಬಿರ, ಉಚಿತ ಆರೋಗ್ಯ ತಪಾಸಣಾ ಶಿಬಿರ, ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ನೆರವು ಮತ್ತು ಪರಿಸರ ಸಂರಕ್ಷಣೆಗೆ ಆದ್ಯತೆ ನೀಡುತ್ತೇನೆ’ ಎಂದಿದ್ದಾರೆ. ನಿಕಟ ಪೂರ್ವ ಅಧ್ಯಕ್ಷ ನಯೀಮ ಮುಖಾದಮ್ ಅವರು ಕಳೆದ ವರ್ಷದ ಸಾಧನೆಗಳನ್ನು ನೆನಪಿಸಿ, ನೂತನ ತಂಡಕ್ಕೆ ಶುಭ ಹಾರೈಸಿದ್ದಾರೆ. ಪ್ರಮುಖರಾದ ಸೋನಿಯಾ ಅಣ್ವೇಕರ ಅವರು ಧ್ವಜವಂದನೆ ನೆರವೇರಿಸಿದ್ದು, ಸುಚಿತಾ ನಾಯ್ಕ, ಗಣೇಶ ಬಿಷ್ಟಣ್ಣನವರ ಹಾಗೂ ಇತರರು ವಿವಿಧ ಜವಾಬ್ದಾರಿಗಳನ್ನು ನಿಭಾಯಿಸಿದ್ದಾರೆ.
- [ಕುಮಟಾ | ಅಪಘಾತದ ಆಘಾತ: ಅಜ್ಜಿ ಆತ್ಮಹತ್ಯೆ!](https://mobiletime.in/2026/07/kumata-shock-of-the-accident-grandma-committed-suicide/): ಅಪಘಾತದಲ್ಲಿ ಸಾವನಪ್ಪಿದ ಮಗ-ಸೊಸೆಯ ನೆನಪಿನಲ್ಲಿ ಅಜ್ಜಿಯೊಬ್ಬರು ಬಾವಿಗೆ ಹಾರಿದ್ದಾರೆ. ಆ ನೀರಿನಲ್ಲಿ ಮುಳುಗಿ ಅವರು ಸಾವನಪ್ಪಿದ್ದಾರೆ. ಕುಮಟಾದ ಧಾರೇಶ್ವರ ಬೀಚ್ ಕ್ರಾಸಿನ ಬಳಿ ಪಾರ್ವತಿ ಹನುಮಂತ ನಾಯ್ಕ ಅವರು ವಾಸವಾಗಿದ್ದರು. 80 ವರ್ಷದ ಅವರು ಜೀವನದಲ್ಲಿ ಸಾಕಷ್ಟು ನೋವು ಅನುಭವಿಸಿದ್ದು, ಗಾಯದ ಮೇಲೆ ಬರೆ ಎಂಬoತೆ ಅಪಘಾತದಲ್ಲಿ ಅವರ ಮಗನನ್ನು ಕಳೆದುಕೊಂಡಿದ್ದರು. ಮಗನ ಜೊತೆಯಿದ್ದ ಸೊಸೆ ಸಹ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡು, ಸಾವನಪ್ಪಿದ್ದರು. ರಸ್ತೆ ಅಪಘಾತದಲ್ಲಿ ಮಗ ಹಾಗೂ ಸೊಸೆ ಸಾವನಪ್ಪಿದ್ದರಿಂದ ಪಾರ್ವತಿ ನಾಯ್ಕ ಅವರು ಇನ್ನಷ್ಟು ಜರ್ಜರಿತರಾಗಿದ್ದರು. ಅದೇ ನೋವಿನಲ್ಲಿ ಅವರು ದುಡುಕು ನಿರ್ಧಾರ ಮಾಡಿದ್ದು, ಜುಲೈ 19ರಂದು ಅವರು ಮನೆ ಪಕ್ಕದ ಬಾವಿಗೆ ಹಾರಿದರು. ಅಲ್ಲಿಯೇ ಕೊನೆಯುಸಿರೆಳೆದರು. ಈ ಸಾವಿನ ಬಗ್ಗೆ ಅರಿತ ಶಂಕರ್ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು. `ಆತ್ಮಹತ್ಯೆ ಅಪರಾಧ’
- [ನಿಷೇಧದ ನಡುವೆಯೂ ಮೊಳಕೆಯೊಡೆದ ಅಕೇಶಿಯಾ!](https://mobiletime.in/2026/07/acacia-sprouts-despite-the-ban/): ಪರಿಸರ ಅಸಮತೋಲನಕ್ಕೆ ಕಾರಣವಾಗುವ ಅಕೇಶಿಯಾ ಗಿಡ ನಾಟಿ ನಿಷೇಧಿಸಿ 10 ವರ್ಷ ಕಳೆದಿದ್ದು, ಅದಾಗಿಯೂ ಅರಣ್ಯ ನಡುತೋಪುಗಳಲ್ಲಿ ಹೊಸದಾಗಿ ನೆಟ್ಟ ಅಕೆಶಿಯಾ ಗಿಡಗಳು ಕಾಣಿಸುತ್ತಿವೆ. ಸರ್ಕಾರಿ ಆದೇಶ ಹಾಗೂ ಕಾನೂನು ಮೀರಿ ಅಕೇಶಿಯಾ ಬಗ್ಗೆ ಅಧಿಕಾರಿಗಳು ಆಸಕ್ತಿವಹಿಸಿದ್ದಾರೆ. ಅಕೇಶಿಯಾ ಮತ್ತು ನೀಲಗಿರಿ ಸಸ್ಯ ಪ್ರಭೇಧಗಳಿಂದ ಆಗುವ ಹಾನಿಯ ಬಗ್ಗೆ ಅಂದಾಜಿಸಿ ಅಂದಿನ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಆಗಿನ ಅರಣ್ಯ ಸಚಿವ ರಮಾನಾಥ ರೈ ಅವರ ಜೊತೆ ಚರ್ಚಿಸಿ, ಈ ಬಗೆಯ ಗಿಡ ನಾಟಿ ನಿಷೇಧಿಸಿದ್ದರು. ಆ ಆದೇಶವನ್ನು ಪರಿಣಾಮಕಾರಿಯಾಗಿ ಜಾರಿ ಮಾಡುವುದಕ್ಕಾಗಿ ಶಾಸಕಾಂಗ ಸಭೆ ನಡೆಸಿ ಮಸೂಧೆ ಮಂಡಿಸಿದ್ದರು. ಅದಾಗಿಯೂ, ಅರಣ್ಯಾಧಿಕಾರಿಗಳಿಗೆ ಅಕೇಶಿಯಾ ಮೇಲಿನ ಪ್ರೀತಿ ಕಡಿಮೆಯಾಗಿರಲಿಲ್ಲ. ನಿಷೇಧ ಜಾರಿಯಾಗಿ 10 ವರ್ಷ ಕಳೆದರೂ ಅಕೇಶಿಯಾ ಗಿಡ ನಾಟಿ ಮುಂದುವರೆದಿದ್ದು, ಈಗಲೂ ನಿಷೇಧಿತ ಗಿಡ ನಾಟಿಗೆ ಅಧಿಕಾರಿಗಳು ಆಸಕ್ತಿವಹಿಸಿರುವ ಬಗ್ಗೆ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಗಮನಸೆಳೆದಿದ್ದಾರೆ. `ಅವೈಜ್ಞಾನಿಕ ನಡುತೋಪುಗಳ ನಿರ್ಮಾಣದಿಂದ ಸಾಕಷ್ಟು ದುಷ್ಪರಿಣಾಮಗಳಾಗುತ್ತಿದೆ. ಮಲೆನಾಡಿನಲ್ಲಿ ಕಾಡು ಜಾತಿಯ ಮರಗಳ ಬದಲಿಗೆ ಅಕೇಶಿಯಾ, ನೀಲಗಿರಿ ನೆಡುತೋಪು ಮಾಡುವುದರಿಂದ ಸದಾ ಹಸಿರು ಬಣ್ಣದ ಕಾಡಿನ ಪ್ರಮಾಣ ಕಡಿಮೆಯಾಗಲಿದ್ದು, ಪಶ್ಚಿಮ ಘಟ್ಟದ ಪರಿಸರಕ್ಕೆ ಅವು ಮಾರಕವಾಗಲಿದೆ. ಅಕೇಶಿಯಾ ಕಾಡು ನಾಶ ಮಾಡುತ್ತದೆ. ಜೊತೆಗೆ ಉದುರಿದ ಎಲೆಗಳು ಜಮೀನಿನ ಫಲವತ್ತತೆ ಕುಂಟಿತಗೊಳಿಸುತ್ತಿದೆ. ತೆರದ ಬಾವಿ ಮತ್ತು ಕೊಳವೆ ಬಾವಿಗಳಲ್ಲಿ ಅತಂರ್ಜಲ ಮಟ್ಟ ಕುಸಿತಕ್ಕೆ ಆ ಗಿಡ ಕಾರಣವಾಗುತ್ತದೆ’ ಎಂದು ಅವರು ವಿವರಿಸಿದ್ದಾರೆ.
- [ಕುಮಟಾ | ಮಣಿಪಾಲ್'ಗೆ ಹೋದರೂ ಬದುಕದ ಮೋಹನ!](https://mobiletime.in/2026/07/kumta-mohana-did-not-survive-even-after-being-taken-to-manipal/): ರಾತ್ರಿ ವೇಳೆ ಮನೆಗೆ ಮರಳುತ್ತಿದ್ದ ಮೋಹನ ದೇಶಭಂಡಾರಿ ಅವರಿಗೆ ಆಕಳು ಅಡ್ಡಬಂದಿದ್ದು, ಬೈಕಿನಿಂದ ಬಿದ್ದ ಅವರನ್ನು ಮಣಿಪಾಲ್ ಕಸ್ತೂರಿಬಾ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಆ ಆಸ್ಪತ್ರೆಯವರು ಕೈ ಚೆಲ್ಲಿದ ಕಾರಣ ಅವರನ್ನು ಕುಮಟಾ ಸರ್ಕಾರಿ ಆಸ್ಪತ್ರೆಗೆ ಕರೆ ತರಲಾಗಿದ್ದು ಅಲ್ಲಿ ಆರೈಕೆಯಲ್ಲಿರುವಾಗಲೇ ಮೋಹನ ದೇಶಭಂಡಾರಿ ಅವರು ಸಾವನಪ್ಪಿದ್ದಾರೆ. ಕುಮಟಾದ ಹರೀಟಾ ಬಳಿಯ ಕೋಡಂಬಳೆಯಲ್ಲಿ ಮೋಹನ ಗಣೇಶ ದೇಶಭಂಡಾರಿ (64) ಅವರು ವಾಸವಾಗಿದ್ದರು. ಜುಲೈ 12ರ ರಾತ್ರಿ ಕತಗಾಲದಿಂದ ಹರೀಟಾ ಗ್ರಾಮದ ಕಡೆ ಹೋಗುವಾಗ ಅವರು ಅಪಘಾತಕ್ಕೀಡಾದರು. ಬೈಕಿನಲ್ಲಿ ತೆರಳುತ್ತಿದ್ದ ಅವರಿಗೆ ಕ್ಯಾಕೋಡ ಕ್ರಾಸಿನ ಬಳಿ ದಿಢೀರ್ ಆಕಳು ಅಡ್ಡ ಬಂದಿದ್ದು ಅದರಿಂದ ಬೆದರಿ ಅವರು ನೆಲಕ್ಕೆ ಅಪ್ಪಳಿಸಿದರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ಅವರನ್ನು ಮೊದಲು ಕುಮಟಾ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತು. ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಮಣಿಪಾಲದ ಕಸ್ತೂರಿಬಾ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಆದರೆ, ಅಲ್ಲಿನ ವೈದ್ಯರು `ಮೋಹನ ದೇಶಭಂಡಾರಿ ಅವರು ಗುಣಮುಖನಾಗುವುದು ಅಸಾಧ್ಯ’ ಎಂದರು. ಹೀಗಾಗಿ ಜುಲೈ 16ರಂದು ಅವರನ್ನು ಮತ್ತೆ ಕುಮಟಾ ಸರ್ಕಾರಿ ಆಸ್ಪತ್ರೆಗೆ ಕರೆತರಲಾಗಿದ್ದು, ಜುಲೈ 19ರಂದು ಅವರು ಸಾವನಪ್ಪಿದರು.
- [ಯಲ್ಲಾಪುರ | ಸರ್ಕಾರಿ ಬಸ್ಸು: ಶಾಲೆಗೆ ಹೋಗಲು ಸರ್ಕಸ್ಸು!](https://mobiletime.in/2026/07/yellapur-government-bus-a-circus-act-to-get-to-school/): ಕಿರವತ್ತಿಯಿಂದ ಯಲ್ಲಾಪುರಕ್ಕೆ ನಿತ್ಯ ನೂರಾರು ಮಕ್ಕಳು ಶಾಲೆ-ಕಾಲೇಜಿಗೆ ಬರುತ್ತಿದ್ದು, ಅವರ ಅಗತ್ಯಕ್ಕೆ ಅನುಗುಣವಾಗಿ ಸರ್ಕಾರಿ ಸಾರಿಗೆ ಸಂಪರ್ಕ ವ್ಯವಸ್ಥೆ ಇಲ್ಲ. ಹೀಗಾಗಿ ಆ ಭಾಗದಲ್ಲಿ ನಿಲುಗಡೆಯಿರುವ ಬಸ್ಸುಗಳಿಗೆ ವಿದ್ಯಾರ್ಥಿಗಳು ಜೋತಾಡಿ ಶಾಲೆ-ಕಾಲೇಜು ಸೇರುತ್ತಿದ್ದಾರೆ. ಹುಬ್ಬಳ್ಳಿ-ಯಲ್ಲಾಪುರ ಮಾರ್ಗವಾಗಿ ಪ್ರತಿ 30 ನಿಮಿಷಕ್ಕೆ ಒಮ್ಮೆಯಂತೆ ಬಸ್ ಓಡಾಡುತ್ತದೆ. ಆದರೆ, ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ ಹಾಗೇ ಆ ಬಸ್ಸುಗಳು ಅಗತ್ಯವಿರುವ ಕಡೆ ನಿಲುಗಡೆ ಆಗುತ್ತಿಲ್ಲ. ಇದರಿಂದ ಪ್ರತಿ ದಿನ ವಿದ್ಯಾರ್ಥಿಗಳು ಶಾಲಾ-ಕಾಲೇಜಿಗೆ ತಡವಾಗಿ ಬರುತ್ತಿದ್ದು, ತರಗತಿ ತಪ್ಪುವುದನ್ನು ತಪ್ಪಿಸಿಕೊಳ್ಳಲು ಸಿಕ್ಕ ಸಿಕ್ಕ ವಾಹನವೇರಿ ಶಾಲೆ ಸೇರುತ್ತಿದ್ದಾರೆ. ಅದರಲ್ಲಿಯೂ, ಸರ್ಕಾರಿ ಬಸ್ಸುಗಳ ಬಾಗಿಲಿನಲ್ಲಿ ಜೋತಾಡುತ್ತ ಯಲ್ಲಾಪುರಕ್ಕೆ ಬರುತ್ತಿದ್ದಾರೆ. ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರು ವಿದ್ಯಾರ್ಥಿಗಳು ಅನುಭವಿಸುತ್ತಿರುವ ಸಮಸ್ಯೆ ಬಗ್ಗೆ ಧ್ವನಿ ಎತ್ತಿದ್ದಾರೆ. `ಪ್ರಾಣವನ್ನು ಪಣಕ್ಕಿಟ್ಟು ಶಿಕ್ಷಣ ಕಲಿಯಲು ಬರುವ ಮಕ್ಕಳ ಬಗ್ಗೆ ಮುತುವರ್ಜಿವಹಿಸಿ’ ಎಂದು ಅವರು ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಅವರಲ್ಲಿ ಮನವಿ ಮಾಡಿದ್ದಾರೆ. `ಹೀಗೆ ಮುಂದುವರೆದರೆ ಮಕ್ಕಳನ್ನು ಶಾಲೆಗೆ ಕಳುಹಿಸಲು ಪಾಲಕರು ಹಿಂದೇಟು ಹಾಕಲಿದ್ದಾರೆ. ಮಕ್ಕಳ ಸುರಕ್ಷತೆಗೆ ಒತ್ತು ನೀಡುವುದು ಅನಿವಾರ್ಯ’ ಎಂದವರು ಹೇಳಿದ್ದಾರೆ. `ಡೊಮಗೇರಿ ಭಾಗದಲ್ಲಿ ಸಹ ವಿದ್ಯಾರ್ಥಿಗಳಿಗೆ ಸರಿಯಾದ ಬಸ್ ಸೌಕರ್ಯವಿಲ್ಲ. ತಾವು ಅಲ್ಲಿಗೆ ಭೇಟಿ ನೀಡಿದಾಗ ವಿದ್ಯಾರ್ಥಿನಿಯೊಬ್ಬರು ಕಣ್ಣೀರು ಹಾಕಿ ಸಮಸ್ಯೆ ಹೇಳಿಕೊಂಡಿದ್ದು, ಅಲ್ಲಿನ ಸಮಸ್ಯೆಯನ್ನು ಬಗೆಹರಿಸಬೇಕು’ ಎಂದು ಆಗ್ರಹಿಸಿದ್ದಾರೆ. ವಿದ್ಯಾರ್ಥಿಗಳು ಬಸ್ಸಿನ ಮೆಟ್ಟಿಲುಗಳ ಮೇಲೆ ಜೋತು ಬಿದ್ದು ಪಟ್ಟಣಕ್ಕೆ ಬರುವ ವಿಡಿಯೋವನ್ನು ಅವರು ಹಂಚಿಕೊoಡಿದ್ದಾರೆ.
- [ಸಿದ್ದಾಪುರ | ಕೈಕೊಟ್ಟ ಪ್ರೀತಿ: ಕಪಾಳ ಮೋಕ್ಷ!](https://mobiletime.in/2026/07/siddapura-love-gone-wrong-a-slap-across-the-face/): ಸಿದ್ದಾಪುರದ ಸುಮಿತ್ರಾ ನಾಯ್ಕ ಹಾಗೂ ಗಣಿಕೊಪ್ಪದ ರವಿ ನಾಯ್ಕ ಅವರು ಐದು ವರ್ಷದಿಂದ ಪ್ರೀತಿಸುತ್ತಿದ್ದು, ಸದ್ಯ ಅವರ ಪ್ರೀತಿ ಮುದಿರು ಬಿದ್ದಿದೆ. ಪ್ರೀತಿ ಮುರಿದ ಸುಮಿತ್ರಾ ನಾಯ್ಕ ಅವರಿಗೆ ರವಿ ನಾಯ್ಕ ಅವರು ಕೆನ್ನೆಗೆ ಬಾರಿಸಿದ್ದಾರೆ. ಜೊತೆಗೆ ಅವರ ಮನೆಗೆ ನುಗ್ಗಿ ಕತ್ತಿ ತೋರಿಸಿದ್ದಾರೆ. ಸಿದ್ದಾಪುರ ಸೋವಿನಕೊಪ್ಪ ಬಳಿಯ ಹಾವಿನಬೈಲಿನಲ್ಲಿ ಸುಮಿತ್ರಾ ನಾರಾಯಣ ನಾಯ್ಕ (22) ಅವರು ವಾಸವಾಗಿದ್ದಾರೆ. ಸದ್ಯ ಶಿರಸಿಯ ಊರತೋಟ ತಾರಿಹಳ್ಳಿಯಲ್ಲಿ ಅವರು ವಾಸಿಸುತ್ತಿದ್ದಾರೆ. ಸಿದ್ದಾಪುರ ಗಣಿಕೊಪ್ಪದ ರವಿ ಮಂಜುನಾಥ ನಾಯ್ಕ (24) ಅವರು ಸುಮಿತ್ರಾ ನಾಯ್ಕ ಅವರಲ್ಲಿ ಪ್ರೀತಿ ನಿವೇದನೆ ಮಾಡಿಕೊಂಡಿದ್ದು, ಅದನ್ನು ಸುಮಿತ್ರಾ ನಾಯ್ಕ ಅವರು ಮನ್ನಿಸಿದ್ದಾರೆ. ಕಳೆದ ಐದು ವರ್ಷದಿಂದ ಅವರಿಬ್ಬರು ಪರಸ್ಪರ ಪ್ರೀತಿಸುತ್ತಿದ್ದು, ಈಚೆಗೆ ರವಿ ನಾಯ್ಕ ಅವರ ವರ್ತನೆ ಬದಲಾಗಿದೆ. ಇದರಿಂದ ಬೇಸತ್ತ ಸುಮಿತ್ರಾ ನಾಯ್ಕ ಅವರು ಆ ಪ್ರೀತಿಯಿಂದ ದೂರವಾಗಿದ್ದಾರೆ. ಕಳೆದ ಒಂದು ವರ್ಷದಿಂದ ರವಿ ನಾಯ್ಕ ಅವರು ಸುಮಿತ್ರಾ ನಾಯ್ಕ ಅವರಿಗೆ ಕಿರುಕುಳ ನೀಡುತ್ತಿದ್ದಾರೆ. ಸರಾಯಿ ಕುಡಿದು ಬರುವ ರವಿ ನಾಯ್ಕ ಅವರು ಸುಮಿತ್ರಾ ನಾಯ್ಕ ಅವರ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ. `ತನ್ನೊಂದಿಗೆ ತಿರುಗಾಟಕ್ಕೆ ಬಾ’ ಎಂದು ಒತ್ತಾಯ ಮಾಡಿದ್ದಾರೆ. ಜೊತೆಗೆ ಅನಗತ್ಯ ಸಂಶಯಪಡುತ್ತಿದ್ದಾರೆ. ಇದರಿಂದ ಸುಮಿತ್ರಾ ನಾಯ್ಕ ಅವರು ರವಿ ನಾಯ್ಕ ಅವರಿಂದ ದೂರವಾಗಿದ್ದಾರೆ. ಅದಾಗಿಯೂ, ರವಿ ನಾಯ್ಕ ಅವರು ಸುಮಿತ್ರಾ ನಾಯ್ಕ ಅವರನ್ನು ಹಿಂಬಾಲಿಸುವುದು ಹಾಗೂ ಭೇಟಿ ಆಗುವಂತೆ ಪೀಡಿಸುವುದನ್ನು ಬಿಟ್ಟಿಲ್ಲ. ಪ್ರೀತಿಸದೇ ಇದ್ದರೆ ಮನೆಯವರಿಗೆ ಸಮಸ್ಯೆ ಮಾಡುವೆ’ ಎಂದು ಸಹ ರವಿ ನಾಯ್ಕ ಅವರು ಬೆದರಿಸಿದ್ದಾರೆ. ಈ ಎಲ್ಲದರ ನಡುವೆ ಜುಲೈ 8ರಂದು ಶಿರಸಿಯ ಗೋಳಿ ಕ್ರಾಸಿನ ಬಳಿ ಬರುವಂತೆ ರವಿ ನಾಯ್ಕ ಅವರು ಸುಮಿತ್ರಾ ಅವರಿಗೆ ಹೇಳಿದ್ದಾರೆ. ಮೊಬೈಲ್ ಸಿಮ್ ಕೊಡುವುದಾಗಿ ಅವರು ಹೇಳಿದ್ದು, ಸುಮಿತ್ರಾ ನಾಯ್ಕ ಅವರು ಅಲ್ಲಿಗೆ ಹೋಗಿದ್ದಾರೆ. ಪರಿಚಯಸ್ಥರ ಬೈಕ್ ಮೂಲಕ ಸುಮಿತ್ರಾ ನಾಯ್ಕ ಅವರು ಅಲ್ಲಿಗೆ ಹೋಗಿದ್ದು, ಬೈಕ್ ಮೇಲೆ ತಂದು ಬಿಟ್ಟವರನ್ನು ರವಿ ನಾಯ್ಕ ಅವರು ಅನುಮಾನಿಸಿದ್ದಾರೆ. ರಸ್ತೆ ಬದಿಯಲ್ಲಿಯೇ ಜೋರು ಜಗಳ ಮಾಡಿದ ರವಿ ನಾಯ್ಕ ಅವರು ಸುಮಿತ್ರಾ ನಾಯ್ಕ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಮರುದಿನವೂ ತಾರಿಹಳ್ಳಿಯಲ್ಲಿರುವ ಸುಮಿತ್ರಾ ನಾಯ್ಕ ಅವರ ಮನೆಗೆ ನುಗ್ಗಿ ರಂಪಾಟ ಮಾಡಿದ್ದಾರೆ. ಕೈಯಲ್ಲಿ ಕತ್ತಿ ಹಿಡಿದು ಕೂಗಿದ ಅವರನ್ನು ನೋಡಿದ ಮಂಜುನಾಥ ನಾಯ್ಕ ಅವರು ತಡೆಯಲು ಬಂದಿದ್ದು, ಅವರಿಗೂ ರವಿ ನಾಯ್ಕ ಅವರು ಬೆದರಿಕೆ ಹಾಕಿದ್ದಾರೆ. ಮಹಿಳಾ ಸಹಾಯವಾಣಿ ಸಂಖ್ಯೆ: 1091 
- [ಭಟ್ಕಳ | ವಿದೇಶಿ ಉದ್ಯೊಗ: ಎರಡುವರೆ ಲಕ್ಷ ಕೊಟ್ಟು ಕ್ಲೀನರ್ ಆದ ಯುವಕ!](https://mobiletime.in/2026/07/bhatkal-overseas-job-young-man-pays-2-5-lakh-rupees-to-become-a-cleaner/): `ವಿದೇಶದಲ್ಲಿ ಕೆಲಸ ಮಾಡಬೇಕು. ಲಕ್ಷ ಲಕ್ಷ ರೂ ಸಂಪಾದಿಸಬೇಕು’ ಎಂದು ಕನಸು ಕಂಡಿದ್ದ ಭಟ್ಕಳದ ಅನೀಲ ನಾಯ್ಕ ಅವರು ಮಹಮದ್ ಅಲಿ ಹಾಗೂ ಸಹಚರರಿಗೆ ಎರಡುವರೆ ಲಕ್ಷ ರೂ ಹಣ ಕೊಟ್ಟಿದ್ದಾರೆ. ಆದರೆ, ಅವರಿಗೆ ವಿದೇಶದಲ್ಲಿ ಉದ್ಯೋಗವೂ ಸಿಕ್ಕಿಲ್ಲ. ಕೊಟ್ಟ ಹಣವನ್ನು ಅವರು ಮರಳಿಸಿಲ್ಲ! ಭಟ್ಕಳ ಕಾಯ್ಕಿಣಿಯ ಜನತಾ ಕಾಲೋನಿಯಲ್ಲಿ ಅನಿಲ ಮಂಜಯ್ಯ ನಾಯ್ಕ ಅವರು ವಾಸವಾಗಿದ್ದಾರೆ. ಕ್ಲಿನರ್ ಆಗಿ ಅವರು ಬದುಕು ನಡೆಸುತ್ತಿದ್ದಾರೆ. `ಕಷ್ಟದ ಜೀವನ ಸಾಕು’ ಎಂದು ನಿರ್ಧರಿಸಿದ ಅವರು `ವಿದೇಶದಲ್ಲಿ ಉದ್ಯೋಗ ಮಾಡಿ, ಸಾಕಷ್ಟು ಹಣ ಸಂಪಾದಿಸಬೇಕು’ ಎಂದು ಕನಸು ಕಂಡಿದ್ದಾರೆ. ಇನ್ನೂ 24 ವರ್ಷದ ಅನಿಲ ನಾಯ್ಕ ಅವರಿಗೆ ಭಟ್ಕಳದ ಮುಗ್ದುಂ ಕಾಲೋನಿಯ ಮಹಮ್ಮದ್ ಅಯ್ಯೂಬ್ ಅಲಿ ಅವರ ಪರಿಚಯವಾಗಿದೆ. ಅವರ ಜೊತೆ ಉಮ್ಮರ್ ಸ್ಟ್ರೀಟ್‌ನ ಅಬ್ದುಲ್ ಮುತಾಲಿಬ್ ಕುಂದನಗೂಡ ಹಾಗೂ ಅಲ್ತಾಫ್ ಎಂಬಾತರು ಸೇರಿ ವಿದೇಶದಲ್ಲಿ ಉದ್ಯೋಗ ಕೊಡಿಸುವ ಭರವಸೆ ನೀಡಿದ್ದಾರೆ. `ವಿದೇಶದಲ್ಲಿ ಉದ್ಯೋಗ ಕೊಡಿಸಲು ಸ್ವಲ್ಪ ಖರ್ಚಾಗುತ್ತದೆ’ ಎಂದು ಆ ಮೂವರು ಸೇರಿ ಅನಿಲ ನಾಯ್ಕ ಅವರನ್ನು ನಂಬಿಸಿದ್ದಾರೆ. ವಿದೇಶಕ್ಕೆ ಹೋಗಬೇಕು ಎಂದು ಅನಿಲ ನಾಯ್ಕ ಅವರು 2.49 ಲಕ್ಷ ರೂ ಒಟ್ಟುಗೂಡಿಸಿದ್ದು, ಅದನ್ನು ಆ ಮೂವರ ಕೈಗೆ ಕೊಟ್ಟಿದ್ದಾರೆ. ಜೊತೆಗೆ ವಿದೇಶಿ ವಿಮಾನ ಯಾನಕ್ಕೆ ಅನುಕೂಲ ಮಾಡಿಕೊಡುವಂತೆ ಕೋರಿ ತಮ್ಮ ಪಾಸ್ ಪೋರ್ಟನ್ನು ಸಹ ನೀಡಿದ್ದಾರೆ. ಆದರೆ, ಆ ಮೂವರು ಅನಿಲ ನಾಯ್ಕ ಅವರನ್ನು ವಿದೇಶಕ್ಕೆ ಕಳುಹಿಸಿಕೊಟ್ಟಿಲ್ಲ. ಅಲ್ಲಿ ಉದ್ಯೋಗವನ್ನು ಕೊಡಿಸಿಲ್ಲ. ಕೊಟ್ಟ ಹಣವನ್ನು ಸಹ ಮರಳಿಸಿಲ್ಲ.
- [ದಾಂಡೇಲಿ | ಮೋದಕದ ಒಳಗೆ ಮಾದಕ ಮಾರಾಟ](https://mobiletime.in/2026/07/dandeli-narcotics-sold-inside-modaks/): ವಿಘ್ನ ನಿವಾರಕ ವಿನಾಯಕ ದೇವರ ನೈವೇದ್ಯಕ್ಕೆ ಬಳಸುವ `ಮೋದಕ’ ಎಂಬ ಹೆಸರಿನ ಸಿಹಿ ತಿನಿಸಿನೊಳಗೆ ಮಾದಕ ವಸ್ತು ಸೇರಿಸಿ ಮಾರಾಟ ಮಾಡುವ ಜಾಲ ಬೆಳಕಿಗೆ ಬಂದಿದೆ. ದಾಂಡೇಲಿ ಜಿ ಎನ್ ರಸ್ತೆಯಲ್ಲಿರುವ ಎಸ್ ಕೆ ಎಜನ್ಸಿ ಎಂಬ ಅಂಗಡಿಯಲ್ಲಿ ಮೋದಕದೊಳಗೆ ಮಾದಕ ವಸ್ತು ಸೇರಿಸಿ ಮಾರಾಟ ಮಾಡಲಾಗುತ್ತಿದೆ. ದಾಂಡೇಲಿಯ ನಿರ್ಮಲನಗರದಲ್ಲಿ ಸಂಜಯ ಮುರುಳೀಧರ ಮಹೇಶ್ವರಿ ಅವರು ವಾಸವಾಗಿದ್ದಾರೆ. ಜಿ ಎನ್ ರಸ್ತೆಯಲ್ಲಿ ಅವರು ಕಿರಾಣಿ ಅಂಗಡಿ ನಡೆಸುತ್ತಿದ್ದು, ಆ ಅಂಗಡಿಯಲ್ಲಿಯೇ ಮಾದಕ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದಾರೆ. ಎಸ್ ಕೆ ಎಜನ್ಸಿ ಎಂಬ ಹೋಲ್‌ಸೆಲ್ ಅಂಗಡಿಯಲ್ಲಿ ಅವರು `ಮೋದಕ’ ಎಂಬ ಹೆಸರಿನ ಅಡಿ ಮಾದಕ ವಸ್ತುಗಳನ್ನು ಮಾರಾಟ ಮಾಡಿದ್ದಾರೆ. ಮೋದಕ ಗಾತ್ರದ ಕಪ್ಪು ಬಣ್ಣದ ಉಂಡೆಗಳನ್ನು ಅವರು ಬಾಕ್ಸಿನೊಳಗೆ ತುಂಬಿ ಕೆಜಿ ಲೆಕ್ಕದಲ್ಲಿ ಮಾರಾಟ ಮಾಡುತ್ತಿದ್ದಾರೆ. SANAN MEWA MODAK (SPECIAL)  ಎಂಬ ಆಕರ್ಷಕ ಡಬ್ಬಿಯೊಳಗೆ ಸಿಹಿ ತಿನಿಸುಗಳಿದ್ದು, ಆ ತಿನಿಸುಗಳನ್ನು ತಪಾಸಣೆ ನಡೆಸಿದಾಗ ಅಲ್ಲಿ ನಿಷೇಧಿತ ಮಾದಕ ವಸ್ತು ಕಾಣಿಸಿದೆ. ಆ ಪ್ಯಾಕೇಟ್ ಮೇಲೆ ಗಾಂಜಾದ ಗಾಂಜಾದ ಸಸ್ಯಶಾಸ್ತ್ರೀಯ ಹೆಸರಾದ Annabis Sativaನ್ನು ನಮೂದಿಸಿ, ಮಾದಕ ವಸ್ತುಗಳು ಅಗತ್ಯವಿರುವವರನ್ನು ಗುರಿಯಾಗಿರಿಸಿಕೊಂಡು ಮಾರಾಟ ಮಾಡಿದ್ದಾರೆ. ದಾಂಡೇಲಿ PSI ಕಿರಣ ಪಾಟೀಲ ನೇತೃತ್ವದ ತಂಡಕ್ಕೆ ಈ ಸಿಹಿ ತಿನಿಸುವಿನ ಮೇಲೆ ಅನುಮಾನ ಬಂದಿದ್ದು, ಆ ಮಳಿಗೆ ಮೇಲೆ ದಿಢೀರ್ ದಾಳಿ ಮಾಡಿದ್ದಾರೆ. ಸೊಕೊ ಅಧಿಕಾರಿಗಳನ್ನು ಸ್ಥಳಕ್ಕೆ ಕರೆಯಿಸಿ ಆ ಸಿಹಿ ಉತ್ಪನ್ನದ ಪರೀಕ್ಷೆ ಮಾಡಿಸಿದ್ದಾರೆ. ಆಗ, ಆ ಮೋದಕ ಕೇವಲ ಮೋದಕವಲ್ಲ. ಅದರೊಳಗೆ ಸಾಕಷ್ಟು ಪ್ರಮಾಣದಲ್ಲಿ ಮಾದಕವೂ ಸೇರಿದೆ ಎಂಬ ಅಂಶ ಬಯಲಿಗೆ ಬಂದಿದೆ. ಮನುಷ್ಯನ ಮೆದುಳನ್ನೇ ಮರಗೆಟ್ಟುವ ಹಾಗೇ ಮಾಡುವ ಮಾದಕ ಅಂಶಗಳು ಆ ಮೋದಕದಲ್ಲಿ ಸಿಕ್ಕಿದೆ. ಆ ಮಳಿಗೆ ತಪಾಸಣೆ ಮಾಡಿದಾಗ ಒಟ್ಟು 10 ಬಾಕ್ಸ್ ಮೋದಕದ ಸಿಹಿ ಪೆಟ್ಟಿಗೆ ಸಿಕ್ಕಿದೆ. ಒಂದುವರೆ ಕೆಜಿಗೂ ಅಧಿಕ ತೂಕದ ಮಾದಕ ವ್ಯಸನವನ್ನು ಪೊಲೀಸರು ಜಪ್ತು ಮಾಡಿ, ಕೇಸು ದಾಖಲಿಸಿದ್ದಾರೆ.
- [ಯಲ್ಲಾಪುರ | ಹಿಂದೂಳಿದ ಜನರಿಗೆ ಕಾನೂನು ಅರಿವು](https://mobiletime.in/2026/07/yellapur-legal-awareness-for-the-underprivileged/): ಸಾಮಾಜಿಕ, ಶೈಕ್ಷಣಿಕ ಹಾಗೂ ಪರಿಸರ ಚಟುವಟಿಕೆಗಳ ಮೂಲಕ ಪ್ರಸಿದ್ಧಿಪಡೆದಿರುವ ಯಲ್ಲಾಪುರದ ಆಶಿಯಾ ಸಮಾಜ ಸೇವಾ ಸಂಸ್ಥೆಯವರು ಗುಡ್ಡಗಾಡು ಪ್ರದೇಶದಲ್ಲಿ ವಾಸಿಸುವ ಪರಿಶಿಷ್ಟ ಸಮುದಾಯದವರನ್ನು ಭೇಟಿ ಮಾಡಿದ್ದಾರೆ. ಆ ಸಮುದಾಯದವರ ಹಕ್ಕು ಹಾಗೂ ಜವಾಬ್ದಾರಿಗಳ ಬಗ್ಗೆ ಮಾಹಿತಿ ನೀಡಿ, ಕಾನೂನು ವಿಷಯಗಳ ಬಗ್ಗೆಯೂ ಅರಿವು ಮೂಡಿಸಿದ್ದಾರೆ. ಆಶಿಯಾ ಸಮಾಜ ಸೇವಾ ಸಂಸ್ಥೆ ಆಯೋಜಿಸಿದ ಈ ಕ್ಷೇತ್ರ ಭೇಟಿ ಕಾರ್ಯಕ್ರಮದಲ್ಲಿ ಯಲ್ಲಾಪುರದ ಅಂಬೇಡ್ಕರ್ ಸೇವಾ ಸಂಘದ ಉಪಾಧ್ಯಕ್ಷ ಅನಿಲ ಮರಾಠೆ ಅವರು ಭಾಗವಹಿಸಿದ್ದರು. ಅವರು ಕಣ್ಣಿಗೇರಿ, ಲಾಲಗುಳಿ ತಿರುವಿನ ಪ್ರದೇಶದಲ್ಲಿರುವ ಹಿಂದುಳಿದ ಸಮುದಾಯದವರ ಜೀವನ ಅಧ್ಯಯನ ನಡೆಸಿದರು. ಅಲ್ಲಿರುವ ಪರಿಶಿಷ್ಟ ಸಮುದಾಯದ ಅನೇಕ ಕುಟುಂಬದವರನ್ನು ಭೇಟಿ ಮಾಡಿ ಅವರ ಸಮಸ್ಯೆಗಳನ್ನು ಆಲಿಸಿದರು. ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ (ದೌರ್ಜನ್ಯ ತಡೆ) ಅಧಿನಿಯಮ ಹಾಗೂ ಅಸ್ಪೃಶ್ಯತೆ ನಿರ್ಮೂಲನೆಗೆ ಸಂಬAಧಿಸಿದ ಕಾನೂನುಗಳ ಕುರಿತು ಅವರಿಗೆ ಅರಿವು ಮೂಡಿಸಿದರು. ಪರಿಶಿಷ್ಟ ಜಾತಿ ಹಾಗೂ ಪರಿಶಿಷ್ಟ ಪಂಗಡದ ಸಮುದಾಯಗಳ ಅಭಿವೃದ್ಧಿ ಮತ್ತು ಜೀವನಮಟ್ಟ ಸುಧಾರಣೆಗೆ ಸರ್ಕಾರ ಜಾರಿಗೊಳಿಸಿರುವ ವಿವಿಧ ಯೋಜನೆಗಳ ಬಗ್ಗೆ ಮಾಹಿತಿ ನೀಡಿ, ಅದಕ್ಕೆ ಅರ್ಜಿ ಸಲ್ಲಿಸುವ ವಿಧಾನಗಳ ಬಗ್ಗೆ ಚರ್ಚಿಸಿದರು. ಸೌಲಭ್ಯ ಹಾಗೂ ಹಕ್ಕುಗಳ ಬಗ್ಗೆ ಸಮಗ್ರ ಮಾಹಿತಿ ನೀಡಿದರು. ಸರ್ಕಾರದ ಯೋಜನೆಗಳನ್ನು ಸರಿಯಾಗಿ ಬಳಸಿಕೊಂಡು ಶಿಕ್ಷಣ, ಆರೋಗ್ಯ, ಉದ್ಯೋಗ ಹಾಗೂ ಸಾಮಾಜಿಕ ಅಭಿವೃದ್ಧಿಯ ಅವಕಾಶಗಳನ್ನು ಸದ್ಬಳಕೆ ಮಾಡಿಕೊಳ್ಳುವಂತೆ ಅವರು ಕರೆ ನೀಡಿದರು. ಸಂಸ್ಥೆಯ ಕಾರ್ಯದರ್ಶಿ ವಿಜಯ ನಾಯಕ , ಪದಾಧಿಕಾರಿಗಳಾದ ವಿಜಯಲಕ್ಷ್ಮೀ, ಶೈಲ ನಾಯರ್ ಅವರು ಕ್ಷೇತ್ರ ಭೇಟಿ ನಡೆಸಿದರು.
- [ಅಂಕೋಲಾ | ಬಿರುಗಾಳಿಗೆ ಬೆದರಿದ ಡಾಲ್ಪಿನ್!](https://mobiletime.in/2026/07/ankola-dolphin-startled-by-the-storm/): ಕರಾವಳಿಯಲ್ಲಿನ ಗಾಳಿ-ಮಳೆಗೆ ಸಮುದ್ರದ ಡಾಲ್ಪಿನ್ ಒಂದು ಬೆದರಿದ್ದು, ಸಾವನಪ್ಪಿದ ಡಾಲ್ಪಿನ್ ದೇಹ ಅಂಕೋಲಾದ ಬೆಳಂಬಾರ ದಡಕ್ಕೆ ಬಂದು ಬಿದ್ದಿದೆ. ಅರಣ್ಯಾಧಿಕಾರಿಗಳು ಡಾಲ್ಪನ್ ಶವ ಗಮನಿಸಿ, ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ. ಸಾಮಾನ್ಯವಾಗಿ ಕಪ್ಪು ಬಣ್ಣದಲ್ಲಿರುವ ಡಾಲ್ಪಿನ್ ಸಾವನಪ್ಪಿದ ನಂತರ ಬಿಳಿ ಬಣ್ಣಕ್ಕೆ ತಿರುಗಿದೆ. ಸಾವನಪ್ಪಿ ಕೆಲ ದಿನ ಕಳೆದಿರುವ ಬಗ್ಗೆಯೂ ಅನುಮಾನಗಳಿವೆ. ಸುಮಾರು 8 ಅಡಿ ಉದ್ದವಿರುವ ಡಾಲ್ಪಿನ್ ನೋಡಿದ ಜನ ಅರಣ್ಯ ಅಧಿಕಾರಿಗಳಿಗೆ ಫೋನ್ ಮಾಡಿದ್ದಾರೆ. ಸಾಗರ ವನ್ಯಜೀವಿ ವಿಭಾಗ ಸಿಬ್ಬಂದಿ ಸ್ಥಳಕ್ಕೆ ದೌಡಾಯಿಸಿದ್ದಾರೆ. `ಓಶಿಯನ್ ಹಂಪ್‌ಬ್ಯಾಕ್’ ಎಂಬ ಪ್ರಬೇದಕ್ಕೆ ಸೇರಿದ ಡಾಲ್ಪಿನ್ ಇದಾಗಿದ್ದು, ಅದರ ಸಾವಿನ ನೈಜ ಕಾರಣದ ಹುಡುಕಾಟ ನಡೆದಿದೆ. ಪ್ರಕ್ಷುಬ್ಧ ವಾತಾವರಣ, ಬಿರುಗಾಳಿ, ಕಡಲ ಅಲೆಗಳ ಅಬ್ಬರಕ್ಕೆ ಡಾಲ್ಪಿನ್ ಸಾವನಪ್ಪಿರುವ ಶಂಕೆ ಹೆಚ್ಚಾಗಿದೆ. ಎರಡು ದಿನಗಳ ಹಿಂದೆ ಕರಾವಳಿ ಭಾಗದಲ್ಲಿ ಸುರಿದ ಭಾರೀ ಮಳೆಯ ವೇಳೆ ಅಲೆಗಳು ಜೋರಾಗಿದ್ದು, ಅದರ ಅಬ್ಬರಕ್ಕೆ ಡಾಲ್ಪಿನ್ ಕಡಲಿನ ಕಲ್ಬಂಡೆಗೆ ಸಿಲುಕಿ ಸಆವನಪ್ಪಿರುವ ಶಂಕೆಯಿದೆ. ಡಾಲ್ಫಿನ್‌ಗಳು ಸಮುದ್ರ ಪರಿಸರ ವ್ಯವಸ್ಥೆಯ ಪ್ರಮುಖ ಜೀವಿಗಳಾಗಿದ್ದು, ಅವುಗಳ ಸಾವಿನ ಕಾರಣ ಪತ್ತೆಹಚ್ಚುವುದು ಸಮುದ್ರ ಪರಿಸರದ ಆರೋಗ್ಯದ ದೃಷ್ಟಿಯಿಂದಲೂ ಮಹತ್ವದ್ದಾಗಿದೆ
- [ಡೀಸಿ ಕಚೇರಿ ಎದುರು ಜಮಾಯಿಸಿದ ಜನ: ಅನುದಾನಿತ ಶಿಕ್ಷಕರಿಂದ ಉಗ್ರ ಹೋರಾಟ!](https://mobiletime.in/2026/07/people-gather-outside-the-dc-office-a-fierce-protest-by-aided-school-teachers/): ಅನುದಾನಿತ ಶಾಲಾ ಶಿಕ್ಷಕರಿಗೆ ಆಗುತ್ತಿರುವ ಅನ್ಯಾಯದ ವಿರುದ್ಧ ರಾಜ್ಯ ಮಾಧ್ಯಮಿಕ ಶಾಲಾ ನೌಕರರ ಸಂಘದವರು ಸಿಡಿದೆದ್ದಿದ್ದು, ತಮ್ಮ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಪ್ರತಿಭಟನೆ ನಡೆಸಿದ್ದಾರೆ. ಕಾರವಾರದ ಹಿಂದೂ ಹೈಸ್ಕೂಲಿನಿಂದ ಜಿಲ್ಲಾಧಿಕಾರಿ ಕಚೇರಿಯವರೆಗೆ ಪ್ರತಿಭಟನೆ ನಡೆಸಿ ಸರ್ಕಾರಕ್ಕೆ ಬಿಸಿ ಮುಟ್ಟಿಸುವ ಪ್ರಯತ್ನ ಮಾಡಿದ್ದಾರೆ. ಒಟ್ಟು 20 ಮುಖ್ಯ ಬೇಡಿಕೆಗಳನ್ನು ಪ್ರತಿಭಟನಾಕಾರರು ಮುಖ್ಯಮಂತ್ರಿಗಳಿಗೆ ಕಳುಹಿಸಿದ್ದಾರೆ. ಆ ಪತ್ರದ ಮೂಲಕ ನೇಮಕಾತಿ ಮತ್ತು ಸಿಬ್ಬಂದಿ ಕೊರತೆಯನ್ನು ನೀಗಿಸಲು ಒತ್ತಾಯಿಸಿದ್ದಾರೆ. `2015ರ ನಂತರ ಖಾಲಿಯಾದ ಬೋಧಕ ಮತ್ತು ಬೋಧಕೇತರ ಹುದ್ದೆಗಳನ್ನು ತಕ್ಷಣ ಭರ್ತಿ ಮಾಡಬೇಕು. ಅಲ್ಲಿಯವರೆಗೆ ಸರ್ಕಾರವೇ ಅತಿಥಿ ಶಿಕ್ಷಕರನ್ನು ನೇಮಿಸಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ. `ಹಳೆ ಪಿಂಚಣಿ ಯೋಜನೆಯನ್ನು ಕಡ್ಡಾಯವಾಗಿ ಜಾರಿಗೊಳಿಸಬೇಕು. ಸರ್ಕಾರಿ ಪ್ರೌಢಶಾಲಾ ಶಿಕ್ಷಕರಿಗೆ ಸಿಗುವ ಎಲ್ಲಾ ವೇತನ ಹಾಗೂ ಪಿಂಚಣಿ ಸೌಲಭ್ಯಗಳನ್ನು ಅನುದಾನಿತ ಶಿಕ್ಷಕರಿಗೂ ಒಂದೇ ಆದೇಶದ ಮೂಲಕ ವಿಸ್ತರಿಸಬೇಕು. 1995ರ ನಂತರ ಆರಂಭವಾದ ಕನ್ನಡ ಮಾಧ್ಯಮ ಶಾಲೆಗಳಿಗೆ ವೇತನಾನುದಾನ ಮಂಜೂರು ಮಾಡಬೇಕು. ಉತ್ತಮ ಫಲಿತಾಂಶ ತಂದ ಶಾಲೆಗಳಿಗೆ ಗೌರವ ಸಂಭಾವನೆ ನೀಡಬೇಕ’ ಎಂದು ಆಗ್ರಹಿಸಿದ್ದಾರೆ. `ವಿದ್ಯಾರ್ಥಿಗಳ ಸೌಲಭ್ಯಗಳ ತಾರತಮ್ಯವನ್ನು ತೊಡೆದುಹಾಕಲು ಆಗ್ರಹಿಸಿ, ಸರ್ಕಾರಿ ಶಾಲೆಗಳಂತೆ ಅನುದಾನಿತ ಶಾಲೆಗಳಿಗೂ ಉಚಿತ ಸೌಲಭ್ಯಗಳು, ಸ್ಯಾಟ್ಸ್ ಶುಲ್ಕ ಹಾಗೂ ಶಾಲಾ ನಿರ್ವಹಣಾ ವೆಚ್ಚವನ್ನು ಸರ್ಕಾರವೇ ಭರಿಸಬೇಕು’ ಎಂದು ಹೇಳಿದ್ದಾರೆ. `ಶೈಕ್ಷಣಿಕ ಸುಧಾರಣೆಯ ಭಾಗವಾಗಿ ಹೊಸ ಕೆಪಿಎಸ್ ಶಾಲೆಗಳನ್ನು ತೆರೆಯುವಾಗ ಕನಿಷ್ಠ 3 ಕಿಮೀ ವ್ಯಾಪ್ತಿಯಲ್ಲಿ ಅನುದಾನಿತ ಶಾಲೆಗಳಿಲ್ಲದಿರುವುದನ್ನು ಖಾತರಿಪಡಿಸಿಕೊಳ್ಳಬೇಕು. ಶಿಕ್ಷಕರನ್ನು ಅಕ್ಷರದಾಸೋಹ, ಕ್ಷೀರಭಾಗ್ಯದಂತಹ ಬೋಧಕೇತರ ಕೆಲಸಗಳಿಂದ ಮುಕ್ತಗೊಳಿಸಿ ಪ್ರತ್ಯೇಕ ವ್ಯವಸ್ಥೆ ಮಾಡಬೇಕು’ ಎಂದು ಒತ್ತಾಯಿಸಿದ್ದಾರೆ. ಈ ಬೃಹತ್ ಪ್ರತಿಭಟನೆಯಲ್ಲಿ ಸಂಘದ ಜಿಲ್ಲಾ ಅಧ್ಯಕ್ಷ ಪ್ರಭಾಕರ ಬಂಟ, ಕಾರ್ಯದರ್ಶಿ ಎಲ್.ಎಂ. ಹೆಗಡೆ, ಉಪಾಧ್ಯಕ್ಷರಾದ ಮಾದೇವ ರಾಣೆ, ಪಾಂಡುರAಗ ವಾಗ್ರೇಕರ, ಸಹ ಕಾರ್ಯದರ್ಶಿ ಸುನೀಲ್ ವಾಸ್, ಪ್ರಶಾಂತ ನಾಯ್ಕ ಹಾಗೂ ಪ್ರಮುಖರಾದ ಪಿ.ಟಿ. ಚೌಹಾಣ್, ಜೈ ರಂಗನಾಥ್, ಗಣೇಶ ಬಿಷ್ಠಣ್ಣನರ್, ಉಮೇಶ ದೊಡ್ಮನಿ, ಅಂಕೋಲಾದ ಗಣಪತಿ ನಾಯಕ, ವಿ. ಆರ್. ತಾಂಡೇಲ್, ಹೊನ್ನಾವರದ ಸತೀಶ್ ನಾಯ್ಕ, ಭಟ್ಕಳದ ಕೆ ಬಿ. ಮಡಿವಾಳ ಇತರರು ಇದ್ದರು.
- [ಯಲ್ಲಾಪುರ | ಅವರು ಕಳ್ಳರು ಅಲ್ಲ.. ಕೇಡಿಗಳು ಅಲ್ಲ!](https://mobiletime.in/2026/07/yellapur-they-are-neither-thieves-nor-troublemakers/): `ಶಾಲೆಯಿಂದ ಮನೆಗೆ ಬರುತ್ತಿದ್ದ ಮಕ್ಕಳ ಅಪಹರಣ ಪ್ರಯತ್ನ’ ಎಂದು ಯಲ್ಲಾಪುರದಲ್ಲಿ ವದಂತಿ ಹಬ್ಬಿದ್ದು, ಅನೇಕರು ಆತಂಕಕ್ಕೆ ಒಳಗಾಗಿದ್ದಾರೆ. ಆದರೆ, ಅಪಹರಣ ಪ್ರಯತ್ನ ನಡೆದ ವಿಷಯವನ್ನು ಪೊಲೀಸರು ಅಲ್ಲಗಳೆದಿದ್ದಾರೆ. ಯಲ್ಲಾಪುರದ ಮಾವಿನಮನೆ ಗ್ರಾಮ ಪಂಚಾಯತ ಬಳಿಯ ಬಾರೆ-ಜೋಗಾಳಕೇರಿಯಲ್ಲಿ ಮಕ್ಕಳ ಅಪಹರಣ ಪ್ರಯತ್ನ ನಡೆದ ಬಗ್ಗೆ ವದಂತಿ ಹಬ್ಬಿದೆ. ಆ ಸುದ್ದಿ ಒಬ್ಬರಿಂದ ಒಬ್ಬರಿಗೆ ಹರಡಿದ್ದು, ಇನ್ನೊಂದು ಸ್ವರೂಪಪಡೆದಿದೆ. ಜೋಗಾಳಕೇರಿಯ ಐವರು ಮಕ್ಕಳು ಶಾಲೆಯಿಂದ ಮನೆಗೆ ಮರಳುವಾಗ ಅಪರಿಚಿತರು ಅವರನ್ನು ಮಾತನಾಡಿಸಿದ್ದಕ್ಕೆ ರೆಕ್ಕೆ-ಪುಕ್ಕಗಳು ಸೇರಿಕೊಂಡಿದ್ದು, ಅಪರಿಚಿತರು ಮಕ್ಕಳನ್ನು ಹಿಂಬಾಲಿಸಿಕೊoಡು ಬಂದಿರುವುದಾಗಿ ಹಾಗೂ ಬಾಲಕಿಯೊಬ್ಬರನ್ನು ಅವರು ಬಲವಂತವಾಗಿ ಕಾರಿನಲ್ಲಿ ಕೊಂಡೊoಯ್ಯುವ ಪ್ರಯತ್ನ ನಡೆಸಿದ ಬಗ್ಗೆ ಊಹಾಪೋಹಗಳು ಶುರುವಾಗಿದೆ. ಈ ವಿಷಯದ ಬಗ್ಗೆ ಈ ದಿನ ಅಧಿಕಾರಿಗಳು ಸ್ಥಳ ಪರಿಶೀಲನೆ ನಡೆಸಿ ವಿಚಾರಣೆ ಮಾಡಿದಾಗ `ಅಂಥ ಅಪಾಯಕಾರಿ ವಿದ್ಯಮಾನಗಳು ಯಾವುದು ನಡೆದಿಲ್ಲ’ ಎಂದು ಪೊಲೀಸರು ದೃಢಪಡಿಸಿದ್ದಾರೆ. `ಮಳೆಯಲ್ಲಿ ಮಕ್ಕಳು ಶಾಲೆಯಿಂದ ಮನೆಗೆ ಮರಳುತ್ತಿದ್ದು, ಆ ವೇಳೆ ಅಲ್ಲಿನ ಪ್ರವಾಸಿ ತಾಣಕ್ಕೆ ಬಂದಿದ್ದ ಕೆಲವರು ಮಕ್ಕಳನ್ನು ಮಾತನಾಡಿಸುವ ಪ್ರಯತ್ನ ಮಾಡಿದ್ದಾರೆ. ಮಳೆಯಲ್ಲಿ ನಡೆದು ಹೋಗುತ್ತಿದ್ದ ಮಕ್ಕಳನ್ನು ಕಾರಿನಲ್ಲಿ ಬಿಡುವುದಾಗಿ ಹೇಳಿದ್ದಾರೆ. ಅಪರಿಚಿತರು ಮಾತನಾಡಿದನ್ನು ನೋಡಿದ ಮಕ್ಕಳು ಹೆದರಿ ಓಡಿ ಹೋಗಿದ್ದಾರೆ’ ಎಂಬುದು ಮೇಲ್ನೋಟಕ್ಕೆ ಸಾಭೀತಾಗಿದೆ. ಆ ಭಾಗದ ಬೀಟ್ ಪೊಲೀಸ್ ಸಿಬ್ಬಂದಿ ಕರ್ಣಕುಮಾರ ಹಾಗೂ ಶಿಕ್ಷಣ ಇಲಾಖೆಯ ಪ್ರಭಾಕರ ಭಟ್ಟ ಅವರು ಶನಿವಾರ ಶಾಲೆಗೆ ಭೇಟಿ ನೀಡಿದ್ದಾರೆ. ಅಲ್ಲಿನ ಶಿಕ್ಷಕರು ಹಾಗೂ ಪಾಲಕರ ಬಳಿ ಇದೇ ವಿಷಯವಾಗಿ ಮಾತನಾಡಿದ್ದಾರೆ. ಜೊತೆಗೆ ಮಕ್ಕಳ ಆಪ್ತ ಸಮಾಲೋಚನೆಯನ್ನು ಸಹ ನಡೆಸಿದ್ದು, 4ನೇ ತರಗತಿ ಓದುವ ಮಕ್ಕಳು ಒಬ್ಬೊಬ್ಬರು ಒಂದೋAದು ರೀತಿ ಹೇಳಿದ್ದಾರೆ. ಎಲ್ಲವನ್ನು ಕೂಲಂಕುಷವಾಗಿ ವಿಚಾರಿಸಿದಾಗ `ಆ ದಿನ ನಡೆದಿದ್ದು ಮಕ್ಕಳ ಅಪಹರಣ ಪ್ರಯತ್ನವಲ್ಲ’ ಎಂದು ಗೊತ್ತಾಗಿದೆ. `ಆ ಭಾಗದ ಪ್ರವಾಸಿ ತಾಣಗಳಿಗೆ ಅನೇಕ ಅಪರಿಚಿತರು ಬರುತ್ತಿದ್ದು, ಸುರಕ್ಷತೆಗಾಗಿ ಸಿಸಿ ಕ್ಯಾಮರಾ ಅಳವಡಿಸಬೇಕು. ಸೂರ್ಯ ಕಲ್ಯಾಣಿ ಗುಡ್ಡ ಸೇರಿ ಬೇರೆ ಬೇರೆ ಸ್ಥಳಕ್ಕೆ ಬರುವವರು ಮದ್ಯದ ನಶೆಯಲ್ಲಿ ಕೀಟಲೆ ಮಾಡುವುದನ್ನು ತಡೆಯಬೇಕು’ ಎಂದು ಊರಿನವರು ಆಗ್ರಹಿಸಿದ್ದಾರೆ. `ಕಾನೂನುಬಾಹಿರ ಚಟುವಟಿಕೆಗಳನ್ನು ತಡೆಯಲು ಸಾರ್ವಜನಿಕ ಸಹಕಾರವೂ ಮುಖ್ಯವಾಗಿದ್ದು, ಅನುಮಾನಾಸ್ಪದ ವ್ಯಕ್ತಿಗಳ ಬಗ್ಗೆ ಜನ ಪೊಲೀಸರಿಗೆ ಮಾಹಿತಿಕೊಡಬೇಕು. ಮಕ್ಕಳನ್ನು ಒಂಟಿಯಾಗಿ ಶಾಲೆಗೆ ಕಳುಹಿಸುವ ಬದಲು ಒಬ್ಬ ಪಾಲಕರಾದರೂ ಅವರ ಜೊತೆ ಹೋಗುವುದು ಉತ್ತಮ’ ಎಂದು ಪೊಲೀಸರು ಹೇಳಿದ್ದಾರೆ.
- [ಸೂಪಾ: ಅಂತಿoಥ ನಾಯಿ ಇದಲ್ಲ!](https://mobiletime.in/2026/07/soopa-this-is-no-ordinary-dog/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಇದೇ ಮೊದಲ ಬಾರಿಗೆ ನಾಯಿಯೊಂದು ಮಾದಕ ವ್ಯಸನಿಗಳನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದೆ. ಗೋಕರ್ಣದ ಪಿಕೆ ರೆಸಾರ್ಟಿನ ಸಿಬ್ಬಂದಿ ಹಾಗೂ ಸೀ ರಾಕ್ ರೆಸಾರ್ಟ ಬಳಿಯಿದ್ದ ಪ್ರವಾಸಿಗರ ಗುಟ್ಟನ್ನು ಸೂಪಾ ಎಂಬ ನಾಯಿ ಬಯಲು ಮಾಡಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ವ್ಯಾಪಕವಾಗಿ ಹರಡಿರುವ ಮಾದಕ ವ್ಯಸನಗಳ ಪತ್ತೆಗಾಗಿ ಶ್ವಾನವೊಂದು ಶ್ರಮಿಸುತ್ತಿದೆ. ಡ್ರಗ್ಸ್, ಗಾಂಜಾ, ತಂಬಾಕು, ಸರಾಯಿ ಸೇರಿ ಯಾವುದೇ ಬಗೆಯ ಮಾದಕ ವಸ್ತು-ದೃವ್ಯಗಳಿದ್ದರೂ ಅದನ್ನು ಸೂಪಾ ಎಂಬ ನಾಯಿ ಸುಲಭವಾಗಿ ಪತ್ತೆ ಮಾಡುತ್ತಿದೆ. ಹೆರೋಯಿನ್, ಕೋಕೆನ್ ಮೊದಲಾದ ಮಾದಕ ಪದಾರ್ಥಗಳನ್ನು ಸಹ ಕಂಡುಹಿಡಿಯುವ ಸಾಮರ್ಥ್ಯ ಈ ನಾಯಿಗಿದೆ. ಮಾದಕ ವ್ಯಸನಗಳ ಸಾಗಾಟ, ಮಾರಾಟ ಹಾಗೂ ಸೇವನೆಯ ಬಗ್ಗೆ ಕೊಂಚ ಸುಳಿವು ಸಿಕ್ಕರೂ ಅದರ ಬೆನ್ನತ್ತಿ ಸಮಗ್ರ ಶೋಧ ನಡೆಸುವಲ್ಲಿ ಸೂಪಾ ಎಂಬ ನಾಯಿ ಮುಂಚೂಣಿಯಲ್ಲಿದೆ. ಬೇಲ್ಜಿಯನ್ ಮ್ಯಾಲಿನೋಯಿಸ್ ಎಂಬ ತಳಿಯ ನಾಯಿ ಮರಿ 2025ರ ಅಗಸ್ಟ್ 9ರಂದು ಜನಿಸಿತು. ಹುಟ್ಟಿದ ಮೂರೇ ತಿಂಗಳಿನಲ್ಲಿ ಈ ನಾಯಿ ಪೊಲೀಸರಿಗೆ ಆಪ್ತವೆನಿಸಿತು. ಪರಿಣಾಮ ಬೆಂಗಳೂರಿನ ಆಡುಗೋಡೆ ಪೊಲೀಸ್ ಶ್ವಾನಗಳ ತರಬೇತಿ ಕೇಂದ್ರದಲ್ಲಿ ಅದಕ್ಕೆ ತರಬೇತಿ ನೀಡಲಾಯಿತು. ವರ್ಷದೊಳಗೆ ತನ್ನ ಚುರುಕುತನ ಪ್ರದರ್ಶಿಸಿದ ಈ ನಾಯಿಗೆ ಸೂಪಾ ಎಂದು ಹೆಸರಿಡಲಾಯಿತು. ವಿಮಾನ ನಿಲ್ದಾಣ, ಬಂದರು, ರೈಲು ನಿಲ್ದಾಣದಲ್ಲಿ ವಿಶೇಷ ಕಾರ್ಯಾಚರಣೆ ನಡೆಸಿತು. 2026ರ ಜೂನ್ 9ರಂದು ಸೂಪಾ ಎಂಬ ನಾಯಿ ಉತ್ತರ ಕನ್ನಡಕ್ಕೆ ಆಗಮಿಸಿತು. ಇಲ್ಲಿನ ಪ್ರವೀಣ ಗೌಡ ಹಾಗೂ ಶುಭಂ ಗುರವ್ ಅವರ ತರಬೇತಿಯಿಂದ ಆ ನಾಯಿ ಇನ್ನಷ್ಟು ಚುರುಕಾಗಿದ್ದು, ಸದ್ಯ ಮಾದಕ ವಸ್ತುಗಳ ಗುರುತಿಸುವಿಕೆಗೆ ಪೊಲೀಸರಿಗೆ ಸಹಾಯ ಮಾಡುತ್ತಿದೆ. ಸಾಮಾನ್ಯವಾಗಿ ಬೇಲ್ಜಿಯನ್ ಮ್ಯಾಲಿನೋಯಿಸ್ ಪ್ರಬೇದದ ನಾಯಿಗಳನ್ನು ಭಾರತೀಯ ಸೈನ್ಯದಲ್ಲಿ ಹೆಚ್ಚು ಬಳಸಲಾಗುತ್ತದೆ. ಸದ್ಯ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಇದೇ ತಳಿಯ ನಾಯಿ ಬಳಸಿ ಗಾಂಜಾ ಗಿರಾಕಿಗಳನ್ನು ಹಿಡಿಯಲಾಗಿದೆ. ವಿವಿಧ ಅಂಚೆ ಇಲಾಖೆ, ಕೋರಿಯರ್ ಕಚೇರಿಯಲ್ಲಿನ ಪಾರ್ಸಲ್’ಗಳನ್ನು ಈ ಶ್ವಾನ ಮೂಸಿ ನೋಡಿದೆ. ಅಸಾಧಾರಣ ವಾಸನಾ ಶಕ್ತಿಯ ಜೊತೆ ಬುದ್ಧಿವಂತಿಕೆಯಿAದಲೂ ಸೂಪಾ ಎಂಬ ನಾಯಿ ಪೊಲೀಸರ ಮನಗೆದ್ದಿದೆ. ಅಪರಾಧ ಪ್ರಕರಣಗಳ ತನಿಖೆಗಾಗಿ ದೊಡ್ಡ ಪ್ರಮಾಣದ ಕೊಡುಗೆ ನೀಡುತ್ತಿದೆ. ಗೋಕರ್ಣದ ಪಿಕೆ ರೆಸಾರ್ಟಿನ ಸಿಬ್ಬಂದಿಯಿಬ್ಬರು ಮಾದಕ ವ್ಯಸನ ಸೇವಿಸಿದ ಗುಂಗಿನಲ್ಲಿದ್ದು, ಸೂಪಾ ನಾಯಿ ಅವರನ್ನು ಪತ್ತೆ ಮಾಡಿದೆ. ಜೊತೆಗೆ ಸೀ ರಾಕ್ ರೆಸಾರ್ಟ ಬಳಿಯಿದ್ದ ಪ್ರವಾಸಿಗೊಬ್ಬರ ಮಾದಕ ವ್ಯಸನವನ್ನು ಬಯಲಿಗೆಳೆದಿದೆ. ದೊಡ್ಡ ದೊಡ್ಡ ಕಟ್ಟಡ, ಲಗೇಜ್ ತುಂಬಿದ ವಾಹನ, ಪೂರ್ತಿ ಪ್ಯಾಕ್ ಆದ ಪಾರ್ಸಲ್ ಒಳಗಿದ್ದ ಅಮಲು ಪದಾರ್ಥಗಳನ್ನು ಸಹ ಈ ಸೂಪಾ ಸುಲಭವಾಗಿ ಗುರುತಿಸುವ ಶಕ್ತಿಹೊಂದಿದೆ.  
- [ಓವರ್ ಲೋಡ್ ಲಾರಿಗಳ ಅಟ್ಟಹಾಸ: : ಡೀಸಿ ಸೂಚನೆಗೆ ಕಿಮ್ಮತ್ತೇ ಇಲ್ಲ!](https://mobiletime.in/2026/07/overloading-menace-dcs-directive-completely-ignored/): ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ಓವರ್ ಲೋಡ್ ಟಿಪ್ಪರ್ ಸಂಚಾರ ಜೋರಾಗಿದ್ದು, ಇದನ್ನು ತಡೆಯುವಂತೆ ಸ್ವತಃ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. ಆದರೆ, ಜಿಲ್ಲಾಧಿಕಾರಿಗಳ ನಿರ್ದೇಶನವನ್ನು ಸಹ ಆ ಅಧಿಕಾರಿಗಳು ಪಾಲಿಸುತ್ತಿಲ್ಲ. `ನಿಗಧಿತ ಮಿತಿಗಿಂತ ಹೆಚ್ಚಿನ ಸರಕು ಸಾಮಗ್ರಿ ಸಾಗಿಸುವ ವಾಹನಗಳ ವಿರುದ್ಧ ಪ್ರಕರಣ ದಾಖಲಿಸಿ’ ಎಂದು ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ಎರಡು ವಾರದ ಹಿಂದೆ ರಸ್ತೆ ಸುರಕ್ಷತಾ ಸಮಿತಿ ಸಭೆ ನಡೆಸಿದ ಜಿಲ್ಲಾಧಿಕಾರಿಗಳರೀ ಬಗ್ಗೆ ಕಟ್ಟುನಿಟ್ಟಿನ ಸೂಚನೆ ನೀಡಿದ್ದಾರೆ. ಸರು-ಸಾಮಗ್ರಿ ಸಾಗಿಸುವ ವಾಹನಗಳ ಬಗ್ಗೆ ವಿಶೇಷ ಗಮನಹರಿಸಿ ಮಾತನಾಡಿದ ಅವರು `ಸರಕು-ಸಾಗಣಿಕೆ ವಾಹನಗಳಲ್ಲಿ ಸರಕು ಮತ್ತು ಸಾಮಗ್ರಿಗಳ ಓವರ್ ಲೋಡ್ ಕಂಡುಬoದಲ್ಲಿ ಕೂಡಲೇ ಪ್ರಕರಣ ದಾಖಲಿಸಬೇಕು’ ಎಂದು ಸೂಚನೆಯನ್ನು ನೀಡಿದ್ದಾರೆ. `ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ವಾಹನ ತಪಾಸಣೆ ನಡೆಸಬೇಕು’ ಎಂದು ಸಹ ಅವರು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ಹೇಳಿದ್ದಾರೆ. ಈ ಸಭೆಯಲ್ಲಿ ಹಾಜರಿದ್ದ ಅಧಿಕಾರಿಗಳು ಅದಕ್ಕೆ ತಲೆಯಾಡಿಸಿದ್ದು, ಸಭೆಯಿಂದ ಹೊರಹೋದ ನಂತರ ಡೀಸಿ ಹೇಳಿದ ಮಾತುಗಳನ್ನು ಮರೆತಿದ್ದಾರೆ. ಅದರ ಪರಿಣಾಮವಾಗಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಧಿಕ ಬಾರ ಹೊತ್ತು ಸಾಗುವ ಲಾರಿಗಳ ಸಂಖ್ಯೆ ದುಪ್ಪಟ್ಟಾಗಿದೆ. ಪ್ರತಿ ದಿನ ರಾತ್ರಿ ಭಾರೀ ಪ್ರಮಾಣದ ಲಾರಿಗಳು ರಸ್ತೆಗಿಳಿಯುತ್ತಿವೆ. ಅನೇಕ ಅಪಘಾತಗಳಿಗೆ ಈ ಲಾರಿಯಲ್ಲಿನ ಅತಿಯಾದ ಬಾರ ಕಾರಣವಾಗುತ್ತಿದ್ದು, ಜನರ ಜೀವ ಹೋಗುವ ಸನ್ನಿವೇಶ ಬಂದರೂ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ಮಾತ್ರ ರಾತ್ರಿ ಕರ್ತವ್ಯಕ್ಕೆ ಹಾಜರಾಗುತ್ತಿಲ್ಲ. `ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ನಿರ್ದಿಷ್ಟ ಒಂದು ರಸ್ತೆಯಲ್ಲಿ ಮಾತ್ರ ತಪಾಸಣೆಗಳನ್ನು ಕೈಗೊಳ್ಳದೇ ಎಲ್ಲಾ ಪ್ರಮುಖ ರಸ್ತೆಗಳಲ್ಲಿ ನಿಯಮಿತವಾಗಿ ತಪಾಸಣೆ ನಡೆಸಬೇಕು’ ಎಂದು ಡೀಸಿ ಸೂಚಿಸಿದರೂ ಆ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಸದ್ಯ ತಡಸ್-ಕೈಗಾ ಮಾರ್ಗವಾಗಿ ಭಾರೀ ಪ್ರಮಾಣದ ಸರಕು ಹೊತ್ತ ಲಾರಿಗಳು ಸಂಚರಿಸುತ್ತಿದೆ. ಕೈಗಾ ಅಣು ವಿದ್ಯುತ್ ಘಟಕದ ಕಾಮಗಾರಿಗಾಗಿ ಕಲ್ಲುಗಳ ಸಾಗಾಟ ನಡೆದಿದ್ದು, ಅಪಾಯಕಾರಿ ರೀತಿಯಲ್ಲಿ ಟಿಪ್ಪರ್ ಓಡಾಟ ನಡೆದಿದೆ. ಪ್ರತಿ ದಿನ ರಾತ್ರಿ 10 ಗಂಟೆ ನಂತರ ಇಂಥ ಟಿಪ್ಪರ್ ರಸ್ತೆಗಿಳಿಯುತ್ತಿದೆ. ಅಪಾಯಕಾರಿ ರೀತಿಯಲ್ಲಿರುವ ಲಾರಿಗಳನ್ನು ಹಿಡಿದು ಫೋನ್ ಮಾಡಿದರೂ ಅಧಿಕಾರಿಗಳು ಮಾತ್ರ ಸ್ಥಳಕ್ಕೆ ಬರುತ್ತಿಲ್ಲ ಎಂಬ ಆರೋಪವಿದೆ. ಓವರ್ ಲೋಡ್ ಲಾರಿಗಳ ಓಡಾಟದಿಂದ ಅಪಘಾತ, ರಸ್ತೆ ಹಾಳಾಗುವಿಕೆ ಸಾಮಾನ್ಯವಾಗಿದ್ದರೂ ಕಾನೂನು ಕ್ರಮ ಜರುಗಿಸುವವರಿಲ್ಲದಿರುವುದು ಜನಸಾಮಾನ್ಯರ ಬೇಸರಕ್ಕೆ ಕಾರಣವಾಗಿದೆ. ಕೆಲವರ ಹಪಾಹಪಿತನದಿಂದ ನ್ಯಾಯಯುತವಾಗಿ ಟಿಪ್ಪರ್ ಓಡಿಸುವವರು ಸಹ ಸಮಸ್ಯೆಗೆ ಸಿಲುಕಿದ್ದಾರೆ. ಹೀಗಾಗಿ ಓವರ್ ಲೋಡ್ ಲಾರಿಗಳ ವಿರುದ್ಧ ಕ್ರಮವಾಗದೇ ಇದ್ದರೆ ಪ್ರತಿಭಟನೆ ನಡೆಸುವುದಾಗಿ ಲಾರಿ ಮಾಲಕರ ಸಂಘದವರು ಎಚ್ಚರಿಸಿದ್ದಾರೆ.
- [ಓವರ್ ಲೋಡ್ ಅವಾಂತರ: ಡೀಸಿ ಸೂಚನೆಗೆ ಕಿಮ್ಮತ್ತೇ ಇಲ್ಲ!](https://mobiletime.in/2026/07/__trashed/): ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ಓವರ್ ಲೋಡ್ ಟಿಪ್ಪರ್ ಸಂಚಾರ ಜೋರಾಗಿದ್ದು, ಇದನ್ನು ತಡೆಯುವಂತೆ ಸ್ವತಃ ಜಿಲ್ಲಾಧಿಕಾರಿ ಕೆ ಲಕ್ಷಿö್ಮÃಪ್ರಿಯಾ ಅವರು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ. ಆದರೆ, ಜಿಲ್ಲಾಧಿಕಾರಿಗಳ ನಿರ್ದೇಶನವನ್ನು ಸಹ ಆ ಅಧಿಕಾರಿಗಳು ಪಾಲಿಸುತ್ತಿಲ್ಲ. `ನಿಗಧಿತ ಮಿತಿಗಿಂತ ಹೆಚ್ಚಿನ ಸರಕು ಸಾಮಗ್ರಿ ಸಾಗಿಸುವ ವಾಹನಗಳ ವಿರುದ್ಧ ಪ್ರಕರಣ ದಾಖಲಿಸಿ’ ಎಂದು ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷಿö್ಮÃಪ್ರಿಯಾ ಅವರು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ಎರಡು ವಾರದ ಹಿಂದೆ ರಸ್ತೆ ಸುರಕ್ಷತಾ ಸಮಿತಿ ಸಭೆ ನಡೆಸಿದ ಜಿಲ್ಲಾಧಿಕಾರಿಗಳರೀ ಬಗ್ಗೆ ಕಟ್ಟುನಿಟ್ಟಿನ ಸೂಚನೆ ನೀಡಿದ್ದಾರೆ. ಸರು-ಸಾಮಗ್ರಿ ಸಾಗಿಸುವ ವಾಹನಗಳ ಬಗ್ಗೆ ವಿಶೇಷ ಗಮನಹರಿಸಿ ಮಾತನಾಡಿದ ಅವರು `ಸರಕು-ಸಾಗಣಿಕೆ ವಾಹನಗಳಲ್ಲಿ ಸರಕು ಮತ್ತು ಸಾಮಗ್ರಿಗಳ ಓವರ್ ಲೋಡ್ ಕಂಡುಬAದಲ್ಲಿ ಕೂಡಲೇ ಪ್ರಕರಣ ದಾಖಲಿಸಬೇಕು’ ಎಂದು ಸೂಚನೆಯನ್ನು ನೀಡಿದ್ದಾರೆ. `ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ವಾಹನ ತಪಾಸಣೆ ನಡೆಸಬೇಕು’ ಎಂದು ಸಹ ಅವರು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳಿಗೆ ಹೇಳಿದ್ದಾರೆ. ಈ ಸಭೆಯಲ್ಲಿ ಹಾಜರಿದ್ದ ಅಧಿಕಾರಿಗಳು ಅದಕ್ಕೆ ತಲೆಯಾಡಿಸಿದ್ದು, ಸಭೆಯಿಂದ ಹೊರಹೋದ ನಂತರ ಡೀಸಿ ಹೇಳಿದ ಮಾತುಗಳನ್ನು ಮರೆತಿದ್ದಾರೆ. ಅದರ ಪರಿಣಾಮವಾಗಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಧಿಕ ಬಾರ ಹೊತ್ತು ಸಾಗುವ ಲಾರಿಗಳ ಸಂಖ್ಯೆ ದುಪ್ಪಟ್ಟಾಗಿದೆ. ಪ್ರತಿ ದಿನ ರಾತ್ರಿ ಭಾರೀ ಪ್ರಮಾಣದ ಲಾರಿಗಳು ರಸ್ತೆಗಿಳಿಯುತ್ತಿವೆ. ಅನೇಕ ಅಪಘಾತಗಳಿಗೆ ಈ ಲಾರಿಯಲ್ಲಿನ ಅತಿಯಾದ ಬಾರ ಕಾರಣವಾಗುತ್ತಿದ್ದು, ಜನರ ಜೀವ ಹೋಗುವ ಸನ್ನಿವೇಶ ಬಂದರೂ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ಮಾತ್ರ ರಾತ್ರಿ ಕರ್ತವ್ಯಕ್ಕೆ ಹಾಜರಾಗುತ್ತಿಲ್ಲ. `ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ನಿರ್ದಿಷ್ಟ ಒಂದು ರಸ್ತೆಯಲ್ಲಿ ಮಾತ್ರ ತಪಾಸಣೆಗಳನ್ನು ಕೈಗೊಳ್ಳದೇ ಎಲ್ಲಾ ಪ್ರಮುಖ ರಸ್ತೆಗಳಲ್ಲಿ ನಿಯಮಿತವಾಗಿ ತಪಾಸಣೆ ನಡೆಸಬೇಕು’ ಎಂದು ಡೀಸಿ ಸೂಚಿಸಿದರೂ ಆ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಸದ್ಯ ತಡಸ್-ಕೈಗಾ ಮಾರ್ಗವಾಗಿ ಭಾರೀ ಪ್ರಮಾಣದ ಸರಕು ಹೊತ್ತ ಲಾರಿಗಳು ಸಂಚರಿಸುತ್ತಿದೆ. ಕೈಗಾ ಅಣು ವಿದ್ಯುತ್ ಘಟಕದ ಕಾಮಗಾರಿಗಾಗಿ ಕಲ್ಲುಗಳ ಸಾಗಾಟ ನಡೆದಿದ್ದು, ಅಪಾಯಕಾರಿ ರೀತಿಯಲ್ಲಿ ಟಿಪ್ಪರ್ ಓಡಾಟ ನಡೆದಿದೆ. ಪ್ರತಿ ದಿನ ರಾತ್ರಿ 10 ಗಂಟೆ ನಂತರ ಇಂಥ ಟಿಪ್ಪರ್ ರಸ್ತೆಗಿಳಿಯುತ್ತಿದೆ. ಅಪಾಯಕಾರಿ ರೀತಿಯಲ್ಲಿರುವ ಲಾರಿಗಳನ್ನು ಹಿಡಿದು ಫೋನ್ ಮಾಡಿದರೂ ಅಧಿಕಾರಿಗಳು ಮಾತ್ರ ಸ್ಥಳಕ್ಕೆ ಬರುತ್ತಿಲ್ಲ ಎಂಬ ಆರೋಪವಿದೆ. ಓವರ್ ಲೋಡ್ ಲಾರಿಗಳ ಓಡಾಟದಿಂದ ಅಪಘಾತ, ರಸ್ತೆ ಹಾಳಾಗುವಿಕೆ ಸಾಮಾನ್ಯವಾಗಿದ್ದರೂ ಕಾನೂನು ಕ್ರಮ ಜರುಗಿಸುವವರಿಲ್ಲದಿರುವುದು ಜನಸಾಮಾನ್ಯರ ಬೇಸರಕ್ಕೆ ಕಾರಣವಾಗಿದೆ. ಕೆಲವರ ಹಪಾಹಪಿತನದಿಂದ ನ್ಯಾಯಯುತವಾಗಿ ಟಿಪ್ಪರ್ ಓಡಿಸುವವರು ಸಹ ಸಮಸ್ಯೆಗೆ ಸಿಲುಕಿದ್ದಾರೆ. ಹೀಗಾಗಿ ಓವರ್ ಲೋಡ್ ಲಾರಿಗಳ ವಿರುದ್ಧ ಕ್ರಮವಾಗದೇ ಇದ್ದರೆ ಪ್ರತಿಭಟನೆ ನಡೆಸುವುದಾಗಿ ಲಾರಿ ಮಾಲಕರ ಸಂಘದವರು ಎಚ್ಚರಿಸಿದ್ದಾರೆ.
- [ಯಲ್ಲಾಪುರ | ಅಪಘಾತ ಸ್ಥಳಕ್ಕೆ ಬಗ್ಗೆ ಆತಂಕ!](https://mobiletime.in/2026/07/yellapur-concern-regarding-the-accident-site/): ಯಲ್ಲಾಪುರದ ಆರತಿಬೈಲ್ ಪ್ರದೇಶದಲ್ಲಿ ಪದೇ ಪದೇ ಅಪಘಾತ ನಡೆಯುತ್ತಿರುವ ಬಗ್ಗೆ ಜಿಲ್ಲಾ ಉಸ್ತುವಾರಿ ಕಾರ್ಯದರ್ಶಿ ಸುಷ್ಮಾ ಗೊಡಬೋಲೆ ಅವರು ಆತಂಕವ್ಯಕ್ತಪಡಿಸಿದ್ದಾರೆ. ಈಚೆಗೆ 7 ಜನ ಸಾವನಪ್ಪಿದ ಸ್ಥಳಕ್ಕೆ ಭೇಟಿ ನೀಡಿದ ಅವರು ಅಪಘಾತ ತಡೆಗೆ ಮುನ್ನಚ್ಚರಿಕೆವಹಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ಯಲ್ಲಾಪುರ ಅಂಕೋಲಾ ರಾಷ್ಟ್ರೀಯ ಹೆದ್ದಾರಿ 52ರ ಆರತಿಬೈಲ್ ತಿರುವಿನಲ್ಲಿ ಜು 9ರಂದು ಅಪಘಾತ ನಡೆದಿದ್ದು, ಧಾರವಾಡದ 7 ಜನ ಸಾವನಪ್ಪಿದ್ದರು. ಅನತಿ ದೂರದ ಅರಬೈಲ್ ಘಟ್ಟ ಪ್ರದೇಶದಲ್ಲಿಯೂ ಅಪಾಯಕಾರಿ ತಿರುವುಗಳಿದ್ದು, ಅಲ್ಲಿಯೂ ಪದೇ ಪದೇ ಅಪಘಾತವಾಗುತ್ತಿರುವ ಬಗ್ಗೆ ಸುಷ್ಮಾ ಗೊಡಬೋಲೆ ಅವರು ಅರಿತಿದ್ದರು. ಈ ಹಿನ್ನಲೆ ಈ ಎರಡು ಪ್ರದೇಶಗಳಿಗೆ ಅವರು ಭೇಟಿ ನೀಡಿ ಅಧಿಕಾರಿಗಳಿಗೆ ಅಗತ್ಯ ಸಲಹೆ ನೀಡಿದರು. `ಅಪಘಾತ ತಡೆಗೆ ವಿವಿಧ ಸೂಚನಾ ಫಲಕ ಅಳವಡಿಸಬೇಕು’ ಎಂದವರು ಸೂಚಿಸಿದರು. ಇದಕ್ಕೂ ಮುನ್ನ ಕಿರವತ್ತಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಸಮುದಾಯ ಆರೋಗ್ಯ ಕೇಂದ್ರ ಹಾಗೂ ಅಂಗನವಾಡಿ ಕೇಂದ್ರಗಳಿಗೆ ಸಹ ಅವರು ಭೇಟಿ ನೀಡಿ ಪರಿಶಿಲನೆ ಮಾಡಿದರು. ಅದಾದ ನಂತರ ಕಾರವಾರಕ್ಕೆ ಹೋದ ಸುಷ್ಮಾ ಗೊಡಬೋಲೆ ಅವರು ಅಲ್ಲಿ ಅಧಿಕಾರಿಗಳ ಸಭೆ ಮಾಡಿದರು. ಈ ಸಭೆಯಲ್ಲಿ ವಿವಿಧ ವಿಷಯಗಳ ಕುರಿತು ಚರ್ಚಿಸಿದರು. ಮುಖ್ಯವಾಗಿ `ಜಿಲ್ಲೆಯಲ್ಲಿ ಮಳೆ ಪ್ರಮಾಣ ಕಡಿಮೆಯಿರುವುದರಿಂದ ರೈತರಿಗೆ ಕಡಿಮೆ ಅವಧಿಯಲ್ಲಿ ಇಳುವರಿ ನೀಡುವ ಬೆಳೆಗಳನ್ನು ಬೆಳೆಯಲು ಉತ್ತೇಜಿಸಬೇಕು’ ಎಂದು ಕೃಷಿ ಇಲಾಖೆಯ ಅಧಿಕಾರಿಗಳಿಗೆ ಸೂಚಿಸಿದರು. `ಜಿಲ್ಲೆಯಲ್ಲಿ ಶೇ 24ರಷ್ಟು ಮಳೆಯ ಕೊರತೆಯಿರುವುದರಿಂದ ರೈತರು ಹೆಚ್ಚು ನೀರಿನ ಅವಶ್ಯಕತೆ ಬೇಡುವ ಬೆಳೆಗಳನ್ನು ಬೆಳೆಯದೆ ಕಡಿಮೆ ಪ್ರಮಾಣದ ನೀರನ್ನು ಬಳಸಿಕೊಂಡು ಬೆಳಯಬಹುದಾದ ಬೆಳೆಯ ತಳಿಗಳನ್ನು ಭಿತ್ತನೆ ಮಾಡಲು ಪ್ರೋತ್ಸಾಹಿಸಬೇಕು’ ಎಂದರು. `ಜಿಲ್ಲೆಯಲ್ಲಿನ ಹೆಚ್ಚಿನ ಪ್ರಮಾಣದ ಕೃಷಿ ಭೂಮಿ ಹೊಂದಿರುವ ಮುಂಡಗೋಡು, ಹಳಿಯಾಳ ಮತ್ತು ಯಲ್ಲಾಪುರ ಭಾಗದಲ್ಲಿ ನೀರಿನ ಕೊರತೆಯನ್ನು ತಪ್ಪಿಸಲು ಕೃಷಿ ಹೊಂಡಗಳ ನಿರ್ಮಾಣ, ಬಾವಿ ಮತ್ತು ಬೋರ್ವೆಲ್ ಅಂತರ್ಜಲ ಮರುಪೂರಣ ವ್ಯವಸ್ಥೆಯನ್ನು ಕಲ್ಪ್ಪಿಸಬೇಕು. ಸಣ್ಣ ನೀರಾವರಿ ಇಲಾಖೆಯಿಂದ ಜಿಲ್ಲೆಯಲ್ಲಿನ ಕೆರೆಗಳಲ್ಲಿನ ನೀರಿನ ಸಂರಕ್ಷಣೆಗೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕು. ಕೆರೆ ನೀರಿನ ಸಂರಕ್ಷಣೆ ಕುರಿತು ಕೈಗೊಂಡಿರುವ ಕಾಮಗಾರಿಗಳನ್ನು ಶೀಘ್ರದಲ್ಲಿ ಮುಕ್ತಾಯಗೊಳಿಸಬೇಕು’ ಎಂದರು.
- [ಉತ್ತರ ಕನ್ನಡ | ಅಲ್ಲಿ-ಇಲ್ಲಿ ಮಳೆ ಅವಾಂತರ!](https://mobiletime.in/2026/07/uttara-kannada-rain-related-havoc-here-and-there/): ಉತ್ತರ ಕನ್ನಡ ಜಿಲ್ಲೆಯ ವಿವಿಧಡೆ ಸುರಿದ ಮಳೆ ಹಲವು ಅವಾಂತರಗಳನ್ನು ಸೃಷ್ಠಿಸಿದೆ. ಅಲ್ಲಲ್ಲಿ ಗುಡ್ಡ ಕುಸಿತ, ಮರ ಮುರಿದಿರುವಿಕೆ ಸಾಮಾನ್ಯವಾಗಿದೆ. ಕರಾವಳಿ ಭಾಗದಲ್ಲಿ ಗುರುವಾರ ಸಂಜೆಯಿoದ ಮಳೆ ಜೋರಾಗಿದೆ. ಕುಮಟಾದ ನೆಲ್ಲಿಕೇರಿಯಲ್ಲಿರುವ ಕರ್ನಾಟಕ ಪಬ್ಲಿಕ್ ಸ್ಕೂಲ್(ಕೆಪಿಎಸ್) ಬಳಿ ಗುಡ್ಡ ಕುಸಿದು, ಅದರ ಮಣ್ಣು ಬಂಡೆ ಜೊತೆ ಶಾಲೆಯ ಬಾಗಿಲವರೆಗೆ ಬಂದಿದೆ. ಕೆಪಿಎಸ್ ನೆಲ್ಲಿಕೇರಿ ಶಾಲೆಯಲ್ಲಿ ಪೂರ್ವ ಪ್ರಾಥಮಿಕ-ಪ್ರಾಥಮಿಕ ಹಾಗು ಪ್ರೌಢಶಾಲೆಗಳಿದ್ದು, ನೂರಾರು ವಿದ್ಯಾರ್ಥಿಗಳು ಕಲಿಯುತ್ತಿದ್ದಾರೆ. ಪ್ರತಿನಿತ್ಯ ಮಧ್ಯಾಹ್ನ 1 ಗಂಟೆಗೆ ಈ ವಿದ್ಯಾರ್ಥಿಗಳಿಗೆ ಬಿಸಿಯೂಟವನ್ನು ಹೈಸ್ಕೂಲಿನ ಹಳೆ ಕಟ್ಟಡದಲ್ಲಿ ಬಡಿಸಲಾಗುತ್ತಿದೆ. ಮಕ್ಕಳು ಊಟಕ್ಕೆ ಹೋಗುವ ಸಮಯದಲ್ಲಿ ಬಂಡೆ ಕುಸಿದಿದ್ದರಿಂದ ವಿದ್ಯಾರ್ಥಿಗಳೆಲ್ಲರೂ ಪಾರಾಗಿದ್ದಾರೆ. ಕುಮಟಾ ಶಾಸಕ ದಿನಕರ ಶೆಟ್ಟಿ ಅವರು ಶಾಲೆ ಎಸ್ ಡಿ ಎಂ ಸಿ ಅಧ್ಯಕ್ಷ ನಿತ್ಯಾನಂದ ನಾಯ್ಕ ಅವರ ಜೊತೆ ಸ್ಥಳ ಪರಿಶೀಲನೆ ಮಾಡಿದ್ದಾರೆ. ಕುಮಟಾ ತಹಶೀಲ್ದಾರ್ ಶ್ರೀಕೃಷ್ಣ ಕಾಮಕರ್ ಅವರು ಆಗಮಿಸಿ, ಅಧಿಕಾರಿ-ಸಿಬ್ಬಂದಿ ನೆರವಿನಿಂದ ಬಂಡೆ ತೆರವು ಮಾಡಿಸಿದ್ದಾರೆ. ಶಿರಸಿ-ಕುಮಟಾ ರಸ್ತೆಯ ದೇವಿಮನೆ ಘಟ್ಟದಲ್ಲಿಯೂ ಭೂ ಕುಸಿತ ಆಗಿದೆ. ಬೈಕ್ ಸವಾರನ ಮೇಲೆ ಮರ ಬಿದ್ದಿದ್ದು, ಬೈಕ್ ಸವಾರ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಭೂ ಕುಸಿತದ ಪರಿಣಾಮ ಕೆಲ ಕಾಲ ಸಂಚಾರ ಅಸ್ತವ್ಯಸ್ಥವಾಗಿತ್ತು. ನಂತರ ರಸ್ತೆ ನಿರ್ವಹಣಾ ಗುತ್ತಿಗೆದಾರರು ಸ್ಥಳಕ್ಕೆ ದೌಡಾಯಿಸಿ, ಮಣ್ಣು ತೆರವು ಮಾಡಿದ್ದಾರೆ.
- [ಹಳಿಯಾಳ | ಈ ನೋಟು ಅಸಲಿ ಅಲ್ಲ!](https://mobiletime.in/2026/07/haliyal-this-note-is-not-genuine/): ದುಡಿದು ತಿನ್ನುವ ವಯಸ್ಸಿನಲ್ಲಿ ಅಡ್ಡದಾರಿಹಿಡಿದು ದುಡ್ಡು ಮಾಡಲು ಆಸಕ್ತಿವಹಿಸಿದ ಹಳಿಯಾಳದ ಸಂದೀಪ್ ಶೋಲಂಬಿ ಅವರು ಖೋಟಾ ನೋಟು ತಯಾರಿಸುವ ದಂಧೆ ಶುರು ಮಾಡಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿಯಲ್ಲಿ ಅವರು ಬಾಡಿಗೆ ಮನೆ ಮಾಡಿಕೊಂಡಿದ್ದು, ಅಲ್ಲಿಯೇ 500ರೂಪಾಯಿಯ ನೋಟುಗಳನ್ನು ಸಿದ್ಧಪಡಿಸುತ್ತಿದ್ದಾರೆ. ಹಳಿಯಾಳದಲ್ಲಿ ವಾಸವಾಗಿದ್ದ ಸಂದೀಪ್ ಪುಂಡಲೀಕ ಶೋಲಂಬಿ ಅವರು ಸಣ್ಣ ವಯಸ್ಸಿನಲ್ಲಿಯೇ ದುಷ್ಟಕೂಟದ ಸದಸ್ಯರಾದರು. 30 ವರ್ಷದ ಅವರು ಕಾಸರಗೋಡು, ಪುತ್ತೂರು, ಬೆಳ್ತಂಗಡಿ ಮೂಲದ ಸಹಚರರ ಜೊತೆ ಸೇರಿ ನೋಟು ಮುದ್ರಿಸುವ ಕೆಲಸ ಶುರು ಮಾಡಿದರು. ಖೋಟಾ ನೋಟುಗಳನ್ನು ಮುದ್ರಿಸಿ ಅದನ್ನು ಅಸಲಿ ನೋಟುಗಳ ಜೊತೆ ಸೇರಿಸಿ ಕೊಡುವ ಚಿಂತನೆ ನಡೆಸಿದ್ದರು. ಸದ್ಯ ದಕ್ಷಿಣ ಕನ್ನಡ ಪೊಲೀಸರು ಆ ಅಡ್ಡೆಯ ಮೇಲೆ ದಾಳಿ ಮಾಡಿ ಅವರ ಬಳಿಯಿದ್ದ ನೋಟುಗಳನ್ನು ಜಪ್ತು ಮಾಡಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ ಅರುಣ್ ಅವರು ನೀಡಿರುವ ಮಾಹಿತಿಯ ಪ್ರಕಾರ, ಆರೋಪಿತರೆಲ್ಲರೂ ಒಂದು ತಿಂಗಳಿನಿAದ ಬಾಡಿಗೆ ಮನೆಯಲ್ಲೇ ಕಂಪ್ಯೂಟರ್, ಫೋಟೋಕಾಪಿಯರ್, ಸೀಲುಗಳು ಮತ್ತು ಸೆಕ್ಯುರಿಟಿ ಥ್ರೆಡ್ ಬಳಸಿ ನಕಲಿ ನೋಟುಗಳನ್ನು ಮುದ್ರಿಸುತ್ತಿದ್ದರು. ಈ ನೋಟುಗಳು ಮಾರುಕಟ್ಟೆಗೆ ಬರುವ ಮುನ್ನ ಪೊಲೀಸರು ದಾಳಿ ಮಾಡಿದ್ದಾರೆ. `ವ್ಯಾಪಾರಸ್ಥರು, ಬ್ಯಾಂಕ್ ಗ್ರಾಹಕರು ಮತ್ತು ಸಾರ್ವಜನಿಕರು 500ರೂ ಮುಖಬೆಲೆಯ ನೋಟುಗಳನ್ನು ಪಡೆಯುವಾಗ ಅತ್ಯಂತ ಜಾಗರೂಕರಾಗಿರಬೇಕು’ ಎಂದು ಪೊಲೀಸರು ಎಚ್ಚರಿಸಿದ್ದಾರೆ.
- [ಕುಮಟಾ | ಫೇಸ್‌ಬುಕ್ ಹಾಡುಗಾರನ ಪಾಸ್‌ಬುಕ್ ಖಾಲಿ!](https://mobiletime.in/2026/07/kumta-facebook-singers-passbook-emptied/): ಫೆಸ್‌ಬುಕ್ ಮೂಲಕ ಹಾಡು ಹಾಡಿ ಜನರನ್ನು ರಂಚಿಸುತ್ತಿದ್ದ ಕುಮಟಾದ ಶ್ರೀಧರ ಹೆಗಡೆ ಅವರು ಬಹುಮಾನದ ಆಸೆಗೆ ಬಿದ್ದು 73 ಸಾವಿರ ರೂ ಕಳೆದುಕೊಂಡಿದ್ದಾರೆ. ಅವರ ಹಾಡು ಕೇಳಿದ ಅಭಿಮಾನಿಯೊಬ್ಬರು 60 ಲಕ್ಷ ರೂ ಮೌಲ್ಯದ ಬಹುಮಾನ ಕೊಡುವುದಾಗಿ ನಂಬಿಸಿ, ಶ್ರೀಧರ ಹೆಗಡೆ ಅವರಿಂದಲೇ ಹಣ ವಸೂಲಿ ಮಾಡಿದ್ದಾರೆ. ಕುಮಟಾದ ಮೂರುರು ಬಳಿಯ ಕೋಣಾರೆಯಲ್ಲಿ ಶ್ರೀಧರ ಗಜಾನನ ಹೆಗಡೆ (ಎಸ್ ಜಿ ಹೆಗಡೆ) ಅವರು ವಾಸವಾಗಿದ್ದಾರೆ. 50 ವರ್ಷದ ಅವರು ಕೃಷಿಕರಾಗಿ ಬದುಕು ಕಟ್ಟಿಕೊಂಡಿದ್ದಾರೆ. ವಕೀಲ ವೃತ್ತಿಯನ್ನು ಮಾಡುವ ಅವರು ಸತ್ಯ, ನ್ಯಾಯ, ಧರ್ಮದ ಹೋರಾಟ ನಡೆಸಿದ್ದಾರೆ. ಕಾನೂನು ವಿಷಯದಲ್ಲಿ ಅನೇಕರಿಗೆ ತಿಳುವಳಿಕೆ ಮೂಡಿಸುತ್ತಿದ್ದಾರೆ. ಇದೆಲ್ಲದರ ಜೊತೆ ಶ್ರೀಧರ ಹೆಗಡೆ ಅವರಿಗೆ ಹಾಡುವ ಹವ್ಯಾಸವಿದ್ದು, ಆಗಾಗ ಫೇಸ್‌ಬುಕ್ ಮೂಲಕ ಅವರು ತಮ್ಮ ಗಾಯನ ಪ್ರಸ್ತುತಪಡಿಸುತ್ತಾರೆ. ಅವರ ಹಾಡು ಕೇಳಿದ ಅನೇಕರು ಮೆಚ್ಚುಗೆಯನ್ನು ಸಹ ಸೂಚಿಸುತ್ತಿದ್ದಾರೆ. ಜನರ ಮೆಚ್ಚುಗೆಯಿಂದ ಖುಷಿ ಅನುಭವಿಸಿದ ಶ್ರೀಧರ ಹೆಗಡೆ ಅವರು ಮತ್ತೆ ಮತ್ತೆ ಹಾಡುಗಳನ್ನು ಅಪ್ಲೋಡ್ ಮಾಡುತ್ತಿದ್ದು, ಈ ವೇಳೆ ಅವರಿಗೆ ಅನಾಮದೇಯ ಅಭಿಮಾನಿಯೊಬ್ಬರು ಪರಿಚಿತರಾಗಿದ್ದಾರೆ. ಕಮೆಂಟ್ ಬಾಕ್ಸಿನ ಮೂಲಕ ಅವರು ಶ್ರೀಧರ ಹೆಗಡೆ ಅವರನ್ನು ಮಾತನಾಡಿಸಿ ಫೋನ್ ಸಂಖ್ಯೆ ಪಡೆದಿದ್ದಾರೆ. ಅದಾದ ನಂತರ ಫೋನ್ ಮಾಡಿ ಅವರ ಹಾಡಿನ ಬಗ್ಗೆ ಹೊಗಳಿ ಹುರಿದುಂಬಿಸಿದ್ದಾರೆ. ಅಭಿಮಾನಿಯ ಮೆಚ್ಚುಗೆಯ ಮಾತುಗಳನ್ನು ಆಲಿಸಿದ ಶ್ರೀಧರ ಹೆಗಡೆ ಅವರು ಆ ಖುಷಿ ಅನುಭವಿಸಿದ್ದಾರೆ. ಅದಾದ ನಂತರ ಫೋನ್ ಮಾಡಿದ ಅಭಿಮಾನಿ, ಶ್ರೀಧರ ಹೆಗಡೆ ಅವರಿಗೆ 60 ಲಕ್ಷ ರೂ ಮೌಲ್ಯದ ಬಹುಮಾನ ಕಳುಹಿಸುವುದಾಗಿ ಹೇಳಿದ್ದಾರೆ. ತೀರಾ ಸಂಕೋಚದಿAದಲೇ ಶ್ರೀಧರ ಹೆಗಡೆ ಅವರು ಅದನ್ನು ಒಪ್ಪಿಕೊಂಡಿದ್ದಾರೆ. ಜನವರಿ 5ರಂದು ಶ್ರೀಧರ ಹೆಗಡೆ ಅವರಿಗೆ ಬಹುಮಾನ ಕಳುಹಿಸುವುದಾಗಿ ಹೇಳಿದ ಅಪರಿಚಿತ ಅಭಿಮಾನಿ, ಮತ್ತೆ ಎರಡು ದಿನದ ನಂತರ ಫೋನ್ ಮಾಡಿ ಆ ಬಹುಮಾನಗಳು ದೆಹಲಿ ವಿಮಾನ ನಿಲ್ದಾಣ ತಲುಪಿರುವುದಾಗಿ ನಂಬಿಸಿದ್ದಾರೆ. ಅಲ್ಲಿಂದ ಅದನ್ನು ಬಿಡಿಸಿಕೊಳ್ಳಲು 15 ಸಾವಿರ ರೂ ಬೇಕು ಎಂದಿದ್ದಾರೆ. 60 ಲಕ್ಷ ರೂ ಮೌಲ್ಯದ ಬಹುಮಾನ ಸ್ವೀಕರಿಸಲು 15 ಸಾವಿರ ರೂ ಕೊಡಲು ಶ್ರೀಧರ ಹೆಗಡೆ ಅವರು ಒಪ್ಪಿ, ಅನಾಮದೇಯ ನೀಡಿದ ಬ್ಯಾಂಕ್ ಆಫ್ ಮಹಾರಾಷ್ಟ ಖಾತೆಗೆ ಹಣ ಹಾಕಿದ್ದಾರೆ. ಅದಾದ ನಂತರ ಮತ್ತೆ ಫೋನ್ ಮಾಡಿದ ಆ ಅಪರಿಚಿತ ಅಭಿಮಾನಿ, ಮತ್ತೆ 58500ರೂ ಹಣಪಡೆದಿದ್ದಾರೆ. ಆದರೆ, ಎಷ್ಟು ದಿನ ಕಳೆದರೂ ಶ್ರೀಧರ ಹೆಗಡೆ ಅವರಿಗೆ 60 ಲಕ್ಷ ರೂಪಾಯಿಯ ಬಹುಮಾನ ಮಾತ್ರ ಬಂದಿಲ್ಲ. ಮೋಸ ಹೋಗಿರುವುದನ್ನು ಅರಿತ ಅವರು ಸೈಬರ್ ಸಹಾಯವಾಣಿಗೆ ಫೋನ್ ಮಾಡಿ ದೂರು ನೀಡಿದ್ದಾರೆ.
- [ಅಂಕೋಲಾ | ನಕಲಿ ಆಧಾರ್ ಕಾರ್ಡಿನ ದರ್ಶನ!](https://mobiletime.in/2026/07/ankola-a-glimpse-of-a-fake-aadhaar-card/): ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾದಲ್ಲಿ ಸತ್ತವರ ಹೆಸರಿನಲ್ಲಿಯೂ ಆಧಾರ್ ಕಾರ್ಡ ಸಿದ್ಧಪಡಿಸಿ ಭೂಮಿ ಮಾರಾಟ ದಂಧೆ ನಡೆದಿದ್ದು, ಅಂಥಹ ಒಂದು ಪ್ರಕರಣದ ದಸ್ತಾವೇಜನ್ನು ರದ್ಧುಪಡಿಸಲಾಗಿದೆ. ಆದರೆ, ನಕಲಿ ಆಧಾರ್ ಕಾರ್ಡ ಸಿದ್ಧಪಡಿಸುವ ದೊಡ್ಡ ಜಾಲವೇ ಈ ಭಾಗದಲ್ಲಿದ್ದರೂ ಅದನ್ನು ತಡೆಯಲು ಸಾಧ್ಯವಾಗಿಲ್ಲ. ಕಾರವಾರ ಕೋರ್ಟಿಗೆ ನಕಲಿ ಆಧಾರ್ ಕಾರ್ಡ ಜರಾಕ್ಸ್ ಮಾಡಿಕೊಟ್ಟ ಕಾರಣ ಅಲ್ಲಿನ ಪೊಲೀಸರು ಜರಾಕ್ಸ್ ಅಂಗಡಿಯವನ ಮೊಬೈಲ್ ಜಪ್ತು ಮಾಡಿದ್ದಾರೆ. ಆದರೆ, ಅಂಕೋಲಾದಲ್ಲಿ ನಕಲಿ ಆಧಾರ್ ಕಾರ್ಡ ಸಿದ್ಧಪಡಿಸುವ ವ್ಯಕ್ತಿ ಕೋರಿಯರ್ ಕೂಗಿನಲ್ಲಿ ನಿತ್ಯ `ದರ್ಶನ’ ನೀಡುತ್ತಿದ್ದರೂ ಅವರ ವಿರುದ್ಧ ಯಾವ ಕ್ರಮವೂ ಆಗಿಲ್ಲ. ಆಧಾರ್ ಕಾರ್ಡನಲ್ಲಿರುವ ವಿಳಾಸ ಬದಲಾವಣೆ, ಫೋನ್ ಸಂಖ್ಯೆ ಬದಲಾವಣೆಗೆ ಸಾಮಾನ್ಯ ಜನ ಹತ್ತು ಹಲವು ಅಲೆದಾಟ ಮಾಡಬೇಕಿದೆ. ಆದರೆ, ಚುಟುಕು ಬ್ರಹ್ಮ ದಿನಕರ ದೇಸಾಯಿ ಅವರ ಹೆಸರಿನ ರಸ್ತೆಯಲ್ಲಿ ಹುಡುಕಾಡಿದರೆ ಸತ್ತ ವ್ಯಕ್ತಿಗಳಿಗೂ ಆಧಾರ್ ಕಾರ್ಡ ಮಾಡಿಸುವರು ಮಾತಿಗೆ ಸಿಗುತ್ತಿದ್ದು, ಅಲ್ಲಿ ಕಾಸು ಕೊಟ್ಟವರಿಗೆಲ್ಲ ಆಧಾರ್ ಕಾರ್ಡ ಸಿಗುತ್ತಿದೆ ಎಂಬ ಆರೋಪವಿದೆ. ಅದರಲ್ಲಿಯೂ ಅಂಕೋಲಾ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಭೂಮಿ ಹಾಗೂ ಅಪಾರ್ಟಮೆಂಟ್ ವ್ಯವಹಾರ ನಡೆಸುವವರಿಗೆ ನಕಲಿ ಆಧಾರ್ ಕಾರ್ಡ ಮಾಡಿಸುವುದು ದೊಡ್ಡ ವಿಷಯವೇ ಅಲ್ಲ ಎಂದು ಮಾತನಾಡುವ ಹಾಗಾಗಿದೆ. ನಕಲಿ ಆಧಾರ್ ಕಾರ್ಡ ದಂಧೆಯಿoದಾದ ಬಾನಗೇಡಿಗಳು ಸಂಪೂರ್ಣವಾಗಿ ಹೊರಬಿದ್ದರೆ ಕಾಕರಮಠದ ಜಟಕದೇವನೂ ಕಾಪಾಡಲಾರ’ ಎಂದು ಜನ ಮಾತನಾಡುತ್ತಿದ್ದಾರೆ. ಈ ಊರಿನಲ್ಲಿ ನಕಲಿ ಆಧಾರ್ ಕಾರ್ಡ ಮಾಡಿಸುವವರೇ ಭೂ ಮಾರಾಟ ಮಾಡುವ ಎಜೆಂಟರಾಗಿದ್ದು, ಸಾವನಪ್ಪಿದವರ ಹೆಸರಿನಲ್ಲಿಯೂ ದಾಖಲೆ ಸೃಷ್ಠಿಸುವ ಕೌಶಲ್ಯ ಬೆಳಸಿಕೊಂಡಿದ್ದಾರೆ. ರಾಜಕೀಯ ಪಕ್ಷವೊಂದರಲ್ಲಿ ಪ್ರಭಾವಿಯಾಗಿದ್ದ ಮಹಿಳೆಯೊಬ್ಬರ ಸ್ನೇಹವನ್ನು ಅವರು ದುರುಪಯೋಗಪಡಿಸಿಕೊಂಡು, ಅವರನ್ನು ಸಹ ಯಾಮಾರಿಸಿದ್ದಾರೆ. ನಕಲಿ ಆಧಾರ್ ಕಾರ್ಡ ಸಿದ್ಧಪಡಿಸಿ ನಡೆಸಿದ ವ್ಯವಹಾರವೊಂದರಲ್ಲಿ ತೆನೆಹೊತ್ತ ಮಹಿಳೆಯೊಬ್ಬರು ಸಾಕ್ಷಿದಾರರ ಸಹಿ ಹಾಕಿ ಪೇಚಿಗೆ ಸಿಲುಕಿದ್ದಾರೆ. ನಕಲಿ ಆಧಾರ್ ಕಾರ್ಡ ಸಿದ್ಧಪಡಿಸುವಿಕೆ, ಭೂ ವ್ಯವಹಾರಗಳನ್ನು ನೋಡಿಕೊಳ್ಳುವಿಕೆ ಕೆಲಸ ಮಾಡುವವರಿಗೆ ಈಗಾಗಲೇ ಎರಡು ಅಪಾರ್ಟಮೆಂಟ್ ಸಹ ಉಡುಗರೆಯಾಗಿ ಸಿಕ್ಕಿದೆ. ಕಾರವಾರ ಕೋರ್ಟಿಗೆ ನಕಲಿ ಆಧಾರ್ ಕಾರ್ಡ ನೀಡಿದ್ದ ಮಹಿಳೆ ನ್ಯಾಯಾಂಗ ವ್ಯವಸ್ಥೆಯನ್ನೇ ಯಾಮಾರಿಸಲು ಪ್ರಯತ್ನಿಸಿದ್ದು, ಸದ್ಯ ಆ ಆಧಾರ್ ಕಾರ್ಡ ಜರಾಕ್ಸ್ ಮಾಡಿದ ಮಳಿಗೆಯವರು ಪೇಚಿಗೆ ಸಿಲುಕಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನ ಅಲೈಸ್ ಕುರಿಯನ್ ಚಾಕೋ ಎಂಬ ಮಹಿಳೆ ನ್ಯಾಯಾಲಯಕ್ಕೆ ನಕಲಿ ಆಧಾರ್ ಕಾರ್ಡ ಕೊಟ್ಟಿದ್ದು, ಆ ಪ್ರಕರಣದಲ್ಲಿ ಮೊಬೈಲಿಗೆ ಬಂದ ಆಧಾರ್ ಕಾರ್ಡ ಪ್ರಿಂಟ್ ಹಾಕಿದ ಕಾರಣ ಕಾರವಾರದ ಬ್ರಾಹ್ಮಣಗಲ್ಲಿಯಲ್ಲಿರುವ ಮಾಹಾಮಾಯಿ ಜರಾಕ್ಸ್ ಮಳಿಗೆಯ ಕದ ತಟ್ಟಿದ ಪೊಲೀಸರು ಆಧಾರ್ ಕಾರ್ಡ ಬಗ್ಗೆ ಪ್ರಶ್ನಿಸಿದರು. ಅಲ್ಲಿದ್ದ ಗಜಾನನ ಮೇಸ್ತಾ ಅವರು ಮೊಬೈಲನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಆದರೆ, ಅಂಕೋಲಾದಲ್ಲಿ ನಕಲಿ ಆಧಾರ್ ಕಾರ್ಡ ಬಳಸಿ ಭೂಮಿ ಮಾರಾಟ ನಡೆದಿದ್ದರೂ ಅಧಿಕಾರಿಗಳ ವಿರುದ್ಧವೂ ಕ್ರಮವಾಗಿಲ್ಲ. ಆಧಾರ್ ಡುಪ್ಲಿಕೇಟ್ ಮಾಡಿದವರ ವಿರುದ್ಧವೂ ಕ್ರಮವಾಗಿಲ್ಲ.
- [ಬನವಾಸಿ | ಅಡಿಕೆ ಖರೀದಿಗೆ ಬಂದವ ಆಕಳು ಕದ್ದ!](https://mobiletime.in/2026/07/banavasi-man-who-came-to-buy-areca-nut-stole-a-cow/): ಬನವಾಸಿಯ ಮದನ್ ಆರರ್ ಕುಟುಂಬದವರು ಪ್ರೀತಿಯಿಂದ ಸಾಕಿದ್ದ ಹಸುವೊಂದು ಕಟುಕರ ಪಾಲಾಗಿದೆ. ಶಿವಮೊಗ್ಗದಿಂದ ಅಡಿಕೆ ವ್ಯಾಪಾರಕ್ಕೆ ಬಂದಿದ್ದ ಮಹಮದ್ ವಾಸೀನ್ ಅವರೇ ದಾವಣಗೆರೆಯ ಚಾಲಕ ಮಹಮದ್ ಇಸ್ಮಾಯಲ್ ಅವರ ಜೊತೆ ಸೇರಿ ಆಕಳು ಕದ್ದಿರುವುದು ಗೊತ್ತಾಗಿದೆ. ಶಿರಸಿ ತಾಲೂಕಿನ ಬನವಾಸಿಯ ಸೊರಬಾ ರಸ್ತೆಯಲ್ಲಿ ಮದನ್ ಮಂಜುನಾಥ ಆರರ್ ಅವರು ವಾಸವಾಗಿದ್ದಾರೆ. 29 ವರ್ಷದ ಅವರು ಕೃಷಿ ಜೊತೆ ಹೈನುಗಾರಿಕೆಯನ್ನು ಸಹ ಅತ್ಯಂತ ನಿಷ್ಠೆಯಿಂದ ಮಾಡಿಕೊಂಡಿದ್ದಾರೆ. ಮದನ್ ಆರರ್ ಅವರ ಮನೆಯಲ್ಲಿ 5 ಹಸು ಹಾಗೂ ಮೂರು ಕರುಗಳಿವೆ. ಮದನ್ ಅವರ ತಂದೆ ಮಂಜುನಾಥ್ ಆರರ್ ಅವರು ನಿತ್ಯವೂ ಅವುಗಳನ್ನು ಮೇವಿಗೆ ಬಿಟ್ಟು, ಸಂಜೆ ಕೊಟ್ಟಿಗೆಗೆ ತಂದು ಕಟ್ಟುತ್ತಾರೆ. ಹೀಗಿರುವಾಗ, ಮೇ 20ರಂದು ಮದನ್ ಆರರ್ ಅವರು ತಾವು ಸಾಕಿದ ಎಲ್ಲಾ ಹಸುಗಳನ್ನು ಹಿತ್ತಿಲಲ್ಲಿ ಮೇವಿಗೆ ಬಿಟ್ಟಿದ್ದರು. ಸಂಜೆ ಆಕಳು ಹಾಗೂ ಕರು ಮನೆಗೆ ಬಂದಿದ್ದು, ಒಂದು ಹಸು ಮಾತ್ರ ಮನೆ ಮುಂದಿನ ರಸ್ತೆಯಲ್ಲಿ ಮಲಗಿತ್ತು. ಆ ಹಸುವನ್ನು ಮನೆಗೆ ಹೊಡೆದುಕೊಂಡು ಬಂದರೂ ಅದು ತಪ್ಪಿಸಿಕೊಂಡು ಮತ್ತೆ ರಸ್ತೆ ಕಡೆ ಹೊರಟಿತ್ತು. ಆ ರಾತ್ರಿ ಸಾಕಷ್ಟು ಪ್ರಯತ್ನಿಸಿದರೂ ಹಸು ಬರಲಿಲ್ಲ. ಹೀಗಾಗಿ ಆ ದಿನ ಮದನ್ ಆರರ್ ಅವರು ರಸ್ತೆ ಅಂಚಿನಲ್ಲಿಯೇ ಹಸು ಮಲಗಲು ಬಿಟ್ಟಿದ್ದರು. ಮರುದಿನ ಬೆಳಗ್ಗೆ 6.30ಕ್ಕೆ ಹೋಗಿ ನೋಡಿದಾಗ ಅಲ್ಲಿ ಹಸು ಕಾಣಲಿಲ್ಲ. ಕೊಟ್ಟಿಗೆಗೆ ಸಹ ಹಸು ಬಂದಿರಲಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಸಿಗಲಿಲ್ಲ. 50 ಸಾವಿರ ರೂ ಬೆಲೆಯ 8 ವರ್ಷ ಪ್ರಾಯದ ಹಸು ಕಾಣದ ಕಾರಣ ಕುಟುಂಬದವರು ಆತಂಕಕ್ಕೆ ಒಳಗಾಗಿದ್ದು, ಕೊರಳಿನಲ್ಲಿ ಗಂಟೆಯಿದ್ದ ಹಸುವನ್ನು ಸಹ ಕಳ್ಳರು ಶಬ್ದ ಬಾರದ ರೀತಿ ಅಪಹರಿಸಿದ್ದರು. ಆ ಹಸುವನ್ನು ಹುಡುಕಿಕೊಡುವಂತೆ ಮದನ್ ಆರರ್ ಅವರು ಬನವಾಸಿ ಪೊಲೀಸರ ಮೊರೆ ಹೋಗಿದ್ದರು. ಹಸು ಕಾಣೆ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಅದರ ತನಿಖೆಗೆ ಒಂದು ವಿಶೇಷ ತಂಡ ರಚಿಸಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಶಿರಸಿ ಪೊಲೀಸ್ ಉಪಾಧೀಕ್ಷಕಿ ಗೀತಾ ಪಾಟೀಲ್ ಅವರನ್ನು ವಿಶ್ವಾಸಕ್ಕೆಪಡೆದು ವೃತ್ತ ನಿರೀಕ್ಷಕ ಸಂಪತ್ ಈ ಸಿ ಅವರಿಗೆ ಈ ಪ್ರಕರಣದ ಜವಾಬ್ದಾರಿವಹಿಸಿದರು. ಪಿಸೈ ಮಹಂತೇಶ ಕುಂಬಾರ್, ರವೀಂದ್ರ ಬೀರಾದರ್ ಅವರ ಜೊತೆ ಪೊಲೀಸ್ ಸಿಬ್ಬಂದಿ ಮಣಿಮಲ್ಲನ್ ಮೇಸ್ತಿ, ಅಬ್ದುಲ್ ಸಮನ್ ಅನ್ಸಾರಿ, ಬಸವರಾಜ ಜಾಡರ್, ಮಂಜಪ್ಪ ಪಿ, ರಾಜೇಶ ಪಿ ಎಂ, ಜಗದೀಶ ಕೆ ಒಟ್ಟಾಗಿ ಕಾರ್ಯಾಚರಣೆಗಿಳಿದರು. ಇದನ್ನೂ ಓದಿ: ಆ ದಿನದ ಹಸು ಕಳ್ಳತನ ಗೊತ್ತಾಗಿದ್ದು ಹೇಗೆ? ಗಂಟೆ ಕಟ್ಟಿದ ಆಕಳು ಕಳ್ಳರ ಪಾಲು! ಕಪ್ಪು ಮುಖದ ಮೇಲೆ ಬಿಳಿ ಮಚ್ಚೆಯಿರುವ ಆಕಳು ಹುಡುಕಿ ಹೊರಟ ಪೊಲೀಸರಿಗೆ ಮೊದಲು ದಾವಣಗೆರೆ ಚೆನ್ನಗೇರಿಯ ಚಾಲಕ ಮಹಮದ್ ಇಸ್ಮಾಯಲ್ ಮಹಮದ್ ಅನ್ಸಾರ್ (20) ಅವರು ಸಿಕ್ಕಿ ಬಿದ್ದರು. ಅವರನ್ನು ವಿಚಾರಣೆಗೆ ಒಳಪಡಿಸಿದಾಗ ಶಿವಮೊಗ್ಗ ಭದ್ರಾವತಿಯ ಅಡಿಕೆ ವ್ಯಾಪಾರಿ ಮಹಮದ್ ವಾಸೀನ್ ಮಹಮದ್ ಯಾಸಿನ್ (26) ಅವರ ಜೊತೆ ಸೇರಿ ಆಕಳು ಕದ್ದಿರುವುದನ್ನು ಒಪ್ಪಿಕೊಂಡರು. ಅವರಿಬ್ಬರನ್ನು ಬಂಧಿಸಿದ ಪೊಲೀಸರು ಆಕಳ ಸಾಗಾಣಿಕೆಗೆ ಬಳಸಿದ ಟಾಟಾ ಇಂಟ್ರಾ ಗಾಡಿಯನ್ನು ಜಪ್ತು ಮಾಡಿದರು.  
- [ಅಂಕೋಲಾಗೆ ಮಾತ್ರ ಮಳೆ ರಜೆ!](https://mobiletime.in/2026/07/rain-holiday-only-for-ankola/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಜೋರಾಗಿದ್ದು, ಅಂಕೋಲಾದಲ್ಲಿ ಆತಂಕ ಸೃಷ್ಠಿಯಾಗಿದೆ. ಈ ಹಿನ್ನಲೆ ಅಂಕೋಲಾ ತಾಲೂಕಿನ ಎಲ್ಲಾ ಶಾಲೆ ಹಾಗೂ ಅಂಗನವಾಡಿಗಳಿಗೆ ಶುಕ್ರವಾರ ರಜೆ ಘೋಷಿಸಲಾಗಿದೆ. ಹವಾಮಾನ ಪರಿಸ್ಥಿತಿ ಆಧರಿಸಿ ತಹಶೀಲ್ದಾರ್ ಈ ರಜೆ ಘೋಷಣೆ ಮಾಡಿದ್ದಾರೆ. ಕಾಲೇಜುಗಳಿಗೆ ರಜೆ ನಿಯಮ ಅನ್ವಯ ಆಗುತ್ತಿಲ್ಲ. ಚಿಕ್ಕ‌ ಮಕ್ಕಳ ಸುರಕ್ಷತೆ ದೃಷ್ಠಿಯಿಂದ ಅಂಗನವಾಡಿ ಹಾಗೂ ಶಾಲೆಗಳಿಗೆ ಮಾತ್ರ ರಜೆ ನೀಡಲಾಗಿದೆ. ಪ್ರಾಥಮಿಕ, ಪ್ರೌಢ ಶಾಲೆಗಳ ಜೊತೆ ಅಂಗನವಾಡಿ ಕೇಂದ್ರಗಳು ಈ ದಿನ ಬಾಗಿಲು ತೆಗೆಯುವುದಿಲ್ಲ. ಮಳೆಗಾಲದ ರಜಾ ಅವಧಿಯ ಪಾಠವನ್ನು ಬೇಸಿಗೆಯಲ್ಲಿ ಹೊಂದಾಣಿಕೆ ಮಾಡಲಾಗುತ್ತದೆ.
- [ಮುರುಡೇಶ್ವರ | ದೇವರ ಹೆಸರಿನಲ್ಲಿ ದುಡ್ಡು ಮಾಡಿದವನಿಗೆ ಸಂಕಷ್ಟ: ಲಕ್ಕಿಮ್ಯಾನ್'ಗೆ ಕೈ ಕೊಟ್ಟ ಅದೃಷ್ಟ!](https://mobiletime.in/2026/07/murudeshwar-trouble-for-the-man-who-made-money-in-the-name-of-god-luck-runs-out-for-luckyman/): ಮುರುಡೇಶ್ವರ ದೇವಸ್ಥಾನದ ಹೆಸರಿನಲ್ಲಿ `ಲಕ್ಕಿ ಡ್ರಾ’ ಕೂಪನ್ ರಚಿಸಿ ಮಾರಾಟ ಮಾಡುತ್ತಿದ್ದ ವಂಚಕನನ್ನು ಪೊಲೀಸರು ಬಂಧಿಸಿದ್ದಾರೆ. ದೇವರ ಹೆಸರನ್ನು ದುರುಪಯೋಗಪಡಿಸಿಕೊಂಡ ನರಸಿಂಗ್ ತಗರಖಡೆ ಅವರು ಕಾರಾಗೃಹ ಸೇರಿದ್ದಾರೆ. 2025ರ ಅಗಸ್ಟ್ – ಡಿಸೆಂಬರ್ ಅವಧಿಯಲ್ಲಿ ಮುರುಡೇಶ್ವರ ದೇವಸ್ಥಾನದ ಫೋಟೋ-ಮಾಹಿತಿ ಬಳಸಿ ಜಾಲತಾಣದಲ್ಲಿ `ಲಕ್ಕಿ ಡ್ರಾ’ ಪೋಸ್ಟರ್ ಹರಿಬಿಡಲಾಗಿತ್ತು. `299ರೂಪಾಯಿಗೆ ಅದೃಷ್ಟದ ಡ್ರಾ’ ಎಂಬ ಕೂಪನ್ ಹಂಚಿಕೊಳ್ಳಲಾಗಿತ್ತು. ಆ ಹಣ 299ರೂ ಪಾವತಿಸಿದರೆ ಬಗೆ ಬಗೆಯ ಉಡುಗರೆ ನೀಡುವುದಾಗಿ ಘೋಷಿಸಲಾಗಿತ್ತು. ಆದರೆ, ಮುರುಡೇಶ್ವರಕ್ಕೆ ಹಾಗೂ ಆ `ಲಕ್ಕಿ ಡ್ರಾ’ ಯೋಜನೆಗೆ ಯಾವ ಸಂಬoಧವೂ ಇರಲಿಲ್ಲ. ಅದಾಗಿಯೂ, ಪದೇ ಪದೇ ಮುರುಡೇಶ್ವರದ ಹೆಸರಿನಲ್ಲಿ ಲಕ್ಕಿ ಡ್ರಾ ಕಾಣಿಸಿಕೊಳ್ಳುತ್ತಿತ್ತು. . ಭಕ್ತರು ನೀಡಿದ ಹಣ ಇರ್ಷಾದ್ ಎಂಬಾತರ ಖಾತೆ ಸೇರುತ್ತಿತ್ತು. ಇದನ್ನು ಅರಿತ ದೇಗುಲದ ವ್ಯವಸ್ಥಾಪಕ ಮಂಜುನಾಥ ಶೆಟ್ಟಿ ಅವರು ಪೊಲೀಸ್ ಪ್ರಕರಣ ದಾಖಲಿಸಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದರು. ದೇವರ ಹೆಸರಿನಲ್ಲಿ ದುಡ್ಡು ಮಾಡುವವನ ಪತ್ತೆಗೆ ವಿಶೇಷ ತಂಡವನ್ನು ರಚಿಸಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಡಿವೈಎಸ್ಪಿ ಗಿರೀಶ ಬಿ, ಸಿಪಿಐ ಜಗದೀಶ ಕಂಚಿನಾಳ ಸೇರಿ ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದರು. ಪಿಸೈ ಹನುಮಂತ ಬೀರಾದರ್, ಲೋಕನಾಥ ರಾಥೋಡ್ ಅವರ ಜೊತೆ ಪೊಲೀಸ್ ಸಿಬ್ಬಂದಿ ಮಂಜುನಾಥ ಲಕ್ಮಾಪುರ, ಬಿಲಾಲಅಹ್ಮದ್ ಸಿದ್ದಾಪುರ, ವಿಜಯ ನಾಯ್ಕ, ಸಿದ್ದಪ್ಪ ಕಾಂಬ್ಳೆ ಅವರು ಆರೋಪಿಯನ್ನು ಹುಡುಕಾಡಿದರು. ಇದನ್ನೂ ಓದಿ: ಆ ದಿನ ನಡೆದಿದ್ದೇನು? ಮುರುಡೇಶ್ವರದ ಹೆಸರಿನಲ್ಲಿ ಮೋಸ! ರಾಜಸ್ಥಾನ, ಮಹಾರಾಷ್ಟ್ರ ಹಾಗೂ ಬೀದರ್ ಜಿಲ್ಲೆಯಲ್ಲಿ ಪೊಲೀಸರು ಆರೋಪಿಯ ಶೋಧ ನಡೆಸಿದರು. ಒಂದು ವರ್ಷಗಳ ಕಾಲ ಆರೋಪಿಯ ಮಾಹಿತಿ ಸಂಗ್ರಹಿಸಿದರು. ವಿವಿಧ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಹೊಟೇಲ್ ಕೆಲಸ ಮಾಡುವ ನರಸಿಂಗ್ ವೆಂಕಟರಾವ್ ತಖರಕಡೆ ಎಂಬಾತರನ್ನು ಹಿಡಿದರು. ಬೀದರಿನ ಬಾಲ್ಕಿಯಲ್ಲಿರುವ ಈ ನರಸಿಂಗ್ ತಖರಕಡೆ ಹೊಟೇಲ್ ಕೆಲಸ ಮಾಡುವವರಾಗಿದ್ದು, ಅದರ ಜೊತೆ ಜನರನ್ನು ಯಾಮಾರಿಸುವುದರಲ್ಲಿ ಪರಿಣತರಾಗಿದ್ದರು. ಅದೇ ಕೌಶಲ್ಯ ಬಳಸಿ ನರಸಿಂಗ್ ತಖರಕಡೆ ಅವರು ಮುರುಡೇಶ್ವರದ ಹೆಸರು ದುರುಪಯೋಗಪಡಿಸಿಕೊಂಡಿದ್ದು, ಸದ್ಯ ಅವರನ್ನು ಪೊಲೀಸರು ಜೈಲಿಗೆ ಕಳುಹಿಸಿದ್ದಾರೆ.
- [ಅಂಕೋಲಾ | ಪಚ್ಚಿಯ ಪ್ಲಾನ್ ಪಂಚರ್ ಮಾಡಿದ ಪಿಸೈ](https://mobiletime.in/2026/07/ankola-pacchis-plan-punched-pcai/): ವರ್ಷದ ಹಿಂದೆ ಗಡಿಪಾರಾಗಿದ್ದ ಪ್ರಶಾಂತ ನಾಯ್ಕ ಅವರು ಎಲ್ಲಡೆ ಕದ್ದು-ಮುಚ್ಚಿ ಓಡಾಡುತ್ತಿದ್ದು, ಅದು ಪೊಲೀಸರಿಗೆ ಗೊತ್ತಾಗಿದೆ. ಗಡಿಪಾರು ಆದೇಶ ಉಲ್ಲಂಘಿಸಿದ ಕಾರಣ ಪೊಲೀಸರು ಪ್ರಶಾಂತ ನಾಯ್ಕ ಅವರ ವಿರುದ್ಧ ಮತ್ತೊಂದು ಕೇಸು ದಾಖಲಿಸಿದ್ದಾರೆ. ಅಂಕೋಲಾದ ಬೊಬ್ರುವಾಡ ಕಟ್ಟೆ ಬಳಿಯ ಪ್ರಶಾಂತ ಕಿಶೋರ ನಾಯ್ಕ (ಪಚ್ಚಿ) ಅವರು ವಾಸವಾಗಿದ್ದರು. ಚಾಲಕರಾಗಿ ಜೀವನ ನಡೆಸುತ್ತಿದ್ದ ಅವರು ಅಪರಾಧ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡರು. ದಿನದಿಂದ ದಿನಕ್ಕೆ ಅವರ ಅಪರಾಧ ಜಗತ್ತು ವಿಸ್ತರಣೆಯಾಗುತ್ತಲೇ ಹೋಯಿತು. ಪರಿಣಾಮ ಅಂಕೋಲಾದಲ್ಲಿಯೇ ಅವರ ವಿರುದ್ಧ 19 ಪೊಲೀಸ್ ಪ್ರಕರಣಗಳು ದಾಖಲಾದವು. ದೂರುದಾರರಿಗೆ ಬೆದರಿಕೆ, ಸಾಕ್ಷಿದಾರರನ್ನು ಹೆದರಿಸುವುದರ ಜೊತೆ ಕಳ್ಳತನ ಮಾಡುವುದನ್ನು ಸಹ ಪ್ರಶಾಂತ ನಾಯ್ಕ ಅವರು ರೂಢಿಸಿಕೊಂಡಿದ್ದರು. ಪ್ರಶಾAತ ನಾಯ್ಕ ಅವರ ವರ್ತನೆ ವಿಪರೀತ ಆದಾಗ ಪೊಲೀಸರಿಂದಲೂ ಅದನ್ನು ಸಹಿಸಲು ಸಾಧ್ಯವಾಗಲಿಲ್ಲ. ಸರಾಯಿ ಕುಡಿದು ಕೆಟ್ಟದಾಗಿ ಬೈಯುತ್ತಿದ್ದ ಪ್ರಶಾಂತ ನಾಯ್ಕ ಅವರ ವರ್ತನೆಯಿಂದ ಅನೇಕರಿಗೆ ನೆಮ್ಮದಿಯಿರಲಿಲ್ಲ. ಇತರರಿಗೂ ಅಪರಾಧ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವಂತೆ ಪ್ರೇರೇಪಿಸುತ್ತಿದ್ದ ಪ್ರಶಾಂತ ನಾಯ್ಕ ಅವರನ್ನು ಊರು ಬಿಟ್ಟು ಓಡಿಸಲು ನಿರ್ಧರಿಸಿದರು. 2024ರಲ್ಲಿಯೇ ಅವರನ್ನು ಗಡಿಪಾರು ಮಾಡಲು ಪೊಲೀಸರು ಉಪವಿಭಾಗಾಧಿಕಾರಿಗಳಿಗೆ ಮನವಿ ಮಾಡಿದರು. 2025ರ ಜುಲೈ 29ರಂದ ಕುಮಟಾ ಉಪವಿಭಾಗಾಧಿಕಾರಿಗಳಿಂದ ಗಡಿಪಾರು ಆದೇಶ ಹೊರಡಿಸಿದ್ದರು. 1 ವರ್ಷಗಳ ಕಾಲ ಉತ್ತರ ಕನ್ನಡ ಜಿಲ್ಲೆಗೆ ಕಾಲಿಡದಂತೆ ಎಚ್ಚರಿಕೆ ನೀಡಿದ್ದರು. ಧಾರವಾಡ ಜಿಲ್ಲೆಯ ಹುಬ್ಬಳ್ಳಿ ಪೊಲೀಸ್ ಠಾಣೆಯಲ್ಲಿ ಸಹಿ ಹಾಕುವ ರೂಢಿ ಮಾಡಿಸಿದ್ದರು. ಪೊಲೀಸರೇ ಪ್ರಶಾಂತ ನಾಯ್ಕ ಅವರನ್ನು ಹುಬ್ಬಳ್ಳಿ ಪೊಲೀಸ್ ಠಾಣೆಗೆ ಬಿಟ್ಟು ಬಂದಿದ್ದರು. ಆದರೆ, ಅದೇ ಊರಿನಲ್ಲಿರದ ಪ್ರಶಾಂತ ನಾಯ್ಕ ಕದ್ದು ಮುಚ್ಚಿ ಎಲ್ಲಾ ಕಡೆ ಓಡಾಟ ನಡೆಸಿದ್ದು, ಅದು ಪೊಲೀಸರಿಗೆ ಗೊತ್ತಾಯಿತು. ಈ ಹಿನ್ನಲೆ ಅಂಕೋಲಾ ಪಿಸೈ ಗುರುನಾಥ ಹಾದಿಮನಿ ಅವರು ಪ್ರಶಾಂತ ನಾಯ್ಕ ಅವರ ವಿರುದ್ಧ ಮತ್ತೊಂದು ಪ್ರಕರಣ ದಾಖಲಿಸಿದರು.
- [ಸಿದ್ದಾಪುರ | ಭೀಮನಗುಡ್ಡಕ್ಕೆ ಬಂದವರಿಗೆ ಕಲ್ಲಿನ ಏಟು!](https://mobiletime.in/2026/07/siddapura-visitors-to-bhimanagudda-pelted-with-stones/): ಶಿರಸಿಯ ಆಕಾಶ ಕಾನಗೌಡರ್ ಅವರು ತಮ್ಮ ಸ್ನೇಹಿತರ ಜೊತೆ ಸಿದ್ದಾಪುರದ ಭೀಮನಗುಡ್ಡಕ್ಕೆ ಹೋಗಿದ್ದು ಅಲ್ಲಿ ಅವರ ಮೇಲೆ ದಾಳಿ ನಡೆದಿದೆ. ಭೀಮನಗುಡ್ಡದ ಬಳಿ ಜೋರಾಗಿ ಬೊಬ್ಬೆ ಹೊಡೆದ ಅವರಿಗೆ ಮಹೇಶ ನಾಯ್ಕ ಹಾಗೂ ಮತ್ತೆ ಮೂವರು ಸೇರಿ ಕಲ್ಲಿನಿಂದ ಹೊಡೆದಿದ್ದಾರೆ. ಶಿರಸಿ ಬನವಾಸಿ ರಸ್ತೆಯ ಶ್ರೀ ನಗರದ ಬಳಿ ಆಕಾಶ ಶಂಕರ್ ಕಾನಗೌಡರ್ (29) ಅವರು ವಾಸವಾಗಿದ್ದಾರೆ. ಖಾಸಗಿ ಕಂಪನಿಯೊAದರ ಉದ್ಯೋಗಿಯಾಗಿರುವ ಅವರು ಪ್ರವಾಸಕ್ಕಾಗಿ ಯೋಚಿಸಿದ್ದು, ತಮ್ಮ ಸ್ನೇಹಿತರ ಜೊತೆ ಸಿದ್ದಾಪುರದ ನಿಲ್ಕುಂದ ಬಳಿಯಿರುವ ಭೀಮನಗುಡ್ಡಕ್ಕೆ ಹೋಗಲು ನಿರ್ಧರಿಸಿದ್ದಾರೆ. ಅದರಂತೆ ಜುಲೈ 11ರಂದು ಅವರು ವಿಕಾಸ ಶಂಕರ್ ಕಾನಗೌಡರ್, ಶಿವಮೊಗ್ಗದ ನವೀನ ವೀರಭದ್ರಗೌಡ, ಸೌಮ್ಯಾ ಹಾಗೂ ಮೆಲೋನಿಯಾ ಅವರ ಜೊತೆ ಅಲ್ಲಿ ಪ್ರವಾಸಕ್ಕೆ ಹೋಗಿದ್ದಾರೆ. ದಿನವಿಡೀ ಮೋಜು-ಮಸ್ತಿ ಮಾಡಿದ ಅವರೆಲ್ಲರೂ ಸಂಜೆ ಅಲ್ಲಿಂದ ಮರಳುವಾಗ ಜೋರಾಗಿ ಕೂಗಿದ್ದಾರೆ. 6.30ರ ವೇಳೆಗೆ ಅಲ್ಲಿಗೆ ಆಗಮಿಸಿದ ಮಹೇಶ ನಾಯ್ಕ ಎಂಬಾತರು `ಇಲ್ಲಿ ಏಕೆ ಗಲಾಟೆ ಮಾಡುವಿರಿ?’ ಎಂದು ಪ್ರಶ್ನಿಸಿದ್ದಾರೆ. `ನಾವು ನಿಮಗೇನು ಹೇಳಿಲ್ಲ’ ಎಂದು ಆಕಾಶ ಕಾನಗೌಡರ್ ಅವರು ಪ್ರತಿಕ್ರಿಯಿಸಿದ್ದಾರೆ. ಮಹೇಶ ನಾಯ್ಕ ಅವರ ಜೊತೆ ಮತ್ತೆ ಮೂವರಿದ್ದು, ಅವರೆಲ್ಲರೂ ಸೇರಿ ಆ ಸ್ನೇಹಿತರ ಗುಂಪನ್ನು ಬೆದರಿಸಿದ್ದಾರೆ. ಅದಾದ ನಂತರ ಕಲ್ಲು ತೂರಾಟ ಮಾಡಿದ್ದಾರೆ. ಆಕಾಶ, ವಿಕಾಸ ಹಾಗೂ ನವೀನ ಅವರಿಗೆ ಕಲ್ಲು ತಾಗಿ ನೋವಾಗಿದೆ.
- [ಮುಂಡಗೋಡ | ಜನರ ದುಡ್ಡು ಜೇಬಿಗಿಳಿಸಿದ ಅಂಚೆಯಣ್ಣ!](https://mobiletime.in/2026/07/mundgod-postman-pockets-public-money/): ಮುಂಡಗೋಡದಲ್ಲಿ ಅಂಚೆ ಸೇವಕರಾಗಿದ್ದ ಶಿವಪ್ಪ ಕರಗುಪ್ಪಿ ಅವರು ಅಂಚೆ ಇಲಾಖೆಗೆ ಮೋಸ ಮಾಡಿದ್ದಾರೆ. ಜೊತೆಗೆ ಜನರ ಹಣವನ್ನು ಸಹ ಅವರು ಕಬಳಿಸಿದ್ದಾರೆ. ಬೆಳಗಾವಿಯ ಶಿವಪ್ಪ ಲಂಗಪ್ಪ ಕರಗುಪ್ಪಿ ಅವರು ಮುಂಡಗೋಡಿನ ಇಂದೂರಿನಲ್ಲಿ ಅಂಚೆ ನೌಕರರಾಗಿದ್ದರು. ಕೇಂದ್ರ ಸರ್ಕಾರದಿಂದ ಅವರಿಗೆ ಉತ್ತಮ ಸಂಬಳ ಸಿಗುತ್ತಿತ್ತು. ಅದಾಗಿಯೂ, ಶಿವಪ್ಪ ಕರಗುಪ್ಪಿ ಅವರು ಕಂಡವರ ಕಾಸಿಗೆ ಆಸೆಪಟ್ಟು ಜನರ ದುಡ್ಡು ಜೇಬಿಗಿಳಿಸಿದ್ದರು. ಇಂದೂರಿನ ರತ್ನಕ್ಕ ಬಾಲಚಂದ್ರ ಹಾರಟಿ, ಸಿಂಗಪ್ಪ ಸಿದ್ದಪ್ಪ ನಾಗಪುರ ಹಾಗೂ ಇಂದೂರು ಕೊಪ್ಪದ ಮಾಂತೇಶ ಮಂಜುನಾಥ ರಾಮಾಪುರ ಅವರು ನೀಡಿದ ಹಣವನ್ನು ಅವರು ದುರುಪಯೋಗಪಡಿಸಿಕೊಂಡಿದ್ದರು. 2024ರ ಅಕ್ಟೊಬರ್ 19ರಿಂದ 2025ರ ಅಗಸ್ಟ 14ರವರೆಗೆ ಶಿವಪ್ಪ ಕರಗುಪ್ಪಿ ಅವರು ಇಂದೂರಿನಲ್ಲಿ ಕೆಲಸ ಮಾಡಿದ್ದು, ಅನೇಕ ಬಗೆಯ ಅಕ್ರಮಗಳನ್ನು ಮಾಡಿದ್ದರು. ಅದರಲ್ಲಿ ಅಂಚೆ ಖಾತೆದಾರರ ಹಣವನ್ನು ಅವರು ಸ್ವಂತಕ್ಕೆ ಬಳಸಿಕೊಂಡಿದ್ದರು. ಈ ಹಿನ್ನಲೆ ಪ್ರಕರಣ ಬೆಳಕಿಗೆ ಬಂದ ತಕ್ಷಣ ಅವರನ್ನು ಅಮಾನತು ಮಾಡಲಾಗಿದ್ದು, ಅಂಚೆ ಇಲಾಖೆಯವರೇ ತನಿಖೆ ನಡೆಸಿದ್ದರು. ಆ ತನಿಖೆಯಲ್ಲಿ ಸಹ ಅಂಚೆಯಣ್ಣ ಜನರ ದುಡ್ಡು ದುರುಪಯೋಗಪಡಿಸಿಕೊಂಡಿದ್ದು ದೃಢವಾಗಿದೆ. ಸದ್ಯ ಶಿವಪ್ಪ ಕರಗುಪ್ಪಿ ಅವರ ಮೇಲಧಿಕಾರಿ ಶಿವಾನಂದ ಬಸವರಾಜ ದೊಡ್ಡಮನಿ ಅವರು ಈ ಬಗ್ಗೆ ಪೊಲೀಸ್ ದೂರು ನೀಡಿದ್ದಾರೆ. ಇಲಾಖೆಯ ವಿಚಾರಣೆಯಲ್ಲಿ ಆರೋಪ ಸಾಭೀತಾಗಿದ್ದರಿಂದ ದೂರು ನೀಡಿರುವುದಾಗಿ ಅವರು ಹೇಳಿದ್ದಾರೆ. 78800ರೂ ಸ್ವಂತಕ್ಕೆ ಬಳಸಿದ ಆರೋಪ ಅಂಚೆಯಣ್ಣನ ಮೇಲಿದೆ. ಅವರ ಅಮಾನತು ಆದೇಶ ಸಹ ಹಾಗೇ ಇದೆ.
- [ಅಂಕೋಲಾ | ಊಟಕ್ಕೆ ಬಂದವರು ಕಾದಾಟ ನಡೆಸಿದರು!](https://mobiletime.in/2026/07/ankola-people-who-came-for-a-meal-got-into-a-fight/): ಅಂಕೋಲಾ ಗುಡಿಗಾರಗಲ್ಲಿಯಲ್ಲಿರುವ ಸುದರ್ಶನ ಹೋಟೆಲಿನಲ್ಲಿ ಮಾರಾಮಾರಿ ನಡೆದಿದೆ. ಊಟಕ್ಕೆ ಬಂದ ಗ್ರಾಹಕರ ನಡುವೆ ಮಾತಿಗೆ ಮಾತು ಬೆಳೆದಿದ್ದು, ಎರಡು ಗುಂಪುಗಳಲ್ಲಿ ಅವರು ಹೊಡೆದಾಡಿಕೊಂಡಿದ್ದಾರೆ. ಮAಗಳವಾರ ರಾತ್ರಿ ಪಟ್ಟಣದ ಗುಡಗಾರ ಗಲ್ಲಿಯಲ್ಲಿರುವ ಸುದರ್ಶನ ಹೋಟೆಲಿಗೆ ಕೆಲ ಗ್ರಾಹಕರು ಬಂದಿದ್ದರು. ಅಲ್ಲಿ ಊಟದ ವಿಚಾರವಾಗಿ ಆರಂಭವಾದ ಮಾತಿನ ಚಕಮಕಿ, ಕ್ಷಣಾರ್ಧದಲ್ಲೇ ವಿಕೋಪಕ್ಕೆ ತಿರುಗಿತು. ಅದು ಇನ್ನಷ್ಟು ದೊಡ್ಡದಾಗಿದ್ದು ಹೊಡೆದಾಟದ ಸ್ವರೂಪಪಡೆಯಿತು. ಈ ವೇಳೆ ಸ್ಥಳದಲ್ಲಿದ್ದ ಪೊಲೀಸ್ ಸಿಬ್ಬಂದಿ ಮಹಾಬಲೇಶ್ವರ ನಾಯಕ ಅವರು ತಕ್ಷಣ ಕಾರ್ಯಪ್ರವೃತ್ತರಾಗಿ ಜಗಳ ತಡೆಯುವ ಪ್ರಯತ್ನ ಮಾಡಿದರು. ಆದರೆ, ಅದು ಅವರಿಂದ ಸಾಧ್ಯವಾಗಲಿಲ್ಲ. ಅಂಕೋಲಾ ಕಣಗಿಲ್’ನ ನಿರಂಜನ ಗೋವಿಂದ ಹರಿಕಂತ್ರ, ಉಪ್ಪುಂದದ ಮನೋಜ್‌ಕುಮಾರ್ ಉದಯ ಖಾರ್ವಿ, ಕಿಶೋರ ಚಂದ್ರ ಮೊಗವೀರ, ಗೋಕರ್ಣ ಹೊಸಕಟ್ಟಾದ ಸೂರಜ ಗೋಪಾಲ ಹೊಸಕಟ್ಟಾ, ಕಣಗಿಲ್’ನ ದೀಪಕ ಉದಯ ಹರಿಕಂತ್ರ, ರಂಜನ ಗೋವಿಂದ ಹರಿಕಂತ್ರ ಅವರು ಒಂದು ಗುಂಪಾಗಿ ಕಾದಾಟ ನಡೆಸಿದರು. ಮತ್ತೊಂದು ಗುಂಪಿನಲ್ಲಿ ಅಂಕೋಲಾದ ಪ್ರಶಾಂತ ಗಣಪತಿ ನಾಯಕ, ಗಣಪತಿ ಬೀರಣ್ಣ ನಾಯಕ, ಬೇಲಹಿತ್ತಲದ ರಾಘವೇಂದ್ರ ಮಾಸ್ತಿ ಅಂಬಿಗ, ಸೂರ್ವೆಯ ನಾರಾಯಣ ಗುನಗಾ ಮತ್ತು ಅಂಕೋಲಾದ ಸದಾನಂದ ನಾಯ್ಕ ಶಕ್ತಿ ಪ್ರದರ್ಶನ ಮಾಡಿದರು. ಆ ಎಲ್ಲರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದಾರೆ.
- [ಅಂಕೋಲಾ | ಆ ದಿನದ ಅವಘಡಕ್ಕೆ ಈ ಮೊಬೈಲ್ ಕಾರಣ!](https://mobiletime.in/2026/07/ankola-this-mobile-phone-was-the-cause-of-that-days-mishap/): ಉತ್ತರ ಕನ್ನಡಕ್ಕೆ ಭೇಟಿ ನೀಡಿದ್ದ ಆರೋಗ್ಯ ಸಚಿವ ಯು ಟಿ ಖಾದರ್ ಅವರ ಬೆಂಗಾವಲು ಜೀಪಿಗೆ ಸ್ಕೂಟಿ ಗುದ್ದಿದ್ದು, ಸ್ಕೂಟಿ ಚಾಲಕ ಮೊಬೈಲ್ ಬಳಸಿದ್ದೇ ಅಪಘಾತಕ್ಕೆ ಕಾರಣ ಎಂದು ಗೊತ್ತಾಗಿದೆ. ಜುಲೈ 4ರಂದು ಆರೋಗ್ಯ ಸಚಿವ ಯು ಟಿ ಖಾದರ್ ಅವರು ಉತ್ತರ ಕನ್ನಡಕ್ಕೆ ಬಂದಿದ್ದರು. ಪ್ರಕೃತಿ ವಿಕೋಪದ ಉಸ್ತುವಾರಿಯೂ ಆಗಿರುವ ಅವರು ಕಾರವಾರದಲ್ಲಿ ಸಭೆ ನಡೆಸಿದ್ದರು. ಅಲ್ಲಿಂದ ಮರಳುವಾಗ ಅಂಕೋಲಾದ ವರದರಾಜ ಹೊಟೇಲ್ ಬಳಿ ಸಚಿವರ ಭದ್ರತೆಗೆ ನಿಯೋಜನೆಯಾಗಿದ್ದ ಪೊಲೀಸ್ ಜೀಪಿಗೆ ಸ್ಕೂಟಿ ಗುದ್ದಿತ್ತು. ಈ ಅಪಘಾತದಲ್ಲಿ ದೊಡ್ಡ ಅಲಗೇರಿಯ ಸಂದೀಪ್ ನಾಯಕ ಅವರು ಗಾಯಗೊಂಡಿದ್ದರು. ಯು ಟಿ ಖಾದರ್ ಅವರೇ ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಪೊಲೀಸ್ ಜೀಪಿನ ಚಾಲಕ ಸಹದೇವ ಚೆನ್ನಮ್ಮನವರ್ ಅವರ ಹೇಳಿಕೆ ಆಧಾರದಲ್ಲಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸಿದರು. ಈ ವೇಳೆ ಬಾಳೆಗುಳಿ ಕ್ರಾಸಿನಿಂದ ಸಂದೀಪ ತಿಮ್ಮಪ್ಪ ನಾಯಕ ಅವರು ಮೊಬೈಲಿನಲ್ಲಿ ಮಾತನಾಡುತ್ತ ಸ್ಕೂಟಿ ಓಡಿಸಿಕೊಂಡು ಬಂದಿದ್ದರು. ಸ್ಕೂಟಿ ಓಡಿಸುವಾಗ ಸಂದೀಪ ನಾಯಕ ಅವರು ಹೆಲ್ಮೆಟ್ ಸಹ ಧರಿಸಿರಲಿಲ್ಲ. ರಸ್ತೆ ನಡುವಿನ ಡಿವೆಡೈರ್ ದಾಟಿ ಮುನ್ನುಗ್ಗಿದ ಅವರ ಸ್ಕೂಟಿಗೆ ಸಚಿವರ ಭದ್ರತೆಗಿದ್ದ ಜೀಪು ಗುದ್ದಿತು. ಗಾಯಗೊಂಡ ಸಂದೀಪ ನಾಯಕ ಅವರು ಆಸ್ಪತ್ರೆ ಸೇರಿದ್ದು, ಪೊಲೀಸರು ತನಿಖೆ ಚುರುಕುಗೊಳಿಸಿದ್ದಾರೆ. `ವಾಹನ ಚಾಲನೆ ಮಾಡುವಾಗ ಮೊಬೈಲ್ ಬಳಸಬೇಡಿ’
- [ಶಿರಸಿ | ಮೊದಲು ಕಳ್ಳ.. ನಂತರ ಡಕಾಯಿತ.. ಈಗ ಗಾಂಜಾ ವ್ಯಾಪಾರಿ](https://mobiletime.in/2026/07/sirsi-first-a-thief-then-a-dacoit-now-a-ganja-dealer/): ಅಂಕೋಲಾದಲ್ಲಿ ಕಳ್ಳತನ, ಮುಂಡಗೋಡದಲ್ಲಿ ಗಾಂಜಾ ಮಾರಾಟ ಹಾಗೂ ಹಾನಗಲ್’ದಲ್ಲಿ ದರೋಡೆ ಮಾಡಿ ಶಿರಸಿಯ ದಾಸನಕೊಪ್ಪಕ್ಕೆ ಬಂದು ವಾಸವಾಗಿದ್ದ ಹಾವೇರಿ ನವನಗರದ ಇಮ್ರಾನ್ ಅಹ್ಮದ್ ಈಗಲೂ ಸುಧಾರಣೆ ಕಂಡಿಲ್ಲ. ಶಿರಸಿಯಲ್ಲಿಯೂ ಸಹ ಅವರು ಕಾನೂನುಬಾಹಿರ ಚಟುವಟಿಕೆಯಲ್ಲಿ ತೊಡಕಿಸಿಕೊಂಡಿದ್ದು, ಪೊಲೀಸರು ಇಮ್ರಾನ್ ಅಹ್ಮದ್ ಅವರನ್ನು ಹಿಡಿದು ಜೈಲಿಗೆ ಹಾಕಿದ್ದಾರೆ. ಹಾವೇರಿ ನವನಗರದಲ್ಲಿ ಇಮ್ರಾನ್ ಅಹ್ಮದ್ ಮಕ್ಬುಲ್ ಅಹ್ಮದ್ ಬ್ಯಾಡಗಿ ಅವರು ವಾಸವಾಗಿದ್ದರು. ಆಗಾಗ, ಉತ್ತರ ಕನ್ನಡ ಜಿಲ್ಲೆಗೆ ಬರುತ್ತಿದ್ದ ಅವರು ಗಾಂಜಾ ತರುತ್ತಿದ್ದರು. ಗಾಂಜಾ ಮಾರಾಟದ ಜೊತೆಗೆ ಅಲ್ಲಲ್ಲಿ ಕಳ್ಳತನ, ದರೋಡೆಗೂ ಕೈ ಹಾಕುತ್ತದ್ದರು. ದುಡಿದು ತಿನ್ನುವ ಬದಲು ಹೊಡೆದು ತಿನ್ನುವುದೇ ಅವರಿಗೆ ರೂಢಿಯಾಗಿತ್ತು. ಅಂಕೋಲಾದ ಮನೆಯೊಂದರಲ್ಲಿ ನಡೆದ ಕಳ್ಳತನ ಪ್ರಕರಣದಲ್ಲಿ ಇಮ್ರಾನ್ ಅಹ್ಮದ್ ಅವರು ಆರೋಪಿಯಾಗಿದ್ದರು. ಮುಂಡಗೋಡದಲ್ಲಿ ಗಾಂಜಾ ಮಾರಾಟ ಮಾಡುವಾಗಲೂ ಸಿಕ್ಕಿ ಬಿದ್ದಿದ್ದರು. ಹಾನಗಲ್’ನಲ್ಲಿ ದರೋಡೆ ನಡೆಸಿ ನಂತರ ಶಿರಸಿಯ ದಾಸನಕೊಪ್ಪಕ್ಕೆ ಬಂದು ವಾಸವಾಗಿದ್ದರು. ಐ 10 ಕಾರಿನಲ್ಲಿ ಗಾಂಜಾ ಸಾಗಿಸಿ, ಮಾರಾಟ ಮಾಡುತ್ತಿದ್ದ ಇಮ್ರಾನ್ ಅಹ್ಮದ್ ಅವರ ಚಟುವಟಿಕೆಗಳ ಮೇಲೆ ಶಿರಸಿ ಪಿಐ ಸಂಪತ್ ಈಸಿ ಅವರು ಕಣ್ಣಿಟ್ಟಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ ಹಾಗೂ ಡಿವೈಎಸ್ಪಿ ಗೀತಾ ಪಾಟೀಲ ಅವರಲ್ಲಿಯೂ ಇಮ್ರಾನ್ ಅಹ್ಮದ್ ಅವರ ಬಗ್ಗೆ ಹೇಳಿದ್ದರು. ಪಿಸೈ ನರಸಿಂಹಲು, ನಾರಾಯಣ ರಾಥೋಡ್ ಅವರ ಮೂಲಕ ಆರೋಪಿ ಮೇಲೆ ನಿಗಾವಿರಿಸಿದ್ದರು. ಜುಲೈ 14ರ ಸಂಜೆ ಇಮ್ರಾನ್ ಅಹ್ಮದ್ ಮಕ್ಬುಲ್ ಅಹ್ಮದ್ ಬ್ಯಾಡಗಿ ಅವರು ಬನವಾಸಿ ರಸ್ತೆಯ ಹಾರ್ಟಿಕಲ್ಚರಲ್ ಕಾಲೇಜು ಬಳಿ ನಿಂತಿದ್ದರು. ಅವರ ಕಾರಿನಲ್ಲಿ ಗಾಂಜಾವಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿದ್ದು, ಪೊಲೀಸ್ ಸಿಬ್ಬಂದಿ ಬಸವರಾಜ ಹಗರಿ, ರಾಮಯ್ಯ ಪೂಜಾರಿ, ಹನುಮಂತ ಮಕಾಪುರ, ಸದ್ದಾಂ ಹುಸೇನ್, ಹನುಮಂತ ಕಬಾಡಿ, ತುಕಾರಾಮ ಬಣಗಾರ, ಸುನೀಲ, ಪ್ರಶಾಂತ, ರಾಜಶೇಖರ್ ಸೇರಿ ಅವರನ್ನು ಸಾಕ್ಷಿಸಹಿತ ಹಿಡಿದರು.
- [ಉತ್ತರ ಕನ್ನಡ | 19 RFOಗಳ ವರ್ಗಾವಣೆ!](https://mobiletime.in/2026/07/uttara-kannada-transfer-of-19-rfos/): ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕಡೆ ವಲಯ ಅರಣ್ಯಾಧಿಕಾರಿಯಾಗಿ ಕರ್ತವ್ಯ ನಿಭಾಯಿಸುತ್ತಿದ್ದ ಅಧಿಕಾರಿಗಳು ಸರ್ಕಾರ ವರ್ಗಾವಣೆ ಮಾಡಿದೆ. ಕೆಲ ವಲಯ ಅರಣ್ಯಾಧಿಕಾರಿಗಳನ್ನು ಜಿಲ್ಲೆಯಲ್ಲಿಯೇ ಉಳಿಸಿಕೊಂಡಿದ್ದು, ಕೆಲವರನ್ನು ಬೇರೆ ಜಿಲ್ಲೆಗೆ ವರ್ಗಾಯಿಸಿದೆ. ರಾಜ್ಯದಲ್ಲಿ ಒಟ್ಟು 40 ವಲಯ ಅರಣ್ಯಾಧಿಕಾರಿಗಳ ವರ್ಗಾವಣೆ ನಡೆದಿದೆ. ಅದರಲ್ಲಿ ಉತ್ತರ ಕನ್ನಡ ಜಿಲ್ಲೆಯ 19 ವಲಯ ಅರಣ್ಯಾಧಿಕಾರಿಗಳು ವರ್ಗವಾಗಿದ್ದಾರೆ. ಜುಲೈ 15ರಂದು ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳ ಕಚೇರಿಯಿಂದ ವರ್ಗಾವಣೆ ಆದೇಶ ಹೊರಬಿದ್ದಿದೆ. ಶಿರಸಿ ವಲಯದ ಆರ್‌ಎಫ್‌ಒ ಗಿರೀಶ ನಾಯ್ಕ ಅವರನ್ನು ಹುಲೇಕಲ್ ವಲಯಕ್ಕೆ ಹಾಗೂ ಹುಲೇಕಲ್ ವಲಯದ ಶಿವಾನಂದ ನಿಂಗಾಣಿ ಅವರನ್ನು ಕ್ಯಾದಗಿ ವಲಯಕ್ಕೆ ವರ್ಗಾಯಿಸಲಾಗಿದೆ. ಜಾನ್ಮನೆ ವಲಯದ ಉಷಾ ಕಬ್ಬೇರ ಅವರನ್ನು ಸಿದ್ದಾಪುರ ವಲಯಕ್ಕೆ ಹಾಗೂ ಬನವಾಸಿ ವಲಯದ ಭವ್ಯಾ ನಾಯ್ಕ ಅವರನ್ನು ಶಿರಸಿ ವಲಯಕ್ಕೆ ವರ್ಗಾಯಿಸಲಾಗಿದೆ. ಗೇರುಸೊಪ್ಪ ವಲಯದ ಕಾರ್ತಿಕ ಕಾಂಬಳೆ ಅವರನ್ನು ಬನವಾಸಿ ವಲಯಕ್ಕೆ ವರ್ಗಾವಣೆ ಮಾಡಲಾಗಿದೆ. ಸಿದ್ದಾಪುರದ ಅಜಯಕುಮಾರ ಅವರನ್ನು ಸಾಗರ ವಲಯಕ್ಕೆ ವರ್ಗಾಯಿಸಲಾಗಿದೆ. ಶಿರಸಿ ಸಾಮಾಜಿಕ ಅರಣ್ಯದ ಆರ್‌ಎಫ್‌ಒ ಮಾರುತಿ ನಾಯ್ಕ ಅವರನ್ನು ಮಂಚಿಕೇರಿ ವಲಯಕ್ಕೆ ವರ್ಗಾಯಿಸಲಾಗಿದೆ. ಮಂಚಿಕೇರಿ ವಲಯದ ಬಸವರಾಜ ಬೋಜಳ್ಳಿ ಅವರನ್ನು ಇಡಗುಂದಿ ವಲಯಕ್ಕೆ ಹಾಗೂ ಇಡಗುಂದಿಯ ಎಂ ಎಚ್ ನಾಯ್ಕ ಅವರನ್ನು ಯಲ್ಲಾಪುರ ವಲಯಕ್ಕೆ ವರ್ಗ ಮಾಡಲಾಗಿದೆ. ಯಲ್ಲಾಪುರದಲ್ಲಿ ಆರ್ ಎಫ್ ಓ ಆಗಿದ್ದ ಜಿ ವಿ ನರೇಶ್ ಅವರನ್ನು ಬಂಡಿಪುರಕ್ಕೆ ವರ್ಗ ಮಾಡಲಾಗಿದ್ದು, ಕತಗಾಲದ ಪ್ರೀತಿ ನಾಯ್ಕ ಅವರನ್ನು ಹೊನ್ನಾವರ ಸಾಮಾಜಿಕ ಅರಣ್ಯ ವಿಭಾಗಕ್ಕೆ ವರ್ಗ ಮಾಡಲಾಗಿದೆ. ಹೊನ್ನಾವರದ ಸಾಮಾಜಿಕ ಅರಣ್ಯ ವಿಭಾಗದಲ್ಲಿದ್ದ ಎಸ್ ವಿ ಬಂಟ ಅವರನ್ನು ಚಿಕ್ಕಬಳ್ಳಾಪುರಕ್ಕೆ ವರ್ಗಾವಣೆ ಮಾಡಲಾಗಿದೆ. ಉಳಿದತೆ, ರಾಮನಗುಳಿ ವಲಯದ ಸುರೇಶ್ ನಾಯಕ ಅವರನ್ನು ಹೀರೇಗುತ್ತಿ ವಲಯಕ್ಕೆ ಹಾಗೂ ಅಂಕೋಲಾದ ಪ್ರಮೋದ ನಾಯಕ ಅವರನ್ನು ಹೊನ್ನಾವರ ವಲಯಕ್ಕೆ ವರ್ಗಾಯಿಸಲಾಗಿದೆ. ಹೊನ್ನಾವರದ ಸವಿತಾ ದೇವಾಡಿಗ ಅವರನ್ನು ಕುಮಟಾ ವಲಯಕ್ಕೆ ಹಾಗೂ ಕುಮಟಾದ ಪ್ರವೀಣ ನಾಯಕ ಅವರನ್ನು ದಾಂಡೇಲಿ ಡಿಪೋಗೆ ವರ್ಗಾವಣೆ ಮಾಡಲಾಗಿದೆ. ದಾಂಡೇಲಿಯ ಎನ್ ಎಲ್ ನದಾಫ ಅವರನ್ನು ಹಳಿಯಾಳ ವಲಯಕ್ಕೆ ಹಾಗೂ ಹಳಿಯಾಳದ ಬಸವರಾಜ ಪಣಸೋಲಿ ಅವರನ್ನು ವನ್ಯಜೀವಿ ವಿಭಾಗಕ್ಕೆ ಜೊತೆಗೆ ಪಣಸೋಲಿಯ ರವಿಕಿರಣ ಸಂಪಗಾವಿ ಅವರನ್ನು ಜೊಯಿಡಾ ವಲಯಕ್ಕೆ ವರ್ಗಾವಣೆ ಮಾಡಲಾಗಿದೆ.
- [ಅನುದಾನಿತ ಶಾಲೆ: ಹಕ್ಕಿಗಾಗಿ ಹೋರಾಟ!](https://mobiletime.in/2026/07/aided-school-fight-for-rights/): ಸಿಬ್ಬಂದಿ ನೇಮಕಾತಿ, ವಿದ್ಯಾರ್ಥಿಗಳಿಗೆ ಸೌಲಭ್ಯ ಒದಗಿಸುವಿಕೆ, ಶೈಕ್ಷಣಿಕ ಹಾಗೂ ಆಡಳಿತಾತ್ಮಕ ಸುಧಾರಣೆ ವಿಷಯವಾಗಿ ಸರ್ಕಾರಿ ಶಾಲೆ ಹಾಗೂ ಅನುದಾನಿತ ಶಾಲೆಗಳ ನಡುವೆ ಸರ್ಕಾರ ಅನೇಕ ಬಗೆಯ ತಾರತಮ್ಯ ಮಾಡುತ್ತಿದೆ. ಈ ತಾರತಮ್ಯ ನೀತಿ ಶೈಕ್ಷಣಿಕ ವಲಯದಲ್ಲಿನ ಅಸಮಧಾನಕ್ಕೆ ಕಾರಣವಾಗಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸ್ವಾತಂತ್ರ‍್ಯ ಪೂರ್ವದಿಂದ ಶಿಕ್ಷಣ ಸೇವೆ ಸಲ್ಲಿಸುತ್ತಿರುವ ಅನುದಾನಿತ ಶಿಕ್ಷಣ ಸಂಸ್ಥೆಗಳಿವೆ. ಆ ಸಂಸ್ಥೆಯವರು ತಮಗಾಗುತ್ತಿರುವ ಅನ್ಯಾಯದ ಬಗ್ಗೆ ಸಾಕಷ್ಟು ಬಾರಿ ಸರ್ಕಾರಕ್ಕೆ ಮನವಿ ಸಲ್ಲಿಸಿದ್ದಾರೆ. ಅನೇಕ ಹಂತಗಳ ಹೋರಾಟವನ್ನು ಮಾಡಿದ್ದಾರೆ. ಆದರೆ, ಪ್ರತಿ ಬಾರಿ ಭರವಸೆ ಮಾತ್ರ ಸಿಗುತ್ತಿದೆಯೇ ವಿನ: ಸಮಸ್ಯೆ ಪರಿಹಾರ ಆಗುತ್ತಿಲ್ಲ. ಪರಿಣಾಮ ಅನೇಕರ ಬದುಕಿಗೆ ಬೆಳಕು ತೋರಿದ ಶೈಕ್ಷಣಿಕ ಸಂಸ್ಥೆಗಳು ಮುಚ್ಚುವ ಸ್ಥಿತಿ ತಲುಪಿದೆ. ಆ ಅನುದಾನಿತ ಶಾಲೆಗಳ ಉಳಿವಿಗಾಗಿ ಅನೇಕ ವರ್ಷಗಳಿಂದ ಶಾಲೆಯವರು ಹೋರಾಟ ನಡೆಸುತ್ತಿದ್ದು, ಸದ್ಯ ಇನ್ನೊಂದು ಹಂತದ ಹೋರಾಟಕ್ಕೆ ನಿರ್ಧರಿಸಿದ್ದಾರೆ. ಶಿಕ್ಷಕರ ಹಕ್ಕುಗಳ ರಕ್ಷಣೆ ವಿಷಯವಾಗಿಯೂ ಈ ಬಾರಿ ಹೋರಾಟ ನಡೆಯಲಿದೆ. ಜುಲೈ 18ರಂದು ಕರ್ನಾಟಕ ರಾಜ್ಯ ಮಾಧ್ಯಮಿಕ ಶಾಲಾ ನೌಕರರ ಸಂಘದವರು ಪ್ರತಿಭಟನೆಗೆ ಕರೆ ನೀಡಿದ್ದು, ಲಕ್ಷಾಂತರ ವಿದ್ಯಾರ್ಥಿಗಳಿಗೆ ದಾರಿದೀಪವಾದ ಶಿಕ್ಷಕರ ಈ ಹೋರಾಟಕ್ಕೆ ಎಲ್ಲಡೆ ಬೆಂಬಲವ್ಯಕ್ತವಾಗುತ್ತಿದೆ. ರಾಜ್ಯ ಮಾಧ್ಯಮಿಕ ಶಾಲಾ ನೌಕರರ ಸಂಘದ ಜಿಲ್ಲಾ ಕಾರ್ಯದರ್ಶಿ ಎಲ್ ಎಮ್ ಹೆಗಡೆ ಅವರು ಹೋರಾಟದ ಬಗ್ಗೆ ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ. `ಶಿಕ್ಷಣ ಕ್ಷೇತ್ರದಲ್ಲಿ ಅಮೂಲಾಗ್ರವಾದ ಸೇವೆ ಸಲ್ಲಿಸಿದ ಅನುದಾನಿತ ಶಿಕ್ಷಣ ಸಂಸ್ಥೆಗಳು ಇಂದು ವಿವಿಧ ಕಾರಣಗಳಿಂದ ಮತ್ತು ಸರ್ಕಾರದ ಮಲತಾಯಿ ಧೋರಣೆಯಿಂದ ಮುಚ್ಚುತ್ತಿರುವದು ಖಂಡನೀಯ’ ಎಂದವರು ಹೇಳಿದ್ದಾರೆ. `ಇಂಥ ಶಾಲೆಗಳಲ್ಲಿ 2015ರ ನಂತರ ಖಾಲಿಯಾದ ಬೋಧಕ ಮತ್ತು ಬೋಧಕೇತರ ಹುದ್ದೆಗಳನ್ನು ಕೂಡಲೇ ಭರ್ತಿ ಮಾಡಬೇಕು. ಹುದ್ದೆ ಖಾಲಿಯಾದ ದಿನದಿಂದಲೇ ಭರ್ತಿ ಮಾಡುವ ವ್ಯವಸ್ಥೆ ಜಾರಿಗೆ ಬರಬೇಕು. ಆ ಹುದ್ದೆ ಭರ್ತಿಯಾಗುವವರೆಗೆ ಸರ್ಕಾರವೇ ಅತಿಥಿ ಶಿಕ್ಷಕರನ್ನು ನೇಮಿಸಬೇಕು. ಅನುದಾನಿತ ಪ್ರೌಢಶಾಲೆಗಳಲ್ಲಿ ಬೋಧಕೇತರ ಸಿಬ್ಬಂದಿ ನೇಮಕಕ್ಕೆ ಕ್ರಮವಹಿಸಬೇಕು. ಗುಡ್ಡಗಾಡು, ಕರಾವಳಿ, ಗಡಿನಾಡು, ಮಲೆನಾಡು ಪ್ರದೇಶಗಳಲ್ಲಿ ಶಿಕ್ಷಕ-ವಿದ್ಯಾರ್ಥಿ ಅನುಪಾತವನ್ನು 1:15ಕ್ಕೆ ಇಳಿಸಬೇಕು’ ಎಂದವರು ಬೇಡಿಕೆಗಳ ಪಟ್ಟಿ ಸಲ್ಲಿಸಿದ್ದಾರೆ. ಅದರೊಂದಿಗೆ `2006ರ ನಂತರ ನೇಮಕಗೊಂಡು ನಿವೃತ್ತರಾದ ಅನುದಾನಿತ ಶಾಲಾ ಶಿಕ್ಷಕರಿಗೆ ಪಿಂಚಣಿ ಕೊಡಬೇಕು. ಸರ್ಕಾರಿ ಪ್ರೌಢಶಾಲಾ ಶಿಕ್ಷಕರಿಗೆ ಸಿಗುವ ಎಲ್ಲ ಸೌಲಭ್ಯಗಳನ್ನು ಅನುದಾನಿತ ಶಿಕ್ಷಕರಿಗೂ ಒಂದೇ ಆದೇಶದಲ್ಲಿ ನೀಡಬೇಕು. ಕಾಲ್ಪನಿಕ ವೇತನ ವರದಿಯನ್ನು ಯಥಾವತ್ತಾಗಿ ಜಾರಿ ಮಾಡಬೇಕು. 1995ರ ನಂತರ ಆರಂಭವಾದ ಕನ್ನಡ ಮಾಧ್ಯಮ ಅನುದಾನಿತ ಪ್ರೌಢಶಾಲೆಗಳಿಗೆ ವೇತನಾನುದಾನ ಮಂಜೂರು ಮಾಡಬೇಕು. ಶೇ 100ರ ಫಲಿತಾಂಶಪಡೆದ ಅನುದಾನಿತ ಮತ್ತು ಅನುದಾನರಹಿತ ಶಾಲೆಗಳಿಗೂ ಸರ್ಕಾರಿ ಶಾಲೆಗಳಂತೆ ಗೌರವ ಸಂಭಾವನೆ ನೀಡಬೇಕು’ ಎಂದು ಎಂದವರು ಆಗ್ರಹಿಸಿದ್ದಾರೆ. ಜೊತೆಗೆ `ಅನುದಾನಿತ ಮತ್ತು ಅನುದಾನರಹಿತ ಶಾಲೆ ವಿದ್ಯಾರ್ಥಿಗಳಿಗೆ ಸರ್ಕಾರಿ ಶಾಲೆಯ ಎಲ್ಲ ಸೌಲಭ್ಯಗಳು ಸಿಗುವಂತೆ ಮಾಡಬೇಕು. ಸ್ಯಾಟ್ಸ್, ಯೂಡೈಸ್ ಅಪ್ಡೇಟ್ ಶುಲ್ಕವನ್ನು ಅನುದಾನಿತ/ಅನುದಾನ ರಹಿತ ಶಾಲೆ ವಿದ್ಯಾರ್ಥಿಗಳಿಗೂ ನೀಡಬೇಕು. ಎಸ್‌ಎಸ್‌ಎಲ್‌ಸಿ ಪೂರ್ವ ಪರೀಕ್ಷೆ ಪ್ರಶ್ನೆಪತ್ರಿಕೆ ಮುದ್ರಣ ಶುಲ್ಕವನ್ನು ಎಲ್ಲಾ ಶಾಲೆಗಳಿಗೂ ನೀಡಬೇಕು. ಶಾಲಾ ನಿರ್ವಹಣಾ ಶುಲ್ಕವನ್ನು ಅನುದಾನಿತ ಮತ್ತು ಅನುದಾನರಹಿತ ಶಾಲೆಗಳಿಗೆ ನೀಡಬೇಕು’ ಎಂದು ಒತ್ತಾಯಿಸಿದ್ದಾರೆ. ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ಸುಧಾರಣೆಗಾಗಿ ಹೊಸ ಕೆಪಿಎಸ್ ಮತ್ತು ಪಿಎಂಶ್ರೀ ಶಾಲೆ ತೆರೆಯುವಾಗ 3ಕಿಮೀ ವ್ಯಾಪ್ತಿಯಲ್ಲಿ ಅನುದಾನಿತ ಶಾಲೆ ಇಲ್ಲವೆಂದು ಖಾತರಿಪಡಿಸಿಕೊಳ್ಳಬೇಕು. ದ್ವಿಭಾಷಾ ನೀತಿಯನ್ನು ಅನುದಾನಿತ ಶಾಲೆಗಳಿಗೂ ವಿಸ್ತರಿಸಬೇಕು. ಅಕ್ಷರ ದಾಸೋಹ, ಕ್ಷೀರ ಭಾಗ್ಯ, ಮೊಟ್ಟೆ-ಬಾಳೆಹಣ್ಣು ಯೋಜನೆಗಳನ್ನು ಶಿಕ್ಷಕರ ಹೊರತು ಪ್ರತ್ಯೇಕವಾಗಿ ನಿರ್ವಹಿಸಬೇಕು. ಸರ್ವರ್ ಸಮಸ್ಯೆ ಸೇರಿ ಇನ್ನಿತರ ತಾಂತ್ರಿಕ ವಿಧಾನಗಳನ್ನು ಸರಳೀಕರಣಮಾಡಬೇಕು. ಪರೀಕ್ಷಾ ಪದ್ಧತಿಯನ್ನು ಸರ್ಕಾರಿ, ಅನುದಾನಿತ, ಅನುದಾನರಹಿತ ಶಾಲೆಗಳಿಗೆ ಏಕರೂಪ ಪದ್ದತಿಯಲ್ಲಿರುವಂತೆ ನೋಡಿಕೊಳ್ಳಬೇಕು’ ಎಂದು ಮನವಿ ಮಾಡಿದ್ದಾರೆ. `ಮಳೆಗಾಲದ ತೊಂದರೆ ಹಿನ್ನೆಲೆಯಲ್ಲಿ ಕ್ರೀಡಾಕೂಟ ಮತ್ತು ಪ್ರತಿಭಾ ಕಾರಂಜಿಯನ್ನು ಪ್ರತಿ 2 ವರ್ಷಕ್ಕೊಮ್ಮೆ ನಡೆಸಬೇಕು’ ಎಂದು ಸಹ ಹೇಳಿದ್ದಾರೆ. ಸಂಘಟನೆಯ ಜಿಲ್ಲಾ ಅಧ್ಯಕ್ಷ ಪ್ರಭಾಕರ ಬಂಟ, ಕಾರವಾರ ತಾಲೂಕು ಅಧ್ಯಕ್ಷ ಜೈ ರಂಗನಾಥ, ಅಂಕೋಲಾ ಘಟಕದ ಗಣಪತಿ ನಾಯಕ, ಎಂಡಿ ಕುಂಶಿ, ಸಂದೀಪ್ ರಾಣೆ, ಹಿಂದೂ ಹೈಸ್ಕೂಲ್ ಮುಖ್ಯಾಧ್ಯಾಪಕ ಆರ್ ವಿ ದೇಶಬಂಡಾರಿ, ಶಮಿಂದ್ರ ನಾಯಕ, ಗಣೇಶ ಬಿಷ್ಟಣ್ಣನವರ, ಸಂಜಯ ನಾಯ್ಕ, ಮಹದೇವ ರಾಣೆ ಇತರರು ಇದ್ದರು.
- [ಯೋಗ ಸಾಧಕನಿಗೆ ಆರ್ಥಿಕ ಸಹಾಯ](https://mobiletime.in/2026/08/financial-assistance-for-a-yoga-practitioner/): ಶಿರಸಿಯ ನಂದನ ಭಟ್ಟ ಅವರು ಯೋಗದಲ್ಲಿ ಉತ್ತಮ ಸಾಧನೆ ಮಾಡಿದ್ದಾರೆ. ಅವರಿಗೆ ಇದೀಗ ಏಷ್ಯಾ ಫೆಸಿಫಿಕ್ ಯೋಗ ಕಾಂಪಿಟೇಶನ್’ನಲ್ಲಿ ಭಾಗವಹಿಸುವ ಅವಕಾಶ ಸಿಕ್ಕಿದೆ. ಈ ದಿನ ನಂದನ ನರಸಿಂಹ ಭಟ್ ಅವರನ್ನು ಬಿಜೆಪಿ ರೈತಮೋರ್ಚಾ ಜಿಲ್ಲಾಧ್ಯಕ್ಷರಾದ ಅನಂತಮೂರ್ತಿ ಹೆಗಡೆ ಅವರು ಭೇಟಿ ಮಾಡಿದ್ದಾರೆ. ಸೆಪ್ಟೆಂಬರ್ 4ರಿಂದ ಸೆಪ್ಟೆಂಬರ್ 9ರತನಕ ನಡೆಯಲಿರುವ ಇಂಟರ್‌ನ್ಯಾಶನ್ ಯೋಗ ಕಾಂಪಿಟೇಶನ್’ಗೆ ಭಾಗವಹಿಸುವುದಕ್ಕಾಗಿ ಅವರು ಆರ್ಥಿಕ ಸಹಾಯ ಮಾಡಿದ್ದಾರೆ. `ಸಾಧನೆ ಮಾಡಿದ ವಿದ್ಯಾರ್ಥಿ ಇತರರಿಗೂ ಸ್ಪೂರ್ತಿಯಾಗಲಿ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. ನಂದನ ಭಟ್ಟ ಅವರು ಮಾತನಾಡಿ `ಮೊದಲು ರಾಜ್ಯ ಮಟ್ಟದಲ್ಲಿ ಯೋಗ ಸ್ಪರ್ದೆಯಲ್ಲಿ ಭಾಗವಹಿಸಿ ಪ್ರಥಮ ಸ್ಥಾನ ಪಡೆದಿದ್ದು, ನಂತರ ಉತ್ತರಖಂಡದಲ್ಲಿ ಏರ್ಪಡಿಸಿದ ರಾಷ್ಟಮಟ್ಟದ ಸ್ವರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದೆ. ಈಗ ಏಷ್ಯಾ ಫೆಸಿಫಿಕ್ ಯೋಗ ಕಾಂಪಿಟೇಶನ್‌ನಲ್ಲಿ ಅಂತರರಾಷ್ಟಿಯ ಮಟ್ಟಕ್ಕೆ ಆಯ್ಕೆಯಾಗಿದ್ದು ಖುಷಿ ತಂದಿದೆ’ ಎಂದು ಹೇಳಿದ್ದಾರೆ. `ಕಳೆದ ನಾಲ್ಕು ವರ್ಷಗಳಿಂದ ಯೋಗ ಅಭ್ಯಾಸ ಮಾಡುತ್ತಿದ್ದು, ಅದರಿಂದ ಮನಸ್ಸಿನ ಏಕಾಗ್ರತೆ ಹೆಚ್ಚಾಗಿದೆ’ ಎಂದವರು ತಿಳಿಸಿದ್ದಾರೆ.
- [ಕಾರವಾರ | ಕೇಂದ್ರೀಯ ವಿದ್ಯಾಲಯ: ಪಿಯುಸಿ ಪ್ರವೇಶಿಸಿದವರಿಗೆ ಗೊಂದಲ!](https://mobiletime.in/2026/08/karwar-kendriya-vidyalaya-confusion-for-those-seeking-puc-admission/): ಕಾರವಾರ ನೇವಲ್ ಬೇಸ್ ಒಳಗಿರುವ ಕೇಂದ್ರೀಯ ವಿದ್ಯಾಲಯದಲ್ಲಿ ಪಿಯುಸಿ ಶಿಕ್ಷಣ ಮೊಟಕುಗೊಳಿಸುವ ಆತಂಕ ಎದುರಾಗಿದೆ. ಈಗಾಗಲೇ PUC ಪ್ರಥಮ ವರ್ಷಕ್ಕೆ ಪ್ರವೇಶಪಡೆದ ವಿದ್ಯಾರ್ಥಿಗಳ ಶೈಕ್ಷಣಿಕ ಚಟುವಟಿಕೆಗಳಿಗೆ ಹಿನ್ನಡೆಯಾಗುವ ಸಾಧ್ಯತೆಗಳಿವೆ. ಇಲ್ಲಿನ ಕೇಂದ್ರೀಯ ವಿದ್ಯಾಲಯದಲ್ಲಿ ಒಟ್ಟು 735 ವಿದ್ಯಾರ್ಥಿಗಳಿದ್ದಾರೆ. ಮೊದಲಿನಿಂದಲೂ ಇಲ್ಲಿ ಪಿಯುಸಿ ಕಲಿಕೆಯಿದ್ದು, ಈ ವರ್ಷ ಮಾತ್ರ ಬರೇ 6 ವಿದ್ಯಾರ್ಥಿಗಳು ಪಿಯುಸಿ ಪ್ರವೇಶಪಡೆದಿದ್ದಾರೆ. ವಿದ್ಯಾರ್ಥಿಗಳ ಕೊರತೆ ಹಿನ್ನಲೆ ಪಿಯುಸಿ ಶಿಕ್ಷಣವನ್ನೇ ಮೊಟಕುಗೊಳಿಸಲು ವಿದ್ಯಾಲಯದವರು ಮುಂದಾಗಿದ್ದು, ಈ ಬಗ್ಗೆ ಪಾಲಕರಿಗೂ ಸೂಚನೆ ರವಾನಿಸಿದ್ದಾರೆ. ಇದರಿಂದ ಆತಂಕಕ್ಕೆ ಒಳಗಾದ ಪಾಲಕರು ಕೇಂದ್ರಿಯ ವಿದ್ಯಾಲಯದ ಕ್ರಮವನ್ನು ಖಂಡಿಸಿದ್ದಾರೆ. `ನಿಮ್ಮ ಮಕ್ಕಳ ಟೀಸಿ ಕೊಡುತ್ತೇವೆ. ಬೇರೆ ಶಾಲೆಗೆ ಕಳುಹಿಸಿ’ ಎಂದು ಬುಧವಾರ ಪ್ರಥಮ ಪಿಯುಸಿ ಮಕ್ಕಳ ಪಾಲಕರಿಗೆ ಸೂಚನೆ ಬಂದಿದೆ. `ಕೇಂದ್ರಿಯ ವಿದ್ಯಾಲಯದಲ್ಲಿ ಕೇಂದ್ರೀಯ ಪಠ್ಯಕ್ರಮ ಆಧರಿಸಿ ಪಾಠ ಮಾಡಲಾಗುತ್ತಿದ್ದು, ಆ ಪಠ್ಯಕ್ರಮ ಸಮೀಪದ ಯಾವ ಕಾಲೇಜುಗಳಲ್ಲಿಯೂ ಇಲ್ಲ. ದಿಢೀರ್ ಆಗಿ ಮಕ್ಕಳನ್ನು ಹೊರದಬ್ಬಿದರೆ ಅವರ ಶೈಕ್ಷಣಿಕ ಚಟುವಟಿಕೆ ಮೇಲೆ ದುಷ್ಪರಿಣಾಮ ಬೀರುತ್ತದೆ’ ಎಂದು ಪಾಲಕರು ಆತಂಕವ್ಯಕ್ತಪಡಿಸಿದ್ದಾರೆ. ಇದೇ ವಿಷಯವಾಗಿ ಕಾಲೇಜು ಮುಖ್ಯಸ್ಥರು ಹಾಗೂ ಪಾಲಕರ ನಡುವೆ ಜಟಾಪಟಿ ನಡೆದಿದೆ. `1ನೇ ತರಗತಿಯಿಂದಲೂ ನಾವು ಮಕ್ಕಳನ್ನು ಇಲ್ಲೇ ಕಳುಹಿಸಿದ್ದು, ಈಗಾಗಲೇ ಪಿಯುಸಿ ಪ್ರವೇಶಪಡೆದ ಕಾರಣ ಇಲ್ಲಿಯೇ ಅದನ್ನು ಮುಂದುವರೆಸಬೇಕು’ ಎಂದು ಪಾಲಕರು ಪಟ್ಟುಹಿಡಿದಿದ್ದಾರೆ. `ಪಿಯುಸಿ ಶಿಕ್ಷಣ ಕಲಿಸುವಿಕೆ ಮೊಟಕುಗೊಳಿಸುವುದಾದರೆ ಎರಡುವರೆ ತಿಂಗಳ ಹಿಂದೆಯೇ ಮಾಹಿತಿ ಕೊಡಬೇಕಿತ್ತು’ ಎಂದು ಸಹ ಪಾಲಕರು ವಾದಿಸಿದ್ದಾರೆ. ಸಾಕಷ್ಟು ವಾದ-ವಾಗ್ವಾದದ ನಂತರ ಗುರುವಾರ `ಪಿಯುಸಿ ಶಿಕ್ಷಣ ಮೊಟಕುಗೊಳಿಸುವುದಿಲ್ಲ’ ಎಂದು ಕೇಂದ್ರೀಯ ವಿದ್ಯಾಲಯದವರು ಹೇಳಿದ್ದಾರೆ. `ಎಲ್ಲಾ ರೀತಿಯ ಗೊಂದಲ ಬಗೆಹರಿಸಲಾಗಿದೆ. ಪಿಯುಸಿ ಪ್ರವೇಶಪಡೆದ ಮಕ್ಕಳಿಗೆ ಯಾವುದೇ ಆತಂಕ ಮಾಡುವುದಿಲ್ಲ’ ಎಂದು ಕೇಂದ್ರೀಯ ವಿದ್ಯಾಲಯದ ಪ್ರಾಂಶುಪಾಲ ಅಶೋಕಕುಮಾರ ಅವರು ಮಾಧ್ಯಮಕ್ಕೆ ಭರವಸೆ ನೀಡಿದ್ದಾರೆ. `ಕೇಂದ್ರೀಯ ವಿದ್ಯಾಲಯದವರು ಅನಗತ್ಯ ಗೊಂದಲ ಸೃಷ್ಠಿಸಿ ಮಕ್ಕಳು ಹಾಗೂ ಪಾಲಕರಿಗೆ ಸಮಸ್ಯೆ ಮಾಡುವುದು ಸರಿಯಲ್ಲ. ಪ್ರತಿಭಾನ್ವಿತ ವಿದ್ಯಾರ್ಥಿಗಳ ಶೈಕ್ಷಣಿಕ ಸಾಧನೆಗೆ ವಿದ್ಯಾಲಯದವರು ಪೂರಕವಾಗಿರಬೇಕು’ ಎಂದು ಉತ್ತರ ಕನ್ನಡ ಜಿಲ್ಲಾ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಸಿದ್ಧಾರ್ಥ ನಾಯ್ಕ ಅವರು ಒತ್ತಾಯಿಸಿದ್ದಾರೆ.  
- [ಯಲ್ಲಾಪುರ | ಮಹಿಳೆಗೆ ಚುಚ್ಚಿದ ವಿಷ ಸರ್ಪ!](https://mobiletime.in/2026/08/yellapur-woman-bitten-by-a-venomous-snake/): ಜಮಗುಳಿಯಲ್ಲಿ ವಾಸವಾಗಿದ್ದ ಶಾರದಾ ಗಾವಡೆ ಅವರಿಗೆ ವಿಷ ಸರ್ಪ ಕಚ್ಚಿದೆ. ಇನ್ನೂ ಬಾಳಿ ಬದುಕಬೇಕಿದ್ದ ಅವರು 52ನೇ ವಯಸ್ಸಿನಲ್ಲಿಯೇ ಸಾವನಪ್ಪಿದ್ದಾರೆ. ಯಲ್ಲಾಪುರದ ಕಣ್ಣಿಗೇರಿ ಗ್ರಾ ಪಂ ವ್ಯಾಪ್ತಿಗೆ ಒಳಪಡುವ ಜಮಗುಳಿಯಲ್ಲಿ ಶಾರದಾ ಪ್ರಕಾಶ ಗಾವಡೆ ಅವರು ವಾಸವಾಗಿದ್ದರು. ಕೃಷಿ ಹಾಗೂ ಕೂಲಿ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದರು. ಜುಲೈ 23ರ ನಸುಕಿನ 5 ಗಂಟೆ ವೇಳೆಗೆ ಅವರು ಮೂತ್ರ ವಿಸರ್ಜನೆಗಾಗಿ ಮನೆ ಹಿಂದೆ ಹೋಗಿದ್ದರು. ಅಲ್ಲಿಯೇ ಅಡಗಿ ಕುಳಿತಿದ್ದ ವಿಷ ಸರ್ಪ ಶಾರದಾ ಅವರ ಕಾಲಿಗೆ ಕಚ್ಚಿತು. ಎರಡು ಬೆರಳುಗಳಿಗೆ ಹಾವಿನ ಹಲ್ಲು ತಾಗಿತು. ಹಾವು ಕಚ್ಚಿ ಅಸ್ವಸ್ಥರಾದ ಶಾರದಾ ಗಾವಡೆ ಅವರನ್ನು ತಕ್ಷಣ ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಗೆ ಕರೆತರಲಾಯಿತು. ಇಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿದ ನಂತರ ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದ ಕಾರಣ ಕುಟುಂಬದವರು ಹಳಿಯಾಳ ಆಸ್ಪತ್ರೆಗೆ ಕರೆದೊಯ್ದರು. ಅದಾದ ನಂತರ ಅಲ್ಲಿಂದ ಧಾರವಾಡದ ಆಸ್ಪತ್ರೆಗೆ ದಾಖಲಿಸಿದರು. ಧಾರವಾಡ ಆಸ್ಪತ್ರೆ ವೈದ್ಯರು ಹುಬ್ಬಳ್ಳಿಗೆ ಕರೆದೊಯ್ಯುವಂತೆ ಸೂಚಿಸಿದ್ದು, ಅಗಸ್ಟ 5ರಂದು ಹುಬ್ಬಳ್ಳಿ ಆಸ್ಪತ್ರೆ ತಲುಪುವುದರೊಳಗೆ ಶಾರದಾ ಗಾವಡೆ ಅವರು ಕೊನೆಯುಸಿರೆಳೆದಿದ್ದರು. ಬೆಂಗಳೂರಿನ ಬಿಎಂಟಿಸಿಯಲ್ಲಿ ಕೆಲಸ ಮಾಡುವ ಯಶವಂತ ಪ್ರಕಾಶ ಗಾವಡೆ ಅವರು ಈ ಬಗ್ಗೆ ಮಾಹಿತಿ ನೀಡಿ, ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.
- [ಹೊನ್ನಾವರ | ಚಿತ್ರನಟನಿಗೆ ರಾಜಕೀಯಕ್ಕೆ ಬರುವ ಆಸೆ: ಹೊಸ ಪಕ್ಷ ಕಟ್ಟುವುದಾಗಿ ಘೋಷಣೆ!](https://mobiletime.in/2026/08/honnavara-film-actor-aspires-to-enter-politics-announces-plans-to-form-a-new-party/): ಹೊನ್ನಾವರಕ್ಕೆ ಬಂದಿದ್ದ ಚಿತ್ರನಟ ಚೇತನ ಅವರು ಹೊಸ ರಾಜಕೀಯ ಪಕ್ಷ ಕಟ್ಟುವ ಘೋಷಣೆ ಮಾಡಿದ್ದಾರೆ. ಡಿಕೆ ಶಿವಕುಮಾರ ಹಾಗೂ ರಾಹುಲ್ ಗಾಂಧೀ ಆಡಳಿತದ ವಿರುದ್ಧ ಅವರು ತಮ್ಮ ಅಸಮಧಾನವ್ಯಕ್ತಪಡಿಸಿದ್ದಾರೆ. ಇದರೊಂದಿಗೆ `ಅಭಿವೃದ್ಧಿ ಹೆಸರಿನಲ್ಲಿ ಬಂಡವಾಳಶಾಹಿಗಳಿಗೆ ಲಾಭ ಮಾಡಿಕೊಡುವ ಯೋಜನೆಗಳನ್ನು ತಕ್ಷಣ ಕೈ ಬಿಡಬೇಕು. ಪರಿಸರ ವಿರೋಧಿ ಯೋಜನೆಗಳಿಗೆ ಎಲ್ಲಿಯೂ ಅವಕಾಶ ಕೊಡಬಾರದು’ ಎಂದು ಅವರು ಆಗ್ರಹಿಸಿದ್ದಾರೆ. ಹೊನ್ನಾವರಕ್ಕೆ ಆಗಮಿಸಿದ್ದ ಅವರು ಮಾಧ್ಯಮದವರ ಜೊತೆ ಮಾತನಾಡಿದ್ದು, `ಸಾವಿರಾರು ಕೋಟಿ ವೆಚ್ಚದ ಶರಾವತಿ ಪಂಪ್ಡ್ ಸ್ಟೋರೇಜ್ ಯೋಜನೆಯಿಂದ ಅಪಾರ ಪ್ರಮಾಣದ ಪರಿಸರ ನಾಶವಾಗಲಿದೆ. ಇದಕ್ಕೆ ಪರ್ಯಾಯವಾಗಿ ಸೋಲಾರ್ ಮಾದರಿಯಲ್ಲಿ ವಿದ್ಯುತ್ ಉತ್ಪಾದಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. `ಈ ಕುರಿತು 30 ಪರಿಸರವಾದಿಗಳ ನಿಯೋಗದ ಜೊತೆ ಸರ್ಕಾರವನ್ನು ಆಗ್ರಹಿಸಲಾಗುತ್ತದೆ’ ಎಂದರು. `ಅoಡಮಾನ್‌ನಲ್ಲಿ ಕೇಂದ್ರದ ಇಂಥ ಯೋಜನೆಯನ್ನು ವಿರೋಧಿಸುವ ರಾಹುಲ್ ಗಾಂಧಿ, ರಾಜ್ಯದಲ್ಲಿ ತಮ್ಮದೇ ಸರ್ಕಾರ ಇಂತಹ ಯೋಜನೆ ಜಾರಿಗೆ ತರುತ್ತಿರುವುದು ವಿಪರ್ಯಾಸ’ ಎಂದರು. `ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಟೊಂಕಾ ಬಂದರಿನಿAದ ಮೀನುಗಾರರಿಗೆ ಅನ್ಯಾಯವಾಗಲು ಬಿಡುವುದಿಲ್ಲ ಎಂದು ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ನೀಡಿದ್ದರು. ಆದರೆ, ಇದೀಗ ಅದನ್ನು ಅವರು ಮರೆತಿದ್ದಾರೆ’ ಎಂದು ದೂರಿದರು. ಕಾವೇರಿ ನೀರು ಹಂಚಿಕೆ ಕುರಿತು ಮಾತನಾಡಿ `ಉಭಯ ರಾಜ್ಯಗಳ ನಡುವೆ ವೈಷಮ್ಯ ಬೆಳೆಸದೆ, ತಮಿಳುನಾಡು ರೈತರ ಬಗ್ಗೆಯೂ ಕಾಳಜಿಯಿಟ್ಟುಕೊಂಡು ಮುಖ್ಯಮಂತ್ರಿಗಳು ಸಮಸ್ಯೆ ಬಗೆಹರಿಸಬೇಕು’ ಎಂದರು. `ರಾಜ್ಯ ಸಂಪುಟ ವಿಸ್ತರಣೆಯಲ್ಲಿ ಕರಾವಳಿ ಭಾಗಕ್ಕೆ ಹಾಗೂ ಮಹಿಳೆಯರಿಗೆ ಸೂಕ್ತ ಪ್ರಾತಿನಿಧ್ಯ ಸಿಕ್ಕಿಲ್ಲ’ ಎಂದು ದೂರಿದರು. `ಮುಂಬರುವ ದಿನಗಳಲ್ಲಿ ಪರಿವರ್ತನಾ ಪರಿಸರವಾದ ಸಿದ್ಧಾಂತದಡಿ ಹೊಸ ರಾಜಕೀಯ ಮಾದರಿಯನ್ನು ಕಟ್ಟುವೆ’ ಎಂದು ಘೋಷಿಸಿದರು.  
- [ಸಿದ್ದಾಪುರ | ನೆಮ್ಮದಿ ಹಾಳು ಮಾಡಿದ ಪ್ರವಾಸಿಗ!](https://mobiletime.in/2026/08/siddapura-tourist-ruins-the-peace/): ನಿಪ್ಲಿ ಜಲಪಾತ ವೀಕ್ಷಣೆಗೆ ನಿತ್ಯ ನೂರಾರು ಜನ ಬರುತ್ತದ್ದು, ಅಲ್ಲಿನ ವಿನಾಯಕ ಶೇಟ್ ಅವರು ಪ್ರವಾಸಿಗರ ನೆಮ್ಮದಿ ಕೆಡಿಸಿದ್ದಾರೆ. ಅನಗತ್ಯ ಗಲಾಟೆ ಮಾಡಿ ಅವರು ಪ್ರವಾಸಿಗರಿಗೆ ಕಿರಿಕಿರಿ ಉಂಟು ಮಾಡಿದ್ದಾರೆ. ಸಿದ್ದಾಪುರದ ಹೊಸೂರು ಗ್ರಾಮದಲ್ಲಿ ನಿಪ್ಲಿ ಜಲಪಾತವಿದೆ. ಆಕರ್ಷಕವಾಗಿರುವ ಈ ತಾಣಕ್ಕೆ ಅನೇಕರು ಆಗಮಿಸುತ್ತಾರೆ. ಅಗಸ್ಟ 2ರಂದು ಸಂಜೆ 6.30ಕ್ಕೆ ಕೆಲವರು ಜಲಪಾತದ ಬಳಿ ನಿಂತಿದ್ದು, ಅವರ ಜೊತೆ ಹಲಗೇರಿಯ ವಿನಾಯಕ ಶೇಟ್ ಅವರು ಅನಗತ್ಯ ಜಗಳ ಮಾಡಿದ್ದಾರೆ. ವಿನಾಯಕ ಶೇಟ್ ಅವರ ಜೊತೆ ಹಳದಿ ಬಣ್ಣದ ಟೀಶರ್ಟ ಧರಿಸಿದ್ದ ಮತ್ತೊಬ್ಬರು ವಾಗ್ವಾದ ನಡೆಸಿದ್ದಾರೆ. ಪಾರ್ಕಿಂಗ್ ವಿಷಯವಾಗಿ ಜಗಳ ತೆಗೆದ ಅವರು ಅಲ್ಲಿಗೆ ಆಗಮಿಸಿದ ಇನ್ನಿತರ ಪ್ರವಾಸಿಗರಿಗೂ ಸಮಸ್ಯೆ ಮಾಡಿದ್ದಾರೆ. ಈ ಗಲಾಟೆಯಿಂದ ಫಾಲ್ಸ್ ವೀಕ್ಷಣೆಗೆ ಬಂದಿದ್ದ ಪ್ರವಾಸಿಗರಿಗೆ ತೊಂದರೆಯಾಗಿದ್ದು, ಸಾರ್ವಜನಿಕರ ನೆಮ್ಮದಿಗೂ ಭಂಗ ಉಂಟಾಗಿದೆ ಎಂದು ಪೊಲೀಸರು ದೂರಿದ್ದಾರೆ. ವಿನಾಯಕ ಶೇಟ್ ಅವರ ಜೊತೆ ಈ ಗಲಾಟೆಯಲ್ಲಿ ಭಾಗಿಯಾಗಿದ್ದ ಅಪರಿಚಿತ ವ್ಯಕ್ತಿಯ ಹೆಸರು ಹಾಗೂ ವಿಳಾಸ ಪತ್ತೆಹಚ್ಚಲು ಪೊಲೀಸರು ಪ್ರಯತ್ನಿಸಿದರೂ ಮಾಹಿತಿ ದೊರೆತಿಲ್ಲ. ಅವರ ಹುಡುಕಾಟ ಮುಂದುವರೆದಿದ್ದು, ವಿನಾಯಕ ಶೇಟ್ ಅವರ ಜೊತೆ ಮತ್ತೊಬ್ಬ ಅಪರಿಚಿತರನ್ನು ಆರೋಪಿಯನ್ನಾಗಿಸಿ ಸಿದ್ದಾಪುರ ಪೊಲೀಸ್ ಠಾಣೆಯ ಸಿಬ್ಬಂದಿ ಗೋಪಾಲ ಶಿವಮೂರ್ತೆಪ್ಪ ಕುರುಬರ ಅವರು ಕೇಸು ಮಾಡಿದ್ದಾರೆ.
- [ಅಂಕೋಲಾ | ಶಿಕ್ಷಕಿಗೆ ಗುದ್ದಿದ ಬೈಕು: ಗಾಯ!](https://mobiletime.in/2026/08/ankola-bike-hits-female-teacher-injured/): ಜೋರಾಗಿ ಬೈಕ್ ಓಡಿಸುವ ಶೆಟಗೇರಿಯ ವಿಘ್ನೇಶ ನಾಯಕ ಅವರು ತಮ್ಮ ಬೈಕನ್ನು ಪೂಜಗೇರಿಯ ಶಿಕ್ಷಕಿ ಶಿಲ್ಪಾ ಗಾಂವಕಾರ ಅವರಿಗೆ ಗುದ್ದಿದ್ದಾರೆ. ಗಂಭೀರ ಗಾಯಗೊಂಡ ಶಿಲ್ಪಾ ಗಾಂವಕಾರ್ ಅವರು ಸದ್ಯ ಮಂಗಳೂರು ಆಸ್ಪತ್ರೆ ಸೇರಿದ್ದಾರೆ. ಅಂಕೋಲಾದ ಶೆಟಗೇರಿಯಲ್ಲಿ ವಿಘ್ನೇಶ ಗಣಪತಿ ನಾಯಕ ಅವರು ವಾಸವಾಗಿದ್ದಾರೆ. ಪೂಜಗೇರಿಯಲ್ಲಿ ಶಿಲ್ಪಾ ವಿನಾಯಕ ಗಾಂವಕಾರ ಅವರು ವಾಸವಾಗಿದ್ದಾರೆ. ಶಿಲ್ಪಾ ಗಾಂವಕಾರ ಅವರು ಖಾಸಗಿ ಶಾಲೆಯೊಂದರ ಶಿಕ್ಷಕಿಯಾಗಿದ್ದಾರೆ. ಜುಲೈ 31ರ ಸಂಜೆ ವಿಘ್ನೇಶ ನಾಯಕ ಅವರು ಶಿಲ್ಪಾ ಗಾಂವಕಾರ ಅವರಿಗೆ ಬೈಕ್ ಗುದ್ದಿದ್ದಾರೆ. ಮಂಜಗುಣಿಯಿAದ ಅಂಕೋಲಾ ಕಡೆಗೆ ವೇಗವಾಗಿ ಹೊರಟಿದ್ದ ವಿಘ್ನೇಶ ನಾಯಕ ಅವರ ಬೈಕು ಪೂಜಗೇರಿ ಸೇತುವೆ ಬಳಿ ಶಿಲ್ಪಾ ಗಾಂವಕಾರ ಅವರಿಗೆ ಡಿಕ್ಕಿಯಾಗಿದೆ. ಈ ವೇಳೆ ಶಿಲ್ಪಾ ಗಾಂವಕಾರ ಅವರು ನಡೆದು ಹೋಗುತ್ತಿದ್ದು, ರಸ್ತೆ ಅಂಚಿನಲ್ಲಿದ್ದ ಅವರಿಗೆ ವಿಘ್ನೇಶ ನಾಯಕ ಅವರು ಡಿಕ್ಕಿ ಹೊಡೆದಿದ್ದಾರೆ. ಅಪಘಾತದ ಪರಿಣಾಂ ಶಿಲ್ಪಾ ಅವರ ತಲೆ, ಕೈ, ಕಾಲು ಸೇರಿ ದೇಹದ ವಿವಿಧ ಕಡೆ ಗಾಯಗಳಾಗಿವೆ. ಬೈಕಿನಲ್ಲಿದ್ದ ವಿಘ್ನೇಶ್ ಅವರಿಗೂ ಅಲ್ಲಲ್ಲಿ ಪೆಟ್ಟಾಗಿದೆ. ಶಿಲ್ಪಾ ಅವರನ್ನು ಅವರ ಅತ್ತೆ ಲಕ್ಷಿ ಕೋನು ಗಾಂವಕಾರ ಅವರು ಅಂಕೋಲಾ ತಾಲೂಕು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ನಂತರ ಕಾರವಾರ ಜಿಲ್ಲಾಸ್ಪತ್ರೆಗೆ ದಾಖಲಿಸಿ, ಅಲ್ಲಿಂದ ಮುಂದೆ ಮಂಗಳೂರಿನ ಎಜೆ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ.  
- [ಶಿರಸಿ | ಅಂಕಿ-ಸoಖ್ಯೆ ಮಾರಾಟಕ್ಕಿಳಿದ ಪಾನ್ ಅಂಗಡಿ ಮಾಲಕ!](https://mobiletime.in/2026/08/sirisi-paan-shop-owner-turns-to-selling-lottery-tickets/): ಹೆಗಡೆಕಟ್ಟಾದ ಪಾನ್ ಅಂಗಡಿ ಮಾಲಕ ವಿನಾಯಕ ನಾಯ್ಕ ಅವರು ಅಂಕಿ-ಸoಖ್ಯೆಗಳ ಮಾರಾಟ ಆಟಕ್ಕಿಳಿದಿದ್ದಾರೆ. ಪಾನ್ ಅಂಗಡಿಯ ವ್ಯಾಪಾರದಲ್ಲಿ ಒಳ್ಳೆಯ ಲಾಭವಿದ್ದರೂ ಹೆಚ್ಚಿನ ಹಣದಾಸೆಗೆ ಅವರು ಅಡ್ಡದಾರಿಹಿಡಿದಿದ್ದಾರೆ. ಶಿರಸಿ ಹೆಗಡೆಕಟ್ಟಾದಲ್ಲಿ ವಿನಾಯಕ ಈರಪ್ಪ ನಾಯ್ಕ ಅವರು ವಾಸವಾಗಿದ್ದಾರೆ. ಪಾನ್ ಶಾಫ್ ನಡೆಸುವ ಅವರಿಗೆ ಉತ್ತಮ ಆದಾಯವಿದ್ದರೂ ಅತಿ ಆಸೆಗೆ ಬಿದ್ದು ಅಕ್ರಮ ಚಟುವಟಿಕೆ ನಡೆಸಲು ಆಸಕ್ತರಾಗಿದ್ದಾರೆ. ಇದಕ್ಕಾಗಿ ಅವರು ಶಿರಸಿ-ಯಾಣ ರಸ್ತೆಯ ಮಕ್ಕಳತಾಯಿಮನೆಗೆ ಹೋಗುವ ರಸ್ತೆ ಬದಿ ನಿಂತು ಮಟ್ಕಾ ಆಟ ಶುರು ಮಾಡಿದ್ದಾರೆ. ಆ ಮಾರ್ಗವಾಗಿ ಸಂಚರಿಸುವ ಜನರನ್ನು ಮಾತನಾಡಿಸಿ ಅವರಿಗೆ ಆಮೀಷ ಒಡ್ಡಿ ಹಣ ಪಡೆಯುತ್ತಿದ್ದಾರೆ. ಅಗಸ್ಟ 4ರ ಸಂಜೆ 6.30ಕ್ಕೆ ಅವರು ಮಟ್ಕಾ ಸಂಖ್ಯೆಗಳ ಮಾರಾಟ ಮಾಡುವಾಗ ಪಿಸೈ ಅಶೋಕ ರಾಥೋಡ್ ಅವರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ವಿನಾಯಕ ನಾಯ್ಕ ಅವರು ಜನರಿಗೆ ಆಮೀಷ ಒಡ್ಡಿ ಸಂಗ್ರಹಿಸಿದ್ದ 650ರೂ ಹಣ, ಬಾಲ್ ಪೆನ್ ಜೊತೆ ಇನ್ನಿತರ ಪರಿಕ್ಕರಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ.  
- [ಕಾರವಾರ | 11 ದಿನ ಓಡಲ್ಲ ಈ ರೈಲು!](https://mobiletime.in/2026/08/karwar-this-train-will-not-run-for-11-days/): ಕಾರವಾರ – ಯಶವಂತಪುರ ನಡುವೆ ಸಂಚರಿಸುವ ಎಕ್ಸ್ಪ್ರೆಸ್ ರೈಲು 11 ದಿನಗಳ ಕಾಲ ಓಡಾಟ ನಿಲ್ಲಿಸಿದೆ. ದಕ್ಷಿಣ ಪಶ್ಚಿಮ ರೈಲ್ವೆಯ ಶ್ರಿವಾಗಿಲು ಹಾಗೂ ಯಡಕುಮಾರಿ ವಿಭಾಗಗಳ ನಡುವೆ ರೈಲ್ವೆ ಹಳಿಗಳ ಟ್ಯಾಂಪಿoಗ್ ಮತ್ತು ಮೆಟೀರಿಯಲ್ ಕಾಮಗಾರಿ ನಡೆಯುತ್ತಿರುವ ಹಿನ್ನಲೆ ರೈಲು ಸಂಚಾರವನ್ನು ರದ್ದುಗೊಳಿಸಲಾಗಿದೆ. ಈ ಕುರಿತು ಸಾರ್ವಜನಿಕ ಸಂಪರ್ಕ ಅಧಿಕಾರಿ ಸುಧಾ ಕೃಷ್ಣಮೂರ್ತಿ ಅವರು ಮಾಹಿತಿ ನೀಡಿದ್ದಾರೆ. `ಯಶವಂತಪುರದಿAದ ಕಾರವಾರಕ್ಕೆ ತೆರಳುವ (ರೈಲು ಸಂಖ್ಯೆ 16515) ಎಕ್ಸ್ಪ್ರೆಸ್ ರೈಲು ಅಕ್ಟೋಬರ್ 5, 7, 9, 12, 14, 21, 23, 26, 28, 30 ಹಾಗೂ ನವೆಂಬರ್ 2ರಂದು ಸಂಚರಿಸುವುದಿಲ್ಲ. ಹಾಗೆಯೇ, ಕಾರವಾರದಿಂದ ಯಶವಂತಪುರಕ್ಕೆ ಮರಳುವ (ರೈಲು ಸಂಖ್ಯೆ 16516) ಎಕ್ಸ್ಪ್ರೆಸ್ ರೈಲು ಅಕ್ಟೋಬರ್ 6, 8, 10, 13, 15, 22, 24, 27, 29, 31 ಮತ್ತು ನವೆಂಬರ್ 3ರಂದು ರದ್ದಾಗಲಿದೆ’ ಎಂದವರು ಹೇಳಿದ್ದಾರೆ. ಈ ಮಾರ್ಗದಲ್ಲಿ ಪ್ರಯಾಣಿಸಲು ಯೋಜಿಸಿರುವ ಪ್ರಯಾಣಿಕರು ಬದಲಿ ವ್ಯವಸ್ಥೆ ಕಲ್ಪಿಸಿಕೊಳ್ಳುವುದು ಉತ್ತಮ. ರೈಲು ರದ್ದತಿಯ ದಿನಾಂಕಗಳನ್ನು ಗಮನದಲ್ಲಿಟ್ಟುಕೊಂಡು ಟಿಕೆಟ್ ಕಾಯ್ದಿರಿಸಿಕೊಳ್ಳುವಂತೆ ರೈಲ್ವೆ ನಿಗಮ ಮನವಿ ಮಾಡಿದೆ.
- [ಶಕ್ತಿ ಯೋಜನೆ | ಪ್ರಯಾಣ ಉಚಿತ: ಶೌಚಾಲಯದಲ್ಲಿ ಸುಲಿಗೆ ಖಚಿತ!](https://mobiletime.in/2026/08/shakti-scheme-free-travel-extortion-in-the-restroom-guaranteed/): ರಾಜ್ಯ ಸರ್ಕಾರ ಶಕ್ತಿ ಯೋಜನೆ ಅಡಿ ಮಹಿಳೆಯರ ಉಚಿತ ಪ್ರಯಾಣಕ್ಕೆ ಅವಕಾಶ ನೀಡಿದೆ. ಆದರೆ, ಬಸ್ ನಿಲ್ದಾಣದ ಶೌಚಾಲಯಕ್ಕೆ ಬರುವವರನ್ನು ಅಲ್ಲಿರುವವರು ಬೆದರಿಸಿ ದುಪ್ಪಟ್ಟು ಹಣ ವಸೂಲಿ ಮಾಡುತ್ತಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಕಾರವಾರ, ಅಂಕೋಲಾ, ಶಿರಸಿ, ಕುಮಟಾ, ಯಲ್ಲಾಪುರ ಸೇರಿ ನಾನಾ ಭಾಗಗಳಿಂದ ಈ ದೂರು ಬಂದಿದೆ. ಮುಜುಗರಕ್ಕೆ ಒಳಗಾದ ಮಹಿಳೆಯರು ಕೇಳಿದಷ್ಟು ಹಣ ಕೊಟ್ಟು ಅಲ್ಲಿಂದ ಹೊರ ಬರುತ್ತಿದ್ದು, ಹಣ ಕೊಡದಿದ್ದರೆ ಅವರನ್ನು ನಿಂದಿಸುವ ಕೆಲಸವೂ ಜೋರಾಗಿ ನಡೆಯುತ್ತಿದೆ. ಸಾಕಷ್ಟು ಬಾರಿ ಈ ಬಗ್ಗೆ ವಿರೋಧವ್ಯಕ್ತವಾದರೂ ಸುಲಿಗೆಕೋರರು ಮಾತ್ರ ಸುಧಾರಿಸಿಲ್ಲ. ಶಿರಸಿ ನಗರದ ಕೇಂದ್ರೀಯ ಬಸ್ ನಿಲ್ದಾಣದಲ್ಲಿ ಹಣ ನೀಡಿ ಬಳಸುವ ಶೌಚಗೃಹದಲ್ಲಿ ಸಾರ್ವಜನಿಕರ ಸುಲಿಗೆ ಮುಂದುವರೆದಿದೆ. ಇಲ್ಲಿ ಮಹಿಳೆಯರ ಮತ್ತು ಪುರುಷರ ಶೌಚಗೃಹದ ಎದುರಿನಲ್ಲಿ ಅಳವಡಿಸಲಾಗಿರುವ ದರಪಟ್ಟಿಯಲ್ಲಿ ದರವನ್ನೇ ಅಳಿಸಿಹಾಕಲಾಗಿದೆ. ಗ್ಯಾರಂಟಿ ಪ್ರಾಧಿಕಾರದ ಪ್ರತಿ ತಿಂಗಳ ಸಭೆಯಲ್ಲಿಯೂ ಈ ವಿಷಯ ಚರ್ಚೆಗೆ ಬರುತ್ತಿದೆ. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಿಲ್ಲ. ಜಿಲ್ಲೆಯ ಎಲ್ಲಾ ಬಸ್ ನಿಲ್ದಾಣಗಳಲ್ಲಿ ಶೌಚಗೃಹ ನಿರ್ವಹಣೆ ಹಾಗೂ ಶುಲ್ಕ ಸಂಗ್ರಹವನ್ನು ಟೆಂಡರ್ ನೀಡಲಾಗಿದೆ. ಬಹುತೇಕ ಕಡೆ ಉತ್ತರ ಭಾರತದವರು ಇದನ್ನು ನಡೆಸುತ್ತಿದ್ದಾರೆ. ಶೌಚಗೃಹ ಬಳಸಿದವರಿಂದ 2 ರೂ. ಶುಲ್ಕ ಸಂಗ್ರಹಿಸಿಕೊಳ್ಳಬೇಕು. ಮೂತ್ರ ವಿಸರ್ಜನೆಗೆ ಆಗಮಿಸಿದವರಿಂದ ಯಾವುದೇ ಶುಲ್ಕ ಪಡೆಯುವಂತಿಲ್ಲ ಎಂಬ ನಿಯಮಗಳಿವೆ. ಆದರೆ, ಎಲ್ಲಾ ಕಡೆಯೂ 10ರಿಂದ 15ರೂ ವಸೂಲಿ ಮಾಡಲಾಗುತ್ತಿದೆ. ದುಡ್ಡಿಲ್ಲದೇ ಬರುವ ಮಹಿಳೆಯರನ್ನು ಕೆಟ್ಟದಾಗಿ ನಿಂದಿಸಿ ಅವಮಾನ ಮಾಡಲಾಗುತ್ತಿದೆ. ಬೇರೆ ಬೇರೆ ಊರುಗಳಿಂದ ಬರುವ ಪ್ರಯಾಣಿಕರು ಈ ಬಗ್ಗೆ ದೂರಿದ್ದಾರೆ. ದೂರದ ಊರುಗಳಿಗೆ ಸಂಚರಿಸುವ ಮಹಿಳಾ ಪ್ರಯಾಣಿಕರಿಗೆ ಬಸ್ ನಿಲ್ದಾಣದ ಶೌಚಾಲಯ ಅನಿವಾರ್ಯವಾಗಿದೆ. ಆ ಪರಿಸ್ಥಿತಿ ದುರುಪಯೋಗಪಡಿಸಿಕೊಳ್ಳುವ ದಾಂಡೀಗರು ದುಪ್ಪಟ್ಟು ಹಣ ವಸೂಲಿ ಮಾಡುತ್ತಿದ್ದಾರೆ. ಕಡಿಮೆ ಹಣ ನೀಡುವ ಪ್ರಯಾಣಿಕರನ್ನು ಹಿಂಬಾಲಿಸಿ ಬಂದು ಹಣಪಡೆದ ನಿದರ್ಶನಗಳಿವೆ. ಈ ವಿಷಯ ಗಮನಕ್ಕೆ ಬಂದ ನಂತರ ಶಿರಸಿಯ ಕೆಎಸ್‌ಆರ್‌ಟಿಸಿ ಅಧಿಕಾರಿಗಳು ಟೆಂಡರ್‌ದಾರರಿಗೆ 500ರೂ ದಂಡ ವಿಧಿಸಿದ್ದಾರೆ. ಆದರೆ, ಆ ದಂಡದ ಮೊತ್ತ ಸರಿದೂಗಿಸಿಕೊಳ್ಳಲು ಅಲ್ಲಿ ಮತ್ತೆ ದುಪ್ಪಟ್ಟು ಹಣ ವಸೂಲಿ ನಡೆದಿದೆ.  
- [ಅಂಕೋಲೆಗೆ ಬಂದ ನಾಗರಹೊಳೆಯ ಹುಲಿ!](https://mobiletime.in/2026/08/two-tigers-have-made-their-home-in-ankola-uttara-kannada-district-tiger-activity-has-intensified-in-the-forests-of-this-region-over-the-past-few-days/): ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾದಲ್ಲಿ ಎರಡು ಹುಲಿ ನೆಲೆ ಕಂಡುಕೊoಡಿದೆ. ಕಳೆದ ಕೆಲ ದಿನಗಳಿಂದ ಈ ಭಾಗದ ಕಾಡುಗಳಲ್ಲಿ ಹುಲಿ ಸಂಚಾರ ಜೋರಾಗಿದೆ. ರಾಷ್ಟ್ರೀಯ ಪ್ರಾಣಿಯಾದ ಹುಲಿಗಳ ಸಂಖ್ಯೆ ಹೆಚ್ಚಿಸಲು ದೇಶಾದ್ಯಂತ ವಿಶೇಷ ಸಂರಕ್ಷಣಾ ಕಾರ್ಯಕ್ರಮಗಳು ನಡೆಯುತ್ತಿದೆ. ಅದರ ನಡುವೆಯೇ ಅಂಕೋಲಾ ವಲಯ ಅರಣ್ಯ ವ್ಯಾಪ್ತಿಯಲ್ಲಿ ಎರಡು ಹುಲಿಗಳು ನೆಲೆಸಿರುವುದು ಗೊತ್ತಾಗಿದೆ. ಕೆನರಾ ವೃತ್ತದ ಕಾರವಾರ ಅರಣ್ಯ ವಿಭಾಗದಲ್ಲಿ 2026ನೇ ಸಾಲಿನಲ್ಲಿ ನಡೆದ ಹುಲಿ ಗಣತಿಯ ವೇಳೆ ಅಂಕೋಲಾ ಉಪವಿಭಾಗದ ಗುಳೆ, ಕೋಟೆಬಾವಿ ಹಾಗೂ ಮಲ್ಲಾಣಿ ಅರಣ್ಯ ಪ್ರದೇಶಗಳಲ್ಲಿ ಎರಡು ಹುಲಿಗಳಿರುವುದು ಗೊತ್ತಾಗಿದೆ. ಕಾರವಾರ ಅರಣ್ಯ ವಿಭಾಗವು ಒಟ್ಟು 1,18,561.352 ಹೆಕ್ಟೇರ್ ಅರಣ್ಯ ಪ್ರದೇಶವನ್ನು ಹೊಂದಿದ್ದು, ನಿತ್ಯ ಹರಿದ್ವರ್ಣ ಕಾಡುಗಳಿಂದ ಹಿಡಿದು ಕುರುಚಲು ಅರಣ್ಯಗಳವರೆಗೆ ವೈವಿಧ್ಯಮಯ ಪರಿಸರವನ್ನು ಒಳಗೊಂಡಿದೆ. ಇದರಲ್ಲಿ ಅಂಕೋಲಾ ವಲಯವು 24,768.411 ಹೆಕ್ಟೇರ್ ಅರಣ್ಯ ಪ್ರದೇಶ ಹಾಗೂ ಏಳು ಉಪವಲಯಗಳನ್ನು ಹೊಂದಿದೆ. ಕಳೆದ ಮೇ ತಿಂಗಳಲ್ಲಿ ನಡೆದ ಹುಲಿ ಗಣತಿಗಾಗಿ ಅಳವಡಿಸಿದ್ದ ಕ್ಯಾಮೆರಾದಲ್ಲಿ ಎರಡು ಹುಲಿಗಳು ಪ್ರತ್ಯೇಕವಾಗಿ ಸೆರೆ ಸಿಕ್ಕಿವೆ. ಈ ಮಾಹಿತಿಯನ್ನು ಟೈಗರ್ ಸೆಲ್, ಬೆಂಗಳೂರು ಹಾಗೂ ಡಬ್ಲ್ಯುಆರ್‌ಟಿಸಿ, ದಾಂಡೇಲಿ ತಜ್ಞರು ಪರಿಶೀಲಿಸಿ ದೃಢಪಡಿಸಿದ್ದಾರೆ. ಮಧ್ಯವಯಸ್ಸಿನ ಗಂಡು ಹುಲಿ ನಾಗರಹೊಳೆ ಅರಣ್ಯ ಪ್ರದೇಶದಿಂದ ಸುಮಾರು 360 ಕಿಲೋಮೀಟರ್ ದೂರ ಕ್ರಮಿಸಿ ಅಂಕೋಲಾ ಅರಣ್ಯಕ್ಕೆ ವಲಸೆ ಬಂದಿದೆ. ಮತ್ತೊಂದು ಹೆಣ್ಣು ಹುಲಿ ಪಕ್ಕದ ಕಾಳಿ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶದಿಂದ ಬಂದಿರುವುದನ್ನು ಖಚಿತವಾಗಿದೆ. ಅಂಕೋಲಾ ಅರಣ್ಯ ಪ್ರದೇಶದಲ್ಲಿ ಚಿರತೆ, ಕಾಡುಕೋಣ, ಕಡವೆ, ಮುಳ್ಳುಹಂದಿ, ಕಾಡುಕುರಿ ಸೇರಿದಂತೆ ಅನೇಕ ವನ್ಯಜೀವಿಗಳು ವಾಸಿಸುತ್ತಿದ್ದು, ಸಮೃದ್ಧ ಆಹಾರ ಸರಪಳಿ ಹುಲಿಗಳ ನೆಲೆಸುವಿಕೆಗೆ ಪೂರಕವಾಗಿದೆ.  
- [ಯಲ್ಲಾಪುರ | ಧಾರಾಕಾರ ಮಳೆಗೆ ಮನೆ ಕುಸಿತ!](https://mobiletime.in/2026/08/rain-continues-in-uttara-kannada-district-a-house-has-collapsed-in-yellapur-due-to-the-rainfall-a-wall-of-the-house-has-given-way-and-water-is-seeping-inside/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಮುಂದುವರೆದಿದ್ದು, ಯಲ್ಲಾಪುರದಲ್ಲಿ ಸುರಿದ ಮಳೆಗೆ ಮನೆಯೊಂದು ಕುಸಿತವಾಗಿದೆ. ಮನೆಯ ಗೋಡೆಯೂ ಮುರಿದಿದ್ದು, ಒಳಗೆ ನೀರು ನುಗ್ಗುತ್ತಿದೆ. ಯಲ್ಲಾಪುರದ ಮಂಚಿಕೇರಿ ಬಳಿ ಈ ಅವಘಡ ನಡೆದಿದೆ. ಇಲ್ಲಿನ ಆಲಿಸ್ ಜುಜೆ ಲೂಪಿಸ್ ಅವರ ಮನೆ ಮುರಿದು ಬಿದ್ದಿದೆ. ಅನಾಧಿ ಕಾಲದ ಈ ಮನೆಯಲ್ಲಿ ಆಲಿಸ್ ಲೂಪಿಸ್ ಅವರು ಪತ್ನಿ ಪಿಲೋಮಿನಾ ಲೂಪಿಸ್ ಅವರ ಜೊತೆ ವಾಸವಾಗಿದ್ದರು. ಬುಧವಾರ ಬೆಳಗ್ಗೆ 7.30ಕ್ಕೆ ಅವರು ಅಡುಗೆ ಮಾಡುತ್ತಿದ್ದು, ನೀರು ತರುವುದಕ್ಕಾಗಿ ಹೊರಗೆ ಹೋಗಿದ್ದರು. ಅದೇ ವೇಳೆ ಮನೆ ಮುರಿದಿದ್ದು, ಎರಡು ನಿಮಿಷದ ಅಂತರದಲ್ಲಿ ಆಲಿಸ್ ಲೂಪಿಸ್ ಅವರು ಜೀವ ಉಳಿಸಿಕೊಂಡಿದ್ದಾರೆ. ಮನೆಯ ಗೋಡೆಯ ಜೊತೆ ಛಾವಣಿಯೂ ನೆಲಸಮವಾಗಿದೆ. ಹಂಚುಗಳೆಲ್ಲವೂ ಮನೆ ಒಳಗೆ ಬಿದ್ದು, ಇಡೀ ಮನೆಯೊಳಗೆ ನೀರು ನುಗ್ಗುತ್ತಿದೆ. ಇದರಿಂದ ಕುಟುಂಬದವರು ಆತಂಕಕ್ಕೆ ಒಳಗಾಗಿದ್ದಾರೆ. ಮನೆ ಮುರಿದ ವಿಷಯ ಕೇಳಿ ಅಧಿಕಾರಿಗಳು ಅಲ್ಲಿಗೆ ದೌಡಾಯಿಸಿದ್ದಾರೆ. ಕಂದಾಯ ಇಲಾಖೆಯ ರವಿ ರಾಯನಗೌಡರ್, ರೇಣುಕಾ ಕುಸುಗಲ್ ಅವರು ಅಲ್ಲಿನ ಶೋಚನೀಯ ಪರಿಸ್ಥಿತಿ ಬಗ್ಗೆ ಮೇಲಧಿಕಾರಿಗಳಿಗೆ ವರದಿ ಒಪ್ಪಿಸಿದ್ದಾರೆ. ಕಂಪ್ಲಿ ಗ್ರಾಮ ಪಂಚಾಯತ ಅಭಿವೃದ್ಧಿ ಅಧಿಕಾರಿ ರವಿ ಪಟಗಾರ ಹಾಗೂ ಸಿಬ್ಬಂದಿ ಭಾಸ್ಕರ ನಾಯ್ಕ ಅವರು ಭೇಟಿ ನೀಡಿದ್ದಾರೆ. ಭೂ ನ್ಯಾಯ ಮಂಡಳಿ ಸದಸ್ಯ ವಿಕಾಸ ನಾಯ್ಕ ಅವರು ಸಂತ್ರಸ್ತರಿಗೆ ಸಮಾಧಾನ ಹೇಳಿದ್ದಾರೆ.
- [ಅಸಮಧಾನ ಶಮನಕ್ಕೆ ಸಚಿವರ ಆಗಮನ!](https://mobiletime.in/2026/08/ministers-arrive-to-quell-discontent/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಐವರು ಕಾಂಗ್ರೆಸ್ ಬೆಂಬಲಿತ ಶಾಸಕರಿದ್ದರೂ ಕಾಂಗ್ರೆಸ್ ಮಾತ್ರ ಇಲ್ಲಿನ ಒಬ್ಬರಿಗೂ ಸಚಿವ ಸ್ಥಾನ ನೀಡಿಲ್ಲ. ಸಚಿವ ಸ್ಥಾನ ಸಿಗದ ಶಾಸಕರು ಅಸಮಧಾನಕ್ಕೆ ಒಳಗಾಗಿದ್ದು, ಅವರನ್ನು ಸಮಾಧಾನ ಮಾಡುವುದಕ್ಕಾಗಿ ಸಚಿವ ಲಕ್ಷ್ಮಣ ಸವದಿ ಅವರೇ ಉತ್ತರ ಕನ್ನಡ ಜಿಲ್ಲೆಗೆ ಬರುತ್ತಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿ ಜವಾಬ್ದಾರಿವಹಿಸಿಕೊಂಡಿರುವ ಸಚಿವ ಲಕ್ಷ್ಮಣ ಸವದಿ ಅವರು ಇಲ್ಲಿನ ಎಲ್ಲಾ ಶಾಸಕರ ಸಭೆ ನಡೆಸಲು ನಿರ್ಧರಿಸಿದ್ದಾರೆ. ಅದಕ್ಕಾಗಿ ಅವರು ಎರಡು ದಿನಗಳ ಕಾಲ ಉತ್ತರ ಕನ್ನಡ ಪ್ರವಾಸಕ್ಕೆ ನಿರ್ಣಯಿಸಿದ್ದಾರೆ. ರಾಜ್ಯ ಸಂಪುಟ ದರ್ಜೆ ಸಚಿವರಾಗಿ ಲಕ್ಷ್ಮಣ ಸವದಿ ಅವರು ಅಧಿಕಾರ ಸ್ವೀಕರಿಸಿದ್ದು, ಅದರ ಬೆನ್ನಲ್ಲೆ ಅಗಸ್ಟ 6 ಹಾಗೂ 7ರಂದು ಉತ್ತರ ಕನ್ನಡ ಜಿಲ್ಲೆಗೆ ಬರುವ ಮನಸ್ಸು ಮಾಡಿದ್ದಾರೆ. ಸಚಿವರ ಆಪ್ತಸಹಾಯಕರ ಪ್ರಕಟಣೆ ಹಾಗೂ ಮಾಹಿತಿ ಪ್ರಕಾರ ಲಕ್ಷ್ಮಣ ಸವದಿ ಅವರು ಎಲ್ಲಾ ವಿಧಾನಸಭಾ ಕ್ಷೇತ್ರಗಳಿಗೂ ಸಂಚರಿಸಿ ಅಲ್ಲಿ ಅವರು ಅತಿವೃಷ್ಟಿ ಹಾಗೂ ಅನಾವೃಷ್ಟಿಯ ಅಧ್ಯಯನ ನಡೆಸಲಿದ್ದಾರೆ. ಆದರೆ, ವಾಸ್ತವವಾಗಿ ಅವರು ಮುನಿಸಿಕೊಂಡಿರುವ ಶಾಸಕರನ್ನು ವಿಶ್ವಾಸಕ್ಕೆಪಡೆಯುವುದಕ್ಕಾಗಿ ಈ ಪ್ರವಾಸ ಆಯೋಜಿಸಿದ್ದಾರೆ. ಅಧಿಕಾರಿಗಳ ಜೊತೆಗೆ ಸಭೆ ಮಾಡುವ ಮುನ್ನವೇ ವಿವಿಧ ಶಾಸಕರ ಜೊತೆ ಸಮಾಲೋಚನೆ ನಡೆಸಿ, ಅವರೊಳಗಿನ ಅಸಮಧಾನವನ್ನ ಶಮನ ಮಾಡುವ ಪ್ರಯತ್ನಕ್ಕೆ ಮುಂದಾಗಿದ್ದಾರೆ. ಸಚಿವ ಲಕ್ಷö್ಮಣ ಸವದಿ ಅತಿವೃಷ್ಟಿ ಮತ್ತು ಅನಾವೃಷ್ಟಿಯಿಂದ ಹಾನಿಗೀಡಾದ ಪ್ರದೇಶಗಳನ್ನು ಖುದ್ದಾಗಿ ವೀಕ್ಷಿಸಲಿದ್ದಾರೆ ಎಂದು ಅವರ ಆಪ್ತ ಕಾರ್ಯದರ್ಶಿ ಮಾಹಿತಿ ನೀಡಿದ್ದಾರೆ. ಅದರ ಪ್ರಕಾರ ಅಗಸ್ಟ 6ರಂದು ಸಚಿವರು ಕಾರವಾರ, ಅಂಕೋಲಾ ಮತ್ತು ಹೊನ್ನಾವರ ಪ್ರವಾಸ ಮಾಡಲಿದ್ದಾರೆ. ವಿಮಾನದ ಮೂಲಕ ಗೋವಾಗೆ ಬರಲಿರುವ ಸಚಿವರು ಆ ದಿನ ಬೆಳಿಗ್ಗೆ 9.30ಕ್ಕೆ ಗೋವಾದಿಂದ ರಸ್ತೆ ಮೂಲಕ ನಿರ್ಗಮಿಸಿ ಕಾರವಾರ ತಲುಪಲಿದ್ದಾರೆ. ಬೆಳಿಗ್ಗೆ 10.30ಕ್ಕೆ ಕಾರವಾರದ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಕಚೇರಿಗೆ ಭೇಟಿ ನೀಡಲಿದ್ದಾರೆ. 11ಕ್ಕೆ ಕಾರವಾರದ ಲೋಕೋಪಯೋಗಿ ಪರೀಕ್ಷಣಾ ಮಂದಿರದಲ್ಲಿ ಶಾಸಕರು ಮತ್ತು ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಲಿದ್ದಾರೆ. ಮಧ್ಯಾಹ್ನ 12ಗಂಟೆಗೆ ಜಿಲ್ಲಾಧಿಕಾರಿಗಳ ಸಭಾಂಗಣದಲ್ಲಿ ಶಾಸಕರು ಮತ್ತು ಅಧಿಕಾರಿಗಳೊಂದಿಗೆ ಸಭೆ ನಡೆಸಲಿದ್ದಾರೆ. ಮಧ್ಯಾಹ್ನ 3ಕ್ಕೆ ಅಂಕೋಲಾ ತಾಲೂಕಿನ ಆಯ್ದ ಪ್ರದೇಶಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಲಿದ್ದಾರೆ. ಸಂಜೆ 5.00ಕ್ಕೆ ಹೊನ್ನಾವರಕ್ಕೆ ಆಗಮಿಸಿ, ಕುಮಟಾ, ಹೊನ್ನಾವರ ಮತ್ತು ಭಟ್ಕಳ ತಾಲೂಕುಗಳ ಶಾಸಕರು ಹಾಗೂ ಅಧಿಕಾರಿಗಳೊಂದಿಗೆ ಹೊನ್ನಾವರದ ಲೋಕೋಪಯೋಗಿ ಪರೀಕ್ಷಣಾ ಮಂದಿರದಲ್ಲಿ ಸಭೆ ನಡೆಸಲಿದ್ದಾರೆ. ಜೊತೆಗೆ ಆಯ್ದ ಪ್ರದೇಶಗಳ ವೀಕ್ಷಣೆ ಮಾಡಲಿದ್ದಾರೆ. ಅದೇ ದಿನ ರಾತ್ರಿ 8.30ಕ್ಕೆ ಶಿರಸಿಗೆ ಆಗಮಿಸಿ ಅಲ್ಲಿನ ಲೋಕೋಪಯೋಗಿ ಪರೀಕ್ಷಣಾ ಮಂದಿರದಲ್ಲಿ ವಾಸ್ತವ್ಯ ಹೂಡಲಿದ್ದಾರೆ. ಅಗಸ್ಟ್ 7:ರಂದು ಶಿರಸಿ, ಮುಂಡಗೋಡ ಹಾಗೂ ಹಳಿಯಾಳ ಭಾಗದ ಪ್ರವಾಸ ಮಾಡಲು ನಿರ್ಧರಿಸಿದ್ದಾರೆ. ಬೆಳಿಗ್ಗೆ 9.30ಕ್ಕೆ ಶಿರಸಿಯ ಶ್ರೀ ಮಾರಿಕಾಂಬಾ ದೇವಸ್ಥಾನಕ್ಕೆ ಭೇಟಿ ನೀಡಿ ದರ್ಶನ ಪಡೆಯಲಿದ್ದಾರೆ. ಅದಾದ ನಂತರ ಬೆಳಿಗ್ಗೆ 10ಕ್ಕೆ ಶಿರಸಿ ಜಿಲ್ಲಾ ಕಾಂಗ್ರೆಸ್ ಕಚೇರಿಗೆ ಭೇಟಿ ನೀಡಲಿದ್ದಾರೆ. 10.30ಕ್ಕೆ ಶಿರಸಿ ತಹಶೀಲ್ದಾರ್ ಕಚೇರಿ ಸಭಾಂಗಣದಲ್ಲಿ ಶಿರಸಿ ಹಾಗೂ ಸಿದ್ದಾಪುರ ತಾಲೂಕಿನ ಅಧಿಕಾರಿಗಳು ಹಾಗೂ ಶಾಸಕರೊಂದಿಗೆ ಸಭೆ ನಡೆಸಲಿದ್ದಾರೆ. ಬೆಳಿಗ್ಗೆ 11.30ಕ್ಕೆ ಶಿರಸಿ ತಾಲೂಕಿನ ಆಯ್ದ ಹಾನಿಗೊಳಗಾದ ಪ್ರದೇಶಗಳಿಗೆ ಭೇಟಿ ನೀಡಲಿದ್ದಾರೆ. ಮಧ್ಯಾಹ್ನ 1ಗಂಟೆಗೆ ಶಿರಸಿ ತಾಲೂಕಿನ ಬನವಾಸಿ ಭಾಗದ ಆಯ್ದ ಹಾನಿಗೊಳಗಾದ ಪ್ರದೇಶಗಳಿಗೆ ಭೇಟಿ ನೀಡಲಿದ್ದಾರೆ. ಮಧ್ಯಾಹ್ನ 3ಕ್ಕೆ ಮುಂಡಗೋಡದ ಲೋಕೋಪಯೋಗಿ ಪರೀಕ್ಷಣಾ ಮಂದಿರದಲ್ಲಿ ಯಲ್ಲಾಪುರ ಮತ್ತು ಮುಂಡಗೋಡ ತಾಲೂಕಿನ ಅಧಿಕಾರಿಗಳು ಹಾಗೂ ಶಾಸಕರೊಂದಿಗೆ ಸಭೆ ಮತ್ತು ವೀಕ್ಷಣೆ ನಡೆಸಲಿದ್ದಾರೆ. ಸಂಜೆ 4.30ಕ್ಕೆ ಹಳಿಯಾಳದ ಪುರಭವನ ಸಭಾಂಗಣದಲ್ಲಿ ಹಳಿಯಾಳ, ದಾಂಡೇಲಿ ಹಾಗೂ ಜೋಯಿಡಾ ತಾಲೂಕುಗಳ ಶಾಸಕರು ಹಾಗೂ ಅಧಿಕಾರಿಗಳೊಂದಿಗೆ ಸಭೆ ಮತ್ತು ಆಯ್ದ ಪ್ರದೇಶಗಳ ವೀಕ್ಷಣೆ ಕಾರ್ಯಕ್ರಮ ನಡೆಯಲಿದೆ. ಸಂಜೆ 6.00ಕ್ಕೆ ಹಳಿಯಾಳದಿಂದ ರಸ್ತೆ ಮೂಲಕ ಧಾರವಾಡ ಮಾರ್ಗವಾಗಿ ಪ್ರಯಾಣ ಬೆಳೆಸಿ, ರಾತ್ರಿ 7.30ಕ್ಕೆ ಬೆಳಗಾವಿ ತಲುಪಿ ಅಲ್ಲಿ ವಾಸ್ತವ್ಯ ಹೂಡಲಿದ್ದಾರೆ.  
- [ಕಾರವಾರ | ಉದ್ಯೋಗ ಅವಕಾಶ: 10 ಸಾವಿರ ರೂ ಸಂಬಳ!](https://mobiletime.in/2026/08/karwar-job-opportunity-10000-salary/): ಕಾರವಾರದ ಶಿರವಾಡದಲ್ಲಿರುವ ಕರ್ನಾಟಕ ಪಬ್ಲಿಕ್ ಸ್ಕೂಲ್’ನಲ್ಲಿ ಎರಡು ಹುದ್ದೆ ಖಾಲಿ ಇದೆ. ಆ ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಹರಿಂದ ಅರ್ಜಿ ಆಹ್ವಾನಿಸಲಾಗಿದೆ. ಶಿರವಾಡದ ಕರ್ನಾಟಕ ಪಬ್ಲಿಕ್ ಸ್ಕೂಲ್’ನಲ್ಲಿ ಸಮಗ್ರ ಶಿಕ್ಷಣ ಕರ್ನಾಟಕ ಯೋಜನೆ ಜಾರಿಯಲ್ಲಿದೆ. ಅಲ್ಲಿ ಸದ್ಯ ದತ್ತಾಂಶ ನಿರ್ವಹಣೆ ಸಹಾಯಕ ಹಾಗೂ ಭದ್ರತಾ ಸಿಬ್ಬಂದಿ ಹುದ್ದೆಗಳಿಗೆ ಯೋಗ್ಯರ ಹುಡುಕಾಟ ನಡೆದಿದೆ. ಇದಕ್ಕಾಗಿ ಶಾಲಾ ಮುಖ್ಯಸ್ಥರು ಅರ್ಜಿ ಕರೆದಿದ್ದಾರೆ. ದತ್ತಾಂಶ ನಿರ್ವಹಣೆ ಸಹಾಯಕ ಹುದ್ದೆಗೆ ಯಾವುದೇ ಪದವಿ ಕಡ್ಡಾಯ. ಜೊತೆಗೆ ಕಂಪ್ಯೂಟರ್ ಕೋರ್ಸ್ ಸರ್ಟಿಫಿಕೇಟ್ ಹೊಂದಿರಬೇಕು ಎಂಬ ನಿಯಮವಿದೆ. ಭದ್ರತಾ ಸಿಬ್ಬಂದಿ ಹುದ್ದೆಗೆ ಎಸ್ ಎಸ್ ಎಲ್ ಸಿ ಉತ್ತೀರ್ಣರಾಗಿದ್ದರೆ ಸಾಕು. ಈ ಹುದ್ದೆಗಳಿಗೆ ಸಮಾನ ವೇತನ ನೀಡಲಾಗುತ್ತದೆ. ಸದ್ಯ ತಿಂಗಳಿಗೆ 10 ಸಾವಿರ ಗೌರವಧನ ನಿಗದಿಪಡಿಸಲಾಗಿದೆ. ಅರ್ಜಿಯನ್ನು ಸರ್ಕಾರಿ ಪದವಿ ಪೂರ್ವ ಕಾಲೇಜು ಶಿರವಾಡ, ಕಾರವಾರ ಎಂಬ ವಿಳಾಸಕ್ಕೆ ಸಲ್ಲಿಸಬೇಕು. ಹೆಚ್ಚಿನ ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: 9449574131 ಹಾಗೂ 9448797066
- [ಮುಂಡಗೋಡ | ರೈತರ ಭೂಮಿಗೆ ಸರ್ಕಾರಿ ಹೆಸರು!](https://mobiletime.in/2026/08/mundgod-government-name-on-farmers-land/): ಬಾಚಣಕಿ ಭಾಗದ 24 ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.  ಬಾಚಣಕಿ ಅಣೆಕಟ್ಟಿನ ಉಪಕಾಲುವೆ ಬಳಿಯ ರೈತರ ಜಮೀನು ಪಹಣಿಯಲ್ಲಿ ಸದ್ಯ ಸರ್ಕಾರಿ ಹೆಸರು ಕಾಣುತ್ತಿದೆ. ಹೀಗಾಗಿ ಅಲ್ಲಿನವರು ಭೂಮಿ ಕಳೆದುಕೊಳ್ಳುವ ಆತಂಕದಲ್ಲಿದ್ದಾರೆ. `ಯಾವುದೇ ನೋಟಿಸ್ ನೀಡದೇ ನಮ್ಮ ಜಮೀನು ದಾಖಲೆಯಲ್ಲಿ ಸಣ್ಣ ನೀರಾವರಿ ಇಲಾಖೆ ಹೆಸರು ನಮೂದಿಸಲಾಗಿದೆ. ಆ ಮೂಲಕ ಅಧಿಕಾರಿಗಳು ಅಧಿಕಾರ ದುರುಪಯೋಗ ಮಾಡಿದ್ದಾರೆ’ ಎಂದು ದಲಿತ ಸಂಘರ್ಷ ಸಮಿತಿ ಜಿಲ್ಲಾಧ್ಯಕ್ಷ ಬಸವರಾಜ ಸಂಗಮೇಶ್ವರ್ ಅವರು ಆರೋಪಿಸಿದ್ದಾರೆ. `ರೈತರಲ್ಲಿ ಭಯ ಹುಟ್ಟಿಸಿರುವ ಮುಂಡಗೋಡ ತಹಶೀಲ್ದಾರ್ ಹಾಗೂ ಸಣ್ಣ ನೀರಾವರಿ ಇಲಾಖೆಯ ಸಹಾಯಕ ಕಾರ್ಯಪಾಲಕ ಅಭಿಯಂತರರ ವಿರುದ್ಧ ಶಿಸ್ತು ಕ್ರಮ ತೆಗೆದುಕೊಳ್ಳಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಸುಮಾರು 70 ವರ್ಷಗಳಿಂದ ಬಾಚಣಕಿ ಅಣೆಕಟ್ಟಿನ ನೀರಿನಿಂದ ಇಂದೂರು, ಕೂಸುರು ಸೇರಿದಂತೆ ವಿವಿಧ ಗ್ರಾಮಗಳ 2000 ಎಕರೆ ಪ್ರದೇಶದಲ್ಲಿ 500ಕ್ಕೂ ಹೆಚ್ಚು ರೈತರು ಕೃಷಿ ಮಾಡುತ್ತಿದ್ದಾರೆ. ರೈತರಿಗೆ ಯಾವುದೇ ಪರಿಹಾರ ನೀಡದೆ ಈಗ ಜಮೀನು ತೆರವುಗೊಳಿಸಲು ಮುಂದಾಗಿರುವುದು ಖಂಡನೀಯ’ ಎಂದವರು ಹೇಳಿದ್ದಾರೆ. `ಕಳೆದ ಮೂರು ದಿನಗಳಲ್ಲಿ 20ರಿಂದ 25 ರೈತರ ಪಹಣಿಯಲ್ಲಿ 2ರಿಂದ 10 ಗುಂಟೆಯವರೆಗೆ ಜಮೀನಿನ ವಿಸ್ತೀರ್ಣ ಕಡಿಮೆ ಮಾಡಿ ಇಲಾಖೆಯ ಹೆಸರನ್ನು ದಾಖಲಿಸಲಾಗಿದೆ’ ಎಂದವರು ಮಾಹಿತಿ ನೀಡಿದ್ದಾರೆ. `500 ಎಕರೆ ವ್ಯಾಪ್ತಿಯಲ್ಲಿ ಕೇವಲ ಮೂವರು ರೈತರಿಗೆ ಮಾತ್ರ ನೋಟಿಸ್ ನೀಡಲಾಗಿದ್ದು, ಮೃತಪಟ್ಟ ರೈತನ ಹೆಸರಿಗೂ ನೋಟಿಸ್ ಜಾರಿಯಾಗಿದೆ’ ಎಂದು ರೈತ ಮಂಜುನಾಥ ನಡಿಗೇರಿ ಅವರು ದೂರಿದರು. `ತೆರವುಗೊಳಿಸಲು ಉದ್ದೇಶಿಸಿರುವ ಜಾಗದಲ್ಲಿ ಅಡಿಕೆ, ಬಾಳೆ ತೋಟಗಳ ಜೊತೆಗೆ ಮನೆ, ಶಾಲೆ ಸೇರಿದಂತೆ ಹಲವು ಕಟ್ಟಡಗಳಿವೆ. ಈ ಹಿಂದೆ ಭೂಸ್ವಾಧೀನ ನಡೆದಿದ್ದರೆ ದಾಖಲೆಗಳನ್ನು ಬಹಿರಂಗಪಡಿಸಬೇಕು. ಇಲ್ಲವಾದರೆ ಪ್ರಸ್ತುತ ಮಾರುಕಟ್ಟೆ ದರದಲ್ಲಿ ಸೂಕ್ತ ಪರಿಹಾರ ನೀಡಬೇಕು. ಇಲ್ಲದಿದ್ದರೆ 2,000ಕ್ಕೂ ಹೆಚ್ಚು ರೈತರೊಂದಿಗೆ ಉಗ್ರ ಹೋರಾಟ ನಡೆಸುವೆ’ ಎಂದು ಎಚ್ಚರಿಸಿದರು. ರೈತ ಮುಖಂಡರಾದ ಸಿಕಂದರ ಬಂಕಾಪೂರ, ಅಶೋಕ ಸೂರಣ್ಣನವರ, ಪರಮೇಶ್ವರ ಸುಣಗಾರ, ಅಬ್ದುಲ್ ರೆಹಮಸಾಬ್ ಬಂಕಾಪೂರ, ಹನ್ಮಂತ ಕಣಕಣ್ಣನವರ ಇದ್ದರು.  
- [ಅಂಕೋಲಾ | ಕಪೌಂಡ್ ಹಾರಿದ ಸಾಹಸಿ ಸ್ತ್ರೀ: ಅಣ್ಣನ ಮನೆಯಲ್ಲಿ ಪ್ಯೂಜ್ ಕದ್ದ ಇಂಜಿನಿಯರ್!](https://mobiletime.in/2026/08/ankola-adventure-woman-who-jumped-kapound-engineer-who-stole-a-peuge-from-his-brothers-house/): ವoದಿಗೆಯ ದಾಕ್ಷಾಯಣಿ ನಾಯ್ಕ ಅವರು ಪಕ್ಕದ ಮನೆಯ ಕರೆಂಟ್ ಪ್ಯೂಜ್ ಕದ್ದಿದ್ದಾರೆ. ರಾತ್ರಿಯಿಡೀ ಕತ್ತಲು ಅನುಭವಿಸಿದ ಹರೀಶ ನಾಯ್ಕ ಅವರು ತಂಗಿ ದಾಕ್ಷಾಯಣಿ ನಾಯ್ಕ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ. ಅಂಕೋಲಾದ ವಂದಿಗೆಯ ಸರ್ಕಿಟ್ ಹೌಸ್ ರಸ್ತೆ ಬಳಿ ಸರ್ಕಾರಿ ಶಾಲೆಯಿದೆ. ಅದರ ಎದುರಿನ `ಕಮಲಾ ಶ್ರೀನಿವಾಸ’ ನಿವಾಸದಲ್ಲಿ ಹರೀಶ ಶ್ರೀನಿವಾಸ ನಾಯ್ಕ ಅವರು ವಾಸವಾಗಿದ್ದಾರೆ. ಹರೀಶ ನಾಯ್ಕ ಅವರು ಇಂಜಿನಿಯರ್ ಆಗಿದ್ದು, ಅವರ ಸಹೋದರಿ ದಾಕ್ಷಾಯಣಿ ಬೊಮ್ಮಯ್ಯ ನಾಯ್ಕ ಅವರು ಸಹ ಇಂಜಿನಿಯರ್ ಆಗಿದ್ದಾರೆ. ಈ ಅಣ್ಣ-ತಂಗಿ ನಡುವೆ ಆಸ್ತಿ ಜಗಳ ನಡೆಯುತ್ತಿದ್ದು, ಕೊನೆಯ ತಂಗಿ ತೃಪ್ತಿ ನಾಯ್ಕ ಅವರು ಆಸ್ತಿಗಾಗಿ ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದಾರೆ. ಅಗಸ್ಟ 3ರಂದು ಹರೀಶ ನಾಯ್ಕ ಅವರು ಮನೆಯಲ್ಲಿರಲಿಲ್ಲ. ಅಣ್ಣ ಮನೆಯಲ್ಲಿಲ್ಲದಿರುವುದನ್ನು ನೋಡಿದ ದಾಕ್ಷಾಯಣಿ ನಾಯ್ಕ ಅವರು ಆ ಮನೆಯ ಕಪೌಂಡ್ ಹಾರಿದ್ದಾರೆ. ಮನೆ ಸುತ್ತ ಏನೂ ಸಿಗದೇ ಇದ್ದಾಗ ಅಲ್ಲಿದ್ದ ವಿದ್ಯುತ್ ಬೋರ್ಡ ಕಡೆ ಹೋಗಿದ್ದಾರೆ. ಅದರ ಪ್ಯೂಜ್ ಕದ್ದು ಪರಾರಿಯಾಗಿದ್ದಾರೆ. ಆ ಮೂಲಕ ಅಣ್ಣನ ಮನೆ ಕತ್ತಲಿನಲ್ಲಿರುವುದನ್ನು ಕಂಡು ದಾಕ್ಷಾಯಣಿ ನಾಯ್ಕ ಅವರು ಮಾನಸಿಕ ಖುಷಿ ಅನುಭವಿಸಿದ್ದಾರೆ. ನ್ಯಾಯಾಲಯದಲ್ಲಿ ಕೇಸು ವಿಚಾರಣೆಯಲ್ಲಿರುವಾಗ ಕಪೌಂಡ್ ಹಾರಿ ಮನೆಗೆ ಬಂದ ತಂಗಿ ವಿರುದ್ಧ ಹರೀಶ ನಾಯ್ಕ ಅವರು ಕಿಡಿಕಾರಿದ್ದಾರೆ. ತಂಗಿಗೆ ಶಿಕ್ಷೆ ಕೊಡಿಸಬೇಕು ಎಂಬ ನಿಟ್ಟಿನಲ್ಲಿ ಅವರು ಕೇಸು ಹಾಕಿದ್ದಾರೆ.
- [ಬನವಾಸಿ | ಬೈಕಿನ ಬ್ಯಾಗಿನಲ್ಲಿತ್ತು 3 ಲಕ್ಷ ರೂ: ಸ್ವೀಟ್ ಖರೀದಿಗೆ ಹೋದವನಿಗೆ ಕಹಿ ಅನುಭವ!](https://mobiletime.in/2026/08/banavasi-%e2%82%b93-lakh-in-bike-bag-a-bitter-experience-for-a-man-who-went-to-buy-sweets/): ಸ್ವೀಟ್ ಖರೀದಿಗಾಗಿ ಎಲ್ ಎಲ್ ಐಯಂಗಾರ್ ಬೇಕರಿಗೆ ಹೋಗಿದ್ದ ಹಬೀಬ್ ಸಾಬ್ ಅವರು 3 ಲಕ್ಷ ರೂ ಹಣ ಕಳೆದುಕೊಂಡಿದ್ದಾರೆ. ಅವರ ಬೈಕಿನಲ್ಲಿದ್ದ 3 ಲಕ್ಷ ರೂ ಹಣವನ್ನು ಕಳ್ಳರು ಅಪಹರಿಸಿದ್ದಾರೆ! ಶಿರಸಿ ಬನವಾಸಿಯ ಅಂಡಗಿಯಲ್ಲಿ ಹಬೀಬ್ ರೆಹಮಾನ್ ಗಫೂರ ಸಾಬ್ ಅವರು ವಾಸವಾಗಿದ್ದಾರೆ. ಅಗಸ್ಟ 3ರಂದು ಅವರು ಕೆನರಾ ಬ್ಯಾಂಕ್ ಶಾಖೆಗೆ ಹೋಗಿದ್ದಾರೆ. ತಮ್ಮ ಖಾತೆಯಲ್ಲಿದ್ದ 3 ಲಕ್ಷ ರೂ ಹಣವನ್ನು ಹಿಂಪಡೆದಿದ್ದಾರೆ. ಅದಾದ ನಂತರ ಆ ಹಣವನ್ನು ಪ್ಲಾಸ್ಟಿಕ್ ಕವರಿನಲ್ಲಿ ಹಾಕಿ, ಬೈಕಿನಲ್ಲಿದ್ದ ಕೈ ಚೀಲಕ್ಕೆ ಹಾಕಿದ್ದಾರೆ. ಪಾಸ್‌ಬುಕ್ ಹಾಗೂ ಚೆಕ್‌ಬುಕ್’ನ್ನು ಸಹ ಅವರು ಅದೇ ಕೈ ಚೀಲದಲ್ಲಿರಿಸಿ ಮನೆ ಕಡೆ ಹೊರಟಿದ್ದಾರೆ. ದಾಸನಕೊಪ್ಪ ಕ್ರಾಸಿನ ಬಳಿ ಹೋದಾಗ ಅವರಿಗೆ ಮನೆಗೆ `ಸ್ವೀಟ್ ತೆಗೆದುಕೊಂಡು ಹೋಗೋಣ’ ಎನಿಸಿದೆ. ಅದಕ್ಕಾಗಿ ಮತ್ತೆ ಬೈಕ್ ತಿರುಗಿಸಿದ ಅವರು ಪೇಟೆ ಕಡೆ ಹೊರಟಿದ್ದಾರೆ. ಕದಂಬ ಸರ್ಕಲ್ ಬಳಿಯಿರುವ ಎಲ್ ಎಲ್ ಐಯಂಗಾರ್ ಬೇಕರಿ ಮುಂದೆ ಬೈಕ್ ನಿಲ್ಲಿಸಿದ್ದಾರೆ. ಬೇಕರಿಗೆ ಹೋಗಿ ಮರಳುವಷ್ಟರಲ್ಲಿ ಅವರ ಬೈಕಿನ ಹುಕ್ಕಿಗೆ ಸಿಕ್ಕಿಸಿಕೊಂಡಿದ್ದ ಕೈ ಚೀಲ ಕಾಣೆಯಾಗಿದೆ. ಅದರೊಳಗಿದ್ದ ಚೆಕ್, ಪಾಸ್ ಬುಕ್ ಜೊತೆ 3 ಲಕ್ಷ ರೂ ಹಣವೂ ಕಳ್ಳರ ಪಾಲಾಗಿದೆ. ಬ್ಯಾಂಕಿಗೆ ಹೋಗಿದ್ದ ಹಬೀಬ್ ಸಾಬ್ ಅವರು ಸ್ವೀಟ್-ಬ್ರೆಡ್ ಹಿಡಿದು ಮನೆಗೆ ಹೋಗಿದ್ದಾರೆ.  
- [ದೆಹಲಿಯಲ್ಲಿ ಅಪ್ಪೆಮಿಡಿ ಗುಣಗಾನ: ಕೇಂದ್ರ ಸಚಿವರಿಗೆ ಸಂಸದರಿoದ ಸಮಾಧಾನ!](https://mobiletime.in/2026/08/appemidi-praised-in-delhi-mp-delights-union-minister/): ಉತ್ತರ ಕನ್ನಡ ಜಿಲ್ಲೆಯ ವಿಶೇಷ ಅಪ್ಪೆಮಿಡಿಯ ಬಗ್ಗೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ದೆಹಲಿಯಲ್ಲಿ ಮಾತನಾಡಿದ್ದಾರೆ. ಅಪ್ಪೆಮಿಡಿಯ ಸ್ವಾದ, ಋಚಿ ಹಾಗೂ ಅದರಿಂದ ಸಿದ್ಧಪಡಿಸುವ ಆಹಾರದ ಬಗ್ಗೆ ಕಾಗೇರಿ ಅವರು ಗುಣಗಾನ ಮಾಡಿದ್ದಾರೆ. ಅಪ್ಪೆಮಿಡಿಯ ಕಥೆ ಕೇಳಿದ ಕೇಂದ್ರ ಸಚಿವ ಪಿಯೂಷ್ ಗೋಯಲ್ ಅವರ ಬಾಯಲ್ಲಿ ನೀರು ಬಂದಿದ್ದು, ಅಪ್ಪೆಮಿಡಿ ಉಪ್ಪಿನಕಾಯಿ ತಂದುಕೊಡುವುದಾಗಿ ಹೇಳಿ ಸಚಿವರನ್ನು ಅವರು ಸಮಾಧಾನ ಮಾಡಿದ್ದಾರೆ! `ಈ ಎಲ್ಲದರ ಜೊತೆ ಮಲೆನಾಡು ಹಾಗೂ ಕರಾವಳಿ ಭಾಗದ ಹೆಮ್ಮೆಯ ಅಪ್ಪೆಮಿಡಿ ಮಾವಿನ ತಳಿಗೆ ಭಾರತೀಯ ಸಾಂಬಾರು ಮಂಡಳಿ (ಸ್ಪೈಸಸ್ ಬೋರ್ಡ್ ಆಫ್ ಇಂಡಿಯಾ) ಮಾನ್ಯತೆ ನೀಡಬೇಕು’ ಎಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಒತ್ತಾಯಿಸಿದ್ದಾರೆ. ದೆಹಲಿಯಲ್ಲಿ ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ಅವರನ್ನು ಭೇಟಿ ಮಾಡಿ ಮನವಿ ಸಲ್ಲಿಸಿದ ಅವರು ಅಘನಾಶಿನಿ ಕಣಿವೆಯ ಅಪ್ಪೆಮಿಡಿ ಕುರಿತು ಅಧ್ಯಯನ ನಡೆಸಿರುವ ವೃಕ್ಷಲಕ್ಷ ಆಂದೋಲನ ಪ್ರತಿಯನ್ನು ನೀಡಿದ್ದಾರೆ. ಅನಂತ ಹೆಗಡೆ ಆಶೀಸರ, ಬಾಲಚಂದ್ರ ಸಾಯಿಮನೆ ಹಾಗೂ ಸ್ಪೈಸಸ್ ಬೋರ್ಡ್ ಸದಸ್ಯ ಪ್ರಸನ್ನ ಕೆರೆಕೈ ಅವರು ಸಲ್ಲಿಸಿದ ಮನವಿ ಪತ್ರವನ್ನು ಸಚಿವರಿಗೆ ಹಸ್ತಾಂತರ ಮಾಡಿದ್ದಾರೆ. `ಅಪ್ಪೆಮಿಡಿಗೆ ಸ್ಪೈಸಸ್ ಬೋರ್ಡ್ ಮಾನ್ಯತೆ ದೊರೆತರೆ ಮಲೆನಾಡಿನ ಬೆಳೆಗಾರರಿಗೆ ಉತ್ತಮ ಮಾರುಕಟ್ಟೆ, ಬೆಂಬಲ ಬೆಲೆ ಹಾಗೂ ಹೊಸ ವ್ಯಾಪಾರ ಅವಕಾಶಗಳು ಲಭ್ಯವಾಗಲಿವೆ. ಅಲ್ಲದೆ, ಅಪ್ಪೆಮಿಡಿ ಉಪ್ಪಿನಕಾಯಿಗೆ ವಿದೇಶಿ ಮಾರುಕಟ್ಟೆ ವಿಸ್ತರಿಸಲು ಮತ್ತು ಭೌಗೋಳಿಕ ಸೂಚಕ (ಜಿಐ) ಮಾನ್ಯತೆ ಪಡೆಯಲು ಸಹಕಾರಿಯಾಗಲಿದೆ’ ಎಂದು ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದ್ದಾರೆ. `ಮಲೆನಾಡಿನ ಈ ವಿಶಿಷ್ಟ ಉತ್ಪನ್ನಕ್ಕೆ ರಾಷ್ಟ್ರೀಯ ಹಾಗೂ ಜಾಗತಿಕ ಮಟ್ಟದಲ್ಲಿ ಹೆಚ್ಚಿನ ಮಾನ್ಯತೆ ದೊರಕುವ ನಿಟ್ಟಿನಲ್ಲಿ ಅಗತ್ಯ ಕ್ರಮ ಕೈಗೊಳ್ಳುವಂತೆ ಕೇಂದ್ರ ಸಚಿವರಿಗೆ ಮನವಿ ಸಲ್ಲಿಸಲಾಗಿದೆ’ ಎಂದವರು ಮಾಹಿತಿ ನೀಡಿದ್ದಾರೆ.  
- [ಅಂಚೆ ಇಲಾಖೆಯಲ್ಲಿ ಉದ್ಯೋಗವಕಾಶ: ಈ ಕೆಲಸ ಮಹಿಳೆಯರಿಗೆ ಮಾತ್ರ!](https://mobiletime.in/2026/08/job-opportunity-in-the-postal-department-this-job-is-exclusively-for-women/): ಮನೆ ಮನೆಗೂ ಅಂಚೆ ಸೇವೆ ತಲುಪಿಸುವ ಉದ್ದೇಶಕ್ಕಾಗಿ ಅಂಚೆ ಇಲಾಖೆಯೂ `ಪೋಸ್ಟಲ್ ಸಖಿ’ ಎಂಬ ಹುದ್ದೆ ಸೃಷ್ಠಿಸಿದೆ. ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಪಾಸಾದ ಮಹಿಳಾ ಅಭ್ಯರ್ಥಿಗಳಿಗೆ ಮಾತ್ರ ಈ ಹುದ್ದೆ ಸಿಗಲಿದೆ. ಕರ್ನಾಟಕ ರಾಜ್ಯ ಗ್ರಾಮೀಣ ಜೀವನೋಪಾಯ ಅಭಿಯಾನ ಮತ್ತು ಭಾರತೀಯ ಅಂಚೆ ಇಲಾಖೆ ಸಹಯೋಗದಲ್ಲಿ ಗ್ರಾಮೀಣ ಮಹಿಳೆಯರ ಆರ್ಥಿಕ ಸ್ವಾವಲಂಬನೆಗಾಗಿ `ಪೋಸ್ಟಲ್ ಸಖಿ’ ಹುದ್ದೆಗೆ ಅರ್ಜಿ ಆಹ್ವಾನಿಸಲಾಗಿದೆ. ಕಾರವಾರ ಅಂಚೆ ವಿಭಾಗದ ಅಂಚೆ ಅಧೀಕ್ಷಕರ ಕಚೇರಿಯಿಂದ ಈ ಹುದ್ದೆ ಕರೆಯಲಾಗಿದೆ. ಅರ್ಜಿ ಸಲ್ಲಿಸುವವರು ಸ್ವಸಹಾಯ ಸಂಘದ ಸಕ್ರಿಯ ಸದಸ್ಯೆಯಾಗಿರಬೇಕು. ಕನಿಷ್ಟ 10ನೇ ತರಗತಿ ಉತ್ತೀರ್ಣರಾಗಿರಬೇಕು. 18 ರಿಂದ 50 ವರ್ಷದೊಳಗಿರಬೇಕು. ಸ್ಮಾರ್ಟ್ ಫೋನ್ ಬಳಸುವ ಜ್ಞಾನ ಮತ್ತು ಸ್ಥಳೀಯ ಭಾಷಾ ಜ್ಞಾನ ಗೊತ್ತಿರಬೇಕು ಎಂಬ ನಿಯಮಗಳಿವೆ. ಅಂಚೆ ಇಲಾಖೆಯ ಪೋಸ್ಟಲ್ ಲೈಫ್ ಇನ್ಶೂರೆನ್ಸ್, ಗ್ರಾಮೀಣ ಅಂಚೆ ಜೀವವಿಮೆ, ಸೇರಿದಂತೆ ವಿವಿಧ ಅಂಚೆ ಸೇವೆಗಳನ್ನು ನಿಮ್ಮ ಗ್ರಾಮದ ಮನೆ-ಮನೆಗೆ ತಲುಪಿಸಿ ಆರ್ಥಿಕವಾಗಿ ಬೆಳೆಯುವ ಅವಕಾಶವನ್ನು ಈ ಹುದ್ದೆ ಮಾಡಿಕೊಡುತ್ತದೆ. ಅರ್ಹತೆಹೊಂದಿದ ಆಸಕ್ತರು ಪೋಟೋ, ಆಧಾರ್ ಕಾರ್ಡ್ ನಕಲು ಪ್ರತಿ, ಅಂಚೆ ಕಚೇರಿಯ ಉಳಿತಾಯ ಖಾತೆ ಪಾಸ್ ಪುಸ್ತಕದ ಪ್ರತಿ, ಎಸ್‌ಎಸ್‌ಎಲ್‌ಸಿ ಅಂಕಪಟ್ಟಿ ನಕಲು ಪ್ರತಿ, ಸ್ವಸಹಾಯ ಸಂಘದ ಗುರುತಿನ ಚೀಟಿ ಜೊತೆ ಸಂದರ್ಶನಕ್ಕೆ ಹಾಜರಾಗಬೇಕಿದೆ. ಅಗಸ್ಟ 13ರಂದು ಬೆಳಗ್ಗೆ 11ಗಂಟೆಗೆ ಕಾರವಾರ ಅಂಚೆ ಅಧೀಕ್ಷಕರ ಕಚೇರಿಯಲ್ಲಿ ಮೌಖಿಕ ಸಂದರ್ಶನ ನಡೆಯಲಿದೆ. ಹೆಚ್ಚಿನ ಮಾಹಿತಿಗೆ ಅಂಚೆ ಜೀವ ವಿಮಾ ಅಭಿವೃದ್ಧಿ ಅಧಿಕಾರಿಗೆ ಫೋನ್ ಮಾಡಿ: 7204533702  
- [ಮುಂಡಗೋಡು | ನಾವು ಮನೆಗ್ ಹೋಗೋದಿಲ್ಲ!](https://mobiletime.in/2026/08/mundgod-we-are-not-going-home/): ಮುಂಡಗೋಡಿನಲ್ಲಿ ಈಚೆಗೆ ಮನೆ ಬಿಟ್ಟು ಹೋಗುವವರ ಸಂಖ್ಯೆ ಹೆಚ್ಚಾಗಿದೆ. ಬೇರೆ ಬೇರೆ ಅವಧಿಯಲ್ಲಿ ಮನೆ ಬಿಟ್ಟು ಹೋಗಿ, ಈವರೆಗೂ ಮರಳದವರಿಗಾಗಿ ಪೊಲೀಸರು ಶೋಧ ಶುರು ಮಾಡಿದ್ದಾರೆ. ಮುಂಡಗೋಡ ತಾಲೂಕಿನ ಪಾಳಾ ಗ್ರಾಮದ ನಿವಾಸಿ ಸಂತೋಷ್ ಶೇಕಪ್ಪ ಮಲ್ಲೂರ (36) ಅವರು 2024ರ ಸೆಪ್ಟೆಂಬರ್ 10ರಂದು ಕಾಣೆಯಾಗಿದ್ದಾರೆ. ಆ ದಿನ ಸಂಜೆ ಬೆಂಗಳೂರಿಗೆ ಕೂಲಿ ಕೆಲಸಕ್ಕೆ ತೆರಳುವುದಾಗಿ ಮನೆಯಲ್ಲಿ ತಿಳಿಸಿ ಹೊರಟಿದ್ದ ಅವರು ನಂತರ ಯಾರ ಕಣ್ಣಿಗೂ ಬಿದ್ದಿಲ್ಲ. ಗೋಧಿ ಮೈಬಣ್ಣ, ದುಂಡನೆಯ ಮುಖ, 5.5 ಅಡಿ ಎತ್ತರ ಹಾಗೂ ಸದೃಢ ಮೈಕಟ್ಟು ಹೊಂದಿರುವ ಸಂತೋಷ್ ಅವರು ಮನೆಯಿಂದ ಹೊರಡುವಾಗ ನೀಲಿ ಬಣ್ಣದ ಜೀನ್ಸ್ ಪ್ಯಾಂಟ್ ಮತ್ತು ಚಾಕೊಲೇಟ್ ಬಣ್ಣದ ಟೀಶರ್ಟ್ ಧರಿಸಿದ್ದರು. ಅವರು ಕನ್ನಡ, ಹಿಂದಿ ಹಾಗೂ ತೆಲುಗು ಭಾಷೆಗಳನ್ನು ಮಾತನಾಡುತ್ತಾರೆ. ಮುಂಡಗೋಡಿನ ನಂದೀಶ್ವರನಗರದಲ್ಲಿ ವಾಸವಾಗಿದ್ದ ಆದಿತಿ ಆನಂದ ಬಸ್ತವಾಡ (29) ಎಂಬಾತರು ದಿಢೀರ್ ಆಗಿ ಕಾಣೆಯಾಗಿದ್ದಾರೆ. 2025ರ ಮಾರ್ಚ್ 7ರಂದು ಅವರು ಕಣ್ಮರೆಯಾಗಿದ್ದಾರೆ. ಅಂದು ಬೆಳಿಗ್ಗೆ 10ರಿಂದ ಸಂಜೆ 4 ಗಂಟೆಯ ನಡುವೆ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಯಾರಿಗೂ ತಿಳಿಸದೆ ಅವರು ಹೊರಟು ಹೋಗಿದ್ದಾರೆ. 5.4 ಅಡಿ ಎತ್ತರ, ಗೋಧಿ ಮೈಬಣ್ಣ ಹಾಗೂ ಉದ್ದನೆಯ ಮುಖ ಹೊಂದಿರುವ ಅವರು ಮನೆಯಿಂದ ಹೊರಗೆ ಹೋಗುವಾಗ ಕಪ್ಪು-ಬಿಳಿ ಮಿಶ್ರಿತ ಟೀಶರ್ಟ್ ಮತ್ತು ನೈಟ್ ಪ್ಯಾಂಟ್ ಧರಿಸಿದ್ದರು. ಅವರು ಕನ್ನಡ ಮತ್ತು ಹಿಂದಿ ಭಾಷೆ ಬಲ್ಲವರಾಗಿದ್ದಾರೆ. ಮೂಲತ ಬೆಳಗಾವಿ ಜಿಲ್ಲೆಯವರಾಗಿದ್ದಾರೆ. ಹಿರೇಹಳ್ಳಿ ಗ್ರಾಮದ ನಿವಾಸಿ ಆಂಜನೇಯ ಜಟ್ಟಿಂಗಪ್ಪ ಕೃಷ್ಣಾಜಿಯವರ (45) ಅವರು 2025ರ ಜೂನ್ 19ರಂದು ಮಧ್ಯಾಹ್ನ 3 ಗಂಟೆಯಿAದ ಕಾಣಿಸುತ್ತಿಲ್ಲ. ಅಲ್ಲಿಯವರೆಗೆ ಮನೆಯಲ್ಲಿಯೇ ಇದ್ದ ಅವರು ಯಾರಿಗೂ ಹೇಳದೆ ಹೊರಟು ಹೋಗಿದ್ದು, ಇದುವರೆಗೂ ಮನೆಗೆ ಮರಳಿ ಬಂದಿಲ್ಲ. ಗೋಧಿ ಮೈಬಣ್ಣ, ಉದ್ದನೆಯ ಮುಖ ಹಾಗೂ 5.4 ಅಡಿ ಎತ್ತರವಿರುವ ಅವರು ಕಣ್ಮರೆಯಾದ ಸಮಯದಲ್ಲಿ ಗುಲಾಬಿ ಬಣ್ಣದ ಶರ್ಟ್ ಹಾಗೂ ಚೆಕ್ಸ್ ಲುಂಗಿ ಧರಿಸಿದ್ದರು. ಅವರು ಕನ್ನಡ ಭಾಷೆ ಮಾತನಾಡುತ್ತಾರೆ. 2026ರ ಏಪ್ರಿಲ್ 24ರಂದು ಗಣೇಶಪುರ ಗ್ರಾಮದ ತಮ್ಮ ತಮ್ಮನ ಮನೆಗೆ ಬಂದಿದ್ದ ಮಂಜುನಾಥ್ ಫಕೀರಪ್ಪ ಭೋವಿವಡ್ಡರ (35) ಅವರು ಸಹ ಕಾಣೆಯಾಗಿದ್ದಾರೆ. ಆ ದಿನ ಬೆಳಗ್ಗೆ 11 ಗಂಟೆಯ ಸುಮಾರಿಗೆ ಹೊರಗಡೆ ಹೋಗಿ ಬರುವುದಾಗಿ ಹೇಳಿ ಹೋದವರು ಮತ್ತೆ ಮರಳಿ ಬಂದಿಲ್ಲ. ಗೋಧಿ ಮೈಬಣ್ಣ, ದುಂಡನೆಯ ಮುಖ, 5.6 ಅಡಿ ಎತ್ತರ ಹೊಂದಿರುವ ಅವರು ಬಿಳಿ ಶರ್ಟ್ ಮತ್ತು ಕಪ್ಪು ಪ್ಯಾಂಟ್ ಧರಿಸಿದ್ದರು. ಅವರು ಕನ್ನಡ, ತೆಲುಗು ಹಾಗೂ ಹಿಂದಿ ಭಾಷೆಗಳನ್ನು ಮಾತನಾಡುತ್ತಾರೆ. ಈ ಎಲ್ಲರ ಬಗ್ಗೆ ಪೊಲೀಸರು ಶೋಧ ನಡೆಸಿದ್ದು, ಅವರ ಬಗ್ಗೆ ಮಾಹಿತಿ ಇದ್ದರೆ ಇಲ್ಲಿ ಫೋನ್ ಮಾಡಿ: ಕಾರವಾರ ಕಂಟ್ರೋಲ್ ರೂಂ 08382-226550, ಮುಂಡಗೋಡ ಪೊಲೀಸ್ ಠಾಣೆ: 08301-222211, ಮುಂಡಗೋಡ ಪಿ.ಎಸ್.ಐ.: 9480805275 ಅಥವಾ ಮುಂಡಗೋಡ ಪಿ.ಐ: 9480805258
- [ಮಿಸ್ಟೆಕ್ ಆಗಿ ಮಿನಿಸ್ಟರ್ ಆಗಿದ್ದ ಮಂಕಾಳು ವೈದ್ಯ: ಬಿಜೆಪಿಗರ ಆಕ್ರೋಶ!](https://mobiletime.in/2026/08/mankalu-vaidya-became-a-minister-by-mistake-bjp-members-outraged/): ಡಿ ಕೆ ಶಿವಕುಮಾರ ಅವರ ಸಚಿವ ಸಂಪುಟದಲ್ಲಿ ಮಂಕಾಳು ವೈದ್ಯ ಅವರಿಗೆ ಸಚಿವರಾಗುವ ಅವಕಾಶ ಕೊನೆಘಳಿಗೆಯಲ್ಲಿ ಕೈ ತಪ್ಪಿದೆ. ಈ ವಿಷಯವಾಗಿ ಅನೇಕ ಕಾಂಗ್ರೆಸ್ಸಿಗರೇ ಮೌನವಾಗಿದ್ದಾರೆ. ಆದರೆ, ಮಂಕಾಳು ವೈದ್ಯರಿಗೆ ಆದ ಅನ್ಯಾಯವನ್ನು ಬಿಜೆಪಿಗರು ಖಂಡಿಸಿದ್ದಾರೆ. ಈ ಹಿಂದೆ ಮಂಕಾಳು ವೈದ್ಯರ ವಿರುದ್ಧ ವಾಗ್ದಾಳಿ ಮಾಡಿದ್ದ ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಮಂಕಾಳು ವೈದ್ಯ ಅವರ ಬಗ್ಗೆ ಅನುಕಂಪದ ಮಾತನಾಡಿದ್ದಾರೆ. `ಅವರಿಗೆ ಹಾಗಾಗಬಾರದಿತ್ತು’ ಎಂಬ ನಿಟ್ಟಿನಲ್ಲಿ ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ನೇತೃತ್ವದ ರಾಜ್ಯ ಸಚಿವ ಸಂಪುಟ ವಿಸ್ತರಣೆಯಲ್ಲಿ ಉತ್ತರ ಕನ್ನಡ ಜಿಲ್ಲೆಗೆ ಯಾವುದೇ ಸಚಿವ ಸ್ಥಾನ ನೀಡದಿರುವ ಮೂಲಕ ರಾಜ್ಯ ಕಾಂಗ್ರೆಸ್ ಸರ್ಕಾರ ಜಿಲ್ಲೆಯ ಜನರಿಗೆ ಅವಮಾನ ಮಾಡಿದೆ’ ಎಂದು ಅವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಜಿಲ್ಲೆಯ ಜನರ ಸ್ವಾಭಿಮಾನಕ್ಕೆ ಧಕ್ಕೆಯಾಗಿದ್ದು, ಜಿಲ್ಲೆಯ ಜನ ಇದನ್ನು ಯಾವಾಗಲೂ ಕ್ಷಮಿಸುವುದಿಲ್ಲ. `ಸಚಿವ ಸಂಪುಟದ ಮೊದಲ ಪಟ್ಟಿಯಲ್ಲಿ ಮಂಕಾಳು ವೈದ್ಯರಿಗೆ ಸಚಿವ ಸ್ಥಾನ ಎಂದು ಅಧಿಕೃತವಾಗಿ ಪ್ರಕಟಿಸಿ, ಕೊನೆಯ ಕ್ಷಣದಲ್ಲಿ ಸಚಿವ ಸ್ಥಾನದಿಂದ ವಂಚಿಸಿರುವುದು ದೊಡ್ಡ ಅವಮಾನ’ ಎಂದವರು ಹೇಳಿದ್ದಾರೆ. `ಕಾಂಗ್ರೆಸ್ ಪಕ್ಷ ಹಿಂದುಳಿದ ವರ್ಗದವರ ವಿರೋಧಿಯಾಗಿದೆ’ ಎಂದು ಸಹ ಅನಂತಮೂರ್ತಿ ಹೆಗಡೆ ಅವರು ಕಿಡಿಕಾರಿದ್ದಾರೆ. `ಮೊದಲ ಪಟ್ಟಿಯಲ್ಲಿ ಸಚಿವ ಸ್ಥಾನಕ್ಕೆ ಮಂಕಾಳು ವೈದ್ಯರ ಹೆಸರನ್ನು ಅಧಿಕೃತವಾಗಿ ಪ್ರಕಟಿಸಲಾಗಿತ್ತು. ಬಳಿಕ ಎಸ್ ಎಸ್ ಮಲ್ಲಿಕಾರ್ಜುನ್ ಎಂದು ಬರೆಯಲಾಯಿತು. ಪ್ರಶ್ನಿಸಿದಾಗ ಮಂಕಾಳು ವೈದ್ಯ ಅವರ ಹೆಸರು ಪ್ರಿಂಟಿAಗ್ ಮಿಸ್ಟೆಕಿನಿಂದ ಪ್ರಕಟವಾಗಿದೆ ಎಂದು ಕಾಂಗ್ರೆಸ್ ಹೈಕಮಾಂಡ್ ಹೇಳಿರುವುದು ಹಾಸ್ಯಾಸ್ಪದ’ ಎಂದು ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಕಲಬುರಗಿ ಜಿಲ್ಲೆಗೆ ಮೂರು ಸಚಿವ ಸ್ಥಾನಗಳನ್ನು ನೀಡಿರುವ ಕಾಂಗ್ರೆಸ್ ಸರ್ಕಾರ ಭೌಗೋಳಿಕವಾಗಿ ಗೋವಾಗಿಂತ ದೊಡ್ಡದಾಗಿರುವ ಉತ್ತರ ಕನ್ನಡ ಜಿಲ್ಲೆಗೆ ಒಂದೇ ಒಂದು ಸಚಿವ ಸ್ಥಾನವನ್ನೂ ನೀಡಿಲ್ಲ. ಇದರ ಮೂಲಕ ಜಿಲ್ಲೆಗೆ ಹಾಗೂ ಹಿಂದುಳಿದ ವರ್ಗದವರಿಗೆ ತೀವ್ರ ಅನ್ಯಾಯ ಮಾಡಲಾಗಿದೆ’ ಎಂದು ದೂರಿದ್ದಾರೆ. `ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ನೀಡಿದ ಗ್ಯಾರಂಟಿಗಳ ಆಮಿಷದಿಂದ ಜಿಲ್ಲೆಯ ನಾಲ್ವರು ಕಾಂಗ್ರೆಸ್ ಶಾಸಕರು ಆಯ್ಕೆಯಾಗಿದ್ದಾರೆ. ಆದರೂ ಜಿಲ್ಲೆಗೆ ಸಚಿವ ಸ್ಥಾನ ನೀಡದೆ ಸಣ್ಣ ಸಮುದಾಯ ಹಾಗೂ ಹಿಂದುಳಿದ ವರ್ಗಕ್ಕೆ ಅನ್ಯಾಯ ಮಾಡಲಾಗಿದೆ’ ಎಂದವರು ಹೇಳಿದ್ದಾರೆ.
- [ಶಿರಸಿ | ಕಾಡು ಕಡಿದ ಕಳ್ಳ.. ಸಿಕ್ಕಿ ಬಿದ್ದವ ಮಳ್ಳ!](https://mobiletime.in/2026/08/sirsi-a-thief-who-cut-down-forest-trees-and-a-fool-who-got-caught/): ಕಾನಗೋಡಿನ ದಯಾನಂದ ನಾಯ್ಕ ಹಾಗೂ ಮಶಿಗದ್ದೆಯ ಮಂಜುನಾಥ ದೇವಾಡಿಗ ಸೇರಿ ಕಳ್ಳ ನಾಟಾ ಸಾಗಾಟಕ್ಕೆ ಮುಂದಾಗಿದ್ದು, ಅರಣ್ಯಾಧಿಕಾರಿಗಳು ಅವರಿಬ್ಬರ ಅಕ್ರಮ ಚಟುವಟಿಕೆಗೆ ತಡೆವೊಡ್ಡಿದ್ದಾರೆ. ಅವರು ಕಡಿದಿದ್ದ ಶ್ರೀಗಂಧದ ಮರದ ತುಂಡುಗಳನ್ನು ವಶಕ್ಕೆಪಡೆದಿದ್ದಾರೆ. ಕಾನಗೋಡ ಜನತಾ ಕಾಲೋನಿಯ ದಯಾನಂದ ನಾರಾಯಣ ನಾಯ್ಕ (48) ಹಾಗೂ ಮಶಿಗದ್ದೆಯ ಗ್ರಾಮದ ಮಂಜುನಾಥ ಅಣ್ಣಪ್ಪ ದೇವಾಡಿಗ (47) ಎಂಬಾತರು ಕಾಡು ನಾಶಕ್ಕೆ ಮುಂದಾಗಿದ್ದರು. ಅರಣ್ಯದಲ್ಲಿನ ಶ್ರೀಗಂಧದ ಮರಗಳನ್ನು ಕಡಿದ ಅವರು ಅದನ್ನು ಕೆತ್ತನೆ ಮಾಡಿ ಕಾಸು ಸಂಪಾದಿಸಲು ಯೋಚಿಸಿದ್ದರು. ಆದರೆ, ಅರಣ್ಯ ಅಧಿಕಾರಿಗಳು ಅವರ ಯೋಜನೆಯನ್ನು ಉಲ್ಟಾ ಮಾಡಿದರು. ಖಚಿತ ಮಾಹಿತಿ ಆಧರಿಸಿ ದಾಳಿ ನಡೆಸಿದ ಅಧಿಕಾರಿಗಳು 33 ಕೆಜಿ ಶ್ರೀಗಂಧವನ್ನು ಜಪ್ತು ಮಾಡಿದರು. ಅಧಿಕಾರಿಗಳನ್ನು ನೋಡಿದ ಮಂಜುನಾಥ ಅಣ್ಣಪ್ಪ ದೇವಾಡಿಗ ಅವರು ಕಾಡಿನಲ್ಲಿಯೇ ಓಡಿ ಪರಾರಿಯಾದರು. ವೇಗವಾಗ ಓಡಲಾಗದ ದಯಾನಂದ ನಾಯ್ಕ ಅವರು ಅರಣ್ಯಾಧಿಕಾರಿಳಿಗೆ ಸಿಕ್ಕಿ ಬಿದ್ದರು. ತಲೆಮರೆಸಿಕೊಂಡವನಿಗಾಗಿ ಅರಣ್ಯ ಸಿಬ್ಬಂದಿ ಹುಡುಕಾಟ ಶುರು ಮಾಡಿದರು.
- [ಯಲ್ಲಾಪುರ | ಗ್ರಾ ಪಂ ಸಿಬ್ಬಂದಿಗೆ ಹೆಚ್ಚುವರಿ ಹೊಣೆ: ಖಂಡನೆ!](https://mobiletime.in/2026/08/yellapur-additional-responsibility-for-gram-panchayat-staff-condemned/): ಗ್ರಾಮ ಪಂಚಾಯತ ಅಧಿಕಾರಿ ಹಾಗೂ ಸಿಬ್ಬಂದಿ ಅನುಭವಿಸುತ್ತಿರುವ ವಿವಿಧ ಸಮಸ್ಯೆಗಳ ಬಗ್ಗೆ ಗ್ರಾಮ ಪಂಚಾಯತ್ ನೌಕರರ ಶ್ರೇಯೋಭಿವೃದ್ಧಿ ಸಂಘದವರು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಮುಖ್ಯವಾಗಿ ಕಂದಾಯ ಇಲಾಖೆಯ ಕೆಲಸವನ್ನು ಗ್ರಾಮ ಪಂಚಾಯತ ಕಚೇರಿಗೆವಹಿಸಿದ್ದರಿಂದ ಆಗುವ ಅನಾನುಕೂಲಗಳ ಬಗ್ಗೆ ವಿವರಿಸಿದ್ದಾರೆ. `ಗ್ರಾಮ ಪಂಚಾಯತ ನೌಕರರಿಗೆ ಅನ್ಯ ಇಲಾಖೆಯ ಕೆಲಸಗಳನ್ನು ವಹಿಸಲಾಗುತ್ತಿದೆ. ಇದರಿಂದ ಕೆಲಸದ ಒತ್ತಡ ಹೆಚ್ಚಾಗಿದ್ದು, ಗ್ರಾಮ ಪಂಚಾಯತ ಕೆಲಸ ನಿರ್ವಹಣೆಗೆ ಸಮಸ್ಯೆ ಆಗುತ್ತಿದೆ. ಗ್ರಾಮೀಣ ಸ್ವರಾಜ್ಯದ ಮೂಲ ಘಟಕಗಳಾದ ಗ್ರಾಮ ಪಂಚಾಯತಗಳ ಮೂಲಕ ಸರ್ಕಾರದ ಯೋಜನೆ ಹಾಗೂ ಮೂಲಭೂತ ಸೌಕರ್ಯಗಳನ್ನು ಜನರಿಗೆ ತಲುಪಿಸುವ ಮಹತ್ವದ ಜವಾಬ್ದಾರಿಯಿದ್ದು, ಅದಕ್ಕೆ ಹಿನ್ನಡೆ ಆಗದ ಹಾಗೇ ಕ್ರಮವಹಿಸಬೇಕು’ ಎಂದು ಆಗ್ರಹಿಸಿದ್ದಾರೆ. ಗ್ರಾಮ ಪಂಚಾಯತ ಸಿಬ್ಬಂದಿ ಕೇವಲ ಕಚೇರಿ ಕೆಲಸಕ್ಕೆ ಮಾತ್ರ ಸೀಮಿತವಾಗಿರದೇ ಕುಡಿಯುವ ನೀರು ಸರಬರಾಜು, ಉದ್ಯೋಗ ಖಾತ್ರಿ ಅನುಷ್ಠಾನ, ಸ್ವಚ್ಛ ಭಾರತ, ಜಲ ಜೀವನ ಯೋಜನೆ ಜೊತೆ ವಿವಿಧ ಅಭಿವೃದ್ಧಿ ಕೆಲಸಗಳನ್ನು ನೋಡುತ್ತಿದ್ದಾರೆ. ಹೀಗಿರುವಾಗ, ಕಂದಾಯ ಇಲಾಖೆಗೆ ಸಂಬAಧಿಸಿದ ಜಾತಿ ಪ್ರಮಾಣ ಪತ್ರ ವಿತರಣೆಯನ್ನು ಗ್ರಾಮ ಪಂಚಾಯತಗೆ ನೀಡುವುದು ಸರಿಯಲ್ಲ’ ಎಂದವರು ಹೇಳಿದ್ದಾರೆ. `ನಾಡ ಕಚೇರಿ ಸಿಬ್ಬಂದಿ, ಗ್ರಾಮ ಆಡಳಿತಾಧಿಕಾರಿಗಳು ನಿರ್ವಹಿಸಬೇಕಾದ ಕೆಲಸಗಳನ್ನು ಸದ್ಯ ಗ್ರಾಮ ಪಂಚಾಯತ ನೌಕರರಿಗೆ ನೀಡಲಾಗುತ್ತಿದೆ. ಇದರಿಂದ ಗ್ರಾಮ ಪಂಚಾಯತದ ಮೂಲ ಕೆಲಸಗಳಿಗೆ ಸಮಸ್ಯೆ ಆಗುತ್ತಿದೆ. ಸಾರ್ವಜನಿಕ ಸೇವೆಗಳಿಗೆ ಅಡಚಣೆ ಆಗುತ್ತಿರುವುದನ್ನು ಪರಿಗಣಿಸಿ, ಗ್ರಾಮ ಪಂಚಾಯತಗೆ ಹೆಚ್ಚುವರಿಯಾಗಿ ನೀಡಿದ ಕೆಲಸಗಳನ್ನು ಹಿಂಪಡೆಯಬೇಕು. ಈ ಮನವಿಗೆ ಸ್ಪಂದಿಸದೇ ಇದ್ದರೆ ಗ್ರಾಮ ಪಂಚಾಯತದ ಎಲ್ಲಾ ಕೆಲಸಗಳನ್ನು ಸ್ಥಗಿತಗೊಳಿಸಿ ಹೋರಾಟ ನಡೆಸುವುದು ಅನಿವಾರ್ಯ’ ಎಂದು ಎಚ್ಚರಿಸಿದ್ದಾರೆ. ಕರ್ನಾಟಕ ರಾಜ್ಯ ಗ್ರಾಮ ಪಂಚಾಯತ್ ನೌಕರರ ಶ್ರೇಯೋಭಿವೃದ್ಧಿ ಸಂಘ ಆರ್ ಡಿ ಪಿ ಆರ್ (ರಿ) ಯಲ್ಲಾಪುರ ತಾಲೂಕು ಸಮಿತಿಯ ಅಧ್ಯಕ್ಷ ಲೋಹಿತ್ ಹುಲಸ್ವಾರ, ಉಪಾಧ್ಯಕ್ಷ ಗಣಪತಿ ಪೂಜಾರಿ, ಕಾರ್ಯದರ್ಶಿ ಶ್ರವಣಕುಮಾರ ಚಂದಾವರ ಮತ್ತು ಖಚಾಂಚಿ ಭಾಸ್ಕರ ಶೇರುಗಾರ ಅವರು ಇನ್ನಿತರರ ಜೊತೆ ಸೇರಿ ಈ ಮನವಿ ಪತ್ರ ನೀಡಿದ್ದಾರೆ.
- [ಕಾರವಾರ | ಜೀವ ಉಳಿಸಿದ ವಾಟ್ಸಪ್ ಗ್ರೂಪ್!](https://mobiletime.in/2026/08/karwar-whatsapp-group-saves-a-life/): ಯಲ್ಲಾಪುರದ ಮಾರ್ಕೋಸ್ ಅವರು ಅಪಘಾತದಲ್ಲಿ ಗಾಯಗೊಂಡು ಕಾರವಾರ ಆಸ್ಪತ್ರೆ ಸೇರಿದ್ದು, ಅವರಿಗೆ ಅಗತ್ಯವಿರುವ ರಕ್ತ ಕೊಡಿಸುವಲ್ಲಿ ವಾಟ್ಸಪ್ ಗ್ರೂಪ್ ನೆರವಾಗಿದೆ. ಕುಮಟಾ ಮೂಲದ ಪೊಲೀಸ್ ಸಿಬ್ಬಂದಿ ಅನಂತ ನಾಯ್ಕ ಅವರು ತಕ್ಷಣ ಆಗಮಿಸಿ ರಕ್ತದಾನ ಮಾಡಿದ್ದಾರೆ. ಯಲ್ಲಾಪುರದ ಮಂಜುನಾಥ ನಗರದಲ್ಲಿ ಮಾರ್ಕೋಸ್ ಅವರು ವಾಸವಾಗಿದ್ದರು. ಅಪಘಾತದಲ್ಲಿ ಅವರು ಕೈ ಮುರಿದುಕೊಂಡು ಆಸ್ಪತ್ರೆ ಸೇರಿದರು. ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಮಾರ್ಕೋಸ್ ಅವರನ್ನು ಕಾರವಾರದ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಯಿತು. ಮಾರ್ಕೋಸ್ ಅವರದ್ದು O Negative ರಕ್ತವಾಗಿದ್ದು, ಅಗತ್ಯವಿರುವ ರಕ್ತ ಎಲ್ಲಿಯೂ ಸಿಗಲಿಲ್ಲ. ಹೀಗಿರುವಾಗ ಮಂಜುನಾಥ ನಗರದ ಪ ಪಂ ಮಾಜಿ ಸದಸ್ಯ ಸತೀಶ ನಾಯ್ಕ ಅವರಿಗೆ ಈ ವಿಷಯ ಗೊತ್ತಾಯಿತು. ಅವರು ಎಲ್ಲಾ ಕಡೆ ಹುಡುಕಾಟ ನಡೆಸಿದರು. ಎಲ್ಲಿಯೂ ಆ ಮಾದರಿಯ ರಕ್ತ ಸಿಗಲಿಲ್ಲ. ಸಾಯಿನಾಥ ಉಣಕಲ್, ಮಾರುತಿ ತನೇಕರ್, ವಿಕ್ಟೋರಿಯಾ ಅವರು ವಿವಿಧ ಕಡೆ ಫೋನ್ ಮಾಡಿ ವಿಚಾರಿಸಿದರು. ಆದರೆ, ಎಲ್ಲಿಯೂ ಆ ಮಾದರಿಯ ರಕ್ತ ಸಿಗಲಿಲ್ಲ. ಹೀಗಾಗಿ, ಕಾರವಾರದ ರಕ್ತದಾನಿ ವಿನಾಯಕ ನಾಯ್ಕ ಚೆಂಡಿಯಾ ಅವರಿಗೆ ಸತೀಶ್ ನಾಯ್ಕ ಅವರು ಫೋನ್ ಮಾಡಿ ಸಹಾಯ ಯಾಚಿಸಿದರು. ಅಪರೂಪದಲ್ಲಿಯೇ ಅಪರೂಪವಾದ ಒ ನೆಗೆಟಿವ್ ರಕ್ತ ಅಗತ್ಯವಿರುವ ಬಗ್ಗೆ ವಿನಾಯಕ ನಾಯ್ಕ ಅವರು ತಮ್ಮ ರಕ್ತದಾನಿಗಳ ವಾಟ್ಸಪ್ ಗ್ರೂಪಿನಲ್ಲಿ ವಿಷಯ ಹಂಚಿಕೊ0ಡರು. ಕುಮಟಾ ಬಾಡದ ಪೊಲೀಸ್ ಸಿಬ್ಬಂದಿ ಅನಂತ ನಾರಾಯಣ ನಾಯ್ಕ ಅವರು ಸದ್ಯ ಕಾರವಾರದ 112 ವಾಹನದ ಚಾಲಕರಾಗಿದ್ದು, ಅವರು ತಕ್ಷಣ ಆಸ್ಪತ್ರೆಗೆ ತೆರಳಿ ರಕ್ತ ನೀಡಿದರು. ಆ ಮೂಲಕ ಅಪಘಾತದಲ್ಲಿ ಗಾಯಗೊಂಡು ನೋವು ಅನುಭವಿಸುತ್ತಿದ್ದ ಮಾರ್ಕೋಸ್ ಅವರ ಜೀವ ಕಾಪಾಡುವಲ್ಲಿ ಪೊಲೀಸ್ ಸಿಬ್ಬಂದಿ ಪ್ರಮುಖ ಪಾತ್ರ ನಿಭಾಯಿಸಿದರು. ಮಗನ ಜೀವ ಉಳಿಸಿದ ಪೊಲೀಸ್’ಗೆ ರೋಗಿಯ ತಾಯಿ ಪ್ರಮಿಳಾ ಅವರು ಕೈ ಮುಗಿದರು.
- [ಕಾಂಗ್ರೆಸ್: ಸದಸ್ಯತ್ವ ಇಲ್ಲದವರಿಗೂ ಜಿಲ್ಲಾಧ್ಯಕ್ಷರಾಗುವ ಆಸೆ!](https://mobiletime.in/2026/08/congress-even-non-members-aspire-to-become-district-presidents/): ಉತ್ತರ ಕನ್ನಡ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕಾಗಿ ಭಾರೀ ಪ್ರಮಾಣದ ಪೈಪೋಟಿ ನಡೆಯುತ್ತಿದೆ. ಈವರೆಗೆ 36ಕ್ಕೂ ಅಧಿಕ ಜನ ಅಧ್ಯಕ್ಷ ಸ್ಥಾನಕ್ಕಾಗಿ ಅರ್ಜಿ ಸಲ್ಲಿಸಿದ್ದಾರೆ. ಆದರೆ, ಅರ್ಜಿ ಸಲ್ಲಿಸಿದ ಅನೇಕರು ಕಾಂಗ್ರೆಸ್’ನ ಪ್ರಾಥಮಿಕ ಸದಸ್ಯತ್ವವನ್ನೇ ಪಡೆದಿಲ್ಲ! ಮೊದಲಿನಿಂದಲೂ ಕಾಂಗ್ರೆಸ್ ಪಕ್ಷ ಆಗಾಗ ಸದಸ್ಯತ್ವ ಅಭಿಯಾನ ನಡೆಸುತ್ತಿದೆ. ಕಾಂಗ್ರೆಸ್ ಪಕ್ಷದ ಸದಸ್ಯರಾಗಬಯಸುವವರು 5 ರೂ ಪಾವತಿಸಿ, ಅಧಿಕೃತ ರಸೀದಿಪಡೆಯಬೇಕಿದೆ. ಅದಾದ ನಂತರ ಅವರು ಪಕ್ಷದ ಪ್ರಾಥಮಿಕ ಸದಸ್ಯರಾಗಲಿದ್ದು ಹಂತ ಹಂತವಾಗಿ ವಿವಿಧ ಹುದ್ದೆಪಡೆಯುವ ಅರ್ಹತೆಹೊಂದುತ್ತಾರೆ. ಅವರವರ ಶಕ್ತಿ-ಸಾಮರ್ಥ್ಯ, ಸಂಘಟನೆ ಹಾಗೂ ಪ್ರಭಾವ ಆಧರಿಸಿ ಕಾಂಗ್ರೆಸ್ ವಿವಿಧ ಜವಾಬ್ದಾರಿಗಳನ್ನು ನೀಡುತ್ತದೆ. ಸದ್ಯ, ಅಂಥಹುದೇ ಮಾನದಂಡದ ಆಧಾರದಲ್ಲಿ ಕಾಂಗ್ರೆಸ್ ಜಿಲ್ಲಾಧ್ಯಕ್ಷರ ಆಯ್ಕೆ ಪ್ರಕ್ರಿಯೆ ನಡೆಸುತ್ತಿದ್ದು ಈ ವೇಳೆ ಅರ್ಜಿ ಸಲ್ಲಿಸಿದ ಅನೇಕರು ಪಕ್ಷದ ಪ್ರಾಥಮಿಕ ಸದಸ್ಯತ್ವವನ್ನು ಸಹ ಪಡೆದಿಲ್ಲ ಎಂಬ ಅಂಶ ಹೊರಬಿದ್ದಿದೆ. ಕಾಂಗ್ರೆಸ್ ಅನೇಕ ಬಾರಿ ಮಿಸ್ ಕಾಲ್ ಮೂಲಕ ಸದಸ್ಯತ್ವ ಪಡೆಯುವ ಅವಕಾಶವನ್ನು ಕಲ್ಪಿಸಿತ್ತು. ಆದರೆ, ಸದ್ಯ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ಅರ್ಜಿ ಹಾಕಿದ ಕೆಲವರಿಗೆ ಆ ವೇಳೆ ಮಿಸ್ ಕಾಲ್ ಕೊಟ್ಟು ಸದಸ್ಯತ್ವಪಡೆಯಲು ಸಹ ಪುರಸೋತು ಸಿಕ್ಕಿರಲಿಲ್ಲ. ಇನ್ನೂ ಅನೇಕರಿಗೆ ಕಾಂಗ್ರೆಸ್ ಪಕ್ಷದ ಸದಸ್ಯತ್ವಪಡೆಯುವುದು ಹೇಗೆ? ಎಂಬ ವಿಷಯವೂ ಗೊತ್ತಿರಲಿಲ್ಲ. ಸಾಮಾನ್ಯ ಜನ 5ರೂ ಪಾವತಿಸಿ ಅಥವಾ ಮಿಸ್ ಕಾಲ್ ಕೊಡುವ ಮೂಲಕ ಕಾಂಗ್ರೆಸ್ ಸದಸ್ಯತ್ವಪಡೆದಿದ್ದು, ದೊಡ್ಡ ದೊಡ್ಡ ನಾಯಕರಾಗಿ ಗುರುತಿಸಿಕೊಂಡವರೇ ಪ್ರಾಥಮಿಕ ಸದಸ್ಯತ್ವಪಡೆಯುವ ವಿಷಯದಲ್ಲಿ ಹಿಂದಿದ್ದಾರೆ ಎಂಬ ಸಂಗತಿ ಬೆಳಕಿಗೆ ಬಂದಿದೆ. ಕಾAಗ್ರೆಸ್ ಪಕ್ಷದ ಜಿಲ್ಲಾಧ್ಯಕ್ಷ ಹುದ್ದೆಗೆ ಯೋಗ್ಯರನ್ನು ಆಯ್ಕೆ ಮಾಡುವುದಕ್ಕಾಗಿ ಎಐಸಿಸಿ ವೀಕ್ಷಕಿ ರೋಸೆಲೀನಾ ಟಿರ್ಕೆ ಅವರು ಉತ್ತರ ಕನ್ನಡ ಜಿಲ್ಲೆಗೆ ಬಂದಿದ್ದಾರೆ. ತಳಮಟ್ಟದ ಕಾರ್ಯಕರ್ತರಿಂದ ಹಿಡಿದು ನಾಯಕ-ಶಾಸಕರವರೆಗೆ ಅವರು ಮಾತನಾಡಿಸಿದ್ದಾರೆ. ಕಾರ್ಯಕರ್ತರನ್ನು ಒಗ್ಗೂಡಿಸುವ ಹಾಗೂ ರಾಜಕೀಯ ಹೊರತಾಗಿಯೂ ಜನ ಮನ್ನಣೆಗಳಿಸಿರುವ ವ್ಯಕ್ತಿಗಳ ಬಗ್ಗೆ ಅಭಿಪ್ರಾಯ ಸಂಗ್ರಹ ಮಾಡಿದ್ದಾರೆ. ಅದರೊಂದಿಗೆ, ಅರ್ಜಿ ಸಲ್ಲಿಸಿದ ಪ್ರತಿಯೊಬ್ಬ ಅಭ್ಯರ್ಥಿಯನ್ನು ಪ್ರತ್ಯೇಕವಾಗಿ ಕರೆದು ಸಂದರ್ಶನದ ರೀತಿ ಮಾತನಾಡಿಸಿದ್ದಾರೆ. ಪ್ರತಿ ಅಭ್ಯರ್ಥಿಯ ವೈಯಕ್ತಿಕ ಹಿನ್ನಲೆ, ಪಕ್ಷಕ್ಕಾಗಿ ಮಾಡಿದ ತ್ಯಾಗ, ಸಂಘಟನಾ ಶಕ್ತಿಯ ಬಗ್ಗೆ ಅವರು ಗಮನಿಸಿ ಹೈಕಮಾಂಡಿಗೆ ವರದಿ ಸಲ್ಲಿಸುವ ಸಿದ್ಧತೆಯಲ್ಲಿದ್ದಾರೆ. ಶಿರಸಿಯ ರವಿಂದ್ರ ನಾಯ್ಕ, ನಾಗರಾಜ ನಾರ್ವೇಕರ್, ದೀಪಕ ಹೆಗಡೆ, ಸಂತೋಷ ಶೆಟ್ಟಿ, ಸತೀಶ ನಾಯ್ಕ, ನಾಗರಾಜ ಮಡಿವಾಳ, ಜ್ಯೋತಿ ಪಾಟೀಲ, ಪ್ರವೀಣ ಗೌಡ, ಸಿದ್ದಾಪುರದ ವಸಂತ ನಾಯ್ಕ, ವಿ ಎನ್ ನಾಯ್ಕ, ಕುಮಟಾದ ಭಾಸ್ಕರ ಪಟಗಾರ, ಅಂಕೋಲಾದ ಸಾಯಿ ಗಾಂವ್ಕರ್, ಮುಂಡಗೋಡಿನ ಜ್ಞಾನೇಶ ಗುಡಿಯಾಳ, ಸಲ್ಮಾನ್, ದಂಡೇಲಿಯ ಆರ್ ಪಿ ನಾಯ್ಕ, ಕಾರವಾರದ ಜಿ ಟಿ ನಾಯ್ಕ, ಭಟ್ಕಳದ ಮಜೀದ್ ಶೇಖ್ ಮೊದಲಾದವರು ಜಿಲ್ಲಾಧ್ಯಕ್ಷ ಸ್ಥಾನದ ಸ್ಪರ್ಧೆಯಲ್ಲಿದ್ದಾರೆ. ಅವರ ಜೊತೆ ಇನ್ನಿತರರು ಜಿಲ್ಲಾಧ್ಯಕ್ಷ ಸ್ಥಾನಕ್ಕಾಗಿ ಆಸೆ ಪಟ್ಟು ಅರ್ಜಿ ಸಲ್ಲಿಸಿದ್ದು, ಅದರಲ್ಲಿ ಪ್ರಾಥಮಿಕ ಸದಸ್ಯತ್ವಪಡೆದವರು ಯಾರು? ಪ್ರಾಥಮಿಕ ಸದಸ್ಯತ್ವಪಡೆಯದೇ ಅರ್ಜಿ ಸಲ್ಲಿಸಿದವರು ಯಾರೂ? ಎಂಬುದನ್ನು ಗಮನಿಸಿದ್ದಾರೆ. ಈ ವಿಷಯವನ್ನು ಹೈಕಮಾಂಡ್ ಗಂಭೀರವಾಗಿ ಪರಿಗಣಿಸುವ ಸಾಧ್ಯತೆಗಳಿವೆ.
- [ಅಗಸ್ಟ 7ಕ್ಕೆ ಓ ಮೈ ಡಾಗ್ ಚಿತ್ರ ಬಿಡುಗಡೆ](https://mobiletime.in/2026/08/oh-my-dog-movie-to-release-on-august-7/): ಆಗಸ್ಟ್ 7ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿರುವ ಚಿತ್ರ ನಿರ್ಮಾಪಕ ಅಮಿತ್ ರೈ ಅವರ ಕುಟುಂಬ ಸಮೇತ ನೋಡಬಹುದಾದ ‘ಓಹ್ ಮೈ ಡಾಗ್’ ಚಿತ್ರವು, ಬಿಡುಗಡೆಗೂ ಮುನ್ನವೇ ದೇಶಾದ್ಯಂತ ಹಮ್ಮಿಕೊಂಡಿದ್ದ ವಿಶೇಷ ಪ್ರದರ್ಶನಗಳಲ್ಲಿ ಪ್ರೇಕ್ಷಕರ ಮನ ಗೆಲ್ಲುತ್ತಿದೆ. ಭಾರತದ ವಿವಿಧ ನಗರಗಳಲ್ಲಿ ಯಶಸ್ವಿ ಪ್ರದರ್ಶನ ಕಂಡ ನಂತರ, ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ವಿಶೇಷ ಪ್ರದರ್ಶನದಲ್ಲೂ ಚಿತ್ರಕ್ಕೆ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಸಿನಿಮಾ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ದೊಡ್ಡ ಮಟ್ಟದ ಪ್ರಚಾರ ತಂತ್ರಗಳೇ ಹೆಚ್ಚಾಗಿರುವ ಈ ದಿನಗಳಲ್ಲಿ, ‘ಓಹ್ ಮೈ ಡಾಗ್’ ತಂಡವು ಬಿಡುಗಡೆಗೂ ಮುನ್ನವೇ ಜನರಿಗೆ ಸಿನಿಮಾ ತೋರಿಸಿ, ಅವರಿಂದ ಬರುವ ನೈಜ ಅಭಿಪ್ರಾಯಗಳನ್ನೇ ತನ್ನ ಮುಖ್ಯ ಪ್ರಚಾರವನ್ನಾಗಿ ಮಾಡಿಕೊಂಡಿದೆ. ‘ದಿ ಲಂಚ್ ಬಾಕ್ಸ್’ ಮತ್ತು ‘ಲಾಪತಾ ಲೇಡೀಸ್’ ರೀತಿಯ ಹಿಟ್ ಸಿನಿಮಾಗಳು ಅನುಸರಿಸಿದ್ದ ಈ ತಂತ್ರದಂತೆಯೇ, ಈ ಚಿತ್ರತಂಡವೂ ಪ್ರೇಕ್ಷಕರ ಜನಾಭಿಪ್ರಾಯವನ್ನು ನೆಚ್ಚಿಕೊಂಡಿದೆ. ಇಂದೋರ್, ದೆಹಲಿ, ಪುಣೆ, ಲಕ್ನೋ, ಕೋಲ್ಕತ್ತಾ, ಪಟ್ನಾ, ಅಹಮದಾಬಾದ್, ಗುವಾಹಾಟಿ, ಜೈಪುರ ಮತ್ತು ಬೆಂಗಳೂರು ನಗರಗಳಲ್ಲಿ ಈಗಾಗಲೇ ನಡೆದ ಪ್ರದರ್ಶನಗಳಲ್ಲಿ ಪ್ರೇಕ್ಷಕರು ಸಿನಿಮಾದ ಭಾವನಾತ್ಮಕ ಕಥೆ, ಮಾನವ ಮತ್ತು ಶ್ವಾನಗಳ ನಡುವಿನ ಪ್ರೀತಿಯ ಬಂಧಕ್ಕೆ ಮನಸೋತಿದ್ದಾರೆ. ಬೆಂಗಳೂರಿನ ಪ್ರದರ್ಶನದಲ್ಲಿ ಪಾಲ್ಗೊಂಡಿದ್ದ ವೀಕ್ಷಕರು, ‘ಓಹ್ ಮೈ ಡಾಗ್’ ಒಂದು ಪರಿಪೂರ್ಣ ಕೌಟುಂಬಿಕ ಮನರಂಜನಾ ಸಿನಿಮಾ ಎಂದು ಶ್ಲಾಘಿಸಿದ್ದಾರೆ. ಸಿನಿಮಾದ ಪಾತ್ರಗಳು, ಹಾರ್ಟ್-ಟಚಿಂಗ್ ಕಥೆ ಮತ್ತು ಪ್ರಾಣಿ ದಯೆಯ ಸಂದೇಶ ಎಲ್ಲರ ಗಮನ ಸೆಳೆದಿದೆ. ಈ ವಿಭಿನ್ನ ಪ್ರಚಾರ ತಂತ್ರದ ಬಗ್ಗೆ ಮಾತನಾಡಿದ ಲೇಖಕ, ನಿರ್ದೇಶಕ ಹಾಗೂ ನಿರ್ಮಾಪಕ ಅಮಿತ್ ರೈ, “ಕೆಲವು ಸಿನಿಮಾಗಳಿಗೆ ಪ್ರೇಕ್ಷಕರೇ ನಿಜವಾದ ಧ್ವನಿಯಾಗುತ್ತಾರೆ. ‘ಓಹ್ ಮೈ ಡಾಗ್’ ಅನ್ನು ಅತ್ಯಂತ ಪ್ರಾಮಾಣಿಕತೆಯಿಂದ ನಿರ್ಮಿಸಿದ್ದೇವೆ. ಪ್ರೇಕ್ಷಕರ ನೈಜ ಪ್ರೀತಿಗಿಂತ ದೊಡ್ಡ ಪ್ರಚಾರ ಮತ್ತೊಂದಿಲ್ಲ. ಜನರು ಮೊದಲು ಸಿನಿಮಾ ನೋಡಿ, ತಮ್ಮ ಭಾವನೆಗಳ ಮೂಲಕವೇ ಮಾತನಾಡಲಿ ಎಂಬುದು ನಮ್ಮ ಆಸೆ,” ಎಂದಿದ್ದಾರೆ. ‘ಬಾಬುಲಾಲ್ ಬಿಸ್ಕೋಪ್’ ಮತ್ತು ‘ಥಿಂಕಿಂಗ್ ಹ್ಯಾಟ್ಸ್ ಎಂಟರ್‌ಟೇನ್‌ಮೆಂಟ್’ ಬ್ಯಾನರ್ ಅಡಿಯಲ್ಲಿ ರಾಜೇಶ್ ಭಾರದ್ವಾಜ್ ಮತ್ತು ಸನಾ ವಾರ್ಸಿ ಅವರೊಂದಿಗೆ ಸೇರಿ ಅಮಿತ್ ರೈ ಈ ಚಿತ್ರವನ್ನು ನಿರ್ಮಿಸಿ, ನಿರ್ದೇಶಿಸಿದ್ದಾರೆ. ಸಿನಿಮಾದಲ್ಲಿ ಮಾಹಿ ರೈ, ಪಂಕಜ್ ತ್ರಿಪಾಠಿ, ಗೀತಾ ಅಗರ್ವಾಲ್ ಶರ್ಮಾ, ರಾಜೇಶ್ ಕುಮಾರ್, ಪವನ್ ಮಲ್ಹೋತ್ರಾ, ಸುಲಕ್ಷಣಾ ಬರುವಾ, ವಿಜಯ್ ಮಿಶ್ರಾ ಜೊತೆಗೆ ‘ಆಸ್ಕರ್’ ಮತ್ತು ‘ಬ್ರೂನೋ’ ಎಂಬ ಶ್ವಾನಗಳು ಸೇರಿದಂತೆ 250ಕ್ಕೂ ಹೆಚ್ಚು ನಾಯಿಗಳು ನಟಿಸಿವೆ. ದೇಶಾದ್ಯಂತ ಸೃಷ್ಟಿಯಾಗಿರುವ ಉತ್ತಮ ಜನಾಭಿಪ್ರಾಯದೊಂದಿಗೆ ‘ಓಹ್ ಮೈ ಡಾಗ್’ ಸಿನಿಮಾವು ಆಗಸ್ಟ್ 7ರಂದು ವಿಶ್ವಾದ್ಯಂತ ತೆರೆಕಾಣಲು ಸಜ್ಜಾಗಿದೆ.
- [ಮುಂಡಗೋಡ | ಕಳ್ಳರಿಗೂ ಬಂತು ಯುನಿಪಾರಂ!](https://mobiletime.in/2026/08/mundgod-they-are-no-ordinary-thieves-you-wont-find-thieves-like-them-anywhere/): ಒoದೇ ಬಗೆಯ ಸಮವಸ್ತ್ರ ಧರಿಸಿದ ವ್ಯಕ್ತಿಗಳಿಬ್ಬರು ಅಂಗಡಿ ಅಂಗಡಿಗೆ ಭೇಟಿ ನೀಡಿ ಕಳ್ಳತನಕ್ಕಿಳಿದಿದ್ದಾರೆ. ಮಾತಿನಲ್ಲಿಯೇ ಮೋಡಿ ಮಾಡಿ, ಅಂಗಡಿಯಲ್ಲಿದ್ದವರನ್ನು ಅವರಿಬ್ಬರು ಯಾಮಾರಿಸುತ್ತಿದ್ದಾರೆ. ಮುಂಡಗೋಡಿನ ಕೆಲ ಅಂಗಡಿಗಳಿಗೆ ಅಪರಿಚಿತರಿಬ್ಬರು ಭೇಟಿ ನೀಡಿದ್ದಾರೆ. ವಿವಿಧ ಬಗೆಯ ನಾಣ್ಯ ನೀಡಿದ ಅವರು ಅದಕ್ಕೆ ತಕ್ಕ ನೋಟುಗಳನ್ನು ನೀಡುವಂತೆ ಮನವಿ ಮಾಡುತ್ತಿದ್ದಾರೆ. ಈ ವೇಳೆ ಅಂಗಡಿಯಲ್ಲಿದ್ದವರ ಗಮನ ಬೇರೆ ಕಡೆ ಸೆಳೆದು ಅಲ್ಲಿದ್ದ ಬೆಳೆ ಬಾಳುವ ವಸ್ತುಗಳನ್ನು ಜೇಬಿಗಿಳಿಸುತ್ತಿದ್ದಾರೆ. ಕೆಲವು ಕಡೆ `ನಾವು ಹೊಸದಾಗಿ ಅಂಗಡಿ ತೆರೆಯುತ್ತಿದ್ದೇವೆ. ಹೀಗಾಗಿ ನಿಮ್ಮಲ್ಲಿರುವ ನೋಟುಗಳನ್ನು ಕೊಡಿ. ಸೀರೀಸಿ ಸಂಖ್ಯೆಯ ನೋಟು ಕೊಡಿ’ ಎಂದು ಸಹ ಅವರು ಮಾತನಾಡಿದ್ದಾರೆ. ಹೀಗೆ ಮಾತನಾಡತ್ತಲೇ ಅಂಗಡಿಯಲ್ಲಿದ್ದ ಹಣ-ಒಡವೆ ಎಗರಿಸಿದ್ದಾರೆ. ಈ ಹಿನ್ನಲೆ ಅವರಿಬ್ಬರ ಫೋಟೋ ಬಿಡುಗಡೆ ಮಾಡಿದ ಪೊಲೀಸರು ಎಚ್ಚರಿಕೆವಹಿಸುವಂತೆ ಸೂಚಿಸಿದ್ದಾರೆ. ಈ ವ್ಯಕ್ತಿಗಳಿಬ್ಬರು ಯಾರು? ಎಲ್ಲಿಯವರು? ಎಂದು ಈವರೆಗೂ ಗೊತ್ತಾಗಿಲ್ಲ. ಮುಂಡಗೋಡು ಹೊರತುಪಡಿಸಿ ಬೇರೆ ಕಡೆಯೂ ಅವರು ಇದೇ ರೀತಿ ಕಳ್ಳತನ ಮಾಡುವ ಸಾಧ್ಯತೆಗಳಿವೆ. ಹೀಗಾಗಿ ಅವರಿಬ್ಬರ ಬಗ್ಗೆ ಸಾರ್ವಜನಿಕರು ಎಚ್ಚರಿಕೆವಹಿಸಬೇಕು. ಜೊತೆಗೆ ಅವರು ಕಾಣಿಸಿದರೆ 112ಗೆ ಫೋನ್ ಮಾಡಬೇಕು ಎಂದು ಪೊಲೀಸರು ಮನವಿ ಮಾಡಿದ್ದಾರೆ.
- [ಮೂರು ತಿಂಗಳಲ್ಲಿ 16 ಮಕ್ಕಳ ಮರಣ!](https://mobiletime.in/2026/08/16-children-died-in-three-months/): ಕಳೆದ ಮೂರು ತಿಂಗಳ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ 16 ಮಕ್ಕಳ ಮರಣವಾಗಿದೆ. ಅದರಲ್ಲಿಯೂ 1 ವರ್ಷದೊಳಗಿನ 13 ಮಕ್ಕಳು ಸಾವನಪ್ಪಿದ್ದಾರೆ! ಈ ಎಲ್ಲಾ ಮರಣ ವಿಷಯಗಳು ಸರ್ಕಾರಿ ಕಡತದಲ್ಲಿ ದಾಖಲಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಸಂಖ್ಯಾ ಸಂಗ್ರಹಣಾಧಿಕಾರಿ ಸೋಮಶೇಖರ್ ಮೇಸ್ತಾ ಅವರು ಜಿಲ್ಲಾಡಳಿತಕ್ಕೆ ಈ ಮಾಹಿತಿ ನೀಡಿದ್ದಾರೆ. ಇದರೊಂದಿಗೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮೂರು ತಿಂಗಳ ಅವಧಿಯಲ್ಲಿ 4,682 ಜನನ ಮತ್ತು 2,425 ಮರಣ ನಡೆದಿದೆ. 1 ವರ್ಷದೊಳಗಿನ 13 ಶಿಶುಗಳು ಮತ್ತು 5 ವರ್ಷದೊಳಗಿನ 3 ಮಕ್ಕಳು ಸಾವನಪ್ಪಿರುವುದು ಸರ್ಕಾರದ ಗಮನಕ್ಕೆ ಬಂದಿದೆ. ಎಲ್ಲಾ ಬಗೆಯ ಜನನ ಮತ್ತು ಮರಣ ನೋಂದಣಿಯ ದಾಖಲೆಗಳನ್ನು ಶಾಶ್ವತವಾಗಿ ಕಾಯ್ದಿರಿಸಲು ಹೊನ್ನಾವರ ಮತ್ತು ಅಂಕೋಲಾ ತಾಲೂಕುಗಳಲ್ಲಿ ಸ್ಕಾö್ಯನಿಂಗ್ ಮತ್ತು ಡಿಜಿಟಲೈಜೇಷನ್ ಕಾರ್ಯಗಳನ್ನು ನಡೆಸಲಾಗಿದೆ. ಇಲ್ಲಿ ಈವರೆಗೆ 2,80,652 ಘಟನೆಗಳನ್ನು ಡಿಜಿಟಲೈಜೇಷನ್ ಮಾಡಲಾಗಿದೆ.
- [ಕಾರವಾರ | ಸೋಲಾರ್ ಮಾರಾಟಗಾರ್ತಿಗೆ ಮೋಸ](https://mobiletime.in/2026/08/karwar-solar-saleswoman-cheated/): ಕಡಿಮೆ ಬೆಲೆಗೆ ಒಳ್ಳೆಯ ಸೋಲಾರ್ ಪ್ಯಾನಲ್ ಸಿಗುತ್ತದೆ ಎಂದು ನಂಬಿದ ಅಮದಳ್ಳಿಯ ಜಯಾ ಸೂರ್ಯವಂಶಿ ಅವರಿಗೆ ಮೋಸವಾಗಿದೆ. ಆ ಸೋಲಾರ್ ಮಾರಾಟ ಮಾಡಿ ವ್ಯಾಪಾರ ವೃದ್ಧಿಸಿಕೊಳ್ಳಲು ಪ್ರಯತ್ನಿಸಿದ ಅವರಿಗೆ 3.94 ಲಕ್ಷ ರೂ ನಷ್ಟವಾಗಿದೆ. ಮಹಾರಾಷ್ಟ ಮೂಲದ ಜಯಾ ಸೂರ್ಯವಂಶಿ ಅವರು ಕಾರವಾರದ ಅಮದಳ್ಳಿಯಲ್ಲಿ ವಾಸವಾಗಿದ್ದಾರೆ. ಅವರ ಪತಿ ಸೋಲಾರ್ ಪ್ಯಾನಲ್ ಮಾರಾಟ ಮಾಡಿ ಬದುಕು ಕಂಡುಕೊoಡಿದ್ದಾರೆ. ಗೂಗಲ್ ಮೂಲಕ ಅವರು ಕಡಿಮೆ ಬೆಲೆಯಲ್ಲಿ ಸೋಲಾರ್ ಪ್ಯಾನಲ್ ಹುಡುಕಾಟ ನಡೆಸಿದ್ದು, ಆಗ ಅವರಿಗೆ ನಕಲಿ ಜಾಹೀರಾತು ಕಾಣಿಸಿದೆ. ಅದನ್ನು ನಂಬಿದ ಅವರು ಆ ಜಾಹೀರಾತುದಾರರನ್ನು ಸಂಪರ್ಕಿಸಿದ್ದಾರೆ. ಮಾರುಕಟ್ಟೆ ಬೆಲೆಗಿಂತ ಕಡಿಮೆ ಬೆಲೆಗೆ ಸಿಗುವ ಸೋಲಾರ್ ಫ್ಯಾನಲ್ ಖರೀದಿಸಿ ಹೆಚ್ಚು ಲಾಭ ಮಾಡಬಹುದು ಎಂದು ಅವರು ಅಂದಾಜಿಸಿದ್ದಾರೆ. ಸೋಲಾರ್ ಕಂಪನಿಯ ಸಂಸ್ಥೆಯ ಮ್ಯಾನೇಜರ್ ಎಂದು ಪರಿಚಯಿಸಿಕೊಂಡ ವ್ಯಕ್ತಿ ಜಯಾ ಸೂರ್ಯವಂಶಿ ಅವರಿಗೆ 30 ಪ್ಯಾನಲ್ ಖರೀದಿಸಲು ಹೇಳಿದ್ದಾರೆ. ಹಾಗೇ ಮಾಡಿದರೆ, ಪ್ರತಿ ಪ್ಯಾನಲ್’ಗೆ 12528ರೂ ದರದಲ್ಲಿ ಕೊಡುವುದಾಗಿ ಹೇಳಿದ್ದಾರೆ. ಇದನ್ನು ನಂಬಿದ ಜಯಾ ಸೂರ್ಯವಂಶಿ ಅವರು 3,94,632ರೂ ಪಾವತಿಸಿದ್ದಾರೆ. ಅದಾದ ನಂತರ ಅವರಿಗೆ ಮೋಸ ಹೋಗಿರುವುದು ಗೊತ್ತಾಗಿದೆ. ಪಾವತಿಸಿದ ಹಣವೂ ಅವರಿಗೆ ಮರಳಿ ಬಂದಿಲ್ಲ. ಸೋಲಾರ್ ಪ್ಯಾನಲ್ ಸಹ ಸಿಕ್ಕಿಲ್ಲ. ಸೋಲಾರ್ ಫ್ಯಾನಲ್ ಮಾರಾಟ ಮಾಡದ ವ್ಯಕ್ತಿ ಅವರಿಗೆ ನಂಬಿಸಿ ಹಣಪಡೆದಿದ್ದು, ಆ ಹಣ ಮರಳಿಪಡೆಯಲು ಅವರು ಕಾನೂನು ಹೋರಾಟ ನಡೆಸಿದ್ದಾರೆ.
- [ಜೊಯಿಡಾ | ನಿನ್ನೆ ಬಸ್ಸು.. ಇಂದು ಲಾರಿ!](https://mobiletime.in/2026/08/zoida-yesterday-bus-today-truck/): ಜೊಯಿಡಾ ಭಾಗದಲ್ಲಿ ಸುರಿದ ಮಳೆಗೆ ಕಾರವಾರ-ಜೊಯಿಡಾ ರಸ್ತೆ ಹದಗೆಟ್ಟಿದ್ದು, ದೇವುಳ್ಳಿ ಬಳಿ ರಸ್ತೆ ಕುಸಿತವಾಗಿದೆ. ಭಾನುವಾರ ಅಲ್ಲಿ ಬಸ್ಸು ಸಿಕ್ಕಿಬಿದ್ದಿದ್ದು, ಸೋಮವಾರ ಅದೇ ಪ್ರದೇಶದಲ್ಲಿ ಲಾರಿಯೊಂದು ಸಿಲುಕಿದೆ! ಭಾನುವಾರ ಸುರಿದ ಭಾರೀ ಮಳೆಗೆ ಜೊಯಿಡಾ-ಕಾರವಾರ ರಸ್ತೆ ದೇವುಳ್ಳಿ ಬಳಿ ಕುಸಿತಕ್ಕೆ ಒಳಗಾಗಿತ್ತು. ಆ ಕುಸಿತ ಪ್ರದೇಶದಲ್ಲಿ ಕೆಸರು ತುಂಬಿದ್ದು,  ಅಲ್ಲಿ ಸರ್ಕಾರಿ ಬಸ್ಸು ಸಿಕ್ಕಿ ಬಿದ್ದಿತ್ತು. ಅದಾದ ನಂತರ ನಡೆದ ರಕ್ಷಣಾ ಕಾರ್ಯಾಚರಣೆಯಲ್ಲಿ ಬಸ್ಸು ಹೊರತೆಗೆಯಲಾಗಿದ್ದು, ರಸ್ತೆ ಕುಸಿತದ ಕಾರಣ ಸಂಜೆ ಬಸ್ಸಿನ ಪ್ರಯಾಣಿಕರು ಸಮಸ್ಯೆ ಅನುಭವಿಸಿದ್ದರು. ಸೋಮವಾರ ತರಕಾರಿ ಸಾಗಿಸುವ ಈಚರ್ ಲಾರಿ ಅದೇ ಮಾರ್ಗದಲ್ಲಿ ಸಿಕ್ಕಿ ಬಿದ್ದಿತು. ಅದರಿಂದಲೂ ಇನ್ನಿತರ ವಾಹನ ಓಡಾಟಕ್ಕೆ ಸಮಸ್ಯೆಯಾಯಿತು. ರಸ್ತೆಯ ಒಂದು ಭಾಗ ದುರ್ಬಲಗೊಂಡಿದ್ದರಿoದ ಈಚರ್ ಲಾರಿ ಚಕ್ರ ರಸ್ತೆ ಒಳಗೆ ಕುಸಿದಿದ್ದು, ಆ ಲಾರಿ ಮುಂದೆ ಸಾಗಲು ಸಾಧ್ಯವಾಗಲಿಲ್ಲ. ಹೀಗಾಗಿ ಕಾರವಾರ-ಜೊಯಿಡಾ ಮಾರ್ಗದಲ್ಲಿ ಸಂಚಾರ ಅಸ್ತವ್ಯಸ್ಥವಾಯಿತು. ಈ ವೇಳೆ ಅಲ್ಲಿಗೆ ಬಂದ ಪೊಲೀಸರು ಸಂಚಾರ ದಟ್ಟಣೆ ಆಗುವುದನ್ನು ತಪ್ಪಿಸಿದರು. ಅದಾದ ನಂತರ ಜೆಸಿಬಿ ತರಿಸಿ ಲಾರಿಯನ್ನು ಹೊರಗೆ ಎಳೆಯಲಾಯಿತು.
- [`ಮರಣ ಪ್ರಮಾಣ ಪತ್ರಕ್ಕೆ ಆಧಾರ್ ಸಂಖ್ಯೆ ನೀಡಿ'](https://mobiletime.in/2026/08/aadhaar-number-needed-even-after-death/): ಸರ್ಕಾರಿ ದಾಖಲೆಗಳಲ್ಲಿ ಸಾವನಪ್ಪಿದವರ ವಿವರ ದಾಖಲಿಸುವಾಗ ತಪ್ಪಾಗಿ ಬದುಕಿದವರ ಆಧಾರ್ ಸಂಖ್ಯೆ ನಮೂದಿಸಿದರೆ ಆ ಬದುಕಿದ ವ್ಯಕ್ತಿಗೆ ಸರ್ಕಾರಿ ಸೌಲಭ್ಯ ಸಿಗುವುದಿಲ್ಲ. ಹೀಗಾಗಿ `ಮರಣ ವಿಷಯ ದಾಖಲಿಸುವಾಗ ಸಾವನಪ್ಪಿದ ವ್ಯಕ್ತಿಯ ಆಧಾರ್ ಸಂಖ್ಯೆ ಸರಿಯಾಗಿ ನಮೂದಿಸಬೇಕು’ ಎಂದು ಜನನ-ಮರಣ ನೋಂದಣಾಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸೂಚನೆ ನೀಡಿದ್ದಾರೆ. ಸೋಮವಾರ ಜನನ ಮರಣ ನೋಂದಣಿ ಸಮನ್ವಯ ಸಮಿತಿ ಸಭೆ ನಡೆಸಿದ ಅವರು `ಮರಣ ಪ್ರಮಾಣ ಪತ್ರ ನೀಡುವ ಸಂದರ್ಭದಲ್ಲಿ ಮೃತ ವ್ಯಕ್ತಿಯ ಬದಲಾಗಿ ಜೀವಂತ ವ್ಯಕ್ತಿಯ ಆಧಾರ್ ಸಂಖ್ಯೆ ನಮೂದಿಸಿದಲ್ಲಿ ಜೀವಂತ ಇರುವ ವ್ಯಕ್ತಿಯು ವಿವಿಧ ಸರ್ಕಾರಿ ಸೌಲಭ್ಯಗಳಿಂದ ವಂಚಿತರಾಗಲಿದ್ದಾರೆ. ಅಂಥ ಘಟನೆಗೆ ಅವಕಾಶ ನೀಡದೇ ಮೃತರ ಹೆಸರು, ವಿಳಾಸ ಆಧಾರ್ ಸಂಖ್ಯೆಯನ್ನು ದಾಖಲಿಸುವಲ್ಲಿ ಎಚ್ಚರಿಕೆವಹಿಸಬೇಕು’ ಎಂದು ಸೂಚಿಸಿದರು. ಅದಾಗಿಯೂ, ಮರಣ ವ್ಯಕ್ತಿಗೆ ಜೀವಂತ ವ್ಯಕ್ತಿಯ ಆಧಾರ್ ಸಂಖ್ಯೆ ದಾಖಲಿಸಿದ್ದು ಗೊತ್ತಾದರೆ ಕಠಿಣ ಕ್ರಮ ಜರುಗಿಸಲಾಗುತ್ತದೆ’ ಎಂದು ಎಚ್ಚರಿಸಿದರು. `ಜನನ ಮತ್ತು ಮರಣ ನೋಂದಣಿಗೆ ಸಂಬoಧಿಸಿದoತೆ ನೋಂದಣಾಧಿಕಾರಿಗಳು ಕೈಗೊಂಡ ಯಾವುದೇ ಕ್ರಮ ಆಥವಾ ಆದೇಶದಿಂದ ಸಾರ್ವಜನಿಕರು ಅಸಮಧಾನ ಹೊಂದಿದ್ದಲ್ಲಿ ಈ ಬಗ್ಗೆ ಮೇಲ್ಮನವಿ ಸಲ್ಲಿಸಬಹುದಾಗಿದ್ದು, ಈ ಕುರಿತು ಹೆಚ್ಚು ಜಾಗೃತಿ ಮೂಡಿಸಬೇಕು. ಅಲಭ್ಯ ಪ್ರಮಾಣ ಪತ್ರ ನೀಡುವ ಸಂದರ್ಭದಲ್ಲಿ ದಾಖಲೆಗಳನ್ನು ಕೂಲಂಕುಷವಾಗಿ ಪರಿಶೀಲನೆ ನಡೆಸಬೇಕು’ ಎಂದು ಸೂಚಿಸಿದರು. `ಮರಣ ಘಟನೆಗಳಿಗೆ ಸಂಬoಧಿಸಿದoತೆ ಪ್ರತಿಯೊಂದು ಮರಣ ಕಾರಣವನ್ನು ವೈದ್ಯಕೀಯ ಪ್ರಮಾಣ ಪತ್ರದ ವರದಿ ನಮೂನೆಯನ್ನು ಇ-ಜನ್ಮ ತಂತ್ರಾ0ಶದಲ್ಲಿ ಅಪ್ಲೋಡ್ ಮಾಡುವುದರ ಜೊತೆಗೆ ಮರಣದ ಕಾರಣವನ್ನು ನಮೂದಿಸಿ ನೋಂದಣಿ ಮಾಡಬೇಕು. ಎಲ್ಲಾ ಜನನ ಮರಣ ಪ್ರಮಾಣ ಪತ್ರಗಳನ್ನು ಕಡ್ಡಾಯವಾಗಿ ಡಿಜಿಟಲ್ ಸಹಿಯೊಂದಿಗೆ ವಿತರಿಸಬೇಕು. ಮನೆಗಳಲ್ಲಿ ಸಂಭವಿಸುವ ಮರಣ ಘಟನೆಗಳನ್ನು ವಿಳಂಬಕ್ಕೆ ಆಸ್ಪದ ನೀಡದಂತೆ ನಿಗಧಿತ ಅವಧಿಯೊಳಗೆ ನೋಂದಣಿ ಮಾಡಲು ಕ್ರಮ ಕೈಗೊಳ್ಳಬೇಕು. ತಾಲೂಕುಗಳಲ್ಲಿ ತಾಲೂಕು ಸಮನ್ವಯ ಸಮಿತಿ ಸಭೆಗಳನ್ನು ಪ್ರತಿ ತಿಂಗಳು ತಹಶೀಲ್ದಾರ್ ಅಧ್ಯಕ್ಷತೆಯಲ್ಲಿ ನಡೆಸಬೇಕು’ ಎಂದರು. `ತಾಲೂಕು ಮಟ್ಟದಲ್ಲಿ ಜನನ ಮರಣ ನೋಂದಣಿಯು ವ್ಯವಸ್ಥಿತವಾಗಿ ನಡೆಯುತ್ತಿರುವ ಕುರಿತಂತೆ ಪರಿಶೀಲಿಸಲು ಪ್ರತೀ ತಿಂಗಳು ನೋಂದಣಿ ಘಟಕಗಳ ತಪಾಸಣೆಗಳನ್ನು ಕೈಗೊಳ್ಳಬೇಕು. ತಾಲೂಕು ಮಟ್ಟದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ ಸಂರಕ್ಷಣಾಧಿಕಾರಿಗಳು, ನೋಂದಣಾಧಿಕಾರಿ, ಉಪನೋಂದಣಾಧಿಕಾರಿ, ಖಾಸಗಿ ಆಸ್ಪತ್ರೆಯ ವೈದ್ಯಾಧಿಕಾರಿಗಳು ಹಾಗೂ ಜನನ ಮರಣ ದಾಖಲಾತಿ ನಿರ್ವಹಿಸುವ ಆಪರೇಟರ್‌ಗಳಿಗೆ ತರಬೇತಿಯನ್ನು ಅಯೋಜಿಸಬೇಕು’ ಎಂದು ತಿಳಿಸಿದರು. ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿ ಸೋಮಶೇಖರ್ ಮೇಸ್ತಾ ಅವರು ಸಭೆಯಲ್ಲಿದ್ದರು.
- [ಶಿರಸಿ | ಮನೆಗೆ ಬಾರದ ಮಹಿಳೆ!](https://mobiletime.in/2026/08/sirsi-woman-fails-to-return-home/): ಮರಾಠಿಕೊಪ್ಪದಲ್ಲಿ ಮನೆ ಮಾಡಿಕೊಂಡಿದ್ದ ಐಶ್ವರ್ಯ ನಾಯ್ಕ ಅವರು ಮನೆ ಬಿಟ್ಟು ಹೋಗಿದ್ದು, ಅವರು ಮರಳಿ ಬಂದಿಲ್ಲ. ಕುಟುಂಬದವರು ಐಶ್ವರ್ಯ ನಾಯ್ಕ ಅವರಿಗಾಗಿ ಶೋಧ ನಡೆಸಿದ್ದಾರೆ. ಮುಂಡಗೋಡು ಮೂಲದ ಐಶ್ವರ್ಯ ನಾಯ್ಕ ಅವರು ಶಿರಸಿಯಿಂದ ಕಾಣೆಯಾಗಿದ್ದಾರೆ. ಮರಾಠಿಕೊಪ್ಪದಲ್ಲಿದ್ದ ಅವರು ಗಂಡನ ಮನೆಗೆ ಹೋಗಿ ಬರುವುದಾಗಿ ಹೇಳಿ ಹೋದವರು ಅಲ್ಲಿಯೂ ಹೋಗಿಲ್ಲ. ಮರಳಿ ಮನೆಗೂ ಬಂದಿಲ್ಲ. ಹಸಿರು ಚೂಡಿದಾರ ಧರಿಸಿ ಹೊರಟ ಅವರು ಎಲ್ಲಿ ಹೋದರು? ಎಂದು ಯಾರಿಗೂ ಗೊತ್ತಾಗಲಿಲ್ಲ. 27 ವರ್ಷದ ಐಶ್ವರ್ಯ ಸನ್ನಿಕುಮಾರ ನಾಯ್ಕ ಅವರಿಗಾಗಿ ಸದ್ಯ ಪೊಲೀಸರು ಹುಡುಕಾಟ ಶುರು ಮಾಡಿದ್ದಾರೆ. 5.4 ಅಡಿ ಎತ್ತರ, ಗೋಧಿ ಮೈಬಣ್ಣ, ದುಂಡನೆಯ ಮುಖ ಹೊಂದಿದ ಅವರು ಕನ್ನಡ, ಹಿಂದಿ, ಕೊಂಕಣಿ ಮಾತನಾಡುತ್ತಾರೆ. ಅವರನ್ನು ನೋಡಿದವರು ಕೂಡಲೇ ಪೊಲೀಸರಿಗೆ ಫೋನ್ ಮಾಡಲು ಕುಟುಂಬದವರು ಮನವಿ ಮಾಡಿದ್ದಾರೆ. ಕಾರವಾರ ಪೊಲೀಸ್ ಕಂಟ್ರೋಲ್ ರೂಮ್ ಸಂ: 08382-226550, ಮುಂಡಗೋಡ ಪೊಲೀಸ ಠಾಣೆ ದೂ.ಸಂ: 08301-222211 ಹಾಗೂ ಮುಂಡಗೋಡ ಪಿ.ಎಸ್.ಐ. ಮೊ.ಸಂ: 9480805275, ಪಿ.ಐ ಮೊ,ಸಂ: 9480805258ಗೆ ಫೋನ್ ಮಾಡುವಂತೆ ಕೋರಲಾಗಿದೆ.  
- [ಯಲ್ಲಾಪುರ | ಕಳೆನಾಶಕ ಸೇವಿಸಿದ ಕೃಷಿಕ!](https://mobiletime.in/2026/08/yellapur-farmer-consumes-herbicide/): ಮುಂಡಗೋಡಿನ ಬಸವೇಶ್ವರ ಕೋ ಆಪರೇಟಿವ್ ಬ್ಯಾಂಕಿನಲ್ಲಿ ಸಾಲ ಮಾಡಿದ್ದ ಯಲ್ಲಾಪುರದ ಸಚಿನ್ ರೇವಣಕರ್ ಅವರು ಆ ಸಾಲ ತೀರಿಸಲಾಗದೇ ಸಾವನಪ್ಪಿದ್ದಾರೆ. ಕಳೆನಾಶಕ ಸೇವಿಸಿ ಒದ್ದಾಡುತ್ತಿದ್ದ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಯಲ್ಲಾಪುರದ ಶಿರನಾಳ ಬಳಿಯ ಬೊಮ್ಮನಳ್ಳಿಯಲ್ಲಿ ಸಚಿನ್ ಸದಾನಂದ ರೇವಣಕರ್ ಅವರು ವಾಸವಾಗಿದ್ದರು. 29 ವರ್ಷದ ಅವರು ಕುರಿ ಸಾಕಾಣಿಕೆ ಮಾಡಲು ನಿರ್ಧರಿಸಿದ್ದರು. ಅದಕ್ಕಾಗಿ ಅವರು ಮುಂಡಗೋಡಿನ ಬಸವೇಶ್ವರ ಕೋ ಆಪರೇಟಿವ್ ಬ್ಯಾಂಕಿನಲ್ಲಿ ಸಾಲ ಮಾಡಿದ್ದರು. ಆದರೆ, ಕುರಿ ಸಾಕಾಣಿಕೆ ಅವರ ಕೈ ಹಿಡಿಯಲಿಲ್ಲ. ನಷ್ಟ ಅನುಭವಿಸಿದ ಕಾರಣ ಸಾಲ ಮರುಪಾವತಿ ಸಾಧ್ಯವಾಗಲಿಲ್ಲ. ಸಾಲದ ಹೊರೆಯಿಂದಾಗಿ ಅವರು ಸರಾಯಿ ಮೊರೆ ಹೋದರು. ತಲೆಬಿಸಿ ಕಡಿಮೆ ಮಾಡಿಕೊಳ್ಳುವುದಕ್ಕಾಗಿ ದುಶ್ಚಟದ ದಾಸರಾದರು. ಜುಲೈ 28ರಂದು ಅವರು ದುಡುಕು ನಿರ್ಧಾರಕ್ಕೆ ನಿರ್ಣಯಿಸಿದ್ದು, ತೋಟಕ್ಕೆ ಹೊಡೆಯಲು ತಂದಿದ್ದ ಕಳೆನಾಶಕ ಕುಡಿದರು. ಅಸ್ವಸ್ಥರಾಗಿದ್ದ ಅವರನ್ನು ಕುಟುಂಬದವರು ಕಿಮ್ಸ್’ಗೆ ದಾಖಲಿಸಿದರು. ಅದಾಗಿಯೂ, ಅಗಸ್ಟ 2ರಂದು ಅವರು ತಮ್ಮ ಉಸಿರು ನಿಲ್ಲಿಸಿದರು.  
- [ಅಂಕೋಲಾ | ಸಿಡುಕು ಸ್ವಭಾವದ ಶುಶ್ರೂಷಕಿ!](https://mobiletime.in/2026/08/ankola-a-short-tempered-nurse/): `ಅಂಕೋಲಾದ ಪುರಲಕ್ಕಿ-ಬೇಣದಲ್ಲಿನ ನಮ್ಮ ಕ್ಲಿನಿಕ್ ಒಳಗೆ ಆರೋಗ್ಯ ಸೇವೆಗಳು ಹದಗೆಡುತ್ತಿದ್ದು, ಅದಕ್ಕೆ ಅಲ್ಲಿನ ಸಿಬ್ಬಂದಿಯೊಬ್ಬರ ವರ್ತನೆ ಪ್ರಮುಖ ಕಾರಣ’ ಎಂದು ಜನ ದೂರಿದ್ದಾರೆ. `ಇಲ್ಲಿ ಕೆಲಸ ಮಾಡುವ ಶುಶ್ರೂಷಕಿ ರೇಖಾ ಬೂದಿಹಾಳ ಅವರನ್ನು ಬೇರೆಡೆ ವರ್ಗಾಯಿಸಬೇಕು’ ಎಂದು 30ಕ್ಕೂ ಅಧಿಕ ಜನ ಪತ್ರ ಬರೆದಿದ್ದಾರೆ. ಕಾರವಾರ-ಅಂಕೋಲಾ ವಿಧಾನಸಭಾ ಕ್ಷೇತ್ರ ಶಾಸಕ ಸತೀಶ್ ಸೈಲ್ ಅವರಿಗೆ ಪುರಮಕ್ಕಿ-ಬೇಣದ ಜನ ಪತ್ರ ರವಾನಿಸಿದ್ದು, ಅದರಲ್ಲಿ ಅನೇಕ ಬಗೆಯ ಆರೋಪಗಳನ್ನು ಮಾಡಿದ್ದಾರೆ. ನಮ್ಮ ಕ್ಲಿನಿಕ್ ಕೇಂದ್ರದಲ್ಲಿ ಶುಶ್ರೂಷಕಿಯಾಗಿರುವ ರೇಖಾ ಬೂದಿಹಾಳ ಅವರ ವರ್ತನೆ ವಿರುದ್ಧ ಅಸಮಧಾನವ್ಯಕ್ತಪಡಿಸಿದ್ದಾರೆ. `ಇಲ್ಲಿ ನಾಲ್ಕು ವರ್ಷದಿಂದ ಸೇವೆ ಸಲ್ಲಿಸುತ್ತಿರುವ ರೇಖಾ ಬೂದಿಹಾಳ ಅವರು ನಿತ್ಯ ತಕರಾರು ಮಾಡುತ್ತಿದ್ದು, ಅವರನ್ನು ಕೂಡಲೇ ಇಲ್ಲಿಂದ ವರ್ಗಾಯಿಸಿ’ ಎಂದು ಆಗ್ರಹಿಸಿದ್ದಾರೆ. `ರೇಖಾ ಬೂದಿಹಾಳ ಅವರು ಸಮಯಕ್ಕೆ ಸರಿಯಾಗಿ ಬರುತ್ತಿಲ್ಲ. ಸಿಡುಕು ಸ್ವಭಾವದ ಅವರು ಜನರಿಗೆ ನಿತ್ಯ ಬೈಯುತ್ತಾರೆ. ಈ ಹಿಂದೆ ಇದ್ದ ವೈದ್ಯರಿಗೂ ಸಮಸ್ಯೆ ಮಾಡಿ, ಅವರನ್ನು ಓಡಿಸಿದ್ದಾರೆ. ವೈದ್ಯರು ಬರೆದ ಔಷಧಿ ಬದಲು ಬೇರೆ ಔಷಧಿ ನೀಡುವ ಬಗ್ಗೆಯೂ ದೂರುಗಳಿವೆ. ಈ ಎಲ್ಲಾ ವಿಷಯದ ಬಗ್ಗೆ ಎರಡು ವರ್ಷದ ಹಿಂದೆ ಮೇಲಧಿಕಾರಿಗಳು ಸಭೆ ಕರೆದು ಬುದ್ದಿ ಹೇಳಿದರೂ ಅವರ ನಡವಳಿಕೆ ಬದಲಾಗಿಲ್ಲ’ ಎಂದು ಪತ್ರದಲ್ಲಿ ವಿವರಿಸಿದ್ದಾರೆ. `ಈಚೆಗೆ ರೇಖಾ ಬೂದಿಹಾಳ ಅವರು ಆಸ್ಪತ್ರೆಯ ಪ್ರಯೋಗಶಾಲಾ ತಂತ್ರಜ್ಞರಿಗೆ ಕೆಟ್ಟದಾಗಿ ಬೈದಿದ್ದು, ಅವರಿಗೆ ಮಾನಸಿಕ ಕಿರುಕುಳ ನೀಡಿದ್ದಾರೆ. ಅದರಿಂದ ಅವರ ಆರೋಗ್ಯದಲ್ಲಿ ಏರುಪೇರಾಗಿದೆ. ಈ ಎಲ್ಲಾ ವಿಷಯದ ಬಗ್ಗೆ ಅಲ್ಲಿನ ನಿವಾಸಿಗಳು ಅನೇಕ ಬಾರಿ ದೂರು ನೀಡಿದರೂ ಕ್ರಮ ಆಗಿಲ್ಲ. ಈ ಎಲ್ಲಾ ಹಿನ್ನಲೆ ಅವರನ್ನು ಇಲ್ಲಿಂದ ಬೇರೆ ಕಡೆ ವರ್ಗಾಯಿಸಬೇಕು. ಜೊತೆಗೆ ಜನಸ್ನೇಹಿ ಸಿಬ್ಬಂದಿ ನೇಮಿಸಬೇಕು’ ಎಂದು ಒತ್ತಾಯಿಸಿದ್ದಾರೆ. ಈ ಪತ್ರವನ್ನು ಆರೋಗ್ಯ ಇಲಾಖೆ, ಜಿಲ್ಲಾಡಳಿತ ಸೇರಿ ವಿವಿಧ ಕಡೆ ರವಾನಿಸಿದ್ದಾರೆ.  
- [ಫಸಲ್ ಭೀಮಾ| ವಿಮಾ ಅವಧಿ ವಿಸ್ತರಣೆ](https://mobiletime.in/2026/08/fasal-bima-extension-of-insurance-period/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕರ್ನಾಟಕ ರೈತ ಸುರಕ್ಷಾ ಪ್ರಧಾನಮಂತ್ರಿ ಫಸಲ್ ಬಿಮಾ (ವಿಮಾ) ಯೋಜನೆ ಜಾರಿಯಲ್ಲಿದ್ದು, ಆಹಾರ ಬೆಳೆಗಳಿಗೆ ಈ ಬಾರಿ `ಇಪ್ಕೋ ಟೋಕಿಯೋ ಜನರಲ್ ಇನ್ಸುರೆನ್ಸ್’ ಕಂಪನಿ ಯೋಜನೆ ಅನುಷ್ಠಾನದ ಹೊಣೆ ಹೊತ್ತಿದೆ. 2026-27 ನೇ ಸಾಲಿನಲ್ಲಿ ಮುಂಗಾರು ಹಂಗಾಮಿನಲ್ಲಿ ಭತ್ತ, ಮುಸುಕಿನ ಜೋಳ, ಹಾಗೂ ಹತ್ತಿ ಬೆಳೆಗಳಿಗೆ ವಿಮಾ ಸೌಲಭ್ಯ ನೀಡಲಾಗಿದ್ದು, ಮೆಕ್ಕೆಜೋಳ ಹಾಗೂ ಹತ್ತಿ ಬೆಳೆಗಳಿಗೆ ವಿಮೆ ನೊಂದಾಯಿಸಿಕೊಳ್ಳಲು ಬೆಳೆ ಸಾಲ ಪಡೆದ ರೈತರಿಗೆ ಮಾತ್ರ ಅಂತಿಮ ದಿನಾಂಕ ವಿಸ್ತರಿಸಲಾಗಿದೆ. ಅಗಸ್ಟ್ 7ರವರೆಗೆ ವಿಮೆ ನೊಂದಾಯಸಿಕೊಳ್ಳಲು ಅವಕಾಶ ನೀಡಲಾಗಿದೆ. ಇದರೊಂದಿಗೆ ಭತ್ತದ ಬೆಳೆಗೆ ವಿಮೆ ನೊಂದಾಯಿಸಿಕೊಳ್ಳಲು ಬೆಳೆ ಸಾಲ ಪಡೆದ ರೈತರು ಹಾಗೂ ಪಡೆಯದ ರೈತರಿಗೆ ವಿಮಾ ಯೋಜನೆ ಅಡಿ ನೋಂದಾಯಿಸಿಕೊಳ್ಳಲು ಅಗಸ್ಟ್ 14ಕ್ಕೆ ಕೊನೆ ದಿನ. ರೈತರು ಪ್ರೋಟ್ ಐಡಿ, ಆಧಾರ ಕಾರ್ಡ, ಬ್ಯಾಂಕ್ ಪಾಸ್ ಬುಕ್ ಪ್ರತಿ, ಪಹಣಿಯ ಪ್ರತಿಗಳ ಜೊತೆ ತಮ್ಮ ಹತ್ತಿರದ ರಾಷ್ಟ್ರೀಕೃತ ಬ್ಯಾಂಕ್, ವ್ಯವಸಾಯ ಸೇವಾ ಸಹಕಾರಿ ಸಂಘ, ಸಾಮಾನ್ಯ ಸೇವಾ ಕೇಂದ್ರ, ಗ್ರಾಮ ಒನ್, ಕರ್ನಾಟಕ ಒನ್ ಕೇಂದ್ರಗಳಲ್ಲಿ ಬೆಳೆ ವಿಮ ನೊಂದಣಿ ಮಾಡಿಕೊಳ್ಳಬಹುದಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಕೃಷಿ ಇಲಾಖೆ ಅಥವಾ ಟೋಲ್ ಪ್ರೀ ಸಂಖ್ಯೆ 1800 103 5490ಗೂ ಕರೆ ಮಾಡುವಂತೆ ಕೃಷಿ ಇಲಾಖೆ ಸೂಚಿಸಿದೆ.
- [ಹೊನ್ನಾವರ | ಗುರೂಜಿಯ ದೂರು ಆಲಿಸದ ಪೊಲೀಸ್ ಅಧಿಕಾರಿ!](https://mobiletime.in/2026/08/honnavara-police-officer-fails-to-heed-gurujis-complaint/): ಶರಾವತಿ ಪಂಪ್ ಸ್ಟೋರೆಜ್ ವಿರುದ್ಧ ಹೋರಾಡುತ್ತಿರುವ ಬಂಗಾರಮಕ್ಕಿಯ ಮಾರುತಿ ಗುರೂಜಿ ಪೊಲೀಸರ ನಡೆಯ ಬಗ್ಗೆ ಕಿಡಿಕಾರಿದ್ದಾರೆ. `ತಾವು ದೂರು ನೀಡಿದರೂ ಪೊಲೀಸರು ಅದನ್ನು ಸ್ವೀಕರಿಸಿಲ್ಲ’ ಎಂದವರು ಆರೋಪಿಸಿದ್ದಾರೆ. ಮೊಬೈಲ್ ಮಿಡಿಯಾ ನೆಟ್‌ವರ್ಕ ಜೊತೆ ಮಾತನಾಡಿದ ಅವರು `ಶರಾವತಿ ಪಂಪ್ ಸ್ಟೋರೆಜ್ ವಿಷಯವಾಗಿ ಹೋರಾಟ ಶುರು ಮಾಡಿದಾಗ 16 ಅಧಿಕಾರಿಗಳು ನಮ್ಮಲ್ಲಿ ಬಂದಿದ್ದರು. ನಿಮ್ಮ ಶಾಲೆಗೆ ಏನು ಬೇಕು? ದೇವಸ್ಥಾನಕ್ಕೆ ಏನು ಬೇಕು? ಎಂದು ಪ್ರಶ್ನಿಸಿದರು. ನಂತರ ವಿಷ್ಣು ದೇವಸ್ಥಾನ ಸ್ಥಳಾಂತರ ಮಾಡಿ, ಮತ್ತೇನು ಪರಿಹಾರ ಕೊಡಬೇಕು?’ ಎಂದು ಕೇಳಿದ್ದರು. ಅದಕ್ಕೆ ಒಪ್ಪದೇ ಇದ್ದಾಗ 1 ಎಕರೆ ಜಾಗ ಕೊಡುವುದಾಗಿ ಆಮೀಷ ಒಡ್ಡಿದ್ದರು. ಅದಕ್ಕೂ ಬಗ್ಗದೇ ಇದ್ದಾಗ ನಮ್ಮ ಪಕ್ಕದ ಭೂಮಿ ಮಾಲಕರಿಗೆ ಎಕರೆಗೆ ಎರಡು ಕೋಟಿ ರೂ ನೀಡುವುದಾಗಿ ಹೇಳಿದ್ದಾರೆ. ಅವರು ಏನೇ ಮಾಡಿದರೂ ನಾವು ಪಂಪ್ ಸ್ಟೋರೆಜ್ ಮಾಡಲು ಅವಕಾಶ ಕೊಡುವುದಿಲ್ಲ’ ಎಂದರು. `ಅದಾದ ನಂತರ ನಮಗೆ ಫೋನ್ ಮೂಲಕ ಬೆದರಿಕೆ ಬಂದಿತು. ಆರಂಭದಲ್ಲಿ ಅದನ್ನು ನಾನು ನಿರ್ಲಕ್ಷಿಸಿದ್ದು, ಅದರ ಆಳ ಅರಿವಾದ ನಂತರ ಸಂಬoಧಿಸಿದ ಇಲಾಖೆ ಗಮನಕ್ಕೆ ತಂದಿದ್ದೇನೆ. ಅಲ್ಲಿಯೂ ಸುಮ್ಮನಿರದ ಕಾಣದ ಕೈಗಳು ಶಿವಮೊಗ್ಗದಲ್ಲಿ ನಮ್ಮ ಮೇಲೆ ದಾಳಿಗೆ ಮುಂದಾದವು. ಆ ವೇಳೆ ಪೊಲೀಸರಿಗೆ ದೂರು ನೀಡಿದರೂ ಅದನ್ನು ತೆಗೆದುಕೊಳ್ಳಲಿಲ್ಲ. ನನ್ನ ವಿರುದ್ಧವೇ ದೂರು ದಾಖಲಿಸಿದರು’ ಎಂದು ಮಾರುತಿ ಗುರೂಜಿ ಹೇಳಿದ್ದಾರೆ. `ನಾವು ಚಲಿಸುತ್ತಿದ್ದ ಕಾರಿಗೆ ಬೈಕಿನಲ್ಲಿದ್ದವರು ಗುದ್ದಿದ್ದು, ಆ ಬಗ್ಗೆ ದೂರು ನೀಡಲು ಹೋದಾಗ ಇದೊಂದು ಹೈ ಪ್ರೊಪೈಲ್ ಸಮಸ್ಯೆ ಎಂದು ದೂರು ಸ್ವೀಕರಿಸುವ ಅಧಿಕಾರಿ ರಜೆ ಹಾಕಿದರು. ಐದು ದಿನ ಕಳೆದರೂ ದೂರು ಸ್ವೀಕರಿಸಬೇಕಿದ್ದ ಪೊಲೀಸರೇ ಬರಲಿಲ್ಲ. ಅದಾದ ನಂತರ ನಮ್ಮ ವಿರುದ್ಧ ದೂರು ಸ್ವೀಕರಿಸಿ, ಸಮಸ್ಯೆ ಮಾಡಲಾಯಿತು’ ಎಂದವರು ವಿವರಿಸಿದರು. `ಈ ಯಾವ ತಂತ್ರಗಳಿಗೂ ನಾವು ಬಗ್ಗುವುದಿಲ್ಲ. ಒಳ್ಳೆ ಕಾರ್ಯಕ್ಕೆ ಜೀವ ಹೋದರೆ ಅದೇ ನನಗೆ ಸಂತೋಷ’ ಎಂದವರು ಹೇಳಿದರು.  
- [ಕಂಡವರ ಕಾಸಿಗೆ ಕೈ ಒಡ್ಡಿದ KAS ಕಾವ್ಯರಾಣಿ!](https://mobiletime.in/2026/08/kas-officer-kavyarani-had-her-hand-out-for-others-money/): ಶಿರಸಿ ಎಸಿಯಾಗಿ ಕೆಲಸ ಮಾಡಿದ್ದ ಕಾವ್ಯರಾಣಿ ಅವರು ಮೈಸೂರಿಗೆ ಹೋದ ನಂತರ ಭ್ರಷ್ಟರಾಗಿದ್ದು, ಕಂಡವರ ಕಾಸಿಗೆ ಆಸೆಪಟ್ಟು ಅವರು ಲೋಕಾಯುಕ್ತರ ವಶಕ್ಕೆ ಸಿಲುಕಿದ್ದಾರೆ. ಕಾವ್ಯರಾಣಿ ಅವರು ಬೆಂಗಳೂರಿನ ಡಿ ರೂಪಾ ಅವರ ಬಳಿ 10.50 ಲಕ್ಷ ರೂ ಬೇಡಿದ್ದು, 5.5 ಲಕ್ಷ ರೂ ಸ್ವೀಕರಿಸುವಾಗ ಲೋಕಾಯುಕ್ತ ದಾಳಿ ನಡೆದಿದೆ. ಕಾವ್ಯರಾಣಿ ಅವರು ಶಿರಸಿ ಸಹಾಯಕ ಆಯುಕ್ತರ ಕಚೇರಿಯಲ್ಲಿ ಸಹಾಯಕ ಆಯುಕ್ತರಾಗಿ ಕೆಲಸ ಮಾಡಿದ್ದರು. ಕಾವ್ಯರಾಣಿ ಅವರು ಭಟ್ಕಳದಲ್ಲಿಯೂ ಪ್ರಭಾರಿ ಸಹಾಯಕ ಆಯುಕ್ತರಾಗಿ ಕೆಲಸ ಮಾಡಿದ್ದರು. ಖಡಕ್ ಅಧಿಕಾರಿ ಎಂದೇ ಅವರು ಹೆಸರು ಮಾಡಿದ್ದರು. ಕಷ್ಟಪಟ್ಟು ಈ ಹುದ್ದೆಪಡೆದಿರುವುದಾಗಿ ಹೇಳಿದ್ದ ಅವರು ಅನೇಕ ಬಾರಿ ಸ್ಪೂರ್ತಿದಾಯಕ ಭಾಷಣಗಳನ್ನು ಮಾಡಿದ್ದರು. ವಿವಿಧ ಶಾಲೆಗಳಿಗೂ ಭೇಟಿ ನೀಡಿ ವಿದ್ಯಾರ್ಥಿಗಳಿಗೆ ಪ್ರೇರಣಾ ನುಡಿಗಳನ್ನು ಹೇಳಿಕೊಡುತ್ತಿದ್ದರು. ಕಳೆದ ವರ್ಷ ಅವರು ಶಿರಸಿಯಿಂದ ಅವರು ವರ್ಗವಾಗಿದ್ದು, ಸದ್ಯ ಮೈಸೂರಿನ ಹುಣಸೂರು ಉಪವಿಭಾಗಾಧಿಕಾರಿಯಾಗಿದ್ದರು. ಎಚ್ ಡಿ ಕೋಟೆ ತಾಲೂಕಿನ ಜಮೀನು ವಿವಾದವೊಂದು ಕಾವ್ಯರಾಣಿ ಅವರು ಉಪವಿಭಾಗಾಧಿಕಾರಿಯಾಗಿರುವ ಕಚೇರಿ ವ್ಯಾಪ್ತಿಗೆ ಒಳಪಟ್ಟಿದ್ದು, ಒಂದು ವರ್ಷದಿಂದ ವಿಚಾರಣೆ ನಡೆಯುತ್ತಿತ್ತು. ಈ ವಿಷಯವಾಗಿ ಬೆಂಗಳೂರಿನ ಡಿ ರೂಪಾ ಅವರ ಬಳಿ ಕಾವ್ಯರಾಣಿ ಅವರು 10.50 ಲಕ್ಷ ರೂ ಲಂಚ ಬೇಡಿದ್ದರು. ಇದರ ಮೊದಲ ಕಂತಾಗಿ ಈಗಾಗಲೇ 5 ಲಕ್ಷ ರೂ ಹಣಪಡೆದಿದ್ದು, ಎರಡನೇ ಕಂತು ಕೊಡುವಂತೆ ಪೀಡಿಸುತ್ತಿದ್ದರು. ತಮ್ಮ ಆಪ್ತ ಸಹಾಯಕ ಶಿವಕುಮಾರ ಅವರ ಮೂಲಕ 2ನೇ ಕಂತಿನ ಹಣಪಡೆಯುವಾಗ ಲೋಕಾಯುಕ್ತರು ದಾಳಿ ಮಾಡಿದ್ದಾರೆ. ಸದ್ಯ ಕಾವ್ಯರಾಣಿ ಅವರನ್ನು ಲೋಕಾಯುಕ್ತರು ವಶಕ್ಕೆಪಡೆದಿದ್ದಾರೆ.
- [ಯಲ್ಲಾಪುರ | ಮನೆ ಪಡೆದವರ ಮುಖದಲ್ಲಿ ಮಂದಹಾಸ!](https://mobiletime.in/2026/08/yellapur-smiles-on-the-faces-of-those-who-received-homes/): ಯಲ್ಲಾಪುರದ ಹೆಬ್ಬಾರ್ ನಗರದಲ್ಲಿ ಬಡವರಿಗಾಗಿ ಮನೆ ನಿರ್ಮಿಸಲಾಗಿದ್ದು, ಒಟ್ಟು 342 ಕುಟುಂಬಗಳಿಗೆ ಸೋಮವಾರ ಶಾಸಕ ಶಿವರಾಮ ಹೆಬ್ಬಾರ್ ಅವರು ಮನೆ ಹಸ್ತಾಂತರಿಸಿದ್ದಾರೆ. ಸ್ವಂತದೊoದು ಸೂರು ಹೊಂದಿರಬೇಕು ಎಂದು ಕನಸು ಕಂಡ ಅನೇಕರಿಗೆ ಅವರವರ ಅರ್ಹತೆ ಆಧಾರದಲ್ಲಿ ಈ ದಿನ ಮನೆ ಸಿಕ್ಕಿದೆ. ವಸತಿರಹಿತ ಬಡ ಕುಟುಂಬಗಳಿಗೆ ಶಾಶ್ವತ ನೆಲೆ ಕಲ್ಪಿಸುವ ಮಹತ್ವಾಕಾಂಕ್ಷೆಯಿoದ ಹೆಬ್ಬಾರ ನಗರದಲ್ಲಿ ಜಿ+2 ಮಾದರಿಯ ಮನೆ ನಿರ್ಮಾಣ ಕಾರ್ಯ ನಡೆದಿತ್ತು. ಮೊದಲ ಹಂತದಲ್ಲಿ ಕಾಮಗಾರಿ ಪೂರ್ಣಗೊಂಡಿದ್ದು, ಮನೆಗಾಗಿ ಕಾದ ಜನ 1 ಲಕ್ಷ ರೂ ಹಣಪಾವತಿಸಿ ಅದರ ಫಲಾನುಭವಿ ಆಗಲು ಕಾದಿದ್ದರು. ಆಧುನಿಕ ಸೌಲಭ್ಯಗಳನ್ನು ಕಲ್ಪಿಸಿದ ನಂತರ ಈ ದಿನ ಶಿವರಾಮ ಹೆಬ್ಬಾರ್ ಅವರು ಆ ಮನೆಗಳನ್ನು ಪಲಾನುಭವಿಗಳಿಗೆ ಹಸ್ತಾಂತರ ಮಾಡಿದರು. `12 ಲಕ್ಷ ರೂ ಮೌಲ್ಯದ ಮನೆ 1 ಲಕ್ಷ ರೂಪಾಯಿಗೆ ಫಲಾನುಭವಿಗಳಿಗೆ ಸಿಗುತ್ತಿದೆ. ಹತ್ತು ವರ್ಷಗಳ ಪ್ರಯತ್ನಿಸಿದ ಪರಿಣಾಮ ಈ ಮನೆ ನಿರ್ಮಾಣವಾಗಿದೆ’ ಎಂದು ಶಿವರಾಮ ಹೆಬ್ಬಾರ್ ಅವರು ಹೇಳಿದರು. `ಪ್ರತಿಯೊಬ್ಬರಿಗೂ ಸುರಕ್ಷಿತ ಹಾಗೂ ಗೌರವಯುತ ವಸತಿ ಸೌಲಭ್ಯ ಒದಗಿಸುವುದು ತಮ್ಮ ಸಂಕಲ್ಪವಾಗಿದ್ದು, ಬಡವರ ಬದುಕಿನಲ್ಲಿ ನೆಮ್ಮದಿ ಮತ್ತು ಭದ್ರತೆಯನ್ನು ಮೂಡಿಸುವ ನಿಟ್ಟಿನಲ್ಲಿ ಈ ಯೋಜನೆ ಮಹತ್ವದ ಹೆಜ್ಜೆಯಾಗಿದೆ’ ಎಂದರು.
- [ಸಚಿವ ಸ್ಥಾನಕ್ಕಾಗಿ ಹೈಡ್ರಾಮಾ: ಹೈಕಮಾಂಡ್ ಮಾಡಿದ ಟೈಪಿಂಗ್ ಮಿಸ್ಟೇಕ್!](https://mobiletime.in/2026/08/high-drama-over-ministerial-berth-high-command-makes-a-typing-error/): ಸೋಮವಾರ ಬಿಡುಗಡೆಯಾದ ಸಚಿವರ ಪಟ್ಟಿಯಲ್ಲಿ ಭಟ್ಕಳ-ಹೊನ್ನಾವರ ಶಾಸಕ ಮಂಕಾಳು ವೈದ್ಯ ಅವರ ಹೆಸರಿದ್ದು, ಆ ನಂತರ ಹೊರಬಿದ್ದ ಮತ್ತೊಂದು ಪಟ್ಟಿಯಲ್ಲಿ ಮಂಕಾಳು ವೈದ್ಯ ಅವರ ಹೆಸರು ಮಾಯವಾಗಿದೆ. `ಟೈಪಿಂಗ್ ಮಿಸ್ಟೇಕ್ ಕಾರಣ ಮೊದಲ ಪಟ್ಟಿಯಲ್ಲಿ ಮಂಕಾಳು ವೈದ್ಯ ಅವರ ಹೆಸರು ಸೇರ್ಪಡೆಯಾಗಿತ್ತು’ ಎಂದು ಕಾಂಗ್ರೆಸ್ ಹೈಕಮಾಂಡ್ ಹೇಳಿದೆ! ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ನೇತೃತ್ವದ ಸಚಿವ ಸಂಪುಟದ ನೂತನ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಲು ಮಂಕಾಳು ವೈದ್ಯ ಅವರು ಉತ್ಸುಕರಾಗಿದ್ದರು. ಅವರ ನಿರೀಕ್ಷೆಯಂತೆ ಸಚಿವ ಸ್ಥಾನದ ಪಟ್ಟಿಯಲ್ಲಿಯೂ ಹೆಸರು ಬಂದಿತ್ತು. ಆದರೆ, ಕೊನೆಕ್ಷಣದಲ್ಲಿ ಮಂಕಾಳು ವೈದ್ಯ ಅವರ ಹೆಸರು ಕೈ ಬಿಟ್ಟು ಎಸ್ ಎಸ್ ಮಲ್ಲಿಕಾರ್ಜುನ ಅವರಿಗೆ ಕಾಂಗ್ರೆಸ್ ಸಚಿವ ಸ್ಥಾನ ನೀಡಿತು. ಆರಂಭದಲ್ಲಿ ಎಐಸಿಸಿ ಬಿಡುಗಡೆ ಮಾಡಿದ 20 ಸಚಿವರ ಪಟ್ಟಿಯಲ್ಲಿ ಭಟ್ಕಳ ಕ್ಷೇತ್ರದ ಶಾಸಕ ಮಂಕಾಳ ವೈದ್ಯ ಅವರ ಹೆಸರಿದ್ದು, ಒಂದು ತಾಸಿನ ನಂತರ ಬಂದ ಮತ್ತೊಂದು ಪಟ್ಟಿಯಲ್ಲಿ ಅವರ ಹೆಸರು ಮಾಯವಾಗಲು ಕಾರಣವೇನು? ಎನ್ನುವುದರ ಬಗ್ಗೆ ಚರ್ಚೆ ನಡೆಯಿತು. ಮಂಕಾಳ ವೈದ್ಯರಿಗೆ ಸಚಿವ ಸ್ಥಾನ ಕೈತಪ್ಪಿದ್ದಕ್ಕೆ ಪ್ರತಿಕ್ರಿಯೆ ನೀಡಿರುವ ಕಾಂಗ್ರೆಸ್ ಹೈಕಮಾಂಡ್ `ಇದು ಟೈಪಿಂಗ್ ಮಿಸ್ಟೇಕಿನಿಂದ ಆದ ಪ್ರಮಾದ’ ಎಂದು ಹೇಳಿದೆ. `ಆರಂಭದಲ್ಲಿ ಪಟ್ಟಿಯಲ್ಲಿ ಮಂಕಾಳ ವೈದ್ಯರ ಹೆಸರು ಇರಲಿಲ್ಲ. ನಂತರ ಪಟ್ಟಿಯಲ್ಲಿಯೂ ಇಲ್ಲ’ ಎಂದು ಸ್ಪಷ್ಠೀಕರಣ ಕೊಟ್ಟಿದೆ. ಸಚಿವ ಸ್ಥಾನ ಕೊಡುವುದಿಲ್ಲ ಎಂದಾದರೆ ಅವರನ್ನು ಕರೆಯಿಸಿಕೊಂಡಿದ್ದು ಏತಕೆ? ಸಿಕ್ಕ ಸಚಿವ ಸ್ಥಾನಕ್ಕೆ ಕಡ್ಡಿ ಮಾಡಿದ್ದು ಯಾರು? ಎನ್ನುವುದರ ಬಗ್ಗೆ ಈಗಲೂ ಗೊಂದಲವಿದೆ. ಈ ಎಲ್ಲದರ ನಡುವೆ ಮಂಕಾಳು ವೈದ್ಯ ಅವರ ಪರ ಅನುಕಂಪದ ಅಲೆ ಜೋರಾಗಿದ್ದು, ಅವರು ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರನ್ನು ಭೇಟಿ ಮಾಡಲಿದ್ದಾರೆ.
- [ಮಂಕಾಳು ವೈದ್ಯ: ಒಂದೇ ತಾಸಿನ ಸಚಿವ!](https://mobiletime.in/2026/08/mankalu-vaidya-a-one-hour-minister/): ಮೂರು ವರ್ಷಗಳ ಕಾಲ ಉತ್ತರ ಕನ್ನಡದ ಉಸ್ತುವಾರಿ ಸಚಿವರಾಗಿ ಆಡಳಿತ ನಡೆಸಿದ ಮಂಕಾಳು ವೈದ್ಯ ಅವರು ಸೋಮವಾರ ಮತ್ತೊಮ್ಮೆ ಸಚಿವ ಸ್ಥಾನದ ಪಟ್ಟಿ ಸೇರಿದ್ದು, ಒಂದು ತಾಸಿನೊಳಗೆ ಅವರನ್ನು ಆ ಪಟ್ಟಿಯಿಂದ ಅವರನ್ನು ಹೊರದಬ್ಬಲಾಗಿದೆ. ಸಚಿವ ಸ್ಥಾನ ಆಕಾಂಕ್ಷಿಗಳ ಜೊತೆ ಕಾಂಗ್ರೆಸ್ ಹೈಕಮಾಂಡ್ ಹಾವು-ಏಣಿಯ ಆಟವಾಡಿದ್ದು, ಅದಕ್ಕೆ ಮಂಕಾಳು ವೈದ್ಯ ಅವರು ಬಲಿಪಶು ಆಗಿದ್ದಾರೆ. ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿ ಆದ ಅವಧಿಯಲ್ಲಿ ಮಂಕಾಳು ವೈದ್ಯ ಅವರು ಮೊದಲ ಬಾರಿ ಸಚಿವರಾಗಿದ್ದರು. ಮೀನುಗಾರಿಕೆ ಸಚಿವರಾಗಿದ್ದ ಅವರು ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿಯನ್ನುವಹಿಸಿಕೊಂಡಿದ್ದರು. ಜೊತೆಗೆ ಬಂದರು ಮತ್ತು ಒಳನಾಡು ಜಲಸಾರಿಗೆ ಸಚಿವರಾಗಿಯೂ ಮಂಕಾಳು ವೈದ್ಯ ಅವರು ಜವಾಬ್ದಾರಿ ನಿಭಾಯಿಸಿದ್ದರು. ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿ ಸ್ಥಾನ ತ್ಯಜಿಸಿದ ನಂತರ ಡಿಕೆ ಶಿವಕುಮಾರ ಅವರು ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದು, ಹಳಿಯಾಳ ಶಾಸಕ ಆರ್ ವಿ ದೇಶಪಾಂಡೆ, ಶಿರಸಿ ಶಾಸಕ ಭೀಮಣ್ಣ ನಾಯ್ಕ ಹಾಗೂ ಕಾರವಾರ ಶಾಸಕ ಸತೀಶ್ ಸೈಲ್ ಅವರು ಉಸ್ತುವಾರಿ ಸ್ಥಾನಕ್ಕಾಗಿ ಪೈಪೋಟಿಗಿಳಿದಿದ್ದರು. ಈಗಾಗಲೇ ಉಸ್ತುವಾರಿ ಸಚಿವರಾಗಿ ಅಧಿಕಾರ ಅನುಭವಿಸಿದ್ದ ಮಂಕಾಳು ವೈದ್ಯ ಅವರು ಸಹ ಸ್ಪರ್ಧೆಯಲ್ಲಿದ್ದರು. ದೆಹಲಿಯ ಕಾಂಗ್ರೆಸ್ ಹೈಕಮಾಂಡಿನಿoದ ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರಿಗೆ ಅಗಸ್ಟ 3ರ ಸೋಮವಾರ ಪತ್ರವೊಂದು ಬಂದಿತು. ಆ ಪತ್ರದಲ್ಲಿ 20 ಶಾಸಕರಿಗೆ ಸಚಿವ ಸ್ಥಾನ ನೀಡುವ ಬಗ್ಗೆ ಪ್ರಸ್ತಾಪಿಸಲಾಗಿತ್ತು. 12ನೇ ಸ್ಥಾನದಲ್ಲಿ ಭಟ್ಕಳ ಶಾಸಕ ಮಂಕಾಳು ವೈದ್ಯ ಅವರ ಹೆಸರಿದ್ದು, ಮಂಕಾಳು ವೈದ್ಯ ಅವರ ಜೊತೆ ಬೆಂಬಲಿಗರು ಖುಷಿಯಲ್ಲಿದ್ದರು. ಅದಾಗಿ, ಒಂದು ತಾಸಿನ ನಂತರ ಮತ್ತೊಂದು ಪತ್ರ ಬಂದಿದ್ದು, ಆ ಪತ್ರದಲ್ಲಿ ಮಂಕಾಳು ವೈದ್ಯ ಅವರ ಹೆಸರು ಕಣ್ಮರೆಯಾಗಿತ್ತು. 12ನೇ ಸ್ಥಾನದಲ್ಲಿದ್ದ ಮಂಕಾಳು ವೈದ್ಯರ ಹೆಸರ ಬದಲಾಗಿ ಅಲ್ಲಿ ಎಸ್ ಎಸ್ ಮಲ್ಲಿಕಾರ್ಜುನ ಅವರಿಗೆ ಹುದ್ದೆ ಕೊಡಲಾಗಿತ್ತು. ಮಂಕಾಳು ವೈದ್ಯರಿಗೆ ಸಚಿವ ಸ್ಥಾನ ಸಿಕ್ಕಿದ ಖುಷಿಯಲ್ಲಿದ್ದ ಎಲ್ಲರೂ ಒಮ್ಮೆಲೆ ನಿರಾಶೆವ್ಯಕ್ತಪಡಿಸಿದರು. ಸದ್ಯ ಉತ್ತರ ಕನ್ನಡ ಜಿಲ್ಲೆಗೆ ಉಸ್ತುವಾರಿ ಸಚಿವರಿಲ್ಲ. ಆ ಸಚಿವ ಸ್ಥಾನಪಡೆಯುವುದಕ್ಕಾಗಿ ಕಾಂಗ್ರೆಸ್ ಶಾಸಕರು ಲಾಭಿ ಮಾಡುವುದನ್ನು ಬಿಟ್ಟಿಲ್ಲ. ಅನುಭವ, ಅರ್ಹತೆ, ಅಭಿವೃದ್ಧಿ, ಪಕ್ಷ ಸಂಘಟನೆ ಕೆಲಸದ ಜೊತೆ ಇನ್ನಷ್ಟು ಆಯಾಮಗಳ ಅಡಿ ಸಚಿವ ಸ್ಥಾನ ನೀಡುವಂತೆ ಕಾಂಗ್ರೆಸ್ ಹೈಕಮಾಂಡ್’ಗೆ ಒತ್ತಡ ಹಾಕುತ್ತಿದ್ದಾರೆ. ಸಚಿವ ಸ್ಥಾನದ ಹಾವು-ಏಣಿ ಆಟದಲ್ಲಿ ಹೈ ಕಮಾಂಡ್ ಯಾರ ಕಡೆ ಒಲವು ಕೊಡಲಿದೆ? ಎಂಬುದಕ್ಕೆ ಸ್ಪಷ್ಟ ಉತ್ತರ ಸಿಕ್ಕಿಲ್ಲ.  
- [ಜೊಯಿಡಾ | ಕೆಸರಿನಲ್ಲಿ ಸಿಲುಕಿದ KSRTC ಬಸ್ಸು!](https://mobiletime.in/2026/08/joida-ksrtc-bus-stuck-in-the-mud/): ಭಾನುವಾರ ಸುರಿದ ಭಾರೀ ಮಳೆಗೆ ಜೊಯಿಡಾ-ಕಾರವಾರ ರಸ್ತೆ ದೇವುಳ್ಳಿ ಬಳಿ ಕುಸಿತಕ್ಕೆ ಒಳಗಾಗಿದೆ. ಆ ಕುಸಿತ ಪ್ರದೇಶದಲ್ಲಿ ಕೆಸರು ತುಂಬಿದ್ದು,  KSRTC ಬಸ್ಸು ಅಲ್ಲಿ ಸಿಲುಕಿ ಬಿದ್ದಿದೆ. ಭಾನುವಾರ ಸಂಜೆ ಪ್ರಯಾಣಿಕರನ್ನು ಹೊತ್ತ ಸರ್ಕಾರಿ ಬಸ್ಸು ಜೊಯಿಡಾ-ಕಾರವಾರ ಮಾರ್ಗವಾಗಿ ಸಂಚರಿಸಿದ್ದು, ಆ ಬಸ್ಸಿನಲ್ಲಿದ್ದ ಪ್ರಯಾಣಿಕರು ತೊಂದರೆ ಅನುಭವಿಸಿದರು. ಸಮಯಕ್ಕೆ ಸರಿಯಾಗಿ ತಲುಪಬೇಕಾದ ಸ್ಥಳಕ್ಕೆ ತಲುಪಲಾಗದೇ ಸಮಸ್ಯೆಗೆ ಸಿಲುಕಿದರು. ಬಸ್ಸು ಸಿಕ್ಕಿ ಬಿದ್ದಿದ್ದರಿಂದ ಅನೇಕರು ಆತಂಕಕ್ಕೆ ಒಳಗಾದರು. ರಸ್ತೆ ಕುಸಿತದಿಂದಾಗಿ ಬಸ್ಸಿನ ಒಂದು ಚಕ್ರ ಆಳಕ್ಕೆ ಹೋಗಿದ್ದು, ಅದರಿಂದ ಇನ್ನಿತರ ವಾಹನಗಳ ಸಂಚಾರಕ್ಕೂ ಸಮಸ್ಯೆಯಾಯಿತು. ಬಸ್ಸು ಸಿಕ್ಕಿಬಿದ್ದ ಪರಿಣಾಮ ಬಸ್ಸಿನ ಒಳಗಿದ್ದ ಪ್ರಯಾಣಿಕರಲ್ಲಿಯೂ ಗೊಂದಲವಾಗಿ, ಬಸ್ಸಿನ ಒಳಗೆ ನೂಕು ನುಗ್ಗಲು ಉಂಟಾಯಿತು. ನಂತರ ಬಸ್ ಚಾಲಕ-ನಿರ್ವಾಹಕರು ಸಮಸ್ಯೆ ವಿವರಿಸಿ ಎಲ್ಲರನ್ನು ಸಮಾಧಾನ ಮಾಡಿದರು. ಘಟನೆಯ ಮಾಹಿತಿ ತಿಳಿದ ಜೋಯಿಡಾ ಪೊಲೀಸ್ ಠಾಣೆಯ ಪಿಎಸ್‌ಐ ಜಗದೀಶ್ ಅವರು ಸಿಬ್ಬಂದಿಯೊAದಿಗೆ ಸ್ಥಳಕ್ಕೆ ಧಾವಿಸಿದರು. ಪರಿಸ್ಥಿತಿ ಅವಲೋಕಿಸಿ ಪರಿಹಾರ ಕ್ರಮ ಜರುಗಿಸಿದರು. ಈಚೆಗೆ ಈ ಮಾರ್ಗದ ರಸ್ತೆ ಹದಗೆಟ್ಟಿದ್ದು, ರಸ್ತೆ ಕುಸಿತ ಸಾಮಾನ್ಯವಾಗಿದೆ. ಇಂಥ ಘಟನೆ ಪ್ರಯಾಣಿಕರ ಜೀವಕ್ಕೂ ಅಪಾಯವಾಗಿದ್ದು, ತ್ವರಿತ ಕ್ರಮ ಜರುಗಿಸಬೇಕು ಎಂದು ಜನ ಆಗ್ರಹಿಸಿದ್ದಾರೆ.
- [ಅಂಕೋಲಾ | ಕೋಣ ಸಾಗಾಟಗಾರರ ಸೆರೆ!](https://mobiletime.in/2026/08/ankola-buffalo-transporters-arrested/): ತಾಡಪತ್ರೆ ಮುಚ್ಚಿದ ಮಿನಿ ಲಾರಿಯಲ್ಲಿ ಕೋಣಗಳನ್ನು ಸಾಗಿಸಲಾಗುತ್ತಿದ್ದು, ಪೊಲೀಸರು ಹಿಡಿಯುವುದರೊಳಗೆ ಎರಡು ಕೋಣಗಳು ಸಾವನಪ್ಪಿದೆ. ವಧೆಗೆ ಹೋಗುತ್ತಿದ್ದ ಇನ್ನಷ್ಟು ಕೋಣಗಳಿಗೆ ಅಂಕೋಲಾ ಪೊಲೀಸರು ಜೀವದಾನ ಮಾಡಿದ್ದಾರೆ. ಅಗಸ್ಟ 2ರಂದು ಅಂಕೋಲಾದ ಬಾಳೆಗುಳಿ ಕ್ರಾಸಿನ ಬಳಿ ಮಿನಿ ಲಾರಿಯೊಂದು ನಿಂತಿತ್ತು. ತಾಡಪತ್ರೆ ಹೊದಸಿದ ಆ ಲಾರಿ ಒಳಗಿನಿಂದ ದನಗಳ ಕೂಗು ಜೋರಾಗಿತ್ತು. ಅದನ್ನು ಕೇಳಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದರು. ಚಹ ಅಂಗಡಿ ಮುಂದೆ ನಿಂತಿದ್ದ ಮಿನಿ ಲಾರಿ ಅನುಮಾನ ಹೆಚ್ಚಿಸಿದ್ದು, ಪಿಸೈ ಗುರುನಾಥ ಹಾದಿಮನಿ ಅವರು ಆ ಲಾರಿಯನ್ನು ವಶಕ್ಕೆಪಡೆದರು. ಒಳಗಿದ್ದ ಜಾನುವಾರುಗಳನ್ನು ಗಮನಿಸಿದಾಗ ಅಲ್ಲಿ ಎರಡು ಕೋಣಗಳು ಸಾವನಪ್ಪಿದ್ದವು. ನೀರು-ಆಹಾರವಿಲ್ಲದೇ ಬಳಲಿದ್ದ ಇನ್ನಷ್ಟು ಜಾನುವಾರುಗಳನ್ನು ಪೊಲೀಸರು ಕಟುಕರಿಂದ ತಪ್ಪಿಸಿದರು. 12 ಕೋಣದ ಮರಿಗಳ ಪೈಕಿ ಎರಡು ಸಾವನಪ್ಪಿದ್ದರಿಂದ 10 ಜೀವಗಳು ಅಲ್ಲಿ ಸಿಲುಕಿದ್ದವು. ಅವುಗಳಿಗೆ ಪೊಲೀಸರು ನೀರು-ಮೇವು ನೀಡಿ ಉಪಚಾರ ಮಾಡಿದರು. ಅಕ್ರಮ ಜಾನುವಾರು ಸಾಗಾಟ ಮಾಡುತ್ತಿದ್ದ ಲಾರಿಯನ್ನು ಪೊಲೀಸರು ವಶಕ್ಕೆಪಡೆದರು. ಜೊತೆಗೆ ಈ ಕೃತ್ಯದಲ್ಲಿ ಭಾಗಿಯಾಗಿದ್ದ ಜಾಕೀರ ಹಾಗೂ ಮನೋಜ ಪಡಿಯಪ್ಪ ಎಂಬಾತರನ್ನು ಬಂಧಿಸಿದರು.
- [ಜೋರು ಮಳೆ: ಸೋಮವಾರ ಶಾಲೆಗೆ ರಜೆ!](https://mobiletime.in/2026/08/heavy-rain-holiday-for-schools-on-monday/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆ ಜೋರಾಗಿದೆ. ಸೋಮವಾರವೂ ಮಳೆ ಮುಂದುವರೆಯುವ ಸಾಧ್ಯತೆಗಳಿವೆ. ಶಾಲೆಗೆ ಬರುವ ಮಕ್ಕಳ ಸುರಕ್ಷತೆ ದೃಷ್ಠಿಯಿಂದ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಎರಡು ತಾಲೂಕಿನ ಶಾಲೆಗಳಿಗೆ ಸೋಮವಾರ ರಜೆ ಘೋಷಿಸಿದ್ದಾರೆ. ಜೊಯಿಡಾ ಹಾಗೂ ದಾಂಡೇಲಿ ತಾಲೂಕಿನ ಶಾಲೆಗಳಿಗೆ ಈ ರಜೆ ನಿಯಮ ಅನ್ವಯ ಆಗಲಿದೆ. ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ಅಗಸ್ಟ್ 3ರವರೆಗೆ ಆರೆಂಜ್ ಅಲರ್ಟ ಘೋಷಣೆಯಾಗಿದೆ. ಭಾರತಿಯ ಹವಾಮಾನ ಇಲಾಕೆಯೂ ಜೊಯಿಡಾ-ದಾಂಡೇಲಿ ಭಾಗದಲ್ಲಿ ಅಧಿಕ ಮಳೆಯಾಗುವ ಬಗ್ಗೆ ಮುನ್ಸೂಚನೆ ನೀಡಿದೆ. ಅದರೊಂದಿಗೆ ಸಾರ್ವಜನಿಕ ಶಿಕ್ಷಣ ಇಲಾಖೆ ಹಾಗೂ ದಾಂಡೇಲಿ-ಜೊಯಿಡಾದ ತಹಶೀಲ್ದಾರರು ರಜೆ ನೀಡುವಂತೆ ಮನವಿ ಮಾಡಿದ್ದಾರೆ. ಈ ಹಿನ್ನಲೆ ಜೊಯಿಡಾ ಹಾಗೂ ದಾಂಡೇಲಿಯ ಪ್ರಾಥಮಿಕ ಶಾಲೆ, ಪ್ರೌಢ ಶಾಲೆ ಹಾಗೂ ಅಂಗನವಾಡಿಗಳಿಗೆ ಡೀಸಿ ರಜೆ ಘೋಷಿಸಿದ್ದಾರೆ. ಸದ್ಯದ ಆದೇಶದ ಪ್ರಕಾರ ಅಗಸ್ಟ್ 3ರಂದು ಮಾತ್ರ ಈ ರಜೆ ಅನ್ವಯ ಆಗಲಿದೆ. ರಜಾ ಅವಧಿಯ ಪಠ್ಯವನ್ನು ಬೇಸಿಗೆ ಅವಧಿಯಲ್ಲಿ ಹೊಂದಾಣಿಕೆ ಮಾಡಿಕೊಳ್ಳುವಂತೆ ಸೂಚಿಸಲಾಗಿದೆ. ಜೊಯಿಡಾ ಹಾಗೂ ದಾಂಡೇಲಿ ಹೊರತುಪಡಿಸಿ ಬೇರೆ ತಾಲೂಕಿನ ಶಾಲೆಗಳಿಗೆ ಈ ರಜೆ ಇಲ್ಲ.
- [ಭಟ್ಕಳ | ಊರು ಬಿಟ್ಟ ಪುಡಾರಿ!](https://mobiletime.in/2026/08/bhatkala-pudari-who-left-the-town/): ರೌಡಿ ಚಟುವಟಿಕೆಗಳ ಮೂಲಕ ಸಾರ್ವಜನಿಕರನ್ನು ಹೆದರಿಸುತ್ತಿದ್ದ ಭಟ್ಕಳದ ಜಗದೀಶ ಮೊಗೇರ್ ಅವರನ್ನು ಪೊಲೀಸರು ಊರು ಬಿಟ್ಟು ಓಡಿಸಿದ್ದಾರೆ. ಶಾಂತಿ ಮತ್ತು ಸುವ್ಯವಸ್ಥೆಗೆ ಧಕ್ಕೆಯುಂಟು ಮಾಡಿದ ಹಿನ್ನಲೆ ಭಟ್ಕಳ ಹೆಬಳೆ ಗಾಂಧಿನಗರದ ಜಗದೀಶ ತಂದೆ ವಾಸು ಮೊಗೇರ (33) ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದೆ. ಮೈಸೂರು ನಗರದ ಅಶೋಕಪುರಂ ಪೊಲೀಸ್ ಠಾಣೆ ವ್ಯಾಪ್ತಿಗೆ ಪೊಲೀಸರನ್ನು ಅವರನ್ನು ಬಿಟ್ಟು ಬಂದಿದ್ದು, ಆರು ತಿಂಗಳ ಕಾಲ ಉತ್ತರ‌ ಕನ್ನಡ ಜಿಲ್ಲೆಗೆ ಬಾರದಂತೆ ಸೂಚಿಸಿದ್ದಾರೆ. ಜಗದೀಶ ಮೊಗೇರ ವಿರುದ್ಧ ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಬಲವಂತ, ಹಲ್ಲೆ, ಕೊಲೆ ಯತ್ನ ಹಾಗೂ ಎಸ್‌ಸಿ/ಎಸ್‌ಟಿ ದೌರ್ಜನ್ಯ ತಡೆ ಕಾಯ್ದೆಯಡಿ ಐದು ಪ್ರಕರಣಗಳು ಮತ್ತು ಮುರುಡೇಶ್ವರ ಪೊಲೀಸ್ ಠಾಣೆಯಲ್ಲಿ ಒಂದು ಪ್ರಕರಣಗಳಿದ್ದವು. ಆರೋಪಿ ತನ್ನ ಸಹಚರರೊಂದಿಗೆ ಗೂಂಡಾ ಚಟುವಟಿಕೆಗಳಲ್ಲಿ ತೊಡಗುವುದು, ಸಾರ್ವಜನಿಕರಿಗೆ ಬೆದರಿಕೆ ಹಾಕುವುದು, ಕ್ಷುಲ್ಲಕ ವಿಚಾರಗಳಿಗೂ ಹಲ್ಲೆ ನಡೆಸುವುದು ಹಾಗೂ ಪ್ರಕರಣಗಳ ಸಾಕ್ಷಿದಾರರಿಗೆ ಬೆದರಿಕೆ ಒಡ್ಡುವ ಮೂಲಕ ಸಾರ್ವಜನಿಕ ಶಾಂತಿ ಮತ್ತು ಸುರಕ್ಷತೆಗೆ ಧಕ್ಕೆಯುಂಟು ಮಾಡಿದ ಆರೋಪಗಳಿವೆ.
- [ಶಿರಸಿ | 76ರ ಅಜ್ಜನಿಗೆ 73‌ಲಕ್ಷ ರೂ ನಷ್ಟ!](https://mobiletime.in/2026/08/sirsi-76-year-old-man-loses-%e2%82%b973-lakh/): ಶಿರಸಿಯ ಹುತ್ಗಾರಿನ ಬಸವರಾಜ ತೋಟದ್ ಅವರು ಹೆಚ್ಚಿನ ಲಾಭದ ಆಸೆಗೆ ಬಿದ್ದು 73 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಹೆಚ್ಚಿನ ಲಾಭದ ಆಸೆ ತೋರಿಸಿದ ಸಾಮಾಜಿಕ ಜಾಲತಾಣದ ಶೂರರು ಅವರ ಬ್ಯಾಂಕ್ ಖಾತೆ ಖಾಲಿ ಮಾಡಿದ್ದಾರೆ. ಧಾರವಾಡ ಜಿಲ್ಲೆಯ ಕುಂದಗೋಳ ಮೂಲದ ಬಸವರಾಜ ತೋಟದ್ (76) ಅವರು ಶಿರಸಿಯ ಹುತ್ಗಾರ ಕ್ರಾಸಿನಲ್ಲಿ ವಾಸವಾಗಿದ್ದಾರೆ. ರೈತರಾಗಿ ಅವರು ದುಡಿಯುತ್ತಿದ್ದು, ಜಾಲತಾಣಗಳಲ್ಲಿಯೂ ಸಕ್ರೀಯವಾಗಿದ್ದಾರೆ. 2026ರ ಏಪ್ರಿಲ್ 24ರಂದು ಬಸವರಾಜ್ ಅವರು ಫೇಸ್ಬುಕ್ ಬಳಸುತ್ತಿದ್ದಾಗ ‘Finsol’ ಎಂಬ ಕಂಪನಿಯಲ್ಲಿ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭ ಸಿಗುತ್ತದೆ ಎಂಬ ಸಂದೇಶ ಬಂದಿದೆ. ಅದನ್ನು ನೋಡಿದ ಅವರು ಅದರಲ್ಲಿದ್ದ ಲಿಂಕ್ ಕ್ಲಿಕ್ ಮಾಡಿದ ಬಳಿಕ “813 Finsol Collective Private” ಎಂಬ ವಾಟ್ಸಾಪ್ ಗ್ರೂಪ್ಗೆ ಸೇರಿದ್ದಾರೆ. ಅಲ್ಲಿ ಅನನ್ಯಾ ಕುಲಕರ್ಣಿ ಎಂಬಾತರು ಪರಿಚಯವಾಗಿದ್ದಾರೆ. ತಮ್ಮನ್ನು ಟ್ರೇಡಿಂಗ್ ತಜ್ಞರು ಎಂದು ಪರಿಚಯಿಸಿಕೊಂಡ ಅವರು “Finsol Sarathi Plan” ಮೂಲಕ ಹಣ ಹೂಡಿಕೆ ಮಾಡಿದರೆ ಭಾರೀ ಲಾಭ ಸಿಗುತ್ತದೆ ಎಂದು ನಂಬಿಸಿದ್ದಾರೆ. ಹಂತ ಹಂತವಾಗಿ ಬಸವರಟಜ ತೋಡದ್ ಅವರಿಂದ ವಿವಿಧ ಬ್ಯಾಂಕ್ ಖಾತೆಗಳಿಗೆ ಹಣ ಜಮೆ ಮಾಡಿಸಿಕೊಂಡಿದ್ದಾರೆ. ಏಪ್ರಿಲ್ 27ರಿಂದ ಜೂನ್ 15ರವರೆಗೆ ಒಟ್ಟು ₹73,72,090 ಹಣವನ್ನು ವರ್ಗಾವಣೆ ಮಾಡಿದ್ದರೂ, ಹೂಡಿಕೆಯ ಲಾಭವೂ ಸಿಗಲಿಲ್ಲ, ಮೂಲ ಹಣವೂ ಮರಳಿ ಬಂದಿಲ್ಲ.  
- [ಶಿರಸಿ | ಹುಡುಗರ ನಡುವೆ ಹೊಡೆದಾಟ](https://mobiletime.in/2026/08/sirsi-clash-between-youths/): ಶಿರಸಿಯ ಬಿಡ್ಕಿ ಸರ್ಕಲ್ ಬಳಿ ಹೊಡೆದಾಟ ನಡೆದಿದೆ. ಕ್ಷುಲ್ಲಕ ವೈಯಕ್ತಿಕ ವಿಚಾರವೊಂದಕ್ಕೆ ಎಂಟು ಜನ ಹೊಡೆದಾಡಿಕೊಂಡಿದ್ದಾರೆ. ಶನಿವಾರ ಸಂಜೆ ಶಿರಸಿ ನಗರದ ಬಿಡ್ಕಿ ಸರ್ಕಲ್ ಸಮೀಪದ ಉಡುಪಿ ಹೋಟೆಲ್ ಎದುರು ಈ ಹೊಡೆದಟ ನಡೆದಿದೆ. ಸಾರ್ವಜನಿಕ ಶಾಂತತೆಗೆ ಭಂಗ ಉಂಟು ಮಾಡಿದ ಆರೋಪದಡಿ ಶಿರಸಿ ನಗರ ಪೊಲೀಸ್ ಠಾಣೆಯಲ್ಲಿ ಎಂಟು ಜನರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಆ ಮಾಹಿತಿಯ ಪ್ರಕಾರ ಆಗಸ್ಟ್ 1ರಂದು ಸಂಜೆ ಸುಮಾರು 6.30ರ ವೇಳೆಗೆ ಬಿಡ್ಕಿ ಸರ್ಕಲ್ ಉಡುಪಿ ಹೋಟೆಲ್ ಬಳಿ ವೈಯಕ್ತಿಕ ವಿಚಾರಕ್ಕೆ ಸಂಬಂಧಿಸಿದಂತೆ ವಾಗ್ವಾದ ಆರಂಭವಾಗಿದೆ. ನಂತರ ಅದು ಹೊಡೆದಾಟಕ್ಕೆ ತಿರುಗಿದೆ. ಸಾರ್ವಜನಿಕ ಸ್ಥಳದಲ್ಲೇ ಪರಸ್ಪರ ಕೈಯಿಂದ ಹೊಡೆದಾಡಿಕೊಂಡ ಪರಿಣಾಮ ಅಲ್ಲಿದ್ದ ಜನರು ಕೆಲಕಾಲ ಆತಂಕಕ್ಕೆ ಒಳಗಾಗಿದ್ದಾರೆ. ಈ ಪ್ರಕರಣದಲ್ಲಿ ಆರೆಕೊಪ್ಪದ ಮಂಜುನಾಥ ಬಸವರಾಜ ಜಗ್ಲೆರ (ಸೆಂಟ್ರಿಂಗ್ ಕೆಲಸ), ಬನವಾಸಿಯ ಗಿರೀಶ ಚಂದ್ರಶೇಖರ ದೇವಾಡಿಗ (ರೈತ), ಬಚಗಾಂವದ ಗಣೇಶ ಯೋಗೇಂದ್ರ ಮಡಿವಾಳ (ವಿದ್ಯಾರ್ಥಿ), ಕೊರ್ಲಕಟ್ಟದ ನಾಗರಾಜ ಪರಶುರಾಮ ತಳವಾರ (ಗೌಂಡಿ ಕೆಲಸ), ವಡ್ಡಿನಕೊಪ್ಪ, ಕೊರ್ಲಕಟ್ಟದ ಮಾರುತಿ ಪರಶುರಾಮ ತಳವಾರ (ಗೌಂಡಿ ಕೆಲಸ), ಬೆಂಗಳೆಯ ಮಯೂರ ಶೇಖರ ಉಪ್ಪಾರ (ಹೋಟೆಲ್ ಸಪ್ಲೈಯರ್), ಶಿವಳ್ಳಿ-ಬಪ್ಪನಳ್ಳಿಯ ವಿನಾಯಕ ನರಸಿಂಹ ದೇವಾಡಿಗ (ಹೋಟೆಲ್ ಮ್ಯಾನೇಜರ್) ಹಾಗೂ ಮರಾಠಿಕೊಪ್ಪದ ಚರಣ ವಿನೋದ ಭಂಡಾರಿ (ಸಪ್ಲೈಯರ್ ಕೆಲಸ) ಪ್ರಮುಖ ಪಾತ್ರದಾರಿಗಳಾಗಿದ್ದಾರೆ. ಘಟನೆಯ ಬಗ್ಗೆ ಸಹಾಯಕ ಪೊಲೀಸ್ ಉಪನಿರೀಕ್ಷಕ ನೆಲ್ಸನ್ ಆರ್ ಮೆಂತೆರೋ ಅವರು ಕಾನೂನು ಕ್ರಮ‌ ಕೈಗೊಂಡಿದ್ದಾರೆ. ಸಾರ್ವಜನಿಕ ಸ್ಥಳದಲ್ಲಿ ಶಾಂತಿಭಂಗ ಉಂಟುಮಾಡಿದ ಹಿನ್ನಲೆ ಆ ಎಲ್ಲರ ವಿರುದ್ಧ‌ ಕೇಸು ದಾಖಲಿಸಿದರು.
- [ಕಾರವಾರ | ಹೂವು ಕೀಳಲು ಹೋದವನಿಗೆ ಹಾವು ಕಡಿತ!](https://mobiletime.in/2026/08/karwar-man-bitten-by-snake-while-picking-flowers/): ಕಾರವಾರದ ಕೋಡಿಭಾಗದಲ್ಲಿ ವಾಸವಾಗಿದ್ದ ಲಕ್ಕಪ್ಪ ಗಮಜಿ ಅವರಿಗೆ ಹಾವು ಕಚ್ಚಿದೆ. ಆಸ್ಪತ್ರೆ ಸೇರಿದರೂ ಅವರು ಬದುಕಲಿಲ್ಲ. ಬೆಳಗಾವಿಯ ಪನಗುಟ್ಟಿ ಬಳಿಯ ಗುಟಗುದ್ದಿಯ ಲಕ್ಕಪ್ಪ ಹನುಮಂತ ಗಮಚಿ ಅವರು ವಾಸವಾಗಿದ್ದರು. ಕಟ್ಟಡ ಕಾರ್ಮಿಕರಾಗಿದ್ದ ಅವರು ಗೌಂಡಿ ಕೆಲಸ ಮಾಡುವಲ್ಲಿ ಪರಿಣಿತರಾಗಿದ್ದರು. 41 ವರ್ಷದ ಲಕ್ಕಪ್ಪ ಗಮಚಿ ಅವರು ಉದ್ಯೋಗಕ್ಕಾಗಿ ಕಾರವಾರಕ್ಕೆ ಬಂದಿದ್ದರು. ಕೋಡಿಭಾಗದ ಜನಭಾಗದಲ್ಲಿ ಅವರು ಮನೆ ಮಾಡಿಕೊಂಡಿದ್ದರು. ಜುಲೈ 31ರಂದು ಅವರು ದೇವರ ಪೂಜೆಗಾಗಿ ಹೂವು ಕೀಳಲು ಹೋಗಿದ್ದರು‌. ಈ ವೇಳೆ ಅವರಿಗೆ ಅಲ್ಲಿದ್ದ ಹಾವೊಂದು ಕಚ್ಚಿತು. ಆ ಹಾವು ಯಾವುದು ಎಂದು ಗೊತ್ತಾಗಲಿಲ್ಲ. ಹಾವು ಕಚ್ಚಿದ ಗಾಬರಿಯಲ್ಲಿಯೇ ಅವರು ಆಸ್ಪತ್ರೆಗೆ ಹೋದರು. ತಕ್ಷಣ ಅವರಿಗೆ ಚಿಕಿತ್ಸೆ ಕೊಟ್ಟರೂ ಪ್ರಯೋಜನವಾಗಲಿಲ್ಲ. ಅಗಸ್ಟ 1ರಂದು ಲಕ್ಕಪ್ಪ ಹನುಮಂತ ಗಮಜಿ ಅವರು ಸಾವನಪ್ಪಿದರು. ಅವರ ಪತ್ನಿ ಭಾರತಿ ಗಮಜಿ ಅವರು ಈ ಬಗ್ಗೆ ಮಾಹಿತಿ ನೀಡಿ,‌ ಪ್ರಕರಣ ದಾಖಲಿಸಿದರು.
- [ಹಾಲು ಕುಡಿದ ಮಗುವೇ ಬದುಕಿಲ್ಲ!](https://mobiletime.in/2026/08/the-very-child-who-drank-the-milk-did-not-survive/): ನಸುಕಿನಲ್ಲಿ ತಾಯಿಯ ಎದೆಹಾಲು ಕುಡಿದ ಮಗು ಬೆಳಕು ಹರಿಯುವುದರೊಳಗೆ ಸಾವನಪ್ಪಿದೆ. ಎರಡು ತಿಂಗಳ ಹಸುಗೂಸಿನ ಮೂಗಿನಿಂದ ರಕ್ತ ಸುರಿದಿದ್ದು, ಆಸ್ಪತ್ರೆಗೆ ಕರೆದೊಯ್ದರೂ ಮಗುವನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಕಾರವಾರದ ಹಬ್ಬುವಾಡದಲ್ಲಿ ಗಾಯತ್ರಿ ಸುಧೀರ ವರ್ಣೇಕರ್ ಅವರು ವಾಸವಾಗಿದ್ದಾರೆ. 31 ವರ್ಷದ ಅವರು ಎರಡು ತಿಂಗಳ ಹಿಂದೆ ಎರಡನೇ ಮಗುವಿಗೆ ತಾಯಿ ಆಗಿದ್ದಾರೆ. ಕೆಲ ದಿನಗಳ ಆ ಮಗುವಿನ ನಾಮಕರಣವೂ ನಡೆದಿದ್ದು, ಮಗುವಿಗೆ ಆದಿತಿ ಎಂದು ಹೆಸರಿಟ್ಟಿದ್ದರು. ಆ ಮಗು ಎಲ್ಲರಂತೆಯೇ ಆರೋಗ್ಯವಾಗಿದ್ದು, ಲವಲವಿಕೆಯಿಂದ ಕೂಡಿತ್ತು. ರಾತ್ರಿ ಗಾಯತ್ರಿ ವರ್ಣೇಕರ್ ಅವರು ಮಗು ಆದಿತಿ ಜೊತೆ ಮಲಗಿದ್ದರು. ಅಗಸ್ಟ 1ರ ನಸುಕಿನ 4 ಗಂಟೆಗೆ ಆ ಮಗು ಅಳಲು ಶುರು ಮಾಡಿತು. ಅಳುವ ಮಗುವಿಗೆ ಗಾಯತ್ರಿ ಅವರು ಎದೆಹಾಲು ಕುಡಿಸಿದರು. ಅದಾದ ನಂತರ ಮಗು ನಿದ್ದೆಗೆ ಜಾರಿದ್ದು, ಗಾಯತ್ರಿ ಅವರು ಮಲಗಿದರು. ಬೆಳಗ್ಗೆ 7.30ಕ್ಕೆ ಗಾಯತ್ರಿ ವರ್ಣೇಕರ್ ಅವರು ಎದ್ದಾಗ ಮಗುವಿನ ಮೂಗಿನಿಂದ ರಕ್ತ ಬರುತ್ತಿತ್ತು. ಜೊತೆಗೆ, ಬಾಯಿಂದಲೂ ನೊರೆ ಶುರುವಾಗಿತ್ತು. ಆತಂಕಗೊಂಡ ಗಾಯತ್ರಿ ವರ್ಣೇಕರ್ ಅವರು ಮಗುವನ್ನು ಎಬ್ಬಿಸುವ ಪ್ರಯತ್ನ ಮಾಡಿದರು.‌ ಮಗು ಏಳದ ಕಾರಣ ಕೂಡಲೇ ಸುಧೀರ ವರ್ಣೆಕರ್ ಅವರನ್ನು ಕರೆದರು. ಪಾಲಕರಿಬ್ಬರು ಸೇರಿ ಮಗುವನ್ನು ಆಸ್ಪತ್ರೆಗೆ ಕರೆದೊಯ್ದರು. ಆದರೆ, ಅಷ್ಟರೊಳಗೆ ಮಗು ಉಸಿರು ನಿಲ್ಲಿಸಿತ್ತು.
- [ಪಶ್ಚಿಮಘಟ್ಟ: ಈ ಊರಲ್ಲಿ ಗಿಡ ನೆಡುವುದೇ ಅಪಾಯ!](https://mobiletime.in/2026/08/western-ghats-planting-a-sapling-in-this-village-is-dangerous/): ಗಿಡ ನೆಡುವುದು ಪ್ರಕೃತಿ ಮೇಲೆ ಮಾನವ ಮಾಡುವ ದೌರ್ಜನ್ಯ’ ಎಂದು ಪರಿಸರ ಹೋರಾಟಗಾರ ಅಖಿಲೇಶ ಚಿಪ್ಪಲಿ ಅವರು ಪ್ರತಿಪಾದಿಸಿದ್ದಾರೆ. ‘ಹೊಸ ಗಿಡ ನೆಡುವುದಕ್ಕಿಂತಲೂ ಈಗಿರುವ ಕಾಡು ರಕ್ಷಣೆ ಅತೀ ಅಗತ್ಯ’ ಎಂದವರು ಪ್ರತಿಪಾದಿಸಿದ್ದಾರೆ. ಹೊನ್ನಾವರದ ಬಂಗಾರಮಕ್ಕಿಯಲ್ಲಿ ಮಾರುತಿ ಗುರೂಜಿಯವರು ನಡೆಸುತ್ತಿರುವ ‘ಪಶ್ಚಿಮ ಘಟ್ಟ ಸಂರಕ್ಷಣಾ ಚಾತುರ್ಮಾಸ’ದಲ್ಲಿ ಮಾತನಾಡಿದ ಅವರು ‘ಮುಂಗಟ್ಟೆ, ಕಬ್ಬೆಕ್ಕು ಮೊದಲಾದ ವನ್ಯಜೀವಿಗಳು ಹಣ್ಣು ತಿಂದು ಬೀಜ ಬಿತ್ತನೆ ಮಾಡಿ ಗಿಡ ನೆಡುತ್ತವೆ. ಉತ್ತಮ ಹಣ್ಣು ಮಾತ್ರ ಆರಿಸಿ ಅದರ ಮೂಲಕ ಅವು ಬೀಜ ಪ್ರಸರಣೆ ಮಾಡುತ್ತವೆ. ಅಂಥ ಶೇ 99ರಷ್ಟು ಗಿಡಗಳು ಬದುಕಿ ಮರವಾಗುತ್ತವೆ. ಆದರೆ, ಮನುಷ್ಯ‌‌ ನೆಟ್ಟ ಶೇ 99 ರಷ್ಟು ಗಿಡಗಳು ಸಾವನಪ್ಪುತ್ತವೆ’ ಎಂದವರು ವಿವರಿಸಿದರು. ‘ಸರ್ಕಾರ ಗಿಡ ನೆಡುವುದಕ್ಕಾಗಿ ಕೋಟಿ ಕೋಟಿ ರೂ ಖರ್ಚು ಮಾಡುತ್ತದೆ. ಮೊದಲು ಬೀಜ ಸಂಗ್ರಹಣೆ, ನಂತರ ಮಣ್ಣು-ಮರಳಿನ ಮಿಶ್ರಣ, ಅದಾದ ಮೇಲೆ ಪ್ಲಾಸ್ಟಿಕ್ ಬಳಕೆ ಮಾಡಲಾಗುತ್ತದೆ. ಇದೆಲ್ಲವೂ ಗಿಡ ನೆಡುವ ಹೆಸರಿನಲ್ಲಿ ನಡೆಯುವ ಪ್ರಕೃತಿ ಮೇಲಿನ ದೌರ್ಜನ್ಯ’ ಎಂದವರು ನೋವಿನಲ್ಲಿ ಹೇಳಿದ್ದಾರೆ. ಜೊತೆಗೆ ‘2022ರಲ್ಲಿ ಭಾರತದಲ್ಲಿ 142 ಜನ ಶತಕೋಟ್ಯಧೀಶರಿದ್ದರು. ಇದೀಗ 576 ಶತಕೋಟ್ಯಧೀಶರಿದ್ದಾರೆ. ಅವರಲ್ಲಿ ಕೆಲವರು ಪಶ್ಚಿಮಘಟ್ಟ ಕೊಳ್ಳೆಹೊಡೆದು ಕೋಟಿ ಸಂಪಾದಿಸಿದ್ದಾರೆ’ ಎಂದು ಅಂಕಿ-ಸಂಖ್ಯೆಗಳ ಮಾಹಿತಿ ನೀಡಿದರು. ‘ಪ್ರಕೃತಿಯಲ್ಲಿರುವ ಪ್ರಾಣಿ-ಪಕ್ಷಿಗಳೆಲ್ಲವೂ ಪರಿಸರ ಸೇವೆ ಮಾಡುತ್ತಿವೆ. ಮನುಷ್ಯ ಮಾತ್ರ ಇದರಿಂದ ಹೊರತಾಗಿದ್ದು, ಪಶ್ಚಿಮ ಘಟ್ಟದ ಉಳಿದರೆ ಮಾತ್ರ ಭವಿಷ್ಯ. ನಶಿಸಿದರೆ ಸರ್ವನಾಶ ಖಚಿತ’ ಎಂದರು. ‘ಗಿಡ ನೆಡುವುದು ನಮ್ಮ ಕೆಲಸ ಅಲ್ಲ. ಅದು ನಾವು ಪರಿಸರದ ಮೇಲೆ ಮಾಡುವ ದೌರ್ಜನ್ಯ’ ಎಂದು ಪ್ರತಿಪಾದಿಸಿದ ಅವರು ‘ಮಾನವನ ಅಹಂಕಾರ ಕೇಡು ಎಂದಿಗೂ ದುಖಃದಲ್ಲಿ ಅಂತ್ಯವಾಗುತ್ತದೆ’ ಎಂದರು. ‘ಪಶ್ಚಿಮಘಟ್ಟ ಇಲ್ಲಿ ವಾಸಿಸುವವರಿಗೆ ಮಾತ್ರ ಸೀಮಿತ ಅಲ್ಲ. ಇಡೀ ವಿಶ್ವಕ್ಕೆ ಈ ಪಶ್ಚಿಮಘಟ್ಟ ಅಗತ್ಯವಾಗಿದ್ದು, ಈ ಕಾಡು ದಕ್ಷಿಣ ಭಾರತಕ್ಕೆ ಜೀವನಾಡಿಯಾಗಿದೆ’ ಎಂದರು. ‘ರೈತರು ಉಳಿಯಬೇಕು ಎಂದರೆ ಕಾಡು ಉಳಿಯಬೇಕು. ಪ್ರಕೃತಿಗೆ ನಮ್ಮ ಅಗತ್ಯವಿಲ್ಲ. ಆದರೆ, ನಮಗೆ ಪೃಕೃತಿಯ ಅಗತ್ಯವಿದೆ. ಸೈಟು, ಕಾರು, ಬಂಗಲೆ ಆಸ್ತಿ ಅಲ್ಲ. ಮುಂದಿನ ಜನಾಂಗಕ್ಕೆ ಶುದ್ದ ಗಾಳಿ-ನೀರು ಕೊಡುವುದೇ ದೊಡ್ಡ ಕೊಡುಗೆ. ಅದನ್ನು ಪಾಲಿಸಿ’ ಎಂದವರು ಮನವಿ ಮಾಡಿದರು. ‘ಗಿಡ-ಮರಗಳನ್ನು ಪೂಜಿಸುವುದು ನಮ್ಮ ಪರಂಪರೆ. ಆದರೆ, ಅಭಿವೃದ್ಧಿ ಹೆಸರಿನಲ್ಲಿ ಪಶ್ಚಿಮಘಟ್ಟ ಹಾಳು ಮಾಡಲಾಗುತ್ತಿದೆ. ಬೆಂಗಳೂರು ಬೆಳೆಸಲು ಸುತ್ತಲು ಹಳ್ಳಿ ಹಾಳು ಮಾಡಿದ್ದಾರೆ. ಬೆಂಗಳೂರಿನವರ ನೀರಿನ ದಾಹಕ್ಕೆ ಶರಾವತಿ ನದಿ ತಿರುಗಿಸುವ ಯೋಜನೆ ಮಾಡಿದ್ದು, ಆ ವೇಳೆ ಸುಳ್ಳು ವರದಿ ನೀಡಿ ದಿಕ್ಕು ತಪ್ಪಿಸುವ ಪ್ರಯತ್ನ ನಡೆದಿತ್ತು. ನದಿ ನೀರು ಸಮುದ್ರ ಸೇರುವುದು ವ್ಯರ್ಥವಲ್ಲ’ ಎಂದವರು ವಿವರಿಸಿದರು. ‘ಕಸ್ತೂರಿ ರಂಗನ್-ಮಾಧವ ಗಾಡ್ಕಳ ವರದಿ ಜಾರಿ ಆದರೆ ಮನೆ ಕಟ್ಟುವ ಹಾಗಿಲ್ಲ. ಮರಕ್ಕೆ ಔಷಧಿ ಹಾಕುವ ಹಾಗಿಲ್ಲ ಎಂದು ಜನರಿಗೆ ತಪ್ಪು ಮಾಹಿತಿ ನೀಡಲಾಗಿದೆ. ಅಡಿಕೆ-ಕಾಫಿಯ ಕೊಳೆ ರೋಗಕ್ಕೆ ಬೋರ್ಡೊ ಮಿಶ್ರಣ ಹೊಡೆಯಲು‌ ಅನುಮತಿ ಇದೆ. ಕಸ್ತೂರಿ ರಂಗನ್ ವರದಿ ಬೇಡ ಎಂದು ಪಾದಯಾತ್ರೆ ಮಾಡಿದವರು ವರದಿ ಅಧ್ಯಯನ ಮಾಡಿದವರಲ್ಲ’ ಎಂದರು. ‘ಪಶ್ಚಿಮಘಟ್ಟ ಉಳಿದಿದ್ದರಿಂದಲೇ ಸೀಮೆ ಪ್ರದೇಶದಲ್ಲಿ ಅಡಿಕೆ, ಕಬ್ಬು ಬೆಳೆಯಲಾಗುತ್ತಿದೆ. ಇಲ್ಲಿನ ನೀರು ಬಳಸುವ ಅವರಿಗೆ ಪಶ್ಚಿಮಘಟ್ಟದ ಬಗ್ಗೆ ಕೃತಜ್ಞತಾ ಭಾವವಿರಬೇಕು’ ಎಂದು ಕಿವಿಮಾತು ಹೇಳಿದರು. ‘ಪಶ್ಚಿಮಘಟ್ಟದಲ್ಲಿ 5 ಸಾವಿರಕ್ಕೂ ಅಧಿಕ ಪ್ರಬೇದದ ಗಿಡಗಳಿವೆ. ಅದರಲ್ಲಿ 325 ಅಪಾಯದ ಅಂಚಿನಲ್ಲಿದೆ. ಇಲ್ಲಿನ ಜೀವ ವೈವಿಧ್ಯ ಪ್ರಬೇದಗಳು ದಾಖಲಾಗಿಲ್ಲ. ಹೀಗಿರುವಾಗ ಶರಾವತಿ ನದಿಗೆ ಅಣೆಕಟ್ಟು ಕಟ್ಟುವಾಗ ಇಲ್ಲಿ ಸಸ್ಯ ವೈವಿದ್ಯವೇ ಇಲ್ಲ ಎಂದು ಸುಳ್ಳು ವರದಿ ನೀಡಲಾಗಿತ್ತು. ಸದ್ಯ ಶರಾವತಿ ಪಂಪ್ ಸ್ಟೋರೆಜ್ ಯೋಜನೆಗೂ ಅಂಥಹುದೇ ಸುಳ್ಳು ಹೇಳಲಾಗುತ್ತಿದೆ’ ಎಂದು ದೂರಿದರು. ಶರಾವತಿ ನದಿಗೆ ಕಟ್ಟಿದ ಅಣೆಕಟ್ಟು ಹಾಗೂ ಅಲ್ಲಿ ಸಂಗ್ರಹಿಸಿದ ಹೂಳು ಜಲಚರಕ್ಕೆ ಅಪಾಯ’ ಎಂದರು. ಆ ಹೂಳು ತೆಗೆಯಲು ಮತ್ತೆ ಲಕ್ಷ‌ ಕೋಟಿ ವ್ಯವಹಾರ ನಡೆಯುತ್ತದೆ. ‘ಯೋಜನೆಗಳು ವಿಫಲ ಎಂಬ ಅರಿವಿದ್ದರೂ ಅದನ್ನು ಮಾಡಲಾಗುತ್ತದೆ. ಕಾರಣ JCB ಪಕ್ಷಗಳು ಈ ಯೋಜನೆಗಾಗಿ ದುಡ್ಡು ತಿಂದಿವೆ’ ಎಂದು ದೂರಿದರು. ‘ಇರುವೆ ಸಹ ಮಣ್ಣಿನಲ್ಲಿ ಹುಳಿ ತೆಗೆದು ಪರಿಸರ ಸೇವೆ ಮಾಡುತ್ತವೆ. ಎಲ್ಲಾ ಪ್ರಾಣಿಗಳು ಪರಸ್ಪರ ಕೊಂಡಿಯಾಗಿ ಬದುಕುತ್ತಿವೆ. ಮನುಷ್ಯ ಮಾತ್ರ ಇದಕ್ಕೆ ಹೊರತಾಗಿದ್ದು, ಎಲ್ಲರೂ ಸೇರಿ ಇದ್ದ ಕಾಡು ಉಳಿಸೋಣ’ ಎಂದವರು ಮನವಿ ಮಾಡಿದರು.
- [ಕಾರವಾರ | ಜನ ಮೆಚ್ಚಿದ ಶಿಕ್ಷಕನಿಗೆ ಪ್ರಶಸ್ತಿಯ ಗೌರವ](https://mobiletime.in/2026/08/karwar-award-of-honor-for-a-teacher-admired-by-the-public/): ಶಿಕ್ಷಕ, ಸಂಘಟಕ, ನಿರ್ವಾಹಕ ಹಾಗೂ ಅಸ್ನೋಟಿ ಶಿಕ್ಷಣ ಸಂಸ್ಥೆಯ ಮುಖ್ಯಾಧ್ಯಾಪಕ ಗಣೇಶ ಬೀಷ್ಠಣ್ಣನವರ್ ಅವರಿಗೆ India Business Excellence Award 2026 and Achievements Award ಪ್ರಶಸ್ತಿ ಬಂದಿದೆ. ಹಾವೇರಿ ಜಿಲ್ಲೆಯ ಬ್ಯಾಡಗಿ ತಾಲೂಕಿನ ಗುಡ್ಡದ ಮಲ್ಲಾಪುರದ ಗಣೇಶ ಬೀಷ್ಟಣ್ಣನವರ್ ಅವರು ಉತ್ತರ ಕನ್ನಡ ಜಿಲ್ಲೆಯ ಕಾರವಾರಕ್ಕೆ ಆಗಮಿಸಿ 22 ವರ್ಷಗಳಾಗಿವೆ. ಅಸ್ನೋಟಿ ಶಿವಾಜಿ ವಿದ್ಯಾ ಮಂದಿರ ಪ್ರೌಢಶಾಲೆಯ ಶಿಕ್ಷಕರಾಗಿ ಆಗಮಿಸಿದ ಅವರು ಹತ್ತು ಹಲವು ಸಂಘ-ಸAಸ್ಥೆಗಳ ಸಕ್ರೀಯ ಸದಸ್ಯರಾಗಿದ್ದಾರೆ. ಗುಡ್ಡಗಾಡು ಮಕ್ಕಳ ಶೈಕ್ಷಣಿಕ ಏಳಿಗೆಗಾಗಿ ಶ್ರಮಿಸುತ್ತಿದ್ದಾರೆ. ಸದ್ಯ ಅದೇ ಶಾಲೆಯ ಮುಖ್ಯಾಧ್ಯಪಕರಾಗಿ ಅವರು ಪದೊನ್ನತಿಪಡೆದಿದ್ದಾರೆ. ಅವರ ಈ ಎಲ್ಲಾ ಸಾಮಾಜಿಕ ಹಾಗೂ ಶೈಕ್ಷಣಿಕ ಸೇವೆ ಪರಿಗಣಿಸಿ India Business Excellence Award 2026 and Achievements Award ಪ್ರಶಸ್ತಿ ಬಂದಿದೆ. ಸರ್ಕಾರಿ ಸೇವೆಯಲ್ಲಿರುವ ಗಣೇಶ ಬೀಷ್ಟಣ್ಣನವರ್ ಅವರು ಆ ಸೇವೆಯ ಜೊತೆ ಜೊತೆಗೆ ತಮ್ಮ ಅಧ್ಯಯನವನ್ನು ಮುಂದುವರೆಸಿದ್ದಾರೆ. ಎಂ ಎ, ಬಿ.ಇಡಿ ಓದಿರುವ ಅವರಿಗೆ ಗೌರವ ಡಾಕ್ಟರೇಟ್ ಸಹ ಸಿಕ್ಕಿದೆ. 150ಕ್ಕೂ ಅಧಿಕ ಅಂಕಣ, 450ಕ್ಕೂ ಅಧಿಕ ಕಾರ್ಯಕ್ರಮಗಳ ನಿರ್ವಹಣೆ ಜೊತೆ 500ರಷ್ಟು ವಿಶೇಷ ಉಪನ್ಯಾಸಗಳನ್ನು ಅವರು ನೀಡಿದ್ದಾರೆ. ಪ್ರಬಂದ ರಚನೆ ಮಾರ್ಗದರ್ಶನ ಮಾಡುವುದರಲ್ಲಿ ಅವರ ಕೊಡುಗೆ ಅಪಾರ. ರಾಜ್ಯಮಟ್ಟದ ಸ್ಪರ್ಧೆ ಹಾಗೂ ಕವನ ರಚನೆ ವಿಷಯವಾಗಿ 13 ಬಾರಿ ರಾಜ್ಯಮಟ್ಟದಲ್ಲಿ ಮಿಂಚಿದ್ದಾರೆ. ಕೊರೊನಾ ಅವಧಿಯಲ್ಲಿ ರೋಗದ ವಿರುದ್ಧ ಜಾಗೃತಿಗಾಗಿ ವಿವಿಧ ಬಗೆಯ ನಾಟಕ ರಚಿಸಿದ್ದಾರೆ. ಮಕ್ಕಳ ಸೃಜನಶೀಲತೆಯ ವಿಕಾಸಕ್ಕೆ ಪ್ರೀತಿ ಪದಗಳ ಪಯಣ, ದರ್ಪಣ, ನಮ್ಮ ನಡಿಗೆ ಸಾವಿರದ ನಡಿಗೆ, ನಾನು ಮತ್ತು ನನ್ನ ಕಲಿಕೆ ಎಂಬAಥಹ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದಾರೆ. ಅನೇಕ ತರಬೇತಿಗಳಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಭಾಗವಹಿಸಿದ್ದಾರೆ. `ಮಿಸ್ ಕಾಲ್ ನೀಡಿ, ಸಮಸ್ಯೆ ಬಗಹರಿಸಿಕೊಳ್ಳಿ’ ಎಂಬ ಕಾರ್ಯಕ್ರಮದ ಪ್ರಮುಖ ಉಸ್ತುವಾರಿವಹಿಸಿ ಮಕ್ಕಳಿಗೆ ಮಾರ್ಗದರ್ಶನ ಮಾಡಿದ್ದಾರೆ. 9 ನಾಟಕಗಳಲ್ಲಿ ಅಭಿನಯಿಸಿದ ಅವರು ಸ್ವತಃ ನಿರ್ದೇಶನವನ್ನು ಮಾಡಿದ್ದಾರೆ. ಜಿಲ್ಲಾಮಟ್ಟದ ಉತ್ತಮ ಶಿಕ್ಷಕ, ರಾಜ್ಯ ಮಟ್ಟದ ಶ್ರೇಷ್ಠ ಶಿಕ್ಷಕ ಪ್ರಶಸ್ತಿ, ಜಿಲ್ಲಾ ವಾಲ್ಮೀಕಿ ಪ್ರಶಸ್ತಿ, ವಿದ್ಯಾರ್ಥಿ ಪ್ರೀಯ ರಾಜ್ಯ ಪ್ರಶಸ್ತಿ, ಕರ್ನಾಟಕ ರಾಜ್ಯೋತ್ಸವ ರಾಜ್ಯ ಪ್ರಶಸ್ತಿ, ಸಿರಿಗನ್ನಡ ನುಡಿಸಿರಿ ರಾಜ್ಯ ಪ್ರಶಸ್ತಿ, ಜವಹರಲಾಲ್ ನೆಹರು ಸದ್ಭಾವನಾ ರಾಷ್ಟ್ರೀಯ ಪ್ರಶಸ್ತಿ, ಅಂಬೇಡ್ಕರ್ ನ್ಯಾಷನಲ್ ಫೆಲೋಶಿಪ್ ನ್ಯಾಷನಲ್ ಅವಾರ್ಡ್, ಭಾರತ ಶಾಂತಿ ಎ.ಪಿ.ಜೆ ಅಬ್ದುಲ್ ಕಲಾಂ ರಾಷ್ಟ್ರೀಯ ಪ್ರಶಸ್ತಿ, ಸ್ವಾಮಿ ವಿವೇಕಾನಂದ ರಾಷ್ಟ್ರೀಯ ಪ್ರಶಸ್ತಿ, ಕರ್ನಾಟಕ ಭೂಷಣ ಪ್ರಶಸ್ತಿ, ನೇಶನ್ ಬಿಲ್ಡರ್ ಅವಾರ್ಡ್, ರೋಟರಿ ವೋಕೇಶನಲ್ ಅವಾರ್ಡ್, ಲಯನ್ಸ್ ಡಿಸ್ಟ್ರಿಕ್ಟ್ ಅವಾರ್ಡ್, ಲಯನ್ಸ್ ಇಂಟರ್ನ್ಯಾಷನಲ್ ಅವಾರ್ಡ್,ಶಿಕ್ಷಣ ರತ್ನ ಪ್ರಶಸ್ತಿ ಜೊತೆ ಲೋಕ ಧ್ವನಿ ಪತ್ರಿಕೆಯ ಹೆಮ್ಮೆಯ ಸಾಧಕರು ಪ್ರಶಸ್ತಿಯೂ ಅವರಿಗೆ ಸಿಕ್ಕಿದೆ. ಈ ಎಲ್ಲಾ ಅಂಶಗಳನ್ನು ಗಮನಿಸಿ ಗಣೇಶ ಬೀಷ್ಟಣ್ಣನವರ್ ಅವರಿಗೆ ಈ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತಿದೆ. ಶೈಕ್ಷಣಿಕ ನಾಯಕತ್ವ ಮತ್ತು ಅಭಿವೃದ್ಧಿಯಲ್ಲಿ ಶ್ರೇಷ್ಠತೆಯಲ್ಲಿನ ಸಾಧನೆಯನ್ನು ಪ್ರಶಸ್ತಿಯ ಮುಖ್ಯ ಮಾನದಂಡವಾಗಿ ಪರಿಗಣಿಸಲಾಗಿದೆ. ಅಗಸ್ಟ 29ರಂದು ಬೆಂಗಳೂರಿನಲ್ಲಿ ಈ ಪ್ರಶಸ್ತಿ ವಿತರಣೆ ನಡೆಯಲಿದೆ.
- [ಭಟ್ಕಳ | ಗಾಂಜಾ ಮಾರಾಟಕ್ಕೆ ಬಂದವನೇ ನಶೆಯಲ್ಲಿ ತೇಲಾಡಿದ!](https://mobiletime.in/2026/08/bhatkal-man-who-came-to-sell-ganja-ends-up-high-himself/): ಭಟ್ಕಳದ ಮೂವರು ಅಂಕೋಲಾ ಹಾಗೂ ಯಲ್ಲಾಪುರಕ್ಕೆ ಗಾಂಜಾ ಮಾರಾಟಕ್ಕೆ ಬಂದಿದ್ದು, ನಶೆಯಲ್ಲಿರುವಾಗಲೇ ಅವರು ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಬದುದ್ಧೀನ್ ಅಮೀನ್ ಹಾಗೂ ಅಬ್ದುಲ್ ಅಜೀಸ್ ಹಾಗೂ ಮಹಮದ್ ಅಬೀದ್ ಅವರ ವಿರುದ್ಧ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಭಟ್ಕಳ ಗುಳ್ಮೆಯಲ್ಲಿ ಬದುದ್ದಿನ್ ಅಮನ್ ಮಹಮದ್ ಹುಸೇನ್ ಅವರು ವಾಸವಾಗಿದ್ದಾರೆ. ಅದೇ ಊರಿನಲ್ಲಿ ಅಬ್ದುಲ್ ಅಜೀಜ್ ಭಾಷಾ ಶೇಖ್ ಅವರು ವಾಸವಾಗಿದ್ದಾರೆ. 20 ಹಾಗೂ 18 ವರ್ಷದ ಅವರಿಬ್ಬರು ಅದೇ ಊರಿನ 19 ವರ್ಷದ ಮಹಮದ್ ಅಬೀದ್ ಸಯ್ಯದ್ ರಶೀದ್ ಅವರ ಜೊತೆ ಹೊಟೇಲ್ ಕೆಲಸ ಮಾಡಿಕೊಂಡಿದ್ದಾರೆ. ಆ ಹೊಟೇಲ್ ಕೆಲಸದ ಆದಾಯ ಸಾಲದ ಕಾರಣ ಸಣ್ಣ ವಯಸ್ಸಿನಲ್ಲಿಯೇ ಅಡ್ಡದಾರಿ ಹಿಡಿದಿದ್ದಾರೆ. ಈ ಮೂವರು ಸೇರಿ ಜುಲೈ 31ರಂದು ಗಾಂಜಾ ಮಾರಾಟಕ್ಕಾಗಿ ಯಲ್ಲಾಪುರಕ್ಕೆ ಬಂದಿದ್ದಾರೆ. ಬದುದ್ಧೀನ್ ಅಮೀನ್ ಹಾಗೂ ಅಬ್ದುಲ್ ಅಜೀಸ್ ಅವರು ಈ ವೇಳೆ ಗಾಂಜಾ ನಶೆಯಲ್ಲಿದ್ದು, ಬಸ್ ನಿಲ್ದಾಣದ ಬಳಿ ಅಲೆದಾಡುತ್ತಿದ್ದ ಅವರನ್ನು ಯಲ್ಲಾಪುರ ಪಿಸೈ ರಾಜಶೇಖರ ವಂದಲಿ ಅವರು ಹಿಡಿದಿದ್ದಾರೆ. ಅವರಿಬ್ಬರ ವೈದ್ಯಕೀಯ ಪರೀಕ್ಷೆ ನಡೆಸಿ, ನಂತರ ಕಾನೂನು ಕ್ರಮ ಜರುಗಿಸಿದ್ದಾರೆ. ಪೊಲೀಸರ ವಿಚಾರಣೆ ವೇಳೆ ಮೂವರು ಗಾಂಜಾ ವ್ಯಾಪಾರಿಗಳು ಯಲ್ಲಾಪುರಕ್ಕೆ ಬಂದಿದ್ದು ಗೊತ್ತಾಗಿದೆ. ಆ ಮೂವರಲ್ಲಿ ಮಹಮದ್ ಅಬೀದ್ ಅವರು ಬಸ್ಸು ಏರಿ ಭಟ್ಕಳದ ಕಡೆ ಹೊರಟಿದ್ದು, ಯಲ್ಲಾಪುರ ಪೊಲೀಸರ ಮಾಹಿತಿ ಮೇರೆಗೆ ಅಂಕೋಲಾ ಪಿಸೈ ವಿಶ್ವನಾಥ ನಿಂಗೊಳ್ಳಿ ಅವರು ಬಾಳೆಗುಳಿ ಕ್ರಾಸಿನಲ್ಲಿ ಆ ಬಸ್ಸು ಅಡ್ಡ ಹಾಕಿದ್ದಾರೆ. ಆಗ, ಅದರಲ್ಲಿ ಮಹಮದ್ ಅಬೀದ್ ಅವರು ಗಾಂಜಾ ಜೊತೆ ಸಿಕ್ಕಿ ಬಿದ್ದಿದ್ದಾರೆ. ವಿಚಾರಣೆ ವೇಳೆ ಮಹಮದ್ ಅಬೀದ್ ಅವರು ಸಹ ಬದುದ್ಧೀನ್ ಅಮೀನ್ ಹಾಗೂ ಅಬ್ದುಲ್ ಅಜೀಸ್ ಅವರ ಜೊತೆ ಗಾಂಜಾ ವ್ಯಾಪಾರಕ್ಕೆ ಬಂದಿರುವ ಬಗ್ಗೆ ಬಾಯ್ಬಿಟ್ಟಿದ್ದಾರೆ. ಲಾರಿ ಚಾಲಕರಿಗೆ ಗಾಂಜಾ ಮಾರಾಟ ಮಾಡಲು ಪ್ರಯತ್ನಿಸಿದ್ದ ಮಹಮದ್ ಅಬೀದ್ ಅವರನ್ನು ಅಂಕೋಲಾ ಪೊಲೀಸರು ಕೂಡಲೇ ವಶಕ್ಕೆಪಡೆದಿದ್ದಾರೆ. ಅದಾದ ನಂತರ ಯಲ್ಲಾಪುರ ಪೊಲೀಸರು ಸಹ ಬದುದ್ಧೀನ್ ಅಮೀನ್ ಹಾಗೂ ಅಬ್ದುಲ್ ಅಜೀಸ್ ಅವರನ್ನು ಅಂಕೋಲಾ ಪೊಲೀಸರಿಗೆ ಒಪ್ಪಿಸಿದ್ದು, ಆ ಮೂವರ ವಿರುದ್ಧ ಕಠಿಣ ಕ್ರಮ ಜರುಗಿಸಿದ್ದಾರೆ. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಉತ್ತರ ಕನ್ನಡ | ಮನೆ ಹತ್ತಿರವೇ ಬರಲಿದೆ ಮತಗಟ್ಟೆ!](https://mobiletime.in/2026/08/uttara-kannada-a-polling-station-is-coming-right-near-your-home/): ಪ್ರತಿಯೊಬ್ಬ ಪ್ರಜೆಗೂ ಮತದಾನ ಮಾಡಲು ಅನುಕೂಲವಾಗುವಂತೆ ಇನ್ನಷ್ಟು ಮತಗಟ್ಟೆಗಳನ್ನು ಸ್ಥಾಪಿಸಲು ಜಿಲ್ಲಾಡಳಿತ ನಿರ್ಧರಿಸಿದೆ. ಸದ್ಯ ಉತ್ತರ ಕನ್ನಡ ಜಿಲ್ಲೆಯಲ್ಲಿ 1445 ಮತಗಟ್ಟೆಗಳಿದ್ದು, ಸಾವಿರಕ್ಕೂ ಅಧಿಕ ಮತದಾರರಿರುವ ಕಡೆ ಮತ್ತೊಂದು ಮತಗಟ್ಟೆ ಸ್ಥಾಪಿಸುವ ಚಿಂತನೆ ನಡೆದಿದೆ. ಇನ್ನೂ 79 ಮತಗಟ್ಟೆಗಳನ್ನು ಹೊಸದಾಗಿ ಸ್ಥಾಪಿಸಲು ಸರ್ಕಾರ ಆಸಕ್ತಿವಹಿಸಿದೆ. ಉತ್ತರ ಕನ್ನಡ ಜಿಲ್ಲೆಯ ಹಳಿಯಾಳದಲ್ಲಿ 13, ಕಾರವಾರದ 8, ಕುಮಟಾದ 11, ಭಟ್ಕಳದ 22, ಶಿರಸಿಯ 15 ಮತ್ತು ಯಲ್ಲಾಪುರದ 10 ಮತಗಟ್ಟೆಗಳಲ್ಲಿ 1200ಕ್ಕೂ ಅಧಿಕ ಮತದಾರರಿದ್ದಾರೆ. ಮತದಾರರ ಸಂಖ್ಯೆ ಹೆಚ್ಚಿರುವ ಮತಗಟ್ಟೆಯಲ್ಲಿ ಸರದಿಯ ಸಾಲು ಉದ್ದವಾಗುತ್ತಿದ್ದು, ಅಲ್ಲಿ ಹೆಚ್ಚುವರಿ ಮತಗಟ್ಟೆ ಸ್ಥಾಪಿಸುವ ಮೂಲಕ ಮತದಾರರಿಗೆ ಅನುಕೂಲ ಮಾಡಿಕೊಡಲು ನಿರ್ಧರಿಸಲಾಗಿದೆ. ಈ ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿಯಲ್ಲಿ ಮತಗಟ್ಟಗಳ ಸಂಖ್ಯೆಯನ್ನು ಹೆಚ್ಚಳ ಮಾಡಬೇಕಾಗಿದ್ದು, ಮತಗಟ್ಟೆ ಹೆಚ್ಚಳದ ನಂತರ ಜಿಲ್ಲೆಯಲ್ಲಿ ಮತಗಟ್ಟೆಗಳ ಸಂಖ್ಯೆ 1524 ಏರಿಕೆ ಆಗಲಿದೆ. ಈ ಬಗ್ಗೆ ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷಿö್ಮÃಪ್ರಿಯಾ ಅವರು ಮಾಹಿತಿ ನೀಡಿದ್ದಾರೆ. ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಕುರಿತಂತೆ ರಾಜಕೀಯ ಪಕ್ಷಗಳ ಸಭೆ ನಡೆಸಿದ ಅವರು ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಕುರಿತ ಮಾಹಿತಿಯ ಬಗ್ಗೆ ವಿವರ ನೀಡಿದ್ದಾರೆ. `ಯಾವುದೇ ಗೊಂದಲಗಳಿದ್ದಲ್ಲಿ ತಮ್ಮ ಪಕ್ಷಗಳ ಬಿ ಎಲ್ ಎ ಮೂಲಕ ಮತ್ತೊಮ್ಮೆ ಪರಿಶೀಲನೆ ಮಾಡಿಕೊಂಡು ದೃಢಪಡಿಸಿಕೊಳ್ಳಬೇಕು’ ಎಂದವರು ಹೇಳಿದ್ದಾರೆ. ಈ ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಬಿಜೆಪಿ ಪಕ್ಷದ ಉಪಾಧ್ಯಕ್ಷ ಸಂಜಯ್ ಸಾಳುಂಕೆ, ಕಾಂಗ್ರೆಸ್ ಪಕ್ಷದ ಉಪಾಧ್ಯಕ್ಷ ಬಾಬು ಶೇಖ್, ಪ್ರತಿನಿಧಿ ಸಯ್ಯದ್ ಅಶ್ರಫ್ ಹಾಗೂ ಜಿಲ್ಲಾ ಚುನಾವಣಾ ಶಾಖೆಯ ಅಧಿಕಾರಿಗಳು ಇದ್ದರು.
- [ಶಿರಸಿ | ಆರೋಗ್ಯ ತಪಾಸಣೆಯಿಂದ ಅಪಾಯ ದೂರ](https://mobiletime.in/2026/08/sirsi-health-check-up-keeps-danger-at-bay/): `ನಿಯಮಿತವಾಗಿ ಆರೋಗ್ಯ ತಪಾಸಣೆ ನಡೆಸುವುದರಿಂದ ಅಪಾಯ ಎದುರಾಗುವ ಮುನ್ನ ಎಚ್ಚರಿಕೆವಹಿಸಲು ಸಾಧ್ಯ’ ಎಂದು ಶಿರಸಿ ತಾಲೂಕು ಆರೋಗ್ಯ ಅಧಿಕಾರಿ ಡಾ ಮಧುಕರ ಪಾಟೀಲ್ ಅವರು ಹೇಳಿದ್ದಾರೆ. ವಿವಿಧ ಸಂಘ-ಸoಸ್ಥೆಗಳ ಸಂಯುಕ್ತ ಆಶ್ರಯದಲ್ಲಿ ಅವರು ಮಾರಿಕಾಂಬಾ ದೇಗುಲ ಸಿಬ್ಬಂದಿ ಹಾಗೂ ಅವರ ಕುಟುಂಬದವರಿಗೆ ಉಚಿತ ಆರೋಗ್ಯ ಶಿಬಿರ ನಡೆಸಿದ್ದು, ಅಲ್ಲಿ ಈ ಸಲಹೆ ನೀಡಿದ್ದಾರೆ. ಜನರಲ್ಲಿ ಆರೋಗ್ಯದ ಕುರಿತು ಅರಿವು ಮೂಡಿಸುತ್ತಿರುವ ಅಸ್ಮಿತೆ ಫೌಂಡೇಶನ್ ಅವರ ಜೊತೆ ಶ್ರೀ ಮಾರಿಕಾಂಬಾ ದೇವಸ್ಥಾನ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಮನು ವಿಕಾಸ ಸಂಸ್ಥೆ, ಗ್ರೀನ್ ಕೇರ್, ಸಂಕಲ್ಪ ಟ್ರಸ್ಟ್ ಹಾಗೂ ಭಾರತೀಯ ಕ್ಯಾನ್ಸರ್ ಸೊಸೈಟಿಯವರ ಸಹಯೋಗದಲ್ಲಿ ಈ ಶಿಬಿರ ನಡೆದಿದೆ. `ಆರೋಗ್ಯ ತಪಾಸಣಾ ಶಿಬಿರಗಳ ಮೂಲಕ ಜನರಲ್ಲಿ ಆರೋಗ್ಯದ ಕುರಿತು ಜಾಗೃತಿ ಮೂಡುತ್ತದೆ. ನಿಯಮಿತವಾಗಿ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವ ಮನೋಭಾವ ಬೆಳೆಸಲು ಶಿಬಿರಗಳು ಸಹಾಯ ಮಾಡುತ್ತವೆ. ಇಂಥ ಶಿಬಿರಗಳಿಂದ ಹಲವು ಆರೋಗ್ಯ ಸಮಸ್ಯೆಗಳನ್ನು ಆರಂಭಿಕ ಹಂತದಲ್ಲಿಯೇ ಗುರುತಿಸಿ ಸೂಕ್ತ ಚಿಕಿತ್ಸೆ ಪಡೆಯಲು ಸಾಧ್ಯವಾಗುತ್ತದೆ’ ಎಂದವರು ಹೇಳಿದ್ದಾರೆ. `ಆರೋಗ್ಯಕರ ಜೀವನ ನಡೆಸಲು ಇಂಥ ಶಿಬಿರಗಳು ಸಹಕಾರಿಯಾಗಿವೆ. ಆರೋಗ್ಯ ಇಲಾಖೆಯೊಂದಿಗೆ ಕೈಜೋಡಿಸಿ ಕಾರ್ಯನಿರ್ವಹಿಸುತ್ತಿರುವ ಸ್ವಯಂಸೇವಾ ಸಂಸ್ಥೆಗಳ ಸೇವೆ ಶ್ಲಾಘನೀಯ’ ಎಂದವರು ಹೇಳಿದ್ದಾರೆ. ಮನುವಿಕಾಸ ಸಂಸ್ಥೆಯ ನಿರ್ದೇಶಕ ಗಣಪತಿ ಭಟ್ ಅವರು ಮಾತನಾಡಿ `ಆರೋಗ್ಯದ ವಿಚಾರದಲ್ಲಿ ಯಾರೂ ನಿರ್ಲಕ್ಷ್ಯವಹಿಸಬಾರದು. ಆರೋಗ್ಯ ಸಮಸ್ಯೆಗಳನ್ನು ಆರಂಭಿಕ ಹಂತದಲ್ಲಿಯೇ ಗುರುತಿಸಲು ಸೂಕ್ತ ಸಮಯದಲ್ಲಿ ಸೂಕ್ತ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳಬೇಕು. ಅಗತ್ಯವಿದ್ದಲ್ಲಿ ಸೂಕ್ತ ಚಿಕಿತ್ಸೆ ಪಡೆಯಬೇಕು’ ಎಂದು ಸಲಹೆ ನೀಡಿದರು. ಅಸ್ಮಿತೆ ಫೌಂಡೇಶನ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ಡಾ ರಿಯಾಜ್ ಸಾಗರ್ ಮಾತನಾಡಿ `ಸಂಸ್ಥೆಯು ಜಿಲ್ಲೆಯಲ್ಲಿ ಕ್ಯಾನ್ಸರ್ ಜಾಗೃತಿ ಮತ್ತು ತಪಾಸಣೆ ಕುರಿತು ಕೆಲಸ ಮಾಡುತ್ತಿದ್ದು ಕ್ಯಾನ್ಸರ್ ಅಂದರೆ ಭಯ ಬಿಟ್ಟು ತಪಾಸಣೆ ಮಾಡಿಸಿಕೊಂಡು ಕ್ಯಾನ್ಸರ್ ಎರಡು ಹೆಜ್ಜೆ ಮುಂದೆ ಇರಬೇಕು’ ಎಂದರು. ಮಾರಿಕಾಂಬಾ ದೇವಸ್ಥಾನದ ಧರ್ಮದರ್ಶಿ ಮಂಡಳಿಯ ಅಧ್ಯಕ್ಷರಾದ ರವಿ ಬೆಳ್ಳೆಮನೆ ಅವರು ಮಾತನಾಡಿ `ದೇವಾಲಯದ ಸಿಬ್ಬಂದಿ ಹಾಗೂ ಅವರ ಕುಟುಂಬದವರ ಆರೋಗ್ಯದ ಸುರಕ್ಷತೆ ಮತ್ತು ಕಾಳಜಿಗಾಗಿ ಇಂತಹ ಆರೋಗ್ಯ ತಪಾಸಣಾ ಶಿಬಿರ ಆಯೋಜಿಸಿರುವುದು ಅತ್ಯಂತ ಪ್ರಶಂಸನೀಯವಾಗಿದೆ’ ಎಂದರು. ಶಿಬಿರದಲ್ಲಿ ಅಸ್ಮಿತೆ ಫೌಂಡೇಶನ್ ಸಂಸ್ಥೆಯು ಭಾರತೀಯ ಕ್ಯಾನ್ಸರ್ ಸೊಸೈಟಿಯವರ ಸಹಕಾರದಲ್ಲಿ ಬಾಯಿ ಕ್ಯಾನ್ಸರ್, ಸ್ತನ ಕ್ಯಾನ್ಸರ್ ಹಾಗೂ ಗರ್ಭಕಂಠದ ಕ್ಯಾನ್ಸರ್ ಸೇರಿದಂತೆ ವಿವಿಧ ಆರೋಗ್ಯ ಸಮಸ್ಯೆಗಳ ಕುರಿತು ತಜ್ಞ ವೈದ್ಯರ ತಂಡದಿAದ ಉಚಿತ ತಪಾಸಣೆ ನಡೆಯಿತು. ಕ್ಯಾನ್ಸರ್‌ನ ಆರಂಭಿಕ ಪತ್ತೆ, ತಡೆಗಟ್ಟುವಿಕೆ ಹಾಗೂ ಆರೋಗ್ಯಕರ ಜೀವನಶೈಲಿ ಕುರಿತು ಶಿಬಿರಾರ್ಥಿಗಳಿಗೆ ಅಗತ್ಯ ಮಾಹಿತಿ ಮತ್ತು ಜಾಗೃತಿ ಮೂಡಿಸಲಾಯಿತು. `ಕ್ಯಾನ್ಸರ್ ಅನ್ನು ಆರಂಭಿಕ ಹಂತದಲ್ಲಿಯೇ ಪತ್ತೆಹಚ್ಚಿ ಸೂಕ್ತ ಚಿಕಿತ್ಸೆ ಪಡೆಯುವುದರಿಂದ ಚಿಕಿತ್ಸೆಯ ಫಲಿತಾಂಶ ಉತ್ತಮವಾಗಿರುತ್ತದೆ’ ಎಂದು ವೈದ್ಯರು ವಿವರಿಸಿದರು. ಈ ಶಿಬಿರದಲ್ಲಿ ಆರೋಗ್ಯ ಇಲಾಖೆಯ ಎಐ ತಂತ್ರಜ್ಞಾನದ ಹ್ಯಾಂಡ್‌ಹೆಲ್ಡ್ ಎಕ್ಸ್-ರೇ ಯಂತ್ರದ ಮೂಲಕ ಕ್ಷಯರೋಗ, ನ್ಯುಮೋನಿಯಾ ಸೇರಿದಂತೆ ಶ್ವಾಸಕೋಶದ 12ಕ್ಕೂ ಹೆಚ್ಚು ಆರೋಗ್ಯ ತೊಂದರೆಗಳನ್ನು ಕೆಲವೇ ಸೆಕೆಂಡುಗಳಲ್ಲಿ ಶೇ. 90ಕ್ಕೂ ಹೆಚ್ಚು ನಿಖರತೆಯೊಂದಿಗೆ ರೋಗ ಪತ್ತೆಹಚ್ಚುವ ತಪಾಸಣೆ ಮಾಡಲಾಯಿತು. ಕಾರ್ಯಕ್ರಮದಲ್ಲಿ ಕರ್ನಾಟಕ ರಾಜ್ಯ ಸರ್ಕಾರಿ ಫಾರ್ಮಸಿ ಅಧಿಕಾರಿಗಳ ಸಂಘದ ಉತ್ತರ ಕನ್ನಡದ ಅಧ್ಯಕ್ಷ ಮಹೇಶ್ ಡಿ. ನಾಯಕ್, ಗ್ರೀನ್ ಕೇರ್ (ರಿ)ನ ಸದಸ್ಯ ಸುರೇಶ್ ಭಟ್ ಹಾಗೂ ಸಂಕಲ್ಪ ಟ್ರಸ್ಟ್’ನ ಅಧ್ಯಕ್ಷ ಕುಮಾರ್ ಪಟಾಗಾರ, ವೈದ್ಯರಾದ ಡಾ ಭಾರತಿ ಹೊಸಮನಿ, ಡಾ ಸ್ಮೃತಿ, ಡಾ ಮಮತಾ ಹೆಗಡೆ, ಡಾ ಮೇಘನಾ ಹಾಗೂ ಡಾ ಅರವಿಂದ್ ಅವರು ಇದ್ದರು. ಈ ಎಲ್ಲ ವೈದ್ಯರು ಸೇರಿ ಶಿಬಿರ ನಡೆಸಿಕೊಟ್ಟಿದ್ದು, ಆರೋಗ್ಯ ಇಲಾಖೆಯ ಆಪ್ತ ಸಮಾಲೋಚಕಿ ಗಿರಿಜಾ ಹೆಗಡೆ ಅವರು ಭಾಗವಹಿಸಿದ್ದರು. 100ಕ್ಕೂ ಅಧಿಕ ಸಿಬ್ಬಂದಿ ಶಿಬಿರದ ಪ್ರಯೋಜನಪಡೆದರು. ಗ್ರೀನ್ ಕೇರ್ ಸಂಸ್ಥೆಯ ಜಿತೇಂದ್ರಕುಮಾರ್ ಅವರು ಕಾರ್ಯಕ್ರಮವನ್ನು ನಿರೂಪಿಸಿ, ನಿರ್ವಹಿಸಿದರು.
- [ಗೋಕರ್ಣ | 9 ವರ್ಷ ಅಡಗಿದ್ದ ಶೇಖರ!](https://mobiletime.in/2026/08/gokarna-shekhara-who-had-been-in-hiding-for-9-years/): ಮನೆಯೊಂದಕ್ಕೆ ನುಗ್ಗಿ ವಿವಿಧ ವಸ್ತು ಕದ್ದು ಪರಾರಿಯಾಗಿದ್ದ ಬಂಗ್ಲೆಗುಡ್ಡೆಯ ಶೇಖರ ಗಣಾಚಾರಿ ಅವರು ಪೊಲೀಸರ ಕಣ್ತಪ್ಪಿಸಿ ಓಡಾಡಿಕೊಂಡಿದ್ದು, 9 ವರ್ಷದ ನಂತರ ಸಿಕ್ಕಿ ಬಿದ್ದಿದ್ದಾರೆ. 2016ರ ಡಿಸೆಂಬರ್ 24ರಂದು ಗೋಕರ್ಣದಲ್ಲಿ ಮನೆಯೊಂದರಲ್ಲಿ ಕಳ್ಳತನ ನಡೆದಿತ್ತು. ಆ ಕಳ್ಳತನ ಮಾಡಿರುವುದು ಬಂಗ್ಲೆಗುಡ್ಡೆಯ ಶೇಖರ ಮಚ್ಚೇಂದ್ರ ಗಣಾಚಾರಿ ಎಂಬುದು ಗೊತ್ತಾಗಿತ್ತು. ಆರೋಪಿಯನ್ನು ಬಂಧಿಸಿದ ಪೊಲೀಸರು ನಿಯಮಾನುಸಾರ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ನ್ಯಾಯಾಲಯದಿಂದ ಜಾಮೀನುಪಡೆದ ಶೇಖರ ಗಣಾಚಾರಿ ಊರು ಬಿಟ್ಟು ಪರಾರಿಯಾಗಿದ್ದರು. ನ್ಯಾಯಾಲಯ ಸೂಚನೆ ನೀಡಿದರೂ ಶೇಖರ ಗಣಾಚಾರಿ ಹಾಜರಾಗಿರಲಿಲ್ಲ. ಜಾಮೀನು ವೇಳೆ ನೀಡಿದ ಭರವಸೆಯಂತೆ ನಡೆದುಕೊಂಡಿರಲಿಲ್ಲ. ಈ ಬಗ್ಗೆ ಅರಿತ ಪಿಐ ಶ್ರೀಧರ ಎಸ್ ಆರ್ ಅವರು ವಿಶೇಷ ಕಾರ್ಯಾಚರಣೆ ನಡೆಸಿದರು. ಧಾರವಾಡದ ಕುಂದಗೋಳದಲ್ಲಿ ಶೇಖರ ಗಣಾಚಾರಿ ಅವರು ಅಡಗಿರುವುದನ್ನು ಪತ್ತೆ ಮಾಡಿದರು. ಅಲ್ಲಿನ ಯರಿಬೂದಿಹಾಳ ಗ್ರಾಮದಲ್ಲಿ ಮಾರುವೇಷದಲ್ಲಿದ್ದ ಶೇಖರ ಗಣಾಚಾರಿ ಅವರನ್ನು ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಪಿಸೈ ಸುನೀಲ್ ಎಂ ಎ, ಅನಿಲ್ ಬಿ ಎಮ್, ಪೊಲೀಸ್ ಸಿಬ್ಬಂದಿ ರಾಜೇಶ ನಾಯ್ಕ, ಶ್ರೀಕಾಂತ ಕೆ, ಪರಮೇಶ್ವರ ಹಾಗೂ ತಾಂತ್ರಿಕ ವಿಭಾಗದ ಸಿಬ್ಬಂದಿ ಉದಯ ಗುನಗಾ, ಬಬನ್ ಕದಂ ಅವರು ಈ ಕಾರ್ಯಾಚರಣೆಗೆ ಸಹಕಾರ ನೀಡಿದರು.
- [ದಾಂಡೇಲಿ | ಆನೆ ದಾಳಿಗೆ ಒಳಗಾದ ಮಾವುತ: ಆತನ ಬದುಕು ನರಕ!](https://mobiletime.in/2026/08/dandeli-mahout-attacked-by-an-elephant-his-life-is-a-living-hell/): ಪಣಸೋಳಿ ಆನೆ ಶಿಬಿರದಲ್ಲಿ ಕರ್ತವ್ಯ ನಿಭಾಯಿಸುತ್ತಿದ್ದ ಲಕ್ಕು ಪಟಗಾರೆ ಅವರು ಅಲ್ಲಿದ್ದ ಆನೆ ದಾಳಿಗೆ ಒಳಗಾಗಿದ್ದು, ಶಾಶ್ವತ ಅಂಗವೈಕಲ್ಯದಿoದ ಬಳಲುತ್ತಿದ್ದಾರೆ. ಆದರೆ, ಅರಣ್ಯ ಇಲಾಖೆ ಮಾತ್ರ ಲಕ್ಕು ಪಟಗಾರೆ ಅವರ ಕುಟುಂಬದವರಿಗಾಗಿ ಏನೂ ಮಾಡಿಲ್ಲ! ದಾಂಡೇಲಿಯ ಪಣಸೋಲಿಯಲ್ಲಿ ಆನೆ ಶಿಬಿರವಿದ್ದು, ಅಲ್ಲಿ ಆನೆಗಳಿಗೆ ವಿವಿಧ ಬಗೆಯ ತರಬೇತಿ ನೀಡಲಾಗುತ್ತದೆ. ಪ್ರವಾಸೋದ್ಯಮ ಚಟುವಟಿಕೆಗಳಿಗೆ ಸಹ ಇಲ್ಲಿನ ಆನೆಗಳನ್ನು ಬಳಸಿಕೊಳ್ಳಲಾಗುತ್ತದೆ. ಬಡಾ ಕಾನ ಬಳಿಯ ಶಿರಡಾ ಗ್ರಾಮದ ಲಕ್ಕು ಖಂಡು ಪಟಕಾರೆ ಅವರು ಹೊರಗುತ್ತಿಗೆ ಆಧಾರದಲ್ಲಿ ಇಲ್ಲಿ ಕೆಲಸಕ್ಕೆ ಸೇರಿದ್ದು, ಅವರು ಅಲ್ಲಿ ಆನೆ ಕಾವಾಡೆಯಾಗಿ ಅತ್ಯಂತ ನಿಷ್ಠೆಯಿಂದ ಕೆಲಸ ಮಾಡುತ್ತಿದ್ದರು. 2025ರ ಜುಲೈ 30ರಂದು ಕರ್ತವ್ಯದಲ್ಲಿದ್ದ ಅವರಿಗೆ ಅಲ್ಲಿದ್ದ ಆನೆಯೊಂದು ದಾಳಿ ಮಾಡಿತು. ಅದರಿಂದ ಲಕ್ಕು ಪಟಕಾರೆ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡು ಆಸ್ಪತ್ರೆ ಸೇರಿದರು. ಆ ವೇಳೆ ಅವರ ಯೋಗಕ್ಷೇಮ ವಿಚಾರಣೆಗೆ ಬಂದ ಕೆಲ ಅಧಿಕಾರಿಗಳು ಪುಡಿಗಾಸು ನೀಡಿ ಪ್ರಕರಣ ಮುಚ್ಚುವ ಪ್ರಯತ್ನ ಮಾಡಿದ್ದು ಬಿಟ್ಟರೆ, ಅವರ ಅಂಗವೈಕಲ್ಯಕ್ಕೆ ಶಾಶ್ವತ ಪರಿಹಾರ ಒದಗಿಸುವ ಕೆಲಸವನ್ನು ಮಾತ್ರ ಮಾಡಲಿಲ್ಲ. ಲಕ್ಕು ಪಟಕಾರೆ ಅವರನ್ನು ಮೊದಲು ದಾಂಡೇಲಿ ಇಎಸ್‌ಐ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ನಂತರ ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಧಾರವಾಡದ SDM ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಗೆ ಕರೆದೊಯ್ದು ಅಲ್ಲಿ ಚಿಕಿತ್ಸೆ ನೀಡಲಾಯಿತು. ಆದರೆ, ಆ ಚಿಕಿತ್ಸೆಯಿಂದ ಅವರ ಆರೋಗ್ಯ ಮೊದಲಿನ ಹಾಗೇ ಆಗಲಿಲ್ಲ. ಅದರಿಂದ ಮೊದಲಿನ ಹಾಗೇ ಚುರುಕಾಗಿ ಕೆಲಸ ಮಾಡಲು ಸಹ ಲಕ್ಕು ಪಟಕಾರೆ ಅವರಿಂದ ಸಾಧ್ಯವಾಗಲಿಲ್ಲ. ಇದನ್ನು ಅರಿತ ಅಧಿಕಾರಿಗಳು ಲಕ್ಕು ಪಟಗಾರೆ ಅವರನ್ನು ಕೆಲಸದಿಂದ ತೆಗೆದರು. ಕೆಲಸದಿಂದ ಬಿಡುಗಡೆ ಮಾಡುವಾಗ ಅವರಿಗೆ ಕಿಂಚಿತ್ತು ಆರ್ಥಿಕ ಸಹಾಯ ಮಾಡಲಿಲ್ಲ. ಕೆಲಸವಿಲ್ಲದ ಕಾರಣ ಲಕ್ಕು ಪಟಕಾರೆ ಅವರ ಕುಟುಂಬ ಬೀದಿಗೆ ಬಂದಿದ್ದು, ಅರಣ್ಯ ಅಧಿಕಾರಿಗಳು ಸಹ ಅವರಿಗೆ ಸರ್ಕಾರದಿಂದ ಯೋಗ್ಯ ಪರಿಹಾರ ಕೊಡಿಸಲಿಲ್ಲ. ಸಂಕಷ್ಟ ಕುಟುಂಬಕ್ಕೆ ಪರಿಹಾರ ಅಗತ್ಯವಿರುವ ಬಗ್ಗೆ ಮೇಲಧಿಕಾರಿಗಳಿಗೆ ಶಿಫಾರಸ್ಸು ಸಹ ಮಾಡಲಿಲ್ಲ. ಕರ್ತವ್ಯದ ವೇಳೆ ಅವಘಡ ನಡೆದಿದ್ದರಿಂದ ಲಕ್ಕು ಪಟಗಾರೆ ಅವರಿಗೆ ಸೂಕ್ತ ಪರಿಹಾರ ಬರಬೇಕಿತ್ತು. ಅವರ ಆರೋಗ್ಯಕ್ಕೆ ಅನುಗುಣವಾಗಿ ಪರ್ಯಾಯ ಉದ್ಯೋಗ ಸಿಗಬೇಕಿತ್ತು. ಅಥವಾ ಜೀವನಕ್ಕೆ ಆಧಾರವಾಗುವ ರೀತಿಯಲ್ಲಿ ಆರ್ಥಿಕ ನೆರವನ್ನಾದರೂ ಕೊಡಬೇಕಿತ್ತು. ಕರಡಿ ದಾಳಿಗೆ ಒಳಗಾದವರಿಗೆ 10 ಲಕ್ಷ ರೂವರೆಗೆ ಪರಿಹಾರ ನೀಡಿರುವ ನಿರ್ದೇಶನಗಳಿರುವಾಗ ಆನೆ ದಾಳಿಗೆ ಒಳಗಾದವರಿಗೆ ಕಿಂಚಿತ್ತು ಕಾಸು ನೀಡದಿರುವುದು ಅಸಮಧಾನಕ್ಕೆ ಕಾರಣಯಿತು. ಅದರಲ್ಲಿಯೂ, ಅರಣ್ಯ ಇಲಾಖೆಯೇ ಸಾಕಿದ ಆನೆ ಅರಣ್ಯ ಇಲಾಖೆಯ ಹೊರಗುತ್ತಿಗೆ ನೌಕರನ ಮೇಲೆ ದಾಳಿ ಮಾಡಿದರೂ ಅಧಿಕಾರಿಗಳು ಅಸಡ್ಡೆ ತೋರಿರುವುದು ಆಕ್ರೋಶ ಹೆಚ್ಚಿಸಿತು.
- [ಮಳೆಗೆ ಮುಳಗಿದ ಶಿರಸಿ!](https://mobiletime.in/2026/08/sirsi-submerged-by-rain/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಭಾರೀ ಪ್ರಮಾಣದ ಮಳೆಯಾಗುತ್ತಿದ್ದು, ಮಳೆಯ ಅಬ್ಬರಕ್ಕೆ ಶಿರಸಿ ತತ್ತರಿಸಿದೆ. ಕೆಲವಡೆ ಶುಕ್ರವಾರ ರಾತ್ರಿಯಿಂದ ಶುರುವಾದ ಮಳೆ ಇನ್ನೂ ಬಿಡುವು ನೀಡಿಲ್ಲ. ಶಿರಸಿಯ ಕೋಟೆಕೆರೆ ಭರ್ತಿಯಾಗಿದೆ. ಕೆರೆಯ ನೀರು ತುಂಬಿ ರಸ್ತೆ ಮೇಲೆ ಹರಿಯುತ್ತಿದೆ. ನೀರಿನಿಂದ ಆವೃತವಾದ ರಸ್ತೆಯಿಂದ ಆ ಭಾಗದ ಸಂಚಾರ ಅಸ್ತವ್ಯಸ್ಥವಾಗಿದೆ. ಅಯ್ಯಪ್ಪ ನಗರದ ಚೌಡೇಶ್ವರಿ ಕಾಲೋನಿ ನೀರಿನಲ್ಲಿ ಮುಳುಗಿದೆ. ಇಲ್ಲಿನ ಅನೇಕ ಮನೆಗಳ ಒಳಗೆ ನೀರು ನುಗ್ಗಿದೆ. ಗಟಾರದ ನೀರು ಅಂಗಳದವರೆಗೆ ಬಂದಿದ್ದರಿoದ ಆ ಭಾಗದ ಜನ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಎಸಳೆಯ ನವಗ್ರಾಮದಲ್ಲಿಯೂ ಭಾರೀ ಪ್ರಮಾಣದ ನೀರು ನುಗ್ಗಿದ್ದು, ಆ ಭಾಗದ ನಿವಾಸಿಗಳು ತೊಂದರೆಗೆ ಸಿಲುಕಿದ್ದಾರೆ. ಹುಬ್ಬಳ್ಳಿ ರಸ್ತೆಯ ಶ್ರೀಧರ ನಗರದ ವಿವಿಧ ಕಡೆ ಗಲೀಜು ನೀರು ತುಂಬಿದ್ದರಿoದ ಅಲ್ಲಿನ ಪರಿಸ್ಥಿತಿಯೂ ಶೋಚನೀಯ ಹಂತ ತಲುಪಿದೆ. ಸಮೃದ್ಧಿ ನಗರದ ಜನರು ಮನೆಯ ಬಾಗಿಲವರೆಗೆ ನೀರು ನುಗ್ಗಿದ್ದರಿಂದ ಹೊರಬರಲಾಗದೇ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಬಿಕ್ನಳ್ಳಿಯ ಸಾವಿತ್ರಿ ಗೌಡ ಅವರ ಕೊಟ್ಟಿಗೆ ಮನೆ ಗಾಳಿ-ಮಳೆಗೆ ಉದುರಿಬಿದ್ದಿದೆ. ಚಿಪಗಿಯ ದೇವನಿಲಯ ಪ್ರದೇಶದ ಮಳೆಗೆ ಜನ ತತ್ತರಿಸಿದ್ದು, ಅಲ್ಲಿನ ಗಟಾರದಲ್ಲಿ ಸರಾಗವಾಗಿ ನೀರು ಹರಿಯದೇ ತೊಂದರೆಯಾಗಿದೆ. ಗಟಾರದ ನೀರು ಮಳೆ ನೀರಿನ ಜೊತೆ ಸಿಲುಕಿ ಕಸ-ಕಡ್ಡಿಗಳ ಜೊತೆ ತಗ್ಗು ಪ್ರದೇಶದ ಮನೆಗಳಿಗೆ ನುಗ್ಗಿದೆ. ಧಾರಾಕಾರ ಮಳೆಗೆ ಚೌಡೇಶ್ವರಿ ನಗರ ನಡುಗಡ್ಡೆಯ ಹಾಗಾಗಿದೆ. ಕೋಟೆಕೆರೆ ಹಾಗೂ ಆ ಭಾಗದ ರಸ್ತೆಗಳಿಗೆ ಸಮಾನವಾಗಿ ನೀರು ನುಗ್ಗಿದ್ದು, ರಸ್ತೆ-ಕೆರೆ ನಡುವಿನ ವ್ಯತ್ಯಾಸ ತಿಳಿಯುತ್ತಿಲ್ಲ. ಸಮೃದ್ಧಿ ನಗರದಲ್ಲಿದ್ದ ಆರ್ ಎಸ್ ನಾಯ್ಕ ಅವರ ಡಿಜಿಎಸ್ ಸೌಂಡ್ ಬಾಕ್ಸ್ ಹಾಗೂ ಇಲೆಟ್ಟಾನಿಕ್ ಮಳಿಗೆ ನೀರಿನಲ್ಲಿ ಮುಳುಗಿದೆ. ಲಾಲಗೌಡರ ನಗರದಲ್ಲಿನ ತ್ಯಾಜ್ಯ ಘಟಕದಿಂದ ನೀರು ಹೊರಬಂದು ಮಳೆ ನೀರಿಗೆ ಕೂಡಿಕೊಂಡಿದೆ. ಅದರ ಪರಿಣಾಮ ಸುತ್ತಲಿನ ಪರಿಸರ ಗಬ್ಬು ವಾಸನೆಯಾಗಿದೆ. ಮಳೆ ನೀರಿಗೆ ಹಾವು-ಚೇಳು ಸೇರಿ ವಿವಿಧ ಜಾತಿಯ ಕ್ರಿಮಿ-ಕೀಟಗಳು ಕೊಚ್ಚಿ ಹೋಗಿದ್ದು, ಆಶ್ರಯಕ್ಕಾಗಿ ಜನ ವಸತಿ ಮನೆಗಳತ್ತ ಮುಖ ಮಾಡಿವೆ.
- [ಹೊನ್ನಾವರ | ಹಂಚು ಒಡೆದ ಕಳ್ಳ ಬೆಕ್ಕು!](https://mobiletime.in/2026/07/honnavara-the-sneaky-cat-that-broke-the-roof-tile/): ನವೀಲಗೋಣದ ತಾರಾ ಭಟ್ಟ ಅವರು ನಿದ್ದೆ ಮಾಡುತ್ತಿದ್ದಾಗ ದೊಡ್ಡ ಸದ್ದು ಕೇಳಿಸಿದ್ದು, ಅದು `ಬೆಕ್ಕು ಮಾಡಿದ ಶಬ್ದ’ ಎಂದು ಭಾವಿಸಿ ಅವರು ಮತ್ತೆ ನಿದ್ರೆಗೆ ಜಾರಿದ್ದಾರೆ. ಮರುದಿನ ಬೆಳಗ್ಗೆ ಮಗ ಸಿಸಿ ಕ್ಯಾಮರಾ ನೋಡಿದಾಗ ಮನೆಯೊಳಗೆ ಕಳ್ಳರು ನುಗ್ಗಿರುವುದು ಗೊತ್ತಾಗಿದೆ. ಹೊನ್ನಾವರದ ನವೀಲಗೋಣದಲ್ಲಿ ತಾರಾ ಅಶೋಕ ಭಟ್ಟ ಅವರು ವಾಸವಾಗಿದ್ದಾರೆ. ಜುಲೈ 28ರ ರಾತ್ರಿ 10 ಗಂಟೆಗೆ ಅವರು ಊಟ ಮಾಡಿ, ಮನೆ ಮಹಡಿ ಏರಿದ್ದಾರೆ. ಅಲ್ಲಿಯೇ ಅವರು ಹಾಸಿಗೆ ಬಿಡಿಸಿ ಮಲಗಿದ್ದಾರೆ. 11 ಗಂಟೆಯ ವೇಳೆಗೆ ಅವರಿಗೆ ದೊಡ್ಡ ಸದ್ದೊಂದು ಕೇಳಿಸಿದೆ. ನಿದ್ದೆಯ ಮಂಪರಿನಲ್ಲಿದ್ದ ಅವರು ಮತ್ತೆ ನೆಲ ಮಹಡಿಗೆ ಬರಲು ಮನಸ್ಸು ಮಾಡಿಲ್ಲ. `ಬೆಕ್ಕು ಸದ್ದು ಮಾಡಿರಬಹುದು’ ಎಂದು ಭಾವಿಸಿ ಅವರು ಮತ್ತೆ ನಿದ್ದೆಗೆ ಜಾರಿದ್ದಾರೆ. ಮರುದಿನ ಬೆಳಗ್ಗೆ ಎದ್ದು ಅಡುಗೆ ಮನೆಗೆ ಹೋದಾಗ ಹಂಚು ಒಡೆದಿದ್ದು ಕಾಣಿಸಿದೆ. ಹಿಂದಿನ ಬಾಗಿಲು ತೆಗೆದುಕೊಂಡಿರುವುದನ್ನು ಅವರು ನೋಡಿದ್ದಾರೆ. ಕೂಡಲೇ, ಪಕ್ಕದ ಮನೆಯ ಶೋಭಾ ಪ್ರಭಾಕರ ಭಟ್ಟ ಹಾಗೂ ಸಹೋದರ ಪ್ರಭಾಕರ ದೇವರು ಭಟ್ಟ ಅವರಿಗೆ ಮಾಹಿತಿ ನೀಡಿದ್ದಾರೆ. ಅದಾದ ನಂತರ ಮಗ ವಿಶ್ವನಾಥ ಭಟ್ಟ ಅವರಿಗೆ ಫೋನ್ ಮಾಡಿದ್ದಾರೆ. ಮೊಬೈಲ್ ನೋಡಿದ ವಿಶ್ವನಾಥ ಭಟ್ಟ ಅವರು ಸಿಸಿ ಕ್ಯಾಮರಾ ದಾಖಲೆ ಪರಿಶೀಲನೆ ನಡೆಸಿ, `ರಾತ್ರಿ ಮನೆಗೆ ಕಳ್ಳರು ಬಂದಿದ್ದರು’ ಎಂದಿದ್ದಾರೆ. ಇದರಿoದ ಗಲಿಬಿಲಿಗೊಂಡ ತಾರಾ ನಾಯ್ಕ ಅವರು ಇಡೀ ಮನೆ ಹುಡುಕಾಡಿದ್ದಾರೆ. ಆದರೆ, ಮನೆಯಲ್ಲಿದ್ದ ಯಾವ ವಸ್ತು ಸಹ ಕಳ್ಳತನ ಆಗಿಲ್ಲ. ಅದಾಗಿಯೂ, ಮನೆ ಹಂಚು ಒಡೆದ ಆ ಕಳ್ಳರ ವಿರುದ್ಧ ಅವರು ಕಾನೂನು ಕ್ರಮಕ್ಕೆ ಆಗ್ರಹಿಸಿ, ಹೊನ್ನಾವರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
- [ಕಾರವಾರ | ಆರು ಸಲ ಮೋಸ ಹೋದ ಮಹಿಳೆ!](https://mobiletime.in/2026/07/karwar-woman-deceived-six-times/): ಶೈಲಾ ನಾಯಕ ಅವರು ಫೇಸ್ಬುಕ್ ಮೂಲಕ ಪರಿಚಯವಾದ ವ್ಯಕ್ತಿಗೆ 1.54 ಕೋಟಿ ರೂ ನೀಡಿದ್ದಾರೆ. ಆ ಫೇಸ್ಬುಕ್ ಪ್ರೆಂಡ್ ಒಟ್ಟು ಆರು ಬಾರಿ ಸುಳ್ಳು ಹೇಳಿ ಶೈಲಾ ನಾಯಕ ಅವರಿಂದ ಹಣ ವಸೂಲಿ ಮಾಡಿದ್ದಾರೆ. ಕಾರವಾರದ ಕಾಯ್ಕಿಣಿ ರಸ್ತೆಯ ರಾಯ್ಕರ್ ಮೆನರ್ ಬಳಿ ಶೈಲಾ ನಾರಾಯಣ ನಾಯಕ ಅವರು ವಾಸವಾಗಿದ್ದಾರೆ. 63 ವರ್ಷದ ಅವರು ಸದ್ಯ ನಿವೃತ್ತಿ ಜೀವನ ನಡೆಸುತ್ತಿದ್ದಾರೆ. ದುಡಿಮೆಯ ಅವಧಿಯಲ್ಲಿ ಸಾಕಷ್ಟು ದುಡ್ಡು ಮಾಡಿಕೊಂಡಿದ್ದ ಅವರು ಅದನ್ನು ತಮ್ಮ ಬ್ಯಾಂಕ್ ಖಾತೆಯಲ್ಲಿರಿಸಿಕೊಂಡಿದ್ದು, ಆ ಹಣವನ್ನೇ ಸದ್ಯ ಫೇಸ್ಬುಕ್ ಪ್ರೆಂಡ್’ಗೆ ಕೊಟ್ಟಿದ್ದಾರೆ. ಫೇಸ್ಬುಕ್ ಮೂಲಕ ಪರಿಚಯವಾದ ವ್ಯಕ್ತಿ ಒಟ್ಟು ಆರು ಬಾರಿ ಸುಳ್ಳು ಹೇಳಿ ಕೋಟ್ಯಂತರ ರೂ ಪಡೆದರೂ ಶೈಲಾ ನಾಯಕ ಅವರಿಗೆ ಅನುಮಾನ ಬಂದಿಲ್ಲ. ಕೊಟ್ಟ ಹಣ ಮರಳದ ನಂತರ ಆ ಫೇಸ್ಬುಕ್ ಸ್ನೇಹಿತನ ನೈಜ ರೂಪ ದರ್ಶನವಾಗಿದ್ದು, ಕಾಸು ಕೊಟ್ಟು ಕೆಟ್ಟ ಅವರು ಪಶ್ಚಾತಾಪಕ್ಕೆ ಒಳಗಾಗಿದ್ದಾರೆ. 2025ರ ಡಿಸೆಂಬರ್ 15ಕ್ಕೆ ಶೈಲಾ ನಾಯಕ ಅವರು ಫೇಸ್ಬುಕ್ ನೋಡುತ್ತಿದ್ದಾಗ ಅವರಿಗೆ ಡಾ ಸಾಂಟೋ ನಿಕ್ಕೊ ಎಂಬಾತರಿoದ ಪ್ರೆಂಡ್ ರಿಕ್ವೆಸ್ಟ್ ಬಂದಿದೆ. ಸಾಂಟೋ ನಿಕ್ಕೊ ಅವರ ಕೋರಿಕೆಯನ್ನು ಅವರು ಮನ್ನಿಸಿದ್ದಾರೆ. ಅದಾದ ನಂತರ ಶೈಲಾ ನಾಯಕ ಹಾಗೂ ಸಾಂಟೋ ನಿಕ್ಕೋ ಅವರು ಮೆಸೆಂಜರ್ ಮೂಲಕ ಪರಸ್ಪರ ಮಾತು ಶುರು ಮಾಡಿದ್ದು, ಅವರಿಬ್ಬರು ವಾಟ್ಸಪ್ ಸಂಖ್ಯೆ ವಿನಿಮಯ ಮಾಡಿಕೊಂಡಿದ್ದಾರೆ. ಸಾಂಟೋ ನಿಕ್ಕೊ ಅವರು ತಮ್ಮನ್ನು ತಾವು ಇಟಲಿ ದೇಶದವ ಎಂದು ಪರಿಚಯಿಸಿಕೊಂಡಿದ್ದು, ಸದ್ಯ ಜರ್ಮನಿಯಲ್ಲಿ ವೈದ್ಯನಾಗಿ ಸೇವೆ ಸಲ್ಲಿಸುತ್ತಿರುವುದಾಗಿ ಹೇಳಿದ್ದಾರೆ. ಪ್ಲಾಸ್ಟಿಕ್ ಸರ್ಜರಿಯ ಸರ್ಜನ್ ಆಗಿ ಕೆಲಸ ಮಾಡುತ್ತಿರುವುದಾಗಿ ನಂಬಿಸಿದ್ದಾರೆ. ತಿoಗಳ ನಂತರ ಸಾಂಟೋ ನಿಕ್ಕೋ ಅವರು `ತನಗೆ ಮಲೇಶಿಯಾದಲ್ಲಿ ಕೆಲಸ ಮಾಡಲು ಆಫರ್ ಬಂದಿದೆ. 5 ಕೋಟಿ ರೂ ಸಂಬಳ ಸಿಗುತ್ತದೆ’ ಎಂದು ಹೇಳಿದ್ದಾರೆ. ಅದಾಗಿ ಕೆಲ ದಿನದ ನಂತರ `ತನ್ನ ತಾಯಿ ಬಿಕಾರೋ ನಿಕೋ ಮನೆ ಕೆಲಸ ಮಾಡುವಾಗ ಬಿದ್ದು ನೋವು ಮಾಡಿಕೊಂಡಿದ್ದಾರೆ. ಚಿಕಿತ್ಸೆಗೆ 2 ಲಕ್ಷ ರೂ ಬೇಕು. ಮಲೇಶಿಯಾದಿಂದ ಹಣ ಕಳುಹಿಸಲು ಆಗದ ಕಾರಣ ಸಹಾಯ ಕೇಳುತ್ತಿದ್ದೇನೆ’ ಎಂದು ಶೈಲಾ ನಾಯಕ ಅವರ ಬಳಿ ಮನವಿ ಮಾಡಿದ್ದಾರೆ. ಫೇಸ್ಬುಕ್ ಮೂಲಕ ಒಳ್ಳೆಯ ಸ್ನೇಹಿತರಾಗಿದ್ದ ಸಾಂಟೋ ನಿಕ್ಕೋ ಅವರು ವಾಟ್ಸಪ್ ಮೂಲಕವೂ ಆತ್ಮೀಯರಾದ ಕಾರಣ ಆ 2 ಲಕ್ಷ ರೂ ಹಣದ ಬಗ್ಗೆ ಶೈಲಾ ನಾಯಕ ಅವರು ತಲೆಕೆಡಿಸಿಕೊಂಡಿಲ್ಲ. ತಕ್ಷಣ ಅವರು ಹೇಳಿದ ಖಾತೆಗೆ ವರ್ಗ ಮಾಡಿದ್ದಾರೆ. ಅದಾದ ನಂತರ `ತಾನು ಕಾರು ಓಡಿಸುವಾಗ ಅಪಘಾತವಾಗಿದೆ. ಕೈ ಕಟ್ ಮಾಡಬೇಕು ಎಂದು ಡಾಕ್ಟರ್ ಹೇಳಿದ್ದು, ಕೈ ಉಳಿಸಿಕೊಳ್ಳಲು 31 ಲಕ್ಷ ರೂ ಬೇಕು’ ತರಾಗಿದ್ದ ಸಾಂಟೋ ನಿಕ್ಕೋ ಹೇಳಿದ್ದಾರೆ. `ಆ ಹಣವನ್ನ ಭಾರತಕ್ಕೆ ಬಂದು ಮರಳಿಸುವೆ’ ಎಂಬ ಭರವಸೆ ನೀಡಿದ್ದಾರೆ. ಫೇಸ್ಬುಕ್ ಪ್ರೆಂಡ್ ಕಷ್ಟಕ್ಕೆ ಸ್ಪಂದಿಸಿದ ಶೈಲಾ ನಾಯಕ ಅವರು ತಕ್ಷಣ 31 ಲಕ್ಷ ರೂ ಕಳುಹಿಸಿದ್ದಾರೆ. ಅದಾದ ಕೆಲ ದಿನದ ನಂತರ `1 ಕೋಟಿಗೂ ಅಧಿಕ ಹಣ ಹೊತ್ತು ಭಾರತಕ್ಕೆ ಬಂದಿದ್ದೇನೆ. ಆದರೆ, ದೆಹಲಿ ವಿಮಾನ ನಿಲ್ದಾಣದಲ್ಲಿ ಆ ಹಣ ವಶಕ್ಕೆ ಪಡೆದಿದ್ದಾರೆ. ಅದನ್ನು ಬಿಡಿಸಿಕೊಳ್ಳಲು 35 ಲಕ್ಷ ರೂ ಬೇಕು’ ಎಂದು ಹೇಳಿದ್ದು, ಆಗಲು ಶೈಲಾ ನಾಯಕ ಅವರು ಆ ಹಣ ಕೊಟ್ಟಿದ್ದಾರೆ. ಅದೇ ವೇಲೆ ದಂಡ, ಟಾಕ್ಸ್ ಎಂದು ಮತ್ತೆ 41 ಲಕ್ಷ ರೂ ಬೇಡಿದ್ದು ಅದನ್ನು ಪಾವತಿ ಮಾಡಿದ್ದಾರೆ. ಅದಾದ ನಂತರ `ಅಧಿಕಾರಿಗಳಿಗೆ 5.70 ಲಕ್ಷ ರೂ ಲಂಚ ಕೊಡಬೇಕು’ ಎಂದು ಸಾಂಟೋ ನಿಕ್ಕೋ ಹೇಳಿ ಅದನ್ನು ವಸೂಲಿ ಮಾಡಿದ್ದಾರೆ. ಮತ್ತೆ ಲಂಚ ನೀಡಿದ್ದು ಸಿಸಿ ಕ್ಯಾಮರಾದಲ್ಲಿ ರೆಕಾರ್ಡ ಆಗಿದ್ದು, ಅದನ್ನು ತೆಗೆಸಲು 18 ಲಕ್ಷ ರೂ ಬೇಡಿದ್ದಾರೆ. ಆಗಲೂ ಶೈಲಾ ನಾಯಕ ಅವರು ಲಂಚ ನೀಡಲು ಹಣ ಕೊಟ್ಟಿದ್ದಾರೆ. ಹೀಗೆ ಏಳು ತಿಂಗಳ ಅವಧಿಯಲ್ಲಿ ತರಾಗಿದ್ದ ಸಾಂಟೋ ನಿಕ್ಕೋ ಅವರು ಶೈಲಾ ನಾಯಕ ಅವರಿಂದ 1,54,14,161ರೂ ಹಣಪಡೆದಿದ್ದಾರೆ. ಆದರೆ, ಆ ಹಣವನ್ನು ಮಾತ್ರ ಮರಳಿ ಕೊಟ್ಟಿಲ್ಲ. ಅವರು ಭಾರತಕ್ಕೆ ಸಹ ಬರಲಿಲ್ಲ!  
- [AI ಕಣ್ಗಾವಲಿನಲ್ಲಿ ಪೊಲೀಸ್ ಪರೀಕ್ಷೆ!](https://mobiletime.in/2026/07/police-exam-under-ai-surveillance/): ಅಗಸ್ಟ 2ರಂದು ಕಾರವಾರ ಹಾಗೂ ಅಂಕೋಲಾದಲ್ಲಿ ಪೊಲೀಸ್ ಕಾನ್ಸಟೇಬಲ್ ಹುದ್ದೆಗೆ ಪರೀಕ್ಷೆ ನಡೆಯಲಿದ್ದು, 6,475 ಅಭ್ಯರ್ಥಿಗಳು ಪರೀಕ್ಷೆ ಎದುರಿಸಲಿದ್ದಾರೆ. ಕಾರವಾರದಲ್ಲಿ 15 ಹಾಗೂ ಅಂಕೋಲಾದ 5 ಕೇಂದ್ರಗಳಲ್ಲಿ ಪರೀಕ್ಷೆ ನಡೆಸಲು ನಿರ್ಧರಿಸಲಾಗಿದೆ. ಈ ಬಾರಿಯ ಪೊಲೀಸ್ ಕಾನ್ಸಟೇಬಲ್ ಪರೀಕ್ಷೆಗೆ ಎಐ ಪ್ರವೇಶವಾಗಿದ್ದು, ಅದನ್ನು ಬಳಸಿ ಅಭ್ಯರ್ಥಿಯ ಮುಖ ಗುರುತಿಸಲಾಗುತ್ತದೆ. ಪರೀಕ್ಷಾ ಕೇಂದ್ರಗಳಲ್ಲಿ ಅಕ್ರಮಗಳನ್ನು ತಡೆಗಟ್ಟಲು ಸಿಸಿಟಿವಿ ಕಣ್ಗಾವಲಿನ ಜೊತೆ ಕೃತಕ ಬುದ್ಧಿಮತ್ತೆ ಆಧಾರಿತ ಮುಖ ಗುರುತಿಸುವಿಕೆ ವ್ಯವಸ್ಥೆಯನ್ನು ಅಳವಡಿಸಲಾಗುತ್ತಿದೆ. ಯಾವುದೇ ರೀತಿಯ ಎಲೆಕ್ಟ್ರಾನಿಕ್ ಸಾಧನಗಳು, ವೈಯಕ್ತಿಕ ವಸ್ತುಗಳು ಅಥವಾ ಅಧ್ಯಯನ ಸಾಮಗ್ರಿಗಳನ್ನು ತರಲು ಅಭ್ಯರ್ಥಿಗಳಿಗೆ ಅವಕಾಶವಿಲ್ಲ. ನಿಷೇÃಧಿತ ವಸ್ತುಗಳ ಪಟ್ಟಿಯಲ್ಲಿ ಮೊಬೈಲ್ ಫೋನ್, ಬ್ಲೂಟೂತ್, ಇಯರ್‌ಫೋನ್, ಮೈಕ್ರೋಫೋನ್, ಕ್ಯಾಲ್ಕುಲೇಟರ್, ಜ್ಯಾಮಿಟ್ರಿ ಬಾಕ್ಸ್, ಪೆನ್ಸಿಲ್ ಬಾಕ್ಸ್, ಪ್ಲಾಸ್ಟಿಕ್ ಪೌಚ್, ವಾಲೆಟ್, ಹ್ಯಾಂಡ್‌ಬ್ಯಾಗ್, ಬೆಲ್ಟ್, ಕ್ಯಾಪ್, ಗಾಗಲ್ಸ್, ಕೈಗಡಿಯಾರ, ಬಳೆ, ಕ್ಯಾಮೆರಾ, ಮೈಕ್ರೋಚಿಪ್ ಸಹ ಒಳಗೊಂಡಿದೆ. ಆಹಾರ ಪದಾರ್ಥ ಹಾಗೂ ನೀರಿನ ಬಾಟಲಿಯನ್ನೂ ಪರೀಕ್ಷಾ ಕೇಂದ್ರಕ್ಕೆ ತರಲು ಅವಕಾಶವಿಲ್ಲ. ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಪರೀಕ್ಷೆ ಅಂಗವಾಗಿ ಅಧಿಕಾರಿಗಳ ಸಭೆ ನಡೆಸಿದ್ದು, `ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ವೆಬ್ ಕ್ಯಾಸ್ಟಿಂಗ್ ವೀಕ್ಷಣೆಗೆ ವ್ಯವಸ್ಥೆ ಮಾಡಬೇಕು. ಪ್ರಶ್ನೆ ಪತ್ರಿಕೆ ಮತ್ತು ಉತ್ತರ ಪತ್ರಿಕೆಗಳ ಸಾಗಾಟ ವಾಹನಗಳಿಗೆ ಹಾಗೂ ಪರೀಕ್ಷಾ ಕೇಂದ್ರಗಳಿಗೆ ಸೂಕ್ತ ಪೊಲೀಸ್ ಭದ್ರತೆ ಒದಗಿಸಬೇಕು’ ಎಂದು ಸೂಚಿಸಿದ್ದಾರೆ. `ಪರೀಕ್ಷಾ ಕೇಂದ್ರಗಳಲ್ಲಿ ಅಭ್ಯರ್ಥಿಗಳಿಗೆ ಕುಡಿಯುವ ನೀರಿನ ವ್ಯವಸ್ಥೆ ಮತ್ತು ಶೌಚಾಲಯ ವ್ಯವಸ್ಥೆ ಕಲ್ಪಿಸಬೇಕು. ಪರೀಕ್ಷಾ ದಿನದಂದು ಅಭ್ಯರ್ಥಿಗಳು ಪರೀಕ್ಷಾ ಕೇಂದ್ರಗಳಿಗೆ ತಲುಪಲು ಬಸ್ ಕೊರತೆಯಾಗದಂತೆ ನೋಡಿಕೊಳ್ಳಬೇಕು’ ಎಂದು ಸೂಚಿಸಿದ್ದಾರೆ. `ಪರೀಕ್ಷಾ ಪ್ರಾಧಿಕಾರದ ಸೂಚನೆಯಂತೆ ಅಭ್ಯರ್ಥಿಗಳ ಡ್ರೆಸ್‌ಕೋಡ್ ಮತ್ತು ನಿಷೇಧಿತ ವಸ್ತುಗಳ ಪರಿಶೀಲನೆ ನಡೆಸಬೇಕು. ಈ ಸಂದರ್ಭದಲ್ಲಿ ಯಾವುದೇ ಅನಗತ್ಯ ಗೊಂದಲಗಳಿಗೆ ಆಸ್ಪದ ನೀಡದಂತೆ ಎಚ್ಚರವಹಿಸಬೇಕು. ಮಹಿಳೆಯರಿಗೆ ಪ್ರತ್ಯೇಕ ತಪಾಸಣಾ ಕೊಠಡಿ ಇರಬೇಕು. ಪರೀಕ್ಷಾ ಕೇಂದ್ರಗಳಿಗೆ ನಿಯೋಜಿಸಿರುವ ವೀಕ್ಷಕರು ಮತ್ತು ಮೇಲ್ವಿಚಾರಕರು ತಮ್ಮ ಜವಾಬ್ದಾರಿಗಳನ್ನು ಅರಿತು ಕರ್ತವ್ಯ ನಿರ್ವಹಿಸಬೇಕು. ಆರೋಗ್ಯ ಇಲಾಖೆ ವತಿಯಿಂದ ಎಲ್ಲಾ ಕೇಂದ್ರಗಳಿಗೆ ಸಿಬ್ಬಂದಿಗಳನ್ನು ನಿಯೋಜಿಸಬೇಕು’ ಎಂದರು. `ಅಭ್ಯರ್ಥಿಗಳು ಪರೀಕ್ಷೆ ಆರಂಭದ ಕನಿಷ್ಠ 2 ಗಂಟೆಗಳ ಮುಂಚೆ ಕೇಂದ್ರದಲ್ಲಿ ಹಾಜರಿರಬೇಕು. ಸೂಕ್ತ ಗುರುತಿನ ಚೀಟಿ ಹೊಂದಿರಬೇಕು’ ಎಂದರು. ಡ್ರೆಸ್ ಕೋಡ್‌ನಂತೆ ಪೂರ್ಣ ತೋಳಿನ (ಫುಲ್ ಸ್ಲೀವ್ಸ್) ಉಡುಪು ಧರಿಸಿ ಪರೀಕ್ಷೆಗೆ ಹಾಜರಾಗುವಂತಿಲ್ಲ. ಯಾವುದೇ ಲೋಹದ ಆಭರಣಗಳನ್ನು ಧರಿಸಬಾರದು. ಆದರೆ ಮೂಗುತಿ ಹಾಗೂ ಮಂಗಳಸೂತ್ರಕ್ಕೆ ವಿನಾಯಿತಿ ನೀಡಲಾಗಿದೆ. ಜನಿವಾರ, ಶಿವದಾರ ಧರಿಸಿ ಪರೀಕ್ಷೆ ಬರೆಯಲು ಅವಕಾಶವಿರುತ್ತದೆ. ಅಭ್ಯರ್ಥಿಗಳು ಬೂಟುಗಳ ಬದಲಿಗೆ ಚಪ್ಪಲಿ ಅಥವಾ ಸ್ಯಾಂಡಲ್ ಧರಿಸುವಂತೆ ಸೂಚಿಸಲಾಗಿದೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಮಾತನಾಡಿ `ಪರೀಕ್ಷೆ ಆರಂಭವಾದ ಬಳಿಕ ಪರೀಕ್ಷಾ ಕೊಠಡಿಗೆ ಪೊಲೀಸ್ ಅಧಿಕಾರಿಗಳಿಗೂ ಪ್ರವೇಶವಿಲ್ಲ. ಪರೀಕ್ಷಾ ಹಿಂದಿನ ದಿನ ಕೇಂದ್ರಗಳಿಗೆ ಬರುವ ಎಲ್ಲಾ ವಾಹನಗಳ ವಿವರ ದಾಖಲಿಸುವ ಲಾಗ್ ಮಾಹಿತಿ ಇಡಬೇಕು. ಗುರುತಿನ ಚೀಟಿ ಇಲ್ಲದ ಅನಧಿಕೃತ ವ್ಯಕ್ತಿಗಳ ಪ್ರವೇಶದ ಬಗ್ಗೆ ನಿಗಾ ವಹಿಸಬೇಕು’ ಎಂದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಪ್ರಕಾಶ್ ಹಾಲಮ್ಮನವರ್, ಪದವಿ ಪೂರ್ವ ಶಿಕ್ಷಣ ಇಲಾಖೆ ಉಪ ನಿರ್ದೇಶಕ ಸತೀಶ್ ನಾಯ್ಕ ಹಾಗೂ ಪರೀಕ್ಷಾ ಕರ್ತವ್ಯಕ್ಕೆ ನಿಯೋಜಿಸಿದ್ದ ಎಲ್ಲಾ ಅಧಿಕಾರಿಗಳು ಇದ್ದರು.  
- [ಅಂಕೋಲಾ | ಆಂಬುಲೆನ್ಸ್ ಸಿಗದೇ ರೋಗಿ ಸಾವು!](https://mobiletime.in/2026/07/ankola-patient-dies-after-failing-to-get-an-ambulance/): 15 ನಿಮಿಷದೊಳಗೆ ಆಂಬುಲೆನ್ಸ್ ಬಾರದಿದ್ದರೆ 5 ಸಾವಿರ ರೂ ದಂಡ ವಿಧಿಸುವುದಾಗಿ ಆರೋಗ್ಯ ಸಚಿವ ಯು ಟಿ ಖಾದರ್ ಅವರು ಹೇಳಿದ್ದು, ಈ ನಡುವೆ ಅಂಕೋಲಾದಲ್ಲಿ ತುರ್ತು ಸಮಯದಲ್ಲಿ ಆಂಬುಲೆನ್ಸ್ ಸಿಗದೇ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ಉಸಿರಾಟ ಸಮಸ್ಯೆಯಿಂದ ಬಳಲಿದ ಬೊಬ್ರುವಾಡದ ಗೋವಿಂದ ನಾಯ್ಕ ಅವರು ಮೂರು ತಾಸು ಕಾದರೂ ಆಂಬುಲೆನ್ಸ್ ಸಿಗದೇ ಕೊನೆಯುಸಿರೆಳೆದಿದ್ದಾರೆ. ಅಂಕೋಲಾದ ಬೊಬ್ರುವಾಡದಲ್ಲಿ ಗೋವಿಂದ ನಾಯ್ಕ ಅವರು ವಾಸವಾಗಿದ್ದರು. 76 ವರ್ಷದ ಅವರು ಆರೋಗ್ಯವಾಗಿಯೇ ಇದ್ದರು. ಜುಲೈ 28ರಂದು ದಿಢೀರ್ ಆಗಿ ಅವರಿಗೆ ಉಸಿರಾಟ ಸಮಸ್ಯೆ ಕಾಣಿಸಿಕೊಂಡಿದ್ದು, ಸಂಜೆ 6 ಗಂಟೆಗೆ ಕುಟುಂಬದವರು ಅವರನ್ನು ಅಂಕೋಲಾ ತಾಲೂಕು ಆಸ್ಪತ್ರೆಗೆ ಕರೆತಂದರು. ಅಲ್ಲಿದ್ದ ವೈದ್ಯರು `ತಕ್ಷಣ ಅವರನ್ನು ಕಿಮ್ಸ್’ಗೆ ಕರೆದೊಯ್ಯಬೇಕು’ ಎಂದು ಸೂಚಿಸಿದರು. ಅಂಕೋಲಾ ಆಸ್ಪತ್ರೆಯಲ್ಲಿ ಮೂರು ಆಂಬುಲೆನ್ಸ್ ಇದ್ದರೂ ಅದು ಗೋವಿಂದ ನಾಯ್ಕ ಅವರ ಸೇವೆಗೆ ಸಿಗಲಿಲ್ಲ. ಒಂದು ಆಂಬುಲೆನ್ಸ್ ಗಂಗಾವಳಿ ಕಡೆ ಹೋಗಿದ್ದು, ಮತ್ತೆರಡು ಆಂಬುಲೆನ್ಸಿಗೆ ಚಾಲಕರಿರಲಿಲ್ಲ. ಗರ್ಭಿಣಿಯರನ್ನು ಆಸ್ಪತ್ರೆಗೆ ಕರೆತರುವ `ನಗು-ಮಗು’ ಆಂಬುಲೆನ್ಸ್ ಬಳಕೆ ಸಹ ಸಾಧ್ಯವಾಗಲಿಲ್ಲ. ಗಂಗಾವಳಿ ಕಡೆಗೆ ಹೋಗಿದ್ದ ಆಂಬುಲೆನ್ಸ್ ಬರುವವರೆಗೆ ಗೋವಿಂದ ನಾಯ್ಕ ಕುಟುಂಬದವರು ಕಾದರು. ಉಸಿರಾಟ ಸಮಸ್ಯೆಯಿರುವ ಕಾರಣ ಅವರಿಗೆ ಆಕ್ಸಿಜನ್ ಅಳವಡಿಸಿದ್ದರಿಂದ ಕಾರಿನಲ್ಲಿ ಸಾಗಿಸಲು ಸಾಧ್ಯವಾಗುವ ಹಾಗಿರಲಿಲ್ಲ. ರಾತ್ರಿ 9ಗಂಟೆಯಾದರೂ ಆಂಬುಲೆನ್ಸ್ ಬರಲಿಲ್ಲ. ಮೂರು ತಾಸು ಕಳೆದರೂ ಆಂಬುಲೆನ್ಸ್ ಸಿಗದ ಕಾರಣ ತುರ್ತು ಚಿಕಿತ್ಸೆ ನಡೆಯಲಿಲ್ಲ. ಈ ವೇಳೆ ಗೋವಿಂದ ನಾಯ್ಕ ಅವರಿಗೆ ಹೃದಯಘಾತವಾಗಿದ್ದು, ಅವರು ಅಲ್ಲಿಯೇ ಕೊನೆಯುಸಿರೆಳೆದರು. `ಆಂಬುಲೆನ್ಸ್ ಸಿಗದ ಕಾರಣ ತಂದೆಯನ್ನು ಕಳೆದುಕೊಂಡಿದ್ದು, ಇಂಥ ಪರಿಸ್ಥಿತಿ ಯಾರಿಗೂ ಬರಬಾರದು. ಮೂರು ತಾಸು ಸುಮ್ಮನೆ ಮಲಗಿಸುವ ಬದಲು ಅರ್ದತಾಸಿನಲ್ಲಿ ಕಾರವಾರ ತಲುಪಿದ್ದರೆ ಅವರು ಬದುಕುತ್ತಿದ್ದರು’ ಎಂದು ಅವರ ಪುತ್ರ ಶ್ರೀಧರ ನಾಯ್ಕ ಅವರು ಅಳಲು ತೋಡಿಕೊಂಡರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಇಲ್ಲ. ಇರುವ ಆಸ್ಪತ್ರೆಗಳಲ್ಲೂ ಸರಿಯಾದ ಸೌಲಭ್ಯಗಳಿಲ್ಲ’ ಎಂದವರು ಅಸಮಧಾನವ್ಯಕ್ತಪಡಿಸಿದರು.
- [ಯಲ್ಲಾಪುರ | ಬೈಕಿಗೆ ಗುದ್ದಿದ ರಿಕ್ಷಾ: ಎಲುಬು ಮುರಿತ!](https://mobiletime.in/2026/07/yellapur-rickshaw-hits-bike-bone-fracture/): ಶಿರಸಿ ರಾಜೀವನಗರದ ಸುದೀಪ ಬಗವೆ ಅವರು ಅಡ್ಡಾದಿಡ್ಡಿ ರಿಕ್ಷಾ ಓಡಿಸಿದ್ದು, ಆ ರಿಕ್ಷಾ ಉಮ್ಮಚ್ಗಿ ಸಂಕದಗುoಡಿಯ ಗಂಗಾಧರ ಬಾಂದೆ ಅವರ ಬೈಕಿಗೆ ಡಿಕ್ಕಿ ಹೊಡೆದಿದೆ. ಗಂಗಾಧರ ಬಾಂದೆ ಹಾಗೂ ಪ್ರೇಮಾ ಬಾಂದೆ ಅವರು ಬೈಕಿನಿಂದ ಬಿದ್ದು ಮೂಳೆ ಮುರಿದುಕೊಂಡಿದ್ದಾರೆ. ಯಲ್ಲಾಪುರದ ಉಮ್ಮಚ್ಗಿ ಬಳಿಯ ಸಂಕದಗುoಡಿಯಲ್ಲಿ ಗಂಗಾಧರ ನಾರಾಯಣ ಬಾಂದೆ ಅವರು ವಾಸವಾಗಿದ್ದಾರೆ. ಜುಲೈ 20ರಂದು ಅವರು ಹೆಮ್ಮಾಡಿಯಿಂದ ಮಾವಿನಕಟ್ಟಾ ಕಡೆಗೆ ಬೈಕಿನಲ್ಲಿ ಹೋಗುವಾಗ ಶಿರಸಿ ರಾಜೀವನಗರದ ಸುದೀಪ ಉಡಚಪ್ಪ ಬಗವೆ ಅವರ ರಿಕ್ಷಾ ಡಿಕ್ಕಿಯಾಗಿದೆ. ಸುದೀಪ ಬಗವೆ ಅವರು ಜೋರಾಗಿ ತಮ್ಮ ರಿಕ್ಷಾ ಓಡಿಸಿಕೊಂಡು ಬಂದಿದ್ದು, ಬೈಕು ನೋಡಿಯೂ ರಿಕ್ಷಾ ವೇಗವನ್ನು ತಗ್ಗಿಸಿಲ್ಲ. ಪರಿಣಾಮ ಕನ್ನೂರು ಬಸ್ ನಿಲ್ದಾಣದ ಬಳಿ ರಿಕ್ಷಾ ಹಾಗೂ ಬೈಕಿನ ನಡುವೆ ಅಪಘಾತ ನಡೆದಿದೆ. ಈ ಅಪಘಾತದ ಪರಿಣಾಮ ಗಂಗಾಧರ ಬಾಂದೆ ಅವರ ಕೈ ಬೆರಳು ಹಾಗೂ ಎದೆ ಭಾಗದ ಎಲುಬು ಮುರಿದಿದೆ. ಬೈಕಿನಲ್ಲಿ ಹಿಂದೆ ಕೂತಿದ್ದ ಪ್ರೇಮಾ ಬಾಂದೆ ಅವರ ತೊಡೆ, ಕಾಲು, ಬೆರಳಿನ ಎಲುಬು ಮುರಿತಕ್ಕೊಳಗಾಗಿದೆ. ಗಾಯಗೊಂಡ ಅವರಿಬ್ಬರು ಶಿರಸಿ ಪಂಡಿತ್ ಆಸ್ಪತ್ರೆಗೆ ದಾಖಲಾಗಿದ್ದು, ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ಹೋಗಿದ್ದಾರೆ. ಈ ಅಪಘಾತದ ಬಗ್ಗೆ ವಿರೇಂದ್ರ ಬಾಂದೆ ಅವರು ಮಾಹಿತಿ ನೀಡಿ, ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.
- [ಕುಮಟಾ | ಅಧ್ಯಕ್ಷ ಸ್ಥಾನಕ್ಕೆ ಭಾಸ್ಕರನೂ ಆಕಾಂಕ್ಷಿ](https://mobiletime.in/2026/07/kumta-bhaskara-also-an-aspirant-for-the-post-of-president/): ಒoದಲ್ಲ ಒಂದು ಹೋರಾಟದ ಮೂಲಕ ಗುರುತಿಸಿಕೊಂಡಿರುವ ಕುಮಟಾದ ಭಾಸ್ಕರ ಪಟಗಾರ ಅವರು ಕಾಂಗ್ರೆಸ್ ಕಾರ್ಯಕರ್ತರಾಗಿದ್ದು, ಇದೀಗ ಅವರು ಪಕ್ಷದ ಜಿಲ್ಲಾಧ್ಯಕ್ಷ ಸ್ಥಾನದ ಮೇಲೆ ಕಣ್ಣಿಟ್ಟಿದ್ದಾರೆ. ರಾಷ್ಟ್ರೀಯ ಕಾಂಗ್ರೆಸಿನ ವೀಕ್ಷಕಿ ರೋಶಾಲಿನ ತಿರ್ಕಿ ಅವರನ್ನು ಭಾಸ್ಕರ ಪಟಗಾರ ಅವರು ಭೇಟಿಯಾಗಿ ತಮ್ಮ ಮನದಾಳದ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ. `ಕಳೆದ ಅನೇಕ ವರ್ಷಗಳಿಂದ ತಾನೂ ಕಾಂಗ್ರೆಸ್ ಪಕ್ಷಕ್ಕಾಗಿ ದುಡಿದಿದ್ದೇನೆ. ಬೂತ್ ಮಟ್ಟದಲ್ಲಿ ಯುವಕರನ್ನು ಸಂಘಟಿಸಿ ಕೆಲಸ ಮಾಡುತ್ತಿದ್ದೇನೆ. ಜಿಲ್ಲಾ ಮಟ್ಟದಲ್ಲಿಯೂ ಪಕ್ಷ ಸಂಘಟನೆಗಾಗಿ ಸಾಕಷ್ಟು ಶ್ರಮಿಸಿದ್ದು, ಈವರೆಗೂ ಪಕ್ಷದ ಶಿಸ್ತಿನ ಸಿಪಾಯಿಯಾಗಿ ಕೆಲಸ ಮಾಡಿದ್ದೇನೆ. ಮುಂದೆಯೂ ಎಲ್ಲಾ ಸಮುದಾಯಗಳ ಸಕ್ರಿಯ ಸಂಘಟನೆಗೆ ಒತ್ತು ನೀಡುವೆ’ ಎಂಬ ಭರವಸೆಯನ್ನು ನೀಡಿದ್ದಾರೆ. ಅದರೊಂದಿಗೆ `2020ರಲ್ಲಿ ಆಗಿನ ಕೆಪಿಸಿಸಿ ಅಧ್ಯಕ್ಷರಾದ ಡಿ ಕೆ ಶಿವಕುಮಾರ್ ಅವರ ನೇತೃತ್ವದಲ್ಲಿ ಬೆಂಗಳೂರಿನಲ್ಲಿ ಪಕ್ಷ ಸೇರಿದ್ದು, 2023ರಲ್ಲಿ ಕುಮಟಾ ವಿಧಾನಸಭಾ ಕ್ಷೇತ್ರದ ಟಿಕೆಟ್ ಕೇಳಿದ್ದು, ಅದಾದ ನಂತರ ಭಟ್ಕಳ ವಿಧಾನಸಭಾ ಕ್ಷೇತ್ರದ ಕೆಪಿಸಿಸಿ ಸಂಯೋಜಕನಾಗಿ ಒಂದು ವರ್ಷಗಳ ಕಾಲ ಕಾರ್ಯನಿರ್ವಹಿಸಿದ್ದೇನೆ. 2023ರಲ್ಲಿ ಜಿಲ್ಲಾ ಕೆಪಿಸಿಸಿ ಸಂಯೋಜಕನಾಗಿ ಇಂದಿನವರೆಗೂ ಪಕ್ಷದ ವಿಚಾರವಾಗಿ ಪಕ್ಷದ ಪರವಾಗಿ ದುಡಿಯುತ್ತಿದ್ದೇನೆ’ ಎಂಬ ವಿಷಯವನ್ನು ಅವರು ಗಮನಕ್ಕೆ ತಂದಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಬಹುಸಂಖ್ಯಾತ ಒಕ್ಕಲಿಗ ಸಮುದಾಯದ ಹಿನ್ನಲೆ, ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತನಾಗಿ ಶ್ರಮಿಸಿದ ವಿಚಾರ ಹಾಗೂ ವಿವಿಧ ಸಾರ್ವಜನಿಕ ಸಂಘಟನೆಗಳಲ್ಲಿನ ಅನುಭವಗಳ ಬಗ್ಗೆಯೂ ಅವರು ವಿವರಿಸಿದ್ದಾರೆ. `ಈ ತನ್ನ ಈ ಎಲ್ಲಾ ಸೇವೆಯನ್ನು ಪರಿಗಣಿಸಿ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ಶಿಫಾರಸ್ಸು ಮಾಡಬೇಕು’ ಎಂದು ಅವರು ಮನವಿ ಮಾಡಿದ್ದಾರೆ. ಭಾಸ್ಕರ ಪಟಗಾರ ಅವರ ಮಾತು ಆಲಿಸಿದ ರಾಷ್ಟ್ರೀಯ ಕಾಂಗ್ರೆಸಿನ ವೀಕ್ಷಕಿ ರೋಶಾಲಿನ ತಿರ್ಕಿ ಅವರು ಅವರ ಕಾರ್ಯದ ಬಗ್ಗೆ ಮೆಚ್ಚುಗೆಯ ಮಾತನಾಡಿದ್ದಾರೆ.
- [ಭಟ್ಕಳ | ಆನ್‌ಲೈನ್ ವಂಚನೆ: ಬ್ಯಾಂಕಿಗೆ ಬಿತ್ತು ದಂಡ!](https://mobiletime.in/2026/07/bhatkal-online-fraud-bank-fined/): ಕೆನರಾ ಬ್ಯಾಂಕಿನಲ್ಲಿ ಖಾತೆಹೊಂದಿದ್ದ ಜಗದೀಶ ನಾಯ್ಕ ಅವರು ಆನ್‌ಲೈನ್ ವಂಚನೆಗೆ ಒಳಗಾಗಿದ್ದು, ಆ ವಂಚನೆ ತಡೆಗೆ ವಿಫಲವಾದ ಬ್ಯಾಂಕ್ ಮ್ಯಾನೇಜರ್‌ಗೆ ದಂಡ ಬಿದ್ದಿದೆ. ವಂಚನೆಗೆ ಒಳಗಾದ 20 ಲಕ್ಷ ರೂ ಹಣದ ಜೊತೆ ಶೇ 8ರ ಬಡ್ಡಿಯನ್ನು ವಿಧಿಸಿ ಪರಿಹಾರ ಕೊಡಬೇಕು ಎಂದು ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ಆದೇಶಿಸಿದೆ. ಭಟ್ಕಳದ ಬೆಳಕೆ ಗ್ರಾಮ ಪಂಚಾಯತ ಮಾಜಿ ಸದಸ್ಯ ಜಗದೀಶ ನಾಯ್ಕ ಅವರು ಕೆನರಾ ಬ್ಯಾಂಕಿನ ಬೆಳಕೆ ಶಾಖೆಯಲ್ಲಿ ಖಾತೆ ಹೊಂದಿದ್ದರು. ಅಲ್ಲಿ ಅವರು ಒಡಿ ಖಾತೆಯನ್ನು ತೆರೆದಿದ್ದರು. ಅವರ ಖಾತೆಯಲ್ಲಿದ್ದ ಹಣ ಕಡತವಾದ ಬಗ್ಗೆ ಮೆಸೆಜ್ ಬಂದಿತ್ತು. 2025ರ ಫೆಬ್ರವರಿ 9ರಂದು ಹಣ ಕಡತವಾದ ಬಗ್ಗೆ ಅವರು ಬ್ಯಾಂಕಿಗೆ ಮಾಹಿತಿ ನೀಡಿದ್ದರು. ಜೊತೆಗೆ ಬ್ಯಾಂಕಿನ ಕೇಂದ್ರ ಕಚೇರಿ, ಕಾರವಾರ ಪ್ರಾದೇಶಿಕ ಕಚೇರಿ ಹಾಗೂ ಸೈಬರ್ ಅಪರಾಧಗಳ ಸಹಾಯವಾಗಿ 1930ಗೆ ಫೋನ್ ಮಾಡಿ ದೂರು ದಾಖಲಿಸಿದ್ದರು. `ಬ್ಯಾಂಕ್ ಖಾತೆಯನ್ನು ಫ್ರೀಜ್ ಮಾಡಿ, ಕಡಿತವಾದ ಹಣವನ್ನು ಮರಳಿಸಬೇಕು’ ಎಂದು ಅವರು ಮನವಿ ಮಾಡಿದಲ್ಲದೇ, ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಗೂ ಅದೇ ದಿನ ದೂರು ನೀಡಿದ್ದರು. ಅದಾಗಿಯೂ, ಅವರ ಬ್ಯಾಂಕ್ ಖಾತೆಯಿಂದ 20.21 ಲಕ್ಷ ರೂ ವಂಚಕರ ಪಾಲಾಗಿತ್ತು. `ತಮ್ಮ ಖಾತೆಯಲ್ಲಿದ್ದ ಹಣವನ್ನು ಭದ್ರವಾಗಿರಿಸುವಲ್ಲಿ ಬ್ಯಾಂಕ್ ನಿರ್ಲಕ್ಷ್ಯವಹಿಸಿದೆ. ದೂರು ನೀಡಿದರೂ ಸಹ ಹಣ ಮರಳಿಸಲು ಬ್ಯಾಂಕ್ ಅಧಿಕಾರಿಗಳು ಆಸಕ್ತಿವಹಿಸಿಲ್ಲ. ಆ ಹಣ ಹರಿಯಾಣದ ದೀಪಕ್ ಕುಮಾರ್ ಎಂಬಾತರ ಖಾತೆ ಸೇರಿ ಅಲ್ಲಿಂದ ಬೇರೆಡೆ ಹಸ್ತಾಂತರವಾದರೂ ಬ್ಯಾಂಕ್ ಗಮನಹರಿಸಿಲ್ಲ’ ಎಂದು ಜಗದೀಶ ನಾಯ್ಕ ಅವರು ಆಕ್ಷೇಪಿಸಿ ಗ್ರಾಹಕ ವೇದಿಕೆಯ ಮೊರೆ ಹೋದರು. `ಸೈಬರ್ ವಂಚನೆಯಿOದ ತಾವು ಕಳೆದುಕೊಂಡ ಹಣವನ್ನು ಬ್ಯಾಂಕ್‌ನಿAದಲೇ ವಾಪಸ್ ಕೊಡಿಸಬೇಕು ಮತ್ತು ಪರಿಹಾರ ಕೊಡಿಸಬೇಕು’ ಎಂದು ಮನವಿ ಮಾಡಿದರು. `ಜಗದೀಶ ನಾಯ್ಕ ಅವರು ಬ್ಯಾಂಕ್ ಖಾತೆಯ ಇಂಟರ್‌ನೆಟ್ ಬ್ಯಾಂಕಿoಗ್‌ನ ಯೂಸರ್ ನೇಮ್ ಹಾಗೂ ಪಾಸ್‌ವರ್ಡನು ಸ್ವತಃ ರಚಿಸಿಕೊಂಡಿದ್ದಾರೆ. ವಂಚನೆ ನಡೆಯುವ ಎರಡು ದಿನ ಮುಂಚಿತವಾಗಿ ಅವರು ಇಂಟರ್‌ನೆಟ್ ಬ್ಯಾಂಕಿoಗ್‌ನ ಯೂಸರ್‌ನೇಮ್ ಹಾಗೂ ಪಾಸ್‌ವರ್ಡ್ ಬದಲಿಸಿದ್ದಾರೆ. ನೋಂದಾಯಿತ ಮೊಬೈಲ್ ಸಂಖ್ಯೆಯಿoದ OTP ಬಳಸಿ ಅಧಿಕೃತ ವಹಿವಾಟೇ ನಡೆದಿದಿರುವ ಬಗ್ಗೆ ಬ್ಯಾಂಕ್‌ನ ಇಂಟರ್‌ನೆಟ್ ಬ್ಯಾಂಕಿoಗ್‌ನ ಯುಇಬಿಟಿ ವಿಭಾಗ ತಿಳಿಸಿದೆ. ಬ್ಯಾಂಕ್ ಖಾತೆ ಹ್ಯಾಕ್ ಅಥವಾ ಪಾಸ್‌ವರ್ಡ್ ಸೋರಿಕೆ ಮುಂತಾದ ಯಾವುದೇ ನಿರ್ಲಕ್ಷ್ಯ ಬ್ಯಾಂಕ್‌ನಿoದ ನಡೆದಿಲ್ಲ’ ಎಂದು ಬ್ಯಾಂಕ್ ಅಧಿಕಾರಿಗಳು ವಾದ ಮಂಡಿಸಿದ್ದರು. ಆದರೆ, `ತಾನು ದೂರು ನೀಡಿದರೂ ಕ್ರಮವಾಗಿಲ್ಲ’ ಎಂದು ಜಗದೀಶ ನಾಯ್ಕ ಅವರು ದಾಖಲೆಗಳ ಜೊತೆ ಮನವರಿಕೆ ಮಾಡಿದರು. ಈ ವೇಳೆ ಬ್ಯಾಂಕ್ ಅಧಿಕಾರಿಗಳ ವಾದ ಒಪ್ಪದ ಆಯೋಗ `ಬ್ಯಾಂಕ್ ಅಧಿಕಾರಿಗಳಿಂದ ಮೊದಲು ಯಾವುದೇ ತಪ್ಪು ನಡೆದಿಲ್ಲ ಎಂಬುದು ಸತ್ಯ. ಆದರೆ, ವಂಚನೆಯಾದ ಬಗ್ಗೆ ಗ್ರಾಹಕ ದೂರು ನೀಡಿದರೂ ಕ್ರಮ ಜರುಗಿಸದಿರುವುದು ತಪ್ಪು’ ಎಂದು ಅಭಿಪ್ರಾಯಪಟ್ಟಿತು. `ಖಾತೆ ಫ್ರೀಜ್ ಮಾಡಿ ಮಧ್ಯವರ್ತಿ ಬ್ಯಾಂಕ್‌ನಿoದ ಹಣವನ್ನು ವಾಪಸ್ ಪಡೆಯಲು ಅವಕಾಶವಿತ್ತು. ಆ ವಿಳಂಬಕ್ಕೆ ಬ್ಯಾಂಕ್ ಅಧಿಕಾರಿಗಳೇ ಜವಾಬ್ದಾರರು’ ಎಂದು ಅಭಿಪ್ರಾಯಪಟ್ಟಿತು. ಕಾರವಾರ ಜಿಲ್ಲಾ ಗ್ರಾಹಕರ ಪರಿಹಾರ ಆಯೋಗದ ಅಧ್ಯಕ್ಷ ಮಾರುತಿ ವಡ್ಡರ್ ಮತ್ತು ಸದಸ್ಯೆ ನಯನಾ ಕಾಮಟೆ ಅವರು ಈ ಪ್ರಕರಣ ಪರಿಶೀಲಿಸಿ, ಸಾಕ್ಷಿಗಳನ್ನು ಗಮನಿಸಿದರು. ಕೊನೆಗೆ `ಗ್ರಾಹಕ ಕಳೆದುಕೊಂಡ 20.21 ಲಕ್ಷ ರೂಪಾಯಿಗಳನ್ನು ಬೆಳಕೆ ಬ್ಯಾಂಕ್ ಮ್ಯಾನೇಜರ್ ಹಾಗೂ ಕಾರವಾರ ರೀಜನಲ್ ಮ್ಯಾನೇಜರ್ ಜಂಟಿಯಾಗಿ ಶೇ 8ರ ಬಡ್ಡಿಯೊಂದಿಗೆ ನೀಡಬೇಕು’ ಎಂದು ಆದೇಶಿಸಿದರು. ಜೊತೆಗೆ `ಹಣ ಕಳೆದುಕೊಂಡ ಜಗದೀಶ ನಾಯ್ಕ ಅವರು ಮಾನಸಿಕ ಕಿರುಕುಳ ಅನುಭವಿಸದಕ್ಕಾಗಿ 25 ಸಾವಿರ ರೂ ಹಾಗೂ ಪ್ರಕರಣದ ವೆಚ್ಚ 10 ಸಾವಿರ ರೂಪಾಯಿಯನ್ನು ಎದುರುದಾರರು ಪಾವತಿಸಬೇಕು’ ಎಂದು ಸೂಚಿಸಿದರು.  
- [ಕಾರವಾರ | ಡೀಸಿ ವಿರುದ್ಧ ಬಿಜೆಪಿಗರು ಕೆಂಡಾಮoಡಲ!](https://mobiletime.in/2026/07/karwar-bjp-members-furious-with-the-dc/): ಉತ್ತರ ಕನ್ನಡ ಜಿಲ್ಲೆಯ ಅಭಿವೃದ್ಧಿಗೆ ಆಗ್ರಹಿಸಿ ಬಿಜೆಪಿಗರು ಜಿಲ್ಲಾಕೇಂದ್ರ ಕಾರವಾರದಲ್ಲಿ ಶಾಂತಿಯುತ ಪ್ರತಿಭಟನೆ ನಡೆಸಿದ್ದು, ಕ್ರಮೇಣ ಆ ಪ್ರತಿಭಟನೆ ಉಗ್ರ ಸ್ವರೂಪಕ್ಕೆ ತಿರುಗಿದೆ. ಪ್ರತಿಭಟನಾಕಾರರ ಮನವಿ ಆಲಿಸಲು ಬಾರದ ಜಿಲ್ಲಾಧಿಕಾರಿಗಳ ವಿರುದ್ಧ ಬಿಜೆಪಿಗರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಮೂಲಭೂತ ಸೌಕರ್ಯಗಳ ಕೊರತೆ ಬಗ್ಗೆ ಬಿಜೆಪಿ ಧ್ವನಿ ಎತ್ತಿದ್ದು, ರಾಜ್ಯ ಸರ್ಕಾರದ ನಿರ್ಲಕ್ಷದ ವಿರುದ್ಧ ಶುಕ್ರವಾರ ಡೀಸಿ ಕಚೇರಿ ಎದುರು ಪ್ರತಿಭಟನೆ ನಡೆಸಿದೆ. ಮೆರವಣಿಗೆ ಮೂಲಕ ಜಿಲ್ಲಾಧಿಕಾರಿ ಕಚೇರಿ ಬಳಿ ಬಂದ ಬಿಜೆಪಿಗರಿಗೆ ಜಿಲ್ಲಾಧಿಕಾರಿಗಳ ಭೇಟಿ ಸಾಧ್ಯವಾಗಿಲ್ಲ. ಮನವಿ ಆಲಿಸಲು ಸಹ ಜಿಲ್ಲಾಧಿಕಾರಿಗಳು ಕೊಠಡಿ ಬಿಟ್ಟು ಬರಲಿಲ್ಲ ಎಂದು ಆಕ್ಷೇಪಿಸಿದ ಪ್ರತಿಭಟನಾಕಾರರು ಕಚೇರಿ ಒಳಗೆ ನುಗ್ಗಲು ಪ್ರಯತ್ನಿಸಿದ್ದಾರೆ. ಅಲ್ಲಿಯವರೆಗೂ ಶಾಂತಿಯುತವಾಗಿಯೇ ಇದ್ದ ಆ ಪ್ರತಿಭಟನೆ ನಂತರ ಉಗ್ರ ಸ್ವರೂಪಕ್ಕೆ ತಿರುಗಿದ್ದು, ಪೊಲೀಸರು ಪ್ರತಿಭಟನಾಕಾರರನ್ನು ನಿಯಂತ್ರಿಸುವ ಪ್ರಯತ್ನ ಮಾಡಿದರು. ಇದರಿಂದ ಬಿಜೆಪಿಗರು ಇನ್ನಷ್ಟು ಸಿಟ್ಟಾಗಿ ಆಕ್ರೋಶದ ಭಾಷಣ ಮಾಡಿದರು. `ಸಮಸ್ಯೆ ಹೊತ್ತು ಬಂದವರ ಮನವಿ ಸ್ವೀಕರಿಸಲು ಜಿಲ್ಲಾಧಿಕಾರಿಗಳಿಗೆ ಸಮಯವಿಲ್ಲವೇ?’ ಎಂದು ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರು ಪ್ರಶ್ನಿಸಿದರು. ಸರ್ಕಾರ ಹಾಗೂ ಜಿಲ್ಲಾಡಳಿತದ ವಿರುದ್ಧ ಪ್ರತಿಭಟನಾಕಾರರು ಘೋಷಣೆಗಳನ್ನು ಕೂಗಿದರು. ತಾಸುಗಳ ಕಾಲ ಜಿಲ್ಲಾಧಿಕಾರಿ ಕಚೇರಿ ಹೊರಭಾಗ ಗೊಂದಲದಿoದ ಕೂಡಿದ್ದು, ಜಿಲ್ಲಾಧಿಕಾರಿಗಳ ವಿರುದ್ಧವೂ ಪ್ರತಿಭಟನಾಕಾರರು ಘೋಷಣೆ ಕೂಗಿದರು. ಧರಣಿ ಮುಂದುವರೆದಿರುವುದನ್ನು ಅರಿತ ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ ಅವರು ಪ್ರತಿಭಟನಾಕಾರರ ಬಳಿ ಆಗಮಿಸಿ ಅವರ ಮನವಿ ಸ್ವೀಕರಿಸಿದರು. ಅದಾದ ನಂತರ ಪ್ರತಿಭಟನಾಕಾರರು ಸಮಾಧಾನಗೊಂಡು, ಧರಣಿ ಹಿಂಪಡೆದರು.
- [ಬಿಜೆಪಿಗನ ಮನೆಯಲ್ಲಿ ಕಾಂಗ್ರೆಸ್ ಭರವಸೆ: ಅವರು ಚಹ ಕುಡಿದರು.. ಇವರು ದುಡ್ಡು ಕೊಟ್ಟರು!](https://mobiletime.in/2026/07/congress-makes-promises-at-a-bjp-members-home-they-drank-tea-the-others-paid-the-bill/): ಅಪ್ಪಟ್ಟ ಬಿಜೆಪಿ ಕಾರ್ಯಕರ್ತ, ಬಿಜೆಪಿಗಾಗಿ ಹಗಲು-ರಾತ್ರಿ ಶ್ರಮಿಸಿದವ, ಗ್ರಾಮ ಪಂಚಾಯತ ಸದಸ್ಯರಾಗಿಯೂ ಬಿಜೆಪಿಗೆ ಸಾಕಷ್ಟು ಕೊಡುಗೆ ನೀಡಿದ ಕೃಷ್ಣಮೂರ್ತಿ ಹೆಗಡೆ ಅವರ ಮನೆಗೆ ಭೇಟಿ ನೀಡಿದ ಕಾಂಗ್ರೆಸ್ ಶಾಸಕ ಭೀಮಣ್ಣ ನಾಯ್ಕ ಅವರು 10 ಸಾವಿರ ರೂ ಸಹಾಯ ಮಾಡಿದ್ದಾರೆ. ಒಂದು ತಿಂಗಳ ಹಿಂದೆ ಇಲ್ಲಿ ಭೇಟಿ ನೀಡಿದ್ದ ಬಿಜೆಪಿ ರೈತಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಪಕ್ಷದ ಕಟ್ಟಾ ಅಭಿಮಾನಿ ಮನೆಯಲ್ಲಿ ನಡೆದ ಹಾನಿ ನೋಡಿಯೂ ಯಾವುದೇ ಆರ್ಥಿಕ ನೆರವು ನೀಡಿಲ್ಲ. ಸಿದ್ದಾಪುರದ ಶೇಡಿದಂಡ್ಕಲಿನಲ್ಲಿ ವಿನಾಯಕ ಹೆಗಡೆ ಅವರು ವಾಸವಾಗಿದ್ದಾರೆ. ವಿನಾಯಕ ಹೆಗಡೆ ಅವರದ್ದು ಅವಿಭಕ್ತ ಕುಟುಂಬವಾಗಿದ್ದು, ಕುಟುಂಬದ ಸದಸ್ಯರೆಲ್ಲರೂ ಸೇರಿ ತೋಟ ನಿರ್ವಹಣೆ ಮಾಡಿಕೊಂಡಿದ್ದಾರೆ. ವಿನಾಯಕ ಹೆಗಡೆ ಅವರ ಚಿಕ್ಕಪ್ಪನ ಮಗ ಕೃಷ್ಣಮೂರ್ತಿ ಹೆಗಡೆ ಅವರು ಅಪ್ಪಟ್ಟ ಬಿಜೆಪಿ ಅಭಿಮಾನಿ. ದಶಕಗಳಿಂದ ಅವರು ಪ್ರಾಮಾಣಿಕವಾಗಿ ಪಕ್ಷ ಸಂಘಟನೆ ಮಾಡಿಕೊಂಡಿದ್ದು, ಬೇರೆ ಬೇರೆ ಪಕ್ಷದವರು ಕೈಬೀಸಿ ಕರೆದರೂ ಅವರ ಕರೆಗೆ ಕೃಷ್ಣಮೂರ್ತಿ ಹೆಗಡೆ ಅವರು ತಲೆಕೆಡಿಸಿಕೊಂಡವರಲ್ಲ. ಪಕ್ಷ-ಸಿದ್ಧಾಂತ-ಸoಘಟನೆ ಎಂಬ ತತ್ವದ ಅಡಿಯಲ್ಲಿಯೇ ಕೃಷ್ಣಮೂರ್ತಿ ಹೆಗಡೆ ಅವರು ಜೀವನ ನಡೆಸುತ್ತಿದ್ದಾರೆ. ಬಿಜೆಪಿ ಬೆಂಬಲಿತ ಅಭ್ಯರ್ಥಿಯಾಗಿ ಕಾನಸೂರು ಗ್ರಾಮ ಪಂಚಾಯತ ಸದಸ್ಯರಾಗಿಯೂ ಕೆಲಸ ಮಾಡಿದ್ದಾರೆ. ಹೀಗಿರುವಾಗ ಜೂನ್ 27ರಂದು ಕೃಷ್ಣಮೂರ್ತಿ ಹೆಗಡೆ ಅವರ ಮನೆ ಅಂಚಿನ ಗೋದಾಮಿಗೆ ಬೆಂಕಿ ಬಿದ್ದಿದೆ. 4 ಲಕ್ಷ ರೂ ಮೌಲ್ಯದ ಅಡಿಕೆ ಸುಟ್ಟು ಕರಕಲಾಗಿದೆ. ಈ ವಿಷಯ ಅರಿತ ಬಿಜೆಪಿ ರೈತಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಮರುದಿನವೇ ಅಲ್ಲಿ ಧಾವಿಸಿದ್ದಾರೆ. ಸುಟ್ಟ ಅಡಿಕೆಗಳನ್ನು ಕೈಯಲ್ಲಿ ಹಿಡಿದು ಪರಿಶೀಲಿಸಿದ್ದಾರೆ. ಅದಾದ ನಂತರ `ಈಗಾಗಲೇ ಎಲೆಚುಕ್ಕಿ ರೋಗದಿಂದ ಬಹುತೇಕ ಅಡಿಕೆ ತೊಟ ಹಾಳಾಗಿದೆ. ಕೊಳೆ ರೋಗದಿಂದ ಶೇ 60ರಷ್ಟು ಇಳುವರಿ ಕಡಿಮೆಯಾಗಿದೆ. ಬೆಳೆಗಾರರು ಕಷ್ಟದಲ್ಲಿದ್ದು, ಬೆಂಕಿ ಅವಘಡದಿಂದ 70ಚೀಲ ಅಡಿಕೆ ಸುಟ್ಟಿದ್ದರಿಂದ ಸರ್ಕಾರ ಪರಿಹಾರ ಕೊಡಬೇಕು’ ಎಂದು ಅವರು ಈ ವೇಳೆ ಭಾಷಣ ಮಾಡಿದ್ದಾರೆ. ಸಾಮಾನ್ಯವಾಗಿ ಶಿರಸಿ-ಸಿದ್ದಾಪುರ ಭಾಗದಲ್ಲಿ ಎಲ್ಲಿ ಯಾವುದೇ ಅನಾಹುತನಡೆದರೂ ಅನಂತಮೂರ್ತಿ ಹೆಗಡೆ ಅವರು ಮೊದಲು ಅಲ್ಲಿ ಹಾಜರಾಗುತ್ತಾರೆ. ಆಗಾಗ ಅವರು ನೊಂದವರಿಗೆ ನೆರವು ನೀಡುತ್ತಾರೆ. ಕಷ್ಟದಲ್ಲಿದ್ದವರಿಗೆ ಸಾಂತ್ವಾನ ಹೇಳುತ್ತಾರೆ. ಹೀಗಾಗಿ, ಅಪ್ಪಟ್ಟ ಬಿಜೆಪಿ ಕಾರ್ಯಕರ್ತ ಕೃಷ್ಣಮೂರ್ತಿ ಹೆಗಡೆ ಅವರು ಆರ್ಥಿಕ ಸಂಕಷ್ಟ ಅನುಭವಿಸುತ್ತಿದ್ದಾಗ ರೈತಮೋರ್ಚಾ ಅಧ್ಯಕ್ಷರು ಅವರ ಮನೆಗೆ ಬಂದು ಸಾಂತ್ವಾನ ಹೇಳಿದ್ದು, ಕುಟುಂಬದವರಿಗೆ ಸಮಾಧಾನ ತಂದಿದೆ. ಹೀಗಾಗಿ ಆ ಕುಟುಂಬದವರು ಕಷ್ಟದ ನಡುವೆಯೂ ಬಿಸಿ ಬಿಸಿ ಚಹಾ ಮಾಡಿಕೊಟ್ಟು ಆತಿಥ್ಯ ನೀಡಿದ್ದಾರೆ. ಆದರೆ, ಎಲ್ಲಾ ಕಡೆ ಸಹಾಯ ಮಾಡುವ ಅನಂತಮೂರ್ತಿ ಹೆಗಡೆ ಅವರು ಇಲ್ಲಿ ತಮ್ಮದೇ ಪಕ್ಷದ ಕಾರ್ಯಕರ್ತನ ಸಂಕಷ್ಟಕ್ಕೆ ಧ್ವನಿ ಆಗಿಲ್ಲ. ಆ ಬಗ್ಗೆ ಬೇಸರವಿದ್ದರೂ ಬಿಜೆಪಿ ಮೇಲಿನ ಅಭಿಮಾನದಿಂದಾಗಿ ಕುಟುಂಬದವರು ಅದನ್ನು ಎಲ್ಲಿಯೂ ಬಹಿರಂಗವಾಗಿ ಹೇಳಿಕೊಳ್ಳಲಿಲ್ಲ. ತಮ್ಮ ಕ್ಷೇತ್ರವ್ಯಾಪ್ತಿಯಲ್ಲಿ ಅಗ್ನಿ ಅವಘಡ ನಡೆದ ಬಗ್ಗೆ ಶಾಸಕ ಭೀಮಣ್ಣ ನಾಯ್ಕ ಅವರಿಗೂ ಅದೇ ದಿನ ವಿಷಯ ಗೊತ್ತಾಗಿದೆ. ಆದರೆ, `ಅನಂತಮೂರ್ತಿ ಹೆಗಡೆ ಹೋದ ಪ್ರದೇಶಕ್ಕೆ ತಕ್ಷಣ ತಾವು ಹೋಗುವುದು ಸರಿಯಲ್ಲ’ ಎಂದು ಭಾವಿಸಿ ಭೀಮಣ್ಣ ನಾಯ್ಕ ಅವರು ಒಂದು ತಿಂಗಳ ಕಾಲ ಸುಮ್ಮನಿದ್ದಾರೆ. ತಿಂಗಳು ಕಳೆದರೂ ಸಂತ್ರಸ್ತ ಕುಟುಂಬಕ್ಕೆ ಯಾವುದೇ ಸಹಾಯ ಸಿಕ್ಕಿಲ್ಲ ಎಂಬುದನ್ನು ಅರಿತು ಈ ವೇಳೆ ಭೀಮಣ್ಣ ನಾಯ್ಕ ಅವರು ಭೇಟಿ ನೀಡಿದ್ದಾರೆ. ಆಗ, ಬಿಜೆಪಿ ಕಾರ್ಯಕರ್ತ ಕೃಷ್ಣಮೂರ್ತಿ ಹೆಗಡೆ ಅವರು ಕಾಂಗ್ರೆಸ್ ಶಾಸಕ ಭೀಮಣ್ಣ ನಾಯ್ಕ ಅವರ ಮುಂದೆ ತಮ್ಮ ಅಳಲು ತೋಡಿಕೊಂಡಿದ್ದಾರೆ. ಕಷ್ಟದ ಕಾಲದಲ್ಲಿ ಕೈ ಹಿಡಿಯುವಂತೆ ಮನವಿ ಮಾಡಿದ್ದಾರೆ. ಕುಟುಂಬದವರ ಕಷ್ಟಕ್ಕೆ ಕರಗಿದ ಭೀಮಣ್ಣ ನಾಯ್ಕ ಅವರು ತಕ್ಷಣ ತಮ್ಮ ಕಿಸೆಯಿಂದ 10 ಸಾವಿರ ರೂ ತೆಗೆದುಕೊಟ್ಟಿದ್ದಾರೆ. ಸರ್ಕಾರದಿಂದಲೂ ಪರಿಹಾರ ದೊರಕಿಸಿಕೊಡುವ ಪ್ರಯತ್ನ ಮಾಡುವುದಾಗಿ ಶಾಸಕರು ಭರವಸೆ ನೀಡಿದ್ದಾರೆ. `15 ವರ್ಷಗಳಿಂದ ಬಿಜೆಪಿಯಲ್ಲಿದ್ದರೂ ಕಷ್ಟದಲ್ಲಿರುವಾಗ 10ರೂಪಾಯಿ ಸಿಕ್ಕಿಲ್ಲ. ಎದುರಾಳಿ ಪಕ್ಷದಲ್ಲಿದ್ದರೂ ಕಾಂಗ್ರೆಸ್ ಶಾಸಕ ವೈಯಕ್ತಿಕವಾಗಿ 10 ಸಾವಿರ ರೂ ಕೊಟ್ಟರಲ್ಲ’ ಎಂದು ಅಲ್ಲಿದ್ದ ಜನ ಮಾತನಾಡಿದ್ದಾರೆ.
- [ಅಂಕೋಲಾ | ಬಸ್ಸಿಗೆ ಗುದ್ದಿದ ಲಾರಿ](https://mobiletime.in/2026/07/ankola-lorry-rams-into-bus/): ಅಂಕೋಲಾದ ಮೂಲೆಮನೆ ಸಮೀಪ ಗುರುವಾರ ಬಸ್ ಮತ್ತು ಲಾರಿ ನಡುವೆ ಮುಖಾಮುಖಿ ಡಿಕ್ಕಿ ನಡೆದಿದೆ. ಈ ಅಪಘಾತದಲ್ಲಿ ಎರಡೂ ವಾಹನಗಳಿಗೆ ಹಾನಿಯಾಗಿದೆ. ಹೈದರಾಬಾದ್‌ನಿಂದ ಗೋಕರ್ಣಕ್ಕೆ ತೆರಳುತ್ತಿದ್ದ ಖಾಸಗಿ ಬಸ್ ಹಾಗೂ ಕೊಚ್ಚಿಯಿಂದ ಪುಣೆಗೆ ಸಾಗುತ್ತಿದ್ದ ಲಾರಿ ನಡುವೆ ಈ ಅಪಘಾತ ಸಂಭವಿಸಿದೆ. ಡಿಕ್ಕಿಯ ರಭಸಕ್ಕೆ ಎರಡೂ ವಾಹನಗಳ ಮುಂಭಾಗ ಜಖಂಗೊoಡಿದ್ದು, ಬಸ್‌ನಲ್ಲಿದ್ದ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಅಪಘಾತದ ಪರಿಣಾಮ ಕೆಲಕಾಲ ರಾಷ್ಟ್ರೀಯ ಹೆದ್ದಾರಿಯಲ್ಲಿ ವಾಹನ ಸಂಚಾರ ಅಸ್ತವ್ಯಸ್ತಗೊಂಡಿತ್ತು. ಮಾಹಿತಿ ತಿಳಿದು ಅಂಕೋಲಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ, ಸಂಚಾರವನ್ನು ಸುಗಮಗೊಳಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.
- [ಮುಂಡಗೋಡ | ಕದಿಯಲು ಬಂದವರು ಚಹ ಕುಡಿದು ಹೋದರು!](https://mobiletime.in/2026/07/mundgod-would-be-thieves-drank-tea-and-left/): ಮುಂಡಗೋಡಿನ ಮಾರಿಕಾಂಬಾ ನಗರದಲ್ಲಿ ಕಳ್ಳರು ಕೈ ಚಳಕ ಪ್ರದರ್ಶಿಸಿದ್ದಾರೆ. ಕಳ್ಳತನಕ್ಕಾಗಿ ಮನೆಗೆ ನುಗ್ಗಿದ ಕಳ್ಳರು ಅಲ್ಲಿಯೇ ಚಹಾ ಮಾಡಿ ಕುಡಿದಿದ್ದಾರೆ! ಮುಂಡಗೋಡ ಪಟ್ಟಣದ ಹಳೂರಿನ ಮಾರಿಕಾಂಬಾ ನಗರದಲ್ಲಿ ಒಂದು ಮನೆ ಕಳ್ಳತನ ನಡೆದಿದೆ. ಜೊತೆಗೆ ಅಂಗಡಿಯೊoದರ ಬೀಗ ಮುರಿಯುವ ಪ್ರಯತ್ನ ನಡೆದಿದೆ. ಇಲ್ಲಿನ ಭಾಷಾ ಮರಗಡಿ ಅವರ ಮನೆಗೆ ನುಗ್ಗಿದ ಕಳ್ಳರು 2.5 ಗ್ರಾಂ ಚಿನ್ನಾಭರಣ ಕದ್ದಿದ್ದಾರೆ. ಜೊತೆಗೆ 3 ಸಾವಿರ ರೂ ಹಣವನ್ನು ಎಗರಿಸಿದ್ದಾರೆ. ಹುಂಡಿಯಲ್ಲಿ ಕೂಡಿಟ್ಟ ಚಿಲ್ಲರೆಯನ್ನು ಕದ್ದಿದ್ದಾರೆ. ಅದಾದ ನಂತರ ಶಂಕರ ಕುರುಬರ ಅವರ ಅಂಗಡಿ ಮೇಲೆ ಕಳ್ಳರು ಕಣ್ಣು ಹಾಕಿದ್ದಾರೆ. ಶಂಕರ ಕುರುಬರ ಅವರ ಅಂಗಡಿ ಬೀಗ ಮುರಿದ ಕಳ್ಳರಿಗೆ ಒಳಗೆ ಹೋಗಲು ಸಮಯ ಸಿಕ್ಕಿಲ್ಲ. ಹೀಗಾಗಿ ಶಂಕರ ಕುರುಬರ ಅಂಗಡಿಯಲ್ಲಿ ಕಳ್ಳತನ ನಡೆದಿಲ್ಲ. ಈ ಕಳ್ಳತನದ ಸುದ್ದಿ ಕೇಳಿ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಭಾಷಾ ಅವರ ಮನೆಯಲ್ಲಿ ಕಳ್ಳರು ಚಹಾ ಸೇವನೆ ಮಾಡಿದ್ದು, ಶ್ವಾನದಳದ ಮೂಲಕ ಕಳ್ಳರನ್ನು ಪತ್ತೆ ಹಚ್ಚುವ ಕೆಲಸ ನಡೆದಿದೆ.
- [ಅತಿಕ್ರಮಣ ತೋಟದಲ್ಲಿ JCB ಸದ್ದು!](https://mobiletime.in/2026/07/sound-of-a-jcb-in-the-encroached-orchard/): ನಿವೃತ್ತ ಸೈನಿಕ ಕೃಷ್ಣ ನಾಯ್ಕ ಅವರ ತೋಟಕ್ಕೆ ನುಗ್ಗಿದ ಅರಣ್ಯಾಧಿಕಾರಿಗಳು JCB ಬಳಸಿ ಅಡಿಕೆ ಮರ ನಾಶ ಮಾಡುವ ಪ್ರಯತ್ನ ಮಾಡಿದ್ದಾರೆ. ಈ ವೇಳೆ ಜಮಾಯಿಸಿದ ಜನ ಅಧಿಕಾರಿಗಳ ವಿರುದ್ಧ ಭಾರೀ ಪ್ರಮಾಣದಲ್ಲಿ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಸಿದ್ದಾಪುರದ ಹೊಸೂರು ಗ್ರಾಮದಲ್ಲಿ ಕೃಷ್ಣ ದ್ಯಾವ ನಾಯ್ಕ ಅವರು ವಾಸವಾಗಿದ್ದು, ಅವರು 26 ವರ್ಷಗಳ ಕಾಲ ಸೈನಿಕರಾಗಿ ದೇಶ ಸೇವೆ ಮಾಡಿದ್ದಾರೆ. ಅವರ ಅಧೀನದಲ್ಲಿ 9 ಎಕರೆ ಅರಣ್ಯ ಅತಿಕ್ರಮಣ ಭೂಮಿಯಿದ್ದು, ಅದಕ್ಕೆ ಜಿಪಿಎಸ್ ಪ್ರಕ್ರಿಯೆ ನಡೆದಿದೆ. ಅದಾಗಿಯೂ ಅರಣ್ಯ ಅಧಿಕಾರಿಗಳು ಆ ಕ್ಷೇತ್ರವನ್ನು ತೊರೆಯುವಂತೆ ನೋಟಿಸ್ ನೀಡಿದ್ದು, ಕ್ಷೇತ್ರ ತೊರೆಯದ ಕಾರಣ ಬುರ್ಡೋಜರ್ ಕಾರ್ಯಾಚರಣೆ ಶುರು ಮಾಡಿದ್ದಾರೆ. 150ಕ್ಕೂ ಅಧಿಕ ಪೊಲೀಸ್ ಸಿಬ್ಬಂದಿ ಭದ್ರತೆಯಲ್ಲಿ ಅರಣ್ಯಾಧಿಕಾರಿಗಳು ನಿವೃತ್ತ ಯೋಧನ ಕುಟುಂಬವನ್ನು ಒಕ್ಕಲೆಬ್ಬಿಸಲು ಪ್ರಯತ್ನಿಸಿದ್ದಾರೆ. ಆಗ, ಸುತ್ತಲಿನ ಜನ ಹಾಗೂ ಇನ್ನಿತರ ಅರಣ್ಯ ಅತಿಕ್ರಮಣದಾರರ ಜೊತೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಸ್ಥಳಕ್ಕೆ ದೌಡಾಯಿಸಿ ಆಕ್ಷೇಪವ್ಯಕ್ತಪಡಿಸಿದ್ದಾರೆ. `ಕಾನೂನಿಗೆ ವಿರುದ್ಧವಾಗಿ ಈ ಪ್ರಕ್ರಿಯೆ ನಡೆಸಲಾಗಿದೆ’ ಎಂದು ಅಲ್ಲಿದ್ದವರು ಹೇಳಿದ್ದಾರೆ. ಪ್ರಮುಖರಾದ ಮಹಾಭಲೇಶ್ವರ ನಾಯ್ಕ, ಸಂಕೇತ ನಾಯ್ಕ, ಮಂಜುನಾಥ ನಾಯ್ಕ ಸುಂಕತ್ತಿ, ಕಾರ್ಲುಯಿಸ್ ಮಾವಿನಗುಂಡಿ, ರವಿ ನಾಯ್ಕ ಹಲಗೇರಿ, ಪ್ರಕಾಶ ನಾಯ್ಕ ಹೊಸೂರು, ರಾಜು ಹೊಸೂರು, ದಯಾನಂದ ಹೊಸೂರು ಇನ್ನಿತರರು ಅಧಿಕಾರಿಗಳ ಕ್ರಮ ಖಂಡಿಸಿದ್ದಾರೆ. ಡಿ ವೈ ಎಸ್ ಪಿ ಗೀತಾ ಪಾಟೀಲ್ ಸ್ಥಳ ಪರಿಶೀಲನೆ ಮಾಡಿದ್ದು, ಶಿರಸಿ ಎ ಸಿ ಎಫ್ ಅಮಿತ್, ಆರ್ ಎಫ್ ಓ ಉಷಾ ಕಬ್ಬೇರ, ಸಿಪಿಐ ಸೀತಾರಾಮ , ಪಿ ಎಸ್ ಐ ಶಾಂತಿನಾಥ, ನಾಗಪ್ಪ ಭೋವಿ, ಉಪತಹಶೀಲ್ದಾರ ಡಿ ಎಮ್ ನಾಯ್ಕ ಸರ್ವೆ ಇಲಾಖೆಯ ಗಣೇಶ ಅವರು ಪರಿಸ್ಥಿತಿ ಗಮನಿಸಿದ್ದಾರೆ. ಪೊಲೀಸರ ಸಲಹೆ ನಂತರ ಅಲ್ಲಿನ ವಾತಾವರಣ ತಿಳಿಯಾಗಿದ್ದು, ಅತಿಕ್ರಮಣ ಕ್ಷೇತ್ರದ ಬೇಲಿ ಗಿಡ ಮರ ಕಡಿಯದೇ ಸಾಗುವಳಿ ಕ್ಷೇತ್ರದ ಹೊರ ಪ್ರದೇಶದ ಕ್ಷೇತ್ರದಲ್ಲಿ ಅಗಳ ಹೊಡೆಯುವ ಮೂಲಕ ಒಕ್ಕಲೆಬ್ಬಿಸುವ ಪ್ರಕ್ರಿಯೆ ನಡೆದಿದೆ.
- [ಕಾರವಾರ | ಶಾಲಾ ಮಕ್ಕಳಿಗೆ ಸಮವಸ್ತ್ರ ವಿತರಿಸಿದ ಅರಣ್ಯಾಧಿಕಾರಿ](https://mobiletime.in/2026/07/karwar-forest-officer-distributes-uniforms-to-school-children/): ಬಡ ಮಕ್ಕಳ ಶೈಕ್ಷಣಿಕ ಚಟುವಟಿಕೆಗೆ ವಲಯ ಅರಣ್ಯಾಧಿಕಾರಿ ಗಜಾನನ ನಾಯ್ಕ ಅವರು ಮೊದಲಿನಿಂದಲೂ ನೆರವು ನೀಡುತ್ತಿದ್ದು, ಸದ್ಯ ಅವರು ಕಾರವಾರದ ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರ ಶಾಲಾ ಮಕ್ಕಳಿಗೆ ಸಮವಸ್ತ್ರ ವಿತರಿಸಿದ್ದಾರೆ. ನಂತರ ಮಾತನಾಡಿದ ಅವರು `ಶಿಕ್ಷಣವೇ ಸಮಾಜದ ಬದಲಾವಣೆಯ ಮೊದಲ ಮೆಟ್ಟಿಲು. ಮಕ್ಕಳು ಶಿಸ್ತು, ಸ್ವಚ್ಛತೆ ಮತ್ತು ಕಠಿಣ ಪರಿಶ್ರಮದಿಂದ ಓದಿ ಉತ್ತಮ ಪ್ರಜೆಗಳಾಗಿ ಬೆಳೆಯಬೇಕು” ಎಂದು ಕರೆ ನೀಡಿದ್ದಾರೆ. ಶಾಲಾ ಮುಖ್ಯೋಪಾಧ್ಯಾಪಕ ಗಣೇಶ ಬಿಷ್ಟಣ್ಣನವರ ಅವರು ಮಾತನಾಡಿ `ಸಾಮಾಜಿಕ ಮತ್ತು ಶೈಕ್ಷಣಿಕವಾಗಿ ಗಜಾನನ ನಾಯ್ಕ ಅವರು ಪ್ರತಿ ವರ್ಷ ಶಾಲೆಗೆ ಕೊಡುಗೆ ನೀಡುತ್ತಿದ್ದಾರೆ. ಅವರ ನೆರವಿನಿಂದಾಗಿ ವಿದ್ಯಾರ್ಥಿಗಳ ಶೈಕ್ಷಣಿಕ ಬೆಳವಣಿಗೆಗೆ ಸಹಾಯವಾಗಿದೆ’ ಎಂದಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಸಮರ್ಥ ಗಜಾನನ ನಾಯ್ಕ, ಶಾಲಾ ಶಿಕ್ಷಕರಾದ ವಿಜಯಕುಮಾರ್ ನಾಯ್ಕ,ಸಂತೋಷ ಕಾಂಬಳೆ, ರೂಪಾಲಿ ಸಾವಂತ, ವಿಕ್ರಾಂತ ತಾಂಡೇಲ ಇತರರು ಇದ್ದರು. ಶಿಕ್ಷಕರಾದ ಜೆ ಬಿ ತಿಪ್ಪೇಸ್ವಾಮಿ ಅವರು ಎಲ್ಲರಿಗೂ ವಂದಿಸಿದರು.
- [ಕಾರವಾರ | ಬ್ಯಾರಿಕೇಡಿಗೆ ಗುದ್ದಿದ ಕಾರು](https://mobiletime.in/2026/07/karwar-car-crashes-into-barricade/): ಕಾರವಾರದಿಂದ ಸದಾಶಿವಗಡದ ಕಡೆ ಹೋಗುತ್ತಿದ್ದ ಕಾರು ಉಜ್ವಲಲಕ್ಷಿ ಹಾಲ್ ಬಳಿ ಅಪಘಾತಕ್ಕೀಡಾಗಿದೆ. ಆ ಕಾರಿನಲ್ಲಿದ್ದ ಸನ್ನಿ ಪೆಡ್ನೇಕರ್ ಹಾಗೂ ಚಾಲಕ ಪ್ರತೀಕ ಕಲ್ಗುಟ್ಕರ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕಾರವಾರದ ಸದಾಶಿವಗಡದ ಜನತಾ ಪ್ಲಾಟಿನಲ್ಲಿ ಸನ್ನಿ ಸಂತೋಷ ಪೆಡ್ನೇಕರ್ ಅವರು ವಾಸವಾಗಿದ್ದಾರೆ. 26 ವರ್ಷದ ಅವರು ತಿರುಮಲ ತಿರುಪತಿ ಮಲ್ಟಿ ಸ್ಟೇಟ್ ಕೋ ಆಪರೇಟಿವ್ ಕ್ರೆಡಿಟ್ ಸೊಸೈಟಿಯಲ್ಲಿ ಕೆಲಸ ಮಾಡಿಕೊಂಡಿದ್ದಾರೆ. ಜುಲೈ 28ರಂದು ಅವರು ಸದಾಶಿವಗಡದ ಪ್ರತೀಕ ಅನೀಲ ಕಲ್ಗುಟ್ಕರ್ (29) ಅವರ ಜೊತೆ ಕಾರಿನಲ್ಲಿ ಸಂಚಾರ ಮಾಡಿದ್ದಾರೆ. ಕಾರವಾರದಿಂದ ಹೊರಟ ಆ ಕಾರು ಹೆದ್ದಾರಿಯಲ್ಲಿ ವೇಗವಾಗಿ ಸಂಚರಿಸಿದ್ದು, ಉಜ್ವಲಲಕ್ಷಿ ಹಾಲ್ ಬಳಿ ಇನ್ನಷ್ಟು ವೇಗಪಡೆದಿದೆ. ಪರಿಣಾಮ ಪ್ರತಿಕ ಕಲ್ಗುಟ್ಕರ್ ಅವರ ನಿಯಂತ್ರಣ ತಪ್ಪಿ ಅಲ್ಲಿ ಅಳವಡಿಸಿದ್ದ ಬ್ಯಾರಿಕೇಡ್’ಗೆ ಗುದ್ದಿದೆ. ಇದರಿಂದ ಕಾರು ಜಖಂ ಆಗಿದ್ದು, ಅದರೊಳಗಿದ್ದ ಸನ್ನಿ ಪೆಡ್ನೇಕರ್ ಹಾಗೂ ಪ್ರತೀಕ ಕಲ್ಗುಟ್ಕರ್ ಜೀವಾಪಾಯದಿಂದ ಪಾರಾಗಿದ್ದಾರೆ.
- [ಈ ಸಾಲ ಬ್ರಾಹ್ಮಣರಿಗೆ ಮಾತ್ರ!](https://mobiletime.in/2026/07/this-loan-is-only-for-brahmins/): ಹೊಟೇಲ್, ಅಂಗಡಿ, ಟಾಕ್ಸಿ, ಹಸು ಸಾಕಾಣಿಕೆ, ಸಣ್ಣ ಕೈಗಾರಿಕೆ ಮಾಡುವ ಬ್ರಾಹ್ಮಣರಿಗಾಗಿ ರಾಜ್ಯ ಬ್ರಾಹ್ಮಣ ಅಭಿವೃದ್ಧಿ ಮಂಡಳಿ ಸಾಲ ಯೋಜನೆ ಜಾರಿಗೆ ತಂದಿದೆ. ಸಾಲಪಡೆದು ಸ್ವಾವಲಂಬಿ ಬದುಕು ಕಟ್ಟಿಕೊಳ್ಳಲು ಆಸಕ್ತರಾಗಿರುವ ಬ್ರಾಹ್ಮಣರು `ವಿಪ್ರ ಸ್ವ-ಉದ್ಯಮ ನೇರ ಸಾಲ ಯೊಜನೆ’ಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಆರ್ಥಿಕವಾಗಿ ಹಿಂದುಳಿದ ಬ್ರಾಹ್ಮಣ ಸಮುದಾಯದವರನ್ನು ಮುಖ್ಯ ವಾಹಿನಿಗೆ ತರುವುದಕ್ಕಾಗಿ ಸರ್ಕಾರ ಈ ಯೋಜನೆ ಅನುಷ್ಠಾನ ಮಾಡಿದೆ. ಗುಡಿ ಕೈಗಾರಿಕೆ, ಸಣ್ಣ ಕೈಗಾರಿಕೆ, ಹೊಟೇಲ್ ಉದ್ಯಮ, ಕ್ಯಾಟರಿಂಗ್, ಅಂಗಡಿ, ಟೈಲರಿಂಗ್, ಟ್ಯಾಕ್ಸಿ, ಹಸು ಸಾಕಾಣಿಕೆಯಂತಹ ಸ್ವಯಂ ಉದ್ಯೋಗ ಕೈಗೊಳ್ಳಲು ಆರ್ಥಿಕ ನೆರವು ನೀಡಲಾಗುತ್ತದೆ. ಈ ನೇರ ಸಾಲ ಯೋಜನೆಗೆ ಆನ್‌ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದ್ದು, ಹಿಂದುಳಿದ ಬ್ರಾಹ್ಮಣ ಸಮುದಾಯವರು ಅರ್ಜಿ ಸಲ್ಲಿಸುವ ಅವಕಾಶವಿದೆ. ಈ ಸಾಲ ಯೋಜನೆಯ ಅಡಿ ಮಹಿಳೆಯರಿಗೆ ಶೇ 33ರಷ್ಟು ಮೀಸಲಾತಿಯಿದೆ. ದಿವ್ಯಾಂಗರಿಗೆ ಶೇ 5ರಷ್ಟು ಮೀಸಲಾತಿ ನೀಡಲಾಗುತ್ತದೆ. ಅರ್ಜಿ ಸಲ್ಲಿಕೆಗೆ ಅಗಸ್ಟ 31 ಕೊನೆ ದಿನ. ಆ ದಿನ ಸಂಜೆ 5.30ರೊಳಗೆ ಬರುವ ಅರ್ಜಿಗಳನ್ನು ಮಾತ್ರ ಪರಿಗಣಿಸಲಾಗುತ್ತದೆ. ಆನ್‌ಲೈನ್ ಅರ್ಜಿ ಸಲ್ಲಿಕೆಗೆ ಇಲ್ಲಿ ಕ್ಲಿಕ್ ಮಾಡಿ: ವಿಪ್ರ ಸ್ವ-ಉದ್ಯಮ ನೇರ ಸಾಲ ಯೊಜನೆ ಈ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಭೇಟಿ ನೀಡಿ: ಜಿಲ್ಲಾ ಕೌಶಲ್ಯಾಭಿವೃದ್ಧಿ ಅಧಿಕಾರಿಗಳ ಕಚೇರಿ, ನ್ಯೂ ಕೆ.ಎಚ್.ಬಿ. ಕಾಲೋನಿ. ಹಬ್ಬುವಾಡಾ, ಕಾರವಾರ. ಅಥವಾ ಇಲ್ಲಿ ಫೋನ್ ಮಾಡಿ :7975633671    
- [ಹೊನ್ನಾವರ | ಹಸಮಣೆ ಏರದ ಹುಡುಗಿ: ಮಸಣ ಸೇರಿದ ಹುಡುಗ!](https://mobiletime.in/2026/07/honnavar-the-girl-who-never-made-it-to-the-wedding-altar-the-boy-who-ended-up-in-the-graveyard/): ಪ್ರೀತಿಸಿದ ಹುಡುಗಿ ಕೈ ಕೊಟ್ಟ ಕಾರಣ ಹೊನ್ನಾವರದ ಹರೀಶ ಮೇಸ್ತ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಜೀವಕ್ಕಿಂತ ಹೆಚ್ಚಾಗಿ ಪ್ರೀತಿಸಿದ ಹುಡುಗಿಗಾಗಿ ಅವರು ಜೀವ ಬಿಟ್ಟಿದ್ದಾರೆ. ಹೊನ್ನಾವರದ ಕಾಸರಕೋಡಿನ ರಾಮನಗರ ಬಳಿ ಹರೀಶ ಗಣಪತಿ ಮೇಸ್ತಾ ಅವರು ವಾಸವಾಗಿದ್ದರು. 24 ವರ್ಷದ ಅವರು ಚಾಲಕರಾಗಿ ಬದುಕು ಕಟ್ಟಿಕೊಂಡಿದ್ದರು. ಮದುವೆ ವಯಸ್ಸಿಗೆ ಬಂದಿದ್ದ ಹರೀಶ ಮೇಸ್ತಾ ಅವರು ಯುವತಿಯೊಬ್ಬರನ್ನು ಪ್ರೀತಿಸಿದ್ದರು. ಅವರನ್ನೇ ಮದುವೆ ಆಗಲು ನಿರ್ಧರಿಸಿದ್ದರು. ಆ ಯುವತಿ ಬಳಿ ತಮ್ಮ ಪ್ರೀತಿಯ ನಿವೇದನೆಯನ್ನು ಮಾಡಿದ್ದರು. ಕೆಲ ಕಾಲ ಅನ್ಯೋನ್ಯವಾಗಿದ್ದ ಆ ಯುವತಿ ಕ್ರಮೇಣ ಹರೀಶ ಮೇಸ್ತಾ ಅವರನ್ನು ದೂರ ಮಾಡಿದ್ದು, ಅದರಿಂದ ಅವರು ಮಾನಸಿಕವಾಗಿ ನೊಂದಿದ್ದರು. ಯುವತಿ ದೂರವಾದ ನೋವಿನಲ್ಲಿ ಅವರು ಅಸ್ವಸ್ಥರಾಗಿದ್ದು, ದುಡುಕು ನಿರ್ಧಾರವನ್ನು ಮಾಡಿದರು. ಪ್ರೀತಿಸಿದ ಹುಡುಗಿ ಕೈ ಕೊಟ್ಟ ಕಾರಣ ಹರೀಶ ಮೇಸ್ತ ಅವರು ಜುಲೈ 29ರ ಮಧ್ಯಾಹ್ನ ನೇಣಿಗೆ ಶರಣಾದರು. ಮಧ್ಯಾಹ್ನದ ವೇಲೆ ಮನೆಯಲ್ಲಿ ಯಾರು ಇಲ್ಲದಿರುವಾಗ ಅಲ್ಲಿದ್ದ ಸೀರೆಯನ್ನು ಬಳಸಿ ಸಾವನಪ್ಪಿದರು. ಸಂಜೆ 7 ಗಂಟೆ ಅವಧಿಗೆ ಹರೀಶ ಮೇಸ್ತಾ ಅವರ ಅಣ್ಣ ಗೌರೀಶ ಮೇಸ್ತಾ ಅವರು ಮನೆಗೆ ಬಂದರು. ಸಹೋದರ ಸಾವನಪ್ಪಿರುವ ಬಗ್ಗೆ ಅರಿತು ಅವರು ಪೊಲೀಸರಿಗೆ ಮಾಹಿತಿ ನೀಡಿದರು. ಸ್ಥಳಕ್ಕೆ ಬಂದ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಮುಂಡಗೋಡ | ಹುಚ್ಚು ನಾಯಿಗಳಿವೆ ಎಚ್ಚರ!](https://mobiletime.in/2026/07/mundgod-beware-of-rabid-dogs/): ಮುಂಡಗೋಡಿನ ಸನವಳ್ಳಿಯಲ್ಲಿ ಹುಚ್ಚು ನಾಯಿಗಳ ಕಾಟ ಜೋರಾಗಿದೆ. ಇಲ್ಲಿನ ಬಾಲಕನೊಬ್ಬನಿಗೆ ನಾಯಿ ಕಚ್ಚಿ ಗಾಯವಾಗಿದೆ. ಬಾಲಕನಿಗೆ ಕಚ್ಚಿದ ಹುಚ್ಚು ನಾಯಿ ಅಲ್ಲಿನ ಜಾನುವಾರುಗಳಿಗೆ ಸಹ ಕಚ್ಚಿದೆ. ಎರಡು ದಿನಗಳಿಂದ ಈ ನಾಯಿ ಎಲ್ಲಡೆ ಓಡಾಡುತ್ತಿದ್ದು, ಜನ ಆತಂಕಕ್ಕೆ ಒಳಗಾಗಿದ್ದಾರೆ. ನಾಯಿ ಕಡತಕ್ಕೆ ಒಳಗಾದ ಎರಡು ಹಸುವಿನ ವರ್ತನೆಯಲ್ಲಿಯೂ ಕೊಂಚ ಬದಲಾವಣೆಯಾಗಿದೆ. ಸನವಳ್ಳಿ ಗ್ರಾಮದ ರೈತನ ಒಂದು ಹಸುವಿನ ಬಾಲಕ್ಕೆ ಹುಚ್ಚು ಹಿಡಿದ ನಾಯಿ ಕಚ್ಚಿ ಗಾಯಗೊಳಿಸಿದ್ದು, ಮತ್ತೊಂದು ಹಸುವಿನ ಕಾಲಿಗೆ ನಾಯಿ ಹಲ್ಲಿನ ಅಚ್ಚು ಬಿದ್ದಿದೆ. ಈ ಮಾಹಿತಿ ಆಧರಿಸಿ ಪಶು ವೈದ್ಯರು ಗ್ರಾಮಕ್ಕೆ ಭೇಟಿ ನೀಡಿ ಹಸುಗಳಿಗೆ ಚಿಕಿತ್ಸೆ ನೀಡಿದ್ದಾರೆ. ನಾಯಿ ಕಡಿತಕ್ಕೆ ಒಳಗಾದ ಬಾಲಕನನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. `ಸದ್ಯ ಆ ಹುಚ್ಚು ನಾಯಿಯೊಂದನ್ನು ಊರಿನಿಂದ ಹೊರಗೆ ಓಡಿಸಲಾಗಿದೆ. ಅದಾಗಿಯೂ, ಜನ ಮುನ್ನಚ್ಚರಿಕೆವಹಿಸಬೇಕು’ ಎಂದು ಅಲ್ಲಿನ ರಾಜು ಗುಬ್ಬಕ್ಕನವರ್ ಅವರು ಹೇಳಿದ್ದಾರೆ.
- [ಕನಸಿನ ಆಟಕ್ಕೆ ಸಿಲುಕಿದ ಕಟ್ಟಡ ಕಾರ್ಮಿಕ!](https://mobiletime.in/2026/07/construction-worker-caught-up-in-a-dream-game/): ಯಲ್ಲಾಪುರದಲ್ಲಿ ಗೌಂಡಿ ಕೆಲಸ ಮಾಡಿಕೊಂಡಿದ್ದ ಮೋದಿನ್‌ಸಾಬ್ ಅವರು ಒಂದೇ ದಿನ ಮಟ್ಕಾ ಆಡಿಸಿ 1400ರೂ ದುಡಿದಿದ್ದಾರೆ. ಈ ಆಟ ಕಾನೂನುಬಾಹಿರವಾಗಿದ್ದರಿಂದ ಆ ಹಣವನ್ನು ಪೊಲೀಸರು ಜಪ್ತು ಮಾಡಿ, ಮೋದಿನ್‌ಸಾಬ್ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ. ಯಲ್ಲಾಪುರದ ನೂತನ ನಗರದಲ್ಲಿ ಮೋದಿನ್‌ಸಾಬ್ ಹುಸೇನ್ ಶೇಖ್ ಅವರು ವಾಸವಾಗಿದ್ದಾರೆ. 46ವರ್ಷದ ಅವರು ಕಟ್ಟಡ ಕಾರ್ಮಿಕರಾಗಿದ್ದು, ಗೌಂಡಿ ಕೆಲಸದಲ್ಲಿ ಪರಿಣಿತಿಪಡೆದಿದ್ದಾರೆ. ಇಷ್ಟು ವರ್ಷಗಳ ಕಾಲ ಕಟ್ಟಡ ಕಾರ್ಮಿಕರಾಗಿಯೇ ದುಡಿದ ಅವರು ಸದ್ಯ ಇನ್ನಷ್ಟು ಹಣ ಮಾಡುವ ಉದ್ದೇಶದಿಂದ ಅಡ್ಡದಾರಿ ಹಿಡಿದಿದ್ದಾರೆ. ಅದಕ್ಕಾಗಿ ಅವರು ಮಟ್ಕಾ ಆಡಿಸುವುದಕ್ಕೆ ಮುಂದಾಗಿದ್ದು, 1ರೂಪಾಯಿಗೆ 80 ರೂ ಕೊಡುವುದಾಗಿ ಹೇಳಿ ಜನರಿಂದ ಹಣ ವಸೂಲಿ ಮಾಡಿದ್ದಾರೆ. ಜುಲೈ 28ರಂದು ಯಲ್ಲಾಪುರದ ಎಪಿಎಂಸಿ ಬಸ್ ನಿಲ್ದಾಣದ ಬಳಿ ನಿಂತ ಮೋದಿನ್‌ಸಾಬ್ ಅವರು ಅಲ್ಲಿ ಬಂದು-ಹೋಗುವವರನ್ನೆಲ್ಲ ಮಾತನಾಡಿಸಿದ್ದಾರೆ. ಅದೃಷ್ಟದ ಆಟ ಆಡಿಸುವುದಾಗಿ ಜನರನ್ನು ನಂಬಿಸಿ ಹಣಪಡೆದಿದ್ದಾರೆ. ಸಂಜೆ 6.35ಕ್ಕೆ ಈ ವಿಷಯ ಪಿಸೈ ರಾಜಶೇಖರ ವಂದಲಿ ಅವರ ಕಿವಿಗೆ ಬಿದ್ದಿದೆ. ತಕ್ಷಣ ತಮ್ಮ ಸಿಬ್ಬಂದಿ ಜೊತೆ ಅಲ್ಲಿಗೆ ಹೋದ ಅವರು ಮೋದಿನ್‌ಸಾಬ್ ಅವರ ಅಕ್ರಮ ದಂಧೆಗೆ ಅಡ್ಡಗಾಲು ಹಾಕಿದ್ದಾರೆ. ಆ ದಿನ ಮೋದಿನ್‌ಸಾಬ್ ಅವರು ಸಂಗ್ರಹಿಸಿದ್ದ ಹಣವನ್ನು ಜಪ್ತು ಮಾಡಿ, ಅವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಸಮುದ್ರದಲ್ಲಿಯೇ ಬದುಕು ಮುಗಿಸಿದ ಮೀನುಗಾರ!](https://mobiletime.in/2026/07/a-fisherman-who-breathed-his-last-at-sea/): ದಿನದ ದುಡಿಮೆಗಾಗಿ ಪಾತಿದೋಣಿ ಮೂಲಕ ಸಮುದ್ರಕ್ಕೆ ಹೋಗಿದ್ದ ಮಂಜುನಾಥ ಮೊಗೇರ್ ಅವರಿಗೆ ರಕ್ಕಸ ಅಲೆ ಗುದ್ದಿದ್ದು, ಸಮುದ್ರದ ನೀರು ಕುಡಿದು ಅವರು ಸಾವನಪ್ಪಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳದ ಜಾಲಿಕೊಡಿ ಬಳಿ ಮಂಜುನಾಥ ಮೊಗೇರ್ ಅವರು ವಾಸವಾಗಿದ್ದರು. 56 ವರ್ಷದ ಅವರು ಬಾಲ್ಯದಿಂದಲೂ ಮೀನುಗಾರಿಕೆಯನ್ನು ನಂಬಿ ಬದುಕುತ್ತಿದ್ದು, ಅರಬ್ಬಿ ಸಮುದ್ರದಲ್ಲಿ ಕಸುಬು ನಡೆಸುತ್ತಿದ್ದರು. ಪಾತಿ ದೋಣಿ ಮೂಲಕ ಒಂಟಿಯಾಗಿ ಅವರು ಮೀನು ಹಿಡಿಯಲು ಹೋದಾಗ ದುರಂತಕ್ಕೀಡಾದರು. ಜಾಲಿಕೋಡಿ ಸಮುದ್ರದಲ್ಲಿ ಮೀನುಗಾರಿಕೆಗೆ ತೆರಳಿದ್ದಾಗ ಅಲೆಗಳ ರಭಸಕ್ಕೆ ಸಿಲುಕಿ ಅವರ ಪಾತಿದೋಣಿ ಮಗುಚಿ ಬಿದ್ದಿತು. ಅಲೆಗಳ ಅಬ್ಬರಕ್ಕೆ ಮಂಜುನಾಥ ಮೊಗೇರ್ ಅವರು ಸಾವನಪ್ಪಿದರು. ನಾಪತ್ತೆಯಾಗಿದ್ದ ಮೀನುಗಾರನಿಗಾಗಿ ಸ್ಥಳೀಯ ಮೀನುಗಾರರು ಹಾಗೂ ಕರಾವಳಿ ಕಾವಲು ಪಡೆಯ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದ್ದರು. ಮೂರು ದಿನದ ಶೋಧ ನಡೆಸಿದರೂ ಅವರ ಸುಳಿವು ಸಿಕ್ಕಿರಲಿಲ್ಲ. ಬುಧವಾರ ಭಟ್ಕಳದ ಮುಂಡಳ್ಳಿ ಬಳಿಯ ಸಮುದ್ರ ತೀರದಲ್ಲಿ ಮಂಜುನಾಥ ಮೊಗೇರ್ ಅವರ ಮೃತದೇಹ ಕೊಚ್ಚಿಕೊಂಡು ಬಂದಿದೆ.
- [ಬಿಜೆಪಿಗನ ದಾದಾಗಿರಿಗೆ ಕಾಂಗ್ರೆಸ್ ಖಂಡನೆ!](https://mobiletime.in/2026/07/congress-condemns-bjp-members-high-handedness/): ಮಾಜಿ ಶಾಸಕ ಸುನೀಲ ಹೆಗಡೆ ಅವರ ಆಪ್ತ ಹಾಗೂ ಬಿಜೆಪಿ ಜಿಲ್ಲಾ ಓಬಿಸಿ ಪ್ರಧಾನ ಕಾರ್ಯದರ್ಶಿ ಗಣಪತಿ ಕರಂಜೇಕರ್ ಅವರ ಹಳಿಯಾಳದಲ್ಲಿ ದಾದಾಗಿರಿ ಮಾಡಿದ್ದು, ಅಲ್ಪಸಂಖ್ಯಾತ ಸಮುದಾಯದ ವ್ಯಕ್ತಿ ಮೇಲೆ ನಡೆದ ದಾಳಿಯನ್ನು ಕಾಂಗ್ರೆಸ್ ಖಂಡಿಸಿದೆ. ಹಳಿಯಾಳದಲ್ಲಿ ಇಂಥ ಚಟುವಟಿಕೆ ಸಹಿಸುವುದಿಲ್ಲ ಎಂದು ಎಂದು ಬ್ಲಾಕ್ ಕಾಂಗ್ರೆಸ್ ವಕ್ತಾರ ಉಮೇಶ ಬೋಳಶೆಟ್ಟಿ ಅವರು ಹೇಳಿದ್ದಾರೆ. ಬಿಜೆಪಿ ಪ್ರಮುಖ ಗಣಪತಿ ಕರಂಜೇಕರ್ ಅವರು ತಮ್ಮ ಸಹಚರರ ಜೊತೆ ಸೇರಿ ಕೆಸರೊಳ್ಳಿಯ ಮೀನಿನ್ ಸೂಜ್ ಅವರಿಗೆ ಥಳಿಸಿದ್ದರು. ಮೀನಿನ್ ಸೋಜ್ ಅವರು ನೆಲಕ್ಕೆ ಬಿದ್ದ ನಂತರ ನಾಲ್ವರು ಸೇರಿ ಅವರನ್ನು ಬಡಿಗೆಯಿಂದ ಬಡಿದಿದ್ದರು. ಕೆಸರೊಳ್ಳಿಯಲ್ಲಿ ಕೆರೆಯ ನೀರು ಬಿಟ್ಟ ವಿಷಯವಾಗಿ ಜಗಳ ನಡೆದಿದ್ದು, ಅದೇ ಹೊಡೆದಾಟದ ಸ್ವರೂಪಪಡೆದಿತ್ತು. ಈ ಪ್ರಕರಣದಲ್ಲಿ ಸತೀಶ ಅಶೋಕ ಕರಂಜೇಕರ್, ಶಿವಾಜಿ ಸಹದೇವ ಕರಂಜೇಕರ್, ಲೋಕಪ್ಪಾ ಸಹದೇವ ಕರಂಜೆಕರ್ ಸಹ ಆರೋಪಿಯಾಗಿದ್ದರು. ನಂತರ ಈ ವಿಷಯ ರಾಜಕೀಯ ಸ್ವರೂಪಪಡೆದಿದ್ದು, ಬಿಜೆಪಿ ಪ್ರಮುಖ ಶಿವಾಜಿ ನರಸಾನಿ ಅವರು ಗಣಪತಿ ಕರಂಜೇಕರ್ ಅವರ ಪರವಾಗಿ ಕೆಲಸ ಮಾಡಿದ್ದರು. ಸದ್ಯ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕೃಷ್ಣಾ ಪಾಟೀಲ್ ಹಾಗೂ ಕಾಂಗ್ರೆಸಿಗರು ಸುದ್ದಿಗೋಷ್ಠಿ ನಡೆಸಿ ಈ ಹೊಡೆದಾಟವನ್ನು ಖಂಡಿಸಿದ್ದಾರೆ. `ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಿವಾಜಿ ನರಸಾನಿ ಕೆಸರೊಳ್ಳಿ ಗ್ರಾಮಕ್ಕೆ ತೆರಳಿ ಸತ್ಯಶೋಧನೆ ಮಾಡದೆ ಏಕಪಕ್ಷೀಯವಾಗಿ ಹಲ್ಲೆ ನಡೆಸಿರುವ ತನ್ನದೇ ಪಕ್ಷದ ಗಣಪತಿ ಕರಂಜೆಕರ್ ಪರವಾಗಿ ತಹಶೀಲ್ದಾರ್ ಹಾಗೂ ಪಿಎಸ್‌ಐ ಅವರಿಗೆ ಮನವಿ ಸಲ್ಲಿಸಿದ್ದಾರೆ. ಬಿಜೆಪಿ ಪಕ್ಷ ಅಲ್ಪಸಂಖ್ಯಾತರ ವಿರೋಧಿ ಎಂದು ಈ ಮನವಿಯಿಂದ ಸಾಭೀತಾಗಿದೆ’ ಎಂದವರು ಹೇಳಿದ್ದಾರೆ. `ಘಟನೆಗೆ ಕಾರಣ ಎನ್ನಲಾದ ವ್ಯಕ್ತಿ ಕರಂಜೇಕರ್ ಮತ್ತು ಆತನ ಪರವಾಗಿ ಮನವಿ ಸಲ್ಲಿಸಿದ ವ್ಯಕ್ತಿ ಶಿವಾಜಿ ನರಸಾನಿ ಇಬ್ಬರೂ ಕೂಡ ಮಾಜಿ ಶಾಸಕ ಸುನಿಲ್ ಹೆಗಡೆ ಅವರ ಗರಡಿಯಲ್ಲಿ ಪಳಗಿದವರಾಗಿದ್ದಾರೆ. ಮಾಜಿ ಶಾಸಕರ ಅರಿವಿಗೆ ಬಾರದೇ ಈ ಎಲ್ಲಾ ಘಟನೆ ನಡೆಯಲು ಅಸಾಧ್ಯ. ಇದರಲ್ಲಿ ಸುನೀಲ ಹೆಗಡೆ ಅವರ ಕುಮ್ಮಕ್ಕು ಇದೆ’ ಎಂದು ಆರೋಪಿಸಿದ್ದಾರೆ. ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕೃಷ್ಣಾ ಪಾಟೀಲ ಮಾತನಾಡಿ `ಪ್ರಕರಣವನ್ನು ಶಾಸಕರ ಗಮನಕ್ಕೆ ತರಲಾಗಿದ್ದು, ಸತ್ಯಾಸತ್ಯತೆ ಪರಿಶೀಲಿಸಿ ಪಕ್ಷಾತೀತವಾಗಿ ತನಿಖೆ ನಡೆಸುವಂತೆ ಆರ್ ವಿ ದೇಶಪಾಂಡೆ ಅವರು ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ತಾಲೂಕಿನಲ್ಲಿ ಸಾಮಾಜಿಕ ಸೌಹಾರ್ದ ಮತ್ತು ಬಂಧುತ್ವದ ವಾತಾವರಣವನ್ನು ಉಳಿಸಿಕೊಳ್ಳಲು ಕಾಂಗ್ರೆಸ್ ಸದಾ ಬದ್ಧವಾಗಿದೆ’ ಎಂದರು.
- [ಸೈನಿಕ ನೆಟ್ಟ ಅಡಿಕೆ ಸಸ್ಯಕ್ಕೆ ಸಂಚಕಾರ!](https://mobiletime.in/2026/07/threat-to-the-arecanut-plant-planted-by-a-soldier/): 26 ವರ್ಷಗಳ ಕಾಲ ದೇಶ ಸೇವೆ ಮಾಡಿದ ಕೃಷ್ಣ ನಾಯ್ಕ ಅವರ ಜೊತೆ ಅವರ ಕುಟುಂಬದ ಅಡಿಕೆ ತೋಟವನ್ನು ಒಕ್ಕಲೆಬ್ಬಿಸಲು ಅರಣ್ಯ ಇಲಾಖೆ ಆಸಕ್ತಿವಹಿಸಿದೆ. ಸ್ವಂತ ಖರ್ಚಿನಲ್ಲಿ ಅಡಿಕೆ ತೋಟ ತೆಗೆದು ಆ ಜಾಗವನ್ನು ಸರ್ಕಾರಕ್ಕೆ ಒಪ್ಪಿಸಬೇಕು ಎಂದು ಕೃಷ್ಣ ನಾಯ್ಕ ಅವರಿಗೆ ನೋಟಿಸ್ ಸಹ ಜಾರಿಯಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರದ ಹೊಸೂರು ಗ್ರಾಮದಲ್ಲಿ ಕೃಷ್ಣ ದ್ಯಾವ ನಾಯ್ಕ ಹಲಗೇರಿ ಅವರು ವಾಸವಾಗಿದ್ದಾರೆ. ದೇಶಕ್ಕಾಗಿ ಏನಾದರೂ ಮಾಡಬೇಕು ಎಂದು ಕನಸು ಕಂಡಿದ್ದ ಅವರು ಸೈನಿಕ ವೃತ್ತಿಯನ್ನು ಆಯ್ಕೆ ಮಾಡಿಕೊಂಡಿದ್ದು, 26 ವರ್ಷಗಳ ಕಾಲ ಅವರು ಸೈನಿಕರಾಗಿ ಸೇವೆ ಸಲ್ಲಿಸಿದ್ದಾರೆ. ಸೈನಿಕರಾಗುವ ಮುನ್ನ ಅವರು ಉತ್ತಮ ಕೃಷಿಕರಾಗಿದ್ದು, ಅನಾಧಿಕಾಲದಿಂದಲೂ ತಮಗೆ ಬಂದ ಭೂಮಿಯಲ್ಲಿ ಭತ್ತ ಬೆಳೆದಿದ್ದಾರೆ. ನಿವೃತ್ತಿ ನಂತರ ಆ ಕ್ಷೇತ್ರದಲ್ಲಿ ಅವರು ಅಡಿಕೆ ಬೆಳೆದಿದ್ದು, ಆ ಅಡಿಕೆ ಕ್ಷೇತ್ರವೇ ಇದೀಗ ಅಪಾಯಕ್ಕೆ ಸಿಲುಕಿದೆ. ಸೊಂಪಾಗಿ ಬೆಳೆದು ನಿಂತ ಅಡಿಕೆ ಮರಗಳನ್ನು ನಾಶ ಮಾಡಲು ಅರಣ್ಯ ಅಧಿಕಾರಿಗಳು ಆಸಕ್ತರಾಗಿದ್ದಾರೆ. ಹೀಗಾಗಿ ಅಡಿಕೆ ಫಸಲಿಗಾಗಿ ಇಷ್ಟು ವರ್ಷ ಕಾದ ಸೈನಿಕ ಕುಟುಂಬದವರು ಅತಂತ್ರರಾಗಿದ್ದಾರೆ. ಆ ಅಡಿಕೆ ಗಿಡ ನಾಟಿ ಮಾಡಲಾದ ಕ್ಷೇತ್ರಕ್ಕೆ ಜಿಪಿಎಸ್ ಆಗಿದೆ. ಸ್ಥಳ ಪರಿಶೀಲನಾ ಸಮಿತಿಯೂ ಜಿಪಿಎಸ್ ನಕಾಶೆಗೆ ಇದೇ ಸರ್ವೆ ನಂಬರದಲ್ಲಿ ಸಾಗುವಳಿ ಕ್ಷೇತ್ರವೆಂದು ಸಹ ಗುರುತಿಸಿದೆ. ಆ ನಕಾಶೆಗೆ ವಲಯ ಅರಣ್ಯ ಅಧಿಕಾರಿ, ಉಪವಲಯ ಅಧಿಕಾರಿ, ಕಂದಾಯ ಇಲಾಖೆ, ಗ್ರಾಮ ಅರಣ್ಯ ಹಕ್ಕು ಸಮಿತಿಯವರ ಸಹಿ ಸಹ ಇದೆ. ಅದಾಗಿಯೂ, ಆ ಕ್ಷೇತ್ರವನ್ನು ಅರಣ್ಯ ಇಲಾಖೆಗೆ ಬಿಟ್ಟುಕೊಡಬೇಕು ಎಂದು ಅರಣ್ಯ ಅಧಿಕಾರಿಗಳು ಸೂಚಿಸಿದ್ದಾರೆ. 9 ಎಕರೆ ಕ್ಷೇತ್ರವನ್ನು ಸ್ವಂತ ಖರ್ಚಿನಲ್ಲಿ ತೆರವು ಮಾಡಿ ಅರಣ್ಯ ಇಲಾಖೆಗೆ ಒಪ್ಪಿಸಬೇಕು ಎಂದು ಜುಲೈ 17ರಂದು ಆದೇಶಹೊರಡಿಸಲಾಗಿದೆ. `ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳು ಅರಣ್ಯವಾಸಿಯ ಸಾಗುವಳಿ ಕ್ಷೇತ್ರ ದೃಢಪಡಿಸಿಕೊಳ್ಳದೇ ಈ ಆದೇಶ ಹೊರಡಿಸಿದ್ದಾರೆ. ಅರಣ್ಯ ಹಕ್ಕು ಕಾಯಿದೆಯ ಅರ್ಜಿಯಲ್ಲಿ ಸಲ್ಲಿಸಿದ ದಾಖಲೆಗಳನ್ನು ಪರಿಶೀಲಿಸದೇ, ಜಿಪಿಎಸ್ ಮೇಲ್ಮನವಿ ದಾಖಲಿಸುವ ಕುರಿತು ಅರ್ಜಿ ಪರಿಶೀಲಿಸದೇ, ರಾಜ್ಯ ಸರ್ಕಾರ 1915ರ ನಂತರದ ಅತಿಕ್ರಮಣ ಕ್ಷೇತ್ರ ಒಕ್ಕಲೆಬಿಸದಂತೆ ಆದೇಶ ಅನುಸರಿಸದೇ ಒಕ್ಕಲೆಬ್ಬಿಸುವ ಆದೇಶ ಮಾಡಿರುವುದು ಸರಿಯಲ್ಲ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. `ನಿವೃತ್ತ ಸೈನಿಕ ಸಲ್ಲಿಸಿದ ಅರ್ಜಿಗೆ ಅರಣ್ಯ ಇಲಾಖೆಯು ಗುರುತಿಸಿದ ಸರ್ವೆ ನಂಬರ ಮತ್ತು ಜಿಪಿಎಸ್ ನಕಾಶೆಯಲ್ಲಿರುವ ಸರ್ವೆ ನಂಬರ 210 ಎಂದು ಗುರುತಿಸಿ, ಒಕ್ಕಲೆಬ್ಬಿಸುವ ಪ್ರಕ್ರಿಯೆ ನ್ಯಾಯಾಲಯದಲ್ಲಿ ದಾಖಲಿಸಿರುವ ಸರ್ವೆ 151 ಎಂದು ಉಲ್ಲೇಖಿಸಿರುವುದರಲ್ಲಿ ವ್ಯತ್ಯಾಸಗಳಿವೆ. ಸಾಗುವಳಿ ಕ್ಷೇತ್ರಕ್ಕೆ ಈ ಗೊಂದಲವನ್ನು ಸ್ಪಷ್ಟಪಡಿಸಲು ಹೋರಾಟಗಾರರ ಪ್ರಮುಖರು ಸಾಗುವಳಿ ಕ್ಷೇತ್ರದಲ್ಲಿ ದಿಶಾಂಕ ತಂತ್ರಜ್ಞಾನದ ಮೂಲಕ ಪರಿಶೀಲಿಸಿದ್ದಾರೆ. ಕಂದಾಯ ದಾಖಲೆಯಲ್ಲಿ ಸಾಗುವಳಿ ಕ್ಷೇತ್ರದಲ್ಲಿಯೂ ದಿಶಾಂಕ ನಕಾಶೆಯಲ್ಲಿ ಗೋಚರಿಸಿದ ಸರ್ವೆ ನಂಬರ್ 159 ನಿಕ್ಕಿ ಜಲಪಾತದ ಹಿನ್ನೀರು ಸಂಬAಧಿಸಿದ ಲೋಕೋಪಯೋಗಿ ಇಲಾಖೆಗೆ ಸಂಬAಧಿಸಿದ ಕ್ಷೇತ್ರವು ಅಕ್ರಮಣ ಕ್ಷೇತ್ರವೆಂದು ಕಂದಾಯ ದಾಖಲೆಯಲ್ಲಿ ಕಂಡುಬರುತ್ತದೆ’ ಎಂದವರು ವಿವರಿಸಿದ್ದಾರೆ. `ಈ ಎಲ್ಲಾ ಹಿನ್ನಲೆ ಜಿಲ್ಲಾಧಿಕಾರಿಗಳು ಮಧ್ಯ ಪ್ರವೇಶಿಸಿ ಈ ಸಮಸ್ಯೆ ಬಗೆಹರಿಸಬೇಕು. ಅದಾಗಿಯೂ ಒಕ್ಕಲೆಬ್ಬಿಸುವ ಪ್ರಯತ್ನ ಮಾಡಿದಲ್ಲಿ ತೀವ್ರ ತರದ ಹೋರಾಟ ಅನಿವಾರ್ಯ’ ಎಂದು ಎಚ್ಚರಿಸಿದ್ದಾರೆ.
- [ಸರ್ಪ ಸಂಚಾರ: ಹಾವಿನ ದ್ವೇಷ.. ಹನ್ನೆರಡು ವರ್ಷ!](https://mobiletime.in/2026/07/serpents-trail-a-snakes-grudge-twelve-years/): ಕಳೆದ ಆರು ತಿಂಗಳ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ 419 ಜನರಿಗೆ ಹಾವು ಕಚ್ಚಿದ್ದು, ಅದರಲ್ಲಿ ಐದು ಜನ ಸಾವನಪ್ಪಿದ್ದಾರೆ. ಕಳೆದ ನಾಲ್ಕು ವರ್ಷದ ಅವಧಿಯಲ್ಲಿ 2552 ಜನರಿಗೆ ಹಾವು ಕಡಿತಕ್ಕೆ ಒಳಗಾಗಿದ್ದಾರೆ. ಸಿದ್ದಾಪುರ, ಯಲ್ಲಾಪುರ, ಹಳಿಯಾಳ, ಮುಂಡಗೋಡು ಹಾಗೂ ಜೋಯಿಡಾ ಭಾಗದಲ್ಲಿ ಹೆಚ್ಚಿನ ಜನ ಹಾವಿನಿಂದ ಕಚ್ಚಿಸಿಕೊಂಡಿದ್ದಾರೆ. ಅರಣ್ಯ ಅಂಚಿನ ಕೃಷಿ ಭೂಮಿಗೆ ಕೆಲಸಕ್ಕೆ ಹೋದ ಅವಧಿಯಲ್ಲಿ ವಿಷ ಜಂತುವಿನ ದಾಳಿಗೆ ಒಳಗಾದವರ ಸಂಖ್ಯೆ ಹೆಚ್ಚಿದೆ. ಮಳೆಗಾಲದಲ್ಲಿ ಹಳ್ಳ-ಕೊಳ್ಳಗಳು ತುಂಬುವುದರಿoದ ಹಾವುಗಳು ತಮ್ಮ ವಾಸಸ್ಥಳದಿಂದ ಹೊರಬರುತ್ತಿದ್ದು, ಆಹಾರ ಮತ್ತು ಸುರಕ್ಷಿತ ಆಶ್ರಯಕ್ಕಾಗಿ ಜನ ವಸತಿಯಿರುವ ಮನೆಗಳತ್ತ ಆಗಮಿಸುತ್ತಿವೆ. ಅಂಥ ಅವಧಿಯಲ್ಲಿ ಮನೆಯಲ್ಲಿದ್ದವರು ಆಕಸ್ಮಿಕವಾಗಿ ಹಾವನ್ನು ತುಳಿದು ಅಪಾಯ ಆಹ್ವಾನಿಸಿಕೊಳ್ಳುತ್ತಿದ್ದಾರೆ. ದಾಖಲೆಗಳ ಪ್ರಕಾರ 2025ರಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ 691 ಜನರಿಗೆ ಹಾವು ಕಚ್ಚಿದ್ದು, ಆ ಪೈಕಿ ಅಂಕೋಲಾ, ಹಳಿಯಾಳ ಹಾಗೂ ಯಲ್ಲಾಪುರದಲ್ಲಿ ಒಬ್ಬರು ಸಾವನಪ್ಪಿದ್ದರು. ಕೆಲ ವರ್ಷಗಳ ಹಿಂದೆ ಸರ್ಕಾರ ಹಾವು ಕಡಿತ ಪ್ರಕರಣವನ್ನು ಕಡ್ಡಾಯವಾಗಿ ದಾಖಲು ಮಾಡಬೇಕು ಎಂದು ಸೂಚಿಸಿದ ಹಿನ್ನಲೆ ಸದ್ಯ ಹಾವು ಕಡಿತದ ವಿಷಯಗಳು ಸರ್ಕಾರವನ್ನು ತಲುಪುತ್ತಿದೆ. ಅದರಿಂದ ಅಂಥ ವಿಷಯಗಳು ಗಂಭೀರವಾಗಿದ್ದು, ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಆಸ್ಪತ್ರೆಗಳಲ್ಲಿ ಹಾವು ಕಚ್ಚಿದ ತಕ್ಷಣ ವೈದ್ಯಕೀಯ ನೆರವು ನೀಡುವ ತಯಾರಿ ನಡೆದಿದೆ. `ಹಾವು ಕಡಿತದ ಸಂದರ್ಭದಲ್ಲಿ ಜೀವ ಉಳಿಸಲು ಸಮಯ ಪ್ರಜ್ಞೆ ಮತ್ತು ವೈಜ್ಞಾನಿಕ ಚಿಕಿತ್ಸೆ ಅತ್ಯಗತ್ಯ’ ಎಂದು ವೈದ್ಯರು ಹೇಳುತ್ತಾರೆ. ಹೊಲ-ಗದ್ದೆ ಅಥವಾ ಪೊದೆಗಳಿರುವ ಪ್ರದೇಶಗಳಲ್ಲಿ ಕೆಲಸ ಮಾಡುವಾಗ ಕಡ್ಡಾಯವಾಗಿ ಗಮ್‌ಬೂಟ್ ಧರಿಸಬೇಕು. ರಾತ್ರಿ ವೇಳೆ ಸಂಚರಿಸುವಾಗ ಬೆಳಕಿನ ವ್ಯವಸ್ಥೆ ಮಾಡಿಕೊಳ್ಳಬೇಕು. ಮನೆಯ ಸುತ್ತಮುತ್ತ ಕಸ-ಕಡ್ಡಿ ಇಲ್ಲದಂತೆ ಸ್ವಚ್ಛವಾಗಿಟ್ಟುಕೊಳ್ಳುವುದು ಅತ್ಯಗತ್ಯ’ ಎಂಬುದು ಅವರ ಮಾತು. ಅದಾಗಿಯೂ, `ಹಾವು ಕಚ್ಚಿದರೆ ಯಾವುದೇ ಮಂತ್ರ-ತAತ್ರ, ಮನೆಮದ್ದು ಅಥವಾ ಮೂಢನಂಬಿಕೆಗಳ ಮೊರೆ ಹೋಗದೇ ಆಸ್ಪತ್ರೆಗೆ ಬರಬೇಕು. ಗಾಯದ ಭಾಗವನ್ನು ಕತ್ತರಿಸುವ ಅಥವಾ ಬಿಗಿಯಾಗಿ ಕಟ್ಟುವಂತಹುದು ದೊಡ್ಡ ತಪ್ಪು’ ಎಂಬುದು ಅಧಿಕಾರಿಗಳ ಮಾತು.
- [ಅಕ್ಷಯನ ಮೊಬೈಲಿನಲ್ಲಿ ಅಶ್ಲೀಲ ಚಿತ್ರ!](https://mobiletime.in/2026/07/obscene-images-on-akshays-mobile/): ದೇವಾಲಯ, ಜಲಪಾತ, ಉದ್ಯಾನವನ, ಹೂವು-ಹಣ್ಣುಗಳ ಫೋಟೋ-ವಿಡಿಯೋಗಳನ್ನು ಜಾಲತಾಣಕ್ಕೆ ಹಾಕುತ್ತಿದ್ದ ಅಕ್ಷಯ ಮಡಿವಾಳ ಅವರು ದಿಢೀರ್ ಆಗಿ ಕೆಲ ಅಶ್ಲೀಲ ಚಿತ್ರ-ವಿಡಿಯೋಗಳನ್ನು ಹರಿಬಿಟ್ಟಿದ್ದಾರೆ. ನವ್ಯಾ ಎಂಬಾತರಿಗೆ ಅವರು ಸಣ್ಣ ಸಣ್ಣ ಮಕ್ಕಳ ಅಶ್ಲೀಲ ವಿಡಿಯೋ ಕಳುಹಿಸಿದ್ದಾರೆ. ಅಕ್ಷಯ ಮಡಿವಾಳ ಅವರು ಮೂಲತಃ ಭಟ್ಕಳದವರಾಗಿದ್ದಾರೆ. ಇನಸ್ಟಾಗ್ರಾಮಿನಲ್ಲಿ ಅವರು 860 ಪಾಲೋವರ್ಸಗಳನ್ನು ಹೊಂದಿದ್ದಾರೆ. 888 ಜನರನ್ನು ಅವರು ಫೋಲೋ ಮಾಡುತ್ತಿದ್ದಾರೆ. ಜೊತೆಗೆ ದಾಂಡೇಲಿ, ತಿರುಪತಿ, ಕಾರವಾರ, ಕುಕ್ಕೆಸುಬ್ರಹ್ಮಣ್ಯ, ರತ್ನಾಗಿರಿ ಸೇರಿ ನಾನಾ ಪ್ರದೇಶಗಳನ್ನು ಸುತ್ತಾಡಿದ ಅವರು ಅಲ್ಲಿನ ಎಲ್ಲಾ ಚಿತ್ರ-ವಿಡಿಯೋಗಳನ್ನು ಹಂಚಿಕೊAಡಿದ್ದಾರೆ. ಈ ಎಲ್ಲದರ ನಡುವೆ ಅಕ್ಷಯ ಮಡಿವಾಳ ಅವರು ಇನಸ್ಟಾಗ್ರಾಮಿನ ಮೂಲಕ ಮಕ್ಕಳ ಅಶ್ಲೀಲ ಚಿತ್ರ ನೋಡುವುದನ್ನು ರೂಢಿಸಿಕೊಂಡಿದ್ದು, ಅದನ್ನು ಡೌನ್ಲೋಡ್ ಸಹ ಮಾಡಿದ್ದಾರೆ. ಏಪ್ರಿಲ್ 24ರಂದು ಅವರ ಮೊಬೈಲಿನಲ್ಲಿ ಡೌನ್ಲೋಡ್ ಆಗಿದ್ದ ಮಕ್ಕಳ ಅಸಹ್ಯ ವಿಡಿಯೋಗಳು ಅವರದ್ದೇ ಇನಸ್ಟಾಗ್ರಾಮಿನ ಮೂಲಕ ಬೇರೆಯವರಿಗೆ ಹಂಚಿಕೆಯಾಗಿದೆ. ಆ ವಿಡಿಯೋ ನವ್ಯಾ ಎಂಬಾತರಿಗೂ ರವಾನೆಯಾಗಿದೆ. ಮಕ್ಕಳ ಅಶ್ಲೀಲ ವಿಡಿಯೋ ವೀಕ್ಷಣೆ ಹಾಗೂ ಅದರ ಹಂಚಿಕೆ ಗಂಭೀರ ಪ್ರಮಾಣದಲ್ಲಿ ಅಪರಾಧವಾಗಿರುವುದರಿಂದ ಅಕ್ಷಯ ಮಡಿವಾಳ ಅವರ ವಿರುದ್ಧ ಭಟ್ಕಳ ಪಿಸೈ ನವೀನ ನಾಯ್ಕ ಅವರು ಕೇಸು ದಾಖಲಿಸಿದ್ದಾರೆ. ಅದಾದ ನಂತರ ಅಕ್ಷಯ ಮಡಿವಾಳ ಅವರು ಆ ವಿಡಿಯೋಗಳನ್ನು ಡಿಲಿಟ್ ಮಾಡಿದ್ದು, ಅದಾಗಿಯೂ ಮಾಡಿದ ತಪ್ಪಿಗೆ ಕಾನೂನು ಕ್ರಮಕ್ಕೆ ಒಳಗಾಗಿದ್ದಾರೆ. ಸದ್ಯ ಪೊಲೀಸರು ಅಕ್ಷಯ ಮಡಿವಾಳ ಅವರ ಪ್ರೊಪೈಲ್ ಆಧಾರದಲ್ಲಿ ಅವರ ಹುಡುಕಾಟ ನಡೆಸಿದ್ದು, ಕಾನೂನುಬಾಹಿರ ಚಟುವಟಿಕೆಯಲ್ಲಿ ತೊಡಗುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವುದಾಗಿ ಎಚ್ಚರಿಸಿದ್ದಾರೆ.  
- [ಕಾರವಾರ | ವಕೀಲರ ನಡಿಗೆ ಕಾಡಿನ ಕಡೆಗೆ!](https://mobiletime.in/2026/07/karwar-lawyers-march-towards-the-forest/): ಕಾರವಾರದ ವಕೀಲರೆಲ್ಲರೂ ಕಾಡು ಅಧ್ಯಯನಕ್ಕೆ ಆಸಕ್ತಿವಹಿಸಿದ್ದು, ಜೀವ ವೈವಿಧ್ಯತೆ ರಕ್ಷಣೆಗಾಗಿ ಸಮಯ ಮೀಸಲಿಟ್ಟಿದ್ದಾರೆ. ಅಂಕೋಲಾ ತಾಲೂಕಿನ ಗುಂಡಬಾಳ ಅರಣ್ಯದಲ್ಲಿ ಈ ದಿನ ನ್ಯಾಯವಾದಿಗಳು ಚಾರಣ ಮಾಡಿದ್ದಾರೆ. ಉತ್ತರ ಕನ್ನಡ ಜಿಲ್ಲಾ ವಕೀಲರ ಸಂಘದ ಅಧ್ಯಕ್ಷ ನಾಗರಾಜ ನಾಯಕ ಅವರ ನೇತ್ರತ್ವದಲ್ಲಿ ವಕೀಲರು ಕಾಡಿನಲ್ಲಿ ಪಾದಯಾತ್ರೆ ನಡೆಸಿದ್ದಾರೆ. `ಮನ್ಸೂನ್ ವಾಕ್’ ಹೆಸರಿನ ಅಡಿ ವಕೀಲರು ಕಾಡು ಸಂಚಾರ ಮಾಡಿದ್ದಾರೆ. ಕಾಡಿನಲ್ಲಿರುವ ಅಪರೂಪದ ಗಿಡ ಮೂಲಿಕೆ, ಪ್ರಾಣಿ-ಪಕ್ಷಿ ಪ್ರಬೇದಗಳನ್ನು ಗುರುತಿಸಿದ್ದಾರೆ. ಅರಣ್ಯದ ಮಹತ್ವ, ಪಶ್ಚಿಮ ಘಟ್ಟದ ಅರಣ್ಯದ ವಿಶೇಷತೆಗಳ ಬಗ್ಗೆ ಎಲ್ಲರೂ ಒಟ್ಟಿಗೆ ಚರ್ಚಿಸಿದ್ದಾರೆ. ಹಿರಿಯ ವಕೀಲ ಆರ್ ವಿ ಭಟ್ಟ ಅವರು ಕಾಡಿನಲ್ಲಿರುವ ವಿಶೇಷ ಸಂಗತಿಗಳ ಬಗ್ಗೆ ತಮ್ಮ ಬಳಗದವರಿಗೆ ವಿವರಿಸಿದ್ದಾರೆ. ಈ ಕಾಡಿಗೆ ಹೋಗುವ ಪೂರ್ವದಲ್ಲಿ ಶಿರೂರು ಗುಡ್ಡ ಕುಸಿತ ಪ್ರದೇಶಕ್ಕೆ ಭೇಟಿ ನೀಡಿದ ವಕೀಲರು ಅಲ್ಲಿನ ಪರಿಸ್ಥಿತಿಯನ್ನು ಅವಲೋಕಿಸಿದ್ದಾರೆ. ಕಾಡಿನ ನಡುವೆ ಇದ್ದ ಮನೆಯಲ್ಲಿ ಸಭೆ ಸೇರಿದ ನ್ಯಾಯವಾದಿಗಳಿಗೆ ಹಿರಿಯ ವಕೀಲ ಬಿ ಎಸ್ ಪೈ ಅವರು ಪರಿಸರ ಪಾಠ ಮಾಡಿದ್ದಾರೆ. ಮತ್ತೊಬ್ಬ ನ್ಯಾಯವಾದಿ ಪಿ ಎಂ ನಾಯಕ ಅವರು ವಕೀಲರು ಪರಿಸರ ಪ್ರೀತಿ ಬೆಳೆಸಿಕೊಳ್ಳಬೇಕು ಎಂದು ಕರೆ ನೀಡಿದ್ದಾರೆ. ಅಲ್ಲಿಂದ ಕೋಗ್ರೆ ಗುಡ್ಡಕ್ಕೆ ಬಂದ ಈ ತಂಡದವರು ಟೆಂಪಲ್ ಟ್ರೀ ಎಂದು ಹೆಸರಾಗಿರುವ ಸಂಪಿಗೆ ಗಿಡ ನಾಟಿ ಮಾಡಿದ್ದಾರೆ. ಪುನಃ ಬಾಸಗೋಡಿನ ನಡುಬೇಣಕ್ಕೆ ಬಂದು ಅಲ್ಲಿ ಊರಿನವರ ಜೊತೆ ಬೆರೆತಿದ್ದಾರೆ. ವಕೀಲರ ಸಂಘದ ಕಾರ್ಯದರ್ಶಿ ನಾಗರಾಜ ದೇಶಭಂಡಾರಿ, ಕಾರ್ಯಕಾರಿ ಸದಸ್ಯರಾದ ರಾಜೇಶ ಆಚಾರಿ, ಮಾರುತಿ ಬಿ ನಾಯ್ಕ್ ಮತ್ತು ದೀಪಾ ಎಸ್ ನಾಯ್ಕ್ ಅವರು ಕಾರ್ಯಕ್ರಮ ಸಂಘಟಿಸಿದ್ದು, ಹಿರಿಯ ವಕೀಲರಾದ ಕೆ ಬಿ ನಾಯ್ಕ್, ಸಂಜಯ ಸಾಳುಂಕೆ, ಎಂ ಎ ನಾಯ್ಕ್, ವಿನಾಯಕ ಎನ್ ನಾಯ್ಕ್, ವಿನೋದ ತೋಡುರ್ಕರ, ಡಿ ಏನ್ ನಾಯ್ಕ್, ಲಕ್ಷ್ಮಿ ರಾಣೆ, ಚರಣ ನಾಯ್ಕ, ಜೆ ಪಿ ನಾಯ್ಕ ಇತರರು ಚಾರಣದ ಖುಷಿ ಅನುಭವಿಸಿದ್ದಾರೆ.
- [ದಾಂಡೇಲಿಯ ದಾಂಡಿಗರಿಗೆ ಸೆರೆಮನೆವಾಸ!](https://mobiletime.in/2026/07/jail-time-for-dandelis-troublemakers/): ಕೈಯಲ್ಲಿ ಮಾರಕಾಸ್ತಹಿಡಿದು ಶಾಂತಿ-ಸುವ್ಯವಸ್ಥೆ ಹಾಳು ಮಾಡಿದ ಮೂವರ ವಿರುದ್ಧ ದಾಂಡೇಲಿ ಪೊಲೀಸರು ಕಠಿಣ ಕ್ರಮ ಜರುಗಿಸಿದ್ದಾರೆ. ಮಾರುತಿನಗರದ ಅಶೋಕ ಗುರವ್, ಪೈರೋಜ್ ದವಲತ್ತಿ ಹಾಗೂ ಆಸಿಪ್ ನರಗುಂದ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ದಾAಡೇಲಿಯ ಜಿ ಎನ್ ರಸ್ತೆಯಲ್ಲಿ ಸೋಮವಾರ ಸಂಜೆ ಮಾರಾಮಾರಿ ಡನೆದಿದ್ದು, ಯುವಕನೊಬ್ಬನ ಮೇಲೆ ಮೂವರು ಮಾರಕಾಸ್ತ್ರಗಳಿಂದ ದಾಳಿ ಮಾಡಿದ್ದರು. ಮೆಡ್ ಪ್ಲಸ್ ಮೆಡಿಕಲ್ ಬಳಿ ಸೋಮವಾರ ಸಂಜೆ ದಿಢೀರ್ ಆಗಿ ಗಲಾಟೆ ಶುರುವಾಗಿದ್ದರಿಂದ ಜನ ಆತಂಕಕ್ಕೆ ಒಳಗಾಗಿದ್ದರು. ವ್ಯಕ್ತಿಯೊಬ್ಬರ ಮೇಲೆ ದಾಳಿ ಮಾಡಿದ ಮೂವರು ನಂತರ ಅಲ್ಲಿಂದ ಪರಾರಿಯಾಗಿದ್ದರು. ಈ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಅದರ ಆಧಾರದಲ್ಲಿ ಪೊಲೀಸರು ವಿಚಾರಣೆ ನಡೆಸಿದ್ದರು. ದಾಳಿಗೆ ಒಳಗಾದ ವ್ಯಕ್ತಿಯೂ ಪೊಲೀಸರ ಸಹಾಯ ಯಾಚಿಸಿ ದೂರು ನೀಡಿದ್ದರು. ತನಿಖೆ ನಡೆಸಿದಾಗ ದಾಂಡೇಲಿ ಮಾರುತಿ ನಗರದ ಅಶೋಕ ದೇಮಣ್ಣ ಗುರವ್, ಪೈರೋಜ್ ಅಬ್ದುಲ್ ಸತ್ತಾರ್ ದವಲತ್ತಿ ಹಾಗೂ ಆಸಿಪ್ (ಅಕ್ಬರ್) ಫಕ್ರುದ್ಧಿನ್ ನರಗುಂದ ಅವರು ಸಿಕ್ಕಿಬಿದ್ದಿದ್ದಾರೆ. ಹನುಮಾನ ರಸ್ತೆ ಬಾರ್ ಎದುರು ಅವರೇ ಗಲಾಟೆ ಮಾಡಿದನ್ನು ಒಪ್ಪಿಕೊಂಡಿದ್ದು, ಎಲ್ಲರನ್ನು ಪೊಲೀಸರು ಬಂಧಿಸಿದ್ದಾರೆ.
- [ಶಿರಸಿ | ಬಾಲಕಿಗೆ ಕಚ್ಚಿದ ಕೊಳಕ ಮಂಡಲ!](https://mobiletime.in/2026/07/sirsi-russells-viper-bites-girl/): ಕೊರ್ಲಕಟ್ಟಾದ ದೇಗುಲದ ಬಳಿ ಆಟವಾಡುತ್ತಿದ್ದ ಬಾಲಕಿಗೆ ಹಾವು ಕಚ್ಚಿದ್ದು, ಪಾಲಕರ ಸಮಯಪ್ರಜ್ಞೆ ಹಾಗೂ ವೈದ್ಯರ ಶ್ರಮದಿಂದಾಗಿ ಆ ಬಾಲಕಿ ಜೀವಾಪಾಯದಿಂದ ಪಾರಾಗಿದ್ದಾರೆ. ಶುಕ್ರವಾರ ಬೆಳಗ್ಗೆ ಕೋರ್ಲಕಟ್ಟಾದ ಪ್ರತಿಕ್ಷಾ ನಾಯ್ಕ ಅವರು ಪಾಲಕರ ಜೊತೆ ಸಮೀಪದ ದೇವಾಲಯಕ್ಕೆ ಹೋಗಿದ್ದರು. ಅಲ್ಲಿ ಆಟವಾಡುತ್ತಿದ್ದ ಅವರಿಗೆ ತಲೆಭಾಗಕ್ಕೆ ಹಾವು ಕಚ್ಚಿತ್ತು. ಆ ಹಾವನ್ನು ಗಮನಿಸಿದಾಗ ಅದು ಕೊಳಕ ಮಂಡಲ ಎಂದು ಗೊತ್ತಾಯಿತು. ಅಪಾಯದ ಬಗ್ಗೆ ಅರಿತ ಪಾಲಕರು ಕೂಡಲೇ ಪ್ರತಿಕ್ಷಾ ನಾಯ್ಕ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರು. ನಾಲ್ಕು ದಿನದ ಆರೈಕೆಯ ನಂತರ ಪ್ರತಿಕ್ಷಾ ನಾಯ್ಕ ಅವರು ಚೇತರಿಸಿಕೊಂಡಿದ್ದಾರೆ. ಹಾವಿನ ಕಡಿತದಿಂದ ಬೆದರಿದ ಬಾಲಕಿ ಗಟ್ಟಿಯಾಗಿ ಅಳಲು ಪ್ರಾರಂಭಿಸಿದಾಗ ಪೋಷಕರು ತಕ್ಷಣ ಸ್ಥಳಕ್ಕೆ ಧಾವಿಸಿದ್ದರಿಂದ ವಿಷಯ ಗೊತ್ತಾಯಿತು. ಶಿರಸಿಯ ಸರ್ಕಾರಿ ಆಸ್ಪತ್ರೆಯ ವೈದ್ಯರು ಸಹ ತ್ವರಿತ ರೀತಿಯಲ್ಲಿ ಸ್ಪಂದಿಸಿ ಬಾಲಕಿಯ ಜೀವ ಉಳಿಸಿದರು. ಸ್ಥಳದಲ್ಲಿದ್ದ ಮಕ್ಕಳ ತಜ್ಞ ಡಾ ಸಂದೀಪ ಹೆಗಡೆ ಅವರು ಬಾಲಕಿಯನ್ನು ಪರೀಕ್ಷಿಸಿ ತುರ್ತು ಚಿಕಿತ್ಸೆ ನೀಡಿದ್ದು, ಸದ್ಯ ಬಾಲಕಿ ಪ್ರತಿಕ್ಷಾ ನಾಯ್ಕ ಅವರು ಸಂಪೂರ್ಣವಾಗಿ ಚೇತರಿಸಿಕೊಂಡು ಮನೆಗೆ ಮರಳಿದ್ದಾರೆ.
- [ಈ JCBಗೆ ಮಹಿಳೆಯೇ ಚಾಲಕಿ!](https://mobiletime.in/2026/07/a-woman-is-the-operator-of-this-jcb/): ಮನೆ ಕೆಲಸ ಮಾಡಿಕೊಂಡಿದ್ದ ರೇಷ್ಮಾ ಶೆಟ್ಟಿ ಅವರು JCB ಆಪರೇಟರ್ ಆಗಿ ಬದುಕು ಕಟ್ಟಿಕೊಳ್ಳಲು ಮುಂದಾಗಿದ್ದಾರೆ. ಇದಕ್ಕಾಗಿ ಅವರು ಕೆನರಾ ಬ್ಯಾಂಕ್ ದೇಶಪಾಂಡೆ ಆರ್‌ಸಿಟಿಯಲ್ಲಿ ತರಬೇತಿ ಶಿಬಿರಕ್ಕೆ ಸೇರಿದ್ದಾರೆ. ಕೆನರಾ ಬ್ಯಾಂಕ್ ದೇಶಪಾಂಡೆ ಆರ್‌ಸಿಟಿ ಅನೇಕ ಬಗೆಯ ಸ್ವ ಉದ್ಯೋಗ ಅವಕಾಶಗಳ ತರಬೇತಿ ನೀಡುತ್ತದೆ. ನಿರುದ್ಯೋಗಿ ಯುವಕ-ಯುವತಿಯರಿಗೆ ವಿವಿಧ ಉದ್ಯೋಗ ಕಲ್ಪಿಸಿ ಅವರು ಸ್ವಾವಲಂಭಿಯಾಗಿ ಬದುಕುವಂತೆ ಮಾಡುವುದು ಈ ಸಂಸ್ಥೆಯ ಗುರಿ. ಹೀಗಾಗಿ ಇಲ್ಲಿ ಹೊಲಿಗೆ ತರಬೇತಿ, ಬ್ಯೂಟಿ ಪಾರ್ಲರ್ ಕಾರ್ಯಾಗಾರ, ಮೊಬೈಲ್ ಹಾಗೂ ಟಿವಿ ರಿಪೇರಿ, ಯಂತ್ರೊಪಕರಣಗಳ ಚಾಲನೆ ಹಾಗೂ ನಿರ್ವಹಣೆ ಸೇರಿ ವಿವಿಧ ವಿಷಯಗಳ ಕುರಿತು ಶಿಬಿರ ಆಯೋಜಿಸಲಾಗುತ್ತದೆ. ಏಳು ದಿನಗಳಿಂದ 30 ದಿನಗಳವರೆಗೆ ಉಚಿತ ಊಟ-ವಸತಿ ನೀಡಿ ತರಬೇತಿ ಆಯೋಜಿಸಲಾಗುತ್ತಿದ್ದು, ಈಚೆಗೆ ನಡೆಸಿದ ಭಾರೀ ಪ್ರಮಾಣದ ಯಂತ್ರೋಪಕರಣ ಚಾಲನೆ ತರಬೇತಿಯಲ್ಲಿ ದಾಂಡೇಲಿಯ ರೇಷ್ಮಾ ಶೆಟ್ಟಿ ಅವರು ಭಾಗಿಯಾಗಿದ್ದಾರೆ. ಗೃಹಿಣಿಯಾಗಿರುವ ರೇಷ್ಮಾ ಶೆಟ್ಟಿ ಅವರು ಮೊದಲು ಮನೆ ಕೆಲಸಕ್ಕೆ ಮಾತ್ರ ಸೀಮಿತವಾಗಿದ್ದು, ಅದನ್ನು ಹೊರತುಪಡಿಸಿಯೂ ಬೇರೆ ಬದುಕು ಕಟ್ಟಿಕೊಳ್ಳಬೇಕು ಎಂದು ನಿರ್ಧರಿಸಿದ್ದಾರೆ. ಕೌಶಲ್ಯ ವೃದ್ದಿಸಿಕೊಳ್ಳುವ ಶಿಬಿರದ ಬಗ್ಗೆ ಅರಿತು ಅವರು ಅದರಲ್ಲಿ ಭಾಗವಹಿಸಲು ಆಸಕ್ತಿವ್ಯಕ್ತಪಡಿಸಿದ್ದಾರೆ. ಈಗಾಗಲೇ ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿಯೂ ರೇಷ್ಮಾ ಶೆಟ್ಟಿ ಅವರು ಸಕ್ರಿಯವಾಗಿದ್ದು, ಅವರಲ್ಲಿನ ಆಸಕ್ತಿ ಗಮನಿಸಿ ಕೆನರಾ ಬ್ಯಾಂಕ್ ದೇಶಪಾಂಡೆ ಆರ್‌ಸಿಟಿಯವರು ಆಹ್ವಾನ ನೀಡಿದ್ದಾರೆ. ಅದರಂತೆ, 30 ದಿನಗಳ ಕಾಲದ ಜೆಸಿಬಿ ಚಾಲಕನಾ ಶಿಬಿರಕ್ಕೆ ರೇಷ್ಮಾ ಶೆಟ್ಟಿ ಅವರು ಶಿಬಿರಾರ್ಥಿಯಾಗಿ ಸೇರಿದ್ದಾರೆ. 15 ದಿನಗಳಲ್ಲಿಯೇ ಅವರು ಜೆಸಿಬಿ ನಿರ್ವಹಣೆಯ ಆಳ-ಅಗಲ ಅರಿತಿದ್ದು ಸದ್ಯ ಆ ಭಾರೀ ವಾಹನವನ್ನು ಸಮರ್ಪಕವಾಗಿ ಚಲಾಯಿಸುವ ಅರಿವುಪಡೆದಿದ್ದಾರೆ. ಕಳೆದ ಐದು ವರ್ಷದ ಅವಧಿಯಲ್ಲಿ 500ಕ್ಕೂ ಅಧಿಕ ಜನ ಕೆನರಾ ಬ್ಯಾಂಕ್ ದೇಶಪಾಂಡೆ ಆರ್‌ಸಿಟಿ ಮೂಲಕ ವಿವಿಧ ತರಬೇತಿಪಡೆದಿದ್ದು, ಅವರೆಲ್ಲರ ನಡುವೆ ರೇಷ್ಮಾ ಶೇಟ್ ಅವರು ವಿಶಿಷ್ಟವಾಗಿ ಗುರುತಿಸಿಕೊಂಡಿದ್ದಾರೆ.    
- [ಕಾರವಾರ | ಗಾಂಜಾ ಮಾರಾಟಕ್ಕೂ ಪಾರ್ಟರ್‌ಶಿಫ್!](https://mobiletime.in/2026/07/karwar-partnership-for-ganja-sales-too/): ಸದಾಶಿವಗಡದ ನಾಗಾರಾಜ ಹಡಪದ ಅವರು ಬೆಂಗಳೂರಿನ ವಿನೋದ ಕುಮಾರ ಅವರ ಜೊತೆ ಸೇರಿ ಗಾಂಜಾ ವ್ಯಾಪಾರ ಶುರು ಮಾಡಿದ್ದಾರೆ. ದಿನವಿಡೀ ದುಡಿದು ಅವರು 250ರೂ ಸಂಪಾದಿಸಿದ್ದಾರೆ! ಕಾರವಾರದ ಸದಾಶಿವಗಡದ ತಾರಿವಾಡದಲ್ಲಿ ನಾಗರಾಜ ಮಲ್ಲಿಕಾರ್ಜುನ ಹಡಪದ ಅವರು ವಾಸವಾಗಿದ್ದಾರೆ. 26 ವರ್ಷದ ಅವರಿಗೆ ಅದೇ ವಯಸ್ಸಿನ ವಿನೋದಕುಮಾರ ಅವರು ಪರಿಚಯವಾಗಿದ್ದಾರೆ. ಬೆಂಗಳೂರಿನ ವಿನೋದಕುಮಾರ ಅವರು ಸದಾಶಿವಗಡದ ತಾರಿವಾಡದಲ್ಲಿಯೇ ವಾಸವಾಗಿದ್ದು, ಸಮಾನ ಮನಸ್ಕ ಹಾಗೂ ಸಮಾನ ವಯಸ್ಕರಾದ ಅವರಿಬ್ಬರು ಸೇರಿ ಮಾದಕ ವ್ಯಸನ ಮಾರಾಟಕ್ಕೆ ಮುಂದಾಗಿದ್ದಾರೆ. ಜುಲೈ 27ರಂದು 25 ಸಾವಿರ ರೂಪಾಯಿ ಮೌಲ್ಯದ 450 ಗ್ರಾಂ ಗಾಂಜಾಹಿಡಿದ ಅವರಿಬ್ಬರು ಕಾರವಾರದ ಬಿಣಗಾಗೆ ಹೋಗಿದ್ದಾರೆ. ಬಜಾಜ್ ಪಲ್ಸರ್ ಬೈಕಿನಲ್ಲಿ ಸುತ್ತಾಡಿದ ಅವರು ಅಲ್ಲಿನ ರಾಮನಗರ ರಸ್ತೆಯ ಬಳಿ ನಿಂತು ಕೆಲ ಪ್ರಮಾಣದ ಗಾಂಜಾವನ್ನು ಮಾರಾಟ ಮಾಡಿದ್ದಾರೆ. ಇದರಿಂದ 250ರೂ ಸಂಪಾದಿಸಿದ್ದು, ಉಳಿದ ಗಾಂಜಾವನ್ನು ಮಾರಾಟ ಮಾಡಿ ಶ್ರೀಮಂತರಾಗುವ ಕನಸು ಕಂಡಿದ್ದಾರೆ. ಆದರೆ, ಅಷ್ಟರಲ್ಲಿಯೇ ಅಲ್ಲಿ ಕಾರವಾರ ಗ್ರಾಮೀಣ ಪೊಲೀಸ್ ಠಾಣೆಯ ಪಿಸೈ ನಿಹಾಲ್ ಖಾನ್ ಅವರು ಬಂದಿದ್ದಾರೆ. ಅನುಮಾನಾಸ್ಪದ ರೀತಿ ವರ್ತಿಸುತ್ತಿದ್ದ ನಾಗಾರಾಜ ಹಡಪದ ಹಾಗೂ ವಿನೋದ ಕುಮಾರ ಅವರನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಅವರ ಬಳಿಯಿರುವ ಗಾಂಜಾ, 250ರೂ ಹಣ ಹಾಗೂ ಮೊಬೈಲನ್ನು ಜಪ್ತು ಮಾಡಿದ್ದಾರೆ. ನಿಷೇಧಿತ ವಸ್ತು ಮಾರಾಟಕ್ಕೆ ಮುಂದಾದ ಕಾರಣ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಬನವಾಸಿ | ಕಾಳಸಂತೆಯ ವ್ಯವಹಾರಕ್ಕೆ ಕಡಿವಾಣ!](https://mobiletime.in/2026/07/banavasi-crackdown-on-black-market-activities/): ಬಡವರ ಹಸಿವು ನೀಗಿಸಲು ಸರ್ಕಾರ ಪೂರೈಸುವ ಅನ್ನಭಾಗ್ಯದ ಅಕ್ಕಿಯನ್ನು ಸೊರಬಾದ ನಾಗರಾಜ ಗೌಡ ಅವರು ಕಾಳಸಂತೆಯಲ್ಲಿ ಖರೀದಿಸುತ್ತಿದ್ದು, ಈ ಕಾನೂನುಬಾಹಿರ ವ್ಯವಹಾರಕ್ಕೆ ಅಧಿಕಾರಿಗಳು ಅಡ್ಡಗಾಲು ಹಾಕಿದ್ದಾರೆ. ಆಹಾರ ಶಿರಸ್ತೆದಾರ್ ಕವಿತಾ ಪಾಟಣಕರ್ ಅವರು ರಾತ್ರಿ 11.30ಕ್ಕೆ ವಿಶೇಷ ಕಾರ್ಯಾಚರಣೆ ನಡೆಸಿ ನಾಗರಾಜ ಗೌಡ ಅವರ ಅಕ್ರಮವನ್ನು ಬಯಲಿಗೆಳೆದಿದ್ದಾರೆ. ಸೊರಬಾ ಕೊರಕೋಡ ಕಪಗುಡ್ಡೆಯಲ್ಲಿ ಸಚಿನ್ ನಾಗರಾಜ ಗೌಡ ಅವರು ವಾಸವಾಗಿದ್ದಾರೆ. ಚಾಲಕರಾಗಿರುವ ಅವರು ಸರ್ಕಾರಿ ಅಕ್ಕಿಯನ್ನು ಕಾಳಸಂತೆಯಲ್ಲಿ ಖರೀದಿಸಿ ಸೊರಬಾಗೆ ಸಾಗಿಸುತ್ತಾರೆ. ಅಲ್ಲಿ ಆ ಅಕ್ಕಿಯನ್ನು ದುಬಾರಿ ಬೆಲೆಗೆ ಮಾರಾಟ ಮಾಡಿ ಶ್ರೀಮಂತರಾಗುವ ಪ್ರಯತ್ನ ಮಾಡಿದ್ದಾರೆ. ಅದರಂತೆ, ಜುಲೈ 26ರಂದು ಶಿರಸಿಗೆ ಬಂದ ಅವರು ಅಲ್ಲಿ-ಇಲ್ಲಿ ಅಕ್ಕಿ ಖರೀದಿ ಮಾಡಿದ್ದಾರೆ. ಅದಾದ ನಂತರ ಬನವಾಸಿಯ ಕೋರ್ಲಕಟ್ಟಾಗೆ ಹೋಗಿ ಅಲ್ಲಿಯೂ ಅನೇಕರ ಬಳಿ ಅಕ್ಕಿ ಖರೀದಿಸಿದ್ದಾರೆ. ಬಡವರಿಗೆ ದುಡ್ಡಿನ ಆಮೀಷ ಒಡ್ಡಿ ಕಡಿಮೆ ಬೆಲೆಗೆ ಅಕ್ಕಿ ಖರೀದಿಸಿ ಅದನ್ನು ಅವರು ಸೊರಬಾಗೆ ಸಾಗಿಸುವ ಪ್ರಯತ್ನ ಮಾಡಿದ್ದಾರೆ. ಶಿರಸಿಯ ತಹಶೀಲ್ದಾರ್ ಕಚೇರಿಯಲ್ಲಿ ಆಹಾರ ಶಿರಸ್ತೆದಾರ್ ಆಗಿರುವ ಕವಿತಾ ಪಾಟಣಕರ್ ಅವರಿಗೆ ಈ ವಿಷಯ ಗೊತ್ತಾಗಿದೆ. ತಹಶೀಲ್ದಾರ್ ಕಚೇರಿ ಸಿಬ್ಬಂದಿ ಹಾಗೂ ಪೊಲೀಸರ ಸಹಾಯಪಡೆದು ಅವರು ರಹಸ್ಯ ಕಾರ್ಯಾಚರಣೆ ನಡೆಸಿದ್ದಾರೆ ಬನವಾಸಿ-ದಾನಸಕೊಪ್ಪ ರಸ್ತೆ ಮಾರ್ಗವಾಗಿ ಸೊರಬಾ ಕಡೆಗೆ ಸಾಗಿಸುತ್ತಿದ್ದ 1 ಟನ್’ಗಿಂತಲೂ ಅಧಿಕ ಪ್ರಮಾಣದ ಅಕ್ಕಿ ಈ ವೇಳೆ ಸಿಕ್ಕಿ ಬಿದ್ದಿದೆ. ಕಾಳ ಸಂತೆಯ ಅಕ್ಕಿ ವ್ಯವಹಾರವನ್ನು ಅಧಿಕಾರಿಗಳು ಬಯಲಿಗೆಳೆದಿದ್ದು, ನಾಗರಾಜ ಗೌಡ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ.
- [ಅಂಕೋಲಾ | ವೈರಲ್ ವಿಡಿಯೋಗಾಗಿ ಅವಹೇಳನ!](https://mobiletime.in/2026/07/ankola-humiliation-for-the-sake-of-a-viral-video/): ಕಳೆದ ವರ್ಷ ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ ಯುವಕನ ಅಸಭ್ಯ ವಿಡಿಯೋ ವೈರಲ್ ಮಾಡಿ ಪ್ರಸಿದ್ಧಿಪಡೆದಿದ್ದ ಅಂಕೋಲಾದ ಯುವತಿಯೊಬ್ಬರು ಇದೀಗ ಪ್ರಮುಖ ಸಮುದಾಯದರ ಭಾವನೆಗೆ ಧಕ್ಕೆ ತರುವ ಕೆಲಸ ಮಾಡಿ ಪ್ರತಿಭಟನೆ ಎದುರಿಸಿದ್ದಾರೆ. ಆ ಯುವತಿಯ ವಿರುದ್ಧ ನೂರಾರು ಜನ ಸೇರಿ ಧರಣಿ ನಡೆಸಿದ್ದು, ಕಠಿಣ ಕ್ರಮಕ್ಕಾಗಿ ಆಗ್ರಹಿಸಿ ಅಂಕೋಲಾ ಪೊಲೀಸ್ ಠಾಣೆ ಎದುರು ಪ್ರತಿಭಟನೆಯನ್ನು ಮಾಡಿದ್ದಾರೆ. ಸಾಮಾಜಿಕ ಜಾಲತಾಣದ ಮೂಲಕ ಇತರರನ್ನು ಸೆಳೆಯುವುದಕ್ಕಾಗಿ ಯುವತಿಯೊಬ್ಬರು ಕೋಮಾರಪಂಥ ಜನ ಮಾತನಾಡುವ ಭಾಷೆಯನ್ನು ವ್ಯಂಗ್ಯ ಮಾಡಿದ್ದಾರೆ. ಆ ಭಾಷೆ ಬಳಸಿ ರೀಲ್ಸ್ ಮಾಡಿದ್ದು, ಅದು ಸಾಕಷ್ಟು ವಿರೋಧಕ್ಕೆ ವ್ಯಕ್ತವಾದ ಹಿನ್ನಲೆ ಡಿಲಿಟ್ ಮಾಡಿದ್ದಾರೆ. ಅದಾಗಿಯೂ, ಆ ಸಮುದಾಯದ ಜನ ಯುವತಿ ವಿರುದ್ಧ ಆಕ್ರೋಶವ್ಯಕ್ತಪಡಿಸಿ ಪ್ರತಿಭಟನೆ ನಡೆಸಿದ್ದಾರೆ. ಜೊತೆಗೆ ಕಾನೂನು ಕ್ರಮಕ್ಕೂ ಆಗ್ರಹಿಸಿದ್ದಾರೆ. ವರ್ಷದ ಹಿಂದೆ ಇದೇ ಯುವತಿ ಅಂಕೋಲಾ-ಕಾರವಾರ ಮಾರ್ಗದ ಬಸ್ಸಿನಲ್ಲಿ ತಮಗಾದ ಕೆಟ್ಟ ಅನುಭವದ ಬಗ್ಗೆ ವಿಡಿಯೋ ಹರಿಬಿಟ್ಟಿದ್ದು, ನೆರೆ ರಾಜ್ಯದಲ್ಲಿ ವೈರಲ್ ವಿಡಿಯೋಗೆ ವ್ಯಕ್ತಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ನಂತರ ತಾವು ಹರಿಬಿಟ್ಟ ವಿಡಿಯೋ ಡಿಲಿಟ್ ಮಾಡಿದ್ದರು. ಸದ್ಯ ಅಂಥಹುದೇ ಇನ್ನೊಂದು ಸಾಹಸಕ್ಕೆ ಯುವತಿ ಮುಂದಾಗಿದ್ದು, ಅದಕ್ಕೆ ಭಾರೀ ಪ್ರಮಾಣದಲ್ಲಿ ವಿರೋಧವ್ಯಕ್ತವಾಗಿದೆ. ಆ ಸಮಾಜದ ಸದಸ್ಯರ ಭಾವನೆಗಳಿಗೆ ಧಕ್ಕೆ ಉಂಟಾಗುವ ಹಾಗೇ ರೀಲ್ಸ್ ಮಾಡಿದಲ್ಲದೇ ಯುವಕರನ್ನು ಸಹ ಕೆಟ್ಟದಾಗಿ ನಿಂದಿಸಿದ ಬಗ್ಗೆ ಪ್ರತಿಭಟನೆಯಲ್ಲಿ ಭಾಗವಹಿಸಿದವರು ದೂರಿದ್ದಾರೆ. `ಭಾಷೆ, ಸಂಸ್ಕೃತಿ ಹಾಗೂ ಸಮುದಾಯದ ಗೌರವಕ್ಕೆ ಧಕ್ಕೆ ತರುವ ರೀತಿಯ ಸಾಮಾಜಿಕ ಜಾಲತಾಣದ ದುರುಪಯೋಗವನ್ನು ಕಾನೂನು ಯಾವುದೇ ಕಾರಣಕ್ಕೂ ಸಹಿಸುವುದಿಲ್ಲ’ ಎಂದು ಸಮಾಜದ ಮುಖಂಡರು ತಿಳಿಸಿದ್ದಾರೆ. ಪ್ರಮುಖರಾದ ಸಂಜಯ ನಾಯ್ಕ, ವಿಜಯಕುಮಾರ ನಾಯ್ಕ, ಗಣಪತಿ ನಾಯ್ಕ, ಚಂದ್ರಕಾAತ ನಾಯ್ಕ, ಮಾರುತಿ ನಾಯ್ಕ, ವಿನೋದ ನಾಯ್ಕ ಅವರು ಪ್ರತಿಭಟನೆ ಮುಂದಾಳತ್ವವಹಿಸಿದ್ದು, ಪೊಲೀಸ್ ನಿರೀಕ್ಷಕ ಚಂದ್ರಶೇಖರ್ ಮಠಪತಿ ಅವರಿಗೆ ಮನವಿ ಸಲ್ಲಿಸಿದರು. ಪ್ರತಿಭಟನೆ ನಂತರ ಆ ಯುವತಿ ವಿಡಿಯೋ ಡಿಲಿಟ್ ಮಾಡಿದ್ದಾರೆ.
- [ದಾಂಡೇಲಿ | ನಡುರಸ್ತೆಯಲ್ಲಿ ಮಾರಾಮಾರಿ!](https://mobiletime.in/2026/07/dandeli-brawl-in-the-middle-of-the-road/): ದಾಂಡೇಲಿಯ ಜಿ ಎನ್ ರಸ್ತೆಯಲ್ಲಿ ಮಾರಾಮಾರಿ ನಡೆದಿದೆ. ಯುವಕನೊಬ್ಬನ ಮೇಲೆ ಮೂವರು ಮಾರಕಾಸ್ತ್ರಗಳಿಂದ ದಾಳಿ ಮಾಡಿದ್ದಾರೆ. ದಾಂಡೇಲಿ ನಗರದ ಜೆ ಎನ್ ರಸ್ತೆಯ ಮೆಡ್ ಪ್ಲಸ್ ಮೆಡಿಕಲ್ ಬಳಿ ಸೋಮವಾರ ಸಂಜೆ ದಿಢೀರ್ ಆಗಿ ಗಲಾಟೆ ಶುರುವಾಗಿದೆ. ಮೂವರು ಅಪರಿಚಿತರು ಯುವಕನೊಬ್ಬನ ಮೇಲೆ ಆಕ್ರಮಣ ಮಾಡಿ, ನಂತರ ಅಲ್ಲಿಂದ ಪರಾರಿಯಾಗಿದ್ದಾರೆ. ಈ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮೂವರು ಸೇರಿ ಅತ್ಯಂತ ಕೆಟ್ಟ ಶಬ್ದಗಳಿಂದ ನಿಂದಿಸಿ ಒಬ್ಬರಿಗೆ ಹೊಡೆದಿದ್ದಾರೆ. ಮೂವರು ಗುಂಪು ಕಟ್ಟಿಕೊಂಡು ಬಂದಿದ್ದು, ಅದನ್ನು ನೋಡಿದ ಯುವಕ ಓಡುವ ಪ್ರಯತ್ನ ಮಾಡಿದ್ದಾರೆ. ಅದಾಗಿಯೂ, ಆ ಮೂವರು ಅಡ್ಡಗಟ್ಟಿ ಹಲ್ಲೆ ಮಾಡಿದ್ದಾರೆ. ಇದರಿಂದ ಯುವಕ ಗಾಯಗೊಂಡಿದ್ದು, ಆ ಯುವಕ ಜೀವ ಉಳಿಸಿಕೊಳ್ಳುವುದಕ್ಕಾಗಿ ಅಲ್ಲಿಂದ ಓಡಿದ್ದಾರೆ. ಅದಾದ ನಂತರ ಆ ಮೂವರು ಆಘಂತುಕರು ಸಹ ಅಲ್ಲಿಂದ ಪರಾರಿಯಾಗಿದ್ದಾರೆ. ಹಲ್ಲೆ ಮಾಡಿದವರು ಯಾರು? ಹಲ್ಲೆಗೆ ಒಳಗಾದವರು ಯಾರು? ಯಾವ ಕಾರಣಕ್ಕೆ ಈ ದಾಳಿ ನಡೆಯಿತು? ಎನ್ನುವುದರ ಬಗ್ಗೆ ತನಿಖೆ ನಡೆಯುತ್ತಿದೆ. ಸಿಸಿ ಕ್ಯಾಮರಾ ದೃಶ್ಯಾವಳಿಗಳನ್ನು ಪರಿಶೀಲಿಸಲಾಗುತ್ತಿದೆ. ಸ್ಥಳಕ್ಕೆ ಪೊಲೀಸರು ಆಗಮಿಸಿ ವಿವಿಧ ಆಯಾಮಗಳಿಂದ ತನಿಖೆ ನಡೆಸುತ್ತಿದ್ದಾರೆ.
- [ಭಟ್ಕಳ | ಮಾಟ ಮಂತ್ರದ ಭೂತ: ದಂಪತಿಗೆ ಥಳಿತ!](https://mobiletime.in/2026/07/bhatkal-menace-of-witchcraft-allegations-couple-assaulted/): ಬೆಳಕೆ ಹೊನ್ನೆಮುಡಿಯ ಮಾದೇವ ನಾಯ್ಕ ಅವರು ನಿಧನರಾಗಿದ್ದು, ಅಬ್ಬಿಹಿತ್ಲುವಿನ ಮಂಜುನಾಥ ನಾಯ್ಕ ಅವರು ಮಾಟ-ಮಂತ್ರ ಮಾಡಿಸಿದ ಅನುಮಾನ ಶುರುವಾಗಿದೆ. ಅದೇ ಅನುಮಾನದಿಂದ ಮಾದೇವ ನಾಯ್ಕ ಅವರ ಪುತ್ರರಾದ ದೇವಿದಾಸ ನಾಯ್ಕ ಹಾಗೂ ವೆಂಕಟೇಶ ನಾಯ್ಕ ಅವರು ಮಂಜುನಾಥ ನಾಯ್ಕ ಅವರಿಗೆ ಸ್ಟೀಲ್ ರಾಡಿನಿಂದ ಹೊಡೆದಿದ್ದಾರೆ! ಭಟ್ಕಳದ ಬೆಳಕೆ ಹೊನ್ನೆಮುಡಿಯಲ್ಲಿ ಮಾದೇವ ನಾಯ್ಕ ಅವರು ವಾಸವಾಗಿದ್ದರು. ನಾಲ್ಕು ದಿನಗಳ ಹಿಂದೆ ಅವರು ದಿಢೀರ್ ಆಗಿ ಸಾವನಪ್ಪಿದರು. ಭಟ್ಕಳ ಬೆಳಕೆ ಬಳಿಯ ಮಂಜುನಾಥ ನಾಯ್ಕ ಕುಟುಂಬದವರು ಮಾಟ-ಮಂತ್ರ ಮಾಡಿ ಮಾದೇವ ನಾಯ್ಕ ಅವರನ್ನು ಸಾಯಿಸಿದ್ದಾರೆಂದು ಮಾದೇವ ನಾಯ್ಕ ಅವರ ಮಕ್ಕಳು ಭಾವಿಸಿದ್ದಾರೆ. ಅದಕ್ಕಾಗಿಯೇ ಅವರು ಮಂಜುನಾಥ ನಾಯ್ಕ ಅವರ ಮೇಲೆ ಹಗೆ ಸಾಧಿಸಿದ್ದಾರೆ. ಜುಲೈ 26ರಂದು ಮಂಜುನಾಥ ನಾಯ್ಕ ಅವರು ತಮ್ಮ ಪತ್ನಿ ಜ್ಯೋತಿ ನಾಯ್ಕ ಅವರ ಜೊತೆ ದೇವಿದಾಸ ನಾಯ್ಕ ಹಾಗೂ ವೆಂಕಟೇಶ ನಾಯ್ಕ ಅವರನ್ನು ಮಾತನಾಡಿಸಲು ಹೋಗಿದ್ದಾರೆ. ಯೋಗ ಕ್ಷೇಮ ವಿಚಾರಿಸಲು ಬಂದಿದ್ದ ಮಂಜುನಾಥ ನಾಯ್ಕ ಅವರ ದಂಪತಿಯನ್ನು ದೇವಿದಾಸ ನಾಯ್ಕ ಹಾಗೂ ವೆಂಕಟೇಶ ನಾಯ್ಕ ಸೇರಿ ಕೆಟ್ಟದಾಗಿ ನಿಂದಿಸಿದ್ದಾರೆ. ಅವರಿಬ್ಬರನ್ನು ದೇವಿದಾಸ ನಾಯ್ಕ ಅವರು ಮನೆಯೊಳಗೆ ಬರಲು ಬಿಡದೇ ರಸ್ತೆಯಲ್ಲಿಯೇ ತಡೆದಿದ್ದಾರೆ. `ನೀವು ಮಾಟ ಮಂತ್ರ ಮಾಡಿಸಿ ತಂದೆಯನ್ನು ಸಾಯಿಸಿದ್ದೀರಿ’ ಎಂದು ಕೂಗಾಡಿದ್ದಾರೆ. ಈ ವೇಳೆ ವೆಂಕಟೇಶ ನಾಯ್ಕ ಅವರು ಮಂಜುನಾಥ ನಾಯ್ಕ ರಾಡಿನಿಂದ ಹೊಡೆದಿದ್ದಾರೆ. ಈ ಹೊಡೆದಾಟ ತಪ್ಪಿಸಲು ಹೋದ ಜ್ಯೋತಿ ನಾಯ್ಕ ಅವರು ಸಹ ಥಳಿತಕ್ಕೆ ಒಳಗಾಗಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಜ್ಯೋತಿ ನಾಯ್ಕ ಅವರು ಪೊಲೀಸರಿಗೆ ತಿಳಿಸಿ, ದೇವಿದಾಸ ನಾಯ್ಕ ಹಾಗೂ ವೆಂಕಟೇಶ ನಾಯ್ಕ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ.
- [ಮುಂಡಗೋಡ | ಬೆಂಕಿಯ ಜ್ವಾಲೆಯಲ್ಲಿ ಉರಿದ ದಂಪತಿ: ಪತ್ನಿ ಸಾವು!](https://mobiletime.in/2026/07/mundgod-couple-engulfed-in-flames-wife-dies/): ಮಳಗಿಯ ದಂಪತಿ ಬೆಂಕಿಯ ಜ್ವಾಲೆಯಲ್ಲಿ ಬೆಂದು ಆಸ್ಪತ್ರೆ ಸೇರಿದ್ದು, ಶಿರಸಿಯ ಟಿಎಸ್‌ಎಸ್ ಆಸ್ಪತ್ರೆಯಲ್ಲಿ ಜ್ಯೋತಿ ಜಾದವ್ ಅವರು ಸಾವನಪ್ಪಿದ್ದಾರೆ. ಅವರ ಪತಿ ಕೃಷ್ಣ ಜಾದವ್ ಅವರಿಗೂ ಬೆಂಕಿ ತಗುಲಿದ್ದು, ಅವರು ಸಾವು-ಬದುಕಿನ ಹೋರಾಟ ನಡೆಸಿದ್ದಾರೆ. ಮುಂಡಗೋಡಿನ ಮಳಗಿಯ ಬೋರನಗುಡ್ಡದಲ್ಲಿ ಜ್ಯೋತಿ ಕೃಷ್ಣ ಜಾದವ್ ಹಾಗೂ ಕೃಷ್ಣ ಶಿವಾಜಿ ಜಾದವ್ ಅವರು ವಾಸವಾಗಿದ್ದರು. ಅವರಿಬ್ಬರೂ ಕೂಲಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಪ್ರಾಥಮಿಕ ಮಾಹಿತಿಗಳ ಪ್ರಕಾರ ಜ್ಯೋತಿ ಯಾದವ್ ಅವರು ಜುಲೈ 26ರಂದು ಮೈಮೇಲೆ ಸೀಮೆಎಣ್ಣೆ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿದ್ದು, ಅದನ್ನು ನೋಡಿದ ಕೃಷ್ಣ ಜಾದವ್ ಅವರು ರಕ್ಷಣೆಗೆ ಧಾವಿಸಿದರು. ಆದರೆ, ಅದೇ ಬೆಂಕಿಯಲ್ಲಿ ಕೃಷ್ಣ ಜಾದವ್ ಅವರು ಸುಟ್ಟಿದ್ದು ಇದನ್ನು ನೋಡಿದವರು ಅವರಿಬ್ಬರನ್ನು ಆಸ್ಪತ್ರೆಗೆ ದಾಖಲಿಸಿದರು. ಶಿರಸಿಯ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಅವರಿಬ್ಬರಿಗೂ ಚಿಕಿತ್ಸೆ ನೀಡಲಾಗಿದ್ದು, ಗಂಭೀರವಾಗಿ ಗಾಯಗೊಂಡ ಜ್ಯೋತಿ ಜಾದವ್ ಅವರನ್ನು ಟಿಎಸ್‌ಎಸ್ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಅವರು ಸಾವನಪ್ಪಿದರು. ತಂಗಿಯ ಸಾವಿನ ಬಗ್ಗೆ ಶಿರಸಿ ದಾಸನಕೊಪ್ಪ ಬದನಗೋಡಿನ ಗಣಪತಿ ಮಂಜುನಾಥ ಬಂಡೇರ್ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಸಾವಿನಲ್ಲಿ ಸಂಶಯವ್ಯಕ್ತಪಡಿಸಿದರು. ಜೊತೆಗೆ ಸಮಗ್ರ ತನಿಖೆಗೆ ಒತ್ತಾಯಿಸಿ ಪ್ರಕರಣ ದಾಖಲಿಸಿದರು.  
- [ಶಿರಸಿ | ರೋಗಿ ವಿರುದ್ಧ ಹೋರಾಟವಲ್ಲ.. ರೋಗದ ವಿರುದ್ಧ ಹೋರಾಟ!](https://mobiletime.in/2026/07/sirsi-not-a-fight-against-the-patient-a-fight-against-the-disease/): `ತನ್ನ ಹೋರಾಟ ಶಾಸಕ ಭೀಮಣ್ಣ ನಾಯ್ಕ ಅವರ ವಿರುದ್ಧ ಅಲ್ಲ. ಆಡಳಿತ ವ್ಯವಸ್ಥೆಯ ವಿರುದ್ಧ’ ಎಂದು ಬಿಜೆಪಿ ರೈತ ಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. ಆ ಮೂಲಕ ತಮ್ಮ ವಿರುದ್ಧ ಸಿಡಿದೆದ್ದ ಭೀಮಣ್ಣ ನಾಯ್ಕ ಅವರ ಅಭಿಮಾನಿ ಬಳಗದವರನ್ನು ಸಮಾಧಾನ ಮಾಡುವ ಮಾತನಾಡಿದ್ದಾರೆ. `ತಾನೂ ಎಂದಿಗೂ ಶಾಸಕ ಭೀಮಣ್ಣ ನಾಯ್ಕ ಅವರ ಕುರಿತು ಅಸಂವಿಧಾನಿಕ ಪದ ಬಳಕೆ ಮಾಡಿಲ್ಲ. ಭೀಮಣ್ಣ ನಾಯ್ಕ ಅವರ ಬಗ್ಗೆ ಅಪಾರ ಗೌರವವಿದೆ. ಅವರು ಶಾಸಕರಾದ ಕಾರಣ ಜನರ ಸಮಸ್ಯೆಗಳ ಬಗ್ಗೆ ಮಾತ್ರ ಪ್ರಶ್ನೆ ಮಾಡಿದ್ದು, ಅವರ ಮೇಲೆ ವೈಯಕ್ತಿಕ ದ್ವೇಷ ಸಾಧಿಸುತ್ತಿಲ್ಲ’ ಎಂದು ಸಹ ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ನನ್ನ ಹೋರಾಟ ಎಂದಿಗೂ ವ್ಯಕ್ತಿಯ ವಿರುದ್ಧವಲ್ಲ. ವ್ಯವಸ್ಥೆಯಲ್ಲಿರುವ ಸಮಸ್ಯೆಗಳ ವಿರುದ್ಧ ಮಾತ್ರ’ ಎಂದವರು ಪುನರುಚ್ಚರಿಸಿದ್ದಾರೆ. `ಭೀಮಣ್ಣ ನಾಯ್ಕ ಅಭಿಮಾನಿ ಬಳಗದವರ ಆರೋಪದಲ್ಲಿ ಸತ್ಯವಿಲ್ಲ. ನಾನು ವೈದ್ಯರನ್ನು ಅವಮಾನಿಸಿಲ್ಲ. ಅದಾಗಿಯೂ, ತನ್ನ ಮಾತು ತಿರುಚುವ ಪ್ರಯತ್ನ ನಡೆದಿದೆ’ ಎಂದು ಅನಂತಮೂರ್ತಿ ಹೆಗಡೆ ಅವರು ಸ್ಪಷ್ಟನೆ ನೀಡಿದ್ದಾರೆ. `ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ವಿರೋಧ ಪಕ್ಷಗಳು ಹಾಗೂ ಸಾರ್ವಜನಿಕರು ಪ್ರಶ್ನೆ ಮಾಡುವ ಹಕ್ಕು ಹೊಂದಿದ್ದಾರೆ. ಆಸ್ಪತ್ರೆಯ ಅವ್ಯವಸ್ಥೆಗಳ ಕುರಿತು ಧ್ವನಿ ಎತ್ತಿರುವುದು ಜನರ ಹಿತದೃಷ್ಟಿಯಿಂದ ಮಾತ್ರ’ ಎಂದವರು ಹೇಳಿದ್ದಾರೆ.
- [ಕಾರವಾರ | ಸರ್ಕಾರಿ ಸಭಾಂಗಣದಲ್ಲಿ ಬರ್ತಡೆ ಪಾರ್ಟಿ!](https://mobiletime.in/2026/07/karwar-birthday-party-in-a-government-hall/): ಕಾರವಾರದ ವಿಜ್ಞಾನ ಕೇಂದ್ರದಲ್ಲಿ ಅಧಿಕಾರಿಯೊಬ್ಬರ ಪುತ್ರನ `ಬರ್ತಡೆ ಪಾರ್ಟಿ’ ನಡೆದಿದೆ. ಸರ್ಕಾರಿ ಕರ್ತವ್ಯದಲ್ಲಿದ್ದ ಅನೇಕ ಅಧಿಕಾರಿಗಳು ಕರ್ತವ್ಯದ ವೇಳೆಯಲ್ಲಿಯೇ ಈ ಪಾರ್ಟಿಗೆ ಹೋಗಿದ್ದಾರೆ. ಕಾರವಾರದ ಕೋಡಿಭಾಗದಲ್ಲಿರುವ ಉಪ-ಪ್ರಾದೇಶಿಕ ವಿಜ್ಞಾನ ಕೇಂದ್ರದಲ್ಲಿ ವಿದ್ಯಾರ್ಥಿಗಳಲ್ಲಿ ವೈಜ್ಞಾನಿಕ ಮನೋಭಾವನೆ ಮೂಡಿಸುವ ಕೆಲಸ ಮಾಡಲಾಗುತ್ತದೆ. ವಿವಿಧ ಶೈಕ್ಷಣಿಕ ಕಾರ್ಯಾಗಾರ, ವಿಜ್ಞಾನ ಪ್ರದರ್ಶನ ಹಾಗೂ ಆಕಾಶ ವೀಕ್ಷಣೆಯಂತಹ ಸಾರ್ವಜನಿಕ ಉಪಯುಕ್ತ ಕಾರ್ಯಕ್ರಮಗಳಿಗೆ ಇಲ್ಲಿ ಅವಕಾಶವಿದೆ. ಆದರೆ, ಖಾಸಗಿ ಕಾರ್ಯಕ್ರಮಗಳಿಗೆ ಇಲ್ಲಿ ಅವಕಾಶವಿದೆಯೇ? ಎಂಬ ಪ್ರಶ್ನೆಗೆ `2 ಸಾವಿರ ರೂ ಪಾವತಿಸಿದರೆ ಖಾಸಗಿ ಕಾರ್ಯಕ್ರಮಕ್ಕೆ ಸಭಾಂಗಣ ಲಭ್ಯ’ ಎಂಬ ಉತ್ತರ ಬರುತ್ತದೆ. ಜುಲೈ 26ರಂದು ಸರ್ಕಾರಿ ಸೇವೆಯಲ್ಲಿರುವ ರೋಜನ ಭುಜಲೆ ಅವರ ಪುತ್ರ ಹುಟ್ಟು ಹಬ್ಬ ಆಚರಿಸಿಕೊಂಡಿದ್ದಾರೆ. ಅದು ತಮ್ಮ ತಂದೆ ಕೆಲಸ ಮಾಡುವ ಪ್ರಾದೇಶಿಕ ವಿಜ್ಞಾನ ಕೇಂದ್ರವನ್ನೇ ಅವರು ಬಳಸಿಕೊಂಡಿದ್ದಾರೆ. ವಿಜ್ಞಾನ ಚಟುವಟಿಕೆಗೆ ಮೀಸಲಿರುವ ಈ ಕೇಂದ್ರದಲ್ಲಿ ಖಾಸಗಿ ಕಾರ್ಯಕ್ರಮಕ್ಕೂ ಅವಕಾಶ ನೀಡಿದ ಬಗ್ಗೆ ಆಕ್ಷೇಪಗಳು ವ್ಯಕ್ತವಾಗಿದ್ದು, ಷರತ್ತುಗಳಿಗೆ ಒಳಪಟ್ಟು ಈ ಕೇಂದ್ರದಲ್ಲಿ ಖಾಸಗಿ ಕಾರ್ಯಕ್ರಮ ಆಯೋಜಿಸುವ ಅವಕಾಶವಿದೆ ಎಂದು ಸ್ವತಃ ಕೇಂದ್ರದ ಮುಖ್ಯಸ್ಥರಾಗಿರುವ ರೋಜನ ಭುಜಲೆ ಅವರು ಸ್ಪಷ್ಟೀಕರಣ ನೀಡಿದ್ದಾರೆ. `ಕಾರವಾರದ ಉಪ ಪ್ರಾದೇಶಿಕ ವಿಜ್ಞಾನ ಕೇಂದ್ರದ ಸಭಾಂಗಣವನ್ನು ಸರ್ಕಾರಿ ಇಲಾಖೆಗಳು, ಶೈಕ್ಷಣಿಕ ಸಂಸ್ಥೆಗಳು, ಖಾಸಗಿ ಸಂಸ್ಥೆಗಳು, ಸ್ವಯಂಸೇವಾ ಸಂಘಗಳು ಹಾಗೂ ಸಾರ್ವಜನಿಕರು ನಿಗಧಿತ ಷರತ್ತುಗಳು ಮತ್ತು ನಿಯಮಾವಳಿಗಳಿಗೆ ಒಳಪಟ್ಟು ಬಾಡಿಗೆ ಆಧಾರದ ಮೇಲೆ ಬಳಸಿಕೊಳ್ಳುವ ಅವಕಾಶವನ್ನು ಕೇಂದ್ರದ ಆರಂಭದಿoದಲೂ ಕಲ್ಪಿಸಲಾಗಿದೆ. ಸಭಾಂಗಣದ ಬಳಕೆಗೆ 2,000ರೂ ನಿಗದಿ ಮಾಡಲಾಗಿದ್ದು, ಅದನ್ನು ಆಡಳಿತ ಮಂಡಳಿ ಸಭೆ ಅನುಮೋದಿಸಿದೆ’ ಎಂದವರು ಹೇಳಿದ್ದಾರೆ. `ಈ ಸಭಾಂಗಣವನ್ನು ಕಾರ್ಯಾಗಾರಗಳು, ವಿಚಾರ ಸಂಕಿರಣಗಳು, ತರಬೇತಿ ಕಾರ್ಯಕ್ರಮಗಳು, ಶೈಕ್ಷಣಿಕ ಹಾಗೂ ಜನಜಾಗೃತಿ ಕಾರ್ಯಕ್ರಮಗಳು, ಸಮುದಾಯ ಸಭೆಗಳು, ಸನ್ಮಾನ ಸಮಾರಂಭಗಳು, ಪದವಿ ಪ್ರದಾನ ಸಮಾರಂಭಗಳು, ಜನ್ಮದಿನ ಆಚರಣೆಗಳು ಹಾಗೂ ವಿಜ್ಞಾನ ಕೇಂದ್ರದ ಉದ್ದೇಶಗಳಿಗೆ ಧಕ್ಕೆ ಉಂಟುಮಾಡದ ಇತರೆ ಸೂಕ್ತ ಕಾರ್ಯಕ್ರಮಗಳಿಗಾಗಿ ನಿಗದಿತ ನಿಯಮಾವಳಿಗಳಿಗೆ ಅನುಗುಣವಾಗಿ ಬಾಡಿಗೆಗೆ ನೀಡಲಾಗುತ್ತದೆ. ಯಾವುದೇ ಆಸಕ್ತರು ಸಭಾಂಗಣದ ಲಭ್ಯತೆ ಹಾಗೂ ನಿಗಧಿತ ಔಪಚಾರಿಕತೆಗಳನ್ನು ಪೂರ್ಣಗೊಳಿಸಿದ ನಂತರ ಇದನ್ನು ಪಾಡಿಗೆಗೆಪಡೆಯಬಹುದು’ ಎಂದವರು ಹೇಳಿದ್ದಾರೆ. `2002ರಲ್ಲಿ ಇಲ್ಲಿ ಉತ್ತರ ಕನ್ನಡ ಜಿಲ್ಲಾ ವಿಜ್ಞಾನ ಕೇಂದ್ರ ಶುರುವಾಗಿತ್ತು. 2016ರಲ್ಲಿ ಉತ್ತರ ಕನ್ನಡ ಜಿಲ್ಲಾ ವಿಜ್ಞಾನ ಕೇಂದ್ರವನ್ನು ಈ ಕಟ್ಟಡದಿಂದ ಬಿಡಿಸಿದ್ದು, ಅದು ಇದೀಗ ಪ್ರತ್ಯೇಕವಾಗಿ ಕಾರ್ಯ ನಿರ್ವಹಿಸುತ್ತಿದೆ. ಸದ್ಯ ಉಪಪ್ರಾದೇಶಿಕ ವಿಜ್ಞಾನ ಕೇಂದ್ರಕ್ಕೂ ಹಾಗೂ ಉತ್ತರ ಕನ್ನಡ ಜಿಲ್ಲಾ ವಿಜ್ಞಾನ ಕೇಂದ್ರಕ್ಕೂ ಯಾವುದೇ ಸಂಬoಧವಿಲ್ಲ’ ಎಂದು ಉತ್ತರ ಕನ್ನಡ ಜಿಲ್ಲಾ ವಿಜ್ಞಾನ ಕೇಂದ್ರದ ಅಧ್ಯಕ್ಷ ವಿಜ್ಞಾನಿ ವಿ ಎನ್ ನಾಯಕ ಅವರು ಹೇಳಿದ್ದಾರೆ.
- [ಯಲ್ಲಾಪುರ | ಆಪತ್ತು ಆಹ್ವಾನಿಸಿದ ಅಲಂಕಾರಿಕ ದೀಪ!](https://mobiletime.in/2026/07/yellapur-decorative-light-invites-danger/): ಯಲ್ಲಾಪುರ ಪಟ್ಟಣದ ಅಲಂಕಾರಕ್ಕಾಗಿ ಕೋಟ್ಯಂತರ ರೂ ವೆಚ್ಚ ಮಾಡಿ ಬೀದಿ ದೀಪಗಳ ಅಳವಡಿಕೆ ನಡೆದಿದ್ದು, ಮೂರು ವರ್ಷದೊಳಗೆ ಆ ಬೀದಿ ದೀಪಗಳು ಹಾಳಾಗಿವೆ. ರಾತ್ರಿ ವೇಳೆ ಈ ಬೀದಿ ದೀಪಗಳು ಸಮಯಕ್ಕೆ ಸರಿಯಾಗಿ ಬೆಳಗುತ್ತಿಲ್ಲ. ಹಗಲಿನಲ್ಲಿ ಅವುಗಳ ನಿರ್ವಹಣೆಯೂ ಸರಿಯಾಗಿಲ್ಲ. 2023ರಲ್ಲಿ ಯಲ್ಲಾಪುರ ಪಟ್ಟಣದಲ್ಲಿ ಬೀದಿ ದೀಪಗಳ ಅಳವಡಿಕೆ ಕಾರ್ಯ ನಡೆಸಲಾಗಿದೆ. ಆದರೆ, ಒಂದೇ ವರ್ಷದಲ್ಲಿ ಆ ಬೀದಿ ದೀಪಗಳು ನೆಲಕ್ಕೆ ಅಪ್ಪಳಿಸಿದ್ದು, ಅನೇಕ ದೀಪಗಳು ಸರಿಯಾಗಿ ಕೆಲಸ ಮಾಡುತ್ತಿಲ್ಲ. ಲೋಕೋಪಯೋಗಿ ಇಲಾಖೆ ಈ ಬೀದಿ ದೀಪ ಅಳವಡಿಕೆ ಕಾರ್ಯ ನಡೆಸಿದೆ. ಆದರೆ, ದರ ನಿರ್ವಹಣೆಯನ್ನು ಪಟ್ಟಣ ಪಂಚಾಯತಗೆ ಸೂಚಿಸಿದೆ. ಆದರೆ, ದಾಖಲೆಗಳ ಪ್ರಕಾರ ಈವರೆಗೂ ಬೀದಿ ದೀಪದ ಹಕ್ಕು ಪಟ್ಟಣ ಪಂಚಾಯತಗೆ ಹಸ್ತಾಂತರವಾಗಿಲ್ಲ. ಸದ್ಯ ಲೋಕೋಪಯೋಗಿ ಇಲಾಖೆಯವರನ್ನು ಪ್ರಶ್ನಿಸಿದರೆ ಪಟ್ಟಣ ಪಂಚಾಯತ ಕಡೆ ಹಾಗೂ ಪಟ್ಟಣ ಪಂಚಾಯತದವರನ್ನು ಪ್ರಶ್ನಿಸಿದರೆ ಲೋಕೋಪಯೋಗಿ ಇಲಾಖೆಯವರ ಕಡೆ ಬೊಟ್ಟು ತೋರಿಸುತ್ತಿದ್ದಾರೆ. ಈ ಪ್ರಾಧಿಕಾರ ಹಾಗೂ ಇಲಾಖೆ ನಡುವಿನ ಸಮನ್ವಯ ಕೊರತೆಯಿಂದಾಗಿ ಆ ಬೀದಿ ದೀಪಗಳು ಅಪಾಯ ಆಹ್ವಾನಿಸುತ್ತಿದ್ದರೂ ಅದನ್ನು ಗಮನಿಸುವವರಿಲ್ಲ. ಯಲ್ಲಾಪುರದಲ್ಲಿ ಬೀದಿ ದೀಪ ಅಳವಡಿಕೆ ಕಾಮಗಾರಿ ಇನ್ನೂ ಪೂರ್ತಿಯಾಗಿಲ್ಲ. ಇನ್ನೂ ಅನೇಕ ವಾರ್ಡುಗಳಲ್ಲಿ ದೀಪಗಳ ಅಳವಡಿಕೆ ಕೆಲಸವೂ ನಡೆದಿಲ್ಲ. ಹೀಗಿರುವಾಗಲೇ ಮೊದಲು ನೆಟ್ಟ ಕಂಬಗಳು ಮುರಿದು ಬಿದ್ದಿದ್ದು, ಹಲವು ಕಡೆ ಭೂಗತ ಮಾರ್ಗವಾಗಿ ಹುಗಿದ ವಿದ್ಯುತ್ ಕೇಬಲ್’ಗಳು ಹೊರ ಬಿದ್ದಿವೆ. ಶಾಲೆ-ಅಂಗನವಾಡಿಗಳ ಬಳಿ ವಿದ್ಯುತ್ ತಂತಿಗಳು ಹೊರ ಬಿದ್ದಿದ್ದು, ರವೀಂದ್ರ ನಗರದ ಶಾಲೆಯ ಬಳಿ ವಿದ್ಯುತ್ ತಂತಿ ಹೊರಬಿದ್ದು ಅಪಾಯ ಸೃಷ್ಠಿಸಿದೆ. ಅಲ್ಲಿದ್ದ ಕಂಬ ಮುರಿದು ಬಿದ್ದು ಅದಾದ ನಂತರ ಪಿವಿಸಿ ಪೈಪ್ ಬಳಸಿ ವಿದ್ಯುತ್ ತಂತಿ ಗಂಟು ಹಾಕಲಾಗಿದೆ. ಆದರೆ, ಆ ತಂತಿಯನ್ನು ಪಾದಚಾರಿ ಮಾರ್ಗದ ಭದ್ರತೆಗೆ ಅಳವಡಿಸಿದ ಕಬ್ಬಿಣದ ಹಿಡಿಕೆಗೆ ಸ್ಪರ್ಶಿಸಲಾಗಿದೆ. ಇದರಿಂದ ಆ ಭಾಗದಲ್ಲಿ ಇನ್ನಷ್ಟು ಅಪಾಯದ ಸಾಧ್ಯತೆಗಳಿವೆ. `ಬೀದಿ ದೀಪ ಅಳವಡಿಕೆ ಕಾಮಗಾರಿಯಲ್ಲಿ ಕೋಟ್ಯಂತರ ರೂ ಅಕ್ರಮ ನಡೆದಿದೆ. ಈ ಬಗ್ಗೆ ವಿಶೇಷ ಸಮಿತಿ ರಚಿಸಿ ತನಿಖೆ ನಡೆಸಬೇಕು. ಯಲ್ಲಾಪುರ ಪಟ್ಟಣದಲ್ಲಿ ಆಡಳಿತ ವ್ಯವಸ್ಥೆ ಹದಗೆಟ್ಟಿದ್ದು, ಅದು ಸುಧಾರಣೆಯಾಗಬೇಕು. ಈ ಬಗ್ಗೆ ಲೋಕೋಪಯೋಗಿ ಇಲಾಖೆ, ಜಿಲ್ಲಾಧಿಕಾರಿ ಹಾಗೂ ಲೋಕಾಯುಕ್ತರಿಗೂ ದೂರು ಕೊಡಲಾಗಿದೆ’ -ಸೋಮೇಶ್ವರ ನಾಯ್ಕ. ಮಾಜಿ ಸದಸ್ಯರು, ಪಟ್ಟಣ ಪಂಚಾಯತ, ಯಲ್ಲಾಪುರ
- [ಉತ್ತರ ಕನ್ನಡ | ಕಾಂಗ್ರೆಸ್ ಜಿಲ್ಲಾಧ್ಯಕ್ಷರಿಗೆ ಸಿಗಲ್ಲ ಶಾಸಕತ್ವದ ಅರ್ಹತೆ!](https://mobiletime.in/2026/07/uttara-kannada-congress-district-president-fails-to-qualify-for-mla-candidacy/): ಉತ್ತರ ಕನ್ನಡ ಜಿಲ್ಲೆಯ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ಭಾರಿ ಪೈಪೋಟಿ ನಡೆದಿದೆ. ಈ ಅಧ್ಯಕ್ಷ ಸ್ಥಾನ ಆಯ್ಕೆಗಾಗಿ ಎಐಸಿಸಿ ಹಾಗೂ ಕೆಪಿಸಿಸಿ ಸಮೀಕ್ಷಾ ತಂಡಗಳು ಜಿಲ್ಲೆಗೆ ಆಗಮಿಸಿ ಸಮೀಕ್ಷೆ ಶುರು ಮಾಡಿವೆ. ರಾಷ್ಟಿಯ ಕಾಂಗ್ರೆಸ್ ಪಕ್ಷದ ವೀಕ್ಷಕಿ ರೋಸಲಿನ್ ಟರ್ಕೆ ಅವರು ಜಿಲ್ಲೆಗೆ ಆಗಮಿಸಿ, ಅನೇಕರ ಅರ್ಜಿ ಸ್ವೀಕರಿಸುತ್ತಿದ್ದಾರೆ. ಈ ಎಲ್ಲದರ ನಡುವೆ `ಕಾಂಗ್ರೆಸ್ ಜಿಲ್ಲಾಧ್ಯಕ್ಷರಿಗೆ ಶಾಸಕರಾಗುವ ಅವಕಾಶವಿಲ್ಲ’ ಎಂಬ ಹಳೆಯ ನಿಯಮವನ್ನೇ ಈ ಬಾರಿಯೂ ಮುಂದುವರೆಸುವ ಸಾಧ್ಯತೆ ಹೆಚ್ಚಿದೆ. ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಅನೇಕ ನಿಬಂಧನೆಗಳಿವೆ. ಅದೇ ನಿಬಂಧನೆಗಳು ಉತ್ತರ ಕನ್ನಡ ಜಿಲ್ಲೆಗೂ ಅನ್ವಯವಾಗಲಿದೆ. ಅದರಲ್ಲಿ ಮುಖ್ಯವಾಗಿ ಜಿಲ್ಲಾಧ್ಯಕ್ಷ ಸ್ಥಾನ ಅಲಂಕರಿಸುವವರು ಶಾಸಕ ಸ್ಥಾನಕ್ಕೆ ಟಿಕೆಟ್ ಕೇಳುವ ಹಾಗಿಲ್ಲ. ಅದರೊಂದಿಗೆ ಜಿಲ್ಲಾಧ್ಯಕ್ಷರಾಗುವವರ ವಿರುದ್ಧ ಯಾವುದೇ ಕ್ರಿಮಿನಕ್ ಕೇಸ್ ಇರುವಂತಿಲ್ಲ. ಜಿಲ್ಲಾಧ್ಯಕ್ಷರಾಗಬಯಸುವವರು ವಿದ್ಯಾವಂತರಾಗಬೇಕಿದ್ದು, ರಾಜಕೀಯಹೊರತುಪಡಿಸಿಯೂ ಹೆಚ್ಚಿನ ಪ್ರಮಾಣದಲ್ಲಿ ಸಾರ್ವಜನಿಕ ಸಂಪರ್ಕವನ್ನು ಹೊಂದಿರಬೇಕು. ಜೊತೆಗೆ ಪೂರ್ಣಾವಧಿಗಳ ಕಾಲ ಪಕ್ಷದ ಚಟುವಟಿಕೆ ನಡೆಸಲು ಬದ್ಧರಾಗಿರಬೇಕು. ಈ ಎಲ್ಲಾ ಹಿನ್ನಲೆ ಪರಿಶೀಲಿಸಿ ಮೊದಲ ಹಂತದಲ್ಲಿ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ಒಟ್ಟು ಆರು ಜನರ ಹೆಸರನ್ನು ರಾಷ್ಟಿಯ ಕಾಂಗ್ರೆಸ್ ಪಕ್ಷದ ವೀಕ್ಷಕರು ಶಿಫಾರಸ್ಸು ಮಾಡಲಿದ್ದಾರೆ. ಆ ಆರು ಜನರಲ್ಲಿ ಸಹ ಅನೇಕ ಮೀಸಲಾತಿ ವರ್ಗಗಳಿವೆ. ಎರಡು ಹೆಸರುಗಳು ಸಾಮಾನ್ಯ, ಒಂದು ಹೆಸರು ಒಬಿಸಿ, ಒಬ್ಬ ಮಹಿಳೆ ಹಾಗೂ ಪರಿಶಿಷ್ಟ ಜಾತಿ ಹಾಗೂ ಸಮುದಾಯಕ್ಕೆ ಸೇರಿದ ಒಬ್ಬರ ಹೆಸರು ಶಿಫಾರಸ್ಸು ಪಟ್ಟಿ ಸೇರಲಿದೆ. ಇದರೊಂದಿಗೆ ಪಕ್ಷದ ವೀಕ್ಷಕರು ವಿವಿಧ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರ ಅಭಿಪ್ರಾಯ ಸಂಗ್ರಹ ಮಾಡಲಿದ್ದಾರೆ. ಪ್ರತಿ ಆಕಾಂಕ್ಷಿಯೂ ಕಾರ್ಯಕರ್ತರ ಜೊತೆಗೆಹೊಂದಿರುವ ಸಂಬoಧದ ಬಗ್ಗೆಯೂ ಅವರು ಚರ್ಚೆ ನಡೆಸಲಿದ್ದಾರೆ. ಅದೆಲ್ಲದರ ಆಧಾರದಲ್ಲಿ ಆರು ಜನರ ಹೆಸರನ್ನು ಅವರು ಹೈಕಮಾಂಡ್’ಗೆ ಕಳುಹಿಸಲಿದ್ದಾರೆ. ಆಕಾಂಕ್ಷಿಗಳ ಅರ್ಹತೆ, ಹಿನ್ನಲೆ ಹಾಗೂ ಅವರಿಂದ ಪಕ್ಷಕ್ಕೆ ಆಗಬಹುದಾದ ಲಾಭ-ನಷ್ಟ ನೋಡಿ ಕಾಂಗ್ರೆಸ್ ಜಿಲ್ಲಾಧ್ಯಕ್ಷರ ನೇಮಕಾತಿ ಮಾಡಲಿದೆ.
- [ಶ್ರೀರಾಮ | ಶ್ರೀಗಳ ಚಾತುರ್ಮಾಸ್ಯಕ್ಕೆ ಸಕಲ ಸಿದ್ಧತೆ](https://mobiletime.in/2026/07/shri-rama-all-preparations-for-the-seers-chaturmasya/): ಆರ್ಯ, ಈಡಿಗ, ನಾಮಧಾರಿ, ಬಿಲ್ಲವ ಸೇರಿ ಅನೇಕ ಸಮುದಾಯದ ಒಳಿತಿಗಾಗಿ ಶ್ರೀ ರಾಮ ಕ್ಷೇತ್ರ ಸಂಸ್ಥಾನ ಜಗದ್ಗುರು ಪೀಠ ಶ್ರಮಿಸುತ್ತಿದ್ದು, ಈ ಶಕ್ತಿಪೀಠದ ಬ್ರಹ್ಮಾನಂದ ಸರಸ್ವತೀ ಸ್ವಾಮೀಜಿಯವರು ಈ ಬಾರಿ ಬೈಂದೂರಿನಲ್ಲಿ ಚಾತುರ್ಮಾಸ್ಯ ವ್ರತಾಚರಣೆ ನಡೆಸಲಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಸಾವಿರಾರು ಭಕ್ತರು ಈ ಪವಿತ್ರ ವೃತಾಚರಣೆಯಲ್ಲಿ ಭಾಗವಹಿಸಿ ಸೇವೆ ಸಲ್ಲಿಸಲು ಸನ್ನಿದ್ಧರಾಗಿದ್ದಾರೆ. ಜುಲೈ 29ರಿಂದ ಸೆಪ್ಟೆಂಬರ್ 14ರವರೆಗೆ ಶ್ರೀ ಉಡುಪಿಯ ಬೈಂದೂರಿನ ಗೋಳಿಹೊಳೆ ಶ್ರೀ ಬಿಳಿಶಿಲೆ ವಿನಾಯಕ ದೇವಸ್ಥಾನದ ಆವಾರದಲ್ಲಿ ಶ್ರೀಗಳ ಚಾರ್ತುಮಾಸ್ಯ ವೃತ ಆಚರಣೆ ನಡೆಯಲಿದೆ. `ಪರಮಪೂಜ್ಯ ಮಹಾಮಂಡಲೇಶ್ವರ 1008 ಸದ್ಗುರು ಶ್ರೀ ಶ್ರೀ ಬ್ರಹ್ಮಾನಂದ ಸರಸ್ವತೀಜೀ ಮಹಾರಾಜರ ಚಾತುರ್ಮಾಸ್ಯ ವ್ರತಾಚರಣೆಗೆ ಎಲ್ಲಾ ಬಗೆಯ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ’ ಎಂದು ಶ್ರೀ ರಾಮ ಕ್ಷೇತ್ರ ಸಂಸ್ಥಾನ ಜಗದ್ಗುರು ಪೀಠದ ಶಿರಸಿ ವಿಭಾಗೀಯ ಅಧ್ಯಕ್ಷ ವೆಂಕಟೇಶ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. ಆರ್ಯ, ಈಡಿಗ, ನಾಮಧಾರಿ, ಬಿಲ್ಲವ ಅಭಿವೃದ್ಧಿ ಸಂಘದಿoದ ಜಂಟಿ ಸುದ್ದಿಗೋಷ್ಠಿ ನಡೆಸಿ ಕಾರ್ಯಕ್ರಮದ ರೂಪುರೇಷೆಗಳ ಬಗ್ಗೆ ಅವರು ವಿವರಿಸಿದ್ದಾರೆ. `ಈ ಬಾರಿಯ ಚಾತುರ್ಮಾಸ್ಯವು ದಿನಾಂಕ ಜುಲೈ 29ರ ಬುಧವಾರ ಗುರುಪೂರ್ಣಿಮೆಯ ದಿನ ಮುಂಜಾನೆ 07 ಗಂಟೆಗೆ ಆರಂಭವಾಗಲಿದ್ದು, ರಾಮತಾರಕ ಯಜ್ಞ ಹಾಗೂ ವೈದಿಕ ವಿಧಿ ವಿಧಾನಗಳು ನಡೆಯಲಿದೆ. ಬೆಳಿಗ್ಗೆ 10 ಗಂಟೆಗೆ ಬೈಂದೂರು ಶ್ರೀ ಸೇನೇಶ್ವರ ದೇವರಿಗೆ ಪೂಜೆ ಸಲ್ಲಿಸಿ ಶ್ರೀಗಳ ಪುರ ಪ್ರವೇಶದ ಭವ್ಯ ಮೆರವಣಿಗೆ ಆರಂಭವಾಗಲಿದೆ. 11 ಗಂಟೆಗೆ ಶ್ರೀಗಳ ವ್ಯಾಸ ಪೀಠಾರೋಹಣ, ಗುರು ಪಾದುಕಾ ಪೂಜೆ, ಶ್ರೀಗಳಿಂದ ಆಶೀರ್ವಚನ, ಪ್ರಸಾದ ಮಂತ್ರಾಕ್ಷತೆ ಸಮೇತ ಅನ್ನ ಸಂತರ್ಪಣೆ ನಡೆಯಲಿದೆ’ ಎಂದವರು ಮಾಹಿತಿ ನೀಡಿದ್ದಾರೆ. `ಪ್ರತಿದಿನ ಧರ್ಮಸಭೆಗಳು, ಭಜನೆ, ಪಾದುಕಾಪೂಜೆ, ಆಶೀರ್ವಚನ, ಮಂತ್ರಾಕ್ಷತೆ ಹಾಗೂ ಅನ್ನ ಸಂತರ್ಪಣೆ ನಡೆಯಲಿದ್ದು, ಸಂಜೆ 5:30ರಿಂದ ವಿವಿಧ ಭಕ್ತಿ ಪ್ರದಾನ, ಧಾರ್ಮಿಕ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿದೆ. ದಿನಾಂಕ ಸೆಪ್ಟೆಂಬರ್ 14ರ ನೇ ಸೋಮವಾರ ವ್ರತಾಚರಣೆ ಪೂರ್ಣಗೊಳ್ಳಲಿದ್ದು, ಅದೇ ದಿನ ಬೆಳಿಗ್ಗೆ ಶ್ರೀಗಳ ಸೀಮೋಲಂಘನ ಕಾರ್ಯಕ್ರಮವು ಉಪ್ಪುಂದದ ಶ್ರೀ ದುರ್ಗಾ ಪರಮೇಶ್ವರಿ ದೇವಾಲಯದ ತಟದಲ್ಲಿರುವ ಸುಮನಾವತಿ ನದಿಯಲ್ಲಿ ಗಂಗಾಪೂಜೆ ಸಲ್ಲಿಸುವುದರೊಂದಿಗೆ ಸಮಾಪನೆಗೊಳ್ಳಲಿದೆ’ ಎಂದವರು ತಿಳಿಸಿದರು. `ದೇಶದ ಬೇರೆ ಬೇರೆ ಭಾಗಗಳಲ್ಲಿ ಇರುವ ಶ್ರೀ ಪೀಠದ ಶಾಖಾ ಮಠದ ವ್ಯಾಪ್ತಿಯ ಲಕ್ಷಾಂತರ ಭಕ್ತರು ಭೇಟಿ ನೀಡುವ ಸಾಧ್ಯತೆಯಿದ್ದು, ಬಂದAತಹ ಭಕ್ತಾದಿಗಳಿಗೆ ಊಟ ಉಪಹಾರ ಸೇರಿದಂತೆ ಸುಲಭ ದರ್ಶನ ಹಾಗೂ ಸೇವೆ ಸಲ್ಲಿಸಲು ಅಗತ್ಯ ವ್ಯವಸ್ಥೆಯನ್ನು ಮಾಡಲಾಗಿದ್ದು, ಎಲ್ಲಾ ಸಿದ್ಧತೆಗಳು ಸಮರೋಪಾದಿಯಲ್ಲಿ ನಡೆಯುತ್ತಿದೆ’ ಎಂದವರು ಮಾಹಿತಿ ನೀಡಿದರು. `ಧರ್ಮಸಭೆಯ ಉದ್ಘಾಟನೆಯನ್ನು ಬಿಜೆಪಿಯ ರಾಷ್ಟಿಯ ಪ್ರಧಾನ ಕಾರ್ಯದರ್ಶಿಗಳಾದ ಬಿ ಎಲ್ ಸಂತೋಷ ಅವರು ನೆರವೇರಿಸಲಿದ್ದು, ಸಭಾಧ್ಯಕ್ಷತೆಯನ್ನು ಶಿವಮೊಗ್ಗ ಲೋಕಸಭಾ ಕ್ಷೇತ್ರದ ಸಂಸದ ಬಿ ವೈ ರಾಘವೇಂದ್ರ ವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಕೆ.ಪಿ.ಸಿ.ಸಿಯ ಬಿ ಕೆ ಹರಿಪ್ರಸಾದ್, ಸಂಸದರಾದ ಕೋಟಾ ಶ್ರೀನಿವಾಸ ಪೂಜಾರಿ, ವಿಶ್ವೇಶ್ವರ ಹೆಗಡೆ ಕಾಗೇರಿ, ಬ್ರೀಜೇಶ್ ಚೌಟಾ, ಮಾಜಿ ಸಚಿವರಾದ ಮಂಕಾಳು ಎಸ್ ವೈದ್ಯ, ಮಧು ಬಂಗಾರಪ್ಪ, ಕುಮಾರ್ ಬಂಗಾರಪ್ಪ, ಶಾಸಕರಾದ ಸುನಿಲ್ ಕುಮಾರ, ಗುರ್ಮೆ ಸುರೇಶ ಶೆಟ್ಟಿ, ಆರ್ ವಿ ದೇಶಪಾಂಡೆ, ಶಿವರಾಮ್ ಹೆಬ್ಬಾರ್, ಸತೀಶ್ ಸೈಲ್, ದಿನಕರ ಶೆಟ್ಟಿ, ಎಸ್ ಎಲ್ ಭೋಜೇಗೌಡ, ಶ್ರೀ ರಾಮ ಕ್ಷೇತ್ರ ಮಹಾಸಂಸ್ಥಾನ ಜಗದ್ಗುರು ಪೀಠದ ಟ್ರಸ್ಟಿಗಳು ಹಾಗೂ ಶಿರಸಿ-ಸಿದ್ದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಭೀಮಣ್ಣ ಟಿ ನಾಯ್ಕ ಸೇರಿದಂತೆ ರಾಜ್ಯ ಮತ್ತು ದೇಶ ಮಟ್ಟದ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಯೊಂದಿಗೆ ಗುರುತಿಸಿಕೊಂಡ ಹಲವಾರು ಗಣ್ಯರು ಭಾಗವಹಿಸಲಿದ್ದಾರೆ’ ಎಂದವರು ಮಾಹಿತಿ ನೀಡಿದರು. `ಸನಾತನ ಭಕ್ತಿ ಪರಂಪರೆಯ ಧರ್ಮ ರಕ್ಷಣೆಗಾಗಿ ನಡೆಯುತ್ತಿರುವ ಈ ಚಾರ್ತುಮಾಸ್ಯ ವ್ರತಾಚರಣೆಯ ಸಂದರ್ಭದಲ್ಲಿ ಎಲ್ಲಾ ಸಮಾಜ ಕುಲ ಬಾಂಧವರು, ಶ್ರೀ ಪೀಠಕ್ಕೆ ನಡೆದುಕೊಳ್ಳುವ ಎಲ್ಲಾ ಭಕ್ತಾದಿಗಳು, ಸಕುಟುಂಬ ಬಂಧು – ಬಾಂಧವರ ಸಮೇತರಾಗಿ ಭಾಗವಹಿಸಬೇಕು. ಫಲ ಮಂತ್ರಾಕ್ಷತೆ ಸ್ವೀಕರಿಸಿ ಶ್ರೀಗಳ ಕೃಪೆಗೆ ಪಾತ್ರರಾಗಬೇಕು’ ಎಂದು ಮನವಿ ಮಾಡಿದರು. ಯುವ ಮುಖಂಡ ಹಾಗೂ ಉದ್ಯಮಿ ಅಶ್ವಿನ್ ಭೀಮಣ್ಣ ನಾಯ್ಕ, ಶ್ರೀರಾಮ ಕ್ಷೇತ್ರ ಸಮಿತಿಯ ಗೌರವಾಧ್ಯಕ್ಷ ಆರ್ ಜಿ ನಾಯ್ಕ, ಶಿರಸಿ ತಾಲೂಕು ಆರ್ಯ, ಈಡಿಗ, ನಾಮಧಾರಿ, ಬಿಲ್ಲವ ಅಭಿವೃದ್ಧಿ ಸಂಘದ ನಗರಾಧ್ಯಕ್ಷ ಗಣಪತಿ ನಾಯ್ಕ ದೇವಿಕೆರೆ, ಪ್ರಧಾನ ಕಾರ್ಯದರ್ಶಿ ಶ್ರೀನಿವಾಸ ನಾಯ್ಕ, ಸದಸ್ಯರಾದ ಅನಂತ ನಾಯ್ಕ, ಗಣಪತಿ ಎಲ್ ನಾಯ್ಕ, ಮಧುಕರ ಬಿಲ್ಲವ, ದತ್ತು ರಾವ್, ಅಪೂರ್ವ ನಾಯ್ಕ, ವಿವೇಕ ಪೂಜಾರಿ ಇದ್ದರು.
- [ಅಂಕೋಲಾ | ಕಳ್ಳ ಹುಂಜನ ಕಾಟಕ್ಕೆ ಕರಗಿದ ಕರಿದೇವರ ಗುಡ್ಡ!](https://mobiletime.in/2026/07/ankola-karidevara-gudda-plagued-by-a-rogue-rooster/): ಪಾತ್ರೆ, ಸರಕು, ಸಾಮಗ್ರಿಗಳನ್ನು ಕಳ್ಳತನ ಮಾಡಿ ಬದುಕು ಕಟ್ಟಿಕೊಂಡಿದ್ದ ಅಂಕೋಲಾದ ವ್ಯಕ್ತಿಯೊಬ್ಬರು ಈಚೆಗೆ ಕರಿದೇವರ ಗುಡ್ಡದ ಕಲ್ಲುಗಳನ್ನು ಕದಿಯುತ್ತಿದ್ದಾರೆ. `ಕಳ್ಳ ಹುಂಜ’ ಖ್ಯಾತಿಯ ಆ ವ್ಯಕ್ತಿ ಸಣ್ಣಪುಟ್ಟ ಕಳ್ಳತನ ನಡೆಸಿದಾಗ ಊರಿನವರು ಹಿಡಿದು ಹೊಡೆದಿದ್ದರೂ ಕದಿಯುವ ಚಾಳಿ ಮಾತ್ರ ಬಿಟ್ಟಿಲ್ಲ. ಅಂಕೋಲಾದ ಹಾರವಾಡ ಗ್ರಾಮದ ಬಳಿ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿ ನಡೆಯುತ್ತಿದೆ. ಆ ಕಾಮಗಾರಿಗಾಗಿ ಕಲ್ಬಂಡೆಗಳನ್ನು ಒಡೆಯಲಾಗುತ್ತದೆ. ಹೀಗೆ ಒಡೆದ ಕಲ್ಲುಗಳು ಖಾಸಗಿವ್ಯಕ್ತಿಯೊಬ್ಬರ ಪಾಲಾಗುತ್ತದೆ. ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಗೆ ಲೆಕ್ಕ ಕೊಡದೇ ಗ್ರಾಮ ಪಂಚಾಯತದ ಮಾಜಿ ಸದಸ್ಯರೊಬ್ಬರು ಅದನ್ನು ತಮ್ಮ ಹಿಡಿತದಲ್ಲಿರಿಸಿಕೊಂಡಿದ್ದಾರೆ. ಈ ಅಕ್ರಮದ ಬಗ್ಗೆ ಈಗಾಗಲೇ ಸರ್ಕಾರದ ಮುಖ್ಯ ಕಾರ್ಯದರ್ಶಿಯವರೆಗೆ ದೂರು ಸಲ್ಲಿಕೆಯಾಗಿದ್ದು, ಸದ್ಯ ಸ್ಥಳೀಯರು ಸಹ ಅಕ್ರಮ ನಡೆಸುವ ಕಳ್ಳ ಹುಂಜದ ಆಟಕ್ಕೆ ಕಡಿವಾಣ ಹಾಕಬೇಕು ಎಂದು ಆಗ್ರಹಿಸಿದ್ದಾರೆ. ಹೆದ್ದಾರಿ ಕಾಮಗಾರಿ ನಡೆಸುವ ಗುತ್ತಿಗೆ ಕಂಪನಿ ಜೊತೆ ಕಲ್ಲು ಕಳ್ಳರು ಕಪ್ಪ ಕಾಣಿಕೆಯ ಒಪ್ಪಂದ ಮಾಡಿಕೊಂಡು ಈ ಅಕ್ರಮ ನಡೆಸುತ್ತಿರುವ ಆರೋಪವಿದೆ. ಇಲ್ಲಿನ ಕಲ್ಲು ಮಣ್ಣುಗಳನ್ನು ಅದೇ ಕಾಮಗಾರಿಗೆ ಬಳಸಬೇಕು ಎಂಬ ಸೂಚನೆಯಿದ್ದರೂ ಅದನ್ನು ಉಲ್ಲಂಘಿಸಿ ಬೇರೆ ಬೇರೆ ಕೆಲಸಗಳಿಗೆ ಮಾರಾಟ ಮಾಡುವ ದೂರಿದೆ. ಹಾರವಾಡ ಕರಿದೇವರ ಗುಡ್ಡದ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿ ವೇಳೆ ಕೋಟ್ಯಂತರ ರೂ ಮೌಲ್ಯದ ಕಲ್ಲು-ಬಂಡೆಗಳನ್ನು ಒಡೆಯಲಾಗಿದ್ದು, ರಾಜಾರೋಷವಾಗಿ ಅವುಗಳ ಸಾಗಾಟ ನಡೆದರೂ ಅದನ್ನು ಅಧಿಕಾರಿಗಳು ಪ್ರಶ್ನಿಸದಿರುವುದು ಅನುಮಾನಕ್ಕೆ ಕಾರಣವಾಗಿದೆ. `ಹಲವು ವರ್ಷಗಳಿಂದ ಕಲ್ಲು-ಮಣ್ಣು-ಬಂಡೆಗಳನ್ನು ಕಳ್ಳತನ ಮಾಡಿದವರ ಬಗ್ಗೆ ಸಮಗ್ರ ತನಿಖೆ ನಡೆಯಬೇಕು. ಅನ್ನ ಕೊಡುವ ಭೂತಾಯಿಯನ್ನೇ ಒಡೆದು ಅದನ್ನು ಕಾಳಸಂತೆಯಲ್ಲಿ ಮಾರಾಟ ಮಾಡುತ್ತಿರುವವರ ವಿರುದ್ಧ ಕ್ರಮವಾಗಬೇಕು’ ಎಂದು ಆ ಭಾಗದ ಜನ ಒತ್ತಾಯಿಸಿದ್ದಾರೆ.
- [ಶಿರಸಿ | ಅನ್ನಭಾಗ್ಯಕ್ಕೆ ಕನ್ನ ಹಾಕಿದ ಅಬ್ದುಲ್ಲಾ!](https://mobiletime.in/2026/07/sirsi-abdullah-pilfers-from-the-anna-bhagya-scheme/): ಶಿರಸಿಯ ಅಬ್ದುಲ್ ಕರಂ ಅವರು ಅನ್ನಭಾಗ್ಯ ಯೋಜನೆ ಫಲಾನುಭವಿಗಳಿಗೆ ದುಡ್ಡು ಕೊಟ್ಟು ಅಕ್ಕಿ ಖರೀದಿಸಿ, ಅದೇ ಅಕ್ಕಿಯನ್ನು ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿರುವುದು ಗೊತ್ತಾಗಿದೆ. ಅಬ್ದುಲ್ ಕರಂ ಅವರ ಮನೆ ಮುಂದೆ 10.75 ಕ್ವಿಂಟಾಲ್ ಅಕ್ಕಿ ದಾಸ್ತಾನು ಮಾಡಲಾಗಿದೆ. ಶಿರಸಿಯ ಕಸ್ತೂರಿಬಾ ನಗರದ ಸೂಪಾ ಸರ್ಕಲ್ ಬಳಿ ಅಬ್ದುಲ್ ಕರಂ ಇಸ್ಮಾಯಲ್ ಲಕ್ನೋ ಅವರು ವಾಸವಾಗಿದ್ದಾರೆ. ಖಾಸಗಿ ಉದ್ಯೋಗದಲ್ಲಿರುವ ಅವರು ಅಲ್ಲಿಂದ ಬರುವ ಆದಾಯದ ಜೊತೆ ಹೆಚ್ಚುವರಿ ಹಣ ಮಾಡುವುದಕ್ಕಾಗಿ ಅಡ್ಡದಾರಿ ಹಿಡಿದಿದ್ದಾರೆ. ಇದಕ್ಕಾಗಿ ಅವರು ಅನ್ನಭಾಗ್ಯ ಯೋಜನೆ ಅಡಿ ಅಕ್ಕಿಪಡೆದವರನ್ನು ಮಾತನಾಡಿಸಿ, ಅವರ ಬಳಿಯಿದ್ದ ಅಕ್ಕಿ ಸಂಗ್ರಹ ಮಾಡುತ್ತಾರೆ. ಬಡವರಿಗೆ ಹಣದ ಆಮೀಷ ಒಡ್ಡಿ ಅತ್ಯಂತ ಕಡಿಮೆ ಬೆಲೆಗೆ ಆ ಅಕ್ಕಿ ಖರೀದಿಸುತ್ತಾರೆ. ನಂತರ ಆ ಅಕ್ಕಿಯನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಾರೆ. ಈ ಕಾಳ ಸಂತೆಯ ವ್ಯವಹಾರದಿಂಲೇ ಅಬ್ದುಲ್ ಕರಂ ಅವರು ಲಕ್ಷಾಂತರ ರೂ ಹಣ ಮಾಡಿದ್ದಾರೆ. ಅನ್ನಭಾಗ್ಯ ಯೋಜನೆ ಅಡಿ ವಿತರಿಸುವ ಅಕ್ಕಿ ದುರುಪಯೋಗವಾಗುತ್ತಿರುವ ಬಗ್ಗೆ ಆಹಾರ ನಿರೀಕ್ಷಕಿ ಕವಿತಾ ಪಾಟಣಕರ್ ಅವರಿಗೆ ವ್ಯಕ್ತಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಈ ಬಗ್ಗೆ ಕಾರ್ಯಾಚರಣೆ ನಡೆಸುವಂತೆ ದೂರುದಾರರು ಹೇಳಿದ್ದು, ಅದರ ಪ್ರಕಾರ ಕವಿತಾ ಪಾಟಣಕರ್ ಅವರು ಜುಲೈ 25ರ ರಾತ್ರಿ ಅಬ್ದುಲ್ ಕರಿಂ ಅವರ ಮನೆ ಮೇಲೆ ದಾಳಿ ಮಾಡಿದ್ದಾರೆ. ಆಗ, ಮನೆ ಮುಂದೆಯೇ 22 ಚೀಲದಲ್ಲಿ ದಾಸ್ತಾನು ಮಾಡಿದ್ದ ಸರ್ಕಾರಿ ಅಕ್ಕಿ ಕಾಣಿಸಿದೆ. ಕೂಡಲೇ ಅಧಿಕಾರಿಗಳು ಅದನ್ನು ವಶಕ್ಕೆಪಡೆದಿದ್ದಾರೆ. ಈ ದಾಳಿ ನೋಡಿದ ಅಬ್ದುಲ್ ಕರಂ ತಕ್ಷಣ ಅಲ್ಲಿಂದ ಓಡಿ ಹೋಗಿದ್ದಾರೆ. ಅವರನ್ನು ಹುಡುಕಿ ಕಾನೂನು ಕ್ರಮ ಜರುಗಿಸುವುದಕ್ಕಾಗಿ ಕವಿತಾ ಪಾಟಣಕರ್ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಕುಮಟಾ | ಮಹಿಳೆ ಮೈ ಮುಟ್ಟಿದವನಿಗೆ 20 ವರ್ಷ ಜೈಲು!](https://mobiletime.in/2026/07/kumta-20-years-in-jail-for-man-who-touched-a-woman-inappropriately/): ಶಾಲೆಗೆ ಹೋಗುವ ಬಾಲಕಿಯ ಮೈ ಮುಟ್ಟಿದ ಗೋವಿಂದ ಹರಿಕಂತ್ರ ಅವರಿಗೆ ನ್ಯಾಯಾಲಯ 20 ವರ್ಷ ಕಠಿಣ ಕಾರಾಗೃಹ ಶಿಕ್ಷೆವಿಧಿಸಿದೆ. ಅಪ್ತಾಪ್ತೆ ಮೇಲೆ ಅತ್ಯಾಚಾರ ನಡೆಸಿದಕ್ಕಾಗಿ ಜೈಲು ಶಿಕ್ಷೆ ಅನುಭವಿಸುವುದರ ಜೊತೆ 1 ಲಕ್ಷ ರೂ ದಂಡವನ್ನು ಪಾವತಿಸುವಂತೆ ಆದೇಶಿಸಿದೆ. ಕುಮಟಾದ ಹೊಸಕಟ್ಟಾ ಗ್ರಾಮದ ತೊರೆಗಜನಿಯಲ್ಲಿ ಗೋವಿಂದ ಚೌಡು ಹರಿಕಂತ್ರ ಅವರು ವಾಸವಾಗಿದ್ದರು. ಕಾಮುಕ ಬುದ್ದಿಯ ಗೋವಿಂದ ಹರಿಕಂತ್ರ ಬಾಲಕಿಯೊಬ್ಬರನ್ನು ಲೈಂಗಿಕವಾಗಿ ಬಳಸಿಕೊಂಡಿದ್ದರು. 2022ರಲ್ಲಿ ಸಂತ್ರಸ್ತೆ ಈ ವಿಷಯ ಪಾಲಕರ ಬಳಿ ಹೇಳಿದ್ದು, ಅದು ಪೊಲೀಸ್ ಠಾಣೆ ಮೆಟ್ಟಿಲೇರಿತ್ತು. ಮಕ್ಕಳ ಸ್ನೇಹಿ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ನಡೆಸಿದ್ದರು. 48 ವರ್ಷದ ಗೋವಿಂದ ಹರಿಕಂತ್ರ ಅವರ ಕ್ರೂರ ನಡೆಯನ್ನು ಪೊಲೀಸರು ದೋಷಾರೋಪಣ ಪಟ್ಟಿಯಲ್ಲಿ ವಿವರಿಸಿದ್ದರು. ಆ ವೇಳೆ ಕುಮಟಾ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕರಾಗಿದ್ದ ವಸಂತ ಆಚಾರ್ ಅವರು ಸಮಗ್ರ ತನಿಖೆ ನಡೆಸಿ, ನ್ಯಾಯಾಲಯಕ್ಕೆ ತಮ್ಮ ವರದಿ ಒಪ್ಪಿಸಿದ್ದರು. ವಿಶೇಷ ಸಾರ್ವಜನಿಕ ಅಭಿಯೋಜಕ ಗುರುಶಾಂತಯ್ಯ ಕುರ್ಡಿಕೇರಿ ಅವರು ವಾದ ಮಂಡಿಸಿ, ಆರೋಪಿಗೆ ಕಠಿಣ ಶಿಕ್ಷೆ ವಿಧಿಸುವಂತೆ ಮನವಿ ಮಾಡಿದ್ದರು. ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯದ ವಿವಿಧ ಸಾಕ್ಷ್ಯಾಧಾರಗಳು ಮತ್ತು ಪುರಾವೆಗಳನ್ನು ಗಮನಿಸಿತು. ಆರೋಪ ಸಾಭೀತಾದ ಹಿನ್ನಲೆ ನ್ಯಾಯಾಧೀಶೆ ಪ್ರತಿಭಾ ಬಂಡೂರಾವ್ ಕುಲಕರ್ಣಿ ಅವರು ಆರೋಪಿಗೆ 20 ವರ್ಷಗಳ ಜೈಲು ಶಿಕ್ಷೆ ಹಾಗೂ 1 ಲಕ್ಷ ದಂಡ ವಿಧಿಸಿದರು. .
- [ಕುಮಟಾ | ಮಹಿಳೆ ಮೈ ಮುಟ್ಟಿದವನಿಗೆ 20 ವರ್ಷ ಜೈಲು!](https://mobiletime.in/2026/07/__trashed-2/): ಶಾಲೆಗೆ ಹೋಗುವ ಬಾಲಕಿಯ ಮೈ ಮುಟ್ಟಿದ ಗೋವಿಂದ ಹರಿಕಂತ್ರ ಅವರಿಗೆ ನ್ಯಾಯಾಲಯ 20 ವರ್ಷ ಕಠಿಣ ಕಾರಾಗೃಹ ಶಿಕ್ಷೆವಿಧಿಸಿದೆ. ಅಪ್ತಾಪ್ತೆ ಮೇಲೆ ಅತ್ಯಾಚಾರ ನಡೆಸಿದಕ್ಕಾಗಿ ಜೈಲು ಶಿಕ್ಷೆ ಅನುಭವಿಸುವುದರ ಜೊತೆ 1 ಲಕ್ಷ ರೂ ದಂಡವನ್ನು ಪಾವತಿಸುವಂತೆ ಆದೇಶಿಸಿದೆ. ಕುಮಟಾದ ಹೊಸಕಟ್ಟಾ ಗ್ರಾಮದ ತೊರೆಗಜನಿಯಲ್ಲಿ ಗೋವಿಂದ ಚೌಡು ಹರಿಕಂತ್ರ ಅವರು ವಾಸವಾಗಿದ್ದರು. ಕಾಮುಕ ಬುದ್ದಿಯ ಗೋವಿಂದ ಹರಿಕಂತ್ರ ಬಾಲಕಿಯೊಬ್ಬರನ್ನು ಲೈಂಗಿಕವಾಗಿ ಬಳಸಿಕೊಂಡಿದ್ದರು. 2022ರಲ್ಲಿ ಸಂತ್ರಸ್ತೆ ಈ ವಿಷಯ ಪಾಲಕರ ಬಳಿ ಹೇಳಿದ್ದು, ಅದು ಪೊಲೀಸ್ ಠಾಣೆ ಮೆಟ್ಟಿಲೇರಿತ್ತು. ಮಕ್ಕಳ ಸ್ನೇಹಿ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ನಡೆಸಿದ್ದರು. 48 ವರ್ಷದ ಗೋವಿಂದ ಹರಿಕಂತ್ರ ಅವರ ಕ್ರೂರ ನಡೆಯನ್ನು ಪೊಲೀಸರು ದೋಷಾರೋಪಣ ಪಟ್ಟಿಯಲ್ಲಿ ವಿವರಿಸಿದ್ದರು. ಆ ವೇಳೆ ಕುಮಟಾ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕರಾಗಿದ್ದ ವಸಂತ ಆಚಾರ್ ಅವರು ಸಮಗ್ರ ತನಿಖೆ ನಡೆಸಿ, ನ್ಯಾಯಾಲಯಕ್ಕೆ ತಮ್ಮ ವರದಿ ಒಪ್ಪಿಸಿದ್ದರು. ವಿಶೇಷ ಸಾರ್ವಜನಿಕ ಅಭಿಯೋಜಕ ಗುರುಶಾಂತಯ್ಯ ಕುರ್ಡಿಕೇರಿ ಅವರು ವಾದ ಮಂಡಿಸಿ, ಆರೋಪಿಗೆ ಕಠಿಣ ಶಿಕ್ಷೆ ವಿಧಿಸುವಂತೆ ಮನವಿ ಮಾಡಿದ್ದರು. ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯದ ವಿವಿಧ ಸಾಕ್ಷ್ಯಾಧಾರಗಳು ಮತ್ತು ಪುರಾವೆಗಳನ್ನು ಗಮನಿಸಿತು. ಆರೋಪ ಸಾಭೀತಾದ ಹಿನ್ನಲೆ ನ್ಯಾಯಾಧೀಶೆ ಪ್ರತಿಭಾ ಬಂಡೂರಾವ್ ಕುಲಕರ್ಣಿ ಅವರು ಆರೋಪಿಗೆ 20 ವರ್ಷಗಳ ಜೈಲು ಶಿಕ್ಷೆ ಹಾಗೂ 1 ಲಕ್ಷ ದಂಡ ವಿಧಿಸಿದರು. .
- [ಯಲ್ಲಾಪುರ | ಬಗೆ ಬಗೆಯ ಗಿಡಗಳು.. ಬಾಯಲ್ಲಿ ನೀರುಣಿಸುವ ಖಾದ್ಯಗಳು: ಈ ಬಾರಿಯ ಸಸ್ಯ ಸಂಭ್ರಮಕ್ಕೆ ನೀವು ಸಾಕ್ಷಿಯಾಗಿ!](https://mobiletime.in/2026/07/yellapur-a-variety-of-plants-mouth-watering-delicacies-come-and-witness-this-years-plant-extravaganza/): ಯಲ್ಲಾಪುರದ ಸಮಾನ ಮನಸ್ಕ ಮಹಿಳೆಯರೆಲ್ಲರೂ ಸೇರಿ `ಸಸ್ಯ ಸಂಭ್ರಮ’ ನಡೆಸಲು ನಿರ್ಧರಿಸಿದ್ದಾರೆ. ಎರಡು ದಿನಗಳ ಕಾಲ ಎಪಿಎಂಸಿ ಬಳಿ ಈ ಉತ್ಸವ ನಡೆಯಲಿದೆ. ಮಹಿಳಾ ಸ್ವಾವಲಂಬನೆಯನ್ನು ಮುಖ್ಯವಾಗಿರಿಸಿಕೊಂಡು ಈ ಕಾರ್ಯಕ್ರಮ ಆಯೋಜಿಸಲಾಗಿದೆ. ಯಲ್ಲಾಪುರ ಹಾಗೂ ಸುತ್ತಲಿನ ಮಹಿಳೆಯರಾದ ಆಶಾ ಪಟೇಲ್, ಸವಿತಾ ಭಟ್ಟ ಜಮಗುಳಿ, ಶ್ವೇತಾ ಗೇರಗದ್ದೆ, ಗಾಯತ್ರಿ ಬೋಳಗುಡ್ಡೆ, ಅನಿತಾ ಹೆಗಡೆ, ಜಾಹ್ನವಿ ಮಣ್ಮನೆ ಸೇರಿ ಇನ್ನೂ ಅನೇಕರು ತಮ್ಮ ಮನೆ ಮನೆಯಲ್ಲಿ ಬೆಳೆದ ಹೂವು-ಹಣ್ಣು-ತರಕಾರಿ ಗಿಡಗಳನ್ನು ಈ ಪ್ರದರ್ಶನಕ್ಕೆ ತರಲಿದ್ದಾರೆ. ಅವುಗಳನ್ನು ಬೆಳೆಯಲು ಆಸಕ್ತಿವಹಿಸಿದವರಿಗೆ ಅವರೆಲ್ಲರೂ ಸೇರಿ ಸೂಕ್ತ ಮಾರ್ಗದರ್ಶನವನ್ನು ಸಹ ಮಾಡಲಿದ್ದಾರೆ. ಮೊದಲು ಹವ್ಯಾಸಕ್ಕಾಗಿ ಮಾಡಿದ ಕೈತೋಟಗಳು ಇದೀಗ ಉತ್ತಮ ಉದ್ಯಮವಾಗಿದ್ದು, ಬಿಡುವಿನ ವೇಳೆ ಹೂವು-ಗಿಡ ಮಾರಾಟದಿಂದ ಮಹಿಳೆಯರು ಆರ್ಥಿಕ ಸ್ವಾವಲಂಬನೆಯ ಹಾದಿ ಹಿಡಿದಿದ್ದಾರೆ. ಇಲ್ಲಿನ ತ್ರಿಪುರಾಂಭಿಕಾ ಮಹಿಳಾ ಒಕ್ಕೂಟದ ಸದಸ್ಯರು ಕಳೆದ 10 ವರ್ಷಗಳಿಂದ `ಸಸ್ಯ ಸಂಭ್ರಮ’ ಆಯೋಜಿಸುತ್ತಿದ್ದಾರೆ. ಇದಕ್ಕೆ ಶ್ರೀಮಾತಾ ರೈತ ಉತ್ಪಾದಕ ಕಂಪನಿ ಸಹಯೋಗ ನೀಡಿದ್ದು, ಈ ವರ್ಷವೂ ಅಗಸ್ಟ 1 ಹಾಗೂ 2ರಂದು ಈ ಸಂಭ್ರಮ ನಡೆಯಲಿದೆ. ಮುಖ್ಯವಾಗಿ ಪಟ್ಟಣದ ನಿವಾಸಿಗಳು ಮನೆ ತಾರಸಿ ಮೇಲೆ ಬೆಳೆಯಬಹುದಾದ ಹೂವು-ಹಣ್ಣು-ತರಕಾರಿಗಳ ಬಗ್ಗೆ ಇಲ್ಲಿ ಮಾಹಿತಿ ಸಿಗುತ್ತದೆ. ಜೊತೆಗೆ ಅತಿ ಚಿಕ್ಕ ಜಾಗದಲ್ಲಿಯೇ ಮಾಡಬಹುದಾದ ಕೃಷಿಯ ಬಗ್ಗೆಯೂ ಅರಿವು ಮೂಡಿಸಲಾಗುತ್ತದೆ. ಅದರೊಂದಿಗೆ ಗಿಡಗಳ ಪ್ರದರ್ಶನ ಹಾಗೂ ಮಾರಾಟವೂ ನಡೆಯಲಿದೆ. ಈ ಬಾರಿ ಕೇರಳದ ಕೆಲ ಹೂವಿನ ಗಡ್ಡೆ, ಅಲಂಕಾರಿಕ ಗಿಡಗಳು ಸಸ್ಯ ಸಂಭ್ರಮಕ್ಕೆ ಸಾಕ್ಷಿ ಆಗಲಿದೆ. ಡೇರೆ, ಸೇವಂತಿಗೆ ಸೇರಿ ಬಗೆ ಬಗೆಯ ಹೂವುಗಳ ಜೊತೆ ವಿಶಿಷ್ಟ ಬಗೆಯ ಗಡ್ಡೆಗಳು ಗಮನಸೆಳೆಯಲಿವೆ. ಇದರೊಂದಿಗೆ ಎರಡು ದಿನಗಳ ಕಾಲ ಅಲ್ಲಿಯೇ ಮಲೆನಾಡಿನ ತಿಂಡಿಗಳನ್ನು ವಿತರಿಸಲಾಗುತ್ತದೆ. ಸಂಜೆ 5 ಗಂಟೆಯಿAದ ರಾತ್ರಿ 8.30ರವರೆಗೆ ಅಲ್ಲಿಯೇ ಅಡುಗೆ ಮಾಡಿ ಬಡಿಸಲಾಗುತ್ತದೆ. ಈ ಎಲ್ಲಾ ಕಾರ್ಯಕ್ರಮವನ್ನು ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಹಿಮವತಿ ಭಟ್ಟ ಅವರು ಉದ್ಘಾಟಿಸಲಿದ್ದಾರೆ. ಮಹಿಳಾ ಸಾಧಕಿ ಗೀತಾ ರಾಜಾರಾಮ ವೈದ್ಯ ಅವರನ್ನು ಈ ವೇದಿಕೆಯಲ್ಲಿ ಗೌರವಿಸಲಾಗುತ್ತದೆ. ವೈವಿಧ್ಯಮಯ ತಿಂಡಿಗಳ ಮಾರಾಟ,ಪ್ರಾತ್ಯಕ್ಷಿಕೆಗಳಿಗೆ ಸಾವಿರಾರು ಜನ ಸಾಕ್ಷಿಯಾಗುವ ನಿರೀಕ್ಷೆಯಿದೆ. ಉತ್ತಮ ರೀತಿ ಬೆಳೆಸಿದ ಗಿಡಕ್ಕೆ ಬಹುಮಾನ ನೀಡುವ ಸ್ಪರ್ಧೆಯನ್ನು ಸಹ ಸಂಘಟಕರು ಆಯೋಜಿಸಿದ್ದಾರೆ. `ಸಸ್ಯ ಸಂಭ್ರಮ ಮಹಿಳೆಯರಿಗೆ ಸ್ವಂತ ಕೈತೋಟ ಬೆಳೆಸಲು ಪ್ರೇರಣೆ ನೀಡಿದೆ. ಇದರಿಂದ ಅನೇಕ ಮಹಿಳೆಯರು ಇದರಿಂದ ಸ್ವಾವಲಂಬನೆ ಕಂಡುಕೊoಡಿದ್ದಾರೆ’ ಎಂದು ಒಕ್ಕೂಟದ ಉಪಾಧ್ಯಕ್ಷೆ ಸಂಧ್ಯಾ ಕೊಂಡದಕುಳಿ ಹಾಗೂ ನಿರ್ದೇಶಕಿ ಮುಕ್ತಾ ಶಂಕರ ಅವರು ಅನಿಸಿಕೆಹಂಚಿಕೊoಡಿದ್ದಾರೆ.  
- [ಶಿರಸಿ | ಸ್ಕೋಡ್‌ವೆಸ್ ಸಾರಥಿಗೆ ಮತ್ತೊಂದು ಪ್ರಶಸ್ತಿ](https://mobiletime.in/2026/07/sirsi-another-award-for-scodves-chief/): ಹಿರಿಯ ನಾಗರಿಕರು ಮತ್ತು ಎಂಡೋಸಲ್ಫಾನ್ ಬಾಧಿತ ವಿಶೇಷ ಚೇತನರ ಸಬಲೀಕರಣ ಕ್ಷೇತ್ರದಲ್ಲಿ ಸಲ್ಲಿಸಿದ ಸೇವೆಯನ್ನು ಪರಿಗಣಿಸಿ ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಮಹಾಸಂಸ್ಥೆಯೂ ಪ್ರತಿಷ್ಠಿತ ಸ್ಕೊಡ್‌ವೆಸ್ ಸಂಸ್ಥೆಗೆ `ಸಮಾಜ ಸೇವಾ ಶ್ರೇಷ್ಠತಾ ಪ್ರಶಸ್ತಿ’ ನೀಡಿದೆ. ಸ್ಕೋಡ್‌ವೆಸ್ ಸಾರಥಿಗಳಾದ ವೆಂಕಟೇಶ ನಾಯಕ ಹಾಗೂ ಸರಸ್ವತಿ ಎನ್ ರವಿ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. FKCCI ಗ್ಲೋಬಲ್ ಸಿ.ಎಸ್.ಆರ್ & ಸಸ್ಟೇನೇಬಿಲಿಟಿ ಸಮಿಟ್ 2026ನ ಅಂತರರಾಷ್ಟಿಯ ಮಟ್ಟದ ಭವ್ಯ ಸಮಾರಂಭದಲ್ಲಿ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ. ರಾಷ್ಟ ಮತ್ತು ಅಂತರರಾಷ್ಟ ಮಟ್ಟದ ಸಿಎಸ್‌ಆರ್ ಕಾರ್ಯಕ್ರಮಗಳು ಆದ್ಯತಾ ಕ್ಷೇತ್ರದಲ್ಲಿ ಪರಿಣಾಮಕಾರಿಯಾಗಿ ಅನುಷ್ಟಾನಗೊಳ್ಳಬೇಕೆಂಬ ಉದ್ದೇಶದ ಮೇರೆಗೆ ಕಾರ್ಯನಿರ್ವಹಿಸುತ್ತಿರುವ ವಿವಿಧ ಪ್ರತಿಷ್ಠಿತ ಕಂಪನಿಗಳು, ಸ್ವಯಂ ಸೇವಾ ಸಂಸ್ಥೆಗಳ ಸಮನ್ವಯತೆಗಾಗಿ ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಮಹಾಸಂಸ್ಥೆಯೂ ಸಂಘಟಿಸಿದ್ದ ಕಾರ್ಯಕ್ರಮಕ್ಕೆ ಸ್ಕೊಡ್‌ವೆಸ್ ಸಂಸ್ಥೆಯನ್ನು ವಿಶೇಷವಾಗಿ ಆಹ್ವಾನಿಸಿ ಗೌರವಿಸಲಾಗಿದೆ. ಪ್ರಶಸ್ತಿ ಪ್ರದಾನ ಮಾಡಿದ ಸಂಸದೆ ಪ್ರಭಾ ಮಲ್ಲಿಕಾರ್ಜುನ್ ಸ್ಕೊಡ್‌ವೆಸ್ ಸಂಸ್ಥೆಯ ಸಾಧನೆಯನ್ನು ಅಭಿನಂದಿಸಿದರು. ಸಮಾರಂಭದಲ್ಲಿ FKCCIನ ಪ್ರಥಮ ಮಹಿಳಾ ಅಧ್ಯಕ್ಷೆ ಉಮಾ ರೆಡ್ಡಿ ಅಧ್ಯಕ್ಷತೆವಹಿಸಿದ್ದರು. FKCCIನ ಹಿರಿಯ ಉಪಾಧ್ಯಕ್ಷ ಟಿ ಸಾಯಿರಾಂ ಪ್ರಸಾದ್, ಯು.ಎನ್.ಆರ್.ಸಿಯ ಇಂಡಿಯಾ ಹೆಡ್ ಸ್ಟೀಫನ್ ಪ್ರೆöÊಸನರ್, ಇಸ್ರೇಲ್ ಜನರಲ್ ಕನ್ಸೂಲೇಟ್‌ನ ಓರ್ಲಿ ವೈಟ್ಸ್ಮನ್, ಯು.ಎನ್. ಗ್ಲೋಬಲ್ ಕಾಂಪಾಕ್ಟ್ ನೆಟ್‌ವರ್ಕ ಇಂಡಿಯಾದ ಕಾರ್ಯನಿರ್ವಾಹಕ ನಿರ್ದೇಶಕ ರತ್ನೇಶ್, ಲೂಥ್ರಾ ಗ್ರೂಪ್‌ನ ಚೇರಮನ್ ಗಿರೀಶ್ ಲೂಥ್ರಾ ಇತರರು ಇದ್ದರು.
- [ಬನವಾಸಿ | ಊರು ಬಿಟ್ಟು ಓಡಿದ ಸಂತೋಷ!](https://mobiletime.in/2026/07/banavasi-the-joy-of-running-away-from-home/): ಅಪ್ರಾಪ್ತೆ ಮೇಲಿನ ಅತ್ಯಾಚಾರ, ಸುಲಿಗೆ, ಮಾದಕ ದೃವ್ಯ ಸಾಗಾಟ, ಕಳ್ಳತನ ಸೇರಿ ಸಮಾಜಘಾತುಕ ಕೃತ್ಯದಲ್ಲಿ ಭಾಗಿಯಾಗಿದ್ದ ಸಂತೋಷ ಬೋವಿವಡ್ಡರ್ ಅವರನ್ನು ಪೊಲೀಸರು ಊರು ಬಿಟ್ಟು ಓಡಿಸಿದ್ದಾರೆ. ಸದ್ಯ ಸಂತೋಷ ಬೊವಿವಡ್ಡರ್ ಬೆಂಗಳೂರು ತಲುಪಿದ್ದು, ಅಲ್ಲಿಯೇ ಹೊಸ ಜೀವನ ಶುರು ಮಾಡುವ ಪ್ರಯತ್ನದಲ್ಲಿದ್ದಾರೆ. ಶಿರಸಿ ಬನವಾಸಿಯ ಬದನಗೋಡಿನ ಸಂತೋಷ ಫಕ್ಕಿರಪ್ಪ ಬೋವಿವಡ್ಡರ್ ಅವರು ವಾಸವಾಗಿದ್ದರು. 27ನೇ ವಯಸ್ಸಿನಲ್ಲಿಯೇ ಅವರು ರೌಡಿಯಾಗಿ ಗುರುತಿಸಿಕೊಂಡಿದ್ದು, ಅಪ್ತಾಪ್ತೆಯೊಬ್ಬರ ಮೇಲಿನ ಅತ್ಯಾಚಾರ ಪ್ರಕರಣದಲ್ಲಿ ಸಿಕ್ಕಿಬಿದ್ದಿದ್ದರು. ಜೊತೆಗೆ ಸುಲಿಗೆ, ಗಾಂಜಾ ಸಾಗಾಟ, ಕಳ್ಳತನ ಸೇರಿ 11 ಕೇಸುಗಳು ಅವರ ವಿರುದ್ಧ ದಾಖಲಾಗಿದ್ದವು. 10 ಪ್ರಕರಣಗಳ ವಿಚಾರಣೆ ನಡೆದಿದ್ದು, ಒಂದು ಪ್ರಕರಣದ ತನಿಖೆ ನಡೆಯುತ್ತಿತ್ತು. ಈ ಎಲ್ಲದರ ನಡುವೆ ಸಂತೋಷ ಬೋವಿವಡ್ಡರ್ ಅವರಿಗೆ ಪೊಲೀಸರು ಸಾಕಷ್ಟು ಎಚ್ಚರಿಕೆ ನೀಡಿದ್ದರು. ಆದರೆ, ಸಂತೋಷ ಬೋವಿವಡ್ಡರ್ ಅವರ ವರ್ತನೆಯಲ್ಲಿ ಯಾವ ಬದಲಾವಣೆಯೂ ಆಗಿರಲಿಲ್ಲ. ಹೀಗಾಗಿ ಬನವಾಸಿ ಪೊಲೀಸರು ಸಂತೋಷ ಬೋವಿವಡ್ಡರ್ ವಿರುದ್ಧ ರೌಡಿ ಶೀಟರ್ ಹಾಳೆ ತೆರೆದು, ಅವರ ಮೇಲೆ ನಿಗಾವಿರಿಸಿದ್ದರು. ಸಮಾಜಘಾತಕ ಕೃತ್ಯ ಮುಂದುವರೆದ ಕಾರಣ ಅವರ ಉಪಟಳ ಸಹಿಸಿಕೊಳ್ಳುವ ಹಾಗಿರಲಿಲ್ಲ. ಅದಕ್ಕಾಗಿ ಪೊಲೀಸರು ಅವರನ್ನು ಊರು ಬಿಟ್ಟು ಓಡಿಸಲು ನಿರ್ಧರಿಸಿದ್ದು, ಗಡಿಪಾರು ಮಾಡುವಂತೆ ಮೇಲಧಿಕಾರಿಗಳಿಗೆ ಮನವಿ ಮಾಡಿದ್ದರು. ಬನವಾಸಿ ಪೊಲೀಸರು ಕಳುಹಿಸಿದ ಶಿಪಾರಸ್ಸು ಗಮನಿಸಿದ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸಂತೋಷ ಬೋವಿವಡ್ಡರ್ ಅವರಿಗೆ ನೋಟಿಸ್ ಜಾರಿ ಮಾಡಿದರು. ಅದಕ್ಕೆ ಸೂಕ್ತ ಸಮಜಾಯಿಶಿ ಬಾರದ ಕಾರಣ ಗಡಿಪಾರು ಮಾಡಿ ಆದೇಶ ಹೊರಡಿಸಿದರು. ಅಲ್ಲಿ-ಇಲ್ಲಿ ಅಲೆದಾಡುತ್ತಿದ್ದ ಸಂತೋಷ ಬೋವಿವಡ್ಡರ್ ಅವರನ್ನು ಹಿಡಿದ ಪೊಲೀಸರು ಅವರನ್ನು ಬೆಂಗಳೂರಿಗೆ ಕರೆದೊಯ್ದರು. ಅತ್ತಿಬೆಲೆ ಪೊಲೀಸ್ ಠಾಣೆಗೆ ಅವರನ್ನು ಹಾಜರುಪಡಿಸಿ, ಮುಂದಿನ ಆದೇಶದವರೆಗೂ ಉತ್ತರ ಕನ್ನಡ ಜಿಲ್ಲೆಗೆ ಬಾರದಂತೆ ಸೂಚಿಸಿದರು. ಸದ್ಯ ಸಂತೋಷ ಬೋವಿವಡ್ಡರ್ ಅವರು ಅತ್ತಿವೇರಿ ಪೊಲೀಸ್ ಠಾಣೆಯಲ್ಲಿ ಸಹಿ ಹಾಕಬೇಕಿದ್ದು, ಅವರ ಚಲನ-ವಲನದ ಬಗ್ಗೆ ಅಲ್ಲಿನ ಪೊಲೀಸರು ಕಣ್ಣಿಟ್ಟಿದ್ದಾರೆ.
- [ತಹಶೀಲ್ದಾರ್ ಕಚೇರಿ ಮೇಲೆ ಲೋಕಾಯುಕ್ತ ದಾಳಿ](https://mobiletime.in/2026/08/lokayukta-raid-on-tahsildars-office/): ಶಿರಸಿ ಹಾಗೂ ಕಾರವಾರದ ತಹಶೀಲ್ದಾರ್ ಕಚೇರಿ ಮೇಲೆ ಲೋಕಾಯುಕ್ತ ದಾಳಿ ನಡೆದಿದೆ. ದಿಢೀರ್ ದಾಳಿ ನಡೆಸಿದ ಲೋಕಾಯುಕ್ತ ಅಧಿಕಾರಿಗಳು ಕಂದಾಯ ದಾಖಲೆ ಪರಿಶೀಲನೆ ನಡೆಸಿದ್ದಾರೆ. ತಹಶೀಲ್ದಾರ್ ಕಚೇರಿಯಲ್ಲಿದ್ದ ಅಧಿಕಾರಿ ಹಾಗೂ ಸಿಬ್ಬಂದಿಗಳನ್ನು ಮಾತನಾಡಿಸಿದ ಲೋಕಾಯುಕ್ತರು ವಿವಿಧ ಪ್ರಶ್ನೆ ಕೇಳಿದ್ದಾರೆ. ಅಲ್ಲಿದ್ದ ಸಿಬ್ಬಂದಿಯಿಂದ ವಿವಿಧ ಮಾಹಿತಿ ಪಡೆದಿದ್ದಾರೆ. ವಿವಿಧ ವಿಭಾಗಗಳ ದಾಖಲೆಗಳನ್ನು ಪರಿಶೀಲಿಸಿದ‌‌ ಲೋಕಾಯುಕ್ತ ಅಧಿಕಾರಿಗಳು ತಮ್ಮ ಗೊಂದಲಗಳ ಕುರಿತು ಅಧಿಕಾರಿಗಳ ಬಳಿ ಪ್ರಶ್ನಿಸಿದ್ದಾರೆ. ಕಚೇರಿಯಲ್ಲಿನ ಕಡತಗಳು ಮತ್ತು ದಾಖಲೆಗಳ ಪರಿಶೀಲನೆ ಮುಂದುವರಿದಿದ್ದು, ಲೋಕಾಯುಕ್ತ ತಂಡದ ದಿಢೀರ್ ಕಾರ್ಯಾಚರಣೆಗೆ ನಿಖರ ಕಾರಣವೇನು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಪರಿಶೀಲನೆ ಬಳಿಕವೇ ದಾಳಿಯ ಉದ್ದೇಶ ಹಾಗೂ ಅಧಿಕಾರಿಗಳ ಗಮನಕ್ಕೆ ಬಂದಿರುವ ಅಂಶಗಳ ಕುರಿತು ಹೆಚ್ಚಿನ ಮಾಹಿತಿ ಹೊರಬರುವ ನಿರೀಕ್ಷೆಯಿದೆ. ಮಾಹಿತಿಗಳ ಪ್ರಕಾರ ಮಂಗಳವಾರ ಬೆಂಗಳೂರಿನಿಂದ ಬಂದ ಲೋಕಾಯುಕ್ತ ಅಧಿಕಾರಿಗಳು ದಿಢೀರ್ ಪರಿಶೀಲನೆ ನಡೆಸಿದ್ದಾರೆ. ನಾಲ್ವರು ಅಧಿಕಾರಿಗಳು ಈ ತಂಡದಲ್ಲಿದ್ದಾರೆ. ಅಧಿಕಾರಿ ಹಾಗೂ ಸಿಬ್ಬಂದಿಯ ಮೊಬೈಲನ್ನು ಲೋಕಾಯುಕ್ತರು ಪರಿಶೀಲನೆ ಮಾಡಿದ್ದಾರೆ.
- ['ಮಾಧ್ಯಮದ ಮೇಲೆ ಜಿಲ್ಲಾಡಳಿತದ ಕಣ್ಣು'](https://mobiletime.in/2026/08/district-administrations-eye-on-media/): ಮಾಧ್ಯಮಗಳಲ್ಲಿ ಪ್ರಕಟವಾಗುವ ಪ್ರತಿ ವರದಿ ಮೇಲೆಯೂ ಜಿಲ್ಲಾಡಳಿತ‌ ಕಣ್ಣಿಟ್ಟಿದ್ದು, ಪ್ರತಿಯೊಂದು ಮಾಹಿತಿಯನ್ನು ಗಂಭೀರವಾಗಿ ಪರಿಗಣಿಸುತ್ತಿದೆ. ಮುಖ್ಯವಾಗಿ ಸಮಸ್ಯೆಗಳ ಕುರಿತು ಪ್ರಸಾರವಾದ ವರದಿಗಳಿಗೆ ಸಂಬಂಧಿಸಿ, ಸಮಸ್ಯೆ ಬಗೆಹರಿಸುವ ಪ್ರಯತ್ನ ಮಾಡುತ್ತಿದೆ. ಮಾಧ್ಯಮದಲ್ಲಿ ಪ್ರಕಟವಾಗುವ ಎಲ್ಲಾ ಮಾಹಿತಿಗಳನ್ನು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಜಿಲ್ಲಾಡಳಿತದ ಗಮನಕ್ಕೆ ತರುತ್ತಿದೆ. ಆ ಮಾಹಿತಿ ಆಧರಿಸಿ ಜಿಲ್ಲಾಡಳಿತ ಸಂಬಂಧಿಸಿದ ಇಲಾಖೆಗೆ ವರದಿ ಕೇಳುತ್ತಿದ್ದು, ಆಯಾ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡುತ್ತಾರೆ. ವಿಷಯದ ಕುರಿತು ಸತ್ಯಾಸತ್ಯತೆ ಪರಿಶೀಲಿಸಿ ಸಮಸ್ಯೆಯ ಕುರಿತು ಅಧಿಕಾರಿಗಳು ಜಿಲ್ಲಾಡಳಿತಕ್ಕೆ ವರದಿ ಒಪ್ಪಿಸುತ್ತಾರೆ. ಆ ಆಧಾರದಲ್ಲಿ ಅಲ್ಲಿನ ಸಮಸ್ಯೆ ಬಗೆಹರಿಸುವ ಪ್ರಯತ್ನ ನಡೆಯುತ್ತಿದೆ. ‘ಕಳೆದ ಎರಡು ವರ್ಷಗಳಿಂದ ಉತ್ತರ ಕನ್ನಡ ಜಿಲ್ಲಾಡಳಿತ ಸಮಸ್ಯೆ-ಸವಾಲುಗಳ ಕುರಿತು ಮಾಧ್ಯಮದ ವರದಿಗಳ ದಾಖಲೀಕರಣ ಮಾಡಲಾಗಿದೆ. ಪ್ರತಿ ವರದಿಯ ಕುರಿತು ಪಾಲೋಅಪ್ ನಡೆಯುತ್ತಿದೆ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಹೇಳಿದ್ದಾರೆ. ಭಾರತ ಸರ್ಕಾರದ ವಾರ್ತಾ ಇಲಾಖೆ (PIB) ಕಾರವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಮಂಗಳವಾರ ನಡೆಸಿದ ‘ವಾರ್ತಾಲಾಪ’ ಮಾಧ್ಯಮ ಕಾರ್ಯಾಗಾರದಲ್ಲಿ ಲಕ್ಷ್ಮೀಪ್ರಿಯಾ ಅವರು ಈ ವಿಷಯದ ಬಗ್ಗೆ ವಿವರಿಸಿದ್ದಾರೆ. ‘ಸಾರ್ವಜನಿಕರು ನೀಡಿದ ದೂರುಗಳನ್ನು ಜಿಲ್ಲಾಡಳಿತ ದಾಖಲೀಕರಣ ಮಾಡಿ ಕ್ರಮ‌ ಜರುಗಿಸುತ್ತಿದೆ. ಅದರ‌ಂತೆ, ವಿವಿಧ ಮಾಧ್ಯಮಗಳಲ್ಲಿ ಪ್ರಸಾರವಾಗುವ ವರದಿಗಳ ಆಧಾರದಲ್ಲಿಯೂ ಕ್ರಮ ಜರುಗಿಸಲಾಗುತ್ತಿದೆ. ಪ್ರತಿಯೊಂದು ದೂರು, ಸಮಸ್ಯೆ ಬಗ್ಗೆ ಗಮನಹರಿಸಿ ಅದನ್ನು ಬಗೆಹರಿಸುವ ಪ್ರಯತ್ನ ನಡೆದಿದ್ದು ಮಾಧ್ಯಮದವರ ಸಹಕಾರದಲ್ಲಿ ಸಾಕಷ್ಟು ಸಮಸ್ಯೆಗಳು ಬಗೆಹರಿದಿದೆ’ ಎಂದವರು ಹೇಳಿದ್ದಾರೆ. ‘ಮಾಧ್ಯಮದಲ್ಲಿ ಪ್ರಕಟವಾಗುವ ವರದಿಗಳನ್ನು ಆಧರಿಸಿ ಸುಮೋಟೋ ದಾಖಲಿಸಲಾಗುತ್ತಿದೆ. ಸಮಸ್ಯೆಯಿರುವ ಕಡೆ ಅಧಿಕಾರಿಗಳನ್ನು ಕಳುಹಿಸಿ ಅದನ್ನು ಬಗೆಹರಿಸುವ ಕೆಲಸ ನಡೆದಿದೆ. ಮಾಧ್ಯಮ ವರದಿ ಆಧಾರದಲ್ಲಿಯೇ ಕುಡಿಯುವ ನೀರಿನ ಸಮಸ್ಯೆ ಬಗೆಹರಿಸಿದ ನಿದರ್ಶನಗಳಿವೆ’ ಎಂದು ಜಿಲ್ಲಾ ಪಂಚಾಯತ ಮುಖ್ಯಕಾರ್ಯನಿರ್ವಹಣಾಧಿಕಾರಿ ದಿಲಿಶ್ ಸಸಿ ಅವರು ವಿವರಿಸಿದ್ದಾರೆ. ‘ತಪ್ಪು ಮಾಹಿತಿ ಹಾಗೂ ವದಂತಿ ವ್ಯಾಪಕವಾಗಿ ಹರಡದ ಹಾಗೇ ಮಾಧ್ಯಮಗಳು ಗಮನವಹಿಸಬೇಕು. ಸೈಬರ್ ಕ್ರೈಂ, ನಶಾಮುಕ್ತ ಭಾರತ ಕುರಿತು ಪೊಲೀಸರಿಂದ ಅರಿವು ಮೂಡಿಸುತ್ತಿದ್ದು, ಮಾಧ್ಯಮ ವರದಿಗಳ ಕುರಿತು ಪೊಲೀಸರು ಪ್ರತಿ ತಾಲೂಕಿನಲ್ಲಿಯೂ ಪರಿಶೀಲನೆ ನಡೆಸುತ್ತಿದ್ದಾರೆ’ ಎಂದು ಪೊಲೀಸ್ ಅಧೀಕ್ಷಕ ದೀಪನ್‌ ಎಂ ಎನ್ ಅವರು ಹೇಳಿದ್ದಾರೆ. IPC & BNC ಕಾಯ್ದೆ ನಡುವೆ ಅನೇಕ ಬದಲಾವಣೆಗಳಾಗಿದ್ದು, ಪ್ರತಿಯೊಬ್ಬರು ಆ ಬಗ್ಗೆಯೂ ಅರಿವುಹೊಂದಿರಬೇಕು’ ಎಂದು ಕರೆ ನೀಡಿದರು.
- [ಯಲ್ಲಾಪುರ | ಅರಣ್ಯ ಅತಿಕ್ರಮಣ: ಅರ್ಜಿ ಹಾಕಿದ ಅಜ್ಜಿಗೆ ಅನ್ಯಾಯ!](https://mobiletime.in/2026/08/yellapur-forest-encroachment-injustice-to-elderly-woman-who-filed-application/): ಅರಣ್ಯ ಅತಿಕ್ರಮಣ: ಅರ್ಜಿ ಹಾಕಿದ ಅಜ್ಜಿಗೆ ಅನ್ಯಾಯ! ಯಲ್ಲಾಪುರ ಹಾಗೂ ಮುಂಡಗೋಡು ಅರಣ್ಯಾಧಿಕಾರಿಗಳು ಜಂಟಿ ಕಾರ್ಯಾಚರಣೆ ನಡೆಸಿ ಅಜ್ಜಿಯೊಬ್ಬರು ನೆಟ್ಟಿದ್ದ ಅಡಿಕೆ ಗಿಡ ಕಡಿದಿದ್ದಾರೆ. ಕುಂದರಗಿಯ ಬೆಳ್ಳಂಬಿ ಬಳಿ ಕೃಷ್ಣೆ ನಾಯ್ಕ ಅವರು ಬೆಳೆಸಿದ್ದ 33 ಅಡಿಕೆ ಗಿಡಗಳು ನೆಲಸಮವಾಗಿದೆ. `ಕೃಷ್ಣೆ ಸಣ್ಣು ನಾಯ್ಕ ಅವರು ಅರಣ್ಯ ಜಾಗ ಅತಿಕ್ರಮಣ ಮಾಡಿ ತೋಟ ಮಾಡಿದ್ದರು. ಅಡಿಕೆ ಬೆಳೆದ ಪ್ರದೇಶಕ್ಕೆ ಅವರು ಜಿಪಿಎಸ್ ಸಹ ಮಾಡಿದ್ದರು. ಅದಾಗಿಯೂ, ಅಧಿಕಾರಿಗಳು ಏಕಾಏಕಿ ದಾಳಿ ನಡೆಸಿ ಅಡಿಕೆ ಗಿಡ ಕಡಿದಿದ್ದಾರೆ’ ಎಂಬುದು ಕುಟುಂಬದವರ ಆರೋಪ. `ಕೃಷ್ಣೆ ನಾಯ್ಕ ಅವರು ಜಿಪಿಎಸ್ ಕ್ಷೇತ್ರಹೊಂದಿದ್ದು ಸತ್ಯ. ಆದರೆ, ಆ ಕ್ಷೇತ್ರದ ಹೊರತಾಗಿಯೂ ಹೊಸದಾಗಿ ಅಡಿಕೆ ಗಿಡ ನೆಟ್ಟಿದ್ದು, ಅದನ್ನು ತೆರವು ಮಾಡಲಾಗಿದೆ’ ಎಂಬುದು ಅರಣ್ಯಾಧಿಕಾರಿಗಳ ಮಾತು. ಮುಂಡಗೋಡಿನ ಕಾತೂರು ಅರಣ್ಯಾಧಿಕಾರಿ ಕಚೇರಿಯಿಂದ 18 ಹಾಗೂ ಯಲ್ಲಾಪುರದ ಮಂಚಿಕೇರಿ ವಲಯ ಅರಣ್ಯಾಧಿಕಾರಿ ಕಚೇರಿಯಿಂದ 15 ಅಡಿಕೆ ಮರ ತೆರವು ಮಾಡಲಾಗಿದೆ ಎಂಬುದು ಅಧಿಕಾರಿಗಳು ನೀಡಿರುವ ಮಾಹಿತಿ. `ಬೆಳ್ಳಂಬಿ ಗ್ರಾಮದ ಕೃಷ್ಣೇ ನಾಯ್ಕ್ ಅವರ ಕುಟುಂಬವು ಮೂರು ತಲೆಮಾರುಗಳಿಂದ ಅರಣ್ಯ ಪ್ರದೇಶದಲ್ಲಿಯೇ ವಾಸವಿದ್ದು, ಅಲ್ಲಿ ಮನೆ ನಿರ್ಮಿಸಿಕೊಂಡು ಜೀವನ ಸಾಗಿಸುತ್ತಿದ್ದಾರೆ. ನಾಲ್ಕು ಎಕರೆ ಪ್ರದೇಶದಲ್ಲಿ ಅಡಿಕೆ, ತೆಂಗು, ಹಲಸಿನ ಜೊತೆ ಅರಣ್ಯ ಗಿಡಗಳನ್ನು ಅವರು ಬೆಳೆದಿದ್ದಾರೆ. ಸಾಲ ಮಾಡಿ ಗಿಡ ಫೋಷಣೆ ಮಾಡುತ್ತಿದ್ದ ಗಿಡ ಕಟಾವು ಸರಿಯಲ್ಲ’ ಎಂಬುದು ಅರಣ್ಯ ಹಕ್ಕು ಹೋರಾಟಗಾರರ ವಾದ. `ಅತಿಕ್ರಮಮಣದಾರರು ಮನೆಯಲ್ಲಿ ಇಲ್ಲದ ಸಂದರ್ಭದಲ್ಲಿ ಅರಣ್ಯ ಸಿಬ್ಬಂದಿ ಆಗಮಿಸಿ ಮರ ಕಟಾವು ಮಾಡಿದ್ದಾರೆ’ ಎಂದು ಕೃಷ್ಣೇ ನಾಯ್ಕ ಅವರ ಪುತ್ರ ಸದಾಶಿವ ನಾಯ್ಕ ಅವರು ದೂರಿದ್ದಾರೆ. ಆ ಭಾಗದ ಹೋರಾಟಗಾರರಾದ ಗಣಪತಿ ನಾಯ್ಕ್ ಬಾಳೆಕೊಪ್ಪ, ಮಂಜುನಾಥ್ ಎನ್. ನಾಯ್ಕ್, ಗಣಪತಿ ಪಾಟೀಲ್, ಸದಾಶಿವ ಸಣ್ಣು ನಾಯ್ಕ್ ಬೆಳ್ಳಂಬಿ, ಸೀತಾರಾಮ್ ಈಶ್ವರ್ ನಾಯ್ಕ್ ಮಾವಿನಕಟ್ಟಾ, ಪರಮೇಶ್ವರ್ ಸೋಮು ಮರಾಠಿ ಶಾನವಳ್ಳಿ, ರಾಘವೇಂದ್ರ ಶಂಕರ್ ಸಿದ್ದಿ, ಲಕ್ಷ್ಮಣ್ ಅಪ್ಪು ಸಿದ್ದಿ, ಮಂಜುನಾಥ ನಾರಾಯಣ ಮರಾಠಿ, ನರಸಿಂಹ ತಿಮ್ಮ ಮರಾಠಿ, ಈಶ್ವರ್ ಸಣ್ಣು ನಾಯ್ಕ್, ಪ್ರಶಾಂತ್ ಪಿ. ಜೈನ್ ಅಟಬೈಲ ಅವರು ಅಧಿಕಾರಿಗಳ ಕೃತ್ಯ ಖಂಡಿಸಿದ್ದಾರೆ.
- [ಜೊಯಿಡಾ | ಕಂದಕಕ್ಕೆ ಬಿದ್ದ ಕಾರು: ಕೆಪಿಸಿ ಉದ್ಯೋಗಿ ಸಾವು!](https://mobiletime.in/2026/08/joida-car-falls-into-ditch-kpc-employee-dies/): ಕಾರು ಕಂದಕಕ್ಕೆ ಬಿದ್ದ ಪರಿಣಾಮ ಕೆಪಿಸಿ ಉದ್ಯೋಗಿಯೊಬ್ಬರು ಸಾವನಪ್ಪಿದ್ದಾರೆ. ಸಹದ್ಯೋಗಿ ಸಾವಿಗೆ ಕೆಪಿಸಿ ಸಿಬ್ಬಂದಿ ಕಣ್ಣೀರಾಗಿದ್ದಾರೆ. ಮಲ್ಲಿಕಾರ್ಜುನ ರಾವ್ (40) ಅವರು ಕರ್ನಾಟಕ ವಿದ್ಯುತ್ ಕಾರ್ಪೋರೇಶನ್’ನಲ್ಲಿ ಉದ್ಯೋಗಿಯಾಗಿದ್ದರು. ಅವರು ಈ ದಿನ ಗಣೇಶಗುಡಿಯಿಂದ ದಾಂಡೇಲಿ ಕಡೆ ಕಾರು ಓಡಿಸಿಕೊಂಡು ಹೊರಟಿದ್ದರು. ಪತ್ನಿಯನ್ನು ಕರೆತರುವುದಕ್ಕಾಗಿ ಅವರು ಹೊರಟಿದ್ದು, ಉಸುಡಾ ಬಳಿ ಆ ಕಾರು ಅವರ ನಿಯಂತ್ರಣ ತಪ್ಪಿತು. ಪರಿಣಾಮ ಆ ಕಾರು ಕಂದಕಕ್ಕೆ ಬಿದ್ದಿತು. ಕಾರಿನಲ್ಲಿದ್ದ ಮಲ್ಲಿಕಾರ್ಜುನ ರಾವ್ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಇದನ್ನು ನೋಡಿದ ಜನ ಅವರನ್ನು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ಮಾಡಿದರು. ಆಸ್ಪತ್ರೆಯಲ್ಲಿದ್ದ ವೈದ್ಯರು ಪರಿಕ್ಷಿಸಿ, ಮಲ್ಲಿಕಾರ್ಜುನ ಅವರು ಈಗಾಗಲೇ ಸಾವನಪ್ಪಿರುವುದನ್ನು ದೃಢಪಡಿಸಿದರು.  
- [ಶಿರಸಿ | ಮರಾಠಿಕೊಪ್ಪದಲ್ಲಿ ಕಳ್ಳರ ಕಾಟ!](https://mobiletime.in/2026/08/sirsi-menace-of-thieves-in-marathikoppa/): ಮರಾಠಿಕೊಪ್ಪದ ರಾಮಚಂದ್ರ ಕಗಾಲಕರ ಅವರ ಮನೆಗೆ ಕಳ್ಳರು ನುಗ್ಗಿದ್ದಾರೆ. 8 ಲಕ್ಷ ರೂಪಾಯಿಗೂ ಅಧಿಕ ಬಂಗಾರ ಹಾಗೂ ಬೆಳ್ಳಿ ಕದ್ದು ಅವರು ಪರಾರಿಯಾಗಿದ್ದಾರೆ. ಶಿರಸಿಯ ವಿದ್ಯಾನಗರ ಬಳಿಯ ಮರಾಠಿಕೊಪ್ಪದಲ್ಲಿ ರಾಮಚಂದ್ರ ನಾಗೇಶ ಕಗಾಲಕರ ಅವರು ವಾಸವಾಗಿದ್ದಾರೆ. ತಮ್ಮ ಉಳಿತಾಯದ ಹಣದಲ್ಲಿ ಅವರು ಬೆಳ್ಳಿ-ಬಂಗಾರ ಮಾಡಿಸಿಕೊಂಡಿದ್ದು, ಸದ್ಯ ಅದನ್ನು ಕಳ್ಳರು ಕದ್ದಿದ್ದಾರೆ. ಅಗಸ್ಟ 15ರ ಬೆಳಗ್ಗೆ 11 ಗಂಟೆಗೆ ರಾಮಚಂದ್ರ ಕಗಾಲಕರ ಅವರು ಮನೆಯಿಂದ ಹೊರಗೆ ಹೋಗಿದ್ದು, ಅಗಸ್ಟ 16ರ ರಾತ್ರಿ ಮನೆಗೆ ಬಂದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಮನೆಯ ಮುಂದಿನ ಬಾಗಿಲು ಒಡೆದ ಕಳ್ಳರು ನೇರವಾಗಿ ರಾಮಚಂದ್ರ ಕಗಾಲಕರ ಅವರ ಮಗನ ರೂಮಿಗೆ ಹೋಗಿದ್ದಾರೆ. ಅಲ್ಲಿದ್ದ ವಸ್ತುಗಳನ್ನು ಚಲ್ಲಾಪಿಲ್ಲಿ ಮಾಡಿದವರಿಗೆ ಮೊದಲು 2 ಸಾವಿರ ರೂ ಹಣ ಸಿಕ್ಕಿದೆ. ಅದನ್ನು ಜೇಬಿಗಿಳಿಸಿದ ಕಳ್ಳರು ಇನ್ನಷ್ಟು ಹುಡುಕಾಟ ನಡೆಸಿದ್ದು, ಆಗ 30 ಗ್ರಾಂ ತೂಕದ ಚಿನ್ನ ಕಾಣಿಸಿದೆ. 3.10 ಲಕ್ಷ ರೂ ಮೌಲ್ಯದ ಆ ಚಿನ್ನವನ್ನು ಅವರು ಕದ್ದಿದ್ದಾರೆ. ಅದಾದ ನಂತರ ಇಡೀ ಮನೆ ಜಾಲಾಡಿ 5.50 ಲಕ್ಷ ರೂ ಮೌಲ್ಯದ 3 ಕೆಜಿ ಬೆಳ್ಳಿ ಆಭರಣವನ್ನು ದೋಚಿ ಪರಾರಿಯಾಗಿದ್ದಾರೆ. ಕಳ್ಳರ ಕಾಟಕ್ಕೆ ಬೆದರಿದ ರಾಮಚಂದ್ರ ಕಗಾಲಕರ್ ಅವರು ಆ ಕಳ್ಳರ ಪತ್ತೆಗಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಶಿರಸಿ ಹೊಸ ಮಾರುಕಟ್ಟೆ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಕಳ್ಳರ ಶೋಧ ನಡೆಸಿದ್ದಾರೆ.
- [ಅಂಕೋಲಾ | ನರದೌರ್ಬಲ್ಯಕ್ಕೆ ಮಹಿಳೆ ಬಲಿ!](https://mobiletime.in/2026/08/ankola-woman-succumbs-to-nervous-debility/): ತೆಂಕಣಗೇರಿಯ ರೇವತಿ ನಾಯ್ಕ ಅವರು ನರದೌರ್ಬಲ್ಯದಿಂದಾಗಿ ನೆಲಕ್ಕೆ ಬಿದ್ದಿದ್ದು, ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಲಿಲ್ಲ. ಚಿಕಿತ್ಸೆ ಫಲಕಾರಿಯಾಗದೇ ಅವರು ಸಾವನಪ್ಪಿದ್ದಾರೆ. ಅಂಕೋಲಾದ ತೆಂಕಣಗೇರಿಯಲ್ಲಿ ರೇವತಿ ಪ್ರಕಾಶ ನಾಯ್ಕ ಅವರು ವಾಸವಾಗಿದ್ದರು. 58ವರ್ಷದ ಅವರು ಕಳೆದ 15 ವರ್ಷದಿಂದ ನರ ದೌರ್ಬಲ್ಯ ಸಮಸ್ಯೆ ಅನುಭವಿಸುತ್ತಿದ್ದರು. ಸಾಕಷ್ಟು ಕಡೆ ಚಿಕಿತ್ಸೆ ಮಾಡಿದರೂ ಅವರ ಸಮಸ್ಯೆ ಕಡಿಮೆಯಾಗಿರಲಿಲ್ಲ. ಅಗಸ್ಟ 10ರ ರಾತ್ರಿ ಮನೆಯಲ್ಲಿ ಖುರ್ಚಿ ಮೇಲೆ ಕುತಿದ್ದ ಅವರು ಮೇಲೆಳುವಾಗ ಅಲ್ಲಿದ್ದ ಟಿಪಾಯಿ ಬಡಿಯಿತು. ಪರಿಣಾಮ ನೆಲಕ್ಕೆ ಬಿದ್ದ ಅವರು ನೋವು ಮಾಡಿಕೊಂಡರು. ರೇವತಿ ನಾಯ್ಕ ಅವರನ್ನು ಮೊದಲು ಅಂಕೋಲಾದ ಆರ್ಯ ಮೆಡಿಕಲ್’ಗೆ ಕರೆದೊಯ್ಯಲಾಯಿತು. ನಂತರ ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿನ ವೈದ್ಯರು ರೇವತಿ ನಾಯ್ಕ ಅವರನ್ನು ಉಳಿಸಿಕೊಳ್ಳಲು ಸಾಕಷ್ಟು ಪ್ರಯತ್ನ ಮಾಡಿದರು. ಆದರೆ, ಅದು ಸಾಧ್ಯವಾಗಲಿಲ್ಲ. ಅಗಸ್ಟ 17ರಂದು ಅವರು ಚಿಕಿತ್ಸೆ ಫಲಕಾರಿಯಾಗದೇ ಸಾವನಪ್ಪಿದರು. ಶಿಕ್ಷಕಿಯಾಗಿರುವ ಸ್ಮಿತಾ ವಿಘ್ನೇಶ ನಾಯ್ಕ ಅವರು ತಾಯಿ ಸಾವಿನ ಬಗ್ಗೆ ಮಾಹಿತಿ ನೀಡಿ, ಪೊಲೀಸ್ ಪ್ರಕರಣ ದಾಖಲಿಸಿದರು.
- [ಕಾರವಾರ | ಮುಗ್ದ ಮಕ್ಕಳಿಗೆ ನೈಜ ನಾಗರ ದರ್ಶನ!](https://mobiletime.in/2026/08/karwar-innocent-children-get-a-glimpse-of-a-real-cobra/): ಕಳೆದ 15 ವರ್ಷಗಳಿಂದ ಜನಶಕ್ತಿ ವೇದಿಕೆಯವರು ಕಿವುಡ ಹಾಗೂ ಮೂಗ ಶಾಲೆಯ ಮಕ್ಕಳಿಗೆ ಹಾಲುಣಿಸುವ ಮೂಲಕ ನಾಗರ ಪಂಚಮಿ ಹಬ್ಬ ಆಚರಿಸಿಕೊಂಡು ಬರುತ್ತಿದ್ದು, ಈ ಬಾರಿ ಮಕ್ಕಳಿಗೆ ನೈಜ ನಾಗರ ಹಾವಿನ ದರ್ಶನ ಮಾಡಿಸಿ ಅದರ ಬಗ್ಗೆ ಅರಿವು ಮೂಡಿಸಿದ್ದಾರೆ. ಆಶಾ ನಿಕೇತನ ಶಾಲೆಯಲ್ಲಿ ಆಯೋಜಿಸಿದ್ದ ಈ ಕಾರ್ಯಕ್ರಮದಲ್ಲಿ ಸಿವಿಲ್ ನ್ಯಾಯಾಧೀಶೆ ದಿವ್ಯಶ್ರೀ ಸಿ ಎಂ ಅವರು ಭಾಗವಹಿಸಿ ಮಕ್ಕಳ ಜೊತೆ ಸಮಯ ಕಳೆದಿದ್ದಾರೆ. `ಕಲ್ಲಿನ ನಾಗರ ಮೂರ್ತಿಗಳಿಗೆ ಹಾಗೂ ಹುತ್ತಗಳಿಗೆ ಹಾಲು ಎರೆಯುವ ಬದಲು ಅದನ್ನು ಅಗತ್ಯವಿದ್ದವರಿಗೆ ಕೊಟ್ಟರೆ ಅದೇ ಆನಂದ’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಈ ವೇಳೆ ಕರೆ ನೀಡಿದ್ದಾರೆ. `ಹಾಲನ್ನು ವಿನಾಕಾರಣ ವ್ಯರ್ಥ ಮಾಡುವುದರಿಂದ ಪರಿಸರದ ಮೇಲೂ ದುಷ್ಪರಿಣಾಮ ಆಗಲಿದೆ. ಹುತ್ತಗಳಿಗೆ ಹಾಲು ಎರೆಯುವುದರಿಂದ ಹಾವುಗಳ ಜೀವಕ್ಕೂ ಅಪಾಯ ಉಂಟಾಗುವ ಸಾಧ್ಯತೆಯಿದೆ’ ಎಂದವರು ಅರಿವು ಮೂಡಿಸಿದ್ದಾರೆ. `ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ಬಾರದಂತೆ ಹಾಗೂ ಸಮಾಜದ ಕಾಳಜಿಯನ್ನು ಗಮನದಲ್ಲಿಟ್ಟುಕೊಂಡು ನಾಗರ ಪಂಚಮಿಯನ್ನು ಆಚರಿಸಬೇಕು. ಕಲ್ಲಿನ ನಾಗರಿಗೆ ಅಥವಾ ಹುತ್ತಕ್ಕೆ ಕೊಡಗಟ್ಟಲೆ ಹಾಲು ಎರೆಯುವ ಬದಲು ಒಂದು ಅಥವಾ ಎರಡು ಚಮಚ ಹಾಲನ್ನು ಭಕ್ತಿಯಿಂದ ಅರ್ಪಿಸಿ ಪೂಜೆ ಸಲ್ಲಿಸುವ ಮೂಲಕ ಧಾರ್ಮಿಕ ಆಚರಣೆಯ ಜೊತೆಗೆ ಸಮಾಜದ ಮತ್ತು ಪರಿಸರದ ಕಾಳಜಿಯನ್ನೂ ಕಾಪಾಡಬೇಕು’ ಎಂದು ಕಾರ್ಯಕ್ರಮದಲ್ಲಿದ್ದವರು ಹೇಳಿದ್ದಾರೆ. ಪರಿಸರ ಸಂರಕ್ಷಣೆ, ಮೂಢನಂಬಿಕೆಗಳ ನಿವಾರಣೆ ಹಾಗೂ ವೈಜ್ಞಾನಿಕ ಮನೋಭಾವ ಬೆಳೆಸುವ ಅಗತ್ಯದ ಬಗ್ಗೆ ನ್ಯಾಯಾಧೀಶೆ ದಿವ್ಯಶ್ರೀ ಸಿ ಎಂ ಅವರು ಈ ವೇಳೆ ಮಾತನಾಡಿದ್ದಾರೆ. ಪ್ರಮುಖರಾದ ಜಾರ್ಜ ಫರ್ನಾಂಡಿಸ್, ರಾಮಾ ನಾಯ್ಕ, ಉರಗ ತಜ್ಞ ಮಹೇಶ ನಾಯಕ, ನಿತ್ಯಾನಂದ ನಾಯ್ಕ, ರಾಜೇಶ್ ಬಾಡ್ಕರ್, ರತ್ನಾಕರ್ ಬಾಡ್ಕರ್, ರಮೇಶ್ ಗುನುಗಿ, ಸುರಜ್ ಕುರುಂಕರ್ ಹಾಗೂ ರಾಜೀವ್ ನಾಯ್ಕ್, ಶ್ರೀಕಾಂತ್ ನಾಯ್ಕ್, ವಸಂತ್ ಬಾಂಧೇಕರ ಸೇರಿ ಅನೇಕರು ಈ ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು.
- [ಉತ್ತರ ಕನ್ನಡದಲ್ಲಿ ಉದ್ಯೋಗ: ನೇರ ಸಂದರ್ಶನಕ್ಕೆ ಆಹ್ವಾನ](https://mobiletime.in/2026/08/jobs-in-uttara-kannada-invitation-for-a-walk-in-interview/): ಕಾರವಾರ, ಅಂಕೋಲಾ, ಕುಮಟಾ ಮತ್ತು ಶಿರಸಿಯಲ್ಲಿ ಕೆಲಸ ಮಾಡಲು ಇಚ್ಚಿಸುವವರಿಗೆ ವಿವಿಧ ಖಾಸಗಿ ಕಂಪನಿಯಲ್ಲಿ ಕೆಲಸ ಖಾಲಿ ಇದೆ. SSLC, PUC ಹಾಗೂ ಪದವಿ ಮತ್ತು ಐಟಿಐ ಪಾಸಾದವರಿಗೆ ಈ ಉದ್ಯೋಗ ಸಿಗಲಿದೆ. ಅಂಕೋಲಾದ ಸ್ವತಂತ್ರ ಮೈಕ್ರೊಫಿನ್ ಲಿಮಿಟೆಡ್ ಕಡೆಯಿಂದ ಬೋಳೆಯ ಮನೀಷ್ ಹೋಟೆಲ್ ಬಳಿ ಯ ಆರ್ಯನ್ ಬಿಲ್ಡಿಂಗ್’ನಲ್ಲಿ ಉದ್ಯೋಗಕ್ಕಾಗಿ ನೇರ ಸಂದರ್ಶನ ಆಯೋಜಿಸಲಾಗಿದೆ. ಅಗಸ್ಟ 19ರ ಬೆಳಗ್ಗೆ 10ಗಂಟೆಯಿoದ ಮಧ್ಯಾಹ್ನ 2.30ರವರೆಗೆ ಈ ಸಂದರ್ಶನ ನಡೆಯಲಿದೆ. ಆಯ್ಕೆಯಾದ ಅಭ್ಯರ್ಥಿಗಳಿಗೆ ESI, EPF & ಮೆಡಿಕಲ್ ಇನ್ಸುರೆನ್ಸ್ ನೀಡಲಾಗುತ್ತದೆ. ವಸತಿ ಮತ್ತು ಪೆಟ್ರೋಲ್ ಭತ್ಯೆಯ ಸೌಲಭ್ಯಗಳನ್ನು ನೀಡಲಾಗುತ್ತಿದೆ. ಅರ್ಹ ಹಾಗೂ ಆಸಕ್ತ ಅಭ್ಯರ್ಥಿಗಳು ರೆಸ್ಯೂಮ್, ಆಧಾರ ಕಾರ್ಡ, ಇತ್ತೀಚಿನ ಭಾವಚಿತ್ರ ಪ್ರತಿಯೊಂದಿಗೆ ನೇರ ಸಂದರ್ಶನದಲ್ಲಿ ಭಾಗವಹಿಸಲು ಸೂಚಿಸಲಾಗಿದೆ.
- [ಭಟ್ಕಳ | ಹಲ್ಕಟ್ ಡಾಕ್ಟರ್'ನ ಕಾಮ ಪುರಾಣ!](https://mobiletime.in/2026/08/bhatkal-the-lecherous-doctors-saga-of-lust/): ವೆಂಕಟಾಪುರದಲ್ಲಿ ಡೆಂಟಲ್ ಡಾಕ್ಟರ್ ಆಗಿರುವ ಡಾ ಗಣಪತಿ ಮೊಗೇರ್ ಅವರು ತಮ್ಮ ಕ್ಲಿನಿಕ್’ಗೆ ಬರುವ ಮಹಿಳೆಯರನ್ನು ಬಲೆಗೆ ಬೀಳಿಸಿಕೊಂಡು, ನಂತರ ಅವರ ವಿಡಿಯೋ ಅವರಿಗೆ ಕಾಣಿಸಿ ಬ್ಲಾಕ್‌ಮೇಲ್ ಮಾಡುವ ಆರೋಪ ಎದುರಿಸುತ್ತಿದ್ದಾರೆ. ಡಾ ಗಣಪತಿ ಮೊಗೇರ್ ಸರಸ-ಸಲ್ಲಾಪ ಹಾಗೂ ವಿಡಿಯೋ ರಹಸ್ಯದ ಸಾಕ್ಷಿ ಸಂಗ್ರಹಿಸಿದ ಅವರ ಪತ್ನಿ ಮಂಗಲಾ ಮೊಗೇರ್ ಅವರು ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ. ಡಾ ಗಣಪತಿ ಮೊಗೇರ್ ಅವರು ಮೊದಲು ಉತ್ತರ ಪ್ರದೇಶದ ಡೆಂಟಲ್ ಕಾಲೇಜಿನಲ್ಲಿ ಉಪನ್ಯಾಸಕರಾಗಿದ್ದರು. ಮಂಗಲಾ ಮೊಗೇರ್ ಅವರು ಬೆಂಗಳೂರಿನಲ್ಲಿ ಎಂ ಸಿ ಎ ಓದುತ್ತಿದ್ದರು. 2009ರಲ್ಲಿ ಮುರುಡೇಶ್ವರದಲ್ಲಿ ಅವರಿಬ್ಬರು ಮದುವೆ ಆದರು. ಈ ದಂಪತಿಗೆ ಎರಡು ಮಕ್ಕಳಿದ್ದು, ಆರಂಭದಲ್ಲಿ ಅವರ ಸಂಸಾರ ಚನ್ನಾಗಿಯೇ ನಡೆಯುತ್ತಿತ್ತು. 2017ರಲ್ಲಿ ಡಾ ಗಣಪತಿ ಮೊಗೇರ್ ಅವರು ಭಟ್ಕಳದಲ್ಲಿ ಕ್ಲಿನಿಕ್ ಶುರು ಮಾಡಿದರು. ಗಣಪತಿ ಮೊಗೇರ್ ಅವರು ಯಾವಾಗಲೂ ಫೋನಿನಲ್ಲಿ ಬ್ಯುಸಿಯಾಗಿದ್ದು, ಹೆಂಗಸರ ಬಳಿಯೇ ಹೆಚ್ಚು ಮಾತನಾಡುತ್ತಿದ್ದರು. ಈ ಬಗ್ಗೆ ಮಂಗಲಾ ಮೊಗೇರ್ ಅವರು ಪ್ರಶ್ನಿಸಿದಾಗ ಹಾರಿಕೆ ಉತ್ತರ ನೀಡಿ ತಪ್ಪಿಸಿಕೊಳ್ಳುತ್ತಿದ್ದರು. 5 ವರ್ಷದ ಹಿಂದೆ ಡಾ ಗಣಪತಿ ಮೊಗೇರ್ ಅವರ ಅನೈತಿಕ ಸಂಬoಧದ ಬಗ್ಗೆ ಮಂಗಲಾ ಮೊಗೇರ್ ಅವರಿಗೆ ಗೊತ್ತಾಯಿತು. ಆಗ, ಅವರಿಬ್ಬರ ನಡುವೆ ದೊಡ್ಡ ಜಟಾಪಟಿ ನಡೆದಿದ್ದು, ಅದು ವಿಚ್ಛೇದನದವರೆಗೆ ಹೋಗಿತ್ತು. 2020ರಲ್ಲಿ ಮಂಗಲಾ ಮೊಗೇರ್ ಅವರು ಪೊಲೀಸ್ ದೂರು ನೀಡಿದಾಗ ಮಹಿಳಾ ಸಾಂತ್ವಾನ ಕೇಂದ್ರದ ಮೂಲಕ ಆ ಪ್ರಕರಣ ರಾಜಿ ಮಾಡಲಾಯಿತು. ಈ ವೇಳೆ ಗಣಪತಿ ಮೊಗೇರ್ ಅವರ ಜೊತೆ ಸಂಪರ್ಕದಲ್ಲಿದ್ದ ಮಹಿಳೆಯರನ್ನು ಕರೆಯಿಸಿ ಅವರಿಗೂ ಬುದ್ದಿ ಹೇಳಲಾಗಿತ್ತು. ಅದಾಗಿ ಎರಡು ತಿಂಗಳ ನಂತರ ಡಾ ಗಣಪತಿ ಮೊಗೇರ್ ಅವರು ಮತ್ತೆ ಅದೇ ಮಹಿಳೆ ಜೊತೆ ಖಾಸಗಿ ಕೋಣೆಯಲ್ಲಿದ್ದಾಗ ಊರಿನ ಜನ ಹಿಡಿದು ಹೊಡೆದಿದ್ದರು. ವೈದ್ಯರು ಸಿಕ್ಕಿಬಿದ್ದ ವಿಡಿಯೋ ಮಾಡಿದ್ದರು. ಆ ವಿಡಿಯೋ ಸಾಕಷ್ಟು ವೈರಲ್ ಆಗಿದ್ದು ಅದು ಮಂಗಲಾ ಮೊಗೇರ್ ಅವರ ಮೊಬೈಲಿಗೂ ಬಂದಿತ್ತು. ಅದಾಗಿಯೂ, ಗಣಪತಿ ಮೊಗೇರ್ ಅವರ ವರ್ತನೆಯಲ್ಲಿ ಯಾವುದೇ ಬದಲಾವಣೆ ಆಗಿರಲಿಲ್ಲ. ಕ್ಲಿನಿಕ್ ಮುಗಿಸಿ ಮನೆಗೆ ಬಂದ ನಂತರವೂ ಬೇರೆ ಡಾ ಗಣಪತಿ ಮೊಗೇರ್ ಅವರು ಬೇರೆ ಬೇರೆ ಮಹಿಳೆಯರ ಜೊತೆ ಚಾಟಿಂಗ್ ಮಾಡುತ್ತಿದ್ದರು. ಮಗನಿಗೆ ಜ್ವರ ಬಂದರೂ ಮಹಡಿ ಮೇಲೆ ಚಾಟಿಂಗ್ ಮಾಡುತ್ತಿದ್ದ ಅವರು ಚಿಕಿತ್ಸೆಗೆ ಕರೆದೊಯ್ದಿರಲಿಲ್ಲ. ಮಕ್ಕಳನ್ನು ಶಾಲೆಗೆ ಸೇರಿಸಲು ಹಾಗೂ ಪಾಲಕರ ಸಭೆಗಳಿಗೆ ಸಹ ಹೋಗುತ್ತಿರಲಿಲ್ಲ. ಕುಟುಂಬವನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸಿದ್ದ ಅವರು ಮತ್ತೆ ಮೂವರು ಮಹಿಳೆಯರ ಜೊತೆ ನಿರಂತರ ಸಂಪರ್ಕದಲ್ಲಿದ್ದರು. ಜೂನ್ 6ರಂದು ಈ ವಿಷಯ ಮಂಗಲಾ ಮೊಗೇರ್ ಅವರಿಗೆ ಗೊತ್ತಾಗಿದ್ದು, ಆ ಮಹಿಳೆಯರಲ್ಲಿ ಒಬ್ಬರ ಪತಿಗೂ ಅಕ್ರಮ ಸಂಬoಧದ ಬಗ್ಗೆ ಗೊತ್ತಾಯಿತು. ಹೀಗಾಗಿ ಮಹಿಳೆಯೊಬ್ಬರು ಡಾ ಗಣಪತಿ ಮೊಗೇರ್ ಅವರ ಮನೆ ಮುಂದೆ ಬಂದು ಆತ್ಮಹತ್ಯೆಗೆ ಯತ್ನಿಸಿದ್ದು ಊರಿನವರು ಆ ಪ್ರಯತ್ನ ವಿಫಲಗೊಳಿಸಿದ್ದರು. ಈ ಎಲ್ಲಾ ವಿಷಯ ನೋಡಿದ ಮಂಗಲಾ ಮೊಗೇರ್ ಅವರು ಸಾಕಷ್ಟು ಒತ್ತಡಕ್ಕೆ ಸಿಲುಕಿದರು. ಇದರಿಂದ ಅಸ್ವಸ್ಥರಾದ ಅವರು ಬೆಂಗಳೂರಿನ ಸೆಂಟ್ ಜಾನ್ ಆಸ್ಪತ್ರೆಗೆ ದಾಖಲಾದರು. ಅದಾಗಿಯೂ ತಲೆಕೆಡಿಸಿಕೊಳ್ಳದ ಡಾ ಗಣಪತಿ ಮೊಗೇರ್ ಅವರು ತಮ್ಮ ಮಕ್ಕಳಿಗೆ ಮೂರು ಲೋಟ ಫಿನೈಯಲ್ ಕುಡಿಸಿ ತಾನೂ ಕುಡಿಯುವುದಾಗಿ ಬೆದರಿಸಿದರು. `ಡಾ ಗಣಪತಿ ಮೊಗೇರ್ ಅವರ ಅಕ್ರಮ ಸಂಬoಧದ ವಿಡಿಯೋಗಳು ನನ್ನಲ್ಲಿದ್ದು, ಅವರ ಈ ವರ್ತನೆಯಿಂದ ಅನೇಕ ಸಂಸಾರ ಹಾಳಾಗುತ್ತಿದೆ. ಹೀಗಾಗಿ ಅವರಿಗೆ ಕಠಿಣ ಶಿಕ್ಷೆ ವಿಧಿಸಿ’ ಎಂದು ಮಂಗಲಾ ಮೊಗೇರ್ ಅವರು ತುಮಕೂರಿನಲ್ಲಿ ಪೊಲೀಸ್ ದೂರು ನೀಡಿದ್ದಾರೆ. ಆ ದೂರಿನಲ್ಲಿ ಡಾ ಗಣಪತಿ ಮೊಗೇರ್ ಅವರ ಜೊತೆ ಅಕ್ರಮ ಸಂಬoಧಹೊoದಿದವರ ಹೆಸರು-ಫೋನ್ ನಂ ಸಹ ನಮೂದಿಸಿದ್ದು, ಆ ದೂರು ಈಚೆಗೆ ಭಟ್ಕಳಕ್ಕೆ ವರ್ಗವಾಗಿದೆ. ಪೊಲೀಸರು ಈ ವಿಷಯದ ಸತ್ಯಾಸತ್ಯತೆ ಪರಿಶೀಲನೆ ನಡೆಸಿದ್ದಾರೆ.  
- [20 ವರ್ಷದ ನಂತರ ಕಚೇರಿಗೆ ಬಂದ ಖಾಯಂ ಅಧಿಕಾರಿ!](https://mobiletime.in/2026/08/permanent-officer-returns-to-the-office-after-20-years/): ಕಳೆದ 20 ವರ್ಷಗಳಿಂದ ಖಾಲಿ ಹೊಡೆಯುತ್ತಿದ್ದ ಸರ್ಕಾರಿ ಕಚೇರಿಗೆ ಸದ್ಯ ಮರುಜೀವ ಬಂದಿದೆ. ಹುಬ್ಬಳ್ಳಿ-ಅಂಕೋಲಾ ರೈಲ್ವೆ ಯೋಜನೆಯ ವಿಶೇಷ ಭೂಸ್ವಾಧೀನಾಧಿಕಾರಿಯಾಗಿ ಕೆಎಎಸ್ ಆಯ್ಕೆ ಶ್ರೇಣಿಯ ಅಧಿಕಾರಿ ರವಿಚಂದ್ರ ನಾಯಕ ಅವರನ್ನು ಕರ್ನಾಟಕ ಸರ್ಕಾರ ನೇಮಕ ಮಾಡಿದೆ. ಉತ್ತರ ಕನ್ನಡ ಜಿಲ್ಲೆಯ ಜಿಲ್ಲಾಧಿಕಾರಿ ಕಚೇರಿಯಲ್ಲಿ 28 ವರ್ಷಗಳ ಹಿಂದೆ ಹುಬ್ಬಳ್ಳಿ-ಅಂಕೋಲಾ ರೈಲ್ವೆ ವಿಶೇಷ ಭೂ ಸ್ವಾಧೀನಾಧಿಕಾರಿ ಕಚೇರಿ ಶುರು ಮಾಡಲಾಗಿತ್ತು. 1998ರಲ್ಲಿ ಶುರುವಾದ ಈ ಕಚೇರಿಗೆ ಒಬ್ಬರು ಕೆಎಎಸ್ ಶ್ರೇಣಿಯ ಅಧಿಕಾರಿಯಿದ್ದರು. ಅವರು ವಿಶೇಷ ಭೂ ಸ್ವಾಧೀನ ಅಧಿಕಾರಿಯಾಗಿದ್ದು, ಅವರ ಜೊತೆ ಶಿರಸ್ತೇದಾರ್, ಪ್ರಥಮ ದರ್ಜೆ ಸಹಾಯಕ ಹಾಗೂ ದ್ವಿತೀಯ ದರ್ಜೆ ಸಹಾಯಕ ಹುದ್ದೆಗಳಿಗೂ ಸಿಬ್ಬಂದಿ ಇದ್ದರು. ಈ ಎಲ್ಲದರ ನಡುವೆ ಒಮ್ಮೆ ಅಧಿಕಾರಿಯೊಬ್ಬರು ಈ ಹುದ್ದೆಗೆ ಖಾಯಂ ಆಗಿ ಬಂದಿದ್ದರು. ಆದರೆ, ಅವರಿಗೂ ಅಲ್ಲಿ ಯಾವುದೇ ಕೆಲಸವಿಲ್ಲದ ಕಾರಣ ಕೆಲ ತಿಂಗಲು ಕೆಲಸ ನಿರ್ವಹಿಸಿ, ಬೇರೆಡೆ ಹೋಗಿದ್ದರು. ಅದಾದ ನಂತರ ಹುಬ್ಬಳ್ಳಿ-ಅಂಕೋಲಾ ರೈಲು ಯೋಜನೆ ನೆನೆಗುದಿಗೆ ಬಿದ್ದ ಕಾರಣ ಆ ಹುದ್ದೆಗಳೆಲ್ಲವೂ ಖಾಲಿಯಾದವು. ಅದಾದ ನಂತರ ಕೆಲವರಿಗೆ ಪ್ರಭಾರಿಯಾಗಿ ಆ ಹುದ್ದೆ ನೀಡಲಾಗಿದ್ದು, ಈವರೆಗೂ ಕುಮಟಾ ಉಪವಿಭಾಗಾಧಿಕಾರಿ ಶ್ರವಣಕುಮಾರ ಅವರನ್ನು ಅಲ್ಲಿ ನಿಯೋಜಿಸಲಾಗಿತ್ತು. ಸದ್ಯ ಹುಬ್ಬಳ್ಳಿ-ಅಂಕೋಲಾ ರೈಲ್ವೆ ಯೋಜನೆಗೆ ಮರುಜೀವ ಬಂದಿದ್ದರಿoದ ಸರ್ಕಾರ ರವಿಚಂದ್ರ ನಾಯಕ ಅವರನ್ನು ಈ ಹುದ್ದೆಗೆ ನೇಮಕ ಮಾಡಿದೆ. 1998ರಲ್ಲಿ ಈ ಕಚೇರಿ ಶುರುವಾದಾಗ ಹುಬ್ಬಳ್ಳಿ ಹಾಗೂ ಕಲಘಟಗಿ ತಾಲೂಕುಗಳ ಖಾಸಗಿ ಹಾಗೂ ಅರಣ್ಯ ಭೂಮಿ ಸ್ವಾಧೀನ ಪ್ರಕ್ರಿಯೆ ನಡೆದಿತ್ತು. ಆ ಅವಧಿಯಲ್ಲಿ ಕಾರವಾರದಲ್ಲಿರುವ ಭೂ ಸ್ವಾಧೀನಾಧಿಕಾರಿ ಕಚೇರಿಯಿಂದಲೇ ಸ್ವಾಧೀನ ಪ್ರಕ್ರಿಯೆ ನಡೆಸಲಾಗಿತ್ತು. ಆ ವೇಳೆ 4ಎ ನೋಟಿಪಿಕೇಶನ್ ಮಾಡಿ, ಪರಿಹಾರ ನೀಡುವ ಕಾರ್ಯವನ್ನು ಇಲ್ಲಿಂದಲೇ ನೀಡಲಾಗಿತ್ತು. 2006ರಲ್ಲಿ ಯೋಜನೆಗೆ ತಡೆ ಬಂದ ನಂತರ ಭೂ ಸ್ವಾಧೀನ ಪ್ರಕ್ರಿಯೆಯೂ ಸ್ಥಗಿತವಾಗಿತ್ತು. ಆ ಕಚೇರಿ ಹಾಗೇ ಇದ್ದರೂ ಅಲ್ಲಿದ್ದವರಿಗೆ ಕೆಲಸವಿರಲಿಲ್ಲ. ಹೀಗಾಗಿ ಕಚೇರಿ ಮುಂದುವರೆದರೂ ಪ್ರಭಾರಿ ಹುದ್ದೆಯಲ್ಲಿದ್ದವರೇ ಅದನ್ನು ನಿಭಾಯಿಸುತ್ತಿದ್ದರು. ಹುಬ್ಬಳ್ಳಿ-ಅಂಕೋಲಾ ರೈಲ್ವೆ ಯೋಜನೆಗೆ ಭೂ ಸ್ವಾಧೀನಗೊಳ್ಳಲಿರುವ ಗ್ರಾಮಗಳ ಪಟ್ಟಿಯನ್ನು ನೈರುತ್ಯ ರೈಲ್ವೆ ಇತ್ತೀಚೆಗೆ ಪ್ರಕಟ ಮಾಡಿದ್ದರಿಂದ ಯಲ್ಲಾಪುರ, ಅಂಕೋಲಾ ಭಾಗದಲ್ಲಿ ಭೂ ಸ್ವಾಧೀನದ ಬಗ್ಗೆ ಚರ್ಚೆ ಜೋರಾಗಿದೆ. ಯೋಜನೆಗಾಗಿ ರಾಷ್ಟ್ರೀಯ ಹೆದ್ದಾರಿ 52 ರಿಂದ ಬಹು ದೂರದಲ್ಲಿರುವ ಕಳಚೆ, ತೆಲಂಗಾರ ಮುಂತಾದ ಗ್ರಾಮಗಳ ಹೆಸರನ್ನೂ ಸೇರಿಸಲಾಗಿದೆ. ಇನ್ನೊಂದೆಡೆ ರಾಷ್ಟ್ರೀಯ ಹೆದ್ದಾರಿಯ ಇನ್ನೊಂದು ಪಕ್ಕದಲ್ಲಿರುವ ಗ್ರಾಮಗಳನ್ನೂ ಹೆಸರಿಸಲಾಗಿದೆ. ರೈಲ್ವೆ ಮಾರ್ಗ ಯಾವ ರೀತಿ ಹೋಗಲಿದೆ ಎಂಬ ಎಂಬ ಸ್ಪಷ್ಟತೆ ಇದುವರೆಗೂ ಸಿಕ್ಕಿಲ್ಲ. ಇದರಿಂದ ಜನ ಗೊಂದಲದಲ್ಲಿದ್ದಾರೆ.
- [ಕಾರವಾರ | ಪತ್ನಿಗೆ ಪೀಡಿಸಿದ ಪೊಲೀಸಪ್ಪ!](https://mobiletime.in/2026/08/karwar-policeman-harasses-wife/): ಕಾರವಾರದಲ್ಲಿ ಕರ್ತವ್ಯ ನಿಭಾಯಿಸುವ ಪೊಲೀಸ್ ಸಿಬ್ಬಂದಿ ಸಂತೋಷ ನಾಯ್ಕ ಅವರು ತಮ್ಮ ಕುಟುಂಬವನ್ನು ಸರಿಯಾಗಿ ನೋಡಿಕೊಂಡಿಲ್ಲ. ಅವರು ಪತ್ನಿ ಶ್ರೇಯಾ ನಾಯ್ಕ ಅವರನ್ನು ಮನೆಯಿಂದ ಹೊರದಬ್ಬಿದ್ದು, ಆಘಾತದಿಂದ ಕುಸಿದುಬಿದ್ದ ಶ್ರೇಯಾ ನಾಯ್ಕ ಅವರು ಆಸ್ಪತ್ರೆ ಸೇರಿದ್ದಾರೆ. ಕಾರವಾರದ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಸಂತೋಷ ಆಪಾ ನಾಯ್ಕ ಅವರು ಕೆಲಸ ಮಾಡುತ್ತಿದ್ದಾರೆ. 51 ವರ್ಷದ ಅವರು ನಿವೃತ್ತ ಪೊಲೀಸ್ ಸಿಬ್ಬಂದಿ ಆಪಾ ಬೀರಪ್ಪ ನಾಯ್ಕ ಅವರ ಪುತ್ರರಾಗಿದ್ದಾರೆ. ಆಪಾ ನಾಯ್ಕ ಹಾಗೂ ಸಂತೋಷ ನಾಯ್ಕ ಎಂಬ ಅಪ್ಪ ಮಗ ಸೇರಿ ಶ್ರೇಯಾ ನಾಯ್ಕ ಅವರಿಗೆ ಹಿಂಸಿಸುತ್ತಿರುವ ಆರೋಪವ್ಯಕ್ತವಾಗಿದೆ. ಅವರಿಬ್ಬರ ವಿರುದ್ಧ ಈ ಹಿಂದೆಯೇ ಮಹಿಳೆಗೆ ತೊಂದರೆ ನೀಡಿದ ದೂರು ಬಂದಿದ್ದು, ಕೌಟುಂಬಿಕ ಕಲಹವನ್ನು ಅಲ್ಲಿಯೇ ಬಗೆಹರಿಸಿಕೊಳ್ಳುವಂತೆ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಸಲಹೆ ನೀಡಿದ್ದರು. ಅದಾದ ನಂತರ ಅವರ ಸಂಸಾರ ಸರಿಹೋಗಿದ್ದು, ನಂತರ ಮತ್ತೆ ಹಳೆಯ ಚಾಳಿಯೇ ಪುನವಾವರ್ತನೆಯಗಾಗಿದೆ. ಪೊಲೀಸ್ ಸಿಬ್ಬಂದಿ ಸಂತೋಷ ನಾಯ್ಕ ಅವರು ತಮ್ಮ ಪತ್ನಿ ಶ್ರೇಯಾ ನಾಯ್ಕ ಅವರನ್ನು ಮನೆಯಿಂದ ಹೊರದಬ್ಬಿದ್ದಾರೆ. ಅಪಾ ನಾಯ್ಕ ಅವರು ಶ್ರೇಯಾ ನಾಯ್ಕ ಅವರನ್ನು ಹೊರಗೆ ತಳ್ಳಿದ್ದಾರೆ. ಇದರಿಂದ ಶ್ರೇಯಾ ನಾಯ್ಕ ಅವರು ಮನೆ ಹೊರಗೆ ಕುಸಿದು ಬಿದ್ದಿದ್ದು, ಸಹಾಯಕ್ಕಾಗಿ ಮತ್ತೆ ಜನಶಕ್ತಿ ವೇದಿಕೆಯವರ ಮೊರೆ ಹೋಗಿದ್ದಾರೆ. ಹಳೆಯ ವಿಷಯವನ್ನು ಪ್ರಸ್ತಾಪಿಸಿ ಮಾಧವ ನಾಯಕ ಅವರು ಡಿವೈಎಸ್ಪಿ ಗಿರೀಶ್ ಅವರಿಗೆ ಫೋನ್ ಮಾಡಿ ವಿವರಿಸಿದ್ದಾರೆ. ಅವರ ಸೂಚನೆ ಮೇರೆಗೆ ಶ್ರೇಯಾ ನಾಯ್ಕ ಅವರು ತಮಗಾದ ಅನ್ಯಾಯದ ಬಗ್ಗೆ ಮಹಿಳಾ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ದೂರು ನೀಡುವಾಗಲೂ ಶ್ರೇಯಾ ನಾಯ್ಕ ಅವರು ಕುಸಿದು ಬಿದ್ದಿದ್ದಾರೆ. ಸದ್ಯ ಅವರನ್ನು ಮತ್ತೆ ಕಿಮ್ಸ್’ಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
- [ಮುರುಡೇಶ್ವರ | ಸ್ವಾತಂತ್ರ‍್ಯೋತ್ಸವ: ರಜೆ ದುರುಪಯೋಗ!](https://mobiletime.in/2026/08/murudeshwar-independence-day-holiday-abuse/): ಅದ್ಧೂರಿ ಸ್ವಾತಂತ್ರ‍್ಯೋತ್ಸವ ಆಚರಣೆಗಾಗಿ ಕಂಪನಿ ನೀಡಿದ ರಜೆಯನ್ನು ದುರುಪಯೋಗಪಡಿಸಿಕೊಂಡ ಕೆಲವರು ಮುರುಡೇಶ್ವರಕ್ಕೆ ಆಗಮಿಸಿದ್ದಾರೆ. ಇಲ್ಲಿ ಮೋಜು-ಮಸ್ತಿಯಲ್ಲಿ ತೊಡಗಿ ಮಾದಕ ವ್ಯಸನ ಸೇವಿಸಿದವರು ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾರೆ. ಹುಬ್ಬಳ್ಳಿಯ ಕೆ.ಎಚ್.ಬಿ ಜಡ್ಜ್ ಕಾಲೋನಿ 4ನೇ ಕ್ರಾಸ್ ನಿವಾಸಿ ಮಹಾಂತೇಶ ಯಮನಪ್ಪ ಜಿನಗಿ ಹಾಗೂ ಹುಬ್ಬಳ್ಳಿಯ ಗೊಪನಕೊಪ್ಪ ನಿವಾಸಿ ಕಾರ್ತಿಕ ಶಂಕರ ಜಗದಾಳೆ ಅವರು ಖಾಸಗಿ ಕಂಪನಿ ಉದ್ಯೋಗಿಯಾಗಿದ್ದು, ಕಂಪನಿಗೆ ರಜೆ ಇದ್ದ ಹಿನ್ನಲೆ ಮುರುಡೇಶ್ವರಕ್ಕೆ ಬಂದಿದ್ದರು. ಅಗಸ್ಟ 15ರ ರಾತ್ರಿ 9.30ಕ್ಕೆ ಮುರುಡೇಶ್ವರದ ಮಹತೋಬಾರ ದೇವಸ್ಥಾನದ ಸಮೀಪದ ಬಲಬದಿಯ ಸಮುದ್ರದಲ್ಲಿ ಅವರು ಗಾಂಜಾ ಸೇವಿಸಿ ಅಲೆದಾಡುತ್ತಿದ್ದರು. ಹುಬ್ಬಳ್ಳಿಯ ಉಣಕಲ್ ಸಾಯಿನಗರ ನಿವಾಸಿ, ಟೆಕ್ನಿಷಿಯನ್ ಸುನೀಲ್ ರಮೇಶ ಕೋಟಿ ಹಾಗೂ ಧಾರವಾಡ ಜಿಲ್ಲೆಯ ಹೆಬ್ಬಳ್ಳಿ ನಿವಾಸಿ ಚೈತನ್ಯ ಸುಧೀರ ಬೆಟಗೇರಿ ಅವರು ಸಹ ರಾತ್ರಿ 10 ಗಂಟೆಗೆ ಸಮುದ್ರದ ಎಡಭಾಗದಲ್ಲಿ ಅಲೆದಾಡುತ್ತಿದ್ದರು. ಅವರು ಸಹ ಮಾದಕ ವ್ಯಸನ ಸೇವಿಸಿದ್ದು, ಅನುಚಿತವಾಗಿ ವರ್ತಿಸುತ್ತಿದ್ದವರನ್ನು ಪೊಲೀಸರು ವಿಚಾರಣೆ ನಡೆಸಿದರು. ಈ ವೇಳೆ ಹುಬ್ಬಳ್ಳಿಯ ಅಮರಗೋಳ ನಿವಾಸಿ ಸುನೀಲ್ ಕುಮಾರ್ ಯಮನಪ್ಪ ಜಿನಗಿ ಹಾಗೂ ಗದಗ ಜಿಲ್ಲೆಯ ಕಲ್ಲೂರು ನಿವಾಸಿ ವಿನಾಯಕ ವೆಂಕಪ್ಪ ಮುಶಣ್ಣವರ ಸಹ ತೂದಳ್ಳಿ ರಸ್ತೆಯ ಮೀನು ಮಾರುಕಟ್ಟೆ ಸಮೀಪದ ಸಾರ್ವಜನಿಕ ಸ್ಥಳದಲ್ಲಿ ಗಲಾಟೆ ಮಾಡುತ್ತಿರುವುದನ್ನು ಪೊಲೀಸರು ಗಮನಿಸಿದರು. ಈ ಆರೂ ಜನರನ್ನು ವಶಕ್ಕೆಪಡೆದು ಭಟ್ಕಳ ತಾಲೂಕು ಆಸ್ಪತ್ರೆಗೆ ಕರೆದೊಯ್ದು ವೈದ್ಯಕೀಯ ಪರೀಕ್ಷೆ ನಡೆಸಿದರು. ಆಗ, ಅವರೆಲ್ಲರೂ ನಿಷೇಧಿತ ಗಾಂಜಾ ಸೇವಿಸಿದ್ದು ಗೊತ್ತಾಯಿತು. ಈ ಹಿನ್ನಲೆ ಆ ಆರು ಜನರ ವಿರುದ್ಧ ಮೂರು ಪ್ರತ್ಯೇಕ ಪ್ರಕರಣಗಳನ್ನು ಪೊಲೀಸರು ದಾಖಲಿಸಿದರು.
- [ಕಾರವಾರ | ಕಿಟಕಿ ಮುರಿದ ಕಳ್ಳ!](https://mobiletime.in/2026/08/karwar-thief-breaks-window/): ಮೂಡಗೇರಿಯ ಅಂಗಡಿ ಗ್ರಾಮದ ತಿಲಕ ಬೇಹರಾ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಅವರ ಮನೆ ಹಿಂದಿನ ಕಿಟಕಿ ಮುರಿದ ಕಳ್ಳರು 20 ಸಾವಿರ ರೂ ಮೌಲ್ಯದ ಹಿತ್ತಾಳೆ ಸಾಮಗ್ರಿ ಕದ್ದಿದ್ದಾರೆ. ಕಾರವಾರದ ಚಿತ್ತಾಕುಲ ಬಳಿಯ ಮೂಡಗೇರಿಯ ಅಂಗಡಿಯಲ್ಲಿ ತಿಲಕ ಶಿವಪ್ರಸಾದ ಬೇಹರಾ ಅವರು ವಾಸವಾಗಿದ್ದಾರೆ. 30 ವರ್ಷದ ಅವರು ಅಗಸ್ಟ 9ರಂದು ತಿಲಕ ಶಿವಪ್ರಸಾದ ಬೇಹರಾ ಅವರು ಮನೆಗೆ ಬೀಗ ಹಾಕಿ ಹೊರಗೆ ಹೋಗಿದ್ದರು. ಅಗಸ್ಟ 16ರಂದು ಅವರು ಮರಳಿ ಮನೆಗೆ ಬಂದಾಗ ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಮನೆಯಲ್ಲಿ ಯಾರೂ ಇಲ್ಲದಿರುವುದನ್ನು ನೋಡಿಯೇ ಕಳ್ಳರು ಕನ್ನ ಹಾಕಿದ್ದಾರೆ. ತಿಲಕ್ ಬೆಹರಾ ಅವರ ಮನೆಯಯಲ್ಲಿದ್ದ ವಿವಿಧ ಸಾಮಗ್ರಿಗಳನ್ನು ಕಳ್ಳರು ಚಲ್ಲಾಪಿಲ್ಲಿ ಮಾಡಿದ್ದಾರೆ. ಮನೆಯ ಅಡುಗೆ ಕೋಣೆಯಲ್ಲಿದ್ದ ಪಾತ್ರೆಗಳನ್ನು ಎಗರಿಸಿದ್ದಾರೆ. ಹಿತ್ತಾಳೆ ಹಾಗೂ ತಾಮ್ರದ ಪಾತ್ರೆ ಕಾಣೆಯಾದ ಕಾರಣ ತಿಲಕ್ ಬೆಹರಾ ಅವರು ಅಕ್ಕ-ಪಕ್ಕದ ಮನೆಯವರನ್ನು ವಿಚಾರಿಸಿದ್ದು, ಅವರಿಂದ ಯಾವ ಮಾಹಿತಿಯೂ ಸಿಕ್ಕಿಲ್ಲ. ಹೀಗಾಗಿ ಕಳ್ಳರ ಪತ್ತೆಗೆ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಪ್ರೆಸ್‌ಕ್ಲಬ್'ಗೆ ಹೊಸ ಅಧ್ಯಕ್ಷ](https://mobiletime.in/2026/08/new-president-for-press-club/): ಕರ್ನಾಟಕ ಪ್ರೆಸ್ ಕ್ಲಬ್ ನೂತನ ಜಿಲ್ಲಾಧ್ಯಕ್ಷರಾಗಿ ನಾಗರಾಜ ದೈವಜ್ಞ ಅವರು ನೇಮಕವಾಗಿದ್ದಾರೆ. ಕರ್ನಾಟಕ ಪ್ರೆಸ್ ಕ್ಲಬ್‌ನ ಕರಾವಳಿ ಕರ್ನಾಟಕ ಅಧ್ಯಕ್ಷ ಕುಮಾರ್ ನಾಯ್ಕ ಅವರ ಶಿಫಾರಸಿನ ಹಿನ್ನೆಲೆಯಲ್ಲಿ ನಾಗರಾಜ ಅರ್ಜುನ ದೈವಜ್ಞ ಅವರನ್ನು ಉತ್ತರ ಕನ್ನಡ ಜಿಲ್ಲಾಧ್ಯಕ್ಷರಾಗಿ ನೇಮಿಸಲಾಗಿದೆ. ಸಂಘಟನೆಯ ರಾಜ್ಯ ಪ್ರಧಾನ ಕಾರ್ಯದರ್ಶಿ ರಮೇಶ್ ಎಸ್ ಜಿ ಅವರು ನೇಮಕಾತಿ ಆದೇಶ ನೀಡಿದ್ದಾರೆ. ನ್ಯಾಯ, ಸತ್ಯ, ನೈತಿಕತೆ ಹಾಗೂ ಪತ್ರಿಕಾ ಧರ್ಮವನ್ನು ಗಮನದಲ್ಲಿಟ್ಟುಕೊಂಡು ಹೊಸ ಜವಾಬ್ದಾರಿಯನ್ನು ನಿರ್ವಹಿಸುವಂತೆ ಆದೇಶದಲ್ಲಿ ಸೂಚಿಸಲಾಗಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕರ್ನಾಟಕ ಪ್ರೆಸ್ ಕ್ಲಬ್‌ನ ಸಂಘಟನೆಯನ್ನು ಮತ್ತಷ್ಟು ವಿಸ್ತರಿಸುವಂತೆ ನೂತನ ಅಧ್ಯಕ್ಷರಿಗೆ ಆದೇಶಿಸಲಾಗಿದೆ. ಪತ್ರಕರ್ತರು ವೃತ್ತಿಯಲ್ಲಿ ಎದುರಿಸುವ ಸಮಸ್ಯೆಗಳು ಮತ್ತು ಸಂಕಷ್ಟಗಳ ಸಂದರ್ಭದಲ್ಲಿ ಅಗತ್ಯ ನೆರವು ನೀಡುವಂತೆ ಸೂಚಿಸಲಾಗಿದೆ. ಜೊತೆಗೆ ದುರ್ಬಲ ವರ್ಗದ ಜನರು ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಬೆಳಕು ಚೆಲ್ಲುವಂತೆ ತಿಳಿಸಲಾಗಿದೆ.
- [ರೈತರ ಮೇಲೆ ದಬ್ಬಾಳಿಕೆ: ಕಠಿಣ ಕ್ರಮಕ್ಕೆ ಆಗ್ರಹ](https://mobiletime.in/2026/08/oppression-of-farmers-demand-for-stern-action/): ಚಾಮರಾಜನಗರದ ಹನೂರಿನಲ್ಲಿ ರೈತರ ಮೇಲೆ ಗುಂಡು ಹಾರಿಸಲಾಗಿದ್ದು, ಕರ್ನಾಟಕ ಪ್ರಾಂತ ರೈತ ಸಂಘ ಉತ್ತರ ಕನ್ನಡ ಜಿಲ್ಲಾ ಸಮಿತಿ ಇದನ್ನು ಖಂಡಿಸಿದೆ. ತಪ್ಪಿತಸ್ಥರನ್ನು ತಕ್ಷಣ ಬಂಧಿಸಿ ಕಠಿಣ ಕ್ರಮ ಜರುಗಿಸಬೇಕು ಎಂದು ಸಮಿತಿ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಆಗ್ರಹಿಸಿದ್ದಾರೆ. `ಕಾಡಿನಲ್ಲಿ ವಾಸಿಸುವ ಬುಡಕಟ್ಟು ಜನ ಅನಾಧಿಕಾಲದಿಂದ ಅರಣ್ಯ ರಕ್ಷಣೆ ಮಾಡುತ್ತ ಬಂದಿದ್ದಾರೆ. ಅವರು ಅನಧಿಕೃತವಾಗಿ ಕಾಡು ಪ್ರವೇಶಿಸಿದರು ಎಂಬ ಕಾರಣಕ್ಕೆ ಗುಂಡು ಹೊಡೆದಿರುವುದು ಸರಿಯಲ್ಲ. ಹನೂರು ತಾಲೂಕಿನ ಮರಿಮಂಗಳ ಅರಣ್ಯ ಬೀಟ್ ನಲ್ಲಿ ಕಾಡಂಚಿನ ಗ್ರಾಮದ ತೋಮಿಯಾರ್ ಪಾಳ್ಯದ ಮೂವರು ರೈತರನ್ನು ಗುಂಡುಹೊಡೆದು ಕೊಂದಿರುವುದು ಶೋಚನೀಯ’ ಎಂದವರು ಹೇಳಿದ್ದಾರೆ. `ಕಾಡಂಚಿನಲ್ಲಿ ವಾಸಿಸುವ ಬುಡಕಟ್ಟು ಮತ್ತು ಇತರೆ ಜನ ನಿತ್ಯ ದಬ್ಬಾಳಿಕೆಗೆ ಒಳಗಾಗುತ್ತಿದ್ದು, ಈ ಘಟನೆಯೂ ಅದಕ್ಕೆ ಒಂದು ನಿದರ್ಶನ’ ಎಂದಿದ್ದಾರೆ. `ರಾಜ್ಯ ಸರಕಾರ ತನ್ನ ಅಧೀನದ ಕಂದಾಯ ಅಧಿಕಾರಿಗಳ ನೇತೃತ್ವದ ಮ್ಯಾಜೆಸ್ಟ್ರೇಟ್ ತನಿಖೆಗೆ ಚಿಂತಿಸಿದ್ದು, ಅದನ್ನು ಕೂಡಲೇ ಹಿಂಪಡೆದು ಹೈಕೋರ್ಟ್ ನ್ಯಾಯಾಧೀಶರಿಂದ ನ್ಯಾಯಾಂಗದ ಸ್ವತಂತ್ರ ತನಿಖೆಗೆ ಅಗತ್ಯ ಕ್ರಮವಹಿಸಬೇಕು. ಕೊಲೆಯಾದವರ ಕುಟುಂಬಕ್ಕೆ ಕನಿಷ್ಟ 5ಕೋಟಿ ರೂ ಪರಿಹಾರ ಕೊಡಬೇಕು. ಇಂಥ ಪ್ರಕರಣದಲ್ಲಿ ಸುಪ್ರೀಂ ಕೋರ್ಟ್ ಈಗಾಗಲೇ ನಿರ್ದೇಶನ ನೀಡಿರುವಂತೆ ಕೊಲೆ ಮೊಕದ್ದಮೆ ದಾಖಲಿಸಿ ಕಾನೂನು ಪ್ರಕಾರ ಅತ್ಯಂತ ಕಠಿಣ ಶಿಕ್ಷೆ ವಿಧಿಸಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾ ಸಮಿತಿ ಒತ್ತಾಯಿಸಿದೆ. ಅಖಿಲ ಭಾರತ ಕಿಸಾನ್ ಸಭಾ ರಾಷ್ಟ್ರೀಯ ಸಹ ಕಾರ್ಯದರ್ಶಿ ಕಾಮ್ರೇಡ್ ಡಿ ರವೀಂದ್ರನ್, ಕರ್ನಾಟಕ ಪ್ರಾಂತ ರೈತ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಕಾಂ ಯಶವಂತ ಟಿ ನೇತೃತ್ವದಲ್ಲಿ ರೈತ ಸಂಘದ ಉನ್ನತ ಮಟ್ಟದ ನಿಯೋಗ ಮೃತ ರೈತ ಕುಟುಂಬಗಳಿಗೆ ಭೇಟಿ ನೀಡಿ ಸಾಂತ್ವನ ವ್ಯಕ್ತಪಡಿಸಲಾಗಿದೆ. ಈ ಘಟನೆಯ ಬಗ್ಗೆ ನ್ಯಾಯ ಒದಗಿಸಲು ಕೋರಿ ರೈತ ಸಂಘ ಹೋರಾಟ ನಡೆಸುವುದಾಗಿಯೂ ಶಾಂತರಾಮ ನಾಯಕ ಅವರು ತಿಳಿಸಿದ್ದಾರೆ.
- [ಹಳಿಯಾಳ | ಮೀನುಹಿಡಿಯಲು ಹೋದವ ನೀರು ಪಾಲು!](https://mobiletime.in/2026/08/haliyal-man-drowns-while-fishing/): ಮೀನು ಹಿಡಿಯಲು ಕೆರೆಗೆ ಹೋಗಿದ್ದ ಗೋಕುಲ ಕುಂಬಾರ ಅವರು ಕೆರೆ ನೀರಿನಲ್ಲಿ ಮುಳುಗಿ ಕೊನೆಯುಸಿರೆಳೆದಿದ್ದಾರೆ. ಆಕಸ್ಮಿಕವಾಗಿ ನೀರಿಗೆ ಬಿದ್ದ ಅವರಿಗೆ ಮೇಲೆ ಬರಲು ಸಾಧ್ಯವಾಗದೇ ಅಲ್ಲಿಯೇ ಸಾವನಪ್ಪಿದ್ದಾರೆ. ಹೊಸೂರು (ಪಾಂಡರವಾಳ) ಗ್ರಾಮದಲ್ಲಿ ಗೋಕುಲ ವಿಠಲ ಕುಂಬಾರ ಅವರು ವಾಸವಾಗಿದ್ದರು. 24 ವರ್ಷದ ಅವರು ಮೀನು ಹಿಡಿಯಲು ಉದ್ದೇಶಿಸಿದ್ದರು. ಅದಕ್ಕಾಗಿ ಜತಗಾ-ಗೌಳಿವಾಡ ಗ್ರಾಮದ ಕೆರೆಗೆ ಹೋಗಿದ್ದರು. ಮೀನು ಹಿಡಿಯುವ ವೇಳೆ ಅವರು ಕಾಲು ಜಾರಿ ಕೆರೆಗೆ ಬಿದ್ದರು. ಸಾಕಷ್ಟು ಪ್ರಯತ್ನ ಮಾಡಿದರೂ ನೀರಿನಿಂದ ಮೇಲೆ ಬರಲು ಅವರಿಂದ ಸಾಧ್ಯವಾಗಲಿಲ್ಲ. ಕೆಲ ಸಮಯದ ನಂತರ ಗೋಕುಲ ಕುಂಬಾರ ಅವರ ಹುಡುಕಾಟ ನಡೆದಿದ್ದು, ಆಗ ಅವರು ಸಾವನಪ್ಪಿರುವುದು ಗಮನಕ್ಕೆ ಬಂದಿತು. ಕೆರೆಯಲ್ಲಿದ್ದ ಅವರ ಶವವನ್ನು ಜನ ಮೇಲೆತ್ತಿದರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದು, ಕಾನೂನು ಕ್ರಮ ಜರುಗಿಸಿದರು.
- [ಶಿರಸಿ | ಸಾಲ್ಕಣಿ ಬಸ್ಸಿನ ಸ್ಟೇರಿಂಗ್ ಕಟ್!](https://mobiletime.in/2026/08/sirsi-salkani-bus-steering-fails/): ಸಾಲ್ಕಣಿಯಿಂದ ಶಿರಸಿಗೆ ಬರುತ್ತಿದ್ದ ಬಸ್ಸಿನ ಸ್ಟೇರಿಂಗ್ ಕಟ್ ಆಗಿದೆ. ಪರಿಣಾಮ ಆ ಬಸ್ಸು ಗಟಾರಕ್ಕೆ ಹೋಗಿ ಬಿದ್ದಿದೆ. ಬಸ್ಸು ಅಪಘಾತಕ್ಕೀಡಾದರೂ ಅದರೊಳಗಿದ್ದ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ. ಸರ್ಕಾರ ಗ್ರಾಮೀಣ ಭಾಗಗಳಿಗೆ ಗುಜುರಿ ಬಸ್ ಓಡಿಸುತ್ತದೆ ಎಂಬ ಆರೋಪ ಹೊಸತಲ್ಲ. ಅದಕ್ಕೆ ಈ ದಿನ ಸಾಲ್ಕಣಿ ಬಸ್ ಸಹ ಸಾಕ್ಷಿಯಾಗಿದೆ. ನೀರ್ನಹಳ್ಳಿ-ಕಲಗಾರ್ ಸಮೀಪ ಬಸ್ಸು ದಾರಿ ತಪ್ಪಿದೆ. ಬಸ್ಸಿನ ಸ್ಟೇರಿಂಗ್ ಕೈಗೆ ಕಿತ್ತು ಬಂದರೂ ಚಾಲಕ ಬಸ್ಸನ್ನು ನಿಧಾನವಾಗಿ ಗಟಾರಕ್ಕಿಳಿಸಿದ್ದಾರೆ. ಗುಜುರಿ ಬಸ್ ಓಡಿಸಿ ರೂಢಿಯಾಗಿದ್ದ ಚಾಲಕ ತಕ್ಷಣ ಸಮಯಪ್ರಜ್ಞೆ ಮೆರೆದಿದ್ದು, ಸ್ಟೇರಿಂಗ್ ತುಂಡಾದರೂ ಬಸ್ಸನ್ನು ನಿಯಂತ್ರಿಸಿದ್ದಾರೆ. ಆ ಮೂಲಕ ಪ್ರಯಾಣಿಕರಿಗೆ ಯಾವುದೇ ಗಾಯ-ನೋವು ಆಗದ ಹಾಗೇ ಜೋಪಾನ ಮಾಡಿದ್ದಾರೆ. ಬಸ್ಸು ಗಟಾರಕ್ಕೆ ಬಿದ್ದ ಪರಿಣಾಮ ಪ್ರಯಾಣಿಕರು ಆಘಾತಕ್ಕೆ ಒಳಗಾಗಿದ್ದರು. ಅನೇಕರು ಈ ಅವಾಂತರದ ಬಗ್ಗೆ ಆತಂಕದಿAದ ಪ್ರಶ್ನಿಸಿದ್ದರು. ಆಗ, ಚಾಲಕ ತುಂಡಾದ ಸ್ಟೇರಿಂಗನ್ನು ಜನರಿಗೆ ತೋರಿಸಿದ್ದು, ಚಾಲಕನಿಗೆ ಬೈಯುತ್ತಿದ್ದ ಜನ ಸರ್ಕಾರಕ್ಕೆ ಬೈಯಲು ಶುರು ಮಾಡಿದರು. ನಿಗಮದವರು ಪ್ರಯಾಣಿಕರ ಸುರಕ್ಷತೆಗೆ ಒತ್ತು ನೀಡಿ, ಉತ್ತಮ ಬಸ್ ಓಡಿಸಬೇಕು ಎಂದು ಅಲ್ಲಿದ್ದವರು ಆಗ್ರಹಿಸಿದರು.
- [ಹೊನ್ನಾವರ | ಮೂರು ವರ್ಷ ಕಳೆದರೂ ಆರದ ಬಹಿಷ್ಕಾರದ ಬಿಸಿ!](https://mobiletime.in/2026/08/honnavar-the-heat-of-the-social-boycott-remains-undiminished-even-after-three-years/): ಉಪ್ಪೋಣಿಯ ಸರಳಗಿಯಲ್ಲಿ ಎಂಟು ಕುಟುಂಬದವರಿಗೆ ಉಪ್ಪಾರ ಸಮುದಾಯದವರು ಬಹಿಷ್ಕಾರ ಹಾಕಿದ್ದು, ಮೂರು ವರ್ಷವಾದರೂ ಆ ಬಹಿಷ್ಕಾರದ ಬಿಸಿ ಆರಿಲ್ಲ. ಬಹಿಷ್ಕಾರಕ್ಕೆ ಒಳಗಾದ ಕುಟುಂಬದವರು ನ್ಯಾಯಕ್ಕಾಗಿ ಕಚೇರಿಯಿಂದ ಕಚೇರಿಗೆ ಅಲೆದಾಡುವುದು ತಪ್ಪಿಲ್ಲ. ಉತ್ತರ ಕನ್ನಡಕ್ಕೆ ಆಗಮಿಸಿದ್ದ ಉಸ್ತುವಾರಿ ಸಚಿವ ಲಕ್ಷö್ಮಣ ಸವದಿ ಅವರ ಬಳಿ ಬಹಿಷ್ಕಾರಕ್ಕೆ ಒಳಗಾದ ಮಾರುತಿ ಉಪ್ಪಾರ್ ಅವರು ತಮ್ಮ ನೋವು ತೋಡಿಕೊಂಡಿದ್ದಾರೆ. `ಚಿತ್ರಾಂಗ ಗೋವಿಂದ ಉಪ್ಪಾರ್, ಗೋಪಾಲ ಗಣಪತಿ ಉಪ್ಪಾರ್, ಗಜಾನನ ಮಾದೇವ ಉಪ್ಪಾರ್, ಸುಬ್ರಹ್ಮಣ್ಯ ರಾಮ ಉಪ್ಪಾರ್, ಗೋಪಿಕಾ ಮಂಜುನಾಥ ಉಪ್ಪಾರ್, ಮಂಗಲಾ ಮಾದೇವ ಉಪ್ಪಾರ್, ಚಂದ್ರಕಾAತ ಗೋವಿಂದ ಉಪ್ಪಾರ್ ಅವರನ್ನು ಸಮುದಾಯದಿಂದ ಬಹಿಷ್ಕರಿಸಲಾಗಿದೆ. ಈ ಕುಟುಂಬದವರ ಜೊತೆ ಯಾರೂ ಮಾತನಾಡುವ ಹಾಗಿಲ್ಲ. ಈ ಕುಟುಂಬದವರು ದೇವರ ಕಾರ್ಯದಲ್ಲಿ ಭಾಗಿಯಾಗುವ ಹಾಗಿಲ್ಲ. ಈ ಕುಟುಂಬದವರ ಮಕ್ಕಳ ಜೊತೆ ಇತರೆ ಮಕ್ಕಳು ಸಹ ಬೆರೆಯುವುದಿಲ್ಲ. ಉಪ್ಪಾರ ಸಮುದಾಯದ ಅಧ್ಯಕ್ಷ ಗಜಾನನ ರಾಮಾ ಉಪ್ಪಾರ್, ಸದಸ್ಯರಾದ ಪ್ರಮೋದ ಗೋಪಾಲ ಉಪ್ಪಾರ್, ಸುರೇಂದ್ರ ಮಂಜುನಾಥ ಉಪ್ಪಾರ್, ರಮೇಶ ಶಂಕರ್ ಉಪ್ಪಾರ್, ಜಯಂತ ನಾರಾಯಣ ಉಪ್ಪಾರ್ ಸೇರಿ ಬಹಿಷ್ಕಾರ ಹಾಕಿದ್ದಾರೆ’ ಎಂದವರು ದೂರಿದ್ದಾರೆ. `ಮಾರುತಿ ಉಪ್ಪಾರ್ ಅವರು ಸರಳಗಿಯ ಸ್ಮಶಾನಕಾಳಿ ದೇವಾಲಯಕ್ಕೆ ಹೋಗಿ ಪೂಜಿಸುತ್ತಿದ್ದು, ಸದ್ಯ ಅವರಿಗೆ ಅಲ್ಲಿ ಪ್ರವೇಶವಿಲ್ಲ. ಅಲ್ಲಿ ಹೋದರೆ ದಂಡವಿಧಿಸಲಾಗುತ್ತಿದೆ. ಚಂದ್ರಕಾAತ ಉಪ್ಪಾರ್ ಅವರು ರಿಕ್ಷಾ ಓಡಿಸಿ ಜೀವನ, ಅವರ ರಿಕ್ಷಾಗೆ ಯಾರೂ ಹತ್ತುವ ಹಾಗಿಲ್ಲ ಎಂಬ ನಿಷೇಧ ಹೇರಲಾಗಿದೆ. ಆ ರಿಕ್ಷಾ ಓಡಾಡುವ ಸ್ಥಳದಲ್ಲಿ ಬೇಲಿ ನಿರ್ಮಿಸಿ ಸಮಸ್ಯೆ ಮಾಡಲಾಗುತ್ತಿದೆ. ಗಜಾನನ ಮಾದೇವ ಉಪ್ಪಾರ್ ಅವರ ತಂದೆಯವರು ಚಾಮರಾ ದೇವಿ ಪೂಜಿಸಿಕೊಂಡು ಬಂದಿದ್ದು, ಅದಕ್ಕೂ ಬೇಲಿ ಹಾಕಿ ತೊಂದರೆ ಮಾಡಲಾಗಿದೆ. ಸುಬ್ರಹ್ಮಣ್ಯ ರಾಮ ಉಪ್ಪಾರ್ ಅವರು ಬಹಿಷ್ಕಾರಕ್ಕೆ ಒಳಗಾದ ಕುಟುಂಬದವರ ಜೊತೆ ಮಾತನಾಡಿದ ಕಾರಣ ದಂಡ ಪಾವತಿಸಿದ್ದಾರೆ. ಈ ಬಗ್ಗೆ ಸಾಕಷ್ಟು ಕಡೆ ದೂರು ನೀಡಿದರೂ ಪ್ರಯೋಜನವಾಗಿಲ್ಲ’ ಎಂದು ಸಂತ್ರಸ್ತರು ದೂರಿದ್ದಾರೆ. ಸಂತ್ರಸ್ತ ಕುಟುಂಬದವರು ಜನಶಕ್ತಿ ವೇದಿಕೆ ಅಧ್ಯಕ್ ಮಾಧವ ಬಿ ನಾಯಕ್ ಅವರ ಮೂಲಕ ಉಸ್ತುವಾರಿ ಸಚಿವರಿಗೆ ಮನವಿ ಮಾಡಿದ್ದು, ನ್ಯಾಯಾಕ್ಕಾಗಿ ಅಂಗಲಾಚಿದ್ದಾರೆ. `ಈ ಕುರಿತು ಹಿಂದೆಯೇ ಪೊಲೀಸ್ ಇಲಾಖೆಗೆ ದೂರು ಸಲ್ಲಿಸಲಾಗಿದ್ದರೂ, ದೂರು ನೀಡಿದ ಬಳಿಕವೂ ನಿರೀಕ್ಷಿತ ಮಟ್ಟದಲ್ಲಿ ಕ್ರಮ ಕೈಗೊಳ್ಳಲಾಗಿಲ್ಲ’ ಎಂದವರು ಹೇಳಿದ್ದಾರೆ. `ಈ ಸಮಸ್ಯೆಯಿಂದ ಕುಟುಂಬಗಳು ಮಾನಸಿಕವಾಗಿ ಹಾಗೂ ಸಾಮಾಜಿಕವಾಗಿ ತೊಂದರೆ ಅನುಭವಿಸುತ್ತಿದ್ದು, ತಮ್ಮ ಹಕ್ಕುಗಳ ರಕ್ಷಣೆಗಾಗಿ ಹಲವು ಬಾರಿ ಅಧಿಕಾರಿಗಳ ಗಮನಕ್ಕೆ ತಂದಿದ್ದರೂ ಪರಿಹಾರ ದೊರೆತಿಲ್ಲ’ ಎಂದು ದೂರಿದ್ದಾರೆ. ಮನವಿಯನ್ನು ಸ್ವೀಕರಿಸಿದ ಸಚಿವ ಲಕ್ಷ್ಮಣ ಸವದಿ ಅವರು ವಿಷಯವನ್ನು ಗಂಭೀರವಾಗಿ ಪರಿಗಣಿಸಿ, ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ಅಧೀಕ್ಷಕರಿಗೆ ಪರಿಶೀಲಿಸಿ ಅಗತ್ಯ ಕ್ರಮ ಕೈಗೊಳ್ಳುವಂತೆ ಸೂಚನೆ ನೀಡಿದ್ದಾರೆ.
- [ಕುಮಟಾ | ಅಲೆಗಳ ಅಬ್ಬರಕ್ಕೆ ಮುಳುಗಿದ ದೋಣಿ!](https://mobiletime.in/2026/08/kumta-boat-sinks-amidst-crashing-waves/): ಆಳ ಸಮುದ್ರದ ಮೀನುಗಾರಿಕೆಗೆ ಹೋಗಿದ್ದ ಯಾಂತ್ರಿಕೃತ ದೋಣಿ ತದಡಿಯ ಅಳವಿನ ಪ್ರದೇಶದಲ್ಲಿ ಮುಳುಗಡೆಯಾಗಿದೆ. ಈ ದೋಣಿಯಲ್ಲಿ ನಾಲ್ವರು ಮೀನುಗಾರರಿದ್ದು, ಇನ್ನೊಂದು ದೋಣಿಯಲ್ಲಿದ್ದ ಮೀನುಗಾರರು ಅವರನ್ನು ರಕ್ಷಿಸಿದ್ದಾರೆ. ಸದ್ಯ ಅರಬ್ಬಿ ಸಮುದ್ರದಲ್ಲಿ ಅಲೆಗಳ ಅಬ್ಬರ ಜೋರಾಗಿದೆ. ಹೀಗಾಗಿ ಅಲ್ಲಿ ಅವಘಡಗಳು ನಡೆಯುತ್ತಿದ್ದು, ಭಾನುವಾರವೂ ದೋಣಿಯೊಂದು ಅಲೆಗಳಿಗೆ ಸಿಕ್ಕಿ ಬಿದ್ದಿದೆ. ಕಿಮಾನಿಯ ಮೋಹನ ಕೃಷ್ಣಪ್ಪ ಹರಿಕಾಂತ ಅವರ ಒಡೆಯನದ ಶ್ರೀದೇವಿ ಎಂಬ ದೋಣಿಯಲ್ಲಿ ಮೋಹನ ಹರಿಕಂತ್ರ ಅವರ ಜೊತೆ ಶಂಕರ ನಾಗಪ್ಪ ಹರಿಕಾಂತ, ಈರಾ ಶಿವು ಹರಿಕಾಂತ, ಮುಂಜುನಾಥ ಅಜ್ಜಪ್ಪ ಹರಿಕಾಂತ ಅವರು ಮೀನುಗಾರಿಕೆಗೆ ಹೋಗಿದ್ದರು. ಮೀನುಗಾರಿಕೆ ಮುಗಿಸಿ ಮರಳುವಾಗ ಆ ದೋಣಿಯೊಳಗೆ ನೀರು ತುಂಬಲು ಶುರುವಾಯಿತು. ಪರಿಣಾಮ ಶ್ರೀದೇವಿ ಎಂಬ ದೋಣಿ ಮುಳುಗಲು ಶುರುವಾಗಿದ್ದು, ತಕ್ಷಣ ಆ ದೋಣಿಯಲ್ಲಿದ್ದವರು ಸಹಾಯಕ್ಕಾಗಿ ಕಿರುಚಿದರು. ಸಮೀಪವಿದ್ದ ಮತ್ತೊಂದು ದೋಣಿಯವರು ಈ ದುರಂತ ಗಮನಿಸಿದ್ದು, ಇನ್ನೊಂದು ದೋಣಿಯ ಸಹಾಯಪಡೆದು ಅಲ್ಲಿಗೆ ಧಾವಿಸಿದರು. ಅಲೆಗಳ ಅಬ್ಬರ ಜೋರಾಗಿದ್ದರೂ ಸಾಹಸ ಮಾಡಿ ಅಪಾಯದಲ್ಲಿದ್ದ ದೋಣಿಯವರನ್ನು ತಮ್ಮ ದೋಣಿಗೆ ಹತ್ತಿಸಿಕೊಂಡರು. ಇಡಗುಂಜಿ ವಿನಾಯಕ ಬೋಟ್‌ನ ನಾಗರಾಜ ಗಣಪತಿ ಹರಿಕಂತ, ಗುರುಬ್ರಹ್ಮ ಬೋಟನ್ ಸಂಜಯ ಹರಿಕಾಂತ್ ಮೂಡಂಗಿ ಹಾಗೂ ಸ್ಥಳೀಯ ಮೀನುಗಾರರು ಸೇರಿ ಅಪಾಯದಲ್ಲಿದ್ದ ನಾಲ್ವರನ್ನು ಬದುಕಿಸಿದರು. ರಕ್ಷಣೆಗೆ ಒಳಗಾದವರನ್ನು ತದಡಿ ಬಂದರಿಗೆ ಕರೆತಂದು ನಂತರ ಆಸ್ಪತ್ರೆಗೆ ದಾಖಲಿಸಿದರು.
- [ಶಿರಸಿ | ಪೊಲೀಸರಿಗೆ ಸಿಕ್ಕ ಚಿನ್ನದ ಉಂಗುರ!](https://mobiletime.in/2026/08/sirsi-gold-ring-found-by-police/): ಮಾರುತಿಗಲ್ಲಿಯ ಸೌಮ್ಯ ಹೆಬ್ಬಾಳ್ ಅವರ ಬಳಿಯಿದ್ದ ಚಿನ್ನದ ಉಂಗುರ ಕಾಣೆಯಾಗಿದ್ದು, ಪೊಲೀಸರು ಅದನ್ನು ಹುಡುಕಿ ಕೊಟ್ಟಿದ್ದಾರೆ. 70 ಸಾವಿರ ರೂ ಮೌಲ್ಯದ ಉಂಗುರ ಕಾಣೆಯಾಗಿದ್ದರಿಂದ ಗಲಿಬಿಲಿಗೊಂಡಿದ್ದ ಸೌಮ್ಯ ಹೆಬ್ಬಾಳ್ ಅವರು ಸದ್ಯ ನೆಮ್ಮದಿಯಿಂದ ಮನೆಗೆ ಮರಳಿದ್ದಾರೆ. ಶಿರಸಿಯ ಮಾರುತಿಗಲ್ಲಿಯಲ್ಲಿ ಸೌಮ್ಯ ಹೆಬ್ಬಾಳ್ ಅವರು ವಾಸವಾಗಿದ್ದಾರೆ. ಅವರು ಮಾರುಕಟ್ಟೆಗೆ ಬಂದಾಗ ತಮ್ಮ ಕೈಯಲ್ಲಿದ್ದ ಉಂಗುರ ಕಳೆದುಕೊಂಡಿದ್ದು, ಕಾಣೆಯಾದ ಉಂಗುರದ ಬಗ್ಗೆ ತಲೆಕೆಡಿಸಿಕೊಂಡಿದ್ದರು. ಓಡಾಟ ನಡೆಸಿದ ಎಲ್ಲಾ ಭಾಗದಲ್ಲಿ ಸಂಚಾರ ನಡೆಸಿದರೂ ಆ ಉಂಗುರ ಮಾತ್ರ ಸಿಕ್ಕಿರಲಿಲ್ಲ. ಕಾಣೆಯಾದ ಉಂಗುರ ಬೆಲೆ ಬಾಳುವ ವಸ್ತುವಾಗಿದ್ದು, ಜೊತೆಗೆ ಸೌಮ್ಯ ಹೆಬ್ಬಾಳ್ ಅವರು ಆ ಉಂಗುರದ ಜೊತೆ ಭಾವನಾತ್ಮಕವಾಗಿಯೂ ಸಂಬoಧಹೊoದಿದ್ದರು. ಎಲ್ಲಿ ಹುಡುಕಿದರೂ ಉಂಗುರ ಸಿಗದ ಕಾರಣ ಅವರು ಪೊಲೀಸರ ಸಹಾಯ ಯಾಚಿಸಿದರು. ಉಂಗುರ ಕಾಣೆಯಾದ ಬಗ್ಗೆ ಅವರು ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದರು. ಅತಿ ಚಿಕ್ಕದಾದ ಚಿನ್ನದ ಉಂಗುರ ಹುಡುಕುವುದು ಪೊಲೀಸರಿಗೆ ಸಹ ಸವಾಲಾಗಿತ್ತು. ಅದಾಗಿಯೂ, ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆ ಪಿಸೈ ಬಸವರಾಜ ಕನಶೆಟ್ಟಿ ಅವರು ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿ ವಿವಿಧ ಸಿಸಿ ಕ್ಯಾಮರಾ ದಾಖಲೆಗಳನ್ನು ಪರಿಶೀಲಿಸಿದರು. ಸೌಮ್ಯಾ ಹೆಬ್ಬಾಳ ಅವರು ಓಡಾಟ ನಡೆಸಿದ ಮಾರ್ಗವಾಗಿಯೂ ಶೋಧ ನಡೆಸಿದರು. ವಿವಿಧ ಆಯಾಮಗಳಲ್ಲಿ ಶೋಧ ನಡೆಸಿ ಸೌಮ್ಯ ಹೆಬ್ಬಾಳ ಅವರು ಕಳೆದುಕೊಂಡ ಉಂಗುರವನ್ನು ಪತ್ತೆ ಮಾಡಿದರು. ಈ ದಿನ ಸೌಮ್ಯಾ ಹೆಬ್ಬಾಳ ಅವರನ್ನು ಪೊಲೀಸ್ ಠಾಣೆಗೆ ಕರೆಯಿಸಿ ಆ ಉಂಗುರ ಹಸ್ತಾಂತರಿಸಿದರು. ಬೆಲೆ ಬಾಳುವ ವಸ್ತುಗಳನ್ನು ಜೋಪಾನವಾಗಿರಿಸಿಕೊಳ್ಳುವಂತೆ ಕಿವಿಮಾತನ್ನು ಹೇಳಿದರು.
- [ಮುಂಡಗೋಡ | ಉಲ್ಟಾ ಹಾರಿದ ರಾಷ್ಟ್ರಧ್ವಜ!](https://mobiletime.in/2026/08/mundgod-national-flag-hoisted-upside-down/): ಮುಂಡಗೋಡಿನ ಕೊಪ್ಪ ಗ್ರಾಮದ ಸೊಸೈಟಿ ಗೋದಾಮಿನಲ್ಲಿ ಸ್ವಾತಂತ್ರ‍್ಯೋತ್ಸವದ ಧ್ವಜಾರೋಹಣ ನಡೆದಿದ್ದು, ಇಲ್ಲಿ ರಾಷ್ಟ್ರಧ್ವಜವನ್ನು ಉಲ್ಟಾ ಹಾರಿಸಲಾಗಿದೆ. ಧ್ವಜಾರೋಹಣ ಕಾರ್ಯಕ್ರಮಕ್ಕೆ ಬಂದವರು ಉಲ್ಟಾ ಹಾರಾಡಿದ ಧ್ವಜ ನೋಡಿ ಕಂಗಾಲಾಗಿದ್ದಾರೆ. ಇoದೂರು ಸೊಸೈಟಿ ಆಡಳಿತ ಮಂಡಳಿಯವರಿoದ ಇಲ್ಲಿ ಧ್ವಜಾರೋಹಣ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಆದರೆ, ಸೊಸೈಟಿ ಸಿಬ್ಬಂದಿ ಧ್ವಜ ಕಟ್ಟುವ ಕೆಲಸದಲ್ಲಿ ನಿರ್ಲಕ್ಷವಹಿಸಿದ್ದರು. ಶನಿವಾರ ಬೆಳಗ್ಗೆ ಲಘುಬಗೆಯಿಂದ ಕಾರ್ಯಕ್ರಮ ಶುರುವಾಗಿದ್ದು, ಧ್ವಜಾರೋಹಣ ನಡೆದಾಗ ಬಾವುಟ ತಲೆಕೆಳಗಾಗಿ ಹಾರಾಡಿತು. ಅಲ್ಲಿದ್ದ ಜನ ಅದನ್ನು ತಮ್ಮ ಮೊಬೈಲಿನಲ್ಲಿ ಚಿತ್ರಿಸಿಕೊಂಡಿದ್ದು, ಅದು ಎಲ್ಲಡೆ ವೈರಲ್ ಆಯಿತು. ಇಂದೂರು ಸೊಸೈಟಿ ಆಡಳಿತದ ನೇತೃತ್ವದಲ್ಲಿ ನಡೆದ ಧ್ವಜಾರೋಹಣ ಕಾರ್ಯಕ್ರಮದಲ್ಲಿ ತ್ರಿವರ್ಣ ಧ್ವಜದ ಕೇಸರಿ ಬಣ್ಣ ಕೆಳಭಾಗ ತಲೆಕೆಳಗಾಗಿ ಹಸಿರು ಬಣ್ಣ ಮೇಲ್ಭಾಗದಲ್ಲಿ ಕಾಣಿಸಿಕೊಂಡಿದ್ದು ಆಕ್ರೋಶಕ್ಕೂ ಕಾರಣವಾಯಿತು. ಸ್ವಾತಂತ್ರ‍್ಯೋತ್ಸವದoತಹ ಮಹತ್ವದ ರಾಷ್ಟ್ರೀಯ ದಿನದಂದು ರಾಷ್ಟ್ರಧ್ವಜಕ್ಕೆ ಸೂಕ್ತ ಗೌರವ ನೀಡದ ಬಗ್ಗೆ ಜನ ಅಸಮಧಾನವ್ಯಕ್ತಪಡಿಸಿದರು.
- [ಗೋಕರ್ಣ | ಸೇಫ್‌ಸ್ಟಾರ್ ಸೊಸೈಟಿಯಲ್ಲಿ ಧ್ವಜಾರೋಹಣ](https://mobiletime.in/2026/08/gokarna-flag-hoisting-at-safestar-society/): ಗೋಕರ್ಣದ ಸೇಫ್‌ಸ್ಟಾರ್ ಸೌಹಾರ್ದ ಸಹಕಾರಿ ಸಂಘದ ಶಾಖೆಯಲ್ಲಿ 80ನೇ ಸ್ವಾತಂತ್ರ‍್ಯೋತ್ಸವವನ್ನು ಶಿಸ್ತುಬದ್ಧವಾಗಿ ಆಚರಿಸಲಾಗಿದ್ದು, ಈ ವೇಳೆ ಸೊಸೈಟಿಯ ಸೇವೆಗಳ ಬಗ್ಗೆ ಅರಿವು ಮೂಡಿಸಲಾಯಿತು. `ಹೊನ್ನಾವರ ಪ್ರಧಾನ ಕಚೇರಿ ಹೊಂದಿರುವ ಸಂಸ್ಥೆ ರಾಜ್ಯಾದ್ಯಂತ 20 ಶಾಖೆಗಳನ್ನು ಹೊಂದಿದೆ. ಈ ಸೊಸೈಟಿ ಸಹಕಾರದ ಜತೆಗೆ ಸಾಮಾಜಿಕ ಸೇವೆಯಲ್ಲೂ ಮುಂಚೂಣಿಯಲ್ಲಿದೆ. ಸಂಸ್ಥೆಯ ಅಧ್ಯಕ್ಷ ಜಿ ಜಿ ಶಂಕರ ಅವರು 75ನೇ ಸ್ವಾತಂತ್ರ‍್ಯೋತ್ಸವ ಸಂದರ್ಭದಲ್ಲಿ ಹರ್ ಘರ್ ತಿರಂಗ ಅಭಿಯಾನಕ್ಕೆ ಸ್ಪಂದಿಸಿ ಜಿಲ್ಲೆಯ 2000 ಮನೆಗಳಿಗೆ ರಾಷ್ಟ್ರಧ್ವಜ ಹಾಗೂ ಸಿಹಿತಿಂಡಿ ವಿತರಿಸಿದ್ದರು’ ಎಂದು ಶಾಖಾ ಪ್ರಭಾರ ವ್ಯವಸ್ಥಾಪಕ ವಿಶಾಂತ ದೇಶಭಂಡಾರಿ ಅವರು ವಿವರಿಸಿದರು. `ಕೊರೋನಾ ಸಂಕಷ್ಟದ ಸಂದರ್ಭದಲ್ಲಿ ಸೊಸೈಟಿಯೂ ಕೇಂದ್ರ ಸರ್ಕಾರಕ್ಕೆ 1.50 ಲಕ್ಷ ರೂ ಹಾಗೂ ರಾಜ್ಯ ಸರ್ಕಾರಕ್ಕೆ 1 ಲಕ್ಷ ಧನಸಹಾಯ ಮಾಡಿದೆ. 20 ಅಂಗನವಾಡಿ ಕಾರ್ಯಕರ್ತೆಯರಿಗೆ ಒಂದು ತಿಂಗಳ ವೇತನದ ನೆರವು ಮತ್ತು ಜಿಲ್ಲೆಯಾದ್ಯಂತ ಸಾವಿರಾರು ಜನರಿಗೆ ಉಪಹಾರ, ಊಟದ ವ್ಯವಸ್ಥೆ ಮಾಡಲಾಗಿತ್ತು’ ಎಂದವರು ಈ ವೇಳೆ ಮಾಹಿತಿ ನೀಡಿದರು. `ಸಹಕಾರಿಯಲ್ಲಿ ಲಾಭ ಮಾತ್ರವಲ್ಲ, ಸೇವೆಯೂ ಗುರಿ ಎಂಬ ಆಶಯ ನಮ್ಮದು’ ಎಂದು ವಿವರಿಸಿದರು. ಸೊಸೈಟಿ ಸಿಬ್ಬಂದಿ ಕಾರ್ಯಕ್ರಮದಲ್ಲಿದ್ದರು.
- [ಯಲ್ಲಾಪುರ | ಬೈಕಿನಿಂದ ಬಿದ್ದ ಸೋಮು: ಸಾವು!](https://mobiletime.in/2026/08/yellapur-somu-falls-from-bike-dies/): ಉಮ್ಮಚ್ಗಿ ಹುಣಸೆಮನೆಯ ಸೋಮು ಸಿದ್ದಿ ಅವರು ಬೈಕಿನಿಂದ ಬಿದ್ದು ಸಾವನಪ್ಪಿದ್ದಾರೆ. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದ ಅವರನ್ನು ಚಿಕಿತ್ಸೆಗಾಗಿ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲಿಸಿದರೂ, ಬದುಕಿಸಲು ಆಗಿಲ್ಲ. ಯಲ್ಲಾಪುರದ ಉಮ್ಮಚ್ಗಿ ಹುಣಸೆಮನೆಯಲ್ಲಿ ಸೋಮು ಸುಬ್ಬಾ ಸಿದ್ದಿ ಅವರು ವಾಸವಾಗಿದ್ದರು. 51 ವರ್ಷದ ಅವರು ಅಗಸ್ಟ 13ರಂದು ಹಲಸಿನಕೊಪ್ಪದಿಂದ ಕನನಳ್ಳಿ ಕಡೆ ಬೈಕಿನಲ್ಲಿ ಹೋಗುತ್ತಿದ್ದರು. ಆ ಬೈಕು ಸ್ಕಿಡ್ ಆಗಿ ಬಿದ್ದಿದ್ದು, ಬೈಕಿನಿಂದ ಬಿದ್ದ ಸೋಮು ಸಿದ್ದಿ ಅವರು ಗಂಭೀರವಾಗಿ ಗಾಯಗೊಂಡರು. ಬಿದ್ದ ರಭಸಕ್ಕೆ ಅವರ ಮೊಣಕಾಲು ಹಾಗೂ ಗುಪ್ತಾಂಗಕ್ಕೆ ಭಾರೀ ಪ್ರಮಾಣದಲ್ಲಿ ಪೆಟ್ಟು ಬಿದ್ದಿತು. ಸೋಮು ಸಿದ್ದಿ ಅವರನ್ನು ಚಿಕಿತ್ಸೆಗಾಗಿ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಅದರಿಂದ ಅವರ ನೋವು ಕಡಿಮೆ ಆಗಲಿಲ್ಲ. ಸಾವನ್ನು ತಪ್ಪಿಸಲು ಸಾಧ್ಯವಾಗಲಿಲ್ಲ. ಅಗಸ್ಟ 14ರ ರಾತ್ರಿ 12 ಗಂಟೆಗೆ ಸಾವು ಸೋಮು ಸಿದ್ದಿ ಅವರು ಕೊನೆಯುಸಿರೆಳೆದರು. ಭಾವನ ಆರೈಕೆಯಲ್ಲಿದ್ದ ಉಮ್ಮಚ್ಗಿ ಹುಲ್ಲರಮನೆಯ ಗೋವಿಂದ ಸೋಮು ಸಿದ್ದಿ ಅವರು ಮರಣದ ವಿಷಯವನ್ನು ಪೊಲೀಸರಿಗೆ ತಿಳಿಸಿದರು. ಪೊಲೀಸ್ ಪ್ರಕರಣ ದಾಖಲಿಸಿ, ಆ ದಾಖಲೆ ಆಧಾರದಲ್ಲಿ ಅವರು ಆಸ್ಪತ್ರೆಯಲ್ಲಿದ್ದ ಶವ ಬಿಡಿಸಿಕೊಂಡರು. `ನಿಧಾನವಾಗಿ ವಾಹನ ಓಡಿಸಿ’
- [ಕುಮಟಾ | ಕುಟಾರಿ ಕದ್ದವರ ವಿರುದ್ಧ ಕಾನೂನು ಸಮರ!](https://mobiletime.in/2026/08/kumta-legal-battle-against-those-who-stole-the-kutari/): ಮಿರ್ಜಾನ್ ಬಳಿಯ ಹರ್ಕಡೆಯ ಸುಜಾತಾ ಅಂಬಿಗ ಅವರ ಮನೆಯಲ್ಲಿ ನಾಲ್ಕು ಕುಟಾರಿ, ಎರಡು ಬುಟ್ಟಿ ಕಳ್ಳತನವಾಗಿದೆ. ಅದರ ಜೊತೆ 2 ಹಾರೆ, 4 ಪಿಕಾಸಿ, ಪಂಪು ಹಾಗೂ ಕ್ಯಾಮರಾವನ್ನು ನಾಲ್ವರು ಕದ್ದಿದ್ದಾರೆ! ಕುಮಟಾದ ಮಿರ್ಜಾನ್ ಬಳಿಯ ಹರ್ಕಡೆಯ ಸುಜಾತಾ ಮಂಜುನಾಥ ಅಂಬಿಗ ಅವರು ವಾಸವಾಗಿದ್ದಾರೆ. ಮನೆ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಅಗಸ್ಟ 11ರ ರಾತ್ರಿ ಅವರ ಮನೆಗೆ ಕಳ್ಳರು ನುಗ್ಗಿದ್ದು, ಅಲ್ಲಿದ್ದ ಕುಟಾರಿ, ಪಿಕಾಸು, ಹಾರೆ, ನೀರಿನ ಪಂಪು ಹಾಗೂ ಕ್ಯಾಮರಾವನ್ನು ಕಳ್ಳರು ಕದ್ದಿದ್ದಾರೆ. ಇದರಿಂದ ಸುಜಾತಾ ಅಂಬಿಗ ಅವರಿಗೆ 15 ಸಾವಿರ ರೂ ನಷ್ಟವಾಗಿದ್ದು, ಕಳ್ಳರ ವಿರುದ್ಧ ಅವರು ಕಾನೂನು ಸಮರ ನಡೆಸಿದ್ದಾರೆ. ಸುಜಾತಾ ಅಂಬಿಗ ಅವರಿಗೆ ಅದೇ ಭಾಗದ ನಾರಾಯಣ ಜೋಗಿ ಗೌಡ, ರಾಮ ಜೋಗಿ ಗೌಡ, ಶಶಿಕಲಾ ರಾಮಾ ಗೌಡ ಹಾಗೂ ನಾರಾಯಣ ಶಿವು ಗೌಡ ಅವರ ಮೇಲೆ ಅನುಮಾನವಿದೆ. ಈ ಎಲ್ಲರೂ ಮೊದಲಿನಿಂದಲೂ ಸುಜಾತಾ ಅಂಬಿಗ ಅವರ ವಿರುದ್ಧ ಕೆಲಸ ಮಾಡುತ್ತಿದ್ದು, ಅವರೇ ಈ ಎಲ್ಲಾ ವಸ್ತು ಕದ್ದಿರುವುದಾಗಿ ಸುಜಾತಾ ಅಂಬಿಗ ಅವರು ದೂರಿದ್ದಾರೆ. ಅವರೆಲ್ಲರೂ ಮೊದಲಿನಿಂದಲೂ ತಮಗೆ ತೊಂದರೆ ನೀಡುತ್ತಿರುವ ಬಗ್ಗೆಯೂ ದೂರು ಸುಜಾತಾ ಅಂಬಿಗ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಈ ಒಂದು ಕೆಲಸದಿಂದ ಸಿಗಲಿದೆ 10 ಲಕ್ಷ ರೂ!](https://mobiletime.in/2026/08/you-can-earn-%e2%82%b910-lakh-from-this-one-job/): ಉತ್ತರ ಕನ್ನಡ ಜಿಲ್ಲೆಯ ಪ್ರತಿ ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿ ಯುವ ಸಂಘ ರಚನೆಯಾಗಬೇಕಿದ್ದು, 10ರೂ ಪಾವತಿಸಿ ಸದಸ್ಯರಾದವರ ಸಂಘಕ್ಕೆ ಸರ್ಕಾರ ಪ್ರತಿ ವರ್ಷ 10 ಲಕ್ಷ ರೂ ನೆರವು ನೀಡಲಿದೆ. ನಗರ ವ್ಯಾಪ್ತಿಯಲ್ಲಿಯೂ ಸಹ ಈ ಸಂಘ ನೋಂದಣಿಗೆ ಅವಕಾಶವಿದೆ. ಪ್ರತಿ ಗ್ರಾಮ ಪಂಚಾಯತ ಹಾಗೂ ನಗರ ವ್ಯಾಪ್ತಿಯಲ್ಲಿ ಯುವಪಡೆ ನಿರ್ಮಾಣಕ್ಕೆ ಸರ್ಕಾರ ಆಸಕ್ತಿವಹಿಸಿದ್ದು, ನೋಂದಾಯಿತ ಯುವ ಸಂಘಗಳ ಪ್ರತಿ ವರ್ಷ 10 ಲಕ್ಷ ರೂ ನೆರವು ನೀಡಲು ನಿರ್ಧರಿಸಿದೆ. ಗ್ರಾಮ ಒನ್ ಕೇಂದ್ರಗಳ ಮೂಲಕ ಸಂಘ ನೋಂದಣಿಗೆ ಅವಕಾಶ ನೀಡಲಾಗಿದೆ. ವಿಕಾಸಶೀಲ ಹಾಗೂ ಸೌಹಾರ್ದಶೀಲ ಕರ್ನಾಟಕ ನಿರ್ಮಾಣಕ್ಕಾಗಿ ಸರ್ಕಾರ ಮಹತ್ವದ ಯೋಜನೆಯನ್ನು ಜಾರಿಗೆ ತಂದಿದೆ. ಯುವಜನರಲ್ಲಿ ನಾಯಕತ್ವ ಗುಣ ಮತ್ತು ಆರೋಗ್ಯಕರ ಜೀವನಶೈಲಿ ಉತ್ತೇಜಿಸಲು ‘ಭಾರತ್ ಜೋಡೋ’ ಯುವ ಸಂಘಗಳ ಯುವ ಸಂಘಗಳ ಸ್ಥಾಪನೆಗಾಗಿ ಸದಸ್ಯತ್ವ ನೋಂದಣಿ ಅಭಿಯಾನ ಶುರು ಮಾಡುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಪ್ರತಿ ಗ್ರಾಮ ಪಂಚಾಯತಗೆ ಒಂದು ಹಾಗೂ ಪ್ರತಿ ನಗರ ಸ್ಥಳೀಯ ಸಂಸ್ಥೆಗೆ ಒಂದರoತೆ ಸಂಘಗಳ ನಿರ್ಮಾಣಕ್ಕಾಗಿ ಅರ್ಜಿ ಕರೆದಿದೆ. 16 ರಿಂದ 35 ವರ್ಷದೊಳಗಿನ ಜನರು ಸಂಘದ ಸದಸ್ಯರಾಗಲು ಅರ್ಹರು. ಸಂಘದ ನೋಂದಣಿಗೆ ರೂ 10 ಶುಲ್ಕ ನಿಗದಿಪಡಿಸಲಾಗಿದ್ದು, ಪ್ರತಿಯೊಬ್ಬ ವ್ಯಕ್ತಿಯು ಒಂದು ಸಂಘಕ್ಕೆ ಮಾತ್ರ ಸೇರಲು ಅವಕಾಶ ನೀಡಲಾಗಿದೆ. ಪ್ರತಿಯೊಂದು ಯುವ ಸಂಘದ ರಚನೆಗೆ ಕನಿಷ್ಠ 100 ಜನರ ಸದಸ್ಯತ್ವ ಕಡ್ಡಾಯವಾಗಿದ್ದು, 15 ಸದಸ್ಯರ ಕಾರ್ಯಕಾರಿ ಸಮಿತಿಯನ್ನು ಹೊಂದಿರಬೇಕು ಎಂಬ ನಿಯಮವಿದೆ. ಎಲ್ಲಾ ಸಮುದಾಯದ ಯುವ ಪ್ರತಿನಿಧಿಗಳು ಈ ಕಾರ್ಯಕಾರಿ ಸಮಿತಿಯಲ್ಲಿ ಇರಲಿದ್ದಾರೆ. ಈ ಮೂಲಕ ವಿವಿಧ ಜಾತಿ, ಧರ್ಮ, ವರ್ಗ, ಭಾಷೆ, ಜನಾಂಗ ಮತ್ತು ಸಮುದಾಯಗಳು ಒಗ್ಗಟ್ಟಾಗಿ ಸೌಹಾರ್ದಶೀಲ ಮತ್ತು ವಿಕಾಸಶೀಲ ಕರ್ನಾಟಕವನ್ನು ನಿರ್ಮಿಸುವುದು ಈ ಯೋಜನೆಯ ಉದ್ದೇಶವಾಗಿದೆ. ಈ ಯೋಜನೆಯ ಅನುಷ್ಠಾನಕ್ಕಾಗಿ ಸರ್ಕಾರದಿಂದ ಬಂಡವಾಳ ಅನುದಾನ ಲಭಿಸಲಿದೆ. ಈ ಯುವ ಸಂಘಗಳು ಕ್ರೀಡೆ, ಫಿಟ್‌ನೆಸ್, ಕೆರೆ ಹಾಗೂ ಕಲ್ಯಾಣಿ ಸ್ವಚ್ಛತೆ, ಅರಣ್ಯ ಮತ್ತು ಪರಿಸರ ಸಂರಕ್ಷಣೆ, ಆರೋಗ್ಯ, ಸಂಸ್ಕೃತಿ, ಸಾಮಾಜಿಕ ಸಾಮರಸ್ಯ ಮತ್ತು ಯುವ ಸಬಲೀಕರಣಕ್ಕೆ ಸಂಬAಧಿಸಿದ ಹಲವು ಜಾಗೃತಿ ಅಭಿಯಾನಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳಲಿವೆ. ಆನ್ ಲೈನ್ ಮೂಲಕವೂ ಸಂಘ ನೋಂದಣಿ ಅವಕಾಶ ನೀಡಲಾಗಿದ್ದು https://bjys.karnataka.gov.in/ ಮೂಲಕ ನೋಂದಣಿ ಪ್ರಕ್ರಿಯೆ ಮಾಡಬಹುದಾಗಿದೆ. ಇಲ್ಲಿ ಗೊತ್ತಾಗದವರು ಸಮೀಪದ ಗ್ರಾಮ ಒನ್ ಕೇಂದ್ರಕ್ಕೆ ಹೋಗಿ ಸಂಘ ನೋಂದಣಿ ಮಾಡಿಸುವುದು ಉತ್ತಮ.  
- [ಶಿರಸಿ | ಭೂತೇಶ್ವರ ಸಂಘದಲ್ಲಿ ಸ್ವಾತಂತ್ರ‍್ಯೋತ್ಸವ](https://mobiletime.in/2026/08/sirsi-independence-day-celebration-at-bhuteshwara-sangha/): ಶಿರಸಿಯ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದಲ್ಲಿ 80ನೇ ಸ್ವಾತಂತ್ರ‍್ಯೋತ್ಸವ ಸಂಭ್ರಮದಿoದ ನಡೆದಿದ್ದು, ಸಂಘದ ಅಧ್ಯಕ್ಷ ಶ್ರೀಧರ ಮೊಗೇರ ಧ್ವಜಾರೋಹಣ ನಡೆಸಿದರು. ನಂತರ ಮಾತನಾಡಿದ ಅವರು `ಯುವ ಪೀಳಿಗೆಯವರು ಹಿಂದಿನ ಹೋರಾಟಗಾರರ ಜೀವನವನ್ನು ಆದರ್ಶವಾಗಿರಿಸಿಕೊಳ್ಳಬೇಕು’ ಎಂದು ಕರೆ ನೀಡಿದರು. `ದೇಶಕ್ಕೆ ಸ್ವತಂತ್ರ ಬಂದು 80 ವರ್ಷಗಳು ಸಂದಿದೆ. ಇದು ನಮಗೆ ಹಿರಿಯರು ನೀಡಿದ ಕೊಡುಗೆಯಾಗಿದೆ. ಯುವ ಪೀಳಿಗೆ ಅಂದಿನ ಹೋರಾಟಗಾರರ ಜೀವನವನ್ನು ಆದರ್ಶವಾಗಿ ಇಟ್ಟುಕೊಂಡು ಹೋಗಬೇಕಿದೆ’ ಎಂದರು. ಈ ಸಂದರ್ಭದಲ್ಲಿ ಸಂಘದ ಉಪಾಧ್ಯಕ್ಷ ಭಾಸ್ಕರ ಶೆಟ್ಟಿ, ನಿರ್ದೇಶಕರಾದ ಅಮಿತ್ ಹೆಗಡೆ, ತುಕಾರಾಮ ನೆತ್ರೇಕರ, ಹಿರಿಯ ನ್ಯಾಯವಾದಿ ಎಸ್ ಎನ್ ನಾಯ್ಕ ಅವರು ವೇದಿಕೆಯಲ್ಲಿದ್ದರು. ಸಂಘದ ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ಶೆಟ್ಟಿ, ಸಹ ಕಾರ್ಯನಿರ್ವಾಹಕ ರಾಘವೇಂದ್ರ ಶೆಟ್ಟಿ ಹಾಗೂ ಇತರ ಸಿಬ್ಬಂದಿ ಇದ್ದರು.
- [ಬನವಾಸಿ | ಸಾಕ್ಷಿ ಹೇಳದ ಸಿಸಿ ಕ್ಯಾಮರಾ: ಬಿಲ್ ಪಡೆಯದ ರೈತನಿಗೆ ಅನ್ಯಾಯ!](https://mobiletime.in/2026/08/banavasi-silent-cctv-injustice-to-a-farmer-who-did-not-receive-a-bill/): ಬನವಾಸಿ ಬಳಿಯ ನರೂರಿನ ಭರತ ನಾಯ್ಕ ಅವರು ಕಲಕರಡಿಯ ನಾಗರಾಜ ನಾಯ್ಕ ಅವರ ಮನೆಗೆ ಸಿಸಿ ಕ್ಯಾಮರಾ ಅಳವಡಿಸಿಕೊಡುವುದಾಗಿ ಹೇಳಿ ಹಣಪಡೆದಿದ್ದು, ಸೂಕ್ತ ಸೇವೆ ನೀಡಿಲ್ಲ. ಈ ಬಗ್ಗೆ ಪ್ರಶ್ನಿಸಿದ ಕಾರಣ ಭರತ ನಾಯ್ಕ ಅವರು ನಾಗರಾಜ ನಾಯ್ಕ ಅವರ ಮೇಲೆ ಹಲ್ಲೆಗೆ ಮುಂದಾಗಿದ್ದಾರೆ. ಶಿರಸಿಯ ಬನವಾಸಿ ಬಳಿಯ ಕಲಕರಡಿಯಲ್ಲಿ ನಾಗರಾಜ ಮಂಜಪ್ಪ ನಾಯ್ಕ ಅವರು ವಾಸವಾಗಿದ್ದಾರೆ. ರೈತರಾಗಿ ಅವರು ತಮ್ಮ ಬದುಕು ಕಟ್ಟಿಕೊಂಡಿದ್ದು, ಎರಡು ವರ್ಷದ ಹಿಂದೆ ಮನೆಗೆ ಸಿಸಿ ಕ್ಯಾಮರಾ ಹಾಕಲು ನಿರ್ಧರಿಸಿದ್ದಾರೆ. ಈ ಬಗ್ಗೆ ಹುಡುಕಾಟ ನಡೆಸಿದಾಗ ಅವರಿಗೆ ನರೂರಿನ ಭರತ ಭೀಮಾ ನಾಯ್ಕ ಅವರ ಪರಿಚಯವಾಗಿದೆ. ನಯವಾಗಿ ಮಾತನಾಡಿದ ಭರತ ನಾಯ್ಕ ಅವರು 8 ಸಿಸಿ ಕ್ಯಾಮರಾ ಅಳವಡಿಸಲು 42 ಸಾವಿರ ರೂ ಹಣಪಡೆದಿದ್ದಾರೆ. ಪಡೆದ ಹಣಕ್ಕೆ ಭರತ ನಾಯ್ಕ ಅವರು ಸಿಸಿ ಕ್ಯಾಮರಾವನ್ನು ಅಳವಡಿಸಿದ್ದಾರೆ. ಆದರೆ, ಆ ಕ್ಯಾಮರಾದ ಬಿಲ್ ಹಾಗೂ ವಾರಂಟಿ ಕಾರ್ಡ ಮಾತ್ರ ಕೊಟ್ಟಿಲ್ಲ. ನಾಗರಾಜ ನಾಯ್ಕ ಅವರು ಪ್ರಶ್ನಿಸಿದಾಗಲೆಲ್ಲ `ನಾಳೆ ಕೊಡುವೆ’ ಎನ್ನುತ್ತಲೇ ಭರತ ನಾಯ್ಕ ಅವರು ಕಾಲ ಕಳೆದಿದ್ದಾರೆ. ಎರಡು ತಿಂಗಳ ಹಿಂದೆ ಆ ಸಿಸಿ ಕ್ಯಾಮರಾ, ಡಿವಿಆರ್ ಹಾಗೂ ರೂಟರ್ ಹಾಳಾಗಿದ್ದು, ಆಗಲೂ ನಾಗರಾಜ ನಾಯ್ಕ ಅವರು ವಾರಂಟಿ ಬಗ್ಗೆ ಪ್ರಶ್ನಿಸಿದ್ದಾರೆ. `ರಿಪೇರಿ ಮಾಡಿ ಕೊಡುವೆ’ ಎಂದು ಸಿಸಿ ಕ್ಯಾಮರಾ ಹಾಗೂ ಇನ್ನಿತರ ಸಾಮಗ್ರಿ ತೆಗೆದುಕೊಂಡು ಹೋದ ಭರತ ನಾಯ್ಕ ಅವರು ಈವರೆಗೂ ಅದನ್ನು ಮರಳಿಸಿಲ್ಲ. ಈ ಬಗ್ಗೆ ನಾಗರಾಜ ನಾಯ್ಕ ಅವರು ಫೋನ್ ಮಾಡಿದಾಗ `ಅದನ್ನು ಕೊಡುವುದಿಲ್ಲ’ ಎಂದು ಹಾರಿಕೆಯ ಉತ್ತರ ನೀಡಿದ್ದಾರೆ. ಈ ಎಲ್ಲದರ ನಡುವೆ ನಾಗರಾಜ ನಾಯ್ಕ ಅವರು ಅಗಸ್ಟ 6ರಂದು ಪ್ರಸನ್ನಕುಮಾರ ಈರಪ್ಪ ನಾಯ್ಕ ಅವರ ಜೊತೆ ಶಿವಮೊಗ್ಗದಿಂದ ಬರುವಾಗ ಭರತ ನಾಯ್ಕ ಅವರು ಎದುರಾಗಿದ್ದಾರೆ. ಆ ವೇಳೆ ನಾಗರಾಜ ನಾಯ್ಕ ಅವರು ಸಿಸಿ ಕ್ಯಾಮರಾ ಬಗ್ಗೆ ಪ್ರಶ್ನಿಸಿದ್ದು, `ಅದಕ್ಕೆ ಬಿಲ್ ಇಲ್ಲ. ರಿಪೇರಿ ಆಗುವುದಿಲ್ಲ’ ಎಂದಿದ್ದಾರೆ. ಜೋರು ಮಾಡಿದಾಗ ನಾಗರಾಜ ನಾಯ್ಕ ಅವರ ಮೇಲೆ ಹಲ್ಲೆಗೆ ಮುಂದಾಗಿದ್ದಾರೆ. ಆಗ, ಪ್ರಸನ್ನಕುಮಾರ ನಾಯ್ಕ ಅವರು ಆ ಹೊಡೆದಾಟ ತಪ್ಪಿಸಿದ್ದಾರೆ. ಖರೀದಿ ನಂತರ ಸೂಕ್ತ ಬಿಲ್ ಪಡೆಯದ ಕಾರಣ ನಾಗರಾಜ ನಾಯ್ಕ ಅವರಿಗೆ ಅನ್ಯಾಯವಾಗಿದೆ. `ಯಾವುದೇ ವಸ್ತು ಖರೀದಿಸಿದರೂ ಬಿಲ್ ಕೇಳಿಪಡೆಯಿರಿ’
- [ದಾಂಡೇಲಿ | ಮೊಬೈಲ್ ಬೆಳಕಿನಲ್ಲಿ ಮರ ಕಟಾವು!](https://mobiletime.in/2026/08/dandeli-tree-felling-by-mobile-phone-light/): ದಾಂಡೇಲಿ-ಹಳಿಯಾಳ ರಸ್ತೆಯ ಕೇರವಾಡ ಶನಿವಾರ ನಸುಕಿನಲ್ಲಿ ಮರ ಬಿದ್ದಿದೆ. ಅರಣ್ಯಾಧಿಕಾರಿಗಳು ಮೊಬೈಲ್ ಬೆಳಕಿನಲ್ಲಿ ರಸ್ತೆಗೆ ಅಡ್ಡಲಾಗಿ ಬಿದ್ದ ಮರವನ್ನು ತೆರವು ಮಾಡಿದ್ದಾರೆ. ಶನಿವಾರ ಬೆಳಗ್ಗೆ ದಾಂಡೇಲಿ ಭಾಗದಲ್ಲಿ ಭಾರೀ ಪ್ರಮಾಣದ ಮಳೆ ಸುರಿಯಿತು. ಪರಿಣಾಮ ಕೇರವಾಡ ಬಳಿ ದೊಡ್ಡ ಮರ ಬಿದ್ದಿತು. ಪರಿಣಾಮ ಎರಡು ಗಂಟೆಗಳ ಕಾಲ ಸಂಚಾರ ಅಸ್ತವ್ಯಸ್ಥಗೊಂಡಿತು. ನಸುಕಿನ 3 ಗಂಟೆಗೆ ಮರ ಬಿದ್ದಿದ್ದರಿಂದ ಆ ಪ್ರದೇಶದಲ್ಲಿ ಕತ್ತಲು ಆವರಿಸಿತ್ತು. ವಿದ್ಯುತ್ ತಂತಿಗಳ ಮೇಲೆ ಮರ ಬಿದ್ದಿದ್ದರಿಂದ ಇನ್ನಷ್ಟು ಸಮಸ್ಯೆಯಾಯಿತು. ಮಾಹಿತಿ ತಿಳಿದ ತಕ್ಷಣ ಅರಣ್ಯ ಇಲಾಖೆ ಅಧಿಕಾರಿಗಳು, ಹೆಸ್ಕಾಂ ಸಿಬ್ಬಂದಿ ಹಾಗೂ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದರು. ಸ್ಥಳೀಯರಾದ ಮುನ್ನಾ ಸಾಂಗ್ಲ ಹಾಗೂ ಮತ್ತಿನ್ನಿತರು ಸಹಕಾರದೊಂದಿಗೆ ಮರದ ಕೊಂಬೆಗಳನ್ನು ತೆರವುಗೊದರು. ಅನೇಕರು ಈ ವೇಳೆ ಮೊಬೈಲ್ ಬೆಳಕು ಮೂಡಿಸಿ, ಕಾರ್ಯಾಚರಣೆಗೆ ನೆರವಾದರು. ನಸುಕಿನ 6 ಗಂಟೆ ವೇಳೆಗೆ ವಾಹನ ಸಂಚಾರ ಸರಿಯಾಯಿತು.
- [ಕುಮಟಾ | ಮೇಲಧಿಕಾರಿಗೆ ಹೊಡೆದ ನೌಕರ!](https://mobiletime.in/2026/08/kumta-employee-hits-superior/): ಕುಮಟಾ ಪುರಸಭೆಯಲ್ಲಿ ಕೆಲಸ ಮಾಡುವ ದೀಪಕ ಶೆಟ್ಟಿ ಅವರಿಗೆ ಅದೇ ಕಚೇರಿಯಲ್ಲಿ ಕೆಲಸ ಮಾಡುವ ಶ್ರೀಧರ ಗೌಡ ಅವರು ಹೊಡೆದಿದ್ದಾರೆ. ಮೇಲಧಿಕಾರಿ ಸೂಚನೆ ಪಾಲಿಸಿದ ಕಾರಣ ದೀಪಕ ಶೆಟ್ಟಿ ಅವರಿಗೆ ಕೆಳ ಹಂತದ ನೌಕರನಿಂದ ಪೆಟ್ಟು ಬಿದ್ದಿದೆ. ಶಿರಸಿಯ ದೀಪಕ ಮಂಜುನಾಥ ಶೆಟ್ಟಿ ಅವರು ಕುಮಟಾದ ಗುಜುರಿಗಲ್ಲಿಯಲ್ಲಿ ವಾಸವಾಗಿದ್ದಾರೆ. ಕುಮಟಾ ಪುರಸಭೆಯಲ್ಲಿ ದೀಪಕ ಶೆಟ್ಟಿ ಅವರು ಸೀನಿಯರ್ ಸುಪ್ರವೈಸರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಮೇಲಧಿಕಾರಿಗಳ ಸೂಚನೆಯನ್ನು ಅವರು ಅತ್ಯಂತ ನಿಷ್ಠೆಯಿಂದ ಪಾಲನೆ ಮಾಡಿಕೊಂಡು ಬರುತ್ತಿದ್ದು, ಸದ್ಯ ಅದೇ ಅವರ ಮೇಲಿನ ದಾಳಿಗೆ ಕಾರಣವಾಗಿದೆ. ಕುಮಟಾ ಪುರಸಭೆ ಮುಖ್ಯಾಧಿಕಾರಿ ಮಾತು ಪಾಲಿಸಿದ ಕಾರಣ ದೀಪಕ ಶೆಟ್ಟಿ ಅವರಿಗೆ ಆ ಕಚೇರಿಯಲ್ಲಿ ದ್ವಿತೀಯ ದರ್ಜೆ ಸಹಾಯಕರಾಗಿರುವ ಶ್ರೀಧರ ಗೌಡ ಅವರು ಹೊಡೆದಿದ್ದಾರೆ. ಜುಲೈ 17ರಂದು ಪುರಸಭೆ ಗಿಬ್ ಟ್ಯಾಂಕ್ ಬಳಿ ಕೆಲ ವಸ್ತು ವಿಲೆ ಮಾಡಿದ ವಿಚಾರವಾಗಿ ನೌಕರರ ನಡುವೆ ಗೊಂದಲ ಉಂಟಾಗಿದೆ. ಈ ವಿಷಯ ಮುಖ್ಯಾಧಿಕಾರಿಗಳ ಗಮನಕ್ಕೆ ಬಂದಿದ್ದು, ಶ್ರೀಧರ ಗೌಡ ಅವರ ವಿರುದ್ಧ ದೂರು ನೀಡುವಂತೆ ಮುಖ್ಯಾಧಿಕಾರಿಗಳು ಸೂಚಿಸಿದ್ದಾರೆ. ಹೀಗಾಗಿ ದೀಪಕ ಶೆಟ್ಟಿ ಅವರು ಆ ದೂರು ಟೈಪ್ ಮಾಡಿದ್ದಾರೆ. ಅದೇ ಸಿಟ್ಟಿಗೆ ಶ್ರೀಧರ ಗೌಡ ಅವರು ದೀಪಕ ಶೆಟ್ಟಿ ಅವರ ವಿರುದ್ಧ ಮುನಿಸಿಕೊಂಡಿದ್ದಾರೆ. ಜುಲೈ 18ರಂದು ದೀಪಕ ಶೆಟ್ಟಿ ಅವರು ಕಚೇರಿಯಲ್ಲಿದ್ದಾಗ ಶ್ರೀಧರ ಗೌಡ ಅವರು ಕೆಟ್ಟದಾಗಿ ಬೈದಿದ್ದಾರೆ. `ಮುಖ್ಯಾಧಿಕಾರಿ ಹೇಳಿದನ್ನೆಲ್ಲ ಕೇಳುತ್ತೀಯಾ?’ ಎಂದು ದಬಾಯಿಸಿದ್ದಾರೆ. ಈ ಬಗ್ಗೆ ದೀಪಕ ಶೆಟ್ಟಿ ಅವರು ಮುಖ್ಯಾಧಿಕಾರಿಗಳ ಬಳಿ ದೂರು ನೀಡಲು ಹೋಗಿದ್ದು, ಅಲ್ಲಿಗೂ ಆಗಮಿಸಿದ ಶ್ರೀಧರ ಗೌಡ ಅವರು ದೀಪಕ ಶೆಟ್ಟಿ ಅವರ ಮೇಲೆ ದಾಳಿ ಮಾಡಿದ್ದಾರೆ. ತಲೆ, ಕೈ ಹಾಗೂ ಮೂಗಿಗೆ ಪೆಟ್ಟು ಬಿದ್ದ ಕಾರಣ ಆ ನೋವು ಸಹಿಸದ ದೀಪಕ ಶೆಟ್ಟಿ ಅವರು ಈ ವಿಷಯವನ್ನು ನ್ಯಾಯಾಲಯದವರೆಗೆ ಮುಟ್ಟಿಸಿದ್ದಾರೆ. ಕೋರ್ಟಿನ ಸೂಚನೆ ಮೇರೆಗೆ ಕುಮಟಾ ಪೊಲೀಸರು ಕೇಸು ದಾಖಲಿಸಿದ್ದಾರೆ.  
- [ಶಿರಸಿ | 46 ವರ್ಷ ಅಡಗಿದ್ದ ಆಟೋ ಚಾಲಕ!](https://mobiletime.in/2026/08/sirsi-auto-rickshaw-driver-in-hiding-for-46-years/): 1980ರ ಅವಧಿಯಲ್ಲಿ ಶಿರಸಿಯಲ್ಲಿ ಕಳ್ಳತನ ಮಾಡಿಕೊಂಡು ಜೀವನ ನಡೆಸುತ್ತಿದ್ದ ಮಹಮದ್ ಯುಸೀಪ್ ನಂತರ ಉಡುಪಿಗೆ ಹೋಗಿ ಆಟೋ ಚಾಲಕನಾಗಿ ಬದುಕು ಕಟ್ಟಿಕೊಂಡಿದ್ದು, 46 ವರ್ಷಗಳ ನಂತರ ಪೊಲೀಸರು ಆ ಕಳ್ಳನನ್ನು ಮತ್ತೆ ಬಂಧಿಸಿದ್ದಾರೆ. ಶಿರಸಿಯ ಕೆಎಸ್‌ಆರ್‌ಟಿಸಿ ಡಿಪೋ ಬಳಿಯ ಮಹಮದ್ ಯುಸೀಪ್ ಅಬ್ದುಲ್ ರಹಮಾನ್ ಖಾಜಾ (68) ಅವರು 1980ರಲ್ಲಿ ಕುಖ್ಯಾತ ಕಳ್ಳರಾಗಿದ್ದರು. ಇಲ್ಲಿನ ಕೆ ಎಚ್ ಬಿ ಕಾಲೋನಿ ಸೇರಿ ಮೂರು ಕಡೆ ಅವರು ರಾತ್ರಿ ವೇಳೆ ಮನೆಗೆ ನುಗ್ಗಿದ್ದರು. ಮನೆಯಲ್ಲಿ ಸಿಕ್ಕ ವಸ್ತುಗಳನ್ನು ಕದ್ದು ಪರಾರಿಯಾಗಿದ್ದರು. ಆ ವೇಳೆ ವಿಶೇಷ ಕಾರ್ಯಾಚರಣೆ ನಡೆಸಿದ ಪೊಲೀಸರು ಮಹಮದ್ ಯುಸೀಪ್ ಅವರನ್ನು ಬಂಧಿಸಿದ್ದರು. ನ್ಯಾಯಾಲಯದಿಂದ ಜಾಮೀನುಪಡೆದು ಹೋಗಿದ್ದ ಮಹಮದ್ ಯುಸೀಪ್ ಆ ನಂತರ ಶಿರಸಿ ಕಡೆ ತಲೆ ಹಾಕಿರಲಿಲ್ಲ. ನ್ಯಾಯಾಲಯದಿಂದ ವಾರೆಂಟ್ ಜಾರಿಯಾದರೂ ಪೊಲೀಸರಿಗೆ ಸಿಗುತ್ತಿರಲಿಲ್ಲ. ಉಡುಪಿ ಹೆರ್ಗದ ಪರ್ಕಳದಲ್ಲಿ ಮಹಮದ್ ಯುಸೀಪ್ ಹೊಸ ಜೀವನ ಕಟ್ಟಿಕೊಂಡಿದ್ದರು. ಅಲ್ಲಿ ಆಟೋ ಚಾಲಕನಾಗಿ ಅವರು ದುಡಿಯುತ್ತಿದ್ದರೂ ಅವರ ಮೇಲಿದ್ದ ಹಳೆಯ ಕೇಸುಗಳು ಹಾಗೇ ಇದ್ದವು. ಮಾರುವೇಷದಲ್ಲಿದ್ದ ಮಹಮದ್ ಯುಸೀಪ್ ಅವರನ್ನು ಹುಡುಕುವುದು ಪೊಲೀಸರಿಗೆ ಸವಾಲಾಗಿದ್ದರೂ ಹರಸಾಹಸದಿಂದ ಪೊಲೀಸರು ವಿವಿಧ ಮಾಹಿತಿ ಸಂಗ್ರಹಿಸಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಶಿರಸಿ ಪೊಲೀಸ್ ಉಪಾಧೀಕ್ಷಕಿ ಗೀತಾ ಪಾಟೀಲ್ ಅವರು ಸೇರಿ ಹೇಗಾದರೂ ಮಾಡಿ ಮಹಮದ್ ಯುಸೀಪ್ ಅವರನ್ನು ಬಂಧಿಸುವ ಯೋಜನೆ ರೂಪಿಸಿದರು. ಶಿರಸಿ ಪಿಐ ಸಂಪತ್ ಈಸಿ, ಪಿಸೈ ಬಸವರಾಜ ಕನಶೆಟ್ಟಿ, ಗೀತಾ ಕಲಘಟಕಿ ಅವರ ಜೊತೆ ಪೊಲೀಸ್ ಸಿಬ್ಬಂದಿ ಅಶೋಕ ಹರಿಕಂತ್ರ, ಕೋಟೇಶ ನಾಗರವಳ್ಳಿ, ಸಂದೀಪ ನಿಂಬಾಯಿ, ರಾಕೇಶ ಎನ್ ಎಚ್, ಅರುಣ ಲಮಾಣಿ ಅವರ ತಂಡ ರಚಿಸಿದರು. ಕಾರವಾರದ ಟೆಕ್ನಿಕಲ್ ಸೆಲ್’ನ ಬಬನ ಕದಂ, ಉದಯ ಗುನಗಾ, ಮಹಾಲಿಂಗ ಸಾವಳಗಿ ಸೇರಿ ತಾಂತ್ರಿಕ ಮಾಹಿತಿ ಆಧರಿಸಿ ಮಹಮದ್ ಯುಸೀಪ್ ಅವರ ಅಡಗುತಾಣ ಪತ್ತೆ ಮಾಡಿದರು. ಈ ಎಲ್ಲಾ ಪೊಲೀಸರು ಅಲ್ಲಿಗೆ ಹೋಗಿ ಮಹಮದ್ ಯುಸೀಪ್ ಅವರನ್ನು ಬಂಧಿಸಿದರು. ಸದ್ಯ ಮಹಮದ್ ಯುಸೀಪ್ ಅವರಿಗೆ ನ್ಯಾಯಾಲಯ ನ್ಯಾಯಾಂಗ ಬಂಧನವಿಧಿಸಿದೆ.
- [ಶಿಕ್ಷಣ ಇಲಾಖೆ | ಆರು ತಿಂಗಳ ಕೆಲಸಕ್ಕೆ 50 ಸಾವಿರ ಸಂಬಳ!](https://mobiletime.in/2026/08/education-department-%e2%82%b950000-salary-for-six-months-work/): ಉತ್ತರ ಕನ್ನಡ ಜಿಲ್ಲೆಯ 11 ತಾಲೂಕಿನ ಶಿಕ್ಷಣ ಇಲಾಖೆಯಲ್ಲಿ ಮಾನಸಿಕ ಆರೋಗ್ಯ ಸಮಾಲೋಕರ ಹುದ್ದೆಗೆ ಅರ್ಹರ ಹುಡುಕಾಟ ನಡೆದಿದೆ. ಈ ಹುದ್ದೆಗೆ ಆಯ್ಕೆ ಆದವರಿಗೆ 40 ಸಾವಿರ ರೂ ವೇತನ ಹಾಗೂ 10 ಸಾವಿರ ರೂ ಪ್ರಯಾಣ ಭತ್ಯೆ ಸೇರಿ ಮಾಸಿಕ 50 ಸಾವಿರ ರೂ ನೀಡಲಾಗುತ್ತದೆ. ಆರು ತಿಂಗಳ ಮಾತ್ರ ಕೆಲಸವಿರಲಿದ್ದು, ಈ ಸೇವೆ ತಾತ್ಕಾಲಿಕವಾಗಿದೆ. ಕಾರವಾರ ಶೈಕ್ಷಣಿಕ ಜಿಲ್ಲೆಯ 5 ಬ್ಲಾಕುಗಳಲ್ಲಿ ಹಾಗೂ ಶಿರಸಿ ಶೈಕ್ಷಣಿಕ ಜಿಲ್ಲೆಯ 6 ಬ್ಲಾಕುಗಳಲ್ಲಿ ಕೆಲಸ ಮಾಡುವರಿಗಾಗಿ ಅರ್ಜಿ ಆಹ್ವಾನಿಸಲಾಗಿದೆ. ಅರ್ಜಿ ಸಲ್ಲಿಸುವವರು ಮನೋವಿಜ್ಞಾನ, ಕ್ಲಿನಿಕಲ್ ಮನೋವಿಜ್ಞಾನ, ಕೌನ್ಸಿಲಿಂಗ್ ಮನೋವಿಜ್ಞಾನ ಅಥವಾ ಸಂಬAಧಿತ ವಿಷಯದಲ್ಲಿ ಎಂ ಎ ಅಥವಾ ಎಂ ಎಸ್ ಸಿ ಪದವಿಹೊಂದಿರಬೇಕು. ಶಾಲೆ ಅಥವಾ ಸಮುದಾಯದ ಮಾನಸಿಕ ಆರೋಗ್ಯ ಕ್ಷೇತ್ರದಲ್ಲಿ ಕನಿಷ್ಠ 1 ವರ್ಷದ ಅನುಭವವಿರಬೇಕು. ಕನ್ನಡ, ಇಂಗ್ಲೀಷ್ ಭಾಷೆ ಗೊತ್ತಿರಬೇಕು. ಮೂಲಭೂತ ಕಂಪ್ಯೂಟರ್ ಜ್ಞಾನ ಹೊಂದಿರಬೇಕು. 28ರಿಂದ 40 ವರ್ಷದೊಳಿಗನವರು ಮಾತ್ರ ಅರ್ಜಿ ಸಲ್ಲಿಸಬೇಕು. ಉಪನಿರ್ದೇಶಕ ಕಚೇರಿ, ಶಾಲಾ ಶಿಕ್ಷಣ ಇಲಾಖೆ ಕಾರವಾರ ಎಂಬ ಹೆಸರಿನಲ್ಲಿ ಕಾರವಾರ, ಅಂಕೋಲಾ, ಕುಮಟಾ, ಹೊನ್ನಾವರ ಮತ್ತು ಭಟ್ಕಳ ಹಾಗೂ ಉಪನಿರ್ದೇಶಕ ಕಚೇರಿ, ಶಾಲಾ ಶಿಕ್ಷಣ ಇಲಾಖೆ, ಶಿರಸಿ ಎಂಬ ಹೆಸರಿನ ಅಡಿ ಶಿರಸಿ, ಹಳಿಯಾಳ, ಮುಂಡಗೋಡ, ಸಿದ್ದಾಪುರ, ಯಲ್ಲಾಪುರ ಮತ್ತು ಜೋಯಿಡಾಗೆ ಅರ್ಜಿ ಸಲ್ಲಿಸಬೇಕು. ಅಗಸ್ಟ 21 ಅರ್ಜಿ ಸಲ್ಲಿಕೆಗೆ ಕೊನೆ ದಿನ.
- [ಮೊಬೈಲ್ ಬೆಳಕಿನಲ್ಲಿ ಸಚಿವರ ಭಾಷಣ!](https://mobiletime.in/2026/08/ministers-speech-in-mobile-light/): ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿ ಸಚಿವರಾಗಿ ಅಧಿಕಾರವಹಿಸಿಕೊಂಡಿರುವ ಲಕ್ಷ್ಮಣ ಸವದಿ ಅವರಿಗೆ ಸ್ವಾತಂತ್ರ‍್ಯ ದಿನಾಚರಣೆಯ ಭಾಷಣ ಮಾಡಲು ಬೆಳಕಿನ ಸಮಸ್ಯೆಯಾಗಿದೆ. ಬರೆದುಕೊಂಡು ಬಂದಿದ್ದ ಭಾಷಣ ಓದಲಾಗದೇ ಸಮಸ್ಯೆ ಅನುಭವಿಸಿದ ಅವರು ಮೊಬೈಲ್ ಟಾರ್ಚ ಆನ್ ಮಾಡಿ ಅದನ್ನು ಓದಿದ್ದಾರೆ. ಕಾರವಾರದ ಜಿಲ್ಲಾ ಪೊಲೀಸ್ ಪರೇಡ್ ಮೈದಾನದಲ್ಲಿ ಜಿಲ್ಲಾಡಳಿತವೂ ಅದ್ಧೂರಿಯಾಗಿ ಸ್ವಾತಂತ್ರ‍್ಯ ದಿನಾಚರಣೆಯ ಸಿದ್ಧತೆ ನಡೆಸಿತ್ತು. ಮೈದಾನದಲ್ಲಿನ ಅಲಂಕಾರಗಳು ಆಕರ್ಷಕವಾಗಿದ್ದವು. ಆದರೆ, ವೇದಿಕೆ ಮೇಲೆ ಸರಿಯಾದ ಬೆಳಕು ಮೂಡುತ್ತಿರಲಿಲ್ಲ. ಪರೇಡ್ ಪರಿವೀಕ್ಷಣೆ ಮಾಡಿದ ಬಳಿಕ ಸಚಿವ ಲಕ್ಷ್ಮಣ ಸವದಿ ಅವರು ಸಾರ್ವಜನಿಕರನ್ನು ಉದ್ದೇಶಿಸಿ ಮಾತು ಶುರು ಮಾಡಿದ್ದು, ಅವರು ಮೊದಲೇ ಸಿದ್ಧಪಡಿಸಿಕೊಂಡು ಬಂದಿದ್ದ ಭಾಷಣ ಓದಲು ತಡವರಿಸಿದರು. ವೇದಿಕೆ ಮೇಲಿನ ಕತ್ತಲಿನಿಂದಾಗಿ ಅವರಿಗೆ ಅಕ್ಷರಗಳು ಸ್ಪಷ್ಟವಾಗಿ ಕಾಣಿಸಲಿಲ್ಲ. ಮಳೆಯ ಮುನ್ನೆಚ್ಚರಿಕಾ ಕ್ರಮವಾಗಿ ವೇದಿಕೆಗೆ ಸಂಪೂರ್ಣವಾಗಿ ಪೆಂಡಾಲ್ ಅಳವಡಿಸಿದ್ದರಿಂದ ವೇದಿಕೆ ಕತ್ತಲಾಗಿದ್ದು, `ತಕ್ಷಣ ಲೈಟ್ ವ್ಯವಸ್ಥೆ ಮಾಡಿ, ಏನೂ ಕಾಣಿಸುತ್ತಿಲ್ಲ’ ಎಂದು ಅಧಿಕಾರಿಗಳಿಗೆ ಸೂಚಿಸಿದರು. ಬೆಳಕಿನ ವ್ಯವಸ್ಥೆ ಆಗಲು ತಡವಾದ ಕಾರಣ ತಕ್ಷಣ ತಮ್ಮ ಮೊಬೈಲ್ ಟಾರ್ಚ ಆನ್ ಮಾಡಿ, ಭಾಷಣ ಮುಂದುವರೆಸಿದರು. ಅದಾದ ನಂತರ ಅಧಿಕಾರಿಗಳು ವೇದಿಕೆಯಲ್ಲಿದ್ದ ಪೋಡಿಯಂ’ನ್ನು ಧ್ವಜ ಸ್ತಂಭದ ಸಮೀಪ ಸರಿಸಿದರು. ಆಗ ಅಲ್ಲಿ ಬೆಳಕು ಮೂಡಿದ್ದು, ಸಚಿವರ ಮುಖ ಸಹ ಜನರಿಗೆ ಸ್ಪಷ್ಟವಾಗಿ ಕಾಣಿಸಿತು. ಅದಾದ ನಂತರ ಸಚಿವರು ಅಡೆತಡೆ ಇಲ್ಲದೇ ಭಾಷಣ ಓದಿ ಮುಗಿಸಿದರು. `ರಾಜ್ಯದಲ್ಲಿ ಆಡಳಿತ ವ್ಯವಸ್ಥೆಗೆ ವೇಗ ನೀಡುವ ಜತೆಗೆ ರೈತರು, ಯುವಜನರು ಹಾಗೂ ಮೂಲಸೌಕರ್ಯ ಅಭಿವೃದ್ಧಿಗೆ ಆದ್ಯತೆ ನೀಡಿ ಮುಂದಿನ 100 ದಿನಗಳಲ್ಲಿ ಆಡಳಿತ ಮತ್ತು ಅಭಿವೃದ್ಧಿಯಲ್ಲಿ ಹೆಚ್ಚಿನ ಪ್ರಗತಿ ಸಾಧಿಸುವ ಗುರಿ ಹೊಂದಲಾಗಿದೆ’ ಎಂದು ಅವರು ತಮ್ಮ ಭಾಷಣದಲ್ಲಿ ಹೇಳಿದರು. `ಸಾರ್ವಜನಿಕರ ಹಿತದೃಷ್ಟಿಯಿಂದ 100 ದಿನಗಳೊಳಗೆ 10 ಪ್ರಮುಖ ಮಹತ್ವಾಕಾಂಕ್ಷಿ ಯೋಜನೆಗಳನ್ನು ಜಾರಿಗೊಳಿಸಲಾಗುವುದು. ರೈತ ಮಿತ್ರ, ಬಡವರ ಬಂಧು, ಗ್ರಾಮಾನುಭವ, ಯುವ ಯುಗ ಯುವ ಕರ್ನಾಟಕ ನಿರ್ಮಾಣ, ಭಾರತ್ ಜೋಡೋ ಯುವಕ ಸಂಘ ಮಿಷನ್, ಯುವ ಉದ್ಯೋಗ ಸೇತು, ಸರ್ಕಾರಿ ಆಸ್ಪತ್ರೆಗಳ ದತ್ತು ಯೋಜನೆ, ನಶೆ ಮುಕ್ತ ಕರ್ನಾಟಕ, ಪ್ರಜಾ ಸೇವೆ ಇಲಾಖೆ, ಭೂ ಗ್ಯಾರಂಟಿ, ಕರ್ನಾಟಕ ಮೊಬಿಲಿಟಿ ಗ್ರಿಡ್ ಮಿಷನ್ ಹಾಗೂ ತೇಗದ ಸಿರಿ ಸೇರಿದಂತೆ ಹಲವು ಕಾರ್ಯಕ್ರಮಗಳನ್ನು ಅನುಷ್ಠಾನಗೊಳಿಸಲಾಗುವುದು’ ಎಂದು ತಿಳಿಸಿದರು. `ರಾಜ್ಯದ ವಿವಿಧ ಸರ್ಕಾರಿ ಇಲಾಖೆಗಳಲ್ಲಿರುವ ಖಾಲಿ ಹುದ್ದೆಗಳನ್ನು ತ್ವರಿತವಾಗಿ ಭರ್ತಿ ಮಾಡಲು ಕ್ರಮ ಕೈಗೊಳ್ಳಲಾಗಿದೆ. ಕರ್ನಾಟಕ ಲೋಕಸೇವಾ ಆಯೋಗ ಹಾಗೂ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಮೂಲಕ ನಡೆಯುವ ನೇಮಕಾತಿ ಪರೀಕ್ಷೆಗಳು ಪಾರದರ್ಶಕವಾಗಿ ನಡೆಯುವಂತೆ ಮತ್ತು ಯಾವುದೇ ಅಕ್ರಮಗಳಿಗೆ ಅವಕಾಶವಾಗದಂತೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗಿದೆ. ಈಗಾಗಲೇ ಹಲವು ಹುದ್ದೆಗಳ ನೇಮಕಾತಿಗೆ ಅಧಿಸೂಚನೆ ಹೊರಡಿಸಲಾಗಿದೆ’ ಎಂದರು. `ಗ್ಯಾರಂಟಿ ಯೋಜನೆಗಳ ಮೂಲಕ ರಾಜ್ಯದ ಕೋಟ್ಯಂತರ ಕುಟುಂಬಗಳ ಆರ್ಥಿಕ ಪರಿಸ್ಥಿತಿ ಸುಧಾರಿಸಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಶಕ್ತಿ ಯೋಜನೆಯಡಿ 639.88 ಕೋಟಿ, ಅನ್ನಭಾಗ್ಯ ಯೋಜನೆಯಡಿ 298.89 ಕೋಟಿ, ಯುವನಿಧಿಯಡಿ 25.64 ಕೋಟಿ, ಗೃಹಲಕ್ಷ್ಮಿ ಯೋಜನೆಯಡಿ 1,811.84 ಕೋಟಿ ಹಾಗೂ ಗೃಹಜ್ಯೋತಿ ಯೋಜನೆಯಡಿ 641.45 ಕೋಟಿ ನೆರವು ನೀಡಲಾಗಿದೆ’ ಎಂದು ಹೇಳಿದರು. `ಜಿಲ್ಲೆಯಲ್ಲಿ ಪ್ರಸಕ್ತ ಮುಂಗಾರು ಮಳೆಯಲ್ಲಿ ಶೇ.16ರಷ್ಟು ಕೊರತೆ ದಾಖಲಾಗಿದೆ. ಕುಡಿಯುವ ನೀರು ಹಾಗೂ ಜಾನುವಾರುಗಳಿಗೆ ಮೇವಿನ ಕೊರತೆ ಉಂಟಾಗದAತೆ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಕುಡಿಯುವ ನೀರು ಪೂರೈಕೆಗಾಗಿ 72 ಖಾಸಗಿ ಕೊಳವೆಬಾವಿಗಳನ್ನು ವ್ಯವಸ್ಥೆ ಮಾಡಲಾಗಿದೆ. ಪ್ರತಿ ವಿಧಾನಸಭಾ ಕ್ಷೇತ್ರಕ್ಕೆ ಕುಡಿಯುವ ನೀರಿನ ಉದ್ದೇಶಕ್ಕಾಗಿ 1 ಕೋಟಿ ಅನುದಾನ ನೀಡಲಾಗಿದೆ. ವಿಕೋಪ ಪರಿಸ್ಥಿತಿಯನ್ನು ಸಮರ್ಥವಾಗಿ ಎದುರಿಸಲು ಎಲ್ಲ ಇಲಾಖೆಗಳು ಸಮನ್ವಯದಿಂದ ಕಾರ್ಯನಿರ್ವಹಿಸುತ್ತಿವೆ’ ಎಂದರು. `ಎಲ್‌ಕೆಜಿಯಿಂದ 12ನೇ ತರಗತಿವರೆಗೆ ಶಿಕ್ಷಣ ನೀಡುವ 25 ಶಾಲೆಗಳನ್ನು ಗುರುತಿಸಲಾಗಿದೆ. ಸಿಎಸ್‌ಆರ್ ನಿಧಿಯಡಿ ಈ ಶಾಲೆಗಳ ಮೂಲಸೌಕರ್ಯ ಅಭಿವೃದ್ಧಿಪಡಿಸಲು ಯೋಜನೆ ರೂಪಿಸಲಾಗಿದೆ. ಉದ್ಯಮಿಗಳು ಹಾಗೂ ಸಾರ್ವಜನಿಕರ ಸಹಯೋಗದಲ್ಲಿ ಶಾಲೆಗಳ ಸೌಲಭ್ಯಗಳನ್ನು ಸುಧಾರಿಸಲಾಗುವುದು ‘ಎಂದು ಹೇಳಿದರು. `ಉದ್ಯೋಗ ಖಾತರಿ ಯೋಜನೆಯಡಿ 1.85 ಲಕ್ಷ ಮಾನವ ದಿನಗಳನ್ನು ಸೃಜಿಸಿ 10,072 ಕೂಲಿಕಾರರಿಗೆ ಕಾಮಗಾರಿ ನೀಡಲಾಗಿದೆ. ವಿ.ಬಿ.ಜಿ. ರಾಮ್‌ಜಿ ಯೋಜನೆಯಡಿ 9,000 ಮಾನವ ದಿನಗಳನ್ನು ಸೃಜಿಸಿ 1,089 ಕೂಲಿಕಾರರಿಗೆ ಕೆಲಸ ನೀಡಲಾಗಿದೆ. ಒಟ್ಟು 23.28 ಕೋಟಿ ವೆಚ್ಚ ಮಾಡಲಾಗಿದೆ. ಜಿಲ್ಲೆಯಲ್ಲಿ ಸುಮಾರು 12 ಸಾವಿರ ಕಾಮಗಾರಿಗಳು ಪ್ರಗತಿಯಲ್ಲಿದ್ದು, ಬರ ತಡೆಗಟ್ಟುವಿಕೆ, ಪ್ರವಾಹ ನಿಯಂತ್ರಣ, ಭೂಕುಸಿತ ನಿಯಂತ್ರಣ, ಅರಣೀಕರಣ, ವೈಯಕ್ತಿಕ ಫಲಾನುಭವಿ ಆಧಾರಿತ ಹಾಗೂ ಶಾಲಾ ಅಭಿವೃದ್ಧಿ ಕಾಮಗಾರಿಗಳಿಗೆ ಆದ್ಯತೆ ನೀಡಲಾಗಿದೆ’ ಎಂದರು. `ಜಿಲ್ಲೆಗೆ 300 ಹಾಸಿಗೆಗಳ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಮಂಜೂರಾಗಿದ್ದು, ಮೊದಲ ಹಂತದಲ್ಲಿ ಸರ್ಕಾರ 100 ಕೋಟಿ ಬಿಡುಗಡೆ ಮಾಡಿದೆ. ಆಸ್ಪತ್ರೆಯಲ್ಲಿ ಎಂಆರ್‌ಐ ಹಾಗೂ ಸಿಟಿ ಸ್ಕ್ಯಾನ್ ಯಂತ್ರಗಳನ್ನು ಅಳವಡಿಸಲಾಗಿದ್ದು, ಮುಂದಿನ ದಿನಗಳಲ್ಲಿ ಸಾರ್ವಜನಿಕರ ಸೇವೆಗೆ ಲಭ್ಯವಾಗಲಿವೆ. ಲಿನಾಕ್ ಬಂಕರ್ ಕಾಮಗಾರಿ ಪ್ರಗತಿಯಲ್ಲಿದ್ದು, ರೇಡಿಯಾಲಜಿ ಯಂತ್ರದ ಅಳವಡಿಕೆ ಬಾಕಿಯಿದೆ. ಮುಂದಿನ ದಿನಗಳಲ್ಲಿ ಕ್ಯಾನ್ಸರ್ ಕೇರ್ ಘಟಕವನ್ನು ಸ್ಥಾಪಿಸಲಾಗುವುದು’ ಎಂದು ಸಚಿವರು ತಿಳಿಸಿದರು. ಕಾರ್ಯಕ್ರಮದಲ್ಲಿ ಕೆಎಸ್‌ಎಂಸಿಎ ಅಧ್ಯಕ್ಷ ಹಾಗೂ ಶಾಸಕ ಸತೀಶ್ ಸೈಲ್, ವಿಧಾನಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್, ಜಿಲ್ಲಾ ಉಸ್ತುವಾರಿ ಕಾರ್ಯದರ್ಶಿ ಸುಷಮಾ ಗೋಡಬೋಲೆ, ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯ, ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ.ಎನ್., ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಸೇರಿದಂತೆ ಹಲವು ಅಧಿಕಾರಿಗಳು ಉಪಸ್ಥಿತರಿದ್ದರು. ಪೊಲೀಸ್, ಅರಣ್ಯ, ಗೃಹರಕ್ಷಕ ದಳ ಹಾಗೂ ವಿವಿಧ ಶಾಲಾ–ಕಾಲೇಜುಗಳ ವಿದ್ಯಾರ್ಥಿಗಳಿಂದ ಆಕರ್ಷಕ ಪಥಸಂಚಲನ ನಡೆಯಿತು. ಉತ್ತಮ ಸೇವೆ ಸಲ್ಲಿಸಿದ ಸರ್ಕಾರಿ ನೌಕರರಿಗೆ ಸರ್ವೋತ್ತಮ ಸೇವಾ ಪ್ರಶಸ್ತಿ ಪ್ರದಾನ, ಕ್ರೀಡೆಯಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ ಸನ್ಮಾನ, ಜಿಲ್ಲಾ ಮಟ್ಟದ ಚದುರಂಗ ಸ್ಪರ್ಧೆಯ ವಿಜೇತರಿಗೆ ಬಹುಮಾನ ಹಾಗೂ ಭಾರತ್ ಜೋಡೋ ಯುವ ಮಿಷನ್ ಸದಸ್ಯತ್ವ ಕಾರ್ಡ್ ವಿತರಿಸಲಾಯಿತು. ಅರಣ್ಯ ಇಲಾಖೆಯಿಂದ ಉತ್ತರ ಕನ್ನಡ ಜಿಲ್ಲೆಯ ಪ್ರವಾಸಿ ತಾಣಗಳ ನಕ್ಷೆ ಹಾಗೂ ಕಂದಾಯ ಇಲಾಖೆಯ ಅಧಿಕಾರಿಗಳು ಮತ್ತು ಸಿಬ್ಬಂದಿಯ ಡೈರೆಕ್ಟರಿಯನ್ನು ಬಿಡುಗಡೆ ಮಾಡಲಾಯಿತು. ಬಾಲಮಂದಿರ ಪ್ರೌಢಶಾಲೆ ಮತ್ತು ಸೆಂಟ್ ಜೋಸೆಫ್ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ ವಿದ್ಯಾರ್ಥಿಗಳು ದೇಶಭಕ್ತಿ ಸಾರುವ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟರು.
- [ಅಂಗವಿಕಲನ ಅಂತರಾಳ: ಅಪಘಾತವಾದರೂ ಧ್ವಜಾರೋಹಣ ಬಿಡದ ಕೃಷಿಕ!](https://mobiletime.in/2026/08/the-inner-world-of-a-differently-abled-person-a-farmer-who-didnt-skip-the-flag-hoisting-despite-an-accident/): ಅಪಘಾತದಿಂದ ಅಂಗವಿಕಲರಾಗಿರುವ ಮುಂಡಗೋಡಿನ ಲಕ್ಷ್ಮಣ ನಾಯ್ಕ ಅವರಿಗೆ ಸಾರ್ವಜನಿಕ ಸ್ಥಳಗಳಲ್ಲಿ ನಡೆಯುವ ರಾಷ್ಟ್ರೀಯ ಹಬ್ಬಗಳ ಧ್ವಜಾರೋಹಣಕ್ಕೆ ಹೋಗಲು ಆಗುತ್ತಿಲ್ಲ. ಅದಕ್ಕಾಗಿ ಅವರು ಕಳೆದ 21 ವರ್ಷಗಳಿಂದ ತಮ್ಮ ಮನೆ ಅಂಗಳದಲ್ಲಿಯೇ ರಾಷ್ಟ್ರೀಯ ಹಬ್ಬಗಳ ಆಚರಣೆ ಮಾಡುತ್ತಿದ್ದಾರೆ! ಮುಂಡಗೋಡು ಬೆಡಸಗಾಂವಿನ ಕೃಷಿಕ ಲಕ್ಷ್ಮಣ ನಾಯ್ಕ ಅವರು ಪ್ರತಿ ವರ್ಷವೂ ತಮ್ಮ ಮನೆ ಮುಂದೆ ಧ್ವಜಾರೋಹಣ ಮಾಡುತ್ತಾರೆ. ಎಲ್ಲಾ ರಾಷ್ಟ್ರೀಯ ಹಬ್ಬದ ದಿನ ಅವರು ಮನೆ ಅಂಗಳದಲ್ಲಿ ಧ್ವಜಾರೋಹಣ ನೆರವೇರಿಸುತ್ತಿದ್ದು, ಅಗಸ್ಟ 15ರ ಈ ದಿನವೂ ಅವರು ಉತ್ಸಾಹದಿಂದ ಸ್ವಾತಂತ್ರ‍್ಯೋತ್ಸವ ಆಚರಿಸಿದ್ದಾರೆ. ಪ್ರತಿ ವರ್ಷ ಸ್ವಾತಂತ್ರ‍್ಯೋತ್ಸವದ ದಿನ ಬೆಳಿಗ್ಗೆ ಸರಿಯಾಗಿ 7 ಗಂಟೆಗೆ ಅವರು ತಮ್ಮ ಮನೆ ಮುಂದೆ ರಾಷ್ಟ್ರಧ್ವಜ ಹಾರಿಸುತ್ತಾರೆ. ಕುಟುಂಬದವರು ಸಹ ಈ ಸಡಗರದಲ್ಲಿ ಭಾಗವಹಿಸುತ್ತಾರೆ. ಲಕ್ಷö್ಮಣ ನಾಯ್ಕ ಅವರು ಮನೆಯ ಆವರಣದಲ್ಲಿ ಧ್ವಜಸ್ತಂಭ ಸ್ಥಾಪಿಸಿದ್ದು, ಅಲ್ಲಿಯೇ ಮಹಾತ್ಮ ಗಾಂಧೀಜಿಯವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ರಾಷ್ಟ್ರಗೀತೆಯನ್ನು ಹಾಡುತ್ತಾರೆ. ರಾಷ್ಟ್ರೀಯ ಹಬ್ಬಗಳ ದಿನ ಅವರ ಮನೆ-ಅಂಗಳಗಳೆಲ್ಲವೂ ಅಲಂಕಾರದಿoದ ಕಂಗೊಳಿಸುತ್ತದೆ. ಎರಡು ದಶಕದ ಹಿಂದೆ ಸಂಭವಿಸಿದ ಅಪಘಾತದಲ್ಲಿ ಲಕ್ಷö್ಮಣ ನಾಯ್ಕ ಅವರ ಕಾಲಿಗೆ ತೀವ್ರವಾಗಿ ಗಾಯವಾಗಿತ್ತು. ಇದರಿಂದಾಗಿ ಹೊರಗಡೆ ತೆರಳಿ ಶಾಲೆಗಳು, ಸಂಘ-ಸoಸ್ಥೆಗಳು ಹಾಗೂ ಸಾರ್ವಜನಿಕ ಸ್ಥಳಗಳಲ್ಲಿ ನಡೆಯುತ್ತಿದ್ದ ರಾಷ್ಟ್ರೀಯ ಹಬ್ಬಗಳ ಧ್ವಜಾರೋಹಣ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಅವರಿಗೆ ಸಾಧ್ಯವಾಗಿರಲಿಲ್ಲ. ದೇಶದ ಬಗ್ಗೆ ಅಪಾರ ಅಭಿಮಾನ ಹೊಂದಿದ್ದ ಅವರಿಗೆ ಅಂದಿನ ಪ್ರಧಾನಮಂತ್ರಿ ದಿವಂಗತ ಅಟಲ್ ಬಿಹಾರಿ ವಾಜಪೇಯಿ ಅವರು ನೀಡಿದ್ದ ಕರೆಯೊಂದು ಪ್ರೇರಣೆಯಾಯಿತು. ರಾಷ್ಟ್ರೀಯ ಹಬ್ಬಗಳ ಸಂದರ್ಭದಲ್ಲಿ ಪ್ರತಿಯೊಬ್ಬ ನಾಗರಿಕರೂ ತಮ್ಮ ಮನೆಯ ಆವರಣದಲ್ಲಿಯೇ ರಾಷ್ಟ್ರಧ್ವಜ ಹಾರಿಸುವಂತೆ ನೀಡಲಾಗಿದ್ದ ಕರೆಯನ್ನು ಅವರು ಮಾಧ್ಯಮಗಳ ಮೂಲಕ ತಿಳಿದುಕೊಂಡಿದ್ದರು. ಈ ವಿಚಾರವನ್ನು ಮನದಲ್ಲಿಟ್ಟುಕೊಂಡು, ತಾವು ಹೊರಗೆ ಹೋಗಲು ಸಾಧ್ಯವಾಗದಿದ್ದರೂ ಮನೆಯಂಗಳದಲ್ಲೇ ರಾಷ್ಟ್ರಧ್ವಜಾರೋಹಣ ಮಾಡಬೇಕೆಂದು ನಿರ್ಧರಿಸಿದರು. ಅದರಂತೆ 2005ರಲ್ಲಿ ಮೊದಲ ಬಾರಿಗೆ ತಮ್ಮ ಮಾವರಾದ ಬೆಡಸಗಾಂವ್ ಸಹಕಾರಿ ಸಂಘದ ಮಾಜಿ ಕಾರ್ಯದರ್ಶಿ ಈಶ್ವರ ಹುಳ್ಳಪ್ಪ ನಾಯ್ಕ ಅವರಿಂದ ಮನೆಯ ಆವರಣದಲ್ಲಿ ಧ್ವಜಾರೋಹಣ ನೆರವೇರಿಸಿದರು. ಬಳಿಕ ಸತತ ಸುಮಾರು 10 ವರ್ಷಗಳ ಕಾಲ ಈಶ್ವರ ನಾಯ್ಕ ಅವರೇ ರಾಷ್ಟ್ರೀಯ ಹಬ್ಬಗಳ ಸಂದರ್ಭದಲ್ಲಿ ಮನೆಯ ಧ್ವಜಾರೋಹಣವನ್ನು ನೆರವೇರಿಸುತ್ತಿದ್ದರು. ಈಶ್ವರ ನಾಯ್ಕ ಅವರು ನಿಧನರಾದ ಬಳಿಕ ಅವರ ಅಳಿಯರಾಗಿರುವ ಲಕ್ಷ್ಮಣ ಕೆರಿಯ ನಾಯ್ಕ ಅವರು ಈ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದು, ಅಂದಿನಿoದ ಇಂದಿನವರೆಗೂ ಯಾವುದೇ ಅಡೆತಡೆಯಾಗದೇ ಅವರು ಧ್ವಜಾರೋಹಣ ಮಾಡುತ್ತಿದ್ದಾರೆ. ಅವರ ಮನೆಯಂಗಳ ಧ್ವಜಾರೋಹಣಕ್ಕೆ ಬರುವ ಪ್ರತಿಯೊಬ್ಬರಿಗೂ ಲಕ್ಷ್ಮಣ ನಾಯ್ಕ ಅವರು ಉಡುಗರೆ ನೀಡುತ್ತಾರೆ. ವಿದ್ಯಾರ್ಥಿಗಳಿಗೆ ಪೆನ್ನು, ಪಠ್ಯೋಪಯೋಗಿ ಸಾಮಗ್ರಿ ಹಾಗೂ ಸಿಹಿತಿಂಡಿಗಳನ್ನು ವಿತರಿಸುವ ಮೂಲಕ ಮಕ್ಕಳಲ್ಲಿ ದೇಶಭಕ್ತಿ ಮತ್ತು ರಾಷ್ಟ್ರೀಯ ಹಬ್ಬಗಳ ಮಹತ್ವದ ಕುರಿತು ಅರಿವು ಮೂಡಿಸುತ್ತಿದ್ದಾರೆ.ಲಕ್ಷ್ಮಣ ನಾಯ್ಕ ಅವರ ಈ ರಾಷ್ಟ್ರಪ್ರೇಮಕ್ಕೆ ಇದೀಗ ಅವರ ಪುತ್ರ ಕೂಡ ಕೈಜೋಡಿಸಿದ್ದಾರೆ.
- [`ಭಾರತೀಯ ಸಂವಿಧಾನ ಜಾತ್ಯಾತ್ಯೀತ ಮೌಲ್ಯಕ್ಕೆ ಪೂರಕ'](https://mobiletime.in/2026/08/indian-constitution-complementary-to-secular-values/): ಶಿರಸಿಯ ಅರಣ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಕಚೇರಿ ಆವಾರದಲ್ಲಿ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಧ್ವಜಾರೋಹಣ ನೆರವೇರಿಸಿದ್ದು, `ದೇಶದ ಸಂವಿಧಾನ ಜಾತ್ಯಾತ್ಯೀತ ಮೌಲ್ಯಕ್ಕೆ ಪೂರಕ’ ಎಂದು ಹೇಳಿದ್ದಾರೆ. `ಪ್ರಪಂಚದಲ್ಲಿ ಭಾರತೀಯ ಪ್ರಜಾ ತಂತ್ರದ ವ್ಯವಸ್ಥೆ ಮೌಲ್ಯಯುತ ಹಾಗೂ ಆದರ್ಶಮಯವಾಗಿರುತ್ತದೆ. ಪ್ರಜಾತಂತ್ರದ ರಕ್ಷಣೆ ಪ್ರತಿಯೊಬ್ಬ ಭಾರತೀಯ ಪ್ರಜೆಯ ಕರ್ತವ್ಯವಾಗಿದೆ’ ಎಂದವರು ವಿವರಿಸಿದ್ದಾರೆ. ಈ ವೇಳೆ ಹಿರಿಯ ಸಾಮಾಜಿಕ ಧುರೀಣ ಸತೀಶ ನಾಯ್ಕ ಮದರಳ್ಳಿ ಅವರು ಮಾತನಾಡಿ `ಅರಣ್ಯವಾಸಿಗಳ ಸಾಮಾಜಿಕ ಹೋರಾಟದ ಪ್ರತಿಫಲ ಭೂಮಿ ಹಕ್ಕಿನ ಬದುಕಿಗೆ ಸ್ವಾತಂತ್ಯೂತ್ಸವ ಪ್ರೇರಣೆಯಾಗಲಿದೆ’ ಎಂದರು. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಜಿಲ್ಲಾ ಸಂಚಾಲಕ ಇಬ್ರಾಹೀಂ ಗೌಡಳ್ಳಿ, ರಾಜು ನರೇಬೈಲ್, ವಿನೋಧ ಎಮ್ ಗೌಡ ತಂಡಾಗುoಡಿ, ರಮೇಶ್ ನಾಯ್ಕ ದೊಡ್ನಳ್ಳಿ, ಜೀತೇಂದ್ರ ಕೆ ನರೇಬೈಲ್, ಯಶೋಧ ಬಿ ನೌಟೂರು, ಉಮೇಶ ನಾಯ್ಕ ಶೇಲೂರು. ವಕೀಲರುಗಳಾದ ಉದಯ ನಾಯ್ಕ, ಆರ್ ವಿ ಹೆಗಡೆ, ಶ್ರೀಶೈಲ್, ದೀಪಕ ನಾಯ್ಕ, ವಿನಾಯಕ ನಾಯ್ಕ, ರಾಘು ಬೆಣಗಿ, ಮಾರುತಿ ನಾಯ್ಕ, ಆರ್ ವಿ ಮೇಸ್ತ, ಧನಂಜಯ ನಾಯ್ಕ, ಸುರಕ್ಷಾ ನಾಯ್ಕ, ದಿವ್ಯಾ ನಾಯ್ಕ, ನಂದನ ಕಾನಡೆ ಮುಂತಾದವರು ಉಪಸ್ಥಿತರಿದ್ದರು.
- [`ಶಿಕ್ಷಣದ ಜೊತೆ ಸಂಸ್ಕಾರವೂ ಮುಖ್ಯ'](https://mobiletime.in/2026/08/along-with-education-values-are-also-important/): ಹೊನ್ನಾವರದ ಅಳಂಕಿ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ 80ನೇ ಸ್ವಾತಂತ್ರ‍್ಯ ದಿನಾಚರಣೆ ಅಂಗವಾಗಿ ಕಾಲೇಜಿನ ಪ್ರಾಂಶುಪಾಲ ಕಿಶೋರ ನಾಯ್ಕ ಅವರು ಧ್ವಜಾರೋಹಣ ನೆರವೇರಿಸಿದ್ದು, ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ಸಂಸ್ಥೆಯ ಉಪಾಧ್ಯಕ್ಷ ಚಂದ್ರಕಾoತ ಕೋಚರೇಕರ್ ಅವರು `ಶಿಕ್ಷಣದ ಜೊತೆಗೆ ಸಂಸ್ಕಾರವೂ ಅಷ್ಟೇ ಮುಖ್ಯ’ ಎಂದು ಹೇಳಿದ್ದಾರೆ. `ಭ್ರಷ್ಟಾಚಾರ ಎಂಬುದು ದೇಶದ ಅತಿ ದೊಡ್ಡ ಪಿಡುಗಾಗಿದೆ. ಅದರ ನಿರ್ಮೂಲನೆಗೆ ಎಲ್ಲರೂ ಪಣ ತೊಡಬೇಕಿದೆ. ವಿದ್ಯಾರ್ಥಿಗಳೇ ಈ ದೇಶದ ಆಸ್ತಿಯಾಗಿದ್ದು, ಶಿಸ್ತು-ಪ್ರಾಮಾಣಿಕತೆ ಹಾಗೂ ದೇಶಭಕ್ತಿಯಿಂದ ಜೀವನ ರೂಪಿಸಿಕೊಳ್ಳಬೇಕು. ಶಿಕ್ಷಣದ ಜೊತೆ ಉತ್ತಮ ಸಂಸ್ಕಾರವನ್ನು ಬೆಳೆಸಿಕೊಳ್ಳಬೇಕು’ ಎಂದವರು ಕರೆ ನೀಡಿದ್ದಾರೆ. `ಪ್ರತಿಯೊಬ್ಬರು ಮತದಾನದ ಪಾವಿತ್ರ‍್ಯವನ್ನು ಕಾಪಾಡುವ ಮೂಲಕ ನಮ್ಮಿಂದಲೇ ದೇಶದ ಸುಧಾರಣೆಗೆ ಮೊದಲ ಹೆಜ್ಜೆಯಿಡಬೇಕು’ ಎಂದು ಹೇಳಿದ್ದಾರೆ. ಕಾಲೇಜು ಅಭಿವೃದ್ಧಿ ಸಮಿತಿಯ ಸದಸ್ಯ ಜಿ ಟಿ ಹಳ್ಳೇರ, ಕಾಲೇಜಿನ ಪ್ರಾಂಶುಪಾಲ ಕಿಶೋರ ನಾಯ್ಕ ಅವರು ಆಚಾರ-ವಿಚಾರಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು. ದೇಶಭಕ್ತಿ ಗೀತೆ, ಭಾಷಣ, ಸಾಂಸ್ಕೃತಿಕ ಕಾರ್ಯಕ್ರಮಗಳು ಗಮನಸೆಳೆದರು. ಈ ವೇಳೆ ಗಿಡ ನೆಡುವ ಕಾರ್ಯಕ್ರಮವೂ ನಡೆಯಿತು. ಪ್ರಮುಖರಾದ ಜಾಫರ್ ಸಾಬ, ಮಂಜುನಾಥ ನಾಯ್ಕ, ಶೇಖರ ನಾಯ್ಕ, ರೇಷ್ಮಾ ನಾಯ್ಕ, ಅರ್ಚನಾ ನಾಯ್ಕ, ವ್ರಂದಾ ಹೆಗಡೆ, ಸತೀಶ ನಾಯ್ಕ ಮತ್ತಿತರರು ಇದ್ದರು. ಸಮಿಯಾ ಭಾನು ಸ್ವಾಗತಿಸಿದರು. ಪದ್ಮಾವತಿ ನಾಯ್ಕ ವಂದಿಸಿದರು. ಸ್ವಾತಿ ಮೇಸ್ತ ಅವರು ನಿರ್ವಹಿಸಿದರು.
- [ಸಂಘಟನೆಗೆ ಶಕ್ತಿ ತುಂಬಿದ ಸ್ವಾತಂತ್ರ‍್ಯೋತ್ಸವ](https://mobiletime.in/2026/08/independence-day-strengthened-the-organization/): ಕಾರವಾರದ ಗುತ್ತಿಗೆದಾರರ ಸಂಘದ ಕಚೇರಿಯಲ್ಲಿ 80ನೇ ನೇ ಸ್ವಾತಂತ್ರ‍್ಯೋತ್ಸವ ಅದ್ಧೂರಿಯಾಗಿ ನಡೆದಿದ್ದು, ಈ ವೇಳೆ ಸೇರಿದ ಗುತ್ತಿಗೆದಾರರೆಲ್ಲರೂ ಸಂಘಟನೆ ವಿಷಯವಾಗಿ ಚರ್ಚಿಸಿದರು. ಬೆಳಗ್ಗೆ ಪಿಕಳೆ ರಸ್ತೆಯಲ್ಲಿರುವ ಗುತ್ತಿಗೆದಾರರ ಸಂಘದ ಕಚೇರಿಯಲ್ಲಿ ಧ್ವಜಾರೋಹಣ ನೆರವೇರಿಸಿ, ಸಂಘದ ಸಭೆ ಮಾಡಿದರು. ಸಂಘದ ಕಚೇರಿ ನವೀಕರಣಕ್ಕೆ ಸಂಬoಧಿಸಿ ಈ ಸಭೆಯಲ್ಲಿ ವಿವಿಧ ಚರ್ಚೆ ನಡೆಯಿತು. ಕಚೇರಿ ನವೀಕರಣಕ್ಕಾಗಿ ಸಂಘದಿoದ ಖರ್ಚು ಮಾಡಲಾದ ಮೊತ್ತವನ್ನು ಲೋಕೋಪಯೋಗಿ ಇಲಾಖೆಯಿಂದ ಮರುಪಾವತಿಯಾಗಿ ಪಡೆಯುವ ಕುರಿತು ಪ್ರಸ್ತಾಪವಾಯಿತು. ಕಾರವಾರದ ಶಾಸಕ ಸತೀಶ್ ಸೈಲ್ ಅವರ ಜೊತೆ ವಿಶೇಷ ಸಭೆ ನಡೆಸಲು ಸಂಘದ ಸದಸ್ಯರು ಹೇಳಿದ್ದು, ಅದಕ್ಕೆ ಪದಾಧಿಕಾರಿಗಳು ಆಸಕ್ತಿವಹಿಸಿದರು. `ನಗರಸಭೆ ಹಾಗೂ ಇನ್ನಿತರ ಇಲಾಖೆಗಳಲ್ಲಿ ಗುತ್ತಿಗೆದಾರರು ಮಾಡಿದ ಕೆಲಸದ ಬಿಲ್ ಬಾಕಿಯಿದೆ. ಈ ಬಗ್ಗೆ ಅಧಿಕಾರಿಗಳನ್ನು ಭೇಟಿ ಮಾಡಿ ಸಮಾಲೋಚನೆ ನಡೆಸಬೇಕು. ಶೀಘ್ರದಲ್ಲಿಯೇ ಬಿಲ್ ಪಾವತಿಗೆ ಒತ್ತಾಯಿಸಬೇಕು’ ಎಂದು ಸದಸ್ಯರು ಸೂಚಿಸಿದರು. ಈ ಬಗ್ಗೆ ನಗರಸಭೆ ಕಮಿಷನರ್ ಅವರನ್ನು ಭೇಟಿ ಮಾಡಿ ಚರ್ಚಿಸುವ ಬಗ್ಗೆ ಎಲ್ಲರೂ ಒಗ್ಗಟ್ಟಿನಿಂದ ನಿರ್ಧರಿಸಿದರು. ಸಂಘದ ಅಧ್ಯಕ್ಷ ವಿಜಯ ಬಿಲಿಯೇ, ಉಪಾಧ್ಯಕ್ಷ ಛತ್ರಪತಿ ಮ್ಹಾಲ್ಸೇಕರ, ಸಹ ಕಾರ್ಯದರ್ಶಿ ಸಂತೋಷ ಸೈಲ್, ನಿಕಟಪೂರ್ವ ಅಧ್ಯಕ್ಷ ಮಾಧವ ನಾಯ್ಕ, ಖಚಾಂಚಿ ಸತೀಶ ವಿಠೋಬಾ ನಾಯ್ಕ ಹಾಗೂ ಸದಸ್ಯರಾದ ದೀಪಕ ನಾಯ್ಕ, ಶಶಿಕಾಂತ ನಾಯ್ಕ, ಜಗದೀಶ ಕೆ. ನಾಯ್ಕ, ದತ್ತಾ ಎಂ ಗುನಗಿ, ಭೋಜರಾಜ್ ದ್ವಾರಸ್ವಾಮಿ, ಉದಯ ವಿ ನಾಯ್ಕ, ರಾಮನಾಥ ನಾಯ್ಕ, ಮನೋಜಕುಮಾರ ನಾಯ್ಕ, ಅನಿಲ ಮ್ಹಾಳಸೇಕರ ಹಾಗೂ ಸಂದೀಪ ಕೊಠಾರಕರ ಅವರು ಸಭೆಯಲ್ಲಿದ್ದರು.
- [`ವಿಬಿ-ರಾಮ್ ಜಿ ಯೋಜನೆಯಿಂದ ಅಭಿವೃದ್ಧಿ ಸಾಧ್ಯ'](https://mobiletime.in/2026/08/development-is-possible-through-the-vb-ram-g-scheme/): ಯಲ್ಲಾಪುರದ ಕಂಪ್ಲಿ ಗ್ರಾಮ ಪಂಚಾಯತ ಆವರಣದಲ್ಲಿ ಗ್ರಾಮ ಪಂಚಾಯತ ಆಡಳಿತಾಧಿಕಾರಿ ಬಸವರಾಜ ಬೊಚಳ್ಳಿ ಅವರು ಧ್ವಜಾರೋಹಣ ನೆರವೇರಿಸಿದ್ದು, `ವಿಬಿ-ರಾಮ್ ಜಿ ಯೋಜನೆಯಿಂದ ಗ್ರಾಮದ ಸರ್ವತೋಮುಖ ಅಭಿವೃದ್ಧಿ ಸಾಧ್ಯ’ ಎಂದು ಹೇಳಿದ್ದಾರೆ. `ಊರಿನಲ್ಲಿಯೇ ಉದ್ಯೋಗಪಡೆಯುವುದಕ್ಕಾಗಿ ಕಾರ್ಮಿಕರು ಈ ಯೋಜನೆ ಪ್ರಯೋಜನಪಡೆಯಬೇಕು’ ಎಂದು ಅವರು ಕರೆ ನೀಡಿದ್ದಾರೆ. `ಮಹಾತ್ಮ ಗಾಂಧೀಜಿ, ಸುಭಾಷ್ ಚಂದ್ರ ಬೋಸ್, ಭಗತ್ ಸಿಂಗ್, ಸರ್ದಾರ್ ವಲ್ಲಭಭಾಯಿ ಪಟೇಲ್, ಬಿ ಆರ್ ಅಂಬೇಡ್ಕರ್ ಮುಂತಾದ ಅಸಂಖ್ಯಾತ ಸ್ವಾತಂತ್ರ‍್ಯ ಹೋರಾಟಗಾರರ ತ್ಯಾಗ, ಬಲಿದಾನ ಮತ್ತು ಹೋರಾಟದ ಫಲವಾಗಿಯೇ ಭಾರತಕ್ಕೆ ಸ್ವಾತಂತ್ರö್ಯ ಸಿಕ್ಕಿದೆ. ತಮ್ಮ ಪ್ರಾಣವನ್ನೂ ಲೆಕ್ಕಿಸದೆ ದೇಶಕ್ಕಾಗಿ ಹೋರಾಡಿದ ಆ ಮಹಾನ್ ಚೇತನಗಳಿಗೆ ನಾವು ಸದಾ ಋಣಿಯಾಗಿರಬೇಕು’ ಎಂದವರು ಹೇಳಿದ್ದಾರೆ. `ಸಿಕ್ಕಿರುವ ಈ ಸ್ವಾತಂತ್ರ‍್ಯವನ್ನು ಕಾಪಾಡಿಕೊಳ್ಳುವುದು ಮತ್ತು ದೇಶವನ್ನು ಇನ್ನಷ್ಟು ಎತ್ತರಕ್ಕೆ ಬೆಳೆಸುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ. ನಾವೆಲ್ಲರೂ ಜಾತಿಗೆ, ಧರ್ಮಕ್ಕೆ ಅಂಟಿಕೊಳ್ಳದೆ ಭಾರತೀಯರೆಂಬ ಏಕತೆಯ ಭಾವನೆಯಿಂದ ಬದುಕಬೇಕು’ ಎಂದು ಕರೆ ನೀಡಿದ್ದಾರೆ. ಪಿಡಿಓ ರವಿ ಪಟಗಾರ ಅವರು ಮಾತನಾಡಿ `ದೇಶದ ಪ್ರಗತಿಗೆ ಶಿಕ್ಷಣ, ಪ್ರಾಮಾಣಿಕತೆ ಮತ್ತು ಶ್ರಮ ಅತ್ಯಂತ ಅವಶ್ಯಕ. ರೈತರು, ಸೈನಿಕರು ಮತ್ತು ಶ್ರಮಿಕರ ಶ್ರಮವೇ ನಮ್ಮ ದೇಶದ ಬೆನ್ನೆಲುಗು. ಅವರನ್ನು ಗೌರವಿಸುವುದು ನಮ್ಮೆಲ್ಲರ ಜವಾಬ್ದಾರಿ’ ಎಂದು ಹೇಳಿದ್ದಾರೆ. ಜೊತೆಗೆ ಸರ್ಕಾರದ ಯೋಜನೆಗಳ ಬಗ್ಗೆ ಅವರು ಈ ವೇಳೆ ನೆರೆದ ಜನರಿಗೆ ಮಾಹಿತಿ ನೀಡಿದ್ದಾರೆ. ಭೂ ನ್ಯಾಯ ಮಂಡಳಿ ಸದಸ್ಯ ವಿಕಾಸ ನಾಯ್ಕ ಸೇರಿ ಅನೇಕ ಗಣ್ಯರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ.
- [`ಹೋರಾಟದಿಂದ ಸಿಕ್ಕ ಸ್ವಾತಂತ್ರ‍್ಯ](https://mobiletime.in/2026/08/freedom-won-through-struggle/): ‘ಕಾರವಾರದ ಅಸ್ನೋಟಿ ಶಿಕ್ಷಣ ಸಂಸ್ಥೆಯಲ್ಲಿ 80ನೇ ಸ್ವಾತಂತ್ರ‍್ಯ ದಿನಾಚರಣೆ ಅಂಗವಾಗಿ ಧ್ವಜಾರೋಹಣ ನೆರವೇರಿಸಿದ ಸಂಸ್ಥೆಯ ಉಪಾಧ್ಯಕ್ಷ ಗಿರೀಶ್ ದೇಸಾಯಿ ಅವರು `ನಮಗೆಲ್ಲ ಸ್ವಾತಂತ್ರ‍್ಯ ಸಿಗಲು ಹಿರಿಯರು ಮಾಡಿದ ಹೋರಾಟವೇ ಕಾರಣ’ ಎಂದು ಹೇಳಿದ್ದಾರೆ. `ನಮ್ಮ ಹಿರಿಯರು ನೀಡಿದ ತ್ಯಾಗದ ಫಲವಾಗಿ ಸ್ವಾತಂತ್ರ‍್ಯ ದೊರೆತಿದೆ. ಅದನ್ನು ಅರಿತು ವಿದ್ಯಾರ್ಥಿಗಳು ಶಿಸ್ತು, ಪ್ರಮಾಣಿಕತೆ ಹಾಗೂ ದೇಶ ಸೇವೆಯ ಮನೋಭಾವನದಿಂದ ಬದುಕಬೇಕು. ಶಿಕ್ಷಣದ ಜೊತೆಗೆ ಸಂಸ್ಕಾರವೂ ಅಷ್ಟೇ ಮುಖ್ಯ’ ಎಂದವರು ಕರೆ ನೀಡಿದ್ದಾರೆ. ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಸಂಸ್ಥೆಯ ಕಾರ್ಯದರ್ಶಿ ಸಂಜಯ ಸಾಳುಂಕೆ ಅವರು `ಭಾರತ ವಿಶ್ವದಲ್ಲೇ ವೇಗವಾಗಿ ಬೆಳೆಯುತ್ತಿರುವ ರಾಷ್ಟ್ರವಾಗಿದೆ. ತಂತ್ರಜ್ಞಾನ, ವಿಜ್ಞಾನ, ಕ್ರೀಡೆ ಎಲ್ಲಾ ಕ್ಷೇತ್ರದಲ್ಲೂ ನಮ್ಮ ಯುವಕರು ಸಾಧನೆ ಮಾಡುತ್ತಿದ್ದಾರೆ. ಜಾತಿ, ಧರ್ಮ, ಭ್ರಷ್ಟಾಚಾರದಂತಹ ಸಮಸ್ಯೆಗಳನ್ನು ನಾವು ಎದುರಿಸುತ್ತಿದ್ದು, ಈ ಸವಾಲುಗಳನ್ನು ಹಿಂದಿಕ್ಕಿ ದೇಶವನ್ನು ಇನ್ನಷ್ಟು ಬಲಿಷ್ಠಗೊಳಿಸುವ ಜವಾಬ್ದಾರಿ ನಿಮ್ಮ ಮೇಲಿದೆ’ ಎಂದಿದ್ದಾರೆ. ಕಾರ್ಯಕ್ರಮದಲ್ಲಿ ಸಂಸ್ಥೆಯ ಸದಸ್ಯರಾದ ಶಶಿಕಾಂತ ಸಾಳುಂಕೆ, ನ್ಯೂಮಾಡಲ್ ಇಂಗ್ಲಿಷ್ ಸ್ಕೂಲ ಅಸ್ನೋಟಿ ಮುಖ್ಯಾಧ್ಯಾಪಕಿಯರಾದ ಶೃತಿಕಾ ದೇಸಾಯಿ, ಜಯಲಕ್ಷ್ಮೀ ಬಾಂದೇಕರ, ಸವಿತಾ ನಾಯ್ಕ ಅವರು ಹಾಜರಿದ್ದರು. ಸ್ಕೌಟ್ ಮತ್ತು ಗೈಡ್ ವಿದ್ಯಾರ್ಥಿಗಳು ಗೌರವ ವಂದನೆ ಸಲ್ಲಿಸಿದರು. ದೈಹಿಕ ಶಿಕ್ಷಕ ಶರತ್ ಗಾಂವಕರ್ ಅವರು ಧ್ವಜಾರೋಹಣ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು. ಸಹ ಶಿಕ್ಷಕ ಸಂತೋಷ ಕಾಂಬಳೆ, ಶಿವಾಜಿ ವಿದ್ಯಾ ಮಂದಿರ ಮುಖ್ಯಾಧ್ಯಾಪಕ ಗಣೇಶ ಬಿಷ್ಟಣ್ಣನವರ ಅವರು ವಿವಿಧ ಜವಾಬ್ದಾರಿ ನಿಭಾಯಿಸಿದರು. ಈ ವೇದಿಕೆಯಲ್ಲಿ ದೇಶಭಕ್ತಿ ಗೀತೆ, ಭಾಷಣ ಸ್ಪರ್ಧೆ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳು ಕಾರ್ಯಕ್ರಮ ನಡೆದವು. ಮಾಜಿ ಸೈನಿಕರು, ಶಿಕ್ಷಕರು, ವಿದ್ಯಾರ್ಥಿಗಳು ಹಾಗೂ ಗ್ರಾಮದ ಜನ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
- [`ಸ್ವಾತಂತ್ರ‍್ಯವೇ ಬೇರೆ.. ಸ್ವೇಚ್ಛಾಚಾರವೇ ಬೇರೆ'](https://mobiletime.in/2026/08/freedom-is-one-thing-arbitrariness-is-another/): ಯಲ್ಲಾಪುರದ ಹೋಲಿ ರೋಜರಿ ಪ್ರೌಢಶಾಲೆಯಲ್ಲಿ ಸ್ವಾತಂತ್ರ‍್ಯೋತ್ಸವದ ಧ್ವಜಾರಣ ನೆರವೇರಿಸಿದ ಪ್ರೌಢಶಾಲೆಯ ಮುಖ್ಯಾಧ್ಯಾಪಕ ಎಂ ರಾಜಶೇಖರ್ ಅವರು `ಸ್ವಾತಂತ್ರ‍್ಯಕ್ಕೂ ಸ್ವೇಚ್ಛಾಚಾರಕ್ಕೂ ಇರುವ ವ್ಯತ್ಯಾಸವನ್ನು ಅರಿತು ದೇಶದ ಅಭಿವೃದ್ದಿಗೆ ಎಲ್ಲರೂ ಕೈ ಜೋಡಿಸಬೇಕು’ ಎಂದು ಕರೆ ನೀಡಿದ್ದಾರೆ. `ನಮ್ಮ ದೇಶ, ಸಂಸ್ಕಾರ, ಸಂಸ್ಕೃತಿ ಎಲ್ಲವೂ ಹಿರಿಯರು ನೀಡಿದ ಬದುಕಿನ ಕ್ರಮವಾಗಿದೆ. ಸ್ವಾತಂತ್ರ‍್ಯ ಎಂದರೆ ಗುಲಾಮಗಿರಿಯಿಂದ ಮುಕ್ತಿ ಕೊಡಿಸಿದ ಕ್ಷಣವಾಗಿದ್ದು, ಈ ಬದುಕನ್ನು ನೀಡಿದ ಮಹನೀಯರ ಸೇವೆ ಪ್ರಾತಸ್ಮರಣೀಯ. ಹಿರಿಯ ತಲೆಮಾರಿನ ಜನ ಒಗ್ಗಟ್ಟಿನಿಂದ ನೀಡಿರುವ ಸ್ವಾತಂತ್ರ‍್ಯವನ್ನು ನಾವು ಅನುಭವಿಸುತ್ತಿದ್ದೇವೆ. ಈ ಸ್ವಾತಂತ್ರ‍್ಯದ ಸವಿ ಅತ್ಯಂತ ಅಮೂಲ್ಯ ಅದನ್ನ ಪಡೆಯಬೇಕಾದರೆ ನಡೆಸಿದ ಹೋರಾಟಗಳ ಅರಿವಿಲ್ಲದೆ ನಾವಿಂದು ದೇಶದ ಬಗ್ಗೆ ದೇಶದ ಕುರಿತು ಚಿಂತನೆ ಮಾಡುವಲ್ಲಿ ಎಡವುತ್ತಿದ್ದೇವೆ’ ಎಂದವರು ಹೇಳಿದ್ದಾರೆ. `ಎಳೆಯ ಮನಸ್ಸಿನ ಮಕ್ಕಳಲ್ಲಿ ಸುಭದ್ರ ಸಮಷ್ಟಿ ಭಾವದ ರಾಷ್ಟ್ರದ ಕಲ್ಪನೆ ಅತ್ಯಂತ ಅಮೂಲ್ಯ. ನನ್ನ ದೇಶ ನನಗೇನು ನೀಡಿದೆ ಎನ್ನುವುದನ್ನು ಯೋಚಿಸುವುದಕ್ಕಿಂತ ದೇಶಕ್ಕಾಗಿ ನಾನೇನು ಮಾಡಬಲ್ಲೆ ಎಂದು ಚಿಂತಿಸಬೇಕು’ ಎಂದು ಕರೆ ನೀಡಿದ್ದಾರೆ. `ಸ್ವಾತಂತ್ರ‍್ಯಕ್ಕೂ ಸ್ವೇಚ್ಛಾಚಾರಕ್ಕೂ ಇರುವ ವ್ಯತ್ಯಾಸವನ್ನು ಅರಿತು ನಾವು ದೇಶವನ್ನು ಕಟ್ಟಬೇಕಾಗಿದೆ. ನಿವೃತ್ತ ಶಿಕ್ಷಕ ದಾಸಿಂತ್ ಫರ್ನಾಂಡಿಸ್ ಚಂದ್ರಶೇಖರ್ ಅವರು ಧ್ವಜವಂದನೆಯಲ್ಲಿ ಭಾಗವಹಿಸಿದ್ದು, ಹಿರಿಯ ಪ್ರಾಥಮಿಕ ಶಾಲೆ ಮುಖ್ಯೋಧ್ಯಾಪಕ ಆಗ್ನೇಯಲ್ ಫರ್ನಾಂಡಿಸ್, ಹಿರಿಯ ಶಿಕ್ಷಕರ ವೆಂಕಟರಮಣ ಭಟ್ಟ, ಶಿಕ್ಷಕ ನೆಲ್ಸನ್ ಗೋನ್ಸಾಲ್ವಿಸ ಮತ್ತು ಮಲ್ಲಿಕಾರ್ಜುನ ಅವರು ವಿವಿಧ ಜವಾಬ್ದಾರಿ ನಿಭಾಯಿಸಿದರು. ಸ್ವಾತಂತ್ರ‍್ಯೋತ್ಸವದ ನಿಮಿತ್ತ ನಡೆಸಿದ ದೇಶಭಕ್ತಿ ಗೀತೆ ಚಿತ್ರಕಲಾ ಸ್ಪರ್ಧೆ ಇನ್ನಿತರ ಹಲವು ಸ್ಪರ್ಧಿಗಳಿಗೆ ಬಹುಮಾನ ವಿತರಿಸಲಾಯಿತು.
- [ಭಟ್ಕಳ | ಮಸ್ತಾಕನ ಮೋಹಕ್ಕೆ ಬಿದ್ದ ಸಂಗೀತಾ!](https://mobiletime.in/2026/08/bhatkal-sangeetha-falls-for-mastak/): ಬಾಗಲಕೋಟೆಯ ಸಂಗೀತಾ ಲಮಾಣಿ ಅವರು ಭಟ್ಕಳದ ಮಸ್ತಾಕ್ ಅವರನ್ನು ಪ್ರೀತಿಸಿದ್ದು, ಊರು ಬಿಟ್ಟು ಓಡಿ ಬಂದಿದ್ದಾರೆ. ಸಂಗೀತಾ ಲಮಾಣಿ ಅವರ ಮನವೊಲೈಸಲು ಬಂದವರಿಗೆ ಮಸ್ತಾಕ್ ಅವರ ಜೊತೆ ಮಹಮದ್ ಸಾಧಿಕ್ ಸೇರಿ ಹೊಡೆದಿದ್ದಾರೆ. ಬಾಗಲಕೋಟೆಯ ಜಾನಮಟ್ಟಿ ತಾಂಡಾದ ಬಳಿ ರಮೇಶ ಲಮಾಣಿ ಅವರು ವಾಸವಾಗಿದ್ದಾರೆ. ಅವರ ಪುತ್ರಿ ಸಂಗೀತಾ ಲಮಾಣಿ ಅವರು ಭಟ್ಕಳದ ಗುಳ್ಮೆ ಬಳಲಖಂಡದಲ್ಲಿರುವ ಮಸ್ತಾಕ್ ಅವರ ಮೋಹಕ್ಕೆ ಬಿದ್ದಿದ್ದಾರೆ. ಹೀಗಾಗಿ ಮಸ್ತಾಕ್ ಅವರು ಸಂಗೀತಾ ಅವರನ್ನು ಅವರ ಊರಿನಿಂದ ಓಡಿಸಿಕೊಂಡು ಬಂದಿದ್ದಾರೆ. ಈ ವಿಷಯ ಅರಿತ ರಮೇಶ ಲಮಾಣಿ ಅವರ ಮಾವ ಕೃಷ್ಣಪ್ಪ ಲಮಾಣಿ ಅವರು ಭಟ್ಕಳಕ್ಕೆ ಆಗಮಿಸಿ, ಸಂಗೀತಾ ಲಮಾಣಿ ಅವರ ಮನವೊಲೈಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಈ ವೇಳೆ ಮಸ್ತಾಕ್ ಅವರ ಜೊತೆ ಮಹಮದ್ ಸಿದ್ದೀಕ್ ಸತ್ತಾರ್ ಅವರು ಸೇರಿ ಕೃಷ್ಣಪ್ಪ ಲಮಾಣಿ ಅವರನ್ನು ಬೆದರಿಸಿದ್ದಾರೆ. ಕೃಷ್ಣಪ್ಪ ಲಮಾಣಿ ಅವರ ಜೊತೆಗೆ ಬಂದಿದ್ದ ಗುತ್ತಿಗೆದಾರ ಪುಂಡಲಿಕ ಪವಾರ ಅವಗೂ ಅವರಿಬ್ಬರು ಸೇರಿ ಹೊಡೆದಿದ್ದಾರೆ. ಅವರ ಬಟ್ಟೆಗಳನ್ನು ಹರಿದು ಅವಮಾನ ಮಾಡಿದ್ದಾರೆ. `ಮತ್ತೆ ಹುಡುಗಿ ಕೇಳಲು ಬಂದರೆ ಅವಳನ್ನು ಉಳಿಸುವುದಿಲ್ಲ. ನಿಮ್ಮನ್ನು ಬಿಡುವುದಿಲ್ಲ’ ಎಂದು ಮಸ್ತಾಕ್ ಹಾಗೂ ಮಹಮದ್ ಸಿದ್ದೀಕ್ ಸತ್ತಾರ್ ಸೇರಿ ಕೃಷ್ಣಪ್ಪ ಲಮಾಣಿ ಹಾಗೂ ಪುಂಡಲಿಕ ಪವಾರ್ ಅವರನ್ನು ಬೆದರಿಸಿದ್ದಾರೆ. ಅಗಸ್ಟ 8ರಂದು ಈ ಎಲ್ಲಾ ಘಟನೆ ನಡೆದಿದ್ದು, ತಮ್ಮ ಮೇಲಾದ ದಾಳಿ ಬಗ್ಗೆ ಕೃಷ್ಣಪ್ಪ ಲಮಾಣಿ ಅವರು ಪೊಲೀಸರಿಗೆ ದೂರಿದ್ದಾರೆ. ಭಟ್ಕಳ ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣದ ವಿಚಾರಣೆ ನಡೆಸಿದ್ದಾರೆ.
- [ದಾಂಡೇಲಿ | ಬ್ಯಾನರ್ ಹರಿದ ಕಿಡಿಗೇಡಿ!](https://mobiletime.in/2026/08/dandeli-miscreant-tears-down-banner/): ಹಳಿಯಾಳ ಶಾಸಕ ಆರ್ ವಿ ದೇಶಪಾಂಡೆ ಅವರ ಭಾವಚಿತ್ರವಿದ್ದ ಬ್ಯಾನರ್’ನ್ನು ಕಿಡಿಗೇಡಿಯೊಬ್ಬರು ಧ್ವಂಸ ಮಾಡಿದ್ದಾರೆ. ಸ್ವಾತಂತ್ರ‍್ಯ ದಿನಾಚರಣೆ ಹಾಗೂ ನಾಗರ ಪಂಚಮಿ ಶುಭಾಶಯ ಕೋರುವ ಬ್ಯಾನರ್ ಹಾನಿಗೊಳಗಾಗಿದೆ. ದಾಂಡೇಲಿಯ ಜಿ ಎನ್ ರಸ್ತೆಯಲ್ಲಿ ಸಾಹೇಲಿ ಲಾಡ್ಜ್ ಮಾಲೀಕರಾದ ಅಸ್ಲಂ ನೀರಲ್ಗಿ ಅವರು ಬ್ಯಾನರ್ ಹಾಕಿದ್ದರು. ಶಾಸಕ ಆರ್ ವಿ ದೇಶಪಾಂಡೆ ಅವರ ಫೋಟೋ ಜೊತೆ ಜನತೆಗೆ ಅವರು ಶುಭ ಕೋರಿದ್ದರು. ಇದನ್ನು ಸಹಿಸದ ಕಿಡಿಗೇಡಿಗಳು ಆ ಬ್ಯಾನರ್ ಹರಿದಿದ್ದಾರೆ. ಈ ದೃಶ್ಯಾವಳಿಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾದ ಬಗ್ಗೆ ಮಾಹಿತಿಯಿದೆ. `ಸ್ವಾತಂತ್ರ‍್ಯ ದಿನಾಚರಣೆ ಹಾಗೂ ನಾಗರ ಪಂಚಮಿ ಶುಭಾಶಯ ಕೋರಿದ ಬ್ಯಾನರ್ ಹಾಳು ಮಾಡಿದವರ ವಿರುದ್ಧ ಕ್ರಮವಾಗಬೇಕು. ಕಿಡಿಗೇಡಿಗಳನ್ನು ಪತ್ತೆ ಮಾಡಿ ಅವರಿಗೆ ಎಚ್ಚರಿಕೆ ಕೊಡಬೇಕು’ ಎಂದು ಅಸ್ಲಂ ನೀರಲ್ಗಿ ಅವರು ಆಗ್ರಹಿಸಿದ್ದಾರೆ.
- [ಸಿದ್ದಾಪುರ | ಕಾನಗೋಡು ಕಾಡಿನಲ್ಲಿ ಕುರಿ ಬಲಿ!](https://mobiletime.in/2026/08/siddapura-sheep-sacrificed-in-kanagodu-forest/): ಕಾನಗೋಡು ಬಳಿಯ ಕಾಡಿನಲ್ಲಿ ವಾಮಾಚಾರ ನಡೆದ ಬಗ್ಗೆ ದಟ್ಟ ವದಂತಿ ಹಬ್ಬಿದೆ. ಜನ ಆತಂಕಗೊoಡ ಹಿನ್ನಲೆ ಅಲ್ಲಿ ಪೊಲೀಸರು ದೌಡಾಯಿಸಿ ಶೋಧ ನಡೆಸಿದ್ದಾರೆ. ಸಿದ್ದಾಪುರ ತಾಲೂಕಿನ ಕಾನಗೋಡು ಸಮೀಪದ ಐಗೋಡ್ ಭಾಗದ ಅರಣ್ಯ ಪ್ರದೇಶದಲ್ಲಿ ಮಣ್ಣು ಅಗೆಯಲಾಗಿದೆ. ಅಲ್ಲಿ ಒಂದಷ್ಟು ವಸ್ತುಗಳು ಸಹ ಸಿಕ್ಕಿವೆ. ಮೊದಲು ಅಲ್ಲಿ ಶವ ಹೂತಿರುವ ಬಗ್ಗೆ ಜನ ಮಾತನಾಡಿದ್ದು, ಅಲ್ಲಿ ಕಾಣಿಸಿದ ಕುರುಹುಗಳು ಜನರ ನೆಮ್ಮದಿ ಹಾಳು ಮಾಡಿದೆ. ಈ ವಿಲಕ್ಷಣ ಕುರುಹುಗಳ ಹಿಂದಿರುವ ವಿಷಯದ ಬಗ್ಗೆ ತಿಳಿಯಲು ಜನರೂ ಆಸಕ್ತರಾಗಿದ್ದಾರೆ. ವಾಮಾಚಾರದ ಶಂಕೆ ಹಿನ್ನಲೆ ಈ ವಿಷಯ ಇಡೀ ತಾಲೂಕಿಗೆ ಹಬ್ಬಿದೆ. ಪೊಲೀಸರ ಜೊತೆ ಅರಣ್ಯ ಸಿಬ್ಬಂದಿ ಸಹ ಸ್ಥಳಕ್ಕೆ ದೌಡಾಯಿಸಿ ಪರಿಶೀಲನೆ ಮಾಡಿದ್ದಾರೆ. ಈ ವೇಳೆ ಅಲ್ಲಿ ಕುರಿಯನ್ನು ಕೊಂದು ಹೂತಿರುವ ಬಗ್ಗೆ ಮಾಹಿತಿ ಸಿಕ್ಕಿದೆ. ಆ ಕಾಡಿನ ಮಣ್ಣಿನಲ್ಲಿ ಮುಚ್ಚಿಹೋದ ರಹಸ್ಯವೇನು? ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ.
- [ಕಾರವಾರ | ಕನ್ನಡ ಕಲಿತವನಿಗೆ ಸೈಕಲ್ ಕೊಡುಗೆ!](https://mobiletime.in/2026/08/karwar-bicycle-gifted-to-someone-who-learned-kannada/): ಬಿಹಾರದಿಂದ ಕಾರವಾರಕ್ಕೆ ಬಂದು ಕನ್ನಡ ಕಲಿತು ಶೈಕ್ಷಣಿಕವಾಗಿಯೂ ಸಾಧನೆ ಮಾಡಿದ ಸತ್ಯಕುಮಾರ್ ಪಾಸ್ವಾನ ಅವರಿಗೆ ಓಎಸ್‌ಜಿ ಗ್ರೂಪಿನವರು ಸೈಕಲ್ ತೆಗಿಸಿಕೊಟ್ಟಿದ್ದಾರೆ. ಕಷ್ಟದ ನಡುವೆಯೂ ಕಲಿಯುತ್ತಿರುವ ಸತ್ಯಕುಮಾರ ಅವರ ಶಿಕ್ಷಣಕ್ಕೆ ಗ್ರೂಪಿನ ಅಧ್ಯಕ್ಷ ಪವನ್ ಸಾವಂತ ಅವರು ಪ್ರೋತ್ಸಾಹಕರಾಗಿದ್ದಾರೆ. ಸತ್ಯಕುಮಾರ್ ಪಾಸ್ವಾನ ಅವರ ತಂದೆ ಕೂಲಿಗಾಗಿ ಬಿಹಾರದ ಸಮಸ್ತಿಪುರದಿಂದ ಕಾರವಾರಕ್ಕೆ ಬಂದಿದ್ದರು. ತಮ್ಮ ಮಗನನ್ನು ಅವರು ಅಸ್ನೋಟಿ ಶಿವಾಜಿ ಮಂದಿರಕ್ಕೆ ದಾಖಲಿಸಿದ್ದರು. ಸದ್ಯ ಅಲ್ಲಿ 8ನೇ ತರಗತಿ ಕಲಿಯುತ್ತಿರುವ ಸತ್ಯಕುಮಾರ ಅವರಿಗೆ ಸೈಕಲ್ ಮೇಲೆ ವಿಪರೀತ ವ್ಯಾಮೋಹ. ಇದನ್ನು ಅರಿತ ಇಂಜಿನಿಯರ್ ಪವನ್ ಸಾವಂತ ಅವರು `ಚನ್ನಾಗಿ ಓದಿದರೆ ಸೈಕಲ್ ಕೊಡಿಸುವೆ’ ಎಂದಿದ್ದರು. ಸತ್ಯಕುಮಾರ ಅವರು ಕನ್ನಡ ಕಲಿತು, ಕನ್ನಡ ಭಾಷೆಯಲ್ಲಿಯೇ ಶೈಕ್ಷಣಿಕ ಸಾಧನೆ ಮಾಡುತ್ತಿರುವುದನ್ನು ನೋಡಿದ ಅವರು ತಾವು ಕೊಟ್ಟ ಮಾತು ಉಳಿಸಿಕೊಂಡರು. `ಭಾಷೆ ಬೇರೆಯಾದರೂ ಕನಸು ಒಂದೇ. ಶ್ರಮವಿದ್ದರೆ ಎಲ್ಲವೂ ಸಾಧ್ಯ’ ಎಂದು ಈ ವೇಳೆ ಓಎಸ್‌ಜಿ ಗ್ರೂಪ್ ಅಧ್ಯಕ್ಷ ಪವನ್ ಸಾವಂತ ಅವರು ಹೇಳಿದರು. ಗ್ರೂಪ್ ಕಾರ್ಯದರ್ಶಿ ಎನ್ ಜಿ ನಾಯ್ಕ ಅವರು `ಸೈಕಲ್ ಎಂದರೆ ಕೇವಲ ವಾಹನವಲ್ಲ. ಅದು ಶಿಕ್ಷಣದ ಕಡೆಗೆ ಹೋಗುವ ಸೇತುವೆ’ ಎಂದು ಬಣ್ಣಿಸಿದರು. ಪ್ರಮುಖರಾದ ಚಂದ್ರಕಾAತ ಪೆಡ್ನೇಕರ ಶಾಲಾ ಮುಖ್ಯೋಪಾಧ್ಯಾಂಪಕ ಗಣೇಶ ಬಿಷ್ಟಣ್ಣನವರ, ಸಂತೋಷ ಪಾಸ್ವಾನ ಅವರು ಇದ್ದರು.
- [ಕಾರವಾರ | ಗಡಿಪಾರಾದ ಪ್ರಶಾಂತ: ಕಿನ್ನರ ಊರು ಇದೀಗ ಶಾಂತ!](https://mobiletime.in/2026/08/karwar-prashanth-exiled-kinnara-ooru-now-peaceful/): ಸಣ್ಣಪುಟ್ಟ ವಿಷಯಗಳನ್ನು ದೊಡ್ಡ ಗಲಾಟೆ ಮಾಡಿಕೊಳ್ಳುತ್ತಿದ್ದ ಕಿನ್ನರದ ಪ್ರಶಾಂತ ಗೋವೇಕರ್ ಅವರನ್ನು ಪೊಲೀಸರು ಊರು ಬಿಟ್ಟು ಓಡಿಸಿದ್ದಾರೆ. ಪ್ರಶಾಂತ ಗೋವೇಕರ್ ಅವರ ವಿರುದ್ಧ 12 ಪೊಲೀಸ್ ಪ್ರಕರಣಗಳಿದ್ದು, ಗಡಿಪಾರು ಆದೇಶ ಬರುವಲ್ಲಿ ಅವರ ಪತ್ನಿ ನೀಡಿದ ದೂರು ಸಹ ಪ್ರಮುಖ ಪಾತ್ರವಹಿಸಿದೆ! ಪ್ರಶಾಂತ ಗೋವೇಕರ್ ಅವರು ತಾಲೂಕು ಪಂಚಾಯತ ಸದಸ್ಯರಾಗಿ ಕೆಲಸ ಮಾಡಿದ್ದರು. ಉಪಾಧ್ಯಕ್ಷರಾಗಿಯೂ ಅವರು ಅಧಿಕಾರ ಅನುಭವಿಸಿದ್ದರು. ಮಾಜಿ ಆದ ನಂತರ ಅವರು ಊರಿನಲ್ಲಿ ನಡೆಯುವ ಅಕ್ರಮಗಳ ವಿರುದ್ಧ ದೊಡ್ಡ ಧ್ವನಿ ಎತ್ತಿದ್ದರು. ಮುಖ್ಯವಾಗಿ ಮರಳುಗಾರಿಕೆ ವಿರುದ್ಧ ಪದೇ ಪದೇ ದೂರು ನೀಡುತ್ತಿದ್ದು, ಇದೇ ವಿಷಯವಾಗಿ ಹೊಡೆದಾಟವನ್ನು ಸಹ ನಡೆಸಿದ್ದರು. ಕೌಟುಂಬಿಕ ಕಲಹ, ದ್ವೇಷ ರಾಜಕಾರಣ, ಊರಿನಲ್ಲಿರುವ ಕೆಲವರ ವಿರುದ್ಧ ಅನಗತ್ಯ ಆರೋಪ ಅವರಿಗೆ ಮುಳುವಾಯಿತು. ಪ್ರಶಾಂತ ಗೋವೇಕರ್ ಅವರ ವಿರುದ್ಧ ಅವರ ಪತ್ನಿಯೂ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರು. ಅತ್ತೆ ಸಹ ಅವರ ವಿರುದ್ಧ ದೂರಿದ್ದರು. ಅದು-ಇದು ಸೇರಿ ಒಟ್ಟು ವಿವಿಧ ಪೊಲೀಸ್ ಠಾಣೆಯಲ್ಲಿ 12 ಕೇಸುಗಳು ದಾಖಲಾಗಿದ್ದವು. ಈ ಎಲ್ಲಾ ಹಿನ್ನಲೆ ಪ್ರಶಾಂತ ಗೋವೇಕರ್ ಅವರ ವಿರುದ್ಧ ಪೊಲೀಸರು ರೌಡಿ ಶೀಟರ್ ಹಾಳೆ ತೆರೆದಿದ್ದರು. ಅದಾಗಿಯೂ, ಪ್ರಶಾಂತ ಗೋವೇಕರ್ ಅವರ ವರ್ತನೆಯಲ್ಲಿ ಬದಲಾವಣೆ ಆಗಿರಲಿಲ್ಲ. ಹೀಗಾಗಿ ಗಡಿಪಾರಿಗೆ ಶಿಫಾರಸ್ಸು ಮಾಡಿದ್ದು, ಪೊಲೀಸ್ ಅಧೀಕ್ಷಕರು ಅದಕ್ಕೆ ಅಧಿಕೃತ ಮುದ್ರೆ ಒತ್ತಿದರು. ಸದ್ಯ ಪ್ರಶಾಂತ ಗೋವೇಕರ್ ಅವರನ್ನು ಪೊಲೀಸರು ಹೊಸಪೇಟೆಗೆ ಬಿಟ್ಟು ಬಂದಿದ್ದಾರೆ. ಕಾನೂನು ಸುವ್ಯವಸ್ಥೆ ಕಾಪಾಡುವುದಕ್ಕಾಗಿ ಪ್ರಶಾಂತ ಗೋವೇಕರ್ ಅವರನ್ನು ಗಡಿಪಾರು ಮಾಡಿದ್ದಾರೆ.
- [ಶಿರಸಿ | ಮಹಿಳೆಯರೇ ಅವರ ಟಾರ್ಗೇಟು!](https://mobiletime.in/2026/08/sirsi-women-are-their-target/): ಶಿರಸಿ ಬಸ್ ನಿಲ್ದಾಣಕ್ಕೆ ಬರುವ ಮಹಿಳಾ ಪ್ರಯಾಣಿಕರನ್ನು ಗುರಿಯಾಗಿರಿಸಿಕೊಂಡು ಕಳ್ಳತನ ಮಾಡುತ್ತಿದ್ದ ಕಳ್ಳಿಯರನ್ನು ಪೊಲೀಸರು ಬಂಧಿಸಿದ್ದಾರೆ. ಹೊನ್ನಾವರದ ಮಾದೇವಿ ನಾಯ್ಕ ಅವರ ಚಿನ್ನ ಕದ್ದ ಜ್ಯೋತಿ ಎಂಬಾತರು ಈ ಹಿಂದೆಯೇ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದು, ಅವರ ತಂಡದಲ್ಲಿದ್ದ ಸುಶೀಲಾ ಹಾಗೂ ಸಾಯಿಲಕ್ಷಿ ಎಂಬಾತರು ಇದೀಗ ಸಿಕ್ಕಿ ಬಿದ್ದಿದ್ದಾರೆ. ಹೊನ್ನಾವರ ಇಡಗುಂಜಿ ಬಳಕೂರಿನ ಹಾಮಾಕ್ಕಿ ನಿವಾಸಿ ಮಾದೇವಿ ರಾಮಚಂದ್ರ ನಾಯ್ಕ ಅವರು ಮೇ 19ರಂದು ಶಿರಸಿಗೆ ಬಂದಿದ್ದರು. ಆ ದಿನ ಮಧ್ಯಾಹ್ನ 2.15ಕ್ಕೆ ಚಂದ್ರಗುತ್ತಿ-ಹರೀಶಿ ಮಾರ್ಗದ ಬಸ್ ಬಂದಿದ್ದು, ಆ ಬಸ್ಸಿನ ತುಂಬ ಜನರಿದ್ದರು. ಜೊತೆಗೆ, ಬಸ್ ನಿಲ್ದಾಣದಲ್ಲಿ ಕುಳಿತಿದ್ದ ಜನರು ಆ ಬಸ್ಸು ಹತ್ತಲು ಒಮ್ಮೆಲೆ ಬಂದಿದ್ದರಿoದ ಅಲ್ಲಿ ನೂಕು ನುಗ್ಗಲು ಉಂಟಾಗಿದ್ದು, ಮಾದೇವಿ ನಾಯ್ಕ ಅವರ ಜೊತೆ ಅವರ ಪುತ್ರ ದಿಗಂತ, ಅತ್ತೆ ಪಾರ್ವತಿ ಹಾಗೂ ಇನ್ನಿತರ ಸಂಬoಧಿಕರು ಬಸ್ಸಿನ ಬಳಿ ಓಡಿ ಸೀಟು ಹಿಡಿಯುವ ಪ್ರಯತ್ನ ಮಾಡುವ ವೇಳೆ ಅವರ ಬಳಿಯಿದ್ದ ಚಿನ್ನ ಕಳ್ಳತನವಾಗಿತ್ತು. ಜೂನ್ 3ರಂದು ಸಹ ಮತ್ತೊಬ್ಬರ ಮಹಿಳೆಯ ಚಿನ್ನ ಕಾಣೆಯಾಗಿತ್ತು. ಈ ಎರಡು ಕೇಸು ದಾಖಲಿಸಿಕೊಂಡ ಪೊಲೀಸರು ಕಳ್ಳರ ಪತ್ತೆಗೆ ವಿಶೇಷ ತಂಡ ರಚಿಸಿದರು. ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಿದಾಗ ಬೆಂಗಳೂರಿನ ಜ್ಯೋತಿ (ಸಂಜನಾ) ವೆಂಕಟೇಶ್ ಪುಸುಪಲೇಟ್ (32) ಅವರು ಸಿಕ್ಕಿಬಿದ್ದಿದ್ದರು. ಇದೇ ಪ್ರಕರಣದ ಮುಂದುವರೆದ ಭಾಗವಾಗಿ ಪೊಲೀಸರು ಸದ್ಯ ಶಿವಮೊಗ್ಗದ ಸುಶೀಲಾ ಸುರೇಶ ಹಾಗೂ ದಾವಣಗೆರೆಯ ಸಾಯಿಲಕ್ಷಿ ಪ್ರಭುದಾಸ ಎಂಬಾತರನ್ನು ಬಂಧಿಸಿದ್ದಾರೆ. ಅವರಿಂದ 5 ಲಕ್ಷ ರೂ ಮೌಲ್ಯದ ಚಿನ್ನಾಭರಣವನ್ನು ಸಹ ಜಪ್ತು ಮಾಡಿದ್ದಾರೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ, ಪೊಲೀಸ್ ನಿರೀಕ್ಷಕ ಸಂಪತ್ ಈ ಸಿ ಅವರ ಜೊತೆ ಪಿಸೈ ನರಸಿವಂಹಲು, ನಾರಾಯಣ ರಾತೋಡ್ ಅವರ ಜೊತೆ ಸಿಬ್ಬಂದಿ ಬಸವರಾಜ ಹಗೇರಿ, ಕೋಟೇಶ್ ನಾಗರವಳ್ಳಿ, ರಾಮಯ್ಯ ಪೂಜಾರಿ, ಹನುಮಂತ ಮಾಕಾಪುರ, ಸದ್ದಾಂ ಹುಸೇನ್, ಚನ್ನಬಸಪ್ಪ ಕೆ, ರಾಜು ಎಂ, ತುಕಾರಾಮ ಬಣಗಾರ, ಸುನೀಲ, ಪ್ರಶಾಂತ, ಶಂಕರಮ್ಮ ಅವರು ಆರೋಪಿಯನ್ನು ಬಂಧಿಸಿದರು. ಕಾರವಾರ ಟೆಕ್ನಿಕಲ್ ಸೆಲ್’ನ ಉದಯ ಗುನಗಾ ಹಾಗೂ ಬಬನ ಕದಂ ಈ ಕಾರ್ಯಾಚರಣೆಗೆ ನೆರವು ನೀಡಿದ್ದಾರೆ.
- [ಶಿರಸಿ | ಸಮಾಜ ಸೇವಕರಿಗೆ ಸ್ಕೋಡ್‌ವೆಸ್ ಸನ್ಮಾನ](https://mobiletime.in/2026/08/sirsi-scodves-felicitates-social-worker/): ಭಾರತೀಯ ವಾಯುಪಡೆಯ ಜೂನಿಯರ್ ವಾರಂಟ್ ಆಫೀಸರ್ ಆಗಿ ನಿವೃತ್ತಿಗೊಂಡ ಸತ್ಯನಾರಾಯಣ ಭಟ್ ಹಾಗೂ ನಿರ್ಗತಿಕ ವೃದ್ಧರ ಪುನರ್ವಸತಿಗೆ ಶ್ರಮಿಸುತ್ತಿರುವ ನಾಗರಾಜ ನಾಯ್ಕ ಅವರಿಗೆ ಸ್ಕೋಡ್‌ವೆಸ್ ಸಂಸ್ಥೆ ಧ್ವಜವಂದನಾ ಪುರಸ್ಕಾರ ನೀಡುವುದಾಗಿ ಘೋಷಿಸಿದೆ. ಸ್ಕೋಡ್‌ವೆಸ್ ಸಂಸ್ಥೆ ಪ್ರತಿ ವರ್ಷವೂ ದೇಶಸೇವೆ, ಸಾಮಾಜಿಕ ಸೇವೆಯಲ್ಲಿ ಗಣನೀಯ ಸಾಧನೆ ಮಾಡಿದ ತಲಾ ಒಬ್ಬರನ್ನು ಗುರುತಿಸಿ ಸ್ವಾತಂತ್ರೊö್ಯÃತ್ಸವದ ಧ್ವಜವಂದನಾ ಕಾರ್ಯಕ್ರಮದಲ್ಲಿ ಗೌರವಿಸುತ್ತಿದೆ. ಧ್ವಜಾರೋಹಣದ ಸಂದರ್ಭದಲ್ಲಿ ಸಾಧಕರನ್ನು ಸನ್ಮಾನಿಸಲಾಗುತ್ತದೆ. ಅದರಂತೆ, ಈ ಬಾರಿ ಭಾರತೀಯ ವಾಯುಪಡೆಯ ಜೂನಿಯರ್ ವಾರಂಟ್ ಆಫೀಸರ್ ಆಗಿ ನಿವೃತ್ತಿಗೊಂಡ ಸತ್ಯನಾರಾಯಣ ಆರ್ ಭಟ್ ಅವರಿಗೆ ಈ ಗೌರವ ಸಿಗಲಿದೆ. ಜೊತೆಗೆ ಸಾಮಾಜಿಕ ಸೇವೆಗಾಗಿ ನಿರ್ಗತಿಕ ವೃದ್ಧರ ಪುನರ್ವಸತಿಗೆ ಶ್ರಮಿಸುತ್ತಿರುವ ಸಿದ್ದಾಪುರದ ಪುನೀತ್ ರಾಜಕುಮಾರ್ ಆಶ್ರಯಧಾಮ ಅನಾಥಾಶ್ರಮ ಮುಖ್ಯಸ್ಥ ನಾಗರಾಜ ನಾಯ್ಕ ಅವರನ್ನು ಈ ವೇಳೆ ಸನ್ಮಾನಿಸಲಾಗುತ್ತದೆ. ಈ ಕುರಿತು ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಮಾಹಿತಿ ನೀಡಿದ್ದಾರೆ. ಅಗಸ್ಟ 15ರ ಕಾರ್ಯಕ್ರಮದ ಅವಧಿಯಲ್ಲಿ ಸನ್ಮಾನ ನಡೆಯಲಿದೆ. `ಸಾಧಕರನ್ನು ಗುರುತಿಸಿ ಗೌರವಿಸುವುದರಿಂದ ಅವರ ಸೇವೆ ಇನ್ನಿತರರಿಗೂ ಪ್ರೇರಣೆಯಾಗಲಿದೆ’ ಎಂದವರು ಹೇಳಿದ್ದಾರೆ.
- [ಯಲ್ಲಾಪುರ-ಮುಂಡಗೋಡು: ಈ ಊರು ಬರಪೀಡಿತ!](https://mobiletime.in/2026/08/yallapur-mundagodu-this-town-is-drought-prone/): ಯಲ್ಲಾಪುರ ಹಾಗೂ ಮುಂಡಗೋಡು ತಾಲೂಕನ್ನು ಸರ್ಕಾರ ಬರ ಪೀಡಿತ ಪ್ರದೇಶ ಎಂದು ಘೋಷಿಸಿದೆ. ಬರ ಪೀಡಿತ ಪ್ರದೇಶ ಎಂದು ಘೋಷಣೆಯಾಗಿರುವ ಕಾರಣ ಇಲ್ಲಿನ ಅಭಿವೃದ್ದಿಗೆ ಸರ್ಕಾರದಿಂದ ಹೆಚ್ಚಿನ ಅನುದಾನ ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ಈ ಎರಡು ತಾಲೂಕುಗಳಲ್ಲಿ ಮಳೆ ಪ್ರಮಾಣ ಕಡಿಮೆಯಿರುವ ಕಾರಣ ಈ ಘೋಷಣೆ ಮಾಡಲಾಗಿದೆ. ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಅವರು ವಿವಿಧ ದಾಖಲೆಗಳನ್ನು ಸರ್ಕಾರಕ್ಕೆ ಮುಟ್ಟಿಸಿದ್ದು, ಬರ ಪೀಡಿತ ಎಂದು ಘೋಷಿಸುವಂತೆ ಆಗ್ರಹಿಸಿದ್ದರು. ಆ ಅಂಕಿ-ಸoಖ್ಯೆಗಳ ಅಧ್ಯಯನ ನಡೆಸಿದ ಸರ್ಕಾರ ಯಲ್ಲಾಪುರ ಹಾಗೂ ಮುಂಡಗೋಡು ತಾಲೂಕುಗಳನ್ನು ಬರ ಪೀಡಿತ ಪ್ರದೇಶ ಎಂದು ಘೋಷಣೆ ಮಾಡಿದೆ. ಮಳೆಯ ಅಭಾವದಿಂದ ಯಲ್ಲಾಪುರ ಹಾಗೂ ಮುಂಡಗೋಡ ತಾಲೂಕಿನ ರೈತರು ಎದುರಿಸುತ್ತಿರುವ ಸಂಕಷ್ಟಗಳ ಬಗ್ಗೆ ಶಾಸಕ ಶಿವರಾಮ ಹೆಬ್ಬಾರ್ ಅವರು ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರ ಗಮನಕ್ಕೆ ತಂದಿದ್ದರು. ಅದಾದ ನಂತರ ಕಂದಾಯ ಸಚಿವರಿಗೆ ಸಹ ಇಲ್ಲಿನ ಪರಿಸ್ಥಿತಿ ವಿವರಿಸಿದ್ದರು. ಆ ಬಗ್ಗೆ ಅಧಿಕಾರಿಗಳಿಗೂ ಮನವರಿಕೆ ಮಾಡಿಕೊಟ್ಟಿದ್ದರು. ಈ ಎಲ್ಲಾ ಹಿನ್ನಲೆ ಈ ಘೋಷಣೆಯಾಗಿದೆ. ಬರ ಪೀಡಿತ ಎಂದು ಘೋಷಣೆ ಹಿನ್ನಲೆ ಕುಡಿಯುವ ನೀರಿನ ಕೆಲಸಗಳಿಗೆ ಸರ್ಕಾರ ಒತ್ತು ನೀಡುವ ಸಾಧ್ಯತೆಗಳಿವೆ. ಬೆಳೆ ವಿಮೆ ಪರಿಹಾರಗಳು ರೈತರಿಗೆ ಹೆಚ್ಚಿನ ಪ್ರಮಾಣದಲ್ಲಿ ದೊರೆಯುವ ಲಕ್ಷಣಗಳಿವೆ. `ಈ ಘೋಷಣೆಯಿಂದ ಬರಗಾಲದ ಪರಿಣಾಮದಿಂದ ಸಂಕಷ್ಟಕ್ಕೊಳಗಾಗಿರುವ ರೈತರಿಗೆ ಸರ್ಕಾರದ ವಿವಿಧ ಪರಿಹಾರ ಹಾಗೂ ನೆರವು ಯೋಜನೆಗಳು ದೊರೆಯಲು ಅನುಕೂಲವಾಗಲಿದೆ’ ಎಂದು ಶಿವರಾಮ ಹೆಬ್ಬಾರ್ ಅವರು ಹೇಳಿದ್ದಾರೆ.
- [ಸಿದ್ದಾಪುರ | ಬ್ಯಾಡ್ಮಿಟನ್ ಆಡುತ್ತಿದ್ದ ಶಿಕ್ಷಕನಿಗೆ ಹೃದಯಘಾತ: ಸಾವು!](https://mobiletime.in/2026/08/siddapura-teacher-suffers-heart-attack-while-playing-badminton-dies/): ಕುಮಟಾ ಮೂಲದ ಶಿಕ್ಷಕರೊಬ್ಬರು ಸಿದ್ದಾಪುರದಲ್ಲಿ ಸಾವನಪ್ಪಿದ್ದಾರೆ. ಬ್ಯಾಡ್ಮಿಟನ್ ಆಡುವಾಗ ಕುಸಿದು ಬಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಕುಮಟಾದ ಗೋಕರ್ಣ ಬಳಿಯ ಗೋನೆಹಳ್ಳಿ ಕಡಿಮೆಯ ಸುಬ್ರಹ್ಮಣ್ಯ ಪರಮೇಶ್ವರ ಗೌಡ ಅವರು ಸಿದ್ದಾಪುರದಲ್ಲಿ ಶಿಕ್ಷಕರಾಗಿದ್ದರು. 47 ವರ್ಷದ ಅವರು ಹಾರ್ಸಿಕಟ್ಟಾದ ಅಶೋಕ ಪ್ರೌಢಶಾಲೆಯಲ್ಲಿ ಸಹಶಿಕ್ಷಕರಾಗಿ ಕೆಲಸ ಮಾಡುತ್ತಿದ್ದರು. ಅವರ ಪತ್ನಿ ಸ್ಮಿತಾ ಗೌಡ ಅವರು ಸಹ ಅದೇ ಶಾಲೆಯಲ್ಲಿ ಕಲಿಸುತ್ತಿದ್ದರು. ಈ ದಂಪತಿ ಸಿದ್ದಾಪುರ ಹೊಸೂರಿನ ಮಾಸ್ತಮ್ಮ ನಿಲಯದಲ್ಲಿ ವಾಸವಾಗಿದ್ದರು. ಸುಬ್ರಹ್ಮಣ್ಯ ಗೌಡ ಅವರು ಎಲ್ಲಡೆ `ಸುಬ್ಬಣ್ಣಿ’ ಎಂದೇ ಪರಿಚಿತರಾಗಿದ್ದರು. ಸುಬ್ರಹ್ಮಣ್ಯ ಗೌಡ ಅವರು ಕ್ರೀಡೆಗಳ ಬಗ್ಗೆ ಅಪಾರ ಆಸಕ್ತಿವಹಿಸಿದ್ದರು. ಕ್ರಿಕೆಟ್, ಬ್ಯಾಡ್ಮಿಟನ್ ಸೇರಿ ವಿವಿಧ ಆಟಗಳಲ್ಲಿ ಪರಿಣಿತಿಪಡೆದಿದ್ದರು. ಪ್ರತಿ ದಿನ ಅವರು ಬ್ಯಾಡ್ಮಿಟನ್ ಆಡುತ್ತಿದ್ದರು. ಇದಕ್ಕಾಗಿ ಅವರು ಎಪಿಎಂಸಿ ಬಳಿಯ ಅಡಿಕೆಮನೆಗೆ ಹೋಗುತ್ತಿದ್ದರು. ಸಂಜೆ ತಾಸುಗಳ ಕಾಲ ಸ್ನೇಹಿತರ ಜೊತೆ ಬ್ಯಾಡ್ಮಿಟನ್ ಆಡಿ ಮನೆಗೆ ಮರಳುತ್ತಿದ್ದರು. ಅದರಂತೆ, ಅಗಸ್ಟ 13ರ ಸಂಜೆಯೂ ಅವರು ಅಲ್ಲಿ ಆಟವಾಡಲು ಹೋಗಿದ್ದರು. ರಾತ್ರಿ 8.30ರ ವೇಳೆಗೆ ಬಾಡ್ಮಿಟನ್ ಆಡುವಾಗಲೇ ಸುಬ್ರಹ್ಮಣ್ಯ ಗೌಡ ಅವರು ಕುಸಿದು ಬಿದ್ದರು. ತಕ್ಷಣ ಅವರನ್ನು ಸಿದ್ದಾಪುರ ಸರ್ಕಾರಿ ಆಸ್ಪತ್ರೆಗೆ ಕರೆತರಲಾಯಿತು. ಆದರೆ, ಅಷ್ಟರೊಳಗೆ ಅವರು ಸಾವನಪ್ಪಿದ್ದರು. `ಆರೋಗ್ಯದ ಕಡೆ ಜೋಪಾನ’
- [ಯಲ್ಲಾಪುರ | ಕೊಲೆ: ಅನಾಥವಾಗಿ ಬಿದ್ದ ಅಪರಿಚಿತ!](https://mobiletime.in/2026/08/yellapur-murder-unidentified-man-found-abandoned/): ಅರಬೈಲ್ ಘಟ್ಟ ಪ್ರದೇಶದ ಮೂಲೆಪಾಲ್ ಬಳಿ ವ್ಯಕ್ತಿಯೊಬ್ಬರ ಕೊಲೆ ನಡೆದಿದ್ದು, ಕೊಡ್ಲಗದ್ದೆಯ ರವಿ ಸಿದ್ದಿ ಅವರು ಈ ಶವ ನೋಡಿ ಪೊಲೀಸರಿಗೆ ಹೇಳಿದ್ದಾರೆ. ಈ ಮಾಹಿತಿ ಆಧರಿಸಿ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಸೇರಿ ಅನೇಕ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಅಗಸ್ಟ 12ರ ರಾತ್ರಿ ದುಷ್ಕರ್ಮಿಗಳು ಅಪರಿಚಿತರೊಬ್ಬರನ್ನು ಅಪಹರಿಸಿಕೊಂಡು ಬಂದು ಕೊಲೆ ಮಾಡಿರುವ ಶಂಕೆವ್ಯಕ್ತವಾಗಿದೆ. ಶವದ ಮೇಲೆ ಬಾಸುಂಡೆ ಗುರುತು ಹಾಗೂ ಅಲ್ಲಲ್ಲಿ ಗಾಯಗಳು ಕಾಣಿಸಿವೆ. ಸಾವನಪ್ಪಿದ ವ್ಯಕ್ತಿಯ ಮೂಗಿನಿಂದ ರಕ್ತ ಸುರಿದಿದ್ದು, ಸಾವನಪ್ಪಿದ ವ್ಯಕ್ತಿ ಯಾರು? ಕೊಲೆ ಮಾಡಿದ ದುರುಳರು ಯಾರು? ಎಂದು ಗೊತ್ತಾಗಿಲ್ಲ. ಸಾವನಪ್ಪಿದ ವ್ಯಕ್ತಿಯ ವಯಸ್ಸು 26 ಎಂದು ಅಂದಾಜಿಸಲಾಗಿದೆ. ಕೊಡ್ಲಗದ್ದೆಯ ರವಿ ಕೃಷ್ಣ ಸಿದ್ದಿ ಅವರು ಗುರುವಾರ ರೇಶನ್ ತರುವುದಕ್ಕಾಗಿ ಯಲ್ಲಾಪುರಕ್ಕೆ ಹೊರಟಿದ್ದರು. ಅಂಗಡಿಬೈಲಿನಿoದ ಬಸ್ಸು ನೋಡಿದ ಅವರು ಗುಳ್ಳಾಪುರದಲ್ಲಿ ಆ ಬಸ್ಸು ಹತ್ತಿದರು. ಬಸ್ಸಿನ ಚಾಲಕನ ಆಸನದ ಪಕ್ಕದಲ್ಲಿಯೇ ಅವರು ಕೂತಿದ್ದರು. ಆ ಬಸ್ಸು ಅರಬೈಲ್ ಘಟ್ಟ ಪ್ರವೇಶಿಸಿದ್ದು, ಮೂಲೆಪಾಲ್ ಗಟಾರದಲ್ಲಿ ವ್ಯಕ್ತಿಯೊಬ್ಬರು ಬಿದ್ದಿರುವುದನ್ನು ರವಿ ಸಿದ್ದಿ ಅವರು ನೋಡಿದರು. ತಕ್ಷಣ ಬಸ್ ನಿಲ್ಲಿಸುವಂತೆ ಮನವಿ ಮಾಡಿ, ಆ ವ್ಯಕ್ತಿಯ ಹತ್ತಿರ ಹೋದರು. ಆ ವ್ಯಕ್ತಿಯ ಮೂಗಿನ ಬಳಿ ಕೈ ಹಿಡಿದು ನೋಡಿದಾಗ ಉಸಿರಾಡುತ್ತಿರಲಿಲ್ಲ. ಅಪರಿಚಿತ ಶವವನ್ನು ಗಮನಿಸಿದ ರವಿ ಸಿದ್ದಿ ಅವರಿಗೆ ಮೈಮೇಲೆ ಬಾಸುಂಡೆ ಕಂಡವು. ದೇಹದಲ್ಲಿ ಅನೇಕ ಗಾಯಗಳಿದ್ದವು. ಎದೆ ಹಾಗೂ ಹೊಟ್ಟೆಯ ಚರ್ಮ ಕಿತ್ತಿರುವುದನ್ನು ಅವರು ಗಮನಿಸಿದರು. ಅಪರಿಚಿತ ವ್ಯಕ್ತಿಯನ್ನು ಅಪರಿಚಿತರು ಕೊಲೆ ಮಾಡಿರುವ ಬಗ್ಗೆ ಅವರಿಗೆ ಅನುಮಾನ ಮೂಡಿದ್ದು, ಅದೇ ಅನುಮಾನದಲ್ಲಿ ಯಲ್ಲಾಪುರಕ್ಕೆ ಬಂದರು. ರೇಶನ್‌ಪಡೆದು ಅದನ್ನು ಮನೆಗೆ ಮುಟ್ಟಿಸಿದ ನಂತರ ಮತ್ತೆ ಪೇಟೆಗೆ ಬಂದು ಪೊಲೀಸ್ ಠಾಣೆಗೆ ಹೋಗಿ ತಾವು ನೋಡಿದ ಎಲ್ಲಾ ವಿಷಯ ವಿವರಿಸಿದರು. ಪಿಐ ರಮೇಶ ಹಾನಾಪುರ, ಪಿಸೈ ರಾಜಶೇಖರ ವಂದಲಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಹಾಗೂ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸ್ಥಳಕ್ಕೆ ಆಗಮಿಸಿದರು. ಸಾವನಪ್ಪಿದ ವ್ಯಕ್ತಿ ಯಾರು? ಯಾವ ಉದ್ದೇಶಕ್ಕೆ ಆತನ ಸಾವಾಯಿತು? ಎನ್ನುವುದರ ಬಗ್ಗೆ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಮುಂಡಗೋಡ | ನೇಣಿಗೆ ಶರಣಾದ ಯುವಕ](https://mobiletime.in/2026/08/mundgod-youth-ends-life-by-hanging/): ಉಡುಪಿ ಪ್ಯಾರಾಡೈಸ್ ಹೊಟೇಲಿನಲ್ಲಿ ಕೆಲಸ ಮಾಡಿಕೊಂಡಿದ್ದ ಮಾರುತಿ ತಳವಾರ ಅವರು ದಿಢೀರ್ ಆಗಿ ದುಡುಕು ನಿರ್ಧಾರ ಮಾಡಿದ್ದಾರೆ. ಕ್ರಿಕೆಟ್ ಮೈದಾನದ ಅಂಚಿನ ಗಿಡಕ್ಕೆ ನೇತಾಡುತ್ತಿದ್ದ ಅವರನ್ನು ಸ್ನೇಹಿತರು ಆಸ್ಪತ್ರೆಗೆ ಕರೆದೊಯ್ದರೂ ಬದುಕಿಸಲು ಸಾಧ್ಯವಾಗಿಲ್ಲ. ಮುಂಡಗೋಡದ ನಂದಿಪುರದಲ್ಲಿ ಮಾರುತಿ ಕರಿಯಪ್ಪ ತಳವಾರ ಅವರು ವಾಸವಾಗಿದ್ದರು. 27 ವರ್ಷದ ಅವರು ಉಡುಪಿ ಪ್ಯಾರಾಡೈಸ್ ಹೊಟೇಲಿನಲ್ಲಿ ಮ್ಯಾನೇಜಮೆಂಟ್ ಕೆಲಸ ಮಾಡಿಕೊಂಡಿದ್ದರು. ಎಲ್ಲರ ಜೊತೆ ಚನ್ನಾಗಿಯೇ ಇದ್ದ ಅವರು ದಿಢೀರ್ ಆಗಿ ಸಾವಿನ ನಿರ್ಧಾರ ಮಾಡಿದರು. ಅಗಸ್ಟ 11ರ 3 ಗಂಟೆಯವರೆಗೆ ಚನ್ನಾಗಿಯೇ ಇದ್ದ ಅವರು ರಾತ್ರಿ 9.30ರ ವೇಳೆಗೆ ಶವವಾಗಿದ್ದರು. ಕಾತೂರು ಗ್ರಾಮದ ಕ್ರಿಕೆಟ್ ಗ್ರೌಂಡಿನ ಬಳಿ ಹೋಗಿದ್ದ ಅವರು ಅಲ್ಲಿದ್ದ ಕಾಡು ಮರಕ್ಕೆ ನೇಣು ಹಾಕಿಕೊಂಡರು. ನೇತಾಡುತ್ತಿದ್ದ ಅವರನ್ನು ಸ್ನೇಹಿತರು ನೋಡಿದ್ದು, ತಕ್ಷಣ ಕೆಳಗಿಳಿಸಿ ಆಸ್ಪತ್ರೆಗೆ ಕರೆದೊಯ್ದರು. ಆದರೆ, ಅಷ್ಟರೊಳಗೆ ಮಾರುತಿ ತಳವಾರ ಅವರು ಕೊನೆಯುಸಿರೆಳೆದಿದ್ದರು. ಮಗನ ಸಾವಿನ ಬಗ್ಗೆ ಕರಿಯಪ್ಪ ತಳವಾರ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಕಾನೂನು ಕ್ರಮ ಜರುಗಿಸಿದರು. `ಆತ್ಮಹತ್ಯೆ ಅಪರಾಧ’
- [ಅಂಕೋಲಾ | ಪ್ರೀತಿಗಾಗಿ ಫಿನೈಲ್ ಕುಡಿದ ಪ್ರೀತಂ!](https://mobiletime.in/2026/08/ankola-preetham-drinks-phenyl-for-the-sake-of-love/): ಅವರ್ಸಾ ಬಳಿಯ ಪ್ರೀತಿಂ ನಾಯ್ಕ ಅವರು ಪ್ರೀತಿಸಿದ ಹುಡುಗಿಗಾಗಿ ಫಿನೈಲ್ ಕುಡಿದಿದ್ದಾರೆ. ಪ್ರೀತಂ ನಾಯ್ಕ ಅವರಿಂದ ತಪ್ಪಿಸಿಕೊಳ್ಳುವುದಕ್ಕಾಗಿ ಆ ಹುಡುಗಿ ಪೊಲೀಸರ ಮೊರೆ ಹೊಗಿದ್ದಾರೆ. ಅವರ್ಸಾದ ಸಕಲಬೇಣದಲ್ಲಿ ಪ್ರೀತಂ ಪ್ರಶಾಂತ ನಾಯ್ಕ ಅವರು ವಾಸವಾಗಿದ್ದಾರೆ. ಅವರು ಹಟ್ಟಿಕೇರಿ ಬಳಿಯ ಮಾವಿನಕೇರಿಯ ವಿದ್ಯಾರ್ಥಿನಿಯೊಬ್ಬರನ್ನು ಪ್ರೀತಿಸುತ್ತಿದ್ದು, ಪ್ರೀತಿಯ ನಿವೇದನೆ ಮಾಡಿದ್ದಾರೆ. ಆದರೆ, ಆ ಹುಡುಗಿ ಪ್ರೀತಂ ಅವರ ಪ್ರೀತಿಯನ್ನು ಮನ್ನಿಸಿಲ್ಲ. ಅದಾಗಿಯೂ, ಪ್ರೀತಂ ಅವರು ಹುಡುಗಿಗೆ ಪದೇ ಪದೇ ಫೋನ್-ಮೆಸೆಜ್ ಮಾಡುತ್ತಿದ್ದು, ಆ ಫೋನ್ ನಂ’ನ್ನು ಹುಡುಗಿ ಬ್ಲಾಕ್ ಮಾಡಿದ್ದಾರೆ. ಅದಾಗಿಯ, ಕಳೆದ ಮೂರು ತಿಂಗಳಿನಿoದ ಪ್ರೀತಂ ನಾಯ್ಕ ಅವರು ಪದೇ ಪದೇ ಫೋನ್ ಮಾಡುತ್ತಿದ್ದಾರೆ. ಬೇರೆ ಬೇರೆ ಸಂಖ್ಯೆಯಿAದ ಫೋನ್ ಮಾಡುವುದನ್ನು ಅವರು ರೂಢಿಸಿಕೊಂಡಿದ್ದಾರೆ. ಅದರಂತೆ, ಜೂನ್ 22ರಂದು ಸಹ ಫೋನ್ ಮಾಡಿ, ಪ್ರೀತಿಸುವಂತೆ ದುಂಬಾಲು ಬಿದ್ದಿದ್ದಾರೆ. ಪ್ರೀತಿಸದಿದ್ದರೆ ಹೊಡೆಯುವುದಾಗಿಯೂ ಬೆದರಿಸಿದ್ದಾರೆ. ಅದಾಗಿಯೂ, ಆ ಹುಡುಗಿ ಪ್ರೀತಿಯ ಕೋರಿಕೆಯನ್ನು ಮನ್ನಿಸಿಲ್ಲ. ಅಗಸ್ಟ 6ರಂದು ಆ ಹುಡುಗಿ ಸ್ನೇಹಿತರ ಜೊತೆ ನಡೆದು ಹೋಗುವಾಗ ಪ್ರೀತಂ ನಾಯ್ಕ ಅವರು ಅಲ್ಲಿಗೆ ಆಗಮಿಸಿ ಬೈಕಿನಲ್ಲಿ ಬಂದು ಅಡ್ಡಗಟ್ಟಿದ್ದಾರೆ. ಹುಡುಗಿಯ ಮೊಬೈಲ್ ಕಸಿದು ಕೆನ್ನೆಗೆ ಬಾರಿಸಿದ್ದಾರೆ. ಅದಾದ ನಂತರ `ಪ್ರೀತಿಸದೇ ಇದ್ದರೆ ನಿನ್ನ ಹೆಸರು ಬರೆದು ಸಾಯುವೆ’ ಎಂದು ಬೆದರಿಸಿದ್ದಾರೆ. ಅದಾಗಿಯೂ, ಹುಡುಗಿ ಒಪ್ಪದ ಕಾರಣ ಪಿನೈಲ್ ಕುಡಿದಿದ್ದಾರೆ. ಮುನ್ನಚ್ಚರಿಕಾ ಕ್ರಮವಾಗಿ ಆ ಹುಡುಗಿ ಈ ಎಲ್ಲಾ ವಿಷಯದ ಬಗ್ಗೆ ಪೊಲೀಸರಿಗೆ ತಿಳಿಸಿ, ಪ್ರಕರಣ ದಾಖಲಿಸಿದ್ದಾರೆ.
- [ಕಾರವಾರ | ಹೋರಿಗಳ ಕಾಳಗಕ್ಕೆ ಯುವತಿ ಬಲಿ!](https://mobiletime.in/2026/08/karwar-young-woman-killed-in-bull-fighting-event/): ಎರಡು ಹೋರಿಗಳ ನಡುವೆ ನಡೆದ ಕಾಳಗದಲ್ಲಿ ಯುವತಿಯೊಬ್ಬರು ಸಿಲುಕಿ ಸಾವನಪ್ಪಿದ್ದಾರೆ. ಹೋರಿಗಳ ಹೊಡೆದಾಟದಲ್ಲಿ ಮಹಿಳೆ ಸಿಲುಕಿದ ದೃಶ್ಯ ಸಮೀಪದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಕಾರವಾರದ ಮಲ್ಲಾಪುರದಲ್ಲಿ ಬೀಡಾಡಿ ದನಗಳ ಸಂಖ್ಯೆ ಹೆಚ್ಚಾಗಿದೆ. ಅಲ್ಲಿದ್ದ ಜಾನುವಾರುಗಳು ಆಕ್ರಮಣಕಾರಿಯಾಗಿದ್ದು, ಆಗಾಗ ಕಾದಾಟ ನಡೆಸುವುದು ಸಾಮಾನ್ಯವಾಗಿದೆ. ಗುರುವಾರ ಸಹ ಹೋರಿಗಳೆರಡು ಕಾದಾಟ ನಡೆಸಿದ್ದು, ನಡುವೆ ಸಿಲುಕಿದ ರಾಜೇಶ್ವರಿ ಎಂಬಾತರು ಗಾಯಗೊಂಡು ಸಾವನಪ್ಪಿದ್ದಾರೆ. ಮಲ್ಲಾಪುರ ಗ್ರಾಮದ ಸುಭದ್ರಾ ಹೋಟೆಲ್ ಸಮೀಪ ಈ ದುರಂತ ನಡೆದಿದೆ. ನಿತ್ಯದ ಕೆಲಸ ಮುಗಿಸಿ ಮನೆಗೆ ಮರಳುತ್ತಿದ್ದ ಮಲ್ಲಾಪುರದ ರಾಜೇಶ್ವರಿ ಅವರಿಗೆ ರಸ್ತೆಯಲ್ಲಿ ಕಾದಾಡುತ್ತಿದ್ದ ಹೋರಿಗಳು ಗುದ್ದಿವೆ. ಕಾದಾಟ ನಡೆಸಿದ ಹೋರಿಗಳು ಒಮ್ಮೆಲೆ ಮಹಿಳೆಯ ಕಡೆ ಧಾವಿಸಿದ್ದು, ಅವು ಗುದ್ದಿದ ರಭಸಕ್ಕೆ ರಾಜೇಶ್ವರಿ ಅವರು ನೆಲಕ್ಕೆ ಬಿದ್ದಿದ್ದಾರೆ. ಗಾಯಗೊಂಡ ಅವರನ್ನು ಆಸ್ಪತ್ರೆಗೆ ಸೇರಿಸಿದರೂ ಪ್ರಯೋಜನವಾಗಿಲ್ಲ.
- [ಕಾರವಾರ | ಕಾಲೇಜಿಗೆ ಹೋದ ಮಕ್ಕಳು ಕಾಣೆ!](https://mobiletime.in/2026/08/karwar-children-who-went-to-college-go-missing/): ಕಾರವಾರದ ಕಾಲೇಜಿನಲ್ಲಿ ಓದುತ್ತಿದ್ದ ವಿದ್ಯಾರ್ಥಿಗಳಿಬ್ಬರು ದಿಢೀರ್ ಆಗಿ ಕಾಣೆಯಾಗಿದ್ದಾರೆ. ಅವರಿಬ್ಬರ ಹುಡುಕಾಟಕ್ಕೆ ಪಾಲಕರು ಹರಸಾಹಸಪಟ್ಟಿದ್ದು, ಎಲ್ಲಿಯೂ ಸಿಗದ ಕಾರಣ ಪಾಲಕರು ಪೊಲೀಸರ ಮೊರೆ ಹೋಗಿದ್ದಾರೆ. ಕಾರವಾರದ ನಂದನಗದ್ದಾ ಬಾಡದ ಪ್ರೀಮಿಯರ್ ಸೈನ್ಸ್ ಆಂಡ್ ಕಾಮರ್ಸ್ ಪಿ ಯು ಕಾಲೇಜಿನಲ್ಲಿ ಪೂನಮ್ ಜಿತೇಂದ್ರ ವೈಷ್ಣವ್ (16) ಹಾಗೂ ಸಾಗರ ಬಿಷನುಪದ ಪೋರಿಯಾ (17) ಅವರು ಕಲಿಯುತ್ತಿದ್ದರು. ಅವರಿಬ್ಬರು ದ್ವಿತೀಯ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದು, ವಾಣಿಜ್ಯ ವಿಭಾಗವನ್ನು ಆರಿಸಿಕೊಂಡಿದ್ದರು. ಜೂನ್ 24ರಂದು ಅವರಿಬ್ಬರು ಒಟ್ಟಿಗೆ ಕಾಣೆಯಾಗಿದ್ದಾರೆ. ಆ ದಿನ ಕಾಲೇಜಿಗೆ ಬಂದಿದ್ದ ಅವರು ಮರಳಿ ಮನೆಗೆ ಹೋಗಿಲ್ಲ. ಅವರು ಎಲ್ಲಿ ಹೋದರು? ಎಂಬುದು ಯಾರಿಗೂ ಗೊತ್ತಾಗಿಲ್ಲ. ಪೂನಮ್ ಜಿತೇಂದ್ರ ವೈಷ್ಣವ್ ಅವರು ಬಿಳಿ ಮೈಬಣ್ಣಹೊಂದಿದ್ದು ಸಾಧಾರಣ ಮೈಕಟ್ಟಿನವರಾಗಿದ್ದಾರೆ. 5.6 ಅಡಿ ಎತ್ತರವಿದ್ದಾರೆ. ಹಿಂದಿ, ರಾಜಸ್ತಾನಿ, ಕೊಂಕಣಿ ಜೊತೆ ಇಂಗ್ಲೀಷ್’ನ್ನು ಅವರು ಮಾತನಾಡುತ್ತಾರೆ. ಕಾಲೇಜಿನಿಂದ ಕಾಣೆಯಾಗುವಾಗ ಅವರು ಬಿಳಿ ಬಣ್ಣದ ಚೂಡಿದಾರ ಟಾಪ್ ಮತ್ತು ಬ್ಲೂö್ಯ ಜೀನ್ಸ್ ಪ್ಯಾಂಟ್ ಧರಸಿದ್ದರು. ಸಾಗರ ಬಿಷನುಪದ ಪೋರಿಯಾ ಅವರು ಗೋಧಿ ಮೈಬಣ್ಣದವರಾಗಿದ್ದು, ಸಾಧಾರಣ ಮೈಕಟ್ಟುಹೊಂದಿದ್ದಾರೆ. 5.5 ಅಡಿ ಎತ್ತರವಿದ್ದಾರೆ. ಸಾಗರ ಅವರು ಹಿಂದಿ, ಬಂಗಾಲಿ, ಕೊಂಕಣಿ ಹಾಗೂ ಇಂಗ್ಲೀಷ್ ಭಾಷೆ ಬಲ್ಲವರಾಗಿದ್ದಾರೆ. ಕಾಲೇಜಿನಿಂದ ಕಾಣೆ ಆಗುವ ವೇಳೆ ಅವರು ಬೂದು ಬಣ್ಣದ ಟೀ ಶರ್ಟ್ ಮತ್ತು ಕಪ್ಪು ಬಣ್ಣದ ಜೀನ್ಸ್ ಪ್ಯಾಂಟ್ ಧರಸಿದ್ದರು. ಅವರಿಬ್ಬರ ಹುಡುಕಾಟ ಮುಂದುವರೆದಿದ್ದು, ಅವರ ಪತ್ತೆಗೆ ಪೊಲೀಸರು ಸಾರ್ವಜನಿಕರ ಸಹಾಯ ಯಾಚಿಸಿದ್ದಾರೆ. ಹೀಗಾಗಿ ಅವರು ಎಲ್ಲಾದರೂ ಕಂಡರೆ ಇಲ್ಲಿ ಫೋನ್ ಮಾಡಿ: 8277987514, 8277987555 ಅಥವಾ 9480805200
- [ಯಲ್ಲಾಪುರ | ಅಂಕಿ-ಸoಖ್ಯೆಯ ಸಾಮ್ರಾಜ್ಯಕ್ಕೆ ಆತನೇ ಒಡೆಯ!](https://mobiletime.in/2026/08/yellapur-he-is-the-master-of-the-realm-of-numbers/): ಕಿರವತ್ತಿ ಬಳಿಯ ಹೊಸಳ್ಳಿಯ ಪ್ರಕಾಶ ಕಾಂಬಳೆ ಅವರು ಮಟ್ಕಾ ಬುಕ್ಕಿಯಾಗಿ ಕೆಲಸ ಮಾಡುತ್ತಿರುವುದು ಬಹಿರಂಗವಾಗಿದೆ. ಕಾಳಮ್ಮ ನಗರದ ಅಮೀರ ಶೇಖ್ ಅವರು ಮಟ್ಕಾ ಆಡಿಸುವಾಗ ಸಿಕ್ಕಿ ಬಿದ್ದಿದ್ದು, ಈ ವೇಳೆ ಮಟ್ಕಾ ಬುಕ್ಕಿಯ ಹೆಸರನ್ನು ಬಾಯ್ಬಿಟ್ಟಿದ್ದಾರೆ. ಯಲ್ಲಾಪುರದಲ್ಲಿ ಆಗಾಗ ಮಟ್ಕಾ ಆಟಗಾರರ ಮೇಲೆ ದಾಳಿ ನಡೆದಿದ್ದರೂ, ಮಟ್ಕಾ ಬುಕ್ಕಿ ಹೆಸರು ಬಹಿರಂಗವಾಗಿರಲಿಲ್ಲ. ಹೀಗಾಗಿ ಮಟ್ಕಾ ಆಡಿಸುವವರ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರುಗಿಸುತ್ತಿದ್ದರು. ಮಟ್ಕಾ ಬುಕ್ಕಿಯಾದ ಪ್ರಕಾಶ ಕಾಂಬಳೆ ಅವರು ತೆರೆಮರೆಯಲ್ಲಿ ಕುಳಿತು ತಮ್ಮ ಕೆಲಸ ಮಾಡಿಕೊಳ್ಳುತ್ತಿದ್ದು, ಮಟ್ಕಾ ಆಟದ ವಿಷಯವಾಗಿ ಇದೇ ಮೊದಲ ಬಾರಿ ಅವರ ಹೆಸರು ಪೊಲೀಸ್ ಕಡತದಲ್ಲಿ ದಾಖಲಾಗಿದೆ. ಅಗಸ್ಟ 12ರಂದು ಕಾಳಮ್ಮ ನಗರದ ಅಮೀರ ಶೇಖ್ ಹಶಮ್ ಶೇಕ್ ಅವರು ಕಿರವತ್ತಿ ಬಸ್ ನಿಲ್ದಾಣದ ಬಳಿ ನಿಂತಿದ್ದರು. ಅಲ್ಲಿ ಬಂದು ಹೋಗುವ ಸಾರ್ವಜನಿಕರನ್ನು ಮಾತನಾಡಿಸಿ ಜೂಜಾಟಕ್ಕೆ ಪ್ರೇರೇಪಿಸುತ್ತಿದ್ದರು. 1ರೂಪಾಯಿ ಹೂಡಿಕೆ ಮಾಡುವ ಅದೃಷ್ಟಗಾರರಿಗೆ 80ರೂಪಾಯಿಯಂತೆ ನೀಡುವುದಾಗಿ ಅವರು ಹೇಳುತ್ತಿದ್ದರು. ಜನರಿಂದ ಅಂಕಿ-ಸAಖ್ಯೆಗಳ ಮೇಲೆ ಹಣ ಕಟ್ಟಿಸಿಕೊಂಡು ಒಟ್ಟು 1430ರೂ ಸಂಗ್ರಹಿಸಿದ್ದರು. ಪಿಸೈ ಮಹಾವೀರ ಕಾಂಬಳೆ ಅವರಿಗೆ ಈ ವಿಷಯ ಗೊತ್ತಾಯಿತು. ಅವರು ಅಲ್ಲಿ ದಾಳಿ ಮಾಡಿ ಅಮೀರ ಶೇಖ್ ಅವರನ್ನು ಹಿಡಿದರು. ಈ ವೇಳೆ ಮಟ್ಕಾ ಆಟಕ್ಕೆ ಬಳಸಿದ್ದ ಪೆನ್ನು,ಚೀಟಿ ಮೊದಲಾದ ಸಲಕರಣೆಗಳನ್ನು ಜಪ್ತು ಮಾಡಿದರು. ವಿಚಾರಣೆ ವೇಳೆ ಅಮೀರ ಶೇಖ್ ಅವರು ಪ್ರಕಾಶ ಕಾಂಬಳೆ ಅವರ ಹೆಸರು ಹೇಳಿದರು. ಮಟ್ಕಾ ಆಟದ ಚೀಟಿ ಹಾಗೂ ಹಣವನ್ನು ಪ್ರಕಾಶ ಕಾಂಬಳೆ ಅವರಿಗೆ ನೀಡುವುದಾಗಿ ಅಮೀರ ಶೇಖ್ ಅವರು ತಿಳಿಸಿದ್ದು, ಮಟ್ಕಾ ಆಡಿಸುವ ಅಮೀರ ಶೇಖ್ ಅವರ ಜೊತೆ ಮಟ್ಕಾ ಬುಕ್ಕಿಯಾದ ಪ್ರಕಾಶ ಕಾಂಬಳೆ ಅವರ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದರು. ಕಾನೂನುಬಾಹಿರ ಕ್ರೀಡೆ ನಡೆಸದಂತೆಯೂ ಪೊಲೀಸರು ಎಚ್ಚರಿಕೆ ನೀಡಿದರು. `ಜೂಜಾಟದಿಂದ ಜೀವನ ಹಾಳು’
- [ಹೊನ್ನಾವರ | 26 ಮನೆ ನೆಲಸಮಕ್ಕೆ ಆದೇಶ: ಬೆಟ್ಟದ ಮೇಲೆ ವಾಸಿಸುವವರಿಗೆ ನಡುಕ!](https://mobiletime.in/2026/08/honnavara-order-issued-to-demolish-26-houses-panic-among-hilltop-residents/): ಗುಡ್ಡದ ಮೇಲೆ ಮನೆ ಮಾಡಿಕೊಂಡಿದ್ದ 26 ಜನರಿಗೆ ಆತಂಕ ಶುರುವಾಗಿದೆ. ಬೆಟ್ಟದಲ್ಲಿನ ಮನೆಗಳನ್ನು ತೆರವು ಮಾಡುವಂತೆ ಅರಣ್ಯ ಇಲಾಖೆ ಆದೇಶ ಹೊರಡಿಸಿದೆ. ಹೊನ್ನಾವರ ಹಡಿನಬಾಳ ಅರಣ್ಯ ವ್ಯಾಪ್ತಿಯ ಮೇಲಿನ ಮೂಡ್ಕಣಿಯಲ್ಲಿ ಕೇಶವ ನಾಯ್ಕ ಕೆರವಳ್ಳಿ ಅವರು ವಾಸವಾಗಿದ್ದಾರೆ. ಅಲ್ಲಿನ 15 ಗುಂಟೆ ಪ್ರದೇಶದಲ್ಲಿ ಕೇಶವ ನಾಯ್ಕ ಅವರ ಜೊತೆ 25 ಜನ ಮನೆ ಮಾಡಿಕೊಂಡಿದ್ದಾರೆ. ಅವರೆಲ್ಲರೂ ಅರಣ್ಯ ಅತಿಕ್ರಮಣದಾರರಾಗಿದ್ದು, ಅನಾಧಿಕಾಲದಿಂದಲೂ ಅಲ್ಲಿಯೇ ಬದುಕು ಕಟ್ಟಿಕೊಂಡಿದ್ದಾರೆ. ತಗ್ಗು ಪ್ರದೇಶದಲ್ಲಿ ಸಮಸ್ಯೆಯಿರುವ ಕಾರಣ ಕೊಂಚ ಎತ್ತರ ಜಾಗದಲ್ಲಿ ಅವರು ಮನೆ ಮಾಡಿಕೊಂಡಿದ್ದಾರೆ. ಬೆಟ್ಟ ಪ್ರದೇಶದಲ್ಲಿ ಮನೆ ಮಾಡಿಕೊಂಡಿರುವ ಕಾರಣ ಆ ಮನೆಗಳನ್ನು ತೆರವು ಮಾಡಲು ಅರಣ್ಯ ಇಲಾಖೆ ಆಸಕ್ತಿವಹಿಸಿದೆ. `ಎಲ್ಲರೂ ಸ್ವಂತ ಖರ್ಚಿನಲ್ಲಿ ಕಟ್ಟಡ ಹಾಗೂ ಬೆಳೆಗಳನ್ನು ತೆರವು ಮಾಡಬೇಕು. ಇಲ್ಲವಾದಲ್ಲಿ ಅದನ್ನು ಮುಟ್ಟುಗೋಲು ಹಾಕಿ ತೆರವು ನಡೆಸಲಾಗುತ್ತದೆ’ ಎಂದು ಅರಣ್ಯಾಧಿಕಾರಿಗಳು ಹೇಳಿದ್ದಾರೆ. ಹೀಗಾಗಿ ಅಲ್ಲಿನ ಜಾಕಿ ಬಾಂವ ಅಡಾ, ಧರ್ಮ ಮಂಜುನಾಥ ನಾಯ್ಕ ಮರಬಳ್ಳಿ, ಕೆರವಳ್ಳಿಯ ಶಾಂತಾನAದ ಅನಂತ ಶಾನಭಾಗ,. ಸಂತೋಷ ನರಸಿಂಹ ಶಾನಭಾಗ, ಬೇತಾಳ ನರಸಿಂಹ ಶಾನಭಾಗ, ರಾಮಚಂದ್ರ ಗಣಪ ನಾಯ್ಕ, ನಾರಾಯಣ ಅಮಕೂಸ ಗೌಡ, ಪ್ರಶಾಂತ ಶೇಷಗಿರಿ ನಾಯ್ಕ, ಕೇಶವ ಗಣಪಯ್ಯ ನಾಯ್ಕ, ರಾಘು ನಾರಾಯಣ ಶೆಟ್ಟಿ, ಐವಾನ ಆಶಿಸಿ ಮೆಂಡಿಸ್, ವಿನಾಯಕ ಸುಬ್ರಮಣ್ಯ ವೈದ್ಯ, ವಿಘ್ನಶ್ವರ ಸುಬ್ರಮಣ್ಯ ವೈದ್ಯ, ಪಾರ್ವತಿ ಗಜಾನನ ನಾಯ್ಕ, ವಿಲಿಯಂ ಸಂತಾನ ಮಿರಾಂಡ, ಆಶಿಸ್ ಬಾಂವ್, ದಯಾನಂದ ಈಶ್ವರ ನಾಯ್ಕ, ಶ್ರೀಧರ ಮಂಜಪ್ಪ ಮಹಾಲೆ, ಕೃಷ್ಣಪ್ಪ ಗಣಪತಿ ನಾಯ್ಕ, ಸಂತಾ ಡಿಯೋಗ ಡಯಾಸ, ದಯಾನಂದ ಧರ್ಮ ನಾಯ್ಕ, ಹನುಮಂತ ಸುಬ್ರಾಯ ನಾಯ್ಕ, ಮಹಾದೇವ ಮಂಜಪ್ಪ ಮಹಾಲೆ, ನಿತ್ಯಾನಂದ ವೆಂಕಟೇಶ ಶ್ಯಾನಭಾಗ ಹಾಗೂ ಮಾಲ್ಲೇಶ್ವರ ಸಣ್ಣ ತಮ್ಮ ನಾಯ್ಕ ಅವರು ಆತಂಕದಲ್ಲಿದ್ದಾರೆ. ಜುಲೈ 15ರಂದು ಹೊರಡಿಸಲಾದ ಈ ಆದೇಶ ಮೂರು ದಿನದ ಹಿಂದೆ ಅವರ ಕೈಗೆ ಸಿಕ್ಕಿದೆ. 30 ದಿನಗಳ ಒಳಗೆ ಮನೆ ತೆರವು ಮಾಡುವಂತೆ ಅದರಲ್ಲಿ ಸೂಚಿಸಲಾಗಿದೆ. `ಹೊನ್ನಾವರ ತಾಲೂಕಿನ ಕೆರವಳ್ಳಿ ಗ್ರಾಮದಲ್ಲಿ 26 ಅರಣ್ಯವಾಸಿಗಳು ಜೀವನಕ್ಕಾಗಿ ಮತ್ತು ವಾಸ್ತವ್ಯಕ್ಕಾಗಿ ಪ್ರತ್ಯೇಕ ಪ್ರತ್ಯೇಕವಾಗಿ ಒಟ್ಟು 15 ಗುಂಟೆ ಕ್ಷೇತ್ರವನ್ನು ಅತಿಕ್ರಮಿಸಿ, ಕಾನೂನುಬಾಹಿರವಾಗಿ ಸಾಗುವಳಿ ಮಾಡುತ್ತಿದ್ದಾರೆ’ ಎಂದು ಆದೇಶದಲ್ಲಿ ಉಲ್ಲೇಖಿಸಲಾಗಿದೆ. `ಜುಲೈ 15ರಂದು ಆದೇಶ ಮಾಡಿದ ಆದೇಶದ ಪ್ರತಿಯನ್ನು ಅರಣ್ಯವಾಸಿಗಳಿಗೆ ತಲುಪಿಸಲು 25 ದಿನ ವಿಳಂಬ ಮಾಡಿರುವುದು ವಿಷಾಧಕರ. ಅಗಸ್ಟ 14ರ ಒಳಗೆ ಒಕ್ಕಲೆಬ್ಬಿಸುವಂತೆ ಸೂಚಿಸಲಾಗಿದೆ’ ಎಂದು ಅರಣ್ಯ ಭೂಮಿ ಹಕ್ಕಿನ ಹೋರಾಟಗಾರ ಮಹೇಶ ನಾಯ್ಕ ಅವರು ಹೇಳಿದ್ದಾರೆ.
- [ಸಿದ್ದಾಪುರ | ವಿಡಿಯೋ ಮಾಡಿದ ವಿಶ್ವಂಭರ: ಕೆಟ್ಟ ಕಮೆಂಟ್ ಮಾಡಿದ ಫೇಸ್ಬುಕ್ ವೀರ!](https://mobiletime.in/2026/08/siddapura-vishwambhara-made-a-video-a-facebook-warrior-commented/): ಫೇಸ್ಬುಕ್’ಲಿ ನಕಲಿ ಖಾತೆ ಸೃಷ್ಠಿಸಿದ ಬನವಾಸಿಯ ಲೋಕೇಶ ನಾಯ್ಕ ಅವರು ಸಿದ್ದಾಪುರ ವಲಯ ಅರಣ್ಯಾಧಿಕಾರಿ ಉಷಾ ಕಬ್ಬೇರ್ ಅವರ ಅಶ್ಲೀಲ ಮೆಸೆಜ್ ಮಾಡಿದ್ದಾರೆ. ಇದನ್ನು ಪತ್ತೆಹಚ್ಚಿದ ಉಷಾ ಕಬ್ಬೇರ್ ಅವರು ಲೋಕೇಶ ನಾಯ್ಕ ಅವರ ವಿರುದ್ಧ ಸಿಡಿಮಿಡಿಗೊಂಡಿದ್ದಾರೆ. ಉಷಾ ಕಬ್ಬೇರ್ ಅವರು ಸಿದ್ದಾಪುರದಲ್ಲಿ ವಲಯ ಅರಣ್ಯಾಧಿಕಾರಿಯಾಗಿದ್ದಾರೆ. ಅತಿಕ್ರಮಣ ತೆರವು ವಿಷಯದಲ್ಲಿ ಅವರು ಕಟ್ಟುನಿಟ್ಟಾಗಿದ್ದಾರೆ. ಬನವಾಸಿಯ ಲೋಕೇಶ ಬಸಪ್ಪ ನಾಯ್ಕ (61) ಅವರು ಹೊಟೇಲ್ ವ್ಯಾಪಾರ ಮಾಡಿಕೊಂಡಿದ್ದು, ನರೂರು ಗ್ರಾಮದ ಅರಣ್ಯದಲ್ಲಿ ಲೋಕೇಶ ನಾಯ್ಕ ಅವರು ಜೋಪಡಿ ನಿರ್ಮಾಣ ಮಾಡಿದ್ದಾರೆ. ಆ ಜೋಪಡಿ ಬಳಿ ಹೋಗಲು ಕಾಡಿನ ಗಿಡ-ಗಂಟಿ ಕಡಿದು ಅವರು ರಸ್ತೆ ಮಾಡಿದ್ದಾರೆ. ಹೀಗಾಗಿ ಅರಣ್ಯಾಧಿಕಾರಿಗಳು ಲೋಕೇಶ ನಾಯ್ಕ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ. ಕೇಸು ದಾಖಲಿಸಿದ ಕಾರಣ ಸಿಟ್ಟಿನಿಂದ ಇದ್ದ ಲೋಕೇಶ ನಾಯ್ಕ ಅವರು ಎಲ್ ಬಿ ನಾಯಕ ಎಂಬ ಹೆಸರಿನಲ್ಲಿ ಫೇಸ್ಬುಕ್ ಖಾತೆಯೊಂದನ್ನು ರಚಿಸಿದ್ದಾರೆ. ಆ ಖಾತೆ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಅರಣ್ಯಾಧಿಕಾರಿ ಉಷಾ ಕಬ್ಬೇರ್ ಅವರ ವಿರುದ್ಧ ಕೆಟ್ಟದಾಗಿ ಬರೆದಿದ್ದಾರೆ. ಜೂನ್ 30ರಂದು ಸಿದ್ದಾಪುರದಲ್ಲಿ ಮಾವಿನಗುಂಡಿ ಹಲಗೇರಿ ಹೊಸೂರಿನಲ್ಲಿ ಅರಣ್ಯ ಅತಿಕ್ರಮಣ ಖುಲ್ಲಾ ಪಡಿಸುವ ಕೆಲಸ ನಡೆದಿದ್ದು, ವಿಶ್ವಂಭರ ಟಿವಿಯವರು ಜುಲೈ 30ರಂದು ಈ ವರದಿ ಪ್ರಕಟಿಸಿದ್ದಾರೆ. `ಯೋಧನ ಅರಣ್ಯ ಒಕ್ಕಲೆಬ್ಬಿಸುವ ಪ್ರಯತ್ನ-ಅರಣ್ಯವಾಸಿಗಳ ಆಕ್ರೋಶ’ ಎಂಬ ಶಿರ್ಷಿಕೆಯಡಿ ಪ್ರಸಾರವಾದ ವಿಡಿಯೋಗೆ ಲೋಕೇಶ ನಾಯ್ಕ ಅವರು ಕಮೆಂಟ್ ಮಾಡಿದ್ದಾರೆ. ಎಲ್ ಬಿ ನಾಯಕ ಹೆಸರಿನಲ್ಲಿ ಫೇಸ್ಬುಕ್ ಖಾತೆ ಮೂಲಕ ಅರಣ್ಯಾಧಿಕಾರಿ ಉಷಾ ಕಬ್ಬೇರ್ ಅವರ ವಿರುದ್ಧ ಅಶ್ಲೀಲವಾಗಿ ಬರೆದಿದ್ದಾರೆ. ಅದಾದ ನಂತರ ಆ ಬರಹದ ಸ್ಕಿನ್‌ಶಾಟ್ ತೆಗೆದು ಅದನ್ನು ವಾಟ್ಸಪ್ ಮೂಲಕ ಹರಿಬಿಟ್ಟಿದ್ದಾರೆ. ಈ ವಿಷಯ ಉಷಾ ಕಬ್ಬೇರ್ ಅವರ ಗಮನಕ್ಕೆ ಬಂದಿದ್ದು, ಅವರು ತಮ್ಮ ವಿರುದ್ಧ ಕೆಟ್ಟ ಕಮೆಂಟ್ ಮಾಡಿದವರನ್ನು ಹುಡುಕಿದ್ದಾರೆ. ನಂತರ ಲೋಕೇಶ ನಾಯ್ಕ ಅವರ ವಿರುದ್ಧ ಕಾನೂನು ಕ್ರಮಕ್ಕಾಗಿ ಪೊಲೀಸ್ ದೂರು ನೀಡಿದ್ದಾರೆ. `ಸಾಮಾಜಿಕ ಜಾಲತಾಣಗಳನ್ನು ಸದ್ಬಳಕೆಗೆ ಮಾತ್ರ ಬಳಸಿ’
- [ಅಂಕೋಲಾ | ಬರ್ತಡೆ ಪಾರ್ಟಿಗೆ ಹೋದವನಿಗೆ ಹಿಗ್ಗಾಮುಗ್ಗ ಥಳಿತ!](https://mobiletime.in/2026/08/ankola-man-severely-beaten-after-attending-birthday-party/): ಬರ್ತಡೆ ಪಾರ್ಟಿಗೆ ಹೋಗಿದ್ದ ಬೆಲೆಕೇರೆಯ ಲಕ್ಷ್ಮೀಕಾಂತ ನಾಯಕ ಅವರ ಮೇಲೆ ಅಪರಿಚಿತರ ದಾಳಿ ನಡೆದಿದೆ. ಗಣೇಶ, ರಜತ, ರಕ್ಷಿತ ಎಂಬಾತರು ದಾಳಿ ಮಾಡಿದ ಬಗ್ಗೆ ಅವರು ದೂರಿದ್ದಾರೆ. ಅಂಕೋಲಾದ ಬೆಲೆಕೇರಿಯಲ್ಲಿ ಲಕ್ಷ್ಮೀಕಾಂತ ಅನಂತ ನಾಯಕ ಅವರು ವಾಸವಾಗಿದ್ದಾರೆ. 40 ವರ್ಷದ ಅವರು ಮ್ಯಾನೇಜರ್ ಆಗಿ ಬದುಕು ಕಟ್ಟಿಕೊಂಡಿದ್ದಾರೆ. ಅಗಸ್ಟ 7ರಂದು ಅವರ ಸಂಬoಧಿಕರ ಮಗಳಾದ ಆರಾಧ್ಯ ಅವರು ಹುಟ್ಟುಹಬ್ಬ ಆಚರಿಸಿಕೊಂಡಿದ್ದು, ಅವರ ಆಮಂತ್ರಣ ಮನ್ನಿಸಿ ಲಕ್ಷ್ಮೀಕಾಂತ ನಾಯಕ ಅವರು ಅಂಕೋಲಾ ಇಂಟರ್‌ನ್ಯಾಶನಲ್ ಹೊಟೇಲಿಗೆ ಹೋಗಿದ್ದಾರೆ. ರಾತ್ರಿ 10.30ರವರೆಗೂ ಅಲ್ಲಿ ಅವರು ಪಾರ್ಟಿ ಮಾಡಿದ್ದಾರೆ. ಅದಾದ ನಂತರ ಅವರು ಶೌಚಾಲಯದ ಬಳಿ ತೆರಳಿದ್ದು, ಅಲ್ಲಿ ಅವರಿಗೆ ಸ್ನೇಹಿತ ಉಜ್ವಲ್ ಅವರು ಎದುರಾಗಿದ್ದಾರೆ. ಅವರ ಜೊತೆ ಮಾತನಾಡಿ ಮರಳುವಾಗ ಶೌಚಾಲಯದ ಬಳಿ 12 ಜನ ಮದ್ಯಪಾನ ಮಾಡುತ್ತಿರುವುದನ್ನು ನೋಡಿದ್ದಾರೆ. ಈ ವೇಳೆ ಅಲ್ಲಿಗೆ ಲಕ್ಷ್ಮೀಕಾಂತ ನಾಯಕ ಅವರ ಮಗಳು ವರಾಹ ಒಳಗೆ ಬಂದಿದ್ದು, `ಇಲ್ಲಿಗೆ ಏಕೆ ಬಂದೆ? ಎಂದು ಅವರು ಪ್ರಶ್ನಿಸಿದ್ದಾರೆ. ಈ ವೇಳೆ ಮದ್ಯಪಾನ ಮಾಡುತ್ತಿದ್ದ ಮೂವರು ಲಕ್ಷ್ಮೀಕಾಂತ ನಾಯಕ ಅವರನ್ನು ನಿಂದಿಸಿ ಏಕಾಏಕಿ ದಾಳಿ ಮಾಡಿದ್ದಾರೆ. ಬಾಟಲಿಯಿಂದ ಹೊಡೆದು ಹಲ್ಲೆ ನಡೆಸಿದ್ದಾರೆ. ಈ ವೇಳೆ ಹೊಡೆದಾಟ ತಪ್ಪಿಸಲು ಬಂದ ಉಮಾಕಾಂತ ನಾಯಕ ಅವರಿಗೂ ಆ ಮೂವರಿಂದ ಪೆಟ್ಟು ಬಿದ್ದಿದೆ. ಅದಾದ ನಂತರ ಲಕ್ಷ್ಮೀಕಾಂತ ನಾಯಕ ಅವರು ಆಸ್ಪತ್ರೆ ಸೇರಿ ಚಿಕಿತ್ಸೆಪಡೆದಿದ್ದಾರೆ. ತಮ್ಮ ಮೇಲೆ ದಾಳಿ ಮಾಡಿದವರ ಬಗ್ಗೆ ವಿಚಾರಿಸಿದಾಗ ಲಕ್ಷ್ಮೀಕಾಂತ ನಾಯಕ ಅವರಿಗೆ ಗಣೇಶ, ರಜತ, ರಕ್ಷಿತ ಎಂಬ ಹೆಸರು ಗೊತ್ತಾಗಿದೆ. ಅದೇ ಅನುಮಾನದ ಅಡಿ ಅವರು ಪೊಲೀಸ್ ದೂರು ನೀಡಿದ್ದು, ಕ್ರಮಕ್ಕೆ ಆಗ್ರಹಿಸಿದ್ದಾರೆ. `ಸಾರ್ವಜನಿಕ ಸ್ಥಳದಲ್ಲಿ ಶಾಂತಿ ಕಾಪಾಡಿ’
- [ಕಾರವಾರ | ಪಾನಪ್ರಿಯರ ರಂಗೇರಿಸುವ ಗಟಾರ ಅಮವಾಸ್ಯೆ!](https://mobiletime.in/2026/08/karwar-gutter-amavasya-a-day-that-livens-up-the-spirits-of-tipplers/): ಶ್ರಾವಣ ಮಾಸ ಬಂತೆoದೆರೆ ಸಾಕು ಒಂದೊoದು ದಿನ ತಿಥಿಗೊಂದು ವಿಶೇಷತೆ ವಿವಿಧ ರೀತಿಯ ಹಬ್ಬಹರಿದಿಗಳು ನಡೆಯುತ್ತದೆ. ಈ ಮಾಸವು ಅಮವಾಸ್ಯೆಯಿಂದ ಪ್ರಾರಂಭವಾಗಿ ಒಂದು ತಿಂಗಳವರೆಗೆ ಮುಂದುವರಿಯುತ್ತಿದೆ. ಈ ಮಾಸದಲ್ಲಿ ವಿವಿಧ ರೀತಿಯ ಧಾರ್ಮಿಕ ಆಚರಣೆಗಳು ನಡೆಯುವದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಈ ಒಂದು ತಿಂಗಳನ್ನು ವೃತಾಚರಣೆ ತಿಂಗಳೆoದು ಸಾಕಷ್ಟು ಕಡೆಯಲ್ಲಿ ಆಚರಿಸುವದುಂಟು. ವೃತಾಚರಣೆಯನ್ನು ಪಾಲಿಸುವವರು ಒಂದು ತಿoಗಳ ಕಾಲ ಕಟ್ಟುನಿಟ್ಟಾಗಿ ಪೂಜಾ ಕೈಂಕರ್ಯಗಳನ್ನು, ದಿನವಾರವನ್ನು ಶ್ರದ್ದಾಭಕ್ತಿಯಿಂದ ಆಚರಿಸುತ್ತಾರೆ. ಹಾಗಾಗಿ ಈ ಅವಧಿಯಲ್ಲಿ ಮೀನು-ಮಾಂಸ, ಬೀಡಿ-ಸಿಗರೇಟು, ಮದ್ಯಪಾನವನ್ನು ಬದಿಗಿಡುತ್ತಾರೆ. ವಿಶೇಷ ಅಮವಾಸ್ಯೆ ಶ್ರಾವಣ ಪ್ರಾರಂಭದ ಅಮವಾಸ್ಯೆಯನ್ನು ನಾಡಿನ ಬೇರೆ ಬೇರೆ ಕಡೆಯಲ್ಲಿ ವಿಶೇಷದಿನವಾಗಿ ಆಚರಿಸಲಾಗುತ್ತದೆ. ಅದರಲ್ಲಿ ಭೀಮನ ಅಮವಾಸ್ಯೆಯಾಗಿ, ಹೊಸ ಅಳಿಯಂದಿರ ಅಮವಾಸ್ಯೆಯಾಗಿ, ಶ್ರಾವಣ ಆರಂಭದ ಮುನ್ನಾದಿನವಾಗಿ, ಎಳ್ಳಮವಾಸ್ಯೆಯಾಗಿ ಹೀಗೆ ವೈವಿಧ್ಯಮಯವಾಗಿ ಆಚರಿಸಲಾಗುತ್ತದೆ. ಆದರೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅದರಲ್ಲಿ ಕರಾವಳಿ ತಾಲೂಕುಗಳಲ್ಲಿ ಶ್ರಾವಣ ಪ್ರಾರಂಭದ ಅಮವಾಸ್ಯೆ ಎಂದರೆ ಇದಕ್ಕೆ ಒಂದು ವಿಶೇಷ ಅರ್ಥವನ್ನೆ ಕಲ್ಪಿಸಿದ್ದಾರೆ. ಹೊಸ ಅನ್ವರ್ಥವನ್ನೆ ಕೊಟ್ಟಿದ್ದಾರೆ. ಇಲ್ಲಿ ಇದಕ್ಕೆ “ಗಟಾರ ಅಮವಾಸ್ಯೆ” ಎಂದೇ ಕರೆಯಲಾಗುತ್ತದೆ. ಹಾಗಾಗಿ ಗಟಾರ ಅಮವಾಸ್ಯೆ ಅಥವಾ “ ಮದ್ಯ ಅಮವಾಸ್ಯೆ” ಎನ್ನುವದು ಇಲ್ಲಿ ಚಿಕ್ಕ ಮಕ್ಕಳಿಂದ ಹಿಡಿದು ವಯೋವೃದ್ದರ ಬಾಯಲ್ಲಿ ಇದು ಜನಜನಿತವಾಗಿದೆ. ಏನಿದರ ಗಮ್ಮತ್ತು ? ಈ ಅಮವಾಸ್ಯೆಗೂ ಬೇರೆ ದಿನ ಬರುವ ಅಮವಾಸ್ಯೆಗೂ ಸಾಕಷ್ಟು ವ್ಯತ್ಯಾಸವಿದೆ. ಇದು ಆಚರಿಸಲ್ಪಡುವದು ವಿಶೇಷ ವಾಗಿ “ಪಾನ ಪ್ರಿಯರಿಗಾಗಿ”.ಪಾನ ಪ್ರಿಯರು ಇದನ್ನು ತಮ್ಮ ಅಮವಾಸ್ಯೆ ಎಂದು ಕರೆದುಕೊಂಡಿದ್ದಾರೆ. ಅಂದರೆ ಶ್ರಾವಣ ಮಾಸದ ವೃತಾಚರಣೆಯನ್ನು ಆಚರಿಸುವವರು ಮೀನು-ಮಾಂಸ-ಬೀಡಿ-ಸಿಗರೇಟು ಮತ್ತು ಮದ್ಯ ಸೇವಿಸುವವರು ಈ ಒಂದು ತಿಂಗಳ ವೃತಾಚರಣೆಯಲ್ಲಿ ಇವ್ಯಾವುದನ್ನು ಸೇವಿಸುವದಿಲ್ಲ. ಹಾಗಾಗಿ ಶ್ರಾವಣ ಮಾಸದ ಆರಂಭದ ದಿನ ಅಮವಾಸ್ಯೆಯಂದು ಪಾನ ಪ್ರಿಯರು ಮನಸೋ ಇಚ್ಛೆಯಂತೆ ತುಂಡು-ಗುAಡು ಹಾಕಿ ಕುಡಿತದ ತಮ್ಮ ಬಯಕೆಯನ್ನು ತೀರಿಸಿಕೊಳ್ಳುತ್ತಾರೆ. ಈ ದಿನದಂದು ಹಳ್ಳಿ ನಗರ ಎನ್ನದೇ ಎಲ್ಲೆಡೆ ಮದ್ಯದಂಗಡಿಗಳು ಭಾರಿ ಮದ್ಯಪ್ರಿಯರಿಂದ ತುಂಬಿರುತ್ತದೆ. ಎಲ್ಲಿ ನೋಡಿದಲ್ಲಿ ಮದ್ಯದ ದಾಸರೆ ಕಂಡು ಬರುತ್ತಾರೆ. ಎಲ್ಲರ ಬಾಯಲ್ಲಿ ಗಟಾರ ಅಮಾಸ ಎನ್ನುತ್ತ ಕೈಯಲ್ಲಿ ಮದ್ಯದ ಬಾಟಲಿಗಳು, ಗ್ಲಾಸುಗಳು ರಂಗೇರುತ್ತದೆ. ದಿನದ ಬೆಳಿಗ್ಗೆಯಿಂದ ಹಿಡಿದು ಮಧ್ಯರಾತ್ರಿಯವರೆಗೂ ‘ಮದ್ಯ’ ದಂಗಡಿಗಳು ಜೋರಾದ ಭರಾಟೆಯಲ್ಲಿದ್ದರೆ. ಮದ್ಯ ಪ್ರಿಯರು ‘ಅಮಲಿನ ರಂಗಿ’ನಲ್ಲಿರುತ್ತಾರೆ. ಈ ಸಂದರ್ಭದಲ್ಲಿ ಮದ್ಯ ಹೆಚ್ಚಾದ ಕೂಡಲೆ ನಡೆಯಲು-ನಿಲ್ಲಲು ಬಾರದೆ ತೂರಾಡುತ್ತ ಸಾಗುವ ದೃಶ್ಯಕಾಣುತ್ತದೆ. ಹೀಗೆ ತೂರಾಡುತ್ತ ತೂರಾಡುತ್ತ ರಸ್ತೆಯ ಮಗ್ಗಲು, ವಿದ್ಯುತ ಕಂಬಗಳು ಹಾಗೂ ರಸ್ತೆಯ ಬದಿಯ ಚರಂಡಿಗಳು ಈ ಕುಡುಕರಿಗೆ ಆಶ್ರಯದ ತಾಣವಾಗುತ್ತದೆ. ಹಾಗಾಗಿ ಕುಡಿದು ಹೆಚ್ಚಾದ ಮೇಲೆ ಅವರಿಗೆ ನೆಲವೆ ಹಾಸಿಗೆ. ಅಂದರೆ ಕಂಠಮಟ್ಟ ಕುಡಿದು ಕೊನೆಗೆ ರಸ್ತೆಯ ಮೇಲೆ ಉರುಳುವದಕ್ಕೆ ಗಟಾರ ಅಮವಾಸ್ಯೆ ಪ್ರತಾಪ ಎಂದು ಕರೆಯುತ್ತಾರೆ. ರಂಗೇರುವ ಗಡಿಯ ಗೋವಾ. ಈ ದಿನದಂದು ಕಾರವಾರಕ್ಕೆ ಹೊಂದಿಕೊAಡಿರುವ ಗೋವಾ ರಾಜ್ಯದ ಗಡಿಯಲ್ಲಿರುವ ಹಲವಾರು ಮದ್ಯದಂಗಡಿಗಳು ಮದ್ಯಪ್ರಿಯರನ್ನು ಕೈಬೀಸಿ ಕರೆಯುತ್ತದೆ. ಈ ಒಂದು ದಿನದ ಪ್ರತಿಯೊಂದು ಬಾರ್ ಗಳು ಲಕ್ಷಾಂತರ ರೂಪಾಯಿಗಳ ವ್ಯಾಪಾರ ವಹಿವಾಟನ್ನು ನಡೆಸುತ್ತವೆ. ನಶ್ಯದ ಅಮಲಿನ ಜಗತ್ತೇ ಕುಡುಕರ ಅಮವಾಸ್ಯೆಯಾಗಿದೆ. ಹಾಗಾಗಿ ಕಾರವಾರದಲ್ಲಿ ಕೊಂಕಣಿ ಮಾತನಾಡುವವರು ಯಾರೆ ಸಿಗಲಿ, `ಆಜ ಗಟಾರ ಅಮಾಸ ಕೈ ಗೆಲ್ಲೋ ಮಾರಾಯ’ ಎಂದು ಕೇಳುತ್ತಾರೆ.
- [ಶಿರಸಿ | ಬಸ್ ಸಮಸ್ಯೆ ವಿರುದ್ಧ ವಿದ್ಯಾರ್ಥಿಗಳ ಪ್ರತಿಭಟನೆ: ಅಧಿಕಾರಿಗಳ ವಿರುದ್ಧ ಆಕ್ರೋಶ-ಅಸಮಧಾನ!](https://mobiletime.in/2026/08/sirsi-students-protest-against-bus-issues-outrage-and-dissatisfaction-directed-at-officials/): ಸಮಯಕ್ಕೆ ಸರಿಯಾಗಿ ಬಸ್ ಸೌಕರ್ಯವಿಲ್ಲದ ಕಾರಣ ಶಾಲಾ-ಕಾಲೇಜಿಗೆ ಹೋಗಲು ಸಮಸ್ಯೆಯಾಗುತ್ತಿರುವ ಬಗ್ಗೆ ಶಿರಸಿಯ ವಿದ್ಯಾರ್ಥಿಗಳು ಧ್ವನಿ ಎತ್ತಿದ್ದಾರೆ. ಸಾರ್ವಜನಿಕ ಸಮಸ್ಯೆ ಕುರಿತು ದಿಢೀರ್ ಆಗಿ ಪ್ರತಿಭಟಿಸಿದ ವಿದ್ಯಾರ್ಥಿಗಳ ಆಕ್ರೋಶ ಹೆಚ್ಚಿದ್ದು, ಪ್ರತಿಭಟನಾಕಾರರನ್ನು ಪೊಲೀಸರು ನಿಯಂತ್ರಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ಸಮಯಕ್ಕೆ ಸರಿಯಾಗಿ ಬಸ್ ಬರುತ್ತಿಲ್ಲ. ಬರುವ ಬಸ್ಸಿನಲ್ಲಿ ಅತ್ಯಧಿಕ ಪ್ರಯಾಣಿಕರಿದ್ದು, ವಿದ್ಯಾರ್ಥಿಗಳಿಗೆ ಶಾಲಾ-ಕಾಲೇಜಿಗೆ ಹೋಗಲು ಆಗುತ್ತಿಲ್ಲ. ಒಂದೇ ಬಸ್ಸಿನಲ್ಲಿ 70ಕ್ಕೂ ಅಧಿಕ ಪ್ರಯಾಣಿಕರನ್ನು ಸಾಗಿಸುವದರಿಂದ ನೂಕುನುಗ್ಗಲು ಆಗುತ್ತಿದೆ. ಶಾಲಾ-ಕಾಲೇಜು ಕಲಿಕೆಗೂ ಇದರಿಂದ ಹಿನ್ನಡೆಯಾಗುತ್ತಿದೆ’ ಎಂದು ವಿದ್ಯಾರ್ಥಿಗಳು ಹೇಳಿದ್ದಾರೆ. ತಮ್ಮ ಸಮಸ್ಯೆಗಳನ್ನು ಬಗೆಹರಿಸುವಂತೆ ಆಗ್ರಹಿಸಿ ಪ್ರತಿಭಟನೆ ನಡೆಸಿದ್ದು, ಪ್ರತಿಭಟನಾಕಾರರ ಮನವಿ ಆಲಿಸಲು ಅಧಿಕಾರಿಗಳು ಬಾರದ ಕಾರಣ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಪ್ರತಿಭಟನೆಯಲ್ಲಿ ಅಧಿಕಾರಿಗಳು ಹಾಗೂ ವಿದ್ಯಾರ್ಥಿಗಳ ನಡುವೆ ವಾಕ್ಸಮರ ನಡೆದಿದ್ದು, ಕೊನೆಗೆ ಪೊಲೀಸರು ಪರಿಸ್ಥಿತಿ ನಿಭಾಯಿಸಿದ್ದಾರೆ. `ಸಮಸ್ಯೆ ಹೇಳಿಕೊಳ್ಳಲು ಆಗಮಿಸಿದ ವಿದ್ಯಾರ್ಥಿಗಳ ಮನವಿಯನ್ನು ಆಲಿಸುವವರಿಲ್ಲ’ ಎಂದು ಪ್ರತಿಭಟನಾಕಾರರು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಅದಾದ ನಂತರ ವಿದ್ಯಾರ್ಥಿಗಳು ಉಪವಿಭಾಗಾಧಿಕಾರಿ ಕಚೇರಿಗೆ ಹೋಗಿ ತಮ್ಮ ಸಮಸ್ಯೆ ವಿವರಿಸಿದ್ದಾರೆ. ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣದಲ್ಲಿ ದಿಢೀರ್ ಆಗಿ ಪ್ರತಿಭಟನೆ ಶುರುವಾಗಿದ್ದರಿಂದ ಕೆಲ ಕಾಲ ಗೊಂದಲ ಉಂಟಾಗಿದ್ದು, ನಂತರ ಪರಿಸ್ಥಿತಿ ಸರಿಯಾಗಿದೆ. ಸಾರ್ವಜನಿಕರು ಅನುಭವಿಸುತ್ತಿರುವ ಸಮಸ್ಯೆ ಬಗೆಹರಿಸುವಂತೆ ಪ್ರತಿಭಟನಾಕಾರರು ಒತ್ತಾಯಿಸಿದ್ದಾರೆ.    
- [ನೇರ ನೇಮಕಾತಿ: ಇಲ್ಲಿ ಸಿದ್ದಿಗಳ ಸುದ್ದಿಯೇ ಇಲ್ಲವಲ್ಲ ಸಿದ್ದರಾಮಯ್ಯ!](https://mobiletime.in/2026/08/direct-recruitment-there-is-no-mention-of-the-siddis-here-siddaramaiah/): ಅರಣ್ಯ ಅಂಚಿನ ಪ್ರದೇಶದಲ್ಲಿ ವಾಸಿಸುವ ಸಿದ್ದಿ ಸಮುದಾಯದವರಿಗೆ ಸಿವಿಲ್ ಸೇವೆಯಲ್ಲಿ ಪ್ರಾತಿನಿಧ್ಯ ನೀಡುವುದಾಗಿ ಸಿದ್ದರಾಮಯ್ಯ ಅವರು ಘೋಷಿಸಿದ್ದು, ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿ ಖುರ್ಚಿಯಿಂದ ಕೆಳಗಿಳಿದ ಬಳಿಕ ಅವರ ಘೋಷಣೆ ಸಹ ಸುಳ್ಳಾಗಿದೆ. ಸದ್ಯ ಅರಣ್ಯ ಇಲಾಖೆ ಸಿಬ್ಬಂದಿ ನೇಮಕಾತಿಗೆ ಪ್ರಕಟಣೆ ಹೊರಡಿಸಿದ್ದು, ಸಿದ್ದರಾಮಯ್ಯ ಅವರು ಬಜೇಟಿನಲ್ಲಿ ಘೋಷಿಸಿದ ಅಂಶಗಳನ್ನು ಈ ನೇಮಕಾತಿಯಲ್ಲಿ ಪರಿಗಣಿಸಿಲ್ಲ. ಅರಣ್ಯ ಅಂಚಿನ ಹಾಡಿಗಳಲ್ಲಿ ವಾಸ ಮಾಡುವ 13 ಬುಡಕಟ್ಟು ಜನಾಂಗದವರಿಗೆ ಸಿದ್ದರಾಮಯ್ಯ ಅವರು ವಿಶೇಷ ಒತ್ತು ನೀಡಿದ್ದರು. ಉದ್ಯೋಗ ನೇಮಕಾತಿ ಅವಧಿಯಲ್ಲಿ ಆ ಜನಾಂಗದವರಿಗೆ ಆದ್ಯತೆ ನೀಡುವುದಾಗಿ ಅವರು ಘೋಷಿಸಿದ್ದರು. ಜೇನು ಕುರುಬ, ಇರುಳಿಗ, ಕೊರಗ, ಸೋಲಿಗ, ಯರವ, ಪಣಿಯನ್, ಹಲಸರು, ಗೌಡಲು, ಬೆಟ್ಟ ಕುರುಬ, ಕಾಡು ಕುರುಬ, ಕುಡಿಯ, ಮಲೆಕುಡಿಯ ಜನಾಂಗದವರ ಜೊತೆ ಸಿದ್ದಿ ಸಮುದಾಯದವರ ಹೆಸರನ್ನು ಅವರು ದಾಖಲೀಕರಣ ಮಾಡಿಸಿದ್ದರು. 2025-26ನೇ ಆಯವ್ಯಯದಲ್ಲಿ ಸಿದ್ದಿ ಸಮುದಾಯದವರ ಹೆಸರು ಉಲ್ಲೇಖಿಸಿದ್ದರು. ಈ ಎಲ್ಲಾ ಜನಾಂಗದವರಿಗೆ ಪ್ರಾತಿನಿತ್ಯ ನೀಡುವುದಕ್ಕಾಗಿ ರಾಜ್ಯ ಸಿವಿಲ್ ಸೇವೆಗಳಲ್ಲಿ ವಿಶೇಷ ನೇರ ನೇಮಕಾತಿ ಮಾಡಿಕೊಳ್ಳುವುದಾಗಿ ಸಿದ್ದರಾಮಯ್ಯ ಅವರು ಹೇಳಿದ್ದರು. ಸಿದ್ದರಾಮಯ್ಯ ಅವರು ಮಂಡಿಸಿದ ಬಜೆಟ್ ಉತ್ತರ ಕನ್ನಡ ಜಿಲ್ಲೆಯಲ್ಲಿ ವಾಸಿಸುವ ಸಿದ್ದಿ ಸಮುದಾಯದ ಅನೇಕ ಉದ್ಯೋಗ ಆಕಾಂಕ್ಷಿಗಳಿಗೆ ಖುಷಿ ತಂದಿತ್ತು. 2026-27ನೇ ಸಾಲಿನಲ್ಲಿ ಅರಣ್ಯ ಇಲಾಖೆ ಅರಣ್ಯ ವೀಕ್ಷಕ ಗ್ರೂಪ್ ಡಿ ಹುದ್ದೆಗೆ ನೇರ ನೇಮಕಾತಿ ಮಾಡಿಕೊಳ್ಳಲು ಆಸಕ್ತಿವಹಿಸಿದ್ದು, 54 ಹುದ್ದೆಗಳಿಗೆ ಅರ್ಜಿ ಕರೆದಿದೆ. ಆದರೆ, ಅರಣ್ಯ ಇಲಾಖೆ ಹೊರಡಿಸಿದ ಈ ಅಧಿಸೂಚನೆಯಲ್ಲಿ ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿ ಆಗಿದ್ದ ಅವಧಿಯಲ್ಲಿ ಹೊರಡಿಸಿದ್ದ ವಿಷಯವೇ ಪ್ರಸ್ತಾಪವಾಗಿಲ್ಲ. ಮಹಿಳೆ, ತೃತೀಯ ಲಿಂಗಿ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕ ವಿನಾಯತಿ ನೀಡಲಾಗಿದೆ. ಜೊತೆಗೆ ಪರಿಶಿಷ್ಟ/ಪಂಗಡ ಹಾಗೂ ಪ್ರವರ್ಗ ||ಎ, ||ಬಿ ಮತ್ತು |||ಎ & ಬಿ ಸೇರಿದವರಿಗೆ ಶುಲ್ಕ ವಿನಾಯತಿ ಕೊಡಲಾಗಿದೆ. ಜೊತೆಗೆ ಮಾಜಿ ಸೈನಿಕ, ಅಂಗವಿಕಲ, ಗ್ರಾಮೀಣ ಅಭ್ಯರ್ಥಿ, ಕನ್ನಡ ಮಾಧ್ಯಮ ವ್ಯಾಸಂಗ ಮಾಡಿದವರಿಗೆ ಮೀಸಲಾತಿ ಕಲ್ಪಿಸಲಾಗಿದೆ. ಕುದುರೆಮುಖ ವನ್ಯಜೀವಿ ವಿಭಾಗದ 15 ಅರಣ್ಯ ವೀಕ್ಷಕ ಹುದ್ದೆಗಳ ಪೈಕಿ 8 ಸ್ಥಳೀಯ ಬುಡಕಟ್ಟು ಪರಿಶಿಷ್ಟ ಪಂಗಡದ ಅಭ್ಯರ್ಥಿಗಳಿಗೆ ಮೀಸಲಾತಿ ನೀಡಲಾಗಿದೆ. ಆದರೆ, ಸಿದ್ದರಾಮಯ್ಯ ಅವರು ಘೋಷಿಸಿದ ಸಿದ್ದಿ ಸಮುದಾಯದವರ ನೇರ ನೇಮಕಾತಿಯ ಬಗ್ಗೆ ಈ ಅಧಿಸೂಚನೆಯಲ್ಲಿ ಯಾವ ವಿಷಯವೂ ಇಲ್ಲ.
- [ಪ್ರಜಾ ಸೇವೆಗೆ ಹೊಸ ತಂತ್ರ!](https://mobiletime.in/2026/08/a-new-strategy-for-public-service/): ಜನರ ಸಮಸ್ಯೆ ಆಲಿಸಿ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು `ಪ್ರಜಾ ಸೇವೆ’ ಹೆಸರಿನಲ್ಲಿ ಹೊಸ ಯೋಜನೆ ರೂಪಿಸಿದ್ದಾರೆ. ಜಿಲ್ಲಾ ಮಟ್ಟದ ಅಧಿಕಾರಿಗಳು ತಾಲೂಕು ಪ್ರದೇಶಗಳಿಗೆ ಭೇಟಿ ನೀಡಿ, ಜನರ ಜೊತೆ ಬೆರೆಯುವುದನ್ನು ಅವರು ಕಡ್ಡಾಯ ಮಾಡಿದ್ದಾರೆ. `ಮುಖ್ಯಮಂತ್ರಿಗಳ ನಿರ್ದೇಶನದಂತೆ ಪಾರದರ್ಶಕ ಹಾಗೂ ಜನಪರ ಆಡಳಿತ ನೀಡಲು ಎಲ್ಲಾ ಇಲಾಖೆಗಳು ಪರಸ್ಪರ ಸಮನ್ವಯದಿಂದ ಕೆಲಸ ಮಾಡಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಸೂಚನೆ ನೀಡಿದ್ದಾರೆ. ಮಂಗಳವಾರ ಸರ್ಕಾರಿ ನೌಕರರು ಮತ್ತು ಮುಖ್ಯಮಂತ್ರಿಗಳ ಜೊತೆ ಸಂವಾದ ನಡೆದಿದ್ದು, ಅದಾದ ನಂತರ ಡೀಸಿ ವಿವಿಧ ಸೂಚನೆ ನೀಡಿದ್ದಾರೆ. `ಎಲ್ಲಾ ಸರ್ಕಾರಿ ಅಧಿಕಾರಿಗಳು ಹಾಗೂ ಸಿಬ್ಬಂದಿ ತಮ್ಮ ನಿಯೋಜಿತ ಕೇಂದ್ರಸ್ಥಾನದಲ್ಲೇ ಕಡ್ಡಾಯವಾಗಿವಾಸಿಸಬೇಕು. ಕೇಂದ್ರಸ್ಥಾನದಿoದ ಹೊರಗಡೆ ವಾಸವಿದ್ದು, ಕರ್ತವ್ಯ ನಿರ್ವಹಿಸುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುತ್ತದೆ’ ಎಂದವರು ಎಚ್ಚರಿಸಿದ್ದಾರೆ. `ಅಗಸ್ಟ್ 15ರೊಳಗೆ ಜಿಲ್ಲೆಯ ಎಲ್ಲಾ ಅಧಿಕಾರಿಗಳು ಮತ್ತು ಸಿಬ್ಬಂದಿಯ ಹೆಸರು, ಕಚೇರಿ ವಿಳಾಸ, ಮೊಬೈಲ್ ಸಂಖ್ಯೆ ಹಾಗೂ ವಾಸದ ವಿಳಾಸದ ವಿವರಗಳನ್ನು ಕ್ರೋಢೀಕರಿಸಿ ಅಧಿಕೃತ ಕೈಪಿಡಿ ಸಿದ್ಧಪಡಿಸಲಾಗುತ್ತದೆ’ ಎಂದವರು ಮಾಹಿತಿ ನೀಡಿದ್ದಾರೆ. `ಕಚೇರಿಗಳಲ್ಲಿ ಯಾವುದೇ ರೀತಿಯ ಭ್ರಷ್ಠಾಚಾರಕ್ಕೆ ಅವಕಾಶ ನೀಡಬಾರದು. ಭ್ರಷ್ಠಾಚಾರದ ಕುರಿತು ದೂರು ನೀಡಲು ಸಾರ್ವಜನಿಕರಿಗೆ ಕಾಣುವಂತೆ ಸಂಪರ್ಕಿಸಬೇಕಾದ ದೂರವಾಣಿ ಸಂಖ್ಯೆ ಹಾಗೂ ಅಗತ್ಯ ಮಾಹಿತಿಯ ಫಲಕಗಳನ್ನು ಕಡ್ಡಾಯವಾಗಿ ಅಳವಡಿಸಬೇಕು. ಸಾರ್ವಜನಿಕರಿಂದ ಬರುವ ದೂರುಗಳ ಮೇಲೆ ಮುಖ್ಯಮಂತ್ರಿಗಳ ಕಚೇರಿಯಿಂದಲೂ ನಿಗಾ ವಹಿಸಲಾಗುತ್ತಿದ್ದು, ಕರ್ತವ್ಯ ಲೋಪ ಕಂಡುಬoದಲ್ಲಿ  ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುತ್ತದೆ’ ಎಮದವರು ಹೇಳಿದ್ದಾರೆ. `ಸಾರ್ವಜನಿಕರ ಕುಂದು ಕೊರತೆಗಳನ್ನು ಪರಿಹರಿಸುವ ಉದ್ದೇಶದಿಂದ ‘ಪ್ರಜಾಸೇವೆ’ ಇಲಾಖೆ ರೂಪಿಸಲಾಗಿದ್ದು, ಹಿರಿಯ ಅಧಿಕಾರಿಗಳ ತಂಡ ಇದರ ಮೇಲ್ವಿಚಾರಣೆ ನಡೆಸಲಿದೆ. ಜಿಲ್ಲೆ, ತಾಲೂಕು ಮತ್ತು ಹೋಬಳಿ ಮಟ್ಟದಲ್ಲಿ ಜನಸ್ಪಂದನ ಸಭೆ ನಡೆಸಿ, ಸಾರ್ವಜನಿಕರಿಂದ ಅಹವಾಲುಗಳನ್ನು ಸ್ವೀಕರಿಸಿ, ಸಮಸ್ಯೆಗಳನ್ನು ಬಗೆಹರಿಸಲು ಆದ್ಯತೆ ನೀಡಬೇಕು’ ಎಂದಿದ್ದಾರೆ. ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ಮಾತನಾಡಿ `ಜಿಲ್ಲಾ ಮಟ್ಟದ ಅಧಿಕಾರಿಗಳಿಗೆ ನೀಡುವ ನಿರ್ದೇಶನ ಮತ್ತು ಸೂಚನೆಗಳು ಅವರ ಕೆಳಹಂತದ ಸಿಬ್ಬಂದಿಗೂ ತಲುಪಿ, ಅವುಗಳ ಸಮರ್ಪಕ ಅನುಷ್ಠಾನ ಆಗಬೇಕು’ ಎಂದಿದ್ದಾರೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಸೇರಿದಂತೆ ಎಲ್ಲಾ ಜಿಲ್ಲಾ ಮಮಟ್ಟದ ಅಧಿಕಾರಿಗಳು ಮತ್ತು ಸಿಬ್ಬಂದಿ ಭಾಗವಹಿಸಿದ್ದರು.
- [ಶಿರಸಿ | ಗದ್ದೆಗೆ ಇಳಿದ ಗಣ್ಯರು](https://mobiletime.in/2026/08/sirsi-dignitaries-step-into-the-paddy-field/): ಅಪರೂಪದ ಭತ್ತದ ತಳಿ ಅಭಿವೃದ್ಧಿಗಾಗಿ ಸ್ಕೋಡ್‌ವೆಸ್ ಸಂಸ್ಥೆ `ನಾಟಿ ಹಬ್ಬ’ ಆಯೋಜಿಸಿದ್ದು, ವಿವಿಧ ಅಧಿಕಾರಿಗಳು ಹಾಗೂ ಮಠಾಧೀಶರು ಗದ್ದೆಗಿಳಿದು ಭತ್ತ ನಾಟಿ ಮಾಡಿದ್ದಾರೆ. ಆ ಮೂಲಕ ಆಹಾರ ಬೆಳೆ ಬೆಳೆಯುವ ರೈತರಿಗೆ ಗಣ್ಯರು ಬೆಂಬಲ ನೀಡಿದ್ದಾರೆ. ಶಿರಸಿಯ ಉಂಚಳ್ಳಿ ಬಳಿಯ ತುಡ್ವಿ ಮನೆ ಸರಸ್ವತಿ ಫಾರಂ’ನಲ್ಲಿ ಮಂಗಳವಾರ ನಾಟಿ ಹಬ್ಬ ನಡೆದಿದೆ. ಸಾಂಪ್ರದಾಯಿಕ ಕೃಷಿ ಪದ್ಧತಿಗಳ ಮಹತ್ವ ಸಾರುವುದಕ್ಕಾಗಿ ಸ್ಕೋಡ್‌ವೆಸ್ ಸಂಸ್ಥೆ ಈ ಕಾರ್ಯಕ್ರಮ ಆಯೋಜಿಸಿದ್ದು, ಗೋ ಪೂಜೆ-ನೇಗಿಲು ಪೂಜೆ ನಂತರ ಗಣ್ಯರು ಗದ್ದೆಗಿಳಿದಿದ್ದಾರೆ. ಸುರಿಯುತ್ತಿರುವ ಮಳೆಯಲ್ಲಿಯೇ ನಾಟಿ ಹಬ್ಬ ಜೋರಾಗಿ ನಡೆದಿದೆ. ಹಾವೇರಿಯ ಅಗಡಿ ಅಕ್ಕಿಮಠದ ಗುರುಲಿಂಗ ಸ್ವಾಮೀಜಿ ಅವರು ಉತ್ಸಾಹದಿಂದ ಕೆಸರು ಗದ್ದೆಗಿಳಿದು ನಾಟಿ ಕಾರ್ಯ ನಡೆಸಿದ್ದಾರೆ. ಈ ವೇಳೆ ಸಹಕಾರ ಇಲಾಖೆಯ ಸರ್ಕಾರದ ಕಾರ್ಯದರ್ಶಿ ಎಂ ವಿ ವೆಂಕಟೇಶ ಅವರು ‘ಬೀಜ ಸಂಪದ’ ಪುಸ್ತಕ ಬಿಡುಗಡೆ ಮಾಡಿದ್ದಾರೆ. ಸ್ಕೊಡ್‌ವೆಸ್ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ಕಾರ್ಯಕ್ರಮ ಸಂಘಟಿಸಿದ್ದು, ನಾಟಿ ಹಬ್ಬದ ಯಶಸ್ಸಿನ ಬಗ್ಗೆ ಅಲ್ಲಿದ್ದವರು ಮೆಚ್ಚುಗೆಯ ಮಾತನಾಡಿದ್ದಾರೆ.
- [ಜೊಯಿಡಾ | ಬಡವನ ಮನೆ ಬೆಂಕಿಗಾಹುತಿ: ಕರಕಲಾದ ಮನೆಯಲ್ಲಿಯೇ ಕುಟುಂಬದ ವಸತಿ!](https://mobiletime.in/2026/08/joida-poor-mans-house-gutted-by-fire-family-continues-to-live-in-the-charred-remains/): ಉಳುವಿ ಬಳಿಯ ಸುಳಗೇರಿ ಬಳಿ ವಾಸವಾಗಿದ್ದ ದೀಪಕ ನಾಯ್ಕ ಅವರ ಮನೆ ಬೆಂಕಿಗೆ ಆಹುತಿಯಾಗಿದೆ. ಮನೆ ಹೊತ್ತಿ ಊರಿದು ಕರಕಲಾದರೂ ಬೇರೆ ಗತಿಯಿಲ್ಲದೇ ಅದೇ ಮನೆಯಲ್ಲಿ ಕುಟುಂಬದವರು ವಾಸವಾಗಿದ್ದಾರೆ. ಜೊಯಿಡಾದ ಉಳವಿ ಬಳಿಯ ಸುಳಗೇರಿ ಗ್ರಾಮದ ದೀಪಕ ಚಿಂತಾಮಣಿ ನಾಯ್ಕ ಅವರು ಅರಣ್ಯ ಇಲಾಖೆಯಲ್ಲಿ ದಿನಗೂಲಿ ಕೆಲಸ ಮಾಡಿಕೊಂಡಿದ್ದಾರೆ. ಅವರಿಗೆ ಎರಡು ಹೆಣ್ಣು ಮಕ್ಕಳಿದ್ದು, ಕಾಲೇಜು ಕಲಿಕೆಯಲ್ಲಿ ತೊಡಗಿದ್ದಾರೆ. ಈಚೆಗೆ ಮನೆಗೆ ಬಿದ್ದ ಬೆಂಕಿ ಅವರ ಬಟ್ಟೆ, ಮನೆಯಲ್ಲಿದ್ದ ಪಾತ್ರೆ, ಕಲಿಕಾ ಸಾಮಗ್ರಿಗಳನ್ನು ಸುಟ್ಟು ಕರಕಲಾಗಿಸಿದೆ. ಮನೆ ಕಳೆದುಕೊಂಡ ಆ ಕುಟುಂಬದ ಮಕ್ಕಳು ವಿದ್ಯಾಬ್ಯಾಸಕ್ಕೂ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಸುಳಗೇರಿ ಗ್ರಾಮವೂ ಉಳವಿ ಸಮೀಪವಾದರೂ ಕಾರವಾರದ ಕದ್ರಾದಿಂದ 30ಕಿಮೀ ದೂರ. ದುರ್ಗಮ ಕಾಡಿನ ಪ್ರದೇಶದಲ್ಲಿರುವ ಈ ಊರಿನ ಅನೇಕ ಬಗೆಯ ಮೂಲಭೂತ ಸೌಕರ್ಯಗಳಿಲ್ಲ. ಹೀಗಾಗಿ ಮನೆಗೆ ಬೆಂಕಿ ಬಿದ್ದರೂ ಕುಟುಂಬದವರಿAದ ಏನೂ ಮಾಡಲು ಸಾಧ್ಯವಾಗಿಲ್ಲ. ಬೆಂಕಿ ಬಿದ್ದ ವಿಷಯವನ್ನು ಸಹ ಅವರು ಶೀಘ್ರದಲ್ಲಿ ಹೊರಪ್ರಪಂಚಕ್ಕೆ ತಿಳಿಸಲು ಆಗಿಲ್ಲ. ಸದ್ಯ ಸುಟ್ಟು ಕರಕಲಾದ ಅದೇ ಮನೆಯಲ್ಲಿ ಕುಟುಂಬದವರು ವಾಸವಾಗಿದ್ದಾರೆ. ಅತ್ಯಂತ ಶೋಚನೀಯ ಸ್ಥಿತಿಯಲ್ಲಿ ಬದುಕು ಸಾಗಿಸುತ್ತಿದ್ದಾರೆ.
- [ಕಾರವಾರ | ಮಗನಿಗೆ ಅಪಘಾತ: ಪಾಲಕರ ಆತ್ಮಹತ್ಯೆ!](https://mobiletime.in/2026/08/karwar-son-meets-with-accident-parents-commit-suicide/): ಶಿರವಾಡದ ಬಂಗಾರಪ್ಪ ನಗರದಲ್ಲಿದ್ದ ಶರತ್ ವಡ್ಡರ್ ಅವರು ಬೈಕಿನಿಂದ ಬಿದ್ದು ಪೆಟ್ಟು ಮಾಡಿಕೊಂಡಿದ್ದು, ಮಗನಿಗೆ ಆದ ನೋವು ಸಹಿಸಲಾಗದೇ ಅವರ ತಾಯಿ ವಿಜಯಾ ವಡ್ಡರ್ ಅವರು ನೇಣಿಗೆ ಶರಣಾಗಿದ್ದಾರೆ. ವಿಜಯ ವಡ್ಡರ್ ಅವರ ಸಾವಿನಿಂದ ಕಂಗಾಲಾದ ಅವರ ಪತಿ ವೆಂಕಟೇಶ್ ವಡ್ಡರ್ ಅವರು ನದಿಗೆ ಹಾರಿ ಪ್ರಾಣ ಬಿಟ್ಟಿದ್ದು, ತಂದೆ-ತಾಯಿ ಆತ್ಮಹತ್ಯೆಯಿಂದ ಶರತ್ ವಡ್ಡರ್ ಅವರು ತಬ್ಬಲಿಯಾಗಿದ್ದಾರೆ. ಒಂದುವರೆ ತಿಂಗಳ ಹಿಂದೆ ಶರತ್ ವಡ್ಡರ್ (10) ಅವರು ಬೈಕಿನಲ್ಲಿ ಹಿಂದೆ ಕೂತು ಸವಾರಿ ಮಾಡುತ್ತಿದ್ದರು. ಆ ಬೈಕ್ ಸ್ಕಿಡ್ ಆಗಿದ್ದರಿಂದ ಶರತ್ ವಡ್ಡರ್ ಅವರು ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡರು. ಅವರ ತಲೆಗೆ ಪೆಟ್ಟಾಗಿದ್ದು, ವೈದ್ಯರು ಆಪರೇಶನ್ ಮಾಡಿದ್ದರು. ಶರತ್ ವಡ್ಡರ್ ಅವರ ತಲೆಯೊಳಗಿನ ಸಣ್ಣ ಮೂಳೆಯನ್ನು ವೈದ್ಯರು ತೆಗೆದಿದ್ದು, 18 ವರ್ಷದ ನಂತರ ಇನ್ನೊಂದು ಆಪರೇಶನ್ ಮಾಡಬೇಕು ಎಂದು ಸೂಚಿಸಿದ್ದರು. ಮಗನಿಗೆ ಆದ ಅಪಘಾತದಿಂದ ವಿಜಯಾ ವಡ್ಡರ್ (36) ಅವರು ನೊಂದಿದ್ದರು. ಮಗನಿಗೆ ಮತ್ತೊಂದು ಆಪರೇಶನ್ ಮಾಡಿಸಬೇಕು ಎಂದು ತಿಳಿದು ಮಾನಸಿಕವಾಗಿಯೂ ಕುಗ್ಗಿದ್ದರು. ಇದೇ ವಿಷಯವಾಗಿ ವಿಜಯ ವಡ್ಡರ್ ಹಾಗೂ ಅವರ ಪತಿ ವೆಂಕಟೇಶ ವಡ್ಡರ್ (38) ಅವರ ನಡುವೆ ಮಾತಿಗೆ ಮಾತು ಆಗುತ್ತಿತ್ತು. ಕೊನೆಗೆ ವೆಂಕಟೇಶ್ ವಡ್ಡರ್ ಅವರೇ ಪತ್ನಿಯನ್ನು ಸಮಾಧಾನ ಮಾಡುತ್ತಿದ್ದರು. ವಿಜಯಾ ವಡ್ಡರ್ ಅವರಿಗೆ ಅವರ ತಾಯಿ ರತ್ನಾ ರೆಡ್ಡಿ ಅವರು ಸಂತೈಸುತ್ತಿದ್ದರು. ಅದಾಗಿಯೂ, ಸಮಾಧಾನವಾಗದ ವಿಜಯಾ ವಡ್ಡರ್ ಅವರು ಅಗಸ್ಟ 9ರ ರಾತ್ರಿ ನೇಣಿಗೆ ಶರಣಾದರು. ಆ ರಾತ್ರಿಯೇ ಕುಟುಂಬದವರು ವಿಜಯಾ ವಡ್ಡರ್ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಅಷ್ಟರೊಳಗೆ ಅವರು ಶವವಾಗಿದ್ದರು. ಪತ್ನಿ ಸಾವನಪ್ಪಿರುವ ವಿಷಯ ಅರಿತ ವೆಂಕಟೇಶ್ ವಡ್ಡರ್ ಅವರು ಮಾನಸಿಕವಾಗಿ ಜರ್ಜರಿತರಾದರು. `ತಾನೂ ಸಾಯುವೆ’ ಎಂದು ಕಿರುಚಿ ಆಸ್ಪತ್ರೆಯಿಂದ ಓಡಿದರು. ಸಾಕಷ್ಟು ಹುಡುಕಾಟ ನಡೆಸಿದರೂ ವೆಂಕಟೇಶ ವಡ್ಡರ್ ಅವರು ಸಿಗಲಿಲ್ಲ. ಈ ದಿನ ವೆಂಕಟೇಶ್ ವಡ್ಡರ್ ಅವರ ಶವವೂ ಕಾಳಿ ನದಿ ತಟದಲ್ಲಿ ಕಾಣಿಸಿದ್ದು, ತಂದೆ-ತಾಯಿ ಮರಣದಿಂದ ಶರತ್ ವಡ್ಡರ್ ಅವರು ತಬ್ಬಲಿಯಾಗಿದ್ದಾರೆ.
- [ಜೊಯಿಡಾ | ಮಾದಕ ಮೋಹಕ್ಕೆ ಸಿಲುಕಿದ ಗ್ರಾಮ ಒನ್ ಸಿಬ್ಬಂದಿ!](https://mobiletime.in/2026/08/joida-gram-one-staffer-falls-prey-to-the-lure-of-narcotics/): ಮಾದಕ ವ್ಯಸನ ಸೇವಿಸಿ ಬಸ್ ನಿಲ್ದಾಣದ ಬಳಿ ಬಿದ್ದಿದ್ದ ಜೊಯಿಡಾದ ಗ್ರಾಮ ಒನ್ ಸಿಬ್ಬಂದಿ ಜೀಶನ್ ಬಷೀರ್ ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಆರೋಪಿಯನ್ನು ವಶಕ್ಕೆಪಡೆದ ಪೊಲೀಸರು ನಶೆ ಇಳಿಸಿ ಮನೆಗೆ ಕಳುಹಿಸಿದ್ದಾರೆ. ಜೊಯಿಡಾದ ಜನತಾ ಕಾಲೋನಿಯಲಿ ಜೀಶನ್ ಬಷೀರ್ ಕೋಲಾರ ಅವರು ವಾಸವಾಗಿದ್ದಾರೆ. 25ವರ್ಷದ ಅವರು ಜೊಯಿಡಾ ಗ್ರಾಮ ಪಂಚಾಯತದ ಗ್ರಾಮ ಒನ್ ಕೇಂದ್ರದಲ್ಲಿ ಕಂಪ್ಯುಟರ್ ಆಪರೇಟರ್ ಆಗಿದ್ದಾರೆ. ಚಿಕ್ಕ ವಯಸ್ಸಿನಲ್ಲಿಯೇ ಮಾದಕ ವ್ಯಸನದ ಹಾದಿ ಹಿಡಿದ ಅವರು ನಶೆಯ ಗುಂಗಿನಲ್ಲಿರುವಾಗ ಪೊಲೀಸರ ಕಣ್ಣಿಗೆ ಬಿದ್ದಿದ್ದಾರೆ. ಜೊಯಿಡಾ – ಹುಡುಸಾ ರಸ್ತೆಯ ಕೆ ಎಸ್ ಆರ್ ಟಿಸಿ ಬಸ್ ನಿಲ್ದಾಣ ಶೆಡ್ಡಿನಲ್ಲಿ ನಶೆಯ ಗುಂಗಿನಲ್ಲಿದ್ದ ಜೀಶನ್ ಬಷೀರ್ ಕೋಲಾರ ಅವರನ್ನು ಜೊಯಿಡಾ ಪಿಸೈ ಜಗದೀಶ ಅವರು ಮಾತನಾಡಿಸಿದ್ದಾರೆ. ಮಾತನಾಡಲು ಬಾರದ ಸ್ಥಿತಿಯಲ್ಲಿದ್ದ ಅವರನ್ನು ದಾಂಡೇಲಿ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಅಲ್ಲಿನ ವೈದ್ಯರು ತಪಾಸಣೆ ನಡೆಸಿದಾಗ ಜೀಶನ್ ಬಷೀರ್ ಕೋಲಾರ ಅವರು ಅತಿಯಾಗಿ ಗಾಂಜಾ ಸೇವಿಸಿದ್ದು ಗೊತ್ತಾಗಿದೆ. ಪೊಲೀಸರು ಅವರಿಗೆ ಬುದ್ದಿ ಹೇಳಿ, ಕೇಸು ದಾಖಲಿಸಿದ್ದಾರೆ.
- [ಯಲ್ಲಾಪುರ | ಹಾದಿ ತಪ್ಪಿದ ರೈಲು!](https://mobiletime.in/2026/08/yellapur-train-goes-off-track/): ಹುಬ್ಬಳ್ಳಿ-ಅಂಕೋಲಾ ರೈಲು ಯೋಜನೆಯ ಮಾರ್ಗಪಟ್ಟಿ ಹೊರ ಬಿದ್ದಿದ್ದು, ಹುಬ್ಬಳ್ಳಿಯಿಂದ ಯಲ್ಲಾಪುರದವರೆಗೂ ಕ್ರಮಬದ್ಧವಾಗಿಯೇ ಇದ್ದ ಊರುಗಳ ಯಾದಿ ಅರಬೈಲ್ ನಂತರ ಹಾದಿ ತಪ್ಪಿದೆ. ಕೋಮಡಿಯಿಂದ ಅರಬೈಲಿಗೆ ಬಂದ ರೈಲ್ವೆ ಊರಿನ ಯಾದಿ ನಂತರ ದಿಢೀರ್ ಆಗಿ ತೆಲಂಗಾರ್ ಕಡೆ ತಿರುಗಿದ್ದು ಹೇಗೆ? ಮತ್ತೆ ರಾಷ್ಟ್ರೀಯ ಹೆದ್ದಾರಿ ಕಡೆ ತಿರುಗಿದ ಭೂ ಸ್ವಾಧೀನ ಯಾದಿ ಕಳಚೆ-ಮಾವಿನಮನೆ ಕಡೆ ಹೋಗಿದ್ದು ಏತಕೆ? ಎಂಬ ಪ್ರಶ್ನೆ ಉದ್ಬವಿಸಿದೆ. ಉತ್ತರ ಕರ್ನಾಟಕವನ್ನು ಕರಾವಳಿಯೊಂದಿಗೆ ಸಂಪರ್ಕಿಸುವ ಮಹತ್ವಾಕಾಂಕ್ಷೆಯ ಹುಬ್ಬಳ್ಳಿ – ಅಂಕೋಲಾ ರೈಲ್ವೆ ಯೋಜನೆ ಮುನ್ನೆಲೆಗೆ ಬಂದಿದೆ. ಅನೇಕ ವರ್ಷಗಳ ಹೋರಾಟ, ಪರ ವಿರೋಧ ಚರ್ಚೆ, ಅಡ್ಡಿ-ಆತಂಕ-ತಕರಾರುಗಳ ನಡುವೆ ಈ ದಿನ ರೈಲು ಮಾರ್ಗದ ಬಗ್ಗೆ ರೈಲ್ವೆ ಇಲಾಖೆಯೇ ಅಧಿಕೃತ ಪ್ರಕಟಣೆ ಹೊರಡಿಸಿದೆ. ಅದೇ ಆಧಾರದಲ್ಲಿ ವಿವಿಧ ಮಾಧ್ಯಮಗಳು ವರದಿ ಪ್ರಸಾರ ಮಾಡಿದ್ದು, ಭೂಸ್ವಾಧೀನ ಅಧಿಸೂಚನೆಯಲ್ಲಿನ ಅಂಶಗಳು ಗೊಂದಲ ಮೂಡಿಸಿವೆ. ಹುಬ್ಬಳ್ಳಿಯಿಂದ ಯಲ್ಲಾಪುರದ ಅರಬೈಲಿನವರೆಗೂ ಊರುಗಳ ಹೆಸರು ಸರಿಸುಮಾರಾಗಿ ಕ್ರಮಬದ್ಧವಾಗಿಯೇ ಇದ್ದು, ಅದಾದ ನಂತರ ಭೂ ಸ್ವಾಧೀನ ಮಾಡುವ ಕ್ಷೇತ್ರಗಳ ಹೆಸರು ಕ್ರಮಬದ್ಧವಾಗಿಲ್ಲದಿರುವುದು ಗೊಂದಲಕ್ಕೆ ಕಾರಣ. ಹುಬ್ಬಳ್ಳಿ ನಗರಪಾಲಿಕೆಯಿಂದ ಹೊರಟ ಭೂ ಸ್ವಾಧೀನದ ಯಾದಿ ಯಲ್ಲಾಪುರದ ಹೊಸಳ್ಳಿಯವರೆಗೆ ಬಂದಿದೆ. ಅಲ್ಲಿಂದ ಮುಂದೆ ಕಿರವತ್ತಿ, ಕೋಳಿಕೇರಿ, ರಾಮನಕೊಪ್ಪ, ಕನ್ನಡಗಲ್, ಸಹಸ್ರಳ್ಳಿ, ಕೊಂಡೆಮನೆ, ಯಲ್ಲಾಪುರ, ಚಂದ್ಗುಳಿ, ಸಬಗೇರಿ, ಗೋಪಡಮನೆ, ಹಿತ್ತಲಕಾರಗದ್ದೆ, ಇಡಗುಂದಿ, ಜೋಗದಮನೆ, ಕೊಮಡಿ, ಅರಬೈಲಿನವರೆಗೆ ಕ್ರಮಬದ್ಧವಾಗಿದೆ. ಅದಾದ ನಂತರ ಅರಬೈಲಿನಿಂದ ನೇರವಾಗಿ ತೆಲಂಗಾರಿಗೆ ಬಂದಿದ್ದು, ಪರಸ್ಪರ ವಿರುದ್ಧ ದಿಕ್ಕಿನಲ್ಲಿರುವ ಅರಬೈಲು ಹಾಗೂ ತೆಲಂಗಾರ್ ನಡುವಿನ ಪ್ರದೇಶದಲ್ಲಿ ಭೂ ಸ್ವಾಧೀನ ಪ್ರಕ್ರಿಯೆ ಹೇಗೆ ನಡೆಯುತ್ತದೆ? ಎನ್ನುವುದರ ಬಗ್ಗೆ ಮಾಹಿತಿ ಇಲ್ಲ. ಭೂ ಸ್ವಾಧೀನ ಪ್ರದೇಶ ಪಟ್ಟಿಯಲ್ಲಿ ತೆಲಂಗಾರ್ ನಂತರ ಮತ್ತೆ ವಜ್ರಳ್ಳಿ, ಹೊನಗದ್ದೆ, ಅಂಬಗಾವ ಊರುಗಳ ಹೆಸರಿದ್ದು, ಮತ್ತೆ ಈ ಮಾರ್ಗ ಗುಳ್ಳಾಪುರದ ಹೆಸರು ಸೂಚಿಸಿದೆ. ಅರಬೈಲಿನಿಂದ ಗುಳ್ಳಾಪುರಕ್ಕೆ ಈಗಾಗಲೇ ರಾಷ್ಟ್ರೀಯ ಹೆದ್ದಾರಿಯಿದ್ದು, ಎಲ್ಲಡೆ ಸರಿ ಸುಮಾರಾಗಿ ರಾಷ್ಟಿçÃಯ ಹೆದ್ದಾರಿ ಅಂಚಿನ ಪ್ರದೇಶದಲ್ಲಿಯೇ ಭೂ ಸ್ವಾಧೀನ ಪ್ರಕ್ರಿಯೆ ನಡೆದಿದೆ. ಆದರೆ, ಕೊಮಡಿ ನಂತರ ದಿಢೀರ್ ಆಗಿ ತೆಲಂಗಾರ್ ಪ್ರದೇಶ ಕಾಣಿಸಿದ್ದು, ಅಲ್ಲಿನ ವ್ಯತ್ಯಾಸದ ಬಗ್ಗೆ ಚರ್ಚೆ ಶುರುವಾಗಿದೆ. ಗುಳ್ಳಾಪುರದ ನಂತರ ಕೊಡ್ನಗದ್ದೆ ಪ್ರದೇಶ ಕಾಣಿಸಿದ್ದು, ಅದಾದ ನಂತರ ಕಳಚೆ, ಮಾವಿನಮನೆ ಊರುಗಳನ್ನು ಹೆಸರಿಸಲಾಗಿದೆ. ನಂತರ ಅಂಕೋಲಾ ತಾಲೂಕಿನ ಸುಂಕಸಾಳ, ಹೆಬ್ಬುಳ ಗ್ರಾಮಗಳ ಮಾರ್ಗವಾಗಿ ಭೂ ಸ್ವಾಧೀನ ಪಟ್ಟಿ ಮುಂದುವರೆದಿದೆ. ಹುಬ್ಬಳ್ಳಿ, ಕಲಘಟಗಿ, ಯಲ್ಲಾಪುರ ಹಾಗೂ ಅಂಕೋಲಾ ತಾಲೂಕುಗಳ ವ್ಯಾಪ್ತಿಯಲ್ಲಿ ರೈಲ್ವೆ ಮಾರ್ಗಕ್ಕಾಗಿ ಭೂಸ್ವಾಧೀನ ಪ್ರಕ್ರಿಯೆ ಆರಂಭಿಸಲು ನೈಋತ್ಯ ರೈಲ್ವೆ ವಲಯ ಅಧಿಸೂಚನೆ ಹೊರಡಿಸಿದ್ದು ಮನೆ, ಜಮೀನು, ತೋಟ ಹಾಗೂ ಬದುಕಿನ ಮೇಲೆ ಯೋಜನೆಯ ಪರಿಣಾಮ ಏನಾಗಬಹುದು ಎಂಬ ಚಿಂತೆ ಈ ಭಾಗದ ಗ್ರಾಮಸ್ಥರನ್ನು ಕಾಡುತ್ತಿದೆ. ಒಟ್ಟು 163 ಕಿ.ಮೀ ಉದ್ದದ ವಿದ್ಯುದ್ದೀಕರಣ ಸಹಿತ ಹೊಸ ಬ್ರಾಡ್ಗೇಜ್ ರೈಲು ಮಾರ್ಗ ಇದಾಗಿದ್ದು, ಯೋಜನೆಯ ಅಂದಾಜು ವೆಚ್ಚ ?16,435 ಕೋಟಿ ಎಂದು ತಿಳಿಸಲಾಗಿದೆ. ಯೋಜನೆಗಾಗಿ ಹುಬ್ಬಳ್ಳಿ ತಾಲೂಕಿನ 13, ಕಲಘಟಗಿ ತಾಲೂಕಿನ 13, ಯಲ್ಲಾಪುರ ತಾಲೂಕಿನ 24 ಹಾಗೂ ಅಂಕೋಲಾ ತಾಲೂಕಿನ 16 ಗ್ರಾಮಗಳ ವ್ಯಾಪ್ತಿಯಲ್ಲಿ ಭೂಸ್ವಾಧೀನಕ್ಕೆ ಅಧಿಸೂಚನೆ ಹೊರಡಿಸಲಾಗಿದೆ. ಯಲ್ಲಾಪುರ ತಾಲೂಕಿನ ಹೊಸಳ್ಳಿ, ಕಿರವತ್ತಿ, ಕೋಳಿಕೇರಿ, ರಾಮನಕೊಪ್ಪ, ಕನ್ನಡಗಲ್, ಸಹಸ್ರಳ್ಳಿ, ಕೊಂಡೆಮನೆ, ಯಲ್ಲಾಪುರ, ಚಂದಗುಳಿ, ಸಬಗೇರಿ, ಗೋಪದಮನೆ, ಹಿತ್ತಲಕಾರಗದ್ದೆ, ಇಡಗುಂದಿ, ಜೋಗದಮನೆ, ಕೋಮಡಿ, ಅರಬೈಲ, ತೇಲಂಗಾರ, ವಜ್ರಳ್ಳಿ, ಹೊನ್ನಗದ್ದೆ, ಅಂಬಗಾoವ, ಗುಳ್ಳಾಪುರ, ಕೊಡ್ಲಗದ್ದೆ, ಕಳಚೆ ಹಾಗೂ ಮಾವಿನಮನೆ ಗ್ರಾಮಗಳು ಅಧಿಸೂಚನೆಯ ವ್ಯಾಪ್ತಿಯಲ್ಲಿವೆ. ಅಂಕೋಲಾ ತಾಲೂಕಿನ ಸುಂಕಸಾಳ, ಕಟ್ಟಿನಹಕ್ಕಲು, ಹೆಬ್ಬುಳ, ಕವಳಳ್ಳಿ, ಅಗಸೂರ, ಹೆಗ್ಗಾರಮಕ್ಕಿಗದ್ದೆ, ಅದ್ದೂರ, ನಾವಗದ್ದೆ, ಬೊಗ್ರಿಬೈಲ್, ಅಲಗೇರಿ, ಶಿರಕುಳಿ, ಬಾಳೆಗುಳಿ, ಶೆಡಗೇರಿ, ಹೊಸಗದ್ದೆ, ಬೋಳೆ ಹಾಗೂ ಅಂಕೋಲಾ ಗ್ರಾಮಗಳ ವ್ಯಾಪ್ತಿಯಲ್ಲೂ ಭೂಸ್ವಾಧೀನ ಪ್ರಕ್ರಿಯೆಗೆ ಅಧಿಸೂಚನೆ ಹೊರಬಿದ್ದಿದೆ.
- [ದಾಂಡೇಲಿ | ಹದಗೆಟ್ಟ ರಸ್ತೆ ವಿರುದ್ಧ ಜನಾಕ್ರೋಶ: ಪ್ರತಿಭಟನೆ ಬೆನ್ನಲ್ಲೇ ರಿಪೇರಿ ಕೆಲಸ ಶುರು!](https://mobiletime.in/2026/08/dandeli-public-outcry-over-dilapidated-roads-repair-work-begins-immediately-after-protest/): ರಸ್ತೆ ಹಾಳಾಗಿ ಐದು ವರ್ಷ ಕಳೆದರೂ ದುರಸ್ಥಿ ನಡೆದಿಲ್ಲ ಎಂದು ಹಳೆ ದಾಂಡೇಲಿ ಜನ ಆಕ್ರೋಶವ್ಯಕ್ತಪಡಿಸಿದ್ದಾರೆ. ರಸ್ತೆಯ ಮೇಲೆ ಕುಳಿತು ಅಲ್ಲಿನವರು ಪ್ರತಿಭಟನೆಯನ್ನೂ ಮಾಡಿದ್ದಾರೆ. ಹಳೆ ದಾಂಡೇಲಿಯಲ್ಲಿ ಹದಗೆಟ್ಟ ರಸ್ತೆ ವಿರುದ್ಧ ನಿವಾಸಿಗಳ ಆಕ್ರೋಶ ಹೆಚ್ಚಾಗಿದೆ. ಐದು ವರ್ಷಗಳಿಂದ ಈ ಭಾಗದ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು, ಅದರಿಂದ ಸಂಚಾರಕ್ಕೆ ತೀವ್ರ ತೊಂದರೆ ಆಗುತ್ತಿದೆ ಎಂದು ಜನ ದೂರಿದ್ದಾರೆ. ರಸ್ತೆ ದುರಸ್ತಿಗೆ ಆಗ್ರಹಿಸಿ ಹಳೆ ದಾಂಡೇಲಿಯಲ್ಲಿ ರಸ್ತೆ ತಡೆ ಪ್ರತಿಭಟನೆ ಮಾಡಿದ್ದಾರೆ. `ಹಾಳಾದ ರಸ್ತೆಗೆ ತೇಪೆ ಹಚ್ಚುವ ಕೆಲಸವೂ ನಡೆದಿಲ್ಲ. ಸದ್ಯ ಬಹುಗ್ರಾಮ ಕುಡಿಯುವ ನೀರಿನ ಯೋಜನೆ ಹಾಗೂ ಯುಸಿಡಿ ಕಾಮಗಾರಿಯಿಂದ ರಸ್ತೆ ಮತ್ತಷ್ಟು ಹಾಳಾಗಿದೆ’ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ. `ಈ ಭಾಗದಲ್ಲಿ ನಿರಂತರ ಮಳೆಯಾಗುತ್ತಿದ್ದು, ರಸ್ತೆಯುದ್ದಕ್ಕೂ ದೊಡ್ಡ ದೊಡ್ಡ ಗುಂಡಿಗಳು ನಿರ್ಮಾಣವಾಗಿದೆ. ಗುಂಡಿಗಳಲ್ಲಿ ಮಳೆ ನೀರು ತುಂಬಿ ವಾಹನ ಸವಾರರು ಸಂಚರಿಸಲು ಪರದಾಡುತ್ತಿದ್ದಾರೆ. ಈ ಬಗ್ಗೆ ಅರಿವಿದ್ದರೂ ಅಧಿಕಾರಿಗಳು ಕ್ರಮ ಜರುಗಿಸಿಲ್ಲ’ ಎಂದು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ನಿತ್ಯ ಸಾವಿರಾರು ಜನ ಓಡಾಡುವ ಪ್ರಮುಖ ರಸ್ತೆಯಾಗಿದ್ದರೂ ನಿರ್ವಹಣೆ ಸರಿಯಾಗಿಲ್ಲ. ಅದರಿಂದ ಇಲ್ಲಿನ ಸರ್ಕಾರಿ ಪದವಿ ಕಾಲೇಜು, ಧಾರ್ಮಿಕ ಸ್ಥಳಗಳು ಹಾಗೂ ಬಸ್ ಡಿಪೋ ಸಂಚಾರಕ್ಕೆ ಸಮಸ್ಯೆಯಾಗಿದೆ’ ಎಂದು ವಿವರಿಸಿದ್ದಾರೆ. `ಹಲವು ಬಾರಿ ಮನವಿ ಹಾಗೂ ಪ್ರತಿಭಟನೆ ನಡೆಸಿದರೂ ಶಾಶ್ವತ ಪರಿಹಾರ ಸಿಕ್ಕಿಲ್ಲ. ನಮಗೆ ತಾತ್ಕಾಲಿಕ ಗುಂಡಿ ಮುಚ್ಚುವ ಕೆಲಸ ಬೇಡ, ಶಾಶ್ವತ ಕಾಂಕ್ರೀಟ್ ರಸ್ತೆ ನಿರ್ಮಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ರಸ್ತೆ ನಿರ್ಮಾಣಕ್ಕೆ ಈಗಾಗಲೇ 81 ಲಕ್ಷ ರೂಪಾಯಿ ವೆಚ್ಚದ ಟೆಂಡರ್ ಪ್ರಕ್ರಿಯೆ ಪೂರ್ಣವಾಗಿದೆ. ಮುಂದಿನ 15 ದಿನಗಳಲ್ಲಿ ರಸ್ತೆ ನಿರ್ಮಾಣ ಕಾಮಗಾರಿಗೆ ಚಾಲನೆ ನೀಡಲಾಗುತ್ತದೆ’ ಎಂದು ನಗರಸಭೆ ಪೌರಾಯುಕ್ತ ವಿವೇಕ ಬನ್ನೆ ಅವರು ಭರವಸೆ ನೀಡಿದ್ದಾರೆ. ಅಧಿಕಾರಿಗಳ ಆಶ್ವಾಸನೆ ನಂತರ ಪ್ರತಿಭಟನೆ ಮುಗಿದಿದ್ದು, ಅದರ ಬೆನ್ನಲ್ಲೆ ನಗರಸಭೆ ಸಿಬ್ಬಂದಿಯಿAದ ತಾತ್ಕಾಲಿಕ ರಸ್ತೆ ದುರಸ್ತಿ ಕಾರ್ಯ ಶುರುವಾಗಿದೆ.  
- [ಯಲ್ಲಾಪುರ | ಆ ಐದು ಜನರ ಬಳಿಯಿದ್ದಿದ್ದೇ 750ರೂ!](https://mobiletime.in/2026/08/yellapur-those-five-people-had-only-%e2%82%b9750-with-them/): ಕಿಸೆಯಲ್ಲಿ ಸರಿಯಾಗಿ 100ರೂ ಇಲ್ಲದಿದ್ದರೂ ಜೂಜಾಡಲು ಹೋಗಿದ್ದ ಐದು ಜನ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಚಾಲಕ, ಕಾರ್ಮಿಕ, ಮೀನು ವ್ಯಾಪಾರಿ ಜೊತೆ ಖಾಸಗಿ ಕೆಲಸ ಮಾಡಿಕೊಂಡಿರುವವರು ಅಂದರ್ ಬಾಹರ್ ವ್ಯಾಮೋಹಕ್ಕೆ ಬಿದ್ದಿದ್ದು, ಅವರೆಲ್ಲರಿಗೂ ಪೊಲೀಸರು ಬುದ್ದಿ ಹೇಳಿ ಕಳುಹಿಸಿದ್ದಾರೆ. ಯಲ್ಲಾಪುರದ ಕಿರವತ್ತಿ ಇಂದಿರಾನಗರದ ಮಹಮದ್ ಯುಸೋಪ್ ಜಮಾಲ್ ಶೇಖ್ (33) ಅವರು ಮೀನು ವ್ಯಾಪಾರ ಮಾಡಿಕೊಂಡಿದ್ದಾರೆ. ಹೊಸಳ್ಳಿಯ ರಾಜು ಗಂಗಾದರ ಕರಾಡೆ (47) ಅವರು ಚಾಲಕರಾಗಿದ್ದಾರೆ. ಹೊಸಳ್ಳಿಯ ಮಾರುತಿ ಬರ್ಮಣ್ಣ ಕಾಂಬಳೆ (55) ಅವರು ಖಾಸಗಿ ಕೆಲಸದಲ್ಲಿದ್ದಾರೆ. ಅದರೊಂದಿಗೆ ಹುಣಸಗಿರಿ ಪಾನಿಗುಂಡಿಯ ಮಂಜುನಾಥ ಸಿದ್ಧಪ್ಪ ಹುಡೇದ್ (24) ಹಾಗೂ ಕಿರವತ್ತಿ ಜಯಂತನಗರದ ಲಕ್ಷ್ಮಣ ಪಾರ್ವತಮ್ಮ ಬೆಂಗೇರಿ (33) ಅವರು ಕೂಲಿ ಕಾರ್ಮಿಕರಾಗಿ ದುಡಿಯುತ್ತಿದ್ದಾರೆ. ಅವರೆಲ್ಲರೂ ಸೇರಿ 750ರೂ ಹಣ ಒಗ್ಗೂಡಿಸಿ ಅಂದರ್ ಬಾಹರ್ ಆಟ ಆಡಿದ್ದಾರೆ. ಕಿರವತ್ತಿ ಗ್ರಾಮದ ದೊಡ್ಡಯಲವಳ್ಳಿ ರಸ್ತೆಯ ಶ್ರೀ ಆಂಜಿನೇಯ ದೇವಸ್ಥಾನದ ಎದುರು ರಸ್ತೆಯಲ್ಲಿ ಈ ಐದು ಜನ ಸೇರಿದ್ದಾರೆ. ಅಲ್ಲಿಯೇ ಕುಳಿತು ಎಲ್ಲರೂ ಹಣ ಹೂಡಿಕೆ ಮಾಡಿ, ಇಸ್ಪಿಟ್ ಆಟ ಶುರು ಮಾಡಿದ್ದಾರೆ. ಆ ಹಣವನ್ನು ಪಂಥವಾಗಿ ಕಟ್ಟಿ ಒಬ್ಬರಿಗೆ ಲಾಭ ಹಾಗೂ ಮತ್ತೊಬ್ಬರಿಗೆ ಹಾನಿ ಆಗುವ ರೀತಿಯಲ್ಲಿ ಜೂಜಾಟ ನಡೆಸಿದ್ದಾರೆ. ಈ ಮಾಹಿತಿ ಅರಿತ ಪಿಸೈ ರಾಜಶೇಖರ ವಂದಲಿ ಅವರು ಅಲ್ಲಿ ದಾಳಿ ನಡೆಸಿದ್ದು, ಆ ಎಲ್ಲರೂ ಸಿಕ್ಕಿಬಿದ್ದಿದ್ದಾರೆ. ಜೂಜಾಟದಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಪೊಲೀಸರು ಅವರಿಗೆ ತಿಳುವಳಿಕೆ ಮೂಡಿಸಿದ್ದಾರೆ. ಅದರೊಂದಿಗೆ ಮಾಡಿದ ತಪ್ಪಿಗೆ ಪ್ರಾಯಶ್ಚಿತವಾಗಿ ಎಲ್ಲರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಕುಮಟಾ | ಮೀನುಗಾರರ ಮಕ್ಕಳು ನಾವು.. ಒಗ್ಗಟ್ಟಿನಿಂದ ಹೋರಾಡುವೆವು!](https://mobiletime.in/2026/08/kumta-we-are-the-children-of-fishermen-we-will-fight-unitedly/): ಕರಾವಳಿ ಭಾಗದ ಹರಿಕಂತ್ರ, ಅಂಬಿಗ, ಕೊಂಕಣ ಖಾರ್ವಿ, ಗಾಬಿತ, ಪಾಗಿ, ಬೋಯಿ ಹಾಗೂ ಮಲೆನಾಡು ಭಾಗದಲ್ಲಿ ಕೋಳಿ, ಸುಣಗಾರ, ಗಂಗಾಮತ ಸೇರಿ ಅನೇಕ ಮೀನುಗಾರ ಸಮುದಾಯದವರು ಕುಮಟಾದಲ್ಲಿ ಸಭೆ ಮಾಡಿದ್ದಾರೆ. ಮೀನುಗಾರ ಸಮುದಾಯವನ್ನು ಪರಿಶಿಷ್ಟ ಪಂಗಡಕ್ಕೆ ಸೇರಿಸಬೇಕು ಎಂದವರು ಆಗ್ರಹಿಸಿದ್ದಾರೆ. `ಈ ಬಗ್ಗೆ ಅನೇಕ ವರ್ಷಗಳಿಂದ ಹೋರಾಡುತ್ತಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ. ಹೀಗಾಗಿ ಎಲ್ಲರೂ ಸಂಘಟಿತರಾಗಿ ಹೋರಾಟವನ್ನು ಇನ್ನಷ್ಟು ತೀವೃಗೊಳಿಸೋಣ’ ಎಂದು ಸಭೆಯಲ್ಲಿ ಭಾಗವಹಿಸಿದವರು ಸಂದೇಶ ರವಾನಿಸಿದ್ದಾರೆ. ಕುಮಟಾದ ಪುರಭವನದಲ್ಲಿ `ಗಂಗಾಪುತ್ರ ಗರ್ಜನೆ ಪಡೆ’ ಎಂಬ ಸಂಘಟನೆ ಮೂಲಕ ಈ ಸಭೆ ನಡೆದಿದ್ದು, ಮೀನುಗಾರ ಸಮುದಾಯಗಳ ವಿಶೇಷ ಸಾಮೂಹಿಕ ಜನಜಾಗೃತಿಗಾಗಿ ಗಣ್ಯರು ಕರೆ ನೀಡಿದ್ದಾರೆ. `ಉತ್ತರ ಕನ್ನಡವನ್ನು ಸೇರಿ ರಾಜ್ಯದ 39 ಕಡೆ ಮೀನುಗಾರ ಸಮುದಾಯದವರಿದ್ದಾರೆ. ಅವರೆಲ್ಲರೂ ಉತ್ತಮ ಶಿಕ್ಷಣಪಡೆದು ಸಂಘಟಿತರಾಗುವ ಮೂಲಕ ಆರ್ಥಿಕ, ಸಾಮಾಜಿಕ ಹಾಗೂ ರಾಜಕೀಯ ಹಕ್ಕುಗಳನ್ನು ಪಡೆಯಬೇಕು. ಅದಕ್ಕಾಗಿ ಈ ಸಮುದಾಯವನ್ನು ಪರಿಶಿಷ್ಟ ಪಂಗಡಕ್ಕೆ ಸೇರಿಸಬೇಕು’ ಎಂದು ಒತ್ತಾಯಿಸಿದ್ದಾರೆ `ಸಂಘಟನಾತ್ಮಕ ಹೋರಾಟ ನಡೆಯದ ಕಾರಣ ಗುರಿ ಮುಟ್ಟಲು ಸಾಧ್ಯವಾಗಿಲ್ಲ. ಭವಿಷ್ಯದಲ್ಲಿ ಎಲ್ಲರೂ ಒಟ್ಟಾಗಿ ಈ ಬಗ್ಗೆ ಹೋರಾಡೋಣ’ ಎಂದು ಸಭೆಯಲ್ಲಿದ್ದವರು ಹೇಳಿದ್ದಾರೆ. ಬೇರೆ ಬೇರೆ ಊರುಗಳಿಂದ ಬಂದಿದ್ದ ಪ್ರಮುಖರಾದ ಗುಂಡು ಐನಾಪುರ, ಜಿ ಟಿ ವೆಂಕಟೇಶ, ಬಿ ಜಿ ಸುಣಗಾರ, ಯಮುನಪ್ಪ ಮಡಿಕೇರಿ ಬಾಗಲಕೋಟೆ, ಸಂತೆಕಸಲಗೆರೆ ಬಸವರಾಜು ಅವರ ಜೊತೆ ಸ್ಥಳೀಯರಾದ ಬೀರಪ್ಪ ಹರಿಕಂತ್ರ, ನೀಲಕಂಠ ಬಲೆಗಾರ, ರಮೇಶ ಖಾರ್ವಿ ಭಟ್ಕಳ, ರಾಘವೇಂದ್ರ ಜಾದವ, ಗಾಬಿತ ಸಮಾಜದ ಸುಧಾಕರ ತಾರಿ, ಗಣಪತಿ ಮಾಂಗ್ರೆ, ಶ್ರೀಕಾಂತ ದುರ್ಗೇಕರ, ಗಾಂಗಾಧರ ಅಂಬಿಗ, ಅಜಿತ್ ತಾಂಡೇಲ ಹೊನ್ನಾವರ, ಮಂಜುನಾಥ ಖಾರ್ವಿ ಇತರರು ಒಗ್ಗಟ್ಟಿನ ಹೋರಾಟಕ್ಕೆ ಕರೆ ನೀಡಿದ್ದಾರೆ.
- [ಕಾರವಾರ | ಕೋಳಿ ಮನೆಯಲ್ಲಿ ಕಳ್ಳ ಸರಾಯಿ!](https://mobiletime.in/2026/08/karwar-illicit-liquor-in-a-chicken-coop/): ಬೈತಕೋಲದ ಸುರೇಶ ಕೋಳಿ ಹಾಗೂ ತಾರಾ ಕೋಳಿ ಒಟ್ಟಿಗೆ ಅಕ್ರಮ ಸರಾಯಿ ಮಾರಾಟ ದಂಧೆ ನಡೆಸುತ್ತಿದ್ದು, ಪೊಲೀಸರು ಅವರ ಮನೆ ಮೇಲೆ ದಾಳಿ ಮಾಡಿದ್ದಾರೆ. ಈ ವೇಳೆ ಪತ್ನಿಯನ್ನು ಅಲ್ಲಿಯೇ ಬಿಟ್ಟು ಸುರೇಶ ಕೋಳಿ ಅವರು ಪರಾರಿಯಾಗಿದ್ದಾರೆ. ಕಾರವಾರದ ಬೈತಕೋಲದ ಬಂದರು ರಸ್ತೆಯಲ್ಲಿ ಸುರೇಶ ಕೋಳಿ ಅವರು ವಾಸವಾಗಿದ್ದಾರೆ. ಮೀನುಗಾರಿಕೆ ಮಾಡಿಕೊಂಡು ಬದುಕು ಕಟ್ಟಿಕೊಂಡ ಅವರಿಗೆ ಅಲ್ಲಿನ ಆದಾಯ ಸಾಲುತ್ತಿಲ್ಲ. ಹೀಗಾಗಿ ಅವರು ಅಡ್ಡದಾರಿ ಹಿಡಿದಿದ್ದು, ಆ ದಾರಿಯಲ್ಲಿ ತಮ್ಮ ಕುಟುಂಬವನ್ನು ಸಿಲುಕಿಸಿದ್ದಾರೆ. ಸುರೇಶ ಕೋಳಿ ಅವರು ಆಗಾಗ ಗೋವಾಗೆ ಹೋಗಿ ಬರುತ್ತಾರೆ. ಗೋವಾದಿಂದ ಮರಳುವಾಗಲ ಅಲ್ಲಿ ಕಡಿಮೆ ಬೆಲೆಗೆ ಸಿಗುವ ಬಗೆ ಬಗೆಯ ಮದ್ಯದ ಬಾಟಲಿಗಳನ್ನು ತರುತ್ತಾರೆ. ಚೆಕ್‌ಪೋಸ್ಟ್ ಸೇರಿ ಎಲ್ಲಾ ಕಡೆಯೂ ಪೊಲೀಸರ ಕಣ್ತಪ್ಪಿಸಿ ಆ ಬಾಟಲಿಗಳನ್ನು ಮನೆಯೊಳಗೆ ಸಂಗ್ರಹಿಸುತ್ತಾರೆ. ನಂತರ ಮನೆಯ ಮುಂದಿನ ಆವರಣವನ್ನೇ ಮಿನಿ ಬಾರ್ ಆಗಿ ಪರಿವರ್ತಿಸಿ, ಆ ಸರಾಯಿ ಮಾರಾಟ ಮಾಡುತ್ತಾರೆ. ಗೋವಾ ಸರಾಯಿ ಮಾರಾಟದಿಂದಾಗಿ ಕರ್ನಾಟಕ ಸರ್ಕಾರಕ್ಕೆ ಆರ್ಥಿಕ ನಷ್ಟವಾಗುತ್ತಿದೆ. ಹೀಗಾಗಿ, ಗೋವಾ ಸರಾಯಿ ಮಾರಾಟಕ್ಕೆ ಇಲ್ಲಿ ಅವಕಾಶವಿಲ್ಲ. ಜೊತೆಗೆ ಸುರೇಶ ಕೋಳಿ ಅವರು ಮದ್ಯ ಮಾರಾಟದ ಪರವಾನಿಗೆಯನ್ನು ಸಹ ಪಡೆದಿಲ್ಲ. ಈ ಎಲ್ಲಾ ಹಿನ್ನಲೆ ಖಚಿತ ಮಾಹಿತಿ ಆಧರಿಸಿ ಕಾರವಾರ ಶಹರ ಪೊಲೀಸ್ ಠಾಣೆ ಪಿಸೈ ಉದ್ದಪ್ಪ ಧರಪ್ಪನವರ್ ಅವರು ಸುರೇಶ ಕೋಳಿ ಅವರ ಮನೆಯಂಗಳಕ್ಕೆ ದಾಳಿಯಿಟ್ಟಿದ್ದಾರೆ. ಪೊಲೀಸರನ್ನು ಕಂಡ ಸುರೇಶ ಕೋಳಿ ಅವರು ಅಲ್ಲಿಂದ ಪರಾರಿಯಾಗಿದ್ದು, ಮನೆಯಲ್ಲಿದ್ದ ಮದ್ಯ ಮಾರಾಟಗಾರ್ತಿ ತಾರಾ ಕೋಳಿ ಅವರು ಸಿಕ್ಕಿ ಬಿದ್ದಿದ್ದಾರೆ. ಒಟ್ಟು ಐದು ಬಗೆಯ ಮದ್ಯದ ಬಾಟಲಿಯನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. 3735ರೂಪಾಯಿಯ 32 ಬಾಟಲಿಗಳನ್ನು ವಶಕ್ಕೆಪಡೆದು, ಆ ದಂಪತಿ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
- [ಕಾರವಾರ | ಸರ್ಕಾರದ ವಿರುದ್ಧ ಹೋರಾಟ: ಬಂಧನದಲ್ಲಿಯೂ ಹಾರಾಡಿದ ಕೆಂಪು ಬಾವುಟ!](https://mobiletime.in/2026/08/karwar-protest-against-the-government-red-flag-flies-high-even-in-custody/): ಕೇಂದ್ರ ಸರ್ಕಾರದ ವಿರುದ್ಧ ಪ್ರತಿಭಟನೆ ನಡೆಸಿ ಜಿಲ್ಲಾಧಿಕಾರಿ ಕಚೇರಿಗೆ ನುಗ್ಗಲು ಯತ್ನಿಸಿದ ಹಲವು ಹೋರಾಟಗಾರರನ್ನು ಪೊಲೀಸರು ಬಂಧಿಸಿದ್ದಾರೆ. ಒಂದು ತಾಸುಗಳ ಕಾಲ ಹೋರಾಟಗಾರರನ್ನು ಹಿಡಿದಿಟ್ಟು, ನಂತರ ಅವರನ್ನು ಬಿಡುಗಡೆ ಮಾಡಿದ್ದಾರೆ. ಎಸ್ ಕೆ ಎಂ-ಜೆಸಿಟಿಯು ಕರೆಯ ಮೇರೆಗೆ ವಿವಿಧ ಸಂಘಟನೆಯವರು ಸೋಮವಾರ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ಮಾಡಿದ್ದಾರೆ. ತಮ್ಮ ಬೇಡಿಕೆಗಳ ಈಡೇರಿಕೆಗಾಗಿ ಪ್ರತಿಭಟನಾಕಾರರು ಘೋಷಣೆ ಕೂಗಿದ್ದು, ಅದಾದ ನಂತರ ಒಟ್ಟಾಗಿ ಕಚೇರಿ ಒಳಗೆ ನುಗ್ಗುವ ಪ್ರಯತ್ನ ಮಾಡಿದ್ದಾರೆ. ತಕ್ಷಣ ಅದನ್ನು ತಡೆದ ಪೊಲೀಸರು 40ಕ್ಕೂ ಅಧಿಕ ಜನರನ್ನು ಬಂಧಿಸಿ ಡಿ ಆರ್ ಕ್ವಾಟರ್ಸ್’ಗೆ ಸ್ಥಳಾಂತರಿಸಿದ್ದಾರೆ. ಅಲ್ಲಿ ಒಂದು ತಾಸುಗಳ ಕಾಲ ಬಂಧನದಲ್ಲಿರಿಸಿಕೊAಡು ನಂತರ ಬಿಡುಗಡೆ ಮಾಡಿದ್ದಾರೆ. ಬಲವಂತ ಹಾಗೂ ಅನ್ಯಾಯದ ಭೂ ಸ್ವಾಧೀನ, ಕಾರ್ಪೊರೇಟ್ ಭೂ ಕಬಳಿಕೆ, ಕಾರ್ಮಿಕ ವಿರೋಧಿ ಕನಿಷ್ಠ ಕೂಲಿ ಪರಿಷ್ಕರಣೆ, ವಿಬಿ ಗ್ರಾಮ್ ಜಿ ಕಾಯ್ದೆ, ವಿದ್ಯುತ್ ತಿದ್ದುಪಡಿ ಕಾಯ್ದೆ 2025, ಬೀಜ ಕಾಯ್ದೆ, ಕೃಷಿ ಮಾರುಕಟ್ಟೆ ಕುರಿತ ರಾಷ್ಟ್ರೀಯ ಧೋರಣಾ ಚೌಕಟ್ಟು ಹಾಗೂ ನಾಲ್ಕು ಕಾರ್ಮಿಕ ಸಂಹಿತೆಗಳನ್ನು ರದ್ದುಪಡಿಸುವಂತೆ ಆಗ್ರಹಿಸಿ ಹೋರಾಟಗಾರರು ಜಿಲ್ಲಾಧಿಕಾರಿ ಕಚೇರಿಗೆ ಮುತ್ತಿಗೆ ಹಾಕಿದ್ದಾರೆ. `ಎಂ ಎಸ್ ಸ್ವಾಮಿನಾಥನ್ ಶಿಪಾರಸ್ಸಿನಂತೆ ರೈತರ ಕೃಷಿ ಉತ್ಪನ್ನಗಳಿಗೆ ಕನಿಷ್ಠ ಬೆಂಬಲ ಬೆಲೆಗೆ ಶಾಸನ ಜಾರಿಗೊಳಿಸಬೇಕು. ಎಲ್ಲಾ ರೈತ-ಕೃಷಿಕೂಲಿಕಾರ-ಮಹಿಳೆಯರ ಎಲ್ಲಾ ರೀತಿಯ ಸಾಲ ಮನ್ನಾ ಮಾಡಬೇಕು. ಋಣ ಮುಕ್ತ ಕಾಯ್ದೆ ಜಾರಿಗೆ ಮತ್ತು ಶಾಸನಬದ್ದ ಜೀವನಾವಶ್ಯಕ ಕನಿಷ್ಟ ಕೂಲಿ ಶಾಸನ ತರಬೇಕು. ಶಾಸನಸಭೆಗಳಲ್ಲಿ ಮಹಿಳಾ ಮೀಸಲಾತಿ ಜಾರಿಗೊಳಿಸಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ. ಅಗತ್ಯ ವಸ್ತುಗಳ ಬೆಲೆ ಏರಿಕೆ, ಎಲ್ಲಾ ವಲಯದಲ್ಲಿನ ಖಾಸಗೀಕರಣ ಹಾಗೂ ಕಾರ್ಪೋರೇಟ್ ಶೋಷಣೆ ಮೇಲೆ ಸೂಕ್ತ ನಿಯಂತ್ರಣ ಹಾಕದ ಕಾರಣ ಆಕ್ಷೇಪವ್ಯಕ್ತಪಡಿಸಿದ್ದಾರೆ. ಬ್ಯಾಂಕ್, ವಿಮೆ,ಆರೋಗ್ಯ, ಶಿಕ್ಷಣ ಖಾಸಗೀಕರಣ ನಿಲ್ಲಿಸುವಂತೆ ಆಗ್ರಹಿಸಿದ್ದಾರೆ. ಹೋರಾಟಗಾರರಾದ ಶಾಂತಾರಾಮ ನಾಯಕ, ತಿಲಕ್ ಗೌಡ, ಯಮುನಾ ಗಾಂವ್ಕರ, ಸುನಂದ, ಸಲಿಂ ಸೈಯದ್, ಶ್ಯಾಮನಾಥ ನಾಯ್ಕ, ಬೀಮಣ್ಣ ಬೋವಿ, ಲಕ್ಷ್ಮಿ ಸಿದ್ದಿ, ತಿಮ್ಮಪ್ಪ ಗೌಡ, ಮೋಹಿನಿ ನಮಸೇಕರ, ಗೀತಾ ನಾಯ್ಕ, ವಿದ್ಯಾ ವೈದ್ಯ, ವೀರೇಶ ರಾಠೋಡ, ಗೀರಾ ಗೌಡ, ಸಂತೋಷ ನಾಯ್ಕ ಅವರು ಈ ದಿನ ಬಂಧನಕ್ಕೆ ಒಳಗಾಗಿ, ನಂತರ ಬಿಡುಗಡೆಯಾಗಿದ್ದಾರೆ.  
- [ಮೋದಿ ಜೊತೆ ಕಾಗೇರಿಯ ಮನ್ ಕಿ ಬಾತ್!](https://mobiletime.in/2026/08/kageris-mann-ki-baat-with-modi/): ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಈ ದಿನ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿದ್ದಾರೆ. 20 ನಿಮಿಷಗಳ ಕಾಲ ಏಕಾಂಗಿಯಾಗಿ ಅವರು ಪ್ರಧಾನಿಗಳ ಜೊತೆ ಏಕಾಂಗಿಯಾಗಿ ಮಾತನಾಡಿದ್ದಾರೆ. ಪ್ರಧಾನಿ ಕಾರ್ಯಾಲಯ ಪ್ರವೇಶಿಸಿದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಿಗೆ ಅಲ್ಲಿನ ಸಿಬ್ಬಂದಿ ಆತ್ಮೀಯವಾಗಿ ಬರ ಮಾಡಿಕೊಂಡಿದ್ದು, ನೇರವಾಗಿ ನರೇಂದ್ರ ಮೋದಿ ಅವರ ಭೇಟಿಗೆ ಅವಕಾಶ ಮಾಡಿಕೊಟ್ಟಿದ್ದಾರೆ. ಈ ವೇಳೆ ಉತ್ತರ ಕನ್ನಡ ಜಿಲ್ಲೆಯ ಪೃಕೃತಿ ವಿಕೋಪ ಸನ್ನಿವೇಶಗಳ ಬಗ್ಗೆ ಪ್ರಧಾನಿಯವರಿಗೆ ತಿಳಿಸಿದ ಸಂಸದರು ಅವಘಡದ ವೇಳೆ ಸಂತ್ರಸ್ತರಿಗೆ ಕೇಂದ್ರ ಸರ್ಕಾರದಿಂದ ಸಹಾಯ ಮಾಡಿದಕ್ಕಾಗಿ ಕೃತಜ್ಞತೆ ಸಲ್ಲಿಸಿದ್ದಾರೆ. ಅದಾದ ನಂತರ ಉತ್ತರ ಕನ್ನಡ ಜಿಲ್ಲೆಯ ಭೌಗೋಳಿಕ ಸನ್ನಿವೇಶ, ಇಲ್ಲಿನ ಮಳೆ-ಬೆಳೆಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. ರಸ್ತೆ ಹಾಗೂ ರೈಲು ವಿಷಯಗಳ ಬಗ್ಗೆ ಮಾತನಾಡಿದ್ದಾರೆ. ಪ್ರವಾಸಿ ತಾಣಗಳ ಅಭಿವೃದ್ಧಿಗೆ ವಿಶೇಷ ಯೋಜನೆ ರೂಪಿಸುವ ಕನಸು ಕಂಡಿರುವುದಾಗಿ ಕಾಗೇರಿಯವರು ಮೋದಿಯರವಲ್ಲಿ ಹೇಳಿಕೊಂಡಿದ್ದಾರೆ. ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರಕ್ಕೆ ಕಿತ್ತೂರು ಹಾಗೂ ಖಾನಾಪುರ ಭಾಗವೂ ಬರುತ್ತಿದ್ದು, ಅಲ್ಲಿನ ಅಭಿವೃದ್ಧಿ ಚಟುವಟಿಕೆಯ ಬಗ್ಗೆಯೂ ವಿವರಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ವೈಶಿಷ್ಟತೆಯ ಬಗ್ಗೆ ವಿವರಿಸಿದ್ದು, ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರ ಮಾತುಗಳನ್ನು ಸಂಪೂರ್ಣವಾಗಿ ಆಲಿಸಿದ ಪ್ರಧಾನಿ ನರೇಂದ್ರ ಮೋದಿ ಅವರು `ಜನರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಕೆಲಸ ಮಾಡಿ’ ಎಂದು ಹೇಳಿದ್ದಾರೆ.
- [ಹಳಿಯಾಳ | ಸರಗಳ್ಳರಿಗೆ ಕಾರಾಗೃಹವಾಸ!](https://mobiletime.in/2026/08/haliyal-jail-term-for-chain-snatchers/): ಜಾತ್ರೆಗೆ ಬರುವ ಮಹಿಳೆಯರನ್ನು ಗುರಿಯಾಗಿರಿಸಿಕೊಂಡು ಅವರ ಕತ್ತಿನಲ್ಲಿದ್ದ ಸರ ಕದಿಯುತ್ತಿದ್ದ ಮೂವರು ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಮುರ್ಕವಾಡಾದ ಶ್ರೀ ಗ್ರಾಮದೇವಿ ಜಾತ್ರೆಯಲ್ಲಿ ಸರ ಕಳೆದುಕೊಂಡಿದ್ದ ಮಹಿಳೆಗೆ ಪೊಲೀಸರು ನ್ಯಾಯ ಒದಗಿಸಿದ್ದಾರೆ. ಹಳಿಯಾಳದ ಅಮ್ಮನಕೊಪ್ಪ ಗ್ರಾಮದ ಅಕ್ಷತಾ ಮಂಜುನಾಥ ಕುಂಬಾರ (30) ಅವರು ಫೆಬ್ರವರಿ 9ರಂದು ಮುರ್ಕವಾಡಾದ ಜಾತ್ರೆಗೆ ಬಂದಿದ್ದರು. ಪತಿ ಹಾಗೂ ಮಗಳ ಜೊತೆಗಿದ್ದ ಅವರನ್ನು ಹಿಂಬಾಲಿಸಿದ ಮೂವರು ಕಳ್ಳರು 30 ಗ್ರಾಂ ತೂಕದ ಮಂಗಳಸೂತ್ರ ಕಿತ್ತು ಪರಾರಿಯಾಗಿದ್ದರು. ಮನೆಗೆ ಮರಳುತ್ತಿದ್ದವರ ಮೇಲೆ ಕಳ್ಳರು ದಾಳಿ ನಡೆಸಿದ್ದು, ಅದರಿಂದ ಆತಂಕಕ್ಕೆ ಒಳಗಾದ ಅಕ್ಷತಾ ಕುಂಬಾರ ಅವರು ಸಹಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದರು. ಆರು ತಿಂಗಳ ಕಾಲ ಹುಡುಕಾಟ ನಡೆಸಿದ ಪೊಲೀಸರಿಗೆ ಸದ್ಯ ಮೂವರು ಸಿಕ್ಕಿ ಬಿದ್ದಿದ್ದಾರೆ. ಕಳ್ಳರ ಪತ್ತೆಗೆ ವಿಶೇಷ ತಂಡ ರಚಿಸಿದ್ದು, ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಯಿತು. ಮುಖ್ಯವಾಗಿ ತಾಂತ್ರಿಕ ಮಾಹಿತಿ ಹಾಗೂ ಖಚಿತ ಸುಳಿವಿನ ಆಧಾರದ ಮೇಲೆ ಕಳ್ಳರನ್ನು ಹುಡುಕಲಾಯಿತು. ಹೊಸ ಹಡಗಲಿಯ ಶಶಿಧರ ಉಳವಪ್ಪ ಬಾರ್ಕಿ, ಕೆ ಕೆ ಹಳ್ಳಿಯ ಕಿರಣ ಧರ್ಮರಾಜ್ ಗೋಡಿಮನಿ ಹಾಗೂ ಹಳಿಯಾಳ ಮಡ್ಡಿಯ ವಾಸಿಮ್ ಶಿರಾಜುದ್ದೀನ್ ಚವಾಣ್ ಕಳ್ಳತನ ಮಾಡಿರುವುದು ಗೊತ್ತಾಗಿದ್ದು, ಅವರು ಮಾಡಿದ ತಪ್ಪು ಒಪ್ಪಿಕೊಂಡರು. ಈ ಮೂವರಿಂದ ಪೊಲೀಸರು 4.50 ಲಕ್ಷ ರೂ ಮೌಲ್ಯದ 30 ಗ್ರಾಂ ಚಿನ್ನದ ಮಂಗಳಸೂತ್ರ ಹಾಗೂ ಕೃತ್ಯಕ್ಕೆ ಬಳಸಿದ್ದ 50 ಸಾವಿರ ಮೌಲ್ಯದ ಪ್ಯಾಶನ್ ಪ್ರೊ ಬೈಕ್ ಸೇರಿ ಒಟ್ಟು 5 ಲಕ್ಷ ಮೌಲ್ಯದ ಸ್ವತ್ತನ್ನು ಜಪ್ತು ಮಾಡಿದ್ದಾರೆ. ಆ ಮೂವರನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದ್ದು, ನ್ಯಾಯಾಲಯವೂ ನ್ಯಾಯಾಂಗ ಬಂಧನ ವಿಧಿಸಿದೆ.
- [ಶಿರಸಿ | 4 ಸಾವಿರ ಎಗರಿಸಿದ ಬ್ಯಾಂಕಿಗೆ 50 ಸಾವಿರ ದಂಡ!](https://mobiletime.in/2026/08/sirsi-bank-fined-%e2%82%b950000-for-swindling-4000/): ಗ್ರಾಹಕರ ಖಾತೆಯಿಂದ ಅನಗತ್ಯ ಹಣ ಕಡಿತ ಮಾಡಿದ HDFC ಬ್ಯಾಂಕಿಗೆ ಗ್ರಾಹಕ ಆಯೋಗ 50 ಸಾವಿರ ರೂ ದಂಡ ವಿಧಿಸಿದೆ. ನಿಯಮಗಳನ್ನು ಉಲ್ಲಂಘಿಸಿ 4071ರೂ ಕಡತ ಮಾಡಿದ ಕಾರಣ ಶಿರಸಿಯ HDFC ಬ್ಯಾಂಕ್ 50 ಸಾವಿರ ರೂ ಪಾವತಿಸಬೇಕಿದೆ. ಶಿರಸಿಯ ಹೊಸಪೇಟೆ ರಸ್ತೆಯಲ್ಲಿರುವ ಎಚ್ ಡಿ ಎಫ್ ಸಿ ಬ್ಯಾಂಕ್ ಶಾಖೆಯಿದೆ. ಈ ಬ್ಯಾಂಕಿನಲ್ಲಿ ವಕೀಲ ಶ್ರೀನಿವಾಸ ಕೃಷ್ಣ ನಾಯ್ಕ ಅವರು ಖಾತೆ ಹೊಂದಿದ್ದಾರೆ. ಶ್ರೀನಿವಾಸ ಕೃಷ್ಣ ನಾಯ್ಕ ಅವರು ಪ್ರತಿ ತಿಂಗಳು 2 ಸಾವಿರ ರೂ ಎಸ್ ಐ ಪಿ ಮಾಡುವಂತೆ ಬ್ಯಾಂಕಿನವರಿಗೆ ಸೂಚಿಸಿದ್ದು, ಎಸ್ ಐ ಪಿ ಅವಧಿಯಲ್ಲಿ ಬ್ಯಾಂಕ್ ಖಾತೆಯಲ್ಲಿ ಹಣವಿಲ್ಲ ಎಂಬ ಕಾರಣ ನೀಡಿ ಬ್ಯಾಂಕಿನವರು ದಂಡ ವಿಧಿಸಿದ್ದಾರೆ. ಆದರೆ, ವಿಧಿಸಿದ ದಂಡ ಕ್ರಮಬದ್ಧವಾಗಿರದೇ ಅನೇಕ ವ್ಯತ್ಯಾಸಗಳಿಂದ ಕೂಡಿರುವುದನ್ನು ಗ್ರಾಹಕ ವ್ಯಾಜ್ಯಗಳ ಪರಿಹಾರ ವೇದಿಕೆ ಗಮನಿಸಿದೆ. 9 ಬಾರಿ ದಂಡ ವಿಧಿಸಿದನ್ನು ಮನಗಂಡ ಆಯೋಗ ಎಚ್ ಡಿ ಎಫ್ ಸಿ ಬ್ಯಾಂಕಿಗೆ ದುಬಾರಿ ದಂಡ ವಿಧಿಸಿದೆ. ಜೊತೆಗೆ ಗ್ರಾಹಕರಾಗಿದ್ದ ಶ್ರೀನಿವಾಸ ಕೃಷ್ಣ ನಾಯ್ಕ ಅವರಿಗೂ ಯೋಗ್ಯ ಪರಿಹಾರ ನೀಡುವಂತೆ ಸೂಚಿಸಿದೆ. 2023ರಲ್ಲಿ ಶ್ರೀನಿವಾಸ ಕೃಷ್ಣ ನಾಯ್ಕ ಅವರ ಖಾತೆಯಿಂದ ಹಣ ಕಡಿತವಾಗಿದೆ. ಈ ಬಗ್ಗೆ ಬ್ಯಾಂಕಿಗೆ ಪತ್ರ ಬರೆದು, ನೋಟಿಸ್ ನೀಡಿದಾಗ ಬ್ಯಾಂಕಿನವರು ಆ ಹಣ ಮರಳಿಸುವ ಭರವಸೆ ನೀಡಿದ್ದಾರೆ. ಆದರೆ, ಹೆಚ್ಚುವರಿ ಕಡಿತ ಮಾಡಿದ ಹಣವನ್ನು ಮರಳಿಸಿಲ್ಲ. ಆರ್ ಬಿ ಐ ನಿಯಮಾನುಸಾರ ಹಣಕಡತ ಮಾಡಿರುವುದಾಗಿ ಬ್ಯಾಂಕಿನವರು ವಾದ ಮಂಡಿಸಿದ್ದು, ಗ್ರಾಹಕ ವೇದಿಕೆ ಅದನ್ನು ಅಲ್ಲಗಳೆದಿದೆ. ನಿಯಮಾವಳಿ ಉಲ್ಲಂಘಿಸಿ ದಂಡ ವಿಧಿಸಿರುವುದಾಗಿ ಆಯೋಗ ಹೇಳಿದ್ದು, 4071ರೂ ಹೆಚ್ಚುವರಿ ಕಡತ ಮಾಡಿದಕ್ಕಾಗಿ ಗ್ರಾಹಕ ಶ್ರೀನಿವಾಸ ಕೃಷ್ಣ ನಾಯ್ಕ ಅವರಿಗೆ 15 ಸಾವಿರ ರೂ ಪರಿಹಾರ ಹಾಗೂ 5 ಸಾವಿರ ರೂ ಖರ್ಚು ಕೊಡಬೇಕು ಎಂದು ಸೂಚಿಸಿದೆ. ಅದರೊಂದಿಗೆ ಮಾಡಿದ ತಪ್ಪಿಗೆ ಪ್ರಾಯಶ್ಚಿತವಾಗಿ ಬ್ಯಾಂಕು 30 ಸಾವಿರ ರೂ ಗ್ರಾಹಕ ಕಲ್ಯಾಣ ಖಾತೆಗೆ ಜಮಾ ಮಾಡಬೇಕು ಎಂದು ಸೂಚಿಸಿದೆ.  
- [ಕುಮಟಾ | ಸಂಬoಧಿಕರ ಮನೆಗೆ ಬರಬೇಕಿದ್ದ ವೃದ್ಧೆ ಸ್ಮಶಾನಕ್ಕೆ!](https://mobiletime.in/2026/08/kumta-elderly-woman-meant-to-visit-relatives-home-ends-up-at-the-cremation-ground/): ಬರ್ಗಿಯಲ್ಲಿರುವ ಸಂಬoಧಿಕರ ಮನೆಗೆ ಬಂದಿದ್ದ ಶಶಿಹಿತ್ತಲಿನ ದುರ್ಗಿ ಹರಿಕಂತ್ರ ಅವರಿಗೆ ಕಾರು ಡಿಕ್ಕಿಯಾಗಿದೆ. ಪರಿಣಾಮ ಅವರು ಸ್ಥಳದಲ್ಲಿಯೇ ಸಾವನಪ್ಪಿದ್ದಾರೆ. ಕುಮಟಾದ ಶಶಿಹಿತ್ತಲದಲ್ಲಿ ದುರ್ಗಿ ಹರಿಕಂತ್ರ ಅವರು ವಾಸವಾಗಿದ್ದರು. 70 ವರ್ಷದ ಅವರು ಸೋಮವಾರ ಅವರ ಸಂಬAಧಿಕರ ಮನೆಗೆ ಹೋಗುತ್ತಿದ್ದರು. ಬರ್ಗಿಯ ಸರ್ಕಾರಿ ಪ್ರೌಢಶಾಲೆ ಬಳಿ ಅವರು ಬಸ್ಸಿನಿಂದ ಇಳಿದು ನಡೆದು ಹೋಗುವಾಗ ಕಾರು ಅವರಿಗೆ ಡಿಕ್ಕಿಯಾಯಿತು. ಹೆದ್ದಾರಿ ದಾಟುವ ಪ್ರಯತ್ನದಲ್ಲಿದ್ದ ದುರ್ಗಿ ಹರಿಕಂತ್ರ ಅವರಿಗೆ ಜೋರಾಗಿ ಬಂದ ಕಾರು ಗುದ್ದಿದ ಪರಿಣಾಮ ಅವರು ಹೆದ್ದಾರಿ ಮೇಲೆ ಹಾರಿ ಬಿದ್ದರು. ಸಿದ್ದಾಪುರದಿಂದ ಹೊರಟಿದ್ದ ಕಾರಿನಲ್ಲಿದ್ದವರು ಧಾರ್ಮಿಕ ಕಾರ್ಯಕ್ರಮ ನಡೆಸಲು ಗೊಕರ್ಣಕ್ಕೆ ಹೊರಟಿದ್ದರು. ಬಹುಬೇಗ ಗೋಕರ್ಣ ತಲುಪುವುದಕ್ಕಾಗಿ ಅವರು ವೇಗವಾಗಿ ಕಾರು ಓಡಿಸಿದ್ದು, ಅದೇ ಅಪಘಾತಕ್ಕೆ ಕಾರಣವಾಯಿತು. ಆ ಅಪಘಾತದಲ್ಲಿ ದುರ್ಗಿ ಹರಿಕಂತ್ರ ಅವರು ಸಾವನಪ್ಪಿದರು. ಸ್ಥಳಕ್ಕೆ ಗೋಕರ್ಣ ಪೊಲೀಸರು ದೌಡಾಯಿಸಿದ್ದು, ಕಾನೂನು ಕ್ರಮ ಜರುಗಿಸಿದರು. `ನಿಧಾನವಾಗಿ ವಾಹನ ಓಡಿಸಿ. ಸಂಚಾರಿ ನಿಯಮಗಳನ್ನು ಪಾಲಿಸಿ’  
- [ಯಲ್ಲಾಪುರ | ಎರಡು ಮಕ್ಕಳಿದ್ದರೂ ಆಕೆ ತಬ್ಬಲಿ!](https://mobiletime.in/2026/08/yellapur-despite-having-two-children-she-is-an-orphan/): ಧಾರಾಕಾರ ಮಳೆಯಲ್ಲಿ ಪ್ಲಾಸ್ಟಿಕ್ ಹೊದ್ದು ಮಲಗಿದ್ದ ಮಹಿಳೆಯೊಬ್ಬರಿಗೆ ದಬ್ಬೆಸಾಲು ಗ್ರಾಮದ ಜನ ಆಸರೆಯಾಗಿದ್ದಾರೆ. ದಟ್ಟ ಕಾಡಿನ ಹುಲ್ಲು-ಪೊದೆಗಳ ನಡುವೆ ರಾತ್ರಿ ವೇಳೆ ನಲುಗಿ ಹೋಗಿದ್ದ ವೃದ್ಧೆಯನ್ನು ರಕ್ಷಿಸಿ ಆಶ್ರಮಕ್ಕೆ ಕಳುಹಿಸಿದ್ದಾರೆ. ಯಲ್ಲಾಪುರದ ಬಳಗಾರ ಬಳಿಯ ದಬ್ಬೆಸಾಲಿನ ಕಾಡಿನಲ್ಲಿ ಅಗಸ್ಟ 7ರ ರಾತ್ರಿ ವೃದ್ಧೆಯೊಬ್ಬರು ಪ್ರತ್ಯಕ್ಷರಾಗಿದ್ದರು. ಧಾರಾಕಾರ ಮಳೆ ಸುರಿಯುತ್ತಿದ್ದರೂ ಅದೇ ಕಾಡಿನಲ್ಲಿ ಅವರು ಪ್ಲಾಸ್ಟಿಕ್ ಹೊದ್ದು ಮಲಗಿದ್ದರು. ದಾಂಡೇಲಿಗೆ ಹೋದವ ವಿನಾಯಕ ಭಟ್ಟ ಹಳೆಮನೆ ಕುಟುಂಬದವರು ಆ ಮಹಿಳೆಯನ್ನು ನೋಡಿದ್ದು, ಕೂಡಲೇ ರಾಘವೇಂದ್ರ ಗಾಂವ್ಕರ್ ದಬ್ಬೆಸಾಲ್ ಅವರಿಗೆ ಮಾಹಿತಿ ನೀಡಿದರು. ರಾತ್ರಿ 12 ಗಂಟೆ ವೇಳೆಗೆ ರಾಘವೇಂದ್ರ ಗಾಂವ್ಕರ್ ಅವರು ಮಹಿಳೆಯಿದ್ದ ಸ್ಥಳ ಹುಡುಕಿ ಹೊರಟಿದ್ದು, ಆಕೆಯ ಮನವೊಲೈಸಿ ಮನೆಗೆ ಕರೆತರುವ ಪ್ರಯತ್ನ ಮಾಡಿದರು. ಆದರೆ, ಆ ಮಹಿಳೆ ಕಾಡು ಬಿಟ್ಟು ಬರುವ ಮನಸ್ಥಿತಿಯಲ್ಲಿರಲಿಲ್ಲ. ಹೀಗಾಗಿ, ರಾಘವೇಂದ್ರ ಗಾಂವ್ಕರ್ ಅವರು ಕುಟುಂಬ ಸದಸ್ಯರಾದ ಅಂಜನಾ ಗಾಂವ್ಕರ್, ಕಾವೇರಿ ಗಾಂವ್ಕರ್, ಶ್ರೀಪಾದ ಗಾಂವ್ಕರ್ ಅವರ ನೆರವುಪಡೆದು ವೃದ್ಧೆಯಿದ್ದ ಸ್ಥಳದಲ್ಲಿಯೇ ಚಪ್ಪರ ಕಟ್ಟಿದರು. ಬೆಳಗಾಗುವವರೆಗೂ ವೃದ್ಧೆಗೆ ಅಪಾಯ ಎದುರಾಗದ ಹಾಗೇ ಕಾದರು. ನಸುಕಿನ ವೇಳೆ ಆ ವೃದ್ಧೆಯೇ ರಾಘವೇಂದ್ರ ಗಾಂವ್ಕರ್ ಅವರ ಮನೆಗೆ ಆಗಮಿಸಿದ್ದು, ಮನೆ ಜಗಲಿಯಲ್ಲಿ ಇಡೀ ದಿನ ನಿದ್ರಿಸಿದರು. ಆಯಾಸಗೊಂಡ ವೃದ್ಧೆ ಚೇತರಿಸಿಕೊಂಡ ನಂತರ ಆಕೆಯನ್ನು ಮಾತನಾಡಿಸುವ ಪ್ರಯತ್ನ ಮಾಡಿದರು. ಆದರೆ, ಆ ಮಹಿಳೆ ಮರಾಠಿ ಮಾತನಾಡುತ್ತಿದ್ದು, ಅವರ ಭಾಷೆ ಇವರಿಗೆ ಅರ್ಥವಾಗುತ್ತಿರಲಿಲ್ಲ. ಹೀಗಾಗಿ ಮರಾಠಿ ಬಲ್ಲವರೊಬ್ಬರನ್ನು ಕರೆಯಿಸಿ ಆಕೆಯ ಬಗ್ಗೆ ವಿಚಾರಿಸಿದರು. ಆಕೆ, ಹಸಿವು ಎಂದ ತಕ್ಷಣ ಬಿಸಿ ಬಿಸಿ ಅಡುಗೆ ಮಾಡಿ ಬಡಿಸಿದರು. ಅದಾದ ನಂತರ ಆ ವೃದ್ಧೆ ತನ್ನನ್ನು ಖಾನಾಪುರ ಬಾಂದೇಕರವಾಡದ ವಿಠ್ಠಾಬಾಯಿ ಶಾಸ್ತಿ ಎಂದು ಪರಿಚಯಿಸಿಕೊಂಡರು. `ಗಂಗಾರಾಮ ಹಾಗೂ ಲಕ್ಷಣ ಎಂಬ ಮಕ್ಕಳಿದ್ದು, ಅವರು ಮನೆಯಿಂದ ಹೊರದಬ್ಬಿದ ಕಾರಣ ಹೀಗಾಗಿದ್ದೇನೆ’ ಎಂದು ಹೇಳಿದರು. ವೃದ್ಧೆಯ ಅಸಹಾಯಕತೆ ನೋಡಿದ ಕುಟುಂಬದವರು 112 ಸಹಾಯವಾಣಿಗೆ ಫೋನ್ ಮಾಡಿದರು. ದುರ್ಗಮ ಕಾಡು ದಾರಿಯಲ್ಲಿ ಪೊಲೀಸ್ ವಾಹನ ಹಾಗೂ ಆಂಬುಲೆನ್ಸ್ ಸಹ ಬಾರದ ಸ್ಥಿತಿಯಿದ್ದ ಕಾರಣ ಪಿಕಪ್ ಒಂದನ್ನು ಬಾಡಿಗೆಗೆಪಡೆದು ಅದರಲ್ಲಿ ವೃದ್ಧೆಯನ್ನು ಬಳಗಾರಿನವರೆಗೆ ಕರೆದೊಯ್ದರು. ಬಳಗಾರಿನಿಂದ ಯಲ್ಲಾಪುರದವರೆಗೆ ವೃದ್ಧೆಯನ್ನು ಆಂಬುಲೆನ್ಸ್ ಮೂಲಕ ಕರೆದೊಯ್ಯಲಾಯಿತು. ಪೊಲೀಸ್ ಸಿಬ್ಬಂದಿ ರಾಘವೇಂದ್ರ ಮೂಳೆ ಹಾಗೂ ಇತರರು ಸೇರಿ ಆ ವೃದ್ಧೆಯನ್ನು ಆಂಬುಲೆನ್ಸ್ ಮೂಲಕ ಅನಾಥ ಆಶ್ರಮಕ್ಕೆ ಸಾಗಿಸಿದರು. ಸದ್ಯ ನಾಯ್ಕನಕರೆಯ ರಾಘವೇಂದ್ರ ಆಶ್ರಮದಲ್ಲಿ ಅವರು ಆಶ್ರಯಪಡೆದಿದ್ದಾರೆ.
- [ಮುಂಡಗೋಡ | ಎಲೆಮಾನವರಿಗೆ ಪೊಲೀಸರ ಕಾಟ!](https://mobiletime.in/2026/08/mundagoda-police-attack-for-the-leaf-man/): ಮರಗಡಿ ಗ್ರಾಮದಿಂದ ಓಣಿಕೇರಿಗೆ ಹೋಗುವ ರಸ್ತೆ ಬದಿ ಅಂದರ್ ಬಾಹರ್ ಆಡುತ್ತಿದ್ದವರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ದುಡ್ಡು ಹಾಕಿ ಜೂಜಾಟ ನಡೆಸುತ್ತಿದ್ದ ಏಳು ಜನ ಈ ವೇಳೆ ಸಿಕ್ಕಿ ಬಿದ್ದಿದ್ದಾರೆ. ಓಣಿಕೇರಿಯ ವಸಂತ ಮರಿಯಪ್ಪ ಚನ್ನಾಪುರ, ರಾಜು ಚನ್ನಪ್ಪ ವಾಸನ್, ಶಿವಾನಂದ ನಾರಾಯಣಪ್ಪ ಅಕ್ಕಸಾಲಿ, ಸಾಧಿಕ ಗೌಸುಸಾಬ ತಿಳವಳ್ಳಿ, ಸುರೇಂದ್ರ ಹುಲಿಯಾರ, ಮಂಜುನಾಥ ಪರಶುರಾಮ ಸುಭಾಂಜಿ ಹಾಗೂ ರಮೇಶ ತಿಪ್ಪಣ್ಣ ಶಿರಮಾಪುರ ಅವರು ಹಣ ಹೂಡಿ ಇಸ್ಪಿಟ್ ಆಡುತ್ತಿದ್ದರು. ಅಗಸ್ಟ 7ರ ಸಂಜೆ ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ಬಂದಿದ್ದು, ಪಿಐ ರಮೇಶ ಹಾನಾಪುರ ಅವರು ತಮ್ಮ ತಂಡದ ಜೊತೆ ಅಲ್ಲಿ ಭೇಟಿ ನೀಡಿದರು. 5100ರೂ ಹರಡಿಕೊಂಡು 52 ಇಸ್ಪಿಟ್ ಎಲೆಗಳ ಜೊತೆ ಆಡುತ್ತಿದ್ದವರ ಮೇಲೆ ದಿಢೀರ್ ಆಗಿ ದಾಳಿ ಮಾಡಿದರು. ಆರೋಪಿತರು ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದರೂ ಅದಕ್ಕೆ ಪೊಲೀಸರು ಅವಕಾಶ ಕೊಡಲಿಲ್ಲ. ಹೀಗಾಗಿ ಆ ಏಳು ಜನ ಅಲ್ಲಿಯೇ ಶರಣಾದರು. ಎಲ್ಲರ ಬಗ್ಗೆ ವಿಚಾರಣೆ ನಡೆಸಿದ ಪೊಲೀಸರು ಅವರ ಹೆಸರು ವಿಳಾಸ ನಮೂದಿಸಿ ಕೇಸು ದಾಖಲಿಸಿದರು. ಜೂಜಾಟದಿಂದ ಜೀವನ ಹಾಳು ಮಾಡಿಕೊಳ್ಳಬೇಡಿ ಎಂದು ಬುದ್ದಿಮಾತನ್ನು ಹೇಳಿದರು.
- [ಶಿರಸಿ | ತುಡ್ವಿಮನೆಯಲ್ಲಿ ನಾಟಿ ಹಬ್ಬ!](https://mobiletime.in/2026/08/sirsi-naati-habba-transplantation-festival-at-tudvimane/): ದೇಸಿ ಭತ್ತದ ತಳಿಗಳನ್ನು ಸಂರಕ್ಷಿಸಿ, ಅಭಿವೃದ್ಧಿಪಡಿಸುವ ನಿಟ್ಟಿನಲ್ಲಿ ಸ್ಕೊಡ್‌ವೆಸ್ ಸಂಸ್ಥೆಯೂ ನಾಟಿ ಹಬ್ಬ ಆಯೋಜಿಸುತ್ತ ಬಂದಿದ್ದು, ಈ ಬಾರಿಯೂ ವಿವಿಧ ಇಲಾಖೆ ಹಾಗೂ ಸಂಘ-ಸoಸ್ಥೆಗಳ ಸಹಯೋಗಲ್ಲಿ ಅಗಸ್ಟ 11ರಂದು ನಾಟಿ ಹಬ್ಬ ಆಯೋಜಿಸಲು ನಿರ್ಧರಿಸಿದೆ. ಉಂಚಳ್ಳಿ ಗ್ರಾಮದ ತುಡ್ವಿ ಮನೆಯ ಸರಸ್ವತಿ ಫಾರ್ಮ್ನಲ್ಲಿ ಬೆಳಗ್ಗೆ 10 ಗಂಟೆಗೆ ಈ ಹಬ್ಬ ಶುರುವಾಗಲಿದೆ. ಈ ನಾಟಿ ಹಬ್ಬ ಕಾರ್ಯಕ್ರಮವು ಕೃಷಿ ಕ್ಷೇತ್ರದ ವಿಶೇಷ ಕಾರ್ಯಕ್ರಮವಾಗಿದ್ದು, ಕಾರ್ಯಕ್ರಮದಲ್ಲಿ ನೂರಾರು ಬಗೆಯ ಸಾಂಪ್ರದಾಯಿಕ ಭತ್ತದ ತಳಿಗಳನ್ನು ಪರಿಚಯಿಸುವುದರ ಜೊತೆಗೆ, ಅಳಿವಿನಂಚಿನಲ್ಲಿರುವ ಭತ್ತದ ಪ್ರಬೇಧಗಳನ್ನು ಸಂರಕ್ಷಿಸುವ ಕುರಿತಾದ ಸಂಪೂರ್ಣ ಮಾಹಿತಿ ಒದಗಿಸಲಾಗುತ್ತದೆ. ಜೈವಿಕ ಕೃಷಿ, ಜೇನು ಕೃಷಿ, ಕೃಷಿ ಅರಣ್ಯ ಪದ್ಧತಿ, ಬೀಜ ಸಂರಕ್ಷಣೆ ಸೇರಿದಂತೆ ಕೃಷಿಯ ಕುರಿತು ಸಾರ್ವಜನಿಕರಲ್ಲಿ ಆಸಕ್ತಿ ಹುಟ್ಟಿಸುವ ಉದ್ದೇಶದಿಂದ ಈ ವಿನೂತನ ನಾಟಿ ಹಬ್ಬ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ನಾಟಿ ಹಬ್ಬ ಸಂಪೂರ್ಣ ಗ್ರಾಮೀಣ ಸೊಗಡಿನ ಪಾರಂಪರಿಕ ಕೃಷಿ ಚಟುವಟಿಕೆಗಳ ಕುರಿತು ಪ್ರಾತ್ಯಕ್ಷಿಕೆ ನಡೆಯಲಿದ್ದು, ಕೃಷಿ ವಿಜ್ಞಾನಿಗಳು, ವಿವಿಧ ಇಲಾಖಾ ಅಧಿಕಾರಿಗಳು, ಜನಪ್ರತಿನಿಧಿಗಳು, ವಿದ್ಯಾರ್ಥಿಗಳು, ಪ್ರಗತಿಪರ ಕೃಷಿಕರು, ವಿವಿಧ ಸಂಘ-ಸAಸ್ಥೆಗಳ ಮುಖ್ಯಸ್ಥರು, ಸಂಸ್ಥೆಯ ಆಡಳಿತ ಮಂಡಳಿಯ ನಿರ್ದೇಶಕರುಗಳು, ಸ್ವಯಂ ಸೇವಕರು ಗದ್ದೆಗೆ ಇಳಿದು ನಾಟಿ ಮಾಡಲಿದ್ದಾರೆ ಎಂದು ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕ ವೆಂಕಟೇಶ ನಾಯ್ಕ ಅವರು ತಿಳಿಸಿದ್ದಾರೆ.  
- [ಮುರುಡೇಶ್ವರ | ಪೊಲೀಸರಿಗೆ ಹೊಡೆದ ಪುಂಡರು!](https://mobiletime.in/2026/08/murudeshwar-thugs-hit-the-police/): ಸಾರ್ವಜನಿಕರಿಗ ತೊಂದರೆ ನೀಡುತ್ತಿದ್ದ ಪುಂಡ-ಪೋಕರಿಗಳನ್ನು ಪ್ರಶ್ನಿಸಲು ತೆರಳಿದ್ದ ಪೊಲೀಸರ ಮೇಲೆ ಹಲ್ಲೆ ನಡೆದಿದೆ. ಐವರು ಸೇರಿ ಮುರುಡೇಶ್ವರ ಪೊಲೀಸರಿಗೆ ಹೊಡೆದಿದ್ದು, ಹೊಡೆದವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಮಾಹಿತಿಗಳ ಪ್ರಕಾರ, ಅಗಸ್ಟ 8ರ ರಾತ್ರಿ ಮುರುಡೇಶ್ವರ ನಾಕಾ ಬಳಿಯ ಪ್ರಜಾ ಜ್ಯೂಸ್ ಸೆಂಟರ್ ಎದುರು ಗಲಾಟೆ ನಡೆದಿದೆ. ಆ ಗಲಾಟೆ ನಡೆಯದಂತೆ ಪೊಲೀಸರು ತಡೆಯಲು ಪ್ರಯತ್ನಿಸಿದ್ದಾರೆ. ಆದರೆ, ಆ ರಾತ್ರಿ ಕರ್ತವ್ಯದಲ್ಲಿದ್ದ ಪೊಲೀಸರ ಮೇಲೆಯೇ ಗಲಾಟೆ ಮಾಡುತ್ತಿದ್ದವರು ಮುಗಿ ಬಿದ್ದಿದ್ದಾರೆ. ವಿವಿಧ ಆಯುಧ ಬಳಸಿ ಪೊಲೀಸರಿಗೆ ಹೊಡೆದಿದ್ದಾರೆ. ರಾಜು ನಾಯ್ಕ, ಪೃಥ್ವಿಕ್ ನಾಯ್ಕ, ಮದನ ನಾಯ್ಕ, ಯೋಗೇಶ ನಾಯ್ಕ, ದರ್ಶನ ಹಾಗೂ ಇತರರು ಸಾರ್ವಜನಿಕರಿಗೆ ತೊಂದರೆ ನೀಡುತ್ತಿರುವ ಬಗ್ಗೆ ಮೊದಲು ಪೊಲೀಸರಿಗೆ ಫೋನ್ ಬಂದಿದೆ. ಆ ಮಾಹಿತಿ ಆಧರಿಸಿ ಪೊಲೀಸರು ಅಲ್ಲಿಗೆ ಹೋಗಿದ್ದಾರೆ. ಆಗ, ಆರೋಪಿತರು ಅಲ್ಲಿದ್ದ ಮನೋಜ ನಾಯ್ಕ ಎಂಬಾತರಿಗೆ ಚಾಕು ಚುಚ್ಚುವ ಪ್ರಯತ್ನ ಮಾಡಿದ್ದು ಅದನ್ನು ಪೊಲೀಸರು ತಪ್ಪಿಸಿದ್ದಾರೆ. ಇದರಿಂದ ಆಕ್ರೋಶಗೊಂಡ ಆ ಐದು ಜನ ಪೊಲೀಸರ ಮೇಲೆ ದಾಳಿ ಮಾಡಿದ್ದಾರೆ. ಆರೋಪಿ ಪೃಥ್ವಿಕ್ ನಾಯ್ಕ ಅವರು ಕೈಯಲ್ಲಿದ್ದ ಚಾಕುವಿನಿಂದ ಕಾನ್‌ಸ್ಟೇಬಲ್ ವಿನಾಯಕ ಶೆಟ್ಟಿ ಅವರ ಎಡ ಅಂಗೈಗೆ ಚುಚ್ಚಿದ್ದಾರೆ. ಇನ್ನೊಬ್ಬ ಆರೋಪಿ ರಾಜು ನಾಯ್ಕ ಅವರು ಹೆಡ್ ಕಾನ್‌ಸ್ಟೇಬಲ್ ಸಂಗಪ್ಪ ಹರಿಜನ ಅವರ ಬಲಗೈ ಮೇಲ್ಭಾಗಕ್ಕೆ ಚಾಕುವಿನಿಂದ ಬಲವಾಗಿ ಇರಿದಿದ್ದಾರೆ. ಅದಾದ ನಂತರ ಆ ಐದು ಜನ ಪೊಲೀಸರಿಗೆ ಬೈದು, ಬಿಳಿ ಬಣ್ಣದ ಶಿಪ್ಟ್ ಕಾರಿನಲ್ಲಿ ಪರಾರಿಯಾಗಿದ್ದಾರೆ. ಈ ಬಗ್ಗೆ ಪೊಲೀಸರು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಆ ಐವರ ವಿರುದ್ಧ ಕೇಸು ದಾಖಲಿಸಿದ್ದಾರೆ.
- [ಯಲ್ಲಾಪುರ | ಮನೆಗೆ ಮರಳಿದ ಮೊಬೈಲ್!](https://mobiletime.in/2026/08/yellapur-mobile-phone-returns-home/): ಕೈ ತಪ್ಪಿ ಹೋದ ಮೊಬೈಲ್ ಮತ್ತೆ ಸಿಗುವುದು ಅಪರೂಪ. ಆದರೆ, ಸದ್ಯದ ತಂತ್ರಜ್ಞಾನದ ಪ್ರಕಾರ ಆ ಮೊಬೈಲ್ ಹುಡುಕುವುದು ಭಾರೀ ಸುಲಭ! ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಳದು ಹೋದ ಮೊಬೈಲ್ ಪೋನ್ ಹುಡುಕಿ ಕೊಡುವಲ್ಲಿ ಪೊಲೀಸರು ಸಾಕಷ್ಟು ಆಸಕ್ತಿವಹಿಸಿದ್ದಾರೆ. ಈ ದಿನ ಯಲ್ಲಾಪುರದಲ್ಲಿಯೇ ಪೊಲೀಸರು 10 ಮೊಬೈಲ್ ಪೋನ್ ಹುಡುಕಿದ್ದಾರೆ. ಆ ಮೊಬೈಲ್ ಫೋನ್ ಮಾಲಕರನ್ನು ಠಾಣೆಗೆ ಕರೆಯಿಸಿ, ಅವರ ಪೋನ್ ಅವರಿಗೆ ಮರಳಿಸಿದ್ದಾರೆ. ಸಾಮಾನ್ಯವಾಗಿ ಎಲ್ಲರ ಮೊಬೈಲ್ ಫೋನುಗಳಲ್ಲಿಯೂ ಅವರದ್ದೇ ಆದ ದಾಖಲೆಗಳಿರಯತ್ತವೆ. ಅನೇಕ ಭಾವನಾತ್ಮಕ ಫೋಟೋ-ವಿಡಿಯೋಗಳಿರುತ್ತವೆ. ಬಾಲ್ಯದ ಪೋಟೀ, ಸ್ನೇಹಿತರ ಜೊತೆಗಿನ ಸಂಭಾಷಣೆಗಳ ಜೊತೆ ಆಪ್ತರು ಹಾಗೂ ತೀರಾ ಅಗತ್ಯವಿರುವವರ ಸಂಪರ್ಕ ವಿವರಗಳು ಸೇವ್ ಆಗಿರುತ್ತದೆ. ಅಂಥ ಸನ್ನಿವೇಶದಲ್ಲಿ ಮೊಬೈಲ್ ಕಾಣೆಯಾದರೆ ಬೇಸರವಾಗುವುದು ಸಹಜ. ಈ ಭಾವನೆಗಳನ್ನು ಅರ್ಥ ಮಾಡಿಕೊಂಡ ಉತ್ತರ ಕನ್ನಡ ಪೊಲೀಸರು ಕಾಣೆಯಾದ ಮೊಬೈಲ್ ಹುಡುಕುವಲ್ಲಿ ಸಾಕಷ್ಟು ಸಾಹಸ ಮಾಡಿದ್ದಾರೆ. ಮೊಬೈಲ್ ಕಳೆದುಕೊಂಡ ಅನೇಕರು ಪೊಲೀಸ್ ಠಾಣೆಗೆ ಹೋಗಿ ದೂರು‌ ನೀಡುತ್ತಿದ್ದು, ಆ ದೂರು ಆಧರಿಸಿ ತನಿಖೆ ಶುರುವಾಗುತ್ತದೆ. ಮೊಬೈಲಿನ IMEI ಸಂಖ್ಯೆ ಆಧರಿಸಿ ಹುಡುಕಾಟ ನಡೆಸಲಾಗುತ್ತದೆ. ವಿವುಧ ತಂತ್ರಜ್ಞಾನಗಳನ್ನು ಆಧರಿಸಿ ಆ ಮೊಬೈಲನ್ನು ಹುಡುಕಲಾಗುತ್ತದೆ. ಕಾಣೆಯಾದ ಮೊಬೈಲ್ ಯಾರ ಬಳಿ ಇದ್ದರೂ ಅವರಿಂದ ಅದನ್ನು ವಶಕ್ಕೆಪಡೆದು ಮೂಲ ಮಾಲಕರಿಗೆ ಮರಳಿಸಲಾಗುತ್ತದೆ. ಅದರಂತೆ, ಯಲ್ಲಾಪುರ ಪೊಲೀಸರು ಈ ದಿನ ಕಳೆದು ಹೋದ 10ಮೊಬೈಲುಗಳ ಶೋಧ ನಡೆಸಿದ್ದು, ಅವುಗಳ ಮಾಲಕರಿಗೆ ಮೊಬೈಲ್ ಮರಳಿಸಿದ್ದಾರೆ. ಕಾಣೆಯಾದ ಮೊಬೈಲ್ ಮರಳಿ ಸಿಕ್ಕ ಖುಷಿಯಲ್ಲಿ ಮಾಲಕರು ಮನೆಗೆ ಮರಳಿದ್ದಾರೆ.  
- [ಶಿರಸಿ | ಕಿರಿ ಮಗನಿಗೆ ಇಲ್ಲ ಅಪ್ಪನ ಆಸ್ತಿ!](https://mobiletime.in/2026/08/sirsi-younger-son-gets-no-share-of-fathers-property/): ವಾನಳ್ಳಿ ಬಳಿಯ ಮಂಜುನಾಥ ಗೌಡ ಅವರು ತಂದೆಯ ಆಸ್ತಿಯಲ್ಲಿ ಪಾಲು ಕೇಳಿ ಪೆಟ್ಟು ತಿಂದಿದ್ದಾರೆ. ಅವರನ್ನು ಹಗ್ಗದಿಂದ ಕಟ್ಟಿದ ತಿಮ್ಮ ಗೌಡ ಹಾಗೂ ಪುಟ್ಟ ಗೌಡ ಅವರು ಬಡಿಗೆಯಿಂದ ಬಡಿದಿದ್ದು, ಆ ನೋವು ಸಹಿಸಲಾಗದೇ ಮಂಜುನಾಥ ಗೌಡ ಅವರು ಮಹಾಲಕ್ಷ್ಮಿ ಆಸ್ಪತ್ರೆ ಸೇರಿದ್ದಾರೆ. ಶಿರಸಿ ವಾನಳ್ಳಿ ಬಳಿಯ ಹಾವಿನಗದ್ದೆಯಲ್ಲಿ ಮಂಜುನಾಥ ಗೌಡ (36) ಅವರು ವಾಸವಾಗಿದ್ದಾರೆ. ಮಂಜುನಾಥ ಗೌಡ ಅವರ ತಂದೆ ಗಣಪತಿ ಗೌಡ ಅವರಿಗೆ ಎರಡು ಪತ್ನಿಯರಿದ್ದು, ಮಂಜುನಾಥ ಗೌಡ ಅವರು ಕಿರಿಯ ಪತ್ನಿಯ ಪುತ್ರರಾಗಿದ್ದಾರೆ. ಗಣಪತಿ ಗೌಡ ಅವರ ಮೊದಲ ಪತ್ನಿಗೆ ಪುಟ್ಟ ಗೌಡ (53) ಹಾಗೂ ತಿಮ್ಮ ಗೌಡ (55) ಎಂಬ ಮಕ್ಕಳಿದ್ದು, ಅವರಿಬ್ಬರಿಗೂ ಗಣಪತಿ ಗೌಡ ಅವರು ತಲಾ 1.15 ಎಕರೆ ಭೂಮಿ ಮಾಡಿಕೊಟ್ಟಿದ್ದಾರೆ. ಎರಡನೇ ಪತ್ನಿಯ ಪುತ್ರ ಮಂಜುನಾಥ ಗೌಡ ಅವರಿಗೆ ಬರೇ 30 ಗುಂಟೆ ಜಮೀನಿದ್ದು, ಸದ್ಯ ಗಣಪತಿ ಗೌಡ ಅವರ ಹೆಸರಿನಲ್ಲಿರುವ 24 ಗುಂಟೆ ಜಮೀನನ್ನು ತಮ್ಮ ಹೆಸರಿಗೆ ಬರೆಯಿಸಿಕೊಳ್ಳಲು ಮಂಜುನಾಥ ಗೌಡ ಅವರು ಚಿಂತನೆ ನಡೆಸಿದ್ದಾರೆ. ಆದರೆ, ಗಣಪತಿ ಗೌಡ ಅವರ ಮೊದಲ ಪತ್ನಿ ಮಕ್ಕಳಿಬ್ಬರು ಇದಕ್ಕೆ ಅಡ್ಡಿಯಾಗಿದ್ದಾರೆ. ಹೇಗಾದರೂ ಮಾಡಿ ಆ 24 ಗುಂಟೆ ಭೂಮಿಯನ್ನು ತಾವೇ ಪಡೆಯಬೇಕು ಎಂದು ತಿಮ್ಮ ಗೌಡ ಹಾಗೂ ಪುಟ್ಟು ಗೌಡ ಸಂಚು ರೂಪಿಸಿದ್ದು, ಗಣಪತಿ ಗೌಡ ಅವರ ಬಳಿ ಮಂಜುನಾಥ ಗೌಡ ಅವರ ವಿರುದ್ಧ ಇಲ್ಲಸಲ್ಲದ ವಿಷಯ ಹೇಳುತ್ತಿದ್ದಾರೆ. `ಮಂಜುನಾಥ ಗೌಡ ಸರಿಯಿಲ್ಲ. ಆತ ಸರಾಯಿ ಕುಡಿಯುತ್ತಾನೆ’ ಎಂದು ಸಹ ಚಾಡಿ ಹೇಳಿದ್ದಾರೆ. ಇದರಿಂದ ಗಣಪತಿ ಗೌಡ ಅವರು ಸಹ ಗೊಂದಲಕ್ಕೀಡಾಗಿದ್ದು, ತಮ್ಮ ಜಮೀನಿನ ಮುಂದಿನ ವಾರಸುದಾರರ ಬಗ್ಗೆ ಸರಿಯಾಗಿ ನಿರ್ಧರಿಸಿಲ್ಲ. ಜುಲೈ 28ರಂದು ಮಂಜುನಾಥ ಗೌಡ ಹಾಗೂ ಅವರ ತಂದೆ ಗಣಪತಿ ಗೌಡ ಅವರು ಮಾತನಾಡುತ್ತಿದ್ದಾಗ ಅಲ್ಲಿಗೆ ತಿಮ್ಮ ಗೌಡ ಹಾಗೂ ಪುಟ್ಟ ಗೌಡ ಅವರು ಬಂದಿದ್ದಾರೆ. ಅವರಿಬ್ಬರು ತಮ್ಮ ತಂದೆ ಗಣಪತಿ ಗೌಡ ಅವರನ್ನು ಉದ್ದೇಶಿಸಿ `ಆತನ ಬಳಿ ಏನು ಮಾತು?’ ಎಂದು ಪ್ರಶ್ನಿಸಿದ್ದಾರೆ. ಆಗ, ಮಂಜುನಾಥ ಗೌಡ ಅವರು `ನೀವಿಬ್ಬರು ಈಗಾಗಲೇ ಜಮೀನಿನಲ್ಲಿ ಜಾಸ್ತಿ ಪಾಲು ಪಡೆದಿದ್ದೀರಾ. ಮತ್ತೆ ಪಾಲು ಸಿಗಲ್ಲ’ ಎಂದಿದ್ದಾರೆ. ಇದರಿಂದ ಕೆರಳಿದ ತಿಮ್ಮಾ ಗೌಡ ಹಾಗೂ ಪುಟ್ಟ ಗೌಡ ಹಗ್ಗ ತಂದು ಮಂಜುನಾಥ ಗೌಡ ಅವರನ್ನು ಕಟ್ಟಿ ಹಾಕಿದ್ದಾರೆ. ನಂತರ ಬಡಿಗೆಯಿಂದ ಬಡೆದಿದ್ದಾರೆ. ಈ ನೋವಿನಿಂದ ಬಳಲಿದ ಮಂಜುನಾಥ ಗೌಡ ಅವರು ಮಹಾಲಕ್ಷ್ಮಿ ಆಸ್ಪತ್ರೆ ಸೇರಿ, ಚಿಕಿತ್ಸೆಪಡೆಯುತ್ತಿದ್ದಾರೆ.
- [ದಾಂಡೇಲಿ | ಆ ಹಾವು ಇದ್ದಿದ್ದೇ 15 ಅಡಿ!](https://mobiletime.in/2026/08/dandeli-that-snake-was-a-full-15-feet-long/): ಮೂಲಂಗಿ ಗ್ರಾಮದಲ್ಲಿ ಈ ದಿನ 15 ಅಡಿಯ ಹೆಬ್ಬಾವು ಕುರಿಯನ್ನು ಹಿಡಿದುಕೊಂಡಿದ್ದು, ಜನ ಆ ಕುರಿ ರಕ್ಷಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಕುರಿಯೂ ಬದುಕಲಿಲ್ಲ. ಹಾವಿಗೂ ಆಹಾರ ಸಿಗಲಿಲ್ಲ! ಮೂಲಂಗಿ ಗ್ರಾಮದಲ್ಲಿ ದೊಡ್ಡ ಹಾವು ಬಂದಿದೆ ಎಂಬ ಸುದ್ದಿ ಎಲ್ಲಡೆ ಹರಡಿತ್ತು. ಆ ಹಾವು ನೋಡಲು ಅನೇಕರು ಜಮಾಯಿಸಿದ್ದರು. ಆದರೆ, ಅಷ್ಟರಲ್ಲಿ ಆ ಹಾವು ಅಲ್ಲಿದ್ದ ಕುರಿಯೊಂದನ್ನು ಅಪ್ಪಿಕೊಂಡಿದ್ದು, ಎಷ್ಟು ಸಾಹಸ ಮಾಡಿದರೂ ಆ ಕುರಿಯನ್ನು ಹಾವಿನಿಂದ ಬಿಡಿಸಲು ಆಗುತ್ತಿರಲಿಲ್ಲ. ಹಾವು ಕುರಿ ನುಂಗಲು ಮುನ್ನುಗ್ಗುತ್ತಿದ್ದು, ಜನ ಸಹ ಹಾವನ್ನು ಕುರಿಯಿಂದ ಬೇರೆ ಮಾಡಲು ಸಾಕಷ್ಟು ಪ್ರಯತ್ನ ಮಾಡಿದ್ದರು. ಆದರೆ, ಕೊನೆಗೆ ಹಾವು ಕುರಿಯಿಂದ ಬೇರೆಯಾಯಿತು. ಆ ಹಗ್ಗ ಜಗ್ಗಾಟದಲ್ಲಿ ಕುರಿಯೂ ಸಾವನಪ್ಪಿತ್ತು. ಅರಣ್ಯ ಇಲಾಖೆಯವರು ಸ್ಥಳಕ್ಕೆ ಆಗಮಿಸಿ ಆ ಹಾವನ್ನು ತಮ್ಮ ವಶಕ್ಕೆಪಡೆದರು. ಉರಗ ತಜ್ಞ ರಾಜಕ್ ಶಾ ಅವರ ಶಿಷ್ಯ ಮಲಿಕ್ ರಿಹಾನ್ ಅವರು ಕಾರ್ಯಾಚರಣೆಗೆ ಕೈ ಜೋಡಿಸಿದರು. ಆ ಹೆಬ್ಬಾವನ್ನು ಅರಣ್ಯಕ್ಕೆ ಕರೆದೊಯ್ದು ಬಿಡಲಾಗಿದ್ದು, ಇದಕ್ಕೂ ಮುನ್ನ ಹಾವಿನ ವಿಶೇಷಗಳ ಬಗ್ಗೆ ಜನರಿಗೆ ಅಲ್ಲಿದ್ದವರು ಅರಿವು ಮೂಡಿಸಿದರು. ಅರಣ್ಯಾಧಿಕಾರಿ ಜಗದೀಶ್, ಪಾರ್ಕ್ ಗಾರ್ಡ್ ದೀಪಕ್ ಸೇರಿ ಇತರರು ಕಾರ್ಯಾಚರಣೆಯಲ್ಲಿದ್ದರು.
- [ಶಿರಸಿ: ಆರೋಗ್ಯ ಅಭಿಯಾನ ನಡೆಸಿದ ಅಸ್ಮಿತೆ  ಫೌಂಡೇಶನ್](https://mobiletime.in/2026/08/sirsi-asmita-foundation-conducts-health-campaign/): `ತoಬಾಕು ಸೇವನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಅಸ್ಮಿತೆ  ಫೌಂಡೇಶನ್ ಜನ ಜಾಗೃತಿ ಕಾರ್ಯ ನಡೆಸುತ್ತಿದ್ದು, ಈ ದಿನ ಡಿವೈಎಸ್ಪಿ ಗೀತಾ ಪಾಟೀಲ್ ಅವರಿಂದ ಅರಿವು ಕಾರ್ಯಕ್ರಮ ನಡೆಸಲಾಗಿದೆ. ಬಿ ಆರ್ ಅಂಬೇಡ್ಕರ್ ಸರ್ಕಾರಿ ಮೆಟ್ರಿಕ್ ಪೂರ್ವ ಬಾಲಕಿಯರ ವಸತಿ ನಿಲಯದ ವಿದ್ಯಾರ್ಥಿಗಳಿಗೆ ಗೀತಾ ಪಾಟೀಲ್ ಅವರು ಪಾಠ ಮಾಡಿದ್ದಾರೆ. ಸಮಾಜ ಕಲ್ಯಾಣ ಇಲಾಖೆ, ಇಂಡಿಯನ್ ಕ್ಯಾನ್ಸರ್ ಸೊಸೈಟಿ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಗ್ರೀನ್ ಕೇರ್ ಸಂಸ್ಥೆ ಹಾಗೂ ಅಸ್ಮಿತೆ ಫೌಂಡೇಶನ್ ಸಹಯೋಗದಲ್ಲಿ ಈ ಕಾರ್ಯಾಗಾರ ನಡೆದಿದ್ದು, `ಒಳ್ಳೆಯ ಹವ್ಯಾಸ, ಉತ್ತಮ ಆರೋಗ್ಯ ಹಾಗೂ ಉನ್ನತ ಗುರಿ ನಮ್ಮನ್ನು ಯಶಸ್ಸಿನತ್ತ ಕೊಂಡೊಯ್ಯುತ್ತವೆ’ ಎಂದು ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಮಕ್ಕಳಿಗೆ ಕಿವಿಮಾತು ಹೇಳಿದ್ದಾರೆ. `ಮಾಜದಲ್ಲಿ ತಂಬಾಕು ಸೇವನೆಯಿಂದ ಉಂಟಾಗುತ್ತಿರುವ ದುಷ್ಪರಿಣಾಮಗಳ ಕುರಿತು ಯುವಜನರಲ್ಲಿ ಜಾಗೃತಿ ಮೂಡಿಸುವುದು ಅತ್ಯಂತ ಅಗತ್ಯವಾಗಿದೆ. ವಿದ್ಯಾರ್ಥಿಗಳು ಆರೋಗ್ಯಕರ ಜೀವನಶೈಲಿಯನ್ನು ಅಳವಡಿಸಿಕೊಂಡು ತಮ್ಮ ಭವಿಷ್ಯದ ಗುರಿಗಳನ್ನು ದೊಡ್ಡದಾಗಿ ಕಾಣಬೇಕು’ ಎಂದವರು ಕರೆ ನೀಡಿದ್ದಾರೆ. `ವಿದ್ಯಾರ್ಥಿ ಜೀವನವು ಭವಿಷ್ಯ ರೂಪಿಸಿಕೊಳ್ಳುವ ಅತ್ಯಂತ ಪ್ರಮುಖ ಹಂತವಾಗಿದ್ದು, ಈ ಸಂದರ್ಭದಲ್ಲಿ ಕೆಟ್ಟ ಚಟಗಳಿಂದ ದೂರವಿರಬೇಕು. ಶಿಕ್ಷಣ, ಆರೋಗ್ಯ ಮತ್ತು ಉತ್ತಮ ಜೀವನದ ಕಡೆಗೆ ಗಮನ ಹರಿಸಬೇಕು. ಜೀವನದಲ್ಲಿ ದೊಡ್ಡ ಕನಸುಗಳನ್ನು ಕಾಣಬೇಕು, ಆ ಕನಸುಗಳನ್ನು ನನಸು ಮಾಡಿಕೊಳ್ಳಲು ನಿರಂತರವಾಗಿ ಪ್ರಯತ್ನಿಸಬೇಕು’ ಎಂದು ಪ್ರೇರಣಾದಾಯಕ ಮಾತುಗಳನ್ನು ಆಡಿದ್ದಾರೆ. ಸಮಾಜ ಕಲ್ಯಾಣ ಇಲಾಖೆಯ ಸಹಾಯಕ ನಿರ್ದೇಶಕ ಬಸವರಾಜ ಬಂಡಿಗೇರ ಅವರು ಮಾತನಾಡಿ `ವಿದ್ಯಾರ್ಥಿಗಳ ಆರೋಗ್ಯವು ಅವರ ಶೈಕ್ಷಣಿಕ ಪ್ರಗತಿ ಮತ್ತು ಭವಿಷ್ಯದ ಯಶಸ್ಸಿಗೆ ಪ್ರಮುಖ ಆಧಾರವಾಗಿದೆ. ಬಾಲ್ಯ ಮತ್ತು ಕಿಶೋರಾವಸ್ಥೆಯಲ್ಲಿಯೇ ಆರೋಗ್ಯದ ಬಗ್ಗೆ ಅರಿವು ಮೂಡಿಸುವ ಇಂತಹ ಕಾರ್ಯಕ್ರಮಗಳು ವಿದ್ಯಾರ್ಥಿಗಳಲ್ಲಿ ಉತ್ತಮ ಆರೋಗ್ಯ ಅಭ್ಯಾಸಗಳನ್ನು ಬೆಳೆಸಲು ಸಹಕಾರಿಯಾಗುತ್ತವೆ’ ಎಂದು ಹೇಳಿದ್ದಾರೆ. ಅಸ್ಮಿತೆ ಫೌಂಡೇಶನ್‌ನ ಕಾರ್ಯನಿರ್ವಾಹಕ ನಿರ್ದೇಶಕ ಡಾ ರಿಯಾಜ್ ಸಾಗರ್ ಅವರು ಇಂಡಿಯನ್ ಕ್ಯಾನ್ಸರ್ ಸೊಸೈಟಿ ಸಹಯೋಗದೊಂದಿಗೆ ನಡೆದ ಜಾಗೃತಿ ಅಧಿವೇಶನದಲ್ಲಿ ತಂಬಾಕು ಸೇವನೆಯಿಂದ ಉಂಟಾಗುವ ವಿವಿಧ ಆರೋಗ್ಯ ಸಮಸ್ಯೆಗಳು ಹಾಗೂ ಕ್ಯಾನ್ಸರ್‌ಗೆ ಇರುವ ಸಂಬAಧದ ಕುರಿತು ವಿದ್ಯಾರ್ಥಿಗಳಿಗೆ ಸಮಗ್ರ ಮಾಹಿತಿ ನೀಡಿದ್ದಾರೆ. ತಂಬಾಕು ಸೇವನೆಯು ದೇಹದ ವಿವಿಧ ಅಂಗಾAಗಗಳ ಮೇಲೆ ಬೀರುವ ದುಷ್ಪರಿಣಾಮಗಳು, ಕ್ಯಾನ್ಸರ್ ಉಂಟಾಗುವ ಅಪಾಯ, ತಂಬಾಕು ವ್ಯಸನಕ್ಕೆ ಒಳಗಾದವರು ತ್ಯಜಿಸಬಹುದಾದ ವಿಧಾನ ಹಾಗೂ ಆರೋಗ್ಯಕರ ಜೀವನಶೈಲಿಯನ್ನು ರೂಢಿಸಿಕೊಳ್ಳುವ ಕುರಿತು ಅವರು ವಿವರಿಸಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಗ್ರೀನ್ ಕೇರ್ ಸಂಸ್ಥೆಯ ಕಾರ್ಯದರ್ಶಿ ಜಿತೇಂದ್ರ ಕುಮಾರ್ ಆರ್ ಎಂ, ಆರೋಗ್ಯ ಇಲಾಖೆಯ ಡಾ ಸ್ಮೃತಿ ಅವರು ಹಾಜರಿದ್ದರು. ಎಲ್ಲಾ ವಿದ್ಯಾರ್ಥಿಗಳ ಆರೋಗ್ಯ ತಪಾಸಣೆಯೂ ನಡೆದಿದ್ದು, ಐಸಿಟಿಸಿ ಕೌನ್ಸೆಲರ್ ಗಿರಿಜಾ ಹೆಗಡೆ ಅವರು ಕಿಶೋರಾವಸ್ಥೆಯಲ್ಲಿ ಎದುರಾಗುವ ಆರೋಗ್ಯ ಸವಾಲುಗಳು ಹಾಗೂ ಇನ್ನಿತರ ವಿಷಯಗಳ ಬಗ್ಗೆ ಅರಿವು ಮೂಡಿಸಿದರು. ಜಾಗೃತಿ ಕಾರ್ಯಕ್ರಮದ ನಂತರ ಎಲ್ಲಾ ವಿದ್ಯಾರ್ಥಿಗಳಿಗೆ ಉಚಿತ ವೈದ್ಯಕೀಯ ತಪಾಸಣೆ ಹಾಗೂ ಹಿಮೋಗ್ಲೋಬಿನ್ ಪರೀಕ್ಷೆ ನಡೆಸಲಾಯಿತು. ಲ್ಯಾಬ್ ಟೆಕ್ನಿಷಿಯನ್ ಮಂಜುನಾಥ ಪಾಟಗಾರ, ಇಂಡಿಯನ್ ಕ್ಯಾನ್ಸರ್ ಸೊಸೈಟಿಯ ಪ್ರಾದೇಶಿಕ ಸಮನ್ವಯಾಧಿಕಾರಿ ರೋಹಿಣಿ ಸೈಲ್, ಗ್ರೀನ್ ಕೇರ್ ಸಂಸ್ಥೆಯ ಅಫ್ಸಾನ, ಅಸ್ಮಿತೆ ಫೌಂಡೇಶನ್ ಸಂಯೋಜಕಿ ಲಕ್ಷ್ಮಿ, ಸೇರಿದಂತೆ ಆರೋಗ್ಯ ಇಲಾಖೆಯ ಸಿಬ್ಬಂದಿಗಳು ಹಾಗೂ ಸಮಾಜ ಕಲ್ಯಾಣ ಇಲಾಖೆಯ ಅಧಿಕಾರಿಗಳು ಉಪಸ್ಥಿತರಿದ್ದರು. ವಸತಿ ನಿಲಯದ ವಾರ್ಡನ್ ನೇತ್ರಾವತಿ ಅವರು ವಿವಿಧ ಜವಾಬ್ದಾರಿ ನಿಭಾಯಿಸಿದರು.
- [ಯಲ್ಲಾಪುರ | ಕೇಬಲ್ ಕಳ್ಳರಿದ್ದಾರೆ.. ಎಚ್ಚರ!](https://mobiletime.in/2026/08/yellapur-cable-thieves-are-around-beware/): ಯಲ್ಲಾಪುರ ತಾಲೂಕಿನಲ್ಲಿ ಕೇಬಲ್ ಕಳ್ಳರ ಕಾಟ ಹೆಚ್ಚಾಗಿದೆ. ಕಂಡ ಕಂಡ ಕೇಬಲುಗಳಿಗೆಲ್ಲ ಕಳ್ಳರು ಕೈ ಹಾಕುತ್ತಿದ್ದಾರೆ. ಉಮ್ಮಚ್ಗಿ ಬಳಿಯ ಕೋಟೆಮನೆ ಬಳಿ ಮೂರು ದಿನದ ಹಿಂದೆ ಬಿಎಸ್‌ಎನ್‌ಎಲ್ ಕೇಬಲ್ ಕಳ್ಳರ ಪಾಲಾಗಿತ್ತು. ಸದ್ಯ ಉಮ್ಮಚ್ಗಿಯ ಸುರಬೈಲ್ ಗ್ರಾಮದ ಸಿದ್ದಿ ಕಾಲೋನಿಯ ಬೋರ್‌ವೆಲ್’ಗೆ ಅಳವಡಿಸಿದ್ದ ಕೇಬಲ್ ಕಳ್ಳರ ಪಾಲಾಗಿದೆ. ಸಣ್ಣಪುಟ್ಟ ಕೇಬಲ್ ಜೊತೆ ಲಕ್ಷಾಂತರ ಮೌಲ್ಯದ ಕೇಬಲ್ ಸಹ ಕಳ್ಳರ ಪಾಲಾಗುತ್ತಿರುವುದರಿಂದ ಸಾರ್ವಜನಿಕರಿಗೆ ಸಮಸ್ಯೆ ಆಗುತ್ತಿದೆ. ರಾತ್ರಿ ವೇಳೆ ಕೋಟೆಮನೆ ಬಳಿ ಕೇಬಲ್ ಕದ್ದದ್ದು ಪರಾರಿಯಾಗುತ್ತಿದ್ದ ಕೆಲವರನ್ನು ಊರಿನವರು ಹಿಡಿದಿದ್ದರು. ವಾಹನವೊಂದರಲ್ಲಿ ಕೇಬಲ್ ಒಯ್ಯುತ್ತಿರುವವರನ್ನು ಅಡ್ಡ ಹಾಕಿದಾಗ ಅವರು ಕ್ಷಮೆ ಕೋರಿದ್ದರು. ಆಗ, ಊರಿನವರು ಕಳ್ಳರ ವಿಡಿಯೋ ಮಾಡಿ, ನಂತರ ಅವರನ್ನು ಬಿಟ್ಟು ಕಳುಹಿಸಿದ್ದರು. ಅದರ ಬೆನ್ನಲ್ಲೆ ಇದೀಗ ಮತ್ತೊಂದು ಕೇಬಲ್ ಕಳ್ಳತನ ನಡೆದಿದ್ದು, ಸಾರ್ವಜನಿಕರಿಗೆ ನೀರು ಸರಬರಾಜು ಮಾಡುವ ಬೋರ್‌ವೆಲ್ ಕೇಬಲ್ ಕಳ್ಳತನದ ಬಗ್ಗೆ ಗ್ರಾಮ ಪಂಚಾಯತದವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. `ಮಾಡಲು ಕೆಲಸವಿಲ್ಲದ ಕೆಲ ಕಿಡಿಗೇಡಿಗಳು ಪುಡಿಗಾಸಿಗಾಗಿ ಇಂಥ ಕಳ್ಳತನ ಮಾಡುತ್ತಿದ್ದಾರೆ. ಮೊದಲು ಸಣ್ಣಪುಟ್ಟ ಕಳ್ಳತನ ಮಾಡಿದವರನ್ನು ಜನ ಕ್ಷಮಿಸಿ, ಕ್ಷಮಿಸಿ ಇದೀಗ ಅವರೇ ದೊಡ್ಡ ಕಳ್ಳತನದ ಸಾಹಸ ಮಾಡುವ ಸಾಧ್ಯತೆಯಿದೆ. ಹೀಗಾಗಿ ಜನ ಜೀವನಕ್ಕೆ ಸಮಸ್ಯೆ ಮಾಡುವವರಿಗೆ ಸರಿಯಾಗಿ ಶಿಕ್ಷಿಸಬೇಕು’ ಎಂದು ಅಲ್ಲಿನವರು ಹೇಳಿದ್ದಾರೆ.
- [ಅರಣ್ಯ ಹಕ್ಕು: ಅನುಷ್ಠಾನಕ್ಕಾಗಿ ಶಾಸಕರಿಗೆ ಪತ್ರ](https://mobiletime.in/2026/08/forest-rights-letter-to-mlas-regarding-implementation/): `ಅರಣ್ಯ ಹಕ್ಕು ಕಾಯ್ದೆಯನ್ನು ಪರಿಣಾಮಕಾರಿಯಾಗಿ ಅನುಷ್ಠಾನಗೊಳಿಸಿ ಭೂಮಿ ಸಾಗುವಳಿದಾರರಿಗೆ ಅಧಿಭೋಗದ ಹಕ್ಕು ನೀಡಬೇಕು’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟ ಸಂಘಟನೆಗಳ ರಾಜ್ಯ ಒಕ್ಕೂಟ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರು ಪತ್ರ ಬರೆದಿದ್ದಾರೆ. ಆ ಪತ್ರವನ್ನು ಅವರು ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಶಾಸಕರಿಗೂ ಕಳುಹಿಸಿದ್ದು, ತಮ್ಮ ಬೇಡಿಕೆ ಈಡೇರಿಸುವಂತೆ ಆಗ್ರಹಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಅರಣ್ಯ ಭೂಮಿ ಸಾಗುವಳಿದಾರರ ಪ್ರಮುಖ ಸಮಸ್ಯೆಯನ್ನು ಎಲ್ಲರೂ ಸೇರಿ ಬಗೆಹರಿಸಬೇಕು. ಅರ್ಹರು ಅರಣ್ಯ ಭೂಮಿಯ ಅಧಿಭೋಗದ ಹಕ್ಕಿನಿಂದ ವಂಚಿತರಾಗದoತೆ ನೋಡಿಕೊಳ್ಳಬೇಕು. ಆ ನಿಟ್ಟಿನಲ್ಲಿ ಅರಣ್ಯ ಭೂಮಿ ಹಕ್ಕು ಹೋರಾಟ ಪ್ರಮುಖರೊಂದಿಗೆ ಜಿಲ್ಲೆಯ ಶಾಸಕರ ಉಪಸ್ಥಿತಿಯಲ್ಲಿ ಉನ್ನತಾಧಿಕಾರ ಮಟ್ಟದ ಸಂವಾದ ಸಭೆ ನಡೆಸಬೇಕು. ಜಿಲ್ಲೆಯ ಜ್ವಲಂತ ಸಮಸ್ಯೆಯಾಗಿರುವ ಕಾರಣ ಅದನ್ನು ಬಗೆಹರಿಸಿ ಪರಿಣಾಮಕಾರಿಯಾಗಿ ಅನುಷ್ಠಾನಗೊಳಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ರಾಜ್ಯದ ಮುಖ್ಯ ಕಾರ್ಯದರ್ಶಿಗಳ ನಿರ್ದೇಶನದ ಪ್ರಕಾರ ತಿರಸ್ಕೃತಗೊಂಡಿರುವ ಎಲ್ಲ ಅರ್ಜಿಗಳನ್ನು ಪುನರ್ ಪರಿಶೀಲಿಸಲು ಹಾಗೂ ಎಲ್ಲ ಪ್ರಕರಣಗಳಲ್ಲಿ ಜಿಪಿಎಸ್ ಸರ್ವೆಸಹಿತ ಸ್ಥಳದಲ್ಲಿನ ಸಾಂದರ್ಭಿಕ ಸಾಕ್ಷ್ಯಗಳನ್ನು ಮಹಜರು ಪ್ರಕ್ರಿಯೆಯಿಂದ ದೃಢೀಕರಿಸಿ ಅದನ್ನು ಪುರಾವೆಯನ್ನಾಗಿ ಪರಿಗಣಿಸಿ ಅರ್ಹರಿಗೆ ಭೂಮಿಯ ಅಧಿಭೋಗದ ಹಕ್ಕು ನೀಡಲು ಉಪವಿಭಾಗೀಯ ಮಟ್ಟದ ಅರಣ್ಯ ಹಕ್ಕು ಸಮಿತಿಗಳ ಮೂಲಕ ಕ್ರಮ ಆಗಬೇಕು. ಈ ದಿಶೆಯಲ್ಲಿ ಅಪೂರ್ಣಗೊಂಡಿರುವ ಸ್ಥಳ ಮಹಜರು ಪ್ರಕ್ರಿಯೆಯನ್ನು ನಡೆಸಲು ಕ್ರಮಗಳು ಆಗಬೇಕು. ಜಿಲ್ಲೆಯಲ್ಲಿ ಪ್ರತಿಶತ 90ರಷ್ಟು ಅರಣ್ಯ ಹಕ್ಕು ಪ್ರಕರಣಗಳಲ್ಲಿ ಸ್ಥಳ ಮಹಜರು ನಡೆಸುವದು ಬಾಕಿ ಇದ್ದು ಎಲ್ಲ ಕ್ಷೇಮುಗಳಲ್ಲಿ ಅಲ್ಲಿನ ಸಾಗುವಳಿದಾರರನ್ನು ವಿಶ್ವಾಸಕ್ಕೆ ಪಡೆದು ಅವರ ಸಾಗುವಳಿ ಸ್ಥಳದ ಜಿಪಿಎಸ್ ಸರ್ವೆ ಸಹಿತ ಸ್ಥಳ ಮಹಜರು ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ ಅರಣ್ಯ ಹಕ್ಕು ಕ್ಷೇಮುಗಳ ಪುನರಪರಿಶೀಲನೆಯಿಂದ 2005ರ ಪೂರ್ವದ ಅರಣ್ಯ ಭೂಮಿ ಸಾಗುವಳಿದಾರರಿಗೆ ಭೂಮಿಯ ಅಧಿಭೋಗದ ಹಕ್ಕು ನೀಡಲು ಪರಿಗಣಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. ಈ ಕುರಿತು ಜಿಲ್ಲಾಡಳಿತಕ್ಕೂ ಅವರು ಮನವಿ ಸಲ್ಲಿಸಿದ್ದಾರೆ.
- [ಹೊನ್ನಾವರ | ಸಹಾಯ ಮಾಡಲು ಬಂದವನಿoದ ಸಂಕಷ್ಟ: ಅಪರಿಚಿತನಿಂದ ಆದ ಅಪಾಯ!](https://mobiletime.in/2026/08/honnavar-trouble-caused-by-a-would-be-helper-danger-posed-by-a-stranger/): ಅರ್ಬನ್ ಬ್ಯಾಂಕಿನಲ್ಲಿ ಚಿನ್ನ ಅಡವಿಟ್ಟು 1.50 ಲಕ್ಷ ರೂ ಸಾಲ ಮಾಡಿ ಮನೆಗೆ ಮರಳುತ್ತಿದ್ದ ಶಂಕರ್ ನಾಯ್ಕ ಅವರನ್ನು ಅಪರಿಚಿತರೊಬ್ಬರು ಮಾತನಾಡಿಸಿದ್ದು, ಅವರ ಸ್ನೇಹ ಬೆಳಸಿದ ಪರಿಣಾಮ ಶಂಕರ ನಾಯ್ಕ ಅವರು ಹಣ ಕಳೆದುಕೊಂಡಿದ್ದಾರೆ. ಸಹಾಯ ಮಾಡುವುದಾಗಿ ನಂಬಿಸಿದ ಆ ಅಪರಿಚಿತ ಶಂಕರ ನಾಯ್ಕ ಅವರನ್ನು ತಮ್ಮ ಬೈಕಿನಲ್ಲಿ ಕರೆದುಕೊಂಡು ಹೋಗಿದ್ದು, ಹಣ ಕಸಿದು ಪರಾರಿಯಾಗಿದ್ದಾರೆ. ಹೊನ್ನಾವರದ ವಂದೂರು ಬಳಿಯ ದುಗ್ಗೂರಿನಲ್ಲಿ ಶಂಕರ ವಿಠೋಬ ನಾಯ್ಕ ಅವರು ವಾಸವಾಗಿದ್ದಾರೆ. 58 ವರ್ಷದ ಅವರು ಅಗಸ್ಟ 7ರ ಬೆಳಗ್ಗೆ ಮನೆಯಿಂದ ಹೊರಟಿದ್ದಾರೆ. ಹೊನ್ನಾವರ ಅರ್ಬನ್ ಬ್ಯಾಂಕಿಗೆ ಬಂದ ಅವರು ತಮ್ಮ ಬಳಿಯಿದ್ದ ಬಂಗಾರದ ಸರ ಅಡವಿಟ್ಟು 1.50 ಲಕ್ಷ ರೂ ಸಾಲ ಮಾಡಿದ್ದಾರೆ. ಅದರಲ್ಲಿ ಆ ದಿನದ ಖರ್ಚಿಗಾಗಿ 3500ರೂ ಮೇಲಿನ ಕಿಸೆಯಲ್ಲಿರಿಸಿಕೊಂಡು ಪೇಟೆ ಕಡೆ ಹೊರಟಿದ್ದಾರೆ. ಈ ವೇಳೆ ಅಪರಿಚಿತ ವ್ಯಕ್ತಿಯೊಬ್ಬರು ಶಂಕರ ನಾಯ್ಕ ಅವರನ್ನು ಮಾತನಾಡಿಸಿದ್ದಾರೆ. ಬಸ್ ನಿಲ್ದಾಣದ ಕಡೆಯಿಂದ ಬಂದ ಆ ಅಪರಿಚಿತ ನಡೆದು ಹೋಗುತ್ತಿದ್ದ ಶಂಕರ್ ನಾಯ್ಕ ಅವರಿಗೆ `ಬಾ ಅಣ್ಣ ಡ್ರಾಪ್ ಕೊಡುವೆ’ ಎಂದು ಕರೆದಿದ್ದಾರೆ. `ನಿನ್ನ ಪರಿಚಯ ಇಲ್ಲ. ನಾ ಬರಲ್ಲ’ ಎಂದು ಶಂಕರ ನಾಯ್ಕ ಅವರು ಹೇಳಿದ್ದಾರೆ. `ನನಗೆ ನಿಮ್ಮ ಪರಿಚಯ ಇದೆ, ಬನ್ನಿ’ ಎಂದು ಕರೆದಿದ್ದಾರೆ. ಅವರ ಆಮಂತ್ರಣದ ಮೇರೆಗೆ ಶಂಕರ ನಾಯ್ಕ ಅವರು ಆ ಬೈಕ್ ಏರಿದ್ದು, ಕೆಲ ದೂರ ಕ್ರಮಿಸಿದ ನಂತರ `ನನಗೆ ಹಣ ಕೊಡಬೇಕು’ ಎಂದು ಆ ಅಪರಿಚಿತ ತಾಕೀತು ಮಾಡಿದ್ದಾರೆ. `ಹಣ ಕೊಡುವುದಿಲ್ಲ’ ಎಂದು ಶಂಕರ್ ನಾಯ್ಕ ಅವರು ಹೇಳಿದಾಗ `ಬೈಕಿನಿಂದ ಬೀಳಿಸಿ ಸಾಯಿಸಿಬಿಡುವೆ’ ಎಂದು ಆ ಅಪರಿಚಿತ ಹೇಳಿದ್ದಾರೆ. ಭಯಗೊಂಡ ಶಂಕರ ನಾಯ್ಕ ಅವರು ಬೈಕ್ ನಿಲ್ಲಿಸುವಂತೆ ಸೂಚಿಸಿದಾಗ ಬೈಕ್ ನಿಲ್ಲಿಸಿದ ಅಪರಿಚಿತ, ಕಿಸೆಯಲ್ಲಿದ್ದ 3500ರೂ ಕಿತ್ತು ಪರಾರಿಯಾಗಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಶಂಕರ ನಾಯ್ಕ ಅವರು ಪೊಲೀಸರಿಗೆ ದೂರಿ, ಪ್ರಕರಣ ದಾಖಲಿಸಿದ್ದಾರೆ.
- [ಕುಮಟಾ | ಕಟ್ಟಡದಿಂದ ಬಿದ್ದ ಕಾರ್ಮಿಕ: ಸಾವು!](https://mobiletime.in/2026/08/kumta-worker-falls-from-building-dies/): ಬಗ್ಗೋಣ ಕ್ರಾಸಿನ ಬಳಿಯಿರುವ ಇನ್ಪಿನಿಟಿ ಪಾರ್ಕ ವಿವ್ ಪ್ರೋಜೆಕ್ಟ್’ನ ಅಪಾರ್ಟಮೆಂಟ್ ಕಟ್ಟಡದಿಂದ ಕಾರ್ಮಿಕರೊಬ್ಬರು ಕೆಳಗೆ ಬಿದ್ದಿದ್ದು, ಗಂಭೀರ ಗಾಯಗೊಂಡ ಅವರನ್ನು ಆಸ್ಪತ್ರೆಗೆ ಸಾಗಿಸಿದರೂ ಪ್ರಯೋಜನವಾಗಿಲ್ಲ. ಕುಮಟಾದ ಬಗ್ಗೋಣ ಕ್ರಾಸಿನ ಬಳಿ ಇನ್ಪಿನಿಟಿ ಪಾರ್ಕ ವಿವ್ ಪ್ರೋಜೆಕ್ಟ್ ಅವರ ಕಟ್ಟಡ ನಿರ್ಮಾಣ ಕಾಮಗಾರಿ ನಡೆಯುತ್ತಿದೆ. ಹುಬ್ಬಳ್ಳಿಯ ಇನ್ಪಿನಿಟಿ ಪಾರ್ಕ ವಿವ್ ಪ್ರೋಜೆಕ್ಟ್’ನ ಮಂಜುನಾಥ ಹೆಗಡೆ ಅವರು ಅಲ್ಲಿ 2&3 ಬಿ ಎಚ್ ಕೆ ಅಪಾರ್ಟಮೆಂಟ್ ನಿರ್ಮಿಸುತ್ತಿದ್ದಾರೆ. ಇದಕ್ಕೆ ಕುಮಟಾದ ಗಣಪತಿ ಮುಕ್ರಿ ಅವರನ್ನು ಮೇಸ್ತಿçಯಾಗಿ ನೇಮಿಸಿಕೊಂಡಿದ್ದಾರೆ. ಮಂಜುನಾಥ ಹೆಗಡೆ ಹಾಗೂ ಗಣಪತಿ ಮುಕ್ರಿ ಅವರು ಸೇರಿ ಕಲಘಟಕಿಯ ರವಿ ಬಸಪ್ಪ ಕೆಳಗಿನಮನಿ ಅವರಿಗೆ ಉದ್ಯೋಗ ನೀಡಿದ್ದು, ಅವರು ಅಲ್ಲಿ ಗಾರೆ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಕಾರ್ಮಿಕ ರವಿ ಕೆಳಗಿನಮನಿ ಅವರು ಆ ಕಟ್ಟಡದಲ್ಲಿಯೇ ರಾತ್ರಿ ತಂಗುತ್ತಿದ್ದರು. ನಿರ್ಮಾಣ ಹಂತದ ಕಟ್ಟಡದಲ್ಲಿ ಕಾರ್ಮಿಕ ತಂಗುತ್ತಿದ್ದರೂ ಅಲ್ಲಿ ಸುರಕ್ಷತೆ ಕಲ್ಪಿಸಿರಲಿಲ್ಲ. ಕಾರ್ಮಿಕರ ವಸತಿಗೆ ಬೇರೆ ಕಡೆ ಜಾಗವನ್ನು ಕೊಟ್ಟಿರಲಿಲ್ಲ. ಹೀಗಿರುವಾಗ ಅಗಸ್ಟ 5ರ ರಾತ್ರಿ ಅಲ್ಲಿ ತಂಗಿದ್ದ ರವಿ ಕೆಳಗಿನಮನಿ ಅವರು ಕಟ್ಟಡದಿಂದ ಜಾರಿ ನೆಲಕ್ಕೆ ಬಿದ್ದರು. ತಲೆ ಹಾಗೂ ಮೈಗೆ ಪೆಟ್ಟಾದ ಅವರನ್ನು ಕುಮಟಾ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಕೊಡಿಸಿ, ನಂತರ ಹುಬ್ಬಳ್ಳಿ ಕೆ ಎಂ ಸಿ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಅಲ್ಲಿಯೂ ಚಿಕಿತ್ಸೆ ಫಲಕಾರಿಯಾಗದೇ ಅವರು ಸಾವನಪ್ಪಿದರು.
- [ಉಸ್ತುವಾರಿ ಸಚಿವ ಸ್ಥಾನ: ಉತ್ತರ ಕನ್ನಡಕ್ಕೆ ಅನ್ಯಾಯ-ಅಸಮಧಾನ!](https://mobiletime.in/2026/08/in-charge-minister-post-injustice-to-uttara-kannada-dissatisfaction/): `ಮಂಕಾಳ ವೈದ್ಯರಿಗೆ ಸರ್ಕಾರ ಸಚಿವ ಸ್ಥಾನ ಕೊಟ್ಟು ನಂತರ ಕಸಿದುಕೊಂಡಿರುವುದು ಸರಿಯಾದ ಕ್ರಮವಲ್ಲ’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಹೇಳಿದ್ದಾರೆ. ಜಿಲ್ಲೆಯಲ್ಲಿ ಬೇರೆ ಶಾಸಕರಿದ್ದರೂ ಅವರನ್ನು ಬಿಟ್ಟು ಹೊರ ಜಿಲ್ಲೆಯವರಿಗೆ ಉಸ್ತುವಾರಿ ಸಚಿವ ಸ್ಥಾನ ನೀಡಿದನ್ನು ಅವರು ಖಂಡಿಸಿದ್ದಾರೆ. `ಉತ್ತರ ಕನ್ನಡದ ಜಾತಿವಾರು ಲೆಕ್ಕಾಚಾರದಲ್ಲಿ ಭೀಮಣ್ಣ ನಾಯ್ಕ, ದೀರ್ಘ ರಾಜಕೀಯ ಅನುಭವ ಹೊಂದಿರುವ ಹಿರಿಯರಾದ ಆರ್ ವಿ ದೇಶಪಾಂಡೆ, ಸುಶಿಕ್ಷಿತ ನಾಯಕರಾದ ಸತೀಶ್ ಸೈಲ್ ಅವರಂತಹ ಸಮರ್ಥ ಶಾಸಕರಿದ್ದಾರೆ. ಮಂಕಾಳು ವೈದ್ಯ ಅವರು ಸಮರ್ಥತೆ ಬಗ್ಗೆ ಸರ್ಕಾರ ತೀರ್ಮಾನಿಸಿದರೂ, ಉಳಿದವರನ್ನು ಕಡೆಗಣಿಸಿದ್ದು ಸರಿಯಲ್ಲ’ ಎಂದವರು ಹೇಳಿದ್ದಾರೆ. `ಉತ್ತರ ಕನ್ನಡವು ಸೂಕ್ಷ್ಮ ಗಡಿ ಜಿಲ್ಲೆಯಾಗಿದ್ದು, ಭಾಷಾ ಸಮಸ್ಯೆಗಳು, ಕೈಗಾರಿಕೆಗಳ ಕೊರತೆ, ಉದ್ಯೋಗ ಸೃಷ್ಟಿಯ ತುರ್ತು, ಪದೇ ಪದೇ ಎದುರಾಗುವ ಅತಿವೃಷ್ಟಿ ನಿರ್ವಹಣೆ, ಸುಸಜ್ಜಿತ ವೈದ್ಯಕೀಯ ಸೌಲಭ್ಯಗಳ ಅಭಾವ ಮತ್ತು ಗುಡ್ಡಗಾಡು ಪ್ರದೇಶಗಳ ಶಿಕ್ಷಣ ಹಾಗೂ ಮೂಲಸೌಕರ್ಯದಂತಹ ಜ್ವಲಂತ ಸಮಸ್ಯೆಗಳನ್ನು ಎದುರಿಸುತ್ತಿದೆ. ಈ ಎಲ್ಲಾ ಸೂಕ್ಷ್ಮ ವಿಷಯಗಳ ಅರಿವಿರುವ ಸ್ಥಳೀಯ ಶಾಸಕರಿಗೆ ಸಚಿವ ಸ್ಥಾನ ಕೊಡದೆ ಬೆಳಗಾವಿ ಜಿಲ್ಲೆಯವರಿಗೆ ಉಸ್ತುವಾರಿ ನೀಡಿದರೆ ಜಿಲ್ಲೆಯ ಅಭಿವೃದ್ಧಿ ಹೇಗೆ ಸಾಧ್ಯ?’ ಎಂದು ಪ್ರಶ್ನಿಸಿದ್ದಾರೆ. `ಒಂದು ವೇಳೆ ನಮ್ಮ ಜಿಲ್ಲೆಯ ಶಾಸಕರನ್ನು ಸಚಿವರನ್ನಾಗಿ ಮಾಡಿ ಬೆಳಗಾವಿಗೆ ಉಸ್ತುವಾರಿಯನ್ನಾಗಿ ನೇಮಿಸಿದರೆ ಅಲ್ಲಿಯವರು ಒಪ್ಪುತ್ತಾರೆಯೇ? ಉತ್ತರ ಕನ್ನಡ ಶಾಂತಿಯುತ ಜಿಲ್ಲೆ ಎನ್ನುವ ಏಕೈಕ ಕಾರಣಕ್ಕೆ ಪ್ರತಿಯೊಂದು ಹಂತದಲ್ಲೂ ವಂಚನೆಗೊಳಗಾಗುತ್ತಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. `ಇತ್ತೀಚೆಗೆ ಕಾರವಾರ ಶಾಸಕ ಸತೀಶ್ ಸೈಲ್ ಅವರು ನಮ್ಮಲ್ಲಿ ಒಗ್ಗಟ್ಟಿಲ್ಲ ಎಂದು ಮಾಧ್ಯಮಗಳ ಮುಂದೆ ಹೇಳಿದ್ದು ಸಂಪೂರ್ಣ ನಿಜವಾಗಿದೆ. ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಅಭಿವೃದ್ಧಿ ವಿಷಯ ಬಂದಾಗ ಎಲ್ಲರೂ ಒಗ್ಗಟ್ಟು ಪ್ರದರ್ಶಿಸುತ್ತಾರೆ. ಆದರೆ ನಮ್ಮ ಜಿಲ್ಲೆಯಲ್ಲಿ ನಮ್ಮವರೇ ನಮ್ಮವರ ಕಾಲೆಳೆಯುವ ಸಂಸ್ಕೃತಿ ಬೆಳೆದಿದೆ. ಸರ್ಕಾರ ತಕ್ಷಣವೇ ಈ ತಾರತಮ್ಯವನ್ನು ಸರಿಪಡಿಸಿ ಸ್ಥಳೀಯ ಶಾಸಕರಿಗೆ ಸಚಿವ ಸ್ಥಾನ ಹಾಗೂ ಉಸ್ತುವಾರಿ ಜವಾಬ್ದಾರಿಯನ್ನು ನೀಡಬೇಕು’ ಎಂದು ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ.  
- [ಉತ್ತರ ಕನ್ನಡ | ಕೋರ್ಟಿನ ಕೆಲಸಕ್ಕೆ ಅರ್ಜಿ ಆಹ್ವಾನ: 78 ಹುದ್ದೆಗಳಿಗೆ ಸಂದರ್ಶನ!](https://mobiletime.in/2026/08/uttara-kannada-applications-invited-for-court-jobs-interviews-for-78-posts/): ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕೋರ್ಟುಗಳಲ್ಲಿ ಒಟ್ಟು 78 ಹುದ್ದೆಗಳು ಖಾಲಿ ಇದ್ದು, ಅದಕ್ಕೆ ಅರ್ಹರ ಹುಡುಕಾಟ ನಡೆದಿದೆ. ಆ ಹುದ್ದೆ ಭರ್ತಿ ಮಾಡಿಕೊಳ್ಳುವುದಕ್ಕಾಗಿ ಆನ್‌ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ. ಸದ್ಯ ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕೋರ್ಟುಗಳಲ್ಲಿ 13 ಆದೇಶ ಜಾರಿಕಾರರು ಹಾಗೂ 65 ಜವಾನ ಹುದ್ದೆ ಖಾಲಿ ಇದೆ. ಆದೇಶ ಜಾರಿಕಾರರಿಗೆ 31775ರಿಂದ 61300ರವರೆಗಿನ ವೇತನ ಶ್ರೇಣಿಯಿದೆ. ಜವಾನರಿಗೆ 27000ರಿಂದ 46675ರವರೆಗಿನ ವೇತನ ಶ್ರೇಣಿಯಿದೆ. ಈ ಎರಡು ಹುದ್ದೆಗಳಿಗೆ SSLC ಪಾಸಾದವರು ಅರ್ಜಿ ಸಲ್ಲಿಸುವ ಅವಕಾಶ ನೀಡಲಾಗಿದೆ. 2026ರ ಸೆಪ್ಟೆಂಬರ್ 16ಕ್ಕೆ ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿದೆ. ಭಾರೀ ಹಾಗೂ ಹಗುರ ವಾಹನ ಓಡಿಸಲು ಬರುವವರಿಗೆ ಹಾಗೂ ಲೈಸನ್ಸಹೊಂದಿದವರಿಗೆ ಆದೇಶ ಜಾರಿಕಾರರು ಹುದ್ದೆಯಲ್ಲಿ ಆದ್ಯತೆ ನೀಡಲಾಗುತ್ತದೆ. ಜವಾನ ಹುದ್ದೆಗೆ ಸಹ ಎಸ್ ಎಸ್ ಎಲ್ ಸಿ ಪರೀಕ್ಷೆ ಪಾಸಾಗಿರಬೇಕು. ಜೊತೆಗೆ ಕನ್ನಡ ಭಾಷೆ ಗೊತ್ತಿರಬೇಕು ಎಂಬ ನಿಯಮವಿದೆ. ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ 40 ವರ್ಷ ಹಾಗೂ ಪ್ರವರ್ಗದ ಅಭ್ಯರ್ಥಿಗಳಿಗೆ 43 ವರ್ಷದ ವಯೋಮಿತಿ ಇದೆ. ಪರಿಶಿಷ್ಟ ಜಾತಿ ಹಾಗೂ ಪಂಗಡದ ಅಭ್ಯರ್ಥಿಗಳ ವಯಸ್ಸು 45 ವರ್ಷ ಮೀರಿರಬಾರದು ಎಂದು ನೇಮಕಾತಿ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಗ್ರಾಮೀಣ ಅಭ್ಯರ್ಥಿ, ಅಂಗವಿಕಲರು, ಯೋಜನಾ ನಿರಾಶ್ರಿತರು, ಮಾಜಿ ಸೈನಿಕರಿಗೆ ಕೆಲ ನಿಯಮಗಳಲ್ಲಿ ಸಡಲಿಕೆಗಳಿವೆ. ಆಯ್ಕೆಯಾದ ಅಭ್ಯರ್ಥಿಗಳು ಎರಡು ವರ್ಷದವರೆಗೆ ಪರಿವೀಕ್ಷಣಾರ್ಥಿಯಾಗಿ ಸೇವೆ ಸಲ್ಲಿಸಬೇಕಾಗುತ್ತದೆ. ಅಗತ್ಯಬಿದ್ದರೆ ಅದನ್ನು ವಿಸ್ತರಿಸುವ ಸಾಧ್ಯತೆಯೂ ಇದೆ. ಶೈಕ್ಷಣಿಕ ಆಧಾರದ ಅಂಕಗಳ ಆಧಾರದಲ್ಲಿ ಅಭ್ಯರ್ಥಿ ಆಯ್ಕೆ ನಡೆಯುತ್ತದೆ. ಆದೇಶ ಜಾರಿಕಾರರು ಹುದ್ದೆಗೆ 1 ಹುದ್ದೆಗೆ 25 ಅಭ್ಯರ್ಥಿಗಳಂತೆ 1.25ರ ಅನುಪಾತದಲ್ಲಿ ಸಂದರ್ಶನ ನಡೆಸಲಾಗುತ್ತದೆ. ಸಂದರ್ಶನಕ್ಕೆ ಒಟ್ಟು 10 ಅಂಕಗಳಿವೆ. ಜವಾನ ಹುದ್ದೆಗೆ 1 ಹುದ್ದೆಗೆ 10 ಅಭ್ಯರ್ಥಿಗಳ ಹಾಗೇ ಸಂದರ್ಶನ ನಡೆಸಲಾಗುತ್ತದೆ. ಇಲ್ಲಿಯೂ ಸಂದರ್ಶನದಲ್ಲಿ 10 ಅಂಕಗಳಿವೆ. ಸಾಮಾನ್ಯ ವರ್ಗದವರಿಗೆ 300ರೂ ಅರ್ಜಿ ಶುಲ್ಕವಿದೆ. ಶುಲ್ಕವನ್ನು ಸಹ ಆನ್‌ಲೈನ್ ಮೂಲಕವೇ ಪಾವತಿಸಬೇಕಿದೆ. ಪರಿಶಿಷ್ಟ ಪಂಗಡ, ಪರಿಶಿಷ್ಟ ಜಾತಿ ಹಾಗೂ ಅಂಗವಿಕಲರಿಗೆ ಶುಲ್ಕದಲ್ಲಿ ವಿನಾಯತಿ ನೀಡಲಾಗಿದೆ. ಕರ್ನಾಟಕ ಅಧೀನ ನ್ಯಾಯಾಲಯಗಳ (ಲಿಪಿಕ ಮತ್ತು ಇತರ ಹುದ್ದೆಗಳು) (ನೇಮಕಾತಿ) ನಿಯಮಗಳು 1982 ಹಾಗೂ ತಿದ್ದುಪಡಿ ನಿಯಮಗಳು 2007 ಮತ್ತು 2021ರ ಪ್ರಕಾರವೇ ಈ ನೇಮಕಾತಿ ನಡೆಯಲಿದೆ. ನೇಮಕಾತಿ ಅಧಿಸೂಚನೆಯನ್ನು ಇಲ್ಲಿ ಡೌನ್ಲೋಡ್ ಮಾಡಿಕೊಳ್ಳಿ `ಕೋರ್ಟಿನಲ್ಲಿ ಉದ್ಯೋಗವಕಾಶ’
- [ಯಲ್ಲಾಪುರ | ಹೈಕೋರ್ಟ ಆದೇಶ ಉಲ್ಲಂಘನೆ: ದೂರು!](https://mobiletime.in/2026/08/yellapur-violation-of-high-court-order-complaint-filed/): ಧಾರವಾಡ ಉಚ್ಛ ನ್ಯಾಯಾಲಯದ ಆದೇಶ ಪಾಲನೆ ಮಾಡದ ಕಂದಾಯ ಅಧಿಕಾರಿಗಳ ವಿರುದ್ಧ ನ್ಯಾಯವಾದಿಯೊಬ್ಬರು ನ್ಯಾಯಾಂಗ ನಿಂದನೆ ಅರ್ಜಿ ದಾಖಲಿಸಿದ್ದಾರೆ. ಯಲ್ಲಾಪುರದಲ್ಲಿ ಹಿತ್ಲಕಾರಗದ್ದೆಯ ಕೃಷಿ ಭೂಮಿ ವಿಷಯವಾಗಿ ಯಲ್ಲಾಪುರ ಕಂದಾಯ ಅಧಿಕಾರಿಗಳು ಅನಗತ್ಯ ಗೊಂದಲ ಮಾಡಿಕೊಂಡಿದ್ದು, ಈ ವಿಷಯ ರಿಟ್ ಪಿಟಿಶನ್ ಮೂಲಕ ಧಾರವಾಡ ಹೈಕೋರ್ಟಿನ ಮೆಟ್ಟಿಲೇರಿತ್ತು. ಹೈಕೋರ್ಟ ಆದೇಶ ನೀಡಿದರೂ ಆ ವಿಷಯ ಬಗೆಹರಿಯದ ಕಾರಣ ವಕೀಲರು ನ್ಯಾಯಾಂಗ ನಿಂದನೆ ಅರ್ಜಿ ದಾಖಲಿಸಿದ್ದಾರೆ. ಹಿತ್ಲಕಾರಗದ್ದೆಯ ಕೃಷಿ ಭೂಮಿ ಮಾಲಕರು ತಮ್ಮ ಪಹಣಿಯಲ್ಲಿ ದಾಖಲಾಗಿದ್ದ ಷರತ್ತು ತೆಗೆಯುವಂತೆ ತಹಶೀಲ್ದಾರ್ ಕಚೇರಿಗೆ ಅರ್ಜಿ ಸಲ್ಲಿಸಿದ್ದರು. ಅವರ ಕೃಷಿ ಭೂಮಿಯಲ್ಲಿ 15 ವರ್ಷ ಪರಾಧೀನ ಮಾಡಬಾರದು ಎಂಬ ಷರತ್ತು ಇದ್ದು, `ಈ ಷರತ್ತು ತೆಗೆಯಲು ಸರ್ಕಾರದ ಅನುಮತಿ ಅಗತ್ಯ. ಸದರಿ ಜಮೀನು ಪರಿಶಿಷ್ಟ ಜಾತಿ/ಪಂಗಡಗಳ ನಿರ್ದಿಷ್ಟ ಭೂಮಿ ಪರಬಾರೆ ತಡೆ ಕಾಯ್ದೆಗೆ ಒಳಪಡುತ್ತದೆ’ ಎಂದು ತಹಶೀಲ್ದಾರ್ ಕಚೇರಿಯಿಂದ ಹಿಂಬರಹ ಬಂದಿತ್ತು. ಅದಾದ ನಂತರ ಈ ಪ್ರಕರಣವನ್ನು ಶಿರಸಿಯ ನ್ಯಾಯವಾದಿ ಶ್ರೀನಿವಾಸ ಕೃಷ್ಣ ನಾಯ್ಕ ಅವರು ಧಾರವಾಡದ ಉಚ್ಚ ನ್ಯಾಯಾಲಯದಲ್ಲಿ ರಿಟ್ ಪಿಟಿಶನ್ ದಾಖಲಿಸಿದರು. ಪ್ರಕರಣ ಪರಿಶೀಲಿಸಿದ ನ್ಯಾಯಾಲಯ `ಈ ಭೂಮಿಯ ಮೂಲ ಮಂಜೂರಿದಾರರು ಪರಿಶಿಷ್ಟ ವರ್ಗಕ್ಕೆ ಸೇರಿದರೂ ಸಹ ಭೂಮಿಯನ್ನು ಸಾಗುವಳಿ ಆಧಾರದ ಮೇಲೆ ನೀಡಿದ್ದರಿಂದ ಅದು ಪಿಟಿಸಿಎಲ್ ಕಾಯ್ದೆ ಒಳಪಡುವುದಿಲ್ಲ’ ಎಂದು ಹೇಳಿತ್ತು. ಜೊತೆಗೆ `ಈ ಅರ್ಜಿ ಪುನರ್ ಪರಿಶೀಲನೆ ಮಾಡಿ, 3 ತಿಂಗಳ ಒಳಗಾಗಿ ಕ್ರಮವಹಿಸಬೇಕು’ ಎಂದು ಸೂಚಿಸಿತ್ತು. ಅದಾದ ನಂತರ ಉಚ್ಚ ನ್ಯಾಯಾಲಯದ ಆದೇಶವನ್ನು ಕಂದಾಯ ಅಧಿಕಾರಿಗಳು ಭಾಗಷಃ ಪಾಲನೆ ಮಾಡಿದ್ದರು. ಆದರೆ, ಮತ್ತೆ `ಈ ಭೂಮಿ ಪಿಟಿಸಿಎಲ್ ಕಾಯ್ದೆ ಅಡಿಗೆ ಬರುತ್ತದೆ’ ಎಂದು ಅರ್ಜಿದಾರರಿಗೆ ಹಿಂಬರಹ ನೀಡಿದ್ದರು. `ಇದರಿಂದ ನ್ಯಾಯಾಲಯದ ಆದೇಶ ಉಲ್ಲಂಘನೆ ಆಗಿ, ನ್ಯಾಯಾಂಗ ನಿಂದನೆ ಆಗಿದೆ’ ಎಂದು ದೂರಿ ನ್ಯಾಯವಾದಿ ಶ್ರೀನಿವಾಸ ಕೃಷ್ಣ ನಾಯ್ಕ ಅವರು ನ್ಯಾಯಾಂಗ ನಿಂದನೆ ಅರ್ಜಿ ದಾಖಲಿಸಿದರು. ಸದ್ಯ ಈ ಅರ್ಜಿ ವಿಚಾರಣೆ ನಡೆಯುತ್ತಿದೆ. `1994ರಲ್ಲಿ ಪರಾಧೀನ ಮಾಡದಂತೆ 15 ವರ್ಷದ ಷರತ್ತು ವಿಧಿಸಲಾಗಿತ್ತು. 2009ರ ಅವಧಿಯಲ್ಲಿ ಆ ಷರತ್ತು ಮುಗಿದಿದ್ದು, 2025ರಲ್ಲಿ ಷರತ್ತು ಕಡಿಮೆಗೊಳಿಸಿ ಎಂದು ಅರ್ಜಿದಾರರು ಮನವಿ ಮಾಡಿದ್ದರು. ಆದರೆ, ಅಧಿಕಾರಿಗಳ ನಿರ್ಲಕ್ಷದಿಂದ ಅರ್ಜಿದಾರರಿಗೆ ಸಮಸ್ಯೆ ಆಗಿದೆ. ಹೀಗಾಗಿ ಈ ಉಚ್ಚ ನ್ಯಾಯಾಲಯದವರೆಗೆ ಹೋಗುವುದು ಅನಿವಾರ್ಯವಾಯಿತು’ ಎಂದು ನ್ಯಾಯವಾದಿ ಶ್ರೀನಿವಾಸ ಕೃಷ್ಣ ನಾಯ್ಕ ಅವರು ವಿವರಿಸಿದರು.
- [ಕುಮಟಾ | ಹಳದಿ ರೋಗಕ್ಕೆ ಯುವಕ ಬಲಿ!](https://mobiletime.in/2026/08/kumta-young-man-falls-victim-to-yellow-leaf-disease/): ಹೆಗಡೆ ಬಳಿಯ ಭಾಸ್ಕರ ಮುಕ್ರಿ ಅವರು ಜಾಂಡಿಸ್ ರೋಗಕ್ಕೆ ತುತ್ತಾಗಿದ್ದು, ಆಸ್ಪತ್ರೆಗೆ ಸಾಗಿಸುವ ವೇಳೆ ಆಂಬುಲೆನ್ಸಿನಲ್ಲಿಯೇ ಸಾವನಪ್ಪಿದ್ದಾರೆ. ದುಡಿಯುವ ವಯಸ್ಸಿನ ಮಗನನ್ನು ಕಳೆದುಕೊಂಡಿದ್ದರಿoದ ಭಾಸ್ಕರ ಮುಕ್ರಿ ಅವರ ತಾಯಿ ಸಾವಿತ್ರಿ ಮುಕ್ರಿ ಅವರು ಕಣ್ಣೀರಾಗಿದ್ದಾರೆ. ಕುಮಟಾದ ಹೆಗಡೆ ಬಳಿಯ ಚಿಟ್ಟಕಂಬಿಯಲ್ಲಿ ಭಾಸ್ಕರ ಸಾರಿಂಗ ಮುಕ್ರಿ ಅವರು ವಾಸವಾಗಿದ್ದರು. 33 ವರ್ಷದ ಅವರು ಕೂಲಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದರು. ಭಾಸ್ಕರ ಮುಕ್ರಿ ಅವರು ಸರಾಯಿ ಕುಡಿಯುವ ವ್ಯಸನಕ್ಕೆ ಅಂಟಿಕೊoಡಿದ್ದು, ಐದು ದಿನಗಳಿಂದ ಅನಾರೋಗ್ಯಕ್ಕೆ ಒಳಗಾಗಿದ್ದರು. ಅವರಿಗೆ ಕುಮಟಾ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಯನ್ನು ನೀಡಲಾಗಿತ್ತು. ಚಿಕಿತ್ಸೆ ನಂತರ ಮನೆಗೆ ಮರಳಿದ್ದ ಅವರು ನಿತ್ಯದ ಕೆಲಸದಲ್ಲಿ ತೊಡಗಿಸಿಕೊಳ್ಳುವ ಪ್ರಯತ್ನದಲ್ಲಿದ್ದರು. ಅಗಸ್ಟ 6ರಂದು ಭಾಸ್ಕರ ಮುಕ್ರಿ ಅವರು ಹೊಟ್ಟೆ ನೋವು ಎಂದು ಚೀರಾಟ ಶುರು ಮಾಡಿದರು. ಅವರ ಕಣ್ಣು ಮತ್ತು ಕೈಯಲ್ಲಿ ಹಳದಿ ಬಣ್ಣ ಕಾಣಿಸಿದ್ದು, ಕುಟುಂಬದವರು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ಮಾಡಿದರು. ಹೆಗಡೆ ಬಳಿಯ ತಣ್ಣೀರಕುಳಿ ಕ್ರಾಸಿನ ಬಳಿ ತೆರಳುವಾಗ ಆಂಬುಲೆನ್ಸಿನಲ್ಲಿಯೇ ಅವರು ಉಸಿರು ನಿಲ್ಲಿಸಿದರು. ಅದಾಗಿಯೂ, ಕುಟುಂಬದವರು ಭಾಸ್ಕರ ಮುಕ್ರಿ ಅವರನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದು ವೈದ್ಯರು ಸಾವನ್ನು ದೃಢಪಡಿಸಿದರು. ಭಾಸ್ಕರ್ ಮುಕ್ರಿ ಅವರು ಜಾಂಡಿಸ್ ರೋಗದಿಂದ ಸಾವನಪ್ಪಿದ ಸಾಧ್ಯತೆಯಿರುವ ಬಗ್ಗೆ ಕುಟುಂಬದವರು ಹೇಳಿದ್ದಾರೆ. `ಆರೋಗ್ಯದ ಬಗ್ಗೆ ಕಾಳಜಿವಹಿಸಿ’
- [ಇಸ್ರೋ ಸಾಧನದಲ್ಲಿ ಸಮಸ್ಯೆ: ಮೀನುಗಾರರಿಗೆ ನೀಡಿದ ಸಾಧನ ವಾಪಸ್!](https://mobiletime.in/2026/08/issue-with-isro-device-device-issued-to-fishermen-recalled/): ಮೀನುಗಾರಿಕೆ ನಡೆಸುವ ದೋಣಿಗಳ ಸಂಪರ್ಕ ಸಾಧನೆಗಾಗಿ ಇಸ್ರೋ ಅಭಿವೃದ್ಧಿಪಡಿಸಿದ ಸಂವಹನ ಸಾಧನದಲ್ಲಿ ದೋಷ ಕಾಣಿಸಿಕೊಂಡಿದೆ. ಈ ಹಿನ್ನಲೆ ದೋಣಿಗಳಿಗೆ ಅಳವಡಿಸಿದ್ದ ಆ ಸಾಧನವನ್ನು ಪೂರೈಕೆ ಮಾಡಿದ ಸಂಸ್ಥೆ ಹಿಂಪಡೆದಿದೆ. 2018ರಲ್ಲಿ ಉಡುಪಿಯಿಂದ ಮಹಾರಾಷ್ಟದತ್ತ ತೆರಳಿದ್ದ ಸುವರ್ಣ ತ್ರಿಭುಜ ಎಂಬ ಮೀನುಗಾರಿಕೆ ದೋಣಿ ಕಣ್ಮರೆಯಾಗಿತ್ತು. ಅದರಲ್ಲಿ ಉತ್ತರ ಕನ್ನಡ, ಉಡುಪಿಯ ಹಲವು ಮೀನುಗಾರರು ನಾಪತ್ತೆಯಾಗಿದ್ದರು. ದೋಣಿಯ ಅವಶೇಷ ಪತ್ತೆಗೆ ಸಾಕಷ್ಟು ಸಮಸ್ಯೆಯಾಗಿತ್ತು. ಈ ವೇಳೆ ಮೀನುಗಾರರ ರಕ್ಷಣೆಗೆ ಸಂವಹನ ಸಾಧನ ಕಡ್ಡಾಯ ಮಾಡಲಾಗಿತ್ತು. ಆದರೆ, ದುಬಾರಿ ಬೆಲೆಯ ಸಂವಹನ ಸಾಧನಗಳನ್ನು ಅಳವಡಿಕೆ ಮೀನುಗಾರರಿಗೆ ಹೊರೆಯಾಗಿದ್ದು, ಅದಾದ ನಂತರ ಸರ್ಕಾರವೇ ಆ ಸಾಧನ ಅಳವಡಿಸಲು ನಿರ್ಧರಿಸಿತ್ತು. ಈ ಸಾಧನೆ ದೋಣಿಗಳು ಅಪಾಯಕ್ಕೆ ಸಿಲುಕಿದರೆ ರಕ್ಷಣೆಗೆ ಸಂದೇಶ ಕಳಿಸಬಹುದಾದ ವ್ಯವಸ್ಥೆ ಒಳಗೊಂಡಿದೆ. ದೋಣಿಯಲ್ಲಿ ಅಳವಡಿಸುವ ಬಲ್ಬ್ ಗಾತ್ರದ ಸಣ್ಣ ಸಾಧನ ಟ್ರಾನ್ಸ್ಪಾಂಡರ್ ಉಪಗ್ರಹಗಳಿಂದ ಸಂದೇಶ ಪಡೆಯುವ ಕೆಲಸವನ್ನು ಮಾಡಲಿದೆ. ಆ ಸಾಧನದಿಂದ ದೋಣಿ ಎಲ್ಲಿ ಚಲಿಸುತ್ತಿದೆ ಎಂಬ ದತ್ತಾಂಶವೂ ಸುರಕ್ಷಿತವಾಗಿರುತ್ತದೆ. ಇನ್ನು ದೇಶದ ಅಂತಾರಾಷ್ಟಿಯ ಗಡಿ ದಾಟಿದಲ್ಲೂ ಇದು ಎಚ್ಚರಿಕೆ ಸಂದೇಶ ನೀಡುತ್ತದೆ. ಇದರಿಂದ ದೇಶದ ಭದ್ರತೆಗೂ ಬಹಳ ಅನುಕೂಲವಾಗಲಿದೆ. ಆದರೆ, ಸಾಧನೆದಲ್ಲಿನ ದೋಷದಿಂದಾಗಿ ಅದನ್ನು ಹಿಂಪಡೆಯುವ ಕೆಲಸ ನಡೆಯುತ್ತಿದೆ. ಆಳ ಸಮುದ್ರ ಮೀನುಗಾರಿಕೆಗೆ ತೆರಳುವ ದೋಣಿಗಳು ಅಪಾಯಕ್ಕೆ ಸಿಲುಕಿದರೆ ಸಹಾಯವಾಗುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಮತ್ಸ್ಯ ಸಂಪದ ಯೋಜನೆಯಲ್ಲಿ ವೇಸಲ್ ಕಮ್ಯುನಿಕೇಶನ್ ಆಂಡ್ ಸಪೋರ್ಟ್ ಸಿಸ್ಟಂ ಅಳವಡಿಸುತ್ತಿದ್ದು, ಇದಕ್ಕಾಗಿ ಕೇಂದ್ರ ಮೀನುಗಾರಿಕೆ ಇಲಾಖೆ 364 ಕೋಟಿ ರೂಪಾಯಿ ಬಿಡುಗಡೆ ಮಾಡಿತ್ತು. 2025ರಲ್ಲಿ ಕರ್ನಾಟಕದಲ್ಲಿ ಅವುಗಳ ಅಳವಡಿಕೆ ಪ್ರಾರಂಭವಾಗಿದ್ದು, ಉತ್ತರ ಕನ್ನಡ ಜಿಲ್ಲೆಗೆ ಕಳೆದ ಒಂದು ವರ್ಷದಲ್ಲಿ 3821ಕ್ಕೂ ಅಧಿಕ ಟ್ರಾನ್ಸ್ಪಾಂಡರ್ ಪೂರೈಕೆಯಾಗಿತ್ತು. 1659 ಸಾಧನಗಳ ಅಳವಡಿಕೆಯೂ ಪೂರ್ಣವಾಗಿತ್ತು. ಅದರಲ್ಲಿ ದೋಷ ಕಾಣಿಸಿದ ಹಿನ್ನಲೆ ಸರ್ಕಾರ ಸದ್ಯ 1648 ಸಾಧನಗಳನ್ನು ಹಿಂಪಡೆದಿದೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಅಭಿವೃದ್ಧಿಪಡಿಸಿದ ಸಂಪೂರ್ಣ ಭಾರತೀಯ ತಂತ್ರಜ್ಞಾನದ ವಿಸಿಎಸ್‌ಎಸ್ ವ್ಯವಸ್ಥೆಯನ್ನು ಸಂಸ್ಥೆಯ ವಾಣಿಜ್ಯ ವಿಭಾಗ ನ್ಯೂಸ್ಪೇಸ್ ಇಂಡಿಯಾ ಲಿಮಿಟೆಡ್’ನವರು ದೋಣಿಗಳಿಗೆ ಅಳವಡಿಸುವ ಜವಾಬ್ದಾರಿವಹಿಸಿಕೊಂಡಿದ್ದರು. ಈ ಅಳವಡಿಕೆ ಕಾರ್ಯದ ಶೇ 60ರಷ್ಟು ಹಣವನ್ನು ಕೇಂದ್ರ ಹಾಗೂ ಶ 40ರಷ್ಟು ಹಣವನ್ನು ರಾಜ್ಯ ಸರ್ಕಾರ ಭರಿಸುತ್ತಿತ್ತು. ಮೀನುಗಾರರಿಗೆ ಈ ಸಾಧನೆ ಉಚಿತವಾಗಿ ಸಿಗುತ್ತಿದ್ದು, ಸದ್ಯ ಈ ಸಾಧನ ಸರಿಯಿಲ್ಲದ ಕಾರಣ ಅದನ್ನು ಮೀನುಗಾರರಿಂದ ಮರಳಿಪಡೆಯಲಾಗಿದೆ.
- [ಸಚಿವ ಸ್ಥಾನ | ಉತ್ತರ ಕನ್ನಡಕ್ಕೆ ಅನ್ಯಾಯ: ಸಾಮಾಜಿಕ ಕಾರ್ಯಕರ್ತನ ಅಸಮಧಾನ](https://mobiletime.in/2026/08/ministerial-post-injustice-to-uttara-kannada-social-activist-dissatisfied/): ರಾಜ್ಯ ಸಚಿವ ಸಂಪುಟ ವಿಸ್ತರಣೆಯಲ್ಲಿ ಈ ಬಾರಿ ಉತ್ತರಕನ್ನಡ ಜಿಲ್ಲೆಗೆ ಸಚಿವ ಸ್ಥಾನ ದೊರೆಯದ ಬಗ್ಗೆ ಸಾಮಾಜಿಕ ಕಾರ್ಯಕರ್ತ ಪ್ರಸಾದ ಗಾಂವಕರ್ ಅಮದಳ್ಳಿ ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಈ ಕುರಿತು ಹೇಳಿಕೆ ನೀಡಿರುವ ಅವರು `ಉತ್ತರಕನ್ನಡ ಜಿಲ್ಲೆ ರಾಷ್ಟ್ರೀಯ ಹಾಗೂ ಅಂತರಾಷ್ಟ್ರೀಯ ಮಹತ್ವದ ಹಲವು ಯೋಜನೆಗಳಿಗೆ ನೆಲೆಯಾಗಿದೆ. ಇನ್ನೂ ಅನೇಕ ಪ್ರಮುಖ ಯೋಜನೆಗಳು ಜಾರಿಯಾಗುವ ಹಂತದಲ್ಲಿದ್ದು, ಇಂತಹ ಸಂದರ್ಭದಲ್ಲಿ ಜಿಲ್ಲೆಯ ಪರವಾಗಿ ಸರ್ಕಾರದ ಮಟ್ಟದಲ್ಲಿ ಪರಿಣಾಮಕಾರಿಯಾಗಿ ಧ್ವನಿಯಾಗುವ ಸಚಿವರ ಅಗತ್ಯವಿತ್ತು’ ಎಂದಿದ್ದಾರೆ. `ದಕ್ಷಿಣ ಕನ್ನಡ ಜಿಲ್ಲೆಗೆ ಹೋಲಿಸಿದರೆ ಉತ್ತರಕನ್ನಡ ಶಿಕ್ಷಣ, ಆರೋಗ್ಯ, ಕೈಗಾರಿಕೆ ಸೇರಿದಂತೆ ಹಲವು ಅಭಿವೃದ್ಧಿ ಕ್ಷೇತ್ರಗಳಲ್ಲಿ ಇನ್ನೂ ಹಿಂದುಳಿದಿದೆ. ಜಿಲ್ಲೆಯ ಸಮಗ್ರ ಅಭಿವೃದ್ಧಿಗೆ ವಿಶೇಷ ಗಮನ ಹರಿಸುವ ಅಗತ್ಯವಿದ್ದು, ಸಚಿವ ಸ್ಥಾನ ಸಿಕ್ಕಿದ್ದರೆ ಅಭಿವೃದ್ಧಿ ಯೋಜನೆಗಳಿಗೆ ಹೆಚ್ಚಿನ ವೇಗ ಸಿಗುತ್ತಿತ್ತು’ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. `ಅರಣ್ಯ, ನದಿ, ಸಮುದ್ರ ಸೇರಿದಂತೆ ಅಪಾರ ನೈಸರ್ಗಿಕ ಸಂಪತ್ತನ್ನು ಹೊಂದಿರುವ ರಾಜ್ಯದ ಅತಿದೊಡ್ಡ ಜಿಲ್ಲೆಗಳಲ್ಲಿ ಒಂದಾದ ಉತ್ತರಕನ್ನಡಕ್ಕೆ ಸಚಿವ ಸ್ಥಾನ ನೀಡದೇ ಇರುವುದು ಬೇಸರದ ಸಂಗತಿಯಷ್ಟೇ ಅಲ್ಲ, ಜಿಲ್ಲೆಯ ಜನರ ನಿರೀಕ್ಷೆಗೆ ಧಕ್ಕೆ ತಂದoತಾಗಿದೆ’ ಎಂದು ಪ್ರಸಾದ ಗಾಂವಕರ್ ಅವರು ಹೇಳಿದ್ದಾರೆ.
- [ಅಂಕೋಲಾ | ಈ ಬಸ್ಸಿಗೆ ನಂಬರ್ ಪ್ಲೇಟೇ ಇಲ್ಲ!](https://mobiletime.in/2026/08/ankola-this-bus-has-no-number-plate/): ಅಂಕೋಲಾದಿoದ ಗೋಕರ್ಣಕ್ಕೆ ನೋಂದಣಿ ಸಂಖ್ಯೆಯೇ ಇಲ್ಲದ ಬಸ್ಸು ಓಡಾಡುತ್ತಿದೆ. ಸರ್ಕಾರಿ ಬಸ್ಸಿಗೆ ನೋಂದಣಿ ಸಂಖ್ಯೆ ಇಲ್ಲದಿರುವುದನ್ನು ನೋಡಿ ಜನ ಆಶ್ಚರ್ಯವ್ಯಕ್ತಪಡಿಸಿದ್ದಾರೆ. ಈ ಮೊದಲು ಅಂಕೋಲಾ-ಗೋಕರ್ಣ ಮಾರ್ಗವಾಗಿ ಗುಜುರಿ ಬಸ್ ಓಡಾಟ ನಡೆಯುತ್ತಿತ್ತು. ಪದೇ ಪದೇ ಆ ಬಸ್ಸು ಹಾಳಾಗುತ್ತಿತ್ತು. ಅನೇಕ ಬಾರಿ ರಸ್ತೆ ನಡುವೆ ಬಸ್ಸು ಕೆಟ್ಟು ನಿಂತು, ಪ್ರಯಾಣಿಕರು ಸಮಸ್ಯೆ ಅನುಭವಿಸುತ್ತಿದ್ದರು. ಬಸ್ಸಿನ ಅವ್ಯವಸ್ಥೆಯ ಬಗ್ಗೆ ಜನ ಆಕ್ರೋಶವ್ಯಕ್ತಪಡಿಸಿದ ನಂತರ ಬೇರೆ ಬಸ್ ಬಿಡಲಾಯಿತು. ಆದರೆ, ಗುರುವಾರ ಗೋಕರ್ಣಕ್ಕೆ ಬಂದ ಬಸ್ಸಿಗೆ ನೋಂದಣಿ ಸಂಖ್ಯೆಯಿರಲಿಲ್ಲ. ಇನ್ನೂ ನೋಂದಣಿಯೇ ಆಗದ ಬಸ್ ಬಿಟ್ಟಿರಬಹುದು ಎಂದು ಜನ ಭಾವಿಸಿದ್ದು, ಹತ್ತಿರ ಹೋಗಿ ನೋಡಿದಾಗ ಅದು ಹಳೆಯ ಬಸ್ಸು ಎಂಬುದು ಅರಿವಾಯಿತು. ಆದರೆ, ಆ ಹಳೆಯ ಬಸ್ಸಿಗೂ ನೋಂದಣಿ ಸಂಖ್ಯೆ ಇಲ್ಲದಿರುವ ಬಗ್ಗೆ ಜನ ಪ್ರಶ್ನಿಸಿದರು. `ಸರ್ಕಾರಿ ಬಸ್ಸುಗಳು ಸಹ ಸಂಚಾರಿ ನಿಯಮ ಪಾಲಿಸಬೇಕು. ಪ್ರಯಾಣಿಕರ ಓಡಾಟಕ್ಕೆ ಉತ್ತಮ ಬಸ್ ಬಿಡುವುದರ ಜೊತೆ ಕಾನೂನನ್ನು ಗೌರವಿಸಬೇಕು’ ಎಂದು ಪ್ರಯಾಣಿಕರು ಹೇಳಿದರು. `ಖಾಸಗಿ ವಾಹನಗಳು ನಿಯಮ ಉಲ್ಲಂಘಿಸಿದರೆ ದಂಡ ವಿಧಿಸಲಾಗುತ್ತದೆ. ಸರ್ಕಾರಿ ವಾಹನಗಳ ತಪಾಸಣೆಯೂ ಹಾಗೇ ನಡೆಯಬೇಕು’ ಎಂದು ಒತ್ತಾಯಿಸಿದರು.
- [ವಿಬಿ-ಜಿ ರಾಮ್-ಜಿ ಯೋಜನೆ: ಜನ ಜಾಗೃತಿಗಾಗಿ ವಿಶೇಷ ಗ್ರಾಮಸಭೆ](https://mobiletime.in/2026/08/vb-g-ram-g-scheme-special-gram-sabha-for-public-awareness/): `ಮುಂಗಾರು ಮಳೆಯ ಅಭಾವದಿಂದ ಕೃಷಿ ಚಟುವಟಿಕೆಗಳು ಕ್ಷೀಣಿಸಿದ್ದು, ಇಂತಹ ಸಂದರ್ಭದಲ್ಲಿ ಜನರು ಅಂಗೈನಲ್ಲಿರುವ ಅವಕಾಶದಿಂದ ವಂಚಿತರಾಗಬಾರದು ಎಂಬ ಸದುದ್ದೇಶದಿಂದ ಆಗಸ್ಟ್ 15ರ ಒಳಗಾಗಿ ಜಿಲ್ಲೆಯ ಎಲ್ಲಾ 229 ಗ್ರಾಮ ಪಂಚಾಯತಿಗಳಲ್ಲಿ ಜನಜಾಗೃತಿ, ಹೆಚ್ಚುವರಿ ಕ್ರಿಯಾ ಯೋಜನೆ ತಯಾರಿ ಮತ್ತು ಕೂಲಿಕಾರರನ್ನು ಸಂಘಟಿಸುವ ನಿಟ್ಟಿನಲ್ಲಿ ವಿಬಿ-ಜಿ ರಾಮ್-ಜಿ ಯೋಜನೆಯಡಿ ವಿಶೇಷ ಗ್ರಾಮ ಸಭೆ ಆಯೋಜಿಸಲಾಗಿದೆ. `ಆಯಾ ಗ್ರಾಮ ಪಂಚಾಯತಿ ವ್ಯಾಪ್ತಿಗೊಳಪಡುವ ಜನರು ಈ ವಿಶೇಷ ಗ್ರಾಮ ಸಭೆಗಳಲ್ಲಿ ಭಾಗವಹಿಸಿ, ತಮಗೆ ಬೇಕಾದ ವೈಯಕ್ತಿಕ ಸೌಲಭ್ಯಗಳು, ಗ್ರಾಮಗಳಿಗೆ ಅವಶ್ಯವಿರುವ ಸಮುದಾಯ ಕಾಮಗಾರಿಗಳ ಪಟ್ಟಿಯೊಂದಿಗೆ ವಿಕಸಿತ ಗ್ರಾಮ ಪಂಚಾಯತ್ ಪ್ಲಾನ್ ತಯಾರಿಸಲು ಸಾರ್ವಜನಿಕರು ಕೈಜೋಡಿಸಬೇಕು’ ಎಂದು ಅಧಿಕಾರಿಗಳು ಕೋರಿದ್ದಾರೆ. ಈ ಹಿಂದೆ ಮನರೇಗಾ ಯೋಜನೆಯಡಿ ಕುಟುಂಬವೊAದಕ್ಕೆ 100 ದಿನಗಳಿಷ್ಟಿದ್ದ ಉದ್ಯೋಗ ಅವಕಾಶ ಈಗ ಹೊಸ ಯೋಜನೆಯಡಿ 125 ದಿನಗಳಿಗೆ ಹೆಚ್ಚಳವಾಗಿದೆ. ದಿನವೊಂದಕ್ಕೆ ಮೊದಲು ರೂ. 375 ರಷ್ಟಿದ್ದ ಕೂಲಿ ದರ ಇದೀಗ 382 ರೂ.ಗೆ ಹೆಚ್ಚಿಸಲಾಗಿದೆ. ಇದರಿಂದ ಜಾಬ್ ಕಾರ್ಡ್ ಹೊಂದಿರುವ ಒಂದು ಕುಟುಂಬ ವಾರ್ಷಿಕವಾಗಿ 47,750 ರೂ. ಆದಾಯ ಗಳಿಸಬಹುದಾಗಿದೆ. ಕೂಲಿ ಹಣವನ್ನು ನೇರವಾಗಿ ಕಾರ್ಮಿಕರ ಬ್ಯಾಂಕ್ ಖಾತೆಗಳಿಗೆ ವರ್ಗಾಯಿಸಲಾಗುತ್ತದೆ. ಉದ್ಯೋಗ ಕೋರಿ ಪಾರ್ಮ್ ನಂ. 6ರಲ್ಲಿ ಅರ್ಜಿ ಸಲ್ಲಿಸಿದ 15 ದಿನದೊಳಗೆ ಕೆಲಸ ಒದಗಿಸಲಾಗುತ್ತದೆ. ಒಂದು ವೇಳೆ ಕೆಲಸ ಒದಗಿಸಲು ಸಾಧ್ಯವಾಗದಿದ್ದರೆ ನಿರುದ್ಯೋಗ ಭತ್ಯೆ ನೀಡಬೇಕಾಗುತ್ತದೆ. ಯಾವುದೇ ಕಾರಣಕ್ಕೂ ಕೂಲಿ ಹಣ ಪಾವತಿಯಲ್ಲಿ ವಿಳಂಬವಾಗದoತೆ ಸಕಾಲದಲ್ಲಿ ಪಾವತಿಸಲು ಕ್ರಮ ವಹಿಸಲಾಗುವುದು. ಯೋಜನೆಯಲ್ಲಿ 318 ಕಾಮಗಾರಿಗಳಿಗೆ ಅವಕಾಶ ನೀಡಲಾಗಿದ್ದು, ಸರ್ಕಾರಿ ಶಾಲಾ ಕೊಠಡಿ, ಪ್ರಾಥಮಿಕ ಆರೋಗ್ಯ ಕೇಂದ್ರ, ಬಸ್ ನಿಲ್ದಾಣ, ಗ್ರಾಮೀಣ ಉದ್ಯಾನ, ಗ್ರಂಥಾಲಯ ಸೇರಿದಂತೆ ಹೆಚ್ಚಿನ ಕಾಮಗಾರಿಗಳನ್ನು ಕೈಗೊಳ್ಳಲು ಅವಕಾಶವಿದೆ. ಜಿಲ್ಲೆಯಲ್ಲಿ ಪ್ರಸ್ತುತ 4.38 ಲಕ್ಷ ಕೂಲಿಕಾರರನ್ನು ಒಳಗೊಂಡ 2.02 ಲಕ್ಷ ಜಾಬ್ ಕಾರ್ಡ್ ಗಳಿದ್ದು, ಅದರಲ್ಲಿ 1.24 ಲಕ್ಷದಷ್ಟ್ಟು ಸಕ್ರಿಯ ಕೂಲಿಕಾರರಿದ್ದಾರೆ. ಮನರೇಗಾ ಯೋಜನೆಯಡಿ ಜಾಬ್ ಕಾರ್ಡ್ ಹೊಂದಿರುವ ಎಲ್ಲರೂ ಎಂದಿನoತೆ ಕೆಲಸಕ್ಕೆ ಬೇಡಿಕೆ ಸಲ್ಲಿಸಿ, ಸ್ಥಳೀಯವಾಗಿ ಉದ್ಯೋಗ ಪಡೆಯಬಹುದಾಗಿದೆ. ಹೊಸದಾಗಿ ಉದ್ಯೋಗ ಚೀಟಿ ಬೇಕಾದರೆ ಗ್ರಾಮ ಪಂಚಾಯತಿಗೆ ಪಡಿತರ ಚೀಟಿ, ಬ್ಯಾಂಕ್ ಪಾಸ್ ಬುಕ್, ಆಧಾರ್ ಪ್ರತಿ ನೀಡಿ ವಿಬಿ-ಜಿ ರಾಮ್-ಜಿ ಯೋಜನೆಯಡಿ ನೊಂದಾಯಿಸಿ, ಉಚಿತವಾಗಿ ಗ್ಯಾರಂಟಿ ಕಾರ್ಡ್ ಪಡೆಯಬಹುದಾಗಿದೆ. ಗ್ರಾಮೀಣ ಜನರಿಗೆ ಉದ್ಯೋಗ ಕಲ್ಪಿಸುವುದರೊಂದಿಗೆ ಗ್ರಾಮೀಣ ಮೂಲ ಸೌಕರ್ಯ ಅಭಿವೃದ್ಧಿ, ಜೀವನೋಪಾಯ ಹಾಗೂ ಹವಾಮಾನ ವೈಪರೀತ್ಯ ಶಮನ ಕಾಮಗಾರಿಗಳ ಅನುಷ್ಠಾನಕ್ಕೆ ಯೋಜನೆಯಡಿ ಅವಕಾಶವಿದ್ದು, ಜಿಲ್ಲೆಯ ಭೌಗೋಳಿಕ ಪ್ರದೇಶದ ಅಗತ್ಯತೆ ಅನುಸಾರ ನೀರಿನ ಅಭಾವವನ್ನು ಸಮರ್ಥವಾಗಿ ನಿಭಾಯಿಸಲು ಚೆಕ್ ಡ್ಯಾಂ, ಕೆರೆ ಸಮಗ್ರ ಅಭಿವೃದ್ಧಿ, ಕಲ್ಯಾಣಿ ಪುನಶ್ಚೇತನ, ವೈಯಕ್ತಿಕ ಮತ್ತು ಸಮುದಾಯ ಕೊಳವೆಬಾವಿ ಮರುಪೂರಣ ಘಟಕ, ಕೃಷಿ ಬಾವಿ, ಕಾಂಟೂರು ಟ್ರೆಂಚ್ ಮತ್ತು ಮಳೆ ನೀರು ಕೊಯ್ಲು ಘಟಕ ನಿರ್ಮಾಣ ಸೇರಿದಂತೆ ಜಲ ಸಂರಕ್ಷಣಾ ಕಾಮಗಾರಿಗಳಿಗೆ ಹೆಚ್ಚುವರಿ ಕ್ರಿಯಾ ಯೋಜನೆ ತಯಾರಿಸುವಾಗ ಹೆಚ್ಚಿನ ಆದ್ಯತೆ ನೀಡಲಾಗಿದೆ. `ವಿಕಸಿತ ಭಾರತ ಗ್ಯಾರಂಟಿ ಫಾರ್ ರೋಜಗಾರ್ ಅಂಡ್ ಅಜೀವಿಕ ಮಿಷನ್ (ಗ್ರಾಮೀಣ) ಯೋಜನೆಯಡಿ ಗ್ರಾಮೀಣ ಭಾಗದ ಜನರ ಜೀವನೋಪಾಯಕ್ಕಾಗಿ ಸಾಕಷ್ಟು ಅವಕಾಶಗಳಿದ್ದು, ಜಿಲ್ಲೆಯಲ್ಲಿ ಯೋಜನೆಯ ಸಮಗ್ರ ಅನುಷ್ಟಾನಕ್ಕಾಗಿ ಸಂಬoಧಪಟ್ಟ ಅಧಿಕಾರಿ ಸಿಬ್ಬಂದಿಗಳಿಗೆ ಅಗತ್ಯ ಸೂಚನೆಗಳನ್ನು ನೀಡಲಾಗಿದೆ. ಜಿಲ್ಲೆಯ ಜನತೆ ಈ ಹೊಸ ಯೋಜನೆಯ ಸಂಪೂರ್ಣ ಸದುಪಯೋಗ ಪಡೆದುಕೊಳ್ಳಬೇಕು’ ಎಂದು ಜಿಲ್ಲಾ ಪಂಚಾಯತ ಕಾರ್ಯನಿರ್ವಾಹಕ ಅಧಿಕಾರಿ ದಿಲೀಷ್ ಶಶಿ ಅವರು ಹೇಳಿದ್ದಾರೆ.
- [ಶಿರಸಿ | ಅನ್ನಭಾಗ್ಯ ಯೋಜನೆಗೆ ಕನ್ನ!](https://mobiletime.in/2026/08/sirsi-anna-bhagya-scheme-hit/): ಶಿವಮೊಗ್ಗದ ಸೈಯದ್ ಅಜ್ರುದ್ಧೀನ್ ಅವರು ಶಿರಸಿಗೆ ಬಂದು ಅಕ್ರಮವಾಗಿ ಅಕ್ಕಿ ಸಂಗ್ರಹಿಸುತ್ತಿದ್ದು, ಆಹಾರ ಇಲಾಖೆ ಅಧಿಕಾರಿಗಳು ಅವರ ಕಳ್ಳ ಸಾಗಾಣಿಕೆಯನ್ನು ತಡೆದಿದ್ದಾರೆ. ಶಿವಮೊಗ್ಗ ಸೊರಬಾದಲ್ಲಿ ಸೈಯದ್ ಅಜ್ರುದ್ಧೀನ್ ಸಯ್ಯದ್ ಅಮೀರ್ ಅವರು ವಾಸವಾಗಿದ್ದಾರೆ. ಅವರು ಕೂಲಿ ಕಾರ್ಮಿಕರಾಗಿ ಕೆಲಸ ಮಾಡಿಕೊಂಡಿದ್ದು, ಅದರೊಂದಿಗೆ ಶಿರಸಿಗೆ ಬಂದು ಪಡಿತರ ಅಕ್ಕಿ ಸಂಗ್ರಹಿಸುವ ಕೆಲಸ ಮಾಡುತ್ತಿದ್ದಾರೆ. ಈ ವಿಷಯ ಅರಿತ ಆಹಾರ ನಿರೀಕ್ಷಕಿ ಕವಿತಾ ಪಾಟಣಕರ್ ಅವರು ಅನುಮಾನಾಸ್ಪದವಾಗಿ ಸಂಚರಿಸುತ್ತಿದ್ದ ಮಾರುತಿ ವ್ಯಾನ್ ಹಿಡಿದಿದ್ದು, ಅದರಲ್ಲಿ 6 ಕ್ವಿಂಟಲ್’ಗೂ ಅಧಿಕ ಅಕ್ಕಿ ಸಿಕ್ಕಿದೆ. ಪಡಿತರ ಚೀಟಿದಾರರಿಗೆ ಸರ್ಕಾರದಿಂದ ಸಿಗುವ ಅಕ್ಕಿಯನ್ನು ಪಲಾನುಭವಿಗಳಿಂದ ಸಂಗ್ರಹಿಸಿ, ಅದನ್ನು ಮಾರಾಟ ಮಾಡುವುದಕ್ಕೆ ಕೊಂಡೊಯ್ಯುತ್ತಿರುವುದು ಗೊತ್ತಾಗಿದೆ. ಈ ಹಿನ್ನಲೆ ಸೈಯದ್ ಅಜ್ರುದ್ಧೀನ್ ಅವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಕುಮಟಾ | ಸುಜಾತ ಮೇಲಿನ ಆರೋಪ ಸತ್ಯಕ್ಕೆ ದೂರ](https://mobiletime.in/2026/08/kumta-allegations-against-sujatha-are-far-from-the-truth/): ಹೊಲನಗದ್ದೆಯ ಕೊಂತಲಮನೆಯಲ್ಲಿ ಅಂಗಡಿ ನಡೆಸುವ ಸುಜಾತಾ ಹೆಗಡೆ ಅವರ ವಿರುದ್ಧ ಸರಾಯಿ ಮಾರಾಟದ ಆರೋಪ ಬಂದಿದ್ದು, ಅದು ಸತ್ಯಕ್ಕೆ ದೂರ ಎಂದು ಸ್ಥಳೀಯರು ಹೇಳಿದ್ದಾರೆ. ಅವರ ಅಂಗಡಿ ಬಳಿ ಪೊಲೀಸರು ದಾಳಿ ಮಾಡಿದಾಗ ಖಾಲಿ ಸರಾಯಿ ಪ್ಯಾಕೇಟ್ ಬಿದ್ದುಕೊಂಡಿದ್ದು, ಅದೇ ಅಪಾರ್ಥಕ್ಕೆ ಕಾರಣ ಎಂದು ಅಲ್ಲಿನವರು ವಿವರಿಸಿದ್ದಾರೆ. `ಬಡ ಕುಟುಂಬದ ಸುಜಾತಾ ಹೆಗಡೆ ಅವರು ಕಷ್ಟಪಟ್ಟು ಅಂಗಡಿ ನಡೆಸುತ್ತಿದ್ದಾರೆ. ಸ್ವಾವಲಂಬಿಯಾಗಿ ಅವರು ಬದುಕು ಕಟ್ಟಿಕೊಳ್ಳುವ ಪ್ರಯತ್ನದಲ್ಲಿದ್ದಾರೆ. ಅವರ ವಿರುದ್ಧ ಅಕ್ರಮ ಸರಾಯಿ ಮಾರಾಟದ ಆರೋಪ ಮಾಡುವುದು ಸರಿಯಲ್ಲ. ಅವರ ಅಂಗಡಿ ಮುಂದೆ ಖಾಲಿ ಸರಾಯಿ ಪ್ಯಾಕೇಟ್, ಚಿಪ್ಸ್ ಪ್ಯಾಕೇಟ್ ಬಿದ್ದ ಮಾತ್ರಕ್ಕೆ ಅವರು ಅಕ್ರಮ ಸರಾಯಿ ಮಾಡುತ್ತಿದ್ದಾರೆ ಎಂದಲ್ಲ’ ಎಂದಿದ್ದಾರೆ. `ಪೊಲೀಸರ ದಾಳಿಯಲ್ಲಿ ಸಹ ಖಾಲಿ ಸರಾಯಿ ಪ್ಯಾಕೆಟ್ ಹಾಗೂ ಚಿಪ್ಸ್ ಪ್ಯಾಕೆಟ್ ಅಂಗಡಿ ಮುಂದಿನ ಕಟ್ಟೆಯ ಮೇಲೆ ಸಿಕ್ಕಿದ್ದು, ಅವರ ಮೇಲಿನ ಆರೋಪ ಆಧಾರರಹಿತ’ ಎಂದು ಹೇಳಿದ್ದಾರೆ.
- [ಮುಂಡಗೋಡ | ಸರ್ಕಾರಿ ಅಕ್ಕಿ ಸಂಗ್ರಹಿಸುವವನ ವಿರುದ್ಧ ಕ್ರಮ!](https://mobiletime.in/2026/08/mundgod-action-against-government-rice-procurer/): ಮನೆ ಮನೆಗೆ ಭೇಟಿ ನೀಡುವ ಯಲ್ಲಪ್ಪ ಬಂಡಿ ಅವರು ಸರ್ಕಾರಿ ಅಕ್ಕಿ ಸಂಗ್ರಹಿಸುತ್ತಿದ್ದು, ಅವರ ಈ ಕಳ್ಳ ವ್ಯವಹಾರಕ್ಕೆ ಅಧಿಕಾರಿಗಳು ತಡೆ ಒಡ್ಡಿದ್ದಾರೆ. ಕಡಿಮೆ ಬೆಲೆಯಲ್ಲಿ ಪಡಿತರ ಅಕ್ಕಿ ಖರೀದಿಸಿ ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿದ್ದ ಅವರ ಬಣ್ಣ ಬಯಲು ಮಾಡಿದ್ದಾರೆ. ತಾವರಗೆರೆ ಗ್ರಾಮದ ಯಲ್ಲಪ್ಪ ಬಂಡಿ ಅವರು ಪಡಿತರ ಅಕ್ಕಿ ಸಂಗ್ರಹಿಸುವುದನ್ನು ಕಾಯಕವನ್ನಾಗಿಸಿಕೊಂಡಿದ್ದರು. ಬಡವರಿಗೆ ಹಣದ ಆಮೀಷ ಒಡ್ಡಿ ಸರ್ಕಾರ ಅನ್ನಭಾಗ್ಯ ಯೋಜನೆ ಅಡಿ ನೀಡುವ ಅಕ್ಕಿಯನ್ನು ಅವರುಪಡೆಯುತ್ತಿದ್ದರು. ಆ ಅಕ್ಕಿಯನ್ನು ದುಬಾರಿ ಬೆಲೆಗೆ ಅವರು ಬೇರೆ ಬೇರೆಯವರಿಗೆ ಮಾರಾಟ ಮಾಡುತ್ತಿದ್ದರು. ಪ್ರತಿ ತಿಂಗಳು ಪಡಿತರ ಅಕ್ಕಿ ವಿತರಣೆ ನಡೆದ ನಂತರ ಊರುರು ಅಲೆದಾಡಿ ಅವರು ಅಕ್ಕಿ ಸಂಗ್ರಹದಲ್ಲಿ ತೊಡಗಿಸಿಕೊಳ್ಳುತ್ತಿದ್ದರು. ಯಲ್ಲಪ್ಪ ಬಂಡಿ ಅವರು ಸರ್ಕಾರಿ ಅಕ್ಕಿ ಮಾರಾಟ ಮಾಡುವ ಬಗ್ಗೆ ಆಹಾರ ಇಲಾಖೆ ಅಧಿಕಾರಿಗಳಿಗೆ ಮಾಹಿತಿಯಿದ್ದು, ಅವರನ್ನು ಅಧಿಕಾರಿಗಳು ಹಿಂಬಾಲಿಸಿದ್ದರು. ಗುರುವಾರ 3 ಕ್ವಿಂಟಾಲ್’ಗೂ ಅಧಿಕ ಅಕ್ಕಿ ಸಂಗ್ರಹಿಸಿದ್ದ ಅವರ ಮೇಲೆ ಅಧಿಕಾರಿಗಳು ದಾಳಿ ಮಾಡಿದರು. ನಂದಿಗಟ್ಟಾ ಬಳಿ ಅಕ್ಕಿ ಸಂಗ್ರಹಿಸುತ್ತಿದ್ದ ಅವರು ಸಿಕ್ಕಿ ಬಿದ್ದಿದ್ದು ಕಂದಾಯ ನಿರೀಕ್ಷಕರಾದ ಪುನೀತ್ ಕುಮಾರ್, ಆಹಾರ ನಿರೀಕ್ಷಕರಾದ ಸಂಜು ಲಮಾಣಿ ಮತ್ತು ಲೆಕ್ಕಾಧಿಕಾರಿ ಶಿವರಾಜ ಸೇರಿ ಅವರನ್ನು ಸಾಕ್ಷಿ ಜೊತೆ ಹಿಡಿದರು.
- [ಅಭಿವೃದ್ದಿ ವಿಷಯ: ಸಚಿವರ ಮುಂದೆ ಶಾಸಕರ ಅರ್ಜಿ](https://mobiletime.in/2026/08/legislators-rehearsal-before-the-minister/): ಉತ್ತರ ಕನ್ನಡಕ್ಕೆ ಭೇಟಿ ನೀಡಿದ್ದ ಉಸ್ತುವಾರಿ ಸಚಿವ ಲಕ್ಷ್ಮಣ ಸವದಿ ಅವರ ಮುಂದೆ ಶಾಸಕ ಶಿವರಾಮ ಹೆಬ್ಬಾರ್, ಸತೀಶ್ ಸೈಲ್, ಭೀಮಣ್ಣ ನಾಯ್ಕ ಹಾಗೂ ದಿನಕರ ಶೆಟ್ಟಿ ಸೇರಿ ವಿವಿಧ ಸಮಸ್ಯೆಗಳ ಬಗ್ಗೆ ವಿವರಿಸಿದ್ದಾರೆ. ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್ ಅವರು ಸಹ ಸಚಿವರನ್ನು ಭೇಟಿ ಮಾಡಿ ಕ್ಷೇತ್ರದ ಅಭಿವೃದ್ಧಿಗಾಗಿ ಮನವಿ ಮಾಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅತಿವೃಷ್ಟಿ ಹಾಗೂ ಅನಾವೃಷ್ಟಿಯಿಂದಾಗಿರುವ ಬೆಳೆ ಹಾನಿ, ರಸ್ತೆ ಹಾನಿ, ಕುಡಿಯುವ ನೀರಿನ ಸಮಸ್ಯೆ ಮತ್ತು ವಿದ್ಯುತ್ ಮಸ್ಯೆಗಳ ಬಗ್ಗೆ ಸಚಿವ ಲಕ್ಷ್ಮಣ ಸವದಿ ಅವರು ಅಧ್ಯಯನ ನಡೆಸುತ್ತಿದ್ದಾರೆ. ಇದಕ್ಕಾಗಿ ಅಗಸ್ಟ 6 ಹಾಗೂ 7ರಂದು ಕ್ಷೇತ್ರದಲ್ಲಿ ಅವರು ಸಂಚಾರ ನಡೆಸುತ್ತಿದ್ದು, ಮೊದಲ ದಿನ ವಿವಿಧ ಕಡೆ ಸಭೆ ಮಾಡಿದ್ದಾರೆ. ಜೊತೆಗೆ ಸ್ಥಳ ಪರಿಶೀಲನೆಯನ್ನು ನಡೆಸಿದ್ದಾರೆ. ಗುರುವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಸಭೆ ನಡೆಸಿದ ಅವರು ಶಾಸಕರು ಹಾಗೂ ಅಧಿಕಾರಿಗಳಿಂದ ಬೆಳೆ ಹಾನಿ ಮಾಹಿತಿಪಡೆದಿದ್ದಾರೆ. ಅಡಿಕೆ ಗಿಡಗಳಿಗೆ ಬಾಧಿಸುತ್ತಿರುವ ಎಲೆಚುಕ್ಕಿ ರೋಗ, ಕೊಳೆ ರೋಗಗಳನ್ನು ತಡೆಗಟ್ಟುವ ಕುರಿತು ತಜ್ಞರೊಂದಿಗೆ ಚರ್ಚಿಸಿ ಮುಂದಿನ ಕ್ರಮ ಜರುಗಿಸುವುದಾಗಿಯೂ ಸಚಿವರು ಭರವಸೆ ನೀಡಿದ್ದಾರೆ. `ಅತಿವೃಷ್ಟಿ ಹಾಗೂ ಅನಾವೃಷ್ಟಿಯಿಂದಾಗಿರುವ ಸಮಸ್ಯೆಗಳಿಂದಾಗಿ ರೈತರಿಗೆ ಆರ್ಥಿಕವಾಗಿ ನಷ್ಟವಾಗಿದ್ದು, ರೈತರಿಗೆ ತುರ್ತಾಗಿ ಪರಿಹಾರ ಒದಗಿಸುವ ಕಾರ್ಯವಾಗಬೇಕಾಗಿದೆ. ಮುಂದಿನ ದಿನಗಳಲ್ಲಿ ಅಲ್ಪಾವಧಿ, ಮಧ್ಯಂತರ ಹಾಗೂ ದೀರ್ಘಾವಧಿ ಮೂರು ಹಂತಗಳಲ್ಲಿ ಪರಿಹಾರ ಒದಗಿಸುವ ಕಾರ್ಯ ಮಾಡಲಾಗುತ್ತದೆ’ ಎಂದವರು ಹೇಳಿದ್ದಾರೆ. `ಎಲ್ಲ ಶಾಸಕರನ್ನು ಒಳಗೊಂಡು ಪಕ್ಷಾತೀತವಾಗಿ ಪ್ರತಿಯೊಂದು ಕ್ಷೇತ್ರದ ಕುರಿತು ಮಾಹಿತಿ ಪಡೆಯುವೆ. ಆಗಿರುವ ಸಮಸ್ಯೆಯ ಕುರಿತು ವಿವಿಧ ಪ್ರದೇಶಗಳಿಗೆ ಅಧಿಕಾರಿಗಳೊಂದಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿ, ಜಿಲ್ಲಾಧಿಕಾರಿಗಳ ಮೂಲಕ ಸರ್ಕಾರಕ್ಕೆ ವರದಿ ನೀಡುವೆ. ಆ ಮೂಲಕ ಸೂಕ್ತ ಪರಿಹಾರ ಒದಗಿಸಲು ಮನವಿ ಮಾಡುವೆ’ ಎಂದವರು ಸಭೆಯಲ್ಲಿ ಹೇಳಿದ್ದಾರೆ. ಕಾರವಾರ – ಅಂಕೋಲಾ ಶಾಸಕ ಸತೀಶ ಸೈಲ್ ಮಾತನಾಡಿ `ಕ್ಷೇತ್ರದ ಗ್ರಾಮೀಣ ಭಾಗದ ರಸ್ತೆಗಳು ಮಳೆಯಿಂದ ಹಾಳಾಗಿದ್ದು, ದುರಸ್ತಿಗೊಳಿಸುವ ಕಾರ್ಯ ಆಗಬೇಕಿದೆ, ಕೈಗಾ ರಸ್ತೆ ಹೆಚ್ಚಿನ ಪ್ರಮಾಣದಲ್ಲಿ ಹಾಳಾಗಿದ್ದು ತಕ್ಷಣದಲ್ಲಿ ದುರಸ್ತಿಯಾಗಬೇಕಿದೆ’ ಎಂದಿದ್ದಾರೆ. ಶಿರಸಿ – ಸಿದ್ದಾಪುರ ಶಾಸಕ ಭೀಮಣ್ಣ ಟಿ ನಾಯ್ಕ ಅವರು ಮಾತನಾಡಿ `ಶಿರಸಿ ಭಾಗದಲ್ಲಿ ಹೆಚ್ಚಿನ ಸಂಖ್ಯೆಯ ಗ್ರಾಮೀಣ ರಸ್ತೆಗಳು ಹಾಳಾಗಿವೆ, ಅವೈಜ್ಞಾನಿಕ ಕಾಮಗಾರಿಯಿಂದ ರಸ್ತೆ ಸಂಚಾರಕ್ಕೆ ತೊಡಕಾಗಿದೆ. ಅಡಿಕೆ ಕೊಳೆರೋಗ ವ್ಯಾಪಕವಾಗಿದ್ದು ಇದಕ್ಕೆ ಸೂಕ್ತ ಔಷಧಿ ಕಂಡುಹಿಡಿದು ರೋಗಕ್ಕೆ ಪರಿಹಾರ ನೀಡಬೇಕಿದೆ. ಮನೆ ಹಾನಿ ಸಂದರ್ಭದಲ್ಲಿ ಸಂತ್ರಸ್ಥರಿಗೆ ಗರಿಷ್ಠ ಪ್ರಮಾಣದ ಪರಿಹಾರ ವಿತರಿಸಬೇಕು’ ಎಂದು ಒತ್ತಾಯಿಸಿದರು. ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್ ಅವರು `ಹಾರವಾಡದಲ್ಲಿನ ಕಡಲ ಕೊರೆತಕ್ಕೆ ಶಾಶ್ವತ ಪರಿಹಾರ ಕಾರ್ಯಗಳನ್ನು ಕೈಗೊಳ್ಳಬೇಕು’ ಎಂದರು. ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್, ಕುಮಟಾ ಶಾಸಕ ದಿನಕರ ಶೆಟ್ಟಿ, ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರದ ಅಧ್ಯಕ್ಷ ಸತೀಶ ನಾಯ್ಕ ಅವರು ಸಚಿವರ ಜೊತೆಯಿದ್ದು ವಿವಿಧ ಸಮಸ್ಯೆಗಳ ಬಗ್ಗೆ ಬೆಳಕು ಚೆಲ್ಲಿದರು. ಶುಕ್ರವಾರ ಸಚಿವರು ಶಿರಸಿ-ಮುಂಡಗೋಡು ಪ್ರವಾಸ ಮಾಡಲಿದ್ದು, ಅಲ್ಲಿಯೂ ಸಮಸ್ಯೆಗಳ ಬಗ್ಗೆ ಶಾಸಕರು ವಿವರಿಸಲಿದ್ದಾರೆ. ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ, ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಇತರರು ಜೊತೆಯಿದ್ದರು.
- [ಕಾರವಾರ ಕ್ಷೇತ್ರಕ್ಕೆ ನಾನೇ ಸೀಎಂ!](https://mobiletime.in/2026/08/i-am-the-cm-for-the-karwar-constituency/): `ಸಚಿವ ಸ್ಥಾನ ಸಿಗದಿದ್ದರೂ ಕ್ಷೇತ್ರದ ಅಭಿವೃದ್ದಿಗೆ ಅಗತ್ಯವಿರುವ ಅನುದಾನ ತರುವ ತಾಕತ್ತು ನನಗಿದೆ. ಸರ್ಕಾರ ಹಾಗೂ ಮುಖ್ಯಮಂತ್ರಿಗಳಿoದ ಕೆಲಸ ಮಾಡಿಸಿಕೊಳ್ಳುವ ವಿಧಾನವೂ ಗೊತ್ತಿದೆ’ ಎಂದು ಕಾರವಾರ-ಅಂಕೋಲಾ ಕ್ಷೇತ್ರದ ಶಾಸಕ ಸತೀಶ್ ಸೈಲ್ ಅವರು ಹೇಳಿದ್ದಾರೆ. ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು `ಸಚಿವ ಸ್ಥಾನ ಸಿಗದ ಕಾರಣ ನಾನು ಬೇಸರ ಮಾಡಿಕೊಳ್ಳುವ ಮನಸ್ಥಿತಿಯವನಲ್ಲ. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಕ್ಷೇತ್ರಕ್ಕೆ ಬೇಕಾದ ಕೆಲಸಗಳನ್ನು ಮಾಡಿಕೊಡುವುದಾಗಿ ಭರವಸೆ ನೀಡಿದ್ದಾರೆ. ಹೀಗಾಗಿ ಕಾರವಾರದ ಮಟ್ಟಿಗೆ ನಾನೇ ಸಿಎಂ’ ಎಂದವರು ಹೇಳಿದ್ದಾರೆ. `ಹಿಂದಿನ ಸರ್ಕಾರಕ್ಕಿಂತ ಹೆಚ್ಚಿನ ಅನುದಾನವನ್ನು ಕಾರವಾರ ಕ್ಷೇತ್ರಕ್ಕೆ ತಂದು ತೋರಿಸುತ್ತೇನೆ. ಅಪಪ್ರಚಾರ ಮಾಡುವವರ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ’ ಎಂದು ಹೇಳಿದ್ದಾರೆ. `ಅಪಪ್ರಚಾರ ಮಾಡುವವರು ದಾಖಲೆ ಬಿಡುಗಡೆ ಮಾಡಲಿ’ ಎಂದು ಅವರು ಸವಾಲು ಹಾಕಿದ್ದಾರೆ. `ಕ್ಷೇತ್ರದ ಜನರ ಭವಿಷ್ಯ ಹಾಗೂ ಅಭಿವೃದ್ಧಿ ವಿಷಯದಲ್ಲಿ ಎಂದಿಗೂ ರಾಜಿ ಇಲ್ಲ. ಹೊಸ ಅಧಿಕಾರಿಗಳಿಗೆ ಕ್ಷೇತ್ರ ಅಧ್ಯಯನಕ್ಕೆ ಕೊಂಚ ಸಮಯ ಬೇಕಿದ್ದು, ಕ್ರಮೇಣ ಎಲ್ಲವೂ ಸರಿಯಾಗಲಿದೆ’ ಎಂದಿದ್ದಾರೆ. `ಸಂಚಾರ ಸಮಯ, ಇಂಧನ ಉಳಿತಾಯ ಹಾಗೂ ಸುಲಭ ಕನೆಕ್ಟಿವಿಟಿ ದೃಷ್ಟಿಯಿಂದ ಬೆಳೇಕೇರಿಯಿಂದ ಹಾರವಾಡವರೆಗೆ ಸಂಪರ್ಕ ಕಲ್ಪಿಸುವ ಸೇತುವೆ ನಿರ್ಮಾಣಕ್ಕೆ 30 ಕೋಟಿ ರೂಪಾಯಿ ಮಂಜೂರಾಗಿದೆ. ಈ ಯೋಜನೆಯು ಮುದಗಾದಿಂದ ಗೋಕರ್ಣದವರೆಗಿನ ಸಂಪರ್ಕಕ್ಕೆ ಅನುಕೂಲವಾಗಲಿದೆ. ಇದರೊಂದಿಗೆ ಹಾರವಾಡ ಶಾಲೆಯ ದುರಸ್ತಿಗೆ ತಕ್ಷಣವೇ 30 ಲಕ್ಷ ರೂ ಅನುದಾನ ನೀಡಿದ್ದು, ಕೊರತೆಯಾಗುವ ಹಣವನ್ನು ಶಾಸಕರ ನಿಧಿಯಿಂದ ಕೊಡುವೆ’ ಎಂದಿದ್ದಾರೆ. `ಕೈಗಾದ ದೊಡ್ಡ ಯಂತ್ರಗಳ ಸಂಚಾರಕ್ಕೆ ಅನುಕೂಲವಾಗುವಂತೆ ಮುನ್ನೆಚ್ಚರಿಕೆಯಿಂದ ಡಿವೈಡರ್ ತೆರವು ಮಾಡಿಸಿದ್ದೇನೆ. ಅಭಿವೃದ್ಧಿ ವಿಚಾರದಲ್ಲಿ ನಾನು ಎಂಜಿನಿಯರ್ ಆಗಿ ದೂರದೃಷ್ಟಿಯಿಂದ ಯೋಚಿಸಿ ತೀರ್ಮಾನ ಕೈಗೊಳ್ಳುತ್ತೇನೆ. ನಷ್ಟದಲ್ಲಿರುವ ನಿರಾಶ್ರಿತರ ಕಾಲನಿಯ ರಸ್ತೆ ಹಾಗೂ ಸೇತುವೆ ಸಂಪರ್ಕವನ್ನು ಮರುನಿರ್ಮಾಣ ಮಾಡಲು ಶೀಘ್ರವೇ ಅಂದಾಜು ಪಟ್ಟಿಯನ್ನು ಸಿದ್ಧಪಡಿಸಲಾಗುತ್ತದೆ’ ಎಂದಿದ್ದಾರೆ.
- [ಕಾರವಾರ | ಈ ಹುಡುಗನನ್ನು ಹುಡುಕಿಕೊಡಿ!](https://mobiletime.in/2026/08/karwar-help-find-this-boy/): ಕಾರವಾರದ ಬಿ ಸಿ ಎಂ ಹಾಸ್ಟೇಲಿನಲ್ಲಿ ವಾಸವಾಗಿದ್ದ ಕೇಸರ್ ಬಂಕಾಪುರ ಅವರು ದಿಢೀರ್ ಆಗಿ ಕಾಣೆಯಾಗಿದ್ದಾರೆ. ಸರ್ಕಾರಿ ಪ್ರೌಢಶಾಲೆಯಲ್ಲಿ 9ನೇ ತರಗತಿ ಓದುತ್ತಿದ್ದ ಕೇಸರ್ ಅವರಿಗಾಗಿ ಅವರ ಕುಟುಂಬದವರು ಹುಡುಕಾಟ ನಡೆಸಿದ್ದಾರೆ. ಕಾರವಾರದ ಬಿ ಸಿ ಎಂ ಹಾಸ್ಟೇಲಿನಲ್ಲಿ ಕೇಸರ್ ಬಂಕಾಪುರ ಅವರು ಎರಡು ವರ್ಷಗಳಿಂದ ವಾಸವಾಗಿದ್ದರು. ಅಗಸ್ಟ 27ರ ಸಂಜೆ 5ಗಂಟೆಯವರೆಗೆ ಅವರು ಶಾಲೆಯಲ್ಲಿದ್ದರು. ಶಾಲೆ ಮುಗಿದ ನಂತರ ಅವರು ಹಾಸ್ಟೇಲಿಗೆ ಬಂದಿಲ್ಲ. ಅವರ ಮನೆಗೆ ಸಹ ಹೋಗಿಲ್ಲ. ಇದರಿಂದ ಶಾಲೆಯವರ ಜೊತೆ ಹಾಸ್ಟೇಲಿನವರು ಆತಂಕಕ್ಕೆ ಒಳಗಾಗಿದ್ದಾರೆ. ಜೊತೆಗೆ ಕೇಸರ್ ಬಂಕಾಪುರ ಅವರ ಕುಟುಂಬದವರು ಹುಡುಕಾಟ ಶುರು ಮಾಡಿದ್ದಾರೆ. 14ವರ್ಷ 11 ತಿಂಗಳ ಕೇಸರ್ ಪ್ರಶಾಂತ ಬಂಕಾಪುರ ಅವರು ಎಲ್ಲಿಯೂ ಸಿಗದ ಕಾರಣ ಎಲ್ಲರೂ ಸೇರಿ ಪೊಲೀಸರ ನೆರವು ಯಾಚಿಸಿದ್ದಾರೆ. ಪೊಲೀಸರು ಸದ್ಯ ಸಾರ್ವಜನಿಕರ ಸಹಕಾರದಲ್ಲಿ ಕೇಸರ್ ಅವರ ಶೋಧ ಶುರು ಮಾಡಿದ್ದಾರೆ. ಕೇಸರ್ ಬಂಕಾಪುರ ಅವರು ಕಾಣೆಯಾಗುವ ಮುನ್ನ ಬಿಳಿ ಬಣ್ಣದ ಶರ್ಟ್ ಹಾಗೂ ನೀಲಿ ಬಣ್ಣದ ಪ್ಯಾಂಟ್ ಧರಿಸಿದ್ದು, ಕನ್ನಡ ಭಾಷೆ ಮಾತನಾಡುತ್ತಾರೆ. ಅವರನ್ನು ಕಂಡರೆ ಇಲ್ಲಿ ಫೋನ್ ಮಾಡಿ: 9480805200 ಅಥವಾ 8277987514
- [ಕುಮಟಾ | ಒಬ್ಬಳು ಕುಳ್ಳಿ.. ಮತ್ತೊಬ್ಬಳು ಕಳ್ಳಿ!](https://mobiletime.in/2026/08/kumta-one-is-short-the-other-is-a-thief/): ಕದಿಯುವುದಕ್ಕಾಗಿಯೇ ಕುಮಟಾಗೆ ಬರುತ್ತಿದ್ದ ಕಳ್ಳ-ಕುಳ್ಳಿಯರು ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ. ಸರ್ಕಾರಿ ಬಸ್ಸಿಗೆ ಬರುವ ಮಹಿಳೆಯರನ್ನು ಗುರಿಯಾಗಿರಿಸಿಕೊಂಡು ಅವರ ಒಡವೆ ಅಪಹರಿಸುತ್ತಿದ್ದವರು ಜೈಲು ಸೇರಿದ್ದಾರೆ. ಭದ್ರಾವತಿ ಮೂಲದವರು ಎನ್ನಲಾದ ಸೀಮಾಬಾನು (42) ಮತ್ತು ಶಮ್ಮಾ ಬುಡಿಯಾ (27) ಅವರು ಆಗಾಗ ಕುಮಟಾಗೆ ಬರುತ್ತಿದ್ದರು. ಜನ ಜಂಗುಳಿಯಿರುವ ಪ್ರದೇಶಗಳಿಗೆ ನುಗ್ಗಿ ಅವರು ತಮ್ಮ ಕೈ ಚಳಕ ಪ್ರದರ್ಶಿಸುತ್ತಿದ್ದರು. ಮುಖ್ಯವಾಗಿ ಮಹಿಳೆಯರ ಮಾಂಗಲ್ಯ ಸರ ಕದ್ದು ಅವರು ಪರಾರಿಯಾಗುತ್ತಿದ್ದರು. ಚಿಕ್ಕೊಳ್ಳಿ ನಿವಾಸಿ ಹಾಗೂ ಆರೋಗ್ಯ ಕಾರ್ಯಕರ್ತೆಯಾಗಿರುವ ಭಾರತಿ ಶಿವು ನಾಯಕ ಅವರು ಅಗಸ್ಟ 18ರಂದು ಮಧ್ಯಾಹ್ನ ತಮ್ಮ ಪರ್ಸ ಕಳೆದುಕೊಂಡಿದ್ದರು. ಈ ಬಗ್ಗೆ ಅವರು ನೀಡಿದ ದೂರಿನ ಅನ್ವಯ ಪೊಲೀಸರು ಸಿಸಿ ಕ್ಯಾಮರಾ ಪರಿಶೀಲನೆ ನಡೆಸಿದರು. 100ಕ್ಕೂ ಅಧಿಕ ಸಿಸಿ ಕ್ಯಾಮರಾಗಳ ಪರಿಶೀಲನೆ ಮಾಡಿದಾಗ ಕಳ್ಳರ ಸುಳಿವು ಸಿಕ್ಕಿದ್ದು, ಅದೇ ಕಳ್ಳರು ಬಡಾಳ-ಸೊಪ್ಪಿನಹೊಸಳ್ಳಿ ಬಳಿ ತಿರುಗಾಡುವಾಗ ಪೊಲೀಸರು ವಶಕ್ಕೆಪಡೆದರು. ಆ ಕಳ್ಳಿಯರಿಬ್ಬರ ಬಳಿಯಿದ್ದ 20.180 ಗ್ರಾಂ ತೂಕದ ಚಿನ್ನಾಭರಣವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಅದರ ಮೌಲ್ಯ 260 ಲಕ್ಷ ರೂಪಾಯಿಗಳಾಗಿದ್ದು, ಆರೋಪಿತರಾದ ಸೀಮಾಬಾನು ಮತ್ತು ಶಮ್ಮಾ ಬುಡಿಯಾ ಅವರ ವಿಚಾರಣೆ ಮುಂದುವರೆದಿದೆ. ಕುಮಟಾ ಪೊಲೀಸ್ ನಿರೀಕ್ಷಕ ಯೋಗೇಶ ಕೆ ಎಂ ಅವರ ನೇತೃತ್ವದಲ್ಲಿ ಪಿಎಸ್‌ಐ ಸಾವಿತ್ರಿ ನಾಯಕ ಹಾಗೂ ಸಿಬ್ಬಂದಿ ಗಣೇಶ ನಾಯ್ಕ, ದಯಾನಂದ ನಾಯ್ಕ, ಕಿರಣ ನಾಯ್ಕ ಮತ್ತು ಗುರು ನಾಯಕ ಅವರ ಕಾರ್ಯಾಚರಣೆಯಿಂದ ಈ ಕಳ್ಳಿಯರಿಬ್ಬರು ಸಿಕ್ಕಿಬಿದ್ದಿದ್ದಾರೆ.
- [ಯಲ್ಲಾಪುರ | ಗೋವಾದಲ್ಲಿದ್ದ ಉದ್ಯಮಿ ಗುರಿಯಾಗಿರಿಸಿ ಗುಂಡಿನ ಕಾಳಗ!](https://mobiletime.in/2026/08/yellapur-shootout-targeting-a-businessman-based-in-goa/): ಗೋವಾದಲ್ಲಿ ಕ್ಯಾಸಿನೋ ನಡೆಸುವ ಯಲ್ಲಾಪುರ ಮೂಲದ ಶ್ರೀನಿವಾಸ ನಾಯಕ ಅವರ ಮೇಲೆ ದುಷ್ಕರ್ಮಿಗಳು ಗುಂಡಿನ ದಾಳಿ ನಡೆಸಿದ್ದಾರೆ. ಈ ವೇಳೆ ಶ್ರೀನಿವಾಸ ನಾಯ್ಕ ಅವರು ತಕ್ಷಣ ಹೊಟೇಲ್ ಒಳಗೆ ನುಗ್ಗಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಶ್ರೀನಿವಾಸ ನಾಯಕ ಅವರು ಯಲ್ಲಾಪುರ ಮೂಲದವರು. ರಾಮನಾಥ ಡೆವಲಪರ್ಸನ ಬಾಲು ನಾಯಕ ಅವರ ಸಹೋದರ. ಬಾಲ್ಯವನ್ನು ಯಲ್ಲಾಪುರದಲ್ಲಿಯೇ ಕಳೆದ ಶ್ರೀನಿವಾಸ ನಾಯಕ ಅವರು ನಂತರ ಗೋವಾಗೆ ಹೋಗಿ ನೆಲೆಸಿದ್ದು, ಅಲ್ಲಿಯೇ ತಮ್ಮ ಕುಟುಂಬದವರ ಜೊತೆ ವಾಸವಾಗಿದ್ದಾರೆ. ಜೊತೆಗೆ ಅವರು ಗೋವಾದಲ್ಲಿ ಕ್ಯಾಸಿನೋ ಮೆಜೆಸ್ಟಿಕ್’ನ ನಿರ್ದೇಶಕರಾಗಿದ್ದಾರೆ. ಶುಕ್ರವಾರ ರಾತ್ರಿ ಶ್ರೀನಿವಾಸ ನಾಯಕ ಅವರನ್ನು ಕೊಲೆ ಮಾಡುವ ಉದ್ದೇಶದಿಂದ ವ್ಯಕ್ತಿಗಳಿಬ್ಬರು ದಾಳಿ ಮಾಡಿದ್ದಾರೆ. ಅವರು ಕಾರು ಹತ್ತುವ ವೇಳೆ ದಿಢೀರ್ ಆಗಿ ಆಗಮಿಸಿದ ಆಗಂತುಕರು ಪಿಸ್ತೂಲು ತೆಗೆದು ಗುಂಡು ಹಾರಿಸಿದ್ದಾರೆ. ಈ ವೇಳೆ ಶ್ರೀನಿವಾಸ ನಾಯಕ ಅವರ ಜೊತೆಗಿದ್ದ ಭದ್ರತಾ ಸಿಬ್ಬಂದಿ ಪ್ರತಿ ದಾಳಿ ಮಾಡಿದ್ದು, ತಕ್ಷಣ ಆ ಆಗಂತುಕರು ಪಿಸ್ತೂಲು ತೋರಿಸುತ್ತಲೇ ಅಲ್ಲಿಂದ ಪರಾರಿಯಾಗಿದ್ದಾರೆ. ಪೋರ್ವೊರಿಮ್ ಪೊಲೀಸ್ ಠಾಣೆ ಮತ್ತು ಉತ್ತರ ಗೋವಾ ಎಸ್‌ಪಿ ಕೇಂದ್ರ ಕಚೇರಿಯಿಂದ 100 ಮೀಟರ್ ದೂರದಲ್ಲಿ ಈ ಗುಂಡಿನ ಕಾಳಗ ನಡೆದಿದೆ. ಸಮೀಪದ ಹೊಟೇಲಿನ ಸಿಸಿ ಕ್ಯಾಮರಾದಲ್ಲಿ ದುಷ್ಕರ್ಮಿಗಳ ಚಹರೆ ಪತ್ತೆಯಾಗಿದೆ. ಆ ಅಪರಿಚಿತರು ಒಟ್ಟು ಮೂರು ಸುತ್ತಿನಲ್ಲಿ ಗುಂಡು ಹಾರಿಸಿದ್ದು, ನಂತರ ಹೆದ್ದಾರಿ ದಾಟಿ ಪರಾರಿಯಾಗಿದ್ದಾರೆ. ಸದಾ ಜನ ಓಡಾಡುವ ಪ್ರದೇಶದಲ್ಲಿಯೇ ಏಕಾಏಕಿ ಈ ದಾಳಿ ನಡೆದಿದ್ದರಿಂದ ಗೋವಾ ತಲ್ಲಣಗೊಂಡಿದೆ. ಆದರೆ, ಅವರು ಯಾರು? ಎಲ್ಲಿನವರು ಎಂದು ಈವರೆಗೂ ಗೊತ್ತಾಗಿಲ್ಲ. ಯಾವ ಉದ್ದೇಶಕ್ಕಾಗಿ ಅವರು ದಾಳಿ ಮಾಡಿದರೂ ಎನ್ನುವುದರ ಬಗ್ಗೆಯೂ ಮಾಹಿತಿ ಸಿಕ್ಕಿಲ್ಲ. `ಶಂಕಿತರ ಪತ್ತೆಗೆ ಶ್ರಮಿಸಲಾಗುತ್ತಿದೆ. ದಾಳಿಯ ಹಿಂದಿನ ಸಂಚನ್ನು ಬಯಲು ಮಾಡುತ್ತೇವೆ’ ಎಂದು ಉತ್ತರ ಗೋವಾ ಎಸ್‌ಪಿ ಹರೀಶ್ ಮಡ್ಕೈಕರ್ ಅವರು ಹೇಳಿದ್ದಾರೆ. ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಅವರು ಈ ಘಟನೆಯನ್ನು ಗಂಭೀರವಾಗಿ ಖಂಡಿಸಿದ್ದಾರೆ. ಆರೋಪಿಗಳನ್ನು ಕೂಡಲೇ ಬಂಧಿಸುವAತೆ ಅವರು ಪೊಲೀಸರಿಗೆ ಸೂಚಿಸಿದ್ದು, ಸಿಸಿ ಕ್ಯಾಮರಾ ದೃಶ್ಯಾವಳಿ ಆಧಾರದಲ್ಲಿ ಆರೋಪಿಗಳ ಹುಡುಕಾಟ ನಡೆದಿದೆ.
- [ಕುಮಟಾ | ಮೀನು ಹಿಡಿಯಲು ಹೋದವ ನೀರುಪಾಲು!](https://mobiletime.in/2026/08/kumta-man-drowns-while-out-fishing/): ಮೀನು ಹಿಡಿಯುವುದಕ್ಕಾಗಿ ಮನೆಯಿಂದ ಹೊರಟಿದ್ದ ಮಂಜುನಾಥ ಹರಿಕಂತ್ರ ಅವರು ನದಿ ನೀರಿಗೆ ಬಿದ್ದು ಸಾವನಪ್ಪಿದ್ದಾರೆ. ಎರಡು ದಿನದಿಂದ ಕಾಣೆಯಾಗಿದ್ದ ಅವರು ಈ ದಿನ ಶವವಾಗಿ ಸಿಕ್ಕಿದ್ದಾರೆ. ಕುಮಟಾ-ಗೋಕರ್ಣ ನಡುವಿನ ಮಾದನಗೇರಿ ಹೊಸನಗರದಲ್ಲಿ ಮಂಜುನಾಥ ರಾಮ ಹರಿಕಂತ್ರ ಅವರು ವಾಸವಾಗಿದ್ದರು. 35 ವರ್ಷದ ಅವರು ಮೀನುಗಾರಿಕೆ ನಡೆಸಿ ಬದುಕು ಕಟ್ಟಿಕೊಂಡಿದ್ದರು. ಅಗಸ್ಟ 26ರಂದು ಬೆಳಗ್ಗೆ ಮೀನುಗಾರಿಕೆಗಾಗಿ ಮನೆಯಿಂದ ಹೋರಟಿದ್ದರು. ಆ ದಿನ ರಾತ್ರಿಯಾದರೂ ಅವರು ಮನೆಗೆ ಮರಳಿರಲಿಲ್ಲ. ಅಗಸ್ಟ 28ರ ಬೆಳಗ್ಗೆ ಗಂಗಾವಳಿ ಸೇತುವೆಯ ತಳಭಾಗದಲ್ಲಿ ಶವವೊಂದು ಕಾಣಿಸಿತು. ಸ್ಥಳೀಯರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಉಳುವರೆ ನದಿ ನೀರಿನಲ್ಲಿ ತೇಲುತ್ತಿದ್ದ ಶವವನ್ನು ಮೇಲೆತ್ತಿದರು. ಸಾವನಪ್ಪಿದ ವ್ಯಕ್ತಿಯ ಕತ್ತಿನಲ್ಲಿ ಆಂಜಿನೇಯನ ಲಾಕೆಟ್ ಹಾಗೂ ಕೈಗೆ ಕಪ್ಪು ದಾರವಿದ್ದು, ಅದರ ಆಧಾರದಲ್ಲಿ ಪೊಲೀಸರು ಗುರುತು ಪತ್ತೆಗೆ ಮುಂದಾದರು. ಅದಾದ ನಂತರ ಸರೋಜಿನಿ ರಾಮಾ ಹರಿಕಂತ್ರ ಅವರು ಆಗಮಿಸಿ ತಮ್ಮ ಮಗನ ಶವ ಗುರುತಿಸಿದರು. ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಮರಣೋತ್ತರ ಪರೀಕ್ಷೆ ನಂತರ ಶವವನ್ನು ಕುಟುಂಬದವರಿಗೆ ನೀಡಿದ್ದಾರೆ.
- [ಯಲ್ಲಾಪುರ | ಮತ್ತೊಂದು ಬಾಲ್ ಪೆನ್ ವಶ!](https://mobiletime.in/2026/08/yellapur-another-ballpoint-pen-seized/): ತೆಲಂಗಾರಿನ ವಿಘ್ನೇಶ್ವರ ನಾಯ್ಕ ಅವರು ಒಂದು ಬಾಲ್ ಪೆನ್ ಹಾಗೂ ಕಾಗದದ ಚೂರುಗಳನ್ನಿರಿಸಿಕೊಂಡು ಅಂಕಿ-ಸoಖ್ಯೆ ಆಟವಾಡಿಸುತ್ತಿದ್ದು, ಪಿಸೈ ರಾಜಶೇಖರ ವಂದಲಿ ಅವರು ಆ ಆಟಕ್ಕೆ ತಡೆ ಒಡ್ಡಿದ್ದಾರೆ. ಇಡಗುಂದಿಯ ಶ್ರೇಯಸ್ ಚಿಕನ್ ಎದುರು ನಡೆಯುತ್ತಿದ್ದ ಮಟ್ಕಾ ಆಡಿಸುತ್ತಿದ್ದ ವಿಘ್ನೇಶ್ವರ ನಾಯ್ಕ ಅವರ ಬಳಿಯಿದ್ದ ಬಾಲ್ ಪೆನ್ ಹಾಗೂ ಚೀಟಿಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಯಲ್ಲಾಪುರದ ತೆಲಂಗಾರಿನ ಮಾರ್ಕೇಜಡ್ಡಿಯಲ್ಲಿ ವಿಘ್ನೇಶ್ವರ ವೆಂಕಟ್ರಮಣ ನಾಯ್ಕ ಅವರು ವಾಸವಾಗಿದ್ದಾರೆ. 39 ವರ್ಷದ ಅವರು ವ್ಯಾಪಾರಿಯಾಗಿದ್ದು, ಅಂಕಿ-ಸAಖ್ಯೆಗಳ ಆಟ ಆಡಿಸಿ ಅಡ್ಡದಾರಿ ಮೂಲಕ ದುಡ್ಡು ಮಾಡುತ್ತಿದ್ದಾರೆ. ಅದರಂತೆ, ಅಗಸ್ಟ 28ರಂದು ಅವರು ಇಡಗುಂದಿಯ ಶ್ರೇಯಸ್ ಚಿಕನ್ ಎದುರು ನಿಂತು ಅಲ್ಲಿಗೆ ಬರುವ ಜನರಿಗೆ ಮಟ್ಕಾ ಆಟ ಆಡುವಂತೆ ಪ್ರೇರೇಪಿಸಿದ್ದಾರೆ. 1ರೂಪಾಯಿ ಹೂಡಿಕೆ ಮಾಡಿದ ಅದೃಷ್ಠವಂತರಿಗೆ 80ರೂ ನೀಡುವುದಾಗಿ ಹೇಳಿ 270ರೂ ಸಂಗ್ರಹಿಸಿದ್ದಾರೆ. ಮಧ್ಯಾಹ್ನ 1.35ರ ವೇಳೆಗೆ ಈ ವಿಷಯ ಪೊಲೀಸರಿಗೆ ಗೊತ್ತಾಗಿದೆ. ಪಿಸೈ ರಾಜಶೇಖರ ವಂದಲಿ ಅವರು ತಮ್ಮ ತಂಡದೊAದಿಗೆ ದಾಳಿ ನಡೆಸಿ, ಆ ಕಾನೂನುಬಾಹಿರ ಕ್ರೀಡೆ ನಿಲ್ಲಿಸಿದ್ದಾರೆ. ವಿಘ್ನೇಶ್ವರ ನಾಯ್ಕ ಅವರು ಜನರಿಂದ ಸಂಗ್ರಹಿಸಿದ್ದ ಹಣದ ಜೊತೆ ಅವರ ಬಳಿಯಿದ್ದ ಪೆನ್ನು-ಪೆಪರನ್ನು ವಶಕ್ಕೆಪಡೆದಿದ್ದಾರೆ. ಜೂಜಾಟಗಳಿಂದ ಜನರ ಜೀವನ ಹಾಳಾಗುತ್ತಿರುವ ಬಗ್ಗೆ ಅರಿವು ಮೂಡಿಸಿದ ಪೊಲೀಸರು ವಿಘ್ನೇಶ್ವರ ನಾಯ್ಕ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ.
- [ಕುಮಟಾ | ಆಪರೇಶನ್'ಗೆ ಹೆದರಿ ಆತ್ಮಹತ್ಯೆಗೆ ಶರಣಾದ!](https://mobiletime.in/2026/08/kumta-ends-life-fearing-surgery/): ಅಡುಗೆ ಕೆಲಸ ಮಾಡಿಕೊಂಡಿದ್ದ ವಸಂತ ಹೆಗಡೆ ಅವರಿಗೆ ಹೊಟ್ಟೆಯೊಳಗೆ ಗಡ್ಡೆ ಬೆಳೆದಿದ್ದು, ಆಪರೇಶನ್’ಗೆ ಹೆದರಿ ಅವರು ಪ್ರಾಣಬಿಟ್ಟಿದ್ದಾರೆ. ವಸಂತ ಹೆಗಡೆ ಅವರು ದೇವರ ಮನೆಯೊಳಗೆ ನೇಣು ಹಾಕಿಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಕುಮಟಾ ಮುಗ್ವೇಖಾನವಾಡಿಯ ಎತ್ತಿನಬೈಲ್ ಬಳಿಯ ಗೌಡಗುಳಿಯಲ್ಲಿ ವಸಂತ ವಿಘ್ನೇಶ್ವರ ಹೆಗಡೆ ಅವರು ವಾಸವಾಗಿದ್ದರು. 35 ವರ್ಷದ ಅವರು ಕೃಷಿ ಕೆಲಸದ ಜೊತೆ ಅಡುಗೆ ಮಾಡುವುದರಲ್ಲಿ ಪರಿಣಿತರಾಗಿದ್ದರು. ಎರಡು ವರ್ಷದ ಹಿಂದೆ ಅವರಿಗೆ ಹೊಟ್ಟೆಯಲ್ಲಿ ಸಮಸ್ಯೆ ಕಾಣಿಸಿಕೊಂಡಿದ್ದು, ತಪಾಸಣೆಗೆ ಒಳಗಾದಾಗ ಹೊಟ್ಟೆಯ ಬಲಭಾಗದಲ್ಲಿ ಗಡ್ಡೆಯಿರುವುದು ಗೊತ್ತಾಯಿತು. `ಆಪರೇಶನ್ ಮಾಡಿ ಗಡ್ಡೆ ತೆಗೆಯಬೇಕು’ ಎಂದು ವೈದ್ಯರು ಹೇಳಿದ್ದರು. ಅಂದಿನಿAದ ಈವರೆಗೂ ವಸಂತ ಹೆಗಡೆ ಅವರು ಗಡ್ಡೆಯ ಬಗ್ಗೆಯೇ ಚಿಂತಿಸುತ್ತಿದ್ದರು. ಆಪರೇಶನ್ ಬಗ್ಗೆ ಅವರು ಸಾಕಷ್ಟು ಹೆದರಿದ್ದರು. ಗಡ್ಡೆ ಬೆಳೆದಿರುವುದು ಹಾಗೂ ಆಪರೇಶನ್ ಮಾಡಿಸಬೇಕು ಎಂದು ವೈದ್ಯರು ಹೇಳಿದ ಕಾರಣ ವಸಂತ ಹೆಗಡೆ ಅವರು ಮಾನಸಿಕವಾಗಿ ಕುಗ್ಗಿದ್ದರು. ಆ ಆಪರೇಶನ್’ಗೆ ಹೆದರಿದ ಅವರು ಅಗಸ್ಟ 27ರಂದು ದುಡುಕು ನಿರ್ಧಾರಕ್ಕೆ ಮುಂದಾದರು. ಆ ದಿನ ಸಂಜೆ 4ಗಂಟೆಯವರೆಗೂ ಚಿಂತಿಸಿದ ವಸಂತ ಹೆಗಡೆ ಅವರು ನಂತರ ದೇವರಮನೆಗೆ ಹೋದರು. ಅಲ್ಲಿದ್ದ ಫ್ಯಾನಿಗೆ ಹಗ್ಗ ಸಿಕ್ಕಿಸಿ ನೇಣು ಹಾಕಿಕೊಂಡರು. ಸಂಜೆ 7 ಗಂಟೆ ಅವಧಿಗೆ 70 ವರ್ಷದ ವಿಘ್ನೇಶ್ವರ ಗಣೇಶ ಹೆಗಡೆ ಅವರು ದೇವರಮನೆ ಪ್ರವೇಶಿಸಿದ್ದು, ಅಲ್ಲಿ ಅವರ ಮಗ ವಸಂತ ಹೆಗಡೆ ಅವರು ಶವವಾಗಿದ್ದರು.  
- [ಮುಂಡಗೋಡ:  ಪೋಷಣ ಅಭಿಯಾನ: ಕಚೇರಿ ಕೆಲಸಕ್ಕೆ ಅರ್ಜಿ ಆಹ್ವಾನ](https://mobiletime.in/2026/08/mundagoda-poshan-abhiyan-call-for-applications-for-office-jobs/): ಮುಂಡಗೋಡಿನ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಅಭಿವೃದ್ಧಿ ಇಲಾಖೆಯಲ್ಲಿ ಉದ್ಯೋಗವೊಂದು ಖಾಲಿ ಇದೆ. ಇಲ್ಲಿ ಬ್ಲಾಕ್ ಕೋ ಆರ್ಡಿನೇಟರ್ ಹುದ್ದೆಗೆ ಅರ್ಹರ ಹುಡುಕಾಟ ನಡೆದಿದೆ. ಮುಂಡಗೋಡಿನ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಪೊಷಣ್ ಅಭಿಯಾನ ಯೋಜನೆಯಡಿ ಶಿಶು ಅಭಿವೃದ್ಧಿ ಯೋಜನಾ ಕಚೇರಿಯಲ್ಲಿ ಗುತ್ತಿಗೆ ಆಧಾರದಲ್ಲಿ ಈ ಹುದ್ದೆ ನೇಮಕಾತಿ ನಡೆಯಲಿದೆ. ಸದ್ಯ ಒಂದು ಹುದ್ದೆ ಮಾತ್ರ ಖಾಲಿಯಿದ್ದು, ಅದಕ್ಕಾಗಿ ಅರ್ಜಿ ಆಹ್ವಾನಿಸಲಾಗಿದೆ. ಆಸಕ್ತ ಅಭ್ಯರ್ಥಿಗಳು ನಿಗದಿತ ನಮೂನೆಯಲ್ಲಿ ಅರ್ಜಿಯನ್ನು ಕಚೇರಿಯಲೇ ಪಡೆಯಬೇಕು. ಉಪನಿರ್ದೇಶಕರ ಕಚೇರಿಯಲ್ಲಿ ಅರ್ಜಿ ಸಿಗುತ್ತದೆ ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪ ನಿರ್ದೇಶಕರು ಹೇಳಿದ್ದಾರೆ. ಇನ್ನೂ ಅರ್ಜಿ ಸಲ್ಲಿಕೆಗೆ ಸೆಪ್ಟೆಂಬರ್ 15 ಕೊನೆ ದಿನ. ನಂತರ ಸ್ವೀಕೃತವಾದ ಅರ್ಜಿಗಳನ್ನು ಆಯ್ಕೆ ಪ್ರಕ್ರಿಯೆಗೆ ಪರಿಗಣಿಸುವುದಿಲ್ಲ. ಅಗತ್ಯವಿರುವ ದಾಖಲೆ, ಷರತ್ತು ಹಾಗೂ ಹೆಚ್ಚಿನ ಮಾಹಿತಿಗಾಗಿ ಉಪ ನಿರ್ದೇಶಕರ ಕಚೇರಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಕಾರವಾರವನ್ನು ಸಂಪರ್ಕಿಸಬೇಕು. ಕಚೇರಿಯ ಫೋನ್ ನಂ: 08382 226761
- [ಕಸ್ತೂರಿ ರಂಗನ್: ವರದಿ ಜಾರಿಗೆ ಬಿಡದ ಭೀಮಣ್ಣ!](https://mobiletime.in/2026/08/kasturirangan-bhimanna-blocks-implementation-of-the-report/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಸ್ತೂರಿ ರಂಗನ್ ವರದಿ ಜಾರಿಗೆ ಬಿಡುವುದಿಲ್ಲ. ರಾಜ್ಯ ಸರ್ಕಾರವೂ ಇದನ್ನು ತಿರಸ್ಕರಿಸಲಿದೆ’ ಎಂದು ಶಿರಸಿ-ಸಿದ್ದಾಪುರ ಕ್ಷೇತ್ರ ಶಾಸಕ ಭೀಮಣ್ಣ ನಾಯ್ಕ ಅವರು ಹೇಳಿದ್ದಾರೆ. ಸಿದ್ದಾಪುರದಲ್ಲಿ ಮಾಧ್ಯಮದವರ ಜೊತೆ ಮಾತನಾಡಿದ ಅವರು `ಮಸ್ಯೆಯಾಗುವ ಯಾವ ವರದಿಯನ್ನು ಸರ್ಕಾರ ಜಾರಿ ಮಾಡುವುದಿಲ್ಲ’ ಎಂಬ ಭರವಸೆ ನೀಡಿದ್ದಾರೆ. `ಕಸ್ತೂರಿ ರಂಗನ್ ವರದಿ ಜಾರಿಯಾದರೆ ಉತ್ತರ ಕನ್ನಡ ಜಿಲ್ಲೆಯ ಜನಜೀವನದ ಮೇಲೆ ಅತಿ ಗಂಭೀರ ಪರಿಣಾಮ ಬೀರಲಿದೆ. ಕೃಷಿ ಹಾಗೂ ತೋಟಗಾರಿಕೆ ಸೇರಿದಂತೆ ರೈತಾಪಿ ವರ್ಗದ ದಿನನಿತ್ಯದ ಚಟುವಟಿಕೆಗಳು ಸಂಪೂರ್ಣವಾಗಿ ಕುಂಠಿತಗೊಳ್ಳುವ ಸಾಧ್ಯತೆಯಿದೆ. ಜನಜೀವನಕ್ಕೆ ಮಾರಕವಾಗಬಹುದಾದ ಈ ವರದಿಯನ್ನು ರಾಜ್ಯ ಸರ್ಕಾರ ಯಾವುದೇ ಕಾರಣಕ್ಕೂ ಒಪ್ಪಿಕೊಳ್ಳುವುದಿಲ್ಲ’ ಎಂದವರು ಹೇಳಿದ್ದಾರೆ. `ಈ ಕುರಿತು ಮುಖ್ಯಮಂತ್ರಿ ಹಾಗೂ ಅರಣ್ಯ ಸಚಿವರನ್ನು ಶಾಸಕರ ನಿಯೋಗ ಭೇಟಿ ಮಾಡಿದ್ದು, ಖಚಿತ ಭರವಸೆ ಸಿಕ್ಕಿದೆ’ ಎಂದಿದ್ದಾರೆ. `ಕಸ್ತೂರಿ ರಂಗನ್ ವರದಿ ಜಾರಿ ಕುರಿತು ಹಿಂದಿನ ಅಧಿವೇಶನದಲ್ಲಿಯೇ ತೀವ್ರ ವಿರೋಧ ವ್ಯಕ್ತಪಡಿಸಲಾಗಿತ್ತು. ಆಗೀನ ಸೀಎಂ ಸಿದ್ದರಾಮಯ್ಯ ಅವರು ವರದಿ ಜಾರಿಗೊಳಿಸುವುದಿಲ್ಲ ಎಂದಿದ್ದರು. ಇದೀಗ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಶಾಸಕರು, ಸಾಗರ ಶಾಸಕರು ಸೇರಿದಂತೆ ಈ ವರದಿಯಿಂದ ದುಷ್ಪರಿಣಾಮ ಎದುರಿಸಲಿರುವ ಹಲವು ಶಾಸಕರು ಹಾಗೂ ಸಚಿವರು ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ಅವರೊಂದಿಗೆ ಸುದೀರ್ಘವಾಗಿ ಚರ್ಚೆ ನಡೆಸಿದ್ದಾರೆ’ ಎಂದವರು ವಿವರಿಸಿದರು. `ಉತ್ತರ ಕನ್ನಡ ಜಿಲ್ಲೆಯು ಕೈಗಾ, ಸೀಬರ್ಡ್ ನೌಕಾನೆಲೆ ಹಾಗೂ ವಿವಿಧ ವಿದ್ಯುತ್ ಯೋಜನೆಗಳಿಗಾಗಿ ಈಗಾಗಲೇ ಸಾಕಷ್ಟು ಭೂಮಿಯನ್ನು ತ್ಯಾಗ ಮಾಡಿದೆ. ಇಂತಹ ಪರಿಸ್ಥಿತಿಯಲ್ಲಿ ಕಸ್ತೂರಿ ರಂಗನ್ ವರದಿ ಜಾರಿಯಾದರೆ ಇಲ್ಲಿನ ಜನರು ತಮ್ಮ ಮನೆಗಳಿಂದ ಹೊರಗೆ ಬಂದು ನೆಮ್ಮದಿಯ ಜೀವನ ನಡೆಸುವುದೇ ಕಷ್ಟವಾಗಲಿದೆ. ಹೀಗಾಗಿಯೇ ಪಕ್ಷಭೇದ ಮರೆತು ಜಿಲ್ಲೆಯ ಎಲ್ಲ ಶಾಸಕರು ಒಗ್ಗೂಡಿ ವರದಿಯನ್ನು ವಿರೋಧಿಸಿದ್ದೇವೆ’ ಎಂದು ಅವರು ಸ್ಪಷ್ಟಪಡಿಸಿದರು.
- [ಮಾರಕ ಯೋಜನೆಗಳಿಗೆ ಅಡ್ಡಿ ಆಗದ ಕಸ್ತೂರಿ ರಂಗನ್ ವರದಿ: ಗಂಭೀರ ಪ್ರಶ್ನೆ!](https://mobiletime.in/2026/08/kasturirangan-report-does-not-hinder-destructive-projects-a-serious-question/): ಶಿರಸಿಯ ಬಂಕನಾಳ, ದಾಸನಕೊಪ್ಪ, ಅಂಡಗಿ, ಕೊರ್ಲಕಟ್ಟ, ಹಲಗದ್ದ ಮೊದಲಾದ ಕಡೆ ಕಸ್ತೂರಿ ರಂಗನ್ ವರದಿ ಕುರಿತು ಜನ ಜಾಗೃತಿ ಸಭೆ ನಡೆದಿದೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಈ ಸಭೆ ನಡೆಸಿದೆ. `ನದಿ ತಿರುವು ಯೋಜನೆ, ಪಂಪ್ ಸ್ಟೋರೆಜ್ ಯೋಜನೆ, ಅಣು ಘಟಕಗಳ ವಿಸ್ತರಣೆ ಸೇರಿ ಅನೇಕ ಯೋಜನೆಗಳಗೆ 64 ಸಾವಿರ ಹೆಕ್ಟೇರ್ ಅರಣ್ಯ ಕೊಡುವ ಪ್ರಸ್ತಾಪ ಸರ್ಕಾರದ ಮುಂದಿದೆ. ಹೀಗಿರುವಾಗ ಅದಕ್ಕೆ ಕಸ್ತೂರಿ ರಂಗನ್ ವರದಿಯಲ್ಲಿ ಪ್ರಸ್ತಾಪವಾದ ಸೂಕ್ಷ ಪ್ರದೇಶ ಅಡ್ಡಿಯಾಗುವುದಿಲ್ಲವೇ?’ ಎಂದು ಈ ಸಭೆಯಲ್ಲಿ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಪ್ರಶ್ನಿಸಿದ್ದಾರೆ. `ಜನರ ಬದುಕಿಗೆ ಸಮಸ್ಯೆಯಾಗುವ ಯಾವ ಯೋಜನೆಯೂ ಜಿಲ್ಲೆಗೆ ಬೇಡ. ಅಂಥ ಯಾವ ಘೋಷಣೆಯೂ ಅಗತ್ಯವಿಲ್ಲ’ ಎಂದವರು ಹೇಳಿದ್ದಾರೆ. ಸೆಪ್ಟೆಂಬರ್ 5ರಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯಿಂದ ಶಿರಸಿಯಲ್ಲಿ ರ‍್ಯಾಲಿ ಆಯೋಜಿಸಲಾಗಿದ್ದು, ಕಸ್ತೂರಿ ರಂಗನ್ ವರದಿಗೆ ಆಕ್ಷೇಪ ಸಲ್ಲಿಸುವ ಬಗ್ಗೆ ಚಿಂತಿಸಲಾಗಿದೆ. ಅದರ ಭಾಗವಾಗಿ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಎಲ್ಲಡೆ ಜನ ಜಾಗೃತಿ ನಡೆಸುತ್ತಿದ್ದಾರೆ. `ಜನ ಜೀವನಕ್ಕೆ ಮಾರಕವಾಗುವ ಕರಡು ಕಸ್ತೂರಿ ರಂಗನ್ 7ನೇ ಅಧಿಸೂಚನೆಯಲ್ಲಿ ಪ್ರಸ್ತಾಪವಾಗಿದ್ದು, ಜನ ವಿರೋಧಿ ಮತ್ತು ಪರಿಸರ ನಾಶಕ್ಕೆ ಕಾರಣವಾಗಿರುವ ಬೇಡ್ತಿ, ಶರಾವತಿ ಪಂಪ್ ಸ್ಟೋರೇಜ್ , ಕೈಗಾ ಅಣುಸ್ಥಾವರ, ಕಾಳಿ ಹೈಡ್ರೋ ಪ್ರೋಜೆಕ್ಟಗೆ ಮುಂತಾದ ಯೋಜನೆಗಳಿಗೆ ಅರಣ್ಯ ಪ್ರದೇಶವನ್ನು ಸರ್ಕಾರವು ಬಿಡುಗಡೆ ಮಾಡಿದೆ. ನೈಸರ್ಗಿಕ ಅರಣ್ಯ ಪ್ರದೇಶವನ್ನು ಯೋಜನೆಗಳಿಗೆ ಸರ್ಕಾರವು ಅರಣ್ಯ ಪ್ರದೇಶವನ್ನು ಹಸ್ತಾಂತರಿಸಿ ಈಗ ಜನ ಸಾಮಾನ್ಯರ ಬದಕಿಗೆ ಸಮಸ್ಯೆಯಾಗುವಂತೆ ಅತೀ ಸೂಕ್ಷö ಪ್ರದೇಶವೆಂದು ಗುರುತಿಸುವುದು ವಿಷಾಧಕರ’ ಎಂದು ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. `ಮುಂಡಗೋಡ ತಾಲೂಕಿನಲ್ಲಿ 600 ಹೆಕ್ಟರ್ ಭೂಮಿಯನ್ನ ಟೀಬೇಟಿಯನ್ ಕಾಲೋನಿಗೆ ಭೂಮಿಯನ್ನ ಕೊಡುವಾಗ ಇಲ್ಲದ ಅತೀ ಸೂಕ್ಷ ಪ್ರದೇಶದ ನೀತಿ ಕುರಿತು ಚಿಂತಿಸದ ಸರ್ಕಾರ ಜಿಲ್ಲೆಯ 80 ಸಾವಿರ ಅರಣ್ಯವಾಸಿ ಕುಟುಂಬಗಳಿಗೆ 19 ಸಾವಿರ ಹೆಕ್ಟೇರ್ ಭೂಮಿ ನೀಡಲು ಹಿಂದೇಟು ಹಾಕುವುದು ಸಮಂಜಸವಲ್ಲ’ ಎಂದವರು ಆಕ್ಷೇಪಿಸಿದ್ದಾರೆ. ಪ್ರಮುಖರಾದ ನೆಹರು ನಾಯ್ಕ ಬಿಳೂರು, ಎಮ್ ಆರ್ ನಾಯ್ಕ ಕಂಡ್ರಾಜಿ, ಸ್ವಾತಿ ಜೈನ್, ಕಿರಣ ಭಟ್, ಚಂದ್ರು ನಾಯ್ಕ, ಶಿವಣ್ಣ ಮಾಳಂಜಿ, ಟಿಪ್ಪು ಕಾಯಗುಡ್ಡಿ, ಚಂದ್ರಣ ಕಂಡ್ರಾಜಿ, ನಾರಾಯಣಪ್ಪ ಉಮ್ಮುಡಿ, ಶಿವು ಗೌಡ ಕೊಟೇಕೊಪ್ಪ , ರಾಮಣ್ಣ ಕಲಕರಡಿ, ಮಲ್ಲೇಶಿ ಸಂತೋಳ್ಳಿ ಮುಂತಾದವರು ಉಪಸ್ಥಿತರಿದ್ದರು.  
- [ಕುಮಟಾ | ಗಣಪತಿ ದೇಗುಲದಲ್ಲಿ ಕಳ್ಳತನ](https://mobiletime.in/2026/08/kumta-theft-at-ganapathi-temple/): ಹಾರುಮಾಸ್ಕೇರಿ ಗಣಪತಿ ದೇಗುಲದಲ್ಲಿದ್ದ ವಿವಿಧ ಸಾಮಗ್ರಿಗಳ ಮೇಲೆ ಕಳ್ಳರು ತಮ್ಮ ಕೆಟ್ಟ ದೃಷ್ಠಿ ಬೀರಿದ್ದಾರೆ. ದೇಗುಲದಲ್ಲಿದ್ದ ದೀಪ, ಕೊಡ, ಚಂಬನ್ನು ಕಳ್ಳರು ದೋಚಿದ್ದಾರೆ. ಕುಮಟಾದ ನಾಡುಮಾಸ್ಕೇರಿ ಬಳಿಯ ಹಾರುಮಾಸ್ಕೇರಿಯಲ್ಲಿ ಗಣಪತಿ ದೇಗುಲವಿದೆ. ಅಲ್ಲಿನ ಕೆಲ ವಸ್ತುಗಳು ಕಳ್ಳತನವಾಗಿದೆ. ಪುರೋಹಿತ ದತ್ತಾತ್ರೇಯ ಸುಬ್ರಾಯ ಭಟ್ಟ ಅವರು ಈ ಬಗ್ಗೆ ಪೊಲೀಸ್ ದೂರು ನೀಡಿದ್ದಾರೆ. ಕಳ್ಳತನ ನಡೆದು ನಾಲ್ಕು ತಿಂಗಳ ತರುವಾಯ ಅವರು ಕಳ್ಳರ ಪತ್ತೆಗಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ದೇಗುಲದ ಗರ್ಭಗುಡಿ ಮುಂದಿದ್ದ ತಾಮ್ರದ ಕೊಡ, ತಾಮ್ರದ ಚಂಬು ಹಾಗೂ ಹಿತ್ತಾಳೆ ನಂದಾದೀಪ ಕಾಣೆಯಾಗಿರುವುದಾಗಿ ಭಟ್ಟರು ವಿವರಿಸಿದ್ದಾರೆ. `ಏಪ್ರಿಲ್ 20ರಂದು ಗಣಪತಿ ದೇಗುಲದ ಗರ್ಭಗುಡಿ ಎದುರಿನ ವಸ್ತುಗಳು ಕಾಣೆಯಾಗಿವೆ. ಒಟ್ಟು 12500ರೂ ಮೌಲ್ಯದ ಸಾಮಗ್ರಿಯನ್ನು ಕಳ್ಳರು ದೋಚಿದ್ದಾರೆ’ ಎಂದವರು ಹೇಳಿದ್ದು, ಗೋಕರ್ಣ ಪೊಲೀಸರು ಕೇಸು ದಾಖಲಿಸಿದ್ದಾರೆ. ದೇಗುಲದಲ್ಲಿದ್ದ ಸಾಮಗ್ರಿ ಕದ್ದವರ ಶೋಧ ಶುರು ಮಾಡಿದ್ದಾರೆ.
- [ಕಾರವಾರ | ಸ್ಥಳೀಯರಿಗೂ ಸಿಗಲಿದೆ ತಾಂತ್ರಿಕ ಕೌಶಲ್ಯ: ಉದ್ಯೋಗ ಭರವಸೆಗೆ ನೌಕಾನೆಲೆ ಜೊತೆ ಒಪ್ಪಂದ!](https://mobiletime.in/2026/08/karwar-locals-to-gain-technical-skills-agreement-with-naval-base-promises-employment/): ಭಾರತೀಯ ನೌಕಾನೆಲೆಯಲ್ಲಿ ಹೊರ ರಾಜ್ಯದ ನೌಕರರೇ ಹೆಚ್ಚಿದ್ದು, ಆ ಬಗ್ಗೆ ಸಾಕಷ್ಟು ಆಕ್ಷೇಪವ್ಯಕ್ತವಾದ ಹಿನ್ನಲೆ ನೌಕಾನೆಲೆಯವರು ಮಹತ್ವದ ಒಪ್ಪಂದವೊoದಕ್ಕೆ ಸಹಿ ಹಾಕಿದ್ದಾರೆ. ಸ್ಥಳೀಯ ಯುವಕರಿಗೆ ತಾಂತ್ರಿಕ ಕೌಶಲ್ಯ ನೀಡಿ ಅವರಿಗೆ ಉದ್ಯೋಗ ಅವಕಾಶ ಕೊಡವ ನಿಟ್ಟಿನಲ್ಲಿ ಕೈಗಾರಿಕಾ ತರಬೇತಿ ಸಂಸ್ಥೆಗಳ ಜೊತೆ ನೌಕಾನೆಲೆಯವರು ಒಪ್ಪಂದ ಮಾಡಿಕೊಂಡಿದ್ದಾರೆ. ಗುರುವಾರ ಈ ಕುರಿತಾದ ಒಪ್ಪಂದಕ್ಕೆ ಅಧಿಕೃತ ಮುದ್ರೆ ಬಿದ್ದಿದೆ. ಕಾರವಾರದ ನೌಕಾ ಡಾಕ್‌ಯಾರ್ಡ್ ಆವರಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಕಾರವಾರದ ಶ್ರೀ ಸೋಮನಾಥ ಐಟಿಐ ಬಿಣಗಾ, ಸರ್ಕಾರಿ ಐಟಿಐ ಬಾಡ್, ಮಲ್ಲಿಕಾರ್ಜುನ ಐಟಿಐ ಸಿದ್ದರ ಹಾಗೂ ಸರ್ಕಾರಿ ಐಟಿಐ ಅಂಕೋಲಾ ಸಂಸ್ಥೆಗಳೊAದಿಗೆ ನೌಕಾನೆಲೆಯವು ಈ ಒಪ್ಪಂದ ಮಾಡಿಕೊಂಡಿದ್ದಾರೆ. ನೌಕಾ ಡಾಕ್‌ಯಾರ್ಡ್ನ ಅಡ್ಮಿರಲ್ ಸೂಪರಿಂಟೆAಡೆAಟ್ ರಿಯರ್ ಅಡ್ಮಿರಲ್ ರವ್ನೀಶ್ ಸೇಠ್, ವಿ.ಎಸ್.ಎಂ. ಹಾಗೂ ಉತ್ತರ ಕನ್ನಡ ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೇಶ್ ಸಸಿ ಸಮಕ್ಷಮದಲ್ಲಿ ಈ ಮಾತುಕಥೆ ನಡೆದಿದೆ. ಕರ್ನಾಟಕ ನೌಕಾ ಪ್ರದೇಶದ (ಕೆಎನ್‌ಎ) ನಾಗರಿಕ ಸೇನಾ ಸಹಕಾರವನ್ನು ಬಲಪಡಿಸುವ ಭಾಗವಾಗಿ ಈ ಉಪಕ್ರಮ ಕೈಗೊಳ್ಳಲಾಗಿದೆ. ಒಪ್ಪಂದದಡಿ ಸ್ಥಳೀಯ ಐಟಿಐ ವಿದ್ಯಾರ್ಥಿಗಳಿಗೆ ನೌಕಾ ಡಾಕ್‌ಯಾರ್ಡ್ನ ಅತ್ಯಾಧುನಿಕ ನಿರ್ವಹಣೆ ಮತ್ತು ಸಹಾಯಕ ವ್ಯವಸ್ಥೆಗಳು, ಆಧುನಿಕ ತಂತ್ರಜ್ಞಾನಗಳು ಹಾಗೂ ಕೈಗಾರಿಕಾ ಕಾರ್ಯವಿಧಾನಗಳ ಕುರಿತು ನೇರ ಪರಿಚಯ ದೊರೆಯಲಿದೆ. ಅಲ್ಲದೆ, ಉದ್ಯೋಗಾಧಾರಿತ ಪ್ರಾಯೋಗಿಕ ತರಬೇತಿ ಮತ್ತು ಕಾರ್ಯಸ್ಥಳದಲ್ಲಿಯೇ ಕಲಿಕೆಯ ಅವಕಾಶಗಳನ್ನು ಒದಗಿಸಲಾಗುತ್ತದೆ. ರಿಯರ್ ಅಡ್ಮಿರಲ್ ರವ್ನೀಶ್ ಸೇಠ್ ಅವರು ಮಾತನಾಡಿ ಕೌಶಲ್ಯಯುತ ಮಾನವ ಸಂಪನ್ಮೂಲ ಬೆಳೆಸುವ ಅಗತ್ಯದ ಬಗ್ಗೆ ತಿಳಿಸಿದ್ದಾರೆ. `ಈ ಎಂಒಯು ಮೂಲಕ ದೊರೆಯುವ ಉನ್ನತ ಮಟ್ಟದ ತರಬೇತಿ ಮತ್ತು ಕಲಿಕಾ ಅವಕಾಶಗಳನ್ನು ಐಟಿಐಗಳು ಸಮರ್ಪಕವಾಗಿ ಬಳಸಿಕೊಳ್ಳಬೇಕು’ ಎಂದವರು ಕರೆ ನೀಡಿದ್ದಾರೆ. `ತರಗತಿಯಲ್ಲಿ ಪಡೆಯುವ ಜ್ಞಾನಕ್ಕೂ ಕೈಗಾರಿಕಾ ಕ್ಷೇತ್ರದಲ್ಲಿ ದೊರೆಯುವ ಪ್ರಾಯೋಗಿಕ ಅನುಭವಕ್ಕೂ ಇರುವ ಅಂತರವನ್ನು ಇಂತಹ ಸಹಯೋಗಗಳು ಕಡಿಮೆ ಮಾಡಲಿವೆ. ಕಾರವಾರದ ಸ್ಥಳೀಯ ಯುವಕರಿಗೆ ನೌಕಾ ಡಾಕ್‌ಯಾರ್ಡ್ನಂತಹ ಅತ್ಯಾಧುನಿಕ ಕಾರ್ಯಸ್ಥಳದಲ್ಲಿ ಕಲಿಕೆಯ ಅವಕಾಶ ದೊರೆಯುವುದು ಕೌಶಲ್ಯಾಭಿವೃದ್ಧಿಗೆ ಮಹತ್ವದ ಹೆಜ್ಜೆಯಾಗಿದೆ’ ಎಂದವರು ಹೇಳಿದ್ದಾರೆ. `ಈ ಸಹಯೋಗವು ಯುವಕರ ಕೌಶಲ್ಯಾಭಿವೃದ್ಧಿ, ಉದ್ಯೋಗ ಸೃಷ್ಟಿ ಹಾಗೂ ಪ್ರದೇಶದ ತಾಂತ್ರಿಕ ಮಾನವ ಸಂಪನ್ಮೂಲದ ಗುಣಮಟ್ಟ ಸುಧಾರಣೆಗೆ ನೆರವಾಗಲಿದೆ. ಸ್ಕಿಲ್ ಇಂಡಿಯಾ ಅಭಿಯಾನ ಹಾಗೂ ನಾಗರಿಕ-ಸೇನಾ ಸಹಕಾರದ ಉದ್ದೇಶಗಳಿಗೆ ಇದು ಮತ್ತಷ್ಟು ಬಲ ನೀಡಲಿದೆ’ ಎಂದು ಅಧಿಕಾರಿಗಳು ವಿಶ್ವಾಸವ್ಯಕ್ತಪಡಿಸಿದ್ದಾರೆ.
- [ಮುಂಡಗೋಡ | ಡೆಂಗ್ಯು-ಮಲೆರಿಯಾ ಆತಂಕ: ಊರು ಬಿಟ್ಟು ಬಂದವರಿಗೆ ಚಳಿ ಜ್ವರ!](https://mobiletime.in/2026/08/mundgod-dengue-malaria-scare-chills-and-fever-among-returnees/): ಬೇರೆ ಬೇರೆ ಪ್ರದೇಶದಿಂದ ಮುಂಡಗೋಡಿಗೆ ಬಂದ ಜನರಿಗೆ ಜ್ವರ ಬಂದಿದ್ದು, ಅವರ ಆರೋಗ್ಯ ತಪಾಸಣೆ ನಡೆಸಿದಾಗ ಮಲೆರಿಯಾ ಹಾಗೂ ಡೇಂಗ್ಯು ದೃಢವಾಗಿದೆ. ಗೋವಾ, ಉಡುಪಿ ಹಾಗೂ ಬೆಂಗಳೂರಿನಿoದ ಬಂದವರಲ್ಲಿ ಈ ರೋಗ ಕಾಣಿಸಿಕೊಂಡಿದೆ. ಗೋವಾದಿAದ ಮುಂಡಗೋಡಿನ ಬಡ್ಡಿಗೇರಿಗೆ ಬಂದ ಮೂವರಿಗೆ ಮಲೆರಿಯಾ ಜ್ವರ ಬಂದಿದೆ. ಗೋವಾದಿಂದ ಕೊಪ್ಪಕ್ಕೆ ಬಂದಿದ್ದ ಒಬ್ಬರಲ್ಲಿ ಡೆಂಗ್ಯು ಕಾಣಿಸಿಕೊಂಡಿದೆ. ನೆಹರು ನಗರದಲ್ಲಿ ಎರಡು ಶಂಕಿತ ಡೆಂಗ್ಯು ಪೀಡಿತರಿದ್ದಾರೆ. ಅವರು ಉಡುಪಿಯಿಂದ ಬಂದವರಾಗಿದ್ದಾರ. ಮರಗಡಿ ದ್ಡಿ ಗ್ರಾಮದಲ್ಲಿ ಒಬ್ಬರಿಗೆ ಅದೇ ಲಕ್ಷಣದ ಜ್ವರ ಬಂದಿದೆ. ಅವರು ಬೆಂಗಳೂರಿನಿoದ ಮುಂಡಗೋಡಿಗೆ ಬಂದವರಾಗಿದ್ದಾರೆ. ಈ ಎಲ್ಲರಿಗೂ ಆರೋಗ್ಯ ಅಧಿಕಾರಿಗಳು ಚಿಕಿತ್ಸೆ ನೀಡಿದ್ದು, ಚೇತರಿಸಿಕೊಳ್ಳುತ್ತಿದ್ದಾರೆ. ಆರೋಗ್ಯ ಇಲಾಖೆಯ ಜಿಲ್ಲಾ ಮಟ್ಟದ ರೋಗವಾಹಕ ಅಶ್ರಿತ ರೋಗಗಳ ನಿಯಂತ್ರಣಾಧಿಕಾರಿಗಳಾದ ಡಾ ರಮೇಶ್ ರಾವ್, ಕೀಟಶಾಸ್ತ್ರತಜ್ಞರಾದ ಜೋತ್ಸ್ನಾ ಹಾಗೂ ತಾಲೂಕಾ ಆರೋಗ್ಯಾಧಿಕಾರಿ ಡಾ ನರೇಂದ್ರ ಪವಾರ್ ಅವರು ವಿವಿಧ ಆರೋಗ್ಯ ಸಲಹೆ ನೀಡಿದ್ದಾರೆ. ಆರೋಗ್ಯ ಇಲಾಖೆ ಸಿಬ್ಬಂದಿ ಹಾಗೂ ಆಶಾ ಕಾರ್ಯಕರ್ತೆಯರು ಪ್ರಕರಣ ಕಂಡು ಬಂದ ಸ್ಥಳಗಳಲ್ಲಿ ಜ್ವರ ಸಮೀಕ್ಷೆ ಮತ್ತು ಸೊಳ್ಳೆ ನಿಯಂತ್ರಣದ ಲಾರ್ವ ಸಮೀಕ್ಷೆ ಮಾಡುತ್ತಿದ್ದಾರೆ. ಸೊಳ್ಳೆಗಳಿಂದ ಹರಡುವ ಕಾಯಿಲೆ ಬಗ್ಗೆ ಸಾರ್ವಜನಿಕರಿಗೆ, ಹಾಸ್ಟೆಲ್ ನ ಮಕ್ಕಳಿಗೆ ಮತ್ತು ಶಾಲೆಯ ಮಕ್ಕಳಿಗೆ ಕರಪತ್ರ ವಿತರಿಸಿ ಜಾಗೃತಿ ಮೂಡಿಸಲಾಗುತ್ತಿದೆ.  
- [ಶಿರಸಿ | ಸ್ಕೂಟಿಗೆ ಗುದ್ದಿದ ಕಾರು: ಸಾವು!](https://mobiletime.in/2026/08/sirsi-car-hits-scooter-fatality/): ಹುಸುರಿ ರಸ್ತೆಯಲ್ಲಿ ಸ್ಕೂಟರ್ ಓಡಿಸಿಕೊಂಡು ಹೊರಟಿದ್ದ ಸೀಮಾಂವ್ ಫರ್ನಾಂಡಿಸ್ ಅವರಿಗೆ ವಾರದ ಹಿಂದೆ ಮಹಮದ್ ಇಸ್ಮಾಯಲ್ ಅವರ ಕಾರು ಗುದ್ದಿದ್ದು, ಸೀಮಾಂವ್ ಫರ್ನಾಂಡಿಸ್ ಅವರು ಈ ದಿನ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಯಲ್ಲಿ ಸಾವನಪ್ಪಿದ್ದಾರೆ. ಗಂಭೀರ ಗಾಯಗೊಂಡಿದ್ದ ಅವರಿಗೆ ನಿರಂತರ ಚಿಕಿತ್ಸೆ ನೀಡಿದರೂ ಬದುಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಶಿರಸಿ ಕಸ್ತೂರಿಬಾ ನಗರದ ಹುಸುರಿ ರಸ್ತೆ ಅಂಚಿನಲ್ಲಿ ಸೀಮಾಂವ್ ಗಸ್ವಾರ್ ಫರ್ನಾಂಡಿಸ್ ಅವರು ವಾಸವಾಗಿದ್ದರು. 69 ವರ್ಷದ ಅವರು ಪೆಂಟಿoಗ್ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಅಗಸ್ಟ 20ರಂದು ರಾತ್ರಿ ಸೀಮಾಂವ್ ಫರ್ನಾಂಡಿಸ್ ಅವರು ಹುಸುರಿ ರಸ್ತೆಯಲ್ಲಿ ಸ್ಕೂಟಿ ಓಡಿಸುತ್ತಿದ್ದರು. ಕಸ್ತೂರಿಬಾ ನಗರದ ಕಡೆ ಹೊರಟ್ಟಿದ್ದ ಅವರಿಗೆ ಸ್ಕೂಟಿಯಲ್ಲಿ ಕಸ್ತೂರಿಬಾ ನಗರದ ಮಹಮದ್ ಇಸ್ಮಾಯಲ್ ಅಬ್ದುಲ್ ಖಾದರ್ ಅವರ ಕಾರು ಡಿಕ್ಕಿ ಹೊಡೆದಿತ್ತು. ಈ ಅಪಘಾತದಲ್ಲಿ ಸ್ಕೂಟಿ ಹಾಗೂ ಕಾರು ಎರಡೂ ಜಖಂ ಆಗಿದ್ದು, ಸೀಮಾಂವ್ ಫರ್ನಾಂಡಿಸ್ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡಿದ್ದರು. ತಲೆಗೆ ನೋವು ಮಾಡಿಕೊಂಡಿದ್ದ ಅವರನ್ನು ಮಂಗಳೂರು ದರಳಕಟ್ಟೆಯ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿನ ವೈದ್ಯರು ಸಾಕಷ್ಟು ಪ್ರಮಾಣದಲ್ಲಿ ಪ್ರಯತ್ನಿಸಿದರೂ ಸೀಮಾಂವ್ ಫರ್ನಾಂಡಿಸ್ ಅವರನ್ನು ಬದುಕಿಸಲು ಆಗಲಿಲ್ಲ. ಅಗಸ್ಟ 26ರಂದು ಅವರು ಕೊನೆಯುಸಿರೆಳೆದರು. ಪತಿ ಸಾವಿನ ಬಗ್ಗೆ ಜಯಂತಿ ಫರ್ನಾಂಡಿಸ್ ಅವರ ಮಾಹಿತಿ ನೀಡಿ, ಪೊಲೀಸ್ ದೂರು ದಾಖಲಿಸಿದರು. `ಸುರಕ್ಷಿತವಾಗಿ ವಾಹನ ಓಡಿಸಿ’  
- [ಕಾರವಾರ | ಕುಡಿಯಲು ಯೋಗ್ಯವಲ್ಲ ಕದ್ರಾದ ನೀರು!](https://mobiletime.in/2026/08/karwar-kadra-water-unfit-for-drinking/): ಕಾಳಿ ನದಿಗೆ ಅಡ್ಡಲಾಗಿ ಕಟ್ಟಿರುವ ಕದ್ರಾ ಅಣೆಕಟ್ಟಿನಿಂದ ಬಿಡುಗಡೆ ಯಾದ ನೀರನ್ನು ಕಾರವಾರ ಜನರಿಗೆ ಕುಡಿಯಲು ಪೂರೈಸುವ ಯೋಜನೆಗೆ ವಿರೋಧವ್ಯಕ್ತವಾಗಿದೆ. ಜಲಜೀವನ್ ಯೋಜನೆ ಅಡಿ ಈ ನೀರು ಪೂರೈಕೆ ತಯಾರಿ ನಡೆದಿದ್ದು, ಅದಕ್ಕೆ ನ್ಯಾಯವಾದಿ ಕೆ ಆರ್ ದೇಸಾಯಿ ಅವರು ತಕರಾರು ಸಲ್ಲಿಸಿದ್ದಾರೆ. `ಕೈಗಾ ಅಣುಸ್ಥಾವರದ ಬಳಕೆಯೊಂದಿಗೆ ವಿಕಿರಣಶೀಲ ಅಂಶ ಹೊಂದಿರುವ ಕದ್ರಾ ಜಲಾಶಯದ ನೀರನ್ನು ಶುದ್ಧೀಕರಿಸಿ, ಜನರಿಗೆ ಕುಡಿಯುವ ನೀರಾಗಿ ಪೂರೈಸುವ ಯೋಜನೆ ಸರಿಯಲ್ಲ’ ಎಂದವರು ಹೇಳಿದ್ದಾರೆ. ಈ ನೀರಿನ ಬದಲಿಗೆ ಕೊಡಸಳ್ಳಿ ಜಲಾಶಯದಿಂದ ನೀರು ಪೂರೈಸುವಂತೆ ಆಗ್ರಹಿಸಿದ್ದಾರೆ. `ಕದ್ರಾ ಅಣೆಕಟ್ಟಿನ ನೀರನ್ನು ಕೈಗಾ ಅಣುಸ್ಥಾವರದ ಶೀತಲೀಕರಣ ವ್ಯವಸ್ಥೆಗೆ ಬಳಸಲಾಗುತ್ತಿದ್ದು, ಬಳಿಕ ಅದೇ ಜಲಾಶಯಕ್ಕೆ ನೀರು ಸೇರುತ್ತದೆ. ಹೀಗಾಗಿ ಈ ನೀರನ್ನು ಕುಡಿಯುವ ಉದ್ದೇಶಕ್ಕೆ ಬಳಸುವ ಮುನ್ನ ಅದರ ಸುರಕ್ಷತೆ ಹಾಗೂ ಗುಣಮಟ್ಟದ ಬಗ್ಗೆ ಸಮಗ್ರ ವೈಜ್ಞಾನಿಕ ಪರಿಶೀಲನೆ ನಡೆಸಬೇಕಿದೆ’ ಎಂದವರು ಆಗ್ರಹಿಸಿದ್ದಾರೆ. `ಕದ್ರಾ ನೀರನ್ನು ಶುದ್ಧೀಕರಿಸಿ ಕುಡಿಯಲು ಬಳಸಲಾಗುವುದು ಎಂದು ಜಲಜೀವನ್ ಮಿಷನ್ ವತಿಯಿಂದ ಹೇಳಲಾಗುತ್ತಿದೆ. ಆದರೆ, ನೀರಿನಲ್ಲಿ ವಿಕಿರಣಶೀಲ ಅಂಶಗಳಿರುವ ಸಾಧ್ಯತೆ ಇದ್ದರೆ ಸಾಮಾನ್ಯ ಶುದ್ಧೀಕರಣ ವ್ಯವಸ್ಥೆಯಿಂದ ಅವುಗಳನ್ನು ಸಂಪೂರ್ಣವಾಗಿ ನಿವಾರಿಸಲು ಸಾಧ್ಯವೇ? ಎಂದವರು ಪ್ರಶ್ನಿಸಿದ್ದಾರೆ. `ಅಣುಸ್ಥಾವರದ ಚಟುವಟಿಕೆಗಳಿಂದ ಕದ್ರಾ ಜಲಾಶಯದ ನೀರಿನ ಮೇಲೆ ಯಾವುದೇ ಪರಿಣಾಮ ಉಂಟಾಗದoತೆ ನಿರಂತರ ಮೇಲ್ವಿಚಾರಣೆ ನಡೆಸುವ ವ್ಯವಸ್ಥೆ ಯಾರು ನೋಡಿಕೊಳ್ಳುತ್ತಾರೆ ಎಂಬುದಕ್ಕೂ ಉತ್ತರ ಬೇಕಿದೆ. ನೀರಿನ ಗುಣಮಟ್ಟ, ವಿಕಿರಣ ಪ್ರಮಾಣ ಹಾಗೂ ಉಷ್ಣಾಂಶವನ್ನು ನಿಯಮಿತವಾಗಿ ಪರಿಶೀಲಿಸುವ ಸ್ವತಂತ್ರ ವ್ಯವಸ್ಥೆ ಇರಬೇಕು’ ಎಂದವರು ಹೇಳಿದ್ದಾರೆ. `ಪರಿಸರ ಅನುಮತಿ ಹಾಗೂ ಸಂಬAಧಿತ ವರದಿಗಳನ್ನು ಪರಿಶೀಲಿಸುವ ಸಂದರ್ಭದಲ್ಲಿ ಸ್ಥಳೀಯ ಸಂಸ್ಥೆಗಳ ಪ್ರತಿನಿಧಿಗಳು, ಅರಣ್ಯ ಇಲಾಖೆ ಮತ್ತು ಮಾಲಿನ್ಯ ನಿಯಂತ್ರಣ ಮಂಡಳಿ ಸೇರಿದಂತೆ ಸಂಬAಧಿತ ಇಲಾಖೆಗಳ ಅಧಿಕಾರಿಗಳನ್ನು ಒಳಗೊಂಡ ಸಮಿತಿ ರಚಿಸಬೇಕು’ ಎಂದವರು ಒತ್ತಾಯಿಸಿದ್ದಾರೆ. `ಕದ್ರಾ ನೀರಿನ ಬದಲಿಗೆ ಕೊಡಸಳ್ಳಿ ಜಲಾಶಯದಿಂದ ಕಾರವಾರ ತಾಲೂಕಿನ ಜನರಿಗೆ ಕುಡಿಯುವ ನೀರು ಪೂರೈಸುವಂತೆ ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗೆ ಮನವಿ ಸಲ್ಲಿಸಲಾಗಿದೆ. ಕೊಡಸಳ್ಳಿ ನೀರು ಪೂರೈಕೆಗಾಗಿ ಅಗತ್ಯವಿರುವ ಜಾಗವನ್ನು ನೀಡಲು ಸ್ಥಳೀಯರು ಸಿದ್ಧರಿದ್ದು, ಅಗತ್ಯವಿದ್ದಲ್ಲಿ ಬಾವಿ ನಿರ್ಮಿಸಿ ನೀರು ಸರಬರಾಜು ಮಾಡುವಂತೆ ಮನವಿ ಮಾಡಲಾಗಿದೆ’ ಎಂದವರು ಹೇಳಿದ್ದಾರೆ. `ಕದ್ರಾ ನೀರಿನ ಕುರಿತು ವೈಜ್ಞಾನಿಕ ಹಾಗೂ ಪರಿಸರ ಸಂಬAಧಿತ ಅಂಶಗಳನ್ನು ಸಂಪೂರ್ಣವಾಗಿ ಪರಿಶೀಲಿಸದೆ ಯೋಜನೆ ಜಾರಿಗೊಳಿಸಬಾರದು. ಜನರ ಆರೋಗ್ಯ ಮತ್ತು ಸುರಕ್ಷತೆಗೆ ಯಾವುದೇ ರೀತಿಯ ಅಪಾಯ ಎದುರಾಗದಂತೆ ಪರ್ಯಾಯ ಕುಡಿಯುವ ನೀರಿನ ಮೂಲವನ್ನು ಒದಗಿಸಬೇಕು’ ಎಂದು ಅವರು ಆಗ್ರಹಿಸಿದರು. ಸನಾತನ ಸ್ವರಾಜ್ಯ ಸಂಘ ಅಧ್ಯಕ್ಷ ವಿನಾಯಕ ಸಾವಂತ, ಗುರು ಸಾವಂತ, ವಾಮನ ನಾಗೇಕರ್ ಹಾಗೂ ಅಶೋಕ ರಾಣೆ ಅವರು ಕೆ ಆರ್ ದೇಸಾಯಿ ಅವರ ಹೋರಾಟಕ್ಕೆ ಬೆಂಬಲ ನೀಡಿದ್ದಾರೆ.  
- [ಹೊನ್ನಾವರ | ಆ ಸಾವಿಗೆ ಹೃದಯ ಕಾರಣವಲ್ಲ: ಅದೊಂದು ಕೊಲೆ!](https://mobiletime.in/2026/08/honnavara-the-heart-was-not-the-cause-of-that-death-it-was-a-murder/): 29 ವರ್ಷದ ಮಂಗಲಾ ನಾಯ್ಕ ಅವರು ಹೃದಯಘಾತದಿಂದ ಸಾವನಪ್ಪಿದ ಬಗ್ಗೆ ಊಹಿಸಲಾಗಿದ್ದು, ಸಾವಿನ ತನಿಖೆ ನಡೆಸಿದ ಪೊಲೀಸರಿಗೆ ಅದು ಕೊಲೆ ಎಂದು ಗೊತ್ತಾಗಿದೆ. ಕಂಠಪೂರ್ತಿ ಕುಡಿದ ಗಣಪತಿ ನಾಯ್ಕ ಅವರು ಪತ್ನಿಯ ಕತ್ತು ಹಿಸುಕಿ ಕೊಲೆ ಮಾಡಿರುವುದು ದೃಢವಾಗಿದೆ. ಜೊಯಿಡಾ ನಂದಿಗದ್ದೆಯ ಮಂಗಲಾ ನಾಯ್ಕ ಅವರು ಐದು ವರ್ಷದ ಹಿಂದೆ ಹೊನ್ನಾವರ ಮಂಕಿಯ ದೊಡ್ಡಗುಂಡಾದಲ್ಲಿನ ಗಣಪತಿ ನಾಯ್ಕ ಅವರನ್ನು ಮದುವೆ ಆಗಿದ್ದರು. ಅವರ ಕುಟುಂಬದಲ್ಲಿನ ಕಲಹದಿಂದಾಗಿ ಅವರು ಕೊಲೆಯಾಗಿದ್ದು, ಹೃದಯಘಾತದಿಂದ ಮಂಗಲಾ ನಾಯ್ಕ ಅವರು ಸಾವನಪ್ಪಿದ ಬಗ್ಗೆ ಪತಿ ಗಣಪತಿ ನಾಯ್ಕ ಅವರು ಹೇಳಿದ್ದರು. ಆದರೆ, ಮಂಗಲಾ ನಾಯ್ಕ ಅವರ ಸಹೋದರಿ ಲಲಿತಾ ಗುಂಜೀಕರ್ ಅವರು ಸಾವಿನ ಬಗ್ಗೆ ಅನುಮಾನವ್ಯಕ್ತಪಡಿಸಿದ್ದರು. ಈ ಹಿನ್ನಲೆ ಪೊಲೀಸರು ತನಿಖೆ ಶುರು ಮಾಡಿದ್ದು, ಆಗ ಅದೊಂದು ಕೊಲೆ ಎಂದು ಗೊತ್ತಾಗಿದೆ. ಮನೆಯಲ್ಲಿ ಮಲಗಿದ್ದ ಮಂಗಲಾ ನಾಯ್ಕ ಅವರ ಬಾಯಿ ಹಾಗೂ ಮೂಗನ್ನು ಗಟ್ಟಿಯಾಗಿ ಹಿಡಿದು, ನಂತರ ಕತ್ತು ಹಿಸುಕಿ ಕೊಲೆ ಮಾಡಲಾಗಿದೆ. ಈ ಹಿನ್ನಲೆ ಮಂಗಲಾ ನಾಯ್ಕ ಅವರ ಪತಿ ಗಣಪತಿ ನಾಯ್ಕ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಡಿವೈಎಸ್ಪಿ ಗಿರೀಶ ಹಾಗೂ ಸಿಪಿಐ ಜಗದೀಶ ಅವರ ಮಾರ್ಗದರ್ಶನದಲ್ಲಿ ಪಿಸೈ ಕುಮಾರ್ ಕಾಂಬಳೆ ಅವರು ಪ್ರಕರಣದ ತನಿಖೆ ನಡೆಸಿ, ಆರೋಪಿಯನ್ನು ಜೈಲಿಗೆ ಕಳುಹಿಸಿದ್ದಾರೆ.
- [ಮುಂಡಗೋಡು | ಟಿಬೆಟಿಯನ್ ಕ್ಯಾಂಪ್'ನಲ್ಲಿ ಅಕ್ರಮ ಕಟ್ಟಡಗಳದ್ದೇ ಕಾರುಬಾರು!](https://mobiletime.in/2026/08/mundgod-rampant-illegal-construction-in-the-tibetan-camp/): ಮುಂಡಗೋಡದ ಟಿಬೆಟಿಯನ್ ಕ್ಯಾಂಪಿನಲ್ಲಿ ಅನೇಕ ಅಕ್ರಮ ಕಟ್ಟಡಗಳಿದ್ದು, ಆ ಬಗ್ಗೆ ಅರಿವಿದ್ದರೂ ಯಾರೂ ಪ್ರಶ್ನಿಸುತ್ತಿಲ್ಲ. ಕಟ್ಟಡ ಕಾರ್ಮಿಕರಿಗೆ ಸುರಕ್ಷತೆ ಇಲ್ಲದ ಕಾರಣ ಇಲ್ಲಿ ಇಬ್ಬರ ಸಾವಾಗಿದ್ದರೂ ಅದನ್ನು ಗಂಭೀರವಾಗಿ ಪರಿಗಣಿಸಿದವರಿಲ್ಲ. ಚೀನಾದಲ್ಲಿ ದೌರ್ಜನ್ಯಕ್ಕೆ ಒಳಗಾಗಿ ನಿರಾಶ್ರಿತರಾದವರಿಗೆ ಭಾರತ ಸರ್ಕಾರ ಆಶ್ರಯ ನೀಡಿದ್ದು, ಮುಂಡಗೋಡದಲ್ಲಿಯೂ ಅವರಿಗಾಗಿ ಟಿಬೆಟಿಯನ್ ಕಾಲೋನಿ ನಿರ್ಮಿಸಿತು. ಮುಂಡಗೋಡಿನ ಇಂದೂರು, ಹುನಗುಂದ, ನಂದಿಟ್ಟ, ಗುಂಜಾವತಿ ಗ್ರಾಪಂ ವ್ಯಾಪ್ತಿಯ 4032ಎಕರೆ ಅರಣ್ಯ ಭೂಮಿಯನ್ನು ಗುರುತಿಸಿ ಟಿಬೆಟಿಯನ್ ನಿರಾಶ್ರಿತರ ವಾಸ್ತವ್ಯಕ್ಕೆ ಅನುವು ಮಾಡಿಕೊಡಲಾಗಿತ್ತು. 1966ರಲ್ಲಿ ಡೊಂಗ್ ಲಿಂಗ್, ಟಿಬೆಟಿಯನ್ ಸೆಟಲ್ ಮೆಂಟ್ ಶುರುವಾಗಿದ್ದು, ಆ ವೇಳೆ 4302 ಟಿಬೆಟಿಯನ್ ಕುಟುಂಬ ಹಾಗೂ ಬೌದ್ಧ ಬಿಕ್ಕುಗಳು ಆಗಮಿಸಿ ವಾಸ್ತವ್ಯ ಹೂಡಿದರು. ಇದೀಗ ಆ ಸಂಖ್ಯೆ 8376ಕ್ಕೆ ಏರಿಕೆಯಾಗಿದೆ. ಸಂಖ್ಯೆ ಏರಿದ ಹಾಗೇ ಸೌಕರ್ಯಗಳು ಹೆಚ್ಚಾಗಿದ್ದು, ಮೊದಲು ತಾತ್ಕಾಲಿಕ ಶೆಡ್’ಗಳಲ್ಲಿ ವಾಸವಿದ್ದವರು ಇದೀಗ ಕಟ್ಟಡಗಳನ್ನು ನಿರ್ಮಿಸಿಕೊಂಡಿದ್ದಾರೆ. ಅದು ಮುಂದುವರೆದು ಬಹುಮಹಡಿ ಕಟ್ಟಡಗಳು ತಲೆ ಎತ್ತಿವೆ. ಟಿಬೆಟಿಯನ್ ನಿರಾಶ್ರಿತರ ಆಡಳಿತ ವ್ಯವಸ್ಥೆ ನೋಡಿಕೊಳ್ಳಲು ಭಾರತ ಸರ್ಕಾರದ ಗೃಹ ಇಲಾಖೆಯಡಿ ಸೆಂಟ್ರಲ್ ಟಿಬೆಟಿಯನ್ ಅಡ್ಮಿನಿಸ್ಟ್ರೆಷನ್ (ಸಿಟಿಎ) ರೂಪಿಸಿದೆ. ಅದರ ಮೂಲಕ ಇಲ್ಲಿನ ಅರಣ್ಯ ಭೂಮಿಯನ್ನು ಲೀಸ್’ಗೆ ನೀಡಲಾಗಿದೆ. ಸಿಟಿಎ ನಿಯಮದಂತೆ ಅಲ್ಲಿ ಯಾವುದೇ ಹೊಸ ಶಾಶ್ವತ ಕಟ್ಟಡ ನಿರ್ಮಾಣ ಮಾಡಬೇಕಾದರೆ ಸ್ಥಳಿಯ ಕಂದಾಯ ಇಲಾಖೆಗೆ ಮಾಹಿತಿ ನೀಡಬೇಕು. ಸ್ಥಳೀಯ ಆಡಳಿತದ ಪರವಾನಿಗೆ ಪಡೆಯಬೇಕು. ತೆರಿಗೆ ಪಾವತಿಸಬೇಕು. ಅನುಮೋದನೆ ಇಲ್ಲದೇ ಕಟ್ಟಡ ನಿರ್ಮಿಸುವ ಹಾಗಿಲ್ಲ. ಹೀಗೆಲ್ಲ ಇದ್ದರೂ ಆ ಯಾವ ನಿಯಮಗಳು ಇಲ್ಲಿ ಪಾಲನೆ ಆಗುತ್ತಿಲ್ಲ. ಈ ಎಲ್ಲದರ ನಡುವೆ ಕಟ್ಟಡ ನಿರ್ಮಾಣಕ್ಕೆ ಬಂದಿದ್ದ ಕಾರ್ಮಿಕರಿಬ್ಬರು ಇಲ್ಲಿ ಸಾವನಪ್ಪಿದ್ದಾರೆ. ನಾಲ್ಕನೇ ಮಹಡಿಯಿಂದ ಬಿದ್ದು ಬಸಾಪುರ ಗ್ರಾಮದ ಸಂದೇಶ ನಾಗರಾಜ ಚಲವಾದಿ (23) ಅವರು ಕೊನೆಯುಸಿರೆಳೆದಿದ್ದಾರೆ. ಈ ಹಿಂದೆ ಸಹ ಮತ್ತೊಬ್ಬ ಕಾರ್ಮಿಕರು ಇಲ್ಲಿ ಬಿದ್ದು ಸಾವನಪ್ಪಿದ್ದು, ಕಾರ್ಮಿಕರು ಬೀಳುವುದು ಇಲ್ಲಿ ಹೊಸತಲ್ಲ. ಗಾಯಗೊಂಡವರ ಸಂಖ್ಯೆ ಲೆಕ್ಕವಿಟ್ಟವರಿಲ್ಲ.    
- [ಮುಂಡಗೋಡ | ಆರು ಜನರ ಸ್ಥಿತಿ ಗಂಭೀರ](https://mobiletime.in/2026/08/mundgod-six-passengers-in-critical-condition/): ಮುoಡಗೋಡು-ಯಲ್ಲಾಪುರ ಮಾರ್ಗವಾಗಿ ಸಂಚರಿಸುತ್ತಿದ್ದ ಬಸ್ಸುಗಳ ನಡುವೆ ಬುಧವಾರ ರಾತ್ರಿ ನಡೆದ ಅಪಘಾತದಲ್ಲಿ 24 ಪ್ರಯಾಣಿಕರಿಗೆ ಗಾಯವಾಗಿದೆ. ಬಸ್ಸಿನ ಚಾಲಕ ದ್ಯಾಮನಗೌಡ ಬೀರಾದರ್ ಅವರು ಅಪಘಾತದಲ್ಲಿ ಜರ್ಜರಿತರಾಗಿದ್ದು, ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾರೆ. ಯಲ್ಲಾಪುರ-ಮುಂಡಗೋಡು ಮಾರ್ಗದ ಶಿಡ್ಲಗುಂಡಿ ಸಮೀಪ ಈ ದುರಂತ ನಡೆದಿದೆ. ಎರಡು ಕೆಎಸ್‌ಆರ್‌ಟಿಸಿ ಬಸ್ಸುಗಳು ಮುಖಾಮುಖಿ ಡಿಕ್ಕಿಯಾಗಿದ್ದು, ಡಿಕ್ಕಿಯ ರಭಸಕ್ಕೆ ಬಸ್ ಮುಂದಿನ ಭಾಗ ಸಂಪೂರ್ಣವಾಗಿ ಜಖಂ ಆಗಿದೆ. ಬೆಂಗಳೂರಿನಿAದ ಮುಂಡಗೋಡು ಮಾರ್ಗವಾಗಿ ಯಲ್ಲಾಪುರಕ್ಕೆ ಬರುತ್ತಿದ್ದ ಬಸ್ಸು ಹಾಗೂ ಯಲ್ಲಾಪುರದಿಂದ ಮುಂಡಗೋಡ ಕಡೆಗೆ ಬರುತ್ತಿದ್ದ ಮತ್ತೊಂದು ಬಸ್ಸು ಪರಸ್ಪರ ಗುದ್ದಿಗೊಂಡಿದೆ. ಎರಡು ಬಸ್ಸಿನ ವೇಗ ಎಂದಿಗಿAತ ಜಾಸ್ತಿಯೇ ಇದ್ದ ಪರಿಣಾಮ ಗಾಯಗೊಂಡವರ ಸಂಖ್ಯೆಯೂ ಹೆಚ್ಚಾಗಿದೆ. ಈ ಅಪಘಾತದಲ್ಲಿ ಯಲ್ಲಾಪುರದ ಕಡೆ ಬರುತ್ತಿದ್ದ ಬಸ್ಸಿನ ಚಾಲಕ ಬಸ್ಸಿನ ಒಳಗೆ ಸಿಕ್ಕಿಬಿದ್ದಿದ್ದು, ಸ್ಥಳೀಯರು ಚಾಲಕನನ್ನು ಹೊರಗೆ ತರಲು ಸಾಕಷ್ಟು ಪ್ರಯತ್ನ ಮಾಡಿದ್ದಾರೆ. ಅದು ಸಾಧ್ಯವಾಗದೇ ಇದ್ದಾಗ ಯಂತ್ರೋಪಕರಣಗಳ ನೆರವುಪಡೆದು ಚಾಲಕನನ್ನು ಬಸ್ಸಿನಿಂದ ಹೊರಗೆ ತರಲಾಗಿದೆ. ತೀವೃ ಪ್ರಮಾಣದಲ್ಲಿ ಅಸ್ವಸ್ಥರಾಗಿದ್ದ ಚಾಲಕ ದ್ಯಾಮನಗೌಡ ಬೀರಾದರ್ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಎರಡೂ ಬಸ್ಸಿನಲ್ಲಿದ್ದ ಪ್ರಯಾಣಿಕರು ಗಾಯಗೊಂಡಿದ್ದು, ಅವರನ್ನು ಯಲ್ಲಾಪುರ ಹಾಗೂ ಮುಂಡಗೋಡಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯಲ್ಲಾಪುರ ಆಸ್ಪತ್ರೆಗೆ 16 ಜನ ಹಾಗೂ ಮುಂಡಗೋಡು ಆಸ್ಪತ್ರೆಗೆ 6 ಜನರನ್ನು ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದವರನ್ನು ಹುಬ್ಬಳ್ಳಿಗೆ ಕರೆದೊಯ್ಯಲಾಗಿದೆ. ಯಲ್ಲಾಪುರದಿಂದ ಮೂವರು ಹಾಗೂ ಮುಂಡಗೋಡಿನಿAದ ಮೂವರನ್ನು ಹುಬ್ಬಳ್ಳಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯಲ್ಲಾಪುರ ಹಾಗೂ ಮುಂಡಗೋಡಿನ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ರಸ್ತೆ ಸಂಚಾರ ಸುಗಮಗೊಳಿಸಿದ್ದಾರೆ. ಶಾಸಕ ಶಿವರಾಮ ಹೆಬ್ಬಾರ್, ಜಿ ಪಂ ಮಾಜಿ ಸದಸ್ಯ ವಿಜಯ ಮಿರಾಶಿ ಸೇರಿ ಅನೇಕರು ಆಸ್ಪತ್ರೆಗೆ ಭೇಟಿ ನೀಡಿ ಗಾಯಗೊಂಡವರ ಆರೋಗ್ಯ ವಿಚಾರಿಸಿದ್ದಾರೆ.  
- [ಶಿರಸಿ | ಕಾರಿನಲ್ಲಿ ಬಂದ ಕಳ್ಳ: ಕ್ಯಾಮರಾ ಕಣ್ಣಿನಲ್ಲಿ ಸೆರೆ!](https://mobiletime.in/2026/08/sirasi-thief-arrives-in-a-car-caught-on-camera/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಗೋವುಗಳರ ಕಾಟ ಮಿತಿ ಮೀರಿದೆ. ಗೋವುಗಳನ್ನು ಕದಿಯುವವರ ವಿರುದ್ಧ ಪೊಲೀಸರು ಸಾಕಷ್ಟು ಕಠಿಣ ಕ್ರಮ ಜರುಗಿಸಿದರೂ ಕಳ್ಳರ ಸಂಖ್ಯೆ ಮಾತ್ರ ಕಡಿಮೆಯಾಗಿಲ್ಲ. ಶಿರಸಿಯಲ್ಲಿ ಮತ್ತೆ ಕಾರಿನಲ್ಲಿ ಬಂದ ದುಷ್ಕರ್ಮಿಗಳು ಆಕಳು ಕದ್ದು ಪರಾರಿಯಾಗಿದ್ದಾರೆ. ಶಿರಸಿಯ ಹುಲೆಕಲ್’ನ ವೈಕುಂಠ ಮಧು ಹುಲೆಕಲ್ ಅವರು ಕೃಷಿಕರಾಗಿ ಜೀವನ ನಡೆಸುತ್ತಿದ್ದಾರೆ. 73ನೇ ವಯಸ್ಸಿನಲ್ಲಿಯೂ ಅವರು ಅತ್ಯಂತ ಶೃದ್ಧೆಯಿಂದ ಹೈನುಗಾರಿಕೆ ಮಾಡಿಕೊಂಡಿದ್ದಾರೆ. ಅವರು ಎರಡು ಆಕಳು ಹಾಗೂ ಒಂದು ಹೋರಿಯನ್ನು ಮೇವಿಗೆ ಬಿಟ್ಟಿದ್ದು, ಅದನ್ನು ದುಷ್ಕರ್ಮಿಗಳು ಅಪಹರಿಸಿದ್ದಾರೆ. ಹುಲೆಕಲ್ ಗ್ರಾಮದ ಸತೀಶ ಶೇಟ್ ಹಾಗೂ ಪುಂಡಳಿಕ್ ಬಾಂದೇಕರ್ ಅವರ ಒಡೆತನದ ಜಾನುವಾರುಗಳನ್ನು ಸಹ ದುಷ್ಕರ್ಮಿಗಳು ಒಯ್ದಿದ್ದಾರೆ. ವೈಕುಂಠ ಹುಲೆಕಲ್ ಅವರ ಜಾನುವಾರುಗಳು 2-3 ದಿನಗಳಿಗೊಮ್ಮೆ ಕೊಟ್ಟಿಗೆಗೆ ಬರುತ್ತಿದ್ದವು. ಈ ಬಾರಿ 13 ದಿನವಾದರೂ ಅವು ಕೊಟ್ಟಿಗೆಗೆ ಬರಲಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಅವು ಸಿಗಲಿಲ್ಲ. ಹೀಗಾಗಿ ವೈಕುಂಟ ಅವರು ಸೆಂಟ್ ಮಿಲಾಗ್ರಿಸ್ ಬ್ಯಾಂಕಿನವರಿಗೆ ಮನವಿ ಮಾಡಿ ಅವರ ಸಿಸಿ ಕ್ಯಾಮರಾ ದಾಖಲೆ ಪರಿಶೀಲನೆ ಮಾಡಿದರು. ಆಗ, ಅಪರಿಚಿತರಿಬ್ಬರು ಅವರ ಜಾನುವಾರುಗಳನ್ನು ಕಾರಿನಲ್ಲಿ ತುಂಬಿಕೊoಡು ಹೋಗಿರುವುದು ಕಾಣಿಸಿತು. ಅದರಂತೆ, ಸತೀಶ ಶೇಟ್ ಹಾಗೂ ಪುಂಡಳಿಕ್ ಬಾಂದೇಕರ್ ಅವರ ಜಾನುವಾರುಗಳು ಸಹ ಕೆಲ ದಿನಗಳಿಂದ ಕಾಣುತ್ತಿರಲಿಲ್ಲ. ಅವುಗಳನ್ನು ಸಹ ಕಾರಿನಲ್ಲಿ ಬಂದ ಕಳ್ಳರು ಕದ್ದಿರುವುದು ದೃಢವಾಯಿತು. ಒಟ್ಟು ಆರು ಜಾನುವಾರುಗಳನ್ನು ದುಷ್ಕರ್ಮಿಗಳು ಅಪಹರಿಸಿದ್ದು, ಅದರಿಂದ ಜಾನುವಾರು ಮಾಲಕರು 58500ರೂ ನಷ್ಟ ಅನುಭವಿಸಿದರು. ಈ ಕಳ್ಳರನ್ನು ಹುಡುಕಿ ಕಠಿಣ ಕ್ರಮ ಜರುಗಿಸುವಂತೆ ವೈಕುಂಠ ಹುಲೆಕಲ್ ಅವರು ಪೊಲೀಸರಲ್ಲಿ ಕೇಳಿಕೊಂಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದಾರೆ.
- [ಯಲ್ಲಾಪುರ | ಬ್ರೆಕ್ ಇಲ್ಲದ ಬಸ್ ಓಡಿಸಿದ ಚಾಲಕ!](https://mobiletime.in/2026/08/yellapur-driver-drove-a-bus-with-no-brakes/): ಹುಬ್ಬಳ್ಳಿಯಿಂದ ಅಂಕೋಲಾಗೆ ಸಂಚರಿಸುತ್ತಿದ್ದ ಸರ್ಕಾರಿ ಬಸ್ಸು ಯಲ್ಲಾಪುರದ ಬಳಿ ಬ್ರೆಕ್ ಫೇಲ್ ಆಗಿದ್ದು, ಚಾಲಕನ ಸಮಯ ಪ್ರಜ್ಞೆಯಿಂದ ಜನರ ಜೀವ ಉಳಿದಿದೆ. ನಿಯಂತ್ರಣ ತಪ್ಪುವ ಸಾಧ್ಯತೆಯಿದ್ದ KSRTC ಬಸ್ಸನ್ನು ಚಾಲಕ ಅಂತ್ಯoತ ಸಂಯಮದಿoದ ಓಡಿಸಿ ಪ್ರಯಾಣಿಕರನ್ನು ಸುರಕ್ಷಿತವಾಗಿರಿಸಿದ್ದಾರೆ. ಅಂಕೋಲಾ ಡಿಪೋಗೆ ಸೇರಿದ ಬಸ್ಸು ಬುಧವಾರ ಹುಬ್ಬಳ್ಳಿಗೆ ಹೋಗಿತ್ತು. ಹುಬ್ಬಳ್ಳಿಯಿಂದ ಮರಳುವಾಗ ಅದು ಯಲ್ಲಾಪುರದ ಬಳಿ ಬ್ರೆಕ್ ಫೇಲ್ ಆಯಿತು. ಬುಧವಾರ ಮಧ್ಯಾಹ್ನ ಯಲ್ಲಾಪುರ ಬಸ್ ನಿಲ್ದಾಣದ ಬಳಿ ಬಸ್ಸು ಹಾಳಾಗಿದ್ದು, ಈ ಪರಿಸ್ಥಿತಿಯನ್ನು ಅರಿತ ಚಾಲಕ ಕಮಲಾಕ್ಷ ನಾಯ್ಕ ಅವರು ಯಾವುದೇ ರೀತಿಯಲ್ಲಿ ಗಾಬರಿಗೊಳ್ಳದೆ ಸಮಾಧಾನಚಿತ್ತದಿಂದ ಬಸ್‌ನ್ನು ನಿಯಂತ್ರಿಸಿದರು. ವೇಗವಾಗಿದ್ದ ಬಸ್ಸನ್ನು ಹಂತ ಹಂತವಾಗಿ ಹತೋಟಿಗೆ ತಂದರು. ಈ ವೇಳೆ ಬಸ್ಸಿನಲ್ಲಿದ್ದ ಪ್ರಯಾಣಿಕರು ಗಾಬರಿಯಾಗಿದ್ದು, ನಿರ್ವಾಹಕಿ ಪಲ್ಲವಿ ಅವರು ಜನರಿಗೆ ತಿಳಿ ಹೇಳಿ, ಸಮಾಧಾನ ಮಾಡಿದರು. ಯಲ್ಲಾಪುರ ನಿಲ್ದಾಣದಲ್ಲಿ ಎಲ್ಲ ಪ್ರಯಾಣಿಕರನ್ನು ಕೆಳಗಿಳಿಸಿದ ನಂತರ ಬಸ್ಸನ್ನು ಡಿಪೋಗೆ ಒಯ್ಯಲಾಯಿತು. ಬಸ್ ದುರಸ್ಥಿ ನಂತರ ಮತ್ತೆ ಪ್ರಯಾಣಿಕರನ್ನು ಹೊತ್ತ ಆ ಬಸ್ಸು ಅಂಕೋಲಾಗೆ ಬಂದಿತು. ಬ್ರೇಕ್ ವೈಫಲ್ಯದಂತಹ ತುರ್ತು ಪರಿಸ್ಥಿತಿಯಲ್ಲಿ ಚಾಲಕ ಕಮಲಾಕ್ಷ ಅವರು ತೋರಿದ ಸಮಯಪ್ರಜ್ಞೆ, ಸಂಯಮ ಮತ್ತು ಕರ್ತವ್ಯನಿಷ್ಠೆಗೆ ಪ್ರಯಾಣಿಕರು ಮೆಚ್ಚುಗೆ ವ್ಯಕ್ತಪಡಿಸಿದರು.
- [ಹೊನ್ನಾವರ | 27ನೇ ವರ್ಷಕ್ಕೆ ಹೃದಯಘಾತ!](https://mobiletime.in/2026/08/honnavar-heart-attack-at-27/): ಮಂಕಿಯಲ್ಲಿ ವಾಸವಾಗಿದ್ದ ಮಂಗಲಾ ನಾಯ್ಕ ಅವರಿಗೆ 27 ವರ್ಷಕ್ಕೆ ಹೃದಯಘಾತವಾಗಿದೆ. ಹೀಗಾಗಿ ಅವರು ಒಂದೇ ಕ್ಷಣದಲ್ಲಿ ಉಸಿರು ನಿಲ್ಲಿಸಿದ್ದಾರೆ. ಹೊನ್ನಾವರದ ಮಂಕಿ ಬಳಿಯ ದೊಡ್ಡಗುಂದ ಬಳಿ ಮಂಗಲಾ ಗಣಪತಿ ನಾಯ್ಕ ಅವರು ವಾಸವಾಗಿದ್ದರು. ಐದು ವರ್ಷದ ಹಿಂದೆ ಅವರು ವಿವಾಹವಾಗಿ ಈ ಊರಿಗೆ ಬಂದಿದ್ದರು. ಇಷ್ಟು ವರ್ಷಗಳ ಕಾಲ ಆರೋಗ್ಯವಾಗಿಯೇ ಇದ್ದ ಅವರು ಅಗಸ್ಟ 25ರಂದು ರಕ್ತದ ವಾಂತಿ ಮಾಡಿದರು. ಮಂಗಲಾ ನಾಯ್ಕ ಅವರನ್ನು ಅವರ ಪತಿ ಹಾಗೂ ಕುಟುಂಬದವರು ಸೇರಿ ಆಸ್ಪತ್ರೆಗೆ ಕರೆದೊಯ್ದರು. ಬೆಳಗ್ಗೆ 5 ಗಂಟೆಗೆ ಅವರನ್ನು ಆಸ್ಪತ್ರೆಗೆ ಒಯ್ದು ಚಿಕಿತ್ಸೆ ನೀಡುವ ಪ್ರಯತ್ನ ಮಾಡಿದರೂ ಪ್ರಯೋಜನವಾಗಿಲ್ಲ. ಆಸ್ಪತ್ರೆಗೆ ಒಯ್ಯುವ ದಾರಿ ಮಧ್ಯೆಯೇ ಮಂಗಲಾ ನಾಯ್ಕ ಅವರು ಸಾವಪ್ಪಿದ್ದು, ಕುಟುಂಬದವರು ಈ ವಿಷಯವನ್ನು ಅವರ ತಂಗಿಗೆ ಹೇಳಿದರು. ದಾಂಡೇಲಿಯ ಜಿ ಎನ್ ರಸ್ತೆಯಲ್ಲಿ ವಾಸವಾಗಿರುವ ಮಂಗಲಾ ನಾಯ್ಕ ಅವರ ಸಹೋದರಿ ಲಲಿತಾ ಸಚಿನ್ ಗುಂಜಿಕರ್ ಅವರು ಅಕ್ಕನ ಸಾವಿನ ಬಗ್ಗೆ ಅನುಮಾನವ್ಯಕ್ತಪಡಿಸಿದರು. ಸಾವಿನ ತನಿಖೆಗೆ ಆಗ್ರಹಿಸಿ ಅವರು ಪೊಲೀಸ್ ದೂರು ನೀಡಿದ್ದು, ಮಂಕಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಶವವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದ್ದು, ಸಾವಿನ ಬಗ್ಗೆ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಅಂಕೋಲಾ | ಚಾಲಕನಿಲ್ಲದೇ ಚಲಿಸಿದ ಟಿಪ್ಪರ್: ಸಾವು!](https://mobiletime.in/2026/08/ankola-tipper-moves-without-driver-death/): ಚಾಲಕನಿಲ್ಲದೇ ಚಲಿಸಿದ ಡಂಪರ್ ಟಿಪ್ಪರ್ ಹಟ್ಟಿಕೇರಿಯ ಮಾರುತಿ ನಾಯ್ಕ ಅವರಿಗೆ ಡಿಕ್ಕಿ ಹೊಡೆದಿದ್ದು, ಮಾರುತಿ ನಾಯ್ಕ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಕ್ರಷರ್ ಬಳಿ ಬೋಡ್ರಸ್ ಅನಲೋಡ್ ಮಾಡಲು ನಿಲ್ಲಿಸಿದ್ದ ಡಂಪರ್ ಟಿಪ್ಪರ್ ಇಳಿಜಾರಿನಲ್ಲಿ ಚಲಿಸಿ ಚಾಲಕ ಮಾರುತಿ ನಾಯ್ಕ ಅವರ ಪ್ರಾಣ ತೆಗೆದಿದೆ. ಅಂಕೋಲಾ ತಾಲೂಕಿನ ಹಟ್ಟಿಕೇರಿಯಲ್ಲಿ ಮಾರುತಿ ರಾಮಚಂದ್ರ ನಾಯ್ಕ ಅವರು ವಾಸವಾಗಿದ್ದರು. 51 ವರ್ಷದ ಅವರು ಅಂಕೋಲಾದ ರಾಜು ಕಳಸ್ ಅವರ ಡಂಪರ್ ವಾಹನಕ್ಕೆ ಚಾಲಕರಾಗಿ ಕೆಲಸ ಮಾಡಿಕೊಂಡಿದ್ದರು. ಅಗಸ್ಟ 25ರ ಸಂಜೆ 5ಗಂಟೆಯ ವೇಳೆಗೆ ಡಂಪರ್‌ನಲ್ಲಿ ಬೋಡ್ರಸ್ ತುಂಬಿಕೊAಡು ರಾಜು ಕಳಸ್ ಅವರ ಕ್ರಷರ್‌ಗೆ ತೆರಳಿದ್ದರು. ಕ್ರಷರ್‌ನಲ್ಲಿ ಬೋಡ್ರಸ್ ಅನಲೋಡ್ ಮಾಡಲು ವಾಹನವನ್ನು ಕ್ರಷರ್ ಮಷೀನ್‌ನ ಮೇಲ್ಭಾಗಕ್ಕೆ ಕೊಂಡೊಯ್ದು ನಿಲ್ಲಿಸಲಾಗಿತ್ತು. ಆದರೆ ಬೋಡ್ರಸ್ ಅನಲೋಡ್ ಮಾಡುವ ಸ್ಥಳವನ್ನು ಸಮತಟ್ಟು ಮಾಡದಿರುವ ಕಾರಣ ಡಂಪರ್ ಇಳಿಚಾರಿನಲ್ಲಿ ಚಲಿಸಿತು. ವಾಹನದ ಮುಂದೆ ನಿಂತಿದ್ದ ಮಾರುತಿ ನಾಯ್ಕ ಅವರಿಗೆ ಡಂಪರ್ ಗುದ್ದಿತು. ಮಾರುತಿ ನಾಯ್ಕ ಅವರು ಇಳಿಜಾರಿನ ರಸ್ತೆಯಲ್ಲಿ ಡಂಪರ್ ನಿಲ್ಲಿಸಿ ಬೋಡ್ರಸ್ ಅನಲೋಡ್ ಮಾಡಿದ ಬಳಿಕ ವಾಹನದಿಂದ ಕೆಳಗಿಳಿದು ಅದರ ಮುಂಭಾಗದಲ್ಲಿ ನಿಂತಿದ್ದು, ಅದೇ ಡಂಪರ್ ಅಡಿಗೆ ಬಿದ್ದು ಅವರು ಸಾವನಪ್ಪಿದರು. ಈ ಅವಘಡದ ಬಗ್ಗೆ ಜಗದೀಶ ಗೋವಿಂದ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಶಿರಸಿ | ನದಿ ತಿರುವು ಹೋರಾಟ: ಕರಾವಳಿಗರ ನೆರವು ಯಾಚಿಸಿದ ಸೋಂದಾ ಶ್ರೀ](https://mobiletime.in/2026/08/sirsi-river-diversion-protest-sonda-sri-seeks-support-from-coastal-residents/): `ನದಿ ತಿರುವು ಯೋಜನಾ ವಿರೋಧಿ ಹೋರಾಟವನ್ನು ಇನ್ನಷ್ಟು ತೀವ್ರಗೊಳಿಸುವದು ಅನಿವಾರ್ಯ’ ಎಂದು ಸೋಂದಾ ಸ್ವರ್ಣವಲ್ಲೀಯ ಗಂಗಾಧರೇoದ್ರ ಸರಸ್ವತೀ ಸ್ವಾಮೀಜಿ ಹೇಳಿದ್ದಾರೆ. ಹೋರಾಟದ ಕುರಿತು ವಿಶೇಷ ಸಭೆ ನಡೆಸಿದ ಅವರು `ಈ ಹೋರಾಟಕ್ಕೆ ಕರಾವಳಿ ಭಾಗದವರು ಕೈ ಜೋಡಿಸಬೇಕು’ ಎಂದು ಕರೆ ನೀಡಿದ್ದಾರೆ. `ಸಮರೋಪಾದಿಯಲ್ಲಿ ನಮ್ಮ ಚಳುವಳಿಯನ್ನು ತೀವ್ರಗೊಳಿಸಬೇಕಿದೆ. ಮುಖ್ಯವಾಗಿ ಕರಾವಳಿ ಭಾಗದ ಜನರು ಸಂಪೂರ್ಣ ಕೈಜೋಡಿಸಿ ಈ ಹೋರಾಟವನ್ನು ಯಶಸ್ವಿಗೊಳಿಸಬೇಕಿದೆ’ ಎಂದು ಶ್ರೀಗಳು ಹೇಳಿದ್ದಾರೆ. ಈ ಹಿನ್ನಲೆ ಸೆಪ್ಟೆಂಬರ್ 3ರಂದು ಗೋಕರ್ಣ, ಕಾರವಾರ ಚಲೋ, ಅಕ್ಟೋಬರ್ 2ರಂದು ಬೆಂಗಳೂರಿನ ಫ್ರೀಡಂ ಪಾರ್ಕ್ ನಲ್ಲಿ ಬೃಹತ್ ಪ್ರತಿಭಟನೆ, ಯಲ್ಲಾಪುರದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ರಾಸ್ತಾ ರೋಖೋ ಸರಣಿ ಚಳುವಳಿಯನ್ನು ವ್ಯವಸ್ಥಿತವಾಗಿ ನಡೆಸಲು ಸಭೆ ನಿರ್ಣಯಿಸಿದೆ. ಜೊತೆಯಲ್ಲಿ ಕಾನೂನು ಹೋರಾಟವನ್ನು ನಡೆಸಲು ಸಭೆ ತೀರ್ಮಾನಿಸಿದೆ. ಬೇಡ್ತಿ ಅಘನಾಶಿನಿ ಕೊಳ್ಳ ಸಂರಕ್ಷಣಾ ಸಮಿತಿಯ ಅಧ್ಯಕ್ಷ ಅನಂತ ಹೆಗಡೆ ಅಶೀಸರ ಮಾತನಾಡಿ `ಬೆಂಗಳೂರಿನಲ್ಲಿ ಏನ್ ಡಬ್ಲ್ಯೂಡಿಎ ವಿಜ್ಞಾನಿ ಗಳೊಂದಿಗೆ ನಡೆದ ಚರ್ಚೆಯಲ್ಲಿ ನಮ್ಮ ನಿಯೋಗದಲ್ಲಿದ್ದ ತಜ್ಞರು ಮಂಡಿಸಿದ ಪ್ರಶ್ನೆಗಳಿಗೆ ಸಂಸ್ಥೆಯ ವಿಜ್ಞಾನಿಗಳು ನಿರುತ್ತರರಾದರು’ ಎಂಬ ವಿಷಯ ತಿಳಿಸಿದ್ದಾರೆ. ಕರಾವಳಿ ಭಾಗದಲ್ಲಿ ಜನಜಾಗೃತಿ ಕೈಗೊಂಡ ಪ್ರಮುಖರಾದ ವಿಶ್ವನಾಥ ಶೀಗೆಹಳ್ಳಿ ಮತ್ತು ಪ್ರಮೋದ್ ವೈದ್ಯ ಮತ್ತಿಘಟ್ಟ ಅವರು ಮಾತನಾಡಿ `ಕರಾವಳಿ ಭಾಗದಲ್ಲಿ ಈ ಹೋರಾಟಕ್ಕೆ ಉತ್ತಮ ಪ್ರತಿಕ್ರಿಯೆ ಇದೆ’ ಎಂದು ತಿಳಿಸಿದ್ದಾರೆ. ಈ ಸಭೆಯಲ್ಲಿ ಶ್ರೀಮನ್ ನೆಲೆಮಾವು ಮಠದ ಅಧ್ಯಕ್ಷ ಜಿ ಎಂ ಹೆಗಡೆ ಹೆಗ್ನೂರು, ಹಿರಿಯ ಸಹಕಾರಿ ಎನ್ ವಿ ಹೆಗಡೆ ಮುತ್ತಿಗೆ, ಜಿ ಆರ್ ಹೆಗಡೆ ಬೆಳ್ಳೆಕೆರಿ, ಶಿವಾನಂದ ಕಳವೆ, ಎಂ ಕೆ ಭಟ್ ಯಡ್ಹಳ್ಳಿ, ರಾಘವೇಂದ್ರ ಭಟ್ಟ ಹಾಸಣಗಿ, ನರಸಿಂಹ ಸಾತೊಡ್ಡಿ, ಜಿ ಎನ್ ಹೆಗಡೆ ಕಣ್ಣಿಮನೆ ತಮ್ಮ ಅಭಿಪ್ರಾಯ ಮಂಡಿಸಿದರು. ಸುರೇಶ ಹಕ್ಕಿಮನೆ ಸ್ವಾಗತಿಸಿದರು. ಅನಂತ ಭಟ್ ಹುಳಗೋಳ ವಂದಿಸಿದರು.
- [ಅಂಕೋಲಾ ಘಟನೆ: ಜನಶಕ್ತಿ ವೇದಿಕೆ ಖಂಡನೆ](https://mobiletime.in/2026/08/ankola-incident-janashakti-vedike-condemns-it/): `ಅoಕೋಲಾದಲ್ಲಿ ನಡೆದ ಈದ್ ಮಿಲಾದ್ ಮೆರವಣಿಗೆಯಲ್ಲಿ ಪ್ಯಾಲೆಸ್ಟೈನ್ ಧ್ವಜ ಪ್ರದರ್ಶನ ಖಂಡನೀಯ’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಹೇಳಿದ್ದಾರೆ. `ಇಂಥ ಮೆರವಣಿಗೆಗಳ ಸಂಪೂರ್ಣ ಹೊಣೆಗಾರಿಕೆಯನ್ನು ಆಯೋಜಕರೇವಹಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಧಾರ್ಮಿಕ ಮೆರವಣಿಗೆಗಳು ಯಾವುದೇ ಧರ್ಮ ಅಥವಾ ಸಮುದಾಯದ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುವ ಹಾಗಿಲ್ಲ. ಆ ಮೆರವಣಿಗೆಗಳು ಶಾಂತಿ, ಸೌಹಾರ್ದತೆ ಹಾಗೂ ಕಾನೂನು-ಸುವ್ಯವಸ್ಥೆಯನ್ನು ಕಾಪಾಡುವ ರೀತಿಯಲ್ಲಿ ನಡೆಯಬೇಕು’ ಎಂದವರು ಹೇಳಿದ್ದಾರೆ. `ಮೆರವಣಿಗೆಯ ಉದ್ದೇಶಕ್ಕೆ ಸಂಬAಧಿಸದ ವಿದೇಶಿ ರಾಷ್ಟ್ರಗಳ ಧ್ವಜಗಳು ಅಥವಾ ವಿವಾದಕ್ಕೆ ಕಾರಣವಾಗಬಹುದಾದ ಯಾವುದೇ ರೀತಿಯ ಪ್ರದರ್ಶನಗಳಿಗೆ ಇಲ್ಲಿ ಅವಕಾಶವಿಲ್ಲ’ ಎಂದಿದ್ದಾರೆ. `ಮೆರವಣಿಗೆಯ ಸಂದರ್ಭದಲ್ಲಿ ಇಂತಹ ಘಟನೆಗಳು ನಡೆಯುವುದರಿಂದ ಅನಗತ್ಯ ಗೊಂದಲ ಉಂಟಾಗಲಿದೆ. ಜೊತೆಗೆ ಸಾರ್ವಜನಿಕರಲ್ಲಿ ಆತಂಕ ಉಂಟಾಗುವ ಸಾಧ್ಯತೆ ಇದೆ. ಹೀಗಾಗಿ, ಮುಂದಿನ ದಿನಗಳಲ್ಲಿ ಯಾವುದೇ ಧಾರ್ಮಿಕ ಮೆರವಣಿಗೆ ಆಯೋಜಿಸುವಾಗ ಸಂಬAಧಪಟ್ಟ ಸಮಾಜದ ಮುಖಂಡರು, ಸಂಘಟಕರು ಹಾಗೂ ಮೆರವಣಿಗೆಯ ನೇತೃತ್ವವಹಿಸುವವರು ಮೆರವಣಿಗೆಯ ಸಂಪೂರ್ಣ ಜವಾಬ್ದಾರಿಯನ್ನು ವಹಿಸಿಕೊಳ್ಳಬೇಕು’ ಎಂದು ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. `ಮೆರವಣಿಗೆಗೆ ಮುನ್ನ ಅದರ ಮಾರ್ಗ, ಸಮಯ, ಕಾರ್ಯಕ್ರಮದ ರೂಪುರೇಷೆ, ಭಾಗವಹಿಸುವ ಸಂಘಟನೆಗಳು ಹಾಗೂ ಜವಾಬ್ದಾರಿವಹಿಸುವ ಮುಖಂಡರ ವಿವರಗಳನ್ನು ಪೊಲೀಸ್ ಠಾಣೆಗೆ ಕಡ್ಡಾಯವಾಗಿ ತಿಳಿಸುವ ವ್ಯವಸ್ಥೆ ಜಾರಿಗೊಳಿಸಬೇಕು. ಮೆರವಣಿಗೆಯಲ್ಲಿ ಯಾವುದೇ ಪ್ರಚೋದನಕಾರಿ ಘೋಷಣೆಗಳು, ಬ್ಯಾನರ್‌ಗಳು, ಧ್ವಜಗಳು ಅಥವಾ ಸಾರ್ವಜನಿಕ ಶಾಂತಿಗೆ ಧಕ್ಕೆ ತರುವಂತಹ ಚಟುವಟಿಕೆಗಳು ನಡೆಯದಂತೆ ಆಯೋಜಕರು ಮತ್ತು ಮುಖಂಡರು ಮುಂಚಿತವಾಗಿಯೇ ಕ್ರಮ ಕೈಗೊಳ್ಳಬೇಕು’ ಎಂದು ಅವರು ಮನವಿ ಮಾಡಿದ್ದಾರೆ. `ಅಂಕೋಲಾದಲ್ಲಿ ನಡೆದ ಘಟನೆಯಲ್ಲಿ ಪೊಲೀಸರು ತಕ್ಷಣ ಮಧ್ಯಪ್ರವೇಶಿಸಿ ಪ್ಯಾಲೆಸ್ಟೈನ್ ಧ್ವಜವನ್ನು ವಶಕ್ಕೆಪಡೆದು ಪರಿಸ್ಥಿತಿಯನ್ನು ನಿಯಂತ್ರಿಸಿರುವುದು ಸ್ವಾಗತಾರ್ಹ. ಮುಂದಿನ ದಿನಗಳಲ್ಲಿ ಇಂತಹ ಘಟನೆಗಳು ಮರುಕಳಿಸದಂತೆ ಪೊಲೀಸ್ ಇಲಾಖೆ ಹಾಗೂ ಜಿಲ್ಲಾಡಳಿತ ಕಟ್ಟುನಿಟ್ಟಿನ ಮಾರ್ಗಸೂಚಿಗಳನ್ನು ರೂಪಿಸಿ, ಅವುಗಳನ್ನು ಎಲ್ಲಾ ಮೆರವಣಿಗೆಗಳ ಆಯೋಜಕರಿಗೆ ಕಡ್ಡಾಯವಾಗಿ ತಿಳಿಸಬೇಕು’ ಎಂದವರು ಆಗ್ರಹಿಸಿದ್ದಾರೆ. ಜೊತೆಗೆ `ಕಾನೂನು ಉಲ್ಲಂಘನೆಯಾಗುವ ಸಂದರ್ಭದಲ್ಲಿ ಮೆರವಣಿಗೆಯ ಆಯೋಜಕರು ಹಾಗೂ ಜವಾಬ್ದಾರಿವಹಿಸಿರುವ ಮುಖಂಡರ ಮೇಲೂ ಕಾನೂನುಬದ್ಧ ಕ್ರಮ ಕೈಗೊಳ್ಳಬೇಕು’ ಎಂದು ಮಾಧವ ನಾಯಕ ಒತ್ತಾಯಿಸಿದ್ದಾರೆ. `ಧಾರ್ಮಿಕ ಸ್ವಾತಂತ್ರ‍್ಯವನ್ನು ಗೌರವಿಸುವುದರ ಜೊತೆಗೆ ದೇಶದ ಕಾನೂನು, ಸಾರ್ವಜನಿಕ ಶಾಂತಿ ಮತ್ತು ಸೌಹಾರ್ದತೆಯನ್ನು ಪ್ರತಿಯೊಬ್ಬರೂ ಕಾಪಾಡುವುದು ಅಗತ್ಯ. ಅಂಕೋಲಾ ಸೇರಿದಂತೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಎಲ್ಲಾ ಸಮುದಾಯಗಳ ನಡುವೆ ಶಾಂತಿ ಮತ್ತು ಸಹಬಾಳ್ವೆ ಮುಂದುವರಿಯಬೇಕು’ ಎಂದವರು ಹೇಳಿದ್ದಾರೆ.
- [ಕುಮಟಾ | ಹಿಂದೂ ಮುಸ್ಲೀಂ ಬಾಯಿ ಬಾಯಿ!](https://mobiletime.in/2026/08/kumta-hindus-and-muslims-are-brothers/): ಕುಮಟಾದಲ್ಲಿ ಈ ದಿನ ಅದ್ಧೂರಿ ಈದ್ ಮೆರವಣಿಗೆ ನಡೆದಿದ್ದು, ಗುಡಿಗಾರ ಗಲ್ಲಿಯ ಸಾರ್ವಜನಿಕ ಗಣೇಶೋತ್ಸವ ಸಮಿತಿಯವರು ಮೆರವಣಿಗೆಯಲ್ಲಿ ಭಾಗವಹಿಸಿದವರಿಗೆ ಸಿಹಿ ತಿನಿಸು ವಿತರಿಸಿದ್ದಾರೆ. ಆ ಮೂಲಕ ಕುಮಟಾದ ಜನ ಹಿಂದೂ-ಮುಸ್ಲೀಂ ಸೌಹಾರ್ದತೆಯನ್ನು ಸಾರಿದ್ದಾರೆ. ಕುಮಟಾದಲ್ಲಿ ಮೊದಲಿನಿಂದಲೂ ಈದ್ ಮಿಲಾದ್ ಹಬ್ಬದ ದಿನ ಹಿಂದೂ ಸಮುದಾಯದವರು ಮುಸ್ಲಿಂ ಸಮುದಾಯದವರಿಗೆ ಸಿಹಿ ತಿನಿಸು ಹಂಚುತ್ತಿದ್ದಾರೆ. ಅದರಂತೆ, ಗಣೇಶ ಚತುರ್ಥಿ ಅವಧಿಯಲ್ಲಿ ಮುಸ್ಲಿಂ ಸಮುದಾಯದವರು ಹಬ್ಬಕ್ಕೆ ಆಗಮಿಸಿ ಪ್ರಸಾದಪಡೆಯುತ್ತಾರೆ. ಆ ಪದ್ಧತಿ ಈ ವರ್ಷವೂ ಮುಂದುವರೆದಿದ್ದು, ಸುವರ್ಣ ಮಹೋತ್ಸವದ ಹೊಸ್ತಲಿನಲ್ಲಿರುವ ಗುಡಿಗಾರ ಗಲ್ಲಿಯ ಸಾರ್ವಜನಿಕ ಗಣೇಶೋತ್ಸವ ಸಮಿತಿಯವರು ಈದ್ ಮಿಲಾದ್ ಮೆರವಣಿಗೆಯಲ್ಲಿದ್ದವರಿಗೆ ಸಿಹಿ ತಿನಿಸು ಹಾಗೂ ತಂಪು ಪಾನೀಯ ನೀಡಿದ್ದಾರೆ. ಕುಮಟಾದ ಹಳಕಾರ ದರ್ಗಾದಿಂದ ಕುಮಟಾ ಪಟ್ಟಣದಲ್ಲಿ ಈದ್ ಮಿಲಾದ್ ಮೆರವಣಿಗೆ ಸಂಚರಿಸಿದೆ. ಅದೇ ಮಾರ್ಗವಾಗಿ ಕಾದ ಸಾರ್ವಜನಿಕ ಗಣೇಶೋತ್ಸವ ಸಮಿತಿಯವರು ಮೆರವಣಿಗೆಯಲ್ಲಿದ್ದವರನ್ನು ಮಾತನಾಡಿಸಿ, ಸಡಗರವ್ಯಕ್ತಪಡಿಸಿದ್ದಾರೆ. ನಂತರ ಅವರು ಹಬ್ಬಕ್ಕೆ ಶುಭ ಕೋರಿದ್ದಾರೆ. ಅದಾದ ಮೇಲೆ ಎರಡು ಸಮುದಾಯದವರು ಸೇರಿ ಕುಮಟಾ ಸರ್ಕಾರಿ ಆಸ್ಪತ್ರೆಗೆ ಹೋಗಿದ್ದು, ಅಲ್ಲಿ ದಾಖಲಾದ ರೋಗಿಗಳಿಗೆ ಹಣ್ಣುಗಳನ್ನು ವಿತರಿಸಿದ್ದಾರೆ. ಗಣೇಶೋತ್ಸವ ಸಮಿತಿ ಅಧ್ಯಕ್ಷ ಲಕ್ಷ್ಮಣ ನಾಯ್ಕ, ಸಮಿತಿ ಪ್ರಮುಖರಾದ ರಾಜು ನಾಯ್ಕ, ರಾಘವೇಂದ್ರ ನಾಯ್ಕ, ಮಂಜುನಾಥ ನಾಯ್ಕ, ಗುರುಪ್ರಸಾದ ನಾಯ್ಕ, ವಾಸು ನಾಯ್ಕ, ವಿನಾಯಕ ನಾಯ್ಕ, ಮಾರುತಿ ನಾಯ್ಕ, ಶ್ರೀಧರ ಕುಮಟಾಕರ, ಗೀರಿಶ ನಾಯ್ಕ, ಪ್ರಕಾಶ ನಾಯ್ಕ ಹಾಗೂ ಯೋಗಿ ನಾಯ್ಕ ಅವರು ಈ ವೇಳೆ ಹಾಜರಿದ್ದರು.
- [ಅರಣ್ಯ ಅತಿಕ್ರಮಣ: ಮರು ಸಮೀಕ್ಷೆಗೆ ಆಗ್ರಹ](https://mobiletime.in/2026/08/forest-encroachment-demand-for-re-survey/): `1978ರ ಪೂರ್ವದಲ್ಲಿದ್ದ ಅರ್ಹ ಅರಣ್ಯ ಒತ್ತುವರಿದಾರರ ಪ್ರಕರಣಗಳನ್ನು ಮರು ಸಮೀಕ್ಷೆ ಮಾಡಬೇಕು’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟ ಸಂಘಟನೆಗಳ ರಾಜ್ಯ ಸಮಿತಿಯ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರು ಆಗ್ರಹಿಸಿದ್ದಾರೆ. ಈ ಕುರಿತು ಅವರು ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಹಾಗೂ ಅರಣ್ಯ ಪರಿಸರ ಸಚಿವ ರಾಮಲಿಂಗಾರೆಡ್ಡಿ ಅವರಿಗೆ ಪತ್ರ ಬರೆದಿದ್ದಾರೆ. `ಸಮೀಕ್ಷೆಯ ಸಂದರ್ಭದಲ್ಲಿ ಕೈಬಿಟ್ಟುಹೋಗಿರುವ 1978 ರ ಪೂರ್ವದ ಅರ್ಹ ಒತ್ತುವರಿದಾರರ ಪ್ರಕರಣಗಳನ್ನು ಮರುಸಮೀಕ್ಷೆಯಿಂದ ಮಂಜೂರಿಸಲು ರಾಜ್ಯ ಸರ್ಕಾರ ಅಗತ್ಯ ಕ್ರಮಜರುಗಿಸಬೇಕು’ ಎಂದವರು ಒತ್ತಾಯಿಸಿದ್ದಾರೆ. `ಕೈಬಿಟ್ಟು ಹೋಗಿರುವ ಎಲ್ಲ ಅರ್ಹ ಪ್ರಕರಣಗಳನ್ನು ಮರು ಸಮೀಕ್ಷೆಯಿಂದ ಗುರುತಿಸಲು ಹಾಗೂ ಕೇಂದ್ರ ಸರ್ಕಾರದ ಮಂಜೂರಿಗೆ ಅಗತ್ಯ ಪ್ರಸ್ತಾವ ಸಲ್ಲಿಸಲು 13-3-2015ರಂದೇ ಸರ್ಕಾರ ಸುತ್ತೋಲೆ ಹೊರಡಿಸಿದೆ. ಆದರೆ, ಸಂಬoಧಪಟ್ಟ ಇಲಾಖೆಗಳು ಈವರೆಗೆ ಮರುಸಮೀಕ್ಷೆಯನ್ನು ಮಾಡಿಲ್ಲ. ಅರ್ಹರನ್ನು ಗುರುತಿಸಿ ಕೇಂದ್ರ ಸರ್ಕಾರಕ್ಕೆ ಅಗತ್ಯ ಪ್ರಸ್ತಾವನೆಯನ್ನೂ ಸಹ ಕಳಿಸಿಲ್ಲ. ಇದರಿಂದ ರಾಜ್ಯದಲ್ಲಿ ಸಾವಿರಾರು ಅರ್ಹ ರೈತರು ಅಧಿಭೋಗದ ಹಕ್ಕಿನಿಂದ ವಂಚಿತರಾಗಿದ್ದಾರೆ’ ಎಂದವರು ಕಳವಳವ್ಯಕ್ತಪಡಿಸಿದ್ದಾರೆ. `ಈ ದಿಶೆಯಲ್ಲಿ ಪ್ರಶ್ನಿಸಿದರೆ ಸರಕಾರದ ಮಟ್ಟದಲ್ಲಿ ಆಗಿರುವ ನಿರ್ಣಯದ ಬಗ್ಗೆ ಸುತ್ತೋಲೆ ಇರುವದು ನಿಜ. ಆದರೆ, ತಮಗೆ ಇನ್ನೂ ಸರ್ಕಾರದಿಂದ ಅದೀಕ್ರತ ಆದೇಶ ಬಂದಿಲ್ಲ ಎನ್ನುವದಾಗಿ ಕೆಲವು ಅಧಿಕಾರಿಗಳು ಹೇಳುತ್ತಿದ್ದಾರೆ. ಬಹುಪಾಲು ಅರಣ್ಯ ಪ್ರದೇಶ ಹೊಂದಿರುವ ಪಶ್ಚಿಮಘಟ್ಟದ ಅಂಚಿನಲ್ಲಿರುವ ಉತ್ತರಕನ್ನಡ, ಶಿವಮೊಗ್ಗ ಸಹಿತ ಕರಾವಳಿ, ಮಲೆನಾಡು, ಜಿಲ್ಲೆಗಳಲ್ಲಿ ಅಲ್ಲಿನ ಲಕ್ಷಾಂತರ ಬುಡಕಟ್ಟು ಮತ್ತು ಹಿಂದುಳಿದ ವರ್ಗಗಳ ಬಡಜನರು ತಮ್ಮ ವಸತಿ ಮತ್ತು ಜೀವನೋಪಾಯಕ್ಕೆ ತಲೆತಲಾಂತರದಿoದ ಅರಣ್ಯ ಭೂಮಿಯನ್ನು ಅವಲಂಬಿಸಿದ್ದಾರೆ. 15-5-1996ರಲ್ಲಿ ಕೇಂದ್ರ ಸರ್ಕಾರವು 1980ರ ಅರಣ್ಯ ಸಂರಕ್ಷಣಾ ಕಾಯ್ದೆಯಡಿ 1978ಪೂರ್ವದ ಒತ್ತುವರಿ ಪ್ರಕರಣಗಳನ್ನು ಗುರುತಿಸಿ, ಮಂಜೂರಿಗೆ ಶಿಫಾರಸು ಮಾಡಲು ಸೂಚಿಸಿತ್ತು. ಆದರೆ ಅರ್ಹರನ್ನು ಗುರುತಿಸುವ ಅಂದಿನ ಸಮೀಕ್ಷೆ ಸಮರ್ಪಕವಾಗಿ ನಡೆಯದೇ ರಾಜ್ಯದಲ್ಲಿ ಸಾವಿರಾರು ಅರ್ಹ ಪ್ರಕರಣಗಳು ಕೈಬಿಟ್ಟು ಹೋಗಿರುವ ಬಗ್ಗೆ ಅಂದಿನ ಕಂದಾಯ ಸಚಿವ ಆರ್ ವಿ ದೇಶಪಾಂಡೆಯವರ ಅಧ್ಯಕ್ಷತೆಯಲ್ಲಿ ನಡೆದ ರಾಜ್ಯ ಸರ್ಕಾರದ ಉನ್ನತಾಧಿಕಾರ ಮಟ್ಟದ ಸಭೆಯ ನಡವಳಿಯಲ್ಲಿ ಉಲ್ಲೇಖವಾಗಿದೆ’ ಎಂಬ ಅಂಶವನ್ನು ಅವರು ಗಮನಕ್ಕೆ ತಂದಿದ್ದಾರೆ. `ಕೈ ಬಿಟ್ಟುಹೋದ ಅರ್ಹ ಪ್ರಕರಣಗಳನ್ನು ಗುರುತಿಸಿ, ಮಂಜೂರಿಗೆ ಕೇಂದ್ರ ಸರ್ಕಾರಕ್ಕೆ ಅಗತ್ಯ ಪ್ರಸ್ತಾವ ಸಲ್ಲಿಸಬೇಕೆಂದು ನಿರ್ಣಯವಾಗಿತ್ತು. ಆದರೆ ಸರ್ಕಾರದ ಅಂದಿನ ನಿರ್ಣಯವನ್ನು ಈವರೆಗೂ ಅನುಷ್ಠಾನಕ್ಕೆ ಬಾರದೇ ಇರುವುದರಿಂದ ಸರ್ಕಾರ ಈ ವಿಚಾರವನ್ನು ಪುನರ್ ಪರಿಶೀಲಿಸಲು ಹಾಗೂ 1978ರ ಪೂರ್ವದ ಕೈಬಿಟ್ಟುಹೋದ ಅರಣ್ಯ ಭೂಮಿ ಒತ್ತುವರಿದಾರರ ಅರ್ಹ ಪ್ರಕರಣಗಳನ್ನು ಮರುಸಮೀಕ್ಷೆಯಿಂದ ಗುರುತಿಸಿ, ಮಂಜೂರಿಸಲು ಸರ್ಕಾರ ಅಗತ್ಯ ಮದ್ಯಪ್ರವೇಶ ಮಾಡಬೇಕು’ ಎಂದು ಚಂದ್ರಕಾoತ ಕೊಚರೇಕರ ಆಗ್ರಹ ಪಡಿಸಿದ್ದಾರೆ.
- [ಯಲ್ಲಾಪುರ | ಕಳಚೆಯಲ್ಲಿ ಬೂಟಿನ ಕಾಳಗ!](https://mobiletime.in/2026/08/yellapur-a-clash-involving-boots-at-kalacha/): ಕಳಚೆಯ ರಾಜೇಶ ಹೆಗಡೆ ಅವರು ನಾಗರ ಪಂಚಮಿ ಪೂಜೆ ನಡೆಯುವ ಸ್ಥಳಕ್ಕೆ ಬೂಟು ಧರಿಸಿ ಹೋಗಿದ್ದು, ಅದನ್ನು ಪ್ರಶ್ನಿಸಿದ ಕಾರಣ ಉಮಾಕಾಂತ ಕಳಸ್ ಅವರಿಗೆ ರಾಜೇಶ ಹೆಗಡೆ ಹಾಗೂ ಅನಂತ ಹೆಗಡೆ ಸೇರಿ ಕತ್ತಿಯಿಂದ ಹೊಡೆದಿದ್ದಾರೆ. ಉಮಾಕಾಂತ ಕಳಸ್ ಅವರ ಪುತ್ರಿ ಆಶಾ ಕಳಸ್ ಅವರ ಬೆರಳಿಗೂ ಕತ್ತಿ ತಾಗಿ ರಕ್ತ ಬಂದಿದ್ದು, ಈ ವೇಳೆ ಕಾಶಿನಾಥ ಕಳಸ ಹಾಗೂ ಶ್ರೀನಾಥ ಕಳಸ್ ಅವರು ಅಲ್ಲಿಗೆ ಆಗಮಿಸುವುದನ್ನು ನೋಡಿ ಅವರಿಬ್ಬರು ಪರಾರಿಯಾಗಿದ್ದಾರೆ. ಯಲ್ಲಾಪುರದ ಕಳಚೆಯ ಸುಣಜೋಗಕೇರಿಯಲ್ಲಿ ಉಮಾಕಾಂತ ಬಾಬು ಕಳಸ್ ಅವರು ವಾಸವಾಗಿದ್ದಾರೆ. 55 ವರ್ಷದ ಅವರು ನಾಗರ ಪಂಚಮಿ ದಿನ ತಮ್ಮ ಮನೆ ಬಳಿ ಭಕ್ತಿಯಿಂದ ಪೂಜೆ ಮಾಡಿದ್ದಾರೆ. ಈ ಪೂಜೆ ನಡೆಯುವ ವೇಳೆ ಅದೇ ಭಾಗದ ರಾಜೇಶ ಅನಂತ ಹೆಗಡೆ (30) ಅವರು ಅಲ್ಲಿಗೆ ಹೋಗಿದ್ದಾರೆ. ಪೂಜೆ ನಡೆಯುವ ಸ್ಥಳದವರೆಗೂ ರಾಜೇಶ ಹೆಗಡೆ ಅವರು ಬೂಟು ಧರಿಸಿ ಹೋಗಿದ್ದಾರೆ. ಇದನ್ನು ನೋಡಿದ ಉಮಾಕಾಂತ ಕಳಸ್ ಅವರು ಬೂಟು ತೆಗೆದು ಬರುವಂತೆ ಮನವಿ ಮಾಡಿದ್ದಾರೆ. ಆ ವೇಳೆ ಅಲ್ಲಿಂದ ಸುಮ್ಮನೆ ಹೋದ ರಾಜೇಶ ಹೆಗಡೆ ಅವರು ನಂತರ ತಮ್ಮ ತಂದೆ ಅನಂತ ಹೆಗಡೆ ಅವರನ್ನು ಕರೆದುಕೊಂಡು ಉಮಾಕಾಂತ ಕಳಸ್ ಅವರ ಮನೆ ಬಳಿ ಬಂದಿದ್ದಾರೆ. `ನಾಗರ ಪಂಚಮಿ ದಿನ ನನ್ನ ಮಗನಿಗೆ ಏನು ಹೇಳಿದೆ?’ ಎಂದು ಅನಂತ ಹೆಗಡೆ ಅವರು ಜೋರಾಗಿ ಪ್ರಶ್ನಿಸಿದ್ದಾರೆ. `ಬೂಟು ತೆಗೆದು ಬಾ’ ಎಂದಿರುವುದಾಗಿ ಉಮಾಕಾಂತ ಕಳಸ ಅವರು ಹೇಳಿದ್ದಾರೆ. ಇದರಿಂದ ಸಿಟ್ಟಾದ ರಾಜೇಶ ಹೆಗಡೆ ಅವರು `ನನ್ನ ಬೂಟು ಕಳಚಿಸಲು ನೀನು ಯಾರು?’ ಎಂದು ಜೋರಾಗಿ ಬೊಬ್ಬೆ ಹೊಡೆದಿದ್ದಾರೆ. ತಮ್ಮ ಕೈಯಲ್ಲಿದ್ದ ಕತ್ತಿಯಿಂದ ಉಮಾಕಾಂತ ಕಳಸ ಅವರ ಮೇಲೆ ಆಕ್ರಮಣ ನಡೆಸಿದ್ದಾರೆ. ಈ ವೇಳೆ ಉಮಾಕಾಂತ ಕಳಸ್ ಅವರು ಎರಡು ಕೈಯಿಂದ ಕತ್ತಿ ಅಡ್ಡಹಿಡಿದು, ಅಲ್ಲಿಯೇ ಇದ್ದ ಅನಂತ ಹೆಗಡೆ ಅವರು ಇನ್ನೊಂದು ಕತ್ತಿ ಬೀಸಿದ್ದಾರೆ. ಆ ಕತ್ತಿ ಉಮಾಕಾಂತ ಕಳಸ ಅವರ ಕೈಗೆ ತಾಗಿದೆ. ಈ ವೇಳೆ ಅಲ್ಲಿಗೆ ಉಮಾಕಾಂತ ಕಳಸ್ ಅವರ ಪುತ್ರಿ ಆಶಾ ಕಳಸ್ ಅವರು ಆಗಮಿಸಿದ್ದು, ಅವರ ಮೇಲೆಯೂ ಈ ಅಪ್ಪ-ಮಗ ದಾಳಿ ಮಾಡಿದ್ದಾರೆ. ಆಶಾ ಕಳಸ್ ಅವರ ಕೈ ಬೆರಳಿಗೆ ಕತ್ತಿ ತಾಗಿ ರಕ್ತ ಬಂದಿದೆ. ಅದಾದ ನಂತರ ಅಲ್ಲಿನ ಗಲಾಟೆ ಕೇಳಿ ಕಾಶಿನಾಥ ಬಾಬು ಕಳಸ ಹಾಗೂ ಶ್ರೀನಾಥ ಶ್ರೀಕಾಂತ ಕಳಸ ಅವರು ಆಗಮಿಸಿದ್ದಾರೆ. ಆಗ, ರಾಜೇಶ ಹೆಗಡೆ ಹಾಗೂ ಅನಂತ ಹೆಗಡೆ ಅಲ್ಲಿಂದ ಓಡಿ ಪರಾರಿಯಾಗಿದ್ದಾರೆ. ಗಾಯಗೊಂಡವರಿಬ್ಬರು ಆಸ್ಪತ್ರೆ ಸೇರಿದ್ದು, ಚೇತರಿಸಿಕೊಂಡ ನಂತರ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಅನಂತ ಹೆಗಡೆ ಹಾಗೂ ರಾಜೇಶ ಹೆಗಡೆ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿ ದೂರು ನೀಡಿದ್ದಾರೆ. ಪಿಸೈ ಮಹಾವೀರ ಕಾಂಬಳೆ ಅವರು ಕೇಸು ದಾಖಲಿಸಿಕೊಂಡು, ತನಿಖೆ ಶುರು ಮಾಡಿದ್ದಾರೆ.
- [ಅಂಕೋಲಾ | ವಿದೇಶಿ ವ್ಯಾಮೋಹಿಯ ಸೆರೆ!](https://mobiletime.in/2026/08/ankola-man-obsessed-with-going-abroad-arrested/): ಈದ್ ಮಿಲಾದ್ ಮೆರವಣಿಗೆಯಲ್ಲಿ ವಿದೇಶಿ ಬಾವುಟ ಹಾರಿಸಿದ ಮಹಮದ್ ಶೇಖ್ ಅವರನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಮಹಮದ್ ಶೇಖ್ ಉದ್ದೇಶಪೂರ್ವಕವಾಗಿ ಈ ಧ್ವಜ ಹಾರಾಟ ನಡೆಸಿರುವುದು ತನಿಖೆಯಿಂದ ಗೊತ್ತಾಗಿದೆ. ಅಗಸ್ಟ 26ರಂದು ಅಂಕೋಲಾದಲ್ಲಿ ಅದ್ಧೂರಿಯಾಗಿ ಈದ್ ಮಿಲಾದ್ ಆಚರಣೆ ನಡೆದಿದ್ದು, ಹಬ್ಬದ ಮೆರವಣಿಗೆಯಲ್ಲಿ ಬೆಳಗ್ಗೆ 11.30ರ ವೇಳೆಗೆ ಅಹಿತಕರ ಘಟನೆಯೊಂದು ನಡೆದಿದೆ. ಅಂಕೋಲಾ ಕೃಷ್ಣಪುರದ ವಿಠ್ಠಲಘಾಟ್ ಪ್ರದೇಶದ ಮಹಮದ್ ರಜಾ ಶೇಖ್ ಮಹಮದ್ ಅಕ್ಬರ್ (29) ಅವರು ಈ ಮೆರವಣಿಗೆಯಲ್ಲಿ ಪ್ಯಾಲೆಸ್ಟಿನ್ ದೇಶದ ಧ್ವಜ ಹಾರಿಸಿದ್ದಾರೆ. ಇದನ್ನು ನೋಡಿದ ಪಿಐ ಚಂದ್ರಶೇಖರ ಮಠಪತಿ ಅವರು ತಕ್ಷಣ ಅಲ್ಲಿಗೆ ಧಾವಿಸಿ ಆ ಧ್ವಜ ಹಾರಾಟವನ್ನು ತಡೆದಿದ್ದಾರೆ. ಧರ್ಮದ ಮುಖಂಡರ ಮುಂದಾಳತ್ವದಲ್ಲಿಯೇ ಆ ಬಾವುಟವನ್ನು ಅವರು ವಶಕ್ಕೆಪಡೆದಿದ್ದಾರೆ. ಧ್ವಜ ದೂರ ಸರಿಸುವ ಪ್ರಕ್ರಿಯೆಗೆ ಸಮುದಾಯದ ಮುಖಂಡರು ಸಹಕಾರ ನೀಡಿದ್ದು, ಅಲ್ಲಿಯೇ ಮಹಮದ್ ರಜಾ ಶೇಖ್ ಅವರಿಗೆ ಬುದ್ದಿವಾದ ಹೇಳಿದ್ದಾರೆ. ಈ ವೇಳೆ ಗಲಾಟೆ ನಡೆಯುವ ಸನ್ನಿವೇಶ ನಿರ್ಮಾಣವಾಗಿದ್ದು, ಪೊಲೀಸರ ಸಮಯಪ್ರಜ್ಞೆಯಿಂದ ಸಮಸ್ಯೆ ಆಗಿಲ್ಲ. ಈದ್ ಮೆರವಣಿಗೆ ಶಾಂತಿಯುತವಾಗಿ ಪೂರ್ಣಗೊಂಡ ನಂತರ ಪೊಲೀಸರು ಈ ಪ್ರಕರಣದ ವಿಚಾರಣೆ ಶುರು ಮಾಡಿದ್ದಾರೆ. `ಸಾರ್ವಜನಿಕ ಪ್ರದೇಶದಲ್ಲಿ ಈ ಬಗೆಯ ವರ್ತನೆ ಸರಿಯಲ್ಲ’ ಎಂದು ಪೊಲೀಸರು ಆರೋಪಿಗೆ ಬುದ್ದಿವಾದವನ್ನು ಹೇಳಿದ್ದಾರೆ. ವಿದೇಶಿ ಧ್ವಜ ಹಾರಾಟ ನಡೆಸಿದ ಕಾರಣ ಮಹಮದ್ ರಜಾ ಶೇಖ್ ಅವರನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. `ಸಾರ್ವಜನಿಕ ಪ್ರದೇಶದಲ್ಲಿ ಶಾಂತಿ ಕಾಪಾಡಿ’
- [ಕಾರವಾರ | ರೋಹನ್ ವರದಿ ಪಾಸಿಟಿವ್!](https://mobiletime.in/2026/08/karwar-rohan-tests-positive/): ಸದಾಶಿವಗಡದ ಕೆ ಎಫ್ ಸಿ ಕ್ರಾಸಿನ ಬಳಿ ಅಸ್ನೋಟಿಯ ರೋಹನ್ ಗಡ್ಕರ್ ಅವರು ಅನುಚಿತವಾಗಿ ವರ್ತಿಸಿದ್ದಾರೆ. ಅಲ್ಲಿ-ಇಲ್ಲಿ ಅಲೆದಾಡುತ್ತಿದ್ದ ಅವರನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದು, ಚಿತ್ತಾಕುಲ ಪಿಸೈ ಪರಶುರಾಮ ಮಿರ್ಚಗಿ ಅವರು ರೋಹನ್ ಗಡ್ಕರ್ ಅವರನ್ನು ವಶಕ್ಕೆಪಡೆದಿದ್ದಾರೆ. ಅಸ್ನೋಟಿ ಸಾವಂತವಾಡದ ರೋಹನ್ ದಿನೇಶ ಗಡ್ಕರ್ ಅವರು ಸದ್ಯ ಸದಾಶಿವಗಡದ ಚೇತನಾಯ್ಕವಾಡದಲ್ಲಿ ವಾಸವಾಗಿದ್ದಾರೆ. ಅಗಸ್ಟ 25ರ ಸಂಜೆ ಅವರು ವ್ಯಾಪಕ ಪ್ರಮಾಣದಲ್ಲಿ ಮಾದಕ ವ್ಯಸನ ಸೇವಿಸಿದ್ದಾರೆ. ಸರಿಯಾಗಿ ನಿಲ್ಲಲು ಆಗದ ಸ್ಥಿತಿಯಲ್ಲಿದ್ದ ಅವರು ಸಾರ್ವಜನಿಕರ ಜೊತೆ ಅನುಚಿತವಾಗಿ ವರ್ತಿಸುತ್ತಿದ್ದು, ಅಮಲಿನಲ್ಲಿದ್ದ ಅವರನ್ನು ಪೊಲೀಸರು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಕಾರವಾರ ವೈದ್ಯಕೀಯ ವಿಜ್ಞಾನ ಸಂಸ್ಥೆಯ ಫಾರೆನ್ಸಿಕ್ ಮೆಡಿಸಿನ್ ವಿಭಾಗದ ಸಿನಿಯರ್ ರೆಸಿಡೆಂಟ್ ಅವರು ರೋಹನ್ ಗಡ್ಕರ್ ಅವರ ವೈದ್ಯಕೀಯ ತಪಾಸಣೆ ಮಾಡಿದ್ದಾರೆ. ಮೂತ್ರ ಪರೀಕ್ಷಾ ವಿಧಾನದಲ್ಲಿ ಪಾಸಿಟಿವ್ ವರದಿ ಬಂದಿದ್ದು, ರೋಹನ್ ಗಡ್ಕರ್ ಅವರು ಗಾಂಜಾ ಸೇವಿಸಿರುವುದು ಆ ಮೂಲಕ ದೃಢವಾಗಿದೆ. ನಿಷೇಧಿತ ಗಾಂಜಾ ಸೇವಿಸಿದ ಹಿನ್ನಲೆ ಪೊಲೀಸರು ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ.
- [ಅಂಕೋಲಾ | ಈದ್ ಮೆರವಣಿಗೆಯಲ್ಲಿ ವಿದೇಶಿ ಧ್ವಜ!](https://mobiletime.in/2026/08/ankola-foreign-flag-at-eid-procession/): ಅಂಕೋಲಾದಲ್ಲಿ ನಡೆದ ಈದ್ ಮಿಲಾದ್ ಮೆರವಣಿಗೆಯಲ್ಲಿ ವಿದೇಶಿ ಧ್ವಜ ಹಾರಾಡಿದೆ. ಪ್ಯಾಲೆಸ್ಟೈನ್ ಧ್ವಜ ಹಾರುವುದನ್ನು ನೋಡಿದ ಪೊಲೀಸರು ತಕ್ಷಣ ಅಲ್ಲಿಗೆ ದೌಡಾಯಿಸಿ, ಆ ಧ್ವಜವನ್ನು ವಶಕ್ಕೆಪಡೆದಿದ್ದಾರೆ. ಅಂಕೋಲಾದ ಬೊಬ್ರುವಾಡದಿಂದ ಪಟ್ಟಣದಲ್ಲಿ ಬುಧವಾರ ಈದ್ ಮಿಲಾದ್ ಮೆರವಣಿಗೆ ನಡೆದಿದೆ. ಬಂಡಿಬಜಾರ ಬಳಿ ಮೆರವಣಿಗೆ ಬರುವಾಗ ವ್ಯಕ್ತಿಯೊಬ್ಬರು ಪ್ಯಾಲೆಸ್ಟೈನ್ ಧ್ವಜವನ್ನು ಹಾರಿಸಿದ್ದಾರೆ. ಸ್ವಾತಂತ್ರ ಸಂಗ್ರಾಮಕ್ಕೆ ಸಾಕ್ಷಿಯಾದ ಅಂಕೋಲಾದಲ್ಲಿ ಏಕಾಏಕಿ ಇಂಥ ಧ್ವಜ ಹಾರಾಟ ನಡೆದಿದ್ದು ಗೊಂದಲಕ್ಕೆ ಕಾರಣವಾಗಿದೆ. ಸ್ಥಳದಲ್ಲಿ ಉದ್ವಿಘ್ನ ಪರಿಸ್ಥಿತಿ ಎದುರಾಗುವ ಮುನ್ನ ಪೊಲೀಸರು ಅಲ್ಲಿ ದೌಡಾಯಿಸಿದ್ದಾರೆ. ಅಂಕೋಲಾ ಸಿಪಿಐ ಚಂದ್ರಶೇಖರ್ ಮಠಪತಿ ಅವರು ತಕ್ಷಣ ಆ ಧ್ವಜವನ್ನು ವಶಕ್ಕೆಪಡೆದಿದ್ದಾರೆ. ಧ್ವಜ ಹಾರಿಸಿದ ಯುವಕನನ್ನು ವಿಚಾರಣೆ ನಡೆಸಿ, `ಮತ್ತೆ ಇಂಥ ಧ್ವಜ ಪ್ರದರ್ಶಿಸುವ ಹಾಗಿಲ್ಲ’ ಎಂದು ಎಚ್ಚರಿಕೆ ನೀಡಿದ್ದಾರೆ. ಪೊಲೀಸರ ಸೂಚನೆಯನ್ನು ಪಾಲಿಸಿದ ಬಳಿಕ ಮೆರವಣಿಗೆ ಮುಂದುವರಿಯಲು ಅವಕಾಶ ನೀಡಲಾಗಿದ್ದು, ಆ ಕ್ಷಣದಲ್ಲಿಯೇ ಪರಿಸ್ಥಿತಿ ತಿಳಿಗೊಳಿಸಿದ್ದರಿಂದ ಅಹಿತಕರ ಘಟನೆಗಳು ನಡೆದಿಲ್ಲ. `ಅಂಕೋಲಾದಲ್ಲಿ ವಿವಿಧ ಸಮುದಾಯಗಳ ಜನರು ಸೌಹಾರ್ದಯುತವಾಗಿ ಬದುಕುತ್ತಿದ್ದು, ಕೆಲ ಕಿಡಿಗೇಡಿಗಳಿಂದ ಇಂಥ ಅಧ್ವಾನ ನಡೆಯುತ್ತಿದೆ. ಸಾರ್ವಜನಿಕ ಮೆರವಣಿಗೆಗಳು ಹಾಗೂ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಸ್ಥಳೀಯ ಭಾವನೆಗಳಿಗೆ ಧಕ್ಕೆ ತರುವ ಅಥವಾ ಅನಗತ್ಯ ವಿವಾದಕ್ಕೆ ಕಾರಣವಾಗಬಹುದಾದ ಪ್ರದರ್ಶನಗಳ ಬಗ್ಗೆ ಎಚ್ಚರವಹಿಸಬೇಕು’ ಎಂದು ಅಲ್ಲಿನವರು ಹೇಳಿದ್ದಾರೆ.
- [ಶಿರಸಿ | ಅಯ್ಯಪ್ಪನಗರದಲ್ಲಿ ಅಡಗಿದ್ದ ಕಳ್ಳ ಅಕ್ಕಿ!](https://mobiletime.in/2026/08/sirsi-stashed-rice-found-in-ayyappanagara/): ಅಯ್ಯಪ್ಪನಗರ ಸಮೀಪದ ಸಲಾಮತ್ ನಗರದಲ್ಲಿ ಅಕ್ರಮವಾಗಿ ಸರ್ಕಾರಿ ಅಕ್ಕಿ ಸಂಗ್ರಹಿಸಲಾಗಿದ್ದು, ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ಈ ವೇಲೆ 10 ಕ್ವಿಂಟಲ್’ಗೂ ಅಧಿಕ ಅಕ್ಕಿ ಸಿಕ್ಕಿದೆ. ಶಿರಸಿಯ ಹುಬ್ಬಳ್ಳಿ ರಸ್ತೆಯ ಅಯ್ಯಪ್ಪನಗರ ಸಮೀಪದ ಸಲಾಮತ್ ನಗರದಲ್ಲಿ ಜಾಕೀರ್ ಅಯೂಬ್ ಖಾನ್ ಪಠಾಣ ಅವರು ಅಕ್ಕಿ ದಾಸ್ತಾನು ಮಾಡಿದ್ದರು. ಸರ್ಕಾರದಿಂದ ಬಡವರಿಗೆ ನೀಡುವ ಅನ್ನಭಾಗ್ಯ ಅಕ್ಕಿಯನ್ನು ಅವರು ಕಾಳಸಂತೆಯಲ್ಲಿ ಖರೀದಿಸಿ, ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿದ್ದರು. ಈ ವಿಷಯ ಅರಿತು ಆಹಾರ ಇಲಾಖೆ ಅಧಿಕಾರಿಗಳು ದಾಳಿ ಮಾಡಿದರು. ಅಲ್ಲಿದ್ದ ಅಕ್ಕಿಯನ್ನು ಜಪ್ತು ಮಾಡಿದರು. ಪಡಿತರ ವ್ಯವಸ್ಥೆಯಡಿ ಸಾರ್ವಜನಿಕರಿಗೆ ವಿತರಿಸಬೇಕಾದ ಅಕ್ಕಿಯನ್ನು ಅಕ್ರಮವಾಗಿ ಸಂಗ್ರಹಿಸುವುದು ಹಾಗೂ ಸಾಗಾಟ ಮಾಡುವುದು ಅಪರಾಧ ಎಂದು ಅಧಿಕಾರಿಗಳು ಅರಿವು ಮೂಡಿಸಿದರು. ಈ ದಾಳಿಯಲ್ಲಿ ಆಹಾರ ಇಲಾಖೆಯ ಶಿರಸ್ತೇದಾರ ವೀಣಾ, ಆಹಾರ ನಿರೀಕ್ಷಕಿ ಕವಿತಾ ಪಾಠಣಕರ, ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಯ ಅಪರಾಧ ವಿಭಾಗದ ಪಿಸೈ ಗೀತಾ ಕಲಗಟಗಿ, ಕಂದಾಯ ಇಲಾಖೆಯ ಪಲ್ಲವಿ ಅವರು ಇದ್ದರು.  
- [ಹಳಿಯಾಳ | ಸಾಲ ನೀಡಿದ ಸೊಸೈಟಿಗೆ ಬೀಗ!](https://mobiletime.in/2026/08/haliyal-society-that-granted-loans-locked-up/): ರೈತರಿಗೆ ಬೆಳೆ ಸಾಲ ನೀಡದ ಬಸವೇಶ್ವರ ಸೇವಾ ಸಹಕಾರಿ ಸಂಘಕ್ಕೆ ರೈತರು ಮುತ್ತಿಗೆ ಹಾಕಿದ್ದು, ಸೊಸೈಟಿಗೆ ಬೀಗ ಜಡಿದು ಪ್ರತಿಭಟಿಸಿದ್ದಾರೆ. ಹಳಿಯಾಳದ ಬೆಳವಟಗಿಯ ರೈತರು ಸೊಸೈಟಿ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದ್ದಾರೆ. ಸಾಲ ಸಿಗದ ಕಾರಣ ಸಿಟ್ಟಾದ ರೈತರು ಸೊಸೈಟಿ ನಿರ್ದೇಶಕರನ್ನು ಕಚೇರಿಯಲ್ಲಿ ಕೂಡಿ ಹಾಕಿದ್ದಾರೆ. ಆಡಳಿತದಲ್ಲಿರುವವರ ವಿರುದ್ಧ ಆಕ್ರೋಶವ್ಯಕ್ತಪಡಿಸಿ ಹೊರಗಿನಿಂದ ಬೀಗ ಜಡಿದಿದ್ದಾರೆ. ಇದರಿಂದ ಸೊಸೈಟಿ ಅಧಿಕಾರಿ, ಸಿಬ್ಬಂದಿ ಜೊತೆ ಕಚೇರಿಯೊಳಗಿದ್ದ ನಿರ್ದೇಶಕರು ಕಂಗಾಲಾಗಿದ್ದಾರೆ. `ಮೂರು ತಿಂಗಳಿನಿAದ ಕಾದರೂ ಸೊಸೈಟಿ ಬೆಳೆ ಸಾಲ ನೀಡಿಲ್ಲ. ಸಾಲ ಸಿಗದ ಕಾರಣ ಸಮಸ್ಯೆಯಾಗಿದೆ’ ಎಂದು ಅಲ್ಲಿನವರು ದೂರಿದ್ದಾರೆ. `ಹಣದ ಕೊರತೆಯಿಂದ ಬಿತ್ತನೆ, ಗೊಬ್ಬರ ಖರೀದಿ ಸಾಧ್ಯವಾಗಿಲ್ಲ. ಸಾಲ ಕೇಳಲು ನಿತ್ಯ ಸೊಸೈಟಿಗೆ ಬಂದರೂ ಪ್ರಯೋಜನವಾಗಿಲ್ಲ’ ಎಂದು ಆಕ್ರೋಶವ್ಯಕ್ತಪಡಿಸಿದ್ದಾರೆ. `150ಕ್ಕೂ ಅಧಿಕ ರೈತರಿಗೆ ಸಾಲ ಸಿಕ್ಕಿಲ್ಲ. ಈ ಬಗ್ಗೆ ಪ್ರಶ್ನಿಸಿದರೂ ಉತ್ತರಿಸುವವರಿಲ್ಲ’ ಎಂದು ದೂರಿದ್ದಾರೆ. `ರೈತರ ಸಮಸ್ಯೆ ಬಗೆಹರಿಸದೇ ಇದ್ದರೆ ಪ್ರತಿಭಟನೆ ಮುಂದುವರೆಸುವುದು ಅನಿವಾರ್ಯ’ ಎಂದು ಅಲ್ಲಿನವರು ಎಚ್ಚರಿಸಿದ್ದಾರೆ. `ಸಮಯಕ್ಕೆ ಸರಿಯಾಗಿ ಸಾಲ ವಿತರಿಸಬೇಕು. ಸೊಸೈಟಿ ನಿರ್ದೇಶಕರು ಸಹ ರೈತರೇ ಆಗಿದ್ದು, ಸಮಸ್ಯೆ ಬಗೆಹರಿಸಬೇಕು’ ಎಂದು ಆಗ್ರಹಿಸಿದ್ದಾರೆ.
- [ಸಿದ್ದಾಪುರ | ದುಡ್ಡು ಡಬಲ್ ಮಾಡುವ ಆಮೀಷ: ಹೆಗಡೆರ ಖಾತೆಗೆ ಕನ್ನ!](https://mobiletime.in/2026/08/siddapura-lure-of-doubling-money-hegdes-account-targeted/): ಚಪ್ಪರಮನೆಯ ರಾಘವೇಂದ್ರ ಹೆಗಡೆ ಅವರು ದುಡ್ಡು ಡಬಲ್ ಮಾಡುವ ಆಮೀಷಕ್ಕೆ ಒಳಗಾಗಿ ಮೋಸ ಹೋಗಿದ್ದಾರೆ. 11.53 ಲಕ್ಷ ರೂ ಕಳೆದುಕೊಂಡ ಅವರು ಸದ್ಯ ಆ ಹಣ ಹುಡುಕಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಸಿದ್ದಾಪುರದ ಚಪ್ಪರಮನೆಯಲ್ಲಿ ರಾಘವೇಂದ್ರ ಗಜಾನನ ಹೆಗಡೆ ಅವರು ವಾಸವಾಗಿದ್ದಾರೆ. 39 ವರ್ಷದ ಅವರು ಖಾಸಗಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದಾರೆ. ಅವರ ಬಳಿ 11ಲಕ್ಷಕ್ಕೂ ಅಧಿಕ ಹಣವಿದ್ದು, ಅದನ್ನು ಡಬಲ್ ಮಾಡುವ ಆಲೋಚನೆಗೆ ಬಿದ್ದು ಆನ್‌ಲೈನ್ ಟ್ರೇಡಿಂಗ್ ಕಡೆ ಗಮನಹರಿಸಿದ್ದಾರೆ. ಇದನ್ನು ಅರಿತ ವಂಚಕರು ಉಪಾಯವಾಗಿ ರಾಘವೇಂದ್ರ ಹೆಗಡೆ ಅವರ ಬಳಿಯಿದ್ದ ಕಾಸು ಎಗರಿಸಿದ್ದಾರೆ. `ಆನ್‌ಲೈನ್ ಟ್ರೇಡಿಂಗ್‌ನಲ್ಲಿ ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭ ದೊರೆಯಲಿದೆ’ ಎಂದು ವಂಚಕರು ಹೆಗಡೆಯವರನ್ನು ನಂಬಿಸಿದ್ದಾರೆ. ಇದಕ್ಕಾಗಿ ರಾಘವೇಂದ್ರ ಹೆಗಡೆ ಅವರು ಆನ್‌ಲೈನ್ ಟ್ರೇಡಿಂಗ್ ಪ್ಲಾಟ್‌ಫಾರ್ಮ್ಗೆ ಸೇರಿದ್ದು, 2025ರ ಅಕ್ಟೋಬರ್ 7ರಿಂದ ನವೆಂಬರ್ 5ರವರೆಗೆ ವಿವಿಧ ದಿನಗಳಲ್ಲಿ ಫೋನ್‌ಪೇ, ಯುಪಿಐ, ಆರ್‌ಟಿಜಿಎಸ್ ಹಾಗೂ ನೆಫ್ಟ್ ಮೂಲಕ ಅಲ್ಲಲ್ಲಿ ಹಣ ವರ್ಗಾವಣೆ ಮಾಡಿದ್ದಾರೆ. ಎಕ್ಸಿಸ್ ಬ್ಯಾಂಕ್ ಖಾತೆಯಿಂದ 5.53 ಲಕ್ಷ ರೂ ಗೂ ಕೆಡಿಸಿಸಿ ಬ್ಯಾಂಕ್ ಖಾತೆಯಿಂದ 6 ಲಕ್ಷ ರೂ ಹಣ ಜಮಾ ಮಾಡಿದ ಅವರಿಗೆ ಒಮ್ಮೆ ಹಣ ತೆಗೆಯುವ ಮನಸ್ಸಾಗಿದೆ. ಆದರೆ, ಹೂಡಿಕೆ ಮಾಡಿದ್ದ ಹಣವನ್ನು ವಿತ್‌ಡ್ರಾ ಮಾಡಲು ಪ್ರಯತ್ನಿಸಿದಾಗ ಮತ್ತೊಂದು ಹಂತದ ಪ್ರಕ್ರಿಯೆ ಪೂರ್ಣಗೊಳಿಸಲು ಇನ್ನಷ್ಟು ಹಣ ತುಂಬುವ ಸೂಚನೆ ಬಂದಿದೆ. ಆಗ, ಅನುಮಾನಗೊಂಡ ರಾಘವೇಂದ್ರ ಹೆಗಡೆ ತಾವು ವಂಚನೆಯ ಜಾಲಕ್ಕೆ ಸಿಲುಕಿರುವುದು ಗೊತ್ತಾಗಿದೆ. ಬಳಿಕ ಅವರು ಸೈಬರ್ ಕ್ರೈಂ ಸಹಾಯವಾಣಿಗೆ ದೂರು ನೀಡಿದ್ದು, 2025ರ ನವೆಂಬರ್ 10ರಂದು ಸೈಬರ್ ಕ್ರೈಂ ಪೋರ್ಟಲ್‌ನಲ್ಲಿ ದೂರು ದಾಖಲಿಸಿದ್ದಾರೆ. ಈ ಸಂಬAಧ ಎರಡು ಸ್ವೀಕೃತಿ ಸಂಖ್ಯೆಗಳನ್ನೂ ಪಡೆದು ಅದಾದ ಮೇಲೆ ಸಿದ್ದಾಪುರ ಪೊಲೀಸ್ ಠಾಣೆಗೆ ಬಂದು ತಮಗಾದ ಮೋಸದ ಬಗ್ಗೆ ದೂರಿದ್ದಾರೆ. `ಆಮೀಷಗಳಿಗೆ ಬಲಿಯಾಗಬೇಡಿ’
- [ಶಿರಸಿ | ತೋಟದಮನೆಗೆ ಹೋಗಿದ್ದ ಕುಮಟಾದ ಕಾರ್ಮಿಕ: ಸಾವು!](https://mobiletime.in/2026/08/sirsi-worker-from-kumta-who-visited-an-areca-nut-plantation-dies/): ಸಣ್ಣಕೇರಿ ಶಿವಾನಂದ ಭಟ್ಟರ ತೋಟದ ಮನೆಗೆ ಹೋಗಿದ್ದ ಹರೀಶ ಗೌಡ ಅವರು ಅಲ್ಲಿನ ಸೋಪಾ ಮೇಲೆ ಕೂತಿದ್ದು, ಅಲ್ಲಿಯೇ ಕುಸಿದು ಬಿದ್ದು ಸಾವನಪ್ಪಿದ್ದಾರೆ. ಇನ್ನೂ 42 ವರ್ಷದ ಹರೀಶ ಗೌಡ ಅವರನ್ನು ಕಳೆದುಕೊಂಡ ಅವರ ಪತ್ನಿ ಸವಿತಾ ಗೌಡ ಅವರು ಕಣ್ಣೀರಾಗಿದ್ದಾರೆ. ಕುಮಟಾ ಸಂತೆಗುಳಿಯ ಬಾಸೊಳ್ಳಿಯಲ್ಲಿ ಹರೀಶ ಬಡಿಯಾ ಗೌಡ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಶಿರಸಿಗೆ ಬಂದಿದ್ದರು. ಸದ್ಯ ಶಿರಸಿಯ ಇಸಳೂರು ಬಳಿಯ ಸಣ್ಣಕೇರಿಯಲ್ಲಿ ಅವರು ಕುಟುಂಬದವರ ಜೊತೆ ವಾಸವಾಗಿದ್ದರು. ಕಳೆದ ಐದು ದಿನಗಳ ಹಿಂದೆ ಹರೀಶ ಗೌಡ ಅವರಿಗೆ ಅನಾರೋಗ್ಯವಾಗಿದ್ದು, ಅದಕ್ಕೆ ಚಿಕಿತ್ಸೆಪಡೆದಿದ್ದರು. ಆರೋಗ್ಯದಲ್ಲಿ ಕೊಂಚ ಚೇತರಿಕೆ ಕಾಣಿಸಿದ ಹಿನ್ನಲೆ ಅವರು ಮಂಗಳವಾರ ಸಣ್ಣಕೇರಿ ಶಿವಾನಂದ ಭಟ್ಟರ ತೋಟದ ಮನೆ ಕಡೆ ಹೋಗಿದ್ದರು. ಬೆಳಗ್ಗೆ 11.45ರ ವೇಳೆ ಅವರು ಅಲ್ಲಿನ ಸೋಪಾ ಮೇಲೆ ಕುಳಿತಿದ್ದು, ಅಲ್ಲಿಯೇ ಏಕಾಏಕಿ ಕುಸಿದು ಬಿದ್ದರು. ಅವರನ್ನು ಆರೈಕೆ ಮಾಡುವಷ್ಟರಲ್ಲಿಯೇ ಕೊನೆಯುಸಿರು ಎಳೆದಿದ್ದರು. ಪತಿಯ ಸಾವಿನ ಬಗ್ಗೆ ಸವಿತಾ ಗೌಡ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.  
- [ಹೊನ್ನಾವರ | ಅಣ್ಣನ ನೆನದು ಸಾವನಪ್ಪಿದ ತಮ್ಮ!](https://mobiletime.in/2026/08/honnavara-younger-brother-passes-away-grieving-for-his-elder-brother/): ಹೊನ್ನಾವರ ತುಳಸಿ ನಗರದ ಮಹಾಬಲೇಶ್ವರ ಮೇಸ್ತಾ ಅವರು ಅಗಲಿದ ಅಣ್ಣನ ನೆನಪಿನಲ್ಲಿಯೇ ಎಂಟು ತಿಂಗಳು ಕಳೆದಿದ್ದು, ಅಣ್ಣ ಇಲ್ಲದ ನೋವು ಸಹಿಸಲಾಗದೇ ಈ ದಿನ ಸಾವನಪ್ಪಿದ್ದಾರೆ. ಮನೆ ಜಗುಲಿಯಲ್ಲಿದ್ದ ಜಂತಿಗೆ ಅವರು ನೇಣು ಹಾಕಿಕೊಂಡು ಪ್ರಾಣ ಬಿಟ್ಟಿದ್ದಾರೆ. ಹೊನ್ನಾವರ ತುಳಸಿ ನಗರದಲ್ಲಿ ಮಹಾಬಲೇಶ್ವರ ಗಣೇಶ ಮೇಸ್ತಾ ಅವರು ವಾಸವಾಗಿದ್ದರು. ಇನ್ನೂ 38 ವರ್ಷದ ಅವರಿಗೆ ಸಾಕಷ್ಟು ಆಯಸ್ಸಿತ್ತು. ಆದರೆ, ಅದನ್ನು ಅನುಭವಿಸದೇ ಅವರು ಸಾವನಪ್ಪಿದರು. ಮೀನುಗಾರಿಕೆ ಮಾಡಿಕೊಂಡು ಬದುಕು ನಡೆಸುತ್ತಿದ್ದ ಮಹಾಬಲೇಶ್ವರ ಮೇಸ್ತ ಅವರು ಎಂಟು ತಿಂಗಳಿನಿAದ ಮಂಕಾಗಿದ್ದರು. ಅವರ ಅಣ್ಣ ಲಕ್ಷಣ ಮೇಸ್ತಾ ಅವರು ಅನಾರೋಗ್ಯದಿಂದ ಸಾವನಪ್ಪಿರುವುದನ್ನೇ ಮಹಾಬಲೇಶ್ವರ ಮೇಸ್ತ ಅವರು ಪದೇ ಪದೇ ನೆನೆಯುತ್ತಿದ್ದರು. ಅಣ್ಣನ ನೆನಪುಗಳನ್ನು ಸಹಿಸಿಕೊಳ್ಳಲಾಗದೇ ಅವರು ಪತ್ನಿ ಕವಿತಾ ಮೇಸ್ತಾ ಅವರಿಂದ ದೂರವಾದರು. ಮಂಗಳವಾರವೂ ಮಂಕಾಗಿದ್ದ ಮಹಾಬಲೇಶ್ವರ ಮೇಸ್ತಾ ಅವರು ಬೆಳಗ್ಗೆ ಮನೆ ಜಗುಲಿಯಲ್ಲಿ ಸುಮ್ಮನೆ ಕೂತಿದ್ದರು. 11ಗಂಟೆಯ ಸುಮಾರಿಗೆ ಅವರು ದುಡುಕು ನಿರ್ಧಾರಕ್ಕೆ ಮುಂದಾಗಿ, ಜಂತಿಗೆ ನೇಣು ಹಾಕಿಕೊಂಡರು. ಪತಿ ಸಾವನಪ್ಪಿದನ್ನು ನೋಡಿದ ಕವಿತಾ ಮೇಸ್ತಾ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.
- [ಅಂಚೆ ಇಲಾಖೆಯಲ್ಲಿ ಉದ್ಯೋಗವಕಾಶ: ಈ ಮೂರು ಹುದ್ದೆಗೆ SSLC ಪಾಸಾಗಿದ್ದರೇ ಸಾಕು!](https://mobiletime.in/2026/08/job-opportunity-in-the-postal-department-passing-sslc-is-enough-for-these-three-posts/): ಉತ್ತರ ಕನ್ನಡ ಜಿಲ್ಲೆಯ ಕಾರವಾರ ಅಂಚೆ ವಿಭಾಗದಲ್ಲಿ ಒಟ್ಟು 43 ಹುದ್ದೆಗಳು ಖಾಲಿಯಿವೆ. ಶಾಖಾ ಅಂಚೆ ಪಾಲಕ, ಸಹಾಯಕ ಶಾಖಾ ಅಂಚೆ ಪಾಲಕ ಮತ್ತು ಡಾಕ್ ಸೇವಕ್ ಹುದ್ದೆಗಳಿಗಾಗಿ ಅಂಚೆ ಇಲಾಖೆ ಅರ್ಜಿ ಆಹ್ವಾನಿಸಿದೆ. 10ನೇ ತರಗತಿ ಪಾಸಾದ ಎಲ್ಲರೂ ಅರ್ಜಿ ಸಲ್ಲಿಸಲು ಅರ್ಹರು. ಆದರೆ, ಅವರ ವಯಸ್ಸು 18ರಿಂದ 40 ವರ್ಷದೊಳಗಿರಬೇಕು. 10ನೇ ತರಗತಿಯಲ್ಲಿ ಕನ್ನಡವನ್ನು ಒಂದು ಭಾಷೆಯಾಗಿ ಅಧ್ಯಯನ ಮಾಡಿರಬೇಕು ಎಂಬ ನಿಯಮವಿದೆ. ಮದ್ಯವರ್ತಿಗಳ ಮೂಲಕ ಸಲ್ಲಿಸುವ ಅರ್ಜಿಗಳನ್ನು ಎಂದಿಗೂ ಪರಿಗಣಿಸುವುದಿಲ್ಲ. ಎಜೆಂಟರನ್ನು ನಂಬಿ ಬರುವವರಿಗೆ ಸಂದರ್ಶನವನ್ನು ಸಹ ನಡೆಸುವುದಿಲ್ಲ. SSLC ಅಂಕದ ಮಾನದಂಡದಲ್ಲಿ ಮಾತ್ರ ಈ ಹುದ್ದೆಗಳ ನೇಮಕಾತಿ ನಡೆಯಲಿದೆ. ಹೀಗಾಗಿ ಅರ್ಜಿ ಸಲ್ಲಿಸುವ ಮೊದಲು SSLC ಅಂಕಪಟ್ಟಿ, ಭಾವಚಿತ್ರ. ಸಹಿ ಇವುಗಳನ್ನು ಸ್ಕ್ಯಾನಿಂಗ್ ಮಾಡಿ ಅದನ್ನು ನಿಗದಿತ ನಮೂನೆಯಲ್ಲಿ ವೆಬ್‌ಸೈಟ್ ಗೆ ಅಪ್‌ಲೋಡ್ ಮಾಡಬೇಕು ಎಂದು ಸೂಚಿಸಲಾಗಿದೆ. ಕಾರವಾರ ಅಂಚೆ ವಿಭಾಗ ಮಾತ್ರವಲ್ಲದೇ, ದೇಶದ ಎಲ್ಲಾ ಕಡೆಯೂ ಗ್ರಾಮೀಣ ಅಂಚೆ ಸೇವಕರ ಹುದ್ದೆಗಳ ನೇಮಕಾತಿ ನಡೆಯುತ್ತಿದೆ. ಅಗಸ್ಟ 31ರಿಂದ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಕೆ ಶುರುವಾಗಲಿದ್ದು, ಸೆಪ್ಟೆಂಬರ್ 19ಕ್ಕೆ ಅರ್ಜಿ ಸಲ್ಲಿಸಲು ಕೊನೆ ದಿನ. ನೇಮಕಾತಿಯ ಹುದ್ದೆಯ ಬಗ್ಗೆ ಹೆಚ್ಚಿನ ವಿವರಗಳು ಅಂಚೆ ಇಲಾಖೆಯ ವೆಬ್‌ಸೈಟಿನಲ್ಲಿ ಲಭ್ಯ: ಈ ಉದ್ಯೋಗದ ಬಗ್ಗೆ ಅಂಚೆ ಇಲಾಖೆಯ ನೋಟಿಫಿಕೇಶನ್ ಗಮನಿಸಲು `ಅಂಚೆ ಇಲಾಖೆ ನೇಮಕಾತಿ’ ಎಂಬ ಅಕ್ಷರಗಳ ಮೇಲೆ ಮೇಲೆ ಕ್ಲಿಕ್ಕಿಸಿ: `ಅಂಚೆ ಇಲಾಖೆಯ ನೇಮಕಾತಿ’
- [ಕಾರವಾರ | ಕೋಟಿ ಕದ್ದ ಕಳ್ಳನ ಮೇಲೆ ಇಡೀ ದಾಳಿ!](https://mobiletime.in/2026/08/karwar-massive-raid-on-the-thief-who-stole-crores/): ಅಡ್ಡದಾರಿಯ ಮೂಲಕವೇ ಕೋಟಿ ಕೋಟಿ ರೂ ಕಾಸು ಸಂಪಾದಿಸಿದ್ದ ಸುಲೇಮಾನ್ ಖಾನ್ ಅವರು ಗೋವಾದಲ್ಲಿ 300 ಕೋಟಿ ರೂ ಭೂ ಅಕ್ರಮ ನಡೆಸಿದ್ದು, ಕಾರವಾರದಲ್ಲಿರುವ ಅವರ ಅಪಾರ್ಟಮೆಂಟಿನ ಮೇಲೆ ಇಡಿ ದಾಳಿ ನಡೆದಿದೆ. ಕೋಡಿಬಾಗದ ಅಬಕಾರಿ ಕಚೇರಿ ಎದುರಿನ ಅಪಾರ್ಟ್ಮೆಂಟ್’ಗೆ ನುಗ್ಗಿದ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಅಲ್ಲಿನ ದಾಖಲೆಗಳ ಶೋಧ ನಡೆಸಿದ್ದಾರೆ. ಗೋವಾದಿಂದ ಆಗಮಿಸಿದ್ದ ಅಧಿಕಾರಿಗಳು ಹಲವು ಗಂಟೆಗಳ ಕಾಲ ದಾಖಲೆಗಳು ಮತ್ತು ಇತರ ಮಾಹಿತಿಯನ್ನು ಶೋಧಿಸಿದ್ದಾರೆ. ಸುಲೇಮಾನ್ ಖಾನ್ ಅವರ ಆಸ್ತಿಗಳ ಖರೀದಿಗೆ ಹಣ ಎಲ್ಲಿಂದ ಬಂದಿದೆ? ಎಂದು ಅವರು ಹುಡುಕಾಟ ನಡೆಸಿದ್ದಾರೆ. ಶಿವಮೊಗ್ಗ ಮೂಲದ ಸುಲೇಮಾನ್ ಖಾನ್ ಎಲ್ಲಡೆ ಸಿದ್ದಿಕ್ ಖಾನ್ ಎಂದೇ ಪರಿಚಿತರು. ಕಾರವಾರದಲ್ಲಿ ಸುಮಾರು ಐದು ವರ್ಷ ವಾಸವಾಗಿದ್ದ ಅವರು ಗೋವಾಗೆ ತೆರಳಿ ನಕಲಿ ದಾಖಲೆಗಳ ಮೂಲಕ ಆಸ್ತಿ ಖರೀದಿಸಿದ್ದರು. ಸಾವನಪ್ಪಿದವರ ಹೆಸರಿನಲ್ಲಿದ್ದ ಭೂಮಿಯನ್ನು ಅವರು ಕಬಳಿಸಿದ ಆರೋಪ ಎದುರಿಸಿದ್ದರು. ಈ ಪ್ರಕರಣದ ತನಿಖೆ ನಡೆಸುತ್ತಿದ್ದ ಗೋವಾ ಎಸ್‌ಐಟಿ 2024ರಲ್ಲಿ ಸಿದ್ದಿಕ್ ಖಾನ್‌ನನ್ನು ಬಂಧಿಸಿತ್ತು. ಜೈಲಿನಿಂದ ಪರಾರಿಯಾದ ಬಳಿಕ ಕೇರಳದಲ್ಲಿ ಮತ್ತೆ ಬಂಧಿಸಲಾಗಿದ್ದು, ಪ್ರಕರಣದಲ್ಲಿ ಅಕ್ರಮ ಹಣ ವರ್ಗಾವಣೆಯ ಅಂಶ ಬೆಳಕಿಗೆ ಬಂದ ಹಿನ್ನೆಲೆಯಲ್ಲಿ ಇಡಿ ತನಿಖೆ ಶುರುವಾಗಿದೆ.
- [ಕುಮಟಾ | 41 ಹಳ್ಳಿಗಳು ಸೂಕ್ಷ್ಮ ಪ್ರದೇಶ!](https://mobiletime.in/2026/08/kumta-41-villages-are-sensitive-areas/): ಕುಮಟಾದ ಒಟ್ಟು 41 ಹಳ್ಳಿಗಳು ಅತೀ ಸೂಕ್ಷ್ಮ ಪ್ರದೇಶದ ಪಟ್ಟಿಯಲ್ಲಿದೆ. ಕಸ್ತೂರಿ ರಂಗನ್ ವರದಿಯ 7ನೇ ತಿದ್ದುಪಡಿಯಲ್ಲಿನ ಅಂಕಿ-ಅoಶಗಳ ಬಗ್ಗೆ ಈ ದಿನ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಮಾಹಿತಿ ಪ್ರಕಟಿಸಿದೆ. ಕುಮಟಾ ತಾಲೂಕಿನ ಸೊಪ್ಪಿನಹೊಸಳ್ಳಿ, ತೊರ್ಕೆ, ವಾಲಗಳ್ಳಿ, ಮುರೂರು, ಮಿರ್ಜಾನ್, ಸಂತೆಗುಳಿ, ಹಿರೇಗುತ್ತಿ, ಕೋಡ್ಕಣಿ, ದಿವಗಿ, ಕಾಗಲ್, ದೇವಗಿರಿ, ಸಿದ್ದನಬಾವಿ, ಅಳಕೋಡ, ಕೂಜಳ್ಳಿ, ಬರ್ಗಿ, ಕಲಭಾಗ, ಹೊಲನಗದ್ದೆ, ಹೆಗಡೆ, ಹನೇಹಳ್ಳಿ, ಹೊನ್ಮಾಂವ್, ಕತಗಾಲ, ಬಗ್ಗೋಣ, ಬಳ್ಕೂರು, ಕುಮಟಾ, ಕಲ್ಲಬ್ಬೆ ಸೇರಿ 26 ಗ್ರಾಮ ಪಂಚಾಯತದ ಹೆಸರುಗಳು ಕಸ್ತೂರಿ ರಂಗನ್ ವರದಿಯಲ್ಲಿ ಉಲ್ಲೇಖವಾಗಿದೆ. ಅಲ್ಲಿನ 41 ಹಳ್ಳಿಗಳ ಜನರಿಗೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಅರಿವು ಮೂಡಿಸಿದೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಮಂಗಳವಾರ ಕುಮಟಾಗೆ ಹೋಗಿ ಸಭೆ ನಡೆಸಿದ್ದು, ಕಸ್ತೂರಿ ರಂಗನ್ ವರದಿ ಜಾರಿಯಿಂದ ಉಂಟಾಗುವ ಪರಿಣಾಮಗಳ ಬಗ್ಗೆ ವಿವರಿಸಿದ್ದಾರೆ. ಮುಂದಿನ ಹೋರಾಟದ ರೂಪು ರೇಷ ನಿರ್ಧರಿಸಲು ಅವರು ವಿಶೇಷ ಸಭೆ ಮಾಡಿದ್ದಾರೆ. ಈ ಸಭೆಯಲ್ಲಿ ರಾಜೀವ್ ಎಮ್ ಗೌಡ ಅಳಕೋಡ, ಲಲಿತಾ ಮರಾಠಿ ಮಿರ್ಜಾನ್, ಜ್ಯೋತಿ ಗಾವಡಿ ದಿವಗಿ, ಪಾಂಡುರoಗ ನಾಯ್ಕ ದಿವಗಿ, ಸೀತಾರಮ ನಾಯ್ಕ ಬೊರ್ಗಿಬೈಲ, ಮಹೇಂದ್ರ ನಾಯ್ಕ ಅಳಕೋಡ, ರವೀಂದ್ರ ನಾಯ್ಕ ಹೆಬೈಲ್, ಕೆ ಜಿ ಕೊರಿಜಾ ಕೋನ್ ಸೊಪ್ಪಿನಹೊಸಳ್ಳಿ, ಗಣಪತಿ ಮರಾಠಿ ಸೊಪ್ಪಿನಹೊಸಳಿ, ಚಿದಾನಂದ ಮರಾಠಿ ಸೊಪ್ಪಿನಹೊಸಳಿ, ಹಗದೀಶ್ ಹರಿಕಾಂತ್ರ ಹಿರೇಗುತ್ತಿ, ಸುನೀಲ್ ಹರಿಕಂತ್ರ, ಗಣಪತಿ ಮಾಸ್ತಿ ಅಡಿಗುಂಡಿ, ವೆಂಕಟರಮಣ ಪಟಾಗರ, ಗಜಾನನ ಪಟಗಾರ ಹೆಗಡೆ ಇತರರು ಇದ್ದು ಎಲ್ಲರೂ ಆತಂಕವ್ಯಕ್ತಪಡಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿ ಜನ ವಿರೋಧಿ ಯೋಜನೆಯಾಗಿರುವುರಿಂದ ಸಾಂಘಿಕ ಹೋರಾಟ ಮಾಡಲು ನಿರ್ಧರಿಸಲಾಗಿದೆ’ ಎಂದು ಈ ವೇಳೆ ಮಂಜುನಾಥ ಮರಾಠಿ ನಾಗೂರು ಹೇಳಿದ್ದಾರೆ. ಸೆಪ್ಟೆಂಬರ್ 7ರಂದು ಕರಾವಳಿ ಭಾಗದ ಕಸ್ತೂರಿ ರಂಗನ್ ವಿರೋಧಿ ರ‍್ಯಾಲಿ ಮತ್ತು ಆಕ್ಷೇಪ ಪತ್ರ ಸಲ್ಲಿಸುವ ಕಾರ್ಯಕ್ರಮ ನಡೆಸುವುದಾಗಿ ಅವರು ಘೋಷಿಸಿದ್ದಾರೆ.
- [ಅತಿಕ್ರಮಣದಾರರ ಬೆನ್ನಿಗೆ ನಿಂತ ಅನಂತಮೂರ್ತಿ!](https://mobiletime.in/2026/08/ananthamurthy-stands-behind-the-encroachers/): ಅನೇಕ ಬಗೆಯ ಹೋರಾಟ ನಡೆಸಿದ್ದ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು ಇದೀಗ ಅರಣ್ಯ ಅತಿಕ್ರಮಣದಾರರ ಪರ ಹೋರಾಟ ಶುರು ಮಾಡಿದ್ದಾರೆ. ಮೊನ್ನೆ ಶಿರಸಿಯ ಗೋಳಿಕಟ್ಟಾದಲ್ಲಿನ ಅರಣ್ಯ ಅತಿಕ್ರಮಣ ತೆರವು ಪ್ರದೇಶಕ್ಕೆ ದೌಡಾಯಿಸಿದ್ದ ಅವರು ಈ ದಿನ ಯಲ್ಲಾಪುರದ ಕುಂದರಗಿಗೆ ಆಗಮಿಸಿ ಅಲ್ಲಿ ಅಡಿಕೆ ಮರ ಕಡಿದ ಕ್ರಮವನ್ನು ಖಂಡಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಅರಣ್ಯ ಅತಿಕ್ರಮಣದಾರರ ಪರ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಕಳೆದ 35 ವರ್ಷಗಳಿಂದ ಹೋರಾಡುತ್ತಿದ್ದಾರೆ. ಅವರೊಂದಿಗೆ ಹೊನ್ನಾವರದ ಚಂದ್ರಕಾoತ ಕೋಚ್ರೇಕರ್, ಅಂಕೋಲಾದ ಶಾಂತರಾಮ ನಾಯಕ ಸೇರಿ ಅನೇಕರು ಅರಣ್ಯ ಅತಿಕ್ರಮಣದಾರರ ಪರ ಧ್ವನಿಯಾಗಿದ್ದಾರೆ. ಈ ನಡುವೆ ಬಿಜೆಪಿ ರೈತ ಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಇದಕ್ಕೆ ಹೊಸ ಸೇರ್ಪಡೆಯಾಗಿದ್ದಾರೆ. ಹಸಿರು ಶಾಲು ಹೊದ್ದ ಅನಂತಮೂರ್ತಿ ಹೆಗಡೆ ಅವರು ಅರಣ್ಯ ಅತಿಕ್ರಮಣದಾರರನ್ನು ಭೇಟಿ ಮಾಡಿ, ಅವರ ಕಷ್ಟ ಆಲಿಸುತ್ತಿದ್ದಾರೆ. ಯಲ್ಲಾಪುರದ ಕುಂದರಗಿ ಪಂಚಾಯತ್ ವ್ಯಾಪ್ತಿಯ ಬೆಳ್ಳಂಬೆಯ ಸದಾಶಿವ ನಾಯ್ಕ ಅವರ ತೋಟಕ್ಕೆ ಹೋದ ಅನಂತಮೂರ್ತಿ ಹೆಗಡೆ ಅವರು `ಅಡಿಕೆ ಮರವನ್ನು ಕಡಿಯುವ ಹಕ್ಕನ್ನು ಅರಣ್ಯ ಇಲಾಖೆಗೆ ಇಲ್ಲ’ ಎಂದು ಹೇಳಿದ್ದಾರೆ. `ಮರ ಕಡಿಯುವ ನಿಯಮ ಎಲ್ಲಿದೆ?’ ಎಂದವರು ಪ್ರಶ್ನಿಸಿದ್ದಾರೆ. `ಸದಾಶಿವ ನಾಯ್ಕ ಅವರು ಕೂಲಿ ಕೆಲಸಕ್ಕೆ ಹೋದಾಗ ಅಲ್ಲಿದ್ದ ಏಳು ವರ್ಷದ ಗಿಡಗಳನ್ನು ಅರಣ್ಯ ಸಿಬ್ಬಂದಿ ಕಡಿದಿದ್ದಾರೆ. ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ರೈತರ ಬಗ್ಗೆ ಕನಿಕರವಿವರಬೇಕು’ ಎಂದು ಹೇಳಿದ್ದಾರೆ. ಯಲ್ಲಾಪುರ ಬಿಜೆಪಿ ಉಪಾಧ್ಯಕ್ಷ ಗಣೇಶ ಹೆಗಡೆ, ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷೆ ದೀಪಾ ರಾಘವೇಂದ್ರ ಸಿದ್ದಿ , ಮಾಳಕೊಪ್ಪ ಮಂಚಿಕೇರಿ ಮಹಾ ಶಕ್ತಿ ಕೇಂದ್ರದ ಅಧ್ಯಕ್ಷ ವಿನೇಶ್ ಭಟ್, ಪ್ರಮುಖರಾದ ಬಾಬಣ್ಣ ಪತ್ರಕರ್, ರಾಮಕೃಷ್ಣ ಹೆಗಡೆ, ಸೀತಾರಾಮ್ ಗೌಡ, ಗಂಗಾಧರ ನಾಯಕ್ ಅವರು ಈ ವೇಳೆ ಅಲ್ಲಿ ಸೇರಿ ಆಕ್ರೋಶವ್ಯಕ್ತಪಡಿಸಿದ್ದಾರೆ.
- [ಕಾರವಾರ | ಸರಾಯಿ ಸಾಗಿಸಿದ ಕಳ್ಳ ಜೋಡಿ!](https://mobiletime.in/2026/08/karwar-illicit-couple-transporting-arrack/): ಕಾರವಾರದಲ್ಲಿ ಹೋಂ ಗಾರ್ಡ ಆಗಿದ್ದ ಬಸವರಾಜು ಬೋವಿ ಹಾಗೂ ನಾಗವೇಣಿ ನಾಯ್ಕ ಎಂಬಾತರು ಗೋವಾ ಮದ್ಯ ಸಾಗಾಟ ಮಾಡಿ ಸಿಕ್ಕಿಬಿದ್ದಿದ್ದಾರೆ. ಸರಾಯಿ ಹೊತ್ತು ಕೇರಳಕ್ಕೆ ಹೊರಟಿದ್ದ ಅವರನ್ನು ಮಂಗಳೂರಿನ ಅಧಿಕಾರಿಗಳು ಹಿಡಿದಿದ್ದಾರೆ. ಕಾರವಾರದ ಹೊಸ ಕೆ ಎಚ್ ಬಿ ಕಾಲೋನಿ ಹಬ್ಬುವಾಡದಲ್ಲಿ ಬಸವರಾಜು ಹನುಮಂತಪ್ಪ ಬೋವಿ (34) ಅವರು ವಾಸವಾಗಿದ್ದಾರೆ. ಕಾರವಾರದ ದೇವಳಮಕ್ಕಿ ಬಳಿ ನಾಗವೇಣಿ ಮಹಾಬಲೇಶ್ವರ ನಾಯ್ಕ (33) ಅವರು ವಾಸವಾಗಿದ್ದಾರೆ. ಅವರಿಬ್ಬರು ಸಹ ಹೋಂ ಗಾರ್ಡ ಆಗಿದ್ದಾರೆ. ಕರ್ತವ್ಯದ ವೇಳೆಯಲ್ಲಿಯೇ ಅವರಿಬ್ಬರು ಪರಿಚಿತರಾಗಿದ್ದು, ದಿನವಿಡೀ ದುಡಿದು ದುಡ್ಡು ಸಂಪಾದಿಸುವ ಬದಲು ಅಡ್ಡದಾರಿ ಹಿಡಿದು ಹಣಗಳಿಸಲು ಅವರಿಬ್ಬರು ಯೋಚಿಸಿದ್ದರು. ನಾಗವೇಣಿ ನಾಯ್ಕ ಅವರು ಆರೋಗ್ಯ ಇಲಾಖೆ ಸೇರಿ ಅಲ್ಲಿ ತಾತ್ಕಾಲಿಕವಾಗಿ ಕೆಲಸ ಶುರು ಮಾಡಿದ್ದು, ಬಿಡುವಿನ ವೇಳೆ ಬಸವರಾಜು ಬೋವಿ ಅವರ ಜೊತೆ ಸೇರಿ ಮದ್ಯ ಸಾಗಾಟ ಮಾಡುತ್ತಿದ್ದರು. ಕಾರವಾರದ ವಿನಯ ನಾಗೇಕರ್, ಉಡುಪಿಯ ಪ್ರಶಾಂತ ಸುವರ್ಣ ಹಾಗೂ ಕೇರಳದ ಚಂದ್ರಶೇಖರ್ ಎಂಬಾತರು ಈ ಕಳ್ಳ ಸಾಗಾಟಕ್ಕೆ ಸಹಾಯ ಮಾಡಿದ್ದರು. ಸಹಾಯ ಮಾಡಿದವರು ತಪ್ಪಿಸಿಕೊಂಡಿದ್ದು, ಮದ್ಯ ಸಾಗಾಟ ಮಾಡಿದವರು ಮಾತ್ರ ಸಿಕ್ಕಿಬಿದ್ದರು. ಅದರಂತೆ, ಮೊನ್ನೆ ಕೆಎ 30 ನೋಂದಣಿಯ ಶಿಪ್ಡ್ ಡಿಸೈರ್ ಕಾರಿನಲ್ಲಿ ಬಸವರಾಜು ಬೋವಿ ಅವರು ಗೋವಾದಿಂದ 438 ಲೀ ಸರಾಯಿ ತಂದಿದ್ದರು. ಕರ್ನಾಟಕದ ತೆರಿಗೆ ತಪ್ಪಿಸಿ ಅವರು ಆ ಸರಾಯಿಯನ್ನು ಕೇರಳಕ್ಕೆ ಸಾಗಿಸುವ ಸಿದ್ಧತೆ ಮಾಡಿದ್ದರು. ಆ ಕಾರಿನಲ್ಲಿ ನಾಗವೇಣಿ ನಾಯ್ಕ ಅವರು ಜೊತೆಯಾಗಿ ಹೊರಟಿದ್ದು, ಅವರಿಬ್ಬರು ಉತ್ತರ ಕನ್ನಡ ಜಿಲ್ಲೆಯ ಗಡಿ ದಾಟಿದರು. ಅದಾದ ನಂತರ ಮಂಗಳೂರು ವಿಭಾಗದ ಅಬಕಾರಿ ಜಂಟಿ ಆಯುಕ್ತ ಬಾಲಕೃಷ್ಣ ಸಿ ಎಚ್ ಅವರಿಗೆ ಈ ಕಳ್ಳ ಸಾಗಾಟದ ಬಗ್ಗೆ ಮಾಹಿತಿ ಸಿಕ್ಕಿತು. ಅಬಕಾರಿ ಉಪ ಆಯುಕ್ತೆ ಬಿಂದುಶ್ರೀ ಅವರ ಸೂಚನೆ ಮೇರೆಗೆ ಅಬಕಾರಿ ಉಪಅಧೀಕ್ಷಕಿ ಗಾಯತ್ರಿ ಸಿ ಎಚ್ ಅವರು ಆ ಕಾರಿಗೆ ಅಡ್ಡಲಾಗಿ ಕೈ ಮಾಡಿದರು. ಬಂಟ್ವಾಳ ಉಪವಿಭಾಗದ ಉಪ ಅಧೀಕ್ಷಕ ಸಂತೋಷ್ ಮೋಡಗಿ, ಬಂಟ್ವಾಳ ತಾಲೂಕು ವಲಯ ಅಬಕಾರಿ ನಿರೀಕ್ಷಕ ಲಕ್ಷ್ಮಣ್ ಶಿವಣಗಿ, ತಲಪಾಡಿ ಚೆಕ್‌ಪೋಸ್ಟ್ ನಿರೀಕ್ಷಕ ದತ್ತಗುರು ಅಥೆಣಿ, ಉಪ ನಿರೀಕ್ಷಕ ಜಯಪ್ಪ, ಶಿವಶಂಕರ್, ಅಭಿಷೇಕ್ ಹಾಗೂ ಪೇದೆ ಪ್ರಕಾಶ್ ಸೇರಿ ಕಾರು ತಪಾಸಣೆ ಮಾಡಿದಾಗ ಅದರಲ್ಲಿ ಭಾರೀ ಪ್ರಮಾಣದ ಮದ್ಯದ ಬಾಟಲಿಗಳು ಸಿಕ್ಕಿದವು. ಅದೆಲ್ಲವನ್ನು ಅಧಿಕಾರಿಗಳು ವಶಕ್ಕೆಪಡೆದು, ಅಬಕಾರಿ ಜಂಟಿ ಆಯುಕ್ತರ ಕಚೇರಿ ನಿರೀಕ್ಷಕಿ ಸುನಿತಾ ಪ್ರಕರಣ ದಾಖಲಿಸಿದರು. `ಅಕ್ರಮ ಮದ್ಯ ಸಂಗ್ರಹ-ಸಾಗಾಟ ಎರಡೂ ಅಪರಾಧ’
- [ಯಲ್ಲಾಪುರ | 25 ವರ್ಷ ಅಡಗಿದ್ದ ಜಗಳಗಂಟ!](https://mobiletime.in/2026/08/yellapur-a-quarrelsome-man-in-hiding-for-25-years/): ಸರ್ಕಾರಿ ಬಸ್ಸನ್ನು ಓವರ್‌ಟೆಕ್ ಮಾಡುವ ವಿಚಾರದಲ್ಲಿ ಚಾಲಕನ ಜೊತೆ ಜಗಳ ಮಾಡಿದ್ದ ಲಾರಿ ಚಾಲಕ 25 ವರ್ಷ ಅಡಗಿಕೊಂಡಿದ್ದು, ಸದ್ಯ ಯಲ್ಲಾಪುರ ಪೊಲೀಸರು ಆ ಚಾಲಕನನ್ನು ಬಂಧಿಸಿದ್ದಾರೆ. ಅನಗತ್ಯವಾಗಿ ಜಗಳ ಮಾಡಿದ ತಪ್ಪಿಗೆ ಗುಜರಾತಿನ ಕೇಸುಬಾಯಿ ಸಿಸೋಡಿಯಾ ಇದೀಗ ಜೈಲು ಸೇರಿದ್ದಾರೆ. 2001ರ ಮೇ 5ರಂದು ಯಲ್ಲಾಪುರದ ಜೋಗಿಕೊಪ್ಪ ತಿರುವಿನ ಬಳಿ ಚಾಲಕರಿಬ್ಬರ ನಡುವೆ ಜಗಳ ನಡೆದಿತ್ತು. ಆ ದಿನ ಕೆಎಸ್‌ಆರ್‌ಟಿಸಿ ಬಸ್ಸಿನ ಚಾಲಕರೊಬ್ಬರಿಗೆ ಲಾರಿ ಚಾಲಕನೊಬ್ಬ ನಿಂದಿಸಿದ್ದರು. ಅವರಿಬ್ಬರ ನಡುವಿನ ಗಲಾಟೆಯಿಂದ ಸ್ಥಳದಲ್ಲಿ ಉದ್ವಿಘ್ನ ಪರಿಸ್ಥಿತಿ ಉಂಟಾಗಿತ್ತು. ಬಸ್ಸನ್ನು ಓವರ್‌ಟೆಕ್ ಮಾಡುವ ವಿಚಾರವಾಗಿ ಲಾರಿ ಚಾಲಕ ಗಲಾಟೆ ಮಾಡಿದ್ದು, ಅದು ವಿಕೋಪಕ್ಕೆ ತೆರಳಿತ್ತು. ಸರ್ಕಾರಿ ನೌಕರಿಗೆ ಅಡ್ಡಿಪಡಿಸಿದ ಲಾರಿ ಚಾಲಕನ ವಿರುದ್ಧ ಬಸ್ಸಿನ ಚಾಲಕ ಪೊಲೀಸ್ ದೂರು ನೀಡಿದ್ದರು. ಆ ದೂರಿನ ಅನ್ವಯ ಯಲ್ಲಾಪುರ ಪೊಲೀಸರು ಲಾರಿ ಚಾಲಕನಾಗಿದ್ದ ಗುಜರಾತಿನ ಮುಂಡವಾಡದ ಕೇಸುಬಾಯಿ ಮಿನಂದಬಾಯಿ ಸಿಸೋಡಿಯಾ (58) ಅವರನ್ನು ವಶಕ್ಕೆಪಡೆದಿದ್ದರು. ಅದಾದ ನಂತರ ಆರೋಪಿ ಲಾರಿ ಚಾಲಕನ ವಿರುದ್ಧ ಪೊಲೀಸರು ದೋಷಾರೋಪಣ ಪಟ್ಟಿ ಸಿದ್ಧಪಡಿಸಿದ್ದರು. ದೋಷಾರೋಪಣಪಟ್ಟಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ಈ ವೇಳೆ ಲಾರಿ ಚಾಲಕ ಕೇಸುಬಾಯಿ ಸಿಸೋಡಿಯಾ ಅವರು `ನನ್ನದೇನು ತಪ್ಪಿಲ್ಲ’ ಎಂದು ವಾದಿಸಿದ್ದರು. ಜಾಮೀನು ನೀಡುವಂತೆ ಅವರು ಮನವಿ ಮಾಡಿದ್ದು, ಕೆಲ ಷರತ್ತುವಿಧಿಸಿ ನ್ಯಾಯಾಲಯ ಜಾಮೀನು ಮಂಜೂರಿ ಮಾಡಿತ್ತು. 2010ರವರೆಗೂ ಆಗಾಗ ನ್ಯಾಯಾಲಯಕ್ಕೆ ಬರುತ್ತಿದ್ದ ಲಾರಿ ಚಾಲಕ ಕೇಸುಬಾಯಿ ಸಿಸೋಡಿಯಾ ಅವರು ನಂತರ ಯಲ್ಲಾಪುರದ ಕಡೆ ಮುಖವನ್ನು ಹಾಕಲಿಲ್ಲ. ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿದರೂ ಕೇಸುಬಾಯಿ ಸಿಸೋಡಿಯಾ ಅವರು ಹಾಜರಾಗಲಿಲ್ಲ. ಸಾಕಷ್ಟು ಬಾರಿ ಪೊಲೀಸರು ಕೇಸುಬಾಯಿ ಸಿಸೋಡಿಯಾ ಅವರನ್ನು ಹುಡುಕಿ ಗುಜರಾತಿಗೆ ಹೋಗಿದ್ದರು. ಆದರೆ, ಅಲ್ಲಿಯೂ ಆರೋಪಿ ಸಿಕ್ಕಿರಲಿಲ್ಲ. 2010ರಿಂದ ತಪ್ಪಿಸಿಕೊಂಡಿದ್ದ ಆರೋಪಿ ಹುಡುಕುವಂತೆ ನ್ಯಾಯಾಲಯ ಕಟ್ಟುನಿಟ್ಟಿನ ಸೂಚನೆ ನೀಡಿದ್ದು, ಇದಕ್ಕಾಗಿ ಪೊಲೀಸರು ವಿಶೇಷ ಕಾರ್ಯಾಚರಣೆ ನಡೆಸಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್ ಹಾಗೂ ಯಲ್ಲಾಪುರದ ಪ್ರಭಾರಿ ಪಿಐ ರಮೇಶ ಹಾನಾಪುರ ಅವರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದರು. ಯಲ್ಲಾಪುರ ಪಿಸೈ ರಾಜಶೇಖರ ವಂದಲಿ, ಸಿದ್ದಪ್ಪ ಗುಡಿ, ಮಹಾವೀರ ಕಾಂಬಳೆ ಸೇರಿ ವಿವಿಧ ಆಯಾಮಗಳಲ್ಲಿ ತನಿಖೆಗಿಳಿದರು. ಪೊಲೀಸ್ ಸಿಬ್ಬಂದಿ ರಾಘವೇಂದ್ರ ಮೂಳೆ ಹಾಗೂ ಮಾರುತಿ ಅವರು ಮತ್ತೆ ಗುಜರಾತಿಗೆ ಹೋಗಿ ಬಂದರು. ಪೊಲೀಸ್ ಸಿಬ್ಬಂದಿ ಸಂತೋಷ ಬಾಳೇರ, ಬಸವರಾಜ ಡಿಕೆ, ಪರಮೇಶ್ವರ ಎಸ್ ಕೆ, ರೇಖಾ ಎಂ ಎಸ್, ಅಂಕೋಲಾದ ಮಹಮದ್ ಶಫಿ ಅವರ ಜೊತೆ ಕಾರವಾರ ಟೆಕ್ನಿಕಲ್ ವಿಭಾಗದ ಉದಯ ಗುನಗಾ, ಬಬನ ಕದಂ, ಮಹಾಲಿಂಗ ಸಾವಳಗಿ ಸೇರಿ ಆರೋಪಿಯ ಅಡಗುತಾಣ ಪತ್ತೆ ಮಾಡಿದರು. ಒಟ್ಟಿನಲ್ಲಿ ಈ ಎಲ್ಲಾ ಪೊಲೀಸರು ಸೇರಿ ಜಗಳವಾಡಿ ಪರಾರಿಯಾಗಿದ್ದ ಕೇಸುಬಾಯಿ ಸಿಸೋಡಿಯಾ ಅವರನ್ನು ಮತ್ತೆ ಬಂಧಿಸಿದರು. ಸದ್ಯ ಅವರನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ.
- [ಮುದ್ದು ಮಕ್ಕಳೇ.. 500 ಶಬ್ದದ ಪತ್ರ ಬರೆಯಿರಿ.. 50 ಸಾವಿರ ಬಹುಮಾನ ಗೆಲ್ಲಿರಿ!](https://mobiletime.in/2026/08/dear-children-write-a-500-word-letter-and-win-a-prize-of-%e2%82%b950000/): ಶಾಲೆ-ಕಾಲೇಜುಗಳಲ್ಲಿ ಓದುವ ಮಕ್ಕಳಿಗೆ ಅಂಚೆ ಇಲಾಖೆ ಪತ್ರ ಬರೆಯುವ ಅಭಿಯಾನ ನಡೆಸಿದ್ದು, ಉತ್ತಮ ಪತ್ರ ಬರೆದವರಿಗೆ ಮೂರು ಬಹುಮಾನ ನೀಡುವುದಾಗಿ ಘೋಷಿಸಿದೆ. ಉತ್ತಮ ಪತ್ರ ಬರೆದವರಿಗೆ ರಾಜ್ಯಮಟ್ಟದಲ್ಲಿ 25 ಸಾವಿರ ರೂ ಹಾಗೂ ರಾಷ್ಟ್ರೀಯ ಮಟ್ಟದಲ್ಲಿ 50 ಸಾವಿರ ರೂ ಬಹುಮಾನ ನೀಡುವುದಾಗಿ ಅಂಚೆ ಇಲಾಖೆ ಭರವಸೆ ನೀಡಿದೆ. `ಭೂಮಿ ತಾಯಿಗೆ ಒಂದು ಪತ್ರ: ಪ್ರಕೃತಿಯನ್ನು ರಕ್ಷಿಸುವ ನನ್ನ ಭರವಸೆ’ ಎಂಬ ವಿಷಯವಾಗಿ ಪತ್ರ ಬರೆಯಬೇಕು. ಪ್ರತಿಯೊಬ್ಬರು ಸ್ವಂತ ಕೈ ಬರಹದಲ್ಲಿಯೇ ಈ ಪತ್ರ ಬರೆಯಬೇಕು. ಕನ್ನಡ, ಇಂಗ್ಲಿಷ್ ಅಥವಾ ಹಿಂದಿ ಭಾಷೆಯಲ್ಲಿ ಮಾತ್ರ ಆ ಪತ್ರವಿರಬೇಕು. ಇನ್‌ಲ್ಯಾಂಡ್ ಲೆಟರ್ ಕಾರ್ಡಿನಲ್ಲಿ 500 ಪದಗಳಿಂದ 1 ಸಾವಿರ ಪದಗಳ ಮಿತಿಗೆ ಒಳಪಟ್ಟು ಈ ಪತ್ರ ಬರೆದಿರಬೇಕು ಎಂಬ ಸೂಚನೆಯಿದೆ. ಧಾಯ್ ಅಖರ್ ಪತ್ರ ಬರೆಯುವ ಅಭಿಯಾನವನ್ನು ಅಂಚೆ ಇಲಾಖೆ ಆಯೋಜಿಸಿದ್ದು, ಪ್ರತಿಯೊಬ್ಬರು ತಾವು ಬರೆದ ಪತ್ರವನ್ನು ಅಂಚೆ ಇಲಾಖೆಗೆ ಮುಟ್ಟಿಸಿದರೂ ಸಾಕು. ಮಕ್ಕಳ ಜೊತೆ ಹಿರಿಯರಿಗೂ ಸಹ ಪತ್ರ ಬರೆಯಲು ಅವಕಾಶವಿದೆ. ಹಿರಿಯರಿಗಾಗಿ ಪ್ರತ್ಯೇಕ ವಿಭಾಗವಿದ್ದು, ಅಲ್ಲಿನ ಪತ್ರವೂ ಗರಿಷ್ಟ 1 ಸಾವಿರ ಪದಗಳ ಮಿತಿಯಲ್ಲಿರಬೇಕು. ಈ ಸ್ಪರ್ಧೆಗೂ ಪ್ರತ್ಯೇಕ ಬಹುಮಾನವಿದೆ. ಪತ್ರ ಬರೆಯುವವರು ಕರ್ನಾಟಕ ರಾಜ್ಯದಲ್ಲಿ ವಾಸಿಸುವವರಾಗಿರಬೇಕು ಎಂಬ ನಿಯಮವಿದೆ. ಅಕ್ಟೊಬರ್ 31ಕ್ಕೆ ಬರೆದ ಪತ್ರವನ್ನು ಮುಟ್ಟಿಸಲು ಕೊನೆಯ ದಿನವಾಗಿದೆ. ರಾಜ್ಯಮಟ್ಟದಲ್ಲಿ ಪ್ರತಿ ವಿಭಾಗದಲ್ಲಿ ವಿಜೇತರಿಗೆ ಪ್ರಥಮ 25,000ರೂ, ದ್ವಿತೀಯ 10,000 ರೂ, ತೃತೀಯ 5,000ರೂ ನೀಡಲಾಗುತ್ತದೆ. ರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿ ವಿಭಾಗದಲ್ಲಿ ವಿಜೇತರಿಗೆ ಪ್ರಥಮ 50,000 ರೂ, ದ್ವಿತೀಯ 25,000ರೂ ಹಾಗೂ ತೃತೀಯ ಬಹುಮಾನ 10,000ರೂ ನೀಡಲಾಗುತ್ತದೆ. ಪತ್ರಗಳನ್ನು ಯಾವುದೇ ಅಂಚೆ ವಿಭಾಗದ ಹಿರಿಯ ಸೂಪರಿಂಟೆoಡೆoಟ್ ಅಥವಾ ಅಂಚೆ ಕಚೇರಿಗಳ ಅಧೀಕ್ಷಕರಿಗೆ ತಲುಪಿಸಿದರೆ ಸಾಕು.
- [ಯಲ್ಲಾಪುರ | ಹೊಂಡದ ವಿರುದ್ಧ ಹೋರಾಡಿದ ಬಿಜೆಪಿ!](https://mobiletime.in/2026/08/yellapur-bjp-fights-against-potholes/): ಶಿರಸಿ-ಯಲ್ಲಾಪುರ ರಸ್ತೆ ಹದಗೆಟ್ಟಿರುವುದನ್ನು ಖಂಡಿಸಿ ಬಿಜೆಪಿಗರು ಹೋರಾಟ ನಡೆಸಿದ್ದಾರೆ. ಕಂಪ್ಲಿ ಹಾಗೂ ಹಾಸಣಗಿಯ ಬಿಜೆಪಿ ಶಕ್ತಿಕೇಂದ್ರದ ಸದಸ್ಯರು ಮಂಚಿಕೇರಿ ಬಸ್ ನಿಲ್ದಾಣದ ಎದುರು ಬಾಳೆಗಿಡ ನೆಟ್ಟು ಆಕ್ರೋಶವ್ಯಕ್ತಪಡಿಸಿದ್ದಾರೆ. ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಪ್ರತಿಭಟನೆ ವೇಳೆ ಮಾತನಾಡಿದ್ದು, `ಹೊಂಡ ಮುಚ್ಚದೇ ಇದ್ದರೆ ಪ್ರತಿ ಹೊಂಡಕ್ಕೂ ಒಂದೊAದು ಸಚಿವರ ಹೆಸರಿಟ್ಟು ಮತ್ತೆ ಪ್ರತಿಭಟಿಸಲಾಗುತ್ತದೆ’ ಎಂದು ಎಚ್ಚರಿಸಿದರು. ಹೊಂಡಗಳನ್ನು ಮುಚ್ಚಿ ತಾತ್ಕಾಲಿಕವಾಗಿ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಡುತ್ತೇವೆ ಎಂದು ಅಧಿಕಾರಿಗಳು ಭರವಸೆ ನೀಡುವವರೆಗೂ ಹೋರಾಟ ನಡೆಸುವುದಾಗಿ ಘೋಷಿಸಿದರು. `ಶಿರಸಿ -ಯಲ್ಲಾಪುರ ಮುಖ್ಯ ರಸ್ತೆಯ ಸಂಪೂರ್ಣ ದುರಸ್ತಿ ಮಾಡಲು ಯಾವ ಕ್ರಮಗೊಳುತ್ತಿರಿ?’ ಎಂದು ಅವರು ಅಧಿಕಾರಿಗಳನ್ನು ಪ್ರಶ್ನಿಸಿದರು. ಈ ವೇಳೆ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಆಗಮಿಸಿ, `ಒಂದು ವಾರದ ಒಳಗೆ ಹೊಂಡ ಮುಚ್ಚಲಾಗುತ್ತದೆ. ಮಳೆ ಮುಗಿದ ನಂತರ ಈಗಾಗಲೇ ಮಂಜೂರಾದ ರಸ್ತೆಯ ಕೋಟಿಂಗ್ ಕೆಲಸ ಶುರು ಮಾಡುತ್ತೇವೆ’ ಎಂದು ಭರವಸೆ ನೀಡಿದರು. ಪ್ರಮುಖರಾದ ವಿನೇಶ್ ಭಟ್ ಅವರು ಮಾತನಾಡಿ, `ರಸ್ತೆ ಸಮಸ್ಯೆ ಸರಿಯಾಗುವ ಬಗ್ಗೆ ಸಾಕಷ್ಟು ಕಾದು ನಂತರ ಪ್ರತಿಭಟನೆ ನಡೆಸತ್ತಿದ್ದೇವೆ. ಭರವಸೆ ಈಡೇರದಿದ್ದರೆ ಉಗ್ರ ಹೋರಾಟ ನಿಶ್ಚಿತ’ ಎಂದು ಎಚ್ಚರಿಸಿದರು. ಹರಿಪ್ರಕಾಶ ಕೋಣೆಮನೆ ಅವರು ಮಾತನಾಡಿ `ಮೂರು ವರ್ಷದಲ್ಲಿ ಯಲ್ಲಾಪುರಕ್ಕೆ ಎಷ್ಟು ಅನುದಾನ ಬಂದಿದೆ?’ ಎಂದು ಪ್ರಶ್ನಿಸಿದರು. ಪ್ರಮುಖರಾದ ನಟರಾಜ್ ಗೌಡರ್, ದಿವಾಕರ ಪೂಜಾರಿ ಗಣಪತಿ ಹೆಗಡೆ ಇತರರು ಪ್ರತಿಭಟನೆಯಲ್ಲಿದ್ದರು.
- [!](https://mobiletime.in/2026/08/sirsi-brawl-over-a-girl/)
- [ಅಂಕೋಲಾ | ಸಿಡುಕು ಸ್ವಭಾವದ ಶುಶ್ರೂಷಕಿಯ ಕೆಲಸ ಕಡಿತ!](https://mobiletime.in/2026/08/ankola-short-tempered-nurses-work-terminated/): ಅಂಕೋಲಾದ ಪುರಲಕ್ಕಿ-ಬೇಣದಲ್ಲಿನ `ನಮ್ಮ ಕ್ಲಿನಿಕ್’ನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ರೇಖಾ ಬೂದಿಹಾಳ ಅವರನ್ನು ಅಲ್ಲಿನ ಕರ್ತವ್ಯದಿಂದ ತೆಗೆಯಲಾಗಿದೆ. ಕ್ಲಿನಿಕ್’ಗೆ ಬರುವ ರೋಗಿಗಳ ಜೊತೆ ಸಿಡುಕು ಸ್ವಭಾವದಿಂದ ಮಾತನಾಡುತ್ತಿದ್ದ ಕಾರಣ ಅವರ ವಿರುದ್ಧ ಈ ಕ್ರಮವಾಗಿದೆ. ಅಂಕೋಲಾದ ಪುರಲಕ್ಕಿ-ಬೇಣದಲ್ಲಿನ `ನಮ್ಮ ಕ್ಲಿನಿಕ್’ನ ಆರೋಗ್ಯ ಸೇವೆಗಳು ಹದಗೆಡುತ್ತಿರುವ ಬಗ್ಗೆ ಮೊಬೈಲ್ ಮಿಡಿಯಾ ನೆಟ್‌ವರ್ಕನ ಮೊಬೈಲ್ ಟೈಂ.ಇನ್ ವರದಿ ಪ್ರಸಾರ ಮಾಡಿತ್ತು. ಸಾರ್ವಜನಿಕ ದೂರಿನ ಅನ್ವಯ ಈ ವರದಿ ಪ್ರಸಾರವಾಗಿದ್ದು, `ಇಲ್ಲಿ ಕೆಲಸ ಮಾಡುವ ಶುಶ್ರೂಷಕಿ ರೇಖಾ ಬೂದಿಹಾಳ ಅವರನ್ನು ಬೇರೆಡೆ ವರ್ಗಾಯಿಸಬೇಕು’ ಎಂದು 30ಕ್ಕೂ ಅಧಿಕ ಜನ ಪತ್ರದ ಮೂಲಕ ಆಗ್ರಹಿಸಿದ್ದರು. ಇದನ್ನೂ ಓದಿ: ಸಿಡುಕು ಸ್ವಭಾವದ ಶುಶ್ರೂಷಕಿ! ಕಾರವಾರ-ಅಂಕೋಲಾ ವಿಧಾನಸಭಾ ಕ್ಷೇತ್ರ ಶಾಸಕ ಸತೀಶ್ ಸೈಲ್ ಅವರಿಗೆ ಸಹ ಪುರಮಕ್ಕಿ-ಬೇಣದ ಜನ ಪತ್ರ ರವಾನಿಸಿದ್ದರು. ನಮ್ಮ ಕ್ಲಿನಿಕ್ ಕೇಂದ್ರದಲ್ಲಿ ಶುಶ್ರೂಷಕಿಯಾಗಿರುವ ರೇಖಾ ಬೂದಿಹಾಳ ಅವರ ವರ್ತನೆ ವಿರುದ್ಧ ಅಲ್ಲಿನವರು ಅಸಮಧಾನವ್ಯಕ್ತಪಡಿಸಿದ್ದರು. ಇಲ್ಲಿ ನಾಲ್ಕು ವರ್ಷದಿಂದ ಸೇವೆ ಸಲ್ಲಿಸುತ್ತಿರುವ ರೇಖಾ ಬೂದಿಹಾಳ ಅವರು ನಿತ್ಯ ತಕರಾರು ಮಾಡುತ್ತಿದ್ದು, ಅವರನ್ನು ಕೂಡಲೇ ಇಲ್ಲಿಂದ ವರ್ಗಾಯಿಸಿ’ ಎಂದು ಆಗ್ರಹಿಸಿದ್ದರು. `ರೇಖಾ ಬೂದಿಹಾಳ ಅವರು ಸಮಯಕ್ಕೆ ಸರಿಯಾಗಿ ಬರುತ್ತಿಲ್ಲ. ಸಿಡುಕು ಸ್ವಭಾವದ ಅವರು ಜನರಿಗೆ ನಿತ್ಯ ಬೈಯುತ್ತಾರೆ. ಈ ಹಿಂದೆ ಇದ್ದ ವೈದ್ಯರಿಗೂ ಸಮಸ್ಯೆ ಮಾಡಿ, ಅವರನ್ನು ಓಡಿಸಿದ್ದಾರೆ. ವೈದ್ಯರು ಬರೆದ ಔಷಧಿ ಬದಲು ಬೇರೆ ಔಷಧಿ ನೀಡುತ್ತಾರೆ’ ಎಂದು ದೂರಿದ್ದರು. ಈ ಎಲ್ಲಾ ಹಿನ್ನಲೆ ಅಂಕೋಲಾ ತಾಲೂಕು ಆರೋಗ್ಯಾಧಿಕಾರಿಗಳು ಅವರನ್ನು ಇಲ್ಲಿನ ಕರ್ತವ್ಯದಿಂದ ಬಿಡುಗಡೆ ಮಾಡಿದ್ದಾರೆ. ಜೊತೆಗೆ ಕಡತಗಳ ವಿಲೇವಾರಿ ಹಾಗೂ ವಿಚಾರಣೆಗೆ ಕರೆದಾಗ ಹಾಜರಾಗುವಂತೆ ಸೂಚಿಸಿದ್ದಾರೆ.
- [ಭಟ್ಕಳ | ವಿದ್ಯುತ್ ತಂತಿಗೆ ತಗುಲಿದ ಆಲ್ಯುಮಿನಿಯಂ ಏಣಿ: ಕೃಷಿಕ ಸಾವು!](https://mobiletime.in/2026/08/bhatkal-aluminium-ladder-touches-electric-wire-farmer-dies/): ಆಲ್ಯುಮಿನಿಯಂ ಏಣಿ ಬಳಸಿ ಅಡಿಕೆ ಮರ ಏರಿದ್ದ ಶ್ರೀನಿವಾಸ ಶೆಟ್ಟಿ ಅವರು ಆ ಮರದಿಂದ ಕೆಳಗೆ ಬಿದ್ದು ಸಾವನಪ್ಪಿದ್ದಾರೆ. ಆಲ್ಯುಮಿನಿಯಂ ಏಣಿಗೆ ವಿದ್ಯುತ್ ತಂತಿ ಸ್ಪರ್ಶದಿಂದಾಗಿ ಅವರು ನೆಲಕ್ಕೆ ಅಪ್ಪಳಿಸಿದ್ದಾರೆ. ಭಟ್ಕಳದ ಹಾಡುವಳ್ಳಿ ಕುಂಟವಾಣಿಯಲ್ಲಿ ಶ್ರೀನಿವಾಸ ಚಿಕ್ಕಯ್ಯ ಶೆಟ್ಟಿ ಅವರು ವಾಸವಾಗಿದ್ದರು. 62 ವರ್ಷದ ಅವರು ಕೃಷಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಅಡಿಕೆ ತೋಟ ಹೊಂದಿದ್ದ ಅವರು ನಿತ್ಯವೂ ಅಲ್ಲಿ ದುಡಿಯುತ್ತಿದ್ದರು. ಅಗಸ್ಟ 23ರ ಸಂಜೆ 6 ಗಂಟೆ ಅವಧಿಗೆ ಅವರು ತೋಟಕ್ಕೆ ಹೋಗಿದ್ದರು. ಅಲ್ಲಿದ್ದ ಆಲ್ಯುಮಿನಿಯಂ ಏಣಿ ಬಳಸಿ ಅವರು ಅಡಿಕೆ ಮರ ಹತ್ತಿದ್ದರು. ಈ ವೇಳೆ ಏಣಿ ಕೊಂಚ ಜಾರಿದ್ದು, ಸಮೀಪದಲ್ಲಿದ್ದ 11 ಕೆವಿಯ ವಿದ್ಯುತ್ ತಂತಿಗೆ ತಗುಲಿತು. ಅದರ ಪರಿಣಾಮ ಶ್ರೀನಿವಾಸ ಶೆಟ್ಟಿ ಅವರಿಗೆ ವಿದ್ಯುತ್ ಶಾಕ್ ಹೊಡೆಯಿತು. ಅಡಿಕೆ ಮರದಿಂದ ಶ್ರೀನಿವಾಸ ಶೆಟ್ಟಿ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಆ ನೋವಿನಲ್ಲಿ ಅಲ್ಲಿಯೇ ಅವರು ಕೊನೆಯುಸಿರೆಳೆದರು. ಸಂಜೆಯಾದರೂ ಶ್ರೀನಿವಾಸ ಶೆಟ್ಟಿ ಅವರು ಮನೆಗೆ ಬಾರದ ಕಾರಣ ಅವರ ಮಗ ಪ್ರಶಾಂತ ಶೆಟ್ಟಿ ಅವರು ತೋಟದ ಕಡೆ ಹೋದರು. ಅಲ್ಲಿ ಹುಡುಕಾಟ ಶುರು ಮಾಡಿದಾಗ ಶ್ರೀನಿವಾಸ ಶೆಟ್ಟಿ ಅವರು ಶವವಾಗಿದ್ದರು. `ಕೃಷಿ ಕೆಲಸ ಮಾಡುವಾಗ ಜಾಗೃತೆ’
- [ಶಿರಸಿ | ಅತಿಕ್ರಮಣ ತೆರವು: ಅನಂತಮೂರ್ತಿ ಆಕ್ರೋಶ](https://mobiletime.in/2026/08/sirsi-encroachment-clearance-ananthamurthy-expresses-outrage/): ಗೋಳಿಕಟ್ಟಾ ಗ್ರಾಮದ ಕಾಮಧೇನು ಹಾಲು ಮತ್ತು ಹಣ್ಣು ಸಂಸ್ಕರಣಾ ಸಂಸ್ಥೆಗೆ ಸೇರಿದ ಜಾಗದಲ್ಲಿ ರೈತರು ಬದುಕು ಕಟ್ಟಿಕೊಂಡಿದ್ದು, ಅರಣ್ಯಾಧಿಕಾರಿಗಳು ದಿಢೀರ್ ಕಾರ್ಯಾಚರಣೆ ನಡೆಸಿದ ಕ್ರಮವನ್ನು ಬಿಜೆಪಿ ರೈತ ಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಖಂಡಿಸಿದ್ದಾರೆ. ರಾತ್ರಿ ನೋಟಿಸ್ ನೀಡಿ ಬೆಳಗ್ಗೆ ಅತಿಕ್ರಮಣ ತೆರವು ಕಾರ್ಯಾಚರಣೆ ನಡೆಸಿದ ಅಧಿಕಾರಿಗಳ ವಿರುದ್ಧ ಅವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಗಲ್ಲು ಶಿಕ್ಷೆಗೆ ಒಳಗಾದವರಿಗೆ ಸಹ ಕೊನೆಯ ಆಸೆ ಹೇಳುವ ಅವಕಾಶವಿದೆ. ಆದರೆ, ಇಲ್ಲಿ ರೈತರಿಗೆ ಮೇಲ್ಮನವಿಗೆ ಸಹ ಸಮಯ ಕೊಡದೇ ಭೂಮಿ ವಶಕ್ಕೆಪಡೆಯಲಾಗಿದೆ’ ಎಂದವರು ಕಿಡಿಕಾರಿದ್ದಾರೆ. `ಈ ಚಟುವಟಿಕೆ ಪ್ರಜಾಪ್ರಭುತ್ವದ ವಿರೋಧಿ’ ಎಂದವರು ಹೇಳಿದ್ದಾರೆ. `ಗೋಳಿಕಟ್ಟಾ ಗ್ರಾಮದ ಕಾಮಧೇನು ಹಾಲು ಮತ್ತು ಹಣ್ಣು ಸಂಸ್ಕರಣಾ ಸಂಸ್ಥೆಗೆ ಸೇರಿದ ಜಾಗದಲ್ಲಿ ರೈತರು ಭತ್ತ, ಅನಾನಸ್ ಸೇರಿದಂತೆ ವಿವಿಧ ಬೆಳೆಗಳನ್ನು ಬೆಳೆದು ಜೀವನ ನಡೆಸುತ್ತಿದ್ದಾರೆ. ಇಲ್ಲಿರುವ ರೈತರು ಬೇರೆ ದೇಶದವರಲ್ಲ. ಅವರು ಕಂದಾಯ ಪಾವತಿ ಮಾಡುತ್ತಿದ್ದು, ಹೀಗಿರುವಾಗ ಆ ರೈತರ ಮೇಲೆ ದೌರ್ಜನ್ಯ ನಡೆಸಿದ್ದು ಸರಿಯಲ್ಲ’ ಎಂದವರು ಹೇಳಿದ್ದಾರೆ. `ಈ ಸಂಸ್ಥೆಗೆ ಸಂಬAಧಿಸಿದ ಜಾಗದ ಕುರಿತು ನ್ಯಾಯಾಲಯದಲ್ಲಿ ಬಂದ ಆದೇಶ ಗೌರವಿಸುವುದು ಸರಿ. ಆದರೆ, ಜಾಗ ಖುಲ್ಲಾಪಡಿಸಲು ಕಾನೂನಿನ ನಿಯಮ ಪಾಲಿಸಬೇಕು. ರೈತರಿಗೆ ಕಾಲವಕಾಶ ಹಾಗೂ ಮಾಹಿತಿ ನೀಡದೇ ದಿಢೀರ್ ಆಗಿ ಕಾರ್ಯಾಚರಣೆ ನಡೆಸಿದ್ದು ಸರಿಯಲ್ಲ. ಈ ಕೃತ್ಯದ ಹಿಂದೆ ದೊಡ್ಡ ಹುನ್ನಾರವಿದೆ’ ಎಂದವರು ದೂರಿದ್ದಾರೆ.
- [ಶಿರಸಿ | ಅಪಾಯ ಎದುರಿಸಿದ ಸರ್ಕಾರಿ ಬಸ್ಸು!](https://mobiletime.in/2026/08/sirsi-government-bus-faces-a-dangerous-situation/): ಚಂದ್ರಗುತ್ತಿಯಿoದ ಶಿರಸಿಗೆ ಬರುತ್ತಿದ್ದ ಸರ್ಕಾರಿ ಬಸ್ಸಿನ ಚಕ್ರ ಕಳಚುವ ಹಂತ ತಲುಪಿದ್ದು, ಸಾರ್ವಜನಿಕರೊಬ್ಬರ ಸಮಯ ಪ್ರಜ್ಞೆಯಿಂದ ಅನಾಹುತ ತಪ್ಪಿದೆ. ಬಸ್ಸಿನ ಚಕ್ರಕ್ಕೆ ಅಳವಡಿಸಿದ್ದ ಬೋಲ್ಟ್ ಕಳಚಿ ಬಿದ್ದಿರುವುದನ್ನು ನೋಡಿದ ಜನ ತಕ್ಷಣ ಚಾಲಕನಿಗೆ ಮಾಹಿತಿ ನೀಡಿ, ಜನರ ಜೀವ ಉಳಿಸಿದ್ದಾರೆ. ಚಂದ್ರಗುತ್ತಿಗೆ ಹೋಗಿದ್ದ ಬಸ್ಸು ಸೋಮವಾರ ಪ್ರಯಾಣಿಕರನ್ನು ಹೊತ್ತು ಶಿರಸಿಗೆ ಬರುತ್ತಿತ್ತು. ಶಿರಸಿ ನಗರದ ಶಿವಾಜಿ ಚೌಕದ ಬಳಿ ಆ ಬಸ್ಸಿನ ಟಯರಿಗೆ ಜೋಡಿಸಿದ್ದ ಬೋಲ್ಟುಗಳು ಕೆಳಗೆ ಬಿದ್ದವು. ಪರಿಣಾಮ ಬಸ್ಸು ಕೊಂಚ ಅಡ್ಡಾದಿಡ್ಡಿ ಚಲಿಸಲು ಶುರುವಾಯಿತು. ಬೋಲ್ಟು ಕಳಚಿದನ್ನು ಬಸ್ಸಿನ ಹೊರಭಾಗದಲ್ಲಿದ್ದವರು ನೋಡಿ, ಚಾಲಕನಿಗೆ ಸೂಚನೆ ನೀಡಿದರು. ಈ ಬಸ್ಸಿನಲ್ಲಿ 40 ಪ್ರಯಾಣಿಕರಿದ್ದು, ತಕ್ಷಣ ಬಸ್ ನಿಲ್ಲಿಸಿದ್ದರಿಂದ ಯಾವುದೇ ಸಾವು-ನೋವು ಸಂಭವಿಸಲಿಲ್ಲ. ಚಾಲಕ ಬಸ್ ಇಳಿದು ನೋಡಿದಾಗ ಬಸ್ಸಿನ ಟಯರ್ ಒಂದೇ ಒಂದು ಬೋಲ್ಟಿನ ಸಹಾಯದಿಂದ ಮುನ್ನಡೆಯುತ್ತಿತ್ತು. ಆ ಬೋಲ್ಟ್ ಸಹ ಕಳಚಿದ್ದರೆ ಬಸ್ಸು ಸಂಪೂರ್ಣವಾಗಿ ನಿಯಂತ್ರಣ ತಪ್ಪುವ ಸಾಧ್ಯತೆಯಿತ್ತು. ಬಸ್ಸಿನಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು ಚಲಿಸುತ್ತಿದ್ದು, ಅವರೆಲ್ಲರೂ ಅವಘಡದಿಂದ ಪಾರಾದ ಬಗ್ಗೆ ನಿಟ್ಟುಸಿರು ಬಿಟ್ಟರು.
- [ಗೋಕರ್ಣ | ಜೀವ ಉಳಿಸಲು ವೈದ್ಯರಿಲ್ಲ.. ಮರಣೋತ್ತರ ಪರೀಕ್ಷೆಗೂ ಬರುವವರಿಲ್ಲ!](https://mobiletime.in/2026/08/gokarna-no-doctors-to-save-lives-no-one-available-for-post-mortems-either/): ಗೋಕರ್ಣ ಪ್ರಾಥಮಿಕ ಆರೋಗ್ಯ ಕೇಂದ್ರದಕ್ಕೆ ಖಾಯಂ ವೈದ್ಯರಿಲ್ಲದ ಕಾರಣ ಇಲ್ಲಿ ಏನೇ ಆದರೂ ಅಂಕೋಲಾ ವೈದ್ಯರೇ ಗತಿ ಎನ್ನುವ ಹಾಗಾಗಿದೆ. ತುರ್ತು ಆರೋಗ್ಯ ಸನ್ನಿವೇಶಗಳನ್ನು ಎದುರಿಸಲು ಇಲ್ಲಿ ವೈದ್ಯರು ಸಿಗದ ಕಾರಣ ಅನೇಕರಿಗೆ ಸಮಸ್ಯೆಯಾಗಿದೆ. ಸೋಮವಾರ ಗೋಕರ್ಣದಲ್ಲಿ ಅಪಘಾತವೊಂದು ನಡೆದಿದ್ದು, ತುರ್ತು ಚಿಕಿತ್ಸೆಗೆ ಸಹ ವೈದ್ಯರು ಸಿಗಲಿಲ್ಲ. ಅದರಿಂದಾಗಿ ಅಲ್ಲಿನ ದಾದಿಯರೇ ಜೀವ ಉಳಿಸಲು ಪರದಾಟ ನಡೆಸಿದರು. ಎರಡು ದಿನದ ಹಿಂದೆ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದು, ಅವರ ಮರಣೋತ್ತರ ಪರೀಕ್ಷೆಗೆ ಸಹ ವೈದ್ಯರು ಸಿಗಲಿಲ್ಲ. ಕೊನೆಗೆ ಅಂಕೋಲಾದ ವೈದ್ಯರು ಇಲ್ಲಿ ಆಗಮಿಸಿ ಮರಣೋತ್ತರ ಪರೀಕ್ಷೆ ನಡೆಸಿದರು. ಪ್ರವಾಸಿ ತಾಣವಾದ ಗೋಕರ್ಣದಲ್ಲಿ ನಿತ್ಯ ಒಂದಿಲ್ಲೊoದು ಅಪಘಾತ, ಅಪರಾಧ, ಅವಘಡಗಳು ನಡೆಯುತ್ತಿವೆ. ಗಾಯಾಳು ಅಥವಾ ಆರೋಪಿಯ ವೈದ್ಯಕೀಯ ಪರೀಕ್ಷೆಗೆ ಸರ್ಕಾರಿ ಆಸ್ಪತ್ರೆ ಅವಲಂಭಿಸುವುದು ಎಲ್ಲರಿಗೂ ಅನಿವಾರ್ಯವಾಗಿದೆ. ಆದರೆ, ಅನೇಕ ವರ್ಷಗಳಿಂದ ಇಲ್ಲಿ ಖಾಯಂ ವೈದ್ಯರಿಲ್ಲ. ಬೇರೆ ಬೇರೆ ಪ್ರಾಥಮಿಕ ಕೇಂದ್ರದ ವೈದ್ಯಾಧಿಕಾರಿಗಳನ್ನು ಪಾಳಿ ಪ್ರಕಾರ ಇಲ್ಲಿ ಕರ್ತವ್ಯ ನಿಭಾಯಿಸಲು ಸೂಚಿಸಲಾಗಿದ್ದು, ಅನೇಕ ಒತ್ತಡಗಳ ಕಾರಣ ಅವರಿಗೂ ಸರಿಯಾಗಿ ಸೇವೆ ನೀಡಲು ಸಾಧ್ಯವಾಗುತ್ತಿಲ್ಲ. ಖಾಯಂ ವೈದ್ಯರ ಬೇಡಿಕೆಯಿದ್ದರೂ ಅದನ್ನು ಸರ್ಕಾರ ಈಡೇರಿಸುತ್ತಿಲ್ಲ. ಸೋಮವಾರ ಅಪರಾಧ ಪ್ರಕರಣದ ಆರೋಪಿಗೆಯ ವೈದ್ಯಕೀಯ ತಪಾಸಣೆ ನಡೆಸಲು ಇಲ್ಲಿ ಸಮಸ್ಯೆಯಾಗಿದೆ. ಅಪಘಾತದಲ್ಲಿ ತೀವ್ರಗಾಯಗೊಂಡ ವ್ಯಕ್ತಿಗೆ ಚಿಕಿತ್ಸೆ ನೀಡುವವರಿಲ್ಲದೇ ಅವರು ನೋವು ಅನುಭವಿಸಿದ್ದಾರೆ. ಈ ದಿನ ಕೋಡ್ಕಣಿ ಆರೋಗ್ಯ ಕೇಂದ್ರದ ವೈದ್ಯರು ಪಾಳಿ ಪ್ರಕಾರ ಗೋಕರ್ಣದಲ್ಲಿ ಕೆಲಸ ನಿರ್ವಹಿಸಬೇಕಿದ್ದು, ಅವರ ಅನುಪಸ್ಥಿತಿ ಸಮಸ್ಯೆಯನ್ನು ಇನ್ನಷ್ಟು ದೊಡ್ಡದಾಗಿಸಿದೆ. ಈ ವೇಳೆ ಹಾಜರಿದ್ದ ಶುಶ್ರೂಷಕಿಯೊಬ್ಬರು ಬೈಕಿನಿಂದ ಬಿದ್ದು ಗಾಯಗೊಂಡಿದ್ದ ರೋಗಿಗೆ ತುರ್ತು ಚಿಕಿತ್ಸೆ ನೀಡಿ ದೊಡ್ಡ ಆಸ್ಪತ್ರೆಗೆ ಕಳುಹಿಸಿದ್ದಾರೆ.
- [ಯಲ್ಲಾಪುರ | ಶಾಸಕರ ಮರ್ಯಾದೆ ತೆಗಿಯಬೇಡಿ!](https://mobiletime.in/2026/08/yellapur-dont-tarnish-the-mlas-reputation/): `ಮಾನವೀಯ ನೆಲೆಯಲ್ಲಿ ಅರಣ್ಯ ಅತಿಕ್ರಮಣದಾರರ ಸಮಸ್ಯೆ ಬಗೆಹರಿಸಬೇಕು ಎಂದು ಸರ್ಕಾರವೂ ಹೇಳಿದೆ. ಶಾಸಕರು ಹೇಳಿದ್ದಾರೆ. ಅದಕ್ಕೆ ವಿರುದ್ಧ ಕೆಲಸ ಮಾಡಿ, ಶಾಸಕರ ಮರ್ಯಾದೆ ತೆಗೆಯಬೇಡಿ’ ಎಂದುಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಅರಣ್ಯಾಧಿಕಾರಿಗಳಿಗೆ ಕಿವಿಮಾತು ಹೇಳಿದ್ದಾರೆ. ಈ ದಿನ ಯಲ್ಲಾಪುರ ವಿಭಾಗದ ಉಪಅರಣ್ಯ ಸಂರಕ್ಷಣಾಧಿಕಾರಿ ಅಬ್ದುಲ್ ಅಜೀಜ್ ಅವರನ್ನು ಭೇಟಿ ಮಾಡಿದ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ತಾಸುಗಳ ಕಾಲ ಚರ್ಚೆ ನಡೆಸಿದ್ದಾರೆ. `ಸರ್ಕಾರ ಅರಣ್ಯವಾಸಿಗಳ ಪರವಾದ ಧೋರಣೆ ಹೋಂದಿದೆ. ಅದಾಗಿಯೂ, ಅರಣ್ಯ ಸಿಬ್ಬಂದಿ ಕಾನೂನುಬಾಹಿರ ಕೆಲಸ ಮಾಡಿ ಶಾಸಕರ ಗೌರವಕ್ಕೆ ಕುಂದು ಬರುವಂತೆ ಮಾಡುತ್ತಿದ್ದಾರೆ. ಅರಣ್ಯವಾಸಿಗಳ ಸಮಸ್ಯೆಗಳ ಕುರಿತು ಅರಣ್ಯ ಸಿಬ್ಬಂದಿ ಮಾನವೀಯತೆಯ ಮೌಲ್ಯದ ಅಡಿಯಲ್ಲಿ ಕೆಲಸ ಮಾಡಬೇಕು’ ಎಂದವರು ಹೇಳಿದ್ದಾರೆ. ಅರಣ್ಯವಾಸಿಗಳ ಸಾಗುವಳಿ ಕ್ಷೇತ್ರದಲ್ಲಿ ಉಂಟಾಗುತ್ತೀರುವ ಆತಂಕ ಮತ್ತು ಸಮಸ್ಯೆಗಳು ಕುರಿತು ಎಸಿಎಫ್ ಹೇಮಾವತಿ ಭಟ್, ಆರ್‌ಎಫ್‌ಓ ಸಂಘಮೇಶ್ವರ, ಬಸವರಾಜ್ ಮತ್ತು ಎಮ್ ಎಚ್ ನಾಯ್ಕ ಅವರ ಜೊತೆಯೂ ಅತಿಕ್ರಮಣದಾರರು ಚರ್ಚೆ ನಡೆಸಿದರು. ಈ ವೇಳೆ `ಈಚೆಗೆ ಶಿರಸಿಯಲ್ಲಿ ಮುಖ್ಯ ಅರಣ್ಯ ಸಂರಕ್ಷಣಾದಿಕಾರಿ ಟಿ ಹಿರೇಲಾಲ ಅವರ ಅಧ್ಯಕ್ಷತೆಯಲ್ಲಿ ಜಿಲ್ಲಾ ಮಟ್ಟದ ಅರಣ್ಯವಾಸಿಗಳೊಂದಿಗೆ ಜರುಗಿದ ಸಭೆಯಲ್ಲಿ ತೆಗೆದುಕೊಂಡ ನಿರ್ಣಯಕ್ಕೆ ಬದ್ಧ’ ಎಂದು ಉಪ ಅರಣ್ಯ ಸಂರಕ್ಷಣಾಧಿಕಾರಿ ಅಬ್ದುಲ್ ಅಜೀಜ್ ಅವರು ಹೇಳಿದರು. `ಅರಣ್ಯ ಹಕ್ಕು ಕಾಯಿದೆಯಲ್ಲಿ ಅರ್ಜಿ ಸಲ್ಲಿಸಿದ ಅರಣ್ಯವಾಸಿಗಳಿಗೆ ಅರ್ಜಿ ವಿಲೇವಾರಿ ಆಗುವವರೆಗೂ ಆತಂಕ ಪಡೆಸಲಾಗಗುವುದಿಲ್ಲ’ ಎಂದು ಭರವಸೆ ನೀಡಿದರು. ಈ ಸಭೆಯಲ್ಲಿ ಸಂಘಟನೆಯ ತಾಲೂಕಾಧ್ಯಕ್ಷ ಭೀಮಸೀ ವಾಲ್ಮೀಕಿ, ಜಿಲ್ಲಾ ಸಂಚಾಲಕರಾದ ಚಂದ್ರಶೇಖರ ಪೂಜಾರಿ ವಟಗೇರಿ, ರಾಜೇಶ್ ಮಿತ್ರ ನಾಯ್ಕ ತೆಂಗಿನಕೇರಿ, ಸೀತಾರಾಮ ನಾಯ್ಕ ಕುಂದರಗಿ , ಪ್ರಶಾಂಕ ಜೈನ ಅಟಬೈಲ್, ಸುಬ್ರಾಯ ಹೆಗಡೆ ಆನಗೋಡ, ವಿನೋದ ತಳೇಕರ್, ಜಿ ವಿ ಹೆಗಡೆ ನಂದೋಳ್ಳಿ ರಾಘವೇಂದ್ರ ಕುಣಬಿ, ಶಿವರಾಮ ಆಚಾರಿ, ನಾಗೇಂದ್ರ ಮರಾಠಿ, ಗೀತಾ ಮರಾಠಿ, ಬಸ್ತಾöಂವ್ ಡಿಸೋಜ ಕಣ್ಣಿಗೇರಿ ಇದ್ದರು.
- [ಉತ್ತರ ಕನ್ನಡ: 65 ಸಾವಿರ ಜನರಿಗೆ ನೋಟಿಸ್!](https://mobiletime.in/2026/08/uttara-kannada-notices-issued-to-65000-people/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಕೆಲಸ ಅತ್ಯಂತ ಚುರುಕಾಗಿ ನಡೆದಿದ್ದು, ವಿವಿಧ ಕಾರಣಗಳಿಂದ 65,330 ಮಂದಿಗೆ ನೋಟಿಸ್ ನೀಡಲು ನಿರ್ಧರಿಸಲಾಗಿದೆ. `ನೋಟಿಸ್ ಸ್ವೀಕರಿಸಿದ ಪ್ರತಿಯೊಬ್ಬರು ಖುದ್ಧು ವಿಚಾರಣೆಗೆ ಹಾಜರಾಗಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸೂಚಿಸಿದ್ದಾರೆ. ಸೋಮವಾರ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಕುರಿತು ರಾಜಕೀಯ ಪಕ್ಷಗಳೊಂದಿಗೆ ಸಭೆ ನಡೆಸಿದ ಡೀಸಿ `ಮ್ಯಾಪಿಂಗ್ ಆಗದಿರುವ ಮತದಾರರು ಮತ್ತು ಮ್ಯಾಪಿಂಗ್‌ನಲ್ಲಿ ತಾರ್ಕಿಕ ವ್ಯತ್ಯಾಸ ಹೊಂದಿರುವ ಮತದಾರರಿಗೆ ಹಾಗೂ ಅಗತ್ಯವಿರುವ ಇತರ ಪ್ರಕರಣಗಳಿಗೆ ಸಂಬoಧಿಸಿದoತೆ ನೋಟಿಸ್ ಸ್ವೀಕರಿಸುವ ಮತದಾರರ ವಿಚಾರಣೆಗೆ ಖುದ್ದಾಗಿ ಹಾಜರಾಗುವುದು ಕಡ್ಡಾಯ’ ಎಂದು ತಿಳಿಸಿದರು. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಒಟ್ಟು ಮತದಾರರ ಸಂಖ್ಯೆ 12,30,037ರಲ್ಲಿ 11,23,022 ಮಂದಿಯ ಮ್ಯಾಪಿಂಗ್ ಮುಗಿದಿದ್ದು, ಸ್ಥಳಾಂತರ, ವಲಸೆ, ಮರಣ, ದ್ವಿಪ್ರತಿಯ ಮತ್ತು ಇತರೆ ಪ್ರಕರಣಗಳಿಗೆ ಸಂಬoಧಿಸಿದoತೆ 1,07,015 ಮಂದಿಯನ್ನು ಗುರುತಿಸಲಾಗಿದೆ. ಅದರಲ್ಲಿ 65,330 ಮಂದಿಗೆ ನೋಟಿಸ್ ನೀಡಿ ವಿಚಾರಣೆ ನಡೆಸಬೇಕಾಗಿದೆ. ಈ ಕುರಿತು ಸಂಬoಧಪಟ್ಟ ಮತದಾರರು ಖುದ್ದು ಹಾಜರಾಗುವ ಬಗ್ಗೆ ಬಿ.ಎಲ್.ಓ ಗಳ ಮೂಲಕ ನೋಟಿಸ್ ನೀಡಲಾಗುತ್ತದೆ’ ಎಂದವರು ವಿವರಿಸಿದರು. `ನೋಟಿಸ್ ತಲುಪಿದ ಮತದಾರರು ಖುದ್ದಾಗಿ ವಿಚಾರಣಾ ದಿನಾಂಕದAದು ನೋಟಿಸಲ್ಲಿ ನಮೂದಿಸಲಾದ ದಿನಾಂಕ/ಸ್ಥಳದಲ್ಲಿ ಸಮಯಕ್ಕೆ ವಿಚಾರಣೆಗೆ ಹಾಜರಾಗಿ ಸಂಬoಧಪಟ್ಟ ದಾಖಲೆಗಳನ್ನು ಸಲ್ಲಿಸಬೇಕಾಗಿರುತ್ತದೆ. ವಿಚಾರಣೆಗೆ ಹಾಜರಾಗದ ಮತದಾರರಿಗೆ ಪುನ: ಇನ್ನೊಂದು ದಿನಾಂಕ ನಿಗಧಿಪಡಿಸಿ ದಾಖಲೆಗಳೊಂದಿಗೆ ಹಾಜರಾಗಲು ಅವಕಾಶ ನೀಡಲಾಗುತ್ತದೆ. ಗರಿಷ್ಠ 2 ವಿಚಾರಣಾ ದಿನಾಂಕಗಳನ್ನು ನೀಡಲು ಮಾತ್ರ ಅವಕಾಶವಿದೆ’ ಎಂದವರು ಮಾಹಿತಿ ನೀಡಿದರು. `ಸೆಪ್ಟಂಬರ್ 23ರವರೆಗಿನ ಹಕ್ಕು ಮತ್ತು ಆಕ್ಷೇಪಣೆ ಸಲ್ಲಿಸುವ ಅವಧಿಯಲ್ಲಿ ದಿನಾಂಕ 1-10-2026ಕ್ಕೆ 18 ವಷÀð ಪೂರ್ಣಗೊಳಿಸುವ ಅರ್ಹ ನಾಗರೀಕರು ಮತದಾರರ ಪಟ್ಟಿಯಲ್ಲಿ ಹೆಸರನ್ನು ಸೇರ್ಪಡೆಗೊಳಿಸಲು ಅವಕಾಶವಿದ್ದು, ನಮೂನೆ-6 ರೊಂದಿಗೆ ನಿಗದಿತ ದಾಖಲೆಗಳೊಂದಿಗೆ ಡಿಕ್ಲೇರೇಷನ್ ಫಾರಂ ಸಲ್ಲಿಸುವುದು ಕಡ್ಡಾಯವಾಗಿರುತ್ತದೆ. ಅದೇ ರೀತಿಯಲ್ಲಿ ಹೆಸರನ್ನು ಕಡಿಮೆಗೊಳಿಸಲು ನಮೂನೆ-7 ಹಾಗೂ ವಿವಿಧ ತಿದ್ದುಪಡಿ ಹಾಗೂ ಹೆಸರನ್ನು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯೊಳಗೆ ಒಂದು ಮತಗಟ್ಟೆಯಿಂದ ಇನ್ನೊಂದು ಮತಗಟ್ಟೆಗೆ ಅಥವಾ ಒಂದು ವಿಧಾನಸಭಾ ಕ್ಷೇತ್ರದಿಂದ ಇನ್ನೊಂದು ವಿಧಾನಸಭಾ ಕ್ಷೇತ್ರಕ್ಕೆ ಬದಲಾಯಿಸಲು ಸಹ ಅವಕಾಶ ಇರುತ್ತದೆ’ ಎಂದರು. `ಜಿಲ್ಲೆಯಲ್ಲಿ ಇಂದು ಕರಡು ಮತದಾರರ ಪಟ್ಟಿಯನ್ನು ಪ್ರಕಟಿಸಲಾಗಿದ್ದು, ಈ ಪಟ್ಟಿಯಲ್ಲಿ ಜಿಲ್ಲೆಯ 6 ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿಯಲ್ಲಿ 5,62,004 ಪುರುಷರು ಮತ್ತು 5,61,014 ಹಾಗೂ 4 ತೃತೀಯ ಲಿಂಗಿಗಳು ಸೇರಿದಂತೆ ಒಟ್ಟು 11,23,022 ಮತದಾರರಿದ್ದಾರೆ. ಮತಗಟ್ಟೆಗಳ ಪುರ್ನವಿಂಗಡಣೆ ಕಾರ್ಯದ ನಂತರ 78 ಹೊಸ ಮತಗಟ್ಟೆಗಳನ್ನು ತೆರೆಯಲಾಗಿದ್ದು, ಜಿಲ್ಲೆಯಲ್ಲಿ ಒಟ್ಟು ಮತಗಟ್ಟೆಗಳ ಸಂಖ್ಯೆ 1,523 ಆಗಿದೆ’ ಎಂದರು. `ಹಕ್ಕು ಮತ್ತು ಆಕ್ಷೇಪಣೆ ಸಲ್ಲಿಸುವ ಅವಧಿಯಲ್ಲಿ ಸಲ್ಲಿಕೆಯಾಗುವ ಅರ್ಜಿಗಳನ್ನು ಜಾಗರೂಕತೆಯಿಂದ ಪರಿಶೀಲನೆ ಮಾಡಿ, ಯಾವುದೇ ಅರ್ಹ ಮತದಾರರು, ಮತದಾರರ ಪಟ್ಟಿಯಿಂದ ವಂಚಿತರಾಗದAತೆೆ ಎಚ್ಚರಿಕೆ ವಹಿಸಲಾಗುವುದು ಮತ್ತು ಈ ಕುರಿತ ಪ್ರತೀ ವಾರದ ವರದಿಯ ವಿವರಗಳನ್ನು ಎಲ್ಲಾ ರಾಜಕೀಯ ಪಕ್ಷಗಳಿಗೂ ನೀಡಲಾಗುವುದು. ಅಕ್ಟೋಬರ್ 22ರವರೆಗೆ ಎಲ್ಲಾ ಹಕ್ಕು ಮತ್ತು ಆಕ್ಷೇಪಣೆಗಳನ್ನು ವಿಲೇವಾರಿ ಮಾಡಿ, ಅಕ್ಟೋಬರ್ 27 ರಂದು ಅಂತಿಮ ಮತದಾರರ ಪಟ್ಟಿಯನ್ನು ಪ್ರಕಟಿಸಲಾಗುವುದು’ ಎಂದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಕಾಂಗ್ರೆಸ್ ಪಕ್ಷದ ಬ್ಲಾಕ್ ಅಧ್ಯಕ್ಷ ಅರವಿಂದ್ ಕಲ್ಗುಟಕರ್, ರಮೇಶ್ ಮುದಗೇಕರ್, ಜೆಡಿಎಸ್ ಜಿಲ್ಲಾ ಅಧ್ಯಕ್ಷ ಸೂರಜ್ ನಾಯ್ಕ್ ಸೋನಿ, ವಕ್ತಾರ ಉದಯ ಭೋವಿ, ಕೃಷ್ಣ ಲಿಂಗಣಕರ್, ಜ್ಞಾನೇಶ್ವರ, ಬಿಜೆಪಿ ಪಕ್ಷದ ಜಿಲ್ಲಾ ಉಪಾಧ್ಯಕ್ಷ ಸಂಜಯ ಸಾಳೂಂಕೆ ಉಪಸ್ಥಿತರಿದ್ದರು
- [ಯಲ್ಲಾಪುರ | ವಿಕಾಸ ಬ್ಯಾಂಕಿಗೆ 72 ಲಕ್ಷ ರೂ ಲಾಭ!](https://mobiletime.in/2026/08/yellapur-vikas-bank-posts-a-profit-of-%e2%82%b972-lakh/): ಯಲ್ಲಾಪುರದಲ್ಲಿ ಪ್ರಧಾನ ಶಾಖೆ ಹೊಂದಿ ಶಿರಸಿಯಲ್ಲಿಯೂ ಕಚೇರಿ ನಡೆಸುತ್ತಿರುವ ವಿಕಾಸ ಅರ್ಬನ್ ಕೋ ಆಪರೇಟಿವ್ ಬ್ಯಾಂಕ್’ಗೆ ಕಳೆದ ವರ್ಷ 72.91 ಲಕ್ಷ ರೂ ಲಾಭವಾಗಿದೆ. ಸಾಲ ನೀಡುವಿಕೆ, ವಸೂಲಾತಿ, ಠೇವಣಿ ಸಂಗ್ರಹ ಸೇರಿ ವಿವಿಧ ಚಟುವಟಿಕೆಗಳಲ್ಲಿ ಈ ಬ್ಯಾಂಕು ಸಕ್ರೀಯವಾಗಿದ್ದು, ಅದೆಲ್ಲದರ ಪರಿಣಾಮವಾಗಿ ಈ ಸಾಧನೆ ಸಾಧ್ಯವಾಗಿದೆ. ವಿಕಾಸ ಬ್ಯಾಂಕಿನ ಸಾಧನೆ ಬಗ್ಗೆ ಬ್ಯಾಂಕ್ ಅಧ್ಯಕ್ಷ ಮುರುಳಿ ಹೆಗಡೆ ಅವರು ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ. `ಬ್ಯಾಂಕು ವರ್ಷದಿಂದ ವರ್ಷಕ್ಕೆ ಉತ್ತಮವಾಗಿ ಪ್ರಗತಿ ಸಾಧಿಸುತ್ತಿದೆ’ ಎಂದವರು ಅಂಕಿ-ಅAಶಗಳ ಜೊತೆ ವಿವರಿಸಿದ್ದಾರೆ. `ಆಧುನಿಕ ತಂತ್ರಜ್ಞಾನ ಅಳವಡಿಕೆಯಲ್ಲಿಯೂ ಬ್ಯಾಂಕ್ ಮುಂಚೂಣಿಯಲ್ಲಿದೆ. ಗ್ರಾಹಕರಿಗೆ ಅನುಕೂಲವಾಗುವಂತೆ ಬ್ಯಾಂಕು ಎ.ಟಿ.ಎಂ., ಸಿ.ಡಿ.ಎಂ. ಇ-ಕಾಮರ್ಸ್, ಪಿ.ಒ.ಎಸ್, ಮೊಬೈಲ್ ಬ್ಯಾಂಕಿAಗ್ ಮುಂತಾದ ಡಿಜಿಟಲ್ ಸೇವೆಗಳನ್ನು ಒದಗಿಸುತ್ತಿದೆ’ ಎಂದವರು ಹೇಳಿದ್ದಾರೆ. `ಗ್ರಾಹಕ ಸ್ನೇಹಿಯಾಗಿ ಈ ಎಲ್ಲಾ ತಂತ್ರಜ್ಞಾನ ಬಳಸಲು ಅನುಕೂಲ ಮಾಡಿಕೊಡಲಾಗಿದೆ’ ಎಂದವರು ವಿವರಿಸಿದ್ದಾರೆ. `ವಿಕಾಸ್ ಬ್ಯಾಂಕ್ ವತಿಯಿಂದ ಸದ್ಯದಲ್ಲೇ ಯು.ಪಿ.ಐ. ಸೇವೆ ನೀಡಲು ತಂತ್ರಜ್ಞಾನವನ್ನು ಅಭಿವೃದ್ಧಿ ಮಾಡಲಾಗುತ್ತಿದೆ. ಅದನ್ನು ಸದ್ಯದಲ್ಲೇ ಆರಂಭಿಸಲಾಗುತ್ತದೆ. ಬ್ಯಾಂಕಿನ ವಾರ್ಷಿಕ ಸರ್ವಸಾಧಾರಣ ಸಭೆ ಪಟ್ಟಣದ ಅಡಿಕೆ ಭವನದಲ್ಲಿ ಅಗಸ್ಟ್ 27 ರಂದು ಸಂಜೆ 4 ಗಂಟೆಗೆ ನಡೆಯಲಿದೆ’ ಎಂದವರು ತಿಳಿಸಿದರು. ಬ್ಯಾಂಕಿನ ಉಪಾಧ್ಯಕ್ಷ ನರಸಿಂಹ ಬೋಳಪಾಲ್, ನಿರ್ದೇಶಕರಾದ ಡಿ ಶಂಕರ ಭಟ್ಟ, ಸದಾನಂದ ಭಟ್ಟ, ಎಸ್ ಕೆ ಭಾಗ್ವತ, ಎಸ್ ಎಂ ಭಟ್ಟ, ರಾಜೇಂದ್ರ ಬದ್ದಿ, ಲೋಕೇಶ್ ಗಿಡ್ಡನ್, ವಿಜಯಶ್ರೀ ವೈದ್ಯ, ಪ್ರಿಯಾ ವಿ ಗಾಂವ್ಕರ, ರವಿ ಹುಳ್ಸೆ, ಪ್ರಭಾರಿ ಮುಖ್ಯ ಕಾರ್ಯನಿರ್ವಾಹಕ ರಾಜೇಶ ಪಿ ಬಿಳಗೀಕರ್ ಅವರು ಜೊತೆಗಿದ್ದರು.
- [ಶಿರಸಿ | ದೇಶಭಕ್ತಿ ಗೀತೆ: ಹಾಡು ಹಾಡೋಣ ಬನ್ನಿ!](https://mobiletime.in/2026/08/sirsi-patriotic-song-come-lets-sing/): ಶಿರಸಿಯ ರಂಗ ಬಳಗ ಸ್ನೇಹಿತರೆಲ್ಲರೂ ಸೇರಿ ಪ್ರೌಢಶಾಲಾ ಮತ್ತು ಪದವಿ ಪೂರ್ವ ವಿದ್ಯಾರ್ಥಿಗಳಿಗಾಗಿ ದೇಶಭಕ್ತಿ ಗೀತೆಯ ಸ್ಪರ್ಧೆ ಆಯೋಜಿಸಿದ್ದಾರೆ. ತಾಲೂಕು ಮಟ್ಟದ ಸ್ಪರ್ಧೆ ಇದಾಗಿದ್ದು, ಶಿರಸಿಯ ಎಲ್ಲಾ ಪ್ರೌಢಶಾಲೆ ಮತ್ತು ಪದವಿ ಪೂರ್ವ ಕಾಲೇಜಿನವರಿಗೆ ಮುಕ್ತ ಅವಕಾಶವಿದೆ. ಗಾಯನದ ಮೂಲಕ ದೇಶಭಕ್ತಿ ಭಾವನೆ ವ್ಯಕ್ತಪಡಿಸುವ ನಿಟ್ಟಿನಲ್ಲಿ ಈ ಸ್ಪರ್ಧೆ ಆಯೋಜಿಸಲಾಗಿದೆ. ಸ್ಪರ್ಧಾ ವಿಜೇತರಿಗೆ ಆಕರ್ಷಕ ಬಹುಮಾನಗಳಿವೆ. ಜೊತೆಗೆ ಪ್ರಮಾಣ ಪತ್ರ ಸಹ ಸಿಗಲಿದೆ. ಈ ಸ್ಪರ್ಧೆ ಅಗಸ್ಟ 26ರಂದು ಶಿರಸಿಯ ನೆಮ್ಮದಿ ಕುಟೀರದಲ್ಲಿ ನಡೆಯಲಿದೆ. ಅಂದು ಮಧ್ಯಾಹ್ನ 2ಗಂಟೆಗೆ ಸರಿಯಾಗಿ ಸ್ಪರ್ಧೆ ಶುರುವಾಗಲಿದೆ. ಪ್ರತಿ ಶಾಲೆಯಿಂದ ಗರಿಷ್ಟ ಇಬ್ಬರು ವಿದ್ಯಾರ್ಥಿಗಳಿಗೆ ಮಾತ್ರ ಅವಕಾಶ ನೀಡಲಾಗಿದೆ. ಮೊದಲು ಹೆಸರು ನೋಂದಾಯಿಸಿದ 25 ವಿದ್ಯಾರ್ಥಿಗಳಿಗೆ ಪ್ರವೇಶ ನೀಡಲಾಗುತ್ತದೆ. ಹೆಸರು ನೋಂದಾಯಿಸಲು ಇಂದೇ ಕೊನೆ ದಿನ. ಹೀಗಾಗಿ, ನೀವು ಆಸಕ್ತರಾಗಿದ್ದರೆ ಈಗಲೇ ಹೆಸರು ನೋಂದಾಯಿಸಿ. ಇನ್ನೂ ಹೆಚ್ಚಿನ ಮಾಹಿತಿಗೆ ಇಲ್ಲಿ ಫೋನ್ ಮಾಡಿ: ಪ್ರಶಾಂತ ಮುಳೆ, ಶಗುನ್ ದೇವಿಕೆರೆ : 7899792266 ಅಥವಾ ಕುಮಾರ ಜಿ ಪಟಗಾರ: 7760151011
- [ಮುರುಡೇಶ್ವರ | ಕಾರಾಗೃಹದೊಳಗೆ ಹಲ್ಲೆಗೆ ಸುಪಾರಿ: ಕಾಲ್ ರೆಕಾರ್ಡಿನಿಂದ ಸಿಕ್ಕಿತು ಸಾಕ್ಷಿ!](https://mobiletime.in/2026/08/murudeshwar-contract-for-assault-inside-the-prison-evidence-found-in-call-records/): ಕಾರವಾರ ಜೈಲಿನಿಂದ ಬಿಡುಗಡೆಯಾಗಿದ್ದ ಜಯಂತ ನಾಯ್ಕ ಎಂಬಾತರು ಕಾರಾಗೃಹದೊಳಗಿರುವ ಕೈದಿಯೊಬ್ಬರಿಗೆ ಫೋನ್ ಮಾಡಿ ತಮ್ಮ ಎದುರಾಳಿಯೊಬ್ಬರ ಮೇಲೆ ದಾಳಿ ನಡೆಸಲು ಸುಪಾರಿ ನೀಡಿದ್ದಾರೆ. ಕೈದಿಗಳ ನಡುವೆ ಗಲಾಟೆ ನಡೆದ ಬಳಿಕ ಕಾರಣ ಹುಡುಕಾಟ ನಡೆಸಿದಾಗ ಜೈಲಿನ ಒಳಗಿದ್ದ ಫೋನ್’ನಲ್ಲಿ ಈ ಸುಪಾರಿ ಮಾತುಕಥೆ ರೆಕಾರ್ಡ ಆಗಿರುವುದು ಗೊತ್ತಾಗಿದೆ! ಉತ್ತರ ಕನ್ನಡ ಜಿಲ್ಲೆಯ ಕಾರವಾರ ಜೈಲಿನಲ್ಲಿ ಗೂಂಡಾಗಿರಿ, ಮಾದಕ ವಸ್ತುಗಳ ಸಾಗಾಟ, ಮೊಬೈಲ್ ಬಳಕೆ, ಜೈಲಿನಿಂದಲೇ ಅಪರಾಧ ಯೋಜನೆ ಸಿದ್ಧಪಡಿಸುವಿಕೆ ಸೇರಿ ವಿವಿಧ ಅಕ್ರಮ ನಡೆದಿರುವುದು ಹೊಸತಲ್ಲ. ಅದಕ್ಕೆ ಇನ್ನೊಂದು ಸೇರ್ಪಡೆ ಜೈಲಿನಿಂದ ಹೊರಬಂದ ಕೈದಿಯೊಬ್ಬರು ಜೈಲಿಗೆ ಫೋನ್ ಮಾಡಿ, ಅಲ್ಲಿರುವ ಇನ್ನಿತರ ಕೈದಿಗಳಿಗೆ ಸುಪಾರಿ ನೀಡಿದ ಪ್ರಕರಣ ಹೊರಬಿದ್ದಿದೆ. ಮುರುಡೇಶ್ವರದ ಜಯಂತ ನಾರಾಯಣ ನಾಯ್ಕ ಎಂಬಾತರು ಜೈಲಿನಿಂದ ಹೊರಗೆ ಹೋಗಿದ್ದು, ಅದರ ಬೆನ್ನಲ್ಲೇ ಕಾರವಾರ ಜೈಲಿನಲ್ಲಿ ವಿಚಾರಣಾಧೀನ ಕೈದಿಗಳಾಗಿರುವ ನಾಗೇಶ ರವಿ ಪೂಜಾರಿ, ಆನಂದ್, ಫೈರೋಜ್ ಯಾಸಿನ್ ಯರಗಟ್ಟಿ, ದೇವೇಂದ್ರ ನಾಗೇಶ ಸಿದ್ದಿ ಅವರಿಂದ ತಮಗೆ ಆಗದವರ ವಿರುದ್ಧ ಹಲ್ಲೆ ನಡೆಸಲು ಸುಪಾರಿ ನೀಡಿದ್ದಾರೆ. ಆ ಸುಪಾರಿಪಡೆದವರು ಎದುರಾಳಿ ಗುಂಪಿನ ಮೇಲೆ ದಾಳಿ ಮಾಡಿದ್ದು, ಆ ಪ್ರಕರಣದ ವಿಚಾರಣೆ ವೇಳೆ ಸುಪಾರಿಪಡೆದು ದಾಳಿ ನಡೆಸಿದ ಬಗ್ಗೆ ಜೈಲು ಅಧಿಕಾರಿಗಳಿಗೆ ಕಾಲ್ ರೆಕಾರ್ಡ ಸಿಕ್ಕಿದೆ. ಜೈಲು ಕೈದಿಗಳು ತಮ್ಮ ಕುಟುಂಬಸ್ಥರು ಮತ್ತು ವಕೀಲರ ಜೊತೆ ಮಾತನಾಡಲು ಪ್ರಿಸನ್ ಕಾಲ್ ಸಿಸ್ಟಂ ಎಂಬ ಸಂಪರ್ಕ ವ್ಯವಸ್ಥೆ ಇದೆ. ತಮ್ಮ ಕುಟುಂಬಸ್ಥರ ನೋಂದಾಯಿತ ಮೊಬೈಲ್ ಸಂಖ್ಯೆಗಳಿಗೆ ಮಾತ್ರ ಕೈದಿಗಳು ನಿಗದಿತ ಸಮಯಮಿತಿಗೆ ಒಳಪಟ್ಟು ಕರೆ ಮಾಡಲು ಅವಕಾಶ ನೀಡಲಾಗಿದ್ದು, ಅಲ್ಲಿನ ಪ್ರತಿ ಕರೆಗಳೂ ರೆಕಾರ್ಡ್ ಆಗುತ್ತವೆ. ಮತ್ತು ಪರಿಶೀಲನೆಗೊಳಪಡುತ್ತವೆ. ಈ ನಿಯಮದಂತೆ ವಿಚಾರಣಾಧೀನ ಕೈದಿಯೊಬ್ಬನಿಗೆ ಆತನ ಕುಟುಂಬದ ನೋಂದಾಯಿತ ಸಂಖ್ಯೆಯಿAದ ಕರೆ ಸ್ವೀಕರಿಸಿ ಮಾತನಾಡಲು ಅವಕಾಶ ನೀಡಲಾಗಿತ್ತು. ಆದರೆ, ಆ ವೇಳೆ ಜಯಂತ್ ನಾಯ್ಕ ಕಾನರೆನ್ಸ್ ಕಾಲ್‌ನಲ್ಲಿದ್ದು, ಜೈಲಿಗೆ ಬರುವ ತಮ್ಮ ವಿರೋಧಿ ತಂಡದ ಮೇಲೆ ಹಲ್ಲೆ ನಡೆಸುವಂತೆ ಜೈಲಿನಲ್ಲಿದ್ದ ಕೈದಿಗೆ ಸೂಚಿಸಿರುವುದು ತಡವಾಗಿ ಬೆಳಕಿಗೆ ಬಂದಿದೆ. ಈ ಜಯಂತ್ ನಾಯ್ಕ ಸಹ ಪ್ರಕರಣವೊಂದರಲ್ಲಿ ಬಂಧಿತನಾಗಿ ಜೂನ್ ತಿಂಗಳಲ್ಲಿ ಬಿಡುಗಡೆಯಾಗಿದ್ದು, ಜೈಲಿನ ಒಳಗೆ ಇನ್ನಿತರ ಕೈದಿಗಳ ಜೊತೆ ಸ್ನೇಹ ಬೆಳಸಿ ಅವರ ಮೂಲಕ ಎದುರಾಳಿ ತಂಡದವರ ಮೇಲೆ ದಾಳಿ ನಡೆಸಲು ಸಂಚು ರೂಪಿಸಿರುವುದು ಇದೀಗ ಹೊರಬಿದ್ದಿದೆ. ಮುರ್ಡೇಶ್ವರ ಠಾಣೆಯಲ್ಲಿ ದಾಖಲಾಗಿರುವ ಪ್ರಕರಣವೊಂದರಲ್ಲಿ ಬಂಧತರಾಗಿ ಬಂದಿರುವ ಐದು ಜನರ ವಿಚಾರಣಾಧೀನ ಕೈದಿಗಳ ಮೇಲೆ ಹಲ್ಲೆ ನಡೆಸುವಂತೆ ಜಯಂತ ನಾಯ್ಕ ಜೈಲ್‌ನ ಹೊರಗಿನಿಂದಲೇ ಒಳಗಿರುವ ನಾಗೇಶ ಪೂಜಾರಿ, ಆನಂದ್, ಪೈರೋಜ್, ಹಾಗೂ ದೇವೇಂದ್ರ ಸಿದ್ದಿ ಎಂಬುವವರಿಗೆ ಸುಪಾರಿ ನೀಡಿದ್ದು, ಪ್ರಿಸನ್ ಕಾಲ್ ಸಿಸ್ಟಂನಲ್ಲಿ ಆರೋಪಿಗಳ ಮಾತುಕತೆ ದಾಖಲಾಗಿದೆ. ಅದರ ಆಧಾರದ ಮೇಲೆ ಜೈಲರ್ ಹೇಮವತಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಆ ದಾಖಲೆ ಆಧರಿಸಿ ತನಿಖೆ ನಡೆಯುತ್ತಿದೆ.
- [ಶಿರಸಿ | ಅತಿಕ್ರಮಣ ತೆರವಿಗೆ ವಿರೋಧ: ಮಹಿಳೆಯಿಂದ ಆತ್ಮಹತ್ಯೆ ಪ್ರಯತ್ನ!](https://mobiletime.in/2026/08/sirsi-opposition-to-encroachment-clearance-woman-attempts-suicide/): ಗೋಳಿಕಟ್ಟಾ ಗ್ರಾಮದ ಬಳಿ ಅರಣ್ಯ ಅಧಿಕಾರಿಗಳು ಜೆಸಿಬಿ ನುಗ್ಗಿಸಿದ್ದು, ಇದನ್ನು ಸಹಿಸದ ಮಹಿಳೆಯೊಬ್ಬರು ಆತ್ಮಹತ್ಯೆಗೆ ಪ್ರಯತ್ನಿಸಿದ್ದಾರೆ. ಸ್ಥಳದಲ್ಲಿ ನೂರಾರು ಜನ ಜಮಾಯಿಸಿ ಒತ್ತುವರಿ ತೆರವಿಗೆ ವಿರೋಧವ್ಯಕ್ತಪಡಿಸಿದ್ದಾರೆ. ಗೋಳಿಕಟ್ಟಾ ವ್ಯಾಪ್ತಿಯ ಈ ಜಮೀನು ಈ ಹಿಂದೆ ಕಾಮದೇನು ಹಾಲು ಹಾಗೂ ಹಣ್ಣು ಸಂಸ್ಕರಣಾ ಸಹಕಾರಿ ಸಂಘದ ಅಧೀನದಲ್ಲಿತ್ತು. ಅರಣ್ಯ ಇಲಾಖೆಯಿಂದ ಲೀಸ್ ಮೂಲಕ ಜಮೀನು ಪಡೆದು ಸಂಘದ ಚಟುವಟಿಕೆಗಳಿಗೆ ಬಳಸಲಾಗುತ್ತಿತ್ತು. ಲೀಸ್ ಅವಧಿ ಮುಕ್ತಾಯಗೊಂಡಿರುವ ಹಿನ್ನೆಲೆಯಲ್ಲಿ ಹಾಗೂ ಧಾರವಾಡ ಹೈಕೋರ್ಟ್ನ ಆದೇಶದ ಹಿನ್ನೆಲೆಯಲ್ಲಿ ಜಮೀನನ್ನು ಮರಳಿ ವಶಕ್ಕೆ ಪಡೆಯುವ ನಿಟ್ಟಿನಲ್ಲಿ ಅರಣ್ಯ ಇಲಾಖೆ ಕಾರ್ಯಾಚರಣೆ ಆರಂಭಿಸಿದೆ. ಇದಕ್ಕೆ ರೈತರು ಹಾಗೂ ಜಮೀನಿನೊಂದಿಗೆ ಸಂಬAಧ ಹೊಂದಿರುವ ಸಂಘದ ಸದಸ್ಯರು ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ. ಜೆಸಿಬಿ ಹಾಗೂ ಟ್ರ‍್ಯಾಕ್ಟರ್‌ಗಳ ಮೂಲಕ ತೆರವು ಕಾರ್ಯಾಚರಣೆ ನಡೆಯುತ್ತಿದ್ದು, ಸ್ಥಳದಲ್ಲಿ ನೂರಾರು ಪೊಲೀಸರನ್ನು ಸ್ಥಳದಲ್ಲಿ ನಿಯೋಜಿಸಲಾಗಿದೆ. ಈ ದಿನ ಬೆಳಗ್ಗೆ ಅರಣ್ಯ ಇಲಾಖೆಯ ಸಿಬ್ಬಂದಿ ಜೆಸಿಬಿ ಹಾಗೂ ಟ್ರ‍್ಯಾಕ್ಟರ್‌ಗಳೊಂದಿಗೆ ಸ್ಥಳಕ್ಕೆ ತೆರಳಿ ಜಮೀನಿನಲ್ಲಿರುವ ಒತ್ತುವರಿ ತೆರವುಗೊಳಿಸುವ ಕಾರ್ಯ ಆರಂಭಿಸಿದರು. ಕಾರ್ಯಾಚರಣೆಗೆ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಪೊಲೀಸ್ ಬಂದೋಬಸ್ತ್ ಕಲ್ಪಿಸಲಾಗಿದ್ದು, ಗೋಳಿಕಟ್ಟಾ ಹಾಗೂ ಸುತ್ತಮುತ್ತಲಿನ ಪ್ರದೇಶದಲ್ಲಿ ಬಿಗಿ ಪೊಲೀಸ್ ಭದ್ರತೆ ಕಂಡುಬAದಿತು. ತೆರವು ಕಾರ್ಯಾಚರಣೆಗೆ ಮಹಿಳೆಯರು ಹಾಗೂ ವೃದ್ಧರು ಸೇರಿದಂತೆ ಜಮೀನಿನೊಂದಿಗೆ ಸಂಬAಧ ಹೊಂದಿರುವ ಹಲವರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದರು. ಅಧಿಕಾರಿಗಳು ತೆರವು ಕಾರ್ಯಾಚರಣೆ ನಡೆಸುತ್ತಿದ್ದ ವೇಳೆ ಅನೇಕರು ಕಣ್ಣೀರು ಸುರಿಸಿದರು. `ತಮ್ಮ ಜೀವನೋಪಾಯಕ್ಕೆ ಆಧಾರವಾಗಿರುವ ಜಮೀನನ್ನು ಏಕಾಏಕಿ ತೆರವುಗೊಳಿಸಬಾರದು. ತಮ್ಮ ಸಮಸ್ಯೆಯನ್ನು ಆಲಿಸಿ ಸೂಕ್ತ ಪರಿಹಾರ ಕಲ್ಪಿಸಬೇಕು’ ಎಂದು ಅಲ್ಲಿದ್ದವರು ಆಗ್ರಹಿಸಿದರು. ಕಾರ್ಯಾಚರಣೆಯ ವೇಳೆ ಮಹಿಳೆಯೊಬ್ಬರು ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಪರಿಸ್ಥಿತಿಯನ್ನು ಮತ್ತಷ್ಟು ಗಂಭೀರಗೊಳಿಸಿದೆ. ಇದರಿಂದ ಕೆಲ ಕಾಲ ಆತಂಕದ ವಾತಾವರಣ ನಿರ್ಮಾಣವಾಯಿತು.
- [ಶಿರಸಿ | ಆತನ ಮನೆಯಲ್ಲಿ ಅವನಿಗೆ ಹಕ್ಕಿಲ್ಲ!](https://mobiletime.in/2026/08/sirsi-he-has-no-right-to-his-own-home/): ಕಲಗಾರವೊಡ್ಡುವಿನ ಮಂಜುನಾಥ ಭಟ್ಟರ ಮನೆಗೆ ನುಗ್ಗಿದ ಚಂದ್ರಶೇಖರ ಭಟ್ಟ ದಂಪತಿ ಆ ಮನೆಯಲ್ಲಿದ್ದ ವಿವಿಧ ವಸ್ತುಗಳನ್ನು ಅಪಹರಿಸಿದ್ದಾರೆ. ಚಂದ್ರಶೇಖರ ಭಟ್ಟ ಹಾಗೂ ನೇತ್ರಾವತಿ ಭಟ್ಟ ದಂಪತಿ ಸೇರಿ ಕಣ್ಣ ಮುಂದೆಯೇ ಮನೆ ಸಾಮಗ್ರಿ ಅಪಹರಿಸಿದರೂ ಅದನ್ನು ಮಂಜುನಾಥ ಭಟ್ಟ ಅವರಿಂದ ತಡೆಯಲು ಸಾಧ್ಯವಾಗಿಲ್ಲ. ಶಿರಸಿಯ ಮಂಜವಳ್ಳಿ ಬಳಿಯ ಕಲಗಾರುವಡ್ಡುವಿನ ಬಳಿ ಮಂಜುನಾಥ ಗಣಪತಿ ಭಟ್ಟ ಅವರು ವಾಸವಾಗಿದ್ದಾರೆ. ಕೃಷಿಕರಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಹಿಸೆ ಪಂಚಾಯತಿ ಮೂಲಕ ಅವರಿಗೆ ಮನೆಯೊಂದು ಸಿಕ್ಕಿದ್ದು, ಅಲ್ಲಿಯೇ ಅವರು ವಾಸವಾಗಿದ್ದಾರೆ. ಆದರೆ, ಅದೇ ಊರಿನ ಚಂದ್ರಶೇಖರ ಭಟ್ಟ ಹಾಗೂ ನೇತ್ರಾವತಿ ಭಟ್ಟ ದಂಪತಿ ಆ ಮನೆ ಬಗ್ಗೆ ತಕರಾರು ಸಲ್ಲಿಸುತ್ತಿದ್ದಾರೆ. ಅದಕ್ಕಾಗಿ ಮಂಜುನಾಥ ಭಟ್ಟ ಅವರು ನ್ಯಾಯಾಲಯದ ಮೊರೆ ಹೊಗಿ ತಡೆಯಾಜ್ಞೆ ತಂದಿದ್ದಾರೆ. ಮನೆ ವಿಷಯದಲ್ಲಿ ಹಸ್ತಕ್ಷೇಪ ಮಾಡದಂತೆ ನ್ಯಾಯಾಲಯ ಸೂಚನೆ ನೀಡಿದರೂ ಚಂದ್ರಶೇಖರ ಭಟ್ಟ ಅವರ ಉಪಟಳ ನಿಂತಿಲ್ಲ. ಅಗಸ್ಟ 28ರಂದು ಮಂಜುನಾಥ ಭಟ್ಟ ಅವರು ಮನೆಯಲ್ಲಿರಲಿಲ್ಲ. ಬೆಳಗ್ಗೆ ಒಂದು ತಾಸಿನ ಮಟ್ಟಿಗೆ ಅವರು ಹೊರಗೆ ಹೋಗಿದ್ದು, ಅದೇ ವೇಳೆಯಲ್ಲಿ ಚಂದ್ರಶೇಖರ ಭಟ್ಟ ಹಾಗೂ ನೇತ್ರಾವತಿ ಭಟ್ಟ ಅವರು ಮಂಜುನಾಥ ಭಟ್ಟ ಅವರ ಮನೆಗೆ ನುಗ್ಗಿದ್ದಾರೆ. ಮನೆಯ ಬೀಗ ಒಡೆದು ಅಲ್ಲಿದ್ದ ಸಾಮಗ್ರಿಗಳನ್ನು ಬೇರೆಡೆ ಸಾಗಿಸಿದ್ದಾರೆ. ಹಣವನ್ನು ಸೇರಿ 2.10 ಲಕ್ಷ ರೂ ಮೌಲ್ಯದ ಸಾಮಾನುಗಳನ್ನು ಅವರು ಅಲ್ಲಿಂದ ಅಪಹರಿಸಿದ್ದಾರೆ. ಹೊರಗೆ ಹೋಗಿದ್ದ ಮಂಜುನಾಥ ಭಟ್ಟ ಅವರು ಮನೆಗೆ ಮರಳುವಷ್ಟರಲ್ಲಿ ಮನೆಯೊಳಗಿದ್ದ ಸಾಮಗ್ರಿಗಳೆಲ್ಲವು ಖಾಲಿ ಖಾಲಿಯಾಗಿದ್ದು, ಅದನ್ನು ಚಂದ್ರಶೇಖರ ಭಟ್ಟ ಹಾಗೂ ನೇತ್ರಾವತಿ ಭಟ್ಟ ಅವರು ಬೇರೆಡೆ ಸಾಗಿಸುವುದನ್ನು ಅವರು ನೋಡಿದ್ದಾರೆ. ತಕ್ಷಣ ಅವರ ಬಳಿ ಹೋಗಿ ಈ ಬಗ್ಗೆ ಪ್ರಶ್ನಿಸಿದ್ದಾರೆ. ಆಗ, `ಈ ಮನೆ ನನ್ನದು’ ಎಂದು ಚಂದ್ರಶೇಖರ ಭಟ್ಟ ಅವರು ಬೊಬ್ಬೆ ಹೊಡೆದಿದ್ದಾರೆ. `ನಾನೇ ಬೀಗ ನಾನೇ ಒಡದದ್ದು’ ಎಂದು ಸಹ ಹೇಳಿದ್ದಾರೆ. ಕಣ್ಣ ಮುಂದೆಯೇ ಮನೆ ಸಾಮಗ್ರಿ ಅಪಹರಿಸಿದರೂ ಅದನ್ನು ಮಂಜುನಾಥ ಭಟ್ಟ ಅವರಿಂದ ತಡೆಯಲು ಸಾಧ್ಯವಾಗಿಲ್ಲ. ನ್ಯಾಯಾಲಯದ ತಡೆಯಾಜ್ಞೆಯಿದ್ದರೂ ಮನೆಗೆ ನುಗ್ಗಿ ಹಾನಿ ಮಾಡಿದ ಬಗ್ಗೆ ಮಂಜುನಾಥ ಭಟ್ಟ ಅವರು ಕಾನೂನು ಹೋರಾಟ ಶುರು ಮಾಡಿದ್ದಾರೆ. ತಿಂಗಳ ಹಿಂದೆಯೂ ಚಂದ್ರಶೇಖರ ಭಟ್ಟ ಅವರು ತಮ್ಮ ಮೇಲೆ ಹಲ್ಲೆ ನಡೆಸಿದ ಬಗ್ಗೆ ಅವರು ಪೊಲೀಸರಲ್ಲಿ ದೂರಿದ್ದಾರೆ. `ನ್ಯಾಯಾಲಯದ ಆದೇಶ ಪಾಲಿಸಿ’  
- [ದಾಂಡೇಲಿ | ಮೀಸೆ ಚಿಗುರದ ಹುಡುಗರಿಗೂ ಮಾದಕ ಮೋಹ!](https://mobiletime.in/2026/08/dandeli-even-beardless-boys-are-drawn-to-the-allure-of-narcotics/): `ಓದಿ ಸಾಧನೆ ಮಾಡು’ ಎಂದು ಅಪ್ಪ-ಅಮ್ಮ ದುಡ್ಡು ಕೊಟ್ಟು ಮಗನನ್ನು ಕಾಲೇಜಿಗೆ ಕಳುಹಿಸಿದ್ದು, ಕಾರ್ತಿಕ್ ಹಾಗೂ ಪ್ರಜ್ವಲ್ ಸೇರಿ ಆ ದುಡ್ಡನ್ನು ದುಶ್ಚಟಕ್ಕೆ ಬಳಸಿದ್ದಾರೆ. ಮೋಜು-ಮಸ್ತಿಗಾಗಿ ಅವರಿಬ್ಬರು ಮಾದಕ ವ್ಯಸನ ಸೇವಿಸಿ ಸಿಕ್ಕಿಬಿದ್ದಿದ್ದಾರೆ. ದಾಂಡೇಲಿ ಟೌನ್‌ಶಿಪ್’ನ ಕಾರ್ತಿಕ್ ಚಂದ್ರಶೇಖರ್ ಟಿ (20) ಹಾಗೂ ಅಂಬೇವಾಡಿಯ ಪ್ರಜ್ವಲ್ ಬಸವರಾಜ ಗೌಡ (18) ಅವರು ಆತ್ಮೀಯ ಸ್ನೇಹಿತರಾಗಿದ್ದು, ಅವರಿಬ್ಬರು ಒಟ್ಟಿಗೆ ಗಾಂಜಾ ಹೊಡೆದಿದ್ದಾರೆ. ಮಾರುತಿ ನಗರದ ಅಂಬೇಡ್ಕರ್ ಶಾಲೆಯ ಬಳಿ ಅಮಲಿನಲ್ಲಿದ್ದ ಅವರಿಬ್ಬರನ್ನು ಪೊಲೀಸರು ಹಿಡಿದು ನಶೆ ಇಳಿಸಿದ್ದಾರೆ. ಗಾಂಜಾ ಸೇವನೆ ಮಾಡಿರುವುದನ್ನು ಅವರಿಬ್ಬರು ಒಪ್ಪಿಕೊಂಡಿದ್ದು, `ಮಾದಕ ವ್ಯಸನಗಳಿಂದ ವಿದ್ಯಾರ್ಥಿಗಳು ಹಾಳಾಗಬಾರದು’ ಎಂದು ಅರಿವು ಮೂಡಿಸುವುದಕ್ಕಾಗಿ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಅಗಸ್ಟ 20ರಂದು ದಾಂಡೇಲಿ ಪಿಸೈ ಕಿರಣ ಪಾಟೀಲ್ ಅವರು ತಮ್ಮ ಜೀಪಿನಲ್ಲಿ ಸಂಚರಿಸುತ್ತಿದ್ದರು. ಪೊಲೀಸ್ ಸಿಬ್ಬಂದಿ ಬಸವರಾಜ ತೆಲಸಂಗ, ಕೃಷ್ಣಪ್ಪ ಬೆಳವರಿ ಅವರು ಆ ಜೀಪಿನಲ್ಲಿದ್ದರು. ಆ ಜೀಪನ್ನು ಸುನೀಲ್ ಅವರು ಚಲಾಯಿಸುತ್ತಿದ್ದು, ಎಲ್ಲರೂ ಸೇರಿ ಮಾರುತಿ ನಗರದ ಅಂಬೇಡ್ಕರ್ ಶಾಲೆಯ ಬಳಿ ಹೋಗಿದ್ದರು. ಅಲ್ಲಿ ಕಾರ್ತಿಕ್ ಹಾಗೂ ಪ್ರಜ್ವಲ್ ಅಮಲಿನಲ್ಲಿ ತೇಲಾಡುತ್ತಿರುವುದನ್ನು ಪೊಲೀಸರು ನೋಡಿದರು. ಅವರಿಬ್ಬರು ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಸರಿಯಾಗಿ ನಿಲ್ಲಲು ಸಹ ಆಗುತ್ತಿರಲಿಲ್ಲ. ಪ್ರಶ್ನಿಸಿದಾಗ ಗಾಂಜಾ ಸೇವನೆ ಮಾಡಿದ ಬಗ್ಗೆ ಒಪ್ಪಿಕೊಂಡಿದ್ದು, ಕೂಡಲೇ ಅವರಿಬ್ಬರನ್ನು ವಶಕ್ಕೆಪಡೆದು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದರು. ವೈದ್ಯಕೀಯ ವರದಿಯಲ್ಲಿ ಸಹ ಅವರಿಬ್ಬರು ಮಾದಕ ವ್ಯಸನ ಸೇವಿಸಿದ್ದು ದೃಢವಾಯಿತು. ಈ ಹಿನ್ನಲೆ ಅವರಿಬ್ಬರ ವಿರುದ್ಧವೂ ಪೊಲೀಸರು ಕೇಸು ದಾಖಲಿಸಿದರು. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ಪೊಲೀಸ್ ಪ್ರಕಟಣೆ: ರೀಲ್ಸ್ ಮಾಡಿ.. ಬಹುಮಾನ ಗೆಲ್ಲಿ!](https://mobiletime.in/2026/08/police-announcement-make-reels-win-a-prize/): ಸೈಬರ್ ವಂಚನೆ, ಸಂಚಾರಿ ನಿಯಮ ಪಾಲನೆ ಹಾಗೂ ಮಾದಕ ವಸ್ತುಗಳ ವಿರುದ್ಧ ಜಾಗೃತಿ ಕುರಿತು ಜನರಲ್ಲಿ ಅರಿವು ಮೂಡಿಸುವುದಕ್ಕಾಗಿ ಪೊಲೀಸರು ಸ್ಪರ್ಧೆಯೊಂದನ್ನು ಆಯೋಜಿಸಿದ್ದಾರೆ. ಈ ಮೂರು ವಿಷಯಗಳ ಕುರಿತು ರೀಲ್ಸ್ ಮಾಡಿ, ಅದನ್ನು ಕಳುಹಿಸಿದವರಿಗೆ ಪಾರಿತೋಷಕ ನೀಡುವುದಾಗಿ ಘೋಷಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈಚೆಗೆ ಸೈಬರ್ ಅಪರಾಧ ಪ್ರಮಾಣ ಹೆಚ್ಚಾಗಿದೆ. ಮಾದಕ ವ್ಯಸನಗಳ ವಿರುದ್ಧ ಪೊಲೀಸರು ಆಂದೋಲನ ನಡೆಸುತ್ತಿದ್ದಾರೆ. ಇದರೊಂದಿಗೆ ಸಂಚಾರ ದಟ್ಟಣೆ ಸಮಸ್ಯೆ ಬಗೆಹರಿಸುವುದು ಸವಾಲಾಗಿ ಪರಿಣಮಿಸಿದೆ. ಈ ಎಲ್ಲಾ ಹಿನ್ನಲೆ ಈ ಮೂರು ವಿಷಯಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವುದಕ್ಕಾಗಿ ವಿಡಿಯೋ ಸಂದೇಶ ರವಾನೆಗೆ ಪೊಲೀಸ್ ಇಲಾಖೆ ಮುಂದಾಗಿದೆ. ಆ ಹಿನ್ನಲೆ ಕ್ರಿಯಾತ್ಮಕವಾಗಿ ರೀಲ್ಸ್ ಮಾಡುವವರಿಗಾಗಿ ವಿಶೇಷ ಆಹ್ವಾನ ನೀಡಲಾಗಿದ್ದು, ಪ್ರತಿಯೊಬ್ಬರಲ್ಲಿ ಅಡಗಿದ ಪ್ರತಿಭೆಗಳಿಗೆ ಪ್ರೋತ್ಸಾಹ ನೀಡಲು ಈ ಸ್ಪರ್ಧೆ ಆಯೋಜಿಸಲಾಗಿದೆ. ಪ್ರತಿಯೊಬ್ಬರು ಈ ಮೂರು ವಿಷಯಗಳ ಬಗ್ಗೆಯೂ ಪ್ರತ್ಯೇಕವಾಗಿ ವಿಡಿಯೋ ಮಾಡಬಹುದಾಗಿದೆ. ವಿಡಿಯೋಗಳು 90 ಸೆಕೆಂಡ್ ಒಳಗಿರಬೇಕು. ಗುಣಮಟ್ಟದಿಂದ ಕೂಡಿರಬೇಕು ಎಂಬ ಸೂಚನೆಯಿದೆ. ಕನ್ನಡ ಅಥವಾ ಇಂಗ್ಲಿಷ್ ಭಾಷೆಯಲ್ಲಿ ವಿಡಿಯೋ ಸಿದ್ಧಪಡಿಸಬೇಕು. ವಿಡಿಯೋ ಸ್ವಂತದ್ದಾಗಿರಬೇಕು. ಯಾವುದೇ ಬಗೆಯ ಅಶ್ಲೀಲ, ಅವಹೇಳನಕಾರಿ ಹಾಗೂ ಬೇರೆಯವರ ರಾಜಕೀಯ-ಧಾರ್ಮಿಕ ಭಾವನೆಗೆ ಧಕ್ಕೆ ಬರುವ ಹಾಗಿರಬಾರದು ಎಂಬ ನಿಯಮಗಳಿವೆ. ಸ್ಪರ್ಧಿಗಳು ತಮ್ಮ ವಿಡಿಯೋಗಳನ್ನು Facebook Instagram & Youtube ಮೂಲಕ ಪ್ರಕಟಿಸಬೇಕು. ಪ್ರಸಾರ ಮಾಡಿದ ವಿಡಿಯೋಗೆ ಎಂಬ ಹ್ಯಾಶ್‌ಟ್ಯಾಗ್ ಬಳಸಬೇಕು. ಜೊತೆಗೆ #uttara kannada district police ಅನ್ನು ಟ್ಯಾಗ್ ಮಾಡಬೇಕು. ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ ವಿಡಿಯೋ ಲಿಂಕ್ ಅಥವಾ ಮಾಹಿತಿಯನ್ನು ಜಿಲ್ಲಾ ಸೋಶಿಯಲ್ ಮೀಡಿಯಾ ಸೆಲ್‌ನ 8277988311 ಮೊಬೈಲ್ ಸಂಖ್ಯೆಗೆ ಕಳುಹಿಸಬೇಕು. ಸೆಪ್ಟೆಂಬರ್ 20, 2026 ಸ್ಪರ್ಧೆಗೆ ವಿಡಿಯೋ ಸಲ್ಲಿಸಲು ಕೊನೆ ದಿನ. ವಿಡಿಯೋಗಳ ಮೌಲ್ಯಮಾಪನದಲ್ಲಿ ಸಾಮಾಜಿಕ ಜಾಗೃತಿ ಹಾಗೂ ಸಂದೇಶ, ವಿಷಯದ ಪ್ರಸ್ತುತತೆ ಮತ್ತು ಪ್ರಭಾವ, ಸೃಜನಶೀಲತೆ ಹಾಗೂ ಕಥಾವಸ್ತು, ವಿಡಿಯೋ ಗುಣಮಟ್ಟ ಮತ್ತು ಪ್ರಸ್ತುತಿ ಹಾಗೂ ಸಾರ್ವಜನಿಕ ಸ್ಪಂದನೆಗೆ ತಲಾ 20 ಅಂಕಗಳoತೆ ಒಟ್ಟು 100 ಅಂಕಗಳನ್ನು ನಿಗದಿಪಡಿಸಲಾಗಿದೆ. ಅತ್ಯುತ್ತಮ ವಿಡಿಯೋಗಳಿಗೆ ಪ್ರಶಸ್ತಿ ಫಲಕ ಹಾಗೂ ಪ್ರಶಸ್ತಿ ಪತ್ರ ನೀಡಲಾಗುತ್ತದೆ. ಆಯ್ಕೆಯಾಗುವ ಅತ್ಯುತ್ತಮ ವಿಡಿಯೋಗಳನ್ನು ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ಇಲಾಖೆಯ ಅಧಿಕೃತ ಸಾಮಾಜಿಕ ಜಾಲತಾಣಗಳಲ್ಲಿಯೂ ಪ್ರಕಟಿಸಲಾಗುತ್ತದೆ.
- [ಕುಮಟಾ | ಸ್ನೇಹಿತರ ಜೊತೆ ಹೋದವ ಶವವಾದ!](https://mobiletime.in/2026/08/kumta-man-who-went-out-with-friends-returns-as-a-corpse/): ಸ್ನೇಹಿತರ ಜೊತೆ ಈಜಲು ಹೋಗಿದ್ದ ಪ್ರಶಾಂತ ಮುಕ್ರಿ ಅವರು ಕೆರೆಯಲ್ಲಿ ಮುಳುಗಿ ಸಾವನಪ್ಪಿದ್ದಾರೆ. ಕೆರೆಯಿಂದ ಮೇಲೆ ಬರಲಾಗದೇ ಸಮಸ್ಯೆ ಅನುಭವಿಸಿದ ಅವರು ಅಲ್ಲಿಯೇ ಶವವಾಗಿದ್ದಾರೆ. ಕುಮಟಾ ಹೆಗಡೆಕೇರಿಯ ಗುನಗಕೇರಿಯಲ್ಲಿ ಪ್ರಶಾಂತ ಕೇಶವ ಮುಕ್ರಿ ಅವರು ವಾಸವಾಗಿದ್ದರು. 18 ವರ್ಷದ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದು, ಭಾನುವಾರ ಸ್ನೇಹಿತರ ಜೊತೆ ಈಜಲು ಹೋಗಿದ್ದರು. ವಾಲಗಳ್ಳಿ ಸಮೀಪದ ಜಡ್ಡಿಕೆರೆಯಲ್ಲಿ ಈಜುತ್ತಿದ್ದ ಅವರು ನೀರಿನ ಆಳಕ್ಕೆ ತಲುಪಿದರು. ಅಲ್ಲಿಂದ ಮೇಲೆ ಬರಲಾಗದೇ ಕೊನೆಯುಸಿರೆಳೆದರು. ಜೊತೆಗಿದ್ದ ಸ್ನೇಹಿತರು ಪ್ರಶಾಂತ ಮುಕ್ರಿ ಅವರನ್ನು ಬದುಕಿಸುವ ಪ್ರಯತ್ನ ಮಾಡಿದರು. ಆದರೆ, ನೀರಿನಿಂದ ಅವರನ್ನು ಜೀವಂತವಾಗಿ ಹೊರ ತೆಗೆಯಲು ಸ್ನೇಹಿತರ ಬಳಿಯೂ ಸಾಧ್ಯವಾಗಲಿಲ್ಲ. ನೀರಿನ ಆಳ ಹಾಗೂ ಸೆಳೆತದ ಅರಿವಿಲ್ಲದೇ ಮುನ್ನುಗ್ಗಿದ ಪರಿಣಾಮ ಪ್ರಶಾಂತ ಮುಕ್ರಿ ಅವರು ಜೀವ ಕಳೆದುಕೊಂಡರು. ಪ್ರಶಾಂತ ಮುಕ್ರಿ ಅವರು ನೀರಿನಲ್ಲಿ ನಾಪತ್ತೆಯಾದ ತಕ್ಷಣ ಶೋಧ ಕಾರ್ಯ ನಡೆಸಿದರೂ ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಅಗ್ನಿಶಾಮಕ ಸಿಬ್ಬಂದಿ ಹಾಗೂ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಹುಡುಕಾಟ ನಡೆಸಿದರು. ಶೋಧ ಕಾರ್ಯದ ಕುರಿತಾಗಿ ಸ್ಥಳೀಯರು ಹಾಗೂ ಅಧಿಕಾರಿಗಳ ನಡುವೆ ಮಾತಿನ ಚಕಾಮಕಿ ನಡೆದಿದ್ದು, ಈ ವೇಳೆ ಅಲ್ಲಿದ್ದ ಪಿಸೈ ಖಾದರ್ ಭಾಷಾ ಅವರು ತಾವೇ ಕೆರೆಗೆ ಹಾರಿ ಶವ ಶೋಧ ಶುರು ಮಾಡಿದರು. ಅದಾದ ನಂತರ ಕಾರ್ಯಾಚರಣೆ ಇನ್ನಷ್ಟು ವೇಗಪಡೆದಿದ್ದು, ತಾಸುಗಳ ನಂತರ ಪ್ರಶಾಂತ ಮುಕ್ರಿ ಅವರ ಶವ ಸಿಕ್ಕಿತು. `ಅಪಾಯಕಾರಿ ಸ್ಥಳಗಳಿಗೆ ಹೋಗಬೇಡಿ’
- [ಸಿದ್ದಾಪುರ | ನಾಮದಾರಿ ಸಮುದಾಯಕ್ಕೆ ಸಿಹಿ ಸುದ್ದಿ!](https://mobiletime.in/2026/08/siddapura-good-news-for-the-namadhari-community/): 2006ರಲ್ಲಿ ಸಿದ್ದಾಪುರದ ಹೊಸೂರಿನಲ್ಲಿ ಶಿಲಾನ್ಯಾಸಗೊಂಡಿದ್ದ ನಾಮದಾರಿ ಸಮಾಜದ ಸಮುದಾಯ ಭವನ ಇನ್ನಷ್ಟು ವಿಸ್ತಾರವಾಗುತ್ತಿದೆ. ಮಾಜಿ ಮುಖ್ಯಮಂತ್ರಿ ಎಸ್ ಬಂಗಾರಪ್ಪ ಅವರು ಶಿಲಾನ್ಯಾಸ ಮಾಡಿದ್ದ ಈ ಸಮುದಾಯ ಭವನದ ಮುಂದುವರೆದ ಕಾಮಗಾರಿಗೆ ಶಿರಸಿ-ಸಿದ್ದಾಪುರ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಅವರು ಚಾಲನೆ ನೀಡಿದ್ದಾರೆ. ಈ ವೇಳೆ ಮಾತನಾಡಿದ ಅವರು `ನನ್ನ ರಾಜಕೀಯ ಗುರುಗಳಾದ ಬಂಗಾರಪ್ಪ ಅವರಿಂದ ರೂಪಿತವಾಗಿದ್ದ ಸಮುದಾಯ ಭವನವನ್ನು ಪೂರ್ಣಗೊಳಿಸುವ ಯೋಗ ನನಗೆ ಬಂದಿದ್ದು ಸೌಭಾಗ್ಯ’ ಎಂದು ಹೇಳಿದ್ದಾರೆ. ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಹಾಗೂ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ ಸಂಯುಕ್ತ ಆಶ್ರಯದಲ್ಲಿ ಸಿದ್ದಾಪುರ ತಾಲೂಕು ನಾಮಧಾರಿ ಸಮಾಜ ಅಭಿವೃದ್ಧಿ ಸಂಘದ ಸಮುದಾಯ ಭವನದ ಮುಂದುವರಿದ ಕಾಮಗಾರಿಗೆ ಭಾನುವಾರ ಭೀಮಣ್ಣ ನಾಯ್ಕ ಅವರು ಚಾಲನೆ ನೀಡಿದ್ದಾರೆ. `ಕ್ಷೇತ್ರದ ಪ್ರತಿಯೊಂದು ಸಮಾಜದ ಅಭಿವೃದ್ಧಿ ಮತ್ತು ಮೂಲಸೌಕರ್ಯಗಳ ಬಲವರ್ಧನೆಗೆ ಶ್ರಮಿಸುವುದು ನಮ್ಮ ಮೊದಲ ಆದ್ಯತೆಯಾಗಿದೆ. ಹಲವು ವರ್ಷಗಳಿಂದ ಕುಂಠಿತಗೊAಡಿದ್ದ ಸಮುದಾಯ ಭವನದ ನಿರ್ಮಾಣ ಕಾಮಗಾರಿ ಇದೀಗ ಕೊನೆಯ ಹಂತ ತಲುಪಿದೆ. ಸಮಾಜದ ಮುಖಂಡರು ಕೋರಿದಂತೆ 1.50 ಕೋಟಿ ರೂ. ಅನುದಾನ ನೀಡುವುದಾಗಿ ಭರವಸೆ ನೀಡಿದ್ದು, ಈಗಾಗಲೇ 1 ಕೋಟಿ ರೂ ಬಿಡುಗಡೆಯಾಗಿದೆ. ಬಾಕಿ ಉಳಿದ 50 ಲಕ್ಷ ರೂಪಾಯಿಗಳನ್ನು ಶೀಘ್ರವೇ ಬಿಡುಗಡೆ ಮಾಡಲಾಗುತ್ತದೆ’ ಎಂದವರು ಭರವಸೆ ನೀಡಿದ್ದಾರೆ. `ಕ್ಷೇತ್ರದ ಶಾಸಕನಾದ ನಂತರ ಸರ್ವ ಸಮುದಾಯಗಳ ಹಿತ ಬಯಸಿ ಅನುದಾನ ಒದಗಿಸುತ್ತಿದ್ದು, ಎಲ್ಲ ಸಮಾಜಗಳನ್ನು ವಿಶ್ವಾಸಕ್ಕೆ ತೆಗೆದುಕೊಂಡಿದ್ದೇನೆ’ ಎಂದು ಸಹ ಅವರು ಈ ವೇಳೆ ಹೇಳಿದ್ದಾರೆ. `ಈ ಸಮುದಾಯ ಭವನವು ಶೀಘ್ರವೇ ಲೋಕಾರ್ಪಣೆಗೊಂಡು ಸಮಾಜದ ಸಾಂಸ್ಕೃತಿಕ, ಶೈಕ್ಷಣಿಕ ಹಾಗೂ ಸಾಮಾಜಿಕ ಚಟುವಟಿಕೆಗಳನ್ನು ಒಗ್ಗೂಡಿಸಿ ನಡೆಸಲು ಉತ್ತಮ ವೇದಿಕೆಯಾಗಲಿ’ ಎಂದವರು ಶುಭ ಹಾರೈಸಿದ್ದು, ಸಾರ್ವಜನಿಕರ ಶ್ರೇಯೋಭಿವೃದ್ಧಿಗೆ ಅಗತ್ಯವಿರುವ ಅಭಿವೃದ್ಧಿ ಯೋಜನೆಗಳಿಗೆ ಮುಂದಿನ ದಿನಗಳಲ್ಲೂ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ. ಸಮಾಜದ ಪ್ರತಿಯೊಂದು ಸಮುದಾಯದ ಏಳ್ಗೆಗೆ ಕೇವಲ ಮುಖಂಡರಷ್ಟೇ ಅಲ್ಲದೆ ಪ್ರತಿಯೊಬ್ಬರೂ ಕೈಜೋಡಿಸಿದಾಗ ಮಾತ್ರ ಸರ್ವತೋಮುಖ ಬೆಳವಣಿಗೆ ಸಾಧ್ಯ’ ಎಂದು ಕರೆ ನೀಡಿದ್ದಾರೆ. ಪ್ರಾಸ್ತಾವಿಕವಾಗಿ ಮಾತನಾಡಿದ ತಾಲೂಕು ನಾಮಧಾರಿ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಕೆ ಜಿ ನಾಯ್ಕ ಹಣಜಿಬೈಲ್ ಅವರು `ಸಮುದಾಯ ಭವನ ನಿರ್ಮಾಣಕ್ಕೆ ಸರ್ಕಾರ ಹಾಗೂ ಶಾಸಕ, ಸಂಸದರ ನಿಧಿಯಿಂದ 2.38 ಕೋಟಿ ರೂ ಮತ್ತು ನಾಮಧಾರಿ ಸಮಾಜದ ಜೊತೆಗೆ ವಿವಿಧ ಸಮುದಾಯಗಳಿಂದ 80 ಲಕ್ಷ ರೂ ಸೇರಿ ಇದುವರೆಗೆ ಒಟ್ಟು 3.18 ಕೋಟಿ ರೂ ವೆಚ್ಚವಾಗಿದೆ. ಕಟ್ಟಡದ ಸಂಪೂರ್ಣ ಸಿದ್ಧತೆಗೆ ಅಂದಾಜು 5 ಕೋಟಿ ರೂ ವೆಚ್ಚವಾಗಲಿದ್ದು, ಬರುವ ಮಾರ್ಚ್-ಏಪ್ರಿಲ್ ಒಳಗಾಗಿ ಭವನವನ್ನು ಲೋಕಾರ್ಪಣೆಗೊಳಿಸಲಾಗುತ್ತದೆ’ ಎಂಬ ಮಾಹಿತಿ ನೀಡಿದರು. ವೇದಿಕೆಯಲ್ಲಿ ಸಂಘದ ಗೌರವಾಧ್ಯಕ್ಷ ಆನಂದ ನಾಯ್ಕ, ಉಪಾಧ್ಯಕ್ಷರಾದ ಕೆ ಜಿ. ನಾಗರಾಜ, ವಿ ಎನ್ ನಾಯ್ಕ, ಕಾರ್ಯದರ್ಶಿ ಎಸ್ ಎಂ ನಾಯ್ಕ ಹಾಗೂ ನಿರ್ಮಿತಿ ಕೇಂದ್ರದ ಯೋಜನಾ ವ್ಯವಸ್ಥಾಪಕ ಕುಮಾರ ಶೆಟ್ಟಿ ಉಪಸ್ಥಿತರಿದ್ದರು. ಶೈಲಾ ನಾಯ್ಕ ಹಾಗೂ ಸುಧೀರ್ ಬೆಂಗ್ರೆ ಪ್ರಾರ್ಥಿಸಿದರು. ಉಪಾಧ್ಯಕ್ಷ ಕೆ ಜಿ ನಾಗರಾಜ ಸ್ವಾಗತಿಸಿದರು. ನಾಗರಾಜ ನಾಯ್ಕ ಬೇಡ್ಕಣಿ ಕಾರ್ಯಕ್ರಮ ನಿರೂಪಿಸಿದ್ದು, ಸಂಘದ ಉಪಾಧ್ಯಕ್ಷ ವಿ ಎನ್ ನಾಯ್ಕ ಬೇಡ್ಕಣಿ ವಂದಿಸಿದರು.
- [ಅಂಕೋಲಾ | ಉಂಡು ಹೋದ.. ಕೊಂಡು ಹೋದ!](https://mobiletime.in/2026/08/ankola-gone-gone/): ವಂದಿಗೆಯ ಹೊನ್ನಪ್ಪ ನಾಯಕ ಅವರ ಮನೆಗೆ ನೆಂಟರು ಬಂದಿದ್ದು, ಅಪರೂಪಕ್ಕೆ ಬಂದ ಸಂಬoಧಿಕರಿಗೆ ಕುಟುಂಬದವರು ಹೊಟ್ಟೆತುಂಬ ಊಟ ಹಾಕಿದ್ದಾರೆ. ಹೊನ್ನಪ್ಪ ನಾಯಕ ಅವರ ಮನೆಯ ಆತಿಥ್ಯ ಸ್ವೀಕರಿಸಿದ ಸಂಬoಧಿಕರು ಆ ಮನೆಯಲ್ಲಿದ್ದ ಒಡವೆ ಕದ್ದು ಪರಾರಿಯಾಗಿದ್ದಾರೆ! ಅಂಕೋಲಾದ ವಂದಿಗೆಯಲ್ಲಿ ಹೊನ್ನಪ್ಪಾ ಬೊಮ್ಮಯ್ಯ ನಾಯಕ ಅವರು ವಾಸವಾಗಿದ್ದಾರೆ. 77 ವರ್ಷದ ಅವರು ಕೃಷಿ ಕೆಲಸ ಮಾಡಿಕೊಂಡಿದ್ದು, 8 ವರ್ಷದ ಹಿಂದೆ ತಮ್ಮ ಮಗನಿಗೆ ಮದುವೆ ಮಾಡಿದ್ದಾರೆ. ಹೊನ್ನಪ್ಪ ನಾಯಕ ಅವರ ಮಗ-ಸೊಸೆ ಉಡುಪಿಯಲ್ಲಿ ವಾಸವಾಗಿದ್ದು, ಆಗಾಗ ಊರಿಗೆ ಬರುತ್ತಾರೆ. ಮೇ 11ರಂದು ಪಕ್ಕದಮನೆಯಲ್ಲಿ ಗೃಹಪ್ರವೇಶವಿದ್ದ ಕಾರಣ ಹೊನ್ನಪ್ಪ ನಾಯಕ ಅವರ ಸೊಸೆ ಶ್ರೀದೇವಿ ಅವರು ಊರಿಗೆ ಬಂದಿದ್ದರು. ಮೈತುಂಬ ಒಡವೆ ಧರಿಸಿ ಬಂದಿದ್ದ ಅವರು ಗೃಹಪ್ರವೇಶ ಮುಗಿದ ನಂತರ ಆ ಒಡವೆಗಳನ್ನು ಮನೆಯಲ್ಲಿದ್ದ ಕಪಾಟಿನಲ್ಲಿರಿಸಿದ್ದರು. ಅದಾದ ನಂತರ ಅವರು ಮತ್ತೆ ಉಡುಪಿಗೆ ಹೋಗಿದ್ದರು. ಶ್ರೀದೇವಿ ಅವರು ಉಡುಪಿಗೆ ಹೋದ ನಂತರ ಶ್ರೀದೇವಿ ಅವರ ತಂಗಿ ಎಚ್ ಪ್ರಭಾವತಿ ಹಾಗೂ ಆಕೆಯ ಪತಿ ರಾಘವೇಂದ್ರ ಅವರು ಹೊನ್ನಪ್ಪ ನಾಯಕ ಅವರ ಮನೆಗೆ ಆಗಮಿಸಿದ್ದರು. ಶ್ರೀದೇವಿ ಅವರ ಸ್ನೇಹಿತೆ ವಿನ್ನಿಭಾಯಿ ಅವರು ಸಹ ಜೊತೆಯಿದ್ದರು. ಈ ಮೂವರು ಹೊನ್ನಪ್ಪ ನಾಯಕ ಅವರ ಮನೆಯಲ್ಲಿಯೇ ಉಳಿದು ಆತಿಥ್ಯ ಸ್ವೀಕರಿಸಿದ್ದರು. ಅದಾಗಿ ಕೆಲ ದಿನದ ನಂತರ ಶ್ರೀದೇವಿ ಅವರು ಅಂಕೋಲಾಗೆ ಆಗಮಿಸಿ, ವಾರಗಳ ಕಾಲ ಇಲ್ಲಿಯೇ ಇದ್ದರು. ಮತ್ತೆ ಉಡುಪಿಗೆ ಮರಳುವಾಗ ಕಪಾಟಿನಲ್ಲಿದ್ದ ಒಡವೆ ತೆಗೆದುಕೊಂಡು ಹೋಗಲು ನಿರ್ಧರಿಸಿದ್ದರು. ಆದರೆ, ಕಪಾಟು ತೆಗೆದು ನೋಡಿದಾಗ ಅಲ್ಲಿ ಆಭರಣಗಳು ಕಾಣಲಿಲ್ಲ. ಮೂರು ಚೈನು, ಎರಡು ಬಳೆ, ಒಂದು ಉಂಗುರ, ಬ್ರೇಸ್‌ಲೈಟ್, ಕಿವಿಯೋಲೆ ಸೇರಿ ಚಿನ್ನದ ಆಭರಣಗಳು ಕಾಣೆಯಾಗಿದ್ದರು. 4.5 ಲಕ್ಷ ರೂ ಮೌಲ್ಯದ ಚಿನ್ನ ಅಲ್ಲಿಂದ ನಾಪತ್ತೆಯಾಗಿರುವ ಬಗ್ಗೆ ಶ್ರೀದೇವಿ ಅವರು ತಮ್ಮ ಮಾವ ಹೊನ್ನಪ್ಪ ನಾಯಕ ಅವರ ಬಳಿ ಹೇಳಿದರು. ಆಘಾತಗೊಂಡ ಹೊನ್ನಪ್ಪ ನಾಯಕ ಅವರು ಈ ಎಲ್ಲಾ ಒಡೆವೆಯನ್ನು ಉಡುಪಿಯಿಂದ ಬಂದಿದ್ದ ರಾಘವೇಂದ್ರ ಬಿ ಅವರೇ ಕದ್ದಿರುವ ಬಗ್ಗೆ ಅನುಮಾನವ್ಯಕ್ತಪಡಿಸಿದರು. ಕಾಣೆಯಾದ ಒಡವೆ ಹುಡುಕಿಕೊಡುವಂತೆ ಅವರು ಅಂಕೋಲಾ ಪೊಲೀಸರಲ್ಲಿ ದೂರು ನೀಡಿದ್ದು, ಪೊಲೀಸರು ಹುಡುಕಾಟ ಶುರು ಮಾಡಿದ್ದಾರೆ.
- [ಕಾರವಾರ | ಹ್ಯಾಂಡಲ್ ಲಾಕ್ ಮಾಡಿದ ಬೈಕ್ ಕಾಣೆ!](https://mobiletime.in/2026/08/karwar-bike-with-locked-handlebars-goes-missing/): ಬ್ರಾಹ್ಮಣಗಲ್ಲಿ ರಸ್ತೆ ಅಂಚಿನಲ್ಲಿ ವಿನಾಯಕ ನಾಯ್ಕ ಅವರು ಹ್ಯಾಂಡಲ್ ಲಾಕ್ ಮಾಡಿ ನಿಲ್ಲಿಸಿದ್ದ ಬೈಕನ್ನು ಕಳ್ಳರು ಕದ್ದಿದ್ದಾರೆ. ಎಲ್ಲಾ ಕಡೆ ಹುಡುಕಿದರೂ ಬೈಕ್ ಸಿಗದ ಕಾರಣ ಅವರು ಪೊಲೀಸರ ಸಹಾಯ ಕೇಳಿದ್ದಾರೆ. ಕುಮಟಾದ ನೆಲ್ಲಿಕೇರಿ ಬಳಿಯ ಕೊಪ್ಪಳಕರವಾಡದಲ್ಲಿ ವಿನಾಯಕ ಮಹಾದೇವ ನಾಯ್ಕ ಅವರು ವಾಸವಾಗಿದ್ದಾರೆ. ಸರ್ಕಾರಿ ನೌಕರರಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಕಾರವಾರದಲ್ಲಿ ಓಡಾಡಲು ಅವರು ಪ್ಯಾಶನ್ ಪ್ರೋ ಬೈಕು ಹೊಂದಿದ್ದು, ಅದೇ ಬೈಕು ಇದೀಗ ಕಳ್ಳರ ಪಾಲಾಗಿದೆ. ಅಗಸ್ಟ 19ರ ಸಂಜೆಯವರಗೂ ವಿನಾಯಕ ನಾಯ್ಕ ಅವರ ಬಳಿಯಿದ್ದ ಆ ಬೈಕು ನಂತರ ಕಳ್ಳರ ಸ್ವತ್ತಾಗಿದೆ. ಅಗಸ್ಟ 19ರಂದು ಸಂಜೆ 7 ಗಂಟೆಯ ಸುಮಾರಿಗೆ ವಿನಾಯಕ ನಾಯ್ಕ ಅವರು ಕಾರವಾರ ಬಸ್ ನಿಲ್ದಾಣದ ಬಳಿ ಬಂದಿದ್ದಾರೆ. ಬ್ರಾಹ್ಮಣಗಲ್ಲಿಗೆ ಹೋಗುವ ರಸ್ತೆ ಅಂಚಿನಲ್ಲಿ ಅವರು ತಮ್ಮ ಬೈಕ್ ನಿಲ್ಲಿಸಿದ್ದಾರೆ. ಮರುದಿನ ಬೆಳಗ್ಗೆ 9.30ಕ್ಕೆ ಅಲ್ಲಿ ಹೋಗಿ ನೋಡಿದಾಗ ಅವರ ಬೈಕ್ ಕಾಣಿಸಿಲ್ಲ. ಈ ಬಗ್ಗೆ ಅವರು ಹುಡುಕಾಟ ನಡೆಸಿ, ಅಲ್ಲಿ – ಇಲ್ಲಿ ವಿಚಾರಿಸಿದ್ದಾರೆ. ಗೊತ್ತಿಲ್ಲದೇ ಯಾರಾದರೂ ಕೊಂಡೊಯ್ದಿರಬಹುದು ಎಂದು ಅವರು ಕಾದಿದ್ದಾರೆ. ಆದರೆ, ಎಲ್ಲಿಯೂ ಬೈಕ್ ಸಿಗದ ಕಾರಣ ಪೊಲೀಸ್ ದೂರು ನೀಡಿದ್ದಾರೆ. ಹ್ಯಾಂಡಲ್ ಲಾಕ್ ಮಾಡಿದ ಬೈಕನ್ನು ಕಳ್ಳರು ದೋಚಿದ್ದು, ಅದನ್ನು ಹುಡುಕಿ ಕೊಡುವಂತೆ ಮನವಿ ಮಾಡಿದ್ದಾರೆ.
- [ಶಿರಸಿ | ಬಸ್ಸಿಗೆ ಗುದ್ದಿದ ಬುಲೆರೋ!](https://mobiletime.in/2026/08/sirsi-bolero-rams-into-bus/): ಕಾಗೇರಿ ಬಳಿ ಬಸ್ಸು ಹಾಗೂ ಬುಲೆರೋ ನಡುವೆ ಡಿಕ್ಕಿಯಾಗಿದೆ. ಈ ಅಪಘಾತದಲ್ಲಿ ಬುಲೇರೋ ನುಜ್ಜು ನೂರಾಗಿದ್ದು, ಬಸ್ಸಿನಲ್ಲಿದ್ದ ಅನೇಕರಿಗೆ ಗಾಯಗಳಾಗಿವೆ. ಶಿರಸಿ ತಾಲೂಕಿನ ಕಾಗೇರಿ ಸಮೀಪ ಶನಿವಾರ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಬಸ್ ಹಾಗೂ ಬುಲೆರೋ ವಾಹನ ಮುಖಾಮುಖಿ ಡಿಕ್ಕಿ ಹೊಡೆದಿದೆ. ಈ ಅಪಘಾತದಲ್ಲಿ ಬುಲೆರೋ ಚಾಲಕ ಗಂಭೀರವಾಗಿ ಗಾಯಗೊಂಡಿದ್ದು, ಬಸ್‌ನಲ್ಲಿದ್ದ ಕೆಲ ಪ್ರಯಾಣಿಕರಿಗೆ ಅಲ್ಲಲ್ಲಿ ಗಾಯವಾಗಿದೆ. ಕೆಂಚಗದ್ದೆಯಿoದ ಶಿರಸಿ ಕಡೆ ಸಾಗುತ್ತಿದ್ದ ಬರೂರು-ಕೆಂಚಗದ್ದೆ ಬಸ್ ಹಾಗೂ ಬರೂರು ಕಡೆಗೆ ತೆರಳುತ್ತಿದ್ದ ಬುಲೆರೋ ವಾಹನ ನಡುವೆ ಈ ಅವಘಡ ನಡೆದಿದೆ. ಕಾಗೇರಿ ಸಮೀಪದ ತಿರುವಿನಲ್ಲಿ ವಾಹನದ ನಿಯಂತ್ರಣ ತಪ್ಪಿರುವುದು ಅಪಘಾತಕ್ಕೆ ಕಾರಣ. ಡಿಕ್ಕಿಯ ತೀವ್ರತೆಗೆ ಬುಲೆರೋ ವಾಹನ ಜಖಂಗೊ0ಡಿದ್ದು, ಚಾಲಕನ ಕಾಲಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದೆ. ಬಸ್ಸಿನಲ್ಲಿದ್ದ ಪ್ರಯಾಣಿಕರ ಆರೋಗ್ಯವನ್ನು ಸ್ಥಳೀಯರು ವಿಚಾರಿಸಿದ್ದಾರೆ. ಗಾಯಗೊಂಡವರನ್ನು ಅಲ್ಲಿದ್ದವರ ಸಹಾಯದಿಂದ ಆಸ್ಪತ್ರೆಗೆ ಸಾಗಿಸಲಾಗಿದೆ. ಬಸ್ಸಿನಲ್ಲಿದ್ದವರಿಗೆ ಸಣ್ಣಪುಟ್ಟ ಗಾಯ ಮಾತ್ರವಾಗಿದ್ದು, ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಅಪಘಾತಕ್ಕೆ ಕಾರಣ ಯಾರು? ಯಾವ ಕಾರಣಕ್ಕೆ ಈ ಅಪಘಾತ ನಡೆಯಿತು? ಎನ್ನುವುದರ ಬಗ್ಗೆ ತನಿಖೆ ನಡೆದಿದೆ. `ನಿಧಾನವಾಗಿ ವಾಹನ ಓಡಿಸಿ’
- [ಯಲ್ಲಾಪುರ | ಶಿಕ್ಷಕರ ಸಭೆ ನಡೆಸಿದ ಮಾಜಿ ಸಭಾಪತಿ](https://mobiletime.in/2026/08/yellapur-former-chairman-holds-meeting-with-teachers/): `ಸಂವಿಧಾನಕ್ಕೆ ವಿರುದ್ಧವಾಗಿ ಸಭಾಪತಿ ಸ್ಥಾನದಿಂದ ಕೆಳಗಿಳಿಸಿದ್ದು, ತಮ್ಮ ವ್ಯಕ್ತಿತ್ವಕ್ಕೆ ಮಾಡಿದ ಅವಮಾನ. ಈ ಸ್ಥಾನದಿಂದ ಕೆಳಗಿಳಿಸಿದ ಮಾತ್ರಕ್ಕೆ ಶಿಕ್ಷಕರ ಸಮಸ್ಯೆ ವಿರುದ್ಧ ಹೋರಾಟ ನಿಲ್ಲಿಸಲ್ಲ’ ಎಂದು ಬಸವರಾಜ ಹೊರಟ್ಟಿ ಅವರು ಹೇಳಿದ್ದಾರೆ. `ಯಾವುದೇ ಒಂದು ಕಪ್ಪು ಚುಕ್ಕೆ ಇಲ್ಲದ ಹಾಗೇ ಶಿಕ್ಷಕರ ಕ್ಷೇತ್ರದ ಘನತೆ ಕಾಪಾಡಿಕೊಂಡು ಬಂದಿದ್ದ ತನ್ನ ಗೌರವಕ್ಕೆ ಇದೀಗ ಧಕ್ಕೆಯಾಗಿದೆ. ಇಷ್ಟು ವರ್ಷಗಳ ಕಾಲ ಘನತೆಯಿಂದ ಕಾಪಾಡಿಕೊಂಡು ಬಂದಿರುವ ಈ ವ್ಯಕ್ತಿತ್ವಕ್ಕೆ ಅವಮಾನ ಮಾಡಲಾಗಿದೆ. ಆದರೆ, ಆ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದೇ ಇನ್ನೂ ಹೆಚ್ಚಿನ ಸಮಯ ಶಿಕ್ಷಕರ ಕ್ಷೇತ್ರದಲ್ಲಿ ಸೇವೆ ಮಾಡುವೆ’ ಎಂದವರು ಹೇಳಿದ್ದಾರೆ. ಯಲ್ಲಾಪುರದ ಹೋಲಿ ರೋಜರಿ ಪ್ರೌಢಶಾಲೆಯಲ್ಲಿ ಯಲ್ಲಾಪುರ ತಾಲೂಕ ಮಟ್ಟದ ಮಾಧ್ಯಮಿಕ ನೌಕರರ ಸಂಘದ ಕಾರ್ಯಕಾರಿಣಿ ಸಭೆ ನಡೆಸಿದ ಅವರು `ಸಂಘಟನೆ ವಿಷಯವಾಗಿ ಸಾಂವಿಧಾನಿಕವಾದ ಬಂಧನದಿAದ ತನಗೆ ಬಿಡುಗಡೆಯಾಗಿದೆ. ಅದರಿಂದ ಶಿಕ್ಷಕರಿಗಾಗಿ ಶ್ರಮಿಸಲು ಇನ್ನಷ್ಟು ಸಮಯ ಸಿಕ್ಕಿದೆ. ಕಾಲ್ಪನಿಕ ವೇತನದ ಕುರಿತು ನ್ಯಾಯಾಂಗ ವ್ಯವಸ್ಥೆ ನೀಡಿರುವ ತೀರ್ಪನ್ನು ಅನುಸರಿಸಿ ಸರ್ಕಾರವನ್ನು ಈ ರಾಜ್ಯದಲ್ಲಿ ಒಪಿಎಸ್ ಜಾರಿ ಮಾಡುವಂತೆ ಒತ್ತಾಯಿಸುವುದರ ಮುಖ್ಯ ಉದ್ದೇಶವನ್ನು ಇಟ್ಟುಕೊಂಡು ಹಾಗೂ ಅನುದಾನಿತ ಶಾಲೆಗಳು ಕನ್ನಡ ಮಾಧ್ಯಮದ ಶಾಲೆಗಳ ಉಳಿವಿಗಾಗಿ ಸದಾ ಶ್ರಮಿಸಲು ಬದ್ಧವಾಗಿದ್ದೇನೆ. ಶಿಕ್ಷಕರ ಸಂಘಟನೆಗಳೊAದಿಗೆ ರಾಜ್ಯಾದ್ಯಂತ ಪ್ರತಿಭಟನೆಗಳನ್ನು ನಡೆಸಲು ಈಗಾಗಲೇ ತೀರ್ಮಾನಿಸಲಾಗಿದೆ’ ಎಂದವರು ಹೇಳಿದ್ದಾರೆ. `ಕೆಪಿಎಸ್ ಶಾಲೆ ದ್ವಿಭಾಷೆ ಶಾಲೆಗಳನ್ನ ಪ್ರಾರಂಭಿಸುವ ಮೂಲಕ ಕನ್ನಡ ಮಾಧ್ಯಮ ಸರಕಾರಿ ಶಾಲೆಗಳನ್ನ ಅನುದಾನಿತ ಶಾಲೆಗಳನ್ನು ಮುಚ್ಚುವ ಹುನ್ನಾರ ನಡೆಸಿದೆ. ಆಡಳಿತ ಮಂಡಳಿ ಹಾಗೂ ಶಿಕ್ಷಕರ ಹಿತಾಸಕ್ತಿಗಳನ್ನು ಕಾಪಾಡುವಲ್ಲಿ ಸರ್ಕಾರ ವಿಫಲವಾಗಿದೆ. ಈ ಕುರಿತು ಗಂಭೀರವಾದ ಪ್ರತಿಭಟನೆ ನಡೆಸುವುದರ ಮೂಲಕ ಸರ್ಕಾರವನ್ನು ಎಚ್ಚರಿಸಲಾಗುತ್ತದೆ’ ಎಂದವರು ವಿವರಿಸಿದರು. `ಶಿಕ್ಷಕರ ಸಂಘಟನೆಗಳನ್ನು ಬಲಪಡಿಸಬೇಕು. ಸಂಘಟನೆ ಇಲ್ಲದಿದ್ದರೆ ಶಿಕ್ಷಕರು ಇನ್ನಷ್ಟು ಸಮಸ್ಯೆ ಅನುಭವಿಸಬೇಕಾಗಿದ್ದು, ಎಲ್ಲರೂ ಸಂಘಟನೆ ಸದಸ್ಯರಾಗಿ ಶ್ರಮಿಸಬೇಕು’ ಎಂದು ಕರೆ ನೀಡಿದರು. ಈ ವೇದಿಕೆಯಲ್ಲಿ ತಾಲೂಕ ಮಾಧ್ಯಮಿಕ ನೌಕರ ಸಂಘದ ಅಧ್ಯಕ್ಷ ವಿನಾಯಕ ಹೆಗಡೆ, ಕಾರ್ಯದರ್ಶಿ ಶರಣಬಸವ ಬೇವಿನಕಟ್ಟಿ, ಕೇಂದ್ರ ಸಮಿತಿಯ ವೀಕ್ಷಕರಾಗಿ ಆಗಮಿಸಿದ ಎಂ ರಾಜಶೇಖರ ಅವರು ಇದ್ದರು.
- [ಮುಂಡಗೋಡು | ಎರಡು ತಿಂಗಳಲ್ಲಿ ಎರಡು ಹೆಣ: ಕಟ್ಟಡದಿಂದ ಬಿದ್ದ ಕಾರ್ಮಿಕ ಸಾವು!](https://mobiletime.in/2026/08/mundgod-two-deaths-in-two-months-worker-dies-after-falling-from-building/): ಟಿಬೇಟಿಯನ್ ಕಾಲೋನಿಯಲ್ಲಿ ಕಟ್ಟಡ ಕೆಲಸ ಮಾಡುತ್ತಿದ್ದ ಕಾರ್ಮಿಕರೊಬ್ಬರು ಮೇಲಿನಿಂದ ಕೆಳಗೆ ಬಿದ್ದು ಸಾವನಪ್ಪಿದ್ದಾರೆ. ಕೆಲಸ ಮಾಡುವ ಕಾರ್ಮಿಕರಿಗೆ ಸುರಕ್ಷತೆ ಒದಗಿಸದಿರುವುದೇ ಅವಘಡಕ್ಕೆ ಕಾರಣ ಎಂಬ ಆರೋಪವ್ಯಕ್ತವಾಗಿದೆ. ಮುಂಡಗೋಡಿನ ಟಿಬೇಟಿಯನ್ ಕಾಲೋನಿಯ ಕ್ಯಾಂಪ್ ನಂ 1ರಲ್ಲಿ ಕಟ್ಟಡ ನಿರ್ಮಾಣ ಕೆಲಸ ನಡೆಯುತ್ತಿದೆ. ನಾಲ್ಕು ಅಂತಸ್ಥಿನ ಕಟ್ಟಡ ಕಟ್ಟಲು ಅನೇಕ ಕಾರ್ಮಿಕರು ದುಡಿಯುತ್ತಿದ್ದಾರೆ. ಬಸಾಪುರದದ ಸಂದೇಶ ನಾಗರಾಜ ಚಲವಾದಿ (26) ಅವರು ಮುಂಡಗೋಡ ತಾಲೂಕಿನ ಇಂದಿರಾನಗರ ಕೊಪ್ಪದಲ್ಲಿ ವಾಸವಾಗಿದ್ದು, ಅವರು ಈ ಕಟ್ಟಡ ನಿರ್ಮಾಣಕ್ಕೆ ಶ್ರಮಿಸುತ್ತಿದ್ದರು. ಶನಿವಾರ ಕಟ್ಟಡದ ಮೇಲ್ಬಾಗದಿಂದ ಆಕಸ್ಮಿಕವಾಗಿ ಅವರು ಕೆಳಗೆ ಬಿದ್ದು ಸಾವನಪ್ಪಿದ್ದಾರೆ. ಕೆಲ ದಿನಗಳ ಹಿಂದೆಯೇ ಟಿಬೆಟಿ ಕಾಲೋನಿಯಲ್ಲಿ ಕಟ್ಟಡದ ಮೇಲಿಂದ ಬಿದ್ದು ಕಾರ್ಮಿಕರೊಬ್ಬರು ಸಾವನಪ್ಪಿದ್ದರು. ಸದ್ಯ ಸಂತೋಷ ಅವರ ಸಾವು ಎರಡನೇ ಪ್ರಕರಣವಾಗಿದ್ದು, ಅಲ್ಲಿ ಕಟ್ಟಡ ಕಾರ್ಮಿಕರಿಗೆ ಸುರಕ್ಷತೆ ಇಲ್ಲ ಎಂದು ಜನ ದೂರಿದ್ದಾರೆ. ಕಟ್ಟಡ ನಿರ್ಮಾಣ ಸ್ಥಳಗಳಲ್ಲಿ ಕಾರ್ಮಿಕರಿಗೆ ಸೇಫ್ಟಿ ಬೆಲ್ಟ್, ಹೆಲ್ಮಟ್, ಸುರಕ್ಷತಾ ಜಾಲ ಸೇರಿದಂತೆ ಅಗತ್ಯ ಸುರಕ್ಷತಾ ಪರಿಕರಗಳನ್ನು ಒದಗಿಸುವುದು ಅತ್ಯಗತ್ಯ ಎಂದು ಅಲ್ಲಿನವರು ಹೇಳಿದ್ದಾರೆ. `ಕಾರ್ಮಿಕರೇ.. ಸುರಕ್ಷತೆ ಬಗ್ಗೆ ಗಮನಹರಿಸಿ’
- [ಕಾರವಾರ | ಧ್ವಜಸ್ಥಂಭದ ಹಗ್ಗಕ್ಕೆ ನೇತಾಡಿದ ಶವ!](https://mobiletime.in/2026/08/karwar-body-found-hanging-from-the-flagstaff-rope/): ಕೋಡಿಭಾಗದ ಸ್ವಾಮಿ ವಿವೇಕಾನಂದ ಶಾಲಾ ಆವರಣದಲ್ಲಿ ವ್ಯಕ್ತಿಯೊಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಶಾಲಾ ಧ್ವಜಸ್ಥಂಬದ ಹಗ್ಗ ಬಳಸಿ ಅವರು ನೇಣಿಗೆ ಶರಣಾಗಿದ್ದಾರೆ. ಕಾರವಾರದ ಕೋಡಿಭಾಗದಲ್ಲಿ ಸತೀಶ್ ಶ್ರೀಧರ ನಂಬಿಯಾರ್ ಅವರು ವಾಸವಾಗಿದ್ದರು. ಅವರು ಚಾಲಕರಾಗಿ ಬದುಕು ಕಟ್ಟಿಕೊಂಡಿದ್ದರು. ಸತೀಶ್ ನಂಬಿಯಾರ್ ಅವರಿಗೆ ಮಕ್ಕಳಾಗಿರಲಿಲ್ಲ. ಹೀಗಾಗಿ ಅದೇ ಕೊರಗಿನಲ್ಲಿ ಅವರು ದಿನ ದೂಡುತ್ತಿದ್ದರು. 43 ವರ್ಷದ ಅವರು ಕಳೆದ ಮೂರು ದಿನಗಳಿಂದ ಮಾನಸಿಕವಾಗಿ ಇನ್ನಷ್ಟು ಕುಗ್ಗಿದ್ದರು. ಶನಿವಾರ ಅವರು ದುಡುಕು ನಿರ್ಧಾರಕ್ಕೆ ಮುಂದಾಗಿದ್ದು, ಶಾಲೆಗೆ ತೆರಳಿ ಅಲ್ಲಿಯೇ ಆತ್ಮಹತ್ಯೆ ಮಾಡಿಕೊಂಡರು. ಶಾಲೆ ಆವರಣದಲ್ಲಿ ಶವ ನೇತಾಡುವುದನ್ನು ನೋಡಿ ಜನ ಆತಂಕಕ್ಕೆ ಒಳಗಾದರು. ಅವರ ಆತ್ಮಹತ್ಯೆಗೆ ನಿಖರ ಕಾರಣ ಗೊತ್ತಾಗಲಿಲ್ಲ. ಯಾವ ವಿಚಾರಕ್ಕಾಗಿ ಅವರು ಮನನೊಂದು ಈ ನಿರ್ಧಾರಕ್ಕೆ ಮುಂದಾದರು? ಎಂದು ಸಹ ಯಾರಿಗೂ ತಿಳಿಯಲಿಲ್ಲ. ವಿಷಯ ಅರಿತ ಪೊಲೀಸರು ಸ್ಥಳ ಭೇಟಿ ನಡೆಸಿದ್ದು, ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದರು. `ಆತ್ಮಹತ್ಯೆ ಮಾಡಿಕೊಳ್ಳುವುದು ಅಪರಾಧ’
- [ಊರಿನಲ್ಲಿಯೇ ಉದ್ಯೋಗ: ಈ ಕೆಲಸ ಅಂಗವಿಕಲರಿಗೆ ಮಾತ್ರ!](https://mobiletime.in/2026/08/jobs-in-your-own-town-this-job-is-exclusively-for-persons-with-disabilities/): ಹೊನ್ನಾವರ, ಭಟ್ಕಳ, ಶಿರಸಿ, ಸಿದ್ದಾಪುರ, ಯಲ್ಲಾಪುರ, ಮುಂಡಗೋಡು ಹಾಗೂ ಜೊಯಿಡಾದಲ್ಲಿ ಗ್ರಾಮೀಣ ಪುನರ್ವಸತಿ ಹಾಗೂ ವಿವಿದೋದ್ಧೇಶ ಪುರ್ನವಸತಿ ಕಾರ್ಯಕರ್ತರ  ಹುದ್ದೆ ಖಾಲಿಯಿದೆ. ಅಂಗವಿಕಲ ಅಭ್ಯರ್ಥಿಗಳಿಗೆ ಇಲ್ಲಿ ಆದ್ಯತೆ ನೀಡಿ, ಅರ್ಜಿ ಆಹ್ವಾನಿಸಲಾಗಿದೆ. ಹೊನ್ನಾವರ ತಾಲೂಕಿನ ಹೊಸಾಕುಳಿ, ನಗರಬಸ್ತಿಕೇರಿ, ಭಟ್ಕಳ ತಾಲೂಕಿನ ಬೆಳಕೆ, ಶಿರಸಿ ತಾಲೂಕಿನ ಬೈರುಂಬೆ, ಸಿದ್ಧಾಪುರ ತಾಲೂಕಿನ ಹೆಗ್ಗರಣೆ, ಯಲ್ಲಾಪುರ ತಾಲೂಕಿನ ಮದನೂರು, ಮುಂಡಗೋಡ ತಾಲೂಕಿನ ಚೌಡಳ್ಳಿ, ಮಳಗಿ, ಹುನಗುಂದ, ಜೋಯಿಡಾ ತಾಲೂಕಿನ ಅಖೇತಿ, ಆವೇಡಾ ಗ್ರಾಮ ಪಂಚಾಯತಯಲ್ಲಿ ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತರ ಹುದ್ದೆಗೆ ಅರ್ಜಿ ಕರೆಯಲಾಗಿದೆ. ಮುಂಡಗೋಡ ತಾಲೂಕು ಪಂಚಾಯತಯಲ್ಲಿ ವಿವಿದೋದ್ಧೇಶ ಪುರ್ನವಸತಿ ಕಾರ್ಯಕರ್ತರ ಹುದ್ದೆ ಖಾಲಿಯಿದ್ದು, ಅದಕ್ಕೂ ಅರ್ಹರ ಹುಡುಕಾಟ ನಡೆದಿದೆ. ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತರ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಶೇ 40ರಷ್ಟು ವಿಕಲಚೇತನರಾಗಿರಬೇಕು ಎಂಬ ನಿಯಮವಿದೆ. ಭಾಗಶಃ ಅಂಧರಿಗೆ, ಭಾಗಶಃ ಶ್ರವಣದೋಷ ಮತ್ತು ದೈಹಿಕ ಅಂಗವಿಕಲರಿಗೆ ಹಾಗೂ ಸ್ಥಳೀಯ ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿ ವಾಸಿಸುತ್ತಿರುವವರಿಗೆ ಆದ್ಯತೆ ನೀಡಲಾಗುತ್ತದೆ. ಅರ್ಜಿ ಸಲ್ಲಿಸುವವರು 18-45 ವರ್ಷದ ವಯೋಮಿತಿ ಹೊಂದಿದ್ದು, SSLC ಉತ್ತೀರ್ಣರಾಗಿರಬೇಕು. ಹಾಗೂ ಕಂಪ್ಯೂಟರ್ ಜ್ಞಾನ ಕಡ್ಡಾಯವಾಗಿ ಹೊಂದಿರಬೇಕು ಎಂಬ ಷರತ್ತುಗಳಿವೆ. ವಿವಿದೊದ್ಧೇಶ ಪುನರ್ವಸತಿ ಕಾರ್ಯಕರ್ತರ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಸಹ ಶೇ 40 ವಿಕಲಚೇತನರಾಗಿದ್ದು, ಸ್ಥಳೀಯ ತಾಲೂಕಾ ವ್ಯಾಪ್ತಿಯಲ್ಲಿ ವಾಸಿಸುತ್ತಿರುವವರಿಗೆ ಆದ್ಯತೆ ನೀಡಲಾಗುತ್ತದೆ. ಇದಕ್ಕೆ ಅರ್ಜಿ ಸಲ್ಲಿಸುವವರು 18-45 ವರ್ಷದ ವಯೋಮಿತಿ ಹೊಂದಿದ್ದು, ಪದವೀಧರರಾಗಿರಬೇಕು. ಹಾಗೂ ಕಂಪ್ಯೂಟರ್ ಜ್ಞಾನ ಕಡ್ಡಾಯವಾಗಿ ಹೊಂದಿರಬೇಕು ಎಂಬ ನಿಯಮವಿದೆ. ಈ ಹುದ್ದೆಗೆ ಅರ್ಜಿಗಳನ್ನು ಭರ್ತಿ ಮಾಡಲು ಆಯಾ ತಾಲೂಕಾ ಪಂಚಾಯತ ಅಥವಾ ಶಿಶು ಅಭಿವೃದ್ಧಿ ಯೋಜನೆ ಕಾರ್ಯಾಲಯದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ವಿವಿದ್ದೊದ್ಧೇಶ ಪುನರ್ವಸತಿ ಕಾರ್ಯಕರ್ತರನ್ನು ಸಂಪರ್ಕಿಸಲು ಸೂಚಿಸಲಾಗಿದೆ. ಅರ್ಹತೆಯ ಅನುಗುಣವಾಗಿ ಅರ್ಜಿಗಳನ್ನು ಭರ್ತಿ ಮಾಡಿ, ಸೆಪ್ಟೆಂಬರ್ 19ರೊಳಗೆ ಜಿಲ್ಲಾ ವಿಕಲಚೇತನರÀ ಹಾಗೂ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆ ಕಾರವಾರ ಇಲ್ಲಿ ಕಳುಹಿಸಲೂ ಪ್ರಕಟಣೆ ತಿಳಿಸಿದೆ. ಇನ್ನೂ ಏನಾದರೂ ಮಾಹಿತಿ ಬೇಕೆ? ಕಚೇರಿ ಸಮಯದಲ್ಲಿ ಇಲ್ಲಿ ಫೋನ್ ಮಾಡಿ: 08382-200758
- [ಯಲ್ಲಾಪುರ | ಬಾಲಕನಿಗೆ ಬೈಕ್ ಕೊಟ್ಟ ಪಾಲಕನಿಗೆ ಜೈಲು!](https://mobiletime.in/2026/08/yellapur-parent-jailed-for-giving-bike-to-boy/): ಸಂಚಾರಿ ನಿಯಮ ಉಲ್ಲಂಘಿಸುವವರಿಗೆ ಯಲ್ಲಾಪುರ ಪೊಲೀಸರು ಪದೇ ಪದೇ ದಂಡ ವಿಧಿಸುತ್ತಿದ್ದಾರೆ. ಅದಾಗಿಯೂ ಅನೇಕರು ನಿಯಮ ಉಲ್ಲಂಘನೆ ಮಾಡುವುದನ್ನು ಬಿಟ್ಟಿಲ್ಲ. ಕಿರವತ್ತಿಯಲ್ಲಿ ವಾಹನ ತಪಾಸಣೆ ನಡೆಸಿದ ಪೊಲೀಸರಿಗೆ ಬಾಲಕನೊಬ್ಬ ಬೈಕ್ ಓಡಿಸುವುದು ಕಾಣಿಸಿದ್ದು, ಆ ಬಾಲಕನ ತಂದೆಯನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ನ್ಯಾಯಾಲಯ ಆರೋಪಿ ಪಾಲಕನಿಗೆ 25 ಸಾವಿರ ರೂ ದಂಡ ಹಾಗೂ ಜೈಲು ಶಿಕ್ಷೆ ವಿಧಿಸಿದೆ. ಸುಮಾರು ಒಂದು ತಿಂಗಳ ಹಿಂದೆ ಪಿಸೈ ರಾಜಶೇಖರ ವಂದಲಿ ಅವರು ಕಿರವತ್ತಿಯಲ್ಲಿ ವಾಹನ ತಪಾಸಣೆ ನಡೆಸುತ್ತಿದ್ದರು. ಆಗ, ವ್ಯಕ್ತಿಯೊಬ್ಬ ಜೋರಾಗಿ ಬೈಕು ಓಡಿಸಿಕೊಂಡು ಬಂದಿದ್ದು, ಪೊಲೀಸರು ಆ ಬೈಕಿಗೆ ಅಡ್ಡಲಾಗಿ ಕೈ ಮಾಡಿದ್ದರು. ದಾಖಲೆಗಳ ಪರಿಶೀಲನೆ ಮಾಡಿದಾಗ ಆ ವಾಹನ ಚಾಲಕನ ಬಳಿ ಲೈಸನ್ಸ್ ಇರಲಿಲ್ಲ. ಲೈಸನ್ಸ್ ಪಡೆಯಲು ಅಗತ್ಯವಿರುವ 18ರ ವಯಸ್ಸು ಸಹ ಆಗಿರಲಿಲ್ಲ. ಹೀಗಾಗಿ ಆ ಬಾಲಕನ ಪಾಲಕನನ್ನು ಪೊಲೀಸರು ಸ್ಥಳಕ್ಕೆ ಕರೆಯಿಸಿದರು. ಕಿರವತ್ತಿ ದಾಂಡೇಲಿವಾಡದ ಸೋನು ಸತ್ತು ಬಿಚುಕುಳೆ ಅವರು ಅಲ್ಲಿಗೆ ಆಗಮಿಸಿದರು. ಬಾಲಕನಿಗೆ ಬೈಕ್ ಕೊಟ್ಟಿದ್ದು ತಪ್ಪು ಎಂದು ಅವರು ಅಲ್ಲಿಯೇ ಒಪ್ಪಿಕೊಂಡರು. ಸ0ಚಾರಿ ನಿಯಮ ಪಾಲನೆ ಬಗ್ಗೆ ಪಾಠ ಮಾಡಿದ ಪೊಲೀಸರು ಅಪ್ರಾಪ್ತನಿಗೆ ಬೈಕ್ ನೀಡಿದ ತಪ್ಪಿಗಾಗಿ ಸೋನು ಬಿಚುಕುಳೆ ಅವರ ವಿರುದ್ಧ ಪ್ರಕರಣ ದಾಖಲಿಸಿದರು. ದೋಷಾರೋಪಣ ಪಟ್ಟಿ ಸಿದ್ಧಪಡಿಸಿ ಅದನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದರು. ಸಾಕಷ್ಟು ಅರಿವು ಮೂಡಿಸಿದ ನಂತರವೂ ಬಾಲಕನಿಗೆ ಬೈಕ್ ನೀಡುತ್ತಿರುವವರ ಕುರಿತು ನ್ಯಾಯಾಲಯವೂ ಗಂಭೀರ ಚಿಂತನೆ ಮಾಡಿದ್ದು, ಅಂಥ ಪ್ರಕರಣಗಳಿಗೆ ಕಡಿವಾಣ ಹಾಕುವುದಕ್ಕಾಗಿ ಬಾಲಕನಿಗೆ ಬೈಕ್ ನೀಡಿದ ಪಾಲಕ ಸೋನು ಬಿಚುಕುಳೆ ಅವರಿಗೆ 25 ಸಾವಿರ ರೂ ದಂಡವಿಧಿಸಿತು. ಅಪ್ರಾಪ್ತರಿಗೆ ಬೈಕ್ ನೀಡಿದವರಿಗೆ ಜೈಲಿಗೆ ಕಳುಹಿಸಲು ಅಧಿಕಾರವಿರುವ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವುದಕ್ಕಾಗಿ ಸೋನು ಬಿಚುಕುಳೆ ಅವರನ್ನು ಜೈಲಿಗೂ ಕಳುಹಿಸಿತು. ನ್ಯಾಯಾಧೀಶೆ ಅನಿತಾಕುಮಾರಿ ಎಸ್ ಅವರ ಆದೇಶದ ಪ್ರಕಾರ ಈ ದಿನ ಸಂಜೆ 5 ಗಂಟೆಯವರೆಗೆ ನ್ಯಾಯಾಂಗ ಬಂಧನದ ಶಿಕ್ಷೆ ಅನುಭವಿಸಿದ ಸೋನು ಬಿಚುಕುಳೆ ಅವರು 25 ಸಾವಿರ ರೂ ದಂಡ ಪಾವತಿಸಿ, ಬೈಕನ್ನು ಬಿಡಿಸಿಕೊಂಡರು. `ಸ0ಚಾರಿ ನಿಯಮ ಪಾಲಿಸಿ. ಅಪ್ರಾಪ್ತರಿಗೆ ವಾಹನ ಕೊಡುವುದನ್ನು ತಪ್ಪಿಸಿ’
- [ದಾಂಡೇಲಿ | ಗಾಂಜಾ ವ್ಯಾಪಾರ: ನಾಲ್ವರ ಬಳಿ ಇದ್ದಿದ್ದೇ 400ರೂ!](https://mobiletime.in/2026/08/dandeli-ganja-trade-only-%e2%82%b9400-found-on-the-four-individuals/): ಮಾರುತಿ ನಗರದ ಅಂಬೇಡ್ಕರ್ ಶಾಲೆ ಬಳಿ ಗಾಂಜಾ ಮಾರಾಟಕ್ಕೆ ಪ್ರಯತ್ನಿಸಿದವರ ಮೇಲೆ 14ಕ್ಕೂ ಅಧಿಕ ಪೊಲೀಸರು ದಾಳಿ ಮಾಡಿದ್ದಾರೆ. ಆ ಮೂಲಕ ಶಾಲಾ ಮಕ್ಕಳು ವ್ಯಸನದ ಹಾದಿ ಹಿಡಿಯುವುದನ್ನು ಪೊಲೀಸರು ತಪ್ಪಿಸಿದ್ದಾರೆ. ದಾಂಡೇಲಿಯ ಮಾರುತಿ ನಗರದ ಅಂಬೇಡ್ಕರ್ ಶಾಲೆ ಬಳಿ ಗಾಂಜಾ ಮಾರಾಟ ನಡೆಯುತ್ತಿದೆ ಎಂದು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರ ಕಚೇರಿಗೆ ಫೋನ್ ಬಂದಿದೆ. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಜಿ ಕೃಷ್ಣಮೂರ್ತಿ, ದಾಂಡೇಲಿ ಡಿವೈಎಸ್ಪಿ ಶಿವಾನಂದ ಮದರಖಂಡಿ, ಸಿಪಿಐ ಶಿವಾನಂದ ಅಂಬೀಗೇರ್ ಅವರು ತಕ್ಷಣ ಈ ಬಗ್ಗೆ ಕಾರ್ಯಾಚರಣೆ ನಡೆಸಿದ್ದಾರೆ. ಪಿಸೈ ಅಮೀನ್ ಎಂ ಅತ್ತಾರ್, ಕಿರಣ ಪಾಟೀಲ್, ಎಸೈ ಮಂಜುನಾಥ ವಾಯ್‌ದೇಮಟ್ಟಿ, ಮೆಹಬೂಬ್ ನಿಂಬುವಾಲೆ ಅವರ ನೇತ್ರತ್ವದಲ್ಲಿ ಪೊಲೀಸ್ ಸಿಬ್ಬಂದಿ ಚಿನ್ಮಯ ಪತ್ತಾರ್, ಜಯನಗೌಡ, ಬಸವರಾಜ ತೇಲಸಂಗ, ಕೃಷ್ಣ ಬೆಳ್ಳುವರಿ, ಸುನೀಲ ಲುಗಾಡೆ, ಪ್ರಸನ್ನಕುಮಾರ ಜಿ ಎನ್, ಬಸವರೆಡ್ಡಿ ವೈ ಕೆ, ಸಂಜು ಎಮ್ಮಿ, ಪರಶುರಾಮ ನಾಗರಾಳ, ಲೋಕೇಶ ದೇವರೆಡ್ಡಿ ಅವರು ಶಾಲೆ ಬಳಿ ದೌಡಾಯಿಸಿದ್ದಾರೆ. ಆಗ, ಅಲ್ಲಿ ಮಾರುತಿ ನಗರದ ಅಕ್ಷಯ ಶ್ರೀಕಾಂತ ವಾಡೇಕರ್ ಅವರು ಎದುರಾಗಿದ್ದು, ಅವರ ಬಳಿ 114 ಗ್ರಾಂ ಗಾಂಜಾ ಸಿಕ್ಕಿದೆ. ಅವರ ಜೊತೆ ಹಳಿಯಾಳ ಅಡಿಕೆ ಹೊಸೂರಿನ ತೌಸೀಪ್ ನಜೀರ್ ಅಹ್ಮದ್ ಅಜಗಾಂವಕಾರ, ದಾಂಡೇಲಿ ಟೌನ್ ಶಿಪ್’ನ ಸಾಹಿಲ್ ಅನ್ವರ್ ಶೇಖ್ ಹಾಗೂ ದಾಂಡೇಲಿ ಟೌನ್‌ಶಿಪ್’ನ ರಾಜೇಶ ದಯಾನಂದ ಯಾದವ್ ಅವರು ಗಾಂಜಾ ಮಾರಾಟದಲ್ಲಿ ತೊಡಗಿರುವುದು ಪತ್ತೆಯಾಗಿದೆ. ಆ ಎಲ್ಲರಿಂದ 10 ಸಾವಿರ ರೂ ಬೆಲೆಯ 241 ಗ್ರಾಂ ಗಾಂಜಾವನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಜೊತೆಗೆ ಗಾಂಜಾ ಮಾರಾಟದಿಂದ ಅವರುಗಳಿಸಿದ್ದ 400ರೂ ಹಣವನ್ನು ಜಪ್ತು ಮಾಡಿದ್ದಾರೆ. ಮಾದಕ ವ್ಯಸನಗಳ ದುಷ್ಪರಿಣಾಮಗಳ ಬಗ್ಗೆ ಪೊಲೀಸರು ಆ ಎಲ್ಲಾ ಮಾರಾಟಗಾರರಿಗೆ ಅರಿವು ಮೂಡಿಸಿದ್ದು, ಮಾಡಿದ ತಪ್ಪಿಗೆ ಶಿಕ್ಷೆ ಅನುಭವಿಸುವಂತೆ ಸೂಚಿಸಿ ಅವರೆಲ್ಲರ ವಿರುದ್ಧ ಕೇಸು ದಾಖಲಿಸಿದ್ದಾರೆ. `ಮಾದಕ ವ್ಯಸನ ಜೀವನಕ್ಕೆ ಮಾರಕ’
- [ದೂರುದಾರರ ಕುಟುಂಬದವರ ಕೋರಿಕೆ ಮೇರೆಗೆ ವರದಿ ಪ್ರಸಾರವನ್ನು ತಾತ್ಕಾಲಿಕವಾಗಿ ತಡೆಹಿಡಿಯಲಾಗಿದೆ](https://mobiletime.in/2026/08/sirsi-obscene-video-on-real-estate-entrepreneurs-mobile-rift-in-the-marriage/): ದೂರುದಾರರ ಕುಟುಂಬದವರ ಕೋರಿಕೆ ಮೇರೆಗೆ ವರದಿ ಪ್ರಸಾರವನ್ನು ತಾತ್ಕಾಲಿಕವಾಗಿ ತಡೆಹಿಡಿಯಲಾಗಿದೆ
- [ಅಂಕೋಲಾ | ನಡುರಸ್ತೆಯಲ್ಲಿ ಡಿಶುಂ ಡಿಶುಂ!](https://mobiletime.in/2026/08/ankola-fisticuffs-in-the-middle-of-the-road/): ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಚರಿಸುತ್ತಿದ್ದ ಎರಡು ಲಾರಿಗಳು ಒಂದಕ್ಕೆ ಒಂದು ತಾಗಿಕೊಂಡಿದ್ದು, ಅದೇ ವಿಷಯದ ದೊಡ್ಡದಾಗಿ ಲಾರಿ ಚಾಲಕರ ನಡುವೆ ಹೊಡೆದಾಟ ನಡೆದಿದೆ. ಹೆದ್ದಾರಿ ಮೇಲೆ ದಿಢೀರ್ ಆಗಿ ಹೊಡೆದಾಟ ಶುರುವಾಗಿರುವುದನ್ನು ನೋಡಿದ ಜನ ಆತಂಕಕ್ಕೆ ಒಳಗಾಗಿದ್ದಾರೆ. ಭಾರೀ ಪ್ರಮಾಣದ ಸರಕು ಸಾಮಗ್ರಿ ಸಾಗಿಸುತ್ತಿದ್ದ ಲಾರಿಗಳೆರಡು ಶುಕ್ರವಾರ ಅಂಕೋಲಾ ಪ್ರವೇಶಿಸಿದ್ದವು. ಆ ಲಾರಿಗಳು ಒಂದಕ್ಕೊAದು ತಾಗಿದ್ದರಿಂದ ಎರಡು ಲಾರಿ ಚಾಲಕರು ಸಿಟ್ಟಿಗೆದ್ದು ಹೊಡೆದಾಟ ಶುರು ಮಾಡಿದರು. ಮೊದಲು ಮಾತಿನ ಚಕಮಕಿ ನಡೆದಿದ್ದು, ಅಶ್ಲೀಲ ಪದ ಬಳಕೆಯಾದ ಕಾರಣ ಅದು ಹೊಡೆದಾಟದ ಸ್ವರೂಪಪಡೆಯಿತು. ಮಾತಿನಲ್ಲಿಯೇ ಬಗೆಹರಿಸಿಕೊಳ್ಳಬೇಕಾದ ವಿಷಯ ದೊಡ್ಡದಾಗಿ ರಕ್ತ ಸುರಿಯುವಷ್ಟರ ಮಟ್ಟಿಗೆ ಹೋಯಿತು. ಎರಡು ಲಾರಿ ಚಾಲಕರು ಪರಸ್ಪರ ನಡುರಸ್ತೆಯಲ್ಲಿಯೇ ಕಾಳಗ ನಡೆಸಿದರು. ರಸ್ತೆ ಮದ್ಯೆ ಲಾರಿ ನಿಲ್ಲಿಸಿ ಚಾಲಕರು ಹೊಡೆದಾಟ ನಡೆಸಿದ್ದರಿಂದ ಉಳಿದ ವಾಹನಗಳ ಓಡಾಟಕ್ಕೆ ಸಮಸ್ಯೆಯಾಯಿತು. ಕೆಲವರು ಬುದ್ದಿ ಹೇಳುವ ಪ್ರಯತ್ನ ಮಾಡಿದರೂ ಆ ಲಾರಿ ಚಾಲಕರು ಅದನ್ನು ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಬುದ್ದಿ ಹೇಳಲು ಬಂದವರಿಗೆ ನಿಂದಿಸಿ ತಮ್ಮ ಹೊಡೆದಾಟ ಮುಂದುವರೆಸಿದರು. ಪರಿಣಾಮ ಕೆಲ ಕಾಲ ಹೆದ್ದಾರಿಯಲ್ಲಿ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಅದಾದ ನಂತರ ಈ ವಿಷಯ ಪೊಲೀಸರಿಗೆ ಗೊತ್ತಾಗಿದ್ದು, ಪೊಲೀಸರು ಆಗಮಿಸಿ ಅವರಿಬ್ಬರ ಹೊಡೆದಾಟ ತಪ್ಪಿಸಿದರು. ಸುಗಮ ಸಂಚಾರಕ್ಕೂ ಅನುವು ಮಾಡಿಕೊಟ್ಟರು. ಗಾಯಗೊಂಡ ಚಾಲಕನಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನಡೆದಿದೆ. ಪ್ರಕರಣದ ಕುರಿತು ಪೊಲೀಸರು ಸಮಗ್ರ ವಿಚಾರಣೆ ನಡೆಸಿದ್ದಾರೆ..
- [ಜೊಯಿಡಾ | ಗೋಕರ್ಣಕ್ಕೆ ಬಂದಿದ್ದ ಭಕ್ತನ ದುರ್ಮರಣ: ಸ್ವಾಮೀಜಿ ವಿರುದ್ಧ ದೂರು!](https://mobiletime.in/2026/08/zoida-death-of-a-devotee-who-had-come-to-gokarna-complaint-against-swamiji/): ಗೋಕರ್ಣದ ಅಶೋಕೆಗೆ ಬಂದಿದ್ದ ಯುವಕರೊಬ್ಬರು ಜೊಯಿಡಾದ ಸ್ವಾಮೀಜಿಯೊಬ್ಬರ ಕಾಟಕ್ಕೆ ಸಿಲುಕಿ ಸಾವನಪ್ಪಿದ್ದಾರೆ. ಮಗನ ಸಾವಿಗೆ ನ್ಯಾಯ ಕೊಡಿಸುವಂತೆ ಕೋರಿ ಕುಟುಂಬದವರು ಮಾಧ್ಯಮದವರ ಮುಂದೆ ಅಳಲು ತೋಡಿಕೊಂಡಿದ್ದಾರೆ. ಜೊಯಿಡಾದ ಗಾವಡೆವಾಡದಲ್ಲಿ ದಶರಥ ನಾರಾಯಣ ನಾಯ್ಕ ಅವರು ವಾಸವಾಗಿದ್ದಾರೆ. ಶಾಮಿಯಾನ ಹಾಕುವ ಕೆಲಸ ಮಾಡಿಕೊಂಡು ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಹೀಗಿರುವಾಗ ಅವರ ಮಗ ದ್ರುವ ನಾಯ್ಕ ಅವರು ಅಗಸ್ಟ 16ರಂದು ಗೋಕರ್ಣದ ಅಶೋಕೆಯಲ್ಲಿ ನೇಣಿಗೆ ಶರಣಾಗಿದ್ದಾರೆ. ಗೋಕರ್ಣದ ಅಶೋಕೆಯ ರಾಮಚಂದ್ರಾಪುರ ಮಠದಲ್ಲಿ ಚಾತುರ್ಮಾಸ ಕಾರ್ಯಕ್ರಮ ನಡೆಯುತ್ತಿದ್ದು, ಗೋಮಾಂತಕ ಸಮಾಜದಿಂದ ಸೇವೆ ನೀಡಲು ಆಗಮಿಸಿದ್ದ ದ್ರುವ ನಾಯ್ಕ ಅವರು ಅಲ್ಲಿನ ಹುಡುಗಿಯರ ಹಾಸ್ಟೇಲ್ ಹೋಗುವ ರಸ್ತೆ ಅಂಚಿನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಹುಡುಗಿ ವಿಷಯವಾಗಿ ನಡೆದ ಹೊಡೆದಾಟ ಈ ಸಾವಿಗೆ ಮುಖ್ಯ ಕಾರಣವಾಗಿದೆ. ದ್ರುವಾ ನಾಯ್ಕ ಅವರು ಡಿಪ್ಲೋಮಾ ಓದಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಅಗಸ್ಟ 16ರ ಬೆಳಗ್ಗೆ 6 ಗಂಟೆಗೆ ಅವರು ಗೋಕರ್ಣಕ್ಕೆ ಹೊರಟಿದ್ದು, 10.30ಕ್ಕೆ ಅಶೋಕೆ ತಲುಪಿದ್ದರು. ಅಶೋಕೆಯಲ್ಲಿ ನಡೆದ ಪೂಜೆ-ಪಲ್ಲಕ್ಕಿ ಸೇವೆಯಲ್ಲಿ ಉತ್ಸಾಹದಿಂದ ಭಾಗವಹಿಸಿದ್ದರು. ಈ ವೇಳೆ ಅವರ ತಂದೆ ದಶರಥ ನಾಯ್ಕ ಅವರಿಗೆ ಫೋನ್ ಒಂದು ಬಂದಿತು. ಫೋನ್ ಮಾಡಿದ ಸಂತೋಷ ಮಂತೆರೋ ಅವರು `ನಿನ್ನ ಮಗ ಏನು ಲಪಟಾ ಮಾಡಿದ್ದಾನೆ?’ ಎಂದು ಪ್ರಶ್ನಿಸಿದ್ದರು. ಆಗ, ದಶರಥ ನಾಯ್ಕ ಅವರು `ಪೂಜೆಯಲ್ಲಿದ್ದೇನೆ. ಆತನಿಗೆ ಕೇಳಿ ಹೇಳುವೆ’ ಎಂದರು. 2 ನಿಮಿಷದ ನಂತರ ಮತ್ತೆ ಫೋನ್ ರಿಂಗ್ ಆಗಿದ್ದು, `ನಿನ್ನ ಮಗ ಜೊಯಿಡಾದ ದೊಡ್ಡ ಲಪಟಾ ಮಾಡಿದ್ದಾನೆ’ ಎಂದು ಸಂತೋಷ ಮಂತೆರೋ ಹೇಳಿದ್ದರು. `ನಾಳೆ ಬಂದು ಮಾತನಾಡುವೆ’ ಎಂದು ದಶರಥ ನಾಯ್ಕ ಅವರು ಫೋನ್ ಕಟ್ ಮಾಡಿದ್ದರು. ಅದಾದ ನಂತರ ಮಧ್ಯಾಹ್ನ ದಶರಥ ನಾಯ್ಕ ಅವರಿಗೆ ಅವರ ಮಗಳು ದಿವ್ಯಾ ನಾಯ್ಕ ಅವರು ಫೋನ್ ಮಾಡಿದರು. `ಅಣ್ಣ ದ್ರುವಾ ನಾಯ್ಕ ಜೀವ ಬಿಡುವುದಾಗಿ ಹೇಳಿದ. ಆತನನ್ನು ಹುಡುಕಿ’ ಎಂದು ದಿವ್ಯಾ ನಾಯ್ಕ ಅವರು ಹೇಳಿದರು. ಆಗ, ದಶರಥ ನಾಯ್ಕ ಅವರು ಅಶೋಕೆಯಲ್ಲಿ ಹುಡುಕಿದಾಗ ದ್ರುವಾ ನಾಯ್ಕ ಅವರು ಕಾಣಲಿಲ್ಲ. ಫೋನ್ ಮಾಡಿದಾಗ `ಹುಡುಗಿ ವಿಷಯದಲ್ಲಿ ರಘುವೀರ ಸ್ವಾಮೀ ಹಾಗೂ ಹುಡುಗಿ ತಂದೆ ನಾಗರಾಜ ನಾರಾಯಣ ನಾಯ್ಕ ಅವರು ತನಗೆ ಹೊಡೆದಿದ್ದಾರೆ. ಜೊಯಿಡಾದ ಮನೆಗೆ ಕರೆಯಿಸಿ ಹೊಡೆದಿದ್ದು, ಮೊಬೈಲಿನಲ್ಲಿರುವ ಫೋಟೋ ಎಡಿಟ್ ಮಾಡಿ ಬೆದರಿಕೆ ಹಾಕಿದ್ದಾರೆ. ನನ್ನ ಮೊಬೈಲ್ ಸಹ ಸ್ವಾಮೀಜಿ ಬಳಿಯಿದೆ’ ಎಂದು ದ್ರುವಾ ನಾಯ್ಕ ವಿವರಿಸಿದ್ದರು. `ಅದಾದ ನಂತರ ಜೀವ ಬಿಡುವೆ’ ಎಂದು ಹೇಳಿ ಫೋನ್ ಕಟ್ ಮಾಡಿದ್ದರು. ಇದರಿಂದ ಆತಂಕಗೊoಡ ದಶರಥ ನಾಯ್ಕ ಅವರು ಅಶೋಕೆಯ ಎಲ್ಲಾ ಕಡೆ ಮಗನ ಹುಡುಕಾಟ ನಡೆಸಿದರು. ಮತ್ತೆ ಎಷ್ಟು ಫೋನ್ ಮಾಡಿದರೂ ದ್ರುವ ನಾಯ್ಕ ಫೋನಿಗೆ ಸಿಗಲಿಲ್ಲ. ಅಶೋಕೆ ಮಠ ಹಾಗೂ ಕಾಡಿನಲ್ಲಿ ಹುಡುಕಾಟ ಮುಂದುವರೆಸಿದಾಗ ಮಠದಿಂದ ಹುಡುಗಿಯರ ಹಾಸ್ಟೇಲ್ ಹೋಗುವ ರಸ್ತೆಯಲ್ಲಿ ದ್ರುವಾ ನಾಯ್ಕ ಅವರು ನೇಣಿಗೆ ಶರಣಾಗಿದ್ದರು. 18 ವರ್ಷದ ಮಗನನ್ನು ಕಳೆದುಕೊಂಡ ದಶರಥ ನಾಯ್ಕ ಅವರು ಗೋಕರ್ಣ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡಿದರು. ಜೊಯಿಡಾದ ರಘುವೀರ ಸ್ವಾಮೀಜಿ (ರೀತ್ವಿಕ್ ರೂಪೇಶ ನಾಯ್ಕ) ಹಾಗೂ ನಾಗರಾಜ ನಾರಾಯಣ ನಾಯ್ಕ ಅವರೇ ದ್ರುವ ನಾಯ್ಕ ಅವರ ಸಾವಿಗೆ ಕಾರಣ ಎಂದವರು ದೂರಿದರು. ತಮಗೆ ನ್ಯಾಯ ಕೊಡಿಸಿ ಎಂದು ದಶರಥ ನಾಯ್ಕ ಅವರು ಮಾಧ್ಯಮದವರ ಮುಂದೆಯೂ ಮನವಿ ಮಾಡಿದರು.
- [ಹೊನ್ನಾವರ | ಜೈಲು ಸೇರಿದ ಗಾಂಜಾ ಮಾರಾಟಗಾರ!](https://mobiletime.in/2026/08/honnavar-ganja-seller-lands-in-jail/): ಉದ್ಯೋಗವಿಲ್ಲದೇ ಅಲೆದಾಡುತ್ತಿದ್ದ ಮಹಮದ್ ಅಲ್ತಾಪ್ ಅವರಿಗೆ ನಾಗರಾಜ ಆಚಾರಿ ಹಾಗೂ ತೌಹೀದ್ ಬುಡ್ಡೆ ಸೇರಿ ಗಾಂಜಾ ಕೊಟ್ಟಿದ್ದಾರೆ. ಆ ಗಾಂಜಾವನ್ನು ಮಾರಾಟ ಮಾಡಿ ಹಣ ಮಾಡುವಂತೆ ಸೂಚಿಸಿದ್ದು, ಗಾಂಜಾ ಮಾರಾಟಕ್ಕೆ ಹೋಗಿದ್ದ ಮಹಮದ್ ಅಲ್ತಾಪ್ ಅವರು ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾರೆ. ಹೊನ್ನಾವರದ ಕಾಸರಕೋಡ್ ಟೊಂಕಾ-2 ಬಳಿ ಮಹಮದ್ ಅಲ್ತಾಪ್ ಸುಲೇಮಾನ್ ಬೇಟ್ಕುಳಿಕರ್ ಅವರು ವಾಸವಾಗಿದ್ದಾರೆ. 30 ವರ್ಷದ ಅವರು ಉದ್ಯೋಗವಿಲ್ಲದೇ ಅಲೆದಾಡುತ್ತಿದ್ದು, ಅವರಿಗೆ ಕಾಸರಕೋಡಿನ ತೌಹೀದ್ ಕಾಸೀಂ ಬುಡ್ಡೆ ಅವರು ಎದುರಾಗಿದ್ದಾರೆ. ಈ ವೇಳೆ ಮಹಮದ್ ಅಲ್ತಾಪ್ ಅವರು ತೌಹೀದ್ ಕಾಸೀಂ ಬುಡ್ಡೆ ಅವರಲ್ಲಿ ಉದ್ಯೋಗ ಸಮಸ್ಯೆ ಹೇಳಿಕೊಂಡಿದ್ದಾರೆ. ಆಗ, ತೌಹೀದ್ ಕಾಸೀಂ ಬುಡ್ಡೆ ಅವರು ಹೊನ್ನಾವರದ ನಾಗರಾಜ ಆಚಾರಿ ಅವರ ಬಳಿ ಮಹಮದ್ ಅಲ್ತಾಪ್ ಅವರನ್ನು ಕರೆತಂದಿದ್ದಾರೆ. ನಂತರ ನಾಗರಾಜ ಆಚಾರಿ ಹಾಗೂ ತೌಹೀದ್ ಕಾಸೀಂ ಬುಡ್ಡೆ ಅವರು ಸೇರಿ ಮಹಮದ್ ಅಲ್ತಾಪ್ ಅವರ ಕೈಗೆ ಗಾಂಜಾ ಪುಡಿ ನೀಡಿದ್ದಾರೆ. `ಈ ಗಾಂಜಾ ಮಾರಾಟ ಮಾಡಿ 6 ಸಾವಿರ ರೂ ಹಣಗಳಿಸು’ ಎಂದು ಅವರಿಬ್ಬರು ಹೇಳಿದ್ದಾರೆ. ಅದನ್ನು ನಂಬಿದ ಮಹಮದ್ ಅಲ್ತಾಪ್ ಅವರು ಅಗಸ್ಟ 18ರ ಸಂಜೆ ಹೊನ್ನಾವರ ಪಟ್ಟಣದ ಮಹಾಲಕ್ಷಿ ಗ್ಯಾಸ್ ಗೌಡಾನ್ ಬಳಿ ಬಂದಿದ್ದಾರೆ. ಅಲ್ಲಿನ ಬಂದರು ರಸ್ತೆ ಬದಿಯಲ್ಲಿ ನಿಂತು ಗಾಂಜಾ ಗಿರಾಕಿಗಳನ್ನು ಹುಡುಕಲು ಶುರು ಮಾಡಿದ್ದಾರೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರಿಗೆ ಈ ವಿಷಯ ಗೊತ್ತಾಗಿದೆ. ಪೊಲೀಸ್ ಉಪಾಧ್ಯಕ್ಷ ಕೃಷ್ಣಮೂರ್ತಿ, ಡಿವೈಎಸ್ಪಿ ಗಿರೀಶ್ ಅವರ ಸೂಚನೆ ಮೇರೆಗೆ ಪಿಐ ಸಿದ್ದರಾಮೇಶ್ವರ ಹಾಗೂ ಪಿಸೈ ಮಹಾಂತೇಶ ವಾಲ್ಮೀಕಿ, ಮಂಜುನಾಥ ಅವರು ಅಲ್ಲಿಗೆ ಹೋಗಿದ್ದಾರೆ. ಪೊಲೀಸ್ ಸಿಬ್ಬಂದಿ ಮನೋಜ, ರವಿ ನಾಯ್ಕ, ಅಬ್ದುಲ್ ಹಮೀಬ್ ಶೇಖ್, ಮಧುಕರ ಕರಿಗಾರ, ಮಂಜುನಾಥ ಕೊಂತಿಕಲ್ ಸೇರಿ ಮಹಮದ್ ಅಲ್ತಾಪ್ ಅವರನ್ನು ಹಿಡಿದು ವಿಚಾರಿಸಿದ್ದಾರೆ. ಆಗ, ಅವರ ಬಳಿ 116 ಗ್ರಾಂ ಗಾಂಜಾ ಸಿಕ್ಕಿದ್ದು, ಅದನ್ನು ಕಾಸರಕೋಡಿನ ತೌಹೀದ್ ಕಾಸೀಂ ಬುಡ್ಡೆ ಹಾಗೂ ಹೊನ್ನಾವರದ ನಾಗರಾಜ ಆಚಾರಿ ಅವರು ನೀಡಿದನ್ನು ಮಹಮದ್ ಅಲ್ತಾಪ್ ಅವರು ಬಾಯ್ಬಿಟ್ಟಿದ್ದಾರೆ. ಗಾಂಜಾ ಮಾರಾಟಕ್ಕೆ ಬಂದಿದ್ದ ಮಹಮದ್ ಅಲ್ತಾಪ್ ಅವರನ್ನು ಪೊಲೀಸರು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ. ಸದ್ಯ ನ್ಯಾಯಾಲಯ ಆರೋಪಿಗೆ ನ್ಯಾಯಾಂಗ ಬಂಧನವಿಧಿಸಿದೆ. `ಮಾದಕ ವಸ್ತುಗಳ ಮಾರಾಟ ಬದುಕಿಗೆ ಮಾರಕ’  
- [Unitefix ಆಪ್'ನ ಸ್ಮಾರ್ಟ ಸೇವೆ: ಈ ತಂತ್ರಜ್ಞಾನ.. ಕಾರ್ಮಿಕರಿಗೆ ವರದಾನ!](https://mobiletime.in/2026/08/unitefix-apps-smart-service-this-technology-a-boon-for-workers/): ಮೊಬೈಲ್ ದುರಸ್ಥಿ, ಯಂತ್ರೋಪಕರಣಗಳ ನಿರ್ವಹಣೆ, ಕಂಪ್ಯುಟರ್ ರಿಪೇರಿ, CC TV ಸೇವೆ,  ಎಲೆಕ್ಟ್ರಿಷಿಯನ್, ಪ್ಲಂಬರ್, ಕಾರ್ಪೆಂಟರ್, ಡ್ರೈವರ್, ಪೇಂಟರ್ ಹಾಗೂ ಗೃಹೋಪಯೋಗಿ ವಸ್ತುಗಳ ದುರಸ್ತಿ ಮಾಡುವವರನ್ನು ಸೇರಿ ಎಲ್ಲಾ ಬಗೆಯ ಕಾರ್ಮಿಕರಿಗೆ ಉದ್ಯೋಗ ಒದಗಿಸುವುದಕ್ಕಾಗಿ ಮೊಬೈಲ್ ಅಪ್ಲಿಕೇಶನ್ ಒಂದು ಸಿದ್ಧವಾಗಿದೆ. ಕೌಶಲ್ಯವಿದ್ದರೂ ಸೂಕ್ತ ಕೆಲಸ ಸಿಗದೇ ಸಮಸ್ಯೆ ಅನುಭವಿಸುತ್ತಿರುವವರಿಗೆ Unitefix ಎಂಬ ಮೊಬೈಲ್ ಆಫ್ ಉದ್ಯೋಗ ನೀಡುತ್ತಿದೆ. ಅಗತ್ಯವಿರುವವರಿಗೆ ಕೆಲಸ ಕೊಡುವುದರೊಂದಿಗೆ ಅವಶ್ಯಕತೆಯಿದ್ದವರಿಗೆ ಕೆಲಸ ಮಾಡಿಕೊಡುವ ಕಾಯಕ ಮಾಡಲು ಈ ಆಫ್ ಸಜ್ಜಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಜನಜೀವನ ಅಭಿವೃದ್ಧಿಗೆ ಪೂರಕವಾಗಿರುವ ಮೊಬೈಲ್ ಆಫ್ ಈಚೆಗೆ ಬಿಡುಗಡೆಯಾಗಿದೆ. ಮಹಾನಗರಗಳಲ್ಲಿರುವ ಸೇವಾ ಸೌಕರ್ಯವನ್ನು ಗ್ರಾಮೀಣ ಮಟ್ಟಕ್ಕೂ ಪರಿಚಯಿಸಬೇಕು ಎನ್ನುವುದರ ಜೊತೆ ಬೆರಳ ತುದಿಯಲ್ಲಿಯೇ ಸೇವೆ ಒದಗಿಸುವ ಉದ್ದೇಶದಿಂದ ಈ ಮೊಬೈಲ್ ಅಪ್ಲಿಕೇಶನ್ ಅಭಿವೃದ್ಧಿಪಡಿಸಲಾಗಿದೆ. ಸದ್ಯ ಮೊಬೈಲ್ ಆಪ್ಲಿಕೇಶನಿನಲ್ಲಿ ಉಚಿತ ನೋಂದಣಿಗೆ ಅವಕಾಶ ನೀಡಲಾಗಿದ್ದು, ಎಲ್ಲಾ ಬಗೆಯ ಕಾರ್ಮಿಕರು ಹಾಗೂ ಕುಶಲಕರ್ಮಿಗಳು ತಾವು ನೀಡುವ ಸೇವೆಯ ಬಗ್ಗೆ ಅಪ್ಲಿಕೇಶನ್ ಮೂಲಕ‌ ಉಚಿತವಾಗಿ ವಿವರ ದಾಖಲಿಸುವ ಅವಕಾಶ ಕಲ್ಪಿಸಗಿದೆ. ಸೇವೆ, ವೃತ್ತಿಪರ ನೈಪುಣ್ಯಗಳನ್ನು ಆಧರಿಸಿ ಈ ಮೊಬೈಲ್ ಅಪ್ಲಿಕೇಶನ್ ಅಗತ್ಯವಿದ್ದವರಿಗೆ ಕೆಲಸ ಹಾಗೂ ಅವಶ್ಯಕತೆಯಿದ್ದವರಿಗೆ ಸೇವೆ ನೀಡಲು ಆಸಕ್ತಿವಹಿಸಿದೆ. ಕುಶಲಕರ್ಮಿ ಕಾರ್ಮಿಕರು ಹಾಗೂ ಗ್ರಾಹಕರನ್ನು ಒಂದೇ ವೇದಿಕೆಯ ಅಡಿ ಜೋಡಿಸುವ ಉದ್ದೇಶದಂದ `Unitefix Services Pvt Ltd’ ಎಂಬ ಕಂಪನಿ ಹುಟ್ಟಿದೆ. ಈ ಕಂಪನಿಯೇ ಇದೀಗ Unitefix ಎಂಬ ಮೊಬೈಲ್ ಅಪ್ಲಿಕೇಶನ್’ನ್ನು ವಿನ್ಯಾಸಗೊಳಿಸಿದೆ. ಜಿಲ್ಲೆಯ ಜನರ ನಿರುದ್ಯೋಗ ನಿವಾರಣೆ ಜೊತೆ ಸಾರ್ವಜನಿಕರ ದೈನಿಂದಿನ ಕೆಲಸಗಳನ್ನು ಸುಲಭಗೊಳಿಸುವ ರೀತಿ ಈ ಅಪ್ಲಿಕೇಶನ್ ವಿನ್ಯಾಸ ನಡೆದಿದೆ. ಅತ್ಯಂತ ಪಾರದರ್ಶಕ ಹಾಗೂ ಡಿಜಿಟಲ್ ವೇದಿಕೆಯಾಗಿ ಈ ಮೊಬೈಲ್ ಅಪ್ಲಿಕೇಶನ್ ಕೆಲಸ ಮಾಡುತ್ತಿದೆ. ಸುರಕ್ಷತೆಗೆ ಇಲ್ಲಿ ಹೆಚ್ಚಿನ ಒತ್ತು ನೀಡಲಾಗಿದೆ. ಸದ್ಯ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ತಾಲೂಕುಗಳಿಂದಲೂ ಈ ಆಪ್ ಮೂಲಕ ಕುಶಲಕರ್ಮಿ ಕಾರ್ಮಿಕರ ನೋಂದಣಿ ಶುರುವಾಗಿದೆ. ಪ್ಲೇ ಸ್ಟೋರ್ ಮೂಲಕ ಆಪ್ ಡೌನ್ಲೋಡ್ ಮಾಡಿಕೊಂಡು, ಹೆಸರು, ಊರು, ತಾವು ಮಾಡುವ ವೃತ್ತಿ,‌ ಯಾವ ವಿಷಯದಲ್ಲಿ ಪರಿಣಿತರಾಗಿದ್ದೀರಿ? ಎಂಬುದನ್ನು ನಮೂದಿಸಿ ಅಗತ್ಯ ಮಾಹಿತಿ ನೀಡಿದರೆ ನೋಂದಣಿ ಕಾರ್ಯ ಮುಕ್ತಾಯವಾಗಲಿದೆ. ಅದಾದ ನಂತರ ಜನರ ಬೇಡಿಕೆಗೆ ಅನುಗುಣವಾಗಿ ಕುಶಲಕರ್ಮಿ ಕಾರ್ಮಿಕರಿಗೆ ಈ ಮೊಬೈಲ್ ಅಪ್ಲಿಕೇಶನ್ ಮೂಲಕ ಉದ್ಯೋಗ ಹಂಚಿಕೆ ಆಗಲಿದೆ. ಮಾಡಿದ ಕೆಲಸಕ್ಕೆ ತಕ್ಕ ವೇತನವೂ ಸಿಗಲಿದೆ. ಪ್ರಸ್ತುತ ಕಾರ್ಮಿಕರ ನೋಂದಣಿಗೆ ಮಾತ್ರ ಈ ಮೊಬೈಲ್ ಅಪ್ಲಿಕೇಶನ್ ಒತ್ತು ನೀಡುತ್ತಿದ್ದು, ಹೊನ್ನಾವರ ಹಾಗೂ ಯಲ್ಲಾಪುರದಲ್ಲಿ ಅಪ್ಲಿಕೇಶನ್’ನ ಪ್ರಾಯೋಗಿಕ ಕೆಲಸ ನಡೆಯುತ್ತಿದೆ. ಸಾರ್ವಜನಿಕರು ಸಹ ತಮಗೆ ಅಗತ್ಯವಿರುವ ಸೇವೆಗಳ ಬಗ್ಗೆ ಹಿತವಾದ ಅನುಭವಪಡೆಯಲು ಅನುಕೂಲವಾಗುವ ನಿಟ್ಟಿನಲ್ಲಿ ಈ ಮೊಬೈಲ್ ಅಪ್ಲಿಕೇಶನ್’ನಲ್ಲಿ ವಿಭಾಗಗಳಿವೆ. ಈ ಸ್ವದೇಶಿ ಮೊಬೈಲ್ ಅಪ್ಲಿಕೇಶನ್ ಮೂಲಕ ಭವಿಷ್ಯದಲ್ಲಿ ವಿವಿಧ ಸರಕು-ಸಾಮಗ್ರಿಗಳ ಮಾರಾಟ-ಖರೀದಿಯೂ ನಡೆಯಲಿದ್ದು, ಮನೆಯಲ್ಲಿಯೇ ಕುಳಿತು ಅಗತ್ಯ ಸೇವೆಪಡೆಯುವವರಿಗೆ ಹಾಗೂ ಅಲ್ಲಿಂದಲೇ ವಿವಿಧ ಉತ್ಪನ್ನ ಮಾರಾಟಗಾರರಿಗೆ ಇದರಿಂದ ಸಾಕಷ್ಟು ಅನುಕೂಲವಾಗಲಿದೆ. ಇಲ್ಲಿ ಕ್ಲಿಕ್ ಮಾಡಿ- ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡಿ ಮಾಡಿ👇 Unitefix  –  https://play.google.com/store/apps/details?id=com.unitefix.app  #Sponsored
- [ಹೊನ್ನಾವರ | ಕೆನರಾ ಬ್ಯಾಂಕ್ ಖಾತೆಗೆ ಕನ್ನ!](https://mobiletime.in/2026/08/honnavar-canara-bank-account-breached/): ಕಡತೋಕಾ ಬಳಿಯ ಆನಂದ ಭಟ್ಟ ಅವರ ಕೆನರಾ ಬ್ಯಾಂಕ್ ಖಾತೆಗೆ ಕಳ್ಳರು ಕನ್ನ ಹಾಕಿದ್ದಾರೆ. ಅವರ ಅಕೊಂಟಿನಲ್ಲಿದ್ದ 3.69 ಲಕ್ಷ ರೂ ಹಣವನ್ನು ದೋಚಿದ್ದಾರೆ. ಹೊನ್ನಾವರದ ಕಡತೋಕಾ ಬಳಿಯ ಕೆಕ್ಕಾರ್-2 ಶಾಲೆಯ ಬಳಿ ಆನಂದ ಗಣಪತಿ ಭಟ್ಟ ಅವರು ವಾಸವಾಗಿದ್ದಾರೆ. 38 ವರ್ಷದ ಅವರು ಕಟ್ಟಡಗಳ ಇಂಟಿರಿಯಲ್ ಡಿಸೈನರ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಮಂಗಳೂರಿನ ಎಂ ಜಿ ರಸ್ತೆಯ ಕೆನರಾ ಬ್ಯಾಂಕ್ ಶಾಖೆಯಲ್ಲಿ ಅವರು ಖಾತೆಹೊಂದಿದ್ದು, ಆ ಖಾತೆ ಮೂಲಕ ವಿವಿಧ ವ್ಯವಹಾರಗಳನ್ನು ಮಾಡುತ್ತಿದ್ದಾರೆ. ಸದ್ಯ, ಅದೇ ಖಾತೆಯಲ್ಲಿದ್ದ ಹಣ ಕಾಣೆಯಾಗಿದೆ. ಆನಂದ ಭಟ್ಟ ಅವರ ಅರಿವಿಗೆ ಬಾರದ ಹಾಗೇ ವಂಚಕರು ಆ ಹಣ ಕದ್ದಿದ್ದಾರೆ. ವಿವಿಧ ಬ್ಯಾಂಕ್ ಖಾತೆಗಳಿಗೆ ಆ ಹಣ ವರ್ಗವಾಗಿದೆ. ಆದರೆ, ಆನಂದ ಭಟ್ಟ ಅವರ ಅರಿವಿಗೆ ಬಾರದೇ ಆ ಹಣ ಕದ್ದವರು ಯಾರು? ಹೇಗೆ ಕದ್ದರು? ಎಂಬುದು ಗೊತ್ತಾಗಿಲ್ಲ. ಹೀಗಾಗಿ ಆ ಬಗ್ಗೆ ತನಿಖೆಗಾಗಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಹೊನ್ನಾವರ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಂಚಕರ ಪತ್ತೆ ಕಾರ್ಯ ಶುರು ಮಾಡಿದ್ದಾರೆ. `ಫೋನ್ ಮೂಲಕ ಯಾರಿಗೂ ಓಟಿಪಿ ಹೇಳಬೇಡಿ’
- [ಯಲ್ಲಾಪುರ | ಅದೃಷ್ಟದ ಆಟ ಆಡಿಸುವವನಿಗೆ ದುರಾದೃಷ್ಟ!](https://mobiletime.in/2026/08/yellapur-bad-luck-for-the-man-running-a-game-of-chance/): ಇಡಗುಂದಿಯ ಸಂತೋಷ ನಾಯ್ಕ ಹಾಗೂ ಜಲಾಲುದ್ದಿನ್ ಶೇಖ್ ಸೇರಿ ಅಂಕಿ-ಸoಖ್ಯೆಗಳ ಆಧಾರದಲ್ಲಿ ಅದೃಷ್ಟದ ಆಟ ಆಡಿಸುತ್ತಿದ್ದು, ಆ ಅದೃಷ್ಟ ಅವರಿಗೆ ಕೈ ಕೊಟ್ಟಿದೆ. 1 ರೂಪಾಯಿ ಹೂಡಿಕೆ ಮಾಡಿದರೂ 80ರೂಪಾಯಿ ಲಾಭ ಕೊಡುವುದಾಗಿ ಹೇಳುತ್ತಿದ್ದ ಅವರಿಬ್ಬರ ಆಟಕ್ಕೂ ಪೊಲೀಸರು ತಡೆ ಒಡ್ಡಿದ್ದಾರೆ. ಯಲ್ಲಾಪುರ ಇಡಗುಂದಿಯ ಜನತಾ ಕಾಲೋನಿಯಲ್ಲಿ ಸಂತೋಷ ರಾಮಚಂದ್ರ ನಾಯ್ಕ ಅವರು ವಾಸವಾಗಿದ್ದಾರೆ. 35 ವರ್ಷದ ಅವರು ವ್ಯಾಪಾರಿಯಾಗಿ ಬದುಕು ಕಟ್ಟಿಕೊಂಡಿದ್ದಾರೆ. ಈ ವ್ಯಾಪಾರದ ಜೊತೆ ಅವರು ಅಂಕಿ-ಸAಖ್ಯೆಗಳ ಮಾರಾಟವನ್ನು ಮಾಡುತ್ತಾರೆ. ಅದೇ ಇಡಗುಂದಿಯ ಜನತಾ ಕಾಲೋನಿಯಲ್ಲಿರುವ ಜಲಾಲುದ್ದಿನ್ ಅಹ್ಮದ್ ಸಾಬ್ ಶೇಖ್ ಅವರು ಮಟ್ಕಾ ಬುಕ್ಕಿಯಾಗಿದ್ದು, ಕಮಿಷನ್ ನೀಡುವ ಆಸೆ ತೋರಿಸಿ ಸಂತೋಷ ನಾಯ್ಕ ಅವರಿಂದ ಈ ಆಟ ಆಡಿಸುತ್ತಿದ್ದಾರೆ. ಅಗಸ್ಟ 19ರಂದು ಸಂತೋಷ ನಾಯ್ಕ ಅವರು ಮಟ್ಕಾ ಆಡಿಸಿ 1120ರೂ ಸಂಗ್ರಹ ಮಾಡಿದ್ದರು. 1ರೂಪಾಯಿಗೆ 80ರೂ ಸಿಗುವ ಆಸೆಗೆ ಬಿದ್ದು ಅನೇಕರು ಅವರ ಬಳಿ ಹಣ ಹೂಡಿದ್ದರು. ಪಿಸೈ ರಾಜಶೇಖರ ವಂದಲಿ ಅವರಿಗೆ ಈ ವಿಷಯ ಗೊತ್ತಾಗಿದ್ದು, ತಮ್ಮ ತಂಡದ ಜೊತೆ ಅವರು ಅಲ್ಲಿ ದಾಳಿ ಮಾಡಿದರು. ಆಗ, ಸಂತೋಷ ನಾಯ್ಕ ಅವರು ಸಿಕ್ಕಿಬಿದ್ದರು. ಈ ಎಲ್ಲಾ ಹಣವನ್ನು ಜಲಾಲುದ್ದಿನ್ ಅಹ್ಮದ್ ಸಾಬ್ ಶೇಖ್ ಅವರಿಗೆ ನೀಡುವುದಾಗಿ ಅವರು ಒಪ್ಪಿಕೊಂಡರು. ಕಾನೂನುಬಾಹಿರ ಕ್ರೀಡೆ ಆಡಿದ ಕಾರಣ ಅವರಿಬ್ಬರ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದರು. `ಜೂಜಾಟದಿಂದ ಜೀವನ ಹಾಳು’
- [ಕಾರವಾರ | ಅಕ್ರಮ ಮರಳುಗಾರಿಕೆ: ಅಧಿಕಾರಿಗಳ ದಾಳಿ](https://mobiletime.in/2026/08/karwar-illegal-sand-mining-officials-conduct-raids/): ಕಾಳಿ ನದಿ ಬಗೆದು ಅಕ್ರಮವಾಗಿ ರೇತಿ ಸಾಗಿಸುತ್ತಿದ್ದ ವಾಹನವನ್ನು ಊರಿನವರು ಹಿಡಿದಿದ್ದಾರೆ. ಅಕ್ರಮ ರೇತಿ ಜೊತೆ ಆ ವಾಹನವನ್ನು ಜನ ಅಧಿಕಾರಿಗಳಿಗೆ ಒಪ್ಪಿಸಿದ್ದಾರೆ. ಕಾರವಾರ ತಾಲೂಕಿನ ಸಿದ್ದರ, ಕಿನ್ನರ, ಸುಂಕೇರಿ ಹಾಗೂ ಕದ್ರಾ ಭಾಗಗಳಲ್ಲಿ ರಾಜಾರೋಷವಾಗಿ ಮರಳುಗಾರಿಕೆ ನಡೆಯುತ್ತಿದೆ. ಅದರಿಂದ ಪರಿಸರಕ್ಕೆ ಅಪಾಯವಾಗುವುದರ ಜೊತೆ ಆ ಭಾಗದಲ್ಲಿ ಸಂಚರಿಸುವವರು ಸಮಸ್ಯೆಗೆ ಸಿಲುಕಿದ್ದಾರೆ. ಹೀಗಾಗಿ ತಾಲೂಕು ಪಂಚಾಯತ ಮಾಜಿ ಸದಸ್ಯ ಪ್ರಶಾಂತ ಗೋವೇಕರ್ ಅವರು ಅಕ್ರಮ ಮರಳುಗಾರಿಕೆ ವಿರುದ್ಧ ಅಧಿಕಾರಿಗಳಿಗೆ ಮಾಹಿತಿ ನೀಡಿ, ಅಕ್ರಮ ಓಡಾಟದ ವಾಹನವನ್ನು ಹಿಡಿಸಿದ್ದಾಎ. ಗಣಿ ಮತ್ತು ಭೂವಿಜ್ಞಾನ ಇಲಾಖೆಯ ಭೂವಿಜ್ಞಾನಿ ಕೃಷ್ಣಮೂರ್ತಿ ಅವರು ಸ್ಥಳಕ್ಕೆ ಆಗಮಿಸಿ ಅಕ್ರಮ ಮರಳುಗಾರಿಕೆಯ ಗಾಡಿ ಹಿಡಿದಿದ್ದಾರೆ. ಗೋವಾ ನೋಂದಣಿಯ ವಾಹನದಲ್ಲಿ ಕಾಳಿ ನದಿಯ ಉಸುಕು ಸಾಗಾಟ ನಡೆದಿದ್ದು, ಸದ್ಯ ಒಂದು ಗಾಡಿ ಸಂಚಾರಕ್ಕೆ ತಡೆ ಬಿದ್ದಿದೆ. ಇಲ್ಲಿನ ಉಸುಕು ಕಾನೂನುಬಾಹಿರವಾಗಿ ಗೋವಾಗೂ ಹೋಗುವ ಬಗ್ಗೆ ಮಾಹಿತಿಗಳಿವೆ. ಅದಕ್ಕೂ ಕಡಿವಾಣ ಹಾಕಬೇಕು ಎಂದು ಜನ ಆಗ್ರಹಿಸಿದ್ದಾರೆ.  
- [ಅಂಕೋಲಾ | ಪ್ರಯಾಣಿಕರೇ ಇಲ್ಲಿ ಗಮನಿಸಿ...](https://mobiletime.in/2026/08/ankola-passengers-please-note/): ಅಂಕೋಲಾದ ಬೇಲೆಕೇರಿ-ಮಂಜಗುಣಿ-ತದಡಿ-ಗೋಕರ್ಣ ರಾಜ್ಯ ಹೆದ್ದಾರಿ-304ರಲ್ಲಿರುವ ಪೂಜಗೇರಿ ಸೇತುವೆ ಶಿಥಿಲಗೊಂಡಿದೆ. ಈ ಹಿನ್ನಲೆ ಆ ಸೇತುವೆ ಮಾರ್ಗವಾಗಿ ಭಾರೀ ವಾಹನ ಓಡಾಟವನ್ನು ಜಿಲ್ಲಾಡಳಿತ ನಿಷೇಧಿಸಿದೆ. ಶಾಲಾ ಮಕ್ಕಳಿಗೆ ಹಾಗೂ ಸಾರ್ವಜನಿಕರ ಸುರಕ್ಷತೆಯ ದೃಷ್ಟಯಿಂದ ಈ ನಿರ್ಣಯ ಮಾಡಲಾಗಿದೆ. `ಅಂಕೋಲಾ ವ್ಯಾಪ್ತಿಯ ಬೇಲೆಕೇರಿ- ಮಂಜಗುಣಿ- ತದಡಿ-ಗೋಕರ್ಣ ರಾಜ್ಯ ಹೆದ್ದಾರಿ-304ರಲ್ಲಿರುವ ಪೂಜಗೇರಿ ಸೇತುವೆಯಲ್ಲಿ ಭಾರೀ ವಾಹನಗಳ ಸಂಚಾರ ಮಾಡುವ ಹಾಗಿಲ್ಲ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಹೇಳಿದ್ದಾರೆ. ಮುಂದಿನ ಆದೇಶದವರೆಗೆ ಸೇತುವೆ ಸಂಚಾರ ನಿರ್ಭಂದಿಸಲಾಗಿದ್ದು, ಈ ಮಾರ್ಗವಾಗಿ ಓಡಾಡುವವರಿಗೆ ಪರ್ಯಾಯ ಪಥದ ಬಗ್ಗೆ ಮಾಹಿತಿ ನೀಡಲಾಗಿದೆ. ಈ ರಸ್ತೆಗೆ ಪರ್ಯಾಯ ಮಾರ್ಗವಾಗಿ ಶೇಟಗೇರಿ ಕ್ರಾಸ್‌ನಿಂದ ಬಾಸಗೋಡ ಕ್ರಾಸ್‌ಗೆ ಕೂಡುವ ಸುಮಾರು 03 ಕಿ.ಮೀ ಅಂತರದಲ್ಲಿರುವ ಮಾರ್ಗದಿಂದ (ಶೇಟಗೇರಿ ಕ್ರಾಸ್ ರಸ್ತೆಯಿಂದ) ಭಾರೀ ವಾಹನಗಳು ಸಂಚರಿಸಲು ಅವಕಾಶ ಕಲ್ಪಿಸಿದೆ. ಲೋಕೋಪಯೋಗಿ ಇಲಾಖೆಯಿಂದ ಸದರಿ ರಾಜ್ಯ ಹೆದ್ದಾರಿ-304 ರಸ್ತೆಯ ಮೇಲೆ ಭಾರೀ ವಾಹನಗಳು ಓಡಾಡದಂತೆ ಹೈಟ್ ಬ್ಯಾರಿಯರ್ (ಂಟಿgಟe ಃಚಿಡಿಡಿieಡಿ) ಗಳನ್ನು ಸೇತುವೆಯ ಎರಡು ಬದಿಯಲ್ಲಿ ಅಳವಡಿಸಲಾಗುತ್ತದೆ. ಜೊತೆಗೆ ಸೇತುವೆಯ ಎರಡು ಬದಿಗಳಲ್ಲಿ ಭಾರೀ ವಾಹನ ನಿಷೇಧದ ಬಗ್ಗೆ ಸ್ಪಷ್ಟವಾಗಿ ಗೋಚರಿಸುವಂತಹ ಎಚ್ಚರಿಕೆ ಸೂಚನಾ ಫಲಕಗಳನ್ನು ಅಳವಡಿಸಲಾಗುತ್ತದೆ. ಪೊಲೀಸ್ ಇಲಾಖೆಯಿಂದ ಅವಶ್ಯವಿರುವ ಕಡೆಗಳಲ್ಲಿ ಬ್ಯಾರಿಕೇಡ್ ಗಳನ್ನು ಕಡ್ಡಾಯವಾಗಿ ಅಳವಡಿಸಲಿದೆ. ಸಂಚಾರ ದಟ್ಟಣೆ ಆಗದ ರೀತಿಯಲ್ಲಿ ಸೂಕ್ತ ಕ್ರಮ ಕೈಗೊಳ್ಳಲಿದೆ. ಅದರೊಂದಿಗೆ ಪೊಲೀಸರು ಎಲ್ಲಾ ವಾಹನಗಳ ಚಲನ-ವಲನಗಳ ಬಗ್ಗೆ ಸರಿಯಾಗಿ ನಿಗಾವಹಿಸಲಿದ್ದು, ನಿಷೇಧದ ಆದೇಶ ಉಲ್ಲಂಘಿಸಿದರೆ ಕ್ರಮ ಜರುಗಿಸಲಿದ್ದಾರೆ.
- [ಯಲ್ಲಾಪುರ | ಕಾಡಿನಲ್ಲಿ ಅಲೆದಾಡಿದ ವಿದೇಶಿಗ!](https://mobiletime.in/2026/08/yellapur-foreigner-wandered-in-the-forest/): ಯಲ್ಲಾಪುರದ ಕಾಡುಗಳಲ್ಲಿ ವಿದೇಶಿ ವ್ಯಕ್ತಿಯೊಬ್ಬ ಅಲೆದಾಡುತ್ತಿದ್ದು, ಆತನ ವಿಚಿತ್ರ ವರ್ತನೆ ನೋಡಿದ ಜನ ಕಂಗಾಲಾಗಿದ್ದಾರೆ. ಭಾಷೆ ಬಾರದ ವಿದೇಶಿಗ ವಿಚಿತ್ರವಾಗಿ ನಡೆದುಕೊಂಡಿದ್ದು, ಕೊನೆಗೆ ಊರಿನವರೆಲ್ಲರೂ ಸೇರಿ ಆತನನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಉತ್ತರ ಯುರೋಪ್ ಭಾಗದ ಡೆನ್ ಮಾರ್ಕ ದೇಶದ ಆರಿಕ್ (೫೬) ಎಂಬಾತರು ಆರು ತಿಂಗಳ ಕಾಲ ವಿದೇಶ ಪ್ರವಾಸಕ್ಕೆ ನಿರ್ಧರಿಸಿದ್ದರು. ಡೆನ್ ಮಾರ್ಕನ ಒಂದು ರೂಪಾಯಿಗೆ ಭಾರತದಲ್ಲಿ ೧೫ ರೂಪಾಯಿಯ ಮೌಲ್ಯವಿದ್ದು, ತಮ್ಮಲ್ಲಿರುವ ಹಣದಲ್ಲಿ ಪ್ರವಾಸ ಮಾಡಲು ಭಾರತವೇ ಸೂಕ್ತ ಎಂದವರು ನಿರ್ಧರಿಸಿದ್ದರು. ಇದಕ್ಕಾಗಿ ಅವರು ಆರು ತಿಂಗಳ ಅವಧಿಗೆ ವೀಸಾಪಡೆದಿದ್ದರು. ಡೆನ್‌ಮಾರ್ಕಿನಿಂದ ತಮಿಳುನಾಡಿಗೆ ಬಂದಿದ್ದ ಅವರು ಅಲ್ಲಿ-ಇಲ್ಲಿ ಸುತ್ತಾಡಿ ಗೋವಾಗೆ ಬಂದಿದ್ದರು. ತಮ್ಮಲ್ಲಿರುವ ಹಣ ಕಡಿಮೆ ಆದಾಗ ಗೋವಾ ಬಿಟ್ಟು ಕರ್ನಾಟಕ ಪ್ರವೇಶಿಸಿದರು. ಯಲ್ಲಾಪುರದ ಮಾಗೋಡು ಜಲಪಾತದ ಬಗ್ಗೆ ಅರಿವ ಅವರು ಅದನ್ನು ನೋಡಲು ಹೋಗಿದ್ದು, ಯಲ್ಲಾಪುರದಲ್ಲಿಯೇ ಅವರ ಬಳಿಯಿದ್ದ ಎಲ್ಲಾ ಹಣ ಖಾಲಿಯಾಯಿತು. ಮೊಬೈಲ್ ಸಹ ಬಿದ್ದು ಹಾಳಾಯಿತು. ಕೈಯಲ್ಲಿ ದುಡ್ಡಿಲ್ಲದ ಆರಿಕ್ ಅವರಿಗೆ ಇಲ್ಲಿನ ಭಾಷೆ ಬರುತ್ತಿರಲಿಲ್ಲ. ಹಸಿವಾದರೂ ಜನರಲ್ಲಿ ಬೇಡಿ ತಿನ್ನಲು ಮನಸ್ಸು ಬರಲಿಲ್ಲ. ಹೀಗಾಗಿ ಮಾಗೋಡು ಬದಿಯ ಕಾಡು ದಾರಿಯಲ್ಲಿ ಸಂಚರಿಸಿದ ಅವರು ಗುಡ್ಡಗಾಡಿನ ಹಣ್ಣುಗಳಿಗಾಗಿ ಹುಡುಕಾಟ ನಡೆಸಿದರು. ನಾಲ್ಕು ದಿನಗಳ ಕಾಲ ಓಡಾಟ ನಡೆಸಿದರೂ ಆ ಬೆಟ್ಟದಲ್ಲಿ ನೀರು ಬಿಟ್ಟು ಅವರಿಗೆ ಬೇರೆನೂ ಸಿಗಲಿಲ್ಲ. ರಾತ್ರಿ ವೇಳೆ ಕಂಡ ಬೆಳಕು ನೋಡಿ ಅವರು ಊರಿನ ಕಡೆ ಆಗಮಿಸಿದ್ದು, ಮಾಗೋಡು ಕಾಲೋನಿ ತಲುಪಿದರು. ಹಸಿವಿನಿಂದ ಬಳಲಿದ್ದ ಆರಿಕ್ ಅವರು ಅಲ್ಲಿ ವಿಚಿತ್ರವಾಗಿ ವರ್ತಿಸುತ್ತಿದ್ದರು. ಜನ ಅವರನ್ನು ಮಾತನಾಡಿಸುವ ಪ್ರಯತ್ನ ಮಾಡಿದರೂ ಅದಕ್ಕೆ ಸ್ಪಂದಿಸದೇ ಮಾನಸಿಕ ರೋಗಿಯಂತೆ ವರ್ತಿಸಿದರು. ಇದನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದರು. ಪೊಲೀಸ್ ಸಿಬ್ಬಂದಿ ಬಳಿಯೂ ಆರಿಕ್ ಅವರ ಸಮಸ್ಯೆ ಅರ್ಥ ಮಾಡಿಕೊಳ್ಳಲು ಆಗಲಿಲ್ಲ. ಹೀಗಾಗಿ ಅವರನ್ನು ನೇರವಾಗಿ ಪೊಲೀಸ್ ಠಾಣೆಗೆ ಕರೆತಂದರು. ಪಿಸೈ ರಾಜಶೇಖರ್ ವಂದಲಿ ಅವರು ಆರಿಕ್ ಅವರ ಪೂರ್ವಾಪರ ವಿಚಾರಿಸಿದರು. ವೀಸಾ ಅವಧಿ ಇನ್ನೂ ಚಾಲನೆಯಲ್ಲಿರುವುದನ್ನು ಗಮನಿಸಿದರು. ಹಸಿದ ಹೊಟ್ಟೆಗೆ ಊಟ ಕೊಡಿಸಿ, ಕೈಯಲ್ಲಿ ಒಂದಷ್ಟು ಕಾಸು ಹಿಡಿಸಿದರು. ಅದಾದ ನಂತರ ಮತ್ತೆ ಮುಂದಿನ ಪ್ರವಾಸಕ್ಕೆ ಹೋಗಲು ಬಯಸಿದ ಆರಿಕ್ ಅವರನ್ನು ಬಸ್ ಹತ್ತಿಸಿ ಕಳುಹಿಸಿಕೊಟ್ಟರು.
- [ಕಾರವಾರದಲ್ಲಿ ಘರ್ಜಿಸಿದ ಶಿರಸಿಯ ಬಿಜೆಪಿಗ!](https://mobiletime.in/2026/08/sirsi-bjp-leader-roars-in-karwar/): ಜಿಲ್ಲಾಕೇಂದ್ರ ಕಾರವಾರದಲ್ಲಿ ಬಿಜೆಪಿ ನಡೆಸುತ್ತಿರುವ ಪ್ರತಿಭಟನೆ ಮೂರನೇ ದಿನ ಮುಗಿಸಿದ್ದು, ಗುರುವಾರ ಶಿರಸಿಯ ಬಿಜೆಪಿ ಮುಖಂಡ ಅನಂತಮೂರ್ತಿ ಹೆಗಡೆ ಮುಖ್ಯ ಭಾಷಣ ಮಾಡಿದ್ದಾರೆ. `ಭ್ರಷ್ಟಾಚಾರ ಆರೋಪ ಎದುರಿಸುತ್ತಿರುವ ನಾಗೇಂದ್ರ ಅವರು ಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ಕೊಡಬೇಕು’ ಎಂದವರು ಆಗ್ರಹಿಸಿದ್ದರೆ. `ಚಂದ್ರಶೇಖರನ್ ಎನ್ನುವ ಅಧಿಕಾರಿ ಆತ್ಮಹತ್ಯೆ ಆತ್ಮಹತ್ಯೆ ಮಾಡಿಕೊಳ್ಳುವ ಪೂರ್ವದಲ್ಲಿ ಆರು ಪುಟಗಳ ಡೆತ್ ನೋಟ್ ಬರದಿಟ್ಟಿದ್ದು, ಅದರಲ್ಲಿ ನಾಗೇಂದ್ರ ಅವರ ಭ್ರಷ್ಟಾಚಾರದ ವಿವರಗಳಿವೆ. ಯಾವ ಯಾವ ಖಾತೆಗೆ ಹಣ ಹೋಗಿದೆ? ಎಂಬ ಮಾಹಿತಿಯೂ ಅದರಲ್ಲಿದೆ. ಭ್ರಷ್ಟಾಚಾರ ಮಾಡಿಯೇ ಅಧಿಕಾರಕ್ಕೆ ಬಂದ ನಾಗೇಂದ್ರ ಅವರು ಸಚಿವ ಸ್ಥಾನಕ್ಕೆ ಯೋಗ್ಯರಲ್ಲ. ಸದ್ಯ ವಾಲ್ಮೀಕಿ ಹಗರಣದಲ್ಲಿಯೂ ಅವರು ಆರೋಪಿಯಾಗಿದ್ದರಿಂದ ಸರ್ಕಾರ ತಕ್ಷಣ ರಾಜೀನಾಮೆ ಪಡೆಯಬೇಕು’ ಎಂದು ಆಗ್ರಹಿಸಿದರು. ವಾಲ್ಮೀಕಿ ಅಭಿವೃದ್ಧಿ ನಿಗಮದ ಬಹುಕೋಟಿ ಅವ್ಯವಹಾರ ಪ್ರಕರಣಕ್ಕೆ ಸಂಬoಧಿಸಿದoತೆ, ಸಚಿವ ನಾಗೇಂದ್ರ ಅವರನ್ನು ಸಂಪುಟದಿoದ ವಜಾಗೊಳಿಸಬೇಕೆಂದು ಆಗ್ರಹಿಸಿ ಶಿರಸಿ ಸಿದ್ಧಾಪುರ ಕ್ಷೇತ್ರದ ಕಾರ್ಯಕರ್ತರು ಪಟ್ಟುಹಿಡಿದರು. ಬಿಜೆಪಿಯ ರಾಜ್ಯ ಕಾರ್ಯಕಾರಿಣಿ ಸದಸ್ಯರಾದ ಕೆ ಜಿ ನಾಯ್ಕ ಮಾತನಾಡಿ `ಭ್ರಷ್ಟಾಚಾರಕ್ಕೆ ಕಾರಣವಾದ ನಾಗೇಂದ್ರ ಅವರನ್ನು ತಕ್ಷಣ ಸಂಪುಟದಿoದ ವಜಾ ಮಾಡಬೇಕು’ ಎಂದು ಒತ್ತಾಯಿಸಿದರು. ಬಿಜೆಪಿಯ ಜಿಲ್ಲಾ ಉಪಾಧ್ಯಕ್ಷರಾದ ಚಂದ್ರು ಎಸಳೆ, ಶಿರಸಿ ನಗರ ಮಂಡಲ ಅಧ್ಯಕ್ಷರಾದ ಆನಂದ ಸಾಲೇರ, ಶಿರಸಿ ಬಿಜೆಪಿ ಗ್ರಾಮೀಣ ಅಧ್ಯಕ್ಷರಾದ ಉಷಾ ಹೆಗಡೆ, ಸಿದ್ದಾಪುರ ಮಂಡಲ ಅಧ್ಯಕ್ಷ ತಿಮ್ಮಪ್ಪ ಎಂ ಕೆ,ಅಲ್ಪಸಂಖ್ಯಾತ ಮೋರ್ಚಾ ಅಧ್ಯಕ್ಷ ಜಾಯ್ಸನ್ ಡಿಸೋಜಾ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪ್ರಶಾಂತ ನಾಯಕ, ಬಿಜೆಪಿ ಪ್ರಮುಖರಾದ ರಾಜು ಭಂಡಾರಿ, ಮಾಧ್ಯಮ ಸಹ ಸಂಚಾಲಕ ಕಿಶನ್ ಕಾಂಬಳೆ, ಕಾರವಾರ ನಗರ ಮಂಡಲ ಅಧ್ಯಕ್ಷ ನಾಗೇಶ ಕುರ್ಡೇಕರ, ರೈತ ಮೋರ್ಚಾ ಉಪಾಧ್ಯಕ್ಷ ಸುರೇಶ ನಾಯ್ಕ, ರೈತ ಮೋರ್ಚ ಉಪಾಧ್ಯಕ್ಷ ಬಸಣ್ಣ ಕುರುಬಕಟ್ಟಿ, ಯಲ್ಲಾಪುರ ರೈತ ಮೋರ್ಚಾ ಅಧ್ಯಕ್ಷ ರಾಮಣ್ಣ ಚಿಕ್ಯಾನ ಮನೆ, ಮತ್ತು ಶಿರಸಿ ಸಿದ್ದಾಪುರ, ಹಾಗೂ ರೈತ ಮೋರ್ಚಾ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
- [ಕಚೇರಿಗಳ ಮೇಲೆ ಲೋಕಾಯುಕ್ತ ದಾಳಿ: ದಾಖಲೆಗಳ ಪರಿಶೀಲನೆ](https://mobiletime.in/2026/08/lokayukta-raids-on-offices-scrutiny-of-documents/): ಉತ್ತರ ಕನ್ನಡ ಜಿಲ್ಲೆಯ ಅನೇಕ ಸರ್ಕಾರಿ ಕಚೇರಿ ಮೇಲೆ ಗುರುವಾರವೂ ಲೋಕಾಯುಕ್ತರು ದಾಳಿ ಮಾಡಿದ್ದಾರೆ. ಕಾರವಾರ ಹಾಗೂ ಶಿರಸಿ ನಗರಸಭೆ, ವಿವಿಧ ಹಾಸ್ಟೇಲುಗಳ ಮೇಲೆ ದಾಳಿ ನಡೆಸಿ ಕಾಗದಪತ್ರಗಳ ಪರಿಶೀಲನೆ ನಡೆಸಿದ್ದಾರೆ. ಉತ್ತರಕನ್ನಡ ಲೋಕಾಯುಕ್ತ ಎಸ್‌ಪಿ ದಿನೇಶ್ ಅವರ ನೇತೃತ್ವದಲ್ಲಿ ಅಧಿಕಾರಿಗಳ ತಂಡ ಕಾರ್ಯಾಚರಣೆ ನಡೆಸಿದೆ. ವಿವಿಧ ವಿಭಾಗಗಳಿಗೆ ತೆರಳಿ ಅಲ್ಲಿ ದಾಖಲೆಗಳ ಶೋಧ ನಡೆಸಿದೆ. ಕಂದಾಯ, ತೆರಿಗೆ ಸೇರಿದಂತೆ ಹಲವು ವಿಭಾಗಗಳ ಕಡತಗಳನ್ನು ಹಾಗೂ ಬಾಕಿಯಿರುವ ಅರ್ಜಿಗಳನ್ನು ಅಧಿಕಾರಿಗಳು ಪರಿಶೀಲಿಸಿದ್ದಾರೆ. ಬಹಳ ದಿನಗಳಿಂದ ಬಾಕಿಯಿರುವ ಅರ್ಜಿಗಳ ಬಗ್ಗೆ ಅಧಿಕಾರಿಗಳಿಂದ ಮಾಹಿತಿ ಸಂಗ್ರಹಿಸಿದ್ದು, ತ್ವರಿತ ಕ್ರಮಕ್ಕೆ ಸೂಚಿಸಿದ್ದಾರೆ. ಜಿಲ್ಲೆಯ 9 ಹಾಸ್ಟೇಲುಗಳ ಮೇಲೆಯೂ ಅಧಿಕಾರಿಗಳು ದಾಳಿ ನಡೆಸಿದ್ದು, ಅಲ್ಲಿನ ದಾಖಲೆಗಳನ್ನು ಗಮನಿಸಿದ್ದಾರೆ. ಇಲ್ಲಿನ ನ್ಯೂನ್ಯತೆಗಳ ಬಗ್ಗೆ ಲೋಕಾಯುಕ್ತರು ಸರ್ಕಾರಕ್ಕೆ ವರದಿ ಸಲ್ಲಿಸಲಿದ್ದು, ಆಡಳಿತ ಸುಧಾರಣೆಗೆ ಸಲಹೆ ನೀಡುವ ಸಾಧ್ಯತೆಗಳಿವೆ. ಈ ಹಿಂದೆ ದಾಖಲಾದ ಸುಮೋಟೋ ಪ್ರಕರಣಗಳ ವಿಷಯವಾಗಿಯೂ ಈ ದಾಳಿ ನಡೆದಿದೆ.
- [ಕಸ್ತೂರಿ ರಂಗನ್ ವರದಿಗೆ ರೈತ ಸಂಘದ ಅಡ್ಡಗಾಲು!](https://mobiletime.in/2026/08/farmers-association-opposes-kasturirangan-report/): `ಪಶ್ಚಿಮಘಟ್ಟ ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಸೇರಿಸುವ ವಿಷಯವಾಗಿ ಕೇಂದ್ರ ಸರ್ಕಾರ ಹೊರಡಿಸಿರುವ 7ನೇ ಕರಡು ಅಧಿಸೂಚನೆಗೆ ರಾಜ್ಯ ಸರ್ಕಾರ ತಕರಾರು ಸಲ್ಲಿಸಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಉತ್ತರ ಕನ್ನಡ ಜಿಲ್ಲಾ ಸಮಿತಿ ಆಗ್ರಹಿಸಿದೆ. ಈ ಬಗ್ಗೆ ಸಮಿತಿ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಅಭಿಪ್ರಾಯ ಮಂಡಿಸಿದ್ದು, `ಪಶ್ಚಿಮಘಟ್ಟದಲ್ಲಿ ವಾಸಿಸುವ ಜನ-ಜೀವನದ ಮೇಲೆ ಈ ವರದಿ ದುಷ್ಪರಿಣಾಮ ಬೀರಲಿದೆ’ ಎಂದು ಆತಂಕವ್ಯಕ್ತಪಡಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿಗೆ ಸಂಬoಧಿಸಿದoತೆ ಈ ಹಿಂದಿನ ಸರ್ಕಾರಗಳ ಅವಧಿಯಲ್ಲಿಯೂ ಕರ್ನಾಟಕ ಸರ್ಕಾರ ಕೇಂದ್ರದ ಪ್ರಸ್ತಾವನೆಗಳಿಗೆ ತಕರಾರು ಸಲ್ಲಿಸಿತ್ತು. ಇದೇ ನಿಲುವನ್ನು ಮುಂದುವರಿಸಿ, ಪ್ರಸ್ತುತ ಕೇಂದ್ರ ಸರ್ಕಾರ ಹೊರಡಿಸಿರುವ ಹೊಸ ಕರಡು ಅಧಿಸೂಚನೆಗೂ ರಾಜ್ಯ ಸರ್ಕಾರ ತನ್ನ ಆಕ್ಷೇಪಣೆ ಸಲ್ಲಿಸಬೇಕು’ ಎಂದವರು ಒತ್ತಾಯಿಸಿದ್ದಾರೆ. `ಕಸ್ತೂರಿ ರಂಗನ್ ನೇತೃತ್ವದ ಉನ್ನತ ಮಟ್ಟದ ಕಾರ್ಯನಿರತ ತಂಡವು 2013ರಲ್ಲಿ ಪಶ್ಚಿಮಘಟ್ಟ ಸಂರಕ್ಷಣೆ ಕುರಿತು ವರದಿ ಸಲ್ಲಿಸಿತ್ತು. ವರದಿಯಲ್ಲಿ ದೇಶದ ಆರು ರಾಜ್ಯಗಳ ಸುಮಾರು 56000 ಚದರ ಕಿ.ಮೀ. ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶವೆಂದು ಗುರುತಿಸಲು ಶಿಫಾರಸು ಮಾಡಲಾಗಿದ್ದು, ಕರ್ನಾಟಕದ 20,668 ಚದರ ಕಿಮೀ ಪ್ರದೇಶ ಇದರಲ್ಲಿ ಸೇರಿದೆ. ಕೇಂದ್ರ ಸರ್ಕಾರವು 2026ರ ಜುಲೈ 27ರಂದು ಹೊರಡಿಸಿರುವ ಏಳನೇ ಕರಡು ಅಧಿಸೂಚನೆಯಡಿ ಕರ್ನಾಟಕದ ಬೆಳಗಾವಿ, ಚಾಮರಾಜನಗರ, ಚಿಕ್ಕಮಗಳೂರು, ಕೊಡಗು, ಹಾಸನ, ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಮೈಸೂರು, ಶಿವಮೊಗ್ಗ, ಉಡುಪಿ ಸೇರಿದಂತೆ 10 ಜಿಲ್ಲೆಗಳ 39 ತಾಲ್ಲೂಕುಗಳ 1,449 ಗ್ರಾಮಗಳನ್ನು ಪರಿಸರ ಸೂಕ್ಷ್ಮ ಪ್ರದೇಶದ ವ್ಯಾಪ್ತಿಗೆ ಸೇರಿಸಲು ಗುರುತಿಸಲಾಗಿದೆ’ ಎಂದವರು ವಿವರಿಸಿದ್ದಾರೆ. `ಕರಡು ಅಧಿಸೂಚನೆಯಡಿ ಗಣಿಗಾರಿಕೆ, ಕಲ್ಲು ಗಣಿಗಾರಿಕೆ, ಮರಳು ಗಣಿಗಾರಿಕೆ, ಉಷ್ಣ ವಿದ್ಯುತ್ ಸ್ಥಾವರಗಳು ಹಾಗೂ ನಿರ್ದಿಷ್ಟ ಮಿತಿಗಿಂತ ಹೆಚ್ಚಿನ ಕಟ್ಟಡ ಮತ್ತು ಟೌನ್‌ಶಿಪ್ ಅಭಿವೃದ್ಧಿ ಚಟುವಟಿಕೆಗಳನ್ನು ನಿಯಂತ್ರಿಸಲು ಪ್ರಸ್ತಾಪಿಸಲಾಗಿದೆ. ಕೃಷಿ, ನೆಡುತೋಪು ಸೇರಿದಂತೆ ಜನರ ದೈನಂದಿನ ಜೀವನಾಧಾರ ಚಟುವಟಿಕೆಗಳ ಮೇಲೆ ನಿರ್ದಿಷ್ಟ ಪರಿಣಾಮ ಬೀರಲಿದೆ. ಕಸ್ತೂರಿ ರಂಗನ್ ಸಮಿತಿಯ ಶಿಫಾರಸುಗಳನ್ನು ಸಂಪೂರ್ಣವಾಗಿ ಅನುಷ್ಠಾನಗೊಳಿಸುವುದರಿಂದ ಈಗಾಗಲೇ ರಕ್ಷಿತ ಪ್ರದೇಶಗಳು, ಅಧಿಸೂಚಿತ ಅರಣ್ಯಗಳು ಹಾಗೂ ಪರಿಸರ ಸೂಕ್ಷ್ಮ ಪ್ರದೇಶಗಳಾಗಿ ಗುರುತಿಸಲ್ಪಟ್ಟಿರುವ ಪ್ರದೇಶಗಳ ಮೇಲೆ ಹೆಚ್ಚುವರಿ ನಿರ್ಬಂಧಗಳು ಉಂಟಾಗುವ ಸಾಧ್ಯತೆಯಿದ್ದು, ಇದರಿಂದ ಪಶ್ಚಿಮಘಟ್ಟದ ಜನರ ಜೀವನೋಪಾಯಕ್ಕೆ ಪ್ರತಿಕೂಲ ಪರಿಣಾಮ ಬೀರುವ ಲಕ್ಷಣಗಳಿವೆ’ ಎಂದವರು ಹೇಳಿದ್ದಾರೆ. `ಈ ಎಲ್ಲಾ ಹಿನ್ನೆಲೆಯಲ್ಲಿ ಜುಲೈ 27ರಂದು ಹೊರಡಿಸಿದ ಏಳನೆಯ ಪ್ರಸ್ತಾವನೆಯನ್ನು ತಿರಸ್ಕರಿಸಲು 60 ದಿನದ ಅವಕಾಶವಿದೆ. ರಾಜ್ಯ ಸರಕಾರ ಆದಷ್ಟು ಬೇಗ ಕಸ್ತೂರಿ ರಂಗನ್ ವರದಿ ಅನುಷ್ಠಾನಕ್ಕೆ ವಿರೋಧ ವ್ಯಕ್ತಪಡಿಸಿ ನಿರ್ಣಯ ಅಂಗೀಕರಿಸಿ, ಕೇಂದ್ರ ಸರ್ಕಾರಕ್ಕೆ ರಾಜ್ಯದ ಸ್ಪಷ್ಟ ನಿಲುವನ್ನು ತಿಳಿಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘ ಒತ್ತಾಯಿಸುವುದಾಗಿ ಶಾಂತಾರಾಮ ನಾಯಕ ಅವರು ಆಗ್ರಹಿಸಿದ್ದಾರೆ.
- [ಯಲ್ಲಾಪುರ | ಹೊಂಡದ ವಿರುದ್ಧ ಬಿಜೆಪಿಗರ ಹೋರಾಟ!](https://mobiletime.in/2026/08/yellapur-bjp-members-protest-against-potholes/): `ಮೂರು ವರ್ಷಗಳಿಂದ ರಾಜ್ಯದಲ್ಲಿ ಅಧಿಕಾರದಲ್ಲಿರುವ ಕಾಂಗ್ರೆಸ್ ಸರ್ಕಾರ ರಸ್ತೆಗಳ ನಿರ್ವಹಣೆ ಸರಿಯಾಗಿ ಮಾಡುತ್ತಿಲ್ಲ. ಅದರಿಂದಾಗಿ ಎಲ್ಲಾ ರಸ್ತೆಗಳು ಹೊಂಡಗಳಿoದ ಕೂಡಿದೆ’ ಎಂದು ಯಲ್ಲಾಪುರ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರು ದೂರಿದ್ದಾರೆ. ಹೊಂಡ ಮುಚ್ಚದೇ ಇದ್ದರೆ ಅದರೊಳಗೆ ಗಿಡ ನೆಟ್ಟು ಪ್ರತಿಭಟಿಸುವುದಾಗಿ ಅವರು ಘೋಷಿಸಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಕಾಂಗ್ರೆಸ್ ಸರಕಾರ ಕಳೆದ ಮೂರು ವರ್ಷಗಳಿಂದ ರಸ್ತೆಗಳನ್ನು ನಿರ್ವಹಣೆ ಮಾಡುತ್ತಿಲ್ಲ. ಲೋಕೋಪಯೋಗಿ ರಸ್ತೆಗಳ ನಿರ್ವಹಣೆ ಆಗದೇ ಇದ್ದರೆ ಪ್ರತಿಭಟನೆ ಅನಿವಾರ್ಯ’ ಎಂದು ಎಚ್ಚರಿಸಿದರು. `ಅಧಿಕಾರಿಗಳು ಸ್ಥಳಕ್ಕೆ ಬರುವವರೆಗೆ ಅಲ್ಲಿಯೇ ಮೊಕ್ಕಾಂ ಹೂಡಿ ಪ್ರತಿಭಟನೆ ನಡೆಸಲಾಗುತ್ತದೆ. ಆ ಮೂಲಕ ಸರ್ಕಾರಕ್ಕೂ ಛೀಮಾರಿ ಹಾಕಲಾಗುತ್ತದೆ’ ಎಂದು ತಿಳಿಸಿದರು. ಬಿಜೆಪಿಯ ಕಂಪ್ಲಿ ಮಹಾಶಕ್ತಿ ಕೇಂದ್ರದ ಅಧ್ಯಕ್ಷ ವಿನೇಶ ಭಟ್ಟ ಮಾಳಕೊಪ್ಪ ಹಾಗೂ ಇಡಗುಂದಿ ಮಹಾಶಕ್ತಿ ಕೇಂದ್ರದ ಜಿ ಆರ್ ಭಾಗ್ವತ್ ಅವರು ಮಾತನಾಡಿ `ಯಲ್ಲಾಪುರ ಶಿರಸಿ ರಸ್ತೆ, ಚಿನ್ನಾಪುರ ಬಾರೆ ರಸ್ತೆ, ನಂದೊಳ್ಳಿ ಮಾಗೋಡ ರಸ್ತೆ ಅತ್ಯಂತ ಹೆಚ್ಚಿನ ಪ್ರಮಾಣದಲ್ಲಿ ಹಾಳಾಗಿದೆ. ವಾರದೊಳಗೆ ರಿಪೇರಿ ನಡೆಯದಿದ್ದರೆ ಪ್ರತಿಭಟನೆ ಅನಿವಾರ್ಯ’ ಎಂದರು. ಬಿಜೆಪಿ ಮಂಡಲ ಉಪಾಧ್ಯಕ್ಷ ಗಣೇಶ ಹೆಗಡೆ ಅವರು ಮಾತನಾಡಿ `ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳ ಬೇಜವಬ್ದಾರಿಯಿಂದ ರಸ್ತೆ ಹಾಳಾಗಿದೆ’ ಎಂದು ದೂರಿದರು. ಬಿಜೆಪಿ ಜಿಲ್ಲಾ ಕಾರ್ಯಕಾರಣಿ ಸದಸ್ಯ ಗಣೇಶ ಪಾಟಣಕರ್ ಅವರು `ಪಟ್ಟಣದಲ್ಲಿ ಹಂದಿಗಳು, ಬೀಡಾಡಿ ದನಗಳು, ನಾಯಿಗಳ ಹಾವಳಿ ಮಿತಿ ಮೀರಿದೆ. ವಾಹನ ಸವಾರರಿಗೆ ತೀವೃ ತೊಂದರೆ ಆಗುತ್ತಿದೆ. ಅಪಘಾತವಾದರೆ ಯಾರು ಹೊಣೆ?’ ಎಂದು ಪ್ರಶ್ನಿಸಿದರು. ಬಿಜೆಪಿ ನಗರ ಮಹಾಶಕ್ತಿ ಕೇಂದ್ರದ ಅಧ್ಯಕ್ಷ ಸೋಮೇಶ್ವರ ನಾಯ್ಕ ಅವರು ಮಾತನಾಡಿ `ಅಲಂಕಾರಿಕ ದೀಪ ಆರು ವರ್ಷದಿಂದ ಪೂರ್ಣ ಆಗಿಲ್ಲ. ತಕ್ಷಣ ಸರಿಪಡಿಸದಿದ್ದಲ್ಲಿ ಇಲಾಖೆಯ ಎದುರು ಧರಣಿ ನಡೆಸುತ್ತೇವೆ’ ಎಂದು ಎಚ್ಚರಿಸಿದರು. ಪ್ರಮುಖರಾದ ನಾಗೇಂದ್ರ ಪತ್ರೇಕರ ಅವರು ಇದ್ದರು.
- [ಸಿದ್ದಾಪುರ | ದುಡ್ಡು ಡಬಲ್ ಮಾಡುವ ಆಮೀಷ: ಸರ್ಕಾರಿ ನೌಕರನಿಗೆ ಮೂರು ನಾಮ!](https://mobiletime.in/2026/08/siddapura-lured-by-promise-of-doubling-money-government-employee-duped/): 20 ಲಕ್ಷ ರೂಪಾಯಿಗೂ ಅಧಿಕ ಹಣಹೊಂದಿದ್ದ ಸರ್ಕಾರಿ ನೌಕರರೊಬ್ಬರು ಆ ಹಣವನ್ನು ಡಬಲ್ ಮಾಡುವ ಆಮೀಷಕ್ಕೆ ಬಿದ್ದು, ಬ್ಯಾಂಕ್ ಖಾತೆ ಖಾಲಿ ಮಾಡಿಕೊಂಡಿದ್ದಾರೆ. ಸಂಕಷ್ಟ ಎದುರಾದಾಗ ಹೂಡಿಕೆ ಮಾಡಿದ ಹಣಹಿಂಪಡೆಯಲು ಸಾಧ್ಯವಾಗದೇ ಅವರು ತೊಂದರೆ ಅನುಭವಿಸಿದ್ದಾರೆ. ಸದ್ಯ ಮಂಜಪ್ಪ ಟಿ ತಿಪ್ಪೇಸ್ವಾಮಿ ಅವರು ಸಿದ್ದಾಪುರದಲ್ಲಿ ವಾಸವಾಗಿದ್ದಾರೆ. ಸರ್ಕಾರಿ ನೌಕರರಾಗಿರುವ ಅವರಿಗೆ ಉತ್ತಮ ಆದಾಯ ಸಿಗುತ್ತಿದೆ. ಅದಾಗಿಯೂ, ಅವರು ತಮಗೆ ಬರುವ ಹಣವನ್ನು ಡಬಲ್ ಮಾಡಿಕೊಳ್ಳುವ ಆಸೆಗೆ ಬಿದ್ದಿದ್ದಾರೆ. ಈ ಬಗ್ಗೆ ಅರಿತ ವಂಚಕರು ಮಂಜಪ್ಪ ಅವರನ್ನು ಸಂಪರ್ಕಿಸಿ, ನಯವಾಗಿ ಮಾತನಾಡಿದ್ದಾರೆ. ಅವರ ಮಾತಿನ ಮೋಡಿಗೆ ಮರುಳಾದ ಮಂಜಪ್ಪ ಅವರು 2025ರ ಜೂನ್ 2ರಿಂದ ತಮ್ಮ ಹಣ ಹೂಡಿಕೆ ಶುರು ಮಾಡಿದ್ದಾರೆ. ಒಂದು ವರ್ಷಗಳ ಕಾಲ ಅವರು ವಂಚಕರು ಹೇಳಿದ ಕಡೆಗಳೆಲ್ಲ ಹಣ ಹೂಡಿಕೆ ಮಾಡಿದ್ದು, ಒಟ್ಟು 2072580ರೂ ಖಾಲಿ ಮಾಡಿದ್ದಾರೆ. 2026ರ ಅವಧಿಯಲ್ಲಿ ಮಂಜಪ್ಪ ಅವರಿಗೆ ಹಣಕಾಸಿನ ಅಡಚಣೆ ಶುರುವಾಗಿದೆ. ಆಗ ಅವರು ಹೂಡಿಕೆ ಮಾಡಿದ ಹಣ ಹಿಂಪಡೆಯುವ ನಿರ್ಧಾರ ಮಾಡಿದ್ದಾರೆ. ಆದರೆ, ಹೂಡಿಕೆ ಮಾಡಿದ ಹಣ ಡಬಲ್ ಆಗುವ ಬದಲು ಎಲ್ಲವೂ ಖಾಲಿಯಾಗಿದೆ. ದುಡ್ಡು ಡಬಲ್ ಮಾಡಲು ಹೋಗಿ ಮಂಜಪ್ಪ ಅವರು ಮೋಸ ಹೋಗಿದ್ದಾರೆ. ಜಾಪ್ ಪ್ಲಾಟ್ ಪಾರ್ಮ ಎಂಬ ವೇದಿಕೆ ಮೂಲಕ ವಂಚಕರು ಅವರಿಗೆ ಮೂರು ನಾಮ ಹಾಕಿದ್ದಾರೆ. ಎಕ್ಸಿಸ್ ಬ್ಯಾಂಕ್, ಬ್ಯಾಂಕ್ ಆಫ್ ಬರೋಡಾದಲ್ಲಿ ಖಾತೆ ಹೊಂದಿದ್ದ ಮಂಜಪ್ಪ ಅವರು ತಮ್ಮ ಫೋನ್ ಫೇ ಮೂಲಕವೇ ಹಣವನ್ನು ವಂಚಕರಿಗೆ ವರ್ಗಾಯಿಸಿ ಕೈ ಸುಟ್ಟುಕೊಂಡಿದ್ದಾರೆ. ಸದ್ಯ ತಮಗಾದ ಅನ್ಯಾಯದ ಬಗ್ಗೆ ಅವರು 1930ಗೆ ಫೋನ್ ಮಾಡಿದ್ದಾರೆ. ಆದರೆ, ಅದರಿಂದ ಯಾವ ಪ್ರಯೋಜನವೂ ಆಗಿಲ್ಲ. ಅಲ್ಲಿ ಫೋನ್ ಮಾಡಿದರೂ ಹಣ ಮರಳಿ ಬಾರದ ಕಾರಣ ಅವರು ಪೊಲೀಸ್ ದೂರು ನೀಡಿದ್ದಾರೆ. ಕಷ್ಟದ ಕಾಲದಲ್ಲಿ ಹಣ ಸಿಗದೇ ಸಮಸ್ಯೆ ಅನುಭವಿಸುತ್ತಿರುವ ಮಂಜಪ್ಪ ಅವರು `ತಮ್ಮ ಹಣ ತಮಗೆ ಮರಳಿಸಿ ಎಂದು ಅವರು ಅಂಗಲಾಚಿದ್ದಾರೆ. `ಆಮೀಷಗಳಿಗೆ ಬಲಿಯಾಗಬೇಡಿ’
- [ಕಸ್ತೂರಿ ರಂಗನ್ ವರದಿ: ಸೆ 5ರಂದು ಆಕ್ಷೇಪಣೆ ಸಲ್ಲಿಕೆ](https://mobiletime.in/2026/08/kasturirangan-report-submission-of-objections-on-september-5/): ಶಿರಸಿ, ಸಿದ್ದಾಪುರ, ಯಲ್ಲಾಪುರ, ಜೋಯಿಡಾ ತಾಲೂಕಿನ ಜನರನ್ನು ಒಗ್ಗೂಡಿಸಿ ಕಸ್ತೂರಿ ರಂಗನ್ ವರದಿಯ 7ನೇ ಅಧಿಸೂಚನೆಗೆ ಆಕ್ಷೆಪಣೆ ಸಲ್ಲಿಸಲು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ನಿರ್ಧರಿಸಿದ್ದಾರೆ. ಸೆಪ್ಟೆಂಬರ್ 5ರಂದು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯಿಂದ ಆಕ್ಷೇಪಣೆ ಸಲ್ಲಿಸುವುದಾಗಿ ಅವರು ಹೇಳಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಅನೇಕ ಊರುಗಳನ್ನು ಸೂಕ್ಷ ಪ್ರದೇಶ ಎಂದು ಕಸ್ತೂರಿ ರಂಗನ್ ವರದಿಯಲ್ಲಿ ಹೇಳಲಾಗಿದೆ. ಪಶ್ಚಿಮ ಘಟ್ಟ ಪ್ರದೇಶವನ್ನ ರಕ್ಷಣೆ ಹಾಗೂ ಸಂರಕ್ಷಿಸಲು ಅಸ್ತಿತ್ವದಲ್ಲಿರುವ ಕಾನೂನು-ನೀತಿ-ನಿಯಮ ಈಗಾಗಲೇ ಜಾರಿಯಲ್ಲಿರುವುದರಿಂದ ಹೊಸ ವರದಿ ಅನುಷ್ಠಾನ ಅಗತ್ಯವಿಲ್ಲ. ಹೀಗಾಗಿ ಆ ವರದಿ ವಿರೋಧಿಸಿ ಆಕ್ಷೇಪಣೆ ಸಲ್ಲಿಸಲಾಗುತ್ತಿದೆ’ ಎಂದು ಅವರು ಶಿರಸಿಯಲ್ಲಿ ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ. `ಕಸ್ತೂರಿ ರಂಗನ್ ವಿರೋಧಿ ವರದಿ ಜಾರಿ ವಿರೋಧದ ಕುರಿತು ಹಾಗೂ ಆಕ್ಷೇಪಣೆಗೆ ಕಾರಣಗಳ ಮಾಹಿತಿಯೊಂದಿಗೆ ಒಂದು ಲಕ್ಷ ಕರಪತ್ರವನ್ನ ಮುದ್ರಿಸಲು ನಿರ್ಧರಿಸಲಾಗಿದೆ’ ಎಂದು ಸಹ ಅವರು ತಿಳಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿ 7 ನೇ ಅಧಿಸೂಚನೆಯಲ್ಲಿ ಕರ್ನಾಟಕದ 10 ಜಿಲ್ಲೆಯಲ್ಲಿನ 32 ತಾಲೂಕಿನಲ್ಲಿ 1502 ಹಳ್ಳಿಗಳನ್ನು ಸೂಕ್ಷö ಪ್ರದೇಶವೆಂದು ಉಲ್ಲೇಖಿಸಲ್ಪಟ್ಟಿದೆ. ಅತೀ ಹೆಚ್ಚು 138 ಹಳ್ಳಿಗಳು ತೀರ್ಥಹಳ್ಳಿಯಲ್ಲಿ ತಾಲೂಕಿನಲ್ಲಿ 2 ನೇ ಸ್ಥಾನ ಹೊಸನಗರ ತಾಲೂಕಿನಲ್ಲಿ 118 ಹಳ್ಳಿಗಳಿವೆ. ಶಿರಸಿ ಮತ್ತು ಸಾಗರ ತಾಲೂಕಿನಲ್ಲಿ ತಲಾ 114 ಅತೀ ಸೂಕ್ಷö ಹಳ್ಳಿಗಳೆಂದು ಗುರುತಿಸಿ ರಾಜ್ಯ ದಲ್ಲಿ ಅತೀ ಹೆಚ್ಚು ತಾಲೂಕಿನಲ್ಲಿ ಸೂಕ್ಷ ಪ್ರದೇಶದ ಪಟ್ಟಿಯಲ್ಲಿ ಶಿರಸಿ ಮತ್ತು ಸಾಗರ 3 ನೇ ಸ್ಥಾನದಲ್ಲಿದೆ’ ಎಂಬ ಮಾಹಿತಿಯನ್ನು ಅವರು ಬಿಡುಗಡೆ ಮಾಡಿದ್ದಾರೆ. ಸಂಘಟನೆಯ ಜಿಲ್ಲಾ ಸಂಚಾಲಕರಾದ ಇಬ್ರಾಹೀಂ ಗೌಡಳ್ಳಿ, ನೆಹರು ನಾಯ್ಕ ಬಿಳೂರು, ನಾಗರಾಜ ದೇವಸ್ಥಳಿ, ರಾಜು ನರೇಬೈಲ್, ಚಂದ್ರ ಶಾನಭಾಗ, ಚಂದ್ರು ನಾಯ್ಕ, ಕಿರಣ ಮರಾಠಿ ದೇವನಳ್ಳಿ, ರಫೀಕ ಗೌಡಳ್ಳಿ , ಪರಮೇಶ್ವರ ವಾನಳ್ಳಿ, ಜಯಶ್ರೀ ಪಟಗಾರ, ಕಲ್ಪನಾ ನರೇಬೈಲ್, ಅಬ್ದುಲ್ ಮುನಾಫ್, ಪಂಪಾವತಿ, ಯಶವಂತ ಬಂಡಲ್, ಸುರೇಶ ಗೌಡ ಗುಡ್ನಾಪುರ, ಲಕ್ಷಣ ಕೆ ಗೌಡ ಗುಡ್ನಾಪುರ, ಗೋಪಾಲ ಜಿ ನಾಯ್ಕ, ಫಕೀರಪ್ಪ , ಹುಲಿಯಾ ಗೌಡ, ಪ್ರಶಾಂತ್ ನಾಯ್ಕ, ಗಣಪತಿ ಮೊಗಳ್ಳಿ ಮುಂತಾದವರು ಉಪಸ್ಥಿತರಿದ್ದರು. ಯಲ್ಲಾಪುರದಲ್ಲಿ ಅಗಸ್ಟ 24ರಂದು ಕಸ್ತೂರಿ ರಂಗನ್ ವಿರೋಧಿ ಸಭೆ: ಯಲ್ಲಾಪುರ: ಅವೈಜ್ಞಾನಿಕ ಕಸ್ತೂರಿ ರಂಗನ್ ವರದಿಗೆ 7 ನೇ ಅಧಿಸೂಚನೆ ಆಗಿರುವ ಹಿನ್ನಲೆಯಲ್ಲಿ ಯಲ್ಲಾಪುರ ತಾಲೂಕಿನಲ್ಲಿ ಘೋಷಿಸಲ್ಟಟ್ಟ ಸೂಕ್ಷ ಪ್ರದೇಶದ ಪಟ್ಟಿಯ ಬಿಡುಗಡೆ ಮತ್ತು ಮುಂದಿನ ಹೋರಾಟದ ರೂಪು ರೇಷೆ ನಿರ್ಧರಿಸಲು ಅಗಸ್ಟ 24 ಸೋಮವಾರ, ಮುಂಜಾನೆ 10 ಗಂಟೆಗೆ ಸ್ಥಳೀಯ ವೆಂಕಟರಮಣ ದೇವಸ್ಥಾನ ಸಭಾಭವನದಲ್ಲಿ ಕರೆಯಲಾಗಿದೆ ಎಂದು ಸಂಘಟನೆಯ ಜಿಲ್ಲಾ ಸಂಚಾಲಕ ಚಂದ್ರಶೇಖರ ಪೂಜಾರಿ ಮಂಚಿಕೇರಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಈ ಸಭೆಯಲ್ಲಿ ಉಪಸ್ಥಿತರಿರುವವರು. ಜುಲೈ 27 ರಂದು ಕಸ್ತೂರಿ ರಂಗನ್ ಸೂಕ್ಷö ಪ್ರದೇಶದ 7 ನೇ ಅಧಿಸೂಚನೆ ಆಗಿರುವ ಹಿನ್ನಲೆಯಲ್ಲಿ ಮಹತ್ವ ಪೂರ್ಣ ಸಭೆಗೆ ಆಸಕ್ತರು ಆಗಮಿಸಿ ಮುಂದಿನ ಹೋರಾಟದ ರೂರು ರೇಷೆಗೆ ಸಲಹೆ ಸೂಚನೆ ಕೊಡಲು ಅವರು ಕೋರಿದ್ದಾರೆ.
- [ಅಂಕೋಲಾ | ಬೈಕಿಗೆ ಗುದ್ದಿದ ಅನಾನಸ್ ಲಾರಿ: ದಾಂಡೇಲಿ ಪೆಪರ್ ಮಿಲ್ ಉದ್ಯೋಗಿ ಸಾವು!](https://mobiletime.in/2026/08/ankola-pineapple-lorry-hit-the-bike-dandeli-pepper-mill-employee-died/): ಅನಾನಸ್ ಹಣ್ಣು ಸಾಗಿಸುತ್ತಿದ್ದ ಲಾರಿಯೊಂದು ಸುಂಕಸಾಳದ ಬಳಿ ಜಲಪಾತ ವೀಕ್ಷಣೆಗೆ ಬಂದಿದ್ದ ಬೈಕಿಗೆ ಡಿಕ್ಕಿ ಹೊಡೆದಿದ್ದು, ಈ ಅಪಘಾತದಲ್ಲಿ ದಾಂಡೇಲಿಯ ವೆಸ್ಟ್ ಕೋಸ್ಟ್ ಪೆಪರ್ ಮಿಲ್ ಸಿಬ್ಬಂದಿಯೊಬ್ಬರು ಸಾವನಪ್ಪಿದ್ದಾರೆ. ಈ ದುರಂತದಲ್ಲಿ ಬೈಕಿನಲ್ಲಿದ್ದ ಮತ್ತೊಬ್ಬರಿಗೆ ಗಂಭೀರ ಗಾಯವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ದಾಂಡೇಲಿಯ ವೆಸ್ ಕೋಸ್ಟ್ ಪೆಪರ್ ಮಿಲ್ ಸಿಬ್ಬಂದಿ ಸಂಜಯ ರಾಜು ಬೋಸ್ಲೆ ಅವರು ಗುರುವಾರ ಅಂಕೋಲಾಗೆ ಆಗಮಿಸಿದ್ದರು. ಅವರು ಆಕಾಶ್ ಬೋಸ್ಲೆ ಎಂಬಾತರ ಜೊತೆ ಬೈಕಿನಲ್ಲಿ ಸಂಚರಿಸುತ್ತಿದ್ದರು. ಅವರಿಬ್ಬರು ಹೊಸದೇವತಾ ಜಲಪಾತ ವೀಕ್ಷಣೆಗೆ ನಿರ್ಧರಿಸಿದ್ದು, ಸುಂಕಸಾಳ ಕೋಟೆಪಾಲ್ ಸಮೀಪ ಅವರ ಬೈಕಿಗೆ ಲಾರಿಯೊಂದು ಡಿಕ್ಕಿ ಹೊಡೆಯಿತು. ಕೇರಳದ ಕೊಚ್ಚಿಯಿಂದ ದೆಹಲಿಗೆ ಅನಾನಸ್ ಹಣ್ಣು ಸಾಗಿಸುತ್ತಿದ್ದ ಲಾರಿ ಸ್ಪೆಂಡರ್ ಬೈಕಿಗೆ ಗುದ್ದಿದ ಪರಿಣಾಮ ಸಂಜಯ ಬೋಸ್ಲೆ ಅವರು ಅಲ್ಲಿಯೇ ಬಿದ್ದು ಸಾವನಪ್ಪಿದರು. ಬೈಕಿನ ಹಿಂದೆ ಕೂತಿದ್ದ ಸಹಸವಾರ ಆಕಾಶ್ ಬೋಸ್ಲೆ ಅವರ ಕಾಲಿಗೆ ಈ ಅಪಘಾತದಲ್ಲಿ ಗಂಭೀರವಾಗಿ ಗಾಯವಾಯಿತು. ಅಸ್ವಸ್ಥಗೊಂಡು ಬಿದ್ದಿದ್ದ ಆಕಾಶ ಬೋಸ್ಲೆ ಅವರನ್ನು ಅಲ್ಲಿದ್ದ ಜನ ಆಸ್ಪತ್ರೆಗೆ ದಾಖಲಿಸಿದರು. ಸದ್ಯ ಆಕಾ ಬೋಸ್ಲೆ ಅವರು ಅಂಕೋಲಾ ಸರ್ಕಾರಿ ಆಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆಪಡೆದಿದ್ದಾರೆ. ಅಪಘಾತ ಸ್ಥಳಕ್ಕೆ ಅಂಕೋಲಾ ಠಾಣೆಯ ಪಿಎಸ್‌ಐ ಗುರುನಾಥ ಹಾದಿಮನಿ, ಸುಂಕಸಾಳ ಉಪಠಾಣೆಯ ಸಿಬ್ಬಂದಿ ಹಾಗೂ ಹೈವೇ ಪೆಟ್ರೋಲ್ ಸಿಬ್ಬಂದಿ ತೆರಳಿ ಸಂಚಾರ ದಟ್ಟಣೆ ಆಗದಂತೆ ಕ್ರಮ ಜರುಗಿಸಿದ್ದಾರೆ. `ಬೈಕ್ ಸವಾರರೇ ಗಮನಿಸಿ: ಸುರಕ್ಷಿತ ಸವಾರಿಗಾಗಿ ಗುಣಮಟ್ಟದ ಹೆಲ್ಮೇಟ್ ಬಳಸಿ’
- [ಹೊನ್ನಾವರ | ಗ್ಯಾಸ್ ಗೋದಾಮು ಬಳಿ ಗಾಂಜಾ ಮಾರಾಟ!](https://mobiletime.in/2026/08/honnavar-ganja-sale-near-gas-warehouse/): ಹೊನ್ನಾವರ ಪಟ್ಟಣದ ಬಂದರು ರಸ್ತೆಯ ಬಳಿ ಗಾಂಜಾ ಮಾರಾಟ ಪ್ರಯತ್ನ ನಡೆದಿದ್ದು, ಪೊಲೀಸರು ಇದಕ್ಕೆ ತಡೆ ಒಡ್ಡಿದ್ದಾರೆ. ಹೊನ್ನಾವರ ನಗರದ ಮಹಾಲಕ್ಷ್ಮೀ ಗ್ಯಾಸ್ ಗೋಡೌನ್ ಸಮೀಪದ ಬಂದರು ರಸ್ತೆಯ ಬದಿಯಲ್ಲಿ ಆಗಸ್ಟ್ 18ರಂದು ಸಂಜೆ ಸುಮಾರು 6 ಗಂಟೆ ವೇಳೆಗೆ ಟೊಂಕಾ-2ರ ಕಾಸರಕೋಡ ನಿವಾಸಿ ಮಹಮ್ಮದ್ ಅಲ್ತಾಫ್ ಬೆಟ್ಕುಳಿಕರ್ (30) ಗಾಂಜಾ ಮಾರಾಟ ಮಾಡುತ್ತಿದ್ದರು. ಸುಮಾರು 6 ಸಾವಿರ ರೂ ಮೌಲ್ಯದ 116 ಗ್ರಾಂ ಗಾಂಜಾವನ್ನು ಮಾರಾಟ ಮಾಡುವ ಉದ್ದೇಶ ಹೊಂದಿದ್ದ ಅವರ ಮೇಲೆ‌ ಪೊಲೀಸರು ದಾಳಿ ಮಾಡಿದರು.‌ ಈ ವೇಳೆ ಗಾಂಜಾ ಇದ್ದ ಪ್ಲಾಸ್ಟಿಕ್ ಕವರ್ ಸೇರಿದಂತೆ ವಿವಿಧ ಖಾಲಿ ಪ್ಲಾಸ್ಟಿಕ್ ಕವರ್ ಸಿಕ್ಕಿದ್ದು,  ತನಿಖೆಯಲ್ಲಿ ಕಾಸರಕೋಡದ ತೌಹೀದ್ ಹಾಗೂ ಹೊನ್ನಾವರದ ನಾಗರಾಜ ಅಚಾರಿ ಎಂಬುವರ ಹೆಸರುಗಳು ಪ್ರಕರಣದಲ್ಲಿ ಕೇಳಿಬಂದಿದೆ.
- [ಹೊನ್ನಾವರ | ಗ್ಯಾಸ್ ಗೋಡೌನ್ ಬಳಿ ಗಾಂಜಾ ಮಾರಾಟ!](https://mobiletime.in/2026/08/__trashed-4/): ಹೊನ್ನಾವರ ಪಟ್ಟಣದ ಬಂದರು ರಸ್ತೆಯ ಬಳಿ ಗಾಂಜಾ ಮಾರಾಟ ಪ್ರಯತ್ನ ನಡೆದಿದ್ದು, ಪೊಲೀಸರು ಇದಕ್ಕೆ ತಡೆ ಒಡ್ಡಿದ್ದಾರೆ. ಹೊನ್ನಾವರ ನಗರದ ಮಹಾಲಕ್ಷ್ಮೀ ಗ್ಯಾಸ್ ಗೋಡೌನ್ ಸಮೀಪದ ಬಂದರು ರಸ್ತೆಯ ಬದಿಯಲ್ಲಿ ಆಗಸ್ಟ್ 18ರಂದು ಸಂಜೆ ಸುಮಾರು 6 ಗಂಟೆ ವೇಳೆಗೆ ಟೊಂಕಾ-2ರ ಕಾಸರಕೋಡ ನಿವಾಸಿ ಮಹಮ್ಮದ್ ಅಲ್ತಾಫ್ ಬೆಟ್ಕುಳಿಕರ್ (30) ಗಾಂಜಾ ಮಾರಾಟ ಮಾಡುತ್ತಿದ್ದರು. ಸುಮಾರು 6 ಸಾವಿರ ರೂ ಮೌಲ್ಯದ 116 ಗ್ರಾಂ ಗಾಂಜಾವನ್ನು ಮಾರಾಟ ಮಾಡುವ ಉದ್ದೇಶ ಹೊಂದಿದ್ದ ಅವರ ಮೇಲೆ‌ ಪೊಲೀಸರು ದಾಳಿ ಮಾಡಿದರು.‌ ಈ ವೇಳೆ ಗಾಂಜಾ ಇದ್ದ ಪ್ಲಾಸ್ಟಿಕ್ ಕವರ್ ಸೇರಿದಂತೆ ವಿವಿಧ ಖಾಲಿ ಪ್ಲಾಸ್ಟಿಕ್ ಕವರ್ ಸಿಕ್ಕಿದ್ದು,  ತನಿಖೆಯಲ್ಲಿ ಕಾಸರಕೋಡದ ತೌಹೀದ್ ಹಾಗೂ ಹೊನ್ನಾವರದ ನಾಗರಾಜ ಅಚಾರಿ ಎಂಬುವರ ಹೆಸರುಗಳು ಪ್ರಕರಣದಲ್ಲಿ ಕೇಳಿಬಂದಿದ್ದು, ಗಾಂಜಾವನ್ನು ಮೊದಲ ಆರೋಪಿಗೆ ಮಾರಾಟ ಮಾಡಲು ನೀಡಿರುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ
- [ಮುರುಡೇಶ್ವರ | ಮನೆಯಲ್ಲಿದ್ದ ಸ್ಕೂಟಿಯೂ ಕಳ್ಳರ ಪಾಲು!](https://mobiletime.in/2026/08/__trashed-3/): ಭಟ್ಕಳದ ತೆರ್ನಮಕ್ಕಿ ಬಳಿ ಮನೆ ಮುಂದೆ ನಿಲ್ಲಿಸಿದ್ದ ಸ್ಕೂಟಿಯನ್ನು ಕಳ್ಳರು ಕದ್ದಿದ್ದಾರೆ.   ಘಟನೆ ಭಟ್ಕಳ ತಾಲೂಕಿನ ತೆರ್ನಮಕ್ಕಿ ಜನತಾ ಕಾಲೋನಿಯಲ್ಲಿ ನಡೆದಿದೆ. ತೆರ್ನಮಕ್ಕಿಯ ಈಶ್ವರ ಈರಾ ನಾಯ್ಕ (50) ಸ್ಕೂಟಿ ಕಳೆದುಕೊಂಡವರು. ಅವರು 2018ರಲ್ಲಿ ಖರೀದಿಸಿದ್ದ ಹೋಂಡಾ ಸ್ಕೂಟಿ (KA-47/U-6936)ಯನ್ನು ಮನೆಯ ಕೆಲಸಗಳಿಗೆ ಬಳಸುತ್ತಿದ್ದರು. ಎಂದಿನಂತೆ ಸ್ಕೂಟಿಯನ್ನು ಮನೆಯ ಶೆಡ್ನಲ್ಲಿ ನಿಲ್ಲಿಸಲಾಗಿತ್ತು. ಗೃಹಪ್ರವೇಶ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಈಶ್ವರ ಅವರು ಪತ್ನಿ ಹಾಗೂ ಹಿರಿಯ ಮಗನೊಂದಿಗೆ ಆ.10ರಂದು ಬೆಳಿಗ್ಗೆ ಮೂಡಶಿರಾಲಿಗೆ ತೆರಳಿದ್ದರು. ಕಿರಿಯ ಮಗ ನಾಗೇಂದ್ರ ನಾಯ್ಕ ಮನೆಯಲ್ಲಿ ಉಳಿದಿದ್ದರು. ಮರುದಿನ ಆ.11ರಂದು ಬೆಳಿಗ್ಗೆ 11ರ ಸುಮಾರಿಗೆ ನಾಗೇಂದ್ರ ಕೂಡ ಸ್ಕೂಟಿಯನ್ನು ಮನೆಯ ಶೆಡ್ನಲ್ಲಿ ನಿಲ್ಲಿಸಿ ಮೂಡಶಿರಾಲಿಗೆ ತೆರಳಿದ್ದಾರೆ. ಮಧ್ಯಾಹ್ನ ಸುಮಾರು 3 ಗಂಟೆಗೆ ಮನೆಗೆ ಮರಳಿ ಬಂದಾಗ ಶೆಡ್ನಲ್ಲಿ ನಿಲ್ಲಿಸಿದ್ದ ಸ್ಕೂಟಿ ನಾಪತ್ತೆಯಾಗಿತ್ತು. ಮನೆಯ ಸುತ್ತಮುತ್ತ ಹುಡುಕಾಟ ನಡೆಸಿದರೂ ಸ್ಕೂಟಿ ಪತ್ತೆಯಾಗದ ಹಿನ್ನೆಲೆಯಲ್ಲಿ, ಬೆಳಿಗ್ಗೆ 11ರಿಂದ ಮಧ್ಯಾಹ್ನ 3 ಗಂಟೆಯ ನಡುವಿನ ಅವಧಿಯಲ್ಲಿ ಯಾರೋ ಕಳ್ಳರು ಸ್ಕೂಟಿಯನ್ನು ಕಳವು ಮಾಡಿಕೊಂಡು ಹೋಗಿರುವ ಶಂಕೆ ವ್ಯಕ್ತಪಡಿಸಲಾಗಿದೆ.
- [ದಾಂಡೇಲಿ | ಅಂಚೆ ಕಚೇರಿಗೆ ನುಗ್ಗಿದ ಪೊಲೀಸ್ ಶ್ವಾನ!](https://mobiletime.in/2026/08/dandeli-police-dog-enters-post-office/): ಪೊಲೀಸ್ ಶ್ವಾನದಳದಲ್ಲಿ ಸಕ್ರೀಯವಾಗಿರುವ ಸೂಪಾ ಎಂಬ ನಾಯಿ ಈ ದಿನ ದಾಂಡೇಲಿಗೆ ಬಂದಿದೆ. ಇಲ್ಲಿನ ಅಂಚೆ ಕಚೇರಿಗೆ ನುಗ್ಗಿದ ಈ ನಾಯಿ ಅಲ್ಲಿದ್ದ ಪಾರ್ಸಲ್’ಗಳ ಶೋಧ ನಡೆಸಿದೆ. ಉತ್ತರ ಕನ್ನಡ ಪೊಲೀಸ್ ಘಟಕದಲ್ಲಿ ಉತ್ತಮ ಶ್ವಾನದಳವಿದ್ದು, ಅದರಲ್ಲಿ ಸೂಪಾ ಎಂಬ ನಾಯಿ ಮಾದಕ ವಸ್ತುಗಳ ಪತ್ತೆಗಾಗಿ ಶ್ರಮಿಸುತ್ತಿದೆ. ವಿವಿಧ ಪಾರ್ಸಲ್ ಹಾಗೂ ಕೋರಿಯರ್ ಒಳಗಿನ ಮಾದಕ ವಸ್ತುಗಳನ್ನು ತನ್ನ ಗ್ರಹಿಕೆಯಿಂದ ಈ ನಾಯಿ ಹುಡುಕಲಿದೆ. ಈ ಹಿನ್ನಲೆ ಮಾದಕ ವಸ್ತುಗಳ ಪತ್ತೆಗಾಗಿ ಸೂಪಾ ನಾಯಿಯನ್ನು ವಿವಿಧ ಅಂಚೆ ಕಚೇರಿ ಹಾಗೂ ಕೋರಿಯರ್ ಕಚೇರಿಗೆ ಕರೆತರಲಾಗುತ್ತದೆ. ಅಸಾಧಾರಣ ವಾಸನೆ ಶಕ್ತಿಹೊಂದಿರುವ ಈ ನಾಯಿ ಕಚೇರಿಯ ಎಲ್ಲಾ ಪ್ಯಾಕೇಟುಗಳನ್ನು ಶೋಧಿಸಿ ಅದರಲ್ಲಿ ಮಾದಕ ವಸ್ತುಗಳಿದ್ದರೆ ಪತ್ತೆ ಮಾಡಲಿದೆ. ಈ ಹಿನ್ನಲೆ ಈ ದಿನ ದಾಂಡೇಲಿಗೆ ಸೂಪಾ ಶ್ವಾನವನ್ನು ಕರೆಯಿಸಲಾಗಿದ್ದು, ಅಂಚೆ ಇಲಾಖೆ ಹಾಗೂ ಕೋರಿಯರ್ ಕಚೇರಿ ಹಾಗೂ ಅಂಚೆ ಇಲಾಖೆಯಲ್ಲಿನ ಪಾರ್ಸಲ್ ಪರಿಶೀಲನೆ ನಡೆಯಿತು. ಹೋಂ ಸ್ಟೇಗಳಲ್ಲೂ‌ ಶ್ವಾನದಳದ ಪರಿಶೀಲನೆ ನಡೆದಿದ್ದು, ಈ ಕುರಿತು ಅರಿವು ಮೂಡಿಸಲಾಯಿತು.
- [ಕಾರವಾರ | ಸಚಿವರ ರಾಜಿನಾಮೆಗೆ ರೂಪಾಲಿ ನಾಯ್ಕ ಆಗ್ರಹ](https://mobiletime.in/2026/08/karwar-rupali-naik-demands-ministers-resignation/): ‘ವಾಲ್ಮೀಕಿ ಅಭಿವೃದ್ಧಿ ನಿಗಮದ ಹಣ ದುರ್ಬಳಕೆ ಪ್ರಕರಣದಲ್ಲಿ ನೈತಿಕ ಹೊಣೆ ಹೊತ್ತು ಮಾಜಿ ಸಚಿವ ಬಿ. ನಾಗೇಂದ್ರ ಅವರು ರಾಜೀನಾಮೆ ನೀಡಬೇಕು’ ಎಂದು ರಾಜ್ಯ ಬಿಜೆಪಿ ಉಪಾಧ್ಯಕ್ಷೆ ರೂಪಾಲಿ ನಾಯ್ಕ ಅವರು ಆಗ್ರಹಿಸಿದ್ದಾರೆ. ಈ ಕುರಿತು ಅವರು ಭಾಷಣ ಮಾಡಿದ್ದು,‌ ರಾಜ್ಯ ಸರ್ಕಾರದ ನಡವಳಿಕೆಯನ್ನು ಟೀಕಿಸಿದ್ದಾರೆ. ಜಿಲ್ಲಾಧಿಕಾರಿ ಕಚೇರಿ ಎದುರು ಬಿಜೆಪಿ ಪ್ರತಿಭಟನೆ ನಡೆಸುತ್ತಿದ್ದು, ಈ ದಿನ ರೂಪಾಲಿ ನಾಯ್ಕ ಅವರು ಪ್ರತಿಭಟನೆಯಲ್ಲಿ ಮುಖ್ಯ ಮಾತನಾಡಿದ್ದಾರೆ. ಎಸ್‌ಸಿ–ಎಸ್‌ಟಿ ನಿಗಮಗಳಿಗೆ ಸೇರಿದ ಬಹುಕೋಟಿ ರೂಪಾಯಿ ಹಣದ ದುರ್ಬಳಕೆ ಪ್ರಕರಣವನ್ನು ಖಂಡಿಸಿದ ಅವರು ‘ಹಗರಣದ ವಿರುದ್ಧ ಬಿಜೆಪಿ ನಡೆಸುತ್ತಿರುವ ಹೋರಾಟಕ್ಕೆ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಹೆಚ್ಚಿನ ಬಲ ತುಂಬಬೇಕು’ ಎಂದರು. ಬಿಜೆಪಿ ಜಿಲ್ಲಾಧ್ಯಕ್ಷ ಎನ್ ಎಸ್. ಹೆಗಡೆ ಮಾತನಾಡಿ ‘ವಾಲ್ಮೀಕಿ ಅಭಿವೃದ್ಧಿ ನಿಗಮದ ಬಹುಕೋಟಿ ರೂಪಾಯಿ ಹಣ ದುರ್ಬಳಕೆ ಪ್ರಕರಣದ ತನಿಖೆ ನಡೆಯುತ್ತಿರುವ ಸಂದರ್ಭದಲ್ಲೂ ಬಿ ನಾಗೇಂದ್ರ ಅವರಿಗೆ ಸಚಿವ ಸ್ಥಾನ ನೀಡಿರುವುದು ಸರಿಯಲ್ಲ’ ಎಂದು ಆಕ್ಷೇಪಿಸಿದರು. ಸತ್ಯಾಗ್ರಹದಲ್ಲಿ ರಾಜ್ಯ ಒಬಿಸಿ ಮೋರ್ಚಾದ ರಾಜೇಂದ್ರ ನಾಯ್ಕ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪ್ರಶಾಂತ್ ನಾಯ್ಕ, ಪ್ರಭಾರಿಗಳಾದ ಗಜಾನನ ಗುನ್ಗಾ ಹಾಗೂ ರಾಜು ಭಂಡಾರಿ, ಪಕ್ಷದ ವಕ್ತಾರ ಜಗದೀಶ್ ನಾಯಕ ಮೊಗಟಾ, ನಗರ ಮಂಡಲ ಅಧ್ಯಕ್ಷ ನಾಗೇಶ್ ಕುರ್ಡೇಕರ್, ಗ್ರಾಮೀಣ ಮಂಡಲ ಅಧ್ಯಕ್ಷ ಸುಭಾಷ್ ಗುನಗಿ, ಅಂಕೋಲಾ ಮಂಡಲದ ಸಂಜಯ್ ನಾಯ್ಕ್, ಮಾಧ್ಯಮ ಸಹ ಸಂಚಾಲಕ ಕಿಶನ್ ಕಾಂಬಳೆ, ರಾಜ್ಯ ಪ್ರಕೋಷ್ಠದ ಸುನಿಲ್ ಸೋನಿ, ಜಿಲ್ಲಾ ಉಪಾಧ್ಯಕ್ಷರಾದ ಸಂಜಯ್ ಸಾಲುನಕೆ, ನಿತ್ಯಾನಂದ ಗಾಂವ್ಕರ್, ರೇಖಾ ಹೆಗ್ಡೆ, ನೈನಾ ನಿಲಾವರ್ ಸೇರಿದಂತೆ ವಿವಿಧ ಮೋರ್ಚಾಗಳ ಅಧ್ಯಕ್ಷರು, ಮಂಡಲ ಪ್ರಧಾನ ಕಾರ್ಯದರ್ಶಿಗಳು, ಪಕ್ಷದ ವಿವಿಧ ಜವಾಬ್ದಾರಿ ಹೊಂದಿರುವ ಮುಖಂಡರು ಹಾಗೂ ಕಾರ್ಯಕರ್ತರು ಉಪಸ್ಥಿತರಿದ್ದರು.
- [ಶಿರಸಿ | ಸಾಲಕ್ಕೆ ಬಿದ್ದ ಸಲ್ಮಾನ್: ಸಾವು!](https://mobiletime.in/2026/08/sirsi-salman-burdened-by-debt-dies/): ಸಾಕಷ್ಟು ಸಾಲ ಮಾಡಿಕೊಂಡಿದ್ದರಿಂದ ಶಿರಸಿಯ ಸಲ್ಮಾನ್ ಬೇಗ್ ಅವರು ಸಾಲ ತೀರಿಸಲಾಗದೇ ಸಾವನಪ್ಪಿದ್ದಾರೆ. ಮಾನಸಿಕ ಚಿಂತೆಯಲ್ಲಿಯೇ ದಿನದೂಡುತ್ತಿದ್ದ ಅವರು ಚಿರನಿದ್ರೆಗೆ ಜಾರಿದ್ದಾರೆ. ಶಿರಸಿ ನಗರದ ಕರೆಗುಂಡಿ ರಸ್ತೆ, ಹನುಮಗಿರಿ 13ನೇ ಕ್ರಾಸ್ ನಿವಾಸಿ ಸಲ್ಮಾನ್ ಫಯಾಜ್ ಬೇಗ್ ಅವರು ವಾಸವಾಗಿದ್ದರು. 31 ವರ್ಷದ ಅವರು ಎಲ್ಲಡೆ ಸಾಲ ಮಾಡಿದ್ದರು. ಆ ಸಾಲ ತೀರಿಸಲಾಗದೇ ಸಮಸ್ಯೆಗೆ ಸಿಲುಕಿದ್ದರು. ಸಾಲ ತೀರಿಸುವ ಚಿಂತೆಯಲ್ಲಿ ಅವರು ಚಿಂತೆಗೆ ಜಾರಿದ್ದರು. ಸಲ್ಮಾನ್ ಅವರಿಗೆ ಕುಟುಂಬದವರು ಬುದ್ಧಿಮಾತು ಹೇಳಿದ್ದರಿಂದ ಮತ್ತಷ್ಟು ತಲೆಕೆಡಿಸಿಕೊಂಡಿದ್ದರು. ಅದೇ ತಲೆಬಿಸಿಯಲ್ಲಿದ್ದ ಸಲ್ಮಾನ್ ಅವರು 15ರಂದು ಮಧ್ಯಾಹ್ನ ಸುಮಾರು 3 ಗಂಟೆ ವೇಳೆಗೆ ಯಾವುದೋ ವಿಷಕಾರಿ ಪದಾರ್ಥ ಸೇವಿಸಿದರು. ಅಸ್ವಸ್ಥಗೊಂಡ ಅವರನ್ನು ತಕ್ಷಣ ಶಿರಸಿಯ TSS ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿತ್ತು. ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿನ ಎನಪೊಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಆಗಸ್ಟ್ 18ರಂದು ಸಂಜೆ ಸುಮಾರು 7.15ಕ್ಕೆ ಸಾವನಪ್ಪಿದ್ದಾರೆ.
- ['ಜಾಲತಾಣ ಬಳಸುವಾಗ ಎಚ್ಚರಿಕೆ ಅಗತ್ಯ'](https://mobiletime.in/2026/08/permission-mandatory-for-drone-flights-too/): ‘ಸಾಮಾಜಿಕ ಜಾಲತಾಣ ಬಳಸುವಾಗ ಎಚ್ಚರಿಕೆವಹಿಸುವುದು ಅಗತ್ಯ.‌ ಒಂದೇ‌ ಒಂದು ತಪ್ಪು ಸಂದೇಶವೂ ಸಮಾಜದ‌ ಮೇಲೆ ಅತಿದೊಡ್ಡ ದುಷ್ಪರಿಣಾಮ ಬೀರುವ ಸಾಧ್ಯತೆಯಿದ್ದು, ಜಾಲತಾಣಗಳ ಮುಖ್ಯಸ್ಥರು ಈ ಕುರಿತು ಆಲೋಚಿಸಿ ಮುನ್ನಡೆಯಬೇಕು’ ಎಂದು ಗೋಕರ್ಣ ಪಿಐ ಶ್ರೀಧರ ಎಸ್ ಆರ್ ಅವರು ಹೇಳಿದ್ದಾರೆ. ಪೋಲೀಸ್ ಅಧೀಕ್ಷಕರ ಕಚೇರಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಸೋಶಿಯಲ್ ಮಿಡಿಯಾ ಮುಖ್ಯಸ್ಥರ ಸಭೆ ನಡೆಸಿದ ಅವರು ‘ಬೇರೆಯವರ ಖಾಸಗಿತನಕ್ಕೆ ತೊಂದರೆಯಾಗುವ ರೀತಿ ಡ್ರೋಣ್ ಚಿತ್ರಿಕರಣಕ್ಕೆ ಅವಕಾಶವಿಲ್ಲ. ನಿರ್ಬಂಧಿತ ಪ್ರದೇಶಗಳಲ್ಲಿನ ಚಿತ್ರಿಕರಣಕ್ಕೂ ಅನುಮತಿ ಕಡ್ಡಾಯ’ ಎಂದು ಕಾನೂನು ವಿಷಯಗಳ ಕುರಿತು ಮಾಹಿತಿ ನೀಡಿದರು. ‘ಖಾಸಗಿ ಕಾರ್ಯಕ್ರಮಗಳಲ್ಲಿ ಡ್ರೋಣ್ ಹೋರಾಟಕ್ಕೆ ಯಾವುದೇ‌ ತೊಂದರೆ‌ ಇಲ್ಲ. ಆದರೆ, ಸಾರ್ವಜನಿಕ ಸ್ಥಳದಲ್ಲಿ ಡ್ರೋಣ್ ಹಾರಿಸಲು ಅನುಮತಿ ಕಡ್ಡಾಯ. ವಿವಿಧ ಪ್ರದೇಶದಲ್ಲಿ ಡ್ರೋಣ್ ಹಾರಿಸುವ ಮುನ್ನ ಸಾಕಷ್ಟು ಮುನ್ನಚ್ಚರಿಕೆವಹಿಸಬೇಕು. ಜೊತೆಗೆ ಸಂಬಂಧಿಸಿದ ಪ್ರಾಧಿಕಾರದಿಂದ ಅನುಮತಿಯನ್ನುಪಡೆಯಬೇಕು.‌ ಡ್ರೋಣ್ ಸಹ ನೋಂದಣಿಯಾಗಿದ್ದು, ಅಗತ್ಯ ಪರವಾನಿಗೆಯನ್ನುಪಡೆದಿರಬೇಕು’ ಎಂದವರು ವಿವರಿಸಿದರು. ‘ಸಾಮಾಜಿಕ ಜಾಲತಾಣಗಳನ್ನು ಬಳಸುವ ಪ್ರತಿಯೊಬ್ಬರು ಎಚ್ಚರಿಕೆಯಿಂದರಬೇಕು. ಅಶ್ಲೀಲ ಪೋಟೋ-ವಿಡಿಯೋ, ಪ್ರಚೋದನಾಕಾರಿ ಭಾಷಣ, ಸಂಘರ್ಷಗಳಿಗೆ ಕಾರಣವಾಗಬಹುದಾದ ಅಂಶಗಳ ಬಗ್ಗೆ ಪ್ರಸಾರ ಮಾಡುವ ಹಾಗಿಲ್ಲ. ಮುಖ್ಯವಾಗಿ ಮಹಿಳೆ ಹಾಗೂ ಮಕ್ಕಳ ವಿಷಯವಾಗಿ ಪ್ರಸಾರ ಮಾಡುವಾಗ ಅವರ ಖಾಸಗಿತನಕ್ಕೆ ಧಕ್ಕೆ ಆಗದ ರೀತಿ ವರ್ತಿಸಬೇಕು’ ಎಂದವರು ತಿಳಿಸಿದರು. ‘ಮಾದಕ ವಸ್ತುಗಳ ನಿಯಂತ್ರಣ ಕುರಿತು ಅರಿವು ಮೂಡಿಸುವಲ್ಲಿ ಜಾಲತಾಣಗಳ ಮುಖ್ಯಸ್ಥರು ಹೆಚ್ಚು ಮುತುವರ್ಜಿವಹಿಸಬೇಕು. ಸಂಚಾರಿ ನಿಯಮಗಳ ಪಾಲನೆ, ಕಾನೂನು ಸುವ್ಯವಸ್ಥೆ ಕುರಿತು ಜನ ಜಾಗೃತಿ ಕೆಲಸದಲ್ಲಿ ಪೊಲೀಸರ ಜೊತೆ ಕೈ ಜೋಡಿಸಬೇಕು’ ಎಂದು ಮನವಿ ಮಾಡಿದರು. ‘ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸೋಶಿಯಲ್ ಮಿಡಿಯಾ ಮಾನಿಟಿರಂಗ್ ಸೆಲ್ ಇದ್ದು, ಪ್ರತಿಯೊಂದು ಜಾಲತಾಣಗಳ ಮೇಲೆ ವಿಶೇಷ ನಿಗಾವಹಿಸಲಾಗಿದೆ. ಅಪಾಯಕಾರಿ ಸ್ಥಳಗಳಿಗೆ ಹೋಗಿ ಪೋಟೋ-ವಿಡಿಯೋ ಮಾಡಿದವರ ವಿರುದ್ಧ ಕಾನೂನು ಕ್ರಮ ಜರುಗಿಸಲಾಗುತ್ತಿದೆ. ಪ್ರತಿ ಊರಿನಲ್ಲಿಯೂ ಬೀಟ್ ಪೊಲೀಸ್ ವ್ಯವಸ್ಥೆಯಿದ್ದು, ಆ ಭಾಗದಲ್ಲಿ ಸಕ್ರೀಯವಾಗಿರುವ ಜಾಲತಾಣ ಪ್ರಮುಖರು ಹಂಚುವ ವಿಷಯಗಳ ಕುರಿತು ಗಮನಿಸಲಾಗುತ್ತಿದೆ’ ಎಂದರು. ‘ಸಾಮಾಜಿಕ ಜಾಲತಾಣಗಳನ್ನು ಪ್ರತಿಯೊಬ್ಬರು ಸಮಾಜದ ಒಳತಿಗೆ ಬಳಸಬೇಕು. ನಕಲಿ ಐಡಿ ರಜನೆ, ಬೇರೆಯವರ ಹೆಸರಿನಲ್ಲಿ ಸಂದೇಶ ರವಾನೆ ಸೇರಿ ಜಾಲತಾಣಗಳ ದುರುಪಯೋಗ ಮಾಡುವುದು ಅಪರಾಧ’ ಎಂದು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ವಿವರಿಸಿದರು.
- [ಯಲ್ಲಾಪುರ | ಪೊಲೀಸ್ ಸ್ಟೇಶನ್'ನಲ್ಲಿಯೇ ಸಿಕ್ಕಿಬಿದ್ದ ಕೊಲೆಗಾರ!](https://mobiletime.in/2026/08/yallapur-the-killer-caught-in-the-police-station/): ಅರಬೈಲ್ ಘಟ್ಟದ ಮೂಲೆಪಾಲ್ ಗಟಾರದಲ್ಲಿ ಅನಾಥವಾಗಿ ಬಿದ್ದ ಶವ ನೋಡಿದ ಪೊಲೀಸರು ಆ ಪ್ರಕರಣದ ಬೆನ್ನು ಬಿದ್ದಿದ್ದು, ಕೊಲೆಗಾರನನ್ನು ಬಂಧಿಸಿದ್ದಾರೆ. ಸಾವನಪ್ಪಿದ ವ್ಯಕ್ತಿ ವಿರುದ್ಧ ದರೋಡೆ ದೂರು ನೀಡಕು ಕೊಲೆಗಾರ ಪೊಲೀಸ್ ಠಾಣೆಗೆ ಬಂದು ಸಿಕ್ಕಿಬಿದ್ದಿರುವುದು ಈ ಪ್ರಕಣದ ವಿಶೇಷ! ಮಹಾರಾಷ್ಟ್ರದ ರಾಥಾ ಅಹ್ಮದನಗರದ ಕೇಲವಾಡ ಪ್ರಕಾಶ ಗಣಪತಿ ವಿಘೇ ಅವರು ಈಚರ್ ಲಾರಿ ಚಾಲಕರಾಗಿದ್ದರು. ಅವರ ಲಾರಿಯಲ್ಲಿ ಅದೇ ಊರಿನ ಆಕಾಶ ದಶರಥ ರಜಪೂತ ಅವರು ಕ್ಲಿನರ್ ಆಗಿ ಕೆಲಸ ಮಾಡಿಕೊಂಡಿದ್ದರು. ಅಗಸ್ಟ 12ರಂದು ಪ್ರಕಾಶ ಹಾಗೂ ಆಕಾಶ ಅವರ ನಡುವೆ ಜಗಳ ನಡೆದಿದ್ದು, ಆ ಜಗಳದ ಪರಿಣಾಮ ಆಕಾಶ ಅವರು ಕೊಲೆಯಾದರು. ಕೊಲೆ ನಡೆದ ಬಳಿಕ ಪ್ರಕಾಶ ಅವರು ಯಲ್ಲಾಪುರ ಪೊಲೀಸ್ ಠಾಣೆಗೆ ಬಂದು ‘ಆಕಾಶ ಅವರು ತನ್ನ ಕತ್ತಿನಲ್ಲಿದ್ದ ಸರ ಕದ್ದಿದ್ದಾರೆ’ ಎಂದು ದೂರು ನೀಡಲು ಬಂದಿದ್ದರು. ಈ ವೇಳೆ ಕೊಡ್ಲಗದ್ದೆಯ ರವಿ ಕೃಷ್ಣ ಸಿದ್ದಿ ಅವರು ಪೊಲೀಸ್ ಠಾಣೆಗೆ ಆಗಮಿಸಿ ‘ಅರಬೈಲ್ ಘಟ್ಟದ‌ ಮೂಲೆಪಾಲ್ ಬಳಿ ಶವ ಬಿದ್ದಿದೆ’ ಎಂದು ಪೊಲೀಸರಿಗೆ ಹೇಳಿದರು. ಆಗ, ಪೊಲೀಸರು ಪ್ರಕಾಶ ವಘೆ ಅವರೊಂದಿಗೆ ಮೂಲೆಪಾಲ್ ಕಡೆ ಹೋಗಿದ್ದು, ವಿಚಾರಣೆ ವೇಳೆ ಲಾರಿ ಚಾಲಕ ಪ್ರಕಾಶ ಅವರೇ ಕ್ಲಿನರ್ ಪ್ರಕಾಶ ಅವರನ್ನು ಕೊಲೆ ಮಾಡಿರುವುದು ಗೊತ್ತಾಯಿತು. ಸಿಸಿ ಟಿವಿ ಹಾಗೂ ವಿವಿಧ ದಾಖಲೆ ಪರಿಶೀಲನೆ ಮಾಡಿದಾಗ ಪ್ರಕಾಶ ಅವರ ಲಾರಿಯಲ್ಲಿ ಆಕಾಶ ಅವರು ಇದ್ದಿದ್ದು ಬೆಳಕಿಗೆ ಬಂದಿತು. ಪ್ರಕಾಶ ಅವರು ಸಹ ಆಕಾಶ ಅವರನ್ನು ಕೊಂದು ಸಾಕ್ಷಿನಾಶ ಮಾಡಲು ಉದ್ದೇಶಿಸಿದ್ದು ಬೆಳಕಿಗೆ ಬಂದಿತು. ಕೊಲೆಗೆ ಬಳಸಿದ ಆಯುಧ, ಈಚರ್ ವಾಹನವನ್ನು ಪೊಲೀಸರು ಜಪ್ತು ಮಾಡಿದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್, ಪಿಐ ರಮೇಶ ಹಾನಾಪುರ, ಪಿಸೈ ರಾಜಶೇಖರ ವಂದಲಿ, ಮಹಾವೀರ ಕಾಂಬಳೆ, ಸಿದ್ದಪ್ಪ ಗುಡಿ ಅವರ ಜೊತೆ ಪೊಲೀಸ್ ಸಿಬ್ಬಂದಿ ರಾಘವೇಂದ್ರ ಮೂಳೆ, ಸಂತೋಷ ಬಾಳೇರಾ, ಬಸವರಾಜ ಡಿಕೆ, ರಾಚಪ್ಪ ದನಗರ್, ಪ್ರವೀಣ ಪೂಜಾರ, ಕೆ ಎಚ್ ಮಾರುತಿ, ವಿಶ್ವನಾಥ ಜಾಯನಗೌಡರ್ ಅವರು ಈ ಕಾರ್ಯಾಚರಣೆಯಲ್ಲಿದ್ದರು. ಕಾರವಾರ ಟೆಕ್ನಿಕಲ್ ಸೆಲ್’ನ ಬಬನ ಕದಂ, ಉದಯ ಗುನಗಾ ಅವರು ಸಹಕಾರ ನೀಡಿದ್ದರು.
- [ಜಿಲ್ಲಾಕೇಂದ್ರದಲ್ಲಿ ಗುಡುಗಿದ ಯಲ್ಲಾಪುರ ಬಿಜೆಪಿಗರು](https://mobiletime.in/2026/08/yellapur-bjp-members-roar-at-the-district-headquarters/): ಬಹುಕೋಟಿ ಅಕ್ರಮ ಹಣ ವರ್ಗಾವಣೆ ಪ್ರಕರಣದ ಆರೋಪ ಎದುರಿಸುತ್ತಿರುವ ಶಾಸಕ ಬಿ ನಾಗೇಂದ್ರ ಅವರನ್ನು ಮತ್ತೆ ಸಚಿವ ಸಂಪುಟಕ್ಕೆ ಸೇರ್ಪಡೆ ಮಾಡಿರುವುದನ್ನು ವಿರೋಧಿಸಿ ಬಿಜೆಪಿ ಪ್ರತಿಭಟನೆ ನಡೆಸಿದೆ. ಮಂಗಳವಾರದ ಮೊದಲ ದಿನ ಯಲ್ಲಾಪುರ ವಿಧಾನಸಭಾ ಕ್ಷೇತ್ರದ ಪ್ರಮುಖರು ಪ್ರತಿಭಟನೆ ಮಾಡಿದ್ದಾರೆ. ನಗರದ ಜಿಲ್ಲಾಧಿಕಾರಿ ಕಚೇರಿ ಎದುರು ಮಂಗಳವಾರ ಪ್ರತಿಭಟನೆಗೆ ಚಾಲನೆ ನೀಡಿದ ಬಿಜೆಪಿ ಮುಖಂಡರು ಹಾಗೂ ಕಾರ್ಯಕರ್ತರು, ನಾಗೇಂದ್ರ ಅವರನ್ನು ತಕ್ಷಣ ಸಚಿವ ಸ್ಥಾನದಿಂದ ವಜಾಗೊಳಿಸಬೇಕು ಎಂದು ಆಗ್ರಹಿಸಿದರು. ಆ. 18ರಿಂದ 24ರವರೆಗೆ ನಡೆಯಲಿರುವ ಪ್ರತಿಭಟನೆಯ ವೇಳೆ ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ಪರಿಶಿಷ್ಟ ಪಂಗಡಗಳ ಕಲ್ಯಾಣಕ್ಕಾಗಿ ಮೀಸಲಿಟ್ಟಿದ್ದ ಸುಮಾರು ₹186 ಕೋಟಿ ಹಣವನ್ನು ಅಕ್ರಮವಾಗಿ ಬೇರೆ ಖಾತೆಗಳಿಗೆ ವರ್ಗಾಯಿಸಿದ ಆರೋಪ ನಾಗೇಂದ್ರ ಅವರ ಮೇಲಿದೆ. ಪ್ರಕರಣದ ತನಿಖೆ ಜಾರಿ ನಿರ್ದೇಶನಾಲಯ ಹಾಗೂ ನ್ಯಾಯಾಲಯದ ಹಂತದಲ್ಲಿರುವಾಗಲೇ ಅವರನ್ನು ಮತ್ತೆ ಸಚಿವ ಸಂಪುಟಕ್ಕೆ ಸೇರಿಸಿರುವುದು ಸರಿಯಲ್ಲ ಎಂದು ಪ್ರತಿಭಟನಾಕಾರರು ಆರೋಪಿಸಿದರು. ಹಗರಣದ ಹಿನ್ನೆಲೆಯಲ್ಲಿ ಈ ಹಿಂದೆ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದ ನಾಗೇಂದ್ರ ಅವರನ್ನು ಮತ್ತೆ ಸಂಪುಟಕ್ಕೆ ಸೇರ್ಪಡೆ ಮಾಡಿರುವುದರ ಹಿಂದಿನ ಅಗತ್ಯವೇನು ಎಂದು ಪ್ರಶ್ನಿಸಿದ ಬಿಜೆಪಿ ನಾಯಕರು, ಕಾಂಗ್ರೆಸ್‌ನಲ್ಲಿ ಸಮುದಾಯದ ಇತರ ಸಮರ್ಥ ನಾಯಕರು ಇದ್ದರೂ ಆರೋಪ ಎದುರಿಸುತ್ತಿರುವ ವ್ಯಕ್ತಿಗೆ ಸಚಿವ ಸ್ಥಾನ ನೀಡಿರುವುದು ಜನರಿಗೆ ಮಾಡಿದ ದ್ರೋಹ ಎಂದು ಟೀಕಿಸಿದರು. ಜನರ ತೆರಿಗೆ ಹಣ ಹಾಗೂ ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿಗೆ ಮೀಸಲಾದ ಅನುದಾನದ ದುರ್ಬಳಕೆಯನ್ನು ಬಿಜೆಪಿ ಯಾವುದೇ ಕಾರಣಕ್ಕೂ ಸಹಿಸುವುದಿಲ್ಲ. ನಾಗೇಂದ್ರ ಅವರನ್ನು ಸಚಿವ ಸ್ಥಾನದಿಂದ ಕೈಬಿಡದಿದ್ದರೆ ಮುಂದಿನ ದಿನಗಳಲ್ಲಿ ಹೋರಾಟವನ್ನು ಮತ್ತಷ್ಟು ತೀವ್ರಗೊಳಿಸಲಾಗುವುದು ಎಂದು ಬಿಜೆಪಿ ಮುಖಂಡರು ಸರ್ಕಾರಕ್ಕೆ ಎಚ್ಚರಿಕೆ ನೀಡಿದರು.
- [ಹೊನ್ನಾವರ | ಮುಂದುವರೆದ ಬೋಟಿಂಗ್ ಗಲಾಟೆ: ಮಹಿಳೆಗೆ ಜೀವ ಬೆದರಿಕೆ](https://mobiletime.in/2026/08/honnavara-boating-dispute-continues-death-threat-to-woman/): ಬೋಟಿಂಗ್ ವಿಚಾರಕ್ಕೆ ಸಂಬಂಧಿಸಿದಂತೆ ಪೊಲೀಸರಿಗೆ ದೂರು ನೀಡಿದ ಮಹಿಳೆಯೊಬ್ಬರಿಗೆ ಜೀವ ಬೆದರಿಕೆ ಬಂದಿದೆ. ಮಾವಿನಕುರ್ವಾ ಮಠದಕೇರಿ ನಿವಾಸಿ ಚಂದ್ರಕಲಾ ತಿಮ್ಮಪ್ಪ ಗೌಡ ಅವರು ಈ ಕುರಿತು ಹೊನ್ನಾವರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು ನಾಲ್ವರ ವಿರುದ್ಧ ಪ್ರಕರಣ ದಾಖಲಾಗಿದೆ. ನಾಲ್ವರು ಸೇರಿ ‘ಮತ್ತೆ ದೂರು ನೀಡಿದರೆ ಕೊಂದು ಶರಾವತಿ ನದಿಗೆ ಎಸೆದು ನಾಪತ್ತೆ ಮಾಡುತ್ತೇವೆ’ ಎಂದು ಬೆದರಿಕೆ ಹಾಕಿರುವ ಬಗ್ಗೆ ಅವರು ದೂರಿದ್ದಾರೆ. ಹನುಮಂತ ಕೆರಿಯಾ ಗೌಡ, ಚಂದ್ರಹಾಸ ಧರ್ಮಾ ಗೌಡ, ಗಣೇಶ ಕೇಶ ಗೌಡ ಹಾಗೂ ಮೋಹನ ತಿಮ್ಮಪ್ಪ ಗೌಡ ಎಂಬಾತರು ಚಂದ್ರಕಲಾ ಗೌಡ ಅವರಿಗೆ ಬೆದರಿಸಿದ್ದಾರೆ. ಆರೋಪಿತರು ಈ ಹಿಂದೆ ಹೊನ್ನಾವರ ತಾರಿಬಾಗಿಲು ಬಳಿ ಶರಾವತಿ ನದಿಯಲ್ಲಿ ಬೋಟಿಂಗ್ ನಡೆಸುತ್ತಿದ್ದರು. ಮಳೆಗಾಲ ಆರಂಭವಾದ ಹಿನ್ನೆಲೆಯಲ್ಲಿ ಜಿಲ್ಲಾಡಳಿತ ಬೋಟಿಂಗ್ಗೆ ನಿಷೇಧ ಹೇರಿದ ಬಳಿಕವೂ ಮಾವಿನಕುರ್ವಾ ಮಠದಕೇರಿ ಭಾಗದಿಂದ ಶರಾವತಿ ನದಿಯಲ್ಲಿ ಬೋಟಿಂಗ್ ನಡೆಸುತ್ತಿದ್ದರು. ಈ ವಿಚಾರವನ್ನು ಯಾರೋ ಪೊಲೀಸರಿಗೆ ಮಾಹಿತಿ ನೀಡುತ್ತಿದ್ದರು. ಆದರೆ, ಮಾಹಿತಿ ನೀಡುತ್ತಿರುವವರು ಚಂದ್ರಕಲಾ ಅವರೇ ಎಂದು ಆರೋಪಿತರು ಭಾವಿಸಿದ್ದರು. ಚಂದ್ರಕಲಾ ಅವರು ಹೊನ್ನಾವರ ಪೊಲೀಸ್ ಠಾಣೆ ಹಾಗೂ ತಹಶೀಲ್ದಾರ್ಗೆ ಬೋಟಿಂಗ್ ಕುರಿತು ಮಾಹಿತಿ ನೀಡಿದ್ದಾರೆ ಎಂದು ಆರೋಪಿಸಿ ಆ16ರಂದು ಅವರ ಮನೆಯ ಬಳಿ ಬಂದು ಜಗಳ ಮಾಡಿದ್ದರು. ಈ ಕುರಿತು ಚಂದ್ರಕಲಾ ಪೊಲೀಸರಿಗೆ ದೂರು ನೀಡಿದ್ದರು. ಇದರಿಂದ ಸಿಟ್ಟಾದ ಆರೋಪಿತರು ಎರಡು ದಿನಗಳ ಬಳಿಕ ಮತ್ತೆ ಎದುರಾಗಿದ್ದಾರೆ. ದಾರಿ ಮಧ್ಯೆಯೇ ಅಡ್ಡಗಟ್ಟಿ ಬೆದರಿಕೆ ಆ 18ರಂದು ಬೆಳಿಗ್ಗೆ ಸುಮಾರು 9 ಗಂಟೆಗೆ ಚಂದ್ರಕಲಾ ಅವರು ಮನೆಯ ಹಿಂಬದಿಯ ಕಾಲುದಾರಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದರು. ಈ ವೇಳೆ ನಾಲ್ವರು ಅಲ್ಲಿಗೆ ಬಂದು ಅವರನ್ನು ಅಡ್ಡಗಟ್ಟಿ ತಡೆದಿದ್ದಾರೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ಅವಾಚ್ಯವಾಗಿ ನಿಂದಿಸಿದ ಆರೋಪಿತರು, ‘ಇನ್ನೊಮ್ಮೆ ನಮ್ಮ ವಿರುದ್ಧ ದೂರು ನೀಡಿದರೆ ಕೊಂದು ಶರಾವತಿ ನದಿಗೆ ಎಸೆದು ನಾಪತ್ತೆ ಮಾಡುತ್ತೇವೆ’ ಎಂದು ಜೀವ ಬೆದರಿಕೆ ಹಾಕಿದ್ದಾರೆ ಎಂದು ಚಂದ್ರಕಲಾ ತಿಳಿಸಿದ್ದಾರೆ. ಘಟನೆಯ ಬಳಿಕ ಚಂದ್ರಕಲಾ ಅವರು ಹೊನ್ನಾವರ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ. ಈ ಸಂಬಂಧ ವಿರುದ್ಧ ಪ್ರಕರಣ ದಾಖಲಾಗಿದೆ.  
- [ಕಾರವಾರ | ತಾಜ್ ಹೊಟೇಲಿಗೆ ಬೆಂಕಿ](https://mobiletime.in/2026/08/karwar-fire-at-taj-hotel/): ಕಾರವಾರದ ಅಂಬೇಡ್ಕರ್ ವೃತ್ತದ ಸಮೀಪದ ತಾಜ್ ಫಾಸ್ಟ್‌ಫುಡ್ ಸೆಂಟರ್‌ನಲ್ಲಿ ಎಲ್‌ಪಿಜಿ ಸೋರಿಕೆಯಿಂದ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡು ಕೆಲಕಾಲ ಆತಂಕದ ವಾತಾವರಣ ನಿರ್ಮಾಣವಾದ ಘಟನೆ ಕಾರವಾರ ನಗರದಲ್ಲಿ ಮಂಗಳವಾರ ಸಂಭವಿದಿದೆ. ಬೆಂಕಿಯ ತೀವ್ರತೆಗೆ ಅಡುಗೆ ಕೋಣೆಯಲ್ಲಿದ್ದ ಉಪಕರಣಗಳು ಹಾಗೂ ಸಾಮಗ್ರಿಗಳು ಸುಟ್ಟುಹೋಗಿದ್ದು, ಲಕ್ಷಾಂತರ ರೂಪಾಯಿ ನಷ್ಟ ಸಂಭವಿಸಿರುವುದಾಗಿ ಪ್ರಾಥಮಿಕವಾಗಿ ಅಂದಾಜಿಸಲಾಗಿದೆ. ಫಾಸ್ಟ್‌ಫುಡ್ ಸೆಂಟರ್‌ನ ಅಡುಗೆ ಕೋಣೆಯಲ್ಲಿ ಎಲ್‌ಪಿಜಿ ಸೋರಿಕೆಯಾದ ಬಳಿಕ ಬೆಂಕಿ ಹೊತ್ತಿಕೊಂಡಿದೆ ಎನ್ನಲಾಗಿದೆ. ಕ್ಷಣಾರ್ಧದಲ್ಲೇ ಬೆಂಕಿ ತೀವ್ರಗೊಂಡು ಅಡುಗೆ ಕೋಣೆಯನ್ನು ಆವರಿಸಿದ್ದರಿಂದ ಸಿಬ್ಬಂದಿ ಹಾಗೂ ಸುತ್ತಮುತ್ತಲಿದ್ದವರು ಆತಂಕಕ್ಕೊಳಗಾದರು. ಜನನಿಬಿಡ ಪ್ರದೇಶವಾಗಿರುವುದರಿಂದ ಬೆಂಕಿ ಅಕ್ಕಪಕ್ಕದ ಅಂಗಡಿಗಳಿಗೂ ವ್ಯಾಪಿಸುವ ಆತಂಕವಿತ್ತು. ಘಟನೆಯ ಮಾಹಿತಿ ದೊರೆತ ತಕ್ಷಣ ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಕಾರ್ಯಾಚರಣೆ ನಡೆಸಿದರು. ತ್ವರಿತವಾಗಿ ಬೆಂಕಿಯನ್ನು ನಿಯಂತ್ರಣಕ್ಕೆ ತಂದು, ಸುತ್ತಮುತ್ತಲಿನ ಕಟ್ಟಡಗಳಿಗೆ ಬೆಂಕಿ ಹರಡುವುದನ್ನು ತಡೆದು ಸಂಭವಿಸಬಹುದಾಗಿದ್ದ ದೊಡ್ಡ ಅನಾಹುತವನ್ನು ತಪ್ಪಿಸಿದರು. ಅದೃಷ್ಟವಶಾತ್ ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಎಲ್‌ಪಿಜಿ ಸೋರಿಕೆಯೇ ಬೆಂಕಿ ಅವಘಡಕ್ಕೆ ಕಾರಣವಾಗಿರಬಹುದು ಎಂದು ಶಂಕಿಸಲಾಗಿದ್ದು, ನಿಖರ ಕಾರಣ ಹಾಗೂ ಆಸ್ತಿ ನಷ್ಟದ ಕುರಿತು ಪರಿಶೀಲನೆ ಮುಂದುವರಿದಿದೆ
- [ಕಸ್ತೂರಿ ರಂಗನ್ ವರದಿಗೆ ವಿರೋಧ: ಆಕ್ಷೆಪಣೆ ಸಲ್ಲಿಸಲು ಅತಿಕ್ರಮಣದಾರರ ಆಸಕ್ತಿ](https://mobiletime.in/2026/08/opposition-to-kasturirangan-report-encroachers-keen-to-submit-objections/): ಅವೈಜ್ಞಾನಿಕ ಕಸ್ತೂರಿ ರಂಗನ್ 7ನೇ ಅಧಿಸೂಚನೆಗೆ ವಿರೋಧ ವ್ಯಕ್ತ ಪಡಿಸಿ ಜಿಲ್ಲಾದ್ಯಂತ ಲಕ್ಷಕ್ಕೂ ಮಿಕ್ಕಿ  ಕೇಂದ್ರ ಸರ್ಕಾರದ ಅರಣ್ಯ ಮತ್ತು ಪರಿಸರ ಇಲಾಖೆಗೆ ಉಚಿತ ಆಕ್ಷೇಪ ಪತ್ರ ಸಲ್ಲಿಸಲು ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯು ತೀರ್ಮಾನಿಸಿದೆ ಎಂದು ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರ ರವೀಂದ್ರ ನಾಯ್ಕ ತಿಳಿಸಿದ್ದಾರೆ. ಅವರು ಇಂದು ಅಗಸ್ಟ 18ರಂದು  ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಕಾರ್ಯಾಲಯದಲ್ಲಿ ಕಸ್ತೂರಿ ರಂಗನ್ ವರದಿಗೆ ಆಕ್ಷೇಪ ಪತ್ರವನ್ನು ಬಿಡುಗಡೆಗೊಳಿಸಿತ್ತಾ  ಮೇಲಿನಂತೆ ಹೇಳಿದರು. ಪಶ್ಚಿಮ ಘಟ್ಟದ ಜೀವ ವೈವಿಧ್ಯ ರಕ್ಷಣೆ ಮತ್ತು ಸಂರಕ್ಷಣೆ ಉದ್ದೇಶದಿಂದ ಕೇಂದ್ರ ಪರಿಸರ, ಅರಣ್ಯ ಸಚಿವಾಲಯವು ಕಸ್ತೂರಿ ರಂಗನ ವರದಿಯಂತೆ ಪರಿಸರ ಸೂಕ್ಷ ಪ್ರದೇಶವೆಂದು ಗುರುತಿಸಲಾದ ಪ್ರದೇಶದಲ್ಲಿ ಕರ್ನಾಟಕ ರಾಜ್ಯದ ವಿವಿಧ ಹತ್ತು ಜಿಲ್ಲೆಗಳಲ್ಲಿ ಒಟ್ಟು ೧೫೦೨ಹಳ್ಳಿಗಳನ್ನು ಸೇರ್ಪಡಿಸಲಾಗಿದ್ದು, ಅದರಂತೆ ಉತ್ತರ ಕನ್ನಡ ಜಿಲ್ಲೆಯ ೯ ತಾಲೂಕುಗಳಿಂದ ೫೬೭ ಹಳ್ಳಿಗಳು ಸೇರ್ಪಡೆಗೊಂಡಿರುವುದು ಎಂದು ಅವರು ಹೇಳಿದರು.  ಕರ್ನಾಟಕ ರಾಜ್ಯದಲ್ಲಿ ಅತೀ ಹೆಚ್ಚು ೫೬೭ ಹಳ್ಳಿಗಳ ಸರ‍್ಪಡೇ ಉತ್ತರಕನ್ನಡ ಜಿಲ್ಲೆಯಲ್ಲಿ ಆಗಿದೆ ಎಂದು ಅವರು ಹೇಳಿದರು.ಅತೀ ಸೂಕ್ಷö್ಮ ಪ್ರದೇಶವೆಂದು ಗುರುತಿಸಲಾದ ಯಾದಿಯಲ್ಲಿ ಶಿರಸಿ ತಾಲೂಕಿನ ೧೧೪ ಹಳ್ಳಿಗಳು ಸೇರಲ್ಪಟ್ಟಿದೆ. ಅದರಂತೆ ಸಿದ್ದಾಪುರ ೧೦೦, ಜೋಯಿಡಾ ೮೮, ಯಲ್ಲಾಪುರ ೮೪, ಹೊನ್ನಾವರ ೪೨, ಕುಮಟಾ ೪೧, ಅಂಕೋಲ ೩೮,  ಕಾರವಾರ ೩೫, ಭಟ್ಕಳ ೨೫ ಹಳ್ಳಿಗಳು ಪಟ್ಟಿಯಲ್ಲಿ ಸೇರಲ್ಟಟ್ಟಿದೆ.ಉಪಗ್ರಹ ಆಧಾರಿತ ಸರ್ವೆ ಆಗಿರುವುದರಿಂದ ಅಡಿಕೆ, ತೆಂಗಿನ ತೋಟ ಹಾಗೂ ಇನ್ನೀತರ ಕೃಷಿ ತೋಟಗಾರಿಕೆ ಬೆಳೆಗಳಿಂದ ಹಸಿರು ಪ್ರದೇಶವನ್ನು ಸಹಿತ ಅರಣ್ಯ ಪ್ರದೇಶವೆಂದು ಪರಿಗಣಿಸಿರುವುದು ನೈಸರ್ಗಿಕ ವಿರೋಧದ ಕ್ರಮವಾಗಿದೆ. ನೈಸರ್ಗಿಕ ಕಾನೂನಿನ ಪ್ರಮಾಣ ಗುರುತಿಸದೇ ಅವೈಜ್ಞಾನಿಕವಾಗಿ, ಬೌಗೋಳಿಕ ಕ್ಷೇತ್ರ ವಿಂಗಡಣೆಯಲ್ಲಿ ತಾಂತ್ರೀಕ ವಿಧಾನ ಅನುಸರಿಸದೇ ಇರುವುದು. ಘೋಷಿಸಿದ ಹಳ್ಳಿ(ಗ್ರಾಮದ) ನಿರ್ದಿಷ್ಟ ಸರ್ವೇ ನಂಬರ್ ಪ್ರದೇಶ ವ್ಯಾಖ್ಯಾನಿಸದೇ ಇರುವುದು ಅವೈಜ್ಞಾನಿಕ. ಘೋಷಿಸಿದ ಪ್ರದೇಶದಲ್ಲಿ ನೈಸರ್ಗಿಕ ಮತ್ತು ಮಾನವ ಮೂಲ ಸೌಕರ್ಯದ ಮೂಲಭೂತ ಹಕ್ಕುಗಳಾದ ನೀರು, ರಸ್ತೆ ಅಭಿವೃದ್ದಿ ಮುಂತಾದ ಹಲವಾರು ಪಾರಂಪರಿಕ ನಾಗರಿಕತೆಯ ಸೌಕರ್ಯ ಅವನತಿಗೆ ಕಾರ್ಯ ನಿರ್ಭಂದನದಿAದ ಮಾನವ ಹಕ್ಕುಗಳ ಮತ್ತು ಜೀವನ ಹಕ್ಕು ಉಲ್ಲಂಘನೆ ಆಗುವುದು ಎಂದು ಅವರು ಹೇಳಿದರು ಸಭೆಯಲ್ಲಿ  ಜಿಲ್ಲಾ ಸಂಚಾಲಕ ಇಬ್ರಾಹೀಂ ಗೌಡಳ್ಳಿ, ರಾಜು ನರೇಬೈಲ್, ವಿನೋಧ ಎಮ್ ಗೌಡ ತಂಡಾಗುAಡಿ, ರಮೇಶ್ ನಾಯ್ಕ ದೊಡ್ನಳ್ಳಿ, ಜೀತೇಂದ್ರ ಕೆ ನರೇಬೈಲ್, ಯಶೋಧ ಬಿ ನೌಟೂರು, ಉಮೇಶ ನಾಯ್ಕ ಶೇಲೂರು ಮುಂತಾದವರು ಉಪಸ್ಥಿತರಿದದರು. ವರದಿ ಜಾರಿಗೆ ಆಕ್ಷೇಪಣೆಗೆ ಕಾರಣ: ಕಸ್ತೂರಿ ರಂಗನ್ ವರದಿಯು ಅವೈಜ್ಞಾನಿಕವಾಗಿದ್ದು, ಸೆಟಲೈಟ್ ಚಿತ್ರಣದ ಆಧಾರದ ಮೇಲೆ ವಾಸ್ತವಿಕ ಮತ್ತು ನೈಜತೆಯ ಚಿತ್ರಣಕ್ಕೆ ವ್ಯತಿರಿಕ್ತವಾಗಿ. ಗ್ರಾಮದ ಶೇ. ೨೦ ಕ್ಕಿಂತ ಹೆಚ್ಚು ಬೌಗೋಳಿಕ ಪ್ರದೇಶವನ್ನು ಜೀವವೈವಿದ್ಯ ಪರಿಸರ ಸೂಕ್ಷö್ಮ ಪ್ರದೇಶವನ್ನಾಗಿ ಸೇರಿಸಲ್ಪಟ್ಟಿದೆ. ಘೋಷಿಸಿದ ಸೂಕ್ಷö್ಮ ಪ್ರದೇಶ ವ್ಯಾಪ್ತಿಯ ಗ್ರಾಮ ಮಟ್ಟದ ಜನಾಭಿಪ್ರಾಯ ಅಥವಾ ಭೌತಿಕ ಸರ್ವೇ ಮಾಡಿ ವಿಷಯ ಸಂಗ್ರಹ ಮಾಡಿದ್ದು ಇರುವುದಿಲ್ಲ. ಸೂಕ್ಷö್ಮ ಪ್ರದೇಶ ಘೋಷಿಸಿರುವುದರಿಂದ ಗ್ರಾಮಸ್ಥರ ಮತ್ತು ಅರಣ್ಯವಾಸಿಗಳ ಜೀವನ ವ್ಯವಸ್ಥೆ ಮೇಲೆ ಗಂಭೀರ ಪರಿಣಾಮ ಆಗುವುದನ್ನ ಅವಲೋಕನ ತೆಗೆದುಕೊಂಡದ್ದು ಇರುವುದಿಲ್ಲ ಎಂದು ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಹೇಳಿದರು. ಹೋರಾಟದ ರೂಪ ರೇಷೆ ೨೦ ಕ್ಕೆ ನಿರ್ಧಾರ: ಅವೈಜ್ಞಾನಿಕ ಕಸ್ತೂರಿ ರಂಗನ್ ವರದಿಗೆ ವಿರೋಧಿಸಿ ಹೋರಾಟದ ರೂಪು ರೇಷೆಯನ್ನ ನಿರ್ಧರಿಸಲು ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಶಿರಸಿಯಲ್ಲಿ ಅಗಸ್ಟ ೨೦, ಗುರುವಾರ ಮುಂಜಾನೆ ೧೦ ಗಂಟೆಗೆ ಸಭೆ ಕರೆಯಲಾಗಿದೆ ಎಂದು ಅಧ್ಯಕ್ಷ ರವೀಂದ್ರ ನಾಯ್ಕ ತಿಳಿಸಿದರು.
- [ಕಾರವಾರ | ಸೀಬರ್ಡ ಸಿಬ್ಬಂದಿ ಖಾತೆಗೆ ಕನ್ನ!](https://mobiletime.in/2026/08/karwar-seabird-staff-accounts-targeted/): ಮೊಬೈಲಿನಲ್ಲಿ ಹೊಸದಾಗಿ ಬಂದ ಅಪ್ಡೇಟ್ ಕ್ಲಿಕ್ಕಿಸಿದ ಕಾರಣ ಸೀಬರ್ಡ ಸಿಬ್ಬಂದಿ ಭೋಜರಾಜ ಲಮಾಣಿ ಅವರ ಖಾತೆಗೆ ಕನ್ನ ಬಿದ್ದಿದೆ 2.25‌ಲಕ್ಷ ರೂ ಕಳೆದುಕೊಂಡಿದ್ದಾರೆ. ಕಾರವಾರದ ಸೀ-ಬರ್ಡ್ ನೌಕರ ಭೋಜರಾಜ ಹನುಮಂತ ಲಮಾಣಿ (44) ಸೈಬರ್ ವಂಚನೆಗೆ ಒಳಗಾಗಿದ್ದಾರೆ. ಈ ಸಂಬಂಧ ಕಾರವಾರ ಸೈಬರ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಭೋಜರಾಜ ಅವರ ಮೊಬೈಲ್ ಫೋನ್ನ ಡಿಸ್ಪ್ಲೇ ಬಂದ್ ಆಗಿದ್ದು, ಮೊಬೈಲ್ನಲ್ಲಿ ಯಾವುದೋ ಫೈಲ್ ಅಪ್ಡೇಟ್ ಆಗುತ್ತಿರುವುದು ಅವರಿಗೆ ಕಂಡುಬಂದಿತ್ತು. ಇದಾದ ಕೆಲ ಸಮಯದ ಬಳಿಕ ಅವರ ಮೊಬೈಲ್ಗೆ ಬ್ಯಾಂಕ್ ವಹಿವಾಟಿನ ಮೆಸೆಜ್ ಬಂದಿತು. SBI ಉಳಿತಾಯ ಖಾತೆಯಿಂದ ₹40,000, ಎಸ್ಬಿಐ ಕ್ರೆಡಿಟ್ ಕಾರ್ಡಿನಿಂದ ₹1.65 ಲಕ್ಷ ಹಾಗೂ ಎಕ್ಸಿಸ್ ಬ್ಯಾಂಕ್ ಉಳಿತಾಯ ಖಾತೆಯಿಂದ ₹20,000 ಹಣವನ್ನು ಅಪರಿಚಿತರು ತಮ್ಮ ವಿವಿಧ ಬ್ಯಾಂಕ್ ಖಾತೆಗಳಿಗೆ ವರ್ಗಾವಣೆ ಮಾಡಿಕೊಂಡಿದ್ದಾರೆ ಎಂದು ಅವರು ದೂರಿನಲ್ಲಿ ತಿಳಿಸಲಾಗಿದೆ. ಒಟ್ಟು ₹2.25 ಲಕ್ಷ ಹಣ ಕಳೆದುಕೊಂಡಿರುವ ಭೋಜರಾಜ ಅವರು, ತಮ್ಮ ಮೊಬೈಲ್ ಪ್ರವೇಶ ಪಡೆದು ಹಣ ವರ್ಗಾವಣೆ ಮಾಡಿರುವ ಆರೋಪಿಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ಪೊಲೀಸರಿಗೆ ದೂರು ನೀಡಿದ್ದಾರೆ.
- [ಕಾರವಾರ | ಗಡಿಪಾರು ಆದೇಶಕ್ಕೆ ಹೈಕೋರ್ಟ ತಡೆ!](https://mobiletime.in/2026/08/karwar-high-court-stays-externment-order/): ಕಾರವಾರ ಕಿನ್ನರದ ಪ್ರಶಾಂತ ಗೋವೇಕರ್ ಅವರ ಗಡಿಪಾರು ಆದೇಶಕ್ಕೆ ಹೈಕೋರ್ಟ ತಡೆ‌ ನೀಡಿದೆ. ಹೀಗಾಗಿ ಅವರು ಮತ್ತೆ ಕಾರವಾರಕ್ಕೆ ಬರುತ್ತಿದ್ದಾರೆ. ಕಾರವಾರ ತಾಲೂಕು ಪಂಚಾಯತ ಮಾಜಿ ಸದಸ್ಯರಾಗಿದ್ದ ಪ್ರಶಾಂತ ಗೋವೇಕರ ಅವರ ವಿರುದ್ಧ ಒಟ್ಟು 12 ಪೊಲೀಸ್‌ ಕೇಸುಗಳಿದ್ದವು. ಕೌಟುಂಬಿಕ ಕಲಹ, ದ್ವೇಷ ರಾಜಕಾರಣ, ಊರಿನಲ್ಲಿರುವ ಕೆಲವರ ವಿರುದ್ಧ ಅನಗತ್ಯ ಆರೋಪಗಳ ವಿರುದ್ಧ ಪ್ರಕರಣಗಳಿದ್ದು, ಕಾನೂನು ಸುವ್ಯವಸ್ಥೆ ಕಾಪಾಡುವ ಕಾರಣ ನೀಡಿ ಪೊಲೀಸರು ಪ್ರಶಾಂತ ಗೋವೆಕರ್ ಅವರ ವಿರುದ್ಧ ರೌಡಿಶೀಟರ್ ಹಾಳೆ ತೆರೆದಿದ್ದರು. ಅದಾಗಿಯೂ, ಪ್ರಶಾಂತ ಗೋವೇಕರ್ ಅವರ ವರ್ತನೆಯಲ್ಲಿ ಬದಲಾವಣೆ ಆಗದ ಕಾರಣ ನೀಡಿ ಅವರನ್ನು ಗಡಿಪಾರು ಮಾಡಿದ್ದರು. ಗಡಿಪಾರು ಹಿನ್ನಲೆ ಪ್ರಶಾಂತ ಗೋವೇಕರ್ ಅವರನ್ನು ಪೊಲೀಸರು ಹೊಸಪೇಟೆಗೆ ಬಿಟ್ಟು ಬಂದಿದ್ದರು. ಇದರ ವಿರುದ್ಧ ಪ್ರಶಾಂತ ಗೋವೇಕರ್ ಅವರು ಹೈಕೋರ್ಟ ಮೊರೆಹೋದರು.‌ ಧಾರವಾಡ ಹೈಕೋರ್ಟಿನಲ್ಲಿ ದಾವೆ ಹೂಡಿದ ಬೆಳಗಾವಿಯ ವಕೀಲ ರಾಮಾ ಘೋರ್ಪಡೆ ಅವರು ಪ್ರಶಾಂತ ಗೋವೇಕರ ಅವರ ಪರ ವಾದ ಮಾಡಿದರು. ‘ಪ್ರಶಾಂತ ಗೋವೇಕರ ಅವರ ವಿರುದ್ಧ 12ಕೇಸುಗಳಿದ್ದರೂ ಅದರಲ್ಲಿ ಎಂಟು‌ ಕೇಸು ನಿಕಾಲಿಯಾಗಿದೆ. ನಾಲ್ಕು ಕೇಸು ವಿಚಾರಣಾ ಹಂತದಲ್ಲಿದೆ. ಹೀಗಾಗಿ ಅವರ ಗಡಿಪಾರು ಆದೇಶ ಸರಿಯಲ್ಲ’ ಎಂದು ವಾದಿಸಿದರು. ಈ ವಾದ ಆಲಿಸಿದ ನ್ಯಾಯಾಲಯ ಮುಂದಿನ ವಿಚಾರಣೆವರೆಗೆ ಗಡಿಪಾರು ಆದೇಶಕ್ಕೆ ತಡೆ‌ ನೀಡಿದೆ. ಹೀಗಾಗಿ ಪ್ರಶಾಂತ ಗೋವೇಕರ್ ಅವರು ಊರಿಗೆ ಮರಳುತ್ತಿದ್ದಾರೆ. ಈ ಬಗ್ಗೆ ಪ್ರಶಾಂತ ಗೋವೇಕರ್ ಅವರು ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ.
- [ಮಂಕಾಳು ವೈದ್ಯರ ಮನವೊಲೈಸಿದ ಮುಖ್ಯಮಂತ್ರಿ](https://mobiletime.in/2026/08/mankalu-was-the-chief-minister-who-convinced-the-doctor/): ರಾಜ್ಯ ವಿಧಾನಸಭೆಯ ಉಪಸಭಾಧ್ಯಕ್ಷರಾಗಿ ಭಟ್ಕಳ ಶಾಸಕ, ಮಾಜಿ ಸಚಿವ ಮಂಕಾಳ ಸುಬ್ಬಾ ವೈದ್ಯ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ‘ಮಂಕಾಳು ವೈದ್ಯರನ್ನು ಸಮಾಧಾನ ಮಾಡಲು ತುಸು ಕಷ್ಟವಾಯಿತು’ ಎಂದು ಸ್ವತಃ ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ ಅವರು ಹೇಳಿದ್ದಾರೆ. ‘ನೀವು ಉಪ ಸಭಾಧ್ಯಕ್ಷ ಸ್ಥಾನ ದೊರೆಯಿತು ಎಂದು ಬೇಸರಿಸಿಕೊಳ್ಳಬೇಡಿ. ರುದ್ರಪ್ಪ ಲಮಾಣಿ ಅವರು ಇದೇ ಸ್ಥಾನದಲ್ಲಿ ಕುಳಿತು ಈಗ ಸಚಿವರಾಗಿದ್ದಾರೆ. ಆ ಸ್ಥಾನದಲ್ಲಿ ಕುಳಿತ ಎಸ್ ಎಂ ಕೃಷ್ಣ, ಜಗದೀಶ್ ಶೆಟ್ಟರ್ ಅವರು ಮುಖ್ಯಮಂತ್ರಿಯಾದರು. ಅದಕ್ಕೆ ರಾಜಕೀಯದಲ್ಲಿ ಯಾವುದೂ ಶಾಶ್ವತವಲ್ಲ’ ಎಂದು ಮಂಕಾಳು ವೈದ್ಯ ಅವರನ್ನು ಡಿಕೆ ಶಿವಕುಮಾರ ಅವರು ಸಮಾಧಾನ ಮಾಡಿದರು. ‘ಮೀನುಗಾರ ಕುಟುಂಬದಿಂದ ಬಂದು. ಈಗಲೂ ತಮ್ಮ ವೃತ್ತಿಯಲ್ಲಿ ತೊಡಗಿರುವ ಸಜ್ಜನ ವ್ಯಕ್ತಿಯಾದ ಮಂಕಾಳ್ ವೈದ್ಯ ಅವರನ್ನು ಉಪ ಸಭಾದ್ಯಕ್ಷರನ್ನಾಗಿ ಸರ್ವಾನುಮತದಿಂದ ಅವಿರೋಧವಾಗಿ ಆಯ್ಕೆ ಮಾಡಿದ್ದು ನೋಡಿ ಸಂತಸವಾಗಿದೆ’ ಎಂದು‌ ಸಹ ಸಿಎಂ‌ ಡಿ ಕೆ ಶಿವಕುಮಾರ್ ಅವರು ಹೇಳಿದ್ದಾರೆ. ಸಿಎಂ‌ ಮಾತಿನ ಮಧ್ಯೆ ‘ಉಪಸಭಾಧ್ಯಕ್ಷರ ಆಯ್ಕೆ ಟೈಪಿಂಗ್ ತಪ್ಪಿನಿಂದ ಉಂಟಾಗಿದೆ’ ಎಂದು ಬಿಜೆಪಿಯ ಸುನೀಲ್ ಕುಮಾರ್ ಹೇಳಿದಾಗ ‘ಆಯಿತು, ನಿಮ್ಮ‌ ಮಾತನ್ನೂ ಒಪ್ಪೋಣ. ಆದರೆ ನಾವೆಲ್ಲರೂ ಸೇರಿ ಅವರನ್ನು ಆ ಸ್ಥಾನದಲ್ಲಿ ಕುಳ್ಳಿರಿಸಿದ್ದೇವೆ. ರಾಜಕೀಯದಲ್ಲಿ ಹಗ್ಗ ಜಗ್ಗಾಟ ನಿಮ್ಮಲ್ಲಿ, ನಮ್ಮಲ್ಲಿ ಎಲ್ಲಾಕಡೆಯೂ ನಡೆಯುತ್ತದೆ. ಆದರೆ ನಮ್ಮಲ್ಲಿ ಯಾವುದೇ ಜಗ್ಗಾಟ ಉಂಟಾಗಲಿಲ್ಲ. ಈ ಸ್ಥಾನಕ್ಕೆ ಮಂಕಾಳ್ ವೈದ್ಯ ಅವರನ್ನು ಮನವೊಲಿಸಲು ನಮಗೆ ಕಷ್ಟವಾಯಿತು’ ಎಂದರು. ‘ವಿರೋಧ ಪಕ್ಷದವರಿಗೆ ಉಪಸಭಾಧ್ಯಕ್ಷ ಸ್ಥಾನವನ್ನು ಬಿಟ್ಟುಕೊಡುವ ಸಂಪ್ರದಾಯವಿದೆ. ಆದರೆ ಲೋಕಸಭೆಯಲ್ಲಿ ಇನ್ನೂ ಆ ಸ್ಥಾನ ಖಾಲಿ ಬಿಡಲಾಗಿದೆ. ನಾವೂ ಇದರ ಬಗ್ಗೆಯೂ ಆಲೋಚನೆ ಮಾಡಿದೆವು.‌ ಆದರೆ ಹೆಚ್ಚು ಒತ್ತಡವಿದ್ದ ಕಾರಣಕ್ಕೆ ಮಂಕಾಳ್‌ ವೈದ್ಯ ಅವರಿಗೆ ಜವಾಬ್ದಾರಿ ನೀಡಲಾಯಿತು. ಅವರ ಹೆಸರು ಸಚಿವ ಸ್ಥಾನದ ಪಟ್ಟಿಯಲ್ಲಿತ್ತು. ನಾನೇ ಅವರ ಬಳಿ ಮನವಿ ಮಾಡಿ ಈ ಉಪಸಭಾಧ್ಯಕ್ಷರ ಸ್ಥಾನ ಪಡೆಯುವಂತೆ ಕೇಳಿಕೊಂಡೆ’ ಎಂದರು. ‘ಉಪ ಸಭಾದ್ಯಕ್ಷರ ಆಯ್ಕೆ ಸಂಬಂಧ ವಿರೋಧ ಪಕ್ಷದವರಿಗೂ ಅಭಿನಂದನೆ ತಿಳಿಸುತ್ತೇನೆ. ನಮ್ಮ ಪಕ್ಷದ ಲೆಡರ್ ಹೆಡ್ ನಲ್ಲಿ ಸಭಾಪತಿ, ಉಪಸಭಾಪತಿಗಳ ಹೆಸರನ್ನು ಸೂಚಿಸಲಾಗಿತ್ತು ಎಂದು ವಿರೋಧ ಪಕ್ಷದವರು ಅವರದೇ ಆದ ರೀತಿಯಲ್ಲಿ ಪ್ರತಿಭಟನೆ ವ್ಯಕ್ತಪಡಿಸಿದ್ದರು. ಪ್ರಜಾಪ್ರಭುತ್ವದಲ್ಲಿ ಇದನ್ನು ತಪ್ಪು ಎಂದು ಹೇಳಲು ಆಗುವುದಿಲ್ಲ’ ಎಂದರು. ‘ಇದು ಅಪರೂಪದ ಸಂದರ್ಭ. ನನಗೆ ಅತ್ಮೀಯ ಮಿತ್ರರು. ಅವರ ನಡತೆ, ಕುಟುಂಬವನ್ನು ಬಹಳ ಹತ್ತಿರದಿಂದ ನೋಡಿದ್ದೇನೆ. ಅವರ ಪಯಣ ಬಹಳ ವಿಶೇಷವಾಗಿದೆ. ಪಕ್ಷೇತರ ಶಾಸಕರಾಗಿ ಆಯ್ಕೆಯಾದವರು. ನಂತರ ನಮ್ಮ ಪಕ್ಷದಿಂದ ಟಿಕೆಟ್ ನೀಡಲಾಯಿತು. ಬಂದರು, ಮೀನುಗಾರಿಕೆ ಸಚಿವರಾಗಿ ಮೂರು ವರ್ಷಗಳ ಕಾಲ ಉತ್ತಮವಾಗಿ ಕೆಲಸ ಮಾಡಿದವರು’ ಎಂದು ಡಿಕೆ ಶಿವಕುಮಾರ ಅವರು ಸ್ಮರಿಸಿದರು. ‘ಮಂಕಾಳು ವೈದ್ಯ ಅವರು ಈಗಲೂ ತಮ್ಮ ವೃತ್ತಿ ಮಾಡುತ್ತಿದ್ದಾರೆ. ಅದರಲ್ಲಿ ಬದುಕು ಕಟ್ಟಿಕೊಂಡಿದ್ದಾರೆ. ವಿದ್ಯಾಕ್ಷೇತ್ರದಲ್ಲೂ ತಮ್ಮ ಹೆಜ್ಜೆ ಗುರುತು ಮೂಡಿಸಿದ್ದಾರೆ. 2005 ರಲ್ಲಿ ಜಿಲ್ಲಾ ಪಂಚಾಯತಿ ಸದಸ್ಯರಾಗಿ ಆಯ್ಕೆಯಾದರು. ಅಂದರೆ ತಳಮಟ್ಟದ ರಾಜಕೀಯದಿಂದ ಮೇಲೆ ಬಂದವರು. 2013 ರಲ್ಲಿ ಪಕ್ಷೇತರ ಶಾಸಕರಾಗಿ ಆಯ್ಕೆಯಾದರು. 2018 ರಲ್ಲಿ ಕಾರಣಾಂತರಗಳಿಂದ ಸೋಲಬೇಕಾಯಿತು. 2023 ರಲ್ಲಿ ಮತ್ತೆ ಗೆದ್ದು ಅತ್ಯುತ್ತಮವಾಗಿ ಕೆಲಸ ಮಾಡಿದರು’ ಎಂದರು. ಬಿಜೆಪಿಯ ಅರವಿಂದ ಬೆಲ್ಲದ ಅವರು ‘ವೈದ್ಯ ಅವರ ಮನವೊಲಿಸಲು ನಿಮಗೆ ಸಮಯ ವ್ಯರ್ಥವಾಗಿದೆ. ಅವರಿಗೆ ತಯಾರಿರಲಿಲ್ಲ’ ಎಂದಾಗ, ಪ್ರತಿಕ್ರಿಯಿಸಿದ ಸಿಎಂ ‘ನಿನಗೂ ಪರಿಸ್ಥಿತಿ ಆ ಬರುತ್ತದೆ. ನಿನ್ನ ಮನವೊಲಿಸಲಿಲ್ಲವೇ? ಯಾವುದೇ ಫೈಲ್ ಗೆ ಸಹಿ ಹಾಕಬೇಡಿ ಹುಷಾರಪ್ಪ ಎಂದು ನೀವು ಹೇಳಿರಲಿಲ್ಲವೇ? ನನಗೂ ಎಲ್ಲವೂ ಗೊತ್ತಿದೆ. ನಾಳೆ ನೀವು ಪಕ್ಕದ ಚೇರಿನಿಂದ ಈ ಕಡೆ ಇರುವ ಚೇರಿಗೂ ಬರಬಹುದು. ಹಿಂದೆ, ಮುಂದೆಯೂ ಆಗಬಹುದು. ‌ರಾಜಕೀಯ ಎಂಬುದು ಸಾಧ್ಯತೆಗಳ ಕಲೆ.‌ ಯಾರು ಏನು ಬೇಕಾದರೂ ಆಗಬಹುದು, ಬರಬಹುದು’ ಎಂದರು. ‘ನನಗೆ ಅಶ್ವಥ್ ನಾರಾಯಣ್, ವಿಜಯೇಂದ್ರ ಅವರ ತಂಡದ ಮೇಲೆ ಬಹಳ ಬೇಜಾರಾಗಿದೆ. ಎರಡು ಮೂರು ದಿನ ಕುಳಿತುಕೊಂಡು ನಾನು ಹೇಳುವುದನ್ನು ಕೇಳಿ ಎಂದು ಹೇಳಿದ್ದೇನೆ. ಆದರೂ ಸದನಕ್ಕೆ ಬರುತ್ತಿದ್ದಂತೆ ದಿಕ್ಕಾರ ಎಂದು ಕೂಗಿ ನನ್ನ ಮನಸ್ಸಿಗೆ ಆಳವಾದ ಗಾಯ ಮಾಡಿದ್ದೀರಿ. ಈ ವಿಚಾರ ನನಗೆ ನಾಟಿದೆ’ ಎಂದು ಬೇಸರಿಸಿದರು. ‘ನಾನು ಇರೋದನ್ನು ಹೇಳುತಿರುವೆ. ನನಗೆ ಆದ ನೋವು ನನಗೆ ಮಾತ್ರ ಗೊತ್ತು. ನಾವು ಯಾರೂ ಶಾಶ್ವತವಲ್ಲ. ಬೇರೆ ಪಕ್ಷದಿಂದ ಬಂದವರನ್ನು ಮಂತ್ರಿ ಮಾಡಿಕೊಂಡಿದ್ದೇವೆ. ಬಿಜೆಪಿಯವರೂ ಮಾಡಿಕೊಂಡಿದ್ದರು. ಕೇಂದ್ರ‌ ಸರ್ಕಾರದಲ್ಲಿ ಎಷ್ಟು ‌ಜನರನ್ನು ಮಂತ್ರಿ ಮಾಡಿಲ್ಲ? ಯಡಿಯೂರಪ್ಪ ‌ಅವರು ಬೇರೆ ಪಕ್ಷವನ್ನೇ ಕಟ್ಟಿದರು. ನಂತರ ಬಿಜೆಪಿಗೆ ಬಂದು ಮತ್ತೆ ಸಿಎಂ ಆದರು.‌ ಅವರು ಆಗ ಏನೇನು ಹೇಳಿದ್ದರು ಎಂದು ಎಲ್ಲಾ ದಾಖಲೆಯಾಗಿ ಉಳಿದಿದೆ. ಯಡಿಯೂರಪ್ಪ ಅವರನ್ನು ಮತ್ತೆ ಅನಿವಾರ್ಯವಾಗಿ ಪಕ್ಷಕ್ಕೆ ವಾಪಸ್ ಕರೆದುಕೊಳ್ಳಲಾಯಿತು’ ಎಂದರು.
- [ಪ್ರಜಾಸೇವೆ: ಸಮಸ್ಯೆಗೆ ಸ್ಪಂದಿಸಲು ಒಂದೇ ವಾರ ಗಡುವು!](https://mobiletime.in/2026/09/public-service-one-week-deadline-to-respond-to-the-issue/): `ಪ್ರಜಾ ಸೇವೆ ಆಂದೋಲನದ ಸಭೆಯಲ್ಲಿ ಸ್ವೀಕೃತವಾದ ಎಲ್ಲಾ ಅರ್ಜಿಗಳನ್ನು ಆದ್ಯತೆ ಮೇರೆಗೆ ಕ್ರಮ ಜರುಗಿಸಬೇಕು’ ಎಂದು ಎಲ್ಲಾ ಇಲಾಖೆಗಳ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಸೂಚನೆ ನೀಡಿದ್ದಾರೆ. `ಸಮಸ್ಯೆ ಬಗೆಹರಿಸಲು ಎಲ್ಲರೂ ಪ್ರಾಮಾಣಿಕ ಪ್ರಯತ್ನ ಮಾಡಬೇಕು’ ಎಂದವರು ನಿರ್ದೇಶಿಸಿದ್ದಾರೆ. ಅವರು ಬುಧವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಪ್ರಜಾಸೇವೆ ಆಂದೋಲನ ಸಭೆಗಳಲ್ಲಿ ಸ್ವೀಕೃತವಾದ ಅರ್ಜಿಗಳ ವಿಲೇವಾರಿ ಮಾಡುವ ಕುರಿತು ಸಭೆ ನಡೆಸಿದ್ದು, `ಸೆಪ್ಟಂಬರ್ 5ರಂದು ನಡೆದ ಪ್ರಜಾಸೇವೆ ಆಂದೋಲನ ಸಭೆಯ ನಂತರದ ದಿನವೂ ಕೂಡಾ ಸಾರ್ವಜನಿಕರು ಐ.ಪಿ.ಜಿ.ಆರ್.ಎಸ್. ಪೋರ್ಟಲ್ ನಲ್ಲಿ ಅವಹಾಲುಗಳನ್ನು ಸಲ್ಲಿಸಿದ್ದು, 2 ದಿನಗಳಲ್ಲಿ ಜಿಲ್ಲೆಯಲ್ಲಿ ಒಟ್ಟು 1642 ಅರ್ಜಿಗಳು ಸ್ವೀಕೃತಗೊಂಡಿದೆ. ಅವುಗಳಲ್ಲಿ ಇಂದಿನವರೆಗೆ 489 ಅರ್ಜಿಗಳು ವಿಲೇವಾರಿ ಆಗಿದ್ದು, ಉಳಿದ ಅರ್ಜಿಗಳನ್ನು ಸಂಬAಧÀಪಟ್ಟ ಇಲಾಖೆಗಳು ಒಂದು ವಾರದ ಅವಧಿಯಲ್ಲಿ ವಿಲೇವಾರಿ ಮಾಡಬೇಕು’ ಎಂದು ಸೂಚಿಸಿದರು. ಅರ್ಜಿಗಳ ವಿಲೇವಾರಿ ಸಂದರ್ಭದಲ್ಲಿ ಸಾರ್ವಜನಿಕರಿಗೆ ವಿವರವಾದ ಮಾಹಿತಿಯನ್ನು ನೀಡುವಂತೆ ತಿಳಿಸಿದ ಅವರು `ಹೊಸ ಕಾಮಗಾರಿ, ಯೋಜನೆಗಳ ಕುರಿತು ಮನವಿಗಳು ಸಲ್ಲಿಕೆಯಾಗಿದ್ದಲ್ಲಿ ಈ ಬಗ್ಗೆ ಪ್ರಸ್ತಾವನೆಯನ್ನು ಸಿದ್ದಪಡಿಸಿ ತಮ್ಮ ಕೇಂದ್ರ ಕಚೇರಿಗೆ ಅಥವಾ ಸರ್ಕಾರಕ್ಕೆ ಸಲ್ಲಿಸಿ ಅನುದಾನ ಬಿಡುಗಡೆಗೆ ಫಾಲೋ ಅಪ್ ಮಾಡಬೇಕು. ಒಂದು ವೇಳೆ ಅನುದಾನ ಲಭ್ಯವಿದ್ದಲ್ಲಿ ಕಾಮಗಾರಿಯ ಅನುಷ್ಠಾನಕ್ಕೆ ಕ್ರಮ ಕೈಗೊಳ್ಳಬೇಕು. ಅರ್ಜಿಗಳ ಪರಿಶೀಲನೆ ಮತ್ತು ವಿಲೇವಾರಿಯಲ್ಲಿ ಯಾವುದೇ ರೀತಿಯ ನಿರ್ಲಕ್ಷö್ಯ ವಹಿಸದೇ, ಎಲ್ಲಾ ಅರ್ಜಿಗಳನ್ನು ಶೇ 100ರಷ್ಟು ವಿಲೇವಾರಿ ಮಾಡಬೇಕು’ ಎಂದರು. `ಪ್ರಜಾಸೇವೆ ಆಂದೋಲನ ಸಭೆಯಲ್ಲಿ ಸಾರ್ವಜನಿಕರು ಸಲ್ಲಿಸಿರುವ ಅರ್ಜಿಗಳು ಐ.ಪಿ.ಜಿ.ಆರ್.ಎಸ್. ಪೋರ್ಟಲ್ ಮೂಲಕ ಸಂಬAಧಪಟ್ಟ ಇಲಾಖೆಗಳ ಲಾಗಿನ್ ಈಗಾಗಲೇ ವರ್ಗಾವಣೆಯಾಗಿದ್ದು, ಎಲ್ಲಾ ಜಿಲ್ಲಾ ಮಟ್ಟದ ಅಧಿಕಾರಿಗಳು ತಮ್ಮ ಲಾಗಿನ್‌ಗಳನ್ನು ಪರಿಶೀಲಿಸಿಕೊಳ್ಳಬೇಕು. ಯಾವುದೇ ತಾಂತ್ರಿಕ ಸಮಸ್ಯೆಗಳಿದ್ದಲ್ಲಿ ಜಿಲ್ಲಾಧಿಕಾರಿ ಕಚೇರಿಯ ಸಮಾಲೋಚರನ್ನು ಸಂಪರ್ಕಿಸಿ ಸಮಸ್ಯೆ ಬಗೆಹರಿಸಿಕೊಳ್ಳಬೇಕು’ ಎಂದರು. `ಸರ್ಕಾರದ ಅತ್ಯಂತ ಮಹತ್ವಾಕಾಂಕ್ಷೆಯ ಯೋಜನೆಯಾಗಿರುವ ಪ್ರಜಾಸೇವೆ ಆಂದೋಲನ ಸಭೆಯಲ್ಲಿ ಸಲ್ಲಿಕೆಯಾಗುವ ಅರ್ಜಿಗಳನ್ನು ಎಲ್ಲಾ ಅಧಿಕಾರಿಗಳು ಅತ್ಯಂತ ಗಂಭೀರವಾಗಿ ಪರಿಗಣಿಸಿ, ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ಒದಗಿಸಲು ಗರಿಷ್ಠ ಪ್ರಯತ್ನ ನಡೆಸಬೇಕು. ಈ ಯೋಜನೆಯು ಜಿಲ್ಲೆಯ ಸಾರ್ವಜನಿಕರ ಸಮಸ್ಯೆಗಳನ್ನು ಬಗೆಹರಿಸುವಲ್ಲಿ ಅತ್ಯಂತ ಪರಿಣಾಮಕಾರಿಯಾಗಿ ಅನುಷ್ಠಾನಗೊಳ್ಳುವ ರೀತಿಯಲ್ಲಿ ಎಲ್ಲಾ ಜಿಲ್ಲಾ ಮತ್ತು ತಾಲೂಕು ಮಟ್ಟದ ಅಧಿಕಾರಿಗಳು ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕು’ ಎಂದರು. ಸಭೆಯಲ್ಲಿ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಆಂಥೋನಿ ಮರಿಯಪ್ಪ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಅಪರ ಜಿಲ್ಲಾಧಿಕಾರಿ ಸಾಜೀದ್ ಮುಲ್ಲಾ, ಜಿ.ಪಂ. ಮುಖ್ಯ ಯೋಜನಾಧಿಕಾರಿ ಸೋಮಶೇಖರ್ ಮೇಸ್ತಾ ಹಾಗೂ ಜಿಲ್ಲಾ ಮಟ್ಟದ ಎಲ್ಲಾ ಅಧಿಕಾರಿಗಳು ಇದ್ದರು.
- [ರಂಗನ್ ವರದಿಗೆ ಅನೇಕರ ಆಕ್ಷೇಪ](https://mobiletime.in/2026/09/many-object-to-the-rangan-report/): `ಉಪಗೃಹ ಆಧಾರಿತವಾಗಿ ಉತ್ತರ ಕನ್ನಡ ಜಿಲ್ಲೆಯ ಅನೇಕ ಹಳ್ಳಿಗಳನ್ನು ಸೂಕ್ಷ ವಲಯ ಎಂದು ಗುರುತಿಸಲಾಗಿದ್ದು, ದೋಷರಹಿತವಾದ ಇಂಥ ವರದಿಯನ್ನು ತಿರಸ್ಕರಿಸಬೇಕು’ ಎಂದು ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಆಗ್ರಹಿಸಿದೆ. ಅಂಕೋಲಾದಲ್ಲಿ ಪ್ರತಿಭಟನೆ ನಡೆಸಿದ ಹೋರಾಟಗಾರರು ಸರ್ಕಾರಕ್ಕೆ ಆಕ್ಷೇಪಣಾ ಪತ್ರ ಸಲ್ಲಿಕೆ ಮಾಡಿದ್ದಾರೆ. ಅಂಕೋಲೆಯ ಸತ್ಯಾಗ್ರಹ ಸ್ಮಾರಕ ಭವನದಲ್ಲಿ ರವೀಂದ್ರ ನಾಯ್ಕ ಅವರು ಗಾಂಧೀ ಪ್ರತಿಮೆಗೆ ಮಾಲಾರ್ಪಣೆ ಮಾಡಿದರು. ನಂತರ ತಹಶೀಲ್ದಾರ ಕಚೇರಿಯವರೆಗೆ ತೆರಳಿ ಆಕ್ಷೇಪಣಾ ಪತ್ರ ಸಲ್ಲಿಸಿದರು. `ಪರಿಸರ ತಜ್ಞರಿಲ್ಲದ ಸಮಿತಿಯಿಂದ ಶಿಫಾರಸ್ಸಾಗಿರುವ ಕಸ್ತೂರಿ ರಂಗನ್ ವರದಿಯಲ್ಲಿ ಭೌತಿಕ ಸರ್ವೆಯಾಗಿಲ್ಲ. ಗ್ರಾಮ ಸಭೆ ನಡೆಸಿಲಲ. 10 ಕಿಮೀ ಬಫೂರ್ ವಲಯವನ್ನು ಸೂಕ್ಷö ಪ್ರದೇಶವೆಂದು ಗುರುತಿಸಿರುವುದು ಅವೈಜ್ಞಾನಿಕ’ ಎಂದವರು ಹೇಳಿದರು. ಅಭಿಯಾನದ ಸಭೆಯಲ್ಲಿ ಪ್ರಮುಖರಾದ ಅರವಿಂದ ಗೌಡ ಬೇಳ್ಳಿಕೆರಿ, ರಮಾನಂದ ನಾಯ್ಕ, ಮಂಜು ಮರಾಠಿ ನಾಗೂರು , ಪಾಂಡುರoಗ ಗೌಡ, ವಿಜು ಪೀಟರ್ ಪಿಳ್ಳೆ ಆನಂದಗಿರಿ, ಶಂಕರ ನಾಯ್ಕ ಹೊಸಗದ್ದೆ, ಶಂಕರ್ ಕೊಡಿಯಾ ಹಿಲ್ಲೂರು, ಉಮೇಶ್ ನಾಯ್ಕ, ಶಬ್ಬೀರ, ಉದಯ ಗುನಗಾ ಹಿಲ್ಲೂರು, ಬಾಲಚಂದ್ರ ಶೆಟ್ಟಿ, ಬಾಳು ಶೆಟ್ಟಿ ಅಚವೆ, ವಿನೋದ ನಾಯ್ಕ ಅವರ್ಸ, ಚಂದ್ರಕಾoತ್ ನಾಯ್ಕ ಹಟ್ಟಿಕೇರಿ, ರಾಜು ಗೌಡ ಸಕಲಬೇಣ ಇತರರಿದ್ದರು. ವೆಂಕಟರಮಣ ನಾಯ್ಕ ಮಂಜಗುಣಿ, ಸಂದೇಶ ನಾಯ್ಕ ಬ್ರಹ್ಮೂರು, ಶೈಲಾ ವಂದಿಗೆ, ರಾಮದಾಸ ನಾಯ್ಕ ಕುಂಟಗಣಿ, ಸೋಮೇಶ್ವರ ಗೌಡ ಹೊಸಗದ್ದೆ, ನಾಗರಾಜ ನಾಯ್ಕ ಹನ್ಮೂಟ್ಟ, ವಿನೋದ ನಾಯ್ಕ , ಬಾಷಾ ಇಮಾದ್ ಶೇಕ, ಉದಯ ನಾಯ್ಕ ಮುಂತಾದವರು ಪ್ರತಿಭಟನೆ ನೇತೃತ್ವವಹಿಸಿದರು.
- [ಧಿಕ್ಕಾರ.. ಧಿಕ್ಕಾರ: ಪ್ರಿನ್ಸಿಪಾಲ್'ಗೆ ಧಿಕ್ಕಾರ!](https://mobiletime.in/2026/09/shame-shame-shame-on-the-principal/): ಶಿರಸಿ ಬಿಳೂರು ಕಾಲೇಜಿನ ವಿದ್ಯಾರ್ಥಿಗಳು ಈ ದಿನ ದಿಢೀರ್ ಆಗಿ ಪ್ರತಿಭಟನೆ ನಡೆಸಿದ್ದಾರೆ. ಕಾಲೇಜು ಪ್ರಿನ್ಸಿಪಾಲ್ ವಿರುದ್ಧವೇ ಅವರೆಲ್ಲರೂ ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಡೌನ್ ಡೌನ್ ಪ್ರಿನ್ಸಿಪಾಲ್’ ಎಂಬ ಘೋಷಣೆಗಳನ್ನು ಕೂಗಿದ್ದು, `ಪ್ರಿನ್ಸಿಪಾಲ್ ಪುಷ್ಪಲತಾ ವರ್ಗಾವಣೆ ಆಗುವವರೆಗೂ ಕಾಲೇಜಿನ ಒಳಗೆ ಕಾಲಿಡಲ್ಲ’ ಎಂದು ಹೇಳಿದ್ದಾರೆ. `ಪುಷ್ಪಲತಾ ಅವರು ಕೆಟ್ಟ ಪದಗಳಿಂದ ಬೈಯುತ್ತಾರೆ. ಅನಗತ್ಯವಾಗಿ ನಿಂದಿಸುತ್ತಾರೆ’ ಎಂಬುದು ವಿದ್ಯಾರ್ಥಿಗಳ ದೊಡ್ಡ ಆರೋಪ. `ಅವರ ವರ್ತನೆಯಿಂದ ಎಲ್ಲರೂ ಬೇಸತ್ತಿದ್ದು, ಕೂಡಲೇ ಅವರನ್ನು ಇಲ್ಲಿಂದ ವರ್ಗಾಯಿಸಬೇಕು’ ಎಂಬುದು ಪ್ರತಿಭಟನಾಕಾರರ ಮುಖ್ಯ ಬೇಡಿಕೆ. `ಪಾಠ ಮಾಡುವ ಉಪನ್ಯಾಸಕರಿಗೆ ಸಹ ಪ್ರಾಚಾರ್ಯೆ ಬೈಯುತ್ತಾರೆ. ವಿದ್ಯಾರ್ಥಿಗಳ ಮುಂದೆಯೇ ಅವರ ಬಗ್ಗೆ ಕೆಟ್ಟದಾಗಿ ಮಾತನಾಡುತ್ತಾರೆ. ಈ ಎಲ್ಲಾ ವರ್ತನೆಯಿಂದ ಎಲ್ಲರೂ ಬೇಸತ್ತಿದ್ದೇವೆ’ ಎಂದು ಪ್ರತಿಭಟನಾಕಾರರು ದೂರಿದರು. ಕಾಲೇಜು ಆವರಣ ಹೊರಭಾಗ ಕುಳಿತ ನೂರಾರು ವಿದ್ಯಾರ್ಥಿಗಳು ತಾಸುಗಳ ಕಾಲ ಧರಣಿ ನಡೆಸಿದರು. ತಮ್ಮ ಬೇಡಿಕೆ ಈಡೇರುವವರೆಗೂ ಕಾಲೇಜಿಗೆ ಬರುವುದಿಲ್ಲ ಎಂದು ಪಟ್ಟುಹಿಡಿದರು. `ಪ್ರಾಚಾರ್ಯೆ ವರ್ತನೆಯಿಂದ ಕಾಲೇಜಿನಲ್ಲಿ ಅಸಮಧಾನ ಹೆಚ್ಚಾಗಿದೆ. ಹೀಗಾಗಿ ಅವರು ಇಲ್ಲಿ ಬೇಡ’ ಎಂದು ಆಗ್ರಹಿಸಿದರು. ಸಮಸ್ಯೆ ಬಗೆಹರಿಯದೇ ಇದ್ದರೇ ಹೋರಾಟ ಮುಂದುವರೆಸುವುದಾಗಿಯೂ ಎಚ್ಚರಿಸಿದರು.
- [ಶಿಕಾರಿ ಶೂರರಿಗೆ ಸೆರೆಮನೆ ವಾಸ!](https://mobiletime.in/2026/09/imprisonment-for-the-daring-poachers/): ಶಿಕಾರಿ ಶೂರರಾದ ಶಂಕರ್ ಸಿದ್ದಿ ಹಾಗೂ ನರಸಿಂಹ ಸಿದ್ದಿ ಅವರು ತಾವು ಮಾಡಿದ ಹುಚ್ಚು ಸಾಹಸಗಳ ಬಗ್ಗೆ ಊರಿನ ತುಂಬಾ ಹೇಳಿಕೊಂಡಿದ್ದು, ಅದೇ ಅವರಿಗೆ ಮುಳುವಾಗಿದೆ. ಕುಡುಕನೊಬ್ಬ ನೀಡಿದ ಮಾಹಿತಿ ಮೇರೆಗೆ ಅರಣ್ಯ ಅಧಿಕಾರಿಗಳು ನಡೆಸಿದ ವಿಶೇಷ ಕಾರ್ಯಾಚರಣೆಯಲ್ಲಿ ವನ್ಯಜೀವಿ ಹತ್ಯೆಗೆ ಸಂಬoಧಿಸಿದ ಭಾರೀ ಪ್ರಮಾಣದ ಕುರುಹುಗಳು ದೊರೆತಿದೆ. ಯಲ್ಲಾಪುರದ ಉಪಳೇಶ್ವರ ಗ್ರಾಮದಲ್ಲಿ ಮಂಗಳವಾರ ಸಂಜೆ ಶಿರಸಿಯ ಸಂಚಾರಿ ಅರಣ್ಯ ದಳದವರು ವಿಶೇಷ ಕಾರ್ಯಾಚರಣೆ ನಡೆಸಿದ್ದಾರೆ. ಈ ವೇಳೆ 15 ಕೆಜಿಯಷ್ಟು ಚಿಪ್ಪು ಹಂದಿಯ ಚಿಪ್ಪು, ಎರಡು ಕಾಡೆಮ್ಮೆಯ ಕೊಂಬು, ಎಂಟು ಹುಲಿ ಉಗುರು, 12 ಚಿರತೆಯ ಉಗುರು, ಆರು ಕಾಡು ಹಂದಿಯ ಹಲ್ಲುಗಳು ಸಿಕ್ಕಿವೆ. ಅದರೊಂದಿಗೆ ಈ ಎಲ್ಲಾ ವನ್ಯಜೀವಿ ಅಂಗಾAಗಗಳ ಸಾಗಾಟಕ್ಕೆ ಬಳಸಿದ್ದ ಬೈಕನ್ನು ಅರಣ್ಯ ಅಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಶಂಕರ್ ಸಿದ್ದಿ ಹಾಗೂ ನರಸಿಂಹ ಸಿದ್ದಿ ಅನಾಧಿಕಾಲದಿಂದಲೂ ಶಿಕಾರಿ ಮಾಡುತ್ತಿದ್ದು, ಜೊತೆಗೆ ವನ್ಯಜೀವಿಗಳ ಅಂಗಾoಗ ಮಾರಾಟ ಮಾಡಿ ಹಣ ಮಾಡುತ್ತಿದ್ದರು. ತಾವು ಮಾಡುವ ಈ ರಹಸ್ಯ ಲಸದ ಬಗ್ಗೆ ಅವರು ಅಲ್ಲಲ್ಲಿ ಗರ್ವದಿಂದ ಹೇಳಿಕೊಳ್ಳುತ್ತಿದ್ದರು. ಉಪಳೇಶ್ವರಕ್ಕೆ ಬರುವ ಮುನ್ನ ಅವರು ಕುಡುಕನೊಬ್ಬನಲ್ಲಿ ತಮ್ಮ ಸಾಧನೆ ಹೇಳಿಕೊಂಡಿದ್ದು, ದೊಡ್ಡ ಡೀಲ್ ಮಾಡಲು ಉಪಳೇಶ್ವರಕ್ಕೆ ಹೋಗುವ ಬಗ್ಗೆ ಹೇಳಿದ್ದರು. ಕುಡಿದ ನಶೆಯಲ್ಲಿ ಆ ಕುಡುಕ ಈ ವಿಷಯವನ್ನು ಮತ್ತೊಬ್ಬರಿಗೆ ಹೇಳಿದ್ದು, ಅದು ಅರಣ್ಯ ಅಧಿಕಾರಿಗಳ ಕಿವಿಗೆ ಬಿದ್ದಿತ್ತು. ಆ ವಿಶ್ವಾಸಾರ್ಹ ಮಾಹಿತಿ ಅನ್ಯವ ಅರಣ್ಯ ಸಂಚಾರಿ ದಳದವರು ವಿಶೇಷ ಕಾರ್ಯಾಚರಣೆ ಮಾಡಿದರು. ಶಂಕರ್ ಸಿದ್ದಿ ಮತ್ತು ನರಸಿಂಹ ಸಿದ್ದಿ ದಾಳಿ ವೇಳೆ ಸಿಕ್ಕಿ ಬಿದ್ದರು. ಈ ಪ್ರಕರಣದಲ್ಲಿ ಇನ್ನೂ ಕೆಲವರು ಭಾಗಿಯಾದ ಶಂಕೆಯಿದ್ದು, ಅಧಿಕಾರಿಗಳು ಅವರ ಮಾಹಿತಿ ಸಂಗ್ರಹ ಮಾಡುತ್ತಿದ್ದಾರೆ.
- [ಕೆಲಸ ಮಾಡದೇ ಕಾಸು ಹೊಡೆದವರಿಗೆ ಅಮಾನತು ಶಿಕ್ಷೆ!](https://mobiletime.in/2026/09/suspension-for-those-who-pocketed-money-without-doing-the-work/): ಮುಖ್ಯಮಂತ್ರಿ ಮೂಲಸೌಕರ್ಯ ಅಭಿವೃದ್ದಿ ನಿಧಿಯಿಂದ ಮಂಜೂರಾಗಿದ್ದ ಕಾಮಗಾರಿ ಮಾಡದೇ ಕಾಸು ಹೊಡೆದಿದ್ದ ಕುಮಟಾದ ಮಹಿಳಾ ಅಧಿಕಾರಿಗಳಿಬ್ಬರು ಅಮಾನತು ಆಗಿದ್ದಾರೆ. ಪಂಚಾಯತ್ ರಾಜ್ ಇಂಜಿನಿಯರಿoಗ್ ಉಪವಿಭಾಗದ ಸಹಾಯಕ ಕಾರ್ಯಪಾಲಕ ಇಂಜಿನಿಯರ್ ಕಲ್ಪನಾ ವಾಗ್ಮೋರೆ ಹಾಗೂ ಕಿರಿಯ ಇಂಜಿನಿಯರ್ ಅಂಜಲಿ ಪಾಟೀಲ್ ಅವರ ವಿರುದ್ಧ ಸರ್ಕಾರ ತನಿಖೆಗೆ ಆದೇಶಿಸಿದೆ. ಮಂಜೂರಾದ ಕೆಲಸ ಮಾಡದೇ ನಕಲಿ ಫೋಟೋ ಸೃಷ್ಠಿಸಿದ ಈ ಮಹಿಳೆಯರಿಬ್ಬರ ವಿರುದ್ಧ ಜಿಲ್ಲಾ ಪಂಚಾಯತ್ ಮುಖ್ಯಕಾರ್ಯನಿರ್ವಹಣಾಧಿಕಾರಿ ಕಚೇರಿ ವರದಿ ನೀಡಿದ್ದು, ಆ ವರದಿ ಅನ್ವಯ ಗ್ರಾಮೀಣಾಭಿವೃದ್ದಿ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಸರ್ಕಾರದ ಅಧೀನ ಕಾರ್ಯದರ್ಶಿ ಅಮಾನತು ಮಾಡಿ ಆದೇಶ ಮಾಡಿದ್ದಾರೆ. 2025-26ನೇ ಸಾಲಿನ ಮುಖ್ಯಮಂತ್ರಿ ಮೂಲಸೌಕರ್ಯ ಅಭಿವೃದ್ದಿ ನಿಧಿಯಡಿ ಕುಮಟಾ ತಾಲೂಕಿನ ಕಲ್ಲಬ್ಬೆ ಪಂಚಾಯತ್ ವ್ಯಾಪ್ತಿಯಲ್ಲಿ 25 ಲಕ್ಷ ವೆಚ್ಚದಲ್ಲಿ ರಸ್ತೆ ಅಭಿವೃದ್ದಿಗೆ ಅನುಧಾನ ಬಿಡುಗಡೆಯಾಗಿತ್ತು. ಆ ಕಾಮಗಾರಿ ಮುಗಿಸದೇ ಅಧಿಕಾರಿಗಳು ನಕಲಿ ದಾಖಲೆ ಸೃಷ್ಠಿಸಿದ್ದರು. ಮಾರ್ಚ ಅವಧಿಯಲ್ಲಿ ತರಾತುರಿಯಲ್ಲಿ ಹಣ ಖರ್ಚು ಮಾಡಿರುವುದು ಗಮನಕ್ಕೆ ಬಂದಿತ್ತು. ಶಾಸಕ ದಿನಕರ ಶೆಟ್ಟಿ ಅವರೇ ಈ ಬಗ್ಗೆ ದೂರು ನೀಡಿದ್ದರು. ಆರೋಪದ ಮೇಲೆ ತನಿಖೆ ನಡೆಸಿದ ಅಧಿಕಾರಿಗಳಿಗೆ ಸಾಮಾಗ್ರಿಗಳ ಗುಣಮಟ್ಟ ಪರೀಕ್ಷಾ ವರದಿ ಸ್ವೀಕೃತ ಮಾಡದೆಯೇ ಬಿಲ್ ಪಾವತಿ ಮಾಡಿರುವುದು ಗಮನಕ್ಕೆ ಬಂದಿತ್ತು. ಅಲ್ಲದೇ ಕಾಮಗಾರಿಯ ಮೂಲ ಅಂದಾಜು ಪಟ್ಟಿಯಲ್ಲಿದ್ದ ಪೋಟೋಗಳಿಗೂ ಬಿಲ್ ದಾಖಲಿಸುವಾಗ ನೀಡಿದ ಫೋಟೋಗಳಿಗೂ ವ್ಯತ್ಯಾಸಗಳಿರುವುದನ್ನು ತನಿಖಾಧಿಕಾರಿಗಳು ಗಮನಿಸಿದ್ದರು. ನಕಲಿ ಫೋಟೋಗಳನ್ನ ಹಾಕಿ ದಾಖಲೆ ಸೃಷ್ಟಿ ಮಾಡಿರುವುದನ್ನ ಅಧಿಕಾರಿಗಳು ತನಿಖೆಯಲ್ಲಿ ತಿಳಿಸಿದ್ದರು. ಅಲ್ಲದೇ ಕಲ್ಲಬ್ಬೆ ಪಂಚಾಯತ್ ವ್ಯಾಪ್ತಿಯ ಕೆಲಸದ ಅಳತೆಯನ್ನು ರಾಘವೇಂದ್ರ ನಾಯ್ಕ ಎನ್ನುವ ಅಧಿಕಾರಿ ಮಾಡಬೇಕಿತ್ತು. ಅದರ ಬದಲು ಕಿರಿಯ ಇಂಜಿನಿಯರ್ ಆಗಿದ್ದ ಅಂಜಲಿ ಪಾಟೀಲ್ ಮಾಡಿರುವುದು ಧೃಡವಾಗಿತ್ತು. ಈ ಎಲ್ಲಾ ಹಿನ್ನಲೆ ಸಹಾಯಕ ಕಾರ್ಯಪಾಲಕ ಇಂಜಿನಿಯರ್ ಕಲ್ಪನಾ ವಾಗ್ಮೋರೆ ಹಾಗೂ ಕಿರಿಯ ಇಂಜಿನಿಯರ್ ಆಗಿರುವ ಅಂಜಲಿ ಪಾಟೀಲ್ ಅವರನ್ನು ಅಮಾನತು ಮಾಡಲಾಗಿದೆ. ಈ ಪ್ರಕರಣದಲ್ಲಿ ಪಂಚಾಯತ್ ಇಂಜಿನಿರಿoಗ್ ವಿಭಾಗದ ಹಿರಿಯ ಅಧಿಕಾರಿಗಳ ಲೋಪದ ಬಗ್ಗೆಯೂ ಆರೋಪವಿದ್ದು, ಆ ಬಗ್ಗೆಯೂ ವಿಚಾರಣೆ ನಡೆದಿದೆ.
- [ಡಿಜೆ ನಿಷೇಧ: ಅಸಮಧಾನವ್ಯಕ್ತಪಡಿಸಿದ ಗಣೇಶೋತ್ಸವದ ಆಯೋಜಕ!](https://mobiletime.in/2026/09/dj-ban-ganeshotsav-organizer-expresses-dissatisfaction/): ಡಿಜೆ ಬಳಕೆ ನಿಷೇಧಿಸಿ ಜಿಲ್ಲಾಡಳಿತ ಹೊರಡಿಸಿದ ಸೂಚನೆ ವಿರುದ್ಧ ಗಣೇಶೋತ್ಸವ ಸಮಿತಿಯವರು ಆಕ್ಷೇಪವ್ಯಕ್ತಪಡಿಸಿದ್ದಾರೆ. `ಕರಾವಳಿ ಉತ್ಸವಕ್ಕೆ ಡಿಜೆ ಬಳಸಲು ಅವಕಾಶ ನೀಡಲಾಗಿದ್ದು, ಗಣೇಶ ಉತ್ಸವಕ್ಕೆ ಏಕೆ ಈ ನಿಷೇಧ?’ ಎಂದು ಅಧಿಕಾರಿಗಳನ್ನು ಪ್ರಶ್ನಿಸಿದ್ದಾರೆ. ಜಿಲ್ಲಾಧಿಕಾರಿ ಸಭಾಭವನದಲ್ಲಿ ಮಂಗಳವಾರ ಗಣೇಶೋತ್ಸವ ಹಿನ್ನಲೆ ಶಾಂತಿ ಸಭೆ ನಡೆದಿದ್ದು, ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು `ಡಿಜೆ ಬಳಕೆ ಮಾಡುವ ಹಾಗಿಲ್ಲ’ ಎಂದು ಸೂಚಿಸಿದರು. ಜಿಲ್ಲಾಡಳಿತದ ಈ ನಿರ್ಧಾರದ ವಿರುದ್ಧ ಟೋಲ್‌ನಾಕಾ ಗಣೇಶೋತ್ಸವ ಸಮಿತಿಯ ಆಯೋಜಕ ಆನಂದು ರಾಮಾ ನಾಯ್ಕ ಅವರು ಕೆಂಡಾಮoಡಲರಾದರು. `ಕರಾವಳಿ ಉತ್ಸವದಂತಹ ಸರ್ಕಾರಿ ಕಾರ್ಯಕ್ರಮಗಳಲ್ಲಿ ಡಿಜೆ ತಂಡದವರನ್ನು ಆಮಂತ್ರಿಸಲಾಗುತ್ತದೆ. ಜಿಲ್ಲಾಡಳಿತದವರು ಅದಕ್ಕೆ ಅನುಮತಿ ನೀಡುತ್ತಾರೆ. ಆದರೆ, ವರ್ಷಕ್ಕೊಮ್ಮೆ ಬರುವ ಗಣೇಶೋತ್ಸವಕ್ಕೆ ಮಾತ್ರ ಇಂಥ ನಿಷೇಧ ಹೇರಲಾಗುತ್ತದೆ’ ಎಂದು ಖಾರವಾಗಿ ಮಾತನಾಡಿದರು. `ಗಣೇಶ ವಿಸರ್ಜನಾ ಮೆರವಣಿಗೆಯ 1 ದಿನದ ಮಟ್ಟಿಗಾದರೂ ಡಿಜೆಗೆ ಅನುಮತಿ ಕೊಡಬೇಕು’ ಎಂದು ಪಟ್ಟುಹಿಡಿದರು. `ಡಿಜೆ ಬಳಕೆಯನ್ನು ಬ್ಯಾನ್ ಮಾಡುವ ಬದಲು ಡಿಜೆ ಉಪಕರಣಗಳನ್ನು ತಯಾರಿಸುವ ಕಂಪನಿಗಳನ್ನು ಸರ್ಕಾರ ಬ್ಯಾನ್ ಮಾಡಬೇಕು’ ಎಂದು ಆನಂದು ನಾಯ್ಕ ಅವರು ಆಕ್ರೋಶವ್ಯಕ್ತಪಡಿಸಿದರು. `ಡಿಜೆ ವ್ಯವಸ್ಥೆಯನ್ನು ನಂಬಿಕೊoಡಿರುವ ಮಾಲೀಕರು ಸುಮಾರು 30 ಲಕ್ಷ ರೂಪಾಯಿಗಳ ಬೃಹತ್ ಬಂಡವಾಳ ಹೂಡಿರುತ್ತಾರೆ. ಇವರಲ್ಲಿ ಬಹುತೇಕರು ಬಡವರಾಗಿದ್ದು, ಇಂದಿನ ಕಠಿಣ ಆರ್ಥಿಕ ಪರಿಸ್ಥಿತಿಯಲ್ಲಿ ಡಿಜೆ ಉದ್ಯಮವನ್ನು ಮುನ್ನಡೆಸಿಕೊಂಡು ಹೋಗುವುದು ಕಷ್ಟವಾಗಿದೆ’ ಎಂದವರು ವಿವರಿಸಿದರು. ಇದಕ್ಕೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಪ್ರತಿಕ್ರಿಯಿಸಿ `ಗಣೇಶ ಚತುರ್ಥಿ ಹಬ್ಬವನ್ನು ಶಾಂತಿಯುತವಾಗಿ ಆಚರಿಸಬೇಕು. ಡಿಜೆ ಬದಲು ಸ್ಥಳೀಯ ಕಲಾವಿದರು ಹಾಗೂ ಕಲಾತಂಡಗಳಿAದ ಜಿಲ್ಲೆಯ ಕಲೆ ಸಂಸ್ಕೃತಿಯನ್ನು ಬಿಂಬಿಸುವ ಕಾರ್ಯಕ್ರಮ ಆಯೋಜಿಸುವ ಬಗ್ಗೆ ಚಿಂತಿಸಬೇಕು’ ಎಂದು ಹೇಳಿದರು.
- [ಗಣೇಶ ಹಬ್ಬ: ಡಿಜೆ ಬಳಸುವ ಹಾಗಿಲ್ಲ. ರಾತ್ರಿ ಮೈಕ್'ಗೂ ಅನುಮತಿ ಇಲ್ಲ!](https://mobiletime.in/2026/09/ganesh-festival-use-of-djs-is-prohibited-no-permission-for-loudspeakers-at-night-either/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಯಾವುದೇ ಕಾರಣಕ್ಕೂ ಡಿಜೆ ಬಳಕೆಗೆ ಅವಕಾಶ ಕೊಡಲ್ಲ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಹೇಳಿದ್ದಾರೆ. `ಗಣೇಶ ಚತುರ್ಥಿ ಹಬ್ಬವನ್ನು ಶಾಂತಿಯುತ ಹಾಗೂ ಪರಿಸರ ಸ್ನೇಹಿ ಆಚರಣೆ ಮಾಡಬೇಕು’ ಎಂದವರು ಮನವಿ ಮಾಡಿದ್ದಾರೆ. ಮಂಗಳವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ನಡೆದ ಶಾಂತಿ ಸಮಿತಿ ಸಭೆಯಲ್ಲಿ ಮಾತನಾಡಿದ ಅವರು `ಪ್ಲಾಸ್ಟರ್ ಆಫ್ ಪ್ಯಾರಿಸ್‌ನಿಂದ ತಯಾರಿಸಿದ ಮೂರ್ತಿಗಳ ಬಳಕೆಯನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದ್ದು, ಸಾರ್ವಜನಿಕರು ಕಡ್ಡಾಯವಾಗಿ ಪರಿಸರ ಸ್ನೇಹಿ ಗಣೇಶ ಮೂರ್ತಿಗಳು ಹಾಗೂ ಪ್ಲಾಸ್ಟಿಕ್‌ರಹಿತ ಅಲಂಕಾರಿಕ ವಸ್ತುಗಳನ್ನೇ ಬಳಸಬೇಕು. ಧ್ವನಿವರ್ಧಕ ಬಳಕೆಗೆ ಪೊಲೀಸ್ ಅನುಮತಿ ಕಡ್ಡಾಯವಾಗಿದ್ದು, ಡಿ ಜೆ.ಬಳಸುವಂತಿಲ್ಲ. ಸೌಂಡ್ ಸ್ವೀಕರ್‌ಗಳನ್ನು ವಸತಿ ಪ್ರದೇಶದಲ್ಲಿ 55 ಡೆಸಿಬಲ್ ಹಾಗೂ ಶಾಲೆ, ಆಸ್ಪತ್ರೆಗಳಂತಹ ಸೂಕ್ಷ್ಮ ವಲಯಗಳಲ್ಲಿ ಗರಿಷ್ಠ 50 ಡೆಸಿಬಲ್ ಶಬ್ದಮಿತಿಯನ್ನು ಪಾಲಿಸಬೇಕು. ರಾತ್ರಿ 10 ಗಂಟೆಯ ನಂತರ ಯಾವುದೇ ರೀತಿಯ ಧ್ವನಿವರ್ಧಕ ಬಳಕೆಗೆ ಅವಕಾಶವಿಲ್ಲ’ ಎಂದು ತಿಳಿಸಿದರು `ಸಾರ್ವಜನಿಕ ಸ್ಥಳಗಳಲ್ಲಿ ಗಣೇಶ ಮೂರ್ತಿಯ ಪ್ರತಿಷ್ಠಾಪನೆ, ಮೆರವಣಿಗೆ ಮತ್ತು ಧ್ವನಿವರ್ಧಕಗಳ ಬಳಕೆಯ ಅನುಮತಿಗೆ ಸಾರ್ವಜನಿಕರು ಕಚೇರಿಗಳಿಗೆ ಅಲೆದಾಡುವುದನ್ನು ತಪ್ಪಿಸಲು ಸ್ಥಳೀಯ ಸಂಸ್ಥೆ ಹಾಗೂ ಗ್ರಾಮ ಪಂಚಾಯತಿ ಮಟ್ಟದಲ್ಲಿ ಏಕಗವಾಕ್ಷಿ ವ್ಯವಸ್ಥೆ ಮಾಡಲಾಗಿದೆ. ಅಗತ್ಯವಿರುವ ಎಲ್ಲಾ ಇಲಾಖೆಗಳ ನಿರಾಪೇಕ್ಷಣಾ ಪತ್ರಗಳನ್ನು ಇಲ್ಲಿಂದಲೇ ಪಡೆಯಲು ಸಾಧ್ಯವಿದೆ. ಜಿಲ್ಲೆಯಲ್ಲಿ ಒಟ್ಟು 1,492 ಸಾರ್ವಜನಿಕ ಗಣೇಶ ಮೂರ್ತಿಗಳನ್ನು ಪ್ರತಿಷ್ಠಾಪನೆ ಮಾಡಲಾಗುತ್ತಿದ್ದು, ಸೂಕ್ತ ಸ್ಥಳೀಯ ಅನುಮತಿಗಳೊಂದಿಗೆ ಮೆರವಣಿಗೆ ನಡೆಸಲು ಸೂಚಿಸಲಾಗಿದೆ’ ಎಂದರು. `ಗಣೇಶ ಮೂರ್ತಿಗಳ ವಿಸರ್ಜನೆ ನಡೆಯುವ ಸ್ಥಳಗಳಲ್ಲಿ ಜೆಸಿಬಿ, ಅಗ್ನಿಶಾಮಕ ದಳ, ಹೆಸ್ಕಾಂ ಸಿಬ್ಬಂದಿ ಹಾಗೂ ಪರಿಣಿತ ಈಜುಗಾರರನ್ನು ನಿಯೋಜಿಸಲಾಗಿದ್ದು, ಜಿಲ್ಲೆಯ 50ಕ್ಕೂ ಹೆಚ್ಚು ಅಧಿಕೃತ ಸ್ಥಳಗಳಲ್ಲಿ ಪಟಾಕಿ ಮಾರಾಟಕ್ಕೆ ವ್ಯವಸ್ಥೆ ಮಾಡಲಾಗಿದೆ. ಸಾರ್ವಜನಿಕರು ಅಧಿಕೃತ ಮಳಿಗೆಗಳಿಂದ ಹಸಿರು ಪಟಾಕಿಗಳನ್ನು ಮಾತ್ರ ಖರೀದಿಸಬೇಕು’ ಎಂದು ಸೂಚಿಸಿದರು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್ ಅವರು ಮಾತನಾಡಿ `ಗಣೇಶ ಚತುರ್ಥಿ ಹಬ್ಬವನ್ನು ಶಾಂತಿಯುತವಾಗಿ ಹಾಗೂ ಕಾನೂನು ಚೌಕಟ್ಟಿನಲ್ಲಿ ಆಚರಿಸಲು ಪೊಲೀಸ್ ಇಲಾಖೆಯಿಂದ ವ್ಯಾಪಕ ಬಂದೋಬಸ್ತ್ ಮತ್ತು ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಭಟ್ಕಳ ಉಪವಿಭಾಗ 392, ಕಾರವಾರ ಹಾಗೂ ಅಂಕೋಲಾ ತಾಲೂಕುಗಳಲ್ಲಿ 131, ಶಿರಸಿ ಉಪವಿಭಾಗ 668, ದಾಂಡೇಲಿ, ಹಳಿಯಾಳ ಹಾಗೂ ಜೋಯಿಡಾ 301 ಸೇರಿದಂತೆ ಒಟ್ಟು 1,492 ಸಾರ್ವಜನಿಕ ಗಣೇಶ ಮೂರ್ತಿಗಳನ್ನು ಪ್ರತಿಷ್ಠಾಪನೆ ಮಾಡಲಾಗುತ್ತಿದೆ. ಕಳೆದ ಬಾರಿಯ ಗಣೇಶೋತ್ಸವ ಹಾಗೂ ಮೆರವಣಿಗೆ ವೇಳೆ ಗಲಾಟೆ, ಅಶಾಂತಿ ಸೃಷ್ಟಿಸಿದ್ದ ಆರೋಪಿಗಳು ಮತ್ತು ಗಲಭೆಕೋರರ ವಿರುದ್ಧ ಬಿ.ಎನ್.ಎಸ್ ಕಾಯ್ದೆಯಡಿ ಪ್ರಿವೆಂಟಿವ್ ಆಕ್ಷನ್ ರಿಪೋರ್ಟ್ ದಾಖಲಿಸಿ ಕಟ್ಟುನಿಟ್ಟಿನ ಬಾಂಡ್ ಓವರ್ ಮಾಡಿಸಲಾಗಿದೆ’ ಎಂದರು. `ಜಿಲ್ಲೆಯ ಶೇ 95ರಷ್ಟ್ಟು ಗಣೇಶ ಮೂರ್ತಿಗಳು 11ನೇ ದಿನದ ಒಳಗಾಗಿ ವಿಸರ್ಜನೆಯಾಗಲಿವೆ. ಗರಿಷ್ಠ ಸಂಖ್ಯೆಯ ವಿಸರ್ಜನೆಗಳು 5ನೇ ದಿನ (449) ಹಾಗೂ 11ನೇ ದಿನ (143) ನಡೆಯಲಿದ್ದು, ಹೆಚ್ಚುವರಿ ಭದ್ರತೆಗಾಗಿ 400 ಗೃಹರಕ್ಷಕರು, 15 ಡಿ.ಎ.ಆರ್ ತುಕಡಿ ಮತ್ತು ಕೆ.ಎಸ್.ಆರ್.ಪಿ ತುಕಡಿಗಳನ್ನೂ ಮತ್ತು ಸ್ಥಳೀಯ ಪೊಲೀಸ್ ಠಾಣೆಯ ಸಿಬ್ಬಂದಿಗಳನ್ನೂ ಕೂಡ ಅಗತ್ಯವಿರುವಡೆಗಳಲ್ಲಿ ನಿಯೋಜಿಸಲಾಗುತ್ತದೆ. ಎಲ್ಲರೂ ಮೆರವಣಿಗೆ ಹಾಗೂ ಸಭಾಂಗಣಗಳಲ್ಲಿ ನಿಗದಿಪಡಿಸಿದ ಶಬ್ದಮಿತಿಯನ್ನು ಕಡ್ಡಾಯವಾಗಿ ಪಾಲಿಸಬೇಕು. ಶಬ್ದಮಾಲಿನ್ಯ ನಿಯಂತ್ರಿಸಲು ಸಾರ್ವಜನಿಕ ದೂರುಗಳು ಬಂದ ತಕ್ಷಣ ಪೊಲೀಸ್ ಸಿಬ್ಬಂದಿ ಕ್ರಮ ಕೈಗೊಳ್ಳಲಿದ್ದಾರೆ. ಅಲ್ಲದೆ ಮಾಲಿನ್ಯ ನಿಯಂತ್ರಣ ಮಂಡಳಿಯ ಸಿಬ್ಬಂದಿ ಜೊತೆಗೂಡಿ ಪೊಲೀಸರು ರಾಂಡಮ್ ಆಗಿ ಧ್ವನಿವರ್ಧಕಗಳ ಶಬ್ದಮಿತಿಯನ್ನು ತಪಾಸಣೆ ನಡೆಸಲಿದ್ದಾರೆ. ಹಬ್ಬದ ಅವಧಿಯಲ್ಲಿ ಯಾವುದೇ ತುರ್ತು ಪರಿಸ್ಥಿತಿ ಅಥವಾ ದೂರುಗಳನ್ನು ತಕ್ಷಣವೇ ನಿರ್ವಹಿಸಲು ಅಗ್ನಿಶಾಮಕ ಹಾಗೂ ವೈದ್ಯಕೀಯ ಸಿಬ್ಬಂದಿ ಒಳಗೊಂಡ ಕ್ವಿಕ್ ರೆಸ್ಪಾನ್ಸ್ ಟೀಮ್ ಸದಾ ಸಜ್ಜಾಗಿರಲಿದೆ. ಮೆರವಣಿಗೆಯಲ್ಲಿ ಡಿ.ಜೆ. ಬದಲಿಗೆ ಸ್ಥಳೀಯ ಕಲಾವಿದರು ಕಲಾತಂಡಗಳಿAದ ಜಿಲ್ಲೆಯ ಕಲೆ ಸಂಸ್ಕೃತಿಯನ್ನು ಬಿಂಬಿಸುವ ಕಾರ್ಯಕ್ರಮ ಆಯೋಜಿಸಬಹುದಾಗಿದೆ’ ಎಂದರು. ಗಣಪತಿ ಮೆರವಣಿಗೆ ಸಾಗುವ ರಸ್ತೆಗಳಲ್ಲಿ ಅಗತ್ಯ ಭದ್ರತೆ ನೀಡುವಂತೆ ಮತ್ತು ಗುಂಡಿಗಳಿAದ ಕೂಡಿರುವ ರಸ್ತೆಯನ್ನು ಸರಿಪಡಿಸುವಂತೆ ಆಯೋಜಕರು ಕೋರಿದರು. ಅಗತ್ಯವಿರುವಡೆಗಳನ್ನು ತಾತ್ಕಾಲಿಕ ದುರಸ್ತಿ ಕಾರ್ಯಗಳನ್ನು ಕೈಗೊಳ್ಳಲು ಸಂಬAಧಪಟ್ಟ ಇಲಾಖೆಗಳಿಗೆ ಸೂಚನೆ ನೀಡಲಾಗುವುದು ಎಂದು ಜಿಲ್ಲಾಧಿಕಾರಿ ತಿಳಿಸಿದರು. ಸಭೆಯಲ್ಲಿ ಕಾರವಾರ ಉಪ ವಿಭಾಗಾಧಿಕಾರಿ ರಮ್ಯಾ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ, ಭಟ್ಕಳ ವಿಭಾಗದ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ರಾನು ಗುಪ್ತ ಹಾಗೂ ವಿವಿಧ ಇಲಾಖೆಗಳ ಮತ್ತು ಪೊಲೀಸ್ ಇಲಾಖೆಯ ಅಧಿಕಾರಿಗಳು, ವಿವಿಧ ತಾಲೂಕುಗಳಿಂದ ಆಗಮಿಸಿದ್ದ ಸಾರ್ವಜನಿಕರು ಶಾಂತಿ ಸಭೆಯಲ್ಲಿ ಭಾಗವಹಿಸಿದ್ದರು.
- [ಕಸ ಎಸೆದು ಹೋದವ 5 ಸಾವಿರ ಹಣ ಕೊಟ್ಟ!](https://mobiletime.in/2026/09/the-person-who-dumped-the-trash-paid-5000/): ಶಿರಸಿ ಎಕ್ಕಂಬಿಯ ಅಬ್ದುಲ್ ಮಜೀದ್ ಅವರು ರಸ್ತೆ ಪಕ್ಕ ಕಸ ಎಸೆದು ಗ್ರಾಮ ಪಂಚಾಯತಗೆ 5 ಸಾವಿರ ರೂ ಹಣ ಕಟ್ಟಿದ್ದಾರೆ. ದುಡ್ಡು ಕೊಡಲು ಅನುಮಾನ ಮಾಡಿದ ಅಬ್ದುಲ್ ಮಜೀದ್ ಅವರಿಂದ ಉಂಚಳ್ಳಿ ಗ್ರಾಮ ಪಂಚಾಯತ ಅಧಿಕಾರಿಗಳು ದಂಡ ವಸೂಲಿ ಮಾಡಿದ್ದಾರೆ. ಉಂಚಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕಬ್ಬೆ ಗ್ರಾಮದ ಬಳಿ ರಸ್ತೆ ಬದಿಯಲ್ಲಿ ಥರ್ಮೋಕೋಲ್ ಸೇರಿದಂತೆ ತ್ಯಾಜ್ಯ ಕಸವನ್ನು ಬೇಕಾಬಿಟ್ಟಿಯಾಗಿ ಎಸೆಯಾಗಿತ್ತು. ಈ ಬಗ್ಗೆ ಜನ ಗ್ರಾಮ ಪಂಚಾಯತಗೆ ದೂರು ನೀಡಿದ್ದರು. ಪದೇ ಪದೇ ಅಲ್ಲಿ ಕಸ ಎಸೆಯಲಾಗುತ್ತಿದ್ದು, ಕಸ ಎಸೆಯುವವರ ಪತ್ತೆಗೆ ಅಧಿಕಾರಿಗಳು ವಿಶೇಷ ಕಾರ್ಯಾಚರಣೆ ನಡೆಸಿದ್ದರು. ಈ ವೇಳೆ ಎಕ್ಕಂಬಿಯ ಅಬ್ದುಲ್ ಮಜೀದ್ ಅವರು ಕಸ ಎಸೆಯುವಾಗಲೇ ಸಿಕ್ಕಿಬಿದ್ದರು. ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಹರ್ಷ ರಾಥೋಡ್ ಅವರು ಸಿಬ್ಬಂದಿಯೊAದಿಗೆ ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದರು. ಬಳಿಕ ಅಬ್ದುಲ್ ಮಜೀದ್ ಅವರನ್ನು ಕರೆಸಿ ವಿಚಾರಣೆ ನಡೆಸಿದರು. ಮೊದಲು ಕಸ ಎಸೆದ ಬಗ್ಗೆ ಅಬ್ದುಲ್ ಮಜೀದ್ ಅವರು ಒಪ್ಪಿಕೊಳ್ಳಲಿಲ್ಲ. ವಿವಿಧ ದಾಖಲೆ ತೋರಿಸಿದಾಗ ಒಪ್ಪಿಕೊಂಡರು. ದಂಡ ಪಾವತಿಸುವಂತೆ ಸೂಚಿಸಿದಾಗ ಪ್ರಭಾವಿಗಳಿಂದ ಫೋನ್ ಮಾಡಿಸುವ ಸಾಹಸ ಮಾಡಿದರು. ಆದರೆ, ಅಧಿಕಾರಿಗಳು ಅದಕ್ಕೆ ಬಗ್ಗಲಿಲ್ಲ. ಜನ ಸಹ ಅಧಿಕಾರಿಗಳ ನಿರ್ಣಯದ ಪರವಾಗಿದ್ದರಿಂದ ಅನಿವಾರ್ಯವಾಗಿ ಅಬ್ದುಲ್ ಮಜೀದ್ ಅವರು ದಂಡ ಕಟ್ಟಿದರು. `ರಸ್ತೆ ಬದಿ ಹಾಗೂ ಸಾರ್ವಜನಿಕ ಸ್ಥಳಗಳಲ್ಲಿ ಕಸ ಎಸೆಯುವವರ ವಿರುದ್ಧ ಕಠಿಣ ಕ್ರಮ ಜರುಗಿಸಲಾಗುತ್ತದೆ. ಜಾಗೃತಿ ಮೂಡಿಸುವ ಉದ್ದೇಶಕ್ಕಾಗಿ ತಪ್ಪು ಮಾಡಿದವರಿಂದ ದಂಡ ವಸೂಲಿ ಮಾಡಲಾಗಿದೆ’ ಎಂದು ಅಧಿಕಾರಿಗಳು ಹೇಳಿದ್ದಾರೆ.
- [ಶ್ರಾವಣ ಪೂಜೆಯಲ್ಲಿಯೇ ಸಾಧಕರಿಗೆ ಸನ್ಮಾನ](https://mobiletime.in/2026/09/honouring-of-achievers-during-the-shravana-puja/): ಕಾರವಾರದ ಕೋಡಿಭಾಗದ ಶ್ರೀ ಬಿಂಧು ಮಾಧವ ದೇಗುಲದಲ್ಲಿ ಶ್ರಾವಣ ಮಾಸದ ವಿಶೇಷ ಹೂವಿನ ಪೂಜೆ ನಡೆದಿದ್ದು, ಈ ವೇಳೆಯಲ್ಲಿಯೇ ಸಾಧಕರಿಗೆ ಸನ್ಮಾನ ಕಾರ್ಯಕ್ರಮವನ್ನು ನಡೆಸಲಾಗಿದೆ. ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ದೇಗುಲಕ್ಕೆ ಆಮಂತ್ರಿಸಿ ಅವರಿಗೆ ಶಾಲು ಹೊದೆಸಿ ಗೌರವಿಸಲಾಗಿದೆ. 2025-26ನೇ ಸಾಲಿನ ಶೈಕ್ಷಣಿಕ ವರ್ಷದಲ್ಲಿ ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿಗಳಾದ ಸುಮೀತ್ ನರೇಶ ಮೇತ್ರಿ, ವ್ರತಿಕಾ ಜಯರಾಮ ನಾಯ್ಕ, ಆಧ್ಯಾ ಅಶೋಕ ನಾಯ್ಕ ಹಾಗೂ ಪಿಯುಸಿ ವಿದ್ಯಾರ್ಥಿಗಳಾದ ಶ್ರೇಯಸ್ ಚಂದ್ರಕಾoತ ನಾಯ್ಕ, ರಂಜಿತಾ ರಾಮನಾಥ ನಾಯ್ಕ ಹಾಗೂ ಇಂಜಿನಿಯರಿoಗ್ ವಿದ್ಯಾರ್ಥಿನಿ ಮಾನಸಿ ಮಂಜುನಾಥ ನಾಯ್ಕ ಅವರು ಶೇ 90ಕ್ಕೂ ಮೇಲ್ಪಟ್ಟ ಸಾಧನೆ ಮಾಡಿದ್ದರು. ಹೀಗಾಗಿ ಅವರೆಲ್ಲರನ್ನು ಕುಳಾವಿಗಳು ದೇಗುಲಕ್ಕೆ ಆಮಂತ್ರಿಸಿದ್ದರು. ವಿಶೇಷ ಪೂಜೆ ನಂತರ ಸಾಧಕ ವಿದ್ಯಾರ್ಥಿಗಳಿಗೆ ಪ್ರಸಾದ ನೀಡಿ ಗೌರವ ಸಲ್ಲಿಸಿದರು. ಈ ವೇಳೆ ದೇವಸ್ಥಾನದ ಅಭಿವೃದ್ಧಿಗಾಗಿ ತಮ್ಮ ಜೀವಮಾನವಿಡೀ ನಿಸ್ವಾರ್ಥವಾಗಿ ಸೇವೆ ಸಲ್ಲಿಸಿದ ದಿ ರಮೇಶ ನಾರಾಯಣ ನಾಯ್ಕ ಅವರ ಸೇವೆಯನ್ನು ಸ್ಮರಿಸಲಾಯಿತು. ಶ್ರೀ ಬಿಂದು ಮಾಧವನ ಸೇವೆಯೊಂದಿಗೆ ದೇವಸ್ಥಾನದ ಅಭಿವೃದ್ಧಿಗೆ ನಿರಂತರವಾಗಿ ಶ್ರಮಿಸಿದ ಅವರ ಕೊಡುಗೆಯನ್ನು ಗುರುತಿಸಿ ಅವರ ಪುತ್ರ ಸುನೀಲ ರಮೇಶ ನಾಯ್ಕ ಅವರನ್ನು ಜನಶಕ್ತಿ ವೇದಿಕೆಯ ಅಧ್ಯಕ್ಷರಾದ ಮಾಧವ ನಾಯಕ ಅವರು ಸನ್ಮಾನಿಸಿ ಗೌರವಿಸಿದರು. ಧಾರ್ಮಿಕ ಆಚರಣೆಯ ಜೊತೆಗೆ ಶಿಕ್ಷಣ ಮತ್ತು ಸಮಾಜಸೇವೆಯ ಮಹತ್ವವನ್ನು ಸಾರಿದ ಕಾರ್ಯಕ್ರಮಕ್ಕೆ ಭಕ್ತರು ಮೆಚ್ಚುಗೆವ್ಯಕ್ತಪಡಿಸಿದರು. ಈ ಕಾರ್ಯಕ್ರಮದಲ್ಲಿ ದೇವಸ್ಥಾನದ ಮಾಲಗಾರರಾದ ರಮಾಕಾಂತ ಗಿರಿಧರ ನಾಯ್ಕ, ಆನಂದು ವಿರ್ಜಿ ನಾಯ್ಕ, ಮಾರುತಿ ನಾರಾಯಣ ನಾಯ್ಕ, ಉಮೇಶ ದೇವಿದಾಸ ನಾಯ್ಕ, ಸತಿಶ್ಚಂದ್ರ ಸದಾನಂದ ಬೇಳೂರಕರ, ತಾರಾನಾಥ ಗಂಗಾಧರ ನಾಯ್ಕ, ದೇವಸ್ಥಾನ ಕಮಿಟಿಯ ಅಧ್ಯಕ್ಷರಾದ ರವಿ ಬೇಳೂರಕರ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು. ಕೃಷ್ಣಾನಂದ ನಾಯ್ಕ ಕಾರ್ಯಕ್ರಮವನ್ನು ನಿರೂಪಿಸಿದರು.
- [ಭೂಗಳ್ಳರ ವಿರುದ್ಧ ಪೊಲೀಸ್ ಸಮರ: ಸರ್ಕಾರಿ ಸಿಬ್ಬಂದಿ ಶಾಮೀಲಾತಿಯಲ್ಲಿ ನಡೆಯಿತು ಈ ಹಗರಣ!](https://mobiletime.in/2026/09/police-crackdown-on-land-grabbers-this-scam-took-place-with-the-collusion-of-government-officials/): ನಕಲಿ ದಾಖಲೆಗಳ ಮೂಲಕ ಅಂಕೋಲಾದಲ್ಲಿನ ಭೂಮಿಗಳನ್ನು ವಶಕ್ಕೆಪಡೆಯುತ್ತಿದ್ದ ಭೂಗಳ್ಳರು ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ. ಉಪನೋಂದಣಿ ಕಚೇರಿ ಸಿಬ್ಬಂದಿಯೂ ಈ ವಂಚನೆಯಲ್ಲಿ ಶಾಮೀಲಾಗಿರುವುದು ಪ್ರಾಥಮಿಕ ತನಿಖೆಯಿಂದ ಗೊತ್ತಾಗಿದೆ. ಅಂಕೋಲಾ ಶೇಡಿಕೇರಿಯ ಇಮ್ತಾಯಜ್ ಸಯ್ಯದ್ ಹಾಗೂ ಅವರ ಸಹೋದರ ಯಾಕೂಬ್ ಸಯ್ಯದ್ ಅವರ ಹೆಸರಿನಲ್ಲಿದ್ದ 1.14 ಎಕರೆ ಭೂಮಿ ದಿಢೀರ್ ಆಗಿ ಕುಮಟಾ ನಾಡುಮಾಸ್ಕೇರಿಯ ದೇವಿದಾಸ ನಾಗೇಶ ಗುನಗಾ ಅವರ ಹೆಸರಿಗೆ ಬದಲಾಗಿತ್ತು. ದಾಖಲೆಗಳ ಪರಿಶೀಲನೆ ಮಾಡಿದಾಗ ಗದಗದ ಹುಬ್ಬಳ್ಳಿ ರಸ್ತೆಯ ಈರಣ್ಣ ನೀಲಪ್ಪ ಶಿರಿಯಣ್ಣನವರ್ ಅವರು ಆ 1.14 ಎಕರೆ ಭೂಮಿ ತಮ್ಮದು ಎಂದು ನಕಲಿ ದಾಖಲೆ ಸೃಷ್ಠಿಸಿ ಅದನ್ನು ಮಾರಾಟ ಮಾಡಿರುವುದು ಬೆಳಕಿಗೆ ಬಂದಿತ್ತು. ಈ ಮಾರಾಟಕ್ಕೂ ಐದು ತಿಂಗಳ ಮೊದಲು ಆ ಭೂಮಿಯನ್ನು ಈರಣ್ಣ ಶಿರಿಯಣ್ಣನವರ್ ಅವರು ಸಹ ಖರೀದಿಸಿದವರಾಗಿದ್ದು, ಆಗ ಈರಣ್ಣ ಅವರಿಗೆ ಇಮ್ತಾಯಜ್ ಸಯ್ಯದ್ ಹಾಗೂ ಯಾಕೂಬ್ ಸಯ್ಯದ್ ಅವರ ಹೆಸರಿನಲ್ಲಿ ನಕಲಿ ಆಧಾರ್ ಕಾರ್ಡ ಸೃಷ್ಠಿಸಿ, ನಕಲಿ ವ್ಯಕ್ತಿಗಳ ಮೂಲಕ ಆ ಭೂಮಿ ಮಾರಾಟ ನಡೆದಿರುವುದು ಗೊತ್ತಾಗಿತ್ತು. ಈ ಭೂ ಹಗರಣದಲ್ಲಿ ಗದಗದ ಹುಬ್ಬಳ್ಳಿ ರಸ್ತೆಯ ಈರಣ್ಣ ನೀಲಪ್ಪ ಶಿರಿಯಣ್ಣನವರ್, ಕುಮಟಾ ನಾಡುಮಾಸ್ಕೇರಿಯ ದೇವಿದಾಸ ನಾಗೇಶ ಗುನಗಾ ಅವರ ಜೊತೆ ಅಂಕೋಲಾ ಅಂಬಾರಕೊಡ್ಲದ ಮಾರುತಿ ಶಿವಯ್ಯ ಗೌಡ, ಅಂಬಾರಕೊಡ್ಲದ ಸಂತೋಷ ಬುದ್ದು ಗೌಡ, ಪ್ರೀತಿ ದೇವಿದಾಸ ಗುನಗಾ, ಅಂಕೋಲಾದ ಮಹೇಶ ನಾಗಪ್ಪ ಗೌಡ, ಕುಮಟಾ ಮೂರುಕಟ್ಟೆಯ ಮಹಾಬಲೇಶ್ವರ ಗಿರಿಯಾ ನಾಯಕ, ಅಂಕೋಲಾದ ವಿನೋದ ಅಶೋಕ ನಾಯಕ, ಅಂಕೋಲಾದ ಅಮಿತ ಡಿ ನಾಯಕ ಹಾಗೂ ಇನ್ನಿತರರು ಭಾಗಿಯಾದ ಬಗ್ಗೆ ಪೊಲೀಸ್ ದೂರು ದಾಖಲಾಗಿತ್ತು. ಬೋಗ್ರಿಬೈಲು ಗ್ರಾಮದ ಸರ್ವೇ ನಂ 79ಅ4 1.14 ಎಕರೆ ಭೂಮಿ ಮೊದಲು ಪಕ್ರುದ್ಧೀನ್ ಸಯ್ಯದ್ ಅವರ ಹೆಸರಿನಲ್ಲಿತ್ತು. ಪಕ್ರಿದ್ಧೀನ್ ಸಯ್ಯದ್ ಅವರು ಆ ಭೂಮಿಯನ್ನು 2019ರಲ್ಲಿ ತಮ್ಮ ಮಕ್ಕಳ ಹೆಸರಿಗೆ ದಾನಪತ್ರದ ಮೂಲಕ ವರ್ಗಾಯಿಸಿದ್ದರು. ಶೇಡಿಕೇರಿಯ ಇಮ್ತಾಯಜ್ ಸಯ್ಯದ್ ಅವರು ಕೃಷಿ ಜೊತೆ ವ್ಯವಹಾರವನ್ನು ಮಾಡಿಕೊಂಡಿದ್ದು ಆ ಭೂಮಿ ಸರ್ವೇ ಮಾಡಿಸಿ ಕಪೌಂಡ್ ಹಾಕಲು ನಿರ್ಧರಿಸಿದ್ದರು. ಅದಕ್ಕಾಗಿ ಅರ್ಜಿ ಕೊಡಲು ಹೋದಾಗ ಪಹಣಿ ತೆಗೆಸಿದ್ದರು. ಆಗ, ಅಲ್ಲಿ ದೇವಿದಾಸ ಗುನಗಾ ಅವರ ಹೆಸರು ಕಂಡು ಕಂಗಾಲಾದರು. ಮ್ಯೂಟೇಶನ್ ದಾಖಲೆ ಪರಿಶಿಲನೆ ಮಾಡಿದಾಗ 2026ರ ಫೆಬ್ರವರಿ 13ರಂದು ನಕಲಿ ಮಾರಾಟ ಪತ್ರ ಸಿದ್ಧಪಡಿಸಿ, ಅದೇ ತಿಂಗಳ 16ರಂದು ಈರಣ್ಣ ನೀಲಪ್ಪ ಶಿರಿಯಣ್ಣನವರ್ ಎಂಬಾತರು ಆ ಭೂಮಿ ಖರೀದಿಸಿರುವುದು ಗೊತ್ತಾಯಿತು. ಆದರೆ, ಆ ಈರಣ್ಣ ಯಾರು? ಎಂದೇ ಇಮ್ತಾಯಜ್ ಅವರಿಗೆ ಗೊತ್ತಿರಲಿಲ್ಲ. ಕ್ರಯಪತ್ರದಲ್ಲಿ ನಮೂದಿಸಿದಂತೆ ಅವರು ನೀಡಿದ 12.50 ಲಕ್ಷ ರೂ ಹಣವೂ ಇಮ್ತಿಯಾಜ್ ಅವರಿಗೆ ಸಿಕ್ಕಿರಲಿಲ್ಲ. ಈರಣ್ಣ ಅವರು ಇಮ್ತಿಯಾಜ್ ಹಾಗೂ ಯಾಕೂಬ್ ಅವರ ಆಧಾರ್ ಕಾರ್ಡ ಡುಪ್ಲಿಕೇಟ್ ಮಾಡಿ, ಅವರ ಬದಲು ಬೇರೆ ವ್ಯಕ್ತಿಗಳನ್ನು ಕೂರಿಸಿ ದಸ್ತಾವೇಜು ನೋಂದಣಿ ಮಾಡಿರುವುದು ಗೊತ್ತಾಯಿತು. ಇದಕ್ಕೆ ಮಹಾಬಲೇಶ್ವರ ಗಿರಿಯಾ ನಾಯಕ, ಮಾರುತಿ ಶಿವಯ್ಯ ಗೌಡ ಎಂಬಾತರ ಸಾಕ್ಷಿ ಹಾಕಿದ್ದು, ಸ್ಥಳೀಯರು ಸಹ ಈ ಹಗರಣದಲ್ಲಿ ಭಾಗಿಯಾಗಿದ್ದು ಗಮನಕ್ಕೆ ಬಂದಿತು. ಅದಾದ ನಂತರ 2026ರ ಏಪ್ರಿಲ್ 7ರಂದು ಆ ಭೂಮಿಯನ್ನು ದೇವಿದಾಸ ಗುನಗಾ ಅವರು ಈರಣ್ಣ ಅವರಿಂದ ಖರೀದಿ ಮಾಡಿದ ಬಗ್ಗೆ ದಾಖಲೆ ಸಿಕ್ಕಿತು. ಈ ವೇಳೆ ಪ್ರೀತಿ ದೇವಿದಾಸ ಗುನಗಾ ಹಾಗೂ ಮಹೇಶ ನಾಗಪ್ಪ ಗೌಡ ಅವರು ಅದಕ್ಕೆ ಸಾಕ್ಷಿ ಹಾಕಿದ್ದರು. ಭೂ ಹಗರಣದಲ್ಲಿ ಗದಗದ ಹುಬ್ಬಳ್ಳಿ ರಸ್ತೆಯ ಈರಣ್ಣ ನೀಲಪ್ಪ ಶಿರಿಯಣ್ಣನವರ್, ಕುಮಟಾ ನಾಡುಮಾಸ್ಕೇರಿಯ ದೇವಿದಾಸ ನಾಗೇಶ ಗುನಗಾ ಅವರ ಜೊತೆ ಅಂಕೋಲಾ ಅಂಬಾರಕೊಡ್ಲದ ಮಾರುತಿ ಶಿವಯ್ಯ ಗೌಡ, ಅಂಬಾರಕೊಡ್ಲದ ಸಂತೋಷ ಬುದ್ದು ಗೌಡ, ಪ್ರೀತಿ ದೇವಿದಾಸ ಗುನಗಾ, ಅಂಕೋಲಾದ ಮಹೇಶ ನಾಗಪ್ಪ ಗೌಡ, ಕುಮಟಾ ಮೂರುಕಟ್ಟೆಯ ಮಹಾಬಲೇಶ್ವರ ಗಿರಿಯಾ ನಾಯಕ, ಅಂಕೋಲಾದ ವಿನೋದ ಅಶೋಕ ನಾಯಕ, ಅಂಕೋಲಾದ ಅಮಿತ ಡಿ ನಾಯಕ ಅವರ ಹೆಸರು ನೀಡಿ ಇಮ್ತಾಯಜ್ ಸಯ್ಯದ್ ಅವರು ಪೊಲೀಸ್ ದೂರು ದಾಖಲಿಸಿದರು. ಪ್ರಕರಣದ ಗಂಭೀರತೆಯನ್ನು ಪರಿಗಣಿಸಿ ಕಾರವಾರ ಉಪ ವಿಭಾಗದ ಪೊಲೀಸ್ ಉಪಾಧೀಕ್ಷಕ ಎಸ್ ವಿ ಗಿರೀಶ್ ಅವರ ನೇತೃತ್ವದಲ್ಲಿ ವಿಶೇಷ ತನಿಖಾ ತಂಡವನ್ನು ರಚಿಸಲಾಗಿತ್ತು. ತನಿಖಾ ತಂಡವು ಕಚೇರಿಯ ಸಿಸಿಟಿವಿ ದೃಶ್ಯಾವಳಿಗಳು ಹಾಗೂ ತಾಂತ್ರಿಕ ಮಾಹಿತಿಯನ್ನು ಕೂಲಂಕಷವಾಗಿ ಪರಿಶೀಲಿಸಿ ಕ್ಷಿಪ್ರ ಕಾರ್ಯಾಚರಣೆ ನಡೆಸಿದ್ದಾರೆ. ಈ ಹಗರಣದಲ್ಲಿ ಬಾಳೆಗುಳಿಯ ಮಂಜುನಾಥ ಆನಂದು ಗೌಡ, ಕೃತ್ಯಕ್ಕೆ ಸಹಕರಿಸಿದ ಅಂಕೋಲಾ ಉಪ ನೊಂದಣಾಧಿಕಾರಿಗಳ ಕಚೇರಿಯ ಡಾಟಾ ಎಂಟ್ರಿ ಆಪರೇಟರ್ ಶಂಕರ ರಾಮದಾಸ ಅಣೇಕರ, ಕೃಷ್ಣಾಪುರದ ಚೆನ್ನಪ್ಪ ಅಲಿಯಾಸ್ ರವಿ ಜಟ್ಟಿ ನಾಯ್ಕ, ಬೆಳಸೆಯ ದರ್ಶನ ನಾರಾಯನ ಗೌಡ ಹಾಗೂ ಯಂಕು ಹುಲಿಯಾ ಗೌಡ ಅವರು ಮುಖ್ಯ ಆರೋಪಿಗಳಾಗಿದ್ದಾರೆ. ಈ ಐದು ಜನರನ್ನು ಪೊಲೀಸರು ಬಂಧಿಸಿದ್ದಾರೆ. ವಿಚಾರಣೆ ವೇಳೆ ಆರೋಪಿಗಳು ಕೃತ್ಯವೆಸಗಿರುವುದನ್ನು ಒಪ್ಪಿಕೊಂಡಿದ್ದಾರೆ. ಆರೋಪಿತರನ್ನು ಪೊಲೀಸರು ನ್ಯಾಯಾಲಯಕ್ಕೆ ಒಪ್ಪಿಸಿದ್ದು, ನ್ಯಾಯಾಲಯ ಅವರನ್ನು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿದೆ. ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಹಾಗೂ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ. ಅವರ ಮಾರ್ಗದರ್ಶನದಲ್ಲಿ ಈ ಕಾರ್ಯಾಚರಣೆ ನಡೆದಿದೆ. ಅಂಕೋಲಾ ಪಿಐ ಚಂದ್ರಶೇಖರ ಮಠಪತಿ, ಪಿಎಸೈ ಗುರುನಾಥ ಹಾದಿಮನಿ, ವಿಶ್ವನಾಥ ನಿಂಗೋಳ್ಳಿ, ಲಲಿತಾ ರಜಪೂತ ಹಾಗೂ ಸಿಬ್ಬಂದಿಗಳಾದ ಮೊಹಮ್ಮದ್‌ಶಫಿ ಶೇಖ್, ಮಹಾದೇವ ಸಿದ್ದಿ, ಗಿರೀಶ ಲಮಾಣಿ ಆರೋಪಿಗಳನ್ನು ಪತ್ತೆಹಚ್ಚುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.
- [ಕರ್ತವ್ಯದಲ್ಲಿರುವಾಗಲೇ ಕೊನೆಯುಸಿರು!](https://mobiletime.in/2026/09/breathed-his-last-while-on-duty/): ಕಾರವಾರ ತಹಶೀಲ್ದಾರ್ ಕಚೇರಿಯ ಪ್ರಥಮ ದರ್ಜೆ ಸಹಾಯಕ ಫಂಡರೀನಾಥ ನಾಯ್ಕ ಅವರು ಕರ್ತವ್ಯದಲ್ಲಿರುವಾಗಲೇ ಕುಸಿದು ಬಿದ್ದು ಸಾವನಪ್ಪಿದ್ದಾರೆ. ಮಂಗಳವಾರ ಕಚೇರಿ ಕೆಲಸಕ್ಕೆ ಆಗಮಿಸಿದ್ದ ಅವರು ಏಕಾಏಕಿ ಕುಸಿದು ಬಿದ್ದಿದ್ದು, ಚಿಕಿತ್ಸೆಗೆ ಕರೆದೊಯ್ದರೂ ಪ್ರಯೋಜನವಾಗಿಲ್ಲ. ಕಾರವಾರ ತಹಶೀಲ್ದಾರ್ ಕಚೇರಿಯಲ್ಲಿ ಫಂಡರೀನಾಥ ನಾಯ್ಕ ಅವರು ಪ್ರಥಮ ದರ್ಜೆ ಸಹಾಯಕರಾಗಿದ್ದರು. 52 ವರ್ಷದ ಅವರು ಮಂಗಳವಾರ ಬೆಳಗ್ಗೆ ಅವರು ಉತ್ಸಾಹದಿಂದಲೇ ಕೆಲಸಕ್ಕೆ ಬಂದಿದ್ದರು. ಕಚೇರಿ ಶುರುವಾದ ಕೆಲವೇ ಸಮಯದಲ್ಲಿ ಅವರು ಅಸ್ವಸ್ಥರಾದರು. ಅಲ್ಲಿಯೇ ಕುಸಿದು ಬಿದ್ದರು. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಅದರಿಂದ ಪ್ರಯೋಜನ ಆಗಲಿಲ್ಲ. ಕುಸಿದು ಬಿದ್ದ ಫಂಡರೀನಾಥ ನಾಯ್ಕ ಅವರನ್ನು ತಹಶೀಲ್ದಾರ್ ಅವರ ಜೀಪ್‌ನಲ್ಲೇ ಅವರನ್ನು ತುರ್ತಾಗಿ ಕಾರವಾರದ ಕ್ರಿಮ್ಸ್ ಆಸ್ಪತ್ರೆಗೆ ಸಾಗಿಸಲಾಯಿತು. ವೈದ್ಯರು ಚಿಕಿತ್ಸೆ ನೀಡಿದರೂ, ಅವರ ಆರೋಗ್ಯದಲ್ಲಿ ಚೇತರಿಕೆ ಕಂಡುಬರಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಕೊನೆಯುಸಿರೆಳೆದರು.
- [ಮತ್ತೊಮ್ಮೆ ಹೋರಿ ದಾಳಿ!](https://mobiletime.in/2026/09/bull-attacks-again/): ಕಾರವಾರದ ಮಲ್ಲಾಪುರದಲ್ಲಿ ಹೋರಿ ದಾಳಿಗೆ ರಾಜೇಶ್ವರಿ ಪೆಟ್ರಿಕ್ ಎಂಬಾತರು ಸಾವನಪ್ಪಿದ್ದು, ಅದರ ಬೆನ್ನಲ್ಲೆ ಇಲ್ಲಿನ ಡುಮ್ಮಿಂಗ್ ರೋಡಿಗ್ರಿಸ್ ಅವರ ಮೇಲೆ ಹೋರಿ ಆಕ್ರಮಣ ನಡೆದಿದೆ. ಡುಮ್ಮಿಂಗ್ ರೋಡಿಗ್ರಿಸ್ ಅವರು ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಮಲ್ಲಾಪುರದ ಕುಚೇಗಾರ್ ಗೋಪಾಲನಗರದಲ್ಲಿ ಡುಮ್ಮಿಂಗ್ ರೋಡಿಗ್ರಿಸ್ ಅವರು ವಾಸವಾಗಿದ್ದಾರೆ. ಭಾನುವಾರ ಅವರು ಸ್ಕೂಟಿಯಲ್ಲಿ ಹೋಗುವಾಗ ಹೋರಿಯೊಂದು ಅವರಿಗೆ ತಿವಿದಿದೆ. ಪರಿಣಾಮ ಅವರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಮಲ್ಲಾಪುರ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಡುಮ್ಮಿಂಗ್ ರೋಡಿಗ್ರಿಸ್ ಅವರಿಗೆ ಚಿಕಿತ್ಸೆ ಕೊಡಲಾಗುತ್ತಿದೆ. ಕೆಲ ದಿನಗಳ ಹಿಂದೆ ಮಲ್ಲಾಪುರದ ಸುಭದ್ರಾ ಹೊಟೇಲ್ ಬಳಿ ಹೋರಿಗಳ ಹೊಡೆದಾಟ ನಡೆದಿತ್ತು. ಎರಡು ಹೋರಿಗಳ ನಡುವೆ ನಡೆದ ಕಾಳಗದಲ್ಲಿ ನಡುವೆ ಸಿಲುಕಿ ರಾಜೇಶ್ವರಿ ಪೆಟ್ರಿಕ್ ಅವರು ಸಾವನಪ್ಪಿದ್ದರು. ಮಲ್ಲಾಪುರದಲ್ಲಿ ಬೀಡಾಡಿ ದನಗಳ ಸಂಖ್ಯೆ ಹೆಚ್ಚಾದ ಬಗ್ಗೆ ಜನ ದೂರಿದ್ದರು. ಅಲ್ಲಿದ್ದ ಜಾನುವಾರುಗಳು ಆಕ್ರಮಣಕಾರಿಯಾಗಿದ್ದು, ಆಗಾಗ ಕಾದಾಟ ನಡೆಸುವುದು ಸಾಮಾನ್ಯವಾಗಿದ್ದರಿಂದ ಅವುಗಳ ಸ್ಥಳಾಂತರಕ್ಕೆ ಆಗ್ರಹಿಸಿದ್ದರು. ಯುವತಿ ಸಾವಿನ ನಂತರವೂ ಆಡಳಿತ ವರ್ಗದವರು ಎಚ್ಚೆತ್ತುಕೊಳ್ಳದ ಕಾರಣ ಇನ್ನೊಂದು ಅನಾಹುತ ನಡೆದಿದೆ. ಮೀನು ಹಿಡಿಯಲು ಹೋಗಿದ್ದ ಡುಮ್ಮಿಂಗ್ ಮನೆಗೆ ಮರಳಿ ಗೋವಾಗೆ ಹೋಗಲು ಸಿದ್ಧವಾಗಿರುವಾಗ ಅವರ ಮೇಲೆ ಹೋರಿ ದಾಳಿ ನಡೆದಿದೆ. ಗೋವಾದಲ್ಲಿ ಸಂಬoಧಿಕರೊಬ್ಬರು ಸಾವನಪ್ಪಿದ ವಿಷಯ ಅರಿತು ಅಲ್ಲಿಗೆ ಹೊರಟಿದ್ದವರಿಗೆ ಈ ಅನಾಹುತ ಎದುರಾಗಿದೆ. ಏಕಾಏಕಿ ಹೋರಿಗಳ ಗುಂಪು ಮುನ್ನುಗ್ಗಿ ಬಂದಿದ್ದು, ಡುಮ್ಮಿಂಗ್ ಅವರು ಚಲಿಸುತ್ತಿದ್ದ ಸ್ಕೂಟಿಗೆ ಹೋರಿ ಗುದ್ದಿದೆ. ನೆಲಕ್ಕೆ ಬಿದ್ದ ಡುಮ್ಮಿಂಗ್ ಅವರ ಮೇಲೆ ಹೋರಿ ದಾಳಿ ಮಾಡಿದೆ. ಈ ವೇಳೆ ಡುಮ್ಮಿಂಗ್ ಅವರ ಜೊತೆ ಅವರ ಮಗ ಇದ್ದು, ಅವರು ಇನ್ನಷ್ಟು ಅನಾಹುತ ಆಗುವುದನ್ನು ತಪ್ಪಿಸಿದ್ದಾರೆ. ಅದಾಗಿಯೂ, ಡುಮ್ಮಿಂಗ್ ರೋಡಿಗ್ರಿಸ್ ಅವರ ತಲೆ, ಕೈ-ಕಾಲುಗಳಿಗೆ ನೋವಾಗಿದೆ. ಸದ್ಯ ಅವರು ಆಸ್ಪತ್ರೆಯಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ.
- [ಊರು ಬಿಟ್ಟು ಓಡಿದ ಸೊಸೈಟಿ ಸಿಇಓ: ಸೆರೆ!](https://mobiletime.in/2026/09/society-ceo-who-fled-town-arrested/): ಶಿವಮೊಗ್ಗದ ಸೊಸೈಟಿಯೊಂದರಲ್ಲಿ ಅಪರಾತಪರ ನಡೆಸಿದ ಸಿಇಓ ಮದನ್ ಊರು ಬಿಟ್ಟು ಪರಾರಿಯಾಗಿದ್ದು, ಅವರು ಭಟ್ಕಳದಲ್ಲಿ ಸಿಕ್ಕಿದ್ದಾರೆ. ತೀರ್ಥಹಳ್ಳಿ ಬಳಿಯ ಹೆದ್ದಾರಿಪುರ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಜಂಬಳ್ಳಿ ಬಳಿಯ ದಟ್ಟ ಅರಣ್ಯ ಪ್ರದೇಶದಲ್ಲಿ ಅವರು ಕಾರು ಬಿಟ್ಟು ಕಣ್ಮರೆಯಾಗಿದ್ದು, ತೀವೃ ಶೋಧ ನಡೆಸಿದಾಗ ಅವರು ಸಿಕ್ಕಿಬಿದ್ದಿದ್ದಾರೆ. ಜಂಬಳ್ಳಿ ಕಾಡಿನಲ್ಲಿ ಭಾನುವಾರ ಅನುಮಾನಾಸ್ಪದ ಕಾರು ಕಾಣಿಸಿಕೊಂಡಿತ್ತು. ಆ ಕಾರಿನ ದಾಖಲೆ ಪರಿಶೀಲನೆ ಮಾಡಿದಾಗ ಅದು ಕುಡುಮಲ್ಲಿಗೆ ಸೊಸೈಟಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (ಸಿಇಒ) ಮದನ್ ಅವರದ್ದು ಎಂದು ಗೊತ್ತಾಗಿತ್ತು. ಆ ಕಾರಿನ ಕೀ ಜೊತೆ ಮೊಬೈಲ್, ಸೊಸೈಟಿಗೆ ಸೇರಿದ ಲೆಕ್ಕ ಪುಸ್ತಕಗಳು ಪತ್ತೆಯಾಗಿದ್ದವು. ಕುಡುಮಲ್ಲಿಗೆ ಸೊಸೈಟಿಯಲ್ಲಿ ವ್ಯಾಪಕ ಭ್ರಷ್ಟಾಚಾರ ಹಾಗೂ ಆರ್ಥಿಕ ಅವ್ಯವಹಾರಗಳು ನಡೆದಿವೆ ಎಂಬ ಗಂಭೀರ ಆರೋಪ ಕೇಳಿ ಬಂದಿದ್ದು, ಮಾಳೂರು ಪೊಲೀಸ್ ಠಾಣೆಯಲ್ಲಿ ದೂರು ಸಹ ದಾಖಲಾಗಿತ್ತು. ಆ ದೂರಿನ ಬೆನ್ನಲ್ಲೆ ಸಿಇಓ ಮದನ್ ನಾಪತ್ತೆ ಆಗಿರುವುದು ಅನುಮಾನಗಳಿಗೆ ಕಾರಣವಾಗಿತ್ತು. ಮದನ್ ಅವರು ಶುಕ್ರವಾರದಂದು ತೀರ್ಥಹಳ್ಳಿಯಲ್ಲಿರುವ ತಮ್ಮ ನಿವಾಸದಿಂದ ಹೊರಬಂದಿದ್ದರು. ಆದರೆ, ಅವರ ಕಾರು ನಿರ್ಜನ ಅರಣ್ಯ ಪ್ರದೇಶದಲ್ಲಿ ದಿಢೀರ್ ಪತ್ತೆಯಾಗಿದ್ದು, ಅವರು ಎಲ್ಲಿಗೆ ತೆರಳಿದ್ದಾರೆ ಎಂಬ ಬಗ್ಗೆ ಯಾವುದೇ ನಿಖರ ಸುಳಿವು ಲಭ್ಯವಾಗಿರಲಿಲ್ಲ. ಕಾರು ಪತ್ತೆಯಾದ ಜಂಬಳ್ಳಿ ಅರಣ್ಯ ಪ್ರದೇಶದಲ್ಲಿ ಮದನ್ ಅವರ ಕುಟುಂಬಸ್ಥರು, ಸ್ಥಳೀಯರು ಹಾಗೂ ಸಾರ್ವಜನಿಕರು ಆತಂಕದಿoದ ವ್ಯಾಪಕ ಶೋಧ ಕಾರ್ಯಾಚರಣೆ ನಡೆಸಿದ್ದರು. ಸೊಸೈಟಿಯಲ್ಲಿನ ಭ್ರಷ್ಟಾಚಾರದ ದೂರು ದಾಖಲಾದ ಹಿನ್ನೆಲೆಯಲ್ಲಿ ಕಾನೂನು ಕ್ರಮದ ಭೀತಿಯಿಂದ ಅವರು ತಲೆಮರೆಸಿಕೊಂಡಿದ್ದಾರೆಯೇ? ಎಂದು ಹುಡುಕಾಟ ನಡೆದಿತ್ತು. ಮಾನಸಿಕ ಒತ್ತಡಕ್ಕೆ ಸಿಲುಕಿ ಏನಾದರೂ ಅನಾಹುತ ಮಾಡಿಕೊಂಡಿದ್ದಾರಾ? ಎಂಬ ಪ್ರಶ್ನೆಯೂ ಜನರನ್ನು ಕಾಡಿತ್ತು. ಈ ಎಲ್ಲಾ ಪ್ರಶ್ನೆಗೆ ಉತ್ತರ ಎಂಬoತೆ ಸೋಮವಾರ ಭಟ್ಕಳದಲ್ಲಿ ಮದನ್ ಅವರು ಪ್ರತ್ಯಕ್ಷರಾಗಿದ್ದಾರೆ. ಮದನ್ ಅವರ ಕುಟುಂಬದವರ ಜೊತೆ ಪೊಲೀಸರು ಬಂದು ಅವರನ್ನು ಊರಿಗೆ ಕರೆದೊಯ್ದಿದ್ದಾರೆ. ಕಾಡಿನಲ್ಲಿ ಕಾರು, ಮೊಬೈಲ್ ಮತ್ತು ದಾಖಲೆಗಳನ್ನು ಬಿಟ್ಟು ಅವರು ಭಟ್ಕಳ ತಲುಪಿದ್ದು ಹೇಗೆ? ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ. ಕಾರನ್ನು ಕಾಡಿನಲ್ಲಿ ಬಿಟ್ಟು ಮದನ್ ಒಬ್ಬರೇ ಭಟ್ಕಳಕ್ಕೆ ತೆರಳಿದ್ದರೇ? ಮಾರ್ಗಮಧ್ಯೆ ಯಾರಾದರೂ ಅವರಿಗೆ ನೆರವು ನೀಡಿದ್ದರೇ? ಅಥವಾ ನಾಪತ್ತೆಯಾದ ಅವಧಿಯಲ್ಲಿ ಬೇರೆ ಏನಾದರೂ ಬೆಳವಣಿಗೆಗಳಾಗಿದೆಯೇ? ಎಂಬುದು ನಿಗೂಢವಾಗಿಯೇ ಉಳಿದಿದೆ. ಭಟ್ಕಳಕ್ಕೂ ಮದನ್ ಅವರಿಗೂ ಇರುವ ಸಂಪರ್ಕವೇನು? ಎಂಬ ಬಗ್ಗೆಯೂ ಚರ್ಚೆ ಶುರುವಾಗಿದೆ.
- [300 ಅಡಿ ದೂರ: ಗಣಪತಿ ಬಿಟ್ಟ ಗುದ್ದಲಿ ಬಾಣ!](https://mobiletime.in/2026/09/300-feet-away-the-pickaxe-arrow-launched-by-ganapathi/): ಶಿರಸಿ ಬಚಗಾಂವ್’ನ ಗಣಪತಿ ಮಡಿವಾಳ ಅವರು 300 ಅಡಿ ದೂರದವರೆಗೂ ಆಯುಧ ಎಸೆಯುವ ತಾಕತ್ತು ಹೊಂದಿದ್ದಾರೆ. 300 ಅಡಿ ದೂರದಿಂದ ಹಾರಿಬಂದ ಗುದ್ದಲಿಯಿಂದ ತಪ್ಪಿಸಿಕೊಂಡ ಅದೇ ಊರಿನ ವೆಂಕಟ್ರಮಣ ಹೆಗಡೆ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ! ಶಿರಸಿಯ ಬಚಗಾಂವಿನಲ್ಲಿ ವೆಂಕಟ್ರಮಣ ವಿಶ್ವೇಶ್ವರ ಹೆಗಡೆ ಅವರು ವಾಸವಾಗಿದ್ದಾರೆ. ಅವರು ಅಲ್ಲಿ ಸರ್ವೇ ನಂ 95/1ರಲ್ಲಿ ಮನೆ ನಿರ್ಮಾಣ ಮಾಡುತ್ತಿದ್ದಾರೆ. ಸೆಪ್ಟೆಂಬರ್ 1ರಂದು ಮನೆ ಕೆಲಸ ಮುಗಿಸಿ ಮರಳುವಾಗ ಅವರಿಗೆ 300 ಮೀ ದೂರದಲ್ಲಿ ಅದೇ ಊರಿನ ಗಣಪತಿ (ಧನಂಜಯ) ಮಡಿವಾಳ ಅವರು ಕಾಣಿಸಿದ್ದಾರೆ. ಅಲ್ಲಿಂದಲೇ ಗಣಪತಿ ಮಡಿವಾಳ ಅವರು ತಮ್ಮ ಕೈಯಲ್ಲಿದ್ದ ಗುದ್ದಲಿ ಬೀಸಿದ್ದಾರೆ. ಜೊತೆಗೆ ಕೆಟ್ಟದಾಗಿ ನಿಂದಿಸಿದ್ದಾರೆ. ಅದಾದ ನಂತರ ಸಮೀಪ ಆಗಮಿಸಿದ ಗಣಪತಿ ಮಡಿವಾಳ ಅವರು ವೆಂಕಟ್ರಮಣ ಹೆಗಡೆ ಅವರ ಕೆನ್ನೆಗೆ ಬಾರಿಸಿದ್ದಾರೆ. ಹೀಗಾಗಿ ಈ ವಿಷಯವನ್ನು ಗಣಪತಿ ಹೆಗಡೆ ಅವರು ಪೊಲೀಸರಲ್ಲಿ ಹೇಳಿದ್ದಾರೆ. ಈ ವೇಳೆ ಅಲ್ಲಿ ದೊಡ್ಡ ಗದ್ದಲ ಶುರುವಾಗಿದ್ದು, ಊರಿನವರು ಬಂದು ಅದನ್ನು ತಪ್ಪಿಸಿದ್ದಾರೆ. ಆಗ, `ಈ ರಸ್ತೆಯಲ್ಲಿ ಓಡಾಡಿದರೆ ರಸ್ತೆ ಹಾಳು ಮಾಡುವೆ’ ಎಂದು ಗಣಪತಿ ಮಡಿವಾಳ ಅವರು ಹೇಳಿ ಅಲ್ಲಿಂದ ಹೋಗಿದ್ದಾರೆ. ಅದಾದ ನಂತರ ವೆಂಕಟ್ರಮಣ ಹೆಗಡೆ ಅವರಿಗೆ ಅನಾರೋಗ್ಯ ಕಾಡಿದ್ದು, ಚೇತರಿಸಿಕೊಂಡ ತರುವಾಯ ಗಣಪತಿ ಮಡಿವಾಳ ಅವರ ವಿರುದ್ಧ ಕೋರ್ಟಿಗೆ ಹೋಗಿ ಕೇಸು ಹಾಕಿದ್ದಾರೆ. ಈ ಕುರಿತು ನ್ಯಾಯಾಲಯ ಪೊಲೀಸರಿಗೆ ಪ್ರಕರಣ ದಾಖಲಿಸುವಂತೆ ಸೂಚಿಸಿದೆ. 300 ಅಡಿ ದೂರದಿಂದ ಗುದ್ದಲಿ ಬಾಣ ಬಿಟ್ಟ ಕಥೆ ಕೇಳಿದ ಪೊಲೀಸರು ಪ್ರಕರಣ ದಾಖಲಿಸಿ, ಸತ್ಯಾಸತ್ಯತೆಯ ಬಗ್ಗೆ ತನಿಖೆ ಶುರು ಮಾಡಿದ್ದಾರೆ.  
- [ಅಪ್ರಾಪ್ತರ ಪ್ರೇಮ ಪ್ರಕರಣ: ಪ್ರೀತಿಸಿದ ಹುಡುಗನಿಗೆ ವಿಷವುಣಿಸಿದ ಪೋರಿ!](https://mobiletime.in/2026/09/underage-love-affair-girl-feeds-poison-to-her-boyfriend/): ದಾಂಡೇಲಿಯ ಕಾಲೇಜುವೊಂದರಲ್ಲಿ ಓದುತ್ತಿರುವ 16 ವರ್ಷದ ಮಕ್ಕಳಿಬ್ಬರು ಪ್ರೀತಿಸುತ್ತಿದ್ದು, ಅವರ ಪ್ರೀತಿಯಲ್ಲಿ ಒಡಕು ಮೂಡಿದೆ. ಈ ಹಿನ್ನಲೆ ಪ್ರೀತಿಸಿದ ಹುಡುಗನಿಗೆ ಆ ಹುಡುಗಿ ವಿಷ ಕುಡಿಸಿದ ಪ್ರಕರಣ ಬಯಲಾಗಿದೆ. ಜೊಯಿಡಾ ರಾಮನಗರದ ಸೂಪಾ ಬಳಿಯ ಜಗಲಪೇಟೆಯ ಲಕ್ಷಿö್ಮಗಲ್ಲಿಯಲ್ಲಿ ಸೂರ್ಯೋದಯ (ಕಾನೂನು ಸಂಘರ್ಷಕ್ಕೆ ಒಳಗಾದ ಬಾಲಕನ ಹೆಸರು ಬದಲಿಸಿದೆ) ಅವರು ವಾಸವಾಗಿದ್ದಾರೆ. ಅವರು ದಾಂಡೇಲಿಯಲ್ಲಿ ಐಟಿಐ ಓದುತ್ತಿದ್ದಾರೆ. ಕಳೆದ ಮೂರು ವರ್ಷದಿಂದ ತಮ್ಮ ಕ್ಲಾಸ್‌ಮೇಟ್ ಆಗಿರುವ ರುಕ್ಮಿಣಿ (ಕಾನೂನು ಸಂಘರ್ಷಕ್ಕೆ ಒಳಗಾದ ಬಾಲಕಿಯ ಹೆಸರು ಬದಲಿಸಿದೆ) ಅವರನ್ನು ಪ್ರೀತಿಸುತ್ತಿದ್ದಾರೆ. ರುಕ್ಮಿಣಿ ಅವರು ಸಹ ಸುಯೋದಯ ಅವರನ್ನು ಪ್ರೀತಿಸುತ್ತಿದ್ದು, ಪ್ರೀತಿಯ ಸಂಕೇತವಾಗಿ ಅವರಿಬ್ಬರು ತಮ್ಮ ಮೊಬೈಲಿನಲ್ಲಿ ಸಾಕಷ್ಟು ಫೋಟೋಗಳನ್ನು ತೆಗೆದುಕೊಂಡಿದ್ದಾರೆ. ಈ ನಡುವೆ ಅವರ ಪ್ರೀತಿಯಲ್ಲಿ ಬಿರುಕು ಮೂಡಿದ್ದು, ಹುಡುಗಿ ಸಂಬoಧ ಮುರಿದುಕೊಳ್ಳುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಅದು ಸಾಧ್ಯವಾಗಿಲ್ಲ. ಅಗಸ್ಟ 23ಕ್ಕೆ ಮೆಸೆಜ್ ಮಾಡಿದ ಆ ರುಕ್ಮಿಣಿ ಅವರು `ನೀ ಸಿಗಬೇಕು’ ಎಂದು ಸೂರ್ಯೋದಯ ಅವರಿಗೆ ಮೆಸೆಜ್ ಮಾಡಿದ್ದು, `ಕಾಲೇಜಿನ ಬಳಿ ಸಿಗೋಣ’ ಎಂದು ಸೂರ್ಯೋದಯ ಅವರು ರಿಪ್ಲೆ ಮಾಡಿದ್ದಾರೆ. ಅದಕ್ಕೆ ಒಪ್ಪದ ರುಕ್ಮಿಣಿ ಅವರು `ಮನೆಗೆ ಬಾ’ ಎಂದು ಆಹ್ವಾನ ನೀಡಿದ್ದಾರೆ. ಅದರಂತೆ, ಅಗಸ್ಟ 24ರ ಸಂಜೆ ಸೂರ್ಯೋದಯ ಅವರು ದಾಂಡೇಲಿಯಲ್ಲಿರುವ ರುಕ್ಮಿಣಿ ಅವರ ಮನೆಗೆ ಹೋಗಿದ್ದಾರೆ. ಆ ವೇಳೆ ಮನೆಯಲ್ಲಿ ರುಕ್ಮಿಣಿ ಮಾತ್ರವಿದ್ದು, ಪ್ರೀತಿಯ ಸಂಬAಧ ಮುರಿಯುವ ಬಗ್ಗೆ ಮಾತನಾಡಿದ್ದಾರೆ. ಇದಕ್ಕೆ ಸೂರ್ಯೋದಯ ಅವರು ಒಪ್ಪದಿದ್ದಾಗ ಮೊಬೈಲಿನಲ್ಲಿರುವ ಫೋಟೋಗಳನ್ನು ಕಾಣಿಸಿದ್ದಾರೆ. `ಈ ಎಲ್ಲಾ ಫೋಟೋ ನಿನ್ನ ಅಮ್ಮನಿಗೆ ಕಳುಹಿಸುವೆ. ಅವರಿಂದಲೇ ನಿನಗೆ ಹೊಡೆಸುವೆ’ ಎಂದು ಹೆದರಿಸಿದ್ದಾರೆ. `ಆ ಎಲ್ಲಾ ಫೋಟೋ ಡಿಲಿಟ್ ಮಾಡು’ ಎಂದು ಸೂರ್ಯೋದಯ ಅವರು ಮನವಿ ಮಾಡಿದ್ದಾರೆ. ಆಗ, ಚಹಾ ಕುಡಿಯುವ ಲೋಟದಲ್ಲಿ ನೀರಿನಂಥ ಪದಾರ್ಥ ತಂದಿರಿಸಿದ ರುಕ್ಮಿಣಿ ಅವರು `ಇದನ್ನು ಕುಡಿ’ ಎಂದು ತಾಕೀತು ಮಾಡಿದ್ದಾರೆ. `ಅದನ್ನು ಕುಡಿದರೆ ಫೋಟೋ ಡಿಲಿಟ್ ಮಾಡುವೆ’ ಎಂಬ ಭರವಸೆ ನೀಡಿದ್ದಾರೆ. ಭಯಗೊಂಡಿದ್ದ ಸೂರ್ಯೋದಯ ಅವರು ಕಣ್ಮುಚ್ಚಿ ಅದನ್ನು ಕುಡಿದಿದ್ದಾರೆ. ಆದರೆ, ಸ್ವಲ್ಪ ಕುಡಿಯುವುದರೊಳಗೆ ಅವರಿಗೆ ಅಸಹ್ಯವಾಗಿದೆ. ಹೀಗಾಗಿ ಅರ್ದ ಲೋಟದಲ್ಲಿನ ದ್ರವ ಮಾತ್ರ ಕುಡಿದು ಅವರು ಅಲ್ಲಿಂದ ಹೊರಗೆ ಬಂದಿದ್ದಾರೆ. ಅದಾದ ನಂತರ ಸೂರ್ಯೋದಯ ಅವರಿಗೆ ವಾಂತಿ ಬರಲು ಶುರುವಾಗಿದೆ. ಹಸಿರು ಬಣ್ಣದ ವಾಂತಿ ಮಾಡಿಕೊಂಡ ಅವರನ್ನು ಕುಟುಂಬದವರು ರಾಮನಗರ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಹೆಚ್ಚಿನ ಚಿಕಿತ್ಸೆ ಅಗತ್ಯವಿರುವ ಕಾರಣ ಬೆಳಗಾವಿಯ ಕೆಎಲ್‌ಸಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದ್ದಾರೆ. ಈ ವೇಳೆ ಬೆಳಗಾವಿ ತಹಶೀಲ್ದಾರ್ ಹಾಗೂ ಪೊಲೀಸರು ಆಸ್ಪತ್ರೆಗೆ ಭೇಟಿ ನೀಡಿ, ಸೂರ್ಯೋದಯ ಅವರ ಹೇಳಿಕೆಪಡೆದಿದ್ದಾರೆ. ಆ ಸನ್ನಿವೇಶದಲ್ಲಿಯೂ ಪ್ರೀತಿಸಿದ ಹುಡುಗಿ ಬಗ್ಗೆ ಯೋಚಿಸಿದ ಸೂರ್ಯೋದಯ ಅವರು `ಆಕೆಗೆ ಏನೂ ಸಮಸ್ಯೆ ಆಗಬಾರದು’ ಎಂದು ಭಾವಿಸಿ ಸುಳ್ಳು ಹೇಳಿದ್ದಾರೆ. `ಕಣ್ತಪ್ಪಿನಿಂದ ಕ್ರಿಮಿನಾಶಕ ಸೇವಿಸಿದೆ’ ಎಂದು ಅವರು ಅಧಿಕಾರಿಗಳ ಮುಂದೆ ಹೇಳಿದ್ದಾರೆ. ಅದಾದ ನಂತರ ಅವರ ಆರೋಗ್ಯ ಇನ್ನಷ್ಟು ಹದಗೆಟ್ಟಿದ್ದು, ಸಮಸ್ಯೆ ದೊಡ್ಡದಾದಾಗ ಕುಟುಂಬದವರಲ್ಲಿ ಸತ್ಯ ವಿಚಾರ ಹೇಳಿದ್ದಾರೆ. ಪ್ರೀತಿಸಿದ ಹುಡುಗಿ ಕೊಲೆ ಮಾಡುವ ಉದ್ದೇಶದಿಂದಲೇ ಬೆದರಿಸಿ ವಿಷ ಕುಡಿಸಿದ ಬಗ್ಗೆ ಅರಿತು ಅವರು ಪೊಲೀಸರಲ್ಲಿ ಈ ವಿಷಯ ಬಾಯ್ಬಿಟ್ಟಿದ್ದಾರೆ. ರಾಮನಗರ ಠಾಣೆ ಪೊಲೀಸರು ಈ ಎಲ್ಲಾ ವಿಷಯ ಆಲಿಸಿ, ಅಪ್ರಾಪ್ತೆ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. `ಮಕ್ಕಳ ಚಲನ-ವಲನ ಬಗ್ಗೆ ನಿಗಾವಹಿಸಿ’
- [ಕಣ್ಣಿದ್ದು ಕುರುಡಾದ ಸರ್ಕಾರ: ಕನ್ನಡಕ ಧರಿಸಿದರೂ ಅಧಿಕಾರಿಗೆ ಕಾಣದ ಅಂಗವೈಕಲ್ಯ!](https://mobiletime.in/2026/09/a-government-that-is-blind-despite-having-eyes-a-disability-that-an-official-fails-to-see-even-while-wearing-spectacles/): ಬರಿಗಣ್ಣಿನಲ್ಲಿ ನೋಡಿದವರಿಗೆ ಸಹ ಕುಮಟಾ ಬಿಜ್ಜೂರಿನ ಸುಕ್ರಿ ಗೌಡ ಅವರ ಅಂಗವೈಕಲ್ಯ ಗೊತ್ತಾಗುತ್ತದೆ. ಆದರೆ, ಕನ್ನಡಕ ಹಾಕಿ ನೋಡುವ ಅಧಿಕಾರಿಗಳಿಗೆ ಸುಕ್ರಿ ಗೌಡ ಅವರ ಅಂಗವೈಕಲ್ಯತೆ ಕಾಣುತ್ತಿಲ್ಲ. ಹೀಗಾಗಿ ಅವರಿಗೆ ಸರ್ಕಾರದಿಂದ ಬರಬೇಕಾದ ಅಂಗವಿಕಲ ವೇತನ ಸಿಗುತ್ತಿಲ್ಲ. ಕುಮಟಾದ ಗೋಕರ್ಣ ಬಳಿಯ ಬಿಜ್ಜೂರಿನ ಬೇಲೆಗದ್ದೆ ಆಚಾರಿ ಮನೆಯಲ್ಲಿ ಸುಕ್ರಿ ಗೌಡ ಅವರು ವಾಸವಾಗಿದ್ದಾರೆ. ಅವರು ತಮ್ಮ ಎರಡು ಕಾಲಿನ ಸ್ವಾಧೀನ ಕಳೆದುಕೊಂಡಿದ್ದು, ಸಹೋದರರ ಸಹಾಯವಿಲ್ಲದೇ ಓಡಾಡಲು ಕಷ್ಟಪಡುತ್ತಾರೆ. ಅದಾಗಿಯೂ, ಅವರು ಕಳೆದ 10 ವರ್ಷದಿಂದ ಅಂಗವಿಕಲ ವೇತನಕ್ಕಾಗಿ ಕಚೇರಿಯಿಂದ ಕಚೇರಿಗೆ ಅಲೆದಾಡುತ್ತಿದ್ದಾರೆ. ತಮಗೆ ನ್ಯಾಯಯುತವಾಗಿ ಬರಬೇಕಾದ ಪಿಂಚಣಿಗಾಗಿ ಪರದಾಡುತ್ತಿದ್ದಾರೆ. ಕಣ್ಣಿದ್ದು ಕುರುಡಾಗಿರುವ ಅಧಿಕಾರಿಗಳು ಕನ್ನಡಕಧರಿಸಿ ನೋಡಿದರೂ ಸುಕ್ರಿ ಗೌಡ ಅವರ ಅಂಗವಿಕಲತೆ ಅವರಿಗೆ ಕಾಣುತ್ತಿಲ್ಲ. ಹೀಗಾಗಿ ಸುಕ್ರಿ ಗೌಡ ಅವರಿಗೆ ಅಂಗವಿಕಲ ವೇತನ ಸಿಗುತ್ತಿಲ್ಲ. 52 ವರ್ಷದ ಸುಕ್ರಿ ಗೌಡ ಅವರಿಗೆ 10 ವರ್ಷದ ಹಿಂದೆ ಅಂಗವಿಕಲ ವೇತನ ಸಿಗುತ್ತಿತ್ತು. ಒಮ್ಮೆಲೆ ಅದು ನಿಂತು ಹೋಯಿತು. ಈ ಬಗ್ಗೆ ವಿಚಾರಿಸಿದಾಗ `ಆಧಾರ್ ಕಾರ್ಡ ಲಿಂಕ್ ಆದರೆ ಬರುತ್ತದೆ’ ಎಂದರು. ಅಲ್ಲಿ-ಇಲ್ಲಿ ಓಡಾಟ ಮಾಡಿದ ಸುಕ್ರಿ ಗೌಡ ಅವರು ಆಧಾರ್ ಕಾರ್ಡ ಸಮಸ್ಯೆ ಬಗೆಹರಿಸಿಕೊಂಡರು. ಆದರೆ, ಅದಾದ ನಂತರ ಅವರಿಗೆ `ವಿಕಲಚೇತನ ಬಗ್ಗೆ ಧೃಢೀಕರಣ ಬೇಕು’ ಎಂದು ಅಧಿಕಾರಿಗಳು ತಿಳಿಸಿದರು. ಮತ್ತೆ ಅಲೆದಾಟ ನಡೆಸಿದ ಅವರು ಕಾರವಾರಕ್ಕೆ ಹೋಗಿ ತಪಾಸಣೆಗೆ ಒಳಗಾದರು. 2024ರಲ್ಲಿ ಜಿಲ್ಲಾಸ್ಪತ್ರೆಯವರು ತಪಾಸಣೆ ನಡೆಸಿ ವಿಕಲ ಚೇತನ ಪ್ರಮಾಣ ಪತ್ರ ಕಳುಹಿಸಿದರು. ಅಂಗವಿಕಲ ಪ್ರಮಾಣ ಪತ್ರಪಡೆದು ಎರಡು ವರ್ಷ ಕಳೆದರೂ ಸುಕ್ರಿ ಗೌಡ ಅವರಿಗೆ ಅಂಗವಿಕಲ ವೇತನ ಮಾತ್ರ ಬರಲಿಲ್ಲ. ಆ ಬಗ್ಗೆ ವಿಚಾರಿಸಿದರೂ ಅವರಿಗೆ ಸೂಕ್ತ ಉತ್ತರ ಸಿಗುತ್ತಿಲ್ಲ. ಸುಕ್ರಿ ಗೌಡ ಅವರಿಗೆ ತಂದೆ ಇಲ್ಲ. ತಾಯಿಯೂ ಇಲ್ಲ. ಅಣ್ಣ ನಾಗರಾಜ ಗೌಡ ಅವರ ಆಶ್ರಯದಲ್ಲಿ ಅವರು ಬದುಕುತ್ತಿದ್ದು, ವಿಕಲ ಚೇತನರಿಗೆ ಸಿಗುವ ಪಿಂಚಣಿ ಸಿಕ್ಕರೆ ಕುಟುಂಬಕ್ಕೆ ಅದು ನೆರವಾಗಲಿದೆ. ಈ ಪಿಂಚಣಿ ಪಡೆಯುವುದಕ್ಕಾಗಿ ಸುಕ್ರಿ ಗೌಡ ಅವರನ್ನು ಹೆಗಲ ಮೇಲೆ ಹೊತ್ತು ಅವರ ಸಹೋದರ ಎಲ್ಲಾ ಕಡೆ ಅಲೆದಾಟ ನಡೆಸಿ ಸುಸ್ತಾಗಿದ್ದಾರೆ. ದಿನದ ದುಡಿಮೆ ಬಿಟ್ಟು ಕಚೇರಿಯಿಂದ ಕಚೇರಿಗೆ ಅಲೆದಾಡುವುದೇ ಅವರಿಗೆ ದೊಡ್ಡ ಹೊರೆಯಾಗಿದೆ.
- [ಸ್ಕೊಡ್‌ವೆಸ್ ಸೌಹಾರ್ದಕ್ಕೆ 20ಲಕ್ಷ ರೂ ಲಾಭ!](https://mobiletime.in/2026/09/skodves-souharda-posts-a-profit-of-%e2%82%b920-lakh/): `ಗ್ರಾಮೀಣ ಮಹಿಳೆಯರ ಆರ್ಥಿಕ ಸ್ವಾವಲಂಬನೆ ಹಾಗೂ ಕುಟುಂಬಗಳ ಸರ್ವತೋಮುಖ ಅಭಿವೃದ್ಧಿಯಲ್ಲಿ ಸಹಕಾರಿ ಸಂಸ್ಥೆಗಳ ಪಾತ್ರ ದೊಡ್ಡದು’ ಎಂದು ಶಿರಸಿ ಗಣೇಶ ನೇತ್ರಾಲಯದ ನೇತ್ರ ತಜ್ಞ ಡಾ ರವೀಂದ್ರ ಕೋಳ್ವೇಕರ್ ಅವರು ಹೇಳಿದ್ದಾರೆ. ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಸರ್ವ ಸಾಧಾರಣ ಸಭೆಯಲ್ಲಿ ಮಾತನಾಡಿದ ಅವರು `ಮಹಿಳೆಯರ ಆರ್ಥಿಕ ಸಬಲೀಕರಣದಿಂದ ಕುಟುಂಬ ಹಾಗೂ ಸಮಾಜದ ಅಭಿವೃದ್ಧಿ ಸಾಧ್ಯವಾಗುತ್ತದೆ’ ಎಂದು ಹೇಳಿದ್ದಾರೆ. `ಮಹಿಳೆಯರು ಉಳಿತಾಯ, ಸ್ವ-ಸಹಾಯ ಸಂಘಗಳು ಹಾಗೂ ಸಹಕಾರಿ ಚಟುವಟಿಕೆಗಳ ಮೂಲಕ ತಮ್ಮ ಆರ್ಥಿಕ ಸಾಮರ್ಥ್ಯವನ್ನು ಹೆಚ್ಚಿಸಿಕೊಂಡು ಸ್ವಾವಲಂಬಿ ಬದುಕು ಕಟ್ಟಿಕೊಳ್ಳುತ್ತಿರುವುದು ಶ್ಲಾಘನೀಯ’ ಎಂದವರು ಅಭಿಪ್ರಾಯಪಟ್ಟಿದ್ದಾರೆ. ಸಭೆಯ ಅಧ್ಯಕ್ಷತೆ ವಹಿಸಿದ್ದ ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಅಧ್ಯಕ್ಷೆ ಸರಸ್ವತಿ ಎನ್ ರವಿ ಮಾತನಾಡಿ `ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿ ಸಂಸ್ಥೆಯು ಸದಸ್ಯರ ವಿಶ್ವಾಸ, ಪಾರದರ್ಶಕತೆ ಹಾಗೂ ಪ್ರಾಮಾಣಿಕ ಸೇವೆಯೊಂದಿಗೆ ನಿರಂತರವಾಗಿ ಪ್ರಗತಿಯತ್ತ ಸಾಗುತ್ತಿದೆ. ಕಳೆದ ಸಾಲಿನಲ್ಲಿ ಸಹಕಾರಿಯು ಉತ್ತಮ ಆರ್ಥಿಕ ಸಾಧನೆ ದಾಖಲಿಸಿದ್ದು, ಸದಸ್ಯರ ಹಿತಾಸಕ್ತಿಗೆ ಅನುಗುಣವಾಗಿ ವಿವಿಧ ಸೇವೆಗಳನ್ನು ಪರಿಣಾಮಕಾರಿಯಾಗಿ ಒದಗಿಸಲಾಗುತ್ತಿದೆ’ ಎಂದು ತಿಳಿಸಿದರು. `ಸದರಿ ವರ್ಷದಲ್ಲಿ ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯು 20.68 ಲಕ್ಷ ನಿವ್ವಳ ಲಾಭಗಳಿಸಿದೆ’ ಎಂದು ಹೇಳಿದರು. ಮುಖ್ಯ ಅತಿಥಿಗಳಾಗಿ ಶಿರಸಿ ಹೆರಿಟೇಜ್ ಇನ್ನರ್‌ವೀಲ್ ಕ್ಲಬ್‌ನ ಅಧ್ಯಕ್ಷ ಚೇತನಾ ಹೆಗಡೆ ಸಂದರ್ಭೋಚಿತವಾಗಿ ಮಾತನಾಡಿದರು. ವೇದಿಕೆಯಲ್ಲಿ ಸಹಕಾರಿಯ ಉಪಾಧ್ಯಕ್ಷೆ ಹೇಮಲತಾ ಚೌಗುಲೆ, ನಿರ್ದೇಶಕರಾದ ಲಲಿತಾ ಹೆಗಡೆ, ಸ್ವಾತಿ ಶೆಟ್ಟಿ, ವೀಣಾ ಮೊಗೇರ್, ಗೀತಾ ಹಣಬರ್, ಭಾಗೀರಥಿ ನಾಯ್ಕ, ಸರೋಜಾ ಗಂಗೊಳ್ಳಿ, ಲಕ್ಷ್ಮೀ ಎಸ್., ಪೂರ್ಣಿಮಾ ಪಾಟೀಲ್, ದಾನೇಶ್ವರಿ ಹಿರೇಮಠ್ ಹಾಗೂ ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಗಣಪತಿ ನಾಯ್ಕ ಉಪಸ್ಥಿತರಿದ್ದರು. ಕಾರ್ಯಕ್ರಮದಲ್ಲಿ ಮಹಿಳಾ ಸೌಹಾರ್ದ ಸಹಕಾರಿಯ ಸಾಧಕರು ಹಾಗೂ ಠೇವಣಿದಾರ ಸದಸ್ಯರಿಗೆ ಸನ್ಮಾನಿಸಲಾಯಿತು. ಬೆಳಗಿನ ಅವಧಿಯಲ್ಲಿ ಸಹಕಾರಿಯ ಸದಸ್ಯರು ಹಾಗೂ ಸ್ವ-ಸಹಾಯ ಸಂಘದ ಮಹಿಳೆಯರಿಗೆ ವಿವಿಧ ಆಟೋಟಗಳನ್ನು ಏರ್ಪಡಿಸಲಾಗಿತ್ತು. ಉತ್ತರ ಕನ್ನಡ ಹಾಗೂ ಹಾವೇರಿ ಸೇರಿದಂತೆ 300ಕ್ಕೂ ಅಧೀನ ಮಹಿಳಾ ಸದಸ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಕಾರ್ಯಕ್ರಮವನ್ನು ಸ್ಕೊಡ್‌ವೆಸ್‌ನ ಕಾರ್ಯಕ್ರಮಾಧಿಕಾರಿ ನಾರಾಯಣ ಹೆಗಡೆ ನಿರೂಪಿಸಿದರು. ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಗಣಪತಿ ನಾಯ್ಕ ಗಣಪತಿ ನಾಯ್ಕ ವಂದಿಸಿದರು.
- [ರಂಗನ ವರದಿಗೆ ವ್ಯಾಪಕ ವಿರೋಧ: ಪ್ರತಿಭಟನೆ](https://mobiletime.in/2026/09/widespread-opposition-to-rangas-report-protest/): ಕಸ್ತೂರಿ ರಂಗನ್ ವರದಿ ವಿರೋಧಿಸಿ ಅಂಕೋಲಾದಲ್ಲಿ ಕರ್ನಾಟಕ ಪ್ರಾಂತ ರೈತ ಸಂಘದವರು ಪ್ರತಿಭಟನೆ ನಡೆಸಿದ್ದಾರೆ. ವಿವಿಧ ಗ್ರಾಮಗಳಿಂದ ಆಗಮಿಸಿದ್ದ ಜನ ತಹಶೀಲ್ದಾರ್ ಕಚೇರಿ ಎದುರು ಜಮಾಯಿಸಿ ತಮ್ಮ ಆಕ್ರೋಶ-ಅಸಮಧಾನ ಹೊರಹಾಕಿದ್ದಾರೆ. ಸ್ವಾತಂತ್ರ‍್ಯ ಸಂಗ್ರಮ ಸ್ಮಾರಕ ಭವನ ಎದುರಿನಿಂದ ಪ್ರತಿಭಟನೆ ಶುರು ಮಾಡಿದ ಜನ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ಈ ವರದಿ ವಿರುದ್ಧ ಜನಾಂದೋಲನ ನಡೆಸಿದ್ದಾರೆ. ಅದಾದ ನಂತರ ತಹಶೀಲ್ದಾರ್ ಕಚೇರಿ ಮೂಲಕ ಮುಖ್ಯಮಂತ್ರಿಗಳಿಗೆ ಪತ್ರ ರವಾನಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿ ಬಗ್ಗೆ ಅಧಿವೇಶನದಲ್ಲಿ ವಿಶೇಷ ಚರ್ಚೆ ನಡೆಸಬೇಕು. ಅರಣ್ಯವಾಸಿಗಳ ಹಕ್ಕುಗಳನ್ನು ರಕ್ಷಿಸಲು ಅಗತ್ಯ ಕ್ರಮ ಜರುಗಿಸಬೇಕು’ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ. ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತಾರಾಮ ನಾಯಕ ಅವರು ಈ ವೇಳೆ ಪ್ರತಿಭಟನಾಕಾರರನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ರೈತ ಸಂಘದ ತಾಲೂಕ ಸಮಿತಿ ಅಧ್ಯಕ್ಷ ಗೌರೀಶ ನಾಯಕ, ಕಾರ್ಯದರ್ಶಿ ಸಂತೋಷ ನಾಯ್ಕ, ಪದಾದಿಕಾರಿಗಳಾದ ಉದಯ ನಾಯ್ಕ ಹೊಸಗದ್ದೆ, ವೆಂಕಟರಮಣ ಗೌಡ, ಮಾದೇವ ಗೌಡ ಮೀನಾಕ್ಷಿ ಗೌಡ, ಗುರು ನಾಯ್ಕ ಅಗಸೂರ, ಸಂದೀಪ್ ನಾಯ್ಕ ಸುಂಕಸಾಳ ಮುಂತಾದವರು ಪ್ರತಿಭಟನೆಯ ನೇತ್ರತ್ವವಹಿಸಿದ್ದಾರೆ. ನಾಗರಾಜ ಹೆಗಡೆ ಕೊಡ್ಲಗದ್ದೆ, ಬಾಲಚಂದ್ರ ಶೆಟ್ಟಿ, ರಮಾನಂದ ಅಚವೆ, ಜ್ಯೋತಿ ನಾಯ್ಕ, ವಿಠ್ಠಲ ಗೌಡ, ಕೇಶವ ನಾಯಕ, ಚಂದ್ರು ಗೌಡ ಶಿರಗುಂಜಿ, ಶಿವರಾಮ ಪಟಗಾರ ಬ್ರಹ್ಮೂರು ಸೇರಿ ನೂರಾರು ಜನ ಕಸ್ತೂರಿ ರಂಗನ್ ವರದಿ ವಿರುದ್ಧ ಕಿಡಿಕಾರಿದ್ದಾರೆ.
- [ಅರಬೈಲಿನಲ್ಲಿ ಅಂತ್ಯಗೊoಡ ಅಮ್ಮ-ಮಗಳು!](https://mobiletime.in/2026/09/mother-and-daughter-meet-their-end-at-arabail/): ಯಲ್ಲಾಪುರದ ಅರಬೈಲಿನಲ್ಲಿ ಎರಡು ಲಾರಿಗಳ ನಡುವೆ ಕಾರು ಸಿಲುಕಿದ್ದು, ಕಾರಿನಲ್ಲಿದ್ದ ಅಮ್ಮ-ಮಗಳು ಅಲ್ಲಿಯೇ ಸಾವನಪ್ಪಿದ್ದಾರೆ. ಗೋಕರ್ಣಕ್ಕೆ ಭೇಟಿ ನೀಡಲು ಉದ್ದೇಶಿಸಿದ್ದ ಅವರಿಬ್ಬರು ಅರ್ದ ದಾರಿಯಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಯಲ್ಲಾಪುರದ ಅರಬೈಲ್ ಘಟ್ಟದಲ್ಲಿ ಭಾನುವಾರ ರಾತ್ರಿ ಭೀಕರ ರಸ್ತೆ ಅಪಘಾತ ನಡೆದಿದೆ. ಲಾರಿಗಳ ನಡುವೆ ಕಾರು ಸಿಲುಕಿದ್ದು, ಆ ಕಾರಿನಲ್ಲಿದ್ದ ಮಹಾರಾಷ್ಟ್ರದ ಪುಣೆಯ ತಾಯಿ ಹಾಗೂ ಮಗಳು ಸಾವನಪ್ಪಿದ್ದಾರೆ. ಪುಣೆಯ ಹಡಪ್ಸರ್‌ನ ತ್ರಿವೇಣಿನಗರದ ಶರ್ಮಿಳಾ ರಾಜನ್ ಕುಲ್ತೆ ಹಾಗೂ ಅವತು ತಮ್ಮ ಮಗಳು ಮೃಣ್ಮಯಿ ರಾಜನ್ ಕುಲ್ತೆ ಅವರ ಜೊತೆ ಉತ್ತರ ಕನ್ನಡ ಜಿಲ್ಲೆಯ ಗೋಕರ್ಣಕ್ಕೆ ತೆರಳುತ್ತಿದ್ದು, ಪ್ರವಾಸ ಮುಗಿಯುವ ಮುನ್ನವೇ ಅವರು ಪರಲೋಕಕ್ಕೆ ಪ್ರವೇಶಿಸಿದ್ದಾರೆ. ಅವರಿಬ್ಬರು ಹೊಸಪೇಟೆಯಲ್ಲಿ ಆಲಂಬಾಷಾ ಅವರ ಕಾರು ಬಾಡಿಗೆಗೆಪಡೆದು ಈ ಪ್ರಯಾಣ ಮಾಡುತ್ತಿದ್ದರು. ಬಾದಾಮಿಯ ಪ್ರೇಕ್ಷಣೀಯ ಸ್ಥಳಗಳನ್ನು ನೋಡಿ ಗೋಕರ್ಣದ ಕಡೆ ಹೊರಟಿದ್ದರು. ಭಾನುವಾರ ರಾತ್ರಿ ಆ ಕಾರು ಯಲ್ಲಾಪುರ ಪ್ರವೇಶಿಸಿದ್ದು, ಅರಬೈಲ್ ಮಾರ್ಗವಾಗಿ ಸಾಗುತ್ತಿತ್ತು. ಆಗ, ಹಿಂದಿನಿoದ ಬಂದ ಲಾರಿಯೊಂದು ಕಾರಿಗೆ ಡಿಕ್ಕಿ ಹೊಡೆಯಿತು. ಜೊತೆಗೆ ಆ ಲಾರಿ ಕಾರನ್ನು ಅನತಿ ದೂರದವರೆಗೆ ದೂಡಿಕೊಂಡು ಹೋಯಿತು. ಎದುರಿನಿಂದ ಬಂದ ಇನ್ನೊಂದು ಲಾರಿಗೆ ಕಾರು ಗುದ್ದಿದ್ದು, ಹಿಂದಿನ ಲಾರಿಯೂ ಇನ್ನಷ್ಟು ರಭಸವಾಗಿ ಡಿಕ್ಕಿ ಹೊಡೆಯಿತು. ಎರಡು ಲಾರಿಗಳು ಅಪ್ಪಳಿಸಿದ ಪರಿಣಾಮ ಆ ಕಾರು ನಚ್ಚುನೂರಾಯಿತು. ಜೊತೆಗೆ ಸಮೀಪವಿದ್ದ ಮತ್ತೊಂದು ಕಾರಿಗೂ ಅಲ್ಪ ಪ್ರಮಾಣದ ಹಾನಿ ಸಂಭವಿಸಿತು. ಈ ದುರಂತದಲ್ಲಿ ತಾಯಿ ಮಗಳಿಬ್ಬರು ಕಾರಿನಲ್ಲಿಯೇ ಸಿಲುಕಿ ಸಾವನಪ್ಪಿದರು. ಕಾರಿನ ಚಾಲಕ ಆಲಂಬಾಷಾ ಅವರು ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ರಕ್ತದ ಮಡುವಿನಲ್ಲಿ ಬಿದ್ದಿದ್ದವರನ್ನು ಆಂಬುಲೆನ್ಸ ಮೂಲಕ ಆಸ್ಪತ್ರೆಗೆ ಸಾಗಿಸಲಾಗಿದ್ದು, ತಾಯಿ-ಮಗಳ ಸಾವನ್ನು ವೈದ್ಯರು ದೃಢಪಡಿಸಿದರು.
- [ಸ್ಟೇಟಸ್ ಸಮರ: ಚಾಡಿ ಹೇಳಿ ಒದೆ ತಿಂದ ತಿರುಮಲ!](https://mobiletime.in/2026/09/status-war-thirumala-got-a-thrashing-for-badmouthing/): ಭಟ್ಕಳದ ಗುರು ನಾಯ್ಕ ಅವರು ಹುಡುಗಿಯೊಬ್ಬರ ಫೋಟೋವನ್ನು ತಮ್ಮ ವಾಟ್ಸಪ್ ಸ್ಟೇಟಸ್’ಗೆ ಹಾಕಿಕೊಂಡಿದ್ದು, ಅದನ್ನು ನೋಡಿದ ತಿರುಮಲ ನಾಯ್ಕ ಅವರು ಆ ಹುಡುಗಿಯ ಅಣ್ಣನಿಗೆ ಸುದ್ದಿ ಮುಟ್ಟಿಸಿದ್ದಾರೆ. ಇದನ್ನು ಸಹಿಸದ ಗುರು ನಾಯ್ಕ ಅವರು ಧನಂಜಯ ನಾಯ್ಕ ಹಾಗೂ ನಿತಿನ್ ಮುರುಡೇಶ್ವರ ಅವರ ನೆರವುಪಡೆದು ತಿರುಮಲ ನಾಯ್ಕ ಅವರಿಗೆ ಹೊಡೆದಿದ್ದಾರೆ. ಭಟ್ಕಳದ ಶಾರದಾಹೊಳೆ ಬಳಿ ತಿರುಮಲ ವೆಂಕಟೇಶ ನಾಯ್ಕ ಅವರು ವಾಸವಾಗಿದ್ದಾರೆ. 28 ವರ್ಷದ ಅವರು ಶಿಲ್ಪಿಯಾಗಿ ಬದುಕು ಕಟ್ಟಿಕೊಂಡಿದ್ದಾರೆ. ಕಳೆದ ಜನವರಿಯಲ್ಲಿ ತಿರುಮಲ ನಾಯ್ಕ ಅವರು ವಾಟ್ಸಪ್ ನೋಡುವಾಗ ಅವರಿಗೆ ಮುಟ್ಟಳ್ಳಿಯ ಗುರು ಮಾಧವ ನಾಯ್ಕ ಅವರು ಹುಡುಗಿಯೊಬ್ಬರ ಫೋಟೋ ಹಾಕಿಕೊಂಡಿರುವುದು ಕಾಣಿಸಿದೆ. ಆ ಹುಡುಗಿ ಸ್ನೇಹಿತ ಧನರಾಜ್ ಅವರ ತಂಗಿ ಎಂಬುದು ತಿರುಮಲ ನಾಯ್ಕ ಅವರಿಗೆ ಗೊತ್ತಾಗಿದೆ. ಹೀಗಾಗಿ ತಿರುಮಲ ನಾಯ್ಕ ಅವರು ಧನರಾಜ್ ಅವರ ಬಳಿ ಈ ವಿಷಯ ಹೇಳಿದ್ದಾರೆ. ಇದೇ ವಿಷಯ ಗುರು ನಾಯ್ಕ ಅವರಿಗೆ ಗೊತ್ತಾಗಿದೆ. ಸ್ಟೇಟಸ್ ವಿಷಯವನ್ನು ಹೇಳಿದ ಕಾರಣ ತಿರುಮಲ ನಾಯ್ಕ ಅವರ ವಿರುದ್ಧ ಸೇಡು ತೀರಿಸಿಕೊಳ್ಳಲು ಗುರು ನಾಯ್ಕ ಕಾದಿದ್ದಾರೆ. ಅಗಸ್ಟ 30ರಂದು ಸಂಜೆ ಉತ್ತರಕೊಪ್ಪ ರಸ್ತೆಯ ಹಡಾಳ್ ರಸ್ತೆ ಯಲ್ಲಿ ಅಲೆದಾಡುತ್ತಿದ್ದ ತಿರುಮಲ ನಾಯ್ಕ ಅವರನ್ನು ಗುರು ನಾಯ್ಕ ಅವರು ಅಡ್ಡಗಟ್ಟಿದ್ದಾರೆ. ಮುಟ್ಟಳ್ಳಿಯ ಧನಂಜಯ ಜಟ್ಟಪ್ಪ ನಾಯ್ಕ, ಮುರುಡೇಶ್ವರದ ನಿತಿನ್ ಅವರ ಜೊತೆ ನೀಲಿ ಬಣ್ಣದ ಕಾರಿನಲ್ಲಿ ಬಂದ ಗುರು ನಾಯ್ಕ ಏಕಾಏಕಿ ತಿರುಮಲ ನಾಯ್ಕ ಅವರ ಮೇಲೆ ದಾಳಿ ಮಾಡಿದ್ದಾರೆ. ತಿರುಮಲ ನಾಯ್ಕ ಅವರ ಶರ್ಟ ಕಾಲರ್ ಹಿಡಿದು ಗಲಾಟೆ ಮಾಡಿದ ಆ ಮೂವರು ಅವರ ಮುಖಕ್ಕೆ ಹೊಡೆದು ನೋವು ಮಾಡಿದ್ದಾರೆ. ಈ ಬಗ್ಗೆ ತಿರುಮಲ ನಾಯ್ಕ ಅವರು ಪೊಲೀಸರ ಬಳಿ ದೂರಿ, ಕೇಸು ದಾಖಲಿಸಿದ್ದಾರೆ.  
- [ದನ ಕಾಯೋನಿಗೆ ಕರಡಿ ಕಾಟ!](https://mobiletime.in/2026/09/a-cowherd-faces-a-bear-menace/): ದನ ಕಾಯುವ ಕೆಲಸ ಮಾಡಿ ಜೀವನ ನಡೆಸುವ ದಾಂಡೇಲಿಯ ಅಪ್ಪು ಪಿಂಗಳೆ ಅವರು ಭಾನುವಾರ ಕರಡಿ ಜೊತೆ ಕುಸ್ತಿ ಹೊಡೆದಿದ್ದಾರೆ. ಏಕಾಏಕಿ ಆಕ್ರಮಣ ಮಾಡಿದ ಕರಡಿಯನ್ನು ಸೋಲಿಸಿ ಅವರು ಆಸ್ಪತ್ರೆ ಸೇರಿದ್ದಾರೆ. ದಾಂಡೇಲಿಯ ಪಣಸೋಲೆ ಸಮೀಪ ಭಾನುವಾರ ಸಂಜೆ ಎಮ್ಮೆ ಮೇಯಿಸಿಕೊಂಡು ಮನೆಗೆ ಮರಳುತ್ತಿದ್ದ ವ್ಯಕ್ತಿಯೊಬ್ಬರ ಮೇಲೆ ಕರಡಿ ದಾಳಿ ಮಾಡಿದೆ. 34 ವರ್ಷದ ಅಪ್ಪು ಬೊಮ್ಮ ಪಿಂಗಳೆ ಅವರು ಕರಡಿ ದಾಳಿಗೆ ತತ್ತರಿಸಿದ್ದು, ನಿರಂತರ ಹೋರಾಟದ ಮೂಲಕ ಅವರು ಜೀವ ಉಳಿಸಿಕೊಂಡಿದ್ದಾರೆ. ರಸ್ತೆ ಪಕ್ಕದಲ್ಲಿ ಅಡಗಿದ್ದ ಕರಡಿ ಏಕಾಏಕಿ ಮುಗಿ ಬಿದ್ದು, ಅಪ್ಪು ಪಿಂಗಳೆ ಅವರ ಬಲಬುಜ, ಸೊಂಟ ಹಾಗೂ ಬೆನ್ನಿನ ಭಾಗದಲ್ಲಿ ಗಾಯ ಮಾಡಿದೆ. ಇದಕ್ಕೆ ಪ್ರತಿಯಾಗಿ ಅಪ್ಪು ಪಿಂಗಳೆ ಅವರು ಪ್ರತಿ ದಾಳಿ ಮಾಡಿ ಕರಡಿಯನ್ನು ಅಲ್ಲಿಂದ ಓಡಿಸಿದ್ದಾರೆ. ಅದಾದ ನಂತರ ಅಪ್ಪು ಪಿಂಗಳೆ ಅವರು ಜೋರಾಗಿ ಬೊಬ್ಬೆ ಹೊಡೆದಿದ್ದು, ಅಲ್ಲಿ ಜನ ಬಂದಿದ್ದಾರೆ. ಗಾಯಗೊಂಡ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ವಿಷಯ ಅರಿತು ಅರಣ್ಯ ಸಿಬ್ಬಂದಿ ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ದೌಡಾಯಿಸಿದ್ದಾರೆ. ಘಟನೆಯ ಬಗ್ಗೆ ಮಾಹಿತಿಪಡೆದು ಪರಿಹಾರ ಒದಗಿಸುವ ಭರವಸೆ ನೀಡಿದ್ದಾರೆ. ಪಣಸೋಲೆ ಸುತ್ತಮುತ್ತ ಕರಡಿ ಓಡಾಟ ಹೆಚ್ಚಿದ್ದು, ಮುನ್ನಚ್ಚರಿಕೆವಹಿಸುವುದು ಒಳಿತು.
- [ಗಡಿ ಗಲಾಟೆಗೆ ಕೋಳಿ ಪಾರಂ ಧ್ವಂಸ!](https://mobiletime.in/2026/09/poultry-farm-destroyed-amidst-border-dispute/): ಜೊಯಿಡಾದ ರಾಮನಗರದಲ್ಲಿದ್ದ ಕೋಳಿ ಪಾರಂ ಒಂದನ್ನು ಕಿಡಿಗೇಡಿಗಳು ನಾಶ ಮಾಡಿದ್ದಾರೆ. ಅಲ್ಲಿದ್ದ ಯಂತ್ರೋಪಕರಣಗಳನ್ನು ಕದ್ದು ಪರಾರಿಯಾಗಿದ್ದಾರೆ. ಈ ಗಲಾಟೆಯಲ್ಲಿ ಪಕ್ಕದ ಭೂಮಿಯವರೇ ಪ್ರಮುಖ ಆರೋಪಿಗಳಾಗಿದ್ದು, ಗಡಿ ಗಲಾಟೆ ಹಿನ್ನಲೆ ಸ್ವ ಉದ್ಯೋಗ ಮಾಡುತ್ತಿರುವವರ ಬದುಕು ಬೀದಿಗೆ ಬಿದ್ದಿದೆ. ಜೊಯಿಡಾದ ರಾಮನಗರ ಬಳಿಯ ಅಕ್ಕಾಳಿ ಗ್ರಾಮದಲ್ಲಿ ಆನಂದಿ ಕೃಷ್ಣ ಗೋಸಾವಿ ಅವರು ಆರು ಎಕರೆ ಜಮೀನು ಹೊಂದಿದ್ದಾರೆ. ಅವರ ಮಕ್ಕಳಾದ ರಮೇಶ ಗೋಸಾವಿ ಹಾಗೂ ಅಕ್ಷಯ ಗೋಸಾವಿ ಸೇರಿ ಅಲ್ಲಿ ಕೋಳಿ ಪಾರಂ ನಡೆಸುತ್ತಿದ್ದಾರೆ. ರಮೇಶ ಗೋಸಾವಿ ಅವರು ಕೆಪಿಸಿಯಲ್ಲಿ ಚಾಲಕರಾಗಿದ್ದು, ಬಿಡುವಿನ ವೇಳೆ ಈ ಪಾರಂ ಭೇಟಿ ಮಾಡುತ್ತಾರೆ. ಈ ಗೋಸಾವಿ ಕುಟುಂಬದ ಜಮೀನಿನ ಪಕ್ಕ ರಾಮನಗರ ಸೀತಾವಾಡದ ರಮೇಶ ಚಿಕ್ಕಲಕರ್ ಅವರು ಭೂಮಿ ಹೊಂದಿದ್ದು, ಅವರಿಬ್ಬರ ನಡುವೆ ಗಡಿ ಗಲಾಟೆ ನಡೆಯುತ್ತಿದೆ. ಅದರ ಮುಂದುವರೆದ ಭಾಗವಾಗಿ ಸದ್ಯ ಕೋಳಿ ಪಾರಂ ಧ್ವಂಸವಾಗಿದೆ. ಅಗಸ್ಟ 19ರಂದು ಗೋಸಾವಿ ಕುಟುಂಬದ ಬೇಲಿ ಕಿತ್ತ ರಮೇಶ ಚಿಕ್ಕಲಕರ್ ಅವರು ತಮ್ಮ ಕುಟುಂಬದ ರೇಷ್ಮಾ ರಮೇಶ್ ಚಿಕ್ಕಲಕರ್ ಹಾಗೂ ರೋಹಿತ್ ಚಿಕ್ಕಲಕರ್ ಅವರ ಜೊತೆ ಬಂದು ಅಕ್ಷಯ ಗೋಸಾವಿ ಅವರಿಗೆ ಬೆದರಿಕೆ ಹಾಕಿದ್ದಾರೆ. ಆ ದಿನ ಕೋಳಿ ಪಾರಂ ಸಹ ನಾಶ ಮಾಡುವುದಾಗಿ ಹೇಳಿದ್ದ ಅವರು ಅಗಸ್ಟ 3ರ ರಾತ್ರಿ ಜೊಯಿಡಾ ರಾಮನಗರ ಹನುಮಾನಗಲ್ಲಿಯ ನಾಗೇಶ ಪಾಂಡುರAಗ ದೇಸಾಯಿ, ನಿತೇಶ ನಾಗೇಶ ದೇಸಾಯಿ, ದೀಪಕ ನಾಗೇಶ ದೇಸಾಯಿ, ಪಪೋಟ ಪಾಂಡುರAಗ ದೇಸಾಯಿ, ಅಪ್ಪಾಜಿ ಪಾಂಡುರAಗ ದೇಸಾಯಿ ಅವರ ಜೊತೆ ಆಗಮಿಸಿ ಇಡೀ ಪಾರಂ ಹಾಳು ಮಾಡಿದ್ದಾರೆ. ಜೊತೆಗೆ ಆ ಕೋಳಿ ಪಾರಂ ಬಳಿಯಿದ್ದ ಹುಲ್ಲು ಕತ್ತರಿಸುವ ಯಂತ್ರವನ್ನು ಕದ್ದು ಸಾಗಿಸಿದ್ದಾರೆ. ಈ ಕುರಿತು ರಮೇಶ ಗೋಸಾವಿ ಅವರು ಅಳಲು ತೋಡಿಕೊಂಡಿದ್ದಾರೆ. ನ್ಯಾಯಕ್ಕಾಗಿ ಅವರು ಪೊಲೀಸರ ಮೊರೆ ಹೋಗಿದ್ದು, ರಾಮನಗರ ಪೊಲೀಸರು ಕೇಸು ದಾಖಲಿಸಿದ್ದಾರೆ.
- [ಒಂದೇ ಕಾರಿಗೆ ಹಲವು ನಂಬರ್!](https://mobiletime.in/2026/09/multiple-license-plates-for-a-single-car/): ಕುಮಟಾದಿoದ ಅಂಕೋಲಾ ಕಡೆ ಚಲಿಸುತ್ತಿದ್ದ ಕಾರೊಂದು ಮೊನ್ನೆ ಅಪಘಾತಕ್ಕೀಡಾಗಿದ್ದು, ಆ ಕಾರಿನಲ್ಲಿ ಅನೇಕ ನಂಬರ್ ಪ್ಲೇಟುಗಳಿರುವುದು ಪತ್ತೆಯಾಗಿದೆ. ಈ ಬಗ್ಗೆ ಅನೇಕ ಅನುಮಾನಗಳಿದ್ದರೂ `ತೆರಿಗೆ ವಂಚಿಸುವ ಪ್ರಯತ್ನ’ ಎಂದು ಪೊಲೀಸ್ ಕೇಸು ದಾಖಲಾಗಿದೆ. ಲಕ್ಷಾಂತರ ರೂ ನೀಡಿ ಕಾರು ಖರೀದಿಸಿದ ವ್ಯಕ್ತಿ ಸಾವಿರ ರೂಪಾಯಿಯ ತೆರಿಗೆ ಪಾವತಿ ಬಗ್ಗೆ ಹೆಚ್ಚು ಯೋಚಿಸಲಾರ ಎಂಬುದು ಜನರ ವಾದ. ಆದರೆ, ತೆರಿಗೆ ತಪ್ಪಿಸುವ ಉದ್ದೇಶದಿಂದ ಮಾತ್ರ ನಕಲಿ ನೋಂದಣಿ ಸಂಖ್ಯೆ ಮಾಡಿಕೊಂಡಿರುವ ಬಗ್ಗೆ ಕಾರಿನ ಚಾಲಕ ಹೇಳಿದ್ದು, ಅದೇ ಆಧಾರದಲ್ಲಿ ಗೋಕರ್ಣ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಸೆಪ್ಟೆಂಬರ್ 3ರ ಸಂಜೆ ಬರ್ಗಿ ಬಳಿ ಕಾರು ಲಾರಿಗೆ ಡಿಕ್ಕಿ ಹೊಡೆದಿದೆ. ಆ ಕಾರಿನಲ್ಲಿ ಅನೇಕ ಬಗೆಯ ನೋಂದಣಿ ಸಂಖ್ಯೆಗಳಿರುವುದನ್ನು ಜನ ಗಮನಿಸಿದ್ದಾರೆ. ಕಾರು ಅಪಘಾತವಾದ ತಕ್ಷಣ ಅದರಲ್ಲಿದ್ದ ನೌಷದ್ ಅಬುಕರ್ ಅವರು ಯಾರಿಗೋ ಫೋನ್ ಮಾಡಿದ್ದಾರೆ. ಜೊತೆಗೆ ಲಾರಿ ಚಾಲಕನ ಬಳಿ ಈ ಕುರಿತು ಕೇಸು ದಾಖಲಿಸದಂತೆ ಮನವಿ ಮಾಡಿ, ಸ್ಥಳದಲ್ಲಿಯೇ ಕಂತೆ ಕಂತೆ ನೋಟುಗಳನ್ನು ಹೊರತೆಗೆದಿದ್ದಾರೆ. ಆ ವೇಳೆಗೆ ಅಲ್ಲಿ ಜನ ಜಮಾಯಿಸಿದ್ದು, ಕಾರಿನಲ್ಲಿ ಬೇರೆ ಬೇರೆ ನೋಂದಣಿ ಸಂಖ್ಯೆಯ ನಂಬರ್ ಪ್ಲೇಟುಗಳಿರುವುದನ್ನು ಗಮನಿಸಿದ್ದಾರೆ. ಈಚೆಗೆ ಐಷಾರಾಮಿ ಕಾರುಗಳಲ್ಲಿ ಆಗಮಿಸುವ ಕೆಲವರು ಜಾನುವಾರು ಕಳ್ಳತನ ಕೃತ್ಯದಲ್ಲಿ ಭಾಗಿಯಾಗುತ್ತಿದ್ದು, ಈ ಆಯಾಮದಲ್ಲಿಯೂ ತನಿಖೆ ನಡೆಯಬೇಕು ಎಂಬುದು ಜನರ ಆಗ್ರಹ. `ಕೇವಲ ತೆರಿಗೆ ತಪ್ಪಿಸುವ ಉದ್ದೇಶದಿಂದ ಕಾರಿನ ನೋಂದಣಿ ಸಂಖ್ಯೆ ಬದಲಿಸುವ ಸಾಧ್ಯತೆ ಕಡಿಮೆ. ಅಪಘಾತದ ಬಗ್ಗೆ ಲಾರಿ ಚಾಲಕ ದೂರು ನೀಡದ ಹಾಗೇ ತಡೆದ ವ್ಯಕ್ತಿ ತಮ್ಮ ಕುಕೃತ್ಯ ಹೊರಬಾರದಂತೆ ತಡೆಯಲು ತೆರಿಗೆ ತಪ್ಪಿಸುವ ಕಾರಣ ನೀಡಿದ ಅನುಮಾನವಿದೆ’ ಎಂದು ಅಲ್ಲಿನವರು ಹೇಳಿದ್ದಾರೆ.
- [ಕಾರವಾರ-ಕೈಗಾ-ಯಲ್ಲಾಪುರ: ಈ ರಸ್ತೆ ರಾಷ್ಟ್ರೀಯ ಹೆದ್ದಾರಿಯಾಗುವುದೇ ಉತ್ತಮ](https://mobiletime.in/2026/09/karwar-kaiga-yellapur-it-would-be-best-for-this-road-to-become-a-national-highway/): `ಕಾರವಾರ-ಅಂಕೋಲಾ ಹಾಗೂ ಮಲೆನಾಡು ಭಾಗದ ಸಮಗ್ರ ಅಭಿವೃದ್ಧಿಗೆ ಪೂರಕವಾಗುವ ಪ್ರಮುಖ ಸಂಪರ್ಕ ರಸ್ತೆಯಾಗಿರುವ ಕಾರವಾರ-ಕೈಗಾ-ಯಲ್ಲಾಪುರ-ಮುಂಡಗೋಡ-ಬoಕಾಪುರ-ಹಾವೇರಿ-ಇಳಕಲ್-ಹನುಮಸಾಗರ ಮಾರ್ಗದ ರಾಜ್ಯ ಹೆದ್ದಾರಿಯನ್ನು ರಾಷ್ಟ್ರೀಯ ಹೆದ್ದಾರಿಯಾಗಿ ಮೇಲ್ದರ್ಜೆಗೇರಿಸಬೇಕು’ ಎಂದು ಜನಶಕ್ತಿ ವೇದಿಕೆ ಆಗ್ರಹಿಸಿದೆ. ಅಂಕೋಲಾದ ಸತ್ಯಾಗ್ರಹ ಸಭಾಭವನದಲ್ಲಿ ನಡೆದ ಪ್ರಜಾ ಸೇವಾ ಕಾರ್ಯಕ್ರಮದಲ್ಲಿ ಉತ್ತರ ಕನ್ನಡ ಉಸ್ತುವಾರಿ ಸಚಿವ ಲಕ್ಷ್ಮಣ ಸವದಿ ಅವರನ್ನು ಭೇಟಿಯಾದ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಈ ಕುರಿತು ಪತ್ರ ನೀಡಿದ್ದಾರೆ. ಶಾಸಕ ಸತೀಶ್ ಸೈಲ್ ಹಾಗೂ ವಿವಿಧ ಅಧಿಕಾರಿಗಳ ಸಮ್ಮುಖದಲ್ಲಿ ಅವರು ಈ ಬಗ್ಗೆ ಆಗ್ರಹಿಸಿದ್ದಾರೆ. `ಈ ರಾಜ್ಯ ಹೆದ್ದಾರಿಯನ್ನು ರಾಷ್ಟ್ರೀಯ ಹೆದ್ದಾರಿಯಾಗಿ ಮೇಲ್ದರ್ಜೆಗೇರಿಸುವಂತೆ ಕೇಂದ್ರ ಸರ್ಕಾರದ ಜೊತೆ ರಾಜ್ಯ ಸರ್ಕಾರ ಸಮನ್ವಯ ಸಾಧಿಸಬೇಕು’ ಎಂದು ಅವರು ಒತ್ತಾಯಿಸಿದ್ದಾರೆ. `ಕೈಗಾ ಪ್ರದೇಶದಲ್ಲಿ ನಡೆಯುತ್ತಿರುವ ಸುಮಾರು 50 ಸಾವಿರ ಕೋಟಿ ರೂಪಾಯಿಯ ಐದು ಮತ್ತು ಆರನೇ ಘಟಕದ ಮಹತ್ವದ ಅಭಿವೃದ್ಧಿ ಕಾಮಗಾರಿಗಳ ಹಿನ್ನೆಲೆಯಲ್ಲಿ ಪ್ರತಿ ದಿನ ಭಾರೀ ಪ್ರಮಾಣದ ಸರಕು ಸಾಗಣೆ ವಾಹನಗಳು, ನಿರ್ಮಾಣ ಸಾಮಗ್ರಿಗಳನ್ನು ಸಾಗಿಸುವ ಲಾರಿಗಳು ಹಾಗೂ ಇತರ ಭಾರೀ ವಾಹನಗಳು ಈ ರಸ್ತೆಯಲ್ಲಿ ಓಡಾಡುತ್ತಿವೆ. ಈಗಾಗಲೇ ಕಿರಿದಾಗಿರುವ ರಸ್ತೆಯ ಮೇಲೆ ಸಂಚಾರದ ಒತ್ತಡ ಹೆಚ್ಚಾಗಿ ರಸ್ತೆ ಹಲವು ಕಡೆಗಳಲ್ಲಿ ಹದಗೆಟ್ಟಿದ್ದು, ಸಾರ್ವಜನಿಕರು ಹಾಗೂ ವಾಹನ ಸವಾರರು ತೀವ್ರ ತೊಂದರೆ ಅನುಭವಿಸುತ್ತಿದ್ದಾರೆ’ ಎಂದವರು ವಿವರಿಸಿದ್ದಾರೆ. `ಈ ರಸ್ತೆಯ ಅಗಲ ಕಡಿಮೆಯಾಗಿರುವುದರಿಂದ ಭಾರೀ ವಾಹನಗಳು ಹಾಗೂ ಸಾರ್ವಜನಿಕ ವಾಹನಗಳು ಒಂದೇ ಸಮಯದಲ್ಲಿ ಸಂಚರಿಸುವ ಸಂದರ್ಭದಲ್ಲಿ ಅಪಘಾತದ ಅಪಾಯವೂ ಹೆಚ್ಚುತ್ತಿದೆ. ಹೀಗಾಗಿ ರಸ್ತೆ ಅಗಲೀಕರಣ, ಬಲಪಡಿಸುವಿಕೆ ಹಾಗೂ ಆಧುನೀಕರಣ ಅತ್ಯಂತ ಅಗತ್ಯವಾಗಿದೆ’ ಎಂದು ಜನಶಕ್ತಿ ವೇದಿಕೆಯವರು ಹೇಳಿದ್ದಾರೆ. `ಕಾರವಾರ-ಕೈಗಾ-ಬಾರೆ-ಕಳಚೆ-ಇಡಗುಂದಿ ಮೂಲಕ ಯಲ್ಲಾಪುರ ಹಾಗೂ ಅಲ್ಲಿಂದ ಬಂಕಾಪುರ-ಮುoಡಗೋಡ-ಹಾವೇರಿ-ಇಳಕಲ್-ಹನುಮಸಾಗರದವರೆಗೆ ಉತ್ತಮ ಸಂಪರ್ಕ ಕಲ್ಪಿಸುವ ಮೂಲಕ ಉತ್ತರ ಕನ್ನಡ ಹಾಗೂ ಉತ್ತರ ಕರ್ನಾಟಕದ ಸುತ್ತಮುತ್ತಲಿನ ಪ್ರದೇಶಗಳ ನಡುವೆ ಸುಗಮ ರಸ್ತೆ ಸಂಪರ್ಕ ಸಾಧ್ಯವಾಗಲಿದೆ’ ಎಂದವರು ವಿವರಿಸಿದ್ದಾರೆ. `ಈ ರಸ್ತೆ ರಾಷ್ಟ್ರೀಯ ಹೆದ್ದಾರಿಯಾಗಿ ಅಭಿವೃದ್ಧಿಯಾದರೆ ಕೃಷಿ ಉತ್ಪನ್ನಗಳ ಸಾಗಣೆ, ವ್ಯಾಪಾರ-ವಹಿವಾಟು, ಕೈಗಾರಿಕಾ ಚಟುವಟಿಕೆಗಳು, ಪ್ರವಾಸೋದ್ಯಮ, ಶಿಕ್ಷಣ, ಆರೋಗ್ಯ ಸೇವೆ ಹಾಗೂ ಗ್ರಾಮೀಣ ಪ್ರದೇಶಗಳ ಆರ್ಥಿಕ ಅಭಿವೃದ್ಧಿಗೆ ದೊಡ್ಡ ಉತ್ತೇಜನ ದೊರೆಯಲಿದೆ’ ಎಂದು ಹೇಳಿದ್ದಾರೆ. `ಕೈಗಾ ಪ್ರದೇಶವು ಅತ್ಯಂತ ಮಹತ್ವದ ಕೈಗಾರಿಕಾ ಮತ್ತು ಅಣುಶಕ್ತಿ ಕೇಂದ್ರವಾಗಿರುವ ಹಿನ್ನೆಲೆಯಲ್ಲಿ ಯಾವುದೇ ತುರ್ತು ಪರಿಸ್ಥಿತಿ ಅಥವಾ ಅನಾಹುತ ಸಂಭವಿಸಿದ ಸಂದರ್ಭದಲ್ಲಿ ಒಂದೇ ಪ್ರಮುಖ ರಸ್ತೆಯ ಮೇಲೆ ಅವಲಂಬಿತರಾಗಿರುವುದು ಸೂಕ್ತವಲ್ಲ. ತುರ್ತು ಸಂದರ್ಭದಲ್ಲಿ ಮುಖ್ಯ ರಸ್ತೆ ಸಂಚಾರಕ್ಕೆ ಅಡಚಣೆಯಾದರೆ ಪರ್ಯಾಯ ಮಾರ್ಗವಾಗಿ ಬಳಸಬಹುದಾದ ಸುಸಜ್ಜಿತ ಸಂಪರ್ಕ ರಸ್ತೆ ಅತ್ಯಗತ್ಯ’ ಎಂದು ಮನವಿಯಲ್ಲಿ ವಿವರಿಸಿದ್ದಾರೆ. ಜನಶಕ್ತಿ ವೇದಿಕೆಯ ಸಂಘಟನಾ ಕಾರ್ಯದರ್ಶಿ ನಿತ್ಯಾನಂದ ನಾಯ್ಕ್ ಅವರು ಈ ವಿಷಯವಾಗಿ ಬೆಳಕು ಚೆಲ್ಲಿದ್ದಾರೆ.
- [ಯೋಗ ಮಾಡಿ ವಿದೇಶಕ್ಕೆ ಹಾರಿದ ಸೆಂಟ್ರಿoಗ್ ಕಾರ್ಮಿಕ!](https://mobiletime.in/2026/09/centering-worker-flies-abroad-after-taking-up-yoga/): ಜೀವನಕ್ಕಾಗಿ ಸೆಂಟ್ರಿoಗ್ ಕೆಲಸ ಮಾಡಿಕೊಂಡಿದ್ದ ಗಣೇಶ ನಾಯ್ಕ ಅವರು ಅಂತರಾಷ್ಟಿಯ ಮಟ್ಟದ ಯೋಗಾಸನ ಸ್ಪರ್ಧೆಗೆ ಆಯ್ಕೆಯಾಗಿದ್ದಾರೆ. ಶಿರಸಿ ಉಂಚಳ್ಳಿ ಬಳಿಯ ಕಬ್ಬೆಯ ಗಣೇಶ ನಾಯ್ಕ ಅವರ ಈ ಸಾಧನೆ ನೋಡಿದ ಸಾಮಾಜಿಕ ಅನಂತಮೂರ್ತಿ ಹೆಗಡೆ ಅವರು ಅವರ ಮನೆಗೆ ಹೋಗಿ ಸಹಾಯ ಮಾಡಿದ್ದಾರೆ. ತುಮಕೂರಿನಲ್ಲಿ ನಡೆದ ರಾಷ್ಟಮಟ್ಟದ ಯೋಗಾಸನ ಸ್ಪರ್ಧೆಯಲ್ಲಿ ಗಣೇಶ ನಾಯ್ಕ ಅವರು ಪ್ರಥಮ ಬಹುಮಾನಪಡೆದಿದ್ದಾರೆ. ಆ ಆಧಾರದಲ್ಲಿ ಅವರು ಥೈಲ್ಯಾಂಡ್‌ನಲ್ಲಿ ನಡೆಯುವ ಇಂಡೋ ಥೈಲ್ಯಾಂಡ್ ವರ್ಲ್ಡ ಯೋಗಾಸನ ಚಾಂಪಿಯನ್‌ಶೀಪ್‌ಗೆ ಭಾರತವನ್ನು ಪ್ರತಿನಿಧಿಸಲು ಆಸಕ್ತರಾಗಿದ್ದಾರೆ. ಅವರ ಆ ಸಾಧನೆ ಬಗ್ಗೆ ಅರಿತು ಅನಂತಮೂರ್ತಿ ಹೆಗಡೆ ಅವರು ಗಣೇಶ ನಾಯ್ಕ ಅವರ ಮನೆಗೆ ಹೋಗಿದ್ದಾರೆ. ಸಾಧಕರನ್ನು ಗೌರವಿಸಿ ಆರ್ಥಿಕ ನೆರವು ನೀಡಿದ್ದಾರೆ. ನಂತರ ಮಾತನಾಡಿದ ಅನಂತಮೂರ್ತಿ ಹೆಗಡೆ ಅವರು `ಬಡತನದ ನಡುವೆಯೂ ಯೋಗ ಚಾಂಪಿಯನ್‌ಶೀಪ್‌ನಲ್ಲಿ ಸಾಧನೆ ಮಾಡಿ ಹೆಮ್ಮೆ ತಂದಿರುವ ಗಣೇಶ ನಾಯ್ಕ ಅವರು ಎಲ್ಲರಿಗೂ ಸ್ಪೂರ್ತಿಯಾಗಿದ್ದಾರೆ. ಪ್ರತಿಯೊಬ್ಬರು ಯೋಗ ಮಾಡಿ ಆರೋಗ್ಯ ಕಾಪಾಡಿಕೊಳ್ಳಬೇಕು’ ಎಂದು ಕರೆ ನೀಡಿದ್ದಾರೆ. `ಯೋಗವನ್ನು ವಿಶ್ವದಲ್ಲಿ ಪರಿಚಯಿಸಿದ ಕೀರ್ತಿ ಪ್ರಧಾನಿ ನರೇಂದ್ರ ಮೋದಿಯವರಿಗೆ ಸಲ್ಲುತ್ತದೆ. ನರೇಂದ್ರ ಮೋದಿಯವರ ಕರೆಗೆ 190 ದೇಶದ ಜನ ಯೋಗ ಮಾಡುತ್ತಿದ್ದಾರೆ’ ಎಂದಿದ್ದಾರೆ. ಬನವಾಸಿ ಬಿಜೆಪಿ ಮಂಡಲದ ಅಧ್ಯಕ್ಷರಾದ ರಮೇಶ ನಾಯ್ಕ ಕುಪ್ಪಳ್ಳಿ ಅವರು ಮಾತನಾಡಿ `ಯೋಗ ಎನ್ನುವಂತದ್ದು ಮೊದಲು ಭಾರತ ದೇಶದಲ್ಲಿ ಪ್ರಾಮುಖ್ಯತೆಯನ್ನು ನೀಡಲಾಗುತ್ತಿತ್ತು. ನರೇಂದ್ರ ಮೋದಿಯವರು ಅದನ್ನು ವಿಶ್ವದಾದ್ಯಂತ ಪರಿಚಯಿಸಿದ್ದಾರೆ. ಗಣೇಶ ವಿಷ್ಣು ನಾಯ್ಕ ಅವರು ಸಾಧನೆ ಜಿಲ್ಲೆಗೆ ಹಾಗೂ ರಾಜ್ಯಕ್ಕೆ ಹೆಮ್ಮೆಯ ತಂದಿದೆ’ ಎಂದಿದ್ದಾರೆ. ಪ್ರಮುಖರಾದ ವಿ ಎಂ ಹೆಗಡೆ ಕಬ್ಬೆ, ರಾಘವೇಂದ್ರ ಕಬ್ಬೆ, ಮಂಜುನಾಥ ನಾಯ್ಕ ಮರಿಗುಡ್ಡೆ, ವಾಮನ ನಾಯ್ಕ ಕಾನ್‌ಕೋಪ್ಪ, ಮಂಜುನಾಥ ನಾಯ್ಕ ಹಲಸಿನಕೊಪ್ಪ, ಹರೀಶ ನಾಯ್ಕ ಕುಬೇರ ಗೌಡ, ಮಂಜುನಾಥ ರಾಮ ಗೌಡ, ಚಂದ್ರು ನಾಯ್ಕ, ಬಸವಂತ ಗಂಗೆಮತ್ತ್, ದೇವಕಿ ಅಣ್ಣಪ್ಪ ಗೌಡ ಇತರರು ಇದ್ದರು.
- [ಶಿಕ್ಷಕರ ದಿನಾಚರಣೆ: ನಿವೃತ್ತಿ ಆದವರಿಗೆ ಪಾವ್-ಬಾಜಿ ಮಾರುವ ಕೆಲಸ!](https://mobiletime.in/2026/09/teachers-day-retired-teacher-forced-to-sell-pav-bhaji/): ಕಾರವಾರದಲ್ಲಿ ಅದ್ಧೂರಿಯಾಗಿ ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮ ನಡೆದಿದ್ದು, ಆ ವೇದಿಕೆಯಲ್ಲಿ ಭಾಷಣ ಮಾಡಿದ ಶಿಕ್ಷಕರೊಬ್ಬರು `ನಿವೃತ್ತಿ ನಂತರ ನಮಗೆ ಪಾವ್-ಬಾಜಿ ಮಾರಾಟ ಮಾಡುವುದೊಂದೇ ಬದುಕಿಗೆ ದಾರಿ’ ಎಂದು ಹೇಳಿದ್ದಾರೆ. ಶಿಕ್ಷಕರು ಅನುಭವಿಸುತ್ತಿರುವ ಶೋಚನೀಯ ಸ್ಥಿತಿಯ ಬಗ್ಗೆ ಅವರು ಮುಖ್ಯ ವೇದಿಕೆಯಲ್ಲಿ ಅಳಲು ತೋಡಿಕೊಂಡಿದ್ದಾರೆ. ಕಾರವಾರದ ಬಾಡದ ಸಾವಂತ ಭವನದಲ್ಲಿ ತಾಲೂಕು ಮಟ್ಟದ ಶಿಕ್ಷಕರ ದಿನಾಚರಣೆ ಸಂಘಟಿಸಲಾಗಿದ್ದು, ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್ ಅವರು ಕಾರ್ಯಕ್ರಮ ಉದ್ಘಾಟಿಸಿದ್ದಾರೆ. ನಂತರ ಮಾತನಾಡಿದ ಅವರು `ಜೀವನದಲ್ಲಿ ಮುಂದೆ ಗುರಿ ಇರಬೇಕು. ಹಿಂದೆ ಗುರುವಿರಬೇಕು’ ಎಂದು ಭಾಷಣ ಮಾಡಿದ್ದಾರೆ. ಅದಾದ ನಂತರ ಮಾಧ್ಯಮಿಕ ಶಾಲಾ ನೌಕರರ ಸಂಘದ ತಾಲೂಕು ಅಧ್ಯಕ್ಷ ಜೈ ರಂಗನಾಥ್ ಬಿ ಎಸ್ ಅವರು ಮೈಕಿನ ಮುಂದೆ ಬಂದಿದ್ದಾರೆ. ಜೈ ರಂಗನಾಥ ಅವರು ಶಿಕ್ಷಕರ ಶೋಚನೀಯ ಸ್ಥಿತಿಗಳನ್ನು ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದು, ಅದರಲ್ಲಿಯೂ ಮುಖ್ಯವಾಗಿ `ಪಿಂಚಣಿ ಇಲ್ಲದೇ ಬದುಕಬೇಕಾದ ಶಿಕ್ಷಕರು ನಿವೃತ್ತಿ ನಂತರ ಪಾವ್-ಬನ್ ಮಾರಾಟ ಮಾಡುವ ಸ್ಥಿತಿ ಬರಲಿದೆ’ ಎಂದು ಹೇಳಿದ್ದಾರೆ. `ಶಿಕ್ಷಕರು ವಿದ್ಯಾರ್ಥಿಗಳಿಗೆ ಕಲಿಸುವುದಕ್ಕಿಂತ ಬೋಧಕೇತರ ಕೆಲಸಗಳಿಗೆ ಹೆಚ್ಚು ಸಮಯ ಮೀಸಲಿಡಬೇಕಿದೆ. ನಿವೃತ್ತಿಯ ನಂತರ ಪಿಂಚಣಿ ಇಲ್ಲದೆ ಶಿಕ್ಷಕರು ಬ್ರೆಡ್-ಬನ್-ಪಾವ್-ಬಾಜಿ ಮಾರಿ ಜೀವನ ಸಾಗಿಸುವ ಪರಿಸ್ಥಿತಿ ಬರಲಿದೆ. ಇದು ಇಡೀ ಸಮಾಜ ತಲೆ ತಗ್ಗಿಸುವ ವಿಷಯವಾಗಿದೆ’ ಎಂದವರು ಹೇಳಿದ್ದಾರೆ. `ಪಿಂಚಣಿ ಭಿಕ್ಷೆಯಲ್ಲ, ಅದು ನಮ್ಮ ಸಾಂವಿಧಾನಿಕ ಹಕ್ಕು’ ಎಂದು ಅವರು ಪ್ರತಿಪಾದಿಸಿದ್ದಾರೆ. `ಶಿಕ್ಷಕರ ಸಮಸ್ಯೆ ಕುರಿತು ಮಾಜಿ ಸಚಿವ ಬಸವರಾಜ ಹೊರಟ್ಟಿ ಅವರು ನವೆಂಬರ್ 3ರಂದು ಪ್ರತಿಭಟನೆಗೆ ಕರೆ ನೀಡಿದ್ದಾರೆ. ಎಲ್ಲಾ ನೌಕರರು ಅದರಲ್ಲಿ ಭಾಗವಹಿಸಬೇಕು’ ಎಂದು ಜೈ ರಂಗನಾಥ ಅವರು ಮನವಿ ಮಾಡಿದ್ದಾರೆ. ಗ್ಯಾರಂಟಿ ಯೋಜನೆ ಪ್ರಾಧಿಕಾರದ ಅಧ್ಯಕ್ಷ ರಾಜೇಂದ್ರ ರಾಣಿ, ಅಂಕೋಲಾ ಅರ್ಬನ್ ಬ್ಯಾಂಕ್ ನಿರ್ದೇಶಕ ಸಂತೋಷ್ ಬಂಡಿಕಟ್ಟೆ, ಅಕ್ಷರ ದಾಸೋಹ ಸಹಾಯಕ ನಿರ್ದೇಶಕ ಸುರೇಶ್ ಗಾಂವ್ಕರ್, ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ರಾಮಚಂದ್ರ ಗೌಡ, ಸಂದೀಪ್ ರಾಣಿ, ಮಾದೇವ್ ರಾಣಿ, ಶಿವಾನಂದ ಕದಂ, ಗೀತಾ ಫೆಡ್ನೇಕರ್ ಅವರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಕ್ಷೇತ್ರ ಶಿಕ್ಷಣಾಧಿಕಾರಿ ಶ್ರೀ ಉಮೇಶ್ ನಾಯಕ್ ಸ್ವಾಗತಿಸಿದರು. ಪ್ರೀಮಿಯರ್ ಕಾಲೇಜಿನ ಪ್ರಾಚಾರ್ಯ ಗೋವಿಂದಪ್ಪ ವಿಶೇಷ ಉಪನ್ಯಾಸ ನೀಡಿದರು. ಇದೇ ವೇಳೆ ನಿವೃತ್ತ ಶಿಕ್ಷಕರು ಹಾಗೂ 2025-26ನೇ ಸಾಲಿನ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಸಾಧನೆಗೆ ಪ್ರೇರಣೆ ನೀಡಿದ ಶಿಕ್ಷಕರನ್ನು ಗೌರವಿಸಲಾಯಿತು. ದೈಹಿಕ ಶಿಕ್ಷಣ ಪರಿವೀಕ್ಷಕ ವಿಠೋಬಾ ನಾಯಕ್ ವಂದಿಸಿದರು.
- [ಹೋರಾಟಗಾರನಿಗೆ ಒಲಿದ ಕೆಂಪೆಗೌಡ ಪ್ರಶಸ್ತಿ](https://mobiletime.in/2026/09/kempegowda-award-conferred-upon-activist/): ಬೆಂಗಳೂರಿನ ಸಮರ್ಥ ಸಾಹಿತ್ಯ ಮತ್ತು ಸಾಂಸ್ಕೃತಿಕ ಪ್ರತಿಷ್ಠಾನವೂ ಶಿರಸಿಯ ಸಾಮಾಜಿಕ ಹೋರಾಟಗಾರ ರವೀಂದ್ರ ನಾಯ್ಕ ಅವರಿಗೆ `ನಾಡಪ್ರಭು ಕೆಂಪೆಗೌಡ ಪ್ರಶಸ್ತಿ’ ಪ್ರಧಾನ ಮಾಡಿದೆ. ಕನ್ನಡ ಸಾಹಿತ್ಯ ಪರಿಷತ್ತಿನ ಸಭಾಂಗಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರವೀಂದ್ರ ನಾಯ್ಕ ಅವರು ಈ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಶಿವಾನಂದ ತಗಡೂರು ಅವರು ಈ ಪ್ರಶಸ್ತಿ ವಿತರಣೆ ಮಾಡಿದ್ದಾರೆ. ರವೀಂದ್ರ ನಾಯ್ಕ ಅವರು ಕಳೆದ ನಾಲ್ಕು ದಶಕಗಳಿಂದ ಮಧ್ಯಪಾನ ವಿರೋಧಿ, ಸಾಮಾಜಿಕ ನ್ಯಾಯಕ್ಕಾಗಿ ಹೋರಾಟ, ಅರಣ್ಯ ಭೂಮಿ ಹಕ್ಕಿನ ಹೋರಾಟ ಸೇರಿ ವಿವಿಧ ಹೋರಾಟದಲ್ಲಿ ಭಾಗಿಯಾಗಿದ್ದಾರೆ. ಈ ಹಿನ್ನಲೆ ಅವರಿಗೆ ಈ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ. ಶಿವಾನುಭವ ಚರಮೂರ್ತಿ ಶಿವರುದ್ರ ಸ್ವಾಮೀಜಿ ಅವರ ದಿವ್ಯ ಸಾನಿಧ್ಯದಲ್ಲಿ ಕಾರ್ಯಕ್ರಮ ಶುರುವಾಗಿದ್ದು, ಶಿಕ್ಷಣ ತಜ್ಞ ಎ ಆರ್ ಶಿವಕುಮಾರ, ಹಿರಿಯ ವಿದ್ವಾಂಸರಾದ ಸಿ ಯು ಮಂಜುನಾಥ ಅವರು ಈ ವೇದಿಕೆಯಲ್ಲಿದ್ದರು. ಪ್ರಗತಿಪರ ಕೃಷಿಕರಾದ ವಿ ಕೆ ರಾಜೇಂದ್ರ ದಾವಣಗೇರೆ ಅವರು ವಿಶೇಷ ಆಮಂತ್ರಿತರಾಗಿ ವೇದಿಕೆಗೆ ಆಗಮಿಸಿದ್ದರು. ಸಮರ್ಥ ಸಾಹಿತ್ಯ ಮತ್ತು ಸಾಂಸ್ಕೃತಿಕ ಪ್ರತಿಷ್ಠಾನ ಅಧ್ಯಕ್ಷರಾದ ಎಸ್ ಆರ್ ವಿಜಯ ಸಮರ್ಥ ಕಾರ್ಯಕ್ರಮ ನೆರವೇರಿಸಿದ್ದು, ಈ ಪ್ರಶಸ್ತಿ ಕಾರ್ಯಕ್ರಮಕ್ಕೆ ವಿಜಯವಾಣಿ ಕನ್ನಡ ದಿನ ಪತ್ರಿಕೆ ಮಾಹಿತಿ ಮತ್ತು ಸಹಕಾರದ ಸಹಯೋಗ ನೀಡಿದೆ.
- [ಹೆಗಡೆಯರಿಬ್ಬರಿಗೂ ಪ್ರಶಸ್ತಿಯ ಪುರಸ್ಕಾರ!](https://mobiletime.in/2026/09/award-conferred-upon-both-hegdes/): ಸಮಾಜಮುಖಿ ಕೆಲಸದಲ್ಲಿ ತೊಡಗಿರುವ ಯಲ್ಲಾಪುರದ ಪ್ರಮೋದ ಹೆಗಡೆ ಹಾಗೂ ಶಿರಸಿಯ ಅರುಣಾಚಲ ಹೆಗಡೆ ಅವರಿಗೆ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘವೂ ಪ್ರಶಸ್ತಿ ಘೋಷಿಸಿದೆ. ಪ್ರಮೋದ ಹೆಗಡೆ ಅವರಿಗೆ `ಸಹಕಾರ ವಸಂತ’ ಹಾಗೂ ಅರುಣಾಚಲ ಹೆಗಡೆ ಅವರಿಗೆ `ಭೂತೇಶ್ವರ ಸೇವಾ ರತ್ನ’ ಪ್ರಶಸ್ತಿ ನೀಡಿ ಗೌರವಿಸುವುದಾಗಿ ಸಂಘವೂ ತಿಳಿಸಿದೆ. ದೇವಿಕೆರೆಯ ವಸಂತ ಶೆಟ್ಟಿ ಅವರ ನೆನಪಿನಲ್ಲಿ ಪ್ರತಿ ವರ್ಷ ‘ಸಹಕಾರ ವಸಂತ’ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತಿದೆ. ಅದರಂತೆ, ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘದ ಬೆಳ್ಳಿ ಹಬ್ಬದ ಸಂಭ್ರಮದ ಅಂಗವಾಗಿ ‘ಭೂತೇಶ್ವರ ಸೇವಾ ರತ್ನ’ ಪ್ರಶಸ್ತಿಯನ್ನು ನೀಡಲಾಗುತ್ತಿದೆ. ಈ ಪ್ರಶಸ್ತಿಗಳ ಮೂಲಕ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡಿದವರು ಹಾಗೂ ಸಾಧನೆ ಮಾಡುವವರಿಗೆ ಸ್ಪೂರ್ತಿಯಾಗಬಲ್ಲವರನ್ನು ಗುರುತಿಸಲಾಗುತ್ತದೆ. ಈ ಹಿನ್ನಲೆ ಸಾಂಸ್ಕೃತಿಕ ರಾಯಬಾರಿ ಪ್ರಮೋದ ಹೆಗಡೆ ಹಾಗೂ ಹಿರಿಯ ನ್ಯಾಯವಾದಿ ಅರುಣಾಚಲ ಹೆಗಡೆ ಜಾನ್ಮನೆ ಅವರಿಗೆ ಈ ಪ್ರಶಸ್ತಿ ಘೋಷಣೆಯಾಗಿದೆ. ಪ್ರಮೋದ ಹೆಗಡೆ ಅವರು 51 ವರ್ಷಗಳ ಕಾಲ ಸಹಕಾರಿ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದ್ದಾರೆ. 38 ವರ್ಷಗಳಿಂದ ಸಂಕಲ್ಪ ಉತ್ಸವ ನಡೆಸುತ್ತಿದ್ದಾರೆ. ಯುಕೆ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷರಾಗಿದ್ದಾರೆ. ಕೊಡಸಳ್ಳಿ ಹಾಗೂ ಬೇಡ್ತಿ-ಅಘನಾಶಿನಿ ನದಿ ಜೋಡಣೆ ವಿರೋಧಿ ಹೋರಾಟಗಳ ಮುಂಚೂಣಿ ನಾಯಕರಾಗಿ ಅವರು ಕೆಲಸ ಮಾಡಿದ್ದಾರೆ. ರಾಜ್ಯ ವಿಕೇಂದ್ರೀಕರಣ ಯೋಜನೆ ಮತ್ತು ಅಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದು, ತಮ್ಮ ಮನೆಯಲ್ಲಿಯೇ `ಮೌನ ಗ್ರಂಥಾಲಯ’ ನಡೆಸುತ್ತಿದ್ದಾರೆ. ಅರುಣಾಚಲ ಪಿ ಹೆಗಡೆ ಜಾನ್ಮನೆ ಅವರು ಮೂರು ದಶಕಗಳಿಂದ ಧಾರವಾಡ ಹೈಕೋರ್ಟಿನ ವಕೀಲರಾಗಿದ್ದಾರೆ. ವಿವಿಧ ಸಂಘ-ಸAಸ್ಥೆಗಳಿಗೆ ಅವರು ನಿರಂತರವಾಗಿ ಕಾನೂನು ನೆರವು ನೀಡುತ್ತಿದ್ದಾರೆ. ಜೊತೆಗೆ ಅನೇಕ ಬಗೆಯ ಸಮಾಜಮುಖಿ ಕೆಲಸದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಭೂತೇಶ್ವರ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷರಾಗಿ, ಸ್ವರ್ಣವಲ್ಲೀ ಮಠದ ಸಲಹೆಗಾರರಾಗಿಯೂ ಅವರು ಕಾರ್ಯನಿರ್ವಹಿಸಿದ್ದಾರೆ. ಸಾಮಾಜಿಕ ಮತ್ತು ಧಾರ್ಮಿಕ ಕ್ಷೇತ್ರಗಳಲ್ಲಿ ಸಕ್ರಿಯರಾಗಿದ್ದಾರೆ. ಶ್ರೀ ಭೂತೇಶ್ವರ ಅಭಿವೃದ್ಧಿ ಮಂಡಳಿ ಸ್ಥಾಪನೆ ಮಾಡಿದ್ದ ವಸಂತ ಶೆಟ್ಟಿ ಅವರು ಕೆಡಿಸಿಸಿ ಬ್ಯಾಂಕ್’ನ ವಿಭಾಗೀಯ ಅಧಿಕಾರಿಯಾಗಿದ್ದರು. ಬ್ಯಾಂಕ್ ನೌಕರರ ಒಕ್ಕೂಟದ ಸ್ಥಾಪಕ ಅಧ್ಯಕ್ಷರಾಗಿ 30 ವರ್ಷಕ್ಕೂ ಹೆಚ್ಚು ಕಾಲ ಸೇವೆ ಸಲ್ಲಿಸಿದ್ದರು. ದೇವಿಕೆರೆ ಗಣಪತಿ ಉತ್ಸವ ಆರಂಭ, ಶ್ರೀ ಭೂತೇಶ್ವರ ದೇವಸ್ಥಾನ ನಿರ್ಮಾಣ, ದೇವಿಕೆರೆಯ ರಸ್ತೆ ಅಗಲೀಕರಣ, ಯಕ್ಷಗಾನ, ನಾಟಕ, ಉಚಿತ ಸಾಮೂಹಿಕ ವಿವಾಹ ಹಾಗೂ ಜಾತ್ರೆಯಲ್ಲಿ ಉಚಿತ ಅನ್ನಸಂತರ್ಪಣೆಯAತಹ ಕಾರ್ಯಗಳಿಂದ ‘ದೇವಿಕೆರೆ ವೃತ್ತ ರೂವಾರಿ’ ಎಂದೇ ಹೆಸರುವಾಸಿಯಾಗಿದ್ದರು. ವಸಂತ ಶೆಟ್ಟಿ ಅವರು ಸಮಾಜಕ್ಕೆ ನೀಡಿದ ಕೊಡುಗೆ ಶಾಶ್ವತಗೊಳಿಸುವುದಕ್ಕಾಗಿ ಸಂಸ್ಥೆಯ ಅಧ್ಯಕ್ಷ ಶ್ರೀಧರ ಮೊಗೇರ, ಉಪಾಧ್ಯಕ್ಷ ಭಾಸ್ಕರ ಶೆಟ್ಟಿ, ಮುಖ್ಯ ಕಾರ್ಯನಿರ್ವಾಹಕ ವಿನಾಯಕ ವಸಂತ ಶೆಟ್ಟಿ, ಸಹಾಯಕ ಮುಖ್ಯ ಕಾರ್ಯ ನಿರ್ವಾಹಕ ರಾಘವೇಂದ್ರ ಶೆಟ್ಟಿ, ಆಂತರಿಕ ಸಲಹೆಗಾರ ಪ್ರಕಾಶ ಮದ್ಗುಣಿ ಹಾಗೂ ಆಡಳಿತ ಮಂಡಳಿ ನಿರ್ಧರಿಸಿದೆ. ಈ ಹಿನ್ನಲೆ ಸೆಪ್ಟೆಂಬರ್ 19ರಂದು ಶಿರಸಿಯಲ್ಲಿ ಸಂಘದ ವಾರ್ಷಿಕ ಮಹಾಸಭೆ ನಡೆಯಲಿದ್ದು, ಅದೇ ವೇದಿಕೆಯಲ್ಲಿ ಈ ಗಣ್ಯರಿಬ್ಬರಿಗೂ ಈ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತದೆ. ಕಳೆದ ವರ್ಷ ಈ ಪ್ರಶಸ್ತಿಯನ್ನು ಹಿರಿಯ ಸಹಕಾರಿ ಎಸ್ ಪಿ ಶೆಟ್ಟಿ ಹಾಗೂ ಜೀವಜಲ ಕಾರ್ಯಪಡೆ ಅಧ್ಯಕ್ಷ ಶ್ರೀನಿವಾಸ ಹೆಬ್ಬಾರ್ ಅವರಿಗೆ ನೀಡಲಾಗಿತ್ತು.
- [ಸವದಿ ಕಾರಿನಲ್ಲಿ ಶಶಿಭೂಷಣ: ಕಾಂಗ್ರೆಸ್ ಸಚಿವನ ಕಾರಿನಲ್ಲಿ ಬಿಜೆಪಿ ನಾಯಕ!](https://mobiletime.in/2026/09/shashibhushan-in-savadis-car-bjp-leader-in-congress-ministers-car/): ಉತ್ತರ ಕನ್ನಡ ಜಿಲ್ಲೆಗೆ ಭೇಟಿ ನೀಡಿದ್ದ ಉಸ್ತುವಾರಿ ಸಚಿವ ಲಕ್ಷ್ಮಣ ಸವದಿ ಅವರ ಕಾರಿನಲ್ಲಿ ಈ ದಿನ ಮಾಜಿ ಮುಖ್ಯಮಂತ್ರಿ ರಾಮಕೃಷ್ಣ ಹೆಗಡೆ ಅವರ ಮೊಮ್ಮಗ ಶಶಿಭೂಷಣ ಹೆಗಡೆ ಅವರು ಕಾಣಿಸಿಕೊಂಡಿದ್ದಾರೆ. ಲಕ್ಷ್ಮಣ ಸವದಿ ಅವರು ರಾಮಕೃಷ್ಣ ಹೆಗಡೆ ಅವರ ಶಿಷ್ಯರಾಗಿದ್ದು, ಶಿಕ್ಷಕರ ದಿನಾಚರಣೆ ಅವಧಿಯಲ್ಲಿ ಗುರುವಿನ ಮೊಮ್ಮಗನಿಗೆ ಅವರು ವಿಶೇಷ ಆದ್ಯತೆ ನೀಡಿರುವ ಬಗ್ಗೆ ರಾಜಕೀಯ ವಲಯದಲ್ಲಿ ಚರ್ಚೆ ಶುರುವಾಗಿದೆ. ಡಿಕೆ ಶಿವಕುಮಾರ ಅವರ ಸರ್ಕಾರ ಈಚೆಗೆ ಕಾರವಾರ ಮೆಡಿಕಲ್ ಕಾಲೇಜಿಗೆ ರಾಮಕೃಷ್ಣ ಹೆಗಡೆ ಅವರ ಹೆಸರಿಟ್ಟಿದೆ. ಲಕ್ಷ್ಮಣ ಸವದಿ ಅವರು ಸಹ ಕಳೆದ ಬಾರಿ ಕಾರವಾರಕ್ಕೆ ಭೇಟಿ ನೀಡಿದಾಗ `ನಾನು ರಾಮಕೃಷ್ಣ ಹೆಗಡೆ ಅವರ ಶಿಷ್ಯ’ ಎಂದು ಒತ್ತಿ ಹೇಳಿದ್ದಾರೆ. ಹವ್ಯಕ ಬ್ರಾಹ್ಮಣ ಸಮುದಾಯದ ರಾಮಕೃಷ್ಣ ಹೆಗಡೆ ಅವರಿಗೆ ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ಎಲ್ಲಾ ಸಮುದಾಯದ ಅಭಿಮಾನಿಗಳಿದ್ದು, ಅವರನ್ನು ಬಳಸಿಕೊಂಡು ಕಾಂಗ್ರೆಸ್ ರಾಜಕೀಯದಲ್ಲಿ ಹೊಸ ಮುಖಕ್ಕೆ ಅವಕಾಶ ನೀಡಲಾಗುತ್ತದೆಯೇ? ಎಂಬ ಪ್ರಶ್ನೆ ಇದೀಗ ಉದ್ಬವಿಸಿದೆ. ಶಶಿಭೂಷಣ ಹೆಗಡೆ ಅವರು ಈ ಹಿಂದೆ ಎರಡು ಬಾರಿ ಕುಮಟಾ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು. ಒಮ್ಮೆ ಶಿರಸಿ ವಿಧಾನಸಭಾ ಕ್ಷೇತ್ರದಿಂದಲೂ ಅಖಾಡಕ್ಕೆ ಇಳಿದಿದ್ದರು. ಸೋಲಿನ ನಂತರ ಅವರು ಯಾವ ಪಕ್ಷದ ಚಟುವಟಿಕೆಯಲ್ಲಿ ಸಕ್ರೀಯವಾಗಿರಲಿಲ್ಲ. ರಾಜಕೀಯ ಚಟುವಟಿಕೆಗಳಿಂದಲೂ ಅವರು ದೂರವೇ ಉಳಿದಿದ್ದರು. ರಾಮಕೃಷ್ಣ ಹೆಗಡೆ ಅವರ ಮೊಮ್ಮಗನಾಗಿದ್ದರೂ ರಾಜಕೀಯವಾಗಿ ಅವರು ಬೆಳೆದಿರಲಿಲ್ಲ. ಸದ್ಯ ಅವರು ಲಕ್ಷಣ ಸವದಿ ಅವರ ಜೊತೆ ಕಾರು ಏರಿದ್ದು, ಶಶಿಭೂಷಣ ಹೆಗಡೆ ಅವರನ್ನು ಕಾಂಗ್ರೆಸ್’ಗೆ ತರುವ ಪ್ರಯತ್ನ ನಡೆದ ಹಾಗಿದೆ. ಲೋಕಸಭಾ ಚುನಾವಣೆ ಅವಧಿಯಲ್ಲಿ ಕಾಂಗ್ರೆಸ್ ಅವರನ್ನು ಬಳಸಿಕೊಳ್ಳಲಿದೆ ಎಂಬ ಮಾತು ಈ ದಿನ ಹರಿದಾಡಿದೆ. ಶಶಿಭೂಷಣ ಹೆಗಡೆ ಅವರ ಪಕ್ಕ ಕಾರವಾರ ಶಾಸಕ ಸತೀಶ್ ಸೈಲ್ ಅವರು ಸಹ ಸಚಿವರ ಕಾರಿನಲ್ಲಿ ಪ್ರಯಾಣ ಮಾಡಿದ್ದಾರೆ. ಕಾರಿನಲ್ಲಿ ಸಂಚರಿಸುವಾಗಲೇ ಶಶಿಭೂಷಣ ಹೆಗಡೆ, ಲಕ್ಷಣ ಸವದಿ ಹಾಗೂ ಸತೀಶ್ ಸೈಲ್ ಕೆಲ ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ.
- [ಅಂಚೆಯಲ್ಲಿ ಅಪರಾತಪರ: ಅಮಾನತು ಆದವಳಿಂದ ಕೊಲೆ ಬೆದರಿಕೆ!](https://mobiletime.in/2026/09/postal-irregularities-death-threat-from-suspended-employee/): ಕುಮಟಾ ಹಳಕಾರಿನ ಐಶ್ವರ್ಯ ಶ್ಯಾನಭಾಗ ಅವರು ಅಂಚೆ ಕಚೇರಿಯಲ್ಲಿ ಅಪರಾತಪರ ಮಾಡಿದ್ದು, ಆ ವಿಷಯವಾಗಿ ಪ್ರಶ್ನಿಸಿದ ಕಾರಣ ವನಿತಾ ಹರಿಕಂತ್ರ ಅವರಿಗೆ ಕೊಲೆ ಬೆದರಿಕೆ ಹಾಕಿದ್ದಾರೆ. ಈಶ್ವರ್ಯ ಶ್ಯಾನಭಾಗ ಅವರ ಜೊತೆ ಅವರ ತಾಯಿ ಗೀತಾ ಶ್ಯಾನಭಾಗ ಅವರು ಸಹ ವನಿತಾ ಹರಿಕಂತ್ರ ಅವರಿಗೆ ನಿಂದಿಸಿದ್ದಾರೆ. ಕುಮಟಾದ ಹಳಕಾರಿನಲ್ಲಿ ವನಿತಾ ಸುರೇಶ ಹರಿಕಂತ್ರ ಅವರು ವಾಸವಾಗಿದ್ದಾರೆ. 40 ವರ್ಷದ ವನಿತಾ ಹರಿಕಂತ್ರ ಅವರು ಮೀನುಗಾರಿಕೆ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ. ಅವರ ಪಕ್ಕದ ಮನೆಯಲ್ಲಿ ಈಶ್ವರ್ಯ ಗುರುನಾಥ ಶ್ಯಾನಭಾಗ ಅವರು ವಾಸವಾಗಿದ್ದಾರೆ. 23 ವರ್ಷದ ಈಶ್ವರ್ಯ ಶ್ಯಾನಭಾಗ ಅವರು ಈ ಮೊದಲು ಹಳಕಾರ ಅಂಚೆ ಕಚೇರಿಯಲ್ಲಿ ಪೋಸ್ಟ್ ಮಾಸ್ಟರ್ ಆಗಿ ಕೆಲಸ ಮಾಡಿಕೊಂಡಿದ್ದು, ಜನರಿಂದ ಸಂಗ್ರಹಿಸಿದ ಹಣವನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ. ಹೀಗಾಗಿ ಅಂಚೆ ಇಲಾಖೆ ಅವರನ್ನು ಸೇವೆಯಿಂದ ಅಮಾನತು ಮಾಡಿದೆ. ಅಮಾನತು ಆಗಲು ಊರಿನ ಜನ ಕಾರಣ ಎಂದು ಭಾವಿಸಿದ್ದ ಈಶ್ವರ್ಯ ಶ್ಯಾನಭಾಗ ಅವರು ವನಿತಾ ಹರಿಕಂತ್ರ ಅವರ ಮೇಲೆಯೂ ಸಿಟ್ಟಾಗಿದ್ದಾರೆ. ಅದೇ ಸಿಟ್ಟಿನಲ್ಲಿ ಈಶ್ವರ್ಯ ಶ್ಯಾನಭಾಗ ಅವರು ವನಿತಾ ಹರಿಕಂತ್ರ ಅವರ ಮನೆಗೆ ಬೀದಿ ನಾಯಿಗಳನ್ನು ತಂದು ಬಿಡುತ್ತಿದ್ದಾರೆ. ಜೊತೆಗೆ ನಿತ್ಯ ಕೆಟ್ಟ ಶಬ್ದಗಳಿಂದ ಬೈಯುವುದನ್ನು ರೂಢಿಸಿಕೊಂಡಿದ್ದಾರೆ. ಹೀಗಿರುವಾಗ ಸೆಪ್ಟೆಂಬರ್ 4ರಂದು ವನಿತಾ ಹರಿಕಂತ್ರ ಅವರು ಹಳಕಾರಿಗೆ ಹೋಗಿ ಬಟ್ಟೆ ಪಡೆದು ಬರುವಾಗ ಕೂಜಳಿಮುಕ್ರಿ ಮನೆ ಬಳಿ ಐಶ್ವರ್ಯ ಶ್ಯಾನಭಾಗ ಅವರು ಎದುರಾಗಿದ್ದಾರೆ. ಎಲೆಕ್ಟಿçಕಲ್ ಸ್ಕೂಟಿಯಲ್ಲಿ ತಾಯಿ ಗೀತಾ ಗುರುನಾಥ ಶ್ಯಾನಭಾಗ ಅವರನ್ನು ಕೂರಿಸಿಕೊಂಡು ಬಂದ ಐಶ್ವರ್ಯ ಶ್ಯಾನಭಾಗ ಅವರು ವನಿತಾ ಹರಿಕಂತ್ರ ಅವರನ್ನು ಮತ್ತೆ ನಿಂದಿಸಿದ್ದಾರೆ. ಈಶ್ವರ್ಯ ಶ್ಯಾನಭಾಗ ಹಾಗೂ ಗೀತಾ ಶ್ಯಾನಭಾಗ ಸೇರಿ ವನಿತಾ ಹರಿಕಂತ್ರ ಅವರನ್ನು ಅಡ್ಡಹಾಕಿದ್ದು, `ಊರಿನ ಜನರ ಜೊತೆ ಸೇರಿ ನಮ್ಮ ವಿರುದ್ಧ ಹಗೇ ಸಾಧಿಸಿದರೆ ಕೊಲೆ ಮಾಡುತ್ತೇವೆ’ ಎಂದು ಹೆದರಿಸಿದ್ದಾರೆ. ಇದರಿಂದ ಹೆದರಿದ ವನಿತಾ ಹರಿಕಂತ್ರ ಅವರು ರಕ್ಷಣೆ ಕೋರಿ ಪೊಲೀಸರ ಮೊರೆ ಹೋಗಿದ್ದಾರೆ. ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿದ್ದು, ವನಿತಾ ಹರಿಕಂತ್ರ ಅವರಿಗೆ ಧೈರ್ಯ ಹೇಳಿ ಕಳುಹಿಸಿದ್ದಾರೆ.
- [ಕಸ್ತೂರಿ ರಂಗನ್: ಅಧಿವೇಶನದಲ್ಲಿ ಚರ್ಚಿಸಲು ಒತ್ತಾಯ](https://mobiletime.in/2026/09/kasturirangan-demand-to-discuss-in-the-session/): `ಕಸ್ತೂರಿ ರಂಗನ್ ವರದಿ ಪುನರ್ ಪರಿಶೀಲನೆ ಕುರಿತು ರಾಜ್ಯ ಸರ್ಕಾರ ಅಧಿವೇಶನದಲ್ಲಿ ಚರ್ಚಿಸಬೇಕು. ವೈಜ್ಞಾನಿಕ ನೆಲೆಗಟ್ಟಿನಲ್ಲಿ ಸರಿಯಾದ ನಿರ್ಣಯ ಕೈಗೊಳ್ಳಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘ ಆಗ್ರಹಿಸಿದೆ. ಈ ಕುರಿತು ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಲಕ್ಷ್ಮಣ ಸವದಿ ಅವರಿಗೆ ಸಂಘದ ಅಧ್ಯಕ್ಷ ಶಾಂತರಾಮ ನಾಯಕ ಅವರ ನಿಯೋಗ ಮನವಿ ಸಲ್ಲಿಸಿದೆ. ಅಂಕೋಲಾಗೆ ಆಗಮಿಸಿದ್ದ ಲಕ್ಷ್ಮಣ ಸವದಿ ಅವರನ್ನು ಶಾಂತರಾಮ ನಾಯಕ, ಶ್ಯಾಮನಾಥ ನಾಯ್ಕ, ಯಮೂನಾ ಗಾಂವ್ಕರ್, ಗೌರೀಶ ನಾಯಕ, ನಾಗೇಶ ಗೌಡ ಅವರು ಭೇಟಿ ಮಾಡಿದರು. `ಪಶ್ಚಿಮಘಟ್ಟ ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಸೇರಿಸುವ ಸಂಬoಧ ಕೇಂದ್ರ ಸರ್ಕಾರ ಹೊರಡಿಸಿರುವ ಏಳನೇ ಕರಡು ಅಧಿಸೂಚನೆಗೆ ರಾಜ್ಯ ಸರ್ಕಾರ ಆಕ್ಷೇಪಣೆ ಸಲ್ಲಿಸಬೇಕು’ ಎಂದು ಅವರು ಒತ್ತಾಯಿಸಿದರು. ಈ ಬಗ್ಗೆ ವಿಶೇಷ ಅಧಿವೇಶನದಲ್ಲಿ ಕೂಲಂಕುಷವಾಗಿ ಚರ್ಚಿಸಿ ವೈಜ್ಞಾನಿಕ ನೆಲೆಗಟ್ಟಿನಲ್ಲಿ ತೀರ್ಮಾನ ತೆಗೆದುಕೊಳ್ಳಬೇಕು’ ಎಂದು ಆಗ್ರಹಿಸಿದರು. `ರಾಜ್ಯದ ಪಶ್ಚಿಮಘಟ್ಟ ಪ್ರದೇಶದಲ್ಲಿ ವಾಸಿಸುವ ಸುಮಾರು 40 ಲಕ್ಷ ಜನರಲ್ಲಿ ಕಸ್ತೂರಿ ರಂಗನ್ ವರದಿ ಜಾರಿ ಕುರಿತು ಆತಂಕ ಮೂಡಿದ್ದು, ಅವರ ಜೀವನೋಪಾಯ ಹಾಗೂ ಹಿತಾಸಕ್ತಿಗೆ ಧಕ್ಕೆಯಾಗದಂತೆ ರಾಜ್ಯ ಸರ್ಕಾರ ಸೂಕ್ತ ಕ್ರಮ ಕೈಗೊಳ್ಳಬೇಕು’ ಎಂದು ಮನವಿ ಮಾಡಿದರು. `ಕಸ್ತೂರಿ ರಂಗನ್ ವರದಿಗೆ ಸಂಬoಧಿಸಿದoತೆ ಈ ಹಿಂದಿನ ಸರ್ಕಾರಗಳ ಅವಧಿಯಲ್ಲಿಯೂ ಕರ್ನಾಟಕ ಸರ್ಕಾರ ಕೇಂದ್ರದ ಪ್ರಸ್ತಾವನೆಗಳಿಗೆ ತಕರಾರು ಸಲ್ಲಿಸಿತ್ತು. ಪ್ರಸ್ತುತ ಕೇಂದ್ರ ಸರ್ಕಾರ ಹೊರಡಿಸಿರುವ ಹೊಸ ಕರಡು ಅಧಿಸೂಚನೆಗೂ ರಾಜ್ಯ ಸರ್ಕಾರ ತನ್ನ ಆಕ್ಷೇಪಣೆ ಸಲ್ಲಿಸಬೇಕು. ವೈಜ್ಞಾನಿಕ ತಳಹದಿಯಲ್ಲಿ ಪರಿಶೀಲನೆ ನಡೆಯಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಪದಾಧಿಕಾರಿಗಳು ಹೇಳಿದರು. `ಕೇಂದ್ರ ಸರ್ಕಾರವು 2026ರ ಜುಲೈ 27ರಂದು ಹೊರಡಿಸಿರುವ ಏಳನೇ ಕರಡು ಅಧಿಸೂಚನೆಯಡಿ ಕರ್ನಾಟಕದ ಬೆಳಗಾವಿ, ಚಾಮರಾಜನಗರ, ಚಿಕ್ಕಮಗಳೂರು, ಕೊಡಗು, ಹಾಸನ, ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಮೈಸೂರು, ಶಿವಮೊಗ್ಗ, ಉಡುಪಿ ಸೇರಿದಂತೆ 10 ಜಿಲ್ಲೆಗಳ 39 ತಾಲೂಕುಗಳ 1,449 ಗ್ರಾಮಗಳನ್ನು ಪರಿಸರ ಸೂಕ್ಷ್ಮ ಪ್ರದೇಶದ ವ್ಯಾಪ್ತಿಗೆ ಸೇರಿಸಲು ಗುರುತಿಸಲಾಗಿದೆ. ಕರಡು ಅಧಿಸೂಚನೆಯಡಿ ಗಣಿಗಾರಿಕೆ, ಕಲ್ಲು ಗಣಿಗಾರಿಕೆ, ಮರಳು ಗಣಿಗಾರಿಕೆ, ಉಷ್ಣ ವಿದ್ಯುತ್ ಸ್ಥಾವರಗಳು ಹಾಗೂ ನಿರ್ದಿಷ್ಟ ಮಿತಿಗಿಂತ ಹೆಚ್ಚಿನ ಕಟ್ಟಡ ಮತ್ತು ಟೌನ್‌ಶಿಪ್ ಅಭಿವೃದ್ಧಿ ಚಟುವಟಿಕೆಗಳನ್ನು ನಿಯಂತ್ರಿಸಲು ಪ್ರಸ್ತಾಪಿಸಲಾಗಿದೆ. ಕೃಷಿ, ನೆಡುತೋಪು ಸೇರಿದಂತೆ ಜನರ ದೈನಂದಿನ ಜೀವನಾಧಾರ ಚಟುವಟಿಕೆಗಳ ಮೇಲೆ ನಿರ್ದಿಷ್ಟ ಪರಿಣಾಮ ಬೀರಲಿದೆ’ ಎಂಬ ಆತಂಕವನ್ನುವ್ಯಕ್ತಪಡಿಸಿದರು.
- [ನಾಯಿ ದಾಳಿಗೆ ಮಹಿಳೆ ಸಾವು: ಎಂಟು ತಿಂಗಳಾದರೂ ಸಿಗದ ಪರಿಹಾರ!](https://mobiletime.in/2026/09/woman-dies-in-dog-attack-no-compensation-even-after-eight-months/): ಅಂಕೋಲಾ ಬೇಲಿಕೇರಿಯ ಶೋಭಾ ನಾಯ್ಕ ಹಾಗೂ ಹಟ್ಟಿಕೇರಿಯ ಸಾವಿತ್ರಿ ಗೌಡ ಅವರು ರೇಬಿಸ್ ಸೋಂಕಿತ ನಾಯಿ ಕಡಿತದಿಂದ ಸಾವನಪ್ಪಿದ್ದು, ಈವರೆಗೂ ಅವರ ಕುಟುಂಬಕ್ಕೆ ಸರ್ಕಾರದಿಂದ ಬರಬೇಕಾದ 5 ಲಕ್ಷ ರೂ ಹಣ ಬಂದಿಲ್ಲ. ಕಳೆದ ಎಂಟು ತಿಂಗಳಿನಿoದ ಅವರ ಕುಟುಂಬದವರು ಪರಿಹಾರ ಪಡೆಯುವುದಕ್ಕಾಗಿ ಅಲೆದಾಡುತ್ತಿದ್ದಾರೆ. ಅರ್ಜಿ ಸಲ್ಲಿಸಿದರೂ ಪರಿಹಾರ ಬಾರದಿರುವ ಬಗ್ಗೆ ಜನಶಕ್ತಿ ವೇದಿಕೆ ಸಚಿವರ ಗಮನಕ್ಕೆ ತಂದಿದ್ದು, ಈ ವೇಳೆ ಜಿಲ್ಲಾಡಳಿತದಿಂದ ಶೀಘ್ರದಲ್ಲಿಯೇ ಪರಿಹಾರ ಒದಗಿಸುವ ಭರವಸೆ ಸಿಕ್ಕಿದೆ. ಅಂಕೋಲಾದ ಸತ್ಯಾಗ್ರಹ ಸ್ಮಾರಕ ಭವನದಲ್ಲಿ ಶನಿವಾರ ನಡೆದ ಪ್ರಜಾ ಸೇವೆ ಕಾರ್ಯಕ್ರಮದಲ್ಲಿ ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಈ ವಿಷಯದ ಬಗ್ಗೆ ಗಮನಸೆಳೆದಿದ್ದಾರೆ. ಮನವಿ ಸ್ವೀಕರಿಸಿದ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು `ಈ ವಿಷಯ ಈಗಾಗಲೇ ತಮ್ಮ ಗಮನದಲ್ಲಿದ್ದು, ಅಗತ್ಯ ಕ್ರಮ ಕೈಗೊಳ್ಳಿಸಿ ಅರ್ಹ ಕುಟುಂಬಗಳಿಗೆ ಆದಷ್ಟು ಬೇಗ ಪರಿಹಾರ ದೊರಕಿಸಿಕೊಡುವೆ’ ಎಂಬ ಭರವಸೆ ನೀಡಿದ್ದಾರೆ. ಈ ಭರವಸೆಯಿಂದ ಹಲವು ತಿಂಗಳುಗಳಿAದ ಪರಿಹಾರಕ್ಕಾಗಿ ಕಾಯುತ್ತಿದ್ದ ಕುಟುಂಬಗಳಿಗೆ ಹೊಸ ನಿರೀಕ್ಷೆ ಮೂಡಿದೆ. `ಬಡ ಕುಟುಂಬದ ಇಬ್ಬರು ಮಹಿಳೆಯರು ರೇಬಿಸ್ ಸೋಂಕಿಗೆ ಬಲಿಯಾಗಿದ್ದು, ಕುಟುಂಬಗಳು ಸಂಕಷ್ಟದಲ್ಲಿವೆ. ಸರ್ಕಾರದ ನಿಯಮದಂತೆ ಸಿಗಬೇಕಾದ ಪರಿಹಾರಕ್ಕಾಗಿ ಹಲವು ಬಾರಿ ಮನವಿ ಸಲ್ಲಿಸಿದರೂ ವಿಳಂಬವಾಗಿದೆ. ಜಿಲ್ಲಾಧಿಕಾರಿಗಳು ನೀಡಿರುವ ಭರವಸೆಯಂತೆ ಶೀಘ್ರದಲ್ಲೇ ಪರಿಹಾರ ಮಂಜೂರಾಗಿ ಕುಟುಂಬಗಳಿಗೆ ತಲುಪಬೇಕು” ಎಂದು ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಅವರು ಸಚಿವ ಲಕ್ಷಣ ಸವದಿ ಅವರ ಬಳಿ ಒತ್ತಾಯಿಸಿದ್ದಾರೆ. ಪರಿಹಾರ ವಿತರಣೆಗೆ ಅಗತ್ಯವಿರುವ ಮರಣೋತ್ತರ ವರದಿ ಸೇರಿ ಇನ್ನೂ ಅನೇಕ ದಾಖಲೆಗಳನ್ನು ನೀಡಿದ್ದಾರೆ. ಈ ಸಂದರ್ಭದಲ್ಲಿ ಸಂಘಟನೆಯ ಸಂಘಟನಾ ಕಾರ್ಯದರ್ಶಿ ನಿತ್ಯಾನಂದ ನಾಯ್ಕ್ ಸೇರಿದಂತೆ ರೇಬಿಸ್ ನಾಯಿ ಕಡಿತದಿಂದ ಮೃತಪಟ್ಟವರ ಕುಟುಂಬದ ಸದಸ್ಯರು ಉಪಸ್ಥಿತರಿದ್ದರು.  
- [ಗಡಿಪಾರು ಆದೇಶ ರದ್ದು!](https://mobiletime.in/2026/09/deportation-order-revoked/): ಕಾರವಾರ ತಾಲೂಕು ಪಂಚಾಯತ ಮಾಜಿ ಸದಸ್ಯ ಪ್ರಶಾಂತ ಗೋವೇಕರ್ ಅವರು ಜನಪ್ರತಿನಿಧಿಯಾಗಿ ಕೆಲಸ ಮಾಡಿದ ವಿಷಯವನ್ನು ಅವರ ವಕೀಲರು ನ್ಯಾಯಾಲಯದ ಗಮನಕ್ಕೆ ತಂದಿದ್ದು, ಅವರ ಅನಾರೋಗ್ಯ ಪರಿಗಣಿಸಿ ನ್ಯಾಯಾಲಯ ಅವರ ಗಡಿಪಾರು ಆದೇಶ ರದ್ಧು ಮಾಡಿದೆ. ಗಡಿಪಾರು ಆದೇಶ ಪ್ರಶ್ನಿಸಿ ಪ್ರಶಾಂತ ಗೋವೇಕರ್ ಅವರು ಹೈಕೋರ್ಟಿನ ಮೊರೆ ಹೋಗಿದ್ದು, ಮೊದಲು ಇದಕ್ಕೆ ತಡೆಯಾಜ್ಞೆ ನೀಡಿದ್ದ ನ್ಯಾಯಾಲಯ ಸದ್ಯ ಗಡಿಪಾರು ಆದೇಶವನ್ನು ರದ್ಧು ಮಾಡಿದೆ. ಕಾರವಾರದ ಕಿನ್ನರದ ಪ್ರಶಾಂತ ಗೋವೇಕರ್ ಅವರ ವಿರುದ್ಧ ಹಲವು ಪೊಲೀಸ್ ಕೇಸುಗಳಿದ್ದವು. ಈ ಹಿನ್ನಲೆ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಿ ಆದೇಶಿಸಲಾಗಿತ್ತು. ಪೊಲೀಸರೇ ಅವರನ್ನು ಹೊಸಪೇಟೆಗೆ ಬಿಟ್ಟು ಬಂದಿದ್ದರು. ಇದನ್ನು ಪ್ರಶ್ನಿಸಿ ಪ್ರಶಾಂತ ಗೋವೇಕರ್ ಅವರು ಹೈಕೋರ್ಟಿನ ಮೊರೆ ಹೋಗಿದ್ದರು. ವಕೀಲ ರಾಮಾ ಗೋರ್ಫಡೆ ಅವರ ಮೂಲಕ ತಮ್ಮ ಅಹವಾಲು ಸಲ್ಲಿಸಿದ್ದರು. ಈ ವೇಳೆ ಸರ್ಕಾರಿ ಪರ ಅಭಿಯೋಜಕರು ಪ್ರಶಾಂತ ಗೋವೇಕರ್ ಅವರನ್ನು ಗಡಿಪಾರು ಮಾಡಿರುವುದಕ್ಕೆ ಸೂಕ್ತ ಕಾರಣಗಳನ್ನು ನೀಡಿದ್ದರು. ಆದರೆ, ರಾಮಾ ಗೋರ್ಫಡೆ ಅವರು ಅದನ್ನು ಅಲ್ಲಗಳೆದು ಆ ಆದೇಶ ರದ್ದು ಮಾಡುವಂತೆ ಕೋರಿದ್ದರು. ಪ್ರಕರಣ ರದ್ಧತಿ ಕೋರಿ ಅರ್ಜಿ ಸಲ್ಲಿಸಿದವರು ವಿವಿಧ ಕಾಯ್ದೆ ಹಾಗೂ ಕಾನೂನು ವ್ಯಾಪ್ತಿಯ ಬಗ್ಗೆ ವಾದಿಸಿದ್ದರು. ಈ ವೇಳೆ ಆ ಆದೇಶಕ್ಕೆ ನ್ಯಾಯಾಲಯ ತಡೆ ನೀಡಿದ್ದು, ಅದರ ಬಗ್ಗೆಯೂ ವಿಚಾರಣೆ ನಡೆಯಿತು. ನಂತರ ಮತ್ತೆ ಮೂಲ ಪ್ರಕರಣ ಗಮನಿಸಿದ ನ್ಯಾಯಾಲಯ ಬೇರೆ ಬೇರೆ ಕೋರ್ಟುಗಳಲ್ಲಿನ ಆದೇಶವನ್ನು ಗಮನಿಸಿತು. ಈ ವೇಳೆ ಪ್ರಶಾಂತ ಗೋವೇಕರ್ ಅವರು ಅನಾರೋಗ್ಯಕ್ಕೆ ಒಳಗಾಗಿರುವುದನ್ನು ವಕೀಲರು ತಿಳಿಸಿದ್ದು, ಜನಪ್ರತಿನಿಧಿಯಾಗಿ ಕೆಲಸ ಮಾಡಿದ ಬಗ್ಗೆ ದಾಖಲೆಯನ್ನು ಒದಗಿಸಿದರು. ಈ ಎಲ್ಲಾ ಅಂಶಪರಿಗಣಿಸಿದ ನ್ಯಾಯಾಲಯ ಗಡಿಪಾರು ಆದೇಶ ರದ್ಧು ಮಾಡಿತು ಎಂದು ಪ್ರಶಾಂತ ಗೋವೇಕರ್ ಅವರು ಮಾಧ್ಯಮಕ್ಕೆ ಮಾಹಿತಿ ಹಂಚಿಕೊoಡಿದ್ದಾರೆ.
- [ಸೆಕೆಂಡ್ ಹ್ಯಾಂಡ್ ಸಂತೆ: ಪೊಲೀಸರಿಂದಲೇ ಐ-ಫೋನ್ ಹರಾಜು!](https://mobiletime.in/2026/09/second-hand-market-police-themselves-selling-iphones/): ವಿವಿಧ ಅಪರಾಧ ಪ್ರಕರಣಗಳಲ್ಲಿ ಜಪ್ತು ಮಾಡಿದ ಮೊಬೈಲ್ ಫೋನುಗಳನ್ನು ಹರಾಜು ಮಾಡಲು ಪೊಲೀಸರು ನಿರ್ಧರಿಸಿದ್ದಾರೆ. ಕಾರವಾರದ ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ನಡೆಯುವ ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸಿ ಅಗತ್ಯ ವಸ್ತು ಖರೀದಿಸಲು ಪ್ರಕಟಣೆ ಹೊರಡಿಸಿದ್ದಾರೆ. ಫೋನ್ ಮಾತ್ರವಲ್ಲದೇ ಬೈಕು, ಲಾಪ್‌ಟಾಪ್, ಟಾಬ್ ಸೇರಿ ಇನ್ನೂ ಅನೇಕ ವಸ್ತುಗಳು ಸಾರ್ವಜನಿಕರಿಗೆ ಲಭ್ಯವಿದೆ. ಸರ್ಕಾರಿ ಬೊಕ್ಕಸಕ್ಕೆ ಹಣ ಪಾವತಿಸಿ ಅದನ್ನು ಸ್ವೀಕರಿಸಲು ಮುಕ್ತ ಅವಕಾಶ ನೀಡಲಾಗಿದೆ. ಅಪರಾಧ ಪ್ರಕರಣಗಳಲ್ಲಿ ಜಪ್ತು ಮಾಡಲಾದ ಸಾಮಗ್ರಿಗಳನ್ನು ವಿಲೇವಾರಿ ಮಾಡಲು ಕೋರ್ಟ್ ಸೂಚನೆ ನೀಡಿದ ಹಿನ್ನಲೆ ಅದೆಲ್ಲವನ್ನು ಬಹಿರಂಗ ಹರಾಜು ಮೂಲಕ ಅಗತ್ಯವಿದ್ದವರಿಗೆ ವಿತರಿಸಲು ಪೊಲೀಸರು ಮುಂದಾಗಿದೆ. ಸದ್ಯ ಐದು ಬೈಕು, ಐದು ಮೊಬೈಲ್ ಬಹಿರಂಗ ಹರಾಜಿಗೆ ಕೋರ್ಟು ಅನುಮತಿ ನೀಡಿದೆ. ಮೊಬೈಲುಗಳೆಲ್ಲವೂ 2013ರ ಅವಧಿಯದ್ದಾಗಿದೆ. ಆದರೆ, ಅದರಲ್ಲಿ ಐ-ಫೋನ್ ಸಹ ಇದೆ. ಜೊತೆಗೆ 3 ಲಾಪ್ ಟಾಪ್, 1 ಟಾಬ್ ಹಾಗೂ ಕ್ಯಾಮರಾ ಸಹ ಬಹಿರಂಗ ಹರಾಜಿನಲ್ಲಿ ಸಿಗಲಿದೆ. ಚಿತ್ತಾಕುಲಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿನ ಪ್ರಕರಣಗಳ ಕುರಿತಾದ ವಸ್ತುಗಳ ಹರಾಜು ಮಾತ್ರ ಈ ವೇಳೆ ನಡೆಯಲಿದ್ದು, ಸೆಪ್ಟೆಂಬರ್ 10ರಂದು ಈ ಪ್ರಕ್ರಿಯೆ ನಡೆಸಲು ನಿರ್ಧರಿಸಲಾಗಿದೆ.
- [ಸಮುದ್ರಕ್ಕೆ ಬಿದ್ದ ಸೆಲ್ಪಿ ಪ್ರೇಮಿ: ಸಹಾಯಕ್ಕೂ ಬಾರದೇ ಸುಮ್ಮನಿದ್ದ ಸುಂದರಿ!](https://mobiletime.in/2026/09/selfie-lover-who-fell-into-the-sea-the-beautiful-girl-who-did-not-even-come-to-help/): ಯುವತಿ ಜೊತೆ ಸುತ್ತಾಡಲು ಗೋಕರ್ಣಕ್ಕೆ ಬಂದಿದ್ದ ಬೆಂಗಳೂರಿನ ಯುವಕನೊಬ್ಬ ಸೆಲ್ಪಿ ಕ್ಲಿಕ್ಕಿಸುವಾಗ ಮೈ ಮರೆತು ಸಮುದ್ರಕ್ಕೆ ಬಿದ್ದಿದ್ದು, ಅಲ್ಲಿದ್ದ ಮೀನುಗಾರರು ಆ ಯುವಕನ ಪ್ರಾಣ ಕಾಪಾಡಿದ್ದಾರೆ. ಅಸ್ವಸ್ಥಗೊಂಡ ಯುವಕನನ್ನು ಸ್ಥಳೀಯರು ತಕ್ಷಣ ಆಸ್ಪತ್ರೆಗೆ ದಾಖಲಿಸಿ ಜೀವ ಉಳಿಸಿದ್ದಾರೆ. ಪ್ರಶ್ನಿಸಿದರೂ ಹೆಸರು-ವಿಳಾಸ ಬಾಯ್ಬಿಡದ ಯುವಕನೊಬ್ಬ ಶನಿವಾರ ಯುವತಿಯೊಬ್ಬರ ಜೊತೆ ಗೋಕರ್ಣಕ್ಕೆ ಬಂದಿದ್ದು, ಅವರಿಬ್ಬರು ಸೇರಿ ಕಡಲತೀರಕ್ಕೆ ಹೋಗಿದ್ದರು. ಅಲ್ಲಿ ಸಾಕಷ್ಟು ಸಮಯಗಳ ಕಾಲ ಅವರು ವಿವಿಧ ಬಗೆಯಲ್ಲಿ ಫೋಟೋ ಕ್ಲಿಕ್ಕಿಸಿಕೊಂಡಿದ್ದರು. ಅದಾದ ನಂತರ ಅವರಿಬ್ಬರು ಅಲ್ಲಿದ್ದ ಕಲ್ಬಂಡೆ ಏರಿದರು. ಅಲ್ಲಿ ಒಟ್ಟಿಗೆ ನಿಂತು ಸೆಲ್ಪಿ ಕ್ಲಿಕ್ಕಿಸುವಾಗ ಅಬ್ಬರದ ಅಲೆಯೊಂದು ಬಂದಿದ್ದು, ಯುವಕನನ್ನು ಸೆಳೆದುಕೊಂಡಿತು. ಮೊಬೈಲ್ ಹಿಡಿದ ಕೈಯಲ್ಲಿಯೇ ಸಮುದ್ರಕ್ಕೆ ಬಿದ್ದ ಆ ಯುವಕ ಅನತಿ ದೂರದವರೆಗೆ ಕ್ರಮಿಸಿದನ್ನು ಅಲ್ಲಿದ್ದ ಮೀನುಗಾರರು ನೋಡಿದರು. ತಕ್ಷಣ ಸಮುದ್ರಕ್ಕೆ ಹಾರಿದ ಮೀನುಗಾರರು ಈಜಿ ಆ ಯುವಕನನ್ನು ತಡಕ್ಕೆ ತಂದರು. ಕೈ ಮುಗಿದು ನಿಂತಿದ್ದ ಯುವತಿಗೆ ಆತನನ್ನು ಒಪ್ಪಿಸಿದರು. ಈ ವೇಳೆಗಾಗಲೇ ಯುವಕ ಅಸ್ವಸ್ಥನಾಗಿದ್ದು, ಮಾತನಾಡುವ ಸ್ಥಿತಿಯಲ್ಲಿರಲಿಲ್ಲ. ಆ ಯುವಕ ಸಮುದ್ರಕ್ಕೆ ಬಿದ್ದರೂ ಯುವತಿ ಸಹಾಯ ಯಾಚಿಸಲಿಲ್ಲ. ಸಮೀಪ ಇದ್ದವರನ್ನು ಕೂಗಿ ಕರೆಯಲಿಲ್ಲ. ಯುವಕ ಸಮುದ್ರಕ್ಕೆ ಬಿದ್ದು ಕೂಗಿದರೂ ಆಕೆ ಸುಮ್ಮನೆ ನಿಂತಿರುವುದನ್ನು ನೋಡಿದ ಜನ ಮೊದಲು `ಅವರಿಬ್ಬರು ತಮಾಷೆ ಮಾಡುತ್ತಿದ್ದಾರೆ’ ಎಂದು ಭಾವಿಸಿದರು. ನಿಮಿಷದ ನಂತರ ಯುವಕನ ಕೂಗಾಟ ಜೋರಾದಾಗ ಪರಿಸ್ಥಿತಿ ಅರಿತು ಸಹಾಯಕ್ಕೆ ಧಾವಿಸಿದರು. ಅಲ್ಲಿದ್ದ ಜನರೇ ಆತನನ್ನು ಆಸ್ಪತ್ರೆಗೆ ಕರೆದೊಯ್ದರು. ಗೋಕರ್ಣ ಪ್ರಾಥಮಿಕ ಕೇಂದ್ರದಲ್ಲಿ ಆ ಯುವಕನಿಗೆ ಪ್ರಾಥಮಿಕ ಚಿಕಿತ್ಸೆ ನೀಡಿದ್ದಾರೆ. ಅದಾದ ನಂತರ ಯುವಕನನ್ನು ಮಣಿಪಾಲ್ ಆಸ್ಪತ್ರೆಗೆ ಕಳುಹಿಸಿದ್ದಾರೆ.
- [ಈ ಹೊಟೇಲಿನಲ್ಲಿ ಸರಾಯಿಯೇ ಕೃಷ್ಣ ಪ್ರಸಾದ!](https://mobiletime.in/2026/09/in-this-hotel-liquor-itself-is-the-divine-offering/): ಭಟ್ಕಳ ಶಿರಾಲಿ ಬಳಿಯ ಕೃಷ್ಣ ಪ್ರಸಾದ ಹೊಟೇಲ್ ಬಳಿ ಸರಾಯಿ ಮಾರಾಟ ನಡೆದಿದೆ. ಹೊಟೇಲ್ ಕೆಲಸ ಮಾಡುವ ಗಜಾನನ ಮಡಿವಾಳ ಅವರೇ ಇಲ್ಲಿ ತೀರ್ಥ ನೀಡುವ ಕೆಲಸ ಶುರು ಮಾಡಿದ್ದಾರೆ. ಭಟ್ಕಳ ಶಿರಾಲಿ ಚಿತ್ರಾಪುರದ ಬಪ್ಪನಕೊಡ್ಲುವಿನಲ್ಲಿ ಗಜಾನನ ಶಂಕರ ಮಡಿವಾಳ ಅವರು ವಾಸವಾಗಿದ್ದಾರೆ. ಹೊಟೇಲ್ ಕೆಲಸ ಮಾಡಿಕೊಂಡು ಅವರು ಜೀವನ ಕಟ್ಟಿಕೊಂಡಿದ್ದಾರೆ. ಹೊಟೇಲಿಗೆ ಬರುವವರನ್ನು ಆಕರ್ಶಿಸುವುದಕ್ಕಾಗಿ ಅವರು ಅಲ್ಲಿ ಅಕ್ರಮವಾಗಿ ಸರಾಯಿ ವ್ಯಾಪಾರ ಶುರು ಮಾಡಿದ್ದಾರೆ. ಹೊಟೇಲ್ ಮುಂದೆಯೇ ಅವರು ಸರಾಯಿ ಮಾರಾಟ ಮಾಡುತ್ತಿದ್ದು, ಅದಕ್ಕೆ ಅಗತ್ಯ ಪರವಾನಿಗೆಪಡೆದಿಲ್ಲ. ಅಕ್ರಮ ಸರಾಯಿ ಮಾರಾಟ ತಪ್ಪು ಎಂಬ ಅರಿವಿದ್ದರೂ ಆ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯ ಪಿಸೈ ಭರಮಪ್ಪ ಬೆಳಗಲಿ ಅವರು ಸೆ 4ರಂದು ಆ ಹೊಟೇಲ್ ಬಳಿ ಹೋಗಿದ್ದು, ಆಗಲೂ ಗಜಾನನ ಮಡಿವಾಳ ಅವರು ಸರಾಯಿ ವ್ಯಾಪಾರ ನಿಲ್ಲಿಸಿಲ್ಲ. ಪೊಲೀಸರ ಎದುರೇ ರಾಜಾರೋಷವಾಗಿ ವ್ಯಾಪಾರ ನಡೆದಿದ್ದು, ಇದನ್ನು ನೋಡಿದ ಅಧಿಕಾರಿಗಳು ತಕ್ಷಣ ತಮ್ಮ ತಂಡದೊoದಿಗೆ ದಾಳಿ ಮಾಡಿದ್ದಾರೆ. ಆಗ, ಅಲ್ಲಿ ಸರಾಯಿ ಕುಡಿದು ಬಿಟ್ಟ ಖಾಲಿ ಪ್ಯಾಕೇಟ್ ಹಾಗೂ ಗ್ರಾಹಕರು ನೀಡಿದ 200ರೂ ಹಣ ಸಿಕ್ಕಿದೆ. ಅದನ್ನು ಪೊಲೀಸರು ವಶಕ್ಕೆಪಡೆದು ಕೇಸು ದಾಖಲಿಸಿದ್ದಾರೆ.
- [ಕಸ್ತೂರಿ ರಂಗನ್ ವರದಿ ಅವೈಜ್ಞಾನಿಕ: ಸಾವಿರ ಜನರಿಂದ ಆಕ್ಷೇಪಣೆ ಸಲ್ಲಿಕೆ](https://mobiletime.in/2026/09/kasturirangan-report-unscientific-objections-filed-by-a-thousand-people/): `ಅವೈಜ್ಞಾನಿಕ ಕಸ್ತೂರಿ ರಂಗನ್ ವರದಿ ತಿರಸ್ಕರಿಸಬೇಕು’ ಎಂದು ಆಗ್ರಹಿಸಿ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಈ ದಿನ ಹಕ್ಕೋತ್ತಾಯ ಮಾಡಿದ್ದಾರೆ. ಶಿರಸಿ ಮಾರಿಕಾಂಬ ದೇವಾಲಯದ ಏದುರು ಮೆರವಣಿಗೆ ಶುರು ಮಾಡಿದ ಹೋರಾಟಗಾರರು ನಗರಸಭೆ ರಂಗ ಮಂದಿರದಲ್ಲಿ ಸಭೆ ಮೂಲಕ ತಮ್ಮ ಬೇಡಿಕೆ ಮಂಡಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿಯ 7ನೇ ಅಧಿಸೂಚನೆಯಲ್ಲಿ ಉಲ್ಲೇಖಿಸಿದಂತೆ ಉತ್ತರಕನ್ನಡ ಜಿಲ್ಲೆಯಲ್ಲಿ 567 ಹಳ್ಳಿಗಳನ್ನ ಅತೀ ಸೂಕ್ಷö ಪ್ರದೇಶವೆಂದು ಗುರುತಿಸಿದಲ್ಲಿ ಜನ ಜೀವನಕ್ಕೆ ಮಾರಕವಾಗಲಿದೆ. ಹೀಗಾಗಿ ಆ ವರದಿಯನ್ನು ಸಂಪೂರ್ಣವಾಗಿ ತಿರಸ್ಕರಿಸಬೇಕು. ಜೊತೆಗೆ ಸೂಕ್ಷ ಪ್ರದೇಶದ ಅಧ್ಯಯನಕ್ಕೆ ಸಮಿತಿ ರಚಿಸಿ ಕೇಂದ್ರ ಸರ್ಕಾರಕ್ಕೆ ತಾಂತ್ರಿಕ ಹಿನ್ನಲೆಯಲ್ಲಿ ಆಕ್ಷೇಪ ಸಲ್ಲಿಸಬೇಕು’ ಎಂದು ಈ ಸಭೆ ಒತ್ತಾಯಿಸಿದೆ. `ಕೇಂದ್ರ ಪರಿಸರ ಇಲಾಖೆಯು ಪ್ರಕಟಿಸಿದ ಸೂಕ್ಷ ಪ್ರದೇಶದ ಅಧಿಸೂಚನೆಯು ಅವೈಜ್ಞಾನಿಕವಾಗಿದೆ. ರಾಜ್ಯ ಸರ್ಕಾರದಿಂದ ಪ್ರಭಲವಾಗಿ ವೈಜ್ಞಾನಿಕ, ತಾಂತ್ರಿಕ, ಜನ ಜೀವನಕ್ಕೆ ಮಾರಕ ಹಾಗೂ ಅರಣ್ಯವಾಸಿಗಳ ಅಭದ್ರತೆ ಉಂಟಾಗುವ ಅಂಶಗಳನ್ನು ಒಳಗೊಂಡoತೆ ವೈಜ್ಞಾನಿಕ ಮತ್ತು ವರದಿ ಅವೈಜ್ಞಾನಿಕ ದಾಖಲಿಸುವ ಅಂಶದೊAದಿಗೆ ಆಕ್ಷೇಪ ಸಲ್ಲಿಸಬೇಕು’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಆಗ್ರಹಿಸಿದರು. ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿಯಾದ ಅಮಿತ್ ಚೌಹಾಣ, ನಗರಸಭೆ ಆಯುಕ್ತರಾದ ಪ್ರಕಾಶ ಅವರು ಹೋರಾಟಗಾರರು ಸಲ್ಲಿಸಿದ ಆಕ್ಷೇಪ ಪತ್ರ ಸ್ವೀಕರಿಸಿದರು. ಈ ಸಂದರ್ಭದಲ್ಲಿ ಸಿ ಪಿ ಐ ಸಂಪತ್ ಕುಮಾರ್ ಉಪಸ್ಥಿತರಿದ್ದರು. ಮಹಾಭಲೇಶ್ವರ ನಾಯ್ಕ ಬೇಡ್ಕಣಿ, ಶೋಭಾ ನಾಯ್ಕ, ಎಸ್ ಎನ್ ಹೆಗಡೆ , ರಾಘು ಗುಡ್ನಾಪುರ, ಶ್ರೀಧರ ಹೆಗಡೆ, ನಾಗಪತಿ ಗೌಡ ಹುಕ್ಕಳ್ಳಿ ಕಿರಣ ಮರಾಠಿ ದೇವನಳ್ಳಿ, ಇಬ್ರಾಹೀಂ ಗೌಡಳ್ಳೀ, ಶಿವಾನಂದ ಜೋಗಿ, ಕೆ ಟಿ ನಾಯ್ಕ, ರಾಜು ನರೇಬೈಲ್, ಅಣ್ಣಪ್ಪ ನಾಯ್ಕ ಕಣ್ಣಿಗೇರಿ, ಆರ್ ಟಿ ನಾಯ್ಕ ವಾಜಗೋಡ, ಸ್ವಾತಿ ಜೈನ್, ಮಲ್ಲೇಶಿ, ಸತೀಶ್ ನಾಯ್ಕ ತ್ಯಾಗಲಿ, ಲಕ್ಷಣ ನಾಯ್ಕ, ಕಲ್ಪನಾ ನರೇಬೈಲ್, ಯಶೋಧಾ ನೌಟೂರು ಮುಂತಾದವರು ಹೋರಾಟದಲ್ಲಿ ಕಾಣಿಸಿಕೊಂಡರು.
- [ಸ್ಯಾಂಡಲ್ವುಡ್ ಗೆ ಹೊಸ ವಿಲನ್!](https://mobiletime.in/2026/09/a-new-villain-for-sandalwood/): ಕಿರಣ್ ರಾಜ್ ನಾಯಕನಾಗಿ ನಟಿಸಿರುವ ‘ಜಾಕಿ 42’  ಚಿತ್ರದಲ್ಲಿ ಮುಖ್ಯ ವಿಲನ್ ಪಾತ್ರದಲ್ಲಿ ಅರುಣ್ ಆಚಾರ್ ಗಮನ ಸೆಳೆದಿದ್ದಾರೆ. ಕಲಾವಿದರ ಕುಟುಂಬದಲ್ಲಿ ಜನಿಸಿದ ಅರುಣ್ ಮೈಸೂರಿನವರು.  ಅವರ ತಾತ  ಚಿನ್ನ ಆಚಾರ್   ಕರ್ನಾಟಕ ಸಂಗೀತದಲ್ಲಿ ವಿದ್ವಾನ  ಹಾಗೂ ನಾಟಕಗಳಲ್ಲಿ ಸಂಗೀತಗಾರರಾಗಿದ್ದರು. ತಾತನಂತೆ ಕಲಾ ಆಸಕ್ತಿ ಬೆಳೆಸಿಕೊಂಡ ಅರುಣ್ ಅಚಾರ್ ನಟನಾಗಿ ಜಾಕಿ 42 ಮೂಲಕ ಬರ್ಜರಿ ಎಂಟ್ರಿ ಕೊಟ್ಟಿದ್ದಾರೆ. ಗುರುತೇಜ್ ಶೆಟ್ಟಿ ನಿರ್ದೇಶನದ  ಗೋಲ್ಡನ್ ಗೇಟ್ ಬ್ಯಾನರ್ ನಡಿಯಲ್ಲಿ ಭಾರತಿ ಸತ್ಯನಾರಾಯಣ ನಿರ್ಮಾಣದ ‘ಜಾಕಿ 42’ ಚಿತ್ರದಲ್ಲಿ ಮುಖ್ಯ ಪಾತ್ರ ಒಂದರಲ್ಲಿ ಅರುಣ್ ಆಚಾರ್ ಅಭಿನಯಿಸಿದ್ದಾರೆ. ಹಾರ್ಸ್ ರೇಸ್ ಹಿನ್ನೆಲಿಯಲ್ಲಿ ನಡೆಯುವ ಕಥೆಯಲ್ಲಿ “ಗಡ್ಡ ನಾಗ ” ಎನ್ನುವ ಪಾತ್ರ ದಲ್ಲಿ ಕಾಣಿಸಿಕೊಂಡಿದ್ದಾರೆ. ‘ಅರುಣ್  “Ronny”ಚಿತ್ರದಲ್ಲಿ  ಚಿಕ್ಕ ಪಾತ್ರದಲ್ಲಿ ಅಭಿನಯಿಸಿದ್ದರು. ಅದರಲ್ಲಿ ಅವರ ಲುಕ್ ಸ್ಕ್ರೀನ್ ಪ್ರೆಸೆನ್ಸ್ ನೋಡಿ ಈ ಪಾತ್ರಕ್ಕೆ ಆಯ್ಕೆ ಮಾಡಿಕೊಂಡೆ’ ಎನ್ನುತ್ತಾರೆ ನಿರ್ದೇಶಕ ಗುರುತೇಜ್ ಶೆಟ್ಟಿ. ‘ಮುಂದಿನ ದಿನಗಳಲ್ಲೂ ಅಭಿನಯಕ್ಕೆ ಮಹತ್ವ ಇರುವ ಗಟ್ಟಿ ಪಾತ್ರಗಳನ್ನು   ಮಾತ್ರ ಆಯ್ಕೆ ಮಾಡಿಕೊಳ್ಳೊತ್ತೇನೆ’ ಎನ್ನುತ್ತಾರೆ ಅರುಣ್ ಆಚಾರ್. ಅರುಣ್ ಆಚಾರ್ ಅವರ ಲುಕ್ ಹಾಗೂ ಫಿಸಿಕ್ ನೋಡಿದರೆ ಮುಂದಿನ ದಿನಗಳಲ್ಲಿ ಉತ್ತಮ ಭವಿಷ್ಯ ಇದೆ ಎಂದು ಹೇಳಬಹುದು. ಸದ್ಯದಲ್ಲೇ ‘ಜಾಕಿ 42’   ಚಿತ್ರದ ಬಿಡುಗಡೆಯ ದಿನಾಂಕ ಘೋಷಣೆಯಾಗಲಿದೆ. ಚಿತ್ರಕ್ಕೆ  ಸೆನ್ಸಾರ್ ಮಂಡಳಿ U/A ಪ್ರಮಾಣ ಪತ್ರ ನೀಡಿದೆ. ಕಿರಣ್ ರಾಜ್ , ಹೃತಿಕ ಶ್ರೀನಿವಾಸ್ ,ಯುಕ್ತ ಶೆಟ್ಟಿ, ರಾಜೇಂದ್ರ ಕಾರಂತ್,ಬಾಲರಾಜ್ ವಾಡೆ, ಗಿರೀಶ್ ಹೆಗ್ಡೆ ,ದೀಪಕ್ ರೈ, ಶಾಂತಲ ಕಾಮತ್  ಚಿತ್ರದ ತಾರಾಬಳಗದಲ್ಲಿದ್ದಾರೆ. ರಾಘವೇಂದ್ರ ಬಿ ಕೋಲಾರ ಛಾಯಾಗ್ರಹಣ, ಉಮೇಶ್ ಆರ್ ಬಿ ಸಂಕಲನ , ವಿನೋದ್ ಯಜಮಾನ್ಯ ಸಂಗೀತ ನಿರ್ದೇಶನ, ಭೂಷಣ್ ಅವರ ನೃತ್ಯ ನಿರ್ದೇಶನ  ಚಿತ್ರಕ್ಕಿದೆ.
- [ಪ್ರಜಾ ಸೇವೆ ಮಾಡಿದ ಶಿವರಾಮ ಹೆಬ್ಬಾರ್](https://mobiletime.in/2026/09/shivaram-hebbar-who-served-the-people/): ಯಲ್ಲಾಪುರದ ಮಂಚಿಕೇರಿಯಲ್ಲಿ ಶಾಸಕ ಶಿವರಾಮ ಹೆಬ್ಬಾರ್ ಅವರು `ಪ್ರಜಾ ಸೇವೆ’ ಮಾಡಿದ್ದಾರೆ. ವಿದ್ಯುತ್, ರಸ್ತೆ, ಮನೆ, ಪಿಂಚಣಿ ಸಮಸ್ಯೆಗಳನ್ನು ಹೇಳಿಕೊಂಡು ಬಂದವರಿಗೆ ಅವರು ತುರ್ತು ಕ್ರಮ ಜರುಗಿಸುವ ಭರವಸೆ ನೀಡಿದ್ದಾರೆ. ಜನರ ಸಮಸ್ಯೆಗಳನ್ನು ತ್ವರಿತವಾಗಿ ಸ್ಪಂದಿಸುವುದಕ್ಕಾಗಿ ರಾಜ್ಯ ಸರ್ಕಾರ ಪ್ರಜಾ ಸೇವೆ ಎಂಬ ಅಭಿಯಾನ ಶುರು ಮಾಡಿದೆ. ಯಲ್ಲಾಪುರ ತಾಲೂಕು ಆಡಳಿತವೂ ಮಂಚಿಕೇರಿಯ ರಾಜರಾಜೇಶ್ವರಿ ಸಭಾಂಗಣದಲ್ಲಿ ಶನಿವಾರ ಪ್ರಜಾ ಸೇವೆ ಕಾರ್ಯಕ್ರಮ ಆಯೋಜಿಸಿದೆ. ಬೆಳಗ್ಗೆ ಕಾರ್ಯಕ್ರಮ ಉದ್ಘಾಟಿಸಿದ ಶಾಸಕ ಶಿವರಾಮ ಹೆಬ್ಬಾರ್ ಅವರು ಮಧ್ಯಾಹ್ನ 2.30ರವರೆಗೆ ಜನರ ಅಹವಾಲು ಆಲಿಸಿದ್ದಾರೆ. ಬಹುತೇಕ ಜನ ರಸ್ತೆ ಸಮಸ್ಯೆ ಬಗ್ಗೆ ಅಳಲು ತೋಡಿಕೊಂಡಿದ್ದು, ಅನುದಾನದ ಆಧಾರದಲ್ಲಿ ಆ ಕೆಲಸ ಮಾಡಿಕೊಡುವುದಾಗಿ ಶಾಸಕರು ಭರವಸೆ ನೀಡಿದ್ದಾರೆ. ಅದರೊಂದಿಗೆ ವಿದ್ಯುತ್ ಸಮಸ್ಯೆ, ಪಿಂಚಣಿಗೆ ತೊಂದರೆ, ವಿಧವಾ ವೇತನ, ಕುಡಿಯುವ ನೀರಿನ ತೊಂದರೆ ಅನುಭವಿಸುತ್ತಿದ್ದವರಿಗೆ ಸ್ಥಳದಲ್ಲಿಯೇ ಪರಿಹಾರ ದೊರಕಿಸಿಕೊಡುವ ನಿಟ್ಟಿನಲ್ಲಿ ಕ್ರಮ ಜರುಗಿಸಿದ್ದಾರೆ. ಸಂಬAಧಿಸಿದ ಅಧಿಕಾರಿಗಳನ್ನು ಕರೆಯಿಸಿ ಸಭೆ ನಡೆಸಿದ ಶಿವರಾಮ ಹೆಬ್ಬಾರ್ ಆ ಸಮಸ್ಯೆ ದೂರ ಮಾಡುವ ನಿಟ್ಟಿನಲ್ಲಿ ಮಾತನಾಡಿದ್ದಾರೆ. ಅರಣ್ಯ ಅತಿಕ್ರಮಣದಾರರು ಸಹ ತಮ್ಮ ಸಮಸ್ಯೆ ಹೇಳಿಕೊಂಡಿದ್ದು `ಜಿಪಿಎಸ್ ಆದವರ ತಂಟೆಗೆ ಹೋಗಬೇಡಿ’ ಎಂದು ಅರಣ್ಯಾಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಕಾಲು ಸಂಕ ನಿರ್ಮಾಣ, ರಸ್ತೆ ದುರಸ್ಥಿ, ಮನೆ ಇಲ್ಲದಿರುವಿಕೆ ಸೇರಿ ಕೆಲ ವಿಷಯಗಳ ಬಗ್ಗೆ ಜನ ಈ ಸಭೆಯಲ್ಲಿ ವಿಷಯ ಮಂಡಿಸಿದ್ದಾರೆ. ಈ ಎಲ್ಲಾ ವಿಷಯಗಳ ಕುರಿತು ಪ್ರಸ್ತಾವನೆ ಸಲ್ಲಿಸುವಂತೆ ಶಿವರಾಮ ಹೆಬ್ಬಾರ್ ಅವರು ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ರಸ್ತೆ ಸುಧಾರಣೆ, ಮನೆ ಮಂಜೂರಾತಿ, ವಿದ್ಯುತ್ ಲೈನ್ ಬದಲಾವಣೆ, ಬಸ್ ನಿಲ್ದಾಣ ನಿರ್ಮಾಣ, ಗೃಹಲಕ್ಷ್ಮಿ ಹಣ ಬಾರದಿರುವ ಬಗ್ಗೆ ಚರ್ಚಿಸಿದ್ದಾರೆ. `ಅಧಿಕಾರಿಗಳು ಮತ್ತು ಜನಸಾಮಾನ್ಯರ ಅಂತರವನ್ನು ಕಡಿಮೆ ಮಾಡಿ ಸಾವ9ಜನಿಕರಿಗೆ ತಮ್ಮ ಸಮಸ್ಯೆಯನ್ನು ನೇರವಾಗಿ ಹೇಳಿಕೊಳ್ಳಲು ಅವಕಾಶ ಕಲ್ಪಿಸುವ ದೃಷ್ಟಿಯಿಂದ ಪ್ರಜಾಸೇವೆ ಅಭಿಯಾನ ನಡೆಯುತ್ತಿದೆ’ ಎಂದು ಅವರು ಭಾಷಣ ಮಾಡಿದ್ದಾರೆ. ಜೊತೆಗೆ `ಅಧಿಕಾರಿಗಳು ತಮ್ಮ ಕಾಯ9ಶೈಲಿ ಬದಲಿಸಿಕೊಳ್ಳಬೇಕು. ಅಧಿಕಾರಶಾಹಿ ಆಡಳಿತಕ್ಕೆ ಬದಲಾಗಿ ಜನಸ್ನೇಹಿ, ಜನಪರ ಆಡಳಿತ ನೀಡಬೇಕು’ ಎಂದು ಶಿವರಾಮ ಹೆಬ್ಬಾರ್ ಅವರು ನಿರ್ದೇಶನ ನೀಡಿದ್ದಾರೆ. ತಹಶೀಲ್ದಾರ ಎಂ ಆರ್ ಕುಲಕರ್ಣಿ, ತಾಲೂಕು ಪಂಚಾಯಿತಿ ಇಒ ರಾಜೇಶ ಧನವಾಡಕರ, ಪಂಚ ಗ್ಯಾರಂಟಿ ಅನುಷ್ಠಾನ ಸಮಿತಿ ಅಧ್ಯಕ್ಷ ಉಲ್ಲಾಸ ಶಾನಭಾಗ, ಪಿಐ ಸುರೇಶ ಕುಂಬಾರ, ಎಸಿಎಪ್ ಸಂಗಮೇಶ ಅವರು ಸ್ಥಳದಲ್ಲಿದ್ದು ಜನರ ಸಮಸ್ಯೆ ಆಲಿಸಿದ್ದಾರೆ.  
- [ಸ್ಥಳದಲ್ಲಿಯೇ ಸಿಕ್ಕಿಬಿದ್ದ ಮಾರುತಿ- ಕಾಡಿನಲ್ಲಿ ಓಡಿದ ವಿನಾಯಕ!](https://mobiletime.in/2026/09/maruti-caught-on-the-spot-vinayaka-fled-into-the-forest/): ಶಿರಸಿ ಕೊಪ್ಪದ ಮಾರುತಿ ಓಲೆಕಾರ್ ಹಾಗೂ ಮುರಕಿಕೊಡ್ಲುವಿನ ವಿನಾಯಕ ಮರಾಠೆ ಸೇರಿ ಶ್ರೀಗಂಧದ ಮರ ಕಡಿದಿದ್ದಾರೆ. ಬೊಮ್ಮನಳ್ಳಿ ಬಳಿಯ ಕಾಡಿಗೆ ಹೋಗಿದ್ದ ಅವರಿಬ್ಬರನ್ನು ಅರಣ್ಯಾಧಿಕಾರಿಗಳು ಬೆನ್ನಟ್ಟಿದ್ದು, ಮಾರುತಿ ಓಲೆಕಾರ್ ಅವರು ಶರಣಾಗಿದ್ದಾರೆ. ವಿನಾಯಕ ಮರಾಠೆ ಅವರು ಅದೇ ಕಾಡಿನಲ್ಲಿ ಓಡಿ ತಪ್ಪಿಸಿಕೊಂಡಿದ್ದಾರೆ. ಶಿರಸಿ ತಾಲೂಕಿನ ಬೊಮ್ಮನಳ್ಳಿ ಗ್ರಾಮದ ಅರಣ್ಯ ಸರ್ವೆ ನಂ 325ರಲ್ಲಿ ಶ್ರೀಗಂಧದ ಮರವಿರುವುದನ್ನು ಶಿರಸಿ ಕೊಪ್ಪ ಬಳಿಯ ಅಡಗದ್ದೆಯ ಮಾರುತಿ ಫಕ್ಕೀರಪ್ಪ ಓಲೆಕಾರ್ ಹಾಗೂ ಮುರಕಿಕೊಡ್ಲುವಿನ ವಿನಾಯಕ ಮರಾಠೆ ಅವರು ನೋಡಿದ್ದರು. ಆ ಮರ ಕಡಿದು ಮಾರಾಟ ಮಾಡುವ ಮೂಲಕ ಹಣಗಳಿಸಲು ಚಿಂತಿಸಿದ್ದರು. ಅದರಂತೆ, ತಮ್ಮ ಯೋಜನೆಯನ್ನು ಅವರು ಅನುಷ್ಠಾನ ಮಾಡಲು ನಿರ್ಧರಿಸಿದ್ದರು. ಆದರೆ, ಮರ ಕಡಿಯುವ ಸದ್ದು ಕೇಳಿ ಅರಣ್ಯಾಧಿಕಾರಿಗಳು ಅಲ್ಲಿ ದಾಳಿ ಮಾಡಿದರು. ದೂರದಿದಲೇ ಅಧಿಕಾರಿಗಳನ್ನು ನೋಡಿದ ವಿನಾಯಕ ಮರಾಠೆ ಅವರು ಆ ಕಾಡಿನಲ್ಲಿಯೇ ಓಡಿ ತಪ್ಪಿಸಿಕೊಂಡರು. ಮಾರುತಿ ಓಲೆಕಾರ್ ಅವರಿಗೆ ಓಡಲು ಸಾಧ್ಯವಾಗದೇ ಸಿಕ್ಕಿಬಿದ್ದರು. ಮಾರುತಿ ಓಲೆಕಾರ್ ಅವರ ಬಳಿಯಿದ್ದ 20 ಕೆಜಿ ಗಂಧದ ನಾಟಾವನ್ನು ಅರಣ್ಯಾಧಿಕಾರಿಗಳು ಜಪ್ತು ಮಾಡಿದರು. ಸಿಕ್ಕಿಬಿದ್ದ ಆರೋಪಿಯನ್ನು ಕೋರ್ಟಿಗೆ ಒಪ್ಪಿಸಿದರು.
- [ಹೊಟ್ಟೆಕಿಚ್ಚಿನ ಕಿಡಿಗೆ ಇಡೀ ಮನೆ ಧ್ವಂಸ!](https://mobiletime.in/2026/09/a-spark-of-jealousy-destroyed-the-entire-household/): ಶಿರಸಿಯ ಮಂಗಲಾ ನಾಯ್ಕ ಅವರು 50 ವರ್ಷ ಹಳೆ ಮನೆಗೆ 5 ಲಕ್ಷ ರೂ ಖರ್ಚು ಮಾಡಿ ಆರು ತಿಂಗಳ ಹಿಂದೆ ನವೀಕರಣ ಮಾಡಿಕೊಂಡಿದ್ದು, ಹೊಟ್ಟೆಕಿಚ್ಚಿನ ಕಿಡಿಗೆ ಆ ಇಡೀ ಮನೆ ಧ್ವಂಸವಾಗಿದೆ. ಮಂಗಲಾ ನಾಯ್ಕ ಅವರ ಪತಿ ಪ್ರಭಾಕರ ನಾಯ್ಕ ಅವರ ಸಹೋದರರಾದ ಜನಾರ್ಧನ ನಾಯ್ಕ ಹಾಗೂ ಉದಯ ನಾಯ್ಕ ಸೇರಿ ಜೆಸಿಬಿ ಬಳಸಿ ಮನೆಯನ್ನು ಕೆಡವಿದ್ದಾರೆ. ಶಿರಸಿ ಕುಮಟಾ ರಸ್ತೆ ಮಾರ್ಗದ ವಿದ್ಯಾಧಿರಾಜ ಕಲಾಕ್ಷೇತ್ರದ ಸಮೀಪ ಮಂಗಲಾ ನಾಯ್ಕ ಹಾಗೂ ಅವರ ಪತಿ ಪ್ರಭಾಕರ ನಾಯ್ಕ ಅವರು ವಾಸವಾಗಿದ್ದರು. ಪತಿ ಮರಣದ ನಂತರ ಮಂಗಲಾ ನಾಯ್ಕ ಅವರಿಗೆ ಅವರ ಮಗ ಅಮೋಘ ನಾಯ್ಕ ಅವರೇ ಆಸರೆಯಾಗಿದ್ದರು. ಅನಾಧಿಕಾಲದಿಂದಲೂ ಬಂದ ಮನೆಯ ತೆರಿಗೆಯನ್ನು ಪ್ರಭಾಕರ ನಾಯ್ಕ ಅವರೇ ಪಾವತಿಸುತ್ತಿದ್ದು, ಹಳೆಯ ಮನೆಯಲ್ಲಿಯೇ ಅಮ್ಮ-ಮಗ ಜೀವಿಸುತ್ತಿದ್ದರು. ಆರು ತಿಂಗಳ ಹಿಂದೆ 5 ಲಕ್ಷ ರೂ ಖರ್ಚು ಮಾಡಿ ಅವರಿಬ್ಬರು ಮನೆಯ ನವೀಕರಣ ಕಾರ್ಯವನ್ನು ಮಾಡಿದ್ದರು. ಪ್ರಭಾಕರ ನಾಯ್ಕ ಹಾಗೂ ಅವರ ಸಹೋದರರಾದ ಜನಾರ್ಧನ ನಾಯ್ಕ ಮತ್ತು ಉದಯ ನಾಯ್ಕ ಅವರ ನಡುವೆ ವೈಮನಸ್ಸಿದ್ದು, ಅದೇ ವೈಮನಸ್ಸಿನ ಕಾರಣದಿಂದ ಮಂಗಲಾ ನಾಯ್ಕ ಅವರು ವಾಸವಾಗಿದ್ದ ಮನೆಯನ್ನು ಅವರಿಬ್ಬರು ಕೆಡವಿದ್ದಾರೆ. ಮನೆ ನವೀಕರಣಕ್ಕೆ ತಂದಿದ್ದ ಸಿಮೆಂಟ್ ಶೀಟ್, ನೀರಿನ ಟಾಕಿ ಸೇರಿ ಅನೇಕ ವಸ್ತುಗಳನ್ನು ಅವರಿಬ್ಬರು ಸೇರಿ ಧ್ವಂಸ ಮಾಡಿದ್ದಾರೆ. ಪ್ರಭಾಕರ ನಾಯ್ಕ ಅವರ ನಿಧನದ ನಂತರ ಮಂಗಲಾ ನಾಯ್ಕ ಅವರು ಮಕ್ಕಳ ಕಲಿಕೆಗಾಗಿ ಹುಬ್ಬಳ್ಳಿಗೆ ಹೋಗಿದ್ದು, ಆಗಾಗ ಶಿರಸಿಗೆ ಬರುತ್ತಿದ್ದರು. ಹಳೆಯ ಮನೆಯಲ್ಲಿ ತಮಗೂ ಪಾಲು ಬೇಕು ಎಂದು ಕಾಡಿಸುತ್ತಿದ್ದ ಪ್ರಭಾಕರ ನಾಯ್ಕ ಅವರ ಸಹೋದರರು ಪಾಲು ಸಿಗದ ಸಿಟ್ಟಿನಲ್ಲಿ ಮನೆ ನಾಶ ಮಾಡಿದ್ದಾರೆ. ಮಂಗಲಾ ನಾಯ್ಕ ಅವರು ಹುಬ್ಬಳ್ಳಿಗೆ ಹೋದ ವಿಷಯ ಅರಿತು ಏಕಾಏಕಿ ಮನೆ ಮುರಿದಿದ್ದಾರೆ. `ಈ ಮನೆಯ ಕರ ಪಾವತಿ, ವಿದ್ಯುತ್ ಬಿಲ್ ನಾನು ಮಾಡಿದ್ದೇನೆ. ಮನೆಯೂ ತಮ್ಮ ಪತಿ ಪ್ರಭಾಕರ ನಾಯ್ಕ ಅವರ ಹೆಸರಿನಲ್ಲಿದೆ. ಪಾಲು ಸಿಗಲಿಲ್ಲ ಎಂಬ ಕಾರಣಕ್ಕೆ ಮನೆ ನಾಶ ಮಾಡಿ, ನಮಗೆ ಅನ್ಯಾಯ ಮಾಡಲಾಗಿದೆ’ ಎಂದು ಮಂಗಲಾ ನಾಯ್ಕ ಅವರು ಅಳಲು ತೋಡಿಕೊಂಡಿದ್ದಾರೆ.
- [ಬಿಜೆಪಿಗರಿಗೆ ಇಲ್ಲ ಬಿಪಿ-ಶುಗರ್!](https://mobiletime.in/2026/09/bjp-members-dont-have-bp-or-diabetes/): `ನಿರಂತರ ಪಾದಯಾತ್ರೆ ಮಾಡಿದ ಬಿಜೆಪಿಗರ ಬಿಪಿ-ಶುಗರ್ ನಿಯಂತ್ರಣಕ್ಕೆ ಬಂದಿದೆ. ಅದರಿಂದ ಬಿಜೆಪಿಗರ ಆರೋಗ್ಯ ತಪಾಸಣೆ ಮಾಡುವ ವೈದ್ಯರಿಗೆ ನಷ್ಟವಾಗಿದೆ’ ಎಂದು ಉತ್ತರ ಕನ್ನಡ ಉಸ್ತುವಾರಿ ಸಚಿವ ಲಕ್ಷ್ಮಣ ಸವದಿ ಅವರು ಹೇಳಿದ್ದಾರೆ. ಕಾಂಗ್ರೆಸ್ ಸರ್ಕಾರದ ವಿರುದ್ಧ ಬಿಜೆಪಿಗರು ನಡೆಸುತ್ತಿರುವ `ಬಳ್ಳಾರಿ ಚಲೋ’ ಪಾದಯಾತ್ರೆಯನ್ನು ಲಕ್ಷ್ಮಣ ಸವದಿ ಅವರು ಟೀಕಿಸಿದ್ದಾರೆ. ಅಂಕೋಲಾಗೆ ಆಗಮಿಸಿದ ಲಕ್ಷ್ಮಣ ಸವದಿ ಅವರು ಮಾಧ್ಯಮದವರ ಜೊತೆ ಮಾತನಾಡಿದ್ದು, `ಬಿಜೆಪಿಗರ ಪಾದಯಾತ್ರೆಯಿಂದ ಕಾಂಗ್ರೆಸ್ ಆಡಳಿತಕ್ಕೆ ಕೊಂಚವೂ ಆತಂಕವಿಲ್ಲ. ಪಾದಯಾತ್ರೆ ಮೂಲಕ ಬಿಜೆಪಿಗರು ಬಿಪಿ-ಶುಗರ್ ನಿಯಂತ್ರಿಸಿಕೊoಡಿದ್ದು, ಅವರ ವೈದ್ಯಕೀಯ ತಪಾಸಣೆ ನಡೆಸುವ ವೈದ್ಯರ ಆದಾಯಕ್ಕೆ ನಷ್ಟ ಆಗುತ್ತಿದೆ. ಈ ಪಾದಯಾತ್ರೆಯಿಂದ ಬಿಜೆಪಿಗರ ಆರೋಗ್ಯ ಸುಧಾರಣೆ ಆಗುವುದು ಮಾತ್ರ ದೊಡ್ಡ ಲಾಭ’ ಎಂದವರು ಪ್ರತಿಕ್ರಿಯಿಸಿದ್ದಾರೆ. `ಬಿಜೆಪಿ ಪಾದಯಾತ್ರೆಯಿಂದ ಆಡಳಿತ ಪಕ್ಷಕ್ಕೆ ಯಾವುದೇ ಆತಂಕವಿಲ್ಲ’ ಎಂದು ಅವರು ಹೇಳಿದ್ದಾರೆ. ರಾಜ್ಯ ಸರ್ಕಾರದ ಆಡಳಿತ ವೈಪಲ್ಯ ಹಾಗೂ ಭ್ರಷ್ಟಾಚಾರದ ವಿರುದ್ಧ ಬಿಜೆಪಿಗರು ಪಾದಯಾತ್ರೆ ನಡೆಸಿದ್ದು, `ಅದರಿಂದ ಕಾಂಗ್ರೆಸ್ ಆಡಳಿತಕ್ಕೆ ಯಾವ ಸಮಸ್ಯೆಯೂ ಇಲ್ಲ’ ಎಂದು ಲಕ್ಷ್ಮಣ ಸವದಿ ಅವರು ಹೇಳಿದ್ದಾರೆ. ನಿಗಮ ಮಂಡಳಿ ಸ್ಥಾನ ಹಂಚಿಕೆ ಕುರಿತು ಮಾತನಾಡಿದ ಅವರು `ಮುಖ್ಯಮಂತ್ರಿಗಳೇ ತಮ್ಮ ಸ್ಥಾನ ಬಿಟ್ಟು ಬೇರೆಯವರಿಗೆ ಕೊಟ್ಟಿದ್ದಾರೆ. ಹೀಗಿರುವಾಗ ನಿಗಮ ಮಂಡಳಿಯ ಅಧ್ಯಕ್ಷರು ಸಹ ಅದನ್ನು ಬಿಡಬೇಕು. ಆ ಬಗ್ಗೆ ಮೊದಲೇ ಮಾತುಕಥೆ ನಡೆದಿದ್ದು, ಶೀಘ್ರದಲ್ಲಿಯೇ ನಿಗಮ ಮಂಡಳಿಗಳಿಗೂ ನೇಮಕ ನಡೆಯಲಿದೆ’ ಎಂದರು.
- [ಎರಡುವರೆ ವರ್ಷದಲ್ಲಿ 26 ಕೋಟಿ ಲೂಟಿ!](https://mobiletime.in/2026/09/26-crore-looted-in-two-and-a-half-years/): ಎರಡುವರೆ ವರ್ಷದ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಜನ ಸೈಬರ್ ವಂಚನೆಯಿoದ 26 ಕೋಟಿ ರೂ ಕಳೆದುಕೊಂಡಿದ್ದಾರೆ. ಆ ಪೈಕಿ ಈವರೆಗೆ 1.85 ಕೋಟಿ ರೂ ಹಣವನ್ನು ಮಾತ್ರ ಪೊಲೀಸರು ವಂಚಕರ ಖಾತೆಯಿಂದ ಜಪ್ತು ಮಾಡಿದ್ದಾರೆ. ಪೊಲೀಸ್ ಇಲಾಖೆಯು ಸೈಬರ್ ವಂಚನೆ ಕುರಿತು ನಿರಂತರವಾಗಿ ಜಾಗೃತಿ ಮೂಡಿಸುತ್ತಿದೆ. ಅದಾಗಿಯೂ, ಜನ ಮೋಸ ಹೋಗುವುದು ಮಾತ್ರ ತಪ್ಪಿಲ್ಲ. ಎರಡುವರೆ ವರ್ಷದಲ್ಲಿ 237 ಜನ ಸೈಬರ್ ಪೊಲೀಸ್ ಠಾಣೆಗೆ ಹಾಜರಾಗಿ ತಾವು ಮೋಸ ಹೋಗಿರುವ ವಿಧಾನ ವಿವರಿಸಿದ್ದಾರೆ. ಅದರಲ್ಲಿ ಬಹುತೇಕರು ಕಡಿಮೆ ಅವಧಿಯಲ್ಲಿ ಹೆಚ್ಚಿನ ಹಣ ಮಾಡುವ ಆಸೆಗೆ ಬಿದ್ದು, ಇದ್ದ ಹಣವನ್ನು ಕಳೆದುಕೊಂಡವರಾಗಿದ್ದಾರೆ. ಉದ್ಯೋಗದ ಆಮೀಷ, ಷೇರು ಮಾರುಕಟ್ಟೆಯಲ್ಲಿನ ಹೂಡಿಕೆ, ನಕಲಿ ಯೋಜನೆ ಹಾಗೂ ಪೊಲೀಸರ ಹೆಸರಿನಲ್ಲಿ ಫೋನ್ ಮಾಡಿ ವಂಚಕರು ಹಣ ಲಪಟಾಯಿಸುತ್ತಿದ್ದಾರೆ. ಕೈವೈಸಿ ನವೀಕರಣ, ಬ್ಯಾಂಕ್ ಅಧಿಕಾರಿಗಳೆಂದು ನಂಬಿಸುವಿಕೆ, ಓಟಿಪಿ ಪಡೆಯುವ ಮೂಲಕವೂ ಅನೇಕರ ಹಣ ಎಗರಿಸಿದ್ದಾರೆ. ಸಾರ್ವಜನಿಕರು ಸೈಬರ್ ವಂಚನೆಗೊಳಗಾದ ಬಳಿಕ ತಕ್ಷಣ ದೂರು ದಾಖಲಿಸಿದರೆ ಹಣವನ್ನು ತಡೆಹಿಡಿಯುವ ಅಥವಾ ಮರಳಿ ಪಡೆಯುವ ಸಾಧ್ಯತೆ ಹೆಚ್ಚಿರುತ್ತದೆ. ಆದರೆ ಬಹುತೇಕ ಮಂದಿ ವಂಚನೆ ನಡೆದ ಕೆಲ ದಿನಗಳ ಬಳಿಕ ಪೊಲೀಸರನ್ನು ಸಂಪರ್ಕಿಸುವುದರಿAದ ಹಣದ ಪತ್ತೆ ಮತ್ತು ವಾಪಸ್ ಪಡೆಯುವುದು ದೊಡ್ಡ ಸವಾಲಾಗಿದೆ. ಸಾಕಷ್ಟು ಜನ ಮುಜುಗರದಿಂದಲೂ ದೂರು ನೀಡಲು ವಿಳಂಬ ಮಾಡುತ್ತಿರುವುದರಿಂದ ವಂಚನೆ ಜಾಲ ವಿಸ್ತರವಾಗಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹೆಚ್ಚು ಓದಿದವರೇ ಈ ವಂಚನೆಗೆ ಒಳಗಾಗಿದ್ದಾರೆ. ಅದರಲ್ಲಿಯೂ ನಿವೃತ್ತಿ ಹೊಂದಿದವರ ಬ್ಯಾಂಕ್ ಖಾತೆ ಗುರಿಯಾಗಿರಿಸಿ ವಂಚಕರು ಹಣ ಹೊಡೆದಿದ್ದಾರೆ.
- [ಬಡವರ ಮನೆಯಲ್ಲಿ ಶ್ರೀಮಂತರ ವಾಸ: ಪ್ರತಿಭಟನೆಯ ಎಚ್ಚರಿಕೆ!](https://mobiletime.in/2026/09/the-wealthy-living-in-the-homes-of-the-poor-a-warning-of-protest/): `ಯಲ್ಲಾಪುರದ ಹೆಬ್ಬಾರ್ ನಗರದಲ್ಲಿ ಬಡವರಿಗೆ ವಿತರಿಸುವ ಮನೆ ಶ್ರೀಮಂತರ ಪಾಲಾಗುತ್ತಿದೆ. ಇಲ್ಲಿ ವ್ಯಾಪಕ ಭ್ರಷ್ಟಾಚಾರ ನಡೆದಿದ್ದು, ಈ ಬಗ್ಗೆ ಜಿಲ್ಲಾಧಿಕಾರಿಗಳು ಮಧ್ಯಸ್ಥಿಕೆವಹಿಸಿ ತನಿಖೆ ನಡೆಸಬೇಕು’ ಎಂದು ಬಿಜೆಪಿಗರು ಆಗ್ರಹಿಸಿದ್ದಾರೆ. ಈ ಕುರಿತು ಬಿಜೆಪಿ ಮಂಡಳಾಧ್ಯಕ್ಷ ಪ್ರಸಾದ ಹೆಗಡೆ ಸುದ್ದಿಗೋಷ್ಠಿ ನಡೆಸಿದ್ದು `ಹೆಬ್ಬಾರ್ ನಗರದಲ್ಲಿ ನಿರ್ಮಿಸಿದ ಜಿ+2 ಮನೆಯ ಹಂಚಿಕೆಯಲ್ಲಿನ ಅಕ್ರಮ-ಅವ್ಯವಹಾರಗಳು ಶಿವರಾಮ ಹೆಬ್ಬಾರ್ ಅವರಿಗೆ ಆದ ಅವಮಾನ’ ಎಂದು ವಾದಿಸಿದ್ದಾರೆ. `ನಾಲ್ಕು ದಶಕಗಳ ಕಾಲ ಯಲ್ಲಾಪುರದಲ್ಲಿ ಶಿವರಾಮ ಹೆಬ್ಬಾರ್ ಅವರು ರಾಜಕಾರಣ ಮಾಡಿದ್ದಾರೆ. ಆದರೆ, ಪಟ್ಟಣ ಪಂಚಾಯತ ಅಧಿಕಾರಿಗಳು ಅವರ ಹೆಸರು ಹಾಳು ಮಾಡುತ್ತಿದ್ದಾರೆ. ಬಡವರಿಗಾಗಿ ನಿರ್ಮಿಸಿದ ಮನೆಗಳ ಪ್ರದೇಶಕ್ಕೆ ಹೆಬ್ಬಾರ್ ನಗರ ಎಂದು ಹೆಸರಿಟ್ಟು ಅಲ್ಲಿ ತಾರತಮ್ಯ ನೀತಿ ಅನುಸರಿಸಿರುವುದು ಹಾಗೂ ಅವ್ಯವಹಾರ ನಡೆಸಿರುವುದು ವಿಫಲ ಆಡಳಿತಕ್ಕೆ ಸಾಕ್ಷಿ’ ಎಂದು ಹೇಳಿದ್ದಾರೆ. `ಇಲ್ಲಿ ಮನೆ ಇಲ್ಲದವರಿಗೆ ಮನೆ ಸಿಕ್ಕಿಲ್ಲ. ದುಡ್ಡಿದ್ದ ಅನೇಕರಿಗೆ ಮನೆ ಸಿಕ್ಕಿದೆ. ಈ ಬಗ್ಗೆ 10 ದಿನಗಳ ಒಳಗೆ ಕಾರಣ ಹಾಗೂ ಸ್ಪಷ್ಠೀಕರಣ ಸಿಗದಿದ್ದರೆ ತಹಶೀಲ್ದಾರ್ ಕಚೇರಿ ಎದುರು ಉಪವಾಸ ಕೂರುತ್ತೇವೆ’ ಎಂದು ಪ್ರಸಾದ ಹೆಗಡೆ ಅವರು ಘೋಷಿಸಿದ್ದಾರೆ. `ಜಿಲ್ಲಾಧಿಕಾರಿ ಸ್ಥಳಕ್ಕೆ ಬರುವವರೆಗೆ ಪ್ರತಿಭಟನೆ ಹಿಂಪಡೆಯುವುದಿಲ್ಲ. ಬಡವರಿಗೆ ನ್ಯಾಯ ಕೊಡಿಸದೇ ಅಲ್ಲಿಂದ ಏಳುವುದಿಲ್ಲ’ ಎಂದು ಮಾತನಾಡಿದ್ದಾರೆ. ವಕೀಲ ಗಣೇಶ ಪಾಟಣಕರ್ ಅವರು ಮಾತನಾಡಿ `ಮನೆ ಹಂಚಿಕೆ ವಿಷಯದಲ್ಲಿ ನಿಯಮಾವಳಿಗಳ ಉಲ್ಲಂಘನೆ ನಡೆದಿದೆ. ವಿವಿಧ ಅಂಗಡಿಹೊoದಿದವರಿಗೆ, ಬೇರೆ ಕಡೆ ಭೂಮಿ ಹೊಂದಿದವರಿಗೆ ಮನೆ ಕೊಡಲಾಗಿದೆ. ಇನ್ನೂ ಕೆಲವರು ಎರಡು ಮನೆಪಡೆದು ನಡುವಿನ ಗೋಡೆ ಒಡೆಯುತ್ತಿದ್ದಾರೆ. ಅದರಿಂದ ಅರ್ಹ ಬಡವರಿಗೆ ಅನ್ಯಾಯವಾಗಿದ್ದು, ಈ ಬಗ್ಗೆ ಲೋಕಾಯುಕ್ತ ತನಿಖೆ ನಡೆಯಬೇಕು’ ಎಂದು ಆಗ್ರಹಿಸಿದರು. ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅವರು ಮಾತನಾಡಿ `ಶಾಸಕರ ಆಪ್ತ ವಲಯದವರಿಗೆ ಮಾತ್ರ ಇಲ್ಲಿ ಮನೆ ಸಿಕ್ಕಿದೆ. ಫಲಾನುಭವಿಗಳಿಂದ ನಿರಂತರ ವಸೂಲಿ ನಡೆಯುತ್ತಿದೆ. ಇಷ್ಟಾದರೂ ಕೊಳಚೆ ಮಂಡಳಿ ಈ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ’ ಎಂದು ದೂರಿದ್ದಾರೆ. ಮನೆಪಡೆದ ನಾಗರಾಜ ನಾಯ್ಕ ಅವರು ಮಾತನಾಡಿ, ರಾಜಸ್ಥಾನ-ಹಾವೇರಿಯವರಿಗೆ ಸಹ ಇಲಿ ಮನೆ ಕೊಡಲಾಗಿದೆ’ ಎಂಬ ಅಂಶ ಬಿಚ್ಚಿಟ್ಟಿದ್ದಾರೆ. ರವಿ ದೇವಾಡಿಗ ಸೇರಿ ಇನ್ನಿತರರು ಈ ಮಾತಿಗೆ ಧ್ವನಿಗೂಡಿಸಿದ್ದಾರೆ.
- [ಕಾರವಾರ ನೌಕಾನೆಲೆ: ಅಧಿಕಾರಿಗಳು ದಿಢೀರ್ ನಾಪತ್ತೆ!](https://mobiletime.in/2026/09/karwar-naval-base-officials-suddenly-go-missing/): ಕಾರವಾರ ನೌಕಾನೆಲೆ ಅಧಿಕಾರಿಗಳಿಬ್ಬರು ದಿಢೀರ್ ಆಗಿ ನಾಪತ್ತೆಯಾಗಿದ್ದಾರೆ. ಒಬ್ಬಾರದ ಮೇಲೆ ಒಬ್ಬರಂತೆ ಕಾಣೆಯಾಗುತ್ತಿರುವುದು ಅಲ್ಲಿನವರಲ್ಲಿಯೂ ಆತಂಕ ಮೂಡಿಸಿದೆ. ಅಗಸ್ಟ 27ರಂದು ನೌಕಾನೆಲೆಯಲ್ಲಿ ಸೇಲರ್ ಆಗಿ ಕೆಲಸ ಮಾಡಿಕೊಂಡಿದ್ದ ಕುರುಬಾ ದಿನೇಶ ಕುಮಾರ ಅವರು ಕಾಣೆಯಾಗಿದ್ದರು. ಆಂಧ್ರಪ್ರದೇಶದ ಅನಂತಪುರ ಬಳಿಯ ಕುಂಟಿಮಡ್ಡಿಯ ಅವರು ಮಧ್ಯಾಹ್ನ 2 ಗಂಟೆಯವರೆಗೂ ಅರ್ಗಾ ನೇವಲ್ ಬೇಸ್ ಒಳಗೆ ಇದ್ದು, ಅದಾದ ನಂತರ ಅವರು ಎಲ್ಲಿ ಹೋದರು? ಎಂಬುದೇ ಗೊತ್ತಾಗಿರಲಿಲ್ಲ. ಸಾಕಷ್ಟು ಶೋಧ ನಡೆಸಿದರೂ ಕುರುಬಾ ದಿನೇಶ ಕುಮಾರ ಅವರ ಸುಳಿವು ಸಿಕ್ಕಿರಲಿಲ್ಲ. ಈ ಹಿನ್ನಲೆ ಅವರ ಪತ್ತೆಗಾಗಿ ಪೊಲೀಸರು ಕಾರ್ಯಾಚರಣೆ ಶುರು ಮಾಡಿದ್ದು, ಈವರೆಗೂ ಅವರ ಬಗ್ಗೆ ಯಾವುದೇ ಮಾಹಿತಿ ಸಿಕ್ಕಿಲ್ಲ. ಇನ್ನೂ 28 ವರ್ಷದ ಕುರುಬಾ ದಿನೇಶ ಕುಮಾರ್ ಅವರು ಹೇಗೆ ನಾಪತ್ತೆ ಆದರು? ಅವರು ಈಗ ಎಲ್ಲಿದ್ದಾರೆ? ಏನು ಮಾಡುತ್ತಿದ್ದಾರೆ? ಎಂಬುದೆಲ್ಲವೂ ಪ್ರಶ್ನೆಯಾಗಿಯೇ ಉಳಿದಿದೆ. ಈ ನಡುವೆ ಅಗಸ್ಟ 26ರಂದು ಸಹ ನೇವಲ್ ಬೇಸಿನಲ್ಲಿದ್ದ ಮತ್ತೊಬ್ಬರು ಕಾಣೆಯಾದ ಬಗ್ಗೆ ಮಾಹಿತಿ ಬಂದಿದೆ. ಶಿರವಾಡ ನಾರಗೇರಿಯ ಮನೋಜ ರೀಪು ನಾಯ್ಕ ಅವರು ನೇವಲ್‌ಬೇಸ್ ಒಳಗೆ ಸಿವಿಲಿಯನ್ ಆಗಿದ್ದು, ಅವರು ಕಳೆದ ಒಂದು ವಾರದಿಂದ ಕಾಣಿಸುತ್ತಿಲ್ಲ. ಅಗಸ್ಟ 26ರ ಬೆಳಗ್ಗೆ 5 ಗಂಟೆಗೆ ಅಂಕೋಲಾದ ಬಾಳೆಗುಳಿಗೆ ಹೋಗಿ ಬರುವುದಾಗಿ ಹೇಳಿದ್ದ ಅವರು ಅಂಕೋಲಾದಲ್ಲಿಯೂ ಕಾಣಿಸಿಲ್ಲ. ಮರಳಿ ಮನೆಗೆ ಸಹ ಬಂದಿಲ್ಲ. ಸದ್ಯ ಪೊಲೀಸರು ಮನೋಜ ನಾಯ್ಕ ಅವರ ಹುಡುಕಾಟ ಶುರು ಮಾಡಿದ್ದಾರೆ. ಕಾಣೆಯಾದ ಇಬ್ಬರ ಫೋಟೋಗಳನ್ನು ಬಿಡುಗಡೆ ಮಾಡಿದ ಅಧಿಕಾರಿಗಳು ಅವರ ಪತ್ತೆಗೆ ಸಾರ್ವಜನಿಕರ ಸಹಾಯ ಯಾಚಿಸಿದ್ದಾರೆ. ಈ ಫೋಟೋದಲ್ಲಿರುವವರು ಕಾಣಿಸಿದರೆ ಇಲ್ಲಿ ಫೋನ್ ಮಾಡಿ: 9480805230 ಅಥವಾ 08382-222443  
- [ಕುಮಟಾದ ಕೊಲೆ: ಆರೋಪಿತರಿಗೆ ಜೀವಾವಧಿ ಜೈಲು ಶಿಕ್ಷೆ](https://mobiletime.in/2026/09/kumta-murder-life-imprisonment-for-accused/): ಪೂಜೆಗೆ ಬರುವಂತೆ ಕೋರಿ ಅರ್ಚಕರನ್ನು ಕರೆದು ಕೊಲೆ ಮಾಡಿದ ಮೂವರಿಗೆ ನ್ಯಾಯಾಲಯ ಜೈಲು ಶಿಕ್ಷೆ ನೀಡಿದೆ. ಕುಮಟಾದ ಕುಂಭೇಶ್ವರ ದೇವಾಲಯದ ಅರ್ಚಕರಾಗಿದ್ದ ವಿಶ್ವೇಶ್ವರ ಭಟ್ ಅವರನ್ನು ಕೊಂದು ತೋಟದಲ್ಲಿ ಹೂತು ಹಾಕಿದ್ದ ಮಂಜುನಾಥ ಹೆಗಡೆ, ಹರೀಶ ಹೆಗಡೆ ಹಾಗೂ ಧನಂಜಯ ನಾಯ್ಕ ಅವರಿಗೆ ಜೀವನಪೂರ್ತಿ ಜೈಲಿನಲ್ಲಿರುವಂತೆ ನ್ಯಾಯಾಲಯ ಆದೇಶಿಸಿದೆ. ಆರು ವರ್ಷಗಳ ಹಿಂದೆ ಕುಮಟಾ ಕುಂಭೇಶ್ವರದ ವಿಶ್ವೇಶ್ವರ ಭಟ್ಟ ಅವರ ಕೊಲೆ ನಡೆದಿತ್ತು. ಆಸ್ತಿ ವಿವಾದದ ಹಿನ್ನೆಲೆ ಅವರನ್ನು ಕೊಲೆ ಮಾಡಲಾಗಿತ್ತು. ಕುಮಟಾ ತಾಲೂಕಿನ ಮುರೂರಿನ ಕುಂಭೇಶ್ವರ ದೇವಾಲಯದ ಅರ್ಚಕರಾಗಿದ್ದ ವಿಶ್ವೇಶ್ವರ ಭಟ್ ಅವರನ್ನು ಕುಜಳ್ಳಿ ಮೆಣಸಿನಕೆರೆಯ ಮಂಜುನಾಥ ಈಶ್ವರ ಹೆಗಡೆ, ಶಿರಸಿ ಸೋಮನಹಳ್ಳಿಯ ಹರೀಶ ಸುಬ್ರಾಯ ಹೆಗಡೆ ಮತ್ತು ಸೊರಬ ಮೂಲದ ಧನಂಜಯ ಚಂದ್ರಶೇಖರ್ ನಾಯ್ಕ ಸೇರಿ ಕೊಲೆ ಮಾಡಿರುವುದು ಇದೀಗ ಸಾಭೀತಾಗಿದೆ. ಪ್ರಕರಣದ ಸುದೀರ್ಘ ವಿಚಾರಣೆ ನಡೆಸಿದ ಜಿಲ್ಲಾ ನ್ಯಾಯಾಧೀಶ ಪರಮೇಶ್ವರ ಪ್ರಸನ್ನ ಬಿ ಅವರು, ಕೃತ್ಯವೆಸಗಿದ ಮೂವರು ಅಪರಾಧಿಗಳಿಗೆ ಜೀವಾವಧಿ ಕಾರಾಗೃಹ ಶಿಕ್ಷೆ ವಿಧಿಸಿ ಆದೇಶಿಸಿದ್ದಾರೆ. 2018ರ ಅಕ್ಟೋಬರ್ 16ರಂದು ಭೂಮಿಯ ಪೂಜೆ ಮಾಡಿಕೊಡುವಂತೆ ಅರ್ಚಕರನ್ನು ಕರೆದೊಯ್ದಿದ್ದ ಆ ಮೂವರು ಕುಜಳ್ಳಿಯ ಮಂಜುನಾಥ ಹೆಗಡೆಗೆ ಸೇರಿದ ತೋಟದಲ್ಲಿ ಹೊಡೆದು ಕೊಲೆ ಮಾಡಿದ್ದರು. ಬಳಿಕ ಸಾಕ್ಷ್ಯನಾಶಕ್ಕಾಗಿ ಶವವನ್ನು ಅಲ್ಲಿಯೇ ಗುಂಡಿ ತೋಡಿ ಮುಚ್ಚಿ, ಭಟ್ಟರ ಬೈಕನ್ನು ಸಮೀಪದ ಬಾವಿಗೆ ಎಸೆದು ಪರಾರಿಯಾಗಿದ್ದರು. ಪತಿ ಕಾಣೆಯಾದ ಬಗ್ಗೆ ವಿಶ್ವೇಶ್ವರ ಭಟ್ ಅವರ ಪತ್ನಿ ಸರಸ್ವತಿ ಭಟ್ ನೀಡಿದ ದೂರಿನ ಮೇರೆಗೆ ತನಿಖೆಗಿಳಿದ ಕುಮಟಾದ ಆಗಿನ ಪಿಐ ಸಂತೋಷ್ ಶೆಟ್ಟಿ ಪಿಸೈ ಸಂಪತ್ ಅವರ ತಂಡ ತನಿಖೆ ನಡೆಸಿತ್ತು. ಶವ ಹೊರತೆಗೆದು ಆರೋಪಿತರನ್ನು ಬಂಧಿಸಿತ್ತು. ವಿಚಾರಣೆ ವೇಳೆ ಸರ್ಕಾರದ ಪರವಾಗಿ ಎಪಿಪಿ ತನುಜಾ ಹೊಸಪಟ್ಟಣ ಅವರು ಬಲವಾದ ಸಾಕ್ಷ್ಯಾಧಾರಗಳನ್ನು ಮಂಡಿಸಿದ್ದರು. ಪ್ರಾಸಿಕ್ಯೂಷನ್ ಒಟ್ಟು 62 ಸಾಕ್ಷಿಗಳನ್ನು, 177 ನಿರ್ಣಾಯಕ ದಾಖಲೆಗಳನ್ನು ಹಾಗೂ 15 ಮುದ್ದೆಮಾಲುಗಳನ್ನು ನ್ಯಾಯಪೀಠಕ್ಕೆ ಸಲ್ಲಿಸಿತ್ತು. ಸಿಸಿಟಿವಿ ದೃಶ್ಯಾವಳಿ, ಸಾಂದರ್ಭಿಕ ಸಾಕ್ಷ್ಯಗಳು ಹಾಗೂ ವಿಧಿವಿಜ್ಞಾನ ವರದಿಗಳ ಆಧಾರದ ಮೇಲೆ ಈ ಪ್ರಕರಣದಲ್ಲಿ ತಪ್ಪು ಮಾಡಿದವರಿಗೆ ಶಿಕ್ಷೆಯಾಗಿದೆ.
- [ಕೆಪಿಸಿ ಕಾಲೋನಿಗೆ ಚಿರತೆ ಕಾಟ!](https://mobiletime.in/2026/09/leopard-menace-in-kpc-colony/): ದಾಂಡೇಲಿಯ ಕೆಪಿಟಿಸಿಎಲ್ ಕಾಲೋನಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಚಿರತೆ ಓಡಾಡುತ್ತಿದೆ. ಅಂಬೇಡವಾಡಿ ಬಳಿ ಚಿರತೆ ಓಡಾಡಿದ ದೃಶ್ಯ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ದಾಂಡೇಲಿ ತಾಲೂಕಿನಲ್ಲಿ ಕಳೆದ ಕೆಲವು ದಿನಗಳಿಂದ ವಿವಿಧೆಡೆ ಚಿರತೆಗಳ ಓಡಾಟ ಜೋರಾಗಿದೆ. ಬುಧವಾರ ರಾತ್ರಿ ಸುಮಾರು 9:30ರ ವೇಳೆಗೆ ಅಂಬೇವಾಡಿಯ ಕೆಪಿಟಿಸಿಎಲ್ ಕಾಲೋನಿ ಸಮೀಪ ಚಿರತೆಯೊಂದು ಓಡಾಟ ನಡೆಸಿದೆ. ಇದನ್ನು ಸ್ಥಳೀಯರು ತಮ್ಮ ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದಾರೆ. ಈ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಮಾನವನ ಸಮೀಪದಲ್ಲಿಯೇ ಚಿರತೆ ಓಡಾಟ ನಡೆಸಿರುವುದು ಆತಂಕಕ್ಕೆ ಕಾರಣವಾಗಿದೆ. ದಾಂಡೇಲಿಯ ವಿವಿಧ ಪ್ರದೇಶದಲ್ಲಿ ಚಿರತೆ ಓಡಾಟ ನಡೆದಿದ್ದು, ನಾಯಿ ಭಕ್ಷಣೆಗಾಗಿ ಅವರು ನಗರಕ್ಕೆ ಬರುತ್ತಿವೆ. ಇದರಿಂದ ಜನ ಸಹ ಕಂಗಾಲಾಗಿದ್ದಾರೆ. ರಾತ್ರಿ ವೇಳೆ ಸಂಚರಿಸುವವರು ವನ್ಯಜೀವಿ ಕಾಟಕ್ಕೆ ಬೇಸತ್ತಿದ್ದು, ಅವುಗಳ ಸ್ಥಳಾಂತರಕ್ಕೆ ಮನವಿ ಮಾಡಿದ್ದಾರೆ.
- [ಸಾಧಕ ಶಿಕ್ಷಕರಿಗೆ ಸಂದ ಗೌರವ](https://mobiletime.in/2026/09/honor-bestowed-upon-accomplished-teachers/): ಶಿಕ್ಷಕರ ದಿನಾಚರಣೆಯ ಹಿನ್ನೆಲೆಯಲ್ಲಿ ನೀಡಲಾಗುವ 2026-27ನೇ ಸಾಲಿನ ಜಿಲ್ಲಾ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿಗೆ ಕಾರವಾರ ಶೈಕ್ಷಣಿಕ ಜಿಲ್ಲೆಯ ಪ್ರಶಸ್ತಿ ಪಟ್ಟಿ ಬಿಡುಗಡೆಯಾಗಿದೆ. ಐದು ತಾಲೂಕುಗಳಿಂದ ಒಟ್ಟು 15 ಶಿಕ್ಷಕರು ಆಯ್ಕೆಯಾಗಿದ್ದಾರೆ. ಮುಖ್ಯವಾಗಿ ಈ ಬಾರಿ ಕಾರವಾರದ ಅಸ್ನೋಟಿ ಶಿವಾಜಿ ವಿದ್ಯಾಮಂದಿರದ ಜನಮೆಚ್ಚಿದ ಶಿಕ್ಷಕ ಸಂತೋಷ ಕಾಂಬಳೆ ಅವರಿಗೆ ಪ್ರಶಸ್ತಿ ಘೋಷಣೆಯಾಗಿದೆ. ಅದರೊಂದಿಗೆ ಕಿರಿಯ ಪ್ರಾಥಮಿಕ, ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ವಿಭಾಗಗಳಲ್ಲಿ ತಲಾ ಐವರು ಶಿಕ್ಷಕರು ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಕಾರವಾರ, ಅಂಕೋಲಾ, ಕುಮಟಾ, ಹೊನ್ನಾವರ ಹಾಗೂ ಭಟ್ಕಳ ತಾಲೂಕುಗಳಿಂದ ತಲಾ ಮೂರು ಶಿಕ್ಷಕರು ಪ್ರಶಸ್ತಿಗೆ ಆಯ್ಕೆಯಾಗಿರುವುದು ವಿಶೇಷ. ಕಿರಿಯ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಕಾರವಾರ ಕೋಡಿಭಾಗದ ವಿಶಾಂತ ನಾಯ್ಕ, ಅಂಕೋಲಾ ಮಳಲಗಾವದ ರಮೇಶ ಕೇಶವ ಹೆಗಡೆ, ಕುಮಟಾ ನೆಹರು ನಗರದ ಶೈಲಾ ದಿನಕರ ನಾಯ್ಕ, ಹೊನ್ನಾವರ ಖಡೋಡಿಯ ಲಕ್ಷ್ಮಣ ಮಂಜುನಾಥ ಪಟಗಾರ, ಭಟ್ಕಳ ಬಬ್ಬನಕಲ್’ನ ಯಶವಂತ ಆರ್ ನಾಯ್ಕ ಅವರು ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಹಿರಿಯ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಕಾರವಾರ ಕೋಡಿಭಾಗದ ಸರಕಾರಿ ಹಿರಿಯ ಪ್ರಾಥಮಿಕ ಹೆಣ್ಣುಮಕ್ಕಳ ಶಾಲೆಯ ಶೋಭಾ ಆರ್. ಕಾಮತ, ಅಂಕೋಲಾ ಗುಂಡಬಾಳದ ಶೋಭಾ ಸಣ್ಣಪ್ಪ ನಾಯಕ, ಕುಮಟಾ ಗುಡಿಗಾರಗಲ್ಲಿಯ ರಾಮಚಂದ್ರ ಸುಬ್ರಾಯ ಶೆಟ್ಟಿ, ಹೊನ್ನಾವರ ಸಂಶಿಯ ಸಾಲ್ವದೋರ್ ಮಿಂಗ್ಲಿ ಲೋಪಿಸ್, ಭಟ್ಕಳ ಮಡಿಕೇರಿಯ ಮಾದೇವಿ ಟಿ. ಹರಿಕಾಂತ ಅವರು ಆಯ್ಕೆಯಾಗಿದ್ದಾರೆ. ಪ್ರೌಢಶಾಲಾ ವಿಭಾಗದಲ್ಲಿ ಕಾರವಾರ ಅಸ್ನೋಟಿ ಶಿವಾಜಿ ಮಂದಿರದ ಸಂತೋಷ ಭರಮಾಣಿ ಕಾಂಬಳೆ, ಅಂಕೋಲಾ ಅವರ್ಸಾದ ಕಾತ್ಯಾಯನಿ ಹೈಸ್ಕೂಲಿನ ವಿನಾಯಕ ನಾಯಕ, ಕುಮಟಾ ಹಿರೇಗುತ್ತಿ ಸೆಕೆಂಡರಿ ಹೈಸ್ಕೂಲಿನ ರಾಮಕೃಷ್ಣ ಎನ್. ನಾಯಕ, ಹೊನ್ನಾವರ ಚಿತ್ತಾರ ಶಾಲೆಯ ಭಾರತಿ ಆನಂದು ಶಾನಭಾಗ, ಭಟ್ಕಳ ಬೆಳಕೆಯ ಪ್ರಕಾಶ ಮಾಧವ ಶಿರಾಲಿ ಅವರು ಆಯ್ಕೆಯಾಗಿದ್ದಾರೆ. ಶಿವಾಜಿ ಶಾಲೆಯಲ್ಲಿ ಸಂಭ್ರಮ ಕಾರವಾರದ ಶಿವಾಜಿ ಶಾಲೆಯ ಶಿಕ್ಷಕ ಸಂತೋಷ ಕಾಂಬಳೆ ಅವರಿಗೆ ಪ್ರಶಸ್ತಿ ದೊರೆತಿರುವುದಕ್ಕೆ ಶಾಲೆಯಲ್ಲಿ ಸಂಭ್ರಮ ಕಂಡು ಬಂದಿದೆ. ಪಾಠದ ಜೊತೆಗೆ ಮೌಲ್ಯವನ್ನೂ ಹೇಳಿಕೊಡುವ ಸಂತೋಷ ಕಾಂಬಳೆ ಅವರಿಗೆ ಅನೇಕರು ಶುಭಕೋರಿದ್ದಾರೆ. ವಿಜ್ಞಾನ ಶಿಕ್ಷಕರಾಗಿರುವ ಅವರು ಸಂಪನ್ಮೂಲ ವ್ಯಕ್ತಿಯಾಗಿಯೂ ಮಕ್ಕಳಲ್ಲಿ ಅರಿವು ಮೂಡಿಸುತ್ತಿದ್ದು, ಮಗುವಿನ ಮಾನಸಿಕ ಸ್ಥಿತಿ ಅಭ್ಯಯಿಸಿ ಪಾಠ ಮಾಡುವ ಚಾಣಾಕ್ಷತನಹೊಂದಿದ್ದಾರೆ. ಕಥೆ, ಪ್ರಯೋಗ, ಉದಾಹರಣೆಗಳ ಮೂಲಕ ಪಾಠ ಮಾಡುವ ಅವರಿಗೆ ಈ ಬಾರಿ ಪ್ರಶಸ್ತಿ ಬಂದಿರುವುದಕ್ಕೆ ಊರಿನವರು ಹೆಮ್ಮೆಯಿಂದ ಮಾತನಾಡಿದ್ದಾರೆ.
- [ಯಲ್ಲಾಪುರಕ್ಕೆ ಹೊಸ ಪಿಐ: ರಮೇಶರ ಜಾಗಕ್ಕೆ ಸುರೇಶರ ಆಗಮನ!](https://mobiletime.in/2026/09/new-pi-for-yellapur-suresh-replaces-ramesh/): ಕೊಲೆ, ಕಳ್ಳತನ, ಮಕ್ಕಳ ಕಳ್ಳಸಾಗಾಣಿಕೆ ಸೇರಿ ಅನೇಕ ಅಪರಾಧ ಪ್ರಕರಣಗಳನ್ನು ಚಾಣಾಕ್ಷತನದಿಂದ ಬೇದಿಸಿರುವ ಸುರೇಶ ಕುಂಬಾರ್ ಅವರು ಯಲ್ಲಾಪುರ ಪಿಐ ಆಗಿ ಅಧಿಕಾರವಹಿಸಿಕೊಂಡಿದ್ದಾರೆ. ಯಲ್ಲಾಪುರ ಪಿಐ ಆಗಿದ್ದ ರಮೇಶ ಹಾನಾಪುರ ಅವರು ಮೇ 14ರಂದು ಇಲ್ಲಿಂದ ನಿರ್ಗಮಿಸಿದ್ದರು. ಮುಂಡಗೋಡು ಪಿಐ ಆಗಿದ್ದ ಅವರು ಆ ದಿನದಿಂದ ಯಲ್ಲಾಪುರದ ಪ್ರಭಾರಿಯಾಗಿ ಕೆಲಸ ಮಾಡುತ್ತಿದ್ದರು. ಹೀಗಾಗಿ ಯಲ್ಲಾಪುರ ಪೊಲೀಸ್ ಠಾಣೆಗೆ ಖಾಯಂ ಪಿಐ ಇರಲಿಲ್ಲ. ಸದ್ಯ ಆ ಹುದ್ದೆಗೆ ಸುರೇಶ ಕುಂಬಾರ ಅವರು ಆಗಮಿಸಿದ್ದಾರೆ. ಸುರೇಶ ಕುಂಬಾರ್ ಅವರು ಬೆಳಗಾವಿ ಜಿಲ್ಲೆ ಕಿತ್ತೂರು ಬಳಿಯ ಕಾದ್ರೋಳ್ಳಿ ಎಂಬ ಗ್ರಾಮದವರು. ಗ್ರಾಮೀಣ ಪರಿಸರದ ಜೊತೆ ಅವರಿಗೆ ನಗರ ಪ್ರದೇಶದ ಆಗು-ಹೋಗುಗಳ ಬಗ್ಗೆ ಅರಿವಿದೆ. ತಮ್ಮ ಅನುಭವದ ಆಧಾರದಲ್ಲಿ ಅವರು ಅನೇಕ ಅಪರಾಧ ಪ್ರಕರಣಗಳನ್ನು ಬೇದಿಸಿದ್ದಾರೆ. ಈ ಹಿಂದೆ ಒಂದು ವರ್ಷದಿಂದ ಸುರೇಶ ಕುಂಬಾರ ಅವರು ಹುಬ್ಬಳ್ಳಿ ರೈಲ್ವೆ ವ್ಯಾಪ್ತಿಯ ಪೊಲೀಸ್ ಅಧಿಕಾರಿಯಾಗಿದ್ದರು. ರೈಲ್ವೆ ಹುಬ್ಬಳ್ಳಿಯ ಕಸಬಾಪೇಟೆ, ಕೇಶ್ವಾಪುರ, ದಕ್ಷಿಣ ಸಂಚಾರ, ಶಿಗ್ಗಾವ್ ಪೊಲೀಸ್ ಠಾಣೆಯ ಸಿಪಿಐ ಆಗಿಯೂ ಕೆಲಸ ಮಾಡಿದ್ದರು. ಕೊಲೆ, ಕಳ್ಳತನ, ಮಕ್ಕಳ ಕಳ್ಳ ಸಾಗಾಟ ಸೇರಿ ಅನೇಕ ಅಪರಾಧ ಪ್ರಕರಣಗಳನ್ನು ತಮ್ಮ ಬುದ್ದಿವಂತಿಕೆಯಿAದ ಅವರು ಬೇದಿಸಿದ್ದಾರೆ. ಮುಖ್ಯವಾಗಿ ಕೊಲೆ ಪ್ರಕರಣವೊಂದರಲ್ಲಿ ಯಾರಿಗೂ ಸಿಗದ ಆರೋಪಿಯನ್ನು ನಾಲ್ಕು ವರ್ಷದ ನಂತರ ಉಪಾಯವಾಗಿ ಬಂಧಿಸಿದ್ದಾರೆ. ರೈಲಿನಲ್ಲಿ ಸಾಗಾಟವಾಗುತ್ತಿದ್ದ ಅನೇಕ ಮಕ್ಕಳನ್ನು ಸಂರಕ್ಷಣೆ ಮಾಡಿ ಸರ್ಕಾರಕ್ಕೆ ಒಪ್ಪಿಸಿದ್ದಾರೆ.
- [ಅಕ್ರಮ ಮರಳು: ಆರು ಟಿಪ್ಪರ್ ಜಪ್ತಿ!](https://mobiletime.in/2026/09/illegal-sand-six-tippers-seized/): ಭಟ್ಕಳ ಪೊಲೀಸ್ ಉಪವಿಭಾಗದ ನೂತನ ಡಿವೈಎಸ್ಪಿಯಾಗಿ ರಾನು ಗುಪ್ತ ಅವರು ಅಧಿಕಾರವಹಿಸಿಕೊಂಡಿದ್ದು, ಮೊದಲ ದಿನವೇ ಅವರು ಅಕ್ರಮ ಮರಳು ಸಾಗಾಟದ ಲಾರಿಗಳಿಗೆ ಅಡ್ಡಿ ಮಾಡಿದ್ದಾರೆ. ಒಟ್ಟು ಆರು ಟಿಪ್ಪರ್ ವಶಕ್ಕೆಪಡೆದ ಅವರು ಮರಳು ಲೂಟಿ ಮಾಡುವವರ ವಿರುದ್ಧ ಕಾನೂನು ಕ್ರಮ ಜರುಗಿಸಿದ್ದಾರೆ. ಮಂಕಿ ಮತ್ತು ಮುರುಡೇಶ್ವರ ಬಳಿ ವ್ಯಾಪಕ ಪ್ರಮಾಣದಲ್ಲಿ ಮರಳು ಸಾಗಾಟ ನಡೆಯುತ್ತಿದೆ. ಮಳೆಗಾಲದ ಅವಧಿಯಲ್ಲಿಯೂ ಇಲ್ಲಿ ರಾಜಾರೋಷವಾಗಿ ಅಕ್ರಮ ಮರಳು ದಂಧೆ ನಡೆಸಲಾಗುತ್ತಿದೆ. ಈ ಬಗ್ಗೆ ಅರಿತ ರಾನು ಗುಪ್ತ ಅವರು ಮಂಕಿ ವ್ಯಾಪ್ತಿಯಲ್ಲಿ ಮೂರು ಹಾಗೂ ಮುರುಡೇಶ್ವರ ವ್ಯಾಪ್ತಿಯಲ್ಲಿ ಮೂರು ಟಿಪ್ಪರ್‌ಗಳನ್ನು ವಶಕ್ಕೆಪಡೆದಿದ್ದಾರೆ. ಆರು ಜನರನ್ನು ಸಹ ಇದೇ ಪ್ರಕರಣದಲ್ಲಿ ವಿಚಾರಣೆಗೆ ಒಳಪಡಿಸಿದ್ದಾರೆ. ಅಕ್ರಮ ಮರಳುಗಾರಿಕೆ ವಿರುದ್ಧ ಈ ಭಾಗದ ಅನೇಕರು ಹೋರಾಟ ಮಾಡಿದರೂ ದೊಡ್ಡ ಮಟ್ಟದಲ್ಲಿ ಕ್ರಮವಾಗಿಲ್ಲ. ಮರಳುಗಾರಿಕೆಗೆ ಅನುಮತಿ ಇಲ್ಲದಿದ್ದರೂ ಆ ದಂಧೆ ನಡೆಸುವವರ ಸಂಖ್ಯೆಯೂ ಕಡಿಮೆ ಆಗಿಲ್ಲ. ಪರಸರದ ಜೊತೆ ಜನರ ಜೀವಕ್ಕೆ ಹಾನಿ ಆಗುವ ರೀತಿ ಮರಳುಗಾರಿಕೆ ನಡೆಯುತ್ತಿದ್ದರೂ ಅದನ್ನು ತಡೆದವರಿಲ್ಲ. ಗಣಿ ಇಲಾಖೆ, ಕಂದಾಯ ಇಲಾಖೆ, ಪೊಲೀಸ್ ಸೇರಿ ಅನೇಕ ಇಲಾಖೆ ವ್ಯಾಪ್ತಿಗೆ ಅಕ್ರಮ ಮರಳುಗಾರಿಕೆ ಬರುತ್ತಿದ್ದು, ಈ ಎಲ್ಲಾ ಕಡೆ ಜನ ದೂರು ನೀಡಿದರೂ ಅಕ್ರಮ ಮಾತ್ರ ನಿಂತಿಲ್ಲ.  
- [ಕಸ್ತೂರಿ ವರದಿಗೆ ಇನ್ನಷ್ಟು ತಕರಾರು!](https://mobiletime.in/2026/09/more-objections-to-the-kasturi-report/): `ಪಶ್ಚಿಮಘಟ್ಟ ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಸೇರಿಸಲು ಕೇಂದ್ರ ಸರ್ಕಾರ ಕಸ್ತೂರಿ ರಂಗನ್ ವರದಿಗೆ 7ನೇ ಕರಡು ಅಧಿಸೂಚನೆ ಹೊರಡಿಸಿದ್ದು, ಇದಕ್ಕೆ ರಾಜ್ಯ ಸರ್ಕಾರ ತಕರಾರು ಸಲ್ಲಿಸಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘ ಒತ್ತಾಯಿಸಿದೆ. ಈ ಕುರಿತು ಸೆಪ್ಟೆಂಬರ್ 7ರಂದು ಅಂಕೋಲಾ ನಗರದಲ್ಲಿ ಪ್ರತಿಭಟನೆ ನಡೆಸುವುದಾಗಿ ಸಂಘದ ಅಧ್ಯಕ್ಷ ಶಾಂತರಾಮ ನಾಯಕ ಅವರು ಹೇಳಿದ್ದಾರೆ. ಆ ದಿನ ಬೆಳಿಗ್ಗೆ 11ಗಂಟೆಗೆ ನಗರದ ಸತ್ಯಾಗ್ರಹ ಸ್ಮಾರಕ ಭವನದ ಎದುರಿನಿಂದ ಬೃಹತ್ ಮೆರವಣಿಗೆ ಸಂಘಟಿಸಲಾಗಿದೆ. ಕಸ್ತೂರಿ ರಂಗನ್ ವರದಿಯಲ್ಲಿ ಒಳಪಡುವ ಸೂಕ್ಷ್ಮ ವಲಯ ಎಂದು ಗುರುತಿಸಲ್ಪಟ್ಟ 38 ಗ್ರಾಮದ ಜನ ಇದರಲ್ಲಿ ಭಾಗವಹಿಸಬೇಕು’ ಎಂದವರು ಮನವಿ ಮಾಡಿದ್ದಾರೆ. ಈ ಕುರಿತಾದ ಕರಪತ್ರ ಬಿಡುಗಡೆ ಮಾಡಿದ ಅವರು `ಪಶ್ಚಿಮಘಟ್ಟದಲ್ಲಿ ವಾಸಿಸುವ ಜನರಲ್ಲಿ ಕಸ್ತೂರಿ ರಂಗನ್ ವರದಿ ಜಾರಿ ಕುರಿತು ಆತಂಕ ಮೂಡಿದೆ. ಅವರ ಜೀವನೋಪಾಯ ಹಾಗೂ ಹಿತಾಸಕ್ತಿಗೆ ಧಕ್ಕೆಯಾಗದಂತೆ ರಾಜ್ಯ ಸರ್ಕಾರ ಸೂಕ್ತ ಕ್ರಮ ಕೈಗೊಳ್ಳಬೇಕು’ ಎಂದು ಒತ್ತಾಯಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿಗೆ ಸಂಬoಧಿಸಿದ0ತೆ ಈ ಹಿಂದಿನ ಸರ್ಕಾರಗಳ ಅವಧಿಯಲ್ಲಿಯೂ ಕರ್ನಾಟಕ ಸರ್ಕಾರ ಕೇಂದ್ರದ ಪ್ರಸ್ತಾವನೆಗಳಿಗೆ ತಕರಾರು ಸಲ್ಲಿಸಿತ್ತು. ಇದೇ ನಿಲುವನ್ನು ಮುಂದುವರಿಸಿ, ಪ್ರಸ್ತುತ ಕೇಂದ್ರ ಸರ್ಕಾರ ಹೊರಡಿಸಿರುವ ಹೊಸ ಕರಡು ಅಧಿಸೂಚನೆಗೂ ರಾಜ್ಯ ಸರ್ಕಾರ ತನ್ನ ಆಕ್ಷೇಪಣೆ ಸಲ್ಲಿಸಬೇಕು’ ಎಂದು ಸಮಿತಿ ಒತ್ತಾಯಿಸಿದೆ. `ಕಸ್ತೂರಿ ರಂಗನ್ ನೇತೃತ್ವದ ಉನ್ನತ ಮಟ್ಟದ ಕಾರ್ಯನಿರತ ತಂಡವು 2013ರಲ್ಲಿ ಪಶ್ಚಿಮಘಟ್ಟ ಸಂರಕ್ಷಣೆ ಕುರಿತು ವರದಿ ಸಲ್ಲಿಸಿತ್ತು. ವರದಿಯಲ್ಲಿ ದೇಶದ ಆರು ರಾಜ್ಯಗಳ ಸುಮಾರು 56,000 ಚದರ ಕಿಮೀ. ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶವೆಂದು ಗುರುತಿಸಲು ಶಿಫಾರಸು ಮಾಡಲಾಗಿದ್ದು, ಕರ್ನಾಟಕದ 20,668 ಚದರ ಕಿಮೀ ಪ್ರದೇಶ ಇದರಲ್ಲಿ ಸೇರಿದೆ. ಕೇಂದ್ರ ಸರ್ಕಾರವು 2026ರ ಜುಲೈ 27ರಂದು ಹೊರಡಿಸಿರುವ ಏಳನೇ ಕರಡು ಅಧಿಸೂಚನೆಯಡಿ ಕರ್ನಾಟಕದ ಬೆಳಗಾವಿ, ಚಾಮರಾಜನಗರ, ಚಿಕ್ಕಮಗಳೂರು, ಕೊಡಗು, ಹಾಸನ, ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಮೈಸೂರು, ಶಿವಮೊಗ್ಗ, ಉಡುಪಿ ಸೇರಿದಂತೆ 10 ಜಿಲ್ಲೆಗಳ 39 ತಾಲ್ಲೂಕುಗಳ 1,449 ಗ್ರಾಮಗಳನ್ನು ಪರಿಸರ ಸೂಕ್ಷ್ಮ ಪ್ರದೇಶದ ವ್ಯಾಪ್ತಿಗೆ ಸೇರಿಸಲು ಗುರುತಿಸಲಾಗಿದೆ’ ಎಂದವರು ವಿವರಿಸಿದ್ದಾರೆ. `ಕರಡು ಅಧಿಸೂಚನೆಯಡಿ ಗಣಿಗಾರಿಕೆ, ಕಲ್ಲು ಗಣಿಗಾರಿಕೆ, ಮರಳು ಗಣಿಗಾರಿಕೆ, ಉಷ್ಣ ವಿದ್ಯುತ್ ಸ್ಥಾವರಗಳು ಹಾಗೂ ನಿರ್ದಿಷ್ಟ ಮಿತಿಗಿಂತ ಹೆಚ್ಚಿನ ಕಟ್ಟಡ ಮತ್ತು ಟೌನ್‌ಶಿಪ್ ಅಭಿವೃದ್ಧಿ ಚಟುವಟಿಕೆಗಳನ್ನು ನಿಯಂತ್ರಿಸಲು ಪ್ರಸ್ತಾಪಿಸಲಾಗಿದೆ. ಕೃಷಿ, ನೆಡುತೋಪು ಸೇರಿದಂತೆ ಜನರ ದೈನಂದಿನ ಜೀವನಾಧಾರ ಚಟುವಟಿಕೆಗಳ ಮೇಲೆ ನಿರ್ದಿಷ್ಟ ಪರಿಣಾಮ ಬೀರಲಿದೆ. ಕಸ್ತೂರಿ ರಂಗನ್ ಸಮಿತಿಯ ಶಿಫಾರಸುಗಳನ್ನು ಸಂಪೂರ್ಣವಾಗಿ ಅನುಷ್ಠಾನಗೊಳಿಸುವುದರಿಂದ ಈಗಾಗಲೇ ರಕ್ಷಿತ ಪ್ರದೇಶಗಳು, ಅಧಿಸೂಚಿತ ಅರಣ್ಯಗಳು ಹಾಗೂ ಪರಿಸರ ಸೂಕ್ಷ್ಮ ಪ್ರದೇಶಗಳಾಗಿ ಗುರುತಿಸಲ್ಪಟ್ಟಿರುವ ಪ್ರದೇಶಗಳ ಮೇಲೆ ಹೆಚ್ಚುವರಿ ನಿರ್ಬಂಧಗಳು ಉಂಟಾಗಬಹುದು. ಇದರಿಂದ ಪಶ್ಚಿಮಘಟ್ಟದ ಜನರ ಜೀವನೋಪಾಯಕ್ಕೆ ಪ್ರತಿಕೂಲ ಪರಿಣಾಮ ಬೀರುವ ಸಾಧ್ಯತೆ ಇದೆ’ ಎಂದವರು ಹೇಳಿದ್ದಾರೆ. ರೈತ ಸಂಘದ ತಾಲೂಕು ಅಧ್ಯಕ್ಷರಾದ ಗೌರೀಶ ನಾಯಕ, ಪದಾಧಿಕಾರಿಗಳಾದ ಉದಯ ನಾಯ್ಕ ಹೊಸಗದ್ದೆ, ವೆಂಕಟ್ರಮಣ ಗೌಡ, ಮಾದೇವ ಗೌಡ, ಶಿವರಾಮ ಪಟಗಾರ, ಮೀನಾಕ್ಷಿ ಟಿ. ಗೌಡ, ತುಳಸಿ ಗೌಡ, ದೇವೆಂದ್ರ ಸೋಮು ಗೌಡ ಅವರು ಈ ಹೋರಾಟದಲ್ಲಿ ಭಾಗಿಯಾಗುವುದಾಗಿ ಘೋಷಿಸಿದ್ದಾರೆ.
- [ಡೀಸಿ ಕಚೇರಿ ಎದುರೇ ಹೊಸ ರಂಗಮoದಿರ!](https://mobiletime.in/2026/09/a-new-theatre-right-in-front-of-the-dc-office/): ನಾಲ್ಕು ದಶಕದ ಹಿಂದೆ ನಿರ್ಮಿಸಲಾದ ಕಾರವಾರದ ರಂಗ ಮಂದಿರ ಸಂಪೂರ್ಣ ಶಿಥಿಲಗೊಂಡಿದ್ದು, ಹೊಸ ರಂಗ ಮಂದಿರ ನಿರ್ಮಾಣಕ್ಕೆ ಜಿಲ್ಲಾಡಳಿತ ಆಸಕ್ತಿವಹಿಸಿದೆ. ಕಲಾತ್ಮಕ ಮತ್ತು ಆಕರ್ಷಕವಾದ ನೂತನ ರಂಗಮoದಿರ ನಿರ್ಮಾಣಕ್ಕೆ ಹೊಸ ಪ್ರಸ್ತಾವನೆಯನ್ನು ಸರ್ಕಾರಕ್ಕೆ ಸಲ್ಲಿಸುವಂತೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ನಿದೇರ್ಶನ ನೀಡಿದ್ದಾರೆ. ಇಲ್ಲಿನ ಮಾಲಾದೇವಿ ಮೈದಾನದ ಒಂದು ಬದಿಯಲ್ಲಿ ಜಿಲ್ಲಾ ರಂಗಮoದಿರ ಇದೆ. 1986ರಲ್ಲಿ ರಂಗ ಮಂದಿರ ನಿರ್ಮಾಣವಾಗಿತ್ತು. 600 ಜನರ ಆಸನವಿದ್ದ ಈ ರಂಗ ಮಂದಿರ ನಾಲ್ಕು ದಶಕ ಸೇವೆ ಸಲ್ಲಿಸಿದ್ದು, 2012ರಲ್ಲಿ ಕಟ್ಟಡದ ನವೀಕರಣ ನಡೆದಿತ್ತು. ಆದರೆ, ಅದು ಸಹ ಸರಿಯಾಗಿ ಆಗಿರಲಿಲ್ಲ. ಕಳೆದ ಎರಡು ವರ್ಷಗಳಿಂದ ಸಂಪೂರ್ಣವಾಗಿ ಹಾಳಾಗಿತ್ತು. ಶಿಥಿಲಾವಸ್ಥೆಯ ಕಾರಣದಿಂದ ಇಲ್ಲಿ ಯಾವುದೇ ಕಾರ್ಯಕ್ರಮ ನಡೆಯುತ್ತಿರಲಿಲ್ಲ. ಮೊದಲು 8 ಸಾವಿರ ರೂ ಕೊಟ್ಟರೆ ಈ ರಂಗ ಮಂದಿರ ಬಾಡಿಗೆಗೆ ಸಿಗುತ್ತಿತ್ತು. ಇದೀಗ 25 ಸಾವಿರ ರೂ ಕೊಟ್ಟರೂ ಉತ್ತಮ ಕಟ್ಟಡ ಸಿಗುತ್ತಿರಲಿಲ್ಲ. ಮಳೆಗಾಲದ ಅವಧಿಯಲ್ಲಿ ರಂಗ ಮಂದಿರ ಸೋರುತ್ತಿತ್ತು. 2024ರಲ್ಲಿ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಕಟ್ಟಡ ಗಮನಿಸಿ ಅದು ಬಳಕೆಗೆ ಅಯೋಗ್ಯ ಎಂದು ವರದಿ ನೀಡಿದ್ದರು. ಅದಾಗಿಯೂ, ಬೀಳುವ ಹಂತದಲ್ಲಿರುವ ರಂಗ ಮಂದಿರದ ಕಟ್ಟಡದಲ್ಲಿಯೇ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಕಚೇರಿ ನಡೆಯುತ್ತಿದ್ದು, ಅಧಿಕಾರಿ ಹಾಗೂ ಸಿಬ್ಬಂದಿ ಅಲ್ಲಿಯೇ ದಿನ ದೂಡುತ್ತಿದ್ದರು. ಈ ಎಲ್ಲಾ ಹಿನ್ನಲೆ ಮೂರು ವರ್ಷದ ಹಿಂದೆ ನೂತನ ಕಟ್ಟಡಕ್ಕೆ ಪ್ರಸ್ತಾವನೆ ಸಲ್ಲಿಕೆಯಾಗಿದ್ದು, ಅದಕ್ಕೆ ಸರ್ಕಾರದಿಂದ ಉತ್ತರ ಬಂದಿರಲಿಲ್ಲ. ಹೀಗಾಗಿ ಗುರುವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ನಡೆದ ಜಿಲ್ಲಾ ರಂಗಮAದಿರ ಅಭಿವೃದ್ಧಿ ಮತ್ತು ನಿರ್ವಹಣಾ ಸಮಿತಿ ಸಭೆ ನಡೆಸಿದ ಡೀಸಿ `ಪ್ರಸ್ತುತ ಕಟ್ಟಡ ನಿರ್ಮಾಣ ದರಗಳು ಕೂಡಾ ಪರಿಷ್ಕೃತಗೊಂಡಿರುವುದರಿAದ ಲೋಕೋಪಯೋಗಿ ಇಲಾಖೆ ವತಿಯಿಂದ ಹೊಸದಾಗಿ ಅಂದಾಜು ಪಟ್ಟಿಯನ್ನು ಪಡೆದು ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಬೇಕು. ಹೊಸ ರಂಗಮAದಿರ ನಿರ್ಮಾಣಕ್ಕೆ ನೂತನ ಜಿಲ್ಲಾಧಿಕಾರಿ ಕಚೇರಿ ಮುಂಭಾಗದಲ್ಲಿ 20 ಗುಂಟೆ ಜಾಗವನ್ನು ಗುರುತಿಸಲಾಗಿದ್ದು, ಇದನ್ನು ರಂಗಮAದಿರ ನಿರ್ಮಾಣಕ್ಕೆ ಮೀಸಲಿಡುವ ಕುರಿತಂತೆ ದಾಖಲೆಗಳನ್ನು ಪಡೆಯಲು ಅಗತ್ಯ ಕ್ರಮ ಜರುಗಿಸಬೇಕು’ ಎಂದು ಸೂಚಿಸಿದ್ದಾರೆ. ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಬಿ ಎನ್ ವಾಸರೆ ಅವರು ಮಾತನಾಡಿ `ನೂತನ ರಂಗಮAದಿರವನ್ನು ಎಲ್ಲಾ ರೀತಿಯ ಸಾಂಸ್ಕೃತಿಕ ಕಾರ್ಯಕ್ರಮಗಳಿಗೆ ಉಪಯೋಗವಾಗುವ ರೀತಿಯಲ್ಲಿ ನಿರ್ಮಿಸಬೇಕು. ಇದರಲ್ಲಿ ಆರ್ಟ್ ಗ್ಯಾಲರಿ, ಗ್ರಂಥಾಲಯ, ಉತ್ತಮ ರೀತಿಯ ಧ್ವನಿ ಬೆಳಕು, ಪಾರ್ಕಿಂಗ್ ವ್ಯವಸ್ಥೆ ಸೇರಿದಂತೆೆ ಎಲ್ಲಾ ರೀತಿಯ ಅನುಕೂಲಗಳಿರಬೇಕ’ ಎಂದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಜಿ ಪಂ ಮುಖ್ಯ ಯೋಜನಾಧಿಕಾರಿ ಸೋಮಶೇಖರ್ ಮೇಸ್ತಾ, ತಹಸೀಲ್ದಾರ ನಿಶ್ಚಲ್ ನರೋನಾ, ಪೌರಾಯುಕ್ತ ಜಗದೀಶ ಹುಲಗಜ್ಜಿ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕಿ ಮಂಗಲಾ ನಾಯ್ಕ, ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ರಾಮಾ ನಾಯ್ಕ ಹಾಗೂ ಲೋಕೋಪಯೋಗಿ ಮತ್ತು ಪಂ.ರಾಜ್ ಇಂಜಿನಿಯರಿAಗ್ ವಿಭಾಗದ ಅಧಿಕಾರಿಗಳು ಇದ್ದರು.
- [ರಂಗಣ್ಣನ ವರದಿಗೆ ಲಕ್ಷ ಜನರ ಆಕ್ಷೇಪ](https://mobiletime.in/2026/09/1-lakh-people-object-to-the-kasturirangan-report/): ಉತ್ತರಕನ್ನಡ ಜಿಲ್ಲೆಯಲ್ಲಿ 567 ಹಳ್ಳಿಗಳನ್ನ ಅತೀ ಸೂಕ್ಷ ಪ್ರದೇಶವೆಂದು ಗುರುತಿಸಿದ ಕಸ್ತೂರಿ ರಂಗನ್ ವರದಿಯ 7ನೇ ಅಧಿಸೂಚನೆಗೆ 1 ಲಕ್ಷ ಜನ ಆಕ್ಷೇಪವ್ಯಕ್ತಪಡಿಸಲು ಸಿದ್ಧರಾಗಿದ್ದಾರೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಸದಸ್ಯರು ಈ ವಿಷಯದಲ್ಲಿ ಒಟ್ಟಾಗಿ ಪತ್ರ ಬರೆಯುವ ಅಭಿಯಾನ ನಡೆಸಿದ್ದಾರೆ. `ಸೂಕ್ಷ ಪ್ರದೇಶ ಗುರುತಿಸುವಿಕೆಯಿಂದ ಕೃಷಿಕರಿಗೆ ಮತ್ತು ಜನ ಜೀವನದ ವ್ಯವಸ್ಥೆ ಮೇಲೆ ದುಷ್ಪರಿಣಾಮ ಬೀರಲಿದೆ. ವಸತಿ ಪ್ರದೇಶವನ್ನು ಸೂಕ್ಷö ಪ್ರದೇಶವೆಂದು ಗುರುತಿಸಿರುವುದರಿಂದ ವರದಿಯನ್ನು ವಿರೋಧಿಸುವುದು ಅನಿವಾರ್ಯ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. `ಕೇಂದ್ರ ಸರ್ಕಾರದ ಅರಣ್ಯ ಮತ್ತು ಪರಿಸರ ಇಲಾಖೆಗೆ 10 ಪ್ರಮುಖ ಅಂಶಗಳು ಆಕ್ಷೇಪ ಪತ್ರದಲ್ಲಿ ಅಡಕವಾಗಿದೆ. ಅದರಂತೆ, ಈ ಹಂತದಲ್ಲಿ ಕೇಂದ್ರ ಪರಿಸರ ಇಲಾಖೆಗೆ ವರದಿ ವಿರೋಧಕ್ಕೆ ಸಂಬAಧಿಸಿದ ರಾಜ್ಯ ಸರ್ಕಾರವು ಸಕ್ರಿಯವಾಗಿ 43 ಅಂಶಗಳ ಹಕ್ಕೊತ್ತಾಯಿಸಲು ರಾಜ್ಯ ಸರ್ಕಾರಕ್ಕೆ ಸಲ್ಲಿಸುವ ಕೈಪಿಡಿ ಹೋರಾಟಗಾರರ ವೇದಿಕೆಯು ರೂಪಿಸಿದೆ’ ಎಂದು ಅವರು ತಿಳಿಸಿದ್ದಾರೆ. `ಆಕ್ಷೇಪ ಪತ್ರದಲ್ಲಿ ಪ್ರಸ್ತಾಪಿಸಿದ ಕಸ್ತೂರಿ ರಂಗನ್ವರದಿಯು ಅವೈಜ್ಞಾನಿಕವಾಗಿದ್ದು, ಸೆಟಲೈಟ್ ಚಿತ್ರಣದ ಆಧಾರದ ಮೆಲೆ ವಾಸ್ತವಿಕ ಮತ್ತು ನೈಜತೆಯ ಚಿತ್ರಣಕ್ಕೆ ವ್ಯತಿರಿಕ್ತವಾಗಿದೆ. ಗ್ರಾಮದ ಶೇ 20ಕ್ಕಿಂತ ಹೆಚ್ಚು ಬೌಗೋಳಿಕ ಪ್ರದೇಶವನ್ನು ಜೀವ ವೈವಿದ್ಯ ಪರಿಸರ ಸೂಕ್ಷö ಪ್ರದೇಶವನ್ನಾಗಿ ಸೇರಿಸಲ್ಪಟ್ಟಿದೆ. ಘೊಷಿಸಿದ ಸೂಕ್ಷö ಪ್ರದೇಶ ವ್ಯಾಪ್ತಿಯ ಗ್ರಾಮ ಮಟ್ಟದ ಜನಾಭಿಪ್ರಾಯ ಅಥವಾ ಬೌಥಿಕ ಸರ್ವೆಮಾಡಿ ವಿಷಯ ಸಂಗ್ರಹ ಮಾಡಿದ್ದು ಇರುವುದಿಲ’ ಎಂದು ತಿಳಿಸಲಾಗಿದೆ. `ಘೋಷಿಸಿದ ಹಳ್ಳಿ ನಿರ್ದಿಷ್ಟ ಸರ್ವೆ ನಂ ಪ್ರದೇಶ ವ್ಯಾಖ್ಯಾಯಿಸದೇ ಇರುವುದು ಅವೈಜ್ಞಾನಿಕ ಉಪಗ್ರಹ ಆಧಾರಿತ ಸರ್ವೆ ಆಗಿರುವುದರಿಂದ ಕೃಷಿ, ತೆಂಗಿನ ತೋಟ ಹಾಗೂ ಇನ್ನಿತರ ಕೃಷಿ ತೋಟಗಾರಿಕೆ ಬೆಳೆಗಳಿಂದ ಹಸಿರು ಪ್ರದೇಶವನ್ನು ಸಹಿತ ಅರಣ್ಯ ಪ್ರದೇಶವೆಂದು ಪರಿಗಣಿಸಿರುವುದು ನೈಸಗಿಕ ವಿರೋಧವಾದ ಕ್ರಮ’ ಎಂದು ವಿವರಿಸಲಾಗಿದೆ. ಈ ವಿಷಯವಾಗಿ ಜನ ಜಾಗೃತಿ ಮೂಡಿಸಲು ಸೆಪ್ಟೆಂಬರ್ 5ರಂದು ಶಿರಸಿಯಲ್ಲಿ ಸಭೆ ನಡೆಯಲಿದೆ. ಸೆ 7 ಹೊನ್ನಾವರ, ಸೆ 9ಕ್ಕೆ ಅಂಕೋಲದಲ್ಲಿಯೂ ಸಭೆ ಆಯೋಜಿಸಲಾಗಿದೆ.
- [ಅನಂತಣ್ಣನ ನಡಿಗೆ ನಿರಂತರ!](https://mobiletime.in/2026/09/ananthannas-journey-continues-ceaselessly/): ಶಿರಸಿಯಿoದ ಕಾರವಾರ ಹಾಗೂ ಕುಮಟಾದಿಂದ ಭಟ್ಕಳದವರೆಗೆ ಪಾದಯಾತ್ರೆ ಮಾಡಿ ಅನುಭವವಿರುವ ಬಿಜೆಪಿ ರೈತಮೋರ್ಚಾ ಜಿಲ್ಲಾಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು `ಬಳ್ಳಾರಿ ಚಲೋ’ ಪಾದಯಾತ್ರೆಯಲ್ಲಿ ಭಾಗವಹಿಸಿದ್ದಾರೆ. ಕಿಂಚಿತ್ತು ದಣಿವಾರಿಸಿಕೊಳ್ಳದೇ 24ಕಿಮೀ ದೂರ ಅವರು ನಡೆದಿದ್ದಾರೆ. ಅನಂತಮೂರ್ತಿ ಹೆಗಡೆ ಅವರಿಗೆ ಹೋರಾಟ-ಪಾದಯಾತ್ರೆಗಳು ಹೊಸದಲ್ಲ. ಈ ಹಿಂದೆ ಉತ್ತರ ಕನ್ನಡ ಜಿಲ್ಲೆಗೆ ಸುಸಜ್ಜಿತ ಆಸ್ಪತ್ರೆ ಬೇಕು ಎಂದು ಅವರು ಹೋರಾಟ ನಡೆಸಿದ್ದು, ಶಿರಸಿಯಿಂದ ಕಾರವಾರದವರೆಗೆ ನಡೆದು ಸರ್ಕಾರಕ್ಕೆ ಮನವಿ ಸಲ್ಲಿಸಿದ್ದರು. ಅದಾದ ನಂತರ ಮಂಕಾಳು ವೈದ್ಯ ಅವರ ಆಡಳಿತ ವಿರೋಧಿಸಿ ಕುಮಟಾದಿಂದ ಭಟ್ಕಳದವರೆಗೂ ನಡಿಗೆ ಮಾಡಿದ್ದರು. ಸದ್ಯ ಬಿಜೆಪಿಯೇ ಕಾಂಗ್ರೆಸ್ ವಿರುದ್ಧ ಆಕ್ರೋಶ ಹೊರಹಾಕುವುದಕ್ಕಾಗಿ `ಬಳ್ಳಾರಿ ಚಲೋ’ ಆಯೋಜಿಸಿದ್ದು, ಅನಂತಮೂರ್ತಿ ಹೆಗಡೆ ಅವರು ಸಹ ಅದರಲ್ಲಿ ಉತ್ಸಾಹದಿಂದ ಭಾಗವಹಿಸಿದ್ದಾರೆ. ಈ ಹೋರಾಟದಲ್ಲಿ ಅನಂತಮೂರ್ತಿ ಹೆಗಡೆ ಅವರ ಜೊತೆ ಬಿಜೆಪಿ ರೈತಮೋರ್ಚಾ ಪದಾಧಿಕಾರಿಗಳು ಹೆಜ್ಜೆ ಹಾಕಿದ್ದಾರೆ. ಗುರುವಾರ ಅವರೆಲ್ಲರೂ ರಾಯಚೂರು ಜಿಲ್ಲೆಯ ಮಸ್ಕಿ ಗುಡದೂರು ಗ್ರಾಮದಿಂದ ಸಿಂಧನೂರುವರೆಗೆ ನಡೆದಿದ್ದಾರೆ. ಬಿಜೆಪಿ ರಾಜ್ಯಾಧ್ಯಕ್ಷ ಬಿ ವೈ ವಿಜಯೇಂದ್ರ ಅವರು ಮಾತನಾಡಿ, `ಕರ್ನಾಟಕದಲ್ಲಿ ರೈತ ವಿರೋಧಿ ನೀತಿಗಳನ್ನು ಅನುಸರಿಸುತ್ತಿರುವ ಕಾಂಗ್ರೆಸ್ ಸರ್ಕಾರವನ್ನು ಬುಡ ಸಮೇತ ಕಿತ್ತೇಸಬೇಕಿದೆ’ ಎಂದು ಭಾಷಣ ಮಾಡಿದ್ದಾರೆ. ಬಿಜೆಪಿ ರೈತ ಮೋರ್ಚಾದ ಪ್ರಮುಖರಾದ ಶಿವಕುಮಾರ್ ನಾಯ್ಕ್ ಕೊಂಡ್ಲಿ , ಬಸಣ್ಣ ಕುರುಬ ಕಟ್ಟಿ ಇತರರು ಈ ಪಾದಯಾತ್ರೆಯಲ್ಲಿ ಭಾಗವಹಿಸಿದ್ದಾರೆ.
- [ಗ್ಯಾಸ್ ಟ್ಯಾಂಕರ್ ಪಲ್ಟಿ!](https://mobiletime.in/2026/09/gas-tanker-overturns-2/): ಮಂಗಳೂರಿನಿoದ ಹುಬ್ಬಳ್ಳಿ ಕಡೆ ಗ್ಯಾಸ್ ಸಾಗಿಸುತ್ತಿದ್ದ ಟ್ಯಾಂಕರ್ ಅಂಕೋಲಾ ಬಳಿ ಪಲ್ಟಿಯಾಗಿದ್ದು, ಸದ್ಯ ಅಲ್ಲಿನ ಪರಿಸ್ಥಿತಿ ಸರಿದಾರಿಗೆ ಬಂದಿದೆ. ಅನಾಹುತ ನಡೆಯುವ ಮುನ್ನವೇ ಅಧಿಕಾರಿಗಳು ಎಚ್ಚತ್ತಿದ್ದರಿಂದ ಅವಘಡ ನಡೆದಿಲ್ಲ. ಅಂಕೋಲಾದ ಅಂಬೇಡ್ಕರ್ ಸರ್ಕಲ್ ಬಳಿ ಬುಧವಾರ ರಾತ್ರಿ ಗ್ಯಾಸ್ ಟ್ಯಾಂಕರ್ ಪಲ್ಟಿಯಾಗಿದೆ. ಮಳೆ ಸುರಿಯುತ್ತಿದ್ದ ಕಾರಣ ಟ್ಯಾಂಕರ್ ಚಾಲಕನಿಗೆ ರಸ್ತೆ ಸರಿಯಾಗಿ ಕಾಣದಿರುವುದು ಅನಾಹುತಕ್ಕೆ ಕಾರಣ. ನಿಯಂತ್ರಣ ತಪ್ಪಿದ ಟ್ಯಾಂಕರ್ ರಸ್ತೆ ಬದಿಗೆ ಉರುಳಿ ಬಿದ್ದಿದ್ದು, ಜನ ವಸತಿ ಪ್ರದೇಶದ ಬಳಿ ಅಪಘಾತ ನಡೆದಿದ್ದರಿಂದ ಅನೇಕರು ಆತಂಕಕ್ಕೆ ಒಳಗಾಗಿದ್ದರು. ಗ್ಯಾಸ್ ಸೋರಿಕೆ ಆಗಿಲ್ಲ ಎಂಬ ವಿಷಯ ಅರಿತು ನೆಮ್ಮದಿಯ ನಿಟ್ಟುಸಿರು ಬಿಟ್ಟರು. ಮಾಹಿತಿ ಲಭ್ಯವಾಗುತ್ತಿದ್ದಂತೆ ಅಂಕೋಲಾ ಪೊಲೀಸ್ ಠಾಣೆಯ ಪಿಎಸ್‌ಐ ಸುನೀಲ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಸುರಕ್ಷತಾ ಕ್ರಮಗಳನ್ನು ಕೈಗೊಂಡ ಪೊಲೀಸರು ಹೆದ್ದಾರಿಯಲ್ಲಿ ವಾಹನ ಸಂಚಾರಕ್ಕೆ ಅಡಚಣೆಯಾಗದಂತೆ ವ್ಯವಸ್ಥೆ ಮಾಡಿದರು.
- [ನದಿ ತಿರುವು: ಯೋಜನೆ ವಿರುದ್ಧ ಒಂದಾದ ಜಿಲ್ಲೆಯ ಜನ!](https://mobiletime.in/2026/09/river-diversion-people-of-the-district-unite-against-the-project/): ನದಿ ತಿರುವು ಯೋಜನೆ ವಿರುದ್ಧ ಉತ್ತರ ಕನ್ನಡದಲ್ಲಿ ದೊಡ್ಡ ಜನಾಂದೋಲನ ನಡೆದಿದ್ದು, ಕಾರವಾರದಲ್ಲಿ ನಡೆದ ಪ್ರತಿಭಟನೆಯೇ ಅದಕ್ಕೆ ಸಾಕ್ಷಿಯಾಗಿದೆ. ಸಾವಿರಾರು ಸಂಖ್ಯೆಯ ಜನ ನದಿ ತಿರುವು ಯೋಜನೆ ವಿರೋಧಿಸಿ ಗುರುವಾರ ಡೀಸಿ ಕಚೇರಿ ಎದುರು ಪ್ರತಿಭಟನೆ ಮಾಡಿದ್ದಾರೆ. `ನದಿ ತಿರುವು ಯೋಜನೆಯಿಂದ ಉತ್ತರ ಕನ್ನಡ ಜಿಲ್ಲೆಯ ಪಶ್ಚಿಮಘಟ್ಟ ಹಾಗೂ ನದಿಕಣಿವೆಗಳ ಪರಿಸರಕ್ಕೆ ಧಕ್ಕೆಯಾಗುವ ಸಾಧ್ಯತೆಯಿದೆ’ ಎಂದು ಪ್ರತಿಭಟನಾಕಾರರು ಪ್ರತಿಪಾದಿಸಿದ್ದಾರೆ. 12 ತಾಲೂಕಿನ ವಿವಿಧ ಸಮುದಾಯ-ಸಂಘಟನೆಗಳ ಜನ ಈ ಪ್ರತಿಭಟನೆಯಲ್ಲಿ ಭಾಗವಹಿಸಿ ತಮ್ಮ ಅಭಿಪ್ರಾಯ ಮಂಡಿಸಿದ್ದಾರೆ. ಈ ಜನಸ್ತೋಮ ನೋಡಿ ರಾಜಕೀಯ ನಾಯಕರು ಸ್ಥಳಕ್ಕೆ ದೌಡಾಯಿಸಿದ್ದು, ಯೋಜನೆ ವಿರೋಧಿಸಿ ಭಾಷಣ ಮಾಡಿದ್ದಾರೆ. `ಪ್ರಸ್ತಾಪಿತ ನದಿ ಜೋಡಣೆ ಯೋಜನೆಗಳ ಅನುಷ್ಠಾನಕ್ಕಾಗಿ ಅಣೆಕಟ್ಟು, ಕಾಲುವೆ, ಸುರಂಗ, ಪೈಪ್‌ಲೈನ್, ಪಂಪ್‌ಹೌಸ್, ವಿದ್ಯುತ್ ಪ್ರಸರಣ ಮಾರ್ಗ ಹಾಗೂ ಸೇವಾ ರಸ್ತೆಗಳಂತಹ ಬೃಹತ್ ಕಾಮಗಾರಿಗಳನ್ನು ಕೈಗೊಳ್ಳಬೇಕಾಗುತ್ತದೆ. ಇದರಿಂದ ಪಶ್ಚಿಮಘಟ್ಟದ ಗುಡ್ಡ ಪ್ರದೇಶಗಳಲ್ಲಿ ವ್ಯಾಪಕವಾಗಿ ಭೂ ಅಗೆತ ಹಾಗೂ ಅರಣ್ಯ ನಾಶ ಸಂಭವಿಸುವ ಆತಂಕವಿದೆ’ ಎಂದು ಪ್ರತಿಭಟನಾಕಾರರು ಹೇಳಿದ್ದಾರೆ. `ಬೇಡ್ತಿ ನದಿ ಕಣಿವೆಯಲ್ಲಿ ಹೆಚ್ಚಿನ ಮಳೆ ಕೇವಲ ಮಳೆಗಾಲದ ಕೆಲ ತಿಂಗಳಲ್ಲಿ ಸುರಿಯುವುದರಿಂದ ಉಳಿದ ಅವಧಿಯಲ್ಲಿ ನದಿಯ ಹರಿವು ಕಡಿಮೆಯಾಗಿರುತ್ತದೆ. ಹೀಗಾಗಿ ನದಿಯಲ್ಲಿ ಹೆಚ್ಚುವರಿ ನೀರು ಲಭ್ಯವಿದೆ ಎಂಬ ಪರಿಕಲ್ಪನೆಯೇ ವಾಸ್ತವಿಕವಲ್ಲ’ ಎಂದು ತಜ್ಞರು ವಿವರಿಸಿದ್ದಾರೆ. `ನದಿ ಜೋಡಣೆ ಕಾಮಗಾರಿಗಳಿಂದ ಪಶ್ಚಿಮಘಟ್ಟದ ಜೀವವೈವಿಧ್ಯಕ್ಕೆ ಹಾನಿಯಾಗುವುದರ ಜೊತೆಗೆ ವನ್ಯಜೀವಿಗಳ ಆವಾಸಸ್ಥಾನ ವಿಭಜನೆಯಾಗುವ ಸಾಧ್ಯತೆಯಿದೆ. ಇದರಿಂದ ಮಾನವ – ವನ್ಯಜೀವಿ ಸಂಘರ್ಷ ಹೆಚ್ಚಾಗಲಿದ್ದು, ಗುಡ್ಡ ಪ್ರದೇಶಗಳಲ್ಲಿ ಭೂಕುಸಿತದ ಅಪಾಯವೂ ಇದೆ’ ಎಂದಿದ್ದಾರೆ. `ಬೇಡ್ತಿ ಮತ್ತು ಅಘನಾಶಿನಿ ನದಿಗಳ ಮೇಲೆ ಅವಲಂಬಿತವಾಗಿರುವ ರೈತರು, ಸಣ್ಣ ಕೃಷಿಕರು, ಪಶುಪಾಲಕರು, ಅರಣ್ಯಾಧಾರಿತ ಸಮುದಾಯಗಳು ಹಾಗೂ ಕರಾವಳಿ ಭಾಗದ ಮೀನುಗಾರರ ಜೀವನೋಪಾಯಕ್ಕೂ ಯೋಜನೆ ಅಪಾಯಕಾರಿಯಾಗಲಿದೆ’ ಎಂದು ಪ್ರತಿಭಟನಾಕಾರರು ಆತಂಕವ್ಯಕ್ತಪಡಿಸಿದ್ದಾರೆ. ಅದರೊಂದಿಗೆ ನದಿಗಳ ಸಿಹಿನೀರಿನ ಹರಿವು ಕಡಿಮೆಯಾದರೆ ಸಮುದ್ರದ ಉಪ್ಪುನೀರು ನದಿಮುಖ ಪ್ರದೇಶಗಳಿಗೆ ಒಳನುಗ್ಗುವ ಸಾಧ್ಯತೆ ಇದ್ದು, ಕುಡಿಯುವ ನೀರು, ಕೃಷಿ ಹಾಗೂ ಮೀನುಗಾರಿಕೆ ಮೇಲೆ ಪರಿಣಾಮ ಬೀರಲಿದೆ’ ಎಂಬ ಅಂಶದ ಬಗ್ಗೆ ಗಮನಸೆಳೆದಿದ್ದಾರೆ.
- [ಕಳ್ಳರ ಕುಟುಂಬ!](https://mobiletime.in/2026/09/a-family-of-thieves/): ಕದಿಯುವುದಕ್ಕಾಗಿಯೇ ಗೋಕರ್ಣಕ್ಕೆ ಬರುತ್ತಿದ್ದ ನಾಲ್ಕು ಮಹಿಳೆಯರು ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಒಂದೇ ಕುಟುಂಬದ ಆ ನಾಲ್ವರನ್ನು ಬಂಧಿಸಿದ್ದಾರೆ. ಗೋಕರ್ಣದ ಮಹಾಗಣಪತಿ ಮಂದಿರದಲ್ಲಿ ಮಂಗಳವಾರ ಪರ್ಸ ಕಳ್ಳತನ ನಡೆದಿತ್ತು. ದೇವರ ದರ್ಶನಕ್ಕೆ ಬಂದಿದ್ದ ಮುಂಜುಳಾ ಶಿಂಧೆ ಅವರು ಪರ್ಸ ಕಳೆದುಕೊಂಡಿದ್ದರು. ಭಕ್ತರ ಸೋಗಿನಲ್ಲಿ ಬಂದಿದ್ದ ಗದಗ ಬೆಟಗೇರಿಯ ಭೀಮವ್ವ ಹನುಮಂತಪ್ಪ ಮುಟಗಾರ (60), ಶಾಂತಾ ರಾಮಪ್ಪ ಮುಟಗಾರ (62), ಶುಭಾ ರಾಯಪ್ಪ ಮುಟಗಾರ (43) ಕುಮಾರಿ ಮುಟಗಾರ (43) ಅವರು ಈ ಪರ್ಸ ಕದ್ದಿದ್ದರು. ಬುಧವಾರದೊಳಗೆ ಪೊಲೀಸರು ಈ ಎಲ್ಲರನ್ನು ಬಂಧಿಸಿದರು. ಬಂಧಿತರೆಲ್ಲರೂ ಒಂದೇ ಕುಟುಂಬದವರಾಗಿದ್ದಾರೆ. ಪಿಐ ಶ್ರೀಧರ ಎಸ್ ಆರ್ ಅವರ ಜೊತೆ ಪಿಸೈ ಸುನಿಲ್, ಎಸೈ ಲಕ್ಷಿö್ಮÃ ಗುನಗ, ಹವಾಲ್ದಾರ ಜಟ್ಟಪ್ಪ ನಾಯ್ಕ, ರಾಜೇಶ ನಾಯ್ಕ, ಸಿಬ್ಬಂದಿ ಶ್ರೀಕಾಂತ ಕೆ, ಸೋನಿಕಾ ರೆಡ್ಡಿ, ವಿನುತಾ ನಾಯ್ಕ, ಸಂಧ್ಯಾ ಭಂಡಾರಿ, ಸಾಧನಾ ನಾಯ್ಕ, ಶ್ರವಣಕುಮಾರ ಈ ಕಾರ್ಯಾಚರಣೆಯಲ್ಲಿದ್ದರು. ವಿಚಾರಣೆ ವೇಳೆ ಈ ಕಳ್ಳಿಯರು ಧರ್ಮಸ್ಥಳ, ಆಂಧ್ರದ ತಿರುಪತಿ, ತಮಿಳಯನಾಡಿನ ದೇವಾಲಯದಲ್ಲಿ ಕಳ್ಳತನ ಮಾಡಿರುವುದು ಗೊತ್ತಾಗಿದೆ.
- [ಡೀಸೆಲ್ ಕಳ್ಳರ ಸೆರೆ!](https://mobiletime.in/2026/09/diesel-thieves-nabbed/): ಡೀಸೆಲ್ ಕದ್ದು ಜೀವನ ನಡೆಸುತ್ತಿದ್ದ ಮೂವರನ್ನು ಹೊನ್ನಾವರ ಪೊಲೀಸರು ಹಿಡಿದಿದ್ದಾರೆ. ಅವರ ಬಳಿಯಿದ್ದ 140 ಲೀಟರ್ ಡೀಸೆಲನ್ನು ವಶಕ್ಕೆಪಡೆದಿದ್ದಾರೆ. ಹೊನ್ನಾವರ ಗೋರುಸೊಪ್ಪ ದಾಪಗಾಲಮಕ್ಕಿಯ ಮೂಸಾ ಹಸನ್ ಸಾಬ್ ಅವರು ಟಿಪ್ಪರ್ ಹೊಂದಿದ್ದು, ಅದನ್ನು ಬಾಡಿಗೆಗೆ ಬಿಡುವ ಮೂಲಕ ಜೀವನ ನಡೆಸುತ್ತಿದ್ದಾರೆ. ಹೊನ್ನಾವರ ಗೇರುಸೊಪ್ಪದ ಬಳಿ ಅವರ ಟಿಪ್ಪರಿನಲ್ಲಿದ್ದ ಡೀಸಲ್ ಕಳ್ಳತನವಾಗಿದೆ. ಟಿಪ್ಪರ್ ಟ್ಯಾಂಕರಿನಲ್ಲಿದ್ದ 140 ಲೀಟರ್ ಡೀಸಲ್’ನ್ನು ಮೂವರು ಸೇರಿ ಕದ್ದಿದ್ದಾರೆ. ಆ ಕಳ್ಳರನ್ನು ಪೊಲೀಸರು ಹುಡುಕಿ ಹಿಡಿದಿದ್ದಾರೆ. ಶಿವಮೊಗ್ಗದ ಸುನ್ನಿ ಮೆಕ್ಕಾ ಮಸೀದಿ ಬಳಿಯ ಯೂಸಿಬ್ ಶಬ್ಬಿರ್ ಖಾನ್ (29), ಕಡೆಕಲ್ಲು ಪಾರೆಸ್ಟ್ ಕಾಲೋನಿಯ ಮಹಮದ್ ಗೌಸ್ ಮಹ್ಮದ್ ಹಯಾಸ್ ಸಾಬ್ (38), ಶಿವಮೊಗ್ಗ ಮದೀನಾ ಮಸೀದಿ ಬಳಿಯ ಸೈಯ್ಯದ್ ಸಿಕಂದರ್ ಸೈಯದ್ ಜಬ್ಬಾರ್ (22) ಡೀಸೆಲ್ ಕಳ್ಳರಾಗಿದ್ದಾರೆ. ಕದಿಯುವುದಕ್ಕಾಗಿಯೇ ಹೊನ್ನಾವರಕ್ಕೆ ಬರುತ್ತಿದ್ದ ಅವರು ಈ ಬಾರಿ ಸಿಕ್ಕಿ ಬಿದ್ದಿದ್ದಾರೆ. ಪಿಸೈ ಮಹಾಂತೇಶ ವಾಲ್ಮೀಕಿ ತಂಡದವರು ಕಾರ್ಯಾಚರಣೆ ನಡೆಸಿ ಕಳ್ಳರನ್ನು ಜೈಲಿಗೆ ಕಳುಹಿಸಿದ್ದಾರೆ.
- [ಕಂಟೇನರ್ ಅಡಿಗೆ ಬಿದ್ದ ಬೈಕು: ಸಾವು!](https://mobiletime.in/2026/09/bike-falls-under-container-death/): ಕುಮಟಾದ ಮಂದಾರ ಹೊಟೇಲ್ ಬಳಿ ಬೈಕೊಂದು ಕಂಟೇನರ್ ಅಡಿಗೆ ಬಿದ್ದಿದೆ. ಬೈಕ್ ಸವಾರ ಅಲ್ಲಿಯೇ ಸಾವನಪ್ಪಿದ್ದು, ಸ್ಥಳದಲ್ಲಿ ಸಂಚಾರ ದಟ್ಟಣೆಯಾಗಿದೆ. ಕಡತೋಕದ ವಿವೇಕ ರಾಮಕೃಷ್ಣ ಶೆಟ್ಟಿ ಅವರು ಈ ದಿನ ಕುಮಟಾಗೆ ಬಂದಿದ್ದರು. ಬೈಕಿನಲ್ಲಿ ಸಂಚರಿಸುತ್ತಿದ್ದ ಅವರಿಗೆ ಕಂಟೇನರ್ ಒಂದು ಡಿಕ್ಕಿ ಹೊಡೆಯಿತು. ಡಿಕ್ಕಿ ರಭಸಕ್ಕೆ ಬೈಕು ಸಂಪೂರ್ಣವಾಗಿ ಜಖಂ ಆಗಿದ್ದು, ಹೆದ್ದಾರಿಯಲ್ಲಿ ಬಿದ್ದ ವಿವೇಕ ಶೆಟ್ಟಿ ಅವರು ಅಲ್ಲಿಯೇ ಉಸಿರು ನಿಲ್ಲಿಸಿದರು. ಅಪಘಾತ ನೋಡಿದ ಕಂಟೇನರ್ ಚಾಲಕ ತಕ್ಷಣ ಸ್ಥಳದಿಂದ ಓಡಿ ಹೋದರು. ಅಪಘಾತದ ಪರಿಣಾಮ ರಸ್ತೆಯಲ್ಲಿ ಸಂಚಾರ ದಟ್ಟಣೆ ಉಂಟಾಯಿತು. ಪೊಲೀಸರು ಸ್ಥಳಕ್ಕೆ ಆಗಮಿಸಿದ್ದು, ವಾಹನಗಳ ಓಡಾಟ ಸರಿಪಡಿಸಲು ಹರಸಾಹಸ ನಡೆಸಿದರು. ಸದ್ಯ ವಾಹನ ಸಂಚಾರ ದಟ್ಟಣೆ ಸಮಸ್ಯೆ ಬಗೆಹರಿದಿದ್ದು, ಪರಾರಿಯಾದ ಚಾಲಕನ ಶೋಧ ಶುರುವಾಗಿದೆ.
- [ಕಸದ ಗಾಡಿಗೆ ಶಾಸಕನೇ ಚಾಲಕ!](https://mobiletime.in/2026/09/mla-himself-drives-the-garbage-truck/): ಕುಮಟಾ ಶಾಸಕ ದಿನಕರ ಶೆಟ್ಟಿ ಅವರು ಈ ದಿನ ಕಸದ ಗಾಡಿ ಓಡಿಸಿದ್ದಾರೆ. `ಎಲ್ಲರೂ ಈ ಗಾಡಿಯಲ್ಲಿಯೇ ಕಸ ಹಾಕಬೇಕು’ ಎಂದವರು ಮನವಿಯನ್ನೂ ಮಾಡಿದ್ದಾರೆ. ಗೋಕರ್ಣ ಗ್ರಾಮ ಪಂಚಾಯತವೂ 12.5 ಲಕ್ಷ ರೂ ವೆಚ್ಚದಲ್ಲಿ ಹೊಸದಾಗಿ ಕಸ ಸಂಗ್ರಹಣಾ ವಾಹನ ಖರೀದಿಸಿದೆ. ಅದರ ಉದ್ಘಾಟನೆಗೆ ಆಗಮಿಸಿದ್ದ ದಿನಕರ ಶೆಟ್ಟಿ ಅವರು ಆ ಗಾಡಿ ಓಡಿಸಿ, ಜನರಿಗೆ ಸ್ವಚ್ಛತೆಯ ಪಾಠ ಮಾಡಿದ್ದಾರೆ. `ಹೊಟೇಲ್ ರೆಸಾರ್ಟಗಳ ತ್ಯಾಜ್ಯ ವಿಲೇವಾರಿ ಬಗ್ಗೆ ಯಾವ ಒಬ್ಬ ಅಧಿಕಾರಿಯೂ ನಿಗಾವಹಿಸುತ್ತಿಲ್ಲ. ಈ ಬಗ್ಗೆ ಜಿಲ್ಲಾಡಳಿತಕ್ಕೆ ತಿಳಿಸಿದರೂ ಕ್ರಮವಾಗಿಲ್ಲ. ಗ್ರಾ ಪಂ ಅಧಿಕಾರಿಗಳು ನಿತ್ಯ ತಮ್ಮ ಕಚೇರಿಯನ್ನು ಸ್ವಚ್ಛವಾಗಿರಿಸಿಕೊಂಡು, ಊರಿನ ಸ್ವಚ್ಛತೆಯ ಬಗ್ಗೆಯೂ ಗಮನಹರಿಸಬೇಕು’ ಎಂದವರು ಕಿವಿಮಾತು ಹೇಳಿದ್ದಾರೆ. `ಗೋಕರ್ಣ ಗ್ರಾಮ ಪಂಚಾಯತವನ್ನು ಮೇಲ್ದರ್ಜೇಗೇರಿಸುವ ಬಗ್ಗೆ ಸತತ ಪ್ರಯತ್ನ ಮಾಡಲಾಗುತ್ತಿದೆ. ಇದನ್ನು ಪುರಸಭೆ ಮಾಡಬೇಕು ಎಂಬ ನಿಲುವಿದೆ’ ಎಂದು ಈ ವೇಳೆ ಅವರು ಹೇಳಿದ್ದಾರೆ. `ಧಾರ್ಮಿಕ ಕ್ಷೇತ್ರದಲ್ಲಿ ಸ್ವಚ್ಚತೆಯೇ ಸವಾಲಾಗಿದ್ದು ಹೆಚ್ಚಿನ ಅನುದಾನ, ಅಭಿವೃಧ್ದಿ ಕಾರ್ಯಕ್ಕೆ ಈ ಊರನ್ನು ಪುರಸಭೆ ಮಾಡುವುದು ಅನಿವಾರ್ಯ’ ಎಂದಿದ್ದಾರೆ. ಕಸ ವಿಲೇವಾರಿ ಹಾಗೂ ಸ್ವಚ್ಚತೆಗೆ ಇಲ್ಲಿನ ಹೊಟೇಲ್ ಹಾಗೂ ರೆಸಾರ್ಟನವರು ಸಹಕಾರ ನೀಡದಿರುವ ಬಗ್ಗೆ ಬೇಸರ ವ್ಯಕ್ತಪಡಿಸಿದ ದಿನಕರ ಶೆಟ್ಟಿ ಅವರು `ಮುಂದಿನ ದಿನದಲ್ಲಾದರೂ ಸ್ವಚ್ಚ ಪರಿಸರಕ್ಕೆ ಕೈಜೋಡಿಸಿ’ ಎಂದು ಕೇಳಿಕೊಂಡಿದ್ದಾರೆ. `ಸಿ.ಎಸ್.ಆರ್ ನಿಧಿಯಿಂದ ಮತ್ತೊಂದು ಕಸದ ವಾಹನ ಹಾಗೂ ಸಾರ್ವಜನಿಕ ಶೌಚಾಲಯ ನಿರ್ಮಿಸಲು ಯೋಜನೆ ರೂಪಿಸಿ ಜಿಲ್ಲಾಧಿಕಾರಿಗಳಿಗೆ ನೀಡಿದ್ದು, ಅದಕ್ಕೆ ಮಂಜೂರಿ ಸಿಕ್ಕಿಲ್ಲ. ಆ ಬಗ್ಗೆ ಸರ್ಕಾರದ ಗಮನಸೆಳೆಯುವೆ’ ಎಂದು ಸಹ ಅವರು ಈ ವೇಳೆ ಹೇಳಿದ್ದಾರೆ. ಈ ವೇಳೆ ಬಿ.ಜೆ.ಪಿ ಗೋಕರ್ಣ ಮಂಡಲ ಅಧ್ಯಕ್ಷ ಗಣೇಶ ಪಂಡಿತ್, ಗ್ರಾ ಪಂ. ಮಾಜಿ ಅಧ್ಯಕ್ಷ ಮಂಜುನಾಥ ಜನ್ನು, ಹನೇಹಳ್ಳಿ ಗ್ರಾ. ಪಂ ಮಜಿ ಅಧ್ಯಕ್ಷ ಸಣ್ಣು ಗೌಡ, ತಾಪಂ. ಮಾಜಿ ಸದಸ್ಯ ಮಹೇಶ ಶೆಟ್ಟಿ, ಮಾಜಿ ಗ್ರಾ ಪಂ. ಸದಸ್ಯರಾದ ರಮೇಶ ಪ್ರಸಾದ, ಮುಂಜುನಾಥ ಶೆಟ್ಟಿ,ಗಣಪತಿ ನಾಯ್ಕ, ರಾಜೇಶ ನಾಯಕ, ಮಹೇಶ ನಾಯಕ, ಸುಜಯ ಶೆಟ್ಟಿ, ಪ್ರಮುಖರಾದ ಜಯರಾಮ ಹೆಗಡೆ, ಕುಮಾರ ದೀವಟಗಿ, ನಾಗೇಶ ಗೌಡ, ಶಂಕರ ಗೌಡ, ರಮೇಶ ಗೌಡ ಇತರರು ಇದ್ದರು.
- [`ಮಹಿಳೆಯರ ಸಬಲೀಕರಣಕ್ಕೆ ಸ್ವ-ಸಹಾಯ ಸಂಘಗಳು ಸಹಕಾರಿ'](https://mobiletime.in/2026/09/self-help-groups-are-instrumental-in-womens-empowerment/): `ಮಹಿಳೆಯರು ಆರ್ಥಿಕವಾಗಿ ಸಬಲರಾಗಿ ಸ್ವಾವಲಂಬಿ ಬದುಕು ನಡೆಸಲು ಸ್ವ-ಸಹಾಯ ಸಂಘಗಳು ಅತ್ಯಾವಶ್ಯಕ’ ಎಂದು ಸ್ಕೊಡ್‌ವೆಸ್ ಸಂಸ್ಥೆಯ ಕಾರ್ಯದರ್ಶಿ ಸರಸ್ವತಿ ಎನ್ ರವಿ ಅವರು ಹೇಳಿದ್ದಾರೆ. ಸ್ಕೊಡ್‌ವೆಸ್ ಸಂಸ್ಥೆಯು ಉತ್ಕರ್ಷ ಯೋಜನೆಯಡಿ ಬನವಾಸಿ ಗ್ರಾಮ ಪಂಚಾಯಿತಿ ಸಭಾಭವನದಲ್ಲಿ ನೂತನವಾಗಿ ರಚಿಸಲಾದ 10 ನೂತನ ಮಹಿಳಾ ಸ್ವ-ಸಹಾಯ ಸಂಘಗಳ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಅವರು `ಸ್ಕೊಡ್‌ವೆಸ್ ಸಂಸ್ಥೆಯು ಕಳೆದ 21 ವರ್ಷಗಳಿಂದ ಸಾಮಾಜಿಕ ಕ್ಷೇತ್ರದಲ್ಲಿದ್ದು, ಮಹಿಳಾ ಸಬಲೀಕರಣ ಹಾಗೂ ಮಹಿಳಾ ಅಭಿವೃದ್ಧಿಗೆ ಆದ್ಯತೆ ನೀಡುತ್ತಿದೆ’ ಎಂದು ವಿವರಿಸಿದ್ದಾರೆ. `ಪ್ರಸ್ತುತ 29 ಜಿಲ್ಲೆಗಳು ಹಾಗೂ 05 ರಾಜ್ಯಗಳಲ್ಲಿ ವಿವಿಧ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಅನುಷ್ಠಾನಗೊಳಿಸುತ್ತಿದೆ. ಉತ್ತರ ಕನ್ನಡ, ಹಾವೇರಿ, ಗದಗ ಜಿಲ್ಲೆಗಳಲ್ಲಿ ಉತ್ಕರ್ಷ ಯೋಜನೆಯನ್ನು ಅನುಷ್ಠಾನಗೊಳಿಸುವುದರ ಮೂಲಕ ಗ್ರಾಮೀಣ ಮಹಿಳೆಯರನ್ನು ಸಂಘಟಿಸಿ, ಸ್ವ-ಸಹಾಯ ಸಂಘಗಳ ಮೂಲಕ ಆರ್ಥಿಕವಾಗಿ ಸಬಲರನ್ನಾಗಿ ಮಾಡುವ ಕಾರ್ಯ ಮಾಡಲಾಗುತ್ತಿದೆ’ ಎಂದವರು ತಿಳಿಸಿದರು. ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಬನವಾಸಿ ಗ್ರಾಮ ಪಂಚಾಯಿತಿಯ ಪಿಡಿಒ ಮಹಮ್ಮದ್ ರಿಯಾಝ್ ಮಾತನಾಡಿ `ಸರ್ಕಾರದ ವಿವಿಧ ಯೋಜನೆಗಳು ಹಾಗೂ ಸ್ವಯಂಸೇವಾ ಸಂಸ್ಥೆಗಳ ಮೂಲಕ ಮಹಿಳಾ ಸಬಲೀಕರಣಕ್ಕೆ ಒದಗಿಸಲಾಗುತ್ತಿರುವ ಸೌಲಭ್ಯಗಳನ್ನು ಗ್ರಾಮೀಣ ಮಹಿಳೆಯರು ಸದುಪಯೋಗಪಡಿಸಿಕೊಳ್ಳಬೇಕು’ ಎಂದರು. ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದ ಬನವಾಸಿ ಕೆನರಾ ಬ್ಯಾಂಕ್ ವ್ಯವಸ್ಥಾಪಕ ಸಿದ್ದರಾಮ ಬೀರ್‌ದಾರ್, ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದ ಸಹಕಾರಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಗಣಪತಿ ನಾಯ್ಕ, ಬನವಾಸಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಹಿರಿಯ ಅಧಿಕಾರಿಗಳಾದ ಆರೇರಯ್ಯ ಮತ್ತು ಮಾರುತಿ ಅವರು ಮಾತನಾಡಿದರು. ಕಾರ್ಯಕ್ರಮದಲ್ಲಿ ಸ್ಕೊಡ್‌ವೆಸ್ ಸಂಸ್ಥೆಯ ಉತ್ಕರ್ಷ ಯೋಜನೆಯ ಸಿಬ್ಬಂದಿಗಳು, ಸ್ಕೊಡ್‌ವೆಸ್ ಮಹಿಳಾ ಸೌಹಾರ್ದದ ಸಿಬ್ಬಂದಿಗಳು ಹಾಗೂ ಸ್ವ-ಸಹಾಯ ಸಂಘಗಳ ಸದಸ್ಯರು ಸೇರಿದಂತೆ 100ಕ್ಕೂ ಅಧಿಕ ಮಹಿಳೆಯರು ಉಪಸ್ಥಿತರಿದ್ದರು.
- [ಬ್ಯಾಂಕಿoಗ್ ನೇಮಕಾತಿ: ನೇರ ಸಂದರ್ಶನಕ್ಕೆ ಆಹ್ವಾನ](https://mobiletime.in/2026/09/banking-recruitment-invitation-for-walk-in-interview/): ಕಾರವಾರದ ಐ.ಸಿ.ಐ.ಸಿ.ಐ ಬ್ಯಾಂಕ್ ಉದ್ಯೋಗ ಪ್ರಕಟಣೆಯೊಂದನ್ನು ಹೊರಡಿಸಿದ್ದು, ಈ ಹುದ್ದೆಗಾಗಿ ಸೆಪ್ಟೆಂಬರ್ 5ರಂದು ನೇರ ನೇಮಕಾತಿ ಸಂದರ್ಶನ ನಡೆಸಲಿದೆ. ಕಾರವಾರದಲ್ಲಿಯೇ ಈ ಸಂದರ್ಶನ ನಡೆಯಲಿದೆ. ಸದ್ಯ ಐ.ಸಿ.ಐ.ಸಿ.ಐ ಬ್ಯಾಂಕಿನಲ್ಲಿ ಮತ್ತು ರಿಲೇಶನ್ ಶಿಪ್ ಮ್ಯಾನೇಜರ್ ಹುದ್ದೆಗಳು ಖಾಲಿ ಇವೆ. 18ಇಂದ 25 ವರ್ಷದೊಳಗಿನವರಿಗೆ ಈ ಹುದ್ದೆ ನೀಡಲು ಬ್ಯಾಂಕ್ ನಿರ್ಧರಿಸಿದೆ. ಉತ್ತರ ಕನ್ನಡ ಜಿಲ್ಲೆಯವರ ಜೊತೆ ಬೆಳಗಾವಿ ಹಾಗೂ ಹುಬ್ಬಳ್ಳಿಯವರು ಸಹ ಈ ಹುದ್ದೆಗೆ ಅರ್ಜಿ ಸಲ್ಲಿಸಲು ಅರ್ಹರು. ಆದರೆ, ನೇರ ಸಂದರ್ಶನಕ್ಕೆ ಬರುವವರು ಪದವಿ ಪಾಸಾಗಿರುವುದು ಕಡ್ಡಾಯ. ಉದ್ಯೋಗ ಸ್ಥಳ ಸಹ ಬೆಳಗಾವಿ, ಹುಬ್ಬಳ್ಳಿ ಹಾಗೂ ಉತ್ತರ ಕನ್ನಡ ಜಿಲ್ಲೆಯೇ ಆಗಿದೆ. ಪುರುಷ ಹಾಗೂ ಮಹಿಳಾ ಅಭ್ಯರ್ಥಿಗಳು ಈ ಸಂದರ್ಶನ ಎದುರಿಸಬಹುದಾಗಿದ್ದು, ರೆಸ್ಯೂಮ್ ಪ್ರತಿಯೊಂAದಿಗೆ ಬರಬೇಕು ಎಂದು ಸೂಚಿಸಲಾಗಿದೆ. ಐ.ಸಿ.ಐ.ಸಿ.ಐ ಬ್ಯಾಂಕಿನಲ್ಲಿ ಖಾಲಿ ಇರುವ ಸೇಲ್ಸ್ ಮತ್ತು ರಿಲೇಶನ್ ಶಿಪ್ ಮ್ಯಾನೇಜರ್ ಹುದ್ದೆಯ ಸಂದರ್ಶನ ಸೆಪ್ಟೆಂಬರ್ 5ರಂದು ಯೋಜನಾ ವಿನಿಮಯ ಕಚೇರಿ, ಶ್ರೀಮತಿ ಪ್ರೇಮಾಬಾಯಿ ರಾಯ್ಕರ ಬಿಲ್ಡಿಂಗ್, ಪಂಚಾಬ್ ನ್ಯಾಶನಲ್ ಬ್ಯಾಂಕ್ ಹತ್ತಿರ, ಸಿವಿಲ್ ಕೋರ್ಟ್ ರಸ್ತೆ, ಕಾರವಾರದಲ್ಲಿ ನಡೆಯಲಿದೆ. ಈ ಬಗ್ಗೆ ಇನ್ನಷ್ಟು ಮಾಹಿತಿಗಾಗಿ ಇಲ್ಲಿ ಫೋನ್ ಮಾಡಿ: 8310044796 ಅಥವಾ 08382-226386
- [ಟೆಕ್ ಪಾರ್ಕ ತಂತ್ರಜ್ಞಾನ ದುರುಪಯೋಗ!](https://mobiletime.in/2026/09/tech-park-technology-abuse/): ಶಿರಸಿಯ ಟೆಕ್ ಪಾರ್ಕ ಕಡೆಯಿಂದ ಈ ದಿನ ಅನೇಕರಿಗೆ ವಾಟ್ಸಪ್ ಮೆಸೆಜ್ ಹೋಗಿದ್ದು, ಆ ಮೆಸೆಜ್ ಕ್ಲಿಕ್ ಮಾಡಿದರೆ ಮೋಸ ಹೋಗುವುದು ಖಚಿತ! ಉತ್ತರ ಕನ್ನಡ ಜಿಲ್ಲೆಯ ಶಿರಸಿಯಲ್ಲಿ ಟೆಕ್ ಪಾರ್ಕ ಪ್ರೆ ಲಿ ಎಂಬ ಕಂಪನಿ ಕಾರ್ಯನಿರ್ವಹಿಸುತ್ತಿದೆ. ಕದಂಬ ಮಾರ್ಕೇಟಿಂಗ್’ನ ಆರ್ಗಾನಿಕ್ ಸೆಂಟರ್ ಮೇಲ್ಬಾಗ ಕಂಪನಿಯ ಕಚೇರಿಯಿದೆ. ಮಾಹಿತಿಗಳ ಪ್ರಕಾರ ಸ್ಥಳೀಯ ಪ್ರತಿಭೆಗಳನ್ನು ಪ್ರೋತ್ಸಾಹಿಸಿ ಉದ್ಯೋಗ ಅವಕಾಶ ನೀಡಲು ಈ ಕಂಪನಿ ಶುರುವಾಗಿದೆ. ಗ್ರಾಮೀಣ ಭಾಗದಲ್ಲಿ ತಂತ್ರಜ್ಞಾನ ಹಾಗೂ ಕಾರ್ಪೋರೇಟ್ ವಾತಾವರಣ ಉತ್ತೇಜಿಸಲು ಈ ಕಂಪನಿ ಕೆಲಸ ಮಾಡುತ್ತಿದೆ. ಆದರೆ, ಈ ಟೆಕ್ ಪಾರ್ಕನಲ್ಲಿನ ತಂತ್ರಜ್ಞಾನವೇ ಇದೀಗ ದುರುಪಯೋಗವಾಗಿದೆ! ಉತ್ತರ ಕನ್ನಡ ಜಿಲ್ಲೆಯಿಂದ ಪ್ರತಿ ವರ್ಷ ಸಾವಿರಾರು ಜನ ಉದ್ಯೋಗ ಅರೆಸಿ ಬೇರೆ ಬೇರೆ ಭಾಗಗಳಿಗೆ ಹೋಗುತ್ತಾರೆ. ಅದರಲ್ಲಿಯೂ ಮುಖ್ಯವಾಗಿ ಪದವೀಧರರು ಹಾಗೂ ಇಂಜಿನಿಯರ್ ಬೇರೆ ಪ್ರದೇಶಗಳಿಗೆ ಹೋಗುತ್ತಿದ್ದು, ಈ ಪ್ರತಿಭಾ ಪಲಾಯನ ತಡೆಯುವ ಉದ್ದೇಶಕ್ಕಾಗಿ ಟೆಕ್ ಪಾರ್ಕ ಹುಟ್ಟಿಕೊಂಡಿದೆ. ವರ್ಕ ಪ್ರಂ ಹೊಂ ಮಾಡುವವರಿಗೆ ಟೆಕ್ ಪಾರ್ಕ ಸಕಲ ವ್ಯವಸ್ಥೆ ಮಾಡಿಕೊಡುವುದರ ಜೊತೆ ದೊಡ್ಡ ದೊಡ್ಡ ಕಂಪನಿಗಳನ್ನು ಶಿರಸಿಗೆ ಆಹ್ವಾನಿಸುವ ಉದ್ದೇಶಹೊಂದಿದೆ. ಮಾಹಾನಗರಗಳಲ್ಲಿರುವ ಸೌಕರ್ಯವನ್ನು ಶಿರಸಿಯಂಥ ಪ್ರದೇಶದಲ್ಲಿಯೂ ನಿರ್ಮಿಸಿ ಕೊಡುವ ಭರವಸೆಯನ್ನು ಟೆಕ್ ಪಾರ್ಕ ತನ್ನ ವೆಬ್‌ಸೈಟಿನ ಮೂಲಕ ವಿವರಿಸಿದೆ. ಇಂಟರ್‌ನೆಟ್ ಸೌಲಭ್ಯ, ಪವರ್ ಬ್ಯಾಕಪ್ ಸೌಕರ್ಯಗಳೊಂದಿಗೆ ಉದ್ಯೋಗಿಗಳಿಗೆ ಊರಿನಲ್ಲಿಯೇ ಕೆಲಸ ಮಾಡುವ ಅವಕಾಶ ನೀಡುವುದಾಗಿ ಈ ಕಂಪನಿ ಹೇಳಿಕೊಂಡಿದೆ. ಕಾರ್ಪೋರೇಟ್ ಕಂಪನಿಗಳ ಅಗತ್ಯಕ್ಕೆ ಅನುಗುಣವಾಗಿ ಯುವಕರನ್ನು ಗುರುತಿಸಿ ಅವರ ಕೌಶಲ್ಯ ಹೆಚ್ಚಳ ಹಾಗೂ ನೇಮಕಾತಿ ಪ್ರಕ್ರಿಯೆ ನಡೆಸಲು ತಂಡವಿರುವುದಾಗಿ ಕಂಪನಿ ಹೇಳಿದೆ. ಗಣ್ಯರು ಹಾಗೂ ಪ್ರತಿಭಾನ್ವಿತರು ಕಂಪನಿಯ ಒಡನಾಡಿಗಳಾಗಿರುವುದರಿಂದ ಅನೇಕರು ಟೆಕ್ ಪಾರ್ಕ ಕಂಪನಿಯ ಮೇಲೆ ಭರವಸೆಯನ್ನಿಟ್ಟಿದ್ದಾರೆ. ಹೀಗಿರುವಾಗ ಬುಧವಾರ ಕಂಪನಿಯಿoದಲೇ ಅನೇಕ ಅಪರಿಚಿತ ಸಂಖ್ಯೆಗಳಿಗೆ ಮೆಸೆಜ್ ಹೋಗಿದ್ದು, ಆ ಮೆಸೆಜ್ ತೆರೆದ ನಂತರ ಕೆಲ ಮೊಬೈಲ್ ಹ್ಯಾಂಗ್ ಆಗಿದೆ. ಬೆಳಗ್ಗೆ 11 ಗಂಟೆಯ ವೇಳೆಗೆ ಕಂಪನಿಯ ಮೊಬೈಲ್ ಸಂಖ್ಯೆಯಿAದ ಈ ಮೆಸೆಜ್ ರವಾನೆಯಾಗಿದೆ. `ಇಲ್ಲಿನ ಇನ್ವಾಯ್ಸನ್ನು ನಿಮ್ಮ ಫೈನಾನ್ಸ್ ಮ್ಯಾನೇಜರಿಗೆ ಕಳುಹಿಸಿ. ದಯವಿಟ್ಟು ಇದನ್ನು ಕಂಪ್ಯುಟರಿನಲ್ಲಿ ತೆರೆದು ಪರಿಶೀಲಿಸಿ’ ಎಂದು ಆ ಮೆಸೆಜಿನಲ್ಲಿ ಬರೆಯಲಾಗಿದೆ. ಅದರೊಂದಿಗೆ ಒಂದು ಐಎಸ್‌ಓ ಫೈಲ್ ಇದ್ದು, ಅದನ್ನು ತೆರೆದರೆ ಮೊಬೈಲ್ ಸ್ವಿಚ್ ಆಫ್ ಆಗಿ ನಂತರ ಆನ್ ಆಗಲಿದೆ. ಈ ಮೆಸೆಜನ್ನು ಕಂಪ್ಯುಟರ್’ಗೆ ಕಳುಹಿಸಿದರೆ ಕಂಪ್ಯುಟರ್ ಸಹ ಹ್ಯಾಕ್ ಆಗುವ ಸಾಧ್ಯತೆಗಳಿವೆ. ಜೊತೆಗೆ ಮೊಬೈಲ್ ಹಾಗೂ ಕಂಪ್ಯುಟರ್ ಬಳಸುವವರ ವೈಯಕ್ತಿಕ ಮಾಹಿತಿ ಸೋರಿಕೆಯಾಗುವ ಎಲ್ಲಾ ಲಕ್ಷಣಗಳು ಇವೆ. ಮೆಸೆಜ್ ಬಂದ ಸಂಖ್ಯೆಗೆ ಟೆಕ್ ಪಾರ್ಕನ ಹೆಸರಿದೆ. ಈ ಕುರಿತು ಪ್ರಶ್ನಿಸಿದಾಗ `ನಮ್ಮ ಸಿಬ್ಬಂದಿ ಮೊಬೈಲ್ ಹ್ಯಾಕ್ ಆಗಿದೆ. ಹೀಗಾಗಿ ಆ ಮೆಸೆಜ್ ರವಾನೆಯಾಗಿದೆ. ಅದನ್ನು ನಿರ್ಲಕ್ಷಿಸಿ’ ಎಂದು ಟೆಕ್ ಪಾರ್ಕನ ವಿನಾಯಕ ಹೆಗಡೆ ಅವರು ಹೇಳಿದ್ದಾರೆ.  
- [ಪಿಓಪಿ ಗಣಪನಿಗೆ ಪ್ರವೇಶವಿಲ್ಲ!](https://mobiletime.in/2026/09/no-entry-for-pop-ganesha/): ಗೌರಿ ಗಣೇಶ ಹಬ್ಬದ ಹಿನ್ನಲೆ ಎಲ್ಲಡೆ ಗಣಪತಿ ಮೂರ್ತಿಗಳನ್ನು ಮನೆಗೆ ಬರ ಮಾಡಿಕೊಳ್ಳುವ ಸಿದ್ಧತೆ ಜೋರಾಗಿದೆ. ಆದರೆ, ಈ ಬಾರಿಯೂ ಪ್ಲಾಸ್ಟರ್ ಆಫ್ ಪ್ಯಾರಿಸ್ ಬಳಸಿ ಮಾಡಲಾದ ಗಣಪತಿ ಮೂರ್ತಿಗಳ ಸ್ಥಾಪನೆಯನ್ನು ಜಿಲ್ಲಾಡಳಿತ ನಿಷೇಧಿಸಿದೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಗೌರಿ-ಗಣೇಶ ಹಬ್ಬದ ಹಿನ್ನೆಲೆಯಲ್ಲಿ ಪರಿಸರ ಮಾಲಿನ್ಯ ತಡೆಯಲು ಹಾಗೂ ಸಾರ್ವಜನಿಕರ ಆರೋಗ್ಯ ರಕ್ಷಣೆಯ ಹಿತದೃಷ್ಟಿಯಿಂದ ಪ್ಲಾಸ್ಟರ್ ಆಫ್ ಪ್ಯಾರಿಸ್ ಬಳಸಿ ಮಾಡಿದ ಗಣೇಶ ಮೂರ್ತಿಗಳ ಮಾರಾಟ ಮತ್ತು ಬಳಕೆಯನ್ನು ನಿಷೇಧಿಸಲಾಗಿದ್ದು, ಯಾವುದೇ ಸಂದರ್ಭದಲ್ಲೂ ಡಿಜೆ. ಬಳಕೆಗೆ ಕೂಡಾ ಅವಕಾಶ ಇಲ್ಲ’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ತಿಳಿಸಿದ್ದಾರೆ. `ಸಾರ್ವಜನಿಕರು ಮಣ್ಣಿನಿಂದ ಮಾಡಿದ ಮತ್ತು ರಾಸಾಯನಿಕರಹಿತ ಬಣ್ಣ ಬಳಸಿ ತಯಾರಿಸಿದ ಗಣೇಶ ಮೂರ್ತಿಗಳನ್ನೇ ಬಳಸಬೇಕು. ಗಣೇಶ ವಿಸರ್ಜನೆ ಸಂದರ್ಭದಲ್ಲಿ ಜಲಮೂಲಗಳು ಕಲುಷಿತವಾಗುವುದನ್ನು ತಪ್ಪಿಸಲು ಸ್ಥಳೀಯ ಸಂಸ್ಥೆಗಳು ನಿಗಧಿಪಡಿಸಿದ ಸಾರ್ವಜನಿಕ ಸ್ಥಳಗಳಲ್ಲಿ ಅಥವಾ ತಾತ್ಕಾಲಿಕವಾಗಿ ನಿರ್ಮಿಸಲಾದ ಕೃತಕ ಹೊಂಡಗಳಲ್ಲಿ ಮಾತ್ರ ಮೂರ್ತಿಗಳನ್ನು ವಿಸರ್ಜಿಸಬೇಕು. ರಾತ್ರಿ 10ರಿಂದ ಬೆಳಗ್ಗೆ 6 ಗಂಟೆಯವರೆಗೆ ಯಾವುದೇ ರೀತಿಯ ಧ್ವನಿವರ್ಧಕಗಳ ಬಳಕೆಗೆ ಸಂಪೂರ್ಣ ನಿಷೇಧವಿದ್ದು, ಬೆಳಗಿನ ಅವಧಿಯಲ್ಲಿ ಶಬ್ಧ ಮಾಲಿನ್ಯವಾಗದಂತೆ ಧ್ವನಿವರ್ಧಕಗಳನ್ನು ಮಾತ್ರ ಬಳಸಲು ಅವಕಾಶ ನೀಡಲಾಗಿದೆ. ಗಣೇಶ ವಿಸರ್ಜನೆಯ ಮೆರವಣಿಗೆ ಸೇರಿದಂತೆ ಯಾವುದೇ ಸ್ಥಳಗಳಲ್ಲಿ ಡಿ ಜೆ ಬಳಕೆಯನ್ನು ಸಂಪೂರ್ಣವಾಗಿ ನಿಷೇಧಿಸಿದ್ದು, ಇದನ್ನು ಉಲ್ಲಂಘಿಸುವವರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುವಂತೆ ಮಾಲಿನ್ಯ ನಿಯಂತ್ರಣ ಮಂಡಳಿ ಗಮನಿಸಬೇಕು’ ಎಂದು ಪೊಲೀಸ್ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು. `ಸಾರ್ವಜನಿಕ ಸ್ಥಳಗಳಲ್ಲಿ ಗಣೇಶ ಮೂರ್ತಿ ಪ್ರತಿಷ್ಠಾಪನೆಗೆ ಪೊಲೀಸ್ ಇಲಾಖೆ ಸೇರಿದಂತೆ ನಗರ ಸ್ಥಳೀಯ ಸಂಸ್ಥೆಗಳಿAದ ಅಗತ್ಯ ಪೂರ್ವಾನುಮತಿಯನ್ನು ಪಡೆಯಬೇಕು. ಪ್ರತಿಷ್ಠಾಪನೆ ಸ್ಥಳದಲ್ಲಿ ಸಿಸಿಟಿವಿ ಅಳವಡಿಸಬೇಕು ಮತ್ತು ಸ್ವಯಂ ಸೇವಕರನ್ನು ನಿಯೋಜಿಸಬೇಕು. ಸಾರ್ವಜನಿಕ ಪ್ರಸಾದ ವಿತರಣೆ ಮತ್ತು ಕುಡಿಯುವ ನೀರು ವಿತರಣೆಯಲ್ಲಿ ಶುಚಿತ್ವ ಕಾಪಾಡುವಂತೆ ಆಯೋಜಕರಿಗೆ ಸೂಚಿಸಬೇಕು’ ಎಂದವರು ಸೂಚಿಸಿದರು. ಗಣೇಶ ಮೂರ್ತಿ ಪ್ರತಿಷ್ಠಾಪನೆ ಕುರಿತಂತೆ ಸಿಂಗಲ್ ವಿಂಡೋ ಮೂಲಕ ಎಲ್ಲಾ ಅಗತ್ಯ ಅನುಮತಿಗಳನ್ನು ಸರಳವಾಗಿ ನೀಡುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು. `ಗಣೇಶ ಪೆಂಡಾಲ್‌ಗಳ ಬಳಿ ಅಗತ್ಯ ಸುರಕ್ಷಿತ ಕ್ರಮಗಳನ್ನು ಕೈಗೊಂಡಿರುವ ಬಗ್ಗೆ ಹೆಸ್ಕಾಂ ಮತ್ತು ಆಗ್ನಿ ಶಾಮಕ ಇಲಾಖೆ ಅಧಿಕಾರಿಗಳು ಪರಿಶೀಲಿಸಬೇಕು. ಹಬ್ಬದ ಸಂದರ್ಭದಲ್ಲಿ ಈಗಾಗಲೇ ಅನುಮತಿ ಪಡೆದಿರುವವರು ತಮಗೆ ನಿಗಧಿಪಡಿಸಿದ ಸ್ಥಳಗಳಲ್ಲಿ ಹಸಿರು ಪಟಾಕಿಗಳನ್ನು ಮಾತ್ರ ಮಾರಾಟ ಮಾಡಬೇಕು’ ಎಂದರು. `ಪ್ಲಾಸ್ಟರ್ ಆಫ್ ಪ್ಯಾರಿಸ್ ಬಳಸಿ ಮಾಡಿದ ಗಣೇಶ ಮೂರ್ತಿಗಳ ಮಾರಾಟ ಮತ್ತು ಬಳಕೆಯ ನಿಷೇಧ ಮತ್ತು ಗಣೇಶ ಮೂರ್ತಿಗಳ ವಿಸರ್ಜನೆ ಕ್ರಮಗಳ ಬಗ್ಗೆ ಎಲ್ಲಾ ನಗರಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ಸ್ವಚ್ಛತಾ ವಾಹನಗಳ ಮೂಲಕ ಜಾಗೃತಿ ಮೂಡಿಸಬೇಕು’ ಎಂದರು. ಈ ಸಭೆಯಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್. ಭಟ್ಕಳ ವಿಭಾಗದ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ರಾಣು ಗುಪ್ತಾ, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಜಿ ಪಂ ಉಪ ಕಾರ್ಯದರ್ಶಿ ಪ್ರಕಾಶ್ ಹಾಲಮ್ಮನವರ್, ನಗರಾಭಿವೃದ್ದಿ ಕೋಶದ ಯೋಜನಾ ನಿರ್ದೇಶಕ ಜಹೀರ್ ಅಬ್ಬಾಸ್, ಜಿಲ್ಲಾ ಪರಿಸರ ಅಧಿಕಾರಿ ಗಣಪತಿ ಹೆಗಡೆ ಹಾಗೂ ವಿವಿಧ ಇಲಾಖೆಗಳ ಅಧಿಕಾರಿಗಳು ಮತ್ತು ವರ್ಚವಲ್ ಮೂಲಕ ಎಲ್ಲಾ ವಿಭಾಗಗಳ ಡಿವೈಎಸ್ಪಿ ಗಳು ತಾಲೂಕುಗಳ ತಹಸೀಲ್ದಾರ್‌ಗಳು, ತಾ ಪಂ ಕಾರ್ಯನಿರ್ವಹಣಾಧಿಕಾರಿಗಳು ಇದ್ದರು.
- [ಕಸ್ತೂರಿ ರಂಗನ್: ಜಾಥಾಗೆ ಬನ್ನಿ!](https://mobiletime.in/2026/09/kasturirangan-come-to-the-rally/): ಜನ ಸಾಮಾನ್ಯರ ಜನ ಜೀವನಕ್ಕೆ ಸಮಸ್ಯೆ ಉಂಟಾಗಲಿರುವ ಕಸ್ತೂರಿ ರಂಗನ್ ವರದಿಗೆ ವಿರೋಧವ್ಯಕ್ತಪಡಿಸಿ ಶಿರಸಿಯಲ್ಲಿ ಸೆಪ್ಟೆಂಬರ್ 5ರಂದು ಜಾಥಾ ನಡೆಯಲಿದೆ. ಮಲೆನಾಡಿನ ವಿವಿಧ ಭಾಗಗಳಲ್ಲಿ ಜಾಥಾ ಪೂರ್ವಬಾವಿ ಸಭೆ ನಡೆದಿದ್ದು, ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಜಾಥಾಗೆ ಜನರನ್ನು ಆಮಂತ್ರಿಸುತ್ತಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಪಶ್ಚಿಮ ಘಟ್ಟದಲ್ಲಿರುವ ಅಂಚಿನಲ್ಲಿರುವ 567 ಹಳ್ಳಿಗಳನ್ನ ಸೂಕ್ಷ ಪ್ರದೇಶದ ಪಟ್ಟಿಗೆ ಸೇರಿಸಲಾಗಿದೆ. ಇದರಿಂದ ಜಿಲ್ಲೆಯ 138 ಗ್ರಾಮ ಪಂಚಾಯತದಲ್ಲಿನ ಕೃಷಿಕರು ಹಾಗೂ ಅರಣ್ಯವಾಸಿಗಳಿಗೆ ಆತಂಕ ಎದುರಾಗಿದೆ. ಈ ಬಗ್ಗೆ ಮಲೆನಾಡಿನ ಜನರಿಗೆ ತಿಳುವಳಿಕೆ ಮೂಡಿಸುವ ಕೆಲಸ ನಡೆಯುತ್ತಿದೆ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಹೇಳಿದ್ದಾರೆ. `ಕಸ್ತೂರಿ ರಂಗನ್ ವರದಿಯ 7ನೇ ಅಧಿಸೂಚನೆಗೆ ಲಿಖಿತ ಆಕ್ಷೇಪ ಪತ್ರವನ್ನ ಸೆ 5ರಂದು ಶಿರಸಿಯಲ್ಲಿ ಜರುಗುವ ಆಕ್ಷೇಪ ಪತ್ರ ಸಲ್ಲಿಸುವ ಅಭಿಯಾನದಲ್ಲಿ ಸಲ್ಲಿಸಬೇಕು. ಪ್ರತಿ ಮನೆಗೆ ಒಬ್ಬರಂತೆ ಆಗಮಿಸಿ ಈ ಕಾರ್ಯಕ್ರಮ ಯಶಸ್ವಿಗೊಳಿಸಬೇಕು’ ಎಂದವರು ಮನವಿ ಮಾಡಿದ್ದಾರೆ. `ಈ ವರದಿಯನ್ನು ರಾಜ್ಯ ಸರ್ಕಾರ ತಿರಸ್ಕರಿಸಬೇಕು. ವರದಿಯ ವಾಸ್ತವಿಕತೆ ಕುರಿತು ಕೇಂದ್ರ ಸರ್ಕಾರಕ್ಕೆ ರಾಜ್ಯ ಸರ್ಕಾರವು ವರದಿ ನೀಡುವುದು ಅವಶ್ಯಕ’ ಎಂದು ಜಿ ಪಂ ಮಾಜಿ ಸದಸ್ಯೆ ಶೋಭಾ ನಾಯ್ಕ ಅವರು ಹೇಳಿದ್ದಾರೆ. ಶಿರಸಿಯ ಹುತ್ಗಾರದಲ್ಲಿ ಈ ದಿನ ನಡೆದ ಜಾಗೃತ ಸಭೆಯಲ್ಲಿ ಹಿರಿಯ ಧುರೀಣರಾದ ಕೃಷ್ಣ ಶೆಟ್ಟಿ, ಯುವ ಧುರೀಣರಾದ ವಿನೋದ ಸಾವಂತ, ನಾಗರಾಜ ಮುಕ್ರಿ ಇತರರು ಭಾಗವಹಿಸಿದ್ದರು.
- [ಹುಟ್ಟುವ ಮುನ್ನವೇ ಸಾವನಪ್ಪಿದ ಮಗು: ಔಷಧಿ ಬಗ್ಗೆಯೇ ಅನುಮಾನ!](https://mobiletime.in/2026/09/baby-dies-before-birth-doubts-raised-about-the-medication/): ಆರೋಗ್ಯವಾಗಿಯೇ ಇದ್ದ ಅಂಕೋಲಾದ ಅನಿತಾ ಆಚಾರಿ ಅವರ ಮಗು ದಿಢೀರ್ ಆಗಿ ಭ್ರೂಣದಲ್ಲಿರುವಾಗಲೇ ಸಾವನಪ್ಪಿದೆ. ಎಲ್ಲವೂ ಸರಿಯಾಗಿದ್ದರೂ ಮಗು ಸಾವನಪ್ಪಿರುವುದು ಹೇಗೆ? ಎನ್ನುವುದರ ಬಗ್ಗೆ ಜಿಲ್ಲಾಡಳಿತ ತನಿಖೆ ಶುರು ಮಾಡಿದೆ. ಈ ಎಲ್ಲದರ ನಡುವೆ ಗರ್ಭಿಣಿಯ ಚೀಲದಲ್ಲಿ Misoprostol 200mg ಎಂಬ ಔಷಧಿಯೊಂದು ಸಿಕ್ಕಿದೆ. ಅಂಕೋಲಾದ ಅನಿತಾ ನಂದು ಆಚಾರಿ ಅವರಿಗೆ 27 ವರ್ಷ. ಅವರು ಇದೇ ಮೊದಲ ಬಾರಿ ಗರ್ಭಿಣಿಯಾಗಿದ್ದರು. ಅವರು ಕಾರವಾರ ವೈದ್ಯಕೀಯ ವಿಜ್ಞಾನ ಕಾಲೇಜಿನಲ್ಲಿ ತಪಾಸಣೆಗೆ ಒಳಪಡುತ್ತಿದ್ದರು. ವೈದ್ಯರು ನೀಡಿದ ಔಷಧಿ ಹಾಗೂ ಸಲಹೆಗಳನ್ನು ಅವರು ತಪ್ಪದೇ ಪಾಲಿಸುತ್ತಿದ್ದರು. ಮಗುವಿನ ಬೆಳವಣಿಗೆಯಲ್ಲಿ ಯಾವುದೇ ಸಮಸ್ಯೆಯಿರಲಿಲ್ಲ. ಸ್ಕಾನಿಂಗ್ ಅವಧಿಯಲ್ಲಿಯೂ ಸಮಸ್ಯೆ ಕಾಣಿಸಿರಲಿಲ್ಲ. ಹೀಗಿರುವಾಗ ಅನಿತಾ ಆಚಾರಿ ಅವರಿಗೆ ಮಗುವಿನ ಆರೋಗ್ಯದಲ್ಲಿ ವ್ಯತ್ಯಾಸವಾಗಿರುವ ಬಗ್ಗೆ ಅನುಮಾನ ಕಾಡಿತು. ಆಗ ಅವರು ಮತ್ತೆ ವೈದ್ಯಕೀಯ ವಿಜ್ಞಾನ ಕಾಲೇಜಿಗೆ ಭೇಟಿ ನೀಡಿದ್ದು, ಅಲ್ಲಿ ಎಲ್ಲವೂ ಸರಿಯಾಗಿದೆ ಎಂದೇ ವರದಿ ಬಂದಿತು. ಅದಾದ ನಂತರ ಅನಿತಾ ಆಚಾರಿ ಅವರು ಖಾಸಗಿ ಕೇಂದ್ರಕ್ಕೆ ತೆರಳಿ ತಪಾಸಣೆ ನಡೆಸಿದಾಗ ಮಗುವಿಗೆ ಹೃದಯ ಬಡಿತವೇ ಇಲ್ಲದಿರುವುದು ಗೊತ್ತಾಯಿತು. ಅನಿತಾ ಆಚಾರಿ ಅವರು ಪಡೆಯುತ್ತಿದ್ದ ಔಷಧಿಗಳ ಚೀಟಿ ನೋಡಿದಾಗ ಅಲ್ಲಿ Misoprostol 200mg ಎಂಬ ಔಷಧಿಯೊಂದು ಕಾಣಿಸಿತು. ಆ ಔಷಧಿ ಅತ್ಯಂತ ಅನುಮಾನಾಸ್ಪದವಾಗಿದ್ದು, ಅದನ್ನು ಯಾವ ವೈದ್ಯರು ನೀಡಿದ್ದಾರೆ? ಎಂದು ಮಾತ್ರ ಗೊತ್ತಾಗಲಿಲ್ಲ. ಯಾವ ವೈದ್ಯರ ಶಿಫಾರಸ್ಸಿನ ಮೇರೆಗೆ ಆ ಔಷಧಿ ನೀಡಲಾಗಿದೆ? ಯಾವ ಸಮಯದಲ್ಲಿ ಅದನ್ನು ಕೊಡಲಾಗಿದೆ? ಎಂದು ತನಿಖೆಯಾಗಬೇಕು ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. ಈ ಕುರಿತು ಅವರು ಜಿಲ್ಲಾಧಿಕಾರಿಗಳಿಗೆ ಪತ್ರ ಬರೆದು ಸಮಗ್ರ ತನಿಖೆಗೆ ಒತ್ತಾಯಿಸಿದ್ದಾರೆ. ಈ ಹಿಂದಿನ ವೈದ್ಯಕೀಯ ದಾಖಲೆ, ಗರ್ಭಿಣಿಗೆ ನೀಡಿದ ಔಷಧಿ, ಮಗುವಿನ ಕುರಿತಾದ ಸ್ಕಾನಿಂಗ್ ವರದಿ ಹಾಗೂ ಇನ್ನಿತರ ವಿಷಯಗಳ ಬಗ್ಗೆ ತನಿಖಾ ತಂಡದವರು ಮಾಹಿತಿ ಸಂಗ್ರಹಿಸಿದ್ದಾರೆ. ವೈದ್ಯಕೀಯ ಸಂಸ್ಥೆಯವರು ಭ್ರೂಣದ ಆರೋಗ್ಯದ ಬಗ್ಗೆ ಸೂಕ್ತ ತಪಾಸಣೆ ನಡೆಸದೇ ವಾರದ ನಂತರ ಮತ್ತೆ ಬನ್ನಿ ಎಂದು ಗರ್ಭಿಣಿಯನ್ನು ಕಳುಹಿಸಿರುವ ಬಗ್ಗೆಯೂ ಪ್ರಶ್ನೆಗಳು ಹುಟ್ಟಿಕೊಂಡಿವೆ. ಸದ್ಯ ಅನಿತಾ ಆಚಾರಿ ಅವರು ಆಸ್ಪತ್ರೆಗೆ ದಾಖಲಾಗಿದ್ದು, ಅಲ್ಲಿ ಅವರಿಗೆ ಚಿಕಿತ್ಸೆ ಮುಂದುವರೆದಿದೆ. ಈ ಪ್ರಕರಣದ ಬಗ್ಗೆ ಜಿಲ್ಲಾಡಳಿತ ತನಿಖೆಗೆ ಸೂಚಿಸಿದ್ದು, ಜಿಲ್ಲಾ ವೈದ್ಯಾಧಿಕಾರಿಗಳು ತನಿಖೆ ಶುರು ಮಾಡಿದ್ದಾರೆ. ಆರೋಗ್ಯ ಇಲಾಖೆಯ ಅಧಿಕಾರಿ ಡಾ ನಟರಾಜ್ ಅವರು ಮಹಿಳೆಯನ್ನು ಭೇಟಿ ಮಾಡಿ ವಿವರ ಸಂಗ್ರಹಿಸಿದ್ದಾರೆ. ಮಹಿಳೆ ಹೇಳಿದ ಹೇಳಿಕೆಯನ್ನು ಅವರು ದಾಖಲಿಸಿಕೊಂಡಿದ್ದಾರೆ. `ವೈದ್ಯರಿಂದ ತಪ್ಪಾಗಿದ್ದರೆ ಶಿಕ್ಷೆ ಕೊಡಬೇಕು. ಮತ್ತೆ ಇಂಥ ವಿದ್ಯಮಾನ ಮರುಕಳಿಸದ ಹಾಗೇ ನೋಡಿಕೊಳ್ಳಬೇಕು’ ಎಂದು ಮಾಧವ ನಾಯಕ ಅವರು ಆಗ್ರಹಿಸಿದ್ದಾರೆ. `ವೈದ್ಯರ ಸೂಚನೆಗಳಿಲ್ಲದೇ ಯಾವ ಔಷಧಿಯನ್ನೂ ಸೇವಿಸದಿರಿ’
- [ದುಡಿಮೆಗೆ ಬಂದವರು ಕಳ್ಳತನಕ್ಕಿಳಿದರು!](https://mobiletime.in/2026/09/those-who-came-for-work-turned-to-theft/): ಕಡಿಮೆ ಸಂಬಳಕ್ಕೆ ಕಾರ್ಮಿಕರು ಸಿಕ್ಕ ಖುಷಿಗೆ ಮಧ್ಯಪ್ರದೇಶದವರನ್ನು ಕೆಲಸಕ್ಕೆ ತೆಗೆದುಕೊಂಡ ಕಾರವಾರದ ನಾಮದೇವ ಮೇಥಾ ಅವರಿಗೆ ಮೂರು ನಾಮ ಬಿದ್ದಿದೆ. ಅವರ ಬಳಿ ಕೆಲಸಕ್ಕಿದ್ದ ಜನರೇ ಅಲ್ಲಿದ್ದ ಸಾಮಗ್ರಿ ಕದ್ದು ಪರಾರಿಯಾಗಿದ್ದಾರೆ! ಕಾರವಾರದ ಮಾಜಾಳಿ ಬಳಿಯ ನೆಚಕನ್ ಭಾಗ್ ಎಂಬಲ್ಲಿ ನಾಮದೇವ ಮುಕುಂಡ ಮೇಥಾ ಅವರು ವಾಸವಾಗಿದ್ದಾರೆ. ೪೫ ವರ್ಷದ ಅವರು ವಿವಿಧ ವ್ಯವಹಾರ ಮಾಡಿಕೊಂಡಿದ್ದು, ಮುಖ್ಯವಾಗಿ ಕಲ್ಲಿನ ಕ್ರಶರ್ ನಡೆಸುತ್ತಿದ್ದಾರೆ. ಕಡಿಮೆ ಸಂಬಳಕ್ಕೆ ದಿನವಿಡೀ ದುಡಿಯುವವರು ಸಿಕ್ಕ ಕಾರಣ ಅವರು ಮಧ್ಯಪ್ರದೇಶದಿಂದ ಕೆಲಸ ಅರೆಸಿ ಬಂದಿದ್ದ ಸವಾನ್ ಗಂಗ್ವಾಲ್ ಹಾಗೂ ಸೋಹನ್ ತತ್ಸೆ ಅವರನ್ನು ಕೆಲಸಕ್ಕೆ ನೇಮಿಸಿಕೊಂಡಿದ್ದಾರೆ. ಇನ್ನೂ ೨೮-೩೦ ವರ್ಷದ ಅವರಿಬ್ಬರು ಕೆಲ ಕಾಲ ಪ್ರಾಮಾಣಿಕವಾಗಿ ದುಡಿದಿದ್ದು, ಅದಾದ ನಂತರ ಕ್ವಾರಿಯಲ್ಲಿದ್ದ ಬೈಕು ಹಾಗೂ ಇನ್ನಿತರ ಸಾಮಗ್ರಿ ಕದ್ದು ಪರಾರಿಯಾಗಿದ್ದಾರೆ. ಅವರಿಬ್ಬರು ತಮ್ಮ ಫೋನ್ ಸಹ ಸ್ವಿಚ್ ಆಫ್ ಮಾಡಿಕೊಂಡಿದ್ದಾರೆ. ಏಪ್ರಿಲ್ ೧೮ಕ್ಕೆ ಈ ಕಳ್ಳತನ ನಡೆದಿದೆ. ಅಣ್ಣ ಸಂತೋಷ ಮೇಥಾ ಅವರ ಹೆಸರಿನಲ್ಲಿದ್ದ ಬೈಕು ಹಾಗೂ ಕ್ರಶರಿನಲ್ಲಿದ್ದ ಕಬ್ಬಿಣ ಕದ್ದವರು ಮರಳಿ ಬರಬಹುದು ಎಂದು ನಾಮದೇವ ಮೇಥಾ ಅವರು ಇಷ್ಟು ದಿನ ಕಾದಿದ್ದಾರೆ. ಆದರೆ, ಈವರೆಗೂ ಬಾರದ ಕಾರಣ ಅವರಿಬ್ಬರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಓಡಿ ಹೋದ ಅವರಿಬ್ಬರನ್ನು ಹುಡುಕಿ ತಮ್ಮ ಸಾಮಗ್ರಿ ಮರಳಿಸಿ ಎಂದು ನಾಮದೇವ ಮೇಥಾ ಅವರು ಪ್ರಕರಣ ದಾಖಲಿಸಿದ್ದು, ಚಿತ್ತಾಕುಲ ಪೊಲೀಸರು ಕಳ್ಳ ಕಾರ್ಮಿಕರಿಬ್ಬರ ಹುಡುಕಾಟ ನಡೆಸಿದ್ದಾರೆ.
- [ಅನಾರೋಗ್ಯಕ್ಕೆ ಬೇಸತ್ತು ಆತ್ಮಹತ್ಯೆ!](https://mobiletime.in/2026/09/suicide-due-to-despair-over-ill-health/): ಅನಾರೋಗ್ಯಕ್ಕೆ ಬೇಸತ್ತ ಯಲ್ಲಾಪುರದ ಕೃಷ್ಣ ಮರಾಠಿ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮನೆ ಬಳಿಯಿದ್ದ ಹೂವಿನ ಗಿಡಕ್ಕೆ ಅವರು ನೇಣು ಹಾಕಿಕೊಂಡು ಉಸಿರು ನಿಲ್ಲಿಸಿದ್ದಾರೆ. ಯಲ್ಲಾಪುರದ ಲಾಲಗುಳಿ ಬಳಿಯ ಹಳಬೈಲಿನಲ್ಲಿ ಕೃಷ್ಣ ಶಿವಾ ಮರಾಠಿ ಅವರು ವಾಸವಾಗಿದ್ದರು. 63 ವರ್ಷದ ಅವರು ಕೃಷಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಈಚೆಗೆ ಅವರಿಗೆ ಅನಾರೋಗ್ಯ ಕಾಡಿದ್ದು, ಅದಕ್ಕೆ ಚಿಕಿತ್ಸೆಪಡೆದಿದ್ದರು. ಹೀಗಿರುವಾಗ ಅಗಸ್ಟ 30ರ ರಾತ್ರಿ 8 ಗಂಟೆ ವೇಳೆಗೆ ಅವರ ಆರೋಗ್ಯ ಹದಗೆಟ್ಟಿತು. ಮರುದಿನವೂ ಅವರ ಆರೋಗ್ಯದಲ್ಲಿ ಸುಧಾರಣೆ ಕಾಣಲಿಲ್ಲ. ಇದರಿಂದ ಮಾನಸಿಕವಾಗಿ ಕುಗ್ಗಿದ ಕೃಷ್ಣ ಮರಾಠಿ ಅವರು ದುಡುಕು ನಿರ್ಧಾರಕ್ಕೆ ಮುಂದಾದರು. ಮನೆ ಬಳಿಯಿದ್ದ ಹೂವಿನ ಗಿಡಕ್ಕೆ ಹಗ್ಗ ಕಟ್ಟಿದ ಅವರು ಅದಕ್ಕೆ ತಮ್ಮ ಕೊರಳೊಡ್ಡಿದರು. ಅಲ್ಲಿಯೇ ಅವರು ಸಾವನಪ್ಪಿದರು. ತಂದೆಯ ಸಾವಿನ ಬಗ್ಗೆ ರವಿ ಮರಾಠಿ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.  
- [ಎಪಿಎಂಸಿ: ಅಡಿಕೆ ವ್ಯಾಪಾರಿಯ ಕಾಸು ಕಾಣೆ!](https://mobiletime.in/2026/09/apmc-arecanut-traders-cash-goes-missing/): ಕುಮಟಾ APMC ಎದುರು ನಿಲ್ಲಿಸಿದ್ದ ಬುಲೇರೋದಲ್ಲಿ 48 ಸಾವಿರ ರೂ ಹಣವಿದ್ದು, ಆ ಹಣ ಕಳ್ಳರ ಪಾಲಾಗಿದೆ. ಹಣ ಕಳೆದುಕೊಂಡ ಅಡಿಕೆ ವ್ಯಾಪಾರಿ ಪೊಲೀಸರ ಮೊರೆ ಹೋಗಿದ್ದಾರೆ. ಹೊನ್ನಾವರ ತಾಲೂಕಿನ ಹಳದೀಪುರದ ಪಳ್ಳಿಕೇರಿಯಲ್ಲಿ ಮೊಹಮ್ಮದ್ ಮುಕ್ತಿಯಾರ್ ಅಬ್ದುಲ್ ಖಾದರ್ ಅವರು ವಾಸವಾಗಿದ್ದಾರೆ. 42 ವರ್ಷದ ಅವರು ಅಡಿಕೆ ವ್ಯಾಪಾರ ಮಾಡಿ ಬದುಕು ಕಟ್ಟಿಕೊಂಡಿದ್ದಾರೆ. ಸೆಪ್ಟೆಂಬರ್ 1ರಂದು ಅವರು ಕುಮಟಾ ಎಪಿಎಂಸಿಗೆ ಬಂದಿದ್ದು, ಬುಲೇರೋ ವಾಹನದಲ್ಲಿ ಸಂಚರಿಸಿದ್ದಾರೆ. ಅದೇ ಬುಲೇರೋದ ಡ್ಯಾಶ್ ಬೋರ್ಡಿನಲ್ಲಿ 48 ಸಾವಿರ ಹಣವನ್ನಿರಿಸಿದ್ದಾರೆ. ಆ ಹಣವೇ ಇದೀಗ ಕಾಣೆಯಾಗಿದೆ. ದಿನವಿಡೀ ಹಣ ಹುಡುಕಿದ ಅವರು ಸಂಜೆಯಾದರೂ ಸಿಗದ ಕಾರಣ ಪೊಲೀಸರ ಮೊರೆ ಹೋಗಿದ್ದಾರೆ. ಕಳ್ಳನನ್ನು ಹುಡುಕಿ 48 ಸಾವಿರ ರೂ ಕೊಡಿಸಿ ಎಂದವರು ಮನವಿ ಮಾಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ವಿವಿಧ ಆಯಾಮಗಳಿಂದ ತನಿಖೆ ನಡೆಸುತ್ತಿದ್ದಾರೆ.
- [ಅಂಗನವಾಡಿ: ಕಟ್ಟಡ ಕಾಮಗಾರಿ ಪೂರ್ಣಗೊಳಿಸಿ](https://mobiletime.in/2026/09/anganwadi-complete-construction-work/): `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಗತ್ಯವಿರುವ ಕಡೆ ಅಂಗನವಾಡಿ ಕಟ್ಟಡ ನಿರ್ಮಿಸಲು ನಿವೇಶನ ಹುಡುಕಬೇಕು. ನಿವೇಶನ ಸಿಗದ ಕಡೆ ಸಂಬoಧಿಸಿದ ಇಲಾಖೆ ಅಧಿಕಾರಿಗಳ ಜೊತೆ ಸಮನ್ವಯ ಸಾಧಿಸಿ ಕೆಲಸ ಮಾಡಬೇಕು’ ಎಂದು ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಮಂಗಳವಾರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ವಿವಿಧ ಯೋಜನೆಗಳ ಸಮನ್ವಯ ಸಮಿತಿ ಸಭೆ ನಡೆಸಿದ ಅವರು `ಅಂಗನವಾಡಿ ಕಟ್ಟಡ ನಿಮಾರ್ಣಕ್ಕೆ ಸಂಬoಧಿಸಿದoತೆ ವಿವಿಧ ಯೋಜನೆಗಳಡಿಯಲ್ಲಿ ಕೈಗೊಂಡಿರುವ ಕಾಮಗಾರಿಗಳನ್ನು ಶೀಘ್ರದಲ್ಲಿ ಪೂರ್ಣಗೊಳಿಸಬೇಕು’ ಎಂದು ಸೂಚಿಸಿದ್ದಾರೆ. `ಅಂಗನವಾಡಿ ಕಟ್ಟಡ ನಿರ್ಮಾಣ ಕಾರ್ಯದಲ್ಲಿ ಪ್ರಸ್ತುತ ಪ್ರಗತಿಯಲ್ಲಿರುವ 91 ಕಾಮಗಾರಿಗಳು ನಡೆಯುತ್ತಿವೆ. ಈ ಕುರಿತು ಸಂಬoದಪಟ್ಟ ಕಾಮಗಾರಿ ನಿರ್ಮಾಣ ಸಂಸ್ಥೆಗಳ ಅಧಿಕಾರಿಗಳೊಂದಿಗೆ ಸಭೆ ನಡೆಸಬೇಕು. ಎಲ್ಲಾ ಅಂಗನವಾಡಿಗಳಿಗೆ ಅಗತ್ಯ ಮೂಲಭೂತ ಸೌಕರ್ಯಗಳು ಇರುವ ಬಗ್ಗೆ ಪರಿಶೀಲಿಸಬೇಕು. ದುರಸ್ಥಿ ಸಂಬoಧಿತ ಕಾಮಗಾರಿಗಳನ್ನು ಆದಷ್ಟು ಶೀಘ್ರದಲ್ಲಿ ಮುಕ್ತಾಯಗೊಳಿಸಬೇಕು. ಅಂಗನವಾಡಿ ಕಟ್ಟಡ ನಿರ್ಮಾಣಕ್ಕೆ ನಿವೇಶನ ಅಗತ್ಯವಿರುವ ಸ್ಥಳಗಳಲ್ಲಿ ನಿವೇಶನ ಪಡೆಯುವ ಕುರಿತಂತೆ ಸ್ಥಳೀಯ ಸಂಬAದಪಟ್ಟ ಇಲಾಖಾಧಿಕಾರಿಗಳೊಂದಿಗೆ ಸಮನ್ವಯ ಸಾಧಿಸಬೇಕು’ ಎಂದು ಹೇಳಿದ್ದಾರೆ. `ರಾಜ್ಯ ಮಹಿಳಾ ಅಭಿವೃದ್ದಿ ನಿಗಮದ ವಿವಿಧ ಯೋಜನೆಗಳ ಕುರಿತಂತೆ ಹೆಚ್ಚಿನ ಜಾಗೃತಿ ಮೂಡಿಸಬೇಕು. ಪೋಷಣ್ ಅಭಿಯಾನ ಕಾರ್ಯಕ್ರಮವನ್ನು ಇನ್ನು ಹೆಚ್ಚು ಪರಿಣಾಮಕಾರಿಯಾಗಿ ಅನುಷ್ಠಾನಗೊಳಿಸಬೇಕು’ ಎಂದು ನಿರ್ದೇಶನ ನೀಡಿದರು. ಈ ಸಭೆಯಲ್ಲಿ ಜಿ.ಪಂ. ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಉಪ ನಿರ್ದೇಶಕಿ ಪದ್ಮಾವತಿ, ಜಿಲ್ಲಾ ಆರ್.ಸಿ.ಹೆಚ್. ಅಧಿಕಾರಿ ನಟರಾಜ್, ಜಿಲ್ಲೆಯ ಎಲ್ಲಾ ಶಿಶು ಅಭಿವೃದ್ದಿ ಯೋಜನಾಧಿಕಾರಿಗಳು ಇದ್ದರು.  
- [ಗಾಂಜಾ: ಮಾರಾಟಗಾರನ ಜೊತೆ ಖರೀದಿದಾರನಿಗೂ ಜೈಲೂಟ!](https://mobiletime.in/2026/09/ganja-jail-time-for-the-buyer-as-well-as-the-seller/): ಮೊಹಮ್ಮದ ಸಿಮ್ರಾನ ಹಾಗೂ ಮೊಹಮ್ಮದ ಅಖೀಲ್ ಸೇರಿ ಮೊಹಮ್ಮದ ಇಮ್ರಾನ ಅವರಿಗೆ 10 ಸಾವಿರ ರೂ ಮೌಲ್ಯದ ಗಾಂಜಾ ಮಾರಾಟಕ್ಕೆ ಪ್ರಯತ್ನಿಸಿದ್ದಾರೆ. ಈ ವೇಳೆ ದಾಳಿ ನಡೆಸಿದ ಭಟ್ಕಳ ಪೊಲೀಸರು ಅವರ ವ್ಯಾಪಾರಕ್ಕೆ ಅಡ್ಡಗಾಲು ಹಾಕಿದ್ದಾರೆ. ಗಾಂಜಾ ಸೇವನೆ, ಸಾಗಾಟ ಹಾಗೂ ಮಾರಾಟದ ದುಷ್ಪರಿಣಾಮಗಳ ಬಗ್ಗೆ ಅವರಿಗೆ ತಿಳಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ. ಭಟ್ಕಳದ ಹುರುಳಿಸಾಲದ ಕನ್ನಡ ಶಾಲೆಯ ಬಳಿ ಮೊಹಮ್ಮದ ಸಿಮ್ರಾನ ಉಸ್ಮಾನ ಸನದಿ ಅವರು ವಾಸವಾಗಿದ್ದಾರೆ. ಅವರು ಜಾಲಿ ರೋಡಿನ ಮೊಹಮ್ಮದ ಅಖೀಲ್ ತಂದೆ ಮೊಹಮ್ಮದ ಜಾಫರ್ ಶೇಖ್ ಅವರ ಜೊತೆ ಸೇರಿ 146 ಗ್ರಾಂ ಗಾಂಜಾ ಸಂಗ್ರಹಿಸಿದ್ದಾರೆ. ಅವರಿಬ್ಬರು ಸೇರಿ ಅದನ್ನು ಚೌಥನಿ ಸೇತುವೆ ಬಳಿಯ ಮೊಹಮ್ಮದ ಇಮ್ರಾನ ಅಬ್ದುಲ ಗಫಾರ್ ಅವರಿಗೆ ಮಾರಾಟ ಮಾಡಲು ನಿರ್ಧರಿಸಿದ್ದಾರೆ. ಈಗಾಗಲೇ ನಡೆದ ಮಾತುಕಥೆಯ ಪ್ರಕಾರ ಚೌಥನಿ ಸೇತುವೆ ಬಳಿಯ ಮೊಹಮ್ಮದ ಇಮ್ರಾನ ತಂದೆ ಅಬ್ದುಲ ಗಫಾರ್ ಅವರು ಗಾಂಜಾ ಖರೀದಿಗೆ ಆಗಮಿಸಿದ್ದು, ಆ ವೇಳೆ ಭಟ್ಕಳ ಪಿಸೈ ನವೀನ್ ಎಸ್ ನಾಯ್ಕ ಅವರು ಆ ಎಲ್ಲರ ಮೇಲೆ ದಾಳಿ ಮಾಡಿದ್ದಾರೆ. ಪೊಲೀಸ ನಿರೀಕ್ಷಕರಾದ ದಿವಾಕರ ಪಿ ಎಂ ಅವರ ಸೂಚನೆ ಮೇರೆಗೆ ಪೊಲೀಸ್ ಸಿಬ್ಬಂದಿ ದಿನೇಶ ನಾಯಕ, ಸುರೇಶ ದೇವಾಡಿಗ, ರೇವಣಸಿದ್ದಪ್ಪ, ಆನಂದ ಗೋನಿ, ಅನೀಲ್ ರಾಥೋಡ, ಗಿರೀಶ್ ಎಸ್ ಎಂ ಅವರು ಈ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದಾರೆ. ಅವರೆಲ್ಲರೂ ಸೇರಿ ಗಾಂಜಾ ಮಾರಾಟಗಾರ ಹಾಗೂ ಗಾಂಜಾ ಖರೀದಿದಾರರಿಬ್ಬರನ್ನು ವಶಕ್ಕೆಪಡೆದಿದ್ದಾರೆ. ಅಗಸ್ಟ 30ರ ಮಧ್ಯಾಹ್ನದ ವೇಳೆ ಈ ದಾಳಿ ನಡೆದಿದ್ದು, ಅವರೆಲ್ಲರನ್ನು ಪೊಲೀಸರು ಕೋರ್ಟಿಗೆ ಒಪ್ಪಿಸಿದ್ದಾರೆ. ಅವರ ಬಳಿಯಿದ್ದ 500ರೂ ಹಣವನ್ನು ಜಪ್ತು ಮಾಡಿದ್ದಾರೆ. ನ್ಯಾಯಾಲಯ ಎಲ್ಲರಿಗೂ ನ್ಯಾಯಾಂಗ ಬಂಧನವಿಧಿಸಿದೆ.
- [ಗಡಿ ದಾಟಿ ಬಂದ ಗೋವಾ ಲಾಟರಿ!](https://mobiletime.in/2026/09/goa-lottery-crosses-the-border/): ಗಣೇಶ ಹಬ್ಬದ ಹಿನ್ನಲೆ ಗೋವಾದಲ್ಲಿ ಭರ್ಜರಿ ಲಾಟರಿ ಟಿಕೆಟ್ ಮಾರಾಟ ನಡೆದಿದ್ದು, ಆ ಟಿಕೆಟ್ ಮಾರಾಟಗಾರರು ಗಡಿ ದಾಟಿ ಉತ್ತರ ಕನ್ನಡಕ್ಕೆ ಬಂದಿದ್ದಾರೆ. ರಾಜ್ಯದಲ್ಲಿ ಲಾಟರಿ ಮಾರಾಟ ನಿಷೇಧವಿರುವ ಕಾರಣ ಪೊಲೀಸರು ಅವರನ್ನು ವಶಕ್ಕೆಪಡೆದಿದ್ದಾರೆ. ಗೋವಾದ ವಿನೋದ ವಾಂಗಲೆ ಅವರು ಸೋಮವಾರ ಕಾರವಾರಕ್ಕೆ ಬಂದಿದ್ದರು. ಬರುವಾಗ ಅವರು ಒಂದಷ್ಟು ಲಾಟರಿ ಟಿಕೆಟ್ ತಂದಿದ್ದರು. ಕಾರವಾರದ ಮೀನು ಮಾರುಕಟ್ಟೆ ಬಳಿ ವಿನೋದ ವಾಂಗೆಲೆ ಅವರು ಆ ಟಿಕೆಟ್ ಮಾರಾಟ ಮಾಡುತ್ತಿದ್ದರು. 500ರೂಪಾಯಿಗೆ ಒಂದು ಟಿಕೆಟ್ ಆಧಾರದಲ್ಲಿ ಅವರು ಅದನ್ನು ಮಾರಲು ಶುರು ಮಾಡಿದ್ದರು. ಬಗೆ ಬಗೆಯ ಬಹುಮಾನದ ಆಸೆಗೆ ಜನ ಆ ಟಿಕೆಟ್ ಖರೀದಿಗೆ ಮುಗಿ ಬಿದ್ದಿದ್ದರು. ಜನ ಹೆಚ್ಚಾದ ಹಾಗೇ ಟಿಕೆಟ್ ಬೆಲೆಯನ್ನು ಅವರು ಏರಿಸಿದ್ದು, ಈ ವಿಷಯ ಪೊಲೀಸ್ ಠಾಣೆಯವರೆಗೆ ಹೋಗಿ ಮುಟ್ಟಿತು. ಲಾಟರಿ ನಿಷೇಧವಿರುವ ರಾಜ್ಯದಲ್ಲಿ ಲಾಟರಿ ಮಾರಾಟಕ್ಕೆ ಬಂದಿದ್ದ ವಿನೋದ ವಾಂಗಲೆ ಅವರನ್ನು ಪೊಲೀಸರು ಹಿಡಿದರು. ಗೋವಾ ರಾಜ್ಯದ ಪೊಂಡಾದ ಗಣೇಶೋತ್ಸವ ಸಮಿತಿಯ ಹೆಸರಿನಲ್ಲಿದ್ದ ಲಾಟರಿ ಟಿಕೆಟ್’ನ್ನು ಪೊಲೀಸರು ಪರಿಶಿಲನೆ ಮಾಡಿದರು. ದೊಡ್ಡ ದೊಡ್ಡ ಬಹುಮಾನದ ಆಮೀಷ ಒಡ್ಡಿ ಅದನ್ನು ಮಾರಾಟ ಮಾಡುತ್ತಿರುವುದನ್ನು ಗಮನಿಸಿದರು. ಮೀನು ಮಾರುಕಟ್ಟೆ ಪ್ರದೇಶದಲ್ಲಿ ಕಾರ್ಯಾಚರಣೆ ನಡೆಸಿದ ಪೊಲೀಸರಿಗೆ ವಿನೋದ ವಾಂಗಲೆ ಅವರು ಸಿಕ್ಕಿಬಿದ್ದಿದ್ದು, ಅವರನ್ನು ವಶಕ್ಕೆಪಡೆದು ವಿಚಾರಣೆ ಶುರು ಮಾಡಿದರು. ಆರೋಪಿತನ್ನು ಪೊಲೀಸ್ ಠಾಣೆಗೆ ಕರೆತಂದು ಮಾಡಿದ ತಪ್ಪಿನ ಬಗ್ಗೆ ವಿವರಿಸಿದರು. ಕರ್ನಾಟಕದ ಯಾವ ಭಾಗದಲ್ಲಿಯೂ ಲಾಟರಿ ಮಾರಾಟ ಮಾಡುವ ಹಾಗಿಲ್ಲ ಎಂಬ ನಿಯಮ ತಿಳಿಸಿ, ಎಚ್ಚರಿಕೆ ನೀಡಿದರು. ಅದಾದ ನಂತರ ಮಾಡಿದ ತಪ್ಪಿಗೆ ಪ್ರತಿಯಾಗಿ ಕಾನೂನು ಕ್ರಮವನ್ನು ಜರುಗಿಸಿದರು.
- [ಪ್ರಜಾ ಸೇವೆಗೆ ಸಜ್ಜಾದ ಜಿಲ್ಲಾಡಳಿತ](https://mobiletime.in/2026/09/district-administration-geared-up-for-public-service/): ಜನರ ಅಹವಾಲುಗಳನ್ನು ಆಲಿಸಲು ಸರ್ಕಾರ `ಪ್ರಜಾ ಸೇವೆ’ ಎಂಬ ಆಂದೋಲನ ಆಯೋಜಿಸಿದ್ದು, ಸೆಪ್ಟೆಂಬರ್ 5ರಂದು ಅಂಕೋಲಾದ ಸ್ವಾತಂತ್ರ ಸಂಗ್ರಾಮ ಭವನದಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ. ಮನೆ ಬಾಗಿಲಿನಲ್ಲಿಯೇ ಸಮಸ್ಯೆಗಳಿಗೆ ಪರಿಹಾರ ಒದಗಿಸುವ ಉದ್ದೇಶದಿಂದ ಈ ಸಭೆ ನಡೆಸಲಾಗುತ್ತಿದೆ. ತಾಲೂಕು ಮಟ್ಟದ ಪ್ರಜಾಸೇವೆ ಆಂದೋಲನ ಸಭೆಯ ಯಶಸ್ಸಿಗೆ ಅಗತ್ಯವಿರುವ ಸಕಲ ಸಿದ್ದತೆಗಳನ್ನು ಕೈಗೊಳ್ಳುವಂತೆ ಜಿಲ್ಲಾ ಮಟ್ಟದ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ನಿರ್ದೇಶನ ನೀಡಿದ್ದಾರೆ. ಈ ಕುರಿತು ಸಭೆ ನಡೆಸಿದ ಅವರು `ಪ್ರಜಾಸೇವೆ ಆಂದೋಲನ ಸಭೆ ನಡೆಯುವ ಸ್ಥಳದಲ್ಲಿ ಗ್ರಾಮ ಒನ್ ಕೌಂಟರ್‌ಗಳನ್ನು ಸ್ಥಾಪಿಸಿ, ಯಾವುದೇ ಶುಲ್ಕವಿಲ್ಲದೆ ಉಚಿತವಾಗಿ ಸಾರ್ವಜನಿಕರ ಅರ್ಜಿಗಳನ್ನು ಆನ್‌ಲೈನ್ ಮೂಲಕ ನೋಂದಾಯಿಸಿಕೊಳ್ಳಲು ವ್ಯವಸ್ಥೆ ಮಾಡಬೇಕು. ಕುಂದು ಕೊರತೆ ಇತ್ಯರ್ಥಗೊಂಡ ಫಲಾನುಭವಿಗಳಿಗೆ ಸ್ಥಳದಲ್ಲೇ ಅನುಮೋದನಾ ಪತ್ರ & ಪರಿಹಾರ ಪ್ರಮಾಣಪತ್ರ ವಿತರಿಸಲು ಅಗತ್ಯವಿರುವ ಸಿದ್ದತೆಗಳನ್ನು ಮಾಡಿಕೊಳ್ಳಬೇಕು. ಸ್ಥಳದಲ್ಲಿ ಸಾರ್ವಜನಿಕರಿಗಾಗಿ ಕುಡಿಯುವ ನೀರು ಮತ್ತು ಮೂಲಭೂತ ವೈದ್ಯಕೀಯ ಸೌಲಭ್ಯಗಳನ್ನು ಒದಗಿಸಬೇಕು. ನಿರಂತರ ವಿದ್ಯುತ್ ಪೂರೈಕೆ ಆಗಬೇಕು. ಸಾರ್ವಜನಿಕರು ಆಗಮಿಸಲು ಅನುಕೂಲವಾಗುವಂತೆ ಬಸ್ ವ್ಯವಸ್ಥೆಯಲ್ಲಿ ವ್ಯತ್ಯಯವಾಗದಂತೆ ಎಚ್ಚರಿಕೆವಹಿಸಬೇಕು’ ಎಂದವರು ಸೂಚಿಸಿದ್ದಾರೆ. `ಸಭೆ ನಡೆಯುವ ಸ್ಥಳದಲ್ಲಿ ಪಂಚ ಗ್ಯಾರಂಟಿ ಯೋಜನೆಗಳೂ ಸೇರಿದಂತೆ ಸರ್ಕಾರದ ವಿವಿಧ ಯೋಜನೆಗಳ ಕುರಿತಂತೆ ಪ್ರಮುಖ ಇಲಾಖೆಗಳಿಂದ ವಸ್ತು ಪ್ರದರ್ಶನ ಮಳಿಗೆಗಳನ್ನು ಸ್ಥಾಪಿಸಬೇಕು. ಇಲಾಖೆಯ ಸೌಲಭ್ಯಗಳ ಬಗ್ಗೆ ಜಾಗೃತಿ ಮೂಡಿಸಬೇಕು. ಮತದಾರರ ಪಟ್ಟಿಯಲ್ಲಿ ಹೆಸರು ನೋಂದಣಿ ಮಾಡಲು ಕೌಂಟರ್ ಗಳನ್ನು ತೆರೆದು ಫಾರ್ಮ್ ನೀಡಿ ಹೆಸರು ನೋಂದಾಯಿಸಲು ಅವಕಾಶ ಕಲ್ಪಿಸಬೇಕು’ ಎಂದರು. `ಹೋಬಳಿ ಮಟ್ಟದ ಪ್ರಜಾಸೇವೆ ಆಂದೋಲನ ಸಭೆಯನ್ನು ಭಟ್ಕಳ ತಾಲೂಕಿನ ಮುರುಡೇಶ್ವರ, ಶಿರಸಿಯ ಜಾನ್ಮನೆ, ಯಲ್ಲಾಪುರದ ಮಂಚಿಕೇರಿ, ಹಳಿಯಾದ ಸಾಂಬ್ರಾಣಿ ಮತ್ತು ಕುಮಟಾ ತಾಲೂಕಿನ ಕೂಜಳ್ಳಿ ಹೋಬಳಿಗಳಲ್ಲಿ ಶಾಸಕರ ಅಧ್ಯಕ್ಷತೆಯಲ್ಲಿ ಆಯೋಜಿಸಿಲು ಅಗತ್ಯ ಸಿದ್ದತೆಗಳನ್ನು ಕೈಗೊಳ್ಳಬೇಕು’ ಂದು ಸೂಚಿಸಿದರು. ಈ ಸಭೆಯಲ್ಲಿ ಜಿ ಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ ಎನ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಹಾಗೂ ಎಲ್ಲಾ ಜಿಲ್ಲಾ ಮಟ್ಟದ ಅಧಿಕಾರಿಗಳು ಇದ್ದರು.  
- [`ಮೊದಲು ಕಲಿಯಬೇಕು.. ನಂತರ ದುಡಿಯಬೇಕು'](https://mobiletime.in/2026/09/first-learn-then-earn/): ಸಾಮಾಜಿಕ ಕೆಲಸಗಳ ಮೂಲಕ ಗಮನಸೆಳೆಯುತ್ತಿರುವ ಅನಂತಮೂರ್ತಿ ಹೆಗಡೆ ಚಾರಿಟೇಬಲ್ ಟ್ರಸ್ಟ್ ಇದೀಗ ಶ್ರಮಜೀವಿ ಮಹಿಳೆಯರಿಗಾಗಿ ಹೊಲಿಗೆ ತರಬೇತಿ ಶಿಬಿರ ಆಯೋಜಿಸಿದೆ. ಸಿದ್ದಾಪುರದ ಕುಚಗುಂಡಿಯಲ್ಲಿ ಈ ದಿನ ಈ ಶಿಬಿರಕ್ಕೆ ಚಾಲನೆ ದೊರೆತಿದೆ. ಕುಚಗುಂಡಿಯ ಕಲ್ಯಾಣೇಶ್ವರ ದೇವಸ್ಥಾನದ ಸಭಾಂಗಣದಲ್ಲಿ ಹಾಗೂ ತಾರೇಸರದ ಸಭಾಭವನದಲ್ಲಿ ಉಚಿತ ಹೊಲಿಗೆ ತರಬೇತಿ ಶಿಬಿರಕ್ಕೆ ಸೋಮವಾರ ಅನಂತಮೂರ್ತಿ ಹೆಗಡೆ ಚಾರಿಟೇಬಲ್ ಟ್ರಸ್ಟ್ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಚಾಲನೆ ನೀಡಿದ್ದಾರೆ. `ಹೊಲಿಗೆ ತರಬೇತಿಗಳ ಮೂಲಕ ಮಹಿಳೆಯರು ಸ್ವಾವಲಂಬಿಗಳಾದರೆ ಅದು ಅವರ ಜೀವನಕ್ಕೆ ಆಧಾರವಾಗುತ್ತದೆ. ಜೊತೆಗೆ ಅಗತ್ಯವಿವರವ ಪ್ರತಿಯೊಬ್ಬರಿಗೂ ಉತ್ತಮ ಬಟ್ಟೆ ಸಿಗಲಿದೆ’ ಎಂದು ಅವರು ಹೇಳಿದ್ದಾರೆ. `ಬದುಕಿನ ದೊಡ್ಡ ರೋಗ ಎಂದರೆ ಅದು ಬಡತನ. ಬಡತನವನ್ನು ಹೋಗಲಾಡಿಸಲು ಹೊಲಿಗೆ ಉದ್ಯೋಗ ಮಹಿಳೆಯರಿಗೆ ಬಹಳ ಅನುಕೂಲವಾಗಲಿದೆ. ಹೊಲಿಗೆ ಯನ್ನು ಪ್ರತಿಯೊಬ್ಬ ಮಹಿಳೆಯರೂ ಕಲಿತುಕೊಳ್ಳಬೇಕು. ಮನೆಯಲ್ಲೆ ಕುಳಿತು ಆರ್ಥಿಕ ಸ್ಥಿತಿಯನ್ನು ಸುಧಾರಿಸಿಕೊಳ್ಳಬೇಕು’ ಎಂದವರು ಹೇಳಿದ್ದಾರೆ. `ಮನುಷ್ಯನ ಜೀವನದ ಕೊನೆಯವರೆಗೂ ಕಲಿಕೆ ನಿರಂತರವಾಗಿರಲಿದೆ. ಪ್ರತಿನಿತ್ಯ ಒಂದಲ್ಲ ರೀತಿಯಲ್ಲಿ ನಾವು ಕಲಿಯುತ್ತಲೇ ಇರುತ್ತೇವೆ. ಪ್ರತಿಯೊಬ್ಬರು ಮೊದಲು ಕಲಿಯಬೇಕು. ನಂತರ ಸಂಪಾದಿಸಬೇಕು. ಈ ನಿಟ್ಟಿನಲ್ಲಿ ಈ ಶಿಬಿರ ಆಯೋಜಿಸಿದ್ದು, ನುರಿತ ತರಬೇತಿದಾರರ ಮಾತನ್ನು ಎಲ್ಲರೂ ಪಾಲಿಸಬೇಕು’ ಎಂದವರು ಕರೆ ನೀಡಿದರು. ಹಸ್ರಗೋಡ ಗ್ರಾಪಂ ಮಾಜಿ ಅಧ್ಯಕ್ಷ ಪ್ರದೀಪ ಹೆಗಡೆ ಕರ್ಜಗಿ ಅವರು ಮಾತನಾಡಿ `ಹಳ್ಳಿಗಳಲ್ಲಿನ ಮಹಿಳೆಯರಿಗೆ ಸ್ವ ಉದ್ಯೋಗ ತರಬೇತಿ ನೀಡಬೇಕು ಎಂಬ ಬಹುದೊಡ್ಡ ಕನಸು ಅನಂತಮೂರ್ತಿ ಹೆಗಡೆ ಅವರದ್ದಾಗಿತ್ತು. ಅದನ್ನು ಅವರು ಈಡೇರಿಸಿದ್ದು, ಮಹಿಳೆಯರು ಸ್ವ ಉದ್ಯೋಗದಿಂದ ಕುಟುಂಬ ನಿರ್ವಹಣೆ ಮಾಡುವ ಶಕ್ತಿ ಬೆಳೆಸಿಕೊಳ್ಳಬೇಕು’ ಎಂದರು. ನಾರಾಯಣ ಹೆಗಡೆ ತಾರೇಸರ ಅವರು ಮಾತನಾಡಿ `ಹೊಲಿಗೆ ಕಲಿಯುವುದು ಆರ್ಥಿಕ ಸದೃಢತೆಗೆ ಇರುವ ಸುಲಭ ಮಾರ್ಗ. ನಮ್ಮೂರಿನಲ್ಲಿ ಅನಂತಮೂರ್ತಿ ಹೆಗಡೆ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಉಚಿತ ಹೊಲಿಗೆ ಶಿಬಿರ ಆರಂಭ ಗೊಂಡಿರುವುದು ಸಂತಸದ ಸಂಗತಿ’ ಎಂದರು. ಈ ಸಂದರ್ಭದಲ್ಲಿ ಸುಬ್ರಾಯ ಹೆಗಡೆ ಬೇಣದಮನೆ , ಆರ್ ಜಿ ಭಟ್ ಯಲೂಗಾರ, ನಾರಾಯಣ ಹೆಗಡೆ ತಾರೇಸರ, ಗಣೇಶ ಹೆಗಡೆ ಶಮೆಮನೆ, ನವೀನ ಹೆಗಡೆ ತಾರೇಸರ ಅವರು ಇದ್ದರು. ವೀಣಾ ಕೊಳಗಿಬೀಸ್, ಆಶಾ ಶಿರಸಿ ಅವರು ಈ ತರಬೇತಿ ನಡೆಸಿಕೊಟ್ಟರು. ಒಂದು ತಿಂಗಳ ಕಾಲ ಈ ತರಬೇತಿ ನಡೆಯಲಿದೆ.
- [5ಕಿಮೀ ನಡೆದ ರೂಪಾಲಿ!](https://mobiletime.in/2026/09/rupali-walked-5-km/): ಬಿಜೆಪಿ ಆಯೋಜಿಸಿರುವ ಬಳ್ಳಾರಿ ಚಲೋ ಕಾರ್ಯಕ್ರಮದಲ್ಲಿ ಕಾರವಾರದ ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರು ಭಾಗವಹಿಸಿದ್ದು, ಮೊದಲ ದಿನ ಅವರು 5ಕಿಮೀ ನಡೆದಿದ್ದಾರೆ. 2ಕಿಮೀ ನಡೆದ ನಂತರ ಅವರು ಆಯಾಸಗೊಂಡಿದ್ದು, ಕೆಲ ಕಾಲ ವಿರಾಮ ತೆಗೆದುಕೊಂಡು ಮತ್ತೆ ಅವರು 3ಕಿಮೀ ಸಂಚರಿಸಿದ್ದಾರೆ. ಈ ದಿನ ಅಲ್ಲಿಯೇ ವಸತಿ ಹೂಡಲಿರುವ ರೂಪಾಲಿ ನಾಯ್ಕ ಅವರು ನಾಳೆಯೂ ತಮ್ಮ ನಡಿಗೆಯನ್ನು ಮುಂದುವರೆಸಲಿದ್ದಾರೆ. ತಮ್ಮ ನಡಿಗೆಯ ಅವಧಿಯಲ್ಲಿ ಅವರು ಕಾಂಗ್ರೆಸ್ ಸರ್ಕಾರದ ವಿರುದ್ಧ ಸಾಕಷ್ಟು ಆಕ್ರೋಶವ್ಯಕ್ತಪಡಿಸಿದ್ದಾರೆ. ರೂಪಾಲಿ ನಾಯ್ಕ ಅವರ ಸುತ್ತ ಪೊಲೀಸರು ಸಂಚರಿಸಿದ್ದು, ಈ ಪ್ರತಿಭಟನಾ ಮೆರವಣಿಗೆಗೆ ಭಾರೀ ಭದ್ರತೆ ಕಂಡುಬAದಿತು. ಅಲ್ಲಲ್ಲಿ ನೀರು ಕುಡಿಯುತ್ತ ತಮ್ಮ ದಣಿವು ಆರಿಸಿಕೊಳ್ಳುತ್ತ ರೂಪಾಲಿ ನಾಯ್ಕ ಅವರು ಈ ದಿನ ನಡಿಗೆ ಮುಗಿಸಿದರು. ಪಾದಯಾತ್ರೆಯ ಅವಧಿಯಲ್ಲಿ ರಾಜ್ಯ ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಮೊಳಗಿಸಿದರು. ರೂಪಾಲಿ ನಾಯ್ಕ ಅವರ ಜೊತೆಗಿದ್ದವರು ಸಹ ಧಿಕ್ಕಾರದ ಬೋರ್ಡುಗಳನ್ನು ಪ್ರದರ್ಶಿಸಿದರು. ಕಾಂಗ್ರೆಸ್ ಸರ್ಕಾರದ ಆಡಳಿತ ವೈಫಲ್ಯ ಹಾಗೂ ವಿವಿಧ ಅಕ್ರಮಗಳ ವಿರುದ್ಧ ಬಿಜೆಪಿ ಹೋರಾಟ ನಡೆಸುತ್ತಿದೆ. ಅದರ ಅಂಗವಾಗಿ ‘ಬಳ್ಳಾರಿ ಚಲೋ’ ಎಂಬ ಪಾದಯಾತ್ರೆ ಆಯೋಜಿಸಿದೆ. ಬಿಜೆಪಿ ರಾಜ್ಯ ಉಪಾಧ್ಯಕ್ಷೆಯೂ ಆಗಿಉವ ಕಾರವಾರ ಅಂಕೋಲಾ ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕಿ ರೂಪಾಲಿ ನಾಯ್ಕ ಅವರು ಅತ್ಯಂತ ಉತ್ಸಾಹದಿಂದ ಈ ಪಾದಯಾತ್ರೆಯಲ್ಲಿ ಭಾಗವಹಿಸಿದ್ದಾರೆ. ರಾಯಚೂರು ಜಿಲ್ಲೆಯ ಲಿಂಗಸುಗೂರಿನಿoದ ಶುರುವಾದ ಈ ಪಾದಯಾತ್ರೆ ಬಳ್ಳಾರಿಯಲ್ಲಿ ಕೊನೆಯಾಗಲಿದ್ದು, ಎಲ್ಲಾ ದಿನವೂ ಪಾದಯಾತ್ರೆಯಲ್ಲಿ ಭಾಗವಹಿಸುವ ವಿಶ್ವಾಸದಲ್ಲಿ ರೂಪಾಲಿ ನಾಯ್ಕ ಅವರಿದ್ದಾರೆ. ಕಾಂಗ್ರೆಸ್ ಸರ್ಕಾರದ ಆಡಳಿತದಲ್ಲಿ ಜನಸಾಮಾನ್ಯರು ಎದುರಿಸುತ್ತಿರುವ ಸಮಸ್ಯೆಗಳು, ಸರ್ಕಾರದ ವೈಫಲ್ಯಗಳು ಹಾಗೂ ಭ್ರಷ್ಟಾಚಾರದ ಆರೋಪಗಳ ವಿರುದ್ಧ ಬಿಜೆಪಿಗರು ಮಾತನಾಡಿದ್ದಾರೆ. ಮಾಜಿ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ, ಬಿಜೆಪಿ ರಾಜ್ಯಾಧ್ಯಕ್ಷ ಬಿ ವೈ ವಿಜಯೇಂದ್ರ, ವಿಪಕ್ಷ ನಾಯಕ ಆರ್ ಅಶೋಕ್, ಪ್ರಮುಖರಾದ ಛಲವಾದಿ ನಾರಾಯಣ ಸ್ವಾಮಿ, ಸಿ ಟಿ ರವಿ ಸೇರಿದಂತೆ ಅನೇಕರು ಈ ಪಾದಯಾತ್ರೆಯಲ್ಲಿ ಭಾಗವಹಿಸಿದ್ದಾರೆ.
- [ಕಾಡಿನಲ್ಲಿ ನಡೆದ ಕೋಳಿ ಅಂಕ!](https://mobiletime.in/2026/09/a-cockfight-held-in-the-forest/): ಕೋಳಿಗಳನ್ನು ಕಾದಾಟಕ್ಕೆ ಬಿಟ್ಟು ಅವುಗಳ ಮೇಲೆ ಬಾಜಿ ಕಟ್ಟಿದ್ದ ಮೂವರನ್ನು ಹೊನ್ನಾವರ ಪಿಸೈ ಮಹಾ0ತೇಶ ವಾಲ್ಮೀಕಿ ಅವರು ಹಿಡಿದಿದ್ದಾರೆ. ಓಡಿ ಪರಾರಿಯಾದ ಕುಮಟಾದ ಈಶ್ವರ ಉಪ್ಪಾರ್ ಅವರನ್ನು ಪೊಲೀಸರು ಹುಡುಕುತ್ತಿದ್ದಾರೆ. ಹೊನ್ನಾವರದ ಕರ್ಕಿ ರೈಲ್ವೆ ನಿಲ್ದಾಣದ ಸಮೀಪದ ಅರಣ್ಯ ಪ್ರದೇಶದ ಬಳಿ ಅಗಸ್ಟ 30ರಂದು ಕೋಳಿಗಳ ಕಾದಾಟ ನಡೆದಿತ್ತು. ಆ ದಿನ ಸಂಜೆ 5 ಗಂಟೆಗೆ ಹೊನ್ನಾವರ ಹಳದಿಪುರ ಅಗ್ರಹಾರದ ಕೂಲಿ ಕಾರ್ಮಿಕ ಮಂಜುನಾಥ ತಿಮ್ಮಪ್ಪ ಗೌಡ (40) ಅವರು ಈ ಆಟವನ್ನು ಆಯೋಜಿಸಿದ್ದರು. ಅಗ್ರಹಾರ ಹಬ್ಬುಗದ್ದೆಯ ಶಿವಾನಂದ (ಶ್ರೀನಿವಾಸ) ಮಾಸ್ತಿ ಮುಕ್ರಿ (31) ಹಾಗೂ ಕುಮಟಾ ಹಳಕಾರದ ಅನಂತ ವೆಂಕಟರಮಣ ಪಟಗಾರ (32) ಅವರ ಜೊತೆ ಕುಮಟಾದ ಈಶ್ವರ ಉಪ್ಪಾರ್ ಅವರು ಅಲ್ಲಿಗೆ ಆಗಮಿಸಿ ಕೋಳಿ ಕಾಳಗಕ್ಕೆ ಹಣ ಹೂಡಿಕೆ ಮಾಡಿದ್ದರು. ಕಾನೂನುಬಾಹಿರ ಕ್ರೀಡೆಯಾದ ಕೋಳಿ ಅಂಕ ನಡೆದ ಬಗ್ಗೆ ಅಲ್ಲಿನ ಒಬ್ಬರು ಪೊಲೀಸರಿಗೆ ಫೋನ್ ಮಾಡಿದರು. ಈ ಮಾಹಿತಿ ಆಧರಿಸಿ ಪಿಸೈ ಮಹಾ0ತೇಶ ವಾಲ್ಮೀಕಿ ಅವರು ತಮ್ಮ ತಂಡದ ಜೊತೆ ಅಲ್ಲಿ ದಾಳಿ ನಡೆಸಿದರು. ಆಗ, ಮಂಜುನಾಥ ಗೌಡ, ಶ್ರೀನಿವಾಸ ಮುಕ್ರಿ ಹಾಗೂ ಅನಂತ ಪಟಗಾರ ಅವರು ಸಿಕ್ಕಿಬಿದ್ದರು. ಪೊಲೀಸರನ್ನು ಕಂಡ ಈಶ್ವರ ಉಪ್ಪಾರ್ ಅವರು ಅದೇ ಕಾಡಿನಲ್ಲಿ ಓಡಿ ಪರಾರಿಯಾದರು. ಈಶ್ವರ ಉಪ್ಪಾರ್ ಅವರನ್ನು ಹಿಡಿಯಲು ಪೊಲೀಸರು ಪ್ರಯತ್ನಿಸಿದರೂ ಅವರು ಕೈಗೆ ಸಿಗಲಿಲ್ಲ. ಅದಾಗಿಯೂ, ಈಶ್ವರ ಉಪ್ಪಾರ್ ಅವರನ್ನು ಅಲ್ಲಿಗೆ ಬಿಡದ ಪೊಲೀಸರು ಸಿಕ್ಕಿಬಿದ್ದ ಮೂವರ ಜೊತೆ ಅವರ ಹೆಸರನ್ನು ಸೇರಿಸಿ ಪ್ರಕರಣ ದಾಖಲಿಸಿದರು. ಈ ಪ್ರಕರಣದ ವಿಚಾರಣೆಗಾಗಿ ಈಶ್ವರ ಉಪ್ಪಾರ್ ಅವರ ಹುಡುಕಾಟ ಮುಂದುವರೆಸಿದರು. ಜೂಜಾಡುವುದು ಕಾನೂನುಬಾಹಿರವಾಗಿದ್ದು, ಅಂಥ ಆಟಗಳಿಗೆ ಅವಕಾಶವಿಲ್ಲ ಎಂದು ಎಚ್ಚರಿಕೆಯನ್ನು ನೀಡಿದರು.
- [ಬಾಳೆಕಾಯಿ ಭಟ್ಟನ ಅಕ್ಕಿ ವ್ಯಾಪಾರ: ಈ ಬಾರಿ ಭಾರೀ ನಷ್ಟ!](https://mobiletime.in/2026/09/banana-rice-business-this-time-a-huge-loss/): ಅನುಮಾನಾಸ್ಪದವಾಗಿ ಸಂಚರಿಸುತ್ತಿದ್ದ ಲಾರಿ ಹಿಡಿದ ಅಧಿಕಾರಿಗಳಿಗೆ ರಾಘವೇಂದ್ರ ಭಟ್ಟ ಹಾಗೂ ರವೀಂದ್ರ ಭಟ್ಟ ಅವರ ಕಳ್ಳ ವ್ಯವಹಾರಗಳ ಬಗ್ಗೆ ಮಾಹಿತಿ ಸಿಕ್ಕಿದೆ. ಅಲ್ಲಿ-ಇಲ್ಲಿ ಬಾಳೆಕಾಯಿ ವ್ಯಾಪಾರ ಮಾಡಿಕೊಂಡಿದ್ದ ಅವರಿಬ್ಬರು ನೆರೆ ರಾಜ್ಯಗಳಿಗೂ ರಾಜಾರೋಷವಾಗಿ ಸರ್ಕಾರಿ ಅಕ್ಕಿ ಸಾಗಾಟ ಮಾಡುತ್ತಿರುವುದನ್ನು ನೋಡಿ ಅಧಿಕಾರಿಗಳೇ ದಂಗಾಗಿದ್ದಾರೆ. ಅನ್ನಭಾಗ್ಯ ಯೋಜನೆ ಅಡಿ ಸರ್ಕಾರ ಬಡವರಿಗೆ ಪಡಿತರ ಅಕ್ಕಿ ವಿತರಿಸುತ್ತಿದೆ. ಆ ಅಕ್ಕಿ ವ್ಯಾಪಕ ಪ್ರಮಾಣದಲ್ಲಿ ಕಾಳಸಂತೆಯಲ್ಲಿ ಮಾರಾಟವಾಗುತ್ತಿದೆ. ಸರ್ಕಾರಿ ಅಕ್ಕಿ ಮಾರಾಟ-ಸಾಗಾಟ ಎರಡೂ ಅಪರಾಧ ಎಂದು ಜಾಗೃತಿ ಮೂಡಿಸಿದರೂ ಈ ದಂದೆಗೆ ಕಡಿವಾಣ ಬಿದ್ದಿಲ್ಲ. ಶಿರಸಿಯ ಆಹಾರ ಇಲಾಖೆ ಅಧಿಕಾರಿಗಳು ನಿರಂತರವಾಗಿ ದಾಳಿ ನಡೆಸುತ್ತಿದ್ದು, ಅಕ್ಕಿ ಕದಿಯುವವರ ವಿರುದ್ಧ ಸಮರ ಸಾರಿದ್ದಾರೆ. ಅದರಂತೆ, ಅಗಸ್ಟ 29ರಂದು ಶಿರಸಿ ತಹಶೀಲ್ದಾರ್ ಪುಟ್ಟರಾಜ ಗೌಡ ಅವರ ನೇತ್ರತ್ವದಲ್ಲಿ ನಡೆದ ದಾಳಿಯಲ್ಲಿ ಒಂದು ಲಾರಿಯ ತುಂಬ ಅಕ್ಕಿ ಸಿಕ್ಕಿದೆ. ಸಂಪೂರ್ಣ ಅಕ್ರಮವಾಗಿ ಸರ್ಕಾರಿ ಅಕ್ಕಿಯನ್ನು ಬೇರೆ ಬೇರೆ ರಾಜ್ಯಗಳಿಗೆ ಸಾಗಿಸುತ್ತಿದ್ದ ಸಂಗತಿಯೂ ಈ ವೇಳೆ ಬಹಿರಂಗವಾಗಿದೆ. ಕAದಾಯ ಇಲಾಖೆ, ಪೊಲೀಸ್ ಇಲಾಖೆ ಹಾಗೂ ಆಹಾರ ಇಲಾಖೆ ಸೇರಿ ನಡೆಸಿದ ಈ ಜಂಟಿ ಕಾರ್ಯಾಚರಣೆಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರದಿಂದ ಮಹಾರಾಷ್ಟ್ರದ ಕೊಲ್ಲಾಪುರದತ್ತ ಅಕ್ರಮವಾಗಿ ಸಾಗಿಸುತ್ತಿದ್ದ ಪಡಿತರ ಅಕ್ಕಿ ಸಿಕ್ಕಿ ಬಿದ್ದಿದೆ. ಅಶೋಕ ಲೈಲಾಂಡ್ ಲಾರಿಯಲ್ಲಿ 476 ಚೀಲ ಅಕ್ಕಿ ಸಾಗಿಸುತ್ತಿದ್ದವರನ್ನು ಅಧಿಕಾರಿಗಳು ವಶಕ್ಕೆಪಡೆದು ವಿಚಾರಣೆ ನಡೆಸಿದ್ದಾರೆ. ಅಧಿಕಾರಿಗಳನ್ನು ಕಂಡ ಲಾರಿ ಚಾಲಕ ಅಕ್ಕಿ ಮೂಟೆಗಳಿದ್ದ ಲಾರಿಸಹಿತ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದರೂ ಅದಕ್ಕೆ ಪೊಲೀಸರು ಅವಕಾಶ ಕೊಟ್ಟಿಲ್ಲ. ಅಕ್ಕಿ ಸಾಗಾಟದ ಲಾರಿಯ ಜೊತೆಗೆ ಕಾರೊಂದು ಸಂಚರಿಸುತ್ತಿರುವುದನ್ನು ಅನೇಕರು ಗಮನಿಸಿದ್ದಾರೆ. ಅಧಿಕಾರಿ ಅಥವಾ ತಪಾಸಣೆ ವೇಳೆ ದಿಕ್ಕು ತಪ್ಪಿಸುವುದಕ್ಕಾಗಿಯೇ ಆ ಕಾರು ಲಾರಿ ಜೊತೆಗೆ ಸಂಚರಿಸುತ್ತಿದ್ದ ಅನುಮಾನಗಳುವ್ಯಕ್ತವಾಗಿದೆ. ತಹಶೀಲ್ದಾರ್ ಪಟ್ಟರಾಜ ಗೌಡ ಹಾಗೂ ಶಿರಸಿ ಟೌನ್ ಠಾಣೆಯ ಪಿಎಸ್‌ಐ ನರಸಿಂಹಲು ಅವರ ನೇತೃತ್ವದಲ್ಲಿ ನೀಲೇಕಣಿ ಭೀಮನಗುಡ್ಡ ಕ್ರಾಸ್ ಬಳಿ ಅಧಿಕಾರಿಗಳು ಲಾರಿಯನ್ನು ಜಪ್ತು ಮಾಡಿದ್ದು, ವಿಚಾರಣೆ ವೇಳೆ ಸಿದ್ದಾಪುರ ಹಾಳಕಟ್ಟಾ ಬಳಿಯ ರಾಘವೇಂದ್ರ ಭಟ್ಟ ಹಾಗೂ ರವೀಂದ್ರ ಭಟ್ಟ ಸೇರಿ ಈ ಅಕ್ಕಿ ವ್ಯಾಪಾರ ನಡೆಸುತ್ತಿರುವುದು ಹೊರಬಿದ್ದಿದೆ. ಬೆಳಗಾವಿ ಹುಕ್ಕೇರಿಯ ಲಾರಿ ಚಾಲಕ ದುರದುಂಡಿ ಅವರು ರಾಘವೇಂದ್ರ ಭಟ್ಟ ಹಾಗೂ ರವೀಂದ್ರ ಭಟ್ಟ ಅವರ ಜಾತಕ ಬಿಚ್ಚಿಟ್ಟಿದ್ದು, ಅವರ ಜೊತೆ ಶಿರಸಿಯ ನಿಸಾರ ಅಹ್ಮದ್ ಸಯ್ಯದ್ ಅಹ್ಮದ್ ಹಾಗೂ ಬೆಳಗಾವಿ ಹುಕ್ಕೇರಿಯ ಸಾಗರ್ ಶಿವಾನಂದ ಹಾದಿಮನಿ ಸಹ ಕಳ್ಳ ಅಕ್ಕಿ ಸಾಗಾಟದಲ್ಲಿನ ಪ್ರಮುಖ ಆರೋಪಿಗಳಾಗಿದ್ದಾರೆ. ಸಣ್ಣ ಪ್ರಮಾಣದಲ್ಲಿ ಬಾಳೆಕಾಯಿ ಮಾರಾಟ ಮಾಡಿಕೊಂಡಿದ್ದ ರಾಘವೇಂದ್ರ ಭಟ್ಟ ಹಾಗೂ ರವೀಂದ್ರ ಭಟ್ಟ ಅವರು ದೊಡ್ಡದಾಗಿ ದುಡ್ಡು ಮಾಡಬೇಕು ಎಂದು ಅಡ್ಡದಾರಿ ಹಿಡಿದಿದ್ದಾರೆ. ಅದಕ್ಕಾಗಿ ಶಿರಸಿಯ ನಿಸಾರ ಅಹ್ಮದ್ ಸಯ್ಯದ್ ಅಹ್ಮದ್ ಹಾಗೂ ಬೆಳಗಾವಿ ಹುಕ್ಕೇರಿಯ ಸಾಗರ್ ಶಿವಾನಂದ ಹಾದಿಮನಿ ಅವರ ಜೊತೆ ಮಾತುಕಥೆ ನಡೆಸಿ, ಚಾಲಕ ದುರದುಂಡಿ ಅವರ ನೆರವಿನಿಂದ ಸರ್ಕಾರಿ ಅಕ್ಕಿ ಕದ್ದು ಸಾಗಿಸುವ ಸಾಹಸ ಮಾಡಿದ್ದಾರೆ. ಲಾರಿ ಪ್ರಮಾಣದಲ್ಲಿ ಅಕ್ಕಿ ಸಾಗಾಟದ ವೇಳೆ ಅವರು ಸಿಕ್ಕಿ ಬಿದ್ದಿದ್ದು, ಆ ಲಾರಿಯನ್ನು ಅಧಿಕಾರಿಗಳು ವಶಕ್ಕೆಪಡೆದಿದ್ದಾರೆ. ಜೊತೆಗೆ ಹುಕ್ಕೇರಿಯ ಲಾರಿ ಚಾಲಕ ದುರದುಂಡಿ ಅವರ ಜೊತೆ ರಾಘವೇಂದ್ರ ಭಟ್ಟ, ರವೀಂದ್ರ ಭಟ್ಟ, ನಿಸಾರ ಅಹ್ಮದ್ ಸಯ್ಯದ್ ಅಹ್ಮದ್ ಹಾಗೂ ಸಾಗರ್ ಶಿವಾನಂದ ಹಾದಿಮನಿ ಅವರ ಹೆಸರನ್ನು ಸೇರಿಸಿ ಕೇಸು ಹಾಕಿದ್ದಾರೆ. ಒಟ್ಟು 8,56,460ರೂ ಮೌಲ್ಯದ ಅಕ್ಕಿಯ ಜೊತೆ ಅವರೆಲ್ಲರೂ ಸಿಕ್ಕಿಬಿದ್ದಿದ್ದಾರೆ.
- [ಶೇ 44ರಷ್ಟು ಹೆರಿಗೆ ಸಿಜರಿಯನ್!](https://mobiletime.in/2026/08/44-of-deliveries-are-caesarean-sections/): ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಆಸ್ಪತ್ರೆಗಳಲ್ಲಿ ನಡೆಯುವ ಹೆರಿಗೆಗಳ ಪೈಕಿ ಶೇ 44ರಷ್ಟು ಸಿಜರಿಯನ್ ಮೂಲಕ ಆಗುತ್ತಿದೆ. ಏಪ್ರಿಲ್’ನಿಂದ ಜುಲೈ ಅವಧಿಯಲ್ಲಿ ಜಿಲ್ಲೆಯಲ್ಲಿ ಒಟ್ಟು 5053 ಹೆರಿಗೆ ನಡೆದಿದ್ದು, ಅದರಲ್ಲಿ 2211 ಹೆರಿಗೆಗಳು ಸಿ-ಸೆಕ್ಷನ್’ಗೆ ಸೇರಿವೆ. ಈ ಕುರಿತು ಆರೋಗ್ಯ ಇಲಾಖೆ ಅಧಿಕಾರಿಗಳು ಜಿಲ್ಲಾಡಳಿತಕ್ಕೆ ಮಾಹಿತಿ ನೀಡಿದ್ದಾರೆ. `ಈ ಅವಧಿಯಲ್ಲಿ ಯಾವುದೇ ತಾಯಿ ಮರಣ ಸಂಭವಿಸಿಲ್ಲ’ ಎಂದು ಸಹ ಆರೋಗ್ಯ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ. `ಗರ್ಭಧಾರಣೆ ದೃಢಪಟ್ಟ ನಂತರ ಕಡ್ಡಾಯವಾಗಿ ತಾಯಿ ಕಾರ್ಡ ವಿತರಿಸಬೇಕು. ಮಗು ಜನಿಸುವ ವರೆಗೆ ತಾಯಿ ಮತ್ತು ಮಗುವಿನ ಆರೋಗ್ಯದ ಬಗ್ಗೆ ನಿರಂತರವಾಗಿ ನಿಗಾವಹಿಸಬೇಕು’ ಎಂದು ಆರೋಗ್ಯ ಇಲಾಖೆಯ ಅಧಿಕಾರಿಗಳಿಗೆ ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರು ಸೂಚನೆ ನೀಡಿದ್ದಾರೆ. `ಗರ್ಭಿಣಿಯರನ್ನು ತಾಯಿ ಕಾರ್ಡ್ಗೆ ನೋಂದಣಿ ಮಾಡಿದ ಬಳಿಕ ಅವರಿಗೆ ವಿವಿಧ ಇಲಾಖೆಗಳ ಮೂಲಕ ಸರ್ಕಾರದಿಂದ ದೊರೆಯುವ ಎಲ್ಲಾ ಸೌಲಭ್ಯಗಳನ್ನು ಒದಗಿಸಬೇಕು. ನಿರಂತರ ಆರೋಗ್ಯ ತಪಾಸಣೆ ಮತ್ತು ವೈದ್ಯಕೀಯ ಸೌಲಭ್ಯಗಳನ್ನು ನೀಡಬೇಕು. ಜಿಲ್ಲೆಯ ಖಾಸಗಿ ಆಸ್ಪತ್ರೆಗಳಲ್ಲಿ ತಪಾಸಣೆಗೊಳಪಡುವ ಗರ್ಭಿಣಿಯರ ಮಾಹಿತಿ ಪಡೆದು ಅವರಿಗೆ ಕೂಡಾ ತಾಯಿ ಕಾರ್ಡ್ ನೀಡಿ, ಸರಕಾರದ ಸೌಲಭ್ಯಗಳನ್ನು ಒದಗಿಸಬೇಕು. ಸಕಾಲದಲ್ಲಿ ಅಗತ್ಯವಿರುವ ಲಸಿಕೆಗಳು ಮತ್ತು ಔಷಧಗಳನ್ನು ಉಚಿತವಾಗಿ ವಿತರಿಸಬೇಕು’ ಎಂದು ಡೀಸಿ ಸೂಚಿಸಿದ್ದಾರೆ. `ಆಸ್ಪತ್ರೆಗಳಲ್ಲಿನ ಔಷಧಗಳ ದಾಸ್ತಾನು ನಿರಂತರವಾಗಿ ಪರಿಶೀಲನೆ ನಡೆಸಬೇಕು. ಯಾವುದೇ ಔಷಧದ ಕೊರತೆಯಾಗದಂತೆ ಗರಿಷ್ಠ ಮುನ್ನೆಚ್ಚರಿಕೆವಹಿಸಬೇಕು’ ಎಂದು ನಿರ್ದೇಶನ ನೀಡಿದ್ದಾರೆ. ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ಮಾತನಾಡಿ `ಆಸ್ಪತ್ರೆಗಳಲ್ಲಿ ಒಳರೋಗಿಯಾಗಿ ದಾಖಲಾಗುವ ರೋಗಿಯು ಸಂಪೂರ್ಣ ಗುಣಮುಖರಾಗುವವರೆಗೆ ಅವರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಬಾರದು. ರೋಗಿಯ ಆರೋಗ್ಯದಲ್ಲಿ ಸಂಪೂರ್ಣ ಸುಧಾರಣೆ ಕಂಡು ಬಂದ ನಂತರ ಡಿಸ್ಚಾರ್ಜ್ ಮಾಡಬೇಕು. ನವಜಾತ ಶಿಶುಗಳ ಆರೋಗ್ಯದ ಬಗ್ಗೆ ಆಸ್ಪತ್ರೆಗಳಲ್ಲಿ ಹೆಚ್ಚಿನ ಕಾಳಜಿವಹಿಸಬೇಕು. ತಾಯಂದಿರಿಗೆ ನವಜಾತ ಶಿಶುವಿನ ಪಾಲನೆ ಪೋಷಣೆ ಕುರಿತಂತೆ ಅವರಿಗೆ ಸಂಪೂರ್ಣವಾಗಿ ಅರ್ಥವಾಗುವ ಭಾಷೆಯಲ್ಲಿಯೇ ಸುರಕ್ಷಿತ ಪಾಲನಾ ಕ್ರಮಗಳ ಬಗ್ಗೆ ಅರಿವು ಮೂಡಿಸಬೇಕು. ಹಾವು ಕಡಿತ ಮತ್ತು ನಾಯಿ ಕಡಿತದ ಔಷಧಗಳ ಕೊರತೆಯಾಗದಂತೆ ಎಚ್ಚರವಹಿಸಬೇಕು’ ಎಂದು ಹೇಳಿದ್ದಾರೆ. ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ಸಂಜಯ ದೊಡ್ಡಮನಿ, ಆರ್.ಸಿ.ಎಚ್ ಅಧಿಕಾರಿ ಡಾ.ನಟರಾಜ್, ಕಾರ್ಯಕ್ರಮ ಅಧಿಕಾರಿಗಳಾದ ಡಾ ಶಂಕರ್ ರಾವ್, ಕ್ಯಾ ಡಾ ರಮೇಶ್ ರಾವ್, ಡಾ ಅಶ್ವಿನಿ ಬೋರ್ಕರ್, ಡಾ ಪ್ರಸನ್ನ, ಕ್ರಿಮ್ಸ್ ನ ವೈದ್ಯ ಡಾ ಹೇಮಗಿರಿ ಹಾಗೂ ಆರೋಗ್ಯ ಇಲಾಖೆಯ ಎಲ್ಲಾ ತಾಲೂಕು ವೈದ್ಯಾಧಿಕಾರಿಗಳು ವರ್ಚವಲ್ ಮೂಲಕ ಈ ಸಭೆಯಲ್ಲಿ ಭಾಗವಹಿಸಿದ್ದರು.
- [ಬೈಕಿಗೆ ಗುದ್ದಿದ ಬುಲೇರೋ: ಸಾವು!](https://mobiletime.in/2026/08/bolero-hits-bike-death/): ಮೂವರು ಸಂಚರಿಸುತ್ತಿದ್ದ ಬೈಕಿಗೆ ಬುಲೆರೋ ಗುದ್ದಿದ್ದು, ಆ ಅಪಘಾತದ ರಭಸಕ್ಕೆ ಕೃಷ್ಣ ಸಿದ್ದಿ ಅವರು ಸಾವನಪ್ಪಿದ್ದಾರೆ. ಬೈಕಿನಲ್ಲಿದ್ದ ಉಳಿದವರಿಬ್ಬರು ಚಿಕಿತ್ಸೆಪಡೆಯುತ್ತಿದ್ದಾರೆ. ಅಗಸ್ಟ 30ರಂದು ಯಲ್ಲಾಪುರದ ಉಮ್ಮಚ್ಗಿ ಬಳಿಯ ಭರತನಳ್ಳಿ ಬಳಿ ಈ ಅಪಘಾತ ನಡೆದಿದೆ. ಅಪಘಾತದಲ್ಲಿ ಬೈಕಿನಲ್ಲಿದ್ದ ಶಿರಸಿ ಜಡ್ಡಿಗದ್ದೆಯ ಕೃಷ್ಣ ಬಾಬು ಸಿದ್ದಿ, ಸುನಂದ ಕೃಷ್ಣ ಸಿದ್ದಿ ಹಾಗೂ ಸಮನ್ವಿ ಅಣ್ಣಪ್ಪ ಸಿದ್ದಿ ಎಂಬ ಮಗು ಗಾಯಗೊಂಡಿದ್ದು, ಚಿಕಿತ್ಸೆ ಫಲಕಾರಿಯಾಗದೇ ಕೃಷ್ಣ ಸಿದ್ದಿ ಅವರು ಹುಬ್ಬಳ್ಳಿಯಲ್ಲಿ ಸಾವನಪ್ಪಿದ್ದಾರೆ. ಯಲ್ಲಾಪುರ ನೂತನ ನಗರ ಜಡ್ಡಿಯ ಕಾರ್ ಮೆಕಾನಿಕ್ ಮಹಮದ್ ಗಪೂರ್ ಸಂಶೂದ್ದಿನ್ ಶೇಖ್ ಅವರ ವೇಗದ ಬುಲೆರೋ ಚಾಲನೆ ಈ ಅವಘಡಕ್ಕೆ ಮುಖ್ಯ ಕಾರಣ ಎಂದು ದೂರಲಾಗಿದೆ. ಉಮ್ಮಚ್ಗಿಯಿಂದ ಭರತನಳ್ಳಿ ಕಡೆ ವೇಗವಾಗಿ ಚಲಿಸಿದ ಬುಲೆರೋ ಎದುರಿನಿಂದ ಬರುತ್ತಿದ್ದ ಬೈಕಿಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿ ರಭಸಕ್ಕೆ ಗಾಯಗೊಂಡವರನ್ನು ಮೊದಲು ಯಲ್ಲಾಪುರ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇಲ್ಲಿ ಚಿಕಿತ್ಸೆ ನೀಡಿದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಕಿಮ್ಸ್’ಗೆ ಕರೆದೊಯ್ಯಲಾಗಿದೆ. ಆದರೆ, ಅಲ್ಲಿ ಕೃಷ್ಣ ಸಿದ್ದಿ ಅವರು ಕೊನೆಯುಸಿರೆಳೆದಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಅಂಕೋಲಾ ಕಲ್ಲೇಶ್ವರದ ದೇವರಾಜ ಲಕ್ಷಣ ಸಿದ್ದಿ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದ್ದಾರೆ.
- [ಕೆಂಪೇಗೌಡ ಪ್ರಶಸ್ತಿಗೆ ರವೀಂದ್ರ ನಾಯ್ಕ ಆಯ್ಕೆ](https://mobiletime.in/2026/08/ravindra-naik-selected-for-kempegowda-award/): ನ್ಯಾಯವಾದಿ ರವೀಂದ್ರ ನಾಯ್ಕ ಅವರಿಗೆ ಬೆಂಗಳೂರಿನ ಸಮರ್ಥ ಸಾಹಿತ್ಯ ಮತ್ತು ಸಾಂಸ್ಕೃತಿಕ ಪ್ರತಿಷ್ಠಾನದವರು `ನಾಡಪ್ರಭು ಕೆಂಪೆಗೌಡ ಪ್ರಶಸ್ತಿ’ ನೀಡುವುದಾಗಿ ಘೋಷಿಸಿದ್ದಾರೆ. ಸೆಪ್ಟೆಂಬರ್ 6ರಂದು ರವೀಂದ್ರ ನಾಯ್ಕ ಅವರು ಈ ಪ್ರಶಸ್ತಿ ಸ್ವೀಕರಿಸಲಿದ್ದಾರೆ. ರವೀಂದ್ರ ನಾಯ್ಕ ಅವರು ಕಳೆದ ನಾಲ್ಕು ದಶಕಗಳಿಂದ ಸಾಮಾಜಿಕ ಕ್ಷೇತ್ರದಲ್ಲಿದ್ದಾರೆ. ಇದನ್ನು ಪರಿಗಣಿಸಿ ಅವರಿಗೆ ಈ ಪ್ರಶಸ್ತಿ ನೀಡಲಾಗುತ್ತಿದೆ. ಮಧ್ಯಪಾನ ವಿರೋಧಿ ಹೋರಾಟ, ಸಾಮಾಜಿಕ ನ್ಯಾಯಕ್ಕಾಗಿ ಹೋರಾಟ, ಅರಣ್ಯ ಭೂಮಿ ಹಕ್ಕಿನ ಹೋರಾಟದ ವಿಷಯವನ್ನು ಗಮನಿಸಿ ಅವರನ್ನು ಗೌರವಿಸಲು ಪ್ರತಿಷ್ಠಾನದವರು ನಿರ್ಧರಿಸಿದ್ದಾರೆ. ಸೆಪ್ಟೆಂಬರ್ 6ರ ಮುಂಜಾನೆ 10 ಗಂಟೆಗೆ ಕನ್ನಡ ಸಾಹಿತ್ಯ ಪರಿಷತ್ತ್ ಬೆಂಗಳೂರು ಕಟ್ಟಡದಲ್ಲಿ ಪ್ರಶಸ್ತಿ ವಿತರಣೆ ನಡೆಯಲಿದೆ. ಚಿತ್ರದುರ್ಗದ ಕೀರ್ತಿಶೇಷ ಶ್ರೀಮತಿ ಸೀತಮ್ಮ ಮತ್ತು ಲಿಂಗA ವೈ ರಾಜಶೇಕರ್ ಶೆಟ್ಟಿ ಸ್ಮಾರಕ ವೇದಿಕೆಯಲ್ಲಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.
- [ಕೈಗಾ ರಸ್ತೆ: ಭಾರೀ ವಾಹನ ಸಂಚಾರ ನಿಷೇಧ!](https://mobiletime.in/2026/08/kaiga-road-heavy-traffic-ban/): ಕೈಗಾ ಮಾರ್ಗವಾಗಿ ಭಾರೀ ಪ್ರಮಾಣದ ವಾಹನ ಸಂಚಾರದಿoದ ರಸ್ತೆ ಹಾಳಾಗಿರುವುದನ್ನು ಮನಗಂಡ ಡೀಸಿ ಕೆ ಲಕ್ಷ್ಮೀಪ್ರಿಯಾ ಅವರು ಈ ಕ್ಷಣದಿಂದಲೇ ಜಾರಿಗೆ ಬರುವಂತೆ ಈ ಮಾರ್ಗವಾಗಿ ಭಾರೀ ವಾಹನಗಳ ಸಂಚಾರವನ್ನು ನಿಷೇಧಿಸಿದ್ದಾರೆ. ವಾಹನ ಓಡಾಟದ ಚಲನ-ವಲನಗಳ ಮೇಲೆ ನಿಗಾವಿರಿಸುವಂತೆ ಅವರು ಪೊಲೀಸರಿಗೆ ಜವಾಬ್ದಾರಿ ನೀಡಿದ್ದಾರೆ. ಕಾರವಾರ-ದೇವಳಮಕ್ಕಿ-ಕೆರವಡಿ-ಬೋಳ್ವೆ-ಇರಪಾಗೆ-ಮಲ್ಲಾಪುರ ಮಾರ್ಗವಾಗಿ ಭಾರೀ ವಾಹನಗಳ ಸಂಚಾರದಿAದ ರಸ್ತೆ ಹಾಳಾಗಿದೆ. ಇಲ್ಲಿ ಪದೇ ಪದೇ ಅಪಘಾತವಾಗುತ್ತಿದ್ದು, ಜನರ ಜೀವಕ್ಕೂ ಸಮಸ್ಯೆಯಾಗಿದೆ. ಎಲ್ಲೆಂದರಲ್ಲಿ ಹೊಂಡ ಬಿದ್ದಿದ್ದರಿಂದ ಜನ ತೊಂದರೆ ಅನುಭವಿಸುತ್ತಿದ್ದಾರೆ. ಈ ಬಗ್ಗೆ ಜಿಲ್ಲಾಡಳಿತಕ್ಕೆ ಸಾಕಷ್ಟು ದೂರುಗಳು ಸಲ್ಲಿಕೆಯಾಗಿದೆ. ಈ ಬಗ್ಗೆ ಪರಿಶೀಲಿಸಿದ ಜಿಲ್ಲಾಧಿಕಾರಿಗಳು 30ಟನ್’ಗಿಂತ ಅಧಿಕ ಬಾರದ ವಾಹನಗಳ ಓಡಾಟದಿಂದಲೇ ಈ ಸಮಸ್ಯೆ ಉದ್ಬವಿಸಿರುವುದನ್ನು ಗಮನಿಸಿದ್ದಾರೆ. ಈ ಹಿನ್ನಲೆ ಕಾರವಾರ-ದೇವಳಮಕ್ಕಿ-ಕೆರವಡಿ-ಬೋಳ್ವೆ-ಇರಪಾಗೆ-ಮಲ್ಲಾಪುರ ಮಾರ್ಗವಾಗಿ 30 ಟನ್ ಮೇಲ್ಪಟ್ಟ ಎಲ್ಲಾ ವಾಹನಗಳ ಓಡಾಟ ನಿಷೇಧಿಸಿ ಅವರು ಆದೇಶ ಹೊರಡಿಸಿದ್ದಾರೆ. ಲಘು ವಾಹನಗಳ ಓಡಾಟಕ್ಕೆ ಯಾವುದೇ ಸಮಸ್ಯೆ ಇಲ್ಲ. ಲಘು ವಾಹನಗಳ ಓಡಾಟಕ್ಕೆ ಅನುಕೂಲ ಆಗುವ ಹಾಗೇ ತಕ್ಷಣ ರಸ್ತೆ ರಿಪೇರಿ ಮಾಡುವಂತೆ ಕೈಗಾ ಅಣು ಘಟಕದವರಿಗೆ ಡೀಸಿ ಸೂಚನೆ ನೀಡಿದ್ದಾರೆ. ಪೊಲೀಸರು ಅಗತ್ಯವಿರುವ ಕಡೆ ಬ್ಯಾರಿಕೇಡ್ ಅಳವಡಿಸಬೇಕು. ಈ ಮಾರ್ಗವಾಗಿ ಓಡಾಡುವ ವಾಹನಗಳ ಚಲನ-ವಲನ ಗಮನಿಸಬೇಕು ಎಂದು ಡೀಸಿ ಪೊಲೀಸರಿಗೆ ಸೂಚಿಸಿದ್ದಾರೆ.
- [ಒಂದುವರೆ ಲಕ್ಷ ಕದ್ದವನಿಗೆ ಏಳು ಸಾವಿರ ರೂ ದಂಡ!](https://mobiletime.in/2026/08/a-fine-of-7000-for-someone-who-stole-%e2%82%b91-5-lakh/): ಯಶೋಧರ ನಾಯ್ಕ ಕೋ ಆಪರೇಟಿವ್ ಸೊಸೈಟಿಯ ಬೀಗ ಮುರಿದು ಕಳ್ಳತನ ಮಾಡಿದ್ದ ಆರೋಪಿಗೆ ನ್ಯಾಯಾಲಯ ಎರಡು ವರ್ಷ ಜೈಲು ಶಿಕ್ಷೆ ವಿಧಿಸಿದೆ. ಜೊತೆಗೆ ಏಳು ಸಾವಿರ ರೂ ದಂಡ ಪಾವತಿಗೂ ಆದೇಶಿಸಿದೆ. ದಾಂಡೇಲಿ ಸುಭಾಸನಗರ ಮಜಫರ್ ಮಹಮದ್ ಸಾಬ್ ಅವರು ಕುಮಟಾ ಬಸ್ ನಿಲ್ದಾಣದ ಬಳಿಯಿದ್ದ ಯಶೋಧರ ನಾಯ್ಕ ಕೋ ಆಪರೇಟಿವ್ ಸೊಸೈಟಿಯ ಬೀಗ ಮುರಿದಿದ್ದರು. 2020ರ ಡಿಸೆಂಬರ್ 17ರಂದು ಅವರು ಈ ಕಳ್ಳತನ ಮಾಡಿದ್ದು, ಸೊಸೈಟಿ ಒಳಗೆ ನುಗ್ಗಿ ಸಿಸಿ ಕ್ಯಾಮರಾವನ್ನು ಹಾಳು ಮಾಡಿದ್ದರು. ಅದಾದ ನಂತರ ಅಲ್ಲಿದ್ದ 156994ರೂ ಹಣ ಕಳ್ಳತನ ಮಾಡಿ ಪರಾರಿಯಾಗಿದ್ದರು. ಪರಾರಿಯಾಗುವ ಮುನ್ನ ಸಿಸಿ ಕ್ಯಾಮರಾದ ಡಿವಿಆರ್ ಕದ್ದೊಯ್ದ ಮಜಫರ್ ಸಾಬ್ ಅವರು ಅದನ್ನು ಅಘನಾಶಿನಿ ಹೊಳೆಯಲ್ಲಿ ತೇಲಿ ಬಿಟ್ಟಿದ್ದರು. ಕಳ್ಳತನದ ಪ್ರಕರಣ ದಾಖಲಿಸಿಕೊಂಡ ಕುಮಟಾ ಪೊಲೀಸರು ತನಿಖೆ ಶುರು ಮಾಡಿದ್ದರು. ನಸುಕಿನ 3.15ರ ಅವಧಿಯಲ್ಲಿ ಈ ಕಳ್ಳತನ ನಡೆದಿದ್ದು, ಕುಮಟಾ ಹೊಸ ಬಸ್ ನಿಲ್ದಾಣ ಬಳಿಯಿರುವ ಯಶೋಧರ ನಾಯ್ಕ ಕೋ ಆಪರೇಟಿವ್ ಬ್ಯಾಂಕಿನ ಸುತ್ತಲಿನ ಸಿಸಿ ಕ್ಯಾಮರಾಗಳ ದಾಖಲೆ ಹುಡುಕಿದ್ದರು. ಪಿಸೈ ರವಿ ಗುಡ್ಡಿ ಅವರು ಪ್ರಕರಣದ ಭಾಗಶಃ ತನಿಖೆ ನಡೆಸಿ ವರ್ಗವಾಗಿದ್ದು, ಅದಾದ ನಂತರ ಆಗಮಿಸಿದ ಪರಮೇಶ್ವರ ಗುನಗಾ ಅವರು ವಿವಿಧ ಸಾಕ್ಷಿ ಸಂಗ್ರಹ ಮಾಡಿದ್ದರು. ನಂತರ ಪ್ರಕಾಶ ಆರ್ ನಾಯ್ಕ ತನಿಖೆ ಪೂರ್ಣಗೊಳಿಸಿ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಕೆ ಮಾಡಿದ್ದರು. ಸರ್ಕಾರಿ ಅಭಿಯೋಜಕ ಗಿರೀಶ ನಾಗಪ್ಪ ಪಟಗಾರ ಅವರು ವಾದ ಮಂಡಿಸಿ ಕಳ್ಳತನದ ದಾಖಲೆಗಳನ್ನು ಹಾಜರು ಮಾಡಿದ್ದರು. ನ್ಯಾಯಾಧೀಶೆ ವರ್ಷ ಶ್ರೀ ಅವರು ಈ ಪ್ರಕರಣ ವಿಚಾರಣೆ ನಡೆಸಿ ಆರೋಪಿ ಮಜಫರ್ ಮಹಮದ್ ಸಾಬ್ ಮೇಲಿನ ಆರೋಪ ಸಾಭೀತಾದ ಬಗ್ಗೆ ನಿರ್ಣಯ ನೀಡಿದರು. ಮಜಫರ್ ಮಹಮದ್ ಸಾಬ್ ಅವರೇ ಕಳ್ಳತನ ಮಾಡಿದ್ದು ಸಾಭೀತಾದ ಕಾರಣ ಎರಡು ವರ್ಷ ಸಾದಾ ಜೈಲು ಹಾಗೂ 7 ಸಾವಿರ ರೂ ದಂಡಕ್ಕೆ ಆದೇಶಿಸಿದರು. ದಂಡ ಪಾವತಿಗೆ ವಿಫಲ ಆದರೆ ಹೆಚ್ಚುವರಿ ಶಿಕ್ಷೆ ನೀಡುವ ಬಗ್ಗೆಯೂ ಅವರು ಆದೇಶದಲ್ಲಿ ಪ್ರಕಟಿಸಿದರು.
- [ದುಡ್ಡು ಉಳಿಸಲು ಮಕ್ಕಳನ್ನು ದುಡಿಸಿದ ಮೂರ್ಖ ಶಿಕ್ಷಕ!](https://mobiletime.in/2026/08/foolish-teacher-made-children-work-to-save-money/): ಶಾಲೆಯಲ್ಲಿನ ಸಣ್ಣಪುಟ್ಟ ದುರಸ್ಥಿಗೆ ಬ್ಯಾಂಕ್ ಖಾತೆಯಲ್ಲಿ ಕಾಸಿದ್ದರೂ ಅದನ್ನು ಉಳಿಸುವುದಕ್ಕಾಗಿ ಶಿಕ್ಷಕರೊಬ್ಬರು ಮಕ್ಕಳನ್ನು ಅಪಾಯಕಾರಿ ಕೆಲಸಕ್ಕೆ ನಿಯೋಜಿಸಿದ್ದಾರೆ. ಮಳೆಗಾಲದಲ್ಲಿ ಜಾರುವ ಹಂಚುಗಳ ಮೇಲೆ ಶಿಕ್ಷಕರೊಬ್ಬರು ಮಕ್ಕಳನ್ನು ಹತ್ತಿಸಿದ್ದು, ಶಾಲೆಯಲ್ಲಿನ ಸುರಕ್ಷತೆಯ ಬಗ್ಗೆ ಆತಂಕವ್ಯಕ್ತವಾಗಿದೆ. ಶಿರಸಿಯ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ನಂ 3ರಲ್ಲಿ ವಿದ್ಯಾರ್ಥಿಗಳು ಈ ದಿನ ಅಪಾಯಕಾರಿ ಕೆಲಸಗಳನ್ನು ಮಾಡಿದ್ದಾರೆ. ಶಿಕ್ಷಕರೊಬ್ಬರ ಸೂಚನೆ ಮೇರೆಗೆ ಅಲ್ಲಿನ ಮಕ್ಕಳು ಶಾಲೆಯ ಮಹಡಿ ಹತ್ತಿ ಸ್ವಚ್ಛಗೊಳಿಸಿದ್ದಾರೆ. ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿದ ಶಿರಸಿ ಡಿಡಿಪಿಐ ಡಿ ಆರ್ ನಾಯಕ ಅವರು ತಕ್ಷಣ ಈ ಬಗ್ಗೆ ವರದಿ ನೀಡುವಂತೆ ಶಿಕ್ಷಣಾಧಿಕಾರಿಗಳಿಗೆ ಸೂಚಿಸಿದ್ದಾರೆ. ಅದರನ್ವಯ ಶಿಕ್ಷಣ ಇಲಾಖೆ ಅಧಿಕಾರಿಗಳಿಬ್ಬರು ಶಾಲೆಗೆ ಭೇಟಿ ನೀಡಿ ವಿವರ ಸಂಗ್ರಹಿಸಿದ್ದಾರೆ. `ಭಾನುವಾರ ಸುರಿದ ಸೋಮವಾರ ಶಾಲೆಯ ಒಳಗೆ ನೀರು ನುಗ್ಗಿದ್ದು ಅದನ್ನು ಗಮನಿಸಿದ ಶಿಕ್ಷಕರೊಬ್ಬರು ಹಂಚು ಸರಿಪಡಿಸುವ ಕೆಲಸಕ್ಕೆ ಮಕ್ಕಳನ್ನು ನಿಯೋಜಿಸಿದ್ದಾರೆ. ಅಪಾಯಕಾರಿ ಹಂಚುಗಳ ಮೇಲೆ ಮಕ್ಕಳು ಸರ್ಕಸ್ ಮಾಡಿದ್ದಾರೆ. ಶಿಕ್ಷಣಪಡೆಯಲು ಬರುವ ಮಕ್ಕಳನ್ನು ಇಂಥ ಸ್ವಚ್ಚತಾ ಕೆಲಸಕ್ಕೆ ನಿಯೋಜಿಸಿರುವುದು ಸರಿಯಲ್ಲ’ ಎಂಬುದು ಅಲ್ಲಿನವರ ಆಕ್ಷೇಪ. `ಶಿಕ್ಷಕರೊಬ್ಬರ ಸೂಚನೆ ಪ್ರಕಾರ ಮಕ್ಕಳು ಮಹಡಿ ಏರಿದ್ದಾರೆ. ಕೈಯಲ್ಲಿ ಪೊರಕೆಹಿಡಿದು ಹಂಚು ಸ್ವಚ್ಛಗೊಳಿಸುವ ಕೆಲಸ ಮಾಡಿದ್ದಾರೆ. ಶಾಲಾ ಸಮವಸ್ತçಧರಿಸಿಯೇ ಮಕ್ಕಳು ಈ ಕೆಲಸ ಮಾಡಿದ್ದು, ಸರ್ಕಾರಿ ಶಾಲೆಗೆ ಬರುವ ಮಕ್ಕಳು ಈ ರೀತಿ ಬಳಸಿಕೊಳ್ಳುವುದು ಸೂಕ್ತವಲ್ಲ’ ಎಂಬುದು ಜನರ ದೂರು. ಆದರೆ, `ಭಾನುವಾರ ಶಾಲೆಯಲ್ಲಿ ಕಳ್ಳತನ ನಡೆದಿದ್ದು, ಹಂಚು ಒಡೆದು ಕಳ್ಳರು ಒಳಗೆ ನುಗ್ಗಿದ್ದರು. ಶಾಲೆ ಶುರುವಾಗುವ ಮುನ್ನ ಆಗಮಿಸಿದ ಮಕ್ಕಳು ಹಂಚು ಒಡೆದಿರುವುದನ್ನು ನೋಡಿ ಅವರೇ ಸ್ವಯಂ ಪ್ರೇರಣೆಯಿಂದ ಅದನ್ನು ಸರಿಪಡಿಸಲು ಮುಂದಾದರು. ಈ ವೇಳೆ ಮಕ್ಕಳು ಅಪಾಯಕಾರಿ ಸ್ಥಿತಿಯಲ್ಲಿರುವುದನ್ನು ನೋಡಿದ ಅತಿಥಿ ಶಿಕ್ಷಕ ಮಾರುತಿ ವಿಜಿ ಅವರು ಕೂಡಲೇ ಮಕ್ಕಳನ್ನು ಕೆಳಗಿಳಿಸಿದರು. ಈ ವೇಳೆ ಯಾರೋ ಫೋಟೋ-ವಿಡಿಯೋ ಮಾಡಿದ್ದು, ಅದು ಅಪಾರ್ಥಕ್ಕೆ ಕಾರಣವಾಯಿತು’ ಎಂಬುದು ಶಿಕ್ಷಣ ಇಲಾಖೆ ಅಧಿಕಾರಿಗಳ ಮಾತು. ಸದ್ಯ ಶಾಲೆಗೆ ಭೇಟಿ ನೀಡಿ ವರದಿಪಡೆದ ಅಧಿಕಾರಿಗಳು ಸಹ ಇದೇ ಬಗೆಯಲ್ಲಿ ವರದಿ ನೀಡಿದ್ದು, `ಶಾಲೆಯ ಮುಖ್ಯ ಶಿಕ್ಷಕಿ ಮಂಜುಳಾ ಕಟಾವುಕರ್ ಅವರು ಶಾಲೆಗೆ ಬರುವ ಮುನ್ನ ಈ ವಿದ್ಯಮಾನ ನಡೆದಿದೆ’ ಎಂದು ವಿವರಿಸಲಾಗಿದೆ. `ಮೇಲಧಿಕಾರಿಗಳ ಸೂಚನೆ ಅನ್ವಯ ಶಾಲೆಗೆ ಸಿಆರ್‌ಪಿ’ಗಳಿಬ್ಬರು ಭೇಟಿ ನೀಡಿ ವಿವರಪಡೆದಿದ್ದಾರೆ. ಈ ಬಗ್ಗೆ ಸಮಗ್ರ ವರದಿಯನ್ನು ಡಿಡಿಪಿಐ ಅವರಿಗೆ ಸಲ್ಲಿಸಲಾಗುತ್ತದೆ’ ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ ಎಚ್ ನಾಯ್ಕ ಅವರು ಹೇಳಿದ್ದಾರೆ. `ಶಾಲಾ ಮಕ್ಕಳ ಸುರಕ್ಷತೆಗೆ ಅಧಿಕ ಒತ್ತು ನೀಡುವಂತೆ ಎಲ್ಲರಿಗೂ ಸೂಚಿಸಲಾಗುತ್ತದೆ. ಇಂಥ ತಪ್ಪು ಮರುಕಳಿಸಲು ಅವಕಾಶ ನೀಡುವುದಿಲ್ಲ’ ಎಂದು ಡಿಡಿಪಿಐ ಡಿ ಆರ್ ನಾಯಕ ಅವರು ಮೊಬೈಲ್ ಮಿಡಿಯಾ ನೆಟ್‌ವರ್ಕಗೆ ಪ್ರತಿಕ್ರಿಯಿಸಿದ್ದಾರೆ.
- [ನದಿಯಲ್ಲಿ ಮುಳುಗಿದ ದೋಣಿ: ಶೋಧಿಸಿದಾಗ ಸಿಕ್ಕಿದ್ದು ಶವ!](https://mobiletime.in/2026/08/boat-capsized-in-the-river-search-operation-yields-a-body/): ಗಣಪತಿ ಮಂಟಪ ತರಲು ಕಾಳಿ ನದಿ ದಾಟಿ ಹೋಗಿದ್ದ ಬಾಳಸು ಆಚಾರಿ ಅವರು ಮರಳಿ ಬರುವಾಗ ದೋಣಿ ಮುಗುಚಿ ಬಿದ್ದಿದ್ದು, ಏಳು ತಾಸಿನ ನಂತರ ಅವರು ಶವವಾಗಿ ಸಿಕ್ಕಿದ್ದಾರೆ. ದುರಂತದ ನಂತರ ನಿರಂತರ ಶೋಧ ಕಾರ್ಯಾಚರಣೆ ನಡೆಸಿದರೂ ಬಾಳಸು ಆಚಾರಿ ಅವರನ್ನು ಉಳಿಸಿಕೊಳ್ಳಲು ಆಗಲಿಲ್ಲ. ಕಾರವಾರದ ಸಿದ್ದರದಲ್ಲಿ ಬಾಳಸು ಆಚಾರಿ ಅವರು ವಾಸವಾಗಿದ್ದರು. ಗಣೇಶ ಉತ್ಸವದ ಅಂಗವಾಗಿ ಅವರು ಕಾಳಿ ನದಿ ದಾಟಿ ಮಂಟಪ ತರಲು ನಿರ್ಧರಿಸಿದ್ದರು. ಅದಕ್ಕಾಗಿ ಭಾನುವಾರ ಅವರು ದೋಣಿ ಮೂಲಕ ಉಳಗಾಗೆ ಹೋಗಿದ್ದರು. ಅಲ್ಲಿಂದ ಮರಳುವಾಗ ಅವರ ದೋಣಿ ಅವಘಡಕ್ಕೀಡಾಗಿದ್ದು, ಬಾಳಸು ಆಚಾರಿ ಅವರು ನೀರು ಪಾಲಾಗಿದ್ದರು. ರಾತ್ರಿಯಿಡೀ ಅವರ ಶೋಧ ನಡೆದರೂ ಪ್ರಯೋಜನವಾಗಿಲ್ಲ. ಕಂದಾಯ, ಪೊಲೀಸ್, ಅರಣ್ಯ ಇಲಾಖೆ ಜೊತೆ ಅಗ್ನಿಶಾಮಕ ಸಿಬ್ಬಂದಿ ಸಹ ಹುಡುಕಾಟ ನಡೆಸಿದರೂ ಯಾವ ಸುಳಿವು ಸಿಕ್ಕಿರಲಿಲ್ಲ. ಕಾಳಿ ನದಿಯ ಎರಡೂ ದಡಗಳಲ್ಲಿ ಸುಮಾರು ಮೂರು ಕಿಮೀ ವ್ಯಾಪ್ತಿಯಲ್ಲಿ ಎಲ್ಲಿಯೂ ಅವರು ಪತ್ತೆ ಆಗಲಿಲ್ಲ. ದೋಣಿ ಮುಳುಗಿದ ಸ್ಥಳದ 100 ಮೀ ಆಳದವರೆಗೆ ಗಮನಿಸಿದರೂ ಬಾಳಸು ಆಚಾರಿ ಅವರು ಎಲ್ಲಿ ಹೋದರು? ಎಂದು ಕಾಣಲಿಲ್ಲ. ಸತತ ಶೋಧ ಮುಂದುವರೆದಿದ್ದು ಸೋಮವಾರ ಬೆಳಗ್ಗೆ ಹಳಗಾ ದೋಳ್ ಬಳಿ ಶವ ಸಿಕ್ಕಿತು. ಆ ಶವ ಬಾಳಸು ಆಚಾರಿ ಅವರದ್ದೇ ಎಂದು ಖಚಿತವಾಯಿತು.
- [ಅತ್ಯಾಚಾರ ಆರೋಪಿಗೆ ಆರು ಜನರ ಆಶ್ರಯ!](https://mobiletime.in/2026/08/six-people-sheltered-the-rape-accused/): ಅಪ್ರಾಪ್ತೆ ಮೇಲಿನ ಅತ್ಯಾಚಾರ ಆರೋಪಿ ಗೌರೀಶ ಮುಕ್ರಿ ಅವರಿಗೆ ಆರು ಜನ ಆಶ್ರಯ ನೀಡಿದ್ದಾರೆ. ಆ ಆರು ಜನ ನಡೆಸಿದ ಹುನ್ನಾರದಿಂದ ಗೌರೀಶ ಮುಕ್ರಿ ಅವರು ಪೊಲೀಸರಿಗೆ ಸಿಗದೇ ತಪ್ಪಿಸಿಕೊಳ್ಳುತ್ತಿದ್ದಾರೆ. ಕುಮಟಾದ ಹೆಗಡೆಯ ಚಿಟ್ಟಿಕಂಬಿಯಲ್ಲಿ ಗೌರೀಶ ಸುಬ್ರಾಯ ಮುಕ್ರಿ ಅವರು ವಾಸವಾಗಿದ್ದರು. 24 ವರ್ಷದ ಅವರು ಚಾಲಕರಾಗಿ ಜೀವನ ನಡೆಸುತ್ತಿದ್ದು, ಅತ್ಯಂತ ಕಾಮುಕ ಸ್ವಭಾವಹೊಂದಿದ್ದರು. ಅಪ್ರಾಪ್ತೆಯೊಬ್ಬರ ಮೇಲೆ ಅತ್ಯಾಚಾರ ನಡೆಸಿದ ಪ್ರಕರಣದಲ್ಲಿ ಅವರು ಆರೋಪಿಯಾಗಿದ್ದರು. ಈ ವರ್ಷವೇ ಅವರ ವಿರುದ್ಧ ಕುಮಟಾದಲ್ಲಿ ಪೊಲೀಸ್ ಕೇಸು ದಾಖಲಾಗಿದ್ದು, ಗೌರೀಶ ಮುಕ್ರಿ ಅವರ ನೀಚಕೃತ್ಯದ ಬಗ್ಗೆ ಕಾರವಾರದ ಮಕ್ಕಳ ಸ್ನೇಹಿ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯುತ್ತಿತ್ತು. ಆದರೆ, ಗೌರೀಶ ಮುಕ್ರಿ ಮಾತ್ರ ಪೊಲೀಸರಿಗೆ ಸಿಕ್ಕಿರಲಿಲ್ಲ. ನ್ಯಾಯಾಲಯಕ್ಕೆ ಸಹ ಹಾಜರಾಗುತ್ತಿರಲಿಲ್ಲ. ಬಾಲ್ಯ ವಿವಾಹ ಪ್ರಕರಣದಲ್ಲಿ ಸಹ ಗೌರೀಶ ಮುಕ್ರಿ ಅವರ ವಿರುದ್ಧ ಆರೋಪಗಳಿದ್ದು, ಕುಮಟಾ ಪೊಲೀಸರು ನ್ಯಾಯಾಲಯಕ್ಕೆ ಸಮಗ್ರ ವರದಿ ಸಲ್ಲಿಸಿದ್ದರು. ವಿವಿಧ ದಾಖಲೆಗಳ ಆಧಾರದಲ್ಲಿ ದೋಷಾರೋಪಣ ಪಟ್ಟಿಯನ್ನು ಒಪ್ಪಿಸಿದ್ದರು. ಗೌರೀಶ ಮುಕ್ರಿ ಅವರ ದೋಷಾರೋಪಣಪಟ್ಟಿ ಗಮನಿಸಿದ ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿದ್ದು, ಆರೋಪಿಗಾಗಿ ಕುಮಟಾ ಪೊಲೀಸರು ತೀವೃ ಶೋಧ ನಡೆಸಿದರು. ಅಲ್ಲಿ ಯಾವ ಮಾಹಿತಿಯೂ ಸಿಗಲಿಲ್ಲ. ಅದಾದ ನಂತರ ಕುಮಟಾ ಪಿಐ ಯೋಗೇಶ ಕೆ ಎಂ ಅವರು ಪೊಲೀಸ್ ಸಿಬ್ಬಂದಿ ಗಣೇಶ ನಾಯ್ಕ, ಸಂತೋಷ ಚಿನ್ನಣ್ಣನವರ್, ಗುರು ನಾಯಕ ಅವರ ಜೊತೆ ಅಳ್ವೆಕೊಡಿಯ ಕಡೆ ಹುಡುಕಾಟ ನಡೆಸಿದರು. ಅಳ್ವೇಕೊಡಿ, ಹಂದಿಗೋಣ, ಧಾರೇಶ್ವರ, ಹೊಳಗದ್ದೆ ಕಡೆ ಗೌರೀಶ ಮುಕ್ರಿ ಅವರ ಬಗ್ಗೆ ವಿಚಾರಿಸಿದರು. ಆದರೆ, ಅಲ್ಲಿಯೂ ಪೊಲೀಸರಿಗೆ ಕಿಂಚಿತ್ತು ಸುಳಿವು ದೊರೆಯಲಿಲ್ಲ. ಆರೋಪಿ ಗೌರೀಶ ಮುಕ್ರಿ ಅವರು ಹೊನ್ನಾವರದ ಚಂದಾವರ ನಾಕಾ ಬಳಿಯ ನರಸಿಂಹ ತಿಮ್ಮಪ್ಪ ಮುಕ್ರಿ ಮನೆಯಲ್ಲಿ ಅಡಗಿರುವುದಾಗಿ ಸಂಜೆ ವೇಳೆ ಪೊಲೀಸರಿಗೆ ಬಂದ ಮಾಹಿತಿ ಬಂದಿತು. ಅದರನ್ವಯ ಪೊಲೀಸರ ಜೀಪು ಚಂದಾವರ ನಾಕಾದ ಕಡೆ ತಿರುಗಿತು. ಆಗ, ರಸ್ತೆ ಮೇಲೆ ಆಡುತ್ತಿದ್ದ ಹುಡುಗರಿಬ್ಬರು ಅಲ್ಲಿಂದ ಓಡಿದರು. ಪೊಲೀಸರನ್ನು ಕಂಡು ಓಡಿದ ಹುಡುಗರನ್ನು ಪಿಐ ಯೋಗೇಶ ಎಂ ಕೆ ಹಾಗೂ ಅವರ ತಂಡದಲ್ಲಿದ್ದ ಗಣೇಶ ನಾಯ್ಕ, ಸಂತೋಷ ಚಿನ್ನಣ್ಣನವರ್, ಗುರು ನಾಯಕ ಅವರು ಬೆನ್ನತ್ತಿದರು. ಆ ಹುಡುಗು ನೇರವಾಗಿ ನರಸಿಂಹ ಮುಕ್ರಿ ಅವರ ಮನೆಗೆ ಹೋಗಿ ಪೊಲೀಸರು ಆಗಮಿಸಿದ ಸುದ್ದಿ ಮುಟ್ಟಿಸಿದರು. ಆಗ, ಅಲ್ಲಿ ಅಡಗಿದ್ದ ಗೌರೀಶ ಮುಕ್ರಿ ಕಾಡಿನ ದಾರಿ ಹಿಡಿದು ಓಡಿ ಪರಾರಿಯಾದರು. ಸಂಜೆ 6 ಗಂಟೆ ದಾಟಿದ್ದರಿಂದ ಕಾಡಿನಲ್ಲಿ ಶೋಧ ನಡೆಸಲು ಪೊಲೀಸರ ಬಳಿ ಸಾಧ್ಯವಾಗಲಿಲ್ಲ. ಹೊನ್ನಾವರದ ಚಂದಾವರ ನಾಕಾ ಬಳಿಯ ಶಶಿಧರ ನರಸಿಂಹ ಮುಕ್ರಿ, ಅಂತೋನಿ ಮಿಲಾಗ್ರಿಸ್ ಫರ್ನಾಂಡಿಸ್, ನರಸಿಂಹ ತಿಮ್ಮಪ್ಪ ಮುಕ್ರಿ, ಸುಶೀಲಾ ನರಸಿಂಹ ಮುಕ್ರಿ, ಕುಮಟಾ ಹೆಗಡೆಯ ಚಿಟ್ಟಿಕಂಬಿಯ ಶೋಭಾ ನರಸಿಂಹ ಮುಕ್ರಿ ಹಾಗೂ ಕುಮಟಾ ಹಂದಿಗೋಣದ ವಿನಾಯಕ ಜಟ್ಟಿ ಮುಕ್ರಿ ಸೇರಿ ಅಪ್ರಾಪ್ತೆ ಮೇಲಿನ ಅತ್ಯಾಚಾರ ಆರೋಪಿ ಗೌರೀಶ ಮುಕ್ರಿ ಅವರನ್ನು ರಕ್ಷಣೆ ಮಾಡುತ್ತಿರುವುದು ಪೊಲೀಸರಿಗೆ ದೃಢವಾಯಿತು. ಈ ಹಿನ್ನಲೆ ಆರೋಪಿಗೆ ಆಶ್ರಯ ನೀಡಿದ ಅವರೆಲ್ಲರ ವಿರುದ್ಧವೂ ಪಿಐ ಯೋಗೇಶ ಕೆ ಎಂ ಅವರು ಕಾನೂನು ಕ್ರಮ ಜರುಗಿಸಿದರು. ಆ ದಿನವೇ ಹೊನ್ನಾವರ ಪೊಲೀಸ್ ಠಾಣೆಗೆ ಹೋದ ಯೋಗೇಶ ಕೆ ಎಂ ಅವರು ಆ ಆರು ಜನರ ಹೆಸರು-ವಿಳಾಸ ನೀಡಿ ಕೇಸು ದಾಖಲಿಸಿದರು. ಸದ್ಯ ಆರೋಪಿಗೆ ಆಶ್ರಯ ನೀಡಿದ ತಪ್ಪಿಗೆ ಸ್ನೇಹಿತರು-ಸಂಬoಧಿಕರು ಸಮಸ್ಯೆಗೆ ಸಿಲುಕಿದ್ದಾರೆ. `ಆರೋಪಿಗೆ ಆಶ್ರಯ ನೀಡುವುದು ಅಪರಾಧ’
- [ಕರಡಿ ಕಾಟ ಮತ್ತೆ ಶುರು!](https://mobiletime.in/2026/08/bear-menace-starts-again/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆಗಾಲದ ಅವಧಿಯಲ್ಲಿ ಕರಡಿ ಕಾಟ ಕಡಿಮೆಯಾಗಿದ್ದು, ಸದ್ಯ ಮತ್ತೆ ಮನುಷ್ಯನ ಮೇಲೆ ದಾಳಿ ಮಾಡುವ ಪ್ರಸಂಗ ಜೋರಾಗಿದೆ. ನಿತ್ಯದ ದುಡಿಮೆಗಾಗಿ ಹೊಲಕ್ಕೆ ಹೋಗುವವರನ್ನು ಗುರಿಯಾಗಿರಿಸಿಕೊಂಡು ಕರಡಿ ದಾಳಿ ಮಾಡುತ್ತಿದೆ. ಜೊಯಿಡಾದ ಬಾಮಣಗಿಯಲ್ಲಿಯೂ ಈ ದಿನ ಕರಡಿಯೊಂದು ಮನುಷ್ಯನ ಮೇಲೆ ಆಕ್ರಮಣ ಮಾಡಿದೆ. ಹೊಲದಲ್ಲಿ ಕೆಲಸ ಮಾಡುತ್ತಿದ್ದ ವ್ಯಕ್ತಿಯ ಮೇಲೆ ಕರಡಿ ದಾಳಿ ನಡೆಸಿದೆ. ದೊಡ್ಡ ಕರಡಿಯ ಜೊತೆ ಮರಿ ಕರಡಿಯೂ ಆಗಮಿಸಿ ವ್ಯಕ್ತಿಯೊಬ್ಬರ ಮೈ ಪೂರ್ತಿ ಪರಚಿದೆ. ಸೋಮವಾರ ಮಧ್ಯಾಹ್ನದ ವೇಳೆ ಈ ದುರಂತ ನಡೆದಿದ್ದು, ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಜೊಯಿಡಾದ ಬಾಮಣಗಿ ಗ್ರಾಮದಲ್ಲಿ ಅದೇ ಊರಿನ ದಾವಲ್ ಸಾಬ್ ಗೂಡು ಸಾಬ್ ದೊಡ್ಡಮನಿ (50) ಅವರು ಹೊಲಕ್ಕೆ ಹೋಗಿದ್ದರು. ಈ ವೇಳೆ ಏಕಾಏಕಿ ಅಲ್ಲಿ ಕರಡಿ ಹಾಗೂ ಅದರ ಮರಿ ಆಗಮಿಸಿದ್ದು ದಾವಲ್ ಸಾಬ್ ಅವರನ್ನು ನೆಲಕ್ಕುರುಳಿಸಿತು. ಅದಾದ ನಂತರ ಎರಡು ಕರಡಿ ಸೇರಿ ದಾವಲ್ ಸಾಬ್ ಅವರ ಮೇಲೆ ಆಕ್ರಮಣ ನಡೆಸಿ, ಮೈ ಪೂರ್ತಿ ರಕ್ತ ಬರುವ ಹಾಗೇ ಮಾಡಿತು. ಕರಡಿಯ ದಾಳಿಗೆ ತತ್ತರಿಸಿದ ದಾವಲ್ ಸಾಬ್ ಅವರ ಮುಖ ಹಾಗೂ ಕೈಗಳಿಗೆ ನೋವಾಗಿದೆ. ಕರಡಿ ಜೊತೆ ಹೋರಾಡಿ ಅವರು ಮನೆಗೆ ಸೇರಿದ್ದು, ಕುಟುಂಬದವರು ಸದ್ಯ ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ದಾಂಡೇಲಿಯ ಸರ್ಕಾರಿ ಆಸ್ಪತ್ರೆಯಲ್ಲಿ ಅವರ ಚಿಕಿತ್ಸೆ ನಡೆಯುತ್ತಿದೆ. ಕರಡಿ ದಾಳಿ ಪ್ರಕರಣದಿಂದ ಊರಿನ ಜನ ಕಂಗಾಲಾಗಿದ್ದು, ಭಯದಲ್ಲಿಯೇ ಬದುಕುತ್ತಿದ್ದಾರೆ.
- [PSI ಹುದ್ದೆಗಾಗಿ ಪೈಪೋಟಿ: ಲಂಚದ ವಿಷಯ ಮಾತನಾಡಿದ ಪೊಲೀಸರ ಅಮಾನತು!](https://mobiletime.in/2026/08/competition-for-psi-post-police-personnel-suspended-for-discussing-bribes/): ಹಳಿಯಾಳದ ಪಿಸೈ ಹುದ್ದೆ ಗಿಟ್ಟಿಸಿಕೊಳ್ಳುವುದಕ್ಕಾಗಿ ಲಾಭಿ ನಡೆಸಿದಲ್ಲದೇ, ಫೋನ್ ಮೂಲಕ ಲಂಚದ ಮಾತುಕಥೆ ನಡೆಸಿದ ಮೂವರು ಪಿಸೈ ಅವರನ್ನು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಮನೆಗೆ ಕಳುಹಿಸಿದ್ದಾರೆ. ಕಾನೂನು ಸುವ್ಯವಸ್ಥೆ ವಿಭಾಗದ ಪಿಸೈ ಹುದ್ದೆಗೆ ಬರಲು ಪೈಪೋಟಿ ನಡೆಸಿದ್ದ ಮೂವರು ಪೊಲೀಸ್ ಅಧಿಕಾರಿಗಳು ಅಮಾನತಾಗಿದ್ದಾರೆ. ಹಳಿಯಾಳ ಪೊಲೀಸ್ ಠಾಣೆಯ ಕಾನೂನು ಹಾಗೂ ಸುವ್ಯವಸ್ಥೆ ಪಿಸೈ ಹುದ್ದೆಗೆ ಬರಲು ಮೂವರು ಅಧಿಕಾರಿಗಳ ನಡುವೆ ಪೈಪೋಟಿ ನಡೆದಿತ್ತು. ಆ ಮೂವರು ಸೇರಿ ಫೋನ್ ಮೂಲಕ ಸಭೆ ಮಾಡಿದ್ದರು. ಕಾನ್ಪರೆನ್ಸ ಕಾಲ್ ಮೂಲಕ ನಡೆದ ಅವರ ಮಾತುಕಥೆಯ ಆಡಿಯೋ ವೈರಲ್ ಆಗಿತ್ತು. ಜೆಡಿಎಸ್ ಪಕ್ಷವೂ ಈ ಪ್ರಕರಣವನ್ನು ಬೆಳಕಿಗೆ ತಂದಿದ್ದು, ಜಾಲತಾಣಗಳ ಮೂಲಕ ಕಾಂಗ್ರೆಸ್ ಆಡಳಿತವನ್ನು ಟೀಕಿಸಿತ್ತು. ಈ ಹಿನ್ನಲೆ ಫೋನ್ ಮೂಲಕ ಲಂಚಾವತಾರದ ಮಾತುಕಥೆ ಮಾಡಿದ್ದ ಹಳಿಯಾಳದ ಪಿಎಸ್‌ಐ ಕಿರಣ್ ಪಾಟೀಲ್, ಕ್ರೈಂ ಪಿಎಸ್‌ಐ ಕೃಷ್ಣ ಅರಗೇರಿ ಹಾಗೂ ಈ ಹಿಂದೆ ಹಳಿಯಾಳದಲ್ಲಿ ಪಿಎಸ್‌ಐ ಆಗಿದ್ದ ವಿನೋದ್ ರೆಡ್ಡಿ ಅವರು ಅಮಾನತು ಆಗಿದ್ದಾರೆ. ವರ್ಗಾವಣೆ, ಕಮಿಷನ್ ಹಾಗೂ ರೌಡಿ ಶೀಟರ್ ಆಗಿರುವ ವ್ಯಕ್ತಿಯೊಬ್ಬರು ಕೊಡಬೇಕಾದ ಹಣದ ಬಗ್ಗೆ ಈ ಮೂವರ ನಡುವೆ ಮಾತುಕಥೆ ನಡೆದಿತ್ತು. ತಮ್ಮ ತಮ್ಮ ಸ್ಥಾನ ಭದ್ರಪಡಿಸಿಕೊಳ್ಳುವುದಕ್ಕಾಗಿ ಅವರೆಲ್ಲರೂ ಮಾತನಾಡಿಕೊಂಡಿದ್ದರು. ಮೇಲಧಿಕಾರಿಗಳಿಗೆ ನೀಡಬೇಕಾದ ಲಂಚದ ವಿಷಯವಾಗಿಯೂ ಫೋನ್ ರೆಕಾರ್ಡನಲ್ಲಿ ಉಲ್ಲೇಖವಿದ್ದು, ಈ ವಿಷಯ ಪೊಲೀಸರನ್ನು ಮುಜುಗರಕ್ಕೆ ಸಿಲುಕಿಸಿತ್ತು. ಈ ಎಲ್ಲಾ ಹಿನ್ನಲೆ ತನಿಖೆ ನಡೆಸಲು ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಸೂಚಿಸಿದ್ದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಅವರು ತನಿಖೆ ನಡೆಸಿ ವರದಿ ಸಲ್ಲಿಸಿದ್ದು, ಆ ವರದಿ ಅನ್ವಯ ಮೂವರು ಪಿಸೈ ಅವರನ್ನು ದೀಪನ್ ಎಂ ಎನ್ ಅವರು ಅಮಾನತು ಮಾಡಿದ್ದಾರೆ.
- [ಕಂಡವರ ಜೇಬು ಸೇರಿದ ಸೊಸೈಟಿ ದುಡ್ಡು: ಭಟ್ಟ - ಹೆಗಡೆ ಸೇರಿ ದೋಚಿದ್ದು ಬರೇ 10 ಕೋಟಿ!](https://mobiletime.in/2026/08/society-money-belonging-to-kandavas-pocket-bhatta-hegade-stole-only-10-crores/): ಶಿರಸಿಯ ವಿನಾಯಕ ಭಟ್ಟ ಅಡ್ಲೇಮನೆ ಹಾಗೂ ರಾಮಚಂದ್ರ ಹೆಗಡೆ ಟೊಣ್ಣೆಮನೆ ಸೇರಿ 10 ಕೋಟಿಗೂ ಅಧಿಕ ಹಣ ದೋಚಿದ್ದಾರೆ. ಸೊಸೈಟಿ ಉದ್ಯೋಗದಲ್ಲಿದ್ದ ಅವರು ಅಲ್ಲಿ ಜನವಿರಿಸಿದ್ದ ಹಣವನ್ನು ಲೂಟಿ ಹೊಡೆದಿದ್ದಾರೆ. ಶಿರಸಿಯ ನೆಗ್ಗು ಬಳಿಯ ಗೋಳಿಯಲ್ಲಿ ಹಾರುಗಾರ್ ಗ್ರೂಪ್ ಗ್ರಾಮಗಳ ಸೇವಾ ಸಹಕಾರಿ ಸಂಘ ಕಾರ್ಯ ನಿರ್ವಹಿಸುತ್ತಿದೆ. ಆ ಸೊಸೈಟಿಯಲ್ಲಿ ನೆಗ್ಗುವಿನ ವಿನಾಯಕ ಭಟ್ಟ ಅಡ್ಲೇಮನೆ ಅವರು ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿದ್ದರು. ಸದ್ಯ ಶಿರಸಿ ಗಾಂಧೀನಗರದಲ್ಲಿರುವ ರಾಮಚಂದ್ರ ಪರಮೇಶ್ವರ ಹೆಗಡೆ ಟೊಣ್ಣೆಮನೆ ಅವರು ಲೆಕ್ಕಾಧಿಕಾರಿಯಾಗಿದ್ದರು. ಅವರಿಬ್ಬರು ಸೇರಿ ದುಡ್ಡು ಹೊಡೆಯುವ ಯೋಜನೆ ರೂಪಿಸಿದ್ದು, ಒಟ್ಟಿಗೆ ಕೂತು ಕೋಟ್ಯಂತರ ರೂ ಹಣ ದುರುಪಯೋಗ ಮಾಡಿದರು. ಈ ಹಣ ಹೊಡೆಯುವುದಕ್ಕಾಗಿ ಅವರಿಬ್ಬರು ಸೇರಿ ಅನೇಕ ಕಾಗದ ಪತ್ರಗಳನ್ನು ಡುಪ್ಲಿಕೇಟ್ ಮಾಡಿ ಸಿಕ್ಕಿಬಿದ್ದರು. ಸದ್ಯ ಹಾರುಗಾರ್ ಗ್ರೂಪ್ ಗ್ರಾಮಗಳ ಸೇವಾ ಸಹಕಾರಿ ಸಂಘಕ್ಕೆ ರಾಮಾ ಮಾಬ್ಲ ಗೌಡ ಅವರು ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿದ್ದಾರೆ. ವಿನಾಯಕ ಭಟ್ಟ ಹಾಗೂ ರಾಮಚಂದ್ರ ಹೆಗಡೆ ಅವರು ಮಾಡಿದ ಅಪರಾತಪರಗಳನ್ನೆಲ್ಲ ಅವರು ಲೆಕ್ಕ ಮಾಡಿದ್ದಾರೆ. 2021ರ ಏಪ್ರಿಲ್ 4ರಿಂದ 2024ರ ಮಾರ್ಚ 31ರವರೆಗೆ ಅವರಿಬ್ಬರು ಸೇರಿ 10,54,11,662ರೂ ಕೊಳ್ಳೆ ಹೊಡೆದಿರುವುದನ್ನು ಅವರು ಕಂಡು ಹಿಡಿದಿದ್ದಾರೆ. ಸುಳ್ಳು ಠರಾವು, ನಕಲಿ ಕಾಗದಪತ್ರಗಳನ್ನು ಸಿದ್ಧಪಡಿಸಿ ಸಾರ್ವಜನಿಕ ಹಣವನ್ನು ಸ್ವಂತಕ್ಕೆ ಬಳಸಿಕೊಂಡ ಕಾರಣ ಅವರಿಬ್ಬರ ವಿರುದ್ಧವೂ ರಾಮಾ ಗೌಡ ಅವರು ಕಾನೂನು ಹೋರಾಟ ಶುರು ಮಾಡಿದ್ದಾರೆ. ಆಡಳಿತ ಮಂಡಳಿಗೂ ಮೋಸ ಮಾಡಿದ ವಿನಾಯಕ ಭಟ್ಟ ಅಡ್ಲೇಮನೆ ಹಾಗೂ ರಾಮಚಂದ್ರ ಹೆಗಡೆ ಟೊಣ್ಣೆಮನೆ ಅವರ ಬಗ್ಗೆ ವಿವಿಧ ದಾಖಲೆ ಸಂಗ್ರಹಿಸಿದ ರಾಮಾ ಗೌಡ ಅವರು ಅದನ್ನು ಪೊಲೀಸರಿಗೆ ನೀಡಿದ್ದಾರೆ. ಅವರಿಬ್ಬರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು ಎಂದು ದೂರು ನೀಡಿದ್ದಾರೆ.  
- [ದೋಣಿಯೊಳಗೆ ನುಗ್ಗಿದ ನೀರು!](https://mobiletime.in/2026/08/water-rushed-into-the-boat/): ಕಾರವಾರದ ಅಂಜುದೀವ ದ್ವೀಪದ ಬಳಿ ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ದೋಣಿ ಮುಳುಗಡೆಯಾಗಿದೆ. ಆ ದೋಣಿಯಲ್ಲಿದ್ದ 24 ಜನ ಬೇರೆ ದೋಣಿಗೆ ಹಾರಿ ಜೀವ ಉಳಿಸಿಕೊಂಡಿದ್ದಾರೆ. ಬೆಳ್ಳoಬಾರ ಮೂಲದ ನೀಲಕಂಠ ಖಾರ್ವಿ ಅವರಿಗೆ ಸೇರಿದ ‘ಶ್ರೀ ಮಾತಾ’ ಮೀನುಗಾರಿಕಾ ಬೋಟ್ ಸಮುದ್ರದಲ್ಲಿ ಅವಘಡಕ್ಕೀಡಾಗಿದೆ. ದೋಣಿಯಲ್ಲಿ ನೀರು ತುಂಬುತ್ತಿರುವುದನ್ನು ನೋಡಿದ ಮೀನುಗಾರರು ತಕ್ಷಣ ಸಹಾಯ ಯಾಚಿಸಿದ್ದು, ಸಮೀಪವಿದ್ದ ಐದಾರು ದೋಣಿಗಳು ಮುಳುಗುವ ದೋಣಿಯನ್ನು ಸುತ್ತುವರೆದಿದೆ. ಆಗ, ಮುಳುಗುವ ದೋಣಿಯಲ್ಲಿದ್ದ ಜನ ಇನ್ನಿತರ ದೋಣಿಗೆ ಹಾರಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಮುಳುಗಡೆಯಾಗುತ್ತಿದ್ದ ಬೋಟ್‌ನ್ನು ಉಳಿಸಿಕೊಳ್ಳಲು ಇತರೆ ಬೋಟ್‌ಗಳಿಗೆ ಹಗ್ಗ ಕಟ್ಟಿ ರಕ್ಷಣಾ ಕಾರ್ಯಾಚರಣೆ ನಡೆದಿದೆ. ಅದಾಗಿಯೂ, ಮೀನುಗಾರಿಕಾ ಪರಿಕ್ಕರಗಳು ನೀರು ಪಾಲಾಗಿ 80 ಲಕ್ಷ ರೂಪಾಯಿಗೂ ಅಧಿಕ ಹಾನಿ ನಡೆದಿದೆ.
- [ದೋಣಿಯಿಂದ ಜಾರಿದ ಮೀನುಗಾರ: ಸಾವು!](https://mobiletime.in/2026/08/fisherman-slips-from-boat-dies/): ಕಾರವಾರ ಲೈಟ್ ಹೌಸಿನ ಬಳಿ ಮೀನುಗಾರಿಕೆ ಮಾಡುತ್ತಿದ್ದ ಕುಮಟಾದ ವೆಂಕಟೇಶ ಹರಿಕಂತ್ರ ಅವರು ಸಮುದ್ರಕ್ಕೆ ಬಿದ್ದು ಸಾವನಪ್ಪಿದ್ದಾರೆ. 32ನೇ ವಯಸ್ಸಿನಲ್ಲಿಯೇ ವೆಂಕಟೇಶ ಹರಿಕಂತ್ರ ಅವರನ್ನು ಕಳೆದುಕೊಂಡ ಕುಟುಂಬದವರು ಕಣ್ಣೀರು ಸುರಿಸಿದ್ದಾರೆ. ಕುಮಟಾದ ಸಸಿಹಿತ್ಲುವಿನಲ್ಲಿ ವೆಂಕಟೇಶ ವೆಂಕಪ್ಪ ಹರಿಕಂತ್ರ ಅವರು ವಾಸವಾಗಿದ್ದರು. ನಿತ್ಯದ ದುಡಿಮೆಗಾಗಿ ಅವರು ಮೀನುಗಾರಿಕೆಯನ್ನು ನಂಬಿದ್ದರು. ಅಗಸ್ಟ 29ರಂದು ಅವರು ಮೀನುಗಾರಿಕೆಗಾಗಿ ಅರಬ್ಬಿ ಸಮುದ್ರಕ್ಕೆ ಹೋಗಿದ್ದರು. ಲೈಟ್ ಹೌಸಿನಿಂದ ಅನತಿ ದೂರದಲ್ಲಿ ಮೀನುಗಾರಿಕೆ ಮಾಡುವಾಗ ಆಯತಪ್ಪಿ ಸಮುದ್ರಕ್ಕೆ ಬಿದ್ದರು. ಅಲ್ಲಿಂದ ಮೇಲೆ ಬರಲು ಸಾಧ್ಯವಾಗದೇ ಅವರು ಸಾವನಪ್ಪಿದರು. ವೆಂಕಟೇಶ ಹರಿಕಂತ್ರ ಅವರು ಮೀನಿಗೆ ಬೀಸಿದ್ದ ಬಲೆಗಳನ್ನು ಎಳೆಯುವಾಗ ಕಾಲು ಜಾರಿ ಬಿದ್ದಿದ್ದು, ನಂತರ ಅವರ ಶವವನ್ನು ಕಾರವಾರದ ಬೈತಕೋಲ್ ದಕ್ಕೆಗೆ ತರಲಾಯಿತು. ತಮ್ಮನ ಸಾವಿನ ಬಗ್ಗೆ ಅರಿತ ರತ್ನಾಕರ ವೆಂಕಪ್ಪ ಹರಿಕಂತ್ರ ಅವರು ಪೊಲೀಸ್ ಪ್ರಕರಣ ದಾಖಲಿಸಿ, ಶವಪಡೆದರು.
- [ಮಾರುತಿ ಗುರೂಜಿ ಜೊತೆ ದಿನ ಕಳೆದ ಹುಲೆಕಲ್ ನಟರಾಜ್!](https://mobiletime.in/2026/08/hulekal-nataraj-spent-the-day-with-maruti-guruji/): ದೇವರನ್ನೇ ಪ್ರಶ್ನೆ ಮಾಡುವ ಹುಲೆಕಲ್ ನಟರಾಜ್ ಅವರು ಈ ದಿನ ಹೊನ್ನಾವರದ ಬಂಗಾರಮಕ್ಕಿ ಕ್ಷೇತ್ರಕ್ಕೆ ಬಂದಿದ್ದಾರೆ. ಮೂಡನಂಬಿಕೆಗಳ ವಿರುದ್ಧ ನಿರಂತರ ಅರಿವು ಅಭಿಯಾನ ನಡೆಸುತ್ತಿರುವ ಅವರು ಮಾರುತಿ ಗುರೂಜಿ ಅವರ ಜೊತೆ ವೇದಿಕೆ ಹಂಚಿಕೊoಡಿದ್ದಾರೆ. ನಂತರ ಅಲ್ಲಿ ನಡೆದ ಸಭೆಯಲ್ಲಿಯೂ ಮುಖ್ಯ ಭಾಷಣ ಮಾಡಿದ್ದಾರೆ. ಕರ್ನಾಟಕ ರಾಜ್ಯ ವೈಜ್ಞಾನಿಕ ಸಂಶೋಧನಾ ಪರಿಷತ್ತಿನ ಸಂಸ್ಥಾಪಕ ಅಧ್ಯಕ್ಷ ಹುಲಿಕಲ್ ನಟರಾಜ್ ಅವರು ತಮ್ಮ ತಂಡದೊoದಿಗೆ ಬಂಗಾರಮಕ್ಕಿಯ ಪರಿಸರ ವೀಕ್ಷಣೆ ಮಾಡಿದ್ದಾರೆ. ನಂತರ ಪರಿಸರ ಸಂರಕ್ಷಣೆಯ ಅಗತ್ಯವನ್ನು ಪ್ರತಿಪಾದಿಸಿದ ಅವರು ಶ್ರೀಕ್ಷೇತ್ರ ಬಂಗಾರಮಕ್ಕಿಯಲ್ಲಿ ನಡೆಯುತ್ತಿರುವ ಪಶ್ಚಿಮ ಘಟ್ಟ ಸಂರಕ್ಷಣೆಯ ಕಾರ್ಯಕ್ಕೆ ತಮ್ಮ ಬೆಂಬಲವ್ಯಕ್ತಪಡಿಸಿದ್ದಾರೆ. `ಪಶ್ಚಿಮ ಘಟ್ಟ ನಮ್ಮ ಪಾಲಿಗೆ ಕೇವಲ ಒಂದು ಭೌಗೋಳಿಕ ಪ್ರದೇಶವಲ್ಲ. ಇದು ನಮ್ಮ ನೀರು, ಕಾಡು, ಜೀವವೈವಿಧ್ಯ ಮತ್ತು ಬದುಕಿನ ಮೂಲ. ಪ್ರಕೃತಿಯ ಬಗ್ಗೆ ಅರಿವು ಮೂಡಿಸುವ ಇಂತಹ ಸಂವಾದಗಳು ಸಮಾಜದಲ್ಲಿ ಇನ್ನಷ್ಟು ನಡೆಯಬೇಕು. ವಿಶೇಷವಾಗಿ ಯುವಜನರು ಮತ್ತು ವಿದ್ಯಾರ್ಥಿಗಳು ಪ್ರಕೃತಿಯನ್ನು ಅರಿತು, ಅದರ ಸಂರಕ್ಷಣೆಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳಬೇಕು’ ಎಂದು ಅವರು ಹೇಳಿದ್ದಾರೆ. ಬಂಗಾರಮಕ್ಕಿಯಲ್ಲಿ ‘ಪಶ್ಚಿಮ ಘಟ್ಟ – ಪ್ರಕೃತಿಯ ಜೀವಂತ ಪ್ರಯೋಗಶಾಲೆ’ ಎಂಬ ಆಶಯದೊಂದಿಗೆ ಪಶ್ಚಿಮ ಘಟ್ಟದ ಜೀವವೈವಿಧ್ಯ ಮತ್ತು ಪರಿಸರ ವ್ಯವಸ್ಥೆಯ ಕುರಿತು ವಿಶೇಷ ಚಿಂತನ – ಮಂಥನ ಕಾರ್ಯಕ್ರಮ ನಡೆದಿದ್ದು, ಉಭಯಜೀವಿ ಸಂಶೋಧಕರಾದ ಅಮಿತ ಹೆಗಡೆ ಅವರು ಉಭಯಜೀವಿಗಳ ಅದ್ಭುತ ಜಗತ್ತು, ವಿಶೇಷವಾಗಿ ಕಪ್ಪೆಗಳ ಬದುಕು, ಅವುಗಳ ಧ್ವನಿ ಸಂಕೀರ್ಣತೆ, ಸಂತಾನೋತ್ಪತ್ತಿ ಹಾಗೂ ಜೀವನಕ್ರಮಗಳ ಕುರಿತು ಮಾಹಿತಿ ಹಂಚಿಕೊAಡಿದ್ದಾರೆ. ಪಶ್ಚಿಮ ಘಟ್ಟ, ಕರಾವಳಿ, ದ್ವೀಪಸಮೂಹ ಹಾಗೂ ಬಯಲುಸೀಮೆಯ ವಿವಿಧ ಪ್ರದೇಶಗಳಲ್ಲಿ ನಡೆಸಿದ ತಮ್ಮ ಅಧ್ಯಯನದ ಅನುಭವಗಳನ್ನು ಹಂಚಿಕೊAಡ ಅವರು ಪರಿಸರ ವ್ಯವಸ್ಥೆಯ ಸಮತೋಲನದಲ್ಲಿ ಉಭಯಜೀವಿಗಳ ಮಹತ್ವವನ್ನು ವಿವರಿಸಿದ್ದಾರೆ. ಇದೇ ಸಂದರ್ಭದಲ್ಲಿ ‘ಮಣ್ಣು ಬಂಗಾರಕ್ಕಿAತ ಶ್ರೇಷ್ಠ’ ಎಂಬ ಆಶಯದೊಂದಿಗೆ ಪರಿಸರ ಚಿಂತಕ ಹಾಗೂ ಸಂರಕ್ಷಣಾ ಕಾರ್ಯಕರ್ತ ಅಖಿಲೇಶ್ ಚಿಪ್ಪಳಿ ಅವರು ‘ಮಣ್ಣು ಮತ್ತು ಸೂಕ್ಷ್ಮಾಣು ಜೀವಿಗಳು’ ಎಂಬ ವಿಷಯದ ಕುರಿತು ಮಾತನಾಡಿದ್ದಾರೆ.
- [ಕೇರಳಕ್ಕೆ ವಿನಾಯಿತಿ-ಕರ್ನಾಟಕಕ್ಕೆ ಮಾನದಂಡ: ಕೇಂದ್ರಕ್ಕೆ ಪತ್ರ ಬರೆದ ಹೋರಾಟಗಾರ](https://mobiletime.in/2026/08/exemption-for-kerala-criteria-for-karnataka-activist-writes-to-the-centre/): `ಪಶ್ಚಿಮಘಟ್ಟದಲ್ಲಿ ಪರಿಸರವಾಗಿ ಸೂಕ್ಷ್ಮವಾಗಿರುವ ಪ್ರದೇಶಗಳ ಗುರುತಿಸುವಿಕೆಯ ಕಾರ್ಯ ಅತ್ಯಂತ ಪಾರದರ್ಶಕವಾಗಿರಬೇಕು. ಜನವಸತಿ ಪ್ರದೇಶಗಳನ್ನು ಪರಿಸರ ಸೂಕ್ಷ್ಮ ವ್ಯಾಪ್ತಿಯಿಂದ ಹೊರತುಪಡಿಸಬೇಕು’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟ ಸಂಘಟನೆಗಳ ರಾಜ್ಯ ಸಮಿತಿಯ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರು ಆಗ್ರಹಿಸಿದ್ದಾರೆ. `ಅತ್ಯಂತ ಸೂಕ್ಷ್ಮ ಪ್ರದೇಶಗಳಲ್ಲಿ ಯಾವುದೇ ಬ್ರಹತ್ ಯೋಜನೆಗಳಿಗೆ ಅನುಮತಿ ನೀಡುವ ವಿವೇಚನಾಧಿಕಾರ ಸರ್ಕಾರಗಳಿಗೆ ಇರಕೂಡದು’ ಎಂದು ಸಹ ಅವರು ಪ್ರತಿಪಾದಿಸಿದ್ದಾರೆ. ಪಶ್ಚಿಮಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶಗಳಲ್ಲಿ ವಿವಿಧ ನಿರ್ಭಂದಗಳನ್ನು ವಿಧಿಸುವ ಕುರಿತು ಕೇಂದ್ರ ಸರ್ಕಾರ ಜುಲೈ 27ರಂದು ಹೊರಡಿಸಿದ ಕರಡು ಅಧಿಸೂಚನೆಗೆ ತಮ್ಮ ಆಕ್ಷೇಪಣೆಯನ್ನು ದಾಖಲಿಸಿ ಈ ಕುರಿತು ಅವರು ಅಭಿಪ್ರಾಯವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಕೇಂದ್ರ ಅರಣ್ಯ ಪರಿಸರ, ಹವಾಮಾನ ಬದಲಾವಣೆ ಇಲಾಖೆ ಸಚಿವರಿಗೆ ಪತ್ರವನ್ನು ಬರೆದಿದ್ದಾರೆ. `ಕೇಂದ್ರದ ಕರಡು ಅಧಿಸೂಚನೆಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಬಹುತೇಕ ಜನವಸತಿ ಪ್ರದೇಶಗಳನ್ನು ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಒಳಪಡಿಸಿರುವ ಹಾಗೂ ಪರಿಸರವಾಗಿ ಅತ್ಯಂತ ಸೂಕ್ಷ್ಮವಾಗಿರುವ ಪಶ್ಚಿಮಘಟ್ಟದಲ್ಲಿ ಬ್ರಹತ್ ಯೋಜನೆಗಳಿಗೆ ಅನುಮತಿ ನೀಡುವ ವಿವೇಚನಾಧಿಕಾರ ಉಳಿಸಿಕೊಳ್ಳುವ ಕೇಂದ್ರದ ಹಿಂಬಾಗಿಲ ಯತ್ನಗಳು ಸರಿಯಲ್ಲ .ಪಂಪ್ಡ್ ಸ್ಟೋರೇಜ, ನದಿತಿರುವು ಮತ್ತು ಅಣುವಿದ್ಯುತ್ ಮುಂತಾದ ಬ್ರಹತ್ ಮತ್ತು ಮಾರಕ ಯೋಜನೆಗಳಿಗೆ ಇಲ್ಲದ ನಿರ್ಭಂದ,ಜನರ ಬದುಕಿಗೆ ಏಕೆ?’ ಎಂದು ಚಂದ್ರಕಾoತ ಕೊಚರೇಕರ ಅವರು ಪ್ರಶ್ನಿಸಿದ್ದಾರೆ. `ಕೇಂದ್ರ ಅರಣ್ಯ ಪರಿಸರ ಮಂತ್ರಾಲಯವು ಹೊರಡಿಸಿರುವ ಕರಡು ಅಧಿಸೂಚನೆ ಪಾರದರ್ಶಕವಾಗಿಲ್ಲ. ಪರಿಸರ ಸೂಕ್ಷ್ಮ ಪ್ರದೇಶಗಳನ್ನು ಗುರುತಿಸುವಲ್ಲಿ ಕೇರಳಕ್ಕೆ ಹಲವು ವಿನಾಯಿತಿ ನೀಡಲಾಗಿದೆ. ಆದರೆ ಕರ್ನಾಟಕಕ್ಕೆ ಪ್ರತ್ಯೇಕ ಮಾನದಂಡ ಅನುಸರಿಸಲಾಗಿದೆ. ಪರಿಸರ ಸೂಕ್ಷ್ಮ ಪ್ರದೇಶಗಳನ್ನು ವೈಜ್ಞಾನಿಕವಾಗಿ ಹಾಗೂ ಪಾರದರ್ಶಕವಾಗಿ ಗುರುತಿಸಲು ಹಾಗೂ ಕೇರಳದ ಮಾದರಿಯಲ್ಲಿ ಕೇಂದ್ರ ಸರ್ಕಾರಕ್ಕೆ ಮನವರಿಕೆ ಮಾಡಿಕೊಡುವ ಕೆಲಸ ರಾಜ್ಯ ಸರ್ಕಾರದಿಂದ ಆಗಬೇಕು’ ಎಂದವರು ಆಗ್ರಹಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಸುಮಾರು 350 ಕ್ಕೂ ಹೆಚ್ಚು ಜನವಸತಿ ಪ್ರದೇಶಗಳು ಸೇರಿದಂತೆ ಒಟ್ಟೂ 567 ಹಳ್ಳಿಗಳನ್ನು ಪರಿಸರ ಸೂಕ್ಷ್ಮ ವಲಯವೆಂದು ಕೇಂದ್ರ ಘೋಷಿಸಿದೆ. ಇದು ಯಥಾವತ್ ಜಾರಿಗೆ ಬಂದರೆ ಜಿಲ್ಲೆಯ ಜನ ಜೀವನಕ್ಕೆ ಮಾರಕವಾಗಲಿದೆ. ಆದ್ದರಿಂದ ಈ ದಿಶೆಯಲ್ಲಿ ಜನಜಾಗ್ರತಿ ಮೂಡಿಸುವ ಕೆಲಸ ನಡೆದಿದೆ. ಜನರು, ವಿವಿಧ ಸಂಘಟನೆಯವರು ಕೇಂದ್ರದ ಕರಡು ಅಧಿಸೂಚನೆಗೆ ತಮ್ಮ ಆಕ್ಷೇಪಣೆಯನ್ನು ಸಲ್ಲಿಸುತ್ತಿದ್ದಾರೆ. ಜಿಲ್ಲೆಯ ಹಲವು ಗ್ರಾಮ ಪಂಚಾಯತಿಗಳು-ಗ್ರಾಮಸಭೆಗಳು ಕಸ್ತೂರಿ ರಂಗನ್ ವರದಿಯ ಯಥಾವತ್ ಅನುಷ್ಠಾನಕ್ಕೆ ತಮ್ಮ ವಿರೋದ ವ್ಯಕ್ತ ಪಡಿಸಿವೆ ಹಾಗೂ ಕೇಂದ್ರ ಸರ್ಕಾರದ 6ನೇ ಅಧಿಸೂಚನೆಗೆ ತಮ್ಮ ಆಕ್ಷೇಪಣೆಗಳನ್ನು ಸಲ್ಲಿಸಿವೆ’ ಎಂದವರು ವಿವರಿಸಿದ್ದಾರೆ.  
- [ಆಡಿಯೋ ವೈರಲ್: PSIಗೆ ಟೋಪಿ ಹಾಕಿದ ರೌಡಿಶೀಟರ್!](https://mobiletime.in/2026/08/audio-goes-viral-rowdy-sheeter-hoodwinks-psi/): ಉತ್ತರ ಕನ್ನಡ ಜಿಲ್ಲೆಯ ಮೂವರು PSI ನಡುವೆ ನಡೆದ ಮಾತುಕಥೆಯ ಆಡಿಯೋ ವೈರಲ್ ಆಗಿದೆ. ಆ ಆಡಿಯೋದಲ್ಲಿ ರೌಡಿ ಶೀಟರ್ ಒಬ್ಬರು ಕಾಸು ಕೊಡುವುದಾಗಿ ಹೇಳಿ ಟೋಪಿ ಹಾಕಿದ ಬಗ್ಗೆಯೂ PSI ಒಬ್ಬರು ನೋವು ತೋಡಿಕೊಂಡಿದ್ದಾರೆ. ಈ ಆಡಿಯೋವನ್ನು ಜೆಡಿಎಸ್ ಪಕ್ಷದವರು ಜಾಲತಾಣದಲ್ಲಿ ಹಾಕಿಕೊಂಡಿದ್ದು, ಕಾಂಗ್ರೆಸ್ ಆಡಳಿತವನ್ನು ಟೀಕಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಹಳಿಯಾಳ ಪೊಲೀಸ್ ಠಾಣೆಯಲ್ಲಿ ಈ ಮೊದಲು ಬಸವರಾಜ ಮಬನೂರು ಎಂಬಾತರು ಕರ್ತವ್ಯದಲ್ಲಿದ್ದರು. ಪೊಲೀಸರ ಮೇಲೆ ರೌಡಿಯೊಬ್ಬರು ಹಲ್ಲೆ ಮಾಡಿದರೂ ತುರ್ತು ಕ್ರಮ ಜರುಗಿಸಲುವಲ್ಲಿ ವಿಫಲವಾದ ಕಾರಣ ಬಸವರಾಜ ಮಬನೂರು ಅವರು ಅಮಾನತು ಆಗಿದ್ದರು. ಅದಾದ ನಂತರ ಹಳಿಯಾಳ ಪೊಲೀಸ್ ಠಾಣೆಯ ಕಾನೂನು ಸುವ್ಯವಸ್ಥೆ ವಿಭಾಗದ ಪಿಸೈ ಆಗಿ ಅಧಿಕಾರವಹಿಸಿಕೊಳ್ಳುವ ವಿಷಯವಾಗಿ ಮೂವರು ಅಧಿಕಾರಿಗಳ ನಡುವೆ ಪೈಪೋಟಿ ನಡೆದಿದ್ದು, ಅವರ ನಡುವೆ ನಡೆದಿದೆ ಎನ್ನಲಾದ ಫೋನ್ ಸಂಭಾಷಣೆ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. `ಈಗ ತಾನೇ ಲಾ & ಆರ್ಡರ್ ಖುರ್ಚಿ ಮೇಲೆ ಕುಳಿತೆ’ ಎನ್ನುವ ಪಿಸೈ ಕೃಷ್ಣ ಅರಗೇರಿ ಅವರು ರೌಡಿಶೀಟರ್ ಒಬ್ಬರ ಅರ್ದ ಹೆಸರು ಉಲ್ಲೇಖಿಸಿ `ಆತ ಹಣ ಕೊಡಬೇಕಿತ್ತು. ಕೊಡಲೇ ಇಲ್ಲ. ಒಂದುವರೆ ಲಕ್ಷ ರೂ ಬಾಕಿಯಿದೆ’ ಎಂದು ಆ ಆಡಿಯೋದಲ್ಲಿ ಮಾತನಾಡಿದ್ದಾರೆ. ಅದರೊಂದಿಗೆ ಹಳಿಯಾಳ ಪೊಲೀಸ್ ಠಾಣೆಯಲ್ಲಿ ಈ ಮೊದಲು ಕರ್ತವ್ಯದಲ್ಲಿದ್ದ ಪಿಸೈ ವಿನೋದ ರೆಡ್ಡಿ, ಮತ್ತೊಬ್ಬ ಪಿಸೈ ಕಿರಣ ಪಾಟೀಲ್ ನಡುವೆ ನಡೆದ ಮಾತುಕಥೆಯ ಆಡಿಯೋ ಅದಾಗಿದ್ದು, ಆಡಿಯೋ ಅಲ್ಲಲ್ಲಿ ಎಡಿಟ್ ಮಾಡಿದ ಹಾಗೇ ಭಾಸವಾಗುತ್ತಿದೆ. ಹಳಿಯಾಳ ಪಿಸೈ ಹುದ್ದೆಗೆ ಬರುವ ಮಾಸಿಕ ಕಮಾಯಿ, ಅಲ್ಲಿ ಯಾವ ಅಧಿಕಾರಿ ಬಂದರೆ ಎಲ್ಲರಿಗೂ ಭದ್ರತೆ? ಎನ್ನುವ ವಿಷಯ ಕುರಿತು ಈ ಮೂವರು ಪಿಸೈಗಳ ನಡುವೆ ಚರ್ಚೆ ನಡೆದಿದೆ. ಈ ನಡುವೆ `ಡೈವೈಎಸ್ಪಿಗೆ ಮಸ್ಕಾ ಹೊಡೆದು ಬರುವೆ’ ಎಂದು ಪಿಸೈ ಕಿರಣ ಪಾಟೀಲ ಅವರು ಹೇಳಿದ್ದು, `ಡಿಎಸ್ಪಿಗೆ ಅಮೌಂಟ್ ಕೊಡುವೆ’ ಎಂದು ಹೇಳಿದ್ದಾರೆ. ಮತ್ತೊಮ್ಮೆ `ನನಗೆ ಅದರದಲ್ಲಿ ಆಸೆ ಇಲ್ಲ’ ಎಂದು ಡಿಸ್ಪಿ ಹೇಳಿದ ಬಗ್ಗೆ ಕೃಷ್ಣ ಅರಗೇರಿ ಅವರ ಮಾತು ಕೇಳಿಬಂದಿದೆ. ಹಳಿಯಾಳ ಪಿಸೈ ಆಗಲು ವಿನೋದ ರೆಡ್ಡಿ ಅವರು ಆಸಕ್ತರಾಗಿದ್ದು, ಅದು ಸಾಧ್ಯವಾಗದ ಕಾರಣ ನಿರಾಸೆಯಿಂದ ಮಾತನಾಡಿದ ಧ್ವನಿ ತುಣುಕಿನಂತೆ ಆ ಆಡಿಯೋ ಕೇಳಿಸುತ್ತಿದೆ. ಇದರೊಂದಿಗೆ ಪರಿಚಯಸ್ಥ ವೈದ್ಯರ ಮೂಲಕ ಮೆಡಿಕಲ್ ಪ್ರಮಾಣ ಪತ್ರ ಪಡೆದು ರಜೆ ಮಾಡುವ ವಿಷಯವಾಗಿಯೂ ಆ ಆಡಿಯೋದಲ್ಲಿ ಮಾತುಕಥೆ ನಡೆದಿದೆ. `ಕಾನ್ಸಟೇಬಲ್ಲಗಳೇ ಹೀಗೆ ರಜೆ ಮಾಡುತ್ತಾರೆ’ ಎನ್ನುವುದರ ಬಗ್ಗೆಯೂ ಉಲ್ಲೇಖವಿದೆ. ಈ ಆಡಿಯೋದಲ್ಲಿ ಕೆಲ ಅಶ್ಲೀಲ ಪದ ಬಳಕೆಯೂ ನಡೆದಿದ್ದು, ಒಟ್ಟಾರೆಯಾಗಿ ವೈರಲ್ ಆದ ಆಡಿಯೋ ಪೊಲೀಸ್ ಇಲಾಖೆಯೊಳಗೆ ಮುಜುಗರವನ್ನುಂಟು ಮಾಡಿದೆ. ಆ ಆಡಿಯೋ ವೈರಲ್ ಮಾಡಿದವರು ಯಾರು? ಎಡಿಟ್ ಮಾಡಿದ್ದು ಯಾರು? ಯಾವಾಗ ನಡೆದ ಮಾತುಕಥೆ? ಎನ್ನುವ ಯಾವ ವಿಷಯವೂ ಬಹಿರಂಗವಾಗಿಲ್ಲ. ಕೆಲವರು ಇದನ್ನು AI ಆಡಿಯೋ ಎಂದು ಸಹ ಹೇಳುತ್ತಿದ್ದಾರೆ. ಆದರೆ, AI ತಂತ್ರಜ್ಞಾನ ಮನುಷ್ಯನ ಧ್ವನಿಯನ್ನು ಯಥಾವತ್ತಾಗಿ ನಕಲು ಮಾಡುವುದಿಲ್ಲ ಎನ್ನುವ ಅಭಿಪ್ರಾಯವೂ ವ್ಯಕ್ತವಾಗಿದೆ. ಈ ಎಲ್ಲಾ ಹಿನ್ನಲೆ ಆಡಿಯೋದಲ್ಲಿನ ಸತ್ಯಾಸತ್ಯತೆಯ ಬಗ್ಗೆ ತನಿಖೆ ಶುರುವಾಗಿದೆ.
- [ಹೊನ್ನಾವರ | ವಿದ್ಯುತ್ ತಗುಲಿ ಕಾರ್ಮಿಕ ಸಾವು!](https://mobiletime.in/2026/08/honnavara-worker-dies-of-electrocution/): ಮಂಕಿ ಬಣಸಾಲೆಯ ನಾಗವೇಣಿ ನಾಯ್ಕ ಅವರ ಮನೆಗೆ ಹೋಗಿದ್ದ ಸಂತೋಷ ನಾಯ್ಕ ಅವರಿಗೆ ವಿದ್ಯುತ್ ಶಾಕ್ ತಗುಲಿದೆ. ಅಲ್ಲಿಯೇ ಅವರು ಕುಸಿದು ಬಿದ್ದು ಸಾವನಪ್ಪಿದ್ದಾರೆ. ಹೊನ್ನಾವರದ ಮಂಕಿಯ ಬಣಸಾಲೆಯಲ್ಲಿ ಸಂತೋಷ ಪರಮೇಶ್ವರ ನಾಯ್ಕ ಅವರು ವಾಸವಾಗಿದ್ದರು. 40 ವರ್ಷದ ಅವರು ಕೂಲಿ ಕೆಲಸ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದರು. ಸಂತೋಷ ನಾಯ್ಕ ಅವರ ಅಣ್ಣ ರಾಜು ನಾಯ್ಕ ಅವರು ಎಲೆಕ್ಟಿಶಿಯನ್ ಆಗಿದ್ದು, ಅವರ ಮನೆ ಮುಂದೆ ನಾಗವೇಣಿ ರಾಮಕೃಷ್ಣ ನಾಯ್ಕ ಅವರು ವಾಸವಾಗಿದ್ದರು. ನಾಗವೇಣಿ ನಾಯ್ಕ ಅವರ ಮನೆಯಲ್ಲಿ ವಿದ್ಯುತ್ ಮೀಟರ್ ಸ್ಥಳಾಂತರವಾಗಬೇಕಿದ್ದು, ಅದಕ್ಕೆ ಎದುರುಮನೆಯವರ ಸಹಾಯ ಕೇಳಿದ್ದರು. ಅಗಸ್ಟ 29ರಂದು ಸಂತೋಷ ನಾಯ್ಕ ಅವರು ನಾಗವೇಣಿ ನಾಯ್ಕ ಅವರ ಮನೆಯ ವಿದ್ಯುತ್ ಮೀಟರ್ ಸ್ಥಳಾಂತರಕ್ಕೆ ಹೋಗಿದ್ದರು. ಈ ವೇಳೆ ಅವರಿಗೆ ವಿದ್ಯುತ್ ತಗುಲಿ ಸಾವನಪ್ಪಿದರು. ರಾಜು ನಾಯ್ಕ ಅವರು ಸಹೋದರನ ಸಾವಿನ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಶಿರಸಿ | ಈ ಮೂವರು ದನ ಕಾಯೋಕು ಯೋಗ್ಯರಲ್ಲ!](https://mobiletime.in/2026/08/sirsi-these-three-arent-even-fit-to-herd-cattle/): ಹುಲೇಕಲ್’ನ ಸತೀಶ ಶೇಟ್, ಪುಂಡಳಿಕ್ ಬಾಂದೇಕರ್ ಹಾಗೂ ವೈಕುಂಠ ಮಧು ಅವರಿಗೆ ಸೇರಿದ ಜಾನುವಾರುಗಳನ್ನು ಕದ್ದ ಮೊಹಮ್ಮದ್ ಅಂಡು, ಮೊಹಮದ್ ಇಸ್ಮಾಯಿಲ್ ಹಾಗೂ ಅಬ್ದುಲ್ ಅಜೀಜ್ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ. ಐಷಾರಾಮಿ ಕಾರುಗಳಲ್ಲಿ ಆಗಮಿಸಿ ದನ ಕದ್ದು ಪರಾರಿಯಾಗಿದ್ದ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಅಗಸ್ಟ 12ರಂದು ಜಾನುವಾರು ಕಳ್ಳತನ ನಡೆದ ಬಗ್ಗೆ ಶಿರಸಿಯ ಹುಲೆಕಲ್’ನ ವೈಕುಂಠ ಮಧು ಹುಲೆಕಲ್ ಅವರು ಪೊಲೀಸರಲ್ಲಿ ದೂರಿದ್ದರು. ಸೆಂಟ್ ಮಿಲಾಗ್ರಿಸ್ ಬ್ಯಾಂಕಿನ ಸಿಸಿ ಕ್ಯಾಮರಾ ಪರಿಶೀಲನೆ ಮಾಡಿದಾಗ ಕಾರಿನಲ್ಲಿ ಬಂದವರು ಜಾನುವಾರು ಕದ್ದಿರುವುದು ಗೊತ್ತಾಗಿತ್ತು. ಸತೀಶ ಶೇಟ್ ಹಾಗೂ ಪುಂಡಳಿಕ್ ಬಾಂದೇಕರ್ ಅವರ ಜಾನುವಾರುಗಳು ಸಹ ಕೆಲ ದಿನಗಳಿಂದ ಕಾಣುತ್ತಿರಲಿಲ್ಲ. ಅವುಗಳನ್ನು ಸಹ ಕಾರಿನಲ್ಲಿ ಬಂದ ಕಳ್ಳರು ಕದ್ದಿರುವುದು ದೃಢವಾಯಿತು. ಒಟ್ಟು ಆರು ಜಾನುವಾರುಗಳನ್ನು ದುಷ್ಕರ್ಮಿಗಳು ಅಪಹರಿಸಿದ್ದು, ಅದರಿಂದ ಜಾನುವಾರು ಮಾಲಕರು 58500ರೂ ನಷ್ಟ ಅನುಭವಿಸಿದ್ದರು. ಈ ಕಳ್ಳರನ್ನು ಹುಡುಕಿ ಕಠಿಣ ಕ್ರಮ ಜರುಗಿಸುವಂತೆ ವೈಕುಂಠ ಹುಲೆಕಲ್ ಅವರು ಪೊಲೀಸರಲ್ಲಿ ಕೇಳಿಕೊಂಡಿದ್ದರು. ತನಿಖೆ ನಡೆಸಿದ ಪೊಲೀಸರು ರಾತ್ರಿ ವೇಳೆ ರಸ್ತೆ ಬದಿಯಿದ್ದ ಜಾನುವಾರುಗಳನ್ನು ಕದಿಯುತ್ತಿದ್ದ ತಂಡವನ್ನು ಹುಡುಕಿದರು. ಶಿವಮೊಗ್ಗದ ಟಿಪ್ಪುನಗರದ ಮೊಹಮ್ಮದ್ ಅಯಾಜ್ ಅಲಿಯಾಸ್ ಅಂಡು (23), ಸೂಳೆಬೈಲು ನಿವಾಸಿ ಮೊಹಮ್ಮದ್ ಇಸ್ಮಾಯಿಲ್ (36) ಹಾಗೂ ಈದ್ಗಾ ನಗರದ ಅಬ್ದುಲ್ ಅಜೀಜ್ (35) ಜಾನುವಾರು ಕದ್ದಿರುವುದು ಗೊತ್ತಾಗಿದ್ದು, ಅವರ ಬಳಿಯಿದ್ದ ಕಾರನ್ನು ಜಪ್ತು ಮಾಡಿದರು. ಇವರಲ್ಲಿ ಅಯಾಜ್ ವೆಲ್ಡಿಂಗ್ ಕೆಲಸ, ಇಸ್ಮಾಯಿಲ್ ಲಾರಿ ಚಾಲಕ ಹಾಗೂ ಅಬ್ದುಲ್ ಅಜೀಜ್ ಫಿಶ್ ಪ್ಲಾಂಟಿನಲ್ಲಿಲ್ಲಿ ಕೆಲಸ ಮಾಡುತ್ತಿದ್ದು, ಅವರೆಲ್ಲರೂ ರಾತ್ರಿ ವೇಳೆ ಶಿರಸಿಗೆ ಬಂದು ಕದಿಯುವುದನ್ನು ಹವ್ಯಾಸವನ್ನಾಗಿಸಿಕೊಂಡಿದ್ದರು. ಈ ಪ್ರಕರಣದಲ್ಲಿ ಇನ್ನೂ ಅನೇಕ ಆರೋಪಿಗಳಿರುವ ಅನುಮಾನಗಳಿವೆ.
- [ಅಂಕೋಲಾ | ಆಧಾರ್ ಕಾರ್ಡನೂ ಡುಪ್ಲಿಕೇಟು.. ಆರ್‌ಟಿಸಿಯೂ ಡುಪ್ಲಿಕೇಟು!](https://mobiletime.in/2026/08/ankola-aadhaar-card-is-a-duplicate-rtc-is-a-duplicate-too/): ಅಂಕೋಲಾದಲ್ಲಿನ ಖಾಲಿ ಭೂಮಿಗಳ ಮೇಲೆ ಕಿಡಿಗೇಡಿಗಳು ಕಣ್ಣಿಟ್ಟಿದ್ದು, ನಕಲಿ ದಾಖಲೆಗಳನ್ನು ಸೃಷ್ಠಿಸಿ ಆ ಭೂಮಿಯನ್ನು ತಮ್ಮದಾಗಿಸಿಕೊಳ್ಳುತ್ತಿದ್ದಾರೆ. ತಿಂಗಳ ಹಿಂದೆ ಸತ್ತವರ ಹೆಸರಿನಲ್ಲಿದ್ದ ಭೂಮಿಯನ್ನು ನಕಲಿ ದಾಖಲೆ ಜೊತೆ ಮಾರಾಟ ಮಾಡಿದ್ದು, ಇದೀಗ ಅಂಥಹುದೇ ಮತ್ತೊಂದು ಪ್ರಕರಣ ಹೊರ ಬಿದ್ದಿದೆ. ಅಂಕೋಲಾ ಶೇಡಿಕೇರಿಯ ಇಮ್ತಾಯಜ್ ಸಯ್ಯದ್ ಹಾಗೂ ಅವರ ಸಹೋದರ ಯಾಕೂಬ್ ಸಯ್ಯದ್ ಅವರ ಹೆಸರಿನಲ್ಲಿದ್ದ 1.14 ಎಕರೆ ಭೂಮಿ ದಿಢೀರ್ ಆಗಿ ಕುಮಟಾ ನಾಡುಮಾಸ್ಕೇರಿಯ ದೇವಿದಾಸ ನಾಗೇಶ ಗುನಗಾ ಅವರ ಹೆಸರಿಗೆ ಬಂದಿದೆ. ದಾಖಲೆಗಳನ್ನು ಪರಿಶೀಲನೆ ಮಾಡಿದಾಗ ಗದಗದ ಹುಬ್ಬಳ್ಳಿ ರಸ್ತೆಯ ಈರಣ್ಣ ನೀಲಪ್ಪ ಶಿರಿಯಣ್ಣನವರ್ ಅವರು ಆ 1.14 ಎಕರೆ ಭೂಮಿ ತಮ್ಮದು ಎಂದು ನಕಲಿ ದಾಖಲೆ ಸೃಷ್ಠಿಸಿ ಅದನ್ನು ಮಾರಾಟ ಮಾಡಿದ್ದಾರೆ. ಈ ಮಾರಾಟಕ್ಕೂ ಐದು ತಿಂಗಳ ಮೊದಲು ಆ ಭೂಮಿಯನ್ನು ಈರಣ್ಣ ಶಿರಿಯಣ್ಣನವರ್ ಅವರು ಸಹ ಖರೀದಿಸಿದವರಾಗಿದ್ದು, ಆಗ ಈರಣ್ಣ ಅವರಿಗೆ ಇಮ್ತಾಯಜ್ ಸಯ್ಯದ್ ಹಾಗೂ ಯಾಕೂಬ್ ಸಯ್ಯದ್ ಅವರ ಹೆಸರಿನಲ್ಲಿ ನಕಲಿ ಆಧಾರ್ ಕಾರ್ಡ ಸೃಷ್ಠಿಸಿ, ನಕಲಿ ವ್ಯಕ್ತಿಗಳ ಮೂಲಕ ಆ ಭೂಮಿ ಮಾರಾಟ ನಡೆದಿರುವುದು ಬೆಳಕಿಗೆ ಬಂದಿದೆ. ಒಟ್ಟಾರೆಯಾಗಿ ಈ ಭೂ ಹಗರಣದಲ್ಲಿ ಗದಗದ ಹುಬ್ಬಳ್ಳಿ ರಸ್ತೆಯ ಈರಣ್ಣ ನೀಲಪ್ಪ ಶಿರಿಯಣ್ಣನವರ್, ಕುಮಟಾ ನಾಡುಮಾಸ್ಕೇರಿಯ ದೇವಿದಾಸ ನಾಗೇಶ ಗುನಗಾ ಅವರ ಜೊತೆ ಅಂಕೋಲಾ ಅಂಬಾರಕೊಡ್ಲದ ಮಾರುತಿ ಶಿವಯ್ಯ ಗೌಡ, ಅಂಬಾರಕೊಡ್ಲದ ಸಂತೋಷ ಬುದ್ದು ಗೌಡ, ಪ್ರೀತಿ ದೇವಿದಾಸ ಗುನಗಾ, ಅಂಕೋಲಾದ ಮಹೇಶ ನಾಗಪ್ಪ ಗೌಡ, ಕುಮಟಾ ಮೂರುಕಟ್ಟೆಯ ಮಹಾಬಲೇಶ್ವರ ಗಿರಿಯಾ ನಾಯಕ, ಅಂಕೋಲಾದ ವಿನೋದ ಅಶೋಕ ನಾಯಕ, ಅಂಕೋಲಾದ ಅಮಿತ ಡಿ ನಾಯಕ ಹಾಗೂ ಇನ್ನಿತರರು ಭಾಗಿಯಾದ ಬಗ್ಗೆ ಪೊಲೀಸ್ ದೂರು ದಾಖಲಾಗಿದೆ. ಬೋಗ್ರಿಬೈಲು ಗ್ರಾಮದ ಸರ್ವೇ ನಂ 79ಅ4 1.14 ಎಕರೆ ಭೂಮಿ ಮೊದಲು ಪಕ್ರುದ್ಧೀನ್ ಸಯ್ಯದ್ ಅವರ ಹೆಸರಿನಲ್ಲಿತ್ತು. ಪಕ್ರಿದ್ಧೀನ್ ಸಯ್ಯದ್ ಅವರು ಆ ಭೂಮಿಯನ್ನು 2019ರಲ್ಲಿ ತಮ್ಮ ಮಕ್ಕಳ ಹೆಸರಿಗೆ ದಾನಪತ್ರದ ಮೂಲಕ ವರ್ಗಾಯಿಸಿದ್ದರು. ಶೇಡಿಕೇರಿಯ ಇಮ್ತಾಯಜ್ ಸಯ್ಯದ್ ಅವರು ಕೃಷಿ ಜೊತೆ ವ್ಯವಹಾರವನ್ನು ಮಾಡಿಕೊಂಡಿದ್ದು ಆ ಭೂಮಿ ಸರ್ವೇ ಮಾಡಿಸಿ ಕಪೌಂಡ್ ಹಾಕಲು ನಿರ್ಧರಿಸಿದ್ದರು. ಅದಕ್ಕಾಗಿ ಅರ್ಜಿ ಕೊಡಲು ಹೋದಾಗ ಪಹಣಿ ತೆಗೆಸಿದ್ದರು. ಆಗ, ಅಲ್ಲಿ ದೇವಿದಾಸ ಗುನಗಾ ಅವರ ಹೆಸರು ಕಂಡು ಕಂಗಾಲಾದರು. ಮ್ಯೂಟೇಶನ್ ದಾಖಲೆ ಪರಿಶಿಲನೆ ಮಾಡಿದಾಗ 2026ರ ಫೆಬ್ರವರಿ 13ರಂದು ನಕಲಿ ಮಾರಾಟ ಪತ್ರ ಸಿದ್ಧಪಡಿಸಿ, ಅದೇ ತಿಂಗಳ 16ರಂದು ಈರಣ್ಣ ನೀಲಪ್ಪ ಶಿರಿಯಣ್ಣನವರ್ ಎಂಬಾತರು ಆ ಭೂಮಿ ಖರೀದಿಸಿರುವುದು ಗೊತ್ತಾಯಿತು. ಆದರೆ, ಆ ಈರಣ್ಣ ಯಾರು? ಎಂದೇ ಇಮ್ತಾಯಜ್ ಅವರಿಗೆ ಗೊತ್ತಿರಲಿಲ್ಲ. ಕ್ರಯಪತ್ರದಲ್ಲಿ ನಮೂದಿಸಿದಂತೆ ಅವರು ನೀಡಿದ 12.50 ಲಕ್ಷ ರೂ ಹಣವೂ ಇಮ್ತಿಯಾಜ್ ಅವರಿಗೆ ಸಿಕ್ಕಿರಲಿಲ್ಲ. ಈರಣ್ಣ ಅವರು ಇಮ್ತಿಯಾಜ್ ಹಾಗೂ ಯಾಕೂಬ್ ಅವರ ಆಧಾರ್ ಕಾರ್ಡ ಡುಪ್ಲಿಕೇಟ್ ಮಾಡಿ, ಅವರ ಬದಲು ಬೇರೆ ವ್ಯಕ್ತಿಗಳನ್ನು ಕೂರಿಸಿ ದಸ್ತಾವೇಜು ನೋಂದಣಿ ಮಾಡಿರುವುದು ಗೊತ್ತಾಯಿತು. ಇದಕ್ಕೆ ಮಹಾಬಲೇಶ್ವರ ಗಿರಿಯಾ ನಾಯಕ, ಮಾರುತಿ ಶಿವಯ್ಯ ಗೌಡ ಎಂಬಾತರ ಸಾಕ್ಷಿ ಹಾಕಿದ್ದು, ಸ್ಥಳೀಯರು ಸಹ ಈ ಹಗರಣದಲ್ಲಿ ಭಾಗಿಯಾಗಿದ್ದು ಗಮನಕ್ಕೆ ಬಂದಿತು. ಅದಾದ ನಂತರ 2026ರ ಏಪ್ರಿಲ್ 7ರಂದು ಆ ಭೂಮಿಯನ್ನು ದೇವಿದಾಸ ಗುನಗಾ ಅವರು ಈರಣ್ಣ ಅವರಿಂದ ಖರೀದಿ ಮಾಡಿದ ಬಗ್ಗೆ ದಾಖಲೆ ಸಿಕ್ಕಿತು. ಈ ವೇಳೆ ಪ್ರೀತಿ ದೇವಿದಾಸ ಗುನಗಾ ಹಾಗೂ ಮಹೇಶ ನಾಗಪ್ಪ ಗೌಡ ಅವರು ಅದಕ್ಕೆ ಸಾಕ್ಷಿ ಹಾಕಿದ್ದರು. ಭೂ ಹಗರಣದಲ್ಲಿ ಗದಗದ ಹುಬ್ಬಳ್ಳಿ ರಸ್ತೆಯ ಈರಣ್ಣ ನೀಲಪ್ಪ ಶಿರಿಯಣ್ಣನವರ್, ಕುಮಟಾ ನಾಡುಮಾಸ್ಕೇರಿಯ ದೇವಿದಾಸ ನಾಗೇಶ ಗುನಗಾ ಅವರ ಜೊತೆ ಅಂಕೋಲಾ ಅಂಬಾರಕೊಡ್ಲದ ಮಾರುತಿ ಶಿವಯ್ಯ ಗೌಡ, ಅಂಬಾರಕೊಡ್ಲದ ಸಂತೋಷ ಬುದ್ದು ಗೌಡ, ಪ್ರೀತಿ ದೇವಿದಾಸ ಗುನಗಾ, ಅಂಕೋಲಾದ ಮಹೇಶ ನಾಗಪ್ಪ ಗೌಡ, ಕುಮಟಾ ಮೂರುಕಟ್ಟೆಯ ಮಹಾಬಲೇಶ್ವರ ಗಿರಿಯಾ ನಾಯಕ, ಅಂಕೋಲಾದ ವಿನೋದ ಅಶೋಕ ನಾಯಕ, ಅಂಕೋಲಾದ ಅಮಿತ ಡಿ ನಾಯಕ ಅವರ ಹೆಸರು ನೀಡಿ ಇಮ್ತಾಯಜ್ ಸಯ್ಯದ್ ಅವರು ಪೊಲೀಸ್ ದೂರು ದಾಖಲಿಸಿದರು. ಸದ್ಯ ಈ ಹಗರಣದ ಬಗ್ಗೆ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ.
- [ಯಲ್ಲಾಪುರ | 10 ಜನರಿಗೆ ಗಾಯ!](https://mobiletime.in/2026/08/yellapur-10-people-injured/): ಶನಿವಾರ ಅರಬೈಲ್ ಘಟ್ಟದ ಬಳಿ ಸರ್ಕಾರಿ ಬಸ್ಸಿಗೆ ಟೆಂಪೋ ಡಿಕ್ಕಿ ಹೊಡೆದಿದ್ದು, ಈ ಅಪಘಾತದಲ್ಲಿ 10 ಜನ ಗಾಯಗೊಂಡಿದ್ದಾರೆ. ಮಹಿಳೆಯೊಬ್ಬರ ಕೈ ಮುರಿದಿದೆ. ಭಟ್ಕಳದಿಂದ ರಾಯಭಾಗಕ್ಕೆ ಕೆಎಸ್‌ಆರ್‌ಟಿಸಿ ಬಸ್ಸು ಹೊರಟಿತ್ತು. ಈ ಬಸ್ಸಿಗೆ ಪೂಣೆಯಿಂದ ಹೊರಟ ಟೆಂಪೋ ಯಲ್ಲಾಪುರದಲ್ಲಿ ಡಿಕ್ಕಿಯಾಯಿತು. ಅಪಘಾತ ವಲಯವಾದ ಅರಬೈಲ್ ಘಟ್ಟದ ಬಗ್ಗೆ ಟೆಂಪೋ ಚಾಲಕನಿಗೆ ಸಂಪೂರ್ಣ ಅರಿವಿಲ್ಲದಿರುವುದು ಅಪಘಾತಕ್ಕೆ ಕಾರಣವಾಗಿದ್ದು, ಪರಿಣಾಮ ಪ್ರಯಾಣಿಕರು ತೊಂದರೆ ಅನುಭವಿಸಿದರು. ತಿರುವಿನ ಪ್ರದೇಶದಲ್ಲಿಯೂ ವೇಗವಾಗಿದ್ದ ಟೆಂಪೋ ಎದುರಿನಿಂದ ಬಂದ ಬಸ್ಸಿಗೆ ಒಮ್ಮೆಲೆ ಗುದ್ದಿತು. ಗುದ್ದಿದ ರಭಸಕ್ಕೆ ಬಸ್ಸು ಗಟಾರದ ಕಡೆ ತಿರುವಿದ್ದು, ಕೆಎಸ್‌ಆರ್‌ಟಿಸಿ ಚಾಲಕನ ಸಮಯ ಪ್ರಜ್ಞೆಯಿಂದ ಭಾರೀ ಪ್ರಮಾಣದ ಅನಾಹುತ ತಪ್ಪಿತು. ಅದಾಗಿಯೂ, ಬಸ್ಸು ಹಾಗೂ ಟೆಂಪೋದಲ್ಲಿದ್ದ 10 ಪ್ರಯಾಣಿಕರಿಗೆ ಅಲ್ಲಲ್ಲಿ ನೋವಾಯಿತು. ಅಪಘಾತದ ರಭಸಕ್ಕೆ ಮಹಿಳೆಯೊಬ್ಬರ ಕೈ ಮುರಿಯಿತು. ಗಾಯಗೊಂಡ ಎಲ್ಲರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಪಘಾತದ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದರು. ರಸ್ತೆ ಮದ್ಯೆ ನಿಂತಿದ್ದ ಟೆಂಪೋವನ್ನು ಬದಿಗೆ ಸರಿಸಿ ಉಳಿದ ವಾಹನಗಳ ಓಡಾಟಕ್ಕೆ ಅನುವು ಮಾಡಿಕೊಟ್ಟರು.
- [ಭಟ್ಕಳ | ರೈಲಿನಿಂದ ಬಿದ್ದ ಮೆಕಾನಿಕ್: ಸಾವು!](https://mobiletime.in/2026/08/bhatkal-mechanic-falls-from-train-dies/): ಮಂಗಳೂರಿನಿoದ ಗುಜರಾತಿಗೆ ಹೋಗುತ್ತಿದ್ದ ರೈಲಿನಲ್ಲಿದ್ದ ವ್ಯಕ್ತಿಯೊಬ್ಬರು ರಾತ್ರಿ ವೇಳೆ ರೈಲಿನಿಂದ ಕೆಳಗೆ ಬಿದ್ದು ಸಾವನಪ್ಪಿದ್ದಾರೆ. ರೈಲಿನ ಬಾಗಿಲ ಬಳಿ ಬಂದಿದ್ದ ಅವರು ಕಾಲು ಜಾರಿ ಬಿದ್ದ ಸಾಧ್ಯತೆ ಹೆಚ್ಚಿದೆ. ಗುಜರಾತ್ ವಡೋದರಾದಲ್ಲಿ ಪವಾರ್ ಸುನೀಲ್ ಅಬ್ಬಾಪಾಯ ಅವರು ವಾಸವಾಗಿದ್ದರು. 33 ವರ್ಷದ ಅವರು ಮೆಕಾನಿಕ್ ಆಗಿ ಬದುಕು ಕಟ್ಟಿಕೊಂಡಿದ್ದರು. ಅಗಸ್ಟ 27ರಂದು ಅವರು ಮಂಗಳೂರಿನಿAದ ಗುಜರಾತ್ ಹೋಗುವ ರೈಲು ಹತ್ತಿದ್ದರು. ಗಾಂಧಿದಾಮ ಎಕ್ಸಪ್ರೆಸ್ ರೈಲಿನಲ್ಲಿ ಅವರು ಸಂಚರಿಸುತ್ತಿದ್ದು, ಊರಿಗೆ ಹೋಗಲು ನಿರ್ಧರಿಸಿದ್ದರು. ನಸುಕಿನ 3.30ರ ವೇಳೆಗೆ ಆ ರೈಲು ಭಟ್ಕಳದ ಸರ್ಫಿನಕಟ್ಟಾ ಬಳಿ ಬಂದಿತು. ಆಗ ಪವಾರ್ ಅಬ್ಬಾಪಾಯ ಅವರು ರೈಲಿನ ಬಾಗಿಲ ಬಳಿ ಬಂದಿದ್ದು, ಆಕಸ್ಮಿಕವಾಗಿ ಕಾಲು ಜಾರಿ ಕೆಳಗೆ ಬಿದ್ದರು. ರೈಲಿನಿಂದ ಬಿದ್ದ ರಭಸಕ್ಕೆ ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಅಣ್ಣನ ಮಗನ ಸಾವಿನ ಬಗ್ಗೆ ಪವಾರ ರಾಜುಬಾಯಿ ಅವರು ಪೊಲೀಸರಿಗೆ ವರದಿ ಒಪ್ಪಿಸಿ, ಶವಪಡೆದರು. `ಸಂಚರಿಸುವ ರೈಲಿನ ಬಾಗಿಲ ಬಳಿ ನಿಲ್ಲಬೇಡಿ’
- [ಯಲ್ಲಾಪುರ | ಕಿಡ್ನಾಪ್ ಆದ ಕನ್ಯೆ!](https://mobiletime.in/2026/08/yellapur-bride-kidnapped/): ಯಲ್ಲಾಪುರದ ಮಾದೇವಕೊಪ್ಪದ ಗೀತಾ ಪಾಂಡ್ರಮೀಸೆ ಅವರು ಕಾಣೆಯಾಗಿದ್ದು, ಅಪಹರಣದ ಶಂಕೆವ್ಯಕ್ತವಾಗಿದೆ. ಬೆಂಗಳೂರಿಗೆ ಹೋಗುವುದಾಗಿ ಹೇಳಿದ್ದ ಅವರು ಅಲ್ಲಿಗೂ ಹೋಗಿಲ್ಲ. ಮೂರು ದಿನ ಕಳೆದರೂ ಮನೆಗೆ ಮರಳಿಲ್ಲ. ಯಲ್ಲಾಪುರದ ಮಾದೇವಕೊಪ್ಪದಲ್ಲಿ ಗೀತಾ ಪಾಂಡ್ರಮೀಸೆ (ಹೆಸರು ಬದಲಿಸಿದೆ) ಅವರು ವಾಸವಾಗಿದ್ದರು. 17 ವರ್ಷದ ಅವರು ಮನೆ ಕೆಲಸ ಮಾಡಿಕೊಂಡಿದ್ದರು. ಬೆಂಗಳೂರಿನಲ್ಲಿರುವ ಸಂಬAಧಿಕರ ಮನೆಗೆ ಹೋಗುವುದಾಗಿ ಅವರು ಈಚೆಗೆ ಮನೆಯಲ್ಲಿ ಹೇಳಿದ್ದರು. ಅದರಂತೆ, ಅಗಸ್ಟ 25ರಂದು ಅವರು ಬೆಂಗಳೂರಿನ ನಾಗವೇಣಿ ವಿಠ್ಠು ಪಾಂಡ್ರಮೀಸೆ ಅವರ ಮನೆಗೆ ತೆರಳಲು ನಿರ್ಧರಿಸಿದ್ದರು. ಆ ದಿನ ರಾತ್ರಿ 8.30ಕ್ಕೆ ಮನೆಯಿಂದ ಹೊರ ಬಿದ್ದ ಅವರು ಎಲ್ಲಿ ಹೋದರು? ಎಂದು ಮಾತ್ರ ಯಾರಿಗೂ ಗೊತ್ತಾಗಲಿಲ್ಲ. ಗೀತಾ ಪಾಂಡ್ರಮೀಸೆ ಅವರ ಮೊಬೈಲಿಗೆ ಅವರ ತಂದೆ ಸಾವು ದೊಂಡು ಪಾಂಡ್ರಮೀಸೆ ಅವರು ಫೋನ್ ಮಾಡಿದರು. ಆದರೆ, ಸಂಪರ್ಕ ಸಾಧ್ಯವಾಗಲಿಲ್ಲ. ಬೆಂಗಳೂರಿನ ಸಂಬoಧಿಕರ ಮನೆಗೆ ಫೋನ್ ಮಾಡಿದರೂ ಅಲ್ಲಿ ಅವರು ಬಂದ ಬಗ್ಗೆ ಮಾಹಿತಿ ಸಿಗಲಿಲ್ಲ. ಮಗಳು ಕಾಣೆಯಾಗಿದ್ದರಿಂದ ಆತಂಕಕ್ಕೆ ಒಳಗಾದ ಸಾವು ಪಾಂಡ್ರಮೀಸೆ ಅವರು ಗೀತಾ ಅವರನ್ನು ದುಷ್ಕರ್ಮಿಗಳು ಅಪಹರಿಸಿರುವ ಶಂಕೆವ್ಯಕ್ತಪಡಿಸಿದರು. ಈ ಎಲ್ಲಾ ಹಿನ್ನಲೆ ಸಾವು ಪಾಂಡ್ರಮೀಸೆ ಅವರು ಮಗಳ ಪತ್ತೆಗಾಗಿ ಪೊಲೀಸರು ಸಹಾಯ ಯಾಚಿಸಿದರು. ಪ್ರಕರಣ ದಾಖಲಿಸಿಕೊಂಡ ಪಿಸೈ ಮಹಾವೀರ ಕಾಂಬಳೆ ಅವರು ಕಾಣೆಯಾದ ಯುವತಿಯ ಹುಡುಕಾಟ ಶುರು ಮಾಡಿದರು.
- [ಶಿರಸಿ | ಲಾರಿಯಲ್ಲಿ ಅಡಗಿದ್ದ ಅಕ್ಕಿ ಕಳ್ಳ!](https://mobiletime.in/2026/08/sirsi-rice-thief-hiding-in-a-lorry/): ಕಳೆದ ಕೆಲ ದಿನಗಳಿಂದ ಶಿರಸಿ ಆಡಳಿತ ಸರ್ಕಾರಿ ಅಕ್ಕಿ ಕದ್ದು ಸಾಗಿಸುವವರ ವಿರುದ್ಧ ಸಮರ ಸಾರುತ್ತಿದೆ. ಈ ದಿನ ಒಂದು ಲಾರಿ ತುಂಬ ಅಕ್ಕಿ ಸಾಗಿಸುತ್ತಿದ್ದವರನ್ನು ಅಧಿಕಾರಿಗಳು ಹಿಡಿದಿದ್ದಾರೆ. ಪಡಿತರ ಅಕ್ಕಿಯ ಅಕ್ರಮ ಸಾಗಾಟದ ಜಾಲದ ಹಿಂದೆ ಬಿದ್ದಿರುವ ಆಹಾರ ಇಲಾಖೆ ಅಧಿಕಾರಿಗಳು ಕಂದಾಯ ಹಾಗೂ ಪೊಲೀಸ್ ಇಲಾಖೆ ನೆರವುಪಡೆದು ವಿಶೇಷ ಕಾರ್ಯಾಚರಣೆ ನಡೆಸಿದೆ. ಸಿದ್ದಾಪುರದಿಂದ ಮಹಾರಾಷ್ಟ್ರದ ಕೊಲ್ಲಾಪುರದತ್ತ ಅಕ್ರಮವಾಗಿ ಪಡಿತರ ಅಕ್ಕಿ ಸಾಗಿಸಲಾಗುತ್ತಿದೆ ಎಂಬ ಖಚಿತ ಮಾಹಿತಿ ಆಧರಿಸಿ ದಾಳಿ ನಡೆಸಿದ ಅಧಿಕಾರಿಗಳಿಗೆ ಲಾರಿಯೊಂದರಲ್ಲಿ 476 ಚೀಲ ಅಕ್ಕಿ ಸಿಕ್ಕಿದೆ. ತಹಶೀಲ್ದಾರ್ ಪಟ್ಟರಾಜ ಗೌಡ ಹಾಗೂ ಶಿರಸಿ ಟೌನ್ ಠಾಣೆಯ ಪಿಎಸ್‌ಐ ನರಸಿಂಹಲು ಅವರ ನೇತೃತ್ವದಲ್ಲಿ ನೀಲೇಕಣಿ ಭೀಮನಗುಡ್ಡ ಕ್ರಾಸ್ ಬಳಿ ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ದಾಳಿಯ ಸುಳಿವು ಅರಿತ ಚಾಲಕ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದು, ಪೊಲೀಸರು ಲಾರಿ ಅಡ್ಡಗಟ್ಟಿ ಚಾಲಕನನ್ನು ವಶಕ್ಕೆಪಡೆದು ವಿಚಾರಣೆ ನಡೆಸಿದ್ದಾರೆ. ಲಾರಿಯ ಪರಿಶೀಲನೆ ನಡೆಸಿದಾಗ ದಾಖಲೆಗಳಿಲ್ಲದೆ ಅಪಾರ ಪ್ರಮಾಣದ ಪಡಿತರ ಅಕ್ಕಿಯನ್ನು ಸಾಗಿಸಲಾಗುತ್ತಿರುವುದು ಬೆಳಕಿಗೆ ಬಂದಿದೆ. ಲಾರಿಯ ಮುಂದೆ ಕಾರೊಂದು ಚಲಿಸುತ್ತಿದ್ದು, ಈ ಹಗರಣದಲ್ಲಿ ಕಾರಿನಲ್ಲಿದ್ದವರ ಪಾತ್ರ ಏನು? ಎಂಬುದು ಗೊತ್ತಾಗಿಲ್ಲ. ಲಾರಿಯ ಚಲನ-ವಲನ ಗಮನಿಸಿ ಮಾಹಿತಿ ನೀಡಲು ಕಾರಿನಲ್ಲಿದ್ದವರನ್ನು ಬಳಸಿಕೊಳ್ಳಲಾಗಿತ್ತ? ಎಂಬ ಅನುಮಾನ ಮೂಡಿದೆ. ಸರ್ಕಾರ ಬಡವರಿಗಾಗಿ ನೀಡುವ ಅಕ್ಕಿ ಹೊರರಾಜ್ಯದ ಪಾಲಾಗುತ್ತಿರುವ ಕುರಿತು ಸಮಗ್ರ ವಿಚಾರಣೆ ನಡೆಯುತ್ತಿದೆ.
- [ಸಾತೇರಿ ದರ್ಶನಕ್ಕೆ ಜನ ಸಾಗರ!](https://mobiletime.in/2026/09/a-sea-of-people-for-the-darshan-of-sateri/): ವರ್ಷಕ್ಕೆ ಒಮ್ಮೆ ಮಾತ್ರ ಬಾಗಿಲು ತೆರೆದು ಭಕ್ತರಿಗೆ ದರ್ಶನ ನೀಡುವ ಕಾರವಾರದ ಹಣಕೋಣದಲ್ಲಿರುವ ಸಾತೇರಿ ದೇವಿ ಆರಾಧನೆಗೆ ಜನ ಸಾಗರವೇ ಹರಿದು ಬರುತ್ತಿದೆ. ಸೆ 18ರಿಂದ ಒಂದು ವಾರ ಮಾತ್ರ ದೇವಿ ದರ್ಶನಕ್ಕೆ ಅವಕಾಶ ಸಿಗಲಿದ್ದು, ಲಕ್ಷಾಂತರ ಭಕ್ತರು ಆಗಮಿಸಿ ದೇವರ ಹರಕೆ ತೀರಿಸುತ್ತಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಕಾರವಾರದ ಹಣಕೋಣದಲ್ಲಿರುವ ಸಾತೇರಿ ದೇವಾಲಯ ವರ್ಷಕ್ಕೆ ಒಮ್ಮೆ ಮಾತ್ರ ಬಾಗಿಲು ತೆರೆಯುತ್ತದೆ. ಇಲ್ಲಿ ಏಳು ದಿನಗಳ ಕಾಲ ಮಾತ್ರ ದೇವಿ ದರ್ಶನ ಭಾಗ್ಯ ದೊರೆಯುತ್ತದೆ. ಆಧ್ಯಾತ್ಮಿಕವಾಗಿ ಉತ್ತರ ಕನ್ನಡ ಜಿಲ್ಲೆ ಹಲವು ವೈಶಿಷ್ಟತೆಗಳನ್ನು ಹೊಂದಿದ್ದು, ಅದರಲ್ಲಿ ಮುಖ್ಯವಾಗಿ ಹಣಕೋಣ ಗ್ರಾಮದಲ್ಲಿರು ಸಾತೇರಿ ದೇವಾಲಯ ಭಕ್ತರ ಗಮನ ಸೆಳೆಯುತ್ತದೆ. ಶಕ್ತಿ ದೇವತೆಯಾಗಿರುವ ಸಾತೇರಿ ದೇವಿ ಪವಾಡಗಳನ್ನು ಅನೇಕರು ಅನುಭವಿಸಿದ್ದಾರೆ. 358 ದಿನ ಗರ್ಭಗುಡಿಯಲ್ಲೇ ಇರುವ ಶ್ರೀ ಸಾತೇರಿ ದೇವಿಯ ದೇವಸ್ಥಾನದ ಗರ್ಭಗುಡಿಯ ಬಾಗಿಲು ದೈವಿ ಚಮತ್ಕಾರ ಎನ್ನುವಂತೆ ತಾನಾಗಿಯೆ ತೆರೆಯಲ್ಪಡುತ್ತದೆ ಎನ್ನುವ ನಂಬಿಕೆಯಿದೆ. ಐತಿಹಾಸಿಕ ಹಿನ್ನೆಲೆಯಿಂದ ಕೂಡಿದ ದೇವಿಯ ಜಾತ್ರಾ ಮಹೋತ್ಸವದ ಆಚರಣೆ ಪರಂಪರೆಗಳೆಲ್ಲ ತೀರಾ ವಿಭಿನ್ನವಾಗಿದೆ. ಸಾತೇರಿ ದೇವಿಯ ದೇವಸ್ಥಾನದ ಸುತ್ತ ಸುಮಾರು ಐದು ದೇವಾಲಯ ಹಾಗೂ ಅದಕ್ಕೆ ಹೊಂದಿಕೊoಡಿರುವ ಗ್ರಾಮ ಪುರುಷ, ರಾಮನಾಥ, ಚಣಕಾದೇವಿ, ಮ್ಹಾಳಸಾ ನಾರಾಯಣಿ ದೇವಾಲಯ ಕಾಳಮೋರ ಚಣಕಭಕ್ತ, ಕಠೀಂದ್ರ, ಜೈಲ್ ಪುರುಷ ಮೊದಲಾದ ಗುಡಿಗಳಿವೆ. ಇಲ್ಲಿನ ಪರಿವಾರ ದೇವ ದೇವತೆಗಳ ದೇವಾಲಯ, ಗುಡಿಗಳಲ್ಲಿ ದೇವರ ಪ್ರತ್ಯೇಕ ಆಚರಣೆಗಳು ನೆರವೇರುತ್ತದೆ. ಅದರಂತೆ ಶ್ರೀ ಸಾತೇರಿ ದೇವಿಯ ವಾರ್ಷಿಕ ಮಹೋತ್ಸವ ಬಹು ವಿಜ್ರಂಭಣೆಯಿoದ ಆಚರಿಸಲಾಗುತ್ತಿದೆ. ಸಾತೇರಿ ದೇವಿಯ ವಾರ್ಷಿಕ ಆಚರಣೆ ಹಾಗೂ ಪರಂಪರೆಯ ಹಿಂದೆ ಪೌರಾಣಿಕ ಐತಿಹ್ಯವಿದೆ. ಹಣಕೋಣದ ಸಾತೇರಿ ಹಾಗೂ ಚಣಕಾದೇವಿ ಸಹೋದರಿಯರು. ಈ ದೇವಿಯರು ಪ್ರತ್ಯೇಕ ಕಡೆಗಳಲ್ಲಿ ನೆಲೆಸಿ, ಜನರ ರಕ್ಷಣೆಯಲ್ಲಿ ತೊಡಗಿಕೊಂಡಿದ್ದರು. ಹಣಕೋಣದಲ್ಲಿದ್ದ ಸಾತೇರಿ ದೇವಿ ತನ್ನ ಭಕ್ತರ ಕಷ್ಟಗಳನ್ನು ನಿವಾರಿಸಿ, ಸಹಾಯ ಸಹಕಾರ ಅಗತ್ಯವಿದ್ದರೆ ಭಕ್ತರ ಸಮ್ಮುಖದಲ್ಲಿ ಪ್ರತ್ಯಕ್ಷಳಾಗಿ ಸಹಕರಿಸುತ್ತಿದ್ದಳು. ಜನರಿಗೆ ಯಾವುದೇ ಮದುವೆ ಅಥವಾ ಇನ್ನಿತರ ಸಮಾರಂಭಗಳಿಗೆ ತೆರಳುವ ವೇಳೆಗೆ ಚಿನ್ನದಾಭರಣದ ಅಗತ್ಯವಿದ್ದರೆ ದೇವಿಯ ಬಳಿ ಬಂದು ಭಕ್ತಿಯಿಂದ ಕೇಳಿದರೆ ಬಂಗಾರದ ಆಭರಣಗಳು ಭಕ್ತರ ಮುಂದಿರುತ್ತಿದ್ದವು. ಆದರೆ ಅವುಗಳನ್ನು ನಿಗದಿತ ಸಮಯದ ನಂತರ ಪುನಃ ದೇವಿಗೆ ಮರಳಿಸಬೇಕಿತ್ತು. ಚಿನ್ನವನ್ನು ಮರಳಿಸದವರ ಪೀಳಿಗೆಯೂ ದೇವಿಯ ಅವಕೃಪೆಗೆ ಪಾತ್ರರಾಗಬೇಕಿತ್ತು ಎಂಬ ಕಥೆ ಇನ್ನೂ ಪ್ರಚಲಿತವಾಗಿದೆ. ಈಗ ದೇವಾಲಯ ಇರುವ ಸ್ಥಳದಲ್ಲೇ ದೇವಿ ನೆಲೆಸಿದ್ದಳು. ದೇವಾಲಯದ ಮುಂದೆ ಇರುವ ಬಾವಿಯ ನೀರನ್ನು ಉಪಯೋಗಿಸುತ್ತಿದ್ದಳು. ಒಮ್ಮೆ ದೇವಿ ಬಾವಿಯ ಪಕ್ಕದಲ್ಲಿ ಸ್ನಾನ ಮುಗಿಸಿ ಕೂದಲು ಬಾಚಿಕೊಳ್ಳುತ್ತಿದ್ದಾಗ ದುಷ್ಟನೊಬ್ಬ ದೇವಿಯ ಕಡೆಗೆ ವಕ್ರದೃಷ್ಟಿ ಬೀರಿ, ಮುನ್ನುಗ್ಗಿದಾಗ ಆಕೆ ಅದೃಶ್ಯಳಾದಳು. ಆತನಿಂದ ರಕ್ಷಣೆ ಪಡೆಯಲು ಪಕ್ಕದಲ್ಲಿದ್ದ ಬಾವಿಯಲ್ಲಿ ಹಾರಿದಳು. ಸಮೀಪದ ಬಾವಿಯಲ್ಲಿ ದೇವಿಯ ಪಾದುಕೆ, ಹಣಿಗೆ ಕಂಡವು. ಇದಾದ ಕೆಲ ದಿನಗಳ ನಂತರ ಊರಿನ ಹಿರಿಯ ವ್ಯಕ್ತಿಯೊಬ್ಬರ ಕನಸಿನಲ್ಲಿ ಕಾಣಿಸಿಕೊಂಡು ತಾನು ಅದೃಶ್ಯಳಾದ ಬಗ್ಗೆ ತಿಳಿಸಿದಳು. ವರ್ಷಕ್ಕೆ ಒಮ್ಮೆ ಮಾತ್ರ ಅಂದರೆ ದೇವಾಲಯದ ಬಾಗಿಲು ತೆರೆದು 7 ದಿನಗಳ ಕಾಲ ಮಾತ್ರ ತನ್ನ ದರ್ಶನ ನೀಡುವುದಾಗಿ ದೇವಿ ತಿಳಿಸಿದ್ದಳು. ತಾನು ನೆಲೆಸಿದ ಸ್ಥಳದಲ್ಲಿ ಗುಡಿ ನಿರ್ಮಿಸುವ ಬೇಡಿಕೆ ಇಟ್ಟಳು. ಅದಾದ ನಂತರ ಅಲ್ಲಿ ಗುಡಿ ನಿರ್ಮಾಣ ನಡೆದು, ಗ್ರಾಮಸ್ಥರೆಲ್ಲ ಸೇರಿ ದೇವಾಲಯ ಅಭಿವೃದ್ದಿ ನಡೆಸಿದರು. ಪ್ರತಿ ವರ್ಷ ಗಣೇಶ ಚತುರ್ಥಿಯ ನಾಲ್ಕು ದಿನದ ನಂತರ ಸಾತೇರಿ ದೇವಿಯ ದೇವಸ್ಥಾನದ ಬಾಗಿಲು ತೆರೆಯುತ್ತದೆ. ಏಳು ದಿನಗಳ ಕಾಲ ಇಲ್ಲಿ ಉತ್ಸವ ವಿಜೃಂಭಣೆಯಿoದ ನಡೆಯುತ್ತದೆ. ಈ ಜಾತ್ರೋತ್ಸವದಲ್ಲಿ ಲಕ್ಷಾಂತರ ಮಂದಿ ಭಾಗವಹಿಸುತ್ತಾರೆ. ಜಾತ್ರಾ ಮಹೋತ್ಸವದ ಏಳು ದಿನದ ಅವಧಿಯಲ್ಲಿ ಮಿರಾಶಿಗಳಿಗೆ ಪ್ರಥಮ ದರ್ಶನದ ಆದ್ಯತೆ. ಇಲ್ಲಿನ ಒಂದೊoದು ಸಮಾಜದವರಿಗೆ ಬೇರೆ ಬೇರೆ ಜವಾಬ್ದಾರಿವಹಿಸಲಾಗಿದೆ. ಆಚಾರಿ, ಗುನಗಿ, ದೇವಳಿ, ವಾಜಂತ್ರಿ, ಅಂಬಿ, ಹಾಗೂ ಪರಿಶಿಷ್ಟ ಜಾತಿಯರಿಗೆ ನೀಡಿದ ಜವಾಬ್ದಾರಿಯನ್ನು ಪುರಾತನ ಕಾಲದಿಂದಲೂ ನಿರ್ವಹಿಸಿಕೊಂಡು ಬರುತ್ತಿದ್ದಾರೆ. ಆಯಾ ಆಚರಣೆ ಸಂದರ್ಭದಲ್ಲಿ ಆಯಾ ಜವಾಬ್ದಾರಿಯ ಕಾರ್ಯವನ್ನು ಪುರಾತನ ಕಾಲದಿಂದಲೂ ಸಾಂಗವಾಗಿ ನೆರವೇರಿಸುತ್ತಿದ್ದಾರೆ. ದೇವಿಯ ಬಳಿ ಹೇಳಿಕೊಂಡ ಸಮಸ್ಯೆಗಳು ನಿವಾರಣೆಯಾದ ಮೇಲೆ ದೇವಿಗೆ ಹರಕೆ ಸಲ್ಲಿಸುವ ವಾಡಿಕೆ ಪುರಾತನ ಕಾಲದಿಂದಲೂ ನಡೆದುಕೊಂಡು ಬಂದಿದೆ. ದೇವಿಯ ದರ್ಶನ ಪಡೆಯಲು ಕರ್ನಾಟಕ, ಗೋವಾ, ಮಹಾರಾಷ್ಟç ಸೇರಿದಂತೆ ಇನ್ನಿತರ ಪ್ರದೇಶದಿಂದ ಭಕ್ತರು ಆಗಮಿಸಿತ್ತಾರೆ. ಗ್ರಾಮದಲ್ಲಿ ಯಾವುದೇ ಪ್ರಮಾಣ ಮಾಡುವುದಿದ್ದರೂ ಸಾತೇರಿ ದೇವಿಯ ಮುಂದೆ ಮಾಡಲಾಗುತ್ತದೆ.  
- [ಕದ್ದು ಮುಚ್ಚಿ ಸರಾಯಿ ಮಾರಾಟ!](https://mobiletime.in/2026/09/clandestine-sale-of-liquor/): ಕಾರವಾರದ ಕೋಡಿಬೀರ ದೇವಸ್ಥಾನ ಬಳಿ ಬಾಲಚಂದ್ರ ಹರಿಕಂತ್ರ ಅವರು ಕದ್ದು ಮುಚ್ಚಿ ಸರಾಯಿ ಮಾರುತ್ತಿದ್ದಾರೆ. ಗೋವಾದಲ್ಲಿ ಕಡಿಮೆ ಬೆಲೆಗೆ ಸಿಗುವ ಸರಾಯಿ ತರುವ ಅವರು ಇಲ್ಲಿ ಅದನ್ನು ದುಪ್ಪಟ್ಟು ದರಕ್ಕೆ ಮಾರಾಟ ಮಾಡುತ್ತಾರೆ. ಕೋಡಿಬೀರ ದೇವಸ್ಥಾನದ ಬಳಿ ಕೋಣೆವಾಡದಲ್ಲಿ ಬಾಲಚಂದ್ರ ಪಾಂಡುರoಗ ಹರಿಕಂತ್ರ ಅವರು ವಾಸವಾಗಿದ್ದಾರೆ. 58 ವರ್ಷದ ಅವರು ಆಗಾಗ ಕೂಲಿ ಕೆಲಸಕ್ಕೆ ಹೋಗುತ್ತಿದ್ದು, ಅದರೊಂದಿಗೆ ಅಕ್ರಮ ಸರಾಯಿ ಮಾರಾಟವನ್ನೇ ಮುಖ್ಯ ಕಸುಬು ಮಾಡಿಕೊಂಡಿದ್ದಾರೆ. ಈ ದಿನವೂ ಅವರು 13050ರೂಪಾಯಿ ಮೌಲ್ಯದ 38 ಲೀಟರ್ ಗೋವಾ ಸರಾಯಿಯನ್ನು ತಮ್ಮ ದಾಬಾ ದಾಸ್ತಾನು ಮಾಡಿಕೊಂಡಿದ್ದು, ಪೊಲೀಸರು ಅದನ್ನು ಜಪ್ತು ಮಾಡಿದ್ದಾರೆ. ಗೋವಾದಲ್ಲಿ ಮಾತ್ರ ಮಾರಾಟಕ್ಕೆ ಅನುಮತಿಯಿರುವ ಬಗೆ ಬಗೆಯ ಮದ್ಯವನ್ನು ಬಾಲಚಂದ್ರ ಹರಿಕಂತ್ರ ಅವರು ಶೇಖರಿಸಿಕೊಂಡಿರುವ ಬಗ್ಗೆ ಕಾರವಾರ ಪೊಲೀಸ್ ನಿರೀಕ್ಷಕಿ ಜಯಶ್ರೀ ಮಾನೇ ಅವರಿಗೆ ಮಾಹಿತಿ ಸಿಕ್ಕಿದೆ. ಹೀಗಾಗಿ ಅವರು ತಮ್ಮ ತಂಡದ ಜೊತೆ ಅಲ್ಲಿ ದಾಳಿ ಮಾಡಿದ್ದಾರೆ. ಆಗ, ಬಾಲಚಂದ್ರ ಹರಿಕಂತ್ರ ಅವರು ವಿಸ್ಕಿ, ಫೆನ್ನಿ, ಓಲ್ಡ್ಮಂಕ್ ಸೇರಿ ಬೇರೆ ಬೇರೆ ಬಾಟಲಿಗಳ ಜೊತೆ ಸಿಕ್ಕಿ ಬಿದ್ದಿದ್ದಾರೆ. ಸರ್ಕಾರಕ್ಕೆ ವಂಚಿಸಿ ಅದನ್ನು ಮಾರಾಟ ಮಾಡಿದ ಕಾರಣ ಬಾಲಚಂದ್ರ ಹರಿಕಂತ್ರ ಅವರ ವಿರುದ್ಧ ಪೊಲೀಸರು ಕೇಸು ದಾಖಲಿಸಿದ್ದಾರೆ.
- [ಮರ ಕಡಿತ: ದೂರು ಕೊಟ್ಟವನಿಗೆ ಥಳಿತ!](https://mobiletime.in/2026/09/tree-felling-complainant-assaulted/): ಅಕೆಶಿಯಾ ಮರ ಕಡಿದ ಬಗ್ಗೆ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ ಕಾರಣ ಗೋಕರ್ಣ ಬಳಿಯ ಬಿದ್ರಿಗೇರಿಯ ರಾಯಪ್ಪ ಗೌಡ ಅವರಿಗೆ ಐದು ಜನ ಸೇರಿ ಹೊಡೆದಿದ್ದಾರೆ. ಆ ನೋವು ಸಹಿಸಿಕೊಳ್ಳದ ರಾಯಪ್ಪ ಗೌಡ ಅವರು ಹೊಡೆದವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಕುಮಟಾದ ಗೋಕರ್ಣ ಬಳಿಯ ಬಿದ್ರಿಗೇರಿಯಲ್ಲಿ ರಾಯಪ್ಪ ಬೀರಾ ಗೌಡ ಅವರು ವಾಸವಾಗಿದ್ದಾರೆ. ಕುಮಟಾ ಬಾವಿಕೊಡ್ಲದ ರವಿ ಮಾದೇವ ಗೌಡ, ನವೀನ ಮಾದೇವ ಗೌಡ, ಚಂದ್ರು ಓಮು ಗೌಡ, ಮಂಜು ಓಮು ಗೌಡ, ಮಾದೇವ ಹೊನ್ನು ಗೌಡ ಅವರು ಅಕೆಶಿಯಾ ಕಡಿದು ತುಂಡರಿಸುತ್ತಿರುವ ಬಗ್ಗೆ ರಾಯಪ್ಪ ಗೌಡ ಅವರು ಅರಣ್ಯ ಇಲಾಖೆಯವರಿಗೆ ಹೇಳಿದ್ದಾರೆ. ಅರಣ್ಯ ಸಿಬ್ಬಂದಿ ಬಂದು ಪ್ರಕರಣ ಬಗೆಹರಿಸುವ ಮುನ್ನ ಸುಮ್ಮನಿರುವಂತೆ ಅವರು ಎದುರಾಳಿಗಳಿಗೆ ಸೂಚಿಸಿದ್ದಾರೆ. ಇದನ್ನು ಸಹಿಸದೇ ಆ ಐದು ಜನ ರಾಯಪ್ಪ ಗೌಡ ಅವರಿಗೆ ಹೊಡೆದಿದ್ದಾರೆ. ಕಡಿದ ಅಕೇಶಿಯಾ ಗಿಡಗಳನ್ನು ತುಂಡು ಮಾಡುವಾಗ ರಾಯಪ್ಪ ಗೌಡ ಅವರು ತಡೆದಿದ್ದು, ಆ ವೇಳೆ ಅಲ್ಲಿಯೇ ಇದ್ದ ಬಡಿಗೆಯಿಂದ ಅವರೆಲ್ಲರೂ ಬಡಿದಿದ್ದಾರೆ. ಕೈಯಿಂದಲೂ ರಾಯಪ್ಪ ಗೌಡ ಅವರಿಗೆ ಥಳಿಸಿದ್ದಾರೆ. ಜೊತೆಗೆ ಕೆಟ್ಟ ಶಬ್ದಗಳಿಂದ ಬೈದು ನಿಂದಿಸಿದ್ದಾರೆ. ಈ ಎಲ್ಲಾ ವಿಷಯವನ್ನು ರಾಯಪ್ಪ ಗೌಡ ಅವರು ಗೋಕರ್ಣ ಪೊಲೀಸರ ಬಳಿ ಹೇಳಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ನಡೆಸಿದ್ದಾರೆ.
- [ಮಟ್ಕಾ ವಿರುದ್ಧ ಪೊಲೀಸರ ಸಮರ](https://mobiletime.in/2026/09/polices-war-against-matka/): ಓಸಿ-ಮಟ್ಕಾ ವಿರುದ್ಧ ಸಮರ ಸಾರಿದ ಭಟ್ಕಳ ಪೊಲೀಸರು ಒಂದೇ ದಿನ ಹಲವು ಕಡೆ ದಾಳಿ ಮಾಡಿದ್ದಾರೆ. ಒಟ್ಟು ಆರು ಕಡೆ ಮಟ್ಕಾ ಆಡಿಸುವವರನ್ನು ಹಿಡಿದು ಕೇಸು ಹಾಕಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ಓಸಿ-ಮಟಕಾ ಜುಗಾರಾಟ ನಡೆಸುತ್ತಿದ್ದ ಆರೋಪದ ಮೇರೆಗೆ ಭಟ್ಕಳ ಗ್ರಾಮೀಣ ಹಾಗೂ ಶಹರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಆರು ಜನರ ವಿರುದ್ಧ ಪ್ರತ್ಯೇಕ ಪ್ರಕರಣಗಳು ದಾಖಲಾಗಿವೆ. ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಹಡೀಲ್-ಸಬ್ಬತ್ತಿ ನಿವಾಸಿ, ಕೂಲಿ ಕಾರ್ಮಿಕ ಪುಂಡಲೀಕ ಈರಪ್ಪ ನಾಯ್ಕ (42) ವಿರುದ್ಧ ಪ್ರಕರಣ ದಾಖಲಾಗಿದೆ. ಸಾರ್ವಜನಿಕರಿಂದ ಹಣ ಪಡೆದು ಅಂಕೆ-ಸAಖ್ಯೆಗಳ ಮೇಲೆ ಪಂಥ ಕಟ್ಟಿಸಿ ಓಸಿ ಜುಗಾರಾಟ ನಡೆಸುತ್ತಿದ್ದ ವೇಳೆ ಪೊಲೀಸರು ಆತನನ್ನು ವಶಕ್ಕೆ ಪಡೆದಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಅವರ ಬಳಿಯಿಂದ ಓಸಿ ಚೀಟಿ, ಬಾಲ್ ಪೆನ್ ಹಾಗೂ 210ರೂ ನಗದು ವಶಪಡಿಸಿಕೊಳ್ಳಲಾಗಿದೆ. ಈ ಸಂಬAಧ ಕರ್ನಾಟಕ ಪೊಲೀಸ್ ಕಾಯ್ದೆಯ ಕಲಂ 78(3)ರಡಿ ಪ್ರಕರಣ ದಾಖಲಿಸಲಾಗಿದೆ. ತಲಾಂದ ನಿವಾಸಿ, ಬೀಡಾ ವ್ಯಾಪಾರಿ ನಾಗರಾಜ ನಾರಾಯಣ ನಾಯ್ಕ (34) ಸಾರ್ವಜನಿಕರಿಂದ ಹಣ ಪಡೆದು ಓಸಿ-ಮಟಕಾ ಜುಗಾರಾಟ ನಡೆಸುತ್ತಿದ್ದ ಆರೋಪದ ಮೇರೆಗೆ ಸಿಕ್ಕಿಬಿದ್ದಿದ್ದು, ಅವರಿಂದ 510 ನಗದು ಹಾಗೂ ಜುಗಾರಾಟಕ್ಕೆ ಬಳಸುತ್ತಿದ್ದ ಸಲಕರಣೆಗಳನ್ನು ವಶಕ್ಕೆ ಪಡೆದಿದ್ದಾರೆ. ಮೂಡ ಶಿರಾಲಿ ನಿವಾಸಿ, ಪಾನಶಾಪ್ ಉದ್ಯೋಗಿ ಉದಯ ನಾಗಪ್ಪ ನಾಯ್ಕ (32) ವಿರುದ್ಧವೂ ಪ್ರಕರಣ ದಾಖಲಾಗಿದೆ. ಸಾರ್ವಜನಿಕ ಸ್ಥಳದಲ್ಲಿ ಓಸಿ-ಮಟಕಾ ಜುಗಾರಾಟ ನಡೆಸುತ್ತಿದ್ದ ವೇಳೆ ಅವರಿಂದ 520 ನಗದು ಹಾಗೂ ಜುಗಾರಾಟದ ಸಲಕರಣೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಜಾಲಿ ತಗ್ಗರಗೋಡ ನಿವಾಸಿ, ಪಾನಶಾಪ್ ಉದ್ಯೋಗಿ ಮಂಜುನಾಥ ನಾರಾಯಣ ನಾಯ್ಕ (40) ವಿರುದ್ಧ ಪ್ರಕರಣ ದಾಖಲಾಗಿದ್ದು, ಅವರಿಂದ 480 ನಗದು ಹಾಗೂ ಓಸಿ-ಮಟಕಾ ಜುಗಾರಾಟದ ಸಲಕರಣೆಗಳನ್ನು ವಶಕ್ಕೆ ಪಡೆಯಲಾಗಿದೆ. ಮಾವಿನಕುರ್ವೆ ಬೆಳ್ನೆ ನಿವಾಸಿ, ಬೀಡಾ ವ್ಯಾಪಾರಿ ಪ್ರಮೋದ ಗೋಯ್ದ ನಾಯ್ಕ (34) ವಿರುದ್ಧವೂ ಪ್ರಕರಣ ದಾಖಲಾಗಿದೆ. ಸಾರ್ವಜನಿಕ ರಸ್ತೆಯ ಬದಿಯಲ್ಲಿ ಓಸಿ-ಮಟಕಾ ಜುಗಾರಾಟ ನಡೆಸುತ್ತಿದ್ದ ವೇಳೆ ಅವರಿಂದ 500 ನಗದು ಹಾಗೂ ಜುಗಾರಾಟದ ಸಲಕರಣೆಗಳನ್ನು ವಶಪಡಿಸಿಕೊಳ್ಳಲಾಗಿದೆ ತಲಗೇರಿಯ ನಾಗರಾಜ ವೆಂಕಟಪ್ಪ ನಾಯ್ಕ ಅವರು ಮಟ್ಕಾ ಆಡಿಸುವಾಗ ಕೋಲಾ ಪ್ಯಾರಿಡೈಸ್ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಅವರಿಂದ ಪೊಲೀಸರು 820ರೂ ವಶಕ್ಕೆಪಡೆದಿದ್ದಾರೆ.
- [ಕೌಶಲ್ಯದ ಆಟ ಆಡಿದವರ ವಿರುದ್ಧ ಕೇಸು!](https://mobiletime.in/2026/09/case-filed-against-those-who-played-a-game-of-skill/): ಯಲ್ಲಾಪುರದ ಮಂಜುನಾಥ ನಗರದಲ್ಲಿ ಅಂದರ್ ಬಾಹರ್ ಆಡುತ್ತಿದ್ದವರ ಮೇಲೆ ಪಿಸೈ ಮಹಾವೀರ ಕಾಂಬಳೆ ಅವರು ದಾಳಿ ಮಾಡಿದ್ದು, ಪೊಲೀಸರನ್ನು ನೋಡಿದ ತೆಲಂಗಾರಿನ ಬಸವರಾಜ ಕಟ್ಟಿಮನಿ ಅವರು ಓಡಿ ಪರಾರಿಯಾಗಿದ್ದಾರೆ. ಮಂಜುನಾಥ ನಗರದ ದಶರಥ ಮಾಚಕನವರ್, ಗಣೇಶ ಕಟ್ಟಿಮನಿ, ಜಾನ್ಸನ್ ನ್ಯಪ್ಪನವರ್, LIC ಕಚೇರಿ ಬಳಿಯ ಮಂಜುನಾಥ ಬೋವಿವಡ್ಡರ್ ಹಾಗೂ ಮಚ್ಚಿಗಲ್ಲಿಯ ರಾಜೇಶ ಮೊದಲಿನಯರ್ ಅವರು ಸಿಕ್ಕಿಬಿದ್ದಿದ್ದಾರೆ. ಮಂಜುನಾಥ ನಗರದ ಕಾರ್ಮಿಕ ದಶರಥ ಮಾಚಪ್ಪ ಮಾಚಕನವರ್ ಅವರು ಸೆ 20ರಂದು ಕಾನೂನುಬಾಹಿರ ಕ್ರೀಡೆಯಾದ ಅಂದರ್-ಬಾಹರ್ ಆಡಲು ಸಮಾನ ಮನಸ್ಕರನ್ನು ಆಮಂತ್ರಿಸಿದ್ದರು. ಅದರ ಪ್ರಕಾರ ಮಂಜುನಾಥ ನಗರದ ಚಾಲಕ ಗಣೇಶ ಹನುಮಂತ ಕಟ್ಟಿಮನಿ, ಮಚ್ಚಿಗಲ್ಲಿಯ ಕಟ್ಟಡ ಕಾರ್ಮಿಕ ರಾಜೇಶ ಮಾಣಿಕ್ಯ ಮೊದಲಿಯರ್, ಎಲ್ ಐ ಸಿ ಕಚೇರಿ ಬಳಿಯ ಪೇಂಟಿAಗ್ ಕಾರ್ಮಿಕ ಮಂಜುನಾಥ ಅನಂತ ಬೋವಿವಡ್ಡರ್, ಮಂಜುನಾಥ ನಗರದ ಪೇಟಿಂಗ್ ಕಾರ್ಮಿಕ ಜಾನ್ಸನ್ ಚೆನ್ನಪ್ಪ ಇನ್ಯಪ್ಪನವರ್, ತೆಲಂಗಾರದ ಬಸವರಾಜ ಪಕ್ಕೀರಪ್ಪ ಕಟ್ಟಿಮನಿ ಅವರು ಆಗಮಿಸಿದ್ದರು. ಅವರೆಲ್ಲರೂ ಸೇರಿ ಮಂಜುನಾಥ ನಗರದ ಸಹ್ಯಾದ್ರಿ ಕೊ ಆಪರೇಟಿವ್ ಸೊಸೈಟಿಯ ಹಿಂದೆ ಕಾಸು ಕಟ್ಟಿ ಕಾನೂನುಬಾಹಿರ ಆಟವಾಡುತ್ತಿದ್ದರು. ಇಸ್ಪಿಟ್ ಎಲೆಗಳ ಮೇಲೆ ಹಣ ಹರಡಿಕೊಂಡಿದ್ದ ಅವರ ಬಗ್ಗೆ ವ್ಯಕ್ತಿಯೊಬ್ಬರು ಪೊಲೀಸರಿಗೆ ಫೋನ್ ಮಾಡಿದರು. ಪಿಸೈ ಮಹಾವೀರ ಕಾಂಬಳೆ ಅವರು ತಮ್ಮ ತಂಡದ ಜೊತೆ ಅಲ್ಲಿ ದಾಳಿ ಮಾಡಿದರು. ಪೊಲೀಸರನ್ನು ನೋಡಿದ ತೆಲಂಗಾರಿನ ಬಸವರಾಜ ಫಕ್ಕಿರಪ್ಪ ಕಟ್ಟಿಮನಿ ಅವರು ತಕ್ಷಣ ಅಲ್ಲಿಂದ ಓಡಿ ಪರಾರಿಯಾದರು. ಉಳಿದ ಐವರು ಓಡಲಾಗದೇ ಅಲ್ಲಿಯೇ ಕುಳಿತಿದ್ದು, ಪೊಲೀಸರು ಅವರೆಲ್ಲರನ್ನು ವಶಕ್ಕೆಪಡೆದರು. ಇಸ್ಪಿಟ್ ಆಟಕ್ಕೆ ಬಳಸಿದ್ದ ಎಲೆಗಳ ಜೊತೆ ಅಲ್ಲಿ ಹರಡಿಬಿದ್ದಿದ್ದ 4050ರೂ ಹಣವನ್ನು ವಶಕ್ಕೆಪಡೆದರು. ಓಡಿ ಹೋದವರನ್ನು ಸೇರಿಸಿ ಒಟ್ಟು ಆರು ಜನರ ವಿರುದ್ಧ ಕೇಸು ದಾಖಲಿಸಿದರು.
- [SIR ಮಾಹಿತಿ: ರಾಜಕಾರಣಿಗಳ ಜೊತೆ ಡೀಸಿ ಸಭೆ](https://mobiletime.in/2026/09/sir-information-dcs-meeting-with-politicians/): ಎಲ್ಲಾ ರಾಜಕೀಯ ಪಕ್ಷದ ಮುಖ್ಯಸ್ಥರ ಜೊತೆ ಮಂಗಳವಾರ ಡೀಸಿ ಕೆ ಲಕ್ಷ್ಮೀಪ್ರಿಯಾ ಅವರು ಸಭೆ ನಡೆಸಿದ್ದು, ಈ ಸಭೆಯಲ್ಲಿ SIR ಪ್ರಕ್ರಿಯೆಯ ಬಗ್ಗೆ ಅವರು ಮಾತನಾಡಿದ್ದಾರೆ. `ಸೆಪ್ಟೆಂಬರ್ ಅಂತ್ಯದ ಒಳಗೆ ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕ್ಕರಣೆಯ ಮ್ಯಾಪಿಂಗ್ ಆಗದಿರುವ ಹಾಗೂ ತಾರ್ಕಿಕ ವ್ಯತ್ಯಾಸ ಹೊಂದಿರುವ ಪ್ರಕರಣಗಳ ಮೊದಲ ನೋಟಿಸ್ ವಿಚಾರಣೆ ಪೂರ್ಣಗೊಳ್ಳಲಿದೆ’ ಎಂದು ಅವರು ಮಾಹಿತಿ ನೀಡಿದ್ದಾರೆ. `ಮ್ಯಾಪಿಂಗ್ ಆಗದಿರುವ ಹಾಗೂ ಮ್ಯಾಪಿಂಗ್‌ನಲ್ಲಿ ತಾರ್ಕಿಕ ವ್ಯತ್ಯಾಸ ಹೊಂದಿರುವ ಒಟ್ಟು 65,248 ಪ್ರಕರಣಗಳಲ್ಲಿ, ಈಗಾಗಲೇ 64,749 ನೋಟಿಸ್‌ಗಳನ್ನು ವಿತರಿಸಲಾಗಿದ್ದು, ಅವುಗಳಲ್ಲಿ ಇದುವರೆಗೆ 39,804 ಪ್ರಕರಣಗಳ ವಿಚಾರಣೆ ಪೂರ್ಣಗೊಂಡಿದೆ. 24,945 ಪ್ರಕರಣಗಳು ವಿಚಾರಣೆಗೆ ಬಾಕಿ ಇದ್ದು, ಸೆಪ್ಟಂಬರ್ ಅಂತ್ಯದೊಳಗೆ ಇವುಗಳ ವಿಚಾರಣೆ ಪೂರ್ಣಗೊಳಿಸಲಾಗುತ್ತದೆ’ ಎಂದವರು ಹೇಳಿದ್ದಾರೆ. `ಮರಣ ಹೊಂದಿರುವ ಅಥವಾ ದ್ವಿ-ನೋಂದಣಿ ಹೊಂದಿರುವ 85 ಪ್ರಕರಣಗಳು ಪತ್ತೆಯಾಗಿ’ ಎಂದವರು ಮಾಹಿತಿ ನೀಡಿದ್ದಾರೆ. `ಹಳಿಯಾಳ ಕ್ಷೇತ್ರದಲ್ಲಿ 14,012 ನೋಟಿಸ್‌ಗಳಲ್ಲಿ 8,907 ಪ್ರಕರಣಗಳ ವಿಚಾರಣೆ ಪೂರ್ಣಗೊಂಡಿದ್ದು, ಕಾರವಾರದಲ್ಲಿ 10,446 ನೋಟಿಸ್‌ಗಳಲ್ಲಿ 5881 ಪ್ರಕರಣ, ಕುಮಟಾದಲ್ಲಿ 8,344 ನೋಟಿಸ್‌ಗಳಲ್ಲಿ 4984 ಪ್ರಕರಣ, ಭಟ್ಕಳದಲ್ಲಿ 13,660 ನೋಟಿಸ್‌ಗಳಲ್ಲಿ 6889 ಪ್ರಕರಣ, ಶಿರಸಿಯಲ್ಲಿ 8,821 ನೋಟಿಸ್‌ಗಳಲ್ಲಿ 5428 ಪ್ರಕರಣ, ಯಲ್ಲಾಪುರದಲ್ಲಿ 9,965 ನೋಟಿಸ್‌ಗಳಲ್ಲಿ 7715 ಪ್ರಕರಣಗಳ ವಿಚಾರಣೆ ಪೂರ್ಣಗೊಂಡಿವೆ’ ಎಂದವರು ತಿಳಿಸಿದ್ದಾರೆ. `ಚುನಾವಣಾ ಆಯೋಗದ ನಿರ್ದೇಶನದಂತೆ ಹಕ್ಕು ಮತ್ತು ಆಕ್ಷೇಪಣೆಗಳನ್ನು ಸಲ್ಲಿಸಲು ಸೆ.23 ಕೊನೆಯ ದಿನಾಂಕವಾಗಿದು,್ದ ಅಂತಿಮ ಮತದಾರರ ಪಟ್ಟಿ ಅ 27ರಂದು ಪ್ರಕಟವಾಗಲಿದೆ’ ಎಂದವರು ಹೇಳಿದ್ದಾರೆ. `ಸೆ 19 ಮತ್ತು 20ರಂದು ನಡೆದ ಮತದಾರರ ವಿಶೇಷ ಆಂದೋಲನದಲ್ಲಿ ಮತದಾರರ ಪಟ್ಟಿಗೆ ಹೊಸದಾಗಿ ಸೇರ್ಪಡೆ ಮಾಡಿಕೊಳ್ಳಲು 2613 ಅರ್ಜಿಗಳು, ಆಕ್ಷೇಪಣೆಗಾಗಿ 89 ಮತ್ತು ತಿದ್ದುಪಡಿಗಾಗಿ 1395 ಅರ್ಜಿಗಳನ್ನು ಸ್ವೀಕರಿಸಲಾಗಿದೆ’ ಎಂದರು. `ಕರ್ನಾಟಕ ಪಶ್ಚಿಮ ಪದವೀಧರರ ಮತಕ್ಷೇತ್ರಕ್ಕೆ ಸಂಬAಧಿಸಿದAತೆ ಜಿಲ್ಲೆಯಲ್ಲಿ ಒಟ್ಟು 23 ಮತಗಟ್ಟೆಗಳನ್ನು ಗುರುತಿಸಲಾಗಿದ್ದು, 15732 ಮತದಾರರು ನೋಂದಣಿಯಾಗಿದ್ದಾರೆ, ಹೊಸದಾಗಿ ಸೇರ್ಪಡೆಗೆ ಬಯಸುವÀ ಮತದಾರರು ನಮೂನೆ-18ರಲ್ಲಿ ಅರ್ಜಿಗಳನ್ನು ಜಿಲ್ಲೆಯ ತಹಶೀಲ್ದಾರ್ ಹಾಗೂ ಸಹಾಯಕ ಮತದಾರರ ನೋಂದಣಾಧಿಕಾರಿ ಕಚೇರಿಗೆ ಸಲ್ಲಿಸಬಹುದು’ ಎಂದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಜಿಲ್ಲಾ ಬಿ.ಜೆ.ಪಿ. ಉಪಾಧ್ಯಕ್ಷ ಸಂಜಯ್ ಸಾಲುಂಕೆ, ಜೆ.ಡಿ.ಎಸ್. ಅಧ್ಯಕ್ಷ ಸೂರಜ್ ನಾಯ್ಕ ಸೋನಿ, ಕಾಂಗ್ರೆಸ್ ಪಕ್ಷದ ತಾಲೂಕು ಉಪಾಧ್ಯಕ್ಷ ಬಾಬು ಶೇಖ್, ಬ್ಲಾಕ್ ಅಧ್ಯಕ್ಷ ಅರವಿಂದ ಕಲಗುಟ್ಕರ್ ಹಾಗೂ ಚುನಾವಣಾ ಶಾಖೆಯ ತಹಸೀಲ್ದಾರ್ ಪ್ರಮೋದ್ ನಾಯ್ಕ ಇದ್ದರು.  
- [ಕಸ್ತೂರಿ ರಂಗನ್ ವರದಿಗೆ ಅಸಮಧಾನ: ಉತ್ತರ ಕನ್ನಡವನ್ನು ಗೋವಾಗೆ ಸೇರಿಸುವಂತೆ ಶಾಸಕರ ಅಭಿಪ್ರಾಯ!](https://mobiletime.in/2026/09/dissatisfaction-with-the-kasturirangan-report-mlas-opine-that-uttara-kannada-should-be-merged-with-goa/): ಉತ್ತರ ಕನ್ನಡ ಜಿಲ್ಲೆಯ ಉಸ್ತುವಾರಿ ಸ್ಥಾನ ತಪ್ಪಿಸಿಕೊಂಡ ಭಟ್ಕಳ-ಹೊನ್ನಾವರದ ಶಾಸಕ ಮಂಕಾಳು ವೈದ್ಯ ಅವರು `ಉತ್ತರ ಕನ್ನಡ ಜಿಲ್ಲೆಯನ್ನು ಗೋವಾಗೆ ಸೇರಿಸಿ’ ಎಂದು ಅಧೀವೇಶನದಲ್ಲಿ ಹೇಳಿದ್ದಾರೆ. `ಎಲ್ಲಾ ರೀತಿಯಲ್ಲಿಯೂ ಜಿಲ್ಲೆಗೆ ಅನ್ಯಾಯವಾಗುತ್ತಿದ್ದು, ನಾವು ಅಲ್ಲಿಯಾದರೂ ಬದುಕುತ್ತೇವೆ’ ಎಂದವರು ಹೇಳಿದ್ದಾರೆ. ಕಸ್ತೂರಿ ರಂಗನ್ ವರದಿ ಕುರಿತು ಉತ್ತರ ಕನ್ನಡ ಜಿಲ್ಲೆಯ ಜನಪ್ರತಿನಿಧಿಗಳಿಗೆ ಅಧಿವೇಶನದಲ್ಲಿ ಮಾತನಾಡಲು ಅವಕಾಶ ಸಿಕ್ಕಿದ್ದು, ಈ ವೇಳೆ ಮಂಕಾಳು ವೈದ್ಯ ಅವರು ಉತ್ತರ ಕನ್ನಡ ಜಿಲ್ಲೆಯನ್ನು ಕರ್ನಾಟಕದಿಂದಲೇ ಬೇರ್ಪಡಿಸುವ ಬಗ್ಗೆ ಹೇಳಿಕೆ ನೀಡಿದ್ದಾರೆ. `ಎಲ್ಲಿಯೂ ಬೇಡವಾದ ಯೋಜನೆಗಳನ್ನು ಉತ್ತರ ಕನ್ನಡಕ್ಕೆ ತರಲಾಗುತ್ತಿದೆ. ಸಮುದ್ರದ ಅಂಚಿಗೆ ಹೋದರೆ ಸಿ ಆರ್ ಜಡ್ ಸಮಸ್ಯೆ. ಈ ಕಡೆ ಬಂದರೆ ಅರಣ್ಯ ಸಮಸ್ಯೆ. ಬೇಡದ ಎಲ್ಲಾ ಯೋಜನೆಗಳ ಅನುಷ್ಠಾನ ಇಲ್ಲಿ ನಡೆಯುತ್ತಿದ್ದು, ನಮ್ಮನ್ನು ಗೋವಾಗೆ ಬಿಟ್ಟುಕೊಟ್ಟರೆ ಅಲ್ಲಿಯಾದರೂ ಬದುಕುತ್ತೇವೆ’ ಎಂದವರು ಹೇಳಿದ್ದಾರೆ. `ಈ ಹಿಂದೆ ಶಾಸಕನಾಗಿದ್ದ ಅವಧಿಂiÀiಲ್ಲಿಯೇ ನಾನು ಈ ವಿಷಯ ಪ್ರಸ್ತಾಪ ಮಾಡಿದ್ದೆ’ ಎಂದು ಮಂಕಾಳು ವೈದ್ಯ ಅವರು ನೆನಪಿಸಿದ್ದಾರೆ. ಯಲ್ಲಾಪುರ-ಮುಂಡಗೋಡು ವಿಧಾನಸಭಾ ಕ್ಷೇತ್ರದ ಶಾಸಕ ಶಿವರಾಮ ಹೆಬ್ಬಾರ್ ಅವರು ಕಸ್ತೂರಿರಂಗನ್ ವರದಿ ಜಾರಿಯಿಂದ ಉತ್ತರ ಕನ್ನಡ ಜಿಲ್ಲೆಯ ಅಭಿವೃದ್ಧಿ ಹಾಗೂ ಜನವಸತಿ ಪ್ರದೇಶಗಳ ಮೇಲೆ ಉಂಟಾಗಬಹುದಾದ ಸಮಸ್ಯೆಗಳ ಕುರಿತು ಪ್ರಸ್ತಾಪಿಸಿದರು. ಜನರ ಹಿತಾಸಕ್ತಿ ಹಾಗೂ ಅಭಿವೃದ್ಧಿಯ ದೃಷ್ಟಿಯಿಂದ ಕಸ್ತೂರಿರಂಗನ್ ವರದಿಯನ್ನು ಸಂಪೂರ್ಣವಾಗಿ ವಿರೋಧಿಸುವುದಾಗಿ ಅವರು ಸ್ಪಷ್ಟಪಡಿಸಿದರು. ಇದೇ ಸಂದರ್ಭದಲ್ಲಿ `ಪಂಚಾಯತ್ ರಾಜ್ ಹಾಗೂ ಗ್ರಾಮೀಣಾಭಿವೃದ್ಧಿ ಇಲಾಖೆಯು ಹೊರಡಿಸಿರುವ ಸರ್ಕಾರಿ ಭೂಮಿಯಲ್ಲಿರುವ ನಿವೇಶನಗಳನ್ನು ತೆರಿಗೆ ವ್ಯಾಪ್ತಿಯಿಂದ ಕೈಬಿಡುವ ಕುರಿತ ಆದೇಶವನ್ನು ಹಿಂಪಡೆಯಬೇಕು’ ಶಿವರಾಮ ಹೆಬ್ಬಾರ್ ಅವರು ಆಗ್ರಹಿಸಿದರು. ವಿಧಾನ ಪರಿಷತ್ ಸದಸ್ಯ ಗಣಪತಿ ಉಳ್ವೇಕರ್ ಅವರು ಸಹ `ಉತ್ತರ ಕನ್ನಡ ಜಿಲ್ಲೆಯ 600 ಗ್ರಾಮಗಳನ್ನು ಸೂಕ್ಷಪ್ರದೇಶ ಎಂದು ಗುರುತಿಸಿದ್ದು, ಅದರಿಂದ ಜನಜೀವನಕ್ಕೆ ತೊಂದರೆ ಆಗಲಿದೆ’ ಎಂದು ಹೇಳಿದರು. `ಕಸ್ತೂರಿ ರಂಗನ್ ವರದಿ ಜಾರಿ ಆದಲ್ಲಿ ಜಿಲ್ಲೆಗೆ ಕೈಗಾರಿಕೆಗಳು ಬರುವ ಹಾಗಿಲ್ಲ. ಅದರಿಂದ ಉದ್ಯೋಗ ಸಮಸ್ಯೆ ಎದುರಾಗಲಿದೆ’ ಎಂಬ ಆತಂಕವ್ಯಕ್ತಪಡಿಸಿದರು. ಮಾಜಿ ಸಚಿವ ಎಚ್ ಕೆ ಪಾಟೀಲ್ ಅವರು ವಿಧಾನಸೌಧದಲ್ಲಿ ಮಾತನಾಡಿದ್ದು, `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅರಣ್ಯ ಭೂಮಿ ಹೋರಾಟಗಾರ ರವೀಂದ್ರ ನಾಯ್ಕ ಅವರು ಜನ ಜಾಗೃತಿ ಮೂಡಿಸುತ್ತಿದ್ದು, ಅವರ ಕಾರ್ಯ ಪ್ರಶಂಸನೀಯ’ ಎಂದರು. `ಕಸ್ತೂರಿ ರಂಗನ್ ವರದಿಗೆ ವಿರೊಧಿಸಿ ಹೋರಾಟಗಾರರ ವೇದಿಕೆಯು ಸರ್ಕಾರಕ್ಕೆ ಸಲ್ಲಿಸಿದ ಶಿಪಾರಸ್ಸನ್ನು ಗಂಭೀರವಾಗಿ ಪರಿಗಣಿಸಬೇಕು’ ಎಂದವರು ಆಗ್ರಹಿಸಿದರು. `ಅರಣ್ಯ ಭೂಮಿ ಹಕ್ಕು ಹೋರಾಟದ ವೇದಿಕೆ ಹೋರಾಟವು ಇಂದು ಜನ ಚಳುವಳಿಯಾಗಿ ರೂಪುಗೊಂಡಿರುವುದು ಗಮನಾರ್ಹ ಅಂಶ . ಇಂತಹ ಹೋರಾಟದ ಯಶಸ್ಸಿನ ಹಿಂದೆ ಮಾಜಿ ಸ್ಪೀಕರ್ ಹಾಗೂ ಸಾಮಾಜಿ ಚಿಂತಕ ಕಾಗೋಡ ತಿಮ್ಮಪ್ಪ ಹಾಗೂ ವಿಶ್ರಾಂತ ನ್ಯಾಯ ಮೂರ್ತಿ ಎಚ್ ಎನ್ ನಾಗಮೋಹನದಾಸ ಅವರು ಸಾಕಷ್ಟು ಬೆಂಬಲಿಸುತ್ತೀರುವುದು ವಿಶೇಷ’ ಎಂದವರು ವಿವರಿಸಿದರು.
- [ಬೈಂದೂರು ಶಾಸಕರೂ ಮೀನುಗಾರರ ಪರ!](https://mobiletime.in/2026/09/byndoor-mla-also-stands-with-the-fishermen/): ಕಾರವಾರದ ಮೀನುಗಾರ ಮುಖಂಡ ದಿಲೀಪ ಅರ್ಗೇಕರ್ ಅವರ ಜೊತೆ ಬೈಂದೂರು ಶಾಸಕ ಗುರುರಾಜ ಗಂಟಿಹೊಳೆ ಅವರು ಫೋನ್ ಮೂಲಕ ಮಾತನಾಡಿದ್ದು, ಯಲ್ಲಾಪುರದ ಮಂಚಿಕೇರಿಯಲ್ಲಿ ಮೀನು ಹಾಗೂ ತರಕಾರಿ ಮಾರುವ ಮಹಿಳೆಯರ ಮೇಲೆ ಬೈಂದೂರು ಪುರಸಭೆ ಮುಖ್ಯಾಧಿಕಾರಿ ಅಜಯ ಭಂಡಾರ್ಕರ್ ಅವರು ನಡೆಸಿದ ದೌರ್ಜನ್ಯವನ್ನು ಖಂಡಿಸಿದ್ದಾರೆ. ಸರ್ಕಾರಿ ನೌಕರನಾಗಿ ಸಾರ್ವಜನಿಕರ ಜೊತೆ ಅನುಚಿತವಾಗಿ ವರ್ತಿಸಿದ ಅಜಯ ಭಂಡಾರ್ಕರ್ ಅವರ ವಿರುದ್ಧ ಕಠಿಣ ಕ್ರಮಕ್ಕೆ ಒತ್ತಾಯಿಸುವುದಾಗಿ ಗುರುರಾಜ ಗಂಟಿಹೊಳೆ ಅವರು ಹೇಳಿದ್ದಾರೆ. ಯಲ್ಲಾಪುರ ಮಂಚಿಕೇರೆ ಮೂಲದ ಅಜಯ ಗಣೇಶ ಭಂಡಾರ್ಕರ್ ಅವರು ಬೈಂದೂರು ಪುರಸಭೆಯ ಮುಖ್ಯಾಧಿಕಾರಿಯಾಗಿದ್ದಾರೆ. ಭಾನುವಾರದ ರಜೆ ಹಿನ್ನಲೆ ಅವರು ತಮ್ಮ ಕಚೇರಿ ಸಿಬ್ಬಂದಿ ಜೊತೆ ಊರಿಗೆ ಬಂದಿದ್ದು, ಇಲ್ಲಿ ಕುಡಿದು ರಂಪಾಟ ಮಾಡಿದ್ದಾರೆ. ಅಂಕೋಲಾ ಬೇಲಿಕೆರೆಯ ಸರಸ್ವತಿ ಕುಡ್ತಳಕರ್ ಅವರು ಯಲ್ಲಾಪುರದ ಮಂಚಿಕೇರೆಗೆ ಆಗಮಿಸಿ ಮೀನು ಮಾರಾಟ ಮಾಡುತ್ತಿದ್ದು, ಅವರ ಜೊತೆ ತರಕಾರಿ ಮಾರುತ್ತಿದ್ದ ಕೆರೆಹೊಸಳ್ಳಿಯ ಸೀತಾ ಲಮಾಣಿ ಅವರ ಮೇಲೆ ಅಜಯ ಭಂಡಾರ್ಕರ್ ಅವರು ದರ್ಪ ಮೆರೆದಿದ್ದಾರೆ. ಮಹಿಳೆಯರ ಮೈ ಮುಟ್ಟಿದ ಕಾರಣ ಊರಿನವರು ಅವರನ್ನು ಹಿಡಿದು ಥಳಿಸಿ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಕಾರವಾರದ ಜಯ ಕರ್ನಾಟಕ ಜನಪರ ವೇದಿಕೆ ಅಧ್ಯಕ್ಷ ದಿಲೀಪ ಅರ್ಗೇಕರ್ ಅವರು ಬೈಂದೂರು ಕ್ಷೇತ್ರದ ಶಾಸಕ ಗುರುರಾಜ ಗಂಟಿಹೊಳಿ ಅವರಿಗೆ ಫೋನ್ ಮಾಡಿ ಹೇಳಿದ್ದಾರೆ. `ತಮ್ಮ ಕ್ಷೇತ್ರದಲ್ಲಿ ಅಂಥ ಅಧಿಕಾರಿಯಿರುವುದರಿಂದ ಶಾಸಕರ ಹೆಸರಿಗೂ ಕಳಂಕಬರುವ ಸಾಧ್ಯತೆಯಿದ್ದು, ಕೂಡಲೇ ಆ ಅಧಿಕಾರಿಯನ್ನು ಅಮಾನತು ಮಾಡಬೇಕು’ ಎಂದು ದಿಲೀಪ ಅರ್ಗೇಕರ್ ಅವರು ಆಗ್ರಹಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಗುರುರಾಜ ಗಂಟಿಹೊಳಿ ಅವರು `ಈ ಬಗ್ಗೆ ಈಗಾಗಲೇ ಮಾಹಿತಿ ಬಂದಿದ್ದು, ತಪ್ಪಿತಸ್ಥರ ವಿರುದ್ಧ ಕ್ರಮ ಜರುಗಿಸುವಂತೆ ಪೊಲೀಸರಿಗೆ ಸೂಚಿಸಿದ್ದೇನೆ. ತಾನೂ ಸಂತ್ರಸ್ತ ಮಹಿಳೆಯರ ಪರವಾಗಿದ್ದೇನೆ’ ಎಂದು ಹೇಳಿದ್ದಾರೆ. `ನಿತ್ಯದ ದುಡಿಮೆಗಾಗಿ ಯಲ್ಲಾಪುರಕ್ಕೆ ಹೋಗಿದ್ದ ಮಹಿಳೆಯರ ಮೇಲೆ ಅಧಿಕಾರಿ ದರ್ಪ ತೋರಿರುವುದು ಸರಿಯಲ್ಲ. ಅದನ್ನು ಮೀನುಗಾರ ಸಮಾಜದವರು ಖಂಡಿಸುತ್ತಿದ್ದು, ಕ್ರಮ ಆಗದೇ ಇದ್ದರೆ ಪ್ರತಿಭಟನೆ ಅನಿವಾರ್ಯ’ ಎಂದು ದಿಲೀಪ ಅರ್ಗೇಕರ್ ಅವರು ಎಚ್ಚರಿಸಿದ್ದಾರೆ. ಮೀನುಗಾರ ಮಹಿಳೆಯರ ಪರವಾಗಿ ಧ್ವನಿಯಾದ ಶಾಸಕ ಗುರುರಾಜ ಗಂಟಿಹೊಳೆ ಅವರಿಗೂ ಕೃತಜ್ಞತೆ ಸಲ್ಲಿಸಿದ್ದಾರೆ.  
- [ಅಧಿಕಾರಿ ವಿರುದ್ಧ ಆಕ್ರೋಶ: ಮೀನು ಮಾರುವ ಮಹಿಳೆಗೆ ಉಳ್ವೇಕರ್ ಅಭಯ](https://mobiletime.in/2026/09/outrage-against-official-ulvekar-assures-support-to-fish-selling-woman/): ಯಲ್ಲಾಪುರದ ಮಂಚಿಕೇರಿಯಲ್ಲಿ ಅಂಕೋಲಾದ ಸರಸ್ವತಿ ಕುಡ್ತರಕರ್ ಅವರು ಮೀನು ಮಾರಾಟ ಮಾಡುತ್ತಿದ್ದು, ಅವರ ಮೇಲೆ ಬೈಂದೂರು ಪುರಸಭೆ ಮುಖ್ಯಾಧಿಕಾರಿ ಅಜಯ ಭಂಡಾರಕರ್ ಅವರು ದೌರ್ಜನ್ಯ ಎಸಗಿದ್ದಾರೆ. ರಜೆ ಹಿನ್ನಲೆ ಊರಿಗೆ ಬಂದಿದ್ದ ಅಜಯ ಭಂಡಾರಕರ್ ಅವರು ಕಂಠಪೂರ್ತಿ ಕುಡಿದು ಸರಸ್ವತಿ ಕುಡ್ತಕರ್ ಹಾಗೂ ಕೆರೆಹೊಸಳ್ಳಿಯ ಸೀತಾ ಲಮಾಣಿ ಅವರ ಜೊತೆ ಅನುಚಿತವಾಗಿ ವರ್ತಿಸಿದ್ದು, ಇದನ್ನು ನೋಡಿದ ಊರಿನ ಜನ ಅಜಯ ಭಂಡಾರಿ ಹಾಗೂ ಅವರ ಸ್ನೇಹಿತರೊಬ್ಬರಿಗೆ ಧರ್ಮದೇಟು ನೀಡಿದ್ದಾರೆ. ಅಜಯ ಅಜಯ ಭಂಡಾರಕರ್ ಅವರಿಂದ ಸಮಸ್ಯೆ ಅನುಭವವಿಸಿದ ಮಹಿಳೆಯರಿಬ್ಬರಿಗೆ ವಿಧಾನ ಪರಿಷತ್ ಶಾಸಕ ಗಣಪತಿ ಉಳ್ವೇಕರ್ ಅವರು ಧೈರ್ಯ ಹೇಳಿದ್ದಾರೆ. `ಸರ್ಕಾರಿ ನೌಕರನಾಗಿ ಸಾರ್ವಜನಿಕರ ಜೊತೆ ಅಸಭ್ಯವಾಗಿ ವರ್ತಿಸಿದ ಅಜಯ ಭಂಡಾರಕರ್ ಅವರ ವಿರುದ್ಧ ಕಾನೂನು ಕ್ರಮವಾಗಬೇಕು. ಮೀನು ಮಾರಾಟಗಾರ್ತಿ ಹಾಗೂ ತರಕಾರಿ ಮಾರುವ ಮಹಿಳೆ ಮೇಲೆ ದೌರ್ಜನ್ಯ ಎಸಗಿದವನನ್ನು ಶಿಕ್ಷಿಸಬೇಕು’ ಎಂದು ಗಣಪತಿ ಉಳ್ವೇಕರ್ ಅವರು ಹೇಳಿದ್ದಾರೆ. ಸಂತ್ರಸ್ತ ಮಹಿಳೆಗೆ ಫೋನ್ ಮಾಡಿದ ಅವರು `ನಿಮ್ಮೊಂದಿಗೆ ನಾವಿದ್ದೇವೆ’ ಎಂದು ಸಾಂತ್ವಾನ ಹೇಳಿದ್ದಾರೆ. ಜೊತೆಗೆ ಬೈಂದೂರು ಶಾಸಕ ಗುರುರಾಜ ಗಂಟಿಹೊಳೆ ಅವರ ಜೊತೆಯೂ ಮಾತನಾಡಿ, ಅವರ ಕ್ಷೇತ್ರದಲ್ಲಿ ಕೆಲಸ ಮಾಡುವ ಅಧಿಕಾರಿಯ ಅನುಚಿತ ವರ್ತನೆಯ ಬಗ್ಗೆ ವಿವರಿಸುವುದಾಗಿ ಗಣಪತಿ ಉಳ್ವೇಕರ್ ಅವರು ಹೇಳಿದ್ದಾರೆ. ಅಂಕೋಲಾ ಬೇಲಿಕೆರೆ ಸರಸ್ವತಿ ಅಶೋಕ ಕುಡ್ತರಕರ್ ಅವರು ಯಲ್ಲಾಪುರದ ಮಂಚಿಕೇರಿಗೆ ಆಗಮಿಸಿ, ಅಲ್ಲಿನ ಮಾಗೋಡು ಕ್ರಾಸಿನ ಬಳಿ ಮೀನು ಮಾರಾಟ ಮಾಡುತ್ತಾರೆ. ಅವರ ಜೊತೆ ಯಲ್ಲಾಪುರ ಕೆರೆಹೊಸಳ್ಳಿಯ ಸೀತಾ ಶಶಿಧರ ಲಮಾಣಿ ಅವರು ಅಲ್ಲಿಯೇ ತರಕಾರಿ ಮಾರಾಟ ಮಾಡುತ್ತಾರೆ. ಮಂಚಿಕೇರಿ ಮೂಲದ ಅಜಯ ಗಣೇಶ ಭಂಡಾರಕರ್ ಅವರು ಬೈಂದೂರು ಪುರಸಭೆ ಮುಖ್ಯಾಧಿಕಾರಿಯಾಗಿದ್ದು, ರಜೆ ಹಿನ್ನಲೆ ಅವರು ಊರಿಗೆ ಬಂದಾಗ ಈ ಮಹಿಳೆಯರ ಬಳಿ ಗಲಾಟೆ ಮಾಡಿದ್ದಾರೆ. ತಮ್ಮದೇ ಕಚೇರಿಯ ಸಿಬ್ಬಂದಿಯೊಬ್ಬರನ್ನು ಜೊತೆಗೆ ಕರೆತಂದಿದ್ದ ಅಜಯ ಭಂಡಾರಕರ್ ಅವರು ಸರಾಯಿ ಸೇವಿಸಿದ ಅಮಲಿನಲ್ಲಿ ಮಹಿಳೆಯರ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ. ಬುಟ್ಟಿಯಲ್ಲಿದ್ದ ಮೀನನ್ನು ನೆಲಕ್ಕೆ ಚೆಲ್ಲಿ ಹಾಳು ಮಾಡಿದಲ್ಲದೇ, ಆ ಮಹಿಳೆಯರಿಬ್ಬರನ್ನು ಅವರು ಕೆಟ್ಟದಾಗಿ ಬೈದು ನಿಂದಿಸಿದ್ದಾರೆ. ಜೊತೆಗೆ ಮಹಿಳೆಯರ ಮೇಲೆ ಕೈ ಮಾಡಿದ್ದಾರೆ. ಆಗ, ಊರಿನ ಜನ ಇದನ್ನು ಸಹಿಸದೇ ಅಜಯ ಭಂಡಾರಕರ್ ಹಾಗೂ ಅವರ ಸ್ನೇಹಿತನಿಗೆ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ನಂತರ ಆಗಮಿಸಿದ ಪೊಲೀಸರು ಪರಿಸ್ಥಿತಿ ನಿಭಾಯಿಸಿದ್ದು, ಈ ಎಲ್ಲಾ ಘಟನಾವಳಿಗಳ ಬಗ್ಗೆ ಸೀತಾ ಲಮಾಣಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಈ ಹಿನ್ನಲೆ ಆ `ಅಧಿಕಾರಿ ವಿರುದ್ಧ ಕ್ರಮವಾಗಬೇಕು’ ಎಂದು ಗಣಪತಿ ಉಳ್ವೇಕರ್ ಅವರು ಆಗ್ರಹಿಸಿದ್ದಾರೆ.
- [ಮಹಿಳೆ ಮೈ ಮುಟ್ಟಿದ ಸರ್ಕಾರಿ ಸಿಬ್ಬಂದಿ: ಸಾರ್ವಜನಿಕರಿಂದ ಗೂಸಾ!](https://mobiletime.in/2026/09/government-employee-touches-woman-thrashed-by-the-public/): ಕಂಠಪೂರ್ತಿ ಕುಡಿದಿದ್ದ ಸರ್ಕಾರಿ ಸಿಬ್ಬಂದಿಯೊಬ್ಬರು ಯಲ್ಲಾಪುರದ ಮಂಚಿಕೇರಿಯಲ್ಲಿ ಮೀನು ಮಾರುವ ಮಹಿಳೆಯೊಬ್ಬರ ಬಳಿ ಅನುಚಿತವಾಗಿ ವರ್ತಿಸಿದ್ದು, ಇದನ್ನು ಸಹಿಸದ ಜನ ಆ ಸಿಬ್ಬಂದಿಗೆ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಸರ್ಕಾರಿ ಸಿಬ್ಬಂದಿಗೆ ಬೀಳುವ ಹೊಡೆತ ತಪ್ಪಿಸಲು ಹೋದ ಸ್ನೇಹಿತನಿಗೂ ಸಾಕಷ್ಟು ಒದೆ ಬಿದ್ದಿದೆ ಯಲ್ಲಾಪುರದ ಮಂಚಿಕೇರಿಯ ಮಾಗೋಡು ಕ್ರಾಸಿನ ಬಳಿ ಕೆಲವರು ಮೀನು ಹಾಗೂ ತರಕಾರಿ ಮಾರಾಟ ಮಾಡುತ್ತಿದ್ದಾರೆ. ಮಾಹಿತಿಗಳ ಪ್ರಕಾರ, ಬೇರೆ ಜಿಲ್ಲೆಯಲ್ಲಿ ಪಟ್ಟಣ ಪಂಚಾಯತ ಸಿಬ್ಬಂದಿಯಾಗಿರುವ ಅಜಯ ಗಣೇಶ ಭಂಡಾರ್ಕರ್ ಅವರು ಸೋಮವಾರ ಆ ಮಹಿಳಾ ವ್ಯಾಪಾರಿಗಳ ಬಳಿ ಅನುಚಿತವಾಗಿ ವರ್ತಿಸಿದ್ದಾರೆ. ಪುಕ್ಕಟ್ಟೆ ಮೀನು ಕೊಡುವಂತೆ ದುಂಬಾಲು ಬಿದ್ದ ಅವರು ಅದನ್ನು ಕೊಡದ ಕಾರಣ ಬುಟ್ಟಿಯಲ್ಲಿದ್ದ ಮೀನುಗಳನ್ನು ಚೆಲ್ಲಿದ್ದಾರೆ. ತರಕಾರಿ ಮಾರಾಟ ಮಾಡುವ ಮಹಿಳೆಯನ್ನು ಸಹ ಕೆಟ್ಟದಾಗಿ ನಿಂದಿಸಿದ್ದಾರೆ. ಸರಾಯಿ ಸೇವಿಸಿ ಅಲ್ಲಿಗೆ ಆಗಮಿಸಿದ್ದ ಸರ್ಕಾರಿ ಸಿಬ್ಬಂದಿಯನ್ನು ಸಾರ್ವಜನಿಕರು ತರಾಠೆಗೆ ತೆಗೆದುಕೊಂಡಿದ್ದಾರೆ. ನಂತರ ಮಾತು ತಿರುಗಿಸಿದ ಸರ್ಕಾರಿ ಸಿಬ್ಬಂದಿ `ಇಲ್ಲಿ ಮೀನು ಮಾರುವ ಹಾಗಿಲ್ಲ’ ಎಂದು ಕಾಯ್ದೆ ಮಾತನಾಡಿದ್ದಾರೆ. ಈ ವೇಳೆ ತಮ್ಮ ತಪ್ಪು ಒಪ್ಪಿಕೊಂಡ ಆ ಸಿಬ್ಬಂದಿ ನಷ್ಟ ಭರಿಸಿಕೊಡುವುದಾಗಿ ಭರವಸೆ ನೀಡಿದ್ದಾರೆ. ಆದರೆ, ಈ ವೇಳೆ ನಡೆದ ಮಾತಿನ ಚಕಾಮಕಿ ವಿಕೋಪಕ್ಕೆ ತಿರುಗಿದ್ದು, ಅಜಯ ಭಂಡಾರ್ಕರ್ ಅವರು ಮೀನು ಮಾರುವ ಮಹಿಳೆ ಮೇಲೆ ಕೈ ಮಾಡಿದ್ದಾರೆ. ಸರಾಯಿ ಕುಡಿದು ಬಂದಿದಲ್ಲದೇ ಮಹಿಳೆ ಮೇಲೆ ಕೈ ಮಾಡಿದನ್ನು ಸಹಿಸದ ಸಾರ್ವಜನಿಕರು ಆ ಸಿಬ್ಬಂದಿ ಹಾಗೂ ಅವರ ಸ್ನೇಹಿತರನ್ನು ಹಿಡಿದು ಪ್ರಶ್ನಿಸಿದ್ದಾರೆ. ಈ ವೇಳೆ ಕೆರಳಿದ ಜನ ಅಜಯ ಭಂಡಾರ್ಕರ್ ಅವರಿಗೆ ಹಿಡಿದು ಹೊಡೆದಿದ್ದಾರೆ. ತಪ್ಪಿಸಲು ಬಂದ ಅವರ ಸ್ನೇಹಿತನಿಗೂ ಎರಡು ಏಟು ಹಾಕಿದ್ದಾರೆ. ಥಳಿತಕ್ಕೆ ಒಳಗಾಗಿದ್ದ ಮೀನು ಮಾರುವ ಮಹಿಳೆ ಸಹ ಅಜಯ ಭಂಡಾರ್ಕರ್ ಅವರ ಮೇಲೆ ಮುಗಿ ಬಿದ್ದಿದ್ದಾರೆ. ಈ ಎಲ್ಲಾ ದೃಶ್ಯಾವಳಿಗಳು ಅಲ್ಲಿದ್ದ ಜನರ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ. ನಂತರ ಸಂತ್ರಸ್ತರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದು, ವಿಚಾರಣೆ ಮುಂದುವರೆದಿದೆ.  
- [ಹೋರಾಟಗಾರನಿಗೆ ಜೀವ ಭಯ!](https://mobiletime.in/2026/09/activist-fears-for-his-life/): ಸರ್ಕಾರಿ ಕಾಮಗಾರಿಗಳ ಕಳಪೆ ಗುಣಮಟ್ಟದ ಬಗ್ಗೆ ಲೋಕಾಯುಕ್ತರಿಗೆ ದೂರು ನೀಡಲು ಮುಂದಾಗಿದ್ದ ಹೊನ್ನಾವರ ಹೊಸಾಕುಳಿಯ ಎಚ್ ಆರ್ ಗಣೇಶ ಅವರಿಗೆ ಜೀವ ಬೆದರಿಕೆ ಬಂದಿದೆ. ತಡ ರಾತ್ರಿ ಬಿಳಿ ಬಣ್ಣದ ಇನೋವಾ ಹಾಗೂ ಕಪ್ಪು ಬಣ್ಣದ ಮಹೇಂದ್ರ ಥಾರ್’ನಲ್ಲಿ ಬಂದ ಐದು ಜನ ಅವರನ್ನು ಬೆದರಿಸಿದ್ದಾರೆ. ಹೊನ್ನಾವರ ಹೊಸಾಕುಳಿಯ ಹರ್ಬಾತ್‌ಕೇರಿಯಲ್ಲಿ ಎಚ್ ಆರ್ ಗಣೇಶ ಅವರು ವಾಸವಾಗಿದ್ದಾರೆ. ಸಾಮಾಜಿಕ ಕಾರ್ಯಕರ್ತರಾಗಿರುವ ಅವರು ಹೊಸಾಕುಳಿ ಗ್ರಾಮ ಪಂಚಾಯತ ಮಾಜಿ ಸದಸ್ಯರೂ ಆಗಿದ್ದಾರೆ. 2024ರಲ್ಲಿ ಹೊಸಾಕುಳಿ ಸೇವಾ ಸಹಕಾರಿ ಸಂಘದ ಚುನಾವಣೆಯಲ್ಲಿ ನಡೆದ ಅಕ್ರಮದ ಕುರಿತು ಅವರು ಸರ್ಕಾರಕ್ಕೆ ದೂರು ಸಲ್ಲಿಸಿದ್ದಾರೆ. ಆ ವಿಷಯವಾಗಿ ಎಚ್ ಆರ್ ಗಣೇಶ ಅವರು ಗಜನಕೇರಿ ಭಾಸ್ಕೇರಿಯ ಸುರೇಶ ಗಣಪತಿ ಶೆಟ್ಟಿ ಅವರ ದ್ವೇಷ ಕಟ್ಟಿಕೊಂಡಿದ್ದಾರೆ. ಸದ್ಯ ಹೊಸಾಕುಳಿಯಲ್ಲಿ ನಡೆದ ಸರ್ಕಾರಿ ಕಾಮಗಾರಿಗಳಲ್ಲಿನ ದೋಷಗಳ ಬಗ್ಗೆ ಎಚ್ ಆರ್ ಗಣೇಶ ಅವರಿಗೆ ಮಾಹಿತಿ ಬಂದಿದ್ದು, ಆ ಬಗ್ಗೆ ಲೋಕಾಯುಕ್ತರಿಗೆ ದೂರು ನೀಡುವ ಸಿದ್ಧತೆ ಮಾಡಿದ್ದಾರೆ. ಇದನ್ನು ಸಹಿಸದ ಸುರೇಶ ಶೆಟ್ಟಿ ಅವರು ತಮ್ಮ ತಂಡದೊoದಿಗೆ ಆಗಮಿಸಿ ಬೆದರಿಕೆ ಒಡ್ಡಿದ್ದಾರೆ. ಸೆಪ್ಟೆಂಬರ್ 3ರ ರಾತ್ರಿ 10.30ಕ್ಕೆ ಆರೋಳ್ಳಿಯ ಅಕ್ಕಿಶಂಭಟ್ಟರ ಮನೆ ತಿರುವಿನ ಬಳಿ ಸತೀಶ ಭಟ್ಟರ ಜೊತೆ ಮಾತನಾಡುತ್ತಿರುವಾಗ ಅಲ್ಲಿ ಬಿಳಿ ಬಣ್ಣದ ಇನೋವಾ ಕಾರು ಹಾಗೂ ಕಪ್ಪು ಬಣ್ಣದ ಮಹೇಂದ್ರ ಥಾರ್ ಆಗಮಿಸಿದೆ. ಆ ಕಾರಿನಲ್ಲಿ ಸುರೇಶ ಶೆಟ್ಟಿ, ಜೀವನ ಸುರೇಶ ಶೆಟ್ಟಿ ಅವರ ಜೊತೆ ಹೊಸಾಕುಳಿ ಸಣ್ಮನೆಯ ಕಿರಣ ಕೃಷ್ಣ ಹೆಗಡೆ, ಹರ್ಬಾತಕೇರಿಯ ಶೇಷಾ ಸುಬ್ರಾಯ ಹೆಗಡೆ, ಭಾಸ್ಕೇರಿ ಗುಡ್ಡೆಬಾಳದ ಗಣೇಶ ತಿಮ್ಮಣ್ಣ ಹೆಗಡೆ ಅವರು ಆಗಮಿಸಿದ್ದಾರೆ. ಅವರೆಲ್ಲರೂ ಸೇರಿ `ಸಂತೆಗುಳಿ ಶಾಲೆಯ ಕ್ರೀಡಾ ವೇದಿಕೆ ಬಳಿ ನಾಪತ್ತೆ ಮಾಡುವೆ’ ಎಂದು ಎಚ್ ಆರ್ ಗಣೇಶ ಅವರಿಗೆ ಬೆದರಿಸಿದ್ದಾರೆ. `ಈ ಹೆದರಿಕೆಗೆಲ್ಲ ಬಗ್ಗಲ್ಲ’ ಎಂದ ಎಚ್ ಆರ್ ಗಣೇಶ ಅವರು ಈ ವೇಳೆ ಜಗಳಕ್ಕೆ ಮುಂದಾಗಿದ್ದಾರೆ. ಎಚ್ ಆರ್ ಗಣೇಶ ಅವರ ಬೊಬ್ಬೆ ಕೇಳಿ ಅಲ್ಲಿ ಇನ್ನಷ್ಟು ಜನ ಜಮಾಯಿಸಿದ್ದು, ಇದನ್ನು ನೋಡಿ ಆ ಐದು ಜನ ಅಲ್ಲಿಂದ ಪರಾರಿಯಾಗಿದ್ದಾರೆ. ಅದಾದ ನಂತರ ಎಚ್ ಆರ್ ಗಣೇಶ ಅವರಿಗೆ ಪದೇ ಪದೇ ಫೋನ್ ಕಾಲ್ ಬರಲು ಶುರುವಾಗಿದೆ. ಒಟ್ಟು 11 ಬಾರಿ ಫೋನ್ ಮಾಡಿದವರು ಬೆದರಿಕೆ ಒಡ್ಡಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ಎಚ್ ಆರ್ ಗಣೇಶ ಅವರು ಕೋರ್ಟಿನಲ್ಲಿ ಹೇಳಿದ್ದಾರೆ. ಕೋರ್ಟಿನ ಸೂಚನೆ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಮೀನು ಹಿಡಿಯಲು ಹೋದವ ನೀರುಪಾಲು!](https://mobiletime.in/2026/09/man-who-went-fishing-swept-away-by-the-water/): ಅಘನಾಶಿನಿ ನದಿಯಲ್ಲಿರುವ ದೊಡ್ಡ ದೊಡ್ಡ ಮೀನುಗಳಿಗೆ ಗಾಳ ಹಾಕಲು ಹೋಗಿದ್ದ ಕುಮಟಾ ತದಡಿಯ ನಾಗನಾಥ ಲೋನೆ ಅವರು ನೀರಿಗೆ ಬಿದ್ದು ಸಾವನಪ್ಪಿದ್ದಾರೆ. ಒಂದುವರೆ ತಾಸಿನಲ್ಲಿ ಅವರ ಶವ ನೀರಿನಿಂದ ಮೇಲೆ ಬಂದಿದೆ. ಕುಮಟಾದ ತದಡಿ ಬೇಲಿಗದ್ದೆಯಲ್ಲಿ ನಾಗನಾಥ ಹರಿ ಲೋನೆ ಅವರು ವಾಸವಾಗಿದ್ದರು. 48 ವರ್ಷದ ಅವರು ಮೀನುಗಾರಿಕೆ ಮಾಡಿ ಅವರು ಬದುಕು ಕಂಡುಕೊAಡಿದ್ದರು. ಸೆಪ್ಟೆಂಬರ್ 20ರ ಸಂಜೆ 4 ಗಂಟೆಗೆ ಅವರು ತದಡಿಯ ಬಾಬಣ್ಣ ಶೆಡ್ಡಿನ ಬಳಿ ಹೋಗಿದ್ದರು. ಅಲ್ಲಿ ಮೀನು ಹಿಡಿಯಲು ಅವರು ಗಾಳ ಹಾಕಿದ್ದರು. ಈ ವೇಳೆ ಅವರು ಕಾಲು ಜಾರಿ ಕೆಳಗೆ ಬಿದ್ದರು. ನದಿ ನೀರಿನಿಂದ ಮೇಲೆಳಲು ಸಾಧ್ಯವಾಗದೇ ನಾಗನಾಥ ಲೋನೆ ಅವರು ಮುಳುಗಲು ಶುರು ಮಾಡಿದರು. ನೀರಿನೊಳಗೆ ಉಸಿರಾಡಲು ಆಗದೇ ಅವರು ಸಾವನಪ್ಪಿದರು. ಸಂಜೆ 5.30ರ ವೇಳೆಗೆ ಅವರ ಶವ ನದಿ ನೀರಿನಲ್ಲಿ ತೇಲುತ್ತಿತ್ತು. ಇದನ್ನು ನೋಡಿದ ಅವರ ಸಹೋದರ ದಿಲೀಪ ಹರಿ ಲೋನೆ ಅವರು ಪೊಲೀಸರಿಗೆ ಮಾಹಿತಿ ನೀಡಿದರು.
- [ನಾಲ್ಕು ದಿನದಲ್ಲಿ ಮೂರು ಚೀಲ ಅಡಿಕೆ ಮಾಯ!](https://mobiletime.in/2026/09/three-sacks-of-areca-nuts-vanish-in-four-days/): ಅಂಕೋಲಾ ಹಳವಳ್ಳಿಯಲ್ಲಿ ಅಡಿಕೆ ಕಳ್ಳತನವಾಗಿದೆ. ಪುನರ್ವಸತಿ ಕೇಂದ್ರದ ರಾಮಕೃಷ್ಣ ಹರಿಮನೆ ಅವರ ಒಡೆತನದಲ್ಲಿದ್ದ ಮೂರು ಚೀಲ ಅಡಿಕೆಯನ್ನು ಕಳ್ಳರು ದೋಚಿದ್ದಾರೆ. ಅಂಕೋಲಾದ ಡೋಂಗ್ರಿ ಗ್ರಾಮ ಪಂಚಾಯತ ವ್ಯಾಪ್ತಿಯ ಹಳವಳ್ಳಿ ಪುನರ್ವಸತಿ ಕೇಂದ್ರದಲ್ಲಿ ರಾಮಕೃಷ್ಣ ನರಸಿಂಹ ಹರಿಮನೆ ಅವರು ವಾಸವಾಗಿದ್ದಾರೆ. ಕೃಷಿಕರಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ತಾವು ಬೆಳೆದ ಅಡಿಕೆಯನ್ನು ಅವರು ಸಂಸ್ಕರಿಸಿ ಚೀಲದಲ್ಲಿ ತುಂಬಿಸಿದ್ದಾರೆ. ತಲಾ 71 ಕೆಜಿಯಂತೆ ಚೀಲ ತುಂಬಿಸಿ ಅದನ್ನು ತಮ್ಮ ಮನೆ ಹಿಂದಿನ ಗೋದಾಮಿನಲ್ಲಿ ದಾಸ್ತಾನು ಮಾಡಿದ್ದಾರೆ. ಅದನ್ನು ನೋಡಿದ ಕಳ್ಳರು ಅಲ್ಲಿದ್ದ ಅಡಿಕೆ ಕದ್ದು ಪರಾರಿಯಾಗಿದ್ದಾರೆ. ಸೆಪ್ಟೆಂಬರ್ 14ರ ಬೆಳಗ್ಗೆ 10ಗಂಟೆಯವರೆಗೂ ಅವರ ಗೋದಾಮಿನಲ್ಲಿದ್ದ ಎಲ್ಲಾ ಅಡಿಕೆಗಳು ಸರಿಯಾಗಿಯೇ ಇವೆ. ಸೆಪ್ಟೆಂಬರ್ 18ರ ಬೆಳಗ್ಗೆ 10ಗಂಟೆಗೆ ಗಮನಿಸಿದಾಗ ಮೂರು ಅಡಿಕೆ ಚೀಲ ಕಡಿಮೆ ಕಾಣಿಸಿದೆ. ಗೋದಾಮಿನ ಬಾಗಿಲ ಲಾಕ್ ಮುರಿದ ಕಳ್ಳರು ಒಳಗೆ ನುಗ್ಗಿ ಅಡಿಕೆ ಚೀಲ ಅಪಹರಿಸಿದ್ದಾರೆ. ಅದರಿಂದ ರಾಮಕೃಷ್ಣ ಹರಿಮನೆ ಅವರಿಗೆ 90 ಸಾವಿರ ರೂ ನಷ್ಟವಾಗಿದೆ. ಅಡಿಕೆ ಕದ್ದವರು ಯಾರು? ಎಂದು ರಾಮಕೃಷ್ಣ ಹರಿಮನೆ ಅವರಿಗೆ ಗೊತ್ತಾಗಿಲ್ಲ. ಊರಿನಲ್ಲಿ ಎಲ್ಲಾ ಕಡೆ ವಿಚಾರಿಸಿದರೂ ಕಳ್ಳರ ಸುಳಿವು ಸಿಕ್ಕಿಲ್ಲ. ಹೀಗಾಗಿ ಈ ಕಳ್ಳತನದ ಬಗ್ಗೆ ಅವರು ಅಂಕೋಲಾ ಪೊಲೀಸರಿಗೆ ದೂರಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದಾರೆ.
- [ಮುಖ್ಯಮಂತ್ರಿ ಮನಗೆದ್ದ ಹ್ಯಾಂಗ್ಯೋ ಐಸ್ ಕ್ರೀಂ!](https://mobiletime.in/2026/09/hangyo-ice-cream-wins-over-the-chief-minister/): ಯಲ್ಲಾಪುರದ ಕಿರವತ್ತಿಯಲ್ಲಿ ತಯಾರಿಸಲಾಗುವ ಹ್ಯಾಂಗ್ಯೋ ಐಸ್ ಕ್ರೀಂ ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರ ಮನ ಗೆದ್ದಿದೆ. ಹ್ಯಾಂಗ್ಯೋ ಕಂಪನಿ ಈಚೆಗೆ ಬಿಡುಗಡೆ ಮಾಡಿದ `ಬೆಳಗಾವಿ ಕುಂದಾ’ ಐಸ್ ಕ್ರೀಂ’ನ್ನು ಡಿಕೆ ಶಿವಕುಮಾರ ಅವರು ಸೇವಿಸಿದ್ದಾರೆ. ಮಂಗಳೂರಿನಲ್ಲಿ ನಡೆದ ಸಚಿವ ಸಂಪುಟ ಸಭೆಗೆ ಆಗಮಿಸಿದ್ದ ಡಿಕೆ ಶಿವಕುಮಾರ ಅವರಿಗೆ ಹ್ಯಾಂಗ್ಯೋ ಕಂಪನಿಯ ಮಾರುಕಟ್ಟೆ ವಿಭಾಗ ಮುಖ್ಯಸ್ಥ ರಾಕೇಶ ಕಾಮತ್ ಅವರು ಐಸ್ ಕ್ರೀಂ ವಿತರಿಸಿದ್ದಾರೆ. ಹೊಸ ಬಗೆಯ ಐಸ್ ಕ್ರೀಂ ನೋಡಿದ ಡಿಕೆ ಶಿವಕುಮಾರ ಅವರು ಅದರ ಬಗ್ಗೆ ಪ್ರಶ್ನಿಸಿದ್ದಾರೆ. ಪ್ರಸಿದ್ಧ ಬೆಳಗಾವಿ ಕುಂದಾ ಬಳಸಿ ಅದೇ ಪ್ಲೇವರಿನಿಂದ ಹ್ಯಾಂಗ್ಯೋ ಕಂಪನಿ ಐಸ್ ಕ್ರೀಂ ತಯಾರಿಸಿರುವುದಾಗಿ ಕಂಪನಿಯವರು ಮಾಹಿತಿ ನೀಡಿದ್ದಾರೆ. ಈ ಐಸ್ ಕ್ರೀಂ ಸ್ವಾದ ಅನುಭವಿಸಿದ ಡಿಕೆ ಶಿವಕುಮಾರ ಅವರು ಈ ಐಸ್ ಕ್ರೀಂ ಮೂಲಕ ಬೆಳಗಾವಿ ಕುಂದಾ ಸೇವಿಸಿದ ಅನುಭವಹಂಚಿಕೊAಡಿದ್ದಾರೆ. ಈಚೆಗೆ ಹೊಸದಾಗಿ ಈ ಐಸ್ ಕ್ರೀಂ ಮಾರುಕಟ್ಟೆಗೆ ಬಂದಿದೆ. ಯಲ್ಲಾಪುರದ ಕಿರವತ್ತಿಯ ಜೊತೆ ಇನ್ನಿತರ ಹ್ಯಾಂಗ್ಯೋ ಘಟಕದಲ್ಲಿಯೂ ಈ ಐಸ್ ಕ್ರೀಂ ಉತ್ಪಾದನೆ ನಡೆಯುತ್ತಿದೆ. ದೇಶದ ಎಲ್ಲಡೆ ಈ ಐಸ್ ಕ್ರೀಂ ಸರಬರಾಜು ನಡೆದಿದೆ.
- [ಅವರಿಗೆ ನಾಯಿಗಳ ನರಳಾಟವೇ ಮನರಂಜನೆ!](https://mobiletime.in/2026/09/for-those-officials-the-suffering-of-dogs-is-a-source-of-entertainment/): ದೊಡ್ಡ ಹುದ್ದೆ, ಕೈ ತುಂಬ ಸಂಬಳ, ಸುಖ ಸಂಸಾರ, ನೆಮ್ಮದಿಯ ಬದುಕಿದ್ದರೂ ತೃಪ್ತರಾಗದ ಹಳಿಯಾಳದ ಸಕ್ಕರೆ ಕಾರ್ಖಾನೆ ಅಧಿಕಾರಿಗಳು ಇದೀಗ ನಾಯಿಗಳ ಹಿಂದೆ ಬಿದ್ದಿದ್ದಾರೆ. ಬೀದಿಯಲ್ಲಿರುವ ನಾಯಿಗಳಿಗೆ ಹಿಂಸೆ ನೀಡುವ ಮೂಲಕ ಅವುಗಳ ನರಳಾಟದ ಸದ್ದು ಕೇಳಿ ಅಲ್ಲಿದ್ದವರು ಖುಷಿ ಪಡುತ್ತಿದ್ದಾರೆ! EID PARRY ಸಕ್ಕರೆ ಕಾರ್ಖಾನೆಯ ಯುನಿಟ್ ಹೆಡ್ ರಾಜೇಂದ್ರ ಆಚಾರಿ, ಡಿಜಿಎಂ ರಮೇಶ ರೆಡ್ಡಿ, H & T ವಿಭಾಗ ಮುಖ್ಯಸ್ಥ ಶಂಕರ ಅಗಡಿ, HR ನೀತಾ ಎಲ್ ಸೇರಿ ಈ ಕಾರ್ಯಾಚರಣೆಯ ರೂಪುರೇಷೆ ಸಿದ್ಧಪಡಿಸಿದ್ದಾರೆ. ನಾಯಿ ಹಿಡಿದು ಹೊಡೆಯುವ ಕೆಲಸಕ್ಕಾಗಿ ಈ ನಾಲ್ವರು 30 ಜನರ ತಂಡ ರಚಿಸಿದ್ದಾರೆ. ಬಾಗಲಕೋಟೆ ಜಿಲ್ಲೆಯ ಲೋಕಾಪುರದಿಂದ ನಾಯಿ ಹಿಡಿಯುವವರನ್ನು ಕರೆಯಿಸಿದ್ದಾರೆ. ಕಬ್ಬಿಣದ ರಾಡು, ಕೋಲು, ದೊಣ್ಣೆಗಳನ್ನು ಹಿಡಿದು ಅವರೆಲ್ಲರೂ `ಆಪರೇಶನ್ ಬೌ ಬೌ’ ಕಾರ್ಯಾಚರಣೆ ಮಾಡುತ್ತಿದ್ದಾರೆ. ಹಿಡಿದ ನಾಯಿಗಳನ್ನು ಮಹೇಂದ್ರ ಗೂಡ್ಸ್ ಒಳಗೆ ತುಂಬಿ ಅದಕ್ಕೆ ಎಲ್ಲರೂ ಸೇರಿ ಹಿಂಸೆ ನೀಡುತ್ತಾರೆ. ಈ ವೇಳೆ ನಾಯಿ ನರಳಾಡುವ ದೃಶ್ಯವನ್ನು ನೋಡಿ ಅವರೆಲ್ಲರೂ ಕೇಕೆ ಹಾಕುತ್ತಿದ್ದಾರೆ. ಅದಾದ ನಂತರ ಆ ನಾಯಿಗಳನ್ನು ಕಾಡಿಗೆ ಬಿಟ್ಟು ಬರುತ್ತಿದ್ದಾರೆ. ಕಳೆದ ಎರಡು ದಿನಗಳಿಂದ ಹಳಿಯಾಳದಲ್ಲಿ ಬೀದಿ ನಾಯಿಗಳನ್ನು ಹಿಡಿಯುವ ಕಾರ್ಯಾಚರಣೆ ನಡೆದಿದೆ. ಇಲ್ಲಿನ ಇಐಡಿ ಪ್ಯಾರಿ ಇಂಡಿಯಾ ಲಿಮಿಟೆಡ್ ಸಕ್ಕರೆ ಕಾರ್ಖಾನೆಯ ಅಧಿಕಾರಿಗಳ ಸೂಚನೆ ಮೇರೆಗೆ ಈ ಕಾರ್ಯಾಚರಣೆ ನಡೆಸಿರುವುದಾಗಿ ಕಾರ್ಮಿಕರು ಹೇಳಿಕೆ ನೀಡಿದ್ದಾರೆ. ನಾಯಿ ಹಿಡಿಯುವ ತಂಡದವರೊOದಿಗೆ ಸಕ್ಕರೆ ಕಾರ್ಖಾನೆಗೆ ಸಂಬoಧಿಸಿದವ್ಯಕ್ತಿಗಳು ಹೆಜ್ಜೆ ಹಾಕಿದ್ದು, ಅವರೆಲ್ಲರೂ ನಾಯಿ ಹಿಡಿಯುವ ವಿಧಾನ ವೈಜ್ಞಾನಿಕವಾಗಿಲ್ಲ. ಕಾನೂನಿನ ನಿಯಮಗಳನ್ನು ಸಹ ಅವರು ಪಾಲಿಸುತ್ತಿಲ್ಲ. ಪತ್ರಕರ್ತ ಹಾಗೂ ಪ್ರಾಣಿ ಪ್ರೇಮಿ ಯೋಗರಾಜ ಕಡಾರೆ ಅವರಿಗೆ ಈ ವಿಷಯ ಗೊತ್ತಾಗಿದೆ. ಕೂಡಲೇ ಅವರು ಕಾರ್ಯಾಚರಣೆ ನಡೆಯುವ ಜಾಗಕ್ಕೆ ಹೋಗಿ ಪ್ರಶ್ನಿಸಿದ್ದಾರೆ. ಸೆಪ್ಟೆಂಬರ್ 19 ಹಾಗೂ 20ರಂದು ಇಂಥಹದೊOದು ಕಾರ್ಯ ನಡೆದಿದ್ದರಿಂದ Prevention Of Cruelty To Animals Act 1960 ಕಾಯ್ದೆ ಉಲ್ಲಂಘನೆ ಆಗಿದೆ ಎಂದವರು ದೂರಿದ್ದಾರೆ. EID PARRY ಸಕ್ಕರೆ ಕಾರ್ಖಾನೆಯ ಅಧಿಕಾರಿಗಳ ಹೆಸರು-ಹುದ್ದೆ ವಿವರಿಸಿ ಅವರು ಪೊಲೀಸ್ ದೂರು ನೀಡಿದ್ದು, ನಾಯಿ ಹಿಡಿಯಲು ಹೋದವರ ವಿರುದ್ಧ ಹಳಿಯಾಳ ಪೊಲೀಸರು ಕೇಸು ದಾಖಲಿಸಿದ್ದಾರೆ.  
- [ಜನ ಸೇವೆಯ ಜೊತೆಯೇ ಜನಾರ್ಧನ ಸೇವೆ!](https://mobiletime.in/2026/09/service-to-the-people-is-service-to-janardhana/): ಗಣೇಶನ ದರ್ಶನಕ್ಕಾಗಿ ಯಲ್ಲಾಪುರದ ಉದ್ಯಮ ನಗರಕ್ಕೆ ಭೇಟಿ ನೀಡಿದ್ದ ಶಾಸಕ ಶಿವರಾಮ ಹೆಬ್ಬಾರ್ ಅವರು ಆ ಭಾಗದ ಸಮಸ್ಯೆಗಳ ಬಗ್ಗೆ ಅರಿತು ಅದಕ್ಕೆ ಪರಿಹಾರ ಕಲ್ಪಿಸುವ ಭರವಸೆ ನೀಡಿದ್ದಾರೆ. ಅಗತ್ಯವಿರುವ ಮೂಲಭೂತ ಸೌಕರ್ಯ ಕಲ್ಪಿಸುವುದಾಗಿ ಅವರು ಗಣೇಶ ಸನ್ನಿಧಿಯ ಮುಂದೆ ಘೋಷಿಸಿದ್ದಾರೆ. ಯಲ್ಲಾಪುರದ ಉದ್ಯಮ ನಗರದಲ್ಲಿ ಮೂರು ದಶಕಗಳಿಂದ ಅದ್ಧೂರಿ ಗಣೇಶೋತ್ಸವ ನಡೆಯುತ್ತಿದೆ. ಉದ್ಯಮ ನಗರದ ಯುವಕರೆಲ್ಲರೂ ಸೇರಿ ಒಗ್ಗಟ್ಟಿನಿಂದ ಇಲ್ಲಿ ಗಣೇಶ ಉತ್ಸವ ನಡೆಸುತ್ತಿದ್ದು, ಹಿರಿಯರ ಮಾರ್ಗದರ್ಶನದಲ್ಲಿ ಅಚ್ಚುಕಟ್ಟಾಗಿ ಕಾರ್ಯಕ್ರಮ ಸಂಘಟಿಸುತ್ತಿದ್ದಾರೆ. ಪ್ರತಿ ವರ್ಷದ ಹಾಗೇ ಈ ವರ್ಷವೂ ಉತ್ಸವದ ಅಂಗವಾಗಿ ವಿವಿಧ ಧಾರ್ಮಿಕ ಕಾರ್ಯಕ್ರಮ, ಮನರಂಜನಾ ಕಾರ್ಯಕ್ರಮಗಳನ್ನು ನಡೆಸಿದ್ದಾರೆ. ಪೂಜೆ, ಮಹಾಪೂಜೆ, ಗಣಹೋಮ, ರಸಮಂಜರಿ ಸೇರಿ ಅನೇಕ ಬಗೆಯ ಕಾರ್ಯಕ್ರಮಗಳು ಇಲ್ಲಿ ನಡೆದಿವೆ. ಅನೇಕ ಭಕ್ತರು ಈ ಕಾರ್ಯಕ್ರಮಗಳಲ್ಲಿ ಶ್ರದ್ಧಾಭಕ್ತಿಯಿಂದ ಭಾಗವಹಿಸಿದ್ದಾರೆ. ಗಣೇಶ ಹಬ್ಬದ ಹಿನ್ನಲೆ ಒಟ್ಟು 9 ದಿನಗಳ ಕಾಲ ಉದ್ಯಮನಗರದಲ್ಲಿ ಗಣಪತಿ ಕೂರಿಸಲಾಗುತ್ತದೆ. ಗಣೇಶ ಮೂರ್ತಿ ಕೂರಿಸಲು ತಾತ್ಕಾಲಿಕ ಶೆಡ್ ನಿರ್ಮಿಸಲಾಗಿದ್ದು, ಸುತ್ತಲಿನ ಪ್ರದೇಶದಲ್ಲಿ ಆಕರ್ಷಕ ದೀಪಾಲಂಕಾರವನ್ನು ಮಾಡಲಾಗಿದೆ. ಜೊತೆಗೆ ಗಣೇಶ ಉತ್ಸವ ಸಮಿತಿ ಸದಸ್ಯರೇ ಇಲ್ಲಿ ಗುಹೆ ಆಕಾರದ ಮಂಟಪ ರಚಿಸಿದ್ದಾರೆ. ಆ ಮಂಟಪ ಜನರನ್ನು ಆಕರ್ಷಿಸುತ್ತಿದೆ. ಈ ಬಾರಿ ಪರಿಸರಕ್ಕೆ ಹಾನಿ ಆಗದ ಹಾಗೇ ಮಣ್ಣಿನ ಗಣಪತಿಯ ಮೂರ್ತಿ ರಚಿಸಿ ಪೂಜಿಸಲಾಗುತ್ತಿದೆ. ದೇವಿ ದೇವಸ್ಥಾನ ಬಳಿಯ ಪ್ರಸಾದ ಗುನಗಾ ಅವರು ಗಣೇಶನ ಮೂರ್ತಿ ರಚಿಸಿಕೊಟ್ಟಿದ್ದಾರೆ. 30ನೇ ವರ್ಷದ ಗಣೇಶ ಉತ್ಸವಕ್ಕೆ ಸಮಿತಿ ಅಧ್ಯಕ್ಷ ಶ್ರೀನಿವಾಸ್ ಪಟಗಾರ ಅವರು ಶಾಸಕ ಶಿವರಾಮ ಹೆಬ್ಬಾರ್ ಅವರನ್ನು ಆಮಂತ್ರಿಸಿದ್ದಾರೆ. ಸಮಿತಿಯವರ ಕೋರಿಕೆ ಮೇರೆಗೆ ಶಾಸಕರು ಗಣೇಶ ಉತ್ಸವ ಮಂಟಪಕ್ಕೆ ತೆರಳಿ ದೇವರ ದರ್ಶನ ಮಾಡಿದ್ದಾರೆ. ಈ ವೇಳೆ ಸಮಿತಿಯ ಪ್ರಮುಖರಾದ ಪ್ರವೀಣ್ ರಾಯ್ಕರ್, ಸಾರ್ಥಕ್ ಅಸುಕರ್, ದೇವೇಂದ್ರ ದೇವಡಿಗ, ದರ್ಶನ್ ಪಟಣಕರ್, ಗಣೇಶ್ ಪಟಣಕರ್, ಸಾಗರ್ ದೇಶಭಂಡಾರಿ, ಮದನ್ ಶೆಟ್ಟಿ, ಮೋಹನ್ ದೇವಾಡಿಗ, ಸುದೀಪ್ ಕಬ್ಬರ್ಗಿ, ಅಭಿಷೇಕ ದೇವಾಡಿಗ, ವಿನಯ ಗುನಗಿ, ಸಂದೀಪ ಬಾಂದೇಕರ್, ಪ್ರಶಾಂತ ನಾಯಕ ಇತರರು ಸೇರಿ ಶಾಸಕರನ್ನು ಸನ್ಮಾನಿಸಿದ್ದಾರೆ. ಅದಾದ ನಂತರ ಗಣೇಶ ಉತ್ಸವ ನಡೆಸಲು ಶಾಶ್ವತ ಕಟ್ಟಡ ಅಗತ್ಯವಿರುವ ಬಗ್ಗೆ ವಿವರಿಸಿದ್ದಾರೆ. ಈ ವೇಳೆ ಶಿವರಾಮ ಹೆಬ್ಬಾರ್ ಅವರು ಶಾಶ್ವತ ಕಟ್ಟಡ ನಿರ್ಮಾಣದ ಭರವಸೆ ನೀಡಿದ್ದು, ಒಂದು ವಾರದೊಳಗೆ ಲಿಖಿತ ಮನವಿ ಸಲ್ಲಿಸುವಂತೆ ಸೂಚಿಸಿದ್ದಾರೆ. ಅದಾದ ನಂತರ ಕ್ಷೇತ್ರದಲ್ಲಿನ ಇನ್ನಿತರ ಸಮಸ್ಯೆಗಳ ಬಗ್ಗೆಯೂ ಶಿವರಾಮ ಹೆಬ್ಬಾರ್ ಅವರು ವಿಚಾರಿಸಿದ್ದಾರೆ. ಮೂಲಭೂತ ಸೌಕರ್ಯಕ್ಕೆ ಒತ್ತು ನೀಡುವುದಾಗಿ ಅವರು ಹೇಳಿದ್ದಾರೆ. ಸೆಪ್ಟೆಂಬರ್ 22ರಂದು ಉದ್ಯಮನಗರದ ಗಣೇಶ ಮೂರ್ತಿಯ ವಿಸರ್ಜನೆ ನಡೆಯಲಿದೆ.  
- [ಕಾರು ಇಲ್ಲ.. ಕಾಸು ಸಿಕ್ಕಿಲ್ಲ!](https://mobiletime.in/2026/09/no-car-no-money-received/): ಬನವಾಸಿ ಬಳಿಯ ಅಬ್ದುಲ್ ಶೇಖ್ ಅವರು ಸಾಲ ಮಾಡಿ ಸೆಕೆಂಡ್ ಹ್ಯಾಂಡ್ ಕಾರು ಖರೀದಿಸಿದ್ದು, ಸಾಲ ತೀರಿಸಲಾಗದ ಕಾರಣ ಆ ಕಾರನ್ನು ಬೇರೆಯವರಿಗೆ ಮಾರಿದ್ದಾರೆ. ಆದರೆ, ಆ ಕಾರು ಖರೀದಿಸಿದವರು ಸಹ ಸಾಲದ ಕಂತು ಪಾವತಿ ಮಾಡದೇ ಅಬ್ದುಲ್ ಶೇಖ್ ಅವರನ್ನು ಸಂಕಷ್ಟಕ್ಕೆ ಸಿಲುಕಿಸಿದ್ದಾರೆ. ಶಿರಸಿ ಬನವಾಸಿ ಬಳಿಯ ಅಂಡಗಿಯಲ್ಲಿ ಅಬ್ದುಲ್ ಹಮೀದ್ ಶೇಖ್ ಅವರು ವಾಸವಾಗಿದ್ದಾರೆ. ಅವರು ಶ್ರೀರಾಮ ಫೈನಾನ್ಸಿನಲ್ಲಿ 3 ಲಕ್ಷ ರೂ ಸಾಲ ಮಾಡಿ ಮಾರುತಿ ಇಕೋ ಕಾರು ಖರೀದಿಸಿದ್ದಾರೆ. ಆದರೆ, ಸಾಲದ ಕಂತು ಪಾವತಿ ಮಾಡಲು ಸಾಧ್ಯವಾಗದೇ ಅದನ್ನು ಮಾರಾಟಕ್ಕೆ ನಿರ್ಧರಿಸಿದ್ದಾರೆ. ತುಮಕೂರಿನ ರಾಮಕುಮಾರ ಎಚ್ ಆರ್ ಎಂಬಾತರು 3.75 ಲಕ್ಷ ರೂ ಕೊಟ್ಟು ಆ ಕಾರು ಖರೀದಿಗೆ ನಿರ್ಧರಿಸಿದ್ದಾರೆ. ನಡೆದ ಮಾತುಕಥೆ ಪ್ರಕಾರ ಆ ಕಾರು ಖರೀದಿಸಿದ ರಾಮಕುಮಾರ್ ಅವರು ಸಾಲದ ಕಂತು ಪಾವತಿಸುವ ಹೊಣೆ ಹೊತ್ತಿದ್ದಾರೆ. ಈ ಕುರಿತು 2025ರ ಡಿಸೆಂಬರ್ 11ರಂದು ಅಬ್ದುಲ್ ಶೇಕ್ ಹಾಗೂ ರಾಮಕುಮಾರ ಅವರ ನಡುವೆ ಕರಾರು ನಡೆದಿದೆ. ಆದರೆ, ಆ ಕಾರು ಖರೀದಿಸಿದ ರಾಮಕುಮಾರ್ ಅವರು ಸಾಲದ ಕಂತು ಸರಿಯಾಗಿ ಪಾವತಿ ಮಾಡಿಲ್ಲ. ಆ ಕಾರನ್ನು ಅವರು ಬೇರೆಯವರಿಗೆ ಮಾರಾಟ ಮಾಡಿದ್ದಾರೆ. ಆದರೆ, ದಾಖಲೆಗಳಲ್ಲಿ ಕಾರಿನ ಮಾಲಕತ್ವ ಅಬ್ದುಲ್ ಶೇಕ್ ಅವರ ಹೆಸರಿನಲ್ಲಿಯೇ ಮುಂದುವರೆದಿದೆ. ನಾಲ್ಕು ತಿಂಗಳ ಕಂತು ಬಾರದ ಕಾರಣ ಫೈನಾನ್ಸಿನವರು ಅಬ್ದುಲ್ ಶೇಖ್ ಅವರನ್ನು ವಿಚಾರಿಸಿದ್ದಾರೆ. ಸಾಲದ ಕಂತು ಪಾವತಿಯಾಗದ ಕಾರಣ ಅಬ್ದುಲ್ ಶೇಖ್ ಅವರು ರಾಮಕುಮಾರ ಅವರನ್ನು ವಿಚಾರಿಸಿದ್ದು, ಆಗ ರಾಮಕುಮಾರ ಅವರು `ಆ ಕಾರು ನಾನು ಮಾರಿದ್ದೇನೆ’ ಎಂದಿದ್ದಾರೆ. `ಕಂತು ಪಾವತಿಸುವುದಿಲ್ಲ. ನೀ ಏನಾದರೂ ಮಾಡಿಕೋ’ ಎಂದು ಉತ್ತರಿಸಿದ್ದಾರೆ. `ಕಾರು ಇಲ್ಲ. ಸಾಲವೂ ತೀರಿಲ್ಲ’ ಎಂಬ ಪರಿಸ್ಥಿತಿಗೆ ಒಳಗಾದ ಅಬ್ದುಲ್ ಶೇಖ್ ಅವರು ಈ ಕುರಿತು ಬನವಾಸಿ ಪೊಲೀಸರಲ್ಲಿ ಹೇಳಿಕೊಂಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ಶುರು ಮಾಡಿದ್ದಾರೆ.
- [ಕೌಟುಂಬಿಕ ಕಲಹ: ಕಳೆನಾಶಕ ಸೇವಿಸಿದ ಕಾರ್ಮಿಕ!](https://mobiletime.in/2026/09/domestic-dispute-worker-consumes-herbicide/): ಅಂಕೋಲಾ ಹಳವಳ್ಳಿಯ ಸುರೇಶ ನಾಯ್ಕ ಅವರ ತೋಟದ ಕೆಲಸ ಮಾಡಿಕೊಂಡಿದ್ದ ಮಂಜುನಾಥ ಕಲಾಲ್ ಅವರು ಸರಾಯಿಯಲ್ಲಿ ಕಳೆನಾಶಕ ಮಿಶ್ರಣ ಮಾಡಿ ಸೇವಿಸಿದ್ದಾರೆ. ಕಾರವಾರದ ಕಿಮ್ಸ್’ಗೆ ದಾಖಲಿಸಿದರೂ ಅವರನ್ನು ಬದುಕಿಸಲು ಸಾಧ್ಯವಾಗಿಲ್ಲ. ಅಂಕೋಲಾದ ಹಳವಳ್ಳಿಯಲ್ಲಿ ಶಯನ ಸುರೇಶ ನಾಯ್ಕ ಅವರು ವಾಸವಾಗಿದ್ದಾರೆ. ತಮ್ಮ ತೋಟದ ಕೆಲಸಕ್ಕಾಗಿ ಅವರು ಕಾರ್ಮಿಕರನ್ನು ಹುಡುಕುತ್ತಿದ್ದು, ಗದಗದ ಮಂಜುನಾಥ ದುರ್ಗಪ್ಪ ಕಲಾಲ್ ಅವರು ಪರಿಚಿತರಾಗಿದ್ದಾರೆ. ಮಂಜುನಾಥ ಕಲಾಲ್ ಅವರು ಶಯನ ನಾಯ್ಕ ಅವರ ಮನೆಯಲ್ಲಿಯೇ ಉಳಿದು ತೋಟದ ಕೆಲಸ ಮಾಡಿಕೊಂಡಿದ್ದು, ಕೌಟುಂಬಿಕ ಕಲಹದಿಂದ ಅವರು ಆತ್ಮಹತ್ಯೆಯ ನಿರ್ಧಾರ ಮಾಡಿದ್ದಾರೆ. ಪತ್ನಿ ಜೊತೆ ಜಗಳ ಮಾಡಿದ ಮಂಜುನಾಥ ಕಲಾಲ್ ಅವರು ಸೆಪ್ಟೆಂಬರ್ 16ರಂದು ಸರಾಯಿ ಜೊತೆ ಕೊಳೆನಾಶಕ ಸೇವಿಸಿದ್ದಾರೆ. ಅಸ್ವಸ್ಥಗೊಂಡ ಮಂಜುನಾಥ ಕಲಾಲ್ ಅವರನ್ನು ನೋಡಿದ ಜನ ಅವರನ್ನು ಕಾರವಾರಕ್ಕೆ ಕರೆದೊಯ್ದಿದ್ದಾರೆ. ಕಿಮ್ಸ್’ಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದ್ದಾರೆ. ಮೂರು ದಿನಗಳ ಕಾಲ ಆಸ್ಪತ್ರೆಯಲ್ಲಿದ್ದ ಮಂಜುನಾಥ ಕಲಾಲ್ ಅವರು ಆರೋಗ್ಯದಲ್ಲಿ ಚೇತರಿಕೆ ಕಾಣದೇ ಸಾವನಪ್ಪಿದ್ದಾರೆ. ಸೆಪ್ಟೆಂಬರ್ 19ರಂದು ಅವರು ಸಾವನಪ್ಪಿದ ಬಗ್ಗೆ ಶಯನ್ ನಾಯ್ಕ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಸತ್ತವರ ಹೆಸರಿನಲ್ಲಿಯೂ ಆಧಾರ್: ದಾಖಲೆ ಪರಿಶೀಲಿಸದೇ ಸಾಲ ನೀಡಿದ ಸೊಸೈಟಿ!](https://mobiletime.in/2026/09/aadhaar-used-even-in-the-names-of-the-deceased-society-granted-loans-without-verifying-documents/): ಅಂಕೋಲಾಗೆ ಮಾತ್ರ ಸೀಮಿತವಾಗಿದ್ದ ನಕಲಿ ಆಧಾರ್ ಕಾರ್ಡ ಸಿದ್ಧಪಡಿಸುವ ದಂಧೆ ಭಟ್ಕಳಕ್ಕೂ ವಿಸ್ತರಣೆಯಾಗಿದೆ. ಸತ್ತವರ ಹೆಸರಿನಲ್ಲಿ ಆಧಾರ್ ಕಾರ್ಡ ಸಿದ್ಧಪಡಿಸಿ ಇಲ್ಲಿಯೂ ಭೂಮಿ ಮಾರಾಟ ನಡೆದಿದೆ. ನಕಲಿ ಆಧಾರ್ ಕಾರ್ಡ ಸಿದ್ಧಪಡಿಸಿ ನಕಲಿ ವ್ಯಕ್ತಿಗಳ ಮೂಲಕ ಜಮೀನು ಮಾರಾಟ ಮಾಡಿಸುವ ದಂಧೆ ಅಂಕೋಲಾದಲ್ಲಿ ಜೋರಾಗಿತ್ತು. ಇಂಥ ಪ್ರಕರಣವೊಂದರ ದೂರು ಸ್ವೀಕರಿಸಿದ ಪೊಲೀಸರು ನೋಂದಣಾಧಿಕಾರಿ ಕಚೇರಿ ಸಿಬ್ಬಂದಿ ಸೇರಿ ಐವರನ್ನು ಬಂಧಿಸಿದ್ದರು. ಮತ್ತೊಂದು ಪ್ರಕರಣದಲ್ಲಿ ತಹಶೀಲ್ದಾರ್ ನಿಶ್ಚಲ್ ನರೋನಾ ಅವರು ದಸ್ತಾವೇಜು ನೋಂದಣಿ ರದ್ಧು ಮಾಡಿದ್ದರು. ಅದಾಗಿಯೂ, ಇನ್ನೂ ಅನೇಕ ಪ್ರಕರಣಗಳಿರುವ ಬಗ್ಗೆ ಮಾತುಗಳು ಕೇಳಿ ಬಂದಿದ್ದವು. ಅದರ ಬೆನ್ನಲ್ಲೆ ಇದೀಗ ಭಟ್ಕಳದಲ್ಲಿಯೂ ಸಾವನಪ್ಪಿದ ವ್ಯಕ್ತಿ ಹೆಸರಿನಲ್ಲಿ ನಕಲಿ ಆಧಾರ್ ಕಾರ್ಡ ಸಿದ್ಧಪಡಿಸಿ ಭೂಮಿ ದಸ್ತಾವೇಜು ನಡೆದ ಪ್ರಕರಣ ಹೊರಬಿದ್ದಿದೆ. ಭಟ್ಕಳ ಗುಡ್ ಲಕ್ ರಸ್ತೆಯ ಅಬುಉಬೈದಾ ಮಸೀದಿ ಬಳಿ ವಾಸಿಸುವ ನಸ್ರೀನ್ ಹನೀಪ್ ಶೇಖ್ ಅವರ ಕುಟುಂಬದ ಆಸ್ತಿ ಅನ್ಯರ ಪಾಲಾಗಿದೆ. ಕೇರಳ ಮೂಲದ ವ್ಯಕ್ತಿಯೊಬ್ಬರು ನಸ್ರೀನ್ ಅವರ ಕುಟುಂಬದ ಭೂಮಿಯನ್ನು ಖರೀದಿಸಿ ನಂತರ ಸ್ಥಳೀಯರೊಬ್ಬರಿಗೆ ಮಾರಾಟ ಮಾಡಿದ್ದಾರೆ. ಜೊತೆಗೆ ಆ ಭೂಮಿಯ ಮೇಲೆ 75 ಲಕ್ಷ ರೂ ಸಾಲವನ್ನುಪಡೆದಿದ್ದಾರೆ. ಮಾವಳ್ಳಿ ಗ್ರಾಮದ 602*1ರಲ್ಲಿ ನಸ್ರೀನ್ ಕುಟುಂಬದವರಿಗೆ 13ಗುಂಟೆ ಭೂಮಿಯಿದ್ದು, ಅದೇ ಭೂಮಿ ಕೇರಳದ ದೇವಶಿಸ್ ಎಂ ಎಂಬಾತರ ಹೆಸರಿಗೆ ನೋಂದಣಿ ಆಗಿದೆ. ಅದಾದ ನಂತರ ಮತ್ತೆ ಅದೇ ಭೂಮಿ ಮಾವಳ್ಳಿಯ ಚರ್ಚ ರಸ್ತೆಯ ಚಂದ್ರಹಿತ್ಲ ಬಳಿಯ ಹೆಲನ್ ಪ್ರಾನ್ಸಿಸ್ ಗೋಮ್ಸ್ ಎಂಬಾತರ ಹೆಸರಿಗೆ ನೋಂದಣಿ ಮಾಡಲಾಗಿದೆ. ಈ ಎರಡೂ ನೋಂದಣಿಗೆ ನಕಲಿ ಆಧಾರ್ ಕಾರ್ಡ ಬಳಕೆ ಆಗಿದೆ. ಈ ಭೂ ಅಕ್ರಮದಲ್ಲಿ ಭಟ್ಕಳ ಯಲ್ವೋಡಾಕೂರಿನ ಮಹಮದ್ ಎಬಿ ಇಬ್ರಾಹಿಂ, ನಾಗಪ್ಪ ನಾಯ್ಕ ರಸ್ತೆಯ ಬಿಜಿ ಉಲ್ಲಾ ಭಾಷಾ ಸಾಬ್ ಖಾಜಾ, ಮಾವಳ್ಳಿ-2 ದೇವಗಿರಿಯ ಪಾವ್ಲು ಸಾಲ್ವಧರ್ ಲುಯಿಸ್, ಹೊನ್ನಾವರ ಹಿರಾಳಿಯ ರಾಮಾ ನರಸಿಂಹ ನಾಯ್ಕ, ಮುರುಡೇಶ್ವರ ಮಾವಳ್ಳಿ ಬಳಿಯ ಸುನೀಲ್, ಮುರುಡೇಶ್ವರದ ಜಯಂತ್, ಮುರುಡೇಶ್ವರದ ಕೃಷ್ಣ, ಭಟ್ಕಳದ ಜಲಾನಿ, ಮುರುಡೇಶ್ವರದ ಲಕ್ಷಣ ನಾಗಪ್ಪ ಹರಿಕಂತ್ರ, ಮುರುಡೇಶ್ವರದ ಹಶಮ್ ಅಲ್ಲಾರೆ ಅವರು ಭಾಗಿಯಾಗಿದ್ದಾರೆ. ನಕಲಿ ದಾಖಲೆ ನೀಡಿ ನೋಂದಣಿ ಮಾಡಿದ ಭೂಮಿಯ ಮೇಲೆ ಹೊನ್ನಾವರದ ಕೆನರಾ ಮೈನಾರಿಟಿ ಕೋ ಆಪರೇಟಿವ ಸೊಸೈಟಿ ಸಾಲ ನೀಡಿದೆ. ಬಣಸಾಲೆ ಶಾಖೆಯ ಮೂಲಕ 75 ಲಕ್ಷ ರೂ ಸಾಲ ವಿತರಣೆಯಾಗಿದೆ. ನಕಲಿ ದಾಖಲೆ ನೀಡಿ ಭೂಮಿಪಡೆದ ವಂಚಕರು ತಮ್ಮನ್ನು ಭೂ ಮಾರಾಟಗಾರರ ಕುಟುಂಬದವರು ಎಂದು ಬಿಂಬಿಸಿಕೊAಡಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ನಸ್ರೀನ್ ಅವರು ಕುಟುಂಬದವರ ಜೊತೆ ಚರ್ಚಿಸಿ, ಪೊಲೀಸ್ ದೂರು ನೀಡಿದ್ದಾರೆ.
- [`ಮಾನಸಿಕ ನೆಮ್ಮದಿಗೆ ಕ್ರೀಡೆಯೂ ಮುಖ್ಯ'](https://mobiletime.in/2026/09/sports-are-also-important-for-mental-peace/): `ಕ್ರೀಡೆಯಿಂದ ಮಕ್ಕಳಲ್ಲಿನ ಮಾನಸಿಕ ಹಾಗೂ ದೈಹಿಕ ಸಾಮರ್ಥ್ಯ ಹೆಚ್ಚುತ್ತದೆ. ಸೋಲು ಗೆಲುವು ಎನ್ನುವುದಕ್ಕಿಂತ ಹೆಚ್ಚಾಗಿ ಕ್ರೀಡೆಯಲ್ಲಿ ಭಾಗವಹಿಸುವಿಕೆ ಮುಖ್ಯ’ ಎಂದು ಸ್ಕೊಡ್ ವೆಸ್ ಸಂಸ್ಥೆಯ ಕಾರ್ಯದರ್ಶಿ ಸರಸ್ವತಿ ಎನ್ ರವಿ ಅವರು ಹೇಳಿದ್ದಾರೆ. ಸ್ಕೊಡ್ ವೆಸ್ ಸಂಸ್ಥೆ ಹಾಗೂ ಬೆಂಗಳೂರಿನ ಟ್ರೆಲ್ಲೆಬೋರ್ಗ್ ಪ್ರೈ ಲಿ ಸಹಭಾಗಿತ್ವದಲ್ಲಿ ಶಿರಸಿ ನಗರದ ಲಯನ್ಸ್ ಶಾಲಾ ಸಭಾಭವನದಲ್ಲಿ ಆಯೋಜಿಸಲಾಗಿದ್ದ ಕ್ರೀಡಾ ಕಿಟ್ ವಿತರಣಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು `ಕ್ರೀಡಾ ತರಬೇತಿ ಯೋಜನೆಯಡಿಯಲ್ಲಿ ಶಿರಸಿ ಹಾಗೂ ಯೆಲ್ಲಾಪುರ ತಾಲೂಕಿನ ಸುಮಾರು 1500 ಪ್ರೌಢ ಶಾಲಾ ವಿದ್ಯಾರ್ಥಿಗಳಿಗೆ ವಿವಿಧ ಹಂತದಲ್ಲಿ ತರಬೇತಿ ನೀಡಲಾಗಿದೆ. ಶಿರಸಿ ತಾಲೂಕು ಮಟ್ಟದಿಂದ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿರುವ ಸುಮಾರು 250 ವಿದ್ಯಾರ್ಥಿಗಳಿಗೆ ಕ್ರೀಡಾ ಸಮವಸ್ತ್ರ, ಶೂ, ನೀರಿನ ಬಾಟಲಿ, ಪ್ರಥಮ ಚಿಕಿತ್ಸಾ ಪೆಟ್ಟಿಗೆ, ಬ್ಯಾಗ್ ಇತ್ಯಾದಿ ಅವಶ್ಯಕಗಳನ್ನೊಳಗೊಂಡ ಕ್ರೀಡಾ ಕಿಟ್ ಗಳನ್ನು ಉಚಿತವಾಗಿ ವಿತರಿಸಲಾಗುತ್ತಿದೆ. ಗ್ರಾಮೀಣ ಹಾಗೂ ಹಿಂದುಳಿದ, ಬುಡಕಟ್ಟು ವಿದ್ಯಾರ್ಥಿಗಳಿಗೂ ರಾಜ್ಯ, ರಾಷ್ಟ್ರ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತಮ್ಮ ಕ್ರೀಡಾ ಪ್ರತಿಭೆಯನ್ನು ಪ್ರದರ್ಶಿಸಲು ಪ್ರೋತ್ಸಾಹಿಸುವುದಕ್ಕೆ ಈ ಯೋಜನೆ ಜಾರಿಗೆ ತರಲಾಗಿದೆ’ ಎಂದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಲಯನ್ಸ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಪ್ರಭಾಕರ ಹೆಗಡೆ ಅವರು ಮಾತನಾಡಿ `ಶೈಕ್ಷಣಿಕ ಕ್ಷೇತ್ರದಲ್ಲಿ ಸಾಧನೆ ಮಾಡುವ ವಿದ್ಯಾರ್ಥಿಗಳಿಗೆ ಸಿಗುವ ಪ್ರೋತ್ಸಾಹ ಕ್ರೀಡಾ ಕ್ಷೇತ್ರದಲ್ಲಿ ಸಾಧನೆ ಮಾಡುತ್ತಿರುವ ವಿದ್ಯಾರ್ಥಿಗಳಿಗೆ ಸಿಗುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು. ಸ್ಕೊಡ್ ವೆಸ್ ಸಂಸ್ಥೆ ಮುಂದೆ ಬಂದು ಪ್ರೌಢಶಾಲಾ ಹಂತದಲ್ಲಿರುವ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ನೀಡುತ್ತಿರುವುದು ಶ್ಲಾಘನೀಯ’ ಎಂದರು. ಲಯನ್ಸ್ ಶಿಕ್ಷಣ ಸಂಸ್ಥೆಯ ಉಪಾಧ್ಯಕ್ಷರಾದ ಕೆ ಬಿ ಲೋಕೇಶ್ ಹೆಗಡೆ, ಜಂಟಿ ಕಾರ್ಯದರ್ಶಿ ವಿನಯ ಹೆಗಡೆ ಮಾತನಾಡಿದರು. ಲಯನ್ಸ್ ಪ್ರೌಢಶಾಲೆಯ ಮುಖ್ಯ ಶಿಕ್ಷಕ ಗಣಪತಿ ಗೌಡ, ಪ್ರೋಗ್ರೆಸಿವ್ ಪ್ರೌಢಶಾಲೆಯ ಮುಖ್ಯಶಿಕ್ಷಕ ದಿನೇಶ್ ನೇತ್ರೇಕರ್, ಮಾರಿಕಾಂಬಾ ಪ್ರೌಢಶಾಲೆಯ ದೈಹಿಕ ಶಿಕ್ಷಕ ಪ್ರಶಾಂತ ಗಾಂವ್ಕಾರ್, ಲಯನ್ಸ್ ಪ್ರೌಢಶಾಲೆಯ ದೈಹಿಕ ಶಿಕ್ಷಕ ನಾಗರಾಜ ಜೋಗಳೇಕರ್, ಡಾನ್ ಬಾಸ್ಕೊ ಪ್ರೌಢಶಾಲೆಯ ದೈಹಿಕ ಶಿಕ್ಷಕಿ ವಾಣಿಶ್ರೀ, ಸ್ಕೊಡ್ ವೆಸ್ ಸಂಸ್ಥೆಯ ವೀರೇಂದ್ರ ಉಪಸ್ಥಿತರಿದ್ದರು. ಸ್ಕೊಡ್ ವೆಸ್ ಸಂಸ್ಥೆಯ ಕಾರ್ಯಕ್ರಮ ವಿಭಾಗದ ಮುಖ್ಯಸ್ಥರಾದ ನಾರಾಯಣ ಹೆಗಡೆ ಅವರು ಸ್ವಾಗತಿಸಿದರು. ಯೋಜನಾ ಸಂಯೋಜಕ ಸೂರ್ಯ ನಿರ್ವಹಿಸಿದರು.
- [ಶಾಸಕರಿಗೆ ಸಲಹೆ ನೀಡಿದ ವಕೀಲ](https://mobiletime.in/2026/09/lawyer-advised-the-mla/): ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಸೆ 21ರಿಂದ ವಿಶೇಷ ಅಧಿವೇಶನ ನಡೆಸಲು ನಿರ್ಧರಿಸಿದ್ದು, `ಉತ್ತರ ಕನ್ನಡ ಜಿಲ್ಲೆಯ ಶಾಸಕರು ಈ ಅಧಿವೇಶನದಲ್ಲಿ ಐದು ಅಂಶಗಳ ಬಗ್ಗೆ ಧ್ವನಿಯಾಗಬೇಕು’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಆಗ್ರಹಿಸಿದ್ದಾರೆ. ಶಾಸಕರಿಗೆ ಅವರು ಮಾರ್ಗಸೂಚಿಯನ್ನು ಬಿಡುಗಡೆ ಮಾಡಿದ್ದಾರೆ. `64 ಸಾವಿರ ಹೇಕ್ಟರ್ ಅರಣ್ಯ ಭೂಮಿಯನ್ನ ರಾಷ್ಟಿçÃಯ ಯೋಜನೆಗಳಿಗೆ ನೀಡುವ ಸರ್ಕಾರ 80 ಸಾವಿರ ಕುಟುಂಬವು ಜೀವನ ಮತ್ತು ವಾಸ್ತವ್ಯಕ್ಕಾಗಿ ಅತಿಕ್ರಮಿಸಿರುವ ಸುಮಾರು 18 ಸಾವಿರ ಹೇಕ್ಟರ್ ಅರಣ್ಯ ಭೂಮಿಯನ್ನು ಸಾಗುವಳಿ ಭೂಮಿ ನೀಡಲು ಆಸಕ್ತಿವಹಿಸಿಲ್ಲ. 1978ರ ಪೂರ್ವ ಅರಣ್ಯ ಭೂಮಿ ಸಾಗುವಳಿದಾರರಿಗೆ 1976 ರಲ್ಲಿ ಕೇಂದ್ರ ಸರ್ಕಾರವು ಮಂಜೂರಿಗೆ ಅನುಮೋದನೆ ನೀಡಿದರೂ ಅರಣ್ಯಕ್ಕೆ ಬದಲಿ ಕಂದಾಯ ಭೂಮಿ ಅರಣ್ಯಕ್ಕೆ ವರ್ಗಾಯಿಸದೇ ಇರುವುದು ಸಮಸ್ಯೆಯಾಗಿದೆ. ಜಿಲ್ಲೆಯಲ್ಲಿ ಸಾವಿರಕ್ಕೂ ಮಿಕ್ಕಿ ಅರಣ್ಯ ಭೂಮಿ ಹಂಗಾಮಿ ಭೂಮಿ ಖಾಯಂ ಲಾಗಣಿ ಮಾಡದೇ ಇರುವ ಕುರಿತು ತೀರ್ಮಾನಿಸದಿರುವುದು ಸರಿಯಲ್ಲ. ಪಂಚಾಯತ್ ರಾಜ್ ಇಲಾಖೆಯಲ್ಲಿ ಅನಧೀಕೃತ ಕಟ್ಟಡಗಳಿಗೆ ತೆರಿಗೆ ರದ್ದು ಪಡಿಸುವ ಕುರಿತು ಶಾಸಕರು ಗಮನಿಸಬೇಕು’ ಎಂದವರು ಹೇಳಿದ್ದಾರೆ. `ಅರಣ್ಯ ಹಕ್ಕು ಕಾಯಿದೆ ಅನುಷ್ಠಾನದಲ್ಲಿ ಕಾನೂನುಬಾಹಿರ ಮತ್ತು ಕಾನೂನಿಗೆ ವ್ಯತಿರಿಕ್ತವಾಗಿ ತಿರಸ್ಕರಿಸುವ ಕುರಿತು ಚರ್ಚಿಸಬೇಕು. ತಿರಸ್ಕಾರವಾದ ಅರ್ಜಿಗಳನ್ನ ಪುನರ್ ಪರಿಶೀಲಿಸಲು ತೆಗೆದುಕೊಳ್ಳೂವ ಕ್ರಮದ ಕುರಿತು ನಿರ್ಣಯಿಸಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಈ ಕುರಿತು ನಡೆದ ಸಂಘಟನೆಯ ಸಭೆಯಲ್ಲಿ ಸಂಚಾಲಕ ಇಬ್ರಾಹಿಂ ಸಾಬ ಗೌಡಳ್ಳಿ, ನೆಹರು ನಾಯ್ಕ ಬಿಳೂರು, ರಫೀಕ್ ಗೌಡಳ್ಳಿ, ಚಂದ್ರಣ್ಣ ಮರಗುಂಡಿ , ಕೃಷ್ಣ ಮರಾಠಿ ಸವಲೆ, ಪರಮೇಶ್ವರ ದೇಶಭಂಡಾರಿ ವಾನಳ್ಳಿ, ರಾಜು ಪೂಜಾರಿ, ನಾರಾಯಣ ನಾಯ್ಕ ನೆಗ್ಗು, ಕೃಷ್ಣ ಮಾದೇವ ನಾಯ್ಕ ಬಂಡಲ, ಸ್ವಾತಿ ಜೈನ್, ಯಶೋದಾ ನೌಟೂರು, ಈಶ್ವರ ನಾಯ್ಕ ಬಂಕನಾಳ , ಮಂಜು ನಾಯ್ಕ , ನಾರಾಯಣ ಉಮ್ಮುಡಿ, ಪಂಪಾವತಿ ಮುಂತಾದವರು ಇದ್ದರು.
- [ನಿಷೇಧದ ನಡುವೆಯೂ ಡಿಜೆ ಸದ್ದು!](https://mobiletime.in/2026/09/dj-music-blaring-despite-the-ban/): ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆ ಡಿಜೆ ಬಳಕೆ ನಿಷೇಧಿಸಿ ಡೀಸಿ ಆದೇಶಿಸಿದ್ದು, ಹೊನ್ನಾವರದ ಆರೋಳ್ಳಿಯಲ್ಲಿ ಆ ಆದೇಶ ಉಲ್ಲಂಘನೆಯಾಗಿದೆ. ಸಾರ್ವಜನಿಕರಿಗೆ ಸಮಸ್ಯೆಯಾಗುವ ಹಾಗೇ ಅಲ್ಲಿನ ಗಣೇಶ ಉತ್ಸವ ಸಮಿತಿಯವರು ಡಿಜೆ ಬಳಕೆ ಮಾಡಿದ್ದಾರೆ. ಹೊನ್ನಾವರದ ಆರೋಳ್ಳಿ ಸಾರ್ವಜನಿಕ ಗಣೇಶ ಉತ್ಸವ ಸಮಿತಿಯವರು ಸರ್ಕಾರಿ ನಿಯಮಗಳನ್ನು ಉಲ್ಲಂಘಿಸಿದ್ದಾರೆ. ಧ್ವನಿವರ್ಧಕ ಬಳಸುವುದಕ್ಕಾಗಿ ಅನುಮತಿಪಡೆದ ಅವರು `ಯಾರಿಗೂ ಗೊತ್ತಾಗುವುದಿಲ್ಲ’ ಎಂದು ಭಾವಿಸಿ ಡಿಜೆ ಬಳಕೆ ಮಾಡಿದ್ದಾರೆ. ಮಹೇಂದ್ರ ಬುಲೆರೋ ಪಿಕಪ್’ನಲ್ಲಿ ಎಂಟು ಸ್ಪೀಕರ್ ಜೊತೆ ದೊಡ್ಡ ಪ್ರಮಾಣದ ಸದ್ದು ಮಾಡಿ ಸಮಿತಿಯವರು ಸಾರ್ವಜನಿಕರಿಗೆ ಸಮಸ್ಯೆ ಮಾಡಿದ್ದಾರೆ. ಸೆಪ್ಟೆಂಬರ್ 17ರಂದು ಹೊನ್ನಾವರದ ಆರೋಳ್ಳಿ ಸಾರ್ವಜನಿಕ ಗಣೇಶ ಉತ್ಸವ ಸಮಿತಿಯವರು ಪ್ರತಿಷ್ಠಾಪಿಸಿದ್ದ ಗಣೇಶ ಮೂರ್ತಿ ವಿಸರ್ಜನೆ ನಡೆದಿದೆ. ಮೆರವಣಿಗೆಯ ವೇಳೆ ಸಮಿತಿ ಅಧ್ಯಕ್ಷ ನಾರಾಯಣ ದೇವು ಗೌಡ ಅವರು ಡಿಜೆ ಬಳಕೆ ಮಾಡಿಸಿದ್ದಾರೆ. ಆ ದಿನ ಸಂಜೆ 7.30ರಿಂದ 9.45ರವರೆಗೆ ದೊಡ್ಡ ದೊಡ್ಡ ಹಾಡುಗಳನ್ನು ಹಾಕಿ ಸಮಿತಿಯವರು ಮೆರವಣಿಗೆ ಮಾಡಿದ್ದಾರೆ. ಡಿಜೆ ಬಳಕೆ ಮಾಡುವುದಿಲ್ಲ ಎಂದು ಪೊಲೀಸರ ಬಳಿ ಹೇಳಿದ್ದ ಸಮಿತಿಯವರು ತಮ್ಮ ಮಾತು ಮೀರಿ ವರ್ತಿಸಿದ್ದಾರೆ. ಡಿಜೆ ಬಳಕೆ ಮಾಡಿರುವುದನ್ನು ಗಮನಿಸಿದ ತಕ್ಷಣ ಪೊಲೀಸ್ ಸಿಬ್ಬಂದಿ ಸಚಿನ್ ಶ್ರೀನಿವಾಸ ನಾಯ್ಕ ಅವರು ಅದನ್ನು ತಡೆಯುವ ಪ್ರಯತ್ನ ಮಾಡಿದ್ದಾರೆ. `ಧ್ವನಿವರ್ಧಕ ಬಳಕೆಗೆ ಮಾತ್ರ ಅನುಮತಿ ಇದ್ದು, ಡಿಜೆ ಬಳಕೆ ಮಾಡಬೇಡಿ’ ಎಂದು ಅವರು ಸೂಚನೆ ನೀಡಿದ್ದಾರೆ. ಆದರೆ, ಆ ದೊಡ್ಡ ಸದ್ದಿನಲ್ಲಿ ಪೊಲೀಸರ ಮಾತು ಯಾರಿಗೂ ಕೇಳಿಸಿಲ್ಲ. ಮೆರವಣಿಗೆಯ ಉದ್ದಕ್ಕೂ ಡಿಜೆ ಬಳಕೆ ಮಾಡಿದ ಕಾರಣ ಸಮಿತಿ ಅಧ್ಯಕ್ಷ ನಾರಾಯಣ ಗೌಡ ಹಾಗೂ ಡಿಜೆ ಮಾಲಕ-ಆಪರೇಟರ್ ವಿರುದ್ಧ ಪೊಲೀಸರು ಕೇಸು ಹಾಕಿದ್ದಾರೆ.  
- [ಈ ಕಾಫಿ ಗಿಡಕ್ಕೆ 8 ರೂಪಾಯಿ!](https://mobiletime.in/2026/09/this-coffee-plant-costs-8-rupees/): ಅಡಿಕೆ ಬೆಳೆಗೆ ವಿವಿಧ ರೋಗದ ಹಿನ್ನಲೆ ಕೃಷಿಕರಿಗೆ ಪರ್ಯಾಯ ಬೆಳೆಯ ಬಗ್ಗೆ ಆಸಕ್ತಿ ಮೂಡಿಸಲು ಯಲ್ಲಾಪುರ ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘದ ಚಿಂತನೆ ನಡೆಸಿದೆ. ಇದರ ಅಂಗವಾಗಿ ಮೊದಲ ಹಂತದಲ್ಲಿ ಕಾಫಿ ಬೆಳೆಗೆ ಉತ್ತೇಜನ ನೀಡಲು ನಿರ್ಧರಿಸಿದ್ದು, ಸಂಘದ ಸದಸ್ಯರಿಗೆ 8ರೂ ಬೆಲೆಯಲ್ಲಿ ಕಾಫಿ ಗಿಡಗಳನ್ನು ಪೂರೈಕೆ ಮಾಡುವುದಾಗಿ ಘೋಷಿಸಿದೆ. ಎಲೆಚುಕ್ಕಿ ರೋಗ, ಕೊಳೆ ರೋಗ ಸೇರಿ ಅಡಿಕೆ ಬೆಳೆಗಾರರು ವಿವಿಧ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ. ಅಡಿಕೆಯನ್ನು ಮಾತ್ರ ನಂಬಿ ಬದುಕು ನಡೆಸುವುದು ಕಷ್ಟವಾಗುತ್ತಿದ್ದು, ಪರ್ಯಾಯ ಬೆಳೆ ಅನಿವಾರ್ಯ ಎನ್ನುವ ಹಾಗಾಗಿದೆ. ಈ ಹಿನ್ನಲೆ ಅಡಿಕೆ ಜೊತೆ ಕಾಫಿಯನ್ನು ಬೆಳೆಯುವಂತೆ LSMP ಅಧ್ಯಕ್ಷ ನಾಗರಾಜ ಕೌವಡಿಕೆರೆ ಅವರು ಕರೆ ನೀಡಿದ್ದಾರೆ. `ಪರ್ಯಾಯ ಬೆಳೆಗೆ ಪ್ರಾಮುಖ್ಯತೆ ಕೊಡಲು ಕಾಫಿ ಕೃಷಿಗೆ ಉತ್ತೇಜನ ಕೊಡುತ್ತಿದ್ದೇವೆ. ಮಾರುಕಟ್ಟೆಯಲ್ಲಿ 15ರೂ ಮೇಲ್ಪಟ್ಟು ಕಾಫಿ ಗಿಡ ಮಾರಾಟವಾಗುತ್ತಿದ್ದು, ಅದನ್ನು ನಾವು 8ರೂಪಾಯಿಗೆ ಕೊಡುತ್ತೇವೆ. ಉಳಿದ ಮೊತ್ತವನ್ನು ಸಂಘದಿoದ ಭರಿಸಲು ನಿರ್ಧರಿಸಲಾಗಿದೆ. ಇದಕ್ಕಾಗಿ ಸಾಗರದ ನರ್ಸರಿ ಜೊತೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಪ್ರತಿ ಸದಸ್ಯರಿಗೂ ಸುಮಾರು 50 ಗಿಡ ಕೊಡಲು ನಿರ್ಣಯಿಸಲಾಗಿದೆ’ ಎಂದವರು ತಿಳಿಸಿದರು. `ಕಾಪಿ ಬೆಳೆಗೆ ತಂಪು ವಾತಾವರಣ ಅಗತ್ಯವಿದ್ದು, ಅಡಿಕೆ ಗಿಡದ ನಡುವೆ ಅದನ್ನು ಸುಲಭವಾಗಿ ಬೆಳೆಯವ ಅವಕಾಶವಿದೆ. ಕಾಫಿ ಬೆಳೆದು ರೈತರು ಆರ್ಥಿಕ ಪ್ರಯೋಜನಪಡೆಯಬೇಕು’ ಎಂದವರು ಸುದ್ದಿಗೋಷ್ಠಿ ನಡೆಸಿ ಮನವಿ ಮಾಡಿದರು. `ಸೊಸೈಟಿ ವತಿಯಿಂದ ಪೆಟ್ರೋಲ್ ಬಂಕ್ ನಿರ್ಮಿಸಲು ನಿರ್ಧರಿಸಲಾಗಿತ್ತು. ಆದರೆ, ಸರಿಯಾದ ಜಾಗ ಸಿಗದ ಕಾರಣ ಆ ಯೋಜನೆ ಸಾಧ್ಯವಾಗಲಿಲ್ಲ. ಆದರೆ, ಜನರಿಗೆ ಅನುಕೂಲ ಮಾಡುವ ನಿಟ್ಟಿನಲ್ಲಿ ಗ್ಯಾಸ್ ಎಜನ್ಸಿ ಸ್ಥಾಪಿಸಲಿದ್ದೇವೆ’ ಎಂದವರು ಘೋಷಿಸಿದರು. `ಗ್ಯಾಸ್ ಎಜನ್ಸಿ ಸ್ಥಾಪನೆಗಾಗಿ ಈಗಾಗಲೇ ಬಿಸಗೋಡು ರಸ್ತೆಯಲ್ಲಿ 1 ಎಕರೆ ಜಾಗ ಖರೀದಿ ನಡೆದಿದೆ. ಈ ಬಾರಿ ಸ್ವಂತ ಕಟ್ಟಡದಲ್ಲಿ ವಾರ್ಷಿಕ ಸರ್ವ ಸಾಧಾರಣ ಸಭೆ ನಡೆಯಲಿದೆ. ಸದಸ್ಯರ ಸಹಕಾರದಿಂದ ಸಂಘ ಲಾಭದಲ್ಲಿದೆ’ ಎಂದವರು ವಿವರಿಸಿದರು. `ಸಂಘದ ನಂದೊಳ್ಳಿ, ಉಪಳೇಶ್ವರ ಶಾಖೆಗಳು ಉತ್ತಮವಾಗಿ ಮುಂದುವರೆಯುತ್ತಿವೆ’ ಎಂದರು. `ಇತ್ತೀಚೆಗೆ ಹೃದಯ ಸಂಬAಧಿ ಕಾಯಿಲೆಗಳು ಹೆಚ್ಚುತ್ತಿವೆ. ಹುಬ್ಬಳ್ಳಿಯ ವಿಹಾನ್ ಆಸ್ಪತ್ರೆಯ ಸಹಕಾರದೊಂದಿಗೆ ಸದಸ್ಯರಿಗೆ ಕೈಗೆಟಕುವ ದರದಲ್ಲಿ ಆರೋಗ್ಯ ಪರೀಕ್ಷೆ ಪ್ಯಾಕೇಜ್ ವ್ಯವಸ್ಥೆ ಮಾಡುತ್ತಿದ್ದೇವೆ. ಸಂಘದ ಸದಸ್ಯರೆಲ್ಲರೂ ಈ ಎಲ್ಲಾ ಯೋಜನೆಗಳ ಪ್ರಯೋಜನ ಪಡೆಯಬೇಕು’ ಎಂದರು. `ಪ್ರಸಕ್ತ ಆರ್ಥಿಕ ವರ್ಷದಲ್ಲಿ 53 ಲಕ್ಷ 57 ಸಾವಿರ ಲಾಭ ಗಳಿಸಿದ್ದು, ಸದಸ್ಯರಿಗೆ ಶೇ 7ರಷ್ಟು ಡಿವಿಡೆಂಡ್ ನೀಡುತ್ತಿದ್ದೇವೆ. ಮಾಧ್ಯಮಿಕ ಸಾಲಕ್ಕೆ ಉತ್ತೇಜನ ನೀಡಲಾಗುತ್ತಿದೆ. ಈ ಸಂದರ್ಭದಲ್ಲಿ ಉಪಾಧ್ಯಕ್ಷ ಟಿ ಆರ್ ಹೆಗಡೆ ತೊಂಡೆಕೆರೆ, ನಿರ್ದೇಶಕರಾದ ರಾಮಕೃಷ್ಣ ಸುಬ್ರಾಯ ಭಟ್ಟ ಮುಂಡಗೆಜಡ್ಡಿ, ಆರ್ ಎಸ್ ಭಟ್ಟ, ತಿಮ್ಮಣ್ಣ ಭಟ್ಟ ಘಟ್ಟಿ, ಅಪ್ಪು ಆಚಾರಿ, ಗಾಬ್ರಿಯಲ್ ಫರ್ನಾಂಡೀಸ್, ಮಹಾಬಲೇಶ್ವರ ಭಟ್ಟ ಮಾಲದಮನೆ, ಸುಬ್ರಾಯ ಭಟ್ಟ ಧಾನ್ಯಾನಕೊಪ್ಪ, ರಾಘವೇಂದ್ರ ಭಟ್ ಕಬ್ಬಿನಗದ್ದೆ, ಹನುಮಂತ ಶಿವಪ್ಪ ಕೊರವರ, ವ್ಯವಸ್ಥಾಪಕ ಎಂ ಎಸ್ ಹೆಗಡೆ ಇದ್ದರು.
- [ಐಸ್ ಕ್ರೀಂ ಮಳಿಗೆಯಲ್ಲಿಯೂ ಮೋದಿ ಹವಾ!](https://mobiletime.in/2026/09/the-modi-wave-reaches-the-ice-cream-parlour-too/): ಗೋಕರ್ಣದಲ್ಲಿ ನಡೆದ ಗಣೇಶ ಉತ್ಸವ ಮೆರವಣಿಗೆಗೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಹೋಲುವ ವ್ಯಕ್ತಿ ಆಗಮಿಸಿದ್ದು, ಅವರು ಇಲ್ಲಿನ ಹ್ಯಾಂಗ್ಯೋ ಐಸ್ ಕ್ರೀಂ ಮಳಿಗೆಗೂ ಭೇಟಿ ನೀಡಿದ್ದಾರೆ. ಗಣೇಶ ಉತ್ಸವದ ಮೆರವಣಿಗೆಯಲ್ಲಿ ಕಾಣಿಸಿಕೊಂಡ ಮೋದಿ ಅವರನ್ನು ಹೋಲುವ ಸದಾನಂದ ನಾಯಕ ಅವರ ಜೊತೆ ಅನೇಕರು ಫೋಟೋವನ್ನು ಕ್ಲಿಕ್ಕಿಸಿಕೊಂಡಿದ್ದಾರೆ. ಗೋಕರ್ಣದ ಮೇಲಿನಕೇರಿಯ ವಿಜಯ ವಿನಾಯಕ ಸಾರ್ವಜನಿಕ ಗಣೇಶ ಉತ್ಸವ ಸಮಿತಿಯವರು ಈ ಬಾರಿ ನರೇಂದ್ರ ಮೋದಿ ಅವರನ್ನು ಹೋಲುವ ಸದಾನಂದ ನಾಯಕ ಅವರನ್ನು ಕರೆಯಿಸಿದ್ದಾರೆ. ಶನಿವಾರ ಸಂಜೆ ನಡೆದ ಗಣೇಶ ವಿಸರ್ಜನೆಯ ಮೆರವಣಿಗೆಯಲ್ಲಿ ಉಡುಪಿಯ ಸದಾನಂದ ನಾಯಕ ಅವರು ಮೋದಿ ಅವರಂತೆಯೇ ವೇಷಧರಿಸಿ ಜನರ ಜೊತೆ ಬೆರೆತಿದ್ದಾರೆ. ಮೆರವಣಿಗೆ ನಡುವೆ ಹ್ಯಾಂಗ್ಯೋ ಐಸ್ ಕ್ರೀಂ ಮಳಿಗೆಗೆ ಭೇಟಿ ನೀಡಿ, ವಿವಿಧ ಬಗೆಯ ಐಸ್ ಕ್ರೀಂ ಕುರಿತು ಮಾಹಿತಿಪಡೆದಿದ್ದಾರೆ. ಇದರೊಂದಿಗೆ ಭಜನಾ ನೃತ್ಯ, ಕೋಲಾಟ, ಡೋಲು ಕುಣಿತ, ವಿವಿಧ ಸ್ತಬ್ಧ ಚಿತ್ರಗಳ ಪ್ರದರ್ಶನವೂ ಮೆರವಣಿಗೆಯ ಮೆರಗು ಹೆಚ್ಚಿಸಿದೆ. ಗಣೇಶ ವಿಸರ್ಜನೆ ವೇಳೆ ದೇವರ ನಾಮಸ್ಮರಣೆ, ಕೋಲಾಟ, ಮಕ್ಕಳ ತಂಡದ ನೃತ್ಯ, ಭಜನೆಗಳು ಜೋರಾಗಿದ್ದವು. ಗೂಂಬೆಗಳ ಸಾಲು ಸಾಗುವ ದೃಶ್ಯ, ವಾದ್ಯಘೋಷದ ಜೊತೆ ಸಂಸ್ಕೃತಿ – ಪರಂಪರೆ ಬಿಂಬಿಸುವ ರೂಪಕಗಳು ಆಕರ್ಷಿಸಿದವು. ಗಣೇಶ ಮೂರ್ತಿಯನ್ನು ಕಡಲ ತೀರದಿಂದ ಸಮುದ್ರದವರೆಗೆ ಹೊತ್ತು ಸಾಗಿದ ಭಕ್ತರು ಸಮುದ್ರದಲ್ಲಿ ಮೂರ್ತಿ ವಿಸರ್ಜನೆ ಮಾಡಿದರು. ಗಣೇಶ ವಿಗ್ರಹದ ಜೊತೆ ಮೋದಿ ವೇಷಧಾರಿಯ ಜೊತೆಯೂ ಅನೇಕರು ಸೆಲ್ಪಿ ಕ್ಲಿಕ್ಕಿಸಿಕೊಂಡರು.
- [ಜೈ ಗಣೇಶ: ಹೋಳಿಗೆ ತಿಂದು ಹಸಿವು ನೀಗಿಸಿಕೊಂಡ ಗಜಮುಖ!](https://mobiletime.in/2026/09/jai-ganesha-the-elephant-faced-one-satisfied-his-hunger-by-eating-holige/): ಯಲ್ಲಾಪುರದ ಹೊಸಳ್ಳಿಯಲ್ಲಿ ಗಣೇಶೋತ್ಸವದ ಅಂಗವಾಗಿ ನಡೆಯುವ ಅನ್ನದಾನಕ್ಕೆ ಹೋಳಿಗೆ ಮಾಡಿಸಲು ಸಮಿತಿಯವರು ನಿರ್ಧರಿಸಿದ್ದು, ಕೊನೆಕ್ಷಣದಲ್ಲಿ ಆ ನಿರ್ಧಾರ ಬದಲಾಗಿತ್ತು. ಆದರೆ, ಅನ್ನ ಸಂತರ್ಪಣೆ ನಡೆಯುವಾಗ ಅಲ್ಲಿಗೆ ಬಂದ ಮೂರು ವರ್ಷದ ಬಾಲಕಿಯೊಬ್ಬರು `ಹೋಳಿಗೆಯೇ ಬೇಕು’ ಎಂದು ಪಟ್ಟುಹಿಡಿದಿದ್ದು, ಆ ಬೇಡಿಕೆ ಮನ್ನಿಸಿದ ಸಮಿತಿಯವರು ಹೋಳಿಗೆ ಮಾಡಿಸಿ ದೇವರಿಗೆ ನೈವೇದ್ಯ ಮಾಡಿದ್ದಾರೆ. ಅದಾದ ನಂತರ ಅಲ್ಲಿ ಆಗಮಿಸಿದ ಭಕ್ತರಿಗೂ ಹೋಳಿಗೆ ಪ್ರಸಾದ ಬಡಿಸಿದ್ದಾರೆ. ಯಲ್ಲಾಪುರದ ಕಿರವತ್ತಿ ಬಳಿಯ ಹೊಸಳ್ಳಿಯಲ್ಲಿ ಕಳೆದ ನಾಲ್ಕು ದಶಕಗಳಿಂದ ಗಣೇಶ ಉತ್ಸವ ನಡೆಯುತ್ತಿದೆ. ಇಲ್ಲಿನ ಸಾರ್ವಜನಿಕ ಗಜಾನನ ಉತ್ಸವ ಸಮಿತಿಯವರು ಅತ್ಯಂತ ಶ್ರದ್ಧಾ-ಭಕ್ತಿಯಿಂದ ಗಣೇಶ ಹಬ್ಬ ಆಚರಿಸುತ್ತ ಬಂದಿದ್ದಾರೆ ಉತ್ಸವದ ಒಂದು ದಿನ ಅನ್ನದಾನ ಸೇವೆ ನಡೆಯುತ್ತಿದೆ. ಪ್ರತಿ ವರ್ಷವೂ ಒಂದೊoದು ಬಗೆಯ ಸಿಹಿ ತಿನಿಸು ಬಡಿಸಲಾಗುತ್ತದೆ. ಅದರಂತೆ, ಈ ವರ್ಷ ಹೋಳಿಗೆ ಮಾಡಿಸಿ ಅದನ್ನು ಗಣೇಶನಿಗೆ ನೈವೇದ್ಯ ಮಾಡುವ ಬಗ್ಗೆ ಸಮಿತಿಯವರು ನಿರ್ಧರಿಸಿದ್ದರು. 10 ದಿನಗಳಿಂದ ಅದೇ ವಿಷಯವಾಗಿ ಚರ್ಚೆ ನಡೆದಿತ್ತು. ಅನ್ನದಾನದ ವೇಳೆಯೂ ಎಲ್ಲರಿಗೂ ಹೋಳಿಗೆ ಪ್ರಸಾದ ವಿತರಿಸಲು ನಿರ್ಣಯಿಸಿದ್ದರು. ಆದರೆ, ಸಾವಿರಕ್ಕೂ ಅಧಿಕ ಜನ ಅನ್ನದಾನದಲ್ಲಿ ಭಾಗಿಯಾಗುವುದರಿಂದ ಏಕಕಾಲಕ್ಕೆ ಎಲ್ಲರಿಗೂ ಹೋಳಿಗೆ ಮಾಡಿ ಬಡಿಸುವುದು ಸವಾಲಾಗಿತ್ತು. ಈ ಹಿನ್ನಲೆ ಹೋಳಿಗೆ ಊಟ ಮಾಡಿಸುವ ನಿರ್ಣಯ ಜಾರಿಗೆ ಬಂದಿರಲಿಲ್ಲ. ಹೀಗಾಗಿ ಗಣಪನಿಗೆ ಸಹ ಹೋಳಿಗೆ ನೈವೇದ್ಯ ಸಾಧ್ಯವಾಗಿರಲಿಲ್ಲ. ಶನಿವಾರ ಹೊಸಳ್ಳಿಯ ಸಾರ್ವಜನಿಕ ಗಜಾನನ ಉತ್ಸವ ಸಮಿತಿಯವರು ಎಂದಿನAತೆ ದೇವತಾ ಕಾರ್ಯ ಮುಗಿಸಿದರು. ಗಣೇಶಮೂರ್ತಿಗೆ ವಿಶೇಷ ಪೂಜೆ ಸಲ್ಲಿಸಿ, ಬೇರೆ ಸಿಹಿ ತಿನಿಸು ನೈವೇದ್ಯ ಮಾಡಿದರು. ಅದಾದ ನಂತರ ಅನ್ನದಾನ ನಡೆದಿದ್ದು, ಆ ವೇಳೆ ಹದ್ದಿನಸರದ ಮೂರು ವರ್ಷದ ಬಾಲಕಿಯೊಬ್ಬರು ಅಲ್ಲಿ ಹಾಜರಾದರು. ಪಾಲಕರ ಜೊತೆ ಮೂರು ಕಿಮೀ ದೂರದಿಂದ ನಡೆದು ಬಂದಿದ್ದ ಆ ಬಾಲಕಿ `ನನಗೆ ಹೋಳಿಗೆಯೇ ಬೇಕು’ ಎಂದು ಪಟ್ಟುಹಿಡಿದಿದ್ದು, ಅನೇಕರು ಅವರನ್ನು ಸಮಾಧಾನ ಮಾಡಲು ಪ್ರಯತ್ನಿಸಿದರು. ಎರಡೆರಡು ಐಸ್ ಕ್ರೀಂ ಕೊಡಿಸಿದರೂ ಬಾಲಕಿ ಮಾತ್ರ ಸಮಾಧಾನ ಆಗಲಿಲ್ಲ. ಒಂದಷ್ಟು ಹಣ್ಣು ತಂದು ಕೊಟ್ಟರೂ ಬಾಲಕಿಯ ಅಳು ನಿಲ್ಲಲಿಲ್ಲ. `ಹಬ್ಬದ ದಿನ ಹೋಳಿಗೆ ಮಾಡಲಿಲ್ಲ’ ಎಂದು ಬಾಲಕಿ ಅಳಲು ಶುರು ಮಾಡಿದ್ದು, ಗಣೇಶ ಉತ್ಸವ ಸಮಿತಿಯವರು ಪೇಚಿಗೆ ಸಿಲುಕಿದರು. ಈ ದಿನ ಹೋಳಿಗೆ ಮಾಡುವ ಬಗ್ಗೆ ನಿರ್ಧರಿಸಿ, ನಂತರ ಆ ನಿರ್ಣಯ ಬದಲಾಗಿದ್ದು ಸಮಿತಿಯವರಿಗೆ ನೆನಪಾಯಿತು. ಆ ಬಾಲಕಿ ಮೂಲಕ ದೇವರೇ ಹೋಳಿಗೆಯ ಬೇಡಿಕೆಯಿಡುತ್ತಿರುವ ಬಗ್ಗೆ ಭಾವಿಸಿದ ಸಮಿತಿಯವರು `ಯಾರ ಮನೆಯಲ್ಲಾದರೂ ಹೋಳಿಗೆ ಮಾಡಿದ್ದರೆ ದಯವಿಟ್ಟು ಕೊಡಿ’ ಎಂದು ಮೈಕಿನಲ್ಲಿ ಕೂಗಿದರು. ಆದರೆ, ಎಲ್ಲಿ ಹುಡುಕಿದರೂ ಹೋಳಿಗೆ ಸಿಗಲಿಲ್ಲ. `ಹೋಳಿಗೆ ಮಾಡಲು ನಿರ್ಧರಿಸಿದ್ದರಂತೆ. ನಂತರ ಆ ನಿರ್ಣಯ ಬದಲಾಯಿತಂತೆ’ ಎಂಬ ವಿಷಯ ಆ ವೇಳೆಗಾಗಲೇ ಊರೆಲ್ಲ ಹಬ್ಬಿತು. `ಈ ಬಾರಿ ಹೋಳಿಗೆ ಮಾಡೋಣ’ ಎಂದು ಸಮಿತಿಯವರು ನಿರ್ಧರಿಸಿ, ನಂತರ ಅದು ಸಾಧ್ಯವಾಗದೇ ಇದ್ದ ಗುಟ್ಟು ರಟ್ಟಾಯಿತು. ದೇವರ ಬೇಡಿಕೆ ಈಡೇರಿಸುವುದಕ್ಕಾಗಿ ಸಮಿತಿಯವರು ಕೂಡಲೇ ಹೋಳಿಗೆ ಮಾಡಿಸಿದರು. ಊರಿನ ಮಹಿಳೆಯರು ಅಲ್ಲಿ ಆಗಮಿಸಿ ಹೋಳಿಗೆ ಸಿದ್ಧಪಡಿಸುವ ಕೆಲಸಕ್ಕೆ ಕೈ ಜೋಡಿಸಿದರು. ಬಿಸಿಬಿಸಿ ಹೋಳಿಗೆ ಸಿದ್ಧವಾದ ನಂತರ ಅದನ್ನು ದೇವರಿಗೆ ನೈವೇದ್ಯ ಮಾಡಿ, ಬಾಲಕಿಗೂ ಉಣಬಡಿಸಿದರು. ಈ ವೇಳೆಗೆ ಸಂಜೆಯಾಗಿದ್ದು, ಅಲ್ಲಿದ್ದ ನೂರಾರು ಜನ ಹೋಳಿಗೆ ಪ್ರಸಾದ ಸ್ವೀಕರಿಸಿದರು. ಪ್ರತ್ಯಕ್ಷ ವರದಿ: ಸುನೀಲ ಕಾಂಬ್ಳೆ  
- [ಉತ್ತರ ಕನ್ನಡ: ಕರಾವಳಿ ಅಭಿವೃದ್ಧಿಗೆ 10 ಸಾವಿರ ಕೋಟಿ!](https://mobiletime.in/2026/09/uttara-kannada-10000-crore-for-coastal-development/): `ಮಂಗಳೂರನಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಕರಾವಳಿ ಅಭಿವೃದ್ಧಿಗೆ ಸುಮಾರು 10 ಸಾವಿರ ಕೋಟಿ ರೂ ಮೌಲ್ಯದ ಯೋಜನೆಗಳಿಗೆ ಅನುಮೋದನೆ ನೀಡಲಾಗಿದೆ’ ಎಂದು ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಲಕ್ಷ್ಮಣ ಸವದಿ ಅವರು ತಿಳಿಸಿದ್ದಾರೆ. ಶನಿವಾರ ಕುಮಟಾಗೆ ಆಗಮಿಸಿದ್ದ ಅವರು `ಕರಾವಳಿ ಭಾಗದ ಅಭಿವೃದ್ಧಿಗಾಗಿ ಇತಿಹಾಸದಲ್ಲೇ ಮೊದಲ ಬಾರಿಗೆ ಇಷ್ಟೊಂದು ದೊಡ್ಡ ಮೊತ್ತದ ಯೋಜನೆಗಳಿಗೆ ಅನುಮೋದನೆ ದೊರೆತಿದೆ. ಸರ್ಕಾರ ಹಾಗೂ ಸಾರ್ವಜನಿಕ ಸಹಭಾಗಿತ್ವದ ಯೋಜನೆಗಳು ಇದರಲ್ಲಿ ಸೇರಿವೆ’ ಎಂದರು. `ವಿಮಾನ ನಿಲ್ದಾಣ, ಬಂದರು ಅಭಿವೃದ್ಧಿ ಪ್ರವಾಸೋದ್ಯಮದ ಬೆಳವಣಿಗೆಗೆ ಉತ್ತಮ ಸಾರಿಗೆ ವ್ಯವಸ್ಥೆ ಅಗತ್ಯವಾಗಿದೆ. ಈ ಹಿನ್ನೆಲೆಯಲ್ಲಿ ಕರಾವಳಿ ಭಾಗದಲ್ಲಿ ವಿಮಾನ ನಿಲ್ದಾಣ ನಿರ್ಮಾಣಕ್ಕೆ ರೂ 250ರಿಂದ 260 ಕೋಟಿ ಅನುದಾನಕ್ಕೆ ಅನುಮೋದನೆ ನೀಡಲಾಗಿದೆ. ಸಮುದ್ರ ಮದ್ಯದ ದ್ವಿಪಗಳ ಸದ್ಬಳಕೆ ಹಾಗೂ ಹೊಸ ಬಂದರುಗಳ ಅಭಿವೃದ್ಧಿಗೂ ಕ್ರಮ ಕೈಗೊಳ್ಳಲಾಗುತ್ತಿದೆ’ ಎಂದು ತಿಳಿಸಿದರು. `ಕಸ್ತೂರಿರಂಗನ್ ವರದಿ ಜಾರಿಗೆ ಸಂಬAಧಿಸಿದAತೆ ಕರಾವಳಿ ಜನರ ಅಭಿಪ್ರಾಯ ಹಾಗೂ ಹಿತಾಸಕ್ತಿಯನ್ನು ಪರಿಗಣಿಸಲಾಗುವುದು. ಈ ಕುರಿತು ಸೋಮವಾರ ಇಡೀ ದಿನ ವಿಧಾನಮಂಡಲದಲ್ಲಿ ಚರ್ಚೆ ನಡೆಸಲು ಸಮಯ ಕಾಯ್ದಿರಿಸಲಾಗಿದೆ. ಪಕ್ಷಾತೀತವಾಗಿ ವಿರೋಧ ಪಕ್ಷದ ನಾಯಕರ ಸಲಹೆಗಳನ್ನು ಪಡೆಯಲಾಗುವುದು’ ಎಂದು ಸಚಿವರು ಹೇಳಿದರು. ` `ರಾಜ್ಯದಲ್ಲಿ ಕಳೆದ 50 ವರ್ಷಗಳಲ್ಲೇ ಕಾಣದಂತಹ ಭೀಕರ ಬರಗಾಲ ಎದುರಾಗಿದೆ ಎಂದು ತಿಳಿಸಿದ ಸಚಿವರು, 200ಕ್ಕೂ ಹೆಚ್ಚು ತಾಲ್ಲೂಕುಗಳಲ್ಲಿ ಕುಡಿಯುವ ನೀರು, ಬೆಳೆ ನಷ್ಟ ಹಾಗೂ ಉದ್ಯೋಗ ಸಮಸ್ಯೆಗಳ ಕುರಿತು ಅಧಿವೇಶನದಲ್ಲಿ ಎರಡು ದಿನಗಳ ಕಾಲ ಸುದೀರ್ಘ ಚರ್ಚೆ ನಡೆಸಿ ಸೂಕ್ತ ಪರಿಹಾರ ಕಂಡುಕೊಳ್ಳಲಾಗುವುದು’ ಎಂದರು. `ಪ್ರಜಾಸೇವಾ ಆಂದೋಲನ ಸಭೆಯಲ್ಲಿ ಸಾರ್ವಜನಿಕರ ಕುಂದುಕೊರತೆಗಳ ಅರ್ಜಿಗಳಿಗೆ ತಕ್ಷಣ ಸ್ಪಂದಿಸಿ, ಗರಿಷ್ಟ 15 ದಿನಗಳೊಳಗೆ ಪರಿಹಾರ ಒದಗಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ. ಮುಖ್ಯಮಂತ್ರಿಗಳ ಆಶಯದಂತೆ ಸರ್ಕಾರದ ಯೋಜನೆಗಳನ್ನು ಜನರಿಗೆ ಯಶಸ್ವಿಯಾಗಿ ತಲುಪಿಸಲು ಸರ್ಕಾರ ಬದ್ಧವಾಗಿದೆ’ ಎಂದು ಸ್ಪಷ್ಟಪಡಿಸಿದರು.
- [ಸಾಲ ಮಾಡಿ ಸರಾಯಿ ಸೇವನೆ: ಸಾವು!](https://mobiletime.in/2026/09/borrowing-money-to-drink-alcohol-death/): ಸಾಲ ಮಾಡಿ ಸರಾಯಿ ಕುಡಿಯುತ್ತಿದ್ದ ಯಲ್ಲಾಪುರದ ಕುಪ್ಪಯ್ಯ ಕುಣಬಿ ಅವರು 38ನೇ ವಯಸ್ಸಿನಲ್ಲಿಯೇ ಸಾವನಪ್ಪಿದ್ದಾರೆ. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ಜೀವನದ ಬಗ್ಗೆ ಜಿಗುಪ್ಸೆ ಹೊಂದಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಯಲ್ಲಾಪುರದ ಬಾರೆ ಸ್ವಾಮಿಕೇರಿಯ ಬೇಣದಕುಳಿಯಲ್ಲಿ ಕುಪ್ಪಯ್ಯ ತಿಮ್ಮಣ್ಣ ಕುಣುಬಿ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ನಡೆಸುತ್ತಿದ್ದರು. ಸಿಕ್ಕಾಪಟ್ಟೆ ಸಾಲ ಮಾಡಿಕೊಂಡಿದ್ದ ಅವರು ಸಾಲ ತೀರಿಸುವ ಬಗ್ಗೆ ಹೆಚ್ಚಿನ ತಲೆ ಕೆಡಿಸಿಕೊಂಡಿರಲಿಲ್ಲ. ಸಾಲ ಹೆಚ್ಚಾದರೂ ಸರಾಯಿ ಸೇವನೆ ಬಿಟ್ಟಿರಲಿಲ್ಲ. ಸರಾಯಿ ಕುಡಿದು ಎಲ್ಲೆಂದರಲ್ಲಿ ತಿರುಗಾಡುವುದನ್ನು ಅವರು ರೂಢಿಸಿಕೊಂಡಿದ್ದರು. ಸಾಲದ ಪ್ರಮಾಣ ವಿಪರೀತವಾಗಿದ್ದು, ಈ ನಡುವೆ ಅವರಿಗೆ ಜೀವನದಲ್ಲಿ ಜಿಗುಪ್ಸೆ ಶುರುವಾಯಿತು. ಸೆಪ್ಟೆಂಬರ್ 18ರಂದು ಮನೆಯಲ್ಲಿಯೇ ಇದ್ದ ಅವರು ಸಾವಿನ ನಿರ್ಧಾರ ಮಾಡಿದರು. ಮನೆ ಪಿಕಾಶಿಗೆ ನೇಣು ಹಾಕಿಕೊಂಡು ಸಾವನಪ್ಪಿದರು.
- [ಅಂಗಡಿ ತೆರವು ವಿಷಯದಲ್ಲಿ ಗಲಾಟೆ: ಹಲ್ಲೆ ಮಾಡಿದವರ ವಿರುದ್ಧ ಕೇಸು!](https://mobiletime.in/2026/09/altercation-over-shop-clearance-case-registered-against-the-attackers/): ಅಂಗಡಿ ತೆರವುಗೊಳಿಸುವ ವಿಚಾರವಾಗಿ ಉಂಟಾದ ವಿವಾದದ ವೇಳೆ ಕಿರಾಣಿ ಅಂಗಡಿ ಮಾಲೀಕರ ಮೇಲೆ ಹಲ್ಲೆ ನಡೆಸಿ, ಚಾಕುವಿನಿಂದ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ ಆರೋಪದ ಮೇಲೆ ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಹೊನ್ನಾವರ ತಾಲೂಕಿನ ಅಳ್ಳಂಕಿ ಗ್ರಾಮದ ನಿವಾಸಿ ಕಾಂತು ರಾಮದಾಸ ನಾಯ್ಕ ಅವರು ನೀಡಿದ ದೂರಿನ ಆಧಾರದ ಮೇಲೆ ಅಳ್ಳಂಕಿ ಗ್ರಾಮದ ವಿರೇಂದ್ರ ರಾಧಾಕೃಷ್ಣ ಕೋಚ್ರೇಕರ ಎಂಬುವವರ ವಿರುದ್ಧ ಪ್ರಕರಣ ದಾಖಲಾಗಿದೆ. ದೂರಿನ ಪ್ರಕಾರ, ಹೆದ್ದಾರಿ ಪಕ್ಕದಲ್ಲಿರುವ ಕಿರಾಣಿ ಅಂಗಡಿಯನ್ನು ಕಾಂತು ನಾಯ್ಕ ಅವರು ಕಳೆದ 32 ವರ್ಷಗಳಿಂದ ನಡೆಸಿಕೊಂಡು ಬರುತ್ತಿದ್ದು, ಗ್ರಾಮ ಪಂಚಾಯಿತಿಯಿoದ ಪರವಾನಗಿ ಪಡೆದುಕೊಂಡು ವ್ಯಾಪಾರ ನಡೆಸುತ್ತಿದ್ದಾರೆ. ನಿಯಮಾನುಸಾರ ಜಿಎಸ್‌ಟಿಯನ್ನೂ ಪಾವತಿಸುತ್ತಿರುವುದಾಗಿ ದೂರಿನಲ್ಲಿ ತಿಳಿಸಿದ್ದಾರೆ. ಆದರೆ ಕಳೆದ ಏಳು ತಿಂಗಳಿನಿoದ ಆರೋಪಿತ ವಿರೇಂದ್ರ, ತಮ್ಮ ಅಂಗಡಿಯೂ ಇದೇ ಸ್ಥಳದಲ್ಲಿದೆ ಎಂದು ಆಕ್ಷೇಪಿಸಿ ಪೊಲೀಸರಿಗೆ ಹಾಗೂ ಜಿಲ್ಲಾಧಿಕಾರಿಗಳಿಗೆ ಅರ್ಜಿಗಳನ್ನು ಸಲ್ಲಿಸುತ್ತಿದ್ದರು. ಈ ಹಿನ್ನೆಲೆಯಲ್ಲಿ ಆಗಸ್ಟ್ 21ರಂದು ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಹೊನ್ನಾವರ ತಹಶೀಲ್ದಾರರು ಅಂಗಡಿಗೆ ಬಂದು ವಿಚಾರಣೆ ನಡೆಸುತ್ತಿದ್ದ ವೇಳೆ ಆರೋಪಿತರೂ ಅಲ್ಲಿಗೆ ಬಂದಿದ್ದರು. ಈ ಸಂದರ್ಭದಲ್ಲಿ ಅವರು ದೂರುದಾರರು, ಅವರ ಮಕ್ಕಳಾದ ಧೀರಜ ಹಾಗೂ ಅಂಗಡಿಯ ಕೆಲಸಗಾರರಾದ ಪವನ ಮತ್ತು ಗುರು ಅವರನ್ನು ಅವಾಚ್ಯವಾಗಿ ನಿಂದಿಸಿದ್ದಾರೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ನಂತರ ದೂರುದಾರರಿಗೆ ಅವಾಚ್ಯವಾಗಿ ನಿಂದಿಸಿ, ಅಂಗಡಿಯನ್ನು ಇಲ್ಲಿಂದ ತೆರವುಗೊಳಿಸದಿದ್ದರೆ ಬಿಡುವುದಿಲ್ಲ ಎಂದು ಬೆದರಿಸಿ, ಅವರನ್ನು ಎಳೆದು ಮುಷ್ಟಿಯಿಂದ ಮೂಗು ಹಾಗೂ ಬಲಗಣ್ಣಿನ ಕೆಳಭಾಗಕ್ಕೆ ಹೊಡೆದಿದ್ದು, ಗಾಯವಾಗಿ ರಕ್ತಸ್ರಾವವಾಗಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಇಷ್ಟೇ ಅಲ್ಲದೆ, ಮತ್ತೊಮ್ಮೆ ಸಿಕ್ಕಾಗ ಚಾಕುವಿನಿಂದ ಇರಿದು ಕೊಲೆ ಮಾಡುವುದಾಗಿ ಜೀವ ಬೆದರಿಕೆ ಹಾಕಿದ್ದಾರೆ ಎಂದು ಕಾಂತು ನಾಯ್ಕ ಅವರು ದೂರಿನಲ್ಲಿ ಆರೋಪಿಸಿದ್ದಾರೆ.  
- [ನೌಕೆಗೂ ಇದೆ ನಿವೃತ್ತಿ!](https://mobiletime.in/2026/09/spacecraft-too-have-a-retirement/): ಸಮುದ್ರ ಗಡಿ ಕಾವಲಿಗಾಗಿ 20 ವರ್ಷ ಸೇವೆ ಸಲ್ಲಿಸಿದ ಕಾರವಾರದ ಭಾರತೀಯ ತಟ ರಕ್ಷಕ ಪಡೆಯಲ್ಲಿದ್ದ  ಸಾವಿತ್ರಿಬಾಯಿ ಫುಲೆಗೆ ನೌಕೆ ನಿವೃತ್ತಿಯಾಗಿದೆ. ಶನಿವಾರದ ಸೂರ್ಯಾಸ್ತದ ಬಳಿಕ ಈ ನೌಕೆಯಲ್ಲಿದ್ದ ಬಾವುಟವನ್ನು ಅಧಿಕಾರಿಗಳು ಕೆಳಗಿಳಿಸಿದ್ದಾರೆ. ಅಧಿಕಾರಿಗಳು ಈ ನೌಕೆಗೆ ವಿದಾಯ ಹೇಳಿ, ಅಧಿಕೃತವಾಗಿ ಡಿ-ಕಮಿಷನ್ ಮಾಡಿದ್ದಾರೆ. ಧ್ವಜ ಇಳಿಸಿದ ಬಳಿಕ ನೌಕೆಯ ಉದ್ದಕ್ಕೆ ಸಮನಾದ ವಿಶೇಷ `ಪೇಯಿಂಗ್ ಆಫ್ ಪೆನ್ನಂಟ್’ ಅನ್ನು ಕೆಳಗಿಳಿಸುವ ಮೂಲಕ ನೌಕೆಯ ಸೇವಾ ನಿವೃತ್ತಿಯನ್ನು ಘೋಷಿಸಲಾಗಿದೆ. ಸಮಾರಂಭದ ಅಂಗವಾಗಿ ಕೋಸ್ಟ್ ಗಾರ್ಡ್ ಸಿಬ್ಬಂದಿಯಿoದ ಗೌರವ ವಂದನೆ ಸಲ್ಲಿಸಲಾಗಿದೆ. ಈ ಕಾರ್ಯಕ್ರಮದಲ್ಲಿ ಮಾತನಾಡಿದ ಕೋಸ್ಟ್ ಗಾರ್ಡ್ ಡಿಐಜಿ ಪ್ರವೀಣ್ ಕುಮಾರ್ ಮಿಶ್ರಾ ಅವರು `ಸಾವಿತ್ರಿಬಾಯಿ ಫು¯ ಹಡಗು ಕೇವಲ ಉಕ್ಕು ಮತ್ತು ಯಂತ್ರಗಳಿoದ ಮಾಡಲ್ಪಟ್ಟಿದ್ದಲ್ಲ ಅದರಲ್ಲಿದ್ದ ಕಮಾಂಡರ್‌ಗಳು, ಅಧಿಕಾರಿಗಳು ಮತ್ತು ಸಿಬ್ಬಂದಿಗಳ ಶ್ರಮದಿಂದ ಅದು ಜೀವಂತವಾಗಿತ್ತು. ಎರಡು ದಶಕಗಳ ಕಾಲ ಈ ಹಡಗು ಭಾರತದ ಸಮುದ್ರ ಗಡಿಗಳನ್ನು ಕಾಯುವಲ್ಲಿ ಮತ್ತು ದೇಶದ ಕರಾವಳಿ ಭದ್ರತೆಯಲ್ಲಿ ನಿರಂತರವಾಗಿ ಸೇವೆ ಸಲ್ಲಿಸಿದೆ. ಕಠಿಣ ಹವಾಮಾನ, ಮಳೆ ಮತ್ತು ಬಿರುಗಾಳಿಯ ನಡುವೆಯೂ ಗಸ್ತು ತಿರುಗುವುದು ಹಾಗೂ ಸಮುದ್ರ ಸುರಕ್ಷತಾ ಕಾರ್ಯಗಳನ್ನು ನಡೆಸಿದೆ. ಸಮುದ್ರದಲ್ಲಿ ಆಪತ್ತಿನಲ್ಲಿರುವ ಮೀನುಗಾರರು ಮತ್ತು ನಾವಿಕರಿಗೆ ಈ ಹಡಗು ನೆರವು ನೀಡುವ ಆಶಾಕಿರಣದ ಸಂಕೇತವಾಗಿತ್ತು’ ಎಂದು ಸ್ಮರಿಸಿದ್ದಾರೆ. `ದೇಶದ ಭದ್ರತೆಗೆ ಸವಾಲು ಒಡ್ಡಲು ಯತ್ನಿಸುವ ದುಷ್ಟÀ್ಟಶಕ್ತಿಗಳಿಗೆ ಇದು ಎಚ್ಚರಿಕೆಯ ಮತ್ತು ಕಟ್ಟುನಿಟ್ಟಿನ ಪ್ರತ್ಯುತ್ತರದ ಸಂಕೇತವಾಗಿತ್ತು. ಈ ಹಡಗು ತನ್ನ ಸಕ್ರಿಯ ಸೇವೆಯಿಂದ ನಿರ್ಗಮಿಸುತ್ತಿದ್ದರೂ, ಕರಾವಳಿ ಕಾವಲು ಪಡೆಯ ಇತಿಹಾಸದಲ್ಲಿ ಅದರ ಕೊಡುಗೆ ಮತ್ತು ಪರಂಪರೆ ಎಂದಿಗೂ ಅಮರವಾಗಿರುತ್ತದೆ’ ಎಂದವರು ಹೇಳಿದರು. ಸಾವಿತ್ರಿಬಾಯಿ ಫುಲೆ ಹಡಗಿನ ಕಮಾಂಡಿAಗ್ ಆಫೀಸರ್ ಕಮಾಂಡೆAಟ್ ಗೌರವ್ ಶ್ರೀವಾಸ್ತವ್ ಅವರು ಮಾತನಾಡಿ ಹಡಗಿನ ಸುದೀರ್ಘ ಸೇವೆ, ಸಿಬ್ಬಂದಿಯ ಶ್ರಮ ಹಾಗೂ ಸಮುದ್ರ ಸುರಕ್ಷತೆಯಲ್ಲಿ ಅದರ ಕೊಡುಗೆಯನ್ನು ಸ್ಮರಿಸಿದರು. `ಅಕ್ಟೋಬರ್ 28, 2006 ರಂದು ಸೇವೆಗೆ ಸೇರಿದ್ದ ಈ ಹಡಗು ಕಳೆದ 20 ವರ್ಷಗಳಲ್ಲಿ ದೇಶದ ಸಮುದ್ರ ಗಡಿ ಕಾವಲಿನಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಸಮುದ್ರದಲ್ಲಿ ಸುಮಾರು 78,468 ನಾಟಿಕಲ್ ಮೈಲಿಗಳಷ್ಟು ಗಸ್ತು ನಡೆಸಿದೆ. 14 ಶೋಧ ಮತ್ತು ರಕ್ಷಣಾ ಕಾರ್ಯಚರಣೆಗಳು ಹಾಗೂ 4 ವೈದ್ಯಕೀಯ ತೆರವು ಕಾರ್ಯಾಚರಣೆಗಳನ್ನು ಕೈಗೊಂಡು 71 ಪ್ರಾಣಗಳನ್ನು ರಕ್ಷಿಸಿದೆ. 2 ಕಳ್ಳಸಾಗಣೆ ವಿರೋಧಿ ಕಾರ್ಯಾಚರಣೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ’ ಎಂದರು. `2006-07, 2010-11 ಹಾಗೂ 2014 ರಲ್ಲಿ ಅತ್ಯುತ್ತಮ ‘ಸರ್ಚ್ ಅಂಡ್ ರೆಸ್ಕ್ಯೂ ಯೂನಿಟ್’ ಪ್ರಶಸ್ತಿಯನ್ನು ಪಡೆದುಕೊಂಡಿದೆ. ಗೋವಾ ಶಿಪ್‌ಯಾರ್ಡ್ ಲಿಮಿಟೆಡ್‌ನಿಂದ ಸ್ವದೇಶಿಯಾಗಿ ನಿರ್ಮಿಸಲ್ಪಟ್ಟಿದ್ದ ಈ ಹಡಗು, ಆತ್ಮನಿರ್ಭರತೆಗೆ ಸಾಕ್ಷಿಯಾಗಿತ್ತು’ ಎಂದರು. ಕಾರ್ಯಕ್ರಮದಲ್ಲಿ ಕೋಸ್ಟ್ ಗಾರ್ಡ್ ಕಾರವಾರದ ಕಮಾಂಡರ್ ಅಖಿಲ್ ಯಾದವ್, ಡಿಎಫ್‌ಓ ಆಂತೋಣಿ ಮರಿಯಪ್ಪ, ಸಿ.ಐ.ಎಸ್.ಎಫ್. ಕೈಗಾದ ಕಮಾಂಡಿಗ್ ಆಫೀಸರ್ ಅಜಯ್ ಕುಮಾರ್ ಝಾ, ನಿವೃತ್ತ ಡಿ.ಐ.ಜಿ. ಮನೋಜ್ ಬಾಡ್ಕರ್ ಮತ್ತಿತರರು ಇದ್ದರು.
- [ಹಾಲಕ್ಕಿ ಸಮುದಾಯವನ್ನು ಪ್ರಚಾರದ ಸರಕಾಗಿಸಬೇಡಿ!](https://mobiletime.in/2026/09/do-not-turn-the-halakki-community-into-a-tool-for-publicity/): ‘ಉತ್ತರ ಕನ್ನಡ ಜಿಲ್ಲೆಯ ಹಾಲಕ್ಕಿ ಸಮುದಾಯವನ್ನು ಇನ್ನು ಮುಂದೆ ಕೇವಲ ಚುನಾವಣಾ ಪ್ರಚಾರದ ಸರಕಾಗಿ ಬಳಸಿಕೊಳ್ಳುವ ರಾಜಕೀಯ ಪರಿಪಾಠಕ್ಕೆ ಕಡಿವಾಣ ಹಾಕಬೇಕು. ವರ್ಷಗಳಿಂದ ಪರಿಶಿಷ್ಟ ಪಂಗಡ (ST) ಸ್ಥಾನಮಾನಕ್ಕಾಗಿ ಹೋರಾಟ ನಡೆಸುತ್ತಿರುವ ಹಾಲಕ್ಕಿ ಸಮುದಾಯಕ್ಕೆ ಕೇವಲ ಭರವಸೆ, ಭೇಟಿ, ವೇದಿಕೆ ಹಾಗೂ ಪ್ರಚಾರ ಸಾಕಾಗಿದ್ದು, ಅವರ ಬೇಡಿಕೆಗೆ ನಿರ್ಣಾಯಕ ಕ್ರಮ ಜರುಗಿಸಬೇಕು’ ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ಬಿ ನಾಯಕ ಅವರು ಆಗ್ರಹಿಸಿದ್ದಾರೆ. ‘ಇತ್ತೀಚೆಗೆ ಹಾಲಕ್ಕಿ ಸಮುದಾಯದ ಅಧ್ಯಕ್ಷರು ಹಿರಿಯ ನಾಟಿ ವೈದ್ಯ ಹನುಮಂತಗೌಡ ಅವರ ನೇತೃತ್ವದಲ್ಲಿ ಮಹಿಳೆಯರು ಹಾಗೂ ಸಮುದಾಯದ ಮುಖಂಡರು, ಕಾರವಾರ–ಅಂಕೋಲಾ ವಿಧಾನಸಭಾ ಕ್ಷೇತ್ರದ ಜನಪ್ರತಿನಿಧಿಗಳ ಮುಂದಾಳತ್ವದಲ್ಲಿ ಮಂಗಳೂರಿನಲ್ಲಿ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ಅ ವರನ್ನು ಭೇಟಿ ಮಾಡಿ ಹಾಲಕ್ಕಿ ಸಮುದಾಯವನ್ನು ಎಸ್‌ಟಿ ಪಟ್ಟಿಗೆ ಸೇರಿಸುವಂತೆ ಮನವಿ ಸಲ್ಲಿಸಿರುವುದು ಸ್ವಾಗತಾರ್ಹ. ಆದರೆ ಇಂತಹ ಮನವಿಗಳು ಕೇವಲ ಮತ್ತೊಂದು ಭರವಸೆಯಾಗಿ ಉಳಿಯದೆ, ಸರ್ಕಾರದ ಮುಂದಿನ ಸ್ಪಷ್ಟ ಕ್ರಮಕ್ಕೆ ದಾರಿ ಮಾಡಿಕೊಡಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಹಾಲಕ್ಕಿ ಸಮುದಾಯದ ಎಸ್‌ಟಿ ಬೇಡಿಕೆ ಹಲವು ವರ್ಷಗಳಿಂದ ಮುಂದುವರಿದಿದೆ. 2022ರ Indian Express ವರದಿಯೂ ಸಮುದಾಯವು 2006ರಿಂದಲೇ ಎಸ್‌ಟಿ ಸ್ಥಾನಮಾನಕ್ಕಾಗಿ ಹೋರಾಟ ನಡೆಸುತ್ತಿದೆ ಎಂದು ದಾಖಲಿಸಿತ್ತು. ಚುನಾವಣೆ ಬಂದಾಗ ಹಾಲಕ್ಕಿ ಸಮುದಾಯ ನೆನಪಾಗುತ್ತದೆ. ಚುನಾವಣೆ ಮುಗಿದ ಮೇಲೆ ಅವರ ಬೇಡಿಕೆ ಮರೆತುಹೋಗುತ್ತದೆ. ಈ ಪರಿಪಾಠಕ್ಕೆ ಯಾವಾಗ ಅಂತ್ಯ?’ ಎಂದು ಮಾಧವ ನಾಯಕ ಅವರು ಪ್ರಶ್ನಿಸಿದ್ದಾರೆ. ‘2023ರ ವಿಧಾನಸಭಾ ಚುನಾವಣೆಯ ಸಂದರ್ಭದಲ್ಲಿ ಪದ್ಮಶ್ರೀ ಪುರಸ್ಕೃತರಾದ ಹಾಲಕ್ಕಿ ಸಮುದಾಯದ ತುಳಸಿ ಗೌಡ ಮತ್ತು ಸುಕ್ರಿ ಬೊಮ್ಮಗೌಡ ಅವರನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಅಂಕೋಲಾದಲ್ಲಿ ಭೇಟಿ ಮಾಡಿದ್ದರು. ಆ ಸಂದರ್ಭದಲ್ಲಿ ಸುಕ್ರಿ ಬೊಮ್ಮಗೌಡ ಅವರು ಹಾಲಕ್ಕಿ ಸಮುದಾಯವನ್ನು ಎಸ್‌ಟಿ ವರ್ಗಕ್ಕೆ ಸೇರಿಸುವಂತೆ ಸರ್ಕಾರಕ್ಕೆ ಮನವಿ ಮಾಡಿದ್ದರು. ಸಮುದಾಯದ ಹಿರಿಯರು ಸ್ವತಃ ತಮ್ಮ ಬೇಡಿಕೆಯನ್ನು ವ್ಯಕ್ತಪಡಿಸಿದರು. ಆದರೆ ಇಂದಿಗೂ ಹಾಲಕ್ಕಿ ಸಮಾಜದ ಎಸ್‌ಟಿ ಬೇಡಿಕೆ ಏಕೆ ಅಂತಿಮ ತೀರ್ಮಾನಕ್ಕೆ ಬಂದಿಲ್ಲ ಎಂಬುದನ್ನು ಸರ್ಕಾರಗಳು ಜನರಿಗೆ ಸ್ಪಷ್ಟಪಡಿಸಬೇಕು’ ಎಂದು ಮಾಧವ ಬಿ ನಾಯಕ ಅವರು ಹೇಳಿದ್ದಾರೆ. ‘ವಿಧಾನಸಭಾ ಚುನಾವಣಾ ಸಂದರ್ಭದಲ್ಲಿ ಪ್ರಧಾನ ಮಂತ್ರಿಗಳು ಅಂಕೋಲಾ ತಾಲೂಕಿನ ಹಟ್ಟಿಕೇರಿಗೆ ತಮ್ಮ ಪಕ್ಷದ ಅಭ್ಯರ್ಥಿಯ ಚುನಾವಣಾ ಪ್ರಚಾರಕ್ಕಾಗಿ ಆಗಮಿಸಿದ ಸಂದರ್ಭದಲ್ಲಿ ಹಾಲಕ್ಕಿ ಸಮುದಾಯದ ಪದ್ಮಶ್ರೀ ಪುರಸ್ಕೃತರಾದ ದಿವಂಗತ ಸುಕ್ರಿ ಬೊಮ್ಮು ಗೌಡ ಮತ್ತು ತುಳಸಿ ಗೌಡ ಇವರನ್ನು ವೇದಿಕೆಗೆ ಕರೆದು ಆಶೀರ್ವಾದ ಪಡೆದ ಭಾವಚಿತ್ರ ಪ್ರಚಾರದ ಸಾಧನವಾಗಿದೆ’ ಎಂದು ಮಾಧವ ನಾಯಕ ಅಭಿಪ್ರಾಯಪಟ್ಟಿದ್ದಾರೆ. ‘ರಾಜ್ಯ ಅಥವಾ ಕೇಂದ್ರ—ಯಾವುದೇ ಸರ್ಕಾರವಾಗಲಿ ಯಾವುದೇ ರಾಜಕೀಯ ಪಕ್ಷವಾಗಲಿ ಹಾಲಕ್ಕಿ ಸಮುದಾಯವನ್ನು ಚುನಾವಣಾ ಪ್ರಚಾರದ ಸಾಧನವನ್ನಾಗಿ ಬಳಸಿಕೊಳ್ಳದೆ ಅವರ ಎಸ್‌ಟಿ ಬೇಡಿಕೆಯ ಕುರಿತು ಕೈಗೊಂಡಿರುವ ಕ್ರಮಗಳು, ಬಾಕಿ ಇರುವ ಪ್ರಕ್ರಿಯೆಗಳು ಮತ್ತು ಮುಂದಿನ ಹಂತವನ್ನು ಸಾರ್ವಜನಿಕವಾಗಿ ಸ್ಪಷ್ಟಪಡಿಸಬೇಕು. ಹಾಲಕ್ಕಿ ಸಮುದಾಯದ ಭಾವನೆಗಳೊಂದಿಗೆ ರಾಜಕೀಯ ಮಾಡದೆ, ಅವರ ಹಕ್ಕಿನ ಪ್ರಶ್ನೆಗೆ ಶಾಶ್ವತ ಪರಿಹಾರದ ದಾರಿ ತೋರಿಸಬೇಕು ಎಂದು ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ಬಿ ನಾಯಕ ಆಗ್ರಹಿಸಿದ್ದಾರೆ.
- [ತಪ್ಪು ಮಾಡದ ಚಾಲಕನಿಗೂ 2‌ಲಕ್ಷ ರೂ ದಂಡ!](https://mobiletime.in/2026/09/a-fine-of-%e2%82%b92-lakh-even-for-a-driver-who-committed-no-offense/): ಟ್ರಾಫಿಕ್ ದಂಡ ಪಾವತಿಸುವಂತೆ ನಕಲಿ ವಾಟ್ಸ್‌ಆ್ಯಪ್ ಸಂದೇಶ ಕಳುಹಿಸಿದ ವಂಚಕರು ಆಂಬುಲೆನ್ಸ್ ಚಾಲಕರೊಬ್ಬರಿಂದ 2 ಲಕ್ಷ ರೂಪಾಯಿಗೂ ಅಧಿಕ ಹಣ ದೋಚಿದ್ದಾರೆ. ನಕಲಿ ಅಪ್ಲಿಕೇಶನ್ ಡೌನ್ಲೌಡ್ ಮಾಡಿದ ಸುರೇಶ ನರಸಪ್ಪ ಕುಡಗಡಿ ಅವರು ಹಣ ಕಳೆದುಕೊಂಡಿದ್ದಾರೆ. ಜೋಯಿಡಾ ತಾಲೂಕಿನ ರಾಮನಗರದ ಜೆಡ್‌ಪಿ ಕ್ವಾರ್ಟರ್ಸ್‌ನಲ್ಲಿ ವಾಸವಾಗಿರುವ ಸುರೇಶ ಕುಡಗಡಿ ಅವರಿಗೆ  ಸೆ‌ 11ರಂದು ತಾನು ಚಲಾಯಿಸುತ್ತಿದ್ದ ಆಂಬ್ಯುಲೆನ್ಸ್‌ಗೆ ಟ್ರಾಫಿಕ್ ವೈಲೇಶನ್ ಆಗಿದೆ ಎಂದು ತಿಳಿಸುವ ವಾಟ್ಸ್‌ಆ್ಯಪ್ ಸಂದೇಶ ಬಂದಿತ್ತು. ಆಂಬ್ಯುಲೆನ್ಸ್ ಮೇಲ್ವಿಚಾರಕರಿ ಗುರುರಾಜ ನಾಯಕ ಅವರಿಗೆ ಬಂದಿದ್ದ ಸಂದೇಶವನ್ನು ಅವರು ಸುರೇಶ ಕುಡಗಡಿ ಅವರಿಗೆ ಫಾರ್ವರ್ಡ್ ಮಾಡಿದ್ದರು. ಸಂದೇಶದಲ್ಲಿದ್ದ ಲಿಂಕ್ ಮೂಲಕ ದಂಡ ಪಾವತಿಸಬಹುದು ಎಂದು ತಿಳಿಸಲಾಗಿತ್ತು. ಇದನ್ನು ನಂಬಿದ ಸುರೇಶ ಲಿಂಕ್ ಕ್ಲಿಕ್ ಮಾಡಿದಾಗ ಕ್ರೋಮ್ ಬ್ರೌಸರ್‌ನಲ್ಲಿ ಮತ್ತೊಂದು ವೆಬ್‌ಪುಟ ತೆರೆದುಕೊಂಡಿದ್ದು, ಅದರ ಮೂಲಕ ‘Next Parivahan’ ಹೆಸರಿನ ಅಪ್ಲಿಕೇಶನ್ ಡೌನ್‌ಲೋಡ್ ಆಯಿತು. ಅಪ್ಲಿಕೇಶನ್ ತೆರೆದಾಗ ಯಾವುದೇ ಮಾಹಿತಿ ಕಾಣಿಸದ ಹಿನ್ನೆಲೆಯಲ್ಲಿ ಅನುಮಾನಗೊಂಡ ಅವರು ಅದೇ ದಿನ ಬೆಳಗಾವಿಯ ಟ್ರಾಫಿಕ್ ಪೊಲೀಸ್ ಠಾಣೆಯಲ್ಲಿ ವಿಚಾರಿಸಿದ್ದರು. ಆಂಬ್ಯುಲೆನ್ಸ್ ವಿರುದ್ಧ ಯಾವುದೇ ಟ್ರಾಫಿಕ್ ವೈಲೇಶನ್ ಪ್ರಕರಣ ದಾಖಲಾಗಿಲ್ಲ ಎಂದು ಪೊಲೀಸರು ತಿಳಿಸಿದ ಬಳಿಕ ಇದು ಸೈಬರ್ ವಂಚಕರು ಕಳುಹಿಸಿರುವ ನಕಲಿ ಲಿಂಕ್ ಆಗಿರಬಹುದು ಎಂಬ ಅನುಮಾನ ಮೂಡಿತು. ಕೂಡಲೇ ಮೊಬೈಲ್‌ನಲ್ಲಿದ್ದ ಅಪ್ಲಿಕೇಶನ್‌ನ್ನು ಅನ್‌ಇನ್‌ಸ್ಟಾಲ್ ಮಾಡಿದರು. ಆದರೆ, ಎರಡು ದಿನಗಳ ಬಳಿಕ ವಂಚನೆಯ ಬಲೆಗೆ ಸಿಲುಕಿರುವುದು ಬೆಳಕಿಗೆ ಬಂದಿತು. ಸೆ 14ರಂದು ಒಟ್ಟೂ ಮೂರು ಕ್ರೆಡಿಟ್ ಕಾರ್ಡ್‌ಗಳಿಂದ ಒಟ್ಟು 2,19,855 ರೂ ಹಣ ವಂಚನೆಯಾಗಿರುವುದು ಗೊತ್ತಾಯಿತು. ಕೂಡಲೇ ಅವರು ಮೂರು ಕ್ರೆಡಿಟ್ ಕಾರ್ಡ್‌ಗಳ ಗ್ರಾಹಕ ಸೇವಾ ಕೇಂದ್ರಕ್ಕೆ ಕರೆ ಮಾಡಿ ಆನ್‌ಲೈನ್ ವಂಚನೆಯ ಕುರಿತು ಮಾಹಿತಿ ನೀಡಿ ಕಾರ್ಡ್‌ಗಳನ್ನು ಬ್ಲಾಕ್ ಮಾಡಿಸಿದ್ದಾರೆ. ಅಲ್ಲದೆ 1930 ಸೈಬರ್ ಕ್ರೈಂ ಹೆಲ್ಪ್‌ಲೈನ್‌ಗೆ ಕರೆ ಮಾಡಿ ಆಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ಗಳಿಂದ ನಡೆದ ವಂಚನೆಯ ಕುರಿತು ದೂರು ನೀಡಿದ್ದಾರೆ. ಸೆ.15ರಂದು ಎಸ್‌ಬಿಐ ಕ್ರೆಡಿಟ್ ಕಾರ್ಡ್ ಮೂಲಕ ನಡೆದ ವಂಚನೆಯ ಬಗ್ಗೆಯೂ ವರದಿ ಮಾಡಿದ್ದಾರೆ. ಟ್ರಾಫಿಕ್ ದಂಡದ ಹೆಸರಿನಲ್ಲಿ ಬಂದ ನಕಲಿ ಲಿಂಕ್‌ನ್ನು ಕ್ಲಿಕ್ ಮಾಡಿದ ಬಳಿಕ ಕ್ರೆಡಿಟ್ ಕಾರ್ಡ್‌ಗಳಿಂದ ಹಣ ವರ್ಗಾವಣೆಯಾಗಿರುವ ಹಿನ್ನೆಲೆಯಲ್ಲಿ, ವಂಚನೆಗೆ ಬಳಸಿದ ಲಿಂಕ್ ಹಾಗೂ ಹಣ ವರ್ಗಾವಣೆಯಾದ ಖಾತೆಗಳ ಕುರಿತು ತನಿಖೆ ನಡೆಸಿ ಆರೋಪಿಗಳನ್ನು ಪತ್ತೆಹಚ್ಚಿ ಕಾನೂನು ಕ್ರಮ ಕೈಗೊಳ್ಳುವಂತೆ ಅವರು ಜೊಯಿಡಾದ ರಾಮನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
- [ಕಲ್ಲು ತೂರಾಟ: ಕಿಡಿಗೇಡಿ ಸಿಗುವವರೆಗೂ ಕದಲದ ಗಣೇಶ!](https://mobiletime.in/2026/09/stone-pelting-ganesha-stays-put-until-the-miscreant-is-found/): ಭಟ್ಕಳ ಆಟೋ ಚಾಲಕ-ಮಾಲಕ ಸಂಘದವರು ಸ್ಥಾಪಿಸಿದ್ದ ಗಣೇಶ ಮಂಟಪ ಮೇಲೆ ಕಲ್ಲು ತೂರಾಟ ನಡೆದಿದ್ದು, `ಕಿಡಿಗೇಡಿ ಸಿಗುವವರೆಗೂ ಗಣೇಶ ವಿಸರ್ಜನೆ ಮಾಡುವುದಿಲ್ಲ’ ಎಂದು ಆಟೋ ಚಾಲಕ-ಮಾಲಕರ ಸಂಘದ ಸಂಘದ ಸದಸ್ಯರು ಹೇಳಿದ್ದಾರೆ. ಗಣೇಶೋತ್ಸವ ಪೆಂಡಾಲ್ ಮೇಲೆ ಕಲ್ಲು ಎಸೆದಿರುವ ಘಟನೆಗೆ ಸಂಬoಧಿಸಿದoತೆ ಆಟೋ ಚಾಲಕ-ಮಾಲಕರ ಸಂಘ ತುರ್ತು ಪತ್ರಿಕಾಗೋಷ್ಠಿ ನಡೆಸಿದ್ದಾರೆ. `ಗಣೇಶೋತ್ಸವ ಪೆಂಡಾಲ್‌ನ ಹಿಂಭಾಗದ ಶೆಡ್ ಮೇಲೆ ಬೆಳಗ್ಗೆ ಸುಮಾರು 7.20ರ ವೇಳೆಗೆ ಕಲ್ಲು ಬಿದ್ದಿರುವುದು ನಿಜ’ ಎಂದು ಸಂಘದ ಅಧ್ಯಕ್ಷ ವೆಂಕಟೇಶ ನಾಯ್ಕ ತಿಳಿಸಿದ್ದಾರೆ. `ಪೆಂಡಾಲ್ ಮೇಲೆ ಬಿದ್ದಿರುವುದು ಕಲ್ಲಲ್ಲ… ಬಾಲ್ ಎಂಬ ಮಾತು ಕೇಳಿ ಬಂದಿತ್ತು. ಆದರೆ, ಬಾಲ್ ಬಿದ್ದಿದೆ ಎಂಬ ಆರೋಪವನ್ನು ಸಂಘದ ಅಧ್ಯಕ್ಷರು ತಳ್ಳಿಹಾಕಿದ್ದು, ಪೆಂಡಾಲ್ ಮೇಲೆ ಕಲ್ಲು ಬಿದ್ದಿರುವುದಾಗಿ ಸ್ಪಷ್ಟಪಡಿಸಿದ್ದಾರೆ. ಕಲ್ಲು ಎಲ್ಲಿಂದ ಬಂತು? ಯಾರು ಎಸೆದರು? ಎಂಬುದು ಸದ್ಯಕ್ಕೆ ತಿಳಿದಿಲ್ಲ. ಘಟನೆ ನಡೆದ ತಕ್ಷಣವೇ ಭಟ್ಕಳ ಶಹರ ಪೊಲೀಸ್ ಠಾಣೆಯ ಪಿಐ ದಿವಾಕರ್ ಅವರಿಗೆ ಮಾಹಿತಿ ನೀಡಲಾಗಿದೆ ಎಂದು ವೆಂಕಟೇಶ ನಾಯ್ಕ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ. `ಘಟನೆಯ ಸತ್ಯಾಸತ್ಯತೆ ಪತ್ತೆಹಚ್ಚಲು ಪೆಂಡಾಲ್‌ನ ಹಿಂಭಾಗದಲ್ಲಿರುವ ಅಂಜುಮಾನ್ ಶಾಲೆಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುವಂತೆ ಸಂಘದ ವತಿಯಿಂದ ಪೊಲೀಸರಿಗೆ ಮನವಿ ಮಾಡಲಾಗಿದೆ. ಈ ನಡುವೆ ಕಲ್ಲು ಎಸೆತ ಪ್ರಕರಣದ ಆರೋಪಿಗಳನ್ನು ಪತ್ತೆಹಚ್ಚಿ ಬಂಧಿಸುವವರೆಗೆ ಗಣೇಶ ವಿಸರ್ಜನೆ ಮಾಡದಿರಲು ಆಟೋ ಚಾಲಕ-ಮಾಲಕರ ಸಂಘ ನಿರ್ಧರಿಸಿದೆ’ ಎಂವರು ಹೇಳಿದ್ದಾರೆ. ಆರೋಪಿಗಳನ್ನು ಪತ್ತೆಹಚ್ಚಿದ ಬಳಿಕವೇ ಗಣೇಶ ವಿಸರ್ಜನೆ ನಡೆಸಲಾಗುವುದು ಎಂದು ಸಂಘಟನೆ ತಿಳಿಸಿದೆ. ಈ ನಿರ್ಧಾರಕ್ಕೆ ಉಳಿದ ಮೂರು ಸಾರ್ವಜನಿಕ ಗಣೇಶೋತ್ಸವ ಸಮಿತಿಗಳೂ ಸಹಮತ ವ್ಯಕ್ತಪಡಿಸಿವೆ ಎಂದು ಪತ್ರಿಕಾಗೋಷ್ಠಿಯಲ್ಲಿ ಪ್ರಮುಖರು ಮಾಹಿತಿ ನೀಡಿದರು.
- [ಪ್ರಜಾಸೇವೆ: ಎಲ್ಲಾ ಸಮಸ್ಯೆಗೂ ಒಂದೇ ಪರಿಹಾರ!](https://mobiletime.in/2026/09/public-service-the-single-solution-to-all-problems/): ಜನರ ಸಮಸ್ಯೆ ಪರಿಹಾರ ಕಲ್ಪಿಸುವ ಉದ್ದೇಶದಿಂದ ಉತ್ತರ ಕನ್ನಡ ಜಿಲ್ಲೆಯ ವಿವಿಧ ವಿಧಾನಸಭಾ ಕ್ಷೇತ್ರಗಳಲ್ಲಿ ಸೆ. 19ರಂದು ತಾಲೂಕು ಹಾಗೂ ಹೋಬಳಿ ಮಟ್ಟದ ಪ್ರಜಾಸೇವೆ ಆಂದೋಲನ ಸಭೆಗಳನ್ನು ಆಯೋಜಿಸಲಾಗಿದೆ. ಆಯಾ ವಿಧಾನಸಭಾ ಕ್ಷೇತ್ರಗಳ ಶಾಸಕರ ನೇತೃತ್ವದಲ್ಲಿ ಬೆಳಗ್ಗೆ 10.30 ಗಂಟೆಗೆ ಸಭೆಗಳು ನಡೆಯಲಿದ್ದು, ಸಾರ್ವಜನಿಕರು ತಮ್ಮ ಸಮಸ್ಯೆಗಳನ್ನು ನೇರವಾಗಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಭಟ್ಕಳ-ಹೊನ್ನಾವರ ವಿಧಾನಸಭಾ ಕ್ಷೇತ್ರದಲ್ಲಿ ವಿಧಾನಸಭಾ ಉಪಾಧ್ಯಕ್ಷ ಹಾಗೂ ಶಾಸಕ ಮಂಕಾಳ ಎಸ್. ವೈದ್ಯ ಅವರ ನೇತೃತ್ವದಲ್ಲಿ ಭಟ್ಕಳ ತಾಲೂಕಿನ ಮಾವಿನ ಕುರ್ವಾ ಹೋಬಳಿಯ ಶ್ರೀ ನವದುರ್ಗಾ ದೇವಸ್ಥಾನದಲ್ಲಿ ಸಭೆ ನಡೆಯಲಿದೆ. ಶಿರಸಿ-ಸಿದ್ದಾಪುರ ಕ್ಷೇತ್ರದಲ್ಲಿ ಶಾಸಕ ಭೀಮಣ್ಣ ಟಿ. ನಾಯ್ಕ ಅವರ ನೇತೃತ್ವದಲ್ಲಿ ಹುಲೇಕಲ್ ಹೋಬಳಿಯ ಡಾ. ಬಿ.ಆರ್. ಅಂಬೇಡ್ಕರ್ ಸಭಾಭವನದಲ್ಲಿ ಸಭೆ ಆಯೋಜಿಸಲಾಗಿದೆ. ಕಾರವಾರ-ಅಂಕೋಲಾ ಕ್ಷೇತ್ರದಲ್ಲಿ ಕರ್ನಾಟಕ ರಾಜ್ಯ ಮಾರ್ಕೆಟಿಂಗ್ ಕಮ್ಯೂನಿಕೇಷನ್ ಅಂಡ್ ಅಡ್ವರ್ಟೈಸಿಂಗ್ ಏಜೆನ್ಸಿ ಲಿಮಿಟೆಡ್ ಅಧ್ಯಕ್ಷ ಹಾಗೂ ಶಾಸಕ ಸತೀಶ್ ಕೆ. ಸೈಲ್ ಅವರ ನೇತೃತ್ವದಲ್ಲಿ ಅಂಕೋಲಾ ತಾಲೂಕಿನ ಬೆಲೇಕೇರಿ ಹೋಬಳಿಯ ಅವರ್ಸಾ ಗ್ರಾಮ ಪಂಚಾಯಿತಿ ಸಭಾಭವನದಲ್ಲಿ ಸಭೆ ನಡೆಯಲಿದೆ. ಯಲ್ಲಾಪುರ-ಮುಂಡಗೋಡ ಕ್ಷೇತ್ರದಲ್ಲಿ ಶಾಸಕ ಶಿವರಾಮ ಹೆಬ್ಬಾರ ಅವರ ನೇತೃತ್ವದಲ್ಲಿ ಯಲ್ಲಾಪುರ ತಾಲೂಕಿನ ಕಣ್ಣಿಗೇರಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಕಣ್ಣಿಗೇರಿ ಸಭಾಭವನದಲ್ಲಿ ಹೋಬಳಿ ಮಟ್ಟದ ಪ್ರಜಾಸೇವೆ ಆಂದೋಲನ ಸಭೆ ನಡೆಯಲಿದೆ. ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಸಭೆಗಳಲ್ಲಿ ಭಾಗವಹಿಸಿ ತಮ್ಮ ಅಹವಾಲುಗಳನ್ನು ಸಲ್ಲಿಸುವಂತೆ ಜಿಲ್ಲಾಧಿಕಾರಿ ಕೆ. ಲಕ್ಷ್ಮೀಪ್ರಿಯಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಅಲ್ಲದೆ, ಸರ್ಕಾರದ ವಿವಿಧ ಯೋಜನೆಗಳ ಸವಲತ್ತು ಪಡೆಯಲು ಅರ್ಜಿಗಳನ್ನು ಸಲ್ಲಿಸಿ, ತಮ್ಮ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವ0ತೆ ಅವರು ಮನವಿ ಮಾಡಿದ್ದಾರೆ.
- [ಅಕ್ಕಿ ಮೇಲೆ ಆಸೆ ಇದ್ದವರು ಈ ಕೆಲಸ ಮುಗಿಸಿಬಿಡಿ!](https://mobiletime.in/2026/09/if-you-are-keen-on-getting-rice-get-this-task-done/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಪಡಿತರ ಚೀಟಿ ಮೂಲಕ ಅಕ್ಕಿಪಡೆಯುವವರಿಗೆ ಆಹಾರ ಇಲಾಖೆ ಮಹತ್ವದ ಸೂಚನೆ ನೀಡಿದೆ. ಅಕ್ಟೋಬರ್ 20ರೊಳಗೆ ಕಡ್ಡಾಯವಾಗಿ ಇ-ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳಿಸುವುದು ಕಡ್ಡಾಯವಾಗಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಒಟ್ಟು 5,69,044 ಪಡಿತರ ಚೀಟಿ ಸದಸ್ಯರು ಐದು ವರ್ಷಗಳ ಹಿಂದೆ ಇ-ಕೆವೈಸಿ ಮಾಡಿಸಿಕೊಂಡಿದ್ದು, ಇದೀಗ ಅಂತಹ ಸದಸ್ಯರು ಮತ್ತೊಮ್ಮೆ ಇ-ಕೆವೈಸಿ ಮಾಡಿಸಿಕೊಳ್ಳಬೇಕಾಗಿದೆ. ಇ-ಕೆವೈಸಿ ಬಾಕಿ ಇರುವ ಸದಸ್ಯರ ಪಟ್ಟಿಯನ್ನು ಈಗಾಗಲೇ ಸಂಬoಧಪಟ್ಟ ನ್ಯಾಯಬೆಲೆ ಅಂಗಡಿಗಳಿಗೆ ನೀಡಲಾಗಿದೆ. ಹೀಗಾಗಿ ಪಡಿತರ ಚೀಟಿದಾರರು ತಮ್ಮ ಹೆಸರು ಇ-ಕೆವೈಸಿ ಬಾಕಿ ಇರುವ ಪಟ್ಟಿಯಲ್ಲಿ ಇದೆಯೇ? ಎಂಬುದನ್ನು ತಮ್ಮ ವ್ಯಾಪ್ತಿಯ ನ್ಯಾಯಬೆಲೆ ಅಂಗಡಿಯಲ್ಲಿ ಪರಿಶೀಲಿಸಿಕೊಳ್ಳಬೇಕು. ಹೆಸರು ಬಾಕಿ ಇದ್ದರೆ ತಡಮಾಡದೆ ಹತ್ತಿರದ ನ್ಯಾಯಬೆಲೆ ಅಂಗಡಿಗೆ ಭೇಟಿ ನೀಡಿ ಇ-ಕೆವೈಸಿ ಪೂರ್ಣಗೊಳಿಸಿಕೊಳ್ಳುವಂತೆ ಇಲಾಖೆ ಮನವಿ ಮಾಡಿದೆ. ಇ-ಕೆವೈಸಿ ಮಾಡಿಸಿಕೊಳ್ಳದೆ ಬಾಕಿ ಉಳಿದರೆ, ಪಡಿತರ ಚೀಟಿಯ ಆಧಾರದ ಮೇಲೆ ಸರ್ಕಾರದಿಂದ ಪಡೆಯುತ್ತಿರುವ ವಿವಿಧ ಸೌಲಭ್ಯಗಳು ಮುಂದಿನ ದಿನಗಳಲ್ಲಿ ಸ್ಥಗಿತಗೊಳ್ಳುವ ಸಾಧ್ಯತೆ ಇದೆ. ಪಡಿತರ ಅಕ್ಕಿಪಡೆಯದ ಚೀಟಿದಾರರು ಸಹ ಕೆವೈಸಿ ಮಾಡಿಸುವುದು ಉತ್ತಮ. ಇನ್ನೂ ಈ ಪ್ರಕ್ರಿಯೆ ಸಂಪೂರ್ಣ ಉಚಿತವಾಗಿದೆ. ಅದಾಗಿಯೂ, ನ್ಯಾಯಬೆಲೆ ಅಂಗಡಿಗಳಲ್ಲಿ ಇ-ಕೆವೈಸಿಗಾಗಿ ಹಣ ಪಡೆಯುತ್ತಿದ್ದರೆ ಆಹಾರ ಇಲಾಖೆಯ ಗ್ರಾಹಕರ ಸಹಾಯವಾಣಿ 1967ಕ್ಕೆ ಕರೆ ಮಾಡಿ ದೂರು ಸಲ್ಲಿಸಬಹುದು. ಅಥವಾ ಸಂಬoಧಪಟ್ಟ ತಹಶೀಲ್ದಾರರ ಕಚೇರಿಯ ಆಹಾರ ಶಿರಸ್ತೇದಾರರು ಹಾಗೂ ಆಹಾರ ನಿರೀಕ್ಷಕರಿಗೆ ದೂರು ನೀಡಬಹುದಾಗಿದೆ.    
- [ತಲೆಗೆ ತಾಗಿದ ಮೊಳೆ: ಸಾವು!](https://mobiletime.in/2026/09/nail-piercing-the-head-death/): ಗಣೇಶೋತ್ಸವಕ್ಕಾಗಿ ಮನೆಯಲ್ಲೇ ಮಂಟಪದ ಅಲಂಕಾರ ಮಾಡುತ್ತಿದ್ದ ವೇಳೆ ಸಂಭವಿಸಿದ ಆಕಸ್ಮಿಕ ಅವಘಡದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಜೋಯಿಡಾ ತಾಲೂಕಿನ ರಾಮನಗರದ 26 ವರ್ಷದ ಯುವಕ ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾರೆ. ದುಃಖದ ನಡುವೆಯೂ ಕುಟುಂಬದವರು ಅವರ ಉಪಯುಕ್ತ ಅಂಗಾ0ಗಗಳನ್ನು ದಾನ ಮಾಡುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ. ಜೊಯಿಡಾ ರಾಮನಗರದ ಹನುಮಾನಗಲ್ಲಿಯ ಮಹೇಂದ್ರ ಮಾರುತಿ ಮಳೆಕರ (26) ಮೃತಪಟ್ಟವರು. ಸೆ.12ರಂದು ಬೆಳಗಿನ ಜಾವ ಸುಮಾರು 2.30ರ ವೇಳೆಗೆ ಘಟನೆ ನಡೆದಿದೆ. ಮನೆಯ ಗಣೇಶ ಮಂಟಪದ ಅಲಂಕಾರ ಕಾರ್ಯದಲ್ಲಿ ಮಹೇಂದ್ರ ಕೂಡ ತೊಡಗಿಸಿಕೊಂಡಿದ್ದರು. ಅಲಂಕಾರಕ್ಕಾಗಿ ಬಳಸುವ ಚೀಲಗಳಿಗೆ ಕಬ್ಬಿಣದ ಮೊಳೆಗಳನ್ನು ಹೊಡೆದು ಕೆಲಸ ಮುಗಿಸಿದ ಬಳಿಕ ಅವರು ಸೋಫಾದ ಮೇಲೆ ಕುಳಿತು ಮೊಬೈಲ್ ನೋಡುತ್ತಿದ್ದರು. ಬಳಿಕ ಮಲಗಲು ಸೋಫಾದಿಂದ ಎದ್ದು ಹಾಸಿಗೆ ಕಡೆಗೆ ಬರುತ್ತಿದ್ದಾಗ, ಅವರ ಕಾಲಿಗೆ ಇದ್ದಕ್ಕಿದ್ದಂತೆ ಸೆಳೆತ ಉಂಟಾಗಿ ಆಯತಪ್ಪಿದ್ದಾರೆ. ಈ ವೇಳೆ ಅಲಂಕಾರದ ಕೆಲಸಕ್ಕಾಗಿ ಹೊಡೆದು ಇಡಲಾಗಿದ್ದ ಕಬ್ಬಿಣದ ಮೊಳೆಯ ಮೇಲೆ ಬಿದ್ದಿದ್ದು, ಮೊಳೆ ಹಣೆಯ ಭಾಗಕ್ಕೆ ಚುಚ್ಚಿಕೊಂಡು ಗಂಭೀರ ಗಾಯವಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಿ, ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಬೆಳಗಾವಿಯ ಕೆ.ಎಲ್.ಇ. ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಆದರೆ ಮಹೇಂದ್ರ ಅವರ ಮೆದುಳು ನಿಷ್ಕ್ರಿಯಗೊಂಡಿದ್ದು, ಯಾವುದೇ ಚಿಕಿತ್ಸೆಗೆ ಸ್ಪಂದಿಸುತ್ತಿಲ್ಲ ಎಂದು ವೈದ್ಯರು ಕುಟುಂಬದವರಿಗೆ ತಿಳಿಸಿದ್ದಾರೆ. ಇದರ ನಡುವೆ ದುಃಖದಲ್ಲಿದ್ದ ಕುಟುಂಬದವರು ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ. ಮಹೇಂದ್ರ ಅವರ ಉಪಯುಕ್ತ ಅಂಗಾAಗಗಳನ್ನು ಸಂಕಷ್ಟದಲ್ಲಿರುವ ಇತರ ರೋಗಿಗಳ ಜೀವ ಉಳಿಸಲು ದಾನ ಮಾಡಲು ಸ್ವಯಂಪ್ರೇರಿತವಾಗಿ ನಿರ್ಧರಿಸಿದ್ದಾರೆ. ಕುಟುಂಬದ ಒಪ್ಪಿಗೆ ಮೇರೆಗೆ ಕೆ.ಎಲ್.ಇ. ಆಸ್ಪತ್ರೆಯ ವೈದ್ಯರು ಅಗತ್ಯ ಪ್ರಕ್ರಿಯೆ ನಡೆಸಿ ಅಂಗಾAಗಗಳನ್ನು ಪಡೆದುಕೊಂಡಿದ್ದಾರೆ.  
- [ಕೋರ್ಟ ಕಲಾಪಕ್ಕೆ ಅಡ್ಡಿ: ಕಾರವಾರದ ನ್ಯಾಯವಾದಿಗೆ ಒಂದು ದಿನ ಜೈಲು!](https://mobiletime.in/2026/09/disruption-of-court-proceedings-karwar-lawyer-sentenced-to-one-day-in-jail/): ಕೋರ್ಟಿನಲ್ಲಿ ಕೂಗಾಡಿದ ಕಾರವಾರದ ವಕೀಲರೊಬ್ಬರಿಗೆ ನ್ಯಾಯಾಲಯ ಒಂದು ದಿನದ ಮಟ್ಟಿಗೆ ಜೈಲಿಗೆ ಕಳುಹಿಸಿದೆ. ಜೊತೆಗೆ 2 ಸಾವಿರ ರೂ ದಂಡವನ್ನು ಪಾವತಿಸುವಂತೆ ಆದೇಶಿಸಿದೆ. ಬೆಂಗಳೂರಿನ ಹೈಕೋರ್ಟಿನಲ್ಲಿ ಈ ವಿದ್ಯಮಾನ ನಡೆದಿದೆ. ಕಾರವಾರ ಮೂಲದ ವಕೀಲ ಪಂಕಜ್ ಕೌಶಿಕ್ ಅವರ ವರ್ತನೆಗೆ ನ್ಯಾಯಾಲಯ ಬೇಸರವ್ಯಕ್ತಪಡಿಸಿ ಈ ಕ್ರಮ ಜರುಗಿಸಿದೆ. ಪಂಕಜ್ ಕೌಶಿಕ್ ಅವರು ಕ್ರಿಮಿನಲ್ ವಕೀಲರಾಗಿದ್ದು, ಕುಡಿದು ನ್ಯಾಯಾಲಯಕ್ಕೆ ಹಾಜರಾಗಿದ್ದರು. ಕೋರ್ಟಿನ ಕಲಾಪಕ್ಕೆ ಅವರು ಅಡ್ಡಿಪಡಿಸಿದ್ದರು. ಈ ಬಗ್ಗೆ ಎಚ್ಚರಿಕೆ ನೀಡಿದರೂ ಸುದಾರಿಸಿಕೊಳ್ಳದೇ ನ್ಯಾಯಾದೀಶರನ್ನು ನಿಂದಿಸಿದ್ದರು. ನ್ಯಾಯಾಲಯದ ಕಲಾಪಕ್ಕೆ ಪದೇಪದೆ ಅಡ್ಡಿಪಡಿಸಿ, ಮದ್ಯದ ಅಮಲಿನಲ್ಲಿ ನ್ಯಾಯಾಲಯಕ್ಕೆ ಹಾಜರಾಗಿ ನ್ಯಾಯಾಧೀಶರ ವಿರುದ್ಧ ಕೂಗಾಡಿದ ಕಾರವಾರದ ವಕೀಲ ಪಂಕಜ್ ಕೌಶಿಕ್ ಅವರಿಗೆ ಕೋರ್ಟು ಕ್ರಿಮಿನಲ್ ನ್ಯಾಯಾಂಗ ನಿಂದನೆ ಪ್ರಕರಣದಲ್ಲಿ ಶಿಕ್ಷೆ ಪ್ರಕಟಿಸಿತು. ವಿಚಾರಣಾ ನ್ಯಾಯಾಲಯದ ವರದಿಯನ್ನು ಆಧರಿಸಿ ಹೈಕೋರ್ಟ್ ರಿಜಿಸ್ಟ್ರಾರ್ ದಾಖಲಿಸಿಕೊಂಡಿದ್ದ ಸ್ವಯಂಪ್ರೇರಿತ ನ್ಯಾಯಾಂಗ ನಿಂದನೆ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾ ಅನು ಶಿವರಾಮನ್ ಮತ್ತು ನ್ಯಾ ವೆಂಕಟೇಶ್ ಟಿ.ನಾಯಕ್ ಅವರನ್ನೊಳಗೊಂಡ ವಿಭಾಗೀಯ ನ್ಯಾಯಪೀಠ ಈ ಆದೇಶ ನೀಡಿತು. ವಕೀಲ ಪಂಕಜ್ ಅವರ ವರ್ತನೆ ವಿಷಯವಾಗಿ ಕಾರವಾರದ ಪ್ರಧಾನ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಧೀಶರು ಸಲ್ಲಿಸಿದ್ದ 2 ಪತ್ರಗಳು ಹಾಗೂ ಹೆಚ್ಚುವರಿ ಸಿವಿಲ್ ನ್ಯಾಯಾಧೀಶರು ಮತ್ತು ಜೆಎಂಎಫ್‌ಸಿ ನ್ಯಾಯಾಧೀಶರಿಂದ ವರದಿ ಬಂದಿತ್ತು. ವರದಿಯಲ್ಲಿ ಕೌಶಿಕ್ 2 ಸಂದರ್ಭಗಳಲ್ಲಿ ನ್ಯಾಯಾಲಯದ ಕಲಾಪಕ್ಕೆ ಅಡ್ಡಿಪಡಿಸಿ ಅನುಚಿತವಾಗಿ ವರ್ತಿಸಿದ್ದರು ಎಂದು ತಿಳಿಸಲಾಗಿತ್ತು. ಈ ವರದಿ ಆಧರಿಸಿ ಹೈಕೋರ್ಟ್ 2022ರಲ್ಲಿ ಸ್ವಯಂ ಪ್ರೇರಿತವಾಗಿ ನ್ಯಾಯಾಂಗ ನಿಂದನೆ ಪ್ರಕರಣ ದಾಖಲಿಸಿತ್ತು.
- [ದೇವರ ದುಡ್ಡು ಕಳ್ಳರ ಪಾಲು!](https://mobiletime.in/2026/09/gods-money-ends-up-with-thieves/): ಜೊಯಿಡಾ ರಾಮನಗರದಲ್ಲಿನ ಸಾತೇರಿ ಹಾಗೂ ನಾಗನಾಥ ಮಂದಿರಕ್ಕೆ ಕಳ್ಳರು ನುಗ್ಗಿದ್ದಾರೆ. ಅಲ್ಲಿನ ನಾಗಮೂರ್ತಿ, ಕಾಣಿಕೆ ಡಬ್ಬಿಯನ್ನು ಕಳ್ಳರು ಅಪಹರಿಸಿದ್ದಾರೆ. ಇದನ್ನು ಅರಿತ ಭಕ್ತರು ದೇವರಿಗೆ ರಕ್ಷಣೆ ಒದಗಿಸುವಂತೆ ಕೋರಿ ಪೊಲೀಸರ ಮೊರೆ ಹೋಗಿದ್ದಾರೆ. ರಾಮನಗರದ ಪ್ರಸಿದ್ಧ ಸಾತೇರಿ ಹಾಗೂ ನಾಗನಾಥ ದೇವಾಲಯಗಳು ಒಂದೇ ಆವರಣದಲ್ಲಿವೆ. ಇದೇ ಆವರಣಕ್ಕೆ ರಾತ್ರಿ ವೇಳೆ ಪ್ರವೇಶಿಸಿರುವ ಕಳ್ಳರು ದೇವಾಲಯದ ಬೀಗವನ್ನು ಮುರಿದು ಒಳಗೆ ನುಗ್ಗಿದ್ದಾರೆ. ಬಳಿಕ ನಾಗನಾಥ ದೇವಾಲಯದಲ್ಲಿದ್ದ ಮೂರು ಬೆಳ್ಳಿ ನಾಗಮೂರ್ತಿಗಳನ್ನು ಕಳವು ಮಾಡಿದ್ದಾರೆ. ಅಷ್ಟೇ ಅಲ್ಲದೆ, ಕಾಣಿಕೆ ಡಬ್ಬಿಯನ್ನು ಒಡೆದು ಅದರಲ್ಲಿದ್ದ 12 ಸಾವಿರಕ್ಕೂ ಅಧಿಕ ಹಣವನ್ನೂ ದೋಚಿಕೊಂಡು ಪರಾರಿಯಾಗಿದ್ದಾರೆ. ರಾತ್ರಿ ವೇಳೆ ನಡೆದಿರುವ ಈ ಕೃತ್ಯ ಬೆಳಗಿನ ಜಾವ ದೇವಾಲಯದ ಪೂಜಾ ಕಾರ್ಯಕ್ಕೆ ಅರ್ಚಕರು ಆಗಮಿಸಿದಾಗ ಬೆಳಕಿಗೆ ಬಂದಿದೆ. ದೇವಾಲಯದ ಬೀಗ ಮುರಿದಿರುವುದು ಹಾಗೂ ಒಳಭಾಗದಲ್ಲಿ ಕಳ್ಳತನ ನಡೆದಿರುವುದು ಕಂಡುಬAದ ತಕ್ಷಣ ಆಡಳಿತ ಮಂಡಳಿಗೆ ಮಾಹಿತಿ ನೀಡಲಾಗಿದೆ. ನಂತರ ರಾಮನಗರ ಪೊಲೀಸರಿಗೆ ವಿಷಯ ತಿಳಿಸಲಾಗಿದ್ದು, ಪೊಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ್ದಾರೆ. ದೇವಾಲಯದ ಆವರಣ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಕಳ್ಳರ ಸುಳಿವು ಪತ್ತೆಹಚ್ಚಲು ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಕಳ್ಳರು ಯಾವ ಮಾರ್ಗದಿಂದ ದೇವಾಲಯಕ್ಕೆ ಬಂದಿದ್ದರು? ಕೃತ್ಯ ಎಸಗಿದ ಬಳಿಕ ಯಾವ ದಿಕ್ಕಿನಲ್ಲಿ ಪರಾರಿಯಾಗಿದ್ದಾರೆ? ಎಂಬುದರ ಬಗ್ಗೆಯೂ ಪರಿಶೀಲನೆ ನಡೆಯುತ್ತಿದೆ. ಸಿಸಿಟಿವಿ ದೃಶ್ಯಗಳು ಲಭ್ಯವಿದ್ದಲ್ಲಿ ಅವುಗಳ ಮೂಲಕ ಆರೋಪಿಗಳ ಪತ್ತೆಗೆ ಪೊಲೀಸರು ಮುಂದಾಗಿದ್ದಾರೆ. ಕರಾವಳಿ ಭಾಗದಲ್ಲಿ ಇತ್ತೀಚೆಗೆ ದೇವಾಲಯ ಕಳ್ಳತನದ ಪ್ರಕರಣಗಳು ಪೊಲೀಸರಿಗೆ ಸವಾಲಾಗಿದ್ದವು. ಇದೀಗ ಮಲೆನಾಡು ಭಾಗದಲ್ಲೂ ದೇವಾಲಯವನ್ನು ಗುರಿಯಾಗಿಸಿಕೊಂಡು ಕಳ್ಳತನ ನಡೆದಿರುವುದು ಸ್ಥಳೀಯರಲ್ಲಿ ಆತಂಕಕ್ಕೆ ಕಾರಣವಾಗಿದೆ.
- [ಮತ್ತೆ ಕಲ್ಲು ತೂರಾಟ: ಇನ್ನೂ ಭಟ್ಕಳ ಬಿಡದ ಕಿಡಿಗೇಡಿ!](https://mobiletime.in/2026/09/stone-pelting-again-miscreants-still-active-in-bhatkal/): ಗಣೇಶ ಹಬ್ಬ ಅವಧಿಯಲ್ಲಿಯೇ ಭಟ್ಕಳದಲ್ಲಿ ಗಲಾಟೆ ನಡೆಯುತ್ತಿದೆ. ಗಣೇಶ ಉತ್ಸವ ಮೆರವಣಿಗೆ ಹಾಗೂ ಮದರಸಾ ಮೇಲೆ ದಾಳಿ ನಡೆಸಿದ್ದ ಕಿಡಿಗೇಡಿಗಳು ಮತ್ತೆ ತಮ್ಮ ಅಟ್ಟಹಾಸ ಮುಂದುವರೆಸಿದ್ದಾರೆ. ಗಣಪತಿ ವಿಸರ್ಜನೆ ಸಿದ್ದತೆ ನಡೆಯುವ ವೇಳೆ ಇನ್ನೊಮ್ಮೆ ಭಟ್ಕಳದಲ್ಲಿ ಕಲ್ಲು ತೂರಾಟ ನಡೆದಿದೆ. ಭಟ್ಕಳ ನಗರದ ತಾಲೂಕು ರಿಕ್ಷಾ ಚಾಲಕ-ಮಾಲೀಕರ ಕ್ಷೇಮಾಭಿವೃದ್ಧಿ ಟ್ರಸ್ಟ್ ವತಿಯಿಂದ ನಿರ್ಮಿಸಲಾಗಿದ್ದ ಗಣಪತಿ ಪೆಂಡಾಲ್‌ನ ಹಿಂಭಾಗದಿoದ ಕಲ್ಲು ತೂರಾಟ ನಡೆದಿದೆ. ಕಲ್ಲು ತೂರಾಟದಿಂದ ಪೆಂಡಾಲ್ ಸುತ್ತಮುತ್ತ ಆತಂಕದ ವಾತಾವರಣ ನಿರ್ಮಾಣವಾಗಿದ್ದು, ಘಟನೆ ಕುರಿತು ಮಾಹಿತಿ ತಿಳಿಯುತ್ತಿದ್ದಂತೆ ಭಟ್ಕಳ ಶಹರಾ ಠಾಣೆ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದ್ದಾರೆ. ಗಣಪತಿ ವಿಸರ್ಜನೆಗೆ ಸಿದ್ಧತೆ ನಡೆಯುತ್ತಿದ್ದ ಸಂದರ್ಭದಲ್ಲಿ ಪೆಂಡಾಲ್ ಮೇಲೆ ಕಲ್ಲು ತೂರಾಟ ನಡೆದಿರುವುದು ಮತ್ತಷ್ಟು ಆತಂಕಕ್ಕೆ ಕಾರಣವಾಗಿದೆ. ಘಟನೆಗೆ ಸಂಬoಧಿಸಿದoತೆ ಸಂಘದ ಅಧ್ಯಕ್ಷ ಮಂಜುನಾಥ ಗಣಪತಿ ನಾಯ್ಕ ಅವರು ಭಟ್ಕಳದ ಪೊಲೀಸ್ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಭಟ್ಕಳ ನಗರದಲ್ಲಿ ನಾಲ್ಕು ಗಣಪತಿ ಮೂರ್ತಿಗಳ ವಿಸರ್ಜನೆ ನಡೆಯಲಿರುವ ಹಿನ್ನೆಲೆಯಲ್ಲಿ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಪೊಲೀಸ್ ಇಲಾಖೆ ವಿಶೇಷ ಭದ್ರತಾ ವ್ಯವಸ್ಥೆ ಕೈಗೊಂಡಿದೆ. ಕಾನೂನು ಮತ್ತು ಸುವ್ಯವಸ್ಥೆ ಕಾಪಾಡುವ ಉದ್ದೇಶದಿಂದ ನಗರದ ಪ್ರಮುಖ ಪ್ರದೇಶಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪೊಲೀಸ್ ಅಧಿಕಾರಿಗಳು ಮತ್ತು ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. ನಗರದಾದ್ಯಂತ ಸಿಸಿ ಕ್ಯಾಮೆರಾಗಳ ಮೂಲಕವೂ ನಿರಂತರ ನಿಗಾ ವಹಿಸಲಾಗುತ್ತಿದೆ. ಭಟ್ಕಳದಲ್ಲಿ ಭದ್ರತೆಗಾಗಿ ಡಿಎಆರ್ ಮತ್ತು ಕೆಎಸ್‌ಆರ್‌ಪಿ ಸ್ಟ್ರೈಕಿಂಗ್ ಫೋರ್ಸ್ನ 5 ತುಕಡಿಗಳು, ಎಸ್‌ಎಎಫ್‌ನ ಒಂದು ಕಂಪನಿಯ 21 ಸಿಬ್ಬಂದಿ ಹಾಗೂ ಆರ್‌ಎಎಫ್‌ನ ಒಂದು ಕಂಪನಿಯ 136 ಸಿಬ್ಬಂದಿ ಸೇರಿದಂತೆ ದೊಡ್ಡ ಪ್ರಮಾಣದ ಪೊಲೀಸ್ ಪಡೆಯನ್ನು ನಿಯೋಜಿಸಲಾಗಿದೆ. ನಗರದ ಸೂಕ್ಷ್ಮ ಪ್ರದೇಶಗಳು, ಪ್ರಮುಖ ರಸ್ತೆ, ಗಣಪತಿ ವಿಸರ್ಜನಾ ಮಾರ್ಗಗಳು ಹಾಗೂ ಜನಸಂದಣಿ ಸೇರುವ ಸ್ಥಳಗಳಲ್ಲಿ ಕಟ್ಟುನಿಟ್ಟಿನ ಬಂದೋಬಸ್ತ್ ಕೈಗೊಳ್ಳಲಾಗಿದೆ. ಘಟನೆಯ ಗಂಭೀರತೆಯನ್ನು ಪರಿಗಣಿಸಿರುವ ಎಸ್‌ಪಿ ದೀಪನ್ ಎಂ.ಎನ್. ಅವರು ಭಟ್ಕಳದಲ್ಲೇ ಮೊಕ್ಕಾಂ ಹೂಡಿ ಭದ್ರತಾ ವ್ಯವಸ್ಥೆಯ ಮೇಲ್ವಿಚಾರಣೆ ನಡೆಸುತ್ತಿದ್ದಾರೆ. ವಿಸರ್ಜನಾ ಮೆರವಣಿಗೆಗಳು ಶಾಂತಿಯುತವಾಗಿ ನಡೆಯುವಂತೆ ಪೊಲೀಸ್ ಅಧಿಕಾರಿಗಳಿಗೆ ಅಗತ್ಯ ಸೂಚನೆಗಳನ್ನು ನೀಡಲಾಗಿದೆ. ಈ ನಡುವೆ ಗಣಪತಿ ಪೆಂಡಾಲ್ ಮೇಲೆ ನಡೆದಿರುವ ಕಲ್ಲುತೂರಾಟದ ಘಟನೆ ಬಗ್ಗೆ ಪೊಲೀಸರು ತನಿಖೆ ಮುಂದುವರಿಸಿದ್ದು, ಘಟನೆಗೆ ಕಾರಣರಾದವರನ್ನು ಗುರುತಿಸುವ ಕಾರ್ಯ ನಡೆಯುತ್ತಿದೆ. ಗಣಪತಿ ವಿಸರ್ಜನೆ ಹಿನ್ನೆಲೆಯಲ್ಲಿ ನಗರದಲ್ಲಿ ಕಟ್ಟುನಿಟ್ಟಿನ ಪೊಲೀಸ್ ಬಂದೋಬಸ್ತ್ ಮುಂದುವರಿದಿದ್ದು, ಯಾವುದೇ ವದಂತಿಗಳಿಗೆ ಕಿವಿಗೊಡದೆ ಶಾಂತಿ ಮತ್ತು ಸೌಹಾರ್ದತೆ ಕಾಪಾಡುವಂತೆ ಪೊಲೀಸರು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.
- [ಕರ್ತವ್ಯದ ವೇಳೆ ಕುಸಿದು ಬಿದ್ದ ವಾಚ್‌ಮೆನ್: ಸಾವು!](https://mobiletime.in/2026/09/watchman-collapses-while-on-duty-dies/): ಬನವಾಸಿಯ ಅರಣ್ಯ ಕೈಗಾರಿಕಾ ನಿಗಮದಲ್ಲಿ ವಾಚ್‌ಮೆನ್ ಆಗಿದ್ದ ಬಾಲಸುಬ್ರಮಣಿಯನ್ ಅವರು ಕರ್ತವ್ಯದ ವೇಳೆಯಲ್ಲಿಯೇ ಕುಸಿದು ಬಿದ್ದು ಸಾವನಪ್ಪಿದ್ದಾರೆ. ಶಿರಸಿ ಪಂಡಿತ್ ಆಸ್ಪತ್ರೆಯಲ್ಲಿದ್ದ ಶವವನ್ನು ಅವರ ಸಹೋದರಿ ಶಾಲಿನ ಕೃಷ್ಣ ಅವರು ಪಡೆದಿದ್ದಾರೆ. ಬಾಲಸುಬ್ರಮಣಿಯನ್ ಅವರು 2008ರಿಂದ ಅರಣ್ಯ ಕೈಗಾರಿಕಾ ನಿಗಮದಲ್ಲಿ ವಾಚ್‌ಮೆನ್ ಆಗಿದ್ದರು. ಸದ್ಯ ಅವರು ಶಿರಸಿಯ ಬನವಾಸಿ ವಲಯದ ಮುಂಡಿಗೆಹಳ್ಳಿ ಪ್ಲಾಂಟೇಶನ್’ನಲ್ಲಿ ಕೆಲಸ ಮಾಡಿಕೊಂಡಿದ್ದರು. ಸೆಪ್ಟೆಂಬರ್ 15ರಂದು ಅವರು ಎಂದಿನoತೆ ಕೆಲಸಕ್ಕೆ ಹೋಗಿದ್ದರು. ಮಧ್ಯಾಹ್ನದ ವೇಳೆ ಅವರು ಏಕಾಏಕಿ ಕುಸಿದು ಬಿದ್ದರು. ಜೊತೆಗಿದ್ದ ಜನ ಅವರನ್ನು ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ಕೊಡಿಸುವ ಪ್ರಯತ್ನ ಮಾಡಿದರು. ಆದರೆ, ಆ ಚಿಕಿತ್ಸೆಗೆ ಸ್ಪಂದಿಸದೇ ಬಾಲಸುಬ್ರಮಣಿಯನ್ ಅವರು ಸಾವನಪ್ಪಿದರು. ಬಾಲಸುಬ್ರಮಣಿಯನ್ ಅವರ ಸಾವಿನ ಬಗ್ಗೆ ಅರಿತು ಅರಣ್ಯ ಇಲಾಖೆ ಅಧಿಕಾರಿ ಪಾಂಡುರAಗ ನಾಯ್ಕ ಅವರು ಸ್ಥಳಕ್ಕೆ ಧಾವಿಸಿದರು. ಪಾಂಡುರAಗ ನಾಯ್ಕ ಅವರೇ ಬಾಲಸುಬ್ರಮಣಿಯನ್ ಅವರ ಸಹೋದರಿಗೆ ಫೋನ್ ಮಾಡಿ ಮಾಹಿತಿ ನೀಡಿದರು. ಚಾಮರಾಜನಗರದಲ್ಲಿದ್ದ ಶಾಲನ ಕೃಷ್ಣ ಅವರು ಶಿರಸಿಗೆ ಆಗಮಿಸಿ ಸಹೋದರನ ಶವಪಡೆದರು.  
- [ಸಹಾಯಕ್ಕೆ ಬಾರದ ಚಾಲಕ: ಪಾದಚಾರಿ ಸಾವು!](https://mobiletime.in/2026/09/driver-fails-to-help-pedestrian-dies/): ಕುಮಟಾ ಮಿರ್ಜಾನಿನ ಭರತ ಪಟಗಾರ ಅವರಿಗೆ ನಾಗೂರು ಕ್ರಾಸಿನ ಬಳಿ ಅಪರಿಚಿತ ಗಾಡಿ ಗುದ್ದಿದ್ದು, ರಕ್ತದ ಮಡುವಿನಲ್ಲಿ ಹೊರಳಾಡುತ್ತಿದ್ದ ಅವರಿಗೆ ಯಾರ ನೆರವು ಸಿಕ್ಕಿಲ್ಲ. ಹೀಗಾಗಿ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಕುಮಟಾದ ಮಿರ್ಜಾನ್ ಎತ್ತಿನಬೈಲ್ ಬಳಿ ಭರತ ನಕುಲ ಪಟಗಾರ ಅವರು ವಾಸವಾಗಿದ್ದರು. ಸೆಪ್ಟೆಂಬರ್ 16ರ ನಸುಕಿನ 1.30ಕ್ಕೆ ಅವರು ಹೆದ್ದಾರಿ ಅಂಚಿನಲ್ಲಿ ಸಂಚರಿಸುತ್ತಿದ್ದರು. ಮಿರ್ಜಾನ್ ಮಾರುಕಟ್ಟೆಯಿಂದ ಮನೆಗೆ ಮರಳುತ್ತಿದ್ದ ಅವರಿಗೆ ಅಪರಿಚಿತ ವಾಹನವೊಂದು ಗುದ್ದಿತು. ಅಪಘಾತದ ರಭಸಕ್ಕೆ ಭರತ ಪಟಗಾರ ಅವರು ನೆಲಕ್ಕೆ ಬಿದ್ದು ಗಾಯಗೊಂಡರು. ರಕ್ತದ ಮೊಡವಿನಲ್ಲಿ ಬಿದ್ದು ಅವರು ಹೊರಳಾಡಿದರು. ಆದರೆ, ಆ ಅಪರಿಚಿತ ವಾಹನದ ಚಾಲಕ ಇದನ್ನು ನೋಡಿಯೂ ನೋಡದ ಹಾಗೇ ಸುಮ್ಮನಿದ್ದರು. ಅಪಘಾತದಲ್ಲಿ ಗಾಯಗೊಂಡ ಭರತ ಪಟಗಾರ ಅವರ ರಕ್ಷಣೆಗೂ ಅವರು ಮುಂದಾಗಲಿಲ್ಲ. ಅಪಘಾತದ ಬಗ್ಗೆ ಪೊಲೀಸರಿಗೂ ಹೇಳಲಿಲ್ಲ. ಅಲ್ಲಿ ಯಾರೂ ಇಲ್ಲದಿರುವುದನ್ನು ನೋಡಿದ ಆ ಚಾಲಕ ತಕ್ಷಣ ಅಲ್ಲಿಂದ ಪರಾರಿಯಾದರು. ಸಮಯಕ್ಕೆ ಸರಿಯಾಗಿ ಸಹಾಯ ಸಿಗದ ಕಾರಣ ಭರತ ಪಟಗಾರ ಅವರು ಸಾವನಪ್ಪಿದರು. ಮಗನ ಸಾವಿನ ಬಗ್ಗೆ ನಕುಲ ಗಣೇಶ ಪಟಗಾರ ಅವರು ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದ್ದಾರೆ.
- [`ಜನಪ್ರತಿನಿಧಿಗಳಿಗೆ ಮಾರ್ಗದರ್ಶಕ ಈ ಕೈಪಿಡಿ'](https://mobiletime.in/2026/09/this-handbook-serves-as-a-guide-for-elected-representatives/): `ಕಸ್ತೂರಿ ರಂಗನ್ ವರದಿಯ ಅವೈಜ್ಞಾನಿಕ ಅಂಶಗಳ ಬಗ್ಗೆ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆ ಬೆಳಕು ಚೆಲ್ಲಿದೆ. ಈ ವೇದಿಕೆ ಬಿಡುಗಡೆ ಮಾಡಿದ ಕೈಪಿಡಿ ಜನಪ್ರತಿನಿಧಿಗಳಿಗೂ ಮಾರ್ಗದಶಕವಾಗಲಿದೆ’ ಎಂದು ಕರ್ನಾಟಕ ಗಡಿ ಹಾಗೂ ನದಿಗಳ ರಕ್ಷಣಾ ಆಯೋಗ ಅಧ್ಯಕ್ಷ ಎಚ್ ಎನ್ ನಾಗಮೋಹನದಾಸ ಅವರು ಹೇಳಿದ್ದಾರೆ. ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ಸಿದ್ಧಪಡಿಸಿದ ಕೈಪಿಡಿ ಓದಿದ ಅವರು ಅಲ್ಲಿನ ಅಂಶಗಳ ಬಗ್ಗೆ ಮಾತನಾಡಿದ್ದು, `ಕೇಂದ್ರ ಸರ್ಕಾರದ ಅರಣ್ಯ ಇಲಾಖೆಯು ಕಸ್ತೂರಿ ರಂಗನ್ ವರದಿಗೆ 7ನೇ ಅಧಿಸೂಚನೆ ಪ್ರಕಟಿಸಿದೆ. ಈ ಬಗ್ಗೆ ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ಜನಜಾಗೃತಿಯ ಕೈಪಿಡಿ ರಚಿಸಿದ್ದಾರೆ. ಅದರಲ್ಲಿ ಗಾಡ್ಗೀಳ್‌ದ ಸಮಿತಿ ಉದ್ದೇಶ, ಗಾಡ್ಗೀಳ್ ಸಮಿತಿಯ ಪ್ರತಿರೋಧಕ್ಕೆ ಕಾರಣ, ಕಸ್ತೂರಿ ರಂಗನ್ ಸಮಿತಿಯ ಉದ್ದೇಶ ಹಾಗೂ ಕಸ್ತೂರಿ ರಂಗನ್ ವರದಿ ಮತ್ತು ಗಾಡ್ಗೀಳ್ ವರದಿಯ ವ್ಯತ್ಯಾಸಗಳ ಬಗ್ಗೆ ಬರೆಯಲಾಗಿದೆ. ಮುಖ್ಯವಾಗಿ, ಕಸ್ತೂರಿ ರಂಗನ್ ವರದಿಯ ಅವೈಜ್ಞಾನಿಕ ಆಕ್ಷೇಪಗಳ ವಿವರವಾದ ಅಂಶ ಮತ್ತು ಲೋಪಗಳನ್ನು ವಿಸ್ತರಿಸಲಾಗಿದೆ’ ಎಂದವರು ವಿಶ್ಲೇಷಿಸಿದರು. `ರಾಜ್ಯ ಸರ್ಕಾರದ ಸಚಿವ ಸಂಪೂಟ ಸಮಿತಿ ರಚಿಸಿ, ಸಚಿವ ಸಂಪೂಟ ಸಭೆಯಲ್ಲಿ ತೆಗೆದುಕೊಂಡ ನಿರ್ಣಯ ಹಾಗೂ ರಾಜ್ಯ ಸರ್ಕಾರವು ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಬೇಕಾದ ಶಿಫಾರಸ್ಸುಗಳ ಪ್ರಮುಖ ಅಂಶಗಳನ್ನ ಉಲ್ಲೇಖಿಸಲಾಗಿದೆ. ಯಥಾವತ್ತಾಗಿ ವರದಿಯನ್ನು ಜಾರಿಗೆ ತಂದಲ್ಲಿ ಜನಸಾಮಾನ್ಯರಿಗೆ ಸಮಸ್ಯೆ ಉಂಟಾಗುವ ಹಿನ್ನಲೆಯಲ್ಲಿ ಹೋರಾಟಗಾರರ ವೇದಿಕೆಯು ರಾಜ್ಯ ಸರ್ಕಾರಕ್ಕೆ ಪ್ರಮುಖ ಶಿಫಾರಸ್ಸು ಸಲಹೆಗಳು ಕೈಪಿಡಿಯಲ್ಲಿ ಸೂಚಿಸಲಾಗಿದೆ. ಕಸ್ತೂರಿ ರಂಗನ್ ಸಮಿತಿಯು ವರದಿಯಲ್ಲಿ ಪರಿಸರ ರಕ್ಷಣೆ, ಸಂರಕ್ಷಣೆ ಮತ್ತು ಅಭಿವೃದ್ದಿಯ ಹಿನ್ನಲೆಯಲ್ಲಿ ವರದಿಯಲ್ಲಿ ಬೆಂಬಲಿಸು ಕೈಪಿಡಿಯಲ್ಲಿ ಪ್ರಸ್ತಾಪಿಸಲಾಗಿದೆ’ ಎಂದವರು ವಿವರಿಸಿದರು.
- [ಮೋದಿ@77: ಸತ್ಯನಾರಾಯಣ ಕಥೆ!](https://mobiletime.in/2026/09/modi77-the-satyanarayana-story/): ಯುವಾ ಬಿಗ್ರೆಡ್ ಪ್ರಮುಖ ಅಣ್ಣಪ್ಪ ನಾಯ್ಕ ಅವರು ಕಳೆದ ಐದು ವರ್ಷದಿಂದ ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರಿನಲ್ಲಿ ಸತ್ಯನಾರಾಯಣ ಕಥೆ ಮಾಡಿಸುತ್ತಿದ್ದಾರೆ. ಪ್ರತಿ ವರ್ಷ ಗಣೇಶ ಉತ್ಸವದ ಅವಧಿಯಲ್ಲಿ ಅವರು ಈ ಪೂಜೆ ಮಾಡಿಸುತ್ತಿದ್ದು, ಈ ವರ್ಷ ಗಣೇಶ ಉತ್ಸವದ ಅವಧಿಯಲ್ಲಿಯೇ ನರೇಂದ್ರ ಮೋದಿ ಅವರು 77ನೇ ವರ್ಷಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ಕುಮಟಾ ಬಗ್ಗೋಣ ಸಾರ್ವಜನಿಕ ಗಣೇಶ ಉತ್ಸವ ಸಮಿತಿಯವರು ಈ ಸಲ 21ನೇ ವರ್ಷದ ಗಣೇಶ ಉತ್ಸವ ನಡೆಸುತ್ತಿದ್ದು, ಅತ್ಯಂತ ಅದ್ಧೂರಿಯಾಗಿ ಹಬ್ಬ ಆಚರಿಸಿದ್ದಾರೆ. ಅಣ್ಣಪ್ಪ ನಾಯ್ಕ ಅವರು ಬಗ್ಗೋಣ ಸಾರ್ವಜನಿಕ ಗಣೇಶ ಉತ್ಸವ ಸಮಿತಿಯಿಂದ ನಡೆಯುವ ಸಾರ್ವಜನಿಕ ಸತ್ಯನಾರಾಯಣ ಕಥೆಯಲ್ಲಿ ಭಾಗವಹಿಸಿದ್ದು, ಅಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರಿಗೆ ಸತ್ಯನಾರಾಯಣ ಕಥೆ ಮಾಡಿಸುವಂತೆ ಕೋರಿದ್ದಾರೆ. ಅದರಂತೆ, ಈ ದಿನ ನಡೆದ ಪೂಜೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರಿನಲ್ಲಿ ವಿಶೇಷ ಸಂಕಲ್ಪ ಮಾಡಿ ಸತ್ಯನಾರಾಯಣ ಕಥೆ ನೆರವೇರಿಸಲಾಗಿದೆ. ನರೇಂದ್ರ ಮೋದಿ ಅವರ ಹುಟ್ಟು ಹಬ್ಬದ ಹಿನ್ನಲೆ ಅವರ ಅಭಿಮಾನಿಗಳು ಒಂದಿಲ್ಲೊAದು ಪುಣ್ಯಕಾರ್ಯ ಮಾಡುತ್ತಿದ್ದಾರೆ. ಬಿಜೆಪಿಗರು ವಿವಿಧ ಕಡೆ ಪೂಜೆ-ಪುನಸ್ಕಾರದಲ್ಲಿ ನಿರತರಾಗಿದ್ದಾರೆ. ಈ ಎಲ್ಲದರ ನಡುವೆ ಪ್ರಧಾನಿ ನರೇಂದ್ರ ಮೋದಿ ಅವರ ಅಪ್ಪಟ್ಟ ಅನುಯಾಯಿ ಆಗಿರುವ ಅಣ್ಣಪ್ಪ ನಾಯ್ಕ ಅವರು ಮೋದಿ ಅವರ ಹೆಸರಿನಲ್ಲಿ ಸತ್ಯನಾರಾಯಣ ಕಥೆ ಮಾಡಿಸಿದ್ದಾರೆ. ಅಣ್ಣಪ್ಪ ನಾಯ್ಕ ಅವರು ಚಕ್ರವರ್ತಿ ಸೂಲಿಬೆಲೆ ಅವರ ಅಭಿಮಾನಿಯಾಗಿದ್ದು, ಈ ಮೊದಲು ಅವರ ಹೆಸರಿನಲ್ಲಿಯೂ ಧಾರ್ಮಿಕ ಕಾರ್ಯಕ್ರಮಗಳನ್ನು ನಡೆಸಿದ್ದಾರೆ. ಕುಮಟಾ ಬಗ್ಗೋಣ ಸಾರ್ವಜನಿಕ ಗಣೇಶ ಉತ್ಸವ ಸಮಿತಿಯವರು ನರೇಂದ್ರ ದಾಮೋದರದಾಸ್ ಮೋದಿ ಎಂಬ ಹೆಸರಿನಲ್ಲಿಯೇ ಸತ್ಯನಾರಾಯಣ ಕಥೆಯ ರಸೀದಿ ತೆಗೆದಿದ್ದಾರೆ. ವೃಶ್ಚಿಕ ರಾಶಿ, ಅನುರಾಧ ನಕ್ಷತ್ರ ಎಂದು ರಸೀದಿಯಲ್ಲಿ ಬರೆದಿದ್ದಾರೆ. `ದೇಶಕ್ಕಾಗಿ ದಿನವಿಡೀ ದುಡಿಯುವ ಪ್ರಧಾನಿಗಳಿಗೆ ಒಳಿತು ಬಯಸಿ ಸತ್ಯನಾರಾಯಣ ಕಥೆ ಮಾಡಿಸಿದ್ದು, ಅವರಿಗೆ ಒಳಿತಾಗಲಿ ಎಂದು ದೇವರಲ್ಲಿ ಪ್ರಾರ್ಥಿಸಿದ್ದೇನೆ’ ಎಂದು ಅಣ್ಣಪ್ಪ ನಾಯ್ಕ ಅವರು ಹೇಳಿದ್ದಾರೆ. ಬಗ್ಗೋಣ ಸಾರ್ವಜನಿಕ ಗಣೇಶ ಉತ್ಸವ ಸಮಿತಿಯವರು ನರೇಂದ್ರ ಮೋದಿ ಅವರ ಹುಟ್ಟುಹಬ್ಬದ ಹಿನ್ನಲೆ ದೀಪೋತ್ಸವವನ್ನು ನಡೆಸುತ್ತಿದ್ದಾರೆ.
- [ಚಾಲಕನಿಲ್ಲದೇ ಚಲಿಸಿದ ಲಾರಿ: ವ್ಯಾಪಾರಿ ಸಾವು!](https://mobiletime.in/2026/09/lorry-moves-without-driver-trader-dies/): ಕುಮಟಾ ಎಪಿಎಂಸಿ ಬಳಿ ಚಾಲಕನಿಲ್ಲದೇ ಲಾರಿ ಚಲಿಸಿದ್ದು, ಆ ಲಾರಿ ಎಳನೀರು ಮಾರಾಟ ಮಾಡುವ ಉಮೇಶ ಹಲಮನಕರ್ ಅವರಿಗೆ ಡಿಕ್ಕಿಯಾಗಿದೆ. ಉಮೇಶ ಹಲಮನಕ್ಕರ್ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಕುಮಟಾದ ಬಯಲಗದ್ದೆಯ ಉಮೇಶ ನಾರಾಯಣ ಹಲಮನಕರ್ ಅವರು ಎಳನೀರು ವ್ಯಾಪಾರ ಮಾಡಿ ಜೀವನ ನಡೆಸುತ್ತಿದ್ದರು. ಎಪಿಎಂಸಿ ಬಳಿ ಲಾರಿ ಓಡಿಸಿಕೊಂಡು ಬಂದಿದ್ದ ವ್ಯಕ್ತಿಯೊಬ್ಬರು ತಮ್ಮ ಲಾರಿಯನ್ನು ರಸ್ತೆ ಬದಿ ನಿಲ್ಲಿಸಿ ಚಿಕನ್ ತರಲು ಹೋಗಿದ್ದರು. ಆ ವೇಳೆ ಲಾರಿ ಏಕಾಏಕಿ ಚಲಿಸಿದ್ದು, ಎಳೆನೀರು ಮಾರುತ್ತಿದ್ದ ಉಮೇಶ ಹಲಮನಕರ್ ಅವರಿಗೆ ಡಿಕ್ಕಿ ಹೊಡೆಯಿತು. ಜೊತೆಗೆ ಸಮೀಪದಲ್ಲಿದ್ದ ಹಣ್ಣಿನ ವ್ಯಾಪಾರಿಗೆ ಸಹ ಆ ಲಾರಿ ಗುದ್ದಿ ಪಲ್ಟಿಯಾಯಿತು. ಲಾರಿ ಚಲಿಸುವುದನ್ನು ನೋಡಿದ ಚಾಲಕ ತಕ್ಷಣ ಅಲ್ಲಿಂದ ಓಡಿ ಪರಾರಿಯಾದರು. ಅವಘಡದಲ್ಲಿ ಉಮೇಶ ಹಲಮನಕರ್ ಅವರು ಸಾವನಪ್ಪಿದರು. ಹಣ್ಣು ವ್ಯಾಪಾರ ಮಾಡುತ್ತಿದ್ದವರು ಗಂಭೀರ ಗಾಯಗೊಂಡಿದ್ದು, ಅವರನ್ನು ಬದುಕಿಸುವದಕ್ಕಾಗಿ ಮಣಿಪಾಲ್’ಗೆ ಸಾಗಿಸಲಾಯಿತು. ಹೆದ್ದಾರಿ ಅಂಚಿನಲ್ಲಿ ಈ ದುರಂತ ನಡೆದ ಕಾರಣ ಸಾಕಷ್ಟು ಜನ ಜಮಾಯಿಸಿದರು. ಪೊಲೀಸರು ಆಗಮಿಸಿ, ಜನರನ್ನು ಚದುರಿಸಿದರು.
- [ಚಿನ್ನ ಕದ್ದ ಪರಮೇಶ್ವರ!](https://mobiletime.in/2026/09/parameshwara-who-stole-gold/): ಗೋಕರ್ಣದ ವಿದ್ಯಾ ತಾಮ್ರಗೌರಿ ಅವರ ಮನೆಯಲ್ಲಿ ನಡೆದ ಉಪನಯನಕ್ಕೆ ಹೋಗಿದ್ದ ಹಿಲ್ಲೂರಿನ ಶ್ರೀದೇವಿ ಹೆಬ್ಬಾರ್ ಹಾಗೂ ಶೇವಕಾರಿನ ಪ್ರೇಮಾ ಹೆಬ್ಬಾರ್ ಅವರ ಚಿನ್ನಾಭರಣ ಕದ್ದಿದ್ದ ಭಟ್ಕಳದ ಪರಮೇಶ್ವರ ನಾಯ್ಕ ಅವರು ಪೊಲೀಸರ ಬಲೆಗೆ ಬಿದ್ದಿದ್ದಾರೆ. 10 ಲಕ್ಷ ರೂ ಮೌಲ್ಯದ ಚಿನ್ನಾಭರಣಗಳನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಮಾರ್ಚ 27 ಹಾಗೂ 28ರಂದು ಗೋಕರ್ಣದ ರಥಬೀದಿಯ ವಿದ್ಯಾ ಮಹಾಬಲೇಶ್ವರ ತಾಮ್ರಗೌರಿ ಅವರ ಮನೆಯಲ್ಲಿ ಉಪನಯನ ಕಾರ್ಯಕ್ರಮವೊಂದು ನಡೆದಿತ್ತು. ಆ ಕಾರ್ಯಕ್ರಮಕ್ಕೆ ಅಂಕೋಲಾ ಹಿಲ್ಲೂರಿನ ಶ್ರೀದೇವಿ ಹೆಬ್ಬಾರ್ ಹಾಗೂ ಶೇವಕಾರಿನ ಪ್ರೇಮಾ ಹೆಬ್ಬಾರ್ ಅವರು ಆಗಮಿಸಿದ್ದರು. ಅವರು ತಂಗಿದ್ದ ಪಕ್ಕದ ಕೊಠಡಿಯಲ್ಲಿ ಭಟ್ಕಳ ಹೆಬಳೆ ಗಾಂಧಿನಗರದ ಪರಮೇಶ್ವರ ಮಹಾದೇವ ನಾಯ್ಕ ಅವರು ತಂಗಿದ್ದರು. ಪರಮೇಶ್ವರ ನಾಯ್ಕ ಅವರು ಆ ಸಹೋದರಿಯರು ಧರಿಸಿದ್ದ ಚಿನ್ನದ ಮೇಲೆ ಕಣ್ಣು ಹಾಕಿದ್ದು, ಕಾರ್ಯಕ್ರಮ ಮುಗಿದ ಮೇಲೆ ಅವರು ಬ್ಯಾಗಿನಲ್ಲಿರಿಸಿದ್ದ ಚಿನ್ನವನ್ನು ಉಪಾಯವಾಗಿ ಎಗರಿಸಿದ್ದರು. ಕಳ್ಳತನದ ಬಗ್ಗೆ ಶ್ರೀದೇವಿ ಹೆಬ್ಬಾರ್ ಅವರು ಪೊಲೀಸ್ ದೂರು ನೀಡಿದ್ದರು. ಗೋಕರ್ಣ ಪಿಐ ಶ್ರೀಧರ ಎಸ್ ಆರ್ ಅವರು ಪ್ರಕರಣದ ತನಿಖೆ ಶುರು ಮಾಡಿದ್ದು, ವಿವಿಧ ಆಯಾಮಗಳಲ್ಲಿ ಶೋಧ ನಡೆಸಿದರು. ಆದರೆ, ಆರು ತಿಂಗಳಾದರೂ ಕಳ್ಳರ ಬಗ್ಗೆ ಸುಳಿವು ಸಿಕ್ಕಿರಲಿಲ್ಲ. ಕಳೆದ 20 ವರ್ಷದ ಎಲ್ಲಾ ಕಳ್ಳತನ ಪ್ರಕರಣದ ವರದಿ ಗಮನಿಸಿದ ಪೊಲೀಸರು ಇಲ್ಲಿನ ಕಳ್ಳತನದ ಬಗ್ಗೆ ಹೋಲಿಸಿ ನೋಡಿದರು. ಸಣ್ಣ ಸುಳಿವಿನ ಆಧಾರದಲ್ಲಿ ಪರಮೇಶ್ವರ ನಾಯ್ಕ ಅವರನ್ನು ವಿಚಾರಣೆಗೆ ಒಳಪಡಿಸಿದರು. ಕಳೆದ 10 ವರ್ಷಗಳ ಹಿಂದೆಯೇ ಊರು ಬಿಟ್ಟಿದ್ದ ಪರಮೇಶ್ವರ ನಾಯ್ಕ ಅವರು ಆಗಾಗ ಅಲ್ಲಲ್ಲಿ ಕಳ್ಳತನ ಮಾಡಿ, ಐಷಾರಾಮಿ ಜೀವನ ನಡೆಸುತ್ತಿದ್ದರು. ಕಾರವಾರ, ಅಂಕೋಲಾ, ಕುಮಟಾ, ಭಟ್ಕಳ, ಉಡುಪಿ, ಬೆಳಗಾವಿ ಸೇರಿ 33 ಕಡೆ ಕಳ್ಳತನ ಮಾಡಿದ್ದ ಪರಮೇಶ್ವರ ನಾಯ್ಕ ಅವರು 10 ಕೇಸುಗಳಲ್ಲಿ ಶಿಕ್ಷೆಯನ್ನು ಅನುಭವಿಸಿದ್ದರು. ಅದಾಗಿಯೂ, ಅವರು ಕಳ್ಳತನವನ್ನು ಮಾತ್ರ ಬಿಟ್ಟಿರಲಿಲ್ಲ. ಗೋಕರ್ಣದಲ್ಲಿನ ಕಳ್ಳತನ ಪ್ರಕರಣದಲ್ಲಿ ಅವರು ಮತ್ತೆ ಸಿಕ್ಕಿಬಿದ್ದು ಜೈಲು ಸೇರಿದರು. ಇದನ್ನು ಓದಿ: ಮುಂಜಿ ಮನೆಯಲ್ಲಿ ಚಿನ್ನ ಕಳ್ಳತನ! ಪರಮೇಶ್ವರ ನಾಯ್ಕ ಅವರು ಶೇ 30ರಷ್ಟು ಚಿನ್ನವನ್ನು ಮಾರಿದ್ದು ಶೇ 70ರಷ್ಟು ಚಿನ್ನವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಪಿಐ ಶ್ರೀಧರ ಅವರ ಜೊತೆ ಪಿಸೈ ಸುನಿಲ, ಅನಿಲ, ಹವಾಲ್ದಾರ ರಾಜೇಶ ನಾಯ್ಕ, ವಸಂತ ನಾಯ್ಕ, ಜಿ ಬಿ ರಾಣೆ, ಪೊಲೀಸ್ ಸಿಬ್ಬಂದಿ ಶ್ರೀಕಾಂತ ಕೆ, ಪರಮೇಶ್ವರ ಬೆಂಡ್ಲಗಟ್ಟಿ, ಮಣಿಕಂಠ ಗೌಡ, ಮದನ ನಾಯ್ಕ, ಶ್ರವಣಕುಮಾರ, ಸಂತೋಷ ಮಾಳಗೌಡರ್ ಅವರು ಈ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದಾರೆ.
- [ಆತ್ಮೀಯ ಬೀಳ್ಗೊಡುಗೆ-ಸಾಧಕ ಶಿಕ್ಷಕರಿಗೆ ಸನ್ಮಾನ](https://mobiletime.in/2026/09/a-heartwarming-farewell-felicitation-of-accomplished-teachers/): ಯಲ್ಲಾಪುರದ ಆನಗೋಡು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ವರ್ಗವಾದ ಶಿಕ್ಷಕರಿಗೆ ಬೀಳ್ಕೊಡುಗೆ ಜೊತೆ ಸಾಧಕರಿಗೆ ಸನ್ಮಾನ ನಡೆದಿದೆ. ಈ ಕ್ಲಸ್ಟರ್’ನಿಂದ ವರ್ಗವಾದ ಪ್ರತಿಭಾ ನಾಯಕ್ , ಜಿ ಕೆ ಭಟ್ಟ, ಮಂಗಲಾ ನಾಯಕ, ಸಣ್ಣಪ್ಪ ಭಾಗ್ವತ, ಶಿವರಾಮ ಕೋಮಾರ ಅವರ ಜೊತೆ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಶಿಕ್ಷಕರಾದ ಮಾರುತಿ ಆಚಾರಿ ಹಾಗೂ ಸುಬ್ರಾಯ ಭಟ್ಟ ಅವರನ್ನು ಊರಿನ ಜನ ಗೌರವಿಸಿದ್ದಾರೆ. ಯಲ್ಲಾಪುರದ ಆನಗೋಡು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಈ ಕಾರ್ಯಕ್ರಮ ನಡೆದಿದೆ. ಆನಗೋಡ ಸಮೂಹ ಸಂಪನ್ಮೂಲ ಕೇಂದ್ರ ಹಾಗೂ ಶಾಲಾ ಮೇಲುಸ್ತುವಾರಿ ಜೊತೆ ಶಾಲಾ ಆಡಳಿತ ಮಂಡಳಿಯವರು ಸೇರಿ ಕಾರ್ಯಕ್ರಮ ನಡೆಸಿದ್ದಾರೆ. ಆನಗೋಡ ಶಾಲೆಯಲ್ಲಿ 9 ವರ್ಷಗಳ ಕಾಲ ಪ್ರತಿಭಾ ನಾಯಕ ಅವರು ಕೆಲಸ ನಿರ್ವಹಿಸಿದ್ದು, ಅವರ ಸೇವೆಯನ್ನು ಮಕ್ಕಳು ಹಾಗೂ ಪೋಷಕರು ಸ್ಮರಿಸಿದ್ದಾರೆ. ಗುರುವಂದನೆ ಸಲ್ಲಿಸಿ ಅವರನ್ನು ಬೀಳ್ಕೊಟ್ಟಿದ್ದಾರೆ. ಈ ವೇಳೆ ಶಾಲೆಯಲ್ಲಿ ಕಳೆದ ದಿನಗಳನ್ನು ನೆನೆದು ಪ್ರತಿಭಾ ನಾಯಕ ಅವರು ಭಾವುಕರಾಗಿದ್ದಾರೆ. ಎಸ್‌ಡಿಎಂಸಿ ಅಧ್ಯಕ್ಷ ನಾಗೇಂದ್ರ ಭಟ್ಟ ಅವರು ಈ ವೇಳೆ ಮಾತನಾಡಿದ್ದು, `ಶಾಲೆಯ ಮೂಲಸೌಕರ್ಯ ವೃದ್ಧಿ, ಶೈಕ್ಷಣಿಕ ವಾತಾವರಣ ನಿರ್ಮಾಣ ಹಾಗೂ ವಿದ್ಯಾರ್ಥಿಗಳ ಹಿತರಕ್ಷಣೆಯಲ್ಲಿ ಶಿಕ್ಷಕರು ಹಾಗೂ ಅಧಿಕಾರಿಗಳು ಹೆಚ್ಚಿನ ಮುತುವರ್ಜಿವಹಿಸಿದ್ದಾರೆ. ಅವರ ಜೊತೆ ಊರಿನವರು ಸಹಕಾರ ನೀಡುತ್ತಿರುವುದು ಶ್ಲಾಘನೀಯ’ ಎಂದು ಹೇಳಿದರು. ಶಾಲೆಯ ಹಳೆಯ ವಿದ್ಯಾರ್ಥಿಗಳಾದ ಜಿ. ಜಿ ಭಟ್ಟ ದಿವಾಕರಮನೆ ಜಿ ಜಿ ಭಟ್ಟ ಕೈಶೆಟ್ಟಿಮನೆ ಅವರು ಶಾಲೆಯ ಶ್ರೇಯಸ್ಸಿಗೆ ಸಹಾಯ ಮಾಡುತ್ತಿರುವುದನ್ನು ಸ್ಮರಿಸಿದರು. ಶಾಲೆಯ ಪ್ರಗತಿಗೆ ಕೈ ಜೋಡಿಸುವ ದಾಮೋದರ ಗಾಂವ್ಕರ್ ಶಂಭುಮನೆ ಅವರ ಸೇವೆಯನ್ನು ನೆನಪಿಸಿದರು. `ಸರ್ಕಾರಿ ಶಾಲೆಯಾಗಿರುವ ಆನಗೋಡಿನಲ್ಲಿ ಉತ್ತಮ ಶಿಕ್ಷಣ ಸಿಗುತ್ತಿದೆ. ಖಾಸಗಿ ಶಾಲೆಗಳಿಗೂ ಈ ಸರ್ಕಾರಿ ಶಾಲೆ ಪೈಪೋಟಿ ನೀಡುತ್ತಿದೆ. ಸರ್ಕಾರಿ ಶಾಲೆಗಳಿಗೆ ಮಕ್ಕಳನ್ನು ದಾಖಲಿಸುವ ಮೂಲಕ ಪಾಲಕರು ಹೆಚ್ಚಿನ ಪ್ರಯೋಜನಪಡೆಯಬೇಕು’ ಎಂದು ಸಿಆರ್‌ಪಿ ಚಂದ್ರಹಾಸ ನಾಯಕ ಅವರು ಹೇಳಿದರು. ಜೊತೆಗೆ ಅಚ್ಚುಕಟ್ಟಾಗಿ ಕಾರ್ಯಕ್ರಮ ಆಯೋಜಿಸಿದವರನ್ನು ಅವರು ಅಭಿನಂದಿಸಿದರು. ಶಿಕ್ಷಣ ಇಲಾಖೆಯಿಂದ ದೈಹಿಕ ಶಿಕ್ಷಣ ಪರಿವೀಕ್ಷಕ ಪ್ರಕಾಶ್ ತಾರಿಕೊಪ್ಪ, ಬಿಆರ್‌ಸಿ ಸಮನ್ವಯಾಧಿಕಾರಿ ಸಂತೋಷ್ ಜಿಗಳೂರು, ಪ್ರೌಢ ವಿಭಾಗದ ಶಿಕ್ಷಣ ಸಂಯೋಜಕ ಪ್ರಶಾಂತ್ ಜಿ ಎನ್, ಪ್ರಾಥಮಿಕ ವಿಭಾಗದ ಇಸಿಓ ಸುಧಾಕರ್ ನಾಯಕ ಅವರು ಕಾರ್ಯಕ್ರಮದಲ್ಲಿದ್ದರು. ಶಿಕ್ಷಕಿ ಸೌಮ್ಯಶ್ರೀ ಹಾನಗಲ್ ನಿರೂಪಿಸಿದರು., ಶ್ರೀಧರ ಮಡಿವಾಳ, ಸುನಿತಾ ಭಂಡಾರಿ ಅವರು ವಿವಿಧ ಜವಾಬ್ದಾರಿ ನಿಭಾಯಿಸಿದರು.
- [ಮಂದಿರ-ಮದರಸಾ ಮೇಲೆ ಕಲ್ಲು ತೂರಾಟ!](https://mobiletime.in/2026/09/stone-pelting-at-temple-and-madrasa/): ಶಾಂತವಾಗಿದ್ದ ಭಟ್ಕಳದಲ್ಲಿ ಗಲಭೆ ಸೃಷ್ಟಿಸುವುದಕ್ಕಾಗಿ ಕಿಡಿಗೇಡಿಗಳು ಗಣೇಶ ವಿಸರ್ಜನಾ ಮೆರವಣಿಗೆ ಹಾಗೂ ಮದರಸಾ ಮೇಲೆ ಕಲ್ಲು ತೂರಾಟ ನಡೆಸಿದ್ದಾರೆ. ಎರಡು ಧರ್ಮಿಯರ ನಡುವೆ ಕಾದಾಟ ತರುವ ಸಂಚು ರೂಪಿಸಿ ವಿಕೃತಿ ಮೆರೆದಿದ್ದಾರೆ. ಸೆಪ್ಟೆಂಬರ್ 16ರ ರಾತ್ರಿ ಭಟ್ಕಳದ ಗುಳಮಿ ರೈಲ್ವೆ ನಿಲ್ದಾಣ ಬಳಿಯ ಮದರಸಾ ಮೇಲೆ ಕಲ್ಲು ತೂರಾಟ ನಡೆದಿದೆ. ಅದೇ ವೇಳೆ ತಲಾಂದ ಸಾರ್ವಜನಿಕ ಗಣೇಶೋತ್ಸವ ಸಮಿತಿಯಿಂದ ಗಣೇಶ ವಿಗ್ರಹವನ್ನು ವಿಸರ್ಜನೆ ನಡೆಯುತ್ತಿದ್ದು, ಆ ಮೆರವಣಿಗೆಯ ಮೇಲೆಯೂ ಕಲ್ಲು ತೂರಿಬಂದಿದೆ. ಮೆರವಣಿಗೆ ತಲಾಂದದಿoದ ಆರಂಭವಾಗಿ ಗುಳಮಿ ರೈಲ್ವೆ ಬ್ರಿಡ್ಜ್ ದಾಟಿ ಮದರಸಾ ಹಾಗೂ ರೈಲ್ವೆ ನಿಲ್ದಾಣ ರಸ್ತೆಯತ್ತ ಸಾಗುತ್ತಿರುವಾಗ ಅಲ್ಲಿನ ರಾಮಚಂದ್ರ ನಾಯ್ಕ ಅವರಿಗೆ ಸೇರಿದ ಕಟ್ಟಡದ ಮೇಲಿನಿಂದ ಕಿಡಿಗೇಡಿಗಳು ಗಣೇಶ ವಿಗ್ರಹದ ಕಡೆಗೆ ಕಲ್ಲುಗಳನ್ನು ತೂರಿದ್ದಾರೆ. ಮೆರವಣಿಗೆ ಗುಳಮಿ ರೈಲ್ವೆ ಬ್ರಿಡ್ಜ್ ದಾಟಿ ರೈಲ್ವೆ ನಿಲ್ದಾಣ ರಸ್ತೆಯ ಮೂಲಕ ಸಾಗುತ್ತಿದ್ದ ವೇಳೆ ರಸ್ತೆಯ ಪಕ್ಕದ ಪ್ರಥಮ ಮಹಡಿಯಲ್ಲಿರುವ ಇಸ್ಮಾಯಿಲ್ ಸುನ್ನಿ ಜಾಮೀಯಾ ಮಸೀದಿ ಹಾಗೂ ನೆಲಮಹಡಿಯಲ್ಲಿರುವ ತಾಜುಸುನ್ನಾ ಅರೇಬಿಕ್ ಮದರಸಾ ಮೇಲೆಯೂ ಕಲ್ಲು ತೂರಾಟ ನಡೆದಿದೆ. ಇದರಿಂದ ಮಸೀದಿ ಹಾಗೂ ಮದರಸಾದ ಕಿಟಕಿ ಗಾಜುಗಳಿಗೆ ಹಾನಿಯಾಗಿವೆ. ಕಲ್ಲು ತೂರಾಟದಿಂದಾಗಿ ಭಟ್ಕಳದಲ್ಲಿ ಉದ್ವಿಘ್ನ ಪರಿಸ್ಥಿತಿ ನಿರ್ಮಾಣವಾಗಿದ್ದು, ಪೊಲೀಸರು ಎಲ್ಲಡೆ ಕಾವಲು ಕಾಯುತ್ತಿದ್ದಾರೆ. ಈ ಎರಡು ಕಲ್ಲು ತೂರಾಟ ಪ್ರಕರಣವನ್ನು ಪೊಲೀಸರು ಗಂಭೀರವಾಗಿ ಪರಿಗಣಿಸಿದ್ದಾರೆ. ಸಾರ್ವಜನಿಕ ಗಣೇಶೋತ್ಸವ ಸಮಿತಿ ತಲಾಂದ ಅಧ್ಯಕ್ಷ ರಾಜು ಸಂಕಪ್ಪ ನಾಯ್ಕ ಹಾಗೂ ಬಂದರ ರಸ್ತೆ 5ನೇ ಕ್ರಾಸ್ ನಿವಾಸಿ ಅಬ್ದುಲ್ ಅಲಿಂ, ಶಾಹುಲ್ ಅಮೀನ್ ಗವಾಯಿ ಅವರು ನೀಡಿದ ದೂರಿನ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಆರೋಪಿತರ ಪತ್ತೆಗೆ ಮೂರು ವಿಶೇಷ ತಂಡ ರಚಿಸಿ ಹುಡುಕಾಟ ನಡೆಸಿದ್ದಾರೆ.  
- [ಈ ಮಗು ಯಾರದ್ದು?](https://mobiletime.in/2026/09/whose-child-is-this/): ಶಿರಸಿಯ ಮಗುವೊಂದನ್ನು ಶಿವಮೊಗ್ಗದ ವ್ಯಕ್ತಿಯೊಬ್ಬರು ಅನಧಿಕೃತವಾಗಿ ಸಾಕುತ್ತಿರುವುದು ಸರ್ಕಾರದ ಗಮನಕ್ಕೆ ಬಂದಿದೆ. ಸದ್ಯ ಮಕ್ಕಳ ಕಲ್ಯಾಣ ಸಮಿತಿಯವರು ಆ ಮಗುವನ್ನು ತಮ್ಮ ಜವಾಬ್ದಾರಿಗೆ ಪಡೆದಿದ್ದಾರೆ. 2 ವರ್ಷದ ಮಗು ಸದ್ಯ ಶಿರಸಿಯ ಸಾಂತ್ವಾನ ಕೇಂದ್ರದಲ್ಲಿ ಆಶ್ರಯಪಡೆಯುತ್ತಿದೆ. ಶಿವಮೊಗ್ಗದ ಸೊರಬದ ತಲಗಡ್ಡೆಯ ವ್ಯಕ್ತಿಯೊಬ್ಬರು ಆ ಮಗುವನ್ನು ಸಾಕುತ್ತಿದ್ದು, ಅವರ ಮೇಲೆ ಅನುಮಾನ ಮೂಡಿದ ಕಾರಣ ಅಧಿಕಾರಿಗಳು ವಿಚಾರಣೆ ನಡೆಸಿದ್ದಾರೆ. ಎರಡು ವರ್ಷದ ಗಂಡು ಮಗುವಿಗೆ ಆ ವ್ಯಕ್ತಿ ಮಗುವಿಗೆ ಖಾಜಾ ಮೊಹದ್ಧೀನ್ ಎಂದು ನಾಮಕರಣ ಮಾಡಿದ್ದಾರೆ. ವಿಚಾರಣೆ ವೇಳೆ ಆ ಮಗುವಿನ ತಾಯಿ ಶಿರಸಿ ಮೂಲದವರು ಎಂದು ಗೊತ್ತಾಗಿದೆ. ಬೇರೆಯವರ ಮಗುವನ್ನು ಅನಧಿಕೃತವಾಗಿ ಸಾಕುತ್ತಿದ್ದ ಕಾರಣ ಶಿವಮೊಗ್ಗದ ಮಕ್ಕಳ ಕಲ್ಯಾಣ ಸಮಿತಿಯವರು ಆ ವ್ಯಕ್ತಿ ವಿರುದ್ಧ ಕೇಸು ದಾಖಲಿಸಿದ್ದಾರೆ. ಅದಾದ ನಂತರ ಆ ಮಗುವನ್ನು ಆರೋಪಿಯಿಂದ ಬೇರ್ಪಡಿಸಿ ಶಿರಸಿಗೆ ಕರೆತಂದಿದ್ದಾರೆ. . ಸೆಪ್ಟೆಂಬರ್ 10ರಂದು ಮಗುವನ್ನು ಶಿರಸಿಯ ಮಕ್ಕಳ ಕಲ್ಯಾಣ ಸಮಿತಿ ಮುಂದೆ ಹಾಜರುಪಡಿಸಲಾಗಿದ್ದು, ಸದ್ಯ ಶಿರಸಿಯ ಮರಾಠಿಕೊಪ್ಪದಲ್ಲಿರುವ ಸಹಾಯ ಟ್ರಸ್ಟ್ ದತ್ತು ಕೇಂದ್ರದಲ್ಲಿ ಮಗುವಿಗೆ ರಕ್ಷಣೆ ನೀಡಲಾಗಿದೆ. ಇದರೊಂದಿಗೆ ಶಿವಮೊಗ್ಗದ ಅಧಿಕಾರಿಗಳು ದಾಖಲಿಸಿದ ಪ್ರಕರಣ ಶಿರಸಿಯ ಮಕ್ಕಳ ಕಲ್ಯಾಣ ಸಮಿತಿಗೆ ವರ್ಗವಾಗಿದೆ. ಹೀಗಾಗಿ ಆ ಮಗುವಿನ ನಿಜವಾದ ಪಾಲಕರು ಯಾರು? ಎಂದು ಇಲ್ಲಿನ ಅಧಿಕಾರಿಗಳು ಹುಡುಕಾಟ ಶುರು ಮಾಡಿದ್ದಾರೆ. ಈ ಕುರಿತು ಇನ್ನಷ್ಟು ವಿಚಾರಣೆ ನಡೆಸಿದಾಗ ಆ ಮಗುವಿನ ತಾಯಿ ಸಾವನಪ್ಪಿದ ಬಗ್ಗೆಯೂ ಮಾಹಿತಿ ಸಿಕ್ಕಿದೆ. ಆ ಮಗುವನ್ನು ಕಾನೂನುಬದ್ಧವಾಗಿ ದತ್ತು ಪ್ರಕ್ರಿಯೆಗೆ ಒಳಪಡಿಸಲು ನಿರ್ಧರಿಸಲಾಗಿದ್ದು, ಅದಕ್ಕಾಗಿ ಮಗುವಿನ ಜೈವಿಕ ಪಾಲಕರ ಪತ್ತೆ ಅಗತ್ಯವಾಗಿದೆ. ಹೀಗಾಗಿ ಈ ವಿಷಯದ ಬಗ್ಗೆ ಮಕ್ಕಳ ಕಲ್ಯಾಣ ಸಮಿತಿಯವರು ಪ್ರಕಟಣೆ ಹೊರಡಿಸಿದ್ದು, ಈ ಸುದ್ದಿ ನೋಡಿದ ಮಗುವಿನ ಪಾಲಕರು ಕೂಡಲೇ ಮಕ್ಕಳ ಕಲ್ಯಾಣ ಸಮಿತಿ-02, ಬಾಲಕರ ಬಾಲಮಂದಿರ ಕೋರ್ಟ ರಸ್ತೆ ಶಿರಸಿ ಇಲ್ಲಿಗೆ ಹಾಜರಾಗುವಂತೆ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಅಧಿಕಾರಿಗಳು ಸೂಚಿಸಿದ್ದಾರೆ.
- [ವಾಕಿಂಗ್ ಹೊರಟ ವೃದ್ಧನಿಗೆ ವಾಹನ ಡಿಕ್ಕಿ: ಸಾವು!](https://mobiletime.in/2026/09/elderly-man-out-for-a-walk-hit-by-vehicle-dies/): ವಾಕಿಂಗ್ ಹೊರಟಿದ್ದ ವೃದ್ಧರಿಗೆ ವಾಹನವೊಂದು ಗುದ್ದಿದ್ದು, ಅಪಘಾತದ ರಭಸಕ್ಕೆ ಹೊನ್ನಾವರದ ಕರ್ಕಿಯ ಮೋಹನ ಹೆಗಡೆ ಅವರು ಅಲ್ಲಿಯೇ ಸಾವನಪ್ಪಿದ್ದಾರೆ. ಅಪಘಾತಕ್ಕೆ ಕಾರಣವಾದ ವಾಹನಸಹಿತ ಚಾಲಕ ಪರಾರಿಯಾಗಿದ್ದು, ಶೋಧ ಮುಂದುವರೆದಿದೆ. ಹೊನ್ನಾವರದ ಕರ್ಕಿಯಲ್ಲಿ ಮೋಹನ ಹೆಗಡೆ ಅವರು ವಾಸವಾಗಿದ್ದರು. 73 ವರ್ಷದ ಅವರು ನಿತ್ಯವೂ ವ್ಯಾಯಾಮ ಮಾಡುವ ಅಭ್ಯಾಸ ರೂಢಿಸಿಕೊಂಡಿದ್ದರು. ಜೊತೆಗೆ ವಾಕಿಂಗ್ ಸಹ ಮಾಡುತ್ತಿದ್ದರು. ಅದರಂತೆ, ಬುಧವಾರ ಬೆಳಗ್ಗೆ ಅವರು ಕರ್ಕಿ ರೈಲು ನಿಲ್ದಾಣ ರಸ್ತೆಯ ಕಡೆ ವಾಕಿಂಗ್’ಗೆ ಹೋಗಿದ್ದರು. ಆಗ, ವೇಗವಾಗಿ ಬಂದ ವಾಹನವೊಂದು ಅವರಿಗೆ ಗುದ್ದಿ ಪರಾರಿಯಾಯಿತು. ಅಪರಿಚಿತ ವಾಹನ ಡಿಕ್ಕಿ ಹೊಡೆದ ರಭಸಕ್ಕೆ ಮೋಹನ ಹೆಗಡೆ ಅವರು ಅಲ್ಲಿಯೇ ಬಿದ್ದು ಸಾವನಪ್ಪಿದರು. ಮೋಹನ ಹೆಗಡೆ ಅವರಿಗೆ ಗುದ್ದಿದ ವಾಹನ ಯಾವುದು? ಎಂದು ಗೊತ್ತಾಗಲಿಲ್ಲ. ವಾಹನದ ಅತಿಯಾದ ವೇಗ ಹಾಗೂ ನಿರ್ಲಕ್ಷ ಚಾಲನೆ ಈ ಅಪಘಾತಕ್ಕೆ ಕಾರಣವಾಗಿದ್ದು, ಆ ವಾಹನ ಹಾಗೂ ಚಾಲಕನಿಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ. ಸಿಸಿ ಕ್ಯಾಮರಾ ದೃಶ್ಯಾವಳಿ ಹಾಗೂ ಸ್ಥಳೀಯರು ನೀಡಿದ ಮಾಹಿತಿ ಅನ್ವಯ ಶೋಧ ಮುಂದುವರೆದಿದೆ. ಹೊನ್ನಾವರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ನೀರಿನಲ್ಲಿ ಮುಳುಗಿದ ಕುಲಪತಿ: ಹಬ್ಬಕ್ಕೆ ಬಂದವ ಹೆಣವಾದ!](https://mobiletime.in/2026/09/vice-chancellor-drowns-man-who-came-for-the-festival-ends-up-dead/): ಗಣಹೋಮ ಮಾಡುವುದಕ್ಕಾಗಿ ಮಡಿ ನೀರು ತರಲು ಕುಮಟಾದ ಕೆರೆಗೆ ಹೋಗಿದ್ದ ಶಿವಮೊಗ್ಗ ಕೃಷಿ ವಿಶ್ವವಿದ್ಯಾಲಯದ ನಿವೃತ್ತ ಉಪಕುಲಪತಿ ಮಂಜುನಾಥ ನಾಯ್ಕ ಅವರು ಅದೇ ಕೆರೆಯಲ್ಲಿ ಮುಳುಗಿ ಸಾವನಪ್ಪಿದ್ದಾರೆ. ನೀರು ತರಲು ಹೋದ ಮಂಜುನಾಥ ನಾಯ್ಕ ಅವರು ತಾಸು ಕಳೆದರೂ ಬಾರದ ಕಾರಣ ಹುಡುಕಾಟ ನಡೆಸಿದಾಗ ಅವರ ಶವ ಸಿಕ್ಕಿದೆ. ಕುಮಟಾ ಕೋನಳ್ಳಿಯಲ್ಲಿ ಮಂಜುನಾಥ ಕೃಷ್ಣಪ್ಪ ನಾಯ್ಕ ಅವರು ತಮ್ಮ ಬಾಲ್ಯ ಕಳೆದಿದ್ದರು. ಉನ್ನತ ವ್ಯಾಸಂಗ ಮಾಡಿದ ಅವರು ಶಿವಮೊಗ್ಗ ವಿಶ್ವವಿದ್ಯಾಲಯದಲ್ಲಿ ಉಪಕುಲಪತಿಯಾಗಿ ಸೇವೆ ಮಾಡಿದ್ದರು. ನಿವೃತ್ತಿ ನಂತರ ಅವರು ಬೆಂಗಳೂರಿನ ಕೆಂಗೇರಿ ವಿಶ್ವೇಶ್ವರಯ್ಯ ಲೇಔಟಿನಲ್ಲಿ ವಾಸವಾಗಿದ್ದರು. ಪ್ರತಿ ವರ್ಷ ಗಣೇಶ ಹಬ್ಬಕ್ಕೆ ಅವರು ತಮ್ಮ ಮೂಲ ಊರಾದ ಕುಮಟಾಗೆ ಬರುತ್ತಿದ್ದರು. ಇಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಅವರು ಭಾಗಿಯಾಗುತ್ತಿದ್ದರು. ಅದರಂತೆ, ಈ ವರ್ಷವೂ ಗಣೇಶ ಚತುರ್ಥಿಗಾಗಿ ಅವರು ಕುಮಟಾಗೆ ಬಂದಿದ್ದು, ಕೋನಳ್ಳಿಯಲ್ಲಿ ವಾಸವಾಗಿದ್ದರು. ಗಣೇಶ ಹಬ್ಬದ ಅಂಗವಾಗಿ ಸೆಪ್ಟೆಂಬರ್ 15ರಂದು ಅವರು ಗಣಹೋಮ ನಡೆಸಲು ನಿರ್ಧರಿಸಿದ್ದರು. ಅದಕ್ಕಾಗಿ ಎಲ್ಲಾ ಬಗೆಯ ಸಿದ್ಧತೆಗಳನ್ನು ಮಾಡಿಕೊಂಡಿದ್ದರು. ಪೂಜೆಗೆ ಮಡಿ ನೀರು ತರುವುದಕ್ಕಾಗಿ ಅವರು ಆ ದಿನ ಬೆಳಗ್ಗೆ 11 ಗಂಟೆ ವೇಳೆಗೆ ತೋಟಕ್ಕೆ ಹೋಗಿದ್ದರು. ತೋಟದಲ್ಲಿರುವ ಕೆರೆಯಿಂದ ನೀರು ತೆಗೆಯುವಾಗ ಅವರು ಅಲ್ಲಿ ಕಾಲು ಜಾರಿ ಬಿದ್ದರು. 12ಗಂಟೆಯಾದರೂ ಅವರು ಮನೆಗೆ ಬರದ ಕಾರಣ ಅಲ್ಲಿದ್ದವರು ಹುಡುಕಾಟ ಶುರು ಮಾಡಿದರು. ಅಷ್ಟರೊಳಗೆ ಮಂಜುನಾಥ ನಾಯ್ಕ ಅವರು ನೀರಿನಲ್ಲಿ ಮುಳುಗಿದ್ದರು. ಅಲ್ಲಿ ಉಸಿರಾಡಲು ಸಾಧ್ಯವಾಗದೇ ಸಾವನಪ್ಪಿದ್ದರು. ತಂದೆಯ ಅಕಾಲಿಕ ಮರಣದ ಬಗ್ಗೆ ಅವರ ಮಗ ಚಿನ್ಮಯಕೃಷ್ಣ ನಾಯ್ಕ ಅವರು ಮಾಹಿತಿ ನೀಡಿದರು. ಕುಮಟಾ ಪೊಲೀಸರು ಕೇಸು ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದರು. `ಅಪಾಯಕಾರಿ ಸ್ಥಳಗಳ ಕಡೆ ಹೋಗಬೇಡಿ’
- [ಹಬ್ಬದ ಆಟಕ್ಕೂ ಪೊಲೀಸರ ಕಾಟ!](https://mobiletime.in/2026/09/police-trouble-for-festive-games-too/): ಅಪರೂಪಕ್ಕೆ ಒಮ್ಮೆ ಅಂದರ್ ಬಾಹರ್ ಆಡುತ್ತಿದ್ದ ಯಲ್ಲಾಪುರದ ರವೀಂದ್ರ ನಗರದ ಹುಡುಗರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಗೌಂಡಿ, ಸೆಂಟ್ರಿoಗ್ ಹಾಗೂ ಕೂಲಿ ಕೆಲಸ ಮಾಡುತ್ತಿದ್ದ 10 ಜನ ಈ ವೇಳೆ ಸಿಕ್ಕಿ ಬಿದ್ದಿದ್ದಾರೆ. ರವೀಂದ್ರ ನಗರದ ನಾಗರಾಜ ಪರಶುರಾಮ ಬೋವಿವಡ್ಡರ್, ಮನೋಜ ಕರಿಯಪ್ಪ ಹರನಾಳಗಿ, ಉದಯ ಪಾಂಡುರoಗ ಬೋವಿವಡ್ಡರ್, ವೆಂಕಟೇಶ ರೇನಪ್ಪಾ ಬೋವಿವಡ್ಡರ್, ಶಂಕರ್ ದುರ್ಗಪ್ಪಾ ಬೋವಿವಡ್ಡರ್, ಸೂರಜ್ ಪಾಂಡುರoಗ ಬೋವಿವಡ್ಡರ್, ಕಿರಣ ಹನುಮಂತ ಬೋವಿವಡ್ಡರ್, ನಾಗರಾಜ ಹನುಮಂತಪ್ಪ ಬೋವಿವಡ್ಡರ್, ಚಂದ್ರು ರೇಣಪ್ಪ ಬೋವಿವಡ್ಡರ್ ಹಾಗೂ ಪವನ್ ರಾಜು ಬೋವಿವಡ್ಡರ್ ಅವರು ಗಣೇಶ ಹಬ್ಬದ ಕಾರಣ ಒಂದಾಗಿದ್ದರು. ಎಲ್ಲರಿಗೂ ಬಿಡುವು ಸಿಕ್ಕ ಕಾರಣ ಅವರೆಲ್ಲರೂ ಅಂದರ್ ಬಾಹರ್ ಆಟ ಆಡಲು ನಿರ್ಧರಿಸಿದ್ದರು. ಅದರಂತೆ, ಸೆಪ್ಟೆಂಬರ್ 14ರ ರಾತ್ರಿ 8.30ಕ್ಕೆ ಪಿಎಲ್‌ಡಿ ಬ್ಯಾಂಕಿನ ಬಳಿ ಎಲ್ಲರೂ ಸೇರಿದ್ದರು. ಅಲ್ಲಿಯೇ ಅವರು ಇಸ್ಪಿಟ್ ಆಟ ಶುರು ಮಾಡಿದ್ದರು. ಇಸ್ಪಿಟ್ ಮಂಡದ ಮೇಲೆ ಅವರೆಲ್ಲರೂ ಸೇರಿ ಹಣ ಹೂಡಿದ್ದರು. ಅಲ್ಲಿ ಹಣ ಹಾಕಿ ಆಟ ಆಡುತ್ತಿರುವುದನ್ನು ನೋಡಿದ ವ್ಯಕ್ತಿಯೊಬ್ಬರು ಪೊಲೀಸರಿಗೆ ಫೋನ್ ಮಾಡಿದರು. ಪಿಸೈ ರಾಜಶೇಖರ ವಂದಲಿ ಅವರು ತಮ್ಮ ತಂಡದ ಜೊತೆ ಅಲ್ಲಿ ದಾಳಿ ಮಾಡಿದರು. ಅಂದರ್ ಬಾಹರ್ ಆಡುತ್ತಿದ್ದ ಆ 10 ಜನರನ್ನು ವಶಕ್ಕೆಪಡೆದರು. ಆ ಎಲ್ಲರೂ 22ರಿಂದ 38ವರ್ಷದೊಳಗಿನವರೆ ಆಗಿದ್ದು, ಕಾನೂನುಬಾಹಿರ ಕ್ರೀಡೆಯಲ್ಲಿ ತೊಡಗದಂತೆ ಪೊಲೀಸರು ಬುದ್ದಿಯನ್ನು ಹೇಳಿದರು. ಮಂಡದ ಮೇಲಿದ್ದ 3400ರೂ ಹಣವನ್ನು ವಶಕ್ಕೆಪಡೆದ ಪೊಲೀಸರು ಇನ್ನಿತರ ಸಲಕರಣೆಗಳನ್ನು ಜಪ್ತು ಮಾಡಿದರು. ಜೊತೆಗೆ ಆ 10 ಜನರ ವಿರುದ್ಧ ಕೇಸು ದಾಖಲಿಸಿದರು.
- [ಕಸ್ತೂರಿ ರಂಗನ್ ವರದಿ ಅವೈಜ್ಞಾನಿಕ](https://mobiletime.in/2026/09/the-kasturirangan-report-is-unscientific/): ಕಸ್ತೂರಿ ರಂಗನ್ ವರದಿಯಲ್ಲಿನ ಅವೈಜ್ಞಾನಿಕ ಅಂಶಗಳ ಬಗ್ಗೆ ವಿಶ್ರಾಂತ ನ್ಯಾಯ ಮೂರ್ತಿ ಎಚ್ ಎನ್ ನಾಗಮೋಹನದಾಸ ಅವರು ಬೆಳಕು ಚೆಲ್ಲಿದ್ದಾರೆ. ಕಸ್ತೂರಿ ರಂಗನ್ ವರದಿಯ 7ನೇ ಅಧಿಸೂಚನೆಯ ಜಾರಿಗೆ ಅವರು ಆಕ್ಷೇಪವ್ಯಕ್ತಪಡಿಸಿದ್ದಾರೆ. ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯವರು ವಿಶ್ರಾಂತ ನ್ಯಾಯಮೂರ್ತಿ ಎಚ್ ಎನ್ ನಾಗಮೋಹನದಾಸ ಅವರನ್ನು ಈ ದಿನ ಭೇಟಿ ಆಗಿದ್ದು, ಕಸ್ತೂರಿ ರಂಗನ್ ವರದಿ ಕುರಿತು ಚರ್ಚಿಸಿದ್ದಾರೆ. ಅದಾದ ನಂತರ ವರದಿಗೆ ಆಕ್ಷೇಪಿಸಿ ಅರಣ್ಯ ಸಚಿವ ರಾಮಲಿಂಗ ರೆಡ್ಡಿ ಅವರಿಗೆ ಮನವಿ ಸಲ್ಲಿಸಿದ್ದಾರೆ. `ವರದಿಗಿಂತಲೂ ಮುಖ್ಯವಾಗಿ ಬೌತಿಕ ಸರ್ವೇ ಮತ್ತು ಗ್ರಾಮ ಸಭೆ ನಿರ್ಣಯಕ್ಕೆ ಮನ್ನಣೆ ಕೊಡಬೇಕು’ ಎಂದು ಸಮಿತಿಯವರು ಆಗ್ರಹಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿ ಅವೈಜ್ಞಾನಿಕ ಅಂಶಗಳನ್ನು ಹೊಂದಿರುವುದಲ್ಲದೇ ಪ್ರಾಯೋಗಿಕವಾಗಿ ಸಮಿತಿಯ ಸದಸ್ಯರು ಪಶ್ಚಿಮ ಘಟ್ಟದ ಹಳ್ಳಿಗಳಿಗೆ ಭೇಟಿ ನೀಡದೇ ಕೇವಲ ಉಪಗೃಹ ಚಿತ್ರಗಳನ್ನ ಆಧಾರವಾಗಿ ಇಟ್ಟುಕೊಂಡು ವರದಿ ಸಿದ್ಧಪಡಿಸಿದ್ದಾರೆ. ಇಲ್ಲಿ ಕೃಷಿ ಚಟುವಟಿಕೆಯ ಪ್ರದೇಶವನ್ನು ಸಹಿತ ನೈಸರ್ಗಿಕ ಅರಣ್ಯವೆಂದು ತಪ್ಪಾಗಿ ವರ್ಗಿಕರಿಸಲಾಗಿದೆ’ ಎಂದು ನ್ಯಾಯವಾದಿ ರವೀಂದ್ರ ನಾಯ್ಕ ಅವರು ವಿವರಿಸಿದ್ದಾರೆ. `ಪರಿಸರ ರಕ್ಷಣಾ ವಲಯಗಳ ಸುತ್ತಲಿನ 10 ಕೀಮಿ ಪ್ರದೇಶಗಳನ್ನ ಬಫರ್ ವಲಯವೆಂದು ಗುರುತಿಸಿರುವುದು, ವರದಿ ತಯಾರಿಸುವಾಗ ಜನಪ್ರತಿನಿಧಿ ಮತ್ತು ಸ್ಥಳೀಯ ಸಂಸ್ಥೆಗಳ, ಜನಪ್ರತಿನಿಧಿಗಳ, ಗ್ರಾಮ ಸಭೆಗಳ ಮಾನ್ಯತೆ ನೀಡದೇ ಇರುವುದು ಅವೈಜ್ಞಾನಿಕ’ ಎಂದವರು ವಾದಿಸಿದ್ದಾರೆ. ಈ ವೇಳೆ ಹೋರಾಟಗಾರರ ವೇದಿಕೆಯ ರಾಜ್ಯ ಸಂಚಾಲಕಿ ರಂಜಿತಾ ರವೀಂದ್ರ, ಸಂಘಟನೆ ಜಿಲ್ಲಾ ಸಂಚಾಲಕ ಮಹಭಲೇಶ್ವರ ನಾಯ್ಕ ಬೇಡ್ಕಣಿ, ಬಿಡಿ ನಾಯ್ಕ ಕುರಗೆತೋಟ, ಭಾಸ್ಕರ್ ಕುರಗೆತೋಟ, ಶ್ರೀಧರ ಎಸ್ ಹೆಗಡೆ ಕೆರೆಮನೆ, ಜಗದೀಶ್ ನಾಯ್ಕ ಬಿಕ್ಕಳಸೆ, ಆರೀಫ್ ಶೇಖ ಬಿಸಲಕೊಪ್ಪ ಸಹ ಇದ್ದರು.  
- [ಚುಕ್ಕಿ ಜಿಂಕೆಗೆ ಶ್ವಾನ ಕಾಟ!](https://mobiletime.in/2026/09/spotted-deer-harassed-by-dogs/): ಮುಂಡಗೋಡಿನ ಸನವಳ್ಳಿ ಬಳಿಯ ಕಾಡಿನಲ್ಲಿರಬೇಕಾದ ಚುಕ್ಕಿ ಜಿಂಕೆ ಊರಿಗೆ ಬಂದು ಪ್ರಾಣ ಬಿಟ್ಟಿದೆ. ಅಪರೂಪಕ್ಕೆ ಒಮ್ಮೆ ಜಿಂಕೆ ನೋಡಿದ ನಾಯಿಗಳು ಏಕಾಏಕಿ ಆಕ್ರಮಣ ನಡೆಸಿದ್ದು, ನಾಯಿ ದಾಳಿಗೆ ಜಿಂಕೆಯ ಜೀವ ಹೋಗಿದೆ. ಮುಂಡಗೋಡದ ಸನವಳ್ಳಿ ಗ್ರಾಮದ ಸಮೀಪ ಜಿಂಕೆಯೊoದು ಆಹಾರ ಅರಸಿ ಕಾಡಿನಿಂದ ನಾಡಿಗೆ ಬಂದಿತ್ತು. ಜಿಂಕೆ ಮೇಲೆ ಬೀದಿ ನಾಯಿಗಳು ದಾಳಿ ಮಾಡಿದವು. ನಾಯಿ ದಾಳಿ ನೋಡಿದ ಜನ ಅದನ್ನು ತಪ್ಪಿಸುವ ಪ್ರಯತ್ನ ಮಾಡಿದರು. ಆದರೆ, ಗಂಭೀರವಾಗಿ ಗಾಯಗೊಂಡ ಜಿಂಕೆ ಅಲ್ಲಿಯೇ ಉಸಿರು ನಿಲ್ಲಿಸಿತು. ಸನವಳ್ಳಿ ಗ್ರಾಮದ ಯೋಗಿ ಅವರ ಜಮೀನಿನಲ್ಲಿ ಓಡಾಟ ನಡೆಸುತ್ತಿದ್ದ ಜಿಂಕೆ ಅಲ್ಲಿಯೇ ಶವವಾಗಿ ಬಿದ್ದಿತು. ನಾಯಿಗಳು ಗುಂಪು ಕಟ್ಟಿ ನಡೆಸಿದ ಆಕ್ರಮಣದಿಂದ ವನ್ಯಜೀವಿ ಸಾವನಪ್ಪಿತು. ಘಟನೆಯ ಕುರಿತು ಮಾಹಿತಿ ತಿಳಿದ ತಕ್ಷಣ ಅರಣ್ಯ ರಕ್ಷಕ ಮುತ್ತುರಾಜ ಹಳ್ಳಿ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಬಳಿಕ ಪಶುವೈದ್ಯರಾದ ಡಾ ಜಯಚಂದ್ರ ಅವರು ಸ್ಥಳಕ್ಕೆ ಆಗಮಿಸಿ ಜಿಂಕೆಯ ಮರಣೋತ್ತರ ಪರೀಕ್ಷೆ ನಡೆಸಿದರು. ನಂತರ ಅರಣ್ಯ ಇಲಾಖೆಯವರು ಜಿಂಕೆಯ ಶವವನ್ನು ಕಾನೂನುಪ್ರಕಾರ ವಿಲೇವಾರಿ ಮಾಡಿದರು. ರಾಜು ಗುಬ್ಬಕನವರ, ಶಂಕ್ರಪ್ಪ ಕೆರಿಹೊಲದವರ, ದೇವರಾಜ ಕಳಸಗೇರಿ, ವಾಚರ್ ಹಸನಸಾಬ, ರುದ್ರಪ್ಪ ಅವರು ಈ ವೇಳೆ ಇದ್ದರು.
- [ವೀಸಾ ಮುಗಿದರೂ ಪಾದಯಾತ್ರೆ ಬಿಡದ ವಿದೇಶಿಗ!](https://mobiletime.in/2026/09/foreigner-continues-the-walkathon-even-after-visa-expires/): ಗೋಕರ್ಣದಿಂದ ಮುರುಡೇಶ್ವರಕ್ಕೆ ಪಾದಯಾತ್ರೆ ನಡೆಸಲು ನಿರ್ಧರಿಸಿದ್ದ ಇಸ್ರೇಲ್’ನ ಮಾರ್ಚಾವಿ ಅಸ್ಸಾಪ್ ಅವರ ಹರಕೆಗೆ ತಡೆ ಬಿದ್ದಿದೆ. ವೀಸಾ ಮುಗಿದರೂ ಭಾರತದಲ್ಲಿಯೇ ನೆಲೆಸಿದ್ದ ಕಾರಣ ಅವರನ್ನು ಹೊನ್ನಾವರ ಪೊಲೀಸರು ವಶಕ್ಕೆಪಡೆದಿದ್ದಾರೆ. ವರ್ಷದ ಹಿಂದೆಯೇ ಭಾರತ ಪ್ರವಾಸಕ್ಕೆ ಆಗಮಿಸಿದ್ದ ಇಸ್ರೇಲ್’ನ ಮಾರ್ಚಾವಿ ಅಸ್ಸಾಪ್ ಅವರ ವೀಸಾ ಅವಧಿ ಮುಗಿದಿದ್ದರೂ ಅವರು ಅವರ ದೇಶಕ್ಕೆ ಮರಳಿರಲ್ಲ. ಕಾನೂನುಬಾಹಿರವಾಗಿ ಅವರು ಉತ್ತರ ಕನ್ನಡ ಜಿಲ್ಲೆಯಲ್ಲಿ ಓಡಾಡಿಕೊಂಡಿದ್ದರು. ಹೊನ್ನಾವರದ ಹಳದಿಪುರದಲ್ಲಿ ಮಾರ್ಚಾವಿ ಅಸ್ಸಾಪ್ ಅವರು ಈ ದಿನ ಅಲೆದಾಡುತ್ತಿದ್ದರು. ಅವರ ವರ್ತನೆ ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದರು. ಪೊಲೀಸರು ಅಲ್ಲಿಗೆ ಆಗಮಿಸಿ ದಾಖಲೆ ಪ್ರಶ್ನಿಸಿದರು. ಮಾರ್ಚಾವಿ ಅಸ್ಸಾಪ್ ಅವರ ದಾಖಲೆಗಳ ಪರಿಶೀಲನೆ ಮಾಡಿದಾಗ ಅವರ ವೀಸಾ ಅವಧಿ 2025ರ ಏಪ್ರಿಲ್ ಅವಧಿಯಲ್ಲಿಯೇ ಮುಗಿದಿರುವುದು ಗಮನಕ್ಕೆ ಬಂದಿತು. ಅದಾಗಿಯೂ, ಅವರು ಭಾರತದಲ್ಲಿಯೇ ವಾಸಿಸುತ್ತಿದ್ದ ಕಾರಣ ಪೊಲೀಸರು ಕ್ರಮ ಜರುಗಿಸಿದರು. ಗೋಕರ್ಣದಿಂದ ಮುರುಡೇಶ್ವರದ ಕಡೆ ಕಾಲ್ನಡಿಗೆಯಲ್ಲಿ ತೆರಳುವುತ್ತಿರುವುದಾಗಿ ಮಾರ್ಚಾವಿ ಅಸ್ಸಾಪ್ ಅವರು ಹೇಳಿಕೊಂಡರು. ವೀಸಾ ಮುಗಿದ ಕಾರಣ ಅದಕ್ಕೂ ಇಲ್ಲಿ ಅವಕಾಶವಿಲ್ಲ ಎಂದು ಪೊಲೀಸರು ವಿವರಿಸಿದರು. ಸದ್ಯ ಅವರನ್ನು ವಶಕ್ಕೆಪಡೆಯಲಾಗಿದ್ದು, ಅಗತ್ಯ ಕಾನೂನು ಪ್ರಕ್ರಿಯೆ ಮುಗಿಸಿ ಬೆಂಗಳೂರಿನ ವಿದೇಶಿಗರ ಪ್ರಾದೇಶಿಕ ನೋಂದಣಿ ಕಚೇರಿಗೆ ಹಸ್ತಾಂತರಿಸುವ ಸಿದ್ಧತೆ ನಡೆದಿದೆ. .
- [ಭೂತೇಶ್ವರ ಸೊಸೈಟಿ: ಈ ವರ್ಷವೂ ಭರ್ಜರಿ ಲಾಭ!](https://mobiletime.in/2026/09/bhuteshwar-society-huge-profits-again-this-year/): ಕಳೆದ 25 ವರ್ಷಗಳಿಂದ ಲಾಭದಲ್ಲಿಯೇ ಮುನ್ನಡೆಯುತ್ತಿರುವ ಶಿರಸಿ ಸಿಪಿ ಬಜಾರಿನಲ್ಲಿರುವ ಶ್ರೀ ಭೂತೇಶ್ವರ ಪತ್ತಿನ ಸಹಕಾರಿ ಸಂಘವೂ ಈ ಬಾರಿ 67ಲಕ್ಷ ರೂಪಾಯಿಗೂ ಅಧಿಕ ಲಾಭಗಳಿಸಿದೆ. `ಕಡಿಮೆ ಬಡ್ಡಿ ದರದಲ್ಲಿ ಹೆಚ್ಚಿನ ಜನರಿಗೆ ಸಾಲ ವಿತರಿಸಿರುವುದೇ ಈ ಯಶಸ್ಸಿಗೆ ಕಾರಣ’ ಎಂದು ಸೊಸೈಟಿ ಅಧ್ಯಕ್ಷ ಶ್ರೀಧರ ಮೊಗೇರ್ ಅವರು ಹೇಳಿದ್ದಾರೆ. ಬುಧವಾರ ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಪ್ರಸ್ತುತ ಸಂಘದಲ್ಲಿ ಶೇ 9ರ ಬಡ್ಡಿ ದರದಲ್ಲಿ ಬಂಗಾರದ ಅಡಮಾನ ಸಾಲ, ಶೇ 11ರ ದರದಲ್ಲಿ ವಾಹನ ಸಾಲ ಹಾಗೂ ಹೊಸದಾಗಿ ಶೇ 12ರ ಬಡ್ಡಿ ದರದಲ್ಲಿ ಅಡಮಾನ ಸಾಲ ನೀಡಲಾಗುತ್ತಿದೆ. 2025-26ನೇ ಹಣಕಾಸು ಸಾಲಿನಲ್ಲಿ 67,13,342.40ರೂ ಲಾಭಗಳಿಸಿದೆ. ಸಂಸ್ಥೆಯು ಅ ವರ್ಗದ ಆಡಿಟ್ ಶ್ರೇಣಿಯನ್ನು ಪಡೆದುಕೊಂಡಿದ್ದು, ಸದಸ್ಯರಿಗೆ ಅನೇಕ ಅನುಕೂಲಕರ ಯೋಜನೆಯನ್ನು ರೂಪಿಸಿದೆ’ ಎಂದು ವಿವರಿಸಿದರು. ಸೊಸೈಟಿಯಲ್ಲಿ ಒಟ್ಟು 1,34,76,000ರೂ ಶೇರು ಬಂಡವಳವಿದೆ. ಠೇವಣಿ 13.71 ಕೋಟಿ ರೂ ಹಾಗೂ ಕಾಯ್ದಿರಿಸಿದ ನಿಧಿ 177.62 ಲಕ್ಷ ರೂಪಾಯಿಗೆ ತಲುಪಿದೆ’ ಎಂದು ವಿವರಿಸಿದರು 12.04 ಕೋಟಿ ಸಾಲ ವಿತರಿಸಲಾಗಿದ್ದು, ಶೇ 97.67ನಷ್ಟು ವಸೂಲಾತಿ ದಾಖಲಾಗಿದೆ’ ಎಂದು ತಿಳಿಸಿದರು. `ರಜತ ಮಹೋತ್ಸವದ ಅಂಗವಾಗಿ ಸೆಪ್ಟೆಂಬರ್ 19ರಂದು ವಿಶೇಷ ಸಭೆ ನಡೆಯಲಿದ್ದು, ಸಂಘದ ಸ್ಥಾಪಕ ವಸಂತ ಶೆಟ್ಟಿ ಅವರ ಸ್ಮರಣಾರ್ಥ ವಿಶೇಷ ಸನ್ಮಾನ ಕಾರ್ಯಕ್ರಮ ಆಯೋಜಿಸಲಾಗಿದೆ. ಸಹಕಾರಿ ಕ್ಷೇತ್ರದಲ್ಲಿ ಸಾಧನೆಗೆ ಯಲ್ಲಾಪುರ ಸಂಕಲ್ಪದ ಪ್ರಮೋದ ಹೆಗಡೆ ಹಾಗೂ ಸಾಮಾಜಿಕ & ನ್ಯಾಯಾಂಗ ಕ್ಷೇತ್ರದ ಅತ್ಯುತ್ತಮ ಸೇವೆಗೆ ಹಿರಿಯ ನ್ಯಾಯವಾದಿ ಅರುಣಾಚಲ ಪಿ. ಹೆಗಡೆ ಜಾನಮನೆ ಅವರನ್ನು ಗೌರವಿಸಲಾಗುತ್ತದೆ. ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಗುತ್ತದೆ’ ಎಂದವರು ಹೇಳಿದರು. ಈ ಸುದ್ದಿಗೋಷ್ಠಿಯಲ್ಲಿ ಸಂಘದ ಉಪಾದ್ಯಕ್ಷರಾದ ಭಾಸ್ಕರ ಶೆಟ್ಟಿ, ನಿರ್ದೇಶಕರುಗಳಾದ ಕೇಶವ ಶೆಟ್ಟಿ, ಅಮಿತ್ ಹೆಗಡೆ,ಪೀಟರ್ ಫರ್ನಾಂಡೀಸ್, ತುಕರಾಮ ನೇತ್ರಕರ್, ಸಂಘದ ಮುಖ್ಯ ಕಾರ್ಯನಿರ್ವಾಹಕರಾದ ವಿನಾಯಕ ಶೆಟ್ಟಿ, ಆಂತರಿಕ ಸಲಹೆಗಾರ ಪ್ರಕಾಶ ಮದ್ಗುಣಿ ಇದ್ದರು.
- [ಗಣೇಶ ಹಬ್ಬ: ಇಲ್ಲಿ ಅನುದಿನವೂ ಅನ್ನದಾನ!](https://mobiletime.in/2026/09/ganesha-festival-free-meals-served-here-every-day/): ಯಲ್ಲಾಪುರದ ದೇವಿ ಮೈದಾನದಲ್ಲಿ 44 ವರ್ಷಗಳಿಂದ ಗಣೇಶ ಉತ್ಸವವನ್ನು ಅದ್ಧೂರಿಯಾಗಿ ಆಚರಿಸಿಕೊಂಡು ಬರಲಾಗುತ್ತಿದೆ. ಕಳೆದ ನಾಲ್ಕು ವರ್ಷದಿಂದ ಇಲ್ಲಿ ಹಬ್ಬದ ಅವಧಿಯಲ್ಲಿ ಪ್ರತಿ ದಿನ ಅನ್ನದಾನ ಸೇವೆ ನಡೆಯುತ್ತಿದೆ. ಗಣೇಶ ಚತುರ್ಥಿ ಹಿನ್ನಲೆ ಇಲ್ಲಿ ಹಬ್ಬದ 11 ದಿನಗಳ ಕಾಲ ಭಕ್ತರಿಗೆ ಪ್ರಸಾದ ವಿತರಣೆ ನಡೆಯುತ್ತದೆ. ನಿತ್ಯ ನೂರಾರು ಜನ ಆಗಮಿಸಿ ಅನ್ನ ಪ್ರಸಾದ ಸ್ವೀಕರಿಸುತ್ತಿದ್ದು, ಅದೇ ಪ್ರಮಾಣದಲ್ಲಿ ದಾನಿಗಳು ಸಹಕಾರ ನೀಡಿದ್ದಾರೆ. ರುಚಿ ಜೊತೆ ಶುಚಿತ್ವಕ್ಕೂ ಮೊದಲ ಆದ್ಯತೆ ನೀಡಿ ಇಲ್ಲಿ ಪ್ರಸಾದ ಭೋಜನ ಸಿದ್ದಪಡಿಸಲಾಗುತ್ತಿದೆ. ವ್ಯವಸ್ಥಿತ ಸಂಘಟನೆ, ಶಿಸ್ತುಬದ್ಧ ಸ್ವಯಂ ಸೇವಕರ ಇಚ್ಚಾಶಕ್ತಿಯಿಂದ ಈ ಕಾರ್ಯಗಳೆಲ್ಲವೂ ಸರಾಗವಾಗಿ ಸಾಗುತ್ತಿದೆ. ಬುಧವಾರ ಪಟ್ಟಣದ ದೇವಿಮೈದಾನಲದಲ್ಲಿ ಗಣೇಶ ಉತ್ಸವದ ಕಳೆದ ಸಾಲಿನ ಅಢಾವೆ ಪತ್ರಿಕೆಯನ್ನು ಬಿಡಗಡೆಗೊಳಿಸಲಾಗಿದೆ. ಈ ವೇಳೆ ಗಣೇಶ ಉತ್ಸವ ಸಮಿತಿ ಅಧ್ಯಕ್ಷ ಗಣೇಶ ಪತ್ತಾರ ಅವರು ಮಾತನಾಡಿ `ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ಗಣೇಶ ಉತ್ಸವ ವೈಭವಯುತವಾಗಿ ನಡೆಸಲಾಗುತ್ತಿದೆ. ಅತ್ಯಂತ ಶೃದ್ಧಾ-ಭಕ್ತಿಯಿಂದ ಇಲ್ಲಿ ಗಣೇಶನ ಪೂಜೆ ನಡೆಯುತ್ತಿದೆ. ಈ ಕಾರ್ಯದಲ್ಲಿ ಎಲ್ಲರೂ ಭಾಗವಹಿಸಬೇಕು’ ಎಂದು ಆಮಂತ್ರಣ ನೀಡಿದ್ದಾರೆ. ಸಮಿತಿ ಪ್ರಧಾನ ಕಾರ್ಯದರ್ಶಿ ಸಂಜೀವಕುಮಾರ ಹೊಸ್ಕೇರಿ ಅವರು ಮಾತನಾಡಿ `ಈ ಬಾರಿ 6 ದಿನಗಳ ಕಾಲ ಪ್ರತಿ ದಿನ ಸಂಜೆ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತಿದೆ. ಅದರಂತೆ, ಸೆಪ್ಟೆಂಬರ್ 17ರಂದು ಸವಣಗೇರಿ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ, 18ರಂದು ಆನಗೋಡ ಭಜನಾ ಮಂಡಳಿಯಿAದ ಭಜನೆ, 19ರಂದು ಪ್ರಸಿದ್ಧ ಕಲಾವಿದರಿಂದ ಗಾನ ವೈಭವ, 20ರಂದು ಪ್ರಸಿದ್ಧ ಕಲಾವಿದರಿಂದ ಸುದರ್ಶನ ಗರ್ವಭಂಗ ಯಕ್ಷಗಾನ, 21ರಂದು ಛದ್ಮವೇಷ ಸ್ಪರ್ಧೆ, 22ರಂದು ನಾಗೇಂದ್ರ ವೈದ್ಯ ತಂಡದಿoದ ಸಂಗೀತ ಕಾರ್ಯಕ್ರಮ ನಡೆಯಲಿದೆ’ ಎಂಬ ಮಾಹಿತಿ ನೀಡಿದ್ದಾರೆ. ಗಣೇಶ ಉತ್ಸವ ಸಮಿತಿಯ ಪ್ರಮುಖರಾದ ಪುಂಡಲೀಕ ಶೆಟ್ಟಿ, ನಾಗೇಶ ರಾಯ್ಕರ್, ವಿಜಯಶಂಕರ ನಾಯಕ, ಅಮೃತ ಬದ್ದಿ, ನಯನ ಇಂಗಳೆ, ದತ್ತಾತ್ರೇಯ ಸಭಾಹಿತ, ನಾರಾಯಣ ಗೋಪಾಲ ಭಟ್ಟ, ಪದ್ಮಾ ಪೈ, ಮಂಜುಳಾ ದಾಬುಲ್ಕರ್, ನಾಗರಾಜ, ರವಿ ಭಜಂತ್ರಿ, ನಾಗೇಂದ್ರ ಶೆಟ್ಟಿ, ಗಣೇಶ ಶಾನಭಾಗ, ನಾಗರಾಜ ಬಾಂದೇಕರ್ ಸೇರಿ ಇನ್ನಿತರರು ಈ ಎಲ್ಲಾ ಕಾರ್ಯಕ್ರಮಗಳಿಗೆ ಜನರನ್ನು ಆಮಂತ್ರಿಸಿದ್ದಾರೆ.
- [ಸಾಂಬಾರ್ ಜೊತೆ ವಿಮಲ್ ಪ್ರೀ!](https://mobiletime.in/2026/09/vimal-pree-with-sambar/): ಶಿರಸಿ ಬಸ್ ನಿಲ್ದಾಣದಲ್ಲಿನ ಹೊಟೇಲಿನಲ್ಲಿ ಸಾಂಬಾರ್ ಸ್ವೀಕರಿಸಿದವರಿಗೆ ವಿಮಲ್ ಗುಟಕಾ ಪ್ಯಾಕೇಟ್ ಪ್ರೀ ಆಗಿ ದೊರೆಯುತ್ತಿದ್ದು, ಅಲ್ಲಿ ಈ ದಿನ ಅಧಿಕಾರಿಗಳು ಹೋಗಿ ತಪಾಸಣೆ ಮಾಡಿದ್ದಾರೆ. ಸಾಂಬಾರಿನೊಳಗೆ ಗುಟಕಾ ಚೀಟಿ ಸಿಕ್ಕ ಕಾರಣ ಹೊಟೇಲಿನವರಿಗೆ 1 ಸಾವಿರ ರೂ ದಂಡ ಹಾಕಿದ್ದಾರೆ. ನಿತ್ಯ ಲಕ್ಷಾಂತರ ರೂ ವ್ಯವಹಾರ ಮಾಡುವ ಹೊಟೇಲ್ ಮಾಲಕರು ಅಪರೂಪಕ್ಕೆ ಬಂದ ಅಧಿಕಾರಿಗಳಿಗೆ ಅತ್ಯಂತ ಖುಷಿಯಿಂದಲೇ 1 ಸಾವಿರ ರೂ ಕೊಟ್ಟು ಕಳುಹಿಸಿದ್ದಾರೆ. ಶಿರಸಿಯ ಕೇಂದ್ರೀಯ ಬಸ್ ನಿಲ್ದಾಣದಲ್ಲಿ ಗುರುಪ್ರಸಾದ ಹೊಟೇಲ್ ಕಾರ್ಯ ನಿರ್ವಹಿಸುತ್ತಿದೆ. ಇಲ್ಲಿ ಮೊದಲಿನಿಂದಲೂ ಗ್ರಾಹಕರಿಗೆ ಕಳಪೆ ಗುಣಮಟ್ಟದ ಆಹಾರವನ್ನು ನೀಡಲಾಗುತ್ತಿದೆ. ಆ ಬಗ್ಗೆ ಸಾಕಷ್ಟು ದೂರುಗಳಿದ್ದರೂ ಅಧಿಕಾರಿಗಳು ತಲೆಕೆಡಿಸಿಕೊಂಡಿರಲಿಲ್ಲ. ಹೀಗಾಗಿ ಹೊಟೇಲ್ ಮಾಲಕರು ಇನ್ನಷ್ಟು ಬೇಜವಬ್ದಾರಿಯಿಂದ ವರ್ತಿಸಿದ್ದು, ಸೋಮವಾರ ಗ್ರಾಹಕರೊಬ್ಬರಿಗೆ ಇಲ್ಲಿ ಸಾಂಬಾರಿನಲ್ಲಿ ವಿಮಲ್ ಗುಟ್ಕಾ ಚೀಟಿ ಸಿಕ್ಕಿತ್ತು. ಆ ಬಗ್ಗೆ ಅರಿತ ನಗರಸಭೆಯವರು ಮಂಗಳವಾರ ಹೊಟೇಲ್ ಮೇಲೆ ದಾಳಿ ಮಾಡಿದರು. ಅಲ್ಲಿದ್ದ ವಿವಿಧ ಆಹಾರ ಪದಾರ್ಥಗಳನ್ನು ಪರಿಶೀಲಿಸಿದರು. ಅಡುಗೆ ಮನೆಗೆ ನುಗ್ಗಿ ಅಲ್ಲಿನ ಶುಚಿತ್ವ ಗಮನಿಸಿದರು. ಕೊನೆಗೆ ಹೊಟೇಲ್ ನಡೆಸುವವರನ್ನು ಕರೆಯಿಸಿ ಮಾತನಾಡಿದರು. ಸ್ವಚ್ಚತೆ ಕಾಪಾಡುವಂತೆ ಬುದ್ದಿ ಹೇಳಿದರು. ಅಧಿಕಾರಿಗಳ ಮಾತಿಗೆ ಹೊಟೇಲಿನವರು ತಲೆಯಾಡಿಸಿದ್ದು, ನಂತರ 1 ಸಾವಿರ ರೂ ದಂಡ ಪಾವತಿಸಿದರು.
- [ಸರ್ಕಾರಿ ಶಾಲೆಗೆ ಶೂ ಭಾಗ್ಯ: ಕಳಪೆ ಕೊಟ್ಟರೆ ಲೋಕಾಯುಕ್ತರಿಗೆ ತಿಳಿಸಿ!](https://mobiletime.in/2026/09/shoe-scheme-for-government-schools-report-poor-quality-to-the-lokayukta/): ರಾಜ್ಯದ ಅನೇಕ ಕಡೆ ಸರ್ಕಾರಿ ಶಾಲೆಗಳಿಗೆ ಸರ್ಕಾರ ಕಳಪೆ ಗುಣಮಟ್ಟದ ಶೂ ಹಾಗೂ ಸಾಕ್ಸ್ ನೀಡಿದೆ. ಈ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಆಕ್ರೋಶವ್ಯಕ್ತವಾಗಿದ್ದು, ಸಮಗ್ರ ತನಿಖೆಗೆ ಲೋಕಾಯುಕ್ತ ಸಂಸ್ಥೆ ಮುಂದಾಗಿದೆ. ಹೀಗಾಗಿ, ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಕಳಪೆ ಶೂ ನೀಡಿದ್ದರೆ ಆ ಬಗ್ಗೆ ಮಾಹಿತಿ ನೀಡುವಂತೆ ಲೋಕಾಯುಕ್ತರು ಮನವಿ ಮಾಡಿದ್ದಾರೆ. ವಿದ್ಯಾವಿಕಾಸ ಯೋಜನೆ ಅಡಿ ಸರ್ಕಾರ ಮಕ್ಕಳಿಗೆ ಶೂ ಹಾಗೂ ಸಾಕ್ಸ ನೀಡುತ್ತದೆ. 2026-27ನೇ ಸಾಲಿನಲ್ಲಿ ಅನೇಕರಿಗೆ ಅತ್ಯಂತ ಕಳಪೆ ಗುಣಮಟ್ಟದ ಸಾಮಗ್ರಿ ಪೂರೈಕೆ ನಡೆದಿದೆ. ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಇದನ್ನು ಗಂಭೀರವಾಗಿ ಪರಿಗಣಿಸಿದ್ದು, ಈ ನಡುವೆ ಲೋಕಾಯುಕ್ತರು ಸಹ ತನಿಖೆ ನಡೆಸಲು ಸಿದ್ಧರಾಗಿದ್ದಾರೆ. ಜಿಲ್ಲಾ ಪಂಚಾಯತದಿoದಲೂ ಪ್ರತ್ಯೇಕ ತಂಡವೊoದು ಇದೇ ವಿಷಯವಾಗಿ ತನಿಖೆ ನಡೆಸಲಿದೆ. ಆ ತಂಡದಲ್ಲಿ ವಿವಿಧ ಇಲಾಖೆ ಅಧಿಕಾರಿಗಳು ಇರಲಿದ್ದಾರೆ. ಜೊತೆಗೆ ಜನರಿಂದ ಬರುವ ದೂರು ಆಧರಿಸಿ ಲೋಕಾಯುಕ್ತರು ಸ್ವತಂತ್ರ ತನಿಖೆ ನಡೆಸಲಿದ್ದಾರೆ. ಸದ್ಯ ಅನೇಕ ಕಡೆ ಬಳಸಿದ ತಕ್ಷಣವೇ ಅಥವಾ ಕೆಲವೇ ದಿನಗಳಲ್ಲಿ ಶೂ ಹರಿದುಹೋಗುವುದು, ಅಡಿಭಾಗ ಕಳಚಿಕೊಳ್ಳುವುದು, ಅತಿದೊಡ್ಡ ಗಾತ್ರದ ಅಥವಾ ಸರಿಯಾಗಿ ಹೊಂದಿಕೆಯಾಗದ ಶೂ ಪೂರೈಕೆ ನಡೆದ ದೂರುಗಳಿವೆ. ಸಾಕ್ಸ್ಗಳಲ್ಲೂ ಇದೇ ರೀತಿಯ ದೋಷಗಳು ಕಂಡುಬAದಿರುವ ಬಗ್ಗೆ ದೂರುಗಳು ಬಂದಿವೆ. ಪೂರೈಕೆದಾರರ ಜಿಎಸ್‌ಟಿ ನೋಂದಣಿ ಹಾಗೂ ಬಿಲ್‌ಗಳ ಬಗ್ಗೆಯೂ ಅನೇಕ ಪ್ರಶ್ನೆಗಳು ಉದ್ಬವಿಸಿದೆ. ದೂರುಗಳ ಹಿನ್ನೆಲೆಯಲ್ಲಿ ಶೂ ಮತ್ತು ಸಾಕ್ಸ್ಗಳನ್ನು ಅಧಿಕೃತ ಸಂಸ್ಥೆಗಳು ಪ್ರಮಾಣೀಕರಿಸಿದ್ದವೆಯೇ? ಹಾಗೂ ಪೂರೈಕೆಯಾಗಿರುವ ಉತ್ಪನ್ನಗಳು ನಿಜವಾಗಿಯೂ ಪ್ರಮಾಣೀಕರಿಸಲ್ಪಟ್ಟ ಉತ್ಪನ್ನಗಳೇ? ಎನ್ನುವ ಬಗ್ಗೆ ತನಿಖೆ ನಡೆಯಲಿದೆ. ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಪ್ರಾಥಮಿಕ ಸರ್ಕಾರಿ ಶಾಲೆಗಳ ವಿದ್ಯಾರ್ಥಿಗಳಿಗೆ ಸರ್ಕಾರದಿಂದ ವಿತರಿಸಲಾಗಿರುವ ಸ್ಯಾಂಡಲ್ & ಶೂಗಳು ಕಳಪೆ ಗುಣಮಟ್ಟದ್ದಾಗಿರುವ ಬಗ್ಗೆ ವಿದ್ಯಾರ್ಥಿಗಳ ಪಾಲಕರು ಸೆಪ್ಟೆಂಬರ್ 18ರೊಳಗಾಗಿ ಕಚೇರಿಯ ದೂರವಾಣಿ ಸಂ:08382-295293, 220198 ಅಥವಾ ವಾಟ್ಸ್ಆಫ್ ಸಂಖ್ಯೆ: 9364062572, 9364062676, 9364062677ಗೆ ತಿಳಿಸಬೇಕು ಎಂದು ಕಾರವಾರದ ಲೋಕಾಯುಕ್ತ ಪೊಲೀಸ್ ಅಧೀಕ್ಷಕರು ಹೇಳಿದ್ದಾರೆ.
- [ಕೊಡಲಿ ಏಟಿಗೆ ಉರುಳಿ ಬಿದ್ದ ಶ್ರೀಗಂಧ!](https://mobiletime.in/2026/09/sandalwood-tree-toppled-by-an-axe-blow/): ಯಲ್ಲಾಪುರದ ನಾರಾಯಣಪುರದಲ್ಲಿ ಶ್ರೀಗಂಧದ ಮರಕ್ಕೆ ಕೊಡಲಿ ಏಟು ಬಿದ್ದಿದೆ. ಇನ್ನೂ ತಿರುಳು ಸಹ ಬೆಳೆಯದ ಮರವನ್ನು ಕಳ್ಳರು ಕದಿಯುವ ಪ್ರಯತ್ನ ಮಾಡಿದ್ದಾರೆ. ಈ ದಿನ ಅರಣ್ಯ ಸಿಬ್ಬಂದಿ ಅಲ್ಲಿ ಭೇಟಿ ನೀಡಿ, ಮರ ಕಟಾವು ಆಗಿದನ್ನು ನೋಡಿದ್ದಾರೆ. ಮರದ ಬುಡ ನೋಡಿದ ಅರಣ್ಯ ಸಿಬ್ಬಂದಿ ಅದನ್ನು ತೂಕ ಮಾಡಿದ್ದಾರೆ. ಆಗ, ಮರದ ಬುಡ 44 ಕೆಜಿ ತೂಕ ಬಂದಿದ್ದು, ಈ ವೇಳೆ ಕೆಲ ಮರದ ತುಂಡುಗಳನ್ನು ಕಳ್ಳರು ಸಾಗಿಸಿದ ಕುರುಹು ಪತ್ತೆಯಾಗಿದೆ. ತುದಿ ಹಾಗೂ ಬುಡದ ಭಾಗವನ್ನು ಮಾತ್ರ ಕಳ್ಳರು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ. ತಿರುಳಿಲ್ಲದ ಮರ, ಹಸಿ ಸಿಪ್ಪೆ ಸೇರಿ ಇಲ್ಲಿ ಒಟ್ಟು 85 ಕೆಜಿ ತೂಕದ ಶ್ರೀಗಂಧದ ಮರ ಇಲ್ಲಿ ದೊರೆತಿದ್ದು, ಅರಣ್ಯ ಸಿಬ್ಬಂದಿ ಅದನ್ನು ಜಪ್ತು ಮಾಡಿದ್ದಾರೆ. ಈ ಮರ ಕಟಾವು ಮಾಡಿದವರು ಯಾರು? ಎಲ್ಲಿಯವರು? ಎಂದು ಗೊತ್ತಾಗಿಲ್ಲ. ಹೀಗಾಗಿ ಅವರ ಬಗ್ಗೆಯೂ ಶೋಧ ನಡೆದಿದೆ. ಶ್ರೀಗಂಧ ಮರ ಕಳ್ಳತನವಾದ ಬಗ್ಗೆ ಅರಣ್ಯ ಅಧಿಕಾರಿಗಳು ನ್ಯಾಯಾಲಯಕ್ಕೆ ಮಾಹಿತಿ ನೀಡಿದ್ದಾರೆ.
- [ಈಜಲು ಹೋದವ ನೀರುಪಾಲಾದ!](https://mobiletime.in/2026/09/a-man-who-went-for-a-swim-drowned/): ಬನವಾಸಿ ಬಳಿಯ ಭಟ್ಟರಕೆರೆಗೆ ಈಜಲು ಹೋಗಿದ್ದ ಸುಜಯ್ ಚೆನ್ನಯ್ಯ ಅವರು 15 ಅಡಿ ಆಳಕ್ಕೆ ಹೋಗಿ ಸಾವನಪ್ಪಿದ್ದಾರೆ. ಮಾರಿಕಾಂಬಾ ಲೈಫ್‌ಗಾರ್ಡನವರು ಕೆರೆ ಆಳದಿಂದ ಅವರ ದೇಹ ಹೊರಗೆಳೆದಿದ್ದಾರೆ. ಬನವಾಸಿ ಬಳಿಯ ಸುಗಾವಿಯಲ್ಲಿ ಸುಜಯ್ ಕೃಷ್ಣ ಚೆನ್ನಯ್ಯ ಅವರು ವಾಸವಾಗಿದ್ದರು. 17 ವರ್ಷದ ಅವರು ಮಂಗಳವಾರ ಮೂವರು ಸ್ನೇಹಿತರ ಜೊತೆ ಸೇರಿ ಈಜಲು ನಿರ್ಧರಿಸಿದ್ದರು. ಅದಕ್ಕಾಗಿ ಅವರು ಸುಗಾವಿಯ ಭಟ್ಟರಕರೆ ಬಳಿ ಹೋಗಿದ್ದರು. ಸ್ನೇಹಿತರಿಬ್ಬರು ದಡದಲ್ಲಿರುವಾಗ ಸುಜಯ್ ಅವರು ನೀರಿಗೆ ಹಾರಿದರು. ಕೆರೆಯ ಮಧ್ಯಭಾಗದವರೆಗೂ ಅವರು ಆರಾಮಾಗಿ ಈಜಿದರು. ಆದರೆ, ಅಲ್ಲಿ ಅವರು ಆಯಾಸಗೊಂಡಿದ್ದು, ಮರಳಿ ಬರಲಾಗದೇ ಸಮಸ್ಯೆ ಅನುಭವಿಸಿದರು. ಅಲ್ಲಿಯೇ ಅವರು ಮುಳುಗಲು ಶುರು ಮಾಡಿದರು. ಇದನ್ನು ನೋಡಿದ ಸ್ನೇಹಿತರಿಬ್ಬರು ದೊಡ್ಡದಾಗಿ ಬೊಬ್ಬೆ ಹೊಡೆದರು. ಅಲ್ಲಿ ಯಾರೂ ಇರದ ಕಾರಣ ಸಹಾಯ ಸಿಗಲಿಲ್ಲ. ಕೂಡಲೇ ಗ್ರಾಮದ ಕಡೆ ಓಡಿ ಜನರಿಗೆ ವಿಷಯ ಮುಟ್ಟಿಸಿದರು. ಊರಿನವರು ಮಾರಿಕಾಂಬಾ ಲೈಫ್‌ಗಾರ್ಡ ಸಿಬ್ಬಂದಿಗೆ ಫೋನ್ ಮಾಡಿದರು. ಎಲ್ಲರೂ ಕೆರೆ ಬಳಿ ಬಂದು ಶೋಧ ಶುರು ಮಾಡಿದ್ದು, 15 ಅಡಿ ಆಳದಲ್ಲಿ ಸುಜಯ ಚೆನ್ನಯ್ಯ ಅವರ ಶವ ಕಾಣಿಸಿತು. ರಕ್ಷಣಾ ಸಿಬ್ಬಂದಿ ಶವವನ್ನು ಮೇಲೆತ್ತಿದರು. ಸದ್ಯ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದು, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಪೆಟ್ರೋಲ್ ಕದಿಯುವುದೇ ಅವರ ಬ್ಯುಸಿನೆಸ್ಸು!](https://mobiletime.in/2026/09/stealing-petrol-is-their-business/): ರಾಮನಗುಳಿಯ ಚಂದ್ರಶೇಖರ ನಾಯ್ಕ, ಕೊಡ್ಲಗದ್ದೆಯ ಸುಧಾಕರ ನಾಯ್ಕ ಸೇರಿ ಅನೇಕರು ಹುಬ್ಬಳ್ಳಿ-ಅಂಕೋಲಾ ಮಾರ್ಗವಾಗಿ ಸಾಗುವ ಟ್ಯಾಂಕರ್’ಗಳನ್ನು ಅಡ್ಡ ಹಾಕಿ ಅದರಲ್ಲಿದ್ದ ಪೆಟ್ರೋಲ್-ಡೀಸೆಲ್ ಕದಿಯುವುದನ್ನೇ ಕಾಯಕ ಮಾಡಿಕೊಂಡಿದ್ದಾರೆ. ಅನಾಧಿಕಾಲದಿಂದಲೂ ಅವರು ಯಾರ ಅಡ್ಡಿ-ಆತಂಕವೂ ಇಲ್ಲದೇ ಈ ದಂಧೆ ಮಾಡುತ್ತಿದ್ದಾರೆ. ಹುಬ್ಬಳ್ಳಿ-ಅಂಕೋಲಾ ಹೆದ್ದಾರಿ ಮಾರ್ಗವಾಗಿ ಅನೇಕ ಕಡೆ ಪೆಟ್ರೋಲ್-ಡೀಸೆಲ್ ಮಾರಾಟ ನಡೆಯುತ್ತದೆ. ಅದರಲ್ಲಿಯೂ ಮುಖ್ಯವಾಗಿ ಕೊಡ್ಲಗದ್ದೆ ಕ್ರಾಸ್, ರಾಮನಗುಳಿ, ವಜ್ರಳ್ಳಿಯ ವಿವಿಧ ಭಾಗಗಳಲ್ಲಿ ಇಂಧನ ಮಾರಾಟ ಜೋರಾಗಿದೆ. ಹೆದ್ದಾರಿ ಮಾರ್ಗವಾಗಿ ಚಲಿಸುವ ಟ್ಯಾಂಕರುಗಳನ್ನು ಅಡ್ಡ ಹಾಕುವ ದಂಧೆಕೋರರು ಚಾಲಕರಿಗೆ ಆಮೀಷ ಒಡ್ಡಿ ಪೆಟ್ರೋಲ್ ಹಾಗೂ ಡೀಸೆಲ್ ಕದಿಯುತ್ತಾರೆ. ಕದ್ದ ಪೆಟ್ರೋಲ್-ಡೀಸೆಲ್’ಗೆ ಸರಿಸಮನಾಗಿ ಎಥನಾಲ್ ಹಾಗೂ ಬಯೋ ಡೀಸೆಲ್ ಮಿಕ್ಸ್ ಮಾಡಿ ಕಳುಹಿಸುತ್ತಾರೆ. ಸಾವಿರಾರು ಲೀಟರ್ ಇಂಧನ ಹೊತ್ತ ಟ್ಯಾಂಕರುಗಳಿAದ 50-100 ಲೀಟರ್ ಪೆಟ್ರೋಲ್-ಡೀಸೆಲ್ ತೆಗೆದು ಅದಕ್ಕೆ ಬಯೋ ಡೀಸೆಲ್ ಹಾಕಿದ ವಿಷಯ ಇಂಧನ ಸರಬರಾಜುದಾರರಿಗೂ ಗೊತ್ತಾಗುತ್ತಿಲ್ಲ. ಹೀಗಾಗಿ ಸೂಚಿಸಿದ ಪ್ರಮಾಣಕ್ಕಿಂತಲೂ ಹೆಚ್ಚಿನ ಎಥನಾಲ್ ಅಂಶಹೊAದಿದ ಪೆಟ್ರೋಲ್ ಹಾಗೂ ಡೀಸೆಲ್ ಬಂಕುಗಳಿಗೆ ಬರುತ್ತಿದ್ದು, ಈ ಬಗ್ಗೆ ಅರಿವಿಲ್ಲದ ಜನ ತಮ್ಮ ಕಾರು-ಬೈಕುಗಳಿಗೆ ಅದನ್ನೇ ಹಾಕಿಸುತ್ತಿದ್ದಾರೆ. ಆ ಇಂಧನ ಬಳಕೆ ಮಾಡಿದ ವಾಹನಗಳು ಬಹುಬೇಗ ಹಾಳಾಗುತ್ತಿವೆ. ಈ ದಂಧೆಕೋರರು ಮಾರುಕಟ್ಟೆ ಬೆಲೆಗಿಂತಲೂ ಕಡಿಮೆ ಬೆಲೆ ಪೆಟ್ರೋಲ್-ಡೀಸೆಲ್ ಮಾರಾಟ ಮಾಡುತ್ತಿದ್ದಾರೆ. ಅದಕ್ಕಾಗಿ ಅವರಿಗೆ ಅನೇಕರು ಖಾಯಂ ಗ್ರಾಹಕರಿದ್ದು, ವಿವಿಧ ಕಿರಾಣಿ ಅಂಗಡಿಯವರು ಇಲ್ಲಿಂದಲೇ ಪೆಟ್ರೋಲ್-ಡೀಸಲ್ ಖರೀದಿಸಿ ಅದನ್ನು ತಮ್ಮ ಮಳಿಗೆಗಳಲ್ಲಿ ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಿದ್ದಾರೆ. ರಾಮನಗುಳಿ ದುಗ್ಗನಬೈಲ್ ಬಳಿಯ ಚಂದ್ರಶೇಖರ ಪಾಂಡುರoಗ ನಾಯ್ಕ ಅವರು ಟ್ರಾನ್ಸಪೋರ್ಟ ಬ್ಯುಸಿನೆಸ್ ಮಾಡಿಕೊಂಡಿದ್ದು, ಅದರೊಂದಿಗೆ ಈ ಪೆಟ್ರೋಲ್-ಡೀಸೆಲ್ ಕದಿಯುವ ಕೆಲಸದಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಹೆದ್ದಾರಿ ಮೇಲೆ ಸಂಚರಿಸುವ ಟ್ಯಾಂಕರ್ ನಿಲ್ಲಿಸಿ, ಅದರಿಂದ ಡೀಸೆಲ್ ಕದಿಯುವವ ಚಂದ್ರಶೇಖರ ನಾಯ್ಕ ಅವರು ಡೀಸೆಲ್ ಹೊತ್ತಿ ಉರಿಯುವ ಬಗ್ಗೆ ಅರಿವಿದ್ದರೂ ಸಾಕಷ್ಟು ಪ್ರಮಾಣದಲ್ಲಿ ಅದನ್ನು ಸಂಗ್ರಹಿಸಿಕೊಳ್ಳುತ್ತಾರೆ. 2025ರ ಏಪ್ರಿಲ್ 19ರಂದು ಕೊಡ್ಲಗದ್ದೆ ಕ್ರಾಸಿನ ಬಳಿ ಪೆಟ್ರೋಲ್ ಮಾರುತ್ತಿದ್ದಾಗ ಪೊಲೀಸರು ದಾಳಿ ಮಾಡಿದ್ದರು. ಆಗ, ಅಲ್ಲಿನ ಸುಧಾಕರ ನಾಯ್ಕ ಅವರು ಅಪಾರ ಪ್ರಮಾಣದಲ್ಲಿ ಇಂಧನ ದಾಸ್ತಾನು ಮಾಡಿರುವುದು ಪತ್ತೆಯಾಗಿತ್ತು. ಅತ್ಯಂತ ಅಪಾಯಕಾರಿ ರೀತಿಯಲ್ಲಿ ಕಾಡಿನ ಗಿಡ-ಮರಗಳ ಕೆಳಗೆ ದಾಸ್ತಾನು ಮಾಡಿದ್ದ ಪೆಟ್ರೋಲಿಯಂ ಉತ್ಪನ್ನಗಳನ್ನು ಜಪ್ತು ಮಾಡಿದ್ದರು. ಈ ಬಗ್ಗೆ ಪೊಲೀಸರು ಕೇಸು ದಾಖಲಿಸಿದ್ದರು. ಆದರೆ, ಅದರಿಂದ ದಂಧೆಗೆ ಮಾತ್ರ ಕಡಿವಾಣ ಬಿದ್ದಿರಲಿಲ್ಲ. ಸದ್ಯ ರಾಮನಗುಳಿಯ ಚಂದ್ರಶೇಖರ ನಾಯ್ಕ ಅವರು ಅಪಾಯಕಾರಿ ರೀತಿ ಡೀಸೆಲ್ ಸಂಗ್ರಹ ಮಾಡಿದ್ದು, ಅವರ ಮೇಲೆ ಅಂಕೋಲಾ ಪೊಲೀಸರು ದಾಳಿ ಮಾಡಿದ್ದಾರೆ. ಸಿಕ್ಕಿದ ಡೀಸೆಲ್ ವಶಕ್ಕೆಪಡೆದು ಕೇಸು ದಾಖಲಿಸಿದ್ದಾರೆ.
- [ಮಹೇಶ ಸಿದ್ದಿ ಇನ್ನಿಲ್ಲ!](https://mobiletime.in/2026/09/mahesha-siddi-is-no-more/): ಮುಂಡಗೋಡು ಅರಶೀನಗೇರಿಯ ಅಭಿಷೇಕ್ ಹರಸಂಬಿ ಅವರ ವೇಗದ ವಾಹನ ಚಾಲನೆಗೆ ಅಂಕೋಲಾ ಕಮ್ಮಾಣಿಯ ಮಹೇಶ ಸಿದ್ದಿ ಅವರ ಜೀವ ಹೋಗಿದೆ. ಯಲ್ಲಾಪುರ ಪಟ್ಟಣದಲ್ಲಿ ನಡೆದ ಅಪಘಾತದಲ್ಲಿ ಗಾಯಗೊಂಡಿದ್ದ ಮಹೇಶ ಸಿದ್ದಿ ಅವರನ್ನು ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಿಕೊಳ್ಳಲು ಆಗಿಲ್ಲ. ಅಂಕೋಲಾದ ಕಮ್ಮಾಣಿಯಲ್ಲಿ ಮಹೇಶ ಪರಮೇಶ್ವರ ಸಿದ್ಧಿ ಅವರು ವಾಸವಾಗಿದ್ದರು. 22 ವರ್ಷದ ಅವರು ಸೆಪ್ಟೆಂಬರ್ 13ರಂದು ಯಲ್ಲಾಪುರಕ್ಕೆ ಬಂದಿದ್ದರು. ಬೈಕಿನಲ್ಲಿ ಬಂದಿದ್ದ ಮಹೇಶ ಸಿದ್ದಿ ಅವರು ಆ ದಿನ ಸಂಜೆ ಊರಿಗೆ ಮರಳುತ್ತಿದ್ದರು. ಯಲ್ಲಾಪುರ ಪಟ್ಟಣದ ಅರಣ್ಯ ಇಲಾಖೆ ನರ್ಸರಿ ಬಳಿ ಅವರ ಬೈಕಿಗೆ ಕ್ರೂಸರ್ ವಾಹನವೊಂದು ಗುದ್ದಿತು. ಆ ಅಪಘಾತದ ರಭಸಕ್ಕೆ ಮಹೇಶ ಸಿದ್ದಿ ಅವರು ಅಲ್ಲಿಯೇ ಬಿದ್ದು ಗಂಭೀರವಾಗಿ ಗಾಯಗೊಂಡರು. ಮುoಡಗೋಡು ಅರಶೀನಗೇರಿಯ ಅಭಿಷೇಕ ಸಹದೇವ್ ಹರಸಂಬಿ ಅವರು ಚಾಲಕರಾಗಿ ಕೆಲಸ ಮಾಡಿಕೊಂಡಿದ್ದರು. ಅಂಕೋಲಾದಿoದ ಯಲ್ಲಾಪುರ ಕಡೆ ಕ್ರೂಸರ್ ಓಡಿಸಿಕೊಂಡು ಬಂದ ಅವರು ಮುಂದಿದ್ದ ಲಾರಿಯನ್ನು ಓವರ್ ಟೆಕ್ ಮಾಡುವ ಪ್ರಯತ್ನ ಮಾಡಿದ್ದರು. ಲಾರಿ ಹಿಂದಿಕ್ಕುವುದಕ್ಕಾಗಿ ಅವರು ಕ್ರೂಸರ್’ನ ವೇಗ ಹೆಚ್ಚಿಸಿದ್ದು ಆ ಕ್ರೂಸರ್ ಯಲ್ಲಾಪುರದಿಂದ ಅಂಕೋಲಾ ಕಡೆ ಹೊರಟಿದ್ದ ಮಹೇಶ ಸಿದ್ದಿ ಅವರ ಬೈಕಿಗೆ ಗುದ್ದಿತು. ಈ ಅಪಘಾತದಲ್ಲಿ ಬೈಕು ಹಾಗೂ ಕ್ರೂಸರ್ ಎರಡೂ ಜಖಂ ಆದವು. ಗಾಯಗೊಂಡಿದ್ದ ಮಹೇಶ ಸಿದ್ದಿ ಅವರನ್ನು ಬದುಕಿಸಿಕೊಳ್ಳುವುದಕ್ಕಾಗಿ ಹುಬ್ಬಳ್ಳಿಗೆ ಕರೆದೊಯ್ಯಲಾಯಿತು. ಅಲ್ಲಿ ಅವರಿಗೆ ಸಾಕಷ್ಟು ಪ್ರಮಾಣದಲ್ಲಿ ಚಿಕಿತ್ಸೆ ನೀಡಲಾಯಿತು. ಆದರೆ, ಅಪಘಾತದ ರಭಸಕ್ಕೆ ಅವರು ಸಾಕಷ್ಟು ನೊಂದಿದ್ದು, ಚಿಕಿತ್ಸೆ ಪರಿಣಾಮಕಾರಿ ಆಗಲಿಲ್ಲ. ಸೆಪ್ಟೆಂಬರ್ 14ರಂದು ಮಹೇಶ ಸಿದ್ದಿ ಅವರು ಹುಬ್ಬಳ್ಳಿಯಲ್ಲಿಯೇ ತಮ್ಮ ಕೊನೆ ಉಸಿರೆಳೆದರು. ಉದ್ಯಮನಗರದ ದಾಮೋದರ ದೇವಿದಾಸ ಸಿದ್ದಿ ಅವರು ಈ ಅಪಘಾತದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಮುಂಡಗೋಡು ಅರಶೀನಗೇರಿಯ ಅಭಿಷೇಕ ಸಹದೇವ್ ಹರಸಂಬಿ ಅವರ ದುಡುಕುತನದ ಬಗ್ಗೆ ವಿವರಿಸಿದರು. ಯಲ್ಲಾಪುರ ಪೊಲೀಸರು ಅಭಿಷೇಕ್ ಹರಸಂಬಿ ಅವರ ವಿರುದ್ಧ ಕೇಸು ದಾಖಲಿಸಿದರು. `ಹೆಲ್ಮೇಟ್ ಧರಿಸಿಯೇ ಬೈಕ್ ಓಡಿಸಿ’  
- [ಅಸಲಿಗಿಂತ ಬಡ್ಡಿಯೇ ಜಾಸ್ತಿ!](https://mobiletime.in/2026/09/the-interest-is-higher-than-the-principal/): ಕಾರವಾರದ ಪ್ರಣೀತ ಶೇಜವಾಡಕರ್ ಅವರು ಕಾಜುಭಾಗದ ರೋಹನ್ ರಾಯ್ಕರ್ ಅವರಿಂದ ಮೀಟರ್ ಬಡ್ಡಿ ಲೆಕ್ಕಾಚಾರದಲ್ಲಿ ಸಾಲಪಡೆದು ಸಂಕಷ್ಟಕ್ಕೆ ಸಿಲುಕಿದ್ದಾರೆ. 12 ಲಕ್ಷ ರೂ ಸಾಲ ಮಾಡಿದ್ದ ಪ್ರಣೀತ ಶೇಜವಾಡಕರ್ ಅವರು ಈವರೆಗೆ 26 ಲಕ್ಷ ರೂ ಪಾವತಿ ಮಾಡಿದರೂ ಅವರ ಅಸಲು ಮಾತ್ರ ಹಾಗೇ ಇದೆ! ಕಾರವಾರದ ಶೇಜವಾಡದಲ್ಲಿ ಪ್ರಣೀತ ದಿಗಂಬರ್ ಶೇಜವಾಡಕರ್ ಅವರು ವಾಸವಾಗಿದ್ದಾರೆ. 43 ವರ್ಷದ ಅವರು ಸೆಕ್ಯುರಿಟಿ ಗಾರ್ಡ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ತುರ್ತು ಹಣದ ಅಗತ್ಯವಿದ್ದ ಕಾರಣ ಅವರು ಕಾಜುಭಾಗದ ರೋಹನ್ ನರಸಿಂಹ ರಾಯ್ಕರ್ ಅವರಲ್ಲಿ ಸಹಾಯ ಕೇಳಿದ್ದಾರೆ. 2024ರ ಅಗಸ್ಟಿನಲ್ಲಿ ಮೊದಲ ಬಾರಿ ಪ್ರಣೀತ ಅವರು 1 ಲಕ್ಷ ರೂ ಸಾಲ ಕೇಳಿದ್ದು, ಆ ವೇಳೆ ಬಡ್ಡಿ ಮೊತ್ತ 10 ಸಾವಿರ ರೂ ಮುರಿದುಕೊಂಡು ರೋಹನ್ ಅವರು ಸಾಲ ನೀಡಿದ್ದಾರೆ. ಅದಾದ ನಂತರ ಪ್ರಣೀತ ಶೇಜವಾಡಕರ್ ಅವರು 12.28ಲಕ್ಷ ರೂ ಸಾಲಪಡೆದಿದ್ದಾರೆ. ಅದರಂತೆ, ಆಗಾಗ ಕಂತು ಪಾವತಿಸುತ್ತ ಬಂದಿದ್ದಾರೆ. ಸಾಲಪಡೆಯುವಾಗ ರೋಹನ್ ರಾಯ್ಕರ್ ಅವರು ಬೇರೆಯವರ ಹೆಸರಿಗೆ ಕರಾರು ಪತ್ರ ಮಾಡಿಕೊಂಡಿದ್ದು, ರೋಹನ್ ರಾಯ್ಕರ್ ಅವರು ಸೂಚಿಸಿದವರ ಹೆಸರಿಗೆ ಪ್ರಣೀತ ಶೇಜವಾಡಕರ್ ಅವರು ಹಣ ಪಾವತಿ ಮಾಡಿದ್ದಾರೆ. ಈವರೆಗೆ 26ಲಕ್ಷ ರೂಪಾಯಿಗೂ‌ ಅಧಿಕ ಹಣವನ್ನು ಪ್ರಣೀತ ಶೇಜವಾಡಕರ್ ಅವರು ಪಾವತಿಸಿದ್ದಾರೆ. ಆದರೂ, ಅವರ ಸಾಲ ಮಾತ್ರ ತೀರಿಲ್ಲ! ಕಾರವಾರದ ಕಾಜುಬಾಗ್ ನಿವಾಸಿ ರೋಹನ್ ನರಸಿಂಹ ರಾಯ್ಕರ್ ಅವರು ಪಿಕಳೆ ರಸ್ತೆಯ ನಿವಾಸಿಗಳಾದ ಸುನೀಲ್ ಸದಾನಂದ ಕಲ್ಗುಟುಕರ್ ಹಾಗೂ ಸಂಪದಾ ಸುನೀಲ್ ಕಲ್ಗುಟುಕರ್ ಅವರ ಹೆಸರಿಗೆ ಕರಾರು ಪತ್ರ ಮಾಡಿಕೊಂಡಿದ್ದು, ಪ್ರಣೀತ ಶೇಜವಾಡಕರ್ ಅವರು ಹಣ ಪಾವತಿಸಿದ ನಂತರವೂ ಹಿಂಸೆ ನೀಡುತ್ತಿದ್ದಾರೆ `ಸಾಲಕ್ಕೆ ಭದ್ರತೆಯಾಗಿ ಆರೋಪಿ ಸಂಪದಾ ಮತ್ತು ಸುನೀಲ್ ಹೆಸರಿನಲ್ಲಿ ಕರಾರು ಪತ್ರಗಳನ್ನು ಬರೆಸಿಕೊಳ್ಳಲಾಗಿತ್ತು. ಜೊತೆಗೆ ಯೂನಿಯನ್ ಬ್ಯಾಂಕ್‌ನ ಮೂರು ಖಾಲಿ ಚೆಕ್‌ಗಳನ್ನು ಸಹಿ ಮಾಡಿಸಿಕೊಂಡು ಪಡೆಯಲಾಗಿತ್ತು. 2024ರ ಆಗಸ್ಟ್ 8 ರಿಂದ 2026ರ ಸೆಪ್ಟೆಂಬರ್ 1 ರವರೆಗೆ ಫಿರ್ಯಾದಿ ಪ್ರಣೀತ್ ಅವರು ಪೋನ್‌ಪೇ ಹಾಗೂ ನಗದು ರೂಪದಲ್ಲಿ 26ಲಕ್ಷ ರೂಪಾಯಿ ಪಾವತಿಸಿದರೂ ತೊಂದರೆ ನೀಡುತ್ತಿದ್ದಾರೆ’ ಎಂದು ಪ್ರಣೀತ ಅವರು ದೂರಿದ್ದಾರೆ. `ಬ್ಯಾಂಕ್ ಬಡ್ಡಿ ದರಕ್ಕಿಂತ ಅತಿ ಹೆಚ್ಚಿನ ಮೊತ್ತ ಹಾಗೂ ಪಡೆದ ಸಾಲಕ್ಕಿಂತ ದುಪ್ಪಟ್ಟು ಹಣವನ್ನು ನೀಡಿದ್ದರೂ ಆರೋಪಿತರು ಕರಾರು ಪತ್ರ ರದ್ದುಪಡಿಸಲು ಮತ್ತು ಖಾಲಿ ಚೆಕ್‌ಗಳನ್ನು ಹಿಂದಿರುಗಿಸಲು ನಿರಾಕರಿಸಿದ್ದಾರೆ. ಹಣ ಮರಳಿಸಿದ ಬಳಿಕ ಚೆಕ್ ಕೇಳಲು ಹೋದಾಗ ಆರೋಪಿ ಸುನೀಲ್ ಕಲ್ಗುಟುಕರ್ ಅವರು `ನಿನಗೆ ಯಾಕೆ ಚೆಕ್ ಮತ್ತು ಕರಾರು ಪತ್ರ ನೀಡಬೇಕು? ಇನ್ನು ಬಡ್ಡಿ ಹಣ ನೀಡದಿದ್ದರೆ ನನ್ನ ಸರ್ವಿಸ್ ರಿವಾಲ್ವರ್‌ನಿಂದ ಶೂಟ್ ಮಾಡುತ್ತೇನೆ’ ಎಂದು ಹೆದರಿಸಿದ ಬಗ್ಗೆ ಆತಂಕವ್ಯಕ್ತಪಡಿಸಿದ್ದಾರೆ. `ಮುಂಬೈನಿಂದ ರೌಡಿಗಳನ್ನು ಕರೆಸಿ ನಿನ್ನನ್ನು ಸಾಯಿಸುತ್ತೇನೆ’ ಎಂದು ಬೆದರಿಸಿದ ಬಗ್ಗೆಯೂ ಪ್ರಣೀತ ಅವರು ದೂರಿದ್ದಾರೆ. ಇದರೊಂದಿಗೆ `ಆರೋಪಿತರು ಜೆಸಿಬಿ ತಂದು ನಿನ್ನ ಮನೆಯನ್ನು ಒಡೆದುಹಾಕುತ್ತೇನೆ’ ಎಂದಿದ್ದಾರೆ. ಪ್ರಣೀತ ಅವರ ಪತ್ನಿಗೂ ಫೋನ್ ಮಾಡಿ ಕಿರುಕುಳ ನೀಡುತ್ತಿದ್ದಾರೆ. ಭದ್ರತೆಗೆ ನೀಡಿದ ಚೆಕ್ ದುರುಪಯೋಗಪಡಿಸಿಕೊಂಡಿದ್ದಾರೆ. ಸದ್ಯ ನ್ಯಾಯಕ್ಕಾಗಿ ಪ್ರಣೀತ ಅವರು ಪೊಲೀಸರ ಮೊರೆ ಹೋಗಿದ್ದಾರೆ.
- [ಈ ಲಡ್ಡುವಿನ ತೂಕ 25ಕೆಜಿ: ಮೋದಕಪ್ರಿಯನಿಗೆ ಲಾಡು ನೈವೇದ್ಯ!](https://mobiletime.in/2026/09/this-laddu-weighs-25-kg-an-offering-of-laddu-for-the-lover-of-modaks/): ಕಾರವಾರದ ವಿನಾಯಕ ಹರಿಕಂತ್ರ ಅವರು ಈ ಬಾರಿ ತಮ್ಮ ಮನೆಯ ಗಣಪತಿಗೆ ಭಾರೀ ಪ್ರಮಾಣದ ಲಡ್ಡು ನೈವೇದ್ಯ ಮಾಡಿದ್ದಾರೆ. ಈ ಲಡ್ಡು 25ಕೆಜಿಗಿಂತಲೂ ಅಧಿಕ ತೂಕಹೊಂದಿದೆ. ಕಾರವಾರದ ಬೈತಖೋಲದಲ್ಲಿ ವಿನಾಯಕ ಹರಿಕಂತ್ರ ಅವರು ವಾಸವಾಗಿದ್ದಾರೆ. ಅವರ ಮನೆಯಲ್ಲಿ 100 ವರ್ಷಗಳ ಹಿಂದಿನಿoದಲೂ ಗಣೇಶೋತ್ಸವ ಆಚರಿಸಲಾಗುತ್ತಿದೆ. ವಿನಾಯಕ ಹರಿಕಂತ್ರ ಅವರ ಅಜ್ಜ ದಾಜಿಕಾಸ್ಯ ಹರಿಕಂತ್ರ ಅವರು ಗಣಪತಿ ಸ್ಥಾಪನೆ ಮಾಡಿದ್ದು, ಪ್ರತಿ ವರ್ಷ ಇಲ್ಲಿ ಅದ್ಧೂರಿಯಾಗಿ ಗಣೇಶ ಹಬ್ಬ ಆಚರಿಸಲಾಗುತ್ತಿದೆ. ಶತಮಾನಗಳ ಹಿಂದಿನ ವಿಶೇಷಹೊಂದಿರುವ ಇಲ್ಲಿನ ಗಣಪನಿಗೆ ಈ ಬಾರಿ ದೊಡ್ಡ ಗಾತ್ರದ ಲಡ್ಡು ನೈವೇದ್ಯ ಮಾಡಲಾಗಿದೆ. ಬೈತಖೋಲ್ ಭಾಗದ ಜನ, ಬಂಧು-ಮಿತ್ರರು ಮೊದಲಿನಿಂದಲೂ ವಿನಾಯಕ ಹರಿಕಂತ್ರ ಅವರ ಮನೆಯ ಗಣಪನ ದರ್ಶನಕ್ಕೆ ಬರುತ್ತಿದ್ದಾರೆ. ಈ ಬಾರಿ ಭಾರೀ ಗಾತ್ರದ ಲಡ್ಡು ಆಗಮಿಸಿದವರನ್ನು ಆಕರ್ಷಿಸುತ್ತಿದೆ. ಮೋತಿ ಚೂರಣ ಬಳಸಿ ಈ ಲಡ್ಡು ಸಿದ್ಧಪಡಿಸಲಾಗಿದೆ. ಕಾರವಾರದ ದೈವಜ್ಞ ಕಲ್ಯಾಣ ಮಂಟಪ ಬಳಿಯ ಕೆಎಸ್‌ಆರ್ ಸ್ವೀಟ್ಸ್ ಮಳಿಗೆಯವರು ಇದನ್ನು ತಯಾರಿಸಿ ವಿನಾಯಕ ಹರಿಕಂತ್ರ ಅವರಿಗೆ ಒಪ್ಪಿಸಿದ್ದಾರೆ. ಲಡ್ಡು ನೈವೇದ್ಯದ ನಂತರ ಅದನ್ನು ಆಗಮಿಸಿದ ಭಕ್ತರಿಗೆ ಪ್ರಸಾದ ರೂಪದಲ್ಲಿ ವಿತರಿಸಲಾಗುತ್ತದೆ.
- [ನಮ್ಮ ಜಿಲ್ಲೆ-ನಮ್ಮ ಹೆಮ್ಮೆ: ಕಾನ್ಧ್ದಾರಿ ಮೂಲಕ ಉತ್ತರ ಕನ್ನಡ ದರ್ಶನ](https://mobiletime.in/2026/09/our-district-our-pride-a-glimpse-of-uttara-kannada-via-kandhari/): ಉತ್ತರ ಕನ್ನಡ ಜಿಲ್ಲೆಯ ಐತಿಹಾಸಿಕ ಕುರುಹುಗಳನ್ನು ದಾಖಲಿಸುವ ಚಲನಚಿತ್ರವೊಂದು ತೆರೆಗೆ ಬರಲು ಸಿದ್ಧವಾಗಿದೆ. ಮೂರು ಕಾಲಘಟ್ಟದ ಜನಜೀವನದ ಆಧಾರದಲ್ಲಿ `ಕಾನ್ಧ್ದಾರಿ’ ಎಂಬ ಚಿತ್ರ ಸಿದ್ಧವಾಗಿದೆ. ಕನ್ನಡ ಭಾಷೆ, ಪ್ರಾದೇಶಿಕ ಜನ-ಜೀವನ, ಕಲೆ, ಸಂಸ್ಕೃತಿ ಮೇಲೆ ಬೆಳಕು ಚೆಲ್ಲುವ ಸಿನಿಮಾಗಳ ಸಂಖ್ಯೆ ಈಚೆಗೆ ಟ್ರೆಂಡಿoಗ್’ನಲ್ಲಿದೆ. ದಕ್ಷಿಣ ಕನ್ನಡ ಭಾಗದ ಹಿನ್ನೆಲೆಯ ಕಾಂತಾರ, ಕರಾವಳಿ – ಮಲೆನಾಡಿನ ವಲವಾರ ಹಾಗೂ ಉತ್ತರ ಕರ್ನಾಟಕ ಭಾಗದ ಪಪ್ಪಿ ಮತ್ತು ಹೆಬ್ಬುಲಿ ಕಟ್ ಎಂಬ ಸಿನಿಮಾದ ಬೆನ್ನಲ್ಲೆ ಉತ್ತರ ಕನ್ನಡ ಜಿಲ್ಲೆಯ ಆಚಾರ-ವಿಚಾರಗಳ ಬಗ್ಗೆ ಬೆಳಕು ಚೆಲ್ಲುವ ಸಿನಿಮಾ ಶೂಟಿಂಗ್ ಮುಗಿಸಿದೆ. 1802ರಿಂದ 2026ವರೆಗಿನ ಮೂರು ಕಾಲಘಟ್ಟಗಳಲ್ಲಿ ಮೂಡಿಬರುತ್ತಿರುವ ಈ ಚಿತ್ರಕ್ಕೆ ವಿನಾಯಕ ಹೆಗಡೆ ಬೊಮ್ಮನಹಳ್ಳಿ ಅವರು ಆಕ್ಷನ್-ಕಟ್ ಹೇಳಿದ್ದಾರೆ. ಇದೇ 18ರಂದು ಸಿನಿಮಾ ತೆರೆಗೆ ಬರುತ್ತಿದ್ದು, ಹಿರಿಯ ನಟ ದೊಡ್ಡಣ್ಣ ಚಿತ್ರದ ಟ್ರೇಲರ್ ರಿಲೀಸ್ ಮಾಡಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಪ್ರವಾಸ ಮಾಡಿರುವ ದೊಡ್ಡಣ್ಣ ಅವರು ಈ ವೇಳೆ ಉತ್ತರ ಕನ್ನಡ ಜಿಲ್ಲೆಯ ನಂಟಿನ ಬಗ್ಗೆ ಮೆಲುಕು ಹಾಕಿದ್ದಾರೆ. `ಒಂದು ಮುತ್ತಿನ ಕಥೆ’ ಶೂಟಿಂಗ್ ಸಮಯದಲ್ಲಿ ಉತ್ತರ ಕನ್ನಡ ಜಿಲ್ಲೆಗೆ ಹೋಗಿದ್ದೆ. ಅಲ್ಲಿನ ಜನರ ಜೀವನ, ಗುಣ, ಸಂಸ್ಕೃತಿ ಕಂಡು ಖುಷಿಯಾಗಿತ್ತು. ಕಾನ್ಧಾರಿ ಟ್ರೇಲರ್ ನೋಡಿದಾಗ ಮತ್ತೆ ಹೋಗಬೇಕು ಅಂತನಿಸುತ್ತಿದೆ. ಪ್ರಕೃತಿ ಅಂದರೆ ತಾಯಿ. ತಾಯಿಯನ್ನು ಉಳಿಸುವುದು ಎಲ್ಲರ ಹೊಣೆ. ಇಲ್ಲದಿದ್ದರೆ ಮುಂದಿನ ಜನಾಂಗದವರು ಶಾಪ ಹಾಕುತ್ತಾರೆ. ಪರಿಸರವನ್ನು ನಾಶ ಮಾಡಬೇಡಿ’ ಎಂದು ದೊಡ್ಡಣ್ಣ ಅವರು ಕರೆ ನೀಡಿದ್ದಾರೆ.
- [ಕೊಳಿ ಮಾರುತ್ತಿದ್ದವ ದನ ಕದ್ದ: ಆ ಕಳ್ಳನ ಹಿಡಿಯಲು ಪೊಲೀಸರಿಗೆ ಮೂರು ದಿನ ಸಾಕು!](https://mobiletime.in/2026/09/a-chicken-seller-stole-a-cow-it-took-the-police-just-three-days-to-catch-him/): ಐಷಾರಾಮಿ ಕಾರಿನಲ್ಲಿ ಬಂದು ರಸ್ತೆ ಪಕ್ಕ ಮಲಗಿದ್ದ ದನ ಕದ್ದು ಹೋಗಿದ್ದ ಮೂವರನ್ನು ಕುಮಟಾ ಪೊಲೀಸರು ಪತ್ತೆ ಮಾಡಿದ್ದಾರೆ. ಅವರಲ್ಲಿ ಒಬ್ಬ ಸಿಕ್ಕಿಬಿದ್ದಿದ್ದು, ಮತ್ತಿಬ್ಬರು ಹುಡುಕಾಟ ಮುಂದುವರೆದಿದೆ. ಸೆಪ್ಟೆಂಬರ್ 10ರಂದು ಕುಮಟಾದ ರೈಸ್ ಮಿಲ್ ಪಕ್ಕ ದನವೊಂದು ಮಲಗಿತ್ತು. ಮಂಗಳೂರಿನಿಂದ ಕಾರಿನಲ್ಲಿ ಬಂದ ಮೂವರು ನಸುಕಿನ 2 ಗಂಟೆಗೆ ಆ ಜಾನುವಾರನ್ನು ಅಪಹರಿಸಿದ್ದರು. ದನವನ್ನು ಕಾರಿನಲ್ಲಿ ತುಂಬಿಕೊಂಡು ಪರಾರಿಯಾಗಿದ್ದರು. ಬಿಳಿ ಬಣ್ಣದ ಕಾರಿನಲ್ಲಿ ಬಂದವರು ಜಾನುವಾರು ಕದ್ದಿರುವ ಬಗ್ಗೆ ಬಗ್ಗೋಣದ ನಾಗೇಶ ಲಕ್ಷಣ ನಾಯಕ ಅವರು ಪೊಲೀಸರಿಗೆ ದೂರು ನೀಡಿದ್ದರು. ಈ ದೂರಿನ ಆಧಾರದಲ್ಲಿ ಕುಮಟಾ ಪಿಐ ಯೋಗೇಶ ಅವರು 60 ಸಿಸಿ ಕ್ಯಾಮರಾ ದಾಖಲೆ ಶೋಧ ನಡೆಸಿದರು. ಬಿಳಿ ಬಣ್ಣದ ಮಾರುತಿ ಸುಜುಕಿ ಎರ್ಟಿಗಾ ಕಾರಿನಲ್ಲಿ ಕಳ್ಳರು ಬಂದಿದ್ದನ್ನು ಪಿಸೈ ಖಾದರ್ ಭಾಷಾ, ರವಿ ಗುಡ್ಡಿ, ವಿಠ್ಠಲ ಮಡವಲಕರ್ ಅವರು ಕಂಡುಕೊಂಡರು. ಪೊಲೀಸ್ ಸಿಬ್ಬಂದಿ ಸಿಬ್ಬಂದಿ ಗಣೇಶ ನಾಯ್ಕ, ದಯಾನಂದ ನಾಯ್ಕ, ಗುರು ನಾಯಕ, ಕಿರಣ ನಾಯ್ಕ ಸೇರಿ ಆ ಕಾರಿನ ಶೋಧ ನಡೆಸಿದರು. ಮಂಗಳೂರು ಬೈಂಕಪಾಡಿಯ ಕೋಳಿ ಅಂಗಡಿಯಲ್ಲಿ ಕೆಲಸ ಮಾಡುವ ಮಹಮದ್ ಶಬ್ಬೀರ ಅವರು ಈ ವೇಳೆ ಸಿಕ್ಕಿ ಬಿದ್ದಿದ್ದು, ಸದ್ಯ ಬಜಪೆಯ ಜರಿಯಲ್ಲಿ ವಾಸವಾಗಿದ್ದ ಅವರನ್ನು ಪೊಲೀಸರು ಬಂಧಿಸಿದರು. ಉಡುಪಿ ಕಾಪುವಿನ ಮಹಮದ್ ಆಜೀಪ್ ಹಾಗೂ ಮಂಗಳೂರು ಉಲ್ಲಾಳದ ಜುಲ್ಪಾನ್ ಮಾಲಿಕ್ ಜೊತೆ ಸೇರಿ ಮಹಮದ್ ಶಬ್ಬೀರ್ ಜಾನುವಾರು ಕದ್ದಿರುವುದನ್ನು ಒಪ್ಪಿಕೊಂಡರು. ಈ ಕಾರ್ಯಾಚರಣೆಗೆ ಉಡುಪಿ ಪೊಲೀಸರು ಸಹಕಾರ ನೀಡಿದ್ದು, ಮತ್ತಿಬ್ಬರನ್ನು ಹುಡುಕುವ ಪ್ರಯತ್ನ ಮಾಡಿದರು. ಈ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದವರಿಗೆ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಹಾಗೂ ಡಿವೈಎಸ್ಪಿ ಡಿವೈಎಸ್ಪಿ ರಾನು ಗುಪ್ತ ಅವರು ಶ್ಲಾಘಿಸಿದರು.
- [ಕೈಗಾ | ಬೇಡಿಕೆ ಈಡೇರಿಕೆಗೆ ಆಗ್ರಹ: ಪ್ರತಿಭಟನೆ ಎಚ್ಚರಿಕೆ](https://mobiletime.in/2026/09/kaiga-demand-for-fulfillment-of-requests-warning-of-protest/): ಕಾರವಾರದ ಕೈಗಾದಲ್ಲಿ 5 ಹಾಗೂ 6ನೇ ಅಣು ವಿದ್ಯುತ್ ಘಟಕ ನಿರ್ಮಾಣ ಕಾಮಗಾರಿ ನಡೆಯುತ್ತಿದ್ದರೂ ಸ್ಥಳೀಯರಿಗೆ ಮಾತ್ರ ಅದರಿಂದ ಪ್ರಯೋಜನವಾಗುತ್ತಿಲ್ಲ. ಘಟಕ ನಿರ್ಮಾಣಕ್ಕೆ ಅಗತ್ಯವಿರುವ ಕಲ್ಲುಗಳನ್ನು ಸಹ ಬೇರೆ ಭಾಗದವರಿಂದ ಪಡೆಯುತ್ತಿರುವುದರಿಂದ ಇಲ್ಲಿನ ಲಾರಿ ಮಾಲಕರು ಸಂಕಷ್ಟಕ್ಕೀಡಾಗಿದ್ದಾರೆ. ಸ್ವತಃ ಜಿಲ್ಲಾಧಿಕಾರಿ ಸೂಚನೆ ನೀಡಿದರೂ ಕೈಗಾದ ಅಧಿಕಾರಿಗಳು ಬೆಲೆ ಕೊಡದ ಕಾರಣ ಲಾರಿ ಮಾಲಕರು ಪ್ರತಿಭಟನೆಗೆ ನಿರ್ಧರಿಸಿದ್ದಾರೆ. ಸೆಪ್ಟೆಂಬರ್ 16ರಿಂದ ಕೈಗಾದಲ್ಲಿ ಧರಣಿ ನಡೆಸುವುದಾಗಿ ಲಾರಿ ಮಾಲಕರ ಸಂಘದವರು ಘೋಷಿಸಿದ್ದಾರೆ. `ಸ್ಥಳೀಯರಿಗೆ ಹೆಚ್ಚಿನ ಪ್ರಮಾಣದಲ್ಲಿ ಉದ್ಯೋಗ ಕೊಡಬೇಕು. ಶೇ 80ರಷ್ಟು ಸರಕು-ಸಾಮಗ್ರಿಗಳನ್ನು ಸ್ಥಳೀಯರಿಂದಲೇ ಖರೀದಿಸಬೇಕು. ಈ ಕುರಿತು ಜಿಲ್ಲಾಧಿಕಾರಿಗಳು ಸೂಚಿಸಿದನ್ನು ಸರಿಯಾಗಿ ಪಾಲಿಸಬೇಕು’ ಎಂದು ಲಾರಿ ಮಾಲಕರು ಒತ್ತಾಯಿಸಿದ್ದಾರೆ. ತಮ್ಮ ಬೇಡಿಕೆ ಈಡೇರುವವರೆಗೂ ಪ್ರತಿಭಟನೆ ನಡೆಸುವುದಾಗಿ ಅವರು ಘೋಷಿಸಿದ್ದಾರೆ. `ಅಣು ಘಟಕ ನಿರ್ಮಾಣಕ್ಕೆ ಸಾಕಷ್ಟು ಪ್ರಮಾಣದಲ್ಲಿ ಕಚ್ಚಾ ವಸ್ತುಗಳ ಅಗತ್ಯವಿದೆ. ಆದರೆ, ಅಣು ಘಟಕದ ಅಧಿಕಾರಿಗಳು ಅದನ್ನು ಬೇರೆ ಭಾಗದವರಿಂದ ಪಡೆಯುತ್ತಿದ್ದಾರೆ. ಅಣು ಘಟಕ ನಿರ್ಮಾಣದಿಂದ ಸ್ಥಳೀಯರಿಗೆ ಸಾಕಷ್ಟು ಪ್ರಮಾಣದಲ್ಲಿ ಅನ್ಯಾಯವಾಗಿದ್ದು, ಸದ್ಯ ಹೊಸ ಘಟಕ ನಿರ್ಮಾಣ ಅವಧಿಯಲ್ಲಿಯೂ ಉದ್ಯೋಗಕ್ಕೆ ಒತ್ತು ನೀಡಿಲ್ಲ. ಸರಕು-ಸಾಮಗ್ರಿಗಳ ಪೂರೈಕೆಯ ಹೊಣೆಯನ್ನು ಸಹ ಸ್ಥಳೀಯರಿಗೆ ನೀಡಿಲ್ಲ’ ಎಂದವರು ದೂರಿದ್ದಾರೆ. `ಈ ಕುರಿತು ಜಿಲ್ಲಾಧಿಕಾರಿಗಳಿಗೆ ಮನವರಿಕೆ ಮಾಡಿದ ನಂತರ ಶೇ 80ರಷ್ಟು ಉದ್ಯೋಗ ಅವಕಾಶವನ್ನು ಸ್ಥಳೀಯರಿಗೆ ನೀಡುವ ಬಗ್ಗೆ ಅವರು ಕೈಗಾ ಸೈಟ್ ನಿರ್ದೇಶಕರಿಗೆ ಪತ್ರ ಬರೆದಿದ್ದಾರೆ. ಆದರೆ, ಪ್ರಮುಖ ಬೇಡಿಕೆ ಈಡೇರಿಸುವಲ್ಲಿಯೂ ಕೈಗಾ ಅಧಿಕಾರಿಗಳು ಎಡವಿದ್ದಾರೆ’ ಎಂದು ದೂರಿದರು. `ಸ್ಥಳೀಯರಿಂದಲೇ ಸಾರಿಗೆ ಹಾಗೂ ಸರಕು ಸಾಮಗ್ರಿಪಡೆಯಬೇಕು. ಅದಕ್ಕೆ ಸೂಕ್ತ ದರ ನಿಗದಿ ಮಾಡಬೇಕು. ಡೀಸಿ ಆದೇಶ ಕಟ್ಟುನಿಟ್ಟಾಗಿ ಪಾಲನೆ ಆಗಬೇಕು’ ಎಂದು ಆಗ್ರಹಿಸಿ ಪ್ರತಿಭಟಿಸುವುದಾಗಿ ತಿಳಿಸಿದ್ದಾರೆ.
- [ಉಸಿರು ನಿಲ್ಲಿಸಿದ ಆಪತ್ಬಾಂದವ](https://mobiletime.in/2026/09/the-savior-who-breathed-his-last/): ಸರ್ಕಾರಿ ಸೇವೆಯಿಂದ ನಿವೃತ್ತರಾದ ನಂತರವೂ ಸಾರ್ವಜನಿಕರ ಸೇವೆಗಾಗಿ ಶ್ರಮಿಸುತ್ತಿದ್ದ ಅಂಕೋಲಾ ಅವರ್ಸಾದ ಕೃಷ್ಣನಂದ್ ರಾಮನಾಥನ್ ಅವರು ನಿಧನರಾಗಿದ್ದಾರೆ. ಅವರ ಅಗಲುವಿಕೆಯ ಸುದ್ದಿ ಕೇಳಿ ಅನೇಕರು ಕಂಬನಿ ಮಿಡಿದಿದ್ದಾರೆ. ಅಂಕೋಲಾ ತಾಲೂಕಿನ ಅವರ್ಸಾದಲ್ಲಿ ಕೃಷ್ಣಾನಂದ ಲಕ್ಷ್ಮಣ್ ರಾಮನಾಥನ್ ಅವರು ವಾಸವಾಗಿದ್ದರು. ವಯಸ್ಸು 72 ಆಗಿದ್ದರೂ ಅವರು ಲವಲವಿಕೆಯಿಂದ ಇದ್ದರು. ಜನಪಯೋಗಿ ಕೆಲಸಗಳಿಗೆ ಹೆಚ್ಚಿನ ಸಮಯ ನೀಡುತ್ತಿದ್ದ ಅವರನ್ನು ಎಲ್ಲರೂ ಪ್ರೀತಿಯಿಂದ `ಕಿಟ್ಟಾ’ ಎಂದು ಕರೆಯುತ್ತಿದ್ದರು. ಶಿಕ್ಷಕರಾಗಿ, ನಾಟಕ ಕಲಾವಿದರಾಗಿ, ಗ್ರಾಮ ಲೆಕ್ಕಾಧಿಕಾರಿಯಾಗಿ ಬಹುಮುಖ ವ್ಯಕ್ತಿತ್ವಗಳಿಂದ ಗುರುತಿಸಿಕೊಂಡಿದ್ದ ಅವರು ಈ ದಿನ ಹೃದಯಘಾತದಿಂದ ಉಸಿರಾಟ ನಿಲ್ಲಿಸಿದರು. ಕೃಷ್ಣನಂದ್ ರಾಮನಾಥನ್ ಅವರು ಎಂ ಎ ಪದವಿಧರರಾಗಿದ್ದರು. ವ್ಯಾಸಂಗ ಮುಗಿಸಿದ ನಂತರ ಸ್ಟೆಪೆಂಡರಿ ಶಿಕ್ಷಕರಾಗಿ ವೃತ್ತಿ ಶುರು ಮಾಡಿದ್ದರು. ಅದಾದ ನಂತರ ಅವರಿಗೆ ಸರ್ಕಾರಿ ಉದ್ಯೋಗ ಸಿಕ್ಕಿದ್ದು, ಕುಮಟಾ, ಅಂಕೋಲಾದ ಅನೇಕ ಕಡೆ ಅವರು ಗ್ರಾಮ ಲೆಕ್ಕಾಧಿಕಾರಿಯಾಗಿದ್ದರು. ಕೊನೆಯದಾಗಿ ಬೆಲಿಕೇರಿ ಭಾಗದಲ್ಲಿ ಅವರು ನಿವೃತ್ತರಾಗಿದ್ದರು. ಸರ್ಕಾರಿ ಸೇವೆಯಲ್ಲಿರುವಾಗ ಜನರ ಮನಗೆದ್ದ ಅವರು ನಿವೃತ್ತಿ ನಂತರವೂ ಅದೇ ಬಗೆಯ ಅನ್ಯೋನ್ಯತೆ ಉಳಿಸಿಕೊಂಡಿದ್ದರು. ನಗುಮುಖದ ವ್ಯಕ್ತಿತ್ವ, ಸರಳ ಸ್ವಭಾವ ಹಾಗೂ ಆತ್ಮೀಯವಾದ ಮಾತುಗಳಿಂದ ಜನರ ಮನಗೆದ್ದಿದ್ದರು. ಕೃಷ್ಣನಂದ್ ರಾಮನಾಥನ್ ಅವರ ನಿಧನದ ಸುದ್ದಿ ಕೇಳಿ ಅನೇಕರು ಅವರ್ಸಾಗೆ ಆಗಮಿಸಿದ್ದಾರೆ. ಕೃಷ್ಣನಂದ್ ರಾಮನಾಥನ್ ಅವರ ಅಂತಿಮ ದರ್ಶನಪಡೆದು ಶೃದ್ಧಾಂಜಲಿ ಸಲ್ಲಿಸಿದ್ದಾರೆ. ಕೃಷ್ಣನಂದ್ ರಾಮನಾಥನ್ ಅವರ ನಿಧನಕ್ಕೆ ರಾಜೇಶ್ ರಾಮನಾಥನ್, ಸಂದೀಪ್ ರಾಮನಾಥನ್, ವಿನೋದ್ ಆರ್ ನಾಯ್ಕ್, ಉಮೇಶ್ ಆರ್ ನಾಯ್ಕ್, ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ, ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷರಾದ ಮಾರುತಿ ಬಿ ನಾಯಕ, ಸ್ವಾತಿ ಎಮ್ ನಾಯಕ, ಉರಗತಜ್ಞ ಮಹೇಶ್ ಬಿ ನಾಯಕ, ಮಂಜುನಾಥ್ ನಾಯಕ, ಶ್ರೀಧರ್ ನಾಯಕ, ಮಧುಕೇಶ್ವರ್ ನಾಯಕ, ನಿತ್ಯಾನಂದ ಆರ್ ನಾಯ್ಕ್ ಹಟ್ಟೆಕೇರಿ, ಶಾಸಕ ಸತೀಶ್ ಸೈಲ್ ಅವರು ಕಂಬನಿ ಮಿಡಿದಿದ್ದಾರೆ.
- [ಅರೆಸ್ಟ್ ಆದ ಅಕ್ಕಿ ಕಳ್ಳ!](https://mobiletime.in/2026/09/rice-smuggler-arrested/): ಬಡವರಿಗೆ ನೀಡಿದ್ದ ಅನ್ನಭಾಗ್ಯ ಅಕ್ಕಿಯನ್ನು ಕಡಿಮೆ ಬೆಲೆಗೆ ಖರೀದಿಸಿ ಕಾಳಸಂತೆಯಲ್ಲಿ ಮಾರಾಟಕ್ಕೆ ಪ್ರಯತ್ನಿಸಿದ್ದ ವ್ಯಕ್ತಿಯೊಬ್ಬರನ್ನು ಯಲ್ಲಾಪುರ ಪೊಲೀಸರು ಹಿಡಿದಿದ್ದಾರೆ. ಕಲಘಟಗಿಯ ಶಾರೂಕ್ ನೇಸರಗಿ ಅವರು ಅಕ್ಕಿ ಸಾಗಾಟದ ವೇಳೆಯಲ್ಲಿಯೇ ಸಿಕ್ಕಿ ಬಿದ್ದಿದ್ದಾರೆ. ಶಿರಸಿ ತಹಶೀಲ್ದಾರ್ ಕಚೇರಿ ಅಧಿಕಾರಿಗಳು ಕಳ್ಳ ಸಂತೆಯಲ್ಲಿ ಅಕ್ಕಿ ಸಾಗಾಟ ಮಾಡುವವರ ವಿರುದ್ಧ ಸಮರ ಸಾರಿದ್ದಾರೆ. ಸದ್ಯ ಅಲ್ಲಿನ ಅಧಿಕಾರಿಗಳು ನೀಡಿದ ಮಾಹಿತಿ ಮೇರೆಗೆ ಈ ಕಾರ್ಯಾಚರಣೆ ನಡೆದಿದ್ದು, ಖಚಿತ ಮಾಹಿತಿ ಆಧರಿಸಿ ಹೋದ ಪೊಲೀಸರಿಗೆ 30 ಚೀಲದಲ್ಲಿ ತುಂಬಿದ್ದ ಅಕ್ಕಿ ಸಿಕ್ಕಿದೆ. ಕಲಘಟಗಿಯ ಶಾರೂಕ್ ನಜೀರ್ ಅಹ್ಮದ್ ನೇಸರಗಿ ಅವರು ತಮ್ಮ ಸರಕು ಸಾಗಾಣಿಕಾ ವಾಹನದಲ್ಲಿ ಅಕ್ಕಿ ಸಾಗಿಸುವಾಗ ಪೊಲೀಸರ ಜೊತೆ ಯಲ್ಲಾಪುರದ ಆಹಾರ ಇಲಾಖೆ ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ಯಲ್ಲಾಪುರ ತಹಶೀಲ್ದಾರ್ ಕಚೇರಿಯ ಆಹಾರ ನಿರೀಕ್ಷಕ ರಾಘವೇಂದ್ರ ರಾಮಾ ಗೌಡ ಅವರಿಗೆ ಶಿರಸಿ ತಹಶೀಲ್ದಾರ್ ಕಚೇರಿಯಿಂದ ಅನ್ನಭಾಗ್ಯ ಯೋಜನೆಯ ಅಕ್ಕಿ ದುರುಪಯೋಗದ ಬಗ್ಗೆ ಮಾಹಿತಿ ಬಂದಿದೆ. ಈ ಹಿನ್ನಲೆ ಸೆಪ್ಟೆಂಬರ್ 12ರ ರಾತ್ರಿ ಅವರು ಯಲ್ಲಾಪುರ ಪಿಸೈ ಮಹಾವೀರ ಕಾಂಬಳೆ ಅವರ ಸಹಾಯ ಯಾಚಿಸಿದ್ದಾರೆ. ತಕ್ಷಣ ಪೊಲೀಸರ ತಂಡ ನೂತನ ನಗರ ಜಡ್ಡಿಯ ಬಳಿ ಹೋಗಿದ್ದು, ಅಲ್ಲಿನ ಮಸೀದಿ ಬಳಿಯಿದ್ದ ಟಾಟಾ ಇಂಟ್ರಾ ವಾಹನವನ್ನು ಪರಿಶೀಲಿಸಿದೆ. ಆಗ ಅಲ್ಲಿ 51 ಸಾವಿರ ರೂ ಮೌಲ್ಯದ ಅಕ್ಕಿ ಸಿಕ್ಕಿದೆ. ಅನ್ನಭಾಗ್ಯ ಯೋಜನೆ ಅಡಿ ವಿತರಿಸಿದ ಅಕ್ಕಿಯನ್ನು ಕದ್ದು ಸಾಗಿಸುತ್ತಿರುವುದು ಈ ವೇಳೆ ಗಮನಕ್ಕೆ ಬಂದಿದೆ.
- [ಆತನ ವಿರುದ್ಧ ಇದಿದ್ದೇ 19 ಕೇಸು!](https://mobiletime.in/2026/09/there-are-as-many-as-19-cases-against-him/): 19ನೇ ವಯಸ್ಸಿನಲ್ಲಿಯೇ ಅಪರಾಧ ಪ್ರಪಂಚಕ್ಕೆ ಕಾಲಿರಿಸಿದ ಶಿರಸಿಯ ಪಯ್ಯು ಚೌಟಿ ಅವರು 19 ಅಪರಾಧ ಕೃತ್ಯಗಳಲ್ಲಿ ಆರೋಪಿತರಾಗಿದ್ದಾರೆ. 1998ರಲ್ಲಿ ಮೊದಲ ಕೇಸಿನ ಮೂಲಕ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದ ಅವರು 2026ರವರೆಗೂ ಒಂದಿಲ್ಲೊoದು ಗಲಾಟೆಯಲ್ಲಿ ಭಾಗಿಯಾಗಿದ್ದು, ಅದರ ಪರಿಣಾಮ ಇದೀಗ ಬಳ್ಳಾರಿ ಜೈಲು ಸೇರಿದ್ದಾರೆ. ಶಿರಸಿಯ ಕಸ್ತೂರಿಬಾನಗರದ ಬಸವೇಶ್ವರ ಕಾಲೋನಿಯಲ್ಲಿ ಫಯಾಜ್ ಮದಾರ್ ಸಾಬ್ ಚೌಟಿ ಅವರು ವಾಸವಾಗಿದ್ದರು. ಪಯ್ಯು ಚೌಟಿ ಎಂದೇ ಅವರು ಪ್ರಸಿದ್ಧರಾಗಿದ್ದು, ರಾಜಕೀಯ ಪ್ರಭಾವದೊಂದಿಗೆ ತಮ್ಮ ವ್ಯಕ್ತಿತ್ವವನ್ನು ಬೆಳೆಸಿಕೊಂಡಿದ್ದರು. 1998ರ ಅವಧಿಯಲ್ಲಿ ಪಯ್ಯು ಚೌಟಿ ಅವರಿಗೆ 19 ವರ್ಷ. ಆ ಅವಧಿಯಲ್ಲಿಯೇ ಅವರು ಶಾಂತಿಭoಗ ಹಾಗೂ ಗಲಭೆ ಪ್ರಕರಣದಲ್ಲಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದರು. ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಯವರು ಪಯ್ಯು ಚೌಟಿ ಅವರ ಮೇಲೆ ಆ ವೇಳೆ ಮೊದಲ ಕೇಸು ದಾಖಲಿಸಿದ್ದರು. ಅದಾದ ನಂತರ ಪಯ್ಯು ಚೌಟಿ ಅವರು 20ನೇ ವಯಸ್ಸಿನಲ್ಲಿ ಮತ್ತೆ ಗಲಾಟೆ, ಹಲ್ಲೆ ನಡೆಸಿದ ಆರೋಪದ ಅಡಿ ಮತ್ತೊಂದು ಕೇಸು ಎದುರಿಸಿದರು. ಅದಾದ ನಂತರ 2000ನೇ ಇಸ್ವಿಯಲ್ಲಿ ಮತ್ತೆ ಹಲ್ಲೆ, ಶಾಂತಿಭAಗ ಮಾಡಿದ ಕಾರಣ ಪೊಲೀಸರು ಅವರ ವಿರುದ್ಧ ಪ್ರಕರಣ ದಾಖಲಿಸಿದರು. ಅದಾದ ನಂತರ ಹೆಚ್ಚುಕಡಿಮೆ ಪ್ರತಿ ವರ್ಷವೂ ಪಯ್ಯು ಚೌಟಿ ಅವರ ವಿರುದ್ಧ ಒಂದಿಲ್ಲೊAದು ಕೇಸುಗಳು ದಾಖಲಾದವು. 2003ರಲ್ಲಿ ಶಿರಸಿ ನಗರ ಪೊಲೀಸ್ ಠಾಣೆಯಲ್ಲಿ ಎರಡು ಹಾಗೂ 2004ರ ಒಂದೇ ವರ್ಷ ಶಿರಸಿ ಮಾರುಕಟ್ಟೆ ಪೊಲೀಸ್ ಠಾಣೆಯಲ್ಲಿ ಮೂರು ಕೇಸುಗಳು ಅವರ ಮೇಲಿದ್ದವು. 2006ರಲ್ಲಿ ಮಾತ್ರ ಪಯ್ಯು ಚೌಟಿ ಅವರು ಯಾವುದೇ ದೊಡ್ಡ ಗಲಾಟೆಯಲ್ಲಿ ಭಾಗವಹಿಸಲಿಲ್ಲ. ಆದರೆ, 2007ರಲ್ಲಿ ಮತ್ತೆ ಅಖಾಡಕ್ಕೆ ಇಳಿದ ಅವರು ಶಿರಸಿ ನಗರಠಾಣೆ ವ್ಯಾಪ್ತಿಯಲ್ಲಿ ಮತ್ತೊಂದು ಬಾನಗೇಡಿ ಮಾಡಿದರು. 2008ರಲ್ಲಿ ಸುಮ್ಮನಿದ್ದ ಅವರು 2009ರಲ್ಲಿ ಮತ್ತೆರಡು ಅಪರಾಧ ಕೃತ್ಯದಲ್ಲಿ ಭಾಗಿಯಾದರು. 2011, 2013 ಹಾಗೂ 2025ರಲ್ಲಿಯೂ ಪಯ್ಯು ಚೌಟಿ ಅವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಅದಾಗಿ ಆರು ವರ್ಷಗಳ ಕಾಲ ಪಯ್ಯು ಚೌಟಿ ಅವರು ಯಾವುದೇ ಅಪರಾಧ ಪ್ರಕರಣದಲ್ಲಿ ಗುರುತಿಸಿಕೊಂಡಿರಲಿಲ್ಲ. ಆದರೆ, 2023ರಲ್ಲಿ ಅವರು ದಾವಣಗೆರೆಗೆ ಹೋಗಿದ್ದು ಅಲ್ಲಿ ಒಂದು ಪ್ರಕರಣದಲ್ಲಿ ಸಿಕ್ಕಿಬಿದ್ದರು. ದಾವಣಗೆರೆಯ ನ್ಯಾಮತಿಯಲ್ಲಿ ಹಂದಿಅಣ್ಣಿ ಎಂಬಾತರನ್ನು ಕೊಲೆ ನಡೆದಿದ್ದು, ಆ ಕೊಲೆ ಮಾಡಿ ಜೈಲು ಸೇರಿ ಜಾಮೀನಿನ ಮೇಲೆ ಬಂದಿದ್ದ ಆಂಜಿನೇಯ ಅವರ ಕೊಲೆಯಲ್ಲಿ ಪಯ್ಯು ಚೌಟಿ ಅವರ ಕೈವಾಡವಿದ್ಧ ಬಗ್ಗೆ ಆರೋಪಿಸಲಾಗಿತ್ತು. ಆ ಪ್ರಕರಣದಲ್ಲಿ ಗಾಯಗೊಂಡ ಮಧುಕರ ಎಂಬಾತರ ಮೇಲೆ ಲಾಂಗ್ ಬೀಸಿದ ಕೇಸಿನಡಿ ಪಯ್ಯು ಚೌಟಿ ಅವರ ಮೇಲೆ ಅಲ್ಲಿನ ಪೊಲೀಸರು ಕೇಸು ಹಾಕಿದ್ದರು. ಅದಾದ ನಂತರ 2024 ಹಾಗೂ 2026ರಲ್ಲಿ ಮತ್ತೆ ಶಿರಸಿಯಲ್ಲಿಯೇ ಪಯ್ಯು ಚೌಟಿ ಅವರ ವಿರುದ್ಧ ಎರಡು ಕೇಸು ದಾಖಲಾಗಿದ್ದವು. ಈ ಎಲ್ಲಾ ಹಿನ್ನಲೆ ಕೊಲೆ ಯತ್ನ, ಹಲ್ಲೆ, ದೊಂಬಿ, ಜೀವ ಬೆದರಿಕೆ, ಕಳ್ಳತನ, ಕಿರುಕುಳ, ವಂಚನೆ ಸೇರಿ ಹಲವು ಪ್ರಕರಣಗಳಲ್ಲಿ ಅವರು ಆರೋಪಿಯಾಗಿದ್ದರು. ಅದಾಗಿಯೂ, ಪಯ್ಯು ಚೌಟಿ ಅವರು ಸಮಾಜ ಸೇವೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದು, ಅನೇಕ ಸನ್ಮಾನಗಳನ್ನು ಪಡೆದಿದ್ದರು. ಹಬ್ಬ-ಹರಿದಿನಗಳಲ್ಲಿ ದಾನ-ಧರ್ಮ, ಬಾವಿಯಲ್ಲಿ ಬಿದ್ದ ಮಗುವಿನ ರಕ್ಷಣೆ ಸೇರಿ ಅನೇಕ ಬಗೆಯ ಚಟುವಟಿಕೆಗಳಲ್ಲಿ ಅವರು ಮುಂಚೂಣಿಯಲ್ಲಿದ್ದರು. ತೀರಾ ಈಚೆಗಂತೂ ಪಯ್ಯು ಚೌಟಿ ಅವರ ಅಪರಾಧ ಹಿನ್ನಲೆಯನ್ನು ಬಹುತೇಕರು ಮರೆತಿದ್ದು, ಅವರನ್ನು ಸಾಮಾಜಿಕ ಕಾರ್ಯಕರ್ತ ಎಂದೇ ಜನ ಗುರುತಿಸುತ್ತಿದ್ದರು. ಆದರೆ, ಪೊಲೀಸ್ ರೆಕಾರ್ಡಿನಲ್ಲಿ ಮಾತ್ರ ಅವರ 19 ಕೇಸುಗಳು ದಾಖಲೆಯಾಗಿಯೇ ಉಳಿದಿದ್ದವು. ಪಯ್ಯು ಚೌಟಿ ಅವರ ವರ್ತನೆಯಿಂದ ಸಮಾಜದ ಮೇಲೆ ವ್ಯತಿರಿಕ್ತ ಪರಿಣಾಮ ಬಿರುವ ಸಾಧ್ಯತೆ ಹಿನ್ನಲೆ ಜುಲೈ 3ರಂದೇ ಅವರ ಬಂಧನಕ್ಕಾಗಿ ಪೊಲೀಸರು ಪ್ರಸ್ತಾವನೆ ಸಲ್ಲಿಸಿದ್ದರು. ಆ ವರದಿ ಗಮನಿಸಿದ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಕೆಲ ದಿನದ ಹಿಂದೆ ಬಂಧನಕ್ಕೆ ಆದೇಶಹೊರಡಿಸಿದರು. ಅದರಂತೆ, ಸೆ 11ರಂದು ಶಿರಸಿ ಮಾರುಕಟ್ಟೆ ಪೊಲೀಸರು ಪಯ್ಯು ಚೌಟಿ ಅವರನ್ನು ದಿಢೀರ್ ಆಗಿ ಬಂಧಿಸಿ, ಬಳ್ಳಾರಿ ಜೈಲಿಗೆ ಕಳುಹಿಸಿದರು. ಪಯ್ಯು ಚೌಟಿ ಅವರ ಅಪರಾಧ ಹಿನ್ನಲೆ ಬಗ್ಗೆ ಅರಿವಿಲ್ಲದವರು ಪೊಲೀಸ್ ಠಾಣೆ ಎದುರು ಜಮಾಯಿಸಿ ಅಧಿಕಾರಿಗಳನ್ನು ಪ್ರಶ್ನಿಸಿದರು. ಈ ಹಿಂದಿನ ಅಪರಾಧ ಪ್ರಕರಣಗಳ ವಿವರ ಹಾಗೂ ಮೇಲಧಿಕಾರಿಗಳ ಆದೇಶದ ಬಗ್ಗೆ ಪೊಲೀಸರು ಅವರಿಗೆ ಮನವರಿಕೆ ಮಾಡಿಕೊಟ್ಟರು. ಸದ್ಯ ಮುಂದಿನ ಆದೇಶದವರೆಗೂ ಪಯ್ಯು ಚೌಟಿ ಅವರು ಬಳ್ಳಾರಿ ಜೈಲಿನಲ್ಲಿರುವುದು ಅನಿವಾರ್ಯವಾಗಿದೆ.
- [ಮೊಸಳೆ ಕೆರೆಗೆ ಗಣೇಶನ ಬೇಲಿ!](https://mobiletime.in/2026/09/a-ganesha-fence-for-the-crocodile-pond/): ಯಲ್ಲಾಪುರದ ಜೋಡುಕೆರೆಯಲ್ಲಿ ವರ್ಷದ ಹಿಂದೆ ಮೊಸಳೆ ಕಾಣಿಸಿಕೊಂಡಿದ್ದು, ಈವರೆಗೂ ಆ ಮೊಸಳೆಯ ಸ್ಥಳಾಂತರ ಸಾಧ್ಯವಾಗಿಲ್ಲ. ಸದ್ಯ ಗಣೇಶ ಹಬ್ಬದ ಹಿನ್ನಲೆ ಅದೇ ಕೆರೆಯಲ್ಲಿ ಗಣಪನ ವಿಗ್ರಹಗಳ ವಿಸರ್ಜನೆ ನಡೆಯಲಿದೆ. ಮೊಸಳೆಯಿಂದ ಯಾವುದೇ ಅನಾಹುತ ನಡೆಯದಂತೆ ತಡೆಯಲು ಅರಣ್ಯ ಇಲಾಖೆ ಮುನ್ನಚ್ಚರಿಕೆವಹಿಸಿದೆ. ಯಲ್ಲಾಪುರ ಪಟ್ಟಣದ ಜೋಡುಕೆರೆಯಲ್ಲಿ ಕಳೆದ ಕೆಲವು ತಿಂಗಳುಗಳಿAದ ಆಗಾಗ ಮೊಸಳೆ ಕಾಣಿಸಿಕೊಳ್ಳುತ್ತಿದೆ. ಅರಣ್ಯ ಸಿಬ್ಬಂದಿ ದಿನವಿಡೀ ಕಾದರೂ ಅವರಿಗೆ ಆ ಮೊಸಳೆ ಸಿಗುತ್ತಿಲ್ಲ. ವಿಶೇಷ ಕಾರ್ಯಾಚರಣೆ ನಡೆಸಿದರೂ ಮೊಸಳೆ ಹಿಡಿಯುವುದು ಸಾಧ್ಯವಾಗಿಲ್ಲ. ಸದ್ಯ ಗಣೇಶ ಚತುರ್ಥಿ ಸಂದರ್ಭದಲ್ಲಿ ಪಟ್ಟಣದ ಗಣೇಶ ಮೂರ್ತಿಗಳ ವಿಸರ್ಜನೆ ಇದೇ ಕೆರೆಯ ಭಾಗದಲ್ಲಿ ನಡೆಯಲಿರುವುದರಿಂದ ಈ ಕೆರೆಗೆ ಬಲೆ ಅಳವಡಿಸಲು ಅರಣ್ಯ ಸಿಬ್ಬಂದಿ ನಿರ್ಧರಿಸಿದ್ದಾರೆ. ಯಲ್ಲಾಪುರ ವಲಯ ಅರಣ್ಯಾಧಿಕಾರಿಗಳ ನೇತೃತ್ವದಲ್ಲಿ ಜೋಡುಕೆರೆಯಲ್ಲಿ ಮೊಸಳೆ ಪತ್ತೆ ಹಾಗೂ ರಕ್ಷಣಾ ಕಾರ್ಯಾಚರಣೆ ನಡೆಸಲು ಕರಾವಳಿ ಭಾಗದ ಅಶೋಕ್ ನಾಯ್ಕ್ ಅವರನ್ನು ಕರೆಯಿಸಲಾಗಿತ್ತು. ಅಗ್ನಿಶಾಮಕ ಠಾಣೆಯ ಅಧಿಕಾರಿಗಳು ಮತ್ತು ಸಿಬ್ಬಂದಿ, ಅಗ್ನಿಶಾಮಕ ವಾಹನ, ಪೊಲೀಸ್ ಸಿಬ್ಬಂದಿ, ಕಂದಾಯ ಇಲಾಖೆ ಸಿಬ್ಬಂದಿ, ಅರಣ್ಯ ಇಲಾಖೆ ಸಿಬ್ಬಂದಿ, ಪತ್ರಕರ್ತರು ಹಾಗೂ ಸಾರ್ವಜನಿಕರು ಸೇರಿ ಮೊಸಳೆ ಹುಡುಕಾಟ ನಡೆಸಿದರು. ಆದರೆ, ಈ ದಿನವೂ ಮೊಸಳೆ ಕಾಣಿಸಲಿಲ್ಲ. ಈ ತಂಡದ ಸದಸ್ಯರು ಕೆರೆಯ ಆಳ-ಅಗಲ ಹುಡುಕಾಟ ಮಾಡಿದರೂ ಮೊಸಳೆಯ ಸುಳಿವು ಸಿಗಲಿಲ್ಲ. 15 ದಿನಗಳಿಂದ ಮೊಸಳೆ ಕಾಣದಿರುವ ಕಾರಣ ಅಲ್ಲಿಯೇ ಗಣೇಶನ ಮೂರ್ತಿ ವಿಸರ್ಜನೆಗೆ ಅವಕಾಶ ಮಾಡಿಕೊಡಲಾಗಿದ್ದು, ಮುನ್ನಚ್ಚರಿಕಾ ಕ್ರಮವಾಗಿ ಕೆರೆ ನಡುವೆ ಸಂರಕ್ಷಣಾ ಬೇಲಿ ಅಳವಡಿಸುವ ಕಾರ್ಯ ನಡೆಯಿತು. ಮೊಸಳೆ ಕೆರೆಯ ಕೆಳಭಾಗದಿಂದ ಮೇಲ್ಭಾಗದ ದಡದತ್ತ ಬಾರದಂತೆ ತಡೆಯಲು ನೀರಿನಲ್ಲಿ ಅಳವಡಿಸುವ ಬಲೆಯನ್ನು ಕೆರೆಯ ಮಧ್ಯಭಾಗದಲ್ಲಿ ಹಾಕಲು ಅಧಿಕಾರಿಗಳು ನಿರ್ಧರಿಸಿದ್ದಾರೆ. ಗಣೇಶ ಮೂರ್ತಿ ವಿಸರ್ಜನೆ ಸಂದರ್ಭದಲ್ಲಿ ಸಾರ್ವಜನಿಕರು ಈ ಬಲೆಯನ್ನು ದಾಟದಂತೆ ಅರಣ್ಯ ಇಲಾಖೆಯವರು ಮನವಿ ಮಾಡಿದ್ದಾರೆ.
- [ಪ್ರೀತಿ ಹೆಸರಿನಲ್ಲಿ ವಿಷವುಣಿಸಿದ ಪೋರಿ: ಬಾಲಕ ಸಾವು!](https://mobiletime.in/2026/09/girl-feeds-poison-in-the-name-of-love-boy-dies/): ಅಪ್ರಾಪ್ತರ ಪ್ರೇಮ ಪ್ರಕರಣವೊಂದು ದುರಂತ ಅಂತ್ಯ ಕಂಡಿದೆ. ಪ್ರೀತಿಸಿದ ಹುಡುಗನಿಗೆ ಹುಡುಗಿ ವಿಷ ಉಣಿಸಿದ್ದು, ಬದುಕುವ ಆಸೆ ಹೊತ್ತು ಮೂರು ವಾರಗಳ ಕಾಲ ಆಸ್ಪತ್ರೆಯಲ್ಲಿ ನರಳಾಡಿದ ಯುವಕನ ಬದುಕು ಅಂತ್ಯವಾಗಿದೆ. ದಾoಡೇಲಿಯ ಕಾಲೇಜುವೊಂದರಲ್ಲಿ ಓದುತ್ತಿರುವ 16 ವರ್ಷದ ಮಕ್ಕಳಿಬ್ಬರು ಪರಸ್ಪರ ಪ್ರೀತಿಸುತ್ತಿದ್ದರು. ಅವರ ಪ್ರೀತಿಯಲ್ಲಿ ಒಡಕು ಮೂಡಿದರೂ, ಆ ಯುವತಿ ಯುವಕನನ್ನು ಮನೆಗೆ ಆಮಂತ್ರಿಸಿದ್ದರು. ಆ ವೇಳೆ ತಮ್ಮ ಮೊಬೈಲಿನಲ್ಲಿದ್ದ ಫೋಟೋ ಕಾಣಿಸಿದ ಯುವತಿ ಪ್ರೀತಿಸಿದ ಹುಡುಗನಿಗೆ ಒತ್ತಾಯವಾಗಿ ವಿಷ ಕುಡಿಸಿದ್ದು, ಅದರಿಂದ ಅಸ್ವಸ್ಥನಾದ ಯುವಕ ಆಸ್ಪತ್ರೆಗೆ ದಾಖಲಾಗಿದ್ದರು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಅಪ್ರಾಪ್ತ ಪ್ರೇಮಿ ಕೊನೆಯುಸಿರೆಳೆದರು. ಇದನ್ನು ಓದಿ: ವಿಷ ಕುಡಿಸಿದ ಹುಡುಗಿ! ಸಾವನಪ್ಪಿದ ಹುಡುಗ ಉತ್ತರ ಕನ್ನಡ ಜಿಲ್ಲೆಯ ಜೊಯಿಡಾದ ಜಗಲಪೇಟೆ ಗ್ರಾಮದವರಾಗಿದ್ದಾರೆ. ಆರೋಪಿ ಯುವತಿ ಸಹ ಅದೇ ಭಾಗದವರಾಗಿದ್ದಾರೆ. ವಿಷ ಕುಡಿದು ಅಸ್ವಸ್ಥರಾಗಿದ್ದ ಯುವಕ ಪ್ರೀತಿಸಿದ ಹುಡುಗಿಗೆ ಸಮಸ್ಯೆ ಆಗಬಾರದು ಎಂದು ಭಾವಿಸಿ ಸುಳ್ಳು ಹೇಳಿದ್ದು, ಸಾಯುವ ಮುನ್ನ ಕುಟುಂಬದವರ ಬಳಿ ಸತ್ಯ ಹೇಳಿದ್ದಾರೆ. ಅದೇ ಆಧಾರದಲ್ಲಿ ಹುಡುಗನ ಹೇಳಿಕೆಪಡೆದಿದ್ದ ಪೊಲೀಸರು ಯುವತಿ ವಿರುದ್ಧ ಕೇಸು ದಾಖಲಿಸಿದ್ದಾರೆ.
- [ಕೂದಲಿನ ಬದಲು ಸರ ಕತ್ತರಿಸಿದ ಬ್ಲೇಡ್ ಮಂಜ!](https://mobiletime.in/2026/09/manja-the-blade-that-sliced-the-necklace-instead-of-the-hair/): ಧಾರವಾಡದಲ್ಲಿ ಕಟಿಂಗ್ ಶಾಫ್ ನಡೆಸುವ ಮಂಜುನಾಥ ಜುಂಜವಾಡಕರ್ ಅವರು ಆಗಾಗ ಬ್ಲೇಡ್ ಹಿಡಿದು ಹಳಿಯಾಳಕ್ಕೆ ಬರುತ್ತಿದ್ದು, ಆ ಬ್ಲೇಡಿನಿಂದ ಅಜ್ಜಿಯೊಬ್ಬರ ಕತ್ತಿನಲ್ಲಿದ್ದ ಸರ ಕತ್ತರಿಸಿದ್ದಾರೆ. 1.20 ಲಕ್ಷ ರೂ ಮೌಲ್ಯದ ಚಿನ್ನ ಕದ್ದು ಪರಾರಿಯಾಗಿದ್ದ ಮಂಜುನಾಥ ಜುಂಜವಾಡಕರ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಹಳಿಯಾಳ ಹಂಪಿಹೊಳಿಯಲ್ಲಿ ಶಾಂತವ್ವ ದುರ್ಗವ್ವ ಕಮ್ಮಾರ್ ಅವರು ವಾಸವಾಗಿದ್ದಾರೆ. 85 ವರ್ಷದ ಅವರು ಕೊರಳಿನಲ್ಲಿ ಚಿನ್ನದ ಮಾಲೆ ಧರಿಸಿದ್ದು, ಅದನ್ನು ಅದೇ ಊರಿನ ಮಂಜುನಾಥ ಜುಂಜವಾಡಕರ್ ಅವರು ನೋಡಿದ್ದಾರೆ. ಆಗಾಗ ಊರಿಗೆ ಬರುತ್ತಿದ್ದ ಮಂಜುನಾಥ ಜುಂಜವಾಡಕರ್ ಅವರು ಸೆಪ್ಟೆಂಬರ್ 7ರಂದು ಅಜ್ಜಿಯ ಮನೆಗೆ ಬಂದು ಅವರನ್ನು ಹೆದರಿಸಿದ್ದಾರೆ. ಶಾಂತವ್ವ ಕಮ್ಮಾರ್ ಅವರ ಕೊರಳಿನಲ್ಲಿದ್ದ ಚಿನ್ನವನ್ನು ಬ್ಲೇಡಿನಿಂದ ಕೊಯ್ದು ಅವರು ಅಲ್ಲಿಂದ ಪರಾರಿಯಾಗಿದ್ದಾರೆ. ನಂತರ ದರ್ಶನ್ ಕಮ್ಮಾರ್ ಅವರು ಮನೆಗೆ ಬಂದಿದ್ದು, ಆಗ ಚಿನ್ನ ದರೋಡೆಯಾದ ಬಗ್ಗೆ ಶಾಂತವ್ವ ಅವರು ಮೊಮ್ಮಗನ ಬಳಿ ಹೇಳಿದ್ದಾರೆ. ಧಾರವಾಡದಲ್ಲಿ ಕಟಿಂಗ್ ಶಾಫ್ ನಡೆಸುವ ಮಂಜುನಾಥ ಜುಂಜವಾಡಕರ್ ಅವರೇ ಹೆದರಿಸಿ ಚಿನ್ನ ಅಪಹರಿಸಿದ ಬಗ್ಗೆ ದೂರಿದ್ದಾರೆ. ದರ್ಶನ್ ಕಮ್ಮಾರ್ ಅವರು ಪೊಲೀಸ್ ಠಾಣೆಗೆ ತೆರಳಿ ಅಜ್ಜಿಯ ಬಳಿಯಿದ್ದ 1.20 ಲಕ್ಷ ರೂ ಮೌಲ್ಯದ 6 ಕೊಳವೆ, 4 ಗುಂಡು, 2 ತಾಳಿಯನ್ನು ಮಂಜುನಾಥ ಜುಂಜವಾಡಕರ್ ಕದ್ದಿರುವ ಬಗ್ಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ವಿಶೇಷ ತನಿಖಾ ತಂಡ ರಚನೆ ಮಾಡಿದ್ದಾರೆ. ಸೆಪ್ಟೆಂಬರ್ 10 ರಂದು ಧಾರವಾಡದ ತಪೋವನ ನಗರದಲ್ಲಿ ಹಳಿಯಾಳ ಮೂಲದ ಮಂಜುನಾಥ ಶಿವಾಜಿ ಜುಂಜವಾಡಕರ ಹಾಗೂ ಧಾರವಾಡದ ಹಳಗೇರಿಯ ಅರ್ಜುನ್ ಬಸಪ್ಪ ಹಡಪದ ಅವರನ್ನು ಬಂಧಿಸಿದ್ದಾರೆ. ಕದ್ದ ಚಿನ್ನದ ಜೊತೆ ಕಳ್ಳತನಕ್ಕೆ ಬಳಸಿದ್ದ ಬೈಕನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಹಾಗೂ ದಾಂಡೇಲಿ ಡಿವೈಎಸ್ಪಿ ಶಿವಾನಂದ ಮದರಕಂಡಿ ಅವರ ಜೊತೆ ಹಳಿಯಾಳ ಸಿಪಿಐ ಭೀಮಣ್ಣ ಸೋರಿ, ಪಿಸೈ ಕುಮಾರ್ ಕಾಂಬಳೆ, ಮಹೇಶ ಮಾಳಿ ಕಾರ್ಯಾಚರಣೆ ನೇತ್ರತ್ವವಹಿಸಿದ್ದಾರೆ. ಪೊಲೀಸ್ ಸಿಬ್ಬಂದಿ ಜಗದೀಶ ಕುಂಬಾರ್, ಶ್ರೀಶೈಲ್ ಜೆ ಎಂ, ವಿನೋದ ಜೆಬಿ, ಲಕ್ಷಣ ಪೂಜಾರಿ, ನಿಂಗಪ್ಪ ಬಳ್ಳಾರಿ, ಮಂಜುನಾಥ ಬಾಲಿ, ಬಸವರಾಜ ತ್ಯಾಪಿ, ಬಸವರಾಜ ಚವಡಿ, ಸೋಹೆಲ್ ನಾಗನೂರು ಅವರು ಈ ವಿಷಯದಲ್ಲಿ ಸಾಹಸ ಮಾಡಿದ್ದಾರೆ. ಗಂಗಾಧರ ತಳಮನಿ ಹಾಗೂ ಉಮೇಶ್ ತೇಲಿ ಅವರು ಜೀಪ್ ಚಾಲಕರಾಗಿದ್ದು, ಅವರು ಕಳ್ಳರ ಪತ್ತೆಗೆ ಶ್ರಮಿಸಿದ್ದಾರೆ.
- [ಫೋನ್ ಪೇ: ದುಡ್ಡು ಕೊಡದೇ ಮೊಬೈಲ್ ಖರೀದಿಸಿದ ಕಳ್ಳ!](https://mobiletime.in/2026/09/phonepe-thief-buys-mobile-without-paying/): ಫೋನ್ ಪೇ ಮೂಲಕ ಹಣ ಪಾವತಿ ಮಾಡಿರುವುದಾಗಿ ಸುಳ್ಳು ಹೇಳಿದ ಕಳ್ಳನೊಬ್ಬ ಮೊಬೈಲ್ ಮಳಿಗೆಯಲ್ಲಿದ್ದ ಮಹಿಳೆಗೆ ನಕಲಿ ಸ್ಕಿನ್‌ಶಾಟ್ ತೋರಿಸಿದ್ದು, ಅದನ್ನು ನೋಡಿದ ಮಹಿಳೆ ಮೊಬೈಲ್ ಕೊಟ್ಟು ಕಳುಹಿಸಿದ್ದಾರೆ. ಖಾತೆಗೆ ಹಣ ಜಮಾ ಆಗದಿರುವುದನ್ನು ಗಮನಿಸಿದಾಗ ಮೋಸ ಹೋಗಿರುವುದು ಗೊತ್ತಾಗಿದೆ. ಕುಮಟಾದ ಹೊಸ ಬಸ್ ನಿಲ್ದಾಣದ ಪಕ್ಕ `ಮಾತೋಶ್ರೀ ಏಜೆನ್ಸೀಸ್’ ಎಂಬ ಮೊಬೈಲ್ ಮಳಿಗೆಯೊಂದಿದೆ. ಕೂಜಳ್ಳಿಯ ಧನಂಜಯ ಮಂಜುನಾಥ ನಾಯ್ಕ ಅವರು ಅಲ್ಲಿ ಮೊಬೈಲ್ ಮಾರಾಟ ಮಾಡುತ್ತಿದ್ದಾರೆ. ಮೊಬೈಲ್ ಮಾರಾಟದ ಕೆಲಸಕ್ಕೆ ಅವರು ಯುವತಿಯೊಬ್ಬರನ್ನು ನೇಮಿಸಿಕೊಂಡಿದ್ದು, ಸೆಪ್ಟೆಂಬರ್ 10ರ ಮಧ್ಯಾಹ್ನ ಮೊಬೈಲ್ ಖರೀದಿಗೆ ಬಂದ ವ್ಯಕ್ತಿಯೊಬ್ಬರು ಆ ಯುವತಿಯನ್ನು ಯಾಮಾರಿಸಿದ್ದಾರೆ. 16700ರೂ ಮೌಲ್ಯದ ರಿಯಲ್ ಮೀ ಮೊಬೈಲ್ ಆರಿಸಿದ ಆ ಅಪರಿಚಿತ ಫೋನ್ ಪೇ ಮೂಲಕ ಹಣ ಪಾವತಿಸಿರುವುದಾಗಿ ಹೇಳಿ, ನಕಲಿ ಸ್ಕಿನ್‌ಶಾಟ್ ಮೆಸೆಜ್ ಕಾಣಿಸಿದ್ದಾರೆ. ಅದಾದ ನಂತರ ಆ ಮೊಬೈಲನ್ನು ಪಡೆದು ಅಲ್ಲಿಂದ ಪರಾರಿಯಾಗಿದ್ದಾರೆ. ಇದಾಗಿ ದಿನ ಕಳೆದರೂ ಖಾತೆಗೆ ಹಣ ಬಾರದ ಬಗ್ಗೆ ಧನಂಜಯ ನಾಯ್ಕ ಅವರು ತಲೆಕೆಡಿಸಿಕೊಂಡಿದ್ದಾರೆ. ಆಗ, ತಾವು ಮೋಸ ಹೋಗಿರುವುದು ಅವರಿಗೆ ಗೊತ್ತಾಗಿದೆ. ಸಿಸಿ ಕ್ಯಾಮರಾ ದೃಶ್ಯಾವಳಿಗಳನ್ನು ಗಮನಿಸಿ ಮೋಸ ಮಾಡಿದವನ ಮುಖ ನೋಡಿದ್ದಾರೆ. ಆತನನ್ನು ಎಲ್ಲಿಯೂ ನೋಡಿದ ನೆನಪಿಲ್ಲದ ಕಾರಣ ಸ್ನೇಹಿತರಲ್ಲಿಯೂ ವಿಚಾರಿಸಿದ್ದಾರೆ. ಆದರೆ, ಮೋಸ ಮಾಡಿ ಮೊಬೈಲ್ ಕದ್ದ ವ್ಯಕ್ತಿ ಬಗ್ಗೆ ಯಾವುದೇ ಸುಳಿವು ಸಿಕ್ಕಿಲ್ಲ. ಹೀಗಾಗಿ ಅವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಧನಂಜಯ ನಾಯ್ಕ ಅವರ ದೂರು ಆಲಿಸಿದ ಕುಮಟಾ ಪೊಲೀಸರು ಮೊಬೈಲ್ ಕಳ್ಳನ ವಿರುದ್ಧ ಕೇಸು ದಾಖಲಿಸಿದ್ದು, ಅಪರಿಚಿತನ ಹುಡುಕಾಟ ಶುರು ಮಾಡಿದ್ದಾರೆ.
- [ವಿದೇಶಿಗರನ್ನು ಆಕರ್ಷಿಸುವ ಸ್ವದೇಶಿ ಮೇಳ](https://mobiletime.in/2026/09/an-indigenous-fair-that-attracts-foreigners/): `ಕಡಿಮೆ ಬೆಲೆಯಲ್ಲಿ ಶಾಪಿಂಗ್ ಮಾಡಬೇಕು. ಅಲ್ಲಿಯೇ ವಿವಿಧ ತಿನಿಸುಗಳನ್ನು ಆಹ್ವಾದಿಸಬೇಕು’ ಎನ್ನುವವರಿಗಾಗಿ ಯಲ್ಲಾಪುರದಲ್ಲಿ `ಸ್ವದೇಶಿ ಮೇಳ’ವನ್ನು ಸಂಘಟಿಸಲಾಗಿದೆ. ಸೆಪ್ಟೆಂಬರ್ 11ರಿಂದ ಶುರುವಾದ ಈ ಮೇಳ ಸೆ 13ರವರೆಗೆ ಲಕ್ಷ್ಮೀವೆಂಕಟ್ರಮಣ ಮಠದ ಸಭಾಭವನದಲ್ಲಿ ನಡೆಯಲಿದೆ. ಗಣೇಶ ಹಬ್ಬದ ಅಂಗವಾಗಿ ಶಿವಮೊಗ್ಗದ ಗಜಮುಖ ಇವೇಂಟ್ಸ ಕಡೆಯಿಂದ ಈ ಮೇಳವನ್ನು ಆಯೋಜಿಸಲಾಗಿದೆ. 20ರೂಪಾಯಿಯಿಂದಲೇ ಇಲ್ಲಿ ವಸ್ತುಗಳ ಮಾರಾಟ ನಡೆಯುತ್ತಿದೆ. ವಿವಿಧ ಸೌಂದರ್ಯ ವರ್ಧಕಗಳು, ಖಾದಿ ಉತ್ಪನ್ನಗಳು, ಇಳಿಕಲ್ ಸೀರೆಗಳು ಜೊತೆ ನಿತ್ಯ ಬಳಕೆಯ ವಸ್ತುಗಳನ್ನು ಇಲ್ಲಿ ಪ್ರದರ್ಶನ ಹಾಗೂ ಮಾರಾಟಕ್ಕಿಡಲಾಗಿದೆ. ಆಯುರ್ವೇದ ಉತ್ಪನ್ನ, ಸಿರಿಧಾನ್ಯ, ಒನ್ ಗ್ರಾಂ ಗೋಲ್ಡ್ ಜ್ಯುವಲರಿಗಳ ಜೊತೆ ಮಕ್ಕಳ ಉಡುಪುಗಳು ಸಹ ಸಾಕಷ್ಟು ಪ್ರಮಾಣದಲ್ಲಿ ಬಂದಿದೆ. ಇದರೊoದಿಗೆ ಬಗೆ ಬಗೆಯ ಉಪ್ಪಿನಕಾಯಿ, ಉತ್ತರ ಹಾಗೂ ದಕ್ಷಿಣ ಭಾರತದ ಆಹಾರ ಪದಾರ್ಥಗಳು ಮಾರಾಟಕ್ಕಿವೆ. ಆಹಾರ ವಿಭಾಗದಲ್ಲಿ ದೋಸೆ, ವಡೆ, ಚಾಟ್ಸ್, ಜಿಲೆಬಿ, ಹೋಳಿಗೆ, ಮೈಸೂರು ಪಾಕ್, ಜಾಮೂನು, ಚಕ್ಕುಳಿ, ಕರ್ಜಿಕಾಯಿ ಸೇರಿ ವಿವಿಧ ತಿನಿಸುಗಳಿವೆ. ನರ್ಸರಿ ಗಿಡಗಳನ್ನು ಸಹ ಇಲ್ಲಿ ಪ್ರದರ್ಶನಕ್ಕಿಡಲಾಗಿದ್ದು, ಅವುಗಳ ಮಾರಾಟವೂ ಜೋರಾಗಿ ನಡೆದಿದೆ. ಉದ್ಯಮಿ ಬಾಲಕೃಷ್ಣ ನಾಯಕ ಅವರು ಈ ಮೇಳವನ್ನು ಉದ್ಘಾಟಿಸಿದ್ದಾರೆ. ನಂತರ ಮಾತನಾಡಿದ ಅವರು `ನಾವೆಲ್ಲರೂ ಹೆಚ್ಚಿನ ಪ್ರಮಾಣದಲ್ಲಿ ಸ್ವದೇಶಿ ವಸ್ತುಗಳನ್ನು ಬಳಸಬೇಕು. ನಮ್ಮ ನೆಲದ ಉದ್ದಿಮೆ ಹಾಗೂ ಕೈಗಾರಿಕೆಗಳಿಗೆ ಉತ್ತೇಜನ ನೀಡಬೇಕು’ ಎಂದು ಕರೆ ನೀಡಿದ್ದಾರೆ. `ಒಂದೇ ಸ್ಥಳದಲ್ಲಿ ಅನೇಕ ಬಗೆಯ ಉತ್ಪನ್ನಗಳಿದ್ದು, ಅದರಿಂದ ಸಾರ್ವಜನಿಕರಿಗೂ ಅನುಕೂಲ. ಸ್ಥಳೀಯ ಉತ್ಪನ್ನಗಳು ಹಾಗೂ ಗೃಹೋದ್ಯಮಗಳಿಗೆ ಮಾರುಕಟ್ಟೆ ಒದಗಿಸುವ ಇಂತಹ ಮೇಳಗಳಿಗೆ ಸಾರ್ವಜನಿಕರು ಹೆಚ್ಚಿನ ಪ್ರೋತ್ಸಾಹ ನೀಡಬೇಕು’ ಎಂದು ಮನವಿ ಮಾಡಿದ್ದಾರೆ. ಮೇಳದ ಆಯೋಜಕ ರಮೇಶ ಎಂ ಅವರು ಅಲ್ಲಿಯೇ ಜನರಿಗೆ ಮಾಹಿತಿ ನೀಡುವ ಕೆಲಸ ಮಾಡುತ್ತಿದ್ದಾರೆ. #sponsored
- [ಗರ್ಭಿಣಿ ಅಪಹರಣ: ಹೋರಾಟಗಾರರ ವಿರುದ್ಧ ಪ್ರಕರಣ!](https://mobiletime.in/2026/09/abduction-of-pregnant-woman-case-registered-against-activists/): ಗರ್ಭಿಣಿಯೊಬ್ಬರ ಅಪಹರಣಕ್ಕೆ ಪ್ರಯತ್ನಿಸಿದ ಆರೋಪದ ಅಡಿ ಪೊಲೀಸರು 10 ಜನರ ವಿರುದ್ಧ ಕೇಸು ದಾಖಲಿಸಿದ್ದಾರೆ. ಸ್ವತಃ ಗರ್ಭಿಣಿ ನೀಡಿದ ದೂರಿನ ಅನ್ವಯ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಈ ಪ್ರಕರಣದಲ್ಲಿ ದೂರುದಾರರು ಸ್ವತಃ ತಮ್ಮ ತಂದೆ-ತಾಯಿ ವಿರುದ್ಧವೂ ಕಾನೂನು ಸಮರ ಸಾರಿದ್ದಾರೆ. ಅಂಕೋಲಾ ತಾಲೂಕಿನ ಅಚವೆಯ ಕುಂಟಕಣಿಯಲ್ಲಿ ಸಿಂಧೂಶ್ರಿ (ಹೆಸರು ಬದಲಿಸಿದೆ) ಅವರು ವಾಸವಾಗಿದ್ದರು. 26 ವರ್ಷದ ಅವರು ಸಂದೇಶ ನಾಯಕ ಎಂಬಾತರನ್ನು ಪ್ರೀತಿಸುತ್ತಿದ್ದು, ಪಾಲಕರ ವಿರೋಧದ ನಡುವೆಯೂ ಅವರನ್ನೇ ಮದುವೆ ಆಗಿದ್ದರು. ಅಂತರಜಾತಿ ವಿವಾಹವಾದ ಕಾರಣ ಕುಟುಂಬದವರು ಅವರ ವಿರುದ್ಧ ಸಿಡಿದೆದ್ದಿದ್ದರು. ಸಿಂಧೂಶ್ರೀ ಅವರಿಗೆ ಬೇರೆ ಮದುವೆ ಮಾಡುವ ಬಗ್ಗೆ ನಿರ್ಧರಿಸಿದ್ದರು. ಇದಕ್ಕಾಗಿ 10 ಜನ ಸೇರಿ ಅವರ ಅಪಹರಣ ಮಾಡಿ, ಗೃಹ ಬಂಧನದಲ್ಲಿರಿಸಿದ್ದು, ಅಪಹರಣದ ವೇಳೆ ಹಲ್ಲೆಯನ್ನು ಮಾಡಿದ ಬಗ್ಗೆ ಅವರು ಪೊಲೀಸರಲ್ಲಿ ದೂರಿದರು. ವಿವಾಹದ ನಂತರ ಸಿಂಧೂಶ್ರೀ ಅವರು ಪತಿಯ ಮನೆಗೆ ಹೋಗಿದ್ದು, `ತಂದೆಗೆ ಹುಷಾರಿಲ್ಲ’ ಎಂದು ಸುಳ್ಳು ಹೇಳಿ ಕುಟುಂಬದವರು ಅವರನ್ನು ತವರುಮನೆಗೆ ಕರೆಯಿಸಿಕೊಂಡಿದ್ದರು. ಅಂಕೋಲಾ ಹೆಗ್ಗಾರಿನ ಪರಮೇಶ್ವರ ಜೋಶಿ ಅವರ ಜೊತೆ ಅಚವೆ ಅಂಗಡಿಬೈಲಿನ ಕೆ ಆರ್ ಸುರೇಶ ಹಾಗೂ ಸುಧಾ ಸುರೇಶ್ ದಂಪತಿ ಅಲ್ಲಿದ್ದರು. ಅವರು ಪ್ರಮೋದ, ಮಾರುತಿ ಘಟ್ಟಿ, ಕಿಟ್ಟಿ, ಮುದ್ದೆಪಾಲ್ ಗಣಪತಿ, ಗಣಪತಿ ನಾಗೇಂದ್ರ ಭಟ್ಟ ಹಾಗೂ ಮತ್ತಿಬ್ಬರು ಅಪರಿಚಿತರ ಜೊತೆ ಸೆಪ್ಟೆಂಬರ್ 9ರ ರಾತ್ರಿ ಸಿಂಧೂಶ್ರೀ ಅವರನ್ನು ಕಾರಿನಲ್ಲಿ ಕರೆದುಕೊಂಡು ಶಿರಸಿ ಕಡೆ ಹೊರಟರು. ವಡ್ಡಿ ಘಾಟ್ ಮಾರ್ಗವಾಗಿ ಕಾರು ಹೊರಟಿತು. ದೇವನಳ್ಳಿ ಬಳಿ ಸಿಂಧೂಶ್ರೀ ಅವರನ್ನು ಕಾರಿನಿಂದ ಒಮ್ಮೆ ಇಳಿಸಿದ್ದು, ನಂತರ ಅಲ್ಲಿಗೆ ಬಂದ ಎರಡು ಕಾರುಗಳ ಮೂಲಕ ಸಿಂಧೂಶ್ರೀ ಅವರ ಅಪಹರಣ ನಡೆಯಿತು. ಆರೋಪಿತರೆಲ್ಲರೂ ಸೇರಿ ಯಲ್ಲಾಪುರದಲ್ಲಿರುವ ಅವರ ಅಜ್ಜಿಮನೆಯಲ್ಲಿ ಗೃಹಬಂಧನದಲ್ಲಿರಿಸಿದರು. ಈ ವೇಳೆ ಸಿಂಧೂಶ್ರೀ ಅವರನ್ನು ಅಪಹರಣಕಾರರು ಥಳಿಸಿದ್ದು, ಈ ವೇಳೆ ಸಿಂಧೂಶ್ರೀ ಅವರು `ತಾನು ಗರ್ಭಿಣಿ’ ಎಂಬ ವಿಷಯವನ್ನು ಅವರು ಬಾಯ್ಬಿಟ್ಟರು. ಅದಾದ ನಂತರ `ಈ ಎಲ್ಲಾ ವಿಷಯವನ್ನು ಯಾರಿಗಾದರೂ ಹೇಳಿದರೆ ಕೊಲೆ ಮಾಡುವೆ’ ಎಂದು ಆ 10 ಜನ ಬೆದರಿಸಿದ್ದು, ಅವರೆಲ್ಲರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು’ ಎಂದು ಸಿಂಧೂಶ್ರೀ ಅವರು ಶಿರಸಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಈ ಎಲ್ಲಾ ವಿಷಯ ಆಲಿಸಿ, ಅದರ ಸತ್ಯಾಸತ್ಯತೆಯ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.  
- [ಗಡಿ ದಾಟಿ ಹೋದ ಪಯ್ಯು ಚೌಟಿ: ಪ್ರಶ್ನೆ-ಪ್ರತಿಭಟನೆ!](https://mobiletime.in/2026/09/payyu-chauti-crosses-the-border-questions-and-protests/): ಶಿರಸಿಯ ಪಯ್ಯು ಚೌಟಿ ಅವರನ್ನು ಉತ್ತರ ಕನ್ನಡ ಜಿಲ್ಲೆಯಿಂದ ಗಡಿಪಾರು ಮಾಡಲಾಗಿದೆ. ಮೇಲಧಿಕಾರಿಗಳ ಆದೇಶದ ಅನ್ವಯ ಪೊಲೀಸರು ಪಯ್ಯು ಚೌಟಿ ಅವರನ್ನು ಬಳ್ಳಾರಿಗೆ ಬಿಟ್ಟು ಬಂದಿದ್ದಾರೆ. ಪಯ್ಯು ಚೌಟಿ ಅವರು ಮೊದಲು ರೌಡಿ ಶೀಟರ್ ಆಗಿ ಗುರುತಿಸಿಕೊಂಡಿದ್ದರು. ಕೆಲ ಅಪರಾಧ ಪ್ರಕರಣಗಳಲ್ಲಿ ಅವರು ಆರೋಪಿಯಾಗಿದ್ದರು. ಈಚೆಗೆ ಅವರು ವಿವಿಧ ಸಾಮಾಜಿಕ ಚಟುವಟಿಕೆಗಳಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡಿದ್ದರು. ರಾಜಕೀಯ ನಾಯಕರ ಜೊತೆ ಅವರು ಸ್ನೇಹ ಬೆಳೆಸಿಕೊಂಡಿದ್ದು, ತಕ್ಕಮಟ್ಟಿಗೆ ಪ್ರಭಾವಶಾಲಿ ವ್ಯಕ್ತಿಯಾಗಿಯೂ ಗುರುತಿಸಿಕೊಂಡಿದ್ದರು. ಜೊತೆಗೆ ತಮ್ಮದೇ ಆದ ಬೆಂಬಲಿಗ ಪಡೆಯನ್ನು ಅವರು ಹೊಂದಿದ್ದರು. ಶಾಂತಿ ಹಾಗೂ ಸುವ್ಯವಸ್ಥೆಗೆ ದಕ್ಕೆ ತರುವ ಆರೋಪದ ಹಿನ್ನಲೆ ಪಯ್ಯು ಚೌಟಿ ಅವರನ್ನು ಗಡಿಪಾರು ಮಾಡುವಂತೆ ಪೊಲೀಸರು ಶಿಫಾರಸ್ಸು ಮಾಡಿದ್ದರು. ಈ ಹಿನ್ನಲೆ ಮೇಲಾಧಿಕಾರಿಗಳು ಪಯ್ಯು ಚೌಟಿ ಅವರನ್ನು ಗಡಿಪಾರು ಮಾಡಿ ಆದೇಶಹೊರಡಿಸಿದ್ದರು. ಈ ಆದೇಶದ ಪ್ರಕಾರ ಶಿರಸಿ ಮಾರುಕಟ್ಟೆ ಠಾಣೆ ಪೊಲೀಸರು ಪಯ್ಯು ಚೌಟಿ ಅವರನ್ನು ಹಿಡಿದು ಬಳ್ಳಾರಿಗೆ ಕರೆದೊಯ್ದರು. ಈ ವಿಷಯ ಅರಿತು ಅವರ ಬೆಂಬಲಿಗರು ಪೊಲೀಸ್ ಠಾಣೆಗೆ ಬಂದು ಪ್ರಶ್ನಿಸಿದರು. ಕೆಲ ಕಾಲ ಪ್ರತಿಭಟನೆಯನ್ನು ನಡೆಸಿದರು. ಅದಾದ ನಂತರ ಪಯ್ಯು ಚೌಟಿ ಅವರ ಪರವಾಗಿ ಅವರ ಬೆಂಬಲಿಗರು ಜಾಲತಾಣದಲ್ಲಿ ಬರೆದುಕೊಂಡಿದ್ದು, `ಹಿಂದೂ-ಮಹಾಗಣಪತಿ ಮಂಡಳಿ ಯಶಸ್ಸು ಸಹಿಸದೇ ಈ ಕೃತ್ಯ ಮಾಡಲಾಗಿದೆ’ ಎಂದು ದೂರಿದ್ದಾರೆ. `ಈ ರೀತಿಯ ಕ್ರಮ ಜರುಗುವ ಮುನ್ಸೂಚನೆ ಹಿನ್ನಲೆ ಪಯ್ಯು ಚೌಟಿ ಅವರು ಮಾನವ ಹಕ್ಕು ಆಯೋಗ ಹಾಗೂ ಪೊಲೀಸ್ ಅಧೀಕ್ಷಕರಿಗೆ ದೂರು ನೀಡಿದ್ದರು’ ಎಂಬ ವಿಷಯವನ್ನು ಬರೆದುಕೊಂಡಿದ್ದಾರೆ. ಸದ್ಯ ಮುಂದಿನ ಆದೇಶದವರೆಗೆ ಪಯ್ಯು ಚೌಟಿ ಅವರು ಉತ್ತರ ಕನ್ನಡಕ್ಕೆ ಬರುವ ಹಾಗಿಲ್ಲ ಎಂದು ಆದೇಶಿಸಿದ್ದಾರೆ.
- [ಅಪಘಾತ: ಊರಿಗೆ ಬಂದವ ತಾಯಿ ಸಾವಿಗೆ ಕಾರಣನಾದ!](https://mobiletime.in/2026/09/accident-man-returning-home-causes-mothers-death/): ಗೋವಾದಲ್ಲಿ ಬೈಕ್ ಓಡಿಸುತ್ತಿದ್ದ ಕುಮಟಾದ ಅರವಿಂದ ದೇಶಭಂಡಾರಿ ಅವರು ಊರಿಗೆ ಬಂದಾಗ ತಾಯಿ ಜೊತೆ ಸಂಚಾರಕ್ಕೆ ಹೊರಟಿದ್ದಾರೆ. ದಿಢೀರ್ ಆಗಿ ಬೈಕಿ ಬ್ರೆಕ್ ಹಾಕಿದ ಪರಿಣಾಮ ನೆಲಕ್ಕೆ ಬಿದ್ಧ ಕಲಾವತಿ ದೇಶಭಂಡಾರಿ ಅವರು ನೋವು ಸಹಿಸಲಾಗದೇ ಸಾವನಪ್ಪಿದ್ದಾರೆ. ಕುಮಟಾದ ಕುಮಟಾ ದಿವಿಗಿ ಅಂತ್ರವಳ್ಳಿಯ ಅರವಿಂದ ಚಂದ್ರಕಾAತ ದೇಶಭಂಡಾರಿ ಅವರು ವಾಸವಾಗಿದ್ದಾರೆ. 46 ವರ್ಷದ ಅವರು ಸದ್ಯ ಗೋವಾದ ಪಣಜಿಯ ಪರವರಿಯಲ್ಲಿ ಬದುಕು ಕಟ್ಟಿಕೊಂಡಿದ್ದಾರೆ. ಅಗಸ್ಟ 31ರಂದು ಊರಿಗೆ ಬಂದಿದ್ದ ಅವರು ತಮ್ಮ ತಾಯಿ ಕಲಾವತಿ ದೇಶಭಂಡಾರಿ ಅವರ ಜೊತೆ ಬೈಕ್ ಸಂಚಾರ ಮಾಡಿದ್ದಾರೆ. ದಿವಗಿ ಶಿಳ್ಳೆ ಘಟ್ಟ ಪ್ರದೇಶದಲ್ಲಿ ಅರವಿಂದ ದೇಶಭಂಡಾರಿ ಬೈಕ್ ಓಡಿಸಿದ್ದು, ಇಳಿಜಾರಿನಲ್ಲಿಯೂ ಅವರು ಬೈಕಿನ ವೇಗ ಕಡಿಮೆ ಮಾಡಿಲ್ಲ. ಈ ವೇಳೆ ಆ ರಸ್ತೆಯಲ್ಲಿ ದನ ಅಡ್ಡ ಬಂದಿದ್ದು, ಆ ಜಾನುವಾರು ನೋಡಿದ ಅರವಿಂದ ದೇಶಭಂಡಾರಿ ಅವರು ದಿಢೀರ್ ಆಗಿ ಬೈಕಿನ ಬ್ರೆಕ್ ಹಾಕಿದ್ದಾರೆ. ಪರಿಣಾಮ ಬೈಕಿನಲ್ಲಿ ಹಿಂದೆ ಕೂತಿದ್ದ ಕಲವಾತಿ ದೇಶಭಂಡಾರಿ ಅವರು ನೆಲಕ್ಕೆ ಬಿದ್ದಿದ್ದಾರೆ. ಗಂಭೀರ ಗಾಯಗೊಂಡ ಕಲಾವತಿ ಅವರನ್ನು ಕುಮಟಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಲಾಗಿದೆ. ಅದಾದ ನಂತರ ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಲ್ಲಿಯೂ ಚೇತರಿಸಿಕೊಳ್ಳದ ಕಾರಣ ಮಂಗಳೂರಿನ ಜನಪ್ರಿಯ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸುವ ಪ್ರಯತ್ನ ನಡೆದಿದೆ. ಆದರೆ, ಇದರಿಂದ ಯಾವ ಪ್ರಯೋಜನವೂ ಆಗಿಲ್ಲ. ಸೆಪ್ಟೆಂಬರ್ 10ರ ರಾತ್ರಿ ಕಲಾವತಿ ದೇಶಭಂಡಾರಿ ಅವರು ತಮ್ಮ 63ನೇ ವಯಸ್ಸಿನಲ್ಲಿ ಪ್ರಾಣ ಬಿಟ್ಟಿದ್ದಾರೆ. ತಾಯಿ ಮರಣದ ಬಗ್ಗೆ ಪಾಸ್ಟಪುಡ್ ಮಾರುವ ನಾರಾಯಣ ಚಂದ್ರಕಾAತ ದೇಶಭಂಡಾರಿ ಅªರು ಪೊಲೀಸರಿಗೆ ಮಾಹಿತಿ ನೀಡಿ, ಸಹೋದರನ ವಿರುದ್ಧ ಕೇಸು ಮಾಡಿದ್ದಾರೆ. `ನಿಧಾನವಾಗಿ ವಾಹನ ಓಡಿಸಿ’
- [ಪಾದಚಾರಿಗೆ ಗುದ್ದಿದ ಕಾರು: ಸಾವು!](https://mobiletime.in/2026/09/car-hits-pedestrian-death/): ಭಟ್ಕಳದ ಹೆದ್ದಾರಿ ಪಕ್ಕ ನಿಂತಿದ್ದ ಕುಮಾದ ವ್ಯಕ್ತಿಯೊಬ್ಬರಿಗೆ ಕಾರು ಡಿಕ್ಕಿ ಹೊಡೆದಿದೆ. ಹೀಗಾಗಿ ಕುಮಟಾದ ಪರಮೇಶ್ವರ ದೇವಾಡಿಗ ಅವರು ಸಾವನಪ್ಪಿದ್ದಾರೆ. ಕುಮಟಾದ ಪರಮೇಶ್ವರ ರಾಮ ದೇವಾಡಿಗ (62) ಅವರು ಭಟ್ಕಳದ ಮುಂಡಳ್ಳಿಯಲ್ಲಿ ವಾಸವಾಗಿದ್ದರು. ತಮ್ಮ ಆಪ್ತರ ಮನೆಯಲ್ಲಿ ಅವರು ಜೀವನ ನಡೆಸುತ್ತಿದ್ದರು. ಗುರುವಾರ ಭಟ್ಕಳ ರಾಷ್ಟ್ರೀಯ ಹೆದ್ದಾರಿ-66ರಲ್ಲಿ ರಸ್ತೆ ಬದಿಯಲ್ಲಿ ನಿಂತಿದ್ದ ಅವರಿಗೆ ಕಾರು ಡಿಕ್ಕಿ ಹೊಡೆದಿದ್ದು, ಜಾಲಿ ಕ್ರಾಸ್ ನಡೆದ ದುರಂತದಲ್ಲಿ ಅವರು ಕೊನೆಯಾದರು. ಪರಮೇಶ್ವರ ದೇವಾಡಿಗ ಅವರು ಅವರು ಸಂಬoಧಿಕರೊಬ್ಬರೊAದಿಗೆ ಮಾತನಾಡುತ್ತಾ ರಸ್ತೆ ಬದಿಯಲ್ಲಿ ನಿಂತಿದ್ದರು. ಈ ವೇಳೆ ಶಿರೂರಿನಿಂದ ಹೊನ್ನಾವರದತ್ತ ತೆರಳುತ್ತಿದ್ದ ಕಾರು ಏಕಾಏಕಿ ಅವರಿಗೆ ಡಿಕ್ಕಿ ಹೊಡೆಯಿತು. ಡಿಕ್ಕಿಯ ಪರಿಣಾಮ ಪರಮೇಶ್ವರ ಅವರಿಗೆ ಗಂಭೀರ ಗಾಯಗಳಾಗಿದ್ದು, ತಕ್ಷಣ ಅವರನ್ನು ಸಮೀಪದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಅದರಿಂದ ಪ್ರಯೋಜನ ಆಗಲಿಲ್ಲ. ಪರಮೇಶ್ವರ ಅವರು ಅಪಘಾತ ಸಂಭವಿಸುವ ಕೇವಲ ಎರಡು ದಿನಗಳ ಹಿಂದಷ್ಟೇ ಭಟ್ಕಳದ ಖಾಸಗಿ ಆಸ್ಪತ್ರೆಯೊಂದರಲ್ಲಿ ವಾಚ್‌ಮನ್ ಆಗಿ ಕೆಲಸಕ್ಕೆ ಸೇರಿದ್ದರು. ಜೀವನಕ್ಕಾಗಿ ಕೆಲಸ ಅರೆಸಿ ಪಕ್ಕದ ತಾಲೂಕಿಗೆ ಹೋಗಿದ್ದ ಅವರು ಅಲ್ಲಿಯೇ ಕೊನೆಯಾದರು.
- [ಮಕ್ಕಳಿಲ್ಲದ ಶಾಲೆಗಳನ್ನು ನಮಗೆ ಕೊಡಿ!](https://mobiletime.in/2026/09/give-us-the-closed-schools/): `ಅನೇಕ ಶಾಲೆಗಳು ಮಕ್ಕಳಿಲ್ಲದೇ ಮುಚ್ಚಿದ್ದು, ಅಂಥವುಗಳನ್ನು ಗುಡಿ ಕೈಗಾರಿಕೆ ನಡೆಸುವವರಿಗೆ ಕೊಡಬೇಕು’ ಶಿರಸಿಯ ಸಮಾನ ಮನಸ್ಕರು ಉಪಮುಖ್ಯಮಂತ್ರಿ ಜಿ ಪರಮೇಶ್ವರ ಅವರಿಗೆ ಪತ್ರ ಬರೆದಿದ್ದಾರೆ. `17 ವರ್ಷದ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ 142 ಸರ್ಕಾರಿ ಶಾಲೆಗಳು ಮುಚ್ಚಿದ್ದು, ಅದನ್ನು ಹಿಂದುಳಿದ ಬಡ ಮಹಿಳೆಯರ ಗುಡಿ ಕೈಗಾರಿಕೆಗೆ ನೀಡಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅನೇಕ ಮಹಿಳೆಯರು ಗೃಹ ಕೈಗಾರಿಕೆ, ಗುಡಿ ಕೈಗಾರಿಕೆ ನಡೆಸಿಕೊಂಡು ಜೀವನ ನಡೆಸುತ್ತಿದ್ದಾರೆ. ಚಿಪ್ಸ್ ತಯಾರಿಕೆ, ತಿನಿಸುಗಳ ಸಿದ್ಧಪಡಿಸುವಿಕೆ, ಹೂ-ಹಣ್ಣು ಪ್ರದರ್ಶನ ಮತ್ತು ಮಾರಾಟ, ನೆಯ್ಗೆ, ಹೊಲಿಗೆಯಂಥ ಕಸೂತಿ ಕೆಲಸ ಮಾಡಿ ಸ್ವ ಉದ್ಯೋಗ ಮಾಡಿಕೊಂಡವರಿದ್ದಾರೆ. ಖಾಲಿ ಬಿದ್ದ ಸರ್ಕಾರಿ ಶಾಲೆಗಳ ಕಟ್ಟಡವನ್ನು ಅಂಥವರಿಗೆ ನೀಡಿದರೆ ಅದರ ಸದ್ಬಳಕೆ ಆಗಲಿದೆ’ ಎಂದು ಶಿರಸಿ ಮುಖ್ಯನಾಲಾ (ರಾಜಕಾಲುವೆ) ಮತ್ತು ಶಿರಸಿ ನಗರಾಭಿವೃದ್ಧಿ ಹೋರಾಟ ಸಮಿತಿ (ನಗರ ಮತ್ತು ಗ್ರಾಮೀಣ) ಸಂಘಟನೆಯವರು ಸರ್ಕಾರಕ್ಕೆ ಪತ್ರ ಬರೆದಿದ್ದಾರೆ. `ಶಿಕ್ಷಣ ಸಂಸ್ಥೆ ಹಾಗೂ ಧಾರ್ಮಿಕ ಸಂಸ್ಥೆಗಳಿಗೆ ಯಾವ ಉದ್ದೇಶಕ್ಕೆ ಭೂಮಿ ನೀಡಲಾಗಿದೆಯೋ ಅದೇ ಉದ್ದೇಶಕ್ಕೆ ಬಳಸದೇ ಇದ್ದರೆ ಅದನ್ನು ಹಿಂಪಡೆಯುವುದಾಗಿ ವಿಧಾನ ಪರಿಷತ್ ಉತ್ತರಿಸಿದೆ. ವಿಧಾನ ಪರಿಷತ್ ಸದಸ್ಯ ಶಿವಕುಮಾರ ಅವರು ಕೇಳಿದ ಪ್ರಶ್ನೆಗೆ ಅಗಸ್ಟ 19ರಂದು ಈ ಉತ್ತರ ಸಿಕ್ಕಿರುವುದು ಸಮಾಧಾನಕರ. ಹೀಗೆ ಶಾಶ್ವತವಾಗಿ ಬಾಗಿಲು ಹಾಕಿದ ಶಾಲೆಗಳ ಸಬ್ದಳಕೆ ಮಾಡುವುದು ಮುಖ್ಯವಾಗಿದ್ದು, ಗ್ರಾಮೀಣ ಪ್ರವಾಸೋದ್ಯಮ ಬೆಳಸುವುದಕ್ಕಾಗಿ ಶಾಲಾ ಕಟ್ಟಡವನ್ನು ಗುಡಿ ಕೈಗಾರಿಕೆಗೆ ಕೊಡಬೇಕು. ಪ್ರವಾಸಿಗರ ಆಕರ್ಷಣೆ ಹೆಚ್ಚಿಸಲು ಅಲ್ಲಿ ಮಾರಾಟ ಕೇಂದ್ರಗಳನ್ನು ಸ್ಥಾಪಿಸಬೇಕು’ ಎಂದು ಸಂಘಟನೆಯ ದೀಪಕ ರೇವಣಕರ್, ಜಿ ಎಲ್ ಹೆಗಡೆ ಹಾಗೂ ಪತ್ರಕರ್ತ ಅಶೋಕ ಹಾಸ್ಯಗಾರ ಅವರು ಮನವಿ ಸಲ್ಲಿಸಿದ್ದಾರೆ.  
- [ರೀಲ್ಸ್: ಇಲ್ಲಿನ ಎಲ್ಲಾ ಜಾಹೀರಾತು ಸತ್ಯವಲ್ಲ!](https://mobiletime.in/2026/09/reels-not-all-advertisements-here-are-true/): ಗೊತ್ತು-ಗುರಿಯಿಲ್ಲದ ವ್ಯಾಪಾರಿಗಳ ಬಗ್ಗೆ ಉತ್ತರ ಕನ್ನಡದಲ್ಲಿಯೂ ಅನೇಕರು ರೀಲ್ಸ್ ಮಾಡುತ್ತಿದ್ದು, ರೀಲ್ಸ್ ಮೂಲಕ ಬಂದ ಜಾಹೀರಾತು ನಂಬಿದ ವ್ಯಕ್ತಿಯೊಬ್ಬರು 1.95 ಲಕ್ಷ ರೂ ಕಳೆದುಕೊಂಡಿದ್ದಾರೆ. ನಂಬಿಕೆಗೆ ಅರ್ಹವಲ್ಲದ ಅಪರಿಚಿತರ ಕುರಿತು ಇನ್‌ಫ್ಲಯುಯೇನ್ಸರ್ಸ ಮಾಡಿದ ತಪ್ಪಿಗೆ ಅಮಾಯಕರು ಹಣ ಕಳೆದುಕೊಳ್ಳುತ್ತಿದ್ದಾರೆ. ಜೊಯಿಡಾದ ರಾಮನಗರದ ರಾಮಲಿಂಗಗಲ್ಲಿಯಲ್ಲಿ ಮಂಗೇಶ ನರಸಿಂಹ ಕಾಮತ್ ಅವರು ವಾಸವಾಗಿದ್ದಾರೆ. ತಮ್ಮ 50ನೇ ವಯಸ್ಸಿನಲ್ಲಿ ಅವರು ಕಷ್ಟಪಟ್ಟು ಮನೆ ನಿರ್ಮಾಣದ ಸಾಹಸಕ್ಕೆ ಮುಂದಾಗಿದ್ದಾರೆ. ಆಗಾಗ ಅವರು ರೀಲ್ಸ್ ನೋಡುವ ಅವರಿಗೆ ಅಲ್ಲಿ ಮನೆ ನಿರ್ಮಾಣ ಸಲಹೆಗಳು ದೊರೆಯುತ್ತಿದೆ. ಜೊತೆಗೆ ವಿವಿಧ ಉತ್ಪನ್ನಗಳ ಬಗ್ಗೆ ರೀಲ್ಸ್ ಮೂಲಕ ಪ್ರಚಾರ ನಡೆಯುತ್ತಿರುವುದನ್ನು ಅವರು ನಂಬಿದ್ದಾರೆ. ಹೀಗಿರುವಾಗ ಫೇಸ್ಬುಕ್ ರೀಲ್ಸ್ ಮೂಲಕ ಬಂದ ಜಾಹೀರಾತೊಂದು ಅವರನ್ನು ಆಕರ್ಷಿಸಿದೆ. ರೀಲಿಂಗ್, ಸ್ಲೆಡಿಂಗ್ ವರ್ಕ ಮಾಡುವ ಕುರಿತು ವ್ಯಕ್ತಿಯೊಬ್ಬರು ಮಾಡಿದ ವಿಡಿಯೋ ನೋಡಿದ ಅವರು ಆ ಕೆಲಸ ಮಾಡುವವರು ಎಂದು ಬಿಂಬಿಸಲಾದ ವ್ಯಕ್ತಿಗೆ ಫೋನ್ ಮಾಡಿದ್ದಾರೆ. ಫೋನ್ ರಿಸಿವ್ ಮಾಡಿದ ವ್ಯಕ್ತಿ ತಮ್ಮನ್ನು ಹುಬ್ಬಳ್ಳಿಯ ಪೂನಮರಾಮ ಬಿಸ್ನೋಯಿ ಎಂದು ಪರಿಚಯಿಸಿಕೊಂಡಿದ್ದಾರೆ. ಮೇ 9ರಂದು ಅವರ ನಡುವೆ ಮಾತುಕಥೆ ನಡೆದಿದ್ದು, `ತಮ್ಮ ಮನೆಗೆ ಇಂಟಿರಿಯಲ್ ರೀಲಿಂಗ್, ಸ್ಲೆöÊಡಿಂಗ್ ವರ್ಕ ಮಾಡಿಕೊಡುವಂತೆ ಮಂಗೇಶ ಕಾಮತ್ ಅವರು ಕೇಳಿಕೊಂಡಿದ್ದಾರೆ. ಈ ಕೆಲಸ ಮಾಡುವುದಕ್ಕಾಗಿ ಪೂನಮರಾಮ ಬಿಸ್ನೋಯಿ ಅವರು 5.50 ಲಕ್ಷ ರೂ ಖರ್ಚಾಗುವ ಬಗ್ಗೆ ಹೇಳಿ ವ್ಯವಹಾರ ಕುದುರಿಸಿದ್ದಾರೆ. ಮಾತುಕಥೆ ಪ್ರಕಾರ ಮೇ 10ರಂದು ಮಂಗೇಶ ಕಾಮತ್ ಅವರು 45 ಸಾವಿರ ರೂ ವರ್ಗಾಯಿಸಿದ್ದಾರೆ. ಆದರೆ, ಅದಾದ ನಂತರ ಪೂನಮರಾಮ್ ಬಿಸ್ನೋಯಿ ಅವರು ಮಾತಿಗೆ ಸಿಕ್ಕಿಲ್ಲ. ಫೋನ್ ಮಾಡಿದರೂ ರಿಸಿವ್ ಮಾಡಿಲ್ಲ. ಪದೇ ಪದೇ ಫೋನ್ ಮಾಡಿದಾಗ ಸಿಕ್ಕಿದ ಪೂನಮರಾಮ ಬಿಸ್ನೋಯಿ ಅವರು `ಕೆಲಸಗಾರರು ಇಲ್ಲ. ಅವರು ಬಂದ ತಕ್ಷಣ ಕೆಲಸ ಮಾಡಿಸುವೆ’ ಎಂದಿದ್ದಾರೆ. ಅದಾದ ನಂತರ ಪೂನಮರಾಮ ಬಿಸ್ನೋಯಿ ಅವರೇ ಮತ್ತೆ ಫೋನ್ ಮಾಡಿ `ನಾಳೆಯಿಂದಲೇ ಕೆಲಸ ಶುರು ಮಾಡುವೆ. ಮತ್ತೆ 2 ಲಕ್ಷ ರೂ ಹಾಕಿ’ ಎಂದಿದ್ದಾರೆ. ಆಗ, ಪೂನಮರಾಮ ಬಿಸ್ನೋಯಿ ಅವರ ಸೂಚನೆ ಮೇರೆಗೆ ಮಂಗೇಶ ಕಾಮತ್ ಅವರು 1.45 ಲಕ್ಷ ರೂಪಾಯಿಯನ್ನು ಗೋಪಿಕಿಶನ್ ಎಂಬಾತರಿಗೆ ವರ್ಗಾಯಿಸಿದ್ದಾರೆ. ಆದರೆ, ಈವರೆಗೂ ಮಂಗೇಶ ಕಾಮತ್ ಅವರ ಮನೆ ಕೆಲಸಕ್ಕೆ ಪೂನಮರಾಮ ಬಿಸ್ನೋಯಿ ಅವರ ಜನ ಬಂದಿಲ್ಲ. ಪೂನಮರಾಮ ಬಿಸ್ನೋಯಿ ಅವರು ಸಹ ಫೋನಿಗೆ ಸಿಗುತ್ತಿಲ್ಲ. ಚಂದದ ರೀಲ್ಸ್ ನೋಡಿ 1.95 ಲಕ್ಷ ರೂ ಕಳೆದುಕೊಂಡ ಮಂಗೇಶ ಕಾಮತ್ ಅವರು 1930 ಸೈಬರ್ ಸಹಾಯವಾಣಿಗೆ ಫೋನ್ ಮಾಡಿದ್ದಾರೆ. ತಮಗಾದ ಮೋಸದ ಬಗ್ಗೆ ದೂರು ನೀಡಿದ್ದಾರೆ. ಅದಾಗಿಯೂ ಅವರ ಹಣ ಮರಳಿ ಸಿಕ್ಕಿಲ್ಲ. ಮೋಸ ಹೋದ ಬಗ್ಗೆ ಅರಿತ ಅವರು ರಾಮನಗರ ಪೊಲೀಸ್ ಠಾಣೆಗೆ ಬಂದು ಎಲ್ಲಾ ವಿಷಯ ಹೇಳಿದ್ದಾರೆ. ಪೊಲೀಸರು ಸಮಾಧಾನ ಮಾಡಿ, ಪ್ರಕರಣ ದಾಖಲಿಸಿದ್ದಾರೆ.
- [ಸ್ಪರ್ಧಾತ್ಮಕ ಪರೀಕ್ಷೆ: ಸರ್ಕಾರಿ ಕಾಲೇಜಿನಲ್ಲಿ ಉಚಿತ ತರಬೇತಿ](https://mobiletime.in/2026/09/competitive-exams-free-training-at-government-college/): ಕಾರವಾರದ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಕಲಿಯುವವರಿಗೆ ಉಚಿತವಾಗಿ ಸಿಇಟಿ, ನೀಟ್ ಹಾಗೂ ಜೆಇಇ ಪರೀಕ್ಷೆಗಳಿಗೆ ಉಚಿತ ತರಬೇತಿ ನೀಡಲಾಗುತ್ತಿದೆ. ವಿದ್ಯಾರ್ಥಿಗಳಿಗೆ ಉನ್ನತ ಶಿಕ್ಷಣ ಹಾಗೂ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಯಶಸ್ಸು ಸಾಧಿಸಲು ಸರ್ಕಾರವೇ ಈ ತರಬೇತಿ ನೀಡುತ್ತಿದೆ. ಕರ್ನಾಟಕ ರಾಜ್ಯ ಮಾರ್ಕೇಟಿಂಗ್ ಕಮ್ಯೂನಿಕೇಷನ್ ಅಂಡ್ ಅಡ್ವರ್ಟೈಸಿಂಗ್ ಏಜೆನ್ಸಿ ಲಿಮಿಟೆಡ್ ಅಧ್ಯಕ್ಷ ಹಾಗೂ ಶಾಸಕ ಸತೀಶ ಸೈಲ್ ಅವರು ಈ ಬಗ್ಗೆ ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ. ಶುಕ್ರವಾರ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಶಾಲಾ ಶಿಕ್ಷಣ ಇಲಾಖೆ (ಪದವಿಪೂರ್ವ) ಹಾಗೂ ಕಾಲೇಜಿನ ಸಂಯುಕ್ತ ಆಶ್ರಯದಲ್ಲಿ 2026-27ನೇ ಸಾಲಿನ ವಿಜ್ಞಾನ ವಿಭಾಗದ ವಿದ್ಯಾರ್ಥಿಗಳಿಗಾಗಿ ಪ್ರಥಮ ಬಾರಿಗೆ ಆರಂಭಿಸಲಾದ ಆಫ್‌ಲೈನ್ ಇಂಟಿಗ್ರೇಟೆಡ್ ಸಿಇಟಿ ಕೋಚಿಂಗ್ ತರಗತಿಗಳ ಉದ್ಘಾಟನೆಯನ್ನು ಅವರು ಮಾಡಿದ್ದಾರೆ. `ಕಾರವಾರದ ಸರ್ಕಾರಿ ಪದವಿಪೂರ್ವ ಕಾಲೇಜು ರಾಜ್ಯದಲ್ಲಿಯೇ ಮಾದರಿ ಕಾಲೇಜು ಆಗಿ ಗುರುತಿಸಿಕೊಂಡಿದೆ. ಇಲ್ಲಿ 1,258 ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು, ಅವರಿಗೆ ಗುಣಮಟ್ಟದ ಉನ್ನತ ಶಿಕ್ಷಣ ದೊರೆಯಬೇಕು ಎಂಬ ಉದ್ದೇಶದಿಂದ ಈ ಕಾಲೇಜನ್ನು ಸಿಇಟಿ ತರಬೇತಿ ಕಾರ್ಯಕ್ರಮಕ್ಕೆ ಆಯ್ಕೆ ಮಾಡಲಾಗಿದೆ’ ಎಂದವರು ಹೇಳಿದ್ದಾರೆ. `ಈ ಕಾಲೇಜಿನ ಉಪನ್ಯಾಸಕರು ಉತ್ತಮವಾಗಿ ಬೋಧನೆ ಮಾಡುವ ಮೂಲಕ ವಿದ್ಯಾರ್ಥಿಗಳ ಭವಿಷ್ಯ ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದ್ದಾರೆ ಅತಿಥಿ ಉಪನ್ಯಾಸಕರ ವೇತನ ಹೆಚ್ಚಳದ ಕುರಿತು ಮುಖ್ಯಮಂತ್ರಿ ಹಾಗೂ ಶಾಲಾ ಶಿಕ್ಷಣ ಇಲಾಖೆಯ ಸಚಿವರ ಗಮನಕ್ಕೆ ತಂದು ವೇತನ ಹೆಚ್ಚಳಕ್ಕೆ ಪ್ರಯತ್ನಿಸಲಾಗುತ್ತದೆ’ ಎಂಬ ಭರವಸೆ ನೀಡಿದ್ದಾರೆ. `ವಿದ್ಯಾರ್ಥಿಗಳು ಕೃತಕ ಬುದ್ಧಿಮತ್ತೆ (AI) ದುರ್ಬಳಕೆ ಮಾಡಿಕೊಳ್ಳದೆ, ಸ್ವಂತ ಜ್ಞಾನ ಮತ್ತು ಚಿಂತನಾ ಸಾಮರ್ಥ್ಯವನ್ನು ಬೆಳೆಸಿಕೊಳ್ಳಬೇಕು. ಪಿಯುಸಿ ಶಿಕ್ಷಣವು ಮುಂದಿನ ಉನ್ನತ ಶಿಕ್ಷಣಕ್ಕೆ ಬುನಾದಿಯಾಗಿರುವುದರಿಂದ ಪಾಲಕರು ಮಕ್ಕಳ ಶಿಕ್ಷಣದ ಬಗ್ಗೆ ಹೆಚ್ಚಿನ ಮುತುವರ್ಜಿವಹಿಸಬೇಕು’ ಎಂದವರು ಸಲಹೆ ನೀಡಿದರು. `ಪರೀಕ್ಷೆಯಲ್ಲಿ ಹೆಚ್ಚು ಅಂಕ ಗಳಿಸುವುದಷ್ಟೇ ಮುಖ್ಯವಲ್ಲ. ಸಂವಹನ ಕಲೆ ಹಾಗೂ ಕ್ರಿಯಾತ್ಮಕ ಚಟುವಟಿಕೆಗಳನ್ನು ಬೆಳೆಸಿಕೊಳ್ಳಬೇಕು. ವೇದಿಕೆ ಭಯ ಹೋಗಲಾಡಿಸಲು ಸಂಗೀತ, ಸಾಹಿತ್ಯ ಸೇರಿದಂತೆ ಪಠ್ಯೇತರ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಬೇಕು’ ಎಂದರು. ಕಾಲೇಜಿನ ಪ್ರಾಂಶುಪಾಲ ರಮೇಶ್ ಎಸ್. ಪತ್ರೇಕರ್ ಅವರು ಮಾತನಾಡಿ `ಸರ್ಕಾರ ಜಾರಿಗೊಳಿಸಿದ್ದ ಆನ್‌ಲೈನ್ ತರಬೇತಿಗಳು ನಿರೀಕ್ಷಿತ ಮಟ್ಟದಲ್ಲಿ ಯಶಸ್ವಿಯಾಗದ ಹಿನ್ನೆಲೆಯಲ್ಲಿ ಇದೀಗ ಆಯಾ ಕಾಲೇಜುಗಳಲ್ಲಿಯೇ ಉಪನ್ಯಾಸಕರ ಮೂಲಕ ಸಿಇಟಿ, ನೀಟ್ ಹಾಗೂ ಜೆಇಇ ತರಬೇತಿ ನೀಡುವ ವ್ಯವಸ್ಥೆ ಜಾರಿಗೆ ತರಲಾಗಿದೆ. ಪ್ರಥಮ ಪಿಯುಸಿಯಿಂದಲೇ ಸ್ಪರ್ಧಾತ್ಮಕ ಪರೀಕ್ಷೆಗಳ ಕುರಿತು ವಿದ್ಯಾರ್ಥಿಗಳಿಗೆ ಕಲ್ಪನೆ ಹಾಗೂ ಸೂಕ್ತ ಮಾರ್ಗದರ್ಶನ ದೊರೆಯುವುದರಿಂದ ಅವರ ಭವಿಷ್ಯಕ್ಕೆ ಇದು ದೊಡ್ಡ ಬೆಂಬಲವಾಗಲಿದೆ’ ಎಂದು ಹೇಳಿದರು. `ಪ್ರತಿ ಅಧ್ಯಾಯ ಪೂರ್ಣಗೊಂಡ ಬಳಿಕ ಯುನಿಟ್ ಪರೀಕ್ಷೆ ನಡೆಸಿ, ವಿದ್ಯಾರ್ಥಿಗಳ ಪ್ರಗತಿ ವರದಿಯನ್ನು ಪೋಷಕರಿಗೆ ತಲುಪಿಸುವ ವ್ಯವಸ್ಥೆ ಮಾಡಲಾಗಿದೆ. ವಿದ್ಯಾರ್ಥಿಗಳ ಉಜ್ವಲ ಭವಿಷ್ಯ ರೂಪಿಸುವಲ್ಲಿ ಉಪನ್ಯಾಸಕರ ಜತೆಗೆ ಪೋಷಕರು ಪ್ರಮುಖ ಸ್ತಂಭಗಳಾಗಿದ್ದು, ಮಕ್ಕಳ ಶಿಕ್ಷಣದ ಬಗ್ಗೆ ಹೆಚ್ಚಿನ ಕಾಳಜಿವಹಿಸಬೇಕು’ ಎಂದರು. ಕಾರ್ಯಕ್ರಮದಲ್ಲಿ ಕಾಲೇಜು ಅಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷ ಜಿ.ಪಿ ನಾಯ್ಕ, ಹಿರಿಯ ಉಪನ್ಯಾಸಕರಾದ ಸತೀಶ ಜಿ ಬಿಳ್ಕೋಡಿ, ವಿದ್ಯಾ ಕೌರೆ, ಉಪನ್ಯಾಸಕರು, ಪಾಲಕರು ವಿದ್ಯಾರ್ಥಿಗಳು ಮತ್ತಿತರರು ಇದ್ದರು.
- [ಗಣೇಶ ಹಬ್ಬ: ಸರಾಯಿ ಮಾರಾಟ ಸಂಪೂರ್ಣ ನಿಷೇಧ!](https://mobiletime.in/2026/09/ganesha-festival-complete-ban-on-liquor-sales/): ಗಣೇಶ ಹಬ್ಬದ ಅವಧಿಯಲ್ಲಿ ಕೆಲವರು ಮದ್ಯಪಾನ ಮಾಡಿ ಮಹಿಳೆಯರಿಗೆ ತೊಂದರೆ ನೀಡುವುದನ್ನು ಗಂಭೀರವಾಗಿ ಪರಿಗಣಿಸಿದ ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ಗಣೇಶ ಮೂರ್ತಿ ವಿಸರ್ಜನಾ ಮೆರವಣಿಗೆ ನಡೆಯುವ ದಿನ ಸರಾಯಿ ನಿಷೇಧ ಮಾಡಿ ಆದೇಶ ಹೊರಡಿಸಿದ್ದಾರೆ. ಬೇರೆ ಬೇರೆ ದಿನಗಳಂದು ಬೇರೆ ಬೇರೆ ಊರುಗಳಲ್ಲಿ ಗಣೇಶ ಮೂರ್ತಿ ವಿಸರ್ಜನೆ ನಡೆಯಲಿದ್ದು, ಅದರ ಅನುಗುಣವಾಗಿ ಮದ್ಯ ನಿಷೇಧ ಜಾರಿಯಾಗುವಂತೆ ಅವರು ಈ ಆದೇಶ ಹೊರಡಿಸಿದ್ದಾರೆ. ಅದರ ಪ್ರಕಾರ, ಭಟ್ಕಳ ಶಹರ ವ್ಯಾಪ್ತಿಯಲ್ಲಿ ಸೆಪ್ಟೆಂಬರ್ 16ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಹಾಗೂ ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆಪ್ಟೆಂಬರ್ 14ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಸರಾಯಿ ಮಾರಾಟ ಹಾಗೂ ಸಾಗಾಟ ನಿಷೇಧಿಸಲಾಗಿದೆ. ಮುರ್ಡೇಶ್ವರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ 24ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರಗೆ, ಮಂಕಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ 16ರ ಬೆಳಗ್ಗೆ 6 ಗಂಟೆಯಿoದ 48 ಗಂಟೆಯವರೆಗೆ ಹಾಗೂ ಸೆ.20 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಈ ನಿಷೇಧ ಜಾರಿಯಲ್ಲಿರಲಿದೆ. ಹೊನ್ನಾವರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ 18ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಹಾಗೂ ಸೆ 22 ರ ಬೆಳ್ಳಗೆ 6 ಗಂಟೆಯಿoದ 24 ಗಂಟೆಯವರೆಗೆ ಸರಾಯಿ ಮಾರಾಟವನ್ನು ನಿಷೇಧಿಸಲಾಗಿದೆ. ಕುಮಟಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ 18ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರಗೆ ಮತ್ತು ಸೆ.20ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಈ ನಿಷೇಧ ಜಾರಿಯಲ್ಲಿರಲಿದೆ. ಗೋಕರ್ಣ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ 17ರ ಬೆಳಗ್ಗೆ 6 ಗಂಟೆಯಿoದ 48 ಗಂಟೆಯವರೆಗೆ ಸರಾಯಿ ನಿಷೇಧಿಸಲಾಗಿದೆ. ಕಾರವಾರ ಶಹರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ 18ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರಗೆ ಹಾಗೂ ಸೆ 20ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ, ಸೆ.22 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಸೆ.24 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರಗೆ ಮದ್ಯ ಮಾರಾಟ ನಿಷೇಧಿಸಿದೆ. ಮಲ್ಲಾಪುರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ.20 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರಗೆ, ಸೆ.22 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಅಂಕೋಲಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ.15 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರಗೆ, ಸೆ.18 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ, ಸೆ.20 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ, ಸೆ.22 ರ ಬೆಳಗ್ಗೆ 6 ಗಂಟೆಯಿAದ ಸೆ.25 ರ ಬೆಳಗ್ಗೆ 6 ಗಂಟೆಯವರೆಗೆ ಈ ಆದೇಶ ಜಾರಿಯಲ್ಲಿರಲಿದೆ. ಶಿರಸಿ ತಾಲೂಕು ವ್ಯಾಪ್ತಿಯಲ್ಲಿ ಸೆ.18 ರ ಬೆಳಗ್ಗೆ 6 ಗಂಟೆಯಿAದ ಸೆ.20 ರ ಬೆಳಗ್ಗೆ 6 ಗಂಟೆಯವರೆಗೆ, ಸೆ.23 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಸೆ.25 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಸಿದ್ದಾಪುರ ತಾಲೂಕು ವ್ಯಾಪ್ತಿಯಲ್ಲಿ ಸೆ.18 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರಗೆ, ಸೆ.20 ರ ಬೆಳಗ್ಗೆ 6 ಗಂಟೆಯಿAದ ಸೆ.21 ಬೆಳಗ್ಗೆ 6 ಗಂಟೆಯವರೆಗೆ ಸರಾಯಿ ಮಾರಾಟ ನಿಷೇಧಿಸಲಾಗಿದೆ. ಮುಂಡಗೋಡ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೆ.18 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರಗೆ, ಸೆ.20 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ, ಸೆ.22 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರಗೆ, ಸೆ.26 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಯಲ್ಲಾಪುರ ಪಟ್ಟಣ, ಮಂಚಿಕೇರಿ , ಕಿರವತ್ತಿಯಲ್ಲಿ .ಸೆ.18 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಸೆ.20 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ ಹಾಗೂ ಸೆ.24 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ ಸರಾಯಿ ಮಾರಾಟ ನಿಷೇಧಿಸಿದೆ. ದಾಂಡೇಲಿ ತಾಲೂಕು ವ್ಯಾಪ್ತಿಯಲ್ಲಿ ಸೆ.18 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಸೆ.20 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರಗೆ, ಸೆ.22 ರ ಬೆಳಗ್ಗೆ 22 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ, ಸೆ.25 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಸರಾಯಿ ನಿಷೇಧಿಸಲಾಗಿದೆ. ಹಳಿಯಾಳ ತಾಲೂಕು ವ್ಯಾಪ್ತಿಯಲ್ಲಿ ಸೆ.18 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ, ಸೆ.20 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರಗೆ, ಸೆ.22 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಸೆ.24 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಹಾಗೂ ಜೋಯಿಡಾ ತಾಲೂಕು ವ್ಯಾಪ್ತಿಯಲ್ಲಿ ಸೆ.20 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಸೆ.22 ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರೆಗೆ, ಸೆ.24 ರ ಬೆಳಗ್ಗೆ 6 ಗಂಟೆಯಿAದ 48 ಗಂಟೆಯವರೆಗೆ, ರಾಮನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಸೆ.20 ರ ಬೆಳಗ್ಗೆ 6 ಗಂಟೆಯಿAದ 24 ಗಂಟೆಯವರಗೆ, ಸೆ.22 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ, ಸೆ.25 ರ ಬೆಳಗ್ಗೆ 6 ಗಂಟೆಯಿoದ 24 ಗಂಟೆಯವರೆಗೆ ಸರಾಯಿ ನಿಷೇಧಿಸಲಾಗಿದೆ. ಈ ಅವಧಿಯಲ್ಲಿ ವೈನ್ ಶಾಪ್ ಮತ್ತು ಬಾರ್ ಹಾಗೂ ಎಲ್ಲಾ ರೀತಿಯ ಮದ್ಯ ಮಾರಾಟ ಮತ್ತು ಸಾಗಾಟವನ್ನು ನಿಷೇಧಿಸಿ ಜಿಲ್ಲಾಧಿಕಾರಿ ಹಾಗೂ ಜಿಲ್ಲಾ ದಂಡಾಧಿಕಾರಿ ಕೆ ಲಕ್ಷಿಪ್ರಿಯಾ ಆದೇಶ ಹೊರಡಿಸಿದ್ದಾರೆ.      
- [ನಾಯಿಗೆ ಬೆದರಿ ಬಾವಿ ಹಾರಿದ ಕಾಡುಹಂದಿ!](https://mobiletime.in/2026/09/wild-boar-jumps-into-well-after-being-scared-by-a-dog/): ಕಾಡಿನ ದಾರಿ ತಪ್ಪಿ ಕುಮಟಾಗೆ ಬಂದಿದ್ದ ಕಾಡುಹಂದಿ ಊರಿನಲ್ಲಿದ್ದ ನಾಯಿಗೆ ಹೆದರಿ ಬಾವಿಗೆ ಬಿದ್ದಿದೆ. ಬಾವಿಯಲ್ಲಿದ್ದರೂ ಬೇರೆಯವರನ್ನು ಬೆದರಿಸುತ್ತಿದ್ದ ಆ ಕಾಡುಹಂದಿಗೆ ಹಗ್ಗ ಕಟ್ಟಿ ಮೇಲೆತ್ತಲಾಗಿದೆ. ಕುಮಟಾದ ಬರ್ಗಿಯ ಗಜನಿ ಪ್ರದೇಶದ ಭತ್ತದ ಗದ್ದೆಗೆ ಕಾಡುಹಂದಿ ನುಗ್ಗಿತ್ತು. ಅಲ್ಲಿನ ಭತ್ತದ ಬೆಳೆ ಹಾಳು ಮಾಡುತ್ತಿದ್ದ ಹಂದಿಯನ್ನು ನೋಡಿದ ನಾಯಿಗಳು ಅದರ ಬೆನ್ನಟ್ಟಿದ್ದವು. ನಾಯಿ ಬೊಗಳುವ ಸದ್ದು ಕೇಳಿ ಆ ಹಂದಿ ಕಾಡಿನ ಕಡೆ ಓಡಲು ಶುರು ಮಾಡಿದ್ದು, ಅಲ್ಲಿದ್ದ ನೆಲಬಾವಿಯಲ್ಲಿ ಆಯತಪ್ಪಿ ಬಿದ್ದಿತು. ಬಾವಿಯಿಂದ ಮೇಲೆ ಬರಲು ಆ ಹಂದಿಯಿAದ ಸಾಧ್ಯವಾಗಲಿಲ್ಲ. ಶುಕ್ರವಾರ ಬೆಳಗ್ಗೆ ಬಾವಿಯಿಂದ ಬುಸು ಬುಸು ಸದ್ದು ಬರುತ್ತಿದ್ದು, ಸಮೀಪ ಹೋದ ಜನರಿಗೆ ಕಾಡುಹಂದಿ ಕಾಣಿಸಿತು. 1ಕ್ವಿಂಟಲ್’ಗೂ ಅಧಿಕ ಬಾರವಿದ್ದ ಹಂದಿಯನ್ನು ಮೇಲೆತ್ತುವುದು ಸವಾಲಾಗಿತ್ತು. ಊರಿನವರು ಹಂದಿ ಕಥೆಯನ್ನು ಅರಣ್ಯ ಇಲಾಖೆಯವರಿಗೆ ತಿಳಿಸಿದರು. ಅರಣ್ಯ ಸಿಬ್ಬಂದಿ ವನ್ಯಜೀವಿ ರಕ್ಷಕ ಅಶೋಕ ನಾಯ್ಕ ಅವರಿಗೆ ಫೋನ್ ಮಾಡಿದರು. ಗ್ರಾಮಸ್ಥರ ಸಹಾಯಪಡೆದ ಅಶೋಕ ನಾಯ್ಕ ಅವರು ಬಾವಿಯಲ್ಲಿದ್ದ ಹಂದಿಯ ಹೊಟ್ಟೆಗೆ ಹಗ್ಗ ಕಟ್ಟಿದರು. ಹಂತ ಹಂತವಾಗಿ ಹಗ್ಗ ಎಳೆದು ಆ ಹಂದಿಯನ್ನು ಮೇಲೆತ್ತಿದರು. ಹಂದಿಗೆ ಯಾವುದೇ ಗಾಯ ಆಗದಿರುವುದನ್ನು ಖಚಿತಪಡಿಸಿಕೊಂಡು ಕಾಡಿಗೆ ಬಿಟ್ಟರು.  
- [ಅಜ್ಜನ ಭೂಮಿಯಲ್ಲಿ ಮೊಮ್ಮಕ್ಕಳ ಕಚ್ಚಾಟ!](https://mobiletime.in/2026/09/grandchildren-squabble-over-grandfathers-land/): ಕುಮಟಾದ ಮಾಬ್ಲು ಗೌಡ ಅವರ ಅಜ್ಜನ ಹೆಸರಿನಲ್ಲಿದ್ದ ಬೇಣದಲ್ಲಿ ಅವರು ಗೇರು ಗಿಡಗಳನ್ನು ಬೆಳೆಸಿದ್ದು, 4 ಜನ ಸೇರಿ ಅದನ್ನು ನಾಶ ಮಾಡಿದ್ದಾರೆ. ಮಾಬ್ಲು ಗೌಡ ಅವರ ಸಹೋದರರೇ ಮತ್ತೊಬ್ಬರ ಜೊತೆ ಸೇರಿ ಈ ಕೃತ್ಯ ನಡೆಸಿದ್ದಾರೆ. ಕುಮಟಾದ ಉಪ್ಪಿನಪೊಟ್ಟಣದ ಕೆಳಗಿನಕೇರಿ ಮಲವಳ್ಳಿಯ ಮಾಬ್ಲು ಜಟ್ಟು ಗೌಡ ಅವರು ವಾಸವಾಗಿದ್ದಾರೆ. ಅದೇ ಗ್ರಾಮದ ಸರ್ವೇ ನಂ 47ರಲ್ಲಿ ಮಾಬ್ಲು ಗೌಡ ಅವರ ಅಜ್ಜನ ಹೆಸರಿನಲ್ಲಿ ಭೂಮಿಯಿದೆ. ಆ ಭೂಮಿಯಲ್ಲಿ ಮಾಬ್ಲು ಗೌಡ ಅವರು ಗೇರು ಗಿಡಗಳನ್ನು ನೆಟ್ಟಿದ್ದು, ಅದರ ಫಲ ಪಡೆಯುತ್ತಿದ್ದಾರೆ. ಆದರೆ, ಇದನ್ನು ಸಹಿಸದ ಮಾಬ್ಲು ಗೌಡ ಅವರ ತಮ್ಮಂದಿರು ಆ ಗೇರು ಗಿಡಗಳನ್ನು ಕಡಿದು ಹಾಕಿದ್ದಾರೆ. ನಾಗು ಗೌಡ, ಸುಬ್ರಾಯ ಗೌಡ ಹಾಗೂ ಅಣ್ಣಪ್ಪ ಗೌಡ ಅವರು ಸೇರಿ ಕೆಳಗಿನಕೇರಿ ಮಲವಳ್ಳಿಯ ಕುಸುಮಾಕರ ನಾರಾಯಣ ಗೌಡ ಅವರ ಬಳಿ ಬಂದಿದ್ದಾರೆ. ಮಾಬ್ಲು ಗೌಡ ಅವರು ಅನುಭವಿಸುತ್ತಿರುವ ಭೂಮಿಯಲ್ಲಿನ ಗೇರು ಗಿಡಗಳನ್ನು ನಾಶ ಮಾಡುವ ಬಗ್ಗೆ ಅವರೆಲ್ಲರೂ ಚರ್ಚಿಸಿದ್ದಾರೆ. ಅದರಂತೆ, ಅಗಸ್ಟ 18ರಂದು ಅಲ್ಲಿ ದಾಳಿ ಮಾಡಿ ಎಲ್ಲಾ ಗೇರು ಗಿಡಗಳನ್ನು ನೆಲಸಮ ಮಾಡಿದ್ದಾರೆ. 16 ಸಾವಿರ ರೂ ನಷ್ಟ ಅನುಭವಿಸಿದ ಮಾಬ್ಲು ಗೌಡ ಅವರು ಇನ್ನಷ್ಟು ಹಣ ಖರ್ಚು ಮಾಡಿ ಈ ಬಗ್ಗೆ ಕೋರ್ಟಿನ ಮೆಟ್ಟಿಲೇರಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಕುಮಟಾ ಪೊಲೀಸರು ಈ ಬಗ್ಗೆ ಪರಿಶೀಲಿಸಿದ್ದು, ಗೇರು ಗಿಡ ನಾಶ ಮಾಡಿದ ಕುಸುಮಾಕರ ನಾರಾಯಣ ಗೌಡ ಅವರ ವಿರುದ್ಧ ಕೇಸು ಹಾಕಿದ್ದಾರೆ.
- [ಧಾರವಾಡವೇ ಓಕೆ.. ಮಂಗಳೂರು ಏಕೆ?: ವಕೀಲರ ಪ್ರಶ್ನೆ](https://mobiletime.in/2026/09/dharwad-is-fine-why-mangaluru-lawyers-question/): ವಕೀಲರ ಸಂಘಕ್ಕೆ ಅಧ್ಯಕ್ಷರಾದ ನಂತರ ನಾಗರಾಜ ನಾಯಕ ಅವರು ಮತ್ತೊಂದು ಹೋರಾಟದ ಮುಂಚೂಣಿವಹಿಸಿದ್ದು, ಶುಕ್ರವಾರ ಶಿರಸಿಗೆ ಹೋಗಿ ಅವರು ಪ್ರತಿಭಟನೆ ನಡೆಸಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಜನರ ಅನುಕೂಲಕ್ಕಾಗಿ ಧಾರವಾಡದಲ್ಲಿಯೇ ಹೈಕೋರ್ಟ ಪೀಠ ಮುಂದುವರೆಯಬೇಕು. ಉತ್ತರ ಕನ್ನಡ ಹೈಕೋರ್ಟ ವ್ಯಾಪ್ತಿಯನ್ನು ಮಂಗಳೂರಿಗೆ ಸ್ಥಳಾಂತರಸಲು ಬಿಡುವುದಿಲ್ಲ’ ಎಂದವರು ಹೇಳಿದ್ದಾರೆ. ಧಾರವಾಡ ಉಚ್ಚ ನ್ಯಾಯಾಲಯ ಪೀಠದ ವ್ಯಾಪ್ತಿಯಲ್ಲಿರುವ ಉತ್ತರಕನ್ನಡ ಜಿಲ್ಲೆಯನ್ನು ಪ್ರಸ್ತಾಪಿತ ಮಂಗಳೂರು ಪೀಠದ ವ್ಯಾಪ್ತಿಗೆ ಸೇರ್ಪಡೆ ಮಾಡುವುದನ್ನು ಅನೇಕರು ವಿರೋಧಿಸಿದ್ದಾರೆ. ಜಿಲ್ಲೆಯ ವಕೀಲರು ಇದಕ್ಕೆ ದೊಡ್ಡ ಧ್ವನಿಯಾಗಿದ್ದು, ಶಿರಸಿ ವಕೀಲರ ಸಂಘ, ಉತ್ತರಕನ್ನಡ ಜಿಲ್ಲಾ ವಕೀಲರ ಸಂಘ ಹಾಗೂ ವಿವಿಧ ಸಂಘ-ಸAಸ್ಥೆಗಳ ನೇತೃತ್ವದಲ್ಲಿ ಈ ದಿನ ಶಿರಸಿಯಲ್ಲಿ ಪ್ರತಿಭಟನೆ ನಡೆದಿದೆ. ಈ ವೇಳೆ ಪ್ರತಿಭಟನಾಕಾರರು ಮುಖ್ಯ ನ್ಯಾಯಮೂರ್ತಿ, ರಾಜ್ಯಪಾಲ, ಮುಖ್ಯಮಂತ್ರಿ ಹಾಗೂ ರಾಜ್ಯ ಸರ್ಕಾರಕ್ಕೆ ತಹಸೀಲ್ದಾರ ಮೂಲಕ ತಮ್ಮ ಬೇಡಿಕೆಗಳನ್ನು ಸಲ್ಲಿಕೆ ಮಾಡಿದ್ದಾರೆ. ಶಿರಸಿ ನಗರದ ಬಿಡ್ಕಿಬೈಲ್‌ನಿಂದ ಪ್ರತಿಭಟನಾಕಾರರು ಮೆರವಣಿಗೆ ಮಾಡಿದ್ದಾರೆ. ಅಂಬೇಡ್ಕರ್ ಭವನದಲ್ಲಿ ಸಭೆ ಸೇರಿದ ಜನ ತಮ್ಮ ಅನಿಸಿಕೆಗಳನ್ನು ವ್ಯಕ್ತಪಡಿಸಿದ್ದಾರೆ. ಈ ವೇಳೆ ನಾಗರಾಜ ನಾಯಕ ಅವರು ಭಾಷಣ ಮಾಡಿ `ಹೈಕೋರ್ಟ ಪೀಠ ಧಾರವಾಡದಲ್ಲಿಯೇ ಮುಂದುವರೆಯಬೇಕು. ಅದನ್ನು ಬದಲಿಸುವುದಾದರೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸ್ಥಾಪಿಸಬೇಕು’ ಎಂದು ಹೇಳಿದ್ದಾರೆ. `ಜನರಿಗೆ ಮನೆ ಬಾಗಿಲಿಗೆ ನ್ಯಾಯ ದೊರೆಯಬೇಕು ಎಂಬ ಉದ್ದೇಶದಿಂದ ನ್ಯಾಯಾಲಯಗಳ ಸಂಖ್ಯೆಯನ್ನು ಹೆಚ್ಚಿಸಲಾಗಿದೆ. ಆದರೆ ನ್ಯಾಯ ಪಡೆಯಲು ಕಕ್ಷಿದಾರರಿಗೆ ಹಣಕಾಸಿನ ಹಾಗೂ ಸಮಯದ ದೃಷ್ಟಿಯಿಂದ ಹೊರೆಯಾಗುವ ಹಾಗೇ ಮಾಡುವುದು ಸರಿಯಲ್ಲ’ ಎಂದಿದ್ದಾರೆ. ಶಿರಸಿ ವಕೀಲರ ಸಂಘದ ಅಧ್ಯಕ್ಷ ಸಿ ಎಫ್ ಈರೇಶ, ಹಿರಿಯ ಪತ್ರಕರ್ತ ಅಶೋಕ ಹಾಸ್ಯಗಾರ, ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಜಗದೀಶ ಗೌಡ, ನಗರಸಭೆ ಮಾಜಿ ಅಧ್ಯಕ್ಷ ಪ್ರದೀಪ ಶೆಟ್ಟಿ, ಪ್ರಮುಖರಾದ ಉಷಾ ಹೆಗಡೆ, ಎಂ ಎನ್. ಭಟ್ಟ ಕಾರೆಕೊಪ್ಪ, ಶ್ರೀಧರ ಮೊಗೇರ, ಉಪೇಂದ್ರ ಪೈ ಅವರು ಇದಕ್ಕೆ ಬೆಂಬಲ ನೀಡಿದ್ದಾರೆ. ಧಾರವಾಡ ಹೈಕೋರ್ಟ್ ವಕೀಲರ ಸಂಘದ ಅಧ್ಯಕ್ಷ ಬಿ ಡಿ ಹಿರೇಮಠ, ವಕೀಲರಾದ ರಾಜೀವ ರೇವಣಕರ್, ಉಷಾ ಐನಕೈ, ಹೈಕೋರ್ಟ್ ನ್ಯಾಯವಾದಿ ಎ ಪಿ ಹೆಗಡೆ ಜಾನ್ಮನೆ ಅವರು ಈ ಹೋರಾಟದಲ್ಲಿ ಭಾಗಿಯಾಗಿದ್ದಾರೆ.  
- [ಹೋರಾಟಗಾರನಿಗೆ ಆಶೀರ್ವದಿಸಿದ ಸೋಂದಾ ಶ್ರೀ](https://mobiletime.in/2026/09/sonda-sri-blesses-the-activist/): ಶಿರಸಿಯ ಸಾಮಾಜಿಕ ಹೋರಾಟಗಾರ ಅನಂತಮೂರ್ತಿ ಹೆಗಡೆ ಅವರು ಶುಕ್ರವಾರ ಸೋಂದಾಗೆ ಹೋಗಿದ್ದಾರೆ. ಸ್ವರ್ಣವಲ್ಲಿ ಮಠದ ಗಂಗಾಧರೇoದ್ರ ಸರಸ್ವತಿ ಶ್ರೀಗಳನ್ನು ಭೇಟಿ ಮಾಡಿ ಅವರು ಆಶೀರ್ವಾದಪಡೆದಿದ್ದಾರೆ. ಸೋಂದಾ ಶ್ರೀಗಳು ಚಾತುರ್ಮಾಸ ವೃತಾಚರಣೆಯಲ್ಲಿದ್ದು, ಅನಂತಮೂರ್ತಿ ಹೆಗಡೆ ಅವರು ತಮ್ಮ ಕುಟುಂಬದವರೊAದಿಗೆ ತೆರಳಿ ಧಾರ್ಮಿಕ ಕಾರ್ಯದಲ್ಲಿ ತೊಡಗಿಸಿಕೊಂಡರು. ಶ್ರೀಗಳ ಪಾದುಕಾ ಪೂಜೆ, ಅರ್ಚನೆ ಪೋಡಶೋಪಚಾರ ಪೂಜೆಯನ್ನು ನೆರವೇರಿಸಿದರು. ನಂತರ ಶ್ರೀಗಳಿಂದ ಮಂತ್ರಾಕ್ಷತೆಪಡೆದರು. `ಶೃದ್ಧೆ ಹಾಗೂ ಭಕ್ತಿಯಿಂದ ಮಾಡುವ ಎಲ್ಲಾ ಕೆಲಸವೂ ಭಗವಂತನಿಗೆ ಸಲ್ಲುತ್ತದೆ’ ಎಂದು ಈ ವೇಳೆ ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಅಭಿಪ್ರಾಯಪಟ್ಟರು. `ಪೂಜ್ಯ ಗುರುಗಳ ಚಾತುರ್ಮಾಸ್ಯ ವೃತಾಚರಣೆಯಂತಹ ಪವಿತ್ರ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ಸಂತಸ ತಂದಿದೆ. ಗುರುಗಳ ಆಶೀರ್ವಾದ ಹಾಗೂ ಮಂತ್ರಾಕ್ಷತೆಯ ಕೃಪೆಗೆ ಪಾತ್ರರಾಗಿರುವುದು ಧನ್ಯತೆ ಮೂಡಿಸುತ್ತಿದೆ’ ಎಂದವರು ಹೇಳಿದರು.
- [ಶಿರಸಿ ಹುಡುಗನ ಸುಂದರ ಸಂಶೋಧನೆ!](https://mobiletime.in/2026/09/a-brilliant-discovery-by-a-boy-from-sirsi/): ಶಿರಸಿಯ ಕಲಾ ಮತ್ತು ವಿಜ್ಞಾನ ಕಾಲೇಜ್‌ನಲ್ಲಿ ವಿಜ್ಞಾನ ಪದವಿಪಡೆದಿರುವ ಅಕ್ಷಯ ಮಾಶೇಲ್ಕರ್ ಅವರು ವಿವಿಧ ಸವಾಲುಗಳನ್ನು ಸಮರ್ಥವಾಗಿ ಎದುರಿಸಿದ್ದು, ಅವರ ಸಾಧನೆ ರಾಷ್ಟ್ರಪತಿಗಳ ಗಮನಸೆಳೆದಿದೆ. ಅಕ್ಷಯ ಮಾಶೇಲ್ಕರ್ ಅವರ ಸಂಶೋಧನೆ ಗಮನಿಸಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಶಿರಸಿ ಹುಡುಗನ ಸಾಧನೆಯನ್ನು ಬಣ್ಣಿಸಿದ್ದಾರೆ. ಉತ್ತರ ಕನ್ನಡದಂಥ ಜಿಲ್ಲೆಯಲ್ಲಿ ಸಾಕಷ್ಟು ಪ್ರತಿಭಾನ್ವಿತ ವಿದ್ಯಾರ್ಥಿಗಳಿದ್ದಾರೆ. ಆದರೆ, ಮೂಲ ಸೌಕರ್ಯ ಹಾಗೂ ಹಣಕಾಸಿನ ಕೊರತೆಯಿಂದ ಅನೇಕರು ಸಂಶೋಧನೆಯAಥ ಕ್ಷೇತ್ರದಲ್ಲಿ ತೊಡಗಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಅಂಥ ಶಾಲೆಗಳ ಮಕ್ಕಳಿಗಾಗಿ ಅಕ್ಷಯ ಮಾಶೇಲ್ಕರ್ ಅವರು `ಪೋರ್ಟಬಲ್ ಲ್ಯಾಬ್’ ಎಂಬ ಸಾಧನ ಅಭಿವೃದ್ಧಿಪಡಿಸಿದ್ದಾರೆ. ಶಿರಸಿಯಲ್ಲಿ ಓದಿ ಬೆಳೆದ ಅಕ್ಷಯ ಮಾಶೇಲ್ಕರ್ ಅವರ ಈ ಪೋರ್ಟಬಲ್ ಲ್ಯಾಬ್ ಕಿಟ್ ಇದೀಗ ದೇಶ ಮಟ್ಟದಲ್ಲಿ ಗಮನ ಸೆಳೆದಿದೆ. ಸ್ಥಳೀಯ ಸವಾಲುಗಳನ್ನು ಎದುರಿಸಿ ದೇಶದಲ್ಲಿ ಸಾಮಾಜಿಕ, ಆರ್ಥಿಕ, ಶೈಕ್ಷಣಿಕ ಬದಲಾವಣೆಗಳನ್ನು ತರಬಹುದಾದ ತಳಮಟ್ಟದ 26 ಸಂಶೋಧಕರನ್ನು (ಗ್ರಾಸ್‌ರೂಟ್ ಇನ್ನೋವೆಟರ್ಸ್) ಭಾರತ ಸರ್ಕಾರದ ನೀತಿ ಆಯೋಗದ ಅಟಲ್ ಇನ್ನೋವೇಶನ್ ಮಿಷನ್ ಗುರುತಿಸಿದ್ದುಮ ಅದರಲ್ಲಿ ಶಿರಸಿಯ ಅಕ್ಷಯ ಮಾಶೇಲ್ಕರ್ ಅವರ ಸಂಶೋಧನೆಯೂ ಪ್ರಮುಖವಾಗಿದೆ. ಹೀಗಾಗಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರೇ ಸ್ವತಃ ಅಕ್ಷಯ ಅವರ ಸಂಶೋಧನೆಯ ಬಗ್ಗೆ ಆಸಕ್ತಿಯಿಂದ ಕೇಳಿದ್ದಾರೆ. ನೈಜ ಪ್ರಪಂಚದ ವಾಸ್ತವ ಹಾಗೂ ತರಗತಿಯ ಕಲಿಕೆ ನಡುವಿನ ಅಂತರವನ್ನು ಕಡಿಮೆ ಮಾಡಲು ಅಕ್ಷಯ ಅವರ ಅವರು ಎಕ್ಸ್ಪರಿಮೈಂಡ್ ಲ್ಯಾಬ್ಸ್ ಎಂಬ ಸಂಶೋಧನೆ ನಡೆಸಿದ್ದಾರೆ. ವಿವಿಧ ಶಿಕ್ಷಣ ಸಂಸ್ಥೆಗಳೊAದಿಗೆ ಅದು ನಿಕಟವಾಗಿ ಕಾರ್ಯನಿರ್ವಹಿಸುತ್ತಿದೆ. ಪ್ರಾಯೋಗಿಕ ಕಲಿಕಾ ವ್ಯವಸ್ಥೆ, ಶಿಕ್ಷಕರ ಸಾಮರ್ಥ್ಯ ವೃದ್ಧಿ, ಇನ್ನೋವೇಶನ್ ಲ್ಯಾಬ್‌ಗಳು, ಸುಲಭವಾಗಿ ಒಯ್ಯಬಹುದಾದ ಪೋರ್ಟಬಲ್ ಲ್ಯಾಬ್‌ಗಳು, ಶಿಕ್ಷಣ ಕಾರ್ಯಕ್ರಮಗಳು ಮತ್ತು ಯೋಜನೆ ಆಧಾರಿತ ಕಲಿಕಾ ಉಪಕ್ರಮಗಳ ಮೂಲಕ ವಿದ್ಯಾರ್ಥಿಗಳು ಸೈದ್ಧಾಂತಿಕ ಕಲಿಕೆಯಿಂದ ಹೊರಬಂದು ಸ್ವತಃ ಸಂಶೋಧಕರು, ಉದ್ಯಮಿಗಳಾಗಲು ಎಕ್ಸಪರಿಮೈಂಡ್ ಲ್ಯಾಬ್ಸ್ ಪ್ರೇರೇಪಿಸುತ್ತಿದೆ. ವಿಜ್ಞಾನ, ತಂತ್ರಜ್ಞಾನ, ಇಂಜಿನಿಯರಿAಗ್, ಗಣಿತ (ಎಸ್‌ಟಿಇಎಂ) ಕೃತಕ ಬುದ್ಧಿಮತ್ತೆ (ಎಐ), ರೊಬಾಟಿಕ್ಸ್ ಮುಂತಾದ ಅಂಶಗಳನ್ನು ಒಳಗೊಂಡ ಅವರ ಪೋರ್ಟಬಲ್ ಲ್ಯಾಬ್ ಅನುಭವ ಆಧಾರಿತ ಕಲಿಕೆಗೆ ಅತ್ಯುಪಯುಕ್ತವಾಗಿದೆ. ಮಕ್ಕಳಲ್ಲಿ ಸೃಜನಶೀಲತೆ, ಡಿಸೈನ್ ಥಿಂಕಿoಗ್, ಸ್ಪರ್ಧಾತ್ಮಕ ಕೌಶಲ್ಯಗಳು ಮತ್ತು ಉದ್ಯಮಶೀಲತೆಯನ್ನು ಬೆಳೆಸುವಲ್ಲಿ ಈ ಸಾಧನ ಪ್ರಮುಖ ಪಾತ್ರ ವಹಿಸುತ್ತದೆ. ವಿದ್ಯಾರ್ಥಿಗಳಲ್ಲಿ ಪ್ರಶ್ನಿಸುವ ಮನೋಭಾವ ಬೆಳೆಸಲು, ಆವಿಷ್ಕಾರಕ್ಕೆ ಉತ್ತೇಜ ನೀಡಲು, ಪ್ರಯೋಗಳನ್ನು ಮಾಡಲು ಮತ್ತು ತಾಂತ್ರಿಕ ಸಮಸ್ಯೆಗಳನ್ನು ಪರಿಹರಿಸುವಂತೆ ಪ್ರೋತ್ಸಾಹಿಸಲು ಈ ಲ್ಯಾಬ್ ಅನುಕೂಲವಾಗಲಿದೆ. ಈ ಲ್ಯಾಬ್ ಸ್ಥಾಪನೆಗೆ ಪ್ರತ್ಯೇಕ ಕೊಠಡಿ ಕೂಡ ಅಗತ್ಯವಾಗಿಲ್ಲ.  
- [ಅಪ್ರಾಪ್ತರಿಗೆ ಆಮೀಷ: ಹೊಟೇಲ್ ಕೆಲಸಕ್ಕೆ ಬಾಲ ಕಾರ್ಮಿಕ!](https://mobiletime.in/2026/09/luring-a-minor-child-labourer-employed-at-a-hotel/): ಅಂಕೋಲಾ ಅಗಸೂರು ಬಳಿಯ ಸರಳೆಬೈಲಿನಲ್ಲಿರುವ `ಸಂಗೀತಾ ಡಾಬಾ’ದಲ್ಲಿ ಬಾಲ ಕಾರ್ಮಿಕರನ್ನು ದುಡಿಸಿಕೊಳ್ಳಲಾಗುತ್ತಿದ್ದು, ಅಧಿಕಾರಿಗಳು ಡಾಬಾದ ಮೇಲೆ ದಾಳಿ ಮಾಡಿದ್ದಾರೆ. ಆಗ, ಅಲ್ಲಿ ಮಕ್ಕಳಿಬ್ಬರು ಕಷ್ಟಪಡುತ್ತಿರುವುದು ಗಮನಕ್ಕೆ ಬಂದಿದೆ. ಸoಗೀತಾ ಡಾಬಾದಲ್ಲಿ ಮಕ್ಕಳಿಗೆ ಪುಕ್ಕಟ್ಟೆ ಊಟ ಕೊಡುವ ಆಮೀಷ ಒಡ್ಡಿ ಕೆಲಸಕ್ಕೆ ನಿಯೋಜಿಸಲಾಗಿದ್ದು, ಅವರನ್ನು ಅತ್ಯಂತ ಶೋಚನೀಯ ಕೆಲಸಗಳಿಗೆ ಬಳಸಿಕೊಳ್ಳಲಾಗುತ್ತಿತ್ತು. ಈಚೆಗೆ ಡಾಬಾಗೆ ಭೇಟಿ ನೀಡಿದ ವ್ಯಕ್ತಿಯೊಬ್ಬರು ಮಕ್ಕಳ ಕಷ್ಟ ಅರಿತು ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದರು. ಆ ಮಾಹಿತಿ ಅನ್ವಯ ಕಾರ್ಮಿಕ ಇಲಾಖೆ ಅಧಿಕಾರಿಗಳು ಈ ದಿನ ಅಲ್ಲಿಗೆ ಹೋಗಿದ್ದರು. ಗ್ರಾಹಕರ ಸೋಗಿನಲ್ಲಿ ಹೋದ ಅಧಿಕಾರಿಗಳು ಮಕ್ಕಳಿಬ್ಬರನ್ನು ಮಾತನಾಡಿಸಿ, ವಿವಿಧ ಮಾಹಿತಿ ಸಂಗ್ರಹಿಸಿದರು. ಅದಾದ ನಂತರ ತಾವು ಕಾರ್ಮಿಕ ಇಲಾಖೆಯವರು ಎಂದು ಪರಿಚಯಿಸಿಕೊಂಡು ಡಾಬಾ ಮಾಲಕರ ವಿರುದ್ಧ ಕಾನೂನು ಕ್ರಮ ಜರುಗಿಸಿದರು. ಡಾಬಾದಲ್ಲಿ ದುಡಿಯುತ್ತಿದ್ದ ಮಕ್ಕಳಿಬ್ಬರನ್ನು ಅಧಿಕಾರಿಗಳು ಮಕ್ಕಳ ಕಲ್ಯಾಣ ಸಮಿತಿಗೆ ಒಪ್ಪಿಸಿದ್ದಾರೆ. ಅಲ್ಲಿ ವಿಚಾರಣೆ ಮುಗಿದ ನಂತರ ಅವರನ್ನುಕಾರವಾರದ ಸರ್ಕಾರಿ ಬಾಲಮಂದಿರಕ್ಕೆ ಕರೆದೊಯ್ದು ಆಶ್ರಯ ನೀಡಲಾಗಿದೆ. ಅಪ್ರಾಪ್ತರಿಗೆ ಆಮೀಷ ಒಡ್ಡಿ ಅವರನ್ನು ದುಡಿಸಿಕೊಳ್ಳುತ್ತಿದ್ದ ಹೊಟೇಲಿನವರ ವಿರುದ್ಧ ಪ್ರಕರಣ ದಾಖಲಾಗಿದೆ.
- [ಸರ್ಕಾರಕ್ಕೆ ಮೋಸ ಮಾಡಿದ ನಾಮದಾರಿ ಸಂಘ!](https://mobiletime.in/2026/09/namadhari-sangha-cheated-the-government/): ಸಿದ್ದಾಪುರದ ನಾಮದಾರಿ ಅಭಿವೃದ್ಧಿ ಸಂಘದ ಅನುದಾನ ದುರ್ಬಳಕೆ ನಡೆದ ಬಗ್ಗೆ ಆರೋಪವ್ಯಕ್ತವಾಗಿದ್ದು, ಗುರುವಾರ ನಡೆದ ಸಭೆಯಲ್ಲಿ ಅದೇ ವಿಷಯವಾಗಿ ಗದ್ದಲ ನಡೆದಿದೆ. ಸರ್ಕಾರದಿಂದ ಬಿಡುಗಡೆಯಾದ ಅನುದಾನವನ್ನು ಇಲ್ಲಿ ದುರುಪಯೋಗಪಡಿಸಿಕೊಂಡಿರುವ ಆರೋಪವ್ಯಕ್ತವಾಗಿದೆ. ಸಿದ್ದಾಪುರದ ಬಾಲಭವನದಲ್ಲಿ ಗುರುವಾರ ತಾಲೂಕು ನಾಮಧಾರಿ ಅಭಿವೃದ್ಧಿ ಸಂಘದ ಸಭೆ ಶುರುವಾಗಿತ್ತು. ಆ ವೇಳೆ ಕೆಲವರು ಅಲ್ಲಿಗೆ ಆಗಮಿಸಿ `ಸಂಘದಲ್ಲಿ ನಮಗೆ ಸದಸ್ಯತ್ವ ಕೊಡುತ್ತಿಲ್ಲ’ ಎಂದು ಆಕ್ಷೇಪಿಸಿದರು. `ಎಲ್ಲರಿಗೂ ಇಲ್ಲಿ ಮುಕ್ತ ಅವಕಾಶ ಕೊಡಬೇಕು’ ಎಂದು ಒತ್ತಾಯಿಸಿದರು. `ತಾಲೂಕು ನಾಮಧಾರಿ ಅಭಿವೃದ್ಧಿ ಸಂಘದಲ್ಲಿ ವ್ಯಾಪಕ ಅಕ್ರಮ ಹಾಗೂ ಅನುದಾನ ದುರ್ಬಳಕೆ ನಡೆದಿದ್ದು, ಹಾಲಿ ಸಂಘವನ್ನು ತಕ್ಷಣವೇ ಅಮಾನತುಗೊಳಿಸಬೇಕು’ ಎಂದು ಸಹ ಕೆಲವರು ಒತ್ತಾಯಿಸಿದರು. `ಜಿಲ್ಲಾ ನೋಂದಣಾಧಿಕಾರಿಗಳ ಮೂಲಕ ಸೂಕ್ತ ಕ್ರಮ ಜರುಗಿಸಬೇಕು’ ಎಂದು ನಾಮದಾರಿ ಸಮುದಾಯದ ಕೆಲ ಪ್ರಮುಖರು ಪಟ್ಟುಹಿಡಿದರು. ಈ ವೇಳೆ ಎರಡು ಗುಂಪುಗಳ ನಡುವೆ ಮಾತಿನ ಚಕಮಕಿ ನಡೆದಿದ್ದು, ಪೊಲೀಸರು ಪ್ರವೇಶಿಸಿ ಸಮಾಧಾನ ಮಾಡುವ ಪ್ರಯತ್ನ ನಡೆಸಿದರು. `2003ರಲ್ಲಿ ನೋಂದಣಿಯಾಗಿರುವ ಈ ಸಂಘವು ಸಮಾಜದ ಸರ್ವ ಸದಸ್ಯರ ಯಾವುದೇ ಅಧಿಕೃತ ಸಭೆ ಕರೆದಿಲ್ಲ. ತಮಗೆ ಬೇಕಾದ ಕೆಲವೇ ವ್ಯಕ್ತಿಗಳನ್ನು ಸಂಘದಲ್ಲಿ ಇಟ್ಟುಕೊಂಡು, ಸಮಾಜ ಬಾಂಧವರಿಗೆ ಮುಕ್ತ ಸದಸ್ಯತ್ವ ನೀಡದೆ ವಂಚಿಸಲಾಗುತ್ತಿದೆ’ ಎಂದು ಅಲ್ಲಿದ್ದವರು ದೂರಿದರು. `ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಕಾನೂನುಬಾಹಿರವಾಗಿ ಸಭೆ ನಡೆಸುವ ಮೂಲಕ ಸರ್ಕಾರದಿಂದ ಬಿಡುಗಡೆಯಾದ ಅನುದಾನವನ್ನು ದುರುಪಯೋಗಪಡಿಸಿಕೊಳ್ಳಲಾಗಿದೆ’ ಎಂದು ಕೆಲವರು ದೂರಿದರು. `ಸಭೆಯಲ್ಲಿ ಪ್ರಶ್ನಿಸಲು ಬಂದವರಿಗೆ ಅವಮಾನ ಮಾಡಲಾಗಿದೆ. ಗೂಂಡಾಗಿರಿ ಪ್ರದರ್ಶಿಸಲಾಗಿದೆ. ಹೀಗಾಗಿ ಈ ಆಡಳಿತ ಮಂಡಳಿಯನ್ನು ವಜಾ ಮಾಡಬೇಕು’ ಎಂದು ಕೆಲವರು ಒತ್ತಾಯಿಸಿದರು. ಕೊನೆಗೆ ಈ ಎಲ್ಲಾ ವಿಷಯದ ಬಗ್ಗೆ ಪ್ರಮುಖರು ತಹಶೀಲ್ದಾರರನ್ನು ಭೇಟಿ ಮಾಡಿ ಚರ್ಚಿಸಿದರು. ತಹಶೀಲ್ದಾರ್ ಮಂಜುಳಾ ನಾಯಕ ಅವರು ಜನರ ಸಮಸ್ಯೆ ಆಲಿಸಿ ಪರಿಹಾರ ಒದಗಿಸುವ ಭರವಸೆ ನೀಡಿದರು. ಅದಾದ ನಂತರ ಸಂಘದ ವಿಸರ್ಜನೆಗೆ ಆಗ್ರಹಿಸಿ ಕೆಲವರು ಮನವಿಯನ್ನು ಸಲ್ಲಿಸಿದರು.
- [ಆತನ ಬಳಿ ಇದ್ದಿದ್ದೇ 160ರೂ!](https://mobiletime.in/2026/09/he-had-only-160-rupees-with-him/): ಗಾಂಜಾ ಮಾರಾಟ ಮಾಡುವುದಕ್ಕಾಗಿ ಹೊನ್ನಾವರಕ್ಕೆ ಬಂದಿದ್ದ ಭಟ್ಕಳದ ವ್ಯಕ್ತಿಯೊಬ್ಬನನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಆ ವೇಳೆ ಆ ವ್ಯಕ್ತಿ ಬಳಿ 5 ಸಾವಿರ ರೂ ಮೌಲ್ಯದ ಗಾಂಜಾ ಹಾಗೂ 160ರೂ ಹಣ ಸಿಕ್ಕಿದೆ. ಹೊನ್ನಾವರಧ ಗಾಂಜಾ ಮಾರಾಟಕ್ಕೆ ಯತ್ನಿಸಿದ ಆರೋಪದಲ್ಲಿ ಭಟ್ಕಳ ಮೂಲದ ಯುವಕನನ್ನು ಬಂಧಿಸಿರುವ ಹೊನ್ನಾವರ ಪೊಲೀಸರು ಗಾಂಜಾ ಪೂರೈಸಿದ ಆರೋಪದಲ್ಲಿ ಭಟ್ಕಳ ಮೂಲದ ಇನ್ನೊಬ್ಬನ ವಿರುದ್ಧವೂ ಪ್ರಕರಣ ದಾಖಲಿಸಿದ್ದಾರೆ. ಮತ್ತೊಂದು ಪ್ರಕರಣದಲ್ಲಿ ಗಾಂಜಾ ಸೇವನೆ ಆರೋಪದಡಿ ಯುವಕನ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಸೆ 8ರಂದು ಮಧ್ಯಾಹ್ನ ಕಾಸರಕೋಡ ರೋಷನ್ ಮೊಹಲ್ಲಾದ ಶ್ಯಾನಭಾಗ ರೆಸಿಡೆನ್ಸಿ ಬಸ್ ತಂಗುದಾಣದ ಬಳಿ ಪೊಲೀಸರು ಕಾರ್ಯಾಚರಣೆ ನಡೆಸಿದರು. ಈ ವೇಳೆ ಭಟ್ಕಳದ ಹೆಬಳೆ ಫಿರ್ದೋಸ ನಗರದ ಅಬ್ರಾರ್ ತಂದೆ ಮೋಹಿದ್ದಿನ್ ಶೇಖ್ (24) ಅವರು ಗಾಂಜಾ ಮಾರಾಟಕ್ಕೆ ಪ್ರಯತ್ನಿಸಿ ಸಿಕ್ಕಿ ಬಿದ್ದರು. ದಾಳಿಯ ವೇಳೆ ಆತನ ಬಳಿಯಿಂದ 112.61 ಗ್ರಾಂ ಗಾಂಜಾ, 160 ನಗದು ಹಾಗೂ ಕಪ್ಪು-ನೀಲಿ ಬಣ್ಣದ ಹ್ಯಾಂಡ್‌ಬ್ಯಾಗ್ ವಶಪಡಿಸಿಕೊಂಡರು. ಪ್ರಾಥಮಿಕ ವಿಚಾರಣೆಯಲ್ಲಿ ಫೈಜಾನ್ ಎಂಬಾತ ಗಾಂಜಾವನ್ನು ಮಾರಾಟಕ್ಕಾಗಿ ನೀಡಿದ್ದಾಗಿ ಅಬ್ರಾರ್ ತಿಳಿಸಿದ್ದು, ಈ ಹಿನ್ನೆಲೆಯಲ್ಲಿ ಅಬ್ರಾರ್ ಹಾಗೂ ಫೈಜಾನ್ ವಿರುದ್ಧ ಹೊನ್ನಾವರ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ಇದೇ ದಿನ ಸಂಜೆ ಕಾಸರಕೋಡ ಇಕೋ ಬೀಚ್ ಕ್ರಾಸ್ ಸಮೀಪ ಮತ್ತೊಂದು ಪ್ರಕರಣ ಬೆಳಕಿಗೆ ಬಂದಿದೆ. ಸಾರ್ವಜನಿಕ ಸ್ಥಳದಲ್ಲಿ ಗಾಂಜಾ ಸೇವನೆ ಮಾಡುತ್ತಿದ್ದ ಆರೋಪದಡಿ ಭಟ್ಕಳದ ಹೆಬಳೆ ಫಿರ್ದೋಸ ನಗರದ ಸೈಯದ್ ಹುಸೇನ್ ತಂದೆ ಸೈಯದ್ ರೆಹಮತುಲ್ಲಾ (22) ಎಂಬಾತನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಎರಡೂ ಪ್ರಕರಣಗಳಲ್ಲಿ ಹೊನ್ನಾವರ ಪೊಲೀಸ್ ಠಾಣೆಯ ಕಾನೂನು ಮತ್ತು ಸುವ್ಯವಸ್ಥೆ ವಿಭಾಗದ ಪಿಎಸ್‌ಐ ಮಂಜುನಾಥ್ ಅವರು ಮೇಲಧಿಕಾರಿಗಳಿಗೆ ವರದಿ ಒಪ್ಪಿಸಿದ್ದಾರೆ.
- [ಪ್ರಜಾಸೇವೆ: ಏನೇ ಸಮಸ್ಯೆಯಿದ್ದರೂ ಇಲ್ಲಿ ಬನ್ನಿ!](https://mobiletime.in/2026/09/public-service-come-her-whatever-the-problem/): ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕಡೆ ಸೆಪ್ಟೆಂಬರ್ 12ರಂದು `ಪ್ರಜಾ ಸೇವೆ’ ಆಂದೋಲನ ನಡೆಯಲಿದೆ. ಆ ದಿನ ಬೆಳಗ್ಗೆ 10ಗಂಟೆಗೆ ಸಿದ್ದಾಪುರ, ಕುಮಟಾ, ಕಾರವಾರ, ಹೊನ್ನಾವರ ಮುಂಡಗೋಡು ಹಾಗೂ ಜೊಯಿಡಾದಲ್ಲಿ ಏಕಕಾಲಕ್ಕೆ ಜನರ ಅಹವಾಲು ಆಲಿಸಲು ನಿರ್ಧರಿಸಲಾಗಿದೆ. ಸಿದ್ದಾಪುರ ತಾಲೂಕು ಕೋಡ್ಕಣಿ ಹೋಬಳಿಯ ಹಲಗೇರಿ ಗ್ರಾಮದ ಬಿ ಆರ್ ಅಂಬೇಡ್ಕರ್ ಸಮುದಾಯ ಭವನದಲ್ಲಿ ಶಿರಸಿ-ಸಿದ್ದಾಪುರ ಶಾಸಕ ಭೀಮಣ್ಣ ಟಿ ನಾಯ್ಕ ಅವರ ಅಧ್ಯಕ್ಷತೆಯಲ್ಲಿ ತಾಲೂಕು ಮಟ್ಟದ ಪ್ರಜಾಸೇವೆ ಆಂದೋಲನ ಸಭೆ ನಡೆಯಲಿದೆ. ಕುಮಟಾ ತಾಲೂಕಿನ ಗೋಕರ್ಣ ಹೋಬಳಿಯ ತೊರ್ಕೆ ಗ್ರಾಮದ ನಾಡವರ ಸಭಾಭವನದಲ್ಲಿ ಕುಮಟಾ-ಹೊನ್ನಾವರ ಶಾಸಕ ದಿನಕರ ಕೆ ಶೆಟ್ಟಿ ಅಧ್ಯಕ್ಷತೆಯಲ್ಲಿ ಸಭೆ ನಡೆಯಲಿದೆ. ಹೊನ್ನಾವರ ತಾಲೂಕು ಮಂಕಿ ಹೋಬಳಿಯ ಕುಂಬಾರಕೇರಿಯ ಶ್ರೀ ಕೊಕ್ಕೇಶ್ವರ ಶಂಭುಲಿ0ಗ ದೇವಸ್ಥಾನ ಸಭಾಭವನದಲ್ಲಿ ವಿಧಾನಸಭೆಯ ಉಪಾಧ್ಯಕ್ಷರು ಹಾಗೂ ಭಟ್ಕಳ-ಹೊನ್ನಾವರ ಶಾಸಕ ಮಂಕಾಳ್ ವೈದ್ಯ ಅವರ ಅಧ್ಯಕ್ಷತೆಯಲ್ಲಿ ಸಭೆ ನಡೆಸಲು ನಿರ್ಧರಿಸಲಾಗಿದೆ. ಕಾರವಾರ ತಾಲೂಕು ಘಾಡಸಾಯಿ ಹೋಬಳಿಯ ಮಲ್ಲಾಪುರ ಗ್ರಾಮ ಪಂಚಾಯತ್ ಸಭಾಭವನದಲ್ಲಿ ಕರ್ನಾಟಕ ಮಾರ್ಕೆಟಿಂಗ್, ಕಮ್ಯೂನಿಕೇಶನ್ ಮತ್ತು ಅಡ್ವರ್ಟೈಸಿಂಗ್ ಏಜೆನ್ಸಿ ಲಿಮಿಟೆಡ್ ಅಧ್ಯಕ್ಷರು ಹಾಗೂ ಕಾರವಾರ-ಅಂಕೋಲಾ ಶಾಸಕ ಸತೀಶ್ ಕೃಷ್ಣ ಸೈಲ್ ಅಧ್ಯಕ್ಷತೆಯಲ್ಲಿ ಸಭೆ ನಡೆಯಲಿದೆ. ಮುಂಡಗೋಡ ತಾಲೂಕು ಪಾಳಾ ಹೋಬಳಿಯ ಅಂಬೇಡ್ಕರ್ ಭವನದಲ್ಲಿ ಯಲ್ಲಾಪುರ-ಮುಂಡಗೋಡ ಶಾಸಕ ಶಿವರಾಮ ಹೆಬ್ಬಾರ ಅವರ ಅಧ್ಯಕ್ಷತೆಯಲ್ಲಿ ಸಭೆ ನಡೆಯಲಿದೆ. ಜೋಯಿಡಾ ತಾಲ್ಲೂಕು ಕುಂಬಾರವಾಡಾ ಹೋಬಳಿಯ ಕಾತೇಲಿ ಗ್ರಾಮದ ಕ್ಷೇತ್ರಪಾಲ ಸಭಾಭವನದಲ್ಲಿ ಆಡಳಿತ ಸುಧಾರಣಾ ಆಯೋಗದ ಅಧ್ಯಕ್ಷರು ಹಾಗೂ ಹಳಿಯಾಳ-ದಾಂಡೇಲಿ-ಜೋಯಿಡಾ ಶಾಸಕ ಆರ್ ವಿ ದೇಶಪಾಂಡೆ ಅಧ್ಯಕ್ಷತೆಯಲ್ಲಿ ಹೋಬಳಿ ಮಟ್ಟದ ಸಭೆ ಜರುಗಲಿದೆ. ಸಾರ್ವಜನಿಕರು ಈ ಸಭೆಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ, ತಮ್ಮ ಅಹವಾಲುಗಳನ್ನು ಸಲ್ಲಿಸುವ ಮೂಲಕ ಸರ್ಕಾರದ ವಿವಿಧ ಯೋಜನೆಗಳ ಸವಲತ್ತು ಹಾಗೂ ಸಮಸ್ಯೆಗಳಿಗೆ ಪರಿಹಾರ ಪಡೆದುಕೊಳ್ಳುವಂತೆ ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ ಅವರು ತಿಳಿಸಿದ್ದಾರೆ.
- [ಕಾತೂರು ಸೊಸೈಟಿ: ಗೊಬ್ಬರ ಮಾರಾಟದಲ್ಲಿ ಅಪರಾತಪರ!](https://mobiletime.in/2026/09/katoor-society-irregularities-in-fertilizer-sales/): ಮುಂಡಗೋಡದ ಕಾತೂರು ವಿವಿಧೋದ್ದೇಶಗಳ ಸೇವಾ ಸಹಕಾರಿ ಸಂಘದಲ್ಲಿ ಅಪರಾತಪರ ನಡೆದಿದೆ. 33 ಲಕ್ಷ ರೂ ಹಣ ದುರುಪಯೋಗ ನಡೆದ ಬಗ್ಗೆ ರೈತರು ದೂರಿದ್ದಾರೆ. ಈ ಅವ್ಯವಹಾರ ಖಂಡಿಸಿ ಸೊಸೈಟಿ ಸದಸ್ಯರು ಪ್ರತಿಭಟನೆ ಮಾಡಿದ್ದಾರೆ. ಸಂಘದ ಕಚೇರಿ ಎದುರು ಜಮಾಯಿಸಿದ ಜನ ಧರಣಿ ಸತ್ಯಾಗೃಹ ನಡೆಸಿದ್ದಾರೆ. `ಸೊಸೈಟಿನಲ್ಲಿ ನಡೆದ ಅಕ್ರಮಗಳ ಸಮಗ್ರ ತನಿಖೆ ನಡೆಸಬೇಕು. ತಪ್ಪಿತಸ್ಥರು ಎಷ್ಟೇ ಪ್ರಭಾವಿಯಾಗಿದ್ದರೂ ಅವರ ವಿರುದ್ಧ ಕ್ರಮ ಜರುಗಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ರೈತರ ಹಣವನ್ನು ಬಡ್ಡಿಸಹಿತ ಮರಳಿಸಬೇಕು. ಅಕ್ರಮ ನಡೆಯಲು ಕಾರಣರಾದವರ ವಿರುದ್ಧವೂ ಕ್ರಮವಾಗಬೇಕು. ಸೇವೆಯಲ್ಲಿದ್ದ ಸಿಬ್ಬಂದಿಯನ್ನು ಅಮಾನತಿನಲ್ಲಿರಿಸಿ ತನಿಖೆ ನಡೆಸಬೇಕು’ ಎಂದು ಒತ್ತಾಯಿಸಿದ್ದಾರೆ. `ಗೊಬ್ಬರ ವಿಭಾಗದಲ್ಲಿ ಈ ಅವ್ಯವಹಾರ ನಡೆದಿದೆ. ದೂರಿನ ನಂತರ ಲೆಕ್ಕ ಸರಿದೂಗಿಸಲು ಆ ಹಣ ತುಂಬಿಸಿಕೊಳ್ಳುವ ಪ್ರಯತ್ನ ನಡೆದಿದೆ. ಕೆಲವರಿಗೆ ನಿಯಮ ನೀಡಿ ಸಾಲ ನೀಡಲಾಗಿದೆ. ಸಿಬ್ಬಂದಿ ವಿರುದ್ಧ ಮಾತ್ರ ಕ್ರಮವಾಗಿಲ್ಲ’ ಎಂದು ದೂರಿದರು.
- [ಕಸ್ತೂರಿ ರಂಗನ್: ಬಾಹ್ಯಾಕಾಶ ಆಧಾರಿತ ವರದಿ ನಮಗೆ ಬೇಡ!](https://mobiletime.in/2026/09/kasturirangan-we-do-not-want-a-space-based-report/): ಕಸ್ತೂರಿ ರಂಗನ್ ವರದಿಯ ಬಗ್ಗೆ ಯಲ್ಲಾಪುರದ ಆದಿವಾಸಿ ಹಕ್ಕುಗಳ ಸಮನ್ವಯ ಸಮಿತಿಯವರು ತೀವೃ ಕಳವಳವ್ಯಕ್ತಪಡಿಸಿದ್ದಾರೆ. `ರಾಜ್ಯ ಸರ್ಕಾರವೂ ಆ ವರದಿಯನ್ನು ತಿರಸ್ಕರಿಸುವ ಬಗ್ಗೆ ಕೇಂದ್ರ ಸರ್ಕಾರಕ್ಕೆ ಆಕ್ಷೇಪಣೆ ಸಲ್ಲಿಸಬೇಕು’ ಎಂದು ಅವರು ಮನವಿ ಮಾಡಿದ್ದಾರೆ. ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಕಸ್ತೂರಿ ರಂಗನ್ ವರದಿಯ ಕುರಿತು ಅಧಿವೇಶನದಲ್ಲಿ ಚರ್ಚೆ ನಡೆಸಬೇಕು ಎಂದು ಆಗ್ರಹಿಸಿದ್ದು, ಅವರ ಬೇಡಿಕೆಗೆ ಆದಿವಾಸಿ ಹಕ್ಕುಗಳ ಸಮನ್ವಯ ಸಮಿತಿಯವರು ಧ್ವನಿಯಾಗಿದ್ದಾರೆ. ಈ ಕುರಿತು ಗುರುವಾರ ಯಲ್ಲಾಪುರ ತಹಶೀಲ್ದಾರ್ ಕಚೇರಿ ಮೂಲಕ ಮುಖ್ಯಮಂತ್ರಿಗಳಿಗೆ ಮನವಿ ಪತ್ರ ರವಾನಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿಯ ಕರಡು ಅಧಿಸೂಚನೆಯಡಿ ಗಣಿಗಾರಿಕೆ, ಕಲ್ಲು ಗಣಿಗಾರಿಕೆ, ಮರಳು ಗಣಿಗಾರಿಕೆ, ಉಷ್ಣ ವಿದ್ಯುತ್ ಸ್ಥಾವರಗಳು ಹಾಗೂ ನಿರ್ದಿಷ್ಟ ಮಿತಿಗಿಂತ ಹೆಚ್ಚಿನ ಕಟ್ಟಡ ಮತ್ತು ಟೌನ್‌ಶಿಪ್ ಅಭಿವೃದ್ಧಿ ಚಟುವಟಿಕೆಗಳನ್ನು ನಿಯಂತ್ರಿಸಲು ಪ್ರಸ್ತಾಪಿಸಲಾಗಿದೆ. ಕೃಷಿ, ನೆಡುತೋಪು ಸೇರಿದಂತೆ ಜನರ ದೈನಂದಿನ ಜೀವನಾಧಾರ ಚಟುವಟಿಕೆಗಳ ಮೇಲೆ ನಿರ್ದಿಷ್ಟ ಪರಿಣಾಮ ಬೀರಲಿದೆ. ಕಸ್ತೂರಿ ರಂಗನ್ ಸಮಿತಿಯ ಶಿಫಾರಸುಗಳನ್ನು ಅನುಷ್ಠಾನಗೊಳಿಸುವುದರಿಂದ ಈಗಾಗಲೇ ಅಭಯಾರಣ್ಯಗಳು, ರಕ್ಷಿತ ಪ್ರದೇಶಗಳು, ಅಧಿಸೂಚಿತ ಅರಣ್ಯಗಳು ಹಾಗೂ ಪರಿಸರ ಸೂಕ್ಷ್ಮ ಪ್ರದೇಶಗಳಾಗಿ ಗುರುತಿಸಲ್ಪಟ್ಟಿರುವ ಪ್ರದೇಶಗಳ ಮೇಲೆ ಹೆಚ್ಚುವರಿ ನಿರ್ಬಂಧಗಳು ಉಂಟಾಗುವ ಸಾಧ್ಯತೆಗಳಿವೆ. ಇದರಿಂದ ಪಶ್ಚಿಮಘಟ್ಟದ ಜನರ ಜೀವನೋಪಾಯಕ್ಕೆ ಪ್ರತಿಕೂಲ ಪರಿಣಾಮ ಬೀರಲಿದೆ’ ಎಂದು ಆದಿವಾಸಿ ಹಕ್ಕುಗಳ ಸಮನ್ವಯ ಸಮಿತಿ ಸದಸ್ಯರಾದ ಲಕ್ಷ್ಮಿ ಸಿದ್ದಿ, ಪ್ರೇಮಾನಂದ ವೇಳಿಪ,ರಾಜೇಶ್ ಗೌಡ, ಬೀಮಣ್ಣ ಬೋವಿ, ಜೋನ್ ಬಿಳ್ಕಿಕರ್, ಬಜ್ಜು ಜನ್ನು ಪಿಂಗಳೆ,ನಾರಾಯಣ ಕಣುಬಿ, ಗೌರಿ ಮರಾಠಿ, ಡಿ ಶ್ಯಾಮಸನ್, ಗಂಗಾ ಕೊಕರೆ ಅವರು ಹೇಳಿದ್ದಾರೆ. `ಪಶ್ಚಿಮಘಟ್ಟ ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಸೇರಿಸುವ ಕಸ್ತೂರಿ ರಂಗನ್ ವರದಿ ಆದರಿಸಿ ಕೇಂದ್ರ ಸರ್ಕಾರ ಹೊರಡಿಸಿರುವ ಏಳನೇ ಕರಡು ಅಧಿಸೂಚನೆಗೆ ಕರ್ನಾಟಕ ರಾಜ್ಯ ಸರ್ಕಾರ ಸಮರ್ಪಕ ಆಕ್ಷೇಪಣೆ ಸಲ್ಲಿಸುವುದು ಅತಿ ಮುಖ್ಯವಾಗಿದೆ’ ಎಂದು ಅವರು ಪ್ರತಿಪಾದಿಸಿದ್ದಾರೆ. `ರಾಜ್ಯದ ಪಶ್ಚಿಮಘಟ್ಟ ಪ್ರದೇಶದಲ್ಲಿ ವಾಸಿಸುವ ಸುಮಾರು 40 ಲಕ್ಷ ಜನರಲ್ಲಿ ಕಸ್ತೂರಿ ರಂಗನ್ ವರದಿ ಜಾರಿ ಕುರಿತು ಆತಂಕ ಮೂಡಿದೆ. ಅಲ್ಲಿನವರ ಜೀವನೋಪಾಯ ಹಾಗೂ ಹಿತಾಸಕ್ತಿಗೆ ಧಕ್ಕೆಯಾಗದಂತೆ ರಾಜ್ಯ ಸರ್ಕಾರ ಸೂಕ್ತ ಕ್ರಮ ಕೈಗೊಳ್ಳಬೇಕು’ ಎಂದು ಒತ್ತಾಯಿಸಿದ್ದಾರೆ. `ಕಸ್ತೂರಿ ರಂಗನ್ ನೇತೃತ್ವದ ಉನ್ನತ ಮಟ್ಟದ ಕಾರ್ಯನಿರತ ತಂಡವು 2013ರಲ್ಲಿ ಪಶ್ಚಿಮಘಟ್ಟ ಸಂರಕ್ಷಣೆ ಕುರಿತು ಬಾಹ್ಯಾಕಾಶ ಮೂಲಕ ಸರ್ವೆ ಮಾಡಿ ವರದಿ ಸಲ್ಲಿಸಿತ್ತು. ವರದಿಯಲ್ಲಿ ದೇಶದ ಆರು ರಾಜ್ಯಗಳ ಸುಮಾರು 56,000 ಚದರ ಕಿಮೀ ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶವೆಂದು ಗುರುತಿಸಲು ಶಿಫಾರಸು ಮಾಡಲಾಗಿದ್ದು, ಕರ್ನಾಟಕದ 20,668 ಚದರ ಕಿಮೀ. ಪ್ರದೇಶ ಇದರಲ್ಲಿ ಸೇರಿದೆ. ಕೇಂದ್ರ ಸರ್ಕಾರವು 2026ರಜುಲೈ 27ರಂದು ಹೊರಡಿಸಿರುವ ಏಳನೇ ಕರಡು ಅಧಿಸೂಚನೆಯಡಿ ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆ ಸೇರಿದಂತೆ ಬೆಳಗಾವಿ, ಚಾಮರಾಜನಗರ, ಚಿಕ್ಕಮಗಳೂರು, ಕೊಡಗು, ಹಾಸನ, ದಕ್ಷಿಣ ಕನ್ನಡ, ಮೈಸೂರು, ಶಿವಮೊಗ್ಗ, ಉಡುಪಿ 10 ಜಿಲ್ಲೆಗಳ 39 ತಾಲ್ಲೂಕುಗಳ 1,449 ಗ್ರಾಮಗಳನ್ನು ಪರಿಸರ ಸೂಕ್ಷ್ಮ ಪ್ರದೇಶದ ವ್ಯಾಪ್ತಿಗೆ ಸೇರಿಸಲು ಗುರುತಿಸಲಾಗಿದೆ. ಉತ್ತರ ಕನ್ನಡ ಜಿಲ್ಲೆಯ 567 ಗ್ರಾಮಗಳು ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಬರುತ್ತವೆ’ ಎಂದವರು ಆತಂಕವ್ಯಕ್ತಪಡಿಸಿದ್ದಾರೆ. ಈ ಎಲ್ಲಾ ವಿಷಯಗಳ ಬಗ್ಗೆ ಅವರು ಮುಖ್ಯಮಂತ್ರಿಗಳಿಗೆ ಮನವಿ ರವಾನಿಸಿದ್ದಾರೆ.  
- [ಕ್ರೀಡಾಕೂಟ: ಹಾರವಾಡ ವಿದ್ಯಾರ್ಥಿಗಳ ಸಾಧನೆ](https://mobiletime.in/2026/09/sports-meet-achievement-by-dharwad-students/): 14 ವರ್ಷ ವಯೋಮಿತಿಯ ಮಕ್ಕಳಿಗಾಗಿ ಅಂಕೋಲಾದಲ್ಲಿ ತಾಲೂಕು ಮಟ್ಟದ ಕ್ರೀಡಾಕೂಟ ನಡೆದಿದ್ದು, ಈ ಕ್ರೀಡಾಕೂಟದಲ್ಲಿ ಹಾರವಾಡ ಪುನರ್ವಸತಿ ಶಾಲೆಯ ಬಾಲಕಿಯರು ಉತ್ತಮ ಸಾಧನೆ ಮಾಡಿದ್ದಾರೆ. ಸೆಪ್ಟೆಂಬರ್ 9ರಂದು ಅಂಕೋಲಾದಲ್ಲಿ ಈ ಕ್ರೀಡಾಕೂಟ ನಡೆದಿದೆ. ಹಾರವಾಡ ಪುನರ್ವಸತಿ ಶಾಲೆಯವರು ಅತ್ಯಂತ ಉತ್ಸಾಹದಿಂದ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದಾರೆ. ಸ್ಪರ್ಧಾತ್ಮಕ ಮನೋಭಾವನೆಯಿಂದ ಭಾಗವಹಿಸಿದ ಮಕ್ಕಳು ಪ್ರಶಸ್ತಿಯನ್ನು ಗೆದ್ದು ಬಂದಿದ್ದಾರೆ. ಪ್ರಶಸ್ತಿ ಗೆದ್ದ ಮಕ್ಕಳು ಜಿಲ್ಲಾ ಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದು, ಅವರ ಸಾಧನೆಯ ಬಗ್ಗೆ ಊರಿನವರು ಹೆಮ್ಮೆವ್ಯಕ್ತಪಡಿಸಿದ್ದಾರೆ. 100ಮೀ ಓಟದ ಸ್ಪರ್ಧೆಯಲ್ಲಿ ಸಾನಿಕಾ ಸುಭಾಷ್ ನಾಯ್ಕ ಅವರು ದ್ವಿತೀಯ ಬಹುಮಾನಪಡೆದಿದ್ದಾರೆ. 200ಮೀ ಓಟದ ಸ್ಪರ್ಧೆಯಲ್ಲಿ ಸನ್ನಿದಿ ದಿನಕರ ಹರಿಕಂತ್ರ ದ್ವಿತೀಯ ಸ್ಥಾನಪಡೆದಿದ್ದಾರೆ. ಥ್ರೋಬಾಲ್ ಗುಂಪು ಆಟದಲ್ಲಿ ಶಾಲೆಯ ಮಕ್ಕಳು ಎರಡನೇ ಬಹುಮಾನ ಗೆದ್ದಿದ್ದಾರೆ. 4×100 ರೀಲೆ ಸ್ಪರ್ಧೆಯಲ್ಲಿ ಈ ಶಾಲೆಯವರು ದ್ವಿತೀಯ ಬಹುಮಾನ ತಮ್ಮದಾಗಿಸಿಕೊಂಡಿದ್ದಾರೆ. ಈ ಎಲ್ಲಾ ಸಾಧನೆ ಮಾಡಿದ ಮಕ್ಕಳಿಗೆ ಶಾಲೆ ಮುಖ್ಯಾಧ್ಯಾಪಕರು, ದೈಹಿಕ ಶಿಕ್ಷಕರು ಹಾಗೂ ಎಸ್ ಡಿ ಎಂ ಸಿಯವರು ಶುಭ ಹಾರೈಸಿದ್ದಾರೆ.
- [ಪೊಲೀಸರಿಂದ ತಪ್ಪಿಸಿಕೊಂಡಿದ್ದ ಪೋಕ್ಸೋ ಆರೋಪಿ: ದಂಡ!](https://mobiletime.in/2026/09/pocso-accused-who-escaped-from-police-fined/): ಅಪ್ರಾಪ್ತೆ ಮೇಲಿನ ಅತ್ಯಾಚಾರ ಪ್ರಕರಣದಲ್ಲಿ ಆರೋಪಿಯಾಗಿದ್ದ ಈಶ್ವರ ಮುಕ್ರಿ ಅವರು ಪೊಲೀಸರನ್ನು ದೂಡಿ ಪರಾರಿಯಾಗಿದ್ದು, ಅವರ ವರ್ತನೆ ಬಗ್ಗೆ ಕುಮಟಾ ನ್ಯಾಯಾಲಯ ತೀವೃ ಅಸಮಧಾನವ್ಯಕ್ತಪಡಿಸಿದೆ. ಪೊಲೀಸರ ಜೊತೆ ಅನುಚಿತವಾಗಿ ವರ್ತಿಸಿ ಪರಾರಿಯಾಗಿದ್ದ ತಪ್ಪಿಗೆ ಈಶ್ವರ ಮುಕ್ರಿ ಅವರಿಗೆ 10 ಸಾವಿರ ರೂ ದಂಡ ವಿಧಿಸಿ ಆದೇಶಿಸಿದೆ. ಹೊನ್ನಾವರದಲ್ಲಿನ ಅಪ್ರಾಪ್ತೆ ಮೇಲೆ ನಡೆದ ಅತ್ಯಾಚಾರ ಪ್ರಕರಣದಲ್ಲಿ ಈಶ್ವರ ಕಣಿಯಾ ಮುಕ್ರಿ ಅವರು ಆರೋಪಿಯಾಗಿದ್ದರು. ಈ ಹಿನ್ನಲೆ ಪೊಲೀಸರು ಅವರನ್ನು ಬಂಧಿಸಿದ್ದರು. 2020ರ ಜೂನ್ 6ರಂದು ಪೊಲೀಸರು ಆರೋಪಿಯನ್ನು ಕಾರವಾರ ನ್ಯಾಯಾಲಯಕ್ಕೆ ಹಾಜರುಪಡಿಸಲು ಕರೆದೊಯ್ಯುತ್ತಿದ್ದರು. ರಾತ್ರಿ 8 ಗಂಟೆ ಅವಧಿಯಲ್ಲಿ ಈಶ್ವರ ಮುಕ್ರಿ ಅವರು `ಮೂತ್ರ ವಿಸರ್ಜನೆ ಮಾಡಬೇಕು’ ಎಂದಿದ್ದು, ಪೊಲೀಸರು ಅವರನ್ನು ಶೌಚಾಲಯದ ಬಳಿ ಕರೆದೊಯ್ದಿದ್ದರು. ಆಗ, ಅಲ್ಲಿದ್ದ ಪೊಲೀಸರನ್ನು ದೂಡಿದ ಈಶ್ವರ ಮುಕ್ರಿ ತಪ್ಪಿಸಿಕೊಂಡು ಪರಾರಿಯಾಗಿದ್ದರು. ಅದಾದ ನಂತರ ವಿಶೇಷ ಕಾರ್ಯಾಚರಣೆ ನಡೆಸಿದ ಪೊಲೀಸರು ಮತ್ತೆ ಅವರನ್ನು ಬಂಧಿಸಿದ್ದರು. ಪೊಲೀಸರಿಂದ ತಪ್ಪಿಸಿಕೊಂಡು ಹೋದ ಬಗ್ಗೆ ಇನ್ನೊಂದು ಕೇಸು ದಾಖಲಿಸಿದ್ದರು. ಈ ಕೇಸು ಕುಮಟಾ ನ್ಯಾಯಾಲಯಕ್ಕೆ ಬಂದಿದ್ದು, ಪೊಲೀಸ್ ಉಪನಿರೀಕ್ಷಕ ರವಿ ಗುಡ್ಡಿ ಅವರು ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು. ಆಗಿನ ಸರ್ಕಾರಿ ಅಭಿಯೋಜಕ ಅಣ್ಣಪ್ಪ ನಾಯ್ಕ ಅವರು ಸಾಕ್ಷಿ ವಿಚಾರಣೆ ಮಾಡಿದ್ದರು. ಸದ್ಯ ಕುಮಟಾ ನ್ಯಾಯಾಲಯದಲ್ಲಿ ಸರ್ಕಾರಿ ಅಭಿಯೋಜಕರಾಗಿರುವ ಗಿರೀಶ ನಾಗಪ್ಪ ಪಟಗಾರ ಅವರು ವಾದ ಮಂಡಿಸಿದರು. `ಪೊಲೀಸರನ್ನು ದೂಡಿ ಪರಾರಿಯಾದ ಆರೋಪಿಗೆ ಸೂಕ್ತ ಶಿಕ್ಷೆ ವಿಧಿಸಬೇಕು’ ಎಂದು ಗಿರೀಶ ಪಟಗಾರ ಅವರು ವಾದಿಸಿದರು. ವಿವಿಧ ದಾಖಲೆ ಹಾಗೂ ಸಾಕ್ಷಿ ಗಮನಿಸಿದ ನ್ಯಾಯಾಧೀಶೆ ವರ್ಷ ಶ್ರೀ ಅವರು ಈಶ್ವರ ಮುಕ್ರಿ ಅವರ ಮೇಲಿನ ಆರೋಪ ಸಾಭೀತಾಗಿದೆ ಎಂದು ತೀರ್ಪು ನೀಡಿದರು. ಜೊತೆಗೆ ಪೊಲೀಸರಿಂದ ತಪ್ಪಿಸಿಕೊಂಡು ಪರಾರಿಯಾದ ತಪ್ಪಿಗೆ ಅವರಿಗೆ 10 ಸಾವಿರ ರೂ ದಂಡ ವಿಧಿಸಿದರು. ದಂಡ ಪಾವತಿಸದೇ ಇದ್ದರೆ ಎರಡು ತಿಂಗಳು ಜೈಲು ಶಿಕ್ಷೆ ಅನುಭವಿಸಬೇಕು ಎಂದು ಆದೇಶಿಸಿದರು.
- [ಇಲ್ಲಿ ಎಲ್ಲಡೆ ಪೊಲೀಸರಿರಬೇಕು!](https://mobiletime.in/2026/09/there-should-be-police-everywhere-here/): `ಶಾಲಾ-ಕಾಲೇಜು ಮಕ್ಕಳಿಗೆ ಆಗುವ ಅನಾನುಕೂಲ ತಪ್ಪಿಸಲು ಯಲ್ಲಾಪುರ ಬಸ್ ನಿಲ್ದಾಣ ಹಾಗೂ ಅಂಬೇಡ್ಕರ್ ಸರ್ಕಲ್ ಬಳಿ ಕಡ್ಡಾಯವಾಗಿ ಪೊಲೀಸ್ ಸಿಬ್ಬಂದಿ ನೇಮಿಸಬೇಕು’ ಎಂದು ಲಾರಿ ಚಾಲಕರ ಸಂಘದವರು ಆಗ್ರಹಿಸಿದ್ದಾರೆ. ಮುಖ್ಯವಾಗಿ `ವಿದ್ಯಾರ್ಥಿನಿಯರ ಸುರಕ್ಷತೆಗೆ ಒತ್ತು ನೀಡುವ ಉದ್ದೇಶಕ್ಕಾಗಿ ಇಲ್ಲಿ ಪೊಲೀಸರ ಹಾಜರಾತಿ ಅನಿವಾರ್ಯ’ ಎಂದವರು ಹೇಳಿದ್ದಾರೆ. ಗುರುವಾರ ಯಲ್ಲಾಪುರ ಪೊಲೀಸ್ ಠಾಣೆಗೆ ಭೇಟಿ ನೀಡಿದ ಸಂಘದ ಅಧ್ಯಕ್ಷ ಸಂತೋಷ ನಾಯ್ಕ ಅವರು ಪಿಸೈ ರಾಜಶೇಖರ್ ವಂದಲಿ ಅವರ ಬಳಿ ಮಾತನಾಡಿದ್ದಾರೆ. ಶಾಲೆ ಶುರುವಾಗುವ ಹಾಗೂ ಬಿಡುವ ಅವಧಿಯಲ್ಲಿ ಏಕಾಏಕಿ ಜನ ಜಂಗುಳಿ ಉಂಟಾಗುತ್ತಿದ್ದು, ಆ ಸನ್ನಿವೇಶವನ್ನು ಕೆಲವರು ದುರುಪಯೋಗಪಡಿಸಿಕೊಳ್ಳುವ ಸಾಧ್ಯತೆಗಳಿವೆ. ವಿದ್ಯಾರ್ಥಿನಿಯರನ್ನು ಚುಡಾಯಿಸುವುದು ಹಾಗೂ ಹಿಯಾಳಿಸುವುದನ್ನು ತಪ್ಪಿಸುವುದರ ಜೊತೆ ಸಂಚಾರಿ ದಟ್ಟಣೆ ಕಡಿಮೆ ಮಾಡಲು ಬಸ್ ನಿಲ್ದಾನ ಹಾಗೂ ಅಂಬೇಡ್ಕರ್ ಸರ್ಕಲ್ ಬಳಿ ಪೊಲೀಸ್ ಸಿಬ್ಬಂದಿ ನಿಯೋಜಿಸುವುದು ಅನಿವಾರ್ಯವಾಗಿದೆ’ ಎಂದವರು ಹೇಳಿದ್ದಾರೆ. `ಅಂಬೇಡ್ಕರ್ ವೃತ್ತದ ಸಮೀಪ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ ಹಾಗೂ ವೈಟಿಎಸ್‌ಎಸ್ ಸಂಸ್ಥೆಯಿದ್ದು, 600ಕ್ಕೂ ಅಧಿಕ ಮಕ್ಕಳು ವ್ಯಾಸಂಗ ಮಾಡುತ್ತಾರೆ. ಶಾಲೆಗೆ ಹೋಗುವಾಗ ಹಾಗೂ ಶಾಲೆಯಿಂದ ಮನೆಗೆ ಮರಳುವಾಗ ಅನೇಕರು ಇಲ್ಲಿ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಆ ಅವಧಿಯಲ್ಲಿ ವಾಹನ ಸಂಚಾರವೂ ಜೋರಾಗಿದ್ದು, ಸಂಚಾರಿ ನಿಯಮ ಪಾಲಿಸದೇ ಸಂಚರಿಸುವವರೇ ಅಧಿಕವಾಗಿ ಕಾಣುತ್ತಾರೆ. ಅದರಿಂದ ಅಪಾಯದ ಸಾಧ್ಯತೆಗಳು ಹೆಚ್ಚಿವೆ. ಜನ ಸಂದಣಿ ಆಗುವ ಪ್ರದೇಶದಲ್ಲಿ ಪುಂಡ ಪೋಕರಿ ಕಾಟವೂ ಸಹಜವಾಗಿದ್ದು, ಬಸ್ ನಿಲ್ದಾಣದಲ್ಲಿಯೂ ಒಬ್ಬ ಪೊಲೀಸ್ ಸಿಬ್ಬಂದಿ ನಿಯೋಜಿಸುವುದು ಉತ್ತಮ’ ಎಂದು ಮನವಿ ಸಲ್ಲಿಸಿದರು. ಸಂಘಟನೆ ಪ್ರಮುಖರಾದ ಶಂಕರ್ ಅತ್ತರವಾಲ್, ಅಶೋಕ ಮರಾಠಿ, ಸುನಿಲ್ ಮೋರೆಕರ್, ಕರೀಂ ಖಾನ್, ಸಂದೀಪ ವಡ್ಡರ್, ಬಸವರಾಜ್ ನಾಡಿಗೇರ್, ಅಲ್ತಾಪ್ ಶೇಖ್, ಶ್ರೀನಿವಾಸ ಹೊನ್ನಿಗದ್ದೆ ಇತರರು ತುರ್ತು ಕ್ರಮಕ್ಕೆ ಒತ್ತಾಯಿಸಿದರು.
- [ಕಸ್ತೂರಿ ರಂಗನ್ ವಿಚಾರ: ಮುಖ್ಯಮಂತ್ರಿಗೆ ಪತ್ರ ಬರೆದ ರೈತ ಸಂಘ](https://mobiletime.in/2026/09/kasturirangan-issue-farmers-association-writes-to-chief-minister/): `ವಿಧಾನಸಭಾ ಅಧೀವೇಶನದಲ್ಲಿ ಕಸ್ತೂರಿ ರಂಗನ್ ವರದಿ ಬಗ್ಗೆ ವಿಶೇಷ ಚರ್ಚೆ ನಡೆಸಬೇಕು. ಜೊತೆಗೆ `ರಾಜ್ಯ ಸರ್ಕಾರವೂ ವೈಜ್ಞಾನಿಕ ವಿಶ್ಲೇಷಣೆ ಜೊತೆ ಕೇಂದ್ರ ಸರ್ಕಾರಕ್ಕೆ ಆಕ್ಷೇಪಣೆ ಸಲ್ಲಿಸಬೇಕು’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಉತ್ತರ ಕನ್ನಡ ಜಿಲ್ಲಾ ಸಮಿತಿ ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರಿಗೆ ಪತ್ರ ಬರೆದಿದೆ. ಡೀಸಿ ಕೆ ಲಕ್ಷಿಪ್ರಿಯಾ ಅವರ ಮೂಲಕ ಈ ಪತ್ರವನ್ನು ರವಾನಿಸಿದೆ. `ಪಶ್ಚಿಮಘಟ್ಟ ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶ ವ್ಯಾಪ್ತಿಗೆ ಸೇರಿಸುವ ಕಸ್ತೂರಿ ರಂಗನ್ ವರದಿ ಆದರಿಸಿ ಕೇಂದ್ರ ಸರ್ಕಾರ ಹೊರಡಿಸಿರುವ ಏಳನೇ ಕರಡು ಅಧಿಸೂಚನೆಗೆ ಕರ್ನಾಟಕ ರಾಜ್ಯ ಸರ್ಕಾರ ಆಕ್ಷೇಪಣೆ ಸಲ್ಲಿಸುವುದು ಅತೀ ಮುಖ್ಯ. ಈ ಬಗ್ಗೆ ರಾಜ್ಯ ಸರಕಾರ ಕರೆದಿರುವ ವಿಶೇಷ ಅಧಿವೇಶನದಲ್ಲಿ ಕೂಲಂಕುಷವಾಗಿ ಚರ್ಚಿಸಿ ವೈಜ್ಞಾನಿಕ ನೆಲೆಗಟ್ಟಿನಲ್ಲಿ ಆಕ್ಷೇಪಣೆ ಸಲ್ಲಿಸಲು ತೀರ್ಮಾನ ತೆಗೆದುಕೊಳ್ಳಬೇಕು’ ಎಂದು ಪತ್ರದ ಮೂಲಕ ಒತ್ತಾಯಿಸಲಾಗಿದೆ. `ರಾಜ್ಯದ ಪಶ್ಚಿಮಘಟ್ಟ ಪ್ರದೇಶದಲ್ಲಿ ವಾಸಿಸುವ ಸುಮಾರು 40 ಲಕ್ಷ ಜನರಲ್ಲಿ ಕಸ್ತೂರಿ ರಂಗನ್ ವರದಿ ಜಾರಿ ಕುರಿತು ಆತಂಕ ಮೂಡಿದ್ದು, ಅವರ ಜೀವನೋಪಾಯ ಹಾಗೂ ಹಿತಾಸಕ್ತಿಗೆ ಧಕ್ಕೆಯಾಗದಂತೆ ರಾಜ್ಯ ಸರ್ಕಾರ ಸೂಕ್ತ ಕ್ರಮ ಕೈಗೊಳ್ಳಬೇಕು’ ಎಂದು ಸಮಿತಿ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಆಗ್ರಹಿಸಿದ್ದಾರೆ. `ಕಸ್ತೂರಿ ರಂಗನ್ ವರದಿಗೆ ಸಂಬoಧಿಸಿದoತೆ ಈ ಹಿಂದಿನ ಸರ್ಕಾರಗಳ ಅವಧಿಯಲ್ಲಿಯೂ ಕೇಂದ್ರ ಸರಕಾರದ ಪ್ರಸ್ತಾವನೆಗಳಿಗೆ ತಿರಸ್ಕರಿಸಿ ತಿಳಿಸಲಾಗಿತ್ತು. ಪ್ರಸ್ತುತ ಕೇಂದ್ರ ಸರ್ಕಾರ ಹೊರಡಿಸಿರುವ 7ನೇ ಕರಡು ಅಧಿಸೂಚನೆಗೂ ರಾಜ್ಯ ಸರ್ಕಾರ ತನ್ನ ಆಕ್ಷೇಪಣೆ ಸಲ್ಲಿಸಬೇಕು. ವೈಜ್ಞಾನಿಕ ತಳಹದಿಯಲ್ಲಿ ಪರಿಶೀಲನೆ ನಡೆಯಬೇಕು’ ಎಂದವರು ಒತ್ತಾಯಿಸಿದ್ದಾರೆ. `ಕಸ್ತೂರಿ ರಂಗನ್ ನೇತೃತ್ವದ ಉನ್ನತ ಮಟ್ಟದ ಕಾರ್ಯನಿರತ ತಂಡವು 2013ರಲ್ಲಿ ಪಶ್ಚಿಮಘಟ್ಟ ಸಂರಕ್ಷಣೆ ಕುರಿತು ಬಾಹ್ಯಾಕಾಶ ಮೂಲಕ ಸರ್ವೆ ಮಾಡಿ ವರದಿ ಸಲ್ಲಿಸಿತ್ತು. ವರದಿಯಲ್ಲಿ ದೇಶದ ಆರು ರಾಜ್ಯಗಳ ಸುಮಾರು 56,000 ಚದರ ಕಿಮೀ ಪ್ರದೇಶವನ್ನು ಪರಿಸರ ಸೂಕ್ಷ್ಮ ಪ್ರದೇಶವೆಂದು ಗುರುತಿಸಲು ಶಿಫಾರಸು ಮಾಡಲಾಗಿದ್ದು, ಕರ್ನಾಟಕದ 20,668 ಚದರ ಕಿ.ಮೀ. ಪ್ರದೇಶ ಇದರಲ್ಲಿ ಸೇರಿದೆ’ ಎಂದು ವಿವರಿಸಲಾಗಿದೆ. `ಉತ್ತರ ಕನ್ನಡ ಜಿಲ್ಲೆ ಹಲವಾರು ರಾಷ್ಟ್ರೀಯ ಯೋಜನೆಗಳಿಗೆ ಸಾವಿರಾರು ಹೆಕ್ಟೇರ್ ಭೂಮಿ ನೀಡಿದೆ. ಅಲ್ಪ ಸ್ವಲ್ಪ ಭೂಮಿಯನ್ನು ಪರಿಸರ ಸೂಕ್ಷ್ಮ ಎಂದು ಮಾಡಿದರೆ ಮನುಷ್ಯನ ಬದುಕಿಗೂ ತೊಂದರೆ ಆಗಲಿದೆ’ ಎಂಬ ಅಂಶವನ್ನು ಪತ್ರದಲ್ಲಿ ಬರೆಯಲಾಗಿದೆ. ಈ ಸಮಿತಿಯ ಕಾರ್ಯದರ್ಶಿ ಶ್ಯಾಮನಾಥ ನಾಯ್ಕ, ಪದಾಧಿಕಾರಿಗಳಾದ ಗೌರೀಶ ನಾಯಕ, ಸಂತೋಷ ನಾಯ್ಕ ಜರಡಿ, ಯಮುನಾ ಗಾಂವ್ಕರ, ಎಂ ಎ ಖತೀಬ, ಶೇಕಪ್ಪ ಮುಂತಾದವರು ಈ ಪತ್ರ ರವಾನಿಸಿದ್ದಾರೆ.
- [ವೇದಮೂರ್ತಿಗೆ ಒಲಿದ ಕಾಳಿದಾಸ!](https://mobiletime.in/2026/09/kalidasa-enhanced-the-greatness-of-vedamurthy/): ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ಸೋಂದಾ ಮೂಲದ ಮಾಧವ ಪರಾಂಜಪೆ ಅವರಿಗೆ ಮಹಾರಾಷ್ಟ್ರ ಸರ್ಕಾರ `ಮಹಾಕವಿ ಕಾಳಿದಾಸ ಸಂಸ್ಕೃತ ಸಾಧನಾ ಪ್ರಶಸ್ತಿ’ ಘೋಷಿಸಿದೆ. ಸಂಸ್ಕೃತ ಭಾಷೆ, ವೇದಾಧ್ಯಯನ ಹಾಗೂ ಭಾರತೀಯ ಸಾಂಪ್ರದಾಯಿಕ ಜ್ಞಾನಪರಂಪರೆಯ ಸಂರಕ್ಷಣೆ-ಪ್ರಸಾರಕ್ಕಾಗಿ ಶ್ರಮಿಸುತ್ತಿರುವ ಕಾರಣ ಅವರಿಗೆ ಈ ಗೌರವ ದೊರೆತಿದೆ. ಮಾಧವ ಪರಾಂಜಪೆ ಅವರು ಅನೇಕ ವರ್ಷಗಳಿಂದ ವೇದಾಧ್ಯಯನ, ವೇದಾಧ್ಯಾಪನ, ವೇದ ಪಾರಾಯಣ ಹಾಗೂ ವೇದಸೇವೆಗೆ ತಮ್ಮ ಇಡೀ ಜೀವನವನ್ನೇ ಮುಡಿಪಾಗಿಟ್ಟಿದ್ದಾರೆ. ಪ್ರಾಚೀನ ಜ್ಞಾನಪರಂಪರೆಯನ್ನು ಮುಂದಿನ ಪೀಳಿಗೆಗೆ ಕೊಂಡೊಯ್ಯುವ ಕಾಯಕದಲ್ಲಿ ಅವರು ತಮ್ಮನ್ನು ನಿರಂತರವಾಗಿ ತೊಡಗಿಸಿಕೊಂಡಿದ್ದಾರೆ. ಗೋಕರ್ಣದ ಕೇಶವಶಾಸ್ತ್ರಿ ಜೋಗ್ಳೇಕರ್ ಗುರುಜಿಯವರ ಮಾರ್ಗದರ್ಶನದ ಜೊತೆ ಮಾಧವ ಪರಾಂಜಪೆ ಅವರ ಗರಡಿಯಲ್ಲಿ ಪಳಗಿದ ಆರು ಮಂದಿ ವಿದ್ಯಾರ್ಥಿಗಳು ದಶಗ್ರಂಥಸಹಿತ ಸಂಪೂರ್ಣ ಜೀವನವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದಾರೆ. ಮಹಾರಾಷ್ಟ್ರ ಸರ್ಕಾರ ಸಂಸ್ಕೃತ ಭಾಷೆ, ವೇದಾಧ್ಯಯನ ಹಾಗೂ ಭಾರತೀಯ ಸಾಂಪ್ರದಾಯಿಕ ಜ್ಞಾನಪರಂಪರೆಯ ಸಂರಕ್ಷಣೆ-ಪ್ರಸಾರಕ್ಕಾಗಿ ಶ್ರಮಿಸುವ ಶಿಕ್ಷಕರು, ಪಂಡಿತರು ಹಾಗೂ ಸಂಸ್ಕೃತ ಕಾರ್ಯಕರ್ತರಿಗೆ . `ಮಹಾಕವಿ ಕಾಳಿದಾಸ ಸಂಸ್ಕೃತ ಸಾಧನಾ ಪ್ರಶಸ್ತಿ’ ನೀಡಿ ಗೌರವಿಸುತ್ತಿದೆ. ಈ ಪ್ರಶಸ್ತಿ ಶಿರಸಿ ಸೋಂದಾ ಮೂಲದ ಮಾಧವ ಪರಾಂಜಪೆ ಅವರಿಗೆ ದೊರೆತಿರುವುದು ವೇದಪರಂಪರೆಯ ಸೇವೆಗೆ ಸಂದ ಶ್ರೇಷ್ಠ ಗೌರವ ಎಂದೇ ಬಣ್ಣಿಸಲಾಗಿದೆ. ಕಠಿಣ ಹಾಗೂ ಶ್ರಮಸಾಧ್ಯ ವೇದಾಧ್ಯಯನವನ್ನು ಆರು ಜನ ಶಿಷ್ಯರಿಗೆ ಯಶಸ್ವಿಯಾಗಿ ಕಲಿಸಿ ಪೂರ್ಣಗೊಳಿಸಿದ್ದು ಮಾಧವ ಪರಾಂಜಪೆ ಅವರ ಅಧ್ಯಾಪನ ಕೌಶಲ್ಯ ಮತ್ತು ಗುರುಶಿಷ್ಯ ಪರಂಪರೆಯ ಬದ್ಧತೆಗೆ ಸಾಕ್ಷಿಯಾಗಿದೆ.
- [ಡೀಸಿ ಆರ್ಡರ್: ಡಿಜೆ ಬಳಸಿದರೆ ದಂಡನೆ ಖಚಿತ!](https://mobiletime.in/2026/09/dcs-order-penalty-certain-if-djs-are-used/): ತಮಗಿರುವ ಅಧಿಕಾರವನ್ನು ಸಂಪೂರ್ಣವಾಗಿ ಬಳಸಿಕೊಂಡ ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕೆ ಲಕ್ಷ್ಮಿಪ್ರಿಯಾ ಅವರು ಜಿಲ್ಲೆಯಾದ್ಯಂತ ಡಿಜೆ ಬಳಕೆ ನಿಷೇಧಿಸಿ ಆದೇಶ ಹೊರಡಿಸಿದ್ದಾರೆ. ಪ್ರಭಾವಿಗಳ ಒತ್ತಡ, ಪರ-ವಿರೋಧ ಚರ್ಚೆ, ಆಕ್ಷೇಪಣೆ ಹಾಗೂ ಅಹವಾಲು ಸಲ್ಲಿಕೆಗಳ ನಡುವೆಯೂ ಅವರು ಈ ಆದೇಶ ಮಾಡಿದ್ದಾರೆ. `ವಸತಿ ಪ್ರದೇಶ, ಆಸ್ಪತ್ರೆ, ಶಾಲೆ, ನ್ಯಾಯಾಲಯ ಹಾಗೂ ಧಾರ್ಮಿಕ ಸ್ಥಳಗಳಿಂದ 100 ಮೀಟರ್ ವ್ಯಾಪ್ತಿಯೊಳಗಿನ ಪ್ರದೇಶಗಳಲ್ಲಿ ದೊಡ್ಡ ಶಬ್ದಗಳನ್ನು ಮಾಡುವ ಹಾಗಿಲ್ಲ. ರಸ್ತೆಯ ಇಳಿಜಾರು ಪ್ರದೇಶ, ಸಂಚಾರ ದಟ್ಟಣೆಯ ಪ್ರದೇಶ ಸಮುದಾಯ ಸೂಕ್ಷ್ಮ ಪ್ರದೇಶಗಳಲ್ಲಿ ರಾತ್ರಿ 10 ಗಂಟೆಯಿoದ ಬೆಳಗ್ಗೆ 6 ಗಂಟೆಯವರೆಗೆ ಶಬ್ದ ದೊಡ್ಡ ಧ್ವನಿವರ್ಧಕಗಳನ್ನು ಬಳಸುವ ಹಾಗಿಲ್ಲ’ ಎಂದವರು ಸೂಚಿಸಿದ್ದಾರೆ. ಡಿಜೆ ಬಳಕೆಯಿಂದ ವ್ಯಾಪಕ ಪ್ರಮಾಣದಲ್ಲಿ ಶಬ್ದ ಮಾಲಿನ್ಯ ಆಗುವುದನ್ನು ಅರಿತು ಜಿಲ್ಲಾಧಿಕಾರಿಗಳು ಈ ನಿರ್ಣಯ ಮಾಡಿದ್ದಾರೆ. ಶಬ್ದ ಮಾಲಿನ್ಯ ನಿಯಂತ್ರಣ ಮತ್ತು ನಿಯಮ ನಿಯಮಗಳು 2000ರನ್ವಯ ಹಾಗೂ ಭಾರತೀಯ ನಾಗರಿಕ ಸುರಕ್ಷಾ ಸಂಹಿತಾ 2023 ಕಲಂ 163ರಡಿ ಡೀಸಿಗೆ ನೀಡಲಾದ ಅಧಿಕಾರದ ಮೇರೆಗೆ ಅವರು ಈ ಆದೇಶ ಹೊರಡಿಸಿದ್ದಾರೆ. `ಸಾರ್ವಜನಿಕ ಸುವ್ಯವಸ್ಥೆಯ ಹಿತದೃಷ್ಟಿಯಿಂದ ಉತ್ತರ ಕನ್ನಡ ಜಿಲ್ಲೆಯ ವ್ಯಾಪ್ತಿಯಲ್ಲಿ ಯಾವುದೇ ಡಿಜೆ ಬಳಕೆ ಮಾಡುವ ಹಾಗಿಲ್ಲ’ ಎಂದವರು ಸೂಚಿಸಿದ್ದಾರೆ. ಅದರೊಂದಿಗೆ ಬೇಸ್ ಬೂಸ್ಟರ್‌ಗಳು, ಮೊಬೈಲ್ ಡಿಜೆ ವಾಹನಗಳು ಹಾಗೂ 75 ಡೆಸಿಬೆಲ್ ಮೀರಿದ ಶಬ್ದ ವೃದ್ಧಿ ಸಾಧನಗಳ ಬಳಕೆಯನ್ನು ಸಹ ಅವರು ಸಂಪೂರ್ಣವಾಗಿ ನಿಷೇಧಿಸಿದ್ದಾರೆ. ಇನ್ನೂ, ಯಾವುದೇ ಸಾರ್ವಜನಿಕ ಕಾರ್ಯಕ್ರಮ, ಮೆರವಣಿಗೆ ಅಥವಾ ಆಚರಣೆಯನ್ನು ಆಯೋಜಿಸುವವರು ಅತೀ ಅವಶ್ಯವಿದ್ದಲ್ಲಿ ಪೂರ್ವ ಲಿಖಿತ ಷರತ್ತುಬದ್ಧ ಮಿತ ಶಬ್ದ ವ್ಯವಸ್ಥೆಗಳಿಗೆ ಮಾತ್ರ ಪೊಲೀಸ್ ಇಲಾಖೆಯಿಂದ ಅನುಮತಿ ಪಡೆಯುವುದು ಕಡ್ಡಾಯವಾಗಿದೆ. ಇಂಥ ಸನ್ನಿವೇಶದಲ್ಲಿ ಶಬ್ದ ನಿಯಮಗಳ ಪಾಲನೆಗೆ ಸಂಬoಧಿಸಿದoತೆ ಲಿಖಿತ ಮುಚ್ಚಳಿಕೆ ಪತ್ರ ನೀಡಬೇಕು. ಈ ಆದೇಶದ ಉಲ್ಲಂಘನೆ ಸಂಭವಿಸಿದ್ದಲ್ಲಿ ಆಯೋಜಕರು ವೈಯಕ್ತಿಕವಾಗಿ ಹೊಣೆಗಾರರಾರನ್ನಾಗಿ ಮಾಡಲಾಗುತ್ತದೆ’ ಎಂದು ಎಚ್ಚರಿಸಿದ್ದಾರೆ.
- [ಮುತ್ತೂಟ್ ಫಿನ್‌ಕಾರ್ಪ್'ನಲ್ಲಿ ಉದ್ಯೋಗವಕಾಶ](https://mobiletime.in/2026/09/job-opportunity-at-muthoot-fincorp/): ಕಾರವಾರದ ಮುತ್ತೂಟ್ ಫಿನ್‌ಕಾರ್ಪ್’ನಲ್ಲಿ ವಿವಿಧ ಹುದ್ದೆಗಳು ಖಾಲಿಯಿದ್ದು, ಅರ್ಹರ ಹುಡುಕಾಟ ನಡೆದಿದೆ. ಪದವಿ ಪಾಸಾದ ಅಭ್ಯರ್ಥಿಗಳಿಗೆ ಮುತ್ತೂಟ್ ಫಿನ್‌ಕಾರ್ಪ್ ಲಿಮಿಟೆಡ್ ನೇರ ಸಂದರ್ಶನ ನಡೆಸಲು ನಿರ್ಧರಿಸಿದೆ. 18ರಿಂದ 33 ವರ್ಷದೊಳಗಿನ ಮಹಿಳೆ ಹಾಗೂ ಪುರುಷರು ಸಂದರ್ಶನದಲ್ಲಿ ಭಾಗವಹಿಸಲು ಅರ್ಹರು. ಮುತ್ತೂಟ್ ಫಿನ್‌ಕಾರ್ಪ್ ಲಿಮಿಟೆಡ್ ಖಾಸಗಿ ಕಂಪನಿಯಾಗಿದ್ದು, ವಿವಿಧ ಬಗೆಯ ಉದ್ಯೋಗಕ್ಕಾಗಿ ಜನರನ್ನು ಆಯ್ಕೆ ಮಾಡಿಕೊಳ್ಳಲಿದೆ. ಯೋಜನಾ ಉದ್ಯೋಗ ವಿನಿಮಯ ಕಚೇರಿ ಮೂಲಕ ಈ ಸಂದರ್ಶನ ನಡೆಯಲಿದೆ. ಸೆಪ್ಟೆಂಬರ್ 11ರಂದು ಕಾರವಾರದ ಸಿವಿಲ್ ಕೋರ್ಟ ರಸ್ತೆಯಲ್ಲಿರುವ ಪಂಜಾಬ್ ನ್ಯಾಶನಲ್ ಬ್ಯಾಂಕ್ ಸಮೀಪದ ಯೋಜನಾ ಉದ್ಯೋಗ ವಿನಿಮಯ ಕಚೇರಿಯಲ್ಲಿ ಈ ಸಂದರ್ಶನ ನಡೆಯಲಿದೆ. ಆಸಕ್ತ ಅಭ್ಯರ್ಥಿಗಳು ರೇಸ್ಯೂಮ್ ಜೊತೆ ಸಂದರ್ಶನಕ್ಕೆ ಭಾಗವಹಿಸಬಹುದಾಗಿದೆ. ಈ ಬಗ್ಗೆ ಇನ್ನೇನಾದರೂ ಮಾಹಿತಿ ಬೇಕೆ? ಇಲ್ಲಿ ಫೋನ್ ಮಾಡಿ: 8310044796 ಅಥವಾ 08382-226386.
- [ಜೊಯಿಡಾ | ರೆಸಾರ್ಟ ಊಟ: ಆತನ ಪಾಲಿಗೆ ಅದೇ ಕೊನೆಯ ಭೋಜನ!](https://mobiletime.in/2026/10/joida-resort-meal-that-was-his-last-meal/): ಜೊಯಿಡಾ ಕರಂಬಾಳದ ಶಾಂಗ್ರೀಲಾ ರೆಸಾರ್ಟಿನಲ್ಲಿ ಊಟ ಮಾಡಿದ್ದ ಗೋವಾದ ವ್ಯಕ್ತಿಯೊಬ್ಬರು ವಾಂತಿ ಮಾಡಿಕೊಂಡು ಸಾವನಪ್ಪಿದ್ದಾರೆ. ಅದೇ ರೆಸಾರ್ಟಿನಲ್ಲಿ ಕೆಲಸ ಮಾಡಿಕೊಂಡಿದ್ದ ಮನೋಜ ಮರಾಠೆ ಅವರನ್ನು ಎರಡೆರಡು ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಲು ಸಾಧ್ಯವಾಗಿಲ್ಲ. ಗೋವಾದ ಮಾಪುಸಾ ಗಂಗಾನಗರದಲ್ಲಿ ಮನೋಜ ವಿಷ್ಣು ಮರಾಠೆ ಅವರು ವಾಸವಾಗಿದ್ದರು. 43 ವರ್ಷದ ಅವರು ಜೊಯಿಡಾಗೆ ಆಗಮಿಸಿದ್ದು, ಕರಂಬಾಳದ ಶಾಂಗ್ರೀಲಾ ರೆಸಾರ್ಟಿನಲ್ಲಿ ಕೆಲಸಕ್ಕೆ ಸೇರಿದ್ದರು. ಕುಟುಂಬದವರ ಜೊತೆ ಅವರು ಹೆಚ್ಚಿಗೆ ಬೆರೆಯುತ್ತಿರಲಿಲ್ಲ. ಮನೆಯವರಿಗೆ ಆಗಾಗ ಮಾತ್ರ ಫೋನ್ ಮಾಡುತ್ತಿದ್ದರು. ಕಳೆದ ಎರಡು ತಿಂಗಳಿನಿAದ ಅವರು ಶಾಂಗ್ರೀಲಾ ರೆಸಾರ್ಟಿನಲ್ಲಿ ಅಡುಗೆ ಕೆಲಸ ಮಾಡುತ್ತಿದ್ದರು. ಅಕ್ಟೊಬರ್ 3ರ ರಾತ್ರಿ ಊಟ ಮಾಡಿದ ಅವರು ರೆಸಾರ್ಟ ಹೊರಗೆ ಕುಳಿತಿದ್ದರು. ರಾತ್ರಿ 11.50ರ ವೇಳೆಗೆ ಅವರು ಏಕಾಏಕಿ ವಾಂತಿ ಮಾಡಲು ಶುರು ಮಾಡಿದರು. ಕಫ ಉಗಿದು ವಾಂತಿ ಮಾಡುತ್ತಿದ್ದ ಮನೋಜ ಮರಾಠೆ ಅವರನ್ನು ರೆಸಾರ್ಟ ಮ್ಯಾನೇಜರ್ ಹಾಗೂ ಇನ್ನಿತರ ಸಿಬ್ಬಂದಿ ನೋಡಿದರು. ಅವರನ್ನು ತಕ್ಷಣ ಆನಮೋಡು ಆಸ್ಪತ್ರೆಗೆ ಕರೆದೊಯ್ದರು. ಪರಿಸ್ಥಿತಿ ಬಿಗಡಾಯಿಸಿದ ಕಾರಣ ಮನೋಜ ಮರಾಠೆ ಅವರನ್ನು ರಾಮನಗರ ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಅಷ್ಟರೊಳಗೆ ಮನೋಜ ಮರಾಠೆ ಅವರು ಉಸಿರು ನಿಲ್ಲಿಸಿದ್ದರು. ಅವರ ಸಾವಿಗೆ ನೈಜ ಕಾರಣ ಏನು ಎಂಬುದು ಗೊತ್ತಾಗಲಿಲ್ಲ.
- [ಕಾರವಾರ | ನೀರು ಸುರಿದದನ್ನು ಪ್ರಶ್ನಿಸಿದಕ್ಕೆ ರಕ್ತ ಸುರಿಸಿದ!](https://mobiletime.in/2026/10/karwar-blood-spilled-for-questioning-the-pouring-of-water/): ಸದಾಶಿವಗಡದಲ್ಲಿ ಬಟ್ಟೆ ಅಂಗಡಿ ನಡೆಸುವ ಪ್ರೇಮಾ ನಾಯ್ಕ ಅವರ ಮೇಲೆ ಹಲ್ಲೆ ನಡೆದಿದೆ. ದೇವಾವಾಡದ ಶ್ಯಾಮ್ ನಾಯ್ಕ ಅವರು ಕಬ್ಬಿಣದ ರಾಡಿನಿಂದ ಪ್ರೇಮಾ ನಾಯ್ಕ ಅವರ ತಲೆಗೆ ಹೊಡೆದಿದ್ದಾರೆ. ಕಾರವಾರದ ಸದಾಶಿವಗಡದ ಪ್ರೇಮಾ ಶಂಬಾ ನಾಯ್ಕ ಅವರು ವಾಸವಾಗಿದ್ದಾರೆ. 69 ವರ್ಷದ ಅವರು ತಮ್ಮ ಪುತ್ರಿಯ ಬಟ್ಟೆ ಅಂಗಡಿಯ ವ್ಯವಹಾರ ನೋಡಿಕೊಳ್ಳುತ್ತಿದ್ದಾರೆ. ಆ ಬಟ್ಟೆ ಅಂಗಡಿಯ ಎದುರು ದೇವಾವಾಡದ ಶ್ಯಾಮ್ ಪ್ರಭಾಕರ ನಾಯ್ಕ ಅವರು ನೀರು ಸುರಿದಿದ್ದಾರೆ. ಅದನ್ನು ಪ್ರೇಮಾ ನಾಯ್ಕ ಅವರು ಪ್ರಶ್ನಿಸಿದ್ದಾರೆ. ಇದರಿಂದ ಸಿಟ್ಟಾದ ಶ್ಯಾಮ್ ನಾಯ್ಕ ಅವರು ಮತ್ತಷ್ಟು ನೀರು ಸುರಿದಿದ್ದಾರೆ. ಪದೇ ಪದೇ ನೀರು ಸುರಿಯುವುದನ್ನು ವಿರೋಧಿಸಿದ ಕಾರಣ ಕಬ್ಬಿಣದ ರಾಡಿನಿಂದ ಪ್ರೇಮಾ ನಾಯ್ಕ ಅವರ ತಲೆಗೆ ಹೊಡೆದಿದ್ದಾರೆ. ಈ ವೇಳೆ ತಲೆಯಿಂದ ರಕ್ತ ಬಂದಿದ್ದು, ಪ್ರೇಮಾ ನಾಯ್ಕ ಅವರು ಆಸ್ಪತ್ರೆೆ ಸೇರಿದ್ದಾರೆ. ಕೊಲೆ ಮಾಡುವುದಾಗಿಯೂ ಶ್ಯಾಮ ನಾಯ್ಕ ಅವರು ಬೆದರಿಸಿದ್ದಾರೆ.
- [ಶಿರಸಿ | ಹೆಗಡೆರ ಬದುಕಿಗೆ ಗಾಂಜಾವೇ ಮಾರಕ!](https://mobiletime.in/2026/10/sirsi-ganja-proves-fatal-for-hegde/): ಶಿರಸಿಯಲ್ಲಿ ತಮ್ಮದೇ ಆದ ವ್ಯವಹಾರ ಮಾಡಿಕೊಂಡಿರುವ ಹರೀಶ ಹೆಗಡೆ ಅವರು ಲಾಭದ ದುಡ್ಡಿನ್ನು ಮೋಜು ಮಸ್ತಿಗೆ ಬಳಸುತ್ತಿದ್ದು, ಅತಿಯಾದ ಮೋಜಿಗೆ ಸಿಲುಕಿ ಜೀವನ ಹಾಳು ಮಾಡಿಕೊಂಡಿದ್ದಾರೆ. ಆನೆಹೊಂಡದ ಬಳಿ ಮಾದಕ ವಸ್ತು ಸೇವಿಸುತ್ತಿದ್ದ ಅವರು ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಶಿರಸಿಯ ಗಣೇಶ ನಗರದ ಹರೀಶ ಅರುಣ ಹೆಗಡೆ ಅವರು ವಾಸವಾಗಿದ್ದಾರೆ. 40 ವರ್ಷದ ಅವರು ವ್ಯಾಪಾರ-ವ್ಯವಹಾರ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಕೈಗೆ ದುಡ್ಡು ಸಿಕ್ಕ ತಕ್ಷಣ ಅದನ್ನು ಅವರು ಮೋಜು-ಮಸ್ತಿಗೆ ಬಳಸುತ್ತಿದ್ದಾರೆ. ಈಚೆಗೆ ಅವರು ಮಾದಕ ವ್ಯಸನಗಳಿಗೆ ಮಾರು ಹೊಗಿದ್ದು, ದುಶ್ಚಟಗಳಿಗೆ ದಾಸರಾಗಿದ್ದಾರೆ. ಅಕ್ಟೊಬರ್ 5ರಂದು ಸಹ ಅವರು ಆನೆಹೊಂಡದ ಬಳಿ ಹೋಗಿ ಅಪಾರ ಪ್ರಮಾಣದಲ್ಲಿ ಹೊಗೆ ಎಳೆದಿದ್ದಾರೆ. ಶಿರಸಿ ನಗರ ಪೊಲೀಸ್ ಠಾಣೆಯ ಪೊಲೀಸ್ ಉಪನಿರೀಕ್ಷಕ ನಾರಾಯಣ ರಾಥೋಡ್ ಅವರು 11ಗಂಟೆ ವೇಳೆಗೆ ಆನೆಹೊಂಡದ ಕಡೆ ಹೋಗಿದ್ದಾರೆ. ಅಲ್ಲಿನ ಕಚ್ಚಾ ರಸ್ತೆಯಲ್ಲಿ ಹರೀಶ ಹೆಗಡೆ ಅವರು ಹೊಗೆ ಬಿಡುತ್ತಿರುವುದನ್ನು ಅವರು ನೋಡಿದ್ದಾರೆ. ಸಮೀಪ ಹೋಗಿ ಮಾತನಾಡಿಸಿದಾಗ ಹರೀಶ ಹೆಗಡೆ ಅವರು ಮಾತು ತೊದಲಿದ್ದಾರೆ. ತಕ್ಷಣ ಅವರನ್ನು ಹಿಡಿದ ಪೊಲೀಸರು ಪಂಡಿತ್ ಸಾರ್ವಜನಿಕ ಆಸ್ಪತ್ರೆಗೆ ಕರೆತಂದಿದ್ದಾರೆ.
- [ಹೊನ್ನಾವರ | 40 ಅಡಿ ಆಳಕ್ಕೆ ಬಿದ್ದ ಸ್ಕೂಟಿ: ಸವಾರನ ಸಾವು!](https://mobiletime.in/2026/10/honnavar-scooter-falls-40-feet-deep-rider-dies/): ಶಿರಸಿಯ ಕೃಷ್ಣ ಗೌಡ ಅವರು ಹೊನ್ನಾವರದಲ್ಲಿ ಸ್ಕೂಟಿ ಸಂಚರಿಸಿದ್ದು, ಆ ಸ್ಕೂಟಿ 40 ಅಡಿ ಆಳದ ಕಂದಕಕ್ಕೆ ಬಿದ್ದಿದೆ. ಪರಿಣಾಮ ಕೃಷ್ಣ ಗೌಡ ಅವರು ಸಾವನಪ್ಪಿದ್ದಾರೆ. ಅವರ ಜೊತೆಯಿದ್ದ ಮಂಜುನಾಥ ಗೌಡ ಅವರು ಕಂದಕದಲ್ಲಿ ಬಿದ್ದರೂ ಪ್ರಾಣ ಉಳಿಸಿಕೊಂಡಿದ್ದಾರೆ. ಶಿರಸಿ ಸಂಪಖoಡ ಗದ್ದೆಮನೆ ಜಾನ್ಮನೆಯಲ್ಲಿ ಕೃಷ್ಣ ಮಾತು ಗೌಡ ಅವರು ವಾಸವಾಗಿದ್ದರು. 50 ವರ್ಷದ ಅವರು ಕೂಲಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ಕೃಷ್ಣ ಗೌಡ ಅವರ ಜೊತೆ ಅದೇ ಊರಿನ ಮಂಜುನಾಥ ಈರಾ ಗೌಡ ಅವರು ಸಹ ಕೂಲಿ ಕೆಲಸಕ್ಕ ಬೇರೆ ಬೇರೆ ಊರುಗಳಿಗೆ ಹೋಗುತ್ತಿದ್ದರು. ಅವರಿಬ್ಬರು ಹೊನ್ನಾವರಕ್ಕೆ ಹೋಗಿದ್ದು, ಅಕ್ಟೊಬರ್ 5ರಂದು ಅವರು ಅರೆಅಂಗಡಿ-ಜಕ್ಕೋಳ್ಳಿ ರಸ್ತೆಯಲ್ಲಿ ಸ್ಕೂಟಿಯಲ್ಲಿ ಸಂಚರಿಸುತ್ತಿದ್ದರು. ಆ ಸ್ಕೂಟಿಯನ್ನು ಕೃಷ್ಣ ಗೌಡ ಅವರು ಓಡಿಸುತ್ತಿದ್ದರು. ಮಂಜುನಾಥ ಗೌಡ ಅವರು ಹಿಂದೆ ಕುಳಿತಿದ್ದರು. ಚಿಕ್ಕೊಳ್ಳಿಯ ಬಂಗಾರಗುAಡಿ ಘಟ್ಟದ ಹತ್ತಿರ ಸ್ಕೂಟಿ ನಿಯಂತ್ರಣ ತಪ್ಪಿತು. ತಿರುವಿನಿಂದ ಕೂಡಿದ ಇಳಿಜಾರಿನಲ್ಲಿ ಸ್ಕೂಟಿ ಕಂದಕದ ಕಡೆ ಮುಖ ಮಾಡಿತು. 40 ಅಡಿ ಆಳಕ್ಕೆ ಹೋಗಿ ಸ್ಕೂಟಿ ಬಿದ್ದಿತು. ಈ ಅಪಘಾತದಲ್ಲಿ ಕೃಷ್ಣ ಗೌಡ ಅವರು ಸಾವನಪ್ಪಿದರು. ಮಂಜುನಾಥ ಗೌಡ ಅವರು ಗಾಯಗೊಂಡು ಆಸ್ಪತ್ರೆ ಸೇರಿದರು. ಮಂಜುನಾಥ ಗೌಡ ಅವರ ತೊಡೆ, ಹೊಟ್ಟೆಗೆ ಗಾಯಗಳಾದವು. ಸ್ಕೂಟಿ ಸಂಪೂರ್ಣವಾಗಿ ಜಖಂ ಆಯಿತು.
- [ಶಿರಸಿ | ಕೊಲೆಯಾದವನ ಸಹಿಯೂ ಪೋರ್ಜರಿ!](https://mobiletime.in/2026/10/sirsi-murder-victims-signature-also-forged/): ಶಿರಸಿ ಅಯ್ಯಪ್ಪನಗರ ಬಳಿಯ ಶರದ್ ಬೋರಕರ್ ಅವರು ಸತ್ತವರ ಹೆಸರಿನಲ್ಲಿದ್ದ ಬೈಕ್’ನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಅದಕ್ಕಾಗಿ ಅವರು ಸಾವನಪ್ಪಿದವರ ಸಹಿ ಪೋರ್ಜರಿ ಮಾಡಿದ್ದಾರೆ! ಶಿರಸಿಯ ಅಯ್ಯಪ್ಪನಗರದ ಚೌಡೇಶ್ವರಿ ಕಾಲೋನಿಯಲ್ಲಿ ಶರದ್ ಪ್ರಭಾಕರ ಬೋರಕರ್ ಅವರು ವಾಸವಾಗಿದ್ದಾರೆ. 35 ವರ್ಷದ ಅವರಿಗೆ ರಾಯಲ್ ಎನ್‌ಪಿಲ್ಡ್ ಬೈಕಿನ ಬಗ್ಗೆ ಅಪಾರ ಆಸಕ್ತಿ. ಹೀಗಾಗಿ ಅವರು ಸಾವನಪ್ಪಿದ ತಮ್ಮ ಸಹೋದ ಸಂದೇಶ ಬೋರಕರ್ ಅವರ ಸಹಿ ಪೊರ್ಜರಿ ಮಾಡಿದ್ದಾರೆ. ಸಂದೇಶ ಬೋರಕರ್ ಅವರು ಸಾವನಪ್ಪಿ ಒಂದು ವರ್ಷದೊಳಗೆ ನಕಲಿ ದಾಖಲೆಗಳ ಮೂಲಕ ಆ ಬೈಕನ್ನು ತಮ್ಮ ಹೆಸರಿಗೆ ವರ್ಗಾಯಿಸಿಕೊಂಡಿದ್ದಾರೆ. 2024ರ ಸೆಪ್ಟೆಂಬರ್ 7ರಂದು ಸಂದೇಶ ಬೋರಕರ್ ಅವರ ಕೊಲೆಯಾಗಿದೆ. ಕಾರವಾರದಲ್ಲಿ ಅವರು ಸಾವನಪ್ಪಿದ್ದಾರೆ. ಆದರೆ, ಶರದ್ ಬೋರಕರ್ ಅವರು 2025ರ ಜುಲೈ 10ರಂದು ಸಂದೇಶ ಬೋರಕರ್ ಅವರ ಸಹಿ ಪೊರ್ಜರಿ ಮಾಡಿದ್ದಾರೆ. ನಕಲಿ ಸಹಿ ಹಾಗೂ ನಕಲಿ ದಾಖಲೆ ಸೃಷ್ಠಿಸಿ ಬೈಕ್ ವರ್ಗಾಯಿಸಿಕೊಂಡ ವಿಷಯ ಸಂದೇಶ ಬೋರಕರ್ ಅವರ ಪತ್ನಿ ನಳನ ಬೋರಕರ್ ಅವರಿಗೆ ಗೊತ್ತಾಗಿದೆ. ಶಿವಮೊಗ್ಗ ಹೊಸನಗರ ಮೂಲದ ನಳನ ಬೋರಕರ್ ಅವರು ಮೈಸೂರಿನ ಎಡಿಎಲ್‌ಆರ್ ಕಚೇರಿಯಲ್ಲಿ ಪ್ರಥಮ ದರ್ಜೆ ಸಹಾಯಕರಾಗಿದ್ದಾರೆ. ತಮ್ಮ ಪತಿ ಹೆಸರಿನಲ್ಲಿದ್ದ ಬೈಕನ್ನು ನಕಲಿ ದಾಖಲೆ ಹಾಗೂ ಪೋರ್ಜರಿ ಸಹಿ ಮೂಲಕ ವರ್ಗಾಯಿಸಿದ ಶರದ್ ಬೋರಕರ್ ಅವರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ.
- [ಗೋಕರ್ಣ | ಮಹಿಳೆಯ ಮನೆಗೆ ನುಗ್ಗಿ ನಿಂದನೆ: ಮೊಬೈಲ್ ಪುಡಿ ಪುಡಿ!](https://mobiletime.in/2026/10/gokarna-womans-house-barged-into-and-verbally-abused-mobile-phone-smashed-to-pieces/): ತಾರಿಮಕ್ಕಿಯ ಪವನ್ ಆಚಾರಿ ಅವರು ಏಕಾಏಕಿ ರಥಬೀದಿಯಲ್ಲಿರುವ ಸುಧಾ ಹೊಸಮನೆ ಅವರ ಮನೆಗೆ ನುಗ್ಗಿದ್ದು, ಅವರ ಮೊಬೈಲ್ ಕಸಿದು ಅದನ್ನು ಪುಡಿ ಪುಡಿ ಮಾಡಿದ್ದಾರೆ. ಸಿಟ್ಟಿನಲ್ಲಿದ್ದ ಪವನ್ ಆಚಾರಿ ಅವರು ಸುಧಾ ಹೊಸಮನಿ ಅವರ 18 ಸಾವಿರ ರೂ ಮೌಲ್ಯದ ಮೊಬೈಲ್ ಹಾಳು ಮಾಡಿದ್ದಾರೆ. ಗೋಕರ್ಣದ ರಥಬೀದಿಯಲ್ಲಿ ಸುಧಾ ರಾಮಚಂದ್ರ ಹೊಸಮನೆ ಅವರು ವಾಸವಾಗಿದ್ದಾರೆ. 29 ವರ್ಷ ಅವರು ಮನೆ ಕೆಲಸ ಮಾಡಿಕೊಂಡಿದ್ದಾರೆ. ಅಕ್ಟೊಬರ್ 4ರಂದು ಸುಧಾ ಹೊಸಮನಿ ಅವರ ಮನೆಗೆ ದಿನೇಶ ನಾಯ್ಕ ಅವರು ಆಗಮಿಸಿದ್ದಾರೆ. ದಿನೇಶ ನಾಯ್ಕ ಅವರು ಅಲ್ಲಿ ಬಂದಿರುವುದನ್ನು ಸಹಿಸದ ತಾರಿಮಕ್ಕಿಯ ಪವನ ಸತೀಶ್ ಆಚಾರಿ ಅವರು ಆ ಮನೆಗೆ ಬಂದು ಗಲಾಟೆ ಮಾಡಿದ್ದಾರೆ. ಏಕಾಏಕಿ ಸುಧಾ ಹಸಮನಿ ಅವರ ಮನೆಗೆ ನುಗ್ಗಿದ ಪವನ್ ಆಚಾರಿ ಅವರು `ದಿನೇಶ ನಾಯ್ಕ ಅವರನ್ನು ಏಕೆ ಕರೆಯಿಸಿದ್ದೀರಿ?’ ಎಂದು ಪ್ರಶ್ನಿಸಿದ್ದಾರೆ. ಮನೆಯೊಳಗಿದ್ದ ಖುರ್ಚಿಯಿಂದ ಸುಧಾ ಹೊಸಮನಿ ಅವರಿಗೆ ಹೊಡೆಯುವ ಪ್ರಯತ್ನ ಮಾಡಿದ್ದಾರೆ. ಆಗ, ದಿನೇಶ ನಾಯ್ಕ ಅವರು ಅಡ್ಡಬಂದು ಸುಧಾ ಹೊಸಮನಿ ಅವರನ್ನು ಕಾಪಾಡಿದ್ದಾರೆ. ಅದಾದ ನಂತರ ಸುಧಾ ಹೊಸಮನಿ ಅವರ ಕೈಯಲ್ಲಿದ್ದ ಮೊಬೈಲ್ ಕಸಿದ ಪವನ್ ಆಚಾರಿ ಅವರು ಅದನ್ನು ನೆಲಕ್ಕೆ ಹೊಡೆದು ಪುಡಿಪುಡಿ ಮಾಡಿದ್ದಾರೆ. ಅದಾದ ನಂತರ ಪವನ್ ಆಚಾರಿ ಅವರು ಸುಧಾ ಹೊಸಮನಿ ಅವರಿಗೆ ನಿಂದಿಸಿದ್ದಾರೆ. ದಿನೇಶ್ ನಾಯ್ಕ ಅವರಿಗೂ `ಗತಿ ಕಾಣಿಸುವೆ’ ಎಂದು ಹೆದರಿಸಿದ್ದಾರೆ. `ಎರಡು ದಿನದ ನಂತರ ಏನು ಮಾಡಬೇಕು ಎಂದು ಗೊತ್ತಿದೆ’ ಎಂದು ಹೇಳಿ ಅಲ್ಲಿಂದ ಹೊರಟಿದ್ದಾರೆ. ಮನೆಯೊಳಗೆ ನುಗ್ಗಿ ಮಹಿಳೆಗೆ ನಿಂದಿಸಿದಲ್ಲದೇ, ಅವರ 18 ಸಾವಿರ ರೂ ಮೌಲ್ಯದ ಮೊಬೈಲ್ ಒಡೆದು ಹಾಳು ಮಾಡಿದ ಕಾರಣ ಪೊಲೀಸರು ಪವನ್ ಆಚಾರಿ ಅವರ ವಿರುದ್ಧ ಕೇಸು ದಾಖಲಿಸಿದ್ದಾರೆ. ಸುಧಾ ಹೊಸಮನಿ ಅವರ ದೂರು ಆಲಿಸಿ, ನ್ಯಾಯ ಕೊಡಿಸುವ ಭರವಸೆ ನೀಡಿದ್ದಾರೆ.
- [ಕಾರವಾರ | ಬೋನಿಗೆ ಬಿದ್ದ ಚಿರತೆ!](https://mobiletime.in/2026/10/karwar-leopard-trapped-in-a-cage/): ಚಿತ್ತಾಕುಲದ ಹಳೇಭಾಗದಲ್ಲಿ ಜನರನ್ನು ಹೆದರಿಸುತ್ತಿದ್ದ ಚಿರತೆ ಬೋನಿಗೆ ಬಿದ್ದಿದೆ. ಅರಣ್ಯ ಅಧಿಕಾರಿಗಳು ನಡೆಸಿದ ವಿಶೇಷ ಕಾರ್ಯಾಚರಣೆಯಲ್ಲಿ ಚಿರತೆ ಸೆರೆಯಾಗಿದೆ. ಚಿತ್ತಾಕುಲದ ಹಳೇಭಾಗ ಗ್ರಾಮದಲ್ಲಿ ಪದೇಪದೇ ಚಿರತೆ ಕಾಣಿಸಿಕೊಳ್ಳುತ್ತಿತ್ತು. ಇದರಿಂದ ಜನ ಆತಂಕಕ್ಕೆ ಒಳಗಾಗಿದ್ದರು. ಚಿರತೆ ಕಾಟದ ಬಗ್ಗೆ ಜನ ಅರಣ್ಯ ಇಲಾಖೆಗೆ ದೂರಿದ್ದರು. ಗೋಪಶಿಟ್ಟಾ ವಲಯ ಅರಣ್ಯಾಧಿಕಾರಿಗಳ ಕಚೇರಿಯಿಂದ ಚಿರತೆ ಹಿಡಿಯುವ ಕಾರ್ಯಾಚರಣೆ ನಡೆದಿದ್ದು, ಅಧಿಕಾರಿಗಳು ವನ್ಯಜೀವಿ ಚಲನ-ವಲನದ ಮೇಲೆ ನಿಗಾವಹಿಸಿದ್ದರು. ಅದರಂತೆ, ನಿನ್ನೆ ರಾತ್ರಿ ನಡೆದ ಕಾರ್ಯಾಚರಣೆಯಲ್ಲಿ ಚಿರತೆ ಬೋನಿಗೆ ಬಿದ್ದಿತು. ಈ ವೇಳೆ ವನ್ಯಜೀವಿಗಳ ಜೀವನದ ಬಗ್ಗೆ ಅಧಿಕಾರಿಗಳು ಊರಿನವರಿಗೆ ಅರಿವು ಮೂಡಿಸಿದರು. ಸೆರೆಹಿಡಿದ ಚಿರತೆಯ ಆರೋಗ್ಯ ಸ್ಥಿತಿಯನ್ನು ಪರಿಶೀಲಿಸಿದರು. ಆರೋಗ್ಯವಾಗಿರುವುದನ್ನು ಖಚಿತಪಡಿಸಿಕೊಂಡ ಬಳಿಕ ಸುರಕ್ಷಿತ ಅರಣ್ಯ ಪ್ರದೇಶಕ್ಕೆ ರವಾನಿಸಲಾಯಿತು.
- [ಗ್ರಾಮ ಆಡಳಿತಾಧಿಕಾರಿ ನೇಮಕಾತಿ: ನಾಲ್ಕುವರೆ ಸಾವಿರ ಅಭ್ಯರ್ಥಿಗಳು ಗೈರು!](https://mobiletime.in/2026/10/village-administrative-officer-recruitment-4500-candidates-absent/): ಗ್ರಾಮ ಆಡಳಿತಾಧಿಕಾರಿಗಳ ಹುದ್ದೆಯ ನೇರ ನೇಮಕಾತಿಗೆ ಪರೀಕ್ಷಾ ಪ್ರಾಧಿಕಾರ ಈ ದಿನ ಪರೀಕ್ಷೆ ನಡೆಸಿದ್ದು, ಇದರಲ್ಲಿ 4774 ಅಭ್ಯರ್ಥಿಗಳು ಗೈರಾಗಿದ್ದಾರೆ. ಒಟ್ಟು 11671 ಅಭ್ಯರ್ಥಿಗಳು ಈ ಪರೀಕ್ಷೆ ಎದುರಿಸಿದ್ದಾರೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವೂ ಕಂದಾಯ ಇಲಾಖೆಯಲ್ಲಿನ ಗ್ರಾಮ ಆಡಳಿತ ಅಧಿಕಾರಿ ಹುದ್ದೆಗಳ ನೇರ ನೇಮಕಾತಿ ಪರೀಕ್ಷೆ-2026ನ್ನು ಭಾನುವಾರ ಉತ್ತರ ಕನ್ನಡ ಜಿಲ್ಲೆಯ ಒಟ್ಟು 23 ಪರೀಕ್ಷಾ ಕೇಂದ್ರಗಳಲ್ಲಿ ನಡೆಸಿತು. ಪರೀಕ್ಷೆಯು ಎರಡು ಅವಧಿಗಳಲ್ಲಿ ನಡೆಯಿತು. ಬೆಳಗಿನ ಅವಧಿಯಲ್ಲಿ ಬೆಳಿಗ್ಗೆ 10.30 ರಿಂದ ಮಧ್ಯಾಹ್ನ 12.30 ರವರೆಗೆ ನಡೆದ ಪರೀಕ್ಷೆಗೆ ನೋಂದಾಯಿಸಿದ್ದ ಒಟ್ಟು 8,222 ಅಭ್ಯರ್ಥಿಗಳ ಪೈಕಿ 5,847 ಅಭ್ಯರ್ಥಿಗಳು ಹಾಜರಾಗಿದ್ದು, 2,375 ಅಭ್ಯರ್ಥಿಗಳು ಗೈರು ಹಾಜರಾಗಿದ್ದಾರೆ. ಅದೇ ರೀತಿ, ಮಧ್ಯಾಹ್ನದ ಅವಧಿಯಲ್ಲಿ ಮಧ್ಯಾಹ್ನ 2.30 ರಿಂದ ಸಂಜೆ 4.30 ರವರೆಗೆ ನಡೆದ ಪರೀಕ್ಷೆಗೆ ಒಟ್ಟು 5,824 ಅಭ್ಯರ್ಥಿಗಳು ಹಾಜರಾಗಿದ್ದು, 2,399 ಅಭ್ಯರ್ಥಿಗಳು ಗೈರು ಹಾಜರಾಗಿದ್ದಾರೆ. ಪರೀಕ್ಷೆಯ ಸಂದರ್ಭದಲ್ಲಿ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಹೊರಡಿಸಿರುವ ಎಲ್ಲಾ ಮಾರ್ಗಸೂಚಿಗಳು, ಗೌಪ್ಯತಾ ನಿಯಮಗಳು ಹಾಗೂ ಪರೀಕ್ಷಾ ನಿಯಮಾವಳಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲಾಯಿತು. ಪರೀಕ್ಷಾ ಕೇಂದ್ರಗಳಲ್ಲಿ ಯಾವುದೇ ರೀತಿಯ ಅಹಿತಕರ ಘಟನೆಗಳು ಸಂಭವಿಸದAತೆ ಕಟ್ಟುನಿಟ್ಟಿನ ಭದ್ರತಾ ವ್ಯವಸ್ಥೆ ಕಲ್ಪಿಸಲಾಗಿತ್ತು. ಅಭ್ಯರ್ಥಿಗಳಿಗೆ ಅನುಕೂಲವಾಗುವಂತೆ ಪರೀಕ್ಷಾ ಕೇಂದ್ರಗಳಲ್ಲಿ ಅಗತ್ಯ ಪೊಲೀಸ್ ಬಂದೋಬಸ್ತ್, ವೈದ್ಯಕೀಯ ಸೌಲಭ್ಯ, ಕುಡಿಯುವ ನೀರು, ವಿದ್ಯುತ್ ವ್ಯವಸ್ಥೆ ಹಾಗೂ ಇತರೆ ಮೂಲಭೂತ ಸೌಲಭ್ಯಗಳನ್ನು ಸಮರ್ಪಕವಾಗಿ ಒದಗಿಸಲಾಗಿತ್ತು. ಜಿಲ್ಲಾ ಆಡಳಿತದ ಸಮನ್ವಯದಲ್ಲಿ ಪೊಲೀಸ್ ಇಲಾಖೆ, ಶಿಕ್ಷಣ ಇಲಾಖೆ, ಆರೋಗ್ಯ ಇಲಾಖೆ, ಜೆಸ್ಕಾಂ, ಸಾರಿಗೆ ಇಲಾಖೆ ಹಾಗೂ ಇತರೆ ಸಂಬAಧಿತ ಇಲಾಖೆಗಳ ಅಧಿಕಾರಿಗಳು ಮತ್ತು ಸಿಬ್ಬಂದಿಯ ಸಹಕಾರದಿಂದ ಪರೀಕ್ಷೆಯನ್ನು ಯಾವುದೇ ತೊಂದರೆಗಳಿಲ್ಲದೆ ಯಶಸ್ವಿಯಾಗಿ ಪೂರ್ಣಗೊಳಿಸಲಾಯಿತು. ಜಿಲ್ಲಾಧಿಕಾರಿ ಕೆ ಲಕ್ಷ್ಮಿ ಪ್ರಿಯಾ ಅವರು ಅಂಕೋಲಾ ಮತ್ತು ಕುಮಟಾ ದ ಪರೀಕ್ಷಾ ಕೇಂದ್ರಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಪರೀಕ್ಷೆಯ ಸುಗಮ ಹಾಗೂ ಯಶಸ್ವಿ ನಿರ್ವಹಣೆಗೆ ಎಲ್ಲಾ ಪರೀಕ್ಷಾ ಕೇಂದ್ರಗಳಿಗೆ ವಿವಿಧ ಇಲಾಖೆಗಳ ಅಧಿಕಾರಿಗಳು ಮತ್ತು ಸಿಬ್ಬಂದಿ, ಉಪಮುಖ್ಯ ಅಧೀಕ್ಷಕರು, ವೀಕ್ಷಕರನ್ನು ನೇಮಕ ಮಾಡಲಾಗಿತ್ತು.
- [ಕಾರವಾರ | ಹಳೆ ದ್ವೇಷಕ್ಕೆ ಹೊಡೆದಾಟ!](https://mobiletime.in/2026/10/karwar-clash-over-old-enmity/): ಕಾರವಾರದ ಮ್ಯಾಕ್ಸ್ ಬಳಿ ಸಣ್ಣ ವಿಷಯವಾಗಿ ವ್ಯಕ್ತಿಗಳಿಬ್ಬರು ಜಗಳ ಶುರು ಮಾಡಿದ್ದು, ಅದೇ ದೊಡ್ಡದಾಗಿ ಹೊಡೆದಾಟಕ್ಕೆ ಕಾರಣವಾಗಿದೆ. ರಶೀದ್ ಖಾನ್ ಹಾಗೂ ಸಂತೋಷ್ ವಡ್ಡರ್ ಸೇರಿ ಮೀನು ವ್ಯಾಪಾರಿ ಸೀರಾಜ್ ಶಖೀಲ್ ಅವರಿಗೆ ಹೊಡೆದಿದ್ದಾರೆ. ಕ್ಷುಲ್ಲಕ ವಿಚಾರವೊಂದಕ್ಕೆ ಸಂಬoಧಿಸಿದoತೆ ಕಾರಿನಲ್ಲಿದ್ದ ವ್ಯಕ್ತಿ ಹಾಗೂ ಸ್ಥಳೀಯರ ನಡುವೆ ಮಾತಿನ ಚಕಮಕಿ ಆರಂಭವಾಗಿದ್ದು, ಬಳಿಕ ವಾಗ್ವಾದ ತಾರಕಕ್ಕೇರಿದೆ. ಈ ವೇಳೆ ಕಾರಿನಲ್ಲಿದ್ದ ವ್ಯಕ್ತಿ ವಾಹನದಿಂದ ರಾಡ್‌ವೊಂದನ್ನು ಹೊರತೆಗೆದಿದ್ದಾರೆ ಎಂದು ಸ್ಥಳದಲ್ಲಿದ್ದವರು ತಿಳಿಸಿದ್ದಾರೆ. ಇದನ್ನು ಕಂಡ ಕೆಲವರು ಆಕ್ಷೇಪ ವ್ಯಕ್ತಪಡಿಸಿದ್ದರಿಂದ ಪರಿಸ್ಥಿತಿ ಮತ್ತಷ್ಟು ಉದ್ವಿಗ್ನಗೊಂಡಿದೆ. ಘಟನೆಯ ಹಿನ್ನೆಲೆಯಲ್ಲಿ ಸ್ಥಳದಲ್ಲಿ ಕೆಲಕಾಲ ಜನರು ಜಮಾಯಿಸಿದ್ದು, ಏನಾಗುತ್ತಿದೆ ಎಂಬ ಕುತೂಹಲ ಮೂಡಿತ್ತು. ಮಾಹಿತಿ ತಿಳಿದ ಪೊಲೀಸರು ಕೂಡಲೇ ಸ್ಥಳಕ್ಕೆ ತೆರಳಿ ಎರಡೂ ಕಡೆಯವರನ್ನು ಸಮಾಧಾನಪಡಿಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ ಎಂದು ತಿಳಿದುಬಂದಿದೆ. ಹಳೆ ದ್ವೇಷದ ಹಿನ್ನಲೆ ಈ ಹೊಡೆದಾಟ ನಡೆದ ಬಗ್ಗೆ ದೂರಲಾಗಿದೆ. ಮದೀನಾ ಮಸೀದಿ ಬಳಿಯ ರಾಮದಾಸ ಅಪಾರ್ಟಮೆಂಟಿನ ರಶೀದ್ ಮೆಹಬೂಬ್ ಖಾನ್ ಹಾಗೂ ಸಂತೋಷ ವೆಂಕಟೇಶ ವಡ್ಡರ್ ಅವರ ವಿರುದ್ಧ ಸಿರಾಜ್ ಶಖೀಲ್ ಅಹ್ಮದ್ ಶೇಖ್ ಅವರು ದೂರು ನೀಡಿದ್ದಾರೆ. ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಶಿರಸಿ | ಗಾಂಜಾ: ಪರೀಕ್ಷೆಯಲ್ಲಿ ಪಾಸಾದ ಪರೀಕ್ಷಿತ್!](https://mobiletime.in/2026/10/sirsi-ganja-parikshit-passes-the-test/): ಶಿರಸಿ ಕೆಎಚ್‌ನಿ ಕಾಲೋನಿಯ ಮೆಕಾನಿಕ್ ಪರೀಕ್ಷಿತ್ ಪತ್ತಾರ್ ಅವರು ಮಾದಕ ವ್ಯಸನ ಸೇವಿಸಿ ಅನುಚಿತವಾಗಿ ವರ್ತಿಸಿದ್ದಾರೆ. ಮಾರಿಕಾಂಬಾ ಕ್ರೀಡಾಂಗಣದ ಬಳಿ ಅಲೆದಾಡುತ್ತಿದ್ದ ಅವರನ್ನು ಪಿಸೈ ಗೀತಾ ಕಲಘಟಗಿ ಅವರು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದ್ದಾರೆ. ಶಿರಸಿಯ ಕೆಎಚ್‌ನಿ ಕಾಲೋನಿಯಲ್ಲಿ ಪರೀಕ್ಷಿತ್ ಶ್ರೀನಿವಾಸ ಪತ್ತಾರ್ ಅವರು ವಾಸವಾಗಿದ್ದಾರೆ. ಮೆಕಾನಿಕ್ ಆಗಿ ಅವರು ಕೆಲಸ ಮಾಡಿಕೊಂಡಿದ್ದಾರೆ. 26ನೇ ವಯಸ್ಸಿನಲ್ಲಿಯೇ ಅವರು ದುಶ್ಚಟದ ದಾಸರಾಗಿದ್ದಾರೆ. ತಮ್ಮ ದುಡಿಮೆಯ ಬಹುಪಾಲು ಹಣವನ್ನು ಅವರು ಮೋಜು-ಮಸ್ತಿಗೆ ಖಾಲಿ ಮಾಡುತ್ತಿದ್ದಾರೆ. ಅಕ್ಟೊಬರ್ 3ರ ಬೆಳಗ್ಗೆ ಶಿರಸಿ ಕಾಲೇಜು ರಸ್ತೆಯ ಮಾರಿಕಾಂಬಾ ಜಿಲ್ಲಾ ಕ್ರೀಡಾಂಗಣ ಕ್ರಾಸಿನ ಬಳಿ ಅವರು ಸಾರ್ವಜನಿಕರ ಜೊತೆ ಅನುಚಿತವಾಗಿ ವರ್ತಿಸುತ್ತಿದ್ದು, ಇದನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಶಿರಸಿ ಮಾರುಕಟ್ಟೆ ಠಾಣೆಯ ಪಿಸೈ ಗೀತಾ ಕಲಘಟಗಿ ಅವರು ತಮ್ಮ ತಂಡದ ಜೊತೆ ಅಲ್ಲಿಗೆ ಹೋಗಿದ್ದಾರೆ. ಪರೀಕ್ಷಿತ್ ಪತ್ತಾರ್ ಅವರು ಆಗಲೂ ಅಮಲಿನಲ್ಲಿಯೇ ಇದ್ದು, ಅವರನ್ನು ಪೊಲೀಸರು ವಶಕ್ಕೆಪಡೆದಿದ್ದಾರೆ. ಪಂಡೀತ್ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಪರೀಕ್ಷಿತ್ ಪತ್ತಾರ್ ಅವರ ವೈದ್ಯಕೀಯ ತಪಾಸಣೆ ಮಾಡಿದ್ದಾರೆ. ಆಗ, ಅವರು ಅತಿಯಾಗಿ ಗಾಂಜಾ ಸೇವಿಸಿರುವುದು ದೃಢವಾಗಿದೆ. ಗಾಂಜಾ ಅಮಲಿನಲ್ಲಿಯೇ ಅನುಚಿತವಾಗಿ ವರ್ತಿಸುತ್ತಿರುವುದು ಬೆಳಕಿಗೆ ಬಂದಿದೆ. ಈ ಹಿನ್ನಲೆ ಪರೀಕ್ಷಿತ್ ಪತ್ತಾರ್ ಅವರ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ.
- [ಶಿರಸಿ | ಬುಲೆರೋಗೆ ಗುದ್ದಿದ ಬೈಕು: ಅಪ್ಪನ ಸಾವು-ಮಗಳಿಗೆ ನೋವು!](https://mobiletime.in/2026/10/sirsi-bike-collides-with-bolero-father-dies-daughter-injured/): ಶಿರಸಿ ಆರೆಗೊಪ್ಪ ತೋಟಗಾರಿಕಾ ನರ್ಸರಿ ಬಳಿ ಬಚಗಾಂವಿನ ಫೈಜಾನ್ ರಜಾಕ್ ಅವರು ನಿಲ್ಲಿಸಿದ್ದ ಬುಲೆರೋಗೆ ಕಬ್ಜೆಯ ವಿ ಎಂ ಹೆಗಡೆ ಅವರು ಬೈಕ್ ಗುದ್ದಿದ್ದಾರೆ. ಈ ಅಪಘಾತದ ರಭಸಕ್ಕೆ ವಿ ಎಂ ಹೆಗಡೆ ಅವರು ಸಾವನಪ್ಪಿದ್ದು, ಅವರ ಪುತ್ರಿ ಸ್ನೇಹಾ ಹೆಗಡೆ ಅವರಿಗೆ ಗಂಭೀರ ಗಾಯವಾಗಿದೆ. ಶಿರಸಿಯ ಕಬ್ಜೆಯಲ್ಲಿ ವಿಶ್ವೇಶ್ವರ ಮೋಹನ ಹೆಗಡೆ (ವಿ ಎಂ ಹೆಗಡೆ) ಅವರು ವಾಸವಾಗಿದ್ದರು. 63 ವರ್ಷದ ಅವರು ಸಾಮಾಜಿಕ ಕಾರ್ಯದಲ್ಲಿ ಸಕ್ರೀಯರಾಗಿದ್ದರು. ವಿವಿಧ ಚಟುವಟಿಕೆಗಳನ್ನು ತಮ್ಮನ್ನು ತೊಡಗಿಸಿಕೊಂಡು ಆ ಭಾಗದ ಜನಪ್ರಿಯ ವ್ಯಕ್ತಿಯಾಗಿದ್ದರು. ಜನಪ್ರತಿನಿಧಿಯಾಗಿಯೂ ಅವರು ಕೆಲಸ ಮಾಡಿದ್ದರು. ಅಕ್ಟೊಬರ್ 3ರ ಸಂಜೆ ಅವರು ಬನವಾಸಿ-ಶಿರಸಿ ರಸ್ತೆ ಮಾರ್ಗವಾಗಿ ಬೈಕ್ ಓಡಿಸುತ್ತಿದ್ದರು. ಆ ಬೈಕಿನಲ್ಲಿ ಅವರ ಪುತ್ರಿ ಸ್ನೇಹಾ ಹೆಗಡೆ ಅವರು ಜೊತೆಯಿದ್ದರು. ಶಿರಸಿ ಬಚಗಾಂವ್ ಕಾಳೆಹೊಂಡದ ಫೈಜಾನ್ ಅಬ್ದುಲ್ ರಜಾಕ್ ಅವರು ಇದೇ ಮಾರ್ಗದಲ್ಲಿ ಬುಲೆರೋ ಓಡಿಸಿಕೊಂಡು ಹೊರಟಿದ್ದರು. ಫೈಜಾನ್ ರಜಾಕ್ ಅವರು ತಮ್ಮ ಬುಲೆರೋವನ್ನು ಆರೆಗೊಪ್ಪ ತೋಟಗಾರಿಕಾ ನರ್ಸರಿ ಬಳಿ ನಿಲ್ಲಿಸಿದ್ದರು. ಇನ್ನಿತರ ವಾಹನ ಓಡಾಟಕ್ಕೆ ತೊಂದರೆ ಆಗುವ ರೀತಿಯಲ್ಲಿಯೇ ಅವರು ಬುಲೆರೋ ನಿಲ್ಲಿಸಿದ್ದರು. ಈ ವೇಳೆ ವೇಗವಾಗಿ ಬೈಕ್ ಓಡಿಸಿಕೊಂಡು ಬಂದ ವಿ ಎಂ ಹೆಗಡೆ ಅವರು ತಮ್ಮ ಬೈಕನ್ನು ಬುಲೆರೋಗೆ ಗುದ್ದಿದರು. ಬುಲೆರೋ ಹಿಂದೆ ಬೈಕು ಗುದ್ದಿದ ಕಾರಣ ಬೈಕು ಜಖಂ ಆಯಿತು. ಬೈಕಿನಲಿದ್ದ ವಿ ಎಂ ಹೆಗಡೆ ಅವರ ಜೊತೆ ಅವರ ಪುತ್ರಿ ಸ್ನೇಹಾ ಹೆಗಡೆ ಅವರಿಗೂ ಗಂಭೀರವಾಗಿ ಗಾಯವಾಯಿತು. ಅವರಿಬ್ಬರನ್ನು ಆಸ್ಪತ್ರೆಗೆ ಸಾಗಿಸುವ ಪ್ರಯತ್ನ ನಡೆಯಿತು. ಆದರೆ, ವಿ ಎಂ ಹೆಗಡೆ ಅವರು ಆ ಅಪಘಾತದ ಆಘಾತದಿಂದ ಚೇತರಿಸಿಕೊಳ್ಳಲಿಲ್ಲ. ಅವರು ಅಲ್ಲಿಯೇ ಕೊನೆಯುಸಿರೆಳೆದರು. ಈ ಅಪಘಾತದ ಬಗ್ಗೆ ಶಿರಸಿ ಕಸ್ತೂರಿಬಾನಗರದಲ್ಲಿ ಪೆಂಟಿAಗ್ ಕೆಲಸ ಮಾಡುವ ಪೈಜ್ ನಾಸೀರ್ ಅಹ್ಮದ್ ಶೇಖ್ ಅವರು ಪೊಲೀಸರಿಗೆ ತಿಳಿಸಿದ್ದು, ಪ್ರಕರಣ ದಾಖಲಿಸಿದರು.
- [ಯಲ್ಲಾಪುರ | ಶಾಸಕರ ಕಾಲಿಗೆ ಬೀಳುವುದು ತಪ್ಪಲ್ಲ!](https://mobiletime.in/2026/10/yellapur-there-is-nothing-wrong-with-falling-at-the-mlas-feet/): `ಮಾಧ್ಯಮಗಳ ಮುಂದೆ ಶಾಸಕ ಶಿವರಾಮ ಹೆಬ್ಬಾರ್ ಅವರನ್ನು ನಿಂದಿಸಿ ನಂತರ ಅವರ ಕಾಲಿಗೆ ಬಿದ್ದು ಕೆಲಸ ಮಾಡಿಸಿಕೊಳ್ಳುವುದು ತಪ್ಪಲ್ಲ’ ಎಂದು ಬಿಜೆಪಿಗರು ಸಮರ್ಥಿಸಿಕೊಂಡಿದ್ದಾರೆ. `ಅಂಥವರ ಹೆಸರನ್ನು ಕಾಂಗ್ರೆಸ್ಸಿಗರು ಬಹಿರಂಗಪಡಿಸಲಿ’ ಎಂದು ಸವಾಲನ್ನು ಹಾಕಿದ್ದಾರೆ. ಜೊತೆಗೆ `ಕಾಂಗ್ರೆಸ್ ಕಚೇರಿ ಎದುರು ಬಿಜೆಪಿಗರಿಗೆ ಪ್ರವೇಶವಿಲ್ಲ ಎಂದು ನಾಮಫಲಕ ಅಳವಡಿಸಿದರೂ ಅಭ್ಯಂತರವಿಲ್ಲ’ ಎಂದಿದ್ದಾರೆ. ಈಚೆಗೆ ಕಾಂಗ್ರೆಸ್ಸಿಗರು ನಡೆಸಿದ ಸುದ್ದಿಗೋಷ್ಠಿ ಕುರಿತು mobiletime.in ವರದಿ ಪ್ರಸಾರ ಮಾಡಿತ್ತು. `ಬೆಳಗ್ಗೆ ಶಿವರಾಮ ಹೆಬ್ಬಾರ್ ಅವರಿಗೆ ನಿಂದಿಸುವ ಕೆಲ ನಾಯಕರು ನಂತರ ಅವರ ಕಾಲಿಗೆ ಬಿದ್ದು ಕ್ಷಮೆ ಕೋರಿ, ವಿವಿಧ ಕೆಲಸ ಮಾಡಿಸಿಕೊಳ್ಳುತ್ತಾರೆ’ ಎಂಬ ವಿಷಯವನ್ನು ಆ ವರದಿಯಲ್ಲಿ ಪ್ರಸಾರ ಮಾಡಲಾಗಿತ್ತು. ಈ ವಿಷಯವಾಗಿ ಬಿಜೆಪಿಗರು ಸುದ್ದಿಗೋಷ್ಠಿ ನಡೆಸಿ ಸ್ಪಷ್ಠೀಕರಣ ನೀಡಿದ್ದು, `ಜನಪ್ರತಿನಿಧಿಯಾಗಿ ಆಯ್ಕೆಯಾದ ಶಿವರಾಮ ಹೆಬ್ಬಾರ್ ಅವರು ಕ್ಷೇತ್ರದ ಎಲ್ಲರಿಗೂ ಶಾಸಕರಾಗಿದ್ದಾರೆ. ಹೀಗಾಗಿ ಅನೇಕರು ಅವರ ಬಳಿ ಕೆಲಸಕ್ಕಾಗಿ ಹೋಗುತ್ತಾರೆ. ಅದರಲ್ಲಿ ತಪ್ಪೇನು ಇಲ್ಲ’ ಎಂದು ಹೇಳಿದ್ದಾರೆ. ಮುಂದುವರೆದು, `ಹಾಗೇ ಬರುವ ಬಿಜೆಪಿಗರ ಹೆಸರನ್ನು ಬಹಿರಂಗಪಡಿಸಬೇಕು’ ಎಂದು ಜಿಲ್ಲಾ ಪಂಚಾಯತ ಮಾಜಿ ಸದಸ್ಯ ರಾಘವೇಂದ್ರ ಭಟ್ಟ ಅವರು ಒತ್ತಾಯಿಸಿದ್ದಾರೆ. `ಎಷ್ಟೇ ಕಷ್ಟದ ಪರಿಸ್ಥಿತಿಯಲ್ಲಿಯೂ ನಾನು ಹಾಗೂ ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಎಂದಿಗೂ ಅವರಲ್ಲಿ ಹೋಗಿಲ್ಲ’ ಎಂದು ಸ್ಪಷ್ಠಪಡಿಸಿದ್ದಾರೆ. `ಕೆಡಿಸಿಸಿ ಚುನಾವಣೆ ಅವಧಿಯಲ್ಲಿ ಸೊಸೈಟಿಗಳಲ್ಲಿಯೂ ಬಿಜೆಪಿ ಬೆಂಬಲಿತರ ಪ್ರಭಾವ ಜಾಸ್ತಿ ಇದ್ದರೂ ಕಾಂಗ್ರೆಸ್ ಅಭ್ಯರ್ಥಿ ಆಯ್ಕೆಯಾಗಿದ್ದು ಹೇಗೆ?’ ಎಂದು ಈ ವೇಳೆ ಮಾಧ್ಯಮದವರು ಪ್ರಶ್ನಿಸಿದ್ದಾರೆ. `ವೈಯಕ್ತಿಕ ವಿಚಾರ ಹಾಗೂ ತೆರೆಮರೆಯಲ್ಲಿ ನಡೆದ ವಿಷಯಗಳ ಕಾರಣದಿಂದ ಕೆಡಿಸಿಸಿ ಚುನಾವಣೆಯಲ್ಲಿ ಬಿಜೆಪಿಗೆ ಹಿನ್ನಡೆಯಾಗಿರುವ ಸಾಧ್ಯತೆಯಿದೆ. ಸಹಕಾರಿ ಸಂಘಗಳಲ್ಲಿ ಬಿಜೆಪಿಗರು ಹೆಚ್ಚಿನ ಸಂಖ್ಯೆಯಲ್ಲಿದ್ದರೂ ಅದು ರಾಜಕೀಯೇತರ ಸಂಘಟನೆ’ ಎಂದು ಈ ವೇಳೆ ಕೆಡಿಸಿಸಿ ಚುನಾವಣೆ ಅವಧಿಯಲ್ಲಿ ಬಿಜೆಪಿ ಪ್ರಮುಖರು ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಗೆ ಬೆಂಬಲ ನೀಡಿದನ್ನು ಸಮರ್ಥಿಸಿಕೊಂಡಿದ್ದಾರೆ. `ನಾವು ಶಿವರಾಮ ಹೆಬ್ಬಾರ್ ಅವರ ಬಳಿ ಬೇಲೇಕರೆ ಅದಿರು ಕಳವು ಪ್ರಕರಣದ ಬಗ್ಗೆ ಪ್ರಶ್ನಿಸಿಲ್ಲ. ಅವರ ಸಿಡಿ ಹಗರಣದ ಕುರಿತು ಮಾತನಾಡಿಲ್ಲ. ಅವರು ಸಕ್ಕರೆ ಕಾರ್ಖಾನೆ ಹೇಗೆ ಮಾಡಿದರು? ಎಂಬುದನ್ನು ಸಹ ಪ್ರಶ್ನಿಸಿಲ್ಲ. ಅದಾಗಿಯೂ, ಅವರು ವಿಶ್ವದರ್ಶನ ಶಿಕ್ಷಣ ಸಂಸ್ಥೆಯ ಭ್ರಷ್ಟಾಚಾರದ ಆರೋಪ ಮಾಡಿದ್ದಾರೆ. ಇದು ಸರಿಯಲ್ಲ’ ಎಂದು ರಾಘವೇಂದ್ರ ಭಟ್ಟ ಅವರು ಅಸಮಧಾನವ್ಯಕ್ತಪಡಿಸಿದರು. `ಹರಿಪ್ರಕಾಶ ಕೋಣೆಮನೆ ಅವರು ಹಣ ಮಾಡುತ್ತಿದ್ದಾರೆ. ಶಿಕ್ಷಣ ಸಂಸ್ಥೆ ಮೂಲಕ ಹೆಚ್ಚಿನ ಹಣ ಮಾಡುತ್ತಿದ್ದಾರೆ’ ಎಂಬ ಆಪಾದನೆ ಮಾಡುವ ಬದಲು ಕೋಟ್ಯಂತ ಹಣ ಪಾಲಕರಿಗೆ ಉಳಿಯುತ್ತಿದೆ’ ಎಂಬುದನ್ನು ಮನವರಿಕೆ ಮಾಡಿಕೊಳ್ಳಬೇಕು’ ಎಂದರು. ಇದನ್ನೂ ಓದಿ: ಬೆಳಗ್ಗೆ ಬೈತಾರೆ.. ರಾತ್ರಿ ಕಾಲಿಗೆ ಬೀಳ್ತಾರೆ! ಬಿಜೆಪಿ ಮಂಡಳ ಅಧ್ಯಕ್ಷ ಪ್ರಸಾದ ಹೆಗಡೆ ಅವರು ಮಾತನಾಡಿ `ನದಿ ಜೋಡಣೆ ವಿಷಯದಲ್ಲಿ ಶಿವರಾಮ ಹೆಬ್ಬಾರ್ ಅವರು ದ್ವಂದ್ವ ನೀತಿ ಅನುಸರಿಸುತ್ತಿದ್ದಾರೆ. ಜಿ+2 ಮನೆ ಹಂಚಿಕೆ ವಿಷಯದಲ್ಲಿಯೂ ಶ್ರೀಮಂತರಿಗೆ ಮನೆ ನೀಡಿ, ಬಡವರಿಗೆ ಅನ್ಯಾಯ ಮಾಡಿದ್ದಾರೆ. ಈ ಎರಡೂ ವಿಷಯದ ಬಗ್ಗೆ ಅವರು ತಮ್ಮ ಮೌನ ಮುರಿದು ಸ್ಪಷ್ಠ ನಿಲುವು ವ್ಯಕ್ತಪಡಿಸಬೇಕು. ಈ ವಿಷಯದಲ್ಲಿ ಅವರ ಜೊತೆ ಬಹಿರಂಗ ಚರ್ಚೆಗೂ ಸಿದ್ಧ’ ಎಂದು ಹೇಳಿದರು. `ಹಿಂಬಾಲಕರ ಮೂಲಕ ಮಾಧ್ಯಮ ಹೇಳಿಕೆ ಕೊಡಿಸುವ ಬದಲು ಶಾಸಕರು ಬಹಿರಂಗ ಚರ್ಚೆಗೆ ಬರಬೇಕು’ ಎಂದು ಒತ್ತಾಯಿಸಿದರು. ಪ್ರಮುಖರಾದ ಕೆ ಟಿ ಹೆಗಡೆ, ಗಣಪತಿ ಮಾನಿಗದ್ದೆ, ಗಣೇಶ ಪಾಠಣಕರ್, ಸೋಮೇಶ್ವರ ನಾಯ್ಕ ಅವರು ಜೊತೆಗಿದ್ದರು.
- [ಹೊನ್ನಾವರ | ಪೊಲೀಸರ ಬೈಕನ್ನು ಬಿಡದ ಕಳ್ಳ!](https://mobiletime.in/2026/10/honnavara-thief-who-wouldnt-let-go-of-the-police-bike/): ಪೊಲೀಸ್ ಕಾನ್ಸಟೇಬಲ್ ವಿನೋದ ನಾಯ್ಕ ಅವರ ಮನೆಯಲ್ಲಿದ್ದ ಬೈಕನ್ನು ಕಳ್ಳರು ಕದ್ದಿದ್ದಾರೆ. ಹೀಗಾಗಿ, ಮಂಕಿ ಪೊಲೀಸರು ವಿನೋದ ನಾಯ್ಕ ಅವರ ಸಹೋದರ ವಿಶ್ವನಾಥ ನಾಯ್ಕ ಅವರ ಹೆಸರಿನಲ್ಲಿದ್ದ ಬೈಕಿನ ಶೋಧ ಶುರು ಮಾಡಿದ್ದಾರೆ. ಹೊನ್ನಾವರದ ಮಂಕಿ ಸಾರಸ್ವತಕೇರಿಯಲ್ಲಿ ವಿನೋದ ಕೃಷ್ಣ ನಾಯ್ಕ ಅವರು ವಾಸವಾಗಿದ್ದಾರೆ. 28 ವರ್ಷದ ಅವರು ಪೊಲೀಸ್ ಸಿಬ್ಬಂದಿಯಾಗಿದ್ದಾರೆ. ಅವರ ಸಹೋದರ ವಿಶ್ವನಾಥ ನಾಯ್ಕ ಅವರು ಹೀರೋ ಸ್ಪೆಂಡರ್ ಪ್ರೋ ಬೈಕು ಹೊಂದಿದ್ದು, ಆ ಬೈಕನ್ನು ಆಗಾಗ ವಿನೋದ ನಾಯ್ಕ ಅವರು ಬಳಸುತ್ತಿದ್ದರು. ಸದ್ಯ ಅದೇ ಬೈಕು ಕಳ್ಳರ ಪಾಲಾಗಿದೆ. ಮನೆ ಮುಂದೆ ನಿಲ್ಲಿಸಿದ ಬೈಕನ್ನು ಕಳ್ಳರು ಕದ್ದು ಪರಾರಿಯಾಗಿದ್ದಾರೆ. ಅಕ್ಟೊಬರ್ 1ರಂದು ರಾತ್ರಿ 9.30ಕ್ಕೆ ಬೈಕು ಮನೆ ಮುಂದೆ ಇದಿದ್ದನ್ನು ವಿನೋದ ನಾಯ್ಕ ಅವರು ನೋಡಿದ್ದಾರೆ. ಮರು ದಿನ ಬೆಳಗ್ಗೆ 6 ಗಂಟೆಗೆ ಎದ್ದು ನೋಡಿದಾಗ ಆ ಬೈಕು ಅಲ್ಲಿ ಕಾಣಿಸಿಲ್ಲ. ಎಲ್ಲಾ ಕಡೆ ಹುಡುಕಿದರೂ ಬೈಕಿನ ಬಗ್ಗೆ ಮಾಹಿತಿ ಸಿಕ್ಕಿಲ್ಲ. ಆ ದಿನ ರಾತ್ರಿ ವಿನೋದ ನಾಯ್ಕ ಅವರ ಮನೆಗೆ ಬಂದ ಕಳ್ಳ ಯಾರು? ಆತ ಬೈಕನ್ನೇ ಕದಿಯಲು ಕಾರಣ ಏನು? ಎಂಬುದು ಗೊತ್ತಾಗಿಲ್ಲ. ಪೊಲೀಸರ ಮನೆಗೆ ಬಂದು ಬೈಕ್ ಕದ್ದ ಕಳ್ಳನನ್ನು ಹುಡುಕುವಂತೆ ಪೊಲೀಸ್ ಸಿಬ್ಬಂದಿ ವಿನೋದ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಮಂಕಿ ಪೊಲೀಸರು 40 ಸಾವಿರ ರೂ ಮೌಲ್ಯದ ಬೈಕನ್ನು ಹುಡುಕುವಲ್ಲಿ ಮಗ್ನರಾಗಿದ್ದಾರೆ.  
- [ಕುಮಟಾ | ಪೌರ ಕಾರ್ಮಿಕನ ದುಡುಕು ನಿರ್ಧಾರ: ಕುಳಿತಲ್ಲಿಯೇ ನೇಣಿಗೆ ಶರಣು!](https://mobiletime.in/2026/10/kumta-civic-workers-rash-decision-hangs-himself-right-where-he-was-sitting/): ಕುಮಟಾ ಪುರಸಭೆಯಲ್ಲಿ ಪೌರ ಕಾರ್ಮಿಕರಾಗಿದ್ದ ಗಣೇಶ ಹರಿಜನ ಅವರು ಖುರ್ಚಿ ಮೇಲೆ ಕುಳಿತ ಸ್ಥಿತಿಯಲ್ಲಿಯೇ ನೇಣಿಗೆ ಶರಣಾಗಿದ್ದಾರೆ. ಶವ ನೋಡಿದ ಮೂರುರು ಕ್ರಾಸ್ ಬಳಿಯ ಗುತ್ತಿಗೆದಾರ ಶ್ರೇಯಸ್ ಮುರುಡೇಶ್ವರ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕುಮಟಾದ ಹಳೇ ಮೀನು ಮಾರುಕಟ್ಟೆ ಬಳಿಯ ಪುರಸಭೆ ವಸತಿ ಗೃಹದಲ್ಲಿ ಗಣೇಶ ಈಶ್ವರ ಹರಿಜನ ಅವರು ವಾಸವಾಗಿದ್ದರು. 40 ವರ್ಷದ ಅವರು ಪೌರ ಕಾರ್ಮಿಕರಾಗಿ ಬದುಕು ಕಟ್ಟಿಕೊಂಡಿದ್ದರು. ಅವರು ಸರಾಯಿ ಕುಡಿಯುವುದನ್ನು ರೂಡಿಸಿಕೊಂಡಿದ್ದರು. ಈಚೆಗೆ ಅತಿಯಾಗಿ ಸರಾಯಿ ಸೇವಿಸುತ್ತಿದ್ದರು. ಕೆಲ ದಿನಗಳಿಂದ ಯಾವುದೋ ಒಂದು ವಿಷಯವನ್ನು ಅವರು ಮನಸ್ಸಿಗೆ ಹಚ್ಚಿಕೊಂಡಿದ್ದರು. ಅದೇ ವಿಚಾರವಾಗಿ ಕೊರಗುತ್ತಿದ್ದರು. ಸೆಪ್ಟೆಂಬರ್ 30ರ ರಾತ್ರಿ 9.30ಕ್ಕೆ ಅವರನ್ನು ಅಲ್ಲಿನವರು ಕೊನೆಯದಾಗಿ ನೋಡಿದ್ದರು. ತಮ್ಮ ಕೊಠಡಿಯೊಳಗೆ ಹೋದ ಗಣೇಶ ಹರಿಜನ ಅವರು ಅಲ್ಲಿನ ಖುರ್ಚಿ ಮೇಲೆ ಕುಳಿತಿದ್ದರು. ಅಲ್ಲಿಯೇ ಅವರು ದುಡುಕು ನಿರ್ಧಾರಕ್ಕೆ ಮುಂದಾಗಿದ್ದು, ಬೆಡ್‌ಶೀಟ್ ಬಳಸಿ ಅಲ್ಲಿದ್ದ ಫ್ಯಾನಿಗೆ ನೇಣು ಹಾಕಿಕೊಂಡರು. ಖುರ್ಚಿ ಮೇಲೆ ಕುಳಿತ ಸ್ಥಿತಿಯಲ್ಲಿಯೇ ಅವರು ಸಾವನಪ್ಪಿದರು. ಭಟ್ಕಳ ಮೂಲದ ಗುತ್ತಿಗೆದಾರ, ಸದ್ಯ ಕುಮಟಾದಲ್ಲಿರುವ ಶ್ರೇಯಸ್ ದಿನೇಶ ಮುರುಡೇಶ್ವರ ಅವರು ಮರುದಿನ ಮಧ್ಯಾಹ್ನ 4 ಗಂಟೆಗೆ ಈ ಶವ ನೋಡಿ ಪೊಲೀಸರಿಗೆ ತಿಳಿಸಿ, ಪ್ರಕರಣ ದಾಖಲಿಸಿದರು.  
- [ಕಾರವಾರ | ಜನಪರ ಅಧಿಕಾರಿಗೆ ಜನಶಕ್ತಿ ವೇದಿಕೆಯ ಗೌರವ](https://mobiletime.in/2026/10/karwar-janashakti-vedike-honors-pro-people-official/): ಕಳೆದ ಎರಡುವರೆ ವರ್ಷದಿಂದ ಕಾರವಾರ ಉಪವಿಭಾಗದ ಪೊಲೀಸ್ ಉಪಾಧೀಕ್ಷಕರಾಗಿದ್ದ ಗಿರೀಶ್ ಅವರು ಉಡುಪಿಗೆ ವರ್ಗವಾಗಿದ್ದಾರೆ. ಕರಾವಳಿ ಕಾವಲು ಪೊಲೀಸ್ ವಿಭಾಗಕ್ಕೆ ಅವರನ್ನು ವರ್ಗಾವಣೆ ಮಾಡಲಾಗಿದೆ. ಜನಸ್ನೇಹಿಯಾಗಿ ಕರ್ತವ್ಯ ನಿಭಾಯಿಸಿದ ಗಿರೀಶ್ ಅವರ ಸೇವೆ ಸ್ಮರಿಸಿ ಜನಶಕ್ತಿ ವೇದಿಕೆಯವರು ಗೌರವಿಸಿದ್ದಾರೆ. ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ನಾಯಕ ಅವರು ತಮ್ಮ ಸಂಘಟನೆ ಸದಸ್ಯರ ಜೊತೆ ಡಿವೈಎಸ್ಪಿ ಕಚೇರಿಗೆ ಭೇಟಿ ನೀಡಿದ್ದಾರೆ. ಗಿರೀಶ ಅವರ ಸೇವೆಯ ಬಗ್ಗೆ ಮಾತನಾಡಿದ ಅವರು ತಿರಂಗಾ ಪೇಟಾ ತೊಡಿಸಿ ಗೌರವಿಸಿದ್ದಾರೆ. ನಂತರ ಶಾಲು-ಹಾರ ಹಾಕಿದರಲ್ಲದೇ, ಪುಸ್ತಕವನ್ನು ಉಡುಗರೆಯಾಗಿ ನೀಡಿದ್ದಾರೆ. ಗಿರೀಶ ಅವರ ಕರ್ತವ್ಯ ನಿಷ್ಠೆ, ಜನಸ್ನೇಹಿ ನಡೆ ಹಾಗೂ ಪ್ರಕರಣಗಳನ್ನು ಚಾಕಚಕ್ಯತೆಯಿಂದ ನಿಭಾಯಿಸಿದ ಕಾರ್ಯವೈಖರಿಯನ್ನು ಜನಶಕ್ತಿ ವೇದಿಕೆಯವರು ಶ್ಲಾಘಿಸಿದ್ದಾರೆ. ಡಿವೈಎಸ್ಪಿ ಗಿರೀಶ್ ಅವರು ಈ ಹಿಂದೆ ಕೂಡ ಕಾರವಾರದಲ್ಲಿ ಸೇವೆ ಸಲ್ಲಿಸಿರುವ ಅನುಭವ ಹೊಂದಿದ್ದಾರೆ. 2016-18ರ ಅವಧಿಯಲ್ಲಿಯೂ ಕಾರವಾರದಲ್ಲಿ ಕರ್ತವ್ಯ ನಿರ್ವಹಿಸಿದ್ದ ಅವರು ಭ್ರಷ್ಟಾಚಾರ ನಿಗ್ರಹ ದಳ (ಎಸಿಬಿ)ಯಲ್ಲಿಯೂ ಡಿವೈಎಸ್ಪಿಯಾಗಿ ಕಾರ್ಯನಿರ್ವಹಿಸಿದ್ದರು. ನಂತರ ಬೆಳಗಾವಿ ಜಿಲ್ಲೆಯ ಅಥಣಿಯಲ್ಲಿ ಪೊಲೀಸ್ ಉಪಾದೀಕ್ಷಕರಾಗಿ ಸೇವೆ ಸಲ್ಲಿಸಿ ಮತ್ತೆ ಕಾರವಾರ ಉಪವಿಭಾಗಕ್ಕೆ ಆಗಮಿಸಿದ್ದರು. ಕಾನೂನು ಸುವ್ಯವಸ್ಥೆ ಕಾಪಾಡುವಲ್ಲಿ ಹಾಗೂ ವಿವಿಧ ಪ್ರಕರಣಗಳನ್ನು ಪರಿಣಾಮಕಾರಿಯಾಗಿ ನಿಭಾಯಿಸುವಲ್ಲಿ ಅವರು ಮಹತ್ವದ ಕೆಲಸ ಮಾಡಿದ್ದಾರೆ. ಕನ್ನಡ ಸಾಹಿತ್ಯ ಪರಿಷತ್ ಕಾರವಾರ ತಾಲೂಕು ಅಧ್ಯಕ್ಷ ರಾಮಾ ನಾಯ್ಕ, ಜನಶಕ್ತಿ ವೇದಿಕೆಯ ಪದಾಧಿಕಾರಿ ಬಾಬು ಶೇಖ್, ಸುರೇಶ್ ನಾಯ್ಕ, ಸಿ ಎನ್ ನಾಯ್ಕ, ರಾಜೇಶ್ ಬಾಡ್ಕರ್, ರತ್ನಾಕರ್ ಬಾಡ್ಕರ್, ಶಿವಾನಂದ ನಾಯ್ಕ ಅವರು ಗಿರೀಶ ಅವರನ್ನು ಗೌರವಿಸಿದರು.
- [ಕಾರವಾರ | ಸೈನಿಕನಿಗೆ ಥಳಿಸಿದ ಚಿಕನ್ ಅಂಗಡಿ ಕಾರ್ಮಿಕ!](https://mobiletime.in/2026/10/karwar-chicken-shop-worker-assaults-soldier/): ಧಾರವಾಡದಿಂದ ಕಾರವಾರಕ್ಕೆ ಬಂದಿದ್ದ ಚಿಕನ್ ಅಂಗಡಿಯ 17 ಕಾರ್ಮಿಕರು ಪ್ರವಾಸಿ ಸ್ಥಳದಲ್ಲಿ ಗಲಾಟೆ ಮಾಡಿದ್ದು, ಅದನ್ನು ತಡೆಯಲು ಹೋದ ಸೈನಿಕರೊಬ್ಬರ ಮೇಲೆ ಹಲ್ಲೆ ಮಾಡಿದ್ದಾರೆ. ಸೈನಿಕರ ಸಹೋದರರೊಬ್ಬರ ಬಟ್ಟೆಯನ್ನು ಹರಿದು ರಂಪಾಟ ಮಾಡಿದ್ದಾರೆ. ಕಾರವಾರದ ಅಮದಳ್ಳಿಯ ಟೋಲ್‌ನಾಕಾದಲ್ಲಿ ಇಂದೇಶ ಮಾರುತಿ ಕೋಳಂಬಕರ್ ಅವರು ವಾಸವಾಗಿದ್ದಾರೆ. ಅವರು ಇಂಡಿಯನ್ ನೇವಿಯಲ್ಲಿ ಕೆಲಸ ಮಾಡಿಕೊಂಡಿದ್ದಾರೆ. ಅಕ್ಟೊಬರ್ 2ರಂದು ಅವರು ನಾಗರಮುಡಿ ಜಲಪಾತಕ್ಕೆ ಹೋಗಿದ್ದು, ಅಲ್ಲಿ ಧಾರವಾಡದಿಂದ ಬಂದ 17 ಜನ ನೀರಿನಲ್ಲಿ ಬಾಟಲಿ ಎಸೆಯುವುದನ್ನು ನೋಡಿದ್ದಾರೆ. `ಅಲ್ಲಿ ಬಾಟಲಿ ಎಸೆಯಬೇಡಿ’ ಎಂದು ಇಂದೇಶ ಕೋಳಂಬಕರ್ ಅವರು ಮನವಿ ಮಾಡಿದ್ದಾರೆ. ಇದರಿಂದ ಸಿಟ್ಟಾದ ಆ 17 ಪ್ರವಾಸಿಗರು ಇಂದೇಶ ಕೋಳಂಬಕರ್ ಅವರ ಮೇಲೆ ಆಕ್ರಮಣ ನಡೆಸಿದ್ದಾರೆ. ಇದನ್ನು ತಪ್ಪಿಸಲು ಬಂದ ಇಂದೇಶ ಕೋಳಂಬಕರ್ ಅವರ ಸಹೋದರ ಪ್ರಸಾದ ಕೋಳಂಬಕರ್ ಹಾಗೂ ಅಜಯ ಪಡ್ತಿ ಅವರಿಗೂ ಹೊಡೆದಿದ್ದಾರೆ. ಇಂದೇಶ ಕೋಳಂಬಕರ್ ಅವರ ಜೊತೆಗೆ ನಾಗರಮುಡಿ ಜಲಪಾತಕ್ಕೆ ಹೋಗಿದ್ದ ಸರ್ವೇಶ ಸೀತಾರಾಮ್ ಚಿಂಚಣಕರ್ ಅವರನ್ನು ಆ 17 ಜನ ಸೇರಿ ನಿಂದಿಸಿದ್ದಾರೆ. ಧಾರವಾಡ ಫತೆ ಅಹ್ಮದ್ ಡಂಪಲ್, ಮುಸ್ತಫಾ ಮುಗ್ದಮ್ ಶಿರಕೋಳ ಹಾಗೂ ಇತರರು ಈ ದಾಳಿ ಮಾಡಿದವರಾಗಿದ್ದಾರೆ. `ಸ್ವಚ್ಚತೆ ಕಾಪಾಡಿ’ ಎಂದು ಸೂಚಿಸಿದ ಏಕೈಕ ಕಾರಣಕ್ಕೆ ಧಾರವಾಡದ ಪ್ರವಾಸಿಗರು ಅತಿರೇಕದ ವರ್ತನೆ ತೋರಿದ್ದು, ಇಂದೇಶ ಕೋಳಂಬಕರ್ ಅವರು ಪ್ರತಿ ದಾಳಿ ಮಾಡಿದ್ದಾರೆ. ಈ ವೇಳೆ ಧಾರವಾಡದಿಂದ ಬಂದ ಪ್ರವಾಸಿಗರೊಬ್ಬರು ಇಂದೇಶ ಕೋಳಂಬಕರ್ ಅವರ ತಲೆಗೆ ಕ್ರಿಕೆಟ್ ಬ್ಯಾಟಿನಿಂದ ಹೊಡೆದಿದ್ದಾರೆ. ಈ ಹೊಡೆದಾಟದಲ್ಲಿ ಎರಡು ತಂಡದವರಿಗೂ ಅಲ್ಲಲ್ಲಿ ಪೆಟ್ಟಾಗಿದೆ. ಇಂದೇಶ ಕೋಳಂಬಕರ್ ಹಾಗೂ ಫತೆ ಅಹ್ಮದ್ ಡಂಪಲ್ ಅವರು ನೋವಿನಿಂದ ಆಸ್ಪತ್ರೆ ಸೇರಿದ್ದಾರೆ. ಅಕ್ಟೊಬರ್ 2ರ ಸಂಜೆ 5.30ರ ವೇಳೆಗೆ ಈ ಗಲಾಟೆ ನಡೆದಿದೆ. ಏಕಾಏಕಿ ಗಲಾಟೆ ಶುರುವಾಗಿದ್ದರಿಂದ ಸ್ಥಳದಲ್ಲಿನ ವಾತವರಣ ಹದಗೆಟ್ಟಿದ್ದು, ಎರಡು ಕಡೆಯವರ ದೂರು ಆಲಿಸಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
- [ಯಲ್ಲಾಪುರ | ಮಾದಕ ಮೋಹಕ್ಕೆ ಯುವಕರೇ ಗುರಿ!](https://mobiletime.in/2026/10/yellapur-youth-targeted-by-the-lure-of-drugs/): ಕಿರವತ್ತಿ ಬಳಿಯ ಹೊಸಳ್ಳಿಯ ಕೃಷ್ಣಾ ಕಾಂಬಳೆ ಹಾಗೂ ಮಹೇಶ ಪೊಂಡೆ ಯಲ್ಲಾಪುರಕ್ಕೆ ಆಗಮಿಸಿದ್ದು, ಮಾದಕ ವ್ಯಸನ ಸೇವಿಸಿದ್ದಾರೆ. ಅಮಲಿನಲ್ಲಿ ಅಲೆದಾಡುತ್ತಿದ್ದ ಅವರಿಬ್ಬರ ವಿರುದ್ಧವೂ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಯಲ್ಲಾಪುರದ ಕಿರವತ್ತಿಯ ಹೊಸಳ್ಳಿಯಲ್ಲಿ ಕೃಷ್ಣಾ ವಿಠ್ಠಲ್ ಕಾಂಬಳೆ ಅವರು ವಾಸವಾಗಿದ್ದಾರೆ. 22 ವರ್ಷದ ಅವರು ಕೂಲಿ ಕೆಲಸ ಮಾಡಿಕೊಂಡಿದ್ದಾರೆ. ಅದೇ ಊರಿನಲ್ಲಿ ಮಹೇಶ ಲಕ್ಕು ಪೊಂಡೆ ಅವರು ವಾಸವಗಿದ್ದಾರೆ. 23 ವರ್ಷದ ಅವರು ಸಹ ಕೂಲಿ ಕೆಲಸ ಮಾಡಿಕೊಂಡಿದ್ದಾರೆ. ಅಕ್ಟೊಬರ್ 1ರಂದು ಅವರಿಬ್ಬರು ಯಲ್ಲಾಪುರಕ್ಕೆ ಬಂದಿದ್ದು, ಕೃಷ್ಣಾ ಕಾಂಬಳೆ ಅವರು ಸರ್ಕಾರಿ ಆಸ್ಪತ್ರೆ ರಸ್ತೆ ಕಡೆ ಹೋಗಿದ್ದಾರೆ. ಮಹೇಶ ಪೊಂಡೆ ಅವರು ಲೋಕೋಪಯೋಗಿ ಉದ್ಯಾನವನದ ಬಳಿ ನಿಂತಿದ್ದಾರೆ. ಅಲ್ಲಿಯೇ ಅವರಿಬ್ಬರು ಗಾಂಜಾ ಸೇವಿಸಿ ಅನುಚಿತವಾಗಿ ವರ್ತಿಸಲು ಶುರು ಮಾಡಿದ್ದು, ಇದನ್ನು ನೋಡಿದ ಜನ ಪೊಲೀಸರಿಗೆ ಫೋನ್ ಮಾಡಿದ್ದಾರೆ. ಆ ದಿನ ಸಂಜೆ 7.45ರ ವೇಳೆಗೆ ಕೃಷ್ಣಾ ಕಾಂಬಳೆ ಅವರನ್ನು ಪಿಸೈ ರಾಜಶೇಖರ ವಂದಲಿ ಅವರು ವಶಕ್ಕೆಪಡೆದು ವೈದ್ಯಕೀಯ ಪರೀಕ್ಷೆ ಮಾಡಿಸಿದ್ದಾರೆ. ರಾತ್ರಿ 8.30ರ ವೇಳೆಗೆ ಪಿಐ ಸುರೇಶ ಕಂಬಾರ ಅವರ ಬಳಿ ಮಹೇಶ ಪೊಂಡೆ ಅವರು ಸಿಕ್ಕಿ ಬಿದ್ದಿದ್ದಾರೆ. ಅವರಿಬ್ಬರ ವೈದ್ಯಕೀಯ ವರದಿಯಲ್ಲಿ ಮಾದಕ ವ್ಯಸನ ಸೇವನೆ ದೃಢವಾಗಿದೆ. ಹೀಗಾಗಿ ಪೊಲೀಸರು ಇಬ್ಬರ ವಿರುದ್ಧವೂ ಪ್ರತ್ಯೇಕ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ. ಜೊತೆಗೆ ಮಾದಕ ವ್ಯಸನ ಸೇವನೆ ಮಾಡದಂತೆ ತಾಕೀತು ಮಾಡಿದ್ದಾರೆ.
- [ಭಟ್ಕಳ | ಮಾದಕ ವಸ್ತು ಮಾರಾಟ: ಯುವಕ ಸೆರೆ!](https://mobiletime.in/2026/10/bhatkal-drug-sale-youth-arrested/): ಮಾದಕ ವಸ್ತು ಮಾರಾಟ ಮಾಡಿ ಹಣ ಮಾಡಲು ಹೋಗಿದ್ದ ಮೊಹಮದ್ ಸಾಯಿಮ್ ಅವರು ಯುವ ಜನರಿಗೆ ಗಾಂಜಾ ಪೂರೈಸಿ ಅವರ ಜೀವನ ಹಾಳು ಮಾಡುತ್ತಿದ್ದು, ಪೊಲೀಸರು ಅದಕ್ಕೆ ಕಡಿವಾಣ ಹಾಕಿದ್ದಾರೆ. ಮೊಹಮದ್ ಸಾಯಿಮ್ ಅವರ ಬಳಿಯಿದ್ದ 816 ಗ್ರಾಂ ಗಾಂಜಾವನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಭಟ್ಕಳದ ಮೂಸಾನಗರ ಬೆಂಡೆಖಾನ್ ಬಳಿ ಮೊಹಮ್ಮದ್ ಸಾಯಿಮ್ ಮೊಹಮ್ಮದ್ ಸಲೀಂ ಖಾಜಿಯಾ ಅವರು ವಾಸವಾಗಿದ್ದಾರೆ. 31 ವರ್ಷದ ಅವರು ದುಡಿದು ಹಣ ಮಾಡುವ ಬದಲು ಕಾನೂನುಬಾಹಿರ ಚಟುವಟಿಕೆ ಮೂಲಕ ದುಡ್ಡು ಮಾಡುವ ಕನಸು ಕಂಡಿದ್ದಾರೆ. ಅದಕ್ಕಾಗಿ ಗಾಂಜಾ ಮಾರಾಟ ಮಾಡಿ ಬದುಕು ಕಟ್ಟಿಕೊಳ್ಳಲು ನಿರ್ಧರಿಸಿದ್ದಾರೆ. ಸ್ಕೂಟಿಯಲ್ಲಿ ಗಾಂಜಾ ಸಾಗಿಸುವಾಗಲೇ ಅವರು ಸಿಕ್ಕಿಬಿದ್ದಿದ್ದಾರೆ. ಅಕ್ಟೊಬರ್ 2ರಂದು ಸಂಜೆ 6.30ರ ಸುಮಾರಿಗೆ ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣಾ ವ್ಯಾಪ್ತಿಯ ಹೆಬಳೆ ಗ್ರಾಮದ ಪಿರ್ದೋಸ ನಗರದ ಕೋಳಿ ಫಾರ್ಮ್ ಸಮೀಪ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದಾರೆ. ಖಚಿತ ಮಾಹಿತಿ ಆಧರಿಸಿ ದಾಳಿ ನಡೆಸಿದವರಿಗೆ ಮೊಹಮ್ಮದ್ ಸಾಯಿಮ್ ಅವರು ಸಿಕ್ಕಿಬಿದ್ದಿದ್ದಾರೆ. 81 ಸಾವಿರ ರೂ ಮೌಲ್ಯದ ಗಾಂಜಾ ಜೊತೆ ಅವರು ಸಿಕ್ಕಿ ಬಿದ್ದಿದ್ದಾರೆ. ಸ್ಕೂಟಿಯನ್ನು ಸಹ ಪೊಲೀಸರು ಜಪ್ತು ಮಾಡಿದ್ದಾರೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಜಿ, ಹಾಗೂ ಭಟ್ಕಳ ಉಪವಿಭಾಗದ ಸಹಾಯಕ ಪೊಲೀಸ್ ಅಧೀಕ್ಷಕ ರಾನು ಗುಪ್ತಾ ಅವರ ಮಾರ್ಗದರ್ಶನದಲ್ಲಿ ಈ ಕಾರ್ಯಾಚರಣೆ ನಡೆದಿದೆ. ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆ ಪೊಲೀಸ್ ನಿರೀಕ್ಷಕ ವೆಂಕಟೇಶ್ ಮೂರ್ನಾಳ ನೇತೃತ್ವದಲ್ಲಿ ಪಿಎಸ್‌ಐ ಮಲ್ಲಿಕಾರ್ಜುನ್ ಕೊರಾಣಿ ಹಾಗೂ ಭರ್ಮಪ್ಪ ಬೆಳಗಲಿ ಸೇರಿದಂತೆ ಪೊಲೀಸ್ ಸಿಬ್ಬಂದಿ ಮಂಜುನಾಥ ಗೊಂಡ, ಮಂಜುನಾಥ ಖಾರ್ವಿ, ಈರಣ್ಣ ಪೂಜಾರಿ, ಬಾಗಪ್ಪ ಕಡಕಲ್, ನಿಂಗನಗೌಡ ಪಾಟೀಲ್, ಅಂಬರೀಷ್ ಕುಂಬಾರಿ, ವಿನಯ ಮಬ್ರರ, ಸಂತೋಷ ಹಡಪದ, ಚಾಲಕ ಸಂತೋಷ ನಾಯ್ಕ ಸೇರಿ ಕಾರ್ಯಾಚರಣೆ ಮಾಡಿದ್ದಾರೆ.
- [ಯಲ್ಲಾಪುರ | ಆಯುಷ್ಮಾನ್ ಕೇಂದ್ರಕ್ಕೆ ಬೀಗ: ಆಕ್ರೋಶ!](https://mobiletime.in/2026/10/yellapur-ayushman-centre-locked-outrage/): ರವೀಂದ್ರ ನಗರದಲ್ಲಿದ್ದ ಆಯುಷ್ಮಾನ್ ಆರೋಗ್ಯ ಕೇಂದ್ರ ಬಾಗಿಲು ಮುಚ್ಚಿರುವುದನ್ನು ವಿರೋಧಿಸಿ ಆ ಭಾಗದ ಜನ ಪ್ರತಿಭಟನೆ ನಡೆಸಿದ್ದಾರೆ. ಆಯುಷ್ಮಾನ್ ಆರೋಗ್ಯ ಕೇಂದ್ರಕ್ಕೆ ಬೀಗ ಹಾಕಿರುವುದನ್ನು ಸಮರ್ಥಿಸಿದ ಪತ್ರಿಕಾ ಮಾಧ್ಯಮವೊಂದರ ವಿರುದ್ಧವೂ ಅಲ್ಲಿನವರು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಮುಂಡಗೋಡ ರಸ್ತೆ ರವೀಂದ್ರ ನಗರದಲ್ಲಿ ಕಳೆದ 5 ವರ್ಷಗಳಿಂದ ಆಯುಷ್ಮಾನ್ ಆರೋಗ್ಯ ಕೇಂದ್ರ ನಡೆಯುತ್ತಿದ್ದು, ಅದು ಸ್ಥಳೀಯರಿಗೆ ಸಾಕಷ್ಟು ಅನುಕೂಲವಾಗಿತ್ತು. ಇಲ್ಲಿ ಕಾರ್ಯನಿರ್ವಹಿಸುವ ವೈದ್ಯರು ತುರ್ತು ಪರಿಸ್ಥಿತಿಯಲ್ಲಿ ಜನರ ಮನೆಗೆ ಭೇಟಿ ನೀಡಿ ಚಿಕಿತ್ಸೆ ನೀಡಿದ ನಿದರ್ಶನಗಳಿದ್ದವು. ಸದ್ಯ ಈ ಕೇಂದ್ರವನ್ನು ಬಂದ್ ಮಾಡಲಾಗಿದೆ. ಅದರಿಂದ ಇಲ್ಲಿನ ಜನ ರಿಕ್ಷಾ ಮಾಡಿ ತಾಲೂಕು ಆಸ್ಪತ್ರೆಗೆ ಹೋಗಬೇಕಿದ್ದು, ಅಲ್ಲಿನ ಪ್ರಯಾಣಕ್ಕೆ 200ರೂ ವೆಚ್ಚವಾಗುತ್ತಿದೆ’ ಎಂದು ಪ್ರತಿಭಟನಾಕಾರರು ವಿವರಿಸಿದರು. `ಇಲ್ಲಿನ ಆರೋಗ್ಯ ಕೇಂದ್ರ ಬಂದ್ ಮಾಡಬಾರದು ಎಂದು ಮನವಿ ಮಾಡಲಾಗಿತ್ತು. ಆರೋಗ್ಯಾಧಿಕಾರಿಗಳು ಹಾಗೂ ತಹಶೀಲ್ದಾರರಿಗೆ ಸಹ ಇಲ್ಲಿನ ಸಮಸ್ಯೆ ಬಗ್ಗೆ ಮನವರಿಕೆ ಮಾಡಲಾಗಿತ್ತು. ಅದಾಗಿಯೂ, ಆರೋಗ್ಯ ಕೇಂದ್ರ ಬಾಗಿಲು ಮುಚ್ಚಲಾಗಿದೆ. ಇದರಿಂದ ಅನೇಕ ಬಗೆಯ ಆರೋಗ್ಯ ಸೇವೆಗಳಿಗೆ ಜನ ತೊಂದರೆ ಅನುಭವಿಸುತ್ತಿದ್ದಾರೆ’ ಎಂದು ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸೋಮೇಶ್ವರ ನಾಯ್ಕ ಅವರು ದೂರಿದರು. `ಮಾಧ್ಯಮವೊಂದು ಆಸ್ಪತ್ರೆ ಮುಚ್ಚಿರುವುದನ್ನು ಸಮರ್ಥಿಸಿ ವರದಿ ಪ್ರಕಟಿಸಿದೆ. ವರದಿಗಾರರು ಇಲ್ಲಿನ ಸಮಸ್ಯೆ ಬಗ್ಗೆ ಬೆಳಕು ಚೆಲ್ಲಬೇಕು. ಆಸ್ಪತ್ರೆ ಬಂದ್ ಆಗಿರುವುದರಿಂದ ಆದ ತೊಂದರೆಗಳ ಬಗ್ಗೆ ಪ್ರಕಟಿಸಬೇಕು’ ಎಂದವರು ಒತ್ತಾಯಿಸಿದರು. `ರವೀಂದ್ರ ನಗರ ಹಾಗೂ ಸುತ್ತಮುತ್ತಲಿನ ನಿವಾಸಿಗಳು ಯೋಜನೆಯಡಿ ದೊರೆಯುವ ಸೌಲಭ್ಯಗಳನ್ನು ಪಡೆಯಲು ಈ ಕೇಂದ್ರವನ್ನು ಅವಲಂಬಿಸಿದ್ದಾರೆ. ಎಲ್ಲರಿಗೂ ಆರೋಗ್ಯ ಸೇವೆ ಒದಗಿಸುವ ಉದ್ದೇಶ ಹೊಂದಿರುವ ಯೋಜನೆಯಡಿ ಕಾರ್ಯನಿರ್ವಹಿಸುತ್ತಿರುವ ಕೇಂದ್ರವನ್ನು ಇದೀಗ ಬಂದ್ ಮಾಡಲು ಮುಂದಾಗಿರುವುದು ಸ್ಥಳೀಯರಲ್ಲಿ ಅಸಮಾಧಾನಕ್ಕೆ ಕಾರಣವಾಗಿದೆ’ ಎಂದು ಅಲ್ಲಿನವರು ವಿವರಿಸಿದರು. `ಈ ಕೇಂದ್ರದಲ್ಲಿ ಬಿಪಿ-ಶುಗರ್ ಗುಳುಗೆ ಸುಲಭವಾಗಿ ಸಿಗುತ್ತಿತ್ತು. ಇಲ್ಲಿನ ವೈದ್ಯರು ಅತ್ಯಂತ ಪ್ರೀತಿಯಿಂದ ಜನರ ಜೊತೆ ವರ್ತಿಸುತ್ತಿದ್ದರು. ಸದ್ಯ ಆರೋಗ್ಯ ಕೇಂದ್ರ ಬಂದ್ ಆಗಿದ್ದರಿಂದ ಸಮಸ್ಯೆಯಾಗಿದೆ’ ಎಂದು ಫಲಾನುಭವಿ ಮಹಿಳೆಯೊಬ್ಬರು ಕಷ್ಟ ಹೇಳಿಕೊಂಡರು. ಆ ಭಾಗದ ಸಾವಕ್ಕಾ ಬೋವಿ. ಪುಷ್ಪ ಬಣಗಾರ, ರುಕ್ಮಿಣಿ ನಾಯ್ಕ, ನಾಗರಾಜ ನಾಯ್ಕ, ಚಂದ್ರು ಗೌಡರ್, ಸಿದ್ದು ಯಾಮಕರ್ ಅವರು ಆಸ್ಪತ್ರೆ ಬಾಗಿಲು ತೆರೆಯುವಂತೆ ಒತ್ತಾಯಿಸಿದರು.
- [ಗೋಕರ್ಣ | ಸಮುದ್ರ ಸುಳಿಗೆ ಸಿಲುಕಿದ ಪ್ರವಾಸಿಗ: ರಕ್ಷಣೆ](https://mobiletime.in/2026/10/gokarna-tourist-caught-in-sea-current-rescued/): ಬೆಂಗಳೂರು ಮೂಲದ ವ್ಯಕ್ತಿಗಳಿಬ್ಬರು ಗೋಕರ್ಣಕ್ಕೆ ಆಗಮಿಸಿ ಸಮುದ್ರಕ್ಕೆ ಹಾರಿದ್ದು, ಅಪಾಯದಲ್ಲಿದ್ದ ಅವರನ್ನು ಜೀವ ರಕ್ಷಕ ಸಿಬ್ಬಂದಿ ರಕ್ಷಿಸಿದ್ದಾರೆ. ಈಜು ಬಾರದಿದ್ದರೂ ಈಜಲು ಹೋಗಿದ್ದ ಅವರು ಸಮುದ್ರ ಆಳಕ್ಕೆ ತಲುಪಿದಾಗ ತಕ್ಷಣ ಅಲ್ಲಿದ್ದವರು ಅವರ ಪ್ರಾಣ ಕಾಪಾಡಿದ್ದಾರೆ. ವಾರಾಂತ್ಯದ ರಜೆಯ ಮೋಜು ಅನುಭವಿಸುವುದಕ್ಕಾಗಿ ಬೆಂಗಳೂರಿನ ಹರಿಬಾಬು (30), ಶರವಾನ್ (30) ಅವರು ಗೋಕರ್ಣಕ್ಕೆ ಬಂದಿದ್ದರು. ಇಲ್ಲಿನ ವಿವಿಧ ಕಡಲತೀರ ಸುತ್ತಾಡಿದ ಅವರು ಶನಿವಾರ ಬೆಳಗ್ಗೆ ಕುಡ್ಲೆ ಬೀಚ್’ಗೆ ಹೋಗಿದ್ದರು. ಅಲ್ಲಿ ಅವರು ನೀರಿಗೆ ಇಳಿದಿದ್ದು, ಅಪಾಯದ ಮಟ್ಟ ಮೀರಿ ಮುಂದೆ ಸಾಗಿದರು. ಆಗ, ಅವರಿಬ್ಬರು ಸಮುದ್ರ ನೀರಿನ ಸೆಳೆತಕ್ಕೆ ಸಿಲುಕಿ ಸಮಸ್ಯೆ ಅನುಭವಿಸಿದರು. ಪ್ರವಾಸಿಗರಿಬ್ಬರು ನೀರಿನಲ್ಲಿ ಮುಳುಗುವುದನ್ನು ನೋಡಿದ ಜೀವ ರಕ್ಷಕ ಸಿಬ್ಬಂದಿಗಳಾದ ಮಂಜುನಾಥ ಹರಿಕಂತ್ರ ಅವರು ತಮ್ಮ ಸಹಚರರಾದ ನಾಗೇಂದ್ರ ಕೂರ್ಲೆ ಅವರನ್ನು ಕೂಗಿ ಕರೆದರು. ಜೆಸ್ಕಿ ಚಾಲಕ ಪ್ರಕಾಶ ಲಮಾಣಿ ಅವರನ್ನು ಜೊತೆಯಾಗಿರಿಸಿಕೊಂಡು ಸಮುದ್ರಕ್ಕೆ ಹಾರಿದರು. ಪ್ರವಾಸಿ ಮಿತ್ರ ಸತೀಶ್ ನಾಯ್ಕ, ಮೈ ಸ್ಟಿಕ್ ಅಡ್ವೆಂಚರ್ ವಾಟರ್ ಸ್ಪೋರ್ಟ್ಸ್ ಸಿಬ್ಬಂದಿ ಸಹಕಾರದಲ್ಲಿ ನೀರಿನಲ್ಲಿ ಮುಳುಗುತ್ತಿದ್ದ ಪ್ರವಾಸಿಗರನ್ನು ಅವರು ದಡಕ್ಕೆ ಎಳೆದು ತಂದರು.
- [ಶಿರಸಿ | ಮಂಗನ ಕಾಟ: ಅರಣ್ಯಾಧಿಕಾರಿಗೆ ಅರ್ದ ಬಾಳೆಗೊನೆಯ ಉಡುಗರೆ!](https://mobiletime.in/2026/10/sirsi-monkey-menace-half-a-bunch-of-bananas-gifted-to-forest-official/): ಮಂಗನ ಕಾಟಕ್ಕೆ ಬೇಸತ್ತ ರೈತರು ಮಂಗ ತಿಂದು ಬಿಟ್ಟ ಬಾಳೆಗೊನೆಗಳನ್ನು ಅರಣ್ಯಾಧಿಕಾರಿಗಳಿಗೆ ಉಡುಗರೆಯಾಗಿ ನೀಡಿದ್ದಾರೆ. `ಮಂಗನಿoದ ಮುಕ್ತಿ ಕೊಡಿ’ ಎಂದವರು ಮನವಿಯನ್ನು ಮಾಡಿದ್ದಾರೆ. ಶಿರಸಿಯ ಸಂಪಖoಡ ಹೋಬಳಿಯ ಗ್ರಾಮ ಪಂಚಾಯಿತಿಗಳ ವ್ಯಾಪ್ತಿಯಲ್ಲಿ ಕಾಡು ಪ್ರಾಣಿಗಳ ಹಾವಳಿ ಜಾಸ್ತಿಯಾಗಿದೆ. ರೈತರು ಬೆಳೆ ಉಳಿಸಿಕೊಳ್ಳಲು ಪರದಾಡುತ್ತಿದ್ದಾರೆ. ಅದರಲ್ಲಿಯೂ ಮುಖ್ಯವಾಗಿ ಈ ಭಾಗದಲ್ಲಿ ಮಂಗಗಳು ಜನರಿಗೆ ಕಾಟ ಕೊಡುತ್ತಿವೆ. ತೋಟದಲ್ಲಿನ ಯಾವ ಬೆಳೆಯನ್ನು ಮಂಗ ಬಿಡುತ್ತಿಲ್ಲ. ಅಲ್ಲಿನ ಬಿಳಿ ಮೂತಿಯ ಕೋತಿಗಳು ಮಹಿಳೆಯರು ಹಾಗೂ ಮಕ್ಕಳನ್ನು ಸಹ ಬೆದರಿಸುತ್ತಿವೆ. ಮನೆ ಜನರ ಮುಂದೆಯೇ ರಾಜಾರೋಷವಾಗಿ ಅವು ಅಡಿಕೆ-ಬಾಳೆ ನಾಶ ಮಾಡುತ್ತಿವೆ. ಇದರಿಂದ ಬೇಸತ್ತ ಆ ಭಾಗದ ಜನ ತಮ್ಮ ಸಮಸ್ಯೆಗಳ ಬಗ್ಗೆ ಅರಣ್ಯಾಧಿಕಾರಿಗಳ ಬಳಿ ಹೇಳಿದ್ದಾರೆ. `ಮಂಗನ ಕಾಟಕ್ಕೆ ಶಾಶ್ವತ ಪರಿಹಾರ ಹಾಗೂ ಮಾರ್ಗೋಪಾಯಗಳ ಬಗ್ಗೆ ಚಿಂತಿಸಬೇಕು’ ಎಂದು ಮನವಿ ಮಾಡಿದ್ದಾರೆ. ಜಾನ್ಮನೆ ವಲಯ ಅರಣ್ಯ ಕಚೇರಿಗೆ ಭೇಟಿ ನೀಡಿದ ರೈತರು ಮಂಗ ತಿಂದು ಬಿಟ್ಟ ಬಾಳೆಗೊನೆಯನ್ನು ಸಾಕ್ಷಿಗಾಗಿ ಒಯ್ದಿದ್ದಾರೆ. ಇದರೊಂದಿಗೆ `ಅಡಕೆ ತೋಟಕ್ಕೆ ಕಾಡು ಪ್ರದೇಶದಿಂದ ಆಗಮಿಸುವ ಹಂದಿಗಳ ಉಪಟಳ ಜಾಸ್ತಿಯಾಗಿದೆ. ರೈತರು ರಾತ್ರಿ ಇಡೀ ನಿದ್ದೆಗೆಟ್ಟು ಹಂದಿಗಳನ್ನು ಕಾಯುವ ಸ್ಥಿತಿ ಬಂದೊದಗಿದೆ’ ಎಂದು ಸಮಸ್ಯೆ ಹೇಳಿದ್ದಾರೆ. `ರಾತ್ರಿ ಹಂದಿ ಕಾಟ, ಹಗಲಿನಲ್ಲಿ ಮಂಗಗಳ ಕಾಟದಿಂದ ಜನ ತತ್ತರಿಸಿದ್ದಾರೆ. ಇನ್ನೂ ಬೆಳೆಯದ ಎಳೆ ಅಡಿಕೆಗಳನ್ನೇ ಮಂಗಗಳು ತಿನ್ನುತ್ತಿವೆ. ನೆಗ್ಗು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಜಾನ್ಮನೆ ಹಾಗೂ ಬಂಡಲ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಕಾಡುಪ್ರಾಣಿಗಳ ಹಾವಳಿ ಜಾಸ್ತಿಯಾಗಿದೆ. ಇಲ್ಲಿ ದೊಡ್ಡ ದೊಡ್ಡ ಗಮಯಗಳು ಇದ್ದು, ಅವು ಅಡಿಕೆ ಗಿಡಗಳನ್ನೇ ಮುರಿದು ತಿನ್ನುತ್ತಿವೆ. ಇನ್ನೊಂದೆಡೆ ಕೆಂಚಳಿಲು ತೆಂಗಿನ ಎಳೆ ಮಿಳ್ಳೆ ತಿನ್ನುತ್ತಿರುವುದರಿಂದ ನಮಗೆ ಯಾವ ಬೆಳೆಯೂ ಕೈಗೆ ಸಿಗದಂತಾಗಿ ಸಮಸ್ಯೆ ಎದುರಿಸಬೇಕಾಗಿದೆ. ಇತ್ತೀಚಿನ ದಿನಗಳಲ್ಲಿ ನವಿಲುಗಳೂ ಸಹ ಅಡಿಕೆ ತೋಟಕ್ಕೆ ಆಗಮಿಸಿ ಸಣ್ಣ ಗಿಡಗಳ ಗರಿ ಕತ್ತರಿಸುತ್ತಿವೆ’ ಎಂದವರು ಅಳಲು ತೋಡಿಕೊಂಡಿದ್ದಾರೆ. `ಅರಣ್ಯ ಇಲಾಖೆ ನಿಯಮಗಳ ಪ್ರಕಾರ ಕಾಡು ಪ್ರಾಣಿಗಳ ಹಾವಳಿ, ಬೆಳೆ ಹಾನಿ ಮಾಡಿದಾಗ ರೈತರು ಅರಣ್ಯ ಇಲಾಖೆಗೆ ತಿಳಿಸಬೇಕಾಗುತ್ತದೆ. ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿ ಪರಿಹಾರಕ್ಕಾಗಿ ಕ್ರಮ ಕೈಗೊಳ್ಳುತ್ತಾರೆ. ಆದರೆ, ಕಾಡು ಪ್ರಾಣಿಗಳು ಬೆಳೆ ತಿನ್ನುತ್ತಿರುವುದು ಪ್ರತಿ ದಿನ ನಡೆಯುತ್ತಿರುವ ಕಾರಣ ಇಲಾಖೆಯ ಸಿಬ್ಬಂದಿಗೆ ಪ್ರತಿ ದಿನವೂ ರೈತರ ಬೆಳೆ ಹಾನಿ ಸಮೀಕ್ಷೆ ಮಾಡುತ್ತಲೇ ಇರಬೇಕಾಗುತ್ತದೆ. ಹೀಗಾಗಿ, ಕಾಡು ಪ್ರಾಣಿಗಳು ರೈತರ ಹೊಲ, ತೋಟಗಳಿಗೆ ಬರದಂತೆ ಯಾವ ಕ್ರಮ ಕೈಗೊಳ್ಳಬೇಕು ಎಂಬುದನ್ನು ಅರಣ್ಯ ಇಲಾಖೆಯೇ ಸೂಚಿಸಬೇಕು. ಅರಣ್ಯ ಇಲಾಖೆ ಕೇವಲ ಅಕೇಶಿಯಾ ಗಿಡಗಳನ್ನು ಮಾತ್ರ ಬೆಳೆಯಲು ಆಸಕ್ತಿ ತೋರದೇ ಕಾಡು ಮೃಗಗಳಿಗೆ ಅಲ್ಲಿಯೇ ಆಹಾರ ಲಭ್ಯವಾಗಲು ಹಣ್ಣಿನ ಗಿಡಗಳನ್ನು ನೆಡಬೇಕು. ಇಂತಹ ಗಿಡಗಳನ್ನೂ ರೈತರಿಗೆ ನೆಡಲು ಕೊಡಬೇಕು’ ಎಂದು ಆಗ್ರಹಿಸಿದ್ದಾರೆ. ಹಾರೂಗಾರ ಗ್ರೂಪ್ ಗ್ರಾಮಗಳ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಗುರುಪಾದ ಹೆಗಡೆ ಬೊಮ್ನಳ್ಳಿ, ಕೆಡಿಪಿ ಸಲಹಾ ಸಮಿತಿ ಸದಸ್ಯ ದಿವಾಕರ ಹೆಗಡೆ ತೊಣ್ಣೆಮನೆ ಅವರು ಅಧಿಕಾರಿಗಳಿಗೆ ಈ ಎಲ್ಲಾ ವಿಷಯದ ಬಗ್ಗೆ ಮನವರಿಕೆ ಮಾಡಿದ್ದಾರೆ.
- [ಶಿರಸಿ | ಮಳೆಗಾಗಿ ವಿಶೇಷ ಪ್ರಾರ್ಥನೆ](https://mobiletime.in/2026/10/sirsi-special-prayer-for-rain/): ಬರಗಾಲದ ಪರಿಸ್ಥಿತಿಯಿಂದ ಕಂಗೆಟ್ಟಿರುವ ರೈತರು ಮಳೆಯ ಆಗಮನಕ್ಕಾಗಿ ಶಿರಸಿ ಕಲಕರಡಿ ಗ್ರಾಮದಲ್ಲಿ ಪ್ರಸಿದ್ಧವಾಗಿರುವ ಗರೆಗಲ್ಲಿಗೆ ಕೆರೆಯ ನೀರು ಅಭಿಷೇಕ ಮಾಡಿದ್ದಾರೆ. ಜೊತೆಗೆ ಮಳೆಗಾಗಿ ದೇವರಲ್ಲಿ ಪ್ರಾರ್ಥಿಸಿದ್ದಾರೆ. ಕಲಕರಡಿ ಗ್ರಾಮದ ಪುರಾತನ ಗರೆಗಲ್ಲಿಗೆ ಕೆರೆಯಿಂದ ನೀರನ್ನು ತಂದು ಹಾಕಲಾಗಿದ್ದು, ಈ ನೀರು ಕಾಲುವೆಯ ಮೂಲಕ ಪುನಃ ಕೆರೆಗೆ ಸೇರಿದರೆ ಸಮೃದ್ಧವಾದ ಮಳೆ ಬರುತ್ತದೆ ಎಂಬ ನಂಬಿಕೆ ಗ್ರಾಮಸ್ಥರಲ್ಲಿದೆ. ಈ ಹಿಂದೆ ಬರಗಾಲದ ಸಂದರ್ಭದಲ್ಲಿ ಇದೇ ರೀತಿಯಾಗಿ ಗರೆಗಲ್ಲಿಗೆ ನೀರಿನ ಅಭಿಷೇಕ ಮಾಡಿದ ಬಳಿಕ ಮಳೆ ಬಂದಿರುವ ಉದಾಹರಣೆಗಳಿವೆ ಎನ್ನಲಾಗಿದ್ದು, ಈ ಬಾರಿಯೂ ಮಳೆ ಬರಲಿದೆ ಎಂಬ ಆಶಾಭಾವನೆಯನ್ನು ಗ್ರಾಮಸ್ಥರುವ್ಯಕ್ತಪಡಿಸಿದ್ದಾರೆ. ಈ ಬಾರಿ ಬೇಸಿಗೆ ಆರಂಭಕ್ಕೂ ಮುನ್ನವೇ ಬಿಸಿಲಿನ ತೀವ್ರತೆ ಹೆಚ್ಚಾಗಿದ್ದು, ಕೆರೆ, ಕಟ್ಟೆ ಹಾಗೂ ಬಾವಿಗಳಲ್ಲಿನ ನೀರು ವೇಗವಾಗಿ ಆವಿಯಾಗುತ್ತಿದೆ. ಕೆಲವು ಪ್ರದೇಶಗಳಲ್ಲಿ ತುಂಬಿದ್ದ ಕೆರೆಗಳಲ್ಲಿಯೂ ನೀರು ಕಡಿಮೆಯಾಗುತ್ತಿರುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದರಿಂದ ರೈತರಿಗೆ ಬೆಳೆ ಬೆಳೆಯುವುದಷ್ಟೇ ಅಲ್ಲದೆ, ಜಾನುವಾರುಗಳಿಗೆ ಕುಡಿಯುವ ನೀರು ಒದಗಿಸುವುದೂ ಸವಾಲಾಗಿದೆ. ನೀರಿನ ಕೊರತೆಯಿಂದ ಗ್ರಾಮೀಣ ಭಾಗದ ಜನರು ಆತಂಕದಲ್ಲಿದ್ದಾರೆ. ಇAತಹ ಪರಿಸ್ಥಿತಿಯಲ್ಲಿ ಕಲಕರಡಿ ಗ್ರಾಮದ ಯುವಕರು ಹಾಗೂ ಗ್ರಾಮಸ್ಥರು ತಾವು ಹಿಂದಿನಿAದಲೂ ನಂಬಿಕೊAಡು ಬಂದಿರುವ ಗರೆಗಲ್ಲಿಗೆ ನೀರು ಹಾಕುವ ಆಚರಣೆಯನ್ನು ನಡೆಸಿದ್ದಾರೆ. `ಹಿಂದೆ ಬರಗಾಲದ ಸಂದರ್ಭದಲ್ಲಿ ಇದೇ ರೀತಿ ಮಾಡಿ ಮಳೆಯನ್ನು ಕಂಡಿದ್ದೇವೆ. ಈ ಬಾರಿಯೂ ಗರೆಗಲ್ಲಿಗೆ ನೀರು ಹಾಕಿದರೆ ಮಳೆ ಬರುತ್ತದೆ ಎಂಬ ನಂಬಿಕೆ ಇದೆ’ ಎಂದು ಗ್ರಾಮದ ಯುವಕ ಸುಮಂತ್ ಆಶಾಭಾವನೆ ವ್ಯಕ್ತಪಡಿಸಿದ್ದಾರೆ.
- [ಗೋಕರ್ಣ | ಹುಚ್ಚು ದನಕ್ಕೆ ಹಗ್ಗ ಕಟ್ಟಿದ 112 ಸಿಬ್ಬಂದಿ!](https://mobiletime.in/2026/10/gokarna-112-personnel-rope-a-rabid-dog/): ರೇಬಿಸ್ ರೋಗಕ್ಕೆ ಒಳಗಾಗಿದ್ದ ದನವೊಂದು ಗೋಕರ್ಣ ಕಡಲತೀರಕ್ಕೆ ಆಗಮಿಸಿದ್ದು, ಪೊಲೀಸ್ ಸಿಬ್ಬಂದಿ ದೇವರಾಯ ನಾಯಕ ಅವರು ಧೈರ್ಯದಿಂದ ಆ ದನ ಹಿಡಿದು ಕಂಬಕ್ಕೆ ಕಟ್ಟಿದ್ದಾರೆ. ಅಲ್ಲಿದ್ದ ಜೀವ ರಕ್ಷಕ ಸಿಬ್ಬಂದಿ ಈ ಕಾರ್ಯಕ್ಕೆ ಕೈ ಜೋಡಿಸಿದ್ದಾರೆ. ಗೋಕರ್ಣದ ಮುಖ್ಯ ಕಡಲತೀರದಲ್ಲಿ ಕಳೆದ ಎರಡು ದಿನಗಳಿಂದ ಹುಚ್ಚು ದನವೊಂದು ಓಡಾಡುತ್ತಿತ್ತು. ಅಲ್ಲಿಗೆ ಬರುವ ಪ್ರವಾಸಿಗರ ಮೇಲೆ ಆ ದನ ಎರಗುತ್ತಿತ್ತು. ಗುರುವಾರವೂ ಮಹಿಳೆಯೊಬ್ಬರ ಮೇಲೆ ದಾಳಿ ಮಾಡಿತ್ತು. ಜೊತೆಗೆ ಇನ್ನೂ ನಾಲ್ವರನ್ನು ಬೆನ್ನಟ್ಟಿ ಬಂದಿತ್ತು. ಪಶು ಸಿಬ್ಬಂದಿ ಕರೆಯಿಸಿ ದನ ಹಿಡಿಸುವ ಪ್ರಯತ್ನ ನಡೆಯಿತು. ಆದರೆ, ಅದು ಸಾಧ್ಯವಾಗಲಿಲ್ಲ. ಹೀಗಾಗಿ ಆ ದನ ಬಗ್ಗೆ ಪ್ರವಾಸಿ ಸಿಬ್ಬಂದಿ ಜನರಲ್ಲಿ ಅರಿವು ಮೂಡಿಸಿ, ಕಾವಲು ಕಾಯುತ್ತಿದ್ದರು. ಶುಕ್ರವಾರ ಬೆಳಗ್ಗೆ ಮತ್ತೆ ದನ ಅಲ್ಲಿ ಕಾಣಿಸಿಕೊಂಡಿದ್ದು, ಅಲ್ಲಿಗೆ ಆಗಮಿಸಿದ ವ್ಯಕ್ತಿಯೊಬ್ಬರ ಮೇಲೆ ದಾಳಿ ಮಾಡಿತು. ತಕ್ಷಣ ಅವರು ಗ್ರಾಮ ಪಂಚಾಯತಗೆ ಫೋನ್ ಮಾಡಿದ್ದು, ಪಿಡಿಓ ಫೋನ್’ಗೆ ಸಿಗಲಿಲ್ಲ. ಹೀಗಾಗಿ ಅವರು 112ಗೆ ಫೋನ್ ಮಾಡಿದರು. ಆಗ ಅಲ್ಲಿಗೆ ಆಗಮಿಸಿದ ಹವಲ್ದಾರ್ ದೇವರಾಯ ನಾಯಕ ಅವರು ದನ ಹಿಡಿದರು. 112ನ ಎಸೈ ಮಾರುತಿ ಕೇಣಿ, ಜೀವರಕ್ಷಕ ಸಿಬ್ಬಂದಿ ಶಿವಪ್ರಸಾದ ಅಂಬಿಗ, ಲೋಕು ಹರಿಕಂತ್ರ, ಮೋಹನ ಅಂಬಿಗ ರೋಷನ್ ಎಸ್ ಖಾರ್ಮಿ, ಪ್ರವಾಸಿಮಿತ್ರ ಶೇಖರ ಹರಿಕಂತ್ರ, ಲೈಫ ಗಾರ್ಡ ಮೇಲ್ವಿಚಾರಕ ರವಿ ನಾಯ್ಕ ಅವರು ಈ ಕಾರ್ಯಾಚರಣೆಗೆ ಕೈ ಜೋಡಿಸಿದರು.
- [ಜೊಯಿಡಾ | ರೆಸಾರ್ಟಿಗೆ ಬೆಂಕಿ ಹಚ್ಚಿದ ಕಿಡಿಗೇಡಿ!](https://mobiletime.in/2026/10/joida-miscreant-sets-fire-to-resort/): ರಾಮನಗರದ ನಿರ್ಜನ ಪ್ರದೇಶದಲ್ಲಿದ್ದ `ಆಪ್ ದಿ ಗ್ರಿಡ್’ ಎಂಬ ರೆಸಾರ್ಟ್’ಗೆ ಕಿಡಿಗೇಡಿಯೊಬ್ಬರು ಬೆಂಕಿ ಹಚ್ಚಿದ್ದಾರೆ. ರೆಸಾರ್ಟಿನ ಒಳಗಿದ್ದ ಪೀಠೋಪಕರಣ, ಕೊಠಡಿ ಸೇರಿ 70 ಲಕ್ಷ ರೂಪಾಯಿಗೂ ಅಧಿಕ ಮೌಲ್ಯದ ಸಾಮಗ್ರಿಗಳು ಸುಟ್ಟು ಕರಕಲಾಗಿದೆ. ಜೊಯಿಡಾ ಕ್ಯಾಸಲರಾಕ್’ನ ಪೊಪ್ಪಲವಾಡಿಯಲ್ಲಿ ಸೆಲ್ವಿಯಾ ಕೇರ್ಕರ್ ಅವರು ವಾಸವಾಗಿದ್ದಾರೆ. ಅವರು ತಮ್ಮ ಜೀವನ ಆಧಾರಕ್ಕಾಗಿ ಅದೇ ಪ್ರದೇಶದಲ್ಲಿ `ಆಪ್ ದಿ ಗ್ರಿಡ್’ ಎಂಬ ರೆಸಾರ್ಟ ನಿರ್ಮಿಸಿಕೊಂಡಿದ್ದಾರೆ. ಮಳೆಗಾಲದ ಅವಧಿಯಲ್ಲಿ ಆ ಪ್ರದೇಶದಲ್ಲಿ ರಸ್ತೆ ಸಂಪರ್ಕ ಹಾಳಾಗಿದ್ದು, ವಿದ್ಯುತ್ ಸಹ ಸರಿಯಾಗಿ ಬರುತ್ತಿಲ್ಲ. ಹೀಗಾಗಿ ಅಲ್ಲಿ ಜೀವನ ನಡೆಸುವುದು ಕಷ್ಟ ಎಂದು ಭಾವಿಸಿ ಅವರು ವಿದೇಶಕ್ಕೆ ಹೋಗಲು ನಿರ್ಧರಿಸಿದ್ದಾರೆ. ಸೆಲ್ವಿಯಾ ಕೇರ್ಕರ್ ಅವರು ತಮ್ಮ ಪತಿ ಜಾನ್ ಪಲಾಡೋ ಅವರ ಜೊತೆ ಯುಕೆ ದೇಶಕ್ಕೆ ಹೋಗಿ ಮೂರು ತಿಂಗಳು ಕಾಲ ಕಳೆದಿದ್ದಾರೆ. ವಿದೇಶಕ್ಕೆ ಹೋಗುವ ಮುನ್ನ ಆ ದಂಪತಿ ರೆಸಾರ್ಟ ನಿರ್ವಹಣೆಗೆ ಕೆಲಸದವರನ್ನು ನೇಮಿಸಿದ್ದಾರೆ. ತಮಿಳುನಾಡಿನ ಜೀವಾ ಹಾಗೂ ಸೌಮ್ಯ ಅವರಿಗೆ ರೆಸಾರ್ಟ ನಿರ್ವಹಣೆಯ ಜವಾಬ್ದಾರಿ ನೀಡಿದ್ದು, `ನೀವು ಊರಿಗೆ ಹೋಗುವಾಗ ಬೀಗ ಹಾಕಿ’ ಎಂಬ ಸೂಚನೆ ನೀಡಿದ್ದಾರೆ. ಜೂನ್ 2ರಂದು ರೆಸಾರ್ಟ ಸಿಬ್ಬಂದಿ ಅವರ ಊರಿಗೆ ಹೋಗಿದ್ದಾರೆ. ಜುಲೈ 2ರಂದು ಅವರು ಮರಳಿ ಬಂದಿದ್ದು, ಆಗ ರೆಸಾರ್ಟಿಗೆ ಬೆಂಕಿ ಬಿದ್ದಿರುವುದು ಗೊತ್ತಾಗಿದೆ. ಕೂಡಲೇ ಅವರು ಜಾಗದ ಮಾಲಕರಿಗೆ ಫೋನ್ ಮಾಡಿ ವಿಷಯ ತಿಳಿಸಿದ್ದಾರೆ. ನಿರ್ಜನ ಪ್ರದೇಶವಾಗಿದ್ದರಿಂದ ಬೆಂಕಿ ಹಚ್ಚಿದ ಕಿಡಿಗೇಡಿ ಯಾರು? ಎಂದು ಗೊತ್ತಾಗಿಲ್ಲ. ಸದ್ಯ ಊರಿಗೆ ಬಂದ ಸೆಲ್ವಿಯಾ ಅವರು ರೆಸಾರ್ಟ ಸುಟ್ಟ ದೃಶ್ಯ ನೋಡಿ ಕಣ್ಣೀರಾಗಿದ್ದಾರೆ.
- [ಸಣ್ಣ ವಿಷಯಕ್ಕೆ ದೊಡ್ಡ ಹೊಡೆದಾಟ: ದೂರು!](https://mobiletime.in/2026/10/sirsi-rns-staff-thrash-student/): RNS ಮೋಟಾರ್ಸ’ನಲ್ಲಿ ಕೆಲಸ ಮಾಡುವ ಅಲ್ತಾಪ್ ನಾಯಕನವಾಡಿ ಅವರು ಇನ್ನಿತರ ಜೊತೆ ಗುಂಪು ಕಟ್ಟಿಕೊಂಡು ತಾರಗೋಡು ಬಳಿಯ ಕಾರ್ತಿಕ್ ಪೂಜಾರಿ ಅವರಿಗೆ ಹೊಡೆದಿದ್ದಾರೆ. ಇದಕ್ಕೆ ಪ್ರತಿಯಾಗಿ ಕಾರ್ತಿಕ್ ಪೂಜಾರಿ ಅವರು ಪ್ರತಿ ದಾಳಿ ಮಾಡಿದ್ದಾರೆ. ಶಿರಸಿ ಮಾರಿಕಾಂಬಾ ದೇಗುಲದ ಪಾರ್ಕಿಂಗ್ ಪ್ರದೇಶದಲ್ಲಿ ಈ ಹೊಡೆದಾಟ ನಡೆದಿದೆ. ಶಿರಸಿಯ ಕೆಇಬಿ ಕ್ವಾಟರ್ಸಿನಲ್ಲಿ ಅಲ್ತಾಪ್ ಅಬ್ದುಲ್ ರಜಾಕ್ ನಾಯಕವಾಡಿ ಅವರು ವಾಸವಾಗಿದ್ದಾರೆ. 18ವರ್ಷದ ಅವರು ಆರ್‌ಎನ್‌ಎಸ್ ಮೋಟಾರ್ಸಿನಲ್ಲಿ ಕೆಲಸ ಮಾಡಿಕೊಂಡಿದ್ದಾರೆ. ಶಿರಸಿ ತಾರಗೋಡು ನಡಗೋಡಿನಲ್ಲಿ ಕಾರ್ತಿಕ್ ಗಣಪತಿ ಪೂಜಾರಿ ಅವರು ವಾಸವಾಗಿದ್ದಾರೆ. 19 ವರ್ಷದ ಗಣಪತಿ ಪೂಜಾರಿ ಅವರು ಕಾಲೇಜು ವಿದ್ಯಾರ್ಥಿಯಾಗಿದ್ದಾರೆ. ಅಲ್ತಾಪ್ ನಾಯಕನವಾಡಿ ಹಾಗೂ ಕಾರ್ತಿಕ್ ಪೂಜಾರಿ ಅವರ ನಡುವೆ ದ್ವೇಷ ಶುರುವಾಗಿದ್ದು, ಅದೇ ದ್ವೇಷದಲ್ಲಿ ಅಲ್ತಾಪ್ ನಾಯಕವಾಡಿ ದಾಳಿ ಮಾಡಿದ್ದಾರೆ. ಕಾರ್ತಿಕ್ ಪೂಜಾರಿ ಅವರು ಸಹ ಈ ವೇಳೆ ಪ್ರತಿ ದಾಳಿ ನಡೆಸಿದ್ದಾರೆ. ಅಕ್ಟೊಬರ್ 1ರ ರಾತ್ರಿ 10.30ಕ್ಕೆ ಶಿರಸಿ ಮಾರಿಕಾಂಬಾ ದೇಗುಲದ ಸಮೀಪ ಈ ಹೊಡೆದಾಟ ನಡೆದಿದೆ. ದೇವಸ್ಥಾನ ಎದುರಿನ ಪಾರ್ಕಿಂಗ್ ಸ್ಥಳದಲ್ಲಿ ಗಣಪತಿ ಪೂಜಾರಿ ಅವರ ಮೇಲೆ ಅಲ್ತಾಪ್ ನಾಯಕನವಡಿ ಅವರ ನಡುವೆ ಹೊಡೆದಾಟ ನಡೆದಿದೆ. ವೈಯಕ್ತಿಕ ದ್ವೇಷದ ಹಿನ್ನಲೆ ಈ ದಾಳಿ ನಡೆದಿರುವ ಬಗ್ಗೆ ಅಂದಾಜಿಸಲಾಗಿದೆ. ಈ ಹೊಡೆದಾಟ ನೋಡಿದ ಶಿರಸಿ ಪೊಲೀಸರು ಅದನ್ನು ತಪ್ಪಿಸಿದ್ದಾರೆ. ಸಹಾಯಕ ಪೊಲೀಸ್ ನಿರೀಕ್ಷಕ ಸುರೇಶ ಗೊಂಜಾಳಿ ಅವರು ಆ ಯುವಕರಿಗೆ ಬುದ್ದಿ ಹೇಳುವ ಪ್ರಯತ್ನ ಮಾಡಿದ್ದಾರೆ. ಸಾರ್ವಜನಿಕ ಪ್ರದೇಶದಲ್ಲಿ ಈ ರೀತಿ ಹೊಡೆದಾಟ ನಡೆದ ಕಾರಣ ಕಾನೂನು ಸುವ್ಯಸವಸ್ಥೆಗೆ ಸಮಸ್ಯೆಯಾಗಿದೆ. ಈ ಹಿನ್ನಲೆ ಆ ಯುವಕರ ವಿರುದ್ಧ ಪೊಲೀಸರು ಸುಮೋಟೋ ಕೇಸು ದಾಖಲಿಸಿದ್ದಾರೆ.
- [ಮುರುಡೇಶ್ವರ | ಕಾಲೇಜಿಗೆ ಹೋದವರ ಮನೆಯಲ್ಲಿ ಕಳ್ಳತನ!](https://mobiletime.in/2026/10/murudeshwar-theft-at-the-home-of-a-college-student/): ಕಾಯ್ಕಿಣಿ ಬಳಿಯ ಉಪನ್ಯಾಸಕ ರಾಜೇಶ ಶೆಟ್ಟಿ ಅವರ ಮನೆಗೆ ಕಳ್ಳರು ಬಂದಿದ್ದಾರೆ. ಮನೆಯಲ್ಲಿದ್ದ 17.50 ಲಕ್ಷ ರೂ ಮೌಲ್ಯದ ಒಡವೆ ಕದ್ದು ಅವರು ಪರಾರಿಯಾಗಿದ್ದಾರೆ. ಭಟ್ಕಳದ ಮುರುಡೇಶ್ವರ ಸಮೀಪದ ಕಾಯ್ಕಿಣಿ ಅಗ್ಲೊಳೆಯ ಕೊಟದಮಕ್ಕಿಯಲ್ಲಿ ರಾಜೇಶ ಕುಪ್ಪಯ್ಯ ಶೆಟ್ಟಿ ಅವರು ವಾಸವಾಗಿದ್ದಾರೆ. ಅವರ ಜೊತೆ ಅವರ ಪತ್ನಿಯೂ ಉಪನ್ಯಾಸಕರಾಗಿ ಕೆಲಸ ಮಾಡಿಕೊಂಡಿದ್ದಾರೆ. ತಮ್ಮ ದುಡಿಮೆಯ ಹಣದಲ್ಲಿ ಅವರು ಬಂಗಾರ ಮಾಡಿಸಿಕೊಂಡಿದ್ದು, ಅದನ್ನು ಅರಿತ ಕಳ್ಳರು ಹಗಲಿನಲ್ಲಿಯೇ ದರೋಡೆಗಿಳಿದಿದ್ದಾರೆ. ಪ್ರತಿ ದಿನ ಬೆಳಗ್ಗೆ ಕಾಲೇಜಿಗೆ ಹೋಗುವ ಈ ದಂಪತಿ ರಾತ್ರಿ ಮನೆಗೆ ಮರಳುತ್ತಿರುವುದನ್ನು ಅರಿತು ಕಳ್ಳರು ದುಸ್ಸಾಹಸಕ್ಕೆ ಕೈ ಹಾಕಿದ್ದಾರೆ. ಅಕ್ಟೊಬರ್ 1ರಂದು ರಾಜೇಶ ಶೆಟ್ಟಿ ಹಾಗೂ ಅವರ ಪತ್ನಿ ಕಾಲೇಜಿಗೆ ಹೋದಾಗ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಮನೆ ಹಿಂದಿನ ಬಾಗಿಲು ಒಡೆದ ಕಳ್ಳರು ಬೆಡ್ ರೂಮಿಗೆ ನುಗ್ಗಿದ್ದಾರೆ. ಅಲ್ಲಿದ್ದ 13.50 ಲಕ್ಷ ರೂ ಮೌಲ್ಯದ ಒಡವೆ ಕದ್ದಿದ್ದಾರೆ. ಅದಾದ ನಂತರ 1 ಲಕ್ಷ ರೂ ಮೌಲ್ಯದ ತಾಮ್ರದ ತಂಬಿಗೆ ಹಾಗೂ 3 ಲಕ್ಷ ರೂ ಹಣ ದೋಚಿದ್ದಾರೆ.
- [ಕಂದಕಕ್ಕೆ ಬಿದ್ದ ಬಸ್ಸು: ಸಾವಿನಪ್ಪಿದವರು ಯಾರು? ಗಾಯಗೊಂಡವರು ಯಾರು?](https://mobiletime.in/2026/10/bus-falls-into-a-ditch-who-lost-their-lives-who-was-injured/): ಕುಮಟಾ-ಶಿರಸಿ ರಸ್ತೆಯ ದೇವಿಮನೆ ಘಟ್ಟ ಪ್ರದೇಶದಲ್ಲಿ ಸಂಚರಿಸುತ್ತದ್ದ ಸರ್ಕಾರಿ ಬಸ್ಸು ಗುರುವಾರ ರಾತ್ರಿ ಕಂದಕಕ್ಕೆ ಬಿದ್ದಿದ್ದು, ಮಹಿಳೆಯೊಬ್ಬರು ಸಾವನಪ್ಪಿದ್ದಾರೆ. ಜೊತೆಗೆ 19 ಪ್ರಯಾಣಿಕರು ಈ ಅಪಘಾತದಲ್ಲಿ ಗಾಯಗೊಂಡಿದ್ದಾರೆ. ಭಟ್ಕಳ ಅಜಾದನಗರದ ಪರ್ವಿನ ಬಾನು ಗಿಲಾನಿ ನಲಬಂದ (40) ಅವರು ಸಾವನಪ್ಪಿದವರಗಿದ್ದಾರೆ. ಉಡುಪಿ ಘಟಕಕ್ಕೆ ಸೇರಿದ ಈ ಬಸ್ಸು ಸವದತ್ತಿಯಿಂದ ಶಿರಸಿ ಮಾರ್ಗವಾಗಿ ಕುಮಟಾ ಮೂಲಕ ಉಡುಪಿಗೆ ಹೋಗುವಾಗ ಅವಘಡ ನಡೆದಿದೆ. ಚಾಲಕನ ಅತಿವೇಗವೇ ಈ ಅನಾಹುತಕ್ಕೆ ಕಾರಣವಾಗಿದ್ದು, ಬಸ್ಸು ಸಂಪೂರ್ಣವಾಗಿ ಪಲ್ಟಿಯಾಗಿದೆ. ಅಪಘಾತದಲ್ಲಿ ಗಾಯಗೊಂಡಿದ್ದ ಪರ್ವಿನ ಬಾನು ಅವರನ್ನು ಆಂಬುಲೆನ್ಸಿನ ಮೂಲಕ ಶಿರಸಿಗೆ ಒಯ್ಯುವ ಪ್ರಯತ್ನ ನಡೆಯಿತು. ಆದರೆ, ರಾಗಿಹೊಸಳ್ಳಿ ಬಳಿ ಅವರು ಕೊನೆಯುಸಿರೆಳೆದರು. ಈ ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದ ಕುಮಟಾ ಹೊಲನಗದ್ದೆಯ ಮಹೇಶ ವೆಂಕಟೇಶ ರೇವಣಕರ, ಕುಮಟಾ ಮೊರಬಾ ಗ್ರಾಮದ ದಯಾನಂದ ದಾಕಪ್ಪ ಹೊಸಮನಿ, ಆದರ್ಶ ದಯಾನಂದ ಹೊಸಮನೆ, ಪ್ರೇಮಾ ದಯಾನಂದ ಹೊಸಮನೆ, ಅಮೃತ ದಯಾನಂದ ಹೊಸಮನೆ, ಮುರಡೇಶ್ವರದ ಸೂಪಿಯಾನ್ ತನ್ವೀರ ಶೇಖ ಅವರು ಪ್ರಯಾಣಿಸುತ್ತಿದ್ದರು. ಅವರೊಂದಿಗೆ ಕುಮಟಾ ಧಾರೇಶ್ವರದ ಸತ್ಯನಾರಾಯಣ ಮಂಗೇಶ ದೇಶಭಂಡಾರಿ, ಕುಮಟಾ ಕಾಗಾಲದ ಶ್ರೀಮತಿ ಶಾಹಿನ್ ಅಲಿ ಅಕ್ಬರ ಪೋಸಗೆ, ಶ್ರೀಮತಿ ಅಕ್ಬರಿ ಮುಸ್ತಾಕ ಪೋಸಗೆ, ಅಂಕೋಲಾ ಮಂಜಗುಣಿಯ ನಿತ್ತಾನಂದ ನಾಗೇಶ ನಾಯ್ಕ, ಪವಿತ್ರಾ ವಿಠೋಬ ನಾಯ್ಕ, ಹಳಿಯಾಳ ಜಟಕಾಹೊಸೂರಿನ ಸುರೇಖಾ ಲಿಯೋ ಸಿದ್ದಿ, ಯಲ್ಲಾಪುರ ತಾವರಕಟ್ಟಾದ ಜೂಜೆಪ್ಪಿನ್ ಸಂತೋಷ ಸಿದ್ದಿ ಅವರು ಸಹ ಇದ್ದರು. ಅವರೆಲ್ಲರಿಗೂ ಅಪಘಾತದಲ್ಲಿ ಗಾಯವಾಗಿದೆ. ಜೊತೆಗೆ ನವಲಗುಂದ ಅಳಗವಾಡಿಯ ಶಿವಾನಂದ ಸೊಮಪ್ಪ ರಂಗಣ್ಣವರ, ಮುಡೇಶ್ವರದ ರಾಜೇಶ ಸರಸಪ್ಪ ಸಾಳುಂಕೆ, ಪಾಂಡುರAಗ ಹನುಮಂತಪ್ಪ ಸಾಳುಂಕೆ, ಕಾರ್ಕಳದ ರಾಘವೇಂದ್ರ ಮೋಹನ ನಾಯಕ, ಭಟ್ಕಳ ಅಜಾದನಗರದ ಜಾಪರ್ ಎಜಾಜ್ ಅಹಮ್ಮದ ಹಾಗೂ ಈ ಬಸ್‌ನ ಚಾಲಕ ರಾಮದುರ್ಗದ ರಮೇಶ ಮಾಡಿಗೆಪ್ಪ ಅಂಬಿಗೇರಿ ಅವರು ಸಹ ಬಸ್ಸಿನ ಪ್ರಯಾಣಿಕರಾಗಿದ್ದು, ಗಾಯಗೊಂಡಿದ್ದಾರೆ. ಗಾಯಗೊಂಡ ಎಲ್ಲರಿಗೂ ಚಿಕಿತ್ಸೆ ನೀಡಲಾಗುತ್ತಿದೆ.
- [ಸಿದ್ದಾಪುರ | ಶಿರಸಿಯ ದಾಂಡೀಗರಿಗೆ ಜೈಲುವಾಸ!](https://mobiletime.in/2026/10/siddapura-jail-term-for-sirsis-dandigas/): ಶಿರಸಿ-ಸಿದ್ದಾಪುರ ಮಾರ್ಗವಾಗಿ ಸಂಚರಿಸುತ್ತಿದ್ದ ಓಮಿನಿಯೊಂದು ಬಸ್ಸು ಓವರ್‌ಟೆಕ್ ಮಾಡಲು ಪ್ರಯತ್ನಿಸಿದ್ದು, ಓವರ್‌ಟೆಕ್’ಗೆ ಅವಕಾಶ ನೀಡದ ಕಾರಣ ಓಮಿನಿಯಲ್ಲಿದ್ದವರು ಬಸ್ಸಿನ ಚಾಲಕ-ನಿರ್ವಾಹಕರಿಗೆ ಥಳಿಸಿದ್ದಾರೆ. ಈ ಹೊಡೆದಾಟದ ಪ್ರಮುಖ ಮೂರು ಆರೋಪಿತರನ್ನು ಪೊಲೀಸರು ಬಂಧಿಸಿದ್ದಾರೆ. ಶಿರಸಿ ಕಾನಗೋಡಿನ ಭಾಸ್ಕರ ಮಂಜುನಾಥ ಪಟಗಾರ ಅವರು ಕೆಎಸ್‌ಆರ್‌ಟಿಸಿ ಬಸ್ಸಿನ ಚಾಲಕರಾಗಿದ್ದಾರೆ. ಅವರು ಶಿರಸಿ-ಸಿದ್ದಾಪುರ ಮಾರ್ಗವಾಗಿ ಬಸ್ಸು ಓಡಿಸುತ್ತಿದ್ದಾರೆ. ಆ ಬಸ್ಸಿಗೆ ಗಣೇಶ ಉಪೇಂದ್ರ ನಾಯ್ಕ ಅವರು ಕಂಡೆಕ್ಟರ್ ಆಗಿದ್ದಾರೆ. ಗುರುವಾರ ಈ ಬಸ್ಸು ಶಿರಸಿ-ಸಿದ್ದಾಪುರ ಮಾರ್ಗವಾಗಿ ಸಂಚರಿಸುತ್ತಿದ್ದು. ಶಿರಸಿ ಮರಾಠಿಕೊಪ್ಪದ ಸಂದೀಪ ಲಕ್ಷಣ ವಾಲ್ಮೀಕಿ ಅವರು ಅದೇ ವೇಳೆ ಓಮಿನಿ ಓಡಿಸಿಕೊಂಡು ಬಂದಿದ್ದಾರೆ. ಆ ಓಮಿನಿಯಲ್ಲಿ ಮರಾಠಿಕೊಪ್ಪದ ಸೈಪ್ ಅಲಿ ಸಯ್ಯದ್ ಹಾಗೂ ಶಿರಸಿ ಮರಿಗುಡ್ಡೆಯ ಹರ್ಷವರ್ಧನ ಕೃಷ್ಣ ನಾಯ್ಕ ಅವರು ಸಹ ಸಂಚಾರ ಮಾಡಿದ್ದಾರೆ. ಓಮಿನಿಯಲ್ಲಿದ್ದವರು ಬಸ್ಸನ್ನು ಹಿಂದಿಕ್ಕುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಭಾಸ್ಕರ ಪಟಗಾರ ಅವರು ಅದಕ್ಕೆ ಅವಕಾಶ ಕೊಟ್ಟಿಲ್ಲ. ಇದರಿಂದ ಸಿಟ್ಟಾದ ಸಂದೀಪ ವಾಲ್ಮೀಕಿ ಅವರು ಓಮಿನಿಯನ್ನು ಇನ್ನಷ್ಟು ಜೋರಾಗಿ ಓಡಿಸಿ, ಬಸ್ಸು ಅಡ್ಡ ಹಾಕುವ ಪ್ರಯತ್ನ ಮಾಡಿದ್ದಾರೆ. ನಾಣಿಕಟ್ಟಾದಲ್ಲಿ ಬಸ್ಸಿನಲ್ಲಿದ್ದ ಪ್ರಯಾಣಿಕರು ಇಳಿಯುವಾಗ ಅಲ್ಲಿ ಓಮಿನಿ ಆಗಮಿಸಿದ್ದು, ನಿಂತ ಬಸ್ಸಿನಲ್ಲಿದ್ದ ಕಂಡೆಕ್ಟರರನ್ನು ಎಳೆದ ಆ ಮೂವರು ಗಣೇಶ ನಾಯ್ಕ ಅವರಿಗೆ ಥಳಿಸಿದ್ದಾರೆ. ಸಂದೀಪ ವಾಲ್ಮೀಕಿ ಅವರ ಜೊತೆ ಸೈಪ್ ಸಯ್ಯದ್, ಹರ್ಷವರ್ಧನ ನಾಯ್ಕ ಅವರು ಸೇರಿ ಹಿಗ್ಗಾಮುಗ್ಗ ಹೊಡೆದಿದ್ದಾರೆ. ಕಬ್ಬಿಣದ ಜಾಕ್’ನಿಂದಲೂ ಬಾರಿಸಿದ್ದಾರೆ. ಈ ಕುರಿತು ಬಸ್ ಚಾಲಕ ಭಾಸ್ಕರ ಪಟಗಾರ ಅವರು ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದ್ದು, ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧಿಕ್ಷಕ ಕೃಷ್ಣಮೂರ್ತಿ, ಶಿರಸಿ ಡಿವೈಎಸ್ಪಿ ಗೀತಾ ಪಾಟೀಲ್, ಸಿದಾಪುರ ಪಿಐ ಜಿಬಿ ತಿಪ್ಪೇಸ್ವಾಮಿ ಅವರು ಕಾರ್ಯಾಚರಣೆಗಿಳಿದಿದ್ದಾರೆ. ಪಿಸೈ ನಾಗಪ್ಪ, ಶಾಂತಿನಾಥ ಪಾಸಾನೆ ಅವರ ಜೊತೆ ಪೊಲೀಸ್ ಸಿಬ್ಬಂದಿ ರಮೇಶ ಗೌಡ, ಸುಭಾಶ ನಾಯ್ಕ, ರಮೇಶ ಕುಡಲ, ಮಂಜಪ್ಪ ಟಿ, ರಾಘವೇಂದ್ರ, ಚೇತನ ಹಲಗೇರಿ, ರಾಜು ಎಂ ಗಿರೀಶಯ್ಯ, ಸಂದೀಪ ನಾಯ್ಕ, ಅಭಿಜಿತ್, ಸಂತೋಷ ಮಲ್ಲೂರು ಸೇರಿ ಆ ಮೂವರನ್ನು ಹಿಡಿದಿದ್ದಾರೆ. ಪೊಲೀಸ್ ಸಿಬ್ಬಂದಿ ಸಂತೋಷ ತಳವಾರ, ಚಂದ್ರಶೇಖರ ನಾಯ್ಕ, ನಾಗರಾಜ ತಿಮ್ಮಾಪುರ, ರವಿ ಕ್ಯಾಲಕೊಂಡ, ವಿನಾಯಕ್ ಮಡಿವಾಳರವರು ತನಿಖೆಗೆ ಸಹಕಾರ ನೀಡಿದ್ದಾರೆ. ಆ ಮೂವರು ಆರೋಪಿತರಿಗೆ ನ್ಯಾಯಾಲಯ ನ್ಯಾಯಾಂಗ ಬಂಧನವಿಧಿಸಿದೆ.
- [13 ಲಕ್ಷ ರೂ ದಂಡ!](https://mobiletime.in/2026/10/%e2%82%b913-lakh-fine/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಪ್ರಾಪ್ತರು ಬೈಕ್ ಚಲಾಯಿಸುತ್ತಿದ್ದು, ಆ ಕುರಿತು ಪೊಲೀಸರು ಕಟ್ಟುನಿಟ್ಟಿನ ಕ್ರಮ ಜರುಗಿಸಿದ್ದಾರೆ. ಕಳೆದ 9 ತಿಂಗಳ ಅವಧಿಯಲ್ಲಿ ಬಾಲಕರಿಗೆ ಬೈಕ್ ನೀಡಿದ ಪಾಲಕರಿಗೆ ಕೋರ್ಟು ಒಟ್ಟು 13 ಲಕ್ಷ ರೂ ದಂಡ ವಿಧಿಸಿದೆ. ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ಅಪ್ರಾಪ್ತರು ವಾಹನ ಓಡಿಸುತ್ತಿದ್ದಾರೆ. ಈ ಬಗ್ಗೆ ಮೊದಲು ಪೊಲೀಸರು ಜಾಗೃತಿ ಅಭಿಯಾನ ನಡೆಸಿದ್ದು, ಆ ವೇಳೆ ತಿದ್ದುಕೊಳ್ಳದವರ ವಿರುದ್ಧ ಕೇಸು ದಾಖಲಿಸಿದ್ದಾರೆ. ಪೊಲೀಸರು ದಾಖಲಿಸಿದ ಪ್ರಕರಣ ನ್ಯಾಯಾಲಯಕ್ಕೆ ಹೋಗಿದ್ದು, ವಿವಿಧ ಪ್ರಕರಣಗಳಲ್ಲಿ ನ್ಯಾಯಾಧೀಶರು 25 ಸಾವಿರ ರೂ ದಂಡ ವಿಧಿಸಿದ್ದಾರೆ. ಕಳೆದ 9 ತಿಂಗಳ ಅವಧಿಯಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಪೊಲೀಸರು 131 ಅಪ್ರಾಪ್ತರ ವಾಹನ ಚಾಲನೆ ಪ್ರಕರಣ ಪತ್ತೆ ಮಾಡಿದ್ದಾರೆ. ಈ ಎಲ್ಲಾ ಪ್ರಕರಣ ಸೇರಿ ನ್ಯಾಯಾಲಯ 13,09,000ರೂ ದಂಡವಿಧಿಸಿದೆ. ಬಾಲಕರಿಗೆ ವಾಹನ ನೀಡಿದ ತಪ್ಪಿಗೆ ಪಾಲಕರು ಈ ದಂಡ ಪಾವತಿ ಮಾಡಿದ್ದಾರೆ. ಅಂಕಿ-ಅoಶಗಳ ಪ್ರಕಾರ ಭಟ್ಕಳದಲ್ಲಿಯೇ ಅತಿ ಹೆಚ್ಚು ಅಪ್ರಾಪ್ತರು ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಭಟ್ಕಳ ಶಹರ ಹಾಗೂ ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆ ಸೇರಿ 45 ಕೇಸುಗಳು ದಾಖಲಾಗಿವೆ. ಭಟ್ಕಳದಿಂದಲೇ ಒಟ್ಟು 5,38,500 ರೂ ದಂಡ ವಸೂಲಿಯಾಗಿದೆ. `ಅಪ್ರಾಪ್ತರಿಗೆ ವಾಹನ ಚಾಲನೆಗೆ ಅವಕಾಶ ನೀಡುವುದರಿಂದ ಅವರ ಜೊತೆ ಬೇರೆಯವರ ಜೀವಕ್ಕೂ ಅಪಾಯವಿದೆ. ಹೀಗಾಗಿ ಪೋಷಕರು ಬಾಲಕರಿಗೆ ವಾಹನ ನೀಡಬಾರದು’ ಎಂದು ಪೊಲೀಸರು ಸೂಚಿಸಿದ್ದಾರೆ.  
- [ಯಲ್ಲಾಪುರ | ಬೆಳಗ್ಗೆ ಬೈತಾರೆ.. ರಾತ್ರಿ ಕಾಲಿಗೆ ಬೀಳ್ತಾರೆ!](https://mobiletime.in/2026/10/yellapur-they-scold-in-the-morning-and-fall-at-your-feet-at-night/): ಶಾಸಕ ಶಿವರಾಮ ಹೆಬ್ಬಾರ್ ಅವರ ವಿರುದ್ಧ ವಾಗ್ದಾಳಿ ನಡೆಸುವ ಬಹುತೇಕರು ನಂತರ ಶಿವರಾಮ ಹೆಬ್ಬಾರ್ ಅವರ ಕಾಲಿಗೆ ಬಿದ್ದು ತಮ್ಮ ತಮ್ಮ ಕೆಲಸ ಮಾಡಿಸಿಕೊಳ್ಳುತ್ತಿದ್ದಾರೆ. ಬಿಜೆಪಿಗರ ಈ ವರ್ತನೆಯಿಂದ ಕಾಂಗ್ರೆಸ್ ಕಾರ್ಯಕರ್ತರಿಗೂ ಮುಜುಗರ ಅನುಭವಿಸುತ್ತಿದ್ದು, ಕಾಂಗ್ರೆಸ್ ಮುಖಂಡರೂ ಈ ವಿಷಯವನ್ನು ದೃಢಪಡಿಸಿದ್ದಾರೆ. `ಮಾಧ್ಯಮದವರ ಮುಂದೆ ಶಿವರಾಮ ಹೆಬ್ಬಾರ್ ಅವರನ್ನು ನಿಂದಿಸಿ, ನಂತರ ಅವರ ಬಳಿಯೇ ಬಂದು ಅಂಗಲಾಚುವ ಜನ ಮೊದಲು ಆತ್ಮಾವಲೋಕನ ಮಾಡಿಕೊಳ್ಳಬೇಕು. ರಾಜಕೀಯ ಉದ್ದೇಶಕ್ಕಾಗಿ ಶಾಸಕರನ್ನು ಬೈದು ನಂತರ ವೈಯಕ್ತಿಕ ಲಾಭಕ್ಕಾಗಿ ಅವರ ಬಳಿ ಬರುವುದನ್ನು ಬಿಡಬೇಕು’ ಎಂದು ಕಾಂಗ್ರೆಸ್ ಪ್ರಮುಖರು ಹೇಳಿದ್ದಾರೆ. `ಆರ್ ವಿ ದೇಶಪಾಂಡೆ ಅವರು ಸಚಿವರಾಗಿದ್ದ ಅವಧಿಯಲ್ಲಿಯೂ ಬಿಜೆಪಿಗರು ಅವರನ್ನು ಸುತ್ತುವರೆಯುತ್ತಿದ್ದರು. ಈಗಲೂ ಆರ್ ವಿ ದೇಶಪಾಂಡೆ ಅವರ ಬಳಿ ಅನೇಕ ಬಿಜೆಪಿಗರು ಕೆಲಸಕ್ಕಾಗಿ ಹೋಗುತ್ತಾರೆ. ಅದರಂತೆ, ಶಿವರಾಮ ಹೆಬ್ಬಾರ್ ಅವರ ಬಳಿಯೂ ಅನೇಕ ಬಿಜೆಪಿಗರು ಆಗಮಿಸಿ ತಮ್ಮ ತಮ್ಮ ಕೆಲಸ ಮಾಡಿಸಿಕೊಳ್ಳುತ್ತಾರೆ. ಹಗಲಿನಲ್ಲಿ ಸುದ್ದಿಗೋಷ್ಠಿ ನಡೆಸಿ ಆರೋಪ ಮಾಡುವುದು ಹಾಗೂ ರಾತ್ರಿ ವೇಳೆ ಕಾಲಿಗೆ ಬಿದ್ದು ಕ್ಷಮೆ ಕೋರುವುದು ಬಿಜೆಪಿಗರಿಗೆ ಹೊಸ ವಿಷಯವೇ ಅಲ್ಲ’ ಎಂದು ಕಾಂಗ್ರೆಸ್ಸಿಗರು ತಾವು ನೋಡಿದನ್ನು ಮಾಧ್ಯಮದ ಎದುರು ಹೇಳಿದ್ದಾರೆ. ಈ ವೇಳೆ `ಶಿವರಾಮ ಹೆಬ್ಬಾರ್ ಅವರಿಗೂ ಕಾಂಗ್ರೆಸ್ ಕಾರ್ಯಕರ್ತರಿಗಿಂತಲೂ ಬಿಜೆಪಿಯವರ ಮೇಲೆಯೇ ಹೆಚ್ಚು ಪ್ರೀತಿಯೇ? ಕಾಂಗ್ರೆಸ್ ಕಾರ್ಯಕರ್ತರಿಗೆ ಸಿಗದ ಕೆಲಸಗಳು ಬಿಜೆಪಿಗರಿಗೆ ಸಿಕ್ಕಿದ ನಿದರ್ಶನಗಳಿವೆಯಲ್ಲ?’ ಎಂದು ಮಾಧ್ಯಮದವರು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿದ ಯಲ್ಲಾಪುರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ವಿ ಎಸ್ ಭಟ್ಟ ಅವರು `ಕಾಂಗ್ರೆಸ್ ಕಾರ್ಯಕರ್ತರು ಸ್ವಾಭಿಮಾನಿಗಳಾಗಿದ್ದು, ಪದೇ ಪದೇ ಕೆಲಸಗಳನ್ನು ಮಾಡಿಕೊಡುವಂತೆ ಶಾಸಕರಿಗೆ ಕಾಟ ಕೊಡುವುದಿಲ್ಲ. ಆದರೆ, ಬಿಜೆಪಿಗರು ತಮ್ಮ ಕೆಲಸ ಮುಗಿಯುವವರೆಗೂ ಶಾಸಕರ ಕಚೇರಿ ಬಿಟ್ಟು ಹೋಗುವುದಿಲ್ಲ’ ಎಂದು ವಿವರಿಸಿದರು. `ಶಿವರಾಮ ಹೆಬ್ಬಾರ್ ಅವರು ಬಿಜೆಪಿಯಲ್ಲಿದ್ದಾಗ ಯಾವ ಕಾಂಗ್ರೆಸ್ ಕಾರ್ಯಕರ್ತರು ಅವರ ಬಳಿ ಹೋಗಿ ಕೆಲಸ ಮಾಡಿಸಿಕೊಂಡಿರಲಿಲ್ಲ. ಆದರೆ, ಅವರು ಬಿಜೆಪಿ ಬಿಟ್ಟು ಬಂದ ನಂತರವೂ ಬಿಜೆಪಿಗರು ಮಾತ್ರ ತಮ್ಮ ತಮ್ಮ ಕೆಲಸಕ್ಕಾಗಿ ಶಿವರಾಮ ಹೆಬ್ಬಾರ್ ಅವರ ಬಳಿ ಬರುವುದನ್ನು ಬಿಟ್ಟಿಲ್ಲ. ಅದಾಗಿಯೂ, ಶಿವರಾಮ ಹೆಬ್ಬಾರ್ ಅವರು ಅನೇಕ ಸಂಘ-ಸoಸ್ಥೆ-ಶಾಲೆಗಳ ಕೆಲಸ ಮಾಡಿಕೊಟ್ಟಿದ್ದಾರೆ. ಬಿಜೆಪಿಗರ ಸಣ್ಣತನಕ್ಕೆ ಮಹತ್ವ ಕೊಡದೇ ಜನಪರ ಕಾಳಜಿಯಿಂದ ಕೆಲಸ ಮಾಡಿಕೊಡುತ್ತಿದ್ದಾರೆ’ ಎಂದರು. ಇದನ್ನು ಓದಿ: ಶಿವರಾಮ ಹೆಬ್ಬಾರ್ ವಿರುದ್ಧ ಹರಿಹಾಯ್ದ ಹರಿಪ್ರಕಾಶ `ಬಿಜೆಪಿಗೆ ಪರ್ಯಾಯ ನಾಯಕರಿಲ್ಲದ ಕಾರಣ ಅಲ್ಲಿನವರು ಇಲ್ಲಿ ಬರುತ್ತಾರೆ. ಬಿಜೆಪಿ ಕಾರ್ಯಕರ್ತರು ಬಂದರೂ ಸಹ ಕ್ಷೇತ್ರದ ಶಾಸಕರಾಗಿ ಶಿವರಾಮ ಹೆಬ್ಬಾರ್ ಅವರು ಬೈದವರ ಮೇಲೆಯೂ ಪ್ರೀತಿ ತೋರಿಸುತ್ತಾರೆ’ ಎಂದು ಎನ್ ಕೆ ಭಟ್ಟ ಮೆಣಸುಪಾಲ್ ಅವರು ಸಮರ್ಥಿಸಿಕೊಂಡರು. `ಅವರು ಇಲ್ಲಿ ಬಂದು ಕೆಲಸ ಮಾಡಿಸಿಕೊಳ್ಳುವುದಕ್ಕೆ ನಮ್ಮ ತಕರಾರಿಲ್ಲ. ಆದರೆ, ಶಾಸಕರನ್ನು ನಿಂದಿಸುವ ಮುನ್ನ ತಮ್ಮ ಆತ್ಮಾವಲೋಕನ ಮಾಡಿಕೊಳ್ಳಬೇಕು’ ಎಂದು ಮನವಿ ಮಾಡಿದರು.
- [ಕಾರವಾರ | ಮಕ್ಕಳ ಜೊತೆ ಬೆರೆತ ಲೋಕಾಯುಕ್ತ!](https://mobiletime.in/2026/10/karwar-lokayukta-mingles-with-children/): ಕಾರವಾರ ನಗರಸಭಾ ವ್ಯಾಪ್ತಿಯಲ್ಲಿದ್ದರೂ ಅಗತ್ಯ ಮೂಲಭೂತ ಸೌಲಭ್ಯ ವಂಚಿತ ಕುಗ್ರಾಮವಾದ ಗುಡ್ಡಳ್ಳಿಗೆ ಉಪಲೋಕಾಯುಕ್ತ ಕೆ ಎನ್ ಫಣೀಂದ್ರ ಅವರು ಭೇಟಿ ನೀಡಿದ್ದು, ಅಲ್ಲಿನ ಶಾಲಾ ಮಕ್ಕಳ ಜೊತೆ ಸಮಯ ಕಳೆದಿದ್ದಾರೆ. ಜೊತೆಗೆ ಆ ಊರಿನ ಸಮಗ್ರ ಅಭಿವೃದ್ಧಿಗೆ ಪ್ರಸ್ತಾವನೆ ಸಲ್ಲಿಸುವಂತೆಯೂ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. `ಗುಡ್ಡಳ್ಳಿ ಗ್ರಾಮದ ಜನತೆಯ ನೂರಾರು ವರ್ಷಗಳ ಪ್ರಮುಖ ಬೇಡಿಕೆ ರಸ್ತೆಯದ್ದಾಗಿದೆ. ಗ್ರಾಮಕ್ಕೆ ರಸ್ತೆ ಸಂಪರ್ಕ ಕಲ್ಪಿಸುವ ಕುರಿತಂತೆ ಲೋಕೋಪಯೋಗಿ, ಅರಣ್ಯ ಇಲಾಖೆ ಮತ್ತು ನಗರಸಭೆಯ ಅಧಿಕಾರಿಗಳು ಯೋಜನೆಯನ್ನು ಸಿದ್ದಪಡಿಸಬೇಕು. ಅಂದಾಜು ವೆಚ್ಚದ ಮಾಹಿತಿಯೊಂದಿಗೆ 15 ದಿನಗಳ ಒಳಗೆ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಿ ಅದರ ಪ್ರತಿಯನ್ನು ಲೋಕಾಯುಕ್ತ ಸಂಸ್ಥೆಗೆ ಸಲ್ಲಿಸಬೇಕು’ ಎಂದವರು ಸೂಚಿಸಿದ್ದಾರೆ. `ಲೋಕಾಯುಕ್ತ ಸಂಸ್ಥೆಯಲ್ಲಿ ಈ ಪ್ರಕರಣವನ್ನು ಸುಮೋಟೋ ಆಗಿ ದಾಖಲಿಸಿ, ಈ ಗ್ರಾಮದ ಸಮಗ್ರ ಅಭಿವೃದ್ಧಿ ಮಾಡುವ ಕುರಿತಂತೆ ಸರ್ಕಾರಕ್ಕೆ ವರದಿ ಸಲ್ಲಿಸಲಾಗುತ್ತದೆ. ಅಗತ್ಯವಿದ್ದಲ್ಲಿ ಖುದ್ದು ಮುಖ್ಯಮಂತ್ರಿಗಳೊAದಿಗೆ ಈ ಬಗ್ಗೆ ಚರ್ಚಿಸಿ, ಇಲ್ಲಿನ ಸಮಸ್ಯೆಗೆ ಶಾಶ್ವತ ಪರಿಹಾರ ಒದಗಿಸಲಾಗುತ್ತದೆ’ ಎಂದವರು ಹೇಳಿದರು. ಗ್ರಾಮದ ಜನತೆಗೆ ಕುಡಿಯುವ ನೀರಿನ ಸೌಲಭ್ಯ ಒದಗಿಸಲು ಯೋಜನೆ ರೂಪಿಸುವಂತೆ ತಿಳಿಸಿದ ಅವರು ಇಲ್ಲಿನ ಮಕ್ಕಳು ಪ್ರತಿದಿನ ಶಿಕ್ಷಣಕ್ಕಾಗಿ ಕಡಿದಾದ ರಸ್ತೆಯನ್ನು 8ಕಿ.ಮೀ ಗೂ ಅಧಿಕ ದೂರದ ಅರಣ್ಯ ಪ್ರದೇಶದಲ್ಲಿ ಸಂಚರಿಸಬೇಕಾಗಿರುವುದರಿAದ ಇವರಿಗೆ ನಗರಸಭೆಯಿಂದ ಅಗತ್ಯ ವಾಹನ ವ್ಯವಸ್ಥೆ ಮಾಡಬೇಕು ಎಂದು ಸೂಚಿಸಿದರು. ತಿಂಗಳಲ್ಲಿ ಒಂದು ಬಾರಿ ಆರೋಗ್ಯ ಇಲಾಖೆಯ ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ ನೀಡಿ ಆರೋಗ್ಯ ತಪಾಸಣೆ ನಡೆಸುವಂತೆ ಸೂಚನೆ ನೀಡಿದರು. ಇಲ್ಲಿ ಶಾಲೆ ಮತ್ತು ಅಂಗನವಾಡಿಯನ್ನು ಹೊಸದಾಗಿ ಕಟ್ಟುವ ಅಗತ್ಯವಿದ್ದು ಈ ಬಗ್ಗೆ ಶಿಕ್ಷಣ ಇಲಾಖೆ ಮತ್ತು ಲೋಕೋಪಯೋಗಿ ಇಲಾಖೆಗೆ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದ್ದು, ಪ್ರಸ್ತುತ ಇರುವ ಶಾಲೆಯಲ್ಲಿ ಅಗತ್ಯ ದುರಸ್ತಿ ಕಾರ್ಯಗಳನ್ನು ಕೈಗೊಳ್ಳುವಂತೆ ತಿಳಿಸಿದರು. ಇಲ್ಲಿನ ಜನತೆಯ ಮತ್ತೊಂದು ಪ್ರಮುಖ ಸಮಸ್ಯೆಯಾದ ಆಸ್ತಿ ಕುರಿತು ಹಕ್ಕುಪತ್ರಗಳ ಸಮಸ್ಯೆಯನ್ನು ಶೀಘ್ರದಲ್ಲಿ ಬಗೆಹರಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದರು. ಗುಡ್ಡಳ್ಳಿ ಸಂಪರ್ಕಿಸುವ ಅತ್ಯಂತ ಕಡಿದಾದ ರಸ್ತೆಯಲ್ಲಿ ಸಂಚರಿಸಿ ಗ್ರಾಮಸ್ಥರ ಸಮಸ್ಯೆಗಳನ್ನು ಖುದ್ದು ವಿಕ್ಷೀಸಿಸಲು ಉಪ ಲೋಕಾಯುಕ್ತರು ತಮ್ಮ ಅಧಿಕೃತ ವಾಹನವನ್ನು ಬಿಟ್ಟು ಸಾಮಾನ್ಯ ಜೀಪ್ ನಲ್ಲಿ ಗುಡ್ಡವನ್ನು ಏರಿದ್ದು ವಿಶೇಷವಾಗಿತ್ತು. ಈ ಸಂದರ್ಭದಲ್ಲಿ ಹಿರಿಯ ಸಿವಿಲ್ ನ್ಯಾಯಾಧೀಶರು ಹಾಗೂ ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ದಿವ್ಯಶ್ರೀ ಸಿ.ಎಂ, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಉಪ ಲೋಕಾಯುಕ್ತರ ಆಪ್ತ ಕಾರ್ಯದರ್ಶಿ ಕಿರಣ್ ಪಾಟೀಲ್, ಲೋಕಾಯುಕ್ತ ಪೊಲೀಸ್ ಅಧೀಕ್ಷಕ ಬಿ.ಪಿ.ದಿನೇಶ್ ಕುಮಾರ್, ಡಿವೈಎಸ್ಪಿ ಧನ್ಯಾ ನಾಯ್ಕ, ನಗರಸಭೆ ಪೌರಾಯುಕ್ತ ಜಗದೀಶ್ ಹುಲಗಜ್ಜಿ ಹಾಗೂ ಗುಡ್ಡಳ್ಳಿಯ ಸಾರ್ವಜನಿಕರು ಇದ್ದರು.
- [ಶಿರಸಿ | ಮರಕ್ಕೆ ಗುದ್ದಿದ ಕಾರು!](https://mobiletime.in/2026/10/sirsi-car-crashes-into-a-tree/): ಶಿರಸಿ-ಕುಮಟಾ ರಸ್ತೆಯ ಸಂಪಖoಡ ಬಳಿ ಕಾರು ಮರಕ್ಕೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಕಾರಿನ ಚಾಲಕ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಕಾರಿನಲ್ಲಿದ್ದ ಇತರರಿಗೂ ಪೆಟ್ಟಾಗಿದೆ. ಬೆಂಗಳೂರು ಮೂಲದ ಚಾಲಕರೊಬ್ಬರು ತಮ್ಮ ಆಪ್ತರ ಜೊತೆ ಶಿರಸಿಗೆ ಬಂದಿದ್ದರು. ಶಿರಸಿಯಿಂದ ಕುಮಟಾ ಕಡೆ ಅವರು ಸಂಚರಿಸುತ್ತಿದ್ದು, ಸಂಪಖAಡ ಬಳಿ ಅವರ ಕಾರು ದಿಕ್ಕು ತಪ್ಪಿತು. ರಸ್ತೆ ಪಕ್ಕದ ಮರಕ್ಕೆ ಕಾರು ಗುದ್ದಿದ್ದು, ಚಾಲಕ ಗಂಭೀರವಾಗಿ ಗಾಯಗೊಂಡರು. ಗಾಯಗೊಂಡ ಚಾಲಕನನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಅವರ ಹೆಸರು ಹಾಗೂ ವಿಳಾಸ ಗೊತ್ತಾಗಿಲ್ಲ. ಘಟನೆಯ ಮಾಹಿತಿ ತಿಳಿದು ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಗಾಯಾಳುಗಳ ಹೆಚ್ಚಿನ ವಿವರ ಹಾಗೂ ಅಪಘಾತಕ್ಕೆ ನಿಖರ ಕಾರಣ ಗೊತ್ತಾಗಬೇಕಿದೆ.
- [ಅಂಕೋಲಾ | ಬಸ್ಸಿಗೆ ಗುದ್ದಿದ ಲಾರಿ: ಮಗು ಸಾವು!](https://mobiletime.in/2026/10/ankola-lorry-hits-bus-child-dies/): ಕುಮಟಾದಿಂದ ಅಂಕೋಲಾಗೆ ಸಂಚರಿಸುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್ಸಿಗೆ ಲಾರಿ ಗುದ್ದಿದೆ. ಪರಿಣಾಮ ಬಸ್ಸಿನಲ್ಲಿದ್ದ ಒಂದು ವರ್ಷದ ಮಗು ಸಾವನಪ್ಪಿದೆ. ಜೊತೆಗೆ 10ಕ್ಕೂ ಅಧಿಕ ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಅoಕೋಲಾ ಬೆಳಸೆಯ ಹೆದ್ದಾರಿಯಲ್ಲಿ ಈ ದುರಂತ ನಡೆದಿದೆ. ಕುಮಟಾದ ಕೆಲ ಪ್ರಯಾಣಿಕರು ಅಂಕೋಲಾ ಮಾರ್ಗವಾಗಿ ಬಸ್ಸಿನಲ್ಲಿ ಸಂಚರಿಸುತ್ತಿದ್ದು, ವೇಗವಾಗಿ ಬಂದ ಲಾರಿ ಬಸ್ಸಿಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ಬಸ್ಸಿನ ಒಳಗಿದ್ದ ಪ್ರಯಾಣಿಕರು ಚಲ್ಲಾಪಿಲ್ಲಿಯಾಗಿದ್ದಾರೆ. ಅಪಘಾತದ ತೀವೃತೆಗೆ ಒಂದು ವರ್ಷದ ಗಂಡು ಮಗು ಅಲ್ಲಿಯೇ ಸಾವನಪ್ಪಿದೆ. ಈ ಅಪಘಾತದಲ್ಲಿ ವ್ಯಕ್ತಿಗಳಿಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಗೊAಡ ಅವರನ್ನು ತಕ್ಷಣ ಕಾರವಾರದ ಕಿಮ್ಸ್ ಆಸ್ಪತ್ರೆಗೆ ಸಾಗಿಸಲಾಗಿದೆ. ಉಳಿದಂತೆ ಮತ್ತೆ 10 ಪ್ರಯಾಣಿಕರು ಗಾಯಗೊಂಡಿದ್ದು, ಅವರಿಗೂ ಚಿಕಿತ್ಸೆ ನೀಡಲಾಗುತ್ತಿದೆ. ಅಪಘಾತದ ಸುದ್ದಿ ತಿಳಿಯುತ್ತಿದ್ದಂತೆ ಅಂಕೋಲಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಅಪಘಾತಕ್ಕೆ ಕಾರಣ ಏನು? ಎನ್ನುವುದರ ಬಗ್ಗೆ ಪರಿಶೀಲನೆ ನಡೆಯುತ್ತಿದೆ. ಅಪಘಾತದ ಪರಿಣಾಮ ಹೆದ್ದಾರಿ ಸಂಚಾರ ಅಸ್ತವ್ಯಸ್ಥವಾಗಿದ್ದು, ಸದ್ಯ ಪೊಲೀಸರು ಅದನ್ನು ಸರಿಪಡಿಸಿದ್ದಾರೆ.
- [ಚೆಕ್ ಬೌನ್ಸ್ ಆರೋಪಿ ಸೆರೆ!](https://mobiletime.in/2026/10/check-bounce-accused-arrested/)
- [ಕಾರವಾರ | ಗಬ್ಬು ಘಟಕ: ಗಡ್ಡಕ್ಕೆ ಮಾಸ್ಕ್ ಧರಿಸಿದ ಲೋಕಾಯುಕ್ತ!](https://mobiletime.in/2026/09/karwar-garbage-plant-lokayukta-wears-mask-over-his-beard/): ಕಾರವಾರದ ಶಿರವಾಡಕ್ಕೆ ಭೇಟಿ ನೀಡಿದ ಉಪಲೋಕಾಯುಕ್ತ ಕೆ ಎನ್ ಫಣೀಂದ್ರ ಅವರು ಅಲ್ಲಿನ ಅವ್ಯವಸ್ಥೆಗಳನ್ನು ನೋಡಿ ಕೆಂಡಾಮoಡಲರಾಗಿದ್ದಾರೆ. ಡಂಪಿoಗ್ ಯಾರ್ಡ್ ಘಟಕದ ಸುತ್ತಮುತ್ತಲಿನ ಅವೈಜ್ಞಾನಿಕ ಹಾಗೂ ಅಸ್ವಚ್ಛ ವಾತಾವರಣ ನೋಡಿ ಅವರು ಅಸಮಧಾನವ್ಯಕ್ತಪಡಿಸಿದ್ದಾರೆ. ತ್ಯಾಜ್ಯ ಘಟಕದ ಸುತ್ತ ಮಾಸ್ಕ್ ಧರಿಸಿ ಓಡಾಟ ನಡೆಸಿದ ಅವರು ನಂತರ ಮಾಸ್ಕನ್ನು ಗಡ್ಡಕ್ಕೆ ಹಾಕಿಕೊಂಡು ಅಧಿಕಾರಿಗಳನ್ನು ಪ್ರಶ್ನಿಸಿದ್ದಾರೆ ಈ ವಿಷಯದಲ್ಲಿ ಕರ್ತವ್ಯ ಲೋಪವೆಸಗಿದ ಅಧಿಕಾರಿಗಳನ್ನು ಅವರು ತರಾಟೆಗೆ ತೆಗೆದುಕೊಂಡರು. ಘಟಕದಲ್ಲಿ ತ್ಯಾಜ್ಯ ವಿಲೇವಾರಿ ಸಮರ್ಪಕವಾಗಿ ನಡೆಯದಿರುವುದನ್ನು ಪ್ರಶ್ನಿಸಿ, ಆಕ್ರೋಶವ್ಯಕ್ತಪಡಿಸಿದರು. ಸ್ಥಳೀಯ ಪರಿಸರ ಹಾಳಾಗುತ್ತಿರುವುದು ಮತ್ತು ತ್ಯಾಜ್ಯ ಘಟಕದಲ್ಲಿ ಒಣ ಹಾಗೂ ಹಸಿ ಕಸದ ವಿಲೇವಾರಿ ಅತ್ಯಂತ ವಿಳಂಬವಾಗಿ ನಡೆಯುತ್ತಿರುವ ಬಗ್ಗೆಯೂ ಕಿಡಿಕಾರಿದರು. `ಘಟಕದಿಂದ ಹೊರಬರುವ ಕಲುಷಿತ ದ್ರವ ತ್ಯಾಜ್ಯವು ನೇರವಾಗಿ ಭೂಮಿಗೆ ಇಂಗುತ್ತಿದೆ. ಇದರಿಂಧ ಸುತ್ತಮುತ್ತಲಿನ ಬಾವಿ ಹಾಗೂ ಕುಡಿಯುವ ನೀರಿನ ಮೂಲಗಳು ಕಲುಷಿತಗೊಂಡಿವೆ’ ಎಂದು ಜನ ದೂರಿದರು. `ಸೊಳ್ಳೆ, ನೊಣಗಳ ಹಾವಳಿಯಿಂದ ಸಾಂಕ್ರಾಮಿಕ ರೋಗಗಳು ಹರಡುವ ಅಪಾಯವಿರುವ ಆತಂಕ ಎದುರಾಗಿದೆ’ ಎಂದು ಅಲ್ಲಿನವರು ವಿವರಿಸಿದರು. ಈ ಗಂಭೀರ ಸಮಸ್ಯೆಯ ಕುರಿತು ಸ್ವಯಂಪ್ರೇರಿತವಾಗಿ ಸುಮೊಟೊ ಪ್ರಕರಣ ದಾಖಲಿಸಿಕೊಳ್ಳುವುದಾಗಿ ಉಪಲೋಕಾಯುಕ್ತರು ಭರವಸೆ ನೀಡಿದರು. ಘಟಕದ ವೈಜ್ಞಾನಿಕ ಪರಿಶೀಲನೆಗಾಗಿ ಜಿಲ್ಲಾಧಿಕಾರಿಗಳ ನೇತೃತ್ವದಲ್ಲಿ ಉನ್ನತ ಮಟ್ಟದ ಸಮಿತಿಯೊಂದನ್ನು ರಚಿಸಲು ತಕ್ಷಣವೇ ನಿರ್ದೇಶನ ನೀಡಿದರು. `ಈ ಸಮಿತಿಯಲ್ಲಿ ಅರಣ್ಯ ಇಲಾಖೆ, ಮಾಲಿನ್ಯ ನಿಯಂತ್ರಣ ಮಂಡಳಿ, ಲೋಕೋಪಯೋಗಿ ಇಲಾಖೆ, ಜಿ.ಪಂ. ಸಿಇಒ ಹಾಗೂ ವೈದ್ಯಾಧಿಕಾರಿಗಳನ್ನು ಸೇರ್ಪಡೆಗೊಳಿಸಿ ಸಮಗ್ರ ಸರ್ವೇ ನಡೆಸಬೇಕು’ ಎಂದು ಸೂಚಿಸಿದರು. `ಅಗತ್ಯವಿದ್ದರೆ ಈ ತ್ಯಾಜ್ಯ ಘಟಕವನ್ನು ಜನವಸತಿಯಿಲ್ಲದ ಜಾಗಕ್ಕೆ ಅಥವಾ ಸೂಕ್ತ ಅರಣ್ಯ ಪ್ರದೇಶಕ್ಕೆ ಸ್ಥಳಾಂತರಿಸಲು ಕ್ರಮ ಕೈಗೊಳ್ಳಬೇಕು’ ಎಂದು ಸೂಚನೆ ನೀಡಿದರು. ಕಾರವಾರ ನಗರದ ಹೆದ್ದಾರಿ ಫ್ಲೈ ಓವರ್ ಕೆಳಗಿನ ಖಾಲಿ ಜಾಗದಲ್ಲಿ ಅನಧಿಕೃತವಾಗಿ ವಾಹನಗಳ ಪಾರ್ಕಿಂಗ್ ಮತ್ತಿತರ ಚಟುವಟಿಕೆ ನಡೆಯಲು ಅವಕಾಶ ನೀಡಿರುವ ರಾಷ್ಟಿಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳ ವಿರುದ್ದ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ ಅವರು ಈ ಅನಧಿಕೃತ ಕೃತ್ಯಕ್ಕೆ ಪರೋಕ್ಷವಾಗಿ ಕುಮ್ಮಕ್ಕು ನೀಡುತ್ತಿರುವ ಅಧಿಕಾರಿಗಳ ಬೇಜಾವಾಬ್ದಾರಿ ನಡವಳಿಕೆಯನ್ನು ಕುರಿತು ತಕ್ಷಣವೇ ಲಿಖಿತ ಸ್ಪಷ್ಟನೆ ನೀಡುವಂತೆ ಕಟ್ಟುನಿಟ್ಟಿನ ಸೂಚನೆ ನೀಡಿದರು. ಈ ನಿರ್ಲಕ್ಷದ ಬಗ್ಗೆ ಪ್ರಕರಣದ ಕುರಿತು ಪ್ರಕರಣ ದಾಖಲಿಸುವಂತೆ ತಿಳಿಸಿದ ಅವರು ಈ ಬಗ್ಗೆ ಸಮಗ್ರ ವರದಿಯನ್ನು ಪಡೆದು ಕೇಂದ್ರದ ಲೋಕಪಾಲ್ ಗಮನಕ್ಕೆ ತರುವುದಾಗಿ ತಿಳಿಸಿದರು. ಪರಿಶೀಲನೆ ವೇಳೆ ಪ್ಲೆöÊ ಓವರ್ ಕೆಳಗೆ ನರ್ಸರಿ ಗಿಡಗಳನ್ನು ಮಾರುತ್ತಿದ್ದ ವ್ಯಾಪಾರಿಯನ್ನು ವಿಚಾರಣೆ ನಡೆಸಿದರು. `ಯಾವುದೇ ಮುನ್ಸೂಚನೆ ಅಥವಾ ಅನುಮತಿ ಇಲ್ಲದೆ ಖಾಲಿ ಜಾಗದಲ್ಲಿ ಅಕ್ರಮವಾಗಿ ಅಂಗಡಿ ಇಟ್ಟುಕೊಂಡು ವ್ಯಾಪಾರ ಮುಂದುವರಿಸಲಾಗುತ್ತಿದ್ದರೂ ಅಧಿಕಾರಿಗಳು ಕೇವಲ ನೋಟಿಸ್ ನೀಡುವುದು ಮತ್ತು ದಂಡ ಹಾಕಿ ಸುಮ್ಮನಾಗುವುದರಿಂದ ಇಂತಹ ಅಕ್ರಮಗಳು ನಿಲ್ಲುವುದಿಲ್ಲ’ ಎಂದರು. ಪ್ಲೆö ಓವರ್ ಕೆಳಗೆ ವಾಹನಗಳ ನಿಲ್ಲದಂತೆ ಸುತ್ತಲೂ ಗೇಟ್‌ಗಳನ್ನು ಅಳವಡಿಸುವಂತೆ ಮತ್ತು ತೋಟಗಾರಿಕಾ ಇಲಾಖೆ ಮೂಲಕ ಉದ್ಯಾನ ಮಾದರಿಯಲ್ಲಿ ಅಭಿವೃದ್ಧಿ ಮಾಡುವಂತೆ ಸೂಚಿಸಿದರು. ನಂತರ ಮಾತನಾಡಿದ ಅವರು `ರಾಜ್ಯದಲ್ಲಿ ಭ್ರಷ್ಠಾಚಾರ ತಡೆ ಕಾಯ್ದೆ ಮತ್ತು ಕರ್ನಾಟಕ ಲೋಕಾಯುಕ್ತ ಕಾಯ್ದೆಯಡಿ ದಾಖಲಾಗುವ ಪ್ರಕರಣಗಳಲ್ಲಿ ಶಿಕ್ಷೆಯ ಪ್ರಮಾಣ ಸುಮಾರು ಶೇಕಡಾ 10 ರಿಂದ 15 ರಷ್ಟು ಮಾತ್ರ ಇದೆ. ದೂರುದಾರರು ಕಾಲಕ್ರಮೇಣ ಹಿಂಜರಿಯುವುದು, ಸಾಕ್ಷಿಗಳ ಕೊರತೆ ಹಾಗೂ ಸುದೀರ್ಘ ನ್ಯಾಯಾಂಗ ಪ್ರಕ್ರಿಯೆಗಳು ಇದಕ್ಕೆ ಪ್ರಮುಖ ಕಾರಣಗಳಾಗಿವೆ. ಲೋಕಾಯುಕ್ತಕ್ಕೆ ಹೆಚ್ಚಿನ ಸ್ವಾಯತ್ತತೆ ಮತ್ತು ಅಧಿಕಾರ ನೀಡಲು ಕಾಯ್ದೆಗೆ ಅಗತ್ಯ ತಿದ್ದುಪಡಿ ತರಲು ಸರ್ಕಾರಕ್ಕೆ ಪ್ರಸ್ತಾಪ ಕಳುಹಿಸಲಾಗಿದೆ. ರಾಜ್ಯಾದ್ಯಂತ ಲೋಕಾಯುಕ್ತ ಸಂಸ್ಥೆಯಲ್ಲಿ ಸುಮಾರು 300 ರಿಂದ 400 ಹುದ್ದೆಗಳು ಖಾಲಿ ಇವೆ. ಸಂಸ್ಥೆಯನ್ನು ಬಲಪಡಿಸಲು ಶೇಕಡಾ 50ರಷ್ಟು ನಿವೃತ್ತ ಸೇನಾಧಿಕಾರಿಗಳನ್ನು ನೇಮಕ ಮಾಡಿಕೊಳ್ಳುವಂತೆ ಸರ್ಕಾರಕ್ಕೆ ತಿಳಿಸಲಾಗಿದ್ದು, ಇದರಿಂದ ಸಂಸ್ಥೆಯ ಕಾರ್ಯವೈಖರಿ ಮತ್ತು ವೇಗ ಮತ್ತಷ್ಟು ಹೆಚ್ಚಾಗಲಿದೆ. ಕೆಲವು ಜಿಲ್ಲೆಗಳಲ್ಲಿ ಲೋಕಾಯುಕ್ತಕ್ಕೆ ಸ್ವಂತ ಕಟ್ಟಡಗಳಿದ್ದು, ಇನ್ನು ಕೆಲವು ಕಡೆ ಸರ್ಕಾರಿ ಕಟ್ಟಡಗಳನ್ನು ನೀಡಲಾಗಿದೆ. ಎಲ್ಲ ಕಡೆಗಳಲ್ಲೂ ನಿವೇಶನ ಮತ್ತು ಕಟ್ಟಡಗಳ ವ್ಯವಸ್ಥೆ ಒದಗಿಸುವ ಬಗ್ಗೆ ಸರ್ಕಾರದ ಗಮನಕ್ಕೆ ತರಲಾಗಿದ್ದು, ಲೋಕಾಯುಕ್ತ ಸಂಸ್ಥೆಗೆ ಸರ್ಕಾರದಿಂದ ಎಲ್ಲಾ ರೀತಿಯ ಅನುದಾನ ಮತ್ತು ಸೌಲಭ್ಯಗಳು ದೊರೆಯುತ್ತಿವೆ’ ಎಂದರು.
- [ಹೆಬ್ಬಾರ್ ವಿರುದ್ಧ ಹರಿಹಾಯ್ದ ಹರಿಪ್ರಕಾಶ!](https://mobiletime.in/2026/09/hariprakash-lashes-out-at-hebbar/): `ಯಲ್ಲಾಪುರ ಕ್ಷೇತ್ರ ಶಿವರಾಮ ಹೆಬ್ಬಾರ್ ಅವರ ರಾಜೀನಾಮೆಗೆ ಜನ ಕಾಯುತ್ತಿದ್ದು, ಅಗತ್ಯ ಬಿದ್ದರೆ ಅವರಿಂದ ರಾಜೀನಾಮೆ ಕೊಡಿಸುತ್ತೇವೆ’ ಎಂದು ಬಿಜೆಪಿ ರಾಜ್ಯ ವಕ್ತಾರ ಹರಿಪ್ರಕಾಶ ಕೋಣೆಮನೆ ಅವರು ಹೇಳಿದ್ದಾರೆ. `ಉತ್ತರ ಕನ್ನಡ ದುಡ್ಡು ಅಥವಾ ಗೂಂಡಾ ರಾಜಕೀಯದ ನೆಲೆ ಅಲ್ಲ. ಅಧಿಕಾರ ಇರುವವರೆಗೆ ಕೆಲವರು ಮೆರೆಯಬಹುದಾಗಿದ್ದು, ಅಧಿಕಾರದಹೊರತು ಕ್ಷೇತ್ರಕ್ಕೆ ವಿದೇಯರಾಗಿ ಕೆಲಸ ಮಾಡಿದವರನ್ನು ಜನ ಮರೆಯಲ್ಲ’ ಎಂದು ಮಾರ್ಮಿಕ ಮಾತುಗಳನ್ನಾಡಿದ್ದಾರೆ. ಸುದ್ದಿಗಾರರ ಜೊತೆ ಮಾತನಾಡಿದ ಅವರು `ಶಿವರಾಮ ಹೆಬ್ಬಾರ್ ಅವರು ಬಿಜೆಪಿಯಿಂದ ಸ್ಪರ್ಧಿಸಿ ಶಾಸಕರಾದ ವ್ಯಕ್ತಿ. ಅವರು ಕಾಂಗ್ರೆಸ್ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಿರುವುದನ್ನು ಜನ ನೋಡಿದ್ದಾರೆ. ಬಿಜೆಪಿಯಿಂದ ದೂರ ಉಳಿದಿರುವುದನ್ನು ಎಲ್ಲರೂ ಗಮನಿಸುತ್ತಿದ್ದಾರೆ. ಶಾಸಕ ಹೆಬ್ಬಾರರು ಮುಂದಿನ ಚುನಾವಣೆಯವರೆಗೆ ಪಕ್ಷದ ಚೌಕಟ್ಟಿನಲ್ಲಿಯೇ ಇರಬೇಕು. ಪಕ್ಷದ ನಿಲುವಿಗೆ ವಿರುದ್ಧವಾಗಿ ಮಾತನಾಡುವದಾದರೆ ರಾಜೀನಾಮೆ ನೀಡಿ, ನಂತರ ಮಾತನಾಡಲಿ’ ಎಂದು ಸವಾಲು ಹಾಕಿದ್ದಾರೆ. ಕಾರವಾರದಲ್ಲಿ ಮಾತನಾಡಿದ ಶಿವರಾಮ ಹೆಬ್ಬಾರ್ ಅವರು ತಮ್ಮನ್ನು ತಾವು `ಪ್ರೀ ಬರ್ಡ’ ಎಂದು ಕರೆದುಕೊಂಡಿದ್ದರು. `ಬಿಜೆಪಿ ಎಂಬುದು ವಾಷಿಂಗ್ ಮಿಶನ್ ಇದ್ದ ಹಾಗೇ’ ಎಂದಿದ್ದರು. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರನ್ನು ಟೀಕಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಹರಿಪ್ರಕಾಶ ಕೋಣೆಮನೆ ಅವರು `ಶಾಸಕರು ಹುದ್ದೆಗೆ ತಕ್ಕಂತೆ ಮಾತನಾಡಬೇಕು’ ಎಂದು ಕಿವಿಮಾತು ಹೇಳಿದ್ದಾರೆ. `ಈ ಕ್ಷೇತ್ರದ ಜನರಿಗೆ ನಿಮ್ಮಿಂದ ಏನು ಪ್ರಯೋಜನವಾಗಿದೆ?’ ಎಂದು ಸಹ ಪ್ರಶ್ನಿಸಿದ್ದಾರೆ. `ಪಕ್ಷದಿಂದ ಉಚ್ಚಾಟನೆಯಾದರೂ ನೈತಿಕತೆ ಮರೆಯಬಾರದು’ ಎಂದು ಸಲಹೆ ನೀಡಿದ್ದಾರೆ. ಬಿಜೆಪಿ ಯಲ್ಲಾಪುರ ಮಂಡಲ ಅಧ್ಯಕ್ಷ ಪ್ರಸಾದ ಹೆಗಡೆ ಅವರು ಮಾತನಾಡಿ ‘ನಮ್ಮ ಮನೆ ನಮ್ಮ ಹಕ್ಕು’ ಆಂದೋಲನ ಯಶಸ್ವಿಯಾಗಿದ್ದು, ಸೆ.21ರಿಂದ 29ರವರೆಗೆ ಕ್ಷೇತ್ರದ ಬಹುತೇಕ ಪಂಚಾಯಿತಿ ವ್ಯಾಪ್ತಿಯಲ್ಲಿ ಸಹಿ ಸಂಗ್ರಹ ನಡೆಸಲಾಗಿದೆ. ಈ ಸಂದರ್ಭದಲ್ಲಿ ಯಲ್ಲಾಪುರ ಕ್ಷೇತ್ರದ ಶಾಸಕರು ಮತದಾರರಿಗೆ ದ್ರೋಹ ಎಸಗಿದ್ದಾರೆ ಎಂಬ ಅಭಿಪ್ರಾಯ ಮತದಾರರಿಂದ ವ್ಯಕ್ತವಾಗಿದೆ ಎಂದು ಹೇಳಿದರು. ಸರ್ಕಾರದ ಆದೇಶವನ್ನು ಹಿಂಪಡೆಯದಿದ್ದರೆ ಹೋರಾಟ ಮುಂದುವರಿಸಲಾಗುವುದು. ಬಿಜೆಪಿಯಿಂದ ಗೆದ್ದು ಕಾಂಗ್ರೆಸ್‌ನ ಎಂಎಲ್‌ಸಿಗಳಿಗೆ ಮತ ಹಾಕಿದವರಿಂದಲೇ ಪ್ರಜಾಪ್ರಭುತ್ವದ ಕಗ್ಗೊಲೆ ನಡೆದಿದೆ ಎಂದು ಹೇಳುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಸಂಸದರ ವಿರುದ್ಧವೂ ಸಲ್ಲದ ಮಾತುಗಳನ್ನು ಆಡಲಾಗಿದೆ ಎಂದು ಪ್ರಸಾದ ಹೆಗಡೆ ಹೇಳಿದರು. ರಾಜ್ಯ ಸರ್ಕಾರ ಪ್ರತಿಯೊಂದು ಹಂತದಲ್ಲೂ ‘ಚೊಂಬಿನ ಭಾಗ್ಯ’ ನೀಡುತ್ತಿದೆ ಎಂದು ಟೀಕಿಸಿದ ಅವರು, ಆಡಳಿತ ಸುಧಾರಿಸದಿದ್ದರೆ ಬಿಜೆಪಿ ವತಿಯಿಂದ ಚೊಂಬು ಹಿಡಿದು ಪ್ರತಿಭಟನೆ ನಡೆಸಲಾಗುವುದು ಎಂದರು. ಜಿಲ್ಲಾ ಪಂಚಾಯತ ಮಾಜಿ ಸದಸ್ಯ ರಾಘವೇಂದ್ರ ಭಟ್ ಹಾಸಣಗಿ ಅವರು ಶಿವರಾಮ ಹೆಬ್ಬಾರ್ ಅವರ ನಡೆ ಖಂಡಿಸಿದ್ದಾರೆ. ಬಿಜೆಪಿ ಪ್ರಮುಖ ಗಣೇಶ ಪಾಟಣಕರ್ ಅವರು ಮಾತನಾಡಿ `ಶಿವರಾಮ ಹೆಬ್ಬಾರರು ಶಾಸಕರಾದಾಗ ಯಲ್ಲಾಪುರ ಸಿಂಗಾಪುರ ಆಗಲಿದೆ ಎಂಬ ಕನಸಿತ್ತು. ಆದರೆ ನಿರೀಕ್ಷಿತ ರೀತಿಯಲ್ಲಿ ಅಭಿವೃದ್ಧಿಯಾಗಿಲ್ಲ’ ಎಂದು ದೂರಿದ್ದಾರೆ. ಉಮೇಶ್ ಭಾಗ್ವತ್ ಕಳಚೆ, ಶ್ರೀಕಾಂತ್ ಹೆಬ್ಬಾರ್, ಜಿ ಆರ್. ಭಾಗ್ವತ್, ಮಹಾಬಲೇಶ್ವರ ಭಟ್ಟ ಇದರರು ಇದಕ್ಕೆ ಧ್ವನಿಗೂಡಿಸಿದ್ದಾರೆ.
- [ಭಟ್ಕಳ | ದೇವರ ದಯೆ: ಒಂದೇ ದಿನದಲ್ಲಿ ಸಿಕ್ಕಿಬಿದ್ದ ಕಳ್ಳ!](https://mobiletime.in/2026/09/bhatkal-act-of-god-thief-caught-in-a-single-day/): ಭಟ್ಕಳದ ಬೆಳಕೆ, ಗರಡಿಹಿತ್ತು ಗ್ರಾಮದ ಭಂಟಗೊoಡ ದೇವಸ್ಥಾನದಲ್ಲಿ ನಡೆದ ಕಳ್ಳತನಲ್ಲಿ ಹನಿಪಾಬಾದ್’ನ ಸಯ್ಯದ್ ಯುನಿಸ್ ಕೈವಾಡವಿರುವುದು ದೃಢವಾಗಿದೆ. ದೇವಾಲಯಗಳನ್ನು ಗುರಿಯಾಗಿರಿಸಿಕೊಂಡು ಕಳ್ಳತನ ಮಾಡುತ್ತಿದ್ದ ಹೆಬಳೆ ತಲಹಾ ಕಾಲೋನಿಯ ಸಯ್ಯದ್ ಯೂನುಸ್ ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಸೆಪ್ಟೆಂಬರ್ 28ರಂದು ಈ ದೇಗುಲದಲ್ಲಿ ಕಳ್ಳತನ ನಡೆದಿತ್ತು. ದೇವಾಲಯದ ಬೀಗ ಒಡೆದು ಕಳ್ಳತನ ಮಾಡಲಾಗಿದ್ದು, ಸೆಪ್ಟೆಂಬರ್ 29ರಂದು ಅದು ಬೆಳಕಿಗೆ ಬಂದಿತ್ತು. ಬಂಗಾರ ಹಾಗೂ ಬೆಳ್ಳಿ ಕದ್ದ ಕೇಸು ದಾಖಲಿಸಿದ ಪೊಲೀಸರು ಕಳ್ಳನ ಪತ್ತೆಗೆ ಶೋಧ ಶುರು ಮಾಡಿದ್ದರು. ಭಟ್ಕಳ ತಾಲೂಕಿನ ಹೆಬಳೆಯ ತಲಹಾ ಕಾಲೋನಿಯ ಹನಿಪಾಬಾದ್ ನಿವಾಸಿ ಸೈಯದ್ ಯೂನುಸ್ (26) ಪೊಲೀಸರ ಬಳಿ ಸಿಕ್ಕಿ ಬಿದ್ದರು. ಸಯ್ಯದ್ ಯುನಿಸ್ ಬಳಿ 1.7 ಲಕ್ಷ ರೂ ಮೌಲ್ಯದ ಆಭರಣಗಳಿದ್ದು ಅದು ಆ ದೇವಾಲಯದ್ದೇ ಆಗಿದ್ದವು. ಸಿಕ್ಕಿಬಿದ್ದ ಆರೋಪಿಯಿಂದ ಪೊಲೀಸರು 5.340 ಗ್ರಾಂ ತೂಕದ ಸುಮಾರು 70 ಸಾವಿರ ಮೌಲ್ಯದ ಬಂಗಾರದ ಸರ, 20 ಗ್ರಾಂ ತೂಕದ ಸುಮಾರು 2,300 ಮೌಲ್ಯದ ಬೆಳ್ಳಿಯ ಕರಿಮಣಿ ಸರ ಹಾಗೂ ಕೃತ್ಯಕ್ಕೆ ಬಳಸಿದ್ದ ಸುಮಾರು 35 ಸಾವಿರ ಮೌಲ್ಯದ ಬೈಕನ್ನು ಜಪ್ತು ಮಾಡಿದ್ದಾರೆ. ಆರೋಪಿತನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ನ್ಯಾಯಾಲಯವು ನ್ಯಾಯಾಂಗ ಬಂಧನಕ್ಕೆ ಆದೇಶಿಸಿದೆ. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್., ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಹಾಗೂ ಭಟ್ಕಳ ಉಪವಿಭಾಗದ ಸಹಾಯಕ ಪೊಲೀಸ್ ಅಧೀಕ್ಷಕ ರಾಣು ಗುಪ್ತಾ ಅವರ ಮಾರ್ಗದರ್ಶನದಲ್ಲಿ ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯ ಪ್ರಭಾರ ಪೊಲೀಸ್ ನಿರೀಕ್ಷಕ ದಿವಾಕರ ಪಿ.ಎಂ. ಅವರ ನೇತೃತ್ವದಲ್ಲಿ ಈ ಕಾರ್ಯಾಚರಣೆ ನಡೆದಿದೆ. ತನಿಖಾಧಿಕಾರಿ ಭರಮಪ್ಪ ಬೆಳಗಲಿ, ಪೊಲೀಸ್ ಉಪನಿರೀಕ್ಷಕ ಮಲ್ಲಿಕಾರ್ಜುನಯ್ಯ ಕೂರಾಣಿ ಹಾಗೂ ಅಪರಾಧ ವಿಭಾಗದ ಸಿಬ್ಬಂದಿ ಮಂಜುನಾಥ ಗೊಂಡ, ಈರಣ್ಣ ಪೂಜೇರಿ, ಬಾಗಪ್ಪ ಕಡಕಲ್ ಮತ್ತು ನಿಂಗನಗೌಡ ಪಾಟೀಲ್ ಅವರು ಕಾರ್ಯಾಚರಣೆಯಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ.
- [ಸರ್ಕಾರಿ ಕೆಲಸ: ನೌಕರರಿಗೆ ಎಚ್ಚರಿಕೆ ನೀಡಿದ ಲೋಕಾಯುಕ್ತ!](https://mobiletime.in/2026/09/government-service-lokayukta-issues-warning-to-employees/): `ಸರ್ಕಾರಿ ನೌಕರರು ತಮ್ಮ ಕರ್ತವ್ಯ ನಿಭಾಯಿಸುವ ಮುನ್ನ ಮಾಡಿದ ತಪ್ಪಗಳ ಬಗ್ಗೆ ಆತ್ಮಾವಲೋಕನ ಮಾಡಬೇಕು. ತಪ್ಪುಗಳನ್ನು ತಿದ್ದಿಕೊಂಡು ಪ್ರಾಮಾಣಿಕವಾಗಿ ಕೆಲಸ ಮಾಡಬೇಕು’ ಕರ್ನಾಟಕ ಉಪಲೋಕಾಯುಕ್ತ ನ್ಯಾ ಕೆ ಎನ್ ಫಣೀಂದ್ರ ಅವರು ಹೇಳಿದ್ದಾರೆ. ಕಾರವಾರಕ್ಕೆ ಭೇಟಿ ನೀಡಿದ್ದ ಅವರು `ಭ್ರಷ್ಟಾಚಾರ, ಕರ್ತವ್ಯ ಲೋಪ, ಅನಗತ್ಯ ವಿಳಂಬ ಕಂಡು ಬಂದಲ್ಲಿ ಲೋಕಾಯುಕ್ತ ಸಂಸ್ಥೆಯ ಕಠಿಣ ಕ್ರಮ ಅನಿವಾರ್ಯ’ ಎಂದು ಎಚ್ಚರಿಸಿದ್ದಾರೆ. `ಜನರು ತಮ್ಮ ಸಮಸ್ಯೆಗಳು ಹಾಗೂ ಪ್ರಕರಣಗಳ ವಿಚಾರಣೆಗಾಗಿ ದೂರದ ಬೆಂಗಳೂರಿಗೆ ಅಲೆಯುವುದನ್ನು ತಪ್ಪಿಸಿ ಅವರ ಮನೆಬಾಗಿಲಿಗೆ ನ್ಯಾಯ ಒದಗಿಸುವುದು ನಮ್ಮ ಪ್ರಮುಖ ಉದ್ದೇಶವಾಗಿದೆ. ರಾಜ್ಯದಲ್ಲಿ ಸುಮಾರು 8 ಕೋಟಿ ಜನಸಂಖ್ಯೆಯಿದ್ದು, ಸುಮಾರು ಶೇ 1ರಷ್ಟು ಸಾರ್ವಜನಿಕ ಹಾಗೂ ಸರ್ಕಾರಿ ನೌಕರರಿದ್ದಾರೆ. ಈ ಶೇ 1ರಷ್ಟ್ಟು ನೌಕರರ ಮೇಲೆ ಉಳಿದ ಶೇ. 99 ರಷ್ಟು ಜನರ ಹಕ್ಕುಗಳು, ಆಸ್ತಿ-ಪಾಸ್ತಿ, ಆರೋಗ್ಯ ಮತ್ತು ಸಾಮಾಜಿಕ ಜೀವನವನ್ನು ರಕ್ಷಿಸುವ ಗುರುತರ ಜವಾಬ್ದಾರಿಯಿದೆ. ಈ ಜವಾಬ್ದಾರಿಯನ್ನು ಅರಿತು, ಸಾರ್ವಜನಿಕ ಸೇವೆ ಮಾಡಲು ಸಿಕ್ಕಿರುವ ಈ ಅವಕಾಶವನ್ನು ಪ್ರತಿಯೊಬ್ಬ ನೌಕರನೂ ಸದ್ಬಳಕೆ ಮಾಡಿಕೊಳ್ಳಬೇಕು’ ಎಂದು ಕರೆ ನೀಡಿದರು. `ನಮ್ಮ ಸಂವಿಧಾನವು ಸರ್ವರಿಗೂ ಸಮಬಾಳು ಸಮ ಪಾಲು ತತ್ವವನ್ನು ಅಳವಡಿಸಿಕೊಂಡಿದ್ದು, ಸರ್ಕಾರಗಳು ಜಾರಿಗೆ ತರುವ ವಿವಿಧ ಯೋಜನೆಗಳ ಪ್ರಯೋಜವನ್ನು ಸಮಾಜದ ಪ್ರತಿಯೊಬ್ಬರಿಗೂ ಸಮಾನವಾಗಿ ದೊರೆಯುವಂತೆ ನೋಡಿಕೊಳ್ಳುವ ಜವಾಬ್ದಾರಿ ಎಲ್ಲಾ ಸಾರ್ವಜನಿಕ ನೌಕರರಿಗಿದೆ. ಕಚೇರಿಗೆ ಆಗಮಿಸುವ ಸಾರ್ವಜನಿಕರೊಂದಿಗೆ ಸೌಜನ್ಯಯುತವಾಗಿ ವರ್ತಿಸಬೇಕು ಮತ್ತು ಅವರ ಸಾರ್ವಜನಿಕರ ಸಮಸ್ಯೆಗಳನ್ನು ಸಮಾಧಾನದಿಂದ ಆಲಿಸಿ, ಅವುಗಳಿಗೆ ಸಕಾಲದಲ್ಲಿ ಸೂಕ್ತ ಪರಿಹಾರ ಅಥವಾ ಅರ್ಜಿಗಳಿಗೆ ಕಾನೂನಾತ್ಮಕ ಹಿಂಬರಹವನ್ನು ತಪ್ಪದೇ ನೀಡಬೇಕು’ ಎಂದರು. `ಸಾರ್ವಜನಿಕರ ದೂರುಗಳು ಮತ್ತು ಕುಂದುಕೊರತೆಗಳ ಬಗ್ಗೆ ಅವರಿದ್ದಲ್ಲಿಯೇ ತೆರಳಿ, ಪರಿಶೀಲಿಸಿ, ತ್ವರಿತವಾಗಿ ಪರಿಹರಿಸುವ ಉದ್ದೇಶದಿಂದ ಕಾರವಾರದಲ್ಲಿ ಲೋಕಾಯುಕ್ತ ಸಂಸ್ಥೆಯ ವತಿಯಿಂದ ತನಿಖೆ/ವಿಚಾರಣೆಗೆ ಬಾಕಿಯಿರುವ ಪ್ರಕರಣಗಳಿಗೆ ಸಂಬAಧಿಸಿದ ದೂರುದಾರರು ಹಾಗೂ ಎದುರುದಾರರ ಸಮ್ಮುಖದಲ್ಲಿ ಕಾನೂನು ರೀತ್ಯಾ ವಿಚಾರಣೆ ಆಯೋಜಿಸಲಾಗಿದೆ’ ಎಂದು ತಿಳಿಸಿದರು. ​ಈ ಸಂದರ್ಭದಲ್ಲಿ ಹಿರಿಯ ಸಿವಿಲ್ ನ್ಯಾಯಾಧೀಶರು ಹಾಗೂ ಜಿಲ್ಲಾ ಕಾನೂನು ಸೇವಾ ಪ್ರಾದಿಕಾರದ ಸದಸ್ಯ ಕಾರ್ಯದರ್ಶಿ ದಿವ್ಯಶ್ರೀ ಸಿ ಎಂ, ಜಿಲ್ಲಾಧಿಕಾರಿ ಕೆ ಲಕ್ಷಿಪ್ರಿಯಾ, ಜಿ ಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ, ಹೆಚ್ಚುವರಿ ಎಸ್ಪಿ ಕೃಷ್ಣಮೂರ್ತಿ, ಲೋಕಾಯುಕ್ತ ಪೊಲೀಸ್ ಅಧೀಕ್ಷಕ ದಿನೇಶ್ ಕುಮಾರ್, ಉಪ ಲೋಕಾಯುಕ್ತರ ಆಪ್ತ ಕಾರ್ಯದರ್ಶಿ ಕಿರಣ್ ಪಾಟೀಲ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಹಾಗೂ ವಿವಿಧ ಇಲಾಖೆಯ ಅಧಿಕಾರಿಗಳು, ಸಿಬ್ಬಂದಿ ಹಾಗೂ ವಿವಿಧ ತಾಲೂಕುಗಳಿಂದ ಆಗಮಿಸಿದ್ದ ದೂರುದಾರರು ಉಪಸ್ಥಿತರಿದ್ದರು.  
- [ಕಾರವಾರ | ಪಾರ್ಟ ಟೈಂ ಜಾಬ್: ಮೂರು ದಿನದಲ್ಲಿ ಮೂರು ಲಕ್ಷ ರೂ ಮೋಸ!](https://mobiletime.in/2026/09/karwar-part-time-job-%e2%82%b93-lakh-fraud-in-three-days/): ಹೈ ಚರ್ಚ ರಸ್ತೆ ಅಂಚಿನಲ್ಲಿ ವಾಸವಾಗಿರುವ ಶಿಕ್ಷಕಿ ಮೇರಿ ಫರ್ನಾಂಡಿಸ್ ಅವರು ಗೂಗಲ್ ಮ್ಯಾಪ್ ಮೂಲಕ ಹೊಟೇಲುಗಳಿಗೆ 5* ರೇಟಿಂಗ್ ನೀಡುವ ಕೆಲಸ ಒಪ್ಪಿಕೊಂಡಿದ್ದು, ಆ ಕೆಲಸ ಮಾಡಿಯೂ 3.45 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಆನ್‌ಲೈನ್ ಮೂಲಕ ಪಾರ್ಟ ಟೈಂ ಜಾಬ್ ನೀಡುವುದಾಗಿ ಶಿಕ್ಷಕಿಗೆ ಬಲೆ ಬೀಸಿದ ವಂಚಕರು ಹಣ ದೋಚಿ ಫೋನ್ ಸ್ವಿಚ್ ಆಫ್ ಮಾಡಿದ್ದಾರೆ. ಕಾರವರದ ಹೈ ಚರ್ಚ ರಸ್ತೆ ಬಳಿ ಮೇರಿ ಫರ್ನಾಂಡಿಸ್ ಅವರು ವಾಸವಾಗಿದ್ದಾರೆ. 28 ವರ್ಷದ ಅವರು ಶಿಕ್ಷಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಬಿಡುವಿನ ವೇಳೆ ಏನಾದರೂ ಕೆಲಸ ಮಾಡಿ, ಇನ್ನಷ್ಟು ಹಣ ಮಾಡಬೇಕು ಎಂದು ಯೋಚಿಸುತ್ತಿದ್ದ ಅವರಿಗೆ ಇನಸ್ಟಾಗ್ರಾಮಿನಲ್ಲಿ `ಆನ್‌ಲೈನ್ ಜಾಬ್’ ಎಂಬ ಜಾಹೀರಾತು ಕಾಣಿಸಿದೆ. ಆ ಜಾಹೀರಾತು ಅವರ ಆಸಕ್ತಿ ಹೆಚ್ಚಿಸಿದ್ದು, ಅದನ್ನು ಕ್ಲಿಕ್ ಮಾಡಿದ್ದಾರೆ. ಆಗ, ಅವರು ಟೆಲಿಗ್ರಾಂ ಗುಂಪೊAದನ್ನು ಸೇರಿದ್ದಾರೆ. ಆ ಗುಂಪಿನ ಅಡ್ಮಿನ್ ಶಂಕರ ವಿಜಯ ಎಂಬಾತರು ಮೇರಿ ಫರ್ನಾಂಡಿಸ್ ಅವರನ್ನು ಮಾತನಾಡಿಸಿದ್ದಾರೆ. `ಪಾರ್ಟ ಟೈಂ ಜಾಬ್ ಮಾಡುವಿರಾ?’ ಎಂದು ಪ್ರಶ್ನಿಸಿದ್ದಾರೆ. ಆಗ, ಮೇರಿ ಫರ್ನಾಂಡಿಸ್ ಅವರು `ಹೌದು’ ಎಂದು ತಲೆಯಾಡಿಸಿದ್ದಾರೆ. ನಂತರ ಇನ್ನೊಂದ ಫೋನ್ ಸಂಖ್ಯೆಯಿoದ ಮೇರಿ ಫರ್ನಾಂಡಿಸ್ ಅವರಿಗೆ ಗೂಗಲ್ ಮ್ಯಾಪ್ ಲಿಂಕ್ ಬಂದಿದೆ. `ಅಲ್ಲಿರುವ ಹೊಟೇಲುಗಳಿಗೆ 5* ರೇಟಿಂಗ್ ನೀಡಿದರೆ ಹಣಗಳಿಸಲು ಸಾಧ್ಯ’ ಎಂಬ ಸೂಚನೆಯೂ ಸಿಕ್ಕಿದೆ. ಇದನ್ನು ನಂಬಿದ ಮೇರಿ ಫರ್ನಾಂಡಿಸ್ ಅವರು ಕೆಲಸ ಶುರು ಮಾಡಿದ್ದಾರೆ. ಆ ವೇಳೆ `ನಾವು ಹೇಳಿದ ಕಡೆ ಹೂಡಿಕೆ ಮಾಡಿದರೆ ಇನ್ನಷ್ಟು ಹಣ ಮಾಡಲು ಸಾಧ್ಯ’ ಎಂದು ಶಂಕರ ವಿಜಯ ಅವರು ಹೇಳಿದ್ದಾರೆ. ಅದನ್ನು ನಂಬಿದ ಮೇರಿ ಫರ್ನಾಂಡಿಸ್ ಅವರು 800ರೂ ಹೂಡಿಕೆ ಮಾಡಿ, ಒಂದೇ ದಿನದಲ್ಲಿ 1040ರೂ ದುಡಿದಿದ್ದಾರೆ. ಇನ್ನಷ್ಟು ಹಣ ಮಾಡುವ ಆಸೆಯಿಂದ ಸೆ 22ರಿಂದ 24ರ ಅವಧಿಯಲ್ಲಿ 3.45 ಲಕ್ಷ ರೂ ಕೂಡಿಸಿ ಅವರು ಹೇಳಿದ ಕಡೆ ಜಮಾ ಮಾಡಿದ್ದಾರೆ. ಆದರೆ, ಅದಕ್ಕೆ ಅವರಿಗೆ ಯಾವ ಲಾಭವೂ ಸಿಕ್ಕಿಲ್ಲ. `ಆಮೀಷಗಳಿಗೆ ಬಲಿಯಾಗಬೇಡಿ’
- [ಕುಮಟಾ | ಸಂದೀಪನ ಮೊಬೈಲಿನಲ್ಲಿ ರಹಸ್ಯ ವಿಡಿಯೋ!](https://mobiletime.in/2026/09/kumta-secret-video-on-sandeepans-mobile/): ಕತಗಾಲ ಆನೆಗುಂಡಿಯ ಸಂದೀಪ ಮುಕ್ರಿ ಅವರು ಯಾಣದ ಯುವತಿಯೊಬ್ಬರ ಖಾಸಗಿ ವಿಡಿಯೋವನ್ನು ವಿವಿಧ ಕಡೆ ಶೇರ್ ಮಾಡಿದ್ದಾರೆ. ಆ ಯುವತಿಯ ಸಂಬoಧಿ ಅರುಣ ನಾಯ್ಕ ಅವರಿಗೂ ವಿಡಿಯೋ ತಲುಪಿದ್ದು, ಅರುಣ ನಾಯ್ಕ ಅವರು ಈ ವಿಷಯವನ್ನು ಯುವತಿಗೆ ಹೇಳಿದ್ದಾರೆ. ಕುಮಟಾದ ಯಾಣ ಬೆಳ್ಳಂಗಿಯಲ್ಲಿ ಪಿರೋಜಾ ನಾಯ್ಕ (ಹೆಸರು ಬದಲಿಸಿದೆ) ಅವರು ವಾಸವಾಗಿದ್ದಾರೆ. ಪಿರೋಜಾ ನಾಯ್ಕ ಅವರು ಕಳೆದ ಮೂರು ವರ್ಷದಿಂದ ಬೆಟ್ಕುಳಿಯ ನಾಗೇಶ ನಾಯ್ಕ (ಹೆಸರು ಬದಲಿಸಿದೆ) ಅವರನ್ನು ಪ್ರೀತಿಸುತ್ತಿದ್ದಾರೆ. ಪ್ರೀತಿ-ಪ್ರೇಮ ಎಂದು ಅವರು ಎಲ್ಲಾ ಕಡೆ ಸುತ್ತಾಟ ಮಾಡಿದ್ದಾರೆ. ಈ ವೇಳೆ ತಮ್ಮ ಖಾಸಗಿ ಕ್ಷಣಗಳನ್ನು ಅವರು ಮೊಬೈಲ್ ಮೂಲಕ ಸೆರೆ ಹಿಡಿದಿದ್ದಾರೆ. ಆ ವೈಯಕ್ತಿಕ ವಿಡಿಯೋ ಇದೀಗ ಕತಗಾಲ ಆನೆಗುಂಡಿಯ ಸಂದೀಪ ಮುಕ್ರಿ ಅವರಿಗೆ ಸಿಕ್ಕಿದೆ. ಸಂದೀಪ ಮುಕ್ರಿ ಅವರು ಆ ವಿಡಿಯೋ ಡಿಲಿಟ್ ಮಾಡುವ ಬದಲು ಅದನ್ನು ಇತರರಿಗೆ ಶೇರ್ ಮಾಡಿದ್ದಾರೆ. ಪಿರೋಜಾ ನಾಯ್ಕ ಹಾಗೂ ನಾಗೇಶ ನಾಯ್ಕ ಅವರಿಬ್ಬರೂ ವಯಸ್ಕರಾಗಿದ್ದು, ಅವರ ವಿವಾಹ ನಿಶ್ಚಯವಾಗಿದೆ. ಹೀಗಿರುವಾಗ ಅವರ ಖಾಸಗಿ ವಿಡಿಯೋ ವೈರಲ್ ಆಗಿದ್ದು ಸಮಸ್ಯೆಗೆ ಕಾರಣವಾಗಿದೆ. ಆ ವೈಯಕ್ತಿಕ ವಿಡಿಯೋ ಸಂದೀಪ ಮುಕ್ರಿ ಅವರಿಗೆ ಹೇಗೆ ಸಿಕ್ಕಿತು? ಅದನ್ನು ಅವರು ಯಾರು ಯಾರಿಗೆ ಕಳುಹಿಸಿದ್ದಾರೆ? ಎಂಬುದು ಯಾರಿಗೂ ಗೊತ್ತಿಲ್ಲ. ಅರುಣ ನಾಯ್ಕ ಅವರಿಗೆ ಸಂದೀಪ ಮುಕ್ರಿ ಅವರಿಂದ ಆ ವಿಡಿಯೋ ಬಂದ ಕಾರಣ ಖಾಸಗಿ ವಿಡಿಯೋ ಬಹಿರಂಗವಾದ ರಹಸ್ಯ ಹೊರಬಿದ್ದಿದೆ. ಆ ವಿಡಿಯೋ ಯಾರ ಯಾರ ಮೊಬೈಲಿಗೆ ರವಾನೆ ಆಗಿದೆ? ಆ ವಿಡಿಯೋ ಸಂದೀಪ ಮುಕ್ರಿ ಅವರಿಗೆ ಸಿಕ್ಕಿದ್ದು ಹೇಗೆ? ಎನ್ನುವ ಬಗ್ಗೆ ಪಿರೋಜಾ ನಾಯ್ಕ ಅವರು ತಲೆಕೆಡಿಸಿಕೊಂಡಿದ್ದಾರೆ. ಈ ಬಗ್ಗೆ ಸಮಗ್ರ ತನಿಖೆ ನಡೆಯಬೇಕು ಎಂದವರು ಆಗ್ರಹಿಸಿದ್ದಾರೆ. `ಬೇರೆಯವರ ಖಾಸಗಿ ವಿಡಿಯೋ ಪ್ರಸಾರ ಮಾಡುವುದು ಅಪರಾಧ’
- [ಕಾರವಾರ | ಸಸ್ಪೆಂಡ್ ಆದರೂ ಸೊಕ್ಕು ಇಳಿಯಲಿಲ್ಲ!](https://mobiletime.in/2026/09/karwar-arrogance-did-not-go-down-even-though-he-was-suspended/): ಅಧಿಕ ಪ್ರಸಂಗಿ ವರ್ತನೆಯಿಂದಲೇ ಸ್ಪಸ್ಪೆಂಡ್ ಆಗಿದ್ದ ಕಾರವಾರದ ಹೆಡ್ ಕಾನ್ಸಟೇಬಲ್ ಸಂತೋಷ ನಾಯಕ ಅವರು ಪಿಐ ಜಯಶ್ರೀ ಮಾನೆ ಅವರ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ. ಪೊಲೀಸ್ ಠಾಣೆಗೆ ಆಗಮಿಸಿದ ಅವರು ಅಲ್ಲಿದ್ದ ಇತರೆ ಪೊಲೀಸ್ ಸಿಬ್ಬಂದಿ ಜೊತೆಯೂ ದುರ್ನಡತೆ ಪ್ರದರ್ಶಿಸಿದ್ದಾರೆ. ಕಾರವಾರದ ಸುಂಕೇರಿ ಕಠಿಣಕೋಣದಲ್ಲಿ ಸಂತೋಷ ಅಪ್ಪಾ ನಾಯಕ ಅವರು ವಾಸವಾಗಿದ್ದಾರೆ. 52 ವರ್ಷದ ಅವರು ಪೊಲೀಸ್ ಸಿಬ್ಬಂದಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಕಾರವಾರದ ಟ್ರಾಫಿಕ್ ಪೊಲೀಸ್ ಠಾಣೆಯ ಹೆಡ್ ಕಾನ್ಸಟೇಬಲ್ ಆಗಿ ಅವರು ಕರ್ತವ್ಯಕ್ಕೆ ಹಾಜರಾಗಿದ್ದು, ಕರ್ತವ್ಯದಲ್ಲಿ ಲೋಪ ಎಸಗಿದ ಕಾರಣ ಅಮಾನತಾಗಿದ್ದಾರೆ. ಅವರ ಅಮಾನತು ಆದೇಶ ಜಾರಿಯಲ್ಲಿದ್ದು, ಆ ಬಗ್ಗೆ ವಿಚಾರಣೆ ನಡೆಯುತ್ತಿದೆ. ಅಮಾನತು ಆಗಿದ್ದರಿಂದ ಅವರು ಮೇಲಧಿಕಾರಿಗಳ ಮೇಲೆ ಸಿಟ್ಟಾಗಿದ್ದಾರೆ. ಹೀಗಾಗಿ ಕಾರವಾರ ಶಹರ ಪೊಲೀಸ್ ಠಾಣೆಗೆ ಹೋಗಿ ಅಲ್ಲಿ ರಂಪಾಟ ಮಾಡಿದ್ದಾರೆ. ಸೆಪ್ಟೆಂಬರ್ 26ರ ಮಧ್ಯಾಹ್ನ ಸಂತೋಷ ನಾಯಕ ಅವರು ಕಾರವಾರ ಶಹರ ಪೊಲೀಸ್ ಠಾಣೆಗೆ ನುಗ್ಗಿದ್ದಾರೆ. `ಎಲ್ಲಿ ಆ ಇನ್ಸಪೆಕ್ಟರ್?’ ಎಂದು ಅವರು ಕೂಗಿದ್ದಾರೆ. ಈ ವೇಳೆ ಅಲ್ಲಿ ಕರ್ತವ್ಯದಲ್ಲಿದ್ದ ಪೊಲೀಸ್ ಸಿಬ್ಬಂದಿ ಸಚಿನ್ ನಾಯ್ಕ ಅವರು ಸಂತೋಷ ನಾಯಕ ಅವರನ್ನು ಸಮಾಧಾನ ಮಾಡುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಈಗಾಗಲೇ ಸಿಟ್ಟಿನಲ್ಲಿದ್ದ ಸಂತೋಷ ನಾಯಕ ಅವರು `ಆ ಇನ್ಸಪೆಕ್ಟರ್‌ರನ್ನು ಕರಿಯಿರಿ. ಒಂದು ಕೈ ನೋಡಿಕೊಳ್ಳುವೆ’ ಎಂದು ಕೂಗಾಡಿದ್ದಾರೆ. `ಅವರನ್ನು ಎಂದಿಗೂ ಸುಮ್ಮನೆ ಬಿಡುವುದಿಲ್ಲ’ ಎಂದು ಸಹ ಹೇಳಿದ್ದಾರೆ. `ಎಸ್ಪಿ ಹೇಳಿದ ಕಾರಣ ನನ್ನ ವಿರುದ್ಧವೇ ವರದಿ ಸಲ್ಲಿಸಿ ಅಮಾನತು ಮಾಡಿಸಿದ್ದಾರೆ’ ಎನ್ನುತ್ತ ಮೇಲಧಿಕಾರಿಗಳನ್ನು ಬೈದಿದ್ದಾರೆ. ಈ ವೇಳೆ ಅಲ್ಲಿ ಕರ್ತವ್ಯದಲ್ಲಿದ್ದ ಸಚಿನ್ ನಾಯ್ಕ ಅವರು ಪಿಐ ಜಯಶ್ರೀ ಮಾನೆ ಅವರಿಗೆ ಫೋನ್ ಮಾಡಿ ಮಾಹಿತಿ ನೀಡಿದ್ದಾರೆ. ಸಂಚಾರದಲ್ಲಿದ್ದ ಜಯಶ್ರೀ ಮಾನೇ ಅವರು ತಕ್ಷಣ ಪೊಲೀಸ್ ಠಾಣೆಗೆ ಹಾಜರಾಗಿದ್ದಾರೆ. ಆಗ, ಅಮಾನತು ಅಗಿದ್ದ ಸಂತೋಷ ನಾಯಕ ಅವರು ಜಯಶ್ರೀ ಮಾನೆ ಅವರ ಜೊತೆಯೂ ಅನುಚಿತವಾಗಿ ವರ್ತಿಸಿದ್ದಾರೆ. ಅವರ ಕರ್ತವ್ಯಕ್ಕೂ ಅಡ್ಡಿ ಮಾಡಿದ್ದಾರೆ. ಕೊನೆಗೆ ಅಲ್ಲಿದ್ದ ಇನ್ನಿತರ ಪೊಲೀಸ್ ಸಿಬ್ಬಂದಿ ಪರಿಸ್ಥಿತಿ ನಿಭಾಯಿಸಿದ್ದು, ಪೊಲೀಸ್ ಠಾಣೆಗೆ ಬಂದು ಗಲಾಟೆ ಮಾಡಿದ ಪೊಲೀಸ್ ಸಿಬ್ಬಂದಿ ವಿರುದ್ಧ ಕಾನೂನು ಕ್ರಮವನ್ನು ಜರುಗಿಸಿದ್ದಾರೆ.  
- [ಶಿರಸಿ | ಮಗಳ ಮೇಲಿನ ಚಿಂತೆಗೆ ತಾಯಿ ಆತ್ಮಹತ್ಯೆ!](https://mobiletime.in/2026/09/sirsi-mother-commits-suicide-out-of-worry-for-her-daughter/): ಜೀವನದಲ್ಲಿನ ಎಲ್ಲಾ ಕಷ್ಟಗಳನ್ನು ಧೈರ್ಯವಾಗಿ ಸಹಿಸಿಕೊಂಡು 80 ವರ್ಷ ಬದುಕಿದ್ದ ತುಂಗಾ ಭಟ್ಟ ಅವರು ಇಳಿವಯಸ್ಸಿನಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಶಿರಸಿ ವಿವೇಕಾನಂದ ನಗರದ ಬಾಡಿಗೆ ಮನೆಯಲ್ಲಿ ಅವರು ಶವವಾಗಿದ್ದಾರೆ. ಶಿರಸಿಯ ವಿವೇಕಾನಂದ ನಗರದಲ್ಲಿ ತುಂಗಾ ಸತ್ಯನಾರಾಯಣ ಭಟ್ಟ ಅವರು ವಾಸವಾಗಿದ್ದರು. ಜೀವನದಲ್ಲಿ ಸಾಕಷ್ಟು ಏರಿಳಿತ ಕಂಡಿದ್ದ ಅವರು ಎಲ್ಲಾ ಕಷ್ಟಗಳನ್ನು ಸಹಿಸಿಕೊಂಡು ಜೀವನ ನಡೆಸುತ್ತಿದ್ದರು. ತುಂಗಾ ಭಟ್ಟ ಅವರ ಪತಿ, ಮಗಳು, ಅಳಿಯ ಎಲ್ಲರೂ ಅವರಿಗಿಂತ ಮೊದಲೇ ಸಾವನಪ್ಪಿದ್ದರು. ಮತ್ತೊಬ್ಬ ಅಂಗವಿಕಲ ಪುತ್ರಿ ಸುವರ್ಣ ಎಂಬಾತರ ಜೊತೆ ತುಂಗಾ ಭಟ್ಟ ಅವರು ಬದುಕು ನಡೆಸುತ್ತಿದ್ದರು. ಹೀಗಿರುವಾಗ, `ತನ್ನ ನಂತರ ಅಂಗವಿಕಲ ಮಗಳಿಗೆ ಯಾರು ದಿಕ್ಕು?’ ಎಂಬ ಯೋಜನೆ ತುಂಗಾ ಭಟ್ಟ ಅವರಿಗೆ ಕಾಡಿತು. ಅದೇ ಯೋಚನೆ ತುಂಬಾ ಗಾಡವಾಗಿದ್ದು, ಅದರಲ್ಲಿಯೇ ಅವರು ಕೊರಗಲು ಶುರು ಮಾಡಿದರು. `ನನ್ನ ಮಗಳನ್ನು ನೋಡಿಕೊಳ್ಳುವವರು ಯಾರು?’ ಎಂದು ಭಾವಿಸಿ ಆ ವಿಷಯ ಸಹಿಸಿಕೊಳ್ಳಲಾಗದೇ ಅವರು ಚಡಪಡಿಸಿದರು. ಆ ಚಡಪಡಿಕೆ ಸಹಿಸಲಾಗದೇ ಸಾವನಪ್ಪುವ ನಿರ್ಧಾರ ಮಾಡಿದರು. ತಾವು ವಾಸವಿದ್ದ ಬಾಡಿಗೆ ಮನೆ ಹಿಂದೆ ಹೋದ ಅವರು ಅಲ್ಲಿನ ಕೋಣೆಯಲ್ಲಿ ಹಗ್ಗ ಕಟ್ಟಿದರು. ಆ ಹಗ್ಗಕ್ಕೆ ನೇಣು ಹಾಕಿಕೊಂಡು ಸಾವನಪ್ಪಿದರು. ಶಿರಸಿ ಹಂಚಿನಕೇರಿಯ ಸುಧಾ ಪ್ರಭಾಕರ ಹೆಗಡೆ ಅವರು ಈ ವಿಷಯವನ್ನು ಪೊಲೀಸರಿಗೆ ಮುಟ್ಟಿಸಿದರು.
- [ಭಟ್ಕಳ | ಕಾರು ಅಲ್ಲ.. ಬೈಕು ಅಲ್ಲ.. ಬಸ್ಸನ್ನೇ ಕದ್ದ ಭೂಪ!](https://mobiletime.in/2026/09/bhatkal-not-a-car-not-a-bike-a-man-stole-a-bus/): ದುಡ್ಡು, ಮೊಬೈಲು, ಒಡವೆ, ಚಪ್ಪಲಿ, ಸೈಕಲ್, ಬೈಕುಗಳ ಕಳ್ಳತನ ಸಾಮಾನ್ಯ. ಆದರೆ, ಭಟ್ಕಳದಲ್ಲಿ ರಸ್ತೆ ಪಕ್ಕ ನಿಲ್ಲಿಸಿದ್ದ ಬಸ್ಸೊಂದು ಕಳ್ಳತನವಾಗಿದೆ! ಭಟ್ಕಳದ ಮುಂಡಳ್ಳಿಯ ಚರ್ಚ ರಸ್ತೆಯಲ್ಲಿ ಕೃಷ್ಣ ಅನಂತ ನಾಯ್ಕ ಅವರು ವಾಸವಾಗಿದ್ದಾರೆ. ಅವರು ಚಾಲಕರಾಗಿ ಬದುಕು ಕಟ್ಟಿಕೊಂಡಿದ್ದಾರೆ. ಆದರೆ, ಅವರು ಚಾಲನೆ ಮಾಡುತ್ತಿದ್ದ ಬಸ್ಸನ್ನೇ ಕಳ್ಳರು ಕದ್ದಿದ್ದಾರೆ. ಸೆಪ್ಟೆಂಬರ್ 27ರ ಬೆಳಗ್ಗೆ 11 ಗಂಟೆಯವರೆಗೂ ಮಣ್ಣುಳಿಯ ರಾಷ್ಟ್ರೀಯ ಹೆದ್ದಾರಿ 66ಯ ಸರ್ವಿಸ್ ರಸ್ತೆಯಲ್ಲಿದ್ದ ಬಸ್ಸು ಸೆಪ್ಟೆಂಬರ್ 28ರ ಮಧ್ಯಾಹ್ನ 12 ಗಂಟೆಯ ವೇಳೆಗೆ ಅಲ್ಲಿಂದ ಕಣ್ಮರೆಯಾಗಿದೆ. ಬಿಳಿ ಬಣ್ಣದ ಟ್ರಾವೆಲರ್ ಮಿನಿ ಕಳೆದುಕೊಂಡ ಕೃಷ್ಣ ನಾಯ್ಕ ಅವರು ಅದನ್ನು ಎಲ್ಲಾ ಕಡೆ ಹುಡುಕಿದ್ದಾರೆ. ಆದರೆ, ಆ ಬಸ್ಸು ಮಾತ್ರ ಎಲ್ಲಿಯೂ ಸಿಕ್ಕಿಲ್ಲ. ಭಟ್ಕಳದಲ್ಲಿ ಕಳ್ಳರ ಹಾವಳಿ ಮುಂದುವರಿದಿದ್ದು, ಬಸ್ಸು ಕಳ್ಳತನ ಮಾಡುವ ದುಸ್ಸಾಹಸಕ್ಕೆ ಕೈ ಹಾಕಿದವರ ವಿರುದ್ಧ ಕೃಷ್ಣ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದಾರೆ. ಪೊಲೀಸರು ಸಿಸಿ ಕ್ಯಾಮರಾ ದಾಖಲೆಗಳ ಆಧಾರದಲ್ಲಿ ಶೋಧ ಶುರು ಮಾಡಿದ್ದಾರೆ.  
- [`ಬಡತನಕ್ಕಿಂತ ದೊಡ್ಡ ರೋಗವಿಲ್ಲ'](https://mobiletime.in/2026/09/there-is-no-greater-disease-than-poverty/): `ಎಲ್ಲಾ ರೋಗಗಳಿಗಿಂತಲೂ ಬಡತನ ದೊಡ್ಡ ರೋಗ. ಯಾವ ಖಾಯಿಲೆ ಬಂದರೂ ಅನುಭವಿಸಬಹುದಾಗಿದ್ದು, ಬಡತನ ಎಂಬ ಖಾಯಿಲೆ ಮಾತ್ರ ಅನುಭವಿಸುವುದು ಅತ್ಯಂತ ಕಷ್ಟ’ ಎಂದು ಅನಂತಮೂರ್ತಿ ಹೆಗಡೆ ಚಾರಿಟೇಬಲ್ ಟ್ರಸ್ಟ್ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. ಬಡತನ ನಿರ್ಮೂಲನೆಗಾಗಿ ಉಚಿತ ಹೊಲಿಗೆ ತರಬೇತಿ ಕಾರ್ಯಕ್ರಮ ನಡೆಸಿರುವುದಾಗಿಯೂ ಅವರು ವಿವರಿಸಿದ್ದಾರೆ. ಸಿದ್ದಾಪುರದ ಹೇರೂರಿನಲ್ಲಿ ಉಚಿತ ಹೊಲಿಗೆ ತರಬೇತಿ ಶಿಬಿರ ಉದ್ಘಾಟಿಸಿದ ಅವರು `ಮಹಿಳೆಯರು ಸ್ವಾವಲಂಬಿಯಾಗಿ ಬದುಕಲು ಹೊಲಿಗೆ ಕಲಿಕೆಯು ಉತ್ತಮ ದಾರಿಯಾಗಿದೆ. ಇದನ್ನು ಕಲಿತ ಮಹಿಳೆಯರು ಬಡತನದಿಂದ ಹೊರಬಂದು ಸ್ವಾವಲಂಬಿಯಾಗಿ ಬದುಕಬೇಕು’ ಎಂದವರು ಮನವಿ ಮಾಡಿದ್ದಾರೆ. `ಅಡುಗೆ ಮತ್ತು ಹೊಲಿಗೆ ಇವೆರಡು ಸ್ವಾವಲಂಬಿಯಾಗಿ ಬದುಕಲು ಉತ್ತಮ ದಾರಿಯಾಗಿದೆ. ಉಚಿತ ಹೊಲಿಗೆ ತರಬೇತಿಯಲ್ಲಿ ನುರಿತ ಶಿಕ್ಷಕರು ತರಬೇತಿ ನೀಡಲಿದ್ದಾರೆ. ಹೊಲಿಗೆಯನ್ನು ಸರಿಯಾಗಿ ಕಲಿತರೆ ಆರ್ಥಿಕವಾಗಿ ಸದೃಢರಾಗಲು ಸಾಧ್ಯವಿದೆ’ ಎಂದವರು ಹೇಳಿದ್ದಾರೆ. `ಹೊಲಿಗೆ ಕಲಿಯುವುದರಿಂದ ಸಾಕಷ್ಟು ಉಪಯೋಗವಿದೆ. ಒಂದು ತಿಂಗಳುಗಳ ಕಾಲ ನಡೆಯಲಿರುವ ಉಚಿತ ಹೊಲಿಗೆ ತರಬೇತಿ ಶಿಬಿರದಲ್ಲಿ ಪಾಲ್ಗೊಂಡು ಹೊಲಿಗೆ ಯನ್ನು ಕಲಿತುಕೊಳ್ಳಬೇಕು’ ಎಂದು ಗಣೇಶ ಹೇರೂರು ಅವರು ಹೇಳಿದ್ದಾರೆ. ಪ್ರಮುಖರಾದ ನರಹರಿ ಅವರು ಮಾತನಾಡಿ `ಪ್ರಾಮಾಣಿಕವಾಗಿ ನಿಷ್ಠೆಯಿಂದ ಕೆಲಸ ಮಾಡಿದರೆ ಯಾವುದೇ ಕ್ಷೇತ್ರದಲ್ಲಾದರೂ ಯಶಸ್ಸು ನಮ್ಮದಾಗುತ್ತದೆ. ಅನಂತಮೂರ್ತಿ ಹೆಗಡೆ ಅವರು ಬಹಳ ಕಷ್ಟದಿಂದ ಬಡತನವನ್ನು ಅನುಭವಿಸಿದ್ದು, ಇದೀಗ ಬಡತನ ನಿವಾರಣೆಗೆ ಶಿಬಿರ ಆಯೋಜಿಸಿದ್ದಾರೆ’ ಎಂದರು. ಅಣ್ಣಪ್ಪ ಗೌಡ, ಕಮಲಾಕರ ನಾಯ್ಕ, ಸೀತಾರಾಮ ಗೌಡ, ಬಾಲಚಂದ್ರ ಹೆಗಡೆ, ವಿಶ್ವನಾಥ ಹೆಗಡೆ, ಪ್ರದೀಪ ಹೆಗಡೆ ಹಾಗೂ ಹೊಲಿಗೆ ತರಬೇತಿ ಶಿಕ್ಷಕಿ ನಾಗರತ್ನ ಗೌಡ ಇದ್ದರು.
- [ಯಲ್ಲಾಪುರ | ಅಪಾರ್ಥದಿಂದ ಆದ ಅನಾಹುತ!](https://mobiletime.in/2026/09/yellapur-a-disaster-caused-by-a-misunderstanding/): ಕಿರವತ್ತಿಯಲ್ಲಿ ಮೀನು ವ್ಯಾಪಾರ ಮಾಡುವ ಸುಭಾನಿ ಪೀರಾ ಅವರಿಗೆ ಅದೇ ಊರಿನ ಅಸ್ಪಕ್ ಬೇವಿನಮರ ಹಾಗೂ ಸುಭಾನಿ ಬೇವಿನಮರ ಸೇರಿ ಹೊಡೆದಿದ್ದಾರೆ. ಹೊಡೆದಾಟ ಮುಗಿದ ನಂತರ `ಸುಭಾನಿ ಅವರದ್ದು ಏನೂ ತಪ್ಪಿಲ್ಲ’ ಎಂದು ಗೊತ್ತಾಗಿದೆ! ಕಿರವತ್ತಿಯ ಇಂದಿರಾನಗರದಲ್ಲಿ ಸುಭಾನಿ ಹುಸೇನ್ ಸಾಬ್ ಪೀರಾ ಅವರು ವಾಸವಾಗಿದ್ದಾರೆ. ಮೀನು ವ್ಯಾಪಾರ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದಾರೆ. ಅದೇ ಊರಿನಲ್ಲಿ ಆಸ್ಪಕ್ ಭಾಷಾಸಾಬ್ ಬೇವಿನಮರ ಹಾಗೂ ಸುಭಾನಿ ಭಾಷಾಸಾಬ್ ಬೇವಿನಮರ ಅವರು ವಾಸವಾಗಿದ್ದಾರೆ. ಈ ಎಲ್ಲರೂ ಸಂಬoಧಿಕರೇ ಆಗಿದ್ದಾರೆ. ಹೀಗಿರುವಾಗ, ಮೀನು ವ್ಯಾಪಾರ ಮಾಡುವ ಸುಭಾನಿ ಪೀರಾ ಅವರು ತಮ್ಮ ಸಹೋದರಿಗೆ ಅನಗತ್ಯ ಸಮಸ್ಯೆ ಮಾಡುತ್ತಿರುವ ಬಗ್ಗೆ ಅಸ್ಪಕ್ ಬೇವಿನಮರ ಹಾಗೂ ಸುಭಾನಿ ಬೇವಿನಮರ ಅವರಿಗೆ ವಿಷಯ ಗೊತ್ತಾಗಿದೆ. ಇದನ್ನು ಸಹಿಸದ ಅಸ್ಪಕ್ ಬೇವಿನಮರ ಹಾಗೂ ಸುಭಾನಿ ಬೇವಿನಮರ ಸೇರಿ ಸೆಪ್ಟೆಂಬರ್ 26ರಂದು ರಾತ್ರಿ ಸುಭಾನಿ ಪೀರಾ ಅವರ ಮನೆಗೆ ನುಗ್ಗಿದ್ದಾರೆ. ಸುಭಾನಿ ಪೀರಾ ಅವರಿಗೆ ಮಾತನಾಡಲು ಸಹ ಅವಕಾಶ ಕೊಡದೇ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಆದರೆ, ಸುಭಾನಿ ಪಿರಾ ಅವರು ಅವರ ಅಕ್ಕನಿಗೆ ಯಾವುದೇ ತೊಂದರೆ ಮಾಡಿಲ್ಲ. ತೊಂದರೆ ಮಾಡಿದ ಎಂಬ ವದಂತಿ ಕೇಳಿ ಸಿಟ್ಟಾದ ಅಸ್ಪಕ್ ಬೇವಿನಮರ ಹಾಗೂ ಸುಭಾನಿ ಬೇವಿನಮರ ಅವರು ಸುಭಾನಿ ಪಿರಾ ಅವರಿಗೆ ಹೊಡೆದಿದ್ದಾರೆ. ಬೈಕ್ ಚಾವಿಯನ್ನು ತಲೆಗೆ ಚುಚ್ಚಿ ನೋವು ಮಾಡಿದ್ದಾರೆ. ಆ ವೇಳೆ ಸುಭಾನಿ ಪಿರಾ ಅವರ ಅಣ್ಣ ಹಾಗೂ ಅಣ್ಣನ ಹೆಂಡತಿ ಸೇರಿ ಹೊಡೆದಾಟ ಬಿಡಿಸಿದ್ದಾರೆ. ಅದಾದ ನಂತರ ಆಸ್ಪಕ್ ಭಾಷಾಸಾಬ್ ಬೇವಿನಮರ ಹಾಗೂ ಸುಭಾನಿ ಭಾಷಾಸಾಬ್ ಬೇವಿನಮರ ಅವರಿಗೆ ಸುಭಾನಿ ಪಿರಾ ಅವರಿಂದ ಅಕ್ಕನಿಗೆ ಯಾವುದೇ ತೊಂದರೆ ಆಗಿಲ್ಲ ಎಂದು ಗೊತ್ತಾಗಿದೆ. ಅದಾಗಿಯೂ, ಅನಗತ್ಯ ದಾಳಿ ಮಾಡಿದವರ ವಿರುದ್ಧ ಸುಭಾನಿ ಪಿರಾ ಅವರು ಪೊಲೀಸ್ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತಡರಾತ್ರಿ ಮನೆಗೆ ನುಗ್ಗಿ ಗಲಾಟೆ ಮಾಡಿದ ಆರೋಪಿತರಿಬ್ಬರ ವಿರುದ್ಧ ಕ್ರಮ ಜರುಗಿಸಿದ್ದಾರೆ.  
- [ಯಾರಿವನು? ಎಲ್ಲಿಯವನು?](https://mobiletime.in/2026/09/who-is-he-where-is-he-from/): 17 ವರ್ಷದ ಯುವಕನೊಬ್ಬ ಸಿದ್ದಾಪುರದಲ್ಲಿ ಸಿಕ್ಕಿದ್ದು, ಆತ ಯಾರು? ಎಲ್ಲಿಯವ? ಎಂದು ಮಾತ್ರ ಯಾರಿಗೂ ಗೊತ್ತಿಲ್ಲ. ಹೆಸರು-ವಿಳಾಸದ ಬಗ್ಗೆ ವಿಚಾರಿಸಿದರೂ ಆತ ಬಾಯ್ಬಿಡುತ್ತಿಲ್ಲ. ಅಪರಿಚಿತ ಯುವಕನನ್ನು ನೋಡಿದ ಅಧಿಕಾರಿಗಳು ಆತನನನ್ನು ಶಿರಸಿಯ ಪಂಡಿತ್ ಸಾರ್ವಜನಿಕ ಸರ್ಕಾರಿ ಆಸ್ಪತ್ರೆಗೆ ಕರೆತಂದಿದ್ದಾರೆ. ಮನೋಶಾಸ್ತ್ರಜ್ಞರ ಬಳಿ ಪರೀಕ್ಷೆಗೆ ಒಳಪಡಿಸಿದಾಗ ಆತನ ಹೆಸರು ಮಾತ್ರ ಗೊತ್ತಾಗಿದೆ. ಸಾಹಿಲ್ ಎಂದು ಆತ ಹೆಸರು ಹೇಳಿದ್ದು, ಇನ್ಯಾವುದೇ ಸುಳಿವು ಸಿಕ್ಕಿಲ್ಲ. ಸಾಕಷ್ಟು ಹುಡುಕಾಟ ನಡೆಸಿದರೂ ಆತನ ಪಾಲಕರ ಬಗ್ಗೆ ಮಾಹಿತಿ ದೊರೆತಿಲ್ಲ. ಆ ಯುವಕನನ್ನು ಪರೀಕ್ಷೆಗೆ ಒಳಪಡಿಸಿದಾಗ ಬುದ್ದಿಮಾಂದ್ಯನAತೆ ವರ್ತಿಸಿದ್ದು, ಆತನನ್ನು ವಿಶೇಷ ಆರೈಕೆ ಸಂಸ್ಥೆಗೆ ಅಧಿಕಾರಿಗಳು ಒಪ್ಪಿಸಿದ್ದಾರೆ. ಸದ್ಯ ಆ ಯುವಕನ ಪೋಷಣೆ ಹಾಗೂ ರಕ್ಷಣೆಗಾಗಿ ಬಳ್ಳಾರಿಯ ಬುದ್ದಿಮಾಂದ್ಯ ಮಕ್ಕಳ ಆರೈಕೆಯುಳ್ಳ ವಸತಿ ನಿಲಯಕ್ಕೆ ದಾಖಲಿಸಲಾಗಿದೆ. ಬಳ್ಳಾರಿಯ ಮಕ್ಕಳ ಕಲ್ಯಾಣ ಸಮಿತಿಯ ಮೇಲ್ವಿಚಾರಣೆ ನಡೆಯುತ್ತಿದೆ. ಕಾನೂನಿನ ಪ್ರಕಾರ ಆ ಯುವಕ ಇನ್ನೂ ಬಾಲಕನಾಗಿರುವ ಕಾರಣ `ದತ್ತಕಕ್ಕೆ ಮುಕ್ತ’ ಮಾಡುವುದು ಅವಶ್ಯ. ಹೀಗಾಗಿ ಆ ಬಾಲಕನ ಜೈವಿಕ ಪಾಲಕರ ಕುರಿತು ದಾಖಲೆ ಶೋಧ ನಡೆದಿದೆ. ಮಕ್ಕಳ ಸಮಿತಿಯವರಿಗೆ ಇಲ್ಲಿಯೂ ಯಾವುದೇ ಮಾಹಿತಿ ಸಿಕ್ಕಿಲ್ಲ. ಅದಾಗಿಯೂ, ಆ ಬಾಲಕನ ಭವಿಷ್ಯವನ್ನು ರೂಪಿಸುವ ಕುರಿತು ಮಗುವಿನ ಜೈವಿಕ ಪಾಲಕರ ಪತ್ತೆ ಅವಶ್ಯಕತೆಯಿರುವ ಕಾರಣ ಮಕ್ಕಳ ಕಲ್ಯಾಣ ಸಮಿತಿ ಈ ಪ್ರಕಟಣೆ ನೀಡಿದೆ. ಆ ಬಾಲಕನ ಬಗ್ಗೆ ಗೊತ್ತಿದ್ದವರು ಅಥವಾ ಅವರ ಪಾಲಕರು ಕೂಡಲೇ ಮಕ್ಕಳ ಕಲ್ಯಾಣ ಸಮಿತಿ-02, ಬಾಲಕರ ಬಾಲಮಂದಿರ ಕೋರ್ಟ ರಸ್ತೆ ಶಿರಸಿ ಹಾಜರಾಗುವಂತೆ ಸೂಚಿಸಲಾಗಿದೆ.
- [ಹೊನ್ನಾವರ | ಪತ್ನಿ-ಮಕ್ಕಳ ನೆನಪಿನಲ್ಲಿ ಜೀವಬಿಟ್ಟ ಪತಿ!](https://mobiletime.in/2026/09/honnavar-husband-breathes-his-last-while-thinking-of-his-wife-and-children/): ಹೆಂಡತಿ ಹಾಗೂ ಮಕ್ಕಳು ಬಿಟ್ಟು ಹೋದ ಕಾರಣ ಬೇಸರಗೊಂಡಿದ್ದ ಜಗದೀಶ ನಾಯ್ಕ ಅವರು ತಮ್ಮ ಜೀವನವನ್ನು ಅಂತ್ಯಗೊಳಿಸಿದ್ದಾರೆ. ಇನ್ನೂ 38ನೇ ವಯಸ್ಸಿನಲ್ಲಿಯೇ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಹೊನ್ನಾವರದ ಚಿಕ್ಕನಗೋಡ ಹರವಾಲಿಯಲ್ಲಿ ಜಗದೀಶ ಗೋವಿಂದ ನಾಯ್ಕ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದರು. ಸಂಸಾರದಲ್ಲಿ ಸಮಸ್ಯೆ ಕಾಣಿಸಿಕೊಂಡ ಕಾರಣ ಅವರ ಪತ್ನಿ ಹಾಗೂ ಮಕ್ಕಳು ದೂರವಾಗಿದ್ದರು. ಪತ್ನಿ ಹಾಗೂ ಮಕ್ಕಳನ್ನು ನೆನೆದು ಜಗದೀಶ ನಾಯ್ಕ ಅವರು ಕಣ್ಣೀರಾಗುತ್ತಿದ್ದರು. ಅವರು ದೂರವಾದ ಬೇಸರದಲ್ಲಿಯೇ ಇವರು ದಿನ ಕಳೆಯುತ್ತಿದ್ದರು. ಆಪ್ತರು ಜೊತೆಗಿರದ ಕಾರಣ ಜಗದೀಶ ಗೋವಿಂದ ನಾಯ್ಕ ಅವರು ಜೀವನದಲ್ಲಿ ಜಿಗುಪ್ಸೆಗೆ ಒಳಗಾದರು. ಹೀಗಾಗಿ ಅವರು ದುಡುಕು ನಿರ್ಧಾರಕ್ಕೆ ಮುಂದಾಗಿದ್ದು, ಆತ್ಮಹತ್ಯೆಯ ಬಗ್ಗೆ ಯೋಚಿಸಿದರು. ತಮ್ಮ ಮನೆಯ ಅಂಚಿನಲ್ಲಿದ್ದ ಗೇರು ಮರ ಅವರಿಗೆ ಆತ್ಮಹತ್ಯೆಗೆ ಪ್ರಚೋದಿಸಿದ್ದು, ಅದೇ ಮರಕ್ಕೆ ಅವರು ಹಗ್ಗ ಕಟ್ಟಿ ನೇಣು ಹಾಕಿಕೊಂಡರು. ಗೇರು ಮರದ ಟೊಂಗೆಗೆ ಜಗದೀಶ ನಾಯ್ಕ ಅವರು ಜೋತಾಡುತ್ತಿರುವುದನ್ನು ಅವರ ಸಹೋದರ ವಿಶ್ವನಾಥ ನಾಯ್ಕ ಅವರು ನೋಡಿದರು. ತಕ್ಷಣ ಆ ಹಗ್ಗ ಬಿಚ್ಚಿ ಅವರನ್ನು ಹೊನ್ನಾವರ ಆಸ್ಪತ್ರೆಗೆ ಕರೆತಂದರು. ಆದರೆ, ಅಷ್ಟರೊಳಗೆ ಜಗದೀಶ ನಾಯ್ಕ ಅವರು ಸಾವನಪ್ಪಿದ್ದರು. `ಸಮಸ್ಯೆಗೆ ಆತ್ಮಹತ್ಯೆಯೇ ಪರಿಹಾರವಲ್ಲ’
- [ಉಡ ಹಿಡಿದು ಜೈಲು ಸೇರಿದ ಅಪ್ಪ-ಮಗ!](https://mobiletime.in/2026/09/father-and-son-land-in-jail-after-catching-a-monitor-lizard/): ಯಲ್ಲಾಪುರದ ಕಣ್ಣಿಗೇರಿ ಬಳಿಯ ಹಳಬೈಲ್ ಕಾಡಿನಲ್ಲಿ ಉಡ ಹಿಡಿದಿದ್ದ ಇನಾಸ್ ಸಿದ್ದಿ ಹಾಗೂ ಪ್ರಕಾಶ್ ಸಿದ್ದಿ ಅವರು ಅರಣ್ಯ ಸಿಬ್ಬಂದಿಗೆ ಸಿಕ್ಕಿ ಬಿದ್ದಿದ್ದಾರೆ. ಅವರ ಮನೆಯಲ್ಲಿ ಉಡದ ಮಾಂಸ ದೊರೆತಿದ್ದು, ಅದನ್ನು ಅಧಿಕಾರಿಗಳು ಜಪ್ತು ಮಾಡಿದ್ದಾರೆ. ಸೆಪ್ಟೆಂಬರ್ 28ರಂದು ಕಣ್ಣಿಗೇರಿ ಬಳಿಯ ಅರಳಿಕೊಪ್ಪದಲ್ಲಿ ಭೇಟೆಗಾರರ ಆಗಮನದ ಬಗ್ಗೆ ಅರಣ್ಯ ಇಲಾಖೆಗೆ ಮಾಹಿತಿ ಸಿಕ್ಕಿದೆ. ಅಧಿಕಾರಿಗಳು ಅಲ್ಲಿ ದೌಡಾಯಿಸಿದ್ದು, ಆ ವೇಳೆಗೆ ಇನಾಸ್ ಬಸ್ಥ್ಯಾಂವ್ ಸಿದ್ದಿ ಹಾಗೂ ಅವರ ಮಗ ಪ್ರಕಾಶ ಇನಾಸ್ ಸಿದ್ದಿ ವನ್ಯಜೀವಿ ಭೇಟೆ ಆಡಿ ಮನೆಗೆ ಮರಳಿದ್ದಾರೆ. ಅರಣ್ಯ ಸಿಬ್ಬಂದಿ ತಕ್ಷಣ ಅವರ ಮನೆ ಮೇಲೆ ದಾಳಿ ಮಾಡಿದ್ದಾರೆ. ಆಗ, ಅಲ್ಲಿ ಎರಡು ಉಡ ಸಾವನಪ್ಪಿದ ಸ್ಥಿತಿಯಲ್ಲಿ ಸಿಕ್ಕಿದೆ. ಭೇಟೆಗೆ ಬಳಸಿದ ಕತ್ತಿ ಹಾಗೂ ಕೊಡಲಿ ಸಹ ಅಲ್ಲೇ ಬಿದ್ದಿರುವುದನ್ನು ಅರಣ್ಯಾಧಿಕಾರಿಗಳು ನೋಡಿದ್ದಾರೆ. ಹಳಿಯಾಳ ಕ್ರಾಸಿನ ಕಣ್ಣಿಗೇರಿ ಬಳಿಯ ಈ ಅಪ್ಪ-ಮಗ ಕೂಲಿ ಕೆಲಸ ಮಾಡಿಕೊಂಡಿದ್ದು, ಆಗಾಗ ಶಿಕಾರಿಗೆ ಹೋಗುವುದನ್ನು ರೂಢಿಸಿಕೊಂಡಿದ್ದರು. ಆ ಮಾಹಿತಿ ಅನ್ವಯ ಯಲ್ಲಾಪುರ ಉಪಅರಣ್ಯ ಸಂರಕ್ಷಣಾಧಿಕಾರಿ ಅಬ್ದುಲ್ ಅಜೀಜ್ ಶೇಖ್, ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಹಿಮವತಿ ಭಟ್ಟ ಅವರ ತಂಡ ವಲಯ ಅರಣ್ಯಾಧಿಕಾರಿ ಮಂಜುನಾಥ್ ಎಚ್ ನಾಯ್ಕ ಅವರ ನೇತ್ರತ್ವದಲ್ಲಿ ದಾಳಿ ನಡೆಸಿತು. ಉಪವಲಯ ಅರಣ್ಯಾಧಿಕಾರಿ ಸುಭಾಷ್ ಗಾಂವ್ಕರ್, ಶ್ರೀನಿವಾಸ್ ನಾಯ್ಕ, ಶ್ರೀಧರ್ ಸಜ್ಜನ್, ಶರಣಬಸು ದೇವರ, ಪ್ರಭಾಕರ ಬಗಲಿ, ಮಂಜುನಾಥ್ ಗರ್ಭಗುಡಿ, ದರ್ಶನ್ ವಿ ಎಸ್ ಹಾಗೂ ಗಸ್ತು ಅರಣ್ಯ ಪಾಲಕರಾದ ಸತೀಶ ಕುಂಬಾರ, ಬಸವರಡ್ಡಿ ರಡ್ಡೇರ, ರಾಮು ಕೊಕ್ಕರೆ, ಶಾನವಾಜ ಮುಲ್ತಾನಿ, ಗೌಡಪ್ಪ ಗೌಡ ಸುಳ್ಳದ, ರಮೇಶ್ ಬಡಿಗೇರ್, ಲಕ್ಷ್ಮಣ ಪಮ್ಮಾರ್, ಪ್ರಶಾಂತ್ ತಳವಾರ್ ಅವರ ಜೊತೆ ವಾಹನ ಚಾಲಕರಾದ ಮಂಜುನಾಥ, ಪ್ರಶಾಂತ ಅವರು ಕಾರ್ಯಾಚರಣೆಯಲ್ಲಿದ್ದರು. ಆರೋಪಿತರಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.
- [`ನಮ್ಮ ಮನೆ-ನಮ್ಮ ಹಕ್ಕು](https://mobiletime.in/2026/09/our-home-is-our-right/): ‘ಸಿದ್ದಾಪುರದ ಕಾನಸೂರಿನಲ್ಲಿ ಬಿಜೆಪಿಗರು ಪ್ರತಿಭಟನೆ ಮಾಡಿದ್ದು, `ನಮ್ಮ ಮನೆ-ನಮ್ಮ ಹಕ್ಕು’ ಎಂದು ಘೋಷಣೆ ಕೂಗಿದ್ದಾರೆ. `ಬಡವರ ಮನೆ ಕೆಡಗುವ ಪ್ರಯತ್ನ ಮಾಡಿದರೆ ಸುಮ್ಮನಿರುವುದಿಲ್ಲ’ ಎಂದು ಆಕ್ರೋಶದ ಮಾತುಗಳನ್ನಾಡಿದ್ದಾರೆ. ಬಿಜೆಪಿ ರೈತ ಮೋರ್ಚಾ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಪ್ರತಿಭಟನೆಯಲ್ಲಿ ಮಾತನಾಡಿ `ಭ್ರಷ್ಟ ಕಾಂಗ್ರೆಸ್ ಸರ್ಕಾರ ಜಾತಿ ಹೆಸರಿನಲ್ಲಿ ಸಮಾಜವನ್ನು ಒಡೆಯುತ್ತಿದೆ’ ಎಂದು ದೂರಿದ್ದಾರೆ. `ಬ್ರಿಟಿಷರಿಗಿಂತಲೂ ಕ್ರೂರತ್ವ ಕಾಂಗ್ರೆಸ್ಸಿಗರಲ್ಲಿದೆ. ಕಾಂಗ್ರೆಸ್ ಸರ್ಕಾರದ ಅನ್ಯಾಯ ಸಹಿಸಲು ಸಾಧ್ಯವಿಲ್ಲ’ ಎಂದು ಗುಡುಗಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಗೆ ಸಾಕಷ್ಟು ಅನ್ಯಾಯವಾಗಿದೆ. ಸದ್ಯ ಬಡವರ ಮನೆಯ ಹಕ್ಕು ಕಸಿಯುವ ಹುನ್ನಾರ ನಡೆದಿದೆ’ ಎಂದವರು ದೂರಿದ್ದಾರೆ. `ಮಳೆ ಕೊರತೆಯಿಂದ ಸಿದ್ದಾಪುರ ತಾಲೂಕಿನ ಹಲವು ಕಡೆ ಭತ್ತದ ಗದ್ದೆಗಳು ಒಣಗಿದೆ. ಆದರೆ ಸರಕಾರ ಇದುವರೆಗೂ ಬರಗಾಲ ಪೀಡಿತ ತಾಲೂಕು ಎಂದು ಘೋಷಣೆ ಮಾಡಿಲ್ಲ. ಶಾಸಕರು ಸಹ ನಿದ್ದೆಯಲ್ಲಿದ್ದಾರೆ’ ಎಂದು ಅವರು ಆರೋಪಿಸಿದ್ದಾರೆ. ಈ ಸಂದರ್ಭದಲ್ಲಿ ಪ್ರಮುಖರಾದ ಬಲರಾಮ ನಾಮಧಾರಿ, ಕೃಷ್ಣಮೂರ್ತಿ ಹೆಗಡೆ, ವಿನಾಯಕ ಹೆಗಡೆ, ಏನ್ ವಿ ಹೆಗಡೆ ,ಜಿ ಜಿ ದೇವಿಸರ ,ನಾಗರಾಜ ಕರಮನೆ, ಗಣೇಶ ಕಾನಸೂರು , ಮನೋಜ ಕಾನಸೂರು, ಏನ್ ವಿ ಹೆಗಡೆ ಮಾದನಕಲ್ ಇದ್ದರು.
- [ಮುಂಡಗೋಡು | ಮೊಬೈಲ್ ಮಳಿಗೆಗೆ ಕನ್ನ!](https://mobiletime.in/2026/09/mundgod-mobile-shop-burgled/): ಮುಂಡಗೋಡಿನಲ್ಲಿ ಶಿರಸಿ ರಸ್ತೆಯಲ್ಲಿರುವ ಶಿವು ಮೊಬೈಲ್ ಮಳಿಗೆಯಲ್ಲಿ ಕಳ್ಳತನ ನಡೆದಿದೆ. ಮೊಬೈಲ್ ಮಳಿಗೆಯ ಶಟರ್ಸ ಮುರಿದ ಕಳ್ಳರು ವಿವಿಧ ಸಾಮಗ್ರಿ ಕದ್ದು ಪರಾರಿಯಾಗಿದ್ದಾರೆ. ಮುಂಡಗೋಡಿನ ಕರಿಗಿನಕೊಪ್ಪದಲ್ಲಿ ಲಕ್ಷಣ ಶಿವಪ್ಪ ಲಮಾಣಿ ಅವರು ವಾಸವಾಗಿದ್ದಾರೆ. ಮೊಬೈಲ್ ಮಾರಾಟದಿಂದ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಮುಂಡಗೋಡು ರಸ್ತೆಯಲ್ಲಿ ಅವರು ಶಿವು ಮೊಬೈಲ್ ಎಂಬ ಮಳಿಗೆ ನಡೆಸುತ್ತಿದ್ದಾರೆ. ಸೆ 27ರ ನಸುಕಿನಲ್ಲಿ ಕಳ್ಳರು ಅವರ ಮೊಬೈಲ್ ಅಂಗಡಿಗೆ ನುಗ್ಗಿದ್ದಾರೆ. ಮಳಿಗೆಯ ಶಟರ್ಸ ಒಡೆದ ಕಳ್ಳರು 63920ರೂ ಮೌಲ್ಯದ ಸಾಮಗ್ರಿ ಕದ್ದಿದ್ದಾರೆ. ಮೊಬೈಲ್ ಮಳಿಗೆಯಲ್ಲಿದ್ದ ಸೆಲ್ಪಿ ಸ್ಟಿಕ್, ಹಳೆಯ ಮೊಬೈಲ್, ಹೆಡ್ ಫೋನ್, ಮೆಮೋರಿ ಕಾರ್ಡ, ಪವರ್ ಬ್ಯಾಂಕ್, ಬ್ಯೂಟೂತ್ ಸೇರಿ ಅನೇಕ ವಸ್ತುಗಳು ಕಳ್ಳರ ಪಾಲಾಗಿದೆ. ಪೆನ್ ಡ್ರೆöÊವ್, ಕಾರ್ಡ ರೀಡರ್ ಸೇರಿ ಯಾವುದನ್ನೂ ಬಿಡದೇ ಕಳ್ಳರು ದೋಚಿದ್ದಾರೆ. ಹೀಗಾಗಿ ಕಳ್ಳರ ವಿರುದ್ಧ ಲಕ್ಷಣ ಲಮಾಣಿ ಅವರು ಪೊಲೀಸ್ ದೂರು ನೀಡಿದ್ದಾರೆ. ಕಳ್ಳರನ್ನು ಹುಡುಕಿ ಎಂದವರು ಮನವಿ ಮಾಡಿದ್ದಾರೆ.
- [ಕಾರವಾರ | ಕತ್ತಿ ಹಿಡಿದ ದುಷ್ಕರ್ಮಿ ಸೆರೆ!](https://mobiletime.in/2026/09/karwar-miscreant-wielding-a-knife-apprehended/): ಗಣೇಶ ವಿಸರ್ಜನೆ ವೇಳೆ ಗಲಾಟೆ ಮಾಡಿದ ಕಾರಣ ಬುದ್ದಿವಾದ ಹೇಳಲು ಹೋದವರ ಮೇಲೆ ಕತ್ತಿ ಬೀಸಿದ ಪ್ರಕರಣದ ಪ್ರಮುಖ ಆರೋಪಿ ದೀಪಕ ನಾಯ್ಕ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಚಿತ್ತಾಕುಲದ ಅಸ್ನೋಟಿ ಭಗವತವಾಡದಲ್ಲಿ ನಡೆದ ಗಲಾಟೆ ವಿಷಯವಾಗಿ ರೋಷನ್ ನಾಯ್ಕ ಅವರು ನೀಡಿದ ದೂರಿನ ಅನ್ವಯ ಈ ಕ್ರಮ ಜರುಗಿಸಿದ್ದಾರೆ. ಸೆಪ್ಟೆಂಬರ್ 26ರಂದು ಸಂಜೆ 5.45ರ ಸುಮಾರಿಗೆ ಅಂಗಡಿ ಗ್ರಾಮದ ಗಣೇಶ ಮೂರ್ತಿ ವಿಸರ್ಜನಾ ಸಂದರ್ಭದಲ್ಲಿ ಗಲಾಟೆ ನಡೆದಿತ್ತು. ಈ ವಿಷಯವಾಗಿ ದೂರಲು ಹೋಗಿದ್ದ ರೋಷನ ನಾಯ್ಕ ಹಾಗೂ ಸಿದ್ಧಾರ್ಥ ಗೋಸಾವಿ ಅವರ ಮೇಲೆ ಶರತ ನಾಯ್ಕ ಹಾಗೂ ದೀಪಕ ನಾಯ್ಕ ಅವರು ದಾಳಿ ಮಾಡಿದ್ದರು. ಅದಕ್ಕೂ ಮುನ್ನ ಸಿದ್ಧಾರ್ಥ ನಾಯ್ಕ ಅವರ ಸ್ನೇಹಿತ ಸಾಯಿಸನತ್ ಎಂಬಾತರ ಜೊತೆಯೂ ಶರತ್ ನಾಯ್ಕ ಅವರು ಜಗಳ ಮಾಡಿದ್ದರು. ಈ ವಿಷಯದ ಬಗ್ಗೆ ದೂರಲು ಹೋದಾಗ ಶರತ್ ನಾಯ್ಕ ಅವರ ದೀಪಕ ಬಾಳಾ ನಾಯ್ಕ ಹಾಗೂ ಶರತ್ ನಾಯ್ಕ ಸೇರಿ ರೋಷನ್ ದೀಪಕ ನಾಯ್ಕ ಮತ್ತು ಸಿದ್ದಾರ್ಥ ಸತೀಶ ಗೋಸಾವಿ ಅವರ ಮೇಲೆ ಕತ್ತಿಯಿಂದ ಹಲ್ಲೆ ನಡೆಸಿದ್ದರು. ಪ್ರಕರಣದ ಆರೋಪಿತ ದೀಪಕ ಬಾಳಾ ನಾಯ್ಕ ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಆರೋಪಿಯನ್ನು ನ್ಯಾಯಾಲಯಕ್ಕೆ ಒಪ್ಪಿಸಿದ್ದು, ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.
- [ಬಿಜೆಪಿ ಎಂಬುದು ವಾಷಿಂಗ್ ಮಿಷನ್!](https://mobiletime.in/2026/09/the-bjp-is-a-washing-machine/): SIR ಪ್ರಕ್ರಿಯೆಯಲ್ಲಿನ ಲೋಪ ಖಂಡಿಸಿ ಕಾಂಗ್ರೆಸ್ಸಿಗರು ಕಾರವಾರದಲ್ಲಿ ಪ್ರತಿಭಟನೆ ನಡೆಸಿದ್ದು, ಬಿಜೆಪಿಯಿಂದ ಆಯ್ಕೆಯಾಗಿದ್ದ ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್ ಮುಂಚೂಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ. `ಬಿಜೆಪಿಯಿಂದ ಹೊರ ಬಂದ ಕಾರಣ ನಾನು ಯಾವ ಪಕ್ಷದ ಬಂಧನದಲ್ಲಿಯೂ ಇಲ್ಲ’ ಎಂದವರು ಮಾಧ್ಯಮದ ಎದುರು ಹೇಳಿದ್ದಾರೆ. `ಯಾರೇ ಬಿಜೆಪಿಗೆ ಹೋದರೂ ಅವರನ್ನು ವಾಷಿಂಗ್ ಮಿಷನ್’ಗೆ ಹಾಕಿದಂತೆ ಕ್ಲೀನ್ ಮಾಡಲಾಗುತ್ತದೆ. ನನ್ನನ್ನೂ ಸಹ ಅದೇ ರೀತಿ ವಾಷಿಂಗ್ ಮಿಷನ್’ಗೆ ಹಾಕಿದ್ದರು. ಹೀಗಾಗಿ ಬೇರೆ ನಿರ್ಧಾರ ಮಾಡಿದ್ದು, ಯಾವ ಸಂದರ್ಭದಲ್ಲಿ ಯಾವುದು ಸರಿ ಎನಿಸುತ್ತದೆ ಎಂಬುದನ್ನು ನಿರ್ಧರಿಸುವ ಸಂಪೂರ್ಣ ಅಧಿಕಾರ ತನಗಿದೆ’ ಎಂದು ಸಹ ಶಿವರಾಮ ಹೆಬ್ಬಾರ್ ಅವರು ಹೇಳಿದ್ದಾರೆ. ನಗರದಲ್ಲಿ ನಡೆದ ಕಾಂಗ್ರೆಸ್ ಪ್ರತಿಭಟನೆಯಲ್ಲಿ ಭಾಗವಹಿಸಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು ಕೇಂದ್ರ ಚುನಾವಣಾ ಆಯೋಗದ ಕಾರ್ಯವೈಖರಿ ಹಾಗೂ ಪ್ರಜಾಪ್ರಭುತ್ವ ವ್ಯವಸ್ಥೆಯ ಕುರಿತು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು. `ಚುನಾವಣಾ ಆಯೋಗದ ಪ್ರಕ್ರಿಯೆಗಳು ಪ್ರಜಾಪ್ರಭುತ್ವಕ್ಕೆ ದೊಡ್ಡ ಮಟ್ಟದ ಧಕ್ಕೆ ತರುತ್ತಿವೆ. ಆಯೋಗದ ಅಧಿಕಾರಿಗಳು ಸ್ವತಂತ್ರವಾಗಿ ಸಭೆ ಸೇರಿಲ್ಲ. ಬದಲಿಗೆ ಅವರನ್ನು ಒತ್ತಡದಿಂದ ಕರೆತಂದು ಕೂರಿಸಲಾಗಿದೆ’ ಎಂದರು. ಕೇವಲ ಚುನಾವಣಾ ಆಯೋಗವಷ್ಟೇ ಅಲ್ಲದೆ ಸಿಬಿಐ ಹಾಗೂ ಇಡಿ ಸಂಸ್ಥೆಗಳನ್ನು ದುರುಪಯೋಗಪಡಿಸಿಕೊಂಡು ಕಾಂಗ್ರೆಸ್ ನಾಯಕರ ಮೇಲೆ ನಿರಂತರ ದಬ್ಬಾಳಿಕೆ, ಶೋಷಣೆ ಮತ್ತು ದಾಳಿಗಳನ್ನು ನಡೆಸಲಾಗುತ್ತಿದೆ’ ಎಂದು ದೂರಿದರು. `ಸತೀಶ್ ಶೈಲ್, ಸತೀಶ್ ಜಾರಕಿಹೊಳಿ ಸೇರಿದಂತೆ ರಾಜ್ಯದ ಮುಖ್ಯಮಂತ್ರಿ, ಸಚಿವರು ಹಾಗೂ ಪ್ರಮುಖ ಶಾಸಕರ ಮೇಲೂ ಇಂತಹ ಕ್ರಮಗಳು ನಡೆಯುತ್ತಿವೆ ಎಂದು ಅವರು ಕಳವಳ ವ್ಯಕ್ತಪಡಿಸಿದರು. `ಮುಖ್ಯ ಚುನಾವಣಾ ಆಯುಕ್ತರ ನೇಮಕಾತಿ ಪ್ರಕ್ರಿಯೆಯಲ್ಲಿ ಮುಖ್ಯ ನ್ಯಾಯಮೂರ್ತಿಯನ್ನು ಹೊರಗಿಟ್ಟು ಸಚಿವ ಸಂಪುಟದ ಸಹೋದ್ಯೋಗಿಯನ್ನು ಒಳಗೊಂಡ ವ್ಯವಸ್ಥೆ ರೂಪಿಸಿರುವುದನ್ನು ವಿರೋಧ ಪಕ್ಷಗಳು ಎಂದಿಗೂ ಒಪ್ಪಿಕೊಳ್ಳುವುದಿಲ್ಲ’ ಎಂದರು. `ದೇಶದಲ್ಲಿ ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಪುನಃಸ್ಥಾಪಿಸುವುದೇ ತಮ್ಮ ಪ್ರಮುಖ ಹೋರಾಟದ ಮೂಲ ಉದ್ದೇಶವಾಗಿದೆ’ ಎಂದರು.
- [ಕಾರವಾರ | ನದಿ ದಡವೇ ಅಕ್ರಮ ಮರಳು ಅಡ್ಡೆ!](https://mobiletime.in/2026/09/karwar-illegal-sand-barrow-on-the-river-bank/): ಕಾಳಿ ನದಿ ಅಂಚಿನಲ್ಲಿ ಅಪಾರ ಪ್ರಮಾಣದಲ್ಲಿ ಮರಳು ದಾಸ್ತಾನು ನಡೆದಿದ್ದು, ತಹಶಿಲ್ದಾರ್ ನಿಶ್ಚಲ್ ನರೋನಾ ಅವರ ತಂಡ ಅಕ್ರಮ ನಡೆಸುವವರಿಗೆ ಬಿಸಿ ಮುಟ್ಟಿಸಿದೆ. ಗಣಿ ಮತ್ತು ಭೂವಿಜ್ಞಾನ ಇಲಾಖೆಯ ಅಧಿಕಾರಿಗಳ ಜೊತೆ ಕಾರ್ಯಾಚರಣೆ ನಡೆಸಿ ಮರಳು ಮುಟ್ಟುಗೋಲು ಹಾಕಲಾಗಿದೆ. ಕಿನ್ನರದಲ್ಲಿ ನಡೆದ ಪ್ರಜಾಸೇವೆ ಕಾರ್ಯಕ್ರಮದಲ್ಲಿ ಅಕ್ರಮ ಮರಳುಗಾರಿಕೆ ಬಗ್ಗೆ ದೂರು ಸಲ್ಲಿಕೆಯಾಗಿತ್ತು. ಇಲ್ಲಿನ ಮರಳನ್ನು ಗೋವಾಗೆ ಸಾಗಿಸುವ ಬಗ್ಗೆಯೂ ದೂರಲಾಗಿತ್ತು. ಜಿಲ್ಲಾಧಿಕಾರಿ ಕೆ ಲಕ್ಷ್ಮಿಪ್ರಿಯಾ ಅವರು ಈ ಕುರಿತು ಕ್ರಮ ಜರುಗಿಸುವಂತೆ ಸೂಚಿಸಿದ್ದು, ಈ ಹಿನ್ನಲೆ ಅಧಿಕಾರಿಗಳ ತಂಡ ದಾಳಿ ನಡೆಸಿತು. ಚಿತ್ತಾಕುಲ ಪೊಲೀಸ್ ಠಾಣೆ ಸಮೀಪದ ಕಾಳಿ ನದಿ ತೀರದಲ್ಲಿರುವ ತಾರೀವಾಡ, ಸವಾರ ಪೈ, ಹೋಟೆಗಾಳಿ, ಹಳಗೆಜುಗ ಸೇರಿದಂತೆ ವಿವಿಧ ಪ್ರದೇಶಗಳ ಮೇಲೆ ದಾಳಿ ನಡೆಸಿದ ಅಧಿಕಾರಿಗಳು ಅಲ್ಲಿದ್ದ ಮರಳುಗಳನ್ನು ವಶಕ್ಕೆಪಡೆದರು. ಮರಳು ದಾಸ್ತಾನು ಮಾಡಿದ್ದ ಸ್ಥಳದ ಪಕ್ಕದಲ್ಲಿದ್ದ ಮರಳು ಖಾಲಿ ಮಾಡಲು ಬಳಸುತ್ತಿದ್ದ ಕ್ರೇನ್‌ನ್ನು ಕೂಡ ಅಧಿಕಾರಿಗಳು ಗಮನಿಸಿದ್ದು, ಅದರ ಮಾಲಕರ ಶೋಧ ಶುರು ಮಾಡಿದರು.
- [ದುಡ್ಡಿಲ್ಲದೇ ರೋಗ ಓಡಿಸುವ ಡಾಕ್ಟರ್!](https://mobiletime.in/2026/09/the-doctor-who-cures-diseases-without-charging-money/): ಕಾರವಾರ-ಗೋವಾ ಭಾಗದ ಅನೇಕ ರೋಗಿಗಳು ಚಿಕ್ಕಬಳ್ಳಾಪುರ ಸಮೀಪದ ಮುದ್ದೇನಹಳ್ಳಿಯ ಆಸ್ಪತ್ರೆಗೆ ಭೇಟಿ ನೀಡುತ್ತಿದ್ದಾರೆ. ಅಲ್ಲಿನ ಶ್ರೀ ಮಧುಸೂದನ್ ಸಾಯಿ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ & ರಿಸರ್ಚ್ ಸೆಂಟರ್ ಉಚಿತ ವೈದ್ಯಕೀಯ ಸೇವೆ ನೀಡುತ್ತಿದೆ. ಜನಶಕ್ತಿ ವೇದಿಕೆ ಅಧ್ಯಕ್ಷ ಮಾಧವ ನಾಯಕ ಅವರು ಈ ಆಸ್ಪತ್ರೆಗೆ ಭೇಟಿ ನೀಡಿದ್ದು, ಅಲ್ಲಿನ ಸೇವಾ ಮನೋಭಾವನೆಯ ಬಗ್ಗೆ ಮಾಧ್ಯಮಕ್ಕೆ ವಿವರಿಸಿದ್ದಾರೆ. `ವೈದ್ಯಕೀಯ ಚಿಕಿತ್ಸೆ ದುಬಾರಿಯಾಗುತ್ತಿರುವ ಸನ್ನಿವೇಶದಲ್ಲಿ ಇಂಥಹ ಆಸ್ಪತ್ರೆ ಅಪರೂಪವಾಗಿದ್ದು, ತಜ್ಞ ವೈದ್ಯರ ಸೇವೆ ಎಲ್ಲರಿಗೂ ಸಿಗಲಿ’ ಎಂಬ ಉದ್ದೇಶಕ್ಕಾಗಿ ಅವರು ಆಸ್ಪತ್ರೆಯ ಪರಿಚಯ ಮಾಡಿದ್ದಾರೆ. `ವಿಶೇಷವಾಗಿ ಹೃದಯ ಸಂಬAಧಿ ಕಾಯಿಲೆಗಳಿಗೆ ಇಲ್ಲಿ ತಜ್ಞ ವೈದ್ಯರಿಂದ ತಪಾಸಣೆ ಮತ್ತು ಚಿಕಿತ್ಸೆ ನೀಡಲಾಗುತ್ತಿದ್ದು, ಅಗತ್ಯವಿಲ್ಲದ ಶಸ್ತ್ರಚಿಕಿತ್ಸೆ ಮಾಡದೆ ಸೂಕ್ತ ವೈದ್ಯಕೀಯ ಸಲಹೆ ನೀಡಲಾಗುತ್ತಿದೆ. ಈ ಆಸ್ಪತ್ರೆಯಲ್ಲಿ ಯಾವುದೇ ಕ್ಯಾಶ್ ಕೌಂಟರ್ ಇಲ್ಲದೆ ಉಚಿತವಾಗಿ ಚಿಕಿತ್ಸೆ ನೀಡಲಾಗುತ್ತಿದ್ದು, ರೋಗಿಗಳು ಹಾಗೂ ಅವರ ಜೊತೆ ಬರುವವರಿಗೂ ಆಹಾರ, ಪಾನೀಯ ಸೇರಿದಂತೆ ಅಗತ್ಯ ಸೇವೆಗಳನ್ನು ಉಚಿತವಾಗಿ ಒದಗಿಸಲಾಗುತ್ತಿದೆ’ ಎಂದವರು ಮಾಹಿತಿ ನೀಡಿದ್ದಾರೆ. ಕಾರವಾರ ಮತ್ತು ಗೋವಾ ಭಾಗದಿಂದ ಹಲವು ರೋಗಿಗಳು ಅಲ್ಲಿಗೆ ಹೋಗುತ್ತಿದ್ದು,ಈ ಆಸ್ಪತ್ರೆಯಲ್ಲಿ ಮತ್ತೊಮ್ಮೆ ತಪಾಸಣೆ ಮಾಡಿಸಿಕೊಂಡು ಸೆಕೆಂಡ್ ಒಪಿನಿಯನ್ ಪಡೆಯುವಂತೆ ಮಾಧವ ನಾಯಕ ಅವರು ಸಲಹೆ ನೀಡಿದ್ದಾರೆ. `ಈಚೆಗೆ ಗೋವಾದ ದಿಗಂಬರ ಸಾಲಗಾವ್ಕರ್ ಅವರಿಗೆ ಗೋವಾ ಮೆಡಿಕಲ್ ಕಾಲೇಜಿನಲ್ಲಿ ಬೈಪಾಸ್ ಸರ್ಜರಿ ಅಗತ್ಯವಿದೆ ಎಂದು ತಿಳಿಸಲಾಗಿತ್ತು. ಸುಮಾರು 8 ಲಕ್ಷದವರೆಗೆ ವೆಚ್ಚವಾಗುವ ಸಾಧ್ಯತೆಯ ಹಿನ್ನೆಲೆಯಲ್ಲಿ ಆತಂಕಗೊAಡಿದ್ದ ಅವರು ಮಾಧವ ನಾಯಕ ಅವರ ಸಲಹೆಯ ಮೇರೆಗೆ ಮುದ್ದೇನಹಳ್ಳಿಯ ಸಾಯಿ ಆಸ್ಪತ್ರೆಗೆ ಭೇಟಿ ನೀಡಿದ್ದರು. ಮಾಧವ ನಾಯಕ ಅವರೇ ದಿಗಂಬರ ಸಾಲಗಾವ್ಕರ್ ಅವರನ್ನು ಕರೆದೊಯ್ದು, ಎಂಜಿಯೋಗ್ರಾಮ್ ವರದಿಗಳನ್ನು ಒಪ್ಪಿಸಿದ್ದರು. ಮತ್ತೊಮ್ಮೆ ತಪಾಸಣೆ ನಡೆಸಿದ ಕಾರ್ಡಿಯೋಲಜಿಸ್ಟ್ ಡಾ ಆನಂದ್ ಅಗರ್ವಾಲ್ ಅವರು ತಜ್ಞರ ತಂಡದ ಜೊತೆ ಚರ್ಚಿಸಿ `ಪ್ರಸ್ತುತ ಬೈಪಾಸ್ ಸರ್ಜರಿ ಅಗತ್ಯವಿಲ್ಲ’ ಎಂದು ತಿಳಿಸಿದರು. ಸದ್ಯ ರೋಗಿಗೆ ಔಷಧೋಪಚಾರ ಮುಂದುವರಿಸುವುದು, ನಿಯಮಿತ ವ್ಯಾಯಾಮ, ಸಮಯಕ್ಕೆ ಸರಿಯಾಗಿ ಆಹಾರ ಮತ್ತು ನಿದ್ರೆ ಮಾಡುವಂತೆ ವೈದ್ಯರು ಸಲಹೆ ನೀಡಿದ್ದಾರೆ. ಇದೇ ರೀತಿ ಈ ಹಿಂದೆ ಮಾಧವ ನಾಯಕ ಅವರ ಸಂಬoಧಿಯೊಬ್ಬರಿಗೂ ಬೈಪಾಸ್ ಸರ್ಜರಿ ಅಗತ್ಯವೆಂದು ಬೇರೆ ವೈದ್ಯರು ಹೇಳಿದ್ದರು. ಇಲ್ಲಿ ತಪಾಸಣೆಯ ಬಳಿಕ ಔಷಧೋಪಚಾರದಿಂದಲೇ ಆರೋಗ್ಯ ಸುಧಾರಿಸಿಕೊಂಡಿದ್ದಾರೆ ಎಂದು ಅವರು ಮಾಹಿತಿ ನೀಡಿದರು.`ವೈದ್ಯಕೀಯ ಕ್ಷೇತ್ರ ಸೇವೆಯಾಗಿ ಉಳಿಯಬೇಕು. ಅಗತ್ಯವಿಲ್ಲದ ಶಸ್ತ್ರಚಿಕಿತ್ಸೆ ತಪ್ಪಿಸಲು ಸೆಕೆಂಡ್ ಒಪಿನಿಯನ್ ಬಹಳ ಮುಖ್ಯ. ಮುದ್ದೇನಹಳ್ಳಿಯ ಸಾಯಿ ಆಸ್ಪತ್ರೆಯಲ್ಲಿ ಕಂಡುಬರುವ ಉಚಿತ ಮತ್ತು ಮಾನವೀಯ ವೈದ್ಯಕೀಯ ಸೇವೆ ನಿಜಕ್ಕೂ ಶ್ಲಾಘನೀಯ’ ಎಂದು ಮಾಧವ ನಾಯಕ ಅವರು ಹೇಳಿದರು.
- [ಕುಮಟಾ | ಹೆಗಡೆ ರಸ್ತೆ ಅಗಲೀಕರಣಕ್ಕೆ ಆಗ್ರಹ](https://mobiletime.in/2026/09/kumta-demand-for-widening-hegde-road/): `ಕುಮಟಾದಿಂದ ಹೆಗಡೆ ಗ್ರಾಮಕ್ಕೆ ತೆರಳುವ ರಸ್ತೆ ಅಗಲೀಕರಣ ಅನಿವಾರ್ಯವಾಗಿದ್ದು, ರಸ್ತೆ ಅಗಲೀಕರಣದ ಜೊತೆ ಹೊಸ ರಸ್ತೆ ನಿರ್ಮಾಣ ಮಾಡಿಕೊಡಿ’ ಎಂದು ಆ ಭಾಗದ ಜನ ಜಿಲ್ಲಾಡಳಿತದ ಮೊರೆ ಹೋಗಿದ್ದಾರೆ. ಜಿಲ್ಲಾಧಿಕಾರಿ ಕೆ ಲಕ್ಷ್ಮೀಪ್ರಿಯಾ ಅವರನ್ನು ಭೇಟಿ ಮಾಡಿದ ಊರಿನ ಪ್ರಮುಖರು ತಮ್ಮ ಬೇಡಿಕೆಯನ್ನು ಲಿಖಿತವಾಗಿ ಸಲ್ಲಿಸಿದ್ದಾರೆ. `ಹೆಗಡೆಯ ಅಘನಾಶಿನಿ ನದಿಗೆ ಹೊಸದಾಗಿ ಸೇತುವೆ ನಿರ್ಮಾಣವಾಗಿದ್ದು ಮಿರ್ಜಾನ ಹಿರೇಗುತ್ತಿ ಗೋಕರ್ಣ ಅಂಕೋಲಾ ಕಾರವಾರ ಕಡೆ ತೆರಳುವವರಿಗೆ ತುಂಬಾ ಅನುಕೂಲವಾಗಿದೆ. ಮಿರ್ಜಾನ ದಿಂದ ಕುಮಟಾಕ್ಕೆ 14ಕಿಮೀ ಆಗುತ್ತಿದ್ದು ಮಿರ್ಜಾನ ದಿಂದ ಈ ಸೇತುವೆ ಮೂಲಕ ಹೆಗಡೆ ಮಾರ್ಗವಾಗಿ ಪ್ರಯಾಣಿಸಿದರೆ ಕೇವಲ 5ಕಿಮೀ ಕುಮಟಾ ಸಿಗಲಿದೆ. ಇದರಿಂದ 9ಕಿಮೀ ಪ್ರಯಾಣ ಉಳಿತಾಯವಾಗಲಿದೆ. ಸದ್ಯ ಸೇತುವೆ ಕೆಲಸ ಪೂರ್ಣಗೊಂಡಿದ್ದು ಎರಡೂ ಕಡೆಯ ಸಂಪರ್ಕ ರಸ್ತೆ ಪೂರ್ಣಗೊಂಡಿಲ್ಲ. ಅಲ್ಲಿ ಮಣ್ಣು ಹಾಕಿ ಜಲ್ಲಿ ಹಾಗೇ ಬಿಡಲಾಗಿದ್ದು, ರಸ್ತೆ ಪರಿಪೂರ್ಣವಾಗಬೇಕಿದೆ’ ಎಂದವರು ವಿವರಿಸಿದ್ದಾರೆ. `ಮಿರ್ಜಾನ ಮಾದನಗೇರಿ ಗೋಕರ್ಣ ಅಂಕೋಲಾ ಕಡೆ ತೆರಳುವವರು, ಕುಮಟಾ ಕಡೆ ಬರುವವರು ಇದೇ ಮಾರ್ಗವಾಗಿ ಸಂಚರಿಸಲು ಪ್ರಾರಂಭಿಸಿದ್ದರಿoದ ವಾಹನ ದಟ್ಟಣೆ ಹೆಚ್ಚಾಗಿದೆ. ಅದರಿಂದ ಹೆಗಡೆ ಊರಿನ ರಸ್ತೆ ಸಂಪೂರ್ಣ ಹಾಳಾಗಿದೆ. ಎಲ್ಲಡೆ ಹೊಂಡಗಳು ಇದೆ. ರಸ್ತೆಯೂ ಇಕ್ಕಟ್ಟಾಗಿದೆ. ವಾಹನ ದಟ್ಟಣೆಯಿಂದ ಊರಿನ ಗ್ರಾಮಸ್ಥರು ಮಕ್ಕಳು ಪ್ರತಿನಿತ್ಯ ಆ ಇಕ್ಕಟ್ಟಾದ ರಸ್ತೆಯಲ್ಲಿ ಓಡಾಡುವುದೂ ಸಮಸ್ಯೆಯಾಗಿದೆ’ ಎಂದು ಸಮಸ್ಯೆ ವಿವರಿಸಿದ್ದಾರೆ. `ಈ ಎಲ್ಲಾ ಕಾರಣ ಶೀಘ್ರವಾಗಿ ಹೆಗಡೆ ಮಾರ್ಗವಾಗಿ ಇಕ್ಕಟ್ಟಾದ ರಸ್ತೆ ಇರುವ ಕಡೆ ಇಲಾಖೆಯ ನಿಯಮಾನುಸಾರ ಅಗಲಿಕರಣಗೊಳಿಸಬೇಕು. ನಂತರ ಹೊಸ ರಸ್ತೆ ನಿರ್ಮಾಣ ಮಾಡಿಕೊಡಬೇಕು’ ಎಂದು ಮನವಿ ಸಲ್ಲಿಸಿದ್ದಾರೆ. ಊರಿನವರ ಮನವಿ ಸ್ವೀಕರಿಸಿದ ಜಿಲ್ಲಾಧಿಕಾರಿಗಳು ಸ್ಥಳ ಪರಿಶೀಲನೆ ಮಾಡುವ ಭರವಸೆ ನೀಡಿದ್ದಾರೆ. ಅಧಿಕಾರಿಗಳಿಂದ ವರದಿ ತರಿಸಿಕೊಂಡು ಕ್ರಮ ಜರುಗಿಸುವ ಭರವಸೆ ನೀಡಿದ್ದಾರೆ.
- [ಸುಳ್ಳು ಹೇಳಿದ ಸಹಕಾರಿ ಸಂಘ: ಹೆಸರು ಗೊತ್ತಿಲ್ಲ.. ವಿಳಾಸವೂ ಇಲ್ಲ!](https://mobiletime.in/2026/09/cooperative-society-lied-name-unknown-address-missing-too/): ಉತ್ತರ ಕನ್ನಡ ಜಿಲ್ಲೆಯ 14 ಸಹಕಾರಿ ಸಂಘಗಳು ಸರ್ಕಾರದ ದಾರಿ ತಪ್ಪಿಸಿವೆ. ಆ ಸಂಘಗಳ ಕಚೇರಿಯೇ ಇಲ್ಲದಿರುವುದು ಹಾಗೂ ಲೆಕ್ಕ ಪರಿಶೋಧನೆ ಸಹ ನಡೆದಿರುವುದು ಸಹಕಾರಿ ಇಲಾಖೆ ಗಮನಕ್ಕೆ ಬಂದಿದೆ. ಈ ಹಿನ್ನಲೆ ಆ ಎಲ್ಲಾ ಸಹಕಾರಿ ಸಂಘಗಳ ನೋಂದಣಿ ರದ್ಧತಿಗೆ ಸಹಕಾರಿ ಇಲಾಖೆ ಆಸಕ್ತಿವಹಿಸಿದೆ. ಕಾರವಾರ, ಜೊಯಿಡಾ, ಹಳಿಯಾಳ, ದಾಂಡೇಲಿಯಲ್ಲಿ ಇಂಥ ಸಹಕಾರಿ ಸಂಘಗಳು ಪತ್ತೆಯಾಗಿವೆ. ಕೆನರಾ ವಿವಿದೋದ್ದೇಶ ಸಹಕಾರಿ ಸಂಘ ನಿಯಮಿತ, ಶ್ರೀ ವಿಜಯಲಕ್ಷ್ಮೀ ಮಹಿಳಾ ವಿವಿದ್ದೋದ್ದೇಶ ಸಹಕಾರಿ ಸಂಘ ನಿಯಮಿತ, ಸುವರ್ಣಕಾರರ ಕೈಗಾರಿಕಾ ಸಹಕಾರ ಸಂಘ ನಿಯಮಿತ ಹಾಗೂ ಕಾರವಾರ ಮಹಿಳಾ ಔದ್ಯೋಗಿಕ ಸಹಕಾರಿ ಸಂಘ ನಿಯಮಿತದ ಕಚೇರಿ ಎಲ್ಲಿದೆ? ಎಂದು ಅಧಿಕಾರಿಗಳಿಗೆ ಗೊತ್ತಾಗುತ್ತಿಲ್ಲ. ದೇವಭಾಗ-ಕಣಸಗಿರಿ ಮೀನುಗಾರರ ಮಹಿಳಾ ಸಹಕಾರ ಸಂಘ ನಿಯಮಿತ, ನವಸಾಕ್ಷರ ಮಹಿಳಾ ವಿವಿದೋದ್ದೇಶ ಸಹಕಾರ ಸಂಘ ನಿಯಮಿತ ದೇವಭಾಗ, ಕೆರವಡಿಯ ಶ್ರೀ ಸಾತೇರಿ ಮಲ್ಟಿರ‍್ಪಸ್ ಕೋ ಆಪ್ರೇಟಿವ್ ಸೊಸೈಟಿ ನಿಯಮಿತ, ಚಿತ್ತಾಕುಲಾದ ಬಿಣಗಾ ಮೀನುಗಾರರ ಸಹಕಾರ ಸಂಘ ನಿಯಮಿತ, ಕಾರವಾರದ ಗೌರ್ನಮೆಂಟ್ ನೌಕರರ ಶ್ರೀ ಸಜ್ಜೆಶ್ವÀರ ಹೌಸಿಂಗ್ ಕೋ ಆಪ್ ಸೊಸೈಟಿ ನಿಯಮಿತ, ಜೋಯಿಡಾದ ಮಾವಳಿಂಗ ಗಂಗಾ ಕಲ್ಯಾಣ ಯೋಜನಾ ಫಲಾನುಭವಿಗಳ ಸಹಕಾರ ಸಂಘ ನಿಯಮಿತ, ಆನ್ಮಿ ಕುಣಬಿ ವಿವಿದೋದ್ದೇಶಗಳ ಸಹಕಾರ ಸಂಘ ನಿಯಮಿತ, ಹಳಿಯಾಳ ತಾಲೂಕಿನ ಸಾಂಬ್ರಾಣಿ ಅರಣ್ಯ ನಿವಾಸಿಗಳ ಅರಣ್ಯ ಉತ್ಪತ್ತಿ ಶೇಖರಣೆ ಗುತ್ತಿಗೆ ಮಾರಾಟ ಸಹಕಾರ ಸಂಘ ನಿಯಮಿತದ ಪದಾಧಿಕಾರಿಗಳು ಯಾರು? ಎಂದು ಅರಿವಾಗಿಲ್ಲ. ದಾಂಡೇಲಿಯ ಗೋಪಾಲ ಡೇರಿ ಆಂಡ್ ಮಲ್ಪಿಪರ್ಪಸ್ ಕೋ ಆಪ್ ಸೊಸೈಟಿ ನಿಯಮಿತ, ಬಂಗೂರನಗರ ಸಹಕಾರ ಸಂಘಗಳು ತಮ್ಮ ನೋಂದಾಯಿತ ಸ್ಥಳಗಳಲ್ಲಿ ಕಾರ್ಯನಿರ್ವಹಿಸುತ್ತಿಲ್ಲ. ಜೊತೆಗೆ ಈ ಎಲ್ಲಾ ಸಂಘಗಳ ಆಡಳಿತ ಮಂಡಳಿ ಸದಸ್ಯರು ಹಾಗೂ ಕಾರ್ಯದರ್ಶಿ ಯಾರು? ಎನ್ನುವ ಬಗ್ಗೆ ಮಾಹಿತಿ ಸಿಕ್ಕಿಲ್ಲ. ಹಲವು ವರ್ಷಗಳಿಂದ ಸದರಿ ಸಂಘಗಳ ವ್ಯವಹಾರಗಳ ಲೆಕ್ಕ ಪರಿಶೋಧನೆಯೂ ಆಗಿಲ್ಲ. ಹೀಗಾಗಿ ಸಂಘಗಳ ಕೊಡತಕ್ಕ ಹಾಗೂ ಬರತಕ್ಕೆ ಬಾಬ್ತುಗಳ ಮಾಹಿತಿಯೂ ಯಾರಿಗೂ ಗೊತ್ತಿಲ್ಲ. ಈ ಎಲ್ಲಾ ಹಿನ್ನಲೆ ಈ ಸಹಕಾರ ಸಂಘಗಳಲ್ಲಿ ಯಾವುದೇ ವ್ಯಕ್ತಿಗಳಿಗೆ ಅಥವಾ ವ್ಯಕ್ತಿಗಳಿಂದ ಕೊಡತಕ್ಕ ಅಥವಾ ಬರತಕ್ಕ ಬಾಬ್ತುಗಳೆನಾದರೂ ಇದ್ದಲ್ಲಿ ಸೂಕ್ತ ದಾಖಲೆಗಳೊಂದಿಗೆ ಮಾಹಿತಿ ಕೊಡುವಂತೆ ಸಹಕಾರ ಸಂಘಗಳ ಸಹಾಯಕ ನಿಬಂಧಕರ ಕಚೇರಿ ಪ್ರಕಟಣೆ ಹೊರಡಿಸಿದೆ. 7 ದಿನದ ಒಳಗೆ ಮಾಹಿತಿ ನೀಡದೇ ಇದ್ದರೆ ಯಾವುದೇ ಆಕ್ಷೇಪಣೆ ಇಲ್ಲ ಎಂದು ಭಾವಿಸಿ ಸಂಘದ ನೋಂದಣಿ ರದ್ಧು ಮಾಡುವುದಾಗಿ ತಿಳಿಸಿದೆ.
- [ಶಿರಸಿ | ಬಿಪಿ-ಶುಗರ್‌ಗೆ ಬಲಿಯಾದ ಬ್ಯಾಂಕ್ ಮ್ಯಾನೇಜರ್!](https://mobiletime.in/2026/09/sirsi-bank-manager-succumbs-to-high-blood-pressure-and-diabetes/): ಶಿರಸಿಯ IDBI ಬ್ಯಾಂಕ್ ಮ್ಯಾನೇಜರ್ ಬಿಜುದೇವ್ ವಾಸುದೇವನ್ ಅವರು ಬಿಪಿ-ಶುಗರ್ ಏರಿಳಿತದ ಕಾರಣ ಸಾವನಪ್ಪಿದ್ದಾರೆ. ಇನ್ನೂ 36 ವರ್ಷದ ಅವರು ರಾತ್ರಿ ಕಳೆದು ಬೆಳಗಾಗುವುದರೊಳಗೆ ಶವವಾಗಿದ್ದಾರೆ. ಕೇರಳದ ತಿರುವನಂತಪುರ0 ಮೂಲದ ಬಿಜುದೇವ್ ವಾಸುದೇವನ್ ಅವರು ಐಡಿಐಬಿಐ ಬ್ಯಾಂಕ್ ಉದ್ಯೋಗಿಯಾಗಿದ್ದರು. 2026ರ ಮೇ ಮಾಸದಲ್ಲಿ ಅವರನ್ನು ಶಿರಸಿಗೆ ವರ್ಗಾವಣೆ ಮಾಡಲಾಗಿತ್ತು. ಶಿರಸಿಯ ಐಡಿಐಬಿಐ ಬ್ಯಾಂಕಿನಲ್ಲಿ ಅವರು ಬ್ರಾಂಚ್ ಹೆಡ್ ಮ್ಯಾನೇಜರ್ ಆಗಿ ಕೆಲಸ ಶುರು ಮಾಡಿದ್ದರು. ಬಿಜುದೇವ್ ವಾಸುದೇವನ್ ಅವರು ಬಿಪಿ-ಶುಗರ್ ಜೊತೆ ಥೈರಾಯ್ಡ್ ಸಮಸ್ಯೆಯಿಂದ ಬಳಲುತ್ತಿದ್ದರು. ಅದಕ್ಕೆ ಚಿಕಿತ್ಸೆಯನ್ನುಪಡೆಯುತ್ತಿದ್ದರು. ಅದಾಗಿಯೂ, ಅವರು ಸಣ್ಣ ವಯಸ್ಸಿನಲ್ಲಿಯೇ ಸಾವನಪ್ಪಿದರು. ಸೆಪ್ಟೆಂಬರ್ 25ರಂದು ಬಿಜುದೇವ್ ವಾಸುದೇವನ್ ಅವರು ಕೊನೆಯದಾಗಿ ಬ್ಯಾಂಕಿಗೆ ಹೋಗಿದ್ದರು. ಆ ದಿನ ಸಂಜೆ ಕೆಲಸ ಮುಗಿಸಿ ಬಂದವರು ರಾತ್ರಿ 9.30ಕ್ಕೆ ತಮ್ಮ ಪತ್ನಿ ಅರ್ಚನಾ ಅವರಿಗೆ ಫೋನ್ ಮಾಡಿ ಮಾತನಾಡಿದ್ದರು. ಸೆಪ್ಟೆಂಬರ್ 26ರ ಬೆಳಕು ಹರಿಯುವುದರೊಳಗೆ ಅವರು ಶವವಾಗಿದ್ದರು. 11.15 ಆದರೂ ಬಿಜುದೇವ್ ವಾಸುದೇವನ್ ಅವರ ಸುಳಿವಿಲ್ಲದ ಕಾರಣ ಬ್ಯಾಂಕ್ ಸಿಬ್ಬಂದಿ ಜಯೇಶ ಜೆ ಪಾನಿಕರ್ ವಿಚಾರಿಸಿದ್ದರು. ಆ ವೇಳೆ ಬಿಜುದೇವ್ ವಾಸುದೇವನ್ ಅವರು ಮಲಗಿದಲ್ಲಿಯೇ ಸಾವನಪ್ಪಿರುವುದು ಗಮನಕ್ಕೆ ಬಂದಿತು. ಐಟಿ ಕಂಪನಿಯಲ್ಲಿ ಕೆಲಸ ಮಾಡುವ ಅಜಯದೇವ್ ವಾಸುದೇವನ್ ಅವರಿಗೆ ಸಹೋದರನ ಸಾವಿನ ಬಗ್ಗೆ ಗೊತ್ತಾಯಿತು. ಕೂಡಲೇ ಅವರು ಶಿರಸಿಗೆ ಧಾವಿಸಿದ್ದು, ಸಹೋದರನ ಮರಣೋತ್ತರ ಪರೀಕ್ಷೆಗೆ ಮನವಿ ಮಾಡಿದರು. ಪ್ರಕರಣ ದಾಖಲಿಸಿದ ಪೊಲೀಸರು ಶವ ಪರೀಕ್ಷೆಗೆ ಕಳುಹಿಸಿದ್ದಾರೆ.
- [ಕಾಗೇರಿ ಜೊತೆ ರವೀಂದ್ರ ನಾಯ್ಕ ಗುಸು ಗುಸು!](https://mobiletime.in/2026/09/ravindra-naik-in-a-hushed-conversation-with-kageri/): ಉತ್ತರ ಕನ್ನಡ ಸಂಸದ ವಿಶ್ವೇಶ್ವರ ಹೆಗಡೆ ಹಾಗೂ ಅರಣ್ಯ ಅತಿಕ್ರಮಣ ಹೋರಾಟಗಾರ ರವೀಂದ್ರ ನಾಯ್ಕ ಅವರು ಬಹಿರಂಗ ಸಭೆಯೊಂದರಲ್ಲಿ ಗುಸು ಗುಸು ಮಾತನಾಡಿದ್ದಾರೆ. ತಮ್ಮ ಮುಂದಿದ್ದ ಮೈಕನ್ನು ಬದಿಗೆ ಸರಿಸಿ ಅವರಿಬ್ಬರು ಮೂರು ನಿಮಿಷಗಳ ಕಾಲ ಪರಸ್ಪರ ಚರ್ಚೆ ನಡೆಸಿದ್ದಾರೆ. ಅವರಿಬ್ಬರು ಆಡಿದ ಗುಟ್ಟಿನ ಮಾತೇನು? ಎಂಬುದು ಕುತೂಹಲ ಮೂಡಿಸಿದೆ. ರಾಜ್ಯ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ಅವರು ಕಾಂಗ್ರೆಸ್ ಪ್ರಚಾರ ಸಮಿತಿಗೂ ಅಧ್ಯಕ್ಷರಾಗಿದ್ದಾರೆ. ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ಅವರು ಪೈಪೋಟಿ ನೀಡಿದ್ದು, ಪಕ್ಷದಲ್ಲಿ ಸರಿಯಾದ ಹುದ್ದೆ ಸಿಗದ ಕಾರಣ ಅಸಮಧಾನಿತರಾಗಿದ್ದಾರೆ. ಈ ಹಿಂದೆ ಸಾಕಷ್ಟು ಬಾರಿ ರವೀಂದ್ರ ನಾಯ್ಕ ಅವರು ಸ್ವಪಕ್ಷದವರ ವಿರುದ್ಧವೇ ಕಿಡಿಕಾರಿದ ನಿದರ್ಶನಗಳಿವೆ. ಹೀಗಿರುವಾಗ ಎದುರಾಳಿ ಬಿಜೆಪಿಯಿಂದ ಆಯ್ಕೆಯಾದ ಸಂಸದ ವಿಶ್ವೇಶ್ವರ ಹೆಗಡೆ ಅವರ ಕಚೇರಿಗೆ ರವೀಂದ್ರ ನಾಯ್ಕ ಅವರು ತಮ್ಮ ಬೆಂಬಲಿಗರೊAದಿಗೆ ಸೋಮವಾರ ಭೇಟಿ ನೀಡಿ, ಶಕ್ತಿ ಪ್ರದರ್ಶನ ಮಾಡಿದ್ದಾರೆ. ಈ ವೇಳೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು `ಅರಣ್ಯ ಅತಿಕ್ರಮಣದಾರರ ಹಿತರಕ್ಷಣೆಯಲ್ಲಿ ಜವಬ್ದಾರಿಯಿಂದ ಹಿಂದೆ ಸರಿಯಲ್ಲ’ ಎಂದು ಹೇಳಿಕೆ ನೀಡುವ ಮೂಲಕ ರವೀಂದ್ರ ನಾಯ್ಕ ಅವರ ಪರವಾಗಿ ಮಾತನಾಡಿದ್ದಾರೆ. `ಅರಣ್ಯವಾಸಿಗೆ ಸಂಬoಧಿಸಿ ಈ ಹಿಂದೆ ಜರುಗಿದ ಹೋರಾಟ ಹಾಗೂ ಕಸ್ತೂರಿ ರಂಗನ್ ವರದಿಗೆ ಸಂಬAದಪಟ್ಟoತೆ ಅವರು ತಯಾರಿಸಿದ ಅಧ್ಯಯನ ವರದಿ ಶಿಪಾರಸ್ಸುಗಳು, ವೈಜ್ಞಾನಿಕವಾಗಿ ತಯಾರಿಸದ ಕಾರ್ಯ ಮೆಚ್ಚುವಂಥಹುದು. ಅವರು ತಯಾರಿಸಿದ ವರದಿ ಸರ್ಕಾರಕ್ಕೆ ಮಾರ್ಗದರ್ಶಕವಾಗಿರುವುದು ವಿಶೇಷ. ಈ ಹಿನ್ನಲೆಯಲ್ಲಿ ಅವರ ತಂಡಕ್ಕೆ ಅಭಿನಂದನೆ ಸಲ್ಲಿಸುವೆ. ಅಗತ್ಯ ಬಿದ್ದಲ್ಲಿ ಅವರ ನೇತೃತ್ವದಲ್ಲಿ ದೆಹಲಿಗೆ ನಿಯೋಗ ಒಯ್ಯುವೆ’ ಎಂದು ಸಹ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಹೇಳಿದ್ದಾರೆ. ಕಾಂಗ್ರೆಸ್ ಮುಖಂಡನ ಕುರಿತು ಬಿಜೆಪಿ ಸಂಸದ ಒಳ್ಳೆಯ ಮಾತನಾಡಿದ್ದು ಹಾಗೂ ಬಹಿರಂಗ ಸಭೆಯಲ್ಲಿ ಅವರಿಬ್ಬರು ಗುಸು ಗುಸು ಚರ್ಚೆ ನಡೆಸಿದ್ದು ರಾಜಕೀಯ ವಿಚಾರಗಳಿಗೂ ಕಾರಣವಾಗಿದೆ. ಈ ಬಹಿರಂಗ ಸಭೆಯಲ್ಲಿ `ಹಸಿರು ಎಂದು ಕಾಣುವ ಪ್ರತಿಯೊಂದು ಪ್ರದೇಶವನ್ನು ಅರಣ್ಯ ಎಂದು ಪರಿಗಣಿಸುವುದು ಸರಿಯಲ್ಲ. ಅರಣ್ಯ ಸಂರಕ್ಷಣೆಯ ಜೊತೆಗೆ ಜನರ ಬದುಕಿಗೆ ಸಮಾನ ಮಹತ್ವ ನೀಡಬೇಕು. ಕಂದಾಯ ಭೂಮಿ , ಅರಣ್ಯ ಭೂಮಿ ಹಾಗೂ ಅತಿಕ್ರಮಣದ ವಾಸ್ತವ ಸ್ಥಿತಿಯನ್ನು ಸಮಗ್ರವಾಗಿ ಪರಿಶೀಲಿಸಬೇಕು’ ಎಂದು ಸಂಸದರು ಹೇಳಿದ್ದಾರೆ. `ಕಸ್ತೂರಿ ರಂಗನ್ ವರದಿಗೆ ಸಂಬoಧಿಸಿ ಇಲ್ಲಿಯ ವರೆಗೆ ಪ್ರಕಟಗೊಂಡ 7ನೇ ಅಧಿಸೂಚನೆವರೆಗೂ ವಿಸ್ತೃತ ವರದಿ ಮಂಡನೆ ಆಗಿಲ್ಲ. ಕಸ್ತೂರಿ ರಂಗನ್ ವರದಿಗೆ ಬೌತಿಕ ಪರಿಶೀಲನೆ ಮಾತ್ರ ಮಾನದಂಡ’ ಎಂದು ರವೀಂದ್ರ ನಾಯ್ಕ ಅವರು ಪ್ರತಿಪಾದಿಸಿದ್ದಾರೆ.
- [ಆರ್ಥಿಕ ವಿಷಯದಲ್ಲಿ ಅಪರಾತಪರ: ಕಳಚೆ ಸೊಸೈಟಿಯಲ್ಲಿ ಕೊಳಕು ಮಂಡಲ!](https://mobiletime.in/2026/09/financial-irregularities-a-web-of-corruption-at-kalache-society/): 60ಲಕ್ಷಕ್ಕೂ ಅಧಿಕ ಲಾಭಗಳಿಸಿರುವುದಾಗಿ ಘೋಷಿಸಿದ ಕಳಚೆ ಸಹ್ಯಾದ್ರಿ ವಿವಿಧೋದ್ದೇಶ ಸಹಕಾರಿ ಸಂಘದಲ್ಲಿ ಆರ್ಥಿಕ ಶಿಸ್ತು ಅಸ್ತವ್ಯಸ್ಥವಾಗಿರುವ ವಿಷಯವೊಂದು ಮುನ್ನಲೆಗೆ ಬಂದಿದೆ. ಲೆಕ್ಕಪತ್ರಗಳ ದೃಢೀಕರಣ ಸರಿಯಿಲ್ಲದಿದ್ದರೂ ಲಾಭ ಘೋಷಿಸಿದ ಬಗ್ಗೆ ಆಕ್ಷೇಪ ಸಲ್ಲಿಕೆಯಾಗಿದೆ. ಈ ಸೊಸೈಟಿಯ ನಿರ್ದೇಶಕರೇ ಇಲ್ಲಿನ ಅಪರಾತಪರದ ಬಗ್ಗೆ ಸರ್ಕಾರಕ್ಕೆ ದೂರಿದ್ದು, ತನಿಖೆ ಶುರುವಾಗಿದೆ. ಯಲ್ಲಾಪುರದಲ್ಲಿ ಕಳಚೆಯಲ್ಲಿ ಪ್ರಧಾನ ಶಾಖೆಹೊಂದಿದ ಕಳಚೆ ಸಹ್ಯಾದ್ರಿ ವಿವಿಧೋದ್ದೇಶ ಸಹಕಾರಿ ಸಂಘ ಯಲ್ಲಾಪುರದಲ್ಲಿಯೂ ಶಾಖೆಹೊಂದಿದೆ. ಜೊತೆಗೆ ಜೊಯಿಡಾ ಸೇರಿ ಇನ್ನಿತರ ಕಡೆಗಳಲ್ಲಿಯೂ ವ್ಯವಹಾರ ನಡೆಸುತ್ತಿದೆ. ದಶಕಗಳ ಹಿಂದೆಯೂ ಕಳಚೆ ಸೊಸೈಟಿ ವಿರುದ್ಧ ವಿವಿಧ ಆಕ್ಷೇಪಗಳು ಕೇಳಿ ಬಂದಿದ್ದು, ಮುಖ್ಯವಾಗಿ ಸರ್ಕಾರದಿಂದ ಬಂದ ಸಬ್ಸಿಡಿ ವಿಷಯದಲ್ಲಿ ಸಮಸ್ಯೆಯಾದ ಬಗ್ಗೆ ದೂರುಗಳಿದ್ದವು. ಸದ್ಯ ಸೊಸೈಟಿಯ ನಿರ್ದೇಶಕರೇ ಇಂಥಹ ಮತ್ತೊಂದು ವಿಚಾರವನ್ನು ಬಯಲಿಗೆಳೆದಿದ್ದಾರೆ. ಅದರಲ್ಲಿ 2025-26ನೇ ಸಾಲಿನ ಲೆಕ್ಕಪತ್ರಗಳಲ್ಲಿ ದೃಢೀಕರಣವಿಲ್ಲದ ದಾಖಲೆಗಳ ಬಗ್ಗೆ ಗಮನಸೆಳೆದಿದ್ದು, ಸಮಗ್ರ ತನಿಖೆಗೆ ಒತ್ತಾಯಿಸಿದ್ದಾರೆ. ಕಳಚೆ ಸಹ್ಯಾದ್ರಿ ವಿವಿಧೋದ್ದೇಶ ಸಹಕಾರಿ ಸಂಘದ ನಿರ್ದೇಶಕರಾದ ಸೂರ್ಯನಾರಾಯಣ ಭಟ್ಟ, ಗಜಾನನ ಭಟ್ಟ, ಶ್ರೀಪಾದ ಶಿವರಾಮ ಗಾಂವ್ಕರ್, ಶ್ರೀನಾಥ ತಿಮ್ಮಯ್ಯ ಹೆಗಡೆ, ಅರುಣ ಗುರುನಾಥ ನಾಯಕ ಅವರ ಹೆಸರಿನಲ್ಲಿ ಸಹಕಾರಿ ಸಂಘಗಳ ಲೆಕ್ಕಪರಿಶೋಧನಾ ಇಲಾಖೆಗೆ ದೂರು ಸಲ್ಲಿಕೆಯಾಗಿದೆ. ಸೆಪ್ಟೆಂಬರ್ 24ರಂದು ಸಲ್ಲಿಕೆಯಾದ ಈ ದೂರಿನಲ್ಲಿ ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ಜೊತೆ ಕೆಡಿಸಿಸಿ ಬ್ಯಾಂಕಿನಿAದ ಬರಬೇಕಾದ ಪ್ರೋತ್ಸಾಹಧನದ ವಿಷಯದ ಬಗ್ಗೆ ಪ್ರಸ್ತಾಪಿಸಿದ್ದು, ಅಲ್ಲಿನ ಮೊತ್ತಗಳಿಗೆ ದೃಢೀಕರಣ ದಾಖಲೆಗಳಿಲ್ಲದ ಬಗ್ಗೆ ದೂರಲಾಗಿದೆ. ಕೇಂದ್ರ ಸರ್ಕಾರದ ಶೇ 3ರಷ್ಟು ಪ್ರೋತ್ಸಾಹಧನ 513227, ಶೇ 2ರ ಬಡ್ಡಿ ಸಹಾಯಧನ 202817ರೂ ಹಾಗೂ ರಾಜ್ಯ ಸರ್ಕಾರದಿಂದ ಬರಬೇಕಿದ್ದ ಬಡ್ಡಿ 2310285ರ ಜೊತೆ ಕೆಡಿಸಿಸಿ ಬ್ಯಾಂಕಿನಿoದ ಬರಬೇಕಿದ್ದ ಬಡ್ಡಿ 1854674ರೂಪಾಯಿ ಎಂದು ಅಡಾವೆ ಪತ್ರಿಕೆಯಲ್ಲಿ ನಮೂದಿಸಲಾಗಿದೆ. ಆದರೆ, ಅದಕ್ಕೆ ದೃಢೀಕರಣ ಪತ್ರವಿರದ ಬಗ್ಗೆ ಸದಸ್ಯರು ಪ್ರಶ್ನಿಸಿದರೂ ಉತ್ತರ ಸಿಕ್ಕಿಲ್ಲ ಎಂದು ಆಕ್ಷೇಪಿಸಲಾಗಿದೆ. 2003ರಿಂದಲೂ ಈ ಸೊಸೈಟಿ ಕೇಂದ್ರ ಮತ್ತು ರಾಜ್ಯ ಸರಕಾರ ನೀಡುತ್ತಿರುವ ಬಡ್ಡಿ ಸಹಾಯಧನ ಸದಸ್ಯರಿಗೆ ನೀಡುತ್ತಿಲ್ಲ ಎಂಬ ಆರೋಪವಿದೆ. 2014ರ ನಂತರ ಕೆ ಡಿ ಸಿ ಸಿ ಬ್ಯಾಂಕ್ ನಿರ್ದೇಶನ ಮೇರೆಗೆ 64 ವಿಚಾರಣೆ ಕೂಡ ನಡೆಸಿದ್ದು, ಸಂಘದಲ್ಲಿ ನಡೆದ ಹಲವಾರು ಹಣಕಾಸಿನ ನ್ಯೂನತೆ ಬಗ್ಗೆ ಗಂಭೀರ ವಿಷಯಗಳನ್ನು ಪಟ್ಟಿ ವರದಿ ಸಲ್ಲಿಸಿದೆ. ಯಲ್ಲಾಪುರ ಪಟ್ಟಣದಲ್ಲಿ ಅಕ್ರಮ ಆಸ್ತಿ ಖರೀದಿ ಸದಸ್ಯರಿಗೆ ಸೇರಬೇಕಾದ ಮೊತ್ತ ವಂಚನೆ ಸೇರಿದಂತೆ ಉಚ್ಚ ನ್ಯಾಯಾಲಯ ಧಾರವಾಡ ಮತ್ತು ಇಲಾಖಾ ನ್ಯಾಯಾಲಯಗಳಲ್ಲಿಯೂ ಪ್ರಕರಣ ದಾಖಲಾದ ಬಗ್ಗೆ ಷೇರುದಾರ ಸದಸ್ಯರೊಬ್ಬರು ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ. ಇದಲ್ಲದೇ 7 ಲಕ್ಷ ರೂ ಖರ್ಚು ಹಾಕಿ ಮಂಜೂರಿ ಪಡೆಯುವ ಪ್ರಯತ್ನ ನಡೆದ ಬಗ್ಗೆಯೂ ದೂರು ಪತ್ರದಲ್ಲಿ ವಿವರಿಸಲಾಗಿದೆ. ಜೊತೆಗೆ 2003ರಿಂದಲೂ ಈ ನ್ಯೂನ್ಯತೆ ಮುಂದುವರೆಸಿಕೊoಡು ಬಂದ ಬಗ್ಗೆ ವಿವರಿಸಲಾಗಿದೆ. ಲೆಕ್ಕಪರಿಶೋಧನೆ ಸಮಯದಲ್ಲಿ ದೃಢೀಕರಣ ದಾಖಲೆಗಳಿಲ್ಲದೇ ಮೊತ್ತವನ್ನು ಲಾಭದಲ್ಲಿ ಸೇರಿಸುವುದು ಸರಿಯಲ್ಲ ಎಂದು ದೂರುದಾರ ನಿರ್ದೇಶಕರು ಅಭಿಪ್ರಾಯಪಟ್ಟಿದ್ದಾರೆ. ಆ 26ರಂದು ಸೊಸೈಟಿಯ ಸಭೆ ನಡೆದಿದ್ದು, ಅಲ್ಲಿ ಈ ವಿಷಯ ಗಮನಕ್ಕೆ ಬಂದಿರುವುದಾಗಿ ದೂರುದಾರರು ಹೇಳಿದ್ದಾರೆ. ಈ ಕುರಿತು ದೂರು ಸ್ವೀಕರಿಸಿದ ಅಧಿಕಾರಿಗಳು ತನಿಖೆ ಶುರು ಮಾಡಿದ್ದಾರೆ. ಸೊಸೈಟಿ ಸ್ಪಷ್ಠನೆ: ಕಳಚೆ ಸಹ್ಯಾದ್ರಿ ವಿವಿಧೋದ್ದೇಶ ಸಹಕಾರಿ ಸಂಘದಲ್ಲಿ ನಡೆದ ಅಪರಾತಪರ ಪ್ರಕರಣಕ್ಕೆ ಸಂಬAಧಿಸಿ ಮೊಬೈಲ್ ಮಿಡಿಯಾ ನೆಟ್ ವರ್ಕ ಪ್ರಕಟಿಸಿದ ವರದಿಗೆ ಸೊಸೈಟಿ ಸ್ಪಷ್ಠನೆ ನೀಡಿದೆ. ಅದರಲ್ಲಿ `ನಮ್ಮ ಸಂಘದ ಐದು ಜನ ಆಡಳಿತ ಮಂಡಳಿಯ ಸದಸ್ಯರು ಸನ್ 2025-26 ನೇ ಸಾಲಿನ ಲೆಕ್ಕಪತ್ರದಲ್ಲಿ ದೃಢೀಕರಣ ಪತ್ರವಿಲ್ಲದೇ ಮೋತ್ತವನ್ನು ನಮೂದಿಸಿರುವ ಕುರಿತು ತನಿಖೆ ನಡೆಸುವಂತೆ ಕೋರಿ ಸಹಕಾರ ಸಂಘಗಳ ಲೆಕ್ಕ ಪರಿಶೋಧನಾ ಇಲಾಖೆ ಬೆಂಗಳೂರು ರವರಿಗೆ ಮನವಿ ಸಲ್ಲಿಸಿದ್ದಾಗಿ ದಿನಾಂಕ 25-09-2026 ರ ಶುಕ್ರವಾರ ಸೋಶಿಯಲ್ ಮಾಧ್ಯಮಗಳಲ್ಲಿ ಪ್ರಕಟವಾಗಿರುತ್ತದೆ. ಈ ಕುರಿತು ಸರಿಯಾದ ಮಾಹಿತಿಯನ್ನು ಶೇರುದಾರ ಸದಸ್ಯರುಗಳಿಗೆ ಹಾಗೂ ಸಾರ್ವಜನಿಕರಿಗೆ ತಿಳಿಸುವ ಉದ್ದೇಶದಿಂದ ಈ ಪತ್ರಿಕಾ ಪ್ರಕಟಣೆಯನ್ನು ತಮಗೆ ನೀಡುತ್ತಿದ್ದೇವೆ. ನಮ್ಮ ಸಹಕಾರ ಸಂಘದ ಬೆಳವಣಿಗೆಯಲ್ಲಿ ಅನೇಕ ಹಿರಿಯ ಸಹಕಾರಿಗಳ ಪರಿಶ್ರಮವಿದೆ. ಸಾರ್ವಜನಿಕರು ನಮ್ಮ ಬಗ್ಗೆ ವಿಶ್ವಾಸ ಹೊಂದಿರುವದರಿAದ ನಾವು ಯಲ್ಲಾಪುರ ಪಟ್ಟಣದಲ್ಲಿ ಶಾಖೆಯನ್ನು ಹಾಗೂ ಎ.ಪಿ.ಎಂ.ಸಿ ಯಲ್ಲಿ ಅಡಿಕೆ ದಲಾಲಿ ಸಹಿತ ಶಾಖೆಯನ್ನು ಮತ್ತು ಜೋಯಿಡಾದಲ್ಲಿ ವ್ಯಾಪಾರ ಕೇಂದ್ರವನ್ನು ನಡೆಸಲು ಸಾಧ್ಯವಾಗಿದೆ. ಯಾವುದೇ ಸಂಘ ಅಥವಾ ಬ್ಯಾಂಕುಗಳು ಸಾರ್ವಜನಿಕರ ಠೇವಣಾತಿಯಲ್ಲಿ ತನ್ನ ವ್ಯವಹಾರವನ್ನು ನಡೆಸುತ್ತವೆ. ಆದರೆ ಈ ರೀತಿಯ ತಪುö್ಪ ಅಭಿಪ್ರಾಯ ಮಾಧ್ಯಮಗಳಲ್ಲಿ ಪ್ರಕಟವಾಗುವದರಿಂದ ಸಂಘದ ಹಿತಕ್ಕೆ ದಕ್ಕೆಯಾಗುತ್ತದೆ. ಸದರಿಯವರು ಪ್ರಸ್ತಾಪಿಸಿರುವ ವಿಷಂiÀi ಈ ವರ್ಷ ಹೊಸದಾಗಿ ಬಂದಿರುವುದಲ್ಲಾ. ಈ ಹಿಂದಿನಿAದಲೂ ಮುಂದುವರಿದುಕೊAಡು ಬಂದಿದ್ದು ಆ ಸಮಯದಲ್ಲಿ ಈ ನಿರ್ದೇಶಕರುಗಳು ವಿರೋಧವನ್ನು ವ್ಯಕ್ತಪಡಿಸಿಲ್ಲಾ. ಬರತಕ್ಕ ಬಡ್ಡಿಯ ಮೋತ್ತಗಳು ಕೇಂದ್ರ ಹಾಗೂ ರಾಜ್ಯ ಸರಕಾರಗಳಿಂದ ಬರಬೇಕಾಗಿದ್ದು ಈ ಬಗ್ಗೆ ಸನ್ 2016 ನೇ ವರ್ಷದಿಂದಲೂ ದಿ.ಕೆ.ಡಿ.ಸಿ.ಸಿ ಬ್ಯಾಂಕಿಗೆ ಪತ್ರ ವ್ಯವಹಾರ ಮಾಡುತ್ತಿದ್ದೇವೆ. ಮುಖತಃ ಬೇಟಿಯಾಗಿ ಮನವಿ ಸಲ್ಲಿಸಿರುತ್ತೇವೆ ಈ ವಿಷಯಗಳು ನಮ್ಮ ಸದಸ್ಯರಿಗೆ ತಿಳಿದಿದೆ. ಕೆ.ಡಿ.ಸಿ.ಸಿ ಬ್ಯಾಂಕಿನ ಪ್ರತಿನಿಧಿಯಾಗಿ ಬಂದಿರುವ ನಿರ್ದೇಶಕರು ನಾವು ಕೇಳಿದ ದಾಖಲೆಯನ್ನು ಪೂರೈಸುವ ಜವಾಬ್ದಾರಿ ಸ್ಥಾನದಲ್ಲಿದ್ದು ಅವರು ಈ ವಿಷಯದಲ್ಲಿ ತನಿಖೆಗೆ ಒತ್ತಾಯಿಸುವದರ ಜೋತೆಗೆ ಸೋಶಿಯಲ್ ಮಾಧ್ಯಮಗಳಲ್ಲಿ ಈ ರೀತಿಯ ಸಂದೇಶವನ್ನು ಪ್ರಕಟಿಸಲು ಅವಕಾಶ ನೀಡಬಾರದಿತ್ತು. ಇನ್ನೂ ಸದರಿಯವರುಗಳು ಪ್ರಸ್ತಾಪಿಸಿರುವ ವಿಷಯಕ್ಕೆ ಸಂಬoಧಿಸಿದoತೆ ಸಂಘದ ವಾಸ್ತವಿಕ ಸಂಗತಿಯು ಈ ಕೆಳಗಿನಂತಿದೆ. ದಿನಾAಕ 16-01-2016 ರಂದು ಸಹಾಯಕ ನಿಬಂಧಕರು ಸಂಘದ ಮೇಲೆ ಕಲಂ 64 ರಡಿಯಲ್ಲಿ ತನಿಖೆಗೆ ಆದೇಶ ಮಾಡಿ ವಿಚಾರಣಾಧಿಕಾರಿಗಳು ದಿನಾಂಕ 31-05-2016 ರಂದು ವರದಿ ನೀಡಿದ್ದು ಇರುತ್ತದೆ. ಅದರಂತೆ ಅನುಪಾಲನಾ ವರದಿಯನ್ನು ಇಲಾಖೆಗೆ ಸಲ್ಲಿಸಿರುತ್ತೇವೆ. ದಿನಾಂಕ 08-08-2017 ರಂದು ಸಹಾಯಕ ನಿಬಂಧಕರು ಸಂಘದ ಮೇಲೆ ಕಲಂ 65(ಬಿ) ರಡಿಯಲ್ಲಿ ತನಿಖೆಗೆ ಆದೇಶ ಮಾಡಿ ದಿ.ಕೆ.ಡಿ.ಸಿ.ಸಿ ಬ್ಯಾಂಕಿನ ಸಿಬ್ಬಂದಿಯವರು 2002-03 ರಿಂದ 2016 ರವರೆಗೂ ಬಡ್ಡಿ ರಿಯಾಯಿತಿಗೆ ಸಂಬAಧಿಸಿ ವಿಚಾರಣೆ ನಡೆಸಿ ವರದಿ ನೀಡಿ ಸೂಕ್ತ ಹೊಂದಾಣಿಕೆ ಜಮಾ- ಖರ್ಚು ಮಾಡಲು ಆದೇಶಿಸಿದಂತೆ ಸಂಘವು ಅನುಪಾಲನೆ ಮಾಡಿದ್ದು ಇರುತ್ತದೆ. ಕೆ.ಡಿ.ಸಿ.ಸಿ ಬ್ಯಾಂಕಿನ ನಿರ್ದೇಶನದಂತೆ ಸೂಕ್ತ ಜಮಾ- ಖರ್ಚು ಮಾಡಿಕೊಂಡ ನಂತರ ಈ ಮೋತ್ತ ಸರಕಾರಗಳಿಂದ ಬರುವುದು ಬಾಕಿ ಇರುತ್ತದೆ. ಪ್ರತಿ ವರ್ಷ ದೃಢೀಕರಣ ಪತ್ರ ನೀಡುವಂತೆ ಕೆ.ಡಿ.ಸಿ.ಸಿ ಬ್ಯಾಂಕಿನವರಿಗೆ ಪತ್ರ ವ್ಯವಹಾರ ಮಾಡುತ್ತಿದ್ದು ಸದರಿ ಬ್ಯಾಂಕಿನಿAದ ಯಾವುದೇ ದೃಢೀಕರಣ ಪತ್ರ ಇದುವರೆಗೆ ಬಂದಿಲ್ಲ. ಆದರೆ ಕೆ.ಡಿ.ಸಿ.ಸಿ ಬ್ಯಾಂಕಿನ ಮೇಲ್ವಿಚಾರಕರು ದಿನಾಂಕ 01-01-2024 ರಿಂದ 31-03-2024 ರ ತ್ರೆöÊಮಾಸಿಕ ಮೇಲ್ವಿಚಾರಣಾ ವರದಿಯನ್ನು ದಿನಾಂಕ 19-01-2026 ರಂದು ಸಂಘಕ್ಕೆ ನೀಡಿದ್ದು ಈ ವರದಿಯಲ್ಲಿ ಸದರಿ ಅಂಶಗಳಿಗೆ ಸಂಬAಧಿಸಿ ಸೂಕ್ತ ಹೊಂದಾಣಿಕೆ ಜಮಾ-ಖರ್ಚು ಮಾಡಿಕೊಳ್ಳುವಂತೆ ಸೂಚನೆ ನೀಡಿರುತ್ತಾರೆ. ಅದರಂತೆ ಸಂಘದ ಆಡಳಿತ ಮಂಡಳಿಯು ದಿನಾಂಕ 16-02-2026 ರ ಸಭೆಯಲ್ಲಿ ನಿರ್ಣಯ 09(01) ರ ಪ್ರಕಾರ ವರದಿಯನ್ನು ಪರಿಶೀಲಿಸಿ ಚರ್ಚಿಸಿ ಅನುವು ಕಾಯ್ದಿರಿಸಲು ಸರ್ವಾನುಮತದ ನಿರ್ಣಯ ಕೈಗೊಂಡಿರುತ್ತದೆ. ತದ ನಂತರ ದಿನಾಂಕ 26-03-2026 ರ ಆಡಳಿತ ಮಂಡಳಿ ಸಭೆಯಲ್ಲಿ ಸದರಿ ನಿರ್ಣಯವನ್ನು ದೃಢೀಕರಿಸುವ ಸಂದರ್ಭದಲ್ಲಿ ಕೆಲವು ನಿರ್ದೇಶಕರುಗಳು ತಮ್ಮ ಅಭಿಪ್ರಾಯ ದಾಖಲಿಸುವಂತೆ ಪತ್ರ ನೀಡಿದ್ದು ಸದರಿಯವರ ಅಭಿಪ್ರಾಯವನ್ನು ಠರಾವಿನಲ್ಲಿ ದಾಖಲಿಸಲಾಗಿದೆ. ತದ ನಂತರ ದಿನಾಂಕ 26-08-2026 ರಂದು ಜರುಗಿದ ಸಂಘದ ವಾರ್ಷಿಕ ಸರ್ವ ಸಾಧಾರಣ ಸಭೆಯಲ್ಲಿ ಸದಸ್ಯರು ಈ ವಿಷಯ ಪ್ರಸ್ತಾಪಿಸಿದ್ದು ಸಭೆಯಲ್ಲಿ ಈ ವಿಷಯ ಚರ್ಚೆಯಾಗಿ ಅನುವು ತೆಗೆದಿರಿಸಿರುವುದು ಸೂಕ್ತವಾಗಿದೆ ಎಂದು ಅಭಿಪ್ರಾಯಪಟ್ಟು ಸದರಿ ಮೋತ್ತವನ್ನು ಹೊಂದಾಣಿಕೆ ಜಮಾ-ಖರ್ಚು ಮಾಡಲು ಸರ್ವಾನುಮತದಿಂದ ಒಪ್ಪಿಗೆ ನೀಡಿರುತ್ತದೆ. ಸಂಘವು ಪ್ರತಿಯೊಂದು ಸಂದರ್ಭದಲ್ಲಿಯೂ ಜಿಲ್ಲಾ ಮಧ್ಯವರ್ತಿ ಬ್ಯಾಂಕಿನ ನಿರ್ದೇಶನದಂತೆ ಕಾರ್ಯ ನಿರ್ವಹಿಸುತ್ತಿದ್ದು ಸಂಘದ ಸದಸ್ಯರು ಈ ಬಗ್ಗೆ ಆಂತಕಪಡಬೇಕಾಗಿಲ್ಲ. ಜಿಲ್ಲೆಯ ಹಲವಾರು ಸಹಕಾರಿ ಸಂಘಗಳು ಈ ಬಗ್ಗೆ ಅನುವು ತೆಗೆದಿರಿಸಿದ್ದು ಮತ್ತು ಕೆಲವೊಂದು ಸಹಕಾರ ಸಂಘಗಳು ಈಗಾಗಲೇ ಹೊಂದಾಣಿಕೆ ಜಮಾ-ಖರ್ಚು ಮಾಡಿಕೊಂಡಿವೆ. ಸAಘದ ಆರ್ಥಿಕ ಹಿತದೃಷ್ಟಿಯಿಂದ ಅನುವು ಕಲ್ಪಿಸಲಾಗಿದೆ ವಿನಃ ಬೇರೆಯ ಯಾವುದೇ ಉದ್ದೇಶಕ್ಕೆ ಅಲ್ಲ. ಇನ್ನೂ ಬರತಕ್ಕ ಬಡ್ಡಿ ಕೆ.ಡಿ.ಸಿ.ಸಿ ಬ್ಯಾಂಕ್ ಎಂಬ ವಿಷಯಕ್ಕೆ ಸಂಬoಧಿಸಿದ ಮೋತ್ತದ ಪೈಕಿ ರೂ. 12,26,564-00 ಗಳು ರಿಜರ್ವ್ ಪಂಡ್ ಬಡ್ಡಿಯಾಗಿರುತ್ತದೆ.ಉಳಿದ ರೂ. 6,28,110-00 ಮಾರ್ಚ್ ಅಂತ್ಯಕ್ಕೆ ಕೆ.ಡಿ.ಸಿ.ಸಿ ಬ್ಯಾಂಕಿನಲ್ಲಿ ಗುಂತಾಯಿಸಿದ ಠೇವುಗಳ ಮೇಲೆ ಕಾಯ್ದಿರಿಸಿದ ಬಡ್ಡಿಯಾಗಿದೆ. ಸದರಿ ಬಡ್ಡಿಗಳ ಪೈಕಿ ರಿಜರ್ವ್ ಪಂಡ್ ಬಡ್ಡಿ ರೂ. 1226564-00 ದಿನಾಂಕ 04-04-2026 ಕ್ಕೆ ಜಮಾ ಬಂದಿರುತ್ತದೆ. ಈ ಬಗ್ಗೆ ಸರಿಯಾಗಿ ವಿಷಯವನ್ನು ತಿಳಿದುಕೊಳ್ಳದೇ ಸಂಘದ ಬಗ್ಗೆ ಅಪಪ್ರಚಾರ ಮಾಡುವುದು ಸರಿಯಲ್ಲ. ಸಂಘವು ಪ್ರಾಮಾಣಿಕವಾಗಿ ವ್ಯವಹರಿಸುತ್ತಿದ್ದು ಸಂಘದ ಸದಸ್ಯರು ಹಾಗೂ ಗ್ರಾಹಕರು ಮತ್ತು ಹಿತೈಷಿಗಳು ಈ ವಿಷಯದಲ್ಲಿ ಆಂತಕಪಡಬೇಕಾಗಿಲ್ಲ. ನಿಮ್ಮೆಲ್ಲರ ಸಹಕಾರದಿಂದ ಸಂಘವು ಇನ್ನೂ ಹೆಚ್ಚಿನ ಅಭಿವೃದ್ಧಿ ಹೊಂದಲು ಪ್ರಾಮಾಣಿಕ ಪ್ರಯತ್ನ ಮಾಡುತ್ತೇವೆ’ ಎಂದು ತಿಳಿಸಲಾಗಿದೆ.  
- [ಸಂತೆಗೆ ಹೊರಟಿದ್ದ ಬಜಾಜ್ ಫೈನಾನ್ಸ್ ಸಿಬ್ಬಂದಿ: ಸಾವು!](https://mobiletime.in/2026/09/bajaj-finance-employee-heading-to-the-market-dies/): ಬಜಾಜ್ ಫೈನಾನ್ಸಿನಲ್ಲಿ ಕೆಲಸ ಮಾಡಿಕೊಂಡಿದ್ದ ಕಾರವಾರದ ಗಣಪತಿ ಗೌಡ ಅವರು ಅಪಘಾತದಲ್ಲಿ ಸಾವನಪ್ಪಿದ್ದಾರೆ. ಕಾರವಾರದ ಅರಗಾ ಬಳಿ ಈ ಅಪಘಾತ ನಡೆದಿದ್ದು, ಅಪಘಾತಕ್ಕೀಡಾದ ಬೈಕು ಸಹ ಬೆಂಕಿಗೆ ಆಹುತಿಯಾಗಿದೆ. ಕಾರವಾರದ ಬಿಣಗಾದ ಒಕ್ಕಲಕೇರಿಯಲ್ಲಿ ಗಣಪತಿ ಗೌಡ ಅವರು ವಾಸವಾಗಿದ್ದರು. 42 ವರ್ಷದ ಅವರು ಬಜಾಜ್ ಫೈನಾನ್ಸಿನಲ್ಲಿ ಕೆಲಸ ಮಾಡಿ ಜೀವನ ನಡೆಸುತ್ತಿದ್ದರು. ಭಾನುವಾರ ಅವರು ಬೈಕಿನಲ್ಲಿ ಸಂಚರಿಸುವಾಗ ಲಾರಿಯೊಂದು ಅವರಿಗೆ ಗುದ್ದಿತು. ಗುದ್ದಿದ ರಭಸಕ್ಕೆ ಬೈಕು ಹೆದ್ದಾರಿ ಮೇಲೆ ಬಿದ್ದು, ಬೆಂಕಿಗೆ ಆಹುತಿಯಾಯಿತು. ಗಣಪತಿ ಗೌಡ ಅವರು ಅಲ್ಲಿಯೇ ಬಿದ್ದು ಸಾವನಪ್ಪಿದರು. ಗಣಪತಿ ಗೌಡ ಅವರು ಈ ದಿನ ಕಾರವಾರದ ಸಂತೆಗೆ ಬರುತ್ತಿದ್ದರು. ಬಿಣಗಾದಿಂದ ಹೊರಟ ಕೆಲವೇ ಸಮಯದಲ್ಲಿ ಅವರ ಬದುಕು ಮುಗಿಯಿತು. ಅಪಘಾತದ ನಂತರ ಲಾರಿ ಚಾಲಕ ಪರಾರಿಯಾಗಿದ್ದು, ಆರೋಪಿಯ ಶೋಧ ಶುರುವಾಗಿದೆ. ಲಾರಿಯೂ ಗಣಪತಿ ಗೌಡ ಅವರ ತಲೆಯ ಮೇಲೆ ಹಾಯ್ದು ಹೋಗಿದ್ದರಿಂದ ಅಲ್ಲಿಯೇ ಅವರು ಉಸಿರು ನಿಲ್ಲಿಸಿದ್ದಾರೆ. ಛಿದ್ರವಾಗಿ ಬಿದ್ದ ದೇಹ ನೋಡಿ ಜನ ಮರುಕವ್ಯಕ್ತಪಡಿಸಿದ್ದಾರೆ. ಪೊಲೀಸರು ಸ್ಥಳದಲ್ಲಿದ್ದಾರೆ.  
- [ಪರಲೋಕ ಪ್ರವೇಶಿಸಿದ ಶಿವಭಕ್ತೆ](https://mobiletime.in/2026/09/a-devotee-of-shiva-who-entered-the-heavenly-abode/): 25 ವರ್ಷಗಳಿಂದ ನಿರಂತರವಾಗಿ ಸೋಳಹ ಸೋಮವಾರ ವ್ರತ ಆಚರಿಸಿಕೊಂಡು ಬಂದಿದ್ದ ಶಿವಭಕ್ತೆ, ಹಳಿಯಾಳದ ಪಾರ್ವತಿ ಲಕ್ಷ್ಮಣ ಮರಾಠೆ ಅವರು ಸಾವನಪ್ಪಿದ್ದಾರೆ. ತಮ್ಮ 95ನೇ ವಯಸ್ಸಿನಲ್ಲಿ ಅವರು ಈ ಲೋಕದ ಯಾತ್ರೆ ಮುಗಿಸಿದ್ದಾರೆ. ಪರಶಿವನ ಭಕ್ತರಾಗಿದ್ದ ಪಾರ್ವತಿ ಮರಾಠೆ ಅವರು ಅತ್ಯಂತ ಕಠಿಣವಾದ ಸೋಳಹ ಸೋಮವಾರ ವ್ರತ ಮಾಡಲು ನಿರ್ಧರಿಸಿದ್ದರು. ಸತತ 25 ವರ್ಷಗಳ ಕಾಲ ಅದನ್ನು ಭಕ್ತಿಯಿಂದ ಆಚರಿಸಿಕೊಂಡು ಬಂದಿದ್ದರು. ಶಿವಭಕ್ತಿ, ಧಾರ್ಮಿಕ ನಿಷ್ಠೆ ಹಾಗೂ ಸರಳ ಜೀವನಶೈಲಿಯಿಂದಾಗಿ ಆಸ್ತಿಕರ ವಲಯದಲ್ಲಿ `ಶಿವಶರಣೆ’ ಎಂದೇ ಅವರು ಗುರುತಿಸಿಕೊಂಡಿದ್ದರು. ಅವರ ದೈವಿಕ ಹಾಗೂ ಆಧ್ಯಾತ್ಮಿಕ ಜೀವನದ ಪ್ರಭಾವದಿಂದಾಗಿ ಅವರು ವಾಸವಿದ್ದ ಮನೆಗೆ ದೈವಿಕ ಪರಂಪರೆಯ ಅನುಯಾಯಿಗಳು ನಿರಂತರವಾಗಿ ಭೇಟಿ ನೀಡಿ ದೀಪ ಬೆಳಗಿಸುವ ಸಂಪ್ರದಾಯ ಬೆಳೆಸಿಕೊಂಡಿದ್ದರು. ಸೆಪ್ಟೆಂಬರ್ 26ರ ರಾತ್ರಿ ಪಾರ್ವತಿ ಮರಾಠೆ ಅವರು ಕೊನೆಯುಸಿರೆಳೆದರು. ಬೆಂಗಳೂರಿನ ಗೋಸಾಯಿ ಮಠದ ಮರಾಠಾ ಸಮಾಜದ ಜಗದ್ಗುರು ವೇದಾಂತಾಚಾರ್ಯ ಮಂಜುನಾಥ ಭಾರತಿ ಸ್ವಾಮೀಜಿಗಳು ತಮ್ಮ ಶೋಕ ಸಂದೇಶದಲ್ಲಿ ಶಿವಶರಣೆ ಪಾರ್ವತಿ ಅಮ್ಮನವರ ಅಗಲಿಕೆಗೆ ಕಂಬನಿ ಮಿಡಿದಿದ್ದು, ಅವರ ಆತ್ಮಕ್ಕೆ ಶಾಂತಿ ಕೋರಿ `ಕುಟುಂಬಸ್ಥರಿಗೆ ಅವರ ಅಗಲಿಕೆಯ ದುಃಖ ಭರಿಸುವ ಶಕ್ತಿ ನೀಡಲಿ’ ಎಂದು ಪ್ರಾರ್ಥಿಸಿದ್ದಾರೆ. ಕಬ್ಬು ಬೆಳೆಗಾರರ ರೈತ ಹಿತ ರಕ್ಷಣಾ ಸಮಿತಿ ಅಧ್ಯಕ್ಷ ಎನ್ ಸ್ ಜಿವೋಜಿ, ಪ್ರಾಕ್ಸಿನ್ ಟೆಕ್ ಫ್ರೈ ಲಿ ಎಂಡಿ ನಾರಾಯಣ್ ಟೊಸೂರ್, ಕರವೇ ತಾಲೂಕ ಅಧ್ಯಕ್ಷ ಬಸವರಾಜ ಬೆಂಡಿಗೇರಿಮಠ, ಜಿಜಾ ಮಾತಾ ಮಹಿಳಾ ಮಂಡಳ ಅಧ್ಯಕ್ಷೆ ಮಂಗಳಾ ಕಶೀಲ್ಕರ್, ಕಸಾಪ ತಾಲೂಕ ಅಧ್ಯಕ್ಷೆ ಸುಮಂಗಲಾ ಅಂಗಡಿ, ಪುರಸಭೆ ಮಾಜಿ ಅಧ್ಯಕ್ಷ ಉಮೇಶ್ ಬೋಳಶೆಟ್ಟಿ, ವ್ಯಾಪಾರಸ್ಥರ ಸಂಘದ ಸಚಿನ್ ಹಳ್ಳಿಕೇರಿ, ವಿವಿಧ ಸಂಘಟನೆಗಳ ಪ್ರಮುಖರಾದ ಪೂಜಾ ಧೂಳಿ, ಜಿ ಡಿ ಗಂಗಾಧರ, ರವಿ ತೋರಣಗಟ್ಟಿ ಅನೇಕರು ತಮ್ಮ ಸಂತಾಪ ಸೂಚಿಸಿದ್ದಾರೆ. ಹಳಿಯಾಳ ಶಾಸಕ ಹಾಗೂ ರಾಜ್ಯ ಆಡಳಿತ ಸುಧಾರಣಾ ಆಯೋಗದ ಅಧ್ಯಕ್ಷ ಆರ್ ವಿ. ದೇಶಪಾಂಡೆ ಮತ್ತು ಮಾಜಿ ಶಾಸಕ ಸುನಿಲ್ ಹೆಗಡೆ ಅವರು ಮೃತರ ನಿವಾಸಕ್ಕೆ ಭೇಟಿ ನೀಡಿ ಅಗಲಿದ ಹಿರಿಯ ಜೀವಕ್ಕೆ ಶ್ರದ್ಧಾಂಜಲಿ ಸಲ್ಲಿಸಿ, ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದ್ದಾರೆ.
- [ಬೆನ್ನಿಗೆ ಚೂರಿ ಹಾಕಿದ ಸ್ನೇಹಿತ!](https://mobiletime.in/2026/09/a-friend-who-stabbed-me-in-the-back/): ಕಾರವಾರದ ಶರತ್ ನಾಯ್ಕ ಹಾಗೂ ದೀಪಕ ನಾಯ್ಕ ಸೇರಿ ರೋಷನ್ ನಾಯ್ಕ ಹಾಗೂ ಸಿದ್ಧಾರ್ಥ ನಾಯ್ಕ ಅವರ ಮೇಲೆ ದಾಳಿ ಮಾಡಿದ್ದಾರೆ. ಗಣೇಶ ಉತ್ಸವದ ವೇಳೆ ಕೀಟಲೆ ಮಾಡಿದಕ್ಕೆ ಬುದ್ದಿ ಹೇಳಿದ್ದೇ ಈ ಮಾರಾಮಾರಿಗೆ ಮುಖ್ಯ ಕಾರಣವಾಗಿದೆ. ಕಾರವಾರದ ಸದಾಶಿವಗಡ ಬಳಿಯ ನಾಗಪೊಂಡಾ ಬಳಿಯ ದೇವಳನಾಯ್ಕವಾಡದಲ್ಲಿ ವ್ಯವಹಾರ ಮಾಡಿಕೊಂಡಿರುವ ರೋಷನ್ ದೀಪಕ್ ನಾಯ್ಕ ಅವರು ವಾಸವಾಗಿದ್ದಾರೆ. ತಮ್ಮದೇ ಆದ ವ್ಯವಹಾರ ಮಾಡಿಕೊಂಡು ಅವರು ಜೀವನ ನಡೆಸುತ್ತಿದ್ದಾರೆ. ಸದ್ಯ ಬೆನ್ನಿಗೆ ಚಾಕು ಚುಚ್ಚಿದ ನೋವಿನಿಂದ ಅವರು ಕಿಮ್ಸ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಸೆಪ್ಟೆಂಬರ್ 24ರಂದು ಮಾವಿನಹೊಳೆಯಲ್ಲಿ ಗಣೇಶಮೂರ್ತಿ ವಿಸರ್ಜನೆ ಸಮಯದಲ್ಲಿ ಅಸ್ನೋಟಿ ಭಗತವಾಡದ ಶರದ ನಾಯ್ಕ ಅವರು ಕೀಟಲೆ ಮಾಡಿದ್ದು, ಅವರಿಗೆ ಬುದ್ದಿ ಹೇಳಿ ಕಳುಹಿಸಿದ ತಪ್ಪಿಗೆ ರೋಷನ್ ನಾಯ್ಕ ಅವರಿಗೆ ಈ ಪರಿಸ್ಥಿತಿ ಬಂದಿದೆ. ಆ ದಿನ ಬುದ್ದಿ ಹೇಳಿ ಕಳುಹಿಸುವಲ್ಲಿ ಪ್ರಮುಖ ಪಾತ್ರವಹಿಸಿದ್ದ ಸಿದ್ಧಾರ್ಥ ಸತೀಶ ಗೋಸಾವಿ ಅವರಿಗೂ ಒದೆ ಬಿದ್ದಿದೆ. ಸೆ 24ರಂದು ಗಣೇಶ ವಿಸರ್ಜನೆ ಮೆರವಣಿಗೆ ವೇಳೆ ಶರದ ನಾಯ್ಕ ಅವರು ಕೀಟಲೆ ಮಾಡುತ್ತಿದ್ದು, ಸತೀಶ ಗೋಸಾವಿ ಹಾಗೂ ರೋಷನ್ ನಾಯ್ಕ ಸೇರಿ ಶರದ ನಾಯ್ಕ ಅವರಿಗೆ ಬುದ್ದಿ ಹೇಳಿದ್ದರು. ಇದೇ ಸಿಟ್ಟಿನಲ್ಲಿದ್ದ ಶರದ್ ನಾಯ್ಕ ಅವರು ಸೆ 25ರಂದು ಸಿದ್ಧಾರ್ಥನ ಗೆಳೆಯ ಸಾಯಿಸನತ್ ಅವರ ಜೊತೆ ಬಸ್ ನಿಲ್ದಾಣದಲ್ಲಿ ಜಗಳ ಮಾಡಿದ್ದರು. ಈ ಹಿನ್ನಲೆ 26ರಂದು ಶರದ್ ನಾಯ್ಕ ಅವರ ವರ್ತನೆ ಬಗ್ಗೆ ಅವರ ತಂದೆ ದೀಪಕ ನಾಯ್ಕ ಅವರಿಗೆ ದೂರು ನೀಡಲು ದೀಪಕ ನಾಯ್ಕ ಹಾಗೂ ಸತೀಶ ಗೋಸಾವಿ ಅವರು ನಿರ್ಧರಸಿದ್ದರು. ದೀಪಕ ನಾಯ್ಕ ಅವರ ಭೇಟಿಗಾಗಿ ಅವರಿಬ್ಬರು ಅಸ್ನೋಟಿ ಭಗತವಾಡಕ್ಕೆ ಹೋಗಿದ್ದು, ದೀಪಕ ನಾಯ್ಕ ಅವರ ಮನೆ ಮುಂದೆ ಮಾತನಾಡುವಾಗ ಅಲ್ಲಿ ಶರದ ನಾಯ್ಕ ಅವರು ಆಗಮಿಸಿದ್ದರು. ಬರುವಾಗಲೇ ಕತ್ತಿ ಹಿಡಿದು ಬಂದಿದ್ದ ಶರದ್ ನಾಯ್ಕ ಅವರು ಅದನ್ನು ರೋಷನ್ ನಾಯ್ಕ ಅವರಿಗೆ ಚುಚ್ಚುವ ಪ್ರಯತ್ನ ಮಾಡಿದರು. ತಪ್ಪಿಸಿಕೊಂಡಾಗ ಕತ್ತಿ ಕೈಗೆ ತಾಗಿ ನೋವಾಯಿತು. ನಂತರ ಆ ಕತ್ತಿಯನ್ನು ಶರದ್ ನಾಯ್ಕ ಅವರು ಬೆನ್ನಿಗೆ ಚುಚ್ಚಿದರು. ತಪ್ಪಿಸಲು ಬಂದ ಸಿದ್ಧಾರ್ಥ ಗೋಸಾವಿ ಮೇಲೆಯೂ ದೀಪಕ ನಾಯ್ಕ ಅವರು ದಾಳಿ ಮಾಡಿದರು. ರೋಷನ್ ನಾಯ್ಕ ಅವರು ಆಸ್ಪತ್ರೆ ಸೇರಿ ಪೊಲೀಸ್ ದೂರು ನೀಡಿದ್ದು, ಚಿತ್ತಾಕುಲ ಪೊಲೀಸರು ಪ್ರಕರಣ ದಾಖಲಿಸಿದರು.
- [ಹೊನ್ನಾವರದಲ್ಲಿ ಅವನೇ ಹಸು ಕಳ್ಳ!](https://mobiletime.in/2026/09/he-is-the-very-cow-thief-in-honnavar/): ಹೊನ್ನಾವರದ ಜೈನಲ್ ಅಬಿದಿನ್ ಅವರು ಹಸು-ಹೋರಿ ಸೇರಿ ಒಟ್ಟು ಏಳು ಜಾನುವಾರು ಕದ್ದಿದ್ದಾರೆ. ಆ ಎಲ್ಲಾ ಜೀವಿಗಳನ್ನು ಅವರು ಕಸಾಯಿಖಾನೆಗೆ ಕಳುಹಿಸುವ ಸಿದ್ಧತೆ ಮಾಡಿಕೊಂಡಿದ್ದು, ಪೊಲೀಸ್ ಸಿಬ್ಬಂದಿ ಶಿವಾನಂದ ಜಾಡರ್ ಅವರ ಸಮಯಪ್ರಜ್ಞೆಯಿಂದ ಆ ಜಾನುವಾರುಗಳ ಜೀವ ಉಳಿದಿದೆ. ಹೊನ್ನಾವರ ಹೆರಂಗಡಿಯಲ್ಲಿ ಜೈನಲ್ ಅಬಿದಿನ್ ಅಹಮದ್ ಕಾಟಾಪರಶು ಅವರು ವಾಸವಾಗಿದ್ದಾರೆ. ಗೋವಧೆ ಮಾಡುವುದನ್ನು ಅವರು ರೂಢಿಸಿಕೊಂಡಿದ್ದು, ಇದಕ್ಕಾಗಿ ಹಸು-ಹೋರಿಗಳನ್ನು ಅವರು ಕದಿಯುತ್ತಾರೆ. ಹೀಗೆ ಕದ್ದ ಜಾನುವಾರುಗಳನ್ನು ಅವರು ತಮ್ಮ ಮನೆ ಬಳಿಯೇ ಕಟ್ಟಿ ಹಿಂಸಿಸುತ್ತಾರೆ. ಈಚೆಗೆ ಜೈನಲ್ ಅಹಮದ್ ಅವರು ಕಂದು ಬಣ್ಣದ ಹೋರಿ, ಕಪ್ಪು ಬಣ್ಣದ ಆಕಳು ಸೇರಿ ಸಣ್ಣ ಕರುಗಳನ್ನು ಸಹ ಕದ್ದಿದ್ದಾರೆ. ಅದೆಲ್ಲವನ್ನು ಅವರು ತಮ್ಮ ಕಪೌಂಡಿನಲ್ಲಿ ಕಟ್ಟಿದ್ದಾರೆ. ವಧೆ ಮಾಡುವ ಉದ್ದೇಶದಿಂದಲೇ ಈ ಎಲ್ಲಾ ಜಾನುವಾರುಗಳನ್ನು ಜೈನಲ್ ಅಬಿದಿನ್ ಅವರು ಕಟ್ಟಿರುವುದು ಹೊನ್ನಾವರ ಪೊಲೀಸ್ ಸಿಬ್ಬಂದಿ ಶಿವಾನಂದ ಶೇಖಪ್ಪ ಜಾಡರ್ ಅವರಿಗೆ ಗೊತ್ತಾಗಿದೆ. ಏಳು ಜಾನುವಾರುಗಳು ಅಲ್ಲಿರುವುದನ್ನು ಖಚಿತಪಡಿಸಿಕೊಂಡ ಶಿವಾನಂದ ಜಾಡರ್ ಅವರು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿ, ಅವುಗಳ ಪ್ರಾಣ ಉಳಿಸಿದ್ದಾರೆ. ಹಸು ಕದ್ದ ಜೈನಲ್ ಅಬಿದಿನ್ ವಿರುದ್ಧ ಕೇಸು ಹಾಕಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಹಣಕಾಸು ವಿಷಯ: ಸರ್ಕಾರಿ ನೌಕರರ ನಡುವೆ ಮಾರಾಮಾರಿ!](https://mobiletime.in/2026/09/financial-dispute-brawl-among-government-employees/): ಕಾರವಾರದ ಕೆ ಎಚ್ ಬಿ ಕಾಲೋನಿ ಬಳಿ ಸತ್ಯಪ್ಪ ದುರದುಂಡಿ ಹಾಗೂ ಹಸನ್ ರಂಜುನಗಿ ಅವರು ಹೊಡೆದಾಡಿಕೊಂಡಿದ್ದಾರೆ. ಹಣಕಾಸು ವಿಷಯವಾಗಿ ಅವರಿಬ್ಬರ ನಡುವೆ ಜಗಳ ಶುರುವಾಗಿದ್ದು, ಅದೇ ಹೊಡೆದಾಟಕ್ಕೆ ಕಾರಣವಾಗಿದೆ. ರೇವಪ್ಪ ಸತ್ಯಪ್ಪ ದುರದುಂಡಿ ಅವರು ಹಡಗಿನಹಾಳ ಮೂಲದವರಾಗಿದ್ದು, ಧಾರವಾಡ ನ್ಯಾಯಾಲಯದಲ್ಲಿ ಕೆಲಸ ಮಾಡಿಕೊಂಡಿದ್ದಾರೆ. ಹಸನ್ ಅಲ್ಲಾಭಕ್ಷ ರಂಜುನಗಿ ಅವರು ಉಳಗಾ ಬಿಸಿಎಂ ಕಾಲೇಜು ಸುಪ್ರಿಡೆಂಟ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ. ಹಸನ್ ರಂಜುನಗಿ ಅವರು ಕೆಎಚ್‌ಬಿ ಕಾಲೋನಿಯ ಪರ್ಲ ಅಪಾರ್ಟಮೆಂಟ್’ನಲ್ಲಿ ವಾಸವಾಗಿದ್ದು, ಆ ಅಪಾರ್ಟಮೆಂಟ್ ಎದುರೇ ಈ ಹೊಡೆದಾಟ ನಡೆದಿದೆ. ರೇವಪ್ಪ ದುರದುಂಡಿ ಹಾಗೂ ಹಸನ್ ರಂಜುನಗಿ ನಡುವೆ ಹಣಕಾಸಿನ ವ್ಯವಹಾರವಿದ್ದು, ಅದರಲ್ಲಿ ವ್ಯತ್ಯಾಸವಾಗಿರುವುದೇ ಈ ಹೊಡೆದಾಟಕ್ಕೆ ಕಾರಣ. ಸೆಪ್ಟೆಂಬರ್ 25ರ ಸಂಜೆ 5.30ಕ್ಕೆ ಅವರಿಬ್ಬರು ಬೀದಿಯಲ್ಲಿ ಹೊಡೆದಾಡುವುದನ್ನು ಪೊಲೀಸ್ ಸಿಬ್ಬಂದಿ ಸುರೇಶ ಕೋಟಾರ್ಕರ್ ಅವರು ನೋಡಿದ್ದಾರೆ. ಆ ಹೊಡೆದಾಟ ತಪ್ಪಿಸಲು ಅವರು ಪ್ರಯತ್ನಿಸಿದ್ದಾರೆ. ಆದರೆ, ಅದರಿಂದ ಪ್ರಯೋಜನವಾಗಿಲ್ಲ. ಸಾರ್ವಜನಿಕ ಪ್ರದೇಶದಲ್ಲಿ ಗಲಾಟೆ ಮಾಡಬೇಡಿ ಎಂದು ಸುರೇಶ ಕೋಟಾರ್ಕರ್ ಅವರು ಮನವಿ ಮಾಡಿದರೂ ಅದನ್ನು ಅವರಿಬ್ಬರು ಪಾಲಿಸಿಲ್ಲ. ಅತ್ಯಂತ ಕೆಟ್ಟಶಬ್ದಗಳಿಂದ ಸತ್ಯಪ್ಪ ದುರದುಂಡಿ ಹಾಗೂ ಹಸನ್ ರಂಜುನಗಿ ಬೈದುಕೊಂಡಿದ್ದು, ಸಾರ್ವಜನಿಕರು ಈ ವೇಳೆ ಮುಜುಗರ ಅನುಭವಿಸಿದ್ದಾರೆ. ಈ ಎಲ್ಲಾ ಹಿನ್ನಲೆ ಪೊಲೀಸರು ಅವರಿಬ್ಬರ ವಿರುದ್ಧವೂ ಕಾನೂನು ಕ್ರಮ ಜರುಗಿಸಿದ್ದಾರೆ.
- [ತಾಮಗ್ರೌರಿ ದರ್ಶನಕ್ಕೆ ಬಂದ ಪುಟ್ಟಗೌರಿ!](https://mobiletime.in/2026/09/puttagauri-has-come-to-see-tamragauri/): `ಪುಟ್ಟ ಗೌರಿ ಮದುವೆ’ ಧಾರವಾಹಿಯ ಕಿರುತೆರೆ ನಟಿ ರಂಜನಿ ರಾಘವನ್ ಅವರು ಸಿನಿಮಾ ವೀಕ್ಷಣೆ ಸ್ಥಳ ವೀಕ್ಷಣೆಗಾಗಿ ಗೋಕರ್ಣಕ್ಕೆ ಬಂದಿದ್ದಾರೆ. ತಾಮ್ರಗೌರಿ ಮಂದಿರ, ಗಣಪನ ದೇಗುಲ ಹಾಗೂ ಮಹಾಬಲೇಶ್ವರ ಸನ್ನಿಧಿಯಲ್ಲಿ ಅವರು ಪ್ರಾರ್ಥನೆ ಸಲ್ಲಿಸಿದ್ದಾರೆ. ರಂಜನಿ ರಾಘವನ್ ಅವರು ಭಾನುವಾರ ಬೆಳಗ್ಗೆಯೇ ಗೋಕರ್ಣ ಪ್ರವೇಶಿಸಿದ್ದು, ಚಿತ್ರನಿರ್ದೇಶಕ ಜಗದೀಶ ಕೆ ಹಂಪಿ, ಹಾಗೂ ಸಹ ಕಲಾವಿದರ ಜೊತೆ ಕ್ಷೇತ್ರ ಸಂಚಾರ ನಡೆಸಿದರು. ವಿವಿಧ ಸ್ಥಳಗಳಿಗೆ ಭೇಟಿ ನೀಡಿ ಅಲ್ಲಿನ ಸೌಂದರ್ಯ ಸವಿದರು. ಇದಕ್ಕೂ ಮೊದಲು ಮಹಾಗಣಪತಿ ಮಂದಿರಕ್ಕೆ ತೆರಳಿ ದೇವರ ದರ್ಶನ ಪಡೆದರು. ಅದಾದ ನಂತರ ಮಹಾಬಲೇಶ್ವರ ದೇಗುಲಕ್ಕೆ ಆಗಮಿಸಿ, ಪ್ರಸಾದಪಡೆದರು. ಇವರೆರಡು ದೇವಾಲಯದ ಭೇಟಿ ನಂತರ ತಾಮ್ರಗೌರಿ ಮಂದಿರಕ್ಕೆ ತೆರಳಿ ದೇವಿ ದರ್ಶನ ಪಡೆದರು. ಮಾಧ್ಯಮದವರ ಜೊತೆ ಮಾತನಾಡಿದ ರಂಜನಿ ಅವರು `ಇಲ್ಲಿಯ ಧಾರ್ಮಿಕತೆಯ ನೆಲೆ, ಪೃಕೃತಿ ಸೌಂದರ್ಯ ಆಕರ್ಷಕವಾಗಿದೆ. ಮುಂದಿನ ದಿನದಲ್ಲಿ ಸಿನಿಮಾ ಚಿತ್ರೀಕರಣಕರಣಕ್ಕೆ ಸಿದ್ದತೆ ನಡೆಸಿದ್ದು, ಗೋಕರ್ಣದಲ್ಲಿಯೂ ಕೆಲ ಸ್ಥಳ ಆಯ್ಕೆಯ ಚಿಂತನೆ ಇದೆ. ಹೀಗಾಗಿ ಇಲ್ಲಿನ ವಿವಿಧ ಸ್ಥಳಗಳನ್ನ ವೀಕ್ಷಿಸಿದ್ದೇವೆ’ ಎಂದರು.
- [ಮಹಿಳೆ ಮನೆಗೆ ನುಗ್ಗಿದ ಮಾಸ್ಕ್ ಮ್ಯಾನ್!](https://mobiletime.in/2026/09/masked-man-breaks-into-womans-house/): ಧರ್ಮಸ್ಥಳ ಸಂಘದಲ್ಲಿ ಸೇವೆ ಮಾಡುವ ಮಹಿಳೆಯೊಬ್ಬರ ಮನೆಗೆ ತಡರಾತ್ರಿ ಮಾಸ್ಕ್ ಮ್ಯಾನ್ ಒಬ್ಬರು ನುಗ್ಗಿದ್ದಾರೆ. ಮನೆಯಲ್ಲಿದ್ದ ವಸ್ತುಗಳನ್ನು ಚಲ್ಲಾಪಿಲ್ಲಿ ಮಾಡಿ, ಏನೂ ಸಿಗದೇ ಅವರು ಅಲ್ಲಿಂದ ಪರಾರಿಯಾಗಿದ್ದಾರೆ. ಕುಮಟಾ ಮಿರ್ಜಾನಿನ ತಾರಿಬಾಗಿಲುವಿನಲ್ಲಿ ರೇಖಾ ದುರ್ಗು ಅಂಬಿಗ ಅವರು ವಾಸವಾಗಿದ್ದಾರೆ. ಧರ್ಮಸ್ಥಳ ಸಂಘದಲ್ಲಿ ಸೇವಾದಾರರಾಗಿ ಅವರು ಜೀವನ ನಡೆಸುತ್ತಿದ್ದಾರೆ. ಅದೇ ಊರಿನ ಶ್ರೀಧರ ನಾರಾಯಣ ಅಂಬಿಗ ಅವರು ಬೇಕರಿಯಲ್ಲಿ ಕೆಲಸ ಮಾಡಿಕೊಂಡಿದ್ದು, ರಾತ್ರಿ ವೇಳೆ ಮಹಿಳೆಯರ ಮನೆಗೆ ನುಗ್ಗುವ ಚಾಳಿಹೊಂದಿದ್ದಾರೆ. ಕಳ್ಳತನ ಮಾಡುವ ಉದ್ದೇಶದಿಂದ ಮನೆಗೆ ನುಗ್ಗುವ ಶ್ರೀಧರ ಅಂಬಿಗ ಅವರು ಮನೆಯಲ್ಲಿದ್ದ ವಸ್ತುಗಳನ್ನೆಲ್ಲ ಚಲ್ಲಾಪಿಲ್ಲಿ ಮಾಡಿ ಪರಾರಿಯಾಗುತ್ತಿದ್ದಾರೆ. ಸೆಪ್ಟೆಂಬರ್ 25ರ ರಾತ್ರಿ 12.30ರ ನಂತರ ರೇಖಾ ಅಂಬಿಗ ಅವರ ಮನೆಗೆ ಶ್ರೀಧರ ಅಂಬಿಗ ಅವರು ನುಗ್ಗಿದ್ದಾರೆ. ಕಪೌಂಡ್ ಹಾರಿ ಒಳಗೆ ಬಂದ ಶ್ರೀಧರ ಅಂಬಿಗ ಅವರು ಮುಖ್ಯ ಬಾಗಿಲಿನ ಮೂಲಕವೇ ಮನೆ ಪ್ರವೇಶಿಸಿದ್ದಾರೆ. 1.15ರವರೆಗೂ ಅಲ್ಲಿ ಸುತ್ತಾಟ ನಡೆಸಿದ ಅವರು ಮನೆಯಲ್ಲಿದ್ದ ಸಾಮಗ್ರಿಗಳನ್ನೆಲ್ಲ ಚಲ್ಲಾಪಿಲ್ಲಿ ಮಾಡಿದ್ದಾರೆ. ಮನೆಯಲ್ಲಿ ಏನೂ ಸಿಗದೇ ಅಲ್ಲಿಂದ ಹಾಗೇ ಹೋಗಿದ್ದಾರೆ. ಮನೆಯಲ್ಲಿನ ವಸ್ತುಗಳೆಲ್ಲವೂ ಚೆಲ್ಲಾಪಿಲ್ಲಿಯಾಗಿರುವ ಬಗ್ಗೆ ರೇಖಾ ಅಂಬಿಗ ಅವರು ನೋಡಿ ಕಂಗಾಲಾಗಿದ್ದಾರೆ. ಸಿಸಿ ಕ್ಯಾಮರಾ ಪರಿಶೀಲನೆ ನಡೆಸಿದಾಗ ಮಾಸ್ಕ್ಧರಿಸಿದ ವ್ಯಕ್ತಿಯೊಬ್ಬರು ಈ ರೀತಿ ಮಾಡಿರುವುದು ಗೊತ್ತಾಗಿದೆ. ಆ ಚಹರೆ ಗಮನಿಸಿ ವಿಚಾರಣೆ ನಡೆಸಿದಾಗ ಅದೇ ಊರಿನ ಶ್ರೀಧರ ಅಂಬಿಗ ಅವರ ಕಳ್ಳಾಟ ಬೆಳಕಿಗೆ ಬಂದಿದೆ. ಶ್ರೀಧರ ಅಂಬಿಗ ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಆಗ್ರಹಿಸಿ ರೇಖಾ ಅಂಬಿಗ ಅವರು ಪೊಲೀಸ್ ದೂರು ನೀಡಿದ್ದಾರೆ.
- [ಜನ ಸೇವೆಗೆ ಸಿದ್ಧಗೊಂಡ ಜನ ಸ್ಪಂದನ ಕೇಂದ್ರ](https://mobiletime.in/2026/09/people-response-center-ready-to-serve-the-people/): ನೊoದವರಿಗೆ ನೆರವು ನೀಡುವುದರ ಜೊತೆ ವಿವಿಧ ಸೌಲಭ್ಯಗಳನ್ನು ಜನರಿಗೆ ತಲುಪಿಸುವುದಕ್ಕಾಗಿ ಸಾಮಾಜಿಕ ಕಾರ್ಯಕರ್ತ ಅನಂತಮೂರ್ತಿ ಹೆಗಡೆ ಅವರು `ಅನಂತ ಜನ ಸ್ಪಂದನ ಕೇಂದ್ರ’ ಶುರು ಮಾಡಿದ್ದಾರೆ. ಸದ್ಯ ಸಿದ್ದಾಪುರದಲ್ಲಿ ಈ ಕೇಂದ್ರಕ್ಕೆ ಚಾಲನೆ ಸಿಕ್ಕಿದ್ದು, ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡಲು ಸದಾ ಸಿದ್ಧವಿರುವುದಾಗಿ ಅವರು ಘೋಷಿಸಿದ್ದಾರೆ. `ಸರ್ಕಾರದ ವಿವಿಧ ಸೌಲಭ್ಯಗಳು ಹಾಗೂ ಯೋಜನೆಗಳ ಲಾಭ ಪಡೆಯಲು ಜನರಿಗೆ ಮಾಹಿತಿ ಕೊರತೆ ಎದುರಾಗುತ್ತಿದೆ. ಅರ್ಜಿ ಬರೆಯುವ ವಿಧಾನದಿಂದ ಹಿಡಿದು ಅರ್ಜಿ ಸಲ್ಲಿಸುವ ಪ್ರಕ್ರಿಯೆಗಳವರೆಗೆ ಎಲ್ಲಾ ಹಂತದಲ್ಲಿಯೂ ಮಾಹಿತಿ ನೀಡಿ ಸಹಾಯ ಮಾಡಲು ಈ ಕೇಂದ್ರ ಶುರು ಮಾಡಲಾಗಿದೆ’ ಎಂದು ಅನಂತಮೂರ್ತಿ ಹೆಗಡೆ ಚಾರಿಟೇಬಲ್ ಟ್ರಸ್ಟ್ ಅಧ್ಯಕ್ಷ ಅನಂತಮೂರ್ತಿ ಹೆಗಡೆ ಅವರು ಹೇಳಿದ್ದಾರೆ. `ಕಚೇರಿಯಿಂದ ಕಚೇರಿಗೆ ಅಲೆದಾಟ, ನಾಳೆ ಬನ್ನಿ ಎಂಬ ಉತ್ತರದಿಂದ ಸಮಸ್ಯೆ ಅನುಭವಿಸಿದವರಿಗೆ ಈ ಕೇಂದ್ರ ನೆರವಾಗಲಿದೆ. ಜನಸಾಮಾನ್ಯರ ಸಮಸ್ಯೆಗಳಿಗೆ ಸ್ಪಂದಿಸಿ, ಅವರಿಗೆ ಸರಿಯಾದ ಮಾಹಿತಿ, ಅಗತ್ಯ ದಾಖಲೆ ಹಾಗೂ ಅರ್ಜಿ ಸಲ್ಲಿಕೆಯ ನೆರವು ಒದಗಿಸುವ ಉದ್ದೇಶದಿಂದ ಇದನ್ನು ಸ್ಥಾಪಿಸಲಾಗಿದೆ’ ಎಂದವರು ತಿಳಿಸಿದ್ದಾರೆ. `ವ್ಯಕ್ತಿಯ ವೈಯಕ್ತಿಕ ಸಮಸ್ಯೆ ಜೊತೆ ಊರು, ಗ್ರಾಮ ಹಾಗೂ ಸಾಮೂಹಿಕ ಸಮಸ್ಯೆಯನ್ನು ಬಗೆಹರಿಸುವ ಪ್ರಯತ್ನ ನಡೆಸಲಾಗುತ್ತದೆ. ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಹಲವು ಜನಪರ ಯೋಜನೆಗಳ ಮಾಹಿತಿ ತಲುಪಿಸುವಿಕೆ, ಆ ಯೋಜನೆಗೆ ಅಗತ್ಯವಿರುವ ದಾಖಲೆ ಸಿದ್ಧಪಡಿಸುವಿಕೆ, ದೂರದ ಊರುಗಳಿಂದ ಬಂದವರಿಗೆ ಸೂಕ್ತ ಮಾರ್ಗದರ್ಶನ ನೀಡುವುದು ಈ ಕೇಂದ್ರದ ಜವಾಬ್ದಾರಿ’ ಎಂದಿದ್ದಾರೆ. `ಕೆಲವರು ಕೆಲಸ ತ್ವರಿತವಾಗಿ ಆಗಬೇಕೆಂಬ ಆತುರದಲ್ಲಿ ಮಧ್ಯವರ್ತಿಗಳ ಮೊರೆ ಹೋಗಿ ಹೆಚ್ಚಿನ ಹಣ ನೀಡಿ ಮೋಸ ಹೋಗುತ್ತಿದ್ದಾರೆ. ಅದನ್ನು ತಪ್ಪಿಸಲು ಈ ಕೇಂದ್ರ ತೆರೆಯಲಾಗಿದೆ. ಇದು ಪಕ್ಷಾತೀತವಾಗಿ ಕಾರ್ಯ ಮಾಡಲಿದೆ’ ಎಂದರು. `ಕೇಂದ್ರದಲ್ಲಿ ಮತದಾರರ ಗುರುತಿನ ಚೀಟಿ ಮುದ್ರಣ, ಉದ್ಯಮ ನೋಂದಣಿ, ಪಡಿತರ ಚೀಟಿ, ಆಧಾರ್ ಕಾರ್ಡ್ ಪ್ರಿಂಟ್, ಇ-ಶ್ರಮ ಕಾರ್ಡ್, ವಿದ್ಯಾರ್ಥಿ ಬಸ್ ಪಾಸ್, ಸಂಧ್ಯಾ ಸುರಕ್ಷಾ ಯೋಜನೆ, ಪಿಎಂ ಕಿಸಾನ್, ಆಯುಷ್ಮಾನ್ ಭಾರತ್ ಆರೋಗ್ಯ ಕಾರ್ಡ್, ಹಾಸ್ಟೆಲ್ ಹಾಗೂ ಕಾಲೇಜು ಅರ್ಜಿ ಸೇರಿದಂತೆ ಹಲವು ಸೇವೆಗಳು ಲಭ್ಯವಿದ್ದು, ಇವುಗಳನ್ನು ಉಚಿತವಾಗಿ ಒದಗಿಸಲಾಗುತ್ತದೆ’ ಎಂದು ಘೋಷಿಸಿದರು. `ಆದಾಯ ಪ್ರಮಾಣ ಪತ್ರ, ಜಾತಿ ಪ್ರಮಾಣ ಪತ್ರ, ಆದಾಯ ಮತ್ತು ಆಸ್ತಿ ಪ್ರಮಾಣ ಪತ್ರ, ಅಂಗವಿಕಲರ ವೇತನ, ಪಾನ್ ಕಾರ್ಡ್ ತಿದ್ದುಪಡಿ ಸೇರಿದಂತೆ ಸರ್ಕಾರದ ನಿಗದಿತ ಶುಲ್ಕಕ್ಕೆ ಒಳಪಡುವ ಹಲವು ಸೇವೆಗಳಿಗೂ ಮಾರ್ಗದರ್ಶನ ನೀಡಲಾಗುವುದು. ಸಾರ್ವಜನಿಕರಿಂದ ಸೇವಾ ಶುಲ್ಕ ಪಡೆಯದೆ ನೆರವು ನೀಡುವುದು ಕೇಂದ್ರದ ವಿಶೇಷತೆ’ ಎಂದರು. ತಿಮ್ಮಪ್ಪ, ಪ್ರದೀಪ ಹೆಗಡೆ ಕರ್ಜಗಿ, ಅಣ್ಣಪ್ಪ ಹಸಲರ್ ಶಾನ್ ಬಾಳೆಗದ್ದೆ ಇದ್ದರು.  
- [ಎಸ್‌ಐಆರ್ ಪ್ರಕ್ರಿಯೆ: ಲೋಪ ಸರಿಪಡಿಸಲು ಆಗ್ರಹ](https://mobiletime.in/2026/09/sir-process-demand-to-rectify-lapses/): `ಮತದಾರರ ಪಟ್ಟಿಯ ವಿಶೇಷ ಪರಿಷ್ಕರಣೆ ಪ್ರಕ್ರಿಯೆ ಕುರಿತು ಮಾಧ್ಯಮ ವರದಿಯೊಂದು ವಿವಿಧ ಆಕ್ಷೇಪವ್ಯಕ್ತಪಡಿಸಿದ್ದು, ಅಲ್ಲಿ ಬೆಳಕು ಚೆಲ್ಲಿದ ಸಂಗತಿಗಳು ಅತ್ಯಂತ ಆತಂಕಕಾರಿ’ ಎಂದು ಕರ್ನಾಟಕ ಪ್ರಾಂತ ರೈತ ಸಂಘ ಹೇಳಿದೆ. ಈ ಕುರಿತು ಸಮಿತಿ ಜಿಲ್ಲಾಧ್ಯಕ್ಷ ಶಾಂತರಾಮ ನಾಯಕ ಅವರು ಮಾಧ್ಯಮ ಹೇಳಿಕೆ ನೀಡಿದ್ದು, `ಈ ರೀತಿಯ ಎಸ್‌ಐಆರ್ ಪ್ರಕ್ರಿಯೆಯನ್ನು ತಕ್ಷಣವೇ ನಿಲ್ಲಿಸಬೇಕು’ ಎಂದು ಆಗ್ರಹಿಸಿದ್ದಾರೆ. `ಇಂಡಿಯನ್ ಎಕ್ಸ್ಪ್ರೆಸ್ ಪತ್ರಿಕೆ ಬಹಿರಂಗಪಡಿಸಿದ ಮಾಹಿತಿ ಪ್ರಕಾರ ಮತದಾರರ ಪಟ್ಟಿಯ ವಿಶೇಷ ತೀವ್ರ ಪರಿಷ್ಕರಣೆ ಪ್ರಕ್ರಿಯೆ ಹಾಗೂ ಭಾರತ ಚುನಾವಣಾ ಆಯೋಗದ ಪ್ರಜಾಸತ್ತಾತ್ಮಕ ನಡವಳಿಕೆಗಳು ಆಘಾತಕಾರಿ ಅಂಶಗಳನ್ನು ಹೊಂದಿದೆ. ಎಸ್‌ಐಆರ್ ಪ್ರಕ್ರಿಯೆ ಪ್ರಾರಂಭವಾದಾಗಿನಿAದ ಎಡ ಮತ್ತಿತರೆ ವಿರೋಧ ಪಕ್ಷಗಳು ವಿವಿಧ ಪ್ರಶ್ನೆಗಳನ್ನು ಎತ್ತಿವೆ. ನಾಗರಿಕ ಸಮಾಜ ಸಂಸ್ಥೆಗಳು ಸಹ ಅನೇಕ ಅನುಮಾನವ್ಯಕ್ತಪಡಿಸಿದೆ. ಮೂವರು ಚುನಾವಣಾ ಆಯುಕ್ತರಲ್ಲಿ ಇಬ್ಬರು ಮತದಾರರ ಪಟ್ಟಿ ಪರಿಷ್ಕರಣೆ ಮತ್ತು ಎಸ್ ಐ ಆರ್ ಪ್ರಕ್ರಿಯೆಗೆ ಸಂಬAಧಿಸಿದ ಹಲವಾರು ನಿರ್ಧಾರಗಳಿಗೆ ಆಕ್ಷೇಪಣೆಗಳನ್ನು ದಾಖಲಿಸಿದ್ದಾರೆ’ ಎಂಬ ಅಂಶದ ಬಗ್ಗೆ ಶಾಂತರಾಮ ನಾಯಕ ಅವರು ಗಮನಹರಿಸಿದ್ದಾರೆ. `ಕಾನೂನಿನ ಪ್ರಕಾರ ಮೂವರು ಚುನಾವಣಾ ಆಯುಕ್ತರು ಸಮಾನರು ಮತ್ತು ಯಾವುದೇ ಭಿನ್ನಾಭಿಪ್ರಾಯವನ್ನು ಬಹುಮತ ಅಥವಾ ಸರ್ವಾನುಮತದಿಂದ ಇತ್ಯರ್ಥಪಡಿಸಬೇಕು. ಮುಖ್ಯ ಚುನಾವಣಾ ಆಯುಕ್ತರು ಈ ನಿಯಮವನ್ನು ಅನುಸರಿಸಲಿಲ್ಲ. ಆಯೋಗದ ತನ್ನ ಇತರ ಸಹೋದ್ಯೋಗಿಗಳು ಎತ್ತಿರುವ ಆಕ್ಷೇಪಣೆಗಳನ್ನು ಲೆಕ್ಕಿಸದೆ ತನ್ನ ಅಭಿಪ್ರಾಯಗಳನ್ನು ಹೇರುತ್ತಲೇ ಹೋಗಿರುವುದು ಖಂಡನೀಯ’ ಎಂದವರು ಹೇಳಿದ್ದಾರೆ. `ಈ ಭಿನ್ನಾಭಿಪ್ರಾಯಗಳು ಮತದಾರರ ಪಟ್ಟಿಗೆ ಮತದಾರರನ್ನು ಹೇಗೆ ಸೇರಿಸಲಾಗುತ್ತಿದೆ? ಹಾಗೂ ಹೇಗೆ ಕಾರ್ಯಗತಗೊಳಿಸಲಾಗುತ್ತದೆ? ಎಂಬ ಪ್ರಶ್ನೆಗೆ ಸಂಬAಧಿಸಿದ್ದಾಗಿದೆ. ಆದರೆ, ಮುಖ್ಯ ಚುನಾವಣಾ ಆಯುಕ್ತರು ಇಡೀ ಪ್ರಕ್ರಿಯೆಯು ಪಾರದರ್ಶಕ ಮತ್ತು ವಿಕೇಂದ್ರೀಕೃತವಾಗಿದೆ ಎಂದು ಸುಳ್ಳು ಹೇಳುತ್ತಿದ್ದು, ಈ ಇಡೀ ವ್ಯವಸ್ಥೆಯ ಬಣ್ಣ ಬಯಲಾಗಿದೆ. ಸುಪ್ರೀಂ ಕೋರ್ಟ್ ಕೂಡ ತಂತ್ರಜ್ಞಾನದ ಮೇಲಿನ ಅತಿಯಾದ ಅವಲಂಬನೆ ಮತ್ತು ಯಾಂತ್ರಿಕ ನೋಟಿಸ್ ಜಾರಿಯನ್ನು ಗುರುತಿಸಿದೆ’ ಎಂದವರು ಹೇಳಿದ್ದಾರೆ. `ಇಬ್ಬರು ಚುನಾವಣಾ ಆಯುಕ್ತರು ಎತ್ತಿರುವ ಪ್ರಶ್ನೆಗಳು ಎಸ್‌ಐಆರ್ ಪ್ರಕ್ರಿಯೆಯನ್ನು ಮೀರಿವೆ. ಇದು ಚುನಾವಣಾ ಆಯೋಗದ ಸಾಂಸ್ಥಿಕ ಸಮಗ್ರತೆ ಮತ್ತು ಪ್ರಜಾಸತ್ತಾತ್ಮಕ ಕಾರ್ಯನಿರ್ವಹಣೆ, ಚುನಾವಣಾ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ, ವಿಪರೀತ ಕೇಂದ್ರೀಕರಣದ ಮೇಲೆ ಮತ್ತು ಸಾರ್ವತ್ರಿಕ ವಯಸ್ಕ ಮತದಾನಹಕ್ಕಿನ ರಕ್ಷಣೆಗೆ ಸಂಬAಧಿಸಿದ ಬಹು ಮುಖ್ಯ ವಿಚಾರಗಳಿಗೆ ಸಂಬAಧಿಸಿದೆ. ನಿಷ್ಪಕ್ಷಪಾತಿ ಸಂಸ್ಥೆ ಎಂಬ ಚುನಾವಣಾ ಆಯೋಗದ ವಿಶ್ವಾಸಾರ್ಹತೆ ಅಪಾಯದಲ್ಲಿದೆ. ರಾಜಿ ಮಾಡಿಕೊಂಡ ಚುನಾವಣಾ ಆಯೋಗದಲ್ಲಿ ಜನರು ವಿಶ್ವಾಸ ಕಳೆದುಕೊಂಡಿದ್ದಾರೆ. ಇದಕ್ಕಾಗಿ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರನ್ನು ಹೊಣೆಗಾರರನ್ನಾಗಿ ಮಾಡಬೇಕು. ಅವರು ಇನ್ನು ಮುಂದೆ ಈ ಹುದ್ದೆಯಲ್ಲಿ ಮುಂದುವರೆಯಲು ಅವಕಾಶ ನೀಡುವುದು ಸರಿಯಲ್ಲ’ ಎಂದು ಶಾಂತರಾಮ ನಾಯಕ ಅವರು ಹೇಳಿದ್ದಾರೆ. `ಭಾರತದ ಚುನಾವಣಾ ಆಯೋಗದ ಸಮಗ್ರತೆ ಮತ್ತು ಪ್ರಜಾಸತ್ತಾತ್ಮಕ ಕಾರ್ಯನಿರ್ವಹಣೆಯನ್ನು ಪುನಃರ್ ಸ್ಥಾಪಿಸಬೇಕು. ಚುನಾವಣಾ ಆಯುಕ್ತರ ನೇಮಕಾತಿಯಲ್ಲಿ ಪಾರದರ್ಶಕತೆಗೆ ತೊಡಕಾಗಿರುವ ಶಾಸನವನ್ನು ರದ್ದು ಮಾಡಿ ಪ್ರಧಾನ ಮಂತ್ರಿ, ವಿರೋಧ ಪಕ್ಷದ ನಾಯಕ ಮತ್ತು ಭಾರತದ ಮುಖ್ಯ ನ್ಯಾಯಾಧೀಶರನ್ನು ಒಳಗೊಂಡ ಆಯ್ಕೆ ಸಮಿತಿಯಾಗಿರುವಂತಹ ಸುಪ್ರೀಂ ಕೋರ್ಟ್ ಮಾರ್ಗಸೂಚಿಗಳನ್ನು ಸ್ವೀಕರಿಸಿ ಒಂದು ಹೊಸ ಶಾಸನವನ್ನು ತರುವ ಮೂಲಕ ಖಚಿತಪಡಿಸಬೇಕು’ ಎಂದು ಒತ್ತಾಯಿಸಿದ್ದಾರೆ  
- [ನಾಯಿ ದಾಳಿಗೆ ತತ್ತರಿಸಿದ ಹಸುಗೂಸು!](https://mobiletime.in/2026/09/infant-left-traumatized-by-dog-attack/): ಯಲ್ಲಾಪುರದಲ್ಲಿ ಬೀದಿ ನಾಯಿಗಳ ಕಾಟ ಜೋರಾಗಿದ್ದು, ಎರಡು ವರ್ಷದ ಮಗುವಿನ ಮೇಲೆಯೂ ನಾಯಿ ಆಕ್ರಮಣ ನಡೆಸಿದೆ. ಮನೆ ಅಂಗಳದಲ್ಲಿ ಆಟವಾಡುತ್ತಿದ್ದ ಮಗು ಇದೀಗ ಆಸ್ಪತ್ರೆ ಸೇರಿದೆ. ಯಲ್ಲಾಪುರದ ಕಾಳಮ್ಮ ನಗರದಲ್ಲಿ ನಾಯಿಗಳ ಕಾಟ ಮಿತಿ ಮೀರಿದೆ. ಮುನ್ನಾ ಬೈಕ್ ಗ್ಯಾರೇಜ್ ಮಾಲಕ ಮುನ್ನಾ ಅವರ ಪುತ್ರಿ ಆಶ್ರಯ ಕಾಲೋನಿಯಲ್ಲಿರುವ ಮನೆ ಅಂಗಳದಲ್ಲಿ ಆಟ ಆಡುವಾಗ ಅವರ ಮೇಲೆ ನಾಯಿ ದಾಳಿ ನಡೆದಿದೆ. ಎರಡು ವರ್ಷದ ಮಗು ಅಳುವುದನ್ನು ನೋಡಿ ಪಾಲಕರು ಮನೆಯಿಂದ ಹೊರ ಬಂದಾಗ ಮುಖದ ಮೇಲೆ ದೊಡ್ಡ ಗಾಯ ನೋಡಿದ್ದಾರೆ. ತಕ್ಷಣ ಮಗುವನ್ನು ಅವರು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಇನ್ನೂ ನಾಲ್ಕು ಜನರಿಗೆ ಇಲ್ಲಿ ನಾಯಿ ಕಚ್ಚಿದ ದೂರುಗಳಿವೆ. ಯಲ್ಲಾಪುರ ಆಸ್ಪತ್ರೆಯಲ್ಲಿ ಬಾಲಕಿಗೆ ಪ್ರಾಥಮಿಕ ಚಿಕಿತ್ಸೆ ನೀಡಲಾಗಿದೆ. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಸದ್ಯ ಬಾಲಕಿ ಅಲ್ಲಿ ಚೇತರಿಸಿಕೊಳ್ಳುತ್ತಿದ್ದು, ಮುಖದ ಮೇಲಿನ ಗಾಯ ವಾಸಿ ಮಾಡುವುದೇ ದೊಡ್ಡ ಸವಾಲಾಗಿದೆ. ಯಲ್ಲಾಪುರ ಪಟ್ಟಣದ ಇನ್ನೂ ಅನೇಕ ಕಡೆ ಬೀದಿ ನಾಯಿ ಹಾಗೂ ಬೀಡಾಡಿ ಹಂದಿಗಳ ಕಾಟ ಹೆಚ್ಚಿದೆ. ಅವುಗಳ ನಿಯಂತ್ರಣಕ್ಕೆ ಕ್ರಮ ಆಗಬೇಕು ಎಂದು ಜನ ಆಗ್ರಹಿಸಿದ್ದಾರೆ.
- [ಸೊಪ್ಪಿನ ಬೆಟ್ಟಕ್ಕೂ ಬಿದಿರಿನ ಬೇಲಿ!](https://mobiletime.in/2026/09/a-bamboo-fence-for-a-green-hill/): ಯಲ್ಲಾಪುರದ ಡಬ್ಗುಳಿ ಗಣಪತಿ ಭಟ್ಟರ ಸೊಪ್ಪಿನ ಬೆಟ್ಟದಲ್ಲಿ ಅರಣ್ಯ ಇಲಾಖೆಯವರು ಬಿದಿರು ಮುಳ್ಳಿನ ಬೇಲಿ ನಿರ್ಮಿಸಿದ್ದಾರೆ. ಸೊಪ್ಪಿನ ಬೆಟ್ಟದ ಮೇಲೆ ಅಧಿಕಾರವಿಲ್ಲದ ಬಗ್ಗೆ ಅರಿವಿದ್ದರೂ ಅರಣ್ಯಾಧಿಕಾರಿಗಳು ಈ ದುಸ್ಸಾಹಸಕ್ಕೆ ಮುಂದಾಗಿದ್ದಾರೆ. ಅರಬೈಲ್ ಬಳಿಯ ಡಬ್ಗುಳಿಯಲ್ಲಿ ಗಣಪತಿ ಭಟ್ಟ ಅವರು ತೋಟಗಾರಿಕಾ ಭೂಮಿ ಹೊಂದಿದ್ದಾರೆ. ತೋಟದ ಅನುಕೂಲಕ್ಕೆ ಅವರಿಗೆ ಸೊಪ್ಪಿನ ಬೆಟ್ಟದ ಹಕ್ಕನ್ನು ಸರ್ಕಾರ ನೀಡಿದೆ. ಆ ಸೊಪ್ಪಿನ ಬೆಟ್ಟದಲ್ಲಿ ಅರಣ್ಯಾಧಿಕಾರಿಗಳು ಹಸ್ತಕ್ಷೇಪ ಮಾಡಿದ್ದಾರೆ. ತೋಟದವರಿಗೆ ಮಾಹಿತಿ ನೀಡದೇ ಅಲ್ಲಿ ಬಿದಿರು ನಾಟಿ ಮಾಡಿದ್ದಾರೆ. ಮುಳ್ಳು ಬಿದಿರಿನ ಗಿಡಗಳನ್ನು ನೋಡಿ ಗಣಪತಿ ಭಟ್ಟ ಅವರು ಕಂಗಾಲಾಗಿದ್ದಾರೆ. ಈ ಬೆಟ್ಟದ ಅಂಚಿನಲ್ಲಿಯೂ ಬೇಕಾಬಿಟ್ಟಿ ಗಿಡಗಳು ಬಿದ್ದಿವೆ. ಅಲ್ಲಿ 8 ಸಾವಿರ ಗಿಡಗಳನ್ನು ನಾಟಿ ಮಾಡಿದ ನಾಮಫಲಕವಿದ್ದು, ಅದು ಅನುಮಾನಾಸ್ಪದವಾಗಿದೆ. 20 ಹೆಕ್ಟೇರ್ ಪ್ರದೇಶದಲ್ಲಿ 8 ಸಾವಿರ ಗಿಡ ನಾಟಿ ಮಾಡಿದ ಬಗ್ಗೆ ಅರಣ್ಯ ಇಲಾಖೆ ನಾಮಫಲಕದ ಮೂಲಕ ವಿವರಿಸಿದೆ. ಆದರೆ, ಆ ಎಂಟು ಸಾವಿರ ಗಿಡಗಳು ಯಾವವು? ಎಲ್ಲಿವೆ? ಎನ್ನುವುದರ ಬಗ್ಗೆ ಯಾರಿಗೂ ಗೊತ್ತಿಲ್ಲ.  
- [ಆಸ್ತಿಗಾಗಿ ಕೊಲೆ: ಕೋರ್ಟ ಕೇಸು ಗೆದ್ದರು.. ಬದುಕಿನಲ್ಲಿ ಸೋತರು!](https://mobiletime.in/2026/09/murder-over-property-they-won-the-case-but-lost-their-lives/): ಶಿರಸಿಯಲ್ಲಿ ವಾಸವಾಗಿದ್ದ ಪ್ರೇಮಾ ಬಡಿಗೇರ್ ಹಾಗೂ ಅವರ ಮಗ ಅವಿನಾಶ ಬಡಿಗೇರ್ ಹಾವೇರಿಯಲ್ಲಿ ಕೊಲೆಯಾಗಿದ್ದಾರೆ. 20 ವರ್ಷದ ಹಿಂದೆ ಅವರು ಮಾರಾಟ ಮಾಡಲು ಉದ್ದೇಶಿಸಿದ್ದ ಆಸ್ತಿ ವಿಷಯವಾಗಿ ನಡೆದ ಕಲಹ ಕೊಲೆಗೆ ಕಾರಣವಾಗಿದೆ. ಹಾವೇರಿ ಜಿಲ್ಲೆಯ ಹಾನಗಲ್ ತಾಲೂಕಿನ ಕೂಸನೂರು ಗ್ರಾಮದಲ್ಲಿ ಈ ಭೀಕರ ಘಟನೆ ನಡೆದಿದೆ. ಪ್ರೇಮಾ ಬಡಿಗೇರ ಅವರು ಹೆಸ್ಕಾಂ’ನಲ್ಲಿ ಕೆಲಸ ಮಾಡಿಕೊಂಡಿದ್ದರು. ಅವರ ಮಗ ಅವಿನಾಶ್ ಬಡಿಗೇರ ಅವರು ಫೋಟೋಗ್ರಾಫರ್ ಅಗಿದ್ದರು. 20 ವರ್ಷಗಳ ಹಿಂದಿನ ಆಸ್ತಿ ವಿವಾದವೇ ಅವರ ಸಾವಿಗೆ ಕಾರಣವಾಯಿತು.ತಿರಕಯ್ಯ ಹಾಗೂ ಬಸವರಾಜ್ ಎಂಬುವವರು ಈ ಹಿಂದೆ ಪ್ರೇಮಾ ಅವರ ಬಳಿ ಆಸ್ತಿಯೊಂದನ್ನು ಖರೀದಿ ಮಾಡಿದ್ದರು. ಆದರೆ, ಹಣಕಾಸಿನ ವಿಚಾರಕ್ಕೆ ಶುರುವಾದ ಗಲಾಟೆ ದೊಡ್ಡದಾಗಿದ್ದು, ರಾಜಿ ಪಂಚಾಯತಿ ಸಹ ಬಗೆಹರಿಯಲಿಲ್ಲ. ಕೊನೆಗೆ ಈ ಕೇಸು ಕೋರ್ಟಿಗೆ ಹೋಗಿತ್ತು. ಕೋರ್ಟಿನ ವಿಚಾರಣೆಯಲ್ಲಿ ಪ್ರೇಮಾ ಬಡಿಗೇರ್ ಹಾಗೂ ಅವಿನಾಶ ಬಡಿಗೇರ್ ಅವರಿಗೆ ನ್ಯಾಯ ಸಿಕ್ಕಿದ್ದು, ನ್ಯಾಯ ಸಿಕ್ಕ ಖುಷಿಗೆ ಅವರು ದೇವರ ಪೂಜೆ ಮಾಡಿ ಊರಿಗೆ ಹೋರಟಿದ್ದರು. ಕೋರ್ಟ್ ಆದೇಶದಂತೆ ತಮ್ಮ ಜಾಗವನ್ನು ವಶಕ್ಕೆ ಪಡೆಯಲು ಪ್ರೇಮಾ ಹಾಗೂ ಅವಿನಾಶ್ ಕೂಸನೂರು ಗ್ರಾಮಕ್ಕೆ ಆಗಮಿಸಿದ್ದರು. ಆದರೆ ಕೋರ್ಟ್ ತೀರ್ಪಿನಿಂದ ಆಕ್ರೋಶಗೊಂಡಿದ್ದ ಎದುರಾಳಿಗಳು ಅವರ ಕೊಲೆಗೆ ಸಂಚು ರೂಪಿಸಿದ್ದರು. ತಾಯಿ-ಮಗ ಊರಿಗೆ ಬರುತ್ತಿದ್ದಂತೆ ಬೀದಿ ಮಧ್ಯೆಯೇ ಅವರ ಮೇಲೆ ಮುಗಿಬಿದ್ದ ಹಂತಕರು, ಇಬ್ಬರನ್ನೂ ಹಾಡಹಗಲೇ ಬರ್ಬರವಾಗಿ ಹೊಡೆದು ಕೊಲೆ ಮಾಡಿದ್ದಾರೆ. ಅದಾದ ನಂತರ ಹೆಣ ಬಿದ್ದ ಜಾಗದಲ್ಲೇ ರಕ್ತದ ಮಡುವಿನಲ್ಲಿ ಮೃತದೇಹಗಳ ಮುಂದೆಯೇ ಕೂತು ಊಟ ಮಾಡಿ ವಿಕೃತಿ ಮೆರೆದಿದ್ದಾರೆ.
- [ಹಲ್ಲೆ ನಡೆಸಿದ ಆರೋಪಿ ಸೆರೆ!](https://mobiletime.in/2026/09/accused-who-carried-out-the-attack-arrested/): ಸ್ನೇಹಿತರ ಜೊತೆ ಊಟಕ್ಕೆ ಹೋಗಿದ್ದ ಶಿರಸಿಯ ಆದರ್ಶ ಮರಾಠಿ ಅವರಿಗೆ ಹೊಡೆದು ಪರಾರಿಯಾಗಿದ್ದ ಕುಮಟಾದ ಗಿರೀಶ ನಾಯ್ಕ ಅವರು ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ. ಗಿರೀಶ ನಾಯ್ಕ ಅವರನ್ನು ಪೊಲೀಸರು ಬಂಧಿಸಿ ಕಾನೂನು ಕ್ರಮ ಜರುಗಿಸಿದ್ದಾರೆ. ಶಿರಸಿಯ ಮಾರುತಿಗಲ್ಲಿಯಲ್ಲಿ ಆದರ್ಶ ಆನಂದ ಮರಾಠಿ ಅವರು ವಾಸವಾಗಿದ್ದರು. ಪ್ಲಂಬಿAಗ್ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಸೆಪ್ಟೆಂಬರ್ 25ರ ರಾತ್ರಿ 11ಗಂಟೆಗೆ ಮಿರ್ಜಾನಕರ್ ಪೆಟ್ರೊಲ್ ಬಂಕಿನ ಬಳಿ Àವರು ಸ್ನೇಹಿತರ ಜೊತೆ ಊಟಕ್ಕೆ ಹೋಗಿದ್ದರು. ಆಗ, ಅಲ್ಲಿ ಕುಮಟಾ ಗೂಡೆಅಂಗಡಿಯ ಗಿರೀಶ ವಾಮನ ನಾಯ್ಕ ಅವರು ಆಗಮಿಸಿದ್ದು, ಆರ್ದ ಮರಾಠಿ ಅವರನ್ನು ಅಡ್ಡಗಟ್ಟಿ ಹಲ್ಲೆ ಮಾಡಿದ್ದರು. ಅದಾದ ನಮತರ ಗಿರೀಶ ನಾಯ್ಕ ಪರಾರಿಯಾಗಿದ್ದು, ಈ ಪ್ರಕರಣ ವಿಷಯವಾಗಿ ಪೊಲೀಸರು ತನಿಖಾ ತಂಡ ರಚಿಸಿದ್ದರು. ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೃಷ್ಣಮೂರ್ತಿ ಅವರ ಜೊತೆ ಡಿವೈಎಸ್ಪಿ ಗೀತಾ ಪಾಟೀಲ್ ಅವರು ಪಿಐ ಸಂಪತ್ ಈಸಿ, ಪಿಸೈ ನರಸಿಂಹಲು ಟಿ, ನಾರಾಯಣ ರಾಥೋಡ್ ಅವರನ್ನು ಕಾರ್ಯಾಚರಣೆಗಿಳಿಸಿದರು. ಪೊಲೀಸ್ ಸಿಬ್ಬಂದಿ ಸಿಬ್ಬಂದಿ ಬಸವರಾಜ ಹಗೇರಿ, ರಾಮಯ್ಯ ಪೂಜಾರಿ, ಹನುಮಂತ ಮಂಕಾಪುರ, ಹನುಮಂತ ಕಬಾಡಿ, ಚೆನ್ನಪ್ಪ, ಸುನೀಲ, ಪ್ರಶಾಂತ, ರಾಜಶೇಖರ ಸೇರಿ ಆರೋಪಿಯನ್ನು ಬಂಧಿಸಿದರು.
- [ಚಾಕು ಚುಚ್ಚಿದವನಿಗೆ ನ್ಯಾಯಾಂಗ ಬಂಧನ!](https://mobiletime.in/2026/09/judicial-custody-for-the-person-who-stabbed/): ಹಳಿಯಾಳದ ಕುಸ್ತಿ ಅಖಾಡದ ಬಳಿ ಭಜಂತ್ರಿ ಗಲ್ಲಿಯ ಭರತ ಮೊರೆ ಅವರಿಗೆ ಚಾಕು ಚುಚ್ಚಿ ಪರಾರಿಯಾಗಿದ್ದ ಶಣ್ಮುಖ ಅಂಕೊಲೆಕರ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಆರೋಪಿಗೆ ನ್ಯಾಯಾಲಯ ನ್ಯಾಯಾಂಗ ಬಂಧನವಿಧಿಸಿದೆ. ಸೆಪ್ಟೆoಬರ್ 23ರಂದು ಸಣ್ಣ ವಿಷಯವೊಂದಕ್ಕೆ ನಡೆದ ಮಾತಿನ ಚಕಮಕಿ ವಿಕೋಪಕ್ಕೆ ತಿರುಗಿದ್ದು, ಭಜಂತ್ರಿ ಗಲ್ಲಿಯ ಭರತ ಮೊರೆ (30) ಎಂಬಾತರ ಮೇಲೆ ಚಾಕುವಿನ ದಾಳಿ ನಡೆದಿತ್ತು. ಅವರನ್ನು ಹಳಿಯಾಳ ತಾಲೂಕು ಆಸ್ಪತ್ರೆಗೆ ದಾಖಲಿಸಿ ಪ್ರಾಥಮಿಕ ಚಿಕಿತ್ಸೆ ನೀಡಿ, ನಂತರ ಧಾರವಾಡಕ್ಕೆ ರವಾನಿಸಲಾಗಿತ್ತು. ಚಾಕು ಇರಿತದ ಬಳಿಕ ಆರೋಪಿತ ವ್ಯಕ್ತಿ ಸ್ಥಳದಿಂದ ಪರಾರಿಯಾಗಿದ್ದು, ಈ ಗಲಾಟೆಗೆ ಕಾರಣ ಏನು? ಎಂದು ಗೊತ್ತಾಗಿರಲಿಲ್ಲ. ಆರೋಪಿಯ ಸುಳಿವು ಸಹ ಸಿಕ್ಕಿರಲಿಲ್ಲ. ಪ್ರಕರಣದ ತನಿಖೆ ನಡೆಸಿದ ಪೊಲೀಸರು ಆರೋಪಿತನ ಪತ್ತೆಗಾಗಿ ವಿಶೇಷ ತಂಡ ರಚಿಸಿದ್ದರು. ಬಿ.ಕೆ. ಹಳ್ಳಿ ರೋಡ್ ನಿವಾಸಿ ಶಣ್ಮುಖ ಅಂಕೊಲೆಕರರನ್ನು ಆ ತಂಡದವರು ಬಂಧಿಸಿದರು. ತನಿಖೆ ನಡೆಸಿದ ಬಳಿಕ ಆರೋಪಿತನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ನ್ಯಾಯಾಲಯ ನ್ಯಾಯಾಂಗ ಬಂಧನ ವಿಧಿಸಿದೆ.
- [ಲ್ಯಾಂಪ್ಸ್ ಸೊಸೈಟಿ ಕಾರ್ಯಕ್ಕೆ ಕಿಡಿ!](https://mobiletime.in/2026/09/spark-ignites-lamps-society-operations/): ಯಲ್ಲಾಪುರದ ಸಹ್ಯಾದ್ರಿ ಗಿರಿಜನ ದೊಡ್ಡ ಪ್ರಮಾಣದ ವಿವಿಧೋದ್ದೇಶಗಳ ಸಹಕಾರಿ ಸಂಘದ (ಲ್ಯಾಂಪ್ಸ್) ಕಾರ್ಯವೈಖರಿಯ ಬಗ್ಗೆ ಶೇರುದಾರ ಸದಸ್ಯರಿಂದಲೇ ಆಕ್ಷೇಪವ್ಯಕ್ತವಾಗಿದೆ. ಸೂಚಿಸಿದ ದಿನ ಸರ್ವ ಸಾಧಾರಣ ಸಭೆಯನ್ನು ಸಹ ನಡೆಸದೇ ನಿಯಮಾವಳಿಗಳನ್ನು ಗಾಳಿಗೆ ತೂರಿದ ಆರೋಪ ಇಲ್ಲಿ ವ್ಯಕ್ತವಾಗಿದೆ. `ಸರ್ಕಾರಿ ನಿಯಮಾವಳಿಯಂತೆ ಪ್ರತಿವರ್ಷ ನಡೆಸಬೇಕಾದ ಸರ್ವ ಸಾಧಾರಣ ಸಭೆಯನ್ನು ಸೆ 24ರಂದು ಯಲ್ಲಾಪುರದ ವೆಂಕಟರಮಣ ಮಠದಲ್ಲಿ ನಡೆಸಲು ಸಂಘದ ಆಡಳಿತ ಮಂಡಳಿ ನಿರ್ಧರಿಸಿತ್ತು. ಈ ಹಿನ್ನೆಲೆಯಲ್ಲಿ ಸದಸ್ಯರಿಗೆ ಸಭೆಯ ಕರೆಯೋಲೆಯನ್ನೂ ನೀಡಲಾಗಿತ್ತು. ಅದರಂತೆ ಸಭೆಗೆ ಆಗಮಿಸಿದ ಸದಸ್ಯರಿಗೆ ಆಡಳಿತ ಮಂಡಳಿಯ ಸದಸ್ಯರು ಸ್ಥಳದಲ್ಲಿ ಇಲ್ಲದಿರುವುದು ಕಂಡುಬAದಿದ್ದು, ಸಭೆ ನಡೆಯದೆ ವಾಪಸ್ ತೆರಳುವಂತಾಯಿತು’ ಎಂದು ಸದಸ್ಯರು ಹೇಳಿದ್ದಾರೆ. `ಸಭೆ ನಡೆಯುವುದಿಲ್ಲ ಎಂಬ ಮಾಹಿತಿಯನ್ನು ಪೂರ್ವಭಾವಿಯಾಗಿ ಸದಸ್ಯರಿಗೆ ತಿಳಿಸದಿರುವುದು ಕೂಡ ಆಡಳಿತ ಮಂಡಳಿಯ ಕಾರ್ಯವೈಖರಿ ಕುರಿತು ಪ್ರಶ್ನೆ ಮೂಡಿಸಿದೆ ಎಂದು ಕೆಲ ಸದಸ್ಯರು ಆಕ್ಷೇಪವ್ಯಕ್ತಪಡಿಸಿದ್ದಾರೆ. ನಿಗದಿತ ಸಭೆ ನಡೆಯದ ಬಳಿಕವೂ ಮುಂದಿನ ಸಭೆಯ ಕುರಿತು ಯಾವುದೇ ಸ್ಪಷ್ಟ ಮಾಹಿತಿ ನೀಡದಿರುವುದು ಸದಸ್ಯರ ಅಸಮಾಧಾನಕ್ಕೆ ಕಾರಣವಾಗಿದೆ. ಸಂಘದ ಆಡಳಿತ ಮಂಡಳಿಯ ಇತ್ತೀಚಿನ ಬೆಳವಣಿಗೆಗಳ ಬಗ್ಗೆ ಸದಸ್ಯರಲ್ಲಿ ಅನುಮಾನ ಮೂಡಿದ್ದು, ಸಂಘದ ಆಡಳಿತ ಹಾಗೂ ಆರ್ಥಿಕ ವ್ಯವಹಾರಗಳ ಕುರಿತು ಸಹಕಾರಿ ಇಲಾಖೆ ಅಧಿಕಾರಿಗಳು ಪರಿಶೀಲನೆ ನಡೆಸಬೇಕು ಎಂಬ ಒತ್ತಾಯ ಕೇಳಿಬಂದಿದೆ. ಸಂಘದ ಆರ್ಥಿಕ ಪರಿಸ್ಥಿತಿ, ಆಡಳಿತಾತ್ಮಕ ಕಾರ್ಯವೈಖರಿ ಹಾಗೂ ಸರ್ವ ಸಾಧಾರಣ ಸಭೆ ನಡೆಸದಿರುವುದಕ್ಕೆ ಕಾರಣವೇನು ಎಂಬುದನ್ನು ಸಂಬAಧಿಸಿದ ಅಧಿಕಾರಿಗಳು ಪರಿಶೀಲಿಸಿ, ಸಂಘದ ಸದಸ್ಯರಿಗೆ ವಾಸ್ತವಾಂಶವನ್ನು ತಿಳಿಸಬೇಕು ಎಂದು ಶೇರುದಾರ ಸದಸ್ಯರು ಆಗ್ರಹಿಸಿದ್ದಾರೆ.
- [ಕುಡಿಯುವ ನೀರಿಗಾಗಿ ಡೀಸಿಗೆ ಮನವಿ: ಕ್ರಮಕ್ಕೆ ಸೂಚನೆ](https://mobiletime.in/2026/09/request-to-deputy-commissioner-for-drinking-water-action-ordered/): ಕಾರವಾರದ ಕಿನ್ನರ ಗ್ರಾಮದ ಜನ ಉಪ್ಪು ನೀರಿನ ಸಮಸ್ಯೆಯಿಂದ ಕೆಂಗಟ್ಟಿದ್ದು, `ಅವರಿಗೆ ಕುಡಿಯುವುದಕ್ಕಾದರೂ ಶುದ್ಧ ನೀರು ಕೊಡಿ’ ಎಂದು ಡೀಸಿ ಕೆ. ಲಕ್ಷ್ಮಿಪ್ರಿಯಾ ಅವರು ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. `ಸಮಸ್ಯೆಗೆ ಶಾಶ್ವತ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ಕ್ರಮ ಜರುಗಿಸಿ’ ಎಂದವರು ಸಣ್ಣ ನೀರಾವರಿ ಇಲಾಖೆಯ ಅಧಿಕಾರಿಗಳಿಗೂ ನಿರ್ದೇಶನ ನೀಡಿದ್ದಾರೆ. ಶನಿವಾರ ಕಾರವಾರ ತಾಲೂಕು ಕಿನ್ನರ ಗ್ರಾಮ ಪಂಚಾಯತ್ ನಲ್ಲಿ ನಡೆದ ಪ್ರಜಾಸೇವೆ ಆಂದೋಲನ ಸಭೆಯಲ್ಲಿ ಗದ್ದೆಗಳಿಗೆ ಉಪ್ಪು ನೀರು ನುಗ್ಗುತ್ತಿರುವ ಮತ್ತು ಬಾವಿ ಗಳಲ್ಲಿ ಉಪ್ಪು ನೀರು ಸೇರ್ಪಡೆಯಾಗುತ್ತಿರುವ ಕುರಿತ ಸಮಸ್ಯೆಗಳ ಬಗ್ಗೆ ಗ್ರಾಮಸ್ಥರು ಸಲ್ಲಿಸಿದ ಮನವಿಯ ಕುರಿತು ಮಾತನಾಡಿದ ಅವರು `ಸಣ್ಣ ನೀರಾವರಿ ಇಲಾಖೆಯಿಂದ ಈ ಭಾಗದಲ್ಲಿ ಉಪ್ಪುನೀರಿನ ಸಮಸ್ಯೆ ತಡೆಗೆ ಖಾರ್ ಲ್ಯಾಂಡ್ ನಿರ್ಮಾಣ ಮಾಡುವ ಕುರಿತಂತೆ ಈಗಾಗಲೇ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಕೆಯಾಗಿದ್ದು, ಈ ಕುರಿತಂತೆ ಪರಿಶೀಲಿಸಿ ಆದಷ್ಟು ಶೀಘ್ರದಲ್ಲಿ ಈ ಸಮಸ್ಯಗೆ ಪರಿಹಾರ ಒದಗಿಸಲಾಗುವುದು’ ಎಂದರು. ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ಮಾತನಾಡಿ `ಈ ಭಾಗದಲ್ಲಿ ನೀರಿನ ಸಮಸ್ಯೆಗೆ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆವತಿಯಿಂದ ಕೈಗೊಂಡಿರುವ ಬಹು ಗ್ರಾಮ ಕುಡಿಯುವ ನೀರಿನ ಯೋಜನೆಯ ಮೂಲಕ ಶಾಶ್ವತ ಪರಿಹಾರ ಒದಗಿಸಲಾಗುವುದು. ಈ ಯೋಜನೆಯು ಮಾರ್ಚ್ ಅಂತ್ಯದೊಳಗೆ ಮುಕ್ತಾಯವಾಗಲಿದೆ’ ಎಂದರು. ಈ ಭಾಗದಲ್ಲಿ ಕಾಳಿ ನದಿಯಿಂದ ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿರುವ ದೂರಿನ ಕುರಿತಂತೆ, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಮತ್ತು ಪೊಲೀಸ್ ಇಲಾಖೆಯ ಮೂಲಕ ಇಲ್ಲಿ ಚೆಕ್ ಪೋಸ್ಟ್ ಆರಂಭಿಸಿ ಈ ಅಕ್ರಮವನ್ನು ತಡೆಯುವುದಾಗಿ ತಿಳಿಸಿದರು. ಹೆಸ್ಕಾಂ ಇಲಾಖೆವತಿಯಿಂದ ವಿದ್ಯುತ್ ಲೈನ್‌ಗಳ ದುರಸ್ತಿ, ವಿದ್ಯುತ್ ಕಂಬಗಳ ಸ್ಥಳಾಂತರ ಮತ್ತು ಅರಣ್ಯ ಇಲಾಖೆಯಿಂದ ಅಪಾಯಕಾರಿ ಮರಗಳ ತೆರವು ಕುರಿತು ಸಲ್ಲಿಕೆಯಾಗಿರುವ ದೂರುಗಳನ್ನು, ಪರಿಶೀಲಿಸಿ ತಕ್ಷಣ ಕ್ರಮ ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು. ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಬೀಡಾಡಿ ದನಗಳ ನಿಯಂತ್ರಣ ಸೇರಿದಂತೆ ವಿವಿಧ ಸಮಸ್ಯೆಗಳ ಕುರಿತು 40 ಕ್ಕೂ ಅಧಿಕ ದೂರುಗಳು ಸಲ್ಲಿಕೆಯಾಗಿದ್ದು, ಈ ಎಲ್ಲಾ ದೂರುಗಳಿಗೆ ನಿಗಧಿತ ಅವಧಿಯೊಳಗೆ ಪರಿಹಾರ ಒದಗಿಸಲಾಗುವುದು ಎಂದು ಜಿಲ್ಲಾಧಿಕಾರಿಗಳು ತಿಳಿಸಿದರು. ಸಭೆಯಲ್ಲಿ ಕಾರವಾರ ಉಪ ವಿಭಾಗಾಧಿಕಾರಿ ರಮ್ಯಾ, ತಹಸೀಲ್ದಾರ್ ನಿಶ್ಚಲ್ ನರೋನ್ಹಾ, ತಾ.ಪಂ. ಕಾರ್ಯನಿರ್ವಹಣಾಧಿಕಾರಿ ವೀರನಗೌಡ ಏನಗೌಡರ, ಡಿವೈಎಸ್ಪಿ ಗಿರೀಶ್ ಹಾಗೂ ಎಲ್ಲಾ ಇಲಾಖಾಧಿಕಾರಿಗಳು ಇದ್ದರು.  
- [ಎಮರ್ಜನ್ಸಿ: ಆಂಬುಲೆನ್ಸ್ ಹೆಸರಿನಲ್ಲಿ ಸುಲಿಗೆ!](https://mobiletime.in/2026/09/emergency-extortion-in-the-name-of-an-ambulance/): ಕಾರವಾರ ವೈದ್ಯಕೀಯ ವಿಜ್ಞಾನ ಕೇಂದ್ರದಿAದ ಹೆಚ್ಚಿನ ಚಿಕಿತ್ಸೆಗಾಗಿ ಬೇರೆ ಜಿಲ್ಲೆಗೆ ಕರೆದೊಯ್ಯುವ ರೋಗಿಗಳಿಂದ ಸುಲಿಗೆ ನಡೆಯುತ್ತಿದೆ. ಮಂಗಳೂರಿಗೆ ಹೋಗಲು 5 ಸಾವಿರ ರೂ ವೆಚ್ಚವಾಗುತ್ತಿದ್ದು, ಇಂಧನ ವೆಚ್ಚ ಎಂದು 7500ರೂ ವಸೂಲಿ ಮಾಡುತ್ತಿರುವ ಸಂಗತಿ ಹೊರಬಿದ್ದಿದೆ. ಈ ಕುರಿತು ಸಮಗ್ರ ತನಿಖೆ ನಡೆಯಬೇಕು ಎಂದು ಜನಶಕ್ತಿ ವೇದಿಕೆ ಆಗ್ರಹಿಸಿದೆ. ಈಚೆಗೆ ಖಾಸಗಿ ಆಂಬುಲೆನ್ಸ ಮಾಲಕ ಮಂಜುನಾಥ ಮಹಾದೇವ್ ಕೋಳಂಕರ್ ಅವರು ಸುದ್ದಿಗೋಷ್ಠಿ ನಡೆಸಿ `ರೋಗಿಗಳನ್ನು ಮಂಗಳೂರಿಗೆ ಸಾಗಿಸಲು ನೈಜವಾಗಿ ಸುಮಾರು ?5,000 ಮೌಲ್ಯದ ಇಂಧನ (ಡೀಸೆಲ್) ವೆಚ್ಚವಾಗುತ್ತದೆ. ಆದರೆ, ಸರ್ಕಾರಿ ಅಂಬುಲೆನ್ಸ್ನಲ್ಲಿ ಸುಮಾರು 7,500 ಇಂಧನ ವೆಚ್ಚವೆಂದು ಪಡೆಯಲಾಗುತ್ತಿದೆ. ಇದರಲ್ಲಿ 2,500 ಹೆಚ್ಚುವರಿ ಮೊತ್ತವನ್ನು ಏಕೆ ಪಡೆಯಲಾಗುತ್ತಿದೆ? ಈ ಹಣ ಯಾರ ಖಾತೆಗೆ ಸೇರುತ್ತಿದೆ? ಎಂಬ ಪ್ರಶ್ನೆ ಮಾಡಿದ್ದಾರೆ. `ಈ ಆರೋಪ ಸತ್ಯವೇ ಅಥವಾ ಸುಳ್ಳೇ? ಎಂಬುದು ತನಿಖೆಯಿಂದ ಸ್ಪಷ್ಟವಾಗಬೇಕು. ಆದರೆ ಆರೋಪ ಕೇಳಿಬಂದಿರುವ ಹಿನ್ನೆಲೆಯಲ್ಲಿ ಜಿಲ್ಲಾಡಳಿತ ಮೌನ ವಹಿಸದೆ ಪ್ರತಿ ಅಂಬುಲೆನ್ಸ್ನ ಮೈಲೇಜ್ ದಾಖಲೆ, ಪ್ರಯಾಣದ ದೂರ, ಇಂಧನ ಬಳಕೆ, ಡೀಸೆಲ್ ಬಿಲ್, ನಿರ್ವಹಣಾ ವೆಚ್ಚ ಹಾಗೂ ರೋಗಿಗಳಿಂದ ವಸೂಲಿ ಮಾಡಿರುವ ಹಣದ ಸಂಪೂರ್ಣ ಲೆಕ್ಕಪತ್ರವನ್ನು ಪರಿಶೀಲಿಸಬೇಕು’ ಎಂದು ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ಬಿ ನಾಯಕ ಅವರು ಒತ್ತಾಯಿಸಿದ್ದಾರೆ. `ಸರ್ಕಾರಿ ಅಂಬುಲೆನ್ಸ್ ಆಗಿದ್ದರೂ ದರ ನಿಗದಿಗೆ ಪಾರದರ್ಶಕ ವ್ಯವಸ್ಥೆ ಇಲ್ಲದಿದ್ದರೆ ಸಾಮಾನ್ಯ ಜನರು ಪ್ರಶ್ನೆ ಮಾಡಲೇಬೇಕು. 2,500ರೂ ಹೆಚ್ಚುವರಿ ವಸೂಲಿ ಆಗಿದ್ದರೆ ಅದು ಯಾರ ಜೇಬಿಗೆ ಹೋಗುತ್ತಿದೆ ಎಂಬುದು ತನಿಖೆಯಿಂದ ಹೊರಬರಬೇಕು. ಸಾರ್ವಜನಿಕ ಹಣದ ಪ್ರತಿಯೊಂದು ರೂಪಾಯಿಗೂ ಲೆಕ್ಕ ಇರಬೇಕು’ ಎಂದು ಅವರು ಆಗ್ರಹಿಸಿದ್ದಾರೆ. ಇದರ ಜೊತೆಗೆ ಕಿಮ್ಸ್ ಆಸ್ಪತ್ರೆಯಲ್ಲಿ ಆಂಬುಲೆನ್ಸ್ಗಳ ಕೊರತೆಯೂ ಜನರನ್ನು ಕಾಡುತ್ತಿದೆ. ಲಭ್ಯವಿರುವ ವಾಹನಗಳ ಪೈಕಿ ಕೆಲವು ವಾಹನಗಳು ಆಗಾಗ್ಗೆ ದುರಸ್ತಿಗೆ ತೆರಳುವುದರಿಂದ ತುರ್ತು ಸಂದರ್ಭಗಳಲ್ಲಿ ಅಗತ್ಯ ವಾಹನಗಳು ಸಿಗದ ಪರಿಸ್ಥಿತಿ ನಿರ್ಮಾಣವಾಗುತ್ತಿದೆ. ಪರಿಣಾಮವಾಗಿ ಬಡ ರೋಗಿಗಳು ಅನಿವಾರ್ಯವಾಗಿ ದುಬಾರಿ ಖಾಸಗಿ ಅಂಬುಲೆನ್ಸ್ಗಳ ಮೊರೆ ಹೋಗಬೇಕಾಗಿದೆ’ ಎಂದವರು ಹೇಳಿದ್ದಾರೆ. ಆಂಬುಲೆನ್ಸ್ ದರ ನಿಗದಿಗೆ ಜಿಲ್ಲಾಡಳಿತ ಹಾಗೂ ವಿವಿಧ ಇಲಾಖೆ ಅಧಿಕಾರಿಗಳನ್ನು ಒಳಗೊಂಡ ಸಮಿತಿ ರಚಿಸಿ, ವಾಹನದ ಮೈಲೇಜ್, ಇಂಧನದ ಪ್ರಕಾರ,(ಡೀಸೆಲ್, ಪೆಟ್ರೋಲ್) ಪ್ರಯಾಣದ ದೂರ ಮತ್ತು ನೈಜ ವೆಚ್ಚ ಆಧರಿಸಿ ನ್ಯಾಯಸಮ್ಮತ ದರ ನಿಗದಿಪಡಿಸಬೇಕು’ ಎಂದವರು ಮನವಿ ಮಾಡಿದ್ದಾರೆ. `ಕೈಗಾ, ನ್ಯೂಕ್ಲಿಯರ್ ಯೋಜನೆ, ಪೇಪರ್ ಮಿಲ್, ಗ್ರಾಸಿಮ್ ಸೇರಿದಂತೆ ಜಿಲ್ಲೆಯ ಪ್ರಮುಖ ಕೈಗಾರಿಕೆಗಳ ಅSಖ ನಿಧಿ ಅಥವಾ ದೇಣಿಗೆಯ ಮೂಲಕ ಹೊಸ ಅಂಬುಲೆನ್ಸ್ಗಳನ್ನು ಪಡೆಯಬೇಕು. ಅಲ್ಲದೆ, ಮೃತದೇಹ ಸಾಗಿಸಲು ಪ್ರತ್ಯೇಕ ವಾಹನವನ್ನು ಒದಗಿಸಬೇಕು. ಇಲ್ಲವಾದರೆ ಸಾವಿನ ನೋವಿನಲ್ಲಿರುವ ಕುಟುಂಬಗಳ ಮೇಲೂ ಖಾಸಗಿ ವಾಹನಗಳ ದುಬಾರಿ ವೆಚ್ಚದ ಹೊರೆ ಬೀಳಲಿದೆ’ ಎಂದವರು ಅಭಿಪ್ರಾಯಪಟ್ಟಿದ್ದಾರೆ.
- [ಗ್ರಾಮೀಣ ಅಭಿವೃದ್ಧಿ: ಸರ್ಕಾರಿ ಹಣ ಸ್ವಾಹಾ.. ಸ್ವಾಹಾ!](https://mobiletime.in/2026/09/rural-development-government-funds-siphoned-off/): ಗ್ರಾಮೀಣ ಅಭಿವೃದ್ಧಿಗಾಗಿ ಕೇಂದ್ರ ಸರ್ಕಾರದಿಂದ ಬರುವ ಅನುದಾನ ದುರ್ಬಳಕೆಯಾಗುತ್ತಿದೆ. ವರ್ಷದಿಂದ ವರ್ಷಕ್ಕೆ ಹಣ ದುರುಪಯೋಗ ಪ್ರಕರಣ ಅಧಿಕವಾಗಿದ್ದು, ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಳೆದ ಮೂರು ವರ್ಷದಲ್ಲಿ 10ಕೋಟಿ ರೂಪಾಯಿಗೂ ಅಧಿಕ ಹಣ ಪೊಲಾಗಿದೆ. ಗ್ರಾಮ ಪಂಚಾಯಿತಿಗಳಿಗೆ ಕೇಂದ್ರ ಸರ್ಕಾರದಿಂದ ಮಂಜೂರಾಗುವ 15 ನೇ ಹಣಕಾಸು ನಿಧಿ ದುರುಪಯೋಗವಾಗಿದೆ. ಮಾಹಿತಿ ಹಕ್ಕು ಕಾಯ್ದೆ ಅಡಿ ಪಡೆದ ಸಾಮಾಜಿಕ ಲೆಕ್ಕ ಪರಿಶೋಧನಾ ವರದಿಯ ದಾಖಲೆಗಳಲ್ಲಿ ಈ ಬಗ್ಗೆ ಮಾಹಿತಿ ದೊರೆತಿದೆ. ಸರ್ಕಾರ ನೀಡುವ ಅನುದಾನ ಸದ್ಬಳಕೆಯಾಗಿದೆಯೇ? ಪಾರದರ್ಶಕವಾಗಿ ಕಾಮಗಾರಿ ನಡೆದಿದೆಯೇ? ಎಂಬುದನ್ನು ಅರಿಯಲು ಪ್ರತಿ ವರ್ಷ ಲೆಕ್ಕ ಪರಿಶೋಧನೆ ನಡೆಯುತ್ತದೆ. ಅದರಲ್ಲಿ ಸಾಕಷ್ಟು ಅಕ್ರಮ ನಡೆದಿರುವುದು ಗಮನಕ್ಕೆ ಬಂದಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಸಾಕಷ್ಟು ಅಕ್ರಮ ನಡೆದಿರುವುದು ಬಹಿರಂಗವಾಗಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ 2022, 2023 ಹಾಗೂ 2024 ನೇ ಸಾಲಿನಲ್ಲಿ 15 ನೇ ಹಣಕಾಸು ಯೋಜನೆಯಲ್ಲಿ ಒಟ್ಟು 136.88 ಕೋಟಿ ರೂ ಅನುದಾನ ಬಿಡುಗಡೆಯಾಗಿದೆ. ಈ ಮೂರು ವರ್ಷಗಳಲ್ಲಿ 10.98 ಕೋಟಿ ರೂ. ಕಾಮಗಾರಿಗಳಿಗೆ ಎಂದರೆ ಶೇ 8.02 ಕಾಮಗಾರಿಗಳಿಗೆ ಲೆಕ್ಕ ಪರಿಶೋಧನೆಯಲ್ಲಿ ಆಕ್ಷೇಪ ವ್ಯಕ್ತವಾಗಿದೆ. ಅದರಲ್ಲಿ 36.62 ಲಕ್ಷ ರೂ. ದುರುಪಯೋಗವಾಗಿದೆ ಎಂದು ವರದಿ ಹೇಳಿದೆ. 2020ರಿಂದ 15ನೇ ಹಣಕಾಸು ಯೋಜನೆ ಜಾರಿಗೆ ಬಂದಿದೆ. 15 ನೇ ಹಣಕಾಸು ಯೋಜನೆಯಲ್ಲಿ ಶೇ.60 ರಷ್ಟು ನಿರ್ಬಂಧಿತ ಅನುದಾನವಿದ್ದು, ಅದನ್ನು ಕುಡಿಯುವ ನೀರು, ಜಲ ಮರುಪೂರಣ, ಘನತ್ಯಾಜ್ಯ ವಿಲೇವಾರಿ ಮತ್ತು ನೈರ್ಮಲ್ಯಕ್ಕೆ ಮಾತ್ರ ಬಳಸುವ ಅವಕಾಶ ನೀಡಲಾಗಿದೆ. ಉಳಿದ ಶೇ 40ರಷ್ಟು ಅನಿರ್ಬಂಧಿತ ಅನುದಾನವಾಗಿದ್ದು, ಅದರಲ್ಲಿ ರಸ್ತೆ, ಚರಂಡಿ, ಉದ್ಯಾನ, ಸಮುದಾಯ ಭವನ, ಆರೋಗ್ಯ, ಶಿಕ್ಷಣ ಮುಂತಾದವಕ್ಕೆ ಬಳಸುವ ಅವಕಾಶವಿದೆ. ಒಟ್ಟಾರೆ ಗ್ರಾಮೀಣಾಭಿವೃದ್ಧಿಗೆ ಬಳಕೆಯಾಗುವ 15ನೇ ಹಣಕಾಸಿನ ಅನುದಾನದಲ್ಲಿ ಶೇ 85 ಗ್ರಾಮ ಪಂಚಾಯಿತಿಗೆ ಶೇ 10 ತಾಲೂಕು ಪಂಚಾಯಿತಿ ಹಾಗೂ ಶೇ.5 ರಷ್ಟು ಜಿಲ್ಲಾ ಪಂಚಾಯಿತಿಗೆ ಹಂಚಿಕೆಯಾಗುತ್ತದೆ. `ಸಾಮಾಜಿಕ ಲೆಕ್ಕ ಪರಿಶೋಧನೆಯಲ್ಲಿ ದಾಖಲಾಗುವ ಸಾಮಾನ್ಯ ಆಕ್ಷೇಪಣೆಗಳಿಗೆ ಸಂಬAಧಪಟ್ಟ ಅ?ಕಾರಿಗಳು ಸ್ಪಷ್ಟನೆ ಕೊಡಬೇಕು. ಆದರೆ, ಹಣಕಾಸಿನ ದುರುಪಯೋಗ ಎಂದು ಕಂಡುಬAದಲ್ಲಿ ಅದನ್ನು ಪರಿಶೀಲಿಸಲು ತಾಪಂ ಇಒ ಅಧ್ಯಕ್ಷತೆಯಲ್ಲಿ ಸಮಿತಿಯನ್ನು ಮಾಡಲು ಸೂಚನೆ ಇದೆ. ಆ ಸಮಿತಿಯು ಸಂಬAಧಪಟ್ಟ ಅಧಿಕಾರಿಯಿಂದ ಮೊತ್ತ ಆಕರಿಸುವ ಜವಾಬ್ದಾರಿಯನ್ನೂ ಹೊಂದಿದೆ. ಜಿಲ್ಲಾ ಪಂಚಾಯತದಿAದ ಅದನ್ನು ಮೇಲ್ವಿಚಾರಣೆ ಮಾಡಲಾಗುತ್ತದೆ’ ಎಂದು ಜಿ ಪಂ ಮುಖ್ಯ ಲೆಕ್ಕಾಧಿಕಾರಿ ಆನಂದ ಸಾ ಹಬೀಬ್ ತಿಳಿಸಿದ್ದಾರೆ.
- [ಗಜಮುಖನ ಪ್ರಸಾದಕ್ಕೆ 11 ಲಕ್ಷ: ಗಣೇಶನಿಗೆ ದಕ್ಕಿದ ಗಣಪನ ಆಶೀರ್ವಾದ!](https://mobiletime.in/2026/09/11-lakhs-for-the-elephant-faced-gods-prasada-ganesha-receives-the-blessing/): ಮುರುಡೇಶ್ವರದ ನೇತ್ರಾಣಿ ಅಡ್ವೆಂಚರ್ ಮುಖ್ಯಸ್ಥ ಗಣೇಶ ಹರಿಕಂತ್ರ ಅವರು ಈ ಬಾರಿ 11.10 ಲಕ್ಷ ರೂಪಾಯಿ ನೀಡಿ ಒಲಗ ಮಂಟಪದ ಸಾರ್ವಜನಿಕ ಶ್ರೀ ಗಣೇಶೋತ್ಸವದ ಪ್ರಸಾದಪಡೆದಿದ್ದಾರೆ. ಈ ಹರಾಜಿನಲ್ಲಿ ಪ್ರಸಾದಪಡೆಯಲು ಭಾರೀ ಪ್ರಮಾಣದ ಪೈಪೋಟಿ ನಡೆದಿದ್ದು, ಅತಿ ಹೆಚ್ಚು ಮೊತ್ತ ಕೂಗಿದ ಕಾರಣ ಪ್ರಸಾದದ ಬಟ್ಟಲು ಗಣೇಶ ಹರಿಕಂತ್ರ ಅವರಿಗೆ ಸಿಕ್ಕಿದೆ. ಭಟ್ಕಳದ ಮುರುಡೇಶ್ವರ ಒಲಗ ಮಂಟಪದ ಸಾರ್ವಜನಿಕ ಶ್ರೀ ಗಣೇಶೋತ್ಸವದ 50ನೇ ವರ್ಷದ ಸುವರ್ಣ ಸಂಭ್ರಮ ಅದ್ಧೂರಿಯಾಗಿ ನಡೆದಿದೆ. 11 ದಿನಗಳ ಕಾಲ ನಡೆದ ಆಚರಣೆಯ ಕೊನೆಯ ದಿನ ಮುಡಿಗಂಧ ಪ್ರಸಾದದ ಹರಾಜು ವಿಶೇಷ ಗಮನ ಸೆದಿದೆ. ಹರಾಜಿನಲ್ಲಿ ದೇವರ ಮುಡಿಗಂಧ ಪ್ರಸಾದವನ್ನು ಉದ್ಯಮಿ ನೇತ್ರಾಣಿ ಗಣೇಶ ಹರಿಕಾಂತ ಅವರು 11 ಲಕ್ಷದ 10 ಸಾವಿರಕ್ಕೆ ಪಡೆದಿದ್ದಾರೆ. ಮುರುಡೇಶ್ವರ ಒಲಗ ಮಂಟಪದ ಸಾರ್ವಜನಿಕ ಶ್ರೀ ಗಣೇಶೋತ್ಸವದ ಇತಿಹಾಸದಲ್ಲೇ ಈ ಬಾರಿ ಮುಡಿಗಂಧ ಪ್ರಸಾದ ದೊಡ್ಡ ಮೊತ್ತಕ್ಕೆ ಹರಾಜಾಗಿದೆ. ದೇವರಿಗೆ ಪೂಜೆ ಸಲ್ಲಿಸುವ ಸಂದರ್ಭದಲ್ಲಿ ಸಿರಿಮುಡಿಗೆ ಮುಡಿಸುವ ಹೂವು, ತುಳಸಿ, ಶ್ರೀಗಂಧ, ಕುಂಕುಮ ಹಾಗೂ ನೈವೇದ್ಯದಂತಹ ವಸ್ತುಗಳನ್ನು ಮುಡಿಗಂಧ ಪ್ರಸಾದ ಎಂದು ಕರೆಯಲಾಗುತ್ತದೆ. ಭಕ್ತರು ಇದನ್ನು ಅತ್ಯಂತ ಪವಿತ್ರವಾದ ಪ್ರಸಾದವಾಗಿದ್ದು, ದೇವರ ನೇರ ಆಶೀರ್ವಾದದ ಸಂಕೇತವೆAದು ಭಕ್ತರು ನಂಬುತ್ತಾರೆ. 50ನೇ ವರ್ಷದ ಸುವರ್ಣ ಸಂಭ್ರಮದ ಹಿನ್ನೆಲೆಯಲ್ಲಿ ಮುರ್ಡೇಶ್ವರ ಒಲಗ ಮಂಟಪದ ಸಾರ್ವಜನಿಕ ಶ್ರೀ ಗಣೇಶೋತ್ಸವವನ್ನು ಸೆಪ್ಟೆಂಬರ್ 14ರಿಂದ 24ರವರೆಗೆ ಹನ್ನೊಂದು ದಿನಗಳ ಕಾಲ ಆಯೋಜಿಸಲಾಗಿತ್ತು. ಸುಮಾರು 1 ಕೋಟಿ ವೆಚ್ಚದಲ್ಲಿ ನಡೆದ ಈ ಬೃಹತ್ ಗಣೇಶೋತ್ಸವದಲ್ಲಿ ವಿವಿಧ ಧಾರ್ಮಿಕ ಹಾಗೂ ಸಾಮಾಜಿಕ ಕಾರ್ಯಕ್ರಮಗಳು ನಡೆದವು. ಕೊನೆಯ ದಿನ ಗುರುವಾರ ಸಂಜೆ ಒಲಗ ಮಂಟಪದ ಶ್ರೀ ಗಣೇಶನನ್ನು ಮುರ್ಡೇಶ್ವರದ ಪ್ರಮುಖ ಬೀದಿಗಳಲ್ಲಿ ವಿಜೃಂಭಣೆಯಿoದ ಮೆರವಣಿಗೆ ನಡೆಸಲಾಯಿತು. ಬಳಿಕ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಮುಡಿಗಂಧ ಪ್ರಸಾದದ ಹರಾಜು ನಡೆಯಿತು. ಸುವರ್ಣ ಸಂಭ್ರಮದ ಹಿನ್ನೆಲೆ ಮತ್ತು ಭಕ್ತರ ಅಪಾರ ಭಾಗವಹಿಸುವಿಕೆಯಿಂದ ಈ ವರ್ಷದ ಗಣೇಶೋತ್ಸವ ವಿಶೇಷ ಮೆರುಗು ಪಡೆದುಕೊಂಡಿದ್ದು, ದಾಖಲೆ ಮೊತ್ತದ ಮುಡಿಗಂಧ ಪ್ರಸಾದ ಹರಾಜು ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಯಿತು.
- [ಅಲ್ಲಿ ಇದ್ದಿದ್ದೇ 100ರೂ!](https://mobiletime.in/2026/09/there-was-only-100-rupees-there/): ಕುಮಟಾ ನೆಲ್ಲಿಕೇರಿ ಟೆಂಪೋ ನಿಲ್ದಾಣದ ಬಳಿಯಿದ್ದ ಗಣೇಶ ಇಲೆಕ್ಟಿçಕಲ್’ಗೆ ನುಗ್ಗಿದ ಕಳ್ಳರಿಗೆ 100ರೂ ಸಿಕ್ಕಿದೆ. ಕಷ್ಟಪಟ್ಟು ಅಂಗಡಿ ಬೀಗ ಒಡೆದ ಕಳ್ಳರು 100ರೂ ಜೊತೆ ಅಲ್ಲಿದ್ದ 20 ಕೆಜಿ ತಾಮ್ರದ ತಂತಿ ಕದ್ದೊಯ್ದಿದ್ದಾರೆ. ಕುಮಟಾ ಹೆಗಡೆ ಚಿಟ್ಟಕಂಬಿಯ ಭಾಸ್ಕರ ನಾಯ್ಕ ಅವರು ಎಲೆಕ್ಟಿಕಲ್ ಕೆಲಸ ಮಾಡಿ ಜೀವನ ನಡೆಸುತ್ತಿದ್ದಾರೆ. ನೆಲ್ಲಿಕೇರಿ ಟೆಂಪೋ ನಿಲ್ದಾಣದ ಬಳಿಯಿದ್ದ ಗಣೇಶ ಇಲೆಕ್ಟಿಕಲ್ ಎಂಬ ಮಳಿಗೆಯನ್ನು ಅವರು ಹೊಂದಿದ್ದಾರೆ. ಒಳ್ಳೆಯ ಸರ್ವೀಸ್ ಕೊಡುವ ಕಾರಣ ಅವರಿಗೆ ತಮ್ಮದೇ ಆದ ಗ್ರಾಹಕರಿದ್ದಾರೆ. ಹೆಚ್ಚು ಜನ ಬರುವುದನ್ನು ನೋಡಿದ ಕಳ್ಳರು ಆ ಅಂಗಡಿಯಲ್ಲಿ ಸಾಕಷ್ಟು ಹಣವಿರಬಹುದು ಎಂದು ಭಾವಿಸಿ ಕನ್ನ ಹಾಕಿದ್ದಾರೆ. ದಿನವೂ ದುಡಿದ ಹಣವನ್ನು ಭಾಸ್ಕರ ನಾಯ್ಕ ಅವರು ಮನೆಗೆ ಒಯ್ಯುತ್ತಿದ್ದು, ಇದನ್ನು ಅರಿಯದೇ ಕಳ್ಳರು ಅವರ ಅಂಗಡಿಯ ಬೀಗ ಒಡೆದಿದ್ದಾರೆ. ಸೆಪ್ಟೆಂಬರ್ 24ರ ರಾತ್ರಿ ಭಾಸ್ಕರ ನಾಯ್ಕ ಅವರು 8 ಗಂಟೆಗೆ ಅಂಗಡಿ ಬಂದ್ ಮಾಡಿದ್ದು, ಅದಾದ ನಂತರ ಕಳ್ಳರ ಆಗಮನವಾಗಿದೆ. ಭಾಸ್ಕರ್ ನಾಯ್ಕ ಅವರು ಸೆಪ್ಟೆಂಬರ್ 25ರ ಬೆಳಗ್ಗೆ ಬಂದು ನೋಡಿದಾಗ ಅಂಗಡಿ ಬೀಗ ಒಡೆದಿದ್ದು, ಡ್ರಾವರಿನಲ್ಲಿದ್ದ 100ರೂ ಕಳ್ಳತನವಾಗಿದೆ. ಜೊತೆಗೆ ಅಲ್ಲಿದ್ದ ಹಳೆಯ ತಾಮ್ರದ ತಂತಿಗಳನ್ನು ಕಳ್ಳರು ಒಯ್ದಿದ್ದಾರೆ. 100ರೂ ಕದಿಯುವುದಕ್ಕಾಗಿ 58ರೂಪಾಯಿಯ ಬೀಗ ಒಡೆದ ಕಳ್ಳರಿಗಾಗಿ ಭಾಸ್ಕರ ನಾಯ್ಕ ಅವರು ಹುಡುಕಾಟ ನಡೆಸಿದ್ದಾರೆ. ಅವರನ್ನು ಹುಡುಕಿ, ಕ್ರಮ ಜರುಗಿಸಿ ಎಂದು ಪೊಲೀಸರಿಗೂ ದೂರು ನೀಡಿದ್ದಾರೆ.
- [ಅನಾರೋಗ್ಯಕ್ಕೆ ಬೇಸತ್ತು ಆತ್ಮಹತ್ಯೆ: ಹಸುಗೂಸು ಸಾವು!](https://mobiletime.in/2026/09/suicide-due-to-despair-over-illness-infant-dies/): ಐದು ದಿನದ ಮೊದಲು ಸಿದ್ದಾಪುರದ ಮಹಿಳೆಯೊಬ್ಬರು ಹಸುಗೂಸಿನ ಜೊತೆ ಅಂಗನವಾಡಿಯ ಬಾವಿಗೆ ಹಾರಿ ಸಾವನಪ್ಪಿದ್ದು, ಅನಾರೋಗ್ಯವೇ ಆ ಮಹಿಳೆಯ ದುಡುಕು ನಿರ್ಧಾರಕ್ಕೆ ಕಾರಣ ಎಂದು ತನಿಖೆಯಿಂದ ಗೊತ್ತಾಗಿದೆ. ತಾಯಿ ಜೊತೆ ಬಾವಿಗೆ ಬಿದ್ದ 8 ತಿಂಗಳ ಮಗುವೂ ಅಲ್ಲಿಯೇ ಕೊನೆಯುಸಿರೆಳೆದಿದೆ. ಸಿದ್ದಾಪುರದ ದೊಡ್ಮನೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬಿಳೆಗೋಡ ಗ್ರಾಮದ ಸುಮಿತ್ರಾ ಅಣ್ಣಪ್ಪ ಗೌಡ ಅವರು ವಾಸವಾಗಿದ್ದರು. 27 ವರ್ಷದ ಅವರು ಹೆಣ್ಣು ಮಗಳಿಗೆ ಜನ್ಮ ನೀಡಿದ್ದು, ಆ ಮಗುವಿಗೆ ಯಶಿಕಾ ಗೌಡ ಎಂದು ನಾಮಕರಣ ಮಾಡಿದ್ದರು. ಮಾನಸಿಕವಾಗಿ ಕುಗ್ಗಿದ್ದ ಸುಮಿತ್ರಾ ಗೌಡ ಅವರಿಗೆ ವಿವಿಧ ಆಸ್ಪತ್ರೆಗೆ ತೋರಿಸಲಾಗಿತ್ತು. ಆದರೂ, ಆರೋಗ್ಯದಲ್ಲಿ ಚೇತರಿಕೆ ಆಗಿರಲಿಲ್ಲ. ಇದೇ ನೋವಿನಲ್ಲಿ ಅವರು ಸೆಪ್ಟೆಂಬರ್ 20ರ ರಾತ್ರಿ ದುಡುಕು ನಿರ್ಧಾರ ಮಾಡಿದರು. ತಮ್ಮ 8 ತಿಂಗಳ ಕೂಸಿನ ಜೊತೆ ಅವರು ಕಬಗಾರದಲ್ಲಿರುವ ಅಂಗನವಾಡಿ ಬಾವಿಗೆ ಹಾರಿದರು. ಮಗುವಿನ ಜೊತೆ ಅವರು ಪ್ರಾಣಬಿಟ್ಟರು. ಮಗಳ ಸಾವಿನ ಬಗ್ಗೆ ದ್ಯಾವಾ ಅಮ್ಮು ಗೌಡ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ತನಿಖೆ ವೇಳೆ ಅನಾರೋಗ್ಯಕ್ಕೆ ಬೇಸತ್ತು ಆತ್ಮಹತ್ಯೆಗೆ ಶರಣಾಗಿರುವುದು ಗೊತ್ತಾಗಿದೆ.  
- [ಅಪಘಾತ: ಒಬ್ಬರ ಮರಣ!](https://mobiletime.in/2026/09/accident-one-dead/): ಜೊಯಿಡಾದ ನಾಗರಕಾಳಿ ಬಳಿ ಬುಲೋರೋ ಪಿಕಪ್ ಪಲ್ಟಿಯಾಗಿದ್ದು, ಅದರ ಅಡಿಗೆ ಬಿದ್ದ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದಾರೆ. ರಾಮನಗರ – ಧಾರವಾಡ ಮಾರ್ಗವಾಗಿ ಸಂಚರಿಸುತ್ತಿದ್ದ ಬುಲೋರೋ ಪಿಕಪ್ ಮರಕ್ಕೆ ಡಿಕ್ಕಿ ಹೊಡೆದಿದೆ. ಈ ಅಪಘಾತದಲ್ಲಿ ಮತ್ತಿಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಹುಕ್ಕೇರಿ ಬಳಿಯ ಬಸ್ತವಾಡ ಗ್ರಾಮದ ಗಜಬರ್ ಕುತುಬುದ್ದೀನ್ ಖಾನಾಪುರಿ ಹಾಗೂ ರಫೀಕ್ ಸಲೀಂ ಮುಲ್ಲಾ ಅವರು ಸಾಜನ್ ಚಿಲೇದಾರ್ ಎಂಬಾತರ ಜೊತೆ ಹುಬ್ಬಳ್ಳಿಯಿಂದ ಗೋವಾಗೆ ಹೋಗಿದ್ದರು. ಗೋವಾದಲ್ಲಿ ಕೋಳಿಗಳನ್ನು ಮಾರಾಟ ಮಾಡಿ ಅವರು ಧಾರವಾಡದ ಕಡೆ ಹೊರಟಿದ್ದರು. ಈ ವೇಳೆ ಜೊಯಿಡಾದ ರಾಮನಗರ ಬಳಿಯ ನಾಗರಕಾಳಿಯಲ್ಲಿ ಅವರಿದ್ದ ಬುಲೇರೋ ಪಿಕಪ್ ಅಪಘಾತಕ್ಕೀಡಾಯಿತು. ಚಾಲಕ ಗಜಬರ್ ಕುತುಬುದ್ದೀನ್ ಖಾನಾಪುರಿ ಅವರ ನಿಯಂತ್ರಣ ತಪ್ಪಿದ ಆ ವಾಹನ ಮರಕ್ಕೆ ಗುದ್ದಿತು. ಪರಿಣಾಮ ಸಾಜನ್ ಚಿಲೇದಾರ್ ಅವರು ಅಲ್ಲಿಯೇ ಸಾವನಪ್ಪಿದರು. ವಾಹನದ ಚಾಲಕ ಗಜಬರ್ ಕುತುಬುದ್ದೀನ್ ಖಾನಾಪುರಿ ಹಾಗೂ ರಫೀಕ್ ಸಲೀಂ ಮುಲ್ಲಾ ಗಂಭೀರವಾಗಿ ಗಾಯಗೊಂಡರು. ಗಾಯಗೊಂಡವರನ್ನು 108 ಆಂಬುಲೆನ್ಸಿನ ಮೂಲಕ ರಾಮನಗರ ಆಸ್ಪತ್ರೆಗೆ ಕರೆತಂದು ಚಿಕಿತ್ಸೆ ಕೊಡಸಲಾಯಿತು. ನಂತರ ಅವರಿಬ್ಬರನ್ನು ಹೆಚ್ಚಿನ ಚಿಕಿತ್ಸೆಗೆ ಬೆಳಗಾವಿಗೆ ಸಾಗಿಸಲಾಯಿತು.
- [ಹಿಂದೂಗಳ ಅವಹೇಳನ: ಪೊಲೀಸರಿಂದ ಸುಮೋಟೋ ಪ್ರಕರಣ!](https://mobiletime.in/2026/09/denigration-of-hindus-police-register-suo-motu-case/): ಕಾರವಾರದ ಬಿಣಗಾದಲ್ಲಿರುವ ಜಾಕೀರ್ ಹುಸೇನ್ ಗುಡಿಮಿಯಾ ಎಂಬಾತರು ಹಿಂದೂ ಧರ್ಮದವರ ಬಗ್ಗೆ ಕೆಟ್ಟದಾಗಿ ಮಾತನಾಡಿದ್ದಾರೆ. ಆ ವಿಡಿಯೋವನ್ನು ಅವರು ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಕಾರವಾರದ ಬಿಣಗಾದಲ್ಲಿ ಜಾಕೀರ್ ಹುಸೇನ್ ಗುಡಿಮಿಯಾ ಅವರು ವಾಸವಾಗಿದ್ದಾರೆ. ಮತ್ತೊಬ್ಬರ ಜೊತೆ ಸೇರಿ ಅವರು ರೀಲ್ಸ್ ಮಾಡಿದ್ದು, ಅದರಲ್ಲಿ ಹಿಂದೂ ಧರ್ಮದ ಬಗ್ಗೆ ಅವಹೇಳನ ಮಾಡಿದ್ದಾರೆ. ಅತ್ಯಂತ ಕೆಟ್ಟ ಶಬ್ದಗಳನ್ನು ಬಳಸಿ ಹಿಂದೂ ಹಾಗೂ ಮುಸ್ಲೀಂ ಸಮುದಾಯದ ನಡುವೆ ದ್ವೇಷ ಮೂಡುವ ರೀತಿ ಅವರು ಭಾಷಣ ಮಾಡಿದ್ದಾರೆ. ವಿಡಿಯೋದಲ್ಲಿ ಹಿಂದೂ ಸಮುದಾಯದವರ ಜೊತೆ ಅವರು ಭಜರಂಗದಳದವರನ್ನು ನಿಂದಿಸಿದ್ದಾರೆ. ಅವರ ಈ ಮಾತುಗಳು ಕೊಂಕಣಿ ಭಾಷೆಯಲ್ಲಿವೆ. ಅಮೀನ್ ನಾಯ್ಕ ಎಂಬಾತರಿಗೆ ಈ ವಿಡಿಯೋ ಇನಸ್ಟಾಗ್ರಾಂ ಮೂಲಕ ಟ್ಯಾಗ್ ಆಗಿದೆ. ಹಿಂದೂ ಧರ್ಮದ ಧಾರ್ಮಿಕ ಭಾವನೆಗೆ ಅಡ್ಡಿ ಬರುವ ಹಾಗೇ ಇದ್ದ ಆ ವಿಡಿಯೋವನ್ನು ಕಾರವಾರ ಗ್ರಾಮೀಣ ಠಾಣೆ ಪೊಲೀಸ್ ಸಿಬ್ಬಂದಿ ಉಲ್ಲಾಸ ತೋಕು ನಾಯ್ಕ ಅವರು ನೋಡಿದ್ದಾರೆ. ಕೊಂಕಣಿ ಅರಿತಿರುವ ಉಲ್ಲಾಸ ನಾಯ್ಕ ಅವರು ಇಡೀ ವಿಡಿಯೋ ನೋಡಿದಾಗ ಅದರಲ್ಲಿ ಹಿಂದೂ ಹಾಗೂ ಮುಸ್ಲೀಂ ಸಮುದಾಯದ ನಡುವೆ ದ್ವೇಷ ಹುಟ್ಟಿಸುವ ಉದ್ದೇಶ ಹಾಗೂ ಒಂದು ಧರ್ಮದ ವಿರುದ್ಧ ಅವಹೇಳನ ಮಾಡಿ ಧಾರ್ಮಿಕ ಭಾವನೆಗೆ ಅಡ್ಡಿಪಡಿಸುವ ದುರುದ್ದೇಶ ಹೊಂದಿರುವುದು ಅರಿವಾಗಿದೆ. ಸೆಪ್ಟೆಂಬರ್ 22ರ ಸಂಜೆ 6 ಗಂಟೆಗೆ ಆ ವಿಡಿಯೋ ಉಲ್ಲಾಸ ನಾಯ್ಕ ಅವರು ಗಮನಿಸಿದ್ದು, ತಕ್ಷಣ ಮೇಲಧಿಕಾರಿಗಳಿಗೆ ಹೇಳಿದ್ದಾರೆ. ಅವರ ಸೂಚನೆ ಮೇರೆಗೆ ಜಾಕೀರ್ ಹುಸೇನ್ ಗುಡಿಮಿಯಾ ಹಾಗೂ ಅಪರಿಚಿತ ವ್ಯಕ್ತಿ ವಿರುದ್ಧ ಕೇಸು ಮಾಡಿದ್ದಾರೆ. ಕಾರವಾರ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಸುಮೋಟೋ ಪ್ರಕರಣ ದಾಖಲಾಗಿದ್ದು, ಆರೋಪಿತರ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ.
- [ಕಾಲೇಜಿಗೆ ಕಾಲಿಟ್ಟ ಪ್ರಾಚಾರ್ಯೆ: ಮತ್ತೆ ಪ್ರತಿಭಟನೆ!](https://mobiletime.in/2026/09/principal-arrives-at-college-protests-resume/): ಶಿರಸಿ ಬಿಳೂರು ಪದವಿ ಪೂರ್ವ ಕಾಲೇಜು ಪ್ರಾಚಾರ್ಯೆ ಪುಷ್ಪಲತಾ ಅವರ ವಿರುದ್ಧ ವಿದ್ಯಾರ್ಥಿಗಳು ಎರಡನೇ ಹಂತದ ಪ್ರತಿಭಟನೆ ಮುಂದುವರೆಸಿದ್ದಾರೆ. ಪ್ರತಿಭಟನೆಯ ಬಿಸಿ ತಾಳಲಾರದೇ ಎರಡು ವಾರ ರಜೆಯಲ್ಲಿದ್ದ ಪ್ರಾಚಾರ್ಯೆ ಪುಷ್ಪಲತಾ ಅವರು ಈ ದಿನ ಕಾಲೇಜಿನೊಳಗೆ ಕಾಲಿಟ್ಟಿದ್ದು, ವಿದ್ಯಾರ್ಥಿಗಳ ಆಕ್ರೋಶ ಇನ್ನಷ್ಟು ಹೆಚ್ಚಾಗಿದೆ. ಶಿರಸಿ ತಾಲೂಕಿನ ಬಿಳೂರು ಪದವಿ ಪೂರ್ವ ಕಾಲೇಜಿನಲ್ಲಿ ಪ್ರಾಂಶುಪಾಲರು ಮತ್ತು ವಿದ್ಯಾರ್ಥಿಗಳ ನಡುವಿನ ಸಂಘರ್ಷ ಮುಂದುವರಿದಿದೆ. ರಜೆಯ ಮೇಲೆ ತೆರಳಿದ್ದ ಪ್ರಾಂಶುಪಾಲೆ ಪುಷ್ಪಲತಾ ಅವರು ಶುಕ್ರವಾರ ಮತ್ತೆ ಕಾಲೇಜಿಗೆ ಹಾಜರಾದರು. ಕೂಡಲೇ ನೂರಾರು ವಿದ್ಯಾರ್ಥಿಗಳು ಕಾಲೇಜಿನಿಂದ ಹೊರ ಹೋಗಿ ಅಸಮಧಾನವ್ಯಕ್ತಪಡಿಸಿದರು. 15 ದಿನಗಳ ಹಿಂದೆ ಕಾಲೇಜು ಆವರಣದಲ್ಲೇ ಕುಳಿತು `ಡೌನ್ ಡೌನ್ ಪ್ರಿನ್ಸಿಪಾಲ್’ ಎಂದು ವಿದ್ಯಾರ್ಥಿಗಳು ಧಿಕ್ಕಾರ ಕೂಗಿದ್ದರು. ಆ ಸಂದರ್ಭದಲ್ಲಿ ಸ್ಥಳಕ್ಕೆ ಆಗಮಿಸಿದ್ದ ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರು ಪರಿಸ್ಥಿತಿಯನ್ನು ತಿಳಿಗೊಳಿಸಲು ಪ್ರಾಂಶುಪಾಲೆ ಪುಷ್ಪಲತಾ ಅವರನ್ನು ರಜೆಯ ಮೇಲೆ ಕಳುಹಿಸಿದ್ದರು. ರಜಾ ಅವಧಿ ಮುಗಿದ ಹಿನ್ನಲೆ ಶುಕ್ರವಾರ ಪ್ರಾಂಶುಪಾಲೆ ಪುಷ್ಪಲತಾ ಅವರು ಮತ್ತೆ ಕಾಲೇಜಿಗೆ ಕಾಲಿರಿಸಿದ್ದು, ಅದರಿಂದ ವಿದ್ಯಾರ್ಥಿಗಳು ಸಿಡಿಮಿಡಿಗೊಂಡರು. ಪ್ರಾಚಾರ್ಯೆ ಪುಷ್ಪಲತಾ ಅವರು ಕಾಲೇಜು ಪ್ರವೇಶಿಸಿದ ಸುದ್ದಿ ಇಡೀ ಕಾಲೇಜಿಗೆ ಹಬ್ಬಿತು. ಎಲ್ಲಾ ಮಕ್ಕಳು ತರಗತಿಯಿಂದ ಹೊರಬಂದು ಮನೆ ಕಡೆ ಹೊರಟರು. `ಪುಷ್ಪಲತಾ ಅವರು ವಿದ್ಯಾರ್ಥಿಗಳನ್ನು ತೀರಾ ಅವಾಚ್ಯ ಶಬ್ದಗಳಿಂದ ಬೈಯುತ್ತಾರೆ, ವಿದ್ಯಾರ್ಥಿಗಳ ಎದುರೇ ಪೋಷಕರಿಗೆ ಹಾಗೂ ಉಪನ್ಯಾಸಕರಿಗೆ ದರ್ಪ ತೋರಿಸಿ ಅಗೌರವದಿಂದ ನಡೆದುಕೊಳ್ಳುತ್ತಾರೆ’ ಎಂಬುದು ವಿದ್ಯಾರ್ಥಿಗಳ ಪ್ರಮುಖ ಆರೋಪವಾಗಿತ್ತು. ಅದೇ ಕಾರಣ ನೀಡಿ, ಈ ದಿನ ವಿದ್ಯಾರ್ಥಿಗಳು ತರಗತಿಗಳಿಗೆ ಹಾಜರಾಗಲಿಲ್ಲ. `ಪ್ರಾಂಶುಪಾಲರ ವರ್ಗಾವಣೆಯಾಗುವವರೆಗೂ ನಾವು ಯಾವುದೇ ಕಾರಣಕ್ಕೂ ಕಾಲೇಜಿಗೆ ಬರುವುದಿಲ್ಲ’ ಎಂದು ವಿದ್ಯಾರ್ಥಿಗಳು ಹೇಳಿದ್ದಾರೆ.
- [ಚಂಡಮಾರುತ: ಅಕ್ಟೊಬರ್ 1ಕ್ಕೆ ಮುಹೂರ್ತ!](https://mobiletime.in/2026/09/cyclone-muhurat-on-october-1/): ಉತ್ತರ ಕನ್ನಡ ಜಿಲ್ಲೆಗೆ ಚಂಡಮಾರುತ ಅಪ್ಪಳಿಸಿದರೆ ಏನು ಮಾಡುವುದು? ಎನ್ನುವುದರ ಬಗ್ಗೆ ಡೀಸಿ ಕೆ ಲಕ್ಷ್ಮೀಪ್ರಿಯಾ ಅವರು ಯೋಚಿಸಿದ್ದಾರೆ. ಚಂಡಮಾರುತ ಹಾಗೂ ಅದರಿಂದ ಉಂಟಾಗಬಹುದಾದ ವಿಪತ್ತುಗಳ ಕುರಿತು ಜನರಲ್ಲಿ ಅರಿವು ಮೂಡಿಸಲು ಅಣಕು ಕಾರ್ಯಾಚರಣೆ ನಡೆಸಲು ಅವರು ನಿರ್ಧರಿಸಿದ್ದಾರೆ. ಅಕ್ಟೊಬರ್ 1ರಂದು ಉತ್ತರ ಕನ್ನಡ ಜಿಲ್ಲೆಗೂ ಚಂಡಮಾರುತ ಅಪ್ಪಳಿಸಿದೆ ಎಂದು ಭಾವಿಸಿ ಜಿಲ್ಲಾಡಳಿತ ಅಣಕು ಕಾರ್ಯಾಚರಣೆ ನಡೆಸಲಿದೆ. `ಅಂತಾರಾಜ್ಯ ಮಟ್ಟದ ಅಣಕು ಕಾರ್ಯಾಚರಣೆ ಇದಾಗಿದ್ದು, ಯಾವುದೇ ಲೋಪಗಳಿಗೆ ಆಸ್ಪದ ನೀಡದಂತೆ ಅಧಿಕಾರಿಗಳು ಜವಾಬ್ದಾರಿ ನಿಭಾಯಿಸಬೇಕು’ ಎಂದು ಡೀಸಿ ಸೂಚಿಸಿದ್ದಾರೆ. ಶುಕ್ರವಾರ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ನಡೆದ ಚಂಡಮಾರುತ ವಿಪತ್ತು ನಿರ್ವಹಣೆ ಅಣಕು ಕಾರ್ಯಾಚರಣೆಯ ಪೂರ್ವಸಿದ್ಧತೆ ಕುರಿತು ಸಭೆ ನಡೆಸಿದ ಅವರು `ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ, ಗೃಹ ವ್ಯವಹಾರಗಳ ಸಚಿವಾಲಯದ ನಿರ್ದೇಶನದಂತೆ ಅಂತಾರಾಜ್ಯ ಮಟ್ಟದ ಅಣಕು ಕಾರ್ಯಾಚರಣೆ ನಡೆಯಲಿದೆ. ಕಾರವಾರದ ಕ್ರಿಮ್ಸ್ ಆಸ್ಪತ್ರೆ, ಕುಮಟಾ ಬಸ್ ನಿಲ್ದಾಣ, ಹೊನ್ನಾವರದ ಕಾಸರಕೋಡು ಹಿನ್ನೀರಿನ ಪ್ರದೇಶ, ಮುರುಡೇಶ್ವರ ಬೀಚ್, ತದಡಿ ಬಂದoರು, ಅಂಕೋಲಾ ರೈಲ್ವೆ ನಿಲ್ದಾಣದಲ್ಲಿ ಅಣಕು ಕಾರ್ಯಚರಣೆಯ ವಿವಿಧ ಚಟುವಟಿಕೆಗಳನ್ನು ನಡೆಸಲು ನಿರ್ಧರಿಸಲಾಗಿದೆ. ಈ ಅಣಕು ಕಾರ್ಯಚರಣೆಯ ಸಂದರ್ಭದಲ್ಲಿ ಸಾರ್ವಜನಿಕರು ಯಾವುದೇ ಆತಂಕಪಡುವ ಅಗತ್ಯವಿಲ್ಲ’ ಎಂದು ತಿಳಿಸಿದರು. `ಕಾರ್ಯಚರಣೆಯ ಅಂಗವಾಗಿ ಸಾರ್ವಜನಿಕರ ರಕ್ಷಣೆ, ಪುರ್ನವಸತಿ, ಸ್ಥಳಾಂತರ, ಚಿಕಿತ್ಸೆ ನೀಡುವ ಚಟುವಟಿಕೆಗಳಿಗೆ ಅಗತ್ಯವಿರುವ ಸ್ಥಳಗಳ ಗುರುತು ಮತ್ತು ಅಗತ್ಯವಿರುವ ಸಂಪನ್ಮೂಲಗಳನ್ನು ಸಿದ್ದಪಡಿಸಿಕೊಳ್ಳುವಂತೆ ತಿಳಿಸಿದ ಅವರು ಎಲ್ಲಾ ಚಟುವಟಿಕೆಗಳಲ್ಲಿ ಭಾಗಿಯಾಗಲು ಆಪದ ಮಿತ್ರರು ಮತ್ತು ಸ್ವಯಂ ಸೇವಾ ಸಂಘಟನೆಗಳ ಸದಸ್ಯರ ನೆರವು ಪಡೆಯಬೇಕು’ ಎಂದು ತಿಳಿಸಿದರು. `ಈ ಅಣಕು ಕಾರ್ಯಚರಣೆಯು ನಾವು ವಿಪತ್ತು ಸಂದರ್ಭದಲ್ಲಿ ಸಾರ್ವಜನಿಕರ ರಕ್ಷಣೆ ಮತ್ತು ವೈದ್ಯಕೀಯ ನೆರವು ಒದಗಿಸಲು ಹೇಗೆ ತ್ವರಿತವಾಗಿ ಮತ್ತು ಪರಿಣಾಮಕಾರಿಯಾಗಿ ಸ್ಪಂದಿಸುತ್ತೇವೆ ಎಂಬುದರ ಕುರಿತು ಸ್ವಯಂ ಪರೀಕ್ಷೆಯಾಗಿದ್ದು, ಈ ಚಟುವಟಿಕೆಯಲ್ಲಿ ಎಲ್ಲಾ ಅಧಿಕಾರಿಗಳು ನೈಜ ಸಂದರ್ಭದಲ್ಲಿ ಕಾರ್ಯನಿರ್ವಹಿಸುವ ರೀತಿಯಲ್ಲಿಯೇ ತಮ್ಮ ಜವಾಬ್ದಾರಿಗಳನ್ನು ಅರಿತು ಹಾಗೂ ಎಲ್ಲಾ ಇಲಾಖೆಗಳು ಪರಸ್ಪರ ಸಮನ್ವಯದಿಂದ ಕರ್ತವ್ಯ ನಿರ್ವಹಿಸಬೇಕು, ಯಾವುದೇ ರೀತಿಯ ನಿರ್ಲಕ್ಷö್ಯ ತೋರಬಾರದು’ ಎಂದರು. `ಕಾರ್ಯಚರಣೆಯಲ್ಲಿ ಕಂದಾಯ, ಪೊಲೀಸ್, ಅಗ್ನಿಶಾಮಕ ಸೇರಿದಂತೆ ಒಟ್ಟು 34 ಇಲಾಖೆಗಳ ಅಧಿಕಾರಿಗಳು ಸಿಬ್ಬಂದಿಗಳು ಕಾರ್ಯನಿರ್ವಹಿಸಲಿದೆ. ಪ್ರತಿಯೊಂದು ಸ್ಥಳದಲ್ಲಿ ನೆಡೆಯುವ ಅಣಕು ಕಾರ್ಯಚರಣೆಗೆ ಇನ್ಸಿಡೆಂಟ್ ಕಮಾಂಡರ್‌ಗಳನ್ನಾಗಿ ಉಪ ವಿಭಾಗಾಧಿಕಾರಿಗಳು ಮತ್ತು ತಹಸೀಲ್ದಾರ್‌ಗಳನ್ನು ನೇಮಕ ಮಾಡಲಾಗಿದ್ದು, ಈ ಸಂಪೂರ್ಣ ಕಾರ್ಯಾಚರಣೆಯ ಪರಿಶೀಲನೆ ಮತ್ತು ವೀಕ್ಷಣೆ ಮಾಡಲು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದಿಂದ ವಿಶೇಷ ವೀಕ್ಷಕರನ್ನು ನೇಮಿಸಲಾಗಿದೆ’ ಎಂದರು. `ಚಂಡಮಾರುತ ಸಮಯದಲ್ಲಿ ಕೈಗೊಳ್ಳುವ ಅಗತ್ಯ ಮುನ್ನೆಚ್ಚರಿಕಾ ಕ್ರಮಗಳು, ಸಾರ್ವಜನಿಕರಿಗೆ ನೀಡುವ ರಕ್ಷಣೆ ಮತ್ತು ವೈದ್ಯಕೀಯ ನೆರವು ಕ್ರಮಗಳ ಮೂಲಕ ವಿಪತ್ತು ಸಂದರ್ಭದಲ್ಲಿ ಸಂಭವಿಸಬಹುದಾದ ಹಾನಿಯ ಪ್ರಮಾಣವನ್ನು ಗಣನೀಯವಾಗಿ ತಗ್ಗಿಸಲು ಸಾಧ್ಯವಾಗಲಿದೆ’ ಎಂದರು. ಸಭೆಯಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂ.ಎನ್, ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ, ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಪ್ರಕಾಶ್ ಹಾಲಮ್ಮನವರ್ ಮತ್ತು ಜಿಲ್ಲಾ ಮಟ್ಟದ ಇಲಾಖಾಧಿಕಾರಿಗಳು ಇದ್ದರು.
- [ಸರ್ಕಾರಿ ಶಾಲೆಗೆ ಕಳಪೆ ಪಾದರಕ್ಷೆ ಪೂರೈಕೆ: ಹೊಸ ಚಪ್ಪಲಿ ಕೊಡಿಸಿದ ಮಾಧ್ಯಮ ವರದಿ!](https://mobiletime.in/2026/09/supply-of-substandard-footwear-to-government-school-media-report-leads-to-provision-of-new-slippers/): ಮುಂಡಗೋಡು ಬೆಡಸಗಾಂವ್ ಶಾಲಾ ಮಕ್ಕಳಿಗೆ ಸರ್ಕಾರ ಕಳಪೆ ಗುಣಮಟ್ಟದ ಪಾದರಕ್ಷೆ ನೀಡಿದ್ದು, ಈ ಕುರಿತು ಮಾಧ್ಯಮ ವರದಿ ಗಮನಿಸಿದ ಅಧಿಕಾರಿಗಳು ಶಾಲೆಗೆ ದೌಡಾಯಿಸಿದ್ದಾರೆ. ಬೆಡಸಗಾಂವ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಸರ್ಕಾರದಿಂದ ವಿತರಿಸಲಾದ ಪಾದರಕ್ಷೆಗಳ ಗುಣಮಟ್ಟದ ಬಗ್ಗೆ ಮಕ್ಕಳು ಆಕ್ಷೇಪ ವ್ಯಕ್ತಪಡಿಸಿದ್ದರು. ಪಾಲಕರು ಸಹ ಶಾಲೆಗೆ ಆಗಮಿಸಿ ಪಾದರಕ್ಷೆ ಕಳಪೆಯಾಗಿರುವ ಬಗ್ಗೆ ದೂರಿದ್ದರು. ಈ ಕುರಿತು ವಿವಿಧ ಮಾಧ್ಯಮಗಳಲ್ಲಿ ವರದಿ ಪ್ರಸಾರವಾಗಿತ್ತು. ಆ ವರದಿ ಅನ್ವಯ ಶಿಕ್ಷಣ ಇಲಾಖೆ ಅಧಿಕಾರಿಗಳು ಶಾಲೆಗೆ ಭೇಟಿ ನೀಡಿದ್ದಾರೆ. ಮುಂಡಗೋಡು ಕ್ಷೇತ್ರ ಶಿಕ್ಷಣಾಧಿಕಾರಿ ನಾಗರಾಜ್ ನಾಯ್ಕ ಅವರ ಜೊತೆ ವಿಷಯ ಪರಿವೀಕ್ಷಕ ಸುರೇಶ್ ಶೆಟ್ಟಿ ಅವರು ಶಾಲಾ ಆಡಳಿತ ಮಂಡಳಿಯವರ ಜೊತೆ ಮಾತನಡಿದರು. ಮಕ್ಕಳು ಆ ಪಾದರಕ್ಷೆ ಬೇಡ ಎಂದು ಪ್ರತಿಭಟಿಸಿದ ವಿಷಯ ಅರಿತು ಅದನ್ನು ಮೇಲಧಿಕಾರಿಗಳಿಗೆ ವರದಿ ಸಲ್ಲಿಸಿದರು. ವಿತರಿಸಲಾದ ಪಾದರಕ್ಷೆಗಳನ್ನು ಹಿಂಪಡೆದು ಅದನ್ನು ಕಂಪನಿಗೆ ಕಳುಹಿಸುವುದಾಗಿ ಅಧಿಕಾರಿಗಳು ಭರವಸೆ ನೀಡಿದರು. `ಸರ್ಕಾರದಿಂದ ವಿದ್ಯಾರ್ಥಿಗಳಿಗೆ ವಿತರಿಸಲಾಗುವ ಶೈಕ್ಷಣಿಕ ಸಾಮಗ್ರಿಗಳ ಗುಣಮಟ್ಟವನ್ನು ಪರಿಶೀಲಿಸಬೇಕು’ ಎಂದು ಪಾಲಕರು ಒತ್ತಾಯಿಸಿದರು.
- [ಮೋಡಿ ಮಾಡಿದ ನಾಗಾಸಾಧು: ದಂಪತಿ ಚಿನ್ನ ಮಾಯ!](https://mobiletime.in/2026/09/naga-sadhu-casts-a-spell-couples-gold-vanishes/): ಗೋಕರ್ಣಕ್ಕೆ ಬಂದಿದ್ದ ಭಕ್ತ ದಂಪತಿಗೆ ಮೋಡಿ ಮಾಡಿದ ಐವರು ನಾಗಾಸಾಧುಗಳು ಅವರ ಬಳಿಯಿದ್ದ ಚಿನ್ನಾಭರಣ ಅಪಹರಿಸಿದ್ದಾರೆ. `ಸಮಸ್ಯೆ ಬಗೆಹರಿಸುವೆ’ ಎಂದು ನಂಬಿಸಿ ಚಿನ್ನ ಎಗರಿಸಿದ್ದ ನಾಗಾಸಾಧುಗಳ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ. ಇಲ್ಲಿನ ವೈದಿಕರ ಮನೆಗೆ ಬಂದಿದ್ದ ತೆಲಂಗಾಣದ ಭಕ್ತರಿಗೆ ನಾಗಾಸಾಧುಗಳು ಎದುರಾಗಿದ್ದರು. `ನಿಮಗೆ ಗಂಡಾoತರವಿದೆ’ ಎಂದು ಹೆದರಿಸಿದ ನಾಗಾಸಾಧುಗಳು ಆ ಭಕ್ತರ ಬಳಿಯಿದ್ದ ಚಿನ್ನಾಭರಣ ಎಗರಿಸಿದ್ದರು. ಚಿನ್ನ ಕಳೆದುಕೊಂಡ ಮನೋಹರ ಕುಲಕರ್ಣಿ ಅವರು ಈ ಬಗ್ಗೆ ಸ್ಥಳೀಯರಲ್ಲಿ ಹೇಳಿದ್ದು, ಅವರ ಸಹಾಯದಿಂದ ಪೊಲೀಸರು ಚಿನ್ನ ಕದ್ದ ಸಾಧುಗಳನ್ನು ಹುಡುಕಿದರು. 8 ಲಕ್ಷ ರೂ ಮೌಲ್ಯದ ಆಭರಣವನ್ನು ಜಪ್ತು ಮಾಡಿ ನೊಂದ ದಂಪತಿಗೆ ಅದನ್ನು ಮರಳಿಸಿದರು. ಮನೋಹರ ಕುಲಕರ್ಣಿ ದಂಪತಿ ಈಗಾಗಲೇ ಸಾಕಷ್ಟು ನೊಂದಿದ್ದರು. ಅವರನ್ನು ಭಾವನಾತ್ಮಕ ಬಂಧನದಲ್ಲಿರಿಸಿದ ನಾಗಾಸಾಧುಗಳು ಮೋಡಿ ಮಾಡಿ ಅವರ ಚಿನ್ನ ಎಗರಿಸಿದ್ದರು. ಮಹಾಗಣಪತಿ, ಮಹಾಬಲೇಶ್ವರ ದೇವರ ದರ್ಶನಕ್ಕೆ ಬಂದ ದಂಪತಿ ದರ್ಶನ ಮುಗಿಸಿ ವೈದಿಕರ ಮನೆಗೆ ಹೋದಾಗ ಈ ವಿಷಯ ವಿವರಿಸಿದರು. ಮಾನಸಿಕ ಕುಗ್ಗಿದ್ದರಿಂದ ತಕ್ಷಣ ಕೈಯಲ್ಲಿದ್ದ ನಾಲ್ಕು ಚಿನ್ನದ ಬಳೆ ಮತ್ತು ಉಂಗುರ ತೆಗೆದುಕೊಟ್ಟ ವಿಧಾನದ ಬಗ್ಗೆ ತಿಳಿಸಿದರು. ನಾಗಾಸಾಧುಗಳು ಭಯ ಹುಟ್ಟಿಸಿದ್ದರಿಂದ ಈ ರೀತಿ ಮಾಡಿದ್ದಾಗಿ ಅವರು ಹೇಳಿದ್ದು, ಈ ವಿಷಯ ಪೊಲೀಸರಿಗೆ ಗೊತ್ತಾಯಿತು. ಮಹಾಬಲೇಶ್ವರ ಮಂದಿರದ ಹೊರ ಠಾಣೆಯ ಹವಲ್ದಾರ ಜಟ್ಟಪ್ಪ ನಾಯ್ಕ ಅವರ ವಿಶೇಷ ಮುತುವರ್ಜಿಯಿಂದ ನಾಗಾಸಾಧುಗಳು ಸಿಕ್ಕಿಬಿದ್ದರು. ಪಿಐ ಶ್ರೀಧರ ಎಸ್ ಆರ್ ಹಾಗೂ ಪಿಸೈ ಅನಿಲ ಅವರ ಜೊತೆ ಸುನಿಲ, ಎಸೈ ನಿರಂಜನ ನಾಯಕ, ಹವಾಲ್ದಾರ ರಾಜೇಶ ನಾಯ್ಕ, ವಸಂತ ನಾಯ್ಕ, ಸಿಬ್ಬಂದಿ ಪ್ರಕಾಶ, ಕಿರಣ, ಶ್ರೀಕಾಂತ , ಪರಮೇಶ್ವರ ಬೆಂಡ್ಲಗಟ್ಟಿ, ಮಣಿಕಂಠ ಗೌಡ ಸೇರಿ ಉಡುಪಿಯವರೆಗೆ ಹೋಗಿದ್ದ ನಾಗಾಸಾಧುಗಳನ್ನು ಹಿಡಿದುತಂದರು. ಯಾತ್ರಿಕರ ಚಿನ್ನ ಕದ್ದ ಅವರಿಂದಲೇ ಅದನ್ನು ಭಕ್ತರಿಗೆ ಮರಳಿಸಿದರು.    
- [ಶಿರಸಿ | ನವರಾತ್ರಿ ಅಂಗವಾಗಿ ಸ್ಪರ್ಧೆ-ಸಂಭ್ರಮ!](https://mobiletime.in/2026/09/sirsi-competitions-and-celebrations-marking-navaratri/): ರಾಜ್ಯದ ಶಕ್ತಿ ಪೀಠಗಳಲ್ಲಿ ಒಂದಾದ ಶಿರಸಿ ಮಾರಿಕಾಂಬಾ ದೇವಾಲಯ ಶರನ್ನವರಾತ್ರಿಯ ಸಂಭ್ರಮಕ್ಕೆ ಸಜ್ಜಾಗಿದೆ. ಅಕ್ಟೊಬರ್ 3ರಿಂದಲೇ ಇಲ್ಲಿ ಸಾಂಸ್ಕೃತಿಕ, ಧಾರ್ಮಿಕ ಕಾರ್ಯಕ್ರಮಗಳ ಜೊತೆ ಕ್ರೀಡಾ ಹಾಗೂ ವಿವಿಧ ಸ್ಪರ್ಧೆಗ ಶುರುವಾಗಲಿದೆ. ಮಾರಿಕಾಂಬಾ ದೇವಾಲಯದಲ್ಲಿ ಗುರುವಾರ ದೇವಿಗೆ ಪೂಜೆ ಸಲ್ಲಿಸಿ ಬಳಿಕ ನವರಾತ್ರಿ ಆಮಂತ್ರಣ ಪತ್ರಿಕೆ ಬಿಡುಗಡೆ ಮಾಡಲಾಗಿದೆ. ನಂತರ ದೇವಾಲಯದ ಅಧ್ಯಕ ್ಷರವಿ ಬೆಳ್ಳೇಮನೆ ಅವರು ಕಾರ್ಯಕ್ರಮದ ಬಗ್ಗೆ ಮಾಹಿತಿ ನೀಡಿದ್ದಾರೆ. `ಅಕ್ಟೊಬರ್ 11ರಿಂದ 20ರವರೆಗೆ ಪ್ರತಿ ದಿನ ಬೆಳಗ್ಗೆ 6 ಗಂಟೆಯಿAದ 8 ಗಂಟೆಯವರೆಗೆ ಭಜನಾ ಕಾರ್ಯಕ್ರಮಗಳು, ಸಪ್ತಶತಿ ಪಾರಾಯಣ ಹಾಗೂ ಪಲ್ಲವ ಪಾರಾಯಣ ನಡೆಯಲಿದೆ. ಪ್ರತಿ ದಿನ ಸಂಜೆ 7ರಿಂದ ಕೀರ್ತನೆ ಕಾರ್ಯಕ್ರಮ ನಡೆಯಲಿದೆ. ಕೀರ್ತನಾ ಕಲಾವಿದರಾದ ವಿ ಮಾಲಿನಿ, ಮಧುಸೂಧನ ದಾಸರು, ಸುಮಿತ್ರನಂದ ಬೆಂಗಳೂರು ನಡೆಸಿಕೊಡಲಿದ್ದಾರೆ. ಅ.20ರಂದು ವಿಜಯದಶಮಿ ಅಂಗವಾಗಿ ಪಡಲಿಗೆ ಉತ್ಸವ, ಸೀಮೋಲ್ಲಂಘನ, ಪಲ್ಲಕ್ಕಿ ಉತ್ಸವ, ಕೋಟೆಕೆರೆ ಗದ್ದುಗೆಯ ಮೇಲೆ ಮಾರಿಕಾಂಬಾ ದೇವಿಯ ಪಲ್ಲಕ್ಕಿ ಉತ್ಸವ, ಕಲಶ ವಿಸರ್ಜನೆ ಇನ್ನಿತರ ಕಾರ್ಯಕ್ರಮಗಳು ನಡೆಯಲಿವೆ’ ಎಂದವರು ಹೇಳಿದ್ದಾರೆ. `ಅಕ್ಟೊಬರ್ 11ರಿಂದ 9ರವರೆಗೂ ವಿವಿಧ ಸ್ಪರ್ಧಾ ಕಾರ್ಯಕ್ರಮ ನಡೆಯಲಿವೆ. ಅ.11ರಂದು ಚದುರಂಗ ಸ್ಪರ್ಧೆ, ಭಕ್ತಿಗೀತೆಗಳ ಸ್ಪರ್ಧೆ, ಸಮೂಹ ದೇಶಭಕ್ತಿಗೀತೆಗಳ ಸ್ಪರ್ಧೆ ನಡೆಯಲಿದೆ. ಅ.12ರಂದು ಭಗವದ್ಯೀತೆ ಕಂಠಪಾಠ ಸ್ಪರ್ಧೆ, ಶಾಸತ್ರೀಯ ನೃತ್ಯ, ಭರತನಾಟ್ಯ ಸ್ಪರ್ಧೆ, ಅ.13ರಂದು ರಂಗವಲ್ಲೀ ಸ್ಪರ್ಧೆ, ಜಾನಪದ ಹಾಡುಗಳ ಸ್ಪರ್ಧೆ, ಹಾಗೂ ಪ್ರೌಢಶಾಲಾ ವಿದ್ಯಾರ್ಥಿಗಳಿಗಾಗಿ ಭರತನಾಟ್ಯ ಸ್ಪರ್ಧೆ ನಡೆಯಲಿದೆ. ಅ.14ರಂದು ಧ್ಯಾನ ಮಾಲಿಕೆ ಸ್ಪರ್ಧೆ, ಹಳ್ಳಿ ಹಾಡು ಸ್ಪರ್ಧೆ, ಅ.15ರಂದು ಕರಕುಶಲ ವಸ್ತುಗಳ ಸ್ಪರ್ಧೆ ಹಾಗೂ ಪ್ರದರ್ಶನ, ಜಾನಪದ ಗುಂಪು ನೃತ್ಯ ಸ್ಪರ್ಧೆ, ಅ.16ರಂದು ಸಾಮಾನ್ಯ ಜ್ಞಾನ ಸ್ಪರ್ಧೆ, ಅಂಗನವಾಡಿ ಪುಟಾಣಿಗಳಿಗಾಗಿ ನೃತ್ಯ ಸ್ಪರ್ಧೆ, ಅ.17ರಂದು ಆರತಿ ತಾಟಿನ ಸ್ಪರ್ಧೆ, ಭಾವಗೀತೆ ಸ್ಪರ್ಧೆ, ಅ.18ರಂದು ಚಿತ್ರಕಲೆ ಸ್ಪರ್ಧೆ, ಚಿಕ್ಕ ಮಕ್ಕಳ ಫ್ಯಾನ್ಸಿ ಡ್ರೆಸ್ ಸ್ಪರ್ಧೆ ಹಾಗೂ ಅ. 19ರಂದು ಚಿತ್ರಕಲೆ ಸ್ಪರ್ಧೆ, ಚಿಕ್ಕ ಮಕ್ಕಳ ಫ್ಯಾನ್ಸಿ ಡ್ರೆಸ್ ಸ್ಪರ್ಧೆ ಆಯೋಜಿಸಲಾಗಿದೆ’ ಎಂದವರು ತಿಳಿಸಿದರು. `ನವರಾತ್ರಿ ಅಂಗವಾಗಿ ನಗರದ ಮಾರಿಕಾಂಬಾ ಜಿಲ್ಲಾ ಕ್ರೀಡಾಂಗಣದಲ್ಲಿ ವಿದ್ಯಾರ್ಥಿಗಳು ಹಾಗೂ ಯುವ ಜನತೆಗಾಗಿ ಕ್ರೀಡಾ ಸ್ಪರ್ದೆಗಳು ನಡೆಯಲಿವೆ. ಅ. 3ರಂದು ಪ್ರಾಥಮಿಕ ಮತ್ತು ಕಾಲೇಜು ವಿಭಾಗದವರಿಗಾಗಿ ಖೋಖೋ ಸ್ಪರ್ಧೆ, ಕಬಡ್ಡಿ ಸ್ಪರ್ಧೆ, ವಾಲಿಬಾಲ್ ಸ್ಪರ್ಧೆ ಆಯೋಜಿಸಲಾಗಿದೆ. ಅ.4ರಂದು 40ರಿಂದ 60 ವರ್ಷದವರಿಗಾಗಿ 50 ಮೀ., 100 ಮೀ. 400 ಮೀ., 800 ಮೀ., ಗುಂಡು ಎಸೆತ ಸ್ಪರ್ಧೆ, 1 ಕಿಮೀ. ನಡುಗೆ ಸ್ಪರ್ಧೆ ಹಾಗೂ ಬಾಲ್ ಎಸೆತವನ್ನು ಮಹಿಳೆಯರು ಮತ್ತು ಪುರುಷರ ಪ್ರತ್ಯೇಕ ವಿಭಾಗಗಳಲ್ಲಿ ಆಯೋಜಿಸಲಾಗಿದೆ. ಅದರಂತೆ 60 ವರ್ಷ ಮೇಲ್ಪಟ್ಟ ಹಿರಿಯ ನಾಗರೀಕರಿಗಾಗಿ 50 ಮೀ. ಓಟ, ಗುಂಡು ಎಸೆತ, 1 ಕಿ.ಮೀ. ನಡುಗೆ ಆಯೋಜಿಸಿದ್ದೇವೆ. ಭಕ್ತರು ಅಧಿಕ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕು’ ಎಂದರು. ಉಪಾಧ್ಯಕ್ಷ ಅಶೋಕ ಪವಾರ, ಧರ್ಮದರ್ಶಿಗಳಾದ ಕೇಶವ ಹೆಗಡೆ, ವಿನಾಯಕ ಶೇಟ್, ಬಾಬುದಾರ ಮುಖ್ಯಸ್ಥ ಜಗದೀಶ ಗೌಡ ಇತರರಿದ್ದರು.
- [ಆ ಬೂಟು ಧರಿಸಿದರೆ ಮುಳ್ಳು ಚುಚ್ಚುವುದು ಖಚಿತ!](https://mobiletime.in/2026/09/if-you-wear-those-shoes-a-thorn-is-sure-to-prick-you/): ಮುಂಡಗೋಡಿನ ಬೆಡಸಗಾಂವ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಸರ್ಕಾರ ಅತ್ಯಂತ ಕಳಪೆ ಗುಣಮಟ್ಟದ ಬೂಟುಗಳನ್ನು ನೀಡಿದೆ. ಈ ಹಿನ್ನಲೆ ಮಕ್ಕಳೆಲ್ಲರೂ ಸೇರಿ ಆ ಬೂಟುಗಳನ್ನು ಅಂಗಳಕ್ಕೆ ಎಸೆದು ಆಕ್ರೋಶವ್ಯಕ್ತಪಡಿಸಿದ್ದಾರೆ. `ಸರ್ಕಾರದ ವತಿಯಿಂದ ಮಕ್ಕಳಿಗೆ ಉಚಿತವಾಗಿ ನೀಡಲಾಗಿರುವ ಪಾದರಕ್ಷೆಗಳು ಗುಣಮಟ್ಟದ ಮಾನದಂಡಕ್ಕೆ ಅನುಗುಣವಾಗಿಲ್ಲ. ಪಾದರಕ್ಷೆಗಳು ಕಳಪೆ ಗುಣಮಟ್ಟದಿಂದ ಕೂಡಿದ್ದು, ಮಕ್ಕಳ ಬಳಕೆಗೆ ಯೋಗ್ಯವಾಗಿಲ್ಲ’ ಎಂದು ಪಾಲಕರು ಹಾಗೂ ಎಸ್‌ಡಿಎಂಸಿ ಸದಸ್ಯರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಅನೇಕ ವಿದ್ಯಾರ್ಥಿಗಳು ಪಾದರಕ್ಷೆಗಳನ್ನು ಧರಿಸದೇ ತಿರಸ್ಕರಿಸಿದ್ದಾರೆ. ಶಾಲೆಯ ಆವರಣದಲ್ಲಿ ನಡೆದ ಸಭೆಯಲ್ಲಿ ಎಸ್‌ಡಿಎಂಸಿ ಅಧ್ಯಕ್ಷರು, ಸದಸ್ಯರು ಹಾಗೂ ಪಾಲಕರು-ಪೋಷಕರು ಈ ಕುರಿತು ಚರ್ಚಿಸಿ `ಮಕ್ಕಳಿಗೆ ಗುಣಮಟ್ಟದ ಪಾದರಕ್ಷೆಗಳನ್ನು ಒದಗಿಸಬೇಕು’ ಎಂದು ಅಧಿಕಾರಿಗಳನ್ನು ಒತ್ತಾಯಿಸಿದರು. `ಸರ್ಕಾರ ಮಕ್ಕಳಿಗಾಗಿ ಒದಗಿಸುವ ಸೌಲಭ್ಯಗಳು ಸಮರ್ಪಕ ಗುಣಮಟ್ಟದಿಂದ ಕೂಡಿರಬೇಕು. ಕಳಪೆ ಗುಣಮಟ್ಟದ ಸಾಮಗ್ರಿಗಳನ್ನು ವಿತರಿಸುವುದರಿಂದ ಮಕ್ಕಳಿಗೆ ತೊಂದರೆಯಾಗುವ ಸಾಧ್ಯತೆ ಇದೆ’ ಎಂದು ಅವರು ಅಭಿಪ್ರಾಯಪಟ್ಟರು. `ಶಿಕ್ಷಣ ಇಲಾಖೆ ಹಾಗೂ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪಾದರಕ್ಷೆಗಳ ಗುಣಮಟ್ಟ ಪರಿಶೀಲಿಸಿ, ಸೂಕ್ತ ಕ್ರಮ ಕೈಗೊಳ್ಳಬೇಕು. ಈಗಾಗಲೇ ವಿತರಿಸಿರುವ ಪಾದರಕ್ಷೆಗಳನ್ನು ಹಿಂಪಡೆದು, ಗುಣಮಟ್ಟದ ಪಾದರಕ್ಷೆಗಳನ್ನು ವಿದ್ಯಾರ್ಥಿಗಳಿಗೆ ಒದಗಿಸಬೇಕು’ ಎಂದು ಆಗ್ರಹಿಸಿದರು. `ಪಾದರಕ್ಷೆಗಳ ಗುಣಮಟ್ಟದ ಕುರಿತು ಅಗತ್ಯ ದಾಖಲೆ ಹಾಗೂ ಮಾಹಿತಿಯೊಂದಿಗೆ ಲೋಕಾಯುಕ್ತರಿಗೂ ದೂರು ಸಲ್ಲಿಸಲು ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಗಿದೆ’ ಎಂದು ಎಸ್‌ಡಿಎಂಸಿ ಹಾಗೂ ಪಾಲಕರು ತಿಳಿಸಿದ್ದಾರೆ.
- [ಕಾಳಿಯಲ್ಲಿ ಕರಗದ ಗಣಪ!](https://mobiletime.in/2026/09/the-ganesha-who-does-not-dissolve-in-the-kali-river/): ಪಿಓಪಿ ಗಣೇಶ ಮೂರ್ತಿ ರಚನೆಗೆ ಸರ್ಕಾರ ನಿರ್ಬಂಧ ಹೇರಿದರೂ ಕೆಲವರು ಅದನ್ನೇ ಮಾಡಿರುವುದು ದೃಢವಾಗಿದೆ. ಕಾಳಿ ನದಿಯಲ್ಲಿ ವಿಸರ್ಜನೆಯಾದ ನೂರಾರು ಗಣಪನ ಮೂರ್ತಿಗಳು ಕರಗದೇ ತೇಲುತ್ತಿವೆ. ಪರಿಸರ ಸ್ನೇಹಿ ಗಣೇಶ ಹಬ್ಬ ಆಚರಿಸುವಂತೆ ಉತ್ತರ ಕನ್ನಡ ಜಿಲ್ಲಾಡಳಿತ ಸಾಕಷ್ಟು ಅರಿವು ಮೂಡಿಸಿದೆ. ಅದಾಗಿಯೂ, ಕೆಲವಡೆ ಮಣ್ಣಿನ ಮೂರ್ತಿ ಬದಲು ಪಿಓಪಿ ಬಳಸಿ ಗಣೇಶನನ್ನು ರಚಿಸಲಾಗಿದೆ. ಅದರ ದುಷ್ಪರಿಣಾಮ ಇದೀಗ ಬೆಳಕಿಗೆ ಬಂದಿದ್ದು, ಕಾಳಿ ನದಿಯ ಎಲ್ಲಡೆ ಗಣಪನ ಮೂರ್ತಿಗಳು ಚದುರಿಕೊಂಡಿವೆ. ದಾಂಡೇಲಿಯ ನದಿ ಅಂಚಿನ ಸ್ವಚ್ಚತಾ ಕಾರ್ಯವೇ ಇದೀಗ ದೊಡ್ಡ ಸವಾಲಾಗಿದೆ. ಮನೆ ಮನೆಯಲ್ಲಿ ಸ್ಥಾಪಿಸಿದ ಗಣಪನ ಜೊತೆ ಸಾರ್ವಜನಿಕ ಗಣಪನ ವಿಗ್ರಹಗಳು ಸಹ ನದಿ ಅಂಚಿನಲ್ಲಿ ಬಿದ್ದಿವೆ. ಪೂಜೆ ಸಲ್ಲಿಸಿದ ಭಕ್ತರು ಶ್ರದ್ಧಾಭಕ್ತಿಯಿಂದ ಕಾಳಿ ನದಿಯಲ್ಲಿ ಗಣೇಶನ ವಿಸರ್ಜನೆ ಮಾಡಿದ್ದು, ನೀರಿನ ಹರಿವು ಕಡಿಮೆಯಾಗಿರುವ ಹಿನ್ನೆಲೆಯಲ್ಲಿ ವಿಸರ್ಜಿತ ಗಣಪನ ಮೂರ್ತಿಗಳು ಸಂಪೂರ್ಣವಾಗಿ ಮುಳುಗದೇ ರಾಶಿ ರಾಶಿಯಾಗಿ ದಡ ಸೇರುತ್ತಿವೆ. ದೊಡ್ಡ ದೊಡ್ಡ ವಿಗ್ರಹಗಳು ನದಿಯಲ್ಲಿ ಮುಳುಗಲಾಗದೇ ಸಮಸ್ಯೆ ಸೃಷ್ಠಿಸಿದೆ. ಈ ಅವಶೇಷಗಳು ನದಿಯ ತಳದಲ್ಲಿ ಸಂಗ್ರಹವಾಗಿ ಹೂಳು ಹಾಗೂ ತ್ಯಾಜ್ಯ ಹೆಚ್ಚಿಸುವ ಸಾಧ್ಯತೆಗಳಿವೆ.
- [ಕೈಗಾರಿಕೆಗಳಿಗೆ ಮೂಲ ಸೌಕರ್ಯ: ಡೀಸಿ ಸೂಚನೆ](https://mobiletime.in/2026/09/infrastructure-for-industries-dcs-directive/): `ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಕೈಗಾರಿಕಾ ಪ್ರದೇಶಗಳಿಗೆ ನಗರ ಸ್ಥಳೀಯ ಸಂಸ್ಥೆಯವರು ಮೂಲಭೂತ ಸೌಕರ್ಯ ಒದಗಿಸಬೇಕು’ ಎಂದು ಡೀಸಿ ಕೆ ಲಕ್ಷ್ಮೀಪ್ರಿಯಾ ಅವರು ಹೇಳಿದ್ದಾರೆ. ಗುರುವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಕೈಗಾರಿಕಾ ಸ್ಪಂದನ ಸಮಿತಿ ಸಭೆ ನಡೆಸಿದ ಅವರು `ಭಟ್ಕಳ, ದಾಂಡೇಲಿ, ಹಳಿಯಾಳ, ಕುಮಟಾ, ಯಲ್ಲಾಪುರ, ಶಿರಸಿ, ಶಿರವಾಡ ಮತ್ತು ರಾಮನಗರದಲ್ಲಿರುವ ಕೈಗಾರಿಕಾ ವಸಾಹತು ಪ್ರದೇಶದಲ್ಲಿನ ಬೇಡಿಕೆಗಳ ಬಗ್ಗೆ ಅಧಿಕಾರಿಗಳು ಮಾಹಿತಿಪಡೆದು, ಸೌಕರ್ಯ ಒದಗಿಸಬೇಕು’ ಎಂದು ನಿರ್ದೇಶನ ನೀಡಿದ್ದಾರೆ. `ಮೂಲಭೂತ ಸೌಕರ್ಯಗಳ ಕುರಿತಂತೆ ಕೈಗಾರಿಕಾ ಇಲಾಖೆಯ ಅಧಿಕಾರಿಗಳು ಉದ್ದಿಮೆದಾರರಿಂದ ಬೇಡಿಕೆಪಡೆಯಬೇಕು. ಅದನ್ನು ಜಿಲ್ಲಾ ನಗರಾಭಿವೃದ್ದಿ ಕೋಶದ ಅಧಿಕಾರಿಗಳಿಗೆ ಸಲ್ಲಿಸಬೇಕು. ಎಲ್ಲಾ ನಗರ ಸ್ಥಳೀಯ ಸಂಸ್ಥೆಗಳು ತಮ್ಮ ವ್ಯಾಪ್ತಿಯಲ್ಲಿನ ಬೇಡಿಕೆಗಳನ್ನು ಪ್ರಸಕ್ತ ಸಾಲಿನ ಕ್ರಿಯಾ ಯೋಜನೆಯಲ್ಲಿ ಈ ಕಾಮಗಾರಿಗಳನ್ನು ನಮೂದಿಸಿ, ಕೂಡಲೇ ಪ್ರಸ್ತಾವನೆಯನ್ನು ಸಲ್ಲಿಸಬೇಕು. ಜೊತೆಗೆ ಆ ಕಾಮಗಾರಿಗಳನ್ನು ಕೈಗೊಳ್ಳಬೇಕು’ ಎಂದು ಸೂಚಿಸಿದರು. `ಹಲವು ವರ್ಷಗಳಿಂದ ಬಾಕಿ ಇದ್ದ ಕೈಗಾರಿಕಾ ವಸಾಹತುಗಳಿಗೆ ಸಂಬAದಿಸಿದ ನಕ್ಷೆಗಳನ್ನು ಸರಿಪಡಿಸಿ ಇ-ಸ್ವತ್ತು ನೀಡುವ ಕಾರ್ಯಕ್ಕೆ ಮುಂದಾಗಬೇಕು. ಎಲ್ಲಾ ಇಲಾಖೆಗಳು ಪರಸ್ಪರ ಸಮನ್ವಯದಿಂದ ಕಾರ್ಯನಿರ್ವಹಿಸಿ ಪ್ರಸ್ತುತ ಇ-ಸ್ವತ್ತುಗಳನ್ನು ವಿತರಣೆ ಮಾಡಬೇಕು. ಬಾಕಿ ಇರುವ ಎಲ್ಲಾ ಪ್ರಕರಣಗಳನ್ನು ಶೀಘ್ರದಲ್ಲಿ ಮುಕ್ತಾಯಗೊಳಿಸಬೇಕು’ ಎಂದು ಸೂಚಿಸಿದರು. `ಕೈಗಾರಿಕಾ ವಸಾಹತುಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಘಟಕಗಳು ಮತ್ತು ಸ್ಥಗಿತಗೊಂಡಿರುವ ಘಟಕಗಳ ಮಾಹಿತಿಯನ್ನು ಪ್ರತಿಯೊಂದು ಕೈಗಾರಿಕಾ ವಸಾಹತುಗಳಿಗೆ ಖುದ್ದು ಭೇಟಿ ನೀಡಿ, ದಾಖಲೆಗಳನ್ನು ಪರಿಶೀಲಿಸಬೇಕು’ ಎಂದು ಕರ್ನಾಟಕ ರಾಜ್ಯ ಸಣ್ಣ ಕೈಗಾರಿಕಾ ಅಭಿವೃದ್ಧಿ ನಿಗಮದ ಅಧಿಕಾರಿಗಳಿಗೆ ಸೂಚನೆ ನೀಡಿದರು. `ರಾಮನಗರ ಮತ್ತು ಕುಮಟಾ ಕೈಗಾರಿಕಾ ವಸಾಹತುಗೆ ನಿರಂತರ ವಿದ್ಯುತ್ ಪೂರೈಕೆ ಮಾಡಲು 33/1 ಕೆವಿ ಸಾಮರ್ಥ್ಯದ ವಿದ್ಯುತ್ ಉಪ ಕೇಂದ್ರ ಸ್ಥಾಪಿಸುವ ಕುರಿತು ಮತ್ತು ಅಂಬೇವಾಡಿ ಆಟೋ ನಗರ ಕೈಗಾರಿಕಾ ಪ್ರದೇಶದಲ್ಲಿ ನಿವೇಶನ ಹಂಚಿಕೆ ಕುರಿತು ಕೆ.ಐ.ಎ.ಡಿ.ಬಿ ಅವರ ನಿರ್ದೇಶನದಂತೆ ಕ್ರಮ ಕೈಗೊಳ್ಳಬೇಕು. ಕುಮಟಾ ತಾಲೂಕಿನ ಮಿರ್ಜಾನ್ ವಿಶ್ವ ಮಳಿಗೆ ನೋಂದಣಿ ಕುರಿತು ಅಗತ್ಯ ಕ್ರಮ ಕೈಗೊಳ್ಳಿ’ ಎಂದರು. `ಕುಮಟಾ ಕೈಗಾರಿಕಾ ಪ್ರದೇಶಕ್ಕೆ ಪ್ರತ್ಯೇಕ ಫೀಡರ್ ಅಳವಡಿಸಲು ಅಂದಾಜುಪಟ್ಟಿ ಮಂಜೂರಾಗಿದ್ದು, ಭೂಗತ ಕೇಬಲ್‌ನ್ನು ರೈಲ್ವೆ ಟ್ರಾಕ್ ನ ಕೆಳಗೆ ಅಳವಡಿಸುವ ಕಾಮಗಾರಿ ಬಾಕಿ ಇದ್ದು, ಒಂದು ತಿಂಗಳ ಒಳಗೆ ಈ ಸಂಪೂರ್ಣ ಕಾಮಗಾರಿ ಮುಕ್ತಾಯವಾಗಲಿದೆ’ ಎಂದು ಹೆಸ್ಕಾಂ ಅಧಿಕಾರಿಗಳು ತಿಳಿಸಿದರು. `ಜಿಲ್ಲೆಯಲ್ಲಿನ ಕೈಗಾರಿಕಾ ಘಟಕಗಳಲ್ಲಿ ಅಗತ್ಯವಿರುವ ತಾಂತ್ರಿಕ ಕೌಶಲ್ಯದ ಸಿಬ್ಬಂದಿಗಳ ಬಗ್ಗೆ ಕೈಗಾರಿಕೋದ್ಯಮಿಗಳಿಂದ ಮಾಹಿತಿ – ಬೇಡಿಕೆ ಪಡೆದು, ಜಿಲ್ಲೆಯಲ್ಲಿನ ಐಟಿಐ ಮತ್ತು ಡಿಪ್ಲೊಮೋ ಕಾಲೇಜಿನ ಮುಖ್ಯಸ್ಥರೊಂದಿಗೆ ಚರ್ಚಿಸಬೇಕು. ವಿದ್ಯಾರ್ಥಿಗಳಿಗೆ ಕೈಗಾರಿಕೆಗಳಲ್ಲಿನ ಬೇಡಿಕೆಗೆ ಅಗತ್ಯವಿರುವ ಕೌಶಲ್ಯ ತರಬೇತಿಗಳನ್ನು ಆಯೋಜಿಸಬೇಕು’ ಎಂದು ಜಿಲ್ಲಾ ಕೌಶಲ್ಯಾಭಿವೃದ್ಧಿ ಅಧಿಕಾರಿಗಳಿಗೆ ಸೂಚಿಸಿದರು. ಈ ಸಭೆಯಲ್ಲಿ ಜಿಲ್ಲಾ ಕೈಗಾರಿಕಾ ಕೇಂದ್ರದ ಜಂಟಿ ನಿರ್ದೇಶಕ ನಾಗರಾಜ ನಾಯ್ಕ, ಜಿಪಂ ಉಪ ಕಾರ್ಯದರ್ಶಿ ಪ್ರಕಾಶ್ ಹಾಲಮ್ಮನವರ್, ಜಿಲ್ಲಾ ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕ ಜಹೀರ್ ಅಬ್ಬಾಸ್ ಮತ್ತು ವಿವಿಧ ಇಲಾಖೆಗಳ ಅಧಿಕಾರಿಗಳು ಇದ್ದರು.
- [ಚಾಕು ಚುಚ್ಚಿದವ ಓಡಿ ಪರಾರಿ!](https://mobiletime.in/2026/09/the-person-who-stabbed-fled-the-scene/): ಹಳಿಯಾಳದ ಕುಸ್ತಿ ಅಖಾಡದ ಬಳಿ ವ್ಯಕ್ತಿಯೊಬ್ಬರ ಮೇಲೆ ಚಾಕುವಿನಿಂದ ದಾಳಿ ನಡೆದಿದೆ. ಚಾಕು ಚುಚ್ಚಿದ ವ್ಯಕ್ತಿ ಅಲ್ಲಿಂದ ಪರಾರಿಯಾಗಿದ್ದು, ಶೋಧ ಮುಂದುವರೆದಿದೆ. ಬುಧವಾರ ಸಣ್ಣ ವಿಷಯವೊಂದಕ್ಕೆ ನಡೆದ ಮಾತಿನ ಚಕಮಕಿ ವಿಕೋಪಕ್ಕೆ ತಿರುಗಿದ್ದು, ಸಂಜೆ ಪಟ್ಟಣದ ಭಜಂತ್ರಿ ಗಲ್ಲಿಯ ಭರತ ಮೊರೆ (30) ಎಂಬಾತರ ಮೇಲೆ ಚಾಕುವಿನ ದಾಳಿ ನಡೆದಿದೆ. ಈ ದಾಳಿಯಿಂದ ಭರತ ಮೊರೆ ಅವರು ತತ್ತರಿಸಿದ್ದಾರೆ. ಸದ್ಯ ಅವರು ಆಸ್ಪತ್ರೆಗೆ ದಾಖಲಾಗಿ, ಚಿಕಿತ್ಸೆಪಡೆಯುತ್ತಿದ್ದಾರೆ. ಭರತ ಮೋರೆ ಅವರ ಎಡ ಭುಜದ ಭಾಗಕ್ಕೆ ತೀವ್ರ ಗಾಯವಾಗಿದೆ. ರಕ್ತ ಸುರಿಯುತ್ತಿದೆ. ಘಟನೆ ನೋಡಿದವರು ತಕ್ಷಣ ಆಂಬುಲೆನ್ಸಿಗೆ ಫೋನ್ ಮಾಡಿದ್ದಾರೆ. ಅವರನ್ನು ಹಳಿಯಾಳ ತಾಲೂಕು ಆಸ್ಪತ್ರೆಗೆ ದಾಖಲಿಸಿ ಪ್ರಾಥಮಿಕ ಚಿಕಿತ್ಸೆ ನೀಡಲಾಗಿದೆ. ನಂತರ ಹೆಚ್ಚಿನ ಚಿಕಿತ್ಸೆ ಅಗತ್ಯವಿದ್ದ ಹಿನ್ನೆಲೆಯಲ್ಲಿ ಧಾರವಾಡಕ್ಕೆ ರವಾನಿಸಲಾಗಿದೆ. ಚಾಕು ಇರಿತದ ಬಳಿಕ ಆರೋಪಿತ ವ್ಯಕ್ತಿ ಸ್ಥಳದಿಂದ ಪರಾರಿಯಾಗಿದ್ದು, ಈ ಗಲಾಟೆಗೆ ಕಾರಣ ಏನು? ಎಂದು ಗೊತ್ತಾಗಿಲ್ಲ. ಹಲ್ಲೆ ನಡೆಸಿದ ವ್ಯಕ್ತಿಯ ಗುರುತು ಸೇರಿದಂತೆ ವಿವಿಧ ಆಯಾಮಗಳಲ್ಲಿ ಪೊಲೀಸರು ಮಾಹಿತಿ ಕಲೆಹಾಕುತ್ತಿದ್ದಾರೆ. ಪರಾರಿಯಾಗಿರುವ ಆರೋಪಿಗಾಗಿ ಶೋಧ ಕಾರ್ಯ ಮುಂದುವರಿದಿದೆ. ಘಟನೆಯಿಂದ ಕುಸ್ತಿ ಅಖಾಡದ ಸುತ್ತಮುತ್ತ ಕೆಲಕಾಲ ಆತಂಕದ ವಾತಾವರಣ ನಿರ್ಮಾಣವಾಗಿದ್ದು, ಸದ್ಯ ಪರಿಸ್ಥಿತಿ ನಿಯಂತ್ರಣಕ್ಕೆ ಬಂದಿದೆ.
- [ಯಾಣ: ದೇವರ ದರ್ಶನಕ್ಕೆ ಕಡಿವಾಣ!](https://mobiletime.in/2026/09/yana-restrictions-on-visiting-the-deity/): ಉತ್ತರ ಕನ್ನಡ ಜಿಲ್ಲೆಯ ಪ್ರಸಿದ್ಧ ಪುಣ್ಯಕ್ಷೇತ್ರ ಯಾಣಕ್ಕೆ ನಿತ್ಯ ನೂರಾರು ಜನ ಭೇಟಿ ನೀಡುತ್ತಿದ್ದು, ಇಲ್ಲಿ ಈ ಮೊದಲಿನಿಂದಲೂ ಇದ್ದ ನಿತ್ಯ ಸೇವೆ ಹಾಗೂ ದರ್ಶನಕ್ಕೆ ಸದ್ಯದಲ್ಲಿಯೇ ತಾತ್ಕಾಲಿಕ ಕಡಿವಾಣ ಹಾಕಲು ಆಡಳಿತ ಮಂಡಳಿ ನಿರ್ಧರಿಸಿದೆ. ಸೆಪ್ಟೆಂಬರ್ 27ರಿಂದ ಯಾಣಕ್ಕೆ ಬರುವ ಭಕ್ತರಿಗೆ ದೇವರ ದರ್ಶನ ಹಾಗೂ ನಿತ್ಯ ಪೂಜೆಗೆ ತೊಡಕಾಗಲಿದೆ. ಕುಮಟಾ ತಾಲೂಕಿನ ಐತಿಹಾಸಿಕ ಕ್ಷೇತ್ರಗಳಲ್ಲಿ ಯಾಣವೂ ಒಂದು. ಇಲ್ಲಿನ ಶ್ರೀಗಂಗಾ ಚಂಡಿಕಾ ಭೈರವೇಶ್ವರ ದೇವಾಲಯದ ಶತಮಾನಗಳಷ್ಟು ಹಳೆಯದಾಗಿದ್ದು, ಗಂಟೆ ಮಂಟಪದ ಜೀರ್ಣೋದ್ದಾರ ಹಾಗೂ ನೂತನ ನಿರ್ಮಾಣ ಕಾರ್ಯಕ್ಕೆ ಆಡಳಿತ ಮಂಡಳಿ ಆಸಕ್ತಿವಹಿಸಿದೆ. ಈ ಹಿನ್ನಲೆ ಸೆಪ್ಟೆಂಬರ 27ರಿಂದ ಭಕ್ತರ ಪ್ರವೇಶಕ್ಕೆ ಇಲ್ಲಿ ನಿರ್ಬಂಧ ಹೇರಲಾಗಿದೆ. ದೇವರ ದರ್ಶನಕ್ಕೆ ಸಹ ಅವಕಾಶ ಕೊಡುತ್ತಿಲ್ಲ. ಎಂದಿನAತೆ ನಿತ್ಯ ಸೇವೆ ಮಾಡಿಸುವವರು ಸಹ ಅವಕಾಶ ವಂಚಿತರಾಗಲಿದ್ದಾರೆ. ಭಕ್ತರ ಸುರಕ್ಷತೆ ಹಾಗೂ ಕಾಮಗಾರಿಯ ಸುಗಮ ನಿರ್ವಹಣೆಗಾಗಿ ಈ ಕ್ರಮ ಅನಿವಾರ್ಯ ಎಂದು ಆಡಳಿತ ಮಂಡಳಿ ಹೇಳಿದೆ. ಯಾಣದ ಶಿಖರ ಹಾಗೂ ದೇವರ ದರ್ಶನಕ್ಕೆ ದೇಶ-ವಿದೇಶಗಳಿಂದ ಜನ ಬರುತ್ತಾರೆ. ಸಮೀಪ ವಿಭೂತಿ ಜಲಪಾತವೂ ಇರುವುದರಿಂದ ಅಲ್ಲಿ ಆಗಮಿಸುವ ಪ್ರವಾಸಿಗರು ಯಾಣಕ್ಕೆ ಭೇಟಿ ನೀಡುತ್ತಾರೆ. ಆದರೆ, ಅಭಿವೃದ್ಧಿ ಕಾಮಗಾರಿ ಹಿನ್ನಲೆ ಭಕ್ತರ ಆಗಮನಕ್ಕೆ ತಡೆ ಒಡ್ಡಲು ಆಡಳಿತ ಮಂಡಳಿ ನಿರ್ಧರಿಸಿದೆ. ಮುನ್ನಚ್ಚರಿಕಾ ಕ್ರಮವಾಗಿ ಇಲ್ಲಿ ನಡೆಯಬೇಕಿದ್ದ ಎಲ್ಲಾ ವಿಶೇಷ ಪೂಜೆಗಳನ್ನು ರದ್ದುಗೊಳಿಸಲಾಗಿದೆ. ಸದ್ಯ ನಿರ್ಣಯಿಸಿದ್ದ ಕಾಮಗಾರಿ ಸಂಪೂರ್ಣವಾಗಿ ಮುಕ್ತಾಯಗೊಳ್ಳಲು ಕೆಲ ವರ್ಷ ಬೇಕಾದಿದ್ದು, ಎಲ್ಲಾ ವ್ಯವಸ್ಥೆಯೂ ಸರಿಯಾದ ನಂತರ ಮತ್ತೆ ಭಕ್ತರಿಗೆ ಮುಕ್ತ ಅವಕಾಶ ನೀಡಲಾಗುತ್ತದೆ. ಹೀಗಾಗಿ, ಎಲ್ಲಾ ಭಕ್ತರು ಈ ಸೂಚನೆಯನ್ನು ಗಮನಿಸಬೇಕು. ದೇಗುಲ ಹಾಗೂ ಸುತ್ತಲಿನ ಪ್ರದೇಶದ ಅಭಿವೃದ್ದಿಗೆ ಸಹಕಾರ ನೀಡಬೇಕು ಎಂದು ಅಲ್ಲಿನವರು ಮನವಿ ಮಾಡಿದ್ದಾರೆ.
- [ಬಸ್ ನಿಲ್ದಾಣ ಬಳಿ ಹೊಡೆದಾಟ!](https://mobiletime.in/2026/09/clash-near-the-bus-stand/): ಬೆಂಗಳೂರಿಗೆ ಹೋಗುವಾಗಲೂ 42 ಗ್ರಾಂ ತೂಕದ ಸರ ಮೈಮೇಲೆ ಧರಿಸಿದ್ದ ಯಲ್ಲಾಪುರದ ಉಮ್ಮಚ್ಗಿ ರಧೀಕ್ ನಾಯರ್ ಅವರ ಮೇಲೆ ದಾಳಿ ನಡೆದಿದೆ. ಸುರೇಬೈಲಿನ ಪರಶುರಾಮ ಸಿದ್ದಿ, ಲಕ್ಷಣ ಸಿದ್ದಿ ಹಾಗೂ ರಾಮಾ ಸಿದ್ದಿ ಸೇರಿ ಅವರನ್ನು ಥಳಿಸಿದ್ದಾರೆ. ಇದಕ್ಕೆ ರಧೀಕ್ ನಾಯರ್, ರಧೀಶ್ ನಾಯರ್, ರೂಪಾ ನಾಯರ್ ಅವರು ಸಹ ಪ್ರತಿದಾಳಿ ಮಾಡಿದ್ದಾರೆ. ಸೆಪ್ಟೆಂಬರ್ 22ರಂದು ಉಮ್ಮಚ್ಗಿ ಬಸ್ ನಿಲ್ದಾಣದ ಬಳಿ ಈ ಗಲಾಟೆ ನಡೆದಿದೆ. ಉಮ್ಮಚ್ಗಿಯ ಇಂಜಿನಿಯರ್ ವಿದ್ಯಾರ್ಥಿ ರಿಧೀಕ್ ರಿಧೇಶ್ ನಾಯರ್ ಅವರು ಬೆಂಗಳೂರಿಗೆ ಹೋಗಲು ನಿರ್ಧರಿಸಿದ್ದು, ಅದಕ್ಕಾಗಿ ತಮ್ಮ ಕುಟುಂಬದ ಜೊತೆ ಬಸ್ ನಿಲ್ದಾಣಕ್ಕೆ ಬಂದಿದ್ದಾರೆ. ಆಗ, ಅಲ್ಲಿ ಪರಶುರಾಮ ಸಿದ್ದಿ ಅವರು ಆಗಮಿಸಿದ್ದಾರೆ. ರಿಧೀಕ್ ನಾಯರ್ ಅವರು ಪರಶುರಾಮ ಸಿದ್ದಿ ಅವರನ್ನು ಗುರಾಯಿಸಿದ್ದಾರೆ. ಇದರಿಂದ ಕೆರಳಿದ ಪರಶುರಾಮ ಸಿದ್ದಿ ಅವರು ಗುರಾಯಿಸಿದನ್ನು ಪ್ರಶ್ನಿಸಿದ್ದಾರೆ. ಈ ವೇಳೆ ರಿಧೀಕ್ ನಾಯರ್ ಅವರು ಪರಶುರಾಮ ಸಿದ್ದಿ ಅವರಲ್ಲಿ ಹಳೆಯ ಕೇಸ್ ಒಂದನ್ನು ಹಿಂಪಡೆಯುವAತೆ ಒತ್ತಾಯಿಸಿದ್ದು, ಆ ವೇಳೆ ಗಲಾಟೆ ಶುರುವಾಗಿದೆ. ರಧೀಶ ರಘುನಾಥ ನಾಯರ್ ಹಾಗೂ ರೂಪಾ ರದೀಶ್ ನಾಯರ್ ಸೇರಿ ಪರಶುರಾಮ ಸಿದ್ದಿ ಅವರ ಮೇಲೆ ದಾಳಿಗೆ ಪ್ರಯತ್ನಿಸಿದ್ದಾರೆ. ಆಗ, ಪರಶುರಾಮ ಸಿದ್ದಿ ಅವರು ಲಕ್ಷಣ ಸಿದ್ದಿ ಹಾಗೂ ರಾಮಾ ಸಿದ್ದಿ ಅವರನ್ನು ಕರೆಯಿಸಿದ್ದಾರೆ. ಆ ಮೂವರು ಸೇರಿ ಈ ಮೂವರಿಗೆ ಹೊಡೆದಿದ್ದಾರೆ. ಈ ವೇಳೆ ಲಕ್ಷಣ ಸಿದ್ದಿ ಅವರು ರಧಿಕ್ ನಾಯರ್ ಅವರ ಕತ್ತಿನಲ್ಲಿದ್ದ ಸರ ನೋಡಿದ್ದಾರೆ. ಅದನ್ನು ಹಿಡಿದು ಎಳೆದಿದ್ದಾರೆ. ಈ ಗಲಾಟೆಯ ಬಗ್ಗೆ ನಂತರ ಎರಡು ಕಡೆಯವರು ಪೊಲೀಸರಿಗೆ ದೂರಿದ್ದಾರೆ. ಪೊಲೀಸರು ಎರಡು ಕಡೆಯವರಿಂದ ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದಾರೆ.  
- [ಪ್ರಯಾಣಿಕರ ಪ್ರತಿಭಟನೆ!](https://mobiletime.in/2026/09/passengers-protest/): ಕಾರವಾರದ ಕದ್ರಾ-ಮಲ್ಲಾಪುರ ಮಾರ್ಗದಲ್ಲಿನ ಬಸ್ ಸಂಚಾರ ಅವ್ಯವಸ್ಥೆ ವಿರುದ್ಧ ಬುಧವಾರ ಪ್ರಯಾಣಿಕರು ದಿಢೀರ್ ಪ್ರತಿಭಟನೆ ಮಾಡಿದ್ದಾರೆ. ಅಧಿಕಾರಿಗಳ ವಿರುದ್ಧ ಪ್ರತಿಭಟನಾಕಾರರು ಆಕ್ರೋಶಹೊರಹಾಕಿದ್ದಾರೆ. ಈ ವೇಳೆ ಕೆಲ ಬಸ್ಸುಗಳ ಸಂಚಾರವನ್ನು ತಡೆದು ಬಿಸಿ ಮುಟ್ಟಿಸಿದ್ದಾರೆ. ಕೆಲ ದಿನಗಳಿಂದ ಕದ್ರಾ-ಮಲ್ಲಾಪುರ ಮಾರ್ಗದ ಬಸ್ಸುಗಳ ಸಂಚಾರ ಸರಿಯಾಗಿಲ್ಲ. ಅದರಲ್ಲಿಯೂ ಸಂಜೆ ವೇಳೆ ಬಸ್ಸುಗಳು ಇರುವುದೇ ಇಲ್ಲ. ಇದರಿಂದ ಅನೇಕ ಪ್ರಯಾಣಿಕರು ಸಮಸ್ಯೆ ಅನುಭವಿಸುತ್ತಿದ್ದು, ಘಟಕ ಅಧಿಕಾರಿಗಳಿಗೆ ತಿಳಿಸಿದರೂ ಪ್ರಯೋಜನವಾಗಿಲ್ಲ. ಈ ಹಿನ್ನಲೆ ಪ್ರಯಾಣಿಕರು ಇನ್ನಿತರ ಬಸ್ಸುಗಳ ಓಡಾಟಕ್ಕೂ ತಡೆ ಒಡ್ಡಿ ಪ್ರತಿಭಟನೆ ಮಾಡಿದ್ದಾರೆ. ಬುಧವಾರ ಮಧ್ಯಾಹ್ನದಿಂದ ಈ ಮಾರ್ಗದಲ್ಲಿ ಮೂರು ಬಸ್ ಸಂಚಾರಿಸಬೇಕಿದ್ದು, ಒಂದು ಬಸ್ ಸಹ ಸರಿಯಾದ ಸಮಯಕ್ಕೆ ಸಂಚರಿಸಿಲ್ಲ. ಅದರಿಂದ ಪ್ರಯಾಣಿಕರ ಆಕ್ರೋಶ ಹೆಚ್ಚಾಯಿತು. ಬಸ್ ನಿಲ್ದಾಣದಲ್ಲಿ ಕಾದ ಮಹಿಳೆಯರು, ವಿದ್ಯಾರ್ಥಿಗಳು ಹಾಗೂ ಹಿರಿಯರು ಏಕಾಏಕಿ ಧರಣಿ ಶುರು ಮಾಡಿದರು. ಬಸ್ ವ್ಯವಸ್ಥೆ ಸರಿಪಡಿಸುವವರೆಗೆ ಪ್ರತಿಭಟನೆ ಮುಂದುವರಿಸುವುದಾಗಿ ಪ್ರಯಾಣಿಕರು ಪಟ್ಟು ಹಿಡಿದ ಹಿನ್ನೆಲೆಯಲ್ಲಿ ನಿಲ್ದಾಣದಲ್ಲಿ ಕೆಲಕಾಲ ಉದ್ವಿಗ್ನ ವಾತಾವರಣ ನಿರ್ಮಾಣವಾಯಿತು. ವಿಷಯ ತಿಳಿದು ಪೊಲೀಸರು ಸ್ಥಳಕ್ಕೆ ಧಾವಿಸಿ ಪ್ರತಿಭಟನಾಕಾರರೊಂದಿಗೆ ಮಾತುಕತೆ ನಡೆಸಿದರು. ಪ್ರತಿಭಟನೆ ತೀವ್ರಗೊಂಡ ಬೆನ್ನಲ್ಲೇ ಕೆಎಸ್‌ಆರ್‌ಟಿಸಿ ಅಧಿಕಾರಿಗಳು ಕದ್ರಾ-ಮಲ್ಲಾಪುರ ಮಾರ್ಗಕ್ಕೆ ಬಸ್ ವ್ಯವಸ್ಥೆ ಕಲ್ಪಿಸಿದರು. ಮತ್ತೆ ಹೀಗೆ ಆದರೆ, ಉಗ್ರ ಪ್ರತಿಭಟನೆ ಅನಿವಾರ್ಯ ಎಂದು ಪ್ರತಿಭಟನಾಕಾರರು ಎಚ್ಚರಿಸಿದರು.
- [ರೆಸಾರ್ಟಿನಲ್ಲಿ ಸಾವನಪ್ಪಿದ ಮಹಿಳೆ](https://mobiletime.in/2026/09/woman-dies-at-resort/): ಕುಮಟಾ ದುಬ್ಬಿನಶಶಿಯ ಮಿರಾಕಿ ಬೀಚ್ ರೆಸಾರ್ಟಿನಲ್ಲಿ ಶಹಭಾನು ನಾಯಕ ಅವರು ಶವವಾಗಿದ್ದಾರೆ. ಒಂಟಿಯಾಗಿ ವಾಸವಾಗಿದ್ದ ಅವರು ಸಾವನಪ್ಪಿದ ಬಗ್ಗೆ ಅರಿತು ಕಾರವಾರದ ವಿಜ್ಞಾನಿ ನಿಧಿ ನಾಯಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕುಮಟಾ ತಾಲೂಕಿನ ದುಬ್ಬನಶಶಿಯಲ್ಲಿ ಶಹಭಾನು ಗೌರೀಶ ನಾಯಕ ಅವರು ವಾಸವಾಗಿದ್ದರು. 50 ವರ್ಷದ ವರು ಅಲ್ಲಿ ಒಬ್ಬಂಟಿಯಾಗಿ ಜೀವನ ನಡೆಸುತ್ತಿದ್ದರು. ನಿತ್ಯ ತಾವೇ ಅಡುಗೆ ಮಾಡಿಕೊಂಡು ಅವರು ಊಟ ಮಾಡುತ್ತಿದ್ದರು. ಈಚೆಗೆ ಅವರಿಗೆ ಆರೋಗ್ಯ ಸಮಸ್ಯೆ ಕಾಣಿಸಿದ್ದು, ಅದಕ್ಕೆ ಚಿಕಿತ್ಸೆಯನ್ನುಪಡೆದಿದ್ದರು. ಹೀಗಿರುವಾಗ ಸೆ 23ರಂದು ಅವರು ದಿಢೀರ್ ಆಗಿ ಸಾವನಪ್ಪಿದರು. ಶಹಭಾನು ನಾಯಕ ಅವರು ತಾವು ವಾಸವಾಗಿದ್ದ ಮಿರಾಕಿ ಬೀಚ್ ರೆಸಾರ್ಟಿನಲ್ಲಿಯೇ ಕೊನೆಯುಸಿರೆಳೆದರು. ಕಾರವಾರದ ಕೋಡಿಭಾಗದಲ್ಲಿರುವ ವಿಜ್ಞಾನಿ ನಿಧಿ ರೋಹನ ನಾಯಕ ಅವರಿಗೆ ಈ ವಿಷಯ ಗೊತ್ತಾಯಿತು. ತಕ್ಷಣ ಸ್ಥಳಕ್ಕೆ ಹೋದ ಅವರು ಸೋದರಮಾವನ ಪತ್ನಿಯ ಶವ ಕಂಡು ಕಣ್ಣೀರಾದರು. ನಂತರ ಈ ಸಾವಿನ ಬಗ್ಗೆ ಗೋಕರ್ಣ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.
- [ಅದು ಏಳೇಳು ಜನ್ಮದ ಲೌ!](https://mobiletime.in/2026/09/that-is-a-love-spanning-seven-lifetimes/): ಮುಂಡಗೋಡದಿoದ ನಾಪತ್ತೆಯಾಗಿದ್ದ ಯುವಕ-ಯುವತಿ ಮದುವೆಯಾಗಿ ಮರಳಿದ್ದು, ಅವರ ಕುಟುಂಬ ಕಲಹಕ್ಕೆ ಕಾರಣವಾಗಿದೆ. ಯುವಕ ಹಾಗೂ ಯುವತಿ ರಕ್ಷಣೆ ಕೋರಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಮಂಗಳವಾರ ರಾತ್ರಿ ಆ ನವ ದಂಪತಿ ಪೊಲೀಸ್ ಠಾಣೆಗೆ ಬಂದಿದ್ದಾರೆ. ಇದನ್ನು ಅರಿತ ಅವರ ಪೋಷಕರು ಅಲ್ಲಿ ದೌಡಾಯಿಸಿದ್ದಾರೆ. ಆಗ, `ನಾವಿಬ್ಬರೂ ಕಾನೂನು ಪ್ರಕಾರ ವಿವಾಹವಾಗಿದ್ದೇವೆ. ನಮ್ಮನ್ನು ಬದುಕಲಿ ಬಿಡಿ’ ಎಂದು ಆ ಯುವ ದಂಪತಿ ಮನವಿ ಮಾಡಿದ್ದಾರೆ. ಒಂದು ತಿಂಗಳ ಹಿಂದೆ ಅವರಿಬ್ಬರು ಕಾಣೆಯಾಗಿದ್ದು, ಎಲ್ಲಡೆ ಹುಡುಕಾಟ ನಡೆಸಿದ್ದ ಪಾಲಕರು ಈ ವಿವಾಹ ಹೇಳಿಕೆ ಕೇಳಿ ಆಘಾತಕ್ಕೆ ಒಳಗಾಗಿದ್ದಾರೆ. ಯುವಕ ಹಾಗೂ ಯುವತಿ ಕಾಣೆಯಾದ ಬಗ್ಗೆ ದೂರು ಆಲಿಸಿದ್ದ ಪೊಲೀಸರು ಒಂದು ತಿಂಗಳಿನಿAದ ಹುಡುಕಾಟ ನಡೆಸಿದ್ದು, ಎಲ್ಲಿಯೂ ಅವರ ಸುಳಿವು ಸಿಕ್ಕಿರಲಿಲ್ಲ. ಪೊಲೀಸರ ಶೋಧ ಕಾರ್ಯಾಚರಣೆ ಬಗ್ಗೆ ಅರಿತ ಪ್ರೇಮಿಗಳು ಮಂಗಳವಾರ ನೇರವಾಗಿ ಪೊಲೀಸ್ ಠಾಣೆಗೆ ಆಗಮಿಸಿ ರಕ್ಷಣೆ ಕೋರಿದ್ದರಿಂದ ಪೊಲೀಸರು ಕ್ಷಣಕಾಲ ಗೊಂದಲಕ್ಕೆ ಒಳಗಾದರು. ಯುವಕ ಹಾಗೂ ಯುವತಿ ಠಾಣೆಗೆ ಬಂದಿರುವ ವಿಷಯ ತಿಳಿಯುತ್ತಿದ್ದಂತೆ ಎರಡೂ ಕುಟುಂಬಗಳ ಪೋಷಕರು ಠಾಣೆಯ ಬಳಿ ಜಮಾಯಿಸಿದ್ದರು. ಈ ವೇಳೆ ಅವರಿಬ್ಬರು ಈಗಾಗಲೇ ಕಾನೂನುಬದ್ಧವಾಗಿ ಮದುವೆಯಾಗಿದ್ದಾರೆ ಎಂಬ ವಿಚಾರ ತಿಳಿದು ಆಕ್ರೋಶಗೊಂಡ ಪೋಷಕರ ನಡುವೆ ತೀವ್ರ ವಾಗ್ವಾದ ಶುರು ಮಾಡಿದರು. ಈ ವೇಳೆ ಮಾತಿಗೆ ಮಾತು ಬೆಳೆದು ಪರಿಸ್ಥಿತಿ ವಿಕೋಪಕ್ಕೆ ತಿರುಗಿದ್ದು, ಪೊಲೀಸ್ ಠಾಣೆಯ ಆವರಣದಲ್ಲಿಯೇ ಎರಡೂ ಕಡೆಯ ಪೋಷಕರು ಕೈಕೈ ಮಿಲಾಯಿಸುವ ಹಂತಕ್ಕೆ ತಲುಪಿದ್ದರು. ಪರಸ್ಪರ ತಳ್ಳಾಟ, ನುಕಾಟ ಹಾಗೂ ಅವಾಚ್ಯ ಶಬ್ದಗಳಿಂದ ನಿಂದನೆ ನೋಡಿದ ಪೊಲೀಸರು ಪರಿಸ್ಥಿತಿ ಶಾಂತಗೊಳಿಸಿದರು. ಎರಡು ಕಡೆಯವರ ಜಗಳ ನೋಡಿದ ಜನರು ಆ ಜಗಳ ಬಿಡಿಸುವ ಪ್ರಯತ್ನ ಮಾಡಿದರು. ಹರಸಾಹಸದ ನಂತರ ಪರಿಸ್ಥಿತಿ ಸರಿಯಾಯಿತು. ಅದಾಗಿಯೂ, ತೀವ್ರ ಆಕ್ರೋಶಗೊಂಡಿದ್ದ ಪೋಷಕರು ಮತ್ತೆ ಮತ್ತೆ ಜಗಳ ಮುಂದುವರಿಸಲು ಯತ್ನಿಸಿದ್ದು, ಕೊನೆಗೆ ಪೊಲೀಸರು ಹಾಗೂ ಗ್ರಾಮಸ್ಥರು ಎರಡೂ ಕಡೆಯವರನ್ನು ಸಮಾಧಾನಪಡಿಸಿದರು.
- [ಗಣೇಶ ಮೆರವಣಿಗೆಯಲ್ಲಿ ಗಲಾಟೆ!](https://mobiletime.in/2026/09/commotion-during-the-ganesha-procession/): ಗಣೇಶ ವಿಸರ್ಜನೆ ಮೆರವಣಿಗೆಯಲ್ಲಿ ವಾಲ್ಮೀಕಿ ಮಹರ್ಷಿಗಳ ಬ್ಯಾನರ್ ಹಿಡಿದು ಹೋಗುತ್ತಿದ್ದ ದಾಂಡೇಲಿಯ ತೇಜಸ್ ಅರಶಿನಗುಡಿ ಅವರಿಗೆ ಅದೇ ಮೆರವಣಿಗೆಯಲ್ಲಿ ಭಾಗವಹಿಸಿದ್ದ ರೋಹಿತ ನಾಯ್ಕ ಸಹಚರರು ಹೊಡೆದಿದ್ದಾರೆ. ರೋಹಿತ ನಾಯ್ಕ ಅವರ ಜೊತೆ ಸುಜಲ್ ನಾಯ್ಕ, ಪರಶುರಾಮ ಲಮಾಣಿ ಹಾಗೂ ಶ್ಯಾಮ ಅವರ ಥಳಿತಕ್ಕೆ ಒಳಗಾದ ತೇಜಸ್ ಅರಶಿನಗುಡಿ ಅವರು ಅತೀವ ಪ್ರಮಾಣದಲ್ಲಿ ನೋವು ಅನುಭವಿಸುತ್ತಿದ್ದಾರೆ. ಹಳೆದಾಂಡೇಲಿ ಅರಣ್ಯ ಬಳಿಯ ನೀರಿನ ಟಾಕಿ ಬಳಿ ತೇಜಸ್ ಮಹೇಶ ಅರಶಿನಗುಡಿ ಅವರು ವಾಸವಾಗಿದ್ದಾರೆ. 20 ವರ್ಷದ ಅವರು ಪ್ಲಂಬಿoಗ್ ಕೆಲಸ ಮಾಡಿ ಜೀವನ ನಡೆಸುತ್ತಿದ್ದಾರೆ. ಸೆಪ್ಟೆಂಬರ್ 22ರಂದು ದಾಂಡೇಲಿಯ ಸಾಯಿ ಸರ್ಕಲ್ ಬಳಿಯ ಗಣಪತಿ ವಿಸರ್ಜನಾ ಕಾರ್ಯಕ್ರಮದಲ್ಲಿ ಭಾಗವಹಿಸಲು ತೇಜಸ್ ಅರಶಿನಗುಡಿ ಅವರು ನಿರ್ಧರಿಸಿದ್ದಾರೆ. ಅದರಂತೆ, ಸಂಜೆ ಅವರು ಮಹರ್ಷಿ ವಾಲ್ಮೀಕಿ ಅವರ ಬ್ಯಾನರ್ ಹಿಡಿದು ಎಸ್‌ಬಿಐ ಬ್ಯಾಂಕ್ ಹತ್ತಿರದ ಲೆನೋನಿ ಕಾಲೋನಿ ಬಳಿ ಸಂಚಾರ ಮಾಡಿದ್ದಾರೆ. ರಾತ್ರಿ 9.45ಕ್ಕೆ ಅದೇ ಬ್ಯಾನರ್ ಹಿಡಿದು ಅವರು ಗಣೇಶ ವಿಸರ್ಜನೆ ಮೆರವಣಿಗೆಯಲ್ಲಿ ಡಾನ್ಸ್ ಶುರು ಮಾಡಿದ್ದಾರೆ. ಈ ಮೆರವಣಿಗೆಯಲ್ಲಿ ರೋಹಿತ ನಾಯ್ಕ ಅವರ ಜೊತೆ ಸುಜಲ್ ನಾಯ್ಕ, ಪರಶುರಾಮ ಲಮಾಣಿ ಹಾಗೂ ಶ್ಯಾಮ ಅವರು ಭಾಗವಹಿಸಿದ್ದಾರೆ. ತೇಜಸ್ ಅರಶಿನಗುಡಿ ಅವರನ್ನು ನೋಡಿದ ಆ ನಾಲ್ವರು ವಾಲ್ಮೀಕಿ ಸಮುದಾಯದ ಬಗ್ಗೆ ಕೆಟ್ಟ ಮಾತನಾಡಿದ್ದಾರೆ. ಇದಕ್ಕೆ ತೇಜಸ್ ಅರಶಿನಗುಡಿ ಅವರು ಪ್ರತಿರೋಧವ್ಯಕ್ತಪಡಿಸಿದಾಗ ರೋಹಿತ ನಾಯ್ಕ ಅವರು ತಮ್ಮ ಕೈಯಲ್ಲಿದ್ದ ಖಡ್ಗದಿಂದ ತೇಜಸ್ ಅರಶಿನಗುಡಿ ಅವರ ತಲೆಗೆ ಹೊಡೆದಿದ್ದಾರೆ. ಇದರಿಂದ ತೇಜಸ್ ಅವರು ನೆಲಕ್ಕೆ ಬಿದ್ದಿದ್ದು, ಆಗ ಉಳಿದ ನಾಲ್ವರು ಸೇರಿ ಅವರನ್ನು ಕಾಲಿನಿಂದ ತುಳಿದಿದ್ದಾರೆ. ಈ ಗಲಾಟೆಯಲ್ಲಿ ತೇಜಸ್ ಅರಶಿನಗುಡಿ ಅವರಿಗೆ ತಲೆ, ಕಣ್ಣು, ಮೂಗಿಗೆ ಗಾಯವಾಗಿದೆ. ಅದಾದ ನಂತರ ಆ ನಾಲ್ವರು ಜೀವ ಬೆದರಿಕೆ ಒಡ್ಡಿ ಅಲ್ಲಿಂದ ಪರಾರಿಯಾಗಿದ್ದಾರೆ. ಈ ಎಲ್ಲಾ ವಿಷಯದ ಬಗ್ಗೆ ತೇಜಸ್ ಅರಶಿನಗುಡಿ ಅವರು ಪೊಲೀಸರ ಬಳಿ ಹೇಳಿದ್ದು, ದಾಂಡೇಲಿ ನಗರ ಪೊಲೀಸರು ಕೇಸು ಹಾಕಿದ್ದಾರೆ. ಸಿಪಿಐ ಶಿವಾನಂದ ಅಂಬಿಗೇರ್ ಹಾಗೂ ಪಿಐ ಅಮೀನಸಾಬ್ ಅತ್ತಾರ್ ಅವರು ಪ್ರಕರಣದ ತನಿಖೆ ಶುರು ಮಾಡಿದ್ದಾರೆ. ಡಿವೈಎಸ್ಪಿ ಶಿವಾನಂದ ಮದರಖಂಡಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
- [ಸಿಕ್ಕಿಬಿದ್ದ ಶ್ರೀಗಂಧ ಕಳ್ಳ!](https://mobiletime.in/2026/09/sandalwood-smuggler-caught/): ಯಲ್ಲಾಪುರದ ಬಿಸಗೋಡು ರಸ್ತೆ ಮಾರ್ಗವಾಗಿ ಶ್ರೀಗಂಧ ಕದ್ದು ಸಾಗಿಸುತ್ತಿದ್ದ ನಾಲ್ವರು ಅರಣ್ಯ ಅಧಿಕಾರಿಗಳಿಗೆ ಸಿಕ್ಕಿಬಿದ್ದಿದ್ದಾರೆ. ಮಾಗೋಡಿನ ನಾಗೇಂದ್ರ ಸಿದ್ದಿ, ಕಮ್ಮಾಣಿಯ ರವಿ ಸಿದ್ದಿ, ಕಾಳಮ್ಮನಗರದ ಮಂಜುನಾಥ ಸಿದ್ದಿ ಹಾಗೂ ಲಕ್ಷಣ ಸಿದ್ದಿ ಜೈಲು ಸೇರಿದ್ದು, ವಜ್ರಳ್ಳಿಯ ಸತೀಶ್ ಸಿದ್ದಿ ಕಾಡಿನಲ್ಲಿ ಓಡಿ ಪರಾರಿಯಾಗಿದ್ದಾರೆ. ಯಲ್ಲಾಪುರದ ಮಾಗೋಡಿನ ನಾಗೇಂದ್ರ ಮಂಜುನಾಥ ಸಿದ್ದಿ ಅವರು ಬೆಲೆಬಾಳುವ ಶ್ರೀಗಂಧದ ಮರಗಳ ಮೇಲೆ ಕಣ್ಣಿಟ್ಟಿದ್ದರು. ಅವರು ತಮ್ಮ ಸಹಚರರಾದ ಅಂಕೋಲಾ ಕಮ್ಮಾಣಿಯ ರವಿ ಕೃಷ್ಣ ಸಿದ್ದಿ, ಯಲ್ಲಾಪುರ ಕಾಳಮ್ಮನಗರದ ಮಂಜುನಾಥ ಪ್ರಭಾಕರ ಸಿದ್ದಿ, ಲಕ್ಷಣ ಪ್ರಭಾಕರ ಸಿದ್ದಿ ಹಾಗೂ ವಜ್ರಳ್ಳಿಯ ಸತೀಶ್ ಸಿದ್ದಿ ಅವರ ಜೊತೆ ಸೇರಿ ಶ್ರೀಗಂಧದ ಮರ ಕದಿಯುವ ಯೋಜನೆ ರೂಪಿಸಿದ್ದರು. ಅವರೆಲ್ಲರೂ ಆಗಾಗ ಮರ ಕಟಾವು ಮಾಡಿ, ಅದನ್ನು ಮಾರುವುದನ್ನು ರೂಡಿಸಿಕೊಂಡಿದ್ದು ಅದೇ ಕೆಲಸವನ್ನು ಈ ಬಾರಿಯೂ ಮುಂದುವರೆಸಿದ್ದರು. ಅದರಂತೆ, ಅವರೆಲ್ಲರೂ ಸೇರಿ ಶ್ರೀಗಂಧದ ಮರ ಕಟಾವು ಮಾಡಿದ್ದು, ಸೆಪ್ಟೆಂಬರ್ 23ರಂದು ಅದನ್ನು ಯಲ್ಲಾಪುರ ಬಿಸಗೋಡು ಮಾರ್ಗದ ಸ್ಮಶಾನ ಪಕ್ಕದಿಂದ ಸಾಗಿಸುವ ಕೆಲಸ ಶುರು ಮಾಡಿದ್ದರು. ಶ್ರೀಗಂಧದ ಮರದ ತುಂಡುಗಳನ್ನು ಅವರು ಬೈಕಿನಲ್ಲಿ ಸಾಗಿಸುವ ಸಾಹಸ ಮಾಡಿದ ಬಗ್ಗೆ ಅಲ್ಲಿನವರೇ ಒಬ್ಬರು ಅರಣ್ಯಾಧಿಕಾರಿಗಳಿಗೆ ಮಾಹಿತಿ ನೀಡಿದರು. ಉಪಅರಣ್ಯ ಸಂರಕ್ಷಣಾಧಿಕಾರಿ ಅಬ್ದುಲ್ ಅಜೀಜ್ ಶೇಖ್ ಅವರ ಸೂಚನೆ ಮೇರೆಗೆ ವಲಯ ಅರಣ್ಯಾಧಿಕಾರಿ ಮಂಜುನಾಥ ನಾಯ್ಕ ಅವರು ಸ್ಥಳಕ್ಕೆ ದೌಡಾಯಿಸಿದರು. ಉಪವಲಯ ಅರಣ್ಯಾಧಿಕಾರಿ ದರ್ಶನ ವಿ ಎಸ್, ಜಿ ಸಂತೋಷ, ಶ್ರೀನಿವಾಸ ನಾಯ್ಕ, ಸಂಜಯಕುಮಾರ ಬೋರಗಲ್ಲಿ, ಪ್ರಭಾಕರ ಬಗಲಿ, ಮಂಜುನಾಥ ಗರ್ಭಗುಡಿ, ಶರಣಬಸು ದೇವರ, ಶ್ರೀಧರ ಸಜ್ಜನ, ಉಮೇಶ ಹೊಸಮನಿ ಸೇರಿ ಅಲ್ಲಿದ್ದ ಎಲ್ಲರನ್ನು ಹಿಡಿಯುವ ಪ್ರಯತ್ನ ಮಾಡಿದರು. ಗಸ್ತು ಅರಣ್ಯ ಪಾಲಕರಾದ ಶಹನವಾಜ್ ಮುಲ್ತಾನಿ, ಗೌಡಪ್ಪ ಗೌಡ ಸುಳ್ಳದ, ರಮೇಶ ಬಡಿಗೇರ, ಬಸವರೆಡ್ಡಿ ರಡ್ಡೇರ, ಸತೀಶ ಕುಂಬಾರ, ಗೌರೀಶ ನಾಯ್ಕ, ರಾಮು ಕೊಕರೆ, ಶಿವಾನಂದ ಯಾವಗಲ್, ಗಣೇಶ ಅವರ ಜೊತೆ ವಾಹನ ಚಾಲಕಆನಂದ, ದಿನೇಶ, ಪ್ರಶಾಂತ ಅವರು ಸೇರಿ ನಾಲ್ವರನ್ನು ಹಿಡಿದರು. ವಜ್ರಳ್ಳಿಯ ಸತೀಶ್ ಸಿದ್ದಿ ಮಾತ್ರ ಅವರಿಂದ ತಪ್ಪಿಸಿಕೊಂಡು ಓಡಿ ಪರಾರಿಯಾದರು. ಬಂಧಿತರ ಬಳಿ 3.80 ಕೆಜಿಯ 12 ತುಂಡು ಸಿಪ್ಪೆ ಕೆತ್ತಿದ ಶ್ರೀಗಂಧ, 5ಕೆಜಿಯಿರುವ 17 ಸಿಪ್ಪೆಸಹಿತದ ತುಂಡು ಸಿಕ್ಕಿತು. ಅದನ್ನು ಸಾಗಿಸಲು ಬಳಸಿದ ಬೈಕನ್ನು ಅರಣ್ಯ ಸಿಬ್ಬಂದಿ ಜಪ್ತು ಮಾಡಿದರು. ಸಿಕ್ಕಿಬಿದ್ದ ನಾಲ್ವರನ್ನು ಜೈಲಿಗೆ ಕಳುಹಿಸಿ, ಓಡಿದ ಸತೀಶ್ ಸಿದ್ದಿ ಅವರಿಗಾಗಿ ಶೋಧ ಶುರು ಮಾಡಿದರು.
- [ಈ ಅನ್ಯಾಯ ಸರಿಯಲ್ಲ!](https://mobiletime.in/2026/09/this-injustice-is-not-right/): `ಕರಾವಳಿ ಹಾಗೂ ಮಲೆನಾಡು ಭಾಗದ ಜ್ವಲಂತ ಸಮಸ್ಯೆಗಳನ್ನು ಬಗೆಹರಿಸಲು ಕೇಂದ್ರ ಹಾಗೂ ರಾಜ್ಯ ಸರ್ಕಾರ ಪ್ರಾಮಾಣಿಕ ಪ್ರಯತ್ನ ಮಾಡಬೇಕು. ಇಲ್ಲಿನ ಸಮಸ್ಯೆಗಳ ಬಗ್ಗೆ ಈಗಾದರೂ ಗಮನಹರಿಸಬೇಕು’ ಎಂದು ಅರಣ್ಯ ಭೂಮಿ ಹಕ್ಕು ಹೋರಾಟ ಸಂಘಟನೆಗಳ ರಾಜ್ಯ ಸಮಿತಿಯ ಅಧ್ಯಕ್ಷ ಚಂದ್ರಕಾoತ ಕೊಚರೇಕರ ಅವರು ಆಗ್ರಹಿಸಿದ್ದಾರೆ. `ಉತ್ತರ ಕನ್ನಡ, ಶಿವಮೊಗ್ಗ ಸೇರಿ ಕರಾವಳಿ-ಮಲೆನಾಡಿನ ಬಹುತೇಕ ಜನ ವಸತಿ ಹಾಗೂ ಜೀವನೋಪಾಯಕ್ಕಾಗಿ ಅರಣ್ಯವನ್ನು ಆಶ್ರಯಿಸಿದ್ದಾರೆ. ತಲೆತಲಾಂತರಗಳಿAದ ಇಲ್ಲಿ ಬದುಕು ಕಟ್ಟಿಕೊಂಡಿದ್ದಾರೆ. 1980ರಅರಣ್ಯ ಸಂರಕ್ಷಣ ಕಾಯ್ದೆಯಡಿ ಅವರ ಒತ್ತುವರಿಗಳನ್ನು ಸಕ್ರಮಪಡಿಸಲು ಸಾಕಷ್ಟು ಅವಕಾಶಗಳಿದ್ದರೂ ಸರ್ಕಾರ ಅದರ ಲಾಭ ದೊರಕಿಸಿಕೊಟ್ಟಿಲ್ಲ. ಅರಣ್ಯ ಹಕ್ಕು ಕಾಯ್ದೆಯ ಸೌಲಭ್ಯವೂ ಸಹ ಮರಿಚಿಕೆಯಾಗಿದೆ’ ಎಂದವರು ಅಸಮಧಾನವ್ಯಕ್ತಪಡಿಸಿದ್ದಾರೆ. `ಸ್ಥಳ ಮಹಜರು ಪ್ರಕ್ರಿಯೆಗಳ ಮೂಲಕ ಸ್ಥಳದಲ್ಲಿನ ಸಾಂದರ್ಭಿಕ ಸಾಕ್ಷ್ಯಗಳನ್ನು ಪರಿಗಣಿಸಿ ಅರ್ಹರಿಗೆ ಭೂಮಿಯ ಅಧಿಭೋಗದ ಹಕ್ಕುನೀಡಲು ಪರಿಗಣಿಸಬೇಕೆಂದು ಇತ್ತೀಚೆಗೆ ರಾಜ್ಯದ ಮುಖ್ಯ ಕಾರ್ಯದರ್ಶೀಯವರೇ ಖುದ್ದಾಗಿ ಆದೇಶ ಮಾಡಿದರೂ ಅದರ ಅನುಷ್ಠಾನ ಆಗಿಲ್ಲ’ ಎಂದವರು ಕಿಡಿಕಾರಿದ್ದಾರೆ. `ಪಂಚಾಯತ್ ರಾಜ್ ತಿದ್ದುಪಡಿ ಅಧಿನಿಯಮ 2025ರ ಪ್ರಕರಣ 199(ಸಿ) ಕಾನೂನು ಮಾಡುವಾಗ ಅಂದು ದಿವ್ಯ ಮೌನ ವಹಿಸಿದವರು ಅರಣ್ಯ,ಸರಕಾರಿ, ಗಾಂವಠಾಣಾ, ಬೆಟ್ಟ ಭೂಮಿಯಲ್ಲಿನ ನಿವಾಸಗಳನ್ನು ಹೊಂದಿರುವ ಕಾರಣಕ್ಕಾಗಿ ಅವುಗಳನ್ನು ತೆರಿಗೆ ಪಟ್ಟಿಯಿಂದ ಕೈಬಿಡಬೇಕೆನ್ನುವ ಸುತ್ತೋಲೆಯ ನಂತರ ನಡೆಯುತ್ತಿರುವ ಬೆಳವಣಿಗೆಗಳು ನಮ್ಮ ಜಡ್ಠುಗಟ್ಟಿದ ಆಡಳಿತ ವ್ಯವಸ್ಥೆಗೆ ಕನ್ನಡಿ ಹಿಡಿದಂತಿದೆ. ಆದ್ದರಿಂದ ಈಗಲಾದರೂಆಗಿರುವ ಪ್ರಮಾದವನ್ನು ಮರೆತು 2005ರ ಪೂರ್ವದ ಅರಣ್ಯ ಭೂಮಿ ಸಾಗುವಳಿದಾರರಿಗೆ ಭೂಮಿಯ ಅಧಿಭೋಗದ ಹಕ್ಕು ಕೊಡಿಸಲು ಮತ್ತು ಜನವಸತಿ ಪ್ರದೇಶಗಳನ್ನು ಪರಿಸರ ಸೂಕ್ಷ್ಮ ವ್ಯಾಪ್ತಿಯಿಂದ ಕೈಬಿಡಲು ಕ್ರಮ ಜರುಗಿಸಬೇಕು. ಅರಣ್ಯ ಹಕ್ಕುಕಾಯ್ದೆ ಹಾಗೂ ಪರಿಸರ ಸೂಕ್ಷ್ಮ ಪ್ರದೇಶದ ಕರಡು ಅಧಿಸೂಚನೆಗೆ ಅಗತ್ಯ ತಿದ್ದುಪಡಿ ತರಲು ಮಾನ್ಯ ಮುಖ್ಯಮಂತ್ರಿಗಳ ನೇತೃತ್ವದಲ್ಲಿ ಸರ್ವಪಕ್ಷಗಳ ಜನಪ್ರತಿನಿಧಿಗಳ ನಿಯೋಗವನ್ನು ಒಯ್ದು ಕೇಂದ್ರ ಸರ್ಕಾರಕ್ಕೆ ಮನವರಿಕೆ ಮಾಡಿಕೊಡುವ ಕೆಲಸ ಆಗಬೇಕು’ ಎಂದವರು ಒತ್ತಾಯಿಸಿದ್ದಾರೆ. ಪಂಚಾಯತ ರಾಜ್ ತಿದ್ದುಪಡಿ ಅಧಿನಿಯಮ 2025ರ ಪ್ರಕರಣ 199ಸಿ(1)ರ ಪ್ರಕರಣಕ್ಕೆ ಅಗತ್ಯ ತಿದ್ದುಪಡಿ ತಂದು ಜನರ ಹಕ್ಕು, ವಾಸದ ಭದ್ರತೆ ಮತ್ತು ಪಂಚಾಯತಗಳ ಆದಾಯ ಈ ಮೂರನ್ನೂ ಸಮತೋಲನಗೊಳಿಸಲು ಸರ್ಕಾರ ಮದ್ಯಪ್ರವೇಶ ಮಾಡಬೇಕು’ ಎಂದು ಒತ್ತಾಯಿಸಿದ್ದಾರೆ.
- [ಕಬ್ಬಿಣ ಕಳ್ಳರ ಸಂಖ್ಯೆ ಹೆಚ್ಚಳ!](https://mobiletime.in/2026/09/rise-in-the-number-of-iron-thieves/): ಶಿರಸಿ ಸುತ್ತಲು ಕಬ್ಬಿಣ ಕಳ್ಳರ ಕಾಟ ಹೆಚ್ಚಾಗಿದೆ. ನಗರಸಭೆ ಒಡೆತನದ ಕಬ್ಬಿಣ ಪೈಪ್ ಕಳ್ಳತನದ ಪ್ರಕರಣ ತನಿಖೆಯಲ್ಲಿರುವಾಗಲೇ ಸರ್ಕಾರಿ ಒಡೆತನದ ಮತ್ತೊಂದು ಕಬ್ಬಿಣದ ಸಾಮಗ್ರಿಗಳು ಕಣ್ಮರೆಯಾಗಿದೆ. ಶಿರಸಿಯ ಉಂಚಳ್ಳಿಯ ಅರ‍್ಲಹೊಂಡದ ಬಳಿ ಸೇತುವೆ ಕಂ ಬಾಂದಾರ್’ಗೆ ಅಳವಡಿಸಿದ್ದ ಕಬ್ಬಿಣದ ಗೇಟುಗಳನ್ನು ಕಳ್ಳರು ದೋಚಿದ್ದಾರೆ. ತಲಾ 10 ಸಾವಿರ ರೂ ಬೆಲೆಯ 24 ಗೇಟುಗಳು ಅಲ್ಲಿಂದ ಕಾಣೆಯಾಗಿವೆ. 2.40 ಲಕ್ಷ ರೂ ಮೌಲ್ಯದ ಕಬ್ಬಿಣ ಕದ್ದವರಿಗಾಗಿ ಬನವಾಸಿ ಪೊಲೀಸರು ಹುಡುಕಾಟ ಶುರು ಮಾಡಿದ್ದಾರೆ. ಇಲ್ಲಿ ಸಣ್ಣ ನೀರಾವರಿ ಇಲಾಖೆಯಿಂದ ಸೇತುವೆ ಹಾಗೂ ಬಾಂದಾರ್ ನಿರ್ಮಿಸಲಾಗಿದೆ. ಆ ಬಾಂದಾರಿಗೆ ಕಬ್ಬಿಣದ ಗೇಟುಗಳನ್ನು ಅಳವಡಿಸಲಾಗಿದೆ. ಒಟ್ಟು 39 ಗೇಟುಗಳು ಅಲ್ಲಿದ್ದು, ಅದರಲ್ಲಿ 24 ಗೇಟುಗಳು ಕಾಣೆಯಾಗಿವೆ. ಸೆಪ್ಟೆಂಬರ್ 15ರ ಸಂಜೆ ಸಣ್ಣ ನೀರಾವರಿ ಇಲಾಖೆಯ ಕಿರಿಯ ಇಂಜಿನಿಯರ್ ವಿಕಾಸ ಕೃಷ್ಣ ನಾಯ್ಕ ಅವರು ಅಲ್ಲಿ ಹೋಗಿ ಪರಿಶೀಲನೆ ಮಾಡಿದ್ದಾರೆ. ಆಗ, ಅಲ್ಲಿಯೇ ಇದ್ದ ಎಲ್ಲಾ ಗೇಟುಗಳು ಮರುದಿನ ಬೆಳಗ್ಗೆ ಆಗುವುದರೊಳಗೆ ಕಣ್ಮರೆಯಾಗಿದೆ. ಮಳೆಗಾಲದ ಹಿನ್ನಲೆ ಮೇ 28ರಂದು ಬಾಂದಾರಿನ 37 ರಂದ್ರಕ್ಕೆ ಅಳವಡಿಸಿದ್ದ ಕಬ್ಬಿಣದ ಗೇಟುಗಳನ್ನು ಅಧಿಕಾರಿಗಳು ತೆರವು ಮಾಡಿದ್ದರು. ಒಂದು ಗೇಟನ್ನು ಮಾತ್ರ ಹಾಗೇ ಬಿಟ್ಟಿದ್ದರು. ತೆರವು ಮಾಡಿದ ಎಲ್ಲಾ ಗೇಟುಗಳನ್ನು ಅಲ್ಲಿಯೇ ದಾಸ್ತಾನು ಮಾಡಿದ್ದರು. ಸೆಪ್ಟೆಂಬರ್ 16ರಂದು ಅಲ್ಲಿನ ಈಶ್ವರ ನಾಯ್ಕ ಅವರು ಅಧಿಕಾರಿಗಳಿಗೆ ಫೋನ್ ಮಾಡಿ `ಗೇಟ್ ಕಾಣುತ್ತಿಲ್ಲ’ ಎಂದು ಹೇಳಿದರು. ಆಗ, ವಿಕಾಸ ನಾಯ್ಕ ಅವರು ಸ್ಥಳಕ್ಕೆ ಹೋಗಿ ಶೋಧ ನಡೆಸಿದರು. ನಂತರ ಕಚೇರಿಗೆ ಫೋನ್ ಮಾಡಿ `ಗೇಟುಗಳನ್ನು ಬೇರೆ ಕಡೆ ಒಯ್ದಿದ್ದೀರಾ?’ ಎಂದು ಪ್ರಶ್ನಿಸಿದರು. `ಇಲ್ಲ’ ಎಂಬ ಉತ್ತರ ಬಂದ ನಂತರ ಅಲ್ಲಿದ್ದ ಗೇಟುಗಳನ್ನು ಎಣಿಸಿದರು. ಆಗ, 24 ಗೇಟುಗಳು ಕಾಣೆಯಾಗಿರುವುದು ಗಮನಕ್ಕೆ ಬಂದಿತು. ತಕ್ಷಣ ಮೇಲಧಿಕಾರಿಗಳಿಗೆ ವಿಕಾಸ ನಾಕ ಅವರು ವಿಷಯ ಮುಟ್ಟಿಸಿದರು. ಗೇಟು ಕದ್ದವರ ವಿರುದ್ಧ ಬನವಾಸಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿ, ಪ್ರಕರಣ ದಾಖಲಿಸಿದರು.
- [ಶಿರಸಿ | ನಕಲಿ ದಾಖಲೆಗೂ ಅಧಿಕೃತ ಮುದ್ರೆ: ಪಾಳು ಬಿದ್ದ ಆಸ್ತಿಗೆಲ್ಲ ಆ ಅಜ್ಜಿಯೇ ಒಡತಿ!](https://mobiletime.in/2026/10/sirsi-official-seals-on-forged-documents-an-elderly-woman-becomes-the-owner-of-abandoned-properties/): ಸಿವಿಲ್ ಇಂಜಿನಿಯರ್ ಪರಶುರಾಮ ಗುಡಿಗಾರ್ ಅವರ ಒಡೆತನದಲ್ಲಿದ್ದ ಆಸ್ತಿಯ ಮಾಲಕತ್ವ ದಿಢೀರ್ ಆಗಿ ಬದಲಾಗಿದೆ. ನಕಲಿ ದಾಖಲೆಗಳನ್ನು ಸೃಷ್ಠಿಸಿದ ದುರುಳರು ನಗರಸಭೆ ಮೂಲಕ ಆ ಆಸ್ತಿ ಲಪಟಾಯಿಸುವ ಪ್ರಯತ್ನ ಮಾಡಿದ್ದಾರೆ. ಶಿರಸಿ ವಿವೇಕಾನಂದ ನಗರದ ಬಳಿಯ ಮರಾಠಿಕೊಪ್ಪದಲ್ಲಿ ಪರಶುರಾಮ ನಾಗೇಶ ಗುಡಿಗಾರ್ ಅವರು ವಾಸವಾಗಿದ್ದಾರೆ. ಸಿವಿಲ್ ಇಂಜಿನಿಯರ್ ಆಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಪರಶುರಾಮ ಗುಡಿಗಾರ್ ಹಾಗೂ ಅವರ ಸಹೋದರಿ ಪುಷ್ಪಾ ಅವರ ಹೆಸರಿನಲ್ಲಿ ಹುಬ್ಬಳ್ಳಿ-ಶಿರಸಿ ಹೆದ್ದಾರಿ ಬದಿಗೆ ಆಸ್ತಿಯಿದೆ. ಲಂಡಕನಳ್ಳಿಯ ಸರ್ವೇ ನಂ 45ಬ ಅವರ ಒಡೆತನದಲ್ಲಿದ್ದು, ನಗರಸಭೆ ದಾಖಲೆಗಳ ಪ್ರಕಾರ ಈ ವಸತಿ ನಿವೇಶನ ಏಕಾಏಕಿ ಶಾಂತಿ ನಗರದ ಜನೀತ್ ರಫೀಕ್ ಬೇಸಾನಿಯಾ ಎಂಬ ವೃದ್ಧೆಯ ಹೆಸರಿಗೆ ಬದಲಾಗಿದೆ. ನಕಲಿ ದಾಖಲೆಗಳನ್ನು ನೈಜ ಎಂದು ಬಿಂಬಿಸಿ ಆ ಆಸ್ತಿಯ ಹಕ್ಕು ಬದಲಿಸಲಾಗಿದೆ. ಶಿರಸಿ ನಗರಸಭೆಯೂ ಜನೀತ್ ರಫೀಕ್ ಬೇಸಾನಿಯಾ ಅವರ ಹೆಸರಿಗೆ ಪಾರಂ ನಂ – 3ನ್ನು ವಿತರಿಸಿದೆ. ಹುಬ್ಬಳ್ಳಿ ರಸ್ತೆ ಶಾಂತಿ ನಗರದ ಮದೀನಾ ಮಂಜಿಲ್ ಬಳಿ ಜನೀತ್
- [ಭಟ್ಕಳ | ಅವಸರ ತಂದ ಅನಾಹುತ: ಅಪಘಾತ!](https://mobiletime.in/2026/10/bhatkal-disaster-caused-by-haste-accident/): ಸ್ಕೂಟಿಯಲ್ಲಿ ಸಂಚರಿಸುತ್ತಿದ್ದ ಮಗುವಿನ ಚಪ್ಪಲಿ ರಸ್ತೆಗೆ ಬಿದ್ದಿದ್ದು, ಅದನ್ನು ಹೆಕ್ಕುವ ಗಡಬಿಡಿಯಲ್ಲಿ ಹನೀಪಾಬಾದ್’ನ ಅಬ್ದುಲ್ ರವುಪ್ ಅವರು ವಿರುದ್ಧ ದಿಕ್ಕಿನಲ್ಲಿ ಸ್ಕೂಟಿ ಓಡಿಸಿದ್ದಾರೆ. ಆಗ, ಆ ಸ್ಕೂಟಿ ಮುಗ್ದುಂ ಕಾಲೋನಿಯ ಉಸ್ಮಾನ್ ಘನಿ ಅವರ ಬೈಕಿಗೆ ಡಿಕ್ಕಿಯಾಗಿ ಅವರ ಪತ್ನಿ ಬಿ ಬಿ ಜರೀನಾ ಅವರ ಕಾಲು ಮುರಿದಿದೆ. ಭಟ್ಕಳದ ಮುಗ್ದುಂ ಕಾಲೋನಿಯಲ್ಲಿ ಉಸ್ಮಾನ್ ಘನಿ ಅವರು ವಾಸವಾಗಿದ್ದಾರೆ. ರಿಕ್ಷಾ ಚಾಲಕರಾಗಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಹನೀಪಾಬಾದ್ ಮೊದಲ ಕ್ರಾಸಿನ ಬಳಿ ಅಬ್ದುಲ್ ರವುಪ್ ಅವರು ವಾಸವಾಗಿದ್ದಾರೆ. ಅಕ್ಟೊಬರ್ 18ರ ಸಂಜೆ ಅವರಿಬ್ಬರು ಬೇರೆ ಬೇರೆ ವಾಹನದಲ್ಲಿ ಕುಟುಂಬದವರ ಜೊತೆ ಸವಾರಿ ಹೊರಟಿದ್ದು, ಆ ವೇಳೆ ಆ ಎರಡು ಬೈಕುಗಳ ನಡುವೆ ಅಪಘಾತ ನಡೆದಿದೆ. ಅಬ್ದುಲ್ ರವೂಪ್ ಅವರು ಸಂಶುದ್ದೀನ್ ಸರ್ಕಲ್ ಮಾರ್ಗವಾಗಿ ಸಂಚಾರ ಮಾಡಿದ್ದಾರೆ. ಆ ವೇಳೆ ಸ್ಕೂಟಿಯಲ್ಲಿದ್ದ ಮಗುವಿನ ಚಪ್ಪಲಿ ರಸ್ತೆಗೆ ಹಾರಿ ಬಿದ್ದಿದೆ. ಇದನ್ನು ನೋಡಿದ ಅಬ್ದುಲ್ ರವೂಪ್ ಅವರು ಕೊಂಚ ಮುಂದೆ ಹೋಗಿ, ಅದೇ ಮಾರ್ಗವಾಗಿ ವಿರುದ್ಧ
- [ಕುಮಟಾ | ಬಲೆಗೆ ಬಿದ್ದ ಬೃಹತ್ ಹಾವು!](https://mobiletime.in/2026/10/kumta-massive-snake-caught-in-a-net/): ದುಬ್ಬಿನಶಸಿ ಬಳಿ ಬುಧವಾರ ಬಲೆಯೊಳಗೆ ಹಾವು ಸಿಕ್ಕಿ ಬಿದ್ದಿದೆ. ಬೃಹತ್ ಆಕಾರದ ಹೆಬ್ಬಾವು ನೋಡಿದ ಜನ ಅರಣ್ಯಾಧಿಕಾರಿಗಳಿಗೆ ಫೋನ್ ಮಾಡಿದ್ದಾರೆ. ಅರಣ್ಯ ಸಿಬ್ಬಂದಿ ಆಗಮಿಸಿ, ಹಾವನ್ನು ಬಲೆಯಿಂದ ಬಿಡಿಸಿದ್ದಾರೆ. ಕುಮಟಾದ ದುಬ್ಬಿನಶಸಿ ಬಳಿ ಮೀನುಗಾರರು ಮೀನು ಹಿಡಿಯಲು ಬಲೆ ಸಂಗ್ರಹಿಸಿಟ್ಟಿದ್ದರು. ಆಹಾರ ಅರೆಸಿ ಅಲ್ಲಿಗೆ ಬಂದ ಹೆಬ್ಬಾವು ಬಲೆಯೊಳಗೆ ನುಸುಳಿತು. ಅಲ್ಲಿಂದ ಹೊರಬರಲಾಗದೇ ಒದ್ದಾಡಲು ಶುರು ಮಾಡಿತು. ಬುಧವರಾ ಬೆಳಗ್ಗೆ ಬಲೆಯೊಳಗೆ ಹಾವು ಬಿದ್ದಿರುವುದನ್ನು ನೋಡಿದ ಮೀನುಗಾರರು ಅರಣ್ಯಾಧಿಕಾರಿಗಳಿಗೆ ವಿಷಯ ಮುಟ್ಟಿಸಿದರು. 15 ಅಡಿ ಉದ್ದ ಹಾಗೈ 25 ಕೆಜಿ ತೂಕವಿದ್ದ ಈ ಹೆಬ್ಬಾವಿನ ರಕ್ಷಣೆ ಅರಣ್ಯ ಸಿಬ್ಬಂದಿಗೂ ಸವಾಲಾಗಿತ್ತು. ಬಲೆಯನ್ನು ತುಂಡರಿಸಿದರೆ ಮೀನುಗಾರರಿಗೆ ಹಾನಿಯಾಗುತ್ತಿತ್ತು. ಬಲೆಯನ್ನು ತುಂಡರಿಸದೇ ಹಾವನ್ನು ಅಲ್ಲಿಂದ ಬಿಡಿಸುವ ಹಾಗೀರಲಿಲ್ಲ. ಹೀಗಿರುವಾಗ ರಕ್ಷಣಾ ಸಿಬ್ಬಂದಿ ಮೀನುಗಾರರ ಮನವೊಲೈಸಿ ಹಾವನ್ನು ಉಳಿಸಿದರು. ಉಪವಲಯ ಅರಣ್ಯಾಧಿಕಾರಿ ರಾಘವೇಂದ್ರ ನಾಯ್ಕ, ಗಸ್ತು ಅರಣ್ಯ ಪಾಲಕ ಪ್ರಶಾಂತ ಗೌಡ, ಅರಣ್ಯ ವೀಕ್ಷಕ ವೆಂಕಟ್ರಮಣ ಆಗೇರ್ ಸೇರಿ ಆ ಹೆಬ್ಬಾವನ್ನು ಕಾಡಿಗೆ ಬಿಟ್ಟರು. `ಹಾವುಗಳನ್ನು ಕೊಲ್ಲಬೇಡಿ’
- [ಹಳಿಯಾಳ | ಬೈಕಿನ ಬ್ಯಾಗಿನಲ್ಲಿತ್ತು ಗರಿ ಗರಿ ನೋಟು!](https://mobiletime.in/2026/10/haliyal-crisp-currency-notes-found-in-a-bike-bag/): ಹಳಿಯಾಳದ ಡಾ ಬಂಡು ಡಗ್ರಜೆ ಅವರು ತಮ್ಮ ಬೈಕಿನಲ್ಲಿ 1 ಲಕ್ಷ ರೂ ದುಡ್ಡು ಇರಿಸಿಕೊಂಡು ಓಡಾಡುತ್ತಿದ್ದು, ಇದನ್ನು ಅರಿತ ಕಳ್ಳರು ಆ ದುಡ್ಡಿನ ಚೀಲವನ್ನು ಲಪಟಾಯಿಸಿದ್ದಾರೆ. ಬೈಕಿನಲ್ಲಿದ್ದ ದುಡ್ಡು ಕಾಣದೇ ಡಾ ಬಂಡು ಡಗ್ರಜೆ ಅವರು ಕಂಗಾಲಾಗಿದ್ದಾರೆ. ಹಳಿಯಾಳ – ಧಾರವಾಡ ರಸ್ತೆಯ ಜಡ್ಜ ಕ್ವಾಟರ್ಸಿನಲ್ಲಿ ಡಾ ಬಂಡು ರಾಮು ಡಗ್ರಜೆ ಅವರು ವಾಸವಾಗಿದ್ದಾರೆ. 58 ವರ್ಷದ ಅವರು ಖಾಸಗಿ ವೈದ್ಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಬೈಕಿನಲ್ಲಿ ಒಂದು ಬಟ್ಟೆ ಚೀಲ ಸಿಕ್ಕಿಸಿ ಓಡಾಡುವ ಅವರು ಆ ಚೀಲದಲ್ಲಿಯೇ ಅಗತ್ಯ ವಸ್ತುಗಳನ್ನಿಡುತ್ತಾರೆ. ಮೊನ್ನೆಯೂ ಬ್ಯಾಂಕ್ ಕೆಲಸದ ಓಡಾಟದಲ್ಲಿದ್ದ ಅವರು ಆ ಚೀಲದಲ್ಲಿ ಪಾಸ್ ಬುಕ್ & ಚೆಕ್ ಬುಕ್ ಒಯ್ದಿದ್ದಾರೆ. ಜೊತೆಗೆ 1 ಲಕ್ಷ ರೂಪಾಯಿಯ ಕಂತೆ ಕಂತೆ ನೋಟುಗಳನ್ನು ಅದೇ ಬ್ಯಾಗಿನಲ್ಲಿರಿಸಿಕೊಂಡಿದ್ದಾರೆ. ಅದಾದ ನಂತರ ಆ ದುಡ್ಡಿನ ಚೀಲವಿದ್ದ ಬೈಕನ್ನು ಏರಿ ಅವರು ಸಂಚಾರ ಮಾಡಿದ್ದಾರೆ. ಅಕ್ಟೊಬರ್ 19ರ ಮಧ್ಯಾಹ್ನ 3.25ರ ಸುಮಾರಿಗೆ ಬೈಕಿಗೆ ಚೀಲ ಸಿಕ್ಕಿಸಿಕೊಂಡಿರುವುದನ್ನು ಅವರು ಗಮನಿಸಿದ್ದಾರೆ. 3.40ಕ್ಕೆ
- [ಶಿರಸಿ | ಜೂಜಾಟಕ್ಕೆ ಜೊತೆಯಾದ ಪಿಗ್ಮಿ ದುಡ್ಡು!](https://mobiletime.in/2026/10/sirasi-pigmy-funds-used-for-gambling/): ವಿವೇಕಾನಂದ ನಗರದ ಪ್ರಸನ್ನ ವಾಲಿ ಅವರು ಪಿಗ್ಮಿ ಕಲೆಕ್ಟರ್ ಆಗಿದ್ದು, ತಮ್ಮ ಬಳಿಯಿದ್ದ ಹಣವನ್ನು ಅವರು ಜೂಜಾಟಕ್ಕೆ ಬಳಸಿದ್ದಾರೆ. ಕಾನೂನುಬಾಹಿರ ಆಟಕ್ಕೆ ತಾವು ಬಲಿಯಾಗುವುದರ ಜೊತೆ ತಮ್ಮ ಸಹಚರರನ್ನು ಸಹ ಅವರು ಹಾಳು ಮಾಡಿದ್ದಾರೆ. ಲಂಡಕನಳ್ಳಿಯ RNS ಕಾರ್ ಶೋರೂಮಿನ ಬಳಿಯಿರುವ ಎಸಳೆಯ ಕೆರೆ ದಂಡೆಯ ಮೇಲೆ ಅಂದರ್ ಬಾಹರ್ ಆಟ ನಡೆದಿದೆ. ಪ್ರಸನ್ನ ಶಂಕರ್ ವಾಲಿ ಅವರ ಜೊತೆ ವಿವೇಕಾನಂದ ನಗರದ ಯೋಗೇಶ ಮಾದವ ಮಾಯನ್ನವರ್, ಸಂತೋಷ ಈಶ್ವರ ಮಾಯನ್ನವರ್, ಚಿಪಗಿಯ ಗುರುರಾಜ ಶ್ರೀನಿವಾಸ ಪಾಲೇಕರ್, ಪಾಂಡುರoಗ ಬಸವರಾಜ ಬೆಂಡ್ಲಗಟ್ಟಿ, ಕೆ ಎಚ್ ಬಿ ಕಾಲೋನಿಯ ಸಂದೀಪ ವಾಸುದೇವ ಪಾಠಣಕರ್ ಹಾಗೂ ಅಭಿಷೇಕ ಮಲ್ಲೇಶಪ್ಪ ಬೋವಿ ಅವರು ಬಾಜಿ ಕಟ್ಟಿದ್ದಾರೆ. 9 ಸಾವಿರ ರೂ ಹಣ ಹೂಡಿ ಅವರು ಅಲ್ಲಿ ಅಂದರ್ ಬಾಹರ್ ಆಟ ನಡೆಸಿದ್ದು, ಆ ಎಲ್ಲರ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಅಕ್ಟೊಬರ್ 19ರ ರಾತ್ರಿ ಅವರೆಲ್ಲರೂ ಒಂದಡೆ ಸೇರಿದ್ದಾರೆ. ಎಲ್ಲರೂ ಮಾತನಾಡಿರುವಂತೆ ಲಂಡಕನಳ್ಳಿಯ ಎಸಳೆ ಕೆರೆ ದಂಡೆಗೆ
- [ಕುಮಟಾ | ಕಾಡಿನ ದಾರಿಗೂ ಶುಲ್ಕ!](https://mobiletime.in/2026/10/kumta-a-fee-for-the-forest-road-too/): ಕೋಟಿ ರೂ ಕೊಳ್ಳೆ ಹೊಡೆದರೂ ಸಮಾಧಾನವಿಲ್ಲದ ಅರಣ್ಯ ಅಧಿಕಾರಿಗಳು ಸದ್ಯ ಯಾಣಕ್ಕೆ ಬರುವ ಭಕ್ತರ ಜೇಬಿಗೆ ಕತ್ತರಿ ಹಾಕುವ ಕೆಲಸ ಶುರು ಮಾಡಿದ್ದಾರೆ. ಭೈರವೇಶ್ವರ ದೇಗುಲಕ್ಕೆ ಬರುವ ಭಕ್ತರನ್ನು ಗುರಿಯಾಗಿರಿಸಿಕೊಂಡು `ನ್ಯಾವಿಗೇಶನ್ ಫೀ’ ಎಂಬ ಹೆಸರಿನ ಅಡಿ ವಸೂಲಿ ಕಾರ್ಯ ನಡೆಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಪ್ರಸಿದ್ಧ ಧಾರ್ಮಿಕ ಕ್ಷೇತ್ರಗಳಲ್ಲಿ ಯಾಣವೂ ಒಂದು. ಯಾಣದಲ್ಲಿರುವ ದೇವರ ದರ್ಶನಕ್ಕೆ ನಿತ್ಯ ಸಾವಿರಾರು ಜನ ಬರುತ್ತಾರೆ. ಯಾಣದವರೆಗೂ ಸರ್ಕಾರ ರಸ್ತೆ ನಿರ್ಮಿಸಿದ್ದು, ಆ ರಸ್ತೆ ತಮಗೆ ಸೇರಿದ್ದು ಎಂಬ ನೆಪವೊಡ್ಡಿ ಅರಣ್ಯ ಇಲಾಖೆ ಹೊಸದಾಗಿ ಶುಲ್ಕ ವಸೂಲಿಗೆ ಮುಂದಾಗಿದ್ದಾರೆ. ಅರಣ್ಯ ಇಲಾಖೆಯಿಂದ ಇಲ್ಲಿ ಪಾರ್ಕಿಂಗ್ ಫೀ ಎಂದು ಪ್ರತ್ಯೇಕ ವಸೂಲಿ ನಡೆದಿದ್ದು, ಅದರ ಜೊತೆ `ನ್ಯಾವಿಗೇಶನ್ ಫೀ’ ಹೊಸದಾಗಿ ಸೇರಿಕೊಂಡಿದೆ. ಈ ದರೋಡೆ ಬಗ್ಗೆ ಜನ ವಿರೋಧವ್ಯಕ್ತವಾದರೂ ಮಾನ-ಮರ್ಯಾದಿ ಬಿಟ್ಟು ಅರಣ್ಯ ಇಲಾಖೆ ವಸೂಲಿ ಮುಂದುವರೆಸಿದೆ. ಯಾಣಕ್ಕೆ ಬರುವ ಭಕ್ತರಿಂದ ಈಗಾಗಲೇ ದೇಗುಲ ಆಡಳಿತ ಸಮಿತಿ ಶುಲ್ಕ ಸಂಗ್ರಹಿಸುತ್ತಿದೆ. ಭಕ್ತರಿಂದ 10ರೂ ಮಾತ್ರ ಪಡೆಯುವ ಆಡಳಿತ
- [ಯಲ್ಲಾಪುರ | ಕಾಲೇಜು ಕನ್ಯೆಯ ದುರ್ಮರಣ!](https://mobiletime.in/2026/10/yallapur-death-of-a-college-girl/): ಯಲ್ಲಾಪುರದಲ್ಲಿ ಕಾಲೇಜು ಓದುತ್ತಿದ್ದ ಅನುಷಾ ಅವರು ದಿಢೀರ್ ಆಗಿ ಸಾವನಪ್ಪಿದ್ದಾರೆ. 19ನೇ ವಯಸ್ಸಿನಲ್ಲಿಯೇ ಅವರು ಭೂಲೋಕದ ಯಾತ್ರೆ ಮುಗಿಸಿದ್ದಾರೆ. ಯಲ್ಲಾಪುರದ ಕಾಳಮ್ಮ ನಗರದಲ್ಲಿ ಅನುಷಾ ಅವರು ವಾಸವಾಗಿದ್ದರು. ಅಲ್ಲಿನ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಅವರು ಓದುತ್ತಿದ್ದರು. ಬಿಕಾಂ ಆಯ್ಕೆ ಮಾಡಿಕೊಂಡಿದ್ದ ಅವರು ಪ್ರಥಮ ವರ್ಷದ ವಿದ್ಯಾರ್ಥಿನಿಯಾಗಿದ್ದರು. ಓದಿನಲ್ಲಿ ಅವರು ಅತ್ಯಂತ ಚುರುಕಾಗಿದ್ದರು. ಇನ್ನಿತರ ಕಾಲೇಜು ಚಟುವಟಿಕೆಗಳಲ್ಲಿಯೂ ಅವರು ಸಕ್ರೀಯರಾಗಿದ್ದರು. ಹೀಗಿರುವಾಗ, ಸೋಮವಾರ ಅನುಷಾ ಅವರಿಗೆ ದಿಢೀರ್ ಆಗಿ ಆರೋಗ್ಯದಲ್ಲಿ ಏರುಪೇರಾಯಿತು. ಅವರ ರಕ್ತದೊತ್ತಡದಲ್ಲಿ ಏರಳಿತ ಕಾಣಿಸಿತು. ಲೋ ಬಿಪಿ ಕಾರಣ ಅವರು ಅಸ್ವಸ್ಥರಾದರು. ಆಸ್ಪತ್ರೆಗೆ ಸೇರಿಸುವ ಮೊದಲೇ ಅವರು ಉಸಿರು ನಿಲ್ಲಿಸಿದರು. ಈ ವಿಷಯ ಕೇಳಿ ಅವರ ಸ್ನೇಹಿತರು, ಕಾಲೇಜಿನ ಪ್ರಾಚಾರ್ಯ-ಉಪನ್ಯಾಸಕರು ದುಖ:ವ್ಯಕ್ತಪಡಿಸಿದರು.
- [ಶಿರಸಿ | ಆ ಹೆಗಡೆಯೂ ಸಾಚಾ ಅಲ್ಲ!](https://mobiletime.in/2026/10/sirsi-that-hegde-isnt-honest-either/): ಬೊಪ್ಪನಳ್ಳಿಯ ದಿವಾಕರ ಹೆಗಡೆ ಹಾಗೂ ಸುಧಾಕರ ಹೆಗಡೆ ಅವರ ನಡುವೆ ಹೊಡೆದಾಟ ನಡೆದಿದ್ದು, ಎರಡು ತಿಂಗಳ ನಂತರ ದಿವಾಕರ ಹೆಗಡೆ ಅವರು ಸುಧಾಕರ ಹೆಗಡೆ ಹಾಗೂ ಅವರ ಕುಟುಂಬದ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಆದರೆ, ದಿವಾಕರ ಹೆಗಡೆ ಅವರು ಎರಡು ವರ್ಷದಿಂದಲೂ ಸುಧಾಕರ ಹೆಗಡೆ ಅವರ ಕುಟುಂಬಕ್ಕೆ ತೊಂದರೆ ನೀಡುತ್ತಿರುವುದು ದಾಖಲೆಗಳಿಂದ ಗೊತ್ತಾಗಿದೆ. ಶಿರಸಿಯ ಇಳಸೂರು ಬಳಿಯ ಬೊಪ್ಪನಳ್ಳಿಯಲ್ಲಿ ದಿವಾಕರ ಗಜಾನನ ಹೆಗಡೆ ಹಾಗೂ ಸುಧಾಕರ ಗಜಾನನ ಹೆಗಡೆ ಎಂಬ ಸಹೋದರರು ವಾಸವಾಗಿದ್ದಾರೆ. ಜಮೀನು ವಿಷಯವಾಗಿ ಅವರಿಬ್ಬರ ನಡುವೆ ವ್ಯಾಜ್ಯವಿದ್ದು, ಅದೇ ಕಾರಣಕ್ಕಾಗಿ ದಿವಾಕರ ಹೆಗಡೆ ಅವರು ಸಹೋದರನ ವಿರುದ್ಧವೇ ಸಮರ ಸಾರಿದ್ದಾರೆ. ಎರಡು ತಿಂಗಳ ಹಿಂದೆ ತೋಟಕ್ಕೆ ಮದ್ದು ಹೊಡೆಸುವ ವಿಷಯದಲ್ಲಿ ದಿವಾಕರ ಹೆಗಡೆ ಹಾಗೂ ಸುಧಾಕರ ಹೆಗಡೆ ಅವರ ನಡುವೆ ವಾಗ್ವಾದ ನಡೆದಿದೆ. ಈ ಗಲಾಟೆ ಹೊಡೆದಾಟದ ಸ್ವರೂಪಪಡೆದಿದ್ದು, ಪ್ರಕರಣ ನಡೆದು ಎರಡು ತಿಂಗಳ ನಂತರ ದಿವಾಕರ ಹೆಗಡೆ ಅವರು ತಮ್ಮನ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಸುಧಾಕರ ಹೆಗಡೆ
- [ಭಟ್ಕಳ | ಸದ್ಗುರು ಸೇವೆ: ಪಾಂಡುರoಗ ನಾಯ್ಕರಿಂದ ಕೋಟಿ ಗಿಡ ನೆಡುವ ಸಂಕಲ್ಪ!](https://mobiletime.in/2026/10/bhatkal-service-to-the-sadguru-panduranga-nayak-pledges-to-plant-one-crore-saplings/): ಕೆಟಗೇರಿಯ ಪಾಂಡುರoಗ ನಾಯ್ಕ ಕಳೆದ 25 ವರ್ಷಗಳಿಂದ ಪರಿಸರ ಸಂರಕ್ಷಣೆಯಲ್ಲಿ ತೊಡಗಿದ್ದಾರೆ. ಈಗಾಗಲೇ 10 ಲಕ್ಷ ಗಿಡ ನಾಟಿ ಮಾಡಿರುವ ಅವರು ಸದ್ಯ 1 ಕೋಟಿ ಗಿಡ ಸಂರಕ್ಷಣೆಯೆ ಸಂಕಲ್ಪ ಮಾಡಿದ್ದಾರೆ. ಭಟ್ಕಳ ತಾಲೂಕಿನ ಕಟಗೇರಿಯ ಪಾಂಡುರ0ಗ ನಾಯ್ಕ ಅವರು ವಾಸವಾಗಿದ್ದಾರೆ. ಗಿಡ ನೆಡುವುದರ ಜೊತೆ ಅದರ ಸಂರಕ್ಷಣೆಗಾಗಿಯೂ ಅವರು ಶ್ರಮಿಸುತ್ತಿದ್ದಾರೆ. ಎರಡುವರೆ ದಶಕಗಳಿಂದ ಅವರು ಹಣ್ಣಿನ ಗಿಡಗಳನ್ನು ನಾಟಿ ಮಾಡಿ ಪ್ರಾಣಿ-ಪಕ್ಷಿಗಳಿಗೆ ಆಹಾರ ಒದಗಿಸುತ್ತಿದ್ದಾರೆ. ಪರಿಸರ ಉಳಿಸಿ: ಮುಂದಿನ ಪೀಳಿಗೆಯ ಉತ್ತಮ ಭವಿಷ್ಯಕ್ಕಾಗಿ ಪರಿಸರವನ್ನು ಉಳಿಸಿ ಬೆಳೆಸುವ ಗುರುತರ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ. ಪರಿಸರ ಸಂರಕ್ಷಣೆಯ ಕುರಿತು ಚಿಂತನೆ ಮಾಡುವವರು ಹಲವರಿದ್ದರೂ ಅದನ್ನು ಕಾರ್ಯರೂಪಕ್ಕೆ ತಂದು ನಿರಂತರವಾಗಿ ಶ್ರಮಿಸುವವರು ಬೆರಳೆಣಿಕೆಯಷ್ಟು ಮಾತ್ರ. ಅಂತಹ ಪರಿಸರ ಪ್ರೇಮಿ ಮಾತ್ರವಲ್ಲ ಪರಿಸರ ಸಮತೋಲನ ಕಾಪಾಡುವವರಲ್ಲಿ ಕಾಳಜಿ ವಹಿಸಿದ್ದ ತಾಲೂಕಿನ ಬೆಳಕೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಕಟಗೇರಿ ನಿವಾಸಿ ಪಾಂಡುರoಗ ನಾಯ್ಕ ಮುಂಚೂಣಿಯಲ್ಲಿದ್ದಾರೆ. ಸ್ವಾಮೀಜಿಯೇ ಪ್ರೇರಣೆ: ತೀರಾ ಸಾಮಾನ್ಯ ಕುಟುಂಬದಿAದ ಬಂದವರಾದ ಅವರು ಉದ್ಯೋಗದ ನಿಮಿತ್ತ
- [ಭಟ್ಕಳ | ಬ್ಯಾಂಕ್ ಉದ್ಯೋಗಿಗೆ ಕಾಡಿಸಿದ ವಿಧಾನಸೌಧದ ನೌಕರ!](https://mobiletime.in/2026/10/bhatkal-vidhana-soudha-employee-harasses-bank-staffer/): ಬೆಂಗಳೂರಿನ ವಿಧಾನಸೌಧದಲ್ಲಿ ಕೆಲಸ ಮಾಡುವ ಅರವಿಂದ ಮಳ್ಳೂರು ಅವರು ಭಟ್ಕಳ ಮೂಲದ ಮಹಿಳಾ ಬ್ಯಾಂಕ್ ಉದ್ಯೋಗಿಯೊಬ್ಬರ ಬೆನ್ನು ಬಿದ್ದಿದ್ದಾರೆ. `ನಾ ನಿನ್ನ ಪ್ರೀತಿಸುವೆ. ನಿನ್ನ ನನ್ನ ಮದುವೆ ಆಗು’ ಎಂದು ಅವರು ಆ ಯುವತಿಯನ್ನು ಕಾಡಿಸುತ್ತಿದ್ದಾರೆ. ಭಟ್ಕಳದ ಸರ್ಪನಕಟ್ಟೆ ಬಳಿಯ ಹಡೀನದಲ್ಲಿ ನವ್ಯಶ್ರೀ ನಾಯ್ಕ (ಹೆಸರು ಬದಲಿಸಿದೆ) ಅವರು ವಾಸವಾಗಿದ್ದಾರೆ. 27 ವರ್ಷದ ಅವರು ಬ್ಯಾಂಕ್ ಉದ್ಯೋಗಿಯಾಗಿದ್ದಾರೆ. ಬೆಂಗಳೂರಿನಲ್ಲಿ ಅವರು ಕೆಲಸ ಮಾಡುತ್ತಿದ್ದು, ಅಲ್ಲಿಯೇ ಅವರಿಗೆ ಅರವಿಂದ ಮಳ್ಳೂರು ಅವರು ಪರಿಚಯವಾಗಿದ್ದಾರೆ. ಮೈಸೂರು ಮೂಲದ ಅರವಿಂದ ಮಳ್ಳೂರು ಅವರು ವಿಧಾನಸೌಧದ ಕಾರ್ಯದರ್ಶಿ ಕಚೇರಿಯ ಉದ್ಯೋಗಿ ಆಗಿದ್ದಾರೆ. ನವ್ಯಶ್ರೀ ನಾಯ್ಕ ಅವರ ಸಲುಗೆ ಬೆಳಸಿದ ಅರವಿಂದ ಮಳ್ಳೂರು ಅವರು ಕ್ರಮೇಣ ಅವರನ್ನು ಪುಸಲಾಯಿಸಲು ಶುರು ಮಾಡಿದ್ದಾರೆ. ಪ್ರೀತಿ-ಪ್ರೇಮ ಎಂದು ಹೇಳಿ ಪ್ರಪೋಸ್ ಮಾಡಿದ್ದಾರೆ. ಆದರೆ, ನವ್ಯಶ್ರೀ ನಾಯ್ಕ ಅವರು ಅರವಿಂದ ಮಳ್ಳೂರು ಅವರ ಪ್ರೇಮದ ಕೋರಿಕೆ ಒಪ್ಪಿಲ್ಲ. ಇದರಿಂದ ಸಿಟ್ಟಾದ ಅರವಿಂದ ಮಳ್ಳೂರು ಅವರು ನವ್ಯಶ್ರೀ ನಾಯ್ಕ ಅವರ ಕುಟುಂಬದವರಿಗೆ ಕಾಟ ಕೊಡಲು ಶುರು
- [ಪದವೀಧರ ಚುನಾವಣೆ: ಪದವೀಧರ ಚುನಾವಣೆ | ಮೋಹನ ಲಿಂಬೆಕಾಯಿ ಪರ ಕುಬೇರಪ್ಪರ ಒಲವು](https://mobiletime.in/2026/10/graduate-election-graduate-election-kuberappas-preference-for-mohana-limbekai/): ಪಶ್ಚಿಮ ಪದವೀಧರ ಕ್ಷೇತ್ರದ ವಿಧಾನ ಪರಿಷತ್ ಚುನಾವಣೆ ಕಾವು ದಿನದಿಂದ ದಿನಕ್ಕೆ ಏರುತ್ತಿದ್ದು, ಕಾಂಗ್ರೆಸ್ ಅಭ್ಯರ್ಥಿ ಮೋಹನ ಲಿಂಬೆಕಾಯಿ ಅವರ ಗೆಲುವಿಗಾಗಿ ಅಹಿಂದ್ ಪಡೆ ಕೆಲಸ ಮಾಡುತ್ತಿದೆ. ಅಹಿಂದ್ ಮುಖಂಡ ಆರ್ ಎಂ ಕುಬೇರಪ್ಪ ಅವರು ಮೋಹನ ಲಿಂಬೆಕಾಯಿ ಅವರ ಪರ ಶ್ರಮಿಸುತ್ತಿದ್ದಾರೆ. ಪದವೀಧರ ಕ್ಷೇತ್ರದ ಚುನಾವಣೆಯನ್ನು ಕಾಂಗ್ರೆಸ್ ಗಂಭೀರವಾಗಿ ಪರಿಗಣಿಸಿದೆ. ಮುಖ್ಯಮಂತ್ರಿ ಡಿಕೆ ಶಿವಕುಮಾರ, ಅಹಿಂದ್ ನಾಯಕ ಸತೀಶ ಜಾರಕಿಹೊಳಿ ಹಾಗೂ ಹಿರಿಯ ಕಾಂಗ್ರೆಸ್ ನಾಯಕ ಬಿ ಕೆ ಹರಿಪ್ರಸಾದ ಅವರ ಮಾರ್ಗದರ್ಶನಪಡೆದ ಆರ್ ಎಂ ಕುಬೇರಪ್ಪ ಅವರು ಮೋಹನ ಲಿಂಬೆಕಾಯಿ ಅವರ ಪರ ಮತ ಯಾಚನೆ ಮಾಡುತ್ತಿದ್ದಾರೆ. ಮನೆ ಮನೆಗೆ ತೆರಳಿ ಅವರು ಮತ ಯಾಚನೆ ನಡೆಸಿದ್ದಾರೆ. ಧಾರವಾಡ, ಗದಗ,ಹಾವೇರಿ ಮತ್ತು ಉತ್ತರ ಕನ್ನಡ ಜಿಲ್ಲೆಯ ಪದವೀಧರರ ಸಮಾವೇಶದಲ್ಲಿ ಅಹಿಂದ ನಾಯಕರು ಹಾಗೂ ಕೆಪಿಸಿಸಿ ಶಿಕ್ಷಕರು ಮತ್ತು ಪದವೀಧರ ಘಟಕದ ನಿಕಟಪೂರ್ವ ರಾಜ್ಯಾಧ್ಯಕ್ಷ ಆರ್ ಎಂ. ಕುಬೇರಪ್ಪ ಅವರು ಮುಖ್ಯ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. `ಮೋಹನ ಲಿಂಬಿಕಾಯಿ ಅವರು ಈ ಹಿಂದೆ
- [ಬನವಾಸಿ | ಸ್ಕೂಟಿಗೆ ಗುದ್ದಿದ ಓಮಿನಿ: ಒಬ್ಬರ ಸಾವು-ಮತ್ತೊಬ್ಬರಿಗೆ ನೋವು!](https://mobiletime.in/2026/10/banavasi-omni-hits-a-scooter-one-dead-another-injured/): ಕೆನರಾ ಬ್ಯಾಂಕ್’ಗೆ ಬರುತ್ತಿದ್ದ ರೈತರೊಬ್ಬರಿಗೆ ಓಮಿನಿ ಗುದ್ದಿದೆ. ಪರಿಣಾಮ ಬ್ಯಾಂಕಿನ ಮುಂದೆಯೇ ಶಂಕರ ಗೌಡ ಅವರು ಸಾವನಪ್ಪಿದ್ದಾರೆ. ಶಿರಸಿಯ ತಿಗಣಿಯಲ್ಲಿ ಶಂಕರ ಮಲ್ಲಪ್ಪ ಗೌಡ ಅವರು ವಾಸವಾಗಿದ್ದರು. 55 ವರ್ಷದ ಅವರು ಕೃಷಿ ಕೆಲಸ ಮಾಡಿ ಜೀವನ ನಡೆಸುತ್ತಿದ್ದರು. ಅಕ್ಟೋಬರ್ 19ರಂದು ಬೆಳಗ್ಗೆ ತಿಗಣಿಯಿಂದ ಬನವಾಸಿಯ ಕೆನರಾ ಬ್ಯಾಂಕ್’ಗೆ ಹೋಗಲು ಅವರು ಚಂದ್ರಶೇಖರ ವೀರಭದ್ರಪ್ಪ ಗೌಡ ಅವರ ಸ್ಕೂಟಿ ಹತ್ತಿದ್ದರು. ಕೆನರಾ ಬ್ಯಾಂಕಿನ ಎದುರೇ ಆ ಸ್ಕೂಟಿಗೆ ಓಮಿನಿ ಗುದ್ದಿತು. ನರೂರು ಗ್ರಾಮದ ಸದಾನಂದ ಬಸಪ್ಪ ಪಾಟೀಲ್ ಅವರು ಗುದ್ದಿದ ರಭಸಕ್ಕೆ ಸ್ಕೂಟಿಯಿಂದ ಬಿದ್ದ ಶಂಕರ ಗೌಡ ಅವರು ಗಂಭೀರ ಗಾಯಗೊಂಡರು. ಶAಕರ ಗೌಡ ತಲೆಯ ಹಿಂಭಾಗಕ್ಕೆ ಗಂಭೀರ ಗಾಯವಾಗಿ ರಕ್ತಸ್ರಾವವಾಗಿತ್ತು. ಸ್ಕೂಟಿ ಚಾಲಕ ಚಂದ್ರಶೇಖರ ಗೌಡ ಸ್ಕೂಟಿಯ ಸಮೇತ ನೆಲಕ್ಕೆ ಬಿದ್ದು ನೋವು ಮಾಡಿಕೊಂಡಿದ್ದರು. ಶಂಕರ ಗೌಡ ಅವರನ್ನು ಮೊದಲು ಬನವಾಸಿ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ಯಲಾಯಿತು. ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಶಿರಸಿಯ ಪಿ ಜಿ ಆಸ್ಪತ್ರೆಗೆ ಕರೆದೊಯ್ಯುವಾಗ ಅವರು ಉಸಿರು
- [ಶಿರಸಿ | ಮದ್ದು ಹೊಡೆಯಲು ಹೋದವನಿಗೆ ಗುದ್ದು!](https://mobiletime.in/2026/10/sirsi-a-man-gets-a-thrashing-while-out-to-spray-pesticides/): ತೋಟಕ್ಕೆ ಮದ್ದು ಹೊಡೆಯಲು ಹೋಗಿದ್ದ ಬೊಪ್ಪನಳ್ಳಿಯ ದಿವಾಕರ ಹೆಗಡೆ ಅವರಿಗೆ ಗುದ್ದು ಬಿದ್ದಿದೆ. ಅವರ ಸಹೋದರ ಸುಧಾಕರ ಹೆಗಡೆ ಅವರೇ ಹೊಡೆತ ಹಾಕಿದ್ದು, ಈ ಸಹೋದರರ ಕಾಳಗಕ್ಕೆ ಸುಧಾಕರ ಹೆಗಡೆ ಅವರ ಪತ್ನಿ ಮಧುರಾ ಹೆಗಡೆ ಹಾಗೂ ಪುತ್ರಿ ನಿಖಿತಾ ಹೆಗಡೆ ಅವರು ಕೈ ಜೋಡಿಸಿದ್ದಾರೆ. ಶಿರಸಿಯ ಬೋಪನಳ್ಳಿಯಲ್ಲಿ ದಿವಾಕರ ಗಜಾನನ ಹೆಗಡೆ ಅವರು ವಾಸವಾಗಿದ್ದಾರೆ. ದಿವಾಕರ ಹೆಗಡೆ ಅವರಿಗೆ ಸುಧಾಕರ ಹೆಗಡೆ ಎಂಬ ಸಹೋದರರಿದ್ದಾರೆ. ಅವರಿಬ್ಬರು ಕೃಷಿ-ತೋಟ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಆದರೆ, ಒಬ್ಬರ ಏಳಿಗೆಯನ್ನು ಮತ್ತೊಬ್ಬರಿಗೆ ಸಹಿಸಲು ಆಗುತ್ತಿಲ್ಲ. ಹೀಗಾಗಿ ಅವರವರೇ ಜಮೀನು ವಿಷಯದಲ್ಲಿ ಕಚ್ಚಾಟ ನಡೆಸಿದ್ದಾರೆ. ಈ ಸಹೋದರರ ನಡುವೆ ಮೊದಲಿನಿಂದಲೂ ಭೂಮಿಯ ವ್ಯಾಜ್ಯವಿದ್ದು, ಅದೇ ಹೊಡೆದಾಟಕ್ಕೆ ಕಾರಣವಾಗಿದೆ. ದಿವಾಕರ ಹೆಗಡೆ ಅವರು ಹೊಂದಿದ ಜಮೀನಿನ ಮೇಲೆ ಸುಧಾಕರ ಹೆಗಡೆ ಅವರು ಕಣ್ಣಿಟ್ಟಿದ್ದಾರೆ. ಆ ಜಮೀನು ಅಭಿವೃದ್ಧಿ ಮಾಡಲು ಅವರು ಬಿಡುತ್ತಿಲ್ಲ. ಅದಾಗಿಯೂ, ದಿವಾಕರ ಹೆಗಡೆ ಅವರು ತೋಟಕ್ಕೆ ಹೋಗಿ ಕೆಲಸ ಮಾಡುವುದನ್ನು ಬಿಟ್ಟಿಲ್ಲ. ಅಗಸ್ಟ 16ರಂದು ಸುಧಾಕರ
- [ಯಲ್ಲಾಪುರ | ಇನ್ನೂ ಮುಗಿಯದ ಅತ್ತೆ-ಸೊಸೆ ಕಾಳಗ!](https://mobiletime.in/2026/10/yellapura-the-battle-between-mother-in-law-and-daughter-in-law-continues/): ವಿನಾಯಕ ನಗರದ (ಜಡ್ಡಿ) ಧನ್ಯಾ ಅಂಕೋಲೆಕರ್ ಅವರು ತಮ್ಮ ಅತ್ತೆ ಮೈನಾವತಿ ಅಂಕೋಲೇಕರ್ ಅವರ ವಿರುದ್ಧ ಕೇಸು ಹಾಕಿದ್ದು, ಮೈನಾವತಿ ಅಂಕೋಲೆಕರ್ ಅವರಿಗೆ ವಾರೆಂಟ್ ಜಾರಿಯಾಗಿದೆ. ಇದರಿಂದ ಸಿಟ್ಟಾದ ಮೈನಾವತಿ ಅಂಕೋಲೆಕರ್ ಅವರು ಧನ್ಯಾ ಅಂಕೋಲೆಕರ್ ಅವರ ಕುಟುಂಬ ವಾಸವಿದ್ದ ಮನೆಗೆ ಬಂದು ಗಲಾಟೆ ಮಾಡಿದ್ದಾರೆ. ಯಲ್ಲಾಪುರದ ಜಡ್ಡಿ ವಿನಾಯಕನಗರದಲ್ಲಿ ಧನ್ಯಾ ಅಂಕೋಲೆಕರ್ ಅವರು ತಮ್ಮ ಪತಿ ಕಾರ್ತಿಕ್ ಅಂಕೋಲೆಕರ್ ಅವರ ಜೊತೆ ವಾಸವಾಗಿದ್ದಾರೆ. ಧನ್ಯಾ ಅಂಕೋಲೆಕರ್ ಅವರ ಜೊತೆ ಅವರ ಅತ್ತೆ ಮೈನಾವತಿ ರಾಜನ್ ಅಂಕೋಲೆಕರ್ ಅವರು ಜಗಳವಾಡಿದ್ದಾರೆ. ಅವರಲ್ಲಿನ ಕುಟುಂಬ ಕಲಹ ನ್ಯಾಯಾಲಯದ ಮೆಟ್ಟಿಲೇರಿದೆ. ಧನ್ಯಾ ಅಂಕೋಲೆಕರ್ ಅವರು ಅತ್ತೆಯ ವಿರುದ್ಧ ಕೇಸು ದಾಖಲಿಸಿದ್ದು, ಆ ಕೇಸಿನ ಅನ್ವಯ ಮೈನಾವತಿ ಅಂಕೋಲೆಕರ್ ಅವರಿಗೆ ವಾರೆಂಟ್ ಜಾರಿಯಾಗಿದೆ. ಇದರಿಂದ ಕಂಗಾಲಾದ ಮೈನಾವತಿ ಅಂಕೋಲೆಕರ್ ಅವರು ಧನ್ಯಾ ಅಂಕೋಲೆಕರ್ ಅವರ ವಿರುದ್ಧ ಸಿಡಿದೆದ್ದಿದ್ದಾರೆ. ಸೆಪ್ಟೆಂಬರ್ 29ರಂದು ಧನ್ಯಾ ಅಂಕೋಲೆಕರ್ ಅವರು ವಾಸವಿರುವ ಕಡೆ ಆಗಮಿಸಿದ ಮೈನಾವತಿ ಅಂಕೋಲೆಕರ್ ಅವರು ಬೊಬ್ಬೆ ಹೊಡೆದಿದ್ದಾರೆ. `ನನ್ನ
- [ಕಾರವಾರ | ಹಾಲಕ್ಕಿ ಗೌಡರಿಗೆ ಒಲಿದ ಜಾನಪದ ಪ್ರಶಸ್ತಿ](https://mobiletime.in/2026/10/karwar-folk-award-bestowed-upon-halakki-gowdas/): 30 ವರ್ಷಕ್ಕೂ ಅಧಿಕ ಕಾಲ ಕಲಾ ಸೇವೆಯಲ್ಲಿ ತೊಡಗಿರುವ ಅಮದಳ್ಳಿಯ ಪುರಷೋತ್ತಮ ಗೌಡ ಅವರಿಗೆ ಜಾನಪದ ಅಕಾಡೆಮಿಯ ಪ್ರಶಸ್ತಿ ಘೋಷಣೆಯಾಗಿದೆ. ಕರ್ನಾಟಕ ಜಾನಪದ ಅಕಾಡೆಮಿಯೂ ಜಾನಪದ ಕಲೆಗಳಿಗಾಗಿ ಶ್ರಮಿಸುತ್ತಿರುವವರಿಗೆ ಈ ಪ್ರಶಸ್ತಿ ನೀಡುತ್ತದೆ. ಜಾನಪದ ಕ್ಷೇತ್ರ ತಜ್ಞರಿಗೆ ವಾರ್ಷಿಕ ಪ್ರಶಸ್ತಿ ನೀಡಿ ಗೌರವಿಸುತ್ತಿದೆ. ಬೀದಿ ನಾಟಕ, ಜನ ಜಾಗೃತಿಗಾಗಿ ಸಂಚಾರ, ಜಡೆ ಕೋಲಾಟ, ಯಕ್ಷಗಾನ, ಹಾಲಕ್ಕಿ ಕುಣಿತ ಸೇರಿ ವಿವಿಧ ಪ್ರಕಾರದ ಕಲೆಗಳಲ್ಲಿ ತೊಡಗಿಸಿಕೊಂಡಿರುವ ಪುರುಷೋತ್ತಮ ಗೌಡ ಅವರಿಗೆ ಈ ಬಾರಿಯ ಪ್ರಶಸ್ತಿ ಸಿಕ್ಕಿದೆ. ಪುರುಷೋತ್ತಮ ಗೌಡ ಅವರು ಮುಖ್ಯವಾಗಿ ಹಾಲಕ್ಕಿ ಸುಗ್ಗಿ ಕುಣಿತದ ಕಲಾವಿದರಾಗಿದ್ದಾರೆ. ರಾಜ್ಯ ಬೀದಿ ನಾಟಕ ತಂಡದ ಗೌರವಾಧ್ಯಕ್ಷರಾಗಿರುವ ಅವರು ಅಮದಳ್ಳಿಯಲ್ಲಿ ಜಾನಪದ ಉತ್ಸವವನ್ನು ನಡೆಸುತ್ತ ಬಂದಿದ್ದಾರೆ. ಗ್ರಾಮ ಪಂಚಾಯತ ಸದಸ್ಯರಾಗಿಯೂ ಕೆಲಸ ಮಾಡಿದ್ದಾರೆ. ಯುವಜನ ಮೇಳೆ, ಜಾನಪದ ಮೇಳ, ಕಬ್ಬಡಿಯಂಥ ಕ್ರೀಡಾಕೂಟಗಳನ್ನು ಸಂಘಟಿಸಿದ್ದಾರೆ. ವಿವಿಧ ವಿಚಾರ ಸಂಕೀರಣ, ವೈದ್ಯಕೀಯ ನೆರವು ನೀಡುವ ವಿಷಯದಲ್ಲಿಯೂ ಮುಂಚೂಣಿಯಲ್ಲಿದ್ದಾರೆ. ದೆಹಲಿ, ರಾಜಸ್ಥಾನ, ಬಿಹಾರ, ಗೋವಾ ಸೇರಿ ದೇಶದ ಅನೇಕ ಕಡೆ ಪುರುಷೋತ್ತಮ
- [ಭಟ್ಕಳ | ದುಡ್ಡು ಕೊಟ್ಟರೂ ಸಿಗದ MBBS ಸೀಟು!](https://mobiletime.in/2026/10/bhatkal-mbbs-seat-unavailable-even-after-paying-money/): ಡಾಕ್ಟರ್ ಆಗಬೇಕು ಎಂದು ಕನಸು ಕಂಡಿದ್ದ ಯುವತಿಗೆ ಶೈಲೇಶಕುಮಾರ ಎಂಬಾತರು MBBS ಸೀಟು ಕೊಡಿಸುವುದಾಗಿ ನಂಬಿಸಿ ಹಣಪಡೆದಿದ್ದಾರೆ. 23.50 ಲಕ್ಷ ರೂ ಕೊಟ್ಟರೂ ಶೈಲೇಶಕುಮಾರ ಅವರಿಂದ ಸೀಟು ಕೊಡಿಸಲು ಆಗಿಲ್ಲ. ಕೊಟ್ಟ ಹಣವನ್ನು ಸಹ ಶೈಲೇಶಕುಮಾರ ಮರಳಿ ಕೊಟ್ಟಿಲ್ಲ. ಭಟ್ಕಳದ ಮುಟ್ಟಳ್ಳಿ ನೀರಸತ್ತಮನೆಯಲ್ಲಿ ರಾಜು ರಾಮಾ ನಾಯ್ಕ ಅವರು ವಾಸವಾಗಿದ್ದಾರೆ. ಸರ್ಕಾರಿ ಶಾಲೆಯ ಶಿಕ್ಷಕರಾಗಿದ್ದ ಅವರಿಗೆ ಮಗಳನ್ನು ಡಾಕ್ಟರ್ ಓದಿಸಬೇಕು ಎಂಬ ಕನಸು. ಕಳೆದ ವರ್ಷ ನಿವೃತ್ತರಾಗಿದ್ದ ರಾಜು ನಾಯ್ಕ ಅವರು ತಮ್ಮ ಉಳಿತಾಯದ ಹಣವನ್ನು ಮಗಳ ವೈದ್ಯಕೀಯ ಶಿಕ್ಷಣಕ್ಕೆ ಮೀಸಲಿಟ್ಟಿದ್ದಾರೆ. ಆ ಹಣವೇ ಇದೀಗ ಅನ್ಯರ ಪಾಲಾಗಿದೆ. ರಾಜು ನಾಯ್ಕ ಅವರು ಫೇಸ್ಬುಕ್ ನೋಡುವಾಗ ಅವರಿಗೆ ಮಣಿಪಾಲ್ ಕಾಲೇಜಿನಲ್ಲಿ ಎಂಬಿಬಿಎಸ್ ಸೀಟುಯಿರುವ ಬಗ್ಗೆ ಗೊತ್ತಾಗಿದೆ. ಆ ಬಗ್ಗೆ ಮಾಹಿತಿ ಅರಿಸಿ ಹೊರಟಾಗ ಅವರಿಗೆ ಅಲ್ಲಿ SAI KRUPA EDUCTION CONSULTANCY ಎಂಬ ಸಂಸ್ಥೆಯ ಪರಿಚಯವಾಗಿದೆ. ಅಲ್ಲಿನ ಶೈಲೇಶಕುಮಾರ ಎಂಬಾತರು `ನಿಮ್ಮ ಮಗಳಿಗೆ ಸರ್ಕಾರಿ ಕೋಟಾದ ಅಡಿ ಸೀಟು ಕೊಡಿಸುವೆ’ ಎಂದು ಹೇಳಿದ್ದಾರೆ.
- [ಓಣಂ: ಕಾರವಾರಕ್ಕೆ ಬಂದ ಕೇರಳದ ಹೀರೋ!](https://mobiletime.in/2026/10/onam-a-hero-from-kerala-arrives-in-karwar/): ಕಾರವಾರದ ದೈವಜ್ಞ ಭವನದಲ್ಲಿ ಭಾನುವಾರ ಓಣಂ ಆಚರಣೆ ನಡೆದಿದ್ದು, ಕೇರಳದ ಚಿತ್ರ ನಟ ನ್ಯಾನ್ಸಿ ಮತ್ತು ದೀಪು ಅವರು ಭಾಗವಹಿಸಿದ್ದಾರೆ. ಕಾರವಾರದ ಕೇರಳ ಸಮಾಜದವರೆಲ್ಲರೂ ಒಟ್ಟಾಗಿ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದ್ದಾರೆ. ಕೇರಳದ ಜಿ ಕೆ ರಾಮ್ ಅವರು ಕಾರವಾರಕ್ಕೆ ಆಗಮಿಸಿದ್ದು, ಇಲ್ಲಿ ಬಹುದೊಡ್ಡ ಉದ್ಯಮಿಯಾಗಿ ಬೆಳೆದಿದ್ದಾರೆ. 2001ರಲ್ಲಿ ಜಿ ಕೆ ರಾಮ್ ಅವರು ಕೇರಳ ಸಮಾಜದ ಓಣಂ ಆಚರಣೆಯನ್ನು ಕಾರವಾರಕ್ಕೆ ಪರಿಚಯಿಸಿದ್ದು, ಅದೇ ಪರಂಪರೆ ಇದೀಗ ಮುಂದುವರೆದಿದೆ. ಜಿ ಕೆ ರಾಮ್ ಅವರ ಮರಣದ ನಂತರ ಅವರ ಪುತ್ರ ಪ್ರಸಾದ್ ಜಿ ಕೆ ರಾಮ್ ಅವರು ಈ ಆಚರಣೆಯ ಮುಂಚೂಣಿವಹಿಸುತ್ತಿದ್ದಾರೆ. ಈ ದಿನ ನಡೆದ ಆಚರಣೆಯಲ್ಲಿ ಕೇರಳದ ಮಹಾಬಲಿ ರಾಜನ ಪಾತ್ರ ನೋಡಗರ ಗಮನಸೆಳೆದಿದೆ. ಕೇರಳದ ಸಾಂಪ್ರದಾಯಿಕ ಉಡುಗೆ-ತೊಡುಗೆಗಳಲ್ಲಿ ರಾಜನ ವೇಷ ಧರಿಸಿ ಆಗಮಿಸಿದ್ದ ಕಲಾವಿದರ ಪ್ರದರ್ಶನವು ಓಣಂ ಹಬ್ಬದ ಪೌರಾಣಿಕ ಹಿನ್ನೆಲೆಯನ್ನು ನೆನಪಿಸಿದೆ. `ಕೇರಳದ ಜನಪದ ನಂಬಿಕೆಯ ಪ್ರಕಾರ, ಪ್ರಜೆಗಳನ್ನು ಅಪಾರವಾಗಿ ಪ್ರೀತಿಸುತ್ತಿದ್ದ ಮಹಾಬಲಿ ರಾಜನು ಓಣಂ ಸಂದರ್ಭದಲ್ಲಿ ತನ್ನ ಪ್ರಜೆಗಳನ್ನು
- [ಹೊನ್ನಾವರ | ಆನ್‌ಲೈನ್ ಲವ್: ಆಸ್ತಿ ನೋಡಿ ಮದುವೆಗೆ ಒಪ್ಪಿದ ಮಹಿಳೆಗೆ ಮೋಸ!](https://mobiletime.in/2026/10/honnavar-online-love-woman-deceived-after-agreeing-to-marriage-based-on-assets/): Matrimony ಮೂಲಕ ಹೊನ್ನಾವರದ ಯುವತಿಯನ್ನು ಪರಿಚಯಿಸಿಕೊಂಡ ಅನೀಷ್ ರೆಹಮಾನ್ ಅವರು ತಮ್ಮನ್ನು ತಾವು ಸರ್ಕಾರಿ ಅಧಿಕಾರಿ ಎಂದು ಹೇಳಿದ್ದಾರೆ. ಕಾರು-ಬಂಗಲೆಯಿರುವುದಾಗಿ ನಂಬಿಸಿ ಯುವತಿಗೆ ಪ್ರಪೋಸ್ ಮಾಡಿದ್ದಾರೆ. ಪ್ರೀತಿ-ಪ್ರೇಮದ ನಾಟಕವಾಗಿ ಮೋಸ ಮಾಡಿದ್ದಾರೆ. ಹೊನ್ನಾವರದ ಜೋಗಮಠ ರಸ್ತೆಯಲ್ಲಿ ನಾರೀಜಾ ಶೇಖ್ (ಹೆಸರು ಬದಲಿಸಿದೆ) ಅವರು ವಾಸವಾಗಿದ್ದಾರೆ. 25 ವರ್ಷದ ನಾರೀಜಾ ಶೇಖ್ ಅವರು ಇಂಜಿನಿಯರ್ ಆಗಿ ಬದುಕು ಕಟ್ಟಿಕೊಂಡಿದ್ದಾರೆ. ನಾರೀಜಾ ಶೇಖ್ ಅವರು ವರ ಅನ್ವೇಷಣೆ ಶುರು ಮಾಡಿದ್ದು, ಇದಕ್ಕಾಗಿ ಅವರು ಆನ್‌ಲೈನ್ ಮೊರೆ ಹೋಗಿದ್ದಾರೆ. ಅಲ್ಲಿ Rebounce Matrimony ಎಂಬ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ ತಮ್ಮ ಫೋಟೋ ಹಾಕಿದ್ದಾರೆ. ತಾವು ಮಾಡುವ ವೃತ್ತಿ, ಊರು, ವಿಳಾಸವನ್ನು ನಮೂದಿಸಿದ್ದಾರೆ. ಮಂಗಳೂರಿನ ಕೆಪಿಐಟಿ ಕಾಲೇಜು ಮುಂದೆ ವಾಸಿಸುವ ಅನೀಷ್ ರೆಹಮಾನ್ ಅವರು ನಾರೀಜಾ ಶೇಖ್ ಅವರನ್ನು ನೋಡಿದ್ದಾರೆ. ನಾರೀಜಾ ಶೇಖ್ ಅವರ ಸೌಂದರ್ಯಕ್ಕೆ ಮರುಳಾದ ಅನೀಷ್ ರೆಹಮಾನ್ ಅವರಿಗೆ ಪ್ರೇಮದ ಸಂದೇಶ ಕಳುಹಿಸಿದ್ದಾರೆ. `ತಾನು ಸರ್ಕಾರಿ ನೌಕರಿಯಲ್ಲಿದ್ದೇನೆ’ ಎಂದು ಅನೀಷ್ ರೆಹಮಾನ್ ಅವರು ಹೇಳಿದ್ದಾರೆ.
- [ಸರ್ಕಾರಿ ನೌಕರಿ: ರಾತ್ರಿಯೂ ಹಾಜರಿ!](https://mobiletime.in/2026/10/government-job-attendance-required-even-at-night/): ರಾಜ್ಯ ಸರ್ಕಾರದ ಎಲ್ಲಾ ನೌಕರರು ರಾತ್ರಿಯೂ ಹಾಜರಾತಿ ಹಾಕುವುದನ್ನು ಕಡ್ಡಾಯಗೊಳಿಸಿ ಸರ್ಕಾರ ಆದೇಶ ಹೊರಡಿಸಿದೆ. ಕೇಂದ್ರ ಸ್ಥಾನದಲ್ಲಿ ವಾಸಿಸದೇ ಬೇರೆ ಬೇರೆ ಕಡೆಯಿಂದ ಕರ್ತವ್ಯಕ್ಕೆ ಬರುವವರ ಮೇಲೆ ನಿಗಾವಿರಿಸಿ ಸರ್ಕಾರ ಈ ಆದೇಶ ಮಾಡಿದೆ. ಎಲ್ಲಾ ಸರ್ಕಾರಿ ನೌಕರರು ತಮ್ಮ ಕಾರ್ಯಕ್ಷೇತ್ರದಲ್ಲಿಯೇ ವಾಸವಾಗಿರಬೇಕು ಎಂಬ ನಿಯಮವಿದೆ. ತುರ್ತು ಸನ್ನಿವೇಶದಲ್ಲಿ ಜನರ ಸೇವೆಗೆ ಲಭ್ಯವಾಗಿರುವಂತೆ ನೋಡಿಕೊಳ್ಳಲು ಸರ್ಕಾರ ಈ ನಿಯಮ ರೂಪಿಸಿದೆ. ಆದರೆ, ಅನೇಕ ಸರ್ಕಾರಿ ಅಧಿಕಾರಿ ಹಾಗೂ ಸಿಬ್ಬಂದಿ ಬೇರೆ ಬೇರೆ ಊರುಗಳಲ್ಲಿ ಮನೆ ಮಾಡಿಕೊಂಡಿದ್ದಾರೆ. ಕೆಲವರು ವಾರಕ್ಕೆ ಒಂದೆರಡು ಬಾರಿ ಮಾತ್ರ ಕಚೇರಿಗೆ ಹಾಜರಾಗುತ್ತಿದ್ದು, ರಾತ್ರಿ ವೇಳೆ ಕೇಂದ್ರ ಸ್ಥಾನ ಬಿಟ್ಟು ಬೇರೆ ಕಡೆ ವಾಸಿಸುತ್ತಿದ್ದಾರೆ. `ಸರ್ಕಾರಿ ಅಭಿವೃದ್ಧಿ ಕೆಲಸಗಳು ಹಾಗೂ ಸಾರ್ವಜನಿಕ ಸೇವೆಗಳು ಜನ ಸಾಮಾನ್ಯರಿಗೆ ತಲುಪಬೇಕಾದರೆ ಅಧಿಕಾರಿಗಳು ಮತ್ತು ನೌಕರರು ತಮ್ಮ ಕಾರ್ಯಕ್ಷೇತ್ರದಲ್ಲಿ ನೆಲಸಿರಬೇಕು’ ಎಂದು ಸರ್ಕಾರ ಪುನರುಚ್ಚಾರ ಮಾಡಿದೆ. ಈ ನಿಟ್ಟಿನಲ್ಲಿ ಸರ್ಕಾರಿ ನೌಕರರು ಕಡ್ಡಾಯವಾಗಿ ನಿಯೋಜಿತ ಕೇಂದ್ರಸ್ಥಾನದಲ್ಲೇ ವಾಸವಿರುವುದನ್ನು ಖಾತ್ರಿಪಡಿಸಿಕೊಳ್ಳಲು ಕರ್ನಾಟಕ ಸರ್ಕಾರ ಜಿಯೋ-ಫೆನ್ಸಿಂಗ್ ತಂತ್ರಜ್ಞಾನ
- [ಅಂಕೋಲಾ | ಬ್ಯಾಡ್ಮಿಂಟನ್: ಪವರ್ ಸ್ಮಾಶರ್ ತಂಡದಿಂದ ಶಕ್ತಿ ಪ್ರದರ್ಶನ!](https://mobiletime.in/2026/10/ankola-badminton-a-display-of-power-by-the-power-smasher-team/): ಡ್ರೀಮ್ ಹೈ ಬ್ಯಾಡ್ಮಿಂಟನ್ ಅಕಾಡೆಮಿಯವರಯ ದಸರಾ ಹಬ್ಬದ ಅಂಗವಾಗಿ ಆಯೋಜಿಸಲಾಗಿದ್ದ ‘ಡ್ರೀಮ್ ಹೈ ಕಪ್ ಸೀಸನ್ – 2’ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ‌‌ ‘ಪವರ್ ಸ್ಮಾಶರ್’ ತಂಡ ಗೆಲುವು ಸಾಧಿಸಿದೆ. ರಾಯಲ್ ಚಾಲೆಂಜರ್ಸ್ ತಂಡವೂ ದ್ವಿತೀಯ ಸ್ಥಾನಪಡೆದಿದೆ. ಪವರ್ ಸ್ಮಾಶರ್ ತಂಡಕ್ಕೆ ಆದರ್ಶ ಪ್ರಭು ಅವರು ಮಾಲಕತ್ವವಹಿಸಿದ್ದರು. ರಾಯಲ್ ಚಾಲೆಂಜರ್ಸ್’ ತಂಡಕ್ಕೆ ಮಂಜುನಾಥ ಟಿಸಿ ಅವರು ಮುಂದಾಳತ್ವವಹಿಸಿದ್ದರು. ನಾಲ್ಕು ತಂಡಗಳ ನಡುವೆ ಒಟ್ಟು ಎಂಟು ಪ್ರತ್ಯೇಕ ವಿಭಾಗಗಳಲ್ಲಿ ಪಂದ್ಯಾವಳಿಯನ್ನು ಅತ್ಯಂತ ಯಶಸ್ವಿಯಾಗಿ ಸಂಯೋಜಿಸಲಾಗಿತ್ತು. ಬಹುಮಾನ ವಿತರಣಾ ಸಮಾರಂಭದಲ್ಲಿ ಭಾಗವಹಿಸಿ ಮಾತನಾಡಿದ ಯುವ ಮುಖಂಡ ಪ್ರಶಾಂತ ನಾಯಕ, ‘ಇಂತಹ ಕ್ರೀಡಾ ಪಂದ್ಯಾವಳಿಗಳಿಂದ ಸ್ಥಳೀಯ ಉದಯೋನ್ಮುಖ ಕ್ರೀಡಾಪಟುಗಳಿಗೆ ಉನ್ನತ ಮಟ್ಟದ ವೇದಿಕೆ ಸಿಗಲು ಸಾಧ್ಯವಾಗುತ್ತದೆ. ದಸರಾ ಹಬ್ಬದ ಈ ಸುಸಂದರ್ಭದಲ್ಲಿ ಇಂತಹ ಅದ್ಭುತ ಪಂದ್ಯಾವಳಿ ಆಯೋಜಿಸಿ ತಾಲೂಕಿನಲ್ಲಿ ಬ್ಯಾಡ್ಮಿಂಟನ್ ಹಬ್ಬದ ವಾತಾವರಣ ನಿರ್ಮಿಸಿದ ಆಯೋಜಕರ ಕಾರ್ಯ ಶ್ಲಾಘನೀಯ. ಇಲ್ಲಿ ಆಟವಾಡಿದ ಎಲ್ಲಾ ಕ್ರೀಡಾಪಟುಗಳಿಗೂ ಭವಿಷ್ಯದಲ್ಲಿ ರಾಜ್ಯ ಹಾಗೂ ರಾಷ್ಟ್ರಮಟ್ಟದಲ್ಲಿ ಆಡುವಂತಹ ಭಾಗ್ಯ ಸಿಗಲಿ ಎಂದು ದೇವರಲ್ಲಿ ಪ್ರಾರ್ಥಿಸುತ್ತೇನೆ’ ಎಂದರು.
- [ಅಂಕೋಲಾ | ಅರೇ ಲಾಟರಿ: ದೇವರ ಹೆಸರಿನಲ್ಲಿ ದುಡ್ಡು!](https://mobiletime.in/2026/10/ankola-are-lottery-money-in-the-name-of-god/): ಪೂಜಗೇರಿಯ ಬೀದಿಬೀರ ದೇವಸ್ಥಾನದ ಹೆಸರಿನಲ್ಲಿ ಕಿಡಿಗೇಡಿಗಳು ಲಾಟರಿ ಟಿಕೆಟ್ ಮುದ್ರಿಸಿದ್ದಾರೆ. ಆ ಟಿಕೆಟನ್ನು 100ರೂಪಾಯಿ ದರಕ್ಕೆ ಅನೇಕರಿಗೆ ಮಾರಾಟ ಮಾಡಿದ್ದಾರೆ. ಅಂಕೋಲಾದ ಪೂಜಗೇರಿಯ ಬೀದಿಬೀರ ದೇವಸ್ಥಾನವಿದೆ. ದೇಗುಲದ ಮುಕ್ತೇಸರ ಪ್ರಕರಣ ವಿವಾದ ನಡೆಯುತ್ತಿದೆ. ಈ ಹಿನ್ನಲೆ ಈ ಪ್ರಕರಣವನ್ನು ಧಾರ್ಮಿಕ ದತ್ತಿ ಇಲಾಖೆ ವಿಚಾರಣೆ ನಡೆಸಿದೆ. ಈ ಹಿನ್ನಲೆ ಜಿಲ್ಲಾಡಳಿತವೂ ಈ ದೇಗುಲಕ್ಕೆ ಆಡಳಿತಾಧಿಕಾರಿ ನೇಮಕ ಮಾಡಿದೆ. ಸದ್ಯ ದೇಗುಲದ ಆಡಳಿತಾಧಿಕಾರಿಯಾಗಿ ಉಪತಹಶೀಲ್ದಾರ್ ಕಾರ್ಯನಿರ್ವಹಿಸುತ್ತಿದ್ದಾರೆ. ಹೀಗಿರುವಾಗ, ಅವರ ಗಮನಕ್ಕೂ ಬಾರದೇ ಕೆಲವರು ದೇಗುಲದ ಹೆಸರಿನಲ್ಲಿ ಲಾಟರಿ ಟಿಕೆಟ್ ಮುದ್ರಿಸಿದ್ದಾರೆ. `ದಸರಾ ದೇಣಿಗೆ ಕೂಪನ್’ ಎಂಬ ಹೆಸರಿನ ಅಡಿ ಲಾಟರಿ ಟಿಕೆಟ್ ಮುದ್ರಣವಾಗಿದೆ. ಅದಕ್ಕೆ 100ರೂ ಶುಲ್ಕವಿರಿಸಿ, ಅನೇಕರಿಗೆ ಅದನ್ನು ಮಾರಾಟ ಮಾಡಲಾಗಿದೆ. `ದಸರಾ ಉತ್ಸವ ಸಮಿತಿ ಪೂಜಗೇರಿ’ ಎಂಬ ಹೆಸರಿನಲ್ಲಿ ಲಾಟರಿ ಮಾರಾಟ ನಡೆದಿರುವುದು ಇದೀಗ ಅಧಿಕಾರಿಗಳ ಗಮನಕ್ಕೆ ಬಂದಿದೆ. ಕಾನೂನುಬಾಹಿರವಾಗಿ ಈ ಕೆಲಸ ಮಾಡಿದ ಕಿಡಿಗೇಡಿಗಳನ್ನು ಪೊಲೀಸರು ಹುಡುಕುತ್ತಿದ್ದಾರೆ.
- [ಭಟ್ಕಳ | ರಿಕ್ಷಾ ಬಾಡಿಗೆ ವಿಚಾರಕ್ಕೆ ಗಲಾಟೆ: ಹೊಡೆದಾಟ!](https://mobiletime.in/2026/10/bhatkal-dispute-over-rickshaw-fare-leads-to-a-fight/): ಆಟೋ ರಿಕ್ಷಾ ಬಾಡಿಗೆ ವಿಚಾರಕ್ಕೆ ಸಂಬoಧಿಸಿ ವ್ಯಕ್ತಿಗಳಿಬ್ಬರು ಹೊಡೆದಾಟ ನಡೆಸಿದ್ದಾರೆ. ಬಸ್ ನಿಲ್ದಾಣ ಬಳಿ ಸಾರ್ವಜನಿಕರ ಎದುರೇ ಈ ಮಾರಾಮಾರಿ ನಡೆದಿದೆ. ಅಕ್ಟೋಬರ್ 17ರಂದು ಸಂಜೆ ಸುಮಾರು 4.30ರ ವೇಳೆಗೆ ಹೊಸ ಬಸ್ ನಿಲ್ದಾಣದ ಸಮೀಪದ ಸಾರ್ವಜನಿಕ ಸ್ಥಳದಲ್ಲಿ ಆಟೋ ರಿಕ್ಷಾ ಬಾಡಿಗೆ ವಿಚಾರವಾಗಿ ಮಹ್ಮದ್ ಗೌಸ್ ಸಲ್ಮಾನ್ (23) ಮತ್ತು ಸುಭಾಷ ರಾಮದಾಸ ದೇವಾಡಿಗ (34) ನಡುವೆ ಜಗಳ ನಡೆದಿದೆ. ಈ ವೇಳೆ ಇಬ್ಬರೂ ಪರಸ್ಪರ ಕೈಕೈ ಮಿಲಾಯಿಸಿಕೊಂಡು ಹೊಡೆದಾಡಿಕೊಂಡಿದ್ದಾರೆ. ಅದರಿಂದ ಸಾರ್ವಜನಿಕ ಶಾಂತತೆಗೆ ಭಂಗ ಉಂಟಾಗಿದೆ. ಭಟ್ಕಳ ಶಹರ ಪೊಲೀಸ್ ಠಾಣೆಯ ಪೊಲೀಸ್ ಉಪನಿರೀಕ್ಷಕ ತಿಮ್ಮಪ್ಪ ಎಸ್ ಅವರು ಈ ಹೊಡೆದಾಟ ನೋಡಿದ್ದಾರೆ. ಅವರಿಬ್ಬರಿಗೂ ಬುದ್ದಿ ಹೇಳುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಪೊಲೀಸರ ಮಾತನ್ನು ಅವರು ಕೇಳಿಲ್ಲ. ಹೀಗಾಗಿ ಅವರಿಬ್ಬರ ವಿರುದ್ಧವೂ ಕೇಸು ದಾಖಲಿಸಿ, ಕಾನೂನು ಕ್ರಮ ಜರುಗಿಸಿದ್ದಾರೆ.
- [ಶಿರಸಿ | ಸಾಲದ ಮೇಲೆ ಸಾಲ: ಸಾವಿಗೆ ಶರಣಾದ ಯುವ ರೈತ!](https://mobiletime.in/2026/10/sirsi-debt-upon-debt-young-farmer-driven-to-death/): ಕಾಳಂಗಿ ಸೊಸೈಟಿಯಲ್ಲಿ 1.50 ಲಕ್ಷ ರೂ ಸಾಲ ಮಾಡಿದ್ದ ಚಂದನ ಕ್ಯಾತಣ್ಣನವರ್ ಅವರು ಆ ಸಾಲ ತೀರಿಸಲು ದಾಸನಕೊಪ್ಪದ ಓವರಸಿಸ್ ಬ್ಯಾಂಕಿನಲ್ಲಿ ಚಿನ್ನ ಅಡವಿಟ್ಟು ಮತ್ತೊಂದು ಸಾಲ ಮಾಡಿದ್ದದ್ದು, ಸಾಲದ ಸುಳಿಗೆ ಸಿಲುಕಿ ಅವರು ಸಾವನಪ್ಪಿದ್ದಾರೆ. ಶಿರಸಿ ಬನವಾಸಿ ಬಳಿಯ ಬದನಗೋಡು ರಂಗಾಪುರದಲ್ಲಿ ಚಂದನ ಕ್ಯಾತಣ್ಣನವರ್ ಅವರು ವಾಸವಾಗಿದ್ದರು. 27 ವರ್ಷದ ಅವರು ಕೃಷಿಕರಾಗಿ ಬದುಕು ಕಟ್ಟಿಕೊಂಡಿದ್ದರು. ತಮ್ಮ ಭೂಮಿಯಲ್ಲಿ ಅವರು ಅಡಿಕೆ ಹಾಗೂ ಭತ್ತ ಬೆಳೆದಿದ್ದರು. ಇದಕ್ಕಾಗಿ ಅವರು ಕಾಳಂಗಿ ಸೊಸೈಟಿಯಲ್ಲಿ 1.5 ಲಕ್ಷ ರೂ ಸಾಲ ಮಾಡಿದ್ದರು. ಆ ಸಾಲ ತೀರಿಸಲು ದಾಸನಕೊಪ್ಪದ ಓವರಸಿಸ್ ಬ್ಯಾಂಕಿನಲ್ಲಿ ಚಿನ್ನ ಅಡವಿಟ್ಟು ಇನ್ನಷ್ಟು ಸಾಲ ತೆಗೆದಿದ್ದರು. ಮೂರು ದಿನದ ಹಿಂದೆ ಆ ಸಾಲದ ಬಗ್ಗೆ ಕುಬೇರ ಕ್ಯಾತಣ್ಣನವರ್ ಅವರು ಸಾಲದ ಬಗ್ಗೆ ಮಗನಲ್ಲಿ ಪ್ರಶ್ನಿಸಿದ್ದರು. `ಆ ಸಾಲ ತೀರಿಸೋಣ’ ಎಂದು ಚಂದನ ಕ್ಯಾತಣ್ಣನವರ್ ಅವರು ಹೇಳಿದ್ದರು. ಅಕ್ಟೊಬರ್ 17ರಂದು ದುಡಿಮೆ ಮುಗಿಸಿ ಮನೆಗೆ ಬಂದ ಚಂದನ ಕ್ಯಾತಣ್ಣನವರ್ ಅವರು ದೇಗುಲದ ಬಳಿ ಹೋದರು.
- [ಅಂಕೋಲಾ | ಶಿಖಾರಿ ಶೂರ: ಸ್ನೇಹಿತರನ್ನು ಸಿಲುಕಿಸಿದ ಸಿದ್ದಿ ವೀರ!](https://mobiletime.in/2026/10/ankola-the-daring-hunter-a-valiant-siddi-man-lands-his-friends-in-trouble/): ಕಲ್ಲೇಶ್ವರದ ಲಕ್ಷಣ ಸಿದ್ದಿ ಅವರ ತೋಟಕ್ಕೆ ಕಡವೆ ಬಂದಿದ್ದು, ಅದನ್ನು ಹಿಡಿದು ಕತ್ತಿಯಿಂದ ಕೊಚ್ಚಿದವರ ಮೇಲೆ ಅರಣ್ಯಾಧಿಕಾರಿಗಳು ದಾಳಿ ಮಾಡಿದ್ದಾರೆ. ಖಾಕಿ ಬಟ್ಟೆಧರಿಸಿ ಬಂದವರನ್ನು ನೋಡಿದ ಐದು ಜನ ಓಡಿ ಪರಾರಿಯಾಗಿದ್ದು, ನಾರಾಯಣ ಸಿದ್ದಿ ಅವರು ಓಡಲಾಗದೇ ಸಿಕ್ಕಿ ಬಿದ್ದಿದ್ದಾರೆ. ಜೈಲು ಸೇರುವ ಮುನ್ನವೇ ನಾರಾಯಣ ಸಿದ್ದಿ ಅವರು ಓಡಿ ಹೋದ ಐದು ಜನರ ಹೆಸರು ಬಾಯ್ಬಿಟ್ಟಿದ್ದಾರೆ! ಅಂಕೋಲಾದ ಕಲ್ಲೇಶ್ವರ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಕೆಲ ದಿನಗಳಿಂದ ಕಡವೆಯೊಂದು ಓಡಾಟ ನಡೆಸಿತ್ತು. ಆ ಕಡವೆ ಮಾಂಸಕ್ಕೆ ಆಸೆಪಟ್ಟ ಕೆಲವರು ಅದಕ್ಕೆ ಗುರಿ ಹಾಕಿಕೊಂಡಿದ್ದರು. ಅಕ್ಟೊಬರ್ 16ರಂದು ಆ ಕಡವೆ ಕಲ್ಲೇಶ್ವರದ ಲಕ್ಷಣ ಬಾಬು ಸಿದ್ದಿ ಅವರ ಅಡಿಕೆ ತೋಟಕ್ಕೆ ಬಂದಿದ್ದು, ಕನಕನಳ್ಳಿಯ ಗಣೇಶ ರಾಮು ರಾಥೋಡ್, ಚೆನ್ನಮನೆಯ ಲೋಕೇಶ ನಾರಾಯಣ ಸಿದ್ದಿ, ಶಿವರಾಜ ಲಕ್ಷಣ ಸಿದ್ದಿ, ಕಲ್ಲೇಶ್ವರದ ರಾಜು ಕೃಷ್ಣ ಸಿದ್ದಿ ಸೇರಿ ಅದನ್ನು ಕೊಂದರು. ಲಕ್ಷಣ ಸಿದ್ದಿ ಅವರ ಜೊತೆ ನಾರಾಯಣ ಗುರಕ್ಯಾ ಸಿದ್ದಿ ಅವರು ಆಗಮಿಸಿ ಮಾಂಸ ಬೇರೆ ಮಾಡಿದರು.
- [ತಳ್ಳಿ ಅರ್ಜಿ | ದೂರು ಕೊಟ್ಟವನಿಗೂ ದಂಡ: ಸುಳ್ಳು ದೂರಿನ ವಿರುದ್ಧ ಸರ್ಕಾರದ ಸಮರ!](https://mobiletime.in/2026/10/false-complaint-penalty-for-the-complainant-too-governments-battle-against-false-complaints/): ಅಧಿಕಾರಿ ಹಾಗೂ ಸಿಬ್ಬಂದಿ ವಿರುದ್ಧ ತಳ್ಳಿ ಅರ್ಜಿ ಬರೆಯುವವರ ವಿರುದ್ಧ ಸರ್ಕಾರ ಮಹತ್ವದ ನಿರ್ಣಯ ಮಂಡಿಸಿದ್ದು, ದೋಷಪೂರಿತ ಅರ್ಜಿ ಬರೆಯುವವರಿಗೆ ದಂಡ ವಿಧಿಸಿಲು ಮುಂದಾಗಿದೆ. ಸರ್ಕಾರಿ ನೌಕರರಿಗೆ ಕೇಡುಬಯಸಿ ಅನಗತ್ಯವಾಗಿ ಸಲ್ಲಿಕೆಯಾಗುವ ದೂರುಗಳ ವಿರುದ್ಧ ಕಠಿಣ ಕ್ರಮ ಜರುಗಿಸಲು ಕಾಯ್ದೆಯಲ್ಲಿ ಅವಕಾಶ ಕಲ್ಪಿಸಲಾಗಿದೆ. ಅನೇಕ ಕಡೆ ಸರ್ಕಾರಿ ನೌಕರರನ್ನು ಗುರಿಯಾಗಿರಿಸಿಕೊಂಡು ಅನಗತ್ಯ ಆರೋಪ ಮಾಡಲಾಗುತ್ತಿದೆ. ಅಂಥವುಗಳನ್ನು ತಡೆಯುವುದಕ್ಕಾಗಿ ಸರ್ಕಾರ ಇಂಥ ಕಾನೂನು ರಚಿಸಿದೆ. ನೌಕರರಿಗೆ ಕಿರುಕುಳ ನೀಡುವ ಅಥವಾ ಬೆದರಿಸುವ ಉದ್ದೇಶಕ್ಕಗಿ ಸುಳ್ಳು ದೂರು ಸಲ್ಲಿಸುವ ನಾಗರಿಕರ ವಿರುದ್ಧ ಇನ್ಮುಂದೆ ಕಠಿಣ ಕ್ರಮ ಜರುಗಿಸಲಾಗುತ್ತದೆ. ಸಲ್ಲಿಕೆಯಾದ ದೂರಿನ ಬಗ್ಗೆ ತನಿಖೆ ನಡೆಯಲಿದ್ದು, ತನಿಖೆಯಲ್ಲಿ ದೂರು ದುರುದ್ದೇಶಪೂರಿತ ಎಂದು ಸಾಬೀತಾದರೆ ದೂರುದಾರರಿಗೆ ದಂಡ ವಿಧಿಸಲಾಗುತ್ತದೆ. ಆ ದೂರುದಾರ ಮತ್ತೆ ಇಂಥ ತಪ್ಪು ಮುಂದುವರೆಸಿದರೆ ಮತ್ತೊಮ್ಮೆ ದಂಡ ವಿಧಿಸಲಾಗುತ್ತದೆ. ಸದ್ಯ ಸುಳ್ಳು ದೂರು ನೀಡುವವವರ ಪ್ರತಿ ಅರ್ಜಿಗೆ 1500ರೂ ಹಾಗೂ ಅದೇ ತಪ್ಪು ಮತ್ತೆ ಮಾಡಿದರೆ ಮತ್ತೆ ಪ್ರತಿ ಅರ್ಜಿಗೆ 1500ರೂ ದಂಡ ವಿಧಿಸಲಾಗುತ್ತದೆ. ದಂಡ
- [RTI: ಗ್ರಾಮ ಒನ್ ಮೂಲಕವೂ ಅರ್ಜಿ ಸಲ್ಲಿಸಿ!](https://mobiletime.in/2026/10/rti-submit-applications-through-gram-one-as-well/): ಮಾಹಿತಿ ಹಕ್ಕು ಕಾಯ್ದೆಗೆ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದ್ದು, RTI ಅಡಿ ಸಲ್ಲಿಸಿದ ಅರ್ಜಿಗಳನ್ನು ಸಹ ಸಕಾಲ ಸೇವೆಯ ಅಡಿಗೆ ತಂದಿದೆ. ಜೊತೆಗೆ ಗ್ರಾಮ ಒನ್, ಕರ್ನಾಟಕ ಒನ್ ಸೇರಿ ಹಳ್ಳಿ ಹಳ್ಳಿಯಲ್ಲಿರುವ ಗ್ರಾಮ ಒನ್ ಕೇಂದ್ರದ ಮೂಲಕವೂ ಜನ RTI ಅರ್ಜಿ ಸಲ್ಲಿಸುವ ಅವಕಾಶ ಕಲ್ಪಿಸಿದೆ. ಇನ್ಮುಂದೆ, ಸರ್ಕಾರಿ ಕಚೇರಿಯಲ್ಲಿ ಭೌತಿಕವಾಗಿ ಸ್ವೀಕರಿಸಿದ ಆರ್‌ಟಿಐ ಅರ್ಜಿಯನ್ನು 2 ದಿನದ ಒಳಗೆ ಆರ್‌ಟಿಐ ಆನ್‌ಲೈನ್ ಪೋರ್ಟಲ್ ಮೂಲಕ ದಾಖಲಿಸುವುದು ಕಡ್ಡಾಯವಾಗಿದೆ. ಮೊದಲನೇ ಮೇಲ್ಮನವಿಯನ್ನು ಪ್ರಾಧಿಕಾರವೂ 7 ಕೆಲಸದ ದಿನಗಳ ಒಳಗೆ ಹಾಗೂ ಎರಡನೇ ಮೇಲ್ಮನವಿಯನ್ನು ಪ್ರಾಧಿಕಾರ ಮತ್ತೆ 7 ಕೆಲಸದ ದಿನಗಳಲ್ಲಿ ಮುಗಿಸಬೇಕು ಎಂದು ಸೂಚಿಸಲಾಗಿದೆ. ಮಾಹಿತಿ ಹಕ್ಕು ಕಾಯ್ದೆ ಅಡಿ ಸಲ್ಲಿಕೆಯಾದ ಎಲ್ಲಾ ಅರ್ಜಿಯೂ ಆನ್‌ಲೈನ್ ಮೂಲಕವೇ ನೋಡೆಲ್ ಅಧಿಕಾರಿಗೆ ವರ್ಗವಾಗಲಿದೆ. ಸರ್ಕಾರದ ಈ ಹೊಸ ಆದೇಶವು ಕರ್ನಾಟಕ ಸರ್ಕಾರದ ಎಲ್ಲಾ ಇಲಾಖೆಗಳು, ಮಂಡಳಿಗಳು, ನಿಗಮಗಳು ಹಾಗೂ ಸಂಸ್ಥೆಗಳಿಗೆ ತಕ್ಷಣದಿಂದಲೇ ಅನ್ವಯವಾಗಲಿದೆ. `ಈ ಮುಂಚೆ ಭೌತಿಕವಾಗಿ ನೀಡಿದ ಆರ್‌ಟಿಐ ಅರ್ಜಿಗಳ ಪ್ರಕ್ರಿಯೆ
- [ಗೋಕರ್ಣ | ಬಾಲಕನಿಗೆ ಕಚ್ಚಿದ ವಿಷ ಸರ್ಪ!](https://mobiletime.in/2026/10/gokarna-venomous-snake-bites-a-boy/): ಗೋಕರ್ಣ ಮುಖ್ಯ ಕಡಲ ತೀರದ ಬಳಿ ಆಟವಾಡುತ್ತಿದ್ದ ಬಾಲಕರೊಬ್ಬರಿಗೆ ನಾಗರ ಹಾವು ಕಚ್ಚಿದೆ. ವೈದ್ಯಾಧಿಕಾರಿ ಡಾ ಜಗದೀಶ ನಾಯ್ಕ ಅವರ ಜೊತೆ ಡಾ ಶ್ರೀವರ ನಾಯಕ ಹಾಗೂ ಡಾ ಗಿರೀಶ್ ಬೂತೆ ಹಾಗೂ ಡಾ ವಿಶಾಲ್ ಅವರು ಮಗುವಿನ ಜೀವ ಉಳಿಸಲು ಹೋರಾಡುತ್ತಿದ್ದಾರೆ. ಶುಶ್ರೂಷಕಿ ಭೂದೇವಿ, ದೀಪಾ ಅವರು ಸಹ ಮಗುವಿನ ಆರೈಕೆ ಮಾಡಿದ್ದಾರೆ. ಕಡಲ ತೀರದಲ್ಲಿ ಸಾಮಾನ್ಯವಾಗಿ ಜಲ್ಲಿ ತೊರ್ಕೆ ಸೇರಿ ವಿವಿಧ ವಿಷ ಜಂತುಗಳು ಮನುಷ್ಯರ ಮೇಲೆ ದಾಳಿ ಮಾಡಿದ ಉದಾಹರಣೆಗಳಿದ್ದವು. ಆದರೆ, ವಿಷ ಸರ್ಪ ಕಚ್ಚಿದ ಬಗ್ಗೆ ಉತ್ತರ ಕನ್ನಡದಲ್ಲಿ ಈವರೆಗೆ ಎಲ್ಲಿಯೂ ಪ್ರಕರಣ ದಾಖಲಾಗಿರಲಿಲ್ಲ. ಇದೇ ಮೊದಲ ಬಾರಿಗೆ ಗೋಕರ್ಣದ ಕಡಲತೀರದ ಬಳಿ ನಾಗರ ಹಾವು ಬಾಲಕನಿಗೆ ಕಚ್ಚಿದ್ದು, ಉರಗ ತಜ್ಞ ಬಾಬಣ್ಣ ಅವರು ಆ ಹಾವನ್ನು ಹಿಡಿದಿದ್ದಾರೆ. ಆ ಹಾವಿನ ಗುರುತಿನ ಆಧಾರದಲ್ಲಿ ವೈದ್ಯರು ಚಿಕಿತ್ಸೆ ಮುಂದುವರೆಸಿದ್ದು, ಗೋಕರ್ಣದಲ್ಲಿ ಪ್ರಾಥಮಿಕ ಚಿಕಿತ್ಸೆ ನಂತರ ಬಾಲಕನನ್ನು ಅಂಕೋಲಾ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಧಾರವಾಡ ಮೂಲದ ಉದ್ವಿತ್ ಚೇತನ ಎಂಬ
- [ಯಲ್ಲಾಪುರ | ಇಹಲೋಕ ತ್ಯಜಿಸಿದ ವಿವೇಕ!](https://mobiletime.in/2026/10/yellapura-vivek-departs-this-world/): `ಶಿರಸಿಯಿಂದ ಹೊರಟೆ’ ಎಂದು ತಂದೆಗೆ ಫೋನ್ ಮಾಡಿ ಹೊರಟಿದ್ದ ಯಲ್ಲಾಪುರದ ವಿವೇಕ ಭಟ್ಟ ಅವರು ಅರ್ದದಾರಿಯಲ್ಲಿಯೇ ಅಂತ್ಯವಾಗಿದ್ದಾರೆ. ತಡರಾತ್ರಿ ನಡೆದ ಬೈಕ್ ಅಪಘಾತದಲ್ಲಿ ಅವರು ಸಾವನಪ್ಪಿದ್ದಾರೆ. ಯಲ್ಲಾಪುರ ಬಿಸಗೋಡು ಬಳಿಯ ಕೆಳಗಿನಪಾಲ್ ಬಳಿ ವಿವೇಕ ಭಟ್ಟ ಅವರು ವಾಸವಾಗಿದ್ದರು. 25 ವರ್ಷದ ಅವರು ಕೃಷಿ ಜೊತೆ ಬೈಕ್ ಮೆಕಾನಿಕ್ ಆಗಿ ಬದುಕು ಕಟ್ಟಿಕೊಂಡಿದರು. BSNL ಸಹಯೋಗದಲ್ಲಿ ಹಳ್ಳಿ ಹಳ್ಳಿಗೂ FTTH ಇಂಟರನೆಟ್ ಕನೆಕ್ಷನ್ ನೀಡುವಲ್ಲಿಯೂ ಶ್ರಮಿಸಿದ್ದರು. ಈಚೆಗೆ ಅವರು ತಮ್ಮ ಬೈಕನ್ನು ಶಿರಸಿಯ ಶೋರೂಮಿಗೆ ಸರ್ವಿಸ್ ಮಾಡಿಸಲು ಬಿಟ್ಟಿದ್ದರು. ಅಕ್ಟೊಬರ್ 17ರ ಸಂಜೆ ಬೈಕ್ ಪಡೆಯಲು ಅವರು ಶಿರಸಿಗೆ ಹೋಗಿದ್ದರು. ರಾತ್ರಿ 11 ಗಂಟೆಗೆ ತಂದೆ ದತ್ತಾತ್ರೇಯ ಭಟ್ಟ ಅವರಿಗೆ ವಿವೇಕ ಭಟ್ಟ ಅವರು ಫೋನ್ ಮಾಡಿದ್ದರು. ಶಿರಸಿಯಿಂದ ಊರಿಗೆ ಬರುತ್ತಿರುವ ಬಗ್ಗೆ ಹೇಳಿದ್ದರು. ಆದರೆ, ಆ ದಿನ ರಾತ್ರಿಯೇ ಅವರು ಅಪಘಾತದಲ್ಲಿ ಸಾವನಪ್ಪಿದ್ದರು. ಅಕ್ಟೊಬರ್ 18ರ ಬೆಳಗ್ಗೆ 7.45ರ ವೇಳೆಗೆ ಶಿರಸಿ-ಯಲ್ಲಾಪುರ ರಸ್ತೆಯ ತಾರಿಹಳ್ಳಿ ಬಸ್ ನಿಲ್ದಾಣದ ಬಳಿ ವಿವೇಕ ಭಟ್ಟ
- [ಸಾಲಪಡೆದ ಕೃಷಿಕರಿಗೆ ಸಮಾಧಾನಕರ ಸುದ್ದಿ!](https://mobiletime.in/2026/10/good-news-for-farmers-who-have-taken-loans/): ಕೃಷಿ ಉದ್ದೇಶಕ್ಕಾಗಿಪಡೆದ ಸಾಲ ವಸೂಲಾತಿ ವಿಷಯದಲ್ಲಿ ರೈತರ ಮೇಲೆ ಬ್ಯಾಂಕುಗಳು ಬಲವಂತದ ಕ್ರಮ ಜರುಗಿಸುವ ಹಾಗಿಲ್ಲ’ ಎಂದು ಎಲ್ಲಾ ಬ್ಯಾಂಕ್ ಅಧಿಕಾರಿಗಳಿಗೆ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ದಿಲೀಷ್ ಶಶಿ ಅವರು ಸೂಚಿಸಿದ್ದಾರೆ. ಈ ಸೂಚನೆ ಮೀರಿ ಅನುಚಿತವಾಗಿ ವರ್ತಿಸಿದರೆ ಕಠಿಣ ಕ್ರಮ ಜರುಗಿಸುವುದಾಗಿಯೂ ಅವರು ಎಚ್ಚರಿಕೆ ನೀಡಿದ್ದಾರೆ. ಶನಿವಾರ ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ನಡೆದ ಲೀಡ್ ಬ್ಯಾಂಕ್ ವಿಶೇಷ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದ ಅವರು `ಈ ಬಾರಿಯ ಹವಾಮಾನ ವೈಪರೀತ್ಯದಿಂದಾಗಿ ಜಿಲ್ಲೆಯ ಮುಂಡಗೋಡು, ಯಲ್ಲಾಪುರ, ಅಂಕೋಲಾ, ಭಟ್ಕಳ, ಹಳಿಯಾಳ, ಶಿರಸಿ, ಜೋಯಿಡಾ, ದಾಂಡೇಲಿ ತಾಲೂಕುಗಳನ್ನು ಸರ್ಕಾರವು ಬರಪೀಡಿತ ಎಂದು ಘೋಷಣೆ ಮಾಡಿದೆ. ಈ ತಾಲೂಕುಗಳಲ್ಲಿ ಕೃಷಿ, ತೋಟಗಾರಿಕೆ, ಪಶುಪಾಲನೆ, ಮೀನುಗಾರಿಕೆ ಮತ್ತು ಕೃಷಿ ಆಧಾರಿತ ಉದ್ಯಮಗಳಿಗೆ ರೈತರು ಪಡೆದಿರುವ ಸಾಲದ ಕಂತುಗಳನ್ನು ಒತ್ತಾಯ ಪೂರ್ವಕವಾಗಿ ಮತ್ತು ಬಲವಂತದ ಕ್ರಮಗಳ ಮೂಲಕ ಪಡೆಯುವ ಹಾಗಿಲ್ಲ’ ಎಂದು ಹೇಳಿದರು. ಈ ಸಾಲಗಳ ಮರು ಪಾವತಿ ಅವಧಿಯನ್ನು ಸರ್ಕಾರದ ಮಾರ್ಗಸೂಚಿಯಂತೆ ವಿಸ್ತರಣೆ ಮಾಡಿರುವ ಅವಧಿಯನ್ನು ಸಂಬoಧಪಟ್ಟ
- [ಶಿರಸಿ | ಅವರು ಬರೇ ಆರಕ್ಷಕರಲ್ಲ.. ಪ್ರಾಣ ರಕ್ಷಕರು!](https://mobiletime.in/2026/10/sirsi-they-are-not-just-police-officers-they-are-life-savers/): ಇಸುಳೂರು ಬಳಿ ಅಪಘಾತ ನಡೆದ ಬಗ್ಗೆ 112 ಸಹಾಯವಾಣಿಗೆ ಫೋನ್ ಬಂದಿದ್ದು, ಅಲ್ಲಿಗೆ ಹೋಗಿ ಮರಳುತ್ತಿದ್ದ ಪೊಲೀಸರಿಗೆ ಇನ್ನೊಂದು ಅಪಘಾತ ಕಾಣಿಸಿದೆ. ಬೈಕಿನಿಂದ ಬಿದ್ದು ಗಾಯಗೊಂಡಿದ್ದ ಕುಮಾರ ಲಮಾಣಿ ಅವರನ್ನು ನೋಡಿದ ಜ್ಯೋತಿ ನಾಯಕ ಹಾಗೂ ನಾರಾಯಣ ನಾಯಕ ಸೇರಿ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಕ್ಟೊಬರ್ 16ರ ರಾತ್ರಿ ಪೊಲೀಸರಿಗೆ ಒಂದು ಪೋನ್ ಬಂದಿದೆ. ಅಪಘಾತ ನಡೆದ ಬಗ್ಗೆ ಅರಿತು ಅವರು ಇಸಳೂರಿಗೆ ಹೋಗಿದ್ದಾರೆ. ಅಲ್ಲಿಂದ ಮರಳುವಾಗ ಅವರ ಕಣ್ಣೆದುರೇ ಮತ್ತೊಂದು ಅಪಘಾತ ನೋಡಿದ್ದಾರೆ. ತಕ್ಷಣ 112 ವಾಹನದ ಸಿಬ್ಬಂದಿ ಜ್ಯೋತಿ ನಾಯಕ ಅವರು ಚಾಲಕ ನಾರಾಯಣ ನಾಯಕ ಅವರ ಜೊತೆ ಸೇರಿ ಗಾಯಾಳುವಿಗೆ ಪ್ರಾಥಮಿಕ ಚಿಕಿತ್ಸೆ ಮಾಡಿದ್ದಾರೆ. ರಾತ್ರಿ 2 ಗಂಟೆಯ ವೇಳೆಗೆ ಅವರು ನೀಡಿದ ಸೇವೆಯಿಂದ ಕುಮಾರ ಕೃಷ್ಣಪ್ಪ ಲಮಾಣಿ ಅವರು ಅಪಾಯದಿಂದ ಪಾರಾಗಿದ್ದಾರೆ. ಬೈಕಿನಿಂದ ಬಿದ್ದು ನೋವು ಅನುಭವಿಸಿದ ಕುಮಾರ ಲಮಾಣಿ ಅವರನ್ನು ಪೊಲೀಸರು ವಿಚಾರಿಸಿದ್ದಾರೆ. ತಕ್ಷಣ ಗಾಯಾಳುವಿನ ಬಳಿ ತೆರಳಿ ಪರಿಶೀಲಿಸಿದ ಸಿಬ್ಬಂದಿ ತಡಮಾಡದೆ HRP ವಾಹನದಲ್ಲೇ
- [ದಾಂಡೇಲಿ | ಬೈಕಿಗೆ ಗುದ್ದಿ ಪಲ್ಟಿಯಾದ ಕಾರು: ಚಾಲಕ ಸಾವು!](https://mobiletime.in/2026/10/dandeli-car-overturns-after-hitting-a-bike-driver-dies/): ದಾಂಡೇಲಿಯಿoದ ಹುಬ್ಬಳ್ಳಿಗೆ ಚಲಿಸುತ್ತಿದ್ದ ಕಾರು ಬೈಕ್‌ಗೆ ಡಿಕ್ಕಿಯಾಗಿದ್ದು, ನಂತರ ಆ ಕಾರು ರಸ್ತೆ ಬದಿಗೆ ಹೋಗಿ ಪಲ್ಟಿಯಾಗಿದೆ. ಈ ಅಪಘಾತದಲ್ಲಿ ಕಾರಿನ ಚಾಲಕ ಸಾವನಪ್ಪಿದ್ದು, ಒಟ್ಟು ಆರು ಜನ ಗಾಯಗೊಂಡಿದ್ದಾರೆ. ದಾoಡೇಲಿಯ ಇಕೋ ಪಾರ್ಕ್ ವೀಕ್ಷಣೆಗೆ ಶುಕ್ರವಾರ ಹುಬ್ಬಳ್ಳಿಯ ಕುಟುಂಬವೊoದು ಆಗಮಿಸಿತ್ತು. ಸಂಜೆ ಇಕೋ ಪಾರ್ಕ ವೀಕ್ಷಿಸಿ ಹುಬ್ಬಳ್ಳಿಗೆ ಮರಳುವಾಗ ಆಲೂರಿನ ಬಳಿ ಆ ಕಾರು ಬೈಕಿಗೆ ಗುದ್ದಿತು. ಕಾರು ಹಿಂದಿನಿoದ ಗುದ್ದಿದ ರಭಸಕ್ಕೆ ಬೈಕಿನಲ್ಲಿದ್ದವರು ನೆಲಕ್ಕೆ ಬಿದ್ದು ಗಾಯಗೊಂಡರು. ಅದಾದ ನಂತರ ಕಾರು ಸಹ ರಸ್ತೆ ಬದಿಗೆ ಹೋಗಿ ಪಲ್ಟಿಯಾಯಿತು. ಈ ಅಪಘಾತದಲ್ಲಿ ಕಾರಿನಲ್ಲಿದ್ದ ನಾಲ್ವರು ಹಾಗೂ ಬೈಕಿನಲ್ಲಿದ್ದ ಇಬ್ಬರು ಪೆಟ್ಟು ಮಾಡಿಕೊಂಡರು. ಕಾರು ಓಡಿಸುತ್ತಿದ್ದ ಮೌಲಲಿ ಅವರು ಅಲ್ಲಿಯೇ ಸಾವನಪ್ಪಿದರು. ಕಾರು ರಸ್ತೆಯಿಂದ 10 ಮೀಟರ್ ದೂರದ ಕಾಡಿಗೆ ಹೋಗಿ ಬಿದ್ದಿತು. ಗಾಯಗೊಂಡ ಎಲ್ಲರನ್ನು ಅಲ್ಲಿನವರು ದಾಂಡೇಲಿ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಿದರು. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ಪರಿಶೀಲಿಸಿದರು.
- [ಹೊನ್ನಾವರ | ಚಿಟ್ಟಾಣಿ ಹೆಗಡೆರಿಗೆ ಯಕ್ಷ ಪ್ರಶಸ್ತಿ!](https://mobiletime.in/2026/10/honnavara-yaksha-award-for-chittani-hegde/): ಬಂಗಾರಮಕ್ಕಿ ದೇಗುಲದಲ್ಲಿ ನವರಾತ್ರಿ ಉತ್ಸವದ ಅಂಗವಾಗಿ ಆಯೋಜಿಸಿರುವ `ಯಕ್ಷ ಪೌರ್ಣಿಮೆ’ ಸಮಾರೋಪದಲ್ಲಿ ಖ್ಯಾತ ಯಕ್ಷಗಾನ ಕಲಾವಿದ ಸುಬ್ರಹ್ಮಣ್ಯ ಹೆಗಡೆ ಚಿಟ್ಟಾಣಿ ಅವರಿಗೆ `ಯಕ್ಷಾಂಜನೇಯ’ ಪ್ರಶಸ್ತಿ ನೀಡಲಾಗುತ್ತಿದೆ. ಅಕ್ಟೊಬರ್ 26ರ ರಾತ್ರಿ 8 ಗಂಟೆಗೆ ಇಲ್ಲಿನ ವೀರಾಂಜನೇಯ ಸಭಾಂಗಣದಲ್ಲಿ ಪ್ರಶಸ್ತಿ ಪುರಸ್ಕಾರ ನಡೆಯಲಿದೆ. ಹೊನ್ನಾವರದ ಶ್ರೀಕ್ಷೇತ್ರ ಬಂಗಾರಮಕ್ಕಿಯ ಧರ್ಮಾಧಿಕಾರಿ ಮಾರುತಿ ಗುರೂಜಿ ಈ ಪ್ರಶಸ್ತಿ ನೀಡಲಿದ್ದಾರೆ. ಕರ್ನಾಟಕ ಯಕ್ಷಗಾನ ಅಕಾಡೆಮಿಯ ಸದಸ್ಯ ವಿದ್ಯಾಧರ ರಾವ್ ಜಲವಳ್ಳಿ, ಯಕ್ಷರಂಗ ಪತ್ರಿಕೆಯ ಸಂಪಾದಕ ಗೋಪಾಲಕೃಷ್ಣ ಭಾಗ್ವತ, ಕಡತೋಕಾ ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಶಿವಾನಂದ ಹೆಗಡೆ ಕಡತೋಕಾ, ಮಂಕಿ ಮಂಡಲ ಕಾಂಗ್ರೆಸ್ ಅಧ್ಯಕ್ಷ ಗೋವಿಂದ ನಾಯ್ಕ ಹಾಗೂ ಹೊನ್ನಾವರ (ಮಂಕಿ) ಮಂಡಲದ ಭಾರತೀಯ ಜನತಾ ಪಕ್ಷದ ಅಧ್ಯಕ್ಷ ಮಂಜುನಾಥ ನಾಯ್ಕ ಅವರು ಇದಕ್ಕೆ ಸಾಕ್ಷಿಯಾಗಲಿದ್ದಾರೆ. ದಿ. ವೇದಬ್ರಹ್ಮ ಗಣೇಶ ಭಟ್ಟರ ಸ್ಮರಣಾರ್ಥ ಈ ಪ್ರಶಸ್ತಿ ನೀಡಲಾಗುತ್ತಿದೆ. ಯಕ್ಷಗಾನದ ಶ್ರೀಮಂತ ಪರಂಪರೆಯನ್ನು ಉಳಿಸಿ ಬೆಳೆಸುವ ಹಾಗೂ ಕಲಾವಿದರ ಕಲಾಸೇವೆಯನ್ನು ಗೌರವಿಸುವ ಉದ್ದೇಶದಿಂದ ಯಕ್ಷ ಪೌರ್ಣಿಮೆ ಕಾರ್ಯಕ್ರಮ ನಡೆಸಲಾಗುತ್ತಿದೆ.
- [ಕುಮಟಾ | ಯೋಗ: ವಿದೇಶದಲ್ಲಿಯೂ ಭಾರತೀಯ ಧ್ವಜ ಹಾರಿಸಿದ ಪುಟ್ಟ ಪೋರ!](https://mobiletime.in/2026/10/kumta-yoga-a-little-boy-who-raised-the-indian-flag-even-in-a-foreign-land/): ಬ್ಯಾಂಕಾoಕ್’ನಲ್ಲಿ ನಡೆದ ಇಂಡೋ-ಥೈಲ್ಯಾoಡ್ ವರ್ಲ್ಡ್ ಯೋಗ ಚಾಂಪಿಯನ್‌ಶಿಪ್ ಸ್ಪರ್ಧೆಯಲ್ಲಿ ಭಾಗವಹಿಸಿದ ಕುಮಟಾದ ಕೆ ಬಿ ಅನೀಶ ಅವರು ಅಲ್ಲಿನ ಮೂರು ವಿಭಾಗದಲ್ಲಿ ಮೊದಲ ಬಹುಮಾನಪಡೆದಿದ್ದಾರೆ. ಕೆ ಬಿ ಅನೀಶ ಅವರು ಟ್ರಡಿಷನಲ್ ಯೋಗ, ಆರ್ಟಿಸ್ಟಿಕ್ ಯೋಗ ಹಾಗೂ ರಿದಮಿಕ್ ಯೋಗ ವಿಭಾಗದಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ್ದಾರೆ. ಥೈಲ್ಯಾಂಡ್’ನ ಬ್ಯಾಂಕಾಕ್’ನಲ್ಲಿ ಅಕ್ಟೋಬರ್ 13ರಂದು ಇಂಡೋ-ಥೈಲ್ಯಾoಡ್ ವರ್ಲ್ಡ್ ಯೋಗ ಚಾಂಪಿಯನ್‌ಶಿಪ್-2026 ಅದ್ಧೂರಿಯಾಗಿ ನಡೆದಿದೆ. ಕುಮಟಾದ ಕೊಂಕಣ ಎಜುಕೇಶನ್ ಟ್ರಸ್ಟ್ನ ಸಿ.ವಿ.ಎಸ್.ಕೆ. ಪ್ರೌಢಶಾಲೆಯ ವಿದ್ಯಾರ್ಥಿ ಕೆ ಬಿ ಅನೀಶ್ ಅವರು ಆ ಸ್ಪರ್ಧೆಯಲ್ಲಿ ಉತ್ಸಾಹದಿಂದ ಭಾಗವಹಿಸಿದ್ದಾರೆ. ಅಲ್ಲಿ ಅವರು ಎಲ್ಲರ ಗಮನಸೆಳೆಯುವ ಹಾಗೇ ತಮ್ಮ ಪ್ರತಿಭೆ ಪ್ರದರ್ಶಿಸಿದ್ದಾರೆ. ಕೆ ಬಿ ಅನೀಶ ಅವರು ಟ್ರಡಿಷನಲ್ ಯೋಗ, ಆರ್ಟಿಸ್ಟಿಕ್ ಯೋಗ ಹಾಗೂ ರಿದಮಿಕ್ ಯೋಗದ ಮೂರು ವಿಭಾಗಗಳಲ್ಲಿ ಪ್ರಥಮ ಸ್ಥಾನಗಳಿಸಿದ್ದಾರೆ. ಆ ಮೂಲಕ ಅವರು ತ್ರಿವಳಿ ಚಾಂಪಿಯನ್ ಆಗಿ ಹೆಸರು ಮಾಡಿದ್ದಾರೆ. ಯೋಗ ಕೌಶಕ್ಯ, ಏಕಾಗ್ರತೆ, ಶಿಸ್ತು ಹಾಗೂ ನಿರಂತರ ಅಭ್ಯಾಸದ ಮೂಲಕ ಅವರು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಮಿಂಚಿದ್ದಾರೆ.
- [ಭಟ್ಕಳ | ಗಬ್ಬು ವಾಸನೆ-ವಿಚಿತ್ರ ವರ್ತನೆ!](https://mobiletime.in/2026/10/bhatkal-foul-odor-strange-behavior/): ಬದ್ರಿಯಾ ಕಾಲೋನಿಯ ಚಾಲಕ ಅಬ್ದುಲ್ ಅದಾನ್ ಅವರು ಬೆಳಗ್ಗೆ 9 ಗಂಟೆಗೂ ಮುನ್ನವೇ ಅಮಲಿನಲ್ಲಿ ತೇಲಾಡಿದ್ದಾರೆ. ಅವರ ವಿಚಿತ್ರ ವರ್ತನೆ ನೋಡಿ ಪಿಸೈ ಮಲ್ಲಿಕಾರ್ಜುನ ಕೋರಾಣಿ ಅವರು ಮಾತನಾಡಿಸುವ ಪ್ರಯತ್ನ ಮಾಡಿದ್ದು, ಬಾಯಿಂದ ಬಂದ ಗಬ್ಬು ವಾಸನೆ ಕಂಡು ಪೊಲೀಸರು ಕಂಗಾಲಾಗಿದ್ದಾರೆ. ಭಟ್ಕಳ ಬದ್ರೀಯಾ ಕಾಲೋನಿಯಲ್ಲಿ ಅಬ್ದುಲ್ ಅದಾನ್ ಅಬ್ದುಲ್ ಖುದ್ದುಸ್ ಅವರು ವಾಸವಾಗಿದ್ದಾರೆ. ಇನ್ನೂ 29ವರ್ಷದ ಅವರು ಚಾಲಕರಾಗಿ ಜೀವನ ನಡೆಸುತ್ತಿದ್ದಾರೆ. ಸಣ್ಣ ವಯಸ್ಸಿನಲ್ಲಿಯೇ ಅವರು ಅಡ್ಡದಾರಿ ಹಿಡಿದಿದ್ದಾರೆ. ಮಾದಕ ವ್ಯಸನಕ್ಕಾಗಿ ಅವರು ತಮ್ಮ ಜೀವನ ಹಾಳು ಮಾಡಿಕೊಂಡಿದ್ದಾರೆ. ಅಕ್ಟೊಬರ್ 16ರ ಬೆಳಗ್ಗೆ 8.45ಕ್ಕೆ ಅವರು ಫಿರ್ದೋಸ್‌ನಗರದಲ್ಲಿ ಅಲೆದಾಟ ನಡೆಸಿದ್ದಾರೆ. ಅಮಲಿನಲ್ಲಿದ್ದ ಅವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ಅತ್ಯಂತ ಕೆಟ್ಟ ಪರಿಸ್ಥಿತಿಯಲ್ಲಿದ್ದ ಅಬ್ದುಲ್ ಅದಾನ್ ಅವರನ್ನು ಮಾತನಾಡಿಸಿದಾಗ ಬಾಯಿಂದ ಘಾಟು ವಾಸನೆ ಬಂದಿದೆ. ಆಗ, ಅವರೇ ಮಾದಕ ವ್ಯಸನ ಸೇವಿಸಿದನ್ನು ಒಪ್ಪಿಕೊಂಡಿದ್ದಾರೆ. ಅದಾಗಿಯೂ, ಪೊಲೀಸರು ಆಸ್ಪತ್ರೆಗೆ ಕರೆದೊಯ್ದು ವೈದ್ಯಕೀಯ ಪರೀಕ್ಷೆ ಮಾಡಿಸಿದ್ದಾರೆ. ಆಗ, ಅಬ್ದುಲ್ ಅದಾನ್ ಅವರು ಗಾಂಜಾ ಸೇವನೆ ಮಾಡಿರುವುದು
- [ಮುಂಡಗೋಡು | ಅಪ್ರಾಪ್ತೆ ಅಪಹರಣ: ಅತ್ಯಾಚಾರ ಪ್ರಯತ್ನದ ಅನುಮಾನ!](https://mobiletime.in/2026/10/mundagodu-kidnapping-of-a-minor-suspicion-of-attempted-rape/): ಮಜ್ಜಿಗೇರಿಯ ಭರತೇಶ ನೂಲ್ವಿ ಅವರು ಹೈಸ್ಕೂಲ್ ಹುಡುಗಿಯನ್ನು ಅಪಹರಿಸಿದ್ದು, ಮೂರು ದಿನಗಳ ಕಾಲ ಆ ಹುಡುಗಿಯ ಜೊತೆ ಅಸಭ್ಯವಾಗಿ ವರ್ತಿಸಿದ್ದಾರೆ. ಶಿಗ್ಗಾವಿಯ ರಾಕ್ ಗಾರ್ಡನ್, ಸನವಳ್ಳಿ ಡ್ಯಾಂ, ಟಿಬೇಟಿಯನ್ ಕ್ಯಾಂಪ್ ಸೇರಿ ಎಲ್ಲಾ ಕಡೆ ಹುಡುಗಿ ಜೊತೆ ಸುತ್ತಾಟ ನಡೆಸಿದ ಅವರು ದೈಹಿಕ ಸಂಪರ್ಕ ಮಾಡುವಂತೆ ಒತ್ತಡ ಹೇರಿದ್ದಾರೆ. ಮುಂಡಗೋಡಿನ ಮಜ್ಜಿಗೇರಿಯಲ್ಲಿ ಭರತೇಶ ಹೊಳೆಪ್ಪ ನೂಲ್ವಿ ಅವರು ವಾಸವಾಗಿದ್ದಾರೆ. 25 ವರ್ಷದ ಅವರು ಕೃಷಿಕರಾಗಿದ್ದು, ಹೈಸ್ಕೂಲ್ ಹುಡುಗಿಯೊಬ್ಬರಿಗೆ ಬಲೆ ಬೀಸಿದ್ದಾರೆ. ಕಳೆದ ಒಂದು ವರ್ಷದಿಂದ ಆ ಹುಡುಗಿ ಹಿಂದೆ ಬಿದ್ದ ಅವರು ಪ್ರೀತಿಸುವ ನಾಟಕವಾಡಿದ್ದಾರೆ. 16 ವರ್ಷದ ಆ ಹುಡುಗಿಯನ್ನು ಪುಸಲಾಯಿಸಿ ಮೂರು ದಿನದ ಮಟ್ಟಿಗೆ ಅಪಹರಣವನ್ನು ಮಾಡಿದ್ದಾರೆ. ಅಕ್ಟೊಬರ್ 8ರ ಬೆಳಗ್ಗೆ 9 ಗಂಟೆಗೆ ಆ ಹುಡುಕಿ ಕಾಣೆಯಾಗಿದ್ದು, ಭರತೇಶ ನೂಲ್ವಿ ಅವರು ಆ ಹುಡುಗಿಯನ್ನು ವಿವಿಧ ಕಡೆ ಕರೆದೊಯ್ದಿದ್ದಾರೆ. ಟಿಪೇಟಿಯನ್ ಕ್ಯಾಂಪ್, ಶಿಗ್ಗಾವಿಯ ರಾಕ್ ಗಾರ್ಡನ್, ಬಾಚಣಗಿ ಸನವಳ್ಳಿ, ಡ್ಯಾಂ ಸೇರಿ ವಿವಿಧ ಕಡೆ ಬೈಕಿನಲ್ಲಿ ಓಡಾಡಿದ ಅವರಿಬ್ಬರು ನಂತರ
- [ಗೋಕರ್ಣ | ಸಿಮೆಂಟ್ ಕಲ್ಲಿಗೆ ಬಡಿದ ಬೈಕು: ಕಂದಕಕ್ಕೆ ಬಿದ್ದ ಸವಾರ](https://mobiletime.in/2026/10/gokarna-bike-hits-concrete-block-rider-falls-into-a-ditch/): ಭದ್ರಕಾಳಿ ಕಾಲೇಜು ಎದುರಿನ ಓಂ ಬೀಚ್ ಮುಖ್ಯ ರಸ್ತೆಯಲ್ಲಿದ್ದ ಕಲ್ಲು ಎಡವಿ ಬೈಕು ಗಟಾರಕ್ಕೆ ಬಿದ್ದಿದೆ. ಬೈಕಿನಲ್ಲಿದ್ದ ಬಿದ್ರಗೇರಿಯ ಮಹೇಶ ಗೌಡ ಹಾಗೂ ಕುಮಾರ ಗೌಡ ಅವರು ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ. ಬಿದ್ರಗೇರಿಯ ಮಹೇಶ ಗೌಡ ಹಾಗೂ ಕುಮಾರ ಗೌಡ ಅವರು ಗುರುವಾರ ರಾತ್ರಿ ಬೈಕಿನಲ್ಲಿ ಹೋಗುತ್ತಿದ್ದರು. ಎದುರಿನಿಂದ ಬಂದ ಗಾಡಿಗೆ ಜಾಗ ಬಿಡಲು ಅವರು ರಸ್ತೆ ಬದಿಗೆ ಸರಿದರು. ಆಗ, ಅಲ್ಲಿದ್ದ ಸಿಮೆಂಟ್ ಕಲ್ಲು ಬೈಕಿಗೆ ಡಿಕ್ಕಿಯಾಗಿದ್ದು, ಅವರಿಬ್ಬರು ಆರು ಅಡಿ ದೂರದ ಕಂದಕಕ್ಕೆ ಹೋಗಿ ಬಿದ್ದರು. ಪರಿಣಾಮ ಅವರಿಬ್ಬರೂ ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡರು. ಅಪಘಾತ ನೋಡಿದ ಜನ 108 ಅಂಬ್ಯುಲೆನ್ಸಗೆ ಫೋನ್ ಮಾಡಿದರು. ಆಂಬುಲೆನ್ಸ ಮೂಲಕ ಅವರನ್ನು ಅಂಕೋಲಾ ತಾಲೂಕಾ ಆಸ್ಪತ್ರೆಗೆ ಕಳುಹಿಸಿದ್ದು, ನಂತರ ಹೆಚ್ಚಿನ ಚಿಕಿತ್ಸೆಗೆ ಕಾರವಾರದ ಜಿಲ್ಲಾ ಆಸ್ಪತ್ರೆಗೆ ಕಳುಹಿಸಲಾಯಿತು. ಎರಡು ವರ್ಷದ ಹಿಂದೆ ಎರಡು ಮುಖ್ಯ ರಸ್ತೆ ಸಂಪರ್ಕಿಸಲು ಹತ್ತಿರವಾದ ಇಲ್ಲಿನ ಪರ್ವತ ಪ್ರದೇಶದಲ್ಲಿ ಸಿಮೆಂಟ್ ರಸ್ತೆ ನಿರ್ಮಿಸಲಾಗಿತ್ತು. ಒಂದೇ ವರ್ಷದಲ್ಲಿ ಮಳೆಯ ಅಬ್ಬರಕ್ಕೆ ಕುಸಿದು
- [ಮುಂಡಗೋಡ | ಹೊಡೆದಾಟದ ಮೂಲಕ ಹ್ಯಾಪಿ ಬರ್ತಡೆ!](https://mobiletime.in/2026/10/mundagoda-happy-birthday-by-fighting/): ಮುಂಡಗೋಡು ಕೊಪ್ಪದ ಪ್ರಜ್ವಲ ಕಟ್ಟಿಮನಿ, ಮಂಜು ಸಂಕ್ರಪ್ಪ ಹಾಗೂ ಶ್ರೇಯಸ್ ಕಟ್ಟಿಮನಿ ಸೇರಿ ನಡು ರಸ್ತೆಯಲ್ಲಿ ಬರ್ತಡೆ ಪಾರ್ಟಿ ಮಾಡಿದ್ದಾರೆ. `ರಸ್ತೆ ಬಿಟ್ಟು ಬದಿಗೆ ಪಾರ್ಟಿ ಮಾಡಿ’ ಎಂದು ಸಲಹೆ ನೀಡಿದ ಸಂತೋಷ ಕಟ್ಟಿಮನಿ ಅವರಿಗೆ ಆ ಮೂವರು ಸೇರಿ ಹಿಗ್ಗಾಮುಗ್ಗ ಥಳಿಸಿದ್ದಾರೆ. ಮುಂಡಗೋಡಿನ ಕೊಪ್ಪದಲ್ಲಿ ಮಂಜು ಸಂಕ್ರಪ್ಪ, ಪ್ರಜ್ವಲ ನಾರಾಯಣ ಕಟ್ಟಿಮನಿ ಹಾಗೂ ಶ್ರೇಯಸ್ ನಾರಾಯಣ ಕಟ್ಟಿಮನಿ ಅವರು ವಾಸವಾಗಿದ್ದಾರೆ. ಕೊಪ್ಪಕ್ಕೆ ಹೋಗುವ ಮುಖ್ಯ ರಸ್ತೆಯಲ್ಲಿ ಅವರೆಲ್ಲರೂ ಸೇರಿ ಪಾರ್ಟಿ ಮಾಡಿದ್ದಾರೆ. ಅಕ್ಟೊಬರ 10ರ ರಾತ್ರಿ 9 ಗಂಟೆಗೆ ಅವರೆಲ್ಲರೂ ನಡು ರಸ್ತೆಯಲ್ಲಿ ಕುಳಿತು ಮೋಜು-ಮಸ್ತಿ ನಡೆಸಿದ್ದಾರೆ. `ಹ್ಯಾಪಿ ಬರ್ತಡೆ’ ಎಂದು ಹಾಡಿ-ಕುಣಿಯುತ್ತ ಅವರು ಕಾಲ ಕಳೆದಿದ್ದಾರೆ. ಮುಂಡಗೋಡು ಕೊಪ್ಪದ ಸಂತೋಷ ರಾಜಪ್ಪ ಕಟ್ಟಿಮನಿ ಅವರು ಬೇಕರಿ ಕೆಲಸ ಮಾಡಿಕೊಂಡಿದ್ದು, ಅದೇ ವೇಳೆ ಕೆಲಸ ಮುಗಿಸಿ ಮನೆಗೆ ಮರಳಿದ್ದಾರೆ. ಆದರೆ, ರಸ್ತೆಯಲ್ಲಿ ಆ ಮೂವರು ಕುಳಿತಿದ್ದರಿಂದ ಸಂತೋಷ ಕಟ್ಟಿಮನಿ ಅವರಿಗೆ ಮುಂದೆ ಸಾಗಲು ಸಾಧ್ಯವಾಗಿಲ್ಲ. `ನಾನು ಮನೆಗೆ ಹೋಗಬೇಕು. ರಸ್ತೆ ಮೇಲಿಂದ
- [ಕಾರವಾರ | ಚಾಕು ತೋರಿಸಿ ಚಿನ್ನ ಎಗರಿಸಿದ ಕಳ್ಳ ನೆಂಟ!](https://mobiletime.in/2026/10/karwar-thief-posing-as-a-relative-brandishes-a-knife-and-makes-off-with-gold/): ಬಿಣಗಾದ ಲಲಿತಾ ತಾಂಡೇಲ್ ಅವರ ಮನೆಗೆ ಅತಿಥಿಯಾಗಿ ಬಂದಿದ್ದ ಹಾರವಾಡದ ಅಶ್ವಥ್ ಹನುಮಟೇಕರ್ ಅವರು ಚಾಕು ತೋರಿಸಿ ಬೆದರಿಸಿದ್ದಾರೆ. ಮನೆಯ ಕಿಟಕಿ-ಬಾಗಿಲು ಮುಚ್ಚಿದ ಅಶ್ವತ್ ಹನುಮಟೇಕರ್ ಅವರು ಲಲಿತಾ ತಾಂಡೇಲ್ ಅವರ ಬಾಯಿಗೆ ಬಟ್ಟೆ ಕಟ್ಟಿ ದೂಡಿದಲ್ಲದೇ, ಅವರ ಮೈಮೇಲಿದ್ದ ಚಿನ್ನಾಭರಣ ದೋಚಿ ಪರಾರಿಯಾಗಿದ್ದಾರೆ. ಕಾರವಾರದ ಬಿಣಗಾ ಮೂಡಲಮಕ್ಕಿ ಅಯ್ಯಪ್ಪ ದೇವಸ್ಥಾನ ಬಳಿ ಲಲಿತಾ ಉಮಾಕಾಂತ ತಾಂಡೇಲ್ ಅವರು ವಾಸವಾಗಿದ್ದಾರೆ. ಅಂಕೋಲಾದ ಹಾರವಾಡದಲ್ಲಿ ಅಶ್ವಥ ರಮೇಶ ಹನುಮಟೇಕರ್ ಅವರು ವಾಸವಾಗಿದ್ದಾರೆ. ಅಶ್ವಥ ಹನುಮಟೇಕರ್ ಅವರು ಲಲಿತಾ ತಾಂಡೇಲ್ ಅವರಿಗೆ ದೂರದ ಸಂಬAಧಿಯಾಗಿದ್ದಾರೆ. ಈ ಹಿನ್ನಲೆ ಅವರು ಲಲಿತಾ ತಾಂಡೇಲ್ ಅವರ ಮನೆಗೆ ಆಗಮಿಸಿದ್ದಾರೆ. ಅಕ್ಟೊಬರ್ 4ರಂದು ಲಲಿತಾ ತಾಂಡೇಲ್ ಅವರ ಮನೆಗೆ ಬಂದಿದ್ದ ಅಶ್ವಥ ಹನುಮಟೇಕರ್ ಅವರು ಎರಡು ದಿನ ಅಲ್ಲಿಯೇ ಉಳಿದಿದ್ದಾರೆ. ಅಕ್ಟೊಬರ್ 6ರಂದು ಲಲಿತಾ ತಾಂಡೇಲ್ ಅವರ ಪತಿ ಉಮಾಕಾಂತ ತಾಂಡೇಲ್ ಅವರು ಅಂಕೋಲಾಗೆ ಹೋಗಿದ್ದಾರೆ. ಉಮಾಕಾಂತ ತಾಂಡೇಲ್ ಅವರು ದೇವಾಲಯಕ್ಕೆ ಹೋಗಿರುವುದನ್ನು ಅರಿತ ಅಶ್ವಥ ಹನುಮಟೇಕರ್ ಅವರು ಮನೆಯ
- [ಶಿರಸಿ | ಆಂದ್ರದಲ್ಲಿ ಅಡಗಿದ್ದ ಡಕಾಯಿತ!](https://mobiletime.in/2026/10/sirsi-dacoit-hiding-in-andhra/): ಉಂಚಳ್ಳಿಯಲ್ಲಿ ವಾಸವಾಗಿರುವ ತಾರಾಮತಿ ನಾಯಕ ಅವರ ಕೊರಳಿನಲ್ಲಿದ್ದ ಸರ ಕದ್ದು ಪರಾರಿಯಾಗಿದ್ದ ಸೈಯ್ಯದ್ ಇಮ್ರಾನ್ ಅವರು ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ದರೋಡೆ ನಂತರ ಆಂದ್ರಪ್ರದೇಶಕ್ಕೆ ಹೋಗಿ ಅಡಗಿದ್ದ ಸೈಯ್ಯದ್ ಇಮ್ರಾನ್ ಅವರನ್ನು ಪಿಐ ಸಂಪತ್ ಅವರ ತಂಡ ಚಾಣಾಕ್ಷತನದಿಂದ ಹಿಡಿದಿದೆ. ಶಿರಸಿ ದುಂಡಶಿ ನಗರ ರಸ್ತೆಯ ಮುಸ್ಲಿಂ ಗಲ್ಲಿ ಸಮೀಪ ಅಕ್ಟೊಬರ್ 8ರ ಬೆಳಗ್ಗೆ 8.20ಕ್ಕೆ ಬೈಕಿನಲ್ಲಿ ಬಂದ ವ್ಯಕ್ತಿಗಳಿಬ್ಬರು ದರೋಡೆಗಿಳಿದಿದ್ದರು. ಶಿರಗುಂಜಿ ಮೂಲದ ತಾರಾಮತಿ ಈಶ್ವರ ನಾಯಕ ಅವರು ಒಂಟಿಯಾಗಿ ನಡೆದು ಹೋಗುತ್ತಿರುವುದನ್ನು ನೋಡಿದ ದುಷ್ಟರು ಅವರ ಕೊರಳಿನಲ್ಲಿದ್ದ ಸರ ಎಗರಿಸಿ ಪರಾರಿಯಾಗಿದ್ದರು. ಕಪ್ಪು ಬಣ್ಣದ ಮೋಟಾರ್ ಸೈಕಲ್‌ನಲ್ಲಿ ಕಳ್ಳರು ಬಂದಿರುವುದನ್ನು ಮಾತ್ರ ಗಮನಿಸಿದ ತಾರಾಮತಿ ನಾಯಕ ಅವರು ಅದೇ ವಿಷಯವನ್ನು ಪೊಲೀಸರ ಬಳಿ ಹೇಳಿದ್ದರು. ಕೇಸು ದಾಖಲಿಸಿದ ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ಶುರು ಮಾಡಿದ್ದರು. ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ಅಧೀಕ್ಷಕ ದೀಪನ್ ಎಂ ಎನ್ ಅವರು ಅದೇ ದಿನ ಕಳ್ಳತನದ ವರದಿ ಸ್ವೀಕರಿಸಿದರು. ಹೆಚ್ಚುವರಿ ಪೊಲೀಸ್ ಅಧೀಕ್ಷಕ
- [ಕಾರವಾರ | ಕ್ಯಾಮರಾ ಕಣ್ಣಿಗೆ ಸಿಗದ ಕಳ್ಳ!](https://mobiletime.in/2026/10/karwar-a-thief-who-eluded-the-cameras-eye/): ಹಬ್ಬುವಾಡದ ದಿನಕರ ಗುನಗಿ ಅವರು ಅನಾರೋಗ್ಯದ ಕಾರಣ ಆಸ್ಪತ್ರೆಗೆ ದಾಖಲಾಗಿದ್ದು, ಇದನ್ನು ಅರಿತ ಕಳ್ಳರು ಅವರ ಮನೆಗೆ ನುಗ್ಗಿದ್ದಾರೆ. ಅವರ ಮನೆಯಲ್ಲಿದ್ದ ಬೆಳ್ಳಿ-ಬಂಗಾರವನ್ನು ದೋಚಿ ಪರಾರಿಯಾಗಿದ್ದಾರೆ. ಕಾರವಾರದ ಹಬ್ಬುವಾಡದ ಇಸ್ಕಾನ್ ದೇಗುಲ ಹಿಂದೆ ದಿನಕರ ಪುಂಡಳಿಕ ಗುನಗಿ ಅವರು ವಾಸವಾಗಿದ್ದಾರೆ. 62 ವರ್ಷದ ಅವರು ವ್ಯವಹಾರ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದಾರೆ. ಅನಾರೋಗ್ಯದ ಹಿನ್ನಲೆ ಅವರು ಚಿಕಿತ್ಸೆಪಡೆಯುವುದಕ್ಕಾಗಿ ಬೆಂಗಳೂರಿಗೆ ಹೋಗಿದ್ದಾರೆ. ಮನೆಗೆ ಬೀಗ ಹಾಕಿ ಪುತ್ರನ ಜೊತೆ ಅವರು ಬೆಂಗಳೂರಿಗೆ ಹೋಗಿದ್ದಾರೆ. ಈ ವೇಳೆಯಲ್ಲಿಯೇ ಕಳ್ಳರು ದಿನಕರ ಗುನಗಿ ಅವರ ಮನೆಗೆ ನುಗ್ಗಿದ್ದಾರೆ. ಅಕ್ಟೊಬರ್ 14ರಂದು ದಿನಕರ ಗುನಗಿ ಅವರ ಮನೆಗೆ ಕಳ್ಳರು ಬಂದಿದ್ದಾರೆ. ಮನೆಯಲ್ಲಿದ್ದ ಚಿನ್ನ-ಬೆಳ್ಳಿಯನ್ನು ಅವರು ಕದ್ದಿದ್ದಾರೆ. 3 ಲಕ್ಷ ರೂ ಮೌಲ್ಯದ ಚೈನು, 8 ಗ್ರಾಂ ತೂಕದ ಉಂಗುರದ ಜೊತೆ ಬೆಳ್ಳಿ ಲೋಟ-ಬಟ್ಟಲು ಸೇರಿ 4.5 ಲಕ್ಷ ರೂ ಮೌಲ್ಯದ ಸಾಮಗ್ರಿ ದೋಚಿದ್ದಾರೆ. ಅಕ್ಟೊಬರ್ 15ರಂದು ದಿನಕರ ಗುನಗಿ ಅವರ ಮಗ ಸಿಸಿ ಕ್ಯಾಮರಾ ನೋಡಿದ್ದಾರೆ. ಆಗ, ಅವರ ಮನೆಯಲ್ಲಿ
- [15 ವರ್ಷವಾದರೂ ಸಿಗದ ಜಾತಿ ಪತ್ರ: ಜಿಲ್ಲಾಡಳಿತಕ್ಕೆ ನೋಟಿಸ್ ನೀಡಿದ ಹೈಕೋರ್ಟ!](https://mobiletime.in/2026/10/caste-certificate-not-issued-even-after-15-years-high-court-issues-notice-to-the-district-administration/): ಜಾತಿ ಪ್ರಮಾಣ ಪತ್ರ ನೀಡಲು 15 ವರ್ಷ ಕಾಡಿಸಿದ ಆಡಳಿತ ವರ್ಗಕ್ಕೆ ಹೈಕೋರ್ಟು ಛೀಮಾರಿ ಹಾಕಿದೆ. ಈ ವಿಷಯವಾಗಿ ಉತ್ತರ ಕನ್ನಡ ಜಿಲ್ಲಾಡಳಿತಕ್ಕೂ ಹೈಕೋರ್ಟು ನೋಟಿಸ್ ಜಾರಿ ಮಾಡಿದೆ. ಕರ್ನಾಟಕ ವೈದ್ಯಕೀಯ ವಿಜ್ಞಾನ ಕಾಲೇಜು ಮತ್ತು ಸಂಶೋಧನಾ ಸಂಸ್ಥೆಯ ಕ್ಯಾಥ್ ಲ್ಯಾಬ್ ವಿಭಾಗದಲ್ಲಿ ಸ್ಟಾಫ್ ನರ್ಸ್ ಆಗಿ ಕರ್ತವ್ಯ ನಿರ್ವಹಿಸುತ್ತಿರುವ ನರ್ಸಿಂಗ್ ಅಧಿಕಾರಿ ಅನುಸೂಯಾ ಪಿ ಕೋಟಿ ಸಲ್ಲಿಸಿರುವ ರಿಟ್ ಮೇಲ್ಮನವಿಯನ್ನು ನ್ಯಾಯಮೂರ್ತಿ ಎಂ ನಾಗಪ್ರಸನ್ನ ನೇತೃತ್ವದ ಧಾರವಾಡದ ದ್ವಿಸದಸ್ಯ ನ್ಯಾಯಪೀಠ ವಿಚಾರಣೆ ನಡೆಸಿದೆ. `ಜಾತಿ ಪ್ರಮಾಣ ಪತ್ರದ ಕಾರಣಕ್ಕಾಗಿಯೇ ಮೇಲ್ಮನವಿದಾರರಿಗೆ ಕಳೆದ ಒಂದು ವರ್ಷದಿಂದ ಪೂರ್ಣ ಪ್ರಮಾಣದ ಸಂಬಳ ಪಾವತಿ ಆಗಿಲ್ಲ’ ಎಂಬ ಆಕ್ಷೇಪಣೆಯನ್ನು ನ್ಯಾಯಪೀಠ ಗಮನಿಸಿದೆ. `ಅನುಸೂಯಾ ಪಿ ಕೋಟಿ ಅವರಿಗೆ ಸಮಾನವಾಗಿ ಕರ್ತವ್ಯ ನಿರ್ವಹಿಸುವ ಮತ್ತೊಬ್ಬ ಉದ್ಯೋಗಿ 36 ಸಾವಿರದಿಂದ 67,550ರವರೆಗಿನ ವೇತನ ಶ್ರೇಣಿಯಲಿದ್ದಾರೆ. ಆದರೆ, ಅನುಸೂಯಾ ಅವರಿಗೆ ತಿಂಗಳಿಗೆ 10 ಸಾವಿರದಷ್ಟು ಮಾತ್ರ ವೇತನ ಪಾವತಿ ಆಗುತ್ತಿದೆ. ಇದನ್ನು ನೋಡಿ ಸುಮ್ಮನಿರಲು ಸಾಧ್ಯವಿಲ್ಲ’ ಎಂದು ನ್ಯಾಯಾಲಯ ಹೇಳಿದೆ.
- [ಯಲ್ಲಾಪುರ | ಕಬ್ಬು ಬೆಳೆಗಾರರ ಪ್ರತಿಭಟನೆ: ಹೆದ್ದಾರಿ ತಡೆ](https://mobiletime.in/2026/10/yellapura-sugarcane-growers-protest-highway-blockade/): ಹುಬ್ಬಳ್ಳಿ-ಯಲ್ಲಾಪುರ ಮಾರ್ಗದ ಕಿರವತ್ತಿಯಲ್ಲಿ ರೈತರು ಗುರುವಾರ ಪ್ರತಿಭಟನೆ ನಡೆಸಿದ್ದು, ಹೆದ್ದಾರಿ ಬಂದ್ ಆದ ಕಾರಣ ಸರ್ಕಾರಿ ಬಸ್ಸುಗಳು ಮುಂಡಗೋಡು ಮಾರ್ಗವಾಗಿ ಸಂಚರಿಸಿವೆ. ಲಾರಿಗಳು ಇಡೀ ದಿನ ಹೆದ್ದಾರಿ ಮೇಲೆ ನಿಂತು, ನಂತರ ಮುಂದೆ ಸಾಗಿವೆ. `ಪ್ರತಿ ಟನ್ ಕಬ್ಬಿಗೆ 6 ಸಾವಿರ ರೂ ದರ ನಿಗದಿ ಮಾಡಬೇಕು’ ಎಂದು ಆಗ್ರಹಿಸಿ ರೈತ ಸಂಘಟ£ಯವರು ಹೆದ್ದಾರಿ ತಡೆ ನಡೆಸಿದ್ದಾರೆ. `ಕಬ್ಬು ಬೆಳೆಯಲು ಅಗತ್ಯವಿರುವ ಗೊಬ್ಬರ, ಬೀಜ, ಕೂಲಿ ಕಾರ್ಮಿಕರ ವೇತನ, ನೀರಾವರಿ ಹಾಗೂ ಸಾಗಣೆ ವೆಚ್ಚಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ. ಆದರೆ, ವರ್ಷಪೂರ್ತಿ ಶ್ರಮಪಟ್ಟು ಬೆಳೆದ ಕಬ್ಬಿಗೆ ಸೂಕ್ತ ಬೆಲೆ ಸಿಗುತ್ತಿಲ್ಲ. ಇದರಿಂದ ರೈತರು ಆರ್ಥಿಕ ಸಂಕಷ್ಟ ಎದುರಿಸುತ್ತಿದ್ದಾರೆ’ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ. `ಕಬ್ಬು ಬೆಳೆಗಾರರ ಸಂಕಷ್ಟದ ಬಗ್ಗೆ ಆಡಳಿತಾರೂಢ ಸರ್ಕಾರಗಳು ಗಮನ ಹರಿಸಬೇಕು. ಕಾರ್ಖಾನೆ ಮಾಲೀಕರು, ಜನಪ್ರತಿನಿಧಿಗಳು, ಅಧಿಕಾರಿಗಳು ಹಾಗೂ ಕಾರ್ಪೊರೇಟ್ ಕಂಪನಿಗಳಿಗೆ ಲಾಭವಾಗುತ್ತಿದ್ದರೂ ಕಬ್ಬು ಬೆಳೆಯುವ ರೈತರು ನಷ್ಟ ಅನುಭವಿಸುತ್ತಿದ್ದಾರೆ’ ಎಂದು ಪ್ರತಿಭಟನಾಕಾರರು ವಿವರಿಸಿದರು. ಪ್ರತಿಭಟನೆ ಹಿನ್ನಲೆ ಹೆದ್ದಾರಿ ತಡೆಯಿಂದ ರಾಷ್ಟ್ರೀಯ
- [ಶಿರಸಿ | ನಾದಿನಿ ಕಾಟಕ್ಕೆ ವಿಷ ಕುಡಿದ ಸೊಸೆ!](https://mobiletime.in/2026/10/sirsi-daughter-in-law-consumes-poison-due-to-harassment-by-sister-in-law/): ಗಣೇಶ ನಗರದ ನಾಗೇಶ ಬೋವಿವಡ್ಡರ್ ಅವರನ್ನು ಮದುವೆಯಾಗಿದ್ದ ರೇಣವ್ವ ಬೋವಿವಡ್ಡರ್ ಅವರು ತಮ್ಮ ನಾದಿನಿ ಸವಿತಾ ಬೋವಿವಡ್ಡರ್ ಅವರ ಕಾಟ ಸಹಿಸಲಾಗದೇ ಸಾವನಪ್ಪಿದ್ದಾರೆ. ತಿನ್ನರ್ ಕುಡಿದು ಅಸ್ವಸ್ಥರಾಗಿದ್ದ ರೇಣವ್ವ ಬೋವಿವಡ್ಡರ್ ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ನಡೆದಿದ್ದು, ಅದು ಪ್ರಯೋಜನಕ್ಕೆ ಬಂದಿಲ್ಲ. ಶಿರಸಿ ಗಣೇಶ ನಗರದಲ್ಲಿ ನಾಗೇಶ ಬೋವಿವಡ್ಡರ್ ಅವರು ವಾಸವಾಗಿದ್ದಾರೆ. 15 ವರ್ಷದ ಹಿಂದೆ ಅವರು ಗದಗದ ರೇಣವ್ವ ಬೋವಿವಡ್ಡರ್ ಅವರನ್ನು ಮದುವೆಯಾಗಿದ್ದಾರೆ. ಅವರ ದಾಂಪತ್ಯಕ್ಕೆ ಸಾಕ್ಷಿಯಾಗಿ 12 ವರ್ಷದ ಮಗುವಿದೆ. ನಾಗೇಶ ಬೋವಿವಡ್ಡರ್ ಅವರದ್ದು ಅವಿಭಕ್ತ ಕುಟುಂಬವಾಗಿದ್ದು, ತಮ್ಮ ತಂದೆ-ತಾಯಿ ಜೊತೆ ಅವರು ವಾಸವಾಗಿದ್ದಾರೆ. ಜೊತೆಗೆ ಸಹೋದರ ರಾಜು ಬೋವಿವಡ್ಡರ್ ಹಾಗೂ ಅವರ ಪತ್ನಿ ಸವಿತಾ ಬೋವಿವಡ್ಡರ್ ಸಹ ಅವರ ಜೊತೆಯಲ್ಲಿಯೇ ಇದ್ದಾರೆ. ಕೆಲ ದಿನಗಳ ಹಿಂದೆ ಸವಿತಾ ಬೋವಿವಡ್ಡರ್ ಅವರು ಬಿಸಿ ನೀರು ಕಾಯಿಸಿದ್ದು, ಅದನ್ನು ರೇಣವ್ವ ಬೋವಿವಡ್ಡರ್ ಅವರು ಬಳಕೆ ಮಾಡಿದ್ದಾರೆ. ಇದೇ ವಿಷಯಕ್ಕೆ ಸವಿತಾ ಬೋವಿವಡ್ಡರ್ ಅವರು ರೇಣವ್ವ ಬೋವಿವಡ್ಡರ್ ಅವರನ್ನು ಕೆಟ್ಟದಾಗಿ
- [ಯಲ್ಲಾಪುರ | ಹಕ್ಕಿಗಾಗಿ ಹೋರಾಟ: ಕಾರ್ಮಿಕ ಭವನದಲ್ಲಿ ಸಮಾವೇಶ](https://mobiletime.in/2026/10/yellapura-struggle-for-rights-convention-at-the-labour-hall/): ಮೂಲಭೂತ ಹಕ್ಕುಗಳ ರಕ್ಷಣೆಗಾಗಿ ಆಗ್ರಹಿಸಿ ಆದಿವಾಸಿ ಸಮುದಾಯದವರು ಒಂದಾಗಿದ್ದು, ಎಲ್ಲರೂ ಸೇರಿ  ಸಮಾವೇಶ ನೆಡಸಲು ನಿರ್ಧರಿಸಿದ್ದಾರೆ. ಅಕ್ಟೊಬರ್ 25 ಹಾಗೂ 26ರಂದು ಯಲ್ಲಾಪುರದ ಕಾರ್ಮಿಕ ಭವನದಲ್ಲಿ ಆದಿವಾಸಿಗಳ ರಾಜ್ಯ ಸಮ್ಮೇಳನ ನಡೆಯಲಿದೆ. ಕನಾ9ಟಕ ಆದಿವಾಸಿ ಹಕ್ಕುಗಳ ಸಮನ್ವಯ ಸಮಿತಿ ರಾಜ್ಯ ಸಹ ಸಂಚಾಲಕ ಎಸ್ ವೈ ಗುರುಶಾಂತ್ ಅವರು ಈ ಕುರಿತು ಮಾಹಿತಿ ನೀಡಿದ್ದಾರೆ. `ಕಾಡು, ಭೂಮಿ, ನೀರು ಮತ್ತು ಪ್ರಕೃತಿಯೊಂದಿಗೆ ಸಹಸ್ರಾರು ವಷ9ಗಳಿಂದ ಬದುಕು ಕಟ್ಟಿಕೊಂಡಿರುವ ಆದಿವಾಸಿ ಸಮುದಾಯಗಳು ಸದ್ಯ ತಮ್ಮ ಅಸ್ತಿತ್ವವನ್ನು ಉಳಿಸಿಕೊಳ್ಳಲು ಹೋರಾಡುತ್ತಿವೆ. ಅರಣ್ಯ ಹಕ್ಕುಗಳ ನಿರಾಕರಣೆ, ಭೂಮಿ ಕಬಳಿಕೆ, ಬಲವಂತದ ಸ್ಥಳಾಂತರ, ನಿರುದ್ಯೋಗ, ಶಿಕ್ಷಣ ಮತ್ತು ಆರೋಗ್ಯದ ಕೊರತೆ, ಭಾಷೆ ಮತ್ತು ಸಂಸ್ಕೃತಿಯ ಮೇಲಿನ ದಾಳಿ ಹಾಗೂ ಸಂವಿಧಾನಾತ್ಮಕ ಹಕ್ಕುಗಳನ್ನು ದುಬ9ಲಗೊಳಿಸುವ ಪ್ರಯತ್ನಗಳು ಆದಿವಾಸಿಗಳ ಬದುಕನ್ನು ಸಂಕಷ್ಟಕ್ಕೆ ತಳ್ಳಿವೆ’ ಎಂದವರು ಹೇಳಿದ್ದಾರೆ. `ಉತ್ತರ ಕನ್ನಡ ಜಿಲ್ಲೆಯ ಆದಿವಾಸಿಗಳಿಗೆ ಪೌಷ್ಠಿಕ ಆಹಾರ, ರೇಶನ್ ಸಮಪ9ಕವಾಗಿ ಸಿಗುತ್ತಿಲ್ಲ. ಜಿಲ್ಲೆಯ ಬಹಳಷ್ಟು ಆದಿವಾಸಿಗಳು, ಅರಣ್ಯ ವಾಸಿಗಳ ಅಸ್ತಿತ್ವಕ್ಕೆ ಧಕ್ಕೆ ತರುವ ಕಸ್ತೂರಿ
- [ಕಾರವಾರ | ಸೇವೆಗೆ ಸಿದ್ಧಗೊಂಡ ಸ್ವದೇಶಿ ನೌಕೆ: ನೌಕಾನೆಲೆಗೆ ಶಕ್ತಿ ತುಂಬಿದ ಸಮರ್ಥಕ್!](https://mobiletime.in/2026/10/karwar-indigenous-vessel-ready-for-service-samarthak-bolsters-the-naval-base/): ಭಾರತೀಯ ನೌಕಾಪಡೆ ನಿರ್ಮಿಸಿದ ಸ್ವದೇಶಿ ಯುದ್ಧನೌಕೆ INS ಸಮರ್ಥಕ್ ಅಧಿಕೃತ ಸೇವೆ ಶುರು ಮಾಡಲು ಸಿದ್ಧವಾಗಿದೆ. ಮೇಕ್ ಇನ್ ಇಂಡಿಯಾ ಕಾರ್ಯಕ್ರಮದ ಅಡಿ ನಿರ್ಮಿಸಲಾದ ಈ ನೌಕೆ ಅಕ್ಟೊಬರ್ 16ರಿಂದ ಕಾರ್ಯಾಚರಣೆ ನಡೆಸಲಿದೆ. ಕಾರವಾರಕ್ಕೆ ಆಗಮಿಸಲಿರುವ ಉಪರಾಷ್ಟಪತಿ ಚಂದ್ರಪುರo ಪೊನ್ನುಸ್ವಾಮಿ ರಾಧಾಕೃಷ್ಣನ್ ಅವರು ದೇಶ ಸೇವೆಗೆ ಈ ನೌಕೆಯನ್ನು ನಿಯೋಜಿಸಲಿದ್ದಾರೆ. ತಮಿಳುನಾಡಿನ ಕಟ್ಟುಪಳ್ಳಿಯಲ್ಲಿರುವ ಲಾರ್ಸನ್ ಅಂಡ್ ಟೂಬ್ರೊ (ಎಲ್ ಅಂಡ್ ಟಿ) ಸಂಸ್ಥೆಯು ಈ ಯುದ್ಧನೌಕೆಯನ್ನು ನಿರ್ಮಿಸಿದೆ. ಭಾರತೀಯ ನೌಕಾಪಡೆಗೆ ಸೇರ್ಪಡೆಗೊಳ್ಳಲಿರುವ ನಾಲ್ಕು ಬಹು ಉದ್ದೇಶದ ನೌಕೆಗಳ ಪೈಕಿ ಐಎನ್‌ಎಸ್ ಸಮರ್ಥಕ್ ಮೊದಲನೆಯದಾಗಿದೆ. ಇದರ ಸೇರ್ಪಡೆಯು ದೇಶದ ರಕ್ಷಣಾ ಸ್ವಾವಲಂಬನೆಯ ಪ್ರಯತ್ನದಲ್ಲಿ ಮಹತ್ವದ ಮೈಲಿಗಲ್ಲಾಗಲಿದೆ. ಸಮುದ್ರ ಕಣ್ಗಾವಲು ಮತ್ತು ಗಸ್ತು ಕಾರ್ಯಾಚರಣೆಗಳಿಗಾಗಿ ಪ್ರಮುಖವಾಗಿ ವಿನ್ಯಾಸಗೊಳಿಸಲಾದ ಐಎನ್‌ಎಸ್ ಸಮರ್ಥಕ್ ನೌಕೆಯೂ ಕಡಿಮೆ ತೀವ್ರತೆಯ ಸಮುದ್ರ ಕಾರ್ಯಾಚರಣೆಗಳು, ಗುರಿ ನಿಯೋಜನೆ, ವಿವಿಧ ವ್ಯವಸ್ಥೆಗಳ ಪರೀಕ್ಷೆ ಹಾಗೂ ಮಾನವರಹಿತ ಮತ್ತು ಸ್ವಾಯತ್ತ ವ್ಯವಸ್ಥೆಗಳಿಗೆ ತಾಯಿ ನೌಕೆಯಾಗಿ ಕಾರ್ಯನಿರ್ವಹಿಸುವ ಸಾಮರ್ಥ್ಯ ಹೊಂದಿದೆ. ಇದರೊಂದಿಗೆ ಮಾನವೀಯ ನೆರವು, ವಿಪತ್ತು ಪರಿಹಾರ,
- [ಕಾರವಾರ | ಮಹಿಳೆಯ ಜೀವ ಉಳಿಸಿದ ವಾಟ್ಸಪ್ ಗುಂಪು!](https://mobiletime.in/2026/10/karwar-whatsapp-group-saves-a-womans-life/): A Negative (A-) ರಕ್ತ ಸಿಗದೇ ಸಮಸ್ಯೆ ಅನುಭವಿಸುತ್ತಿದ್ದ ಅಂಕೋಲಾದ ವೀಣಾ ಗೌಡ ಅವರಿಗೆ ಕಾರವಾರ ಉಪಹಾರ ದರ್ಶಿನಿ ಮಾಲಕ ನಂದನ ರಾವ್ ಅವರು ರಕ್ತದಾನ ಮಾಡಿದ್ದಾರೆ. `ಬ್ಲಡ್ ಡೋನರ್ಸ’ ಎಂಬ ವಾಟ್ಸಪ್ ಗುಂಪಿನ ನೆರವಿನಿಂದ ವೀಣಾ ಗೌಡ ಅವರು ಅಪಾಯದಿಂದ ಪಾರಾಗಿದ್ದಾರೆ. ಅಂಕೋಲಾ ತಾಲೂಕಿನ ಬಡಗೇರಿ ಗ್ರಾಮದ ವೀಣಾ ಗೌಡ ಅವರು ಹಿಮೋಗ್ಲೋಬಿನ್ ಕೊರತೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಕಾರವಾರದ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ ಅವರು ಚಿಕಿತ್ಸೆಪಡೆಯುತ್ತಿದ್ದರು. ಅವರ ಹಿಮೋಗ್ಲೋಬಿನ್ ಪ್ರಮಾಣ 4.5ಕ್ಕೆ ಇಳಿದಿದ್ದು, ತುರ್ತಾಗಿ ರಕ್ತದ ಅವಶ್ಯಕತೆ ಇತ್ತು. ಅದರಲ್ಲಿಯೂ ವೀಣಾ ಗೌಡ ಅವರು ಅಪರೂಪದ ಒ ನೆಗೆಟಿವ್ ರಕ್ತವನ್ನು ಹೊಂದಿದ್ದರು. ಸಾಕಷ್ಟು ಹುಡುಕಾಟ ನಡೆಸಿದರೂ ಅವರಿಗೆ ಆ ರಕ್ತ ಸಿಕ್ಕಿರಲಿಲ್ಲ. ಅಪರೂಪದ ರಕ್ತದ ಗುಂಪು ದೊರೆಯದೆ ಆತಂಕಗೊ0ಡಿದ್ದ ಅವರ ಸಂಬ0ಧಿಕರಾದ ಸುಕ್ರು ಗೌಡ ಅವರು ಜನಶಕ್ತಿ ವೇದಿಕೆಯ ಅಧ್ಯಕ್ಷ ಮಾಧವ ಬಿ ನಾಯಕ ಅವರನ್ನು ಸಂಪರ್ಕಿಸಿ ನೆರವು ಕೋರಿದರು. ಮಾಧವ ನಾಯಕ ಅವರು `ಬ್ಲಡ್ ಡೋನರ್ಸ್’ ವಾಟ್ಸಪ್ ಗ್ರೂಪ್‌ನ ವಿನಾಯಕ್
- [ಶಿರಸಿ | ಆತನಿಗೆ ಕದಿಯುವುದೇ ಕಾಯಕ!](https://mobiletime.in/2026/10/sirsi-stealing-is-his-vocation/): ಕಳ್ಳತನವನ್ನೇ ಕಾಯಕವನ್ನಾಗಿಸಿಕೊಂಡಿದ್ದ ಮುರುಡೇಶ್ವರದ ಹನುಮಂತ ಕೋಂಚಿಕೋರವರ್ ಅವರನ್ನು ಶಿರಸಿ ಪೊಲೀಸರು ಹಿಡಿದಿದ್ದಾರೆ. ಬಸವೇಶ್ವರ ನಗರದ ಕಾಶೀಂ ಸಾಬ್ ಅವರ ಮನೆಗೆ ನುಗ್ಗಿ ಕಳ್ಳತನ ಮಾಡಿದ ಕಾರಣ ಹನುಮಂತ ಕೋಂಚಿಕೊರವರ್ ಅವರು ಸಿಕ್ಕಿಬಿದ್ದಿದ್ದಾರೆ. ಶಿರಸಿಯ ಹುಬ್ಬಳ್ಳಿ ರಸ್ತೆಯ ಬಸವೇಶ್ವರ ನಗರದಲ್ಲಿರುವ ಕಾಶೀಂ ಅಬ್ದುಲ್ ಮಹಾಬ್ ಶೇಖ್ ಅವರ ಮನೆಯಲ್ಲಿ ಜನವರಿ 22ರ ಅವಧಿಯಲ್ಲಿ ಕಳ್ಳತನ ನಡೆದಿತ್ತು. ಕಾಶೀಂ ಸಾಬ್ ಅವರು ಮನೆಯಲ್ಲಿ ಇಲ್ಲದ ವಿಷಯ ಅರಿತು ಮನೆಗೆ ನುಗ್ಗಿದ್ದ ಹನುಮಂತ ಕೋಂಚಿಕೋರವರ್ ಅವರು ಅಲ್ಲಿದ್ದ 1.20 ಲಕ್ಷ ರೂ ಹಣ ಕದ್ದು ಪರಾರಿಯಾಗಿದ್ದರು. ಬಾತ್ ರೂಮಿನ ಹಂಚು ತೆಗೆದು ಒಳ ನುಗ್ಗಿದ ಅವರಿಗೆ 10 ಗ್ರಾಂ ಚಿನ್ನದ ಸರವೂ ಸಿಕ್ಕಿತ್ತು. ಜನವರಿ 27ರಂದು ಮನೆಗೆ ಬಂದ ಕಾಶೀಂ ಸಾಬ್ ಅವರಿಗೆ ಮನೆಯೊಳಗಿನ ಸಾಮಗ್ರಿ ಚಲ್ಲಾಪಿಲ್ಲಿಯಾಗಿರುವುದು ಗೊತ್ತಾಯಿತು. ಶೋಧ ನಡೆಸಿದಾಗ ಬಾತ್ ರೂಮಿನ ಹಂಚು ಹಾರಿರುವುದು ಅರಿವಿಗೆ ಬಂದಿತು. ಮನೆ ಪೂರ್ತಿ ಹುಡುಕಾಟ ನಡೆಸಿದಾಗ 1.20 ಲಕ್ಷ ರೂ ಹಣ ಹಾಗೂ 60 ಸಾವಿರ ರೂ
- [ದಾಂಡೇಲಿ | ಮೊಸಳೆ ಕ್ಷೇತ್ರದಲ್ಲಿ ಮನುಷ್ಯನ ರಾಪ್ಟಿಂಗ್!](https://mobiletime.in/2026/10/dandeli-human-rafting-in-crocodile-territory/): ಕಾಳಿ ನದಿಯಲ್ಲಿ ಮೊಸಳೆ ಕಾಣಿಸಿಕೊಂಡಿದ್ದು, ಮೊಸಳೆಯಿರುವ ದಿಕ್ಕಿನ ಕಡೆಯೇ ಮನುಷ್ಯರು ರಾಪ್ಟಿಂಗ್ ಮಾಡಿದ್ದಾರೆ. ಐವರು ಪ್ರವಾಸಿಗರು ಮೊಸಳೆಯ ಸಮೀಪ ಹೋದ ದೃಶ್ಯಾವಳಿಗಳು ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಜೊಯಿಡಾದ ಗಣೇಶಗುಡಿ-ಇಳವಾ ಭಾಗದ ಕಾಳಿ ನದಿಯಲ್ಲಿ ರಾಪ್ಟಿಂಗ್ ಚಟುವಟಿಕೆ ನಡೆಯುತ್ತಿದೆ. ಈ ಭಾಗದಲ್ಲಿಯೇ ದೊಡ್ಡ ಮೊಸಳೆಯೊಂದು ನದಿಯಲ್ಲಿ ಕಾಣಿಸಿಕೊಂಡಿದೆ. ಅದಾಗಿಯೂ, ಐವರು ಪ್ರವಾಸಿಗರು ಅಲ್ಲಿಯೇ ರಾಪ್ಟಿಂಗ್ ಮಾಡಿದ್ದಾರೆ. ಸಮೀಪದ ಸೇತುವೆಯ ಮೇಲಿದ್ದ ಸ್ಥಳೀಯರು ಅಲ್ಲಿ ಮೊಸಳೆಯಿರುವ ಬಗ್ಗೆ ರಾಪ್ಟಿಂಗ್ ನಿರ್ವಾಹಕರಿಗೆ ಎಚ್ಚರಿಕೆ ನೀಡಿದ್ದಾರೆ. ಅದಾಗಿಯೂ, ರಾಪ್ಟಿಂಗ್ ದೋಣಿ ಅದೇ ಭಾಗದಲ್ಲಿ ಸಂಚರಿಸಿದೆ. ಮೊಸಳೆಯ ಚಲನ-ವಲನವನ್ನು ಇನ್ನಿತರರು ಮೊಬೈಲಿನಲ್ಲಿ ಚಿತ್ರಿಕರಿಸಿದ್ದು, ಅದನ್ನು ನೋಡಿದ ನಂತರ ರಾಪ್ಟಿಂಗ್ ದೋಣಿ ಚಾಲಕ ದಿಕ್ಕು ಬದಲಿಸಿರುವುದು ಗಮನಕ್ಕೆ ಬಂದಿದೆ. ಕಾಳಿ ನದಿಯಲ್ಲಿ ಅಪಾರ ಪ್ರಮಾಣದಲ್ಲಿ ಮೊಸಳೆಗಳಿದ್ದು, ಸಮೀಪ ಹೋಗುವವರಿಗೆ ಅಪಾಯದ ಸಾಧ್ಯತೆಯಿದೆ. ಆದರೆ, ಪ್ರವಾಸಿಗರು ಅಪಾಯದ ಮುನ್ಸೂಚನೆ ಇಲ್ಲದೇ ನದಿಗೆ ಇಳಿಯುತ್ತಿದ್ದಾರೆ. ನದಿಯಲ್ಲಿ ಕೆಲವರು ಈಜುವುದು ಸಹ ಕಾಣಿಸುತ್ತಿದೆ. `ದಾಂಡೇಲಿಯಲ್ಲಿ ಕೈಗೊಂಡಿರುವ ಮಾದರಿಯಲ್ಲೇ ಗಣೇಶಗುಡಿ – ಇಳವಾ ಭಾಗದಲ್ಲಿಯೂ ಅಗತ್ಯ ಸ್ಥಳಗಳಲ್ಲಿ
- [ಗೋಕರ್ಣ | ಪಂಚರ್ ಆದ ಬಂಪರ್ ಬೋಟ್!](https://mobiletime.in/2026/10/gokarna-a-bumper-boat-with-a-puncher/): ಗೋಕರ್ಣದಲ್ಲಿ ಜಲ ಸಾಹಸ ಚಟುವಟಿಕೆ ನಡೆಸುತ್ತಿದ್ದ ಚಂದ್ರಕಾoತ ಲಕ್ಕುಮನೆ ಅವರ ಉದ್ದಿಮೆ ಮೇಲೆ ದುಷ್ಟರ ಕಣ್ಣು ಬಿದ್ದಿದೆ. ಅವರ ಉದ್ದಿಮೆ ನಷ್ಟ ಮಾಡಲು ಸಂಚು ರೂಪಿಸಿದ ಕಿಡಿಗೇಟಿಗಳು ಅವರ ಬಳಿಯಿದ್ದ ಬೋಟುಗಳನ್ನು ಧ್ವಂಸ ಮಾಡಿದ್ದಾರೆ. ಕುಮಟಾ ಅಘನಾಶಿನಿಯಲ್ಲಿ ಚಂದ್ರಕಾAತ ಗೋವಿಂದ ಲಕ್ಕುಮನೆ ಅವರು ವಾಸವಾಗಿದ್ದಾರೆ. ಜಲಸಾಹಸ ಕ್ರೀಡಾ ಚಟುವಟಿಕೆ ನಡೆಸಿ ಅವರು ಜೀವನ ನಡೆಸುತ್ತಿದ್ದಾರೆ. ಪ್ರವಾಸೋದ್ಯಮ ಇಲಾಖೆಯಿಂದ ಟೆಂಡರ್ ಪಡೆದು ಅವರು ಈ ಚಟುವಟಿಕೆ ಮಾಡುತ್ತಿದ್ದಾರೆ. ಗೋಕರ್ಣದ ಹಾಪ್‌ಮೂನ್ ಬೀಚ್ ಬಳಿ ಅವರು ಬನಾನಾ ಬೋಟ್, ಬಂಪರ್ ಬೋಟ್ ಚಟುವಟಿಕೆಗಳನ್ನು ನಡೆಸುತ್ತಾರೆ. ಪ್ರವಾಸಿಗರನ್ನು ಆಕರ್ಷಿಸಿ ಅವರಿಗೆ ಪ್ರವಾಸೋದ್ಯಮದ ಅನುಭೂತಿ ಕಲ್ಪಿಸುತ್ತಾರೆ. ಇದಕ್ಕಾಗಿ ಅವರು ಸೇವಾ ಶುಲ್ಕವನ್ನು ಸಹ ಪಡೆಯುತ್ತಿದ್ದು, ಉತ್ತಮ ಆದಾಯಗಳಿಸುತ್ತಿದ್ದಾರೆ. ಆದರೆ, ಚಂದ್ರಕಾoತ ಲಕ್ಕುಮನೆ ಅವರ ಉದ್ದಿಮೆ ಬಗ್ಗೆ ಕೆಲವರಿಗೆ ಅಸೂಯೆ ಶುರುವಾಗಿದೆ. ಅವರ ಉದ್ದಿಮೆ ಹಾಳು ಮಾಡಬೇಕು ಎಂದು ಯೋಚಿಸಿದ ಕಿಡಿಗೇಡಿಗಳು ಬೋಟನ್ನು ಧ್ವಂಸ ಮಾಡಲು ಉದ್ದೇಶಿಸಿದ್ದಾರೆ. ಅಕ್ಟೊಬರ್ 11ರಂದು ಹಾಪ್‌ಮೂನ್ ಬೀಚ್ ದಡದಲ್ಲಿ ನಿಲ್ಲಿಸಿದ್ದ ಬೋಟುಗಳಿಗೆ ದುಷ್ಟರು ಚಾಕು
- [ಶಿರಸಿ | 10 ಸಾವಿರಕ್ಕೆ ಹರಾಜಾದ ಲೆಕ್ಕಾಧಿಕಾರಿ!](https://mobiletime.in/2026/10/sirsi-accounts-officer-auctioned-for-%e2%82%b910000/): ಜಿಲ್ಲಾ ಪಂಚಾಯತ ವಿಭಾಗೀಯ ಕಚೇರಿಯಲ್ಲಿ ಲೆಕ್ಕ ಪರಿಶೋಧಕರಾಗಿದ್ದ ಮಲ್ಲಿಕಾರ್ಜುನ ಪಾಟೀಲ್ ಅವರು 10 ಸಾವಿರ ರೂಪಾಯಿಗೆ ಮಾರಾಟವಾಗಿದ್ದಾರೆ. ಮುಂಡಗೋಡು ಗುತ್ತಿಗೆದಾರ ನಾಗರಾಜ ಕಟ್ಟಿಮನೆ ಅವರ ಬಳಿ ಲಂಚಪಡೆಯುವಾಗ ಲೋಕಾಯುಕ್ತರು ದಾಳಿ ಮಾಡಿದ್ದಾರೆ. ಶಿರಸಿ ಜಿಲ್ಲಾ ಪಂಚಾಯತ ವಿಭಾಗೀಯ ಕಚೇರಿಯಲ್ಲಿ ಮಲ್ಲಿಕಾರ್ಜುನ ಪಾಟೀಲ್ ಅವರು ಕೆಲಸ ಮಾಡುತ್ತಿದ್ದರು. ಲೆಕ್ಕಪರಿಶೋಧಕರಾಗಿದ್ದ ಮಲ್ಲಿಕಾರ್ಜುನ್ ಪಾಟೀಲ್ ಅವರು ಕಚೇರಿಗೆ ಬರುವ ಎಲ್ಲರ ಬಳಿಯೂ ಕೈ ಒಡ್ಡುತ್ತಿದ್ದರು. ದುಡ್ಡು ಕೊಟ್ಟರೂ ಸಹ ಅವರು ಅನೇಕರ ಕೆಲಸ ಮಾಡಿಕೊಡದೇ ಸತಾಯಿಸುತ್ತಿದ್ದರು. ಮುಂಡಗೋಡಿನ ಗುತ್ತಿಗೆದಾರ ನಾಗರಾಜ ಕಟ್ಟಿಮನೆ ಅವರಿಗೆ ಜಿಲ್ಲಾ ಪಂಚಾಯತ ಕಚೇರಿಯಿಂದ ಕೆಲಸವಾಗಬೇಕಿದ್ದು, ಆ ಬಿಲ್ ಪಾಸ್ ಮಾಡಲು ಮಲ್ಲಿಕಾರ್ಜುನ ಪಾಟೀಲ್ ಅವರು ಲಂಚ ಬಯಸಿದ್ದರು. `10 ಸಾವಿರಕ್ಕೆ 1 ರೂ ಕಡಿಮೆಯಿದ್ದರೂ ಬಿಲ್ ಪಾಸ್ ಮಾಡಲ್ಲ’ ಎಂದು ಹೇಳಿದ್ದರು. ಇದರಿಂದ ಸಿಟ್ಟಾದ ನಾಗರಾಜ ಕಟ್ಟಿಮನೆ ಅವರು ಲೋಕಾಯುಕ್ತರ ಮೊರೆ ಹೋದರು. ರಹಸ್ಯ ಕಾರ್ಯಾಚರಣೆ ನಡೆಸಿದ ಲೋಕಾಯುಕ್ತರು ಬುಧವಾರ ಲಂಚ ಸ್ವೀಕರಿಸುವ ಅವಧಿಯಲ್ಲಿಯೇ ದಾಳಿ ಮಾಡಿದರು. 10 ಸಾವಿರ ರೂ ಲಂಚದ
- [ಭಟ್ಕಳ | ಭೂಮಿ ಸರ್ವೇಗೆ ಅಡ್ಡಿ: ಹೊಡೆದಾಟ!](https://mobiletime.in/2026/10/bhatkal-obstruction-to-land-survey-clash/): ಎರಡು ಕುಟುಂಬದ ನಡುವೆ ನಡೆಯುತ್ತಿದ್ದ ಜಾಗದ ವಿಷಯದ ಹೋರಾಟ ಇದೀಗ ಹೊಟೆದಾಟದ ಸ್ವರೂಪಪಡೆದಿದೆ. ಭೂಮಿಯ ಹಕ್ಕಿಗಾಗಿ ನಡೆಯುತ್ತಿದ್ದ ಜಗಳ ತಾರಕಕ್ಕೇರಿದ್ದು, ಎರಡು ಕುಟುಂಬದವರ ನಡುವೆ ಮಾರಾಮಾರಿ ನಡೆದಿದೆ. ಭಟ್ಕಳದ ಸರ್ಪನಕಟ್ಟೆಯ ರಾಮಚಂದ್ರ ನಾಯ್ಕ ಹಾಗೂ ನಾಗಮ್ಮ ನಾಯ್ಕ ಅವರ ಮೇಲೆ ನಾಲ್ವರು ಸೇರಿ ದಾಳಿ ಮಾಡಿದ್ದಾರೆ. ಮಂಜುನಾಥ ನಾಯ್ಕ, ಹನುಮಂತ ನಾಯ್ಕ, ಬೇಬಿ ನಾಯ್ಕ ಹಾಗೂ ಸುಮಿತ್ರಾ ನಾಯ್ಕ ಅವರು ದಾಳಿ ಮಾಡಿದವರಾಗಿದ್ದು, ಅವರ ಮೇಲೆಯೂ ಪ್ರತಿ ದಾಳಿ ನಡೆದಿದೆ. ಮಂಜುನಾಥ ನಾರಾಯಣ ನಾಯ್ಕ, ಹನುಮಂತ ನಾರಾಯಣ ನಾಯ್ಕ, ಬೇಬಿ ಮಂಜುನಾಥ ನಾಯ್ಕ ಹಾಗೂ ಸುಮಿತ್ರಾ ಮಂಜುನಾಥ ನಾಯ್ಕ ಅವರ ಜೊತೆ ಎದುರುದಾರರಾದ ಮಾಮಿತ್ಲುವಿನ ರವಿ ರಾಮಚಂದ್ರ ನಾಯ್ಕ, ರಾಮಚಂದ್ರ ಸಣ್ಣಯ್ಯ ನಾಯ್ಕ, ನಾಗಮ್ಮ ರಾಮಚಂದ್ರ ನಾಯ್ಕ, ಗಿರಿಜಾ ನಾಯ್ಕ ಅವರ ವಿರುದ್ಧ ಪೊಲೀಸ್ ಕೇಸು ದಾಖಲಾಗಿದೆ. ಜಾಗದ ಸರ್ವೇ ವಿಷಯವಾಗಿ ಸಲ್ಲಿಕೆಯಾದ ಅರ್ಜಿಗೆ ಸರ್ವೇ ಮಾಡಲು ಬಂದಾಗ ಅದಕ್ಕೆ ವಿರೋಧವ್ಯಕ್ತವಾಗಿದ್ದು ಹೊಡೆದಾಟಕ್ಕೆ ಕಾರಣ. ರಾಮಚಂದ್ರ ನಾಯ್ಕ ಅವರು `ನಾವು ಜಾಗ ಖರೀದಿ
- [ಅಂಕೋಲಾ | ಕಾರು ಕೊಡದೇ ಕೈ ಕೊಟ್ಟ ಸ್ನೇಹಿತ!](https://mobiletime.in/2026/10/ankola-a-friend-who-gave-a-hand-without-giving-a-car/): ಹಿಲ್ಲೂರಿನ ನಾಗೇಶ ನಾಯಕ ಅವರ ಟಾಟಾ ಇಂಡಿಕಾ ಕಾರನ್ನು ಅದೇ ಭಾಗದ ಆರೀಪ್ ಸಾಬ್ ಅವರು ಅಪಹರಿಸಿದ್ದಾರೆ. `ಒಂದು ದಿನದ ಮಟ್ಟಿಗೆ ಕಾರು ಕೊಡು’ ಎಂದು ಕೇಳಿ ತೆಗೆದುಕೊಂಡು ಹೋಗಿದ್ದ ಆರೀಪ್ ಸಾಬ್ ಅವರು ಐದು ದಿನವಾದರೂ ಕಾರು ಮರಳಿಸಿಲ್ಲ. ಅಂಕೋಲಾ ಹಿಲ್ಲೂರಿನ ಪುಡುಗೇರಿಯಲ್ಲಿ ನಾಗೇಶ ರಮಾನಂದ ನಾಯಕ ಅವರು ವಾಸವಾಗಿದ್ದಾರೆ. 37ವರ್ಷದ ಅವರು ಚಾಲಕರಾಗಿ ಕೆಲಸ ಮಾಡಿಕೊಂಡಿದ್ದಾರೆ. ಹಿಲ್ಲೂರು ಮುಖ್ಯರಸ್ತೆ ಬದಿಯಲ್ಲಿ ಆರೀಪ್ ರಶೀದ್ ಸಾಬ್ ಅವರು ವಾಸವಾಗಿದ್ದಾರೆ. ಹೀಗಿರುವಾಗ ಅಕ್ಟೊಬರ್ 9ರಂದು ಸಂಜೆ ಆರೀಪ್ ಸಾಬ್ ಅವರು ನಾಗೇಶ ನಾಯಕ ಅವರ ಬಳಿ `ಒಂದು ದಿನದ ಮಟ್ಟಿಗೆ ಕಾರ್ ಬೇಕಿತ್ತು’ ಎಂದು ಹೇಳಿದ್ದಾರೆ. ಆರೀಪ್ ಸಾಬ್ ಸಹ ಪರಿಚಯದವರೇ ಆಗಿದ್ದರಿಂದ ನಾಗೇಶ ನಾಯಕ ಅವರು ಕಾರು ಕೊಟ್ಟು ಕಳುಹಿಸಿದ್ದಾರೆ. ಆದರೆ, ಒಂದು ದಿನದ ಮಟ್ಟಿಗೆ ಕಾರು ತೆಗೆದುಕೊಂಡು ಹೋಗಿದ್ದ ಆರೀಪ್ ಸಾಬ್ ಐದು ದಿನವಾದರೂ ಮರಳಿ ಬಂದಿಲ್ಲ. ಫೋನ್ ಮಾಡಿದರೂ ಅವರ ಸಂಪರ್ಕ ಸಾಧ್ಯವಾಗುತ್ತಿಲ್ಲ. ಆರೀಪ್ ಸಾಬ್ ಅವರ ಫೋನ್
- [ಯಲ್ಲಾಪುರ | ಹಳ್ಳಿ ಹಳ್ಳಿಗೂ ರಿಂಗ್ ರೋಡ್: ವಿರೋಧ!](https://mobiletime.in/2026/10/yellapur-ring-road-for-every-village-opposition/): ಆನಗೋಡು ಗ್ರಾ ಪಂ ಮಾಜಿ ಸದಸ್ಯರಾದ ನರಸಿಂಹ ಬೋಳಪಾಲು ಅವರ ಜೊತೆ ಕೆ ಟಿ ಹೆಗಡೆ ಸೇರಿ ಯಲ್ಲಾಪುರ ಶಾಸಕ ಶಿವರಾಮ ಹೆಬ್ಬಾರ್ ಅವರನ್ನು ಭೇಟಿ ಮಾಡಿದ್ದಾರೆ. ಯಲ್ಲಾಪುರ ಪಟ್ಟಣದ ಅಂಚಿನಲ್ಲಿ ನಿರ್ಮಿಸಲು ಉದ್ದೇಶಿಸಿದ `ರಿಂಗ್ ರೋಡ್’ಗೆ ಅವರೆಲ್ಲರೂ ವಿರೋಧವ್ಯಕ್ತಪಡಿಸಿದ್ದಾರೆ. ಯಲ್ಲಾಪುರದ ಆನಗೋಡು, ಬಾಳಗಿಮನೆ, ಶೀಗೇಪಾಲ್, ತಟಗಾರ ಹಾಗೂ ಶಿಸ್ತಮುಡಿ ಗ್ರಾಮಸ್ಥರ ಪರವಾಗಿ ಆರ್ ಎಸ್ ಭಾಗ್ವತ ಶೀಗೇಪಾಲ್, ಕೃಷ್ಣ ಭಟ್ಟ ಬದ್ನೇಪಾಲ್, ಮಂಜುನಾಥ ಭಟ್ಟ ಕೊಂಬೆಪಾಲ್, ಎನ್ ಕೆ ಭಟ್ಟ ಶೀಗೇಪಾಲ್, ಮಂಜುನಾಥ ಗಾಂವ್ಕರ್ ಹರಕನಪಾಲ್, ನಾರಾಯಣ ಭಟ್ಟ ಮೋಳೆಮನೆ ಇತರರು ಅವರು ಶಾಸಕರಲ್ಲಿ ಮನವಿ ಸಲ್ಲಿಸಿದ್ದಾರೆ. `ಯಲ್ಲಾಪುರ ಪಟ್ಟಣಕ್ಕೆ ಸುತ್ತುವರೆದು ರಿಂಗ್ ರೋಡ್ ನಿರ್ಮಿಸಲು ಸರ್ಕಾರ ಆಸಕ್ತವಾಗಿದ್ದು, ಅದರಿಂದ ಯಾವ ಪ್ರಯೋಜನವೂ ಇಲ್ಲ. ಈಗಿರುವ ಹೆದ್ದಾರಿ ಅಭಿವೃದ್ಧಿ ಮಾಡುವುದು ಅಗತ್ಯವಾಗಿದ್ದು, ಯಲ್ಲಾಪುರಕ್ಕೆ ವರ್ತುಲ ರಸ್ತೆ ಅಗತ್ಯವಿಲ್ಲ’ ಎಂದವರು ಪ್ರತಿಪಾದಿಸಿದ್ದಾರೆ. `ಕಾರವಾರ ಹುಬ್ಬಳ್ಲಿ ಮುಖ್ಯ ರಸ್ತೆಯಿಂದ ಉದ್ಯಮ ನಗರ-ನಿಸರ್ಗಮನೆ ಮಾರ್ಗವಾಗಿ ಬಿಸಗೋಡು ರಸ್ತೆಗೆ ಪರ್ಯಾಯ ಮಾರ್ಗವಿದೆ. ಅಲ್ಲಿಂದ ಕಣ್ಣಿಗೇರಿ ಮೂಲಕ ಹುಬ್ಬಳ್ಳಿಗೆ
- [ಶಿರಸಿ | ಬಸ್ ನಿಲ್ದಾಣದಲ್ಲಿ ಬೆಂಕಿ!](https://mobiletime.in/2026/10/sirsi-fire-at-the-bus-station/): ಶಿರಸಿ ನಗರದ ಕೇಂದ್ರ ಬಸ್ ನಿಲ್ದಾಣದ ವಿದ್ಯುತ್ ಪ್ಯಾನಲ್ ಕೊಠಡಿಯಲ್ಲಿ ದಿಢೀರ್ ಬೆಂಕಿ ಕಾಣಿಸಿಕೊಂಡಿದೆ. ಹೊಗೆ ಬರುವುದನ್ನು ನೋಡಿದ ಸಿಬ್ಬಂದಿ ಬೆಂಕಿ ಆರಿಸುವ ಸಾಧನ ಬಳಕೆ ಮಾಡಿದ್ದಾರೆ. ಮಂಗಳವಾರ ರಾತ್ರಿ ಬಸ್ ನಿಲ್ದಾಣದ ವಿದ್ಯುತ್ ಪ್ಯಾನಲ್ ಕೊಠಡಿಯಿಂದ ಏಕಾಏಕಿ ಹೊಗೆ ಹೊರಲು ಶುರುವಾಗಿದೆ. ಇದನ್ನು ಗಮನಿಸಿದ ಸಿಬ್ಬಂದಿ ಕೂಡಲೇ ಎಚ್ಚೆತ್ತುಕೊಂಡು ಬೆಂಕಿ ನಂದಿಸುವ ಸಾಧನವನ್ನು ಒತ್ತಿದ್ದಾರೆ. ಇದರಿಂದ ಪರಿಸ್ಥಿತಿಯನ್ನು ನಿಯಂತ್ರಿಸಲು ಪ್ರಯತ್ನಿಸಲಾಗಿದ್ದು, ಭಾರೀ ಅನಾಹುತ ತಪ್ಪಿದೆ. ಘಟನೆಗೆ ನಿಖರ ಕಾರಣವೇನು? ಎಂದು ಗೊತ್ತಾಗಿಲ್ಲ. ವಿದ್ಯುತ್ ಪ್ಯಾನಲ್‌ನಲ್ಲಿ ತಾಂತ್ರಿಕ ದೋಷ ಉಂಟಾಗಿತ್ತೇ ಎಂಬ ಬಗ್ಗೆ ವಿಚಾರಣೆ ನಡೆಯುತ್ತಿದೆ.
- [ಕಾರವಾರ | ಆಕೆಯ ಸಾವಿಗೆ ಆತನೇ ಕಾರಣ!](https://mobiletime.in/2026/10/karwar-he-is-the-one-responsible-for-her-death/): ಕಾರವಾರದ ಹೊಸಾಳಿ ಗ್ರಾಮದ ದುಮ್ಮನಶಿಟ್ಟಾದಲ್ಲಿ ವಿವಾಹಿತ ಮಹಿಳೆಯೊಬ್ಬರು ನೇಣು ಬಿಗಿದುಕೊಂಡು ಮೃತಪಟ್ಟಿದ್ದು, ಗಂಡನ ಮನೆಯವರ ಕಿರುಕುಳವೇ ಸಾವಿಗೆ ಕಾರಣ ಎಂದು ಮೃತಳ ತಾಯಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ಕುರಿತು ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ. ದುಮ್ಮನಶಿಟ್ಟಾದ ನಿಕ್ಷೀತಾ ಅಲಿಯಾಸ್ ಅಕ್ಷತಾ ನಾಯ್ಕ (34) ಸಾವನಪ್ಪಿದವರು. ನಿಕ್ಷೀತಾ ಅವರ ತಾಯಿ ಮಂಗಲಾ ಮೂಡಂಗಿ ನೀಡಿದ ದೂರಿನ ಆಧಾರದ ಮೇಲೆ ಪತಿ ನಿತೇಶ ನಾಯ್ಕ, ಅತ್ತೆ ರಾಧಾ ಹಾಗೂ ಪತಿಯ ಸಹೋದರ ಸತೀಶ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ನಿಕ್ಷೀತಾ ಅವರು ನಿತೇಶ ನಾಯ್ಕ ಎನ್ನುವವನ್ನು ಮದುವೆ ಆಗಿದ್ದರು. ದಂಪತಿಗೆ 2 ವರ್ಷ 8 ತಿಂಗಳ ಗಂಡು ಮಗುವಿದೆ. ಮದುವೆಯಾದ ಬಳಿಕ ಕಳೆದ ಒಂದು ವರ್ಷದಿಂದ ಪತಿ ಹಾಗೂ ಅವರ ಮನೆಯವರು ಮಗಳಿಗೆ ಮಾನಸಿಕ ಮತ್ತು ದೈಹಿಕ ಕಿರುಕುಳ ನೀಡುತ್ತಿದ್ದರು ಎಂದು ಮಂಗಲಾ ಅವರು ದೂರಿನಲ್ಲಿ ಆರೋಪಿಸಿದ್ದಾರೆ. ಇತ್ತೀಚೆಗೆ ಚಿಕ್ಕ ಪುಟ್ಟ‌ ವಿಷಯಕ್ಕೆ ಮನೆಯವರೊಂದಿಗೆ ಜಗಳವಾಗಿತ್ತು ಎನ್ನಲಾಗಿದೆ. ಈ ಘಟನೆಯ
- [ಯಲ್ಲಾಪುರ | ಅಪಘಾತ: ಗಾಯಾಳು ಜೀವ ಉಳಿಸಿದ ಶಿರಸಿಯ ವೈದ್ಯ!](https://mobiletime.in/2026/10/yellapur-accident-sirsi-doctor-saves-injured-persons-life/): ಯಲ್ಲಾಪುರ-ಶಿರಸಿ ಮಾರ್ಗದ ತೂಕದಬೈಲ್ ಬಳಿ ಬೈಕ್ ಅಪಘಾತವಾಗಿದ್ದು, ಇದನ್ನು ನೋಡಿದ ಶಿರಸಿ ಮಹಾಲಕ್ಷ್ಮೀ ಆಸ್ಪತ್ರೆಯ ವೈದ್ಯ ದಿನೇಶ ಹೆಗಡೆ ಅವರು ಅಲ್ಲಿಯೇ ತುರ್ತು ಚಿಕಿತ್ಸೆ ನೀಡಿದ್ದಾರೆ. ಅಪಘಾತದಲ್ಲಿ ಗಾಯಗೊಂಡು ನರಳಾಡುತ್ತಿದ್ದ ಮಾರುತಿ ಕಲಘಟಗಿ ಅವರಿಗೆ ಆರೈಕೆ ಮಾಡಿ, ಅವರ ಜೀವ ಕಾಪಾಡಿದ್ದಾರೆ. ಮಂಗಳವಾರ ಮಾರುತಿ ಕಲಘಟಗಿ ಅವರು ಯಲ್ಲಾಪುರ-ಶಿರಸಿ ಮಾರ್ಗವಾಗಿ ಸಂಚರಿಸುತ್ತಿದ್ದರು. ಯಲ್ಲಾಪುರದಿಂದ ಹೊರಟ ಅವರು ಮಂಚಿಕೇರಿ ಬಳಿಯ ತೂಕದಬೈಲ್ ಬಳಿ ಬೈಕಿನಿಂದ ಬಿದ್ದರು. ಮಾರುತಿ ಕಲಘಟಕಿ ಅವರ ತಲೆ, ಕೈ ಹಾಗೂ ಮೈಗೆ ಪೆಟ್ಟಾಗಿದ್ದವು. ನೋವಿನಿಂದ ಅವರು ನರಳುತ್ತಿದ್ದರು. ಬೈಕ್ ಸ್ಕಿಡ್ ಆಗಿದನ್ನು ನೋಡಿದ ಯಲ್ಲಾಪುರ ಪಟ್ಟಣ ಪಂಚಾಯತ ಮಾಜಿ ಸದಸ್ಯ ಸತೀಶ ನಾಯ್ಕ ಅವರು 108ಗೆ ಪೋನ್ ಮಾಡಿದರು. ಆದರ, ಅಲ್ಲಿ ಅವರಿಗೆ ಸರಿಯಾದ ಸ್ಪಂದನೆ ಸಿಗಲಿಲ್ಲ. ಒಂದು ಕಡೆ ‘ಆಂಬುಲೆನ್ಸಿಗೆ ಡ್ರೈವರ್ ಇಲ್ಲ’ ಎಂಬ ಉತ್ತರ ಬಂದಿತು.‌ ಇನ್ನೊಂದು ಕಡೆ ‘ಆಂಬುಲೆನ್ಸ ರಿಪೇರಿಗೆ ಹೋಗಿದೆ’ ಎಂದು ಗೊತ್ತಾಯಿತು. ಈ ವೇಳೆ ಶಿರಸಿ ಮಹಾಲಕ್ಷ್ಮೀ ಆಸ್ಪತ್ರೆಯ ಮಕ್ಕಳ ತಜ್ಞ ದಿನೇಶ
- [ಕುಸ್ತಿ ತಂಡಕ್ಕೆ ಶೆಟ್ಟರ ನಾಯಕತ್ವ!](https://mobiletime.in/2026/10/shettar-to-lead-the-wrestling-team/): ಕರ್ನಾಟಕ ರಾಜ್ಯ ಕುಸ್ತಿ ಸಂಘದ ಅಧ್ಯಕ್ಷರಾಗಿ ಬೆಳ್ಳಿಪ್ಪಾಡಿ ಗುಣರಂಜನ್ ಶೆಟ್ಟಿ ಎರಡನೇ ಬಾರಿಗೆ ಆಯ್ಕೆಯಾಗಿದ್ದಾರೆ. ಅವರ ಆಯ್ಕೆಯನ್ನು ಉತ್ತರ‌ ಕನ್ನಡ ಜಿಲ್ಲಾ ಕುಸ್ತಿ ಸಂಘ ಸ್ವಾಗತಿಸಿದೆ. ಗುಣರಂಜನ್ ಶೆಟ್ಟಿ ಅವರ‌ ತಂಡದಲ್ಲಿ ಹಿರಿಯ ಉಪಾಧ್ಯಕ್ಷರಾಗಿ ನಿತ್ಯಾನಂದ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿಯಾಗಿ ಶ್ರೀನಿವಾಸ್ ಜೆ ಹಾಗೂ ಖಜಾಂಚಿಯಾಗಿ ಶ್ರೀನಿವಾಸ ಅಂಗಾರಕೋಡಿ ಅವರು ಆಯ್ಕೆಯಾಗಿದ್ದಾರೆ. 2030ರವರೆಗೆ ಅವರ ಅಧಿಕಾರ ಅವಧಿಯಿರಲಿದೆ. ‘ಭಾರತೀಯ ಕುಸ್ತಿ ಸಂಘದ ಜಂಟಿ ಕಾರ್ಯದರ್ಶಿ ಹಾಗೂ ರಾಷ್ಟ್ರೀಯ ಬೀಚ್ ಕುಸ್ತಿ ಸಂಘದ ಅಧ್ಯಕ್ಷರು ಆಗಿರುವ ಗುಣರಂಜನ್ ಶೆಟ್ಟಿ ಅವರ ಅಧಿಕಾರದ ಅವಧಿಯಲ್ಲಿ ರಾಜ್ಯದಲ್ಲಿ ಕುಸ್ತಿ ಕ್ರೀಡೆಯನ್ನು ಇನ್ನಷ್ಟು ಸಂಘಟಿತವಾಗಿ ಬೆಳೆಯಲಿ. ಗ್ರಾಮೀಣ ಮತ್ತು ಜಿಲ್ಲಾ ಮಟ್ಟದ ಪ್ರತಿಭಾನ್ವಿತ ಕ್ರೀಡಾಪಟುಗಳನ್ನು ಗುರುತಿಸಿ ಹೆಚ್ಚಿನ ತರಬೇತಿ ಮತ್ತು ಸ್ಪರ್ಧೆಯ ಅವಕಾಶ ದೊರೆಯುವಂತಾಗಲಿ’ ಎಂದು ಉತ್ತರ ಕನ್ನಡ ಜಿಲ್ಲಾ ಕುಸ್ತಿ ಸಂಘದ ನಗರ ಘಟಕದ ಜಿಲ್ಲಾಧ್ಯಕ್ಷ ದಿಲೀಪ್ ಜಿ ಅರ್ಗೇಕರ್, ಪ್ರಧಾನ ಕಾರ್ಯದರ್ಶಿ ರೋಷನ್ ಹರಿಕಂತ್ರ, ಜಿಲ್ಲಾ ಕುಸ್ತಿ ಸಂಘದ ಗ್ರಾಮೀಣ ಘಟಕದ ಜಿಲ್ಲಾಧ್ಯಕ್ಷರಾದ ಸುಭಾಸ್ ಗುನಗಿ,
- [ಬಾಳೇಗುಳಿ–ಮಾಸ್ತಿಕಟ್ಟೆ: ಕಳಪೆ ಹೆದ್ದಾರಿ ವಿರುದ್ಧ ಪ್ರತಿಭಟನೆ](https://mobiletime.in/2026/10/baleguli-mastikatte-protest-against-substandard-highway/): ಕಾರವಾರ ರಾಷ್ಟ್ರೀಯ ಹೆದ್ದಾರಿ-52 ರ ಬಾಳೆಗುಳಿಯಿಂದ ಮಾಸ್ತಿಕಟ್ಟೆವರೆಗಿನ ರಸ್ತೆ ಹದಗೆಟ್ಟು ವಾಹನ ಸವಾರರು ತೀವ್ರ ತೊಂದರೆ ಅನುಭವಿಸುತ್ತಿರುವುದನ್ನು ಖಂಡಿಸಿ, ಅಕ್ಟೋಬರ್ 25ರಂದು ಬಾಳೇಗುಳಿ ಸಮೀಪ ವಿನೂತನ ಮಾದರಿಯಲ್ಲಿ ಪ್ರತಿಭಟನೆ ನಡೆಸಲು ಉತ್ತರ ಕನ್ನಡ ಜಿಲ್ಲಾ ಲಾರಿ ಮಾಲೀಕರ ಸಂಘ ಹಾಗೂ ಜನಶಕ್ತಿ ವೇದಿಕೆ ನಿರ್ಧರಿಸಿವೆ. ಈ ಕುರಿತು ಸಂಘಟನೆಗಳ ಪದಾಧಿಕಾರಿಗಳು ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಅವರಿಗೆ ಲಿಖಿತವಾಗಿ ಮಾಹಿತಿ ನೀಡಿದ್ದಾರೆ. ‘ಇತ್ತೀಚೆಗೆ ರಸ್ತೆ ಕಾಮಗಾರಿ ಪೂರ್ಣಗೊಂಡಿದ್ದರೂ ಕೆಲವೇ ತಿಂಗಳುಗಳಲ್ಲಿ ರಸ್ತೆಯಲ್ಲಿ ದೊಡ್ಡ ದೊಡ್ಡ ಹೊಂಡಗಳು ನಿರ್ಮಾಣವಾಗಿರುವುದು ಕಾಮಗಾರಿಯ ಗುಣಮಟ್ಟದ ಬಗ್ಗೆ ಅನುಮಾನ ಮೂಡಿಸಿದೆ. ಹದಗೆಟ್ಟ ರಸ್ತೆಯಿಂದ ಲಾರಿ, ಬಸ್ ಸೇರಿದಂತೆ ಎಲ್ಲ ವಾಹನಗಳ ಸಂಚಾರಕ್ಕೆ ತೊಂದರೆಯಾಗುತ್ತಿದ್ದು ಅಪಘಾತದ ಭೀತಿಯೂ ಹೆಚ್ಚಾಗಿದೆ. ವಾಹನಗಳ ದುರಸ್ತಿ ವೆಚ್ಚ ಮತ್ತು ಸರಕು ಸಾಗಣೆಯ ವಿಳಂಬದಿಂದ ಲಾರಿ ಮಾಲೀಕರು ಹಾಗೂ ಚಾಲಕರು ಆರ್ಥಿಕ ನಷ್ಟ ಅನುಭವಿಸುತ್ತಿದ್ದಾರೆ’ ಎಂದು ಸಂಘಟನೆಗಳ ಪದಾಧಿಕಾರಿಗಳು ತಿಳಿಸಿದ್ದಾರೆ. ‘ಕಳಪೆ ಕಾಮಗಾರಿಯ ಕುರಿತು ತಾಂತ್ರಿಕ ತನಿಖೆ ನಡೆಸಬೇಕು, ತಪ್ಪಿತಸ್ಥ ಗುತ್ತಿಗೆದಾರರು ಹಾಗೂ ಹೊಣೆಗಾರ ಅಧಿಕಾರಿಗಳ
- [ಪಂಚಾಯ್ತಿ ರಾಜಕೀಯ: ಲೆಕ್ಕಾಚಾರ ಶುರು!](https://mobiletime.in/2026/10/panchayat-politics-calculations-begin/): ಜಿಲ್ಲಾ ಪಂಚಾಯತ ಹಾಗೂ ತಾಲೂಕು ಪಂಚಾಯತ ಚುನಾವಣೆಗೆ ಮೀಸಲಾತಿ ಪ್ರಕಟವಾಗಿದ್ದು, ಬಿಜೆಪಿ, ಕಾಂಗ್ರೆಸ್ ಮತ್ತು ಜೆಡಿಎಸ್ ಮೂರೂ ಪಕ್ಷಗಳಲ್ಲಿ ಚುನಾವಣಾ ಸಿದ್ದತೆ ಜೋರಾಗಿದೆ. ಈ ಮೂರು ಕಡೆ ಆಕಾಂಕ್ಷಿಗಳಿoದ ಟಿಕೆಟ್ ಪೈಪೋಟಿ ಶುರುವಾಗಿದೆ. ಸ್ಥಳೀಯ ಸಂಸ್ಥೆಗಳ ಚುನಾವಣೆಗೆ ವಿವಿಧ ಪಕ್ಷಗಳು ಆಸಕ್ತಿವಹಿಸಿದ್ದು, ಗೆಲ್ಲುವ ಅಭ್ಯರ್ಥಿಗೆ ಟಿಕೆಟ್ ನೀಡಲು ಹುಡುಕಾಟ ನಡೆಸಿವೆ. ಜಿಲ್ಲಾ ಪಂಚಾಯತ ಹಾಗೂ ತಾಲೂಕು ಪಂಚಾಯತ ಚುನಾವಣೆಗಾಗಿ ಅನೇಕ ಆಕಾಂಕ್ಷಿಗಳು ಕಾದಿದ್ದರು. ಯಾವ ಕ್ಷೇತ್ರದಿಂದ ಸ್ಪರ್ಧಿಸಬೇಕು? ಯಾರ ವಿರುದ್ಧ ಸ್ಪರ್ಧಿಸಬೇಕು? ಎನ್ನುವ ಲೆಕ್ಕಾಚಾರ ಹಾಕುತ್ತಿದ್ದರು. ಯಾವ ಕ್ಷೇತ್ರಕ್ಕೆ ಮೀಸಲಾತಿ ಬಂದರೆ ಯಾರಿಗೆ ಅನುಕೂಲ? ಯಾರಿಗೆ ನಷ್ಟ? ಎನ್ನುವುದರ ಬಗ್ಗೆಯೂ ಚರ್ಚೆ ನಡೆಸಿದ್ದರು. ಹಲವು ದಿನಗಳಿಂದ ರಾಜಕೀಯ ಚುನಾವಣೆಯ ನಿರೀಕ್ಷೆಯಲ್ಲಿದ್ದ ಆಕಾಂಕ್ಷಿಗಳಿಗೆ ಇದೀಗ ಮೀಸಲಾತಿ ಪಟ್ಟಿ ಬಿಡುಗಡೆಯಾಗಿರುವುದು ಒಂದು ಹಂತದ ದಿಕ್ಸೂಚಿ ಸ್ಪಷ್ಟವಾಗಿದೆ. ಆ ಅಭ್ಯರ್ಥಿಗಳು ಇದೀಗ ತಮ್ಮ ಭವಿಷ್ಯದ ಲೆಕ್ಕಾಚಾರದಲ್ಲಿ ತೊಡಗಿದ್ದಾರೆ. ಯಾರ ಮೇಲೆ ಪ್ರಭಾವ ಬೀರಿ ಟಿಕೆಟ್ ಪಡೆಯಬೇಕು? ಎನ್ನುವ ಚಿಂತನೆಯಲ್ಲಿ ಅಭ್ಯರ್ಥಿಗಳಿದ್ದಾರೆ. ಜಿಲ್ಲಾ ಪಂಚಾಯಿತಿ ಹಾಗೂ ತಾಲೂಕು ಪಂಚಾಯಿತಿ
- [ನೆಲದ ಮೇಲೆಯೂ ಓಡುವ ದೋಣಿ!](https://mobiletime.in/2026/10/a-boat-that-runs-on-land-too/): ನೀರು ಹಾಗೂ ನೆಲದ ಮೇಲೆ ಸಮಾನ ವೇಗದಲ್ಲಿ ಓಡುವ ಅಪರೂಪದ ದೋಣಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಂಚಾರ ನಡೆಸಿದೆ. ಕಾರವಾರ ಕಡಲ ತೀರಕ್ಕೆ ಆಗಮಸಿದ್ದ ಹಾವರ್ ಕ್ರಾಫ್ಟ್ ನೋಡಿ ಜನ ಅಚ್ಚರಿಗೆ ಒಳಗಾಗಿದ್ದಾರೆ. ಭಾರತೀಯ ತಟರಕ್ಷದ ದಳ ಹಾವರ್ ಕ್ರಾಪ್ಟ್ ಬಳಕೆ ಮಾಡುತ್ತದೆ. ಆಗಾಗ, ಕಾರವಾರ ಹಾಗೂ ಸುತ್ತಲಿನ ಸಮುದ್ರದಲ್ಲಿ ಇದನ್ನು ಓಡಿಸುತ್ತದೆ. ಸದ್ಯ ಕಾರವಾರದ ಕಡಲತೀರಕ್ಕೆ ಹಾವರ್ ಕ್ರಾಪ್ಟ್ ಆಗಮಿಸಿದ್ದು, ನೆಲದ ಮೇಲೆಯೂ ಓಡುವ ದೋಣಿಯನ್ನು ಜನ ಕಣ್ತುಂಬಿಕೊoಡಿದ್ದಾರೆ. ನೀರಿನ ಮೇಲೆ ಹಾಗೂ ನೆಲದ ಮೇಲೂ ಸಂಚರಿಸಬಲ್ಲ ಅಪರೂಪದ ಹಾವರ್ ಕ್ರಾಫ್ಟ್ ಬಗ್ಗೆ ಜನ ತಮ್ಮದೇ ರೀತಿಯಲ್ಲಿ ಚರ್ಚಿಸಿದ್ದಾರೆ. ಗೋವಾದಲ್ಲಿ ನೆಲೆ ನಿಂತಿರುವ ಭಾರತೀಯ ಕೋಸ್ಟ್ ಗಾರ್ಡನ ಎರಡು ಹಾವರ್ ಕ್ರಾಪ್ಟ್ ಗುರುವಾರವೇ ಕಾರವಾರದ ವ್ಯಾಪ್ತಿಗೆ ಬಂದಿದೆ. ಮುರುಡೇಶ್ವರದ ಕಡೆ ಸಂಚರಿಸುವ ಈ ದೋಣಿ ಕಾರವಾರದಲ್ಲಿ ವಿಶ್ರಾಂತಿಪಡೆದಿದೆ. ನಂತರ ಅದು ತನ್ನ ಪ್ರಯಾಣವನ್ನು ಮುಂದುವರೆಸಿದೆ. ಹಾವರ್ ಕ್ರಾಫ್ಟ್ ಎಂಬುದು ನೀರು ಹಾಗೂ ನೆಲ ಎರಡರಲ್ಲೂ ಓಡಾಡುವ ಕೋಸ್ಟ್ಗಾರ್ಡ್ನ ವಿಶಿಷ್ಟ ಗಸ್ತು ಹಾಗೂ
- [ಯಲ್ಲಾಪುರ | ಪಿಯುಸಿ ವಿದ್ಯಾರ್ಥಿ ನೇಣಿಗೆ ಶರಣು: ಸಾವಿನಲ್ಲಿ ಅನುಮಾನ!](https://mobiletime.in/2026/10/yellapur-puc-student-hangs-self-foul-play-suspected/): ಶಿರಸಿಯಲ್ಲಿ ಕಾಲೇಜಿಗೆ ಹೋಗುತ್ತಿದ್ದ ಯಲ್ಲಾಪುರ ಭರಣಿಯ ಆದಿತ್ಯ ನಾಯ್ಕ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಸಂಬoಧಿಕರ ಮನೆಯಲ್ಲಿ ಅವರು ನೇಣಿಗೆ ಶರಣಾಗಿದ್ದು, ಅವರ ಸಾವಿನ ಬಗ್ಗೆ ಸಂಶಯ ಶುರುವಾಗಿದೆ. ಯಲ್ಲಾಪುರದ ಭರಣಿಯಲ್ಲಿ ಆದಿತ್ಯ ಸುಮಂತ ನಾಯ್ಕ ಅವರು ವಾಸವಾಗಿದ್ದರು. 17 ವರ್ಷದ ಅವರು ಶಿರಸಿ ಗೌಡಳ್ಳಿಯ ಚಂದನ ಪಿಯು ಕಾಲೇಜಿನಲ್ಲಿ ಓದುತ್ತಿದ್ದರು. ದ್ವಿತೀಯ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದ ಸುಮಂತ ನಾಯ್ಕ ಅವರಿಗೆ ನಿತ್ಯದ ಓಡಾಟ ಕಷ್ಟವಾಗಿತ್ತು. ಹೀಗಾಗಿ ಅವರು ಚಿಪಗಿಯಲ್ಲಿರುವ ಸಂಬoಧಿಕರ ಮನೆಯಲ್ಲಿ ಉಳಿದು ಕಾಲೇಜು ವ್ಯಾಸಂಗ ನಡೆಸಿದ್ದರು. ಅಕ್ಟೊಬರ್ 11ರಂದು ಬೆಳಗ್ಗೆ 11 ಗಂಟೆಯವರೆಗೂ ಆದಿತ್ಯ ನಾಯ್ಕ ಅವರು ಸಹಜವಾಗಿಯೇ ಇದ್ದರು. ಸಂಜೆ ವೇಳೆ ಅವರು ನೇಣಿಗೆ ಶರಣಾಗಿರುವುದು ಗಮನಕ್ಕೆ ಬಂದಿತು. ಅವರ ಈ ದುಡುಕು ನಿರ್ಧಾರಕ್ಕೆ ಕಾರಣ ಏನು? ಎಂದು ಗೊತ್ತಾಗಲಿಲ್ಲ. ಹೀಗಾಗಿ ಸಾವಿನಲ್ಲಿ ಸಂಶಯವಿರುವುದಾಗಿ ಸುಮಂತ ನಾಯ್ಕ ಅವರು ಪೊಲೀಸರಲ್ಲಿ ದೂರಿದರು.
- [ಮುಂಡಗೋಡು | ಕೋಲ್ಡ್ ಡ್ರಿಂಕ್ಸ್ ಬಾಟಲಿಯಲ್ಲಿ ಕಳೆನಾಶಕ: ಕೃಷಿಕ ಸಾವು!](https://mobiletime.in/2026/10/mundagodu-weed-killer-in-cold-drinks-bottle-farmer-death/): ಕೋಲ್ಡ್ ಡ್ರಿಂಕ್ಸ್ ಬಾಟಲಿಯಲ್ಲಿದ್ದ ಕಳೆನಾಶಕ ಸೇವಿಸಿದ ಕೃಷಿಕರೊಬ್ಬರು ಸಾವನಪ್ಪಿದ್ದಾರೆ. ಕಳೆನಾಶಕ ಸೇವನೆ ನಂತರ ಅಸ್ವಸ್ಥಗೊಂಡ ಅವರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಿಲ್ಲ. ಮುಂಡಗೋಡಿನ ಕಿಲ್ಲೆ ಓಣಿಯಲ್ಲಿ ಮೌಲಾಲಿ ಗೌಸಮಿಯಾ ಬನ್ನುರು ಅವರು ವಾಸವಾಗಿದ್ದರು. ಕೃಷಿ ಹಾಗೂ ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಈಚೆಗೆ ಅವರು ಮನೆ ಹಿತ್ತಲಿನ ಕಸ ತೆಗೆಯಲು ಕಳೆನಾಶಕ ತಂದಿದ್ದರು. ಅಲ್ಪ ಪ್ರಮಾಣದ ಕಳೆನಾಶಕ ಬಳಸಿದ ಅವರು ನಂತರ ಅದನ್ನು ಕೋಲ್ಡ್ ಡ್ರಿಂಕ್ಸ್ ಬಾಟಲಿಯಲ್ಲಿ ಕಳೆನಾಶಕ ಹಾಕಿಟ್ಟಿದ್ದರು. ಅದಾದ ನಂತರ ಮತ್ತೊಮ್ಮೆ ಹಿತ್ತಲಿನ ಕಳೆ ತೆಗೆಯುವ ಪ್ರಯತ್ನ ಮಾಡಿದ್ದು, ಕೆಲಸ ಮಾಡುವಾಗ ಆಯಾಸಗೊಂಡರು. ಆಗ, ಅಲ್ಲಿದ್ದ ಕೋಲ್ಡ್ ಡ್ರಿಂಕ್ಸ್ ಬಾಟಲಿ ಅವರ ಕಣ್ಣಿಗೆ ಬಿದ್ದಿತು. ಅದರಲ್ಲಿ ಕಳೆನಾಶಕವಿರುವುದನ್ನು ಮರೆತು ಅದನ್ನು ಸೇವಿಸಿದರು. ಕಳೆನಾಶಕ ಸೇವಿಸಿದ ಪರಿಣಾಮ ಅವರು ಅಸ್ವಸ್ಥರಾಗಿದ್ದು, ಇದನ್ನು ನೋಡಿದವರು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಿದರು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಅವರು ಸಾವನಪ್ಪಿದರು.
- [ಶಿರಸಿ | ಸರ್ವಧರ್ಮ ಪೂಜೆ ನೆರವೇರಿಸಿದ ಅತಿಕ್ರಮಣದಾರ](https://mobiletime.in/2026/10/sirsi-encroacher-performs-interfaith-prayer/): ಶಿರಸಿಯ ಅರ್ಚಕ ವೆಂಕಟ್ರಮಣ ಭಟ್ಟ ಹಾಗೂ ಮಂಜುನಾಥ ಭಟ್ಟ ಅವರ ಜೊತೆ ಮುಸ್ಲೀಂ ಹಾಗೂ ಕ್ರಿಸ್ತ ಧರ್ಮಗುರುಗಳು ಸೇರಿ ಈ ದಿನ ಸರ್ವಧರ್ಮ ಪೂಜೆ ಮಾಡಿದ್ದಾರೆ. ಮುಸ್ಲೀಂ ಧರ್ಮಗುರು ಎ ರೆಹಮಾನ್ ಗೌಡಳ್ಳಿ, ಅಬ್ದುಲ್ ರೆಹಮಾನ್ ಹುಬ್ಬಳ್ಳಿ ನವಾಜ್ ಗರೀಬ್ ಕಾತೂರ್ ಹಾಗೂ ಕ್ರಿಸ್ತ ಗುರು ಕೆಜೆ ಕುರಿಯಾ ಕೊಸ್, ಅಲವೀಸ್ ಫರ್ನಾಂಡಿಸ್, ಕಾರ್ಲೂಸ್ ಫರ್ನಾಂಡಿಸ್ ಅವರು ತಮ್ಮ ತಮ್ಮ ಧರ್ಮದ ಅನುಸಾರ ಪ್ರಾರ್ಥನೆ ನೆರವೇರಿಸಿದ್ದಾರೆ. ಶಿರಸಿಯ ಅರಣ್ಯವಾಸಿ ಹೋರಾಟಗಾರರ ಕಚೇರಿಯಲ್ಲಿ ಹಿಂದೂ, ಮುಸ್ಲಿಂ ಹಾಗೂ ಕ್ರೆöÊಸ್ತರ ಸಭೆ ನಡೆದಿದೆ. ಜೊತೆಗೆ ಆಯಾ ಧರ್ಮದ ಅನುಸಾರ ವಿಶೇಷ ಪೂಜೆಯನ್ನು ಮಾಡಲಾಗಿದೆ. ವೈದಿಕ ವೆಂಕಟ್ರಮಣ ಭಟ್ಟ ಹಾಗೂ ಮಂಜುನಾಥ ಭಟ್ಟ ಅವರು ಗಣಹೋಮ ನೆರವೇರಿಸಿದ್ದು, ಅದೇ ಅವಧಿಯಲ್ಲಿ ಮುಸ್ಲೀಂ ಧರ್ಮಗುರು ಎ ರೆಹಮಾನ್ ಗೌಡಳ್ಳಿ, ಅಬ್ದುಲ್ ರೆಹಮಾನ್ ಹುಬ್ಬಳ್ಳಿ ನವಾಜ್ ಗರೀಬ್ ಕಾತೂರ್ ಹಾಗೂ ಕ್ರೆöÊಸ್ತ ಗುರು ಕೆಜೆ ಕುರಿಯಾ ಕೊಸ್, ಅಲವೀಸ್ ಫರ್ನಾಂಡಿಸ್, ಕಾರ್ಲೂಸ್ ಫರ್ನಾಂಡಿಸ್ ಅವರು ವಿಶೇಷ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಕಳೆದ
- [ಕುಮಟಾ | ಮಾಸ್ಕ್ ಮ್ಯಾನ್'ನ ಮುಖವಾಡ ಬಯಲು!](https://mobiletime.in/2026/10/kumta-mask-mans-mask-unmasked/): ಧರ್ಮಸ್ಥಳ ಸಂಘದಲ್ಲಿ ಸೇವೆ ಮಾಡುವ ಮಿರ್ಜಾನಿನ ರೇಖಾ ಅಂಬಿಗ ಅವರ ಮನೆಗೆ ನುಗ್ಗಿದ್ದ ಮಾಸ್ಕ್ ಮ್ಯಾನ್’ನ ಮುಖವಾಡ ಬಯಲಾಗಿದೆ. ಒಂಟಿ ಮಹಿಳೆಯ ಮನೆಗೆ ನುಗ್ಗಿ ರಂಪಾಟ ಮಾಡಿದ್ದ ಅದೇ ಊರಿನ ಶ್ರೀಧರ ಅಂಬಿಗ ಅವರು ಜೈಲು ಸೇರಿದ್ದಾರೆ. ಕುಮಟಾ ಮಿರ್ಜಾನಿನ ತಾರಿಬಾಗಿಲುವಿನಲ್ಲಿ ರೇಖಾ ದುರ್ಗು ಅಂಬಿಗ ಅವರು ವಾಸವಾಗಿದ್ದಾರೆ. ಧರ್ಮಸ್ಥಳ ಸಂಘದಲ್ಲಿ ಸೇವಾದಾರರಾಗಿ ಅವರು ಜೀವನ ನಡೆಸುತ್ತಿದ್ದಾರೆ. ಅದೇ ಊರಿನ ಶ್ರೀಧರ ನಾರಾಯಣ ಅಂಬಿಗ ಅವರು ಬೇಕರಿಯಲ್ಲಿ ಕೆಲಸ ಮಾಡಿಕೊಂಡಿದ್ದು, ರಾತ್ರಿ ವೇಳೆ ಮಹಿಳೆಯರ ಮನೆಗೆ ನುಗ್ಗುವ ಚಾಳಿಹೊಂದಿದ್ದಾರೆ. ಕಳ್ಳತನ ಮಾಡುವ ಉದ್ದೇಶದಿಂದ ಮನೆಗೆ ನುಗ್ಗುವ ಶ್ರೀಧರ ಅಂಬಿಗ ಅವರು ಮನೆಯಲ್ಲಿದ್ದ ವಸ್ತುಗಳನ್ನೆಲ್ಲ ಚಲ್ಲಾಪಿಲ್ಲಿ ಮಾಡಿ ಪರಾರಿಯಾಗುತ್ತಿದ್ದಾರೆ. ಸೆಪ್ಟೆಂಬರ್ 25ರ ರಾತ್ರಿ 12.30ರ ನಂತರ ರೇಖಾ ಅಂಬಿಗ ಅವರ ಮನೆಗೆ ಶ್ರೀಧರ ಅಂಬಿಗ ಅವರು ನುಗ್ಗಿದ್ದಾರೆ. ಕಪೌಂಡ್ ಹಾರಿ ಒಳಗೆ ಬಂದ ಶ್ರೀಧರ ಅಂಬಿಗ ಅವರು ಮುಖ್ಯ ಬಾಗಿಲಿನ ಮೂಲಕವೇ ಮನೆ ಪ್ರವೇಶಿಸಿದ್ದಾರೆ. 1.15ರವರೆಗೂ ಅಲ್ಲಿ ಸುತ್ತಾಟ ನಡೆಸಿದ ಅವರು ಮನೆಯಲ್ಲಿದ್ದ ಸಾಮಗ್ರಿಗಳನ್ನೆಲ್ಲ
- [ಕಾರವಾರ | ಸದ್ದು ಬದಲಿಸಿದ ಬುಲೆಟ್ ಬೈಕು!](https://mobiletime.in/2026/10/karwar-bullet-bike-changes-its-exhaust-note/): ಬೈಕಿನ ಸದ್ದು ಬದಲಿಸಿ ಸಾರ್ವಜನಿಕರಿಗೆ ಕಿರಿ ಕಿರಿ ಮಾಡುತ್ತಿದ್ದವರಿಗೆ ಸಂಚಾರಿ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ. ಕಾರವಾರದಲ್ಲಿದ್ದ 31 ಬೈಕುಗಳನ್ನು ಪೊಲೀಸರು ವಶಕ್ಕೆಪಡೆದು ಪರಿಶೀಲನೆ ಮಾಡಿದ್ದಾರೆ. ಬೈಕುಗಳಿಗೆ ಹೆಚ್ಚುವರಿಯಾಗಿ ಅಳವಡಿಸಿದ್ದ ಸೈಲನ್ಸರ್’ನ್ನು ತೆಗೆಸಿದ್ದಾರೆ. ಕಾರವಾರದಲ್ಲಿ ಅನೇಕರು ಕಂಪನಿ ನೀಡಿದ ಬೈಕುಗಳಿಗೆ ಬೇರೆ ಬೇರೆ ಸೈಲನ್ಸರ್ ಅಳವಡಿಸಿ ಓಡಾಡುತ್ತಿದ್ದರು. ಆ ಬೈಕುಗಳು ದೊಡ್ಡ ಪ್ರಮಾಣದ ಶಬ್ದಹೊಂದಿದ್ದು, ಇದರಿಂದ ಜನ ತೊಂದರೆ ಅನುಭವಿಸುತ್ತಿದ್ದರು. ಈ ಹಿನ್ನಲೆ ವಿಶೇಷ ಕಾರ್ಯಾಚರಣೆ ನಡೆಸಿದ ಪೊಲೀಸರು ಸಂಚಾರ ನಿಯಮ ಉಲ್ಲಂಘಿಸಿದ 31 ಬೈಕುಗಳನ್ನು ಹಿಡಿದರು. ದೋಷಪೂರಿತ ಸೈಲೆನ್ಸರ್ ಅಳವಡಿಸಿದ್ದವರನ್ನು ಠಾಣೆಗೆ ಕರೆಯಿಸಿ ಕಾನೂನು ಪಾಠ ಮಾಡಿದರು. ಅದಾದ ನಂತರ ಆ ಸೈಲೆನ್ಸರ್’ಗಳನ್ನು ತೆಗೆಸಿದರು. ಇದರೊಂದಿಗೆ ಸಂಚಾರಿ ನಿಯಮ ಉಲ್ಲಂಘನೆ ಮಾಡುವವರ ವಿರುದ್ಧವೂ ಪೊಲೀಸರು ಕಾನೂನು ಕ್ರಮ ಜರುಗಿಸಿದರು. ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದವರ ವಿರುದ್ಧ ಕೇಸು ದಾಖಲಿಸಿ ಎಚ್ಚರಿಕೆ ನೀಡಿದರು. ವಾಹನಗಳ ಮೂಲ ವಿನ್ಯಾಸಕ್ಕೆ ವಿರುದ್ಧವಾಗಿ ಸೈಲೆನ್ಸರ್‌ಗಳನ್ನು ಮಾರ್ಪಡಿಸುವುದು ಹಾಗೂ ನಿಗದಿತ ಶಬ್ದಮಟ್ಟದ ನಿಯಮಗಳನ್ನು ಉಲ್ಲಂಘಿಸಿ ವಾಹನಗಳನ್ನು ಚಲಾಯಿಸುವುದರಿಂದ ಆಗುವ ಅಪಾಯಗಳ
- [ಬನವಾಸಿ | ಸ್ಕೂಟರ್'ಗೆ ಗುದ್ದಿದ ಬೈಕು: ಅಪ್ಪನ ಸಾವು-ಮಗನಿಗೆ ನೋವು!](https://mobiletime.in/2026/10/banavasi-bike-rams-into-scooter-father-dies-son-injured/): ಶಿರಸಿ-ಹಾವೇರಿ ಮುಖ್ಯ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಸ್ಕೂಟರ್’ಗೆ ಬೈಕ್ ಡಿಕ್ಕಿ ಹೊಡೆದಿದೆ. ಪರಿಣಾಮ ಸ್ಕೂಟರ್ ಹಿಂದೆ ಕುಳಿತಿದ್ದ ಗಣೇಶ ಮೂಳೆ ಅವರು ಸಾವನಪ್ಪಿದ್ದಾರೆ. ಈ ಅಪಘಾತದಲ್ಲಿ ಗಣೇಶ ಮೂಳೆ ಅವರ ಮಗ ವಿಜಯ ಮೂಳೆ ಅವರಿಗೂ ಪೆಟ್ಟಾಗಿದೆ. ಹಾವೇರಿ ಜಿಲ್ಲೆಯ ಹಾನಗಲ್ನ ವಿಜಯ್ ಗಣೇಶ ಮೂಳೆ (34) ಅವರು ತಮ್ಮ ತಂದೆ ಗಣೇಶ ಮೂಳೆ ಅವರೊಂದಿಗೆ ಸ್ಕೂಟರಿನಲ್ಲಿ ಹೊರಟಿದ್ದರು. ಆ ಸ್ಕೂಟರ್ ದಾಸನಕೊಪ್ಪದ ಕಡೆ ಹೊರಟಿತ್ತು. ವಿಜಯ್ ಮೂಳೆ ಅವರು ಸ್ಕೂಟರ್ ಚಲಾಯಿಸುತ್ತಿದ್ದು, ಅವರ ತಂದೆ ಗಣೇಶ ಮೂಳೆ ಅವರು ಹಿಂಬದಿಯಲ್ಲಿ ಕುಳಿತಿದ್ದರು. ಕಾಳಂಗಿ ಎಚ್ಪಿ ಗ್ಯಾಸ್ ಕ್ರಾಸ್ಸಿನಿಂದ ಸುಮಾರು 500 ಮೀಟರ್ ಹಿಂದೆ ಅವರ ಸ್ಕೂಟರಿಗೆ ಬೈಕು ಗುದ್ದಿತು. ಅದೇ ಮಾರ್ಗದಲ್ಲಿ ಹಾನಗಲ್ ಕಡೆಯಿಂದ ದಾಸನಕೊಪ್ಪದ ಕಡೆಗೆ ಬರುತ್ತಿದ್ದ ಬೈಕ್ ಡಿಕ್ಕಿ ಹೊಡೆಯಿತು. ಆ ಬೈಕನ್ನು ಬನವಾಸಿಯ ಅಂಡಗಿಯ ಇಮಾಮ ಕಾಶೀಂ ಬಾಷಾಸಾಬ ಹಸ್ನಾಬಾದಿ ಅವರು ಓಡಿಸುತ್ತಿದ್ದರು. ಡಿಕ್ಕಿಯ ರಭಸಕ್ಕೆ ಸ್ಕೂಟರ್ನ ಹಿಂಬದಿಯಲ್ಲಿ ಕುಳಿತಿದ್ದ ಗಣೇಶ ಅವರು ರಸ್ತೆಗೆ ಬಿದ್ದಿದ್ದು, ಅವರ ತಲೆಯ
- [ಭಟ್ಕಳ | ಅಜ್ಜಿಗೆ ಚುಚ್ಚಿದ ಕರಿನಾಗ!](https://mobiletime.in/2026/10/bhatkal-black-cobra-bites-elderly-woman/): ಶಿರಾಲಿಯ ನಾಗಮ್ಮ ನಾಯ್ಕ ಅವರಿಗೆ ನಾಗರ ಹಾವು ಕಚ್ಚಿದೆ. ಕುಂದಾಪುರದ ಶ್ರೀ ಸಾಯಿ ಆಸ್ಪತ್ರೆಗೆ ಕರೆದೊಯ್ದರೂ ಅವರನ್ನು ಬದುಕಿಸಲು ಸಾಧ್ಯವಾಗಿಲ್ಲ. ಭಟ್ಕಳದ ಶಿರಾಲಿ ಮಣ್ಣಹೊಂಡದಲ್ಲಿ ನಾಗಮ್ಮ ದುರ್ಗಪ್ಪ ನಾಯ್ಕ ಅವರು ವಾಸವಾಗಿದ್ದರು. 75 ವರ್ಷದ ಅವರು ಗಟ್ಟಿಮುಟ್ಟಾಗಿದ್ದು, ನಿತ್ಯವೂ ತೋಟದ ಕೆಲಸ ಮಾಡುತ್ತಿದ್ದರು. ಅಕ್ಟೊಬರ್ 10ರಂದು ಸಹ ಅವರು ತಮ್ಮ ಮನೆ ಮುಂದಿನ ತೋಟಕ್ಕೆ ಹೋಗಿದ್ದರು. ತೆಂಗಿನ ಮರದ ಬುಡದಲ್ಲಿ ಅವರು ಸ್ವಚ್ಛ ಮಾಡುತ್ತಿರುವಾಗ ಅಲ್ಲಿಯೇ ಕಾದಿದ್ದ ವಿಷಜಂತು ಕಚ್ಚಿತು. ಹಾವು ಕಚ್ಚಿದ ಪರಿಣಾಮ ನಾಗಮ್ಮ ನಾಯ್ಕ ಅವರು ಅಲ್ಲಿಯೇ ಕುಸಿದು ಬಿದ್ದರು. ಇದನ್ನು ನೋಡಿದ ಕುಟುಂಬದವರು ಅವರನ್ನು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದರು. ತೀವೃ ಅಸ್ವಸ್ಥಗೊಂಡ ನಾಗಮ್ಮ ನಾಯ್ಕ ಅವರನ್ನು ಕುಂದಾಪುರಕ್ಕೆ ಕರೆದೊಯ್ಯಲಾಯಿತು. ಅಲ್ಲಿನ ಶ್ರೀ ಸಾಯಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆಯನ್ನೂ ಕೊಡಿಸಲಾಯಿತು. ಆದರೆ, ನಾಗಮ್ಮ ನಾಯ್ಕ ಅವರು ಬದುಕಲಿಲ್ಲ. ಹೊಟೇಲ್ ಕೆಲಸ ಮಾಡುವ ಮಂಜುನಾಥ ದುರ್ಗಪ್ಪ ನಾಯ್ಕ ಅವರು ಅಕ್ಕನ ಸಾವಿನ ಬಗ್ಗೆ ಮಾಹಿತಿ ನೀಡಿದ್ದು, ಪೊಲೀಸ್ ಪ್ರಕರಣ ದಾಖಲಿಸಿದರು.
- [ಮುಂಡಗೋಡ | ಬಾಣಸಿಗನನ್ನು ಬಲಿಪಡೆದ ಬಾಚಣಕಿ ಡ್ಯಾಂ!](https://mobiletime.in/2026/10/mundgod-bachanaki-dam-claims-the-life-of-a-cook/): ಮುoಡಗೋಡು ಬಾಚಣಕಿ ಅಣೆಕಟ್ಟಿಗೆ ಹೋಗಿದ್ದ ಬಾಣಸಿಗ ಲಲಿತ ಸಿಂಗ್ ಅವರು ಅಲ್ಲಿನ ನೀರಿನಲ್ಲಿ ಮುಳುಗಿ ಸಾವನಪ್ಪಿದ್ದಾರೆ. ಗ್ರೀನ್ ಟೀ ಹೋಟೆಲ್‌ನಲ್ಲಿ ಅಡುಗೆ ಕೆಲಸ ಮಾಡಿಕೊಂಡಿದ್ದ ಅವರು 32ನೇ ವಯಸ್ಸಿನಲ್ಲಿಯೇ ನೀರುಪಾಲಾಗಿದ್ದಾರೆ. ಉತ್ತರಾಖಂಡ ರಾಜ್ಯದ ನೈನಿತಾಲ ಜಿಲ್ಲೆಯ ಖೇರಾಲಿ ಮೂಲದ ಲಲಿತಸಿಂಗ್ ಮೋಹನಸಿಂಗ್ ಅವರು ಕೆಲಸ ಅರೆಸಿ ಮುಂಡಗೋಡಿಗೆ ಬಂದಿದ್ದರು. ಪ್ರಸ್ತುತ ಮುಂಡಗೋಡದ ಲಾಮಾ ಕ್ಯಾಂಪ್ ನಂಬರ್-3ರ ಗ್ರೀನ್ ಟೀ ಹೋಟೆಲ್‌ನಲ್ಲಿ ಅವರು ಕುಕ್ ಆಗಿ ಕೆಲಸ ಮಾಡುತ್ತಿದ್ದರು. ಅಕ್ಟೊಬರ್ 9ರ ಸಂಜೆ ಅವರು ಮುಂಡಗೋಡ ತಾಲೂಕಿನ ಬಾಚಣಕಿ ಗ್ರಾಮದ ಬಾಚಣಕಿ ಡ್ಯಾಂ ಹಿನ್ನೀರು ಪ್ರದೇಶಕ್ಕೆ ಹೋಗಿದ್ದರು. ನೀರು ನೋಡಿದ ಅವರು ಅಲ್ಲಿ ಈಜಾಡುವ ಪ್ರಯತ್ನ ಮಾಡಿದರು. ಆದರೆ, ಈಜಲು ಬರದೇ ನೀರಿನಲ್ಲಿ ಮುಳುಗಿದರು. ಬೆಂಗಳೂರು ಯಲಹಂಕದಲ್ಲಿ ಅಡುಗೆ ಮಾಡುವ ಅವರ ಸಹೋದರ ಸುರೇಂದ್ರಸಿAಗ್ ಅವರು ಮುಂಡಗೋಡಿಗೆ ಆಗಮಿಸಿದರು. ತಮ್ಮನ ಸಾವಿನ ಕುರಿತು ಅವರು ಪೊಲೀಸ್ ಪ್ರಕರಣ ದಾಖಲಿಸಿ, ಶವಪಡೆದರು.
- [ಶಿರಸಿ | ಅಡವಿಟ್ಟ ಚಿನ್ನವನ್ನೂ ಅಡಗಿಸಿದ ಮಣಿಪುರಂ ಗೋಲ್ಡ್!](https://mobiletime.in/2026/10/sirsi-manippuram-gold-where-even-pledged-gold-is-tucked-away-safely/): ಗಾಂಧೀನಗರದ ರಾಘವೇಂದ್ರ ಕಲ್ಲಕುಟ್ರ ಅವರು ಶಿರಸಿ ಶಿರಸಿ ಮಣಿಪುರಂ ಫೈನಾನ್ಸಿ’ನಲ್ಲಿ ಚಿನ್ನ ಅಡವಿಟ್ಟು ಸಾಲಪಡೆದಿದ್ದು, ಬಡ್ಡಿಸಹಿತ ಸಾಲ ಮರುಪಾವತಿ ಮಾಡಿದರೂ ಅವರ ಚಿನ್ನ ಮರಳಿ ಸಿಕ್ಕಿಲ್ಲ. ಅಸಲು ಹಾಗೂ ಬಡ್ಡಿ ತೀರಿದ ನಂತರವೂ ಮಣಿಪುರಂ ಫೈನಾನ್ಸಿನ ಮ್ಯಾನೇಜರ್ ಅರ್ಪಿತಾ ನಾಯ್ಕ ಅವರು ಚಿನ್ನ ಬಿಟ್ಟು ಕೊಡಲು ಸಿದ್ಧರಿಲ್ಲ. ಶಿರಸಿಯ ಗಾಂಧೀನಗರದಲ್ಲಿ ರಾಘವೇಂದ್ರ ಕಲ್ಲಕುಟ್ರ ಅವರು ವಾಸವಾಗಿದ್ದಾರೆ. ತುರ್ತು ಹಣಕಾಸು ಅಡಚಣೆ ಹಿನ್ನಲೆ ಅವರು ಮಣಿಪುರಂ ಗೋಲ್ಡ್’ನ ಮೊರೆ ಹೋಗಿದ್ದಾರೆ. ಹೊಸಪೇಟೆ ರಸ್ತೆಯಲ್ಲಿರುವ ಮಣಿಪುರಂ ಫೈನಾನ್ಸಿಗೆ ಹೋದ ಅವರು ಅಲ್ಲಿ ತಮ್ಮ ಚೈನು, ನೆಕ್ಲೇಸ್, ಬಂಗಾರದ ಹಾರ ಅಡವಿಟ್ಟಿದ್ದಾರೆ. ಅದಾದ ನಂತರ ವಿವಿಧ ದಾಖಲೆಗಳನ್ನು ಸಲ್ಲಿಸಿ 7.80 ಲಕ್ಷ ರೂ ಸಾಲ ಮಾಡಿದ್ದಾರೆ. ಆ ಸಾಲಕ್ಕೆ ಸಂಬAಧಿಸಿ ಅವರು ಆಗಾಗ ಅಸಲು ಹಾಗೂ ಬಡ್ಡಿ ಪಾವತಿ ಮಾಡಿದ್ದಾರೆ. ಈ ನಡುವೆ ಅಕ್ಟೊಬರ್ 5ರಂದು ರಾಘವೇಂದ್ರ ಕಲ್ಲಕುಟ್ರ ಅವರು ಮಣಿಪುರಂ ಗೋಲ್ಡ್’ನ ಮ್ಯಾನೇಜರ್ ಅರ್ಪಿತಾ ನಾಯ್ಕ ಅವರನ್ನು ಭೇಟಿ ಮಾಡಿದ್ದಾರೆ. `ಎಲ್ಲಾ ಸಾಲವನ್ನು ಒಟ್ಟಿಗೆ ತೀರಿಸಿ,
- [ಶಿರಸಿ | ಅಪಘಾತ: ಜೀವ ಉಳಿಸಿದ ಪೊಲೀಸ್ ಸಿಬ್ಬಂದಿ!](https://mobiletime.in/2026/10/sirsi-accident-police-personnel-save-a-life/): ಸಾಲು ಮರದ ತಿಮ್ಮಕ್ಕ ಉದ್ಯಾನವನದ ಬಳಿ ಸ್ಕೂಟಿಯಿಂದ ಬಿದ್ದು ಪ್ರಜ್ಞಾಹೀನ ಸ್ಥಿತಿಗೆ ತಲುಪಿದ್ದ ದರ್ಶನ ನಾಯ್ಕ ಅವರನ್ನು 112 ಸಿಬ್ಬಂದಿ ರಕ್ಷಿಸಿದ್ದಾರೆ. ಪ್ರಕಾಶ ಬೋವಿವಡ್ಡರ್ ಹಾಗೂ ಮುಕ್ತಿಯಾರ್ ಮಂಡಕ್ಕಿ ಅವರ ಸಮಯಪ್ರಜ್ಞೆಯಿಂದಾಗಿ ದರ್ಶನ ನಾಯ್ಕ ಅವರಿಗೆ ಸೂಕ್ತ ಚಿಕಿತ್ಸೆ ದೊರೆತಿದೆ. ಶಿರಸಿ ಕೆ ಎಚ್ ಬಿ ಕಾಲೋನಿಯ ಸಾಲು ಮರದ ತಿಮ್ಮಕ್ಕ ಉದ್ಯಾನವನದ ಬಳಿ ಶುಕ್ರವಾರ ರಾತ್ರಿ ಅಪಘಾತವೊಂದು ನಡೆದಿತ್ತು. ಸ್ಕೂಟಿಯಿಂದ ಬಿದ್ದ ವ್ಯಕ್ತಿಯೊಬ್ಬರು ಗಂಭೀರ ಗಾಯಗೊಂಡ ಬಗ್ಗೆ ರಾತ್ರಿ 1 ಗಂಟೆ ಅವಧಿಗೆ ಪೊಲೀಸರಿಗೆ ಫೋನ್ ಬಂದಿತ್ತು. 112 ಸಹಾಯವಾಣಿ ಕೇಂದ್ರದವರು ಫೋನ್ ಸ್ವೀಕರಿಸಿ, ಆ ಬಗ್ಗೆ ಶಿರಸಿ ಸಿಬ್ಬಂದಿಗೆ ಮಾಹಿತಿ ರವಾನಿಸಿದ್ದರು. 112 ಸಿಬ್ಬಂದಿ ಪ್ರಕಾಶ ಬೋವಿವಡ್ಡರ್ ಹಾಗೂ ಮುಕ್ತಿಯಾರ್ ಮಂಡಕ್ಕಿ ಅವರು ತಕ್ಷಣ ಅಲ್ಲಿಗೆ ಧಾವಿಸಿದ್ದರು. ಅಲ್ಲಿ ದರ್ಶನ ಮಂಜುನಾಥ ನಾಯ್ಕ ಅವರು ಸ್ಕೂಟಿಯಿಂದ ಬಿದ್ದು ನೋವು ಮಾಡಿಕೊಂಡಿದ್ದರು. ಅವರ ತಲೆಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿತ್ತು. ರಕ್ತ ಸುರಿಯುತ್ತಿತ್ತು. ತಕ್ಷಣ ಪೊಲೀಸರು ಆಂಬುಲೆನ್ಸಿಗೆ ಫೋನ್ ಮಾಡಿದ್ದು, ತಮ್ಮ ವಾಹನದಲ್ಲಿಯೇ
- [ಕಾರವಾರ | ಮೊಟ್ಟೆ ಗಾಡಿಗೆ ಮುತ್ತಿಕ್ಕಿದ KSRTC ಬಸ್ಸು!](https://mobiletime.in/2026/10/karwar-ksrtc-bus-rams-into-egg-laden-vehicle/): ಕಿನ್ನರದಲ್ಲಿ ಮೊಟ್ಟೆ ಸಾಗಿಸುತ್ತಿದ್ದ ಗೂಡ್ಸ್ ರಿಕ್ಷಾಗೆ ಕೆಎಸ್‌ಆರ್‌ಟಿಸಿ ಬಸ್ಸು ಡಿಕ್ಕಿ ಹೊಡೆದಿದೆ. ಪರಿಣಾಮ ರಿಕ್ಷಾದಲ್ಲಿದ್ದ ಮೊಟ್ಟೆಗಳೆಲ್ಲವೂ ಒಡೆದಿದೆ. ಬಸ್ಸಿನಲ್ಲಿದ್ದ ಕೆಲ ಪ್ರಯಾಣಿಕರಿಗೆ ನೋವಾಗಿದೆ. ಭಾನುವಾರ ಬೆಳಗ್ಗೆ ಕಾರವಾರದ ಕಿನ್ನರದಲ್ಲಿ ಗೂಡ್ಸ್ ರಿಕ್ಷಾವೊಂದು ಸಾಗುತ್ತಿತ್ತು. ಆ ರಿಕ್ಷಾದ ತುಂಬ ಮೊಟ್ಟೆಗಳು ತುಂಬಿದ್ದವು. ವಿರುದ್ಧ ದಿಕ್ಕಿನಿಂದ ಬಂದ ಕೆಎಸ್‌ಆರ್‌ಟಿಸಿ ಬಸ್ಸು ಆ ರಿಕ್ಷಾಗೆ ಗುದ್ದಿತು. ಪರಿಣಾಮ ರಿಕ್ಷಾದಲ್ಲಿದ್ದ ಮೊಟ್ಟೆಗಳೆಲ್ಲವೂ ಒಡೆದವು. ಬಸ್ಸು ಗುದ್ದಿದ ವೇಗಕ್ಕೆ ಬಸ್ಸಿನಲ್ಲಿದ್ದ ಪ್ರಯಾಣಿಕರಿಗೂ ಅಲ್ಲಲ್ಲಿ ಪೆಟ್ಟಾಯಿತು. ಅಪಘಾತದಲ್ಲಿ ರಿಕ್ಷಾದ ಒಂದು ಬದಿಗೆ ಹಾನಿಯಾಗಿದೆ. ಬಸ್ಸಿನ ಮುಂದಿನ ಭಾಗವೂ ಅಲ್ಪ ಪ್ರಮಾಣದಲ್ಲಿ ಒಡೆದಿದೆ. ಎರಡೂ ವಾಹನದ ಚಾಲಕರಿಬ್ಬರಿಗೂ ಅಲ್ಲಲ್ಲಿ ಪೆಟ್ಟಾಗಿದೆ. ಅಪಘಾತದ ವಿಷಯ ಅರಿತು ಅಲ್ಲಿ ಪೊಲೀಸರು ಹೋಗಿದ್ದಾರೆ. ರಸ್ತೆ ಮೇಲೆ ನಿಂತಿದ್ದ ವಾಹನಗಳನ್ನು ಬದಿಗೆ ಸರಿಸಿದ್ದಾರೆ. ಆ ಮಾರ್ಗದಲ್ಲಿ ಸಂಚಾರ ದಟ್ಟಣೆ ಆಗಿದ್ದು, ಅದನ್ನು ಸರಿಪಡಿಸಿದ್ದಾರೆ. ಗಾಯಗೊಂಡ ಚಾಲಕರಿಬ್ಬರನ್ನು ಪೊಲೀಸರ ಸಹಾಯದಲ್ಲಿ ಆಸ್ಪತ್ರೆಗೆ ಸಾಗಿಸಲಾಗಿದೆ.
- [ಅಂಕೋಲಾ | ಹಳ್ಳಿಯಿಂದ ದಿಲ್ಲಿ ತಲುಪಿದ ಶ್ರೀರಾಮನ ಶಿಷ್ಯರು!](https://mobiletime.in/2026/10/ankola-disciples-of-sri-rama-reach-delhi-from-a-village/): ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಂಪೂರ್ಣ ತರಬೇತಿ ನೀಡುವ ಶ್ರೀರಾಮ ಸ್ಟಡಿ ಸರ್ಕಲ್ ವಿದ್ಯಾರ್ಥಿಗಳಿಬ್ಬರು ಕೇಂದ್ರ ಸರ್ಕಾರಿ ಹುದ್ದೆಗೆ ಆಯ್ಕೆಯಾಗಿದ್ದಾರೆ. `ಶ್ರೀರಾಮ ಸ್ಟಡಿ ಸರ್ಕಲ್’ನಲ್ಲಿ ಪಡೆದ ತರಬೇತಿಯೇ ಉನ್ನತ ಹುದ್ದೆಪಡೆಯಲು ಸಹಕಾರಿಯಾಗಿರುವುದಾಗಿ ಅವರು ಹೇಳಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾದಲ್ಲಿ ಶ್ರೀರಾಮ ಸ್ಟಡಿ ಸರ್ಕಲ್ ಕಾರ್ಯನಿರ್ವಹಿಸುತ್ತಿದೆ. ರಾಜ್ಯದ ಪ್ರಸಿದ್ಧ ಸ್ಪರ್ಧಾತ್ಮಕ ಪರೀಕ್ಷಾ ತರಬೇತಿ ಕೇಂದ್ರವಾಗಿ ಇದು ಗುರುತಿಸಿಕೊಂಡಿದೆ. ಶ್ರೀರಾಮ ಸ್ಟಡಿ ಸರ್ಕಲ್ ಮೂಲಕ ಅನೇಕರು ಅನೇಕ ಬಗೆಯ ಅಧಿಕಾರಿಗಳಾಗಿದ್ದಾರೆ. ಇಲ್ಲಿ ಐಎಎಸ್ ಹಾಗೂ ಕೆಎಎಸ್ ತರಬೇತಿಯನ್ನು ನೀಡಲಾಗುತ್ತಿದ್ದು, ಈ ತರಬೇತಿಪಡೆದ ಭಟ್ಕಳ ಬೆಳ್ಳಿಯ ಗಣಪತಿ ಮಂಜುನಾಥ ಮೊಗೇರ್ ಹಾಗೂ ಹಾವೇರಿಯ ಸಚಿನ್ ರಾಮಪ್ಪ ಮಾಸೂರು ಅವರು ಕೇಂದ್ರ ಸರ್ಕಾರದ ಗೃಹ ಇಲಾಖೆಯ ಅಧಿಕಾರಿಗಳಾಗಿದ್ದಾರೆ. ಗಣಪತಿ ಮೊಗೇರ ಅವರು ಈ ಮೊದಲು ಸೈನಿಕರಾಗಿಯೂ ಸೇವೆ ಸಲ್ಲಿಸಿದ್ದಾರೆ. ಅದಕ್ಕೂ ಪೂರ್ವ ರಾಜ್ಯ ಸರ್ಕಾರದ ಮೂರು ಹುದ್ದೆಗಳಿಗೆ ಸಹ ಅವರು ಆಯ್ಕೆಯಾಗಿದ್ದು, ಶ್ರೀರಾಮ ಸ್ಟಡಿ ಸರ್ಕಲ್’ಗೆ ಆಗಮಿಸಿ ಸ್ಪರ್ಧಾತ್ಮಕ ಪರೀಕ್ಷೆಯ ತರಬೇತಿ ಮುಗಿಸಿದ್ದಾರೆ. ಅದಾದ ನಂತರ ಅವರು ಕೇಂದ್ರ ಸರ್ಕಾರದ
- [ಭಟ್ಟರ ಜಗಳದಿಂದ ಬಡವನಾದ ವಿನಾಯಕ: ಆ ಭಕ್ತರನ್ನು ದೇವರೇ ಕಾಪಾಡಬೇಕು!](https://mobiletime.in/2026/10/vinayaka-impoverished-due-to-the-bhattars-quarrel-may-god-himself-protect-those-devotees/): ಹೊನ್ನಾವರದ ಇಡಗುಂಜಿಯಲ್ಲಿ ಕಾಸಿನ ವಿಚಾರವಾಗಿ ಅರ್ಚಕರ ನಡುವಿನ ಕಚ್ಚಾಟ ಮುಂದುವರೆದಿದೆ. ಕಾಸಿನ ವಿಚಾರದಲ್ಲಿ ಕೆಂಡಾಮoಡಲರಾಗಿರುವ ಅರ್ಚಕರು ದೇವರ ಪೂಜೆಯನ್ನು ಬಹಿಷ್ಕರಿಸಿದ್ದಾರೆ. ಹೀಗಾಗಿ ಪೂಜೆಗಾಗಿ ಸಾಲಿನಲ್ಲಿ ನಿಂತಿದ್ದ ಭಕ್ತರು ದೇವರ ದರ್ಶನ ಮಾತ್ರ ಮಾಡಿ, ಮುಂದೆ ಸಾಗಿದ್ದಾರೆ. ಇಡಗುಂಜಿ ದೇಗುಲದಲ್ಲಿ ಪ್ರತಿ ದಿನ ದೇವರಿಗೆ ತ್ರಿಕಾಲ ಅಭಿಷೇಕ ನಡೆಯುತ್ತದೆ. ಆದರೆ, ಭಾನುವಾರ ಬೆಳಗ್ಗೆಯ ಪೂಜೆ ನಡೆದಿಲ್ಲ. ಈ ದಿನ ಗರ್ಭಗುಡಿಯಲ್ಲಿದ್ದ ಗಣಪತಿ ದೇವರ ಅರ್ಚಕರು ಹೋಗಿಲ್ಲ. ದೇವಾಲಯದಲ್ಲಿನ ಪೂಜೆಯ ಹಕ್ಕು ಹಾಗೂ ಕಮಿಷನ್ ವಿಚಾರವಾಗಿ ಮೊದಲಿನಿಂದಲೂ ವಿವಾದಗಳಿವೆ. ಇಲ್ಲಿ ಮೂರು ಅರ್ಚಕರ ಕುಟುಂಬಗಳಿದ್ದು, ಪಾಳಿ ಪ್ರಕಾರ ಅವರು ಪೂಜೆ ನೆರವೇರಿಸುತ್ತಿದ್ದಾರೆ. ಸದ್ಯ ಮಂಜುನಾಥ ಭಟ್ಟ ಅವರ ಪಾಳಿ ನಡೆಯುತ್ತಿದೆ. ಇದೇ ವೇಳೆ, ನಾರಾಯಣ ಭಟ್ಟ ಅವರ ಕುಟುಂಬದವರು ಪೂಜಾ ಕಮಿಷನ್ ಹಣದ ವಿಚಾರವಾಗಿ ನ್ಯಾಯಾಲಯದಲ್ಲಿ ದಾವೆ ಹೂಡಿದೆ. ನ್ಯಾಯಾಲಯದ ಆದೇಶ ಹೊರಬರುವವರೆಗೆ ಕಮಿಷನ್ ಹಣ ಕೊಡಬಾರದು ಎಂದು ಮನವಿಯೂ ಸಲ್ಲಿಕೆಯಾಗಿದ್ದು, ಕಳೆದ ನಾಲ್ಕು ತಿಂಗಳಿನಿoದ ಆ ಹಣ ಪಾವತಿ ಆಗಿಲ್ಲ. ಹೀಗಾಗಿ ಮಂಜುನಾಥ ಭಟ್ಟ
- [ಉತ್ತರ ಕನ್ನಡ: ಹಳ್ಳಿ ಹಳ್ಳಿಗೂ ಡಬಲ್ ರೋಡ್!](https://mobiletime.in/2026/10/uttara-kannada-double-roads-for-every-village/): ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈಗಿರುವ ರಸ್ತೆ ವ್ಯವಸ್ಥೆಯೇ ಸರಿಯಾಗಿಲ್ಲ. ಹೀಗಿರುವಾಗ, ಸರ್ಕಾರ ಇಲ್ಲಿಯೂ ಮಹಾನಗರಗಳಲ್ಲಿರುವಂತೆ `ರಿಂಗ್ ರೋಡ್’ ಮಾಡಲು ಆಸಕ್ತಿವಹಿಸಿದೆ. ಈಗಿರುವ ರಸ್ತೆಹೊರತುಪಡಿಸಿ ಪರ್ಯಾಯ ಜಾಗದಲ್ಲಿ ಮತ್ತೊಂದು ರಸ್ತೆ ಮಾಡಲು ನಕ್ಷೆ ಸಿದ್ಧವಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಐದು ಕಡೆ ನಕ್ಷೆ ಸಿದ್ಧಪಡಿಸಿದ್ದು, ಆ ನಕ್ಷೆಯ ಪ್ರಕಾರ ಅನೇಕರ ಮನೆ-ಜಮೀನುಗಳ ಮೇಲೆ ರಸ್ತೆ ಹಾದುಹೋಗಲಿದೆ! ಅಂಕೋಲಾ, ಮುಂಡಗೋಡು, ಯಲ್ಲಾಪುರ, ಜಾಲಿ ಹಾಗೂ ಮಂಕಿಯಲ್ಲಿ ರಿಂಗ್ ರೋಡ್ ನಿರ್ಮಿಸಲು ಸರ್ಕಾರ ನೀಲನಕ್ಷೆ ಸಿದ್ಧಪಡಿಸಿದೆ. ಈ ಭಾಗದಲ್ಲಿನ ಅನೇಕರ ಮನೆ-ಭೂಮಿಗಳ ಮೇಲೆಯೇ 30 ಅಡಿ ಅಗಲದ ರಸ್ತೆ ಹಾದು ಹೋಗುವ ನಿಟ್ಟಿನಲ್ಲಿ ನಕ್ಷೆ ರಚಿಸಲಾಗಿದೆ. ಸ್ಥಳ ವೀಕ್ಷಣೆ ಮಾಡದೇ ಅಧಿಕಾರಿಗಳು ಈ ನಕ್ಷೆ ತಯಾರಿಸಿದ್ದು, ವಿವಿಧ ಕಡೆ ಅದಕ್ಕೆ ಆಕ್ಷೇಪಣೆ ಸಲ್ಲಿಸಲು ಅವಕಾಶ ನೀಡಲಾಗಿದೆ. ರಾಜ್ಯದ 108 ಸಣ್ಣ ಮತ್ತು ಮಧ್ಯಮ ಪಟ್ಟಣಗಳ ಅಭಿವೃದ್ಧಿಗಾಗಿ ಸರ್ಕಾರ ಈ `ರೋಡ್ ನೆಟ್‌ವರ್ಕ್ ಗ್ರಿಡ್ ಪ್ಲಾನ್’ ರೂಪಿಸಿರುವುದಾಗಿ ಹೇಳಿಕೊಂಡಿದೆ. ಪ್ರತಿಯೊಂದು ಪಟ್ಟಣಕ್ಕೂ 100 ಅಡಿ ಅಗಲದ ವರ್ತುಲ ರಸ್ತೆ
- [ಗೋಕರ್ಣ | ಬಂಗಾರವೂ ಹೋಯಿತು.. ಸಂಬoಧವೂ ಮುರಿಯಿತು!](https://mobiletime.in/2026/10/gokarna-lost-the-gold-and-the-relationship-too/): ಅತ್ತೆ ಸಾವಿನ ನಂತರ ಅವರ ಶ್ರಾದ್ಧಕ್ಕೆ ಗೋಕರ್ಣಕ್ಕೆ ಹೋಗಿದ್ದ ಅಂಕೋಲಾದ ಸಂತೋಷ ರೇವಣಕರ್ ಅವರ ಬಳಿ ನಾದಿನಿ ರೇಷ್ಮಾ ಕುರ್ಡೇಕರ್ ಅವರು ಅತ್ತೆಯ ಬಳಿಯಿದ್ದ ಚಿನ್ನದ ಬಗ್ಗೆ ಪ್ರಶ್ನಿಸಿದ್ದಾರೆ. ಅದಕ್ಕೆ ಸರಿಯಾಗಿ ಉತ್ತರಿಸದ ಕಾರಣ ಸಂತೋಷ ರೇವಣಕರ್ ಮೂವರು ಮಹಿಳೆಯರಿಂದ ಪೆಟ್ಟುತಿಂದಿದ್ದಾರೆ. ಅoಕೋಲಾದ ಬೇಲಿಕೇರಿಯಲ್ಲಿ ಸಂತೋಷ ಚಂದ್ರಕಾoತ ರೇವಣಕರ್ ಅವರು ವಾಸವಾಗಿದ್ದಾರೆ. ಚಿನ್ನದ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಈಚೆಗೆ ಅವರ ಅತ್ತೆ ನಿಧನರಾಗಿದ್ದು, ಅವರ ಕಾರ್ಯ ಮಾಡಿಸಲು ಸಂತೋಷ ರೇವಣಕರ್ ಅವರು ಗೋಕರ್ಣಕ್ಕೆ ಹೋಗಿದ್ದಾರೆ. ಅಲ್ಲಿನ ದಿವಾಕರ ಭಟ್ಟರ ಮನೆಯಲ್ಲಿ ಶ್ರಾದ್ಧ ಮಾಡಿಸಿದ್ದಾರೆ. ಈ ವೇಳೆ ಅಲ್ಲಿ ಅವರ ಸಂಬAಧಿಕರಾದ ದಾವಣಗೆರೆಯಲ್ಲಿರುವ ಲತಾ ಶಿವರಾಮ ಶೇಟ್, ಶಿವಮೊಗ್ಗದಲ್ಲಿರುವ ಸ್ಮಿತಾ ರಾಘವೇಂದ್ರ ಕುರ್ಡೇಕರ್, ಸೂರಜ್ ರಾಘವೇಂದ್ರ ಕುರ್ಡೇಕರ್, ಹಾವೇರಿಯಲ್ಲಿರುವ ರೀನಾ ರಾಜೀವ ರಾಯ್ಕರ್ ಅವರು ಆಗಮಿಸಿದ್ದಾರೆ. ಕಾರ್ಯಕ್ರಮ ಮುಗಿದ ನಂತರ ರೇಷ್ಮಾ ಕುರ್ಡೇಕರ್ ಅವರು ಅತ್ತೆಯ ಬಳಿಯಿದ್ದ ಚಿನ್ನದ ಬಗ್ಗೆ ಮಾತನಾಡಿದ್ದಾರೆ. ಸಂತೋಷ ರೇವಣಕರ್ ಅವರ ನೆಂಟನ ಪತ್ನಿ ಸವಿತಾ ಅರುಣ
- [ನದಿ ಜೊಡಣೆ: ಬೆಂಗಳೂರಿನಲ್ಲಿ ಮೊಳಗಿದ ಹಕ್ಕೊತ್ತಾಯ](https://mobiletime.in/2026/10/river-interlinking-demand-raised-in-bengaluru/): ಅವೈಜ್ಞಾನಿಕ ನದಿ ಜೋಡಣೆ ಯೋಜನೆ ವಿರೋಧಿಸಿ ಉತ್ತರ ಕನ್ನಡದ ಹೋರಾಟಗಾರರು ಬೆಂಗಳೂರಿನಲ್ಲಿ ಧರಣಿ ನಡೆಸಿದ್ದಾರೆ. `ನದಿಗಳ ನೈಸರ್ಗಿಕ ಹರಿವಿಗೆ ಧಕ್ಕೆಯಾಗುವ ಯೋಜನೆಯನ್ನು ಸರ್ಕಾರ ಕೈ ಬಿಡಬೇಕು’ ಎಂದು ಪ್ರತಿಭಟನಾಕಾರರು ಒತ್ತಾಯಿಸಿದ್ದಾರೆ. `ನದಿ ಜೋಡಣೆ ಯೋಜನೆಗಳಿಂದ ಅರಣ್ಯ, ಜಲಮೂಲಗಳು, ಜೀವವೈವಿಧ್ಯ ಮತ್ತು ನದಿ ಕಣಿವೆಗಳ ಪರಿಸರ ಸಮತೋಲನದ ಮೇಲೆ ಪರಿಣಾಮ ಉಂಟಾಗುವ ಆತಂಕ ಎದುರಾಗಿದೆ. ಅನೇಕ ಹಂತದಲ್ಲಿ ಹೋರಾಟ ನಡೆದರೂ ಸರ್ಕಾರ ಅದನ್ನು ಗಂಭೀರವಾಗಿ ಪರಿಗಣಿಸಿಲ್ಲ’ ಎಂದು ಆಕ್ಷೇಪಿಸಿದರು. `ಯೋಜನೆಗಳ ಅನುಷ್ಠಾನಕ್ಕೂ ಮುನ್ನ ಅವುಗಳ ಪರಿಸರ ಪರಿಣಾಮಗಳನ್ನು ವೈಜ್ಞಾನಿಕವಾಗಿ ಪರಿಶೀಲಿಸಬೇಕು’ ಎಂದು ಒತ್ತಾಯಿಸಿದರು. `ನದಿ ಜೋಡಣೆ ಯೋಜನೆಗಳ ಅಗತ್ಯ, ಅವುಗಳ ವೈಜ್ಞಾನಿಕ ಸಮರ್ಥನೆ ಹಾಗೂ ಉದ್ದೇಶಿತ ಪ್ರದೇಶಗಳಿಗೆ ದೊರೆಯಬಹುದಾದ ಪ್ರಯೋಜನಗಳ ಕುರಿತು ಸಮಗ್ರ ಪರಿಶೀಲನೆ ನಡೆಸಬೇಕು. ಪರಿಸರಕ್ಕೆ ಶಾಶ್ವತ ಹಾನಿಯಾಗದಂತೆ ಯೋಜನೆಗಳ ಸಾಧಕ-ಬಾಧಕಗಳನ್ನು ಗಂಭೀರವಾಗಿ ಪರಿಗಣಿಸುವುದು ಅಗತ್ಯ’ ಎಂದು ಸೋಂದಾ ಸ್ವರ್ಣವಲ್ಲಿಯ ಗಂಗಾಧರೇoದ್ರ ಸರಸ್ವತೀ ಸ್ವಾಮೀಜಿ ತಮ್ಮ ಸಂದೇಶ ರವಾನಿಸಿದರು. ಸಾಹಿತಿ ಜಯಂತ ಕಾಯ್ಕಿಣಿ, ನೀರ್ನಳ್ಳಿ ರಾಮಕೃಷ್ಣ, ನಿವೃತ್ತ ಲೋಕಾಯುಕ್ತ ನ್ಯಾಯಮೂರ್ತಿ ಸಂತೋಷ್ ಹೆಗ್ಡೆ,
- [ಕುಮಟಾ | ಬೈಕಿನಿಂದ ಬಿದ್ದ ಮಹಿಳೆ: ಸಾವು!](https://mobiletime.in/2026/10/kumta-woman-falls-from-bike-dies/): ಕುಮಟಾದ ದಿವಗಿ ಹೈಸ್ಕೂಲು ಬಳಿ ನಡೆದ ಅಪಘಾತದಲ್ಲಿ ಹೊನ್ನಾವರದ ಮಹಿಳೆಯೊಬ್ಬರು ಸಾವನಪ್ಪಿದ್ದಾರೆ. ಬೈಕಿನಿಂದ ಹಾರಿ ಗಾಯಮಾಡಿಕೊಂಡಿದ್ದ ಮಹಿಳೆಯನ್ನು ಕುಂದಾಪುರದ ಆದರ್ಶ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ಮಾಡಿದರೂ ಪ್ರಯೋಜನ ಆಗಿಲ್ಲ. ಹೊನ್ನಾವರ ಹಳದಿಪುರದ ಸಾಲಕೇರಿಯಲ್ಲಿ ರಾಮ ಮಾಸ್ತಿ ಗೌಡ ಅವರು ವಾಸವಾಗಿದ್ದಾರೆ. ಅವರ ಜೊತೆ ಅವರ ಪತ್ನಿ ಲಕ್ಷಿ ಗೌಡ ಅವರು ಕೂಲಿ ಕೆಲಸ ಮಾಡಿ ಜೀವನ ನಡೆಸುತ್ತಿದ್ದಾರೆ. ಅಕ್ಟೊಬರ್ 9ರಂದು ಲಕ್ಷಿ ಗೌಡ ಅವರು ಕೆಲಸಕ್ಕಾಗಿ ಕುಮಟಾಗೆ ಹೋಗಿದ್ದು, ಮರಳಿ ಬರುವಾಗ ಬೈಕಿನಿಂದ ಬಿದ್ದು ಸಾವನಪ್ಪಿದ್ದಾರೆ. ಬೈಕಿನಿಂದ ರಸ್ತೆ ಮೇಲೆ ಬಿದ್ದ ಅವರಿಗೆ ತಕ್ಷಣ ಚಿಕಿತ್ಸೆ ಕೊಡಿಸಿದರೂ ಜೀವ ಉಳಿಸಲು ಸಾಧ್ಯವಾಗಿಲ್ಲ. ಉನ್ನತ ಚಿಕಿತ್ಸೆಗಾಗಿ ನೆರೆ ಜಿಲ್ಲೆಗೆ ಕರೆದೊಯ್ಯುವ ಪ್ರಯತ್ನವೂ ಫಲ ಕೊಡಲಿಲ್ಲ. ಕುಮಟಾ ಕತಗಾಲ ಬೈಲಗದ್ದೆಯ ಮಾಬ್ಲು ತಿಮ್ಮಣ್ಣ ಗೌಡ ಅವರು ಆ ದಿನ ಲಕ್ಷಿ ಗೌಡ ಅವರನ್ನು ಬೈಕಿನಲ್ಲಿ ಕೂರಿಸಿಕೊಂಡು ಹೊರಟಿದ್ದರು. ಬೈಲಗದ್ದೆಯಿಂದ ಕುಮಟಾ ಕಡೆ ಹೊರಟ ಬೈಕು ದಿವಗಿ ಬಳಿ ಜೋರಾಗಿ ಸಂಚರಿಸುತ್ತಿತ್ತು. ಆಗ ಅಲ್ಲಿ ಒಮ್ಮೆಲೆ ದನ
- [ಕಾರವಾರ | ಅಕ್ರಮ ಮರಳು ಸಾಗಾಟ: ಒತ್ತಡಕ್ಕೆ ಮಣಿದ ಅಧಿಕಾರಿ!](https://mobiletime.in/2026/10/karwar-illegal-sand-transport-official-yields-to-pressure/): ಕಾಳಿ ನದಿ ಬಗೆದ ದುಷ್ಟರು ಅಕ್ರಮವಾಗಿ ಅಲ್ಲಿದ್ದ ಮರಳು ತೆಗೆಯುತ್ತಿದ್ದು, ಅಲ್ಲಿದ್ದ ಜನ ಅದನ್ನು ತಡೆದಿದ್ದಾರೆ. ಆದರೆ, ರಾಜಕೀಯ ಒತ್ತಡಕ್ಕೆ ಸಿಲುಕಿದ ಅಧಿಕಾರಿಗಳು ಜನ ದೂರು ನೀಡಿದರೂ ಸಮಯಕ್ಕೆ ಸರಿಯಾಗಿ ಸ್ಥಳಕ್ಕೆ ಬಂದಿಲ್ಲ. ಹೀಗಾಗಿ, ದೋಣಿಯಲ್ಲಿ ಮರಳು ತಂದಿದ್ದ ದಂಧೆಕೋರರು ಅಲ್ಲಿಂದ ಪರಾರಿಯಾಗಿದ್ದಾರೆ. ಕಾಳಿ ನದಿ ತೀರದಲ್ಲಿ ಅಕ್ರಮವಾಗಿ ಮರಳು ತೆಗೆದು ಬೇರೆ ರಾಜ್ಯಕ್ಕೆ ರವಾನಿಸಲಾಗುತ್ತಿದೆ ಎಂಬ ಆರೋಪವಿದೆ. ಈ ಕುರಿತು ಪ್ರಜಾ ಸೇವೆ ಸಭೆಯಲ್ಲಿಯೂ ಜಿಲ್ಲಾಡಳಿತಕ್ಕೆ ದೂರು ಸಲ್ಲಿಕೆಯಾಗಿದೆ. ದೂರಿನ ನಂತರ ಒಮ್ಮೆ ಮಾತ್ರ ಅಧಿಕಾರಿಗಳು ದಾಳಿ ನಡೆಸಿ ಕೆಲ ಪ್ರಮಾಣದ ಮರಳು ಜಪ್ತು ಮಾಡಿದ್ದಾರೆ. ಆದರೆ, ಅದಾದ ನಂತರವೂ ಮರಳುಗಾರಿಕೆ ಹಾಗೇ ಮುಂದುವರೆದಿದೆ. ಈ ದಿನವೂ ದೋಣಿಯಲ್ಲಿ ಮರಳು ತೆಗೆದು ದಡಕ್ಕೆ ತಂದಿದ್ದು, ಅದನ್ನು ನೋಡಿದ ಜನ ಅಧಿಕಾರಿಗಳಿಗೆ ಫೋನ್ ಮಾಡಿದ್ದಾರೆ. ಈ ವೇಳೆ ಆ ಅಧಿಕಾರಿಗಳಿಗೆ ಪ್ರಭಾವಿ ರಾಜಕಾರಣಿಯೊಬ್ಬರ ಒತ್ತಡ ಬಂದಿದ್ದು, ಆರೋಪಿತರು ಅಲ್ಲಿಂದ ಪರಾರಿಯಾದ ನಂತರ ಅಧಿಕಾರಿಗಳು ಸ್ಥಳ ಭೇಟಿ ಮಾಡಿದ್ದಾರೆ. ಅದಾಗಿಯೂ, ಅಲ್ಲಿದ್ದ ಜನ ದೋಣಿಯಲ್ಲಿ
- [ಕಾರವಾರ | ಹೊಸ್ತಿಲ ಹಬ್ಬಕ್ಕೆ ಸಕಲ ಸಿದ್ಧತೆ](https://mobiletime.in/2026/10/karwar-all-set-for-the-hostila-habba-festival/): ಕಾರವಾರ ಬಾಡ ಗ್ರಾಮದ ಮಹಾ ದೇವರ ಹೊಸ್ತಿಲ ಹಬ್ಬಕ್ಕೆ ದಿನ ನಿಗದಿಯಾಗಿದೆ. ಅಕ್ಟೊಬರ್ 16ರಂದು ಈ ಹಬ್ಬ ಅದ್ಧೂರಿಯಾಗಿ ನಡೆಯಲಿದೆ. ಶುಕ್ರವಾರ ಬೆಳಿಗ್ಗೆ 8 ಗಂಟೆಗೆ ಮಹಾದೇವರ ಹೊಸ್ತಿಲು ಹಬ್ಬ (ನವೆ) ನೆರೆವೇರಿಸಲಾಗುತ್ತದೆ. ಅದೇ ದಿನ ಬೆಳಿಗ್ಗೆ 8.30ಕ್ಕೆ ಕಳಸ ದೇವಸ್ಥಾನದಲ್ಲಿರುವ ಕಾಂಚಿಕಾಪರಮೇಶ್ವರಿ ದೇವಸ್ಥಾನದಿಂದ ದೇವರ ಕಳಸವು ಪರಂಪರೆಯoತೆ ಗಣಪತಿ ದೇವಸ್ಥಾನ ಮಾರ್ಗವಾಗಿ ಹಾಗೂ ಶೇಭಿದೇವಸ್ಥಾನ, ಕಳಸವಾಡ ಮುಖಾಂತರ ದೇವತಿದೇವಿ ಬಾಡದಲ್ಲಿ ತಲುಪಲಿದೆ. ಅದಾದ ಮೇಲೆ ಪೂಜಾ ಕೈಂಕರ್ಯ ಜರುಗಲಿದೆ. ತದನಂತರ ಕಳಸ ದೇವಸ್ಥಾನಕ್ಕೆ ಮರಳಿ ನಂತರ ಪೂಜೆ ಜರುಗಲಿದೆ. ಅಕ್ಟೊಬರ್ 20ರ ಮಂಗಳವಾರದAದು ದಸರಾ ಹಬ್ಬದ ನಿಮಿತ್ತ ವಿಜಯ ದಶಮಿಯ ದಿನ ಮಹಾದೇವರ ಪಲ್ಲಕ್ಕಿ ಮೆರವಣಿಗೆ ಸಂಜೆ 4 ಗಂಟೆಗೆ ಮಹಾದೇವಸ್ಥಾನದಿಂದ ಬ್ರಹ್ಮಕಟ್ಟಾ ವಾಘಳೆವಾಡಕ್ಕೆ ಹೊರಡಲಿದೆ. ಆ ನಂತರ ಪಲ್ಲಕ್ಕಿಯು ಮಹಾದೇವಸ್ಥಾನಕ್ಕೆ ಮರಳಿ ಬರಲಿದ್ದು, ಈ ವೇಳೆ ಬನ್ನಿ ಪೂಜೆ ನಡೆಯಲಿದೆ. ಈ ಎಲ್ಲಾ ಕಾರ್ಯಕ್ರಮಗಳು ವರ್ಷದ ಪರಂಪರೆಯoತೆ ನಡೆಯಲಿದೆ ಎಂದು ಮಹಾದೇವ ವಿನಾಯಕ ದೇವಸ್ಥಾನ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷರಾದ ಅರವಿಂದ
- [ಅಂಕೋಲಾ | ಸಜೀವ ಮರಗಳಿಗೆ ವಿಷ ಪ್ರಾಶನ!](https://mobiletime.in/2026/10/ankola-poison-administered-to-live-trees/): ಹಳವಳ್ಳಿ-ಕನಕನಳ್ಳಿ ಭಾಗದಲ್ಲಿದ್ದ ಹಲವು ಮರಗಳಿಗೆ ವಿಷ ಪ್ರಾಶನ ನಡೆದಿದೆ. ಈಗಾಗಲೇ ಇಲ್ಲಿ 10ಕ್ಕೂ ಅಧಿಕ ದೊಡ್ಡ ದೊಡ್ಡ ಮರಗಳಿಗೆ ವಿಷ ಉಣಿಸಿ ಕೊಲ್ಲಲಾಗಿದ್ದು, ಇನ್ನಷ್ಟು ಮರಗಳಿಗೆ ಕೊಡಲಿಯಿಂದ ಚುಚ್ಚಿ ವಿಷ ಹಾಕಲಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಅಭಿವೃದ್ಧಿ ಹೆಸರಿನಲ್ಲಿ ಒಂದಡೆ ಕಾಡು ನಾಶವಾಗುತ್ತಿದೆ. ಇನ್ನೊಂದು ಕಡೆ ಮಾನವನ ವಿಕೃತಿಯ ಕಾರಣ ಮರ ಕಡಿಮೆಯಾಗುತ್ತಿದೆ. ತಮ್ಮ ಪಾಡಿಗೆ ತಾವು ಸ್ವಚ್ಛಂದವಾಗಿ ಹಬ್ಬಿರುವ ಗಿಡ-ಮರಗಳನ್ನು ಅನಗತ್ಯವಾಗಿ ಕಡಿಯುವವರ ಸಂಖ್ಯೆ ಹೆಚ್ಚಾಗಿದೆ. `ಉತ್ತರ ಕನ್ನಡ ಉಳಿಸಿ’ ಎಂದು ಪರಿಸರವಾದಿಗಳ ಜೊತೆ ರೈತರು ದೊಡ್ಡ ಪ್ರಮಾಣದಲ್ಲಿ ಹೋರಾಟ ನಡೆಸುತ್ತಿದ್ದು, ಈ ರೈತರ ಹೆಸರು ಹಾಳು ಮಾಡುವುದಕ್ಕಾಗಿಯೇ ಕೆಲವರು ಕಾಡು ಕಡಿಯುವ ಕೆಲಸ ಮಾಡುತ್ತಿದ್ದಾರೆ. ಅಂಥವರ ಬಗ್ಗೆ ಅರಿವಿದ್ದರೂ ಅರಣ್ಯ ಇಲಾಖೆ ಅಧಿಕಾರಿಗಳು ಕಾಟಾಚಾರಕ್ಕೆ ಕೇಸು ದಾಖಲಿಸಿ ಮೌನವಾಗಿದ್ದಾರೆ. ಕಳೆದ ಎರಡು ವಾರದಿಂದ ಹಳವಳ್ಳಿ-ಕನಕನಳ್ಳಿ ಭಾಗದಲ್ಲಿದ್ದ ಅನೇಕ ಮರಗಳು ಸಾವನಪ್ಪುತ್ತಿವೆ. ಪ್ರತಿ ದಿನ ಒಂದೊoದು ಮರಗಳು ಒಣಗುತ್ತಿವೆ. ಮರಕ್ಕೆ ಕೊಡಲಿಯ ಏಟು ಹಾಕಿ ಅಲ್ಲಿ ವಿಷ ಉಣಿಸಿರುವುದು ಸ್ಪಷ್ಟವಾಗಿ ಕಾಣುತ್ತಿದೆ.
- [ಗೋ ಭಕ್ಷಕರ ವಿರುದ್ಧ ಪೊಲೀಸರ ಸಮರ!](https://mobiletime.in/2026/10/police-war-against-cow-slaughterers/): ಶಿರಸಿ ಹಾಗೂ ಯಲ್ಲಾಪುರದಲ್ಲಿ ಕಾರ್ಯಾಚರಣೆ ನಡೆಸಿದ ಪೊಲೀಸರು ಅಕ್ರಮ ಗೋವು ಸಾಗಾಟ ಹಾಗೂ ಗೋಮಾಂಸ ಸಾಗಾಟ ಮಾಡುವವರ ಹೆಡೆಮುರಿ ಕಟ್ಟಿದ್ದಾರೆ. ಶಿರಸಿಯಲ್ಲಿ ಕಾರಿನಲ್ಲಿ ಸಾಗಿಸುತ್ತಿದ್ದ ಗೋಮಾಂಸ ಸಿಕ್ಕಿಬಿದ್ದಿದೆ. ಯಲ್ಲಾಪುರದಲ್ಲಿ ಹಿಂಸಾತ್ಮಕವಾಗಿ ಸಾಗಾಟವಾಗುತ್ತಿದ್ದ ಜಾನುವಾರುಗಳಿಗೆ ಮರು ಜನ್ಮ ದೊರೆತಿದೆ. ಶಿರಸಿ ನಗರದ ಮುಸ್ಲಿಂ ಗಲ್ಲಿಯಲ್ಲಿ ಗೋಮಾಂಸ ಸಾಗಾಟವಾಗುತ್ತಿರುವ ಮಾಹಿತಿ ಆಧರಿಸಿ ಶಿರಸಿ ಹೊಸಮಾರುಕಟ್ಟೆ ಠಾಣೆ ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ಐಷಾರಾಮಿ ಕ್ರೇಟಾ ಕಾರಿನಲ್ಲಿ ಸಾಗಿಸುತ್ತಿದ್ದ 57 ಕೆಜಿ ಮಾಂಸವನ್ನು ಅವರು ವಶಕ್ಕೆಪಡೆದಿದ್ದಾರೆ. ಸಿಪಿಐ ಸಂಪತ್ ಅವರ ನೇತ್ರತ್ವದಲ್ಲಿ ಈ ದಾಳಿ ನಡೆದಿದೆ. ದಾಳಿ ವೇಳೆ ಇಬ್ಬರು ಸಿಕ್ಕಿಬಿದ್ದಿದ್ದು, ಉಳಿದವರ ಶೋಧ ನಡೆಯುತ್ತಿದೆ. ತಪ್ಪಿಸಿಕೊಂಡವರ ಪತ್ತೆಗೆ ವಿಶೇಷ ತಂಡ ರಚಿಸಲಾಗಿದೆ. ಅಶೋಕ ಲೈಲ್ಯಾಂಡ್ ಲಾರಿಯಲ್ಲಿ ಅಕ್ರಮವಾಗಿ ಜಾನುವಾರು ಸಾಗಿಸುತ್ತಿದ್ದ ದುಷ್ಟರು ಯಲ್ಲಾಪುರದಲ್ಲಿ ಸಿಕ್ಕಿಬಿದ್ದಿದ್ದಾರೆ. ಕಲಘಟಗಿಯ ಗಾಂಧಿನಗರದ ಕಿಮ್ಸ್ ಆಸ್ಪತ್ರೆ ರಸ್ತೆ ನಿವಾಸಿ, ವಾಹನ ಚಾಲಕ ಮಂಜುನಾಥ ಸೋಮಯ್ಯ ರುದ್ರಾಕ್ಷಿ (39) ಹಾಗೂ ಕಲಘಟಗಿಯ ಬಸ್ ನಿಲ್ದಾಣದ ಹಿಂಭಾಗದ ಚರ್ಚ್ ರಸ್ತೆ ನಿವಾಸಿ ಅಲ್ತಾಫ್ ಹಜರೇಸಾಬ ಉಡೇಕರ
- [ಮುಂಡಗೋಡ | ಬೈಕಿನಿಂದ ಬಿದ್ದ ಸೆಂಟ್ರಿoಗ್ ಕಾರ್ಮಿಕ: ಸಾವು!](https://mobiletime.in/2026/10/mundagoda-centriog-worker-fell-from-bike-death/): ಶಿರಸಿ-ಮುಂಡಗೋಡು ರಸ್ತೆಯಲ್ಲಿ ಬೈಕಿನಿಂದ ಬಿದ್ದು ಆಸ್ಪತ್ರೆ ಸೇರಿದ್ದ ಸಂದೀಪ ಸುಣಗಾರ ಅವರು ಚಿಕಿತ್ಸೆಗೆ ಸ್ಪಂದಿಸದೇ ಸಾವನಪ್ಪಿದ್ದಾರೆ. ಮೂರು ದಿನಗಳ ಕಾಲ ಅವರನ್ನು ಬದುಕಿಸಿಕೊಳ್ಳಲು ಸಾಕಷ್ಟು ಪ್ರಯತ್ನ ನಡೆಸಿದರೂ ಅದು ಪ್ರಯೋಜನಕ್ಕೆ ಬಂದಿಲ್ಲ. ಮುoಡಗೋಡು ಗಣೇಶನಗರದಲ್ಲಿ ಸಂದೀಪ ರುದ್ರಪ್ಪ ಸುಣಗಾರ ಅವರು ವಾಸವಿದ್ದರು. 28 ವರ್ಷದ ಅವರು ಸೆಂಟ್ರಿAಗ್ ಕೆಲಸ ಮಾಡಿಕೊಂಡಿದ್ದರು. ಅಕ್ಟೊಬರ್ 6ರ ರಾತ್ರಿ ಶಿರಸಿ-ಮುಂಡಗೋಡು ರಸ್ತೆಯ ದುರ್ಗಾದೇವಿ ಟೇಡರ್ಸ ಬಳಿ ಅವರು ಬೈಕಿನಿಂದ ಬಿದ್ದಿದ್ದರು. ತಲೆಗೆ ಗಂಭೀರ ಗಾಯವಾದ ಕಾರಣ ಅವರನ್ನು ಹುಬ್ಬಳ್ಳಿಯ ಕಿಮ್ಸ್’ಗೆ ದಾಖಲಿಸಲಾಗಿತ್ತು. ಸಾಕಷ್ಟು ಚಿಕಿತ್ಸೆ ನೀಡಿದ ನಂತರವೂ ಅವರು ಚೇತರಿಸಿಕೊಳ್ಳಲಿಲ್ಲ. ಅಕ್ಟೊಬರ್ 9ರಂದು ಅವರು ಸಾವನಪ್ಪಿದರು. ಸಹೋದರನ ಸಾವಿನ ಬಗ್ಗೆ ಮಂಜುನಾಥ ಸುಣಗಾರ ಅವರು ಮಾಹಿತಿ ನೀಡಿದ್ದು, ಪೊಲೀಸರು ಕಾನೂನು ಕ್ರಮ ಜರುಗಿಸಿದರು.
- [ಯಲ್ಲಾಪುರ | ಕೈಕೊಟ್ಟ ಮಳೆ: ಬೆಳೆ ನಷ್ಟಕ್ಕೆ ಬೇಸತ್ತು ನೇಣಿಗೆ ಶರಣಾದ ರೈತ!](https://mobiletime.in/2026/10/yellapur-rain-fails-farmer-hangs-himself-driven-to-despair-by-crop-loss/): ಮಳೆ-ಬೆಳೆ ಸರಿಯಾಗಿಲ್ಲದ ಕಾರಣ ಯಲ್ಲಾಪುರದ ರೈತರೊಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಮಕ್ಕಳ ಮದುವೆ ಚಿಂತೆ, ಆರ್ಥಿಕ ಪರಿಸ್ಥಿತಿ ಹದಗೆಟ್ಟಿರುವುದು ಸೇರಿ ಸಾಕಷ್ಟು ಸಮಸ್ಯೆಗೆ ಸಿಲುಕಿದ್ದ ಪುಂಡಲಿಕ್ ಗಾವಡೆ ಅವರು ದುಡುಕು ನಿರ್ಧಾರ ಮಾಡಿದ್ದಾರೆ. ಯಲ್ಲಾಪುರದ ಸಹಸ್ರಳ್ಳಿಯ ಕಬ್ಬಿನಗುಳಿಯಲ್ಲಿ ಪುಂಡಲಿಕ್ ತುಕಾರಾಮ ಗಾವಡೆ ಅವರು ವಾಸವಾಗಿದ್ದರು. 50 ವರ್ಷದ ಅವರು ಕೃಷಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಈ ವರ್ಷ ಮಳೆ ಚನ್ನಾಗಿಲ್ಲದ ಕಾರಣ ಅವರು ಬೇಸರದಲ್ಲಿದ್ದರು. ಬೆಳೆ ಸಹ ಸರಿಯಾಗಿ ಬೆಳೆಯಲು ಆಗಿಲ್ಲ ಎಂದು ನೋವಿನಲ್ಲಿದ್ದರು. ಇದರೊಂದಿಗೆ ಪುಂಡಲಿಕ ಗಾವಡೆ ಅವರಿಗೆ ಎರಡು ಮಕ್ಕಳಿದ್ದು, ಅವರ ಮದುವೆ ಸಹ ಆಗದ ಚಿಂತೆಯಲ್ಲಿದ್ದರು. ಈ ಎಲ್ಲಾ ಸಮಸ್ಯೆಗಳ ಬಗ್ಗೆ ಅವರು ತಮ್ಮ ಅಳಿಯ, ತೆಲಂಗಾರಿನ ನವೀನ ಸುರೇಶ ಬಾಂದೇಕರ್ ಅವರ ಬಳಿ ಹೇಳಿಕೊಂಡಿದ್ದರು. ಅಕ್ಟೊಬರ್ 6ರ ಮಧ್ಯಾಹ್ನ 1ಗಂಟೆಯವರೆಗೂ ಮನೆಯಲ್ಲಿದ್ದ ಪುಂಡಲಿಕ್ ಗಾವಡೆ ಅವರು ಅದಾದ ನಂತರ ಬೆಟ್ಟದ ಕಡೆ ಹೋಗಿದ್ದರು. ಮರಳಿ ಮನೆಗೆ ಬಂದಿರಲಿಲ್ಲ. ಸಾಕಷ್ಟು ಹುಡುಕಿದರೂ ಅವರ ಸುಳಿವು ಸಿಕ್ಕಿರಲಿಲ್ಲ. ಅಕ್ಟೊಬರ್ 9ರಂದು
- [ಗೋಕರ್ಣ | ಪೂಜೆ ಮಾಡಿಸುವುದಾಗಿ ಮೋಸ!](https://mobiletime.in/2026/10/gokarna-cheated-under-the-pretext-of-performing-a-puja/): ಗೋಕರ್ಣದಲ್ಲಿ ಪೂಜೆ ಮಾಡಿಸಿಕೊಡುವುದಾಗಿ ಹೇಳಿದ ವ್ಯಕ್ತಿಯೊಬ್ಬರು ಪೂಜೆ ಮಾಡಿಸಿಕೊಡದೇ ಮೋಸ ಮಾಡಿದ್ದಾರೆ. ಪೂಜೆ ಮಾಡಿಸುವುದಕ್ಕಾಗಿ ದೂರದಿಂದ ಬಂದಿದ್ದ ಭಕ್ತರು ಅಪರಿಚಿತರ ಮಾತು ನಂಬಿ ಮೋಸ ಹೋಗಿದ್ದಾರೆ. ರಾಯಚೂರು ಜಿಲ್ಲೆಯ ಮಾನ್ವಿಯ ಸುಬ್ಬಯ್ಯ ಶೆಟ್ಟಿ ಎಂಬಾತರು ಈಚೆಗೆ ಮಂತ್ರಾಲಯಕ್ಕೆ ಹೋಗಿದ್ದರು. ಅಲ್ಲಿ ಅವರಿಗೆ ಅಜಯ್ ಕೌಶಿಕ್ ಎಂಬಾತರು ಪರಿಚಿತರಾಗಿದ್ದರು. `ಗೋಕರ್ಣದಲ್ಲಿ ಪೂಜೆ ಮಾಡಿಸಿಕೊಡುವೆ’ ಎಂದು ಅಜಯ್ ಕೌಶಿಕ್ ಅವರು ಸುಬ್ಬಯ್ಯ ಶೆಟ್ಟಿ ಅವರಿಗೆ ಹೇಳಿದ್ದರು. ಯಾವ ಯಾವ ಪೂಜೆಗೆ ಎಷ್ಟೇಷ್ಟು ಫೀ? ಎಂದು ವಿವರಿಸಿದ್ದರು. ಹಣಕಾಸು ವಿಷಯವನ್ನು ಸಹ ಮಾತನಾಡಿದ್ದರು. ಮುಂಗಡವಾಗಿ 10 ಸಾವಿರ ರೂ ಹಭವನ್ನುಪಡೆದಿದ್ದರು. ಅದಾದ ನಂತರ ಸುಬ್ಬಯ್ಯ ಶೆಟ್ಟಿ ಅವರು ಪೂಜೆ ಮಾಡಿಸಲು ಗೋಕರ್ಣಕ್ಕೆ ಬಂದಿದ್ದು, ಅಜಯ್ ಕೌಶಿಕ್ ಅವರು ಮೊದಲು ಫೋನ್ ರಿಸಿವ್ ಮಾಡಿದರು. ಅದಾದ ಕೊಠಡಿಯೊಂದರ ಬಗ್ಗೆ ಮಾಹಿತಿ ನೀಡಿ, ಅಲ್ಲಿ ತಂಗಲು ತಿಳಿಸಿದರು. ನಂತರ ಫೋನ್ ಸ್ವಿಚ್ ಆಫ್ ಮಾಡಿ ಯಾಮಾರಿಸಿದರು. ಪಿತೃಪಕ್ಷದ ಹಿನ್ನಲೆ ಗೋಕರ್ಣದಲ್ಲಿ ಅಪರಕಾರ್ಯ ನೆರವೇರಿಸಲು ಸಾವಿರಾರು ಜನ ಬರುತ್ತಿದ್ದು, ಅಂಥವರನ್ನು ಗುರಿಯಾಗಿರಿಸಿಕೊಂಡು
- [ಕಾರವಾರ | ಮಹಮದ್ ಎಲ್ಲಿದೀಯಪ್ಪ?](https://mobiletime.in/2026/10/karwar-mohammed-where-are-you/): ಕದ್ರಾದ ಮಹಮದ್ ಹುಕ್ಕೇರಿ ಅವರು ಮನೆ ಬಿಟ್ಟು ಹೋಗಿ ಮೂರು ದಿನ ಕಳೆದಿದೆ. ಅವರು ಎಲ್ಲಿದ್ದಾರೆ? ಹೇಗಿದ್ದಾರೆ? ಎಂಬುದು ಯಾರಿಗೂ ಗೊತ್ತಿಲ್ಲ. ಕಾರವಾರದ ಕದ್ರಾದ ಚರ್ಚವಾಡದಲ್ಲಿ ಮಹಮ್ಮದ್ ಯಾಸೀರ ಅಬ್ಬಾಸ ಅಲಿ ಹುಕ್ಕೇರಿ ಅವರು ವಾಸವಾಗಿದ್ದರು. 15 ವರ್ಷದ ಅವರು ಅಕ್ಟೊಬರ್ 5ರ ಸಂಜೆ 5 ಗಂಟೆಯವರೆಗೆ ಮನೆಯಲ್ಲಿದ್ದರು. ಅದಾದ ನಂತರ ಮನೆಯಿಂದ ಹೊರಗೆ ಹೋಗಿದ್ದು, ಮತ್ತೆ ಮರಳಿ ಬಂದಿಲ್ಲ. ಹೀಗಾಗಿ ಕುಟುಂಬದವರು ಸದ್ಯ ಮಹಮದ್ ಹುಕ್ಕೇರಿ ಅವರ ಹುಡುಕಾಟ ನಡೆಸಿದ್ದಾರೆ. ಜೊತೆಗೆ ಈ ಬಗ್ಗೆ ಪೊಲೀಸರಿಗೆ ತಿಳಿಸಿದ್ದು, ಪೊಲೀಸರು ಶೋಧ ಶುರು ಮಾಡಿದ್ದಾರೆ. ಆದರೆ, ಮಹಮದ್ ಹುಕ್ಕೇರಿ ಅವರು ಮಾತ್ರ ಈವರೆಗೂ ಸಿಕ್ಕಿಲ್ಲ. ಗೋಧಿ ಮೈಬಣ್ಣ, ಸಾಧಾರಣ ಮೈಕಟ್ಟು, ದುಂಡು ಮುಖ, 5 ಅಡಿ ಎತ್ತರ, ಬಲಗಾಲು ಮೊಣಕಾಲಿನ ಹತ್ತಿರ ಹಳೆ ಸುಟ್ಟ ಗಾಯಹೊಂದಿರುವ ಮಹಮದ್ ಹುಕ್ಕೇರಿ ಅವರು ಕನ್ನಡ, ಇಂಗ್ಲಿಷ್, ಹಿಂದಿ ಜೊತೆ ಕೊಂಕಣಿಯನ್ನು ಮಾತನಾಡುತ್ತಾರೆ. ಕೊನೆಯದಾಗಿ ಅವರು ತಿಳಿ ನೀಲಿ ಬಣ್ಣದ ಟೀ-ಶರ್ಟ್, ನೀಲಿ ಬಣ್ಣದ ಪ್ಯಾಂಟ್ ಧರಿಸಿ
- [ಪ್ರವಾಸೋದ್ಯಮಕ್ಕೆ ಕಂಟಕವಾದ ಅಪಪ್ರಚಾರ!](https://mobiletime.in/2026/10/negative-publicity-poses-a-threat-to-tourism/): ಉತ್ತರ ಕನ್ನಡ ಜಿಲ್ಲೆಯ ಪ್ರವಾಸೋದ್ಯಮ ಚಟುವಟಿಕೆಯಲ್ಲಿ ಬೋಟಿಂಗ್ ಸಹ ಮುಂಚೂಣಿಯಲ್ಲಿದ್ದು, ಅಪಪ್ರಚಾರದ ಪರಿಣಾಮ ಪ್ರವಾಸೋದ್ಯಮ ಚಟುವಟಿಕೆಗೆ ಹಿನ್ನಡೆಯಾಗುವ ಆತಂಕ ಎದುರಾಗಿದೆ. ಕಾನೂನುಬದ್ಧ ಅನುಮತಿ ಜೊತೆ ಬೋಟಿಂಗ್ ನಡೆಸುತ್ತಿದ್ದರೂ ಕೆಲ ರಾಜಕೀಯ ಮುಖಂಡರು ಅಪಪ್ರಚಾರದ ಮೂಲಕ ಪ್ರವಾಸೋದ್ಯಮ ಹಾಳು ಮಾಡುತ್ತಿರುವ ಬಗ್ಗೆ ಪ್ರವಾಸಿ ಬೋಟ್ ಮಾಲಕರು ಆಕ್ಷೇಪವ್ಯಕ್ತಪಡಿಸಿದ್ದಾರೆ. `ಗೋಕರ್ಣದಲ್ಲಿ ಪ್ರವಾಸಿ ಬೋಟ್‌ಗಳನ್ನು ನಡೆಸುವ ಸ್ಥಳೀಯ ಮೀನುಗಾರರಿಗೆ ನಿರಪೇಕ್ಷಣಾ ಪತ್ರ ನೀಡದೇ ಸತಾಯಿಸಲಾಗುತ್ತಿದೆ’ ಎಂದು ಜಿಲ್ಲಾ ಪಂಚಾಯತ ಮಾಜಿ ಸದಸ್ಯ ಪ್ರದೀಪ ನಾಯಕ ಅವರು ಹೇಳಿದ್ದರು. ಇದಕ್ಕೆ ಪ್ರತಿಯಾಗಿ ಬೋಟ್ ಮಾಲಕರು ಪ್ರತಿಕ್ರಿಯೆ ನೀಡಿದ್ದು, `ಸಮಯಕ್ಕೆ ಸರಿಯಾಗಿ ದಾಖಲೆ ನೀಡಿದ ಎಲ್ಲರಿಗೂ ನಿರಪೇಕ್ಷಣಾ ಪತ್ರ ಸಿಕ್ಕಿದೆ. ಅವರ ಆರೋಪದಲ್ಲಿ ಸತ್ಯಾಂಶವಿಲ್ಲ’ ಎಂದು ಹೇಳಿದ್ದಾರೆ. `ತದಡಿ ಮತ್ತು ಮುಡಂಗಿ ಪ್ರದೇಶಗಳಲ್ಲಿ ಪ್ರವಾಸೋದ್ಯಮ ಇಲಾಖೆಯ ನಿಯಮಗಳಂತೆ ಅಗತ್ಯ ಅನುಮತಿ ಪಡೆದು ಕಾನೂನುಬದ್ಧವಾಗಿ ಪ್ರವಾಸಿ ಬೋಟಿಂಗ್ ನಡೆಸಲಾಗುತ್ತಿದೆ. ಆದರೆ, ಕೆಲ ರಾಜಕೀಯ ಮುಖಂಡರು ಅನಗತ್ಯ ಆರೋಪ ಮತ್ತು ಅಪಪ್ರಚಾರ ಮಾಡುವ ಮೂಲಕ ಸುಗಮವಾಗಿ ನಡೆಯುತ್ತಿರುವ ಪ್ರವಾಸೋದ್ಯಮದಲ್ಲಿ ಗೊಂದಲ ಸೃಷ್ಟಿಸುತ್ತಿದ್ದಾರೆ’ ಎಂದು
- [ಹೊನ್ನಾವರ: ಇಲ್ಲಿನ ಅಧಿಕಾರಿಗಳಿಗೆ ಕಾಡು ಕಡಿಯುವುದೇ ಕೆಲಸ!](https://mobiletime.in/2026/10/honnavar-cutting-down-forests-is-the-only-job-the-local-officials-have/): ಹೊನ್ನಾವರದ ಅರಣ್ಯ ಅಧಿಕಾರಿಗಳು 160ಕ್ಕೂ ಅಧಿಕ ದೊಡ್ಡ ದೊಡ್ಡ ಸಾಗವಾನಿ ಮರ ಕಟಾವು ಮಾಡಿದ್ದಾರೆ. 20 ಕೋಟಿ ರೂ ಮೌಲ್ಯದ ಮರಗಳನ್ನು ಅವರು ಕಡಿದು ಕಾಡು ನಾಶ ಮಾಡಿದ್ದಾರೆ. ಹೊನ್ನಾವರದ ಹೆರೆಂಗಡಿ ಗ್ರಾಮ ಪಂಚಾಯತ ಬಳಿಯ ತುಂಬೊಳ್ಳಿ ಗ್ರಾಮದಲ್ಲಿ ದೊಡ್ಡ ದೊಡ್ಡ ಮರಗಳು ನೆಲಕ್ಕೆ ಉರುಳಿದೆ. ನೂರಾರು ವರ್ಷದ ಹಳೆಯ ಮರಗಳನ್ನು ಅಧಿಕಾರಿಗಳು ಕಡಿಸಿದ್ದಾರೆ. 150 ಅಡಿ ಎತ್ತರದ ಮರವೂ ಸಹ ಇದೀಗ ನೆಲಸಮವಾಗಿ ಬಿದ್ದಿದೆ. ಕಟಾವು ಮಾಡಲಾದ ಮರಗಳನ್ನು ಸಾಗಾಟ ಮಾಡುವುದಕ್ಕಾಗಿ ಅಕ್ಕಪಕ್ಕದ ಇನ್ನಿತರ ಅನೇಕ ಗಿಡ-ಮರಗಳನ್ನು ನಾಶ ಮಾಡಿದ್ದಾರೆ. ಮರ ಸಾಗಿಸುವುದಕ್ಕಾಗಿಯೇ ಅರಣ್ಯದಲ್ಲಿ ದೊಡ್ಡ ದೊಡ್ಡ ರಸ್ತೆಯನ್ನು ಸಹ ನಿರ್ಮಿಸಿದ್ದಾರೆ. ಇಲ್ಲಿ ಮುಖ್ಯವಾಗಿ ಇಳಿಜಾರು ಪ್ರದೇಶದಲ್ಲಿ ಬೆಳೆದು ನಿಂತಿದ್ದ ಸಾಗವಾನಿ ಮರ ಕಟಾವು ನಡೆದಿದೆ. ಇಳಿಜಾರು ಪ್ರದೇಶದಲ್ಲಿ ಭೂ ಸವಕಳಿ ನಡೆಯದಂತೆ ಮರದ ಬೇರುಗಳು ಮಣ್ಣುಗಳನ್ನು ಹಿಡಿದುಕೊಂಡಿದ್ದು, ಮರ ಕಟಾವು ಪ್ರಕ್ರಿಯೆಯಿಂದ ಭೂ ಕುಸಿತದ ಆತಂಕ ಶುರುವಾಗಿದೆ. ಗಿಡ ನೆಡಬೇಕಾದ ಮಹತ್ವದ ಜವಾಬ್ದಾರಿ ಹೊತ್ತ ಅರಣ್ಯ ಇಲಾಖೆಯೇ ಮುಂದೆ ನಿಂತು
- [ಶಿರಸಿ | ಸರ ಕದ್ದ ಬೈಕ್ ಸವಾರ!](https://mobiletime.in/2026/10/sirsi-bike-rider-steals-necklace/): ಶಿರಸಿ ನಗರದಲ್ಲಿ ಒಂಟಿಯಾಗಿ ನಡೆದುಕೊಂಡು ಹೋಗುತ್ತಿದ್ದ 66 ವರ್ಷದ ಮಹಿಳೆಯ ಕೊರಳಲ್ಲಿದ್ದ ಚಿನ್ನದ ಹವಳದ ಸರವನ್ನು ಬೈಕ್ ಸವಾರರಿಬ್ಬರು ಅಪಹರಿಸಿದ್ದಾರೆ. ಮಹಿಳೆಯನ್ನು ನೆಲಕ್ಕೆ ಬೀಳಿಸಿ ಸರ ಎಗರಿಸಿದ್ದಾರೆ. ಶಿರಸಿ ದುಂಡಶಿ ನಗರ ರಸ್ತೆಯ ಮುಸ್ಲಿಂ ಗಲ್ಲಿ ಸಮೀಪ ಗುರುವಾರ ಬೆಳಗ್ಗೆ ಸುಮಾರು 8.20ರ ವೇಳೆಗೆ ಘಟನೆ ನಡೆದಿದೆ. ಶಿರಗುಂಜಿ ಮೂಲದ, ಸದ್ಯ ಶಿರಸಿಯ ಉಂಚಳ್ಳಿಯಲ್ಲಿ ವಾಸವಿರುವ ತಾರಾಮತಿ ಈಶ್ವರ ನಾಯಕ ಒಬ್ಬರೇ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಕಪ್ಪು ಬಣ್ಣದ ಮೋಟಾರ್ ಸೈಕಲ್‌ನಲ್ಲಿ ಬಂದ ಇಬ್ಬರು ಅಪರಿಚಿತರ ಪೈಕಿ ಒಬ್ಬ ಅವರ ಕೊರಳಲ್ಲಿದ್ದ ಬಂಗಾರದ ಹವಳದ ಸರಕ್ಕೆ ಕೈ ಹಾಕಿ ಎಳೆದಿದ್ದಾರೆ. ಸರ ಕಿತ್ತುಕೊಂಡ ಪರಿಣಾಮ ಅದರ ಒಂದು ತುಂಡನ್ನು ಆರೋಪಿಗಳು ಸುಲಿಗೆ ಮಾಡಿಕೊಂಡು, ಇಬ್ಬರೂ ಸ್ಥಳದಿಂದ ಪರಾರಿಯಾಗಿದ್ದಾರೆ. ಕಿತ್ತುಕೊಂಡು ಹೋದ ಸರದ ತುಂಡು ಸುಮಾರು 2.5 ಗ್ರಾಂ ತೂಕ ಹೊಂದಿದ್ದು, ಅಂದಾಜು ರೂ.35,000 ಮೌಲ್ಯದ್ದಾಗಿದೆ. ಘಟನೆ ಸಂಬoಧ ತಾರಾಮತಿ ಅವರು ಶಿರಸಿ ಹೊಸ ಮಾರುಕಟ್ಟೆ ಪೊಲೀಸ್ ಠಾಣೆಗೆ ಹಾಜರಾಗಿ ಗಣಕೀಕೃತ ದೂರು ನೀಡಿದ್ದಾರೆ.
- [ಜೊಯಿಡಾ | ಬಾಕಿ ದುಡ್ಡು ಕೇಳಿದವನಿಗೆ ಕಲ್ಲೇಟು!](https://mobiletime.in/2026/10/joida-man-pelted-with-stones-after-asking-for-outstanding-payment/): ಚಹಾ ಹಾಗೂ ಸಿಗರೇಟಿನ ಬಾಕಿ ಹಣ ಕೇಳಿದ ವಿಚಾರಕ್ಕೆ ವ್ಯಕ್ತಿಯೊಬ್ಬ ಚಹಾ ಅಂಗಡಿ ಮಾಲೀಕನ ತಲೆಗೆ ಕಲ್ಲಿನಿಂದ ಹೊಡೆದು ಗಾಯಗೊಳಿಸಿದ್ದು, ಆರೋಪಿ ವಿರುದ್ದ ರಾಮನಗರ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಕರಂಬಳದ ಅನಮೋಡ ನಿವಾಸಿ ನಿತೇಶ ಗೋಪಾಲ ಗಾವಡೆ (32) ಅವರು ರಾಮನಗರದ ಶಿವಾಜಿ ವೃತ್ತದಲ್ಲಿ ‘ಜಗದಂಬಾ ಟೀ ಸ್ಟಾಲ್’ ನಡೆಸುತ್ತಿದ್ದಾರೆ. ರಾಮನಗರದ ಕೆಪಿಸಿ ಕಾಲೋನಿ ನಿವಾಸಿ ವಿಠ್ಠಲ ಗವಳಿ ಎಂಬಾತ ಅಂಗಡಿಗೆ ಬಂದು ಚಹಾ ಕುಡಿದು ಸಿಗರೇಟು ಸೇದುತ್ತಿದ್ದು, ಈ ಸಂಬAಧ ರೂ 50 ಬಾಕಿ ಕೊಟ್ಟಿರಲಿಲ್ಲ. ಅಕ್ಟೋಬರ್ 7ರಂದು ರಾತ್ರಿ ಸುಮಾರು 10.30ರ ವೇಳೆಗೆ ವಿಠ್ಠಲ ಗವಳಿ ಅವರು ಬೈಕ್‌ನಲ್ಲಿ ಅಂಗಡಿಯ ಬಳಿ ಬಂದಿದ್ದಾರೆ. ಇದೇ ಸಂದರ್ಭದಲ್ಲಿ ನಿತೇಶ ಮಾರವಾಡಿ ಅಂಗಡಿಯಿAದ ಸಾಮಾನುಗಳನ್ನು ತೆಗೆದುಕೊಂಡು ತಮ್ಮ ಅಂಗಡಿಯತ್ತ ಬರುತ್ತಿದ್ದರು. ಆಗ ಬಾಕಿ ಹಣ ಕೇಳಿದ ಅವರು, ತಮಾಷೆಗೆ ಬೈಕ್‌ನ ಚಾವಿಯನ್ನು ತೆಗೆದುಕೊಂಡಿದ್ದಾರೆ. ವಿಠ್ಠಲ ಬೈಕ್‌ನ ಚಾವಿಯನ್ನು ಕೇಳಿದಾಗ ನಿತೇಶ ಅವರು ಸ್ವಲ್ಪ ಸಮಯ ಚಾವಿ ನೀಡದೆ ಬಳಿಕ ವಾಪಸ್ ನೀಡಿದ್ದಾರೆ.
- [ಬಿಗುವಾದ ವಿಬಿಜಿರಾಮಜಿ ನಿಯಮ: ಬೆಳಕಿಗೆ ಬರುತ್ತಿದೆ ನರೆಗಾ ಅಕ್ರಮ!](https://mobiletime.in/2026/10/strict-v-b-gijaramji-rule-nrega-irregularities-coming-to-light/): ನರೆಗಾ ಯೋಜನೆ ಮುಗಿದು ವಿಬಿಜಿರಾಮ್ ಜಿ ಅನುಷ್ಟಾನವಾಗುತ್ತಿದೆ. ಗ್ರಾ.ಪಂ ಹಂತದಲ್ಲಿ ಕಾಮಗಾರಿಗಳ ಪ್ರಗತಿ ಕಾಣದೇ ಇರುವದು ಜಿಲ್ಲಾ ಪಂಚಾಯತ ಮತ್ತು ತಾಲೂಕಾ ಪಂಚಾಯತ ಅಧಿಕಾರಿಗಳಿಗೆ ಬಿಸಿ ತುಪ್ಪವಾಗಿದೆ. ಅದಕ್ಕಾಗಿ ವಿಡಿಯೋ ಸಭೆ, ವಿಚಾರಣಾ ಸಭೆ, ನೋಟಿಸ್ ಜಾರಿಯಂತ ಒತ್ತಡ ತಂತ್ರಕ್ಕೆ ಇಳಿದಿರುವದು ಕಂಡು ಬಂದಿದೆ. ನರೆಗಾ ಯೋಜನೆಯಂತೆ ವಿಬಿಜಿರಾಮ್ ಜಿ ಯೋಜನೆಯು ಬೇಡಿಕೆ ಆಧಾರಿತವಾಗಿದೆ. ಕೂಲಿಗಳು ಬೇಡಿಕೆ ಸಲ್ಲಿಸಿದಲ್ಲಿ ಅಕುಶಲಕೆಲಸವನ್ನು ನೀಡುವದಾಗಿದೆ. ಆದರೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಹಳಿಯಾಳ, ಮುಂಡಗೋಡ ತಾಲೂಕಿನ ಕೆಲವು ಗ್ರಾ.ಪಂ ಗಳನ್ನು ಹೊರತು ಪಡಿಸಿದಲ್ಲಿ ಉಳಿದೆಡೆ ತೆರೆಯಮರೆಯಲ್ಲಿ ಗುತ್ತಿಗೆದಾರರೇ ಪ್ರಾಧಾನ್ಯವಾಗಿದ್ದಾರೆ. ಫೋಟೋ ಪೋಸ್ ಗೆ ಜೈ ಕೆಲಸಕ್ಕೆ ಬೈ: ನರೆಗಾ ಯೋಜನೆಯಲ್ಲಿ ಭ್ರಷ್ಟಾಚಾರವನ್ನು ತಪ್ಪಿಸಲು ಎನ್.ಎಂ.ಎA.ಎಸ್ ತಂತ್ರಾoಶ ಮೂಲಕ ಕೆಲಸಕ್ಕೆ ಬರುವ ಕೂಲಿಗಳ ಫೊಟೋಗಳನ್ನು ತೆಗೆದು ವೆಬ್ ಸೈಟ್ ಗೆ ಅಳವಡಿಸಿದರೆ ಮುಗಿಯಿತು. ಕೆಲಸಕ್ಕೆ ಬರುವವರೆ ಬೇರೆ. ಹಾಗಾಗಿ ಪೋಟೋ ಗೆ ಫೋಸ್ ಕೊಟ್ಟು ಕೆಲಸಕ್ಕೆ ಬಾರದಿದ್ದರೂ ಯಾರಿಗೂ ತಿಳಿಯುತ್ತಿರಲಿಲ್ಲ ಕೆಲಸಕ್ಕೆ ಬಾರದೇ ಇರುವವರು ತೆರೆಯಮರೆಯಲ್ಲಿರುವ ಗುತ್ತಿಗೆದಾರರಿಗೆ ಹಣ
- [ಹಳಿಯಾಳ | ಯಲ್ಲಾಪುರಕ್ಕೆ ಬಂದಿದ್ದ ಯುವಕನ ಮರಣ!](https://mobiletime.in/2026/10/haliyal-death-of-a-young-man-who-had-come-to-yellapur/): ಹಳಿಯಾಳದಿಂದ ಯಲ್ಲಾಪುರಕ್ಕೆ ಬಂದಿದ್ದ ಮಾರ್ಟಿನ್ ಕೆಸರೊಳ್ಳಿಕರ್ ಅವರ ಬೈಕಿಗೆ ಅಪರಿಚಿತ ಗಾಡಿ ಡಿಕ್ಕಿ ಹೊಡೆದಿದೆ. ಆ ಡಿಕ್ಕಿ ರಭಸಕ್ಕೆ ಮಾರ್ಟಿನ್ ಕೆಸರೊಳ್ಳಿಕರ್ ಅವರು ಪ್ರಾಣ ಬಿಟ್ಟಿದ್ದಾರೆ. ಹಳಿಯಾಳದ ಬಾಳೆಶೆಟ್ಟಿಕೊಪ್ಪದಲ್ಲಿ ಮಾರ್ಟಿನ್ ಸಂತಾನ ಕೆಸರೊಳ್ಳಿಕರ್ ಅವರು ವಾಸವಾಗಿದ್ದರು. ಅಕ್ಟೊಬರ್ 7ರಂದು ಅವರು ಯಲ್ಲಾಪುರಕ್ಕೆ ಹೋಗಿ ಬರುವುದಾಗಿ ಹೇಳಿ ಮನೆಯಿಂದ ಹೊರಟಿದ್ದರು. ಮಧ್ಯಾಹ್ನ 1.30ರ ವೇಳೆಗೆ ತಾಟವಾಳದಿಂದ 1ಕಿಮೀ ದೂರದಲ್ಲಿ ಅವರ ಬೈಕಿಗೆ ಅಪರಿಚಿತ ವಾಹನ ಗುದ್ದಿತು. ಆ ಅಪಘಾತದ ರಭಸಕ್ಕೆ ಮಾರ್ಟಿನ್ ಕೆಸರೊಳ್ಳಿಕರ್ ಅವರು ಕೊನೆಯುಸಿರೆಳೆದರು. ಕೆಗೆದಾಳದ ಜೋಸನ್ ಪ್ರಾನ್ಸಿಸ್ ಸಿದ್ದಿ ಅವರು ರಸ್ತೆ ಪಕ್ಕ ಬೈಕ್ ಬಿದ್ದಿರುವ ಮಾಹಿತಿ ಸಂಗ್ರಹಿಸಿದರು. ಅಪಘಾತದ ಬಗ್ಗೆ ಅವರು ಚೇತನ ಸಂತಾನ ಕೆಸರೊಳ್ಳಿಕರ್ ಅವರಿಗೆ ಫೋನ್ ಮಾಡಿದರು. ಚೇತನ ಕೆಸರೊಳ್ಳಿಕರ್ ಅವರು ತಮ್ಮ ಚಿಕ್ಕಪ್ಪ ಇಶಾಂತಿ ಕೆಸರೊಳ್ಳಿಕರ್ ಅವರ ಜೊತೆ ಯಲ್ಲಾಪುರಕ್ಕೆ ಬಂದರು. ಶವಾಗಾರದಲ್ಲಿ ಮಾರ್ಟಿನ್ ಕೆಸರೊಳ್ಳಿಕರ್ ಅವರ ಶವ ನೋಡಿ ಅವರು ಕಣ್ಣೀರಾದರು. ತಲೆಗೆ ಗಂಭೀರ ಗಾಯಗೊಂಡು ಅವರು ಸಾವನಪ್ಪಿರುವುದನ್ನು ಖಚಿತಪಡಿಸಿಕೊಂಡರು. ಸೂರೇಶ ಜೂಜೆ ಸಿದ್ದಿ
- [ಅಕ್ಕನ ಮನೆಯಲ್ಲಿ ಊಟ ರೆಡಿ!](https://mobiletime.in/2026/10/lunch-is-ready-at-my-sisters-house/): ಗ್ರಾಮೀಣ ಭಾಗದ ಮಹಿಳೆಯರಿಗೆ ಪ್ರೋತ್ಸಾಹ ನೀಡುವುದಕ್ಕಾಗಿ ಸರ್ಕಾರ `ಅಕ್ಕ ಕೆಫೆ’ ಶುರು ಮಾಡಿದ್ದು, ಉತ್ತರ ಕನ್ನಡ ಜಿಲ್ಲೆಯ ಅನೇಕ ಕಡೆ ಈ ಅಡುಗೆ ಮನೆ ಸಿದ್ಧವಾಗಿದೆ. ಸಂಜೀವಿನಿ ಎನ್‌ಆರ್‌ಎಲ್‌ಎಂ ಯೋಜನೆಯಡಿ ದುಡಿಯುವ ಮಹಿಳೆಯರು ಒಗ್ಗಟ್ಟಿನಿಂದ ಕ್ಯಾಂಟೀನ್ ನಡೆಸುತ್ತಿದ್ದಾರೆ. ಅಕ್ಕ ಕೆಫೆಗಳ ಮೂಲಕ ಮಹಿಳೆಯರು ಆಹಾರ ತಯಾರಿಕೆ, ಮಾರಾಟ, ಗ್ರಾಹಕರ ನಿರ್ವಹಣೆ, ಲೆಕ್ಕಪತ್ರ ನಿರ್ವಹಣೆ ಸೇರಿದಂತೆ ವಿವಿಧ ಕೌಶಲ್ಯಗಳನ್ನು ಬೆಳೆಸಿಕೊಳ್ಳುವುದರ ಜೊತೆಗೆ ಸ್ವಂತ ಉದ್ಯಮವನ್ನು ಯಶಸ್ವಿಯಾಗಿ ನಡೆಸುವ ಅವಕಾಶ ಪಡೆಯುತ್ತಿದ್ದಾರೆ. ಇದರಿಂದ ಗ್ರಾಮೀಣ ಭಾಗದ ಮಹಿಳೆಯರಿಗೆ ಉದ್ಯೋಗದಾತರಾಗುವ ಸಾಮರ್ಥ್ಯವೂ ವೃದ್ಧಿಯಾಗುತ್ತಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಅಕ್ಕ ಕೆಫೆ ಯೋಜನೆಗೆ ಉತ್ತಮ ಸ್ಪಂದನೆ ದೊರೆತಿದ್ದು, ಈಗಾಗಲೇ ಕಾರವಾರ ಮತ್ತು ಮುರುಡೇಶ್ವರದಲ್ಲಿ ಅಕ್ಕ ಕೆಫೆಗಳು ಕಾರ್ಯಾರಂಭ ಮಾಡಿವೆ. ಕಾರವಾರದ ತಹಶೀಲ್ದಾರ್ ಕಚೇರಿ ಆವರಣದಲ್ಲಿ ಕಡವಾಡದ ಶ್ರೀ ಸಿದ್ಧಿ ವಿನಾಯಕ ಮಹಿಳಾ ಸ್ವಸಹಾಯ ಗುಂಪಿನವರು 2025ರ ಜುಲೈನಲ್ಲಿ ಅಕ್ಕ ಕೆಫೆ ಶುರು ಮಾಡಿದ್ದು, ಈವರೆಗೆ 26 ಲಕ್ಷ ರೂ ವ್ಯವಹಾರ ಮಾಡಿದ್ದಾರೆ. 2025ರ ಅಕ್ಟೊಬರ್ ಅವಧಿಯಲ್ಲಿ ಮುರುಡೇಶ್ವರದಲ್ಲಿ ಅಕ್ಕ
- [ಶಿರಸಿ | ಶ್ರೀಗಂಧದ ಮರ ಕಳ್ಳತನ: ನಾಲ್ವರ ಬಂಧನ!](https://mobiletime.in/2026/10/sirsi-sandalwood-tree-theft-four-arrested/): ಅರಣ್ಯದಲ್ಲಿದ್ದ ಶ್ರೀಗಂಧದ ಮರಗಳನ್ನು ಕಡಿದು ಸಾಗಿಸುತ್ತಿದ್ದ ಸಂತೋಷ ನಾಯ್ಕ, ನವೀನ ದೇವಾಡಿಗ, ಮಾದೇವ ಗೌಡ ಹಾಗೂ ಜನಾರ್ಧನ ಗೌಡ ಅರಣ್ಯಾಧಿಕಾರಿಗಳ ಬಲೆಗೆ ಬಿದ್ದಿದ್ದಾರೆ. ಅವರ ಬಳಿಯಿದ್ದ ದೊಡ್ಡ ದೊಡ್ಡ ತುಂಡುಗಳನ್ನು ಅಧಿಕಾರಿಗಳು ಜಪ್ತು ಮಾಡಿದ್ದಾರೆ. ಶಿರಸಿಯ ಗೋಳಿಕಟ್ಟಾ ಗ್ರಾಮದ ಅರಣ್ಯ ಪ್ರದೇಶದಲ್ಲಿ ಶ್ರೀಗಂಧದ ಮರಗಳು ಕಳ್ಳತನವಾಗಿದ್ದವು. ಅಧಿಕಾರಿಗಳು ಮರ ಕಟಾವು ಆಗಿರುವುದನ್ನು ಗಮನಿಸಿ, ತನಿಖೆ ಶುರು ಮಾಡಿದ್ದರು. ಈ ವೇಳೆ ಮರಗಳನ್ನು ಕಡಿದು ತುಂಡುಗಳಾಗಿ ಮಾಡಿರುವುದು ಪತ್ತೆಯಾಗಿದ್ದು, 7 ಶ್ರೀಗಂಧದ ಬುಡಚಿಗಳು ಹಾಗೂ 21 ನಗಗಳು ಸ್ಥಳದಲ್ಲಿ ಕಾಣಿಸಿದ್ದವು. 50 ಕೆಜಿ ಶ್ರೀಗಂಧದ ತುಂಡುಗಳನ್ನು ವಶಕ್ಕೆಪಡೆದಿದ್ದರು. ವಿಚಾರಣೆ ನಡೆಸಿದಾಗ ಉಂಬಳೇಕೊಪ್ಪದ ಸಂತೋಷ ಸಣ್ಯಾ ನಾಯ್ಕ (35), ನವೀನ ಚಂದ್ರಶೇಖರ ದೇವಡಿಗ (30), ಸಹಸ್ರಳ್ಳಿಯ ಮಂಜುನಾಥ ಮಾದೇವ ಗೌಡ (39) ಹಾಗೂ ಮುಂಡಿಗೆಹಳ್ಳಿಯ ಜನಾರ್ಧನ ಗಣಪತಿ ಗೌಡ (29) ಸೇರಿ ಈ ಕೆಲಸ ಮಾಡಿರುವುದು ಗೊತ್ತಾಯಿತು. ತಕ್ಷಣ ಅರಣ್ಯಾಧಿಕಾರಿಗಳು ಅವರನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದರು.
- [ಉತ್ತರ ಕನ್ನಡ: ರಾಜಕೀಯ ಕ್ಷೇತ್ರದಲ್ಲಿ ಮಹಿಳೆಯರಿಗೆ ಮಣೆ!](https://mobiletime.in/2026/10/uttara-kannada-women-given-prominence-in-the-political-arena/): ಉತ್ತರ ಕನ್ನಡ ಜಿಲ್ಲಾ ಪಂಚಾಯತ ಹಾಗೂ ತಾಲೂಕು ಪಂಚಾಯತ ಸದಸ್ಯ ಸ್ಥಾನಕ್ಕೆ ಮೀಸಲಾತಿ ಪ್ರಕಟವಾಗಿದೆ. ಈ ಜಿಲ್ಲಾ ಪಂಚಾಯತದಲ್ಲಿ 27 ಕ್ಷೇತ್ರಗಳಿಗೆ ಹಾಗೂ ತಾಲೂಕು ಪಂಚಾಯತದಲ್ಲಿ 65 ಸ್ಥಾನಗಳಿಗೆ ಮಹಿಳಾ ಮೀಸಲಾತಿ ನೀಡಲಾಗಿದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ 53 ಜಿಲ್ಲಾ ಪಂಚಾಯತ್ ಸ್ಥಾನಗಳಿವೆ. 118 ತಾಲೂಕು ಪಂಚಾಯತ ಸ್ಥಾನಗಳಿವೆ. ಈ ಎರಡು ಕಡೆ ಮಹಿಳೆಯರಿಗೆ ಹೆಚ್ಚಿನ ಮೀಸಲಾತಿ ಸಿಕ್ಕಿದೆ. ರಾಜ್ಯ ಸರ್ಕಾರದ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಕರ್ನಾಟಕ ಪಂಚಾಯತ್ ರಾಜ್ ಅಧಿನಿಯಮ 1993ರ ಅನ್ವಯ ಮೀಸಲಾತಿ ನಿಗದಿಪಡಿಸಿದೆ. ಇದರೊಂದಿಗೆ ಈ ಹಿಂದೆ ಪ್ರಕಟಿಸಿದ್ದ ಅಧಿಸೂಚನೆಗಳನ್ನು ರದ್ದುಗೊಳಿಸಲಾಗಿದೆ. ಜಿಲ್ಲಾ ಪಂಚಾಯತ್ 53 ಸ್ಥಾನಗಳಲ್ಲಿ ಸಾಮಾನ್ಯ ವರ್ಗಕ್ಕೆ 30, ಹಿಂದುಳಿದ ವರ್ಗ ‘ಅ’ಕ್ಕೆ 14, ಹಿಂದುಳಿದ ವರ್ಗ ‘ಬ’ಕ್ಕೆ 4, ಪರಿಶಿಷ್ಟ ಜಾತಿಗೆ 4 ಹಾಗೂ ಪರಿಶಿಷ್ಟ ಪಂಗಡಕ್ಕೆ ಒಂದು ಸ್ಥಾನ ನಿಗದಿಯಾಗಿದೆ. ಈ ಪೈಕಿ ಸಾಮಾನ್ಯ ವರ್ಗದ 15, ಹಿಂದುಳಿದ ವರ್ಗ ‘ಅ’ದ 7, ಹಿಂದುಳಿದ ವರ್ಗ ‘ಬ’ದ 2, ಪರಿಶಿಷ್ಟ
- [ಸಿದ್ದಾಪುರ | ಬಾವಿಗೆ ಬಿದ್ದ ಹಸು: ರಕ್ಷಣೆ](https://mobiletime.in/2026/10/siddapura-cow-falls-into-well-rescued/): ಸಿದ್ದಾಪುರದ ಲಂಬಾಪುರದಲ್ಲಿ 50 ಅಡಿ ಆಳಕ್ಕೆ ಹಸು ಬಿದ್ದಿದೆ. ಪಾಳು ಬಾವಿಯಲ್ಲಿ ಬಿದ್ದು ಹೊರಳಾಡುತ್ತಿದ್ದ ಹಸುವನ್ನು ಅಗ್ನಿಶಾಮಕ ಸಿಬ್ಬಂದಿ ರಕ್ಷಿಸಿದ್ದಾರೆ. ಲಂಬಾಪುರ ಗ್ರಾಮದಲ್ಲಿ ಬಳಕೆಯಿಲ್ಲದ ಬಾವಿಯೊಂದಿದೆ. ಆ ಬಾವಿ 5 ಅಡಿ ಅಗಲ ಹಾಗೂ 50 ಅಡಿ ಆಳವಿದೆ. ಅಲ್ಲಿ 10 ಅಡಿ ಮಾತ್ರ ನೀರಿದ್ದು, ಆ ನೀರಿನಲ್ಲಿ ಹಸು ಬಿದ್ದಿದೆ. ಬಳಕೆಯಿಲ್ಲದ ಬಾವಿಯಲ್ಲಿ ಉಸಿರುಗಟ್ಟುವ ವಾತಾವರಣವಿದ್ದರಿಂದ ಹಸು ಕಂಗಾಲಾಗಿದೆ. ಈ ವಿಷಯ ಅರಿತ ಜನ ಅಗ್ನಿಶಾಮಕ ಸಿಬ್ಬಂದಿಗೆ ಫೋನ್ ಮಾಡಿದ್ದರೆ. ಕೃತಕ ಉಸಿರಾಟದ ಉಪಕರಣ ಬಳಸಿ ಅಗ್ನಿಶಾಮಕ ಸಿಬ್ಬಂದಿ ಕಾರ್ಯಾಚರಣೆ ಮಾಡಿದ್ದಾರೆ. ಫೈರ್ ಫೈಟರ್ ಐಸಿ ನಂದನ ಅವರು ಧೈರ್ಯದಿಂದ ಬಾವಿಗಿಳಿದು ಕರುವಿಗೆ ಹಗ್ಗ ಕಟ್ಟಿ ಸುರಕ್ಷಿತವಾಗಿ ಮೇಲಕ್ಕೆ ತಂದಿದ್ದಾರೆ. ಇನ್ನಿತರ ಅಧಿಕಾರಿ ಎ. ಸುಬ್ರಮಣ್ಯ , ಎಲ್.ಎಫ್.ಎಫ್ ಎಂ. ಚಂದ್ರಾ ನಾಯ್ಕ್, ನಾಗರಾಜ ಜಿ. ಪಟಗಾರ, ಬಸಪ್ಪ ಕುಸ್ತಿ ಹಾಗೂ ಬಸವಂತ ಜಗತಾಪ ಅವರನ್ನೊಳಗೊಂಡ ತಂಡದವರು ಸಹಕಾರ ನೀಡಿದ್ದಾರೆ. ಸುಮಾರು 2 ಗಂಟೆಗಳ ಕಾಲ ಕರು ಬಾವಿಯ ನೀರಿನಲ್ಲೇ ಸಿಲುಕಿಕೊಂಡಿದ್ದರೂ
- [ಕುಮಟಾ | ಹಿಂದಿನಿoದ ಗುದ್ದಿದ ಬೈಕ್ ಸವಾರ: ಸೆರೆ!](https://mobiletime.in/2026/10/kumta-biker-who-rammed-from-behind-arrested/): ದಿವಗಿ ಕಡೆಯಿಂದ ಅಂತ್ರವಳ್ಳಿ ಬೆಳ್ಳೆಗೆ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯೊಬ್ಬರಿಗೆ ಹಿಂದಿನಿoದ ಬೈಕ್ ಗುದ್ದಿ ಪರಾರಿಯಾಗಿದ್ದ ಸವಾರನನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. ಅಪಘಾತ ನಡೆದ ಒಂದೇ ದಿನದಲ್ಲಿ ಆರೋಪಿಯನ್ನು ಹಿಡಿದಿದ್ದಾರೆ. ಅಂತ್ರವಳ್ಳಿಯ ಬೆಳ್ಳೆ ಗ್ರಾಮಕ್ಕೆ ವಿಘ್ನೇಶ್ವರ ಹುಲಿಯಾ ಗೌಡ ಅವರು ಅಕ್ಟೊಬರ್ 6ರ ರಾತ್ರಿ 8.30ರ ವೇಳೆಗೆ ಕೂಲಿ ಕೆಲಸ ಮುಗಿಸಿ ಮನೆ ಕಡೆ ಹೊರಟಿದ್ದರು. ಆಗ, ಕುಮಟಾ ಮಾವಳ್ಳಿ ಗ್ರಾಮದ ಶ್ರೀಧರ ಶಂಕರ ಗೌಡ ಅವರು ವೇಗವಾಗಿ ಬೈಕ್ ಓಡಿಸಿಕೊಂಡು ಬಂದಿದ್ದು, ವಿಘ್ನೇಶ್ವರ ಗೌಡ ಅವರಿಗೆ ಗುದ್ದಿದ್ದರು. ಅಪಘಾತದ ನಂತರ ಶ್ರೀಧರ ಗೌಡ ಅವರು ಅಲ್ಲಿಂದ ಪರಾರಿಯಾಗಿದ್ದರು. ವಿಘ್ನೇಶ್ವರ ಗೌಡ ಅವರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದರು. ಪ್ರಕರಣ ದಾಖಲಿಸಿದ ಪೊಲೀಸರು ಪಿಎಸ್‌ಐ ರವಿ ಗುಡ್ಡಿ ಹಾಗೂ ಸಿಬ್ಬಂದಿ ಎಸೈ ನಾಗಾನಂದ ನೆಗಳೂರು, ಕಿರಣ ನಾಯ್ಕ, ಕತಗಾಲದ ಹುಚ್ಚಪ ಚೌಡಿ ಅವರೊಂದಿಗೆ ತನಿಖೆ ನಡೆಸಿ ಘಟನೆ ನಡೆದ ಸ್ಥಳದ ಸುತ್ತಮುತ್ತಲಿನ ಸಿಸಿ ಇವಿ ಕ್ಯಾಮರಾ ದಾಖಲೆ ಆಧರಿಸಿ ಆರೋಪಿಯನ್ನು ಹಿಡಿದಿದ್ದಾರೆ.
- [ಶಿರಸಿ | ಮಾದಕ ಅಮಲು: ಮಾಧ್ಯಮದವರನ್ನೂ ಬೆದರಿಸಿದ ಹರೀಶ ಹೆಗಡೆ!](https://mobiletime.in/2026/10/sirsi-drug-induced-intoxication-harish-hegde-threatens-the-media-too/): ಮಾದಕ ಅಮಲಿನಲ್ಲಿ ಅಲೆದಾಡುತ್ತಿದ್ದ ಶಿರಸಿಯ ಅಗಸ್ತ್ಯ ಎಜನ್ಸಿಯ ಹರೀಶ ಹೆಗಡೆ ಅವರು ಪೊಲೀಸರ ಬಳಿ ತಪ್ಪು ಒಪ್ಪಿಕೊಂಡಿದ್ದು, ಅವರಿಗೆ ಮಾದಕ ವ್ಯಸನ ಪೂರೈಸಿದವರು ಯಾರು? ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ. ವಿವಿಧ ಮಳಿಗೆಗಳಿಗೆ ಬಗೆ ಬಗೆಯ ಉತ್ಪನ್ನಗಳನ್ನು ಸರಬರಾಜು ಮಾಡುವ ಹರೀಶ ಹೆಗಡೆ ಅವರು ಮಾದಕ ವ್ಯಸನ ಸೇವನೆ ಜೊತೆ ಮಾದಕ ವ್ಯಸನ ಸರಬರಾಜು ಮಾಡುವವರ ಜೊತೆಯೂ ಸಂಪರ್ಕದಲ್ಲಿರುವ ಅನುಮಾನಗಳಿವೆ. ಶಿರಸಿಯ ಗಣೇಶ ನಗರದ ಹರೀಶ ಅರುಣ ಹೆಗಡೆ ಅವರು ವಾಸವಾಗಿದ್ದಾರೆ. 40 ವರ್ಷದ ಅವರು ವ್ಯಾಪಾರ-ವ್ಯವಹಾರ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ಅಗಸ್ತ್ಯ ಎಜನ್ಸಿ ಎಂಬ ಮಳಿಗೆ ಮೂಲಕ ಅವರು ವಿವಿಧ ಬಗೆಯ ಉತ್ಪನ್ನಗಳನ್ನು ಪೂರೈಕೆ ಮಾಡುತ್ತಿದ್ದಾರೆ. ಅಲ್ಲಿಂದ ಬರುವ ಆದಾಯದಿಂದ ಅವರು ಮೋಜು-ಮಸ್ತಿ ಮಾಡಿದ್ದು, ಮಾದಕ ವ್ಯಸನಕ್ಕೆ ದಾಸರಗಿದ್ದಾರೆ. ಆನೆಹೊಂಡದ ಬಳಿ ಮಾದಕ ವಸ್ತು ಸೇವಿಸುತ್ತಿದ್ದಾಗ ಹರೀಶ ಹೆಗಡೆ ಅವರು ಪೊಲೀಸರ ಬಳಿ ಸಿಕ್ಕಿ ಬಿದ್ದಿದ್ದಾರೆ. ಅಕ್ಟೊಬರ್ 5ರಂದು ಸಹ ಹರೀಶ ಹೆಗಡೆ ಅವರು ಆನೆಹೊಂಡದ ಬಳಿ ಹೋಗಿ ಅಪಾರ ಪ್ರಮಾಣದಲ್ಲಿ ಹೊಗೆ
- [ಕಾರವಾರ | ರಿಕ್ಷಾಗೆ ಗುದ್ದಿದ ಬೈಕು: ಮಂಗಳೂರಿಗೆ ಹೋದರೂ ಬದುಕದ ಜೀವ!](https://mobiletime.in/2026/10/karwar-bike-collides-with-rickshaw-life-lost-despite-being-taken-to-mangaluru/): ಉಳಗಾದ ಪ್ರಸಾದ ಕುಡ್ತರಕರ್ ಅವರ ಬೈಕು ರಿಕ್ಷಾಗೆ ಡಿಕ್ಕಿ ಹೊಡೆದಿದ್ದು, ಗಂಭೀರ ಗಾಯಗೊಂಡ ಅವರನ್ನು ಮಂಗಳೂರಿಗೆ ಕರೆದೊಯ್ದರೂ ಪ್ರಯೋಜನವಾಗಿಲ್ಲ. ಆಸ್ಪತ್ರೆ ಸೇರುವ ಮೊದಲೇ ಅವರು ಉಸಿರು ನಿಲ್ಲಿಸಿದ್ದಾರೆ. ಕಾರವಾರದ ಉಳಗಾ ಒಟಿಬಾಗದಲ್ಲಿ ಪ್ರಸಾದ್ ರಾಜೇಶ್ ಕುಡ್ತರಕರ್ ಅವರು ವಾಸವಾಗಿದ್ದರು. ಮಂಗಳವಾರ ಅವರು ಬೈಕ್ ಚಲಾಯಿಸುವಾಗ ರಿಕ್ಷಾ ಡಿಕ್ಕಿಯಾಗಿದ್ದು, ಪ್ರಸಾದ ಕುಡ್ತರಕರ್ ಅವರು ಗಂಭೀರವಾಗಿ ಗಾಯಗೊಂಡಿದ್ದರು. ಅವರಿಗೆ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ ಮಂಗಳೂರಿನ ಆಸ್ಪತ್ರೆಗೆ ದಾಖಲಿಸಲು ಕುಟುಂಬದವರು ನಿರ್ಧರಿಸಿದ್ದರು. ಅದಕ್ಕಾಗಿ ಆಂಬುಲೆನ್ಸ ಮೂಲಕ ಅವರನ್ನು ಕರೆದೊಯ್ಯಲಾಗಿತ್ತು. ಅಪಘಾತದಲ್ಲಿ ಗಂಭೀರ ಗಾಯಗೊಂಡ ಕಾರಣ ಪ್ರಸಾದ ಕುಡ್ತರಕರ್ ಅವರಿಂದ ನೋವು ಸಹಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಮಂಗಳೂರಿಗೆ ಕರೆದೊಯ್ಯುವಾಗಲೇ ಅವರು ನಿತ್ರಾಣಗೊಂಡರು. ಆಂಬುಲೆನ್ಸ್ ಸಂಚರಿಸುವಾಗಲೇ ಅವರು ಸಾವನಪ್ಪಿದರು. ವಿಷಯ ತಿಳಿದ ತಕ್ಷಣ ಸ್ಥಳಕ್ಕೆ ಧಾವಿಸಿದ ಸ್ಥಳೀಯ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ.
- [ಸಿದ್ದಾಪುರ | ಆ ಐದು ಜನ ಸೇರಿ ಕದ್ದಿದ್ದು 2 ಸಾವಿರ ರೂ!](https://mobiletime.in/2026/10/siddapura-those-five-people-stole-a-total-of-%e2%82%b92000/): ಸಿದ್ದಾಪುರ ಕೊಂಡ್ಲಿ ಹಾಳದಕಟ್ಟಾದ ರಾಜು ಜಾದವ್ ಅವರ ಮನೆಗೆ ನುಗ್ಗಿ 2 ಸಾವಿರ ರೂ ಕದ್ದಿದ್ದ ಮೂವರು ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಆ ಕಳ್ಳರು 330ರೂ ಹಣ ಬಿಟ್ಟು ಉಳಿದವನ್ನು ಖರ್ಚು ಮಾಡಿದ್ದು, ಕಳ್ಳತನಕ್ಕೆ ಬಳಸಿದ್ದ 2 ಲಕ್ಷ ರೂ ಮೌಲ್ಯದ ಕಾರನ್ನು ಪೊಲೀಸರು ಜಪ್ತು ಮಾಡಿದ್ದಾರೆ. ಶಿವಮೊಗ್ಗ ಮೂಲದ ರಾಜು ಉಮೇಶ ಜಾದವ್ ಅವರು ಕಿರಾಣಿ ಅಂಗಡಿ ನಡೆಸಿ ಬದುಕು ಕಟ್ಟಿಕೊಂಡಿದ್ದಾರೆ. ಅಕ್ಟೊಬರ್ 3ರಂದು ಅವರು ಅವರು ಮನೆಗೆ ಬೀಗ ಹಾಕಿ ಆಸ್ಪತ್ರೆಗೆ ಹೋಗಿದ್ದರು. ಅನಾರೋಗ್ಯದಿಂದ ಬಳಲುತ್ತಿದ್ದ ತಾಯಿ ಹಾಗೂ ಮಾನಸಿಕ ಅಸ್ವಸ್ಥರಾಗಿರುವ ತಮ್ಮನಿಗೆ ಚಿಕಿತ್ಸೆ ಕೊಡಿಸಿದ ಅವರು ಅಕ್ಟೊಬರ್ 5ರಂದು ಮನೆಗೆ ಮರಳಲು ನಿರ್ಧರಿಸಿದ್ದರು. ಮನೆಯ ಬೀಗ ಒಡೆದ ಬಗ್ಗೆ ಅಕ್ಕಪಕ್ಕದವರು ಅವರಿಗೆ ಫೋನ್ ಮಾಡಿ ತಿಳಿಸಿದ್ದು, ತಕ್ಷಣ ಅವರು ಅಲ್ಲಿಗೆ ದೌಡಾಯಿಸಿದರು. ಆಗ, ಕಳ್ಳತನ ನಡೆದಿರುವುದು ಗಮನಕ್ಕೆ ಬಂದಿತ್ತು. ಕಳ್ಳರು ಮನೆಯ ಮುಂಭಾಗದ ಬಾಗಿಲಿನ ಬೀಗವನ್ನು ಒಡೆದು ಒಳಗೆ ನುಗ್ಗಿದ್ದು, ಕಪಾಟಿನಲ್ಲಿದ್ದ 2 ಸಾವಿರ ರೂ ಹಣ ಕದ್ದಿದ್ದರು.
- [ಕಾರವಾರ | ಕೊರೊನಾ ನೆಪವೊಡ್ಡಿ ತೆರಿಗೆ ಮನ್ನಾ!](https://mobiletime.in/2026/10/karwar-tax-waiver-citing-corona/): ಹೊಟೇಲ್ ಮಾಲಕರ ಆಮೀಷಕ್ಕೆ ಒಳಗಾದ ಮಾಜಾಳಿ ಗ್ರಾಮ ಪಂಚಾಯತ ಅಭಿವೃದ್ದಿ ಅಧಿಕಾರಿ ರಾಜೇಶ ನಾಯ್ಕ ಅವರು ಕೊರೊನಾ ನೆಪವಡ್ಡಿ ಅವರ ತೆರಿಗೆ ಮನ್ನಾ ಮಾಡಲು ಮುಂದಾಗಿದ್ದಾರೆ. 50 ಸಾವಿರ ರೂ ತೆರಿಗೆ ಪಾವತಿಸುವವರಿಗೆ ಶೇ 50ರ ರಿಯಾಯತಿ ಘೋಷಿಸಿ 25 ಸಾವಿರ ರೂ ಮಾತ್ರ ವಸೂಲಿ ಮಾಡಲು ಅವರು ಆಸಕ್ತಿವಹಿಸಿದ್ದಾರೆ. ಮಾಜಾಳಿ ಭಾಗದ ಕೆಲ ಹೊಟೇಲ್ ಮಾಲಕರು ಕಳೆದ ಐದು ವರ್ಷದಿಂದ ತೆರಿಗೆ ಉಳಿಸಿಕೊಂಡಿದ್ದಾರೆ. ಗ್ರಾಮ ಪಂಚಾಯತ ಅಧಿಕಾರಿಗಳು ಸಹ ಅದನ್ನು ವಸೂಲಿ ಮಾಡುವ ಸಾಹಸ ನಡೆಸಿಲ್ಲ. ಆದರೆ, ಇದೀಗ ಆ ತೆರಿಗೆಯಲ್ಲಿ ಶೇ 50ರಷ್ಟು ವಿನಾಯತಿ ನೀಡುವ ದುಸ್ಸಾಹಸಕ್ಕೆ ಮುಂದಾಗಿದ್ದಾರೆ. ಅಲ್ಲಿನ ಪಿಡಿಓ ರಾಜೇಶ ನಾಯ್ಕ ಅವರು ಇದಕ್ಕೆ ಕೊರೊನಾ ಕಾರಣ ನೀಡಿದ್ದಾರೆ. ಕೋವಿಡ್ ಕಾರಣ ಹೊಟೇಲಿನವರು ನಷ್ಟ ಅನುಭವಿಸಿದ್ದು, ಅದಕ್ಕಾಗಿ ಈ ರಿಯಾಯತಿ ಎಂದವರು ಠರಾವು ಸಹ ಮಾಡಿದ್ದಾರೆ. ಕರ್ನಾಟಕ ಪಂಚಾಯತ್ ರಾಜ್ ಕಾಯ್ದೆ ಪ್ರಕಾರ ಸರ್ಕಾರದ ಪೂರ್ವಾನುಮತಿ ಅಥವಾ ಉನ್ನತಾಧಿಕಾರಿಗಳ ನಿರ್ದಿಷ್ಟ ನಿಯಮವಿಲ್ಲದೆ ಈ ರೀತಿ ವಿನಾಯತಿ ನೀಡಲು

## Pages

- [Janamata](https://mobiletime.in/janamata/)
- [Home](https://mobiletime.in/): [vc_row][vc_column][jnews_element_newsticker newsticker_title=”NEWSFLASH” number_post=”5″ post_offset=”0″][jnews_hero_13][jnews_element_ads ads_type=”image” ads_image_new_tab=”yes” ads_image=”95″ ads_image_link=”http://bit.ly/jnewsio” ads_image_alt=”JKreativ”][/jnews_element_ads][/vc_column][/vc_row][vc_row][vc_column width=”2/3″][jnews_block_7 header_type=”heading_8″ number_post=”6″ post_offset=”0″ excerpt_length=”20″ pagination_mode=”scrollload” pagination_number_post=”4″ pagination_scroll_limit=”0″ first_title=”THE” second_title=”LATEST”][/jnews_block_7][/vc_column][vc_column width=”1/3″ sticky_sidebar=”yes” set_as_sidebar=”yes”][jnews_block_19 header_type=”heading_8″ number_post=”5″ post_offset=”0″ sort_by=”popular_post” first_title=”MOST” second_title=”POPULAR”][jnews_element_ads ads_type=”image” ads_image_new_tab=”yes” ads_image=”94″ ads_image_link=”http://bit.ly/jnewsio”][/jnews_element_ads][/vc_column][/vc_row][vc_row][vc_column width=”2/3″][jnews_block_2 header_type=”heading_8″ number_post=”5″ post_offset=”0″ unique_content=”unique1″ excerpt_length=”20″ pagination_mode=”loadmore” pagination_number_post=”4″ first_title=”THE” second_title=”FEATURED”][/vc_column][vc_column width=”1/3″ sticky_sidebar=”yes” set_as_sidebar=”yes”][jnews_block_21 header_type=”heading_8″ number_post=”5″ post_offset=”0″ unique_content=”unique2″ first_title=”THE” second_title=”HOTTEST”][jnews_element_ads ads_type=”image” ads_image_new_tab=”yes” ads_image=”94″ ads_image_link=”http://bit.ly/jnewsio”][/jnews_element_ads][jnews_block_21 header_type=”heading_8″ number_post=”4″ post_offset=”0″ unique_content=”unique2″ sort_by=”popular_post_month” first_title=”THE” second_title=”RISING”][/vc_column][/vc_row][vc_row][vc_column][jnews_element_ads ads_type=”image” ads_image_new_tab=”yes” ads_image=”97″ ads_image_link=”http://bit.ly/jnewsio” ads_image_alt=”JKreativ”][/jnews_element_ads][/vc_column][/vc_row]

## Optional

- [Agent (MCP protocol)](websites-agents.hostinger.com/mobiletime.in/mcp)

[comment]: # (Generated by Hostinger Tools Plugin)