- Trending
- Comments
- Latest
ಸಿದ್ದಾಪುರದ ದುರ್ಗಿ ನಾಯ್ಕ ಅವರು ಬಾವಿಗೆ ಬಿದ್ದು ಸಾವನಪ್ಪಿದ್ದಾರೆ. ನೀರು ತರಲು ಹೋದಾಗ ಈ ಅವಘಡ ನಡೆದಿದೆ.
ಸಿದ್ದಾಪುರದ ದೇವಿಸರ ಬಳಿಯ ಗವಿನಸರದಲ್ಲಿ ದುರ್ಗಿ ನಾಯ್ಕ ಅವರು ವಾಸವಾಗಿದ್ದರು. ಅವರು ಆಗಾಗ ಮೂರ್ಚೆ ಹೋಗುತ್ತಿದ್ದರು. ಇದಕ್ಕಾಗಿ ಅವರ ಮಗ ರಮೇಶ ನಾಯ್ಕ ಅವರು ಸಿದ್ದಾಪುರ ಆಸ್ಪತ್ರೆಗೆ ತೋರಿಸಿದ್ದರು. ಆ ವೇಳೆ ದುರ್ಗಿ ನಾಯ್ಕ ಅವರಿಗೆ ಪಿಡ್ಸ ರೋಗವಿರುವುದು ಗೊತ್ತಾಗಿತ್ತು.
ಕಳೆದ ಮೂರು ತಿಂಗಳ ಅವಧಿಯಲ್ಲಿ ದುರ್ಗಿ ನಾಯ್ಕ ಅವರು ಸಾಕಷ್ಟು ಬಾರಿ ಮೂರ್ಚೆ ಹೋಗಿದ್ದರು. ಅದಾಗಿಯೂ ಅವರು ವಿಶ್ರಾಂತಿಪಡೆಯುತ್ತಿರಲಿಲ್ಲ. ನವೆಂಬರ್ 4ರ ಸಂಜೆ ಮನೆ ಬಳಿಯ ಬಾವಿ ಹತ್ತಿರ ಹೋಗಿದ್ದರು. ಅಲ್ಲಿಂದ ನೀರು ತರಲು ಹೋದ ಅವರು ಎಷ್ಟು ಹೊತ್ತಾದರೂ ಬರಲಿಲ್ಲ. ಹುಡುಕಾಟ ನಡೆಸಿದಾಗ ಅವರು ಬಾವಿಯಲ್ಲಿ ಶವವಾಗಿದ್ದರು.
ನೀರು ತರಲು ಹೋದಾಗ ಮೂರ್ಚೆ ಬಂದು ಅವರು ಬಾವಿಗೆ ಬಿದ್ದು ಸಾವನಪ್ಪಿರುವ ಬಗ್ಗೆ ರಮೇಶ ನಾಯ್ಕ ಅವರು ಪೊಲೀಸರಿಗೆ ತಿಳಿಸಿದರು. ಪೊಲೀಸರು ಅದೇ ರೀತಿ ಪ್ರಕರಣ ದಾಖಲಿಸಿದರು.
You cannot copy content of this page
