ಶಿರಸಿ | ಮನೆಗೆ ಬಾರದ ಮಹಿಳೆ!

ಮರಾಠಿಕೊಪ್ಪದಲ್ಲಿ ಮನೆ ಮಾಡಿಕೊಂಡಿದ್ದ ಐಶ್ವರ್ಯ ನಾಯ್ಕ ಅವರು ಮನೆ ಬಿಟ್ಟು ಹೋಗಿದ್ದು, ಅವರು ಮರಳಿ ಬಂದಿಲ್ಲ. ಕುಟುಂಬದವರು ಐಶ್ವರ್ಯ ನಾಯ್ಕ ಅವರಿಗಾಗಿ ಶೋಧ ನಡೆಸಿದ್ದಾರೆ.

ಮುಂಡಗೋಡು ಮೂಲದ ಐಶ್ವರ್ಯ ನಾಯ್ಕ ಅವರು ಶಿರಸಿಯಿಂದ ಕಾಣೆಯಾಗಿದ್ದಾರೆ. ಮರಾಠಿಕೊಪ್ಪದಲ್ಲಿದ್ದ ಅವರು ಗಂಡನ ಮನೆಗೆ ಹೋಗಿ ಬರುವುದಾಗಿ ಹೇಳಿ ಹೋದವರು ಅಲ್ಲಿಯೂ ಹೋಗಿಲ್ಲ. ಮರಳಿ ಮನೆಗೂ ಬಂದಿಲ್ಲ. ಹಸಿರು ಚೂಡಿದಾರ ಧರಿಸಿ ಹೊರಟ ಅವರು ಎಲ್ಲಿ ಹೋದರು? ಎಂದು ಯಾರಿಗೂ ಗೊತ್ತಾಗಲಿಲ್ಲ. 27 ವರ್ಷದ ಐಶ್ವರ್ಯ ಸನ್ನಿಕುಮಾರ ನಾಯ್ಕ ಅವರಿಗಾಗಿ ಸದ್ಯ ಪೊಲೀಸರು ಹುಡುಕಾಟ ಶುರು ಮಾಡಿದ್ದಾರೆ.

5.4 ಅಡಿ ಎತ್ತರ, ಗೋಧಿ ಮೈಬಣ್ಣ, ದುಂಡನೆಯ ಮುಖ ಹೊಂದಿದ ಅವರು ಕನ್ನಡ, ಹಿಂದಿ, ಕೊಂಕಣಿ ಮಾತನಾಡುತ್ತಾರೆ. ಅವರನ್ನು ನೋಡಿದವರು ಕೂಡಲೇ ಪೊಲೀಸರಿಗೆ ಫೋನ್ ಮಾಡಲು ಕುಟುಂಬದವರು ಮನವಿ ಮಾಡಿದ್ದಾರೆ. ಕಾರವಾರ ಪೊಲೀಸ್ ಕಂಟ್ರೋಲ್ ರೂಮ್ ಸಂ: 08382-226550, ಮುಂಡಗೋಡ ಪೊಲೀಸ ಠಾಣೆ ದೂ.ಸಂ: 08301-222211 ಹಾಗೂ ಮುಂಡಗೋಡ ಪಿ.ಎಸ್.ಐ. ಮೊ.ಸಂ: 9480805275, ಪಿ.ಐ ಮೊ,ಸಂ: 9480805258ಗೆ ಫೋನ್ ಮಾಡುವಂತೆ ಕೋರಲಾಗಿದೆ.