- Trending
- Comments
- Latest
ಕೈ ತಪ್ಪಿ ಹೋದ ಮೊಬೈಲ್ ಮತ್ತೆ ಸಿಗುವುದು ಅಪರೂಪ. ಆದರೆ, ಸದ್ಯದ ತಂತ್ರಜ್ಞಾನದ ಪ್ರಕಾರ ಆ ಮೊಬೈಲ್ ಹುಡುಕುವುದು ಭಾರೀ ಸುಲಭ!
ಉತ್ತರ ಕನ್ನಡ ಜಿಲ್ಲೆಯಲ್ಲಿ ಕಳದು ಹೋದ ಮೊಬೈಲ್ ಪೋನ್ ಹುಡುಕಿ ಕೊಡುವಲ್ಲಿ ಪೊಲೀಸರು ಸಾಕಷ್ಟು ಆಸಕ್ತಿವಹಿಸಿದ್ದಾರೆ. ಈ ದಿನ ಯಲ್ಲಾಪುರದಲ್ಲಿಯೇ ಪೊಲೀಸರು 10 ಮೊಬೈಲ್ ಪೋನ್ ಹುಡುಕಿದ್ದಾರೆ. ಆ ಮೊಬೈಲ್ ಫೋನ್ ಮಾಲಕರನ್ನು ಠಾಣೆಗೆ ಕರೆಯಿಸಿ, ಅವರ ಪೋನ್ ಅವರಿಗೆ ಮರಳಿಸಿದ್ದಾರೆ.
ಸಾಮಾನ್ಯವಾಗಿ ಎಲ್ಲರ ಮೊಬೈಲ್ ಫೋನುಗಳಲ್ಲಿಯೂ ಅವರದ್ದೇ ಆದ ದಾಖಲೆಗಳಿರಯತ್ತವೆ. ಅನೇಕ ಭಾವನಾತ್ಮಕ ಫೋಟೋ-ವಿಡಿಯೋಗಳಿರುತ್ತವೆ. ಬಾಲ್ಯದ ಪೋಟೀ, ಸ್ನೇಹಿತರ ಜೊತೆಗಿನ ಸಂಭಾಷಣೆಗಳ ಜೊತೆ ಆಪ್ತರು ಹಾಗೂ ತೀರಾ ಅಗತ್ಯವಿರುವವರ ಸಂಪರ್ಕ ವಿವರಗಳು ಸೇವ್ ಆಗಿರುತ್ತದೆ. ಅಂಥ ಸನ್ನಿವೇಶದಲ್ಲಿ ಮೊಬೈಲ್ ಕಾಣೆಯಾದರೆ ಬೇಸರವಾಗುವುದು ಸಹಜ. ಈ ಭಾವನೆಗಳನ್ನು ಅರ್ಥ ಮಾಡಿಕೊಂಡ ಉತ್ತರ ಕನ್ನಡ ಪೊಲೀಸರು ಕಾಣೆಯಾದ ಮೊಬೈಲ್ ಹುಡುಕುವಲ್ಲಿ ಸಾಕಷ್ಟು ಸಾಹಸ ಮಾಡಿದ್ದಾರೆ.
ಮೊಬೈಲ್ ಕಳೆದುಕೊಂಡ ಅನೇಕರು ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡುತ್ತಿದ್ದು, ಆ ದೂರು ಆಧರಿಸಿ ತನಿಖೆ ಶುರುವಾಗುತ್ತದೆ. ಮೊಬೈಲಿನ IMEI ಸಂಖ್ಯೆ ಆಧರಿಸಿ ಹುಡುಕಾಟ ನಡೆಸಲಾಗುತ್ತದೆ. ವಿವುಧ ತಂತ್ರಜ್ಞಾನಗಳನ್ನು ಆಧರಿಸಿ ಆ ಮೊಬೈಲನ್ನು ಹುಡುಕಲಾಗುತ್ತದೆ. ಕಾಣೆಯಾದ ಮೊಬೈಲ್ ಯಾರ ಬಳಿ ಇದ್ದರೂ ಅವರಿಂದ ಅದನ್ನು ವಶಕ್ಕೆಪಡೆದು ಮೂಲ ಮಾಲಕರಿಗೆ ಮರಳಿಸಲಾಗುತ್ತದೆ.
ಅದರಂತೆ, ಯಲ್ಲಾಪುರ ಪೊಲೀಸರು ಈ ದಿನ ಕಳೆದು ಹೋದ 10ಮೊಬೈಲುಗಳ ಶೋಧ ನಡೆಸಿದ್ದು, ಅವುಗಳ ಮಾಲಕರಿಗೆ ಮೊಬೈಲ್ ಮರಳಿಸಿದ್ದಾರೆ. ಕಾಣೆಯಾದ ಮೊಬೈಲ್ ಮರಳಿ ಸಿಕ್ಕ ಖುಷಿಯಲ್ಲಿ ಮಾಲಕರು ಮನೆಗೆ ಮರಳಿದ್ದಾರೆ.
You cannot copy content of this page
