- Trending
- Comments
- Latest
ಹೊನ್ನಾವರದ ಕೆಲ ಸರ್ಕಾರಿ ಶಾಲಾ ಮಕ್ಕಳಿಗೆ ಸಾರ್ವಜನಿಕ ಶಿಕ್ಷಣ ಇಲಾಖೆ ದೊಡ್ಡ ದೊಡ್ಡ ಅಳತೆಯ ಚಪ್ಪಲಿ ಪೂರೈಸಿದೆ. ಪ್ರಾಥಮಿಕ ಶಾಲಾ ಮಕ್ಕಳಿಗೆ 8 & 9ನೇ ನಂಬರ್ ಹೊಂದಿದ ಚಪ್ಪಲಿ ನೀಡಲಾಗಿದ್ದು, ಅದನ್ನು ಧರಿಸಲಾಗದೇ ಮಕ್ಕಳು ಸಮಸ್ಯೆ ಅನುಭವಿಸಿದ್ದಾರೆ.
ಸಣ್ಣ ಸಣ್ಣ ಮಕ್ಕಳ ಕಾಲಿಗೆ ಸೂಕ್ತವಲ್ಲದ ಚಪ್ಪಲಿಯನ್ನು ಅಧಿಕಾರಿಗಳೇ ಶಾಲೆಗೆ ಮುಟ್ಟಿಸಿದ್ದಾರೆ. ಆ ಚಪ್ಪಲಿಗಳು 28ಸೆಂಟಿಮೀಟರ್ ಉದ್ದವಿದ್ದು, ಅದನ್ನು ಧರಿಸಲು ಸಾಧ್ಯವಾಗದ ಮಕ್ಕಳು ಮರಳಿಸಲು ನಿರ್ಧರಿಸಿದ್ದಾರೆ. ಸರ್ಕಾರದಿಂದ ನೀಡಲಾದ ಪಾದರಕ್ಷಗಳ ಮೇಲೆ `ಮಾರಾಟಕ್ಕಲ್ಲ’ ಎಂಬ ಮುದ್ರಣವಿದೆ. ಗೋದಾಮಿನಲ್ಲಿ ಹೆಚ್ಚುಳಿದ ಚಪ್ಪಲಿಗಳನ್ನು ಖಾಲಿ ಮಾಡುವುದಕ್ಕಾಗಿ ಅದನ್ನು ಮಕ್ಕಳಿಗೆ ಪೂರೈಸಿದ ಅನುಮಾನವ್ಯಕ್ತವಾಗಿದೆ. ಶಿಕ್ಷಣ ಇಲಾಖೆಯ ಬೇಜವಾಬ್ದಾರಿತನ ಹಾಗೂ ಆಡಳಿತ ವೈಫಲ್ಯದ ವಿರುದ್ಧ ಆಕ್ರೋಶವ್ಯಕ್ತವಾಗಿದೆ.
ಕಳಪೆ ಗುಣಮಟ್ಟದ ಚಪ್ಪಲಿ ಪೂರೈಸಿ ಸರ್ಕಾರಿ ಹಣ ದೋಚಲು ಪ್ರಯತ್ನಿಸಿದ ಬಗ್ಗೆ ಅಲ್ಲಿನವರು ದೂರಿದ್ದಾರೆ. ಮಕ್ಕಳ ಪಾದಗಳ ಅಳತೆಯನ್ನು ಪರಿಗಣಿಸದೇ ಚಪ್ಪಲಿ ಪೂರೈಸಿದವರ ವಿರುದ್ಧ ಕ್ರಮವಾಗಬೇಕು. ಈ ಬಗ್ಗೆ ತನಿಖೆಯೂ ನಡೆಯಬೇಕು ಎಂದು ಜನ ಆಗ್ರಹಿಸಿದ್ದಾರೆ.
You cannot copy content of this page
