- Trending
- Comments
- Latest
ಕಾರವಾರ ನಗರದಲ್ಲಿರುವ ಪ್ರಮುಖ ಉದ್ಯಾನವನಗಳು ಪಾಳು ಬಿದ್ದಿವೆ. ಮಯೂರವರ್ಮ ವೇದಿಕೆ ಬಳಿಯ ಮಕ್ಕಳ ಉದ್ಯಾನವನ ಆಡಳಿತ ವರ್ಗದ ನಿರ್ಲಕ್ಷದಿಂದ ಹಾಳಾಗುತ್ತಿದೆ.
ಕಾರವಾರ ನಗರದ ಮಕ್ಕಳ ಉದ್ಯಾನವನದಿಂದ ಮಯೂರವರ್ಮ ವೇದಿಕೆಯವರೆಗೆ ಕಿರು ಉದ್ಯಾನವನ ನಿರ್ಮಿಸಲಾಗಿತ್ತು. ಹೆದ್ದಾರಿಯ ಪಕ್ಕದಲ್ಲಿ ನಿರ್ಮಿಸಿದ್ದ ಈ ಉದ್ಯಾನವನ ಅನೇಕರ ಪಾಲಿಗೆ ಆಕರ್ಷಣೆಯಾಗಿತ್ತು. ಆದರೆ, ಸದ್ಯ ಆ ಉದ್ಯಾನವನ ನಿರ್ವಹಣೆಯ ಕೊರತೆ ಅನುಭವಿಸುತ್ತಿದೆ. ಅಲ್ಲಿ ಬೆಳೆಸಿದ್ದ ಗಿಡಗಳು ನೀರಿಲ್ಲದೇ ಒಣಗುತ್ತಿದ್ದು, `ಉದ್ಯಾನವನ ನಿರ್ವಹಣೆ ಸರಿಯಾಗಿ ಮಾಡಬೇಕು’ ಎಂದು ಜಯ ಕರ್ನಾಟಕ ಜನಪರ ವೇದಿಕೆ ಆಗ್ರಹಿಸಿದೆ.
ಕಾರವಾರ ನಗರಸಭೆಗೆ ಪೌರಾಯುಕ್ತರಾಗಿದ್ದ ಆರ್ ಪಿ ನಾಯ್ಕ ಅವರ ಅವಧಿಯಲ್ಲಿ ಹಸಿರು ಪಟ್ಟಣ ನಿರ್ಮಾಣ ಕಾರ್ಯ ನಡೆದಿತ್ತು. ಕಡಲತೀರಕ್ಕೆ ಬರುವವರಿಗೆ ಅನುಕೂಲಕರ ವಾತಾವರಣ ಸೃಷ್ಠಿಸುವುದಕ್ಕಾಗಿ ಹೆದ್ದಾರಿ ಅಂಚಿನಲ್ಲಿ ಕಿರಿದಾದ ಸಾಲುಗಳ ಮೂಲಕ ಉದ್ಯಾನವನ ಮಾಡಲಾಗಿತ್ತು. ಆ ವೇಳೆ ಅತ್ಯಂತ ಸುಂದರವಾಗಿದ್ದ ಕ್ಷೇತ್ರ ಕ್ರಮೇಣ ಹಾಳಾಗುತ್ತ ಬಂದಿದ್ದು, ಸದ್ಯ ನಿರ್ವಹಣೆಗೂ ಬರ ಎದುರಾಗಿದೆ. ಉದ್ಯಾನವನದ ತುಂಬ ಗಿಡ-ಗಂಟಿಗಳು ಬೆಳೆದಿವೆ.
ಇನ್ನೂ ಕೋಟ್ಯಂತರ ರೂ ಖರ್ಚು ಮಾಡಿ ನಿರ್ಮಿಸಿದ ರಾಕ್ ಗಾರ್ಡನ್ ಸಹ ಪಾಳುಕೊಂಪೆಯಾಗಿದೆ. ಈ ಉದ್ಯಾನವನಗಳಿಗೆ ನಗರಸಭೆ ನೀರು ಹಾಗೂ ಇತರೆ ಸೌಕರ್ಯ ಒದಗಿಸಲು ಹಿಂದೇಟು ಹಾಕುತ್ತಿದೆ. ನವೆಂಬರ್ 1ರ ಒಳಗಾಗಿ ಉದ್ಯಾನವನ ಸರಿಪಡಿಸದೇ ಇದ್ದರೆ ಪ್ರತಿಭಟನೆ ನಡೆಸುವುದಾಗಿ ಜಯ ಕರ್ನಾಟಕ ಜನಪರ ವೇದಿಕೆ ಜಿಲ್ಲಾಧ್ಯಕ್ಷ ದಿಲೀಪ್ ಜಿ ಅರ್ಗೇಕರ್ ಅವರು ಎಚ್ಚರಿಸಿದ್ದಾರೆ.
You cannot copy content of this page
