- Trending
- Comments
- Latest
ಅಂಗನವಾಡಿಗೆ ಬರುವ ಮಕ್ಕಳಿಗೂ ಇಂಗ್ಲೀಷ್ ಪಾಠ ಮಾಡಲು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಆಸಕ್ತಿವಹಿಸಿದೆ. ಜಿಲ್ಲೆಯ 75 ಅಂಗನವಾಡಿಗಳಲ್ಲಿ ಮೊದಲ ಹಂತವಾಗಿ LKG ಹಾಗೂ UKG ಮಾದರಿಯ ತರಗತಿಗಳನ್ನು ಶುರು ಮಾಡಲಾಗಿದೆ.
ಅಂಗನವಾಡಿ ಕೇಂದ್ರದಲ್ಲಿ ಮಕ್ಕಳ ದಾಖಲಾತಿ ಹೆಚ್ಚಿಸಲು ಸರ್ಕಾರ ನಾನಾ ಬಗೆಯ ಕಸರತ್ತು ನಡೆಸುತ್ತಿದೆ. ಪಾಲಕರು ಆಂಗ್ಲ ಮಾಧ್ಯಮದ ಕಡೆ ಆಕರ್ಷಿತರಾಗುತ್ತಿರುವ ಹಿನ್ನಲೆ ಅಂಗನವಾಡಿ ಕೇಂದ್ರಗಳಲ್ಲಿಯೂ ಮಾಂಟೆಸರಿ ಮಾದರಿ ಅಂಗನವಾಡಿ ಕೇಂದ್ರಗಳಲ್ಲಿ ಆಂಗ್ಲ ಕಲಿಕೆ ಶುರು ಮಾಡಲಾಗುತ್ತಿದೆ. ಕ್ರಮೇಣ ಇದನ್ನು ಎಲ್ಲಾ ಅಂಗನವಾಡಿಗೂ ವಿಸ್ತರಿಸುವ ಯೋಜನೆ ಸರ್ಕಾರದ ಮುಂದಿದೆ. ಇದರೊಂದಿಗೆ ಸಕ್ಷಮ ಅಂಗನವಾಡಿ ಯೋಜನೆ ಅಡಿ ಶಾಲಾ ಪೂರ್ವ ಶಿಕ್ಷಣದ ಅನುಕೂಲಕ್ಕೆ ಅಂಗನವಾಡಿಗಳಿಗೆ ಟಿವಿಗಳನ್ನು ಕೊಡಲಾಗುತ್ತದೆ. ಈಗಾಗಲೇ 448 ಅಂಗನವಾಡಿಗಳಿಗೆ ಸ್ಮಾರ್ಟ ಟಿವಿ ಪೂರೈಕೆಯಾಗಿದೆ.
ಅಂಗನವಾಡಿ ಶಿಕ್ಷಕರಿಗೆ ಸಹ ವಿಶೇಷ ತರಬೇತಿ ನೀಡಿದ್ದು, ಅಪೌಷ್ಠಿಕತೆಯಿಂದ ಬಳಲುತ್ತಿರುವ ಮಕ್ಕಳ ಪೌಷ್ಠಿಕಾಂಶ ಹೆಚ್ಚಳಕ್ಕೆ ವಾರದಲ್ಲಿ 5 ದಿನ ಮೊಟ್ಟೆ ಹಾಗೂ 5 ದಿನ ಹಾಲು ವಿತರಣೆ ನಡೆಯುತ್ತಿದೆ. ಪೌಷ್ಠಿಕವಾಗಿರುವ ಮಕ್ಕಳಿಗೂ ವಾರದಲ್ಲಿ 2 ದಿನ ಮೊಟ್ಟೆ ಹಾಗೂ ಹಾಲು ವಿತರಣೆ ನಡೆದಿದೆ. ಅಂಗನವಾಡಿಗಳಲ್ಲಿ ಶೌಚಾಲಯ, ಶುದ್ಧ ಕುಡಿಯುವ ನೀರು, ಫ್ಯಾನ್ ಸಂಪರ್ಕಕ್ಕೆ ಒತ್ತು ಕೊಡಲಾಗುತ್ತದೆ. ಈ ಎಲ್ಲದರ ಜೊತೆ ಅಂಗನವಾಡಿಗೆ ಸುಣ್ಣ-ಬಣ್ಣ ಬಡಿಯಲಾಗಿದ್ದು ಮಕ್ಕಳನ್ನು ಆಕರ್ಷಿಸುವ ಪ್ರಯತ್ನ ನಡೆದಿದೆ.
You cannot copy content of this page
