- Trending
- Comments
- Latest
ಕಾಳಿ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಮೋಜು-ಮಸ್ತಿ ಮಾಡುವದಕ್ಕಾಗಿ ಅರಣ್ಯಾಧಿಕಾರಿಗಳು ಪ್ಯಾರಾಗೊಲಾ ನಿರ್ಮಾಣ ಮಾಡುತ್ತಿದ್ದಾರೆ. ಈ ಪ್ಯಾರಾಗೋಲಾ ನಿರ್ಮಾಣಕ್ಕೆ ಸಾಗವಾನಿ ಮರ ತುಂಡರಿಸಿದ್ದಾರೆ!
ಕಾಳಿ ಹುಲಿ ಸಂರಕ್ಷಿತ ಪ್ರದೇಶವನ್ನು ಅತ್ಯಂತ ಸೂಕ್ಷ ಪ್ರದೇಶ ಎಂದು ಗುರುತಿಸಲಾಗಿದೆ. ಅದಾಗಿಯೂ ಜೊಯಿಡಾದ ಗುಂದ ವಲಯದ ಚಾಪೆರಾ ಕಳ್ಳಬೇಟೆ ನಿಗ್ರಹ ಕ್ಯಾಂಪಿನಲ್ಲಿ ಅರಣ್ಯ ಕಾನೂನುಗಳ ಉಲ್ಲಂಘನೆ ನಡೆಯುತ್ತಿದೆ. ಕಾಡಿನಲ್ಲಿ ಕಳ್ಳಬೇಟೆ, ಅಕ್ರಮ ಮರಕಡಿತ ತಡೆಯಬೇಕಾದ ಕ್ಯಾಂಪಿನ ಆವರಣದಲ್ಲೇ ಇದೀಗ ಪಾರ್ಟಿ ಮಾಡುವುದಕ್ಕಾಗಿ ಪ್ಯಾರಾಗೋಲಾ ನಿರ್ಮಾಣ ಕೆಲಸ ನಡೆದಿದೆ.
ಇಲ್ಲಿ ಸಾಗವಾನಿ ಮರಗಳನ್ನು ಬಳಸಿ ಹೊಸ ಪ್ಯಾರಾಗೊಲಾ ನಿರ್ಮಾಣ ಕೆಲಸ ನಡೆದಿದೆ. ಬೃಹತ್ ಗಾತ್ರದ ಜೀವಂತ ನಂದಿ ಮರದ ಕೊಂಬೆಗಳನ್ನು ಕಡಿದು ಅದರ ಅಡಿ ಜಾಗ ಸಿದ್ಧಪಡಿಸಲಾಗಿದೆ. ಮೆಣಪತ್ರಿ ಕಾಡಿನಿಂದ ಲಕ್ಷಾಂತರ ರೂಪಾಯಿ ಮೌಲ್ಯದ ೫೦ಕ್ಕೂ ಹೆಚ್ಚು ಸಾಗವಾನಿ ಎಳೆಗಳು ಹಾಗೂ ಕಂಬಗಳನ್ನು ತಂದು ಕಾಮಗಾರಿ ಮಾಡಲಾಗುತ್ತಿದೆ.
ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಮರ ಕಡಿತ, ಸಾಗವಾನಿ ಸಾಗಣೆ, ಯಾವುದೇ ಶಾಶ್ವತ ನಿರ್ಮಾಣ ಕಾರ್ಯಗಳಿಗೆ ಕಟ್ಟುನಿಟ್ಟಿನ ನಿಯಮಗಳಿವೆ. ಆದರೆ ಇಲ್ಲಿ ಪ್ಯಾರಾಗೊಲಾ ನಿರ್ಮಾಣಕ್ಕೆ ಅದ್ಯಾವ ನಿಯಮೂ ಅನ್ವಯ ಆಗಿಲ್ಲ. ಸಾಗವಾನಿ ಮರ ಸಾಗಾಣಿಕೆ, ನಂದಿ ಮರ ಕಡಿತದ ಬಗ್ಗೆ ಅಧಿಕಾರಿಗಳ ಬಳಿಯೂ ಉತ್ತರವಿಲ್ಲ.
You cannot copy content of this page
