- Trending
- Comments
- Latest
ಸಾಗರದಿಂದ ಭಟ್ಕಳಕ್ಕೆ ಬರುತ್ತಿದ್ದ ಓಮಿನಿಯೊಂದು ಪಲ್ಟಿಯಾಗಿದೆ. ಪರಿಣಾಮ ಆ ಓಮಿನಿಯಲ್ಲಿದ್ದ ಮಕ್ಕಳು ಗಾಯಗೊಂಡಿದ್ದಾರೆ.
ಮಂಗಳವಾರ ಬೆಳಗ್ಗೆ ಸಾಗರ ತಾಲೂಕಿನ ನಾಗವಳ್ಳಿಯಿಂದ ಭಟ್ಕಳಕ್ಕೆ ಓಮಿನಿಯೊಂದು ಬರುತ್ತಿತ್ತು. ಆ ಓಮಿನಿಯಲ್ಲಿ ಶಾಲಾ ಮಕ್ಕಳು ಸಂಚರಿಸುತ್ತಿದ್ದರು. ಭಟ್ಕಳ ಶಹರ ಸಮೀಪಿಸಿದಾಗ ಆ ಓಮಿನಿ ಚಾಲಕನ ನಿಯಂತ್ರಣ ತಪ್ಪಿತು. ಪರಿಣಾಮ ಅದು ಅಪಘಾತಕ್ಕೀಡಾಯಿತು.
ಸಾಗರ ರಸ್ತೆಯ ವಾಕರಸ ಸಂಸ್ಥೆಯ ಬಸ್ ಘಟಕದ ಬಳಿ ಓಮಿನಿ ಪಲ್ಟಿಯಾಯಿತು. ಅದರಿಂದ ನಗರದ ಆನಂದಾಶ್ರಮ ಕಾನ್ವೆಂಟ್ ಮತ್ತು ವಿದ್ಯಾಂಜಲಿ ಶಾಲೆಯ ಮಕ್ಕಳು ಪೆಟ್ಟು ಮಾಡಿಕೊಂಡರು. ಆ ಓಮಿನಿಯಲ್ಲಿ 10 ಮಕ್ಕಳಿದ್ದು, 9 ಜನರಿಗೆ ಗಾಯವಾದ ಮಾಹಿತಿಯಿದೆ. ಗಾಯಗೊಂಡ ಮಕ್ಕಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
You cannot copy content of this page
