- Trending
- Comments
- Latest
ಕಾರವಾರದ ವರ್ಷಾ ರೇವಣಕರ್ ಅವರಿಗೆ ವಾಟ್ಸಪ್ ಕಾಲ್ ಮೂಲಕ ಉದ್ಯೋಗ ಆಮೀಷ ಒಡ್ಡಿದ ವಂಚಕರು ಒಂದೇ ವಾರದಲ್ಲಿ 7 ಲಕ್ಷ ರೂ ಕಬಳಿಸಿದ್ದಾರೆ. ಆನ್ಲೈನ್ ಕೆಲಸ ಮಾಡಿ ಹಣಗಳಿಸುವ ಆಸೆಗೆ ಬಿದ್ದ ವರ್ಷಾ ರೇವಣಕರ್ ಅವರು ತಮ್ಮ ಬ್ಯಾಂಕ್ ಖಾತೆಯಲ್ಲಿದ್ದ ಹಣ ಕಳೆದುಕೊಂಡಿದ್ದಾರೆ.
ಕಾರವಾರದ ಹೈಚರ್ಚ ರಸ್ತೆಯಲ್ಲಿ ವರ್ಷಾ ರೇವಣಕರ್ ಅವರು ವಾಸವಾಗಿದ್ದಾರೆ. ಅವರು ಮೊಬೈಲ್ ನೋಡುತ್ತಿರುವಾಗ ಅವರಿಗೆ ವಾಟ್ಸಪ್ ಮೂಲಕ `ಆನ್ಲೈನ್ ಜಾಬ್’ ಎಂಬ ಸಂದೇಶ ಕಾಣಿಸಿದೆ. ಅದರ ಬಗ್ಗೆ ವರ್ಷಾ ರೇವಣಕರ್ ಅವರು ಆಸಕ್ತಿವಹಿಸಿದ್ದು, ಅವರನ್ನು ವಂಚಕರು ವಿಶೇಷ ವಾಟ್ಸಪ್ ಗುಂಪಿಗೆ ಸೇರಿಸಿದ್ದಾರೆ. ಅದಾದ ನಂತರ ವಾಟ್ಸಪ್ ಮೂಲಕ ಫೋನ್ ಮಾಡಿ ಕೆಲಸದ ಬಗ್ಗೆ ಮಾಹಿತಿ ನೀಡಿದ್ದಾರೆ.
`ವಿವಿಧ ಉತ್ಪನ್ನಗಳಿಗೆ ರೇಟಿಂಗ್ ಹಾಗೂ ರಿವ್ಯು ಕೊಡಬೇಕು’ ಎಂದು ವಂಚಕರು ಹೇಳಿದ್ದಾರೆ. ಆ ಕೆಲಸ ಮಾಡಿದ ಕಾರಣ ವರ್ಷಾ ರೇವಣಕರ್ ಅವರಿಗೆ 300ರೂ ಹಣವನ್ನು ಪಾವತಿಸಿದ್ದಾರೆ. ಇದರಿಂದ ಖುಷಿಯಾದ ವರ್ಷಾ ಅವರು ಇನ್ನಷ್ಟು ಉತ್ಸಾಹದಿಂದ ಕೆಲಸ ಮಾಡಿದ್ದು, ಆ ವೇಳೆ ವಂಚಕರು ತಾವು ಹೇಳಿದ ಕಡೆ ಹಣ ಹೂಡಿಕೆ ಮಾಡಿದರೆ ಇನ್ನಷ್ಟು ಲಾಭ ಕೊಡುವುದಾಗಿ ಪುಸಲಾಯಿಸಿದ್ದಾರೆ.
ಫೆ 27ರಿಂದ ಮಾರ್ಚ 6ರವರೆಗೆ ವರ್ಷಾ ರೇವಣಕರ್ 7 ಲಕ್ಷ ರೂ ಹೂಡಿಕೆ ಮಾಡಿದ್ದು, ಅದಾದ ನಂತರ ಆ ಹಣ ಅವರಿಗೆ ಮರಳಿ ಸಿಕ್ಕಿಲ್ಲ. ವಂಚಕರು ಸಹ ವಾಟ್ಸಪ್ ಕಾಲ್ ಮಾಡುವುದನ್ನು ನಿಲ್ಲಿಸಿದ್ದಾರೆ. ಮೋಸ ಹೋಗಿರುವುದನ್ನು ಅರಿತ ವರ್ಷಾ ರೇವಣಕರ್ ಅವರು ಸೈಬರ್ ಅಪರಾಧ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
`ಅಪರಿಚಿತರನ್ನು ನಂಬಬೇಡಿ’
You cannot copy content of this page
