- Trending
- Comments
- Latest
ಅವೈಜ್ಞಾನಿಕ ರೀತಿಯಲ್ಲಿ ಮೀನುಗಾರಿಕೆ ನಡೆಸಲು ಮುಂದಾದ ಸಿದ್ದಾಪುರದ ಮಂಜುನಾಥ ನಾಯ್ಕ ಅವರು ಅದೇ ವಿದ್ಯುತ್ ಆಘಾತಕ್ಕೆ ಒಳಗಾಗಿ ಸಾವನಪ್ಪಿದ್ದಾರೆ.
ಮಂಜುನಾಥ ಕೇಶವ ನಾಯ್ಕ ಮೀಸಗುಂದ್ಲಿ ಅವರು ಭಾನುವಾರ ಸಂಬoಧಿಕರ ಜೊತೆ ಸಿದ್ದಾಪುರದ ಕಾನಸೂರು ಬಳಿಯ ತ್ಯಾಗಲಿ ಬಳಿಯ ಹೊಳೆಗೆ ಹೋಗಿದ್ದರು. ಬೀಕನಮನೆ ಹೊಳೆಯ ಬದಿಯಿದ್ದ ವಿದ್ಯುತ್ ಕಂಬಕ್ಕೆ ಅವರು ತಂತಿ ಕಟ್ಟಿದ್ದರು. ಆ ತಂತಿಯನ್ನು ನದಿ ನೀರಿಗೆ ಬಿಟ್ಟು, ಅಕ್ರಮವಾಗಿ ವಿದ್ಯುತ್ ಸಂಪರ್ಕ ಕಲ್ಪಿಸಿದ್ದರು. ಹೊಳೆಗೆ ಅಡ್ಡಲಾಗಿ ಬಲೆ ಬೀಸಿದ್ದು, ವಿದ್ಯುತ್ ಸ್ಪರ್ಶದಿಂದ ಸಾವನಪ್ಪಿದ ಮೀನುಗಳನ್ನು ಬಲೆಗೆ ಬೀಳಿಸುವ ಯೋಜನೆ ರೂಪಿಸಿದ್ದರು.
ಈ ವೇಳೆ ಮಂಜುನಾಥ ನಾಯ್ಕ ಅವರು ಕಾಲು ಜಾರಿ ಅದೇ ಹೊಳೆಗೆ ಬಿದ್ದಿದ್ದು, ವಿದ್ಯುತ್ ಸ್ಪರ್ಶದಿಂದ ಅಲ್ಲಿದ್ದ ಮೀನುಗಳ ಜೊತೆ ಮಂಜುನಾಥ ನಾಯ್ಕ ಅವರು ಸಾವನಪ್ಪಿದರು. ನೀರಿನಲ್ಲಿದ್ದ ಮಂಜುನಾಥ ನಾಯ್ಕ ಅವರ ಶವವನ್ನು ದಡಕ್ಕೆ ತರಲಾಗಿದೆ. ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದು ವಿಚಾರಣೆ ನಡೆಸಿದ್ದಾರೆ.
You cannot copy content of this page
