ಪ್ರಯಾಣಿಕರೇ ಇಲ್ಲಿ ಗಮನಿಸಿ: ಕುಮಟಾದಿಂದ ಹೊರಟ ಈ ರೈಲು ತಿರುಪತಿಗೆ ತಲುಪಲಿದೆ…

ಕುಮಟಾದಿಂದ ತಿರುಪತಿಗೆ ಹೋಗುವವರ ಅನುಕೂಲಕ್ಕಾಗಿ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಶ್ರಮಿಸಿದ್ದು, ಅದರ ಫಲವಾಗಿ ಕಚೆಗುಡ ದ್ವಿ-ಸಪ್ತಾಯ ರೈಲು ಕುಮಟಾದವರೆಗೆ ವಿಸ್ತರಣೆಯಾಗಿದೆ.

ADVERTISEMENT

ಪ್ರತಿ ಬುಧವಾರ ಹಾಗೂ ಶನಿವಾರ ಮುರುಡೇಶ್ವರಕ್ಕೆ ಬರುತ್ತಿದ್ದ ಈ ರೈಲಿನ ಸಂಚಾರ ಇನ್ಮುಂದೆ ಕುಮಟಾವರೆಗೆ ಬರಲಿದೆ. ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಹಾಗೂ ಕುಮಟಾ ಶಾಸಕ ದಿನಕರ ಶೆಟ್ಟಿ ಅವರು ಕೇಂದ್ರ ರೇಲ್ವೆ ಸಚಿವರ ಮೇಲೆ ಒತ್ತಡ ಹಾಕಿದ್ದರು. ಸಾರ್ವಜನಿಕರು ಸಹ ರೈಲು ವಿಸ್ತರಣೆಗೆ ಆಗ್ರಹಿಸಿದ್ದರು. ಇದಕ್ಕೆ ಕೇಂದ್ರ ರೇಲ್ವೆ ಸಚಿವರು ಸ್ಪಂದಿಸಿದ್ದು, ಆ ರೈಲು ಕುಮಟಾದವರೆಗೆ ಬರಲಿದೆ.

ಕುಮಟಾ ರೇಲ್ವೆ ನಿಲ್ದಾಣದಿಂದ ಪ್ರತಿ ಬುಧವಾರ ಹಾಗು ಶನಿವಾರ ಮಧ್ಯಾಹ್ನ 3.25 ಗಂಟೆಗೆ ಈ ರೈಲು ಹೊರಡಲಿದೆ. ಶನಿವಾರ ಈ ರೈಲಿಗೆ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ, ಶಾಸಕ ದಿನಕರ ಶೆಟ್ಟಿ ಹಾಗೂ ಕೊಂಕಣ ರೇಲ್ವೆ ವ್ಯವಸ್ಥಾಪಕ ನಿರ್ದೇಶಕ ಸಂತೋಷಕುಮಾರ ಝೂ ಅವರು ಚಾಲನೆ ನೀಡಿದ್ದಾರೆ. ಹಸಿರು ಬಾವುಟ ತೋರಿಸಿದ ನಂತರ ರೈಲು ಮುಂದೆ ಚಲಿಸಿದೆ.