ದಾಂಡೇಲಿ | ಮೊಬೈಲ್ ಬೆಳಕಿನಲ್ಲಿ ಮರ ಕಟಾವು!

ದಾಂಡೇಲಿ-ಹಳಿಯಾಳ ರಸ್ತೆಯ ಕೇರವಾಡ ಶನಿವಾರ ನಸುಕಿನಲ್ಲಿ ಮರ ಬಿದ್ದಿದೆ. ಅರಣ್ಯಾಧಿಕಾರಿಗಳು ಮೊಬೈಲ್ ಬೆಳಕಿನಲ್ಲಿ ರಸ್ತೆಗೆ ಅಡ್ಡಲಾಗಿ ಬಿದ್ದ ಮರವನ್ನು ತೆರವು ಮಾಡಿದ್ದಾರೆ.

ADVERTISEMENT

ಶನಿವಾರ ಬೆಳಗ್ಗೆ ದಾಂಡೇಲಿ ಭಾಗದಲ್ಲಿ ಭಾರೀ ಪ್ರಮಾಣದ ಮಳೆ ಸುರಿಯಿತು. ಪರಿಣಾಮ ಕೇರವಾಡ ಬಳಿ ದೊಡ್ಡ ಮರ ಬಿದ್ದಿತು. ಪರಿಣಾಮ ಎರಡು ಗಂಟೆಗಳ ಕಾಲ ಸಂಚಾರ ಅಸ್ತವ್ಯಸ್ಥಗೊಂಡಿತು. ನಸುಕಿನ 3 ಗಂಟೆಗೆ ಮರ ಬಿದ್ದಿದ್ದರಿಂದ ಆ ಪ್ರದೇಶದಲ್ಲಿ ಕತ್ತಲು ಆವರಿಸಿತ್ತು. ವಿದ್ಯುತ್ ತಂತಿಗಳ ಮೇಲೆ ಮರ ಬಿದ್ದಿದ್ದರಿಂದ ಇನ್ನಷ್ಟು ಸಮಸ್ಯೆಯಾಯಿತು.

ಮಾಹಿತಿ ತಿಳಿದ ತಕ್ಷಣ ಅರಣ್ಯ ಇಲಾಖೆ ಅಧಿಕಾರಿಗಳು, ಹೆಸ್ಕಾಂ ಸಿಬ್ಬಂದಿ ಹಾಗೂ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದರು. ಸ್ಥಳೀಯರಾದ ಮುನ್ನಾ ಸಾಂಗ್ಲ ಹಾಗೂ ಮತ್ತಿನ್ನಿತರು ಸಹಕಾರದೊಂದಿಗೆ ಮರದ ಕೊಂಬೆಗಳನ್ನು ತೆರವುಗೊದರು. ಅನೇಕರು ಈ ವೇಳೆ ಮೊಬೈಲ್ ಬೆಳಕು ಮೂಡಿಸಿ, ಕಾರ್ಯಾಚರಣೆಗೆ ನೆರವಾದರು. ನಸುಕಿನ 6 ಗಂಟೆ ವೇಳೆಗೆ ವಾಹನ ಸಂಚಾರ ಸರಿಯಾಯಿತು.