ಕಾರವಾರ | ಮೊಟ್ಟೆ ಗಾಡಿಗೆ ಮುತ್ತಿಕ್ಕಿದ KSRTC ಬಸ್ಸು!

ಕಿನ್ನರದಲ್ಲಿ ಮೊಟ್ಟೆ ಸಾಗಿಸುತ್ತಿದ್ದ ಗೂಡ್ಸ್ ರಿಕ್ಷಾಗೆ ಕೆಎಸ್‌ಆರ್‌ಟಿಸಿ ಬಸ್ಸು ಡಿಕ್ಕಿ ಹೊಡೆದಿದೆ. ಪರಿಣಾಮ ರಿಕ್ಷಾದಲ್ಲಿದ್ದ ಮೊಟ್ಟೆಗಳೆಲ್ಲವೂ ಒಡೆದಿದೆ. ಬಸ್ಸಿನಲ್ಲಿದ್ದ ಕೆಲ ಪ್ರಯಾಣಿಕರಿಗೆ ನೋವಾಗಿದೆ.

ಭಾನುವಾರ ಬೆಳಗ್ಗೆ ಕಾರವಾರದ ಕಿನ್ನರದಲ್ಲಿ ಗೂಡ್ಸ್ ರಿಕ್ಷಾವೊಂದು ಸಾಗುತ್ತಿತ್ತು. ಆ ರಿಕ್ಷಾದ ತುಂಬ ಮೊಟ್ಟೆಗಳು ತುಂಬಿದ್ದವು. ವಿರುದ್ಧ ದಿಕ್ಕಿನಿಂದ ಬಂದ ಕೆಎಸ್‌ಆರ್‌ಟಿಸಿ ಬಸ್ಸು ಆ ರಿಕ್ಷಾಗೆ ಗುದ್ದಿತು. ಪರಿಣಾಮ ರಿಕ್ಷಾದಲ್ಲಿದ್ದ ಮೊಟ್ಟೆಗಳೆಲ್ಲವೂ ಒಡೆದವು. ಬಸ್ಸು ಗುದ್ದಿದ ವೇಗಕ್ಕೆ ಬಸ್ಸಿನಲ್ಲಿದ್ದ ಪ್ರಯಾಣಿಕರಿಗೂ ಅಲ್ಲಲ್ಲಿ ಪೆಟ್ಟಾಯಿತು. ಅಪಘಾತದಲ್ಲಿ ರಿಕ್ಷಾದ ಒಂದು ಬದಿಗೆ ಹಾನಿಯಾಗಿದೆ. ಬಸ್ಸಿನ ಮುಂದಿನ ಭಾಗವೂ ಅಲ್ಪ ಪ್ರಮಾಣದಲ್ಲಿ ಒಡೆದಿದೆ. ಎರಡೂ ವಾಹನದ ಚಾಲಕರಿಬ್ಬರಿಗೂ ಅಲ್ಲಲ್ಲಿ ಪೆಟ್ಟಾಗಿದೆ.

ಅಪಘಾತದ ವಿಷಯ ಅರಿತು ಅಲ್ಲಿ ಪೊಲೀಸರು ಹೋಗಿದ್ದಾರೆ. ರಸ್ತೆ ಮೇಲೆ ನಿಂತಿದ್ದ ವಾಹನಗಳನ್ನು ಬದಿಗೆ ಸರಿಸಿದ್ದಾರೆ. ಆ ಮಾರ್ಗದಲ್ಲಿ ಸಂಚಾರ ದಟ್ಟಣೆ ಆಗಿದ್ದು, ಅದನ್ನು ಸರಿಪಡಿಸಿದ್ದಾರೆ. ಗಾಯಗೊಂಡ ಚಾಲಕರಿಬ್ಬರನ್ನು ಪೊಲೀಸರ ಸಹಾಯದಲ್ಲಿ ಆಸ್ಪತ್ರೆಗೆ ಸಾಗಿಸಲಾಗಿದೆ.