- Trending
- Comments
- Latest
ತದಡಿ ಬಂದರಿನಲ್ಲಿ ಮಂಗಳವಾರ ಸಂಜೆ ನಡೆದ ದುರಂತದಲ್ಲಿ ಸಾವನಪ್ಪಿದ ಮೂವರು ಮೀನುಗಾರ ಕಾರ್ಮಿಕರ ಕುಟುಂಬಕ್ಕೆ ಸರ್ಕಾರ ತಲಾ 10 ಲಕ್ಷ ರೂ ನೆರವು ನೀಡಿದೆ.
ಕುಮಟಾ ವನ್ನಳ್ಳಿಯ ಅಮನ್ ಆಯುಬ್ ಲಂಗ್ಡೋ, ಕಾಗಾಲದ ನೌಶಾದ್ ಅಲಿಷಾ ರಾಜಾ, ಹುಬ್ಬಣಗೇರಿಯ ಅಮೀರ್ ಅಬ್ದುಲ್ಲ ಉಂಚಳ್ಳಿ ಅವರ ಮನೆಗೆ ಮೀನುಗಾರಿಕಾ ಸಚಿವ ಕೆ ಎಸ್ ಬಸವಂತಪ್ಪ ಅವರು ಬುಧವಾರ ಭೇಟಿ ನೀಡಿ ಸಾಂತ್ವಾನ ಹೇಳಿದ್ದಾರೆ. `ಮುಖ್ಯಮಂತ್ರಿಗಳ ಜೊತೆ ಚರ್ಚಿಸಿ ಮೃತರ ಮಕ್ಕಳ ಶಿಕ್ಷಣಕ್ಕೆ ಸಹಾಯ ಮಾಡಲಾಗುತ್ತದೆ. ಇಂಥ ಘಟನೆ ಮರುಕಳಸದ ಹಾಗೇ ಬೋಟ್ ಮಾಲಕರ ಸಭೆ ನಡೆಸಲು ಅಧಿಕಾರಿಗಳಿಗೆ ಸೂಚಿಸಿದ್ದೇನೆ’ ಎಂದವರು ಈ ವೇಳೆ ಹೇಳಿದ್ದಾರೆ. `ಕೇಂದ್ರ ಸರ್ಕಾರದಿಂದಲೂ ಪರಿಹಾರ ಒದಗಿಸುವ ಬಗ್ಗೆ ಚರ್ಚಿಸಲಾಗುತ್ತದೆ’ ಎಂದು ಭರವಸೆ ನೀಡಿದ್ದಾರೆ.
`ಕಾರವಾರದಿಂದ ಭಟ್ಕಳವರೆಗಿನ ಬಂದರುಗಳಲ್ಲಿ ಹೂಳು ತುಂಬಿದ್ದು, ಅದನ್ನು ತೆಗೆಯಲು ಕ್ರಮ ಜರುಗಿಸಲಾಗುತ್ತದೆ. ಎನ್.ಡಿ.ಆರ್.ಎಫ್ ಕಾರ್ಯಪಡೆ ತದಡಿ ಬಂದರಿಗೆ ಆಗಮಿಸಿ ನಡೆದ ಅವಘಡದ ಕುರಿತು ಪರಿಶೀಲಿಸುತ್ತಿದೆ. ಶಿಥಿಲಾವಸ್ಥೆಯಲ್ಲಿರುವ ಮೀನುಗಾರಿಕಾ ಇಲಾಖೆಯ ಕಟ್ಟಡ ತೆರವಿಗೆ ಕ್ರಮವಹಿಸಲು ಮತ್ತು ನಾಳೆಯಿಂದಲೇ ತದಡಿ ಬಂದರಿನಲ್ಲಿನ ಹೂಳೆನ್ನು ತೆಗೆಯಲು ಕ್ರಮ ಜರುಗಿಸಲು ಸೂಚಿಸಲಾಗಿದೆ’ ಎಂದರು.
You cannot copy content of this page
