ಶಿರಸಿ | ವಿವಾಹಿತ ಮಹಿಳೆಯ ದುಡುಕು ನಿರ್ಧಾರ!

ಸಂಪಖoಡ ಬೆಳಕಲ್ಲಮನೆಯ ಅಕ್ಷತಾ ನಾಯ್ಕ ಅವರು ವಿಷ ಸೇವಿಸಿದ್ದು, ಶಿರಸಿಯ ಪಂಡಿತ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿ, ವೆಲ್‌ನೆಸ್ಟ್ ಆಸ್ಪತ್ರೆಗೆ ದಾಖಲಿಸಿದರೂ ಬದುಕಿಸಲು ಆಗಲಿಲ್ಲ. ಮಣಿಪಾಲ್ ಆಸ್ಪತ್ರೆಗೆ ಕರೆದೊಯ್ಯುವಾಗ ಅಕ್ಷತಾ ನಾಯ್ಕ ಅವರು ಉಸಿರು ನಿಲ್ಲಿಸಿದ್ದಾರೆ.

ADVERTISEMENT

ಶಿವಮೊಗ್ಗ ಮೂಲದ ಅಕ್ಷತಾ ನಾಯ್ಕ ಅವರು ಮೂರು ವರ್ಷದ ಹಿಂದೆ ಮದುವೆ ಆಗಿದ್ದರು. ಶಿರಸಿ ಸಂಪಖAಡ ಬೆಳಕಲ್ಲಮನೆಯ ವಿಶುಕುಮಾರ ಕೇಶವ ನಾಯ್ಕ ಅವರನ್ನು ಅವರು ವರಿಸಿದ್ದರು. ಇನ್ನೂ 30 ವರ್ಷದ ಅಕ್ಷತಾ ನಾಯ್ಕ ಅವರು ಸಣ್ಣ ವಿಷಯವೊಂದರ ಕುರಿತು ಅಪಾರವಾಗಿ ತಲೆಕೆಡಿಸಿಕೊಂಡಿದ್ದರು. ಯಾವುದೋ ಒಂದು ವಿಷಯವಾಗಿ ಅವರು ಮಾನಸಿಕವಾಗಿ ಕುಗ್ಗಿದ್ದರು. ಅದೇ ನೋವಿನಲ್ಲಿ ಅವರು ದುಡುಕು ನಿರ್ಧಾರಕ್ಕೆ ಮುಂದಾಗಿದ್ದರು.

ADVERTISEMENT

ಅಕ್ಷತಾ ನಾಯ್ಕ ಅವರ ಮನೆಯಲ್ಲಿ ಗದ್ದೆಗೆ ಹೊಡೆಯಲು ಲೇತಾಲ್ ಸೂಪರ್ 505 ಎಂಬ ವಿಷ ತಂದಿರಿಸಲಾಗಿತ್ತು. ಆ ವಿಷದ ಬಗ್ಗೆ ಅರಿತ ಅವರು ಅಕ್ಟೊಬರ್ 21ರಂದು ಅದನ್ನು ಸೇವಿಸಿದರು. ವಿಷ ಸೇವಿಸಿ ಅಸ್ವಸ್ಥಗೊಂಡ ಅವರನ್ನು ಶಿರಸಿ ಪಂಡತ್ ಆಸ್ಪತ್ರೆಗೆ ಕರೆದೊಯ್ದು ಪ್ರಥಮ ಚಿಕಿತ್ಸೆ ಕೊಡಿಸಲಾಯಿತು. ಅದಾದ ನಂತರ ವೆಲ್ ನೆಸ್ಟ್ ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಲಾಯಿತು. ಅಲ್ಲಿನ ವೈದ್ಯರು ಸಾಕಷ್ಟು ಪ್ರಯತ್ನ ನಡೆಸಿದರೂ ಅಕ್ಷತಾ ನಾಯ್ಕ ಅವರ ಆರೋಗ್ಯದಲ್ಲಿ ಚೇತರಿಕೆ ಕಾಣಲಿಲ್ಲ. ಹೀಗಾಗಿ ಅವರನ್ನು ಮಣಿಪಾಲ್’ಗೆ ಕರೆದೊಯ್ಯಲು ಕುಟುಂಬದವರು ನಿರ್ಧರಿಸಿದರು.

ಅಕ್ಟೊಬರ್ 27ರಂದು ಮಣಿಪಾಲ್’ಗೆ ಕರೆದೊಯ್ಯುವಾಗ ಅವರು ಸಾವನಪ್ಪಿದರು. ಅಕ್ಷತಾ ನಾಯ್ಕ ಅವರ ಸಾವಿನಿಂದ ಅವರ ತಂದೆ ವಿನಾಯಕ ಮರಿಯಪ್ಪ ಅವರು ಕೆಂಗಟ್ಟಿದ್ದು, ಸಾವಿನ ಬಗ್ಗೆ ತನಿಖೆಗೆ ಆಗ್ರಹಿಸಿದರು. ಪೊಲೀಸರು ಈ ಪ್ರಕರಣ ದಾಖಲಿಸಿ ತನಿಖೆ ಶುರು ಮಾಡಿದ್ದಾರೆ.