ಶಿರಸಿ | ಆ ಹೆಗಡೆಯೂ ಸಾಚಾ ಅಲ್ಲ!

ಬೊಪ್ಪನಳ್ಳಿಯ ದಿವಾಕರ ಹೆಗಡೆ ಹಾಗೂ ಸುಧಾಕರ ಹೆಗಡೆ ಅವರ ನಡುವೆ ಹೊಡೆದಾಟ ನಡೆದಿದ್ದು, ಎರಡು ತಿಂಗಳ ನಂತರ ದಿವಾಕರ ಹೆಗಡೆ ಅವರು ಸುಧಾಕರ ಹೆಗಡೆ ಹಾಗೂ ಅವರ ಕುಟುಂಬದ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ. ಆದರೆ, ದಿವಾಕರ ಹೆಗಡೆ ಅವರು ಎರಡು ವರ್ಷದಿಂದಲೂ ಸುಧಾಕರ ಹೆಗಡೆ ಅವರ ಕುಟುಂಬಕ್ಕೆ ತೊಂದರೆ ನೀಡುತ್ತಿರುವುದು ದಾಖಲೆಗಳಿಂದ ಗೊತ್ತಾಗಿದೆ.

ಶಿರಸಿಯ ಇಳಸೂರು ಬಳಿಯ ಬೊಪ್ಪನಳ್ಳಿಯಲ್ಲಿ ದಿವಾಕರ ಗಜಾನನ ಹೆಗಡೆ ಹಾಗೂ ಸುಧಾಕರ ಗಜಾನನ ಹೆಗಡೆ ಎಂಬ ಸಹೋದರರು ವಾಸವಾಗಿದ್ದಾರೆ. ಜಮೀನು ವಿಷಯವಾಗಿ ಅವರಿಬ್ಬರ ನಡುವೆ ವ್ಯಾಜ್ಯವಿದ್ದು, ಅದೇ ಕಾರಣಕ್ಕಾಗಿ ದಿವಾಕರ ಹೆಗಡೆ ಅವರು ಸಹೋದರನ ವಿರುದ್ಧವೇ ಸಮರ ಸಾರಿದ್ದಾರೆ. ಎರಡು ತಿಂಗಳ ಹಿಂದೆ ತೋಟಕ್ಕೆ ಮದ್ದು ಹೊಡೆಸುವ ವಿಷಯದಲ್ಲಿ ದಿವಾಕರ ಹೆಗಡೆ ಹಾಗೂ ಸುಧಾಕರ ಹೆಗಡೆ ಅವರ ನಡುವೆ ವಾಗ್ವಾದ ನಡೆದಿದೆ. ಈ ಗಲಾಟೆ ಹೊಡೆದಾಟದ ಸ್ವರೂಪಪಡೆದಿದ್ದು, ಪ್ರಕರಣ ನಡೆದು ಎರಡು ತಿಂಗಳ ನಂತರ ದಿವಾಕರ ಹೆಗಡೆ ಅವರು ತಮ್ಮನ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಸುಧಾಕರ ಹೆಗಡೆ ಅವರ ಜೊತೆ ಅವರ ಕುಟುಂಬದವರ ವಿರುದ್ಧವೂ ಕೇಸು ಹಾಕಿದ್ದಾರೆ. ಹೊಡೆದಾಟ ತಪ್ಪಿಸಲು ಹೋದವರ ಮೇಲೆಯೂ ಎರಡು ತಿಂಗಳ ನಂತರ ಕೇಸು ದಾಖಲಿಸಿ ಸಮಸ್ಯೆ ಮಾಡಿದ ಬಗ್ಗೆ ಸುಧಾಕರ ಹೆಗಡೆ ಕುಟುಂಬದವರು ಅಸಮಧಾನವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಮದ್ದು ಹೊಡೆಯಲು ಹೋದವನಿಗೆ ಗುದ್ದು!

ಈ ಎಲ್ಲಾ ವಿಷಯಗಳ ನಡುವೆ ಎರಡು ವರ್ಷದ ಹಿಂದೆಯೂ ದಿವಾಕರ ಹೆಗಡೆ ಅವರು ಸುಧಾಕರ ಹೆಗಡೆ ಅವರ ಕುಟುಂಬದ ಮೇಲೆ ಆಕ್ರಮಣ ಮಾಡಿದ್ದ ಸಂಗತಿ ಹೊರಬಿದ್ದಿದೆ. ಆ ವಿಷಯವಾಗಿಯೂ ಅನ್ಯಾಯಕ್ಕೆ ಒಳಗಾಗಿದ್ದ ಮಧುರಾ ಹೆಗಡೆ ಅವರು ನ್ಯಾಯಾಲಯದ ಮೆಟ್ಟಿಲೇರಿದ್ದಾರೆ. ದಿವಾಕರ ಹೆಗಡೆ ಅವರು ಪಿತ್ರಾರ್ಜಿತ ಜಮೀನು ವಿಷಯದಲ್ಲಿ ಹಿಂದಿನಿoದಲೂ ಜಗಳ ಮಾಡುತ್ತಿದ್ದು, ಅಗಸ್ಟ 16ರಂದು ನಡೆದ ಗಲಾಟೆ ವಿಷಯವಾಗಿ ದಿವಾಕರ ಹೆಗಡೆ ಅವರ ಜೊತೆ ಸುಧಾಕರ ಹೆಗಡೆ ಅವರು ಸಹ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆಪಡೆದಿದ್ದಾರೆ. ತಮಗಾದ ಅನ್ಯಾಯದ ವಿರುದ್ಧ ಅವರು ಸದ್ಯ ಪೊಲೀಸ್ ದೂರು ನೀಡಿದ್ದಾರೆ. ನ್ಯಾಯಾಲಯದ ಸೂಚನೆ ಮೇರೆಗೆ ಈ ಎರಡು ಪ್ರಕರಣಗಳನ್ನು ದಾಖಲಿಸಿಕೊಂಡ ಪೊಲೀಸರು ಸತ್ಯಾಸತ್ಯತೆಯ ಶೋಧ ನಡೆಸಿದ್ದಾರೆ.