- Trending
- Comments
- Latest
ಅವರೆಕೊಪ್ಪದ ವಕೀಲ ಶ್ರೀಶೈಲ್ ಕೋರ್ಪಡೆ ಅವರಿಗೆ ಜೀವ ಬೆದರಿಕೆ ಬಂದಿದೆ. ಶಿರಸಿ ಅಂಬಳ್ಳಿಯ ಮಹೇಶ ನಾಯ್ಕ ಹಾಗೂ ಸುರೇಶ ನಾಯ್ಕ ಸೇರಿ ಶ್ರೀಶೈಲ್ ಕೋರ್ಪಡೆ ಅವರಿಗೆ ಬೆದರಿಕೆಯೊಡ್ಡಿದ್ದಾರೆ.
ಸಿದ್ದಾಪುರದ ಅವರೆಕೊಪ್ಪದದಲ್ಲಿ ಶ್ರೀಶೈಲ್ ಕಾಡಪ್ಪ ಕೋರ್ಪಡೆ ಅವರು ವಾಸವಾಗಿದ್ದಾರೆ. 54 ವರ್ಷದ ಅವರು ವಕೀಲರಾಗಿದ್ದಾರೆ. ಅತ್ತೆಗೆ ಅನಾರೋಗ್ಯ ಕಾಡಿದ ಕಾರಣ ಅವರು ಅಕ್ಟೊಬರ್ 24ರ ರಾತ್ರಿ ಶಿರಸಿಯ ಪಿಜಿ ಆಸ್ಪತ್ರೆಗೆ ಆಗಮಿಸಿದ್ದು, ಅಲ್ಲಿ ಎದುರಾದ ಶಿರಸಿ ಅಂಬಳ್ಳಿಯ ಮಹೇಶ ಮಾಧವ ನಾಯ್ಕ ಹಾಗೂ ಸುರೇಶ ಮಾಧವ ನಾಯ್ಕ ಅವರು ಜೀವ ಬೆದರಿಕೆ ಹಾಕಿದ್ದಾರೆ. ಆಸ್ಪತ್ರೆ ಆವರಣದಲ್ಲಿಯೇ ಹರಿತವಾದ ಆಯುಧ ಕಾಣಿಸಿ `ನಿನ್ನನ್ನು ಸವರದೇ ಬಿಡುವುದಿಲ್ಲ’ ಎಂದು ಹೆದರಿಸಿದ್ದಾರೆ.
ಈ ವೇಳೆ ಶ್ರೀಶೈಲ್ ಕೋರ್ಪಡೆ ಅವರು ಅಲ್ಲಿಂದ ಓಡಿ ಹೋಗಿದ್ದಾರೆ. `ಆ ದಿನ ಓಡಿ ಹೋಗದಿದ್ದರೆ ತನ್ನ ಜೀವ ಉಳಿಯುತ್ತಿರಲಿಲ್ಲ’ ಎಂದು ಅವರು ಹೇಳಿಕೊಂಡಿದ್ದಾರೆ. `ಬಿಳಿ ಬಣ್ಣದ ಹಳದಿ ಬೋರ್ಡಿನ ಶಿಪ್ಟ್ ಕಾರಿನಲ್ಲಿ ಬಂದ ಮಹೇಶ ನಾಯ್ಕ ಹಾಗೂ ಸುರೇಶ ನಾಯ್ಕ ಅವರು ಆಯುಧ ಕಾಣಿಸಿ ಗದರಿಸಿದ್ದಾರೆ. ಅವರ ಮೇಲಿನ ಭಯದಿಂದ ದೂರು ನೀಡಲು ತಡವಾಗಿದ್ದು, ಮನೆಯಲ್ಲಿ ಚರ್ಚಿಸಿ ದೂರು ನೀಡುತ್ತಿದ್ದೇನೆ’ ಎಂದವರು ಪೊಲೀಸರ ಬಳಿ ಹೇಳಿದ್ದಾರೆ.
ನಂತರ ಪೊಲೀಸರ ಲಿಖಿತ ಹೇಳಿಕೆ ಮೇರೆಗೆ ಅವರು ನ್ಯಾಯಾಲಯದ ಮೊರೆ ಹೋಗಿದ್ದು, ನ್ಯಾಯಾಧೀಶರ ಸೂಚನೆ ಪ್ರಕಾರ ಕೇಸು ದಾಖಲಿಸಿದ್ದಾರೆ. ಪೊಲೀಸರು ಘಟನಾವಳಿಗಳ ಬಗ್ಗೆ ತನಿಖೆ ಶುರು ಮಾಡಿದ್ದಾರೆ.
You cannot copy content of this page
