ಕೊಡಲಿ ಏಟಿಗೆ ಉರುಳಿ ಬಿದ್ದ ಶ್ರೀಗಂಧ!

ಯಲ್ಲಾಪುರದ ನಾರಾಯಣಪುರದಲ್ಲಿ ಶ್ರೀಗಂಧದ ಮರಕ್ಕೆ ಕೊಡಲಿ ಏಟು ಬಿದ್ದಿದೆ. ಇನ್ನೂ ತಿರುಳು ಸಹ ಬೆಳೆಯದ ಮರವನ್ನು ಕಳ್ಳರು ಕದಿಯುವ ಪ್ರಯತ್ನ ಮಾಡಿದ್ದಾರೆ.

ಈ ದಿನ ಅರಣ್ಯ ಸಿಬ್ಬಂದಿ ಅಲ್ಲಿ ಭೇಟಿ ನೀಡಿ, ಮರ ಕಟಾವು ಆಗಿದನ್ನು ನೋಡಿದ್ದಾರೆ. ಮರದ ಬುಡ ನೋಡಿದ ಅರಣ್ಯ ಸಿಬ್ಬಂದಿ ಅದನ್ನು ತೂಕ ಮಾಡಿದ್ದಾರೆ. ಆಗ, ಮರದ ಬುಡ 44 ಕೆಜಿ ತೂಕ ಬಂದಿದ್ದು, ಈ ವೇಳೆ ಕೆಲ ಮರದ ತುಂಡುಗಳನ್ನು ಕಳ್ಳರು ಸಾಗಿಸಿದ ಕುರುಹು ಪತ್ತೆಯಾಗಿದೆ. ತುದಿ ಹಾಗೂ ಬುಡದ ಭಾಗವನ್ನು ಮಾತ್ರ ಕಳ್ಳರು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ.

ADVERTISEMENT

ತಿರುಳಿಲ್ಲದ ಮರ, ಹಸಿ ಸಿಪ್ಪೆ ಸೇರಿ ಇಲ್ಲಿ ಒಟ್ಟು 85 ಕೆಜಿ ತೂಕದ ಶ್ರೀಗಂಧದ ಮರ ಇಲ್ಲಿ ದೊರೆತಿದ್ದು, ಅರಣ್ಯ ಸಿಬ್ಬಂದಿ ಅದನ್ನು ಜಪ್ತು ಮಾಡಿದ್ದಾರೆ. ಈ ಮರ ಕಟಾವು ಮಾಡಿದವರು ಯಾರು? ಎಲ್ಲಿಯವರು? ಎಂದು ಗೊತ್ತಾಗಿಲ್ಲ. ಹೀಗಾಗಿ ಅವರ ಬಗ್ಗೆಯೂ ಶೋಧ ನಡೆದಿದೆ. ಶ್ರೀಗಂಧ ಮರ ಕಳ್ಳತನವಾದ ಬಗ್ಗೆ ಅರಣ್ಯ ಅಧಿಕಾರಿಗಳು ನ್ಯಾಯಾಲಯಕ್ಕೆ ಮಾಹಿತಿ ನೀಡಿದ್ದಾರೆ.