ಗೋಕರ್ಣ | ಬಂಗಾರವೂ ಹೋಯಿತು.. ಸಂಬoಧವೂ ಮುರಿಯಿತು!

ಅತ್ತೆ ಸಾವಿನ ನಂತರ ಅವರ ಶ್ರಾದ್ಧಕ್ಕೆ ಗೋಕರ್ಣಕ್ಕೆ ಹೋಗಿದ್ದ ಅಂಕೋಲಾದ ಸಂತೋಷ ರೇವಣಕರ್ ಅವರ ಬಳಿ ನಾದಿನಿ ರೇಷ್ಮಾ ಕುರ್ಡೇಕರ್ ಅವರು ಅತ್ತೆಯ ಬಳಿಯಿದ್ದ ಚಿನ್ನದ ಬಗ್ಗೆ ಪ್ರಶ್ನಿಸಿದ್ದಾರೆ. ಅದಕ್ಕೆ ಸರಿಯಾಗಿ ಉತ್ತರಿಸದ ಕಾರಣ ಸಂತೋಷ ರೇವಣಕರ್ ಮೂವರು ಮಹಿಳೆಯರಿಂದ ಪೆಟ್ಟುತಿಂದಿದ್ದಾರೆ.

ಅoಕೋಲಾದ ಬೇಲಿಕೇರಿಯಲ್ಲಿ ಸಂತೋಷ ಚಂದ್ರಕಾoತ ರೇವಣಕರ್ ಅವರು ವಾಸವಾಗಿದ್ದಾರೆ. ಚಿನ್ನದ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದಾರೆ. ಈಚೆಗೆ ಅವರ ಅತ್ತೆ ನಿಧನರಾಗಿದ್ದು, ಅವರ ಕಾರ್ಯ ಮಾಡಿಸಲು ಸಂತೋಷ ರೇವಣಕರ್ ಅವರು ಗೋಕರ್ಣಕ್ಕೆ ಹೋಗಿದ್ದಾರೆ. ಅಲ್ಲಿನ ದಿವಾಕರ ಭಟ್ಟರ ಮನೆಯಲ್ಲಿ ಶ್ರಾದ್ಧ ಮಾಡಿಸಿದ್ದಾರೆ. ಈ ವೇಳೆ ಅಲ್ಲಿ ಅವರ ಸಂಬAಧಿಕರಾದ ದಾವಣಗೆರೆಯಲ್ಲಿರುವ ಲತಾ ಶಿವರಾಮ ಶೇಟ್, ಶಿವಮೊಗ್ಗದಲ್ಲಿರುವ ಸ್ಮಿತಾ ರಾಘವೇಂದ್ರ ಕುರ್ಡೇಕರ್, ಸೂರಜ್ ರಾಘವೇಂದ್ರ ಕುರ್ಡೇಕರ್, ಹಾವೇರಿಯಲ್ಲಿರುವ ರೀನಾ ರಾಜೀವ ರಾಯ್ಕರ್ ಅವರು ಆಗಮಿಸಿದ್ದಾರೆ.

ಕಾರ್ಯಕ್ರಮ ಮುಗಿದ ನಂತರ ರೇಷ್ಮಾ ಕುರ್ಡೇಕರ್ ಅವರು ಅತ್ತೆಯ ಬಳಿಯಿದ್ದ ಚಿನ್ನದ ಬಗ್ಗೆ ಮಾತನಾಡಿದ್ದಾರೆ. ಸಂತೋಷ ರೇವಣಕರ್ ಅವರ ನೆಂಟನ ಪತ್ನಿ ಸವಿತಾ ಅರುಣ ರಾಯ್ಕರ್ ಅವರ ಬಳಿ ಮೊದಲು ಈ ಬಗ್ಗೆ ಪ್ರಶ್ನಿಸಿದ್ದಾರೆ. ಇದನ್ನು ಕೇಳಿಸಿಕೊಂಡ ಸಂತೋಷ ರೇವಣಕರ್ ಅವರು `ಆ ಬಗ್ಗೆ ನಂತರ ಮಾತನಾಡೋಣ’ ಎಂದಿದ್ದಾರೆ. ಆಗ, ಸವಿತಾ ರಾಯ್ಕರ್ ಅವರು `ನಮ್ಮ ಬಳಿ ಚಿನ್ನವೂ ಇಲ್ಲ. ಅದನ್ನು ಯಾರಿಗೂ ಕೊಡುವುದಿಲ್ಲ’ ಎಂದು ಸಹ ಹೇಳಿದ್ದಾರೆ.

ಆಗ ಅಲ್ಲಿಯೇ ಸಿಟ್ಟಾದ ಲತಾ ಶಿವರಾಮ ಶೇಟ್, ಸ್ಮಿತಾ ರಾಘವೇಂದ್ರ ಕುರ್ಡೇಕರ್ ಹಾಗೂ ರೀನಾ ರಾಜೀವ ರಾಯ್ಕರ್ ಸೇರಿ ಸಂತೋಷ ರೇವಣಕರ್ ಅವರ ಮೇಲೆ ದಾಳಿ ಮಾಡಿದ್ದಾರೆ. ಸೂರಜ್ ರಾಘವೇಂದ್ರ ಕುರ್ಡೇಕರ್ ಅವರು ಸಹ ಸಂತೋಷ ರೇವಣಕರ್ ಅವರನ್ನು ಹಿಡಿದು ಥಳಿಸಿದ್ದಾರೆ. ಸತ್ತವರ ಮೇಲಿನ ಚಿನ್ನದ ಆಸೆಗೆ ಬಿದ್ದು ಸಂತೋಷ ರೇವಣಕರ್ ಅವರು ಪೆಟ್ಟು ತಿಂದಿದ್ದಾರೆ. ತಮಗಾದ ಅನ್ಯಾಯದ ಬಗ್ಗೆ ಅವರು ನ್ಯಾಯಾಲಯಕ್ಕೆ ದೂರಿದ್ದು, ಪೊಲೀಸ್ ತನಿಖೆಗಾಗಿ ಒತ್ತಾಯಿಸಿದ್ದಾರೆ.