- Trending
- Comments
- Latest
ಯಲ್ಲಾಪುರದ ಕಂಪ್ಲಿ ಜಿಲ್ಲಾ ಪಂಚಾಯತ ಕ್ಷೇತ್ರಕ್ಕೆ ಅ ವರ್ಗದ ಮೀಸಲಾತಿ ಬಂದಿದ್ದು, ಇಲ್ಲಿನ ಪ್ರಸನ್ನ ನಾಯ್ಕ ಅವರ ಹೆಸರು ಮುನ್ನಲೆಗೆ ಬಂದಿದೆ. ಕಳೆದ 20 ವರ್ಷದಿಂದ ಬಿಜೆಪಿ ಸಂಘಟನೆಗಾಗಿ ದುಡಿದ ಸಾಮಾನ್ಯ ಕಾರ್ಯಕರ್ತ ಪ್ರಸನ್ನ ನಾಯ್ಕ ಅವರಿಗೆ ಈ ಬಾರಿ ಅವಕಾಶ ಕೊಡಬೇಕು ಎಂಬ ಕೂಗು ಜೋರಾಗಿದೆ.
ಯಲ್ಲಾಪುರದ ಮಂಚಿಕೇರಿಯಲ್ಲಿ ಪ್ರಸನ್ನ ರಾಜು ನಾಯ್ಕ ಅವರು ವಾಸವಾಗಿದ್ದಾರೆ. ಬಾಲ್ಯದಿಂದಲೂ ಅವರು ಕಟ್ಟಾ ಬಿಜೆಪಿ ಅಭಿಮಾನಿಯಾಗಿದ್ದು, ಪಕ್ಷ ಸಂಘಟನೆಗಾಗಿ ಹಗಲಿರುಳು ಶ್ರಮಿಸುತ್ತಿದ್ದಾರೆ. ಅದರೊಂದಿಗೆ ವಿವಿಧ ಸಂಘಟನೆಗಳಲ್ಲಿಯೂ ಪ್ರಸನ್ನ ನಾಯ್ಕ ಅವರು ಸಕ್ರೀಯರಾಗಿದ್ದಾರೆ. ಸರ್ವ ಧರ್ಮದವರ ಜೊತೆ ಉತ್ತಮ ಬಾಂದವ್ಯಹೊoದಿರುವ ಅವರು ತಡರಾತ್ರಿಯ ವೇಳೆಯ ತುರ್ತು ಪರಿಸ್ಥಿತಿಯಲ್ಲಿಯೂ ನೊಂದವರಿಗೆ ನೆರವಾಗುತ್ತಿದ್ದಾರೆ. ಸಾಮಾಜಿಕ, ಶೈಕ್ಷಣಿಕ, ಧಾರ್ಮಿಕ ಚಟುವಟಿಕೆಯಲ್ಲಿಯೂ ಅವರು ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ.
ಅಪಘಾತಕ್ಕೆ ಒಳಗಾಗಿ ಕಾಲು ಕಳೆದುಕೊಂಡಿದ್ದ ವ್ಯಕ್ತಿಯೊಬ್ಬರಿಗೆ ಪ್ರಸನ್ನ ನಾಯ್ಕ ಅವರು ಸಹಾಯ ಮಾಡಿದ್ದಾರೆ. ತಿಂಗಳುಗಳ ಕಾಲ ಆಸ್ಪತ್ರೆಯಲ್ಲಿದ್ದ ಆ ರೋಗಿಯ ಬಳಿ ಬಿಡಿಗಾಸು ಇಲ್ಲದಿದ್ದರೂ ಅವರ ಕುಟುಂಬಕ್ಕೆ ಧೈರ್ಯವಾಗಿ ನಿಂತಿದ್ದಾರೆ. ಊರಿನವರ ಸಹಾಯದಿಂದ ಕಾಲು ಕಳೆದುಕೊಂಡ ವ್ಯಕ್ತಿಯ ಸಂಪೂರ್ಣ ವೈದ್ಯಕೀಯ ವೆಚ್ಚ ಭರಿಸಿ, ಅವರನ್ನು ಆಸ್ಪತ್ರೆಯಿಂದ ಬಿಡಿಸಿಕೊಂಡು ಬಂದಿದ್ದಾರೆ. ಮಂಚಿಕೇರಿ ಹಾಗೂ ಸುತ್ತಲಿನ ಅನೇಕರು ಅನಾರೋಗ್ಯಕ್ಕೆ ಒಳಗಾದರೆ ಪ್ರಸನ್ನ ನಾಯ್ಕ ಅವರಿಗೆ ಫೋನ್ ಮಾಡುತ್ತಿದ್ದು, ತಮ್ಮದೇ ಸ್ವಂತ ವೆಚ್ಚದಲ್ಲಿ ವಾಹನ ಮಾಡಿಸಿ ಅವರನ್ನು ಆಸ್ಪತ್ರೆಗೆ ಕಳುಹಿಸಿದ ನಿದರ್ಶನಗಳಿವೆ.
ಸ್ಥಳೀಯ ವಿದ್ಯಾರ್ಥಿನಿಯೊಬ್ಬರಿಗೆ ಪ್ರತಿಷ್ಠಿತ ಶಾಲೆಯೊಂದರಲ್ಲಿ ಪ್ರವೇಶ ಸಿಗದಿದ್ದಾಗ IAS ಅಧಿಕಾರಿಯೊಬ್ಬರ ಜೊತೆ ಪ್ರಸನ್ನ ನಾಯ್ಕ ಅವರು ಮಾತನಾಡಿ ಪ್ರವೇಶ ಕಲ್ಪಿಸಿದ್ದಾರೆ. ಆ ಅಧಿಕಾರಿಯ ಜೊತೆ ನಿರಂತರ ಸಂಪರ್ಕ ಸಾಧಿಸಿ ಪಟ್ಟುಹಿಡಿದು ವಿದ್ಯಾರ್ಥಿನಿಯ ವಿದ್ಯಾಬ್ಯಾಸಕ್ಕೆ ನೆರವಾಗಿದ್ದಾರೆ. ಪ್ರಸನ್ನ ನಾಯ್ಕ ಅವರು ಯುಗಾದಿ ಉತ್ಸವ, ಗಜಾನನ ಉತ್ಸವ ಸಮಿತಿ, ದುರ್ಗಾ ಪರಮೇಶ್ವರಿ ದೇವಸ್ಥಾನ ಅಭಿವೃದ್ಧಿ ಸಮಿತಿಯ ಸದಸ್ಯರಾಗಿದ್ದಾರೆ. ಧಾರ್ಮಿಕವಾಗಿಯೂ ಅವರು ಸಾಕಷ್ಟು ದಾನ-ಧರ್ಮ ಮಾಡಿದ್ದು, ಹಣಕಾಸಿನ ನೆರವುಹೊರತಾಗಿ ತಾವೇ ಸ್ವತಃ ಶ್ರಮದಾನ ಮಾಡಲು ಹೋಗುತ್ತಾರೆ.
ಸರ್ಕಾರಿ ಕಚೇರಿಗಳಲ್ಲಿ ಆಗಬೇಕಾದ ನ್ಯಾಯಯುತ ಕೆಲಸಗಳಿಗೂ ಪ್ರಸನ್ನ ನಾಯ್ಕ ಅವರು ನೆರವಾಗುತ್ತಿದ್ದಾರೆ. ಪಡಿತರ ಚೀಟಿ ಆಗದಿರುವಿಕೆ, ಬಸ್ ಪಾಸ್ ನವೀಕರಣದಲ್ಲಿನ ಸಮಸ್ಯೆ, ವಿವಿಧ ಬಗೆಯ ಪಿಂಚಣಿ ಬಾರದವರ ಮನೆಗೆ ಹೋಗಿ ಅವರ ಸಮಸ್ಯೆ ಆಲಿಸಿದ್ದಾರೆ. ಅನ್ಯಾಯದ ವಿರುದ್ಧ ನಿರಂತರ ಹೋರಾಟ ನಡೆಸುತ್ತಿರುವ ಅವರು ಊರಿನವರಿಗೆ ಆಪತ್ಬಾಂದವರಾಗಿ ಗುರುತಿಸಿಕೊಂಡಿದ್ದಾರೆ. ಕೊರೊನಾ-ನೆರೆ ಪ್ರವಾಹದ ಅವಧಿಯಲ್ಲಿಯೂ ಪ್ರಸನ್ನ ನಾಯ್ಕ ಅವರು ಸಾಕಷ್ಟು ಕೆಲಸ ಮಾಡಿದ್ದಾರೆ. ಆ ವೇಳೆ ಗ್ರಾ ಪಂ ಅಧ್ಯಕ್ಷರಾಗಿದ್ದ ರೇಣುಕಾ ಬೋವಿವಡ್ಡರ್ ಅವರ ಜೊತೆ ತಿರುಗಾಡಿ ಸಂತ್ರಸ್ತರಿಗೆ ನೆರವಾಗಿದ್ದಾರೆ. ತುರ್ತು ಸನ್ನಿವೇಶದಲ್ಲಿ ರಕ್ತದಾನ ಮಾಡುವುದು, ಕಷ್ಟ ಹೇಳಿಕೊಂಡು ಬಂದ ಎಲ್ಲರಿಗೂ ತಮ್ಮಿಂದ ಆಗುವ ರೀತಿ ಸಹಾಯ ಮಾಡುವ ಸ್ವಭಾವವನ್ನು ಪ್ರಸನ್ನ ನಾಯ್ಕ ಅವರು ಹೊಂದಿದ್ದಾರೆ.
ಪ್ರಸನ್ನ ನಾಯ್ಕ ಅವರು ಒಮ್ಮೆ ಗ್ರಾ ಪಂ ಚುನಾವಣೆಗೆ ನಿಂತಿದ್ದು, ಬರೇ ಐದು ಮತಗಳ ಅಂತರದಿAದ ಸೋಲು ಅನುಭವಿಸಿದ್ದರು. ಚುನಾವಣೆಯಲ್ಲಿ ಸೋತರೂ ಅವರು ಸಮಾಜ ಸೇವೆಯನ್ನು ಮಾತ್ರ ಬಿಡಲಿಲ್ಲ. ಸದ್ಯ ಬಿಜೆಪಿ ಹೊಸ ಮುಖಗಳಿಗೆ ಹಾಗೂ ಯುವಕರಿಗೆ ಅವಕಾಶ ನೀಡುತ್ತಿದ್ದು, ಈ ಎಲ್ಲಾ ಹಿನ್ನಲೆ ಪ್ರಸನ್ನ ನಾಯ್ಕ ಅವರಿಗೆ ಜಿಲ್ಲಾ ಪಂಚಾಯತ ಟಿಕೆಟ್ ನೀಡಬೇಕು ಎಂಬ ಆಗ್ರಹ ಕೇಳಿ ಬಂದಿದೆ. `ಸಮಾಜಮುಖಿ ವ್ಯಕ್ತಿತ್ವದ ಪ್ರಸನ್ನ ನಾಯ್ಕ ಅವರಿಗೆ ಅವಕಾಶ ನೀಡಿದರೆ ಅವರನ್ನು ಗೆಲ್ಲಿಸುವ ಹೊಣೆ ನಮ್ಮದು’ ಎಂದು ವಿವಿಧ ಸಂಘಟನೆಯವರು ಹಾಗೂ ಅವರ ಸ್ನೇಹಿತರು ಹೇಳಿದ್ದಾರೆ.
You cannot copy content of this page
