- Trending
- Comments
- Latest
ಯಲ್ಲಾಪುರದ ಕಿರವತ್ತಿ ಹಾಗೂ ಹೊಸಳ್ಳಿಯ ಹೆದ್ದಾರಿ ಅಂಚಿನ ಚಹಾ ಅಂಗಡಿಯಲ್ಲಿ ಸರಾಯಿ ಮಾರಾಟ ನಡೆದಿದೆ. ಮದನೂರಿನ ರವಿ ದಳವಿ ಹಾಗೂ ಹಳಿಯಾಳದ ನಾಗೇಂದ್ರ ಮೇತ್ರಿ ಅವರು ಇಲ್ಲಿ ಶೆಡ್ ನಿರ್ಮಿಸಿ ಸರಾಯಿ ಮಾರಾಟ ಮಾಡುತ್ತಿದ್ದಾರೆ.
ಹುಬ್ಬಳ್ಳಿ-ಅಂಕೋಲಾ ಮಾರ್ಗದ ಹೆದ್ದಾರಿಯಲ್ಲಿ ನಿತ್ಯ ಸಾವಿರಾರು ವಾಹನ ಸಂಚರಿಸುತ್ತಿದ್ದು, ಅನೇಕರು ಚಹಾ ಸೇವನೆಗೆ ಇಂಥ ಅಂಗಡಿಗೆ ಭೇಟಿ ನೀಡುತ್ತಾರೆ. ಅಂಥವರನ್ನು ಗುರಿಯಾಗಿರಿಸಿಕೊಂಡು ಅಲ್ಲಿ ಅಕ್ರಮವಾಗಿ ಸರಾಯಿ ವಿತರಣೆ ನಡೆದಿದೆ. ಸರಾಯಿ ಕುಡಿಯಲು ಬರುವವರಿಗಾಗಿಯೇ ಅಲ್ಲಿ ಶೆಡ್ ಸಹ ನಿರ್ಮಿಸಲಾಗಿದ್ದು, ಬರುವ ಗ್ರಾಹಕರಿಗೆ ರವಿ ದಳವಿ ಹಾಗೂ ನಾಗೇಂದ್ರ ಮೇತ್ರಿ ಅವರ ಅಂಗಡಿಯಲ್ಲಿ ರಾಜಾತಿಥ್ಯ ದೊರೆಯುತ್ತಿದೆ.
37 ವರ್ಷದ ರವಿ ರಾಮಲಿಂಗ ದಳವಿ ಅವರು ಮದನೂರಿನಲ್ಲಿ ವಾಸವಾಗಿದ್ದಾರೆ. ಕಿರವತ್ತಿ ಪೊಲೀಸ್ ಠಾಣೆ ಸಮೀಪವೇ ಅವರು ಗೂಡಗಂಡಿ ನಡೆಸುತ್ತಾರೆ. ಅಲ್ಲಿಯೇ ಶೆಡ್ ನಿರ್ಮಿಸಿ ಅವರು ಅಕ್ರಮವಾಗಿ ಸರಾಯಿ ಅಡ್ಡೆಯನ್ನು ಮಾಡಿದ್ದಾರೆ. ವಿವಿಧ ಬಗೆಯ ವಿಸ್ಕಿಗಳನ್ನು ಅವರು ಮಾರಾಟ ಮಾಡಿ ಕಾಸು ಸಂಪಾದಿಸುತ್ತಿದ್ದಾರೆ.
ಹಳಿಯಾಳ ಜನಗಾ ಬಸವಳ್ಳಿಯ ನಾಗೇಂದ್ರ ಹನುಮಂತಪ್ಪ ಮೇತ್ರಿ ಅವರು ಹೊಸಳ್ಳಿಯಲ್ಲಿ ಚಹ ಅಂಗಡಿಹೊAದಿದ್ದು, ಅವರು ಸಹ ಅಲ್ಲಿ ಸರಾಯಿ ವ್ಯಾಪಾರ ಶುರು ಮಾಡಿದ್ದಾರೆ. ಅನುಮತಿ ಇಲ್ಲದಿದ್ದರೂ ಅವರು ಅಕ್ರಮವಾಗಿ ಈ ದಂಧೆ ನಡೆಸುತ್ತಿದ್ದಾರೆ.
ನವೆಂಬರ್ 4ರಂದು ಈ ಎರಡು ಅಂಗಡಿಗಳ ಮೇಲೆ ಪೊಲೀಸರು ದಾಳಿ ಮಾಡಿದ್ದಾರೆ. ಪಿಸೈ ಗಣಪತಿ ಆರ್ ಶೇರುಗಾರ್ ಅವರು ನಾಗೇಂದ್ರ ಮೇತ್ರಿ ಅವರ ಅಂಗಡಿಗೆ ಭೇಟಿ ನೀಡಿ ಕಾನೂನು ಕ್ರಮ ಜರುಗಿಸಿದ್ದಾರೆ. ಪಿಸೈ ಮಹಾವೀರ ಕಾಂಬಳೆ ಅವರು ರವಿ ದಳವಿ ಅವರ ಅಂಗಡಿ ಮೇಲೆ ದಾಳಿ ಮಾಡಿ ಕ್ರಮ ಜರುಗಿಸಿದ್ದಾರೆ.
You cannot copy content of this page
