- Trending
- Comments
- Latest
ನೀರು ತರಲು ಹೋಗಿದ್ದ ರೋಹಿಣಿ ನಾಯ್ಕ ಅವರ ಮೇಲೆ ರಾಘು ನಾಯ್ಕ ಅವರು ಆಕ್ರಮಣ ಮಾಡಿದ್ದಾರೆ. ರೋಹಿಣಿ ನಾಯ್ಕ ಅವರ ಜೊತೆ ಅವರ ಮಗ ಸುಭಾಶ ನಾಯ್ಕ ಅವರನ್ನು ಕೊಲೆ ಮಾಡುವುದಾಗಿ ಬೆದರಿಸಿದ್ದಾರೆ.
ಅಂಕೋಲಾದ ಹೊನ್ನೇಕೇರಿಯಲ್ಲಿ ರೋಹಿಣಿ ಗಂಗಾಧರ ನಾಯ್ಕ (62) ಅವರು ವಾಸವಾಗಿದ್ದಾರೆ. ಡಿಸೆಂಬರ್ 15ರಂದು ಅವರು ತಮ್ಮ ಜಾಗದಲ್ಲಿರುವ ಬಾವಿಯಿಂದ ನೀರು ತರಲು ಹೋದಾಗ ಕೇಣಿಯ ರಾಘು ಅಶೋಕ ನಾಯ್ಕ ಅವರು ಅದಕ್ಕೆ ಅಡ್ಡಿಪಡಿಸಿದ್ದಾರೆ. `ಈ ಜಾಗ ನನ್ನದು’ ಎಂದು ರಾಘು ನಾಯ್ಕ ಅವರು ಬೆದರಿಸಿದ್ದಾರೆ. ಆಗ, ರೋಹಿಣಿ ನಾಯ್ಕ ಅವರು `ಈ ಜಾಗ ನನ್ನ ಮಗನ ಹೆಸರಿನಲ್ಲಿದೆ’ ಎಂದಿದ್ದಾರೆ.
ಆಗ ಸಿಟ್ಟಾದ ರಾಘು ನಾಯ್ಕ ಅವರು ರೊಹಿಣಿ ಅವರ ಕೂದಲು ಹಿಡಿದು ಎಳೆದಾಡಿದ್ದಾರೆ. ಅವರ ಸೀರೆ ಹರಿದು ಅವಮಾನ ಮಾಡಿದ್ದಾರೆ. ಈ ವೇಳೆ ಊರಿನ ಜನ ಅಲ್ಲಿಗೆ ಬಂದಿದ್ದು, `ನಿನ್ನ ಜೊತೆ ನಿನ್ನ ಮಗನನ್ನು ಕೊಲೆ ಮಾಡುವೆ’ ಎಂದು ರಾಘು ನಾಯ್ಕ ಅವರು ಬೆದರಿಸಿದ್ದಾರೆ. ಅದಾದ ನಂತರ ರಾಘು ನಾಯ್ಕ ಅವರು ಅಲ್ಲಿಂದ ಪರಾರಿಯಾಗಿದ್ದಾರೆ. ತಮಗಾದ ಅನ್ಯಾಯದ ಬಗ್ಗೆ ರೋಹಿಣಿ ನಾಯ್ಕ ಅವರು ಪೊಲೀಸ್ ದೂರು ನೀಡಿದ್ದು, ಅಂಕೋಲಾ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ.
You cannot copy content of this page
