ವೈಮನಸ್ಸು: ಗಂಗಾವಳಿ ಕೊಳ್ಳದ ಬಳಿ ಕೋಲಾಹಲ!

ಗೋಕರ್ಣ ಬಳಿಯ ಗಂಗಾವಳಿ ಬಳಿ ರೆಸಾರ್ಟಿಗೆಪಡೆದ ವಿದ್ಯುತ್ ಲೈನ್ ವಿಚಾರವಾಗಿ ವೈಮನಸ್ಸು ಉಂಟಾಗಿದೆ. ಆ ದ್ವೇಷ ಹೊಡೆದಾಟಕ್ಕೆ ಕಾರಣವಾಗಿದೆ.

ADVERTISEMENT

ಗಂಗಾವಳಿಯ ವ್ಯಾಪಾರಿ ಗಣಪತಿ ನಾರಾಯಣ ನಾಯ್ಕ ಅವರ ಮೇಲೆ ನಾಲ್ವರು ಸೇರಿ ಆಕ್ರಮಣ ನಡೆಸಿದ್ದಾರೆ. ಕುಮಟಾ ಬಾವಿಕೊಡ್ಲದ ಮನೋಹರ ಸುರೇಶ ಗೌಡ, ಸುರೇಶ ಗೌಡ, ಈಶ್ವರ ವೆಂಕಟ್ರಮಣ ಗೌಡ, ಪ್ರಶಾಂತ ಗೌಡ ಅವರು ಗಣಪತಿ ನಾಯ್ಕ ಅವರನ್ನು ಹಿಡಿದು ಥಳಿಸಿದ್ದಾರೆ.

ಗಣಪತಿ ನಾಯ್ಕ ಹಾಗೂ ಮನೋಹರ ಗೌಡ ಅವರ ನಡುವೆ ನಕ್ಷತ್ರ ಬೀಚ್ ಸ್ಟೇಗೆ ವಿದ್ಯುತ್ ಲೈನ್ ಪಡೆದ ವಿಚಾರದಲ್ಲಿ ತಕರಾರು ಶುರುವಾಗಿದ್ದೇ ಈ ಹೊಡೆದಾಟಕ್ಕೆ ಕಾರಣ. ಗಣಪತಿ ನಾಯ್ಕ ಅವರ ದೂರಿನ ಪ್ರಕಾರ, ಜನವರಿ 3ರ ರಾತ್ರಿ ನಕ್ಷತ್ರ ಬೀಚ್ ಸ್ಟೇ ಆವರಣೆಗೆ ನುಗ್ಗಿದ ಆಗಂತುಕರು ಅವರ ಮೇಲೆ ಕೈ ಮಾಡಿದ್ದಾರೆ. ಈಶ್ವರ ಗೌಡ ಅವರು ಮೊದಲು ಕೈ ಮಾಡಿದ್ದು, ಅದಾದ ನಂತರ ಉಳಿದವರು ಸೇರಿ ಗಣಪತಿ ನಾಯ್ಕ ಅವರನ್ನು ಥಳಿಸಿದ್ದಾರೆ.

ಹಲ್ಲೆಗೆ ಒಳಗಾದ ಗಣಪತಿ ನಾಯ್ಕ ಅವರು ಗೋಕರ್ಣ ಪೊಲೀಸರ ಬಳಿ ತಮಗಾದ ಅನ್ಯಾಯ ವಿವರಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಶುರು ಮಾಡಿದ್ದಾರೆ.