ಅಸ್ನೋಟಿ: ಮಕ್ಕಳ ಮನಸ್ಸು ಅರಿತ ವಿಮಾ ಅಧಿಕಾರಿ

ಕಾರವಾರದ ಜೀವ ವಿಮಾ ನಿಗಮದ ಅಭಿವೃದ್ಧಿ ಅಧಿಕಾರಿ ಸಚಿನ್ ನಾಯಕ ಅವರು ಅಸ್ನೋಟಿಯ ಶಿವಾಜಿ ವಿದ್ಯಾ ಮಂದಿರಕ್ಕೆ ಭೇಟಿ ನೀಡಿದ್ದು, ಅಲ್ಲಿಯೇ ತಮ್ಮ ಪುತ್ರ ಕ್ರಿಶನ್ ನಾಯಕ ಅವರ ಜನ್ಮದಿನ ಆಚರಿಸಿದರು.

ADVERTISEMENT

ಮಗನ ಜನ್ಮ ದಿನದ ಅಂಗವಾಗಿ ಅಸ್ನೋಟಿ ವಸತಿ ನಿಲಯಕ್ಕೆ ಅಗತ್ಯವಿರುವ ಆಹಾರ ಧಾನ್ಯಗಳನ್ನು ಅವರು ವಿತರಿಸಿದರು. ನಂತರ ಮಾತನಾಡಿದ ಅವರು `ಸಾಮಾಜಿಕ ಹಾಗೂ ಶೈಕ್ಷಣಿಕವಾಗಿ ಸಾಧನೆ ಮಾಡಲು ಪ್ರತಿಯೊಬ್ಬರಿಗೂ ಶ್ರದ್ಧೆ ಬೇಕು. ಗುರುಗಳ ನುಡಿಯನ್ನು ಪಾಲಿಸಿ ಮಕ್ಕಳು ಸಾಧನೆ ಮಾಡಬೇಕು’ ಎಂದು ಕರೆ ನೀಡಿದರು.

`ಸಾಮಾಜಿಕ ಕ್ಷೇತ್ರದಲ್ಲಿ ಮಹತ್ವದ ಸಾಧನೆ ಮಾಡಿದ ಸಚಿನ ನಾಯಕ ಅವರ ಸೇವೆ ಸದಾ ಸ್ಮರಣೀಯ’ ಎಂದು ಶಾಲಾ ಮುಖ್ಯಾಧ್ಯಾಪಕ ಗಣೇಶ ಬೀಷ್ಠಣ್ಣನವರ್ ಅವರು ಹೇಳಿದರು. ಸಂಸ್ಥೆ ವ್ಯವಸ್ಥಾಪಕರಾದ ಸಂದೀಪ ನಾಯಕ ಹಾಗೂ ಶಿಕ್ಷಕ ಸಂತೋಷ ಕಾಂಬಳೆ ಅವರು ಈ ವೇಳೆ ಹಾಜರಿದ್ದು, ಶಾಲೆಗೆ ನೆರವು ನೀಡಿದಕ್ಕೆ ಕೃತಜ್ಞತೆ ಸಲ್ಲಿಸಿದರು.