- Trending
- Comments
- Latest
ಕಾರವಾರದ ಶಿರವಾಡ ಜಾಂಬಾ ಕ್ರಾಸಿನ ಬಳಿ ಅಗ್ನಿ ಅನಾಹುತ ನಡೆದಿದೆ. ಅಲ್ಲಿದ್ದ ಕಿರಾಣಿ ಅಂಗಡಿಗೆ ಆಕಸ್ಮಿಕ ಬೆಂಕಿ ತಗುಲಿದೆ.
ಸೀಮಾ ರಾಮದಾಸ್ ಶೇಟ್ ಅವರು ನಡೆಸುತ್ತಿದ್ದ `ಸಾಗರ್ ಜನರಲ್ ಸ್ಟೋರ್’ಗೆ ಬೆಂಕಿ ಬಿದ್ದಿದೆ. ಭಾನುವಾರ ನಸುಕಿನ 1ಗಂಟೆ ವೇಳೆಗೆ ಈ ಅವಘಡ ನಡೆದಿದೆ. ವಿದ್ಯುತ್ ಮೀಟರಿನಲ್ಲಿ ಆದ ಅನಾಹುತದಿಂದ ಬೆಂಕಿ ಕಾಣಿಸಿಕೊಂಡಿದ್ದು, ಸಣ್ಣ ಕಿಡಿ ಇಡೀ ಅಂಗಡಿಗೆ ಆವರಿಸಿದೆ.ಕಿರಾಣಿ ಅಂಗಡಿಯಲ್ಲಿದ್ದ ಸಾಮಗ್ರಿಗಳೆಲ್ಲವೂ ಬೆಂಕಿಗೆ ಆಹುತಿಯಾಗಿದೆ.
ಈ ಬಗ್ಗೆ ಮಾಹಿತಿ ಸಿಕ್ಕ ತಕ್ಷಣ ಅಗ್ನಿಶಾಮಕ ಸಿಬ್ಬಂದಿ ಅಲ್ಲಿ ದೌಡಾಯಿಸಿದ್ದಾರೆ. ನೀರು ಹಾಯಿಸಿ ಬೆಂಕಿ ಆರಿಸಿದ್ದಾರೆ. ಅಗ್ನಿಶಾಮಕ ಠಾಣಾಧಿಕಾರಿ ಮಹಾಬಲೇಶ್ವರ್ ಗೌಡ ಹಾಗೂ ಸಿಬ್ಬಂದಿ ಸಪ್ನಿಲ್ ಪೆಡ್ನೇಕರ್, ರವಿರಾಜ್ ಭೂತೆ, ಟೋನಿ ಬಾರಬೋಜ, ದೀಪಕ್ ಅಂಕೋಲೇಕರ್ ಮತ್ತು ಚಂದನ್ ದಳವಾಯಿ ದೊಡ್ಡ ಪ್ರಮಾಣದ ಅಪಾಯ ತಪ್ಪಿಸಿದ್ದಾರೆ.
You cannot copy content of this page
