- Trending
- Comments
- Latest
ಕಾರವಾರದ ಬಿಣಗಾದಲ್ಲಿರುವ ಗ್ರಾಸೀಂ ಇಂಡಸ್ಟ್ರಿ’ನಲ್ಲಿ ದುಡಿದು ನಿವೃತ್ತರಾದ ನೌಕರರಿಗೆ ನಿಯಮಾನುಸಾರ ಸೌಲಭ್ಯ ಒದಗಿಸುತ್ತಿಲ್ಲ. ಹೀಗಾಗಿ ಅನ್ಯಾಯಕ್ಕೆ ಒಳಗಾದ ನಿವೃತ್ತ ನೌಕರರು ಮಾಧ್ಯಮದ ಮುಂದೆ ಅಳಲು ತೋಡಿಕೊಂಡಿದ್ದಾರೆ.
`ಕoಪನಿಯೂ ಎರಡು ವರ್ಷಗಳಿಂದ ಹಿಂಬಾಕಿ ವೇತನ ನೀಡಿಲ್ಲ. ನ್ಯಾಯಾಲಯದ ಆದೇಶವಿದ್ದರೂ ಅದನ್ನು ಪಾಲಿಸುತ್ತಿಲ್ಲ’ ಎಂದು ಗ್ರಾಸೀಂ ನಿವೃತ್ತ ನೌಕರ ಯುಗಂಧರ ಆಲೂರು ದೂರಿದರು. `ನ್ಯಾಯಾಲಯವು ನೌಕರರ ನಿವೃತ್ತಿ ವಯಸ್ಸನ್ನು 58ರಿಂದ 60ಕ್ಕೆ ಏರಿಸಿ ಆದೇಶ ನೀಡಿತ್ತು. ಅದರ ಪ್ರಕಾರ 2018ರಿಂದ 2023 ರ ಅವಧಿಯಲ್ಲಿ ನಿವೃತ್ತರಾದ ನೌಕರರಿಗೆ ಕಂಪನಿಯು ಎರಡು ವರ್ಷಗಳ ಹಿಂಬಾಕಿ ವೇತನವನ್ನು ನೀಡಬೇಕು ಎಂದು ನ್ಯಾಯಾಲಯ ಆದೇಶಿಸಿತ್ತು’ ಎಂದವರು ವಿವರಿಸಿದರು.
`ಆದರೆ, ಕಂಪನಿಯ ಅಧಿಕಾರಿಗಳು ನ್ಯಾಯಾಲಯದ ಆದೇಶವನ್ನು ಗಾಳಿಗೆ ತೂರಿದ್ದಾರೆ. ಬಾಕಿ ವೇತನ ಪಾವತಿಗೆ ನಿರಾಕರಿಸುತ್ತಿದ್ದಾರೆ. ಹಿಂಬಾಕಿ ನೀಡಲು ಕಂಪನಿ ಕಾನೂನುಬಾಹಿರ ಷರತ್ತು ವಿಧಿಸುತ್ತಿದೆ’ ಎಂದು ದೂರಿದರು. `ಫೈನಲ್ ಸೆಟಲ್ಮೆಂಟ್ ಎಂದು ಬಾಂಡ್ ಮೇಲೆ ಸಹಿ ಮಾಡಿದ ನಂತರ ವೇತನ ನೀಡುವುದಾಗಿ ಕಂಪನಿ ಹೇಳಿದೆ. ಆದರೆ ಈ ಷರತ್ತು ಸಂಪೂರ್ಣವಾಗಿ ಕಾನೂನುಬಾಹಿರವಾಗಿದೆ’ ಎಂದರು.
`ಅ 30ರಂದು ಕಂಪನಿಯ ಮಾನವ ಸಂಪನ್ಮೂಲ ವಿಭಾಗಕ್ಕೆ ಮನವಿ ನೀಡಲು ತೆರಳಿದಾಗ ಅದನ್ನು ಸ್ವೀಕರಿಸಿಲ್ಲ. ಜೊತೆಗೆ ಘಟಕದ ಮುಖ್ಯಸ್ಥರನ್ನು ಭೇಟಿ ಮಾಡಲೂ ಅವಕಾಶ ನೀಡಲಿಲ್ಲ’ ಎಂದು ಅಸಮಧಾನವ್ಯಕ್ತಪಡಿಸಿದರು. `ಕಾರ್ಮಿಕ ಇಲಾಖೆ ಹಾಗೂ ಉಪ ಕಾರ್ಮಿಕ ಆಯುಕ್ತರು ಕೂಡಲೇ ಮಧ್ಯಸ್ಥಿಕೆ ವಹಿಸಬೇಕು. ಕಂಪನಿಯು ನ್ಯಾಯಾಲಯದ ತೀರ್ಪನ್ನು ಗೌರವಿಸಿ, ಯಾವುದೇ ಷರತ್ತುಗಳಿಲ್ಲದೆ ಹಿಂಬಾಕಿ ವೇತನವನ್ನು ತಕ್ಷಣ ಬಿಡುಗಡೆ ಮಾಡಬೇಕು’ ಎಂದು ವನದೇವ ಹರಿಕಂತ್ರ, ಗೋಪಾಲಕೃಷ್ಣ ನಾಯ್ಕ, ಲಕ್ಷೀಕಾಂತ ದುರ್ಗೇಕರ, ಕಿರಣ ಗಾಂವ್ಕರ ಆಗ್ರಹಿಸಿದರು.
You cannot copy content of this page
