- Trending
- Comments
- Latest
ಬನವಾಸಿಯ ಮಧುಕೇಶ್ವರ ದೇವರಿಗೆ ಮೀಸಲಿರಿಸಿದ್ದ ನಂದಿ (ಹೋರಿ) ಸಾವನಪ್ಪಿದೆ.
ಹಲವು ವರ್ಷಗಳಿಂದ ಈ ಹೋರಿ ಗ್ರಾಮಕ್ಕೆ ಮೆರಗು ನೀಡಿತ್ತು. ಗ್ರಾಮದಲ್ಲಿ ನಡೆಯುವ ಹೋರಿ ಹಬ್ಬದಲ್ಲಿ ನಂದಿಯೇ ಪ್ರಮುಖ ಆಕರ್ಷಣೆಯಾಗಿತ್ತು. ದೀಪಾವಳಿ, ಯುಗಾದಿ, ಭಸವ ಜಯಂತಿ ಸೇರಿ ಅನೇಕ ಸನ್ನಿವೇಶಗಳಲ್ಲಿ ಜನ ನಂದಿಗೆ ವಿಶೇಷ ಪೂಜೆ ಸಲ್ಲಿಸುತ್ತಿದ್ದರು.
ಪ್ರತಿ ಹಬ್ಬದಲ್ಲಿಯೂ ನಂದಿಗೆ ಅಲಂಕಾರ ಮಾಡಿ ಮೆರವಣಿಗೆ ಮಾಡುತ್ತಿದ್ದರು. `ಮಧುಕೇಶ್ವರನ ಹೋರಿ’ ಎಂದೇ ನಂದಿ ಖ್ಯಾತಿಗಳಿಸಿತ್ತು. ಈ ನಡುವೆ ಅನಾರೋಗ್ಯದ ಕಾರಣ ಬಳಲಿದ್ದ ನಂದಿ ಸಾವನಪ್ಪಿತು. ಭಕ್ತಿಯಿಂದ ಪೂಜಿಸುತ್ತಿದ್ದ ನಂದಿ ಸಾವನಪ್ಪಿದ ಕಾರಣ ಜನ ಶೋಕವ್ಯಕ್ತಪಡಿಸಿದರು. ಪುಷ್ಪ ಅಲಂಕೃತ ವಾಹನದಲ್ಲಿ ನಂದಿಯ ಮೆರವಣಿಗೆ ಮಾಡಿ ಅಂತ್ಯ ಸಂಸ್ಕಾರ ಮಾಡಿದರು.
ವಿವಿಧ ವಾದ್ಯ-ಮೇಳಗಳ ಜೊತೆ ನಂದಿಯ ಅಂತಿಮ ಮೆರವಣಿಗೆ ನಡೆಯಿತು. ಬನವಾಸಿಯ ವಿವಿಧ ಬೀದಿಗಳಲ್ಲಿ ಮೆರವಣಿಗೆ ಸಂಚರಿಸಿದ್ದು, ಧಾರ್ಮಿಕ ವಿಧಿಗಳ ಪ್ರಕಾರ ಅಂತ್ಯ ಸಂಸ್ಕಾರ ನಡೆಯಿತು.
You cannot copy content of this page
