- Trending
- Comments
- Latest
ಮೈಸೂರಿನಿಂದ ದಾಂಡೇಲಿಗೆ ಹೊರಟಿದ್ದ ಬಸ್ಸು ಯಲ್ಲಾಪುರದಲ್ಲಿ ಅಪಘಾತಕ್ಕೀಡಾಗಿದೆ. ಮಂಚಿಕೇರಿ ಸಮೀಪದ ಚವತ್ತಿ-ಉಮ್ಮಚ್ಗಿ ನಡುವಿನ ಗೋರ್ಸಗದ್ದೆ ಬಳಿ ಈ ಬಸ್ಸು ರಸ್ತೆ ಪಕ್ಕದ ಧರೆಗೆ ಗುದ್ದಿದೆ.
ಶುಕ್ರವಾರ ಮೈಸೂರಿನಿಂದ ಹೊರಟ ಖಾಸಗಿ ಬಸ್ಸಿನಲ್ಲಿ 23ಕ್ಕೂ ಅಧಿಕ ಪ್ರಯಾಣಿಕರಿದ್ದರು. ಅವರೆಲ್ಲರೂ ದಾಂಡೇಲಿ ಪ್ರವಾಸಕ್ಕೆ ಹೊರಟಿದ್ದರು. ಶಿರಸಿಯವರೆಗೂ ಬಸ್ ಚಾಲಕ ಸುರಕ್ಷಿತ ಚಾಲನೆ ಮಾಡಿದ್ದು, ಅದಾದ ನಂತರ ನಿದ್ರೆಯ ಮಂಪರಿಗೆ ಜಾರಿದರು. ಪರಿಣಾಮ ಆ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿ ಧರೆಗೆ ಗುದ್ದಿತು. ಬಸ್ಸು ವೇಗವಾಗಿ ಗುದ್ದಿದ್ದರಿಂದ ಚಾಲಕನಿಗೆ ಗಂಭೀರ ಪ್ರಮಾಣದಲ್ಲಿ ಗಾಯವಾಯಿತು.
ಶನಿವಾರ ಮುಂಜಾನೆ ಈ ಅವಘಡ ನಡೆದಿದ್ದು, ಬಸ್ಸಿನಲ್ಲಿದ್ದ ಇನ್ನಿತರ ಪ್ರಯಾಣಿಕರು ತೊಂದರೆ ಅನುಭವಿಸಿದರು. ಈ ಅಪಘಾತದಲ್ಲಿ ಅನೇಕ ಪ್ರಯಾಣಿಕರಿಗೆ ನೋವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಆರೈಕೆ ಮಾಡಲಾಯಿತು. ಬಸ್ ಅಪಘಾತವಾಗಿರುವುದನ್ನು ಅರಿತು ಅನೇಕರು ಅಲ್ಲಿಗೆ ಭೇಟಿ ನೀಡಿದರು. ಗಾಯಗೊಂಡವರನ್ನು ರಕ್ಷಿಸುವ ಪ್ರಯತ್ನ ಮಾಡಿದರು. ಗಾಯಗೊಂಡ ಬಹುತೇಕರು ಮೈಸೂರಿನವರಾಗಿದ್ದು, ಸ್ಥಳೀಯರ ಸಹಕಾರವನ್ನು ಪ್ರವಾಸಿಗರು ಸ್ಮರಿಸಿದರು.
You cannot copy content of this page
