ಆನೆ ಬಂತು ಆನೆ!

ಈಚೆಗೆ ನಾಡಿಗೆ ಬರುವ ಕಾಡು ಪ್ರಾಣಿಗಳ ಸಂಖ್ಯೆ ಹೆಚ್ಚಾಗಿದ್ದು, ಈ ದಿನವೂ ಆನೆಯೊಂದು ರಸ್ತೆ ಮೇಲೆ ಸಂಚರಿಸಿದೆ. ದಾಂಡೇಲಿ ರಸ್ತೆಯಲ್ಲಿ ಕಾಡಾನೆ ರಾಜಾರೋಷವಾಗಿ ಸಂಚರಿಸಿದ್ದು, ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ADVERTISEMENT

ದಾಂಡೇಲಿಯ ಅಂಬೇವಾಡಿ-ಬರ್ಚಿ ರಸ್ತೆಯಲ್ಲಿ ಗುರುವಾರ ಕಾಡಾನೆ ಕಾಣಿಸಿಕೊಂಡಿದೆ. ನಸುಕಿನ ವೇಳೆ ರಸ್ತೆ ಬದಿಯಲ್ಲಿ ಆನೆ ಓಡಾಟ ನಡೆಸಿದೆ. ಈ ವೇಳೆ ವಾಹನದಲ್ಲಿ ಓಡಾಡುತ್ತಿರುವವರು ಆತಂಕಕ್ಕೆ ಒಳಗಾಗಿದ್ದಾರೆ. ನಂತರ ಆನೆಯ ವಿಡಿಯೋವನ್ನು ಚಿತ್ರಿಕರಿಸಿದ್ದಾರೆ. ಆಹಾರ ಅರಸಿ ರಸ್ತೆ ಬಳಿ ಬಂದ ಕಾಡಾನೆ ಏನೂ ಸಿಗದೇ ಮತ್ತೆ ಕಾಡಿಗೆ ಮರಳಿದೆ.

ಗಣೇಶಗುಡಿ-ದಾಂಡೇಲಿ ಮಾರ್ಗದಲ್ಲಿಯೂ ಕಾಡಾನೆಯ ದರ್ಶನವಾಗಿದೆ. ಆನೆ ನೋಡಿದ ಜನ ಎಚ್ಚರಿಕೆಯಿಂದ ವಾಹನ ಓಡಿಸಿದ್ದಾರೆ. ಅಂಬೇವಾಡಿ ಬರ್ಚಿ ರಸ್ತೆಯಲ್ಲಿ ಕಾಡಾನೆ ಪ್ರತ್ಯಕ್ಷವಾದ ವಿಡಿಯೊ ವೈರಲ್ ಆಗಿದೆ. ಪಕ್ಕದ ಅರಣ್ಯದಿಂದಲೇ ಆನೆ ಬಂದಿದ್ದು, ನಂತರ ಅದೇ ಕಾಡಿಗೆ ಮರಳಿದೆ. ಆನೆ ಸಂಚಾರ ನೋಡಿದವರು ಕೆಲ ಕಾಲ ಆತಂಕಕ್ಕೆ ಒಳಗಾಗಿದ್ದು, ನಂತರ ಚೇತರಿಸಿಕೊಂಡು ಊರು ಸೇರಿದ್ದಾರೆ.