- Trending
- Comments
- Latest
ಗೋಕರ್ಣ ಕಡಲತೀರದ ಬಳಿಯಿದ್ದ ಲಾಡ್ಜವೊಂದನ್ನು ಬಾಡಿಗೆಗೆಪಡೆದಿದ್ದ ಪ್ರವಾಸಿಗರೊಬ್ಬರು ಅಲ್ಲಿಯೇ ನೇಣಿಗೆ ಶರಣಾಗಿದ್ದಾರೆ. ಎಷ್ಟು ಹೊತ್ತಾದರೂ ಪ್ರವಾಸಿಗ ಬಾಗಿಲು ತೆರೆಯದ ಕಾರಣ ಲಾಡ್ಜ್ ಸಿಬ್ಬಂದಿ ಬಾಗಿಲು ಒಡೆದಿದ್ದು, ಆಗ ಪ್ರವಾಸಿಗನ ಆತ್ಮಹತ್ಯೆ ವಿಷಯ ಗೊತ್ತಾಗಿದೆ.
ದಾವಣಗೆರೆಯ ಹೊನ್ನಾಳಿಯ ಶಿವಕುಮಾರ (24) ಎಂಬಾತರು ಮತ್ತೊಬ್ಬ ವ್ಯಕ್ತಿಯ ಜೊತೆ ಗೋಕರ್ಣಕ್ಕೆ ಬಂದಿದ್ದರು. ಆ ಇಬ್ಬರು ಸೇರಿ ಕಡಲತೀರದ ಲಾಡ್ಜ್ ಒಂದರಲ್ಲಿ ಬಾಡಿಗೆಗೆ ಕೋಣೆಪಡೆದಿದ್ದರು. ಶಿವಕುಮಾರ ಅವರ ಜೊತೆ ಬಂದಿದ್ದ ವ್ಯಕ್ತಿ ಭಾನುವಾರವೇ ರೂಂ ಖಾಲಿ ಮಾಡಿದ್ದು, ಸೋಮವಾರ ಶಿವಕುಮಾರ ಅವರು ಸಾವನಪ್ಪಿರುವುದು ಬೆಳಕಿಗೆ ಬಂದಿದೆ.
`ಬಸ್ಸಿನಲ್ಲಿ ಸಿಕ್ಕ ಶಿವಕುಮಾರ ಅವರ ಪರಿಚಯವಾಗಿದ್ದು, ಇಬ್ಬರು ಗೋಕರ್ಣ ನೋಡಲು ಬಯಸಿದೆವು. ಹೀಗಾಗಿ ಶನಿವಾರ ಗೋಕರ್ಣದಲ್ಲಿ ರೂಂ ಪಡೆದಿದ್ದು, ಭಾನುವಾರ ದೇವರ ದರ್ಶನದ ನಂತರ ನಾನು ಊರಿಗೆ ಮರಳಿದ್ದೇನೆ’ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಜೊತೆಗಿದ್ದವ ಶವವಾದ ವಿಷಯ ಕೇಳಿ ಆ ಪ್ರವಾಸಿಗ ಸಹ ಕಂಗಾಲಾಗಿದ್ದು, ಸಾವಿನ ನೈಜ ಕಾರಣದ ಬಗ್ಗೆ ತನಿಖೆ ಶುರುವಾಗಿದೆ.
You cannot copy content of this page
