- Trending
- Comments
- Latest
ಕುಮಟಾದ ಮಂದಾರ ಹೊಟೇಲ್ ಬಳಿ ಬೈಕೊಂದು ಕಂಟೇನರ್ ಅಡಿಗೆ ಬಿದ್ದಿದೆ. ಬೈಕ್ ಸವಾರ ಅಲ್ಲಿಯೇ ಸಾವನಪ್ಪಿದ್ದು, ಸ್ಥಳದಲ್ಲಿ ಸಂಚಾರ ದಟ್ಟಣೆಯಾಗಿದೆ.
ಕಡತೋಕದ ವಿವೇಕ ರಾಮಕೃಷ್ಣ ಶೆಟ್ಟಿ ಅವರು ಈ ದಿನ ಕುಮಟಾಗೆ ಬಂದಿದ್ದರು. ಬೈಕಿನಲ್ಲಿ ಸಂಚರಿಸುತ್ತಿದ್ದ ಅವರಿಗೆ ಕಂಟೇನರ್ ಒಂದು ಡಿಕ್ಕಿ ಹೊಡೆಯಿತು. ಡಿಕ್ಕಿ ರಭಸಕ್ಕೆ ಬೈಕು ಸಂಪೂರ್ಣವಾಗಿ ಜಖಂ ಆಗಿದ್ದು, ಹೆದ್ದಾರಿಯಲ್ಲಿ ಬಿದ್ದ ವಿವೇಕ ಶೆಟ್ಟಿ ಅವರು ಅಲ್ಲಿಯೇ ಉಸಿರು ನಿಲ್ಲಿಸಿದರು. ಅಪಘಾತ ನೋಡಿದ ಕಂಟೇನರ್ ಚಾಲಕ ತಕ್ಷಣ ಸ್ಥಳದಿಂದ ಓಡಿ ಹೋದರು.
ಅಪಘಾತದ ಪರಿಣಾಮ ರಸ್ತೆಯಲ್ಲಿ ಸಂಚಾರ ದಟ್ಟಣೆ ಉಂಟಾಯಿತು. ಪೊಲೀಸರು ಸ್ಥಳಕ್ಕೆ ಆಗಮಿಸಿದ್ದು, ವಾಹನಗಳ ಓಡಾಟ ಸರಿಪಡಿಸಲು ಹರಸಾಹಸ ನಡೆಸಿದರು. ಸದ್ಯ ವಾಹನ ಸಂಚಾರ ದಟ್ಟಣೆ ಸಮಸ್ಯೆ ಬಗೆಹರಿದಿದ್ದು, ಪರಾರಿಯಾದ ಚಾಲಕನ ಶೋಧ ಶುರುವಾಗಿದೆ.
You cannot copy content of this page
