ಹೊನ್ನಾವರದಲ್ಲಿ ಅವನೇ ಹಸು ಕಳ್ಳ!

ಹೊನ್ನಾವರದ ಜೈನಲ್ ಅಬಿದಿನ್ ಅವರು ಹಸು-ಹೋರಿ ಸೇರಿ ಒಟ್ಟು ಏಳು ಜಾನುವಾರು ಕದ್ದಿದ್ದಾರೆ. ಆ ಎಲ್ಲಾ ಜೀವಿಗಳನ್ನು ಅವರು ಕಸಾಯಿಖಾನೆಗೆ ಕಳುಹಿಸುವ ಸಿದ್ಧತೆ ಮಾಡಿಕೊಂಡಿದ್ದು, ಪೊಲೀಸ್ ಸಿಬ್ಬಂದಿ ಶಿವಾನಂದ ಜಾಡರ್ ಅವರ ಸಮಯಪ್ರಜ್ಞೆಯಿಂದ ಆ ಜಾನುವಾರುಗಳ ಜೀವ ಉಳಿದಿದೆ.

ಹೊನ್ನಾವರ ಹೆರಂಗಡಿಯಲ್ಲಿ ಜೈನಲ್ ಅಬಿದಿನ್ ಅಹಮದ್ ಕಾಟಾಪರಶು ಅವರು ವಾಸವಾಗಿದ್ದಾರೆ. ಗೋವಧೆ ಮಾಡುವುದನ್ನು ಅವರು ರೂಢಿಸಿಕೊಂಡಿದ್ದು, ಇದಕ್ಕಾಗಿ ಹಸು-ಹೋರಿಗಳನ್ನು ಅವರು ಕದಿಯುತ್ತಾರೆ. ಹೀಗೆ ಕದ್ದ ಜಾನುವಾರುಗಳನ್ನು ಅವರು ತಮ್ಮ ಮನೆ ಬಳಿಯೇ ಕಟ್ಟಿ ಹಿಂಸಿಸುತ್ತಾರೆ. ಈಚೆಗೆ ಜೈನಲ್ ಅಹಮದ್ ಅವರು ಕಂದು ಬಣ್ಣದ ಹೋರಿ, ಕಪ್ಪು ಬಣ್ಣದ ಆಕಳು ಸೇರಿ ಸಣ್ಣ ಕರುಗಳನ್ನು ಸಹ ಕದ್ದಿದ್ದಾರೆ. ಅದೆಲ್ಲವನ್ನು ಅವರು ತಮ್ಮ ಕಪೌಂಡಿನಲ್ಲಿ ಕಟ್ಟಿದ್ದಾರೆ.

ADVERTISEMENT

ವಧೆ ಮಾಡುವ ಉದ್ದೇಶದಿಂದಲೇ ಈ ಎಲ್ಲಾ ಜಾನುವಾರುಗಳನ್ನು ಜೈನಲ್ ಅಬಿದಿನ್ ಅವರು ಕಟ್ಟಿರುವುದು ಹೊನ್ನಾವರ ಪೊಲೀಸ್ ಸಿಬ್ಬಂದಿ ಶಿವಾನಂದ ಶೇಖಪ್ಪ ಜಾಡರ್ ಅವರಿಗೆ ಗೊತ್ತಾಗಿದೆ. ಏಳು ಜಾನುವಾರುಗಳು ಅಲ್ಲಿರುವುದನ್ನು ಖಚಿತಪಡಿಸಿಕೊಂಡ ಶಿವಾನಂದ ಜಾಡರ್ ಅವರು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿ, ಅವುಗಳ ಪ್ರಾಣ ಉಳಿಸಿದ್ದಾರೆ. ಹಸು ಕದ್ದ ಜೈನಲ್ ಅಬಿದಿನ್ ವಿರುದ್ಧ ಕೇಸು ಹಾಕಿ, ಕಾನೂನು ಕ್ರಮ ಜರುಗಿಸಿದ್ದಾರೆ.