ಜಾನುವಾರು ವೇಷದಲ್ಲಿ ಬಂದ ಜವರಾಯ!

ಕಾರವಾರ ಅರಗಾದ ಮಹೇಂದ್ರ ಗುನಗಿ ಅವರು ಸಂಚರಿಸುತ್ತಿದ್ದ ಬೈಕಿಗೆ ದನ ಅಡ್ಡ ಬಂದಿದೆ. ಬೈಕಿನಿಂದ ಬಿದ್ದು ಗಾಯಗೊಂಡ ಅವರು ಸಾವನಪ್ಪಿದ್ದಾರೆ.

ADVERTISEMENT

ಕಾರವಾರದ ಚಿತ್ತಾಕುಲದ ಬಳಿ ಜುಲೈ 9ರ ರಾತ್ರಿ 8 ಗಂಟೆ ವೇಳೆಗೆ ಈ ಅಪಘಾತ ನಡೆದಿದೆ. ಬಿಣಗಾದ ವಿಜಯಾ ದೇವಿದಾಸ ನಾಯ್ಕ ಹಾಗೂ ಅರಗಾದ ಮಹೇಂದ್ರ ಲಕ್ಷಣ ಗುನಗಿ ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಮಾಜಾಳಿಯ ಗಾಂವಕೇರಿ ಕ್ರಾಸಿನ ಬಳಿ ಅವರ ಬೈಕಿಗೆ ದನ ಗುದ್ದಿತು. ಪರಿಣಾಮ ಬೈಕು ನೆಲಕ್ಕೆ ಅಪ್ಪಳಿಸಿದ್ದು, ಸವಾರರಿಬ್ಬರು ಪೆಟ್ಟು ಮಾಡಿಕೊಂಡರು.

ಈ ಅಪಘಾತದಲ್ಲಿ ಮಹೇಂದ್ರ ಗುನಗಿ ಅವರ ತಲೆಗೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ಅಪಾರ ರಕ್ತ ಸೋರಿದ ಕಾರಣ ಅವರನ್ನು ಕಾರವಾರದ ಸರ್ಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಆದರೆ, ಅದರಿಂದ ಪ್ರಯೋಜನವಾಗಿಲ್ಲ. ಮಹೇಂದ್ರ ಗುನಗಿ ಅವರು ಈ ದಿನ ಸಾವನಪ್ಪಿದರು.