ಕಾರವಾರ | ಅಕ್ರಮ ಮರಳುಗಾರಿಕೆ: ಅಧಿಕಾರಿಗಳ ದಾಳಿ

ಕಾಳಿ ನದಿ ಬಗೆದು ಅಕ್ರಮವಾಗಿ ರೇತಿ ಸಾಗಿಸುತ್ತಿದ್ದ ವಾಹನವನ್ನು ಊರಿನವರು ಹಿಡಿದಿದ್ದಾರೆ. ಅಕ್ರಮ ರೇತಿ ಜೊತೆ ಆ ವಾಹನವನ್ನು ಜನ ಅಧಿಕಾರಿಗಳಿಗೆ ಒಪ್ಪಿಸಿದ್ದಾರೆ.

ಕಾರವಾರ ತಾಲೂಕಿನ ಸಿದ್ದರ, ಕಿನ್ನರ, ಸುಂಕೇರಿ ಹಾಗೂ ಕದ್ರಾ ಭಾಗಗಳಲ್ಲಿ ರಾಜಾರೋಷವಾಗಿ ಮರಳುಗಾರಿಕೆ ನಡೆಯುತ್ತಿದೆ. ಅದರಿಂದ ಪರಿಸರಕ್ಕೆ ಅಪಾಯವಾಗುವುದರ ಜೊತೆ ಆ ಭಾಗದಲ್ಲಿ ಸಂಚರಿಸುವವರು ಸಮಸ್ಯೆಗೆ ಸಿಲುಕಿದ್ದಾರೆ. ಹೀಗಾಗಿ ತಾಲೂಕು ಪಂಚಾಯತ ಮಾಜಿ ಸದಸ್ಯ ಪ್ರಶಾಂತ ಗೋವೇಕರ್ ಅವರು ಅಕ್ರಮ ಮರಳುಗಾರಿಕೆ ವಿರುದ್ಧ ಅಧಿಕಾರಿಗಳಿಗೆ ಮಾಹಿತಿ ನೀಡಿ, ಅಕ್ರಮ ಓಡಾಟದ ವಾಹನವನ್ನು ಹಿಡಿಸಿದ್ದಾಎ. ಗಣಿ ಮತ್ತು ಭೂವಿಜ್ಞಾನ ಇಲಾಖೆಯ ಭೂವಿಜ್ಞಾನಿ ಕೃಷ್ಣಮೂರ್ತಿ ಅವರು ಸ್ಥಳಕ್ಕೆ ಆಗಮಿಸಿ ಅಕ್ರಮ ಮರಳುಗಾರಿಕೆಯ ಗಾಡಿ ಹಿಡಿದಿದ್ದಾರೆ.

ADVERTISEMENT

ಗೋವಾ ನೋಂದಣಿಯ ವಾಹನದಲ್ಲಿ ಕಾಳಿ ನದಿಯ ಉಸುಕು ಸಾಗಾಟ ನಡೆದಿದ್ದು, ಸದ್ಯ ಒಂದು ಗಾಡಿ ಸಂಚಾರಕ್ಕೆ ತಡೆ ಬಿದ್ದಿದೆ. ಇಲ್ಲಿನ ಉಸುಕು ಕಾನೂನುಬಾಹಿರವಾಗಿ ಗೋವಾಗೂ ಹೋಗುವ ಬಗ್ಗೆ ಮಾಹಿತಿಗಳಿವೆ. ಅದಕ್ಕೂ ಕಡಿವಾಣ ಹಾಕಬೇಕು ಎಂದು ಜನ ಆಗ್ರಹಿಸಿದ್ದಾರೆ.