ಹೊನ್ನಾವರ | ಅಣ್ಣನ ನೆನದು ಸಾವನಪ್ಪಿದ ತಮ್ಮ!

ಹೊನ್ನಾವರ ತುಳಸಿ ನಗರದ ಮಹಾಬಲೇಶ್ವರ ಮೇಸ್ತಾ ಅವರು ಅಗಲಿದ ಅಣ್ಣನ ನೆನಪಿನಲ್ಲಿಯೇ ಎಂಟು ತಿಂಗಳು ಕಳೆದಿದ್ದು, ಅಣ್ಣ ಇಲ್ಲದ ನೋವು ಸಹಿಸಲಾಗದೇ ಈ ದಿನ ಸಾವನಪ್ಪಿದ್ದಾರೆ. ಮನೆ ಜಗುಲಿಯಲ್ಲಿದ್ದ ಜಂತಿಗೆ ಅವರು ನೇಣು ಹಾಕಿಕೊಂಡು ಪ್ರಾಣ ಬಿಟ್ಟಿದ್ದಾರೆ.

ಹೊನ್ನಾವರ ತುಳಸಿ ನಗರದಲ್ಲಿ ಮಹಾಬಲೇಶ್ವರ ಗಣೇಶ ಮೇಸ್ತಾ ಅವರು ವಾಸವಾಗಿದ್ದರು. ಇನ್ನೂ 38 ವರ್ಷದ ಅವರಿಗೆ ಸಾಕಷ್ಟು ಆಯಸ್ಸಿತ್ತು. ಆದರೆ, ಅದನ್ನು ಅನುಭವಿಸದೇ ಅವರು ಸಾವನಪ್ಪಿದರು. ಮೀನುಗಾರಿಕೆ ಮಾಡಿಕೊಂಡು ಬದುಕು ನಡೆಸುತ್ತಿದ್ದ ಮಹಾಬಲೇಶ್ವರ ಮೇಸ್ತ ಅವರು ಎಂಟು ತಿಂಗಳಿನಿAದ ಮಂಕಾಗಿದ್ದರು. ಅವರ ಅಣ್ಣ ಲಕ್ಷಣ ಮೇಸ್ತಾ ಅವರು ಅನಾರೋಗ್ಯದಿಂದ ಸಾವನಪ್ಪಿರುವುದನ್ನೇ ಮಹಾಬಲೇಶ್ವರ ಮೇಸ್ತ ಅವರು ಪದೇ ಪದೇ ನೆನೆಯುತ್ತಿದ್ದರು. ಅಣ್ಣನ ನೆನಪುಗಳನ್ನು ಸಹಿಸಿಕೊಳ್ಳಲಾಗದೇ ಅವರು ಪತ್ನಿ ಕವಿತಾ ಮೇಸ್ತಾ ಅವರಿಂದ ದೂರವಾದರು.

ADVERTISEMENT

ಮಂಗಳವಾರವೂ ಮಂಕಾಗಿದ್ದ ಮಹಾಬಲೇಶ್ವರ ಮೇಸ್ತಾ ಅವರು ಬೆಳಗ್ಗೆ ಮನೆ ಜಗುಲಿಯಲ್ಲಿ ಸುಮ್ಮನೆ ಕೂತಿದ್ದರು. 11ಗಂಟೆಯ ಸುಮಾರಿಗೆ ಅವರು ದುಡುಕು ನಿರ್ಧಾರಕ್ಕೆ ಮುಂದಾಗಿ, ಜಂತಿಗೆ ನೇಣು ಹಾಕಿಕೊಂಡರು. ಪತಿ ಸಾವನಪ್ಪಿದನ್ನು ನೋಡಿದ ಕವಿತಾ ಮೇಸ್ತಾ ಅವರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.