- Trending
- Comments
- Latest
ಅಂತ್ರವಳ್ಳಿಯಲ್ಲಿ ಮೇವಿಗೆ ತೆರಳಿದ್ದ ಹಸುಗಳ ಮೇಲೆ ಸಿಡಿಲು ಬಡಿದಿದೆ. ಏಳು ಜಾನುವಾರುಗಳು ಅಲ್ಲಿಯೇ ಸಾವನಪ್ಪಿದೆ.
ಅಂತ್ರವಳ್ಳಿಯ ಕೃಷ್ಣ ತುಳಸು ಗೌಡ ಅವರು ಹೈನುಗಾರಿಕೆ ಮಾಡಿ ಜೀವನ ನಡೆಸುತ್ತಿದ್ದರು. ಗಂಗಾಧರ ಸುಗ್ಗಿ ಗೌಡ ಅವರು ಸಹ ನಿತ್ಯದ ಹಾಲಿನ ಬಳಕೆಗಾಗಿ ಹಸು ಸಾಕಿದ್ದರು. ಇಲ್ಲಿನ ಬೇಡು ನಾಗು ಗೌಡ ಅವರು ಸಹ ಪ್ರತಿ ದಿನ ಹಸುಗಳ ಆರೈಕೆ ಮಾಡುತ್ತಿದ್ದರು. ಅವರಿಬ್ಬರ ಮಾಲಕತ್ವದ ಜಾನುವಾರುಗಳು ಮೇವು ಅರಿಸಿ ಶುಕ್ರವಾರ ಕಾಡಿಗೆ ಹೋಗಿದ್ದವು. ನಿತ್ಯವೂ ಸಂಜೆ ಕೊಟ್ಟಿಗೆಗೆ ಮರಳುತ್ತಿದ್ದ ಅವರು ಆ ದಿನ ಮರಳಲಿಲ್ಲ.
ಅನೇಕ ಬಗೆಯ ಜಾನುವಾರುಗಳನ್ನು ಅವರು ಪ್ರೀತಿಯಿಂದ ಸಾಕಿದ್ದರು. ಶನಿವಾರ ಹುಡುಕಾಟ ನಡೆಸಿದಾಗ ಗುಡ್ಡದ ತಪ್ಪಲ ಮೇಲೆ ಆ ಏಳು ಜಾನುವಾರುಗಳು ಸಾಲಾಗಿ ಶವವಾಗಿದ್ದವು. ಅವೆಲ್ಲವೂ ಸಿಡಿಲು ಬಡಿದು ಉಸಿರು ನಿಲ್ಲಿಸಿದ್ದವು. ಹಾಲು ಕರೆಯುವ ಮೂರು ಆಕಳು, ಒಂದು ಕರು, ಎರಡು ಗೂಳಿ ಸೇರಿ ಒಟ್ಟು ಏಳು ಜಾನುವಾರುಗಳು ಸಾವನಪ್ಪಿದ್ದು ನೋಡಿ ಮಾಲಕರು ಕಣ್ಣೀರಾದರು.
ಕುಮಟಾ ಪಶು ವೈದ್ಯಾಧಿಕಾರಿ ವಿ ಕೆ ಹೆಗಡೆ ಅವರು ಜಾನುವಾರುಗಳ ಮರಣೋತ್ತರ ಪರೀಕ್ಷೆ ನಡೆಸಿದರು. ಸಿಡಿಲು ಬಡಿದು ಅವು ಸಾವನಪ್ಪಿರುವುದನ್ನು ದೃಢಪಡಿಸಿದರು.
You cannot copy content of this page
