- Trending
- Comments
- Latest
ದಾಂಡೇಲಿಗೆ ಬಂದಿದ್ದ ವ್ಯಕ್ತಿಯೊಬ್ಬರು ಮೊಸಳೆ ಜೊತೆ ಮಾತುಕಥೆ ಮಾಡಿದ್ದಾರೆ. ಕಾಳಿ ನದಿಯಲ್ಲಿ ಮುಳುಗಿದ್ದ ಆ ಮೊಸಳೆ ವ್ಯಕ್ತಿಯ ಕೂಗು ಕೇಳಿ ತಕ್ಷಣ ದಡಕ್ಕೆ ದೌಡಾಯಿಸಿದೆ. ಮೊಸಳೆ ಜೊತೆ ಮನುಷ್ಯ ಸಂವಹನ ನಡೆಸಿದ ವಿಡಿಯೋ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ದಾಂಡೇಲಿಯ ಮೊಸಳೆ ಪಾರ್ಕಿನಲ್ಲಿದ್ದ ಮೊಸಳೆಯೊಂದು ವಿಶಿಷ್ಟ ಧ್ವನಿಯೊಂದನ್ನು ಗುರುತಿಸಿದೆ. ನದಿ ಆಳದಲ್ಲಿದ್ದ ಮೊಸಳೆ ವ್ಯಕ್ತಿಯ ಕೂಗಿಗೆ ತಕ್ಷಣ ಸ್ಪಂದಿಸಿದೆ. ಆ ಧ್ವನಿ ಆಧರಿಸಿ ಮೊಸಳೆ ಆ ವ್ಯಕ್ತಿಯ ಸಮೀಪ ಆಗಮಿಸುವ ಪ್ರಯತ್ನ ಮಾಡಿದ್ದು, ಪ್ರತಿ ಕೂಗಿಗೂ ಸ್ಪಂದನೆ ನೀಡಿದೆ. ದೂರದಲ್ಲಿದ್ದ ಮೊಸಳೆ ಧ್ವನಿ ಬಂದ ದಿಕ್ಕು ಆಧರಿಸಿ ಮೊಸಳೆ ದಡದ ಕಡೆ ಆಗಮಿಸಿದೆ.
ದಾಂಡೇಲಿಯ ಮೊಸಳೆ ಪಾರ್ಕ’ಗೆ ಪ್ರತಿದಿನ ನೂರಾರು ಪ್ರವಾಸಿಗರು ಭೇಟಿ ನೀಡುತ್ತಾರೆ. ಅವರೆಲ್ಲರೂ ಮೊಸಳೆ ನೋಡಿ, ಸುಮ್ಮನೆ ಹೋಗುತ್ತಾರೆ. ಆದರೆ, ಹುಬ್ಬಳ್ಳಿಯಿಂದ ಬಂದಿದ್ದ ವ್ಯಕ್ತಿಗಳಿಬ್ಬರು ಮೊಸಳೆಯ ಚಲನ-ವಲನ ವೀಕ್ಷಿಸಿ ಅದನ್ನು ಕೂಗಿ ಕರೆದಿದ್ದಾರೆ. ಮೊಸಳೆ ಕೂಗುವ ಧ್ವನಿಯಲ್ಲಿಯೇ ಪ್ರವಾಸಿಗರೊಬ್ಬರು ಅರೆಚಿದ್ದು, ಅದನ್ನು ಆಲಿಸಿದ ಮೊಸಳೆ ದಡದ ಕಡೆ ಆಗಮಿಸಿದೆ. ಬಾಯಿಗೆ ಅಡ್ಡಲಾಗಿ ಕೈ ಹಿಡಿದ ಪ್ರವಾಸಿಗರೊಬ್ಬರು ಮೊಸಳೆ ಆಕರ್ಷಿಸುವ ಧ್ವನಿ ಹೊರ ಹೊಮ್ಮಿಸಿದ್ದಾರೆ. ಆಗ, ಮೊಸಳೆ ಅವರ ಕಡೆ ಗಮನಿಸಿ ಸಮೀಪ ಬರುವ ಪ್ರಯತ್ನ ಮಾಡಿದೆ.
ಧ್ವನಿ ಆಲಿಸಿ ನೀರಿನಿಂದ ದಡದವರೆಗೆ ಬಂದ ಮೊಸಳೆ ಅಲ್ಲಿಯೇ ನಿಂತು ಬಾಲ ಅಲ್ಲಾಡಿಸಿದೆ. ಅದಾದ ನಂತರ ಮನುಷ್ಯನ ಧ್ವನಿಗೆ ಅನ್ವಯವಾಗಿ ಚಲಿಸಿದೆ. ಪ್ರತಿ ಹಂತದಲ್ಲಿಯೂ ಆ ಧ್ವನಿಗೆ ಮೊಸಳೆ ಪ್ರತಿಕ್ರಿಯೆ ನೀಡಿದೆ. ಧ್ವನಿ ಕೇಳಿದ ತಕ್ಷಣ ವೇಗವಾಗಿ ದಡದ ಕಡೆ ಮೊಸಳೆ ಬಂದಿದ್ದು, ಈ ಎಲ್ಲಾ ಈ ಅಚ್ಚರಿಯನ್ನು ನೋಡಿದ ನಾಗರಾಜ ಪಾಟೀಲ್ ಅವರು ಅದನ್ನು ಮೊಬೈಲಿನಲ್ಲಿ ಸೆರೆ ಹಿಡಿದಿದ್ದಾರೆ.
ಮೊಸಳೆ ಪಾರ್ಕ್ ಸುತ್ತಮುತ್ತಲಿನ ನದಿ ಪ್ರದೇಶದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಮೊಸಳೆಗಳು ಕಂಡುಬರುತ್ತಿದ್ದು, ಅವುಗಳನ್ನು ವೀಕ್ಷಿಸಲು ಬರುವ ಪ್ರವಾಸಿಗರಲ್ಲಿ ಈ ವಿಷಯ ಕುತೂಹಲ ಮೂಡಿಸಿದೆ. ಮೊಸಳೆಗಳು ಅಪಾಯಕಾರಿ ವನ್ಯಜೀವಿಗಳಾಗಿರುವುದರಿಂದ ಅವುಗಳಿಗೆ ಆಹಾರ ನೀಡುವುದು ನಿಷಿದ್ಧ. ಸಮೀಪ ಹೋಗುವುದು ಸಹ ಅಪಾಯಕಾರಿ. ಹೀಗಾಗಿ ಎಲ್ಲರೂ ಮೊಸಳೆಯನ್ನು ದೂರದಿಂದಲೇ ನೋಡುತ್ತಿದ್ದು, ಸದ್ಯ ಮನುಷ್ಯನ ಮಾತು ಆಲಿಸಿದ ಮೊಸಳೆ ಜನರ ಅಚ್ಚರಿಗೆ ಕಾರಣವಾಗಿದೆ.
You cannot copy content of this page
