- Trending
- Comments
- Latest
ಶಿರಸಿಯ ಕರಿಗುಂಡಿ ರಸ್ತೆ ಮಾರ್ಗ ಕುಡುಕರ ಅಡ್ಡೆಯಾಗಿದೆ. ಇಲ್ಲಿ ರಾತ್ರಿ ವೇಳೆ ರಸ್ತೆ ಅಂಚಿನಲ್ಲಿಯೇ ಕುಳಿತು ಕೆಲವರು ಮದ್ಯಪಾನ ಮಾಡುತ್ತಾರೆ.
ಶಿರಸಿ ಬಸವೇಶ್ವರ ಕಾಲೋನಿಯ ಹೊಸ RTO ಆಫೀಸ್ ಬಳಿ ಸೆಂಟ್ರಿOಗ್ ಕೆಲಸ ಮಾಡುವ ಮುರ್ಗೇಶ ಮಾರುತಿ ಪೂಜಾರಿ ಅವರು ತಮ್ಮ ಸ್ನೇಹಿತರ ಜೊತೆ ಅಲ್ಲಿ ಸರಾಯಿ ಕುಡಿಯುತ್ತಿದ್ದು, ಆಗ ಪೊಲೀಸರು ದಾಳಿ ಮಾಡಿದ್ದಾರೆ. ಬನವಾಸಿ ರಸ್ತೆಯ ಶ್ರೀರಾಮ ಕಾಲೋನಿಯ ಗಣೇಶ ರುದ್ರಗೌಡ ಪಾಟೀಲ್, ಅದೇ ಭಾಗದ ಚಾಲಕ ಶ್ರೀಧರ ನಾಗರಾಜ ನಾಯ್ಕ ಹಾಗೂ ಸಂಕೇತ ಶಾಂತಯ್ಯ ಕಲಭಾಗ ಅವರ ಜೊತೆ ಲೀಡ್ಕರ್ ಕಾಂಪ್ಲೇಕ್ಸಿನಲ್ಲಿ ಡೆಕೋರೆಶನ್ ಕೆಲಸ ಮಾಡುವ ಸಂದೀಪ ಚೆನ್ನಪ್ಪ ಆಸಾದಿ ಅವರು ಈ ವೇಳೆ ಮೋಜು-ಮಸ್ತಿಯಲ್ಲಿ ತೊಡಗಿರುವುದನ್ನು ಪೊಲೀಸರು ನೋಡಿದ್ದಾರೆ.
ಸಾರ್ವಜನಿಕ ಪ್ರದೇಶದಲ್ಲಿ ಸರಾಯಿ ಸೇವನೆ ಮಾಡಿದ ಅವರೆಲ್ಲರಿಗೂ ಪಿಸೈ ಗೀತಾ ಕಲಘಟಗಿ ಅವರು ಎಚ್ಚರಿಕೆ ನೀಡಿದ್ದಾರೆ. ಅವರ ಬಳಿಯಿದ್ದ ಎರಡು ಬಿಯರ್ ಬಾಟಲಿಗಳನ್ನು ಜಪ್ತು ಮಾಡಿದ್ದಾರೆ. ಕುಡಿದು ಖಾಲಿ ಮಾಡಿದ್ದ ಮತ್ತೆರಡು ಬಾಟಲಿಗಳನ್ನು ಸಾಕ್ಷಿಗಾಗಿ ಸಂಗ್ರಹಿಸಿ ಕೇಸು ದಾಖಲಿಸಿದ್ದಾರೆ.
You cannot copy content of this page
