ಉಸಿರಾಟ ಸಮಸ್ಯೆ: ದುಡಿಯುವ ಕಾರ್ಮಿಕನ ಕೊನೆಯುಸಿರು!

ಅತಿಯಾದ ವಾಂತಿಯಿoದ ಅಸ್ವಸ್ಥರಾದ ಕುಮಟಾದ ಲೋಕೇಶ ಗೌಡ ಅವರನ್ನು ಕುಟುಂಬದವರು ಎರಡು ಆಸ್ಪತ್ರೆಗೆ ಕರೆದೊಯ್ದರೂ ಪ್ರಯೋಜನಕ್ಕೆ ಬರಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಸಾವನಪ್ಪಿದ್ದಾರೆ.

ADVERTISEMENT

ಕುಮಟಾದ ಗೋಕರ್ಣ ಬಳಿಯ ಚೌಡಗೇರಿಯಲ್ಲಿ ಲೋಕೇಶ ಸಣ್ಣು ಗೌಡ ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿ ಅವರು ಬದುಕು ಕಟ್ಟಿಕೊಂಡಿದ್ದರು. ಉಸಿರಾಟ ಸಮಸ್ಯೆಯಿಂದ ಬಳಲುತ್ತಿದ್ದ ಅವರು ಅದಕ್ಕೆ ಚಿಕಿತ್ಸೆಪಡೆದಿದ್ದರು. ಅಕ್ಟೊಬರ್ 24ರಂದು ಚೌಡಗೇರಿಯ ಮನೆಯಲ್ಲಿ ಅವರು ವಾಂತಿ ಮಾಡಿಕೊಂಡರು.

ತೀವೃ ಅಸ್ವಸ್ಥರಾದ ಲೋಕೇಶ ಗೌಡ ಅವರನ್ನು ಅಂಕೋಲಾ ಆಸ್ಪತ್ರೆಗೆ ಕರೆತರಲಾಯಿತು. ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗೆ ಕಾರವಾರ ಜಿಲ್ಲಾಸ್ಪತ್ರೆಗೆ ಸಾಗಿಸಲಾಯಿತು. ಆದರೆ, ಅದರಿಂದ ಯಾವ ಪ್ರಯೋಜನವೂ ಬರಲಿಲ್ಲ. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಕೊನೆಯುಸಿರೆಳೆದರು. ಅವರ ಅಣ್ಣ ನಾಗು ಗೌಡ ಅವರು ಈ ಬಗ್ಗೆ ಗೋಕರ್ಣ ಪೊಲೀಸರಿಗೆ ತಿಳಿಸಿ, ಪ್ರಕರಣ ದಾಖಲಿಸಿದರು.