ಅಂಕೋಲಾ | ಕಂಡವರ ಕಾಸಿಗೆ ಆಸೆಪಡದ ಸರ್ಕಾರಿ ಸಿಬ್ಬಂದಿ!

ಗಣೇಶ ಕಾಮತ್ ಹಾಗೂ ಜಯಾ ಕಾಮತ್ ದಂಪತಿ ಸರ್ಕಾರಿ ಬಸ್ಸಿನಲ್ಲಿ 15 ಲಕ್ಷ ರೂ ಚಿನ್ನಾಭರಣ ಹಾಗೂ ಹಣವಿದ್ದ ಬ್ಯಾಗನ್ನು ಕಳೆದುಕೊಂಡಿದ್ದು ಸಾರಿಗೆ ಸಿಬ್ಬಂದಿಯ ಸಾಹಸದಿಂದ ಆ ಆಭರಣ ಹಾಗೂ ಹಣ ಅವರಿಗೆ ಸಿಕ್ಕಿದೆ. ಸಾರಿಗೆ ಸಿಬ್ಬಂದಿ ಇಂದ್ರು ನಾಯ್ಕ, ಸುರೇಶ ನಾಯ್ಕ ಅವರ ಜೊತೆ ಬಸವರಾಜ ಕರ್ಕಲಮಠ ಮತ್ತು ರಾಜ ಎಡ್ರಾಮಿ ಸೇರಿ ಆ ಬ್ಯಾಗನ್ನು ಸುರಕ್ಷಿತವಾಗಿ ಗಣೇಶ ಕಾಮತ್ ದಂಪತಿಗೆ ಮರಳಿಸಿದ್ದಾರೆ.

ಪುತ್ತೂರಿಗೆ ಹೋಗಿದ್ದ ಗಣೇಶ ಕಾಮತ್ ಹಾಗೂ ಜಯಾ ಕಾಮತ್ ದಂಪತಿ ಅಲ್ಲಿಂದ ಗೋವಾದ ಪಣಜಿಗೆ ಹೋಗುವ ಬಸ್ಸು ಹತ್ತಿದ್ದರು. ಅಂಕೋಲಾ ಟಿಕೆಟ್ ಮಾಡಿಸಿದ್ದ ಅವರು ಬಸ್ಸಿನಿಂದ ಇಳಿಯುವಾಗ ತಮ್ಮ ಬಳಿಯಿದ್ದ ಬ್ಯಾಗ್ ಮರೆತಿದ್ದರು. ಎರಡು ತಾಸಿನ ನಂತರ ಬ್ಯಾಗ್ ಕಾಣೆಯಾದ ಬಗ್ಗೆ ಅವರು ಅಂಕೋಲಾ ಕೆಎಸ್‌ಆರ್‌ಟಿಸಿ ಸಂಚಾರ ನಿಯಂತ್ರಕರಾದ ಇಂದ್ರು ನಾಯ್ಕ ಹಾಗೂ ಸುರೇಶ್ ನಾಯ್ಕ ಅವರ ಗಮನಕ್ಕೆ ತಂದರು. ಅವರು ತಕ್ಷಣ ಪುತ್ತೂರು ಘಟಕವನ್ನು ಸಂಪರ್ಕಿಸಿ ಬಸ್ ನಿರ್ವಾಹಕರಿಗೆ ಫೋನ್ ಮಾಡಿದರು. ಆ ಬಸ್ಸಿನೊಳಗೆ ಬ್ಯಾಗ್ ಇರುವುದಾಗಿ ನಿರ್ವಾಹಕ ಬಸವರಾಜ ಕರ್ಕಲಮಠ ಅವರು ತಿಳಿಸಿದರು. ಆದರೆ, ಈ ವೇಳೆ ಬಸ್ ಚಾಲಕ ರಾಜ ಎಡ್ರಾಮಿ ಅವರು ಬಸ್ಸನ್ನು ಗೋವಾಗೆ ಮುಟ್ಟಿಸಿದ್ದರು.

ಮರುದಿನ ಬೆಳಗ್ಗೆ ಆ ಬಸ್ಸು ಅಂಕೋಲಾ ಕಡೆ ಮರಳಿ ಬಂದಿದ್ದು, ರಾಜ ಎಡ್ರಾಮಿ ಹಾಗೂ ಬಸವರಾಜ ಕರ್ಕಲಮಠ ಅವರು ಬ್ಯಾಗ್‌ನೊಂದಿಗೆ ಅಂಕೋಲಾ ಬಸ್ ನಿಲ್ದಾಣಕ್ಕೆ ಆಗಮಿಸಿದರು. ಸಂಚಾರ ನಿಯಂತ್ರಕರ ಸಮ್ಮುಖದಲ್ಲಿ ದಂಪತಿಗಳಿಗೆ ಬ್ಯಾಗ್ ಹಸ್ತಾಂತರಿಸಿದರು. ಆಗ, ಗಣೇಶ ಕಾಮತ್ ಹಾಗೂ ಜಯಾ ಕಾಮತ್ ದಂಪತಿ ಬ್ಯಾಗ್ ತೆರೆದು ಅದರೊಳಗಿದ್ದ ಚಿನ್ನಾಭರಣ ಹಾಗೂ ಹಣ ಕಾಣಿಸಿದರು. ಎಲ್ಲವೂ ಸುರಕ್ಷಿತವಾಗಿ ತಲುಪಿಸಿದ ಸಾರಿಗೆ ಸಿಬ್ಬಂದಿಗೆ ಅವರು ಕೃತಜ್ಞತೆ ಸಲ್ಲಿಸಿದರು.
.

ಮದುವೆಗೆ ಒಪ್ಪದ ರಂಜಿತಾ: ಚಾಕು ಚುಚ್ಚಿದ ರಫೀಕ!

ಸಂತೆಯೂ ಇಲ್ಲ.. ಸಾಮಗ್ರಿಯೂ ಸಿಗಲ್ಲ: ಭಾನುವಾರ ಯಲ್ಲಾಪುರ ಬಂದ್!

ರಂಜಿತಾ ಕೊಂದ ರಫೀಕ್ ಇನ್ನಿಲ್ಲ!

ಆರೋಗ್ಯವಂತ ಮಗುವಿಗಾಗಿ ಸ್ವರ್ಣ ಸ್ಪರ್ಶ

ಹೂಡಿಕೆಗೆ ಇಲ್ಲಿದೆ ಹಲವು ಅವಕಾಶ

ಡಿಜಿಟಲ್ ಟ್ರಿಕ್ ಬಳಸಿ `ಟ್ರೆಕ್’ ಜೊತೆ ಕೈ ಜೋಡಿಸಿ!

ಮೀನು ವಿಷ: ಅನೀಲ ಸೋರಿಕೆಗೆ ಮಂಜುಗಡ್ಡೆ ಕೊರತೆಯೇ ಕಾರಣ!