ನದಿ ಅಂಚಿನಲ್ಲಿ ವಿಮಾನ ಯಾನ!

ಉತ್ತರ ಕನ್ನಡ ಜಿಲ್ಲೆಯ ಕೆಲವು ಕಡೆ ಪದೇ ಪದೇ ತಳಮಟ್ಟದಲ್ಲಿ ಡ್ರೋಣ್-ಹೆಲಿಕಾಪ್ಟರ್ ಹಾಗೂ ವಿಮಾನ ಹಾರಾಟ ನಡೆಯುತ್ತಿದ್ದು, ಈ ದಿನವೂ ಅದು ಮುಂದುವರೆದಿದೆ. ಶಿರಸಿಯ ಮೂರೇಗಾರ್ ಜಲಪಾತದ ಬಳಿ ವಿಮಾನವೊಂದು ಅತ್ಯಂತ ತಳಮಟ್ಟದಿಂದ ಹಾರಾಟ ನಡೆಸಿದೆ.

ಅನೇಕ ಯೋಜನೆಗಳ ಬಾರಕ್ಕೆ ಉತ್ತರ ಕನ್ನಡ ಜಿಲ್ಲೆ ನಲುಗಿದ್ದು, ಬಹುತೇಕ ವೈಮಾನಿಕ ಸಮೀಕ್ಷೆ ಆಧಾರದಲ್ಲಿ ಯೋಜನೆ ರೂಪಿಸಲಾಗುತ್ತಿದೆ. ಸದ್ಯ ನದಿ ಜೋಡಣೆ ವಿರೋಧಿ ಹೋರಾಟ ಜೋರಾಗಿದೆ. ಹೀಗಾಗಿ ಅದೇ ವಿಷಯವಾಗಿ ಸಮೀಕ್ಷೆ ನಡೆಸಲು ವಿಮಾನ ಯಾನ ನಡೆದಿರುವ ವದಂತಿ ಹಬ್ಬಿದೆ. ಡ್ರೋಣ್ ಆಧಾರಿತ ಸರ್ವೇ ನಡೆಸುವ ಬಗ್ಗೆ ಮಾಜಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ಹೇಳಿಕೆ ನೀಡಿದ್ದು, ಆ ಭಾಗದವರ ಆತಂಕ ಇನ್ನಷ್ಟು ಹೆಚ್ಚಾಗಿದೆ.

ADVERTISEMENT

ಶಿರಸಿಯ ಪಾಳದಬೈಲ್ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಅತ್ಯಂತ ಕೆಳಮಟ್ಟದಿಂದ ವಿಮಾನ ಹಾರಾಟ ನಡೆದಿದೆ. ಲಘು ವಿಮಾನ ಅದಾಗಿದ್ದು, ಮುರೇಗಾರ್ ಜಲಪಾತದ ಬಳಿ ಸುತ್ತಾಡಿದೆ. ನದಿ ತಿರುವು ಮತ್ತು ಕೃಷಿ ಭೂಮಿ ಮುಳುಗಡೆಯಂಥ ಸಮೀಕ್ಷೆಗೆ ಈ ವಿಮಾನ ಯಾನ ನಡೆದಿರಬಹುದು ಎಂದು ಅಲ್ಲಿನವರು ಅಂದಾಜಿಸಿದ್ದಾರೆ.

`ಪ್ರಸ್ತಾಪಿತ ಬೇಡ್ತಿ-ವರದಾ ನದಿ ಜೋಡಣೆ ಯೋಜನೆಯ ವಿರುದ್ಧ ಮಲೆನಾಡಿನಾದ್ಯಂತ ಸಾರ್ವಜನಿಕರು ಹಾಗೂ ರೈತ ಹೋರಾಟಗಾರರು ವ್ಯಾಪಕ ವಿರೋಧ ವ್ಯಕ್ತಪಡಿಸುತ್ತಲೇ ಬಂದಿದ್ದಾರೆ. ಯೋಜನೆಗೆ ಸಂಬoಧಿಸಿದoತೆ ಯಾವುದೇ ಭೌತಿಕ ಸರ್ವೆ ನಡೆಸಲು ಸ್ಥಳೀಯರು ಮತ್ತು ಹೋರಾಟಗಾರರು ಅವಕಾಶ ನೀಡದಿರುವ ಹಿನ್ನೆಲೆ ವೈಮಾನಿಕ ಸಮೀಕ್ಷೆ ನಡೆದಿರುವ ಸಾಧ್ಯತೆಯಿದೆ’ ಎಂದು ಜನ ಅಭಿಪ್ರಾಯಪಟ್ಟಿದ್ದಾರೆ.