- Trending
- Comments
- Latest
ನದಿ ತಿರುವು ಯೋಜನೆಗಳು ವಿಫಲವಾಗುವ ಬಗ್ಗೆ ಸ್ಪಷ್ಟ ಅರಿವಿದ್ದರೂ ಸರ್ಕಾರ ಆ ಯೋಜನೆ ಅನುಷ್ಠಾನಕ್ಕೆ ಆಸಕ್ತಿವಹಿಸಿದ್ದು, ಉತ್ತರ ಕನ್ನಡ ಜಿಲ್ಲೆಯ ಎಲ್ಲಡೆಯಿಂದ ಅದಕ್ಕೆ ವಿರೋಧವ್ಯಕ್ತವಾಗುತ್ತಿದೆ. ನದಿ ತಿರುವು ಯೋಜನೆ ವಿರೋಧಿಸಿ ನವೆಂಬರ್ 3ರಂದು ಯಲ್ಲಾಪುರದಲ್ಲಿ ನಡೆಯುವ ಹೋರಾಟಕ್ಕೆ ಅಂಕೋಲಾದ ಜನರು ಬೆಂಬಲ ನೀಡಿದ್ದಾರೆ.
ಉತ್ತರ ಕನ್ನಡ ಜಿಲ್ಲಾ ಲಾರಿ ಟ್ರಾನ್ಸಪೋರ್ಟ ಡೆವಲಪಮೆಂಟ್ ವೆಲಫೇರ್ & ಸ್ಪೋರ್ಟ ಅಸೋಸಿಯೇಷನ್ ಅಧ್ಯಕ್ಷ ವಿಶ್ವಜಿತ್ ನಾಯಕ ಅವರು ಈ ಬಗ್ಗೆ ಮಾತನಾಡಿದ್ದು, `ಶಿರಸಿ-ಯಲ್ಲಾಪುರ ಪ್ರದೇಶಗಳು ಉತ್ತರ ಕನ್ನಡ ಜಿಲ್ಲೆಯ ಪ್ರಮುಖ ಸ್ಥಳವಾಗಿದ್ದು, ಅಲ್ಲಿನ ಬೇಡ್ತಿ ನದಿಯೇ ಅಂಕೋಲಾಗೂ ಆಧಾರವಾಗಿದೆ. ನದಿ ತಿರುವು ಹೆಸರಿನಲ್ಲಿ ನದಿಯ ನೀರು ಬೇರೆಡೆ ಒಯ್ದರೆ ಅಂಕೋಲಾ ಜನತೆಗೂ ಸಮಸ್ಯೆ ಆಗಲಿದೆ. ಹೀಗಾಗಿ ಇಂಥ ವಿನಾಶಕಾರಿ ಯೋಜನೆಗಳನ್ನು ಅಂಕೋಲಾದ ಜನರು ವಿರೋಧಿಸುತ್ತಿದ್ದು, ಸರ್ಕಾರ ಈ ವಿರೋಧವನ್ನು ಗಂಭೀರವಾಗಿ ಪರಿಗಣಿಸಬೇಕು’ ಎಂದಿದ್ದಾರೆ.
`ಸರ್ಕಾರದ ಅವೈಜ್ಞಾನಿಕ ನೀತಿಯ ವಿರುದ್ಧ ಎಲ್ಲರೂ ಒಗ್ಗಟ್ಟಾಗಬೇಕಿದೆ. ನದಿ ತಿರುವುನಂಥಹ ಯೋಜನೆ ವಿರುದ್ಧ ಪ್ರತಿಯೊಬ್ಬರು ಹೋರಾಟ ನಡೆಸಬೇಕಿದೆ’ ಎಂದು ಹೇಳಿದ್ದಾರೆ. `ಅನೇಕ ಯೋಜನೆಗಳಿಂದ ಉತ್ತರ ಕನ್ನಡ ನಲುಗಿ ಹೋಗಿದ್ದು, ಇಲ್ಲಿನ ಜನರಿಗೆ ಸರ್ಕಾರ ಪದೇ ಪದೇ ಅನ್ಯಾಯ ಮಾಡುತ್ತಿದೆ. ಸದ್ಯ ಪರಿಸರದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವ ನದಿ ತಿರುವುನಂಥಹ ಅವೈಜ್ಞಾನಿಕ ಯೋಜನೆಗೆ ಒತ್ತು ನೀಡುತ್ತಿದೆ. ಇಂಥ ಯೋಜನೆಯನ್ನು ಜಿಲ್ಲೆಯ ಯಾರೂ ಬೆಂಬಲಿಸುವುದಿಲ್ಲ’ ಎಂದವರು ಹೇಳಿದ್ದಾರೆ.
You cannot copy content of this page
