- Trending
- Comments
- Latest
ಅಪಾಯಕಾರಿ ಚಮನ್ ಮೀನಿನ ವಾಸನೆಗೆ ಮೊನ್ನೆ ತದಡಿಯಲ್ಲಿ ಮೂವರು ಸಾವನಪ್ಪಿದ್ದು, ಈ ದಿನ ಕಾರವಾರದಲ್ಲಿಯೂ ಮತ್ತಿಬ್ಬರು ಕೊನೆಯುಸಿರೆಳೆದಿದ್ದಾರೆ. ಮೀನುಗಾರಿಕಾ ಬೋಟ್‌ನಲ್ಲಿದ್ದ ಮೀನಿನಿಂದ ಹೊರಬಂದ ವಿಷಾನಿಲ ಸೇವನೆಯಿಂದ ಮುದುಗಾ ಬಂದರಿನ ಮೀನುಗಾರಿಕಾ ಕಾರ್ಮಿಕರು ಜೀವ ಬಿಟ್ಟಿದ್ದಾರೆ. ಜೊತೆಗೆ ಇಲ್ಲಿನ ಐವರು ಅಸ್ವಸ್ಥರಾಗಿ ಆಸ್ಪತ್ರೆ ಸೇರಿದ್ದಾರೆ.
ಅಂಕೋಲಾ ತಾಲೂಕಿನ ಬೇಲೆಕೇರಿಗೆ ಸೇರಿದ ಮೂಕಾಂಬಿಕಾ ಬೋಟ್‌ನಲ್ಲಿ ಮೀನುಗಾರಿಕೆಗೆ ತೆರಳಿದ್ದ ಒಡಿಶಾ ಮೂಲದ ಪುರಂದರ ಬಿಸರಾ (21) ಹಾಗೂ ಆಕಾಶ (24) ಎಂಬಾತರು ಸಾವನಪ್ಪಿದ್ದಾರೆ. ಈ ದೋಣಿ ಮೀನುಗಾರಿಕೆಗೆ ಹೋಗಿ ಮರಳಿದ್ದು, ದೋಣಿ ಸ್ವಚ್ಚಗೊಳಿಸುವಾಗ ಮೀನಿನಿಂದ ವಿಷ ಅನಿಲ ಸೋರಿಕೆಯಾಗಿದೆ. ಅದು ಅಲ್ಲಿದ್ದ ಕಾರ್ಮಿಕರ ದೇಹ ಸೇರಿದ್ದು, ಅವರಿಬ್ಬರು ಅಲ್ಲಿಯೇ ಸಾವನಪ್ಪಿದ್ದಾರೆ.
ಮೊನ್ನೆ ಗೋಕರ್ಣ ಸಮೀಪದ ತದಡಿ ಬಂದರಿನಲ್ಲೂ ಇದೇ ರೀತಿಯ ವಿಷಾನಿಲ ದುರಂತ ಸಂಭವಿಸಿ ಮೂವರು ಮೀನುಗಾರರು ಮೃತಪಟ್ಟಿದ್ದರು. ಅದರ ಬೆನ್ನಲ್ಲೆ ಇಂಥಹ ಇನ್ನೊಂದು ಘಟನೆ ನಡೆದಿದೆ. ಚಮನ್ ಮೀನು ಹೊರಸೂಸಿದ ವಿಷ ಸೇವಿಸಿದ ಕಾರಣ ಈ ವಾರ ಸಾವನಪ್ಪಿದವರ ಸಂಖ್ಯೆ 5ಕ್ಕೆ ಏರಿದೆ. ಈ ಹಿನ್ನಲೆ ಮೀನುಗಾರರಲ್ಲಿ ಆತಂಕ ಹೆಚ್ಚಾಗಿದೆ.
You cannot copy content of this page
