ಬೈಕ್ ಕಳ್ಳರಿಗೆ ಜೈಲುವಾಸ!

ಹಳಿಯಾಳದ ಜೈವಂತ ಮಿರಾಶಿ ಅವರ ಬೈಕನ್ನು ಕಲಘಟಗಿಯ ಪ್ರವೀಣ ಬಡಗೇರ್ ಹಾಗೂ ದೇವರಾಜ್ ಅಂಬಿಗೇರ್ ಸೇರಿ ಕದ್ದಿದ್ದು, ಆ ಕಳ್ಳರಿಬ್ಬರನ್ನು ಪೊಲೀಸರು ಹಿಡಿದಿದ್ದಾರೆ. ಅವರ ಬಳಿಯಿದ್ದ ಬೈಕನ್ನು ಜಪ್ತು ಮಾಡಿದ್ದಾರೆ.

ಹಳಿಯಾಳ ಸಾಂಬ್ರಾಣಿ ಬಳಿಯ ಸಂಕನಕೊಪ್ಪದ ಜೈವಂತ ಮಿರಾಶಿ ಅವರು ಅಕ್ಟೊಬರ್ 29ರಂದು ತಮ್ಮ ಪತ್ನಿಯ ತಂಗಿ ಮನೆಗೆ ಹೋಗಿದ್ದರು. ಜೀಗನಕೊಪ್ಪ ಅಮ್ಮನಕೊಪ್ಪ ಮಾರ್ಗದಲ್ಲಿರುವ ರುಕ್ಮಿಣಿ ಮಂಜುನಾಥ ತಂಬೂರಕರ್ ಅವರ ಹೊಲದಲ್ಲಿ ಅವರು ಗೋವಿನ ಜೋಳ ಮುರಿಯುತ್ತಿದ್ದರು. ಆಗ, ರಸ್ತೆ ಅಂಚಿನಲ್ಲಿ ನಿಲ್ಲಿಸಿದ್ದ ಅವರ ಬೈಕನ್ನು ಕಳ್ಳರು ಅಪಹರಿಸಿದ್ದರು. ಬೈಕ್ ಕಾಣದ ಕಾರಣ ಅವರು ಪೊಲೀಸ್ ಪ್ರಕರಣ ದಾಖಲಿಸಿದ್ದರು.

ADVERTISEMENT

ಈ ಕುರಿತು ಕಾರ್ಯಾಚರಣೆ ನಡೆಸಿದ ಪಿಐ ಭೀಮಣ್ಣ ಸೂರಿ ಅವರು ಪಿಸೈ ಕಿರಣ ಪಾಟೀಲ್, ಕುಮಾರ ಕಾಂಬ್ಳೆ ಅವರ ಜೊತೆ ಎಸೈ ಪ್ರಶಾಂತ ಅವರನ್ನು ತನಿಖೆಗಿಳಿಸಿದರು. ಸಿಬ್ಬಂದಿ ಶ್ರೆöÊಲೇಶ್ ಜಿ ಎಂ, ವಿನೋದ ಜಿಬಿ, ಲಕ್ಷಣ ಪೂಜಾರಿ, ಬಸವರಾಜ ಚವಡಿ ಹಾಗೂ ಮಹಂತೇಶ ಮುದೋಳ ಸೇರಿ ಆ ಕಳ್ಳರನ್ನು ಹಿಡಿದರು.