ತೆಂಗಿನಮರದಿoದ ಬಿದ್ದ ಕಾರ್ಮಿಕ: ಸಾವು!

ಸೀಯಾಳ ಕೊಯ್ಯುವುದಕ್ಕಾಗಿ ತೆಂಗಿನ ಮರ ಏರಿದ್ದ ಅಂಕೋಲಾದ ವಿನಾಯಕ ನಾಯ್ಕ ಅವರು ಮರದಿಂದ ಬಿದ್ದು ಸಾವನಪ್ಪಿದ್ದಾರೆ.

ADVERTISEMENT

ಅಂಕೋಲಾದ ಬೆಳಾದಲ್ಲಿ ವಿನಾಯಕ ಹೊನ್ನಪ್ಪ ನಾಯ್ಕ (45) ಅವರು ವಾಸವಾಗಿದ್ದರು. ಕೂಲಿ ಕೆಲಸ ಮಾಡಿಕೊಂಡಿದ್ದ ಅವರು ತೆಂಗಿನ ಮರ ಏರಿ ಕಾಯಿ ಕೊಯ್ಯುವುದರಲ್ಲಿಯೂ ಪರಿಣಿತಿಪಡೆದಿದ್ದರು. ಏಪ್ರಿಲ್ 5ರಂದು ತಮ್ಮ ಮನೆ ಹಿಂದಿನ ತೆಂಗಿನ ಮರ ಏರಿದ ಅವರು ಸೀಯಾಳ ಕೊಯ್ಯಲು ಶುರು ಮಾಡಿದ್ದರು. ಈ ವೇಳೆ ಅವರ ಕಾಲು ಜಾರಿತು.

ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡ ವಿನಾಯಕ ನಾಯ್ಕ ಅವರನ್ನು ಅಂಕೋಲಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ, ಅಲ್ಲಿ ಚಿಕಿತ್ಸೆಗೆ ಸ್ಪಂದಿಸದೇ ಅವರು ಸಂಜೆ ವೇಳೆ ಸಾವನಪ್ಪಿದರು. ಪತಿಯ ಸಾವಿನ ಬಗ್ಗೆ ವಿನಯಾ ನಾಯ್ಕ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿದರು.