ಗೋ ಸೇವಕನಿಗೆ ದೊರೆತ ಲಯನ್ಸ್ ಹುದ್ದೆ!

ಸಾವಿರಾರು ಜನರಿಗೆ ಕರಾಟೆ ಶಿಕ್ಷಣ ನೀಡಿದ ಸಮಾಜ ಸೇವಕ ಸುನೀಲ್ ಐಗಳ್ ಅವರ ಸೇವೆಗೆ ಈ ದಿನ ತಕ್ಕ ಹುದ್ದೆ ಸಿಕ್ಕಿದೆ. ಕಾರವಾರ ಹಾಗೂ ಗೋವಾದಲ್ಲಿ ಕರಾಟೆ ಸ್ಕೂಲ್ ನಡೆಸುತ್ತಿರುವ ಸುನೀಲ್ ಐಗಳ್ ಅವರು ಸದಾಶಿವಗಡದ ಲಯನ್ಸ್ ಕ್ಲಬ್ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ADVERTISEMENT

ಕರಾಟೆ ಮಾಸ್ಟರ್ ಆಗಿ ಪ್ರಸಿದ್ಧಿಪಡೆದಿರುವ ಸುನೀಲ್ ಐಗಳ್ ಅವರು ಅನೇಕ ಮಕ್ಕಳ ಪಾಲಿಗೆ ಗುರುವಾಗಿದ್ದಾರೆ. ದೈಹಿಕ ಚಟುವಟಿಕೆಗಳಲ್ಲಿ ಸಕ್ರೀಯವಾಗಿರುವುದಕ್ಕಾಗಿ ಅವರು ಸಾವಿರಾರು ವಿದ್ಯಾರ್ಥಿಗಳಿಗೆ ಕರಾಟೆ ಕಲಿಸಿದ್ದಾರೆ. ಆತ್ಮರಕ್ಷಣೆಯ ಜೊತೆ ಬೇರೆಯವರ ಸಂಕಷ್ಟಕ್ಕೂ ಸ್ಪಂದಿಸುವ ನಿಟ್ಟಿನಲ್ಲಿ ಅವರು ಮಕ್ಕಳಿಗೆ ಈ ಶಿಕ್ಷಣ ನೀಡುತ್ತಿದ್ದಾರೆ. ಕಾರವಾರದ ಜೊತೆ ಗೋವಾದಲ್ಲಿಯೂ ಅವರು ಕರಾಟೆ ತರಗತಿ ನಡೆಸುತ್ತಿದ್ದು, ಅವರ ಸೇವೆಯನ್ನು ಲಯನ್ಸ ಕ್ಲಬ್ ಗುರುತಿಸಿ, ಹೊಸ ಜವಾಬ್ದಾರಿ ನೀಡಿದೆ.

ಸುನೀಲ್ ಐಗಳ್ ಅವರು ಕರಾಟೆಗೆ ಮಾತ್ರ ಸೀಮಿತವಾಗಿಲ್ಲ. ಬೀಡಾಡಿ ಜಾನುವಾರುಗಳ ರಕ್ಷಣೆಯಲ್ಲಿ ಅವರ ಕೊಡುಗೆ ಅಪಾರ. ಗೋವುಗಳ ರಕ್ಷಣೆಗಾಗಿ ಯುವಪಡೆಯನ್ನು ಕಟ್ಟಿರುವ ಅವರು ನಿರಂತರ ಸೇವೆ ಮಾಡುತ್ತಿದ್ದಾರೆ. ದುರ್ಬಲರ ಧ್ವನಿಯಾಗಿರುವ ಅವರು ಲಯನ್ಸ ಕ್ಲಬ್ ಅಧ್ಯಕ್ಷರಾಗಿ ಇನ್ನಷ್ಟು ಜನಪರ ಕಾರ್ಯ ಮಾಡುವ ನಿರೀಕ್ಷೆಗಳಿವೆ.