ಡಾಕ್ಟರ್ ಡುಪ್ಲಿಕೇಟ್ ವಿರುದ್ಧ ಕಠಿಣ ಕ್ರಮ!

ಭಟ್ಕಳದಲ್ಲಿ ಸಂಚಾರ ನಡೆಸಿದ ಆರೋಗ್ಯ ಅಧಿಕಾರಿಗಳು ಅಲ್ಲಿ‌ನ ಮೂರು ನಕಲಿ ವೈದ್ಯರನ್ನು ಪತ್ತೆ ಮಾಡಿದ್ದಾರೆ. ದಾಖಲೆ ಇಲ್ಲದೇ ಆಸ್ಪತ್ರೆ‌ ನಡೆಸಿದ ಕಾರಣ ಆ ಆಸ್ಪತ್ರೆಗಳಿಗೆ ಬೀಗ ಜಡಿದಿದ್ದಾರೆ.

ADVERTISEMENT

ಭಟ್ಕಳ ಶಹರದಲ್ಲಿ ನಾಲ್ಕು ಹಾಗೂ ಶಿರಾಲಿಯಲ್ಲಿನ ಒಂದು ಕ್ಲಿನಿಕ್ ಮೇಲೆ ಅಧಿಕಾರಿಗಳು ದಾಳಿ ಮಾಡಿದರು. ಅಲ್ಲಿ ವೈದ್ಯರ ದಾಖಲೆಗಳನ್ನು ತಪಾಸಣೆ ಮಾಡಿದರು. ಈ ವೇಳೆ‌ ನಿಯಮಬಾಹಿರವಾಗಿ ಕಾರ್ಯನಿರ್ವಹಿಸುತ್ತಿದ್ದ ಮೂರು ಕ್ಲಿನಿಕ್ ಪತ್ತೆಯಾಯಿತು. ಅದನ್ನು ಸೀಜ್ ಮಾಡಿದ ಅಧಿಕಾರಿಗಳು ಬಾಗಿಲಿಗೆ ನೋಟಿಸ್ ಅಂಟಿಸಿದರು. ಈ ವೇಳೆ ಅಲ್ಲಿದ್ದ ನಕಲಿ ಡಾಕ್ಟರ್ ಓಡಿ ಪರಾರಿಯಾದರು.

ನಿಯಮಬಾಹಿರವಾಗಿದ್ದ ಕ್ಲಿನಿಕ್‌ಗಳ ವಿರುದ್ಧದ ಮಾಹಿತಿಯನ್ನು ಜಿಲ್ಲಾ ಆರೋಗ್ಯ ಇಲಾಖೆಗೆ ರವಾನಿಸಲಾಗಿದ್ದು ಸಮಗ್ರ ತನಿಖೆಯ ಬಳಿಕ ಮುಂದಿನ ಕ್ರಮ ಕೈಗೊಳ್ಳಲಾಗುವದು ಎಂದು ಅಧಿಕಾರಿಗಳು ತಿಳಿಸಿದರು. ‘ಪಟ್ಟಣ ಭಾಗ ಸೇರಿದಂತೆ ತಾಲೂಕಿನ ವಿವಿಧ ಭಾಗಗಳಲ್ಲಿ ಪರಿಶೀಲನಾ ಕಾರ್ಯ ನಿರಂತರವಾಗಿ ನಡೆಯಲಿದೆ. ಸಾರ್ವಜನಿಕರು ಅನಧಿಕೃತ ವೈದ್ಯರ ಕ್ಲಿನಿಕ್‌ಗಲ್ಲಿ ಚಿಕಿತ್ಸೆ ಪಡೆಯಬಾರದು’ ಎಂದು ಆರೋಗ್ಯಾಧಿಕಾರಿ ಟಿ‌ ಸನಾ ಮನವಿ ಮಾಡಿದರು.